རྡོ་གྲུབ་ཆེན་ཀུན་བཟང་གཞན་ཕན་གྱི་གསུང་འབུམ།

གླེགས་བམ། གཉིས་པ༽

རྡོ་གྲུབ་ཆེན་ཀུན་བཟང་གཞན་ཕན།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

རྨ་བྱ་དུག་འཇོམས་མི་གཙང་ཉམས་གྲིབ་ཀུན་སེལ།

༄༅། །རྨ་བྱ་དུག་འཇོམས་མི་གཙང་ཉམས་གྲིབ་ཀུན་སེལ་བཞུགས། རྩ་བ་གསུམ་ལ་ཕྱག་འཚལ་ལོ། །རྣལ་འབྱོར་བས་བསྙེན་སྒྲུབ་ལ་འཇུག་དུས་སམ། ཕྲལ་རྐྱེན་ངན་པའི་རྣམ་རྟོག་ལས་བྱུང་བའི་ཉམས་གྲིབ་དང་མི་གཙང་བའི་ནད་གདོན་བསལ་ཐབས་ལ། དུག་ཤིང་སྟག་མ་རིས་ལྕགས་བུར་ནག་ཐང་ཕྲོམ་ཐར་ནུ་སྟག་འུ་ཆུང་། བོང་བ་ཐང་དམར་ལ་སོགས་དུག་ཤིང་སྣ་ཚོགས་ཀྱི་ཆུན་པོ་བཅིང་བའི་ནང་དུ་ཝ་ཤ་དང་གཞན་ཡང་ལྡོང་རོས། མཁར་གོང་བཙའ་ཆུ་སོགས་དུག་རིགས་ཀྱི་རྫས་སྣ་ཚོགས་བླུགས་ལ་མེ་སྦར་ཏེ། ལག་ཏུ་རྨ་བྱའི་མདོངས་ཐོགས་ལ་འདི་སྐད་དོ། །ༀ་མ་ཧཱ་མ་ཡཱུ་རི་བིདྱ་རཱ་ཛྙཱ་ཧཱུཾ་ཧཱུཾཿཕཊ་ཕཊ་སྭ་ཧཱཿ རང་ཉིད་སྐད་ཅིག་གིས་རྨ་བྱ་ཆེན་མོ་དུག་སེལ་མ་སྐུ་མདོག་ལྗང་གུ་ཞལ་གཅིག་ཕྱག་གཉིས་གཡས་རྨ་བྱའི་མདངས་དང་། གཡོན་བདུད་རྩིའི་བུམ་པ་འཛིན་པ། འཇིག་རྟེན་ཁམས་ཀྱི་དུག་ལྔ་དང་སྨེ་རྩོག་མནོལ་གྲིབ་ཐམས་ཅད་འཇོམས་པའི་སྐུར་གྱུར། དེའི་ཐུགས་ཀར་ཟླ་བའི་སྟེང་དུ་མུཾཿལྗང་ཀུའི་མཐའ་བསྐོར་དུ་ༀ་མ་ཧཱ་མ་ཡུ་རི་བིདྱཱ་རཱ་ཛྙཱ་ཧཱུཾ་ཧཱུཾ་ཕཊ་ཕཊ་སྭ་ཧཱ། ཞེས་པའི་སྔགས་ཀྱིས་བསྐོར་བར་བསམ། སྔགས་ཕྲེང་ལས་འོད་ཟེར་འཕྲོས་པས་ཕྱི་སྣོད་འབྱུང་བ་ལྔའི་དུག་རིགས་རྣམས་དབྱུང་ཞིང་ནང་བཅུད་སེམས་ཅན་ཐམས་ཅད་ལ་ཉོན་མོངས་པ་དུག་ལྔ་དུག་གསུམ་གྱི་རྒྱུ་ལས་བྱུང་བའི་ནད་གདོན་སྡུག་བསྔལ་སྡིག་སྒྲིབ་བག་ཆགས་སྨེ་བཙོག་མནོལ་གྲིབ་ཐམས་ཅད་སྦྱངས་ནས་དག་པར་གྱུར། བར་བསམ་ལ་སྔགས་བཟླ། དུག་མེར་ༀ་སྭ་བྷ་ཝ་ས་སྦྱངས་ཤིང་། མདུན་གྱི་དུག་བམ་མི་དམིགས་པ་སྟོང་པ་ཉིད་དུ་གྱུར་སྟོང་པའི་ངང་ལས་དུག་མེ་དམར་ནག་ཕྱུ་རུ་རུ་འབར་ཞིང་དུག་གི་དུ་བ་ཐུ་ལུ་ལུ་འཐུལ་བའི་དབུས་སུ་ཁཾཿནག་པོ་ཡོངས་སུ་གྱུར་པ་ལས་དུག་སྦྲུལ་ནག་པོ་མགོ་དགུ་པ་ཤིན་ཏུ་ཆེ་ལ་འཇིགས་ཤིང་རྔམ་པ་ཁ་དགུ་གྱེན་ལ་གདངས་ཤིང་མིག་དགུ་བསྒྲད་པ་མཆེ་བ་བཞི་བཞི་གཙིགས་ཤིང་ལྕེ་དགུ་མྱག་མྱག་བྱེད་པ་ནད་རིམས་དང་གདོན་བགེགས་སྨེ་བཙོག་མནོལ་གྲིབ་ཐམས་ཅད་འཇོམས་པའི་གཉེན་པོར་གྱུར་པ་ལས་འོད་ཟེར་སྔོ་དམར་ཕྱོགས་མཚམས་ཐམས་ཅད་དུ་འཕྲོས་པས་འཇིག་རྟེན་ཁམས་ཀྱི་སེམས་ཅན་ཐམས་ཅད་ཀྱི་ནད་རིམས་དང་གདོན་བགེགས་ཐམས་ཅད་དང་འབྱུང་བ་ལྔ་ལས་གྱུར་པའི་མཐོང་བའི་དུག་དང་རེག་པའི༴ ཁ་རླངས་ཀྱི༴ བསམ་པའི༴ སྦྱོར་བའི༴ འཇིག་རྟེན་དང་འཇིག་རྟེན་ལས་འདས་པའི་ལྷ་དང་སྲུང་མ་རྣམས་ཀྱི་མི་འདོད་པ་མི་བཞེད་པའི་སྨེ་བཙོག་ཐམས་ཅད་དང་གནས་ཁང་སྒྲུབ་ཁང་འདི་རུ་བཤམས་པའི་ལྷ་རྟེན་མདའ་དར་མཆོད་རྫས་སྒྲུབ་རྫས་བརྟེན་རྫས་བསྐང་རྫས་ཡོ་བྱད་རྣམས་ལ་སེར་སྣ་བག་ཆགས་ལས་བྱུང་བའི་སྨེ་བཙོག་སྐྱོན་གྱིས་གོས་པ་ཐམས་ཅད་དང་བདག་ཅག་ཡོན་མཆོད་འཁོར་དང་བཅས་པ་རྣམས་ལ་རྣམ་པར་རྟོག་པའི་བག་ཆགས་ལས་བྱུང་བའི་སྨེ་བཙོག་མནོལ་གྲིབ་ནད་རིམས་དང་གདོན་བགེགས་ལ་སོགས་མི་གཙང་བ་ཐམས་ཅད་རང་དབང་མེད་པར་འོད་ཟེར་སྔོ་དམར་གྱི་ཚུལ་དུ་བསྡུས་ནས་དུག་སྦྲུལ་ནག་པོ་མགོ་དགུ་པའི་ཁ་ལ་སིབ་སིབ་ཐིམ་ནས་ཧབ་ཧབ་མྱག་མྱག་ཟོས་པར་བསམ། ༀ་མ་ཧཱ་མ་ཡུ༴ ༀ་ཨེ་ཀ༴ ཨ་ཝ༴ དེ་ཙོ་བྷི༴ བྷ་ཡུ་བྷི༴ རཱ་ཛཱ༴ སརྦ་བྷི༴ དེ་ཝ༴ ནཱ་ག༴ ཨ་སུ་ར༴ ག་རུ་ཊ༴ ཀུ་བེ་ར༴ གྷནྡྷ་ར༴ རཀྴ༴ ཡཀྴ༴ མ་ནུ༴ མ་ནུ་ུསྨ་ར༴ བྷུ་མི་པ་ཏི༴ སརྦ་བྷི་རི༴ སརྦ་གླག་ཤ༴ ཚིནྡྷ་ཚིནྡྷ༴ ཧཱུཾཊཿ བྷིནྡྷ་བྷིནྡྷ༴ ད་ཧ་ད་ཧ༴ པ་ཙ་པ་ཙ༴ ཁ་ཁ་ཁཱ་ཧི་ཁཱ་ཧི་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊཿ སརྦ་བྷི་ས་ཨ་པ་ན་ཡེ་སྭ་ཧཱཿ ཁཾ་ཧ་ལ་ཧ་ལ་དྲག་ཁཾཿ ཕུ་རུ་ཕུ་རུཿ ཀུ་ཀུ་ལ་ནི་སྲི་ཐོདཿ པྲཾ་པྲཾ་དྲཾ་དྲཾ་མཾ་མཾ་ཀླཾ་ཀླཾ་ཡ་བ་བྷ་དེ་ཐུ་ལུ་ཀུ་ལུ་ཡེ་སྭ་ཧཱཿ ཞེས་དུག་འཇོམས་གཟུངས་མང་དུ་བཟླའོ། །དགྲ་ཆོས་དུག་ཕྱུང་ནི། །ཀྱེ་ཀྱེ་དུག་འདི་ནི་ཆེ་རེ་ཆེ། །དུག་འདི་ནི་འབྲང་རེ་རེང་། །དུག་གི་མྱེས་པོ་ནི་གནམ་ཡིན། །དུག་གི་ཕྱི་མོ་ནི་ས་ཡིན། །ཕ་ནི་ཐང་ཕྲོམ་མགོ་བོོ་ཆེ། །མ་ནི་ཐར་ནི་ཞོ་མོ་ཆེ། །བུ་ནི་རེ་ལྗག་སེའུ་ཐུང་། །ཤིང་དུག་སྟག་མ་དང་། །ས་དུག་བོང་བ༴ རྡོ་དུག་མཁར་གོང་༴ མེ་དུག་སོལ་བ༴ ལྕགས་དུག་སོ་ཐོག༴ ཆུ་དུག་ན་ཆུ་བཙའ་ཅན་དང་། དུག་ནག་རིམས་དགུ་འདི་རྣམས་ཀྱིས། བླ་མ་ཡི་དམ་མཁའ་འགྲོ་རྣམས་ཀྱིས་མི་བཞེད་པ། ཆོས་སྐྱོང་སྲུང་མ་རྣམས་ཀྱི༴ སྟེང་ལྷ་ཁམས༴ བར་གཉན་ཁམས༴ འོག་ཀླུ་ཁམས༴ ས་གཞི་ས་བདག་རྣམས་ཀྱི༴ ཡུལ་ལྷ་ཟོ་དོར༴ ལྷ་སྨན་ཀླུ་སྨན༴ གཏོད་སྡེ་འཁོར་དང་བཅས་པ་རྣམས་ཀྱིས་མི་འདོད་པ་མི་བཞེད་པ་དེ་དག་ཐམས་ཅད་དུག་མར་ཕྱུང་ལ་ཆགས་མར་བསལ་ལོ། །ཀྱཻ་ལྷ་གཞི་འདི་ལ་དུག་སོང་ན། རེ་བ་ནག་པོས་དུག་མར་ཕྱུང་། ལྷ་རྟེན་གསེར་ལ༴ ལྡོང་རོ་སེར་པོས༴ ལྷ་རྟེན་དངུལ་ལ༴ ཞ་ཉེ་ནག་པོས༴ ལྷ་རྟེན་གཡུ་ལ༴ མཐིང་ཤུན་སྔོན་པོས༴ ལྷ་རྟེན་དུང་ལ༴ མཐིང་ཞད་མགྲོན་བུས་དུག༴ ལྷ་རྟེན་ཤེལ༴ ལྷང་ཚེར་ཉེ་སྣས༴ ལྷ་རྟེན་ལྕགས༴ སོ་ཐོག་ནག་པོས༴ ལྷ་རྟེན་ས་ལ༴ རམ་ས་ཡི་མུག་པོས༴ ལྷ་རྟེན་མདའ་ལ༴ ཤིང་ནག་མདའ་ཡི༴ དགྲ་ལྷའི་ས་ན༴ མཚན་གྱི་རྩོག་དུག་དུག་མར༴ མི་གྲངས་ས་ན༴ དམེ་བཙོག་ནལ་གྱིས༴ འབག་འབོག་རྩག་རྩོག་གི༴ རློམ་སེམས་ཕུད་ཉམས་ལྷག་ཆད་ཀྱི༴ གཞན་ཡང་མཆོད་རྫས་ཡོ་བྱད་འདི་དག་ལ་རོ་བག་གཤིན་ཆགས་ཅི་ཡོད་པ་དེ་དག་ཐམས་ཅད་དུག་མར་ཕྱུང་ལ་ཆགས་མར་བསལ་ལོ། དམེ་མུག་ནལ་གསུམ་གྱི་དུག་མར་ཕྱུང་ལ་ཆགས༴ སྔ་ཐན་འཚེ་གསུམ༴ སྲིད་པའི་འདྲེ་དགུའི༴ གཙུག་ལག་ཁང་གི་གདོན་བཅུའི༴ རྩོག་སྨེས་བང་གྲིབ་དང་མི་བར་ན་ཡངས་ཀྱང་ལྷ་བར་ན་དོག་པ། ལྷ་བར་ན་ཡངས་ཀྱང་མི་བར་ན་དོག་པ། རྒྱུ་ཆུང་བ་ཕུད་ཉམས་པ་ཆེ་ཟིན་བསམ་ནས་ཚུར་ལ་བཅད་པ། ཆུང་ཟིན་བསམ་ནས་ཕར་ལ་བསྣན་པ། མཐོ་འགོམ་པ་དམའ་བཅག་པ་ཅི་སོང་བ་ཐམས་ཅད་དུག་ནག་རིམས་ད གུ་འདིས་དུག་མར་ཕྱུང་ལ་ཆགས་མར་བསལ་ལོ། །ཡས་མར་ཕུད་དོ་མགྲིན་མར་བཏོན་ནོ། །ༀ་ཨཱཿཧཱུཾ་ཕུད་ཀྱི་མངའ་བདག་མགྲོན་གྱི་གཙོ་བོ། །བཀའ་བརྒྱུད་བླ་མ་ཡི་དམ་ལྷ་ཚོགས། དཔའ་བོ་མཁའ་འགྲོ་ཆོས་སྐྱོང་སྲུང་མ་ནོར་ལྷ་གཏེར་བདག་དཔལ་མགོན་བསམ་གཏན་མགུར་ལྷ་དགེ་བསྙེན་ཡུལ་ལྷ་གཞི་བདག་དང་བཅས་པ་རྣམས་ཀྱིས་མི་འདོད་པ་མི་བཞེད་པ་དེ་དག་ཐམས་ཅད་དུག་མར་ཕྱུང་ལ་ཆགས་མར་བསལ་ལོ། །དཀྱིལ་འཁོར་མཆོད་རྫས་སྒྲུབ་རྫས་བརྟེན་རྫས་བསྐང་རྫས་སྤྱན་གཟིགས་ཡོ་བྱད་ཟས་གོས་མི་ནོར་ལོངས་སྤྱོད་དང་བཅས་པ་རྣམས་ལ་དམེ་མུག་ནལ་གསུམ་རོ་བག་གཤིན་ཆགས་ཀྱི་དྲི་མ་མཐོ་འགོམ་པ་དམའ་བཅག་པ་ཅི་སོང་བ་ཐམས་ཅད་དུག་ནག་རིམས་དགུ་འདིས་དུག་མར་ཕྱུང་ལ་ཆགས་མར་བསལ་ལོ། །ཡས་མར་ཕུད་དོ། །མགྲིན་མར་བཏོན་ནོ། །ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི༴ ཆོས་ཀྱི༴ དགེ་འདུན་གྱི༴ གསང་སྔགས་རིག་སྔགས་གཟུངས་སྔགས་སྙིང་པོ་ཕྱག་རྒྱ་ཏིང་ངེ་འཛིན་རྒྱུ་འབྲས་བསླུ་བ་མེད་པ་ཆོས་ཉིད་དེ་བཞིན་ཉིད་ཀྱི་བཀའ༴ ཁྱད་པར་དུ་ཡི་དམ་རྩ་གསུམ་རྒྱལ་བ་རྒྱ་མཚོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པ་དང་། བདེན་པ་ཆེན་པོའི་མཐུ་དང་ནུས་པའི་བྱིན་གྱིས་བརླབས་པ་ལ་བརྟེན་ནས། རྨེ་བཙོག་མནོལ་གྲིབ་ཐམས་ཅད་བསྡུས་པའི་དུག་ཟོར་འདི་ཉིད་བཀའ་ལ་མི་ཉན་ཅིང་དབང་དུ་མི་འདུ་བའི་དམ་སྲི་འབྱུང་་པོ་གདོན་བགེགས་ལོག་པར་འདྲེན་པ་རྣམས་དང་བསམ་ངན་སྦྱོར་རྩུབ་ཤོམ་པའི་སྡང་བྱེད་དགྲ་བོ་བྱད་མ་ལྷ་སྲུང་དང་བཅས་པའི་སྟེང་དུ་སྒྱུར་ཅིག །བྷྱོ་བྷྱོ་བཟློག་བཟློག་བྷྱོ་བཟློག་ཅིགཿ ཅེས་དུག་བམ་དེ་ཉིད་གནས་ཁང་ཡོ་བྱད་རྣལ་འབྱོར་པ་དཔོན་སློབ་མི་ནོར་ཐམས་ཅད་ལ་བསྐོར་ཞིང་དགྲ་ཕྱོགས་སུ་འཕེན་པར་བྱའོ། །ཁྲུས་ཆབ་གསོལ་བ་ནི། ཀྱཻ་དག་བྱེད་གཙང་བྱེད་ཆུ་གཙང་འདི། །ཤར་ཕྱོགས་སེང་གེ་དཀར་མོའི་ཁ་ནས་འབབས་པའི་ཆབ། ལྷོ་ཕྱོགས་གཡུ་འབྲུག་སྔོན་མོའི་ཁ༴ ནུབ་ཕྱོགས་བྱ་དམར་པོའི་ཁ༴ བྱང་ཕྱོགས་རུས་སྦལ་རྒྱ་བོའི༴ གཙང་ཆབ་ཆེན་པོ་འདི་དག་གིས། བླ་མ་ཡི་དམ་མཁའ་འགྲོའི་ཚོགས་ལ་སྐུ་ཁྲུས་གསོལ། མི་གཙང་དྲི་མ་དག་གྱུར་ཅིག །ཆོས་སྐྱོང་སྲུང་མའི་ཚོགས་ལ༴ མི་གཙང་༴ སྟེང་ལྷ་ཁམས༴ མི༴ བར་གཉན་ཁམས༴ མི༴ འོག་ཀླུ་ཁམས༴ མི༴ ས་གཞི་ས་བདག་རྣམས༴ མི༴ ཡུལ་ལྷ་གཞི་བདག༴ མི༴ ཟོ་དོར་ལྷ་སྨན་ཀླུ་སྨན་རྣམས༴ མི༴ ལྷ་གཞི་ལྷ་རྟེན༴ མི༴ མཆོད་པ་ཡོ་བྱད་རྣམས༴ མི་གཙང༴ ལྷ་བསང་ནི། ཀྱཻ་གླིང་བཞི་གླིང་མཆོག་ལྷོ་རྒྱལ་འཛམ་བུའི་གླིང་། །འཛམ་བུའི་གླིང་གི་བྱང་ཤར་མཚམས། །རི་བོ་ཆེན་པོ་རྟ་རྣ་རི། རྟ་རྣ་རི་ལ་ཤིང་གཅིག་སྐྱེས། །རྩ་བ་ཙན་དན་སྡོང་པོ་ལ། །རྩེ་མོ་ལྷ་ཤིང་སྣ་ཚོགས་སྐྱེས། །སྟག་པ་སེར་པོ་གསེར་གྱི་འདབས་མ་ཅན། །ཤུག་པ་སྔོན་པོ་གཡུ་ཡི་ལོ་མ་ཅན། མཁན་པ་སེར་པོ་གསེར་གྱི་ཐོག་བུ་ཅན། །ཉ་བྲུག་སྨུག་པོ་མཆོང་གི་གོ་ཟུ་ཅན། །སུར་བུ་དཀར་པོ་དུང་གི་མེ་ཏོག་ཅན། །ལྷ་ལོ་སྨན་ཤིང་བདུད་རྩིའི་དྲི་དུད་ཅན། །དེ་ལྟར་ཤིང་རྩི་སྣ་ཚོགས་བསང་དུད་ཀྱིས། ཕྱོགས་བཅུའི་སངས་རྒྱས་རྣམས་ཀྱང་བསང་བར་བྱ། བཀའ་རྒྱུད་བླ་མ༴ ཡི་དམ་ལྷ་ཚོགས༴ མ་དང་མཁའ་འགྲོ༴ ཆོས་སྐྱོང་སྲུང་མ༴ དགྲ་ཆོས་ལྷ་བདག༴ འཇིག་རྟེན་དཔལ་མགོན༴ བོད་ཁམས་བསྟན་སྐྱོང་༴ འཛམ་གླིང་གཞིག༴ ས་བདག་ཀླུན ༴ ཡུལ་ས་ཟོ་དོར༴ མི་གཙང་དྲི་མ༴ གནས་ཁང་སྒྲུབ་ཁང་འདི་ཡང ༴ དམེ་མུག་ནལ་གསུམ་ཀྱི་དྲི་མ་དག༴ མཆོད་རྫས་སྒྲུབ་རྫས་རྣམས༴ ཕུད་ཉམས་ལྷག་མའི་དྲི་མ༴ རྣལ་འབྱོར་སྒྲུབ་པ་པོ་ཡང་༴ ཉམས་གྲིབ་བཙོག་གྲིབ་དྲི༴ རྒྱུ་སྦྱོར་ཡོན་བདག་རྣམས་ཀྱང་༴ དམེ་མུག་ནལ་གསུམ་གྱི་དྲི་མ་དག་གྱུར་ཅིག མི་གཙང་བ་ཐམས་ཅད་ཞི་བ་ཤིན་ཏཾ་ཀུ་རུ་ཡེ་སྭ་ཧཱ། ཡོ་བྱད་བྱིན་གྱིས་བརླབ་པ་ནི། ༀ་ཨཱཿ ཧཱུྃཿཧྲཱིཿ ཕྱི་ནང་གསང་བའི་མཆོད་པ་འདི་དག་དང་ཿ སྨན་དང་རཀ་ཏ་གཏོར་མ་དང་བཅས་རྣམསཿ ཡེ་ནས་རང་བྱུང་དག་པ་ལྷུན་གྲུབ་ཕྱིརཿ བསང་སྦྱང་བྱིན་རླབས་མཚན་མའི་མཐའ་ལས་འདསཿ འོན་ཀྱང་ཀུན་རྫོབ་སྒྱུ་མའི་བག་ཆགས་རྣམསཿ རྣམ་འཕྲུལ་རོལ་པས་བསང་ཞིང་བྱིན་གྱིས་བརླབསཿ རཾ་ཡཾ་ཁཾཿ རམ་ཡེ་ཤེས་མེ་ཡིས་ཉོན་མོངས་བག་ཆགས་བསྲེགསཿ ཡཾ་སྐྱོད་བྱེད་རླུང་གིས་མཚན་འཛིག་བག་རྡུལ་གཏོརཿ ཁཾ་དག་བྱེད་ཆུ་ཡིས་ཀུན་རྫོབ་དྲི་མ་འཁྲུདཿ བསྲེགས་གཏོར་བཀྲུས་པས་རྟོག་པའི་སྐྱོན་དང་བྲལཿ རམ་ཛཱ་ལ་རམ་ཡཾ་སྥ་ར་ཎ་ཕཊཿ ཁཾ་བི་ཤུདྷེ་སཾ་ཧ་ར་ཎ་ཧཱུཾཿ ༀ་ཨཱཿཧཱུྃཿ ༀ་ནི་སྤེལ་བྱེད་སྐུ་ཡི་ཡིག་འབྲུ་གསལཿ ཨཱཿནི་སྦྱངས་བྱེད་གསུང་གི་ཡིག་འབྲུ་གསལཿ ཧཱུཾ་ནི་སྒྱུར་བྱེད་ཐུགས་ཀྱི་ཡིག་འབྲུ་གསལཿ དཔག་མེད་རྣམ་དག་ཡེ་ཤེས་ཆེན་པོར་གྱུརཿ སྐུ་གསུང་ཐུགས་མཆོག་ༀ་དང་ཨཱཿཧཱུཾ་གིསཿ སྣོད་བཅུད་རྒྱུ་རྐྱེན་རྟེན་འབྲེལ་ནུས་མཐུ་ལྡནཿ ༀ་སྣང་སྲིད་འདོད་ཡོན་ལོངས་སྤྱོད་མཆོད་པའི་ཚོགསཿ ཨཱཿརྣམ་དག་ལྷ་ཚོགས་དགྱེས་པ་སྐོང་བར་བྱེད། ཧཱུཾ་གཟུགས་སྒྲ་དྲི་རོ་རེག་བྱ་ནུས་མཐུ་ལྡནཿ ཧོཿཕྱི་ནང་གསང་བའི་མཆོད་པ་བླ་ན་མེདཿ ༀ་ཨཱཿཧཱུཾ་ཧོཿབཛྲ་ཨརྒྷཾ་པ་དྱཾ་སོགས་ནས། ཤས་ཏ་ཨཱཿཧཱུཾཿ ཧྲཱིཿབྷན་དྷ་འཁོར་ཡུག་བདུད་རྩིའི་སྣོད་ཆེན་པོརཿ དུག་ལྔ་དབྱིངས་སྒྲོལ་རང་བྱུང་ཡེ་ཤེས་རྫསཿ ཟག་མེད་བདེ་ཆེན་ལྷུན་གྲུབ་བདུད་རྩི་འཁྱིལཿ ལྷ་རྣམས་དགྱེས་པ་སྐོང་བའི་བཅུད་དུ་འཁྱིལཿ ༀ་ཨཱཿཧཱུཾ་སརྦ་པཉྩ་ཨམྲི་ཏ་ཧཱུཾ་ཧྲཱིཿཋཿ ཨཱཿ དབྱིངས་ཀྱི་རང་བ ཞིན་སྟོང་ཉིད་ཀཱ་པ་ལརཿ ཡེ་ཤེས་ཆེན་པོ་བདེ་བའི་རཀྟ་མཆོགཿ དབྱིངས་དང་ཡེ་ཤེས་བདེ་སྟོང་དམར་འོད་འདྲེསཿ ཁུ་བ་རཀྟའི་རྒྱ་མཚོ་རྦ་རླབས་འཁྲུགསཿ ༀ་ཨཱཿཧཱུཾ་མཧཱ་རཀྟ་ཛྭ་ལ་མཎྜལ་ཧཱུཾ་ཧྲིཿཋཿ ཧཱུྃ་སྣོད་ཀྱི་འཇིག་རྟེན་ཡངས་པའི་གཏོར་གཞོང་དུཿ བཅུད་ཀྱི་སྐྱེ་འགྲོ་བྷ་ལིང་ཆེན་པོར་སྦྱརཿ རྒྱུ་རྐྱེན་རྟེན་འབྲེལ་ནུས་པས་བྱིན་བརླབས་ནསཿ ཀུན་རྫོབ་མཚན་མའི་བག་ཆགས་སྐྱོན་དང་བྲལཿ ༀ་ཨཱཿཧཱུྃཿ མ་ཧཱ་བྷ་ལེན་ཏ་བྷ་ཏྲ་བྷ་ལེན་ཏ་ཡེ་སྭ་ཧཱཿ ཧྲཱིཿ བླ་མ་ཡི་དམ་མཁའ་འགྲོ་འཁོར་བཅས་གནས་འདིར་གཤེགསཿ ཕྱི་ནང་གསང་བའི་མཆོད་པ་འདི་དག་ཡོངས་བཞེས་ནསཿ སྒྲུབ་མཆོག་རྣལ་འབྱོར་བདག་ཅག་དཔོན་སློབ་འཁོར་བཅས་ལཿ བླ་མེད་མཆོག་དང་ཐུན་མོང་དངོས་གྲུབ་སྩལ་དུ་གསོལཿ དགེའོ། །

དཔལ་མགོན་ཚོགས་ཀྱི་བདག་པོའི་སྟོད་ལས་ཀྱི་དབུ་ཚབ་ནག་དྲིའི་འཇིག་སྐྱོབས།

༄༅། །དཔལ་མགོན་ཚོགས་ཀྱི་བདག་པོའི་སྟོད་ལས་ཀྱི་དབུ་ཚབ་ནག་དྲིའི་འཇིག་སྐྱོབས་བཞུགས། །

དུས་གསུམ་ཀུན་མཁྱེན་པདྨ་འབྱུང་གནས་དང་། །དབྱེར་མེད་གཏེར་ཆེན་སངས་རྒྱས་གླིང་པ་ཡི། །ཡང་སྤྲུལ་སྦས་པའི་རྣལ་འབྱོར་ཟོལ་བྲལ་བ། །འཇི༵༵༵ག་མེད༵་ཕྲིན༵་ལས༵་འོད༵་ཟེར༵་ལ་གསོལ་བ་འདེབས། །

དཔལ་མགོན་ཚོགས་ཀྱི་བདག་པོའི་གསང་སྒྲུབ་དངོས་གྲུབ་འབྱུང་གཏེར།

༄༅། དཔལ་མགོན་ཚོགས་ཀྱི་བདག་པོའི་གསང་སྒྲུབ་དངོས་གྲུབ་འབྱུང་གཏེར་ཞེས་བྱ་བ་བཞུགས་སོ། །

མདུན་གྱི་གཏོར་མ་མི་དམིགས་པའི་ངང་ལས་རང་ཉིད་ཧེ་རུ་ཀའི་ཐུགས་ཀ་ནས་ཏྲཾཿགཅིག་སྤྲོས་པ་ལས་རིན་པོ་ཆེ་སྣ་ཚོགས་ལས་གྲུབ་པའི་རི་རབ་བང་རིམ་གསུམ་དང་ལྡན་པ། དེ་ཡང་ཕྱི་གྲུ་བཞི་ནང་གྲུ་གསུམ་དམར་ནག་དུ་འདུག་པ། ཤིན་ཏུ་སྐྱི་གཡའ་ཞིང་ཡ་ང་བའི་ནང་དུ་སོད་སོད་དང་ཆོད་ཆོད་ཀྱི་སྒྲ་སྒྲོགས་པ་གཅིག་དུ་བསྒོམ། དེའི་དབུས་སུ་བྷྲུཾཿ གཅིག་སྤྲོས་པ་ལས་རིན་པོ་ཆེ་འབར་བའི་གཞལ་ཡས་ཁང་མདོག་དམར་ལ་ཡ་ང་བ་དེའི་དབུས་སུ་གྲུ་གསུམ་མཐིང་ནག་འབར་བའི་དཀྱིལ་འཁོར་དུ་བསྒོམ། དེའི་དབུས་སུ་དགྲ་བགེགས་ཀྱི་རོ་གན་རྐྱལ་གྱི་སྟེང་དུ་པད་ཟླ་ཉི་མའི་གདན་ལ་བདག་གི་ཐུགས་ཀའི་ཧཱུཾ་ལས་ཧཱུཾ་མཐིང་ནག་གཅིག་སྤྲོས་པ་ལས་འོད་ཟེར་འཕྲོས་པས་སེམས་ཅན་ཐམས་ཅད་ཀྱི་བར་ཆད་བསལ་བ་དང་། དགྲ་བགེགས་གདུག་པ་ཅན་ཐམས་ཅད་ཚར་བཅད། འཇིག་རྟེན་གྱི་དྲེགས་བྱེད་ཐམས་ཅད་དང་ཡེ་ཤེས་ཀྱི་ཆོས་སྐྱོང་ཐམས་ཅད་ཀྱི་མཐུ་དང་ནུས་པ་ཐམས་ཅད་བསྡུས་ནས་ཧཱུཾ་ལ་ཐིམ། ཧཱུྃ་ཡོངས་སུ་གྱུར་པ་ལས་བིང་ཧཱུྃ་གི་མཚན་པ་གཅིག་ཏུ་གྱུར། བིང་ཡོངས་སུ་གྱུར་པ་ལས། ༀ་ཤྲི་མ་ཧཱ་ཀཱ་ལ་ཧཱུྃ་ཕཊ་མགོན་པོ་རྣམ་སྣང་ཚོགས་ཀྱི་བདག་པོ་སྐུ་མདོག་མཐིང་ནག་ཆར་སྤྲིན་གྱི་མདོག་ལྟ་བུ་ཆོས་གོས་དང་ཤམ་ཐབས་སྐུ་ལ་གསོལ་བ་དར་ནག་གི་འཇོལ་བེར་མནབས་པ་ལ་མེ་ཏོག་གི་ཚོམ་བུ་བཀྲ་བ། །ཕྱག་གཡས་ཙན་དན་གྱི་བེང་ནམ་མཁར་ཕྱར་བ། །གཡོན་པས་ཐོད་ཁྲག་དང་ཁ་ཊྭཾ་རྩེ་གསུམ་བསྣམས་པ། །དབུ་སྐྲ་ཁམ་ནག་གྱེན་དུ་བརྫེས་པ། །ཐོད་པ་སྐམ་རློན་དང་རིན་པོ་ཆེ་དང་སྦྲུལ་གྱིས་བརྒྱན་པ། །ཉིང་ལག་གི་ཕྲེང་བ་སེ་རལ་ཁར་ཐོགས་པ། །ཡན་ལག་ལ་སྦྲུལ་ནག་ཆུན་པོས་བརྒྱན་པ། །རིན་པོ་ཆེ་འབར་བའི་ཐོར་ཚུགས་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། །སྤྱན་གསུམ་སྡང་མིག་ཏུ་གཟིགས་པ་ལས་བསྐལ་པའི་མེ་ཆེན་འབར་བ། །ཤངས་ནས་བསྐལ་པའི་རླུང་ནག་འཚུབ་པ། །ཞལ་གདངས་པ་ལས་བསྐལ་པའི་ཆུ་ཆེན་འཁྱིལ་བ། །མཆེ་བ་ཟླ་བ་ཚེས་པ་ལྟར་གཙིགས་པ་སྐུའི་ལྟེ་བ་ཟུར་གསུམ་དུ་ཟབ་པ། །རིན་པོ་ཆེ་དང་དར་དཔྱང་གི་སྐ་རགས་བཅིངས་པ། །སྐུ་ལ་ཐེ་རྩོ་དང་ནེ་ཙོའི་ཕྲེང་བ་སེ་རལ་ཁར་ཐོགས་པ། །སྟག་ལྤགས་རློན་པའི་ཤམ་ཐབས་བྱས་ཤིང་། །ཞབས་ལ་སག་ཏི་ནག་པོའི་ལྷྭམ་མནབས་པ། །མདོག་ནག་པ་ཐུང་ལ་གཟི་བརྗིད་ཆེ་བ། །ཤིན་ཏུ་འཇིགས་ཤིང་རབ་ཏུ་རྔམ་པ། །བསྐལ་པའི་མེ་རླུང་འཚུབས་མའི་དབུས་ན་སངས་རྒྱས་ཀྱི་བསྟན་པ་སྲུང་བ་དང་། བདག་གི་བཀའ་ཉན་ཅིང་གསུང་སྡོད་པའི་ཚུལ་དུ་དགྲ་བགེགས་བསྒྲལ་བའི་དགོངས་པ་དང་བཅས་ཏེ་བཞུགས་པར་བསྒོམ། དེའི་ཐུགས་ཀར་སྔ་དྲོ་ཟླ་བ་ཕྱི་དྲོ་ཉི་མའི་སྟེང་དུ་བེང་ཧཱུཾ་གིས་མཚན་པའི་མཐའ་སྐོར་དུ་སྔགས་ཀྱི་ཕྲེང་བས་བསྐོར་བའོ། ༀ་བཛྲ་ཡཀྴ་བེ་ཏ་ལི་ཧཱུྃ། དེའི་གཡོན་ཕྱོགས་སུ་བྷྱོཿལས་ཡུམ་ཡཀྴ་བེ་ཏ་ལི་སྐུ་མདོག་ནག་མོ་ཆར་སྤྲིན་གྱི་མདོག་ལྟ་བུ་ཞལ་གཅིག་ཕྱག་གཉིས་གཡས་གྲི་གུག་གཡོན་ཐོད་ཁྲག་བསྣམས་པ། སྤྱི་བོར་ཟླ་བ་ཚེས་ཤིང་ལྟེ་བར་ཉི་མ་འཆར་བ། སྐུ་ལ་མཁའ་འགྲོའི་ཆས་ཐམས་ཅད་ཀྱིས་བརྒྱན་པ། དྲེའུ་དམར་གྭ་པ་ལ་ཆིབས་ཤིང་རྒྱན་ཆ་ལུགས་དང་ལྡན་པ་མ་མོ་བྱེ་བའི་ཚོགས་ཀྱིས་བསྐོར་བ་བསྐལ་བའི་མེ་རླུང་འཚུབས་མའི་དབུས་ན་བཞུགས་པའོ། གཙོ་བོའི་ཐུགས་ཀའི་ཧཱུཾ་ལས་ཧཱུྃཿམཐིང་ནག་གསུམ་ཕྱིར་འཕྲོས་པ་ལས། །གྲུ་གསུམ་གྱི་རྒྱབ་ཏུ་ལོགས་གསུམ་ལ། གཡས་སུ་མགོན་པོ་སྐུ་མདོག་སྔོ་སྐྱ་གཡས་དྲི་ཤུལ་རྩེ་གསུམ་གཡོན་ཐོད་ཁྲག་ཐོགས་པ། །རྒྱན་ཆ་ལུགས་གཙོ་བོ་དང་མཐུན་པ། །འཁོར་ནག་པོ་སྟོང་གིས་བསྐོར་བ། །གཡོན་དུ་མགོན་པོ་གསུང་མཆོག་དམར་སྐྱ་གཡས་ཙན་དན་གྱི་བེང་བསོར་བ། །གཡོན་ཐོད་ཁྲག་ཐོགས་པ་རྒྱན་ཆ་ལུགས་གཙོ་བོ་དང་མཐུན་པ། །འཁོར་ཤ་ཟ་འབུམ་གྱིས་བསྐོར་བ། །མདུན་དུ་མགོན་པོ་ཐུགས་མཆོག་མཐིང་ནག་གཡས་གྲི་གུག་གཡོན་ཐོད་ཁྲག་ཐོགས་པ་རྒྱན་ཆ་ལུགས་གཙོ་བོ་དང་མཐུན་པ། །འཁོར་མ་མོ་འབུམ་གྱིས་བསྐོར་བའོ། །གསུམ་གའང་རྒྱན་ཆ་ལུགས་གཙོ་བོ་དང་མཐུན་པར་བསྐྱེད་དོ། །བང་རིམ་གོང་མ་ལ་ཕྱོགས་བཅུའི་མགོན་པོ། ། དེ་རྒྱབ་སྡེ་བརྒྱད་ཀྱི་མགོན་པོ། དེ་རྒྱབ་ཚངས་པ་དང་བརྒྱ་བྱིན་རྒྱལ་པོ་ཆེན་པོ་སྡེ་བཞི་ལ་སོགས་ལྷ་དམག་བྱེ་བ་དུང་ཕྱུར་དང་བཅས་པ་ལྷ་ཡི་གོ་མཚོན་ཐམས་ཅད་ཀྱིས་ལུས་ལ་བརྒྱན་པར་བསྐྱེད་དོ། བང་རིམ་བར་མ་ལ་མགོན་པོའི་བཀའ་སྡོད་དྲི་ཟ་མེ་ལྷ་གཤིན་རྗེ་བདེན་བྲལ་ཆུ་ལྷ་རླུང་ལྷ་གནོད་སྦྱིན་དབང་ལྡན་ས་བདག་ཉི་ཟླ་གཟའ་སྐར། གཞན་ཡང་ལྷའི་ཚོགས་དང་། ཀླུའི་ཚོགས་དང་། སྲིན་པོ་རོ་ལངས་ཤ་ཟ་མཁའ་འགྲོ་ཤུགས་འགྲོ་མ་སྲིང་མཁའ་ལ་རྒྱུ་བ་མ་མོའི་ཚོགས་དང་། དུར་ཁྲོད་བདག་མོ་དང་། ཟ་བྱེད་མོ་དང་། ཚངས་པ་ཆེན་པོ་དང་། གཞོན་ནུ་མོ་ལྷ་ཆེན་མོ། གཏོགས་འདོད་མོ། བརྒྱ་བྱིན་མོ། རལ་གཅིག་མ། འབར་མ་མ་མོ་སྲིན་མོ་སྤྲུལ་པ་ཡང་སྤྲུལ་དང་བཅས་པ་བསྒོམ། བང་རིམ་ཐ་མ་ལ་སྤྲུལ་པ་ཕྲ་མེན་གྱི་ཚོགས། སྟག་གཟིག་དོམ་དྲེད་བྱི་ལ་ཕག་འཕར་བ་རྔ་མོང་སྦྲུལ། ཕ་ཝཾ་ཕག་རྒོད་ལ་སོགས་པའི་མགོ་བརྙན་ཅན་རྣམས་ཀྱིས་བསྐོར་བར་བསྐྱེད་དོ། ལྷ་ཚོགས་དེ་དག་ཐམས་ཅད་ཀྱི་བོར་ༀ་དཀོར་པོ། མགྲིན་པར་ཨཿདམར་པོ། ཐུགས་ཀར་ཧཱུྃ་སྔོན་པོ་བསྒོམ། གཉིས་པ་སྙན་གསན་དབབ་པ་ནི། བདག་གི་ཐུགས་ཀ་ནས་འོད་ཟེར་འཕྲོས་པའི་མདུན་གྱི་མགོན་པོའི་ཐུགས་ཀར་ཕོག །དེ་ལས་འོད་ཟེར་ལྕགས་ཀྱུ་ལྷ་བུར་འཕྲོས་པས་ཉི་མ་བྱང་ཤར་གྱི་མཚམས་དང་། །རང་བཞིན་གྱི་གནས་འོག་མིན་དང་། དུར་ཁྲོད་ཆེན་པོ་དང་། །སྐུ་གསུང་ཐུགས་ཀྱི་ཕོ་བྲང་ན་བཞུགས་པའི་མགོན་པོ་དང་། མདུང་དང་རལ་གྲི་གཤིབས་པའི་ཕོ་བྲང་གི་མགོན་པོ་འཁོར་དང་བཅས་པ་ལ་ཕོག་པས་སྔོན་གྱི་དམ་ཚིག་དྲན་ནས་ཆོས་ཀྱི་སྐུ་ལས་གཟུགས་ཀྱི་སྐུར་བཞེངས་པར་གྱུར། ཧོ་དགོངས་སུ་གསོལ་ལོ། ལན་གསུམ། ན་མོ་སྐྱབས་དམ་པ་རྣམས་ཀྱི་མཆོག་མགོན་དམ་པ་རྣམས་ཀྱི་གླིང་། །བསོད་ནམས་ཐམས་ཅད་ཀྱི་དཔལ་ཞིང་། །ཡོན་ཏན་ཐམས་ཅད་ཀྱི་འབྱུང་གནས། འཕགས་པ་བླ་ན་མ་མཆིས་པའི་དཀོན་མཆོག་གསུམ་པོ་དང་ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་རྣམས་དང་། དམ་པ་ཆོས་སྐྱོང་བའི་སྲུང་མའི་ཚོགས་མ་ལུས་པ་རྣམས་གསན་ཅིང་དགོངས་སུ་གསོལ། དེང་གི་གནས་མཆོག་དམ་པ་ཁྱད་པར་ཅན་འདིར་སྤྱན་འདྲེན་ཅིང་མཆོད་པ་འབུལ། ཐུགས་དམ་བསྐུལ། ཕྲིན་ལས་བཅོལ། སྙན་ཆར་གསོལ། འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། མགོན་པོ་ཚོགས་བདག་མཐུ་ཆེན་ལེགས་ལྡན་ནག་པོ་ཤྲི་མ་ཧཱ་ཀ་ལ། དུག་གསུམ་ནད་ཀྱི་སྨན་པ། རིག་འཛིན་ཡོངས་ཀྱི་སྲོག་ཤིང་། རྣལ་འབྱོར་ཀུན་གྱི་དགྲ་ལྷ། བདུད་འདུལ་ལས་ཀྱི་དབང་ཕྱུག །དགྲ་བོའི་གྲོང་ཁྱེེར་གཏན་ནས་བརླག་པར་མཛད་པ་ཞལ་གྱིས་བཞེས་པ་ཕྱག་ན་ཙན་དན་གྱི་བིང་བསྣམས་པའི་ནང་ནས་ལྷ་དམག་བྱེ་བ་དུང་ཕྱུར་འཕྲོས་པས་ལྷ་མ་ཡིན་གྱི་གཡུལ་ངོ་བཟློག་པར་མཛད་ཅིང་། བདུད་འདུལ་བའི་ལྷ་དམག་བྱེ་བ་དུང་ཕྱུར་འབྱུང་བའི་ཕྱོགས་མཚམས་སྟེང་འོག་ལ་མངའ་མཛད་པའི་ལྷའི་མགོན་པོའི་ཚོགས་རྣམས་ལ་མཆོད་པ་འབུལ། ཐུགས་དམ་བསྐུལ། ཕྲིན་ལས་བཅོལ། སྙན་ཆར་གསོལ། འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། བདག་གི་ཅི་རེ་བ་དང་ཅི་སྨོན་པ་ཐམས་ཅད་ལས་ཀྱི་འབྲས་བུ་མཆིས་པར་མཛད་དུ་གསོལ། ༀ་ཤྲྀ་མ་ཧཱ་ཀཱ་ལ་ས་མ་ཡ་ཕེམ་ཕེམ། སྡང་བའི་དགྲ་བོ་མཱ་ར་ཡ་ཛ་ཛ༔ གསུམ་པ་སྤྱན་འདྲེན་ཅིང་བཞུགས་སུ་གསོལ་བ་ནི། མགོན་པོའི་སྐུ་གསུང་ཐུགས་ཀྱི་ༀ་ཨཱཿཧཱུྃ་གསུམ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་རྣམས་ཀྱི་ཐུགས་ཀ་དང་གནས་ཐམས་ཅད་ནས་མགོན་པོ་ཚོགས་བདག་གི་ལྷ་ཚོགས་དཔག་ཏུ་མེད་པ་སིབ་སིབ་བྱོན་ནས་མདུན་གྱི་མགོན་པོ་ལ་ཐིམ་པས་མཐུ་སྟོབས་གཟི་བརྗིད་དང་ལྡན་པར་གྱུར། བར་བསམ་ལ་འདི་སྐད་དོ། ཧཱུྃ་ད༵༵༵༵ད༵་པ༷་དང༷་ནི༷་དམ༵་ཚི༷ག་གི༷ས། ཚུར༷་གཤེགས༷་ཚུར༷་གཤེགས་མགོན༷་པོའི༷་ཚོག༷ས། དཔལ༷་ཆེན༷་ཆོས༷་འཁོར༷་སྲུང༷་མ༷་ནི༷། འཁོར༷་བཅས༷་གནས༷་འདིར༷་གཤེགས༷་སུ༷་གསོལ༷། ཁྱེད་ཀྱི་ཐུགས་དམ་དུས་ལ་བབ། །བསྟན་པ་སྲུང་ཕྱིར་གཤེགས་སུ་གསོལ། །འཇིགས་བྱེད་ཆེན་པོ༴ སྤྱོད་པ་རླབས་ཆེན༴ དྲག་ཤུལ་མཐུ་ཆེན༴ དགྲ་ལྷའི་རྒྱལ་པོ༴ དུས་མཐའ་སྟོང་བྱེད༴ འཆི་བདག་བཟློག་བྱེད༴ ཁྲག་འཐུང་ཆེན་པོ༴ ལེགས་ལྡན་ནག་པོ༴ རྣལ་འབྱོར་དགྲ་ལྷ༴ དབང་ཕྱུག་ཆེན་པོ༴ ཚོགས་རྗེ་ཚོགས་བདག༴ དགེ་བསྙེན་དམ་ཅན༴ འཇིག་རྟེན་མགོན་པོ༴ དམ་ཚིག་ཉེ་བར༴ སེམས་ཅན་དོན་ཕྱིར༴ དགྲ་བགེགས་སྒྲོལ་ཕྱིར་གཤེགས་སུ་གསོལ། །བཅོན་ལྡན་ཐུགས་རྗེ་ལས་བྱུང་བའི། །སྤྱན་རས་གཟིགས་ཀྱི་དབང་ཕྱུག་ཆེ༈ ལེགས་ལྡན་ནག་པོ་ཆེན་པོ་ཁྱོད། །སྲིད་པའི་མ་མོའི་ཚོགས་དང་བཅས། །སྲིད་གསུམ་གྲོང་ཁྱེར་སུམ་བརྩེགས་དང་། །འདོད་ཁམས་གཟུགས་ཁམས་གཟུགས་མེད་ཁམས། །ཁམས་སུམ་གྲོང་ཁྱེར་སུམ་བརྩེགས་ནས། །སྐྱེ་འཆི་འཇོམས་ཕྱིར་གཤེགས་སུ་གསོལ། །གནས་ལ་ཆགས་པའི་རྨོངས་པ་སེལ། །མ་རིག་མུན་པའི་མདངས་ཅན་ལ། །ཕྱིན་ཅི་ལོག་ལྟ་བསལ་བའི་ཕྱིར། །མུན་པ་སེལ་ཕྱིར་ནག་པོར་སྟོན། །མཐུ་སྟོབས་ལྡན་ཞིང་དབང་ཕྱུག་ཆེ། །སྲེད་མེད་བུ་དང་སྟོབས་ཆེན་དང་། །གཞོན་ནུ་སྨིན་དྲུག་བུ་ལ་སོགས། །ཁྱེད་ཀྱི་འཁོར་དང་ཉེ་གནས་ཡིན། །འཇིག་རྟེན་འདི་ན་གང་མཁས་པ། ཚངས་པ་ལ་སོགས་དབང་ཕྱུག་རྣམས། མཐུ་དང་རྫུ་ུའཕྲུལ་ལྡན་ན་ཡང་། །ཁྱེད་ཀྱི་སྤྱོད་ཡུལ་འདྲ་བ་མེད། །འཕགས་མགོན་ཁྱེད་ཀྱི་རྗེས་བསྒྲུབ་ཅིང་། །ཞིང་དང་སྤྱོད་ཡུལ་དག་པ་ཡི། འགྲོ་བ་འདུལ་བའི་ཕྲིན་ལས་ལ། །ཐུགས་དམ་བཞིན་ཏུ་བྱིན་གྱིས་རློབས། །མ་ཧཱ་ཀ་ལ་མཐུ་བོ་ཆེ། །རྣལ་འབྱོར་དགྲ་ལྷར་གཤེགས་པའི་ཚེ། །དུས་གསུམ་སངས་རྒྱས་དབང་བསྐུར་རྟགས། །སྐུ་ཡི་ཆ་བྱད་གསུམ་དང་ལྡན། །རིག་གསུམ་མགོན་པོས་དབང་བསྐུར་རྟགས། །དཔྲལ་བར་ཁྲོ་གཉེར་གསུམ་དང་ལྡན། །དུས་གསུམ་ཁྲོ་བོས་དབང་བསྐུར་རྟགས། །ཞལ་གྱི་གདངས་ངར་གསུམ་དང་ལྡན། །དྲང་སྲོང་རྣམས་ཀྱིས་མངའ་གསོལ་རྟགས། །ཆོས་གོས་ཤམ་ཐབས་སྐུ་ལ་མནབས། །ལྷ་ཆེན་རྣམས་ཀྱིས་མངའ༴ རིན་ཆེན་འབར་བའི་ཐོར་ཚུགས་ཅན། །ཀླུ་ཆེན་རྣམས་ཀྱིས་མངའ༴ ཡན་ལག་སྦྲུལ་ནག་ཆུན་པོས་བརྒྱན། །གཟའ་ཆེན་རྣམས་ཀྱིས་མངའ༴ རལ་པ་དམར་སེར་གྱེན་དུ་འཁྱིལ། །ལྷ་རྣམས་ཀུན་གྱིས་མངའ༴ བསྭོ་སྒྲ་དྲག་པོ་གསུམ་དང་ལྡན། །རྒྱུ་སྐར་རྣམས་ཀྱིས་མངའ༴ ཚེ་ལོང་སྨེ་བ་སེ་རལ་ཁ། །ལྷ་མ་ཡིན་གྱིས་མངའ༴ ཆ་སྒྲ་དྲག་པོ་གསུམ་དང་ལྡན། །བྱོལ་སོང་རྣམས་ཀྱིས༴ ཤེས་རབ་ཡེ་ཤེས་སྒྲོན་མེ་བསྣམས། །ཡི་དྭགས་རྣམས་ཀྱིས༴ འདོད་དགུ་ཕུན་སུམ་ཚོགས་པས་བརྒྱན། །མི་རྣམས་ཀུན་གྱིས༴ རིན་ཆེ་སྣ་ལྔས་སྐུ་ལ་བརྒྱན། །དམྱལ་བ་རྣམས་ཀྱིས༴ བསྐལ་པའི་མེ་དཔུང་ཀློང་ན་བཞུགས། །ཨགྣེ་ར་ཛས་མངའ༴ སྤྱན་ནས་བསྐལ་པའི་མེ་ཆེན་འབར། བ་ཡ་བེ་ཡི༴ ཤངས་ནས་བསྐལ་པའི་རླུང་ནག་འཚུབས། །ཆུ་ལྷ་རྣམས་ཀྱིས༴ ཞལ་ནས་བསྐལ་པའི་ཆུ་ཆེན་འཁྱིལ། །བདུད་རྣམས་ཀུན་གྱི༴ རྒྱ་བེར་ནག་པོ་སྐུ་ལ་གསོལ། །གཤིན་རྗེ་རྣམས་ཀྱི༴ ཕྱག་ན་ཙན་དན་བེང་ཆེན་བསྣམས། །མ་མོ་རྣམས་ཀྱི༴ ཐོད་པའི་ཕྲེང་བ་སེ་རལ་ཁ། སྲིད་པ་གསུམ་གྱི༴ སྐུ་ཡི་ལྟེ་བ་ཟུར་གསུམ་ཟབ། །བསྭོ་ལྷ་ཆེན་དཔལ་འབར་གཤེགས་སུ་གསོལ། །རི་རབ་ཟོམ་ལ་ལྷུར་གྱིས་བྱོན། །ཙན་དན་བེང་ཆེན་ཀླད་ལ་བསྐོར། །བསྭོ་སྒྲ་ཐང་གསུམ་གནམ་དུ་བཏང་། །ལྷ་རྣམས་གཡུལ་ལས་རྒྱལ་བར་བྱེད། །ལྷ་མིན་གཡུལ་རྣམས་ཕམ་པར་བྱེད། །བྱང་ཤར་མཚམས་ནས་སྤྱན་འདྲེན་ན། །རླུང་ནག་འཚུབ་མའི་ནང་ནས་གཤེགས། །སྤྲིན་དཔུང་འདུས་པའི་ནང་དུ་བཞུགས། བསྭོ། །ལེགས་ལྡན་ནག་པོ་འཁོར་བཅས་རྣམས། །སྔོན་གྱི་ཐུགས་དམ་རྗེས་དགོངས་ལ། །དམ་ཚིག་དབང་གིས་གཤེགས་སུ་གསོལ།། ༀ་ཨེ་ཧྱ་ཧི་ཤྲྀ་མ་ཧཱ་ཀ་ལ་ས་མ་ཡ་ཛཿ ཧཱུྃ་བཾ་ཧོཿ ཨ་ཀད་ཛ་ཡ། ཨ་ཀད་ཛ་ཡ། ཏིཥྛ་བཛྲ་ས་མ་ཡ་ཧཱུྃ། སྐུ་གསུང་ཐུགས་བྱིན་གྱིས་བརླབ་པ་ནི། ༀ་ཨཱཿཧཱུྃ་ཨེ་རྔུབ་ཨེ་བཛྲ་སནྡྷ་ཧྲི་ལ་པ་ཧྲིཿ ཨེ་ནུ་ནི་ཨེ་ལམ་མེ་ནི་ཧཱུྃ། དབང་རྟགས་སུ་ཡིད་བཞིན་གྱི་ནོར་བུ་རིན་པོ་ཆེ་འོད་འབར་བའི་དབུས་སུ་སྤྱན་རས་གཟིགས་དཀར་པོ་ཞལ་གཅིག་ཕྱག་གཉིས་པས་དབུ་བརྒྱན་པར་གྱུར་བར་བསམ་ལ། བཞི་པ་ཕྱག་འཚལ་བ་ནི། བདག་ཅག་ལྷ་མིའི་དམག་ཚོགས་འཁོར་དང་བཅས་པས། མགོན་པོ་འཁོར་དང་བཅས་པ་རྣམས་ལ་བདག་གི་དམག་དཔོན་དུ་མངའ་གསོལ་ཞིངས་ཕྱག་འཚལ་བའི་སྐྱབས་འོག་ཏུ་ཚུད་པར་བསམ་མོ། དེ་རྣམས་ཀྱི་ཐུགས་ཀའི་ཧཱུྃ་ལས་འོད་ཟེར་དཀར་པོ་འཕྲོས་པས་བདག་དང་ཡོན་བདག་རྣམས་ལ་ཕོག་པས་སྡིག་སྒྲིབ་དག་ནས་བར་ཆད་ཞི་བར་བསམ་ལ་འདི་སྐད་དོ། ཧཱུྃ་ལྷ་མིན་དམག་ཚོགས་གཡུལ་བཟློག་ཅིང་། །ལྷ་དམག་དཀར་པོའི་དབུགས་འབྱིན་པ། །ལེགས་ལྡན་ནག་པོ་འཁོར་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཟླ་བའི་འོད་ལྟར་ཞལ་གསལ་བ། །མ་རིག་སྒྲིབ་པ་སྤང་བའི་ཕྱིར། །འཇིག་རྟེན་འདི་ན་གང་སྟོན་པ། །ཚོགས་བདག་ཁྱེད་ལ་ཕྱག་འཚལ་བསྟོད། །ལྷ་རྣམས་ཀུན་གྱིས་མ་མཆོད་ཚེ། །ལྷ་མིན་གཡུལ་ལས་རྒྱལ་མ་གྱུར། །མཆོད་ནས་གཡུལ་ལས་རྒྱལ་བ་ཐོབ། །ཚོགས་བདག་ཁྱོད་ལ་ཕྱག་འཚལ་བསྟོད། །ལྷ་རྣམས་ཀུན་ལས་ཁྱད་པར་འཕགས། །ཁྱོད་ལ་ལྷས་ཀྱང་ཐོག་མར་མཆོད། །མཆོད་འོས་རྣམས་ཀྱིས་མཆོད་མཛད་པ། །ཚོགས་བདག་ཁྱེད་ལ་ཕྱག་འཚལ་བསྟོད། །དཀོན་མཆོག་གསུམ་གྱི་སྐུ་སྲུང་ཞིང་། །དོན་དམ་ཕུན་སུམ་ཚོགས་ཚོགས་བསྒྲུབ་ཅེས། །རྒྱལ་བ་རྣམས་ཀྱིས་ལུང་བསྟན་པའི། །ཚོགས་བདག་ཁྱེད་ལ་ཕྱག་འཚལ་བསྟོད། །སྟོན་པའི་བསྟན་པ་བསྲུང་བའི་ཕྱིར། །མཚན་དུ་རྡོ་རྗེ་འཆང་ངོ་ཞེས། །དབང་བསྐུར་གང་གི་གཙོར་གྱུར་པ། །ཚོགས་བདག་ཁྱོད་ལ༴ ཡོན་ཏན་བསམ་འདས་བརྗོད་མི་ལང་། །མ་རིག་སེམས་ཅན་དོན་སླད་དུ། །མཆོད་ཅིང་བསྟོད་དེ་ཕྱག་ཀྱང་འཚལ། །ཚོགས་བདག་འཁོར་བཅས་མཉེས་གྱུར་ཅིག །ཚོགས་ཀྱི་བདག་པོ་ཆེན་པོ་ཁྱོད། །མགོན་པོ་བཞུགས་གནས་དཀྱིལ་འཁོར་དུ། །བླ་མེད་མཆོད་སྤྱན་འདྲེན་འབྱུང་བ། །ཡོན་ཏན་བརྒྱད་ལྡན་ཐམས་ཅད་ཀྱི། །ཞབས་ལ་སྤྱི་བོས་གཏུགས་གྱུར་ཅིག། ༀ་ཤྲྀ་མ་ཧཱ་ཀ་ལ་ཨ་ཏི་པུ་ཧོ། པྲ་ཏི་ཙྪ་ཧོ། ལྔ་བ་མཆོད་པ་འབུལ་བ་ནི། སྤྱི་ལྟར་གཏོར་མ་ལ་ཆང་དང་། རཀྟ་ཕུད་རྒོད་བྲན་ལ། ༀ་སྭ་བྷ་ཝ་ཤུརྡྷ་སོགས། སྟོང་པའི་ངང་ལས་ༀ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ༀ་ཨཱཿཧཱུྃ་འོད་དུ་ཞུ་བ་ལས་བྱུང་བའི་གཏོར་མ་བདུད་རྩིའི་རྒྱ་མཚོ་ཆེན་པོར་གྱུར། ༀ་ཨཱཿཧཱུྃ་མ་ཧཱ་བ་ལཱིང་ཏ་ཏེ་ཛྭ་བྷ་ལཱིང་ཏ་བ་ལ་བྷ་ཏེ་གུ་ཧྱ་ས་མ་ཡ་ཧཱུཾ་ཧྲཱིཿཋཱཿགསུམ་ཅེས་བརྗོད་པས། ཕྱི་ལྟར་ན། ལྷ་རྫས་ལས་གྲུབ་པའི་ཕོ་བྲང་ཕྲེང་བ་མཆོད་ཡོན་ཞབས་བསིལ་མེ་ཏོག་བདུག་སྤོས་མར་མེ་དྲི་ཆབ་ཞལ་ཟས་རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའ་དང་མཉམ་པར་གྱུར་བར་བསམ་ལ། རརྣ་མཎྜལ་ལ་མཱ་ལྱེ་ཨགྷཾ་སོགས་ནས། ཤབ་ཏ་ཨ་ལཾ་ཀ་ར་ཨཱཿཧཱུྃ་སྭ་ཧཱ་ནང་ལྟར་ན། གཟུགས་སྡུག་པ་སྒྲ་སྙན་པ་དྲི་ཞིམ་པ་རོ་མངར་བ་རེག་བྱ་འཇམ་པའི་ཚོགས་སུ་གྱུར་བར་བསམ་ལ། རུ་པ་ཤསྡ་གྷནྡྷེ་ར་ས་སྤར་ཤེ་པྲ་ཙྪི་ཨཱཿཧཱུྃ། གསང་བ་ལྟར་ན། གཏོར་མ་ཤ་ལྔ་བདུད་རྩི་ལྔའི་རང་བཞིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་དགྲ་བགེགས་ཀྱི་ཤ་ཁྲག་རུས་གསུམ་དུ་བསམ་ལ་མགོན་པོ་འཁོར་དང་བཅས་པ་རྣམས་ལ་ཕུལ་བས་ལྗགས་འོད་ཀྱི་སྦུ་གུ་གྲི་གུག་ལྟ་བུས་གསོལ་ནས། ཅི་ལྟར་བཅོལ་བའི་ལས་རྣམས་ཐོགས་མེད་དུ་སྒྲུབ་པར་བསམ་མོད། ཧཱུྃ་དཔལ་ལྡན་མགོན་པོ་མཐུ་ཆེན་ཁྱེད། །ཡོན་ཏན་བྱིན་རླབས་རྨད་པོ་ཆེ། །འཕགས་པའི་ཐུགས་རྗེ་མངའ་བརྙེས་ཀྱང་། །དུས་ངན་སེམས་ཅན་འདུལ་སླད་དུ། །དཀོན་མཆོག་གསུམ་གྱི་སྐུ་བསྲུང་ཞིང་། །སྐྱེ་འགྲོ་ཡོངས་ཀྱི་སྐྱབས་ཀྱང་མཛད། །ཕྱག་ན་བདུད་འདུལ་བེང་ཆེན་བསྣམས། །བསྐལ་པའི་མེ་ལྟར་གཟི་བརྗིད་འབར། །ཡུན་གྱི་མགོན་དང་མཐུ་བསྟེན་པས། །རྒྱུན་དུ་འཚོ་བའི་མཆོད་པ་འབུལ། །རྟག་ཏུ་སྲུང་ཞིང་སྐྱབས་ཏུ་གསོལ། །དཀྱིལ་འཁོར་མཛེས་པ་དམ་པ་དང་། །མེ་ཏོག་ཕྲེང་བ་རིན་ཆེན་དབྱིག །དྲི་དང་ལྷ་བཤོས་བདུག་པ་གོས། །གཟུགས་མཛེས་སྒྲ་སྙན་དྲི་ཞིམ་དང་། །རོ་མངར་རེག་བྱ་འཇམ་ལ་སོགས། །སྣ་ཚོགས་མཆོད་པ་འདི་དག་བཞེས། །ཐུགས་རྗེས་འགྲོ་བའི་དོན་ལ་དགོངས། །བདག་ཅག་རེ་ཞིང་སྨོན་པ་རྣམས། །འཕགས་མགོན་ཁྱེད་ཀྱིས་འགྲུབ་པར་མཛོད། ༀ་ཤྲྀ་མ་ཧཱ་ཀཱ་ལ་ཡཀྴ་བཻ་ཏ་ལི་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཁཾ་ཨརྒ་ཏེ་སྥ་ར་ཎ་ཨེ་མཾ་ག་ག་ན་ཁཾ་གྷྲྀ་ཧྞ་ཨེ་དམ་བྷ་ལིངྟ་ཁ་ཁ་ཁཱ་ཧི་ཁཱ་ཧི་སྭ་ཧཱ། རརྣ་མཎྜལ་མཱ་ལེ་ཨརྒྷཾ་ནས་ཤསྡ་བར་བརྗོད། མཧཱ་སརྦ་པཉྩ་ཨ་མྲཾྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་བྷ་ལིངྟ་ཁཱ་ཧི། དགྲ་བགེགས་ཀྱི་མ་ཧཱ་མཾ་ས་ལ་ཁཱ་ཧི། མ་ཧཱ་རཀྟ༴ མ་ཧཱ་ཙིརྟ༴ མ་ཧཱ་བ་སུ་ཏ་ལ༴ མ་ཧཱ་ཀོ་རེ་ཙ་ན་ལ༴ མ་ཧཱ་ཀེཾ་ནི་རི་ཏི་ལ༴ དམ་ཉམས་དགྲ་བགེགས་ཀྱི་ཤ་ཁྲག་རུས་གསུམ་ལ་ཁ་ཁ་ཁཱ་ཧི་ཁཱ་ཧི༔ དེ་ལྟར་ཕྱི་ནང་བའི་མཆོད་པའི་རྗེས་སུ། འདོད་དོན་གསོལ་བ་ནི། ༀ་ཨཱཿཧཱུྃཿ མཆོད་སྦྱིན་གྱི་གཏོར་མ་རྒྱ་ཆེན་པོ་འདི་ཉིད་མཆོད་ཅིང་འབུལ་བའི་གནས་ནི། །དཔལ་ལྡན་མགོན་པོ་ནག་པོ། ཤྲྀ་མ་ཧཱ་ཀ་ལ། །བདུད་འདུལ་ལས་ཀྱི་དབང་ཕྱུག །དུག་གསུམ་ནད་ཀྱི་སྨན་པ༈ རིག་འཛིན་ཡོངས་ཀྱི་སྲོག་ཤིང་། །རྣལ་འབྱོར་ཀུན་གྱི་དགྲ་ལྷ། །དབུས་ཀྱི་དེ་བ་མགོན་པོ། །ཕྱི་ནང་གཉིས་ཀྱི་ཚོགས་བདག་ཡུམ་ཡཀྴ་བཻ་ཏ་ལི། །སྐུ་གསུང་ཐུགས་ཀྱི་མགོན་པོ། །ཕྱོགས་བཅུའི་མགོན་པོ། །སྡེ་བརྒྱད་ཀྱི་མགོན་པོ། །ལྷ་དམག་བྱེ་བ་དུང་ཕྱུར་དང་བཅས་པ་རྣམས་ལ་མཆོད་དོ། འབུལ་ལོ། གསོལ་ལོ། འདོན་ནོ། མཉེས་རབ་ཀྱི་མཆོག། །དགྱེས་རབ་ཀྱི་ཕུལ་ཕྱི་ཉེར་སྤྱོད་ལྔ་ཡི་མཆོད་པ། །ནང་སྨན་རཀ་གཏོར་གསུམ་ཚོགས་ཀྱི་མཆོད་པ་འདི་བཞེས་ལ། །བདག་ཅག་རྣལ་འབྱོར་པ་འཁོར་དང་བཅས་པ་རྣམས་ལ་བསྲུང་ཞིང་བསྐྱབ་པ་དང་། །བསམ་པ་དང་སྨོན་པ་ཐམས་ཅད་ཡིད་བཞིན་དུ་གྲུབ་པར་མཛད་དུ་གསོལ། ཕྲིན་ལས་སུ་བཅོལ་བའི་མདོ་ནི་ཉི་མ་ཕྱོགས་བཞི་མཚམས་བརྒྱད་ཀྱི་དགྲ་བགེགས་གདུག་པ་ཅན་སྡང་སེམས་དང་ལྡན་པ་རྣམས་ཐལ་བའི་རྡུལ་ཕྲན་བཞིན་དུ་བརླག་པའི་ཕྲིན་ལས་མཛོད་ཅིག དྲུག་པ་སྨོན་ལམ་གདབ་པ་ནི། མགོན་པོའི་རྒྱན་ཆ་ལུགས་གསལ་གདབ་ལ། བེང་གི་རྩེ་མོའི་ཡིད་བཞིན་གྱི་ནོར་བུ་ལས་འོད་ཟེར་འཕྲོས། ཕྱོགས་བཅུའི་ཞིང་ཁམས་ཀྱི་སངས་རྒྱས་དང་བྱང་ཆུབ་སེམས་དཔའ་རྣམས་ལ་ཕོག་པས་དེ་དག་གི་ཐུགས་ཀ་ནས་རིན་པོ་ཆེའི་ཆར་བབས་པས་གནས་ཁང་བང་མཛོད་ཐམས་ཅད་མེར་མེར་ལྟེམ་ལྟེམ་གང་བར་གྱུར། བར་བསམ་ཞིང་། གཞུང་ནས་ཇི་ལྟར་བཤད་པ་བཞིན་འགྲུབ་པར་བསམ་ལ་འདི་སྐད་དོ། ཧཱུྃ་བདེ་གཤེགས་མགོན་པོ་བསྟན་པའི་དཔལ། །ཚོགས་བདག་དགྱེས་པའི་བྱིན་རླབས་ཀྱིས། །སྡུག་བསྔལ་ནད་སེལ་ཐུགས་རྗེ་ཆེ། །ཐམས་ཅད་སྤྲུལ་པའི་དུར་ཁྲོད་དཔལ། །ཚོགས་རྗེ་ཚོགས་ཀྱི་བདག་པོ་སྟེ། །དེ་བཞིན་གཤེགས་པས་བཞེད་པར་སྟོན། །ཁམས་གསུམ་ཁེངས་པའི་སེམས་ཅན་རྣམས། །ཚེ་དང་སྲོག་ལ་མངའ་བ་སྟེ། །ཤེས་རབ་མཚོན་གྱིས་སྒྱུ་མར་སྟོན། །བླུན་རྨོངས་ཁེངས་པ་ཐར་བར་མཛོད། །མི་མཐུན་ཕྱོགས་རྣམས་ཟད་པར་སྟོན། །བྱང་ཆུབ་སྙིང་པོར་ཁྱེད་ཀྱིས་སྒྲོལ། །དཔལ་གྱི་སྙིང་པོ་དཔལ་ཕྲེང་མ། །དཔལ་གྱི་ཚོགས་ལ་ཕྱག་འཚལ་བསྟོད། །མགོན་པོ་ཁྱེད་མཆོད་བྱིན་རླབས་ཀྱིས། །ཕྱོགས་བཅུ་དུས་ཀུན་ཐམས་ཅད་དུ། །བདག་ཅག་འཁོར་དང་བཅས་པ་རྣམས། །ཕྱོགས་བཅུ་གང་དུ་འགྲོ་ན་ཡང་། །གནོད་བྱེད་དགྲ་བགེགས་མེད་པར་མཛོད། །སེམས་ཅན་ཐམས་ཅད་འབྱོར་བ་རྒྱས། །བགེགས་ཀྱི་རྣམ་པ་ཀུན་མེད་ཤོག། །རྟ་དང་བ་གླང་ནོར་དང་འབྲི ། །བུ་དང་བུ་མོ་གཉེན་བཤེས་རྣམས། །དགེ་ཞིང་ཚེ་རིང་བདེར་སྤྱོད་པ། །ནད་དང་གནོད་པ་ཀུན་བྲལ་ཤོག །རྒྱལ་པོ་མྱ་ངན་མེད་པ་བཞིན། །ཆོས་ཀྱི་རྒྱལ་སྲིད་སྐྱོང་བར་ཤོག །བདེ་བར་གཤེགས་པའི་བསྟན་པ་འདི། །ཕྱོགས་བཅུ་ཀུན་ཏུ་རྒྱས་པ་དང་། །མྱུར་དུ་སེམས་ཅན་ཐམས་ཅད་ཀྱང་། །བདུད་རྩིའི་སྣོད་དུ་འགྱུར་བར་ཤོག། །དགེ་བ་ཐམས་ཅད་སྤྱིར་བསྔོ་ཞིང་། །མགོན་པོ་ཁྱེད་མཆོད་བྱིན་རླབས་ཀྱི། །བདག་ཅག་འཁོར་དང་བཅས་པ་རྣམས། །ལོངས་སྤྱོད་ཐམས་ཅད་རྒྱས་པ་དང་། བདག་ཅག་བྱང་ཆུབ་མཆོག་ཐོབ་ནས། །ཁྱེད་དང་མི་འབྲལ་འགྲོགས་པར་ཤོག། །བདག་གི་སྨོན་ལམ་འགྲུབ་པར་ཤོག །ༀ་ཡེ་དྷརྨཱ་སོགས་སྭཱ་ཧཱ་ཅེས་ལན་གསུམ་མམ་བདུན་གྱིས་གནས་ཁང་ལ་གཏོར་བས་བརྟན་པར་བསམ་མོ། གཉིས་པ་འབོད་རྦད་བསད་གསུམ་གྱི་དང་པོ་ལའང་གཉིས། དམིགས་པས་བཅུན་ཞིང་བསྙེན་སྔགས་བཟླ་བ་དང་། སྐབས་སུ་མཆོད་བསྟོད་བྱ་བའོ། མགོན་པོའི་ཐུགས་ཀར་ཟླ་བའི་སྟེང་དུ་བེང་། དེའི་ལྟེ་བར་ཧཱུཾཿ གི་མཐའ་སྐོར་དུ་སྔགས་ཀྱིས་གཡས་སུ་འཁོར་བར་བསྒོམ། ཡུམ་གྱི་ཐུགས་ཀར་ཉི་མའི་སྟེང་དུ་གྲི་གུག་གི་སོ་ཡུའི་མཚམས་སུ་བྷྱོཿལ་སྔགས་ཀྱི་གཡོན་ཏུ་འཁོར་བར་བསམ། དེ་ལྟར་སྔགས་ཕྲེང་ལས་འོད་ཟེར་འཕྲོས་པས་ཕྱོགས་བཅུའི་བདེ་བར་གཤེགས་པ་ཐམས་ཅད་ལ་མཉེས་པའི་མཆོད་པ་འབུལ། །ཐུགས་དམ་གྱི་རྒྱུད་བསྐུལ། །དེ་དག་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་ཚ་ལ་རྩུབ་པ་འཕྲོས། །དྲེགས་པ་ཅན་ཐམས་ཅད་ལ་ཕོག་པས་ཚར་བཅད། །དབང་དུ་བསྡུས། །ནུས་མཐུ་ཐམས་ཅད་ཕྲོག་ནས་མགོན་པོའི་ཐུགས་ཀར་ཐིམ། །མགོན་པོའི་ཐུགས་ཀ་ནས་འོད་ཟེར་ཚུར་བྱུང་བ། །བདག་ཉིད་ཡི་དམ་གྱི་ཐུགས་ཀའི་སྔགས་ཕྲེང་ལ་ཐིམ་པས་རང་ཉིད་བཀྲག་མདངས་གཟི་བརྗིད་དང་ལྡན་པར་བསམ། ༀ་ཤྲཱྀ་མ་ཧཱ་ཀཱ་ལ་ཧཱུྃ་ཕཊ༔ ༀ་བཛྲ་ཡཀྴ་བཻ་ཏ་ལི་ཧཱུཾཿ མ་ཧཱ་ཀཱ་ལ་སིདྡྷི་ཡཾ་དུ་ཛ༔ ཅེས་འབོོད་རྦད་བསད་གསུམ་གྱི་ལུགས་ལ་འབུམ་ཐེར་ལྔ་སོགས་བཟླའོ། སྐབས་སུ་ཅི་རིགས་པར་བཟླའོ། གཉིས་པ་མཆོད་བསྟོད་བྱ་བ་ནི་གོང་ལྟར་ལ། སླར་ཡང་བསྟོད་བསྐུལ་ནི། ཧཱུྃ་བསྐལ་པ་མེ་ལྟར་འབར་བའི་དབུས། །དུར་ཁྲོད་ཆེན་པོའི་གནས་མཆོག་ནས། །དཔལ་ལྡན་མགོན་པོ་ནག་པོ་ནི། །སྐུ་མདོག་མཐིང་ནག་ཆར་སྤྲིན་མདོག། །བམ་ཆེན་སྟེང་ན་འགྱིང་བག་ཅན། །ཞལ་གཅིག་ཕྱག་གཉིས་སྤྱན་གསུམ་དམར། །རལ་པ་སེར་ལ་མཆེ་བ་གཙིགས། །སྐུ་ལ་དར་ནག་འཇོལ་བེར་གསོལ། །ཕྱག་གཡས་ཙན་དན་བེང་ཆེན་བསྣམས། །གཡོན་པས་ཐོད་པ་ཁྲག་བཀང་གསོལ། །གསེར་སྐུད་སེར་པོའི་སྐུ་རགས་བཅིངས། །ཞབས་ལ་སག་ཏི་སྔོན་པོ་གསོལ། །བསྐལ་པའི་མེ་དཔུང་ཀློང་ནས་བཞེངས། །བསྟན་པ་བསྲུང་བར་ཞལ་བཞེས་པའི། །དཔལ་ལྡན་མགོན་པོ་ནག་པོ་ཆེ། །རལ་པ་གྱེན་དུ་འབར་བ་ཡིས། །སྟེང་གི་ལྷ་བདུད་བཟློག་པར་བྱེད། །དཔྲལ་བར་ཁྲོ་གཉེར་གསུམ་ལྡན་པས། །སྲིད་གསུམ་བགེགས་རྣམས་བཟློག་པར་བྱེད། །མཆེ་བ་ཟུར་གསུམ་གཙིགས་པ་ཡིས། །བདུད་བཞིའི་བར་ཆད་བཟློག་པར་བྱེད། །དར་ནག་འཇོལ་བེར་གསོལ་བ་ཡིས། །ཚེ་བདུད་ནག་པོ་བཟློག་པར་བྱེད། །ཙན་དན་བེང་ཆེན་ཕྱར་བ་ཡིས། །ལྷ་མིན་གཡུལ་ངོ་བཟློག་པར་བྱེད། །གཡོན་པས་ཐོད་ཁྲག་བསྣམས་པ་ཡིས། །དགྲ་བགེགས་སྙིང་ཁྲག་འཐུང་བར་བྱེད། །གསེར་སྐུད་སྐུ་རགས་བཅིངས་པ་ཡིས། །རྣལ་འབྱོར་བར་ཆད་སེལ་བར་བྱེད། །གཡས་བསྐུམ་གཡོན་བརྐྱང་བྱེད་པ་ནི། །འཆི་བདག་གཤིན་རྗེ་བཟློག་པར་བྱེད། །བམ་ཆེན་སྟེང་ན་འགྱིང་པ་ནི། །ས་བདག་ཀླུ་གཉན་གདོན་རྣམས་བཟློག་པར་བྱེད། །བསྐལ་པའི་མེ་དཔུང་ཀློང་ན་བཞུགས་པ་ནི། །ཉོན་མོངས་བག་ཆགས་མ་ལུས་བསྲེགས་པར་བྱེད། །བཟློག་བྱེད་རྒྱལ་པོ་ཁྱེད་ལ་ཕྱག་འཚལ་ལོ། །བཟློག་བྱེད་ནག་པོ་འཁོར་བཅས་ལ། །བདག་གིས་མཆོད་ཅིང་བསྟོད་གྱུར་ན། །བཀའ་འཁོར་བསྲུང་ལ་བར་ཆད་བཟློག། །སངས་རྒྱས་བསྟན་པ་བཤིག་པ་དང་། །དཀོན་མཆོག་དབུ་འཕང་སྨད་པ་དང་། སློབ་དཔོན་སྐུ་ལ་བསྡོ་བ་དང་། །བདག་ལ་བར་དུ་གཅོད་པ་ཡིས། །དགྲ་བགེགས་ཐམས་ཅད་རྡུལ་དུ་ཟློགས། །བཅོལ་བའི་ཕྲིན་ལས་འགྲུབ་པར་མཛོད། བྷྱོཿ །བསྐལ་པའི་མེ་རླུང་འཚུབ་མའི་ཀློང་དཀྱིལ་ནས། །སྨོན་ལམ་སྟོབས་ཀྱི་སངས་རྒྱས་བསྟན་པ་བསྲུང་། །དཔལ་ལྡན་ལྷ་མོ་ནག་མོ་ནི། །སྐུ་མདོག་མཐིང་ནག་མུན་ལྟར་གཏིབས། །ཁྲག་གི་རལ་པ་གཡས་ནས་གཡོན་དུ་འཁྱིལ། །ཕྱག་གཡས་གཅོད་བྱེད་གྲི་གུག་ཕྱར། །གཡོན་པའི་ཐོད་ཁྲག་ནད་རྐྱལ་བསྣམས། །ཆིབས་སུ་དྲེའུ་དམར་གྭ་པ་ཆིབས། །འཁོར་དུ་མ་མོ་འབུམ་གྱིས་བསྐོར། །འདིར་གཤེགས་དམ་རྫས་གཏོར་མ་བཞེས། །དགྲ་བོ་བསྒྲལ་བའི་ཕྲིན་ལས་མཛོད། ཧཱུྃ་སྐུ་ཡི་མགོན་པོ་གཏུམ་བྱེད་ནི། །སྐུ་མདོག་མཐིང་ནག་ཆར་སྤྲིན་མདོག །ཕྱག་གཉིས་རྩེ་གསུམ་ཐོད་ཁྲག་འཛིན། །དགྲ་བགེགས་སྙིང་ཁྲག་ཞལ་དུ་གསོལ། །བགེགས་དང་ལོག་འདྲེན་འདུལ་མཛད་པ། །སྐུ་མཆོག་ཁྱེད་ལ་ཕྱག་འཚལ་བསྟོད། ཧཱུྃ་གསུང་གི་མགོན་པོ་གསོད་བྱེད་ནི། སྐུ་ལ་དར་ནག་བེར་ཆེན་གསོལ། །ཕྱག་གཉིས་བེང་དང་ཐོད་ཁྲག་བསྣམས། །སྐུ་ལ་རིན་ཆེན་རྒྱན་གྱིས་བརྒྱན། །དགྲ་བོའི་སྲོག་རྩ་གཅོད་པར་བྱེད། །གཤིན་རྗེའི་ཚོགས་ཀྱི་གདུག་པ་འདུལ། །གསུང་མཆོག་ཁྱེད་ལ་ཕྱག་འཚལ་བསྟོད། ཧཱུྃ་ཐུགས་ཀྱི་མགོན་པོ་སྒྲོལ་བྱེད་ནི། །སྐུ་ནི་རྔམ་བརྗིད་མཐིང་ནག་ལ། །ཕྱག་གཉིས་གྲི་གུག་ཐོད་ཁྲག་འཛིན། །སྡང་བྱེད་དགྲ་བོ་འགུགས་ཅིང་གསོད། །མ་མོའི་ཚོགས་ཀྱི་གདུག་པ་འདུལ། །ཐུགས་མཆོག་ཁྱོད་ལ་ཕྱག་འཚལ་བསྟོད། །ལྷ་དམག་བྱེ་བའི་ཚོགས་རྣམས་ནི། །དགྲ་བགེགས་བསྒྲལ་བའི་དོན་ཆེད་དུ། །ཞལ་ནས་ཆ་སྒྲ་དི་རི་རི། །བར་ཆད་བཟློག་པའི་ལས་མཛོད་ཅིག །ཕྱོགས་སྐྱོང་བཅུ་པོ་འཁོར་དང་བཅས། །བཀའ་ཡི་ལྷ་སྲིན་སྡེ་བརྒྱད་དང་། །མཁའ་ལ་རྒྱུ་བ་མ་མོའི་ཚོགས། །འགལ་རྐྱེན་བཟློག་ལ་དངོས་གྲུབ་སྩོལ། །ཡང་སྤྲུལ་ཕོ་ཉའི་ཚོགས་རྣམས་ནི། །མཚོན་ཆ་སྣ་ཚོགས་ཕྱག་ན་བསྣམས། །དགྲ་བོའི་སྲོག་རྩ་གཅོད་ཅིང་གཏུབས། །མི་མཐུན་རྐྱེན་དང་བར་ཆད་བཟློག །མཐུན་པའི་དངོས་གྲུབ་བདག་ལ་སྩོལ། །བཅོལ་པའི་ཕྲིན་ལས་འགྲུབ་པར་མཛོད། བསྟོད་པ་བསྡུས་པ་ནི། ཧཱུཾ་བསྐལ་པ་མེ་ལྟར་འབར་བའི་དབུས། །དུར་ཁྲོད་ཆེན་པོའི་གནས་མཆོག་ནས། །བམ་ཆེན་སྟེང་ན་འགྱིང་བག་ཅན། །དཔལ་ལྡན་མགོན་པོ་ནག་པོ་ལ། །བདུད་དང་དགྲ་བགེགས་བཟློག་པའི་ཕྱིར། །བྱམས་པའི་སེམས་ཀྱིས་མཆོད་འབུལ་བསྟོད། །བཅོལ་པའི་ཕྲིན་ལས་གྲུབ་པར་མཛོད། ཅེས་མགོན་པོ་ཚོགས་བདག་གི་སྟོད་ལས་ཀྱི་རིམ་པ་འདི་ཉིད་ཞུས་དག་གང་ནུས་བགྱིས་ཏེ། འཇིགས་མེད་ཕྲིན་ལས་འོད་ཟེར་གྱིས་བྲིས་པ་འདི་ལ་ཀུན་གྱིས་ཡིད་ཆེས་ཀྱི་གནས་སུ་འཛིན་པར་མཛོད། གསོལ་བ་ནི། ཧཱུྃ་དཔལ་ལྡན་མ་ཧཱ་ཀཱ་ལ་དང་། །འཁོར་དང་བཀའ་ཉན་ལྷ་ཚོགས་ལ། །དངོས་གྲུབ་སྙན་དུ་གསོལ་བ་ནི། །རྡོ་རྗེའི་ཚེ་དང་མི་བརྗེད་གཟུངས། །ཐོགས་པ་མེད་པའི་ཤེས་རབ་སོགས ། །སྐུ་གསུང་ཐུགས་ཀྱི་དངོས་གྲུབ་སྩོལ། །མ་ཧཱ་ཀཱ་ལའི་ཞལ་མཐོང་ཤོག །གསུང་ཐོས་ཇི་བཞིན་དངོས་གྲུབ་ཐོབ་པར་ཤོག །འཁོར་རྣམས་དར་ཞིང་རིགས་རྒྱུད་འཕེལ་བར་ཤོག །བར་ཆད་རྐྱེན་བགེགས་ཞི་ཞིང་མེད་པར་ཤོག །བེའུ་ལུག་འབྲི་ཟས་གཟི་མདངས་རྒྱས་པར་ཤོག །བདག་ཅག་འཁོར་དང་བཅས་པ་རྣམས། །ཕྱོགས་བཞི་མཚམས་བརྒྱད་གར་འགྲོ་ཡང་། །སྔུན་བསུ་རྒྱབ་སྐྱོལ་སྡོང་གྲོགས་མཛད་དུ་གསོལ། །བསམ་བསྒྲུབ་རེ་སྐོངས་ཉིན་མཚན་མེལ་ཚེ་མཛོད། །ལེགས་པར་ཡག་དང་སྤྲོད་ལ་ཉེས་དང་སྣོལ། །ལུས་དང་གྲིབ་མ་བཞིན་དུ་འགྲོགས་པར་ཤོག །བསྟན་པ་འཇིག་པའི་བདུད་དཔུང་ཞི་བར་ཤོག །དཀྱིལ་འཁོར་མཚམས་དྲལ་བགེགས་རྣམས་ཞི་གྱུར་ཅིག །མུ་གེ་ཡམས་ནད་གོད་ཁ་མེད་པར་ཤོག །ལྷ་མིའི་ལོངས་སྤྱོད་ཕུན་སུམ་ཚོགས་པར་ཤོག །སྒྲིབ་གཉིས་བྱང་ཞིང་ཚོགས་གཉིས་རྫོགས་པར་ཤོག །ཆོས་ཉིད་དོན་རྟོགས་ཆོས་སྐུ་མངོན་གྱུར་ཤོག །བདག་གིས་སྨོན་ལམ་ཅི་བཏབ་འགྲུབ་པར་ཤོག །ཅེས་པས་འདོད་པའི་དོན་ལ་གསོལ་བ་གདབ་པོ། སྤྱི་དོན་གསུམ་པ་རྗེས་ཀྱི་རིམ་པ་ལ་གསུམ་ལས། དང་པོ་དྲག་པོ་དཔལ་ཆེན་འདུས་པའི་གཞུང་བཞིན་ཚོགས་བསྒྲལ་ཡན་བཏང་ནས། བསྐང་བཤགས་རྡོ་རྗེའི་ཐོལ་གླུས་ཐུགས་དམ་བསྐང་བར་བྱའོ། གཉིས་པ་ཚོགས་བདག་གི་བསྐང་བ་དང་། མངའ་གསོལ་གཉིས་ལས། དང་པོ་ནི། ལྡི་རི་ཆོས་གྲགས་ཀྱི་བསྐང་བའི་གཞུང་བཞིན་བསྐང་བ་ནི།

དཔལ་མགོན་ཚོགས་ཀྱི་བདག་པོའི་སྟོད་ལས་ཀྱི་འདོན་འགྲིགས་དངོས་གྲུབ་རྒྱ་མཚོའི་གཏེར་མཛོད།

༄༅། དཔལ་མགོན་ཚོགས་ཀྱི་བདག་པོའི་སྟོད་ལས་ཀྱི་འདོན་འགྲིགས་དངོས་གྲུབ་རྒྱ་མཚོའི་གཏེར་མཛོད་ཞེས་བྱ་བ་བཞུགས།

དཔལ་ལྡན་ཚོགས་ཀྱི་བདག་པོའི་སྟོད་ལས་ཀྱི་འདོན་འགྲིགས་དངོས་གྲུབ་རྒྱ་་མཚོའི་གཏེར་མཛོད་ཅེས་བྱ་བ། །བླ་མ་དང་གཉིས་སུ་མེད་པའི་དཔལ་མགོན་ཚོགས་ཀྱི་བདག་པོ་ལ་ཕྱག་འཚལ་ལོ། །སྐུ་ལྔ་ཡེ་ཤེས་ལྔ་དངོས་སྤྱན་རས་གཟིགས། །གདུལ་དཀའི་འགྲོ་ལ་ཆེར་འཁྲོས་ཚོགས་ཀྱི་བདག །རྒྱལ་་བསྟན་བསྲུང་བའི་སྟོབས་ལྡན་ལྷ་ཆེན་ཁྱོད། །བྱང་ཆུབ་བར་གྱི་མགོན་དུ་སྙིང་ནས་བརྟེན། །བསྟན་བསྲུང་བཀའ་སྲོལ་འབྱེད་བསྐུལ་རྣམ་ཐོས་སྲས། །མཐུ་ནུས་བཀའ་བབས་དྷ་ན་སྐྲྀ་ཏ། །ངན་སྔགས་བྷོ་ཌར་བསྒྱུར་མཛད་བཻ་རོ་དང་། །ཆོས་འདིའི་བརྒྱུད་འཛིན་དང་བཅས་བཀའ་དྲིན་རྨད། །ལྡི་རི་ཆོས་གྲགས་ནས་བརྒྱུད་བཀའ་མའི་གཞུང་། །ཆུ་ཕོ་རྟོགས་ལྡན་གྱིས་བཏོན་ཟབ་ཆོས་གཏེར། །འཇམ་དབྱངས་ཀོང་ཚེས་བཀྲལ་བས་ནག་འགྱུར་སྐོར། །སོ་སོར་བསྟན་འགྲོའི་དཔལ་དུ་ངོ་མཚར་ཡང་། །གཞུང་གསུམ་རང་ངོ་མ་འཕྲོད་ཡུལ་སོ་སོའི། །མཁས་དང་བླུན་པོའི་ཕྱག་ལེན་ཟིལ་བའི་ཆབ། །ཕྱོགས་ཞེན་རང་འདོད་རྩི་ཤིང་མགོར་བཀྲམ་པ། །གཅིག་ཏུ་བསྡུ་བའི་སྤོབས་པ་དཀའ་བའི་གནས། །ད་ལྟ་སྔགས་ཆོས་སྤྱི་ཁྱད་པར་དུ། །ནག་པོ་ཆེན་པོའི་ཉམས་ལེན་རློམ་པ་ཕལ། །གླེགས་བམ་ཆེན་པོ་ཀློག་པའི་འདོན་རྩལ་གྱིས། །རབ་འབྱམས་ཕྲིན་ལས་གྲུབ་སྙམ་འཁྲུལ་བའི་ལས། །ཅི་ཕྱིར་ཞེ་ན་གཏེར་ཁ་གོང་འོག་གི། བཀའ་བརྒྱད་གླེགས་བམ་དགུ་དང་བཞི་ཡིན་པས། །ཚང་མ་བཏང་དགོས་སྙམས་བབླུན་ལས་སུ། །དེ་ཕྱིར་བཀའ་གཏེར་ཆུ་བོ་གཅིག་དྲིལ་ནས། །སེལ་མེད་དམ་ཚིག་གཙང་མའི་ཡུར་ལམ་དུ། །ལེགས་དྲངས་སྐལ་བཟང་རྗེས་འཇུག་དད་པའི་གཞི། །རབ་བརླན་ལས་བཞིའི་འབྲས་བཟང་གཡུར་ཟ་བའི། །དངོས་གྲུབ་རྒྱ་མཚོའི་གཏེར་མཛོད་འདི་བསྙེན་ཞིག །དེ་ལ་འདིར་དཔལ་མགོན་ཚོགས་ཀྱི་བདག་པོའི་སྟོད་ལས་ཀྱི་འདོན་འགྲིགས་ཁྲིགས་སུ་བསྡེབ་་པ་ལ་དོན་གསུམ་སྟེ ། །དང་པོ་ཁུངས་དང་ལོ་རྒྱུས། །གཉིས་པ་སྔོན་འགྲོའི་སྟ་གོན། །གསུམ་པ་ཉམས་སུ་བླངས་ཚུལ་ལོ། །དེ་ཡང་སྔོན་མ་གཉིས་གཞན་དུ་གསལ་ལ། །གསུམ་པ་ཉམས་སུ་ལེན་པ་དངོས་ལའང་གཉིས་ཏེ། །དང་པོ་གཉེན་པོ་སྟོབས་ཀྱི་ལྷ་བདག་བསྐྱེད་བསྒྲུབ་པ་དང་། །གཉིས་པ་ཚོགས་ཀྱི་བདག་པོའི་གཞུང་བསྲངས་བའི། །དང་པོ་ནི་དྲག་པོ་དཔལ་ཆེན་འདུས་པའི་བརྒྱུད་འདེབས་ནས་བཟུང་བགེགས་བསྐྲད་གོང་དུ་སྡེ་བརྒྱད་མཆོད་པ་བཏང་། །དེ་ནས་ཆོ་ག་དཀྱུས་བཞིན་བསྙེན་བསྟོད་ཡན་རྫོགས་པར་བྱའོ། །གཉིས་པ་ཚོགས་ཀྱི་བདག་པོའི་གཞུང་དངོས་ལ་འཇུག་པ། །སྔོན་འགྲོ་དངོས་གཞི་རྗེས་སོ། དང་པོ་ལའང་ལྔ་ལས། དང་པོ་དུག་དབྱུང་ནི། །དུག་བམ་བསྲེགས་པ་དཀྱིལ་འཁོར་གྱི་མདུན་དུ་བསྟར་ལ་འདི་སྐད་དོ། ཀྱཻ་དུག་ནི་ཆོ་རེ་ཆེ། །དུག་ནི་འབྲང་རེ་རིང་། །དུག་གི་མེས་པོ་གནམ་ཡིན། །དུག་གི་ཕྱི་མོ་ས་ཡིན། །ཕ་ནི་ཐང་ཕྲོམ་མགོ་བོ་ཆེ། །མ་ནི་ཐར་ནུ་ཞོ་མོ་ཆེ། །བུ་ནི་རེ་ལྗག་སིའུ་ཐུང་། །རྡོ་དུག་མཁར་འོང་དང་། །ས་དུག་བོང་བ་དང་། །ཤིང་དུག་སྟག་མ་དང་། །མེ་དུག་སོལ་བ་དང་། །ལྕགས་དུག་སོ་ཐོག་དང་། །ཆུ་དུག་ན་ཆུ་བཙའ་ཅན་དང་། །དུག་ནག་རིམ་དགུ་འདི་རྣམས་ཀྱིས། །བླ་མ་ཡི་དམ་མཁའ་འགྲོ་རྣམས་ཀྱིས་མི་བཞེད་པ། །ཆོས་སྐྱོང་བསྲུང་མ་རྣམས་ཀྱིས༴ སྟེང་ལྷ་ཁམས་རྣམས་ཀྱིས༴ བར་གཉན་ཁམས་རྣམས་ཀྱིས༴ འོག་ཀླུ་ཁམས་རྣམས་ཀྱིས༴ ས་གཞི་ས་བདག་རྣམས་ཀྱིས༴ ཡུལ་ས་ཟོ་དོར་རྣམས་ཀྱི༴ ལྷ་སྨན་ཀླུ་སྨན་རྣམས་ཀྱི༴ གཏོད་སྡེ་འཁོར་དང་བཅས་པ་རྣམས་ཀྱིས་མི་འདོད་པ་མི་བཞེད་པ་དེ་དག་ཐམས་ཅད་དུག་མར་ཕྱུངས། །ཆགས་མར་བསལ། །བསྒྲེན་མར་བཏོན་ནོ། ཞེས་དང་དེ་ནས། །ཀྱཻ་ལྷ་གཞི་འདི་ལ་དུག་སོང་ན། །རེ་བ་ནག་པོས་དུག་མར་ཕྱུང་། །གཞི་ནས་འདི་ལ་དུག༴ དུག་འབྲས་ནག་པོས༴ ཤ་ཕུད་འདི་ལ༴ ན་རོ་བུ་དགུས༴ ཆང་ཕུད་འདི༴ ན་ཆུ་བཙའ་ཅན་གྱི༴ ལྷ་རྟེན་གསེར་ལ༴ ལྡོང་རོས་སེར་པོས༴ ལྷ་རྟེན་གཡུ་ལ༴ མཐིང་ཤུན་སྔོན་པོས༴ ལྷ་རྟེན་དངུལ༴ ཞ་ཉེ་ནག་པོས༴ ལྷ་རྟེན་དུང་ལ༴ མཐིང་བཞད་མགྲོན་བུས༴ ལྷ་རྟེན་ཤེལ་ལ༴ ལྷང་ཚེར་ཉེ་སྣབས་ཀྱི༴ ལྷ་རྟེན་ལྕགས་ལ༴ སོ་ཐོག་ནག་པོས༴ གཞན་ཡང་མཆོད་རྫས་ཡོ་བྱད་འདི་དག་ལ་རོ་བག་གཤིན་ཆགས་ཅི་ཡོད་པ། །དེ་དག་ཐམས་ཅད་དུག་མར་ཕྱུངས། །དམེ་མུག་ནལ་གསུམ། །སྲིད་པའི་འདྲེ་དགུ །གཙུག་ལག་ཁང་གི་གདོན་བཅུ། །རྩོག་སྨེ་བང་གྲིབ། །མི་བར་ན་ཡངས་ཀྱང་ལྷ་བར་ན་དོག་པ། །ལྷ་བར་ན་ཡངས་ཀྱང་མི་བར་ན་དོག་པ། །རྒྱུ་ཆུང་ཞིང་ཕུད་ཉམས་པ། །ཆེ་ཟིན་བསམ་ནས་ཚུར་ལ་བཅད་པ། །ཆུང་ཟིན་བསམ་ནས་ཕར་ལ་བསྣན་པ། །ལྷ་མིའི་བར་གྱི་བསྒྲེན་འདྲེ། །སྒྲོ་སྨྱུག་བར་གྱི་དྲི་མ་འདྲ་བ། །མཐོ་བགོམ་དམའ་བཅག་ཅི་སོང་བ་ཐམས་ཅད་དུག་ནག་རིམ་དགུ་འདིས་དུག་མར་ཕྱུངས། །ཆགས་མར་བསལ། །བསྒྲེན་མར་བཏོན་ནོ། །ཡུག་མར་ཕུད་དོ། གཉིས་པ་ཞུད་ཕྱུང་ལང་། ཏིང་ལོ། ཆང་བུ། ཐེབ་ཀྱུ། ཤིང་ནག རེ་ནག་དུམ་བུ་སིངས་པོ་སྦང་མ་ཀུན་དཀྱིལ་འཁོར་རང་མཐོང་སར་ཕྱར། ཧཱུྃ་རྡོ་རྗེའི་བྲག་གི་གདན་སྟེང་ནས། །མདུང་དང་རལ་གྲི་གཤིབས་པའི་ཕོ་བྲང་ནས། །དཔལ་ལྡན་མགོན་པོ་ནག་པོ་ནི། །སྐུ་མདོག་མཐིང་ནག་འབར་བ་ལ། །ཞལ་གཅིག་ཕྱག་གཉིས་སྤྱན་གསུམ་པ། །སྐུ་ལ་དར་ནག་འཇོལ་བེར་ཀླུབས། །ཕྱག་ན་གྲི་དང་ཐོད་པ་བསྣམས། །དབུ་ལ་དར་ནག་ཐོད་དུ་བཅིངས། །ཞལ་ནས་ཧཱུྃ་དང་ཕཊཿསྒྲ་སྒྲོགས། འཁོར་དུ་མགོན་དམག་འབུམ་གྱིས་བསྐོར། །ལས་སུ་སངས་རྒྱས་བསྟན་པ་བསྲུངས། །སྨན་ཕུད་གཏོར་མ་འདི་བཞེས་ལ། །གྲིབ་དང་ཉམས་ཆག་ཡོད་གྱུར་ན། །དར་དང་དུང་ཆེན་རྔ་བོ་ཆེ། །སྨན་དང་རཀྟ་སྐྱེམས་ཕུད་དང་། །གྲི་རྐང་གྲི་རྡོས་ཞུད་མར་ཕྱུང་། །ཞུད་མར་ཕྱུང་ངོ་ཕྲིན་ལས་མཛོད། །རྣལ་འབྱོར་སྐུ་ཚེ་བསྲིང་བ་དང་། །དགྲ་བོ་བསྒྲལ་བའི་ཕྲིན་ལས་མཛོད། །ཚོགས་བདག་ཡབ་ཡུམ་སྲས་བཅས་དང་། །བཀའ་ཉན་ཕོ་ཉའི་ཚོགས་དང་བཅས། །གྲིབ་དང་ཉམས་ཆག་ཡོད་གྱུར་ན། །དར་དང་དུང་ཆེན་རྔ་བོ་ཆེ། །སྨན་དང་རཀྟ་སྐྱེམས་ཕུད་དང་། །གྲི་རྐང་གྲི་རྡོས་ཞུད་མར་ཕྱུངས། །ཞུད་མར་ཕྱུང་ངོ་ཕྲིན་ལས་མཛོད། །རྣལ་འབྱོར་སྐུ་ཚེ་བསྲིང་བ་དང་། །དགྲ་བོ་བསྒྲལ་བའི་ཕྲིན་ལས་མཛོད། །ཡོན་བདག་འདི་ཡི་རྐྱེན་རྣམས་ཀུན། །མགོན་པོ་ཁྱོད་ཀྱིས་བཟློག་ཏུ་གསོལ། །རོ་གྲིབ་རོ་བག་དམེ་གྲིབ་དང་། །རྩོག་པ་ཅི་སོང་ཐམས་ཅད་དང་། །སྦག་སྦོག་ཅི་སོང་ཐམས་ཅད་ཀུན། །ཙན་དན་ཆུ་ཡིས་བཀྲུ་རུ་གསོལ། །རམ་ཡཾ་ཁཾ་གིས་བཀྲུ་རུ་གསོལ། །སྨན་མཆོད་འདི་ཡིས་སྦྱོང་དུ་གསོལ། །གྲི་རྐང་གྲི་རྡོས་སྦྱོང་དུ་གསོལ། །དར་ནག་པན་གྱིས་སྦྱང་དུ་གསོལ། །རྫས་རྣམས་སྒོ་འམ་དམ་ནམ་མཁའ་མཐོངས་སར་བསྐྱལ། །མགོན་པོའི་ཞུད་ཕྱུང་འདི་མེད་ན་མདའ་ལ་མདེ་འུ་མེད་པ་དང་འདྲའོ། །འདི་ཡོད་ན་རོ་ཁུར་བ། །རོ་བསྲེག་པ། །དམེ་རྨུག་ནལ་གསུམ་ཅི་བྱེད་ཀྱང་ཞུད་མི་སྲིད་དོ། གྲི་རྡོ་གཞིའི་ཞབས་སུ་བཞག་གོ། གསུམ་པ་ཁྲུས་ལ་ཆུ་གཙང་གིས་དཀྱིལ་འཁོར་གྱི་རྫས་དང་ཡོ་བྱད་རྣམས་ལ་བྲན་ནས། ཀྱཻ་དག་བྱེད་གཙང་མའི་ཆུ་གཙང་འདི། །ཤར་ཕྱོགས་སེང་གེ་དཀར་མོའི་ཁ་ནས་འབབ་པའི་ཆབ། །ལྷོ་ཕྱོགས་གཡུ་འབྲུག་སྔོན་མོའི་ཁ་ནས་འབབ་པའི་ཆབ། །ནུབ་ཕྱོགས་རྨ་བྱ་དམར་པོའི་ཁ་ནས་འབབ་པའི་ཆབ། །བྱང་ཕྱོགས་རུས་སྦལ་རྒྱ་བོའི་ཁ་ནས་འབབ་པའི་ཆབ། །གཙང་ཆབ་ཆེན་པོ་འདི་དག་གིས། །བླ་མ་ཡི་དམ་མཁའ་འགྲོའི་ཚོགས་ལ་སྐུ་ཁྲུས་གསོལ། །མི་གཙང་དྲི་མ་དག་གྱུར་ཅིག །ཆོས་སྐྱོང་བསྲུང་མའི་ཚོགས་ལ་སྐུ་ཁྲུས་གསོལ། །མི་གཙང་དྲི་མ་དག༴ སྟེང་ལྷ་ཁམས་རྣམས་ལ༴ མི་གཙང་དྲི་མ་དག༴ བར་གཉན་ཁམས་རྣམས་ལ༴ མི་གཙང་དྲི་མ༴ འོག་ཀླུ་ཁམས་རྣམས་ལ་སྐུ་ཁྲུས་གསོལ། །མི་གཙང་དྲི་མ་དག་གྱུར༴ ས་གཞི་ས་བདག་རྣམས་ལ་སྐུ་ཁྲུས་གསོལ། །མི་གཙང་དྲི་མ༴ ཡུལ་ལྷ་གཞི་བདག་རྣམས་ལ༴ མི་གཙང་དྲི་མ་དག༴ ཟོ་དོར་ལྷ་སྨན་ཀླུ་སྨན་རྣམས་ལ༴ མི་གཙང་དྲི་མ་དག་གྱུར་ཅིག །ༀ་སྭཱ་བྷ་ཝ་སོགས་ནས་ཤུ་དྷོ་྅ཧཾ། དེ་དག་ནི་སྔོན་དུ་དགོས་པའི་རིམ་པའོ། བཞི་པ་དཔལ་མགོན་ཚོགས་ཀྱི་བདག་པོའི་བརྒྱུད་པའི་གསོལ་འདེབས་བྱིན་རླབས་སྤྲིན་ཕུང་ཞེས་བྱ་བ་བཞུགས་སོ། །སྐུ་གསུམ་ངོ་བོ་འཕགས་མཆོག་པད་དཀར་འཆང་། །གདུལ་དཀའ་འདུལ་བྱེད་དཔལ་མགོན་ནག་པོ་ཆེ། །ཆོས་འདི་འགྲོ་ལ་སྟོན་བསྐུལ་རྣམ་ཐོས་སྲས། །གསོལ་བ་འདེབས་སོ་མཐུ་ནུས་དངོས་གྲུབ་སྩོལ། །ནུས་མཐུའི་བཀའ་བབས་དྷ་ན་སཾ་སྐྲྀ་ཏ། །ངན་སྔགས་བྷོ་ཊར་བསྒྱུར་མཛད་བཻ་རོ་རྗེ། །སློབ་མ་ཆོས་རྒྱལ་ཁྲི་སྲོང་ལྡེའུ་བཙན་སོགས། །གསོལ་བ་འདེབས་སོ་མཐུ་ནུས༴ གཞན་ཡང་ཉང་སྟོན་ཤ་མི་གོ་ཆ་དང་། །མདོ་གཞེར་ནག་པོ་སྲས་མོ་གཡུ་གཞེར་ཞེས། །མཁའ་འགྲོ་བྷ་རག་སིང་ཧ་གཡུ་སྒྲ་སྙིང་། །གསོལ་བ་འདེབས་སོ་མཐུ་ནུས་དངོས་གྲུབ་སྩོལ། །ཁྱད་པར་དྲག་སྔགས་གསང་བ་སྤུ་གྲི་ཡི། །བཀའ་བབས་ལྡི་རི་ཆོས་ཀྱི་གྲགས་པའི་ཞབས། །གང་ལས་དྲིན་ཐོབ་སྔགས་འཆང་སུམ་ཅུ་ལ། །གསོལ་བ་འདེབས་སོ་མཐུ་ནུས་དངོས་གྲུབ་སྩོལ། །རོལ་བའི་རྡོ་རྗེ་གུ་རུ་དཔའ་བོ་རྗེ། །རརྣ་བཛྲ་ཆོས་ཀྱི་རྡོ་རྗེ་དང་། །བློ་གྲོས་རྒྱལ་མཚན་ཤཱཀྱ་དྷྭ་ཛ་ལ། །གསོལ་བ་འདེབས་སོ་མཐུ༴ ཤེས་རབ་སེང་གེ་དགེ་འདུན་རྒྱལ་མཚན་རྗེ། །ཆུ་ཕོ་རྟོག་ལྡན་བྲག་སེང་གུ་རུ་དང་། །དཔལ་ལྡན་བཟང་པོ་དངོས་གྲུབ་རྒྱལ་མཚན་ལ། །གསོལ་བ༴ བཟང་པོ་རྒྱལ་མཚན་རྡརྨཱ་བཛྲ་སོགས། །ཚོགས་ཀྱི་བདག་པོ་བཀའ་མ་བརྒྱུད་པ་ཡི། །དཔལ་མགོན་བླ་མ་དམ་པའི་ཚོགས་རྣམས་ལ། །གསོལ་བ་འདེབས་སོ༴ ཡང་ཅིག་བཻ་རོས་མ་འོངས་འགྲོར་ཕན་ཕྱིར། །འབྲོང་རི་སྨུག་པོར་སྦས་པའི་ཟབ་གཏེར་ཆོས། དཔལ་མགོན་ཚོགས་བདག་ཡིད་བཞིན་དབང་གི་རྒྱལ། །གསོལ་བ་འདེབས་སོ༴ གཏེར་མཛོད་སྒོ་འབྱེད་ཆུ་ཕོ་རྟོག་ལྡན་རྗེ། །ཆོས་བདག་བླ་ནག་དགེ་འདུན་རྒྱལ་མཚན་དང་། །གང་དེའི་དབོན་པོ་དཀོན་མཆོག་བཟང་པོ་ལ། །གསོལ་བ༴ ཛྙཱ་ན་དྷྭ་ཛ་སློབ་དཔོན་ཡེ་ཤེས་འབུམ། །རྒྱལ་མཚན་རྡོ་རྗེ་བཀའ་བབས་ནམ་མཁའི་མཚན། །བློ་གྲོས་རབ་བརྟན་མཁས་འགྲུབ་ཆོས་འབྱུང་ཞབས། །གསོལ་བ༴ རྒྱལ་མཚན་སེང་གེ་པདྨ་སེང་གེ་དང་། །དཀོན་མཆོག་སེང་གེ་མགོན་པོ་ཡེ་ཤེས་ཞབས། །མགོན་པོ་སེང་གེ་ཡེ་ཤེས་རྒྱལ་མཚན་ལ། །གསོལ་བ༴ གཞན་ཡང་བཀའ་བབས་ནམ་མཁའ་རིན་ཆེན་ནས། །བརྒྱུད་པའི་གྱེས་སོ་གཉིས་ལས་ཁྱད་པར་དུ། །ཀཿཐོག་པ་ཞེས་བཀའ་བབས་དོན་བརྒྱུད་ཀྱི། །མགོན་བླ་མ་ཎི་བཀྲ་ཤིས་རྒྱ་མཚོའི་ཞབས། །གསོལ་བ་འདེབས་སོ༴ ཡང་ཅིག་ནམ་མཁའི་མཚན་དང་མ་ཏིའི་ཞབས། །སྟོན་པ་སེང་གེ་བཀྲ་ཤིས་རིན་ཆེན་ཞེས། །སྦྱིན་པ་བཀྲ་ཤིས་རརྣ་ཀུན་བཟང་ཀློང་། །གསོལ་བ༴ པདྨ་རྒྱ་མཚོ་ལྷུན་གྲུབ་རྒྱ་མཚོ་དང་། །ཨ་འཕན་ཞབས་དང་དྲིན་ཐོབ་སྦྱིན་པ་ཞེས། །གསོལ་བ་འདེབས་སོ་མཐུ་ནུས༴ དེ་གཉིས་གང་ལྟར་ཡང་། །ཚོགས་ཀྱི་བདག་པོ་བཀའ་གཏེར་ཟུང་དག་གི །གདམས་པའི་མཛོད་འཛིན་ཀུན་བཟང་གཞན་ཕན་དང་། །དཔལ་འབྱོར་རྒྱ་མཚོ་རྩ་བའི་བླ་མ་ལ། གསོལ་བ་འདེབས་སོ་མཐུ་ནུས༴ ཡང་བརྒྱུད་སྲོལ་ཆ་ཚང་བའི་ཕྱིར་དུ་ནག་འགྱུར་བཀའ་གཏེར་གཉིས་ཀྱི་གསོལ་འདེབས་མདོར་བསྡུས་འདོན་པར་སྤྲོ་ན། །མ་ཧཱ་ཙི་ནའི་ཡུལ་ནས་ཡར་དར་བའི། །ནག་འགྱུར་སྲོལ་འབྱེད་འཕགས་པ་འཇམ་པའི་དབྱངས། །ཀོང་ཚེ་འཕྲུལ་གྱི་རྒྱལ་པོ་སྤྲུལ་པའི་སྐུ། །གསོལ་བ་འདེབས་སོ༴ འཕྲུལ་གྱི་མི་བདུན་ཧ་ར་ནག་པོ་དང་། །བཻ་རོ་ཙ་ན་ལ་སོགས་ནག་འགྱུར་གྱི། །བཀའ་མ་བརྒྱུད་པའི་སྔ་མ་ཐམས་ཅད་ལ། །གསོལ་བ་འདེབས་སོ༴ ཟབ་གཏེར་རྒྱལ་རོང་རི་བོ་སི་ཏ་རར། །མགོན་པོ་གཏོ་ཕུག་ལ་སོགས་འསྔམ་དཔལ་གྱིས། །སྦས་པ་བཻ་རོས་བཏོན་པའི་གཏེར་བརྒྱུད་ལ། །གསོལ་བ་འདེབས་སོ༴ དེ་ཡང་ལྡི་རི་ཆོས་ཀྱི་གྲགས་པ་ནས། །རིམ་པར་བརྒྱུད་དེ་ལམ་འདིའི་སྨིན་གྲོལ་གྱི། །དྲིན་ཐོབ་ཇ་མ་དམ་པའི་ཚོགས་བཅས་ལ། །གསོལ་བ་འདེབས་སོ་མཐུ་ནུས་དངོས་གྲུབ་སྩོལ། །དེ་ལྟར་དཀར་འགྱུར་ནག་འགྱུར་བཀའ་གཏེར་ཐམས་ཅད་ཀྱི་བརྒྱུད་འདེབས་མཐར། །ཐུན་མོང་གི་སྨོན་ལམ་ནི། །དེ་ལྟར་གསོལ་བ་བཏབ་པའི་མཐུ་བྱིན་གྱིས། །སྨིན་བྱེད་དབང་གིས་མ་དག་ཐ་བ་བརླན། །གྲོལ་བྱེད་གདམས་པས་བསྙེན་བསྒྲུབ་ལས་སུ་རུང་། །ལས་སྦྱོར་མཐུ་ཡིས་རབ་འབྱམས་ལས་འགྲུབ་ཤོག །བསྐྱེད་རིམ་ལ་བརྟེན་དཔལ་མགོན་ནག་པོ་ཆེའི། །གཙོ་འཁོར་ཡོངས་རྫོགས་མེ་ལོང་གཟུགས་བརྙན་བཞིན། །སྣང་ལ་རང་བཞིན་མེད་པའི་ཞལ་མཐོང་ཞིང་། །རྣམ་བཞིའི་ཕྲིན་ལས་ཐོག་མེད་འགྲུབ་པར་ཤོག །རྫོགས་པའི་རིམ་པས་རྟེན་ཅིང་འབྲེལ་འབྱུང་ཆོས། །ཡོད་མེད་རྟག་ཆད་མུ་བཞིའི་མཐར་གྲོལ་ཏེ། །དོན་དམ་འགྱུར་མེད་ཆོས་ཉིད་མགོན་པོའི་ཞལ། །མངོན་མཐོང་བསི་བདེན་པ་ཐོབ་པར་ཤོག། །འབོད་པའི་ནུས་པས་མགོན་པོ་དབང་དུ་ཁུག །རྦད་པས་དགྲ་སྡེ་དགུགས་བསྒྲལ་བསྲེགས་མནན་འགྲུབ། །བསད་པས་བླ་ཚེ་སྲོག་དབུགས་ཕུང་ཁམས་གཞིག །མངོན་སྤྱོད་ཕྲིན་ལས་མཐར་ཕྱིན་མཐུ་ཐོབ་མཛོད། །བསྲེག་པའི་ལས་ཀྱིས་གང་དམིགས་ལྷག་མེད་ཚིག །བཟློག་པས་རྐྱེན་ངན་རླུང་གིས་ཕྱེ་གཏོར་བཞིན། །འཕངས་བས་དགྲ་སྡེ་ཁང་རུལ་སྒྱོགས་ཕོག་ལྟར། །མནན་པས་ནམ་ཡང་ལྡང་མེད་སྟོབས་ལྡན་མཛོད། །མདོར་ན་བྱང་ཆུབ་སྙིང་པོ་མ་ཐོབ་པར། །དཔལ་མགོན་ཁྱོད་དང་མི་འབྲལ་དམ་ཚིག་གིས། །འཕྲལ་ཕུགས་ཀུན་དུ་འགལ་རྐྱེན་མི་འབྱུང་ཞིང་། །མཐུན་རྐྱེན་ཕུན་ཚོགས་བསྟན་འགྲོར་ཕན་ནུས་ཤོག །མགོན་པོ་ཚོགས་བདག་གི་བྱིན་འབེབ་བསྡུས་པ་ནི། །སྤོས་བསྲེགས། །རོལ་མོ་བསྒྲགས། །བདུད་རྩི་བྲན་གདུང་བའི་དབྱངས་ཀྱིས་འདི་སྐད་དོ། །ཧཱུྃ་བྱིན་ཆེན་ངོ་མཚར་ཁྱད་པར་འཕགས་པའི་མཆོག །ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས། །སྤྲུལ་སྐུ་ཚོགས་བདག་མགོན་པོ་ཆེན་པོ་ཡི། །སྒྲུབ་པའི་དཀྱིལ་འཁོར་འདི་ལ་བྱིན་ཕོབ་ཅིག །ཧཱུྃ་བྱིན་ཆེ་ན་ངོ་མཚར་ཁྱད་པར་འཕགས་པའི༴ རྣམ་པར་རྒྱལ་བའི་ཁང་བཟང་གནས་མཆོག་ནས། །ཨར་མོ་ལི་ཀའི་རྡོ་ལེབ་གདན་སྟེང་ནས། །ཚོགས་བདག་མགོན་པོ་ཡབ་ཡུམ་འཁོར་བཅས་རྣམས། །སྒྲུབ་པའི་དཀྱིལ་འཁོར་འདི་ལ་བྱིན་ཕོབ༴ ཧཱུྃ་བྱིན་ཆེན་ངོ་མཚར་ཁྱད་པར་འཕགས་པའི༴ མཚོ་ཆེན་མུ་ལེ་ཏིང་གི་ནང་ཤེད་ན། །ཐོད་པ་དགུ་བརྩེགས་བསེ་ཡི་སྐུ་མཁར་ནང་། །རྒྱུད་མགོན་ལེགས་ལྡན་འཁོར་དང་བཅས་པ་རྣམས། །སྒྲུབ་པའི་དཀྱིལ་འཁོར་འདི་ལ་བྱིན༴ ཧཱུྃ་བྱིན་ཆེན་ངོ་མཚར་ཁྱད་པར་འཕགས་པའི༴ མེ་རླུང་འཚུབས་མ་འཁྱིལ་བའི་ཀློང་དཀྱིལ་ནས། །མ་མོ་ཆེན་མོ་ཡུམ་ཆེན་བཻ་ཏ་ལི། །སྒྲུབ་པའི་དཀྱིལ་འཁོར༴ ཧཱུྃ་བྱིན་ཆེན་ངོ་མཚར་ཁྱད་པར༴ གྲུ་གསུམ་ཟླ་གམ་གསུམ་གྱི་གདན་སྟེང་ནས། །སྐུ་གསུང་ཐུགས་ཀྱི་མགོན་པོ་འཁོར་བཅས་རྣམས། །སྒྲུབ་པའི་དཀྱིལ་འཁོར་འདི་ལ་བྱིན་ཕོབ༴ ཧཱུྃ་བྱིན་ཆེན་ངོ་མཚར༴ ཕྱོགས་བཅུའི་དགྲ་བོ་བསྒྲལ་བའི་གདན་སྟེང་ནས། །ཕྱོགས་བཅུའི་མགོན་པོ་འཁོར་དང་བཅས་པ་རྣམས། །དམ་ཉམས་དགྲ་བོ་འདུལ་ཕྱིར་བྱིན་ཕོབ༴ ཧཱུཾ་བྱིན་ཆེན་ངོ་མཚར༴ དཀྱིལ་འཁོར་ཆེན་པོའི་ཕྱི་རོལ་གནས་བརྒྱད་ནས། །སྡེ་བརྒྱད་མགོན་པོ་འཁོར་དང་བཅས་པ་རྣམས། །དམ་ཉམས་དགྲ་བོ་འདུལ་ཕྱིར་བྱིན༴ ཧཱུྃ་བྱིན་ཆེན་ངོ་མཚར་ཁྱད་པར་འཕགས་པའི་མ ཆོག །དཀྱིལ་འཁོར་ཆེན་པོའི་བར་ཁྱམས་ཁོར་ཡུག་ནས། །དཔལ་མགོན་བདུན་ཅུ་ལྷ་དམག་བྱེ་བའི་ཚོགས། །དམ་ཉམས་དགྲ་བོ་འདུལ་ཕྱིར་བྱིན་ཕོབ་ཅིག །མཆོག་དང་ཐུན་མོང་དངོས་གྲུབ་སྩལ་དུ་གསོལ། །དཔལ་ལྡན་མགོན་པོའི་བྱིན་འབེབས་རྫོགས་སོ། དེ་ལྟར་དཔལ་མགོན་ཚོགས་ཀྱི་བདག་པོའི་གསོལ་འདེབས་བྱིན་རླབས་སྤྲིན་ཕུང་ཞེས་བྱ་བ་འདི་ནི་ཁུངས་ལྡན་གྱིས་བརྒྱུད་རིམ་ཁ་ཤས་ལ་གཞི་བྱས་རྣམ་དཔྱོད་དཔྱད་གསུམ་ཀྱིས་ཞིབ་བརྟགས་བྱས་ཁུལ་གྱིས་བཀོད་པའོ། ལྔ་བ་བྱིན་དབབ་པ་ནི། སྤོས་རོལ་གྱིས་མདུན་བསུས་ཏེ། ཧཱུྃ་བྱིན་ཆེན་ངོ་མཚར་ཁྱད་པར་འཕགས། །ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས། །སྤྲུལ་སྐུ་ཚོགས་བདག་མགོན་པོ་འཁོར་བཅས་རྣམས། །དམ་ཉམས་དགྲ་བགེགས་བསྒྲལ་ཕྱིར་བྱིན་ཕོབ་ཅིག །ཧཱུྃ་བྱིན་ཆེན་ངོ་མཚར༴ རྣམ་པར་རྒྱལ་བའི་ཁང་བཟང་ན། །ཨ་མོ་ལི་ཀའི་གདན་སྟེང་ནས། །ཚོགས་ཀྱི་བདག་པོ་ཡབ་ཡུམ་འཁོར་དང་བཅས། ། དམ་ཉམས་དགྲ་བགེགས་བསྒྲལ་ཕྱིར༴ ཧཱུྃ་བྱིན་ཆེན་ངོ་མཚར༴ མཚོ་མུ་ལེ་ཏིང་གི་ནང་ཤེད་ན། །ཐོད་པ་དགུ་བརྩེགས་བསེ་ཡི་སྐུ་མཁར་ནས། །ལེགས་ལྡན་མགོན་པོ་འཁོར་དང་བཅས་པ་རྣམས། །དམ་ཉམས་དགྲ་བགེགས༴ ཧཱུཾ་བྱིན་ཆེན་ངོ་མཚར༴ བསིལ་བ་ཚལ་གྱི་དུར་ཁྲོད་ཆེན་པོ་ནས། །མགོན་པོ་ཕྱག་དྲུག་ལྷ་ཚོགས་འཁོར་བཅས་རྣམས། །དམ་ཉམས་དགྲ་བགེགས་བསྒྲལ་ཕྱིར་བྱིན་ཕོབ་ཅིག །ཧཱུྃ་བྱིན་ཆེན་ངོ༴ ཧ་ཧ་རྒོད་པའི་དུར་ཁྲོད་ཆེན་པོ་ནས། །བྲག་རི་ཟུར་གསུམ་བརྩེགས་པའི་སྐུ་མཁར་ནས། །ཞལ་བཞི་མགོན་པོའི་ལྷ་ཚོགས་འཁོར་བཅས་རྣམས། །དམ་ཉམས་དགྲ་བགེགས་བསྒྲལ༴ ཧཱུཾ་བྱིན་ཆེན༴ རླུང་ནག་འཚུབས་མའི་གུར་གྱི་གཞལ་ཡས་ནས། །སྐུ་གསུང་ཐུགས་སྤྲུལ་མ་ནིང་མགོན་པོའི་ཚོགས། །དམ་ཉམས་དགྲ་བགེགས༴ ཧཱུྃ་བྱིན་ཆེན༴ མ་རུང་གདུག་པ་འདུལ་བའི་གདན་སྟེང་ནས། །རྣམ་སྣང་སྐུ་སྤྲུལ་གུར་གྱི་མགོན་པའི་ཚོགས། དམ་ཉམས༴ ཧཱུྃ་བྱིན་ཆེན་ངོ་མཚར༴ བམ་གྱི་ཁོག་པ་རླུང་ནག་འཚུབ་པའི་ནང་། །བདུད་མགོན་དྲག་ཤ་ནག་པོ་མགོན་པོ་རྗེ། །དམ་ཉམས༴ ཧཱུྃ་བྱིན་ཆེན༴ མེ་རླུང་འཚུབས་དཀྱིལ་གྲུ་གསུམ་དམར་ནག་སྟེང་། །མ་མོ་ཆེན་མོ་ཡཀྴ་བཻ་ཏ་ལི། །དམ་ཉམས༴ ཧཱུྃ་བྱིན་ཆེན་ངོ་མཚར༴ གྲུ་གསུམ་དམར་ནག་འབར་བའི་གཞལ་ཡས་ནས། །གཏུམ་བྱེད་སྐུ་ཡི་མགོན་པོ་འཁོར་བཅས་རྣམས། །དམ་ཉམས༴ ཧཱུྃ་བྱིན་ཆེན་ངོ༴ གྲུ་གསུམ་མཐིང་ནག་འབར་བའི་གཞལ་ཡས་ནས། །གསོད་བྱེད་གསུང་གི་མགོན་པོ་འཁོར་བཅས་རྣམས། །དམ་ཉམས༴ ཧཱུྃ་བྱིན་ཆེན༴ གྲུ་གསུམ་ལྗང་ནག་འབར་བའི་གཞལ་ཡས་ནས། །སྒྲོལ་བྱེད་ཐུགས་ཀྱི་མགོན་པོ་འཁོར་བཅས་རྣམས། །དམ་ཉམས༴ ཧཱུྃ་བྱིན་ཆེན་ངོ༴ དགྲ་བགེགས་ཕོ་མོའི་རོ་ཡི་གདན་སྟེང་ན། །ཕྱོགས་བཅུའི་མགོན་པོ་འཁོར་དང་བཅས་པ་རྣམས། །དམ་ཉམས༴ ཧཱུྃ་བྱིན་ཆེན༴ ངང་བ་རྔོག་ནག་ངང་དཀར་སེར་ཆེན་སྟེང་། །དཔལ་རབ་འཆང་དང་ལེགས་ལྡན་མགོན་པོ་གཉིས། །དམ་ཉམས༴ ཧཱུྃ་བྱིན་ཆེན༴ མཚལ་ལུ་རྟིང་དཀར་སེང་གེ་དཀར་མོའི་སྟེང་། །བྲག་ལྷ་མགོན་པོ་རྒྱལ་ཆེན་རྣམ་སྲས་གཉིས། །དམ་ཉམས༴ ཧཱུྃ་བྱིན་ཆེན༴ སྔོན་པོ་ཆུ་རིས་ཁམ་པ་བརྗིད་དཀར་སྟེང་། །ཛམ་བྷ་ལ་དང་ཉི་མའི་སྲས་པོ་གཉིས། །དམ་ཉམས༴ ཧཱུྃ་བྱིན་ཆེན༴ རླུང་ལ་བཅིབས་དང་ཁྱུ་མཆོག་འབར་བའི་སྟེང་། །ཤ་བ་རི་དང་རྣམ་སྣང་མགོན་པོ་གཉིས། །དམ་ཉམས༴ ཧཱུྃ་བྱིན་ཆེན༴ ངང་སེར་རྔོག་ནག་གླང་པོ་ཆེན་པོའི་སྟེང་། །དུང་གི་ཐོར་ཚུགས་རཀྴ་གཟི་འབར་གཉིས། །དམ་ཉམས༴ ཧཱུྃ་བྱིན་ཆེན་ངོ་མཚར༴ ལྷ་གཡག་དཀར་པོ་མ་ཧེ་བཅིབས་པའི་སྟེང་། །ལྷ་ཡི་གཙོ་བོ་ཡ་མ་ར་ཙ་གཉིས། །དམ་ཉམས༴ ཧཱུྃ་བྱིན་ཆེན༴ གཡུ་འབྲུག་སྔོན་པོ་རྟ་ནག་བཅིབས་པའི་སྟེང་། །སྲིད་པའི་རྒྱལ་མོ་རྐོས་རྗེ་དྲངས་དཀར་གཉིས། །དམ་ཉམས༴ ཧཱུྃ་བྱིན་ཆེན་ངོ་མཚར༴ རྟ་དམར་དང་ནི་སེང་གེ་བཅིབས་པའི་སྟེང་། །སྲོག་ཟན་དམར་པོ་བེ་ཀར་རྒྱལ་པོ་གཉིས། །དམ་ཉམས་དགྲ་བགེགས་བསྒྲལ་ཕྱིར་ཕྱིར༴ ཧཱུྃ་བྱིན་ཆེན༴ སྟག་དང་ཆུ་སྲིན་རྔམ་པའི་གདན་སྟེང་ནས། །ཀཱ་ལ་ཡཀྴ་ཀླུ་ུབདུད་མགོ་དགུ་གཉིས། །དམ་ཉམས༴ ཧཱུྃ་བྱིན་ཆེན༴ སེང་གེ་དཀར་མོ་བ་གླང་སྔོན་པོའི་སྟེང་། །ཡུལ་འཁོར་སྲུང་དང་འཕགས་སྐྱེས་མགོན་པོ་གཉིས། །དམ་ཉམས༴ ཧཱུྃ་བྱིན་ཆེན༴ ཆུ་སྲིན་སྔོན་པོ་སེང་གེ་དཀར་མོའི་སྟེང་། །སྤྱན་མི་བཟང་དང་རྒྱལ་ཆེན་རྣམ་སྲས་གཉིས། །དམ་ཉམས༴ ཧཱུྃ་བྱིན་ཆེན་ངོ་མཚར༴ དྲག་པོའི་མགོན་པོ་ཕྱོགས་སྐྱོང་བཅུ། །བརྒྱ་བྱིན་གླང་ཆེན་སྟེང་ན་རྡོ་རྗེ་བསྣམས། །དྲི་ཟའི་དམག་ཚོགས་བྱིན་ཕོབ་ཅིག །ཧཱུྃ་བྱིན་ཆེན༴ གཤིན་རྗེས་ཆུ་གླང་སྟེང་ན་དབྱུག་པ་འཕྱར། །གཤིན་རྗེའི་དམག་ཚོགས་བྱིན༴ ཧཱུྃ་བྱིན་ཆེན༴ མེ་ལྷས་ར་སྐྱེས་སྟེང་ན་མེ་ཐབ་འཛིན། །མེ་ལྷའི་དམག་ཚོགས་བྱིན༴ ཧཱུྃ་བྱིན་ཆེན་ངོ་མཚར༴ སྲིན་པོས་རྟ་དམར་སྟེང་ན་རལ་གྲི་བསྣམས། །སྲིན་པོའི་དམག་ཚོགས་བྱིན༴ ཧཱུྃ་བྱིན་ཆེན་ངོ་མཚར༴ ཆུ་ལྷས་ཆུ་སྲིན་སྟེང་ན་སྦྲུལ་ཞགས་སྣམས། །ཆུ་ལྷའི་དམག་ཚོགས་བྱིན༴ ཧཱུྃ་བྱིན་ཆེན༴ རླུང་ལྷས་ཤྭ་བའི་སྟེང་ན་བ་དན་ཕྱར། །རླུང་ལྷའི་དམག་ཚོགས་བྱིན༴ ཧཱུྃ་བྱིན་ཆེན༴ སེང་གེའི་སྟེང་ན་གནོད་སྦྱིན་དབྱུག་པ་འཕྱར། །གནོད་སྦྱིན་དམག་ཚོགས་བྱིན༴ ཧཱུྃ་བྱིན་ཆེན༴ གླང་རྒོད་སྟེང་ན་འབྱུང་པོས་རྩེ་གསུམ་འཛིན། །འབྱུང་པོའི་དམག་ཚོགས་བྱིན༴ ཧཱུྃ་བྱིན་ཆེན་ངོ་མཚར༴ རྟ་དམར་སྟེང་ན་ཉི་མ་སེར་པོས་པདྨ་བསྣམས། །ཉི་མའི་དམག་ཚོགས་བྱིན༴ ཧཱུྃ་བྱིན་ཆེན༴ ངང་པའི་སྟེང་ན་ཟླ་བ་དཀར་པོས་ཨུཏྤལ་འཛིན། །ཟླ་བའི་དམག་ཚོགས་བྱིན༴ ཧཱུྃ་བྱིན་ཆེན༴ ཕག་རྒོད་སྟེང་ན་ས་ཡི་ལྷ་མོས་བུམ་པ་འཛིན། །ས་བདག་དམག་ཚོགས་བྱིན༴ ཧཱུྃ་བྱིན་ཆེན་ངོ་མཚར་ཁྱད་པར་འཕགས། །བསྟན་སྐྱོང་གཉན་པོ་ཁྱེད་རྣམས་ཀྱིས། །དཀྱིལ་འཁོར་འདི་ལ་བྱིན་ཕོབ་ཅིག །རྣལ་འབྱོར་བདག་གི་བར་ཆད་སོལ། །མཆོག་དང་ཐུན་མོང་དངོས་གྲུབ་སྩོལ། ཞེས་པས་གནས་དང་ཡོ་བྱད་སྒྲུབ་པ་པོ་དང་བཅས་པ་ཐམས་ཅད་ལ་བྱིན་ཕབ་ནས་དཔལ་ནག་པོ་ཆེན་པོའི་མཐུ་སྟོབས་ནུས་གསུམ་བསྒྲུབ་པ་ལ་རང་དབང་བསྒྱུར་བར་བསམ་མོ། སྤྱི་དོན་གཉིས་པ་དངོས་གཞི་གཞུང་བསྲངས་བ་ལ་རྣམ་གྲངས་དགུ་སྟེ། དང་པོ་རྟེན་གཞལ་ཡས་ཁང་གདན་དང་བཅས་པ་བསྐྱེད་པ་ནི། ༀ་སྭ་བྷཱ་ཝ་ཤུདྷཿསརྦ་དྷརྨཱཿསཱ་བྷཱ་ཝ་ཤུདྷོ྅ཧཾཿ མདུན་གྱི་རྫས་རྣམས་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་རང་ཉིད་ཡི་དམ་གྱི་ཐུགས་ཀ་ནས་ཏྲཾཿགཅིག་སྤྲོས་པ་འོད་དུ་ཞུ་བ་ལས་རིན་པོ་ཆེ་སྣ་བཞི་ལས་གྲུབ་པའི་རི་རབ་དབྱིབས་གྲུ་བཞི་བང་རིམ་གསུམ་དང་ལྡན་པ་དེའི་སྟེང་དུ་པདྨ་རཱ་གའི་ཐིག་བཀྱེས་པའི་ཐོག་ཏུ། བྷྲུཾཿལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་སྒོ་ཁྱུད་དང་ལྡན་པ། །གསེར་གྱི་ཀ་བ་ལ་གཡུའི་གདུང་མ་བྲེས་པ། །རྒྱན་རྟ་བབས་ཆོས་འཁོར་བང་རིམ་ཏོག་དང་རི་དྭགས་གདུགས་དང་བཅས་པའོ། །དེའི་ནང་དུ་ཆོས་བཟང་ལྷའི་འདུན་ས་ཨ་མོ་ལི་ཀའི་རྡོ་ལེབ་མདོག་ཉ་ཕྱིས་ལྟ་བུ ། །དེའི་དབུས་སུ་གྲུ་གསུམ་མཐིང་ནག་ཡངས་ཤིང་རྒྱ་ཆེ་བ། །ནག་ལ་གཏིང་ཟབ་པ། །ནད་ཀྱི་ན་བུན་འཐིབས་པ། །དུག་གི་རླངས་པ་འཕྱོ་བ། །མཚོན་ཆའི་ཆར་འབབ་པ། །སོད་སོད་དང་ཆོད་ཆོད་ཀྱི་སྒྲ་སྒྲོགས་པ། །མ་མོ་དང་མཁའ་འགྲོ་མ་རྣམས་ཀྱི་འདུས། །བཀའི་ལྷ་མ་སྲིན་སྡེ་བརྒྱད་ཀྱི་རྒྱུག་སྲང་། །སྟོད་ན་ཞེ་སྡང་གི་མེ་འབར་བ། །སྨད་ན་འདོད་ཆགས་ཀྱི་ཁྲག་མཚོ་འཁྱིལ་བ། །བར་ན་ཕྲག་དོག་གི་རླུང་ནག་འཚུབས་པ། །གཤིན་རྗེའི་བཤའ་ཁང་ནག་པོ། །རྔམས་འཐུག་ལ་དཔངས་མཐོ་ཞིང་ལོགས་གཟར་བ། །དེའི་ནང་དུ་ལྕགས་སྲེག་ངར་མའི་ས་གཞི་ཆེན་པོའི་སྟེང་དུ་ནྲྀཿཡོངས་སུ་གྱུར་པ་ལས། །དགྲ་བོ་གན་རྐྱལ་དུ་མགོ་ཚུར་བསྟན་ཏེ་རྐང་པ་ཕྱིར་བརྐྱངས་བ། །ཁ་ནས་སྨྲེ་སྔགས་སྣ་ཚོགས་འདོན་པ། །གཅེར་བུ་མགོན་སྐྱབས་མེད་པར་འདར་ཕྲི་ལི་ལི་བྱེད་པ། དེའི་ཐོག་ཏུ་གནམ་ལྕགས་ཀྱི་འཁོར་ལོ་རྩིབས་བརྒྱད་པ་དམར་ལྷང་ངེ་བས་བཀབ་པ་ལ་མཚོན་ཆ་སྣ་ཚོགས་ཀྱི་ཆར་མགར་གྱི་ཚ་ཚྭ་ལྟར་འབབ་པ། དེའི་སྟེང་དུ་རྡོ་རྗེ་རྒྱ་གྲམ་ནག་པོས་མནན་པའི་ལྟེ་བའི་སྟེང་དུ་ཀཱ་ཡ་ཝཱཀྐ་ཙིརྟ་སྟྭཾ་བྷ་ཡ་ནན། །ར་བཞི་ལ་ༀ་ལམ་ཧཱུྃ་ལམ་སུམ་ལམ་སྟཱམྦྷ་ཡ་ནན་གྱིས་མཚན་པའོ། །དེའི་སྟེང་དུ་སཾཿལས་པདྨ་དམར་པོ་འདབ་མ་བརྒྱད་པ། །དེའི་སྟེང་དུ་ཨཱཿལས་ཟླ་བའི་དཀྱིལ་འཁོར་བསིལ་ཟེར་དང་ལྡན་པ། །དེའི་སྟེང་དུ་མཿལས་ཉི་མའི་དཀྱིལ་འཁོར་ཚ་ངར་དང་ལྡན་པ། གྲུ་གསུ མ་གྱི་རྒྱབ་ཏུ་ཁྲག་གི་ཟླ་གམ་དམར་པོ་གསུམ་དང་ལྡན་པ་ལས་གྲི་གུག་གི་ཕྲེང་བས་བསྐོར་བའོ། དེའི་ཕྱི་རོལ་དུ་འཁོར་ལོ་སྔོན་པོ་རྩིབས་བཅུ་པ་མུ་ཁྱུད་དམར་པོས་བསྐོར་བ། །དེའི་ཕྱི་རོལ་དུ་འཁོར་ལོ་རྩིབས་བརྒྱད་པ་མུ་ཁྱུད་སེར་པོས་བསྐོར་བ། །དེ་རྒྱབ་གྲུ་ཆད་བཞི་ནི༴ ཤར་གྱི་གྲུ་ཆད་དམར་པོ། །ལྷོ་སེར་པོ། །ནུབ་དཀར་པོ། །བྱང་ལྗང་གུ། །མུ་ཁྱུད་དམར་པོས་བསྐོར་བ། དེའི་དབུས་སུ་བྱཱི་ན་ཡ་ག་ཕོ་མོ་ཕྱི་ཆིངས་སུ་བསྣོལ་བའི་སྟེང་དུ། གཉིས་པ་བརྟེེན་པ་དམ་ཚིག་གི་དཀྱིལ་འཁོར་བསྐྱེད་པ་ནི། རང་ཉིད་ཡི་དམ་གྱི་ཐུགས་ཀ་ནས་ཧཱུྃ་མཐིང་ནག་གཅིག་སྤྲོས་ཏེ་བབས། །དེ་ལས་འོད་ཟེར་ཕྱོགས་བཅུར་འཕྲོས་པས་དགྲ་བགེགས་གདུག་པ་ཅན་རྣམས་ཚར་བཅད། །སེམས་ཅན་ཐམས་ཅད་ཀྱི་ལུས་ངག་ཡིད་གསུམ་གྱི་སྒྲིབ་པ་སྦྱངས་ནས། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ལ་མཉེས་པའི་མཆོད་པ་ཕུལ། འཇིག་རྟེན་དང་འཇིག་རྟེན་ལས་འདས་པའི་སྲུང་མ་ཕོ་རྒྱུད་ཐམས་ཅད་ཀྱི་ཐུགས་དམ་གྱི་རྒྱུད་བསྐུ ལ་ནས། དེ་དག་ཐམས་ཅད་ཀྱི་བྱིན་རླབས་ནུས་མཐུ་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་སྲོག་གི་སྙིང་པོ་དང་བཅས་པ་བསྡུས་ནས་ཧཱུྃ་ལ་ཐིམ། ཧཱུྃཿཡོངས་སུ་གྱུར་པ་ལས་ཙན་དན་གྱི་བེང་སྔོན་པོ་ཟུར་བརྒྱད་པའི་ལྟེ་བ་ལ་ཧཱུྃ་མཐིང་ནག་གིས་མཚན་པ། །ཡར་རྩེ་ལ་འབྲུག་སྟོང་ལྡིར་བ། །མར་རྩེ་ལ་གློག་སྟོང་འགྱུ་བ། །ལྕམ་ཞོག་བརྒྱད་ལ་ལྷ་དམག་བྱེ་བ་དུང་ཕྱུར་ཤོང་བ་གཅིག་ཏུ་གྱུར། ༀ་ཤྲཱྀ་མ་ཧཱ་ཀཱ་ལ་ཧཱུཾ་ཕཊཿ ཅེས་བརྗོད་པས། བེང་ཡོངས་སུ་གྱུར་པ་ལས་མགོན་པོ་ལེགས་ལྡན་གྱི་སྲས་མ་ཧཱ་ཀཱ་ལ་མཐུ་བོ་ཆེ། །སྐུ་མདོག་ཆར་སྤྲིན་ནག་པོའི་མདོག་ལྟ་བུ། །ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། །ལྗགས་འདྲིལ་བ་སྨ་ར་དང་སྨིན་མ་ཨག་ཚོམ་ལ་མེ་འབར་བ། །དབུ་སྐྲ་དམར་སེར་གྱེན་དུ་བརྫེས་པ། །སྐུ་གཏུམ་ལ་ཞལ་རྔམ་པ། །སྐུ་ལ་མཚོན་ཆའི་བ་སྤུ་སྐྱེས་པ་གཟི་བརྗིད་དང་ལྡན་པ། །ལྟེ་བ་ཟུར་གསུམ་ཟབ་པ། །དབུ་སྐྲའི་མཚམས་སུ་ཐོད་སྐམ་ལྔ་དང་སྦྲུལ་དང་རིན་པོ་ཆེས་བརྒྱན་པ། །སྟག་ལྤགས་རློན་པས་ཤམ་ཐབས་བྱས་པ། །སྐུ་ལ་དར་ནག་གི་འཇོལ་བེར་གསོལ་བ་ལས་གཡུང་དྲུང་རིས་དང་ཚོམ་བུ་རིས་ཀྱི་མེ་ཏོག་བཀྲ་བ། །གསེར་དང་རིན་པོ་ཆེའི་སྐ་རགས་བཅིངས་པ། །ཞབས་ལ་སག་ཏིའི་ལྷྭམ་པོ་ཆེ་མནབས་པ། །ཐོད་རློན་ལྔ་བཅུ་རྩ་གཅིག་གི་ཕྲེང་བ་སེ་རལ་ཁར་ཐོགས་པ། །ཕྱག་གཡས་ཙན་དན་གྱི་བེང་སྔོན་པོ་ཟུར་བརྒྱད་པ་ཕྱར་ཐབས་སུ་བསྣམས་པ། །གཡོན་པས་ཐོད་ཁྲག་ཐུགས་ཀར་འཛིན་པ་བསྐལ་པའི་མེ་རླུང་འཚུབས་མའི་ཀློང་ན་འགྱིང་བག་གི་ཚུལ་དུ་བཞུགས་པ། །དེའི་དུང་ཁང་ནང་དུ་ཟླ་བའི་དཀྱིལ་འཁོར་གྱི་སྟེང་དུ་ༀ་དཀར་པོ། །མགྲིན་པར་པདྨའི་སྟེང་དུ་ཨཱཿདམར་པོ། །ཐུགས་ཀར་ཉི་མའི་སྟེང་དུ་ཙན་དན་གྱི་བེང་སྔོན་པོ་ཚོན་གང་བའི་ལྟེ་བ་ལ་ཧཱུྃཿམཐིང་ནག་གིས་མཚན་པ། དེའི་མཐའ་སྐོར་དུ་ༀ་ཤྲཱྀ་མ་ཧཱ་ཀཱ་ལ་ཧཱུྃ་ཕཊཿམ་ཧཱ་ཀཱ་ལ་སིདྷི་ཡཾ་དུ་ཛ༴ ཅེས་པ་གཡས་སུ་འཁོར་བའོ། །སྤྱི་བོར་ༀ་ལས་པདྨ་ཨ་ལས་ཟླ་བ། །མ་ལས་ཉི་མའི་དཀྱིལ་འཁོར་གྱི་སྟེང་དུ་དགོངས་འདུས་པོ་ཏི་དང་ཕྱག་ན་རྡོ་རྗེ་བཞུགས་པའོ། །དེའི་སྤྱིར་བོར་ༀ་ལས་པདྨ། ཨཱཿལས་ཟླ་བའི་དཀྱིལ་འཁོར་གྱི་སྟེང་དུ་སྤྱན་རས་གཟིགས་བཞུགས་པའོ། ། མགོན་པོའི་ཐུགས་ཀའི་ཧཱུྃ་ལས་བྷྱོཿསྨུག་ནག་གཅིག་འཕྲོས་ཏེ། །གཡོན་ཕྱོགས་སུ་རླུང་ནག་འཚུབས་པའི་དབུས་སུ་དགྲ་བོ་གན་རྐྱལ་དུ་བསྒྱེལ་ནས་ཡོད་པའི་སྟེང་དུ་བབས། །དེ་ལས་འོད་ཟེར་ཕྱོགས་བཅུར་འཕྲོས་པས། །འཇིག་རྟེན་དང་འཇིག་རྟེན་ལས་འདས་པའི་མོའི་མཁའ་འགྲོ་མ་ཐམས་ཅད་ཀྱི་ཐུགས་དམ་ཀྱི་རྒྱུད་བསྐུ ལ་ནས། །དེ་དག་ཐམས་ཅད་ཀྱི་བྱིན་རླབས་ནུས་མཐུ་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་སྲོག་གི་སྙིང་པོ་དང་བཅས་པ་བསྡུས་ནས་ཚུར་འདུས་བྷྱོཿལ་ཐིམ། ༀ་བཛྲ་ཡཀྴ་བཻ་ཏ་ལི་ཧཱུྃ། ཅེས་བརྗོད་པས། བྷྱོཿཡོངས་སུ་གྱུར་པ་ལས། །ཡུམ་ཡཀྴ་བཻ་ཏ་ལི་སྐུ་མདོག་ནག་མོ་ཆར་སྤྲིན་གྱི་མདོག་ལྟ་བུ། །ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༴ དབུ་སྐྲ་ཁམ་ནག་པ་བཤལ་བ། །སྤྱིར་བོར་ཟླ་བ་ཚེས་ཤིང་ལྟེ་བར་ཉི་མ་འཆར་བ། །སྐུ་ལ་མཁའ་འགྲོ་མའི་ཆས་ཀྱིས་བརྒྱན་པ། །ཕྱག་གཡས་གྲི་གུག་ནམ་མཁར་ཕྱར་བ། །གཡོན་པས་ཐོད་ཁྲག་ཐུགས་ཀར་འཛིན་པ། །རླུང་ནག་འཚུབས་མའི་ནང་དུ་ཆིབས་སུ་དྲིལ་རྟ་གྭ་པ་ལ་ཞོན་པ་རྒྱན་ཆ་ལུགས་དང་ལྡན་པར་བསྐྱེད་དོ། །ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་བྷྱོཿསྨུག་ནག་ལ། ༀ་བཛྲ་ཡཀྴ་བཻ་ཏ་ལི་ཧཱུྃཿདྲག་རཀྴ་རཀྨོ་ཐུམ་རིལ་སྙིང་ལ་འདུས་འདུས། སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ ཅེས་པ་གཡོན་དུ་འཁོར་བའོ། འཁོར་ནི་འཇིག་རྟེན་དང་འཇིག་རྟེན་ལས་འདས་པའི་མ་མོ་དང་མཁའ་འགྲོ་མའི་ཚོགས་ཀྱིས་བསྐོར་བར་བཞུགས་པའོ། །མགོན་པོའི་ཐུགས་ཀའི་ཧཱུྃ་ལས་ཧཱུྃ་གསུམ་འཕྲོས་ཏེ། །ཟླ་གམ་གསུམ་གྱི་སྟེང་དུ་བབས། །དེ་ཡོངས་སུ་གྱུར་པ་ལས། གཡས་ཀྱི་ཟླ་གམ་གྱི་སྟེང་དུ་མགོན་པོ་སྐུ་མཆོག་སྐུ་མདོག་སྔོ་སྐྱ་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། །དབུ་སྐྲ་དམར་སེར་གྱེན་དུ་བརྫེས་པ། །སྐུ་གཏུམ་ལ་ཞལ་རྔམ་པ་གཟི་བརྗིད་དང་ལྡན་པ། །ཕྱག་གཡས་པས་དྲི་ཤུལ་རྩེ་གསུམ། །གཡོན་པས་ཐོད་ཁྲག་ཐུགས་ཀར་འཛིན་པ། །རྒྱན་ཆ་ལུགས་གཙོ་བོ་དང་མཐུན་པ། །འཁོར་ནི་སྐུའི་རིགས་ཀྱི་མགོན་པོ་དག་ཁྲོ་བོ་དང་ཁྲོ་མོའི་ཚོགས་ཀྱིས་བསྐོར་བའོ། །གཡོན་གྱི་ཟླ་གམ་གྱི་སྟེང་དུ་མགོན་པོ་གསུང་མཆོག་སྐུ་མདོག་དམར་སྐྱ་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ་དབུ་སྐྲ་དམར་སེར་གྱེན་དུ་བརྫེས་པ། །སྐུ་གཏུམ་ལ་ཞལ་རྔམ་པ། གཟི་བརྗིད་དང་ལྡན་པ། །ཕྱག་གཡས་ན་ཙན་དན་གྱི་བེང་ཆེན་པོ། །གཡོན་པས་ཐོད་ཁྲག་ཞལ་དུ་གསོལ་བ། །རྒྱན་ཆ་ལུགས་གཙོ་བོ་དང་མཐུན་པ། །འཁོར་ནི་གསུང་གི་རིགས་ཀྱི་མགོན་པོ་དང་ལྷ་དམག་གི་ཚོགས་ཀྱིས་བསྐོར་བའོ། མདུན་གྱི་ཟླ་གམ་གྱི་སྟེང་དུ་མགོན་པོ་ཐུགས་མཆོག་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ། །དབུ་སྐྲ་དམར་སེར་མེ་ལྟར་འབར་བ། །སྐུ་ུགཏུམ་ལ་ཞལ་རྔམ་པ་གཟི་བརྗིད་དང་ལྡན་པ། །ཕྱག་གཡས་པས་གྲི་གུག་ནམ་མཁར་ཕྱར་བ། །གཡོན་པས་ཐོད་ཁྲག་ཐུགས་ཀར་འཛིན་པ། །རྒྱན་ཆ་ལུགས་གཙོ་བོ་དང་མཐུན་པ། འཁོར་ནི་ཐུགས་ཀྱི་རིགས་ཀྱི་མགོན་པོ་དང་ནག་པོ་སྟོང་ཤ་ཟ་འབུམ་གྱིས་བསྐོར་བའོ། དེ་གསུམ་གྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་མཐིང་ནག་ལ། ༀ་ཤྲཱྀ་མ་ཧཱ་ཀཱ་ལ་ཧཱུྃཕཊ། ཅེས་པ་གཡས་སུ་འཁོར་བའོ། གཙོ་འཁོར་དེ་དག་བསྐལ་པའི་མེ་དཔུང་འབར་བའི་ནང་དུ་ཞབས་གཉིས་འདོར་སྟབས་སུ་བཞུགས་པའོ། །དེའི་ཕྱི་རོལ་དུ་འཁོར་ལོ་སྔོན་པོ་རྩིབས་བཅུའི་སྟེང་དུ། །ཤར་དུ་དཔལ་རབ་འཆང་གི་མགོན་པོ་སྐུ་མདོག་སྨུག་ནག་ཕྱག་ན་ཉི་ཟེར་གྱི་ཞགས་པ་བསྣམས་པ། ལྷོར་ལེགས་ལྡན་མགོན་པོ་སྐུ་མདོག་མཐིང་ནག་ཕྱག་ན་ཙན་དན་གྱི་བེང་སྔོན་པོ་ཟུར་བརྒྱད་པ་ཕྱར་ཐབས་སུ་བསྣམས་པ། །ནུབ་ཏུ་བྲག་ལྷ་མགོན་པོ་སྐུ་མདོག་དམར་ནག་ཕྱག་ན་ཙན་དན་གྱི་བེང་གྲུ་ཚད་བསྣམས་པ། །བྱང་དུ་མགོན་པོ་རྣམ་ཐོས་སྲས་སྐུ་མདོག་དམར་འོད་སེར་ཕྱག་ན་རྒྱལ་མཚན་དང་ནེའུ་ལེ་བསྣམས་པ། །ཤར་ལྷོར་དཔལ་ཨཪྱ་ཛམ་བྷ་ལ་སྐུ་མདོག་སྔོན་པོ་བཻ་ཌུཪྱའི་མདོག་ལྟ་བུ་ཕྱག་ན་ནེའུ་ལེ་དང་རྒྱལ་མཚན་བསྣམས་པ། །ལྷོ་ནུབ་ཏུ་ཉི་མའི་སྲས་པོ་རེ་མནྟ་སྐུ་མདོག་སེར་ནག་ཕྱག་ན་རུ་མཚོན་འབར་བ་བསྣམས་པ། །ནུབ་བྱང་དུ་ནག་པོ་ཆེན་པོ་ཤ་ཝ་རི་སྐུ་མདོག་ལྗང་གུ་འཇིགས་པའི་གཟུགས་ཅན། །ཕྱག་ན་རྨ་བྱའི་རྒྱལ་མཚན་ཕྱར་བ། །བྱང་ཤར་དུ་རྣམ་པར་སྣང་མཛད་དབུ་རྒྱན་ཅན་སྐུ་མདོག་དཀར་པོ་འོད་ཟེར་འཕྲོ་བ། །ཕྱག་ན་རུ་མཚོན་དཀར་པོ་བསྣམས་པ། །ཤར་སྟོད་དུ་སྟེང་གི་མགོན་པོ་དུང་གི་ཐོར་ཚུགས་ཅན་ཕྱག་ན་གནམ་ལྕགས་ཀྱི་རལ་གྲི་འདེབས་པ། ནུབ་སྨད་དུ་འོག་གི་མགོན་པོ་རཀྴ་ཤྲྀ་ལ་བཻ་ཏ་ལི་སྐུ་མདོག་ནག་པོ་ཕྱག་ན་གནམ་ལྕགས་ཀྱི་སྟྭ་རེ་ཕྱར་བ། ཐམས་ཅད་ཀྱང་རྒྱན་ཆ་ལུགས་སོ་སོར་ལྡན་ཞིང་རང་རང་གི་སྲས་དང་བཙུན་མོ་གཡོག་འཁོར་དང་བཅས་པའོ། །དེའི་ཕྱི་རོལ་དུ་འཁོར་ལོ་སྔོན་པོ་རྩིབས་བརྒྱད་ལ། །ཤར་ཕྱོགས་སུ་སྲིད་པ་ལྷའི་གཙོ་བོ་སྐུ་མདོག་དཀར་པོ་སྐུ་ལ་དར་དཀར་གྱི་གོ་ཟུ་གསོལ་བ། །གཡས་ན་ཤེལ་གྱི་རལ་གྲི་ཕྱར་བ། །གཡོན་པས་དར་མདུང་དཀར་པོ་བསྣམས་པ། །ཆིབས་སུ་ལྷ་གཡག་དཀར་པོ་ལ་བཅིབས་པ། །ལྷ་དམག་འབུམ་གྱི་འཁོར་གྱིས་བསྐོར་བ། །ལྷོ་ཕྱོགས་སུ་གཤིན་རྗེ་ཡ་མ་རཱ་ཛ་སྐུ་མདོག་ནག་པོ་སྟག་ལྤགས་གྱོན་པ། །གཡས་བེ་ཅོན་གཡོན་ཐོད་དབྱུག་འཛིན་པ། །ཆིབས་སུ་མ་ཧེ་སྔོན་པོ་ལ་བཅིབས་པ། །གཤིན་རྗེ་འབུམ་གྱི་འཁོར་གྱིས་བསྐོར་བ། །ནུབ་ཕྱོགས་སུ་མ་མོ་སྲིད་པའི་རྒྱལ་མོ་སྐུ་མདོག་ནག་པོ་བརྗིད་པའི་ཞལ་ཅན། །སྐུ་ལ་དར་དཀར་གྱི་རལ་ག་གསོལ་བ། །གཡས་པས་མདའ་དར་གཡོན་པས་མེ་ལོང་བསྣམས་པ། །ཆིབས་སུ་གཡུ་འབྲུག་སྔོན་པོ་ལ་བཅིབས་པ། །མ་མོ་འབུམ་གྱི་འཁོར་གྱིས་བསྐོར་བ། །བྱང་ཕྱོགས་སུ་ུབདུད་པོ་སྐོས་རྗེ་དྲང་དཀར་སྐུ་མདོག་མཐིང་ནག་འབར་བ། །སྐུ་ལ་དར་ནག་གི་འཇོལ་བེར་མནབས་པ། །གཡས་པས་ཁྲམ་ཤིང་དང་གཡོན་པས་དགྲ་སྟྭ་བསྣམས་པ། །ཆིབས་སུ་བདུད་རྟ་རྟིང་དཀར་ལ་བཅིབས་པ། ། བདུད་དམག་འབུམ་གྱི་འཁོར་གྱིས་བསྐོར་བ། །ཤར་ལྷོ་མཚམས་ན་བཙན་རྗེ་སྲོག་ཟན་སྐུ་མདོག་དམར་པོ་སྐུ་ལ་དར་དམར་ལེ་བརྒན་གསོལ་བ། །གཡས་པས་མདུང་དར་གཡོན་པས་མདའ་གཞུ་བསྣམས་པ། །ཆིབས་སུ་བཙན་རྟ་དམར་པོ་ལ་བཅིབས་པ། །བཙན་དམག་འབུམ་གྱི་འཁོར་གྱིས་བསྐོར་བ། ལྷོ་ནུབ་མཚམས་ན་དགྲ་ལྷའི་རྒྱལ་པོ་བེ་ཧར་སྐུ་མདོག་དཀར་པོ་བརྗིད་པའི་ཞལ་མངའ་བ། ། ཆོས་གོས་དུར་སྨྲིག་སྐུ་ལ་གསོལ་བ། །གཡས་པས་གསེག་ཤིང་དང་གཡོན་ལྷུང་བཟེད་བསྣམས་པ། །ཆིབས་སུ་སེང་གེ་དཀར་མོ་ལ་བཅིབས་པ། །འཁོར་དུ་འགོང་པོ་འབུམ་གྱིས་བསྐོར་བ། །ནུབ་བྱང་མཚམས་ན་གནོད་སྦྱིན་ཀཱ་ལ་ཡཀྴ་སྐུ་མདོག་སྔོན་པོ་གཡུ་འོད་འབར་བ། །ཟ་འོག་སླག་པ་སྐུ་ལ་གསོལ་བ། །གཡས་པས་རལ་གྲི་གཡོན་པས་ནོར་བུ་འཛིན་པ། །ཆིབས་སུ་སྟག་མོ་དྲུས་མ་ལ་བཅིབས་པ། །འཁོར་དུ་གནོད་སྦྱིན་འབུམ་གྱིས་བསྐོར་བ། །བྱང་ཤར་མཚམས་ན་ཀླུ་བདུད་འཆི་བདག་མགོ་དགུ་སྐུ་མདོག་དུད་ཁ་འཇིགས་པའི་གཟུགས་ཅན། །སྐུ་ལ་སྦྲུལ་གྱི་པགས་པ་གྱོན་པ། །གཡས་པས་སྦྲུལ་ཞགས་གཡོན་པས་ནད་རྐྱལ་བསྣམས་པ། །ཆིབས་སུ་ཆུ་སྲིན་འབར་བ་ལ་བཅིབས་པ། །འཁོར་དུ་ཀླུ་བདུད་འབུམ་གྱིས་བསྐོར་བ། ། དེའི་ཕྱི་རོལ་དུ་གྲུ་ཆད་བཞི་ལ་ལྷ་དམག་བྱེ་བ་དུང་ཕྱུར་གྱིས་བསྐོར་བ། །ཐམས་ཅད་ཀྱི་ལུས་ལ་གོ་དང་མཚོན་གྱིས་བརྒྱན་པའོ། །དེའི་ཕྱི་རོལ་དུ་དགྲ་བླའི་དམག་ཚོགས་བསམ་ལས་འདས་པས་བསྐོར་བ། སྒོ་བཞིར་རྒྱལ་པོ་ཆེན་པོ་སྡེ་བཞི་གཡས་པ་ཐམས་ཅད་ཀྱིས་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་བསྣམས་པ། །གཡོན་པ་ཐམས་ཅད་ཀྱིས་རང་རང་གི་རྟགས་འཛིན་པའོ། །རི་རབ་ཀྱི་ཤར་གྱི་བང་རི མ་དང་པོ་ལ་དྲི་ཟའི་དམག་ཚོགས། །ལྷོའི་བང་རིམ་དང་པོ་ལ་གཤིན་རྗེའི་དམག་ཚོགས། ནུབ་གྱི་བང་རིམ་དང་པོ་ལ་ཆུ་ལྷའི་དམག་ཚོགས་བྱང་གི་བང་རིམ་དང་པོ་ལ་གནོད་སྦྱིིན་གྱི་དམག་ཚོགས་ཀྱིས་བསྐོར་བ། བང་རིམ་བར་མ་བཞི་ལ་དཔལ་མགོན་བདུན་ཅུ་ལ་སོགས་པའི་གཙང་རིས་ཀྱི་མགོན་པོ་རྣམས་ཀྱིས་བསྐོར་བ། བང་རིམ་ཐ་མ་བཞི་ལ་མགོན་པོའི་བཀའ་སྡོད། དྲི་ཟ། མེ་ལྷ། གཤིན་རྗེ། བདེན་བྲལ། ཆུ་ལྷ། རླུང་ལྷ། གནོད་བཞིན། དབང་ལྡན། ས་བདག། ཉི་ཟླ། གཟའ་སྐར་གྱི་ཚོགས། ལྷའི་ཚོགས་དང་། ཀླུའི་ཚོགས་དང་། །སྲིན་པོའི་ཚོགས་དང་། རོ་ལངས་ཀྱི་ཚོགས་དང་། ཤ་ཟའི་ཚོགས་དང་། མཁའ་འགྲོའི་ཚོགས་དང་། ཤུགས་འགྲོའི་ཚོགས་དང་། མ་སྲིང་གི་ཚོགས་དང་། ཕྲ་མེན་མགོ་བརྙན་གྱི་ཚོགས་དང་། གཞན་ཡང་སྤྲུལ་པ་ཡང་སྤྲུལ་གྱི་ཚོགས་ཀྱིས་བསྐོར་ནས་བཞུགས་པར་གྱུར། དེ་དག་ཐམས་ཅད་ཀྱང་སྐུ་མདོག་སྣ་ཚོགས་པ་ཕྱག་ན་མཚོན་ཆ་སྣ་ཚོགས་འཛིན་པ། ལུས་ཐམས་ཅད་གོ་དང་མཚོན་གྱིས་བརྒྱན་ནས་དམ་ཉམས་པའི་དགྲ་བོའི་ཚེ་སྲོག་ལ་རྔམ་ཞིང་རྒྱུག་པའི་ཚུལ་དུ་གནས་པའོ། གསུམ་པ་སྤྱན་འདྲེན་པ་ལ་གསུམ་ལས། དང་པོ་སྙན་གསན་དབབ་པ་ནི། བདག་གི་ཐུགས་ཀ་ནས་འོད་ཟེར་ཕྲོས་པས་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཆོས་སྐུ་ཞི་བ་ཆེན་པོར་བཞུགས་པ་སྟེ། གཟུགས་སྐུ་མ་ཧཱ་ཀཱ་ལའི་ཚུལ་དུ་བཞེངས་ནས་བྱོན་པར་བསམ་ལ། སྤོས་དང་རྡོ་རྗེ་བསྡུ་བའི་ཕྱག་རྒྱ་བཅས་ལ་འདི་སྐད་དོ། །ཧོ་དགོངས་སུ་གསོལ་ལོ། །ཧོ་དགོངས་སུ་གསོལ་ལོ། །ཧོ་དགོངས་སུ་གསོལ་ལོ། །ན་མོ་སྐྱབས་དམ་པ་རྣམས་ཀྱི་མཆོག། །མགོན་དམ་པ་རྣམས་ཀྱི་གླིང་། །བསོད་ནམས་ཐམས་ཅད་ཀྱི་དཔལ་ཞིང་། ཡོན་ཏན་ཐམས་ཅད་ཀྱི་འབྱུང་གནས་འཕགས་པ་བླ་ན་མ་མཆིས་པའི་དཀོན་མཆོག་གསུམ་པོ་རྣམས་དང་། །ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་རྣམས་དང་། །དམ་པ་ཆོས་སྐྱོང་བའི་སྲུང་མའི་ཚོགས་མ་ལུས་པ་རྣམས་གསན་ཅིང་དགོངས་སུ་གསོལ། དེང་གི་གནས་མཆོག་དམ་པ་ཁྱད་པར་ཅན་འདིར་སྤྱན་འདྲེན་ཅིང་མཆོད་པ་འབུལ། །ཐུགས་དམ་བསྐུལ། །ཕྲིན་ལས་བཅོལ། །མགོན་པོ་ཚོགས་བདག་མཐུ་ཆེན་ལེགས་ལྡན་ནག་པོ། །ཤྲྀ་མ་ཧཱ་ཀཱ་ལ། །དུག་གསུམ་ནད་ཀྱི་སྨན་པ། །རིག་འཛིན་ཡོངས་ཀྱི་སྲོག་ཤིང་། །རྣལ་འབྱོར་ཀུན་གྱི་དགྲ་ལྷ། །བདུད་འདུལ་ལས་ཀྱི་དབང་ཕྱུག་ཆེན་པོ། །སྲིན་པོ་ལང་ཀ་པུ་རིའི་གྲོང་ཁྱེར་གཏན་ནས་བརླག་པར་མཛད་པ་ཞལ་གྱིས་བཞེས་པ། ཕྱག་ན་ཙན་དན་གྱི་བེང་ཆེན་པོ་ཟུར་བརྒྱད་པ་བསྣམས་པའི་ནང་ནས་ལྷད་མག་བྱེ་བ་དུང་ཕྱུར་འཕྲོ་བ་ལྷ་མ་ཡིན་གྱི་གཡུལ་ངོ་བཟློག་པར་མཛད་ཅིང་། བདུད་འདུལ་བའི་ལྷ་དམག་ཉི་ཁྲི་ཆིག་སྟོང་འབྱུང་བ། ཕྱོགས་མཚམས་དང་སྟེང་འོག་ཐམས་ཅད་ལ་མངའ་མཛད་པའི་ལྷ་མགོན་པོ་མ་ཧཱ་ཀཱ་ལའི་ཚོགས་རྣམས་ལ་མཆོད་པ་འབུལ། ཐུགས་དམ་བསྐུལ། །ཕྲིན་ལས་བཅོལ། །སྙན་ཆར་གསོལ། །འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ། བདག་གི་ཅི་རེ་བ་དང་ཅི་སྨོན་པ་ཐམས་ཅད་ལས་ཀྱི་འབྲས་བུ་མཆིས་པར་མཛད་དུ་གསོལ། གཉིས་པ་སྤྱི་ལྟར་སྤྱན་དྲངས་པ་ནི་རྣལ་འབྱོར་པ་ཡི་དམ་ལྷའི་ང་རྒྱལ་ལ་གནས་པ། བདག་གི་ཐུགས་ཀའི་ཧཱུྃཿལས་འོད་ཟེར་འཕྲོས་ནས་མདུན་གྱི་མགོན་པོ་ལ་ཕོག །མགོན་པོའི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུའི་ཚོགས་དཔག་ཏུ་མེད་པ་ཕྱོགས་བཅུར་་འཕྲོས་པས། །བྱང་ཤར་གྱི་མཚམས་རང་བཞིན་གྱི་གནས་དང་། །འོག་མིན་དང་། །དུར་ཁྲོད་ཆེན་པོ་དང་། སྐུ་གསུང་ཐུགས་ཀྱི་ཕོ་བྲང་ན་བཞུགས་པའི་མགོན་པོ་དང་། མདུང་དང་རལ་གྲི་གཤིབས་པའི་ཕོ་བྲང་ནས་མགོན་པོ་འཁོར་དང་བཅས་པ་ལ་ཕོག་པས་སྔོན་གྱི་དམ་ཚིག་དྲན་ནས་སངས་རྒྱས་ཀྱི་བསྟན་པ་བསྲུང་བའི་དུས་ལ་བབ་པར་དགོངས་ནས། །སྐད་ཅིག་གིས་མདུན་གྱི་ནམ་མཁར་བྱོན་པར་བསམ་ལ། ༀ་ཤྲཱྀ་མ་ཧཱ་ཀཱ་ལ་ས་མ་ཡ་ཕེམ་ཕེཾ་ཕཻཾཾ༔ ཅེས་བརྒྱ་རྩ་བརྒྱད་བརྗོད་ལ། སྤོས་རོལ་མོ་དང་བཅས་ཏེ། ཧཱུྃ་དད་པ་དང་ནི་དམ་ཚིག་གིས། མ་ཧཱ་ཀཱ་ལ་སྤྱན་འདྲེན་ནོ། །ཚུར་གཤེགས་ཚུར་བྱོན་མགོན་པོའི་ཚོགས། །དཔལ་ཆེན་ཆོས་འཁོར་སྲུང་མ་ཁྱེད། །འཁོར་བཅས་གནས་འདིར་གཤེགས་སུ་གསོལ། །ཁྱེད་ཀྱི་ཐུགས་དམ་དུས་ལ་བབས། །བསྟན་པ་བསྲུང་ཕྱིར་གཤེགས་སུ་གསོལ། །འཇིགས་བྱེད་ཆེན་པོ་གཤེགས་སུ་གསོལ། །སྤྱོད་པ་རླབས་ཆེན་གཤེགས་སུ་གསོལ། དྲག་ཤུལ་མཐུ་ཆེན༴ དགྲ་ལྷའི་རྒྱལ་པོ༴ དུས་མཐའ་སྟོང་བྱེད༴ འཆི་བདག་བཟློག་བྱེད༴ ཁྲག་འཐུང་ཆེན་པོ༴ ལེགས་ལྡན་སྲས་པོ༴ རྣལ་འབྱོར་དགྲ་ལྷ༴ དབང་ཕྱུག་ཆེན་པོ༴ ཚོགས་རྗེ་ཚོགས་བདག༴ དགེ་བསྙེན་དམ་ཅན༴ འཇིག་རྟེན་མགོན་པོ༴ དམ་ཚིག་ཉེ་བར་དགོངས་མཛོད་ལ། །སེམས་ཅན་དོན་ཕྱིར་གཤེགས་སུ་གསོལ། །བཅོམ་ལྡན་ཐུགས་རྗེ་ལས་བྱུང་བའི། །སྤྱན་རས་གཟིགས་ཀྱི་ཐུགས་རྗེ་ཆེ། །མ་ཧཱ་ཀཱ་ལ་མཐུ་ཆེན་ཁྱོད། །སྲིད་པའི་མ་མོའི་ཚོགས་དང་བཅས། །སྲིད་གསུམ་གྲོང་ཁྱེར་གསུམ་བརྩེགས་ནི། །འདོད་ཁམས་གཟུགས་ཁམས་གཟུགས་མེད་ཁམས། །ཁམས་གསུམ་གྲོོང་ཁྱེར་སུམ་བརྩེགས་ནས། །སྐྱེ་འཆི་འཇོམས་ཕྱིར་གཤེགས་སུ་གསོལ། །གནས་ལ་ཆགས་པའི་རྨོངས་པ་སེལ། །མ་རིག་མུན་པའི་མདངས་ཅན་ལ། །ཕྱིན་ཅི་ལོག་ལྟ་བསལ་བའི་ཕྱིར། །མུན་པ་སེལ་ཕྱིར་ནག་པོར་སྟོན། །མཐུ་སྟོབས་ལྡན་ཞིང་དབང་ཕྱུག་ཆེ། །སྲེད་མེད་བུ་དང་སྟོབས་ཆེན་དང་། །གཞོན་ནུ་སྨིན་དྲུག་བུ་ལ་སོགས། །ཁྱེད་ཀྱི་འཁོར་དང་ཉེ་གནས་ཡིན། །འཇིག་རྟེན་འདི་ན་གང་མཁས་པ། །ཚངས་པ་ལ་སོགས་དབང་ཕྱུག་རྣམས། །མཐུ་དང་དམ་ཚིག་ལྡན་ན་ཡང་། །ཁྱེད་ཀྱི་སྤྱོད་ཡུལ་འདྲ་བ་མེད། །འཕགས་པ་གསུམ་གྱི་རྗེས་བསྒྲུབ་ཅིང་། །ཞིང་དང་སྤྱོད་ཡུལ་དག་པ་ཡི། །འགྲོ་བ་འདུལ་བའི་ཕྲིན་ལས་ལ༴ ཐུགས་དམ་བཞིན་དུ་བྱིན་གྱིས་རློབས། གསུམ་པ་བྱེ་བྲག་ཏུ་རྒྱུ་སྤྱན་དྲང་བ་ནི། བདག་མདུན་གཉིས་ཀྱི་ཐུགས་ཀ་ནས་འོད་ཟེར་འཕྲོས་པས། འོག་མིན་རྣམ་སྣང་གངས་ཆེན་གྱི་ཐུགས་ཀ་ནས་མགོན་པོ་དང་ལྷ་མོ། རང་བཞིན་ཕྱོགས་བཅུའི་ཞིང་རབ་འབྱམས་ནས་སྐུ་སུང་ཐུགས་ཡོན་ཏན་ཕྲིན་ལས་ཀྱི་མགོན་པོ། གཞན་ཡང་ཕྱོགས་བཅུ་སྡེ་བརྒྱད་ཀྱི་མགོན་པོ་ལ་སོགས་པའི་བཀའ་ཉན་ལས་བྱེད། ཆོས་སྐྱོང་ཕོ་རྒྱུད་མོ་རྒྱུད་དགྲ་ལྷ་ལྷ་དམག་བྱེ་བའི་ཚོགས་དང་བཅས་པ་ཐམས་ཅད་སྤྲིན་གྱི་ཕུང་པོ་གཏིབས་པ་ལྟར་སྤྱན་དྲངས་པར་གྱུར། མ་ཧཱ་ཀཱ་ལ་ས་པཱ་རི་ཝཱ་ར་བཛྲ་ས་མ ཛ། ཞེས་སྤོསདུད་རོལ་མོའི་སྒྲ་དང་སྙན་པའི་དབྱངས་ཀྱིས་འདི་སྐད་དོ། བསོ། །ཀུན་ཁྱབ་ཁྱབ་བ་ལ་ཡངས་པའི་དཀྱིལ་འཁོར་ནི། །མི་མངོན་དབྱིངས་ཉིད་བཞེངས་བཞུད་མེད་མོད་ཀྱང་། །ཁམས་གསུམ་སྲིད་གསུམ་དབྱིངས་ལ་བརྟེན་པའི་ཕྱིར༴ གདུལ་བྱའི་མཐུན་སྣང་བཞིན་དུ་སོ་སོར་སྟོན། །འགྲོ་དྲུག་དཔག་མེད་སངས་རྒྱས་སར་བཀོད་ཀྱང་། སྙིགས་དུས་དེ་ཡིས་མ་འདུལ་ལོག་ལྟ་བྱུང་། །ལོག་ལྟའི་དགྲ་བགེགས་བསྒྲལ་ཕྱིར་བརྗིད་པའི་སྐུ། །ལྷ་མི་གཉིས་ཀྱི་དགྲ་ལྷ་མགོན་པོ་རྣམས། །འཁོར་བཅས་མ་ལུས་སྤྱན་འདྲེན་གཤེགས་སུ་གསོལ། བསོ། །མཐིང་ནག་མི་འགྱུར་ཨེ་ཡི་དཀྱིལ་འཁོར་ནས། །ཚོགས་བདག་མགོན་པོ་མཐིང་ནག་ཆར་སྤྲིན་མདོག། །ཞལ་གཅིག་ཕྱག་གཉིས་ཞབས་གཉིས་འགྱིང་བག་ཅན། ། གཡས་གཡོན་བེང་དབྱུག་ཐོད་ཁྲག་བསྣམས་པ་ཡིས། །ཚོགས་བདག་མ་ཧཱ་ཀཱ་ལ་གཤེགས་སུ་གསོལ། བསོ། ། མེ་རླུང་འཚུབས་མ་འཁྱིལ་བའི་ཀློང་དཀྱིལ་ནས། །སྐུ་མདོག་ནག་མོ་ཡཀྴ་བཻ་ཏ་ལི། །ཞལ་གཅིག་ཕྱག་གཉིས་གྲི་གུག་ཐོད་ཁྲག་ཅན། དྲེའུ་རྟ་གཱ་པ་བཅིབས་པ་མ་མོའི་ཚོགས། །མ་ལུས་སྤྱན་འདྲེན་གནས་འདིར་གཤེགས་སུ་གསོལ། བསོ། ། སྔོ་སྐྱ་ཞལ་གཅིག་ཕྱག་གཉིས་རི་རྒྱལ་འདྲ། །གཡས་གཡོན་དྲི་ཤུལ་རྩེ་གསུམ་ཐོད་ཁྲག་ཅན། །མགོན་པོ་སྐུ་མཆོག་སྤྱན་འདྲེན་གཤེགས་སུ་གསོལ། བསོ། །དམར་སྐྱ་ཞལ་གཅིག་ཕྱག་གཉིས་གློག་འབྲུག་འདྲ། །བེང་དབྱུག་ཕྱར་ཞིང་ཐོད་ཁྲག་གསོལ་མཛད་པ། །མགོན་པོ་གསུང་མཆོག་སྤྱན་འདྲེན་གཤེགས་སུ་གསོལ། བསོ། ། མཐིང་ནག་ཞལ་གཅིག་ཕྱག་གཉིས་ནམ་མཁའ་འདྲ། །གཡས་གཡོན་གྲི་གུག་ཐོད་ཁྲག་འཛིན་མཛད་ཅིང་། །མགོན་པོ་ཐུགས་མཆོག་སྤྱན་འདྲེན་གཤེགས་སུ་གསོལ། །བསོ་ཕྱོགས་བཅུ་ནམ་མཁའ་ཡངས་པའི་དཀྱིལ་འཁོར་ནས། །སྐུ་མདོག་སྨུག་ནག་ཞལ་གཅིག་ཕྱག་གཉིས་པ། །གཡས་གཡོན་ཉི་ཟེར་ཞགས་པ་བསྣམས་མཛད་པ། །དཔལ་རབ་འཆང་ཆེན་སྤྱན་འདྲེན་གཤེགས་སུ་གསོལ། །མཐིང་ནག་ཞལ་གཅིག་ཕྱག་གཉིས་ཁྲོ་གཉེར་ཅན། །གཡས་གཡོན་ཕྱག་ན་ཙནྡ་བེང་ཆེན་ཕྱར། །ལེགས་ལྡན་མགོན་པོ་སྤྱན་འདྲེན༴ སྐུ་མདོག་དམར་སྐྱ་ཞལ་གཅིག་ཕྱག་གཉིས་པ། །ཙནྡ་གྲུ་ཚད་བསྣམས་ཤིང་ཀླད་ལ་བསྐོར། །བྲག་ལྷ་མགོན་པོ་སྤྱན་འདྲེན༴ སེར་པོ་དགོས་འདོད་ཀུན་འབྱུང་ཞལ་གཅིག་པ། །ཕྱག་གཉིས་རྒྱལ་མཚན་ནེའུ་ུལེ་བསྣམས་པ་ཡི། །མགོན་པོ་རྣམ་སྲས་སྤྱན་འདྲེན༴ སྔོན་པོ་བཻ་དྲཱུཪྱ་ཡི་མདོག་ལྟ་བུ། །ཞལ་གཅིག་ཕྱག་གཉིས་ནེའུ་ལེའི་རྐྱལ་པ་བསྣམས། །རེ་འདོད་སྐོང་མཛད་ཛམ་ལྷ་གཤེགས་སུ་གསོལ༴ སྐུ་མདོག་སེར་པོ་གསེར་གྱི་རི་བོ་འདྲ། །ཞལ་གཅིག་ཕྱག་གཉིས་རུ་མཚོན་བསྣམས་པ་ཡི། ཨཪྱ་རེ་མན་སྤྱན་འདྲེན༴ སྐུ་མདོག་ལྗང་གུ་འཇིགས་པའི་ཆ་ལུགས་ཅན། །ཕྱག་གཉིས་རྨ་བྱའི་རྒྱལ་མཚན་ནམ་མཁར་ཕྱར། །ཤ་བ་རི་པ་སྤྱན་འདྲེན༴ དངུལ་དཀར་རི་བོ་ལྟ་བུའི་མདོག་འདྲ་བ། །རུ་མཚོན་དཀར་པོ་ཕྱག་གཉིས་བསྣམས་པ་ཡི། །རྣམ་པར་སྣང་མཛད་སྤྱན་འདྲེན༴ མགོན་པོ་དུང་མདོག་དུང་གི་རི་བོ་འདྲ། །ཞལ་གཅིག་ཕྱག་གཉིས་གནམ་ལྕགས་རལ་གྲི་བསྣམས། །དུང་གི་ཐོར་ཚུགས་སྤྱན་འདྲེན༴ སྨུག་ནག་ལྕགས་ཀྱི་རི་བོ་འདྲ་བའི་མདོག །ཞལ་གཅིག་ཕྱག་གཉིས་གནམ་ལྕགས་སྟྭ་རེ་བསྣམས། ཡཀྴ་བཻ་ཏ་སྤྱན་འདྲེན༴ བསོ་བར་སྣང་ཡངས་པའི་ཀློང་གི་དཀྱིལ་འཁོར་ནས། །དགྲ་ལྷ་མཐུ་ཆེན་དྲག་ཤུལ་རྩལ་དང་ལྡན། །སྐུ་མདོག་ཕྱག་མཚན་རྒྱན་ཆ་སྣ་ཚོགས་ཅན། །གནམ་ལྕགས་ཐོག་གློག་ལྟ་བུའི་མྱུར་མགྱོགས་ཅན། །ཕྲིན་ལས་ཐོག་མེད་དུས་མཐའི་མེ་དཔུང་འདྲ། །འཆི་བདག་བདུད་དཔུང་འདྲ་བའི་བཟློག་ཐབས་མེད། །སྡེ་བརྒྱད་མགོན་པོ་སྤྱན་འདྲེན་གཤེགས༴ བསོ། །རི་རབ་རི་ཡི་རྩེ་མོའི་གནས་མཆོག་ནས། །ཆོས་བཟང་ལྷ་ཡི་འདུན་སའི་ཕོ་བྲང་ནས། །དབང་པོ་བརྒྱ་བྱིན་སྤྱན་འདྲེན་གཤེགས༴ ཉེ་དབང་སུམ་ཅུ་རྩ་གཉིས་སྤྱན་འདྲེན༴ གཟུགས་ཁམས་གནས་རིས་བཅུ་བདུན་ཡར་སྟེང་ནས། །འཇིག་རྟེན་མེས་པོ་ཚངས་པ་ཆེན་པོ་སོགས། །ལྷ་ཡི་ཡང་ལྷ་སྤྱན་འདྲེན་གཤེགས་སུ་གསོལ། མགོན་གྱི་ཡང་མགོན་སྤྱན་འདྲེན༴ དགྲ་བླའི་ཡང་བླ་སྤྱན་འདྲེན༴ དགྲ་བླ་དཔལ་མགོན་སྤྱན་འདྲེན༴ ལྷ་དམག་ཆུ་བོ་བཞིན་དུ་གཤེགས་སུ་གསོལ། བསོ། །རྩུབ་འགྱུར་ཚལ་གྱི་དུར་ཁྲོོད་ཆེན་པོ་ནས། །འཕགས་པ་སྤྱན་རས་གཟིགས་དང་རྣམ་སྲས་ཀྱི། །བསྟན་བསྲུང་ཞལ་བཞེས་མགོན་པོ་དགྲ་བླ་རྣམས། །ཐོག་གློག་འབྲུག་གསུམ་བཞིན་དུ་གཤེགས་སུ་གསོལ། བསོ། །སྙིགས་དུས་བསྟན་པ་བསྲུང་བར་མཛད་པ་ཡི། །དྲི་ཟ་མེ་ལྷ་སྤྱན་འདྲེན་གཤེགས་སུ་གསོལ། །གཤིན་རྗེ་བདེན་བྲལ་སྤྱན་འདྲེན༴ ཆུ་ལྷ་རླུང་ལྷ་སྤྱན་འདྲེན༴ གནོད་སྦྱིན་དབང་ལྡན་སྤྱན་འདྲེན༴ ཉི་ཟླ་གཟའ་སྐར་སྤྱན་འདྲེན༴ མགོན་པོ་ལྷ་ཡི་ཚོགས་རྣམས་སྤྱན་འདྲེན༴ མགོན་པོ་ཀླུ་ཡི་ཚོགས་རྣམས་སྤྱན་འདྲེན༴ ཤ་ཟ་ཁྲག་འཐུང་ཚོགས་རྣམས་གཤེགས་སུ་གསོལ། མཁའ་འགྲོ་ཤུགས་འགྲོའི་ཚོགས་རྣམས་གཤེགས༴ མ་སྲིང་མགོ་བརྙན་ཚོགས་རྣམས༴ སྤྲུལ་པ་ཡང་སྤྲུལ་ཚོགས་རྣམས༴ ལྷ་རྣམས་རྒྱལ་བྱེད་དགྲ་བླ༴ ལྷ་མིན་ཕམ་བྱེད་དགྲ་བླ༴ དཀར་ཕྱོགས་རྒྱལ་བྱེད་དགྲ་བླ༴ ནག་ཕྱོགས་ཕམ་བྱེད་དགྲ་བླ༴ དྲང་སྲོང་རྒྱལ་བྱེད་དགྲ་བླ༴ མུ་སྟེགས་ཕམ་བྱེད་དགྲ་བླ༴ མི་རྣམས་རྒྱལ་བྱེད་དགྲ་བླ༴ མི་མིན་ཕམ་བྱེད་དགྲ ༴ ཡོན་བདག་རྒྱལ་བྱེད་དགྲ་བླ༴ དགྲ་བགེགས་ཕམ་བྱེད་དགྲ་བླ༴ བསོ། སློབ་དཔོན་བརྒྱུད་ཀྱི་སྲུང་མ་གཤེགས་སུ་གསོལ། ཕ་མྱེས་རྒྱུད་ཀྱི་སྲུང་མ༴ དབེན་གནས་གཉན་པོའི་སྲུང་མ༴ བསྙེན་སྒྲུབ་ལས་ཀྱི་སྲུང་མ༴ ཉ་སྟོང་དུས་དྲུག་སྲུང་མ༴ ཆོས་ལ་དགའ་བའི་སྲུང་མ༴ ཨ་སྤོ་སྡོང་གི་དགྲ་བླ༴ བསེ་ཁྱུང་དབྲ་ཡི་དགྲ་བླ༴ ཨ་ལྕགས་འབྲི་ཡི་དགྲ༴ དམུ་ཚ་སྒ་ཡི་དགྲ་བླ༴ དཔའ་སྡ་གཉིས་ཀྱི་དགྲ་བླ༴ མ་ཕྱི་སྔ་མའི་དགྲ་བླ༴ སྲིད་པ་ཆགས་པའི་དགྲ་བླ༴ མཁར་ལྷ་ཁྱིམ་ལྷ་བང་ལྷ་གཤེགས༴ ཐབ་ལྷ་ཞིང་ལྷ་ཕྱུགས་ལྷ༴ མགྲོན་ལྷ་ཚོང་ལྷ་ལམ་ལྷ༴ མགོན་སྐྱབས་ལྷ་སྲུང་སྤྱན་འདྲེན༴ གནས་མཆོག་ལྷ་གཞི་འདི་ལ་བརྟན་པར་བཞུགས། །གནོད་བྱེད་དགྲ་བགེགས་ཐལ་བ་རྡུལ་དུ་བཟློག །བདག་ཅག་མི་ནོར་འཁོར་བཅས་བསྲུང་སྐྱོབས་མཛོད། །ཐུགས་དམ་དུས་ལ་བབ་པོ་ས་མ་ཡཱ། །བཀྲ་ཤིས་དར་རྒྱས་བསྟན་པ་བསྲུང་བའི་མཐུ་ལྡན་ཤོག ༀ་ཤྲྀ་མ་ཧཱ་ཀཱ་ལ་ཀཱ་ལི་དྷོ་ཝི་ཡེ་ས་པཱ་རི་ཝཱ་ར་ཨེ་ཧྱ་ཧི་ཛཿཧཱུཾ་བམ་ཧོ༔ ཞེས་ཡེ་ཤེས་ཀྱི་མགོན་པོ་འཁོར་དང་བཅས་པ་རྣམས་མདུན་གྱི་ནམ་མཁར་སྤྲིན་ནག་འཁྲིགས་པའི་དབུས་སུ་མེ་རི་དགུ་འཁྲིགས་ཀྱི་ཀློང་དུ་རྔམ་པའི་ཧཱུཾ་སྒྲ་དང་བཅས་ཏེ་བྱོན་པར་བསམ་མོ། དེ་ནས་མངའ་གསོལ་གྱིས་ཆེ་བ་བསྐྱེད་ཅིང་ཡེ་ཤེས་པ་དང་དམ་ཚིག་པ་དབྱེར་མེད་དུ་བསྲེ་བ་ནི། མ་ཧཱ་ཀཱ་ལ་མཐུ་ཐོབ་ཆེ། །རྣལ་འབྱོར་དགྲ་བླར་གཤེགས་པའི་ཚེ། །དུས་གསུམ་སངས་རྒྱས་དབང་བསྐུར་རྟགས། །སྐུ་ཡི་ཆ་བྱད་གསུམ་དང་ལྡན། །རིག་གསུམ་མགོན་པོས་དབང་བསྐུར་རྟགས། །དཔྲལ་བར་ཁྲོ་གཉེར་གསུམ་དང་ལྡན། །དུས་གསུམ་མཁའ་འགྲོས་དབང་བསྐུར་རྟགས། །ཞལ་གྱི་གདངས་ངར་གསུམ་དང་ལྡན། །དྲང་སྲོང་རྣམས་ཀྱིས་མངའ་གསོལ་རྟགས། །ཆོས་གོས་ཤམ་ཐབས་སྐུ་ལ་གསོལ། །ལྷ་ཆེན་རྣམས་ཀྱིས་མངལ་གསོལ་རྟགས། །རིན་ཆེན་འབར་བའི་ཐོར་ཆུགས་ཅན། ཀླུ་ཆེན་རྣམས་ཀྱིས༴ ཡན་ལག་སྦྲུལ་ནག་ཆུན་པོས་བརྒྱན། གཟའ་ཆེན་རྣམས་ཀྱིས༴ རལ་པ་དམར་སེར་མེ་ལྟར་འབར། ལྷ་རྣམས་ཀུན་གྱིས་མངའ༴ བསོ་སྒྲ་དྲག་པོ་གསུམ་དང་ལྡན། རྒྱུ་སྐར་རྣམས་ཀྱིས༴ ཚེ་ལོང་སྨེ་བ་སེ་རལ་ཁ། ལྷ་མ་ཡིན་གྱིས༴ ཆ་སྒྲ་དྲག་པོ་གསུམ་དང་ལྡན། བྱོལ་སོང་རྣམས་ཀྱིས༴ འདོད་དགུ་ཕུན་སུམ་ཚོགས་པས་བརྒྱན། ཡི་དྭགས་རྣམས་ཀྱིས༴ རིན་ཆེན་འབར་བའི་དོ་ཤལ་ཅན། མི་རྣམས་ཀུན་གྱི༴ རིན་ཆེན་སྣ་ལྔས་སྐུ་ལ་བརྒྱན། དམྱལ་བ་རྣམས་ཀྱིས༴ ཐོད་པའི་ཕྲེང་བས་སྐུ་ལ་བརྒྱན། ཨགྣེ་ར་ཛས༴ སྤྱན་ནས་བསྐལ་པའི་མེ་ཆེན་འབར། །བྱཱི་ན་ཡ་གས༴ ཞལ་ནས་བསྐལ་པའི་ཆུ་ཆེན་འཁྱིལ། །བ་ཡུ་ུབཡེ་ཡིས༴ ཤངས་ནས་བསྐལ་པའི་རླུང་ནག་འཚུབས། །བདུད་རྣམས་ཀུན་གྱིས༴ རྒྱ་བེར་ནག་པོ་སྐུ་ལ་མནབས། །གཤིན་རྗེ་རྣམས་ཀྱིས༴ ཕྱག་ན་ཙན་དན་བེང་ཆེན་བསྣམས། །མ་མོ་རྣམས་ཀྱིས༴ ཐོད་པའི་ཕྲེང་བ་སེ་རལ་ཁ༴ སྲིད་པ་གསུམ་གྱིས་མངའ་གསོལ་རྟགས། །སྐུ་ཡི་ལྟེ་བ་ཟུར་གསུམ་ཟབ། །ལྷ་ཆེན་དཔལ་འབར་གཤེགས་སུ་གསོལ། །རི་རབ་ཟོམ་ལ་ལྷུར་གྱིས་བྱོན། །ཙན་དན་བེང་ཆེན་ཀླད་ལ་བསྐོར། །བསོ་སྒྲ་ཐང་གསུམ་གནམ་དུ་བཏང་། །ལྷ་རྣམས་གཡུལ་ལས་རྒྱལ་བར་བྱེད། །ལྷ་མིན་གཡུལ་རྣམས་ཕམ་པར་བྱེད། །བྱང་ཤར་མཚམས་ནས་སྤྱན་འདྲེན་ནོ། །རླུང་ནག་འཚུམས་པའི་ནང་ནས་གཤེགས། །སྤྲིན་དཔུང་འདུས་པའི་ནང་དུ་བཞུགས། །མ་ཧཱ་ཀ་ལ་འཁོར་བཅས་རྣམས། །སྔོན་གྱི་ཐུགས་དམ་རྗེས་དགོངས་ལ༴ དམ་ཚིག་དབང་གིས་གཤེགས་སུ་གསོལ། ཅེས། ཕྱོགས་བཅུའི་སངས་རྒྱས་ཐམས་ཅད་མ་ཧཱ་ཀཱ་ལའི་ཚོགས་སུ་གྱུར་ནས། དམ་ཚིག་དབང་གིས་བྱོན་ནས་སངས་རྒྱས་ཀྱི་བསྟན་པ་ལ་གནོད་པར་བྱེད་པའི་དགྲ་བོ་ཐམས་ཅད་བསྒྲལ་བར་དམ་བཅས་ནས། །མདུན་གྱི་ནམ་མཁར་བྱོན་པར་བསམ་ལ། ༀ་ཨེ་ཧྱ་ཧི་ཤྲཱྀ་མ་ཧཱ་ཀཱ་ལ་ཛཿཧཱུྃ་བཾ་ཧོ༔ ཨ་ཀད་ཛ་ཡཿ ཨ་ཀད་ཛ་ཡཿ ཏིཥྛ་བཛྲ་ས་མ་ཡ་ཧཱུྃ༔ ཅེས་བརྒྱ་རྩ་བརྒྱད་བརྗོད་ལ། ཡེ་ཤེས་པ་རྣམས་དམ་ཚིག་པ་ལ་མཚོ་ལ་ཁ་བབ་པ་བཞིན་དུ་ཡང་ཡང་བསྟིམ་མོ། བཞི་པ་བཞུགས་སུ་གསོལ་བ་ནི། ཧཱུྃ་དུར་ཁྲོད་གསང་ཆེན་རོལ་པའི་དཀྱིལ་འཁོར་ནི། །བྲག་རི་ནག་པོ་དུར་ཁྲོད་བརྒྱད་ཀྱིས་བསྐོར། །བང་རིམ་བཞི་པ་མདའ་མདུང་རལ་གྲིའི་གུར། །གྲུ་གསུམ་དམར་ནག་བྲུབ་ཁུང་གནམ་ལྕགས་རྫོང་། །ཆུ་སྐྱེས་འདབ་སྟོང་ཉི་ཟླའི་གཞལ་གཡས་སུ། །བདག་མེད་སྟོང་པ་རོ་ཡི་གདན་སྟེང་དུ། །ཚོགས་བདག་མ་ཧཱ་ཀཱ་ལ་བཞུགས་སུ་གསོལ། །དམར་ནག་ཁྲག་ཞག་ལྷབ་ལྷུབ་ཁོལ་བའི་ཀློང་། །ཤུགས་ཆེན་དྲ་མ་འུར་འུར་འཁྲིགས་པའི་སྟེང་། ། སྒྲིབ་པ་གཉིས་སྤང་པདྨའི་གདན་ཁྲི་ལ། །མ་ཅིག་དཔལ་ལྡན་ལྷ་མོ་བཞུགས་སུ་གསོལ། །ཟླ་གམ་དམར་པོ་མེ་རླུང་འཚུབས་མའི་ཀློང་། །གནོད་བྱེད་ཤ་ཟ་མང་པོ་འདུས་པའི་གནས། །དུག་གསུམ་གནས་སྤང་པདྨ་རོ་གདན་སྟེང་། །སྐུ་གསུང་ཐུགས་ཀྱི་མགོན་པོ་གཞུགས་སུ་གསོལ། །འཁོར་ལོ་རྩིབས་བཅུ་མུ་ཁྱུད་གྲི་གུག་གུར། །ཕྱོགས་སྐྱོང་ཕོ་མོ་ལྷ་དམག་འདུས་པའི་གནས། །མི་དགེ་བཅུ་སྤང་རང་རང་བཞུགས་པའི་སྟེང་། །ཕྱོགས་བཅུའི་མགོན་པོ་འཁོར་བཅས་བཞུགས་སུ་གསོལ། །དུར་ཁྲོད་གནས་བརྒྱད་རོ་ལངས་འཁྲིགས་པའི་གུར། །དྲེགས་པ་ཕོ་མོ་གཅན་སྤྱང་འཚུབས་པའི་གནས། །ཚོགས་བརྒྱད་གནས་དག་ཀེང་རུས་འཁྲིགས་པའི་སྟེང་། །སྡེ་བརྒྱད་མགོན་པོ་འཁོར་བཅས་གཞུགས་སུ་གསོལ། །བསིལ་ཚལ་འཇིགས་རུང་སྤྲིན་ནག་འཁྲིགས་པའི་གུར། །མ་མོ་མཁའ་འགྲོ་གིང་ཆེན་འདུས་པའི་གནས། །རྩ་རླུང་གནས་སྤང་ཁྲག་མཚོ་བམ་རུལ་སྟེང་། །རྩལ་ཆེན་ཕྲ་མེན་བརྒྱད་རྣམས་བཞུགས་སུ་གསོལ། །རྒྱུག་བྱེད་ཁྱབ་པ་རླུང་ནག་འདུས་པའི་གུར། །ཤུགས་ཆེན་དྲག་ཤུལ་མྱུར་མགྱོགས་རྒྱུགས་པའི་གནས། །ཉོན་ཡུལ་གནས་སྤང་གོ་མཚོན་བརྩེགས་པའི་ཀློང་། །སྤྲུལ་པའི་ལྷ་དམག་དུང་ཕྱུར་བཞུགས་སུ་གསོལ། །ཕྱོགས་མཚམས་རང་རང་ཞིང་ཁམས་སྐྱོང་བ་ཡི། །སྲས་དང་བཙུན་མོ་བྲན་གཡོག་འདུས་པའི་གནས། །བྱང་སེམས་གནས་སྤང་འགྲེངས་དུད་འཕུར་ལྡིང་སྟེང་། །ཕྱོགས་སྐྱོང་མགོན་པོ་འཁོར་བཅས་བཞུགས་སུ་གསོལ། །ངེས་མེད་མཁའ་ལ་ཐོག་མེད་རྒྱུ་བའི་ཞིང་། །རྫུ་འཕྲུལ་སྟོབས་ཀྱིས་ཞིང་བཅུ་བསྒྲལ་བའི་གནས། །མི་དགེ་བཅུ་སྤང་རོ་ཁྲག་བསྙིལ་བའི་སྟེང་། །བཀའ་སྡོད་ཕོ་ཉ་འཁོར་བཅས་བཞུགས་སུ་གསོལ། །ཡང་སྤྲུལ་སུམ་སྤྲུལ་བྱ་ལྡིང་རྡོ་རྗེའི་རྫོང་། །ཀཾ་ཀ་ཏ་རི་དགྲ་ལྷ་རྒྱུག་པའི་གནས། །ཞིང་ཆེན་ཞིང་ཆུང་གཅལ་དུ་བཀྲམ་པའི་སྟེང་། །དགྲ་བླ་མཆེད་གསུམ་བཀའ་སྡོད་བཞུགས་སུ་གསོལ། པདྨ་ཀཱ་མ་ལ་ཡ་སྟྭམ། མ་སུཪྱ་མཎྜལ། སཾ་པདྨ་མཎྜལ། རུ་དྲ་སྟི་ར་བམ་ལྔ་པ་དབང་བསྐུར་བ་དང་རྒྱས་གདབ་པ། མགོན་པོའི་གནས་གསུམ་དུ་ༀ་ཨཱཿཧཱུྃ་གསུམ་གསལ་ལ། ཕྱོགས་བཅུ་དུས་གསུམ་གྱི་རྒྱལ་བ་རྣམས་ཀྱི་གསང་བ་གསུམ་དང་དབྱེར་མེད་པའི་རང་བཞིན་དུ་བསམ་ཞིང་། ཨེ་རྔུབ་ཨེ་བཛྲ་སན་དྷ་ཧྲིལ་པ་ཧྲི་ཨེ་ནུ་ནི་ཨ་ལཾ་མེ་ནི་ཧཱུྃཿ ༀ་སརྦ་ཏ་ཐཱ་ག་ཏ་ཀཱ་ཡ་ཝཱཀྐ་ཙིརྟ་ཨ་བྷི་ཥིཉྩ་ཏུ་མམ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ལྷ་ཚོགས་རྣམས་ཀྱི་སྤྱི་བོར་དབང་བསྐུར། ལུས་ངག་ཡིད་གསུམ་གྱི་དྲི་མ་དག་ཆུའི་ལྷག་མ་ཡར་ལུད་པ་ལས་ཚོགས་བདག་ལ་ཐོ་རངས་སྐར་ཆེན་ཤར་བ་ལྟར་སྤྱན་རས་གཟིགས་ཀྱིས་དབུ་བརྒྱན། །དེའི་མདུན་དུ་རྣམ་སྣང་། །ཤར་དུ་མི་བསྐྱོད་པ་ལྷོར་རིན་འབྱུང་། །ནུབ་ཏུ་སྣང་མཐའ། །བྱང་དུ་དོན་གྲུབ་རྣམས་ཀྱིས་དབུ་བརྒྱན། །ཡུམ་ལ་ཡུམ་ལྔས་དབུ་བརྒྱན། །སྤྱན་རས་གཟིགས་ལ་འོད་དཔག་མེད་དང་། །སྐུ་མཆོག་ལ་འཇམ་དཔལ་གསུང་མཆོག་ལ་རྟ་མགྲིན། །ཐུགས་མཆོག་ལ་ཕྱག་རྡོར་གྱིས་དབུ་བརྒྱན་པར་བསམ་མོ། །དེ་ལྟར་དབང་བསྐུར་བས་ལྷ་མི་ཐམས་ཅད་ཀྱི་དེད་དཔོན་མཆོག་ཏུ་གྱུར་བར་བསམ་ལ། ཡེ་ཤེས་དང་འཇིག་རྟེན་གྱི་བཀའ་སྲུང་ཆོས་སྐྱོང་ཐམས་ཅད་ཀྱི་མཐུ་སྟོབས་ནུས་པ་ཐམས་ཅད་བསྡུས་ནས་བསྟིམ་པས་བཀྲག་མདངས་གཟི་བརྗིད་མཆོག་ཏུ་འབར་ཞིང་ཁམས་གསུམ་ལས་རྣམ་པར་རྒྱལ་བའི་དཔལ་ཡོན་དང་ལྡན་པར་བསམ་མོ། དྲུག་པ་ཕྱག་འཚལ་བ་ནི། རང་གི་ཐུགས་ཀ་ནས་སྤྲུལ་པའི་ལྷ་མོ་དཔག་ཏུ་མེད་པ་སྤྲོས་ཏེ། སངས་རྒྱས་ཀྱི་བསྟན་པ་བསྲུང་ཞིང་། །གནོད་བྱེད་ཀྱི་དགྲ་བགེགས་སྒྲོལ་བ། རྣལ་འབྱོར་པ་ལ་མཆོག་ཐུན་གྱི་དངོས་གྲུབ་སྩོལ་བའི་ཆེད་དུ་མགོན་པོ་ལྷ་དམག་གི་ཚོགས་དང་བཅས་པ་ཐམས་ཅད་ལ་སྒོ་གསུམ་གུས་པའི་ཚུལ་གྱིས་ཕྱག་འཚལ་བར་བསམ་ཞིང་། ཧཱུྃ་ལྷ་མིན་དམག་ཚོགས་གཡུལ་བཟློག་ཅིང་། ལྷ་དམག་དཀར་པོའི་དབུགས་འབྱིན་པ༴ མ་ཧཱ་ཀཱ་ལ་འཁོར་བཅས་ལ། །མཆོད་ཅིང་བསྟོད་དེ་ཕྱག་འཚལ་ལོ། །ཟླ་བའི་འོད་ལྟར་ཞལ་གསལ་བ། །མ་རིག་སྒྲིབ་པ་སྤང་བའི་ཕྱིར། །འཇིག་རྟེན་འདི་ན་གང་སྟོན་པ། །ཚོགས་བདག་ཁྱེད་ལ་ཕྱག་འཚལ་ལོ། །ལྷ་རྣམས་ཀུན་གྱི་མ་མཆོད་ཚེ༴ ལྷ་རྣམས་གཡུལ་ལས་རྒྱལ་མ་གྱུར། །མཆོད་ནས་གཡུལ་ལས་རྒྱལ་བ་ཐོབ། །ཚོགས་བདག་ཁྱོད་ལ་ཕྱག་འཚལ་ལོ། །ལྷ་རྣམས་ཀུན་ལས་ཁྱད་པར་འཕགས། །ཁྱེད་ལ་ལྷས་ཀྱང་ཐོག་མར་མཆོད། །མཆོད་འོས་རྣམས་ཀྱིས་མཆོད་མཛད་པ། །ཚོགས་བདག་ཁྱེད་ལ་ཕྱག་འཚལ་ལོ། །དཀོན་མཆོག་གསུམ་གྱི་གཟུངས་བཟླས་པས། །དོན་དམ་ཕུན་སུམ་ཚོགས་འགྲུབ་ཅིང་། །རྒྱལ་བ་རྣམས་ཀྱིས་ལུང་བསྟན་པ། །ཚོགས་བདག་ཁྱེད་ལ་ཕྱག་འཚལ་ལོ། །སྟོན་པའི་བསྟན་པ་བསྲུང་བའི་ཕྱིར། །མཚན་དུ་རྡོ་རྗེ་འཆང་ངོ་ཞེས། །དབང་སྐུར་གང་གི་གཙོ་གྱུར་པ། །ཚོགས་བདག་ཁྱེད་ལ༴ ཡོན་ཏན་བསམ་འདས་བརྗོད་མི་ལངས། །མ་རིག་སེམས་ཅན་དོན་སླད་དུ། །མཆོད་བསྟོད་ཚོགས་བདག་མཉེས་གྱུར་ཅིག །ཚོགས་རྗེ་ཚོགས་བདག་ཆེན་པོ་ཁྱེད། །མགོན་པོ་བཞུགས་གནས་དཀྱིལ་འཁོར་དུ། ཇ་མེད་མཆོད་པ་སྤྲིན་འབྱུང་བ། ཡོན་ཏན་བརྒྱད་ལྡན་ཐམས་ཅད་ཀྱི། ཞབས་ལ་སྤྱི་བོས་གཏུགས་གྱུར་ཅིག །ༀ་ཤྲཱྀ་མ་ཧཱ་ཀཱ་ལ་ཨ་ཏི་པུ་ཧོ། པྲ་ཏི་ཛ་ཧོ༔ བདུན་པ་མཆོད་པ་འབུལ་བ་ལ་གསུམ་ལས། དང་པོ་མཆོད་རྫས་རྣམས་བྱིན་གྱིས་བརླབ་པ་ནི། ༀ་བཛྲ་ཡཀྵ་ཧཱུྃ་ༀ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཀྫྙ་ར་ཎ་ཧཱུྃཊ༔ ༀ་སྭ་བྷ་ཝ་ཤུདྡྷ་སོགས། གཏོར་མ་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་ༀ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ༀ་ཨཱཿཧཱུྃ་ལས་ལྷ་རྫས་ལས་གྲུབ་པའི་ཕོ་བྲང་ཕྲེང་བ། མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའ་དང་མཉམ་པར་གྱུར། རརྣ་མཎྜལ་མ་ལེ་ཨརྒྷམ་སོགས་ནས། ཤསྡ་ཨ་ལཾ་ཀ་ཨཱཿཧཱུྃ་སྭཱ་ཧཱ། ཅེས་དང་། སྔགས་དྲུག་ཕྱག་རྒྱ་དྲུག་གི་མཐར་ནང་ལྟར་ན། གཏོར་མ་གཟུགས་སྡུག་པ། སྒྲ་སྙན་པ་དྲི་ཞིམ་པ་རོ་མངར་བ་རེག་བྱ་འཇམ་པའི་ས་དང་བར་སྣང་ཐམས་ཅད་ཡོངས་སུ་གང་བར་གྱུར། ༀ་ཨཱཿཧཱུྃ་མ་ཧཱ་བྷ་ལིང་ཏ་ཏེ་ཛོ་བྷ་ལིང་ཏ་བྷ་ལ་བྷ་ཏེ་གུ་ཧྱ་ས་མ་ཡ་སྭ་ཧཱ། ལན་བདུན་བརྗོད་པས། གཏོར་མ་ཤ་ལྔ་བདུད་རྩི་ལྔའི་རང་བཞིན་དངོས་པོ་དགྲ་བགེགས་ཀྱི་ཤ་ཁྲག་ངོ་བོ་ཡེ་ཤེས་ཀྱི་བདུད་རྩིར་བྱིན་གྱིས་བརླབས་ལ། །མགོན་པོ་འཁོར་དང་བཅས་པ་རྣམས་ལ་ཕུལ་བས། །དེ་རྣམས་ཀྱི་ལྗགས་གྲི་གུག་གི་ཚུལ་དུ་གསོལ་ནས་སྐུ་གསུང་ཐུགས་མཉེས་ཤིང་ཚིམས་པས། །བདག་གིས་ཅི་བཅོལ་བའི་ལས་བྱེད་པར་བསམ་ཞིང་། གཉིས་པ་མཆོད་པ་འབུལ་བ་དངོས་ལ། །ཧཱུྃ་ཆོས་སྐུ་ཞི་བའི་དབྱིངས་ཉིད་ལས། །དུས་གསུམ་བདེ་བར་གཤེགས་པའི་ཡུམ། །ཆོས་སྐུ་མི་འགྱུར་སྐུ་མདོག་མཐིང་ནག་སྟོན། །ཕྱོགས་བཅུའི་སངས་རྒྱས་ཐམས་ཅད་དང་། །རྒྱལ་སྲས་འཁོར་བཅས་གཤེགས་སུ་གསོལ། །ལོངས་སྤྱོད་རྫོགས་པའི་སྐུ་ཆེན་པོ། །བཅོམ་ལྡན་རྣམ་པར་སྣང་མཛད་གངས་ཆེན་མཚོ། །རིགས་ལྔ་བྱང་ཆུབ་སེམས་དཔའ་དང་། །རྒྱལ་སྲས་ཐམས་ཅད་གཤེགས་སུ་གསོལ། །སྐུ་གསུམ་ཡེ་ཤེས་ལུང་བསྟན་པས། །ཐམས་ཅད་མཁྱེན་པ་ཤཱཀྱ་ཐུབ། །ཉན་ཐོས་རང་རྒྱལ་ཐམས་ཅད་དང་། །རྣམ་བཞི་འཁོར་བཅས་གཤེགས་སུ་གསོལ། །བླ་ན་མེད་པ་དཀོན་མཆོག་གསུམ། །ཐུགས་རྗེ་བརྩེ་བར་ལྡན་པའི་དགོངས་པ་ཅན། །ཐུགས་རྗེས་འགྲོ་བ་ཀུན་གྱི་དོན་མཛད་པས། །མགོན་གྱུར་དེ་ལ་ཕྱག་འཚལ་ལོ། །སྟོང་གསུམ་འཇིག་རྟེན་རབ་འབྱམས་ནས། །ལྷ་དང་མི་ཡི་མེ་ཏོག་དཔག་མེད་པ། །ཆུ་དང་ཐང་ལ་སྐྱེས་པའི་མེ་ཏོག་ཇི་སྙེད་པ། །རང་བཞིན་སྤོས་དང་སྦྱར་བའི་སྤོས། །ཕྱེ་མའི་སྤོས་རྣམས་ཇི་རྙེད་པ། །མི་ཤེས་མ་རིག་མུན་སེལ་བའི། །མ་མེ་སྒྲོན་མ་དྲི་ཆབ་དང་། །ལྷ་བཤོས་རིན་ཆེན་གདུགས་དང་རྒྱལ། །ཡིད་བཞིན་ཤིང་དང་རྒྱན་རྣམས་དང་། །གླུ་གར་བྲོ་མཆོག་རོལ་མོ་དང་། །གཞན་ཡང་མཆོད་པ་དཔག་མེད་རྣམས། །བླ་མེད་དཀོན་མཆོག་གསུམ་ལ་འབུལ། །ཐུགས་རྗེས་དགོངས་ནས་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །དེང་གི་ཡོན་མཆོད་འཁོར་བཅས་ཀུན། །སྐྱབས་ཀྱིས་དམ་པར་བཟུང་དུ་གསོལ། །ཧཱུྃ་ལྕང་ལོ་ཅན་གྱི་ཕོ་བྲང་ནས། །ཕྱག་ན་རྡོ་རྗེ་གསང་བའི་བདག། །རིགས་སྔགས་གསང་སྔངས་གཟུངས་སྔགས་ཀྱི། །བྱིན་རླབས་ཀུན་གྱི་བླ་ན་མེད། །རྫུ་འཕྲུལ་མཐུ་སྟོབས་བསམ་མི་ཁྱབ། །བདུད་དང་དགྲ་བགེགས་ཡོངས་ཀྱི་གཤེད། །རི་རབ་རྩེ་ལ་སྐུ་བརྟེན་པ། །ལྷ་ཀླུ་གནོད་སྦྱིན་ཀུན་འདུལ་ཞིང་། །འབྱུང་བོ་ཀུན་ལ་མངའ་མཛད་དེ། །མགོན་གྱུར་དེ་ལ་ཕྱག་འཚལ་ལོ། །དེང་གི་གནས་འདིར་གཤེགས་སུ་གསོལ། །ཡོན་ཆབ་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་རྫས་དང་། །རོལ་མོ་སིལ་སྙན་འཕན་གདུགས་དང་། །ཕོ་བྲང་བླ་རེ་རྒྱལ་མཚན་དང་། །འཕན་དང་བ་དན་ལ་སོགས་པའི། །ཡིད་བཞིན་མཆོད་པ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །སྡང་བའི་དགྲ་དང་གནོད་པའི་བགེགས། །རྡུལ་དུ་བརླག་པའི་ཕྲིན་ལས་མཛོད། །ཧཱུྃ་མི་འགྱུར་རྡོ་རྗེའི་བྲག་སྟེང་ནས། །རྫུ་འཕྲུལ་མཐུ་ལྡན་ཚོགས་ཀྱི་གཙོ་བོ་དང་། །ལོངས་སྤྱོད་ལྔ་ལྡན་ཡུམ་ཆེན་བཻ་ཏ་ལི། །ཆོས་ཉིད་ངང་གིས་འགྲོ་བའི་དོན་མཛད་པ། །ཚོགས་བདག་ཡབ་ཡུམ་འདིར་གཤེགས་མཆོད་པ་བཞེས། །དཔའ་བོའི་མཐུ་ཡིས་ལྷ་མིན་ག ཡུལ་བཟློག་ཅིང་། །འགྲོ་བ་སེམས་ཅན་ཀུན་གྱི་དོན་མཛད་པ། །དཔལ་རབ་འཆང་དང་མ་ཧཱ་ཀཱ་ལ་ཆེ། །བྲག་ལྷ་མགོན་པོ་དང་ནི་རྣམ་ཐོས་སྲས། །ཛམ་བྷ་ལ་དང་ཨཱཪྱ་རེ་མནྟ། །ཕྲིན་ལས་མངའ་བདག་མགོན་པོ་ནག་པོའི་ཚོགས། །འདིར་གཤེགས་སྤྱན་འདྲེན་མཆོད་པ་དམ་པ་བཞེས། །ཡབ་ཡུམ་གཉིས་ཀྱི་གསང་འཛིན་ཐུགས་ལས་སྤྲུལ། །མངག་ན་གློག་བཞིན་མྱུར་མཛད་པ། །ཕོ་ཉ་མངག་གཞུག་འདིར་གཤེགས་མཆོད་པ་དམ་པ་བཞེས། །མ་སྲིང་ཚུལ་གྱིས་བྱམས་མཛད་ཅིང་། །དཀར་མོ་སྤྱན་གཅིག་ཀཾ་ཀ་ཏ་རི་དང་། །མ་བདུད་ཆེན་མོ་འདིར་གཤེགས་མཆོད་པ་དམ་པ་བཞེས། །ཆོས་ཀྱི་རྒྱལ་མཚན་འཛུགས་པ་དང་། །དགེ་བའི་ལོ་འབྲས་རྟག་ཏུ་སྨིན་པ་དང་། །བདག་གི་འཁོར་རྣམས་དར་ཞིང་རྒྱས་པར་མཛོད། ༀ་ན་མཿསརྦ་ཏ་ཐཱ་ག་ཏ་བྷྱོ་བྷི་ཤྭ་མུ་ཁེ་བྷྱཿསརྦ་ཏད་ཁཾ་ཨུརྒ་ཏེ་སྥ་ར་ཥ་ཨི་མཾ་ག་ག་ན་ཁཾ་སྭཱ་ཧཱ། ཧཱུྃ་མེ་ཏོག་ལྕགས་རི་རིན་ཆེན་དབྱིག །ལ་དུ་ལ་ཕུག་ལ་སོགས་ཡིད་བཞིན་ཟས། །ཕྱོགས་བཅུའི་ཆུ་སྐྱེས་ཐང་སྐྱེས་ལོངས་སྤྱོད་རྒྱན། །རས་སུ་བྲིས་སོགས་རྒྱས་པར་འབུལ། དཀྱིལ་འཁོར་རྒྱན་གྱི་དམ་རྫས་མཛེས་པ་དང་། ལྷ་བཤོས་མར་མེ་ཡོན་ཆབ་དང་། བདུག་སྤོས་དྲི་དང་མེ་ཏོག་དང་། །སྦྲང་ཆང་རྒུན་ཆང་བཏུང་བའི་མཆོག །སྣ་ཚོགས་མཆོད་པ་འདི་བཞེས་ལ། །ཡིད་བཞིན་མཆོད་པ་འདི་དག་བཞེས། ༀ་ཤྲཱྀ་མ་ཧཱ་ཀཱ་ལ་ཡ་ས་སཱ་རི་ཝཱ་ར་པུཙྪ་མེ་གྷ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ༀ་མ་ཧཱ་ཀཱ་ལ་ཡ། ཀ་ཏི་ཀ་རི་ཀུ་རུ་ཏི་སྭཱ་ཧཱ། ན་མོ་ཤྲཱྀ་མ་ཧཱ་ཀཱ་ལ་ཡ། ན་མོ་ཡོ་ཀི་ནཾ། ན་མོ་ཌཀྐི་ནཾ། ཏདྱ་ཐཱ། ཧི་ལི་ཧི་ལི། ཀི་ཏི་ཀི་ཏི། ཙི་ཏི་ཙི་ཏི་སྭཱ་ཧཱ། ཧཱུྃ་ཚངས་རིགས་སྐྱེས་པའི་གནས་རབ་ནས། །ཚངས་པ་གདོང་བཞི་རལ་བ་ཅན། །ཚངས་རིགས་ལྷ་ཚོགས་འཁོར་དང་བཅས། །འདིར་གཤེགས་མཆོད་པ་དམ་པ་བཞེས། །བདག་གི་ལས་ཀྱི་འབྲས་བུ་མཆིས་པར་མཛོད། །ཧཱུྃ་རྣམ་པར་རྒྱལ་བའི་ཁང་བཟང་ནས། །བརྒྱ་བྱིན་ལྷ་ཡི་དབང་པོ་དང་། །འདོད་ཁམས་ལྷ་ཚོགས་འཁོར་དང་བཅས། །འདིར་གཤེགས་མཆོད་པ་དམ་པ་བཞེས། །བདག་གི་བཅོལ་བའི་ལས་རྣམས་གྲུབ་པར་མཛོད། །ཧཱུྃ་རི་རབ་གླིང་བཞི་སོ་སོ་ནས། །རྒྱལ་པོ་ཆེན་པོ་སྡེ་བཞིའི་བདག །རིགས་བཞི་འཁོར་དང་བཅས་པ་རྣམས། །འདིར་གཤེགས་མཆོད་པ་དམ་པ་བཞེས། །བདག་གི་བསམ་པ་སྒྲུབ་ཏུ་གསོལ། །ཧཱུྃ་དབང་པོ་མེ་ལྷ་གཤིན་རྗེ་དང་། །བདེན་བྲལ་ཆུ་ལྷ་རླུང་ལྷ་དང་། །གནོད་སྦྱིན་དབང་ལྡན་ཉི་ཟླ་དང་། །ས་བདག་ས་ཡི་ལྷ་མོ་དང་། །འཇིག་རྟེན་སྐྱོང་བ་འཁོར་དང་བཅས། །ཆོས་སྐྱོང་སྲུང་མ་འཁོར་བཅས་ལ། །མཆོད་པ་དམ་པ་འདི་དག་དང་། །ཡོན་ཆབ་མེ་ཏོག་བདུག་སྤོས་དང་། །མར་མེ་ཞལ་ཟས་སིལ་སྙན་དང་། །གླུ་གར་བྲོ་དང་འཕན་གདུགས་དང་། །འདོད་ཡོན་ལྔ་ཡི་མཆོད་པ་འབུལ། །ཕྱི་ནང་གསང་གསུམ་མཆོད་པ་འབུལ། །དཀར་གསུམ་གཏོར་མ་རྒྱན་ཅན་དང་། །ཤ་ཕུད་ཆང་ཕུད་མེ་ཏོག་དང་། །རིན་ཆེན་སྣ་ཚོགས་འབྲུ་སྣ་དང་། །འབྲས་ཀྱི་ཆང་དང་འབྲུ་ཡི་ཆང་། །རྒུན་ཆ་རྒུན་འབྲུམ་ཙན་དན་སོགས། །ལ་དུ་ལ་ཕུག་སྟག་ཤ་ལག་ཡ་དང་། །འབྲོང་ཤ་རྐང་གཟུགས་ཚེར་གྱི་ར་གཟུགས་དང་། །ཤེལ་གྱི་ལུག་གཟུགས་ཕྲ་མེན་ཕག་གཟུགས་དང་། །ལྷ་གཡག་དཀར་པོ་ལྷ་ལུག་གྲོ་མོ་དང་། །ར་སྐྱེས་ཁྲ་བོ་ལྷ་རྟ་སྙན་དཀར་དང་། །ལྷ་གླང་དཀར་པོ་འབྲང་རྒྱས་ཞལ་དཀར་དང་། །ཤ་བའི་མཆིན་ཁྲག་ཞི་མར་འོལ་ཀོན་དང་། །བཤོས་སུ་སྐྱེམས་དང་རྒྱན་བཅས་ལ་སོགས་པ། །སྨྱུག་མ་ཚིག་དགུ་དར་ཚོན་བལ་ཚོན་བརྒྱན་པ་འདི། །མགོན་པོའི་ལྷ་ཚོགས་ཐམས་ཅད་ཀྱིས། །བཞེས་ནས་བྱིན་གྱིས་བརླབ་ཏུ་གསོལ། །འདོད་ཁམས་གཟུགས་ཁམས་ལྷ་ཚོགས་རྣམས། །མཆོད་པ་དམ་པ་བཞེས་སུ་གསོལ། །མཆོད་པ་དམ་པ་བཞེས་ནས་ཀྱང་། །ནད་ཡམས་འཁྲུགས་པ་ཐམས་ཅད་དང་། །དུས་མིན་འཆི་དང་བཀྲ་མི་ཤིས། །ཕ་རོལ་དམག་དཔུང་གཞོམ་པ་དང་། །དགྲ་བགེགས་མ་ལུས་ཕམ་པར་མཛོད། །བདག་དང་རྒྱུ་སྦྱོར་ཡོན་བདག་ལ། །ཚེ་དང་བསོད་ནམས་འཕེལ་བ་དང་། །དབང་ཕྱུག་དང་ནི་འབྱོར་པ་དང་། །ལོ་ལེགས་བདེ་བ་རྙེད་པ་དང་། །ནད་མེད་པ་དང་བཀྲ་ཤིས་ཤོག། །བསྟེན་པའི་ལྷ་ཚོགས་ཐམས་ཅད་ལ། །མཆོད་པ་འབུལ་བའི་བྱིན་རླབས་ཀྱིས། །ཕྱོགས་བཅུ་དུས་གསུམ་ཐམས་ཅད་དུ། །སེམས་ཅན་ལེགས་དོན་འབྱོར་བ་དང་། །དགྲ་དང་བགེགས་རྣམས་མེད་པར་མཛོད། །རྟ་དང་བ་གླང་ནོར་ཕྱུག་དང་། །ནོར་དབྱིག་རིན་ཆེན་འབྲུ་དང་ནི། །བུ་ཕོ་བུ་མོ་གཉེན་བཤེས་རྣམས། །དགེ་ཞིང་ཚེ་རིང་ནད་མེད་དང་། །སེམས་ཅན་ལེགས་དོན་འབྱོར་བར་ཤོག །འགྲོ་བ་ཐམས་ཅད་བདེ་གྱུར་ཅིག །བདུད་དང་མུ་སྟེགས་ཀུན་བྲལ་ཤོག །རྒྱལ་པོ་མྱ་ངན་མེད་པ་བཞིན། །ཆོས་ཀྱི་རྒྱལ་སྲིད་སྐྱོང་བར་ཤོག། །བདེ་བར་གཤེགས་པའི་བསྟན་པ་འདི། །ཕྱོགས་བཅུ་ཀུན་དུ་དར་བ་དང་། །མྱུར་དུ་སེམས་ཅན་ཐམས་ཅད་ཀྱང་། །ཆོས་ཀྱི་སྣོད་དུ་འགྱུར་བར་ཤོག །དགེ་བ་ཐམས་ཅད་སྤྱིར་བསྔོས་པས། །མགོན་པོ་མཆོད་པའི་བྱིན་རླབས་ཀྱིས། །བདག་ཅག་འཁོར་དང་བཅས་པ་རྣམས། །ལོངས་སྤྱོད་ཐམས་ཅད་རྒྱས་པ་དང་། །ཚོགས་ཆེན་རྣམ་གཉིས་རྫོགས་པར་ཤོག །པདྨ་མཎྜལ་ཨཱཿཧཱུྃ། །གཞན་ཡང་མཆོད་པ་འབུལ་བ་ནི། །ཁྱུང་དང་སེང་གེ་སྟག་གཡག་རྣམས། །རྣལ་འབྱོར་ཕོ་ལྷའི་རྟེན་དུ་འབུལ། །སངས་རྒྱས་ཆོས་ཀྱི་བསྟན་པ་སྲུངས། །རྣལ་འབྱོར་བདག་གི་མཐུ་རྩལ་ཕྱུང་། །དཀོན་མཆོག་གསུམ་གྱི་སྐུ་དགྲ་ཡི། །སྤྱི་གཙུག་ཀླད་པའི་རྒྱ་ཐག་ཆོད། །སངས་རྒྱས་ཆོས་ཀྱི་དགྲ་བླ་རྣམས། །དུང་གི་མི་ཕོ་དཀར་པོ་ཁྲིད། །བསེ་ཁྲབ་རྣམ་གསུམ་སྐུ་ལ་མནབས། །ཕྱག་ན་སྦ་མདུང་རིང་མོ་བསྣམས། །དར་དཀར་བ་དན་ལྕེ་བརྒྱད་བཏགས། །སྟག་དང་འབྲོང་རྒོད་རོལ་དུ་ཁྲིད། །ཁྱུང་དང་སེང་གེ་རྗེས་སུ་འབྲང་། །རྐེད་ཀྱི་རལ་གྲི་མདའ་གཞུ་ལ། །དཔའ་རྟགས་ཚ་ཚྭ་སྐར་ལྟར་འཁྲུགས། །མཐུ་ཆེན་མགོན་པོའི་གཡས་ཕྱོགས་ན། །རྣལ་འབྱོར་ཕོ་ལྷ་ཀྱི་ལི་ལི། །མཐུ་ཆེན་མགོན་པོའི་གཡོན་ཕྱོགས་ན། །ཆོས་ཀྱི་དགྲ་བླ་ཤ་ར་ར། །མཐུ་ཆེན་མགོན་པོའི་རྒྱབ་ཕྱོགས་ན། །ལྷ་ཀླུ་གཉན་དམག་སྐར་ལྟར་འཁྲུགས། །མཐུ་ཆེན་མགོན་པོའི་སྔུན་རོལ་དུ། །སྲུང་མའི་དམག་ཚོགས་སྐར་ལྟར་འཁྲིགས། །མཐུ་ཆེན་མགོན་པོའི་དམག་ཚོགས་རྣམས། །ཐུབ་པའི་དཔུང་དང་ཆས་ཏེ་བྱོན། །ཆོད་པའི་ངར་དང་ཆས་ཏེ་བྱོན། །འདིར་བྱོན་བཀའ་ཡི་མཆོད་པ་བཞེས། །དཔའ་རྩལ་སེང་གེ་ཡང་རྩལ་ཅན། །མཐུ་ཆེན་མགོན་པོའི་རྟེན་དུ་འབུལ། །དགྲ་བོ་དཔའ་བའི་དོན་སྙིང་ཕྱུངས། །དགྲ་རྟ་མགྱོགས་པའི་རྒྱུས་པ་ཆོད། །དགྲ་བོའི་བུ་རྟ་རྡུལ་དུ་རློོགས། །བདུད་རྩི་ཞུག་སྦལ་ཐིག་ལེ་ཅན། །ས་བདག་ནག་པོ་གེལ་པ་ལ། །དགྲ་བོའི་ཡུལ་མཁར་བཤིག་པའི་ཡོན་དུ་འབུལ། །དགྲ་བོའི་བླ་རི་རྩེ་ནས་ཤིག །དགྲ་བོའི་བླ་ཤིང་རྩད་ནས་ཆོད། །དགྲ་བོའི་མདའ་མདུང་རུ་མཚོན་འདིས། །ཆོས་སྐྱོང་བསྲུང་མ་འཁོར་དང་བཅས། །དཔའ་རྟགས་བསྐྱེད་ལ་དབུ་འཕང་བསྟོད། །སྐུ་གསུང་ཐུགས་ཀྱི་རྟེན་དུ་འབུལ། །མ་གཡེལ་བསྲུང་མ་གཉན་པོ་རྣམས། །དགྲ་བོ་སྐྱོབས་པའི་ལྷ་དང་ཕྱེས། །རྫུ་འཕྲུལ་རྟ་ཕོ་སྒ་ཅན་འདི། །དཔའ་རབ་འཆང་གི་སྐུ་ལ་འབུལ། །བདག་ཅག་རྣལ་འབྱོར་དམ་ལྡན་གྱི། །ལམ་སྣ་དྲོངས་ལ་སོ་བ་མཛོད། སྡང་བའི་དགྲ་བོ་ལས་ངན་འདིས། །སོ་བ་སོད་ལ་ལམ་སྣ་ཁོགས། །འབྲུ་བཅུད་ཐུག་རེ་གྭ་པ་འདི། །བྲག་ལྷ་མགོན་པོའི་སྐུ་ལ་འབུལ། །དགྲ་མཁར་བཙན་པོ་རྩེ་ནས་ཕོབ། །ལྷ་གཡག་དཀར་པོ་ཟེ་བ་ཅན། །ལེགས་ལྡན་མགོན་པོའི་སྐུ་ལ་འབུལ། །དགྲ་བོ་དཔའ་བའི་དོན་སྙིང་ཕྱུངས། །སྟོབས་ཀྱི་གླང་པོ་སྣ་ལྗགས་ཅན། །ལྷ་དབང་བརྒྱ་བྱིན་སྐུ་ལ་འབུལ། །དགྲ་བོ་དཔའ་བའི་དོན་སྙིང་ཕྱུངས། །དུང་གི་སེང་གེ་རལ་པ་ཅན། །དཔལ་ལྡན་རྣམ་ཐོས་སྲས་ལ་འབུལ། །སྡང་བའི་དགྲ་བོའི་ར་སྒོ་ཕྱེས། །ཚང་གསུམ་ནོར་གྱི་ནང་བྱིན་གྱིས། །རིན་ཆེན་རྒྱུ་ལས་གྲུབ་པ་ཡི། །གནམ་གྱི་གཡུ་འབྲུག་སྔོན་པོ་འདི། །རྣལ་འབྱོར་ཕོ་ལྷའི་སྐུ་ལ་འབུལ། །དགྲོ་དཔའ་བའི་དོན་སྙིང་ཕྱུངས། །དགྲ་རྟ་མགྱོགས་པའི་རྒྱུས་པ་ཆོད། །སྡང་བའི་དགྲ་བོ་ཆམ་ལ་ཕོབ། །སྔགས་འཆང་བདག་གིས་དབང་དུ་བསྡུས། །འབྲུ་བཅུད་གངས་ཀྱི་གཡི་དཀར་འདི། །ཆོས་ཀྱི་དགྲ་བླའི་སྐུ་ལ་འབུལ། །དགྲ་བོ་དཔའ་བའི་དོན་སྙིང་ཕྱུངས། །དགྲ་རྟ་མྱོགས་པའི་རྒྱུས་པ་ཆོད། །དཔའ་བོོ་དོམ་དྲེད་རྔམས་པ་འདི། །དགྲ་བླ་ཁྱབ་འཇུག་སྐུ་ལ་འབུལ། །དགྲ་བོའི་བླ་མཁར་རྩེ་ནས་ཤིག །མི་ནོར་སྲོག་གི་འཁོར་ལོ་ཤིག །མགྱོགས་པའི་རྟ་ཕོ་གྱི་ལིང་འདི། །མཐུ་ཆེན་ཚངས་པའི་སྐུ་ལ་འབུལ། །དགྲ་བོའི་གནམ་གྱི་འཇུ་ཐག་ཆོད། །མི་ནོར་སྲོག་ལ་སྤུ་གྲིས་ཐོབ། །འཕྲུལ་གྱི་མ་བང་ཐོང་ཕྲོམ་འདི། །ཉེ་དབང་སུམ་ཅུའི་སྐུ་ལ་འབུལ། །དགྲ་བོའི་རྣོ་མཚོན་རྩེ་མོ་ཆོག ། བདུད་རྩི་སྨན་གྱི་བྱ་ཕོ་འདི། །རྒྱལ་ཆེན་སྡེ་བཞིའི་སྐུ་ལ་འབུལ། །སྡང་བའི་དགྲ་ལ་གཡུལ་ཉེས་ཕྱུངས། །མི་ནོར་སྲོག་གི་ཤན་པ་གྱིས། །བདུད་རྩི་དུང་གླང་དཀར་པོ་འདི། །ལྷ་ཆེན་བརྒྱད་ཀྱི་སྐུ་ལ་འབུལ། །དགྲ་ལ་མི་ནད་སྣ་དགུ་ཐོངས། །གློ་བུར་ནད་ཀྱི་ཆར་བ་ཕོབ། །རྩི་རྒོད་སྨན་གྱི་བ་དཀར་འདི། །གཉན་ཆེན་སྡེ་བཞིའི་སྐུ་ལ་འབུལ། །དགྲ་བོའི་སྐྱེ་བའི་རྒྱུན་ཐག་ཆོད། །མི་ནོར་སྲོག་གི་ནང་དབྱེེན་གྱིས། །དུང་གི་ཤ་ཕོ་རུ་བཅུ་འདི། །ཕྱོགས་སྐྱོང་གཉན་པོ་བཅུ་ལ་འབུལ། །སྡང་བའི་དགྲ་ལ་གཡུལ་ཉེས་ཕྱུངས། །འཕྲུལ་གྱི་ར་སྐྱེས་དཀར་པོ་འདི། །གཟའ་ཆེན་བརྒྱད་ཀྱི་སྐུ་ལ་འབུལ། །དགྲ་བོའི་གོ་ཁྲབ་རྒྱུན་ཐག་ཆོད། །སྨན་གྱི་བྱ་ཁྱུང་དཀར་པོ་འདི། །ལྷ་ཆེན་བརྒྱད་ཀྱི་སྐུ་ལ་འབུལ། །དགྲ་བོའི་གནམ་ས་ཁ་ཞབས་ལྡོག །ལྷ་ཤིང་ཀླུ་ཤིང་རྒྱན་ཅན་འདི། །སྣང་སྲིད་ས་བདག་སྐུ་ལ་འབུལ། །དགྲ་བོའི་ཡུལ་ཁམས་གཏིང་ནས་ཕྱོགས། ། ལྷ་ཚོགས་འཐབ་ལ་དཔའ་བ་དང་། །བསྲུང་མ་གཡུལ་ལས་རྒྱལ་བ་རྣམས། །མ་གཡེལ་དྲག་པོའི་ལས་ལ་ཆོས། །མཐུ་ཆེན་བསྲུང་མ་གཉན་པོ་ལ། །ཁྱུང་དང་གཡུ་འབྲུག་སྔོན་པོ་དང་། །དཔའ་རྔམ་སྟག་ག ཡག་སེང་གླང་རྣམས། །འབྲུ་བཅུད་རྟེན་འབྲེལ་རྒྱུ་ལས་བྱུང་། །འབྱུང་བ་ལྔ་ཡི་དྭངས་མས་བསྐྱེད། །སྔགས་དང་ཕྱག་རྒྱས་བྱིན་རླབས་ནས། །བེམ་པོ་རྣམས་ནི་དངོས་སུ་སྤྲུལ། །བསམ་གཏན་ལྷ་ཡི་དཀར་བས་ལྷག །མཐུ་ཆེན་སྲུང་མའི་སྐུ་ལ་འབུལ། །ཆོས་ཀྱི་དགྲ་བླའི་དབུ་འཕང་བསྟོད། །བདག་དང་རྒྱུ་སྦྱོར་ཡོན་བདག་གི །རྨངས་པོ་སྲིད་ཀྱི་རྒྱུད་འགབ་སྤེལ། །དབུལ་ཕོངས་སྡུག་བསྔལ་མེད་ནས་ཀྱང་། །ཕུན་སུམ་ཚོགས་པའི་ནོར་རྣམས་སྤེལ། །སངས་རྒྱས་ཆོས་ཀྱི་བསྟན་པ་སྲུངས། །རྣལ་འབྱོར་བདག་གི་མཐུ་རྩལ་ཕྱུངས། །དེ་རིང་ཡོན་བདག་མི་ནོར་གྱི། ། ཚེ་དང་སྲོག་གི་རྫི་བོ་གྱིས། །སངས་རྒྱས་ཆོས་ཀྱི་རྒྱལ་མཚན་ཕྱོར། །ལྟ་བ་ལོག་པའི་སྡིག་ཅན་དང་། །བྱི་ན་ཡ་གའི་དོན་སྙིང་ཕྱུངས། །ཆོས་ལ་བསམ་པ་ངན་བྱེད་ཀྱི། །སྤྱན་མིག་ཆོར་ལ་དོན་སྙིང་ཕྱུངས། །དགྲ་དང་ཟུན་དུ་མ་ནོར་བར། །བཅོལ་པའི་ཕྲིན་ལས་གྲུབ་པར་མཛོད། །དེ་ལྟར་མཆོད་ནས། གསུམ་པ་འདོད་དོན་གསོལ་བ་ནི། །ཧཱུྃ་དཔལ་ལྡན་མགོན་པོ་མཐུ་ཆེན་ཁྱོད། །ཡོན་ཏན་བྱིན་རླབས་རྨད་པོ་ཆེ། །འཕགས་པའི་ཐུགས་རྗེས་མངའ་བརྙེས་ཀྱང་། །དུས་ངན་སེམས་ཅན་འདུལ་སླད་དུ། །དཀོན་མཆོག་གསུམ་གྱི་སྐུ་སྲུངས་ཞིང་། །སྐྱེ་འགྲོ་ཡོངས་ཀྱི་སྐྱབས་ཀྱང་མཛད། །ཕྱག་ན་བདུད་ལ་བེང་ཆེན་བསྣམས། །བསྐལ་པའི་མེ་ལྟར་གཟི་བརྗིད་འབར། །ཡུན་གྱི་མགོན་དང་མཐུ་བསྟེན་གྱི། །རྒྱུན་དུ་འཚོ་བའི་མཆོད་པ་འབུལ། །རྟག་ཏུ་བསྲུང་ཞིང་བསྐྱབ་ཏུ་གསོལ། །དཀྱིལ་འཁོར་མཛེས་པ་དམ་པ་དང་། །མེ་ཏོག་ཕྲེང་བ་རིན་ཆེན་དབྱིག །ཡོན་ཆབ་བདུག་སྤོས་མར་མེ་དང་། །དྲི་དང་ལྷ་བཤོས་བྱུག་པ་གོས། །གཟུགས་མཛེས་སྒྲ་སྙན་དྲི་ཞིམ་དང་། །རོ་མངར་རེག་བྱ་འཇམ་ལ་སོགས། །སྣ་ཚོགས་མཆོད་པ་འདི་དག་བཞེས། །ཐུགས་རྗེས་འགྲོ་བའི་དོན་ལ་དགོངས། །བདག་ཅག་རེ་ཞིང་སྨོན་པ་རྣམས། །འཕགས་མགོན་ཁྱེད་ཀྱིས་འགྲུབ་པར་མཛོད། ༀ་ཤྲཱྀ་མ་ཧཱ་ཀཱ་ལ་ས་པཱ་རི་ཝཱ་ར་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུརྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྷྲྀ་ཧྞ་ཨེ་དམ་བྷ་ལིངྟ་ཡེ་སྭཱ་ཧཱ། ༀ་ཤྲཱྀ་མ་ཧཱ་ཀཱ་ལ་ཡཀྴ་བཻ་ཏ་ལི། མ་ཧཱ་སརྦ་པཉྩ་ཨ་མྲྀཾ་ཏ་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི། མ་ཧཱ་བྷ་ལིངྟ་ལ་ཁཱ་ཧིཿ དགྲ་བགེགས་མིང་དང་གཟུགས་སུ་བྲིས་པ་རྣམས་ཀྱིས་མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ༴ མ་ཧཱ་ཙིརྟ་ལ༴ མ་ཧཱ་བ་སུ་ཏ་ལ༴ མ་ཧཱ་ཀོ་རོ་ཙ་ན་ལ༴ མ་ཧཱ་ཀེཾ་ནི་རི་ཏི་ལ༴ དབང་པོ་རྣམ་ལྔ་ལ༴ དོན་སྙིང་ནང་རོལ་ལ༴ ཤ་ཁྲག་སྲོག་དབུགས་ལ་ཁཱ་ཧི༴ རྣམ་ཤེས་ཚོགས་བརྒྱད་ལ༴ སྐྱེ་མཆེད་བཅུ་གཉིས་ལ༴ ལྷག་མ་རྗེས་ཤུལ་ལ་ཁཱ་ཧི། །བཛྲ་ཨརྒྷཾ་པ་དྱཱཾ་སོགས་ནས་ཤབྟ་པྲ་ཏིཙྪ་ཡེ་སྭཱ་ཧཱ། །སྡང་བའི་དགྲ་དང་གནོད་པའི་བགེགས། །ནག་པོ་ཆེན་པོའི་ཞལ་དུ་སྟོབས། །སློབ་དཔོན་སྐུ་ལ་བསྡོ་བ་དང་། །རྣལ་འབྱོར་བདག་ལ་སྡང་བ་དང་། །རྡོ་རྗེ་སྤུན་ལ་འཁུ་བ་དང་། །བདག་གི་འཁོར་ལ་གནོད་པ་དང་། །མིང་དང་གཟུགས་སུ་བྲིས་པ་རྣམས། །ནག་པོ་ཆེན་པོའི་ཞལ་དུ་སྟོབས། །ཡན་ལག་རྣམས་ཀྱི་ཤ་ཆོད་ལ། །མགོན་པོ་ཆེན་པོའི་ཞལ་དུ་རོལ། །ཚེ་སྲོག་དམར་པོ་རྩད་ནས་ཆོད། །ཁྲག་གི་རྒྱུན་ཡང་འཐུང་བར་བྱེད། །སྙིང་ཁྲག་དྲོན་མོ་ཞལ་དུ་གསོལ། །ཏིལ་འབྲུ་ཙམ་ཡང་མེད་པར་མཛོད། །ༀ་ཨཱཿཧཱུྃ། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་མཆོད་ཅིང་འབུལ་བའི་གནས་ནི་དཔལ་མགོན་པོ་ནག་པོ། ཤྲྀ་མ་ཧཱ་ཀཱ་ལ། །དུག་གསུམ་ནད་ཀྱི་སྨན་པ། །བདུད་འདུལ་ལས་ཀྱི་དབང་ཕྱུག །རིག་འཛིན་ཡོངས་ཀྱི་སྲོག་ཤིང་། །རྣལ་འབྱོར་ཀུན་གྱི་དགྲ་བླ། །ཕྱི་ནང་གཉིས་ཀྱི་ཚོགས་བདག །ཡུམ་ཡཀྴ་བཻ་ཏ་ལི། །སྐུ་གསུང་ཐུགས་ཀྱི་མགོན་པོ། ། ཕྱོགས་བཅུའི་མགོན་པོ། ། སྡེ་བརྒྱད་ཀྱི་མགོན་པོ། ནག་པོ་སྟོང་། ཤ་ཟ་འབུམ། ལྷ་དམག་བྱེ་བ་དུང་ཕྱུར་དང་བཅས་པ་རྣམས་ལ་མཆོད་དོ། འབུལ་ལོ། གསོལ་ལོ། འདོན་ནོ། །མཉེས་རབ་ཀྱི་མཆོག། །དགྱེས་རབ་ཀྱི་ཕུལ། །འདོད་པའི་ཡོན་ཏན་གྱི་ཚོགས་ཀྱིས་མཉེས་པར་མཛོད་ལ། །བདག་ཅག་འཁོར་དང་བཅས་པ་རྣམས་ལ་བསྲུང་ཞིང་བསྐྱབ་པ་དང་། །བསམ་དོན་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། །ཕྲིན་ལས་སུ་བཅོལ་པའི་མདོ་ནི། ཉི་མ་ཕྱོགས་བཞི་མཚམས་བརྒྱད་ཀྱི་དགྲ་བགེགས་གདུག་པ་ཅན་སྡང་སེམས་དང་ལྡན་པ་མིང་དང་གཟུགས་སུ་བྲིས་པ་རྣམས་ཐལ་བའི་རྡུལ་ཕྲན་བཞིན་དུ་བརླག་པའི་ཕྲིན་ལས་མཛོད་ཅིག །ཅེས་འདོད་དོན་གསོལ་ལོ། བརྒྱད་པ་བསྟོད་པ་བྱ་བ་ནི། མགོན་པོ་གཙོ་འཁོར་ཐམས་ཅད་རྒྱན་ཆ་ལུགས་ཇི་ལྟ་བ་བཞིན་གསལ་གདབ་ལ། བདག་གི་ཐུགས་ཀ་ནས་སྤྲུལ་པའི་ལྷ་མོ་རྣམས་ཀྱི་ལུས་ཀྱི་གར་སྟབས། ངག་གི་འགྱུར་དབྱངས་སེམས་ཀྱི་མོས་གདུང་དང་བཅས་པས་གསང་བ་གསུམ་གྱི་ཡོན་ཏན་ལ་བསྔགས་བརྗོད་བྱས་པ་དང་། ཆབ་གཅིག་ཕྱི་སྣོད་འཇིག་རྟེན་གྱི་ཁམས་ནས་དེ་ལྟར་རང་སྒྲ་གྲགས་པ་དང་། ནང་བཅུད་འགྲོ་བ་རྣམས་ཀྱིས་དེའི་རྗེས་སུ་བསྟོད་བསྔགས་རྒྱ་ཆེན་པོ་བྱེད་པར་དམིགས་པ་དང་བཅས་ཏེ། །ཧཱུྃ་བསྐལ་པའི་མེ་ལྟར་འབར་བའི་དབུས། །དུར་ཁྲོད་ཆེན་པོའི་གནས་མཆག་ནས། །དཔལ་ལྡན་མགོན་པོ་ནག་པོ་ནི། །སྐུ་མདོག་མཐིང་ནག་ཆར་སྤྲིན་མདོག །བམ་ཆེན་སྟེང་ན་འགྱིང་བག་ཅན། །ཞལ་གཅིག་ཕྱག་གཉིས་སྤྱན་གསུམ་དམར། །རལ་པ་དམར་སེར་མཆེ་བ་གཙིགས། །སྐུ་ལ་དར་ནག་འཇོལ་བེར་མནབས། །ཕྱག་གཡས་ཙན་དན་བེང་ཆེན་ཕྱར། །གཡོན་པས་ཐོད་པ་ཁྲག་བཀང་གསོལ། །གསེར་སྐུད་སེར་པོའི་སྐ་རགས་བཅིངས། །ཞབས་ལ་སག་ཏིའི་ལྷཱམ་སྔོན་མནབས། །བསྐལ་པའི་མེ་རིའི་ཀློང་ནས་བཞེངས། །བསྟན་པ་བསྲུང་བར་ཞལ་བཞེས་པའི། །དཔལ་ལྡན་མགོན་པོ་ནག་པོ་ཆེ། །རལ་པ་གྱེན་དུ་འབར་བ་ཡིས། །སྟེང་གི་ལྷ་བདུད་བཟློག་པར་བྱེད། །དཔྲལ་བར་ཁྲོ་གཉེར་གསུམ་ལྡན་པས། །སྲིད་གསུམ་བགེགས་རྣམས་བཟློག་པར་བྱེད། །མཆེ་བ་ཟུར་གསུམ་གཙིགས་པ་ཡིས། །བདུད་བཞིའི་བར་ཆད་བཟློག་པར་བྱེད། །དར་ནག་འཇོལ་བེར་གསོལ་བ་ཡིས། །ཚེ་བདུད་ནག་པོ་བཟློག་པར་བྱེད། །ཙན་དན་བེང་ཆེན་ཕྱར་བ་ཡིས། །ལྷ་མིན་གཡུལ་ངོ་བཟློག་པར་བྱེད། །གཡོན་པས་ཐོད་ཁྲག་བསྣམས་པ་ཡིས། །དགྲ་བགེགས་སྙིང་ཁྲག་འཐུང་བར་བྱེད། །གསེར་སྐུད་སེར་པོའི་སྐ་རགས་བཅིངས་པ་ནི། །རྣལ་འབྱོར་བར་ཆད་བཟློག་པར་བྱེད། །གཡས་བསྐུམ་གཡོན་བརྐྱང་བྱེད་པ་ནི། །འཆི་བདག་གཤིན་རྗེ་བཟློག་པར་བྱེད། །བམ་ཆེན་སྟེང་ན་འགྱིངས་བ་ནི། །ས་བདག་ཀླུ་གཉན་བཟློག་པར་བྱེད། །བསྐལ་པའི་མེ་དཔུང་ཀློང་ན་འགྱིང་པ་ནི། །ཉོན་མོངས་བག་ཆགས་མ་ལུས་བསྲེགས་པར་བྱེད། །བཟློག་བྱེད་རྒྱལ་པོ་ཁྱོད་ལ་ཕྱག་འཚལ་བསྟོད། །བཟློག་བྱེད་ནག་པོ་འཁོར་བཅས་ལ། །བདག་གིས་མཆོད་ཅིང་བསྟོད་ནས་ནི། །བཀའ་འཁོར་སྲུངས་ལ་བར་ཆད་བཟློག །སངས་རྒྱས་བསྟན་པ་བཤིག་པ་དང་། །དཀོན་མཆོག་དབུ་འཕང་སྨད་པ་དང་། །སློབ་དཔོན་སྐུ་ལ་བསྡོ་བ་དང་། །བདག་ལ་བར་དུ་གཅོད་པ་ཡི། །སྡང་བའི་དགྲ་དང་གནོད་པའི་བགེགས །ཐམས་ཅད་མ་ལུས་རྡུལ་དུ་རློགས། །བཅོལ་པའི་ཕྲིན་ལས་གྲུབ་པར་མཛོད། བྷྱོཿ བསྐལ་པའི་མེ་རླུང་འཚུབ་མའི་ཀློང་དཀྱིལ་ནས། །སྨོན་ལམ་སྟོབས་ཀྱིས་སངས་རྒྱས་བསྟན་པ་སྲུང་། །དཔལ་ལྡན་ལྷ་མོ་ནག་མོ་ནི། །སྐུ་མདོག་མཐིང་ནག་མུན་ལྟར་གཏིབས། །ཁྲག་གི་རལ་པ་གཡས་དང་གཡོན་དུ་འཁྱིལ། །ཕྱག་གཡས་གཅོད་བྱེད་གྲི་གུག་ཕྱར། །གཡོན་པས་ཐོད་ཁྲག་ནད་རྐྱལ་བསྣམས། །ཆིབས་སུ་དྲེའུ་ནག་གཱ་པ་བཅིབས། །འཁོར་ནི་མ་མོ་འབུམ་གྱིས་བསྐོར། །དམ་རྫས་རྒྱན་གྱི་གཏོར་མ་བཞེས། །དགྲ་བགེགས་བསྒྲལ་བའི་ཕྲིན་ལས་མཛོད། །ཧཱུྃ་སྐུ་ཡི་མགོན་པོ་གཏུམ་བྱེད་ནི། །སྐུ་མདོག་མཐིང་ནག་ཆར་སྤྲིན་འདྲ། །ཕྱག་གཉིས་རྩེ་གསུམ་ཐོད་ཁྲག་བསྣམས། །དགྲ་བགེགས་སྙིང་ཁྲག་ཞལ་དུ་གསོལ། །བགེགས་དང་ལོག་འདྲེན་འདུལ་མཛད་པ། །སྐུ་མཆོག་ཁྱེད་ལ་ཕྱག་འཚལ་བསྟོད། །ཧཱུྃ་གསུང་གི་མགོན་པོ་གསོད་བྱེད་ནི། །སྐུ་ལ་དར་ནག་བེར་ཆེན་བརྒྱན། །ཕྱག་གཉིས་བེང་དང་ཐོད་ཁྲག་བསྣམས། །དགྲ་བོའི་སྲོག་རྩ་གཅོད་པར་བྱེད། །གཤིན་རྗེའི་ཚོགས་ཀྱིས་གདུག་པ་འདུལ། །གསུང་མཆོག་ཁྱེད་ལ་ཕྱག་འཚལ་བསྟོད། །ཧཱུྃ་ཐུགས་གྱི་མགོན་པོ་སྒྲོལ་བྱེད་ནི། །སྐུ་ནི་རྔམ་བརྗིད་མཐིང་ནག་ལ། །ཕྱག་གཉིས་གྲི་གུག་ཐོད་ཁྲག་བསྣམས། །སྡང་བྱེད་དགྲ་བགེགས་འགུགས་ཅིང་གསོད། །མ་མོའི་ཚོགས་ཀྱིས་གདུག་པ་འདུལ། །ཐུགས་མཆོག་ཁྱོད་ལ་ཕྱག་འཚལ་བསྟོད། །ཧཱུྃ་ལྷ་དམག་བྱེ་བའི་ཚོགས་རྣམས་ནི། །དགྲ་བགེགས་འདུལ་བའི་དོན་ཆེད་དུ། །ཞལ་ནས་ཆ་སྒྲ་ཏི་རི་རི། །དགྲ་བགེགས་བཟློག་པའི་ལས་མཛོད་ཅིག །ཧཱུྃ་ཕྱོགས་སྐྱོང་བཅུ་པོ་འཁོར་དང་བཅས། །བཀའ་ཡི་ལྷ་སྲིན་སྡེ་བརྒྱད་དང་། །མཁའ་ལ་རྒྱུ་བ་མ་མོའི་ཚོགས། །འགལ་རྐྱེན་བཟློག་ལ་དངོས་གྲུབ་སྩོལ། །ཧཱུྃ་ཡང་སྤྲུལ་ཕོ་ཉའི་ཚོགས་རྣམས་ནི། །མཚོན་ཆ་སྣ་ཚོགས་ཕྱག་ན་བསྣམས། །དགྲ་བགེགས་སྲོག་རྩ་གཅོད་ཅིང་གཏུབས། །མི་མཐུན་རྐྱེན་དང་བར་ཆད་བཟློག །མཐུན་པའི་དངོས་གྲུབ་བདག་ལ་སྩོལ། །བཅོལ་བའི་ཕྲིན་ལས་གྲུབ་པར་མཛོད། །ཧཱུྃ་བདེ་གཤེགས་མགོན་པོ་བསྟན་པའི་དཔལ། །ཚོགས་བདག་དགྱེས་པའི་བྱིན་རླབས་ལས། །སྡུག་བསྔལ་ནད་སེལ་ཐུགས་རྗེ་ཆེ། །ཐམས་ཅད་སྤྲུལ་པའི་དུར་ཁྲོད་དཔལ། །ཚོགས་རྗེ་ཚོགས་ཀྱི་བདག་པོ་སྟེ། །དེ་བཞིན་གཤེགས་པའི་བཞེད་པར་སྟོན། །ཁམས་གསུམ་ཁེང་པའི་སེམས་ཅན་རྣམས། །ཚེ་དང་སྲོག་ལ་མངའ་བ་སྟེ། །ཤེས་རབ་མཚོན་གྱིས་སྒྱུ་མར་སྟོན། །བླུན་རྨོངས་ཁེངས་པ་ཐར་བར་མཛོད། །མི་མཐུན་ཕྱོགས་རྣམས་ཟད་པར་སྟོན། །བྱང་ཆུབ་ཆེན་པོར་ཁྱེད་ཀྱིས་སྒྲོལ། །དཔལ་གྱི་སྙིང་པོ་དཔལ་ཕྲེང་མ། །དཔལ་གྱི་ཚོགས་ལ་ཕྱག་འཚལ་བསྟོད། །སྨོན་ལམ་གདབ་པ་ནི། །ཡོན་མཆོད་ཀུན་གྱིས་ཐལ་མོ་སྦྱར་བའི་བར་དུ་མེ་ཏོག་ཐོག་ལ། །བེང་གི་རྩེ་མོའི་ཡིད་བཞིན་གྱི་ནོར་བུ་ལས་རིན་པོ་ཆེའི་ཆར་བབས་པས་གནས་ཁང་བང་མཛོད་ཐམས་ཅད་གང་བར་བསྒོམ་ཞིང་། གཞུང་ནས་ཇི་ལྟར་བཤད་པའི་དོན་ཐམས་ཅད་ལྷ་ཚོགས་རྣམས་ཀྱིས་བསྒྲུབ་པར་བསམ་ལ། །ཧཱུྃ་མགོན་པོ་ཁྱེད་མཆོད་བྱིན་རླབས་ཀྱིས། །ཕྱོགས་དང་དུས་ཀུན་ཐམས་ཅད་དུ། །བདག་ཅག་འཁོར་དང་བཅས་པ་རྣམས། །ཕྱོགས་བཅུ་གང་དུ་འགྲོ་ན་ཡང་། །གནོད་བྱེད་དགྲ་བགེགས་མེད་པར་མཛོད། །ནད་དང་གནོད་པ་ཀུན་བྲལ་ཤོག །བགེགས་ཀྱི་གནོད་པ་ཀུན་མེད་ཤོག །རྟ་དང་བ་གླང་ནོར་དང་འབྲུ། །བུ་དང་བུ་མོ་གཉེན་བཤེས་རྣམས། ། དགེ་ཞིང་ཚེ་རིང་བདེ་སྤྱོད་པའི། །ལོངས་སྤྱོད་ཕུན་སུམ་ཚོགས་པར་ཤོག །རྒྱལ་པོ་མྱ་ངན་མེད་པ་བཞིན། །ཆོས་ཀྱི་རྒྱལ་སྲིད་སྐྱོང་བར་ཤོག །བདེ་བར་གཤེགས་པའི་བསྟན་པ་འདི། །ཕྱོགས་བཅུ་ཀུན་དུ་དར་བ་དང་། །མྱུར་དུ་སེམས་ཅན་ཐམས་ཅད་ཀྱང་། །བདུད་རྩིའི་སྣོད་དུ་འགྱུར་བར་ཤོག །དགེ་བ་ཐམས་ཅད་སྤྱིར་བསྔོོས་པས། །མགོན་པོ་ཁྱེད་མཆོད་བྱིན་རླབས་ཀྱིས། །བདག་ཅག་འཁོར་དང་བཅས་པ་ཡི། །ལོངས་སྤྱོད་ཐམས་ཅད་རྒྱས་པར་ཤོག །བདག་ཀྱང་བྱང་ཆུབ་མཆོག་ཐོབ་ནས། །མགོན་པོ་ཁྱེད་དང་མི་འབྲལ་འགྲོགས་པར་ཤོག །ༀ་ཡེ་དྷརྨཱ་སོགས་ཎ་ཡེ་སྭཧཱ། ཅེས་ཡེ་དྷརྨཱ་ལན་བདུན་ནམ་གསུམ་གྱིས་ནས་བ སྔགས་ལ་གནས་ཁང་ལ་གཏོར་བས་བརྟན་པར་བསམ་མོ། །དགུ་བ་འབོད་པ་ལའང་གཉིས་ལས། དང་པོ་དམིགས་པས་གཅུན་ཞིང་བསྙེན་སྔགས་བསྒྲུབ་དང་། སྐབས་སུ་མཆོད་རྟེན་བྱ་བའོ། དང་པོ་ནི་མགོན་པོའི་འདི་ཚེ་སྒྲུབ་ཁོ་ནའི་ཚེ་འབོད་པའི་བསྙེན་པ་བཟླ་ལུགས་ཞལ་ཤེས་བསྙེན་ཡིག་ནས་གསལ་བ་བཞིན་བྱ་བའོ། གནས་སྐབས་སུ་འདི་ལྟར་གྱིས་ཆོག་པ་ཤེས་པར་མཛོད། མགོན་པོའི་ཐུགས་ཀར་ཟླ་བའི་སྟེང་དུ་བེང་། །དེའི་ལྟེ་བར་ཧཱུྃཿགི་མཐའ་སྐོར་དུ་སྔགས་ཀྱིས་གཡས་སུ་འཁོར་བ། །ཡུམ་གྱི་ཐུགས་ཀར་ཉི་མའི་སྟེང་དུ་གྲི་གུག་གི་སོ་ཡུའི་མཚམས་སུ་བྷྱོཿལ་སྔགས་ཀྱིས་གཡོན་དུ་འཁོར་བར་བསྒོམ། དེ་ལྟར་སྔགས་ཕྲེང་ལས་འོད་ཟེར་འཕྲོས་པས་ཕྱོགས་བཅུའི་བདེ་བར་གཤེགས་པ་ཐམས་ཅད་ལ་མཉེས་པའི་མཆོད་པ་འབུལ། ཐུགས་དམ་གྱི་རྒྱུད་བསྐུལ། དེ་དག་གི་ཐུགས་ཀ་ནས་འོད་ཟེར་ལྕག་ཀྱུ་ལྟ་བུ་ཚྭ་ལ་རྩུབ་པ་འཕྲོས་པས་དྲེགས་པ་ཅན་ཐམས་ཅད་ལ་ཕོག་པས་ཚར་བཅད། །དབང་དུ་བསྡུས་ནུས་མཐུ་ཐམས་ཅད་ཕྲོགས་ནས་མགོན་པོའི་ཐུགས་ཀར་ཐིམ། མགོན་པོའི་ཐུགས་ཀ་ནས་འོད་ཟེར་ཚུར་བྱུང་ནས་བདག་ཉིད་ཡི་དམ་གྱི་ཐུགས་ཀའི་སྔགས་ཕྲེང་ལ་ཐིམ་པས་རང་ཉིད་བཀྲག་མདངས་གཟི་བརྗིད་དང་ལྡན་པར་བསྒོམ་ལ། ༀ་ཤྲཱྀ་མ་ཧཱ་ཀཱ་ལ་ཧཱུྃ་ཕཊཿ ༀ་ཡཀྴ་བཻ་ཏ་ལི་ཧཱུྃ་ཕཊཿ མ་ཧཱ་ཀཱ་ལ་སིདྡྷི་ཡཾ་དུ་ཛ༔ཅེས་པས་སྤྱིར་འབོད་རྦད་བསད་གསུམ་གྱི་ལུགས་ལ་འབུམ་ཐེར་ལྔ་ལ་སོགས་པ་དང་། གནས་སྐབས་སུ་ཅི་རིགས་པ་བཟླའོ། གཉིས་པ་མཆོད་བསྟོད་བྱ་བ་ནི། ཧཱུྃ་བསྐལ་པའི་མེ་ལྟར་འབར་བའི་དབུས། །དུར་ཁྲོད་ཆེན་པོའི་གནས་མཆོག་ནས། །བམ་ཆེན་སྟེང་ན་འགྱིང་བག་ཅན། །དཔལ་ལྡན་མགོན་པོ་ནག་པོ་ནི། །བདུད་དང་དགྲ་བགེགས་བཟློག་པའི་ཕྱིར། །བྱམས་པའི་སེམས་ཀྱིས་མཆོད་འབུལ་བསྟོད། ཅེས་པས་བསྟོད་ལ། འདོད་དོན། མགོན་པོ་ཚོགས་བདག་གི་སྔགས་འགྲིགས་བཻ་རོ་ཙ་ནས་ལྡི་རི་ཆོས་གྲགས་ལ་གནང་བ་ཟབ་རྒྱ༔ ༀ་ཤྲཱི་མ་ཧཱ་ལ་གཱ་ན་གུ་ཏི་ཧཱུྃ་ཕཊཿ ཉེ་བའི་སྙིང་པོའོ། མ་ཧཱ་ཀཱ་ལ་སིདྷི་ཡཾ་དུ་ཛ༔ ཅི་འདོད་དངོས་གྲུབ་འབྱུང་བའི་རླུང་ལྟར་མྱུར་བའི་སྙིང་པོ། ༀ་ཤྲཱི་མ་ཧཱ་ཀཱ་ལ་གཱ་ན་གུ་ཏི་ཧཱུྃ་ཕཊ༔ ཚོགས་བདག་ལྟར་བསྟན་པའི་སྙིང་པོའོ། ༀ་བཛྲ་ཡཀྴ། བཻཏྟ་ལི་ཧཱུྃ་ཕཊ༔ ཡུམ་བསྙེན་ཚགས་བར་དགུ་མའོ། ༀ་བཛྲ་ཡཀྴ་བཻཏྟ་ལི་ཧཱུྃ་ཕཊ་ཛ་ཛ༔ཡུམ་གྱི་བསྙེན་པ་བཅུ་གཅིག་པའོ། ༀ་ཤྲཱྀ་མ་ཧཱ་ཀཱ་ལ་ག་ན་པ་ཏི་ཤཾ་ཀ་རི་སིཏྟི་ཧཱུྃ་ཕཊ༔ ཚོགས་བདག་ཀྱིས་འོ། ༀ་མ་ཧཱ་ཀཱ་ལ་ཡཀྴ་བཻ་རྟ་ལི་ཧཱུྃཊ༔ ཡབ་ཡུམ་ཀྱི་སྔགས་བསྒྲིལ་མའོ། ༀ་མ་ཧཱ་ཀཱ་ལ་ཨཱཪྱ་རེ་མནྟ་ཧཱུྃཊ༔ ཤར་ཕྱོགས་ཀྱི་མགོན་པོའོ། ༀ་མ་ཧཱ་ཀཱ་ལ་ཏད་ཤད་ཛཿཧཱུྃ་ཕཊཿ ཕྱོགས་ཀྱི་མགོན་པོའོ། ༀ་མ་ཧཱ་ཀཱ་ལ་མི་ཊྲི་མ་རུ་ཀཱ་ཡེ་ཧཱུྃ་ཕཊ༔ ནུབ་ཕྱོགས་ཀྱི་མགོན་པོའོ། ༀ་མ་ཧཱ་ཀཱ་ལ་བཻ་ཤ་ར་མ་ཎ་ཡེ་ཧཱུྃཊ། བྱང་ཕྱོགས་གྱི་མགོན་པོའོ། ༀ་མ་ཧཱ་ཀཱ་ལ་ཨཪྱཱ་ཛམ་བྷ་ལ་ཧཱུྃཊ༔ ཤར་ལྷོ་མཚམས་ཀྱི་མགོན་པོ འོ། ༀ་མ་ཧཱ་ཀཱ་ལ་དྷེ་ཝ་ནི་རི་ཏི་ཧཱུྃ་ཕཊ༔ ལྷོ་ནུབ་མཚམས་ཀྱི་མགོན་པོའོ། ༀ་མ་ཧཱ་ཀཱ་ལ་རུ་ཀོ་རུ་ག་ནི་རུ་གེ་ཧཱུྃ་ཕཊ༔ ནུབ་བྱང་མཚམས་ཀྱི་མགོན་པོའོ། ༀ་མ་ཧཱ་ཀཱ་ལ་ཨེ་ཤ་ཎ་ཡེ་ཧཱུྃཊ༔ བྱང་ཤར་མཚམས་ཀྱི་མགོན་པོའོ། ༀ་མ་ཧཱ་ཀཱ་ལ་ཙཎྜ་ཡེ་ཧཱུྃ་ཕཊ༔ སྟེང་གི་ཕྱོགས་ཀྱི་མགོན་པོའོ། ༀ་མ་ཧཱ་ཀཱ་ལ་ཨ་ཏི་པྲ་ཏི་བྷྱོ་ཧཱུྃ་ཕཊཿ འོག་ཕྱོགས་ཀྱི་མགོན་པོའོ། ༀ་བཛྲ་མ་ཧཱ་ཀཱ་ལ་ཧཱུྃ་ཕཊ༔ བདུད་ཀྱི་མགོན་པོའོ། ༀ་བཛྲ་རེ་མ་ཏི་མ་བྷྱོ་ཛ༔ ལྷ་མོ་འདི་ཡི་མགོན་པོའོ། ༀ་མ་ཧཱ་ཀཱ་ལ་ཨཿདྷེ་ཝཱ་རཀྴ་ཧཱུྃ་ཕཊ༔ ལྷ་ཡི་མགོན་པོའོ། ༀ་མ་ཧཱ་ཀཱ་ལ་ཡཿཡ་མ་རཀྴ་ཧཱུྃ་ཕཊཿ གཤིན་རྗེའོ། ༀ་མ་ཧཱ་ཀཱ་ལ་མཿམ་མ་རཀྴ་ཧཱུཾ་ཕཊ༔ མ་མོ། ༀ་མ་ཧཱ་ཀཱ་ལ་དུཿཔྲ་མ་རཀྴ་ཧཱུྃ་པཊ༔ བདུད། ༀ་མ་ཧཱ་ཀཱ་ལ་རུཿཨ་ཤཱ་རཀྴ་ཧཱུྃ་ཕཊ༔ བཙན། ༀ་མ་ཧཱ་ཀཱ་ལ་ཙཿརཱ་ཛ་རཀྴ་ཧཱུྃ་ཕཊཿ རྒྱལ་པོ། ༀ་མ་ཧཱ་ཀཱ་ལ་ཤཿཡཀྴ་རཀྴ་ཧཱུྃ་ཕཊ༔ གནོད་སྦྱིན། ༀ་མ་ཧཱ་ཀཱ་ལ་ནཿནཱ་ག་རཀྴ་ཧཱུྃ་ཕཊ༔ ཀླུ། ཧཱུྃ་བྷྱོ་ཛཿཨཿཡཿམཿདུཿརུཿཙཿཤཿནཿས་མ་ཡ་ཛཿཛ༔ མ་མགོན་སྟེང་བརྒྱད་དང་བསྡུས་པའོ། ༀ་ཆོས་སྐྱོང་སྤྱི་བོའི་སྙིང་པོ་ཙཎྜ་བཏུམ་པོ་མ་ཧཱ་ཆེན་པོ་ཀཱ་ལ་ཡཿ ཤ་བསྟན་པ་ན༔ ཨུ་ཉེ་བར་པ་ཧ་རི་ཎིཿ ཨེ་བསྒྲུབ་པ་འདི་ཡིས་ཋ་ཨ་པཉྩ་ིམ་ཀཱ་ཕྱི་མའི་དུས་ལོཿ ཨ་ད་ཡང་ཡཾ་ཨེ་དམ༔ རརྣ་དྲ་ཡ་དཀོན་མཆོག་རིན་གསུམ་ལ་ཡཿ ཨ་པ་གནོད་པར་བྱེད་པའི་དགྲ་རྣམས་ཀ་རི་ཎིཿ ཨ་ཏི་གལ་ར་ན་པྲ་ཏི་ཛྙཿགལ་ར་ན། སྨ་ར་སི་དྲན་པར་གྱིས་པ་ཏ་དཱཿ ཨེ་དཾ་དགྲ་གདུག་པ་ཅན་འདི་དུཎྜཾཿ ཁ་ཐམས་ཅད་ཁ༔ཐམས་ཅད་ཁཱ་ཧི་ཟ་རུ་ཆུག་ཁཱ་ཧིཿཟ་རུ་ཆུག མ་སོད་ར་མ་སོད་རཿ གྷྲྀཧྞ་ཟུང་གྷྲྀཧྞ་ཟུང་ཋ། བྷནྡྷ་ཆིངས་བྷནྡྷ༔ཆིངས། ཧ་ན་སྣུན་ཧ་ན༔སྣུན། ད་ཧ་སྲེག་ད་ཧཿ སྲེག པ་ཙ་ཚེས་པ་ཙཿཚེས། དི་ན་གངའ་གཅིག་གིས་གསད་པར་མཛོད་མི་ཀེ་ནཿམ་ར་ཡཿ ཧཱུྃ་ཧཱུྃཿ དགྲ་བགེགས་ཚིག། ཕཊ་པཊཿ ཐུན་སྔགས་སྭཱ་ཧཱཿ ཆོས་སྐྱོང་སྤྱིའི་བསྙེན་པ་ཤིན་ཏུ་ཟབ་བོ།།

དཔལ་མགོན་ཚོགས་ཀྱི་བདག་པོའི་ཚེ་སྒྲུབ་འཆི་མེད་མགོན་པོའི་ཞལ་ངོམ་ཚེ་ཡི་བཅུད་ལེན།

༄༅། དཔལ་མགོན་ཚོགས་ཀྱི་བདག་པོའི་ཚེ་སྒྲུབ་འཆི་མེད་མགོན་པོའི་ཞལ་ངོམ་ཚེ་ཡི་བཅུད་ལེན་བཞུགས་སོ།།

མགོན་པོ་སྤྱན་རས་གཟིགས་ལ་ཕྱག་འཚལ་ལོ། ནག་པོ་ཆེན་པོའི་སྒོ་ནས་ཚེ་སྒྲུབ་ཀྱི་རིམ་པ་ནི། བུམ་པ་མཚན་ཉིད་དང་ལྡན་པ་ཁ་རྒྱན་མགུལ་ཆིངས་གཟུངས་ཐག་བུམ་རྫས་རྣམས་སྤྱི་དང་མཐུན། དམ་རྫས་ཨ་མྲྀ་ཏ་བཏབ་ཛ་གད་ཉིང་ཁུ་སེ་འབྲུ། ཀ་ར་བུ་རམ་སྦྲང་རྩི་རྣམས་ཆང་དང་སྦྱར་བ་བླུགས་ལ། ད ལ་གྱི་དབུས་མཎྜལ་གྱི་སྟེང་དུ་བཞག དེའི་གོང་དུ་སྡེར་གཙང་མ་གཅིག་གི་ནང་དུ་ཚེ་གཏོར་ཟླུམ་པོ་ཕྱོགས་བཞི་དབུས་དང་ལྔར་བཤམས་ལ་སྦྲང་དང་མར་ལས་བྱསཔའི། ཚེ་ཡི རིལ་བུ་ཉི་ཟླ་སྐར་གསུམ་བཙུགས། ཚེ་རྟེན་ཀཱ་པ་ལ་བདུད་རྩི་དང་རིལ་བུས་བཀང་བ་བཤམས་མ་མར་མེ་དང་སྨན་རཀ་གཏོར་གསུམ་བཤམས་པའོ། དེ་ནས་མགོན་པོ་གཞུང་བསྲངས་ལ་སྔགས་འགྲིགས་དང་བཅས་རྫོགས་ནས་ཚེ་གཡང་ཁ་སྤྲོད་ཀྱི་དམིགས་པ་ནི། ༀ་སྭཱ་བྷཱ་ཝས་སྦྱངས། སྟོང་པའི་ངང་ལས་པད་ཟླའི་གདན་ལ་བྷྲུཾ༔ ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ་ལྷ་རྫས་གོས་ཀྱི་མགུལ་ཆིངས་དང་དཔག་བསམ་ཤིང་གིས་ཁ་བརྒྱན་པ་ནང་བཅུད་བདུད་རྩིའི་རྒྱ་མཚོས་གཏམས་པའི་དབུས་སུ་སེང་ག །ཤར་དུ་གླང་པོ་ཆེ། ལྷོར་རྟ་མཆོག །ནུབ་ཏུ་རྨ་བྱ། བྱང་དུ་མཁའ་ལྡིང་རྣམས་ཀྱིས་བཏེགས་པའི་རིན་པོ་ཆེའི་ཁྲི་སྟེང་དུ། དབུས་སུ་བཅོམ་ལྡན་འདས་རྣམ་སྣང་དཀར་པོ་ཞལ་གཅིག་ཕྱག་གཉིས་ཏིང་འཛིན་གྱི་ཕྱག་རྒྱ་ཅན། རྡོ་རྗེའི་སྐྱིལ་མོ་ཀྲུང་གིས་བཞུགས་པའི་ཕྱོགས་བཞིར། ཤར་ནས་རིམ་བཞིན་རྡོ་རྗེ་སེམས་དཔའ་སྔོན་པོ་ཞལ་གཅིག་ཕྱག་གཉིས་ཏིང་འཛིན་གྱི་ཕྱག་རྒྱ་ཅན། རིན་འབྱུང་སེར་པོ་ཞལ་གཅིག་ཕྱག་གཉིས་གཡས་མཆོད་སྦྱིན། གཡོན་ཏིང་འཛིན་གྱི་ཕྱག་རྒྱ་ཅན། སྣང་མཐའ་དམར་པོ་ཞལ་གཅིག་ཕྱག་གཉིས་མཉམ་བཞག་གི་ཕྱག་རྒྱ་ཅན། དོན་གྲུབ་ལྗང་གུ་ཞལ་གཅིག་ཕྱག་གཉིས་གཡས་སྐྱབས་སྦྱིན་གཡོན་ཏིང་འཛིན་གྱི་ཕྱག་རྒྱ་ཅན། །བཞི་གའང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། །ཤར་ལྷོ་སངས་རྒྱས་སྤྱན་མ་ལྷོ་ནུབ་ཏུ་མཱ་མ་ཀི། །ནུབ་བྱང་དུ་ན་བཟའ་དཀར་མོ། །བྱང་ཤར་དུ་དམ་ཚིག་སྒྲོལ་མ། བཞི་གའང་ཕྱོགས་མདོག་ཅན་ཕྱག་གཡས་ཚེ་མདའ་དང་གཡོན་ཚེ་བུམ་བསྣམས་པའོ། ཐམས་ཅད་ཀྱི་གནས་གསུམ་གྱི་འབྲུ་གསུམ་ལས་འོད་ཟེར་འཕྲོས་པས་ཡེ་ཤེས་སེམས་དཔའ་སྤྱན་དྲངས་པར་གྱུར། ཛ༔ཧཱུྃ་བཾ་ཧོ༔ གཉིས་སུ་མེད་པར་གྱུར། བཛྲ་ས་མ་ཡཱ་ཛཿ ཨརྒྷཾ་པ་དྱཾ྄་པུཥྤེ་སོགས་ནས། ཆོས་སྐུ་ནམ་མཁའ་བཞིན་དུ་ུསོགས། ཞེས་བརྗོད། རིགས་ལྔའི་ཐུགས་ཀར་པད་ཟླའི་གདན་ལ་ཧཱུྃ་ཡིག་གསལ་བ་ལས་ༀ་བྷྲུཾ་བཛྲ་ཨ་ཡུ་ཥེ་ཧཱུྃ་ཨཱཿ ཨཱཿབྷྲུཾ་བཛྲ་ཨཱ་ཡུ་ཥེ་ཧཱུྃ་ཨཱཿ ཧཱུྃ་བྷྲུཾ་བཛྲ་ཨཱ་ཡུ་ཥེ་ཧཱུྃ་ཨཱ༔ སྭཱ་བྷྲུཾ་བཛྲ་ཨཱ་ཡུ་ཥེ་ཧཱུྃ་ཨཱ༔ ཧཱ་བྷྲུཾ་བཛྲ་ཨཱ་ཡུ་ཥེ་ཧཱུྃ་ཨཱ༔ ཅེས་བསྙེན་པ་ཅི་འགྲུབ་བྱས་ལ། །མཆོད་བསྟོད་གང་བགྱིས་ཀྱི་མཐར། །འདོད་དོན་གསོལ་བ་གདབ་པ་ནི། །ཧཱུྃ་དཔལ་ལྡན་མ་ཧཱ་ཀཱ་ལ་དང་། །འཁོར་དང་བཀའ་ཉན་ལྷ་ཚོགས་ལ། །དངོས་གྲུབ་སྙན་དུ་གསོལ་བ་ནི། །རྡོ་རྗེའི་ཚེ་དང་མི་བརྗེད་གཟུངས། །ཐོགས་པ་མེད་པའི་ཤེས་རབ་སོགས། །སྐུ་གསུང་ཐུགས་ཀྱི་དངོས་གྲུབ་སྩོལ། །མ་ཧཱ་ཀཱ་ལའི་ཞལ་མཐོང་ཤོག །གསུང་ཐོས་ཇི་བཞིན་དངོས་གྲུབ་ཐོབ་པར་ཤོག །འཁོར་རྣམས་དར་ཞིང་རིགས་རྒྱུད་འཕེལ་བར་ཤོག །བར་ཆད་རྐྱེན་བགེགས་ཞི་ཞིང་མེད་པར་ཤོག །བེའུ་ལུག་འབྲི་ཟལ་གཟི་མདངས་རྒྱས་པར་ཤོག །བདག་ཅག་འཁོར་དང་བཅས་པ་རྣམས། །ཕྱོགས་བཞི་མཚམས་བརྒྱད་གར་འགྲོ་ཡང་། །སྔོན་བསུ་རྒྱབ་སྐྱོལ་སྡོང་གྲོགས་མཛད་དུ་གསོལ། །བསམ་བསྒྲུབ་རེ་སྐོང་ཉིན་མཚན་མེལ་ཚེ་མཛོད། །ལེགས་པར་ཡག་དང་སྤྲོད་ལ་ཉེས་དང་སྣོལ། །ལུས་དང་གྲིབ་མ་བཞིན་དུ་འགྲོགས་པར་ཤོག །བསྟན་པ་འཇིག་པའི་བདུད་དཔུང་ཞི་བར་ཤོག །དཀྱིལ་འཁོར་མཚམས་དྲལ་བགེགས་རྣམས་ཞི་གྱུར་ཅིག །མུ་གེ་ཡམས་ནད་གོད་ཁ་མེད་པར་ཤོག །ལྷ་མིའི་ལོངས་སྤྱོད་ཕུན་སུམ་ཚོགས་པར་ཤོག །སྒྲིབ་གཉིས་བྱང་ཞིང་ཚོགས་གཉིས་རྫོགས་པར་ཤོག །ཆོས་ཉིད་དོན་རྟོགས་ཆོས་སྐུ་མངོན་གྱུར་ཤོག །བདག་གིས་སྨོན་ལམ་ཅི་བཏབ་འགྲུབ་པར་ཤོག །བདག་ཉིད་དཔལ་ཆེན་པོར་གསལ་བའི་ཐུགས་ཀའི་ཧཱུྃ་ལ་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས་པས་ཕྱི་སྣོད་ཀྱི་འཇིག་རྟེན་དང་། །ནང་བཅུད་ཀྱི་སེམས་ཅན་གྱི་ཚེ་དང་དཔལ་དང་མདངས་དང་། །ལྷ་མ་སྲིན་སྡེ་བརྒྱད་དང་། །བདུད་དང་གཤིན་རྗེ་མ་མོ་ཐམས་ཅད་ཀྱི་སྟོབས་དང་ཚེ་དང་དཔལ་དང་མདངས་ཐམས་ཅད་གཅིག་ཏུ་བསྡུས། །འབྱུང་བ་བཞི་ལས་བསྐྱེད་པའི་མདངས་བསྡུས་ཏེ་བདག་དང་སློབ་མའི་ཚེ་ཉམས་པ། །ཚེ་ཡར་བ་དང་། །ཚེ་ཟག་པ་དང་། །ཟད་པ་དང་། །གཞན་གྱིས་བརྐུས་པ་དང་འཕྲོག་པ་ཐམས་ཅད་བཟློག་པར་གྱུར། ཚེ་དང་དཔལ་དང་ཕྱཱ་གཡང་བསོད་ནམས་ཐམས་ཅད་རྒྱས་པར་གྱུར་ཞེས་བསམ་ལ། ༀ་ན་མོ་བྷ་ག་ཝ་ཏེ། སོགས། ཚང་བར་བརྗོད་ནས། ཚེ་གཟུངས་རིན་པོ་ཆེ་འདི་ཡི་མཐུ་སྟོབས་ཀྱིས་བསྲུང་བྱའི་ཕུང་པོ་ཁམས་དང་སྐྱེ་མཆེད་ཐམས་ཅད་རྡོ་རྗེ་མི་འགྱུར་བའི་ཚེ་ལ་མངའ་བརྙེས་པར་གྱུར་ཅིག །ༀ་ཚེ་བྷྲུཾ་ཡུ་བྷྲུཾ་ཡུ་ཚེ་བྷྲུཾ། ཨ་ཡུརྫྙཱ་ན་ཡུ་ཚེ་བྷྲུཾ། ཞེས་ཡང་ཡང་བརྗོད་མཐར་ཚེ་བསྐུལ་བྱ་བ་ནི། སྤོས་གཏོང་ཞིང་མདའ་བྱ་རྒོད་སྒྲོ་ལྡན་ལ་དར་སྣ་ལྔ་དང་། མེ་ལོོང་བཏགས་ལ་གཡབ་ཅིང་འདི་སྐད་དོ། ཧཱུྃ་ཆོས་སྐུ་རྣམ་པར་སྣང་མཛད་ཚེ་ཡི་བདག །སྐུ་མདོག་དཀར་པོ་གངས་ལ་ཉི་ཤར་འདྲ། །གཡས་པ་མདའ་དར་གཡོན་ཚེ་བུམ། །ཞལ་ནས་ཚེ་ཡི་གཟུངས་སྔགས་འདོན། །དེ་ཡི་ཐུགས་རྗེས་བྱིན་རླབས་ཀྱིས། །བདག་དང་རྒྱུ་སྦྱོར་ཡོན་བདག་ལ། །ཚེ་དབང་བྱིན་གྱིས་བརླབ་ཏུ་གསོལ། །ༀ་ཚེ་བྷྲུཾ་ཡུ་བྷྲུཾ་ཡུ་ཚེ་བྷྲུཾ། །ཨ་ཡུརྫྙ་ན་ཡུ་ཚེ་བྷྲུཾ། །ཚེ་ཉམས་པ་གསོས་ལ་ཟད་པ་བསྲེངས། །ཆད་པ་མཐུད་ལ་འཁྱམས་པ་ཁུག །འཐོར་བ་སྡུས་ལ་ཡོ་བ་བསྲངས། །བདག་ལ་བྱིན་གྱིས་བརླབ་ཏུ་གསོལ། །ཡོན་བདག་འདི་ལ་ཚེ་གཡང་ཕོབ། །འཆི་མེད་ཚེ་ཡི་དངོས་གྲུབ་སྩོལ། །ཧཱུྃ་ཧཱུྃ་བཅོམ་ལྡན་རྒྱལ་བ་རིགས་ལྔ་ཡབ་ཡུམ་བཅུ། །སེམས་དཔའ་སེམས་མ་བཅུ་དྲུག་དང་། །སྒོ་བ་ཡབ་ཡུམ་བརྒྱད་རྣམས་ཀྱིས། །གཡས་ཀྱི་ཕྱག་ན་ཚེ་དར་བསྣམས། །གཡོན་ན་ཚེ་བཅུད་བུམ་པ་བསྣམས། །ཞལ་ནས་ཚེ་ཡི་གཟུངས་སྔགས་འདོན། །དེ་ཡི་ཐུགས་རྗེས་བྱིན་བརླབ་ཀྱིས། །བདག་དང་རྒྱུ་སྦྱོར་ཡོན་བདག་ལ། །ཚེ་དབང་བྱིན་གྱིས་བརླབས་ཏུ་གསོལ། །ༀ་ཚེ་བྷྲུཾ་ཡུ་བྷྲུཾ་ཡུ་ཚེ་བྷྲུཾ། །ཨ་ཡུརྫྙ་ན་ཡུ་ཚེ་བྷྲུཾ། །ཚེ་ཉམས་པ་ཡོད་ན་གསོ་རུ་གསོལ། །ཚེ་ཟད་པ་ཡོད་ན་བསྲིང་དུ་གསོལ། །ཚེ་ཆད་པ་ཡོད་ན་མཐུད་དུ་གསོལ། །ཚེ་འཁྱམས་པ་ཡོད་ན་བཀུག་ཏུ་གསོལ། །ཚེ་འཐོར་བ་ཡོད་ན་སྡུད་དུ་གསོལ། །ཚེ་ཡོ་བ་ཡོད་ན་སྲོང་དུ་གསོལ། །བདག་ལ་བྱིན་གྱིས་བརླབ་ཏུ་གསོལ། །ཡོན་བདག་འདི་ལ་ཚེ་གཡང་ཕོབས། །འཆི་མེད་ཚེ་ཡི་དངོས་གྲུབ་སྩོལ། །ཧཱུྃ་ཧཱུྃ་ལོངས་སྐུ་སྤྱན་རས་གཟིགས་དབང་ཚེ་ཡི་བདག །སྐུ་མདོག་དངུལ་གྱི་སྙིང་པོ་འདྲ། །གཡས་ཀྱི་ཕྱག་ན་ཚེ་དར་སོགས། །ཧཱུྃ་ཧཱུྃ་གཤིན་རྗེ་གཤེད་དང་རྟ་མགྲིན་དང་། །གསང་བདག་ཕྱག་ན་རྡོ་རྗེ་ཡིས། གཡས་ཀྱི་སོགས། ཧཱུྃ་ཧཱུྃ་སྤྲུལ་སྐུ་མ་ཧཱ་ཀཱ་ལ་ཚེ་ཡི་བདག །སྐུ་ནི་ནམ་མཁའི་སྙིང་པོ་འདྲ། །གཡས་ན་ཚེ་ཡི་ལྕགས་ཀྱུ་བསྣམས། །གཡོན་པས་ཚེ་བཅུད་བུམ་པ་བསྣམས། །ཞལ་ནས་ཚེ་ཡི་སོགས། ཧཱུྃ་ཧཱུྃ་མགོན་པོ་ཚོགས་ཀྱི་བདག་པོ་དང་། །ཡུམ་ཆེན་ལྷ་མོ་བཻ་ཏ་ལི། །གཡས་ན་ཚེ་འཛིན་ལྕགས་ཀྱུ༴ གཡོན་ན་ཚེ་བཅུད་བུམ་པ༴ ཞལ་ནས་ཚེ་ཡི་སོགས། ཧཱུྃ་ཧཱུྃ་བཀའ་སྡོད་ལེགས་ལྡན་ནག་པོ་དང་། །ཡུམ་ཆེན་ལྷ་མོ་མཛེས་ལྡན་མ། །གཡས་ན་ཚེ་འཛིན་ལྕགས་ཀྱུ༴ གཡོན་ན་ཚེ་བཅུད་བུམ་པ༴ ཞལ་ནས་ཚེ་ཡི་སོགས། ཧཱུྃ་ཧཱུྃ་ཕོ་ཉ་ཀཾ་ཀ་ཏ་རི་དང་། །ཕོ་ཉ་དཀར་མོ་མགྱོགས་བྱེད་མ། །གཡས་ན་ཚེ་འཛིན་ལྕགས་ཀྱུ༴ གཡོན་ན་ཚེ་བཅུད་བུམ་པ༴ ཞལ་ནས་ཚེ་ཡི་སོགས། ཧཱུྃ་ཧཱུྃ་སྐུ་གསུང་ཐུགས་ཀྱི་མགོན་པོ་དང་། །ཡོན་ཏན་ཕྲིན་ལས་མགོན་པོ་ཡིས། །གཡས་ན་ཚེ་འཚིན༴ གཡོན་ན་ཚེ་བཅུད༴ ཞལ་ནས་སོགས། ཧཱུྃ་ཧཱུྃ་ཕྱོགས་བཅུའི་མགོན་པོ་འཁོར་དང་བཅས། ། ཚངས་པའི་རྒྱལ་པོ་གདོང་བཞི་དང་། །འདྲེན་བྱེད་སྟོང་ལྡན་རྒྱལ་ཆེན་བཞི། །ཕྱོགས་སྐྱོང་བཅུ་དང་ལྷ་ཆེན་བརྒྱད། །ཀླུ་ཆེན་བརྒྱད་དང་གཟའ་ཆེན་བརྒྱད། །ནོར་སྲུང་རྒྱུ་སྐར་ཉེར་བརྒྱད་སོགས། །དཔལ་མགོན་བདུན་ཅུའི་ཚོགས་རྣམས་ཀྱིས། །གཡས་ན་ཚེ་འཛིན༴ གཡོན་ན་ཚེ་ཡི་སོགས། ཧཱུྃ་ཧཱུྃ་ས་བདག་རྒྱལ་པོ་བེ་ཏ་ལི། །ས་བདག་སྟོང་ཁྱབ་ཆེན་པོ་དང་། །གཙང་ཀུན་མཆེད་བརྒྱད་ཡབ་ཡུམ་རྣམས། །གཡས་ན་ཚེ་འཛིན༴ གཡོན་ན་ཚེ་ཡི་སོགས། ཧཱུྃ་ས་བདག་སྤར་ཁམས་བརྒྱད་རྣམས་དང་། །ས་བདག་ལྷ་མོ་བཅུ་གཉིས་དང་། །ལོ་ཟླ་ཞག་དང་དུས་ཚོད་ལྷ། །དབྱར་རྒུན་སྟོན་དཔྱིད་རྒྱལ་པོ་བཞི། །གཡས་ན་ཚེ་འཛིན༴ གཡོན་ན་ཚེ་ཡི་བུམ་པ་སོགས། །ཧཱུྃ་ཏི་སེ་ཐང་ལྷ་སྤོམ་ར་དང་། །ས་བདག་ཡུལ་ལྷ་ཆེན་པོ་དང་། །ཡུལ་ལྷ་ཟོ་དོར་ཐམས་ཅད་ཀྱི། །གཡས་ན་ཚེ་འཛིན༴ གཡོན་ན་ཚེ་ཡི་བུམ་པ་སོགས། །ཧཱུྃ་འཆི་མེད་ཚེ་ཡི་ལྷ་ཚོགས་རྣམས། །དཀྱིལ་འཁོར་འདི་ལ་བརྟན་པར་བཞུགས་སུ་གསོལ། །བདག་ཅག་སྐལ་ལྡན་རྣལ་འབྱོར་ལ། །ཚེ་དབང་བྱིན་གྱིས་བརླབ་ཏུ་གསོལ། ཞེས་པའི་ཚེ་བརྟན་ཞིང་དབང་བསྐུར། ཕྱི་མི་ཉམས་པ་བདུད་རྩི་ལྷའི་དབང་དང་། ནང་སྐྱེ་འཆི་མེད་པ་རྡོ་རྗེ་ལྷུན་གྲུབ་ཀྱི་དབང་དང་། གསང་བ་འདུ་འབྲལ་མེད་པ་བྱང་ཆུབ་སེམས་ཀྱི་དབང་། དེ་ཁོ་ན་ཉིད་ངེས་པ་དོན་གྱི་དབང་དང་བཞི་བོ། ཚེ་བུམ་སྤྱིར་བོར་བཞག་ལ་འདི་སྐད་དོ། ༀ་སྤྱི་བོའི་གནས་ནས་ཚེ་ཉམས་ན༈ དཔལ་ལྡན་མགོན་པོ་ཚོགས་ཀྱི་བདག །སྐུ་མཆོག་རྡོ་རྗེས་ཚེ་བསྡུས་ཏེ། །སྤྱི་བོའི་གཙུག་ཏུ་བསྟིམ་པར་བྱ། །ལྷ་ཡི་བདུད་རྩི་ཆེན་པོ་འདིས། །རེག་པས་ཚེ་ཡི་དབང་ཐོབ་ཤོག །ༀ་བཛྲ་ཨ་ཡུརྫྙ་ན་མ་ཧཱ་ཀཱ་ལ་ༀ༔ ཨཱཿ །མགྲིན་པའི་གནས་ནས་ཚེ་ཉམས་ན། །དཔལ་ལྡན་མགོན་པོ་ཚོགས་ཀྱི་བདག །གསུང་མཆོག་རྡོ་རྗེས་ཚེ་བསྡུས་ཏེ། །མགྲིན་པའི་གནས་སུ་བསྟིམ་པར་བྱ། །ལྷ་ཡི་བདུད་རྩིད་ཆེན་པོ་འདིས། །རེག་པས་ཚེ་ཡི་དབང་ཐོབ་ཤོག །ཨཱོཾཿཨ་ཡུརྫྙ་ན་མ་ཧཱ་ཀཱ་ལ་ཨཱ༔ ཧཱུྃ་ཐུགས་ཀའི་གནས་ནས་ཚེ་ཉམས་ན། །དཔལ་ལྡན་མགོན་པོ་ཚོགས་ཀྱི་བདག །ཐུགས་མཆོག་རྡོ་རྗེསཚེ་བསྡུས་ཏེ། །སྙིང་གའི་གནས་སུ་བསྟིམ་པར་བྱ། །ལྷ་ཡི་བདུད་རྩི་ཆེན་པོ་འདིས། །རེག་པས་ཚེ་ཡི་དབང་ཐོབ་ཤོག །ཧཱུྃ་ཨཱ་ཡུརྫྙན་མཧཱ་ཀཱ་ལ་ཧཱུྃ། ཏྲཾཿ ལྟེ་བའི་གནས་ནས་ཚེ་ཉམས་ན། །དཔལ་ལྡན་མགོན་པོ་ཚོགས་ཀྱི་བདག །ཡོན་ཏན་རྡོ་རྗེས་ཚེ་བསྡུས་ཏེ། །ལྟེ་བའི་གནས་སུ་བསྟིམ་པར་བྱ། །ལྷ་ཡི་བདུད་རྩི་ཆེན་པོ་འདིས། །རེག་པས་ཚེ་ཡི་དབང་ཐོབ་ཤོག ཏྲཱཾཿ ཨ་ཡུརྫྙ་ན་མ་ཧཱ་ཀཱ་ལ་ཏྲཱཾ༔ ཧྲཱིཿ །གསང་བའི་གནས་ནས་ཚེ་ཉམས་ན། །དཔལ་ལྡན་མགོན་པོ་ཚོགས་ཀྱི་བདག །ཕྲིན་ལས་རྡོ་རྗེས་ཚེ་བསྡུས་ཏེ། །གསང་བའི་གནས་སུ་བསྟིམ་པར་བྱ། །ལྷ་ཡི་བདུད་རྩི་ཆེན་པོ་འདིས། །རེག་པས་ཚེ་ཡི་དབང་ཐོབ་ཤོག ཧྲཱི་ཨ་ཡུརྫྙ་ན་མཧཱ་ཀཱ་ལ་ཧྲཱི༔ ཞེས་པས་ནག་པོ་ཆེན་པོའི་སྐུ་གསུང་ཐུགས་ཡོན་ཏན་ཕྲིན་ལས་ལས་བྱུང་བའི་ཚེ་ཡི་དངོས་གྲུབ་གཅིག་ཏུ་བསྡུས་ཏེ་རང་གི་གནས་ལྔར་ཐིམ་པས་རྡོ་རྗེ་འགྱུར་བ་མེད་པའི་ཚེ་ཡི་དངོས་གྲུབ་ཐོབ་པར་བསམ། ཐོད་ཆང་། ཧཱུྃ་འཆི་མེད་རང་བྱུང་བདུད་རྩི་ཨ་མྲྀ་ཏ། །བཀྲ་ཤིས་མཚན་ལྡན་དག་པའི་རྟགས ། །འཕེལ་འགྲིབ་མེད་པའི་དབང་བསྐུར་བས། །ཡེ་ཤེས་ལྔ་ཡི་དབང་ཐོབ་ཤོག ཀཱ་ཡ་སིདྡྷི་ༀཿ ཝཱཀྐ་སིདྡྷི་ཨཱཿ ཙིརྟ་སིདྡྷི་ཧཱུྃཿ སརྦ་སདྡྷི་ཧྲི༔ དེ་ནས་རྒྱ་བདུན་གྱིས་རྒྱས་གདབ་པ་ནི། ཧཱུྃ་དང་པོ་རྩེ་གཅིག་སེམས་ཀྱི་རྒྱ ། །གཉིས་པ་ཐབས་དང་ཤེས་རབ་རྒྱ ། །གསུམ་པ་སྐུ་གསུང་ཐུགས་ཀྱི་རྒྱ། །བཞི་པ་ཚད་མེད་བཞི་ཡི་རྒྱ ། །ལྔ་པ་ཡེ་ཤེས་ལྔ་ཡི་རྒྱ། །དྲུག་པ་རྟ་མགྲིན་དབང་གི་རྒྱ། །བདུན་པ་ཆོས་ཀྱི་དབྱིངས་ཀྱི་རྒྱ། །རྒྱ་བདུན་རིམ་གྱིས་བཏབ་པ་ལས། །སུས་ཀྱང་འདའ་བར་མ་བྱེད་ལ། །ཆོས་ཀྱི་དབྱིངས་སུ་ཚེ་སྦས་པས། །སངས་རྒྱས་ཀྱིས་ཀྱང་མི་གཟིགས་ན། །གནོད་བྱེད་བགེགས་ཀྱིས་ལྟ་ཅི་སྨོས། །དེ་ཕྱིར་ང་ཡི་ཚེ་སྦས་སོ། །བཛྲ་མ་ཧཱ་རཀྵ་རཀྵ། ཚེ་སྦས་རྒྱས་གདབ་སོ། མེ་ཏོག་འཐོར་ཞིང་བཀྲ་ཤིས་བརྗོད། ཚེ་སྒྲུབ་རྡོ་རྗེས་རྒྱས་འདེབས་ཡིད་བཞིན་ནོར་བུ་འཆི་མེད་བདུད་རྩིའི་རྒྱ་མཚོ་འདི་ཡི་བརྒྱུད་པ་ནི། མགོན་པོ་སྤྱན་རས་གཟིགས། དྷ་ན་སཾ་སྐྲྀ་དེས་བཻ་རོ་ཙ་ན། དེས་བསོ་ཐོག་རྒྱལ་བའི་དབེན་གནས་སུ་ལྡི་རི་ཆོས་ཀྱི་གྲགས་པ་ལ་གནང་ནས་རིམ་པར་བརྒྱུད་པའོ། འདི་དང་འཕྲད་པའི་སྐལ་ལྡན་རྣམས། །ད་ལྟ་ཚེ་ཡི་དངོས་གྲུབ་བརྙེས། །ཕྱི་མ་མཆོག་གི་རིག་འཛིན་ཐོབ། །དེ་ལྟར་རྒྱུན་དུ་བཟླས་གྱུར་ན། །ཤི་དུས་ནུབ་ཕྱོགས་བདེ་ཆེན་དུ། །འོད་དཔག་མེད་པའི་སྤྱན་ལྔར་སྐྱེས། །དེ་ལ་ཐེ་ཚོམ་ཡོད་རེ་ཀན། །མི་བསྟན་སྙིང་གི་དཀྱིལ་དུ་ཆོངས། །ལས་ཅན་གཅིག་དང་འཕྲད་པར་ཤོག དཔལ་འགོན་ཚོགས་ཀྱི་བདག་པོའི་ཚེ་སྒྲུབ་འཆི་མེད་མགོན་པོའི་ཞལ་ངོམ་ཚེ་ཡི་བཅུད་ལེན་འདི་ཉིད་སློབ་དཔོན་བཻ་རོ་ཙ་ནའི་གསུང་སོར་བཞག་ལས་ཚིག་སྣ་ཅུང་ཟད་བསྟུངས་ཏེ་བཀོལ་བདེར་བཀོད་པ་སོ། །འཇིགས་མེད་ཕྲིན་ལས་འོད་ཟེར་གྱིས་བགྱིས་ཤིང་། ཡི་གེ་པ་ནི་བསོད་ནམས་སྙན་གྲགས་ཀྱིས་བགྱིས་པའི་དགེ་བས་འགྲོ་རྣམས་བཅོམ་ལྡན་འདས་རྣམ་སྣང་གངས་ཅན་མཚོའི་གོ་འཕང་ཐོབ་པའི་རྒྱུར་གྱུར་ཅིག སརྦ་མངྒ་ལཾ།

དཔལ་མགོན་ཚོགས་ཀྱི་བདག་པོའི་ཕྱཱ་གཡང་སྒྲུབ་ཐབས་ཡིད་བཞིན་ལྷུན་པོ་དགོས་འདོད་ཀུན་འབྱུང་།

༄༅། དཔལ་མགོན་ཚོགས་ཀྱི་བདག་པོའི་ཕྱཱ་གཡང་སྒྲུབ་ཐབས་ཡིད་བཞིན་ལྷུན་པོ་དགོས་འདོད་ཀུན་འབྱུང་བཞུགས་སོ།།

དཔལ་མགོན་ཚོགས་ཀྱི་བདག་པོའི་ལྷ་ལ་ཕྱག་འཚལ་ལོ། །ཚོགས་ཀྱི་བདག་པོའི་སྒོ་ནས་གཡང་སྒྲུབ་པར་འདོད་པས་བཅའ་ཤོམས་ཀྱི་རིམ་པ་ནི་ཚེ་སྒྲུབ་གཞུང་ལས་གསལ་བ་ལྟར་དང་། །དེའི་མཐའ་སྐོར་དུ་ཤ་ཐུད་མར་གསུམ་ལ་སོགས་པའི་ཟས་སྣ། །ཇ་ཆང་སོགས་བཏུང་བའི་རིགས། །གཞན་ཡང་ཕྱུག་པོ་གཡང་ཅན། །ཁེ་དྲག་བཙན་པོ་སོགས་ཀྱི་ལག་ནས་བྱུང་བའི་གཡང་རྫས་སྣ་ཚོགས་ཅི་རིགས་དང་། །མདའ་དར་སོགས་བཤམས་ནས་ཁྲུས་གསོལ་བྱ། །གུ་གུལ་བདུག། ཧཱུྃ་བཞིས་བགེགས་བསྐྲད། །སྲུང་འཁོར་བསྒོམ། །ཡན་ལག་བདུན་པ་རྒྱུན་བཤགས་སོགས་སྔོན་དུ་སོང་ནས། །མདུན་གྱི་རྫས་རྣམས་བསངས་སྦྱངས་བྱས་ལ། སྟོང་པའི་ངང་ལས་ཨེ་ལས་ཆོས་འབྱུང་གི་དབུས་སུ་ཡཾ་ལས་རླུང་རམ་ལས་མེ། །བམ་ལས་ཆུ། །ལམ་ལས་སའི་དཀྱིལ་འཁོར་གྱི་སྟེང་དུ། སུམ་ལས་རི་རབ་བང་རིམ་གསུམ་དང་ལྡན་པའི་སྟེང་དུ་གཡང་རྫས་རྣམས་མི་དམིགས་པའི་ངང་ལས་རིན་པོ་ཆེའི་གཞལ་ཡས་ཁང་། ཤར་ཤེལ། ལྷོ་བཻཌུཪྱ་ནུབ་ཏུ་པདྨ་རཱ་ག །བྱང་དུ་ཨིཎྜ་ནི་ལ། །གསེར་གྱི་ཀ་བ། །གཡུ་ཡི་གདུང་མ། ལྷ་ཀླུ་མིའི་ནོར་བུ་རིན་པོ་ཆེ་སྣ་ཚོགས་གཅལ་དུ་བཀྲམ་པ་གུ་བཞི་སྒོ་བཞི་རྒྱན་རྟ་བབས་སོགས་གཞལ་ཡས་ཁང་གི་བཀོད་པ་ངོ་མཚར་རྨད་དུ་བྱུང་བ་དཔག་གིས་མི་ལང་པ་ཚད་ལས་འདས་པ་རྒྱལ་བ་སྐུ་གསུམ་གྱི་ཞིང་གི་དཔལ་དང་ཡོན་ཏན་ཕུན་སུམ་ཚོགས་པའི་རང་བཞིན་དུ་གྱུར་ཞེས་བསམ་ལ། བཅོམ་ལྡན་འདས་དེ་བཞིན་གཤེགས་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་བསོད་ནམས་དཔལ་དང་ཡེ་ཤེས་ཀྱི་མངའ་བདག་རིགས་ལྔ་གངས་ཆེན་མཚོའི་ངོ་བོ་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ། མཆོད་དོ་སྐྱབས་སུ་འཆི་འོ། །ལོང་སྐུ་དང་ཆོས་སྐུའི་ཞིང་ན་བཞུགས་པའི་རྒྱལ་བ་རྒྱ་མཚོ་སྲས་དང་བཅས་པ་རྣམས་ལ་ཕྱག་འཚལ་ལོ། མཆོད་དོ་སྐྱབས་སུ་མཆིའོ། མཆོག་གསུམ་རྩ་བ་གསུམ་གྱི་བྱིན་རླབས་ཀྱིས་རྟེན་འབྲེལ་བཟང་པོ་ལྷུན་གྱིས་འགྲུབ་པར་གྱུར་ཅིག ན་མོ་རརྣ་དྲཱ་ཡཱ་ཡ། ༀ་ཡེ་རྡརྨཱ་ཧེ་རུ་པྲ་བྷ་ཝ་སོགས་བརྗོད། དེ་ལྟར་རྟེན་འབྲེལ་གྱི་བཀོད་པ་ཕུན་སུམ་ཚོགས་པའི་དབུས་སུ་གདོང་ལྔའི་ཁྲི། ཤར་དུ་གཉིས་འཐུང་གི་ཁྲི། ལྷོ་རུ་ཤུགས་འགྲོའི་ཁྲི། ནུབ་ཏུ་རྨ་བྱའི་ཁྲི། བྱང་དུ་མཁའ་ལྡིང་གིས་བཏེགས་པའི་རིན་པོ་ཆེའི་ཁྲི་སྟེང་དུ་སྐད་ཅིག་གིས་དབུས་སུ་བཅོམ་ལྡན་འདས་རྣམ་སྣང་དཀར་པོ་ཞལ་གཅིག་ཕྱག་གཉིས་ཏིང་འཛིན་གྱི་ཕྱག་རྒྱ་ཅན། ཤར་དུ་མི་བསྐྱོད་པ་སྔོན་པོ་ཕྱག་གཉིས་ཏིང་འཛིན་གྱི་ཕྱག་རྒྱ་ཅན། ལྷོར་རིན་འབྱུང་སེར་པོ་གཡས་མཆོག་སྦྱིན། །གཡོན་ཏིང་ངེ་འཛིན་གྱི་ཕྱག་རྒྱ་ཅན། །ནུབ་ཏུ་སྣང་མཐའ་དམར་པོ་ཆོས་འཆད་ཀྱི་ཕྱག་རྒྱ་ཅན། བྱང་དུ་དོན་གྲུབ་ལྗང་གུ་གཡས་སྐྱབས་སྦྱིན་གཡོན་ཏིང་འཛིན་གྱི་ཕྱག་རྒྱ་ཅན་ལྔ་གའང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། །མཚམས་བཞིར་ཤར་ལྷོ་ནས་གཡས་སྐོར་གྱིས། །སངས་རྒྱས་སྤྱན་མ། མཱ་མ་ཀི། ན་བཟའ་དཀར་མོ། །དམ་ཚིག་སྒྲོལ་མ་བཞི་ཀའི་གཡས་ན་ཕྱཱ་གཡང་སྡུད་པའི་མདའ་དར་དང་། །གཡོན་ན་སྣང་སྲིད་འཁོར་འདས་ཀྱི་བཅུད་ཀྱིས་བཀང་བའི་བུམ་པ་བསྣམས་པ། །དེ་དག་གི་ཕྱི་འཁོར་དུ། །གཤིན་རྗེ་གཤེད་དང་། །རྟ་མགྲིན་དང་། །ཕྱག་ན་རྡོ་རྗེ་དང་། །དཔའ་མགོན་ཚོགས་ཀྱི་བདག་པོ། །ཡུམ་ཆེན་ལྷ་མོ་བསྟན་མ། །བཀའ་སྡོད་ལེགས་ལྡན་ནག་པོ། །ཡུམ་ཆེན་ལྷ་མོ་མཛེས་ལྡན་མ། །ཕོ་ཉ་ཀཾ་ཀ་ཏ་རི་དང་། །ཡུམ་ཆེན་དཀར་མོ་མགྱོགས་བྱེད་མ། །སྐུ་གསུང་ཐུགས་ཀྱི་མགོན་པོ་དང་། །ཕྱོགས་བཅུའི་མགོན་པོ། །ལྷ་ཆེན་ཚངས་པ་དང་། །དབང་པོ་དང་། །རྒྱལ་པོ་ཆེན་པོ་སྡེ་བཞི། །ཕྱོགས་སྐྱོང་བཅུ། །དཔལ་མགོན་བདུན་ཅུ། །ས་བདག་སྟོང་ཁྱབ་ཡབ་ཡུམ། །ས་བདག་ཙང་ཀུན་མཆེད་བརྒྱད་ཡབ་ཡུམ། །ས་བདག་ལྷ་མོ་བཅུ་གཉིས། །ལོ་ཟླ་ཞག་དུས་ཀྱི་ཙང་ཀུན། །དབྱར་རྒུན་སྟོན་དཔྱིད་ཀྱི་རྒྱལ་མོ་བཞི་གངས་ཏི་སེ། །གཉན་ཐང་ལྷ། ། རྨ་སྤོམ་ར་ལ་སོགས་པའི་ས་བདག་ཡུལ་ལྷ་ཆེན་པོ་རྣམས་དང་། གཞན་ཡང་ས་གཉན་ཆུ་གཉན་མེ་གཉན། རླུང་གཉན་ལ་སོགས་པའི་ས་བདག་ལྷ་ཀླུ་གཉན་རིགས་ཐམས་ཅད་ཀྱིས་ཕྱག་གཡས་མདའ་དར་གཡབ་པས་ཕྱཱ་གཡང་དངོས་གྲུབ་ཐམས་ཅད་སྦུར་མ་རླུང་གིས་དེད་པ་ལྟར་སྡུད་ཅིང་གཡོན་ཕྱཱ་གཡང་གི་བཅུད་ཀྱིས་གཏམས་པའི་བུམ་པ་ནས་དཔལ་དང་གཡང་གི་དངོས་གྲུབ་གངས་རི་ཞུ་བའི་ཆུ་རྒྱུན་བཞིན་བྱུང་ནས་བདག་དང་བསྲུང་བྱའི་མི་ནོར་སྦྲ་ཁང་ཞིང་ས་ཡུལ་འཁོར་དང་བཅས་པ་ལ་ཐིམ་པས་བསྐལ་པ་དང་པོ་རྫོགས་ལྡན་གྱི་དཔལ་ལ་ལོངས་སྤྱོད་པར་གྱུར་ཞེས་བསམ་ལ། བསྭོ། །བཅོམ་ལྡན་རྒྱལ་བ་རིགས་ལྔ་ཡབ་ཡུམ་བཅུ། །སེམས་དཔའ་སེམས་མ་བཅུ་དྲུག་དང་། །སྒོ་བ་ཡབ་ཡུམ་བརྒྱད་རྣམས་ཀྱི། །ཕྱག་ན་གཡང་གི་བུམ་པ་རུ། །ཕྱྭ་དང་ནོར་གྱི་གཡང་སྡུས་ལ། །བདག་ཅག་རྣམས་ལ་གྞལ་དུ་གསོལ། །གཤིན་རྗེ་གཤེད་དང་རྟ་མགྲིན་དང་། །གསང་བདག་ཕྱག་ན་རྡོ་རྗེ་ཡི། །ཕྱག་ན་གཡང་གི་བུམ་པ་རུ། །ཕྱྭ་དང་ནོར་གྱི་གཡང་སྡུས་ལ། །བདག་ཅག་རྣམས་ལ་སྩལ་དུ་གསོལ། །མགོན་པོ་ཚོགས་བདག་ཆེན་པོ་དང་། །ཡུམ་ཆེན་ལྷ་མོ་བཻ་ཏ་ལི། ཕྱག་ན་སོགས། ། བཀའ་སྡོད་ལེགས་ལྡན་ནག་པོ་དང་། །ཡུམ་ཆེན་ལྷ་མོ་མཛེས་ལྡན་མ། ཕྱག་ན་སོགས། །ཕོ་ཉ་ཀཾ་ཀ་ཏ་རི་དང་། །ཕོ་ཉ་དཀར་མོ་མགྱོགས་བྱེད་མ། ཕྱག་ན་སོགས། །ཧཱུྃ་ཧཱུྃ་སྐུ་གསུང་ཐུགས་ཀྱི་མགོན་པོ་དང་། །ཕྱོགས་བཅུའི་མགོན་པོ་འཁོར་དང་བཅས། །ཚངས་པའི་རྒྱལ་པོ་གདོང་བཞི་དང་། །འདྲེན་བྱེད་སྟོང་ལྡན་རྒྱལ་ཆེན་བཞི། །ཕྱོགས་སྐྱོང་བཅུ་དང་ལྷ་ཆེན་བརྒྱད། །ཀླུ་ཆེན་བརྒྱད་དང་གཟའ་ཆེན་བརྒྱད། །ནོར་སྲུང་རྒྱུ་སྐར་ཉེར་བརྒྱད་སོགས། །དཔལ་མགོན་བདུན་ཅུའི་ཚོགས་རྣམས་ཀྱིས། །ཕྱག་ན་གཡང་གི་བུམ་པ་རུ། །ཕྱྭ་དང་ནོར་གྱི་གཡང་སྡུས་ལ། །བདག་ཅག་རྣམས་ལ་སྩལ་དུ་གསོལ། །ཧཱུྃ་ས་བདག་རྒྱལ་པོ་བཻ་ཏ་ལི། །ས་བདག་སྟོང་ཁྱབ་ཆེན་པོ་དང་། །ཙང་ཀུན་མཆེད་བརྒྱད་ཡབ་ཡུམ་རྣམས། །ཕྱག་ན་གཡང་གི་སོགས། །ཧཱུྃ་ས་བདག་སྤར་ཁམས་བརྒྱད་པོ་དང་། །ས་བདག་ལྷ་མོ་བཅུ་གཉིས་དང་། །ལོ་ཟླ་ཞག་དང་དུས་ཚོད་ལྷ། །དབྱར་རྒུན་སྟོན་དཔྱིད་རྒྱལ་མོ་བཞིས། ཕྱག་ན་སོགས། །ཧཱུྃ་ཏི་སེ་ཐང་ལྷ་སྤོམ་ར་དང་། །ས་བདག་ཡུལ་ལྷ་ཆེན་པོ་དང་། །ཡུལ་ལྷ་ཟོ་དོར་ཐམས་ཅད་ཀྱིས། ཕྱག་ན་སོགས། །ཧཱུྃ་ས་ཆུ་རྡོ་དང་མེ་རླུང་ཤིང་། །གཉན་རིགས་མ་ལུས་ཐམས་ཅད་དང་། །གཡས་གཡོན་ཕུ་མདའི་ཟོ་དོར་རིགས། ཕྱག་ན༴ ཕྱྭ་དང་ནོར༴ བདག་ཅག་རྣམས༴ ཧཱུྃ་ཕྱྭ་གཡང་ནོར་གྱི་བདག་པོ་རྣམས། །དཀྱིལ་འཁོར་འདི་ལ་བརྟན་པར་བཞུགས་ནས་ཀྱང་། །བདག་དང་རྒྱུ་སྦྱོར་ཡོན་བདག་ལ། །ཕྱྭ་གཡང་ནོར་གཡང་དངོས་གྲུབ་སྩོལ། །ཧཱུྃ་དཔལ་གྱི་བསྟན་སྲུང་ཐམས་ཅད་ཀྱིས། །ཕྱག་ན་གཡང་གི་བུམ་པ་རུ། །གཡང་རྟེན་འདི་ལ་བྱིན་ཕོབས་ལ། །རིགས་རྒྱུད་དར་ཞིང་རྒྱས་པར་མཛོད། །གཡང་རྟེན་འདི་ལ་བྱིན་ཕོབས་ལ༈ བསོད་ནམས་ནོར་གཡང་རྒྱས་པར་མཛོད། །ཚེ་རྟེན་འདི་ལ་ཚེ་ཕོབས་ལ། །ཚེ་དབང་ལོངས་སྤྱོད་རྒྱས་པར་མཛོད། །དབང་རྟེན་འདི་ལ་དབང་ཐང་ཕོབས། །རྩ་དཀར་ཁྲོལ་ལ་རྒྱན་ཁ་སྤེལ། །འགབ་འདྲེ་འགོང་པོ་རྡུལ་དུ་རློགས། །རྣལ་འབྱོར་བདག་གི་བསམ་པ་སྒྲུབས། །རྒྱུ་སྦྱོར་ཡོན་བདག་སྡོང་གྲོགས་མཛོད། །སྐྱེས་བུ་འདོད་དོན་སྒྲུབ་པ་ལ། །བར་ཆད་བགེགས་རྣམས་མེད་པར་མཛོད། །ཕ་རོལ་ཕྱིན་དྲུག་རྫོགས་པར་མཛོད། །བསྡུ་བ་རྣམ་བཞི་འགྲུབ་གྱུར་ཅིག། །བཀྲ་ཤིས་བདེ་ལེགས་མྱུར་དུ་འགྲུབ་པར་ཤོག དེ་ལྟར་གཡང་འབོད་ཀྱི་ཆོ་ག་འདི་ཉིད་ཞག་ཁ་ཤས་སམ་ཉིན་ཆོག་ལྟ་བུ་ལའང་རུང་སྟེ་མཐར་སྦྱིན་བདག་ཁྲུས་དང་གཙང་སྦྲ་བྱ་ཞིང་གོས་གསར་བ་གྱོན་ནས་མདུན་དུ་འཁོད་པ་ལ་གོང་ལྟར་གཡང་འགུགས་ཚར་གཅིག་བཏང་བའི་རྗེས་སུ་མདའ་དར་གཡབ་ཅིང་འཁོར་འདས་ཀྱི་དཔལ་ཡོན་དང་། ཕྱཱ་གཡང་རྣམས་བསྡུས་ནས་གཡང་རྫས་དང་སྦྱིན་བདག་རྣམས་ལ་ཐིམ་པར་བསམ་ཞིང་། ཁྱད་པར་མགོན་པོའི་ཕྱག་མཚན་བེང་གི་རྩེ་མོའི་ཡིད་བཞིན་གྱི་ནོར་བུ་ལས་འོད་ཟེར་སེར་པོ་འཕྲོས་པས་ཕྱོགས་བཅུའི་ཞིང་རབ་འབྱམས་ན་བཞུགས་པའི་རྒྱལ་བ་སྲས་བཅས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་དང་བྱིན་རླབས་དངོས་གྲུབ་ཐམས་ཅད་བདག་དང་བསྲུང་བྱའི་སྒོ་གསུམ་དང་གནས་ཁང་བང་མཛོད་རྫས་དང་ཡོ་བྱད་ཞིང་ཁང་རྟ་ཕྱུགས་ཐམས་ཅད་ལ་ཐིམ་པས་བཀྲག་མདངས་གཟི་བརྗིད་མཆོག་ཏུ་འབར་བར་བསམ་ལ། ཨེ་མ་ཧོ། །བསོད་ནམས་རྒྱུ་ལས་རབ་གྲུབ་པའི། །བསམ་འཕེལ་ནོར་བུ་རིན་པོ་ཆེ། །མཛེས་སྡུག་བཙུན་མོ༴ དབང་སྒྱུར་འཁོར་ལོ༴ བློ་ལྡན་བློན་པོ༴ དགྲ་འཇོམས་དམག་དཔོན༴ སྟོབས་ལྡན་གླང་པོ༴ མྱུར་མགྱོགས་རྟ་མཆོག༴ རྒྱལ་སྲིད་སྣ་བདུན་གཡང་གི་རྟེན། །གཡང་རྣམས་རྟེན་ལ་འཁོར་བར་མཛོད། །ཧོ་ཐེག་ཆེན་ཆོས་ཀྱི་འཁོར་དང་། །རིན་ཆེན་གདུགས་མཆོག་དམ་པ་དང་། །མི་ནུབ་རྒྱལ་མཚན་ཆེན་པོ་དང་། །ཡེ་ཤེས་ལྔ་ལྡན་དཔལ་བེའུ་དང་། །སྙན་པའི་དབྱངས་ལྡན་བཀྲ་ཤིས་དུང་། །བསོད་ནམས་རྟེན་བྱེད་བུམ་པ་དང་། །འཁོར་རྣམས་རྣམ་དག་པདྨ་རྫས། །ཐབས་ཤེས་གསེར་མིག་འཁྱིལ་བའི་ཉ། །བཀྲ་ཤིས་རྟགས་བརྒྱད་གཡང་གི་རྟེན། །གཡང་རྣམས་རྟེན་ལ་འཁོར་བར་མཛོད། །བྷྲུཾ་སྒྲིབ་བྲལ་མེ་ལོང་གི་ཝཾ་སྨན། །བཀྲ་ཤིས་བིལ་བ་དུར་བའི་རྫས། །དབང་རྫས་ལི་ཁྲི་བཅུད་བསྡུས་ཞོ ། །བཀྲ་ཤིས་དུང་དཀར་ཡུངས་དཀར་རྫས། །བཀྲ་ཤིས་རྫས་བརྒྱད་གཡང་གི་རྟེན། །གཡང་རྣམས་རྟེན་ལ་འཁོར་བར་མཛོད། །ཀྱཻ་མིའུ་རིན་ཆེན་གཡང་གི་རྟེན། །འབྲུ་སྣ་འཚོགས་ཚད་གཡང་གི་རྟེན། །ཞལ་ཟས་སྣ་ཚོགས་གཡང་གི༴ གཡག་ལུག་ར་གསུམ་གཡང་གི༴ རྟ་ཕྱུགས་སྣ་ཚོགས་གཡང་གི༴ གསེར་དངུལ་ཟངས་ལྕགས་དར་ཟབ་དང་། །སྟག་གཟིག་སྤུ་མཛེས་སྣ་ཚོགས་དང་། །གྲི་ཁྲབ་གོ་མཚོན་གཡང་གི༴ ཕུན་ཚོགས་ལོངས་སྤྱོད་གཡང་གི་རྟེན། །གཡང་རྣམས་རྟེན་ལ་འཁོར་བར་མཛོད། ཕྱྭ་ཁུ་ཡེ། གཡང་ཁུ་ཡེ། །ཀྱེ་ཀྱེ་རིན་ཆེན་བདུན་ལྡན་རྒྱལ་སྲིད་བདུན། །བཀྲ་ཤིས་རྫས་བརྒྱད་དཔལ་ཀྱི་གཡང་། །ཁུ་ཡེ་ཕྱྭ་དང་གཡང་སྐྱོབས་ཤིག །ཀྱེ་ཀྱེ་མིའུ་རིན་ཆེན་འཕེལ་བའི་གཡང་། །སྲིད་ཀྱི་མཚོ་མོ་འཁྱིལ་བའི་གཡང་། །དར་ཟབ་རེག་བྱ་གོས་ཀྱི་གཡང་། །གོ་ཁྲབ་ཡ་ལད་གོ་མཚོན་གཡང་། །བཟའ་བཏུང་ལོངས་སྤྱོད་ཟས་ཀྱི་གཡང་། །ཁུ་ཡེ་ཕྱྭ་དང་གཡང་སྐྱོབས་ཤོག །ཀྱེ་ཀྱེ་དེ་རིང་རྒྱུ་སྦྱོར་ཡོན་བདག་ལ། །ནོར་ལྷས་སྲུངས་ལ་ནོར་གཡང་སྤེལ། །བསོད་ནམས་ལོངས་སྤྱོད་དར་རྒྱས་ཤིང་། །དགེ་ལེགས་བཀྲ་ཤིས་འབྱུང་བར་མཛོད། །ཕྱྭ་འཁྱིལ་ལེ། །གཡང་འཁྱིལ་ལེ། །ཀྱེ་ཀྱེ་དགུང་སྔོན་མཐོན་པོའི་ཕ་གཡང་དང་། །དོག་མོ་ས་ཡི་མ་གཡང་དང་། །རིི་རྒྱལ་ལྷུན་པོའི་བརྟན་གཡང་དང་། །རྒྱ་མཚོ་ཆེན་པོའི་སྣོད་བཅུད་གཡང་། །དེ་རིང་འདི་རུ་གཡང་དུ་ཁུག ། གངས་དཀར་ཏི་སེ་རྩེ་མཐོའི་གཡང་། །མི་འཕེལ་རྟ་ཧྲག་ནོར་ཕྱུགས་གཡང་། །རྩི་ཤིང་ནགས་ཚལ་སྐྱེས་འཕེལ་གཡང་། །མི་དཔའ་རྟ་མགྱོགས་ཁས་དྲག་གཡང་། །དེ་རིང་འདི་རུ་གཡང་དུ་ཁུག །རྒྱ་གར་རྒྱལ་པོའི་ཆོས་གཡང་དང་། །རྒྱ་ནག་རྒྱལ་པོའི་ཁྲིམས་གཡང་དང་། །གེ་སར་རྒྱལ་པོའི་དམག་གི་གཡང་། །སྟག་གཟིག་ཧོར་སོགས་མཐའ་འཁོབ་ཀྱི། །རྒྱལ་ཁམས་ཡོངས་ཀྱི་དཔལ་དང་གཡང་། །དེ་རིང་འདི་རུ་གཡང་དུ་ཁུག །སྟོང་གསུམ་སྟོང་གི་སྣོད་བཅུད་ཀྱི། །དཔལ་གཡང་དངོས་གྲུབ་ཐམས་ཅད་དང་། །སྲིད་ཞིའི་ཁམས་ཀྱི་བདེ་སྐྱིད་དང་། །བདེ་ལེགས་ཕུན་ཚོགས་དངོས་གྲུབ་ཀུན། །དེ་རིང་ཕྱྭ་དང་གཡང་དུ་ཁུག །ཕྱྭ་ཁུ་ཡེ། གཡང་ཁུ་ཡེ་ཅེས་བརྗོད་ནས་གཡང་རྫས་ཀྱི་ཕུད་རྣམས་གཡང་སྒྱེར་བླུག་ལ། འཇིག་རྟེན་གྱི་གཡང་ཐམས་ཅད་བསྡུས་ཤིང་དཔལ་མགོན་ནོར་ལྷས་བསྲུང་ནས་བསོད་ནམས་ཚེ་དང་ལོངས་སྤྱོད་བརྟན་པར་བསམ་མོ། །གཡང་སྒྱེའི་ཕྱོགས་བཞིར་བསྲུང་མ་བཞི་མཚོན་ཕྱིར། མར་གྱི་ཐིག་ལེ་བཞི་བཀོད་ལ་སྨོན་ལམ་བཏབ་ཅིང་བཀྲ་ཤིས་བརྗོད་པའོ། །རྒྱལ་ཆེན་བཞི་དང་ཕྱོགས་སྐྱོང་བཅུ། །དཔལ་མགོན་བདུན་ཅུ་ནོར་གྱི་ལྷ། །གཏེར་བདག་ཆེན་པོ་འཁོར་བཅས་ཀྱི། །འཇིག་རྟེན་ཁམས་ཀྱི་ཕྱྭ་གཡང་བཅུད། །བསྡུས་བསྡུས་དེ་ནི་བསྐྱིལ་བསྐྱིལ་ནས། །ཡོན་བདག་འདི་ལ་སྩལ་དུ་གསོལ། །ནོར་བདག་ཆེན་པོ་ཁྱེད་རྣམས་ཀྱིས། །གཡང་ཁྱིམ་འདི་ཡི་སྲུང་མ་མཛོད། །ལྷ་མོ་བཞི་ལ་གཡང་གི་སྲུང་མར་བཅོལ་ཞིང་གཡང་སྒྱེའི་ཁ་བསྡམས། །སྨོན་ལམ་རྒྱས་པ་བྱ་ཞིང་བཀྲ་ཤིས་བརྗོད་པ་ནི། །ཀྱེ་ཀྱེ་ཕྱྭ་དང་གཡང་གི་སྲུང་མ་འཚལ། །བཀྲ་ཤིས་གཡང་ལ་སྒོ་བཞི་ཡོད། །ཕྱོགས་བཞི་རྣམས་ཀྱི་སྒོ་སྲུང་ནི། །ཤར་སྒོ་སྲུང་བའི་ཛམ་བྷ་ལ། །ལྷོ་སྒོ་སྲུང་བའི་གང་བ་བཟང་། །ནུབ་སྒོ་སྲུང་བའི་ནོར་བུ་བཟང་། །བྱང་སྒོ་སྲུང་བའི་ཀུ་བཻ་ར། །རིམ་བཞིན་སྐུ་མདོག་དམར་དང་སེར། །དབང་མདོག་མིག་སྨན་མདོག་ལྡན་ཞིང་། །བཀྲག་མདངས་གཟི་བརྗིད་མཆོག་ཏུ་འབར། །སྐུ་ལ་རིན་ཆེན་རྒྱན་ཆས་མཛེས། །གཡས་པས་རང་རྟགས་ཕྱག་མཚན་འཛིན། །གཡོན་པས་གཏེར་གྱི་ནེའུ་ལེ་འཛིན། །གནོད་སྦྱིན་ནོར་ལྷ་བྱེ་བས་བསྐོར། །བཙུན་མོ་སྲས་བློན་སྤྲུལ་འཁོར་བཅས། །སྒོ་བཞི་གཡང་གི་སྲུང་མ་མཛོད། །སྒྱུ་སྦྱོར་ཡོན་བདག་འཁོར་བཅས་ཀྱི། །ནང་གི་ཕྱྭ་གཡང་ཕྱིར་མ་བཏང་། །ཕྱི་ཡི་དགྲ་བགེགས་མཙམས་ཆོད་ལ། །ཕྱོགས་བཞི་གཡང་གི་བསྲུང་མ་མཛོད། །སྨོན་ལམ་ནི། །རྣལ་འབྱོར་བདག་ཅག་ཡོན་མཆོད་ཀྱི། །མཆོག་གསུམ་རྩ་གསུམ་མཆོད་པ་དང་། །དཔལ་མགོན་ཕྱོགས་སྐྱོང་མཉེས་པའི་ཕྱིར། །མཁའ་འགྲོ་ཆོས་སྐྱོང་དཀར་སྐྱོང་ཚོགས། །བརྔན་དང་ཕྲིན་ལས་བཅོལ་བའི་ཕྱིར། །བདག་ཅག་བསོད་ནམས་ལོངས་སྤྱོད་ལྡན། །བཀྲ་ཤིས་བདེ་ལེགས་ཕུན་ཚོགས་ཤིང་། །སངས་རྒྱས་བསྟན་པ་དར་བ་དང་། །འཇིག་རྟེན་བདེ་ཞིང་ལོ་ལེགས་འཕེལ། །ལྟོོས་བཅས་བདེ་སྐྱིད་དཔལ་གྱིས་འཚོ། །ཕྱི་ནང་བར་ཆད་ཞི་བ་དང་། །བསམ་པ་ཡིད་བཞིན་འགྲུབ་པ་དང་། །ཞིང་ལ་ལོ་འབྲས་ཕུན་སུམ་ཚོགས། །རྫོགས་ལྡན་དཔལ་ལ་ལོངས་སྤྱོད་ཤོག །བཀྲ་ཤིས་ནི། མཆོད་མར་ལ་་སོགས་བཟའ་བཏུང་གིས་ཞལ་བསྟོད། དེ་ནས་མེ་ཏོག་འཐོར་བཞིན་པས། །མ་ཆགས་ཐོགས་མེད་འཁོར་ལོ་རིན་པོ་ཆེ། །འཁོར་ལོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཐེག་ཆེན་སྟོབས་ལྡན་གླང་པོ་རིན་པོ་ཆེ། །གླང་པོ་རིན་ཆེན་བཀྲ་ཤིས་གང་༴ བཀྲ་ཤིས་དེས་ཀྱང་༴ ཅང་ཤེས་ཤུགས་ལྡན་རྟ་མཆོག་རིན༴ རྟ་མཆོག་རིན་ཆེན་བཀྲ་ཤིས་གང་༴ བཀྲ་ཤིས་དེས་ཀྱང་༴ ཀུན་ལ་དབང་བསྒྱུར་བློན་པོ་རིན་པོ་ཆེ། བློན་པོ་རིན་ཆེན་བཀྲ་ཤིས༴ བཀྲ་ཤིས་དེས་ཀྱང་དེང་༴ ལོག་རྟོག་དཔུང་འཇོམས་དམག་དཔོན་རིན་པོ་ཆེ། །དམག་དཔོན་རིན་ཆེན་བཀྲ་ཤིས་གང་༴ བཀྲ་ཤིས་དེས༴ ཐམས་ཅད་ཀུན་བསྐྱེད་བཙུན་མོ༴ བཙུན་མོ་རིན་ཆེན༴ བཀྲ་ཤིས་དེས་ཀྱང་༴ དེ་མ་ཐག་ཏུ་བདག་ཅག་བདེ་ལེགས་ཤོག །བསམ་འཕེལ་དོན་གྲུབ་ནོར་བུ་རིན་པོ་ཆེ། །ནོར་བུ་རིན་ཆེན་བཀྲ་ཤིས༴ བཀྲ་ཤིས་དེས་ཀྱང་དེང་འདིར༴ བདག་དང་སྐལ་ལྡན་རིགས་ཀྱི་བུ། །དེང་གི་རྒྱུ་སྦྱོར་ཡོན་གྱི་བདག །སངས་རྒྱས་རྣམས་ཀྱིས་བྱིན་རླབས་ནས། །བཀྲ་ཤིས་དམ་པའི་མདོ་སྡེ་འདི། །ང་ཡིས་བརྗོད་པའི་བསོད་ནམས་ཀྱིས། །ནམ་མཁའ་ལྟ་བུར་ཀུན་ཁྱབ་ཅིང་། །ཉི་ཟླ་ལྟ་བུར་ཀུན་གསལ་ཏེ། །སྐར་ཚོགས་ལྟ་བུར་གྲངས་མང་ཞིང་། །སྤྲིན་ཚོགས་ལྟ་བུར་ལྷུན་སྟུག་སྟེ། །འཇའ་ཚོན་ལྟ་བུར་མཛེས་སྡུག་ཅིང་། །རི་རབ་ལྟ་བུར་བརྟན་བརྗིད་ཆེ། །ས་གཞི་ལྟ་བུར་ཀུན་བསྐྱེད་ཅིང་། །རྒྱ་མཚོ་ལྟ་བུར་གཏིང་ཟབ་ལ། །ལྗོན་ཤིང་ལྟ་བུར་འདབ་རྒྱས་ཏེ། །ཡིད་བཞིན་ནོར་བུ་རིན་ཆེན་ལྟར། །དགོས་འདོད་བཀྲ་ཤིས་ཆར་ལྟར་འབབ་གྱུར་ཅིག ༀ་ཨཱཿཧཱུྃ་རརྣ་བྷྲུཾ་ནི་ཨཱཿ གཞན་ཡང་བཀྲ་ཤིས་ཅི་རིགས་བརྗོད་པས་མཐའ་བརྒྱན་པར་བྱའོ། དཔལ་མགོན་ཚོགས་ཀྱི་བདག་པོའི་གཡང་སྒྲུབ་ཡིད་བཞིན་ལྷུན་པོ་དགོས་འདོད་ཀུན་འབྱུང་འདི་ནི། སློབ་དཔོན་བེ་རོ་ཙ་ནས་མཛད་པའི་གཡང་སྒྲུབ་ཀྱི་གཞུང་ལ་མན་ངག་འགའ་ཞིག་གི་ཁ་བསྐང་གིས་བརྒྱན་ཏེ་ཡི་གེར་འདུ་བྱེད་པོ་ནི་ཀུན་བཟང་གཞན་ཕན་གྱིས་བགྱིས་ཤིང་། ཡི་གེ་པ་ནི་བསོད་ནམས་སྙན་གྲགས་ཀྱིས་བྱས་པའི་དགེ་བས་འགྲོ་རྣམས་རྒྱལ་བའི་གོ་འཕང་ཐོབ་པའི་རྒྱུར་གྱུར་ཅིག། དགེ་འོ། །

དཔལ་མགོན་ཚོགས་ཀྱི་བདག་པོའི་དགྲ་ལྷ་མཆོད་བསྟོད་བསྟིམ་པ་ཕྲིན་ལས་དགོས་འདོད་ཀུན་འབྱུང་ཡིད་བཞིན་དབང་གི་རྒྱལ་པོ།

༄༅། །དཔལ་མགོན་ཚོགས་ཀྱི་བདག་པོའི་དགྲ་ལྷ་མཆོད་བསྟོད་བསྟིམ་པ་ཕྲིན་ལས་དགོས་འདོད་ཀུན་འབྱུང་ཡིད་བཞིན་དབང་གི་རྒྱལ་པོ་བཞུགས་སོ། །

རྒྱལ་ཀུན་མཁྱེན་བརྩེ་ནུས་པའི་སྤྱི་གཟུགས་རྗེ། །སྡེ་བརྒྱད་བྲན་ཁོལ་པདྨ་སཾ་བྷ་ཝ། །བདག་གི་བདེ་ཆེན་འཁོར་ལོ་རྟག་བཞུགས་ནས། །རྟེན་འབྲེལ་གང་བརྩེམ་འགྲུབ་པའི་དགེ་ལེགས་སྩོལ། །རྒྱལ་ཀུན་བྱམས་བརྩེའི་རང་གཟུགས་སྤྱན་རས་གཟིགས། །གདུལ་བྱ་མ་རུངས་འདུལ་ཕྱིར་བསྟན་སྲུང་སྐུར། །ཡོངས་བཞེངས་ལེགས་ལྡན་ཚོགས་ཀྱི་བདག་པོ་ཡི། །དགྲ་ལྷ་མཆོད་བསྟོད་བསྟིམ་པའི་ལས་རིམ་བྲི། །དེ་ཡང་ལེགས་ལྡན་ཚོགས་ཀྱི་བདག་པོའི་དགྲ་ལྷ་མཆོད་བསྟོད་བྱ་བར་འདོད་ན། །གོང་དུ་དགྲ་ལྷ་བཅུ་གསུམ་གྱི་ཐང་སྐུའོ། །འགོ་བའི་ལྷ་ལྔའི་སྐུ་བརྙན་མངོན་རྟོགས་ལྟར་བྲིས་པའི་མདུན་དུ་མདའ། །ཞང་ལྷའི་མདུན་དུ་ཡུལ་ལྷ་ལ་ཡུ་བ་འམ་མདེའུ་ལ་སྲོག་སྟོག་ཡིག་ཛྙ་བྲིས་པ། །སྲོག་ལྷའི་རྟེན་ཕ་སྤུན་རུས་མཐུན་གྱི་འཕན་པོའི་མདའ་ལ་ན་བྲིས་པ། །ཕོ་ལྷའི་རྟེན་དར་མདུང་ལ་ཨཱཿབྲིས་པ་དེའི་འཕན་པོའི་ཁབ་ལ་ཡུ་བྲིས་པ་དགྲ་ལྷའི་རྟེན་དཔའ་བོ་དར་མའི་བླ་གཡུ་འམ་དེའི་མདའ་ལ་ཤེ་བྲིས་དར་སྣ་ལྔ་དང་གཡུ་ཆུང་ལེ་བརྒན་རྣམས་མདའ་དར་བྱས་ཏེ། །རྟེན་གཙང་མ་དེ་ལ་བཏགས་ཏེ་ནས་དཀར་མོའམ། །ཕྱུར་བ་སོགས་ལ་བཙུགས་ནས་མིི་ཡོ་བ་གལ་ཆེ། །མཆོད་རྫས་ནི་བཤོས་གཙང་རྒྱན་ལྡན་ལྔ་དང་། ། ཕྱེ་མར་གྱིས་སྦྲུས་པའི་གཡག་ལུག་ར་གསུམ། །འབྲང་རྒྱས་ཞལ་དཀར་རྣམས་ལ་དཀར་གསུམ་མངར་གསུམ་ཤ་ཐུད། །ཤིང་ཏོག་འབྲུ་སྣ་ཇ་ཆང་ལ་སོགས་གྱ་ནོམ་པ་ལྟར། །ཀེ་ལོག་བཀོད་ཅིང་དྲི་བཟང་གི་ཤིང་སྣའི་དུད་སྤྲིན་དང་སྦྱར་སྤོས་ཀྱང་བདུག །རང་གི་ཁམས་དང་མཐུན་པའི་དར་ལ་སྣ་ལྔའི་སྲོག་སྙིང་བྲིས་པ་ཁམས་དང་མཐུན་ཕྱོགས་སུ་སྦྱར་བ་རྣམས་སོ། །དེ་ནས་མཆོད་བསྟོད་དངོས་ལ་འཇུག་པའི་ཐོག་མར་བགེགས་རིགས་ལན་ཆགས་མགྲོན་ལ་གཏོར་མ་སྦྱིན་པ་ནི། །བགེགས་གཏོར་སྤྱི་ལྟར་ལ། སྦྱིན་བདག་གི་ཆངས་བུ་གྲངས་ལྡན་འདོད་རྫས་ཅི་འབྱོར་དང་བཅས་པ་བཤམས་ལ་ཆབ་ཀྱིས་སྦྱངས་ནས། །ཨམྲྀཾ་ཏས་བསང། །སྭ་བྷཱ་ཝས་སྦྱངས་ལ། སྟོང་པའི་ངང་ལས་རིན་པོ་ཆེའི་སྣོད་དུ་བགེགས་ཀྱི་གཏོར་མ་འདོད་པའི་ཡོན་ཏན་ལྔ་དང་ལྡན་པ་བགེགས་རིགས་ལན་ཆགས་ཚིམ་པར་ནུས་པའི་རྫས་མཆོག་ཕུན་སུམ་ཚོགས་པར་གྱུར། ༀ་སརྦ་བྷུ་ཏ་ཨ་ཀཪྴ་ཡ་ཛ༔ ལན་གསུམ་གྱིས་བགེགས་རིགས་རྣམས་མདུན་དུ་བཀུགས་པར་བསམ། ན་མ༔སརྦ་ཏ་ཐཱ་ག་ཏ་བྷྱོ་སོགས། ལན་གསུམ་གྱིས་བསྔོས་ལ། འདོད་ཡོན་ལྔ་ལྡན་གླུད་གཏོར་བཟང་པོ་འདི། །འབྱུང་བ་ས་ཆུ་མེ་རླུང་བྲག་དང་ཤིང་། །ནམ་མཁའ་ལ་བརྟེན་ལྷ་སྲིན་འབྱུང་བོའི་ཚོགས། ། སྣང་ཞིང་སྲིད་པའི་ལྷ་འདྲེའི་ཚོགས་ལ་བསྔོ། །ཤ་ཁྲག་དྲོད་དབུགས་རྩ་རྒྱུས་ལྤགས་པ་དང་། །ལུས་ངག་ཡིད་གསུམ་གླུད་དུ་འདི་ཁྱེར་ལ། །བུ་ལོན་ལན་ཆགས་གནོད་འཚེ་ཀུན་བྲལ་ནས། །རང་གཞན་བདེ་ལེགས་ལམ་དུ་འཁོད་གྱུར་ཅིག །དཀོན་མཆོག་བླ་མའི་བྱིན་རླབས་རྨད་བྱུང་དང་། །བདག་གི་ལྷག་བསམ་མཆོད་བཞིན་དགེ་འབྲས་མཐུས། །འགལ་རྐྱེན་ཀུན་ཞི་མཐུན་རྐྱེན་ཕུན་ཚོགས་གྲུབ། །བདེ་ལེགས་ཡིད་བཞིན་འབྱུང་བའི་རྒྱུར་གྱུར་ཅིག བགེགས་བསྐྲད་པ་ནི། ཧྲཱིཿ ང་ནི་པདྨ་དབང་གི་སྐུཿ ལོག་འདྲེན་འདུལ་བའི་གཤེད་པོ་ཆེ། །ཉོན་ཅིག་བགེགས་དང་ལོག་འདྲེན་ཀུན། །འདོད་ཡོན་གཏོར་མ་འདི་ལོངས་ལ། །རྒྱལ་མཚོ་ཆེན་པོའི་ཕ་མཐར་དེངས། །གལ་སྟེ་བཀའ་ལས་འདའ་བྱེད་ན། །རྡོ་རྗེ་ཐོ་བས་ཀླད་ནས་གཞོམ། །དེ་བས་བཀའ་ལས་མ་འདའ་ཞིག །ༀ་སུམ་བྷ་ནི། །སོགས་ཀྱིས་བགེགས་བསྐྲད་ཅིང་། །བསྲུང་འཁོར་བསྒོམ་པ་ནི། ཧྲཱིཿ སྣང་སྲིད་ཐམས་ཅད་རྡོ་རྗེའི་གུར། །སྣོད་བཅུད་དཀྱིལ་འཁོར་གསུམ་གྱི་ངང་། །བག་ཆགས་འཁྲུལ་བའི་གདོན་བགེགས་རྣམས། །སྐུ་གསུམ་ངང་དུ་མཚམས་བཅད་དོ། །བཛྲ་རཀྵ་རཀྵ་ཛྭ་ལ་ཧཱུྃ་ཕཊཿ སྐྱབས་འགྲོ་སེམས་བསྐྱེད་ནི། །ན་མོ་མཆོག་གསུམ་རྩ་གསུམ་བསྲུང་མའི་ཚོགས་བཅས་ལ། །བྱང་ཆུབ་སྙིང་པོའི་བར་དུ་སྐྱབས་སུ་འཆི། །འགྲོ་རྣམས་ཕན་དང་བདེ་ལ་རབ་སྦྱོར་ཕྱིར། །དགྲ་ལྷ་མཆོད་བསྟོད་ལས་ལ་འཇུག་པར་བགྱིའོ། །ལན་གསུམ། །ཡན་ལག་བརྒྱད་པའི་ཚོགས་བསགས་པ་ནི། །ཧོ་རྡོ་རྗེ་སློབ་དཔོན་སངས་རྒྱས་དཔལ། །སོགས་ན། །ཆེན་པོར་བསྔོ། །རྫས་དང་ཡོད་བྱད་རྣམས་བསང་ཤིང་སྦྱང་བ་ནི། །ཧཱུྃ་སྟོང་གསུམ་ཀུན་དུ་དྲི་མཆོག་འབྱུང་གྱུར་པའི། །སྤོས་དང་སྨན་སྦྱར་ཆུ་གཙང་དག་པའི་ཁྲུས། །ཡིད་བཞིན་སྤྲིན་ཕུང་མཁའ་ལ་ཆར་འབེབས་པས། །མི་གཙང་དྲི་མའི་ཚོགས་ཀུན་དག་གྱུར་ཅིག །ༀ་ཤུདྡྷེ་ཤུ་དྡྷེ་ཤྭ་དྡྷ་ན་ཡེ་སྭཱ་ཧཱ། །ཅེས་བརྗོད་ཅིང་ཆུ་གཙང་གིས་བྲན། །སྔགས་དྲུག་ཕྱག་དྲུག་གིས་བྱིན་གྱིས་བརླབས་ཤིང་། །ན་མོ་བདག་གི་སོགས་ནས། །འབྱུང་གྱུར་ཅིག །ༀ་སྭ་བྷ་ཝས་སྦྱངས། སྟོང་པའི་ངང་ལས་བྷྲུམ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་རེག་བྱ་ཕུན་སུམ་ཚོགས་པའི་སྟེང་དུ་ༀ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས། འཁོར་འདས་ཀྱི་བཅུད་ཐམས་ཅད་བསྡུས་ནས་ཡི་གེ་གསུམ་ལ་ཐིམ་དེ་འོད་དུ་ཞུ་སྟེ་འདྲེས་པས་བདུད་རྩིའི་རྒྱ་མཚོ་ཟད་མི་ཤེས་པའི་རང་བཞིན་དུ་བསམ་ལ། ༀ་ཨཱཿཧཱུྃ༔ ལན་གསུམ། གཉིས་ལ་ལྷ་བསྐྱེད་པ་ནི་དང་པོ་བསང་སྦྱངས་བྱས་ལ། །སྟོང་པའི་ངང་ལས་རང་མདུན་དུ། །པད་ཟླའི་དཀྱིལ་འཁོར་ལྔ་ཚོམ་གྱི། །དབུས་སུ་ཞང་པོར་མཆེད་པའི་ལྷ། །སྐྱེས་ཤར་གཞོན་ནུའི་ཆ་བྱད་ཅན། །སྤྲུལ་པ་མཁའ་ལྡིང་གོ་བོ་དང་། །ཞང་བློན་མང་པོ་སྤྲོ་བསྡུ་བྱེད། །མདུན་གྱི་གདན་ལ་སྲོག་སྐྱོབ་ལྷ། །གཞོན་ནུ་དར་མའི་རྣམ་པ་ཅན། །ཞལ་གཅིག་ཕྱག་གཉིས་ཁྲབ་རྨོག་གྱོན། །གཡས་ན་མདའ་དར་གཡོན་ཞགས་པ། །སྟག་རལ་གཟིག་ཤུབས་སྐེད་དུ་བཅིངས། །སག་ལྷྭམ་གསོལ་ཞིང་རྟ་ནག་པོ། །སྒ་སྲབ་གོང་རྨེད་ལྡན་པར་ཆིབས། །སྤྲུལ་པ་མི་དཀར་རྟ་དཀར་ལ། །ཆིབས་པ་མང་པོ་སྟོན་མཛད་ཅིང་། །གཞན་ཡང་ལྷན་ཅིག་སྐྱེས་པའི་ལྷ། །དར་དང་རིན་ཆེན་རྒྱན་གྱིས་སྤྲས། །སྤྲུལ་པ་མི་དཀར་མང་པོར་སྟོན། །གཡས་ཀྱི་གདན་ལ་ཕོ་ལྷ་དཀར། །ལང་ཚོ་དར་བབ་ཞལ་གཅིག་མཛེས། །ཕྱག་གཉིས་གཡས་ན་ནོར་བུ་དང་། །གཡོན་ན་ནོར་གཞོང་རཏྣས་བཀང་། །རལ་པ་ཐོར་ཅོག་དར་སྣས་བཅིངས། །བེར་སྔོན་མནབ་ཅིང་རཏྣས་བརྒྱན། །སག་ལྷྭམ་གསོལ་ཞིང་རྟ་ངང་དཀར། །ཆིབས་ཤིང་སྤྲུལ་འཁོར་ཕ་སྤུན་སོགས། །འཁོར་གསུམ་བཅིངས་པ་སྟག་ཤར་ཚུལ། །གཞན་ཡང་ཕ་ལྷ་མ་ལྷ་དང་། །དབང་ཐང་བསྐྱེད་པའི་ལྷ་སུམ་ཅུ། །ཀུན་ཀྱང་དར་གོས་རཏྣས་བརྒྱན། །རྒྱབ་ཀྱི་གདན་ལ་ཡུལ་ལྷ་དཀར། །ཞལ་གཅིག་ཕྱག་གཉིས་མདའ་གཞུ་འཛིན། །ཁྲབ་རྨོག་གྱོན་ཞིང་འཁོར་གསུམ་བཅིངས། །སག་ལྷྭམ་མནབ་ཅིང་རྟ་དཀར་ཆིབས། །སྤྲུལ་པ་འཛའ་གྲོགས་མཆེད་དགུ་དང་། །གཡག་དཀར་ལུག་ཁྱུའི་རྣམ་པར་སྤྲུལ། །གཞན་ཡང་མཁར་དང་ཁང་པའི་ལྷ། །ཆས་རྒྱན་ཕུན་ཚོགས་སྤྲུལ་པ་ཡང་། །ཕྱྭ་ཆེན་པོ་ཡི་རྣམ་པར་སྟོན། །གཡོན་གྱི་གདན་ལ་དགྲ་འདུལ་ལྷ། །སྐྱེས་པ་དར་མའི་ཆ་ལུགས་ཅན། །དཀར་འཛུམ་ཞལ་གཅིག་ཕྱག་གཉིས་པ། །གཡས་པ་མདུང་དར་གཡོན་ཞགས་པ། །དར་དཀར་བེར་གསོལ་དར་ཐོད་བཅིངས། །འཁོར་གསུམ་སྐེད་བསྐོར་རཏྣས་སྤྲས། །སག་ལྷྭམ་གྱོན་ནས་རྟ་དཀར་ཆིབས། །སྤྲུལ་པ་དགེ་བཤེས་མི་དཀར་དང་། །ཁྲ་སྤྱང་གཡག་རྒོད་མང་པོར་སྟོན། །གཞན་ཡང་སྟེང་འོག་ཕྱོགས་མཚམས་སུ། །སློབ་དཔོན་ཇགས་པ་བན་བོན་དང་། །བྱ་དབང་གཟུགས་སུ་སྟོན་པར་བྱེད། །གཙོ་འཁོར་ལྔ་པོའི་གཡས་ཕྱོགས་སུ། །པད་ཟླའི་གདན་ལ་མོ་ལྷ་ནི། །བུད་མེད་དར་མ་མཛེས་འཛུམ་ལྡན། །སྐུ་མདོག་དཀར་མོ་ཞལ་གཅིག་མ། །ཕྱག་གཉིས་གཡས་པ་མདའ་དར་དང་། །གཡོན་ན་མེ་ལོང་བེར་སྔོན་མནབ། །རཏྣའི་ཐོད་བཅིངས་རྒྱན་ཚོགས་ཀླུབ། །ཡུ་མོར་ཆིབས་ཏེ་སྤྲུལ་པ་ཡང་། །མ་དང་སྲིང་མོའི་རྣམ་པར་སྟོན། །དེ་ནས་གཡས་སྐོར་ཚུལ་གྱིས་ནི། །སློབ་དཔོན་རྒྱུད་ཀྱི་བསྲུང་མ་རྣམས་ཞགས་ལྷ་སྐྱེས་ཤར་ཆ་བྱད་ཅན། །སྤྲུལ་པ་མཁའ་ལྡིང་གོ་བོ་དང་། །ཞང་བློན་མང་པོར་སྟོན་པར་བྱེད། །མ་ལྷ་སྨན་བཙུན་མཛེས་མ་ལ། ན་ཆུང་མང་པོའི་ཚོགས་དང་བཅས། །ཤྭ་བའི་གཟུགས་སུ་སྟོན་པར་བྱེད། །གཞན་ཡང་ཕན་བྱེད་མི་ཡི་ཚོགས། །མ་ལུས་ལུས་པ་མེད་པའི་འཁོར། །སྟོན་མོ་ཆེན་པོར་ཁྲོམ་ཚོགས་བཞིན། །རྒྱན་དང་ཆ་ལུགས་ཡོངས་རྫོགས་པའི། །གནས་གསུམ་འབྲུ་གསུམ་མཚན་པ་ལས། །ཁྱད་པར་ཐུགས་ཀའི་ཧཱུྃཿཡིག་དང་། །བདག་ཉིད་ལྷར་གསལ་ཐུགས་ཀ་ནས། །འོད་ཟེར་འཕྲོས་པས་རང་བཞིན་གྱི། །དབྱིངས་ནས་འགོ་བའི་ལྷ་ལྔ་དང་། །སློབ་དཔོན་རྒྱུད་དང་ཕ་མྱེས་ཀྱི། །ལྷ་དང་སྲུང་མའི་ཚོགས་རྣམས་ཀུན། །སྒྱུ་མ་རྨི་ལམ་ཚུལ་བཞིན་དུ། །གནས་འདིར་སྤྱན་འདྲེན་ས་མཱ་ཛ༔ སྤྱན་འདྲེན་ནི གཏེར་ཁ་འོག་མ་ལས། །ཀྱཻ་དགྲ་ལྷ་གཉན་པོ་སྤྱན་འདྲེན་ནོ། །ཕྲག་གོང་གཡས་ནས་གཤེགས་སུ་གསོལ། །སྤྲུལ་ནི་དགེ་བཤེས་མོང་པར་སྤྲུལ། །མཆོད་ནི་བཤོས་བུ་གཙང་མས་མཆོད། །དེ་རིང་བདག་གི་གྲོགས་ལ་བྱོན། །དམག་དཔུང་བསྐྱེད་ལ་དགྲ་དཔུང་ཐུལ། །ཞང་ལྷ་ཕ་ཝཾ་སྤྱན་འདྲེན་ནོ། །མཆན་ཁུང་གཡོན་ནས་གཤེགས་སུ་གསོལ། །སྤྲུལ་ནི་ཞང་བློན་མང་པོར་སྤྲུལ། །མཆོད་ནི་གསང་ལུག་གཙང་མས་མཆོད། །འགལ་རྐྱེན་སྤོངས་ལ་མཐུན་རྐྱེན་སྒྲུབས། །སྲོག་ལྷ་རྨིན་པོ་སྤྱན་འདྲེན་ནོ། །སྙིང་གི་གནས་ནས་གཤེགས་སུ་གསོལ། །སྤྲུལ་ནི་མི་དཀར་མང་པོར་སྤྲུལ། །མཆོད་ནི་ར་སྐྱེས་ཁམ་པས་མཆོད། །དེ་རིང་བདག་གིས་སྤྱན་འདྲེན་ནོ། །སྲོག་གི་བར་ཆད་སྲུང་དུ་གསོལ། །མོ་ལྷ་འཁྱུད་མོ་སྤྱན་འདྲེན་ནོ། །མཆན་ཁུང་གཡས་ནས་གཤེགས་སུ་གསོལ། །སྤྲུལ་ནི་མ་སྲུ་མང་པོར་སྤྲུལ། །མཆོད་ནི་འབྲང་རྒྱས་ལྡེམ་པས་མཆོད། །དེ་རིང་བདག་གིས་སྤྱན་འདྲེན་ནོ། །ཟས་ནོར་ཆར་པ་དབབ་ཏུ་གསོལ། །ཡུལ་ལྷ་མགྲོན་བུ་སྤྱན་འདྲེན་ནོ། །སྤྱི་བོའི་གཙུག་ནས་གཤེགས་སུ་གསོལ། །སྤྲུལ་ནི་མཆེད་གྲོགས་མང་པོར་སྤྲུལ། །གསང་ལུག་དཀར་པོ་འདི་ཡིས་མཆོད། །དེ་རིང་བདག་གིས་སྤྱན་འདྲེན་ནོ། །ཡིད་ལ་བསམ་པ་སྒྲུབ་ཏུ་གསོལ། །པདྨ་ཀ་མ་ལ་ཡེ་སྟྭམ། །གྱིས་གདན་འབུལ། །གསོལ་མཆོད་ནི། །གསར་བསྒྲིགས། །འགོ་བའི་ལྷ་ལྔ་འཁོར་བཅས་ལ། །གཙང་མ་ཆབ་ཀྱིས་སྐུ་ཁྲུས་གསོལ། །མི་གཙང་དྲི་མ་དག་གྱུར་ཅིག །སྣ་ཚོགས་ཤིང་སྣའི་དུད་པ་ཡིས། །ཉམས་གྲིབ་མ་ལུས་བསང་གྱུར་ཅིག །གཡའ་ཆུ་གངས་ཆུ་གཙང་མའི་ཆུ། །སྨན་ཆབ་ངད་ལྡན་སྐྱེམས་སུ་འབུལ། །སྣ་ཚོགས་མེ་ཏོག་ཆུན་པོའི་ཐོད། །སྐུ་ལ་མཛེས་པའི་རྒྱན་དུ་འབུལ། །དཀར་གསུམ་མངར་གསུམ་ཤིང་ཏོག་འབྲུ། །བཟའ་བཅའ་ཞིམ་མངར་བཤོས་བུ་འབུལ། །ཉི་ཟླ་ནོར་བུ་འབྲུ་མར་གྱི། །མར་མེ་གསལ་བྱེད་སྒྲོན་མེ་སྦར། །རྐང་གླིང་ཌ་དྲིལ་དུང་ལ་སོགས། །རོལ་མོ་སིལ་སྙན་སྣ་ཚོགས་འབུལ། །ཁ་དོག་སྣ་ཚོགས་ཟ་འོག་གོས། །རིན་ཆེན་དུ་མའི་དོ་ཤལ་དང་། །པྲོག་ཞུ་སྙན་ཆ་གདུ་བུ་བཀྲ། །གོ་མཚོན་དར་ཐོད་མཛེས་བརྗིད་ཆས། །སྟག་རལ་གཟིག་ཤུབས་མདའ་མདུང་དང་། །རིན་ཆེན་གཞོང་བ་ནོར་བུ་སོགས། །རྩལ་ཆེན་རླུང་གི་ཤུགས་ལྡན་རྟ། །སྒ་སྲབ་མཛེས་པའི་ཆས་ཀྱིས་བརྒྱན། །ཤྭ་བ་ལ་སོགས་བགྲོད་བྱེད་བཅིབས། །གནམ་ལ་འཕུར་དགུ་ས་གཞི་ལ། །འཛུལ་དགུ་རི་དྭགས་ཡོད་དགུ་སོགས། །སྣ་ཚོགས་སྲོག་ཆགས་བགྲངས་ལས་འདས། །རྒྱལ་སྲིད་བདུན་དང་འདོད་ཡོན་ལྔ། །བཀྲ་ཤིས་རྟགས་བརྒྱད་ལ་སོགས་པའི། །ལྷ་མིའི་དཔལ་འབྱོར་ནམ་མཁའ་གང་། །དངོས་འབྱོར་ཡིད་སྤྲུལ་མཆོད་ཚོགས་ཀྱིས། །ལྷ་ལྔ་འཁོར་བཅས་གསོལ་ཞིང་མཆོད། །གཏོར་མ་རྒྱལ་མཚན་བཤོས་བུ་དང་། །ཇ་ཆང་གསེར་སྐྱེམས་བཏུང་བའི་ཚོགས། །ལྗགས་ཀྱི་དབང་པོ་ཚིམ་བྱེད་པའི། །ཞལ་ཟས་སྐྱེམས་ཀྱིས་གསོལ་ཞིང་མཆོད། །མོ་ལྷ་ཞང་ལྷ་མ་ལྷ་ལ། །སྨན་ལེབ་འབྲང་རྒྱས་གསང་ལུག་འབུལ། །ཞང་པོའི་མདའ་ཡི་མདེའུ་དང་། །མ་སྲུའི་འཕང་རྣམས་རྟེན་དུ་འཛུགས། །སྲོག་ལྷ་སྐྱེས་ལྷའི་ཚོགས་བཅས་ལ། །ར་སྐྱེས་ཁམ་པས་མཆོད་པ་འབུལ། །འཕན་དང་ཕྱུགས་པོ་ཕ་སྤུན་མདའ། །དར་གྱི་རུ་མཚོན་རྟེན་དུ་འཛུགས། །ཕོ་ལྷ་ཕ་མྱེས་དབང་ཐང་ལྷ། །གསང་ལུག་གཙང་མའི་མཆོད་པ་འབུལ། །དར་མདུང་ནས་དཀར་རྟེན་དུ་འཛུགས། །ཡུལ་ཁང་མཁར་གྱི་རྩེ་ལྷ་ལ། །ལྷ་གཡག་དཀར་པོའི་མཆོད་པ་འབུལ། །ཕྱུགས་ཅན་དར་ཁ་རྟེན་དུ་འཛུགས། །དགྲ་ལྷ་རིག་འཛིན་དབང་ལྷ་དང་། །བན་བོན་ཆོས་སྲུང་ཚོགས་རྣམས་ལ། །བཤོས་བུ་གཙང་མའི་མཆོད་པ་འབུལ། །དཔའ་བོའི་བླ་གཡུ་རྟེན་ཏུ་འཛུགས། །དར་ཚོན་སྣ་ལྔ་དཀར་དམར་དང་། །གཡུ་ཆུང་མིག་མེད་གསེར་དངུལ་ཟངས། །ལྕགས་དང་བྱུ་རུ་མན་ཤེལ་ཚོགས། །ཕ་ཤིང་མ་ཤིང་བུ་ཤིང་རྣམས ། །བྱང་བུ་མིག་དགུ་ཆངས་བུ་དང་། །ནས་དཀར་རྟེན་གྱིས་ལྷ་ལྔ་སྐོངས། །བདག་སོགས་མི་ནོར་རིགས་རྒྱུད་ལ། །མི་འབྲལ་རྟག་ཏུ་བསྲུང་སྐྱོབས་མཛོད། །ཡུལ་ལྷས་སྤྱི་བོའི་གཙུག་ནས་སྲུངས། །དགྲ་ལྷས་ཕྲག་པ་གཡས་ནས་སྲུངས། །ཕོ་ལྷས་མཆན་ཁུང་གཡས་ནས༴ མོ་ལྷས་མཆན་ཁུང་གཡོན་ནས༴ སྲོག་ལྷས་སྙིང་གི་དཀྱིལ་ནས༴ རིག་འཛིན་བན་བོན་ཆོས་སྐྱོང་གིས། །སྟེང་འོག་ཕྱོགས་མཚམས་ཀུན་ནས་སྲུངས། །ཚེ་དཔལ་བསོད་ནམས་མངའ་ཐང་བསྐྱེད། །བསོ་ལྷ་རྒྱལ་ལོ། །གྲཱ་བ་མངོན་ཤེས་ཅན་གྱི་གཏེར་མའི་ལས་བཅོལ་ནི། །ཀྱཻ་ལྷ་དང་མི་རུ་མ་བྲལ་ཅིག །བདུད་ནི་ཆར་ལྟར་བབ་གྱུར་ན། །ལྷས་ནི་ཁྱིམ་ལྟར་སྐྱོབས་གྱུར་ཅིག །གདོན་ནི་དགྲ་ལྟར་གནོད་གྱུར་ན། །ལྷས་ནི་ཟུན་ལྟར་སྐྱོབས་གྱུར་ཅིག །འདྲེ་ནི་རྐུན་ལྟར་འཇབ་གྱུར་ན། །ལྷས་ནི་ཁྱི་ལྟར་སྲུངས་གྱུར་ཅིག །ལྷ་ཡི་འོག་ནས་མི་མ་ཡར། །དགྲ་ཡི་འོག་ནས་གྱོད་མ་སང་། །བསྲུང་བའི་འོག་ནས་གདོན་མ་སྡང་། །གཉེན་གྱི་འོག་ནས་སྨྲ་མ་སྡང་ཅིག །ཁྱི་འོག་ནས་རྐུན་མ་མ་འཇབ་ཅིག །གནོད་པའི་དགྲ་བགེགས་ཐམས་ཅད་བསྲུང་བ་འདི་ལས་མ་འདའ་ཞིག །བཀྲ་ཤིས་བདེ་སྐྱིད་ལེགས་པའི་རྟག་སྲུངས་ཤིག །ལོ་བརྒྱ་ཐུབ་ལ་སྟོན་བརྒྱ་འཚོ་བའི་དཔལ་སྐྱེད་ཅིག །བཀྲ་ཤིས་ནད་མེད་བསམ་པ་འགྲུབ་པ་དང་། །ནད་གདོན་འབྱུང་བོ་མ་ལུས་ཞི་བ་དང་། །ཚེ་དང་བསོད་ནམས་དབང་ཐང་རྒྱས་པ་དང་། །བདག་གི་ལུས་ངག་ཡིད་གསུམ་དང་མི་མཐུན་པའི་ནད་གདོན་ཞི། །གཅོང་ནད་དགྲ་གདོན་ཉེ་བར་འཚེ་བ་དང་བྲལ་ཏེ་རྟག་ཏུ་གཡེལ་བ་མེད་པར་སྲུང་སྐྱོབས་མཛོད་ཅིག །བསམ་པ་ཐམས་ཅད་འགྲུབ་པར་མཛོད་ཅིག་སྭཱ་ཧཱ། བསྲུང་བྱ་ཕོ་རིགས་རྣམས་བྱང་ཆུབ་སེམས་དཔའི་ཐུགས་བསྐྱེད་མངའ་ཐང་རྣམས་ཀྱི་སྨོན་ལམ་གྱི་མཐུ་ལས་རྒྱལ་སྲིད་རིན་པོ་ཆེ་སྣ་བདུན་འབད་རྩོལ་མི་དགོས་བཞིན་འབྱུང་བའི་ནང་ཚན་སྟོབས་ལྡན་དམག་དཔོན་རིན་པོ་ཆེའི་གཞོམ་གཞིག་དང་བྲལ་བའི་གོ་ཆ་དང་། དམ་བཅའ་བཞི་ལྡན་ལྟ་བུའི་མཚོན་ཆ་སྣ་ཚོགས་ཀྱི་ཕྱག་ཆ་ཅན་དུ་གསལ་བ་དང་། བུད་མེད་རྣམས་ཀྱང་བཙུན་མོ་རིན་པོ་ཆེའི་དཔལ་ཡོན་ཕུན་སུམ་ཚོགས་པ་ཁང་ཁྱིམ་རྟ་ཕྱུགས་ཀུན་ཀྱང་དཔལ་ལྡན་མགོན་པོའི་རྫས་དང་ཡོ་བྱད་དུ་བྱིན་གྱིས་བརླབས་ཤིང་། དམག་དཔོན་རིན་པོ་ཆེ་དགྲ་དཔུང་འཇོམས་པའི་སྟོབས་རྩལ་ཕུན་སུམ་ཚོགས་པ་དང་། དེ་བཞིན་དུ་རང་རང་སོ་སོའི་དཔལ་ཡོན་དང་ལྡན་པར་གསལ་གདབ་ཅིང་མངའ་གསོལ་དང་དབང་བསྐུར་བྱ་བ་ནི། དཔལ་མགོན་ཚོགས་ཀྱི་བདག་པོའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་དང་བྱིན་རླབས་དངོས་གྲུབ་ཐམས་ཅད་ༀ་དཀར། ཨཱཿདམར་ཧཱུྃ་མཐིང་སྭཱ་སེར་ཧཱ་ལྗང་གི་རྣམ་པས་བསྲུང་བྱ་རྣམས་ཀྱི་གནས་ལྔ་སོགས་ལུས་སྤྱིར་ཐིམ་པས་ལུས་ལ་རྡོ་རྗེ་ཕ་ལམ་གྱི་གོ་ཆས་ཞུ་ལུགས་ཀྱི་ཚུལ་དུ་གཡོགས་ནས། །མཚོན་ཆའི་རིགས་ཀྱིས་མི་ཕེད་པའི་ནུས་བཅུད་ཐོབ་པ་དང་། ཕར་ལ་གླང་སྨྱོན་གྱི་སྣ་རྩེར་བཀོད་པའི་མཚོན་འཁོར་བཞིན་ཅིས་ཀྱང་བཟློག་ཏུ་མེད་ཅིང་རེག་ཚད་འཇོམས་ནུས་པའི་སྟོབས་རྩལ་དང་ལྡན་པར་གྱུར་ཅེས་བསམ་ལ། བསྲུང་བཀོད་བྱ་བ་ནི། གནས་གསུམ་དུ་མར་གྱི་ཐིག་ལེ་བཀོད་ལ། །ཀྱཻ་དེ་རིང་རྒྱུ་སྦྱོར་ཡོན་གྱི་བདག་པོ་ལ། །སྲུང་ཞིག་བཀོད་པ་མི་ལ་བཀོད། །སྐྱེས་པ་ཕོ་ལ་སྲུང་བཙུགས་ན། ། མི་བུ་སློབ་དཔོན་རིན་པོ་ཆེའི། །སྤྱི་བོར་སྐུ་ཡི་མགོན་པོ་བཀོད། །མགྲིན་པར་གསུང་གི་མགོན་པོ་བཀོད། །ཐུགས་ཀར་ཐུགས་ཀྱི་མགོན་པོ༴ ལྟེ་བར་ཡོན་ཏན་མགོན་པོ༴ གསང་གནས་ཕྲིན་ལས་མགོན་པོ༴ རྡོ་རྗེའི་གོ་ཁྲབ་ལུས་ལ་བཀོད། །ཅིས་ཀྱང་མི་ཆོད་མི་ཤིགས་པའི། །རྡོ་རྗེའི་སྐུ་དང་ལྡན་གྱུར་ཅིག །ཚངས་པའི་གསུང་ནི་ངག་ལ་བཀོད། །སྐྱེ་བ་མེད་ཅིང་འགགས་པ་མེད། །ཡན་ལག་དྲུག་ཅུའི་དབྱངས་དང་ལྡན། །ཆོས་ཉིད་འགྱུར་མེད་ཐུགས་ལ་བཀོད། །ཐོག་མཐའ་མེད་ཅིང་དབུས་མེད་པའི། །ཤེས་བྱ་མ་ལུས་རྟོགས་གྱུར་ཅིག །ཕུང་པོ་ལྔ་དང་འབྱུང་བ་ལྔ། །རིགས་ལྔ་ཡབ་ཡུམ་སྲུང་དུ་གསོལ། །རྣམ་པར་ཤེས་པ་ཚོགས་དྲུག་ནི། །ཐུབ་པ་དྲུག་གིས་སྲུང་དུ་གསོལ། །ཡན་ལག་བཞི་དང་འབྱུང་བ་བཞི། །སྒོ་བ་བཞི་ཡིས་སྲུང་༴ སྲུང་ཅིག་ཡོན་གྱི་བདག་པོ་སྲུངས། །བཛྲ་རཀྵ་རཀྵ་ཧཱུྃ༈ ཟ་མ་མོ་ལ་སྲུང་བཙུགས་ན། །གཙུག་ཏོར་དཀར་མོ་སྤྱི་བོར་བཀོད། །དབྱངས་ཅན་མ་ནི་མགྲིན་པར་བཀོད། །ལྷ་མོ་ཁྲོ་གཉེར་ཐུགས་ལ་བཀོད། །ལུས་ལ་རྗེ་བཙུན་སྒྲོལ་མ༴ འཇིགས་པ་བརྒྱད་ལས་སྐྱབས་ཏུ་གསོལ། །འཇིག་རྟེན་ལྷ་མོ་བྱིན་རླབས་ཅན། །དུང་གི་བུད་མེད་དཀར་མོ་ལ། །དབུ་སྐྲ་གཡུ་ཡི་ལན་ཕྲན་ཅན། །གསེར་དངུལ་རྒྱན་ཆ་སི་ལི་ལི། །དུང་གི་ལྟག་ཕུད་ལྡེམ་སེ་ལྡེམ། །རིན་ཆེན་སྣ་ཚོགས་བྲང་རྒྱན་ཅན། །རྩ་དཀར་བཀྲོལ་བའི་ལྷ་མོ་ཡང་། །བུད་མེད་ཁྱོད་ཀྱི་ལུས་ལ་བཀོད། ། སྲུངས་ཤིག་ཡོན་གྱི་བདག་མོ་སྲུངས། །བཛྲ་རཀྵ་རཀྵ་ཧཱུྃ། །བསྲུང་ཅིག་བཀོད་པ་ཕུབ་ལ་བཀོད། །ཕུབ་མོ་རང་གྱོན་དགྲ་བླ་ནི། །ཕྲག་པ་གཡས་སུ་སྟག་གཅིག་བཀོད། །ཕྲག་པ་གཡོན་དུ་གཡག་གཅིག་བཀོད། །དགྲ་བླ་སྟག་གཡག་ཁ་སྤྲོད་ནི། །ཕུབ་མོ་རང་གྱོན་འདི་ལ་བཀོད། །བསྲུང་དུ་གསོལ་ལ་བསྐྱབ་ཏུ་གསོལ། །ཡོན་བདག་སྲོག་འཚོ་ཁ་འཛིན་མཛོད། །སྲུང་ཅིག་བཀོད་པ་ཁྲབ་ལ༴ ཁྲབ་མོ་རང་གྱོན་དགྲ་བླ་ནི། །གློག་འོད་འདྲ་བའི་དགྲ་བླ་སྟེ། །མེ་ལྕེ་འདྲ་བའི་རྟ་ལ་ཞོན། །མེ་སྟག་འདྲ་བའི་མཚོན་ཆ་ཐོགས། །ཁྲབ་མོ་རང་གྱོན་འདི་ལ་བཀོད། །ནམ་མཁའ་འོད་ཀྱི་དགྲ་བླ་ནི། ། མེ་ལྕེ་འདྲ་བའི་རྟ་ལ་ཞོན། །སྐར་མ་འདྲ་བའི་མཚོན་ཆ་ཐོགས། །ཁྲབ་མོ་རང་གྱོན་འདི་ལ་བཀོད། །སྲུང་ས་ཤིག་ཡོན་བདག་འཁོར་བཅས་སྲུངས། །སྲུང་ཞིག་བཀོད་པ་རྨོག་ལ༴ རྨོག་མོ་རང་གྱོན་དགྲ་བླ་སྟེ། །འོད་འབར་གློག་འདྲ་ལྷག་སེ་ལྷག །མེ་ལྕེ་འདྲ་བའི་འཕྲུ་བཙུགས་ལྡེམས་སེ་ལྡེམ། །ཡོན་བདག་རྨོག་ལ་བསྲུང་དུ་གསོལ། །རྨོག་མོ་ཕྱི་ཐག་མ་ཆད་ཅིག །སྲུང་ཞིག་བཀོད་པ་མདུང་ལ་བཀོད། །མདུང་གི་རྩེ་མོར་ཁྱུང་ཞིག་བཀོད། །དགྲ་བླ་ཁྱུང་ཆེན་བྱ་བ་ཡིན། །མདུང་གི་རྩ་བར་སྟག་གཅིག༴ སྟག་ཆས་དགྲ་ལ་རྔམ་པ་ཡིན། །མདུང་མོ་རང་འཛུགས་དགྲ་བླ་སྟེ། །ཡོན་བདག་མདུང་མོ་འདི་ལ་བཀོད། །མདུང་མོ་དཀྱིལ་དུ་མ་ཆག་ཅིག །སྲུང་ཞིག་བཀོད་པ་གཞུ་ལ་བཀོད། །ཤ་རུ་དཀར་ལ་དགོ་རུ་སྨུག །ཁོ་མོན་འབྲོང་གི་རྭ་དང་ནི། །ཙན་དན་ཤིང་གཉིས་སྤྲད་པ་ལས། །གཞུ་མོ་རང་འཛུགས་དགྲ་བླ་ནི། །ཡར་གྱི་རྩེ་ལ་འབྲུག་ཅིག་གྲགས། །མར་གྱི་རྩེ་ལ་གློག་ཆེན་འཁྱུགས། །ཆང་ཟུང་དཀྱིལ་ནས་ཐོག་གཅིག་འཕྲོ། །དེ་དགྲ་བླ་དཔའ་ཆས་མཆེད་གསུམ་ཡིན། །དཔའ་ཆས་མཆེད་གསུམ་གཞུ་ལ་བཀོད། །ཡོན་བདག་གཞུ་ལ་བསྲུང་དུ་གསོལ། །སྲུང་ཞིག་བཀོད་པ་མདའ་ལ༴ སྒྲོ་ནི་ཕོ་ལྷ་བྱ་གསུམ་ཡིན། །ཕོ་ལྷ་བྱ་གསུམ་མདའ་ལ༴ སྨྱུག་མ་དགྲ་བླའི་རྟེན་ཤིང་ཡིན། །མདེལ་ནི་ཤེས་རབ་རྣོ་མྱུར་ཡིན། །དགྲ་བླ་ཐོག་མདའ་འདི་ལ༴ ཕར་འཕང་དུས་སུ་དགྲ་འདྲེ་བཟློག །ཚུར་བླང་དུས་སུ་ལྷ་མི་རྒྱལ། །མདའ་མོ་རང་འཕེན་དགྲ་བླ་དེ། །ཡོན་བདག་མདའ་ལ་སྲུང་དུ་གསོལ། །སྲུང་ཞིག་བཀོད་པ་རལ་ཤང་འདི་ལ་བཀོད། །རལ་གྲི་ཡ་ཙ་རྔམ་པ་ལ། །ཡར་གྱི་རྩེ་ལ་ཁྱུང་ཆེན་བཀོད། །བར་གྱི་དཀྱིལ་དུ་ཁྲ་གཅིག་བཀོད། །མར་གྱི་རྩ་བར་ཁུ་བྱུག་བཀོད། །རལ་གྲི་ཡུ་བ་སྙིང་འཛེར་གསུམ། །དེ་གསུམ་དགྲ་བླ་སྟག་གཡག་ཁྱུང་གསུམ་ཡིན། །དགྲ་བླ་མཆེད་གསུམ་ཡུ་བར་བཀོད། །ཡུ་བས་འཁོར་རྣམས་སྲུང་དུ་གསོལ། །རྩེ་མོས་སྡང་བའི་དགྲ་བོ་སོད། །རལ་གྲི་ཡ་ཙ་འདི་ལ་སྲུང་དུ་གསོལ། །སྲུང་ཞིག་བཀོད་པ་གྲི་ལ་བཀོད། །ཤེལ་གྱི་གྲི་ཆུང་ཡུ་དཀར་འདི། །སྔོན་མཐུ་ཆེན་མགོན་པོའི་ཕྱག་མཚན་བྱས། །ལྷ་མ་ཡིན་གྱི་གཡུལ་ངོ་བཟློག །ཕྱག་གྲི་འདི་ལ་བསྲུང་དུ་གསོལ། །སྲུང་ཞིག་ཁང་ཁྱིམ་དག་ལ་བཀོད། །ཁང་ཁྱིམ་གྲུ་བཞི་བཀོད་ལེགས་འདི། །གཞལ་ཡས་ཁང་དུ་བྱིན་གྱིས་བརླབས། །ནང་དུ་ཁྲོ་བོ་ཁྲོ་མོ་བཀོད། །གསེར་གྱི་ཀ་བ་མ་བརྡར་ལ། །གཡུ་ཡི་གདུང་མ་མ་ཆག་ཅིག །སྒོ་ཡི་ཤིང་བཞི་མ་འཆུག་གཅིག །སྒོ་ཡི་གཡས་སུ་སྟག་ཅིག་བཀོད། །སྒོ་ཡི་གཡོན་དུ་གཡག་ཅིག་བཀོད། །སྟག་གཡག་གཉིས་ཀྱིས་སྒོ་སྲུངས་མཛོད། །མི་ལ་རྒྱལ་པོ་མཐིང་གིས་སྲུངས། །རྟ་ལ་རེ་མནྟ་ཡིས་སྲུངས། །ནོར་ལ་ཛམ་བྷ་ལ་ཡིས་སྲུངས། །ལུག་ལ་ཤ་བ་རི་ཡིས་སྲུངས། །ཞིང་ལ་ཞིང་ལྷ་ཚངས་པས༴ ཁྱིམ་ལ་ཁྱིམ་ལྷ་ཀོ་ཏུས༴ ཕྱུགས་ལ་ཕྱུགས་ཀྱི་ལྷ་དགུས༴ ར་ལ་ར་ལྷ་ཚེར་མོས༴ ཕག་ལ་ཕག་ལྷ་ངུར་མོས༴ སྲུངས་ཤིག་ཡོན་བདག་འཁོར་བཅས་སྲུངས། །བསྲུང་དུ་གསོལ་ལེ་བསྐྱབ་ཏུ་གསོལ། །བཀྲ་ཤིས་བདེ་ལེགས་ཕུན་སུམ་ཚོགས་ཤོག །དེ་ནས་དགྲ་བླ་འཁོར་བཅས་བསྲུང་བྱ་ལ་འགྲོགས་ནས་འབྲལ་མེད་དུ་བཞུགས་སུ་གསོལ་བ་ནི། །ཀྱཻ་སྔོན་གྱི་དུས་སུ་ལྷ་དབང་བརྒྱ་བྱིན་གྱིས། །བརྟེན་ཅིང་མཆོད་པའི་དགྲ་ལྷ་མཐུ་བོ་ཆེ། །དེ་རིང་རྒྱུ་སྦྱོར་ཡོན་གྱི་བདག་པོ་ཡི། །དགྲ་ལྷར་འབོད་དོ་རྟེན་ལ་བརྟན་པར་བཞུགས། །ལྷ་ཁྱོད་སྐུ་མདོག་དཀར་པོ་འོད་ཟེར་འཕྲོ། །སྲ་བའི་གནམ་ལྕགས་རྨོག་མོས་དབུ་ལ་བརྒྱན། །རིན་ཆེན་གསེར་གྱི་ཁྲབ་ཆེན་སྐུ་ལ་གསོལ། །མཛེས་པའི་སག་ལྷྭམ་ཡུ་རིང་ཞབས་ལ་གསོལ། །རྣོ་བའི་མདའ་གང་སྟག་དོང་གཡས་སུ་འཆང་། །སྲ་བའི་གཞུ་བཅུག་གཟིག་ཤུབས་གཡོན་ན་བཀྲ ། །རྣོ་ངེར་འཛོམས་པའི་རལ་གྲི་སྐེད་ལ་བཏགས། །སྦ་ལྕག་དཀར་པོ་ཚིགས་གསུམ་ཕྱག་ན་བསྣམས། །རིན་ཆེན་སྒ་སྲབ་མཛེས་པའི་རྟ་ལ་བཅིབས། །ལྕགས་ཀྱི་བྱ་ཁྲ་ཧོར་པ་ཀླད་ན་ལྡིང་། །ཕྲག་གོང་གཡས་ན་སེང་ཆེན་དཀར་མོ་འགྱིང་། །ཕྲག་གོང་གཡོན་ན་སྟག་ཆེན་དྲུས་མ་འཕྱོ ། །ཁྱི་ནག་དོམ་དྲེད་མང་པོར་སྔ་ཕྱིར་རྒྱུག །སྤྲུལ་པ་ཡང་སྤྲུལ་ས་གཞི་མ་ལུས་ཁྱབ། །ཀུན་ཀྱང་དཀར་ཕྱོགས་སྐྱོང་བའི་རུ་མཚོན་ཕྱར། །བསྟན་སྲུང་དགྲ་ལྷ་ཆེན་པོ་འཁོར་དང་བཅས། །ཁྱེད་རྣམས་བཞུགས་གནས་མཁར་གྱི་རྩེ་འདི་ཡིན། །མཉེས་པའི་རྟེན་རྫས་སྤྱན་གཟིགས་འདི་དག་ཡིན། །གནས་དང་བརྟེན་རྫས་རྣམས་ལ་བརྟན་པར་བཞུགས། །རྒྱུ་སྦྱོར་ཡོན་གྱི་བདག་པོའི་སྡོང་གྲོགས་མཛོད། །ལྷ་ཁྱོད་དགྱེས་པའི་མཐུན་རྫས་འབུལ་བ་ནི། །རྣམ་རྒྱལ་ཁང་བཟང་ལྟ་བུའི་ཕོ་བྲང་དང་། །རྨོས་ཤིང་དབྱར་སྐྱེས་མྱུ་གུའི་ཕྲེང་བ་འཁྲིགས། །དཀར་གསུམ་མངར་གསུམ་ཕྱེ་མར་ཤིང་འབྲས་འབྲུ། །བཤོས་བུ་གཙང་སྦྱར་ཇ་དཀར་ཆང་རྒོད་ཕུད། །དར་ཚོན་རིན་ཆེན་དཀོར་ནོར་སྣ་ཚོགས་སྤུངས། །རང་བསྲུང་སྲོག་སྐྱོབས་བརྩན་པའི་གོ་ཆ་དང་། །ཕ་རོལ་འཇོམས་པའི་སྣོ་ངེར་མཚོན་ཆའི་རིགས། །མཛེས་པའི་རྟ་མཆོག་རྒྱན་ལྡན་རླུང་ལྟར་འཕྱོ། །མི་གཙང་ཉེས་ཀུན་སེལ་བའི་བསང་མཆོད་རྣམས། །དགྲ་ལྷ་ཆེན་པོ་འཁོར་དང་བཅས་ལ་འབུལ། །དགྱེས་པ་རབ་བསྐྱེད་རྟེན་ལ་བརྟན་པར་བཞུགས། །ཀྱཻ་དང་པོ་དགྲ་ལྷ་གང་ནས་བྱུང་། །ལྷན་ཅིག་སྐྱེས་པའི་ལྷ་ཡིན་ཏེ། །ཕོ་ལྷ་མོ་ལྷ་ཞང་ལྷ་དང་། །སྲོག་ལྷ་དགྲ་ལྷ་ཞེས་སུ་གྲགས། །བར་དུ་དགྲ་ལྷ་གང་ནས་བྱུང་། །ལྷ་དང་ལྷ་མིན་དམག་འགྱེད་ཚེ། །ལྷ་རྒྱལ་དབང་པོ་བརྒྱ་བྱིན་གྱིས། །ལྷ་ལྔ་བསྙེན་ཅིང་དགྲ་ལྷ་མཆོད། །ཐ་མ་དགྲ་ལྷ་གང་ནས་བྱུང་། །གཡུལ་དང་འཁྲུགས་རྩོད་དར་བའི་ཚེ། །རྟེན་འབྲེལ་བདེན་པ་ཤེས་པ་ཡིས། །དགྲ་ལྷ་གཟེངས་བསྟོད་རུ་མཚོན་ཕྱར། །ད་ལྟ་དགྲ་ལྷ་གང་ན་བཞུགས། །སྐྱེས་བུ་བློ་རྩལ་ལྡན་པ་ཡི། །རྣམ་པར་ཤེས་པ་ཚོགས་བརྒྱད་དང་། །དཔལ་དང་བརྟུལ་ཕོད་དེ་ལ་ཆགས། །དེ་འདྲའི་དགྲ་ལྷ་སྤྱན་འདྲེན་ནོ། །བཞུགས་ས་དེ་ནི་གནས་བཙལ་བ། །ཕྲག་པ་གཡས་ཀྱི་སྟེང་ན་བཞུགས། །མི་དང་ལྷ་རུ་མ་བྲལ་ཅིག །རྨོག་དང་མེ་ལོང་མདོངས་ལ་བཞུགས། །བཀྲག་དང་གཟི་བརྗིད་མ་བྲལ་གཅིག །མཆོག་དཀར་གཞུ་ཡི་རྒྱུད་ལ་བཞུགས། །མདའ་དང་འཕོང་རྐྱེན་མ་བྲལ་ཅིག །རུ་མཚོན་ངར་མའི་རྩེ་ལ་བཞུགས། །འཕྱར་དང་དུང་འབུད་མ་བྲལ་ཅིག །རལ་གྲི་ངར་མའི་ཀླད་ལ་བཞུགས། །བསྣུན་དང་གཅོད་ཚབ་མ་བྲལ་ཅིག །སྒྱོགས་དང་གནམ་ལྕགས་དབྱིངས་ལ་བཞུགས། །འཕོག་དང་མདེའུ་མ༴ གོ་ཆའི་བླ་དང་དབྱིབས་སུ་བཞུགས། །སྲ་དང་ཞུ་བླུགས་མ༴ རྟ་ཕོའི་ཟེ་རྔོག་ཀློང་དུ་བཞུགས། །བང་དང་རྩལ་གསུམ་མ༴ མདོར་ན་འགྱེད་དང་རྩོད་པ་དང་། །ཕ་རོལ་གནོན་པའི་བླར་བཞུགས་ནས། །ཕྱོགས་ལས་རྣམ་པར་རྒྱལ་བར་མཛོད། །གསོལ་ལོ་མཆོད་དོ་ལྷ་རྒྱལ་ལོ། །ཀྱཻ་དགུང་སྔོན་དབྱིངས་སུ་གཡུ་འབྲུག་ལྡིར་བ་བཞིན། །དགྲ་ལྷ་འཁོར་བཅས་མི་དང་མ་བྲལ་གཅིག །གངས་དཀར་སྤོ་ལ་སེང་ཆེན་འཕྱོ་བ་བཞིན། །དགྲ་ལྷ༴ ཤྭ་བ་རྭ་བཅུ་སྤང་ལ་གནས་པ༴ དགྲ་ལྷ༴ ཆུ་ཀླུང་ཆེན་པོར་ཉ་མོ་གནས་པ༴ དགྲ་ལྷ༴ མཚོ་ལ་འདབ་ཆགས་ལུས་དཀར་བརྟེན་པ༴ དགྲ་ལྷ༴ ཕ་མས་བུ་ཚ་གདུང་བརྩེས་སྐྱོང་བ༴ དགྲ་ལྷ༴ ཉི་ཟླ་སྣང་བའི་དཔལ་དང་འགྲོགས་པ༴ དགྲ་ལྷ༴ ནོར་བུ་འདོད་འཇོའི་ཡོན་ཏན་ལྡན་པ་བཞིན། །དགྲ་ལྷ༴ གོ་མཚོན་དཀོར་ནོར་སྤྱན་གཟིགས་ཡུལ་མཁར་ལ། །དགྲ་ལྷ་གཉན་པོའི་དཔུང་ཚོགས་རྟེན་བཅས་ཏེ། །དབུ་འཕང་རི་རྒྱལ་ལྷུན་པོ་ལྟ་བུར་བསྟོད། །དགྲ་ཡི་གཡུལ་ལས་རྣམ་པར་རྒྱལ་བར་མཛོད། །ཀྱཻ་འཇིག་རྟེན་མུན་པ་སེལ་བ་ཉི་ཟླའི་གཡང་། །དེ་རིང་བཀྲ་ཤིས་གནས་འདིར་གཡང་དུ་ལེན། །ཡིད་བཞིན་ནོར་བུ་ཕུན་ཚོགས་དགོས་འདོད་གཡང་། །དེ་རིང་༴ ཚངས་པ་བརྒྱ་བྱིན་ལ་སོགས་ལྷ་ཡི༴ དེ་རིང་༴ འཁོར་ལོས་སྒྱུར་རྒྱལ་ལ་སོགས་མི་ཡི་གཡང་། །དེ་རིང་བཀྲ་ཤིས༴ དགའ་བོ་འཇོག་པོ་ལ་སོགས་ཀླུ་ཡི་གཡང་། །དེ་རིང་༴ གནོད་སྦྱིན་ཚོགས་ཀྱི་འཛད་མེད་འབྱོར་པའི༴ དེ་རིང་༴ གེ་སར་དཔའ་བརྟུལ་འཛོམས་པ་དམག་གི་གཡང་། །དེ་རིང་བཀྲ་ཤིས༴ རིགས་བརྒྱུད་བུ་ཚ་གྲངས་མེད་འཕེལ་བའི་གཡང་། །དེ་རིང་བཀྲ་ཤིས་གནས་འདིར༴ མཚོན་གྱིས་མི་ཕེད་གོ་ཁྲབ་བརྩན་པའི་གཡང་། །དེ་རིང་བཀྲ་ཤིས་གནས་འདིར༴ གང་བསམ་སྐད་ཅིག་བགྲོད་པ་རྟ་ཡི་གཡང་། །དེ་རིང་༴ ཕུན་ཚོགས་ཕྱོགས་ལས་རྣམ་པར་རྒྱལ་བའི་གཡང་། །གནས་འདིར་བཀྲ་ཤིས་ཕྱྭ་དང་གཡང་དུ་ལེན། །དགྲ་ལྷ་གཉན་པོ་འཁོར་དང་བཅས་རྣམས་ཀྱིས། །ཉིན་གསུམ་བྱ་ར་མཚན་གསུམ་མེལ་ཚེ་མཛོད། །གནད་དོན་ཆགས་ཆེ་བར་ཆད་ཀུན་ལས་སྐྱོབས། །བསམ་དོན་ལྷུན་གྱིས་འགྲུབ་པའི་བཀྲ་ཤིས་ཤོག །མཐར་བསམ་པ་མྱུར་འགྲུབ་དང་བཀྲ་ཤིས་གང་རྒྱས་ཀྱིས་མཐའ་བརྒྱན་པར་བྱའོ། །འདིར་སྨྲས་པ། དཔལ་མགོན་ལེགས་ལྡན་ཚོགས་ཀྱི་བདག་པོ་ཡི། །དགྲ་ལྷ་མཆོད་ཅིང་བསྟིམ་པའི་ཕྲིན་ལས་ནོར། །དགོས་འདོད་ཀུན་འབྱུང་ཡིད་བཞིན་དབང་གི་རྒྱལ། །འདི་འདྲ་གཞན་ཕན་ཁོ་ནས་བཀོད་པ་ལས། །རང་འདོད་དྲི་མས་མ་གོས་དེ་ཡིས་ཕྱིར། །འཕྱང་མོ་ཉུག་གི་ལམ་དུ་མི་ཚུད་འཚལ། །ཚུལ་འདི་གུ་རུ་ཆོས་ཀྱི་དབང་ཕྱུག་དང་། །གྲྭ་བ་མངོན་ཤེས་ཅན་གྱི་གཏེར་བྱོན་ཆོས། །རྒྱལ་དབང་ལྔ་བ་ཆེན་པོས་ཆོག་ཁྲིགས་སུ། །ལེགས་བསྟར་འགོ་བའི་ལྷ་ལྔ་མཆོད་ཐབས་ཀྱི། །གཞུང་གཉིས་ཟུང་འབྲེལ་ཚོགས་བདག་རང་གཞུང་གི །བསྲུང་བཀོད་དང་ནི་རྣམ་གསུམ་ལུས་ཀྱི་ཚུལ། །རང་ལུགས་དཀར་པོ་ཡབ་རྗེའི་དགྲ་ལྷ་ཡང་། །ཚིག་ཉུང་དོན་འདུས་བྱིན་རླབས་བདོག་མཚོན་ཚུལ། །དེ་དག་ཡོངས་དྲིལ་རྡོ་རྗེའི་མཁར་རྫོང་བཞིན། །གཞོམ་གཞིག་བྲལ་ཕྱིར་བསམ་པ་མྱུར་འགྲུབ་མས། །བརྟན་པར་བྱ་ཞིང་བཀྲ་ཤིས་སྨོན་ལམ་གྱིས། །མངའ་གསོལ་བགྱིད་འདི་ཡིད་བཞིན་ནོར་བུ་འདྲ། །འདི་ཉིད་སྒྲུབ་བརྩོན་རྣལ་འབྱོར་ཆོས་མཆོག་སོགས། །དད་ལྡན་འགའ་ཡིས་བསྐུལ་བ་དོན་ཡོད་ཕྱིར། །བྲིས་འདིས་དགེ་བས་བསྲུང་བྱ་སྦྱིན་བདག་ཚོགས། །འགོ་བའི་ལྷ་ལྔས་ཕ་ཁུ་སྤུན་ཟླ་ལྟར། །རྟག་ཏུ་བསྲུང་ཞིང་དགྲ་ལས་རྣམ་རྒྱལ་ཞིང་། །བཀྲ་ཤིས་བདེ་སྐྱིད་དཔལ་དང་ཡོངས་འགྲོགས་ཤོག །འདི་འདྲའི་མན་ངག་ལག་ལེན་སྤེལ་བྱེད་གང་། །བྱང་སེམས་ཀུན་བཟང་གཞན་ཕན་གྱིས་བགྱིས་ཤིང་། །ཡི་གེ་པ་ནི་ཐོས་བསམ་དད་དམ་ནོར། །གཅེས་སྤྲས་ཀྱིས་འཆང་རང་སློབ་ཀློང་གསལ་གྱིས། ། བགྱིས་པའི་དགེ་བ་བསྟན་འགྲོར་རྟག་སྨན་ཤོག །དགེའོ།།

མགོན་པོའི་ལམ་ལྷ།

༄༅། །མགོན་པོའི་ལམ་ལྷ་བཞུགས།

བླ་མ་དམ་པ་རྣམས་ལ་ཕྱག་འཚལ་ལོ། །སློབ་ད པོན་བཻ་རོ་ཙ་ནས་གཞི་བདག་དགེ་བསྙེན་བརྔན་པ་ལ། །ཕྱེ་མར་གཙང་མ་ལ་སྨན་དང་རིན་པོ་ཆེ་བ་བསྲེས་ལ་ཁྱུང་དང་སེང་གེ་འབྲུག་དང་གསུམ། །གཡག་ལུག་ར་གསུམ་འབྲོང་དང་བདུན། །དཀར་གསུམ་མངར་གསུམ་ཆང་ཕུད་དར་སྣ་རྣམས་བཤམས་ལ། ། དེ་ནས་རང་ཉིད་ལྷའི་ང་རྒྱལ་དང་ལྡན་པར་བྱས་ལ། །འདི་སྐད་དོ། །ཧཱུྃ་རྡོ་རྗེ་འཆང་གི་བཀའ་བྱུང་གིས། །མ་གཡེལ་སྲུང་མ་མཐུ་རྩལ་ཅན། །བདག་དང་རྒྱུ་སྦྱོར་ཡོན་བདག་གི། །མགྲོན་པོ་བྱེས་སུ་འགྲོ་བའི་ཚེ། །སྐྱེས་བུ་འདོད་དོན་གང་ཞིག་གིས། །མགོན་པོ་ལེགས་ལྡན་གཙོ་བྱས་པའི། །བོད་ཡུལ་གཉན་གྱི་གཞི་བདག་དང་། །འདི་རུ་བཞུགས་པའི་ཡུལ་ལྷ་དང་། །དགེ་བསྙེན་ཆེན་པོ་འཁོར་དང་བཅས། །སྲུང་མ་གཉན་པོ་མཆོད་པའི་ཚེ། །མགྲོན་པོའི་མི་རྟ་ཁལ་མཛོ་རྣམས། །སྔུན་ནས་སུས་ལ་རྒྱབ་ནས་སྐྱོལ། །རྒྱ་ཡི་ཟས་ནོར་གྲོགས་སུ་སྡུས། །བོད་ཀྱི་ཟས་ནོར་གཡང་དུ་ལོངས ། །མཁའ་འགྲོའི་དོན་སྒྲུབས་ཡུལ་དུ་སྐྱོལ། །ཡུལ་དུ་ཕྱི་ཡི་དགྲ་སྣ་བཟློག །དངོས་གྲུབ་བར་ཆད་བྱེད་པ་ཡི། །གདོན་བགེགས་འབྱུང་པོ་རྡུལ་དུ་རློོགས། །བསྟན་པ་གཉན་པོ་བསྲུང་དུ་གསོལ། །ཁྱེད་ལ་མཆོད་པ་འབུལ་བ་ནི། །བཀའ་ཡི་གཏོར་མ་རྒྱན་ཅན་དང་། །ཁྱུང་དང་སེང་གེ་གཡུ་འབྲུག་དང་། །གཡག་ལུག་ར་ཡི་གཟུགས་འགྲོས་དང་། །རིན་ཆེན་གསེར་དངུལ་ཕྱེ་མར་དང་། །ཇ་ཆང་ལ་སོགས་ཟས་སྐོམ་ཕུད། །སྔགས་དང་ཕྱག་རྒྱས་བྱིན་གྱིས་བརླབས། །བསམ་གཏན་ལྷ་ཡི་དཀོར་པོ་བས་ལྷག །མཐུ་ཆེན་གཉན་པོ་རྣམས་ལ་འབུལ། །བསོ་མ་གཡེལ་སྲུང་མ་མཐུ་རྩལ་ཅན། །བདག་དང་རྒྱུ་སྦྱོར་ཡོན་བདག་གི །ཚོང་ལ་འགྲོ་ན་ཚོང་དཔོན་མཛོད། །ཇག་ལ་འགྲོ་ན་ཇག་དཔོན་མཛོད། །དམག་ལ་འགྲོ་ན་དམག་དཔོན་མཛོད། །ཕྱོགས་བཅུར་མགྲོན་པོ་གར་འགྲོ་ཡང་། །སྡུན་དུ་སུས་ལ་རྒྱབ་ཏུ་སྐྱོལ། །མགྲོན་པོ་ལམ་དུ་ཞུགས་པའི་ཚེ། །འཇིགས་པ་བརྒྱད་ལས་སྐྱོོབ་པར་མཛོད། །མཐོ་ལ་བབ་ན་ལ་བརྒལ་ཞིང་། །དམའ་ལ་བབ་ན་ཆུ་སྒྲོལ་ཞིག །ཆུ་ལ་འགྲོ་ན་གྲུ་ཟམ་གྱིས། །བྲག་ལ་འགྲོ་ན་འཕྲང་ཐེམ་གྱིས། །གྱེན་ལ་འགྲོ་ན་ཤུགས་ཀྱིས་དྲོངས། །ཐུར་ལ་འགྲོ་ན་སྟོབས་ཀྱིས་བརྟེན། །ཉམ་ང་ཤུལ་གྱི་མཛོ་རྟ་དྲོངས ། །མཐོ་ས་སྒང་ལ་བྱ་ར་གྱིས། །དམའ་ས་ཐང་ལ་འཚོ་རྫི་མཛོད། །མགྲོན་པོའི་སྔུན་གྱི་ལམ་སྣ་དྲོངས། །ཚོང་པ་རྒྱབ་ཀྱི་ཤུལ་ཡར་ཁྱོགས། །ཁལ་ཁུར་མ་ཡོ་བརྟན་པར་མཛོད། །མགྲོན་པོ་མི་རྟ་ཁལ་མཛོ་རྣམས། །ཤུལ་རིང་ལམ་དུ་ཞུགས་པའི་ཚེ། །ཆད་ཅིང་ངལ་དུབ་མ་བཏང་ཞིག །ན་ཞིང་ཆད་དུ་མ་འཇུག་ཅིག །བྲང་ཁང་གནས་སུ་ཞུགས་པའི་ཚེ། །ཉིན་གྱི་གུང་དུ་བྱ་ར་མཛོད། །མཚན་གྱི་གུང་དུ་མེལ་ཚེ་གྱིས། །ཕྱི་རྐུན་ནང་དུ་མ་བཏང་ཅིག །ནང་རྐུན་བྲང་ལ་མ་འགྱེད་ཅིག །ཚོང་དུས་གནས་སུ་ཕྱིན་པའི་ཚེ། །ཚོང་དཔོན་ཐུགས་ཡིད་མ་ཀྲུགས་ཤིག །བྲང་ལ་ནོགས་པ་མ་བཏང་ཅིག །ནོགས་ཀྱང་ཐུགས་དང་མ་འགལ་ཅིག །བྲང་ལ་ནང་མཁོན་མ་བཏང་ཅིག །གློ་བུར་ཡེ་འགྲོགས་མ་བཏང་ཅིག །བརྗེད་ཅིང་སྟོར་བརླགས་མ་འཇུག་ཅིག །བསྐྱུར་བ་བོར་སྟོར་མ་བཏང་ཅིག །བདག་དང་ཡོན་བདག་འཁོར་བཅས་རྣམས། །གར་འགྲོ་གར་འདུག་གར་གནས་ཀྱང་། །ཁ་ཡི་ཟས་འདོད་ཟས་དང་སྤྲོད། །ལག་པའི་ནོར་འདོད་ནོར་དང་སྤྲོད། །སྙིང་གི་ཆོས་འདོད་ཆོས་དང་སྤྲོད། །རྒྱབ་ཀྱི་གོས་འདོད་གོས་དང་སྤྲོད། །རྐང་པ་རྟ་འདོད་རྟ་དང་སྤྲོད། །ཚོང་ཡ་རྣམས་ཀྱི་ཆང་པ་ཁྲོལ། །གནས་པོ་རྣམས་ཀྱི་ཡིད་སེམས་སྲུངས། །བདག་ལ་ཕྱོགས་པའི་སྡོང་ཟླ་མཛོད། །ཅི་འདོད་དངོས་གྲུབ་བདག་ལ་སྩོལ། །རྒྱ་ནོར་བོད་ནོར་དབང་དུ་སྡུས། །མགྲོན་པོ་རྣམས་ཀྱི་དོན་གཉེར་ན། །དཀོན་མཆོག་གསུམ་གྱི་བདེན་པ་ཡིས། །ཕྲེང་བ་ལག་ཏུ་འདུག་པ་ལྟར། །ལག་པ་གཡས་ན་དཔལ་ཡོད་ཤོག །མགྲོན་པོ་རྣམས་ཀྱི་དོན་འགྲུབ་ནས། །བསྲུང་མ་རྣམས་ལ་གཏང་རག་འབུལ། །ཕྱི་ཡང་དགོས་པའི་ཞུ་དོན་འབུལ། །བཀའ་ཡི་གཏོར་མ་རྒྱན་ཅན་དང་། །ཉིད་ཀྱི་མཐུན་རྫས་གཡག་ལུག་འབུལ། །རིན་ཆེན་གསེར་དངུལ་ཕྱེ་མར་མཆོད། །ཇ་ཆང་ཟས་སྐོམ་ཕུད་ཀྱིས་མཆོད། །བསོ་མགོན་པོ་ལེགས་ལྡན་ཚོང་དཔོན་མཛོད། །དཔལ་རབ་འཆང་གིས་ལམ་ལྷ་མཛོད། །ཉི་མའི་སྲས་པོས་སོ་བ་མཛོད། །ཤ་བ་རི་ཡིས་ཕྱུགས་རྫི་མཛོད། །རེ་མནྟ་ཡིས་རྟ་རྣམས་འཚོས། །བྲག་ལྷ་མགོན་པོས་བྲག་ལམ་མཛོད། །ཛམ་བྷ་ལ་ཡིས་ནོར་རྣམས་སྡུས། །རྣམ་ཐོས་སྲས་ཀྱིས་ནོར་རྣམས་སྲུངས། །དགེ་བསྙེན་ཆེན་པོས་ཚོང་དཔོན་མཛོད། །དགྲ་ཡི་ཇག་རྐུན་འོང་ཤོམ་ན། །པྲ་རྟགས་མཚན་ལྟས་རྟེན་འབྲེལ་རྣམས། །སྔ་རྟགས་སྒྲོན་བཞིན་གསལ་བར་སྟོན། །ཇག་ཉེས་རྐུ་དུག་དགྲ་ལ་ཕོབས། །སྲུང་མ་རྣམས་ཀྱིས་དགྲ་སྡང་ཐུལ། །བདག་ཅག་ལ་སོགས་བྲན་འཁོར་རྣམས། །འཇིགས་པ་བརྒྱད་ལས་སྐྱོབ་པར་མཛོད། །ཡུལ་ལྷ་གཉན་པོས་འཚོ་རྫི་མཛོད། །ཀླུ་གཉན་ས་བདག་རྒྱབ་བརྟེན་མཛོད། །རྡོ་རྗེ་ལེགས་པ་ཚོང་ལ་ཆོས། །ཚོང་པ་རྣམས་ཀྱིས་ཆང་པ་སྤྲུགས། །མི་ལ་ཆོད་ལ་བདག་ལ་སྟེར། །བསྭོ་མ་གཡེལ་སྲུང་མ་མགོན་གྱི་ལྷ། །རེམ་ཞིག་འདོད་པའི་དོན་རྣམས་སྒྲུབས། །ལམ་ལ་དགྲ་བྱེད་ཆོམ་རྐུན་རྣམས། །རྒྱུས་པ་ཆིངས་ལ་གྲུམས་ཆིངས་གྱིས། །བཅོལ་པའི་ཕྲིན་ལས་གྲུབ་པར་མཛོད། །བསྭོ་རེམ་ཞིག་སྲུང་མ་མགྲོན་གྱི་ལྷ། །རེམ་ཞིག་འདོད་པའི་དོན་རྣམས་སྒྲུབས། །ལམ་ལ་དགྲ་བྱེད་ཆོམ་རྐུན་རྣམས། །རྒྱུས་པ་ཆིངས་ལ་གྲུམས་ཆིངས་ཀྱིས། །བཅོལ་པའི་ཕྲིན་ལས་གྲུབ་པར་མཛོད། །བསྭོ་རེམ་ཞིག་སྲུང་མ་མགྲོན་གྱི་ལྷ། །བདག་དང་ཡོན་བདག་འཁོར་བཅས་རྣམས། །མི་ལ་ཤྭ་དང་རྒྱན་འགྱེད་ཚེ། །ཤྭ་དང་རྒྱན་ལས་རྒྱལ་བར་མཛོད། །དོ་མ་མགྱོགས་པའི་བང་འགྲན་ན། །རང་རྟ་མགྱོགས་པའི་ཤུགས་ཕྱུངས་ཤིག །རང་གི་བུ་རྟ་འཚོ་རྫི་མཛོད། །གཞན་གྱི་བུ་རྟའི་རྒྱུས་པ་ཆིངས། །སྡང་བའི་དགྲ་ལ་དམག་དྲངས་ན། །དམག་དཔོན་ཆེན་པོ་དམག་ལ་ཆོས། །ཟུན་གྱི་དམག་མི་རྒྱལ་བར་མཛོད། །དགྲ་བོའི་དམག་མི་ཕམ་དུ་ཆུག །ཚོང་ལ་གནོད་པར་བྱེད་པ་ཡི། །ལོག་སེམས་གནོད་བྱེད་ཁེ་དྲག་ཅན། །སྲུང་མ་ཁྱེད་ཀྱིས་ཚར་ཆོད་ཅིག །བར་བ་ཚོང་རྣ་འཕྲོས་པའི་ཚེ། །ཕམ་བྱེད་བར་ཆད་མ་བཏང་ཞིག །བར་ཆད་མ་བཏང་ཕན་སེམས་མཛོད། །ན་ཚ་གོས་ཁ་མ་བཏང་ཞིག །ཚོང་རྒྱལ་དོན་གྲུབ་ཚུར་འོང་ནས། །སྲུང་མ་རྣམས་ལ་གཏང་རག་འབུལ། །མ་གཡེལ་མ་གཡེལ་སྲུང་མ་རྣམས། །བཅོལ་བའི་ཕྲིན་ལས་གྲུབ་པར་མཛོད། །དེ་ནས་མཆོད་གཏོར་དགྲ་ཕྱོགས་སུ་བསྐྱལ་ལོ། །ལེགས་ལྡན་མགོན་པོའི་ལམ་ལྷ་པཎྜིཏ་པ་གོར་བཻ་རོ་ཙ་ནས་མཛད་པ་རྫོགས་སོ། །༼ཨྠ྄ྀི༽

ལེགས་ལྡན་ཚོགས་ཀྱི་བདག་པོའི་བསྐང་བཤགས་འདོད་དགུ་ལྷུན་གྲུབ་ཡིད་བཞིན་དབང་གི་རྒྱལ་པོ།

༄༅། །ལེགས་ལྡན་ཚོགས་ཀྱི་བདག་པོའི་བསྐང་བཤགས་འདོད་དགུ་ལྷུན་གྲུབ་ཡིད་བཞིན་དབང་གི་རྒྱལ་པོ་བཞུགས་སོ། །

རྒྱལ་ཀུན་ཐུགས་རྗེའི་སྤྱི་གཟུགས་པད་དཀར་འཆང་། །ཁྲོ་ལ་ཆེར་ཁྲོས་ལེགས་ལྡན་ཚོགས་ཀྱི་བདག །གང་དེའི་ཐུགས་དམ་བསྐང་ཞིང་བཤགས་པའི་ཐབས། །འདོད་དགུ་ལྷུན་གྲུབ་ཡིད་བཞིན་དབང་རྒྱལ་ངོམ། །དེ་ལ་འདིར་ལེགས་ལྡན་ཚོགས་ཀྱི་བདག་པོའི་བསྐང་བཤགས་བྱ་བ་ལ། །དལ་དང་སྒྲུབ་རྫས་བསྐང་གཏོར་སོགས་ཟུར་གསལ་ལྟར་བསྟར་ནས་ཡིད་དམ་གྱི་བསྐང་ཚོགས་གྲུབ་རྗེས་ཚོགས་བདག་གི་བསྐང་བའི་རྗེས་སམ། །ཡང་ན་འདི་ཁོ་ནས་ཀྱང་ཆོག་སྟེ། །དང་པོ་མཆོད་རྫས་རྣམས། །ཨམྲྀཾ་ཏས་བསངས། །སྭཱ་བྷ་ཝས་སྦྱངས་ནས། སྟོང་པའི་ངང་ལས་ཨཱཿལས་བྷནྡྷའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་དགྲ་བགེགས་བསྒྲལ་བའི་ཁྲག་ཆེན་གྱི་མཆོད་ཡོན། དབང་པོའི་མེ་ཏོག ཚིལ་ཆེན་གྱི་བདུག་སྤོས། ཞུན་ཆེན་གྱི་མར་མེ། ཀླད་པའི་དྲི་ཆབ། ཤ་ཆེན་གྱི་ཞལ་ཟས། རྐང་གླིང་གི་རོལ་མོ་ལ་སོགས་པའི་མགོན་པོ་འཁོར་བཅས་དགྱེས་པར་བྱེད་པའི་མཆོད་རྫས་དཔག་ཏུ་མེད་པར་གྱུར། ༀ་བཛྲ་ཨརྒྷཾ་ཨཱཿཧཱུཾ་སྭཱ་ཧཱ། སོགས་དང་། ༀ་སརྦ་བིད་སྡུ་ར་སྡུ་ར་སུ་ར་སོགས་ཞེས་བྱིན་གྱིས་བརླབས་ནས། སྨན་རཀ་གཏོར་མ་བསངས་སྦྱངས། སྟོང་པའི་ངང་ལས་ཡཾ་ལས་རླུང་། རམ་ལས་མེ། དེའི་སྟེང་དུ་ཀཾ་ལས་མི་མགོའི་སྒྱེད་པུ་གསུམ་གྱི་སྟེང་དུ་ཨཱཿལས་ཐོད་པ་ཡངས་ཤིང་རྒྱ་ཆེ་བ། དེའི་ནང་དུ་དམ་ཚིག་གི་རྫས་རྣམས་གོ་ཀུ་ཏ་ཧ་ན་དང་། བི་ར་ཤུ་མ་མུ་རྣམས་ལ་ཤ་ལྔ་དང་བདུད་རྩི་ལྔ་སོ་སོའི་ས་བོན་གྱིས་མཚན་པར་གྱུར། ཐུགས་ཀའི་ཧཱུྃཿགི་འོད་ཀྱིས་རླུང་གཡོས། མེ་སྦར། རྫས་རྣམས་སྦྱངས་དེའི་སྟེང་དུ་ༀ་ཨཱཿཧཱུྃ་གི་འོད་ཀྱིས་དེ་བཞིན་གཤེགས་པ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་བཀུགས། ཐམས་ཅད་ཞུ་ཞིང་འདྲེས་པའི་ངོ་བོ་ཡེ་ཤེས་ཀྱི་བདུད་རྩི་ལ། རྣམ་པ་དགྲ་བགེགས་ཀྱི་ཤ་ཁྲག་ལ་སོགས་པའི་དམ་རྫས་ཕུན་སུམ་ཚོགས་པར་གྱུར། ༀ་ཨཱཿཧཱུྃ། ལན་གསུམ་དང་། སྨན་རཀ་གཏོར་མའི་སྔགས་ཀྱང་བརྗོད་ནས། མོས་གདུང་གུས་གསུམ་གྱིས་བསྐང་བའི་ཆོ་ག་འདི་བཞིན་བྱ། ཧཱུྃ་རྣམ་དག་གསང་བ་མཆོག་གི་དཀྱིལ་འཁོར་འདིར། །ཕྱི་ནང་གསང་བའི་མཆོད་སྤྲིན་བླ་ན་མེད། །རྩི་བཅུད་འབྲུ་སྨན་དམ་རྫས་ལས་སྦྱར་བའི། །རྒྱན་དང་ལྡན་པའི་གཏོར་མ་སྣ་ཚོགས་དང་། །ཐབས་ཤེས་ཞལ་ཟས་ཚོགས་ཀྱི་ལོངས་སྤྱོད་དང་། །ཛ་གད་སྨན་དང་དམར་ཆེན་རཀྟ་དང་། །བརྟེན་པའི་དམ་རྫས་བསྐང་བའི་ཡོ་བྱད་སོགས། །ནམ་མཁའི་མཐའ་ཀླས་ཡོངས་སུ་གང་བ་འདིས། །མཆོག་གི་ལམ་སྟོན་བླ་མ་རྡོ་རྗེ་འཆང་། །བྱིན་རླབས་འབྱུང་གནས་བཀའ་རྒྱུད་རིན་པོ་ཆེ། །ཡ་མཚན་རྨད་བྱུང་ཡོན་ཏན་ཀུན་གྱི་གཏེར། །རྩ་བརྒྱུད་བླ་མ་རྣམས་ཀྱི་ཐུགས་དམ་བསྐང་། །བླ་མ་ད གོངས་འདུས་དཀྱིལ་འཁོར་དགུ་རྫོགས་ལྷ། །བསྒྲུབ་པ་བཀའ་བརྒྱད་གུ་རུ་ཞི་དྲག་སོགས། །མཆོག་དང་ཐུན་མོང་དངོས་གྲུབ་ཀུན་སྩོལ་བའི། །ཡི་དམ་ལྷ་ཚོགས་རྣམས་ཀྱི་ཐུགས་དམ༴ རིགས་ཀྱི་ཡུམ་བཞི་མཁའ་འགྲོ་སྡེ་ལྡན་དང་། །གནས་དང་ཡུལ་གྱི་དཔའ་བོ་ཌཱཀྐི་སོགས། །སྒྲུབ་ལ་བརྩེ་བས་བུ་བཞིན་སྐྱོང་མཛད་པའི། །གནས་གསུམ་མཁའ་འགྲོའི་ཚོགས་ཀྱི་ཐུགས་དམ༴ རྒྱལ་བའི་བསྟན་སྲུང་ཡེ་ཤེས་མགོན་པོ་དང་། །ཕྲིན་ལས་ཐོགས་མེད་ལེགས་ལྡན་ལྷ་ཆེན་པོ། །མ་ལྟར་སྐྱོང་མཛད་དཔལ་ལྡན་ལྷ་མོ་སོགས། །ཆོས་སྐྱོང་སྲུང་མ་རྣམས་ཀྱི་ཐུགས་དམ་བསྐང་། །དམ་ན་སྒྲུབ་ལ་བརྩོན་པའི་རྣལ་འབྱོར་ལ། །གནག་པའི་ཡིད་ཀྱིས་གནོད་པའི་དགྲ་དང་བགེགས། །མ་བསྐུལ་བར་ཡང་སྒྲོལ་བའི་ལས་མཁན་ཆེ། །ཕོ་རྒྱུད་མགོན་པོའི་ཚོགས་ཀྱི་ཐུགས་དམ༴ མ་ལྟར་བྱམས་ཤིང་སྲིང་ལྟར་གདུང་བ་ཡིས། །འབྲལ་བ་མེད་པར་རྟག་ཏུ་གྲོགས་མཛད་ཅིང་། །བཅོལ་པའི་ལས་རྣམས་ཐོགས་མེད་སྒྲུབ་མཛད་མ། །མོ་རྒྱུད་མ་མོའི་ཚོགས་ཀྱི༴ ས་བརྒྱད་དབང་ཕྱུག་མགོན་པོ་རྣམ་ཐོས་སྲས། །རྟ་བདག་བརྒྱད་དང་འབྲོག་གནས་སྡེ་དཔུང་བཅས། །རིན་ཆེན་གཏེར་མངའ་ཛམ་བྷ་ལ་ལ་སོགས། །གནོད་སྦྱིན་ནོར་ལྷའི་ཚོགས་ཀྱི༴ རང་རང་ལས་ཀྱིས་དཀར་ཕྱོགས་སྐྱོང་མཛད་ཅིང་། །མི་མཐུན་ཕྱོགས་འཇོམས་མཐུ་སྟོབས་བསམ་མི་ཁྱབ། །ཕྱོགས་སྐྱོང་དཔལ་མགོན་དབེན་རིས་སྲུང་མ་སོགས། །དམ་ཅན་འཇིག་རྟེན་སྐྱོང་བའི་ཐུགས་དམ་བསྐང་། ཞེས་སྤྱི་བསྐང་དང་། །ཧཱུྃ་ལེགས་ལྡན་ཚོགས་བདག་འཁོར་བཅས་ལ། །མཆོད་གཏོར་ཚོགས་དང་ཛ་གད་བཅས། །སྨན་རཀ་དམ་རྫས་རྟེན་རྫས་དང་། །སྤྱན་གཟིགས་རྣམས་ཀྱིས་ཐུགས་དམ་དང་། །དབྱིངས་ནས་དགྱེས་པ་བསྐྱེད་པའི་ཕྱིར། །སྣ་ཚོགས་མཆོད་པས་ཐུགས་དམ༴ དགྲ་བགེགས་ཁྲག་ལ་རོལ་བའི་ཕྱིར། དམར་ཆེན་ཨརྒྷས༴ དམ་ཉམས་སྲོག་ལ་རྒོལ་པ་བའི་ཕྱིར། །དབང་པོའི་མེ་ཏོག་ཐུགས་དམ༴ ཞིང་བཅུ་རྡུལ་དུ་རླགས་པའི་ཕྱིར། །ཚིལ་ཆེན་སྤོས་ཀྱིས༴ སྡིག་ཅན་སྙིང་རྗེས་བསྒྲལ་བའི་ཕྱིར། །ཞུན་ཆེན་མར་མེའི་ཐུགས་དམ༴ གནོད་བྱེད་རྩད་ནས་གཅོད་པའི་ཕྱིར། །ཀླད་པའི་དྲི་ཡིས༴ དགྲ་བོའི་ཕུང་པོ་གཞིག་པའི་ཕྱིར། །ཤ་ཆེན་བཤོས་ཀྱིས་ཐུགས་དམ༴ དགྲ་སྡང་སྨྲེ་སྔགས་འབྱིན་པའི་ཕྱིར། །རྐང་གླིང་རོལ་མོས་ཐུགས་དམ། །ཡུན་དུ་བསྙེན་ཞིང་བསྒྲུབ་པའི་ཕྱིར། །རྟེན་གྱི་གཏོར་མས་ཐུགས་དམ༴ རྟག་ཏུ་མི་འབྲལ་འགྲོགས་པའི་ཕྱིར། །གཏན་གཏོར་ཆེན་པོས་ཐུགས་དམ༴ རྒྱུན་དུ་ཕྲིན་ལས་བཅོལ་པའི་ཕྱིར། །རྒྱུན་གྱི་གཏོར་མས༴ ཉམས་ཆགས་མ་ལུས་བཤགས་པའི༴ ཚོགས་ཀྱི་འཁོར་ལོས༴ དམ་ཚིག་གཉན་པོ་བསྲེ་བའི༴ བདུད་རྩི་སྨན་གྱིས་ཐུགས༴ རཀྟ་སྐོམ་དུ་འཐུང་བའི་ཕྱིར། ཁྲག་གི་རྒྱ་མཚོས༴ དཔལ་གྱི་མགོན་དུ་གསོལ་བའི༴ ཛ་གད་ཕུད་ཀྱིས༴ བརྟེན་པའི་དམ་རྫས་ཡིན་པའི་ཕྱིར། བྱ་ནག་རྒྱལ་མཚན༴ འབོད་པའི་དམ་རྫས་ཡིན་པའི༴ གཡབ་དར་ནག་པོས༴ གསང་བའི་དམ་རྫས་ཡིན་པའི༴ སྙིང་སྣའི་ཚོགས་ཀྱིས༴ དགྱེས་པའི་དམ་རྫས་ཡིན་པའི༴ ཤ་སྣའི་ཚོགས་ཀྱིས༴ ཚིམ་པའི་དམ་རྫས་ཡིན༴ ཁྲག་སྣའི་ཚོགས་ཀྱིས༴ མཐུན་པའི་དམ་རྫས་ཡིན༴ ནལ་བུའི་རྒྱལ་མཚན༴ ཐུགས་ཀྱི་གསང་བ་ཡིན་པའི༴ བྱ་རྒོད་མདའ་ཡིས༴ མཉེས་པའི་མཆོད་རྫས་ཡིན་པའི༴ མི་ལྤགས་གཡང་གཞིའི༴ ཁྲོ་བོའི་མཆོད་རྫས་ཡིན་པའི༴ དོན་སྙིང་རྣམས་ཀྱིས༴ མཐུན་པའི་མཆོད་རྫས་ཡིན་པའི༴ ནང་ཁྲོལ་རྣམས་ཀྱིས༴ འཇིགས་པའི་མཆོད་རྫས་ཡིན༴ ཀེང་རུས་ཕྲེང་བས༴ དགྲ་བོ་སྨྱོ་ཞིང་འབོག་པའི་ཕྱིར། མི་ནག་མང་པོས༴ དགྲ་བོ་རྩད་ནས་གཅོད་པའི༴ རྟ་ནག་མང་པོས༴ དགྲ་བོར་དངངས་སྐྲག་འབྱིན་པའི༴ གཡག་ནག་མང་པོས༴ དགྲ་བོ་རྨོངས་ཤིང་རེངས་པའི༴ ལུག་ནག་མང་པོས༴ དགྲ་ལ་ལྟས་ངན་བཏང་བའི༴ བྱ་ནག་མང་པོས༴ དགྲ་བོ་བླ་ཞིང་འཕྱོ་བའི༴ ཁྱི་ནག་མང་པོས༴ ཡེ་ཤེས་མགོན་པོའི་ཐུགས་དམ་བསྐང་། ལེགས་ལྡན་ནག་པོའི་ཐུགས་དམ༴ ཚོགས་ཀྱི་བདག་པོའི༴ ཡུམ་ཆེན་ལྷ་མོའི༴ སྐུ་མཆོག་མགོན་པོའི༴ གསུང་མཆོག་མགོན་པོའི༴ ཐུགས་མཆོག་མགོན་པོའི༴ ཡོན་ཏན་མགོན་པོའི༴ ཕྲིན་ལས་མགོན་པོའི༴ ཕྱོགས་བཅུའི་མགོན་པོའི༴ སྡེ་བརྒྱད་མགོན་པོའི༴ ནག་པོ་སྟོང་གི༴ ཤ་ཟ་འབུམ་གྱི༴ གནོད་སྦྱིན་ཁྲི་ཡི༴ ལྷ་དམག་བྱེ་བའི་ཐུགས་དམ་བསྐང་། དཔལ་མགོན་བདུན་ཅུའི༴ སྲོག་བདུད་ནག་པོའི༴ སྲས་མཆོག་ཐོད་རྩལ༴ ལྷ་མོ་ནག་མོའི༴ དགྲ་ལྷའི་རྒྱལ་མོའི༴ བྱ་རོག་གདོང་ཅན༴ བདུད་ཕོ་འབུམ་སྡེའི༴ མ་མོ་འབུམ་སྡེའི༴ བསྐང་ངོ་བསྐལ་བའི་ཐུགས་དམ་བསྐང་། །བསྟན་པ་གཉན་པོ་བསྲུང་ཕྱིར་བསྐང་། །མཐུན་རྐྱེན་དངོས་གྲུབ་སྩོལ་ཕྱིར་བསྐང་། །འགལ་རྐྱེན་བར་ཆད་ཟློག་ཕྱིར་བསྐང་། །ཕྲིན་ལས་གསང་བ་གྲུབ་ཕྱིར་བསྐང་། ཞེས་ཆོས་སྐྱོང་གི་དགོས་བསྐང་བྱས་ལ་འདོད་དོན་གསོལ་བ་ནི། ཧཱུྃཿ དངོས་གྲུབ་སྩོལ་བའི་ལྷ་ཆེན་པོ། །བར་ཆད་སེལ་བའི་སྲུང་མ་ཆེ། །ལེགས་ལྡན་ཚོགས་བདག་འཁོར་དང་བཅས། །ཁྱེད་ལ་ཞུ་ཞིང་གསོལ་བ་ནི། །བསྙེན་པའི་དུས་ན་ཐུགས་མ་གཡེལ། ། སྒྲུབ་པའི་དུས་ན་རྒྱང་མ་རིང་། །རྦད་པའི་དུས་ན་མཐུ་མ་ཆུང་། །བསད་པའི་དུས་ན་རྩལ་མ་ཞན། །བཅོལ་པའི་དུས་ན་ལས་མ་བྱོལ། །སངས་རྒྱས་བསྟན་པ་གཉན་པོ་དང་། །བསྟན་པ་འཛིན་སྐྱོང་སྤེལ་ཀུན་སྲུངས། །སྐུ་ཚེ་བསྲིང་ཞིང་ཕྲིན་ལས་སྒྲུབ། །དགེ་འདུན་སྡེ་དང་གཙུག་ལག་སྐྱོངས། །བདག་དང་ཡོན་བདག་འཁོར་བཅས་ཀྱི། །ཚེ་བསྲིང་དཔལ་བསྐྱེད་བསམ་པ་སྒྲུབས། །འཁོར་དང་ལོངས་སྤྱོད་དབང་དུ་སྡུས། །སྙན་དང་གྲགས་པ་ཕྱོགས་བཅུར་སྤེལ། །འདོད་པའི་དངོས་གྲུབ་མྱུར་དུ་སྒྲུབས། །དུས་མིན་འཆི་དང་ནད་དང་གདོན། །བྱད་སྟེམས་མཚན་མ་ངན་པ་སོགས། །རྐྱེན་ངན་བར་ཆད་མ་ལུས་སོལ། །དེང་ནས་བྱང་ཆུབ་བར་དུ་ནི། །བཀའ་ཡི་སྡོང་གྲོགས་གཉན་པོ་མཛོད། །ཕྲིན་ལས་རྣམ་བཞི་སྒྲུབ་ཏུ་གསོལ། །གཞན་ཡང་ཁྱེད་ལ་གསོལ་བ་ནི། །བདག་ཅག་རྣལ་འབྱོར་སྒྲུབ་པ་པོ། །རྡོ་རྗེ་སློབ་དཔོན་སློབ་མར་བཅས། །རྡོ་རྗེ་མཆེད་དང་ལྕམ་དྲལ་དང་། །རྒྱུ་སྦྱོར་ཡོན་གྱི་བདག་པོ་ཡི། །མི་ལ་ནད་ཡམས་མ་བཏང་ཅིག །ཕྱུགས་ལ་གོད་ཡམས་མ་བཏང་ཅིག །ཞིང་ལ་སད་སེར་མ་བཏང་ཅིག །བདུད་ཀྱི་ཞགས་པ་ནག་པོ་ཆོད། །གཤིན་རྗེའི་ཁྲམ་ཁ་དགྲ་ལ་བསྒྱུར། །མི་མཐུན་རྐྱེན་དང་བར་ཆད་སོལ། །འཁོར་རྣམས་སྲུངས་ལ་རྐྱེན་རྣམས་བཟློག །སྡང་བའི་དགྲ་ལ་རྟགས་ཕྱུངས་ཤིག །གནོད་པའི་བགེགས་ལ་ལས་མཛོད་ཅིག །འདོད་པའི་དངོས་གྲུབ་བདག་ལ་སྩོལ། །བཅོལ་པའི་ཕྲིན་ལས་གྲུབ་པར་མཛོད། །ཅེས་འདོད་དོན་གསོལ། །མཐར་བཤགས་པ་བྱ་བ་ནི། ཧཱུྃ། ཡེ་ཤེས་དང་ནི་ཐུགས་རྗེའི་བདག་ཉིད་ཆེ། །ཕྲིན་ལས་མཐུ་སྟོབས་ཀུན་གྱི་དབང་ཕྱུག་གཙོ ། །རིགས་འཛིན་རྣལ་འབྱོར་བུ་བཞིན་སྐྱོང་མཛད་པའི། །ཆོས་སྐྱོང་འཁོར་བཅས་གསན་ཅིང་དགོངས་སུ་གསོལ། །ནག་པོ་ཆེན་པོའི་དཀྱིལ་འཁོར་སྒོར་ཞུགས་ནས། །འདའ་དཀའ་དམ་ཚིག་ཚོགས་རྣམས་བསྲུང་རྒྱུ་ལ། །བཀའ་ལྟར་མ་གྲུབ་གཞུང་ཆེན་མ་གྱུར་བར། །རྩ་བ་ཡན་ལག་དམ་ཚིག་ཉམས་པ་བཤགས། །རྟག་ཏུ་མགོན་པོ་བསྙེན་ཞིང་སྒྲུབ་པ་དང་། །ཚུལ་བཞིན་མཆོད་པས་ཐུགས་དམ་བསྐང་རྒྱུ་ལ། །བསྙེན་སྒྲུབ་མ་གྲུབ་དམ་རྫས་མ་འབྱོར་དང་། །མཆོད་གཏོར་དམན་དང་ཉམས་ཤིང་ཆགས་པ་བཤགས། །གསང་སྔགས་མ་ཉམས་རྒྱུན་མི་འཆད་བཟླས་ཏེ། །བསྲུང་མའི་སྲོག་སྙིང་གནད་ནས་བསྐུལ་རྒྱུ་ལ། །སྔགས་ཀྱི་སྒྲ་རྣམས་ཉམས་ཤིང་ཚིག་མ་གསལ། །མི་ཚིག་གཡེངས་བས་བར་དུ་ཆོད་པ་བཤགས། །ནག་པོའི་ཏིང་འཛིན་གསལ་བར་རྟགས་བསྒོམས་ཏེ། །བསྐྱེད་རིམ་གསལ་སྣང་བརྟན་པོ་སྒྲུབ་རྒྱུ་ལ། །བྱིང་རྒོད་དབང་གིས་དམིགས་རིམ་མ་གསལ་ཞིང་། །ཏིང་འཛིན་མ་བརྟན་རྣམ་པར་གཡེང་བ་བཤགས། །འབོད་པ་གྲུབ་ནས་ཞིང་བཅུ་སྙིང་རྗེ་ཡིས། །རྦད་བསད་ཕྲིན་ལས་གཉན་པོས་བསྒྲལ་རྒྱུ་ལ། །མ་རིག་ཞེ་སྡང་དྲག་པོས་ཀུན་བསླང་ནས། །དུས་མིན་ཕྲིན་ལས་དྲག་ཏུ་བསྐུལ་བ་བཤགས། །གཞན་ཡང་ཚུལ་མིན་ནོངས་པ་གང་བགྱིས་པ། །མཐོལ་ཞིང་བཤགས་སོ་ཆོས་སྐྱོང་འཁོར་བཅས་ཀྱིས། །ཉེས་ལྟུང་སྒྲིབ་པའི་ཚོགས་རྣམས་སྦྱངས་བ་དང་། །མཆོག་དང་ཐུན་མོང་དངོས་གྲུབ་མ་ལུས་སྩོོལ། ཞེས་པའི་མཐར་གནོང་འགྱོད་དྲག་པོ་དང་བཅས་ཏེ་ཡི་གེ་བརྒྱ་ཅི་ནུས་བརྗོད། ཆོ་ག་བསྡུས་པའི་ཚེ་བསྐང་བ་འདི་ཉིད་ཁོ་ནས་ཆོག་ཅིང་རྒྱས་པའི་སྐབས་སུ་བརྒྱ་སྟོང་སོགས་གྲངས་བསོགས་དུས་ཡང་ཤིན་དུ་གལ་ཆེ་ཕྱིར་སྔོན་གྱི་མཁས་གྲུབ་དམ་པའི་གཞུང་གི་ཚིག་ཕྲད་ཅུང་ཙམ་བསྒྱུར་ཞིང་ཁ་བསྐང་འགའ་ཞིག་རང་ཉིད་ཀྱི་བསྣན་ནས་བསྟན་སྲུང་ཆེན་པོ་འདི་ཉིད་རྐྱ་ཞབས་འ དེགས་སུ་སྤེལ་བའོ། ཀྱེ་ཧོ་རྒྱལ་བསྟན་སྲུང་བའི་ལྕགས་རི་བླ་ན་མེད། ལེགས་ལྡན་ཚོགས་བདག་གཞུང་བཟང་ཡིད་བཞིན་དབང་། འདི་ཀོ་ལྷ་མིའི་གཙོ་བོ་ཚངས་དབང་འདྲ། གང་དེའི་ཐུགས་དམ་བསྐང་ཞིང་བཤགས་པའི་ཐབས། འདོད་ད གུ་ལྷུན་གྲུབ་གཞུང་འདི་ངོ་མཚར་རྨད། རྨད་བྱུང་དབྱར་རྔའི་སྒྲ་དབྱངས་འདི་བསྒྲགས་མཐུས། རྗེས་འཇུག་གཙུག་ན་མདངས་ལྔས་གར་བསྒྱུར་ཞིང་། ཞིང་འདིའི་བསྟན་འགྲོའི་ཕན་བདེའི་རྒྱུར་གྱུར་ཅིག ཞེས་པ་འདི་ཡང་རྡོ་གྲུབ་བླ་མ་འཇིགས་མེད་ཕྲིན་ལས་འོད་ཟེར་གྱིིས་བྲིས་པའི་ཡི་གེ་པ་ནི་རང་ཉིད་ཀྱི་ཉེ་གནས་ཀློང་གསལ་གྱིས་བགྱིས་པའི་དགེ་བས་ཆོས་སྐྱོང་འཁོར་བཅས་མཉེས་ཤིང་ཕྲིན་ལས་ཐོགས་མེད་འགྲུབ་པའི་རྒྱུར་གྱུར་ཅིག ། མགོན་པོ་སྤྱན་རས་གཟིགས་ལ་ཕྱག་འཚལ་ལོ། །མཚན་མ་འགྱང་དང་ལས་ལ་གཡེལ། །འཁུ་ལྡོག་བྱུང་དང་མ་འགྲུབ་དང་། །སྡང་བའི་དགྲ་ལ་རྟགས་བྱུང་ཚེ། །བསྐང་གསོལ་འདི་ཡིས་བསྐང་བར་བྱེད། །ཤིན་ཏུ་གཙང་མའི་སྣོད་ནང་དུ། །བཤོས་བུ་གཡག་སྙིང་ལྟ་བུ་བཤམས། །ངོས་གསུམ་ལ་ནི་བཤོས་ཕྲན་གསུམ། །གཡག་ལུག་སྟོད་ཤ་ལ་སོགས་པས། ། ཤ་ཕུད་གཙང་མས་ལེགས་པར་བརྒྱན། །བྱ་རྒྱལ་ཁྱུང་ཆེན་ལ་སོགས་པའི། །འདབ་ཆགས་བྱ་རིགས་སྣ་ཚོགས་དང་། །སེང་གེ་སྟག་གཟིག་ལ་སོགས་པའི། །གཅན་གཟན་རིགས་སུ་གཏོགས་པ་དང་། །ཅང་ཤེས་མ་ཧེ་ལ་སོགས་པའི། །ཡུང་དྭགས་རིགས་སུ་གཏོགས་པ་དང་། །འབྲོང་བུ་ཤ་རྐྱང་ལ་སོགས་པའི།༵ །རི་དྭགས་རིགས་སུ་གཏོགས་པ་བཀོད། །སྤོས་སྨན་མེ་ཏོག་སྣ་ཚོགས་དང་། །ཁྲབ་ཕུབ་གོ་མཚོན་སྣ་ཚོགས་དང་། །འདོད་པའི་ལོངས་སྤྱོད་སྣ་ཚོགས་བཤམས། །གདུང་བའི་དབྱངས་ཀྱིས་འདི་སྐད་དོ། ཧཱུྃཿ །ཆོས་ཉིད་རྣམ་དག་མུ་མེད་ཀྱང་། །དབྱིངས་ཉིད་ངང་ལས་མ་གཡོས་པར། །རི་རབ་ཆེན་པོའི་ཕོ་བྲང་དུ། །ཆོས་བཟང་ལྷ་ཡི་འདུན་ས་ན། །ཨར་མོ་ལི་ཀའི་རྡོ་ལེབ་དབུས། །པད་ཟླ་ཉི་མ་བརྩེགས་པའི་སྟེང་། །བྱི་ན་ཡ་ག་ཕོ་མོའི་སྟེང་། །མགོན་པོ་མ་ཧཱ་ཀཱ་ལ་ནི། །ཞལ་གཅིག་ཕྱག་གཉིས་སྐུ་མདོག་ནག །ཡན་ལག་ཐུང་ཞིང་གསུས་ཁྱིམ་ཆེ། །ཞལ་གདངས་མཆེ་གཙིགས་སྤྱན་གསུམ་བསྒྲད། །དབུ་སྐྲ་དམར་སེར་གྱེན་དུ་འཁྱིལ། །ཐོད་སྐམ་ལྔ་ཡིས་དབུ་ལ་བརྒྱན། །དར་ནག་འཇོལ་བེར་སྐུ་ལ་གསོལ། །གཡུང་དྲུང་ཚོམ་བུ་སེར་པོས་བརྒྱན། །གསེར་གྱི་སྐ་རགས་སྐེད་དུ་བཅིངས། །ཞབས་ལ་སག་ཏིའི་ལྷྭམ་ཆེན་མནབས། །ཕྱག་གཡས་ཙན་དན་བེང་ཆེན་བསྣམས། །གཡོན་པས་ཐོད་ཁྲག་ཐུགས་ཀར་འཛིན། །ཐེ་ཙོ་ནེ་ཙོ་སེ་རལ་ཁ ། །འཁོར་དུ་ལྷ་ཀླུ་གཉན་དམག་དང་། །མ་མོ་མཁའ་འགྲོ་དགྲ་ལྷ་དང་། །བཀའ་སྡོད་སྤྲུལ་པའི་ཚོགས་ཀྱིས་བསྐོར། །འདོད་ཡོན་མཆོད་པ་བཞེས་སླད་དུ། །བྱང་ཤར་མཚམས་ནས་སྤྱན་འདྲེན་ནོ། །གནས་མཆོག་འདི་རུ་མྱུར་དུ་སྤྱོན། །གདུང་བའི་དབྱངས་ཀྱིས་སྤྱན་འདྲེན་ནོ། །བརྟེན་ཅིང་བསྒྲུབ་ཕྱིར་སྤྱན་འདྲེན་ནོ། །མ་ཐོགས་མྱུར་དུ་གཤེགས་སུ་གསོལ། །འབོད་པའི་དུས་ན་སྙན་མ་སྲ། །གཡབ་པའི་ཚེ་ན་སྤྱན་མ་རྡུལ། །བརྟེན་པའི་ཚེ་ན་རྒྱང་མ་རིང་། །མངགས་པའི་ཚེ་ན་བང་མ་བུལ། །རྦད་པའི་ཚེ་ན་མཐུ་མ་ཆུང་། །བསྒྲུབ་པའི་ཚེ་ན་གོང་མ་གཡེལ། །བཅོལ་པའི་ལས་ལ་ཞེ་གནག་མཛོད། །བསྟན་པ་བསྲུང་བར་ཞལ་བཞེས་པའི། །ཁྱེད་ཀྱི་དམ་བཅའ་བརྟེན་པ་དེ། །ད་ལྟ་རྣལ་འབྱོར་བདག་བསྐུལ་གྱིས། །བསྟན་པ་གཉན་གྱི་སྲུང་མ་མཛོད། །སྡང་བའི་དགྲ་བོ་མྱུར་དུ་སྒྲོལ། །ཧེ་དང་བསོ་ཡི་སྒྲ་སྒྲོགས་པས། །ལྷ་ཡི་དམག་ཚོགས་ཀྱུ་རུ་རུ། །ཛ་དང་ཆ་ཡི་སྒྲ་སྒྲོགས་པས། །ཀླུ་ཡི་དམག་ཚོགས་བསྡུད་པར་བྱེད། །དྲག་པོའི་ཆ་སྒྲ་ཏི་རི་རི། །གཡབ་དར་ནག་པོ་པུ་རུ་རུ། །རྔ་སྒྲ་དྲག་པོ་ཏི་རི་རི། །སྨིན་མཚམས་གློག་འགྱུ་ལམ་སེ་ལམ། །མ་མོའི་རྟ་བྲོ་གྱི་ལི་ལི། །གླིང་བུ་རྔ་སྒྲ་ཀྱུ་རུ་རུ། །བསེ་མདུང་དམར་པོ་ཤིགས་སེ་ཤིག །བསེ་རྨོག་ཁྲ་བོ་ལམ་སེ་ལམ། །བ་གླང་རྐན་སྒྲ་ཏི་རི་རི། །རི་རབ་རྩེ་ནས་ལྷ་དམག་འདྲེན། །རྒྱ་མཚོའི་གཏིང་ནས་ཀླུ་དམག་འདྲེན། །བར་སྣང་ཁམས་ནས་གཉན་དམག་འདྲེན། །ལེགས་ལྡན་སྲས་པོ་འཁོར་བཅས་རྣམས། །འདོད་ཡོན་མཆོད་པས་ཐུགས་དམ་བསྐང་། །ཉམས་པ་བཤགས་སོ་ཚངས་པར་སྩོལ། །སྡང་བའི་དགྲ་བོ་མྱུར་དུ་སྒྲོལ། །ཧཱུྃ་མ་ཧཱ་ཀཱ་ལ་མཐུ་སྟོབས་ཆེ། །འཁོར་དང་བཅས་པ་དགོངས་སུ་གསོལ། །ཁྱེད་ནི་བསྲུང་མ་མཐུ་རྩལ་ཅན། །བདག་ནི་རྣམ་འབྱོར་དམ་ཚིག་ཅན། །གྲོགས་པོར་བགྱིད་དོ་གཞུང་མ་ངན། །མཛའ་བོར་བགྱིད་དོ་ཁྲེལ་མ་ཤོར། །མནའ་ཐོ་བཅད་དོ་མནའ་མ་ཟ། །རྗེ་བོར་བགྱིད་དོ་དབང་མ་ཆེ། །བྲན་ལྟར་བསྐུལ་ན་རྒྱུད་མ་ངན། །ཕྱོགས་དུས་རྒྱལ་བ་སྲས་བཅས་དང་། །ལྷ་མི་ཚོགས་པའི་སྤྱན་སྔ་རུ། །བསྟན་པ་སྲུང་བར་མ་ཆད་དམ། །དམ་བཅའ་མ་གཡེལ་ཕྲིན་ལས་མཛོད། །བདེར་གཤེགས་བཀའ་ལ་མི་བརྟེན་མེད། །ཟབ་མོའི་དོན་ལ་མི་སེམས་མེད། །མནའ་དང་ཁྲིམས་ལ་མི་ཉན་མེད། །ཟས་དང་སྐོམ་ལ་མི་ཆགས་མེད། །དེ་རིང་ཁྱེད་ཀྱི་ཐུགས་དམ་བསྐང་། །དེ་རིང་ཉམས་ཆག་མ་ལུས་བཤགས། །དེ་རིང་ཞིག་རལ་མ་ལུས་གསོ། །དེ་རིང་ཁྱེད་ལ་བཤགས་པ་བྱེད། །དོ་ནུབ་ཁྱེད་དང་སེམས་མཁོན་སྦྱངས། །དོ་ནུབ་མཉེས་པའི་ཟས་ཤིག་འདྲེན། །ད་ནི་མཛའ་བའི་གཞུང་ཅིག་བྱེད། །ད་ནི་བྱམས་པའི་ལན་ཅིག་འདེབས། །ད་ནི་སྔ་མའི་གཏང་རག་གཏོང་། །ད་ནི་ཕྱི་མའི་ཞུ་སྐྱེམས་འབུལ། །འདོད་ཡོན་མཆོད་པས་ཐུགས་དམ་བསྐང་། །སྡང་བའི་དགྲ་བོ་མྱུར་དུ་སྒྲོལ། བྷྱོཿ ཡུམ་ཆེན་ཡཀྴ་བཻ་ཏ་ལི ། །ཞལ་གཅིག་ཕྱག་གཉིས་སྐུ་མདོག་ནག །ཕྱག་གཡས་གྲི་གུག་ནམ་མཁར་ཕྱར། །གཡོན་པས་ཐོད་ཁྲག་ཐུགས་ཀར་འཛིན། །སྐུ་ལ་མཁའ་འགྲོའི་ཆས་ཀྱིས་བརྒྱན། །ཆིབས་སུ་དྲེལ་རྟ་རྐང་གསུམ་ཆིབས། །འཁོར་དུ་མ་མོ་མཁའ་འགྲོས་བསྐོར། །འདོད་ཡོན་མཆོད་པས༴ སྡང་བའི་དགྲ་བོ༴ ཧཱུྃ་མགོན་པོ་སྐུ་མཆོག་ཆེན་པོ་ནི། །སྔོ་སྐྱ་ཞལ་གཅིག་ཕྱག་གཉིས་པ། །ཕྱག་གཡས་དྲི་ཤུལ་རྩེ་གསུམ་བསྣམས། །གཡོན་པས་ཐོད་ཁྲག་ཞལ་དུ་གསོལ། །བསྐལ་པའི་མེ་ལྟར་གཟི་བརྗིད་ཆེ། །འདོད་ཡོན་མཆོད༴ སྡང་བའི་དགྲ་བོ༴ ཧཱུྃ་མགོན་པོ་གསུང་མཆོག་ཆེན་པོ་ནི། །སྐུ་མདོག་དམར་སྐྱ་ཤིན་ཏུ་རྔམ། །རལ་པ་དམར་སེར་མེ་ལྟར་འབར། །ཕྱག་གཡས་ཙན་དན་བེང་ཆེན་བསྣམས། །གཡོན་པས་ཐོད་ཁྲག་ཞལ་དུ་གསོལ། །འདོད་ཡོན༴ སྡང་བའི་དགྲ་བོ༴ ཧཱུྃ་མགོན་པོ་ཐུགས་མཆོག་ཆེན་པོ་ནི། །མཐིང་ནག་ཞལ་གཅིག་ཕྱག་གཉིས་པ། །གཡས་པས་གྲི་གུག་ནམ་མཁར་ཕྱར། །གཡོན་པས་ཐོད་ཁྲག་ཐུགས་ཀར་འཛིན། །འདོད་ཡོན་མཆོད་པས༴ སྡང་བའི་དགྲ་བོ༴ ཧཱུྃ་ཤར་ཕྱོགས་མགོན་པོ་དཔལ་རབ་འཆང་། །སྨུག་ནག་ཞལ་གཅིག་ཕྱག་གཉིས་པ། །ཕྱག་ན་ཉི་ཟེར་ཞགས་པ་བསྣམས། །ངང་བ་རྔོག་ནག་ཆིབས་སུ་བཅིབས། །ཀླད་ན་ལྕགས་ཀྱི་བྱ་ཁྲ་ལྡིང་། །སྔོན་དུ་སེང་གེ་དཀར་མོ་འགྱིང་། །སྟག་གཟིག་གཉིས་ནི་རྗེས་ནས་འབྲང་། །ཕྱི་ན་ལྕགས་ཀྱི་སྤྱང་མོ་འདྲོལ། །འདོད་ཡོན་མཆོད་པས༴ སྡང་བའི་དགྲ་བོ༴ ཧཱུྃ་ལྷོ་ཕྱོགས་མགོན་པོ་ལེགས་ལྡན་ནི། །སྐུ་མདོག་མཐིང་ནག་ཤིན་ཏུ་རྔམ། །ཕྱག་ན་ཙན་དན་བེང་ཆེན་བསྣམས། །རྟ་མཆོག་རྔོག་ནག་ཆིབས་སུ་བཅིབས། །འདོད་ཡོན་མཆོད༴ སྡང་བའི་དགྲ་བོ༴ ཧཱུྃ་ནུབ་ཕྱོགས་བྲག་ལྷ་མགོན་པོ་ནི། །སྐུ་མདོག་དམར་ནག་འགྱིང་བག་ཅན། །ཕྱག་གཡས་ཙན་དན་གྲུ་ཚད་བསྣམས། །མཚལ་བུ་རྟིང་དཀར་ཆིབས་སུ་བཅིབས། །སྲ་བརྗིད་གོ་ཆ་བརྗིད་པའི་ཆས། །འདོད་ཡོན་མཆོད་པས༴ སྡང་བའི༴ ཧཱུྃ་བྱང་ཕྱོགས་མགོན་པོ་རྣམ་ཐོས་སྲས། །སྐུ་མདོག་སེར་པོ་གསེར་ཁྲབ་གསོལ། །གོ་མིན་རྨོག་མོ་དབུ་ལ་མནབས། །ཕྱག་གཡས་གནམ་ལྕགས་མདུང་དར་ཕྱར། །གཡོན་པས་རྒྱལ་མཚན་ནེའུ་ལེ་འཛིན། །སེང་གེ་དཀར་མོ་ཆིབས་སུ་བཅིབས། །རྟ་སེར་བརྒྱད་ནི་རོལ་དུ་ཁྲིད། །འདོད་ཡོན་མཆོད་པས༴ ཟས་ནོར་དངོས་གྲུབ་བདག་ལ་སྩོལ། །སྡང་བའི་དགྲ་བོ༴ ཧཱུྃ་ཤར་ལྷོ་མགོན་པོ་ཛམ་བྷ་ལ། །སྐུ་མདོག་སྔོན་པོ་བཻ་ཌཱུཪྱ། །ཕྱག་གཡས་མདུང་དར་དཀར་པོ་འཛིན། །གཡོན་པས་ནེའུ་ལེའི་རྐྱལ་པ་བསྣམས། །འགྲོ་བའི་རེ་འདོད་སྐོངས་བར་མཛོད། །བ་སྤུ་ལྷ་དམག་བྱེ་བ་འགྱེད། །ཆུ་རི་སྔོན་པོ་ཆིབས་སུ་བཅིབས། །སྔོ་བཀྲ་བཅུ་གཉིས་རོལ་དུ་ཁྲིད། །ངང་བ་རྔོག་ནག་ཟླ་ནས་འདྲོལ། །འདོད་ཡོན་མཆོད་པས༴ ཟས་ནོར་དངོས་གྲུབ་བདག་ལ་སྩོལ། །དགྲ་ལ་དྲག་པོའི་ཕྲིན་ལས་མཛོད། །ཧཱུྃ་ལྷོ་ནུབ་མགོན་པོ་རེ་མནྟ། །སྐུ་མདོག་མཐིང་ནག་རྔམ་ཚུལ་ཅན། །གོ་ཁྲབ་རྨོག་ཞུ་མཚོན་དང་བཅས། །ཕྱག་ན་རུ་མཚོན་འབར་བ་བསྣམས། །གཡུ་རྔོག་སྔོན་པོ་ཆིབས་སུ་བཅིབས། །འཕྲག་པ་གཡས་ན་བྱ་ཁྲ་ལྡིང་། །སྟག་དང་སེང་གེ་རྗེས་སུ་འབྲང་། །འདོད་ཡོན་མཆོད་པས༴ སྡང་བའི་དགྲ་བོ༴ ཧཱུྃ་ནུབ་བྱང་མགོན་པོ་ཤ་བ་རི། །སྐུ་མདོག་ལྗང་གུ་འཇིགས་པའི་གཟུགས། །སྐུ་ལ་རིན་ཆེན་རྒྱན་གྱིས་བརྒྱན། །ཕྱག་གཡས་རྨ་བྱའི་རྒྱལ་མཚན་ཕྱར། །རྟ་ནག་རྟིང་དཀར་ཆིབས་སུ་བཅིབས། །འདོད་ཡོན་མཆོད་པས༴ སྡང་བའི་དགྲ་བོ༴ ཧཱུྃ་བྱང་ཤར་མཚམས་ཀྱི་མགོན་པོ་ནི། །རྣམ་པར་སྣང་མཛད་དབུ་རྒྱན་ཅན། །སྐུ་མདོག་དཀར་ལ་འོད་ཟེར་འཕྲོ། །སྐུ་ལ་གསེར་ཁྲབ་དངུལ་རྨོག་གསོལ། །ཕྱག་ན་རུ་མཚོན་དཀར་པོ་བསྣམས། །གྲོ་བོ་གཡུ་རྔོག་ཆིབས་སུ་བཅིབས། །འདོད་ཡོན་མཆོད་པས༴ སྡང་བའི་དགྲ་བོ༴ ཧཱུྃ་སྟེང་གི་མགོན་པོ་དུང་གི་ཐོར་ཚུགས་ཅན། །སྐུ་མདོག་ནག་པོ་ཤིན་ཏུ་རྔམ། །ཕྱག་ན་གནམ་ལྕགས་རལ་གྲི་འདེབས། །ངང་པ་རྔོག་དམར་ཆིབས་སུ་བཅིབས། །སྔོ་བཀྲ་བཅུ་གཉིས་རོལ་དུ་ཁྲིད། །སྔོན་པོ་བརྒྱ་ནི་ཟླ་ནས་འདྲོལ། །འདོད་ཡོན་མཆོད་པས༴ སྡང་བའི་དགྲ་བོ༴ ཧཱུྃ་འོག་མིན་ཕྱོགས་ཀྱི་མགོན་པོ་ནི། །རཀྴ་ཤྲྀལ་བེ་ཏ་ལི༈ སྐུ་མདོག་ནག་ལ་འཇིགས་པ་སྟེ། །གོ་མིན་རྨོག་ཞུ་དབུ་ལ་གསོལ། །ཕྱག་ན་གནམ་ལྕགས་སྟྭ་རེ་འཕྱར། །ཕག་ཆེན་གཏུམ་པོའི་ཁྲི་ལ་བཞུགས། །འདོད་ཡོན་མཆོད་པས༴ སྡང་བའི་དགྲ་བ༴ ཧཱུྃ་ཡང་ཅིག་ཐུགས་དམ་བསྐང་བ་ནི། ཤ་ཁྲག་དམར་གྱི་གཏོར་མ་དང་། །བདུད་རྩི་གསེར་སྐྱེམས་རཀྟ་དང་། །འདོད་པའི་ལོངས་སྤྱོད་སྣ་ཚོགས་ཀྱིས། །མ་ཧཱ་ཀཱ་ལའི་ཐུགས་དམ་བསྐང་། །གྲི་གུག་འཛིན་པའི༴ དུར་ཁྲོད་བདག་པོའི༴ མཁའ་འགྲོའི་གཙོ་མོའི༴ གཟི་བརྗིད་ཅན་གྱི༴ ཡ་མཱ་ར་ཙའི༴ སྲས་མཆོག་ནག་པོའི༴ ཀིང་ཀ་ར་ཡི༴ ཡ་བ་ཏི་ལ་སོགས་པ་ཡིས། །གཤིན་རྗེ་བརྒྱད་ཀྱིི་ཐུགས༴ ཕོ་ཉ་མོ་ལ་སོགས་པ་ཡི། །མ་མོ་བརྒྱད་ཀྱི་ཐུགས་དམ༴ ལ་ཕུག་བསྣམས་པའི༴ བགྲང་ཕྲེང་བསྣམས་པའི༴ རིན་ཆེན་བསྣམ་པའི༴ དགྲ་སྟྭ་བསྣམས་པའི༴ ཚོགས་བདག་མཆེད་བརྒྱད༴ མཁའ་འགྲོ་འབུམ་གྱི༴ ཙན་ཏི་ཀ་ཡི༴ དུས་མཚན་ནག་པོའི༴ རལ་པ་ཅན་གྱི༴ ཐོད་ཁྲག་བསྣམས་པའི༴ སེང་གེ་བཅིབས་པའི༴ གསེར་ཕྲེང་ཅན་གྱི༴ གསེར་མདོག་ཅན་གྱི༴ མདུང་དར་ཅན་གྱི༴ གནོད་སྦྱིན་བརྒྱད་ཀྱི༴ ནོར་ལྷ་མགོན་པོའི༴ ཤིང་ཐོག་བསྣམས་པའི༴ ནོར་ལྷ་མཆེད་བརྒྱད༴ ལྷ་དམག་བྱེ་བ་དུང་ཕྱུར་ཐུགས་དམ༴ འདོད་པའི་དངོས་གྲུབ་བདག་ལ་སྩོལ། །སྡང་བའི་དགྲ་བོ་མྱུར་དུ་སྒྲོལ། །ནག་པོ་སྟོང་གི་ཐུགས་དམ་བསྐང་། །ཤ་ཟ་འབུམ་གྱི་ཐུགས་དམ༴ དགྲ་བླའི་དམག་ཚོགས༴ སྡང་བའི་དགྲ་བོ་མྱུར་དུ་སྒྲོལ། ཅེས་དང་། གཞན་ཡང་། །ཧཱུྃ་བསྐང་ངོ་བསྐལ་པར་ཐུགས་དམ་བསྐང་། །ཆོས་སྐྱོང་མགོན་པོའི་ཐུགས་དམ་བསྐང་། །སྲོག་བདག་ནག་པོའི༴ མགོན་པོ་ནག་པོའི༴ བདུད་དམག་འབུམ་གྱི༴ ལྷ་སྲིན་སྡེ་བརྒྱད༴ རྒྱལ་ཆེན་བཞི་ཡི༴ ཕྱོགས་སྐྱོང་བཅུ་ཡི༴ བཀའ་སྡོད་ཕོ་ཉའི༴ ཐུགས་དམ་བསྐང་ངོ་དགྲ་བགེགས་སྒྲོལ། །བཅོལ་བའི་ཕྲིན་ལས་གྲུབ་པར་མཛོད། །བྷྱོ་བྷྱོ་མ་མོ་ནག་མོ་བྷྱོ། །རེ་མ་ཏི་ཡི་ཐུགས་དམ་བསྐང་། །བདུད་མོ་འབུམ་གྱི་ཐུགས་དམ་བསྐང་། །བདུད་ཀྱི་ཡུམ་གཅིག༴ གཤིན་རྗེའི་ལྕམ་གཅིག༴ ལས་མཁན་མ་མོའི༴ ཁྲག་འཐུང་མ་མོའི༴ ཐུགས་དམ་བསྐང་ངོ་ཕྲིན་ལས་མཛོད། །སྡང་བའི་དགྲ་བོ་མྱུར་དུ་སྒྲོལ། །གནོད་པའི་བགེགས་རྣམས་བཟློག་ཏུ་གསོལ། །ནད་སྣ་ཡམས་སྣ་བསྒྱུར་ཏུ་གསོལ། །ཧཱུྃ་དཔལ་ལྡན་མགོན་པོ་ནག་པོ་ནི། །བསྐང་ངོ་བསྐལ་པར་ཐུགས་དམ་བསྐང་། །ཐུགས་དམ་བསྐང་བའི་དམ་རྫས་ནི། །ཤ་ཆེན་ཚིལ་ཆེན་བདུད་རྩི་དང་། །མཁའ་ལྡིང་བྱ་དང་ཤེལ་སྒོང་ལུག །ཙ་ར་རོག་པོ་མདངས་ལྡན་དང་། །དགྲ་བོའི་ཤ་ཁྲག་དོན་སྙིང་འདིས། །མགོན་པོ་ལྷ་མོའི་ཐུགས་དམ་བསྐང་། །རྟ་ནག་བཅིབས་པའི་ཐུགས་དམ་བསྐང་། །དྲེའུ་ནག་བཅིབས་པའི༴ འཁོར་དང་བཅས་པའི༴ ཆག་ཉམས་ཐམས་ཅད་མཐོལ་ལོ་བཤགས། །ཧཱུྃ་ཡང་ཅིག་ཐུགས་དམ་བསྐང་བ་ནི། །ཤར་ཕྱོགས་དུང་མཁར་གཞལ་ཡས་ནས། །བསྟན་སྲུང་ལྷ་ཡི་རྒྱལ་པོ་ནི། །སྐུ་མདོག་དཀར་པོ་མདུང་དར་བསྣམས། །ལྷ་ཡི་དམག་དཔོན་ཐུགས་དམ་བསྐང་། །ལྷ་གཡག་བཅིབས་པའི༴ ལྷ་དམག་འབུམ་གྱི༴ དགྲ་བགེགས་བསྒྲལ་བའི་ཕྲིན་ལས་མཛོད། །ཧཱུྃ་ཡང་གཅིག་ཐུགས་དམ་བསྐང་བ་ནི། །ལྷོ་ཕྱོགས་ཟངས་མཁར་དམར་པོ་ནས། །སངས་རྒྱས་བསྟན་པ་སྲུང་མཛད་པའི། །གཤིན་རྗེའི་རྒྱལ་པོ་སྲོག་གི་བདག །སྐུ་མདོག་ནག་ལ་སྟག་ལྤགས་གྱོན། །ཡ་མ་ར་ཙའི་ཐུགས་དམ་བསྐང་། །མ་ཧེ་བཅིབས་པའི༴ གཤིན་རྗེའི་དམག་ཚོགས༴ ཟས་སུ་དགྲ་སྙིང་རློན་པ་ཟོ། །ཐུགས་དམ་གཉེན་པོ་བསྐང་བར་མཛོད། །ནད་སྣ་ཡམས་སྣ་རིམས་སྣ་དང་། །དགྲ་སྣ་གོད་སྣ་ཐམས་ཅད་དང་། །ལྟས་ངན་ཆོ་འཕྲུལ་དགྲ་ལ་བཟློག །བཅོལ་བའི་ཕྲིན་ལས་གྲུབ་པར་མཛོད། །ཧཱུྃ་ཡང་ཅིག་ཐུགས་དམ་བསྐང་བ་ནི། །ནུབ་ཕྱོགས་འཇའ་ཚོན་འབར་བའི་གཞལ་ཡས་ནས། །མ་མོ་སྲིད་པའི་རྒྱལ་མོ་ནི། །སྐུ་མདོག་དཀར་མོ་མདུང་དར་བསྣམས། །གཡོན་ན་འཕྲུལ་གྱི་མེ་ལོང་འཛིན། །ཆིབས་སུ་གཡུ་འབྲུག་སྔོན་པོ་བཅིབས། །མ་མོ་ཆེན་མོའི་ཐུགས་དམ་བསྐང་། །སྨན་མོ་འབུམ་གྱི༴ མངོན་ཤེས་ཅན་གྱི༴ འཁོར་དང་བཅས་པའི༴ རིམས་ནད་ཁྲག་གཟེར་དགྲ་ལ་ཕོབས། །ནད་དང་རིམས་ཁ་དགྲ་ལ་བསྒྱུར། །བཅོལ་བའི༴ ཧཱུྃ་ཡང་ཅིག་ཐུགས་དམ་བསྐང་བ་ནི། །བྱང་ཕྱོགས་བདུད་མཁར་ནང་ཤེད་ནས། །སངས་རྒྱས་བསྟན་སྲུང་བདུད་ཀྱི་རྗེ། །མཐིང་ནག་ཕྱག་ན་དགྲ་སྟྭ་བསྣམས། །དགྲ་བོའི་མི་རྟ་དུམ་བུར་ཐོངས། །ཆིབས་སུ་བདུད་རྟ་ནག་པོ་བཅིབས། །སྲོག་བདག་ཆེན་པོའི་ཐུགས་དམ་བསྐང་། །ཁྲམ་ཤིང་ཅན་གྱི༴ རྐོས་རྗེ་དྲང་དཀར༴ བདུད་དམག་འབུམ་གྱི༴ ནག་པོ་སྟྭར་ཐོགས་ཅན་གྱི༴ སྤྲུལ་པའི་ཚོགས་ཀྱིས༴ ཐུགས་དམ་བསྐང་ངོ་དགྲ་བགེགས་ཐུལ། །བདུད་རྟ་ནག་པོ་དགྲ་ལ་རྒྱུགས། །ནད་ཡམས་ཁྲམ་ཁ་དགྲ་ལ་ཕོབས། །བཅོལ་བའི་ཕྲིན་ལས༴ ཧཱུྃ་ཡང་ཅིག་ཐུགས་དམ་བསྐང་བ་ནི། །ཤར་ལྷོ་ཟངས་མཁར་དམར་པོ་ནས། །སངས་རྒྱས་བསྟན་སྲུང་བཙན་གྱི་རྗེ། །ཕྱག་ན་མདུང་དར་མདའ་གཞུ་བསྣམས། །ཆིབས་སུ་བཙན་རྟ་དམར་པོ་བཅིབས། །བཙན་རྗེ་སྲོག་ཟན་ཐུགས་དམ་བསྐང་། །བཙན་དམག་འབུམ་གྱི༴ སྤྲུལ་པའི་ཚོགས་ཀྱི༴ ཐུགས་དམ་གཉན་པོ་སྐོངས་བར་མཛོད། །བཙན་གྱི་ཇག་པ་དགྲ་ལ་རྒྱུགས། །བཅོལ་པའི་ཕྲིན་ལས༴ ཧཱུྃ་ཡང་ཅིག་ཐུགས་དམ་བསྐང་བ་ནི། །ལྷོ་ནུབ་ཤེལ་མཁར་ནང་ཤེད་ནས། །སངས་རྒྱས་བསྟན་པ་བསྲུང་མཛད་པ། །དགྲ་ལྷའི་རྒྱལ་པོ་བེ་ཧར་ནི། །སྐུ་མདོག་དཀར་སྨུག་འཇིགས་པ་ལ། །ཕྱག་ན་གསེག་ཤིང་ལྷུང་བཟེད་བསྣམས། །ཆིབས་སུ་སེང་གེ་དཀར་མོ་བཅིབས། །པེ་ཧར་དགྲ་ལྷའི་ཐུགས་དམ་བསྐང་། །དཀར་པོ་སྤྱན་གཅིག༴ ཆོ་ཕྲུལ་མངའ་བདག༴ སྤྲུལ་པ་གིང་ཕོ་འབུམ་གྱི༴ རྒྱལ་པོའི་ཆོ་ཕྲུལ་དགྲ་ལ་ཟློག །བཅོལ་བའི༴ ཧཱུྃ་ཡང་ཅིག་ཐུགས་དམ་བསྐང་བ་ནི། །ནུབ་བྱང་རིན་ཆེན་གཞལ་ཡས་ནས། །བསྟན་སྲུང་ཀཱ་ལ་ཡཀྴ་ནི། །སྐུ་མདོག་སྔོ་ལ་གཡུ་འོད་འབར། །ཕྱག་གཡས་རལ་གྲི་གཡོན་ནོར་བུ། །ཆིབས་སུ་སྟག་ཆེན་ངར་མ་བཅིབས། །སྐུ་ལ་ཟ་འོག་སླག་པ་མནབས། །ཀཱ་ལ་ཡཀྴའི་ཐུགས་དམ་བསྐང་། །གང་བ་བཟང་པོའི༴ གནོད་སྦྱིན་བྱེ་བའི༴ ཐུགས་དམ་བསྐང་ངོ་ཕྲིན་ལས་མཛོད། །གནོད་སྦྱིན་གཟེར་ནད་དགྲ་ལ་སྒྱུར། །ནད་སྣ་ཡམས་སྣ་རིམས་སྣ་དང་། །དགྲ་སྣ་གྱོད་སྣ་དགྲ་ལ་སྒྱུར། །བཅོལ་པའི་ཕྲིན་ལས༴ ཧཱུྃ་ཡང་ཅིག་ཐུགས་དམ་བསྐང་བ་ནི། ། བྱང་ཤར་རིན་ཆེན་གཞལ་ཡས་ནས། །བསྟན་བསྲུང་ཀླུ་བདུད་ནག་པོ་ནི། །སྐུ་མདོག་ནག་ལ་འོད་ཟེར་འབར། །ཕྱག་གཡས་སྦྲུལ་ཞགས་གཡོན་ནད་རྐྱལ། །ཆིབས་སུ་ཆུ་སྲིན་ཁམ་པ་བཅིབས། །ནག་པོ་མགོ་དགུའི་ཐུགས་དམ་བསྐང་། །ཕྱག་གཡས་སྦྲུལ་གྱི་ཞགས་པ་ཡིས། །སྡང་བའི་དགྲ་བོའི་མགུལ་ནས་ཆིངས། །གཡོན་པས་ནད་ཀྱི་རྐྱལ་པ་ཐོགས། །མཛེ་ནད་སྣ་དགུ་དགྲ་ལ་ཐོངས། །ཀླུ་བདུད་ནག་པོའི་ཐུགས་དམ་བསྐང་། །དམ་ཉམས་སྡང་བའི་དགྲ་བོ་ལ། །ནད་རིམས་སྣ་ཚོགས་ཆར་ལྟར་ཕོབས། །མཛེ་རིགས་བཅོ་བརྒྱད་དགྲ་ལ་ཐོངས། །ཀླུ་བདུད་འབུམ་གྱི་ཐུགས་དམ་བསྐང་། །སྤྲུལ་པ་འབུམ་གྱི༴ ཐུགས་དམ་བསྐང་ངོ་མཉེས་པར་མཛོད། །ཀླུ་ཡི་གཏད་ཁྲམ་དགྲ་ལ་བསྒྱུར། །བཅོལ་བའི༴ ཧཱུྃ་དཔལ་ལྡན་མགོན་པོའི་ཐུགས་དམ་བསྐང་། །དཔལ་ལྡན་ལྷ་མོའི༴ འཁོར་དང་བཅས་པའི་ཐུགས་དམ་བསྐང་༴ ལྷ་སྲིན་སྡེ་བརྒྱད་རྣམས་ཀྱི༴ ཐུགས་དམ་བསྐང་བའི་དམ་རྫས་ནི། །ཕྱི་ནང་གསང་བའི་མཆོད་པ་དང་། །བདུད་རྩི་སྨན་དང་རཀྟ་དང་། །དམར་ཆེན་གཏོར་མས་ཐུགས་དམ་བསྐང་། །རྐང་དུང་སིལ་སྙན་རོལ་མོ་ཡིས། །བསྟན་སྲུང་མ་མགོན་ལྕམ་དྲལ་དང་། །སྡེ་བརྒྱད་འཁོར་དང་བཅས་པ་ཡི། །བསྐང་ངོ་ཐུགས་དམ་གཉན་པོ་བསྐང་། །ཐུགས་དམ་གཉན་པོ་དེ་སྐོངས་ལ། །གནོད་བྱེད་དགྲ་བགེགས་མྱུར་དུ་སྒྲོལ། །ཚོགས་ཀྱི་མཆོད་པ་ཆེན་པོ་དང་། །བདུད་རྩི་སྨན་དང་རཀྟ་དང་། །ཤ་ཁྲག་དམར་གྱི་གཏོར་མ་འདིས། །མགོན་པོ་ལྷ་མོའི་ཐུགས་དམ་བསྐང་། །སྡེ་བརྒྱད་མགོན་པོའི༴ ཤར་ཕྱོགས་ལྷ་ཡི་དམག་དཔོན༴ ལྷོ་ཕྱོགས་གཤིན་རྗེའི་ད མག་དཔོན༴ ནུབ་ཕྱོགས་ཀླུ་ཡི་དམག་དཔོན༴ བྱང་ཕྱོགས་གནོད་སྦྱིན་དམག་དཔོན༴ ཤར་ལྷོ་མེ་ལྷའི་དམག་དཔོན༴ ལྷོ་ནུབ་སྲིན་པོའི་དམག་དཔོན༴ ནུབ་བྱང་རླུང་ལྷའི་དམག་དཔོན༴ བྱང་ཤར་ཀླུ་བདུད་དམག་དཔོན༴ དགྲ་བགེགས་བསྒྲལ་བའི་དུས་ལ་བབས། །བར་ཆད་རྐྱེན་རྣམས་དགྲ་ལ་བཟློག །བཅོལ་བའི་ཕྲིན་ལས༴ ཧཱུྃ་ཡང་ཅིག་ཐུགས་དམ་བསྐང་བ་ནི། །མགོན་པོ་རྟ་ནག་བཅིབས་པའི་ཐུགས་དམ་བསྐང་། །ལྷ་མོ་དྲེའུ་ནག་བཅིབས་པའི༴ ལྷ་མི་དཀར་ལྷ་གཡག་བཅིབས་པའི༴ གཤིན་རྗེ་མི་ནག་མ་ཧེ་བཅིབས་པའི༴ བཙན་མི་དམར་རྟ་དམར་བཅིབས༴ མི་དཀར་གཡུ་འབྲུག་བཅིབས་པའི༴ ལྷོ་ནུབ་བེ་ཧར་རྒྱལ་པོའི༴ ནུབ་བྱང་མི་སྔོན་སྟག་ལ་བཅིབས༴ བྱང་མི་ནག་རྟ་ནག་བཅིབས༴ བྱང་ཤར་མི་ནག་རྟ་སྔོན་བཅིབས༴ སྤྲུལ་པའི་བྱ་ནག་འབུམ་གྱི༴ སྟག་གཟིག་དོམ་དྲེད་འབུམ་གྱི༴ བདུད་ཀྱི་ཁྱི་ནག་འབུམ་གྱི༴ ཐུགས་དམ་བསྐང་ངོ་དགྲ་བགེགས་སྒྲོལ། །བདག་ཅག་རྣལ་འབྱོར་འཁོར་བཅས་དང་། །རྒྱུ་སྦྱོར་ཡོན་བདག་མི་ནོར་ལ། །མི་ལ་ན་ཚ་མ་བཏང་ཅིག །ཕྱུག་ལ་གོད་ཁ་མ་བཏང་ཅིག །ཞིང་ལ་བཙའ་སད་སེར་གསུམ་མ་བཏང་༴ ཆོ་འཕྲུལ་གདུག་རྩུབ་མ་བཏང་༴ བདག་གི་བསྟན་པ་སྲུང་དུ་གསོལ། །ལྷ་ཡི་བ་དན་གྱེན་དུ་ཕྱོར། །འཁོར་རྣམས་སྲུངས་ལ་རྐྱེན་རྣམས་བཟློག །བདུད་བཙན་ལ་སོགས་སྡེ་བརྒྱད་རྣམས། །སྡང་བའི་དགྲ་བོ་རྡུལ་དུ་རློག །དགྲ་བོ་དམ་ཉམས་མྱུར་དུ་སྒྲོལ། །བཅོལ་པའི་ཕྲིན་ལས་མྱུར་དུ་མཛོད། །ཅེས་དང་། གཞན་ཡང་། ཧཱུྃ་མ་ཧཱ་ཀཱ་ལའི་ཕྱི་འཁོར་ནི། །དཔལ་མགོན་བདུན་ཅུ་རྩ་བདུན་དང་། །ལྷ་ཀླུ་གཟའ་ཆེན་ནོར་སྲུང་དང་། །ཕྱོགས་སྐྱོང་རྒྱལ་ཆེན་ལ་སོགས་པའི། །གཙང་རིས་མགོན་པོའི་ཐུགས་དམ་བསྐང་། །སྡང་བའི་དགྲ་བོ་མྱུར་དུ་སྒྲོལ། །ཧཱུྃ་མ་ཧཱ་ཀཱ་ལའི་བཀའ་སྡོད་ནི། །དྲི་ཟ་མེ་ལྷ་གཤིན་རྗེ་དང་། །བདེན་བྲལ་ཆུ་བདག་རླུང་ལྷ་དང་། །གནོད་སྦྱིན་དབང་ལྡན་ས་བདག་དང་། །ཉི་ཟླ་གཟའ་སྐར་ཚོགས་དང་བཅས། །ལྷ་ཡི་ཚོགས་དང་ཀླུ་ཡི་ཚོགས། །སྲིན་པོ་རོ་ལངས་ཤ་ཟ་དང་། །མཁའ་འགྲོ་ཤུགས་འགྲོ་མ་སྲིང་རྣམས། །འདོད་ཡོན་མཆོད་པས་ཐུགས་དམ་བསྐང་། །སྡང་བའི་དགྲ་བོ་མྱུར་དུ་སྒྲོལ། །གཞན་ཡང་བཀའ་ཉན་ལས་མཛད་པ། །མ་མོའི་ཚོགས་དང་ཟ་བྱེད་ཚོགས། །གཞོན་ནུ་མོ་དང་གཏོགས་འདོད་མོ། །རྒྱལ་ཆེན་མོ་དང་སྣ་ཆེན་མོ། །ལྷ་ཆེན་མོ་དང་སྲིན་མོ་དང་། །སྦྲུལ་དང་གཟིག་དང་བྱི་ལ་དང་། །ཕ་ཝཾ་དྲེད་མོ་ཕག་དང་ནི། །རྔ་མོ་ལ་སོགས་མགོ་ཅན་སྟེ། །ཟ་བྱེད་གདུག་པ་ཆེན་པོའི་ཚོགས། །ཕྲ་མེན་རྣམས་ཀྱི་ཐུགས་དམ་བསྐང་། །སྡང་བའི་དགྲ་བོ་མྱུར་དུ༴ ཤན་པ་རྣམས་ཀྱི༴ སྤྲུལ་པ་རྣམས་ཀྱི༴ ཡང་སྤྲུལ་རྣམས་ཀྱི༴ བཅོལ་པའི་ཕྲིན་ལས༴ ཧཱུྃ་མ་ཧཱ་ཀཱ་ལ་མཐུ་བོ་ཆེ། །ལྷ་མི་ཀུན་གྱི་དགྲ་བླ་སྟེ། །རྫུ་འཕྲུལ་ལྡན་པའི་རྟ་ལ་བཅིབས། །སྤྲུལ་པ་བྱ་ཁྲ་བཞི་དང་ནི། །བྱ་ཁྱུང་བཞི་ཡང་སྟེང་དུ་ལྡིང་། །སྟག་གཟིག་དོམ་དྲེད་ཕྱི་ནས་འདྲོལ། །གནམ་ལྕགས་སེར་ཆེན་དགྲ་ལ་འབེབ། །ཤ་ཁྲག་གཏོར་མས་ཐུགས་དམ་བསྐང་། །མ་ཧཱ་ཀཱ་ལའི་གཡས་ཕྱོགས་ན། །རྣལ་འབྱོར་ཕོ་ལྷ་ཀྱི་ལི་ལི། །མ་ཧཱ་ཀཱ་ལའི་གཡོན་ཕྱོགས་ན། །ཆོས་ཀྱི་དགྲ་ལྷ་ཤ་ར་ར། །མ་ཧཱ་ཀཱ་ལའི་སྔོན་རོལ་དུ། །སྲུང་མའི་དམག་ཚོགས་སྐར་ལྟར་འཁྲིགས། །མ་ཧཱ་ཀཱ་ལའི་རྒྱབ་ཕྱོགས་ནས། །ལྷུན་གྲུབ་གཉན་དམག་སྐར་ལྟར་འཁྲིགས། །འདོད་ཡོན་མཆོད་པས༴ སྡང་བའི་དགྲ་བོ༴ བྱ་རྒྱལ་ཁྱུང་ཆེན་ལ་སོགས་པའི། །འདབ་ཆགས་རྣམ་པ་སྣ་ཚོགས་ཀྱིས། །མ་ཧཱ་ཀཱ་ལའི༴ འབྲོང་བུ་ཤ་རྐྱང་ལ་སོགས་པའི། །རི་དྭགས་རྣམ་པ་སྣ་ཚོགས་ཀྱིས། །མ་ཧཱ་ཀཱ་ལའི༴ སེང་གེ་སྟག་གཟིག་ལ་སོགས་པའི། །གཅན་གཟན་རྣམ་པ་སྣ་ཚོགས་ཀྱིས། །མ་ཧཱ་ཀཱ་ལའི༴ ཅང་ཤེས་མ་ཧེ་ལོགས་པའི། །ཡུང་དྭགས་རྣམ་པ་སྣ་ཚོགས་ཀྱིས། །མ་ཧཱ་ཀཱ་ལའི༴ གཡུ་འབྲུག་ཆུ་སྲིན་ལ་སོགས་པའི། །ཆུ་གནས་རྣམ་པ་སྣ་ཚོགས་ཀྱིས། །ལེགས་ལྡན་སྲས་ཀྱི༴ ཟ་ལེ་འབྲི་དང་ཤེལ་སྒོང་ལུག །ཙ་ར་མཁའ་ལྡིང་ཁྱུ་ཚོགས་ཀྱིས། །མ་ཧཱ་ཀཱ་ལའི༴ དམར་གྱི་གཏོར་མ་རྒྱན་ཅན་དང་། །བདུད་རྩི་གསེར་སྐྱེམས་རཀྟ་ཡིས། །དྲེགས་ལྡན་རྗེ་ཡི་ཐུགས་དམ་བསྐང་། །ཤིང་ཏོག་མེ་ཏོག་སྣ་ཚོགས་དང་། །སྨན་སྣ་སྤོོས་སྣ་སྣ་ཚོགས་ཀྱིས། །མ་ཧཱ་ཀཱ་ལའི༴ ལ་དུ་ལ་ཕུག་འབྲང་རྒྱས་དང་། །དར་ཚོན་རྣམ་པ་སྣ་ཚོགས་དང་། །རིན་ཆེན་སྣ་ལྔའི་ཕྱེ་མ་ཡིས། །མ་ཧཱ་ཀཱ་ལའི༴ ཁྲབ་ཕུབ་ཤང་ལང་ལ་སོགས་པའི། །གོ་མཚོན་རྣམ་པ་སྣ་ཚོགས་དང་། །ཁྱུ་མཆོག་གནག་གིས་ཐུགས་དམ་བསྐང་། །ལྷ་དང་མི་ཡི་འཇིག་རྟེན་ན། །བདག་པོས་ཡོངས་སུ་མ་བཟུང་བའི། །འདོད་རྫས་སྣ་ཚོགས་ཅི་མཆིས་པས། །མ་ཧཱ་ཀཱ་ལའི་ཐུགས་དམ་བསྐང་། །སྡང་བའི་དགྲ་བོ་མྱུར་དུ༴ མ་ཧཱ་ཀཱ་ལ་མཐུ་བོ་ཆེ། །ཙན་དན་བེང་གིས་ཐུགས་དམ་བསྐང་། །གཡག་ནག་ཙིཪྟས༴ ལུག་ནག་ཙིཏྟས༴ རྟ་ནག་ཙིཏྟས༴ སྡང་བའི་དགྲ་བོ་མྱུར་དུ་སྒྲོལ། །ཧཱུྃ་མ་ཧཱ་ཀཱ་ལ་མཐུ་ཆེན་ཁྱོད། །སྒྲུབ་ལ་བར་ཆད་བྱུང་བ་དང་། །དམ་རྫས་གཞན་གྱིས་མཐོང་བ་དང་། །ཐུགས་དམ་དུས་སུ་མ་བསྐོངས་དང་། །སྐུ་སྒོམ་སྔགས་བཟླས་གཡེལ་བ་དང་། །གཏོར་མ་ཆུང་ཞིང་དུས་ལ་གཡེལ། །སྒྲུབ་དུས་བསྐུལ་བ་ཞན་པ་དང་། །གསང་བའི་དམ་ཚིག་སྨྲས་པ་རྣམས། །གནོང་ངོ་འགྱོད་དོ་མཐོལ་ལོ་བཤགས། །བཟོད་པར་བཞེས་ནས་ཚངས་པར་སྩོལ། །བདག་གི་ཚོར་བར་མ་ཉམས་སོ། །ཁྱེད་ཀྱི་ཐུགས་ལ་ཚོར་སྲིད་ན། །བསྐང་ངོ་བཤགས་སོ་བྱང་བར་མཛོད། །ཁྱེད་ཀྱང་དམ་ལ་མ་འདའ་བར། །བསྐུལ་ན་ང་ཡི་ཕྲིན་ལས་མཛོད། །ང་ཡང་དམ་ལས་མི་འདའ་སྟེ། །ཁྱེད་ནི་རྟག་ཏུ་བསྒྲུབ་ཅིང་མཆོད། །འོ་སྐོལ་གཉིས་ཀྱི་དམ་ཚིག་ནི། །སྲོག་ལ་བབས་ཀྱང་གཞུང་བསྲུང་འཚལ། །བསྐལ་པ་ཞིག་ཀྱང་མི་འབྲལ་ལོ། །ལྟེམ་མེ་རྐྱང་ངེ་མ་མཛད་པར། །བདག་ལ་སྡང་བའི་དགྲ་བྱུང་ན། །ཕ་ཁུ་ཡིན་ཀྱང་མྱུར་དུ་སྒྲོལ། །བདུན་རྒྱུད་ཚུན་ཆད་ཆོད་ལ་ཤོག །རྫས་དང་ཕུད་ཀྱིས་ཁྱོད་མཆོད་དོ། །དམ་ཉམས་སྡང་བའི་དགྲ་བོ་ལ། །རྟག་ཏུ་དྲག་པོའི་ཕྲིན་ལས་མཛོད། །དགྲ་རྫས་ལིང་ག་ལིང་གཟུགས་འདིས། །མ་ཧཱ་ཱཀཱ་ལའི་ཐུགས་དམ་བསྐང་། །ཡུམ་ཆེན་ཡཀྴ་བེ་ཏ་ལི། །སྐུ་གསུང་ཐུགས་ཀྱི་མགོན་པོ་དང་། །ཕྱོགས་བཅུའི་མགོན་པོའི༴ འཁོར་དང་བཅས་པའི༴ ལྷ་དམག་བྱེ་བའི༴ བཀའ་བསྡོད་སྤྲུལ་པའི༴ དམ་བཅའ་མ་གཡེལ་མྱུར་དུ་སྒྲུབ། །བདག་གི་བསྟན་དགྲ་དམ་ཉམས་འདི། །བསྒྲལ་བའི་ཞིང་དུ་གྱུར་པ་སྟེ། དང་པོ་སངས་རྒྱས་བསྟན་པ་བཤིག །བར་དུ་དཀོན་མཆོག་དབུ་འཕངས་སྨད། །ཐ་མ་གསང་སྔགས་ཁྱད་དུ་བསད། །འཇིག་རྟེན་འདས་དང་འཇིག་རྟེན་པའི། །བསྲུང་མ་རྣམས་ཀྱི་སྐུ་ལ་བསྡོས། །རྣལ་འབྱོར་བདག་གི་སྒོས་དགྲ་བྱས། །སྟོང་ཁམས་ཕུང་ཞིང་རྒྱལ་ཁམས་བརླགས། །ངན་ཁྲིམས་བསྟན་པ་དར་བར་བྱས། །ཐེག་པ་ཆེན་པོའི་ཆོས་རྣམས་ནི། །འདི་ཡི་སྨད་ཅིང་ཁྱད་དུ་བསད། །ཁྱེད་རྣམས་མཐུ་དང་ནུས་པ་ཡིས། །སྡང་བའི་དགྲ་བོ་མྱུར་དུ་སྒྲོལ། །བདུད་ཀྱི་ཞགས་པ་ནག་པོས་ཆིངས། །གཤིན་རྗེ་ནག་པོའི་ཁྲམ་ལ་ཐོབས། །ཀླད་པ་དཀར་པོ་ཞོ་ལྟར་ད ཀྲུགས། །སྲོག་རྩ་དམར་པོ་རྦད་ཀྱིས་ཆོད། །དོན་སྙིང་དམར་པོ་ཞལ་གྱིས་གསོལ། །ཁོང་ཁྲག་དམར་པོ་ཧུབ་ཀྱིས་འཐུང་། །ཤ་ཁྲག་རུས་པའི་ཚོགས་རྣམས་ལ། །འཁོར་དང་བཅས་པའི་ལོངས་སྤྱོད་ཀྱིས། །དམ་ཉམས་སྡང་བའི་དགྲ་བོ་འདི། །ལོ་དང་ཟླ་བར་མ་བཏང་ཅིག །ཞག་དང་ཟ་མའི་ནང་དུ་སྒྲོལ། །ད་ལྟ་ཉིད་དུ་རྡུལ་དུ་རློགས། །ༀ་ཤྲཱྀ་མ་ཧཱ་ཀཱ་ལ་དགྲ་བོ་མ་ར་ཡ་ཧཱུྃ་ཕཊ༔ གཉིས་པ་མངའ་གསོལ་བྱ་བ་ལ། དཀྱིལ་འཁོར་གྱི་མདུན་དུ་ཟངས་སྣོད་གས་ཆག་མེད་པ། མཉྫིས་བཏེགས་པའི་ཁར་གཏོར་མ་སྐྱུ་གུ་ཤ་དུམ་གྱིས་བརྒྱན་པ་ལ་བཟའ་བ་གཡས་དང་། ཕུད་རྐོང་དུ་རིན་པོ་ཆེ་བདར་བའི་ཇ་ཆང་གི་སྐྱེམས་ཕུད་ཅི་རིགས་པའི། །

དཔལ་མགོན་ཚོགས་ཀྱི་བདག་པོའི་སྨད་ལས་ཀྱི་འདོན་འགྲིགས་དམ་བཅའ་བཞི་ལྡན་རྡོ་རྗེའི་མཚོན་ཆ།

༄༅། །དཔལ་མགོན་ཚོགས་ཀྱི་བདག་པོའི་སྨད་ལས་ཀྱི་འདོན་འགྲིགས་དམ་བཅའ་བཞི་ལྡན་རྡོ་རྗེའི་མཚོན་ཆ་ཞེས་བྱ་བ་བཞུགས། །

དཔལ་མགོན་ཚོགས་ཀྱི་བདག་པོའི་སྨད་ལས་གྱི་འདོན་འགྲིགས་དམ་བཅའ་བཞི་ལྡན་རྡོ་རྗེའི་མཚོན་ཆ་ཞེས་བྱ་བ། བླ་མ་དང་གཉིས་སུ་མེད་པའི་དཔལ་མགོན་མཐུ་སྟོབས་ཀྱི་བདག་པོ་ལ་ཕྱག་འཚལ་ལོ། ཆོས་ཅན་ངོ་བོས་སྟོང་ཀྱང་ཆོས་ཉིད་འགྱུར་མེད་རྡོ་རྗེའི་རང་བཞིན་ཅན། སྤྲོས་ཀུན་དབྱིངས་སུ་ཟད་ཀྱང་ཞི་ཆགས་ཁྲོ་བོའི་གཟུགས་སྐུ་ལྷུན་གྱིས་གྲུབ། འཁོར་འདས་གཉིས་སུ་མེད་ཀྱང་འགྲོ་དོན་རྒྱུན་ཆད་མེད་པའི་དཔལ་ཡོན་ཅན། གཟུང་འཛིན་བློ་ལས་འདས་ཀྱང་བླ་མ་མགོན་པོ་འདྲུལ་མེད་པས་སྐྱོངས། མི་སྡུག་བྲིན་གཟུགས་ཀྱིས་བདུད་དཔུང་གཞོམ། དྲག་ཤུལ་ང་རོའི་སྒྲ་ཡིས་ལྷ་མིན་བསྐྲད། རབ་ཁྲོས་སྙིང་རྗེའི་ཐུགས་ཀྱིས་འགྲོ་དྲུག་སྒྲོལ། དཔལ་མགོན་ཚོགས་ཀྱི་བདག་པོས་རྒྱལ་བསྟན་སྲུངས། ནག་པོ་ཆེན་པོའི་ཕྲིན་ལས་ཞོང་འཐུང་རུས་པ་ལས། བྱུང་བའི་འབོད་རྦད་བསད་མནན་དམ་བཅའ་བཞི་ལྡན་གྱི། རྩེ་བརྒྱ་རབ་གདེངས་རྡོ་རྗེའི་མཚོན་ཆ་ངར་ལྡན་འདི། སྔགས་འཆང་མིག་སྟོང་ལྡན་པའི་ཚོགས་ལ་ལག་ཆར་གཏད། དེ་ལ་འདིར་དཔལ་མགོན་ཚོགས་ཀྱི་བདག་པོའི་སྨད་ལས་དགྲ་བགེགས་སྒྲོལ་བའི་ལས་རིམ་ལ་སྤྱི་དོན་རྣམས་གཉིས་སྟེ། དང་པོ་བར་ཆ་ནི། སྤྱིར་རྦད་པའི་ལས་གཏོར་ཡིན་ནའང་འདིའི་གཞུང་དངོས་ཀྱིས་ཚིག་གིས་གསལ་བས། བཟློག་པའི་ཆོ་གར་སོམ་ཉི་བྲལ་བ་ལྟར། དེ་ལ་ནང་གསེས་ཀྱི་རྣམ་གྲངས་ལྔ་སྟེ། དེ་ལ་དང་པོ་རྟེན་དང་བརྟེན་པའི་དཀྱིལ་འཁོར་བསྐྱེད་པ་ནི། ༀ་སྭཱ་བྷ་ཝ་ཤུདྡྷ་སརྦ་དྷརྨཱ་སྭ་བྷ་ཝ་ཤུ དྷ྄ོ྅ཧཾ། གཏོར་མ་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་རང་གི་ཐུགས་ཀ་ནས་བྷྲུཾཿཅིག་སྤྲོས་པ་ལས། དུར་ཁྲོད་རྩུབ་འགྱུར་ཚལ། ཁྲག་གི་རྒྱ་མཚོ། ཤ་ཆེན་གྱི་ས་གཞི། ཞིང་ཆེན་གྱི་ཐང་བདལ། མི་རོ་རྟ་རོ་གཅལ་དུ་བཀྲམ་པ། མདུང་དང་རལ་གྲི་གཤིབས་པའི་དབུས་སུ། ཐོད་པ་དང་བམ་རོ་གསར་རྙིང་བརྩེགས་པའི་གཞལ་ཡས་ཁང་། གྲུ་བཞི་སྒོ་བཞི། དབུ་རྩེ་བྱ་འདབ་ལྔ་རིམ་ཐོག་ཁེབས། རྒྱན་རྟ་བབས་འཁོར་ཡུག་དང་བཅས་པའི་དབུས་སུ། དགྲ་བགེགས་བསྒྲལ་བའི་གདན་གྱི་སྟེང་དུ། མགོན་པོ་མ་ཧཱ་ཀཱ་ལ་སྐུ་མདོག་མཐིང་ནག་སྤྱན་གསུམ་མཆེ་བ་བཞི་གཙིགས་པ། དབུ་སྐྲ་དམར་སེར་མེ་ལྟར་འབར་བ། ཕྱག་གཡས་ཙན་དན་གྱི་བིང་གཡོན་ན་དྲི་ཤུལ་རྩེ་གསུམ་བསྣམས་པ། སྐུ་ལ་དར་ནག་གི་འཇོལ་བེར་མནབས་པ། གསེར་གྱི་སྐ་རགས་བཅིངས་པ། ཞབས་ལ་སག་ཏིའི་ལྷྭམ་མནབས་པ། རྟ་ནག་རྟིང་དཀར་ལ་བཅིབས་པ། དེའི་གཡས་སུ་སྲས་མཆོག་ཐོད་པ་རྩལ། སྐུ་མདོག་ནག་པོ་ཞལ་གཅིག་ཕྱག་གཉིས། རྟ་ནག་པོ་ལ་བཅིབས་པ། ཕྱག་ན་གྲི་གུག་དང་ཐོད་ཁྲག་འཛིན་པ། གཡོན་དུ་དགྲ་ལྷའི་རྒྱལ་མོ་སྐུ་མདོག་ནག་མོ་དྲེལ་རྟ་རྐང་གསུམ་ལ་བཅིབས་པ། ཕྱག་ན་མདུང་དང་རལ་གྲི་བསྣམས་པ། མགོན་པོའི་དམག་ཚོགས་འབུམ་གྱིས་བསྐོར་བའོ། དེའི་ཕྱི་རོལ་འཁོར་ལོ་རྩིབས་བཅུ་ལ། ཕྱོགས་སྐྱོང་བཅུ་བསྣོལ་བའི་སྟེང་དུ། ཤར་དུ་དཔལ་རབ་འཆང་གི་མགོན་པོ་སྐུ་མདོག་སྨུག་ནག རྟ་ངང་བ་རྔོག་སྔོན་ལ་བཅིབས་པ། ཕྱག་ན་རིན་པོ་ཆེའི་ཞགས་པ་བསྣམས་པ། འཁོར་དུ་དྲི་ཟའི་ཚོགས་ཀྱིས་བསྐོར་བ། ལྷོར་མགོན་པོ་ལེགས་ལྡན་སྐུ་མདོག་མཐིང་ནག །རྟ་ངང་དཀར་སེར་ཆེན་ལ་བཅིབས་པ། ཕྱག་ན་ཙན་དན་གྱི་བེང་ཆེན་བསྣམས་པ། འཁོར་དུ་གཤིན་རྗེའི་ཚོགས་ཀྱིས་བསྐོར་བ་ནུབ་ཏུ་བྲག་ལྷ་མགོན་པོ་སྐུ་མདོག་དམར་ནག །རྟ་མཚལ་བུ་རྟིང་དཀར་ལ་བཅིབས་པ། ཕྱག་ན་ཙན་དན་གྲུ་ཚད་བསྣམས་པ། འཁོར་དུ་ཀླུ་ཡི་ཚོགས་ཀྱིས་བསྐོར་བ། བྱང་དུ་རྣམ་ཐོས་སྲས་སྐུ་མདོག་སེར་པོ་སེང་གེ་ལ་བཅིབས་ཤིང་། ཕྱག་ན་རྒྱལ་མཚན་དང་ནེའུ་ལེ་བསྣམས་པ། འཁོར་དུ་གནོད་སྦྱིན་ཚོགས་ཀྱིས་བསྐོར་བ། ཤར་ལྷོ་ཨཱཪྱ་ཛམ་བྷ་ལ་སྐུ་མདོག་སྔོན་པོ། རྟ་སྔོན་པོ་ཆུ་རིས་ལ་བཅིབས་པ། ཕྱག་ན་མེ་ཡི་བ་དན་བསྣམས་པ། འཁོར་དུ་མེ་ལྷའི་ཚོགས་ཀྱིས་བསྐོར་བ། ལྷོ་ནུབ་ཏུ་ཉི་མའི་སྲས་པོ་ཨཱཪྱ་རེ་མནྟ། རྟ་ཁམ་པ་བརྗིད་དཀར་ལ་བཅིབས་པ། ཕྱག་ན་བ་དན་རུ་མཚོན་བསྣམས་པ། འཁོར་དུ་སྲིན་དམག་འབུམ་གྱིས་བསྐོར་བ། ནུབ་བྱང་དུ་ཤ་བ་རི་སྐུ་མདོག་ལྗང་གུ་རླུང་ལྷ་མྱུར་མགྱོགས་ལ་བཅིབས་པ། ཕྱག་ན་རུ་མཚོན་སྔོན་པོ་བསྣམས་པ། འཁོར་དུ་རླུང་ལྷའི་ཚོགས་ཀྱིས་བསྐོར་བ། བྱང་ཤར་དུ་རྣམ་པར་སྣང་མཛད་དབུ་རྒྱན་ཅན་སྐུ་མདོག་དཀར་པོ་ཆིབས་སུ་ཁྱུ་མཆོག་འབར་བ་ལ་བཅིབས་པ། ཕྱག་ན་ཁ་ཊཱཾ་རྩེ་གསུམ་བསྣམས་པ། འཁོར་དུ་འབྱུང་བོའི་ཚོགས་ཀྱིས་བསྐོར་བ། སྟེང་གི་མགོན་པོ་དུང་གི་ཐོར་ཚུགས་ཅན། རྟ་གྱི་ལིང་ཁ་དཀར་ལ་བཅིབས་པ། ཕྱག་ན་གནམ་ལྕགས་ཀྱི་རལ་གྲི་ཕྱར་བ། འཁོར་དུ་གཟའི་ཚོགས་ཀྱིས་བསྐོར་བ། འོག་ཏུ་ཤྲྀ་བཻརྟ་ལི་སྐུ་མདོག་སྨུག་ནག གླང་ཆེན་སྣ་རིང་ལ་བཅིབས་ཤིང་། ཕྱག་ན་སྟྭ་རེ་བསྣམས་པ། འཁོར་དུ་ས་བདག་ཚོགས་ཀྱིས་བསྐོར་བ། དེའི་ཕྱི་རིམ་འཁོར་ལོ་རྩིབས་བརྒྱད་ལ། ཤར་དུ་སྲིད་པ་ལྷ་ཡི་གཙོ་བོ་སྐུ་ལ་དར་དཀར་གྱི་རལ་ག་གསོལ་བ། ཕྱག་གཡས་ན་ཤེལ་གྱི་རལ་གྲི། གཡོན་པས་དར་མདུང་དཀར་པོ་ཕྱར་བ། ལྷ་གཡག་དཀར་པོ་ལ་བཅིབས་ཤིང་། ལྷ་དམག་འབུམ་གྱིས་བསྐོར་བ། ལྷོར་གཤིན་རྗེ་ཡ་མ་ར་ཛ་སྐུ་མདོག་ནག་པོ་མ་ཧེ་ལ་བཅིབས་པ། ཕྱག་ན་བེ་ཅོན་དང་ཐོད་དབྱུག་བསྣམས་པ། འཁོར་དུ་གཤིན་རྗེ་འབུམ་གྱིས་བསྐོར་བ། ནུབ་ཏུ་སྲིད་པའི་རྒྱལ་མོ་སྐུ་མདོག་ནག་མོ་གཡུ་འབྲུག་ལ་བཅིབས་པ། ཕྱག་ན་མདའ་དར་དང་མེ་ལོང་བསྣམས་པ། འཁོར་དུ་མ་མོ་འབུམ་གྱིས་བསྐོར་བ། བྱང་དུ་བདུད་པོ་སྐོས་རྗེ་དྲང་དཀར་སྐུ་མདོག་མཐིང་ནག་རྟ་ནག་རྟིང་དཀར་ལ་བཅིབས་ཤིང་། ཕྱག་ན་ཁྲམ་ཤིང་དང་དགྲ་སྟྭ་བསྣམས་པ། འཁོར་དུ་བདུད་དམག་འབུམ་གྱིས་བསྐོར་བ། ཤར་ལྷོའི་མཚམས་སུ་བཙན་རྗེ་སྲོག་ཟན་སྐུ་མདོག་དམར་པོ། རྟ་དམར་པོ་ལ་བཅིབས་ཤིང་། ཕྱག་ན་མདུང་དང་མདའ་གཞུ་བསྣམས་པ། འཁོར་དུ་བཙན་དམག་འབུམ་གྱིས་བསྐོར་བ། ལྷོ་ནུབ་ཏུ་དགྲ་ལྷའི་རྒྱལ་པོ་བེ་དཀར་སྐུ་མདོག་དཀར་པོ་སེང་གེ་ལ་བཅིབས་པ། ཕྱག་ན་གསེག་ཤིང་དང་པར་བུ་བསྣམས་པ། འཁོར་དུ་དགྲ་བླ་འབུམ་གྱིས་བསྐོར་བ། ནུབ་བྱང་དུ་གནོད་སྦྱིན་ཀ་ལ་ཡཀྴ་སྐུ་མདོག་སྔོན་པོ། སྟག་མོ་དྲུས་མ་ལ་བཅིབས་ཤིང་། ཕྱག་ན་རལ་གྲི་དང་ནོར་བུ་བསྣམས་པ། འཁོར་དུ་གནོད་སྦྱིན་འབུམ་གྱིས་བསྐོར་བ། བྱང་ཤར་དུ་ཀླུ་བདུད་འཆི་བདག་མགོ་དགུ་སྐུ་མདོག་དུད་ཁ་ཆུ་སྲིན་ལ་བཅིབས་ཤིང་། ཕྱག་ན་སྦྲུལ་ཞགས་དང་ནད་རྐྱལ་བསྣམས་པ། འཁོར་དུ་ཀླུ་བདུད་འབུམ་གྱིས་བསྐོར་བ། དེའི་ཕྱི་རོལ་དུ་གྲུ་ཆད་ལ། སྲིན་པོ་རོ་ལངས་མཁའ་འགྲོ་ཤུགས་འགྲོ་རྣམས་ཀྱིས་བསྐོར་ནས་བཞུགས་པའོ། དེའི་ཕྱི་རོལ་དུ་སྒོ་བཞི་ལ་རྒྱལ་པོ་ཆེན་པོ་སྡེ་བཞི་འཁོར་འབུམ་སྡེའི་ཚོགས་ཀྱིས་བསྐོར་བའོ། དེའི་ཕྱི་རོལ་དུ་འཁོར་ཡུག་ལ་འཇིག་རྟེན་དང་འཇིག་རྟེན་ལས་འདས་པའི་ལྷ་སྲིན་སྡེ་བརྒྱད་རྣམས་དང་། ཡེ་ཤེས་དང་ལས་ལ་གྲུབ་པའི་ཆོས་སྐྱོང་བའི་སྲུང་མ་རྣམས་དང་། སངས་རྒྱས་ཀྱི་བསྟན་པ་བསྲུང་བར་ཞལ་གྱིས་བཞེས་པའི་དྲེགས་བྱེད་དང་། མགྱོགས་བྱེད་ཀྱི་བྱ་ནག་ཀླད་ན་ལྡིང་བ། རྗེས་གཅོད་ཀྱི་ཁྱི་སྤྱང་མང་པོ་ངུ་ཞིང་རོལ་དུ་ཁྲིད་པ། རྔམ་བྱེད་ཀྱི་སྟག་གཟིག་མང་པོ་རྗེས་སུ་འབྲང་བ། མགོན་པོའི་འཁོར་དང་ཡང་འཁོར་སྤྲུལ་པ་དང་ཡང་སྤྲུལ་རྣམས་དང་། མགོ་བརྙན་དཔག་ཏུ་མེད་པ། ལག་ན་མཚོན་ཆ་སྣ་ཚོགས་བཟུང་ནས། དབྱར་གྱི་ཆར་སྤྲིན་གཏིབས་པ་ལྟར་གྱིས་བསྐོར་ནས་བཞུགས་པའོ། གཉིས་པ་སྤྱན་དྲངས་པ་ནི། བདག་གི་ཐུགས་ཀའི་ཡི་གེ་ཧཱུྃ་གཅིག་འཕྲོས་ནས། མདུན་གྱི་དམ་ཚིག་པ་རྣམས་ཀྱི་ཐུགས་ཀར་ཕོག དེ་རྣམས་ཀྱི་གནས་གསུམ་དུ་ༀ་ཨཱཿཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཆོས་ཀྱི་སྐུ་ལས། གཟུགས་སྐུ་མགོན་པོའི་ལྷ་ཚོགས་སུ་བཞེངས་ནས་མགོན་པོ་འཁོར་བཅས་སྤྱན་དྲངས་པར་གྱུར། བཛྲ་ས་མ་ཡ་ཛ་ཛ༔ ཛ༔ ཧཱུྃ་བཾ་ཧོ༔ བསྭོ། ཆོས་དབྱིངས་ཀུན་ཁྱབ་ནམ་མཁའི་ཀློང་དཀྱིལ་ནས། དུས་གསུམ་སངས་རྒྱས་སྤྲོས་མེད་ངང་བཞུགས་ཀྱང་། འགྲོ་དྲུག་སེམས་ཅན་དབྱིངས་སུ་འདྲེན་པའི་ཕྱིར། ལོངས་སྤྲུལ་ལ་སོགས་གདུལ་བྱའི་མཐུན་སྣང་བཞིན། དཔག་མེད་མཛད་པས་སངས་རྒྱས་པར་བཀོད་ཀྱང་། སྙིགས་དུས་དེ་ཡིས་མ་འདུལ་ལོག་ལྟ་བྱུང་། དགྲ་བགེགས་འདུལ་ཕྱིར་ཕྲིན་ལས་གཅིག་བསྡུས་པ། རྔམ་བརྗིད་ཁྲོ་བོའི་ཆ་ལུགས་བརྗིད་པར་སྤྲུལ། ལོག་ལྟ་བསྒྲལ་ནས་ཐར་བའི་ལམ་མཆོག་སྟོན། ལྷ་མི་གཉིས་ཀྱི་དགྲ་ལྷ་མགོན་པོ་ཡིན། འོ་སྐོལ་བཅོམ་ལྡན་འདས་ཀྱི་མཚན་གསོལ་བའི། མགོན་པོ་འཁོར་བཅས་སྤྱན་འདྲེན་གཤེགས་སུ་གསོལ། བསྭོ་ཆོས་དབྱིངས་སྐྱེ་མེད་ནམ་མཁའི་ངང་ཉིད་ལས། དབྱིངས་ལ་སྤྱན་འདྲེན་བཞེངས་བཞུད་མི་མངའ་ཡང་། ལོག་ལྟའི་དགྲ་བགེགས་བསྒྲལ་བའི་དོན་ཆེད་དུ། མགོན་པོ་འཁོར་བཅས་སྤྱན་འདྲེན་གཤེགས་སུ་གསོལ། བསྭོ་རྡོ་རྗེ་ཆོས་དབྱིངས་ནམ་མཁའི་དབྱིངས་རིམ་ན། དགྲ་བླ་མགོན་པོ་འཁོར་དང་བཅས་པ་རྣམས། བདག་ཅག་རྣམས་ཀྱི་རེ་བ་བསྐང་བའི་ཕྱིར། གནས་མཆོག་འདི་རུ་སྤྱན་འདྲེན་གཤེགས་སུ་གསོལ། བསྭོ་རི་རབ་རྣམ་པར་རྒྱལ་བའི་ཁང་བཟང་ནས། ཚངས་པ་བརྒྱ་བྱིན་ཉེ་དབང་སུམ་ཅུ་ཡི། དགྲ་བླ་མགོན་པོ་འཁོར་དང་བཅས་པ་རྣམས། མཆོད་པའི་གནས་འདིར་སྤྱན་འདྲེན་གཤེགས་སུ་གསོལ། བསྭོ་རྩུབ་འགྱུར་ཚལ་གྱི་དུར་ཁྲོད་ཆེན་པོ་ནས། འཕགས་པ་སྤྱན་རས་གཟིགས་དང་རྣམ་ཐོས་སྲས། ཞལ་གྱིས་བཞེས་པའི་མགོན་པོ་འཁོར་བཅས་རྣམས། མཆོད་པའི་གནས་འདིར་སྤྱན་འདྲེན་གཤེགས་སུ་གསོལ། བསྭོ་སྲིད་གསུམ་གྲོང་ཁྱེར་ནམ་མཁའི་ཀློང་དཀྱིལ་ནས། ཚོགས་བདག་མགོན་པོ་མ་ཧཱ་ཀཱ་ལ་དང་། སྲས་མཆོག་ཁྲོ་བོ་གྲི་གུག་ཐོད་ཁྲག་ཅན། བཙུན་མོ་མ་མོ་དགྲ་བླའི་རྒྱལ་མོ་དང་། ཡབ་ཡུམ་འཁོར་བཅས་སྤྱན་འདྲེན་གཤེགས་སུ་གསོལ། བསྭོ་ཕྱོགས་བཅུའི་ནམ་མཁའ་ཡངས་པའི་ཀློང་དཀྱིལ་ནས། དཔལ་རབ་འཆང་ཆེན་དང་ནི་ལེགས་ལྡན་དང་། བྲག་ལྷ་མགོན་པོ་དང་ནི་རྣམ་ཐོས་སྲས། ཛམ་ལྷ་ཉི་མའི་སྲས་པོ་རེ་མནྟ། ཤ་བ་རི་དང་རྣམ་པར་སྣང་མཛད་དང་། ཐོར་ཚུགས་ཅན་དང་ཤྲྀ་བཻ་ཏ་ལི། འཁོར་དང་བཅས་པ་མ་ལུས་གཤེགས་སུ་གསོལ། བསྭོ་བར་སྣང་ཕྱོགས་མཚམས་སྟེང་འོག་ནས། ལྷ་དང་གཤིན་རྗེ་མ་མོ་དང་། བདུད་བཙན་དགྲ་བླ་གནོད་སྦྱིན་དང་། ཀླུ་བདུད་ལ་སོགས་སྡེ་བརྒྱད་རྣམས། མ་ལུས་གནས་འདིར་གཤེགས་སུ་གསོལ། སངས་རྒྱས་བསྟན་པ་བསྲུང་བར་ཞལ་བཞེས་པའི། མགོན་པོའི་བཀའ་འཁོར་འཇིག་རྟེན་པ། དྲེགས་བྱེད་འཁོར་དང་བཅས་པ་རྣམས། ལོག་ལྟའི་དགྲ་བགེགས་བསྒྲལ་བའི་ཕྱིར། མཆོད་པའི་གནས་འདིར་གཤེགས་སུ་གསོལ། ཛཿཧཱུྃ་བམ་ཧོ༔ གསུམ་པ་བཞུགས་སུ་གསོལ་བ་ནི། ཧཱུྃ་རྡོ་རྗེ་བྲག་ཆེན་རབ་ཏུ་གཏམས་པ་དང་། ཉི་ཟླ་པདྨ་རིན་ཆེན་བརྩེགས་པའི་སྟེང་། ལྷ་མིན་གདུག་པའི་དམག་དཔུང་ཚར་གཅོད་པ། ལེགས་ལྡན་ནག་པོ་འཁོར་བཅས་བཞུགས་སུ་གསོལ། ཤྲྀ་མ་ཧཱ་ཀཱ་ལ་རུ་ཊ་བམ། ས་མ་ཡ་ཏིཥྛ་ལྷན། ཀྱཻ་ཕྱོགས་བཅུའི་སངས་རྒྱས་ཀུན་གྱི་ངོ་བོ་ཉིད། འགྲོ་བའི་མགོན་པོ་སྤྱན་རས་གཟིགས་དབང་དང་། མ་ཧཱ་ཀཱ་ལ་མགོན་པོ་འཁོར་བཅས་རྣམས། གནས་མཆོག་ལྷ་གཞི་འདི་ལ་བཞུགས་སུ་གསོལ། རིག་འཛིན་སྔགས་འཆང་རྣལ་འབྱོར་བདག་ཅག་གིས། མདའ་ནས་ཀུ་འདེབས་བྱས་ན་ཕུ་ནས་སྙན་མ་སྲ། ཕུ་ནས་གཡབ་འདེབས་བྱས་ན་མདའ་ནས་སྤྱན་མ་རྡུལ། སྙན་སྲ་སྤྱན་རྡུལ་བྱེད་ན་ཅི་ལ་འགྲོགས། ཕྱོགས་བཞི་མཚམས་བརྒྱད་གང་ན་གནས་པ་ཡིས། སྙན་ངག་ཚིག་གིས་བརྒྱ་སྟོང་འབོད་ན་ཡང་། གཞན་ལ་མ་བཞུད་གནས་འདིར་བརྟན་པར་བཞུགས། དམ་ཚིག་བདག་པོས་བརྒྱ་སྟོང་བསྙེན་ན་ཡང་། ལྷ་གཞི་འདི་ལ་བརྟན་པར་བཞུགས་སུ་གསོལ། ས་མ་ཡ་སྟྭམ། བཞི་བ་མཆོད་པ་འབུལ་བ་ནི། ཀྱཻ་མགོན་པོ་འཁོར་དང་བཅས་པ་ལ། དགྲ་བགེགས་བསྒྲལ་བའི་དོན་ཆེད་དུ། ཡན་ལག་བརྒྱད་ལྡན་དྲི་མེད་ཡོན་ཆབ་དང་། ཨུ ཏ་པལ་མེ་ཏོག་ཆུ་སྐྱེས་ཐང་སྐྱེས་དང་། ཙན་དན་ལ་སོགས་སྤང་སྤོས་རྒྱ་སྤོས་དང་། ཉི་ཟླ་ལ་སོགས་གསལ་བྱེད་མར་མེ་དང་། ཛ་ཏི་ག་བུར་སྨན་སྣ་དྲི་ཆབ་དང་། འབྲས་འབྲུའི་ཁྲེ་ཙི་ཞལ་ཟས་ཕུང་པོ་དང་། རྔ་དང་ཆ་ལང་སིལ་སྙན་དཔག་མེད་རྣམས། མགོན་པོ་འཁོར་དང་བཅས་ལ་མཆོད་པ་འབུལ། སྐུ་གསུང་ཐུགས་རྣམས་མཉེས་ཤིང་ཚིམ་གྱུར་ཅིག གཟུགས་དབྱིབས་ཁ་དོག་སྣ་ཚོགས་སྤྱན་ལ་འབུལ། པི་ཝཾ་རྔ་སྒྲ་གླུ་དབྱངས་སྙན་ལ་འབུལ། སྣང་སྲིད་དྲི་ཞིམ་བདུག་སྤོས་ཤངས་ལ་འབུལ། ཁ་མངར་སྐྱུར་འབྲས་རོ་མཆོག་ལྗགས་ལ༴ སྲབ་འཇམ་བདེ་བསྐྱེད་རེག་བྱ་སྐུ་ལ༴ འཁོར་འདས་སྣང་སྟོང་སྒྱུ་མ་ཐུགས་ལ༴ གསེར་དངུལ་ལ་སོགས་རིན་ཆེན་སྣ་ཚོགས་དང་། རྒྱལ་སྲིད་སྣ་བདུན་བཀྲ་ཤིས་རྫས་བརྒྱད་དང་། ཉེ་བ་ལྔ་དང་དཀར་གསུམ་མངར་གསུམ་འབུལ། རི་རྒྱལ་ལྷུན་པོ་ལྟ་བུའི་གཏོར་མ་དང་། དགྲ་བགེགས་ཤ་ཁྲག་སྤུངས་བའི་མཆོད་པ་འབུལ། རིན་ཆེན་སྣོད་ཡངས་བཀང་བའི་རོལ་མཚོ་བཞིན། འབྲས་ཆང་རྒུན་ཆང་ལ་སོགས་བདུད་རྩི་འབུལ། ཁྱུང་དང་ཤང་ཤང་ལ་སོགས་པའི། འདབ་ཆགས་བརྒྱ་ཡི་མཆོད་པ་འབུལ། སེང་སྟག་དོམ་དྲེད་ལ་སོགས་པའི། སྡེར་ཆགས་བརྒྱ་ཡི་མཆོད་པར་འབུལ། རྟ་མཆོག་མ་ཧེ་ལ་སོགས་པའི། རྨིག་ཅན་བརྒྱ་ཡི་མཆོད་པར་འབུལ། གླང་ཆེན་སྟོབས་ལྡན་ལ་སོགས་པའི། ཡུན་དྭགས་བརྒྱ་ཡི་མཆོད་པ་འབུལ། ཆུ་སྲིན་ནག་པོ་ལ་སོགས་པའི། ཆུ་གནས་བརྒྱ་ཡི་མཆོད་པ་འབུལ། དངོས་འབྱོར་ཡིད་ཀྱིས་རྣམ་སྤྲུལ་པའི། ཀུན་བཟང་མཆོད་སྤྲིན་ཕུང་པོ་འདི། མགོན་པོ་འཁོར་དང་བཅས་ལ་འབུལ། བདག་དང་ཡོན་བདག་འཁོར་བཅས་ཀྱི། བར་ཆད་རྐྱེན་ངན་བཟློག་ཏུ་གསོལ། ཚེ་དང་བསོད་ནམས་རྒྱས་པ་དང་། བསམ་པ་ཡིད་བཞིན་འགྲུབ་པར་མཛོད། ལྔ་བ་བསྟོད་པ་ནི། ཧཱུྃ་ཟླ་གམ་དམར་ནག་རྡོ་རྗེའི་བྲག་སྟེང་ནས། མདུང་དང་རལ་གྲི་གཤིབས་པའི་ཕོ་བྲང་ནས། བམ་ཆེན་ཕོ་མོ་བསྣོལ་བའི་ཁྲི་སྟེང་ནས། མ་ཧཱ་ཀཱ་ལ་ཚོགས་ཀྱི་བདག་པོ་ནི། སྐུ་མདོག་མཐིང་ནག་འཇིགས་པའི་གཟུགས། སྤྱན་གསུམ་མཆེ་བ་གཙིགས་པའི་ཞལ། དབུ་སྐྲ་ཁམ་ནག་ཐོར་ཚུགས་ཅན། མཐིང་ནག་དར་གྱི་ཅོད་པཎ་ཅན། སྐུ་ལ་དར་ནག་བེར་ཆེན་གསོལ། གསེར་སྐུད་སེར་པོའི་སྐ་རགས་བཅིངས། སྦྲུལ་དང་ཐོད་པའི་ཕྲེང་བས་བརྒྱན། ཕྱག་གཡས་ཙན་དན་བེང་ཆེན་འཕྱར། གཡོན་པས་མདུང་དང་རུ་མཚོན་ཕྱར། ཆིབས་སུ་རྟ་ནག་ཕུམ་དམར་བཅིབས། འཇིག་རྟེན་ལྷ་དམག་ཡོངས་ཀྱི་གཙོ། ལྷ་མིན་གཡུལ་བཟློག་མཐུ་རྩལ་ཅན། ནག་པོ་ཆེན་པོ་ཁྱོད་ལ་བསྟོད། དམར་གྱི་གཏོར་མ་རྒྱན་ཅན་དང་། བདུད་རྩི་དམ་པ་འདི་བཞེས་ལ། དགྲ་བགེགས་གཉིས་ཀྱི་གཡུལ་ངོ་བཟློག བཅོལ་བའི་ཕྲིན་ལས་གྲུབ་པར་མཛོད། ཧཱུྃ་སྲས་མཆོག་ཆེན་པོ་ཐོད་པ་རྩལ། སྐུ་མདོག་ནག་པོ་འཇིགས་པ་ལ། སྤྱན་གསུམ་མཆེ་བ་རབ་ཏུ་གཙིགས། དབུ་སྐྲ་དམར་སེར་གྱེན་དུ་བརྫིས། སྐུ་ལ་འཇོལ་བེར་ནག་པོ་གསོལ། ཕྱག་གཉིས་གྲི་གུག་ཐོད་ཁྲག་འཛིན། ཆིབས་སུ་རྟ་ནག་རྟིང་དཀར་བཅིབས། དགྲ་བགེགས་གཡུལ་བཟློག་མཐུ་བོ་ཆེ། སྲས་མཆོག་རྒྱལ་པོ་ཁྱེད་ལ་བསྟོད། དམར་གྱི་གཏོར་མ་རྒྱན་ཅན་དང་། བདུད་རྩི་དམ་པ་འདི་བཞེས་ལ། དགྲ་བགེགས་གཉིས་ཀྱི་གཡུལ་ངོ་བཟློག བཅོལ་བའི་འཕྲིན་ལས་འགྲུབ་པར་མཛོད། བྷྱོ་སྲིང་མོ་ཆེན་མོ་དཀའ་བཟློག་མ། འདོད་ཁམས་ལྷ་མོ་རེ་མ་ཏི། གཅེར་བུ་ཁྲག་གི་རལ་གཡེངས་མ། ལག་ན་མདུང་དང་རལ་གྲི་བསྣམས། ནག་མོ་མཆེ་བ་གཙིགས་པའི་ཞལ། ལྷ་རྣམས་ཀུན་གྱི་མཆོད་ཅིང་བསྟོད། ལྷ་མིན་དམག་ཚོགས་འཇོམས་མཛད་ཅིང་། གཅེར་བུ་བོང་ཞོན་ཁྱོད་ལ་བསྟོད། དམར་གྱི་གཏོར་མ་རྒྱན་ཅན་དང་། བདུད་རྩི་དམ་པ་འདི་བཞེས༴ དགྲ་བགེགས་གཉིས་ཀྱི་གཡུལ་ངོ་ཟློག བཅོལ་བའི༴ ཧཱུྃ་ཤར་ཕྱོགས་མགོན་པོ་དཔལ་རབ་འཆང་། སྐུ་མདོག་དཀར་པོ་རྒྱན་གྱིས་མཛེས། ཆིབས་སུ་ངང་བ་རྔོག་ནག་བཅིབས། ཕྱག་གཡས་ཉི་ཟེར་ཞགས་པ་བསྣམས། གཡོན་པས་མདུང་དར་དཀར་པོ་ཕྱར། ལྷ་བརྒྱད་འཁོར་གྱིས་བསྐོར་ལ་བསྟོད། ཧཱུྃ་ལྷོ་ཕྱོགས་ལེགས་ལྡན་ནག་པོ་ཆེ། སྐུ་མདོག་མཐིང་ནག་བེར་ཆེན་མནབས། ཆིབས་སུ་རྟ་ནག་རྟིང་དཀར་ཆིབས། ཕྱག་ན་ཙན་དན་གྲུ་ཚད་བསྣམས། གཤིན་རྗེའི་འཁོར་གྱིས་བསྐོར་ལ་བསྟོད། ཧཱུྃ་ནུབ་ཕྱོགས་བྲག་ལྷ་མགོན་པོ་ནི། སྐུ་མདོག་དམར་ནག་རྒྱ་བེར་ཀླུབས། ཆིབས་སུ་མཚལ་བུ་རྟིང་དཀར་བཅིབས། ཕྱག་ན་ནེའུ་ལེ་རྐྱལ་བ་བསྣམས། ཀླུ་བརྒྱད་འཁོར་གྱིས་བསྐོར་ལ་བསྟོད། ཧཱུྃ་བྱང་ཕྱོགས་མགོན་པོ་རྣམ་ཐོས་སྲས། སྐུ་མདོག་སེར་པོ་གསེར་ཁྲབ་ཅན། ཕྱག་ན་གནམ་ལྕགས་མདུང་དར་བསྣམས། ཆིབས་སུ་སེང་གེ་དཀར་མོ་བཅིབས། གནོད་སྦྱིན་བརྒྱད་ཀྱིས་བསྐོར་ལ་བསྟོད། ཧཱུྃ་ཤར་ལྷོར་མགོན་པོ་ཛམ་བྷ་ལ། སྐུ་མདོག་སྔོན་པོ་ཟ་འོག་གསོལ། ཆིབས་སུ་སྔོན་པོ་ཆུ་རིས་བཅིབས། ཕྱག་གཉིས་མདུང་དང་ནེའུ་ལེ་བསྣམས། གནམ་ཁྱི་བརྒྱད་ཀྱིས་བསྐོར་ལ་བསྟོད། ཧཱུྃ་ལྷོ་ནུབ་མགོན་པོ་ཨཱཪྱ་རེ་མནྟ། སྐུ་མདོག་མཐིང་ནག་བསེ་ཁྲབ་གསོལ། ཆིབས་སུ་ངང་བ་རྔོག་ནག་བཅིབས། ཕྱག་གཉིས་རུ་མཚོན་དམར་པོ་ཕྱར། གཉན་ཆེན་བརྒྱད་ཀྱིས་བསྐོར་ལ་བསྟོད། ཧཱུྃ་ནུབ་བྱང་མགོན་པོ་ཤ་བ་རི། སྐུ་མདོག་དུད་ཁ་འཇིགས་པའི་གཟུགས། ཆིབས་སུ་རླུང་ལྷ་མྱུར་མགྱོགས་བཅིབས། ཕྱག་གཉིས་འཁོར་ལོ་རྩིབས་བརྒྱད་བསྣམས། རྒྱུ་སྐར་འཁོར་གྱིས་བསྐོར་ལ་བསྟོད། ཧཱུྃ་བྱང་ཤར་དཔལ་རབ་མགོན་པོ་ནི། སྐུ་མདོག་དཀར་སེར་བེར་ནག་གསོལ། ཆིབས་སུ་གླང་པོའི་རྒྱལ་པོ་བཅིབས། ཕྱག་གཉིས་མདའ་ཞུ་རལ་གྲི་བསྣམས། ཧལ་ཁྱི་བརྒྱད་ཀྱི་བསྐོར་ལ་བསྟོད། ཧཱུྃ་སྟེང་ཕྱོགས་མགོན་པོ་དུང་གི་ཐོར་ཚུགས་ཅན། སྐུ་མདོག་དཀར་ལ་དར་དཀར་མནབས། ཆིབས་སུ་ངང་བ་རྔོག་ནག་བཅིབས། ཕྱག་གཉིས་གཅོད་པའི་རལ་གྲི་ཕྱར། གཟའ་ཆེན་བརྒྱད་ཀྱིས་བསྐོར་ལ་བསྟོད། ཧཱུྃ་འོག་ཕྱོགས་རཀྴ་གཟི་འབར་ནི། སྐུ་མདོག་ནག་པོ་དར་ལྗང་གསོལ། ཆིབས་སུ་དུར་ཕག་ནག་པོ་བཅིབས། ཕྱག་གཉིས་གསེར་གྱི་སྟྭ་རེ་འཛིན། ས་བདག་བརྒྱད་ཀྱིས་བསྐོར་ལ་བསྟོད། ཧཱུྃ་ཤར་ཕྱོགས་ལྷ་ཡི་རྒྱལ་པོ་ནི། ལྷ་དམག་འབུམ་གྱི་དབུས་ན་བཞུགས། དུས་འཁྲུགས་གཏོང་བའི་མཐུ་བོ་ཆེ། ལྷ་ཡི་ཀིཾ་ཀ་ཁྱེད་ལ་བསྟོད། ལྷོ་ཕྱོགས་གཤིན་རྗེའི་རྒྱལ་པོ་ནི། གཤིན་རྗེ་འབུམ་གྱི་དབུས་ན་བཞུགས། གོད་ཡམས་གཏོང་བའི་མཐུ་བོ་ཆེ། ཚེ་བདུད་སྲོག་བདག་ཁྱེད་ལ་བསྟོད། ནུབ་ཕྱོགས་སྲིད་པའི་རྒྱལ་མོ་ནི། མ་མོ་འབུམ་གྱི་དབུས་ན་བཞུགས། ནད་རིམས་གཏོང་བའི་མཐུ་བོ་ཆེ། དལ་ཡམས་བདག་པོ་ཁྱེད་ལ་བསྟོད། བྱ ང་ཕྱོགས་བདུད་ཀྱི་རྒྱལ་པོ་ནི། བདུད་དམག་འབུམ་གྱི་དབུས་ན་བཞུགས། ཚེ་སྲོག་གཅོད་པའི་མཐུ་བོ་ཆེ། བདུད་ཀྱི་རྒྱལ་པོ་ཁྱེད་ལ་བསྟོད། ཤར་ལྷོ་བཙན་གྱི་རྒྱལ་པོ་ནི། བཙན་དམག་འབུམ་གྱི་དབུས་ན་བཞུགས། གྲི་ཐབས་གཏོང་བའི་མཐུ་བོ་ཆེ། ཤན་པ་དམར་པོ་ཁྱེད་ལ་བསྟོད། ལྷོ་ནུབ་བེ་དཀར་རྒྱལ་པོ་ནི། འགོང་པོ་འབུམ་གྱི་དབུས་ན་བཞུགས། སྨྱོ་འབོག་གཏོང་བའི་མཐུ་བོ་ཆེ། དགྲ་བླའི་རྒྱལ་པོ་ཁྱེད་ལ་བསྟོད། ནུབ་བྱང་གནོད་སྦྱིན་རྒྱལ་པོ་ནི། གནོད་སྦྱིན་འབུམ་གྱི་དབུས་ན་བཞུགས། ཐོག་སེར་གཏོང་བའི་མཐུ་བོ་ཆེ། སྟོབས་ལྡན་རྒྱལ་པོ་ཁྱེད་ལ་བསྟོད། བྱང་ཤར་ཀླུ་ཡི་རྒྱལ་པོ་ནི། ཀླུ་བདུད་འབུམ་གྱི་དབུས་ན་བཞུགས། མཛེ་ནད་གཏོང་བའི་མཐུ་བོ་ཆེ། དུག་ལྔ་འབར་བ་ཁྱེད་ལ་བསྟོད། རྒྱལ་ཆེན་བཞི་དང་ཕྱོགས་སྐྱོང་བཅུ། དྲེགས་པ་འབུམ་གྱི་ཚོགས་ལ་བསྟོད། བྱ་ནག་འབུམ་དང་ཁྱི་ནག་འབུམ། ཤན་པ་འབུམ་གྱི་ཚོགས་ལ་བསྟོད། ཧཱུྃ་དཔལ་ལྡན་མགོན་པོའི་དམག་ཚོགས་ཀྱིས། དམར་གྱི་གཏོར་མ་རྒྱན་ཅན་དང་། །བདུད་རྩི་དམ་པ་འདི་བཞེས་ལ། རྣལ་འབྱོར་བདག་གི་བསམ་པ་སྒྲུབས། ཡོན་བདག་མི་ནོར་སྲུངས་སྐྱོབས་མཛོད། དགྲ་བགེགས་གཉིས་ཀྱི་གཡུལ་ངོ་ཟློགས། བཅོལ་པའི་ཕྲིན་ལས་གྲུབ་པར་མཛོད། དེ་ལྟར་བསྟོད་ཅིང་ཕྲིན་ལས་བཅོལ་པའི་ལས་རིམ་གྲུབ་ནས། བཟླས་པ་ལ་འཇུག་པ་ནི། བདག་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས། ཚོགས་བདག་ལ་ཕོག་པས་ཚོགས་བདག་གཙོ་འཁོར་ལས་འོད་ཟེར་སེར་པོའི་ཚོགས་དཔག་ཏུ་མེད་པ་འཕྲོས་ནས་བྱུང་བས། བདག་ཅག་ལ་ཕོག་པ་ཙམ་གྱིས་ཚེ་དང་བསོད་ནམས་དཔལ་དང་འབྱོར་བ། བཀྲ་ཤིས་པའི་རྟགས་བརྒྱད་རྒྱལ་སྲིད་སྣ་བདུན་ལ་སོགས་འདོད་ཡོན་སྣ་ཚོགས་ཀྱི་ཆར་བབས་ནས་བཀྲ་ཤིས་བདེ་ལེགས་ཕུན་སུམ་ཚོགས་པར་བསམ། སྒྲུབ་པ་བྱེད་ན། རང་གི་ཡིད་དམ་གྱི་ཐུགས་ཀའི་སྔགས་ཕྲེང་གི་ཕྱི་རོལ་དུ་མགོན་པོའི་སྔགས་ཀྱིས་འཁོར་བར་དམིགས། གསུམ་ལ་ཡང་དེ་ལྟར་དམིགས་ལ། ཐོག་མར་དབང་དུ་བསྡུ་ཞིང་ཟིལ་གྱིས་གནོན་པའི་སྔགས་འདི་བགྲང་ངོ་། ༀ་ཤྲཱྀ་མ་ཧཱ་ཀཱ་ལ་ག་ཎ་གུ་ཏི་ཀཱ་མ་ལ་ཤྲཱྀ་ནག་མོ་ཏི་ལ་བྷྱོ༔ ཅེས་བརྒྱ་རྩ་བརྒྱད་ལ་སོགས་པ་མང་དུ་བཟླས་པས་སྲོག་གི་སྙིང་པོ་ཕུལ་བར་བསྒོམ་མོ། དེ་ནས་བསྙེན་པ་བྱ་བ་ནི། དེ་ཡང་གནད་ཀྱི་མན་ངག་གདམ་པ་སྟེ། རྒྱུད་ལས་ལྔ་འདུས་དངས་མ་འོད་ཀྱི་གའུ་ནས། རྩ་འདུས་ལས་ཀྱིས་འབྲེལ་བའི་སྲོག་སྙིང་ཕུལ། ཞེས་པ་ནི་འདི་ཡིན་ནོ། བདག་ཧེ་རུ་ཀའི་ཐུགས་ཀའི་ཧཱུྃ་གི་རྒྱབ་ཏུ་སྔགས་འཁོར་ལས་འོད་ཟེར་ཁ་དོག་སྣ་ལྔའི་གུར་ཆེ་ཆུང་བྱ་མ་སར་གྱི་སྒོ་ང་ཙམ་པ་གཅིག་བསམ། དེ་ལས་འོད་ཟེར་འཕྲོས་པས་ཚོགས་བདག་གི་སྤྱི་བོར་སྤྱན་རས་གཟིགས་ལ་ཕོག དེ་ལས་འོད་ཟེར་མར་འཕྲོས་ཚོགས་བདག་ལ་ཕོག་པས་སྔོན་གྱི་དམ་ཚིག་དྲན་ནས། དེའི་འོད་ཟེར་འཁོར་ཐམས་ཅད་ལ་རིམ་བཞིན་དུ་ཕོག འཁོར་རྣམས་ཀྱིས་དམ་ཚིག་དྲན་ནས་འདར་ཕྲི་ལི་ལི་བྱེད་ཅིང་། དྲན་པ་བསྐུལ་ནས་དེ་རྣམས་ཀྱི་སྲོག་སྙིང་དེ་འོད་ཁ་དོག་སྣ་ལྔའི་ཚུལ་དུ་གཅིག་གིས་གཅིག་བསྐུལ་ནས་ཡར་ཕུལ་ནས་ལས་མགོན་གསུམ་ལ་ཕུལ། ལས་མགོན་གསུམ་གྱིས་དེ་རྣམས་ཀྱིས་ཕུལ་བའི་སྲོག་སྙིང་ཐམས་ཅད་དང་། རང་གི་སྲོག་གི་སྙིང་པོ་འོད་ཀྱི་རྣམ་པ་དེ་ཡང་རིམ་བཞིན་དུ་བརྒྱུད་དེ་མགོན་པོ་ལ་ཕུལ་བས། མགོན་པོས་སྔོན་གྱིས་དམ་ཚིག་དྲན་ནས། བདག་གིས་བཀའ་ཉན་གསུང་སྡོད་ཅི་བཅོལ་པའི་ལས་ཐམས་ཅད་མྱུར་དུ་བྱེད་པར་ཁས་བླངས་དམ་བཅས་ནས། སྲོག་གི་སྙིང་པོ་ཡི་གེ་ཧཱུྃ་གི་ཚུལ་དུ་བདག་ལ་ཕུལ་ནས། ཐུགས་ཀའི་ཧཱུྃ་གི་ཞབས་ཀྱུའི་ནང་དུ་ཚུད་པར་བསམ་ལ། སྲོག་སྙིང་གཏའ་རུ་གཟུང་བའི་མན་ངག་གོ ཡང་བདག་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས་པས། མགོན་པོ་འཁོར་དང་བཅས་པའི་ཐུགས་ཀར་ཕོག་པས་དེ་རྣམས་ཀྱི་སྲོག་གི་སྙིང་པོ་མདོངས་གསོལ་དུ་ཕུལ་བ་ནི། ཉི་མའི་ཟེར་རམ་གདུགས་ཀྱིས་རྩིབས་བཞིན་དུ་བདག་གིས་ཐུགས་ཀར་འདུས་པར་བསམ་ལ། ༀ་ཤྲྀ་མ་ཧཱ་ཀཱ་ལ་ཧཱུྃ་ཕཊ༔ འདི་ནི་ཡབ་ཀྱི་བསྙེན་པའམ་འབོད་པའོ། མ་ཧཱ་ཀཱ་ལ་སིདྷི་ཡཾ་དུ་ཛ༔ བསྙེན་པ་འདིས་ནི་རང་ལ་མྱུར་བར་འདུ་འོ། །རླུང་ལྟར་མགྱོགས་པའི་དངོས་གྲུབ་ཀྱི་རྩེ་མོའོ། ༀ་བཛྲ་ཡཀྴ་བཻ་ཏ་ལི་ཧཱུཾ༔ འདི་ནི་ཡུམ་གྱི་བསྙེན་པའོ། དྲག་རཀྴ་རཀྨོ་ཐུམ་ལུམ་སྙིང་ལ་འདུས་འདུས། སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ དྲག་སྔགས་འདིས་ནི་འཇིག་རྟེན་གསུམ་གྱི་མ་མོ་འདུའོ། ཡབ་ཀྱི་ཐུགས་ཀར་ཉི་མའི་སྟེང་དུ་ཧཱུྃ་གི་མཐའ་མར་སྔགས་ཀྱིས་འཁོར་བའོ། ཡུམ་ལ་བྷྱོའི་མཐའ་མར་སྔགས་ཀྱིས་འཁོར་བའོ། ལས་མགོན་གསུམ་ལ་ཡང་དེའི་རིགས་འགྲེས། ཡབ་ཡུམ་འཁོར་དང་བཅས་པའི་ཞལ་ནས་སྔགས་ཏི་རི་རི་བརྗོད་པར་བསམ་ལ། ཡབ་ལ་སྟོང་བསྙེན་ཡུམ་ལ་བརྒྱ། ཡབ་ལ་ཁྲི་བསྙེན་ཡུམ་ལ་སྟོང་། ཡབ་ལ་འབུམ་བསྙེན་ཡུམ་ལ་ཁྲི་བསྙེན་ནོ། ཉིན་པར་ཡབ་ཀྱི་བསྙེན་པ་བྱ། ནུབ་མོ་ཡུམ་གྱི་བསྙེན་པ་བྱེད་དོ། ཐུན་བཞག་པའི་ཚེ། ཐུན་མཚམས་སུ་ཕྱི་ཡི་མཆོད་པའི་མཆོད་ལ། བསྟོད་པ་ནི། ཧཱུྃ་བསྐལ་པའི་མེ་ལྟར་འབར་བའི་དབུས། དུར་ཁྲོད་ཆེན་པོའི་གནས་མཆོག་ནས། བམ་ཆེན་སྟེང་ན་འགྱིང་བག་ཅན། དཔལ་ལྡན་མགོན་པོ་ནག་པོ་ནི། བདུད་དང་དགྲ་བགེགས་བཟློག་པའི་ཕྱིར། བྱམས་པའི་སེམས་ཀྱིས་མཆོད་འབུལ་བསྟོད། དེ་དག་ནི་བར་ཆའི་ལས་རིམ་མོ། སྤྱི་དོན་གཉིས་པ་སྨད་ལས་དངོས་ལ་རྣམ་གྲངས་བཅུ་བཞི་སྟེ། དང་པོ་གསེར་སྐྱེམས་འབུལ་བ་ནི། སྐྱེམས་ཕུད་འབྲུ་སྨན་གྱིས་བསྐོལ་པ་བཤམས་ལ། རཾ་ཡཾ་ཁཾ། གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཞེས་བསམ་ལ། ༀ་ཨཱཿཧཱུྃ་རིག་འཛིན་རྩ་བརྒྱུད་བླ་མ་དམ་པ་དང་། བདེ་བཤེགས་ཀུན་འདུས་ཞི་ཁྲོ་རབ་འབྱམས་ལྷ། གནས་གསུམ་དཔའ་བོ་མཁའ་འགྲོ་ཆོས་སྐྱོང་རྣམས། གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། ཁྱད་པར་དཔལ་མགོན་ཚོགས་བདག་ཡབ་ཡུམ་སྲས། ལས་མགོན་རྣམ་གསུམ་ཕྱོགས་སྐྱོང་སྡེ་བརྒྱད་མགོན། སྤྲུལ་པ་ཡང་སྤྲུལ་ཕོ་ཉ་ཕྱག་བརྙན་བཅས། གསེར་སྐྱེམས་འདི་བཞེས༴ མ་མགོན་ལྕམ་དྲལ་ཚེ་རིང་མཆེད་ལྔ་དང་། དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། བཀའ་ཉན་བྲན་གཡོག་མངགས་གཞུག་བཅས་པ་རྣམས། གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། སྔགས་འཆང་བདག་གི་རིགས་ཀྱི་སྲུང་མ་དང་། ས་ཕྱོགས་འདི་ཡི་ཡུལ་གཞིའི་གནས་ཀྱི་བདག ལོ་ཟླ་ཞག་དུས་ཚེས་ལ་དབང་བའི་ལྷ། གསེར་སྐྱེམས་འདི་བཞེས་རྣམ་འབྱོར་སྡོང་གྲོགས་མཛོད། ཅེས་ཕུད་གཏོར་རོ། གཉིས་ལ་གཟུ་དཔང་ནི། དབྱིངས་ན་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་དཔང་པོ་དྲང་ཤན་གྱི་ཚུལ་དུ་མངོན་སུམ་དུ་བཞུགས་པར་བསམ་ལ། ཧཱུྃ་བྷྱོ། རང་དོན་གྲུབ་ནས་གཞན་དོན་རྫོགས་པའི་དཔལ། ཆོས་སྐུ་ཀུན་དུ་བཟང་པོ་ནས་བཟུང་ཏེ། དཔལ་མགོན་རྩ་བའི་བླ་མ་ཡན་ཆད་དུ། སངས་རྒྱས་ཆོས་དང་སྙན་བརྒྱུད་མ་ཆད་པའི། རྒྱལ་བ་དགོངས་བརྒྱུད་རིག་འཛིན་བརྡ་བརྒྱུད་དང་། གང་ཟག་སྙན་བརྒྱུད་བླ་མ་སྙན་གསོན་ཅིག གསང་སྔགས་བླ་མེད་དགོངས་པའི་སྙིང་པོའི་དོན། འཁོར་འདས་བྱང་ཆུབ་སེམས་སུ་རོ་གཅིག་ཀྱང་། འོད་གསལ་ཐིག་ལེ་ཆེན་པོའི་ངང་ཉིད་ལས། རིགས་ཅན་རྣམས་ཀྱིས་སྨིན་གྲོལ་བྱེད་པ་ལ། དམ་ཉམས་ཞིང་བཅུ་འདི་ཡིས་མ་སྟེར་རོ། རིག་འཛིན་བླ་མས་གཟུ་དང་དཔང་མཛོད་ཅིག ཚོགས་གཉིས་རྫོགས་ནས་སྐུ་གསུམ་མངོན་དུ་གྱུར། དུས་གསུམ་རྒྱལ་བ་ཕྱོགས་བཅུའི་སངས་རྒྱས་དང་། བསྟན་པའི་བདག་པོ་ཐུབ་དབང་བཅོམ་ལྡན་འདས། །ས་ཆེན་བཞུགས་པའི་སེམས་དཔའ་མཆོག་རྣམས་དང་། བདེ་གཤེགས་བཀའ་བསྒྲུབ་རིག་འཛིན་སྙན་གསོན་ཅིག ཇི་ལྟར་ཁྱོད་ཀྱིས་བསྒྲུབ་པའི་ལམ་ཆེན་དུ། འགྲོ་ལ་ཕན་ཕྱིར་ཡང་དག་ཞུགས་གྱུར་ནས། བསླབ་གསུམ་རིན་ཆེན་རྒྱལ་མཚན་བརྟན་པར་བཟུང་། བསྡུ་དངོས་བཞི་ཡིས་འགྲོ་དོན་བྱ་སྙམ་ཡང་། དམ་ཉམས་འདི་ཡིས་བྱེད་དུ་མ་སྟེར་རོ། དཀོན་མཆོག་གསུམ་པོས་གཟུ་དང་དཔང་མཛོད༴ དབྱིངས་དང་ཡེ་ཤེས་དཀྱིལ་འཁོར་ཀུན་གྱི་བདག རིགས་ལྔ་རིགས་གསུམ་དང་ནི་སྐུ་གསུང་ཐུགས། ཡོན་ཏན་ཕྲིན་ལས་མ་ལུས་འདུས་པའི་སྐུ། ཞི་ཁྲོ་རབ་འབྱམས་བསྒྲུབ་པ་བཀའ་བརྒྱད་ལྷ། བཀའ་བརྒྱུད་མན་ངག་སྒྲུབ་ཐབས་གཉན་པོའི་ལྷ། ལས་དང་ཡེ་ཤེས་ལྷ་ཚོགས་སྙན་གསོན་ཅིག བླ་མ་མཆོག་མཇལ་དབང་བསྐུར་མན་ངག་ཞུས། རྒྱུད་སྡེའི་དགོངས་པ་བསྐྱེད་རྫོགས་ཟབ་མོ་བརྟེན། རིག་འཛིན་སྡོམ་པ་བསྙེན་བསྒྲུབ་ཚུལ་བཞིན་སྤྱད། ལྟ་དགོངས་ཟབ་མོ་མདོ་སྔགས་སྙིང་པོའི་དོན། བདེ་བཤེགས་བཀའ་བཞིན་བསྒྲུབ་པའི་རྣལ་འབྱོར་བདག བསྟན་པའི་དགྲ་བོ་འདི་ཡིས་སེམས་དཀྲུགས་སོ། ཡི་དམ་དཀྱིལ་འཁོར་ལྷ་ཚོགས་དཔང་མཛོད་ཅིག དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ། ཀུན་དུ་བཟང་མོ་སྤྱན་མ་མཱ་མ་ཀི། གོས་དཀར་སྒྲོལ་མ་རིགས་ལྔའི་མཁའ་འགྲོ་མ། གནས་དང་ཡུལ་གྱི་དཔའ་བོ་མཁའ་འགྲོ་དང་། སྤྲུལ་བ་ཡང་སྤྲུལ་མ་སྲིང་རྒྱ་མཚོ་དང་། དུར་ཁྲོད་བརྒྱད་ཀྱི་མཁའ་འགྲོ་སྙན་གསོན་ཅིག བས་མཐའ་ནགས་འདབས་གངས་དང་རི་ཁྲོད་དུ། ལྷག་པའི་སེམས་ལ་སྦྱོར་བའི་བརྟུལ་ཞུགས་ཀྱིས། ཞི་གནས་ལྷག་མཐོང་ཉམས་རྟོགས་ལྡན་པའི་དོན། འཇིག་རྟེན་བྱ་བ་བཏང་ནས་རྩེ་གཅིག་ཏུ། བསྒྲུབ་པ་ཚུལ་བཞིན་བྱེད་པའི་གང་ཟག་རྣམས། ཕུང་བྱེད་དམ་ཉམས་འདི་ཡིས་མ་སྟེར་རོ། དཔའ་བོ་མཁའ་འགྲོ་གཟུ་དང་དཔང་མཛོད༴ སྔོན་ཚེ་ཀུན་བཟང་དཔལ་ཆེན་ཧེ་རུ་ཀ། །གསང་བདག་རིག་འཛིན་རྒྱ་མཚོའི་ཚོགས་རྣམས་དང་། །པདྨ་ཐོད་ཕྲེང་སྤྱན་སྔར་ཐུགས་དམ་ཕུལ། །བཀའ་དང་བསྟན་པ་བསྲུང་བར་ཞལ་བཞེས་པ། །སྔགས་བདག་ཆེན་མོ་ཨེ་ཀ་ཙ་ཏི་དང་། །ཤན་པ་སྲོག་སྒྲུབ་གཟའ་མཆོག་རཱ་ཧུ་ལ། །ཕུང་བྱེད་དམར་ནག་དམ་ཅན་ཐིག་ལེ་རྩལ། །བསྐལ་པ་ཞིང་གི་རྡུལ་སྙེད་འཁོར་དང་བཅས། །ཕོ་ཉ་ཡང་སྤྲུལ་ཚོགས་རྣམས་སྙན་གསོན་ཅིག །སྔགས་འཆང་རིགས་འཛིན་བཟང་པོའི་རྒྱུད་དུ་འཁྲུངས། །དགྲ་བོ་ཀུན་ལ་ཡིད་ནི་མཉམ་གྱུར་པས། །མི་རབས་མངར་པོར་སེམས་ཅན་ཕན་བདེ་བྱས། །ད་ལྟའང་བསྡུ་བཞི་སེམས་ཅན་དོན་བྱེད་ཅིང་། །ཅི་ཡོད་ནུས་པས་ཕན་པ་ལྷུར་བྱས་ཏེ། །གནོད་པར་གྱུར་པ་རྡུལ་ཙམ་མ་བྱས་ཀྱང་། །དམ་ཉམས་དགྲ་བོས་ཅི་བྱར་མ་སྟེར་རོ། །དམ་ཅན་སྲུང་མས་གཟུ་དང་དཔང་༴ ལྷ་མི་ཀུན་གྱི་བསོད་ནམས་ལས་འཁྲུངས་པ། །ལྷ་ཡི་དབང་པོ་ཚངས་པ་བརྒྱ་བྱིན་དང་། །ལྷ་ཡི་དམག་དཔོན་ལེགས་ལྡན་ནག་པོ་དང་། །རྒྱལ་ཆེན་བཞི་དང་ཕྱོགས་སྐྱོང་ཞིང་སྐྱོང་བཅས། །གཙང་རིགས་བདུན་ཅུ་རྩ་ལྔ་སྙན་གསོན་ཅིག །དད་པས་བྱིན་པའི་ཟས་དང་ནོར་རྣམས་ཀྱིས། །འཕགས་པ་མཆོད་ཅིང་ཕྱོགས་བཅུའི་དགེ་འདུན་སྐྱོང་། །མཆོད་བཞིན་ཕུལ་ཞིང་དབུལ་ཕོངས་རྣམས་ཀྱང་བརྟེན། །ཕ་རོལ་ཕྱིན་དྲུག་ཚུལ་བཞིན་སྤྱོད་པ་རྣམས། །ཞིང་བཅུ་དགྲ་བོ་འདི་ཡིས་མ་སྟེར་རོ། །བཀའ་སྲུང་རྣམས་ཀྱིས་གཟུ་དང་དཔང་མཛོད་ཅིག །ཞི་རྒྱས་དབང་དྲག་ཕྲིན་ལས་རྣམ་བཞིའི་སྐུ། །དཀར་སེར་དམར་ལྗང་ལས་ཀྱི་མ་མོའི་ཚོགས། །བོད་ཁམས་སྐྱོང་བའི་བསྟན་མ་བཅུ་གཉིས་དང་། །དགེ་བསྙེན་ཉི་ཤུ་རྩ་གཅིག་འཁོར་དང་བཅས། །དྲེགས་པའི་སྡེ་བརྒྱད་བཅས་པ་སྙན་གསོན་ཅིག །རི་དགོན་དབེན་པར་བསམ་གཏན་དོན་བསྒོམ་ཞིང་། །འགྲོ་བ་ཀུན་ལ་མ་བཞིན་བྱམས་པར་བྱས། །ཟས་ནོར་སྦྱིན་པ་རྒྱ་ཆེན་ཕྱོགས་མེད་བཏང་། །ཆོས་ཀྱི་སྦྱིན་པས་ཐར་བའི་ལམ་ཡང་བསྟན། །མགོན་སྐྱབས་མི་འཇིགས་སྦྱིན་པ་ཕྱོགས་མེད་བྱས། །ནད་གདོན་བསལ་ཞིང་སྡུག་ཕོངས་སྙིང་རྗེའི་སྐྱོང་། །རྒྱལ་སྲས་སྤྱོད་པ་དམ་པའི་ལམ་ཞུགས་ཏེ། །འགྲོ་བའི་ཡིད་བཞིན་ནོར་བུ་བྱ་སྙམ་ཡང་། །དམ་ཉམས་དགྲ་བོས་བྱེད་དུ་མ་སྟེར་རོ། །མ་སྲི་རྒྱ་མཚོས་གཟུ་དང་དཔང་མཛོད་ཅིག །ཞི་བ་བརྙེས་ཀྱང་ལས་ཀྱི་སྐུར་སྟོན་པ། །འཇིག་རྟེན་ཚུལ་འཆང་ལས་ཀྱི་ཕོ་ཉར་བཅས། །དྲེགས་པ་ཕོ་མོ་མ་ལུས་སྙན་གསོན་ཅིག །དབེན་པའི་གནས་སུ་བསྒྲུབ་པའི་རྒྱལ་མཚན་བཙུགས། །ཁ་དྲག་དྲེགས་པའི་ཡུལ་གྱི་མ་བསྙེམས་ཤིང་། །རི་དྭགས་བཞིན་དུ་ཀུན་ལ་བག་ཡོད་བྱས། །དྲང་པོའི་ལམ་ལ་བདེན་པའི་དོན་གཉེར་ཞིང་། །དམའ་བའི་ས་བཟུང་ཧྲུལ་པོའི་གོས་གྱོན་ནས། །དམ་ཆོས་རིན་ཆེན་ཚུལ་བཞིན་སྤྱད་ན་ཡང་། །རང་ཡུལ་བག་ཡང་སྡོད་དུ་མ་སྟེར་རོ། །ལས་ཀྱི་ཕོ་ཉས་གཟུ་དང་དཔང་༴ མཐུ་རྩལ་དྲག་པོའི་མངོན་སྤྱོད་ལས་མཛད་པ། །ཀུན་དུ་རྒྱུ་ཞིང་རྣམ་འཕྲུལ་བསམ་མི་ཁྱབ། །སྤྲུལ་པ་ཕྱག་བརྙན་བཅས་པ་སྙན་གསོན་ཅིག །སེམས་མེད་བེམ་པོའི་རྡོ་ལ་ངན་ཁྲག་ཕྱུངས། །ཧ་ལ་ཧ་ལའི་དུག་ལ་བཟའ་ཤ་བཙལ། །འབྱུང་བ་དྭངས་མའི་རླུང་ལ་ཞགས་པས་བཏབ། །རྒྱ་མཚོ་དངས་མའི་ཆུ་ལ་སྐྱོགས་ཀྱིས་བཅུས། །ཆོས་བྱེད་རྣམས་ལ་དམ་ཉམས་དགྲ་བོས་བསྡོས། །རྡོ་རྗེ་རྒྱལ་པོ་དེ་རིང་དམངས་སུ་ཕབ། །སྒྲོལ་གིང་ཤན་པས་གཟུ་དང་དཔང་མཛོད་ཅིག །ལས་ཀྱི་ཡང་སྤྲུལ་ཟ་བྱེད་རྔམ་པའི་ཚོགས། །ལྕེ་སྤྱང་བདུད་བྱ་སྟག་གཟིག་དོམ་དྲེད་སོགས། །སྣ་ཚོགས་སྤྲུལ་པའི་ཚོགས་ལ་མངའ་མཛད་པ། །འཇིགས་པའི་འབྱུང་པོ་མ་ལུས་སྙན་གསོན་ཅིག །སེང་གེས་གངས་སྟོད་ཉུལ་ཡང་བུ་ཡུག་བྱུང་། །སྟག་མོས་ནགས་ཁྲོད་འགྲིམས་ཀྱང་ས་མདའ་བྱུང་། །རྒོད་པོས་གནམ་འཕངས་གཅོད་ཀྱང་རྙི་ཡིས་བཟུང་། །ཀྱུར་ལྕམ་རྒྱ་མཚོར་ཉལ་ཡང་ལྕགས་ཀྱུས་བཟུང་། །ཆོས་བྱེད་དབེན་གནས་བརྟེན་ཡང་གནས་ནས་འབྱིན། །མང་དུ་བརྙས་ཤིང་ཕུང་ཁྲོལ་བཅོམ་བརླགས་བྱས། །སྣང་སྲིད་ལྷ་འདྲེས་གཟུ་དང་དཔང་མཛོད་ཅིག །རང་བཞིན་བསོད་ནམས་ལས་གྲུབ་དགེ་བའི་ལྷ། །མངོན་ཤེས་རྫུ་འཕྲུལ་མངའ་བ་སྙན་གསོན་ཅིག །བདེ་གཤེགས་བཀའ་བཞིན་སྒྲུབ་པའི་རྣལ་འབྱོར་བདག །མཁའ་ལྟར་ཡངས་ཀྱང་སྤྲིན་ལྟར་འཐིབ་ཏུ་བྱུང་། །སྤྱི་མཐུན་བསོད་ནམས་ཉི་ཟླ་འཆར་དབང་མེད། །གདགས་སྲིབ་གཉིས་ཀྱི་ཁོད་ལ་སྙོམས་དབང་མེད། །དཀར་བའི་ཕྱོགས་རྣམས་གཟུ་དང་དཔང་མཛོད་ཅིག །གངས་ལྟར་དཀར་ཡང་གཡའ་ལྟར་གནག་ཏུ་བྱུང་། །བཟང་སེམས་ཀུན་སྤྱོད་དགེ་བ་བྱ་དབང་མེད། །དམ་ཆོས་རིན་ཆེན་ཚུལ་བཞིན་སྤྱད་དབང་མེད། །སྟེང་གི་ལྷ་རྣམས་གཟུ་དང་དཔང་མཛོད་ཅིག །མཚོ་ལྟར་འཁྱིལ་ཡང་རྦ་ལྟར་འཁྲུག་ཏུ་བྱུང་། །མ་ཉེས་རང་བཞིན་བདེ་བར་སྡོད་དབང་མེད། །ཁ་ཉན་དམན་པའི་ས་ལ་སྡོད་དབང་མེད། །བར་གྱི་གཉན་རྣམས་གཟུ་དང་དཔང་མཛོད་ཅིག །བྱ་ལྟར་བྲོས་ཀྱང་ཁྲ་ལྟར་འདེད་དུ་བྱུང་། །རང་བཞིན་དབེན་པའི་གནས་ལ་བརྟེན་དབང་མེད། །ལན་ཉེས་མེད་པའི་ས་ལ་སྡོད་དབང་མེད། །འོག་གི་ཀླུ་རྣམས་གཟུ་དང་དཔང་མཛོད་ཅིག །ཤ་ལྟར་བྲོས་ཀྱང་ཁྱི་ལྟར་འདེད་དུ་བྱུང་། །མ་ཉེས་བདེན་པའི་བྲག་ལ་ཞེན་དབང་མེད། །བདེན་རྫུན་ཉན་པའི་གཏམས་ལ་སྨྲ་དབང་མེད། །ཡུལ་ལྷ་གཞི་བདག་གཟུ་དང་དཔང་༴ ནང་པ་རྣམས་ལ་མུ་སྟེགས་བཞིན་དུ་འཚེ། །སངས་རྒྱས་བསྟན་པ་འདི་ལ་དར་དབང་མེད། །ཆོས་བྱེད་རྣམས་ལ་བགེགས་རིགས་བཞིན་དུ་འཚེ། །ཐར་ལམ་བྱང་ཆུབ་འདི་ལ་སྒྲུབ་དབང་མེད། །རྣལ་འབྱོར་རྣམས་ལ་གཤེད་མ་བཞིན་དུ་འཚེ། །རི་ངོགས་དབེན་པའི་གནས་དེ་འཛིན་དབང་མེད། །ཉ་ལྟར་བྲོས་ཀྱང་དོལ་ལྟར་འདེད་དུ་བྱུང་། །ངན་པའི་བློ་ལ་ནམ་ཡང་འཛད་དུས་མེད། །ལྷ་ལྟར་བསྟེན་ཡང་བདུད་ལྟར་འབབ་དུ་བྱུང་། །བཤེས་ལྟར་བསྟེན་ཡང་དགྲ་ལྟར་མཁོན་དུ་བྱུང་། །རིགས་དང་མི་རིགས་བདེན་རྫུན་ཡུལ་ན་མེད། །ཕུབ་ལྟར་ཟེད་ཀྱང་མདའ་ལྟར་འབིགས་སུ་བྱུང་། །སྦྲུལ་ལྟར་འཁྱིལ་ཡང་ཤིང་ལྟར་འཇུགས་སུ་བྱུང་། །ངན་པའི་ཀུན་སྤྱོད་འདི་ལ་བཟོད་བརླག་མེད། །ཡོངས་ལ་འཚེ་ཞིང་བསྟན་ལ་གནོད་ན་ཡང་། །སྡིག་པའི་རྣམ་སྨིན་འདི་ལ་ཡོང་དུས་མེད། །ཆོས་བྱེད་བརྙས་ཤིང་སྲུང་མ་ཁྱད་དུ་གསོད། །སྐྱེ་བོ་ཡོངས་ཀྱི་མི་ཁ་ཕྱོགས་བཅུར་བསྒྲགས། །ནག་པོའི་མཐུ་ལ་བུ་ལོན་བཞིན་དུ་བསྙེགས། །གཏེར་བདག་དམ་ཅན་རྒྱ་མཚོའི་ཚོགས་རྣམས་དང་། །སྣང་སྲིད་ལྷ་འདྲེའི་གཟུ་དང་དཔང་མཛོད་ཅིག བྷྱོཿ བཀའ་སྲུང་དམ་ཅན་རྒྱ་མཚོའི་ཚོགས་རྣམས་ཀུན། །སྔོན་གྱི་ཐུགས་དམ་དམ་བཅའ་མ་གཡེལ་བར། །ལེགས་ཉེས་སྟངས་གཟིགས་བདེན་རྫུན་ཤན་ཕྱེས་ལ། །དམ་ཉམས་དགྲ་ལ་ཆད་པ་མྱུར་དུ་ཕོབས། །བདག་ལ་སྡང་བྱེད་དམ་ཉམས་དགྲ་བོ་འདིས། །བསྟན་པ་སྨད་ཅིང་སྐྱེ་བོ་ཡོངས་ལ་འཚེ། །དབེན་གནས་བཤིག་ཅིང་ཆོས་བྱེད་བསྒོམ་བསྒྲུབ་དཀྲུགས། །སྲུང་མ་རྣམས་ལ་མཐུ་སྟོབས་མེད་ཅེས་བསྒྲགས། །དེ་བས་དྲག་པོའི་བཀའ་ཆད་མྱུར་དུ་ཕོབས། །བདག་ཅག་དམ་ལྡན་རྡོ་རྗེ་རྣལ་འབྱོར་བས། །མ་ལན་མ་ཉེས་རང་བཞིན་བདེན་པ་ལ། །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་དང་། །བཀའ་སྲུང་དམ་ཅན་རྒྱ་མཚོའི་བདེན་ཚིག་གིས། །དགྲ་བགེགས་ཐུལ་ནས་བསྟན་པ་རྒྱས་པར་ཤོག ས་མ་ཡ་བྷྱོ་བྷྱོ། གསུམ་པ་བྲུབ་ཁུང་བསྐྱེད་པ་ནི། མདུན་གྱི་གྲུ་གསུམ་མི་དམིིགས་པ་ལས། ཁཾ་ལས་གནམ་ལྕགས་ཀྱི་ཁང་སྒྲོམ་དཔངས་མཐོ་ལ་ལོགས་གཟར་བ། ཡངས་ཤིང་རྒྱ་ཆེ་བ། ནག་ལ་གཏིང་ཟབ་པ། ནད་ཀྱི་ན་བུན་འཐིབས་པ། དུག་གི་རླངས་པ་འཕྱོ་བ། མཚོན་ཆའི་ཆར་བ་འབེབས་པ། སོད་སོད་དང་རྒྱོབ་རྒྱོབ་ཆོད་ཆོད་ཀྱི་སྒྲ་སྒྲོགས་པ། མ་མོ་དང་མཁའ་འགྲོ་མ་རྣམས་འདུ་ས། བཀའ་ཡི་ལྷ་སྲིན་སྡེ་བརྒྱད་ཀྱི་རྒྱུག་སྲང་། སྟོད་ན་ཞེ་སྡང་གི་མེ་འབར་བ། སྨད་ན་འདོད་ཆགས་ཀྱི་ཁྲག་མཚོ་འཁྱིལ་བ། བར་ན་ཕྲག་དོག་གི་རླུང་ནག་འཚུབས་པ༴ གཤིན་རྗེའི་བཤའ་ཁང་ནག་པོ། དེའི་ནང་དུ་ཡཾ་ལས་རླུང་གི་དཀྱིལ་འཁོར་གྱི་སྟེང་དུ་ནྲྀཿཡོངས་སུ་གྱུར་པ་ལས། དགྲ་བོ་གན་རྐྱལ་དུ་མགོ་ཚུར་བསྟན་ཏེ་རྐང་པ་ཕྱིར་བརྐྱང་པ། ཤ་རིད་ཅིང་སྐྲ་འཛིངས་པ། ཁ་ནས་ཁྲག་སྐྱུགས་ཤིང་འོ་འདོད་སྨྲེ་སྔགས་སྣ་ཚོགས་འདོན་པ། གཅེར་བུ་མགོན་སྐྱབས་མེད་པར་འདར་ཕྲི་ལི་ལི་བྱེད་པ། ལག་པ་གཉིས་བྲང་བརྡུངས་པར་གྱུར་པ། དེའི་སྙིང་གར་ཚེའི་ངོ་བོ་ཨཱཿདཀར་པོ། སྲོག་གི་ས་བོན་ནྲྀཿལྗང་ཀུ། ནྲྀཿལས་རླངས་པ་སྔོ་དམར་རང་གནས་སུ་སོང་བར་བསམ། བཞི་པ་ཕོ་ཉ་བསྐུལ་ཞིང་འགུག་པ་བྱ་བ་ནི། ཧཱུྃ་བསྐལ་པ་མེ་ལྟར་འབར་བའི་ཀློང་དཀྱིལ་ནས། འཇིགས་བྱེེད་ཁྲོ་བོ་ཆེན་པོ་བརྗིད་པའི་སྐུ། ཐུགས་ཀར་ཉི་མའི་དཀྱིལ་འཁོར་དུ། ཡི་གེ་ཧཱུཾ་གི་འོད་འཕྲོས་ལས། ཕོ་ཉ་ཕྲ་མེན་མང་པོ་ཕྱོགས་བཅུར་འགྱེད། སྤྲུལ་པའི་ཕོ་ཉ་མང་པོ་ཕྱོགས་བཅུར་འགྱེད་པ་ནི། ཉི་མ་ཕྱོགས་བཞི་མཚམས་བརྒྱད་ནས། སྡང་བའི་དགྲ་དང་གནོད་པའི་བགེགས། ཟུངས་ལ་ཆིངས་ལ་ཁྲིད་ལ་ཤོག ལས་ཀྱི་ལིང་ག་འདི་ལ་ཁུག དགྲ་བོའི་བླ་ཡི་བྲོས་ལམ་ཆོད། དགྲ་བོ་ནམ་མཁའི་ཁམས་སུ་བྲོས་པ་ན། ཕྲ་མེན་འབྲུག་གི་མགོ་ཅན་གྱིས། ནམ་མཁའི་ཁམས་ནས་ཁུག་ལ་ཤོག དགྲ་བོ་བར་སྣང་ཁམས་སུ་བྲོས་པ་ན། ཕྲ་མེན་གློག་གི་ཞགས་པ་ཡིས། བར་སྣང་ཁམས་ནས་ཁུག་ལ་ཤོག དགྲ་བོ་སྤང་ཐང་ཡངས་ལ་བྲོས་པ་ན། ཕྲ་མེན་སྤང་ཐིལ་མགོ་ཅན་གྱིས། སྤང་ཐང་ཡངས་ནས་ཁུག་ལ་ཤོག དགྲ་བོ་གངས་ཀྱི་རྩེ་ལ་བྲོས་པ་ན། ཕྲ་མེན་སེང་གེའི་མགོ་ཅན་གྱིས། གངས་ཀྱི་རྩེ་ནས་ཁུག་ལ་ཤོག དགྲ་བོ་རི་ཡི་ཟུར་ལ་བྲོས་པ་ན། ཕྲ་མེན་སྤྱང་ཀིའི་མགོ་ཅན་གྱིས། རི་ཡི་ཟུར་ནས་ཁུག་ལ་ཤོག དགྲ་བོ་རི་ཡི་སུལ་ལ་བྲོས་པ་ན། ཕྲ་མེན་ཤ་བའི་མགོ་ཅན་གྱིས། རི་ཡི་སུལ་ནས་ཁུག་ལ་ཤོག དགྲ་བོ་ནགས་གིས་གསེབ་ལ་བྲོས་པ་ན། ཕྲ་མེན་སྟག་གི་མགོ་ཅན་གྱིས། ནགས་ཀྱི་གསེབ་ནས་ཁུག༴ དགྲ་བོ་ནགས་ཀྱི་ཟུར་ལ་བྲོས༴ ཕྲ་མེན་དྲེད་ཀྱི་མགོ་ཅན་གྱིས། ནགས་ཀྱི་ཟུར་ནས་ཁུག༴ དགྲ་བོ་བྲག་གི་གསེབ་ལ་བྲོས༴ ཕྲ་མེན་འུག་པའི་མགོ་ཅན༴ བྲག་གི་གསེབ་ནས་ཁུག༴ དགྲ་བོ་ཆུ་ཡི་ནང་དུ་བྲོས་པ་ན། ཕྲ་མེན་ཆུ་སྲིན་མགོ་ཅན་གྱིས། ཆུ་ཡི་ནང་ནས་ཁུག༴ དགྲ་བོ་ས་ཡི་འོག་ཏུ་བྲོས་པ་ན། ཕྲ་མེན་སྲེ་མོང་མགོ་ཅན་གྱིས། ས་ཡི་འོག་ནས་ཁུག་ལ་ཤོག ཧཱུྃ་ནག་པོ་ཆེན་པོའི་མཐུ་སྟོོབས་ཀྱིས། རང་དབང་མེད་པར་དབང་དུ་བསྡུས། ལིང་ག་འདི་ལ་མྱུར་དུ་ཁུག ཧཱུྃ་ནག་པོ་ཆེན་པོའི་ཐུགས་ཀ་ནས། ཛཿལས་ལྷ་མོ་ལྕགས་ཀྱུ་མ། ཡང་སྤྲུལ་སུམ་སྤྲུལ་ཕོ་ཉར་འགྱེད། སྤྲུལ་པའི་ལྕགས་ཀྱུ་གྲངས་མེད་ཀྱིས། དགྲ་བོའི་སྲོག་སྙིང་དྲོངས་ལ་ཤོག བཛྲ་ཀོའུ་རཱི་ཨ་ཀཪྴ་ཡ་ཛ་ཛ༔ ཧཱུྃ་ནག་པོ་ཆེན་པོའི་ཐུགས་ཀ་ནས། ཧཱུྃ་ལས་ལྷ་མོ་ཞགས་པ་མ། ཡང་སྤྲུལ་སུམ་སྤྲུལ་ཕོ་ཉར་འགྱེདཿ སྤྲུལ་པའི་ཞགས་པ་གྲངས་མེད་ཀྱིས། དགྲ་བོའི་ཡན་ལག་ཆིངས་ལ་ཤོག བཛྲ་ཙོའུ་རཱི་ཨ་ཝེ་ཤ་ཡ་ཧཱུྃ་ཧཱུྃ༔ ཧཱུྃ་ནག་པོ་ཆེན་པོའི་ཐུགས་ཀ་ནསཿ བམ་ལས་ལྷ་མོ་ལྕགས་སྒྲོག་མ། ཡང་སྤྲུལ་སུམ་སྤྲུལ་ཕོ་ཉར་འགྱེད། སྤྲུལ་པའི་ལྕགས་སྒྲོག་གྲངས་མེད་ཀྱིས། དགྲ་བོའི་ཡན་ལག་སྡོམ་ལ་ཤོག བཛྲ་བཻ་ཏ་སྥོ་ཊ་བམ་བམ། ཧཱུྃ་ནག་པོ་ཆེན་པོའི་ཐུགས་ཀ་ནས། ཧོ་ལས་ལྷ་མོ་དྲིལ་བུ་མ། ཡང་སྤྲུལ་སུམ་སྤྲུལ་ཕོ་ཉར་འགྱེད། སྤྲུལ་པའི་དྲིལ་བུ་གྲངས་མེད་ཀྱིས། དགྲ་བགེགས་ཐལ་བའི་རྡུལ་དུ་རློགས། བཛྲ་གྷཎྜེ་ཧོ་ཧོ། ཛཿཧཱུྃ་བཾ་ཧོ་བཞི་པོ་ཡིས། །ཕྱོགས་བཞི་མཚམས་བརྒྱད་སྟེང་འོག་ནས། །དགྲ་བོ་དམ་ཉམས་བདེན་བྲལ་འདི། །ལིང་ག་འདི་ལ་མྱུར་དུ་ཁུག །དགྲ་བོ་དམ་ཉམས་བདེན་བྲལ་འདི། །ལྕགས་ཀྱུ་ཅན་གྱིས་སྙིང་ནས་དྲོངས། །ཞགས་པ་ཅན་གྱིས་མགུལ་ནས་ཁྲིད། །ལྕགས་སྒྲོག་ཅན་གྱིས་ཡན་ལག་ཆིངས། །དྲིལ་བུ་ཅན་གྱིས་རྡུལ་དུ་རློགས། །བྲོས་སུ་མེད་དོ་མྱུར་དུ་ཁུག །གབ་ཏུ་མེད་དོ་མྱུར་དུ་ཁུག །སྤྲུལ་དུ་མེད་དོ་ཕྱག་རྒྱས་ཆིངས། །མཐོ་རི་རབ་རྩེ་ནས་ཁུག་ལ་ཤོག །དམའ་རྒྱ་མཚོའི་གཏིང་ནས་ཁུག་ལ་ཤོག །བར་སྣང་ཁམས་ནས་ཁུག་ལ་ཤོག །ཅི་རུ་བརྫུས་ཀྱང་ཁུག་ལ་ཤོག །གང་དུ་སྤྲུལ་ཀྱང་ཁུག་ལ༴ ལ་ནས་དེད་ལ་ལུང་ནས་ཁུག །ལས་ཀྱི་རླུང་གིས་རྒྱབ་ནས་དེད། །ཡཾ་ལས་རླུང་གིས་ཞབས་ནས་ཁྱོགས། །མེ་དཔུང་འབར་བས་ཕྱི་ནས་བསྐོར། །ཐོ་བ་ཅ ན་གྱིས་རྒྱབ་ནས་དེད། །འཇིགས་པའི་མུན་པས་སྡུན་ནས་སུས། །ཆོས་སྐྱོང་སྲུང་མའི་དམག་ཚོགས་ཀྱིས། །ལ་ལས་དེད་ལ་ལ་ལས་ཁྲིད། །རང་དབང་མེད་པར་གཟུགས་ལ་ཕོབ། །ལིང་ག་འདི་ལ་མྱུར་དུ་ཁུག །ༀ་ཤྲཱྀ་མ་ཧཱ་ཀཱ་ལ་ཆེ་གེ་མོ་ཨ་ཀཪྴ་ཡ་ཛ་ཛ༔ ཛཿཧཱུྃ་བཾ་ཧོ༔ ནྲྀ་ཛ་བཛྲ་ཨཾ་ཀུ་ཤ་ཛ་ཛ༔ ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན༴ ཆོས་ཀྱི་བཀའ༴ དགེ་འདུན་གྱི༴ གསང་སྔགས་དང་། །རིག་སྔགས་དང་། །གཟུངས་སྔགས་དང་། །སྙིང་པོ་དང་། །ཕྱག་རྒྱ་དང་། །བཟླས་བརྗོད་དང་། ཏིང་འཛིན་གྱི་བདེན་སྟོབས་དང་། བཀའ་བརྒྱུད་བླ་མ་ཡབ་སྲས་རིགས་འཛིན་བརྒྱུད་པ་རྣམས་ཀྱི་མཐུ་སྟོབས་དང་། ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པ་དང་། དམ་པ་ཡེ་ཤེས་ཀྱི་ཆོས་སྐྱོང་བའི་སྲུང་མ་རྣམས་ཀྱི་བདེན་པ་དང་། ཁྱད་པར་དུ་དཔལ་མགོན་ཚོགས་ཀྱི་བདག་པོ་ཡབ་ཡུམ་སྲས་འཁོར་སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི་བདེན་པ་དང་། བདག་ཅག་རྣམས་ཀྱི་ལྷག་པའི་བསམ་པ་རྣམ་པར་དག་པའི་བདེན་པ༴ བདེན་པའི་མཐུ་དང་སྟོབས་ཀྱིས་གཟུགས་ཅན་གྱི་དགྲ། གཟུགས་མེད་ཀྱི་བགེགས། ཚེ་ལེན་གྱི་བདུད། བར་ཆད་ཀྱི་རྐྱེན། ཕ་རོལ་པའི་བྱད་མ། ཡིད་ལ་བརྣག་པའི་དགྲ་བོ་མིང་ཡི་གེ་ལ་བྲིས་པ། གཟུགས་བྱང་བུ་ལ་བཀོད་པ། ཁྲམ་ལ༷་གང་བཏབ་པ་རྣམས་དང་། ཁྱད་པར་དུ་རྣལ་འབྱོར་པ་བདག་ཅག་སློབ་འཁོར་དང་བཅས་པ་རྣམས་ལ་སྔ་དགྲ་ལག་ལ་བརྡར་བ། ཕྱི་དགྲ་ཡིད་ལ་ཤོམས་པ། ད་དགྲ་ཐད་ཀར་ལངས་པ་བསམ་པ་ངན་ཞིང་སྦྱོར་བ་རྩུབ་མོ་ཤོམ་པ། མི་ལ་ལྷ་མེད་ཟེར་ཞིང་ལྷ་ལ་མཐུ་མེད་ཟེར་བ། མཐུ་བུ་ལོན་སྙགས་པ། ཁ་དཀར་ལ་སྙིང་གནག་པ། ཁ་དྲག་དཔུང་བ་ཕྱར་བ་སོགས་དངོས་དང་བརྒྱུད་ནས་གནོད་པར་བྱེད་པའི་དགྲ་བོ་ཡིད་ལ་དམིགས་པ་དེ་རྣམས་ཚེ་བླ་སྲོགས་གསུམ། ཤ་རུས་ཁྲག་གསུམ་མཐའ་རྩ་སྐྱེ་རྒྱུད་དང་བཅས་པ་ཐམས་ཅད་མཐོ་རི་རབ་ཀྱི་རྩེ། དམའ་རྒྱ་མཚོའི་གཏིང་། བར་འབྱུང་བ་བཞིའི་དཀྱིལ་འཁོར་གར་འགྲོ་གར་གནས། གར་འདུག་ཀྱང་ཕོ་ཉ་ལྕགས་ཀྱུ་ཅན་གྱིས་སྙིང་ནས་ཟུངས། ཞགས་པ་ཅན་གྱིས་མགུལ་ནས་ཆིངས། ལྕགས་སྒྲོག་ཅན་གྱིས་ཡན་ལག་ཆིངས། དྲིལ་བུ་ཅན་གྱིས་མྱོས་སུ་ཆུགས། ལས་ཀྱི་རླུང་དམར་གྱིས་རྒྱབ་ནས་དེད། འཇིགས་པའི་མུན་ནག་གིས་སྔན་ནས་སུས། རང་དབང་མེད་པར་ལིང་ག་འདི་ལ་མྱུར་དུ་ཁུག་ཅིག བསྟིམས་ཤིག ༀ་བཛྲ་ཨཾ་ཀུ་ཤ་ཡ་ཛཿ ཅེས་རབ་བརྒྱད་རྩ་འབྲིང་ཉི་ཤུ་རྩ་གཅིག་ཐ་མ་བདུན་རེ་ལ་སོགས་རྟགས་མ་བྱུང་བར་དུ་བརྗོད། ཕོ་ཉ་འགྱེད་ཅིང་འགུག་སྔགས་བཟླ། ཀ་ལ་རུ་པ་ནྲྀཿཨ་ཀཪྴ་ཡ་ཨ་ཀཪྴ་ཡ། ཐེད་ལ་ཐེད་ལ། ཧྲཱིཿསྟེ། དམུ་ཀ་ཡེ་མུ་ཀ་ཡེ། ཨུ་ནེ་ཨུ་ནེ། མཱ་ར་ཡ་ཛ་ཛཿ དུ་ནེ་དུ་ནེ། ཁྲིཾ་ཤིཾ་མཱ་ར་ཡ། ཧྲཱིཿསྟེ་ཨ་མུ་ཀ་ཀ་པ་ཡེ། ཨ་ནེ་ཨ་ནེ། ཐབ་མཱ་ར་ཡ་ཛ་ཛཿ དགྲ་བོ་དམ་ཉམས་ལིང་ག་འདི་ལ་མྱུར་དུ་ཁུག་ཅིག་རྡོ་ནག་འདི་ལ་མྱུར་དུ་ཁུག་ཅིག ས་དུག་འདི་ལ་མྱུར་དུ་ཁུག་ཅིག ཤིང་དུག་འདི་ལ་མྱུར་དུ་ཁུག་ཅིག་རྣམ་ཤེས་རྟེན་འདི་ལ་མྱུར་དུ་ཁུག་ཅིག ཛ་ཛ༔ མདུན་དུ་འདར་ཞིང་འདུག་པར་བསམ་ལ། ལིང་ག་ལ་ནག་ཏིམ་གྱིས་བསྟིམ། ལྔ་པ་ནི། གཞུང་ལས། ཡེ་ཤེས་ལྷ་དང་མཁའ་འགྲོ་དང་། སྡེ་བརྒྱད་ཀུན་ལ་དཔང་བཙུགས་ཏེ། ཞེས་པ་ལྟར། སླར་ཡང་སྦྲན་ཞིང་། ཉེས་པ་བསྒྲགས་པ་ནི། བདག་ཧེ་རུ་ཀའི་ང་རྒྱལ་དང་ལྡན་པས་ཕྱག་གཡས་ཕུར་པ་མཚོན་ཆ་ཐོགས་ལ་འདི་སྐད་དོ། ཧཱུྃ་ཧེ་རུ་ཀ་ཡི་དཀྱིལ་འཁོར་དུ། དམ་ཉམས་དགྲ་བགེགས་བསྒྲལ་བའི་ཕྱིར། བདེ་གཤེགས་ཞི་ཁྲོའི་ལྷ་ཚོགས་བཞུགས། གཟུ་དང་དཔང་དུ་བཞུགས་སུ་གསོལ། ཚངས་པ་བརྒྱ་བྱིན་ཚོགས་རྣམས་ཀྱིས། དགྲ་བགེགས་བསྒྲལ་བའི་གཟུ་དཔང་མཛོད། ནག་པོ་ལྕམ་དྲལ་ཚོགས་རྣམས་ཀྱིས། དགྲ་བགེགས་བསྒྲལ་བའི་ཕྲིན་ལས་མཛོད། །བདག་ནི་མ་ཉེས་མ་ལན་ཏེ། །གཟུ་དང་དཔང་དུ་དཀོན་མཆོག་བཞུགས། །སྡིག་ཅན་སྲུང་བྱེད་ལྷ་ཁྱོད་ཉོན། །སྡིག་ཅན་དགྲ་བོ་ལས་ངན་འདི། །དང་པོ་ཞེ་སྡང་ཕ་ཡིས་བསྐྱེད། །དེ་ནས་འདོད་ཆགས་མ་ཡི་མངལ། །དེ་ནས་ཉོན་མོངས་གཟུགས་སུ་གྲུབ། །ཐ་མར་སྐྱེ་བའི་སྒོ་རུ་ལེན། །ད་ནི་བསྒྲལ་བའི་ཞིང་དུ་གྱུར། །དགེ་བ་བཅུ་ནི་ཁྱད་དུ་བསད། །མི་དགེ་བཅུ་ནི་དང་དུ་བླངས། །མཚམས་མེད་ལྔ་ཡི་ལས་རྣམས་སྤྱད། །དཀོན་མཆོག་གསུམ་གྱི་དབུ་འཕང་སྨད། །ཐེག་པ་ཆེ་ལ་སྙད་འདོགས་བྱས། །དྲིན་ཅན་ཕ་མའི་སེམས་ཡིད་དཀྲུགས། །དགེ་བའི་བཤེས་གཉེན་སུན་ཡང་ཕྱུངས། །ལྷ་ཁང་གཉན་པོའི་ཁྱུང་མགོ་བཅད། །མཆོད་རྟེན་གཉན་པོའི་བུམ་པ་བཤིག །གསུང་རབ་འབུམ་སྡེའི་གཞུང་ནས་བཀྲལ། །ལྷ་གྲོང་བྱང་ཆུབ་གླིང་ཡང་བཀྲལ། ། དཔལ་དང་མཆོད་འོས་རྣམས་ལ་རྒྱབ་ཀྱིས་ཕྱོགས། །དགེ་འདུན་ཚོགས་པའི་ནང་དབྱེན་བྱས། །རྡོ་རྗེ་སློབ་དཔོན་སྐ་ལ་བསྡོས། །སྔགས་འཆང་བདག་གི་དགྲ་རུ་ལངས། །སྣང་སྲིད་ལྷ་འདྲེ་ཀུན་དང་འགྲས། །སངས་རྒྱས་ཆོས་ལ་ལྟ་བ་ལོག །མི་དགེའི་ལས་ལ་ཡི་རང་བྱས། །ལྷ་མོ་ནག་མོའི་བོང་བུ་བརྐུས། །མགོན་པོ་ནག་པོའི་བེང་དབྱུག་བཅག །རྡོ་རྗེ་ལེགས་པའི་ར་ཐུང་བཤས། །རྣམ་ཐོས་སྲས་ཀྱི་ནེའུ་ལ་བཀྲལ། །ནམ་མཁའི་ལྷ་ལ་ཁ་ཏོ་བྱས། །བར་སྣང་གཉན་གྱི་བུ་ཆུང་བསད། །ས་སྟེང་མི་ལ་འཕྲོག་བཅོམ་བྱས། །ས་འོག་ཀླུ་ཡི་གྲོང་ཁྱེར་བཤིག །ནག་པོ་བདུད་ཀྱི་གོས་ནག་བཤུས། །མགྱོགས་པ་བཙན་གྱི་འོག་རྟ་ཕྲོག །རི་གཉན་མཚོ་གཉན་རྡོ་གཉན་དང་། །ཤིང་གཉན་ཆུ་མིག་གཉན་དང་འདྲེས། །ཁམས་གསུམ་འཁོར་བའི་ས་བོན་འདེབས། །དུག་ལྔའི་འབྲས་བུ་སྨིན་པ་ན། །དགྲ་བོ་སྲུང་བྱེད་ལྷ་རྣམས་ཀྱིས། །དེ་ཡི་མགོན་སྐྱབས་མ་བྱེད་པར། །གཞན་དུ་བདེ་བའི་གནས་སུ་སོང་། །གལ་ལྟེ་མི་འགྲོ་སྲུང་བྱེད་ན། །ཡེ་ཤེས་ལྷ་མི་དམ་ཚིག་ཉམས། །འཇིག་རྟེན་ལྷ་ནི་བརླག་པར་བྱེད། །དེ་བས་མགོན་སྐྱབས་མ་མཛད་ཅིག །སྡིག་ཅན་དགྲ་བོ་ལས་ངན་འདི། །འགོ་བའི་ལྷ་ལྔ་མགོན་དང་ཕྱེས། །ཚེ་ལྷ་སྲོག་ལྷ་གཉིས་དང་ཕྱེས། །ཞང་ལྷ་འཚོ་བའི་ལྷ་དང་༴ ཕ་ལྷ་མ་ལྷ་གཉིས་དང་༴ བྱེས་ལྷ་ཡུལ་ལྟ་གཉིས་དང་༴ ལྷན་ཅིག་སྐྱེས་པའི་ལྷ་དང་༴ མཉམ་པོར་འོང་བའི་བདུད་དང་སྤྲོད། །ཟ་བྱེད་འཆི་བདག་བདུད་དང་སྤྲོད། །སྲོག་གཅོད་གཤེད་བདུད་རྣམས་དང་སྤྲོད། །བདག་གིས་མ་ཉེས་འདི་ཡིས་ཉེས། །ཆོས་སྐྱོང་སྲུང་མའི་ར་མདའ་ཟློག །དཀོན་མཆོག་གསུམ་ལ་དགྲ་བྱུང་ན། །ལྷ་སྲིན་སྡེ་བརྒྱད་ར་མདའ་ཟློག །ཕོ་ཉ་སྤྲུལ་པའི་དམག་ཚོགས་རྣམས། །སྡིག་ཅན་དགྲ་བོ་ལས་ངན་འདི། །ཕྱོགས་བཞི་མཚམས་བརྒྱད་སྟེང་འོག་བཅུ། །གང་དུ་བྲོས་ཀྱང་མ་བཏང་ལ། །ནམ་མཁའི་དབྱིངས་ནས་ཁུག་ལ་ཤོག །བར་སྣང་ཁམས་ནས་དེད་ལ་ཤོག །རྒྱ་མཚོའི་གཏིང་ནས་དྲོངས་ལ་ཤོག །ལྕགས་ཀྱུ་ཅན་གྱིས་སྙིང་ནས་ཟུངས། །ཞགས་པ་ཅན་གྱིས་མགུལ་ནས་ཁྲིད། །ལྕགས་སྒྲོག་ཅན་གྱིས་ཡན་ལག་སྡོམ། །དྲིལ་བུ་ཅན་གྱིས་དབང་དུ་སྡུས། །ཐོ་བ་ཅན་གྱིས་རྒྱབ་ནས་དེད། །རླུང་གི་འཁོར་ལོའི་རྟ་ལ་སྐྱོན། །བསྐལ་པའི་མུན་ནག་འཐིབས་པོས་སུས། །ལས་ཀྱི་རླུང་དམར་རྒྱབ་ནས་དེད། །གྲུ་གསུམ་ཧོམ་ཁུང་ཕོ་བྲང་དུ། །མ་ཐོག་མྱུར་དུ་གཟུགས་ལ་ཁུག །གཤིན་རྗེའི་བཤའ་ཁང་དམར་པོའི་ནང་། །འཆི་བདག་ཟ་འདྲེའི་ལག་ཏུ་གཏད། །སྲོག་གཅོད་ཤན་པ་སྤུ་གྲི་ཡིས། །དབང་པོ་ལུས་སྲོག་འབྲེལ་ཐག་ཆོད། །མྱུར་དུ་ཁུག་ཅིག་སྲུང་མའི་ཚོགས། །ༀ་བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུྃཿ བཛྲ་སྥོ་ཌ་བཾཿ བཛྲ་གཎྜེ་ཧོ། བཛྲ་ཨ་ཝེ་ཤ་ཡ་ཨཱཿ ཀྱཻ་དཀོན་མཆོག་གསུམ་གྱི་སྐྱབས་འོག་ཏུ། །རྣལ་འབྱོར་བདག་ཅག་འཁོར་བཅས་ཀྱིས། །བསམ་གཏན་བྱང་ཆུབ་བསྒྲུབ་བསམ་ཀྱང་། །དགྲ་དང་བགེགས་ཀྱིས་མ་སྟེར་རོ། །བདག་མ་ཉེས་མ་ཡོ་སྲུངས་མས་མཁྱེན། །གཟུ་དཔང་དཀོན་མཆོག་གསུམ་གྱིས་མཛོད། །ཆོས་སྐྱོང་སྲུངས་མས་ར་མདའ་ཟློག །སྔགས་ཀྱི་སྲུངས་མས་ར་མདའ་ཟློག །བསྟན་སྲུང་ཆེན་པོའི་ར༴ མ་མོ་གཤིན་རྗེ༴ ཡང་སྤྲུལ་ཆེན་པོ་ར༴ བཀའ་གཉན་ཆེན་པོ་ར༴ ཡུལ་ལྷ་ཆེན་པོ་ར༴ ལྷ་གཉན་ཀླུ་གཉན་ར༴ བདག་ཅག་བྱང་ཆུབ་སྒྲུབ་པ་ཡིས། །བསམ་པའི་དོན་རྣམས་སྲུངས་མས་སྒྲུབ། །ཆོས་འཁོར་སྲུང་མ་འཁོར་བཅས་རྣམས། །སྔོན་གྱི་དམ་བཅའ་མ་གཡེལ་ཅིག །དམ་བཅའ་བཞིན་དུ་ཕྲིན་ལས་མཛོད། །མ་ཉེས་མ་ཡོ་སྲུང་མས་མཁྱེན། །སྲུང་མའི་དམག་ཚོགས་མ་གཡེལ་ཅིག །ཤ་ཁྲག་དམར་ཕུད་འདི་གསོལ་ཞིག །བདག་དང་རྒྱུ་སྦྱོར་ཡོན་བདག་འཁོར་བཅས་རྣམས། །ཕར་ལ་འགྲོ་ན་རྒྱབ་བརྟེན་གྱིས། །ཚུར་ལ་འོང་ན་སྔན་ནས་སུས། །མི་དང་ནོར་གྱི་རྫི་བོ་གྱིས། །ཕྱོགས་བཞི་མཚམས་བརྒྱད་སྟེང་འོག་ནས། །བདག་ལ་སྡང་བྱེད་དགྲ་བགེགས་ཀྱི། །མགོ་བོ་ཆོད་ལ་དོན་སྙིང་ཕྱུངས། །བསྲུང་མ་ཆེན་པོས་ཞལ་དུ་གསོལ། །སྲུང་མ་མཐུལ་རྩལ་མ་ཆུང་ཅིག །ཕྱོགས་བཅུའི་ཆོས་འཁོར་བསྲུང་མ་རྣམས། །ཕུད་དང་ཤ་ཁྲག་འདི་གསོལ་ལ། །ཕྱོགས་བཅུའི་དགྲ་བགེགས་གཡུལ་ངོ་བཟློག །བསྟན་ལ་སྡང་བའི་དགྲ་བོ་འདི། །སྲུང་མ་རྣམས་ཀྱིས་མྱུར་དུ་སྒྲོལ། །དགྲ་བགེགས་སྡིག་ཅན་མ་ཤོར་ཁུག །རེངས་པར་ཁུག་ལ་མྱུར་དུ་སྒྲོལ། །ཕྱོགས་བཞི་མཚམས་བརྒྱད་དགྲ་ལམ་ཆོད། །དགྲ་བོའི་ཕ་འཁོར་གྲུམ་ཆིངས་གྱིས། །དགྲ་བོའི་མ་ཚན་སྒྱིད་ལིང་གྱིས། །ད་ནི་བསྒྲལ་བའི་དུས་ལ་བབ། །ཧཱུྃ་དཔལ་ལྡན་མགོན་པོ་མཐུ་ཆེན་ཁྱོད། །ལེགས་ལྡན་ནག་པོ་ར་མདའ༴ ལྷ་དམག་དབུགས་འབྱིན་ལྷ་མིན་གཡུལ་བཟློག་ར༴ བཀའ་སྲུང་ནག་པོ་ར༴ སྲོག་བདག་ནག་པོ་ར༴ འདིར་བྱོན་དམ་བསྐང་ཕྲིན་ལས་མཛོད། །བཀའ་ཡི་བསྟན་སྲུང་ནག་པོ་ཁྱོད། །བཅོམ་ལྡན་འདས་ཀྱི་ཞབས་དྲུང་དུ། །སྲོག་སྙིང་མདོངས་གསོལ་ཕུལ་བའི་ཚེ། །བསྟན་པ་གཉན་པོ་བསྲུང་བར་བཅས། །དམ་ལྡན་རྣལ་འབྱོར་སྐྱོང་བར་བཅས། །དམ་ཉམས་སྡིག་ཅན་བསྒྲལ་བར་བཅས། །དམ་ཚིག་གཉན་པོ་བསྐལ་བའི་ཚེ། །དམ་རྫས་བདུད་རྩི་འདི་འབུལ་བས། །དམ་ལས་འདའ་ན་འགལ་ཏ་རེ། །ནག་པོ་ཆེན་པོ་འཁོར་བཅས་ཁྱོད། །དམ་ལས་མ་འདའ་དམ་ཚིག་སྲུངས ། །གང་ལ་བྱ་བ་ནོར་ཏ་རེ། །ཡུལ་ནི་མ་ནོར་བརྟེན་པའི་གྲོང་། །མིང་ནི་མ་ནོར་དམིགས་པའི་དགྲ། །གཟུགས་ནི་མ་ནོར་སྲིད་པའི་གཟུགས། །རིགས་རྒྱུད་རྩད་ནས་ཆོད་ལ་ཤོག །རྩ་བ་དྲུང་ནས་ཕྱུངས་ལ་ཤོག །གྲོང་མཁར་རྨིང་ནས་སྒྱེལ་ཤོག །ལྷ་འདྲེ་གཤེད་དུ་ཕོབས་ལ༴ འབྱུང་བ་གཤེད་དུ་སྐོར་ལ༴ གཟུགས་ཕུང་རྡུལ་དུ་རློགས་ལ༴ རྣམས་ཤེས་རྟེན་དང་ཕྲོལ༴ ཁོང་ཁྲག་ཞལ་དུ་གསོལ་ལ༴ བླ་སྲོག་ལེན་དུ་ཆུག་ལ༴ བསྟན་བསྲུང་ནག་པོ་ཆེན་པོ་ཁྱོད། །བརྟེན་པའི་ཚེ་ན་རྒྱང་མ་རིང་། །འབོད་པའི་ཚེ་ན་སྙན་མ་སྲ། །གཡབ་པའི་ཚེ་ན་སྤྱན་མ་རྡུལ། །མངགས་པའི་ཚེ་ན་བང་མ་བུལ། །རྦད་པའི་ཚེ་ན་མཐུ་མ་ཆུང་། །ཆོས་སྐྱོང་བསྲུང་མ་ར་མདའ་མཛོད། །བཅོལ་པའི་ཕྲིན་ལས་འགྲུབ་པར་མཛོད། དྲུག་པ་ལྷ་དང་དབྱེ་བ་ནི། གཞུང་ལས། དགྲ་བོ་ལྷ་དང་ད བྱེ་བའི་ཕྱིར། དབྱེ་བ་ལྔ་ཡི་རྫས་ཀྱིས་དབྱེ། ཕྱེས་ནས་མ་ལ་གཏད་པར་བྱ། ཞེས་པ་ལྟར་སྒྲུབ་ཁང་གི་ཕྱི་རོལ་དུ་དབྱེ་རྫས་ཀྱིས་བདུག་ཅིང་། དུ་བ་རང་ལ་མི་འགོ་བར་བྱས་ཏེ། ཧཱུྃ་ཁ་ཁ་མུ་ཁ་མཐུ་མོ་ཆེ། །སྐ་མདོག་ནག་པོ་མུན་པའི་མདོག །ཕྱག་ན་ཕྱེ་བའི་བ་དན་ཕྱར། །ཞལ་ནས་ཕྱེ་བའི་ངན་སྔགས་འདོན། །ཤྭ་ལོག་བྱེད་ཅིང་སྡང་མིག་བལྟ། །འདབ་གཤོག་གནམ་ལྕགས་ངར་ཆེན་གྱིས། །དེ་རིང་ཉིན་གྱི་གུང་ཐུན་ལ། །དམ་ཉམས་དགྲ་བོ་ལྷ་དང་དབྱེ། །ཧུ་ལུ་མུ་ཁ་མཐུ་མོ་ཆེ། །སྐ་མདོག་སེར་ནག་འཇིགས་པ་ལ། །ཕྱག་ན་ཕྱེ་བའི་མེ་ཆུ་བསྣམས། །ཞལ་ནས་ཕྱེ་བའི་ངན་སྔགས་འདོན། །ཤྭ་ལོག་བྱེད་ཅིང་སྡང་མིག་བལྟ། །འདབ་གཤོག་ཟངས་ཀྱི་སྤུ་གྲི་ཡིས། །དོ་ནུབ་ནམ་གྱི་གུང་ཐུན་ལ། །དམ་ཉམས་དགྲ་བོ་ལྷ་དང་ཕྱེས། །དགྲ་བོ་སྲུངས་བྱེད་ལྷ་ཁྱོད་ཉོན། །གདུག་པའི་སེམས་ལྡན་དགྲ་བོ་དམ་ཉམས་འདིས། །དཀོན་མཆོག་བླ་མ་ལ་སྨད་ཅིང་། །བསྟན་ལ་གནོད་ཅིང་སེམས་ཅན་འཚེ། །དཔག་ཚད་སྟོང་དུ་ལྷུང་བ་ཡིས། །དམྱལ་བའི་སྡུང་བསྔལ་མྱོང་འགྱུར་བས། །ཁྱོད་ཀྱིས་བསྲུང་བར་མ་བྱེད་ལ། །སྡིག་ཅན་དགྲ་འདི་མྱུར་དུ་སྒྲོལ། །ཧཱུྃ་སྡང་བའི་དགྲ་བོ་ལས་ངན་ཁྱོད། །ཁྱོད་སྡིག་པོ་ཆེ་ལ་ལྷ་མི་འཁོར། །ཉམས་པ་ཅན་ལ་སྤྲུལ་པ་མེད། །ཡེ་ཤེས་ལྷ་ལ་སྐྱབས་མ་བཙལ། །ཡེ་ཤེས་ལྷ་ལ་སྐྱབས་བཙལ་ན། །སྡིག་པ་སྣ་ཚོགས་འདི་ཡིས་བྱས། །སྤོས་དང་མེ་ཏོག་ཕུལ་བ་མེད། །དེ་བས་ཡེ་ཤེས་ལྷ་དང་ཕྱེས། །སྡང་བའི་དགྲ་བོ་སྡིག་ཅན་ཁྱོད། །ལེའུའི་ལྷ་ལ་སྐྱབས་མ་བཙལ། །ལེའུའི་ལྷ་ལ་སྐྱབས་བཙལ་ན། །ལྷ་ཡོན་གཉན་པོ་འདི་ཡིས་ཕྲོག །དེ་བས་ལེའུའི་ལྷ་དང་ཕྱེས། །སྡང་བའི་དགྲ་བོ་ལས་ངན་ཁྱོད། །མ་ལྷ་གཉན་ལ་སྐྱབས་མ་བཙལ། །མ་ལྷ་གཉན་ལ་སྐྱབས་བཙལ་ན། །དྲིན་ཅན་ཕ་མའི་སེམས་ཡིད་དཀྲུགས། །དེ་བས་མ་ལྷ་གཉན་དང་ཕྱེས། །སྡང་བའི་དགྲ་བོ་ལས་ངན་ཁྱོད། །འཇིག་རྟེན་ལྷ་ལ་སྐྱབས་མ་བཙལ། །འཇིག་རྟེན་ལྷ་ལ་སྐྱབས་བཙལ་ན། །ཕོ་ལྷ་དགྲ་ལྷ་ཁྱོད་ཀྱིས་བཙོང་། །དེ་བས་འཇིག་རྟེན་ལྷ་དང་དབྱེ། །ཤིང་གཉན་ཆེན་པོ་ཁྱོད་ཀྱིས་བཅད། །ཀླུ་མཚོ་དཀར་མོ་ཁྱོད་ཀྱིས་དཀྲུགས། །ཀླུ་བ་ཟལ་མོ་ཁྱོད་ཀྱིས་བཤས། །རིན་ཆེན་བྱི་རུའི་མཆོད་ནི་བཅོམ། །དཔལ་ལྡན་ལྷ་མོའི་ནེའུ་རྐྱལ་བཀྲལ། །མགོན་པོ་ནག་པོའི་བེང་དབྱུག་བཅག །རྡོ་རྗེ་ལེགས་པའི་ར་ཐུང་བརྐུས། །ནག་པོ་བདུད་ཀྱི་གོས་ནག་བཤུས། །མགྱོགས་པ་བཙན་གྱི་རྟ་ཕོ་ཕྲོག །རྣལ་འབྱོར་བདག་ལ་ཕོད་བཙུགས་བྱས། །དེ་བས་འཇིག་རྟེན་ལྷ་དང་ཕྱེས། །ཡུལ་ལྷ་སྲོག་ལྷ་རྣམས་དང་ཕྱེས། །ལྷན་ཅིག་སྐྱེས་པའི་ལྷ་དང་ཕྱེས། །མཉམ་པོར་འོང་བའི་བདུད་དང་སྤྲོད། །བྷི་ཤ་ཡ་བྷི་ཤ་ཡ་ཧཱུྃཊ། །མིང་དང་གཟུགས་སུ་བྲིས་པའི་དགྲ་བོ་ལས་ངན་སྡིག་ཅན་འདིའི་ལྷ་དང་སྲུང་མ་ཐམས་ཅད་ཨ་ནྲྀཿ དྲག་རཀྴ་མཱ་ར་ཡ་ཕྱེ་ཕྱེ། ཡང་དགྲ་བོ་འགོ་བའི་ལྷ་དང་དབྱེ་བ་ནི། ཧཱུྃ་ང་ནི་མ་ཉེས་ཁོ་ཡིས་ཉེས། ང་ནི་མ་ཉེས་མ་ཡོ་འོ། །དཀོན་མཆོག་གསུམ་གྱི་དཔང་མཛོད་ཅིག །དམ་ཉམས་དགྲ་བོ་སྡིག་ཅན་འདིས། །བླ་མ་རྣམས་ཀྱིས་སྐ་ལ་བསྡོས། །བླ་མ་རྣམས་དང་ཕྱེས་ལ་ཤོག །དཀོན་མཆོག་གསུམ་ལ་དགྲ་འདིས་བསྡོས། །དཀོན་མཆོག་གསུམ་དང་ཕྱེས༴ ཡི་དམ་ལྷ་ལ་འདི་ཡིས་བསྡོས། །ཡི་དམ་ལྷ་དང་ཕྱེས༴ ཆོས་སྐྱོང་བསྲུང་མ་རྣམས་ལ་འདི་ཡིས༴ ཆོས་སྐྱོང་བསྲུང་མ་རྣམས་དང་ཕྱེས༴ འགོ་བའི་ལྷ་ལ་འདི་ཡིས༴ འགོ་བའི་ལྷ་དང་ཕྱེས༴ སྐྱོབས་པའི་ལྷ་ལ་འདི་ཡིས༴ སྐྱོབས་པའི་ལྷ་དང་ཕྱེས༴ ཕ་མྱེས་རྒྱུད་ཀྱི་ལྷ་ལ་འདི་ཡིས༴ ཕ་མེས་རྒྱུད་ཀྱི་ལྷ་དང་ཕྱེས༴ ལེའུའི་ལྷ་ལ་འདི་ཡིས༴ ལེའུའི་ལྷ་དང་ཕྱེས༴ མ་ལྷ་ཞང་པོའི་ལྷ་ལ་འདི༴ མ་ལྷ་ཞང་པོའི་ལྷ་དང་ཕྱེས༴ ཡུལ་ལྷ་གཞི་བདག་རྣམས་ལ༴ ཡུལ་ལྷ་གཞི་བདག་རྣམས་དང་ཕྱེས་ལ་ཤོག ༀ་ས་ནཾ་མུ་རྦད། སྡེ་ཤིག་སྡེ་ཤིག གྲམ་ཡལ་གྲམ་ཡལ། མེས་ཚིག ཆུར་བསྐྱུར། རླུང་གིས་གཡེང་། སས་གཏིབས། ཁ་རུ་བལྡག སྣ་རུ་ཡན། ཚེ་རུ་གཏུབས། ནེ་རུ་ཁྱེར། དགྲ་བོ་སྲུང་བྱེད་ཀྱི་ལྷ་ཐམས་ཅད་དང་ཕྱེས་ཤིག ཡ་མ་དུ་ནེ་དུ་ཤི་དགྲ་བོ་མིང་དང་རུས་སུ་བྲིས་པ་རྣམས་ཕོ་ལྷ་དང་མཱ་ར་ཡ་ཕྱེས་རྦད། ན་ག་དུ་ནེ་དུ་ཤེ་དགྲ་བོ་མིང་དང་གཟུགས་སུ་བྲིས་པ་རྣམས་སྲོག་ལྷ་དང་མཱ་ར་ཡ༴ ན་ག་བེ་ནི་བེ་ཤི་དགྲ་བོ་མིང་དང་རུས་སུ་བྲིས་པ་རྣམས་དགྲ་ལྷ་དང་མཱ་ར་ཡ༴ ཡཀྴ་དུ་ནེ་དུ་ཤི་དགྲ་བོ་མིང་དང་རུས་སུ་བྲིས་པ་རྣམས་ཡུལ་ལྷ་དང་མཱ་ར་ཡ༴ ཀ་ལ་ཏི་ལ་ཙི་པ་ཡ་དགྲ་བོ་མིང་དང་རུས་སུ་བྲིས་པ་རྣམས་མ་ལྷ་དང་མཱ་ར་ཡ༴ དགྲ་བོ་ལྷ་སྲུང་དང་བཅས་པ་དྲག་རཀྴ་མཱ་ར་ཡ་ཤག་ཕྱེས་རྦད། ཁཾ་ཁཾ་ཁཾ་བུམ་བུམ་ཤད་དེ་ཤག་ཕྱེས། ཨ་ནྲྀ་ཏྲག་རཀྴ་ཕྱེས་ཕྱེས་དགྲ་བོ་ཨཱ་ཡུ་ཤེ་ཤག་ཕྱེས། ཞེས་ཡང་དང་ཡང་དུ་ད བྱེ་བའི་རྫས་ཐམས་ཅད་ཀྱི་བདུག་ཅིང་ལྷ་དང་དབྱེ་བའོ། །དམ་ཉམས་པའི་དགྲ་བོ་མིང་ལིངྒ་ལ་བྲིས་པ། གཟུགས་བྱང་བུ་ལ་བཀོད་པ། འཁོར་ལོའི་རྩིབས་ལ་བསྐྱོན་པ། དམིགས་པའི་རྟེན་དུ་གྱུར་པ། ཕྲིན་ལས་ཀྱི་ཡུལ་དུ་གྱུར་པ། བསྒྲལ་བའི་ཞིང་དུ་གྱུར་པ། སངས་རྒྱས་ཀྱི་བསྟན་པ་བཤིག་པ། དཀོན་མཆོག་གི་དབུ་འཕང་སྨད་པ། ཕ་མ་དང་མཁན་སློབ་བསད་པ། པོ་ཏི་དང་གླེགས་བམ་གཏོར་བ་ལྷ་ཁང་དང་མཆོད་རྟེན་བཤིག་པ། ཚ་ཚྭ་དང་སྐ་གདུང་བཅག་པ། དེ་བཞིན་གཤེགས་པའི་སྐ་ལ་ངན་སེམས་ཀྱིས་ཁྲག་ཕྱུང་བ་དགེ་འདུན་མཐུན་གཉིས་ཀྱི་བར་ལ་དབྱེན་བྱས་པ། དགེ་སློང་མ་སུན་ཕྱུང་བ། བླ་མའི་སྐ་ལ་བསྡོ་བ། སྲུང་མ་རྣམས་ལ་ཕོད་བཙུགས་ཤིང་། དོ་བསྡོ་བའི་དགྲ་བོ་འདི་རྣམས། ལས་ཀྱི་ལིངྒ་འདི་ལ་ཁུག་ཅིག སྟིམས་ཤིག དེ་ནས་ཟིལ་གནོན་དམིགས་པ་ཡན་འདྲ་ལ། ཞེས་པས། རང་ཉིད་ཡི་དམ་གྱི་ཐུགས་ཀའི་སྔགས་འཕྲེང་གི་ཕྱི་རོལ་དུ་མགོན་པོའི་སྔགས་ཀྱིས་བསྐོར་བ་ལས་འོད་ཟེར་ཁ་དོག་སྣ་ལྔའི་གུར་ཆེ་ཆུང་བྱ་མ་སར་གྱི་སྒོ་ང་ཙམ་གཅིག་བསམ། དེ་ལས་འོད་ཟེར་འཕྲོས་པས་ཚོགས་བདག་གི་སྤྱི་བོར་སྤྱན་རས་གཟིགས་ལ་ཕོག དེ་ལས་འོད་ཟེར་འཕྲོས་པས་ཚོགས་བདག་ལ་ཕོག་པས་སྔོན་གྱི་དམ་ཚིག་དྲན་ནས་དེའི་འོད་ཟེར་ཡང་འཁོར་ཐམས་ཅད་ལ་རིམ་བཞིན་དུ་ཕོག དེ་རྣམས་ཀྱིས་སྔོན་གྱི་དམ་ཚིག་དྲན་ནས་སོ་སོའི་སྲོག་གི་སྙིང་པོ་འོད་ཟེར་ཁ་དོག་སྣ་ལྔའི་ཚུལ་དུ་ཡར་ལ་རིམ་བཞིན་ལས་མགོན་གསུམ་ལ་ཕུལ། དེ་གསུམ་གྱིས་འཁོར་རྣམས་ཀྱི་ཕུལ་བའི་སྲོག་གི་སྙིང་པོ་དང་རང་རང་གི་སྲོག་སྙིང་དང་བཅས་པ་གཙོ་བོ་ལ་ཕུལ་བས། གཙོ་བོས་སྔོན་གྱི་དམ་ཚིག་གི་ཆད་ཐོ་དྲན་ནས་སྲོག་གི་སྙིང་པོ་ཡི་གེ་ཧཱུྃ་གི་ཚུལ་དུ་འཁོར་གྱིས་ཕུལ་བ་དང་སྟབས་གཅིག་ཏུ་བདག་ལ་གུས་འདུད་ཀྱི་ཚུལ་དུ་ཕུལ་བ་ཐུགས་ཀའི་ཧཱུཾ་གི་ཞབས་ཀྱུའི་ནང་དུ་ཚུད་པར་བསམ། ཡུམ་ལ་ཡང་དེ་ལྟར་གྱི་དམིགས་པ་བསྒྱུར་ཤེས་པར་བྱ་ཞིང་། ཐོག་མར་དབང་དུ་བསྡུ་ཞིང་ཟིལ་གྱིས་གནོན་པའི་སྔགས་འདི་བགྲང་ངོ་། ༀ་ཤྲཱྀ་མ་ཧཱ་ཀ་ལ་ག་ན་གུ་ཏི་ཀཱ་མ་ལ་ཤྲཱྀ་ནག་མོ་ཏི་ལ་བྷྱོཿ ཅེས་བརྒྱ་རྩ་བརྒྱད་ལ་སོགས་པ་མང་དུ་བཟླ་བ་སྲོག་སྙིང་གཏའ་རུ་བཟུང་བའི་མན་ངག་གོ དེ་ནས་བསྙེན་པ་དངོས་ཀྱི་དམིགས་པ་ནི། ཡབ་ཀྱི་ཐུགས་ཀར་ཉི་མའི་སྟེང་དུ་ཧཱུྃ་གི་མཐའ་སྐོར་དུ་སྔགས་ཀྱིས་བསྐོར་བ་དང་། ཡུམ་ལ་བྷྱོ་ཡི་མཐའ་མར་སྔགས་ཀྱིས་བསྐོར་ཞིང་། ལས་མགོན་གསུམ་ལ་གཙོ་བོ་དང་མཚུངས་པར་བསྒོམ་ལ། ཡབ་ཡུམ་འཁོར་དང་བཅས་པའི་ཞལ་ནས་རང་སྔགས་ཏི་རི་རི་བརྗོད་པའི་ཚེ་བདག་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས་པས་མགོན་པོ་འཁོར་དང་བཅས་པའི་ཐུགས་ཀར་ཕོག་པ་ཙམ་གྱིས་སྲོག་གི་སྙིང་པོ་ཉི་མའི་ཟེར་རམ་གདུགས་ཀྱིས་རྩིབས་བཞིན་དུ་བདག་གི་ཐུགས་ཀའི་ཧཱུྃ་ལ་འདུས་པར་བསམ་ལ། ༀ་ཤྲཱྀ་མ་ཧཱ་ཀཱ་ལ་ཧཱུྃ་ཕཊཿ འདི་ནི་ཡབ་ཀྱི་བསྙེན་པའམ་འབོད་པའོ། མ་ཧཱ་ཀཱ་ལ་སིརྡྷི་ཡཾ་དུ་ཛཿ འདི་ནི་ཉེ་བསྙེན་ནམ་རླུང་ལྟར་མགྱོགས་པའི་དངོས་གྲུབ་གྱི་རྩེ་མོའོ། །ༀ་བཛྲ་ཡཀྴ་བཻ་ཏ་ལི་ཧཱུྃ༔ འདི་ནི་ཡུམ་གྱི་བསྙེན་པའམ་འབོད་པའོ། དྲག་རཀྴ་རཀྨོ་ཐུམ་ལིཾ་སྙིང་ལ་འདུས་འདུས་སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ རགས་དྲག་འདིས་ནི་འཇིག་རྟེན་གསུམ་གྱི་མ་མོ་འདུའོ། འདིར་ཁྱད་པར་དུ་བདུན་པ་འབོད་རྦད་སྦྲེལ་བའི་དམིགས་པ་ནི། རང་ཉིད་དཔལ་ཆེན་པོའི་ཐུགས་ཀ་ནས་འོད་ཟེར་དམར་ནག་ཚྭ་ཞིང་རྩུབ་པ་མགར་གྱི་ཚ་ཚྭ་དང་བསྐལ་པའི་མེ་དཔུང་ལྟ་བུ་དཔག་ཏུ་མེད་པ་འཕྲོས་པས། མགོན་པོའི་ཐུགས་ཀར་ཕོག་པས། མ་བཟོད་ནས་ལན་ཅིག་འདར་ཞིང་། དགྲ་བགེགས་འགུགས་པའི་ལས་ལ་བསྐལ་བར་བསམ། དེ་ལས་འོད་ཟེར་དམར་ནག་འཕྲོས་ནས་འཁོར་ཐམས་ཅད་ལ་ཕོག་པས། སྔོན་གྱི་དམ་ཚིག་དྲན་ནས་འདར་ཕྲི་ལི་ལི་བྱེད་ཅིང་། ཁྱེད་ཀྱི་བཀའ་ཉན་གསུང་སྡོད་ཅི་བཅོལ་བའི་ལས་ཐམས་ཅད་མྱུར་དུ་བྱེད་པར་ཁས་བླངས་དམ་བཅས་ནས། རང་རང་འདྲ་བའི་སྤྲུལ་པ་དང་ཡང་སྤྲུལ་དཔག་ཏུ་མེད་པ་དང་བཅས་ནས། གཅིག་གིས་གཅིག་བསྐལ་ནས། དེ་དག་ཐམས་ཅད་ཀྱི་ཐུགས་ཀ་ནས་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོ་བ་ཅན་ལ་སོགས་པ་སྤྲུལ་པའི་མགོ་བརྙན་དཔག་ཏུ་མེད་པ་འཕྲོས་ཏེ། དགྲ་བོ་གང་ན་གནས་པའི་སར་ཐལ་ནས། ལ་ལས་ལྕགས་ཀྱུས་སྙིང་ནས་བཟུང་། ལ་ལས་ཞགས་པས་མགུལ་ནས་ཁྲིད། ལ་ལས་ལྕགས་སྒྲོག་གིས་ཡན་ལག་སྡོམ། ལ་ལས་དྲིལ་བུས་མྱོས་པར་བྱེད། །ལ་ལས་སྲུང་སྐྱོབ་ཀྱི་ལྷ་དང་ཕྱེས། །ལ་ལས་ཕུམ་དང་ལྟག་པར་འཛིན། །ལ་ལས་རྐང་ཞབས་ནས་རླུང་གི་དཀྱིལ་འཁོར་གྱིས་བཏེགས། །ལ་ལས་ཐོ་བས་རྒྱབ་ནས་དེད་ནས་ཁང་སྒྲོམ་ནག་པོའི་ནང་དུ་ལིངྒ་ལ་ནག་ཏིམ་གྱིས་བསྟིམས་ནས་གན་རྐྱལ་དུ་མགོ་ཚུར་བསྟན་ནས་རྐང་པ་ཕྱིར་བརྐྱང་བའི་ཁ་ནས་སྨྲེ་སྔགས་སྣ་ཚོགས་འདོན་པ། གཅེར་བུ་མགོན་སྐྱབས་མེད་པར་འདར་ཕྲི་ལི་ལི་བྱེད་པར་བསམ་ལ། ༀ་ཤྲཱྀ་མ་ཧཱ་ཀཱ་ལ་ཧཱུྃ་ཕཊཿ ༀ་མ་ཧཱ་ཀཱ་ལ་ཆྒཻའི་སྙིང་འབྱིན་ནོ༔ སྙིང་ལ་པུ་ཏྲི་ཆྒཻ་ཙིརྟ་རྦདཿ དེ་ནི་ཡབ་ཀྱི་རྦད་པའོ། ༀ་བཛྲ་ཡཀྴ་བཻ་ཏ་ལི་ཧཱུྃ༔ ཏྲག་རཀྴ་རཀྨོ་ཐུམ་ལུམ་ཆྒཻའི་སྙིང་ལ་འདུས་འདུས། སྲོག་ལ་སྲིང་སྲིང་ཤམ། ཤམ་ཁྱེར་བྷྱོཿ ཏྲག་རཀྴ་རཀྨོ་ཐུམ་ལམ་སྙིང་ཁ་རག་ཛ་ཛ༔ ཞེས་ཡུམ་གྱི་རྦད་པ་དང་། དྲག་སྔགས་འདིས་དགྲ་བོའི་ཚེ་སྲོག་མྱུར་དུ་འགུགས་པའོ། ཐུན་མཚམས་སུ་མཆོད་བསྟོད་བྱེད་ཅེས་པས། སྐབས་འདིར་ཐུན་གཏོར་ཤ་ཁྲག་གིས་བརྒྱན་པ་ལ་འགུགས་བསྟིམས་བསྒྲལ་བ་སོགས་ཀྱིས་མཐར། ༀ་ཤྲཱྀ་མ་ཧཱ་ཀཱ་ལ་ས་པཱ་རི་ཝཱ་ར་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱ་སརྦ་ཏཁཾ་ཨུརྒ་ཏེ་སྥ་ར་ཥ་ཨེ་མམ་ག་ག་ན་ཁཾ་གྷྲྀ་ཧྞ་ཨེ་དམ་བྷ་ལྟི་ཡེ་སྭཱ་ཧཱ། ༀ་ཤྲཱྀ་མ་ཧཱ་ཀཱ་ལ་ཡཀྴ་བཻ་ཏ་ལི་མ་ཧཱ་སརྦ་པཉྩ་ཨ་མྲྀ་ཏ་ལ་ཁཱ་ཧིཿ མ་ཧཱ་རཀཱ་ལ༴ མ་ཧཱ་བ་ལཱི༴ དགྲ་བགེགས་མིང་དང་གཟུགས་སུ་བྲིས་པ་རྣམས་ཀྱི་མ་ཧཱ་མཾ་ལ་ཁཱ་ཧི། མ་ཧཱ་རཀྟ་ལ༴ མ་ཧཱ་ཙིརྟ་ལ༴ མ་ཧཱ་བ་སུ་ཏ་ལ༴ མ་ཧཱ་ཀོ་རེ་ཙ་ན་ལ༴ མ་ཧཱ་ཀེཾ་ནི་རི་ཏི་ལ༴ དབང་པོ་ནང་རོལ་ལ༴ དོན་སྙིང་རྣམ་ལྔ་ལ༴ ཤ་ཁྲག་སྲོོག་དབུགས་ལ༴ རྣམ་ཤེས་ཚོགས་བརྒྱད་ལ༴ སྐྱེ་མཆེད་བཅུ་གཉིས་ལ༴ ལྷག་མ་རྗེས་ཤུལ་ལ་ཁཱ་ཧིཿ བཛྲ་ཨརྒྷཾ་སོགས་ནས་ཤསྡ་པྲ་ཏིཙྪ་ཡེ་སྭཱ་ཧཱ། །སྡང་བའི་དགྲ་དང་གནོད་པའི་བགེགས། །ནག་པོ་ཆེན་པོའི་ཞལ་དུ་སྟོབས། །སློབ་དཔོན་སྐ་ལ་བསྡོ་བ་དང་། །རྣལ་འབྱོར་བདག་ལ་སྡང་བ་དང་། །རྡོ་རྗེ་སྤུན་ལ་འཁུ་བ་དང་། །བདག་གི་འཁོར་ལ་གནོད་པ་དང་། །མིང་དང་གཟུགས་སུ་བྲིས་པ་འདི། །ནག་པོ་ཆེན་པོའི་ཞལ་དུ་སྟོབས། །ཡན་ལག་རྣམས་ཀྱི་ཤ་ཆོད་ལ། །མགོན་པོ་ཆེན་པོའི་ཞལ་དུ་རོལ། །ཚེ་སྲོག་དམར་པོ་རྩད་ནས་ཆོད། །ཁྲག་གི་རྒྱུན་ཡང་འཐུང་བར་གྱིས། །སྙིང་ཁྲག་དྲོན་མོ་ཞལ་དུ་རོལ། །ཏིལ་འབྲུ་ཙམ་ཡང་མེད་པར་མཛོད། །ཅེས་པས་མཆོད་ཅིང་བསྟོད་པ་ནི། །ཧཱུྃ་དམར་སྨུག་ཟླ་གམ་བྲག་གི་གདན་སྟེང་ནས། །མདུང་དང་རལ་གྲི་གཤིབས་པའི་ཕོ་བྲང་དུ། །གྲི་གུག་བེང་གི་ར་བ་ནས། །མི་འགྱུར་རྡོ་རྗེའི་གདན་སྟེང་ན། །ཆགས་པའི་སྐྱོན་སྤངས་མ་ཆགས་པདྨའི་སྟེང་། །བམ་ཆེན་བསྣོལ་བའི་གདན་སྟེང་དུ། །མགོན་པོ་ཚོགས་ཀྱི་བདག་པོ་ནི། །སྐ་མདོག་མཐིང་ནག་འབར་བ་ལ། །འཇིགས་སུ་རུང་བའི་ཆ་བྱད་ཅན། །དབུ་སྐྲ་རལ་པ་གྱེན་དུ་བརྫེས། །སྨ་ར་སྨིན་མ་མེ་ལྟར་འབར། །ཞལ་གདངས་ལྗག་འདྲིལ་མཆེ་བ་གཙིགས། །རྐན་སྒྲ་རྡེབས་ཅིང་ཧཱུྃ་སྒྲ་སྒྲོགས། །དར་ནག་འཇོལ་བེར་སྐ་ལ་མནབས། །སག་ཏི་སྔོན་པོའི་ཆག་ལྷྭམ་གསོལ། །གཡས་ན་ཙན་དན་བེང་ཆེན་བསྣམས། །གཡོན་པས་ཐོད་ཁྲག་ཞལ་དུ་གསོལ། །ཐོད་སྐམ་ལྔ་ཡིས་དབུ་རྒྱན་ཅན། །མི་མགོའི་ཕྲེང་བའི་དོ་ཤལ་བྱས། །གསུས་ཁྱིམ་ཆེ་ལ་གསུས་པ་འཕྱངས། །མི་ཐུང་ཁྲོ་གཉེར་དྲག་པོ་ཆེ། །མཆུ་དང་སོ་ལ་ཁྲག་ཀྱང་འཛགས། །ལྷ་དམག་འབུམ་གྱི་གཙོ་བོ་མཛད། །ནག་པོ་འཇིགས་བྱེད་སྐ་ལ་ཕྱག་འཚལ་བསྟོད། །སངས་རྒྱས་བསྟན་བསྲུང་མཛད་ལ་ཕྱག་འཚལ་བསྟོད། །ལྷ་མིའི་མགོན་སྐྱབས་མཛད་ལ་ཕྱག་འཚལ་བསྟོད། བྷྱོཿ །ཡུམ་ཆེན་ཡཀྴ་བཻ་ཏ་ལི། །གྲི་གུག་ཐོད་ཁྲག་ཕྱག་ན་བསྣམས། །རླུང་ནག་འཚུབས་མའི་ནང་ན་བཞུགས། །མ་མོ་ཀུན་གྱི་གཙོ་མོ་སྟེ། །ལྷ་མོ་དཔལ་འབར་མ་ལ་ཕྱག་འཚལ་བསྟོད། །ཧཱུྃ་མགོན་པོའི་སྐ་ཡི་སྤྲུལ་པ་ནི། །མཐིང་ནག་རྩེ་གསུམ་ཐོད་ཁྲག་བསྣམས། །ནག་པོ་སྟོང་གི་ཚོགས་ཀྱིས་བསྐོར། །སྐ་མཆོག་ཁྱོད་ལ་ཕྱག་འཚལ་བསྟོད། །ཧཱུྃ་མགོན་པོའི་གསུང་གི་སྤྲུལ་པ་ནི། །ཙན་དན་བེང་ཆེན་ཐོད་ཁྲག་བསྣམས། །ཤ་ཟ་འབུམ་གྱི་ཚོགས་ཀྱིས་བསྐོར། །གསུང་མཆོག་ཁྱོད་ལ་ཕྱག་འཚལ་ལོ། །ཧཱུྃ་མགོན་པོའི་ཐུགས་ཀྱི་སྤྲུལ་པ་ནི། །ཕྱག་མཚན་གྲི་གུག་ཐོད་ཁྲག་བསྣམས། །མ་མོ་བྱེ་བའི་ཚོགས་ཀྱིས་བསྐོར། །ཐུགས་མཆོག་ཁྱོད་ལ་ཕྱག་འཚལ་བསྟོད། །ཧཱུྃ་དཔལ་བ་འཆང་དང་ལེགས་ལྡན་ནག་པོ་དང་། །བྲག་ལྷ་མགོན་པོ་དང་ནི་རྣམ་ཐོས་སྲས། །ཛམ་བྷ་ལ་དང་ཨཱཪྱ་རེ་མནྟ། །ནག་པོ་རྒྱན་ཅན་ལྷ་ཆེན་དཔལ་འབར་དང་། །དུང་གི་ཐོར་ཚུགས་ཅན་དང་གཟི་འབར་མ། །ཀུན་ཀྱང་སྐ་མདོག་སྣ་ཚོགས་ལ། །བ་དན་མཚོན་ཆ་སྣ་ཚོགས་བསྣམས། །སྤྲུལ་པ་སྣ་ཚོགས་ཕྱོགས་བཅུར་འགྱེད། །ཕྱོགས་བཅུའི་མགོན་པོ་རྣམས་ལ་ཕྱག་འཚལ་བསྟོད། །ཧཱུྃ་ལྷ་དང་གཤིན་རྗེ་མ་མོ་བདུད་བཙན་དང་། །རྒྱལ་པོ་གནོད་སྦྱིན་ཀླུ་བདུད་རྣམས་ཀྱིས་ནི། །སྐ་མདོག་ཕྱག་མཚན་སྣ་ཚོགས་ཅིར་ཡང་སྟོན། །སྡེ་བརྒྱད་མགོན་པོ་རྣམས་ལ་ཕྱག་འཚལ་བསྟོད། །ཧཱུྃ་རྒྱལ་ཆེན་བཞི་དང་ཕྱོགས་སྐྱོང་བཅུ་ལ་སོགས། །ལྷ་དང་ཀླུ་དང་གཟའ་དང་གནོད་སྦྱིན་དང་། །རྒྱུ་སྐར་དང་ནི་དཔལ་མགོན་འཁོར་དང་བཅས། །དཀར་ཕྱོགས་སྐྱོང་བ་རྣམས་ལ་ཕྱག་འཚལ་བསྟོད། །མགོན་པོ་ཁྱེད་མཆོད་བྱིན་རླབས་ཀྱིས། །སངས་རྒྱས་བསྟན་པ་སྲུང་བ་དང་། །བདག་ཅག་རྣལ་འབྱོར་འཁོར་བཅས་ཀྱི། །འཁོར་རྣམས་བསྲུང་ལ་རྐྱེན་རྣམས་བཟློག །བཅོལ་པའི་ཕྲིན་ལས་གྲུབ་པར་མཛོད། ཅེས་བསྟོད་ལ། གལ་ཏེ་རྟགས་མེད་ན། གནད་ལ་དབབ་པ་ནི། རང་ཉིད་དཔལ་ཆེན་ཤིན་ཏུ་འཁྲོས་ནས་མགོན་པོའི་དབུ་ཐོག་ཏུ་བྲོ་བརྡུངས་ཤིང་གར་བྱས་པས། མགོན་པོ་འཁོར་དང་བཅས་པས་སྔོན་གྱི་དམ་ཚིག་དྲན་ནས་ལས་མྱུར་དུ་བྱེད་པར་ཁས་བླངས་པར་བསམ་ལ། བྷྱོ་ལ་ཧི་མོ་ནག་རི་ཤི་ལ་མ་ཀཱ་ཏི་གུ་ཎ་གྷ་ལ་ཀཱ་ཧཱ་མཤྲྀ་ༀ༔ ཅེས་ཐུན་མགོར་བརྒྱ་རྩ་བརྒྱད་ལ་སོགས་པར་བགྲང་ངོ་། དེ་ལྟར་བཟླས་པས་རྟགས་ནི། དམག་ལ་ཆ་བ་དང་། རྐུན་ལ་ཆ་བ་དང་། ལིངས་ལ་ཆ་བ་དང་། བྱ་ཆེན་ལྡིང་བ་དང་། རི་མཐོན་པོའི་ཁར་རང་ཉིད་མཆིས་པ་རྣམས་སྲུང་མས་ལས་བྱེད་པའི་རྟགས་སོ། རི་དྭགས་རྒྱར་ཚུད་པ་དང་། འདབ་ཆགས་རྙི་ལ་ཟིན་པ་དང་། གཡུང་དྭགས་ར་བར་ཚུད་པ་དང་། ཐགས་པས་བཏགས་པ་རྣམས་བླ་ཁུག་པའི་རྟགས་སོ། དེ་ལྟར་ཁུག་པའི་རྟགས་ལེགས་པར་བྱུང་ན། བརྒྱད་པ་གསད་པའི་ལས་བྱ་བ་ནི། གཞུང་ལས། ལྔ་འདུས་དྭངས་མ་འོད་ཀྱི་གའུ་ནས། ཞེས་པའི་དོན་ནི། མདུན་དུ་གྲུ་གསུམ་གྱི་ནང་དུ་ལིངྒ་དང་དགྲ་བོ་དབྱེར་མེད་དུ་གནས་པའི་སྙིང་གར་འབྱུང་བ་ལྔའི་འཁོར་ལོ་འོད་ཟེར་ཁ་དོག་ལྔ་དང་ལྡན་པའི་ནང་དུ་ཧཱུཾཿལས་གྲི་གུག་བསྣོལ་མའི་ཡུ་བ་རྟཱཾ་གིས་མཚན་པ་གཅིག་ཡོད་པར་བསམ། དེ་ལ་སྔགས་འ ཁོར་མགོ་མཇུག་བཟློག་པ་གཅིག་གིས་འཁོར་བར་བསམ་ལ། གཞུང་ལས། དམོད་པ་གནད་ཀྱི་གདམས་པ་ལས། སྲོག་གཏུབས་ཤེས་པ་ཉེ་བར་དུ། རྩ་སྲོག་འབྲེལ་བ་སྤུ་གྲིས་གཅོད། ཅེས་པའི་དོན་ནི། བདག་མདུན་གཉིས་ཀྱི་ཐུགས་ཀའི་ཧཱུྃ་ལས་འོད་ཟེར་གྲི་གུག་དབྱིབས་ཅན་དཔག་ཏུ་མེད་པ་འཕྲོས་པས། ཁོའི་སྙིང་གའི་འོད་ཟེར་ལ་ཕོག འོད་ཟེར་གཡས་འཁོར་གཡོན་འཁོར་བྱས་པས། གྲི་གུག་གི་རྩེ་མོས་འཁོར་ལོའི་ཁ་ཕྱེས་ནས། རྣམ་པར་ཤེས་པའི་ངོ་བོ་འོད་ཀྱི་གོང་བུ་དེ་ཚུར་བྱུང་ནས། བདག་གི་ཐུགས་ཀའི་ཧཱུྃ་ལ་ཐིམ་པས། ཧཱུྃ་དེ་བཀྲག་མདངས་གཟི་བརྗིད་དང་ལྡན་པར་བསམ། ཁོའི་སྙིང་རྩ་སྲོག་རྩ་རྣམས། གྲི་གུག་གིས་རྦད་རྦད་བཅད་ནས་བཀྲག་མདངས་གཟི་བརྗིད་ཐམས་ཅད་ཉམས་ནས་མར་མེའི་སྡོང་བུ་འགྱེལ་བ་བཞིན་དུ་ནག་ཐིབས་ཀྱིས་སོང་བར་བསམ་ལ། ༀ་ཤྲྀ་མ་ཧཱ་ཀཱ་ལ་ཧཱུྃ་ཕཊ༔ ༀ་མ་ཧཱ་ཀཱ་ལ་ཆྒཻ་སྙིང་འབྱིན་ནོཿ སྙིང་ལ་པུ་ཏྲི་ཆྒཻ་ཙིརྟ་རྦདཿ ༀ་ཡ་ཧཱ་ཀཱ་ལ་ནྲྀ་ཐུམ་ལུམ་ཐུམ་རིལ་རྦདཿ སུ་ནྲྀ་ཛཿཆྒཻ་སྙིང་ལ་ཡ་ཡཿ ཞེས་ཡབ་ཀྱི་གསད་པའོ། ༀ་བཛྲ་ཡཀྴ་བཻ་ཏ་ལི་ཧཱུྃཿ དྲག་རཀྴ་རཀྨོ་ཐུམ་ལམ་ཆྒཻ་སྙིང་ལ་འདུས་འདུས། སྲོག་ལ་སྲིང་སྲིང་ཤམ་ཤམ་ཁྱེར་བྷྱོ༔ དྲག་རཀྴ་རཀྨོ་ཐུམ་ལུམ་སྙིང་ཁ་རཀྴ་ཛ་ཛ༔ དྲག་རཀྴ་ཙིརྟ་ཤམ་ལམ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ དེ་ནི་ཡུམ་གྱི་གསད་པ་སྟེ། དེ་མ་ཐག་ཏུ་བསྒྲལ་བར་བྱེད་པའོ། དགུ་བ་འོག་ཆ་ལ་གསུམ་སྟེ། དང་པོ་ལས་བྱེད་ཀྱི་ལྷ་བསྐྱེད་པ་ནི། བདག་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པས་མདུན་གྱི་མགོན་པོའི་ཐུགས་ཀར་ཕོགཿ མགོན་པོའི་ཐུགས་ཀ་ནས་འོད་ཟེར་མཐིང་ནག་གཅིག་སྤྲོས་པས་གྲུ་གསུམ་ལ་ཕོགཿ གྲུ་གསུམ་ཡོངས་སུ་གྱུར་པ་ལས་ཨེ་མཐིང་ན ག་འབར་བ་འོད་དུ་ཞུ་བ་ལས་ཧོམ་ཁུང་ནག་པོ་ལས་ཀྱི་གཤིན་རྗེའི་ལྕགས་ཁང་གཏིང་མེད་ཅིང་ཕྱི་ནག་ལ་རྩུབ་པཿ ནང་དམར་ལ་ཟབ་པཿ ནང་ན་མཚོན་ཆ་མདའ་མདུང་རལ་གྲི་སྣ་ཚོགས་ཤིག་གེ་འདུག་པའི་འོག་དུ་དུག་མཚོ་ནག་པོ་ཁོལ་བཿ སྟེང་ན་དུག་མཚོན་གྱི་ཆར་བ་འབེབས་པཿ ནད་གྱི་ན་བུན་སྔོ་དམར་འཁྲིགས་པཿ བདུད་དང་ཿ གཤིན་རྗེ་དང་ཿ མ་མོ་དང་ཿ ཤ་ཟ་དང་ཿ དྲི་ཟ་དང་ཿ གྲུལ་བུམ་དང་ཿ གནོད་སྦྱིན་ལ་སོགས་པའི་ལྷ་སྲིན་སྡེ་བརྒྱད་ཀྱི་དམགས་ཚོགས་དཔུང་ངེ་འདུག་པཿ ཞལ་ནས་སོད་སོད་དང་རྒྱོབ་རྒྱོབ་གྱི་སྒྲ་སྒྲོགས་པཿ ཤིན་ཏུ་སྐྱི་གཡའ་ཞིང་ཡ་ང་བའི་ནང་དུ་ནྲྀ་ཏྲྀ་ལས་དགྲ་བགེགས་གང་ལ་དམིགས་པ་དེ་བསྒྲལ་བའི་ཞིང་གི་མཚན་ཉིད་དང་ལྡན་པཿ དེའི་སྟེང་དུ་མགོན་པོའི་ཐུགས་ཀ་ནས་ཕཊཿནག་པོ་ཅིག་སྤྲོས་པས། མགོན་པོའི་སྤྲུལ་པ་སྲོག་བདུད་ནག་པོ་ཕག་རྒོད་ཀྱི་མགོ་ཅནཿ ཕྱག་གཡས་ན་གནམ་ལྕགས་ཀྱི་སོག་ལེ་དགུ་ཕྲེང་བསྣམས་པ་ལས་མཚོན་ཆ་སྣ་ཚོགས་ཀྱི་ཆར་འབེབས་པཿ གཡོན་ན་བདུད་ཀྱི་ཐོད་པ་སྟོང་ཤོང་གི་ནང་དུ་དགྲ་བོའི་ཤ་ཁྲག་ཞལ་དུ་གསོལ་བ། ལུས་ལ་སྦྲུལ་དང་བདུད་སྟྭ་རྣོ་ཡམ་ཡམ་པས་བརྒྱན་པཿ མཇུག་མ་སྦྲུལ་དུ་འཁྱིལ་བཿ ཤིན་ཏུ་འཇིགས་སུ་རུང་བཿ ཕྱག་གི་སོག་ལེ་ལས་མཚོན་ཆའི་ཆར་འབབས་པཿ ཁྲག་གི་དངས་མ་ཐོད་པ་སྟོང་ཤོང་གི་ནང་དུ་གསོལ་བ༔ ལུས་ཀྱི་སྟྭ་རེ་ལས་བདུད་སྟྭའི་ཆར་འབབས་པས་དམ་ཉམས་དགྲ་བོའི་ཀླད་ཁྲག་གནམ་དུ་སྐྱ་ཕྱུར་གྱིས་ཕྱུངས་བར་བསམ༔ དེ་ལ་བདུད་དང་གཤིན་རྗེའི་ཚོགས་ཀྱིས་ཐོབ་ཁྱེར་བྱེད་པར་བསམཿ དེའི་རྒྱབ་ཏུ་ས་བད ག་རེ་འབྱམས་ཕག་མགོ་ཅནཿ གཏོད་ཀྱི་རེ་འབྱམས་གླང་མགོ་ཅནཿ ཀླུའི་རེ་འབྱམས་སྦྲུལ་མགོ་ཅནཿ བཙན་གྱི་རེ་འབྱམས་སྟག་མགོ༴ གཟའི་རེ་འབྱམས་ཁྱུང་མགོ༴ གཉན་གྱི་རེ་འབྱམས་འབྲུག༴ གནོད་སྦྱིན་རེ་འབྱམས་སྦལ་མགོ༴ དྲི་ཟའི་རེ་འབྱམས་སྤྲེལ་མགོ་ཅ ན་དེ་རྣམས་ལ་འཁོར་ས་བདག་རྣམས་ཀྱིས་བསྐོར་བཿ ལག་ན་མཚོན་ཆ་སྣ་ཚོགས་འཛིན་པཿ མཇུག་མ་སྦྲུལ་དུ་འཁྱིལ་བ༔ ལུས་ལ་མིག་གིས་གང་བ༔ ཤིན་ཏུ་འཇིགས་པའི་ཆ་ལུགས་ཅན་ནོ༔ དེ་རྒྱབ་ལོ་བདུད་བཅུ་གཉིས་དེ་རྒྱབ་ལོ་བདུད་རེ་འབྱམས་དྲུག་ཅུཿ དེ་རྒྱབ་སྲིན་པོ་རྣམ་བཞི་ནི༔ ལས་ཀྱི་སྲིན་པོ་ཕག་མགོ་ཅནཿ བཙན་གྱི་སྲིན་པོ་བྱ་མགོ་ཅནཿ བདུད་ཀྱི་སྲིན་པོ་ཁྱི་མགོ་ཅནཿ གནོད་སྦྱིན་སྲིན་པོ་སྦྲུལ་མགོ་ཅན་ནོཿ དེ་རྒྱབ་ཕུང་འདྲེ་བཅོ་བརྒྱད་ནི། དུར་སྲི་ནག་པོ་རྟ་ལ་ཞོན་པ། རབས་ཆད་ནག་པོ་མཛོ་ལ་ཞོན་པཿ ལྟ་ངན་ནག་པོ་བེའུ་ལ༴ རྨངས་འདྲེ་ནག་པོ་གླང་ལ༴ ཀླུ་ཐེའུ་ནག་པོ་སྦལ་བ་ལ༴ ཐེའུ་རང་ནག་པོ་ར་ལ༴ ཕུང་འདྲེ་ནག་པོ་རྔ་མོ་ལ༴ གྲི་བོ་ནག་པོ་ཕག་ལ༴ བཙན་སྲི་ནག་པོ་ཤ་བ་ལ༴ ཆུང་སྲི་ནག་པོ་སྲེ་མོ་ལ༴ འགབ་སྲི་ནག་པོ་འཕར་བ་ལ༴ འགོང་སྲི་ནག་པོ་རི་བོང་ལ༴ ཐབ་འདྲེ་ནག་པོ་ཡུ་མོ་ལ༴ གཟད་འདྲེ་ནག་པོ་ཁ་ཤ་ལ༴ ཡུལ་འདྲེ་ནག་པོ་ཁྱི་ལ༴ བྲག་ཐེའུ་ནག་པོ་འུག་པ་ལ༴ ཆུ་གྲི་ནག་པོ་ཆུ་སྲིན་ལ༴ ས་སྲི་ནག་པོ་སྤྲེའུ་ལ་ཞོན་པ་ཐམས་ཅད་ཀྱི་ཕྱག་ན་མཚོན་ཆ་སྣ་ཚོགས་ཐོགས་པཿ དེ་རྒྱབ་ལྷ་འདྲེ་གྲི་བོའི་དམག་ཚོགསཿ སྲི་ཅན་གདོན་གྱི་དམག་ཚོགས༔ བདུད་ཕོ་ཐོད་ཁུརཿ བདུད་མོ་ནད་བདགཿ ཐེའུ་རང་འགོང་པོ ། ཟ་བྱེད་གཤིན་རྗེ་དཔག་ཏུ་མེད་པས་བསྐོར་ནས་དགྲ་བགེགས་བསད་བཅད་བྱེད་པའི་ཤན་པར་རྔམ་ཞིང་ཡོད་པར་བསམཿ གཉིས་པ་སྤྱན་འདྲེན་ཅིང་བཞུགས་སུ་གསོལ་བ་ནི། དེ་ལྟར་དུ་གསལ་བའི་བདུད་མགོན་གྱི་ཐུགས་ཀར་ཕཊཿམཐིང་ནག་དང་འཁོར་རྣམས་ཀྱི་ཐུགས་ཀར་རང་རང་གི་མིང་ཡིག་དང་པོ་ཐིག་ལེའི་བརྒྱན་པ་ལས་འོད་ཟེར་འཕྲོས་པས་དེ་འདྲ་བའི་ལྷ་ཚོགས་སྤྱན་དྲངས་ནས་དམ་ཚིག་གི་འོད་ཟེར་དང་དབྱེར་མེད་དུ་ཐིམ་པར་བསམ་ཞིང་། ཚིལ་ཆེན་བསྲེེག་ཅིང་རོལ་མོའི་སྒྲ་དང་བཅས་ཏེ་འདི་སྐད་དོ། ཧཱུྃ་སྔོན་ཚེ་དངོས་གྲུབ་བསྒྲུབ་པའི་ཚེ། །བྱིན་རླབས་ཡ་མཚན་ཆེ་བའི་གནས། །བྱ་རྒོད་ཕུང་པོའི་རི་ཡི་གྲོང་། །འོད་མའི་ཚལ་གྱི་བྱང་གི་གནས། །གྒཱང་ཆེན་པོའི་ལྷོ་ཕྱོགས་ནས། །ནཱ་ལེན་ཏྲ་ཡི་ཤར་ཕྱོགས་ན། དུར་ཁྲོད་ཆེན་པོ་བསིལ་བའི་ཚལ། །ཤི་རི་ཤ་དང་ཨ་ཤྭ་ཀ། །ཨུ་དུམ་ཝཱ་ར་ནྱ་ཀྲོ་ཏ། །ཤེལ་དང་མེ་ཏོག་ཚལ་གྱིས་བརྒྱན། །ཀེང་རུས་ཐོད་པའི་སྐ་མཁར་ནས། །ནག་པོ་ཆེན་པོ་སྤྱན་འདྲེན་ན། །ཆོས་དབྱིངས་ཕོ་བྲང་དམ་པ་འདིར། །ཐུགས་རྗེས་དབང་གིས་གཤེགས་སུ་གསོལ། །བྱིན་གྱིས་བརླབ་པའི་གནས་མཆོག་འདིར། །བསྟན་པ་བཤིག་བྱེད་བསྒྲལ་བའི་ཕྱིར། །ནག་པོ་ཆེན་པོ་གཤེགས་སུ་གསོལ། །ཤ་ཁྲག་དམར་གྱི་བདུད་རྩི་འདིས། །མ་ཧཱ་ཀཱ་ལའི་ཐུགས་དམ་བསྐང་བའི་ཕྱིར། །ཡང་ཅིག་སྐ་ཅན་གཤེགས་སུ་གསོལ། །མཐིང་ནག་གྲུ་གསུམ་དཀྱིལ་འཁོར་ནས། །ཕུང་བྱེད་ནག་པོ་སྤྱན་འདྲེན་ན། །ཁྲག་འཐུང་ཆེན་པོ་གཤེགས་སུ་གསོལ། །ཆོས་དབྱིངས་མི་འགྱུར་ཀློང་དཀྱིལ་ནས། །དམ་ཅན་ནག་པོ་སྤྱན་འདྲེན་ན། །ལྷ་ཆེན་དཔལ་འབར་གཤེགས༴ དད་པ་དང་ནི་དམ་ཚིག་གིས། །ལེགས་ལྡན་ནག་པོ་སྤྱན་འདྲེན་ན། །བསྟན་བསྲུང་མགོན་པོ་གཤེགས༴ བཅོམ་ལྡན་འདས་ཀྱི་སྤྱན་སྔ་རུ། །བསྟན་པ་བསྲུང་བར་ཞལ་བཞེས་པའི། །བྱ་རོག་གདོང་ཅན་གཤེགས༴ ནག་པོ་སྟོང་དང་ཤ་ཟ་འབུམ། །མ་མོ་བྱེ་བའི་ཚོགས་རྣམས་ཀུན། །བདེ་གཤེགས་སྤྲུལ་པ་གཤེགས་སུ་གསོལ། །བུདྡྷའི་རྗེས་འཇུག་དམ་ཚིག་ཅན། །རྣལ་འབྱོར་བདག་གིས་སྤྱན་འདྲེན་ན། །བསྟན་པ་རྒྱས་མཛད་གཤེགས༴ དྲག་པོའི་ལས་རྣམས་བསྒྲུབ་པའི་ཕྱིར། །སྡེ་བརྒྱད་མགོན་པོ་སྤྱན་འདྲེན་ན། །སྤྱན་འདྲེན་གནས་འདིར་གཤེགས་སུ༴ རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་པའི། །ཁྲག་འཐུང་ཆེན་པོ་གཤེགས༴ ནག་པོ་ཆེན་པོ་དྲག་ཤུལ་ཅན། །བྱ་རོག་མཚན་ཅན་སྟོབས་པོ་ཆེ། །ཁྱེད་ཀྱིས་མི་འདུལ་གང་ཡང་མེད། །སྔོན་གྱི་ཐུགས་དམ་དགོངས་མཛོད་ལ། །དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་ནག་པོ་ཆེ། །བསྟན་དང་བསྟན་འཛིན་སྐྱོང་བ་དང་། །བསྟན་དགྲ་ལོག་འདྲེན་སྒྲོལ་ཕྱིར་དུ། །དྲག་པོའི་གནས་འདིར་གཤེགས་ནས་ཀྱང་། །དུར་ཁྲོད་རོལ་པའི་གདན་སྟེང་དུ། །མངོན་སྤྱོད་དབང་གིས་བཞུགས་སུ་གསོལ། ༀ་ཤྲཱྀ་མ་ཧཱ་ཀཱ་ལ་ཡ། ས་མཱ་ཡ་ཛཿཧཱུྃ་བཾ་ཧོཿ གསུམ་པ་མཆོད་པ་འབུལ་ཞིང་ཕྲིན་ལས་བཅོལ་བ་ནི། །ཀྱཻ་མགོན་པོའི་ཐུགས་ཀྱི་སྤྲུལ་པ་ལས། །བདུད་མགོན་སྲོག་གཅོད་ནག་པོ་དང་། །བདུད་དམག་འབུམ་ཕྲག་འཁོར་བཅས་རྣམས། །གནས་འདིར་སྤྱན་འདྲེན་གཤེགས་སུ་གསོལ། །རྒྱན་གྱི་གཏོར་མ་འདི་བཞེས་ལ། །དགྲ་སྲོག་གཅོད་པའི་དུས་ལ་བབས། །ལས་བཅོལ་ཕྲིན་ལས་མྱུར་དུ་མཛོད། །ཀྱཻ་ས་བདག་རྒྱལ་པོ་ཕག་མགོ་ཅན། །རེ་འབྱམས་མཆེད་བརྒྱད་འཁོར་བཅས་རྣམས། །གནས་འདིར་སྤྱན་འདྲེན་གཤེགས་སུ་གསོལ། །རྒྱན་གྱི་གཏོར་མ་སོགས། །ཀྱཻ་མྱུར་མགྱོགས་ཕྲ་མེན་བཅུ་གཅིག་དང་། །བདུད་པོ་ལོ་བདུད་བཅུ་གཉིས་རྣམས། །གནས་འདིར་སྤྱན་འདྲེན་གཤེགས་སུ་གསོལ། །རྒྱན་གྱི་གཏོར་མ་སོགས། །ཀྱཻ་མི་ལུས་དུད་འགྲོའི་མགོ་བོ་ཅན། །ཕུང་འདྲེ་བཅོ་བརྒྱད་འཁོར་བཅས་རྣམས། །གནས་འདིར་སྤྱན་འདྲེན་གཤེགས་སུ་གསོལ། །རྒྱན་གྱི་སོགས། ཀྱཻ་ཕོ་བདུད་བདུད་ཕོ་ཐོད་ཁུར་དང་། །མོ་བདུད་བདུད་མོ་ནད་བདག་དང་། །སྣང་ཞིང་སྲིད་པའི་ལྷ་འདྲེ་རྣམས། །གནས་འདིར་སྤྱན་འདྲེན་གཤེགས་སུ་གསོལ། རྒྱན་གྱི་གཏོར་མ་སོགས། །ཀྱཻ་སྔོན་ཚེ་དཔལ་ཆེན་ཧེ་རུ་ཀ། །འཕགས་པ་སྤྱན་རས་གཟིགས་དབང་དང་། །དཔལ་ལྡན་རྒྱལ་ཆེན་རྣམ་ཐོས་སྲས། །རིག་འཛིན་དྷ་ན་སཾ་སྐྲྀ་ཏ། །མཁས་པ་བཻ་རོ་ཙ་ན་ཡིས། །སྤྱན་སྔར་ཁས་བླངས་དམ་བཅས་པ། །བསྟན་སྲུང་མགོན་པོ་ལ་སོགས་པའི། །འཇིག་རྟེན་དྲེགས་པའི་ལྷ་འདྲེ་རྣམས། །དམ་ཚིག་གཉན་ལ་མ་འདའ་བར། །སངས་རྒྱས་བསྟན་པ་བསྲུང་བའི་ཕྱིར། །རྒྱན་གྱི་གཏོར་མ་འདི་བཞེས་ལ། །དགྲ་བགེགས་མིང་གཟུགས་བྲིས་པ་རྣམས། །སོད་ཅིག་སྒྲོལ་གཅིག་དགྲ་ཤ་ཟོ། །གཏན་ནས་བརླག་པའི་ཕྲིན་ལས་མཛོད། །ཀྱཻ་སྐྱེ་འགྲོའི་སྲོག་ལ་དབང་བྱེད་པའི། །ས་བདག་རེ་འབྱམས་མཆེད་བརྒྱད་དང་། །ལོ་བདུད་བཅུ་གཉིས་འཁོར་བཅས་དང་། །སྲིན་པོ་སྡེ་བཞི་གྲི་བོའི་ཚོགས། །ཕུང་འདྲེ་བཅོ་བརྒྱད་ཁྱེད་རྣམས་ལ། ཕྲིན་ལས་དྲག་ཏུ་བཅོལ་བ་ནི། །བདག་ལ་བརྙས་བྱེད་སྡིག་ཅན་དང་། །ཉམས་པ་ཅན་གྱི་དགྲ་བོ་འདིའི། །སྲོག་སྙིང་ཕྱུངས་ལ་འབྱུང་བཞི་དཀྲུགས། །མེ་དབལ་གག་ལྷོག་གཟེར་གསུམ་སོགས། །ཚ་ནད་འབྲུམ་པ་ཁྲག་བཤལ་རིམས། །སྲོག་སྙིང་དཀྲུགས་པའི་ལས་རྣམས་ཀྱིས། །དམ་ཉམས་དགྲ་བོའི་མཐའ་རྩ་ཆོད། །བཅོལ་པའི་ཕྲིན་ལས་གྲུབ་པར་མཛོད། །བདག་གི་ཐུགས་ཀ་ནས་འོད་ཟེར་འཕྲོས་པས་མདུན་གྱི་མགོན་པོ་ཡབ་ཡུམ་བསྐལ་ནསཿ ཡབ་ལས་མགོན་པོ་དཔག་ཏུ་མེད་པཿ ཡུམ་ལས་མ་མོ་དཔག་ཏུ་མེད་པ། །འཁོར་རྣམས་ལས་རང་རང་འདྲ་བའི་སྤྲུལ་པ་དཔག་ཏུ་མེད་པ་འཕྲོས་པསཿ ལ་ལས་དགྲ་བོའི་སྲོག་གཅོདཿ ལ་ལས་དབུགས་ལེནཿ ལ་ལས་ཤ་ཟོསཿ ལ་ལས་ཁྲག་འཐུང་ཿ ལ་ལས་ལྤགས་པ་འདྲལཿ ལ་ལས་རུས་པ་འཆོས་ནས་ལྷག་མ་མེད་པར་་བྱས་པར་བསམ་མོཿ བཅུ་པ་ཕུར་པ་འདེབས་པ་ལ་བཞི་སྟེ། དང་པོ་གཙོ་བོའི་ཕུར་པ་ནིཿ ཕུར་པ་ལག་ཏུ་བླངས་ཏེ་བྱིན་གྱིས་བརླབས་པ་ནི། ཕུར་པ་མི་དམིགས་པའི་ངང་ལས་ཡི་གེ་ཧཱུྃཿམཐིང་ན ག་གཅིག་ཏུ་གྱུར་བར་བསྒོམཿ ཧཱུྃ་དེ་ཡོངས་སུ་གྱུར་པ་ལསཿ ནག་པོ་ཆེན་པོ་སྐ་སྟོད་ཁྲོ་བོ་སྐ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པཿ དབུ་སྐྲ་དམར་སེར་མེ་ལྟར་འབར་བཿ ཕྱག་གཡས་ན་ཙན་དན་གྱི་བེང་སྔོན་པོ་ཟུར་བརྒྱད་པཿ གཡོན་པས་ཐོད་ཁྲག་བསྣམས་པཿ སྐ་ལྟེ་བ་མན་ཆད་ལྕགས་བསྲེགས་མགར་གྱི་སོལ་ཁུང་ནས་ཕྱུང་བ་ལྟ་བུ་གནམ་ལྕགས་ཀྱི་ཕུར་པ་ཟུར་གསུམ་པ་ཆུ་སྲིན་གྱི་ཁ་ནས་བྱུང་བ་ལས་ཚྭ་ཚ་དང་མེ་འོད་འཕྲོ་བ། མཚོན་ཆ་དང་མེ་རིའི་ཆར་འབབ་པར་བསམཿ དེའི་སྤྱི་བོར་སྐ་མཆོག་མགོན་པོཿ མགྲིན་པར་གསུང་མཆོག་མགོན་པོ། ཐུགས་ཀར་ཐུགས་མཆོག་མགོན་པོཿ རྒྱ་མདུད་ལ་ཕྱོགས་བཅུའི་མགོན་པོཿ དབལ་སོ་ལ་ལྷ་དམག་བྱེ་བ་དུང་ཕྱུར། དེའི་འོག་ཏུ་ཚོགས་བདག་གི་བཀའ་བསྡོདཿ སྤྲུལ་པ་ཡང་སྤྲུལ་གྱི་ཚོགས་རྣམས་བསྒོམཿ ༀ་ཤྲཱྀ་མ་ཧཱ་ཀཱ་ལ་ས་མ་ཡ་ཕེམ་ཕེམ་ཕེམཿ བཛྲ་ས་མ་ཡ་ཛཿཡིས་ཡེ་ཤེས་པ་སྤྱན་དྲངསཿ ༀ་ཨེ་ཧྱ་ཧིཿ ཤྲྀ་མ་ཧཱ་ཀཱ་ལ་ཛཿ ཛཿཧཱུྃ་བམ་ཧོཿ ཨ་ཀད་ཛ་ཡཿ ཨ་ཀད་ཛ་ཡཿ ཏིཥྛ་བཛྲ་ས་མ་ཡ་སྟྭཾཿཞེས་གཉིས་སུ་མེད་པར་བསྟིམཿ ༀ་ཨཱཿཧཱུྃ་ཨེ་རྔུབ་ཨེ་བཛྲ་སནྡྷ་ཧྲིལ་པ་ཧྲི་ཨེ་ནུ་ནི་ཨེ་ལམ་མེ་ནི་ཧཱུྃ༔ ཞེས་པས་སྐ་གསུང་ཐུགས་ཀྱི་བྱིན་རླབསཿ ༀ་སརྦ་ཏ་ཐཱ་ག་ཏ་ཀཱ་ཡ་ཝཱཀྐ་ཙིརྟ་ཨ་བྷི་ཥིཉྩ་དུ་མཾཿ གྱིས་དབང་བསྐར། ༀ་ན་མཿསརྦ་ཏ་ཐཱ་ཀ་ཏ་ཨརྒྷཾ་སོགས། ཤབྟ་སྲ་ཏིཙྪ་ཡེ་སྭཱ་ཧཱ། ལ་སོགས་པས་མཆོདཿ ཡིད་ཀྱིས་བསྟོདཿ ཕྱོགས་དུས་ཀྱི་དེ་བཞིན་གཤེགས་པ་ཐམས་ཅད་ཀྱི་སྤྱི་བོ་ནས་དབང་བསྐརཿ ལུས་ངག་ཡིད་གསུམ་གྱི་དྲི་མ་དགཿ ཆུའི་ལྷག་མ་ཡར་ལུད་པ་ལས་ཚོགས་བདག་གི་སྤྱི་བོར་སྤྱན་རས་གཟིགས་ཐོ་རངས་སྐར་ཆེན་ཤར་བ་ལྟ་བུའི་དབུ་བརྒྱནཿ སྤྱན་རས་གཟིགས་ལ་འོད་དཔག་མེད་ཀྱི་དབུ་བརྒྱན་པར་གྱུར། ༀ་ཡེ་རྷརྨཱ་སོགས་ནས་སྭཱ་ཧཱས་བརྟན་པར་བྱེད་ཅིང་མེ་ཏོག་འཐོརཿ དེ་ནས་བདག་ཉིད་ཡིད་དམ་གྱི་ང་རྒྱལ་གྱིས་ཕུར་བ་འདྲིལ་ཏེ༔ ཧཱུྃ་བདག་ནི་ཁྲག་འཐུང་ཧེ་རུ་ཀཿ གཡས་པ་ཐབས་ཀྱི་རིགས་ལྔར་གསལཿ གཡོན་པ་ཤེས་རབ་ཡུམ་ལྔར་གསལཿ ཐབས་ཤེས་གཉིས་མེད་བྱིན་རླབས་ལསཿ སྲས་མཆོག་བཛྲ་ཀཱི་ལ་ཡ༔ སྐ་སྟོད་ཁྲོ་བོ་ཆེན་པོ་ལཿ སྐ་སྨད་གནམ་ལྕགས་དབལ་དང་ལྡནཿ མགོན་པོ་རྒྱ་མདུད་ཞི་བའི་ལྷཿ ལྕམ་ཞོག་བརྒྱད་ལ་ཁྲོ་བོའི་ཚོགསཿ རྐེད་པ་རྒྱ་མདུད་འབྲུག་སྟོང་ལྡིརཿ ཆུ་སྲིན་ཁ་ནས་གློག་སྟོང་འགྱུཿ ཟུར་གསུམ་རྩེ་ལ་ཐོག་སྟོང་འདྲིལཿ སྐ་ལས་མེ་ཡི་ཚྭ་ཚྭ་འཕྲོསཿ དམ་ཉམས་སྡང་བའི་དགྲ་བོ་ཡིཿ སྙིང་གི་དཀྱིལ་དུ་ཀཱི་ལ་ཡཿ དཀར་ནག་མཚམས་སུ་ཀཱི་ལ་ཡཿ དགྲ་བོའི་ས་བོན་ནྲྀ་ཡིན་པསཿ ནྲྀ་ཡི་དཀྱིལ་དུ་ཀཱི༴ བགེགས་ཀྱི་ས་བོན་ཏྲི་ཡིན་པསཿ ཏྲི་ཡི་དཀྱིལ་དུ་ཀཱི་ལ༴ བལྟ་བར་བྱེད་པ་མིག་ཡིན་པསཿ མིག་གི་རྩ་ལ་ཀཱི་ལ༴ ཐོས་པར་བྱེད་པ་རྣ་བ་ཡིནཿ རྣ་བའི་རྩ་ལ་ཀཱི་ལ༴ སྣོམ་པར་བྱེད་པ་སྣ་ཡིན་པས། སྣ་ཡི་རྩ་ལ༴ སྨྲ་བར་བྱེད་པ་ལྕེ་ཡིན་པསཿ ལྕེ་ཡི་རྩ་ལ་ཀཱི་ལ༴ བརྟེན་པར་བྱེད་པ་ལུས་ཡིན་པས། ལྟེ་བའི་དཀྱིལ་དུ་ཀཱི་ལ༴ བསམ་པར་བྱེད་པ་སྙིང་ཡིན༴ སྙིང་དཀྱིལ་སྲོག་ལ༴ མཆན་གྱི་བུ་ལ་ཀཱི༴ སྒོ་ཡི་ནོར་ལ༴ བརྟེན་པའི་མཁར་ལ་ཀཱི༴ ཕོ་ཡི་སྲོག་ལ་ཀཱི༴ མོ་ཡི་མངལ་ལ་ཀཱི༴ འདུག་པའི་གནས་ལ་ཀཱི༴ འགྲོ་བའི་རྟ་ལ་ཀཱི༴ ཕ་ཁུ་སྤུན་ལ་ཀཱི༴ བུ་སྲིང་གཉེན་ལ་ཀཱི༴ བྲན་འཁོར་ཁྱི་ལ་ཀཱི༴ བདུན་རྒྱུད་ཚུན་ཆད་རྩད་ནས་ཆོདཿ བཅོལ་བའི་ཕྲིན་ལས་འགྲུབ་པར་མཛོདཿ ༀ་ཤྲཱྀ་མ་ཧཱ་ཀཱ་ལ་ཧཱུྃཊཿ ༀ་མ་ཧཱ་ཀཱ་ལ་ཆྒཻའི་སྙིང་འབྱིན་ནོཿ སྙིང་ལ་སུ་ཏྲི་ཆྒཻ་ཙིརྟ་རྦདཿ ༀ་མ་ཧཱ་ཀཱ་ལ་ནྲྀ་ཐུམ་ལུམ་ཐུམ་རིལ་རྦདཿ སུ་ནྲྀ་ཛཿཆྒཻའི་སྙིང་ལ་ཡ་ཡཱཿ ༀ་བཛྲ་ཡཀྴ་བཻ་ཏ་ལི་ཧཱུཾཿ དྲག་རཀྴ་རཀྨོ་ཐུམ་ལུམ་ཆྒཻའི་སྙིང་ལ་འདུས་འདུསཿ སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ ཏྲག་རཀྴ་རཀྨོ་ཐུམ་ལུམ་སྙིང་ཁ་རཀྴ་ཛ་ཛཿ ཏྲག་རཀྴ་ཆྒཻའི་ཙིརྟ་ཤམ་ལམ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཀཱ་ཡ་ཝཱཀྐ་ཙརྟི་སརྦ་ཤ་ཏྲུཾ་དགྲ་བོ་མིང་དང་གཟུགས་སུ་བྲིས་པ་ཐམས་ཅད་མཱ་ར་ཡ་ཧཱུྃ་ཕཊཿ ཅེས་བརྗོད། བསྟོད་པ་ནི། ཧཱུྃ་བསྐལ་པ་མེ་ལྟར་འབར་བའི་དབུསཿ དུར་ཁྲོད་ཆེན་པོའི་གནས་མཆོག་ནསཿ དཔལ་ལྡན་མགོན་པོ་ནག་པོ་ནིཿ སྐ་མདོག་མཐིང་ནག་ཆར་སྤྲིན་མདོགཿ བམ་ཆེན་སྟེང་ན་འགྱིང་བག་ཅནཿ ཞལ་གཅིག་ཕྱག་གཉིས་སྤྱན་གསུམ་དམརཿ རལ་པ་དམར་སེར་མཆེ་བ་གཙིགསཿ སྐ་ལ་དར་ནག་འཇོལ་བེར་གསོལཿ ཕྱག་གཡས་ཙན་དན་བེང་ཆེན་བསྣམསཿ གཡོན་པས་ཐོད་པ་ཁྲག་བཀང་གསོལཿ གསེར་སྐད་སེར་པོའི་སྐ་རགས་བཅིངསཿ ཞབས་ལ་སག་ཏིའི་ལྷྭམ་སྔོན་གསོལཿ བསྐལ་པའི་མེ་རིའི་ཀློང་ན་བཞེངསཿ བསྟན་པ་བསྲུང་བར་ཞལ་བཞེས་པའིཿ དཔལ་ལྡན་མགོན་པོ་ནག་པོ་ཆེཿ རལ་པ་གྱེན་དུ་འབར་བ་ཡིསཿ སྟེང་གི་ལྷ་བདུད་བཟློག་པར་བྱེདཿ དཔྲལ་བར་ཁྲོ་གཉེར་གསུམ་དང་ལྡནཿ སྲིད་གསུམ་བགེགས་རྣམས་བཟློག་པར་བྱེདཿ མཆེ་བ་ཟུར་གསུམ་གཙིགས་པ་ཡིསཿ བདུད་བཞིའི་བར་ཆད་བཟློག་པར་བྱེདཿ དར་ནག་འཇོལ་བེར་གསོལ་བ་ཡིསཿ ཚེ་བདུད་ནག་པོ་བཟློག་པར་བྱེདཿ ཙན་དན་བེང་ཆེན་འཕྱར་བ་ཡིསཿ ལྷ་མིན་གཡུལ་ངོ་བཟློག་པར་བྱེདཿ གཡོན་པས་ཐོད་ཁྲག་བསྣམས་པ་ཡིསཿ དགྲ་བགེགས་སྙིང་ཁྲག་འཐུང་བར་བྱེདཿ གསེར་སྐད་སྐེ་རགས་བཅིངས་པ་ནིཿ རྣལ་འབྱོར་བར་ཆད་བཟློག་པར་བྱེདཿ གཡས་བརྐུམ་གཡོན་བརྐྱངས་བྱེད་པ་ཡིསཿ འཆི་བདག་གཤིན་རྗེ་བཟློག་པར་བྱེདཿ བམ་ཆེན་སྟེང་ན་འགྱིང་བ་ནིཿ ས་བདག་གཉན་བཟློག་པར་བྱེདཿ བསྐལ་པའི་མེ་རླུང་ཀློང་ན་འགྱིང་བ་ཡིསཿ ཉོན་མོངས་བག་ཆགས་མ་ལུས་བསྲེག་པར་བྱེདཿ བཟློག་བྱེད་རྒྱལ་པོ་ཁྱོད་ལ་ཕྱག་འཚལ་བསྟོདཿ བཟློག་བྱེད་ནག་པོ་འཁོར་བཅས་ལཿ བདག་གིས་མཆོད་ཅིང་བསྟོད་ནས་ནི༴ བཀའ་འཁོར་སྲུངས་ལ་བར་ཆད་སོལཿ སངས་རྒྱས་བསྟན་པ་བཤིག་པ་དང་ཿ དཀོན་མཆོག་དབུ་འཕང་སྨད་པ་དང་ཿ སློབ་དཔོན་སྐ་ལ་བསྡོ་བ་དང་ཿ བདག་ལ་བར་དུ་གཅོད་པ་ཡིཿ སྡང་བའི་དགྲ་དང་གནོད་པའི་བགེགསཿ ཐམས་ཅད་མ་ལུས་རྡུལ་དུ་བཟློགཿ བཅོལ་པའི་ཕྲིན་ལས་གྲུབ་པར་མཛོདཿ བྷྱོཿ བསྐལ་པའི་མེ་རླུང་འཚུབས་པའི་ཀློང་དཀྱིལ་ནསཿ སྨོན་ལམ་སྟོབས་ཀྱིས་སངས་རྒྱས་བསྟན་པ་བསྲུངཿ དཔལ་ལྡན་ལྷ་མོ་ནག་མོ་ནིཿ སྐ་མདོག་མཐིང་ནག་མུན་ལྟར་གཏིབསཿ ཁྲག་གི་རལ་པ་གཡས་དང་གཡོན་དུ་འཁྱིལཿ ཕྱག་གཡས་གཅོད་བྱེད་གྲི་གུག་འཕྱརཿ གཡོན་པས་ཐོད་ཁྲག་ནད་རྐྱལ་བསྣམསཿ ཆིབས་སུ་དྲིའུ་དམར་གྭ་ས་བཅིབསཿ འཁོར་ནི་མ་མོ་འབུམ་གྱིས་བསྐོརཿ འདིར་གཤེགས་དམ་རྫས་གཏོར་མ་བཞེསཿ དགྲ་བོ་བསྒྲལ་བའི་ཕྲིན་ལས་མཛོདཿ གཉིས་པ་སྐ་མཆོག་གི་ཕུར་བ་ནིཿ ཕུར་པ་མི་དམིགས་པའི་ངང་ལས་ཡི་གེ་ཧཱུྃ་མཐིང་ནག་གཅིག་ཏུ་གྱུར་བར་བསམཿ དེ་ལས་འོད་ཟེར་ལྕགས་ཀྱུ་ལྟ་བུའི་དབྱིབས་ཅན་དཔག་ཏུ་མེད་པ་འཕྲོས་པས། ཕྱོགས་བཅུའི་རྒྱལ་བ་ཞི་ཁྲོའི་ལྷ་ཚོགས་རྣམས་དང་ཿ འཇིག་རྟེན་གྱི་དྲེགས་བྱེད་རྣམས་ཀྱི་སྐའི་བྱིན་རླབས་ནུས་མཐུ་ཐམས་ཅད་བསྡུས་ནས་ཧཱུྃ་ལ་ཐིམཿ ཧཱུྃ་དེ་ཡོངས་སུ་གྱུར་པ་ལསཿ སྐ་མཆོག་མགོན་པོ་གཏུམ་བྱེད་སྐ་སྟོད་ཁྲོ་བོ་སྲིན་པོའི་གཟུགས་ཅནཿ སྐ་སྨད་གནམ་ལྕགས་ཀྱི་ཕུར་པ་མགར་གྱི་སོ་མལ་ནས་ཕྱུང་བ་ལྟ་བུ་དམར་ཟང་ངེ་བཿ ཞལ་ནས་བསོ་སྒྲ་ཏི་རི་རི་སྒྲོགས་པཿ འཁོར་དུ་ལས་མཁན་གྱི་ཚོགས་ཀྱིས་བསྐོར་བཿ དེ་རྣམས་ཀྱིས་སྔོན་གྱི་དམ་ཚིག་དྲན་ནས་ཤིན་དུ་ཁྲོས་ཏེཿ དགྲ་བོའི་སྤྱི་གཙུག་ཏུ་བྲོ་བརྡུངས་ནསཿ ལུས་ངག་ཡིད་གསུམ་ཕྲལ་ཞིང་མགོ་ལུས་སྟོད་སྨད་ཕྱེས་པར་བསམཿ དབལ་སོ་ལས་གཅན་གཟན་དཔག་ཏུ་མེད་པ་འཕྲོས་པསཿ དགྲ་བོའི་ཤ་ཟོསཿ ཁྲག་འཐུང་རུས་པ་འཆོསཿ ལྤགས་པ་འདྲལཿ སྐའི་སྤྲུལ་པ་མཚོན་ཆ་སྣ་ཚོགས་ཐོགས་པ་དཔག་ཏུ་མེད་པ་འཕྲོས་པསཿ དགྲ་བོའི་སྟེང་དུ་ལོ་ཏོག་ལ་སེར་བ་ཕོག་པ་བཞིན་དུ་བཏང་བར་བསམ་ལཿ བཛྲ་ས་མ་ཡ་ཛཿསྤྱན་དྲངས་ཛ་ཧཱུྃ་བཾ་ཧོཿ ས་གཉིས་སུ་མེད་པར། ༀ་ཨཱཿཧཱུྃ་གིས་སྐ་གསུང་ཐུགས་བྱིན་རླབས། ཨ་བྷི་ཥིཉྩ་དུ་ལམཿཀྱིས་དབང་བསྐར། སྐ་མཆོག་ལ་འཇམ་དཔལ་གྱིས་བརྒྱན་པར་གྱུར་ༀ་ཡེ་དྷརྨཱ་ས་བརྟན་པར་བྱས་ལ། མེ་ཏོག་འཐོར། བསྐལ་བ་ནི། ཧཱུྃ་མགོན་པོ་སྐ་མཆོག་ཆེན་པོ་ནིཿ ཚོགས་བདག་མཐུ་ཆེན་ནག་པོ་དང་ཿ ལྷ་མོ་དཀའ་ཐུབ་བཟློག་མ་གཉིསཿ གཉིས་མེད་ཚུལ་དུ་འཁྲིལ་སྦྱོར་ཞིང་ཿ མཁའ་འགྲོའི་སྤྲུལ་པ་ཕྱོགས་བཅུར་འགྱེདཿ ཉེ་བར་དམ་ཚིག་ལས་འགྲུབ་ཤོགཿ ཁྲོ་མོའི་སྤྲུལ་པ་བསམ་མི་ཁྱབཿ དགྲ་བོའི་སྲོག་རྩ་ཆོད་ལ་ཤོག༴ ཁྱེད་ལ་དམ་བསྐལ་ལས་བཅོལ་ནཿ དཀོན་མཆོག་གསུམ་ལ་གནོད་བྱེད་དང་ཿ བླ་མ་སྨད་བྱེད་སེམས་ཅན་འཚེཿ རྣལ་འབྱོར་བདག་གི་དགོས་དགྲ་རྣམསཿ རིགས་དང་ཁ་དོག་མ་ནོར་བརཿ རེངས་པར་ཁུག་ལ་རྡུལ་དུ་རློགསཿ མྱོས་པར་གྱིས་ལ་ས་ལ་སྒྱེལཿ སྤྱི་བོའི་གཙུག་ཏུ་ཕུར་པ་ཐོབ༴ ལུས་ཀྱི་རྟེན་དང་ཕྲལ་བར་མཛོདཿ འབོད་པ་ནི། རང་ཉིད་དཔལ་ཆེན་པོའི་ཐུགས་ཀ་ནས་འོད་ཟེར་མགར་གྱི་ཚྭ་ཚྭ་དང་བསྐལ་པའི་མེ་རླུང་ལྟ་བུ་དཔག་ཏུ་མེད་པ་འཕྲོས་པསཿ མགོན་པོ་འཁོར་དང་བཅས་པ་ལ་ཕོག་པས། སྔོན་གྱི་དམ་ཚིག་དྲན་ནས་འདར་ཕྲི་ལི་ལི་བྱེད་ཅིང་ཁྱེད་ཀྱིས་བཀའ་ཉན་གསུང་སྡོད་ཅི་བཅོལ་པའི་ལས་ཐམས་ཅད་མྱུར་དུ་བྱེད་པར་ཁས་བླངས་དམ་བཅས་ནསཿ རང་རང་འདྲ་བའི་སྤྲུལ་པ་ཡང་སྤྲུལ་དཔག་ཏུ་མེད་པ་དང་བཅས་པ་དགྲ་བོ་གང་ལ་གནས་པའི་སར་ཐལ་ནསཿ ལ་ལས་ལྕགས་ཀྱུས་སྙིང་ནས་བཟུང་ཿ ལ་ལས་ཞགས་པས་མགུལ་ནས་ཁྲིདཿ ལ་ལས་ལྕགས་སྒྲོག་གིས་ཡན་ལག་བསྡམསཿ ལ་ལས་དྲིལ་བུས་མྱོས་པར་བྱེདཿ ལ་ལས་བསྲུང་སྐྱོབས་ཀྱི་ལྷ་དང་ཕྱེསཿ ལ་ལས་ལྟག་པར་བརྗིསཿ ལ་ལས་རྐང་ཞབས་རླུང་གི་དཀྱིལ་འཁོར་གྱིས་བཏེགསཿ ལ་ལས་ཐོ་བས་རྒྱབ་ནས་དེདཿ ལས་ཀྱི་ཁང་སྒྲོ མ་ནག་པོའི་ནང་དུ་ལིངྒ་ལ་ནག་ཏིམ་གྱིས་བསྟིམས་ནས་གན་རྐྱལ་དུ་མགོ་ཚུར་བསྟན་ཏེ་རྐང་པ་ཕྱིར་བསྐྱང་བ་ཁ་ནས་སྨྲེ་སྔགས་སྣ་ཚོགས་འདོན་པ། གཅེར་བུ་མགོན་སྐྱབས་མེད་པར་འདར་ཕྲི་ལི་ལི་བྱེད་པར་བསམཿལ། ཡབ་ཡུམ་ཀྱི་བསྙེན་པ་དང་འབོད་སྔགས་བཟླས། ༀ་ཤྲཱྀ་མ་ཧཱ་ཀཱ་ལ་དགྲ་བོའི་སྙིང་འབྱིནཿ སྙིང་ལ་སུ་ཏྲི་ཆྒཻའི་ཙིརྟ་རྦདཿ ༀ་མ་ཧཱ་ཀཱ་ལ་ནྲྀ་ཐུམ་ལུམ་ཐུམ་རིལ་རྦདཿ སུ་ནྲྀ་ཛ་ཆྒཻའི་སྙིང་ལ་ཡ་ཡཿ ༀ་བཛྲ་ཡཀྴ་བཻ་ཏ་ལི་ཧཱུྃཿ ཏྲག་རཀྴ་རཀྨོ་ཐུམ་ལུམ་ཆྒཻའི་སྙིང་ལ་འདུས་འདུསཿ སྲོག་ལ་བྲིང་བྲིང་ཤམ་ཤམ་ཁྱེར་བྷྱོཿ ཏྲག་རཀྴ་རཀྨོ་ཐུམ་ལུཾ་སྙིང་ཁ་རཀྴ་ཛ་ཛཿ ཏྲག་རཀྴ་ཆྒཻའི་ཙིརྟ་ཤཾ་ལཾ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཀཱ་ཡ་སརྦ་ཤ་ཏྲུཾ་དགྲ་བོ་མིང་དང་གཟུགས་སུ་བྲིས་པ་ཐམས་ཅད་མཱ་ར་ཡ་ཧཱུྃ་ཕཊཿ ཅེས་བརྒྱ་རྩ་བརྒྱད་ལ་སོགས་པ་བགྲང་ངོ་ཿ གལ་ཏེ་རྟགས་མེད་ན་དམ་ཅན་ཤི་པ་བརྟན་པ་ནིཿ རང་ཉིད་དཔལ་ཆེན་པོ་ཤིན་ཏུ་ཁྲོས་ནས། མགོན་པོའི་ད བུ་ཐོག་ཏུ་བྲོ་བརྡུངས་ཤིང་གར་བྱས་པས་ཚོགས་འདག་འཁོར་དང་བཅས་པས་སྔོན་གྱི་དམ་ཚིག་དྲན་ནས་ལས་མྱུར་དུ་བྱེད་པར་ཁས་བླངས་པར་བསམ་ལཿ བྷྱོ་ལ་ཏི་མོ་ནག་རི་ཤྲཱྀ་ལ་མ་ཀ་ཏི་གུ་ཎ་གྷ་ལ་ཀཱ་ཧཱ་མ་ཤྲཱྀ་ༀཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲཱི་ཏ་ཀཱ་ཡ་དགྲ་བགེགས་མཱ་ར་ཡ་ཧཱུྃཊཿ ཅེས་རྟགས་མ་བྱུང་བར་དུ་བཟླསཿ དེ་ནས་བསྟོད་པ་ནིཿ ཧཱུྃ་སྐ་ཡི་མགོན་པོ་གཏུམ་བྱེད་ནིཿ སྐ་མདོག་མཐིང་ནག་ཆར་སྤྲིན་འདྲཿ ཕྱག་ན་རྩེ་གསུམ་ཐོད་ཁྲག་བསྣམསཿ དགྲ་བོའི་སྙིང་ཁྲག་ཞལ་དུ་གསོལཿ བགེགས་དང་ལོག་འདྲེན་འདུལ་མཛད་པཿ སྐ་མཆོག་ཁྱེད་ལ་ཕྱག་འཚལ་བསྟོདཿ གསུམ་པ་གསུང་མཆོག་གི་ཕུར་པ་ནིཿ ཕུར་པ་མི་དམིགས་པའི་ངང་ལས་ཧཱུྃ་མཐིང་ནག་གཅིག་ཏུ་གྱུར་བར་བསམཿ དེ་ལས་འོད་ཟེར་ལྕགས་ཀྱུའི་དབྱིབས་ཅན་དཔག་ཏུ་མེད་པ་འཕྲོས་པས་ཕྱོགས་བཅུའི་རྒྱལ་བ་ཞི་ཁྲོ་རྣམས་དང་ཿ འཇིག་རྟེན་གྱི་དྲེགས་བྱེད་རྣམས་ཀྱི་གསུང་གི་བྱིན་རླབས་ནུས་མཐུ་ཐམས་ཅད་བསྡུས་ནས་ཧཱུྃ་ལ་ཐིམཿ ཧཱུྃ་དེ་ཡོངས་སུ་གྱུར་པ་ལསཿ གསུང་མཆོག་མགོན་པོ་གསོད་བྱེད་སྐ་སྟོད་ཁྲོ་བོ་སྲིན་པོའི་གཟུགས་ཅནཿ སྐ་སྨད་གནམ་ལྕགས་ཀྱི་ཕུར་པ་མགར་གྱི་སོ་མལ་ནས་ཕྱུངས་བ་ལྟ་བུ། ཞལ་ནས་བསོ་སྒྲ་ཏི་རི་རི་སྒྲོགས་པཿ འཁོར་དུ་གཤིན་རྗེའི་དམག་ཚོགས་གྱིས་བསྐོར་བཿ དེ་རྣམས་ཀྱིས་སྔོན་གྱི་དམ་ཚིག་དྲན་ནས་ཤིན་ཏུ་ཁྲོས་ཏེ༔ དགྲ་བོའི་ལྕེའི་དཀྱིལ་དུ་བྲོ་བརྡུངས་ནསཿ ལུས་ངག་ཡིད་གསུམ་འདར་ཞིང་མགོ་ལུས་སྟོད་སྨད་ཕྱེས་པར་བསམཿ དབལ་སོ་ལས་གཅན་གཟན་དཔག་ཏུ་མེད་པ་འཕྲོས་པསཿ དགྲ་བོའི་ཤ་ཟོས། ཁྲག་འཐུང་། རུས་པ་འཆོསཿ པགས་པ་འདྲལཿ གསུང་གི་སྤྲུལ་པ་མཚོན་ཆ་སྣ་ཚོགས་ཐོགས་པ་དཔག་ཏུ་མེད་པ་འཕྲོས་པསཿ དགྲ་བོ་ལོ་ཏོག་ལ་སེར་བ་ཕོག་པ་བཞིན་དུ་བཏང་བར་བསམཿ བཛྲ་ས་མ་ཡ་ཛཿས་སྤྱན་དྲངས། ཛ་ཧཱུྃ་བཾ་ཧོཿས་གཉིས་སུ་མེད་པར་བསྟིམ། ༀ་ཨཱཿཧཱུྃ་གིས་སྐ་གསུང་ཐུགས་བྱིན་གྱིས་བརླབཿ ཨ་བྷི་ཙཉྩི་ལམ། གྱིས་དབང་བསྐར། གསུང་མཆོག་ལ་རྟ་མགྲིན་གྱིས་དབུ་བརྒྱན་པར་གྱུརཿ ༀ་ཡེ་རྡརྨཱ་ས་བརྟན་པར་བྱས་ལཿ ནས་འབྲུ་འཐོར། བསྐལ་བ་ནིཿ ཧཱུྃ་མགོན་པོ་གསུང་མཆོག་ཆེན་པོ་ནིཿ རི་རབ་ཆེན་པོའི་ངོས་གནས་པཿ སྐ་ལ་མཐིང་ནག་བེར་ཆེན་གསོལཿ ཕྱག་ན་ཙན་དན་བེང་ཆེན་བསྣམསཿ ལྷ་དམག་དཀར་པོའི་ཚོགས་དང་བཅསཿ རི་རབ་རྩེ་ལ་བསོ་ཡིས་ཐོབཿ ལྷ་མིན་གཡུལ་རྣམས་བཟློག་པར་བྱེདཿ ཁྱེད་ལ་དམ་བསྐལ་ལས་བཅོལ་ནཿ དཀོན་མཆོག་གསུམ་ལ་གནོད་བྱེད་དང་ཿ བླ་མ་བརྙས་བྱེད་སེམས་ཅན་འཚེཿ རྣལ་འབྱོར་བདག་གི་བསྟན་དགྲ་རྣམསཿ རིགས་དང་ཁ་དོག་མ་ནོར་བརཿ རིངས་པར་ཁུག་ལ་རྡུལ་དུ་རློགསཿ མྱོས་པར་གྱིས་ལ་ས་ལ་སྒྱེལཿ ལྕེ་ཡི་དཀྱིལ་དུ་ཕུར་པ་ཐོབཿ ངག་གི་རྟེན་དང་ཕྲལ་བར་མཛོདཿ རྦད་པ་ནི། བདག་གི་ཐུགས་ཀའི་ཧཱུྃ་ལས་འོད་ཟེར་དམར་ནག་ཚ་ཞིང་རྩུབ་པ་ཞིག་འཕྲོས་པས་ཚོགས་བདག་ལ་ཕོག་པསཿ མ་བཟོད་ནས་ལན་ཅིག་འདར་ནས་དགྲ་བོ་འགུགས་པའི་ལས་ལ་བསྐལ་བར་བསམཿ དེ་ལས་འོད་ཟེར་དམར་ནག་འཕྲོས་པསཿ འཁོར་ཐམས་ཅད་ལ་ཕོག་པས་གཅིག་གིས་གཅིག་བསྐལ་ནསཿ དེ་དག་ཐམས་ཅད་ཀྱི་ཐུགས་ཀ་ནས་འོད་ཟེར་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོ་བ་ཅན་ལ་སོགས་པ་སྤྲུལ་པའི་མགོན་པོ་དཔག་ཏུ་མེད་པ་འཕྲོས་པསཿ དགྲ་བགེགས་བཀུགས་ནས་ལིངྒ་ཡང་ཡང་བསྟིམ་མོཿ ༀ་ཤྲཱྀ་མ་ཧཱ་ཀཱ་ལ་ཧཱུྃ་ཕཊཿ ༀ་མ་ཧཱ་ཀཱ་ལ་ཆྒཻའི་སྙིང་འབྱིན་ནོཿ སྙིང་ལ་སུ་ཏྲི་ཆྒཻའི་ཙིརྟ་རྦདཿ ༀ་མ་ཧཱ་ཀཱ་ལ་ནྲྀྀ་ཐུམ་ལམ་ཐུམ་རིལ་རྦདཿ སུ་ནྲྀ་ཛ་ཆྒཻའི་སྙིང་ལ་ཡ་ཡཱཿ ༀ་བཛྲ་ཡཀྴ་བཻ་ཏ་ལི་ཧཱུྃཿ ཏྲག་རཀྴ་རཀྨོ་ཐུམ་ལུཾ་ཆྒཻའི་ཙིརྟ་ལ་འདུས་འདུསཿ སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ ཏྲག་རཀྴ་རཀྨོ་ཐུམ་ལུཾ་སྙིང་ཁ་རཀྴ་ཛ་ཛཿ རྟག་རཀྴ་ཆྒཻའི་ཙིརྟ་ཤམ་ལམ་སྙིང་ཁ་རཀྴ་ཛ་ཛཿཐུམ་རི་ལི་ལི་བྷྱོཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཝཱཀྐ་སརྦ་ཤ་ཏྲུཾ་དགྲ་བོ་མིང་དང་གཟུགས་སུ་བྲིས་པ་ཐམས་ཅད་མཱ་ར་ཡ་ཧཱུྃ་ཕཊཿ ཅེས་པ་བརྒྱ་རྩ་བརྒྱད་ལ་སོགས་པ་བགྲང་ངོ་ཿ གཤམ་དུ། ༀ་ཤྲཱྀ་མ་ཧཱ་ཀཱ་ལ་དགྲ་བོའི་སྙིང་འབྱིན་ནོཿ སྙིང་ལ་སུ་ཏྲི་ཙིརྟ་རྦདཿ ཏྲག་རཀྴ་རཀྨོ་ཐུམ་རིལ་སྙིང་ཁ་རཀྴ་ཛ་ཛཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཝཱཀྐ་དགྲ་བགེགས་མཱ་ར་ཡ་ཧཱུྃཊཿ ཅེས་རྟགས་མ་བྱུང་གི་བར་དུ་བཟླའོ། བསྟོད་པ་ནི། ཧཱུྃ་གསུང་གི་མགོན་པོ་གསོད་བྱེད་ནིཿ སྐ་ལ་དར་ནག་བེར་ཆེན་བརྒྱནཿ ཕྱག་གཉིས་བིང་དང་ཐོད་ཁྲག་བསྣམསཿ དགྲ་བགེགས་སྲོག་རྩ་གཅོད་པར་བྱེདཿ གཤིན་རྗེའི་ཚོགས་ཀྱིས་གདུག་པ་འདུལཿ གསུང་མཆོག་ཁྱེད་ལ་ཕྱག་འཚལ་བསྟོདཿ བཞི་པ་ཐུགས་མཆོག་གི་ཕུར་བ་ནི། ཕུར་པ་མི་དམིགས་པའི་ངང་ལས་ཡི་གེ་ཧཱུྃ་མཐིང་ནག་གཅིག་ཏུ་གྱུར་བར་བསམཿ དེ་ལས་འོད་ཟེར་ལྕགས་ཀྱུ་ལྟ་བུའི་དབྱིབས་ཅན་དཔག་ཏུ་མེད་པ་འཕྲོས་པསཿ ཕྱོགས་བཅུའི་རྒྱལ་བ་ཞི་ཁྲོའི་ལྷ་ཚོགས་རྣམས་དང་འཇིག་རྟེན་གྱི་དྲེགས་བྱེད་རྣམས་ཀྱི་ཐུགས་ཀྱི་བྱིན་རླབས་ནུས་མཐུ་ཐམས་ཅད་བསྡུས་ནས་ཧཱུྃ་ལ་ཐིམཿ ཧཱུྃ་དེ་ཡོངས་སུ་གྱུར་པ་ལསཿ ཐུགས་མཆོག་མགོན་པོ་སྒྲོལ་བྱེད་སྐ་སྟོད་ཁྲོ་བོ་སྲིན་པོའི་གཟུགས་ཅནཿ སྐ་སྨད་གནམ་ལྕགས་ཀྱིི་ཕུར་པ་མགར་གྱི་སོ་མལ་ནས་ཕྱུང་བ་ལྟ་བུ་དམར་ཟང་ངེ་བ། ཞལ་ནས་བསྭོ་སྒྲ་ཏི་རི་རི་སྒྲོགས་པ། འཁོར་དུ་མ་མོ་འབུམ་གྱིས་བསྐོར་བཿ དེ་རྣམས་ཀྱི་སྔོན་གྱི་དམ་ཚིག་དྲན་ནས་གཤིན་ཏུ་ཁྲོས་ཏེཿ དགྲ་བོའི་སྙིང་གར་བྲོ་བརྡུངས་པསཿ ལུས་ངག་ཡིད་གསུམ་ཕྲལ་ཞིང་མགོ་ལུས་སྟོད་སྨད་ཕྱེས་པར་བསམཿ དབལ་སོ་ལས་གཅན་གཟན་དཔག་ཏུ་མེད་པ་འཕྲོས་པསཿ དགྲ་བོའི་ཤ་ཟོས་ཁྲག་འཐུང་། རུས་པ་འཆོས། པགས་པ་འདྲལཿ ཐུགས་ཀྱི་སྤྲུལ་པ་མཚོན་ཆ་སྣ་ཚོགས་ཐོགས་པ་དཔག་ཏུ་མེད་པ་འཕྲོས་པསཿ དགྲ་བོ་ལོ་ཏོག་ལ་སེར་བ་ཕོག་པ་བཞིན་ཏུ་བཏང་བར་བསམཿ བཛྲ་ས་མ་ཡ་ཛ་སྤྱན་འ དྲངས་ཛཿཧཱུྃ་བཾ་ཧོས་གཉིས་སུ་མེད་པར་བསྟིམས། ༀ་ཨཱཿཧཱུྃ་གིས་བྱིན་གྱིས་བརླབས། ཨ་བྷི་ཥཉྩ་ཏུ་ལཾ་གྱིས་དབང་བསྐར། ཐུགས་མཆོག་ལ་ཕྱག་ན་རྡོ་རྗེས་དབུ་བརྒྱན་པར་གྱུརཿ ༀ་ཡེ་རྷརྨཱས་བརྟན་པར་བྱས་ལ་ནས་འབྲུ་འཐོརཿ བསྐལ་བ་ནིཿ ཧཱུྃ་མགོན་པོ་ཐུགས་མཆོག་ཆེན་པོ་ནིཿ དུར་ཁྲོད་ཆེན་པོའི་གནས་མཆོག་ནསཿ མ་མོའི་གཙོ་བོ་དམ་ཚིག་ཅནཿ ཕྱག་ན་གྲི་གུག་ཐོད་ཁྲག་བསྣམསཿ དགྲ་བགེགས་མགོ་གཅོད་སྙིང་ཁྲག་འཐུང་ཿ སྒྲོལ་བྱེད་ཆེན་པོའི་དམ་ཚིག་ནིཿ རྣལ་འབྱོར་པ་ཡི་གྲོགས་བྱེད་ཅེསཿ དམ་བཅས་དུས་ནི་འདི་ཡིན་པསཿ ཕྲིན་ལས་མཛད་པའི་དུས་ལ་བབཿ གང་ཞིག་དཀོན་མཆོག་གསུམ་ལ་ཁྲོ་བ་དང་ཿ བླ་མ་བརྙས་བྱེད་སེམས་ཅན་ཡོངས་ལ་འཚེཿ རྣལ་འབྱོར་བདག་གི་བསྟན་དགྲ་རྣམསཿ རིགས་དང་ཁ་དོག་མ་ནོར་བརཿ རེངས་པར་ཁུག་ལ་རྡུལ་དུ་རློོགསཿ མྱོས་པར་གྱིས་ལ་ས་ལ་སྒྱེལ༔ སྙིང་གི་དཀྱིལ་དུ་ཕུར་པ་ཐོབཿ རྣམ་ཤེས་རྟེན་དང་ཕྲལ་བར་མཛོད༔ བསད་པ་ནི༔ མདུན་དུ་གྲུ་གསུམ་གྱིི་ནང་དུ་ལིངྒ་དང་དགྲ་བོ་དབྱེར་མེད་དུ་གནས་པའི་སྙིང་གར་འབྱུང་བ་ལྔའི་འཁོར་ལོ་འོད་ཟེར་ཁ་དོག་སྣ་ལྔ་དང་ལྡན་པའི་ནང་དུ་ཧཱུྃ་ལས་གྲི་གུག་བསྣོལ་མ་ཡུ་བ་ཏྲཱཾཿགིས་མཚན་པ་གཅིག་ཡོད་པར་བསམ་ལ༔ བསད་སྔགས་ནི། ༀ་ཤྲཱྀ་མ་ཧཱ་ཀཱ་ལ་ཧཱུྃཊཿ ༀ་ཤྲྀ་མ་ཧཱ་ཀཱ་ལ་ཆྒཻའི་སྙིང་འབྱིན་ནོཿ སྙིང་ལ་སུ་ཏྲི་ཙིརྟ་རྦད༔ ༀ་མ་ཧཱ་ཀཱ་ལ་ནྲྀ་ཐུམ་ལུཾ་ཐུམ་རིལ་རྦདཿ སུ་ནྲྀ་ཛ་ཆྒཻའི་སྙིང་ལ་ཡ་ཡཿ ༀ་བཛྲ་ཡཀྴ་བཻ་ཏ་ལི་ཧཱུྃཿ ཏྲག་རཀྴ་རཀྨོ་ཐུམ་ལུཾ་ཆྒཻའི་སྙིང་ལ་འདུས་འདུསཿ སྲོག་ལ་སྲིང་སྲིང་ཤཾ་ཤཾ་ཁྱེར་བྷྱོཿ ཏྲག་རཀྴ་རཀྨོ་ཐུམ་ལུམ་སྙིང་ཁ་རཀྴ་ཛ་ཛཿ ཏྲག་རཀྴ་ཆྒཻའི་ཙིརྟ་ཤམ་ལམ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཙིརྟ་སརྦ་ཤ་རླུམ་དགྲ་བོ་མིང་དང་གཟུགས་སུ་བྲིས་པ་ཐམས་ཅད་མཱ་ར་ཡ་ཕཊཿ ཅེས་པ་བརྒྱ་རྩ་བརྒྱད་ལ་སོགས་པ་བགྲང་ངོ་ཿ འབོད་རྦད་རྣམས་ཀྱི་གཤམ་དུ། ༀ་ཤྲཱྀ་མ་ཧཱ་ཀཱ་ལ་ནྲྀ་ཐུམ་ལུམ་ཐུམ་རིལཿ སུ་ནྲྀ་ཛཿདགྲ་བོའི་སྙིང་ལ་ཡ་ཡཿ དྲག་རཀྴ་ཙིརྟ་ཤམ་ལམ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ བདག་མདུན་ཀྱི་ཐུགས་ཀའི་ཧཱུྃ་ལས་འོད་ཟེར་གྲི་གུག་དབྱིབས་ཅན་དཔག་ཏུ་མེད་པ་འཕྲོས་པས། ཁོའི་སྙིང་གི་འཁོར་ལོ་ལ་ཕོག་པས་འོད་ཟེར་གཡས་འཁོར་གཡོན་འཁོར་བྱས་པས་གྲི་གུག་གི་རྩེ་མོས་འཁོར་ལོའི་ཁ་ཕྱེས་ནསཿ རྣམ་པར་ཤེས་པའི་ངོ་བོ་འོད་ཀྱི་གོང་བུ་དེ་ཚུར་བྱུང་ནས་བདག་གི་ཐུགས་ཀའི་ཧཱུྃ་ལ་ཐིམ་པསཿ ཧཱུཾ་དེ་བཀྲག་མདངས་གཟི་བརྗིད་དང་ལྡན་པར་བསམ་ལ། ཁོའི་སྙིང་རྩ་ཁྲག་རྩ་རྣམས་གྲི་གུག་གིས་རྦད་རྦད་བཅད་ནས་བཀྲག་མདངས་གཟི་བརྗིད་ཐམས་ཅད་ཉམས་ནས་མར་མེའི་སྡོང་བུ་འགྱེལ་བ་བཞིན་དུ་ནག་ཐིབས་ཀྱིས་སོང་བར་བསམ་ལ། སྔགས་བཟླས། ཡང་བདག་གི་ཐུགས་ཀ་ནས་འོད་ཟེར་འཕྲོས་པས་མདུན་གྱི་གཙོ་བོ་ཡབ་ཡུམ་བསྐལ་ནསཿ ཡབ་ལས་མགོན་པོ་དཔག་ཏུ་མེད་པཿ ཡུམ་ལས་མ་མོ་དཔག་ཏུ་མེད་པཿ འཁོར་རྣམས་ལས་རང་རང་འདྲ་བའི་སྤྲུལ་པ་དཔག་ཏུ་མེད་པ་འཕྲོས་པསཿ ལ་ལས་དགྲ་བོའི་སྲོག་གཅོད། ལ་ལ ས་དགྲ་བོའི་དབུགས་ལེནཿ ལ་ལས་ཤ་ཟོསཿ ལ་ལས་ཁྲག་འཐུང་ཿ ལ་ལས་པགས་པ་འདྲལཿ ལ་ལས་རུས་པ་འཆོས་ནས་ལྷག་མ་མེད་པར་བསམ་ལཿ བསད་སྔགས་མང་དུ་བཟླས༔ ཡང་། བདག་ཉིད་ཡི་དམ་གྱི་ཐུགས་ཀ་ནས་འོད་ཟེར་འཕྲོས་པསཿ མདུན་གྱི་མགོན་པོ་ལ་ཕོགཿ ཐུགས་དམ་བསྐལཿ ཡང་། འོད་ཟེར་འཕྲོས་པས་འཁོར་རྣམས་ལ་ཕོག་པསཿ འཁོར་རྣམས་འདར་ཕྲི་ལི་ལི་སོང་ནསཿ རང་རང་གི་སྲོག་སྙིང་གཙོ་བོ་ཡབ་ཡུམ་ལ་ཕུལ་བར་བསམཿ བདག་ཡི་དམ་གྱི་ཚོགས་བདག་ཟིལ་གྱིས་གནོནཿ སྲོག་གི་སྙིང་པོ་འོད་ཟེར་དང་བཅས་པ་བདག་གི་ཐུགས་ཀར་ཐིམ་ནས་བདག་གིས་ཅི་བཅོལ་བའི་ལས་ཐམས་ཅད་བྱེད་པར་བསམཿ ཡང་། བདག་ལས་འོད་ཟེར་འཕྲོས་པས་མགོན་པོ་ལ་ཕོགཿ དེ་ལས་འོད་ཟེར་འཕྲོས་པས། ལས་མགོན་གསུམ་གྱིས་དམ་ཚིག་དྲན་ནས། སྐ་མཆོག་གི་སྤྲུལ་པ་སྲོག་གཅོད་བྱ་རོག་མགོ་ཅནཿ གསུང་མཆོག་གི་སྤྲུལ་པ་བདུད་པོ་འུག་པའི་མགོ་ཅན། ཐུགས་མཆོག་གི་སྤྲུལ་པ་བཙན་པོ་སྟག་གི་མགོ་ཅན་ལ་སོགས་པཿ རང་རང་འདྲ་བའི་འཁོར་དཔག་ཏུ་མེད་པ་འཕྲོས་པསཿ དགྲ་བོ་གང་ན་ཡོད་པ་དེ་རང་དབང་མེད་པར་བཀུག་ནས་ལིངྒ་ལ་བསྟིམཿ བསད་སྔགས་མང་དུ་བཟློས། ཡང་། བདག་གི་ཐུགས་ཀ་ནས་འོད་ཟེར་ཚྭ་ལ་རྩུབ་པ་གཅིག་འཕྲོས་པསཿ བླ་མ་ཡི་དམ་སངས་རྒྱས་དང་བྱང་ཆུབ་སེམས་དཔའ་མཁའ་འགྲོ་ཆོས་སྐྱོང་ལ་ཕོག་པས་ཐུགས་དམ་བསྐལ་ནས་དེ་དག་ལས་འོད་ཟེར་ཚྭ་ལ་རྩུབ་པཿ རྣོ་ལ་མྱུར་བ་གཅིག་འཕྲོས་པས་མགོན་པོ་ལ་ཕོགཿ མགོན་པོ་ལས་འོད་ཟེར་ཚྭ་ལ་རྩུབ་པ་རྣོ་ལ་མྱུར་བ་འཕྲོས་ནས་ལས་མགོན་གསུམ་ལ་ཕོག་པས་ཐུགས་དམ་བསྐལ་ནས༔ སྔོན་གྱི་དམ་ཚིག་དྲན་ནས་ཐུགས་ཀའི་ཧཱུྃ་ལས་ཧཱུྃ་གསུམ་མར་འཕྲོསཿ དགྲ་བོའི་སྙིང་གར་ནག་མཚམས་སུ་བབཿ ཧཱུྃ་ཡོངས་སུ་གྱུར་པ་ལསཿ སྤྲུ་གྲིའི་རྩེ་མོ་འཁོར་ལོ་རེག་གཅོད་རྣོ་ངར་དང་ལྡན་པཿ རྩིབས་གསུམ་པ་ལ་ཡུ་བ་གཅིག་ཏུ་གྱུར་ནསཿ བདག་དང་མགོན་པོ་ལས་མགོན་གསུམ་ལས་འོད་ཟེར་འཕྲོས་པསཿ གྲི་གུག་འཁོར་ལོ་ལ་ཕོག་པསཿ དེ་མ་ཐག་ཏུ་གཡོན་སྐོར་དུ་སྒ་ར་ར་འཁོར་བསཿ དགྲ་བགེགས་ཀྱི་སྲོག་སྙིང་དམྱལ་དམྱལ་གཏུབས་ནསཿ རྡུལ་ཕྲན་བཞིན་དུ་བྱས་ཏེ་ལྷ་དམག་གིས་གསོལ་བར་བསམཿ ཡང་། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོསཿ མགོན་པོའི་ཐུགས་ཀར་ཕོགཿ མགོན་པོའི་ཐུགས་ཀའི་ཧཱུྃ་ལས་ཧཱུྃ་གཅིག་མར་འཕྲོསཿ དགྲ་བོའི་ཚངས་བུག་ཏུ་ཞུགས་སྙིང་གར་ཕྱིན་ནས་རྣོ་ངར་དང་ལྡན་པ་གཅིག་ཏུ་གྱུར་པ་གཡོན་སྐོར་དུ་སྒ་ར་ར་འཁོར་བསཿ ཕུང་པོ་ཁམས་དང་སྐྱེ་མཆེད་ཐམས་ཅད་དམྱལ་དམྱལ་བཏང་བར་བསམ་མོཿ རྩ་སྔགས་མང་དུ་བགྲང་། ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཙིརྟ་མཱ་ར་ཡ་ཧཱུྃ་ཕཊཿ བསད་རྟགས་མ་བྱུང་བར་དུ་བཟླའོ། ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཙིརྟ་སརྦ་ཤ་ཏྲུཾ་དགྲ་བོ་མིང་དང་གཟུགས་སུ་བྲིས་པ་ཐམས་ཅད་མཱ་ར་ཡ་ཧཱུྃ་ཕཊཿ ཅེས་བརྒྱ་རྩ་བརྒྱད་ལ་སོགས་པ་བགྲང་ངོ་། དེ་ནས་བསྟོད་པ་ནིཿ ཧཱུྃ་ཐུགས་ཀྱི་མགོན་པོ་སྒྲོལ་བྱེད་ནི༔ སྐ་ནི་རྔམ་བརྗིད་མཐིང་ནག་ལཿ ཕྱག་གཉིས་གྲི་གུག་ཐོད་ཁྲག་བསྣམསཿ སྡང་བྱེད་དགྲ་བོ་གསོད་ཅིང་གཏུབསཿ མ་མོའི་ཚོགས་གྱིས་གདུག་པ་འདུལཿ ཐུགས་མཆོག་ཁྱོད་ལ་ཕྱག་འཚལ་བསྟོད༔ སྔགས་སྒྲུབ་ལྟར་བྱེད་ན་རེ་རེ་ལ་ཡང་བརྒྱ་རྩ་བརྒྱད་ལ་སོགས་པར་བྱ༔ བཅུ་གཅིག་པ་མིང་ཐུན་མཚོན་གསུམ་ལས། དང་པོ་ནི། ཐུགས་དམ་བསྐལ་ཏེ་མིང་གིས་བརྡེགས་པ་ནིཿ བདག་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་མགོན་པོ་འཁོར་དང་བཅས་པ་ལ་ཕོག་པས་སྔོན་གྱི་ཐུགས་དམ་བསྐལ་ནས་ཚོགས་བདག་ལས་ཚོགས་བདག་ཁོ་རང་འདྲ་བ་མར་མེ་གཅིག་ལས་གཅིག་ཆད་པ་བཞིན་དུ་འཁོར་ཐམས་ཅད་ཀྱིས་དམག་དཔོན་བྱས་ནས་གྲུ་གསུམ་གྱི་ཁར་བྱོན་ནས་རྒྱལ་བ་ཞི་ཁྲོའི་མཐུ་སྟོབས་བསྡུས་ནས་དེ་རྣམས་ལ་བསྟིམཿ དེའི་ཕྱག་གཡས་བེང་ཟོར་བསྣམས་པཿ གཡོན་པས་རུ་མཚོན་དང་དྲི་ཤུལ་ཕྱར་བཿ བེང་ཟོར་ཡར་རྩེ་གསེར་གྱི་ཐ་རམ་གྱི་ནང་དུ་གཤིན་རྗེའི་དམག་ཚོགསཿ རྐེད་པ་ཟངས་ཀྱི་ཐ་རམ་གྱི་ནང་དུ་མགོན་པོའི་དམག་ཚོགསཿ མར་རྩེ་ལྕགས་ཀྱི་ཐ་རམ་གྱི་ནང་དུ་མ་མོའི་དམག་ཚོགས་ཀྱིས་གང་བར་བསམ་ལཿ དེ་ནས། བེང་བསྐྱེད་པ་ནིཿ བེང་ལག་ཏུ་བླངས་ཏེཿ བེང་མི་དམིགས་པའི་ངང་ལས་ཧཱུྃ་མཐིང་ནག་ཅིག་ཏུ་གྱུརཿ ཧཱུྃ་དེ་ཡོངས་སུ་གྱུར་པ་ལསཿ ཙན་དན་གྱི་བེང་སྔོན་པོ་ཟུར་བརྒྱད་པའི་ལྟེ་བ་ལ་ཧཱུྃ་གིས་མཚན་པ་ཅིག་ཏུ་གྱུར་བར་བསྒོམཿ ཡར་རྩེ་ལ་འབྲུག་སྟོང་ལྡིར་བཿ མགོན་པོའི་སྐ་གསུང་ཐུགས་ཀྱི་སྤྲུལ་པ་ཁྱུང་གསུམ་ལ་སོགས་པའི་འདབ་ཆགས་དཔག་ཏུ་མེད་པ་བྲིས་ཤིང་བསྒོམ་པ་དེ་ལས་དེ་འདྲ་བའི་སྤྲུལ་པ་དཔག་ཏུ་མེད་པ་འཕྲོས་པསཿ དགྲ་བོའི་མགོ་ལུས་ཕྱེས་ནས་བཏང་བར་བསམཿ རྒྱ་མདུད་དང་ལྕམ་བཞོག་ལ་མཚོན་ཆ་སྣ་ཚོགས་བྲིས་ཤིང་བསྒོམ་པ་དེ་ལས་དེ་འདྲ་བའི་མཚོན་ཆ་སྣ་ཚོགས་འཕྲོས་པས་དགྲ་བོ་ལོ་ཏོག་ལ་སེར་བ་ཕོག་པ་བཞིན་དུ་བཏང་བར་བསམཿ མར་རྩེ་ལ་གློང་སྟོང་འགྱུ་བ་དང་ཿ སྤྲུལ་པ་སེང་འབྲུག་སྟག་གཟིག་དོམ་དྲེད་འཕར་སྤྱང་ལ་སོགས་པའི་གཅན་གཟན་དཔག་ཏུ་མེད་པ་བྲིས་ཤིང་བསྒོམ་པ་དེ་ལས་དེ་འདྲ་བའི་གཅན་གཟན་དཔག་ཏུ་མེད་པ་འཕྲོས་པསཿ དགྲ་བོའི་ཤ་ཟོསཿ ཁྲག་འཐུང་རུས་པ་འཆོསཿ པགས་པ་འདྲལཿ ལྷག་མ་མེད་པར་བསམཿ དེ་ནས་བེང་གསོར་ཞིང་། བསྐལ་བ་ནི་འདི་སྐད་དོཿ ཧཱུྃ་མགོན་པོ་ཆེན་པོའི་ཐུགས་དམ་ནིཿ དགྲ་བགེགས་འདུལ་བར་དམ་བཅས་པའིཿ དམ་ལས་མ་འདའ་འཕྲིན་ལས་མཛོདཿ ཕྱོགས་བཅུའི་སངས་རྒྱས་ཐམས་ཅད་ཀྱིཿ སྐ་གསུང་ཐུགས་ཀྱི་བྱིན་རླབས་ཀྱིསཿ ལྷ་དང་མི་ཡི་མགོན་དུ་སྤྲུལཿ དམག་དཔོན་ཆེན་པོ་རྔམས་པའི་སྐཿ གསོད་བྱེད་མ་ཧཱ་ཀཱ་ལ་ནིཿ སྐ་མདོག་མཐིང་ནག་འཇིགས་པའི་གཟུགསཿ དབུ་སྐྲ་དམར་སེར་གྱེན་དུ་བརྫེསཿ དར་ནག་འཇོལ་བེར་སྐ་ལ་གསོལཿ གསེར་གྱི་སྐ་རགས་རྐེད་དུ་བཅིངསཿ ཞབས་ལ་སག་ཏིའི་ལྷྭཾ་ཆེན་མནབསཿ ཕྱག་ན་ཙན་དན་བེང་ཆེན་བསྣམསཿ གསོར་ཞིང་དགྲ་བོའི་ཀླད་ལ་རྒྱོབཿ གཡོན་པས་དྲི་ཤུལ་རུ་མཚོན་འཕྱར ཿ འབྱུང་པོའི་སྲོག་གཅོད་བྱ་ར་མཛོདཿ ཧཱུྃ་གྲུ་གསུམ་མཐིང་ནག་འབར་བའི་དཀྱིལ་འཁོར་ནསཿ ཁྲག་འཐུང་ནག་པོ་ཆེན་པོ་ནིཿ སྐ་མདོག་མཐིང་ནག་འཇིགས་པའི་གཟུགསཿ དབུ་སྐྲ་རལ་པ་གྱེན་དུ་བརྫེསཿ སྤྱན་གསུམ་སྡང་མིག་གློག་ལྟར་འགྱུཿ ཕྱག་གཡས་གྲི་གུག་ནམ་མཁར་འཕྱརཿ གཡོན་པས་ཐོད་ཁྲག་བདུད་རྩི་གསོལཿ མི་ཐུང་གསུས་ཆེ་ཁྲོ་གཉེར་ཅནཿ ཞལ་ནས་ཁྲག་འཛག་མཆེ་བ་གཙིགསཿ ཁྱེད་ཀྱི་འཁོར་དང་ཕོ་ཉ་རུ༔ སྲོག་གཅོད་སྤྲུལ་པ་བཤན་པ་འབུམཿ ཕྱག་ན་མཚོན་ཆ་སྣ་ཚོགས་ཀྱིསཿ དམ་ཉམས་དགྲ་བགེགས་རྡུལ་དུ་བཟློག༔ ཟ་བྱེད་ཚོགས་ཀྱིས་ཤ་ལ་ཟོཿ འཐུང་བྱེད་ཚོགས་ཀྱིས་ཁྲག་ལ་འཐུང་ཿ འཆའ་བྱེད་ཚོགས་ཀྱིས་རུས་པ་འཆོཿ འཇིབས་བྱེད་ཚོགས་ཀྱིས་རྐང་ལ་འཇིབསཿ གཅོད་བྱེད་ཚོགས་ཀྱིས་སྲོག་རྩ་ཆོདཿ འདྲེན་བྱེད་ཚོགས་ཀྱིས་དོན་སྙིང་དྲོངསཿ ཕྲལ་བྱེད་ཚོགས་ཀྱིས་ལུས་སེམས་ཕྲོལཿ དམ་ཉམས་དགྲ་བོ་འཁོར་བཅས་རྣམསཿ མིང་ཡང་མེད་པར་རྡུལ་དུ་རློགསཿ ནག་པོ་ཆེན་པོ་འཁོར་བཅས་ཀྱིསཿ དགྲ་བགེགས་བསྒྲལ་བའི་ཕྲིན་ལས་མཛོདཿ ༀ་ཤྲཱྀ་མ་ཧཱ་ཀཱ་ལ་ཧཱུྃཊཿ ༀ་ཤྲཱྀ་མ་ཧཱ་ཀཱ་ལ་ཆྒཻའི་སྙིང་འབྱིནཿ སྙིང་ལ་སུ་ཏྲི་ཆྒཻའི་ཙིརྟ་རྦདཿ ༀ་མ་ཧཱ་ཀཱ་ལ་ནྲྀ་ཐུམ་ལུང་ཐུམ་རིལཿ རྦདཿ སུ་ནྲྀ་ཛ་ཆྒཻའི་སྙིང་ལ་ཡ་ཡཿ ༀ་བཛྲ་ཡཀྴ་བཻ་ཏ་ལི་ཧཱུྃཿ ཏྲག་རཀྴ་རཀྨོ་ཐུམ་ལུཾ་ཆྒཻའི་སྙིང་ལ་འདུས་འདུསཿ སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ ཏྲག་རཀྴ་རཀྨོ་ཐུམ་ལུཾ་སྙིང་ཁ་རཀྴ་ཛ་ཛ༔ ཏྲག་རཀྴ་རཀྨོ་ཆྒཻའི་ཙིརྟ་ཤམ་ལམ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲཱི་ཏ་དགྲ་བོ་སརྦ་ཤ་ཏྲུཾ་མཱ་ར་ཡ་ཧཱུྃ་ཕཊཿ བསྟོད་པ་ནི། ཧཱུྃ་ལྷ་དམག་བྱེ་བའི་ཚོགས་རྣམས་ནི༔ དགྲ་བགེགས་འགུགས་པའི་དོན་ཆེད་དུཿ ཞལ་ནས་ཆ་སྒྲ་ཏི་རི་རི༔ དགྲ་བགེགས་འགུགས་པའི་ལས་མཛོད་ཅིགཿ གཉིས་པ་ཐུན་རྫས་བསྐྱེད་ཅིང་ཐུན་བརྡེགས་པ་ནི༔ ཐུན་རྫས་རྣམས་མི་དམིགས་པའི་ངང་ལས་ཧཱུྃ་མཐིང་ནག་གཅིག་ཏུ་གྱུརཿ དེ་ཡོངས་སུ་གྱུར་པ་ལསཿ ནག་པོ་ཆེན་པོའི་སྤྲུལ་པ་ཕྱོགས་སྐྱོང་བཅུཿ ལྷ་སྲིན་ལྷ་འདྲེ་དུར་ཁྲོད་ཀྱི་མ་མོ་བདུནཿ སྤྲུལ་པ་བྱེ་བ་ས་ཡ་དང་བཅས་པ་རྣམས་ཀྱི་ཕྱག་ན་མཚོན་ཆ་སྣ་ཚོགས་དང་ཿ ཁྱད་པར་དུ་ཡུངས་དཀར་ལས་དཔལ་མགོན་པོ་ལ་སོགས་པའི། ལྷ་དམག་བྱེ་བ་དུང་ཕྱུར་གྱི་ཚོགས་དང་བཅས་པཿ ཡུངས་ནག་ལས་དཔལ་ལྷ་མོ་ལ་སོགས་པ་མ་མོ་བྱེ་བ་དུང་ཕྱུར་གྱི་ཚོགས་དང་བཅས་པཿ དུག་རིགས་དང་ཁྲག་སྣ་རྣམས་ལས་དུག་ནད་སྣ་ཚོགས་ཀྱིས་ཆར་བབ་པསཿ དགྲ་བོ་མྱོས་ཤིང་། འཐིབ་པར་བྱེད་པ་དང་ཿ ཟངས་ཕྱེ་དང་ལྕགས་ཕྱེ་ལ་ཡེ་ཤེས་ལྷའི་ཕྱག་མཚན་དང་ཿ དྲེགས་བྱེད་ལྷ་འདྲེའི་ཕྱག་མཚན་དང་ཿ འཇིག་རྟེན་མིའི་ཕྱག་མཚན་མཚོན་ཆ་སྣ་ཚོགས་གྱིས་ཆར་བབ་པསཿ དགྲ་བོ་ལོ་ཏོག་ལ་སེར་བ་ཕོག་པ་བཞིན་དུ་ཕོ་ཉ་ལས་མཁན་རྣམས་ཀྱིས་ལ་ལས་སྲུང་སྐྱོབས་ཀྱིས་ལྷ་ཐམས་ཅད་དང་ཕྱེསཿ ལ་ལས་སྲོག་གཅོདཿ ལ་ལས་དབུགས་ལེནཿ ལ་ལས་ཤ་ཟོསཿ ལ་ལས་ཁྲག་འཐུང་ཿ ལ་སལ་རུས་པ་འཆོསཿ ལ་ལས་པགས་པ་འདྲལ་ནས་སྐད་ཅིག་ཉིད་ལ་བརླག་པར་བསམ་ལཿ བསྐལ་བ་ནི། ཧཱུྃ་ཕྱོགས་མཚམས་སྟེང་འོག་ལ་སོགས་པཿ མ་ཧཱ་ཀཱ་ལའི་ཚོགས་ཀྱིས་གཏམསཿ དྲི་ཟ་མེ་ལྷ་གཤིན་རྗེ་དང་ཿ བདེན་བྲལ་ཆུ་ལྷ་རླུང་ལྷ་དང་ཿ གནོད་སྦྱིན་དབང་ལྡན་པ་བདག་དང་ཿ ཉི་ཟླ་གཟའ་སྐར་ཚོགས་དང་བཅསཿ ལྷ་ཡི་ཚོགས་དང་ཀླུ་ཡི་ཚོགསཿ སྲིན་པོ་རོ་ལངས་ཤ་ཟ་དང་ཿ མཁའ་འགྲོ་ཤུགས་འགྲོ་མ་སྲིང་རྣམསཿ ཐམས་ཅད་མ་ལུས་གནས་འདིར་བྱོནཿ བསྒྲལ་བའི་ཞིང་བཅུར་གྱུར་པ་རྣམསཿ བསད་ཅིང་བཅིངས་པའི་ལས་རྣམས་ཀྱིིསཿ ཁྱེད་ཀྱི་ཐུགས་དམ་དུས་ལ་བབཿ དཀོན་མཆོག་གསུམ་ལ་གནོད་བྱེད་དང་ཿ ཐེག་པ་ཆེན་པོ་སུན་འབྱིན་དང་ཿ བསྟན་པ་བཤིག་པའི་གནོད་བྱེད་དང་ཿ རྣལ་འབྱོར་བདག་གི་བསྟན་དགྲ་རྣམསཿ མ་ལུས་པར་ནི་ཞལ་དུ་གསོལཿ ཧཱུྃ་ནག་པོ་ཆེན་པོའི་ཚོགས་རྣམས་ཀྱིསཿ དགྲ་བགེགས་བསྒྲལ་བའི་དུས་ལ་བབཿ ཡུངས་དཀར་ཐུན་དང་ཡུངས་ནག་ཐུནཿ སྐེ་ཚེ་ཤིང་ཚེ་ཏིལ་ནག་དང་ཿ རྡོ་ཐུན་མཚེ་མདའ་དུག་རིགས་དང་ཿ ཟངས་ཕྱེ་ལྕགས་ཕྱེ་ཁྲོ་ཆུའི་ཐུནཿ མི་ཁྲག་རྟ་ཁྲག་སྣ་ཚོགས་དང་ཿ ཧ་ལ་ནག་པོའི་དུག་རྣམས་ཀྱིསཿ དམ་ཉམས་དགྲ་བོ་མྱོས་སུ་ཆུགཿ ༀ་ཤྲཱྀ་མ་ཧཱ་ཀཱ་ལ་ཧཱུྃཊཿ ༀ་མ་ཧཱ་ཀཱ་ལ་དགྲ་བོའི་སྙིང་འབྱིནཿ སྙིང་ལ་སུ་ཏྲི་ཆྒཻའི་ཙིརྟ་རྦདཿ ༀ་མ་ཧཱ་ཀཱ་ལ་ནྲྀ་ཐུམ་ལུམ་ཐུམ་རིལ་རྦདཿ སུ་ཏྲི་ཛ་ཆྒཻའི་སྙིང་ལ་ཡ་ཡཿ ༀ་བཛྲ་ཡཀྴ་བཻ་ཏ་ལི་ཧཱུྃཿ དྲག་རཀྴ་རཀྨོ་ཐུམ་ལུམ་ཆྒཻའི་སྙིང་ལ་འདུས་འདུསཿ སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ དྲག་རཀྴ་རཀྨོ་ཐུམ་ལུམ་སྙིང་ཁ་རཀྴ་ཛ་ཛཿ དྲག་རཀྴ་༵ཆྒཻའི་ཙིརྟ་ཤམ་ལམ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོ༔ ༀ་ཤྲྀ་མ་ཧཱ་ཀཱ་ལ་གུ་ཎ་ཧྲི་ཏ་དགྲ་བོ་མིང་དང་གཟུགས་སུ་བྲིས་པ་རྣམས་སརྦ་ཤ་ཏྲཱུཾ་མཱ་ར་ཡ་ཧཱུྃཊ༔ ཅེས་སྔགས་མང་དུ་བཟླ་ཞིང་བརྡེག་གོ་བསྟོད་པ་ནི། ཧཱུྃ་ཕྱོགས་སྐྱོང་བཅུ་པོ་འཁོར་དང་བཅསཿ བཀའ་ཡི་ལྷ་སྲིན་སྡེ་བརྒྱད་དང་ཿ མཁའ་ལ་རྒྱུ་བ་མ་མོའི་ཚོགས༔ འགལ་རྐྱེན་བཟློག་ལ་དངོས་གྲུབ་སྩོལ༔ གསུམ་པ་དཀར་པོ་བསྐྱེད་ཅིང་ཟོར་བརྡེགས་པ་ནིཿ ཟོར་དང་མཚོན་ཆ་རྣམས་མི་དམིགས་པའི་ངང་ལས་ཧཱུྃ་མཐིང་ནག་གཅིག་ཏུ་གྱུརཿ དེ་ཡོངས་སུ་གྱུར་པ་ལས་ཡང་སྤྲུལ་ནག་པོ་ཆེན་པོ་གྲི་གུག་ཐོད་ཁྲག་ཅནཿ དེའི་ཐུགས་ཀའི་ཧཱུྃ་ལས་དབང་ཕྱུག་ཉི་ཤུ་རྩ་བརྒྱད་དང་ཿ མ་མོ་སུམ་བརྒྱ་དྲུག་ཅུ་འཕྲོས་པསཿ ཕྱག་ན་ཁྲག་ནད་ཀྱི་རྐྱལ་བ་བསྣམས་ནས་དགྲ་བོ་རྣམས་ལ་བརྒྱབ་པསཿ ལ་ལས་ཁྲག་སྐྱུགསཿ ལ་ལས་ཁྲག་བཤལཿ ལ་ལ་ནད་ཀྱིས་མྱོསཿ ལ་ལ་གྲིར་ཤི་ནས་ལྷག་མ་མེད་པར་བསམ་ལ༔ བསྐལ་བ་ནི། ཧཱུྃ་གཞན་ཡང་བཀའ་ཉན་ལས་མཛད་པའིཿ མཁའ་ལ་རྒྱུ་བ་མ་མོའི་ཚོགས༔ དུར་ཁྲོད་བདག་མོ་ཟ་བྱེད་མོཿ ཚངས་པ་ཆེན་པོ་གཞོན་དུ་མོཿ ལྷ་ཆེན་མོ་དང་གཏོགས་འདོད་མོཿ རྒྱལ་ཆེན་མོ་དང་སྣ་ཆེན་མོཿ འབར་མ་མོ་དང་སྲིན་མོའི་ཚོགསཿ རེས་འགའ་མགོ་བརྙན་དག་ཏུ་སྤྲུལ༔ སྦྲུལ་དང་གཟིག་དང་བྱི་ལ་དང་ཿ ཕ་ཝཾ་དྲེད་མོང་ཕག་དང་ནི༔ སེང་གེ་སྟག་གཟིག་ཁྱི་སྤྱང་དང་ཿ རྔ་མོ་ལ་སོགས་མགོ་བརྙན་ཅནཿ ཟ་བྱེད་གདུག་པ་ཆེན་པོའི་ཚོགསཿ དམ་ཉམས་འདུལ་བར་དམ་བཅས་པཿ ཐུགས་དམ་བཞིན་དུ་ཕྲིན་ལས་མཛོདཿ ཧཱུྃ་ནག་པོ་ཆེན་པོའི་ཕོ་ཉ་རུཿ ཐོ་བ་ཅན་གྱི་དུས་ལ་བབཿ གཡས་པས་ཐོ་བ་ནམ་མཁར་ཕྱརཿ གཡོན་པས་ལྕགས་ཀྱུ་འབར་བ་བསྣམས། ལྕགས་ཀྱུས་ཟུངས་ལ་ཐོ་བས་ཐོབཿ ཁྲོ་མོའི་གསང་བའི་ཧོམ་ཁུང་དུཿ ཁྲོ་བོའི་རྡོ་རྗེ་ཐོ་བ་ཡིསཿ དགྲ་བགེགས་མ་ལུས་བརྡུངས་བྱས་ནསཿ རྡུལ་དུ་བརླག་པའི་ཕྲིན་ལས་མཛོད༔ ༀ་ཤྲཱྀ་མ་ཧཱ་ཀཱ་ལ་ཧཱུྃ་ཕཊཿ ༀ་མ་ཧཱ་ཀཱ་ལ་ཆྒཻའི་སྙིང་འབྱིནཿ སྙིང་ལ་སུ་ཏྲི་ཆྒཻའི་ཙིརྟ་རྦདཿ ༀ་མ་ཧཱ་ཀཱ་ལ་ནྲྀ་ཐུམ་རིལ་རྦདཿ སུ་ནྲྀ་ཛ་ཆྒཻའི་སྙིང་ལ་འདུས་འདུས༔ ༀ་བཛྲ་ཡཀྴ་བཻ་ཏ་ལི་ཧཱུྃཿ དྲག་རཀྴ་རཀྨོ་ཐུམ་ལུཾ་ཆྒཻའི་སྙིང་ལ་འདུས་འདུསཿ སྲོག་ལ་སྲིང་སྲིང་ཤམ་ཤམ་ཁྱེར་བྷྱོཿ དྲག་རཀྴ་ར ཀྨོ་ཐུམ་ལུམ་སྙིང་ཁ་རཀྴ་ཛ་ཛཿ ཏྲག་རཀྴ་རཀྨོ་ཆྒཻའི་ཙིརྟ་ཤམ་ལམ་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་དགྲ་བོ་མིང་དང་། གཟུགས་སུ་བྲིས་པ་སརྦ་རླུམ་མཱ་ར་ཡ་ཧཱུྃ་ཕཊ༔ ཅེས་མང་དུ་བཟླའོཿ བསྟོད་པ་ནི། ཧཱུྃ་ཡང་སྤྲུལ་ཕོ་ཉའི་ཚོགས་རྣམས་ནིཿ མཚོན་ཆ་སྣ་ཚོགས་ཕྱག་ན་བསྣམསཿ དགྲ་བོའི་སྲོག་རྩ་གཅོད་ཅིང་གཏུབསཿ མི་མཐུན་རྐྱེན་དང་བར་ཆད་བཟློག༔ མཐུན་པའི་དངོས་གྲུབ་བདག་ལ་སྩོལ༔ བཅོལ་པའི་ཕྲིན་ལས་གྲུབ་པར་མཛོད༔ བཅུ་གཉིས་པ་སྔགས་པ་རྣམས་ཆས་གོས་གྱོན། གོ་མཚོན་ཐོགསཿ རྔ་བརྡུངསཿ རང་གི་སྲུང་མ་དགྲ་བོའི་སྟེང་དུ་ཆས་པར་བསམ་ལ་འདི་སྐད་དོཿ བསྭོ་ཆའོ་ཆའོ་སྲུང་མའི་ཚོགསཿ སངས་རྒྱས་ཆོས་ལ་བསྭོ་མེད་ཀྱང་ཿ མགོན་པོ་ནག་པོ་བསྭོ་ལ་དགྱེསཿ སངས་རྒྱས་ཆོས་ཀྱི་སྲུང་མ་བསྭོཿ གཙུག་ལག་ཁང་གི་སྲུང་མ་བསྭོཿ རྣལ་འབྱོར་ཡོངས་ཀྱི་དགྲ་ལྷ་བསྭོཿ དམ་ཚིག་ཅན་གྱི་སྲུང་མ་བསྭོཿ དམ་ཉམས་རྣམས་གྱི་གཤེད་མ་བསོཿ སྡིག་ཅན་རྣམས་ཀྱི་སྲོག་གཅོད་བསྭོཿ སྲུང་མའི་དམག་ཚོགས་དགྲ་ལ་ཆོསཿ མ་ཧཱ་ཀཱ་ལ་དགྲ་ལ་ཆོསཿ ནག་པོ་ཆེན་པོ་དམ་ལ་འདུསཿ ལེགས་ལྡན་ནག་པོ་དམ་ལ་འདུསཿ བཀའ་སྡོད་ཆེན་པོ་དམ་ལ༴ བསྟན་སྲུང་ཆེན་པོ་དམ༴ མྱོས་བྱེད་ཆེན་པོ་དམ་ལ༴ ཕྱོགས་བཅུའི་མགོན་པོ་དམ༴ དཔལ་ལྡན་ལྷ་མོ་དམ༴ སྔགས་ཀྱི་སྲུང་མ་དམ༴ དགྲ་ལྷའི་རྒྱལ་པོ་དམ༴ བདག་མ་ཉེས་མ་ཡོ་སྲུང་མས་མཁྱེནཿ གཟུ་དང་དཔང་དུ་དཀོན་མཆོག་བཞུགསཿ བསམ་གཏན་བྱང་ཆུབ་བསྒོམ་བསམ་ཡང་ཿ དགྲ་དང་བགེགས་ཀྱི་མ་སྟེར་རོཿ རྣལ་འབྱོར་བདག་ལ་དགྲ་བྱུང་ནཿ སྲུང་མའི་དམག་དཔུང་ར་མདའ་བཟློག༔ སྲུང་མའི་མཐུ་རྩལ་མ་ཞན་ཅིག༔ མིང་དང་གཟུགས་སུ་བྲིས་པ་ཡི། དམ་ཉམས་དགྲ་བགེགས་སྡིག་ཅན་འདི༔ སྲུང་མ་ཁྱེེད་ཀྱིས་མྱུར་དུ་སྒྲོལཿ བདག་དང་ཡོན་གྱི་བདག་པོ་ལཿ ཕྱོགས་བཅུའི་ཁམས་ནས་དགྲ་བྱེད་དམཿ བསམ་ངན་འཆང་བའི་དགྲ་དང་བགེགསཿ གཏོར་མ་འདི་དང་མཉམ་དུ་ནིཿ མ་ཧཱ་ཀཱ་ལའི་ཞལ་དུ་སྟོབསཿ ཕྱོགས་བཅུའི་མགོན་པོའི་ཞལ་དུ་སྟོབསཿ སྡེ་བརྒྱད་མགོན་པོའི་ཞལ་དུ༴ མིང་དང་གཟུགས་སུ་བྲིས་པ་ཡིཿ དགྲ་བགེགས་སྡིག་ཅན་མ་ཤོར་ཁུགཿ རྟ་རྨིག་གཡོན་མའི་ནང་དུ་བྲུབཿ གཡག་རུ་གཡོན་མའི་ནང་དུ་བྲུབཿ ལྕགས་ཁང་སྒོ་མེད་ནང་དུ་བྲུབ༔ ཞེས་དང་། དམོད་བཅོལ་བྱ་ཞིང་ལིངྒ་བསྒྲལ་བ་ནིཿ དམ་ཉམས་པའི་དགྲ་བོ་བསྒྲལ་བའི་ས་འདི་ནིཿ ལས་ཀྱི་གཤིན་རྗེ་ནག་པོའི་ལྟོ་བཿ གཟའ་བདུད་རཱ་ཧུ་ལ་ཡི་གདོང་བཿ ལྷ་མ་སྲིན་སྡེ་བརྒྱད་ཀྱི་འཚོགས་རཿ རྡོ་རྗེ་ལེགས་པའི་འགྲིམས་སྲེང་ཿ བདུད་བཙན་གཉིས་ཀྱི་སོ་བརཿ ཀླུ་བདུད་ནག་པོའི་ཕོ་བྲང་ཿ ནད་ཀྱི་རླངས་པ་འཐིབས་པཿ མཚོན་གྱི་ཆར་བ་འབེབས་པཿ ཁྲག་གི་རྒྱ་མཚོ་འཁྱིལ་བཿ རིམས་ཀྱི་རླངས་པ་འཕྱོ་བཿ ཐོག་གི་བུ་ཡུག་འཚུབས་པཿ བྱད་མའི་མདའ་ཐུན་འདྲིལ་བཿ སྲོག་གཅོད་ཀྱི་ཕོ་ཉ་ངུ་བཿ ཤ་ཟན་གྱི་ཕོ་ཉ་རྒོད་པཿ ཁྲག་འཐུང་གི་ཕོ་ཉ་རྒྱུག་པཿ ལག་དམར་གྱི་བཤན་པ་རྔམ་པཿ བླ་ཟན་གྱི་ཁྱི་ནག་ངུ་བཿ བླ་འཛིན་གྱི་དྲྭ་བ་བྲེས་པཿ བླ་འགུགས་ཀྱི་ཤ་ཟུང་ཐོགས་པཿ ཕྱི་ལྕགས་རི་ནག་པོ་ལཿ ལོགས་མཚོན་ཆའི་དྲྭ་བ་བྲེས་པཿ སྲིད་པ་གསུམ་ཡང་མི་མངོན་པཿ བདུད་ཀྱི་ལག་པ་བརྐྱང་བཿ གཤིན་རྗེའི་ལྟོ་བ་ཟེད་པཿ དཔག་ཚད་དགུ་སྟོང་ཡོད་པའི་ནང་དུཿ དམ་ཉམས་པའི་དགྲ་བོ་བསམ་པ་ངན་པཿ སྦྱོར་བ་རྩུབ་པཿ ཁ་ངན་པཿ ལག་པ་རྩུབ་པཿ ཁ་དཀར་ལ་སྙིང་གནག་པཿ སྔ་དགྲ་བྱས་པཿ ད་དགྲ་བརྩམས་པཿ ཕྱི་དགྲ་ཤོམ་པཿ རྐུན་མ་ཞགས་ཆིངས་ཁུར་བཿ ཇག་པ་རྟ་ཁ་བསིགས་པཿ མཐོ་ལ་ཁཿ དམའ་ལུང་ཁུང་ཿ ཆུ་ཁ་རབ་སོཿ གཞི་བྱེས་གཉིས་ཀྱི་བར་ན་ངན་སེམས་འཆང་བའི་དགྲ་བོ་མིང་དང་གཟུགས་སུ་བྲིས་པ་རྣམས་སོད་ཅིགཿ སྒྲོལ་ཞིགཿ ཁ་སྐོར་ཅིགཿ ཚངས་སྤྲུགས་ཤིགཿ ལིང་ཐོབ་ཅིགཿ མིག་ཕྱུངས་ཤིགཿ རོའི་ཟམ་པ་ཚུགས་ཤིགཿ ཁྲག་གིས་ཆག་ཆག་ཐོབ་ཤིགཿ གྲིའི་ས་བོན་ཐོབས་ཅིགཿ ལིང་ཁུང་ཆེན་པོའི་ཁ་མ་དོགཿ ཤན་པ་ལག་དམར་གྱི་སྤུ་གྲི་མ་རྡུལཿ སྐྱེ་བ་ཕྱི་མ་ལ་ཤོལ་མ་བཏབཿ ལས་ཀྱི་རྣམ་པར་སྨིན་པ་ལ་ཁུངས་མ་འབྱིནཿ དུས་ད་ལྟ་ཉིད་དུ་སོད་ཅིགཿ སྒྲོལ་ཞིགཿ བཅུ་གསུམ་པ་བསྟབ་པར་བྱ་བ་ནི། རྩྭ་གཟུགས་མཚོན་གྱིས་གཏུབས་ལ་འདི་སྐད་དོཿ ཧཱུྃ་ཁྲག་འཐུང་ཆེན་པོའི་ལྷ་ཚོགས་རྣམསཿ སྡིག་ཅན་བསྒྲལ་ཕྱིར་ཞལ་ཕྱེས་ཤིགཿ དཔལ་རབ་འཆང་བ་ལ་སོགས་པའིཿ སྟེང་འོག་ཕྱོགས་བཅུའི་མགོན་པོ་རྣམསཿ གནམ་ས་ཙམ་གྱིས་ཞལ་གདངས་ལཿ རི་རབ་ཙམ་གྱིས་མཆེ་བ་གཙིགསཿ བར་སྣང་ཙམ་གྱིས་ལྗགས་རྐྱོང་ལཿ སྟོང་གསུམ་ཙམ་གྱི་མིད་པ་རུཿ དམ་ཉམས་དགྲ་བགེགས་ཞལ་དུ་བསྟབཿ ཚངས་པ་བརྒྱ་བྱིན་ལ་སོགས་པའིཿ དཔལ་མགོན་བདུན་ཅུ་ཞལ་ཕྱེས་ཤིགཿ དམ་ཉམས་དགྲ་བགེགས་ཞལ་དུ་སྟོབསཿ དཔལ་ལྡན་ལྷ་མོ་ལ་སོགས་པའིཿ མ་མོ་བྱེ་བའི་ཞལ་ཕྱེས༴ དམ་ཉམས་དགྲ་བགེགས་ཞལ་དུཿ འཁོར་ལོས་རྒྱུར་རྒྱལ་ལ་སོགས་པའིཿ ཙང་ཀུན་དགུ་སྐོར་ཞལ་ཕྱེས༴ དམ་ཉམས་དགྲ་བགེགས་ཞལ་དུཿ རེ་འབྱམས་མཆེད་བརྒྱད་ཞལ་ཕྱེས༴ དམ་ཉམས་དགྲ་བགེགས་ཞལ་དུ༴ ལོ་བདུད་བཅུ་གཉིས་ཞལ་ཕྱེས༴ དམ་ཉམས་དགྲ་བགེགས་ཞལ་དུཿ དུས་ཀྱི་གཤེད་བཞི་ཞལ་ཕྱེས༴ དམ་ཉམས་དགྲ་བགེགས་ཞལ་དུ༴ དུར་སྲི་བཅུ་བདུན་ཞལ་ཕྱེས༴ དམ་ཉམས་དགྲ་བགེགས་ཞལ་དུ་སྟོབས༔ ཐོད་ཁུར་ཉེར་གཅིག་ཞལ་ཕྱེས་ཤིགཿ དམ་ཉམས་དགྲ་བགེགས་ཞལ་དུ་སྟོབས༔ བཞེས་ཤིག་རོལ་ཞིག་ལིང་ག་འདིའི་ནང་དུ་མིང་དང་གཟུགས་སུ་བྲིས་པའི་བསྟན་དགྲ་གནོད་བྱེད་ཀྱི་ཚེ་བླ་སྲོག་གསུམ་ཁ་རྗེ་དབང་ཐང་དང་། བཅས་པ་ཐམས་ཅད་དཔལ་མགོན་པོ་ནག་པོཿ ཤྲཱྀ་མ་ཧཱ་ཀཱ་ལཿ ལེགས་ལྡན་ནག་པོཿ སྐའི་མགོན་པོཿ གསུང་གི་མགོན་པོཿ ཐུགས་ཀྱི་མགོན་པོཿ ཡོན་ཏན་གྱི་མགོན་པོཿ ཕྲིན་ལས་ཀྱི་མགོན་པོཿ ཕྱོགས་བཅུའི་མགོན་པོཿ སྡེ་བརྒྱད་ཀྱི་མགོན་པོཿ འཁོར་ནག་པོ་སྟོང་ཿ ཤ་ཟ་འབུམཿ དྲི་ཟ་བྱེ་བཿ དཔལ་ལྷ་མོ་ནག་མོཿ སྔགས་ཀྱི་སྲུང་མཿ མ་གཤིན་འབུམཿ སྤྲུལ་པ་ཡང་སྤྲུལ་དང་ལྷ་མ་སྲིན་སྡེ་བརྒྱད་འཁོར་དང་བཅས་པའི་ཞལ་དུ་སྟོབས་ཤིགཿ བཞེས་ཤིགཿ རོལ་ཞིགཿ གསོལ་ཞིག༔ མ་ཧཱ་མཾ་ས་ལ་ཁ་ཧིཿ མ་ཧཱ་རཀྟ་ལ༴ མ་ཧཱ་ཙིརྟ་ལ༴ མ་ཧཱ་བ་སུ་ཏ་ལ༴ མ་ཧཱ་ཀོ་རོ་ཙ་ན་ལ༴ དབང་པོ་ལྔ་ལ༴ རྣམ་ཤེས་ཚོགས་བརྒྱད་ལ༴ སྐྱེ་མཆེད་བཅུ་གཉིས་ལ༴ ལྷག་མ་རྗེས་ཤུལ་ལ་ཁཱ་ཧི༔ རྒྱན་གྱི་གཏོར་མ་ཕུད་ཀྱི་མཆོད་པ་འདི་བཞེས་ལཿ སྡང་བའི་དགྲ་ལ་མཐུ་མ་ཆུང་ཿ གནོད་པའི་བགེགས་ལ་རྩལ་མ་ཞནཿ བཅོལ་པའི་ལས་ལ་བང་མ་བུལཿ དགྲ་བོ་ཆེ་བ་ལ་བབ་ན་སྡོང་རྒན་ལ་མེ་མཆེད་པ་བཞིན་དུ་ཐོངས་ཤིགཿ དགྲ་བོ་འབྲིང་བ་ལ་བབ་ན་ལྕུག་ཕྲན་ཟེར་བས་བརྔས་པ་བཞིན་དུ༴ དགྲ་བོ་ཆུང་བ་ལ་བབ་ན་མེ་ཏོག་སད་ཀྱིས་ཁྱེར་བ་བཞིན་དུ༴ དགྲ་བོའི་དར་མ་ལ་བབ་ན་ཐང་ཕྲན་སྟྭ་རེས་བཅད་པ་བཞིན་དུ༴ དགྲ་བོའི་བུ་མེད་ལ་ལ་བབ་ན་མེ་ཆུས་བསད་པ་བཞིན་དུ༴ དགྲ་བོའི་ཡུལ་ཞིང་ལ་བབ་ན་སྤངས་ལ་མེ་མཆེད་པ་བཞིན་དུ༴ དགྲ་བོའི་ཁ་རྗེ་ལ་བབ་ན་རྟ་དཀར་པོ་ལ་སྟན་ནག་པོ་བསྟད་པ་བཞིན་དུ་ཐོངས༴ དགྲ་བོའི་ཟས་ནོར་ལ་བབ་ན་མཚལ་རིས་ཆུས་ཁྱེར་བ་བཞིན་དུ༴ དགྲ་བོའི་གྲོང་མཁར་ལ་བབ་ན་བྲག་རུལ་ལ་ཐོག་ཕོག་པ་བཞིན་དུ༴ དགྲ་བོའི་ལོ་ཏོག་ལ་བབ་ན་འདམ་བུ་ནགས་ཚལ་མེས་ཚིག་པ་བཞིན་དུ༴ དགྲ་བོའི་ཕོ་རྒྱུད་རྩ་བ་ཀླུ་ལ་གཏོད་ཅིགཿ མོ་རྒྱུད་མངལ་གྱི་ཆགས་འཛིན་བཙན་ལ་གཏོད༴ སྐྱེས་པ་དར་མ་གྲི་ཁར་སོད་ཅིགཿ ཆུང་མ་དར་མ་འགགས་གྲིར་སོད༴ བུ་ཚ་ཚང་ཕྱིང་ནང་དུ་སོད༴ རིང་པོར་སྐྱེ་བའི་རྩ་བ་ཆོད༴ ཐུང་ངུར་སྐྱེས་པའི་རྩ་བ་ཕྱུངས་ཤིགཿ སྦོམ་པོར་སྐྱེས་པའི་ཁོག་པ་སྤྲུགས་ཤིགཿ ཡལ་ག་སྐྱེ་བའི་ཡན་ལག་ཆོད་ཅིགཿ དམ་ཉམས་པའི་དགྲ་བོ་མི་ནོར་འཁོར་བཅས་ཀྱི་ཚེ་བླ་སྲོག་གསུམ་ཁ་རྗེ་དབང་ཐང་བསོད་ནམས་ཐམས་ཅད་མཱ་ར་ཡ་ནནཿ སྟྭཾ་྄ བྷ་ཡ་ནནཿ གོད་འདྲེ་གོད་སྲི་མི་ཁ་བྲ་མཆུ་ཐམས་ཅད་མཱ་ར་ཡ་ནནཿ སྟྭཾ་བྷ་ཡ་ནན་ཛ་ཛཿ དལ་ཡམས་རིམས་ཡམས་ནད་ཡམས་དགྲ་སྣ་གོད་སྣ་བྱད་སྣ་ཐན་སྣ་ལྟས་ངན་པ་མོ་རྨི་ངན་པ་བཀྲ་མི་ཤིས་པ་ཐམས་ཅད་དམ་ཉམས་པའི་བསྟན་དགྲ་སྡིག་ཅན་གྱི་སྟེེང་དུ་བསྒྱུར་ཞིགཿ བཟློག་ཅིགཿ དེ་ལྟར་བྱས་པས་གློ་སྙིང་དང་ཤ་ཁྲག་སྟེར་འོང་བ་དང་། བཤན་པས་སེམས་ཅན་བསད་པ་དང་ཿ རི་དྭགས་བསད་པ་དང་ཿ གཅན་གཟན་གྱི་ར་ལུག་བསད་པའི་རྟགས་རྣམས་འོང་ངོ་ཿ གལ་ལྟེ་རྟགས་མེད་ནཿ དམ་ཅན་འདས་བསྟན་པ་ནིཿ ཙ་ཀ་ལི་གྲུ་གསུམ་ཁ་ནས་མགོ་ཐུར་དཔྱངསཿ རུས་ཆེན་མཆོད་ཁུར་སྙིང་ཀར་གཟིརཿ པདྨ་ཁྲག་འཐུང་ཡིན་པར་བསམཿ གཞན་ཡང་བླ་མ་ཡི་དམ་སངས་རྒྱས་དང་བྱང་ཆུབ་སེམས་དཔའ་རྣམས་དང་ཿ རྒྱུད་སྡེ་བཞིའི་ལྷ་ཚོགས་རྣམས་ཀྱིས་ཁོའི་སྙིང་ཁྲག་འཐུང་བར་བསྒོམ་ཞིང་ཿ བྷྱོ་ལོ་ཏི་མོ་ནག་ཤྲཱྀ་ལ་མ་ཀ་ཏི་གུ་ཎ་གྷ་ལ་ཀཱ་ཧཱ་མ་ཤྲཱྀ་ༀ་ཅེས་བཟླཿ རང་ལ་ཕྱག་བྱེད་པ་དང་ཿ ཁྱེད་ཀྱིས་ཅིད་འདོད་ཟེར་བ་རྨི་ལམ་དུ་འོང་ནཿ ཐུན་མགོར་བརྒྱ་རེ་བཟླས་པས་ཆོགཿ རྟགས་ཕྱུང་བ་དང་། རྒྱུས་ཆེན་ཕུར་པ་མགོན་པོའི་སྐའི་རྣམ་པར་བཞེངསཿ ཁྲུས་གསོལ། བསྐང་བཤགས་བྱའོཿ བཅུ་བཞི་པ་བསྐལ་ཞིང་བཟློག་པའི་ཕྲིན་ལས་བཅོལ་བ་ལ་གསུམ་སྟེཿ ལྷ་དམག་སྤྱི་བསྐལ་དང་ཿ ཚོགས་བདག་དངོས་ཀྱི་བསྐལ་བ་དངཿ བཟློག་པ་རྣམས་རིམ་པ་བཞིན་དུ་བྱའོཿ དེ་ལས་དང་པོ་སློབ་དཔོན་ཆེན་པོས་མཛད་པའི་ལེགས་ལྡན་ནག་པོའི་ལྷ་དམག་སྤྱི་བསྐལ་འདི་ཉིད་སྐབས་འདིར་སྦྱོར་རྒྱུད་འབྲེལ་ཆགས་པར་འདུག་པ་དང་ཿ སྤྱིར་ཐུགས་དམ་བསྐལ་བའི་རིགས་རྣམས་སྨད་ལས་ཀྱི་ཐོག་མཐའ་བར་གསུམ་གང་དུ་བཏགས་ཀྱང་ཆོག་པར་མངོན་ཏེ་རྦད་བསད་ལས་སྦྱོར་མཐའ་དག་བསྐལ་བ་ལས་དམ་འདས་པའི་དོན་ཤེས་པར་བྱ་དགོས་སོ། ལ་ལ་དག་བསྒྲལ་བ་དང་ཕུར་གདབ་ཐུན་ལས་སོགས་རིམ་བཞིན་བྱས་ནས་གདོད་བསྐལ་བ་བྱེད་པ་ལ་བརྒལ་བརྟགས་བྱས་པ་དག་མཐོང་ཡང་། བསྒྲལ་བ་ལ་བླ་བསྒྲལ་བ་དང་། དེ་བཞིན་དུ་སྡིག་པ་བསྒྲལ་བ། ཚེ་བསྒྲལ་བ། ཕུང་ཁམས་སྐྱེ་མཆེད་ཀྱི་རྟེན་སོ་སོར་རམ་གཅིག་ཆར་དུ་སྒྲོལ་བ། རྣམ་ཤེས་ཆོས་ཉིད་ཀྱི་ངང་དུ་སྒྲོལ་བ་དེའི་རྗེས་སུ་ཀུན་གཞིའི་སྟེང་ན་ཡོད་པའི་བག་ཆགས་མ་ལུས་པ། མིང་ཐུན་མཚོན་གསུམ་གྱིས་བརླག་པར་བྱས་པས་གཟུགས་ཕུང་གཏུབས་ཤིང་ཞལ་དུ་སྟོབས་པ་རྣམས་ཀྱི་གོ་དོན་སློབ་པ་ཤིན་དུ་གལ་ཆེ། དེ་ནས་བསྐལ་བྱ་དང་། བསྐལ་བྱེད། བསྐལ་ཡུལ་སོགས། དམིགས་གནད་ངེས་པར་བྱས་ནས་བཤད་མ་ཐག་པ་ལྟར་བསྐལ་བཟློག་གཉིས་ཀའི་དོན་མི་མཐུན་པའི་རྐྱེན་ངན་རྣམས་ཕྱིར་བཟློག་པའི་ཆེད་དུ། སྲུང་མའི་དམག་ཚོགས་དགྲ་ལ་རྦད་པའི་དོན་ཡིན་བཞིནཿ བསྐལ་གྱི་ལྷ་གྲངས་དང་མཚུངས་པའི་དམར་གཏོར་ཤ་ཁྲག་གིས་བརྒྱན་པ་དང་། ལིངྒ་ཆུང་ངུ་དེ་མཚུངས་ལྕགས་སྣོད་སོགས་སུ་བཤམས་པ་གཉིས་ཀར་རཀྟ་བྲན་ཞིང་འགུགས་འདྲེན་དྲག་པོ་གང་ནུས་གྱི་མཐར། རཾ་ཡཾ་ཁཾ་གིས་མི་གཙང་བའི་དྲི་མ་སྦྱངས། ༀ་ཨཱཿཧཱུྃ་གིས་གཏོར་མ་དགྲ་བགེགས་བསྒྲལ་བའི་ཤ་ཁྲག་རུས་གསུམ་ངོ་བོ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་བྱིན་གྱིས་བརླབས་ཏེ་ཕུལ་བས་ལྷག་མེད་དུ་གསོལ་ནས་བདག་གིས་ཇི་ལྟར་བཅོལ་པའི་ལས་རྣམས་ཐོག་མེད་དུ་བསྒྲུབ་པར་བསམ་ལ། །སྡང་བའི་དགྲ་དང་གནོད་པའི་བགེགས། །ནག་པོ་ཆེན་པོའི་ཞལ་དུ་སྟོབ། །སློབ་དཔོན་སྐ་ལ་བསྡོ་བ་དང་། །རྣལ་འབྱོར་བདག་ལ་སྡང་བ་དང་། །རྡོ་རྗེ་སྤུན་ལ་འཁུ་བ་དང་། །བདག་གི་འཁོར་ལ་གནོད་པ་དང་། །མིང་དང་གཟུགས་སུ་བྲིས་པ་རྣམས། །ནག་པོ་ཆེན་པོའི་ཞལ་དུ་སྟོབས། །ཡན་ལག་རྣམས་ཀྱི་ཤ་ཆོད་ལ། །མགོན་པོ་ཆེན་པོའི་ཞལ་དུ་རོལ། །ཚེ་སྲོག་དམར་པོ་རྩད་ནས་ཆོད། །ཁྲག་གི་རྒྱུན་ཡང་འཐུང་བར་བྱེད། །སྙིང་ཁྲག་དྲོན་མོ་ཞལ་དུ་གསོལ། །ཏིལ་འབྲུ་ཙམ་ཡང་མེད་པར་མཛོད། ཀྱིས་གཏོར་མ་འབུལ། ཁྲག་སྐྱེམས་དང་ཆང་གི་སྐྱེམས་ཀྱིས་བྲན་ལ། དང་པོ་ལྷ་དམག་སྤྱི་བསྐལ་བྱ་བ་ནི། ཧཱུྃ་དདཔ་དང་ནི་དམ་ཚིག་གིས། །ཚུར་གཤེགས་མ་ཧཱ་ཀཱ་ལའི་ཚོགས། །སངས་རྒྱས་ཐུགས་རྗེ་སྤྲུལ་པའི་སྐ། །བཞེངས་ཤིག་ཆོས་ཀྱི་དབྱིངས་ནས་བཞེངས། །བསྐལ་ལོ་བསྟན་པ་བསྲུང་ཕྱིར་བསྐལ། །མཛོད་ཅིག་དགྲ་བགེགས་འདུལ་པར་མཛོད། །གདུག་པ་འདུལ་མཛད་ཐོད་ཕྲེང་ཅན། །ཕ་ནི་ཚོགས་བདག་དབང་ཕྱུག་ཆེ། །མ་ནི་ལྷ་མོ་རྫུ་འཕྲུལ་ཅན། །སྲིང་མོ་དཔལ་ལྡན་རེ་མ་ཏི། །སྔོན་ཚེ་བསྐལ་པ་དང་པོ་ལ། །ལྷ་དང་ལྷ་མིན་དམག་འགྱེད་ཚེ། །སུམ་ཅུ་རྩ་གསུམ་ལྷ་གནས་སུ། །ལྷ་ཡི་དབང་པོ་བརྒྱ་བྱིན་གྱིས། །ལྷ་མི་འདུལ་བའི་དཔང་པོ་རུ། །ཡབ་ཡུམ་སྲས་བཅས་སྤྱན་དྲངས་ནས། །འཁོར་ནི་ལྷ་དམག་བྱེ་བ་འབུམ། །ལྷ་མིན་དམག་ཚོགས་གཡུལ་བཟློག་ཅིང་། །ལྷ་རྣམས་རྟག་ཏུ་རྒྱལ་བ་ལྟར། །བདག་ཀྱང་དགྲ་ལས་རྒྱལ་བའི་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། །རྒྱལ་བ་ཤཱཀྱ་ཐུབ་པ་དང་། །དཔལ་ལྡན་ཕྱག་ན་རྡོ་རྗེ་ཡི། །སྤྱན་སྔར་ཁས་བླངས་དམ་བཅས་བཞིན། །བསྟན་པ་བསྲུང་ཕྱིར་གཤེགས་སུ་གསོལ། །ༀ་ཨེ་ཧྱ་ཧི་མ་ཧཱ་ཀཱ་ལ་ས་མ་ཡ་ཧཱུྃ་ཛ་ཛ༔ དེ་ནས་བསྟོད་པ་བྱ་བ་ནི། ཧཱུྃ་ལྷ་དམག་འབུམ་གྱི་དཀྱིལ་འཁོར་ནས། །ཡབ་ནི་མཐུ་ཆེན་ཚོགས་ཀྱི་བདག །དབང་ཕྱུགས་ཆེན་པོ་ལྷ་ཆེན་པོ། །མཐིང་ནག་ལྕགས་ཀྱི་རལ་པ་ཅན། །སྤྱན་གསུམ་མཆེ་བ་གཙིགས་པའི་ཞལ། །ཕྱག་གཡས་མདུང་དང་རལ་གྲི་བསྣམས། །གཡོན་པས་མདའ་གཞུ་ཞགས་པ་བསྣམས། །སྣ་ཚོགས་རྒྱན་གྱིས་རྣམ་པར་བརྒྱན། །གླང་ཆེན་སྟོབས་ལྡན་ཁྲི་ལ་བཞུགས། །ལྷ་དམག་དཀར་པོའི་དབུགས་འབྱིན་པ། །ལྷ་མིན་དམག་ཚོགས་གཡུལ་བཟློག་ཅིང་། །ནག་པོ་ཆེན་པོ་ཁྱོད་ལ་བསྟོད། །བུ་ནི་རིག་འཛིན་མཐུ་བོ་ཆེ། །མ་ཧཱ་ཀཱ་ལ་ཚོགས་ཀྱི་བདག། །སྐ་མདོག་མཐིང་ནག་རལ་པ་ཅན། །སྤྱན་གསུམ་མཆེ་བ་གཙིགས་པའི་ཞལ། །དབུ་སྐྲ་ཁམ་ནག་གྱེན་དུ་བརྫེས། །མཐིང་ནག་དར་གྱི་ཅོད་པཎ་ཅན། །སྐ་ལ་མཐིང་ནག་བེར་ཆེན་གསོལ། །ཕྱག་གཡས་ཙན་དན་བེང་ཆེན་བསྣམས། །གཡོན་པས་མདུང་དང་རུ་མཚོན་ཕྱར། །ཆིབས་སུ་རྟ་ནག་ཕུམ་དམར་བཅིབས། །འཇིག་རྟེན་ལྷ་དམག་ཡོངས་ཀྱི་གཙོ། །ལྷ་མིན་གཡུལ་ཟློག་མཐུ་རྩལ་ཅན། །ལྷ་མིན་འདུལ་མཛད་ཁྱེད་ལ་བསྟོད། །དམར་གྱི་གཏོར་མ་རྒྱན་ཅན་དང་། །བདུད་རྩི་དམ་པ་འདི་བཞེས་ལ། །བཅོལ་པའི་ཕྲིན་ལས་གྲུབ་པར་མཛོད༔ བྷྱོཿསྲིང་མོ་ཆེན་མོ་དཀའ་བཟློག་མ། །འདོད་ཁམས་ལྷ་མོ་རེ་མ་ཏི། །གཅེར་བུ་ཁྲག་གི་རལ་གཡེང་མ། །ལག་ན་མདུང་དང་རལ་གྲི་ཐོགས། །ནག་མོ་མཆེ་བ་གཙིགས་པའི་ཞལ། །ལྷ་རྣམས་ཀུན་གྱིས་མཆོད་ཅིང་བསྟོད། །ལྷ་མིན་དམག་ཚོགས་འཇོམས་མཛད་པ། །གཅེར་བུ་བོང་ཞོན་ཁྱོད་ལ་བསྟོད། །བཀའ་ཡི་གཏོར་མ་འདི་བཞེས་ལ། །བཅོལ་བའི་ཕྲིན་ལས་གྲུབ་པར་མཛོད། །དགྲ་བགེགས་གཉིས་ཀྱི་གཡུལ་ངོ་བཟློག །དེ་ནས་རྡས་རུ་བསྐལ་ཅིང་རྦད་པ་ནི། །ཧཱུཾ་སྔོན་གྱི་བསྐལ་པ་དང་པོ་ལ། །ལྷ་དང་ལྷ་མིན་འཐབ་པའི་ཚེ། །དེ་ཚེ་ལྷ་ཚོགས་ཀུན་གྱི་བདག །ཚངས་པ་དང་ནི་བརྒྱ་བྱིན་དང་། །མ་ཧཱ་དེ་ཝ་ལྷ་ཡི་གཙོ། །ནག་པོ་ཆེན་པོ་ར་མདའ་ཟློག །ཁྱོད་ནི་དྲག་པོ་ལྷ་ཡི་གཙོ། །དྲག་པོ་བདུད་ལ་མཐུ་རྩལ་ཅན། །ལྷ་མིན་འདུལ་བར་ཞལ་བཞེས་པ། །སྐ་ནི་གདུག་པ་འདུལ་བའི་ཕྱིར། །དྲག་པོའི་ལས་མཛད་མཐིང་ནག་འབར། །དབུ་སྐྲ་རལ་པ་ཐོར་ཚུགས་བཅིངས། །དར་ནག་ཅོད་པཎ་དབང་མཆོག་བསྐར། །རལ་པ་གསིག་ཅིང་སྲིད་གསུམ་འདུལ། །སྐ་ལ་དར་ནག་འཇོལ་བེར་གསོལ། །ཕྱག་གཡས་ཙན་དན་བེང་ཆེན་གསོར། །དགྲ་བགེགས་ཀླད་པའི་རྒྱབ་ཏུ་བརྡེག །གཡོན་པས་མདུང་དང་རུ་མཚོན་འཕྱར། །བདུད་དང་སྲིན་པོ་ལྷ་མིན་འདུལ། །སྟོང་གསུམ་བདུད་འདུལ་རྟ་ནག་བཅིབས། །ཁྱེད་ཀྱི་སྤྲུལ་པ་ཆེན་པོ་ནི། །བྱོང་ཕྱོགས་གནོད་སྦྱིན་ཆེན་པོ་བརྒྱད། །ལྕགས་ཀྱི་བྱ་ཁྲ་བརྒྱད་དུ་སྤྲུལ། །ལྷོ་ཕྱོགས་གཤིན་རྗེ་ཆེན་པོ་བརྒྱད། །སྟག་གཟིག་དོམ་དང་སྤྱང་ཀུར་སྤྲུལ། །བྷྱོ་ནག་མོ་དགྲ་ལ་ཆས་པའི་ཚེ། །དཔའ་བོ་གིང་དང་ཆོས་བསྒྲོགས་པས། །ལྷ་དམག་བྱེ་བ་དུང་ཕྱུར་ཚོགས། །རྒྱལ་པོ་བློན་ཆེན་སྡེ་དཔོན་དང་། །རུ་འདྲེན་ཆེན་པོ་ལ་སོགས་པའི། །ནག་པོ་ཆེན་པོས་སྣ་དྲངས་ནས། །རི་རབ་རྩེ་ལ་ཀུས་བཏབ་ནས། །རི་རབ་ཟོམ་ལ་ཐུར་དུ་བབས། །ལྷ་དམག་བྱེ་བས་གཡུལ་བཤམས་ནས། །ལྷ་མིན་དམག་ཚོགས་གཡུལ་ངོ་བཟློག །རྒྱ་མཚོ་ཆེན་པོའི་རླབས་ཀྱིས་བདས། །དེ་ཚེ་བདུད་ཀྱི་སྡེ་ལས་རྒྱལ། །བྷྱོཿལྷ་ཡི་དཔའ་བོ་དགྲ་ལ་ཆོས། །ལྷ་དམག་དཀར་པོ་དགྲ་ལ་ཆོས། །བྷྱོ་ཁྱེད་ཀྱི་སྔོན་གྱི་རུ་འདྲེན་པ། །ལྷ་ཆེན་དབང་པོ་བརྒྱ་བྱིན་ལགས། །ལྷ་མིན་འདུལ་བར་མཆོག་ཏུ་བརྩོན། །སྐ་ལ་དར་ནག་འཇོལ་བེར་གསོལ། །སྟོབས་ཆེན་གླང་ཆེན་ས་སྲུངས་བཅིབས། །དབུ་ལ་རིན་ཆེན་རྨོག་ཞུ་མནབས། །གསེར་གྱི་སྤུ་གྲི་ཀླད་ལ་བསྐོར། །རྡོ་རྗེའི་ཐོག་དང་སེར་བ་འབེབས། །བཀའ་ཡི་བློན་པོ་རྫུ་འཕྲུལ་ཅན། །ཉེ་དབང་སུམ་ཅུ་རྩ་གཉིས་པོ། །གསེར་གྱི་གོ་ཁྲབ་སི་ལི་ལི། །ང་རྒྱལ་བསྭོ་སྒྲ་དི་རི་རི། །རྔ་སྒྲ་མོང་འུ་རུ་རུ། །སྔོན་ཚེ་ལྷ་མིན་བཏུལ་བ་ལྟར། །དམར་གྱི་གཏོར་མ་འདི་བཞེས་ལ། །ད་ཡང་དགྲ་བགེགས་རྡུལ་དུ་ཟློགས། །ཁྱོད་ཀྱི་གཡས་ཀྱི་རུ་འདྲེན་པ། །ལྷ་ཆེན་དཔའ་བོ་ཚངས་པ་ལགས། །ཚངས་པ་གདོང་བཞིས་གླིང་བཞི་འདུལ། །སྐ་ལ་ཤེལ་ཁྲབ་དཀར་པོ་གསོལ། །སྐ་ནི་དམར་སེར་འོད་དང་ལྡན། །སྟོབས་ཆེན་གླང་ཆེན་རབ་བརྟན་བཅིབས། །དབྱུག་པ་སྔོན་པོ་གནམ་དུ་ཕྱར། །གྷནྡྷེ་རིན་ཆེན་ས་ལ་བརྡབ། །སྟོང་གསུམ་འཇིག་རྟེན་དབང་དུ་བསྡུས། །གོ་ཆ་སྲ་ལ་མཚོན་ཆ་རྣོ། །དཔའ་པོའི་རུ་དར་ལྷབས་སེ་ལྷབ། །སྔོན་ཚེ་ལྷ་མིན་བཏུལ་བ་ལྟར། །ད་ཡང་དགྲ་བགེགས་རྡུལ་དུ་རློགས། །དམར་གྱི་གཏོར་མ་འདི་བཞེས་ལ། །བཅོལ་པའི་ཕྲིན་ལས་གྲུབ་པར་མཛོད། །ཁྱོད་ཀྱི་གཡོན་གྱི་རུ་འདྲེན་པ། །རྒྱལ་པོ་ཆེན་པོ་སྡེ་བཞི་ནི། །རིན་ཆེན་འཕྲུལ་གྱི་གོ་ཆ་གྱོན། །རྟ་དམར་དཔུང་ཚོགས་ཤ་ར་ར། །སྟོང་སྡེའི་དམག་ཚོགས་མེ་རེ་རེ། །གོ་ཆ་སྲ་ལ་མཚོན་ཆ་རྣོ། །དཔའ་བོའི་རུ་དར་ལྷབས་སེ་ལྷབ། །སྔོན་ཚེ་ལྷ་མིན་བཏུལ་བ་ལྟར། །ད་ཡང་དགྲ་བགེགས་རྡུལ་དུ་ཟློག །དམར་གྱིི་གཏོར་མ་འདི་བཞེས་ལ། །བཅོལ་པའི་ཕྲིན་ལས་གྲུབ་པར་མཛོད། །ཁྱོད་ཀྱི་སླད་ཀྱི་རྗེས་འབྲང་ནི། །དྲག་པོའི་བཀའ་ཉན་ཕྱོགས་སྐྱོང་བཅུ། །བརྒྱ་བྱིན་དཀར་པོ་གླང་ཆེན་ཞོན། །རྡོ་རྗེ་གསོར་ཞིང་དགྲ་སྙིང་འདུལ། །དྲི་ཟའི་དམག་ཚོགས་མེ་རེ་རེ། །གོ་ཆ་སྲ་སོགས། མེ་ལྷ་དམར་ནག་ར་སྐྱེས་བཅིབས། །ལག་ན་མེ་ཡི་འཁོར་ལོ་བསྣམས། །མེ་ལྷའི་དམག་ཚོགས་མེ་རེ་རེ། །གོ་ཆ་སྲ་སོགས། །གཤིན་རྗེ་མཐིང་ནག་དབྱུག་པ་ཕྱར། །ཆིབས་སུ་མ་ཧེ་སྔོན་པོ་བཅིབས། །གཤིན་རྗེའི་དམག་ཚོགས་མེ་རེ་རེ། །གོ་ཆ་སྲ་སོགས། །སྲིན་པོ་དམར་ནག་རལ་གྲི་བསྣམས། །མི་རོ་དམར་པོའི་རྟ་རུ་ཞོན། །སྲིན་པོའི་དམགས་ཚོགས་མེ་རེ་རེ། །གོ་ཆ་སྲ་སོགས། །ཆུ་ལྷ་དམར་པོ་སྦྲུལ་ཞགས་བསྣམས། །ཆུ་སྲིན་སྔོན་པོ་ཁ་དམར་བཅིབས། །ཆུ་ལྷའི་དམགས་ཚོགས་མེ་རེ་རེ། །གོ་ཆ་སྲ་སོགས། །རླུང་ལྷ་ལྗང་ནག་ཤྭ་བ་ཞོན། །ཕྱག་ན་བ་དན་ནག་པོ་བསྣམས། །རླུང་ལྷའི་དམག་ཚོགས་མེ་རེ་རེ། །གོ་ཆ་སྲ་སོགས། གནོད་སྦྱིན་མཐིང་ནག་དབྱུག་པ་ཕྱར། །སེང་གེ་སྔོན་པོ་ཆིབས་སུ་བཅིབས། །གནོད་སྦྱིན་དམག་ཚོགས་མེ་རེ་རེ། །གོ་ཆ་སྲ་སོགས། །འབྱུང་བོ་ཐལ་མདོག་རྩེ་གསུམ་འཕྱར། །ཆིབས་སུ་ཆུ་གླང་དཀར་པོ་བཅིབས། །འབྱུང་བོའི་དམག་ཚོགས་མེ་རེ་རེ། །གོ་ཆ་སྲ་སོགས། ཉི་མ་དམར་པོ་པདྨ་བསྣམས། །ཆིབས་སུ་རྟ་ནག་ཕུམ་སྔོན་བཅིབས། །ཉི་མའི་དམག་ཚོགས་ཀྱི་ལི་ལི། །གོ་ཆ་སྲ་སོགས། ཟླ་བ་དཀར་པོ་གཟི་བརྗིད་ཅན། །ཨུཏྤལ་སྔོན་པོ་ཕྱག་ན་བསྣམས། །ཟླ་རྟ་ངང་པ་ཆིབས་སུ་བཅིབས། །ཟླ་བའི་དམག་ཚོགས་སྒ་ར་ར། །གོ་ཆ་སྲ་ལ་མཚོན་རྣོ། །དཔའ་བོའི་རུ་དར་ལྷབས་སེ་ལྷབ། །སྔོན་ཚེ་ལྷ་མིན་བཏུལ་བ་ལྟར། །ད་ཡང་དགྲ་བགེགས་རྡུལ་དུ་བརློགས། །དམར་གྱི་གཏོར་མ་འདི་བཞེས་ལ། །བཅོལ་བའི་ཕྲིན་ལས་གྲུབ་པར་མཛོད། །ས་ཡི་ལྷ་མོ་སྐ་མདོག་སེར། །ཕག་རྒོད་དམར་བཀྲ་ཆིབས་སུ་བཅིབས། །ཕྱག་ན་བདུད་རྩིའི་བུམ་པ་བསྣམས། །ས་བདག་དམག་ཚོགས་མེ་རེ་རེ། །གོ་ཆ་སྲ་ལ་སོགས། དགྲ་བགེགས་གནམ་ས་ཁ་ཞབས་ཟློག །ཆོས་སྐྱོང་ཆེན་པོ་ཁྱེད་རྣམས་ཀྱང་། །གོ་ཆ་སྲ་ལ༴ དཔའ་བོའི་རུ་དར༴ སྔོན་ཚེ༴ ད་ཡང་༴ དམ་རྫས་གཏོར་མ་འདི་བཞེས་ལ། །དམག་དཔུང་བསྐྱེད་ལ་དགྲ་དཔུང་ཐུལ། །བྷྱོ་མ་ཧཱ་ཀཱ་ལ་མཐུ་བོ་ཆེ། །ཡོངས་སུ་གྲགས་པའི་མཐུ་རྩལ་ཅན། །ནག་པོ་ཆེན་པོ་ལྷ་དམག་ཚོགས། །སྔོན་ཚེ་ལྷ་མིན་བཏུལ་བ་ལྟར། །དེ་རིང་དགྲ་བགེགས་འདུལ་དོན་དུ། །དམ་རྫས་གཏོར་མ་འདེ་བཞེས་ལ། །དམག་དཔུང་བསྐྱོད་ལ་རུ་མཚོན་ཕྱོར། །དྲག་ཤུལ་བསྐྱེད་ལ་སྐ་ཤུགས་ཕྱུངས། །ཆོས་འཁོར་ཐམས་ཅད་བསྲུང་དུ་གསོལ། །བདག་གི་དགྲ་བོ་བསྒྲལ་དུ་གསོལ། །བྷྱོ་བྱང་ཤར་ཐོད་པའི་ལྡིང་ཁང་ནས། །སྨོན་ལམ་ཤུགས་ཀྱིས་འབྲེལ་བའི་ལྕམ། །སྲིང་གཅིག་དཔལ་ལྡན་རེ་མ་ཏི། །ནག་མོ་གཅེར་བུ་རལ་པ་ཅན། །སྤྱན་གསུམ་མཆེ་བ་གཙིགས་ནས་ནི། །ལག་ན་མདུང་དང་རལ་གྲི་བསྣམས། །མ་མོ་འབུམ་གྱི་འཁོར་གྱིས་བསྐོར། །དམར་གྱི་གཏོར་མ་འདི་བཞེས་ལ། །སྡང་བའི་དགྲ་བོའི་གཡུལ་ངོ་བཟློག །གནོད་པའི་བགེགས་རྣམས་ཐལ་བར་རློག །བཅོལ་པའི་ཕྲིན་ལས་གྲུབ་པར་མཛོད། །ཅེས་གཏོར་མ་དང་ལིངྒ་དགྲ་ཕྱོགས་སུ་བསྐྱལ་ལོ། ལམ་རྒྱ་གྲམ་དུ་མནན། ཆོས་སྐྱོང་ལྷ་དམག་སྤྱི་བསྐལ་འདི། སློབ་དཔོན་པདྨས་རྒྱལ་པོ་ཁྲི་སྲོང་ལྡེའུ་བཙན་ལ་གནང་ངོ་། དེས་ཉང་ཏིང་འཛིན་བཀོད་ལ་གནང་། དེས་སྲས་ཕུན་ཚོགས་ལ་གནང་ནས་རིམ་པར་བརྒྱུད་དོ། དགེའོ། དགེའོ། ༈ གཉིས་པ་ཚོགས་བདག་དངོས་ཀྱི་བསྐལ་བ་ནི། བདག་ཉིད་ཡི་དམ་ལྷའི་ང་རྒྱལ་དང་ལྡན་པའི་ཐུགས་ཀ་ནས་འོད་ཟེར་འཕྲོས་པས་མདུན་གྱི་གཙོ་བོའི་ཐུགས་དམ་བསྐལ། ཡབ་ལས་མགོན་པོ། ཡུམ་ལས་མ་མོ། འཁོར་རྣམས་ལས་རང་རང་འདྲ་བའི་སྤྲུལ་པ་དཔག་ཏུ་མེད་པ་འཕྲོས་པས། དེ་དག་གི་སྔོན་གྱི་དམ་ཚིག་རྗེས་སུ་དྲན་ནསཿ སྐ་རྔམ་པ་ཤིན་ཏུ་ཁྲོས་པའི་གཏུམ་བག་དང་ལྡན་པ་ཙམ་གྱིས། དགྲ་བགེགས་རྣམས་ཤིན་ཏུ་སྐྲག་ནས། འདར་ཕྲི་ལི་ལི་བྱེད་ཅིང་བཀྲག་མདངས་ཡལ་བར་བསྒོམས་ལ་ཕྱོགས་བཞི་མཚམས་བརྒྱད་སྟེང་འོག་ཐམས་ཅད་མ་ཧཱ་ཀཱ་ལའི་དམག་ཚོགས་ཀྱིས་ནམ་མཁའ་བར་སྣང་ས་གཞི་གང་ནས་ཧཱུྃ་སྒྲ་དང་། བསྭོ་སྒྲ་འབྱིན་པས་དགྲ་བགེགས་རྡུལ་དུ་བརླགས་པར་བསམ་ལ། གོང་ལྟར་འགུགས་བསྒྲལ་བྱིན་རླབས་བསྟབས་པ་སོགས་བྱས་ལ་འདི་སྐད་དོ། ཧཱུྃ་མགོན་པོ་ཆེན་པོའི་ཐུགས་དམ་ནི༔ དགྲ་བགེགས་འདུལ་བར་དམ་བཅས་པའིཿ དམ་ལས་མ་འདའ་ཕྲིན་ལས་མཛོདཿ ཕྱོགས་བཅུའི་སངས་རྒྱས་ཐམས་ཅད་ཀྱི༔ སྐ་གསུང་ཐུགས་ཀྱི་བྱིན་བརླབས་ལསཿ ལྷ་མིའི་དགྲ་བླ་མགོན་དུ་སྤྲུལཿ དམག་དཔོན་ཆེན་པོ་རྔམ་པའི་སྐཿ གསོད་བྱེད་མ་ཧཱ་ཀཱ་ལ་སྟེ༔ སྐ་མདོག་མཐིང་ནག་འཇིགས་པའི་གཟུགསཿ དབུ་སྐྲ་ཁམ་ནག་གྱེན་ཏུ་བརྫེསཿ དར་ནག་འཇོལ་བེར་སྐ་ལ་མནབསཿ གསེར་སྐ་རིན་ཆེན་སྐེད་ལ་བཅིངསཿ ཞབས་ལ་སག་ཏིའི་ལྷྭམ་པོ་ཆེཿ གཡས་ན་ཙནྡ་དན་བེང་ཆེན་བསྣམསཿ དགྲ་བགེགས་སྡིག་ཅན་ཀླད་ལ་རྒྱོབ༔ གཡོན་ནས་དྲི་ཤུལ་རུ་མཚོན་འཕྱརཿ འབྱུང་པོའི་སྲོག་གཅོད་བྱ་ར་མཛོད༔ སྟེང་འོག་ཕྱོགས་མཚམས་ལ་སོགས་པཿ མ་ཧཱ་ཀཱ་ལའི་ཚོགས་ཀྱིས་གཏམསཿ དྲི་ཟ་མེ་ལྷ་གཤིན་རྗེ་དངཿ བདེན་བྲལ་ཆུ་ལྷ་རླུང་གི་ལྷཿ གནོད་སྦྱིན་དབང་ལྡན་ས་བདག་དངཿ ཉི་ཟླ་གཟའ་སྐར་ཚོགས་དང་བཅསཿ ལྷ་ཡི་ཚོགས་དང་ཀླུ་ཡི་ཚོགསཿ སྲིན་པོ་རོ་ལངས་ཤ་ཟ་དང་ཿ མཁའ་འགྲོ་ཤུགས་འགྲོ་མ་སྲིང་རྣམསཿ ཐམས་ཅད་གནས་ནས་འདིར་བྱོན་ལཿ དགྲ་བོ་བསད་དང་བཅིངས་པ་ཡི༔ མངོན་སྤྱོད་དྲག་པོའི་ལས་རྣམས་མཛོདཿ ཁྱེད་ཀྱི་ཐུགས་དམ་དུས་ལ་བབཿ དཀོན་མཆོག་གསུམ་ལ་སྨད་པ་དང་ཿ ཐེག་པ་ཆེན་པོ་སུན་འབྱིན་པཿ བསྟན་པ་བཤིག་པའི་སྡིག་ཅན་རྣམས༔ མ་ལུས་པར་ནི་ཞལ་དུ་གསོལ༔ གཞན་ཡང་བཀའ་ཉན་ལས་མཛད་པཿ མཁའ་ལ་རྒྱུ་བ་མ་མོའི་ཚོགསཿ དུར་ཁྲོད་བདག་མོ་ཟ་བྱེད་མོ༔ ཚངས་པ་ཆེན་མོ་གཞོན་ནུ་མོཿ ལྷ་ཆེན་མོ་དང་གཏོགས་འདོད་མོ༔ བརྒྱ་བྱིན་མོ་དང་རལ་གཅིག་མོ༔ འབར་མ་མོ་དང་སྲིན་མོའི་ཚོགསཿ རེས་འགའ་མགོ་བརྙན་ཚུལ་དུ་སྣང་ཿ སྦྲུལ་དང་གཟིག་དང་བྱི་ལ་དང་ཿ ཕ་བཾ་དྲེད་མོང་ཕག་དང་ནི༔ རྔ་མོ་ལ་སོགས་མགོ་བརྙན་ཅནཿ ཟ་བྱེད་གདུག་པ་ཆེན་པོའི་ཚོགསཿ དམ་ཉམས་འདུལ་བར་དམ་བཅས་ནསཿ ཐུགས་དམ་བཞིན་ཏུ་ཕྲིན་ལས་མཛོདཿ དགྲ་བགེགས་སརྦ་ཤ་དྲུམ་མཱ་ར་ཡ་ཛ་ཛཿ ཧཱུཾ་བྱང་ཤར་མཚམས་ཀྱི་ཕར་མཐའ་ནསཿ རྩུབ་འགྱུར་ཚལ་གྱི་དུར་ཁྲོད་ནསཿ མདུང་དང་རལ་གྲི་གཤིབས་པའི་ཕྲོང་ན༔ ལྷ་ཡི་རྒྱལ་པོ་ལྷ་ཡི་གཙོ༔ བདུད་ཀྱི་བདུད་དེ་བདུད་ཀྱི་རྗེཿ དཔལ་ལྡན་མ་ཧཱ་ཀཱ་ལ་ནི༔ མཐིང་ནག་སྤྱན་གསུམ་མཆེ་བ་ཅནཿ སྐ་ལ་དར་ནག་བེར་ཆེན་ཀླུབསཿ སག་རི་སག་ཏིའི་རྒྱ་ལྷྭམ་ཅནཿ སྟག་རལ་གཡས་ལ་གཟིག་ཤུབ་གཡོནཿ ཆིབས་སུ་བྲ་ནག་རྟིང་དཀར་བཅིབསཿ ཕྱག་ན་ཙནྡ་བེང་ཆེན་བསྣམསཿ འཁོར་དུ་མགོན་དམག་འབུམ་གྱིས་བསྐོར༔ ལས་སུ་སངས་རྒྱས་བསྟན་པ་སྲུངསཿ རྒྱན་གྱི་གཏོར་མ་འདི་བཞེས་ལཿ བདག་ལ་སྡང་བའི་དགྲ་བོ་དང་ཿ དཀོར་ལ་རློམས་པའི་སྡིག་ཅན་དང་ཿ དཀོན་མཆོག་གསུམ་གྱི་བསྟན་དགྲ་དང་ཿ ཡོན་བདག་སྙིང་རིང་བྱེད་པ་དང་ཿ སློབ་མ་དམ་ལས་ལོག་པ་དང་ཿ ལྐོག་ལ་སྨྲ་བླག་བྱེད་པ་དང་ཿ མ་ཉེས་ཞལ་ལྕེ་འབེབས་པ་དང་ཿ མི་ཆགས་བུ་ལོན་བསྙགས་པ་དང་ཿ ངན་སྣ་ཚུར་ལ་འདྲེན་པ་དང་ཿ བདག་ལ་ཐུབ་ཚོད་བྱེད་པ་དང་ཿ ནད་སྣ་ཡམས་སྣ་འདྲེན་པ་དང་ཿ ངན་སེམས་རྐུ་དུག་བྱེད་པ་དང་ཿ རྐུ་དགོས་ཟེར་ཞིང་འཇབ་པ་དང་ཿ མི་ཁ་འཕྱ་བཞད་བྱེད་པ་དང་ཿ འཕྲོག་དགོས་ཟེར་ཞིང་བརློམས་པ་རྣམསཿ མཆོས་སྐྱོང་རྒྱལ་པོའི་དམག་དྲོངས་ལཿ ཡུད་ཙམ་གྱིས་ནི་མྱུར་དུ་སྒྲོལཿ སྲོད་ལ་བླ་འཁྱམས་ཁུག་ལ་ཤོགཿ ནམ་ཕྱེད་སྲོག་རྩ་རྒལ་ནས་ཆོདཿ ཐོ་རངས་སྙིང་ཁྲག་དྲོན་མོ་གསོལཿ དགྲ་དང་བགེགས་ལ་ཕྲིན་ལས་མཛོདཿ ཧཱུཾ་མི་འགྱུར་རྡོ་རྗེའི་བྲག་སྟེང་ནསཿ གྲུ་གསུམ་མཐིང་ནག་འབར་བའི་གཞལ་གཡས་ནཿ སྲོག་བདག་ནག་པོ་འཇིགས་ཚུལ་ཅནཿ ཕྱག་ན་གྲི་གུག་ཐོད་ཁྲག་འཛིནཿ དེ་ཡི་འཁོར་དུ་གྱུར་པ་ནིཿ མོན་པའི་གར་བྱེད་ལོགས་སེ་ལོགཿ ཤན་པ་གྲི་ཐོག་ཁེངས་སེ་ཁེང་ཿ ལ་ལས་མདའ་མདུང་རལ་གྲི་འཛིནཿ ལ་ལས་ཁ་ཊྭཱཾ་བ་དན་འཛིན༔ ལ་ལས་ཙན་དན་གྲུ་ཚད་འཛིནཿ སྲས་མཆོག་དམག་དཔུང་མ་ཉུང་ཅིགཿ མགྱོགས་པ་ཆིབས་ལ་རྣོ་མཚོན་ཐོགསཿ དགྲ་བགེགས་བསྒྲལ་བའི་ཕྲིན་ལས་མཛོདཿ བདག་མ་ཉེས་མ་ཡོ་སྲུང་མ་མཁྱེན༔ རྣལ་འབྱོར་བདག་ལ་དགྲ་བྱུང་ནཿ གཟུ་དང་དཔང་དུ་དཀོན་མཆོག་བཞུགསཿ ཞལ་ལྕེ་སྣང་སྲིད་ཡོངས་ཀྱིས་ཆོད༔ བདག་དང་རྒྱུ་སྦྱོར་ཡོན་བདག་ལཿ སྡང་བའི་དགྲ་དང་གནོད་པའི་བགེགསཿ མྱུར་དུ་བསྒྲལ་བའི་ཕྲིན་ལས་མཛོདཿ འཁོར་གྱི་དམག་དཔུང་མ་ཞན་ཅིགཿ དགྲ་བགེགས་མ་བཏང་མྱུར་དུ་ཁུགཿ སྲུང་མ་མཐུ་ཆེན་འཁོར་བཅས་ཀྱིསཿ རྒྱན་གྱི་གཏོར་མ་འདི་བཞེས་ལཿ སྡང་བའི་དགྲ་དང་གནོད་པའི་བགེགསཿ དགྲ་བགེགས་དམ་ཉམས་དམྱལ་ཐག་ཆོདཿ དགྲ་བོའི་ཕ་ཚན་མ་ཚན་རྡུལ་དུ་རླགསཿ བཅོལ་པའི་ཕྲིན་ལས་གྲུབ་པར་མཛོདཿ ཧཱུཾ་ཡང་ཅིག་མགོན་པོའི་བཀའ་ཉན་པཿ ཤར་ཕྱོགས་སྐྱོང་བའི་མགོན་པོ་ནིཿ དཔལ་འབར་འཇིགས་པའི་ཆ་བྱད་ཅནཿ ཆིབས་སུ་ངང་བ་རྔོག་ནག་བཅིབསཿ ཕྱག་ན་ཉི་ཟེར་ཞགས་པ་བསྣམསཿ དྲི་ཟ་བྱེ་བའི་ཚོགས་ཀྱིས་བསྐོརཿ རྒྱན་གྱི་གཏོར་མ་འདི་བཞེས་ལཿ ཤར་གྱི་དགྲ་བགེགས་གཡུལ་ངོ་བཟློགཿ ཤར་ནས་དགྲ་སྣ་མ་ལྡང་ཅིགཿ ཤར་ནས་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ ཤར་གྱི་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ ནད་སྣ་རིམས་སྣ་དགྲ་ལ་བཟློགཿ བཅོལ་པའི་ཕྲིན་ལས་གྲུབ་པར་མཛོདཿ ཧཱུཾ་ཡང་ཅིག་མགོན་པོའི་བཀའ་ཉན་པཿ ལྷོ་ཕྱོགས་སྐྱོང་བའི་མགོན་པོ་ནིཿ ཆིབས་སུ་ངང་དཀར་སེར་ཆེན་བཅིབསཿ ཕྱག་ན་ཙན་དན་བིང་ཆེན་བསྣམསཿ གཤིན་རྗེ་འབུམ་གྱི་འཁོར་གྱིས་བསྐོརཿ རྒྱན་གྱི་གཏོར་མ་འདི་བཞེས་ལཿ ལྷོ་ཡི་དགྲ་བགེགས་གཡུལ་ངོ་བཟློགཿ ལྷོ་ནས་དགྲ་སྣ་མ་ལྡང་ཅིགཿ ལྷོ་ནས་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ ལྷོ་ཡི་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ་བཟློགཿ བཅོལ་པའི་ཕྲིན་ལས༴ ཧཱུཾ་ཡང་ཅིག་མགོན་པོའི་བཀའ་ཉན་པ། ནུབ་ཕྱོགས་སྐྱོང་བའི་མགོན་པོ་ནིཿ ཆིབས་སུ་མཚལ་བུ་རྟིང་དཀར་བཅིབསཿ ཕྱག་ན་ཙན་དན་གྲུ་ཚད་བསྣམསཿ ཀླུ་བདུད་མང་པོའི་འཁོར་གྱིས་བསྐོརཿ རྒྱན་གྱི་གཏོར་མ་འདི་བཞེས་ལཿ ནུབ་ཀྱི་དགྲ་བགེགས་གཡུལ་ངོ་བཟློགཿ ནུབ་ནས་དགྲ་སྣ་མ་ལྡང་ཅིགཿ ནུབ་ནས་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ ནུབ་ཀྱི་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ་བཟློགཿ བཅོལ༴ ཧཱུཾ་ཡང་ཅིག་མགོན་པོའི་བཀའ་ཉན་པཿ ཤར་ལྷོ་སྐྱོང་བའི་མགོན་པོ་ནིཿ སྔོན་པོ་ཆུ་རིས་ཆིབས་སུ་བཅིབསཿ ཕྱག་ན་མེ་ཡི་བ་དན་བསྣམསཿ མེ་ལྷ་དྲང་སྲོང་འབུམ་གྱིས་བསྐོརཿ རྒྱན་གྱི་གཏོར་མ༴ ཤར་ལྷོའི་དགྲ་བགེགས་གཡུལ་ངོ་བཟློགཿ ཤར་ལྷོར་དགྲ་སྣ་མ་སྡལྡང་ཅིགཿ ཤར་ལྷོར་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ ཤར་ལྷོའི་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ་བཟློགཿ བཅོལ་པའི་ཕྲིན་ལས༴ ཧཱུཾ་ཡང་ཅིག་མགོན་པོའི༴ ལྷོ་ནུབ་སྐྱོང་བའི་མཛེས་ལྡན་སྲས༴ ཆིབས་སུ་ཁམ་པ་བརྗིད་དཀར་བཅིབསཿ ཕྱག་ན་བ་དན་རུ་མཚོན་བསྣམསཿ འཁོར་དུ་སྲིན་དམག་འབུམ་གྱིས་བསྐོརཿ རྒྱན་གྱི་གཏོར་མ༴ ལྷོ་ནུབ་དགྲ་བགེགས་གཡུལ་ངོ་བཟློགཿ ལྷོ་ནུབ་དགྲ་སྣ་མ་ལྡང་ཅིགཿ ལྷོ་ནུབ་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ ལྷོ་ནུབ་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ་བཟློགཿ བཅོལ་པའི༴ ཧཱུཾ་ཡང་ཅིག་མགོན་པོའི་བཀའ་ཉན་པཿ ནུབ་བྱང་སྐྱོང་བའི་མགོན་པོ་ནིཿ རླུང་ལ་བཅིབས་ཏེ་མྱུར་མགྱོགས་ཅནཿ ཕྱག་ན་རུ་མཚོན་སྔོན་པོ་བསྣམསཿ འཁོར་དུ་རླུང་ལྷ་འབུམ་གྱིས་བསྐོརཿ རྒྱན་གྱི་གཏོར་མ༴ ནུབ་བྱང་དགྲ་བགེགས་གཡུལ་ངོ་བཟློགཿ ནུབ་བྱང་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ ནུབ་བྱང་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ༴ བཅོལ་པའི༴ ཧཱུཾ་ཡང་ཅིག་མགོན་པོའི༴ བྱང་ཤར་སྐྱོང་བའི་མགོན་པོ་ནིཿ ཆིབས་སུ་ཁྱུ་མཆོག་འབར་བ་བཅིབསཿ ཕྱག་ན་ཁ་ཊྭཱཾ་རྩེ་གསུམ་བསྣམསཿ འཁོར་དུ་འབྱུང་པོ་འབུམ་གྱིས་བསྐོརཿ རྒྱན་གྱི་གཏོར་མ༴ བྱང་ཤར་དགྲ་བགེགས་གཡུལ་ངོ་བཟློགཿ བྱང་ཤར་དགྲ་སྣ་མ་ལྡང་༴ བྱང་ཤར་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆིངསཿ བྱང་ཤར་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ་བཟློགཿ བཅོལ་པའི༴ ཧཱུཾ་ཡང་ཅིག་མགོན་པོའི་བཀའ་ཉན་པཿ སྟེང་ཕྱོགས་སྐྱོང་བའི་མགོན་པོ་ནིཿ དེ་བ་མགོན་པོ་གཙུག་ཕུད་ཅནཿ ཆིབས་སུ་ངང་པ་རྔོག་སྔོན་བཅིབསཿ དམག་དཔོན་ཆེན་པོ་ཡ་བདུད་འཇོམསཿ གཟའ་ཆེན་བརྒྱད་ཀྱི་འཁོར་གྱིས་བསྐོརཿ རྒྱན་གྱི་གཏོར་མ༴ སྟེང་ཕྱོགས་དགྲ་བགེགས་གཡུལ་ངོ་བཟློགཿ སྟེང་ནས་དགྲ་སྣ་མ་ལྡང་ཅིགཿ སྟེང་ནས་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ སྟེང་གི་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ་བཟློགཿ བཅོལ་པའི༴ ཧཱུཾ་ཡང་ཅིག་མགོན་པོའི༴ འོག་ཕྱོགས་སྐྱོང་བའི་མགོན་པོ་ནིཿ ཆིབས་སུ་གླང་པོ་ཆེ་བཅིབསཿ འཁོར་དུ་ས་བདག་འབུམ་གྱིས་བསྐོརཿ རྒྱན་གྱི་གཏོར་མཿ འོག་ཕྱོགས་དགྲ་བགེགས་གཡུལ་ངོ་བཟློགཿ འོག་ནས་དགྲ་སྣ་མ་ལྡང་ཅིགཿ འོག་ན་བསམ་ངན་འཆང་བ་ཡིཿ དཔུང་བ་ཕུད་ལ་རྒྱུས་པ་ཆོདཿ འོག་གི་དགྲ་སྣ་ཡམས་སྣ་དང་ཿ དམག་སྣ་བྱད་སྣ་དགྲ་ལ་བསྒྱུརཿ དལ་ཡམས་རིམས་སྣ་དགྲ་ལ་བཟློགཿ བཅོལ་པའི༴ ཧཱུཾ་ཡང་ཅིག་བཀའ་ཉན་བསྐལ་པ་ནིཿ བདུད་དམག་བྱེ་བ་འབུམ་གྱིས་དབུསཿ གདུག་པ་འདུལ་མཛད་ཐོད་ཕྲེང་ཅནཿ ཆིབས་སུ་ནག་པོ་རྟིང་དཀར་བཅིབསཿ ལས་སུ་སངས་རྒྱས་བསྟན་པ་བསྲུང་ཿ རྒྱན་གྱི་གཏོར་མ༴ སྡང་བའི་དགྲ་ལ་ཕྲིན་ལས་མཛོདཿ དགྲ་སྣ་བྱད་སྣ་བསྒྱུར་དུ་གསོལཿ ཕུར་ཁ་ཟོར་ཁ་བཟློག་ཏུ་གསོལཿ བདག་ཅག་འཁོར་དང་བཅས་པ་རྣམསཿ བྱེས་སུ་འགྲོ་ན་བསུ་སྐྱེལ་གྱིསཿ དགྲ་བོའི་མི་ནོར་ཕྱགས་མས་ཐོབཿ གཞི་ལ་འདུག་ན་ཁ་འཛིན་མཛོདཿ ཡུལ་འཁོར་སྲུངས་ལ་བུ་རྟ་འཚོསཿ བཅོལ་པའི༴ ཧཱུཾ་ཡང་ཅིག་ཕོ་ཉ་བསྐལ་བ་ནིཿ ཁྲག་འཐུང་མ་མོ་རྫུ་འཕྲུལ་ཅནཿ དགྲ་བླའ ི་རྒྱལ་མོ་མཐུ་མོ་ཆེཿ སྐ་ལ་དར་ནག་གོ་ཟུ་གསོལཿ ཆིབས་སུ་དྲིའུ་རྟ་རྐང་གསུམ་བཅིབསཿ ཕྱག་ན་མདུང་དང་རལ་གྲི་བསྣམསཿ འཁོར་དུ་མ་མོ་འབུམ་གྱིས་བསྐོརཿ ཡང་འཁོར་བརྟན་མ་བཅུ་གཉིས་མངའཿ ལས་སུ་སངས་རྒྱས་བསྟན་པ་བསྲུང་ཿ རྒྱན་གྱི་གཏོར་མ༴ བདག་ལ་སྡང་བའི་དགྲ་བོ་ལཿ རྟགས་དང་མཚན་མ་མྱུར་དུ་སྟོནཿ དལ་ཡམས་རིམས་སྣ་དགྲ་ལ་བསྒྱུརཿ དགྲ་བགེགས་ཐལ་བའི་རྡུལ་དུ་རློགསཿ བཅོལ་བའི་ལས་ལ་མཐུ་མ་ཆུང་ཿ བདག་ལ་ངན་སེམས་འཆང་བ་དང་ཿ འཁོར་ལ་གདུག་པ་སྟོན་པ་ཡི༔ དགྲ་བགེགས་སྲོག་རྩ་དམར་པོ་ཆོདཿ བཅོལ་བའི་ཕྲིན་ལས༴ མ་མོའི་ཁྲག་ཐུན་དགྲ་ལ་རྒྱོབཿ སྡང་དགྲ་ལས་ངན་སྐྱེ་རྒྱུད་ཆོདཿ མ་མོའི་ཟོར་ཁ་དགྲ་ལ་སྟོནཿ དགྲ་བོའི་མི་རྟ་དུམ་བུར་ཐོང་ཿ བཅོལ་བའི་ཕྲིན་ལས་གྲུབ་པར་མཛོདཿ ས་མ་ཡ་མ་མ་རཀྨོ་ཐུན་བྷྱོཿ མ་མ་ཁ་རཀྵེ་ཐུན་བྷྱོཿ ཅེས་ཁྲག་བྱར་རོཿ ཧཱུཾ་ཡང་ཅིག་མགོན་པོའི་བཀའ་འཁོར་དུཿ སྡེ་བརྒྱད་མགོན་པོས་བསྐོར་བ་ནི༔ ཤར་གྱི་ཕྱོགས་ནས་བསྐལ་བ་ནིཿ སྲིད་པ་ལྷ་ཡི་གཙོ་བོ་སྟེཿ སྐ་མདོག་དུང་ལྟར་དཀར་བ་ལཿ སྐ་ལ་དར་དཀར་གོ་ཟུ་གྱོནཿ གཡས་ན་ཤེལ་གྱི་རལ་གྲི་བསྣམསཿ དགྲ་སྲོག་གཅོད་པའི་དུས་ལ་བབཿ གཡོན་པས་དར་མདུང་དཀར་པོ་འཕྱར༔ སྲིད་པའི་ལྷ་དམག་ཁ་ལོ་བསྒྱུརཿ ཆིབས་སུ་ལྷ་གཡག་ཁམ་པ་བཅིབསཿ ལྷ་དམག་འབུམ་གྱི་འཁོར་གྱིས་བསྐོརཿ ནང་འཁྲུགས་གཏོང་བའི་མཐུ་བོ་ཆེཿ རྒྱན་གྱི་གཏོར་མ་འདི་བཞེས་ལཿ དགྲ་བགེགས་མ་བཏང་མྱུར་དུ་ཁུགཿ དལ་ཡམས་རིམས་སྣ་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ་བཟློགཿ བཅོལ་པའི་ཕྲིན་ལས༴ ལྷོ་ཡི་ཕྱོགས་ནས་བསྐལ་བ་ནིཿ གཤིན་རྗེ་ཡ་མ་རཱ་ཙ་ནིཿ སྐ་མདོག་ནག་པོ་སྟག་ལྤགས་གྱོནཿ གཡས་པས་བེ་ཅོན་གཡོན་ཐོད་དབྱུགཿ སྲིད་པའི་ཡི་དྭགས་ལས་ལ་འགྱེདཿ ཆིབས་སུ་མ་ཧེ་སྔོན་པོ་བཅིབསཿ གཤིན་རྗེ་འབུམ་གྱི་འཁོར་གྱིས་བསྐོརཿ རྒྱན་གྱི་གཏོར་མ༴ དགྲ་བགེགས་མ་བཏང་མྱུར་དུ་ཁུགཿ དལ་ཡམས་རིམས་ཡམས་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ༴ བཅོལ་པའི༴ ཧཱུཾ་ནུབ་ཀྱི་ཕྱོགས་ནས་བསྐལ་བ་ནིཿ མ་མོ་སྲིད་པའི་རྒྱལ་མོ་ནིཿ སྐ་མདོག་ནག་ལ་བརྗིད་པའི་ཞལཿ དར་དཀར་རལ་ག་སྐ་ལ་གསོལཿ གཡས་ན་མདའ་དར་གཡོན་མེ་ལོང་ཿ ཆིབས་སུ་གཡུ་འབྲུག་སྔོན་པོ་བཅིབསཿ མ་མོ་འབུམ་གྱི་འཁོར་གྱིས༴ ནད་རིམས་གཏོང་བའི་མཐུ་མོ་ཆེཿ རྒྱན་གྱི་གཏོར་མཿ དགྲ་བགེགས་མ་བཏང་མྱུར་དུ་སྒྲོལཿ དལ་ཡམས་རིམས་ཡམས་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ་བཟློགཿ བཅོལ་བའི༴ ཧཱུཾ་བྱང་གི་ཕྱོགས་ནས་བསྐལ་བ་ནིཿ བདུད་པོ་རྐོས་རྗེ་དྲང་དཀར་ནིཿ སྐ་མདོག་མཐིང་ནག་འབར་བ་ལཿ དར་ནག་འཇོལ་བེར་སྐ་ལ་གསོལཿ གཡས་པས་ཁྲམ་ཤིང་གཡོན་དགྲ་སྟྭཿ ཆིབས་སུ་བདུད་རྟ་རྟིང་དཀར་བཅིབསཿ བདུད་དམག་བྱེ་བ་འབུམ་གྱིས་བསྐོརཿ ཚེ་སྲོག་གཅོད་པའི་མཐུ་བོ་ཆེཿ རྒྱན་གྱི་གཏོར་མ༴ དགྲ་བགེགས་མ་གཏོང་མྱུར་དུ་ཁུགཿ དལ་ཡམས་རིམས་ཡམས་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ་བཟློགཿ བཅོལ་བའི་ཕྲིན་ལས༴ ཧཱུཾ་ཤར་ལྷོ་མཚམས་ནས་བསྐལ་བ་ནིཿ བཙན་རྗེ་སྲོག་ཟན་དམར་པོ་ནིཿ སྐ་མདོག་མེ་དཔུང་འབར་བ་འདྲཿ སྐ་ལ་དར་དམར་ལེ་བརྒན་གསོལཿ གཡས་པས་མདུང་དར་གཡོན་མདའ་གཞུཿ ཆིབས་སུ་བཙན་རྟ་དམར་པོ་བཅིབསཿ འཁོར་དུ་བཙན་དམག་འབུམ་གྱིས་བསྐོརཿ གྲི་ཐབས་གཏོང་བའི་མཐུ་བོ་ཆེཿ རྒྱན་གྱི་གཏོར་མ༴ དགྲ་བགེགས་མ་གཏོང་མྱུར་དུ་ཁུགཿ དལ་ཡམས་རིམས་ཡམས་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ་བཟློགཿ བཅོལ་པའི་ཕྲིན་ལས༴ ཧཱུཾ་ལྷོ་ནུབ་མཚམས་ནས་བསྐལ་བ་ནིཿ དགྲ་ལྷའི་རྒྱལ་པོ་བེ་ཧར་ནིཿ སྐ་མདོག་དཀར་པོ་བརྗིད་པའི་ཞལཿ ཆོས་གོས་ངུར་སྨྲིག་སྐ་ལ་གསོལཿ གཡས་པས་གསེགས་ཤིང་གཡོན་ལྷུང་བཟེདཿ ཆིབས་སུ་སེང་གེ་དཀར་མོ་བཅིབསཿ འཁོར་དུ་འགོང་པོ་འབུམ་གྱིས་བསྐོརཿ སྨྱོ་འབོག་གཏོང་བའི་མཐུ་བོ་ཆེཿ རྒྱན་གྱི་གཏོར་མཿ དགྲ་བགེགས་མ་གཏོང་མྱུར་དུ་ཁུགཿ དལ་ཡམས་རིམས་ཡམས་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ་བཟློགཿ བཅོལ་པའི༴ ཧཱུཾ་ནུབ་བྱང་མཚམས་ནས་བསྐལ་བ་ནིཿ གནོད་བྱིན་ཀཱ་ལ་ཡཀྴ་ནིཿ སྐ་མདོག་སྔོན་པོ་གཡུ་འོད་འབརཿ ཟ་འོག་སླག་པ་སྐ་ལ་གསོལཿ གཡས་པས་རལ་གྲི་གཡོན་ནོར་བུཿ ཆིབས་སུ་སྟག་མོ་དྲུས་མ་བཅིབསཿ འཁོར་དུ་གནོད་སྦྱིན་འབུམ་གྱིས་བསྐོརཿ ཐོག་སེར་འབེབས་པའི་མཐུ་བོ་ཆེཿ རྒྱན་གྱི་གཏོར་མཿ དགྲ་བགེགས་མ་གཏོང་མྱུར་དུ༴ དལ་ཡམས་རིམས་ཡམས་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ་བཟློགཿ བཅོལ་པའི༴ ཧཱུཾ་བྱང་ཤར་མཚམས་ནས་བསྐལ་བ་ནིཿ ཀླུ་བདུད་འཆི་བདག་མགོ་དགུ་ནིཿ སྐ་མདོག་དུད་ཁ་འཇིགས་པའི་གཟུགསཿ སྐ་ལ་སྦྲུལ་གྱི་ལྤགས་པ་གྱོནཿ གཡས་པས་རལ་གྲི་གཡོན་ནད་རྐྱལཿ ཆིབས་སུ་ཆུ་སྲིན་འབར་བ་བཅིབསཿ ཀླུ་བདུད་འབུམ་གྱི་འཁོར་གྱིས་བསྐོརཿ མཛེ་ནད་གཏོང་བའི་མཐུ་བོ་ཆེཿ རྒྱན་གྱི་གཏོར་མ༴ དགྲ་བགེགས་མ་གཏོང་མྱུར་དུ་ཁུགཿ དལ་ཡམས་རིམས་ཡམས་དགྲ་ལ་བསྒྱུརཿ དམག་སྣ་བྱད་སྣ་དགྲ་ལ་བཟློགཿ བཅོལ་པའི༴ ཧཱུཾ་དཔལ་ལྡན་མགོན་པོའི་བཀའ་འཁོར་དུཿ སྤྲུལ་པ་ཡང་སྤྲུལ་བསམ་མི་ཁྱབཿ དཔལ་གྱི་བཀའ་ཉན་མཐུ་བོ་ཆེཿ གཅན་སྤྱང་མང་པོས་ངུ་ཟུག་བྱེདཿ སྡང་བའི་དགྲ་ལ་ལྟས་ངན་ཐོང་ཿ བྱ་ནག་མང་པོ་ཀླད་ན་ལྡིང་ཿ སྟག་གཟིག་མང་པོ་ཕྱི་ནས་འབྲང་ཿ ཁྱི་སྤྱང་མང་པོ་སྡུན་ནས་འགྲོལཿ མི་ནག་འོ་དོད་གནམ་དུ་འབོདཿ རྒྱན་གྱི་གཏོར་མ་འདི་བཞེས་ལཿ བསྟན་པའི་དགྲ་ལ་མ་ཞན་ཅིགཿ དགྲ་བོ་མི་ནོར་འཁོར་བཅས་རྣམསཿ མྱུར་དུ་ཁུག་ལ་དོན་སྙིང་ཕྱུངསཿ མ་ཧཱ་ཀཱ་ལའི་ཞལ་དུ་སྟོབསཿ དགྲ་བགེགས་ཐལ་བའི་རྡུལ་དུ་རློགསཿ བཅོལ་པའི་ཕྲིན་ལས༴ ཡང་སྤྲུལ་ཆེན་པོའི་དུས་ལ་བབཿ ཕོ་ཉ་མང་པོ་དགྲ་ལ་ཡཿ བདག་ཅག་བསྲུང་བའི་དུས་ལ་བབཿ བྱེས་ལྷ་ལམ་ལྷ་ཁྱེད་ཀྱིས་མཛོདཿ བདག་གི་མི་ནོར་འཁོར་བཅས་ཁྱེད་ཀྱིས་སྲུངསཿ བིང་ས་མ་ཡ་ཛཿཛཿ ཧཱུཾཿགསོན་ཅིག་དགོངས་ཤིག་འཕགས་པའི་ཚོགསཿ དཀོན་མཆོག་གསུམ་པོ་དགོངས་སུ་གསོལཿ དམ་ཉམས་དགྲ་བགེགས་སྡིག་ཅན་འདིསཿ དང་པོ་སངས་རྒྱས་བསྟན་པ་བཤིགཿ དཀོན་མཆོག་དབུ་འཕང་འདི་ཡིས་སྨདཿ བླ་མའི་སྐ་དགྲ་འདི་ཡིས་བྱསཿ ལྷ་གྲོགས་བྱང་ཆུབ་འདི་ཡིས་སྨདཿ རྣལ་འབྱོར་བདག་ལ་འདི་ཡིས་བསྡོསཿ མངའ་ཐང་དཀོར་ལ་རློམ་པ་དང་ཿ མི་ཆགས་བུ་ལོན་སྙོགས་པ་དང་ཿ མ་ཉེས་སྟོབས་ཀྱིས་བཅོམ་པ་དང་ཿ ཉེས་མེད་ཞལ་ལྕེ་གཅོད་པ་དང་ཿ ལེའུ་སྙིང་རིང་བྱེད་པ་དང་ཿ བན་བོན་དམ་ཚིག་མེད་པ་དང་ཿ སློབ་བུ་དམ་ལས་ལོག་པ་དང་ཿ ཆུང་མ་ཕྱིར་གྱུ་སྙིང་རིང་དང་ཿ ཤག་རོགས་མནའ་སྲིད་མི་བསྲུང་དང་ཿ རྐུ་དགོས་ཟེར་ཞིང་རློམ་པ་དང་ཿ འཕྲོག་དགོས་ཟེར་ཞིང་བཅོམ་པ་དང་ཿ བདག་ཅག་འཁོར་དང་བཅས་པ་ལཿ ངན་སེམས་རྐུ་དུག་འཆང་བ་རྣམསཿ སྲུང་མ་ཁྱོད་ཀྱིས་མྱུར་དུ་སྒྲོལཿ སྲུང་མའི་མཐུ་རྩལ་མ་ཆུང་ཅིགཿ ཕོ་ཉའི་སྤྲུལ་པ་མ་ཞན་ཅིགཿ ལས་པ་ལས་ལ་མ་ཞན་ཅིགཿ ལིང་པ་ལིང་ལ་མ་ཞན་ཞིགཿ ཤན་པའི་སྤུ་གྲི་མ་རྡུལ་ཅིགཿ དགྲ་བོ་དཔའ་བའི་དོན་སྙིང་ཕྱུངསཿ ནག་པོ་ཆེན་པོས་ཞལ་དུ་སྟོབསཿ དགྲ་བགེགས་སྲོག་རྩ་རྒལ་ནས་ཆོདཿ སྲུང་མས་དགྲ་བགེགས་མྱུར་དུ་སྒྲོལཿ བཅོལ་པའི་ཕྲིན་ལས་མྱུར་དུ་མཛོདཿ དམ་ཉམས་དགྲ་བགེགས་རྡུལ་དུ་རློགསཿ མཱ་ར་ཡ་ཛ་ཛཿ འདིར་བྷ་ལིངྟ་བརྗོད་ལ་ཆོས་སྐྱོང་ཁཱ་ནི་བསྔ་ཅེས་བ་ནམ་ཉི་ཤུ་རྩ་གཅིག་ལ་སོགས་གང་སྐབས་འདོན་པར་བྱའོ། ཆོས་སྐྱོང་ལྔཿ ༀ་ཙཎྜ་མ་ཧ་ཀ་ལ་ཡཿ ཤ་ས་ནཿ ཨུ་པ་ཧ་རི་ཎིཿ ཨེ་ཇ་ཨ་པཉྩི་མ་ཀཱ་ལོཿ ཨ་ཡཾ་ཨེ་དམཿརརྣ་དྲ་ཡ་ཡཿ ཨ་པ་ཀ་རི་ཎིཿ ཡ་ཏི་པྲ་ཏི་ཛྙཿ སྨ་ར་སི་ཏ་དཿ ཨེ་དམ་དུཥྚཾཿ ཁ་ཁ་ཁ་ཧི་ཁ་ཧིཿ མ་ར། མ་རཿ གྷྲྀཧྞ་གྷྲྀཧྞཿ བྷནྡྷ བྷནྡྷཿ ཧ་ན་ཧ་ནཿ ད་ཧ་་ད་ཧཿ པ་ཙ་པ་ཙཿ དི་ན་མི་ཀེ་ན་མ་ར་ཡཿ ཧཱུཾ་ཧཱུཾ༔ ཕཊ་ཕཊཿ སྭཱ་ཧཱཿ

སྲུང་མས་བཟློག་པ།

༄༅། །སྲུང་མས་བཟློག་པ་ནི། གོང་ལྟར་འགུག་བསྒྲལ་བསྟབས་པ་སོགས་བྱས་ལ་འདི་སྐད་དོ། ཧཱུཾ་ཆོས་ཉིད་ཞི་བའི་ངང་ལས་མ་གཡོས་ཀྱང་། དགྲ་བགེགས་འདུལ་ཕྱིར་དྲག་པོའི་སྐར་སྟོན་པ། དུས་གསུམ་སངས་རྒྱས་ཀུན་གྱི་བྱིན་རླབས་ཀྱིས། ཁྲོ་བོ་ཁྲོ་མོ་རྣམས་ཀྱིས་མཐུ་དབང་བསྐར། འཇིག་རྟེན་དྲག་པ་རྣམས་ཀྱིས་མངའ་གསོལ་བ། །ཆོས་སྐྱོང་ཕོ་རྒྱུད་ཡོངས་ཀྱི་སྤྱི་རྗེ་བོ། དཔལ་ལྡན་མགོན་པོ་མ་ཧཱ་ཀཱ་ལ་ཆེ། །ཆོས་སྐྱོང་མོ་རྒྱུད་ཡོངས་ཀྱི་སྤྱི་རྗེ་མོ། ཡུམ་ཆེན་ཁྲོ་མོ་ཡཀྴ་བཻ་ཏ་ལི། །འདོད་ཡོན་རྒྱན་གྱི་གཏོར་མ་འདི་བཞེས་ལ། །དགྲ་སྣ་གྱོད་སྣ་ཇག་སྣ་རྐུན་སྣ་བཟློག །དྲི་ཁ་བཅོ་བརྒྱད་མཚོན་ཁ་སྨེ་ངོ་བཟློག ནད་སྣ་རིམས་སྣ་གདོན་སྣ་གོད་སྣ་བཟློགཿ བྱད་སྣ་ཐན་སྣ་དམོད་སྣ་གཅན་སྣ་བཟློག རྨི་ལམ་ངན་དང་ལྟས་ངན་ཐམས་ཅད་བཟློགཿ ཧཱུཾ་མགོན་པོ་སྐ་མཆོག་སྔོ་སྐྱ་འཇིགས་ལ་རྔམསཿ ནག་པོ་སྟོང་དང་ཁྲོ་བོ་ཁྲོ་མོས་བསྐོརཿ འདོད་ཡོན་བརྒྱན་སོགས། །ཧཱུཾ་མགོན་པོ་གསུང་མཆོད་དམར་སྐྱ་འཇིགས་ལ་རྔམསཿ ཁྲོ་བོ་ཤ་ཟ་ཁྲག་འཐུང་འབུམ་གྱིས་བསྐོརཿ འདོད་ཡོན་རྒྱན་སོགས། ཧཱུཾ་མགོན་པོ་ཐུགས་མཆོག་གཏུམ་ལ་རྔམ་པའི་སྐ༔ མ་མོ་མཁའ་འགྲོ་བྱེ་བ་འབུམ་གྱིས་བསྐོརཿ འདོད་ཡོན་སོགས། ཧཱུཾ་ཤར་ཕྱོགས་དཔལ་རབ་འཆང་གི་མགོན་པོ་དངཿ བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགས། ཧཱུཾ་ལྷོ་ཕྱོགས་མགོན་པོ་ལེགས་ལྡན་ནག་པོ་ནིཿ བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགསཿ ཧཱུཾ་ནུབ་ཕྱོགས་བྲག་ལྷ་མགོན་པོ་འཇིགས་པའི་ལྷཿ བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགས། ཧཱུཾ་བྱང་ཕྱོགས་མགོན་པོ་རྒྱལ་ཆེན་རྣམ་ཐོས་སྲས། །བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགས། ཧཱུཾ་ཤར་ལྷོ་མགོན་པོ་ཨཱཪྱ་ཛམྦྷ་ལ། བཙུན་མོ་སྲས་དཔལ་ལྡན་མགོན་པོའི་བཟློག་གཞུང་མཚོན་ཆ་འཁོར་ལོ་ལས་བཻ་རོ་ཙ་ནས་རྒྱལ་མོ་ཚ་བ་རོང་དུ་མཛད་པའི་འགྲེས་བྱང་བཞུགས་སོ། །འདོད་ཡོན་བརྒྱན་གྱི་གཏོར་མ་འདི་བཞེས་ལ། །དགྲ་སྣ་གྱོད་སྣ་ཇག་སྣ་རྐུན་སྣ་བཟློག །དྲི་ཁ་བཅོ་བརྒྱད་མཚོན་ཁ་སྨེ་ངོ་བཟློག །ནད་སྣ་རིམས་སྣ་གདོན་སྣ་གོད་སྣ་བཟློག །བྱད་སྣ་ཐུན་སྣ་དམོད་སྣ་གཅན་སྣ་བཟློག །རྨི་ལམ་ངན་དང་ལྟས་ངན་ཐམས་ཅད་བཟློག འགྲེས་སོ། །དང་འཁོར་དང་བཅས་པ་རྣམས། འདོད་ཡོན་སོགས ཧཱུཾ་ལྷོ་ནུབ་མགོན་པོ་ཨཱཪྱ་རེ་མནྟ། བཙུན་མོ་སྲས་དང་འཁོར་དང་བཅས་པ་རྣམས། །འདོད་ཡོན་སོགས །ཧཱུཾ་ནུབ་བྱང་མགོན་པོ་པཱརྞ་ཤ་བ་རིཿ བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགས། ཧཱུཾ་བྱང་ཤར་མགོན་པོ་རྣམ་སྣང་དབུ་རྒྱན་ཅནཿ བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགས་ཧཱུཾ་སྟེང་གི་མགོན་པོ་དུང་གི་ཐོར་ཚུགས་ཅནཿ བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགས༴ ཧཱུཾ་འོག་གི་མགོན་པོ་ཤྲཱྀ་བྷེ་ཏ་ལི། བཙུན་མོ་སྲས་དང་འཁོར་དང་བཅས་པ་རྣམསཿ འདོད་ཡོན་སོགས ཧཱུཾ་སྲིད་པ་ལྷ་ཡི་མགོན་པོ་དཀར་ལ་འཚེར། །འཁོར་དུ་ལྷ་ཡི་དམག་ཚོགས་འབུམ་གྱིས་བསྐོརཿ འདོད་ཡོན་སོགས། ཧཱུཾ་གཤིན་རྗེ་ཡ་མ་རཱ་ཛ་ནག་ལ་རྔམཿ །འཁོར་དུ་འཆི་བདག་གཤིན་རྗེ་འབུམ་གྱིས་བསྐོར༔ འདོད་ཡོན་སོགས། །ཧཱུཾ་མ་མོ་སྲིད་པའི་རྒྱལ་མོ་ནག་ལ་འཇིགསཿ འཁོར་དུ་མ་མོ་མཁའ་འགྲོ་འབུམ་གྱིས་བསྐོརཿ འདོད་ཡོན་སོགས ཧཱུཾ་བདུད་པོ་རྐོས་རྗེ་དྲང་དཀར་མཐིང་ནག་རྔམས། འཁོར་དུ་བདུད་ཀྱི་དམག་ཚོགས་འབུམ་གྱི་བསྐོརཿ འདོད་ཡོན་སོགས༔ ཧཱུཾ་ཤར་ལྷོ་བཙན་རྗེ་སྲོག་བདག་དམར་ལ་འཇིགསཿ འཁོར་དུ་བཙན་གྱི་དམག་ཚོགས་འབུམ་གྱིས་བསྐོརཿ འདོད་ཡོན་སོགས ཧཱུཾ་དགྲ་ལྷའི་རྒྱལ་པོ་པེ་ཧར་དཀར་ལ་བརྗིདཿ འཁོར་དུ་འགོང་པོའི་དམག་ཚོགས་འབུམ་གྱིས་བསྐོརཿ འདོད་ཡོན་སོགས། ཧཱུཾ་གནོད་སྦྱིན་ཀཱ་ལ་ཡཀྴ་སྔོ་ལ་རྔམས། །འཁོར་དུ་གནོད་སྦྱིན་ནོར་ལྷ་འབུམ་གྱིས་བསྐོར། འདོད་ཡོན་སོགས། ཧཱུཾ་ཀླུ་བདུད་འཆི་བདག་མགོ་དགུ་འཇིགས་པའི་སྐ། །འཁོར་དུ་ས་བདག་ཀླུ་གཉན་འབུམ་གྱིས་བསྐོར། འདོད་ཡོན་སོགས། ཧཱུཾ་ལྷ་དབང་བརྒྱ་བྱིན་ཉེ་དབང་སུམ་ཅུ་སོགསཿ ལྷ་ཡི་དམག་ཚོགས་བྱེ་བ་དུང་ཕྱུར་རྣམསཿ འདོད་ཡོན་རྒྱན་སོགས། ཧཱུཾ་ཁམས་གསུམ་དབང་སྡུད་དགྲ་ལྷ་ལ་སོགས་ཏེ། །སངས་རྒྱས་ཆོས་ཀྱི་དགྲ་བླ་ཐམས་ཅད་ཀྱི། འདོད་ཡོན་སོགས། ཧཱུཾ་རྒྱལ་ཆེན་བཞི་དང་ཕྱོགས་སྐྱོང་བཅུ་ལ་སོགས། །དཔལ་མགོན་བདུན་ཅུ་རྩ་ལྔ་འཁོར་བཅས་རྣམས། །འདོད་ཡོན་སོགས། མགོན་པོའི་བཀའ་སྡོད་ཕྲ་མེན་མགོ་བརྙན་ཅན། སྤྲུལ་པ་ཡང་སྤྲུལ་འཁོར་དང་བཅས་པ་རྣམས། འདོད་ཡོན་སོགས། གཞན་ཡང་སངས་རྒྱས་བསྟན་པ་སྲུང་མཛད་པའི། །མགོན་པོ་ཕྱག་བཞི་བ་དང་ཕྱག་དྲུག་པ། །སྟག་ཞོན་ཅན་དང་གུར་གྱི་མགོན་པོ་དང་། །དྲག་ཤད་ཅན་དང་དུག་གི་སྤུ་གྲི་དང་། །ཨ་གྷུ་ར་དང་བྱ་རོག་གདོང་ཅན་དང་། །དཔལ་བྱོན་མ་ནིང་བདུད་མགོན་སེང་གདོང་སོགས། །ཆོས་སྐྱོང་ཕོ་རྒྱུད་མོ་རྒྱུད་འཁོར་བཅས་རྣམས། འདོད་ཡོན་རྒྱན་སོགས། ས་བདག་སྟོང་ཁྱབ་ཡབ་ཡུམ་ལ་སོགས་ཏེ། །སྟོང་གསུམ་ས་བདག་ཀླུ་ུགཉན་དཔལ་མགོན་རྣམསཿ འདོད་ཡོན་སོགས། འཛམ་གླིང་རི་གཉན་མཚོ་གཉན་བྲག་གཉན་ལ། །གནས་པའི་ས་བདག་ཀླུ་གཉན་གཟའ་བཙན་རྣམས། འདོད་ཡོན་སོགས། ཧཱུཾ་ཤར་ཕྱོགས་དྲི་ཟའི་གདོན་དང་དགྲ་བགེགས་རྣམས། །མགོན་པོ་འཁོར་བཅས་མཐུ་དང་སྟོབས་ཀྱིས་བཟློག ལྷོ་ཕྱོགས་གྲུལ་བུམ་གདོན་དང་དགྲ་བགེགས་རྣམས། །མགོན་པོ་འཁོར་བཅས་མཐུ་དང་༴ ནུབ་ཕྱོགས་ཀླུ་ཡི་གདོན་དང་དགྲ་བགེགས་རྣམས། །མགོན་པོ་འཁོར་བཅས་མཐུ་དང་༴ བྱང་ཕྱོགས་གནོད་སྦྱིན་གདོན་དང་དགྲ་བགེགས༴ མགོན་པོ་འཁོར་བཅས་མཐུ་དང་༴ ཤར་ལྷོ་མེ་ལྷའི་གདོན་དང་༴ །མགོན་པོ་འཁོར་བཅས་མཐུ་དང་༴ ལྷོ་ནུབ་སྲིན་པོའི་གདོན་དང་དགྲ་བགེགས༴ མགོན་པོ་འཁོར་བཅས་མཐུ་དང་༴ ནུབ་བྱང་རླུང་ལྷའི་གདོན་དང་༴ མགོན་པོ་འཁོར་བཅས་མཐུ་དང་༴ བྱང་ཤར་དབང་ལྡན་གདོན་དང་དགྲ་བགེགས༴ མགོན་པོ་འཁོར་བཅས་མཐུ་དང་༴ སྟེང་ཕྱོགས་ལྷ་ཡི་གདོན་དང་དགྲ་བགེགས་རྣམས༴ མགོན་པོ་འཁོར་བཅས༴ ས་བདག་ཀླུ་གཉན་གདོན་དང་དགྲ་བགེགས༴ མགོན་པོ་འཁོར་བཅས་མཐུ་དང་༴ ལྷ་འདྲེ་ཡོངས་ཀྱི་དམག་སྣ་གཡོས་པ་རྣམས། །མགོན་པོ་འཁོར་བཅས་མཐུ་དང་༴ མི་ནག་ཡོངས་ཀྱི་དམག་སྣ་གཡོས་པ་རྣམས༴ མགོན་པོ་འཁོར་བཅས་མཐུ་དང་༴ གཅན་གཟན་ཡོངས་ཀྱི་སོ་སྣ་བསྟན་པ་ཡང་། །མགོན་པོ་འཁོར་བཅས་མཐུ་དང་སྟོབས༴ ལྷ་འདྲེ་ཡོངས་ཀྱི་ཁ་བསྟན་པ་ཡང་། །མགོན་པོ་འཁོར་བཅས་མཐུ༴ མི་ནག་ཡོངས་ཀྱི་ཟ་ཁ་བསྟན་པ་ཡང་། །མགོན་པོ་འཁོར་བཅས་མཐུ༴ བན་བོན་ཡོངས་ཀྱི་དམོད་བྱད་ཐན་སྣ་ཡང་༴ མགོན་པོ་འཁོར་བཅས༴ མི་ནག་ཡོངས་ཀྱི་མཚོན་ཟ་ཁ་བསྟན་པ་ཡང་། མགོན་པོ་འཁོར་བཅས༴ བུད་མེད་ཡོངས་ཀྱི་དམོད་བྱེད་སྣ་ཚོགས་ཡང་། །མགོན་པོ་འཁོར་བཅས༴ གཞན་གྱི་བསམ་པ་ངན་པའི་དུག་ཟོར་ཡང་། མགོན་པོ་འཁོར་བཅས་མཐུ་དང་༴ བྲན་ཁོལ་ངན་པའི་དམོད་པ་སྣ་ཚོགས་ཡང་། །མགོན་པོ་འཁོར་བཅས༴ ལོགས་ལ་ཝ་སྤྱང་བརྒྱལ་བའི་ལྟས་ངན་ཡང་། མགོན་པོ་འཁོར་བཅས༴ ལྟས་ངན་བརྒྱ་ཅུ་རྩ་གཅིག་གཡོས་པ་ཡང་། མགོན་པོ་འཁོར་བཅས་མཐུ་དང་༴ ཡེ་འགྲོགས་སུམ་བརྒྱ་དྲུག་ཅུ་གཡོས་པ་ཡང་། མགོན་པོ་འཁོར་བཅས༴ བགེགས་རིགས་སྟོང་ཕྲག་བརྒྱད་ཅུའི་གནོད་པ་ཡང་། །མགོན་པོ་འཁོར་བཅས་མཐུ་དང་༴ བྱིས་པའི་གདོན་ཆེན་བཅོ་ལྔའི་གནོད་པ་ཡང་། །མགོན་པོ་འཁོར་བཅས་མཐུ་དང་༴ བརྒྱ་ཡི་མི་ཁ་སྟོང་གི་བྲ་མཆུ་རྣམསཿ མགོན་པོ་འཁོར་བཅས༴ དུར་སྲི་ཆུ་སྲི་གཞོན་སྲི་གཡོས་པ་ཡང་ཿ མགོན་པོ་འཁོར་བཅས༴ ལོ་ཀག་ཟླ་ཀག་ཞག་ཀག་དུས་ཚོད་ཀག །མགོན་པོ་འཁོར་བཅས༴ དུས་མ་ཡིན་པའི་འཆི་བ་བཅོ་བརྒྱད་ཡང་། མགོན་པོ་འཁོར་བཅས༴ མི་ཡི་ན་ཚ་ཤི་ཆད་ཐམས་ཅད་ཡང་། མགོན་པོ་འཁོར་བཅས༴ ནོར་གྱི་གོད་ཁ་གོད་སྲི་གོད་འདྲེ་ཡང་། མགོན་པོ༴ ལོ་ནད་འབྲུ་སྲིན་བཙའ་སད་སེར་གསུམ་ཡང་། མགོན་པོ་འཁོར་བཅས་མཐུ༴ གློ་བུར་བརྒྱད་ཅུ་རྩ་ཅིག་གཡོས་པ་ཡང་། མགོན་པོ་འཁོར་བཅས༴ ས་བདག་ཀླུ་གཉན་གཏད་ཁྲམ་མནན་པ་ཡང་། མགོན་པོ་འཁོར་བཅས༴ མཛེ་རིགས་བཅོ་བརྒྱད་ནད་རྣམས་གཡོས་པ་ཡང་། མགོན་པོ་འཁོར་བཅས༴ ཆགས་ཆེ་བ་དང་ཉམ་ང་ཐམ་ཅད་ཀུན། མགོན་པོ་འཁོར་བཅས༴ སྔོན་གྱི་ལས་དང་འཕྲལ་རྐྱེན་གྱུར་པ་རྣམས། མགོན་པོ་འཁོར་བཅས༴ དེ་ལ་སོགས་པའི་མི་མཐུན་ཕྱོགས་ཀུན་ཡང་། མགོན་པོ་འཁོར་བཅས་མཐུ་དང་སྟོབས་ཀྱིས་བཟློག ས་མཱ་ཡཿ བྷྱོ་བྷྱོ་བྷྱོཿ བཟློག་བཟློག་བཟློགཿ དཔལ་ལྡན་མགོན་པོའི་དགྲ་ཆོས་བཟློགས་པ་མཚོན་ཆ་འཁོར་ལོ་ཞེ་ས་བྱ་བ་བཻ་རོ་ཙ་ནས་རྒྱལ་པོ་གསུ་ཞུར་ལ་གདམ་པ་རྫོགས་སོ། ༈ དཔལ་མགོན་ལེགས་ལྡན་ནག་པོའི་བཟློག་གྱེར་སློབ་དཔོན་པདྨ་དང་། །བཻ་རོ་ཙ་ན་གཉིས་ཀྱིས་མཛད་པ་བཞུགས། །ཧཱུཾ་དཔལ་མགོན་མ་ཧཱ་ཀཱ་ལ་མཐུ་བོ་ཆེ། དྲག་པོར་མཚན་གསོལ་ལེགས་ལྡན་ནག་པོ་སྟེ། ལྷན་མིན་གྲོང་ཁྱེར་སུམ་བརྩེགས་འཇིག་པར་བྱེད། །སྲིན་པོའི་གྲོང་ཁྱེར་བདུན་འབུམ་གཏན་ནས་བརླག ལྷ་ཡི་དམག་དཔུང་གཡུལ་ལས་རྣམ་པར་རྒྱལ། ཁྱེད་ཀྱི་ཐུགས་དམ་གཉན་པོ་བསྐལ་བའི་ཚེ། །དཀར་ཚོགས་ལྷ་དམག་བྱེ་བ་དུང་ཕྱུར་བཅས། །ཉོན་མོངས་ལྷ་མིན་དམག་ཚོགས་བཟློག་པར་མཛད། ཕྱོགས་ལས་རྣམ་རྒྱལ་ལྷ་ཡི་སྡེ་དཔོན་ཁྱོད། ནག་པོའི་རྩ་ལག་འཇོམས་པའི་དཔལ་དང་ལྡན། བདུད་དང་འཆི་བདག་བཟློག་པའི་སྟོབས་པོ་ཆེ། སྲིད་པའི་ཁྲམ་ཁ་བསྒྱུར་བའི་མཐུ་བོ་ཆེ། ལྷ་མིན་དམག་ཚོགས་བཟློག་པའི་མཐུ་རྩལ་ཅན། དོ་ནུབ་བཟློག་བསྒྱུར་བྱེད་པའི་དུས་ལ་བབ། དོ་ནུབ་སྲིད་པའི་ཁྲམ་ཁ་དགྲ་ལ་བསྒྱུར། །དོ་ནུབ་ལྷ་འདྲེའི་དམག་སྣ་དགྲ་ལ་དྲོངས། དོ་ནུབ་རྦོད་གཏོང་བཟློག་པའི་དུས་ལ་བབ། །ཡེ་ཤེས་ལྷ་ཡི་བཀའ་ཆད་ཉི་ལྟར་ཤར། །དེ་ཡང་བཟློག་པའི་ཕྲིན་ལས་མཛོད། དྲང་སྲོང་དམོད་པ་ཐོག་ལྟར་འབེབས། དེ་ཡང་བཟློག་པའི༴ གཤིན་རྗེའི་འཕྲུལ་འཁོར་བྲག་ལྟར་རྔམ། དེ་ཡང་བཟློག་པའི༴ སྲིན་པོའི་གདུག་རྩུབ་མུན་ལྟར་གཏིབས། །དེ་ཡང་བཟློག་པའི༴ ཀླུ་ཡི་དུག་རླངས་སྤྲིན་ལྟར་གཡོས། དེ་ཡང་བཟློག༴ རླུང་ལྷའི་སྦྱོར་བ་རྩུབ་མོ་གཡོས། །དེ་ཡང་བཟློག༴ གནོད་སྦྱིན་གདུག་པ་རླུང་ལྟར་འཕྲོ། དེ་ཡང་༴ འབྱུང་པོའི་དལ་ཁ་ཆུ་ལྟར་ཁོལ། །དེ་ཡང་བཟློག་པའི་ཕྲིན་ལས༴ གཟའ་ཡི་ཀི་ཀཾ་མེ་ལྟར་འབར། དེ་ཡང་བཟློག་པའིཿ མ་མོའི་དལ་ཁ་མཚོ་ལྟར་རླབས། དེ་ཡང་བཟློག༴ མཁའ་འགྲོའི་ཆོ་འཕྲུལ་གློག་ལྟར་འགྱུ། དེ་ཡང་བཟློག༴ གནོད་སྦྱིན་མ་རུངས་སྡང་མིག་བྱེད། དེ་ཡང་༴ བདུད་མོས་ཁྲག་གི་ཁ་ཕྲུ་གཏོང་། དེ་ཡང་༴ གཤིན་རྗེ་དམར་པོས་ལྕེ་དམར་བརྐྱངས། དེ་ཡང་བཟློག༴ སྲིན་པོ་ཁྲོས་པས་མཆེ་བ་གཙིགས། དེ་ཡང་༴ མོན་མོས་བརྡ་གར་བརྡ་འབོད་བྱེད། །དེ་ཡང་བཟློག༴ འདྲེ་མོས་འཛབ་ཤིང་ལག་པ་བརྐྱངས། དེ་ཡང་༴ མ་མོའི་ངན་སྔགས་སྒྱོགས་ལྟར་འཕེན། དེ་ཡང་༴ ཀླུ་ཡིས་ཁ་རླངས་ཟེར་ལྟར་འཕྲོ། དེ་ཡང་བཟློག༴ ལྷ་མིན་གནོད་པ་སྐར་ལྟར་འཁྲུགས། དེ་ཡང་༴ ཞང་བློན་ཚོན་གྱིས་དྲུ་གུ་རྐྱོང་། དེ་ཡང་བཟློག༴ མོན་པ་ནག་པོས་སྤུ་གྲི་བརྡར། དེ་ཡང་བཟློག༴ དམུ་ཡི་རྡོ་ཟོར་ཆར་ལྟར་འབེབ། དེ་ཡང་༴ མཁའ་ལྡིང་གནོད་པ་གློག་ལྟར་འགྱུ། དེ་ཡང་༴ མི་འམ་ཅི་ཡི་གནོད་པ་འཇའ་ལྟར་ཤར། །དེ་ཡང་༴ ལྟོ་འཕྱེའི་ཆོ་འཕྲུལ་ས་ལྟར་གཡོ། དེ་ཡང་༴ བདུད་ཀྱི་ཁྲམ་ཁ་རི་ལྟར་བསྙིལ། དེ་ཡང་༴ བཙན་གྱི་ཤྭ་རྡོ་རྦབ་ལྟར་འདྲིལ། དེ་ཡ ང་༴ རྒྱལ་པོའི་ཆོ་འཕྲུལ་འོད་ལྟར་ཤར༴ དེ་ཡང་༴ ལྟམས་ངན་སྤྲུལ་པ་མགོ་བརྙན་རྡུག དེ་ཡང་༴ ས་བདག་གདུག་པ་བྱི་ལྟར་འཛུལ། དེ་ཡང་༴ ཐམས་ཅད་དགྲ་བོའི་ཐོག་ཏུ་རྦད། ཐམས་ཅད་དགྲ་བོའི་ཐོག་ཏུ་བསྒྱུར། ཐམས་ཅད་དགྲ་བོའི་སྟེང་དུ་ཟློག བྱད་མ་དགྲ་བོ་རྡུལ་དུ་རློགས། །བཅོལ་པའི་ཕྲིན་ལས་འགྲུབ་པར་མཛོད། མགོན་པོ་ལེགས་ལྡན་གྱི་བཟློག་གྱེར་འདི་སློབ་དཔོན་པདྨ་དང་། བཻ་རོ་ཙ་ན་གཉིས་ཀྱི་མཛད་པ་རྫོགས་སོ། ཐམས་ཅད་ཕྲ་མིན་ལས་བྱད་བཟློགས། དམག་བཟློག་ལ་སོགས་འཁྲུགས་པའམ་གང་ཡིན་ཡང་ལན་གསུམ་བྱེད་ན་ཐམས་ཅད་བཟློག་པར་ངེས་སོ། སྤྱི་དོན་གསུམ་པ་རྗེས་ཀྱི་ལས་ཀྱི་ལས་རིམ་ལ་གཉིས་ཏེ། བར་ཆ་དང་འོག་ཆའི་གཏོར་མ་ཟོར་རྫས་དང་བཅས་པ་བརྡེག་པ་དང་། སྟེང་ཆའི་གཏོར་མ་གཏང་རག་གི་ཚུལ་དུ་ཕུལ་ནས་གཤེགས་གསོལ་བྱ་བའི་རིམ་པའོ། དང་པོ་ལ་བཞི་སྟེ། དྲག་པོའི་སྦྱིན་བསྲེགས་བྱ་བ་དང་། ཕྱི་ནང་གསང་བའི་ཆོས་སྐྱོང་ལ་གཏོར་མ་བསྔོ་བ། གསེར་སྐྱེམས་བཏང་ཞིང་ཟོར་ལམ་དབྱེ་བ། གཏོར་མ་བཤམས་ཤིང་ཡི་དམ་དང་ཆོས་སྐྱོང་མགོན་པོ་བསྐལ་ནས་ཆད་ཐོ་བཏང་བ། ཆ་རབས་དང་ལྷག་གཏོར་དམོད་བཅོལ་གཏོར་མ་བཀྱག་པ་རྣམས་སོ། དང་པོ་ནི་ལོགས་སུ་ཤེས་པར་བྱ་ཞིང་། གཉིས་པ་བླ་གབ་མེད་པའི་སར་ཐལ་ལ། སྡེ་བརྒྱད་མཆོད་པ་བཤམས་ཤིང་བྱིན་གྱིས་རླབས་པ་ནི། སྟོང་པའི་ངང་ལས་ༀ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ༀ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་གཏོར་དྭངས་ཤིང་ཐོགས་པ་མེད་པ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ༀ་ཨ་ཀཱ་རོ༴སོགས ལན་གསུམ་གྱི་བྱིན་གྱིས་རླབས་ལ། རང་གི་ཐུགས་ཀའི་ཧཱུཾ་གི་འོད་ཀྱིས་འཇིག་རྟེན་སྐྱོང་བ་འཁོར་དང་བཅས་པ་སྤྱན་དྲངས། ༀ་ལོ་ཀ་པཱ་ལ་ས་པཱ་རི་ཝཱ་ར་ཨེ་ཧྱ་ཧི་པདྨ་ཀཱ་མ་ལ་ཡེ་སྟྭམ། ༀ་ལོ་ཀ་པཱ་ལ་ས་པ་རི་ཝཱ་ར་ཨརྒྷམ་ནས། ༀ་ལོ་ཀ་པ་ལ་ས་པཱ་རི་ཝ་ར་ན་མཿ སརྦ་ཏ་ཐཱ་ག་ཏ་བྷྱོ་སོགས་ནས། སྭཱ་ཧཱ་ལན་གསུམ། ཧཱུཾ་སྐ་གསུམ་བརྒྱུད་གསུམ་སོགས་ནས། བསྒྲུབ་ཏུ་གསོལ། ཞེས་དང་། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་གཙང་རིས་ཀྱི་མགོན་པོ་བདུན་ཅུ་རྩ་ལྔ། དྲེགས་པ་ལྷ་སྲིན་སྡེ་བརྒྱད་ས་བདག་རྗེ་བློན་བཅུ་བདུན། བོད་སྐྱོང་བསྟན་མ་བཅུ་གཉིས། སྲིད་པ་ཆགས་པའི་ལྷ་དགུ། རྗེའི་མགུར་ལྷ་བཅུ་གསུམ་ལ་སོགས་པ་རྣམས་དང་། ཡུལ་ཕྱོགས་འདི་ཉིད་ཀྱི་གཞི་བདག་མཐུ་བོ་ཆེ་འཁོར་དང་བཅས་པ་རྣམས་ལ་འབུལ་ལོ། བཞེས་ནས་ཆོས་སྐྱོང་ཆེན་པོའི་ཟོར་གྱི་ཕྲིན་ལས་སྒྲུབ་པ་ལ་རུ་ང་བ་དང་། ཕྲག་དོག་པ་དང་གདུག་པའི་སེམས་སྤངས་ནས་ཕྲིན་ལས་གཉན་པོ་བསྒྲུབ་པའི་སྡོང་གྲོགས་དང་བཀའ་སྡོད་རྒྱ་ཆེན་པོ་མཛོད་ཅིག གསུམ་པ་གསེར་སྐྱེམས་འབུལ་བ་ནི། རཾ་ཡཾ་ཁཾ་གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ༀ་ཨཱཿ་ཧཱུཾ། རིག་འཛིན་རྩ་རྒྱུད་བླ་མ་དམ་པ་དང་། བདེ་གཤེགས་ཀུན་འདུས་ཞི་ཁྲོ་རབ་འབྱམས་སོགས་དང་། ཧཱུཾ་ལྷ་ཆེན་མ་ཧཱ་ཀཱ་ལ་ཡི། བཀའ་ཉན་འཇིག་རྟེན་སྐྱོང་བའི་ཚོགས། ཕྱོགས་སྐྱོང་བཅུ་དང་རྒྱལ་ཆེན་བཞི། ལྷ་ཆེན་བརྒྱད་དང་ཀླུ་ཆེན་བརྒྱད། གཟའ་ཆེན་བརྒྱད་དང་རྒྱུ་སྐར་ཚོགས། འཇིགས་བྱེད་དགུ་དང་བཅས་པ་ཡི། གཙང་རིས་དཔལ་མགོན་ཐམས་ཅད་དང་། ལྷ་སྲིན་སྡེ་བརྒྱད་བརྟན་མའི་ཚོགས། ཡུལ་ལྷ་གཞི་བདག་མཐུ་བོ་ཆེ། སྣང་སྲིད་ལྷ་འདྲེ་དང་བཅས་ཀུན། རང་རང་གཡོག་འཁོར་ཕོ་ཉར་བཅས། །མཆོད་གཏོར་གསེར་སྐྱེམས་འདི་བཞེས་ནས། དེ་རིང་ཟོར་གྱི་ཕྲིན་ལས་ལ། །ཕྲག་དོག་གདུག་པའི་སེམས་སྤངས་ཏེ། དཔལ་ཆེན་ང་ཡི་བཀའ་ལ་ཉོན། །ཚོགས་ཀྱི་བདག་པོའི་ཕྲིན་ལས་སྒྲུབ། །ཆོས་སྐྱོང་ཆེན་པོའི་དཔུང་ཚོགས་ཀྱིས། དམག་སྣ་དགྲ་བོའི་ཡུལ་དུ་དྲོངས། སྒོ་བ་རྣམས་ཀྱིས་སྒོ་ཕྱེས་ཤིག འཕྲང་བ་རྣམས་ཀྱི་འཕྲང་སོལ་ཞིག ཕ་རོལ་དཔུང་རྣམས་འཇོམས་བྱེད་པའི། སྟོབས་པོ་ཆེ་ལ་དྲག་ཤུལ་ཅན། སོ་སོའི་དཔུང་ཚོགས་བཞི་དང་བཅས། དགྲ་བོའི་ཡུལ་དུ་དམག་ལ་ཆོས། གོ་ཆ་བགོས་ཤིང་མཚོན་ཆ་ཐོགས། དམག་དཔུང་བསྐྱེད་ལ་རུ་དར་ཕྱོར། འཇིགས་པའི་ཁྲམ་ཁ་དགྲ་ལ་བསྒྱུར། ལྷ་འདྲེའི་ཟ་ཁ་དགྲ་ལ་གཏོད། མ་ཧཱ་ཀཱ་ལའི་ཕྲིན་ལས་ཀྱི། གཏོར་ཟོར་གཉན་པོའི་སྣ་དྲངས་ཏེ། དགྲ་བོ་འཁོར་བཅས་བརླག་པར་གྱིས། དེ་རིང་དྲག་པོའི་ཕྲིན་ལས་མཛོད། གསེར་སྐྱེམས་ཕྱོགས་བཅུར་འཐོར་ཞིང་། བཞི་པ་ཡི་དམ་བསྐལ་ཞིང་མགོན་པོའི་ཆ་རབས་ཀྱིས་ཕྲིན་ལས་དྲག་ཏུ་བཅོལ་བ་ནི། སྟེང་ཆའི་མཆོད་གཏོར་མ་གཏོགས་འཕེན་པར་འོས་པ་རྣམས་གཏོར་ཁྲི་ནས་མདུན་གྱི་སྟེགས་ལ་དཔགས་ཏེ། གཙོ་འཁོར་གྲལ་རིམ་མི་འཆུག་པར་བཤམས་ནས། འདས་གཏོར་རྣམས་ཀྱི་ཡེ་ཤེས་པ་དཔང་པོའི་ཚུལ་གྱིས་མདུན་མཁར་བཞུགས་པར་བསམ་ཞིང་། དེ་དག་གི་དམ་ཚིག་པ་རྣམས་འཇིག་རྟེན་པའི་གཏོར་མའི་ལྷ་ཚོགས་རྣམས་དྲག་པོའི་ལས་ལ་རྔམ་པའི་ཚུལ་གྱིས་དམག་མིས་གོ་གསར་བྱེད་པ་ལྟར་ཆས་པར་བསམ་ལ། ཆ་ཐོའི་གཏོར་མ་སྤྱི་ལྟར་དང་། ཆ་རབས་ཀྱི་བསྐལ་གཏོར་ཤ་ཁྲག་གིས་བརྒྱན་པ་ཞིག་ཀྱང་དམག་འདུའི་ཚུལ་དུ་བཤམས་ལ། རཀྟ་བྲན་ནས་དམིགས་བྱ་འགུགས་བསྒྲལ་བསྟབ་པ་སོགས་བྱས་མཐར། ཡི་དམ་བསྐལ་བ་དང་ཆད་ཐོ་བཏང་ཞིང་མགོན་པོའི་ལྷ་ཚོགས་དམག་ལ་ཆོས་ཞེས་བསྐལ་བ་ནི། བདག་གི་ཐུགས་ཀའི་ཧཱུཾཿལས་འོད་ཟེར་འཕྲོས་པས། མདུན་གྱི་མགོན་པོ་གཙོ་འཁོར་ལ་ཕོག ཐུགས་དམ་བསྐལ་ཏེ་བེང་ནང་གི་དམག་དང་སྤྲུལ་པ་བྱེ་བ་ས་ཡས་བསྐོར་བ་རྣམས་ཀྱིས་འཇིགས་པའི་གོ་གྱོན། མཚོན་ཆ་སྣ་ཚོགས་ཐོགས་ནས་དྲག་པོའི་ང་རྒྱལ་དང་བཅས་ནས་རྔམ་པའི་ཆ་སྒྲ་དི་རི་རི་སྒྲོག་ཅིང་དགྲ་བོའི་སྟེང་དུ་དམག་ལ་ཆས་པར་བསམ་ལ་འདི་སྐད་དོ། བསཱོ་ཆའོ་ཆའོ་མ་ཧཱ་ཀཱ་ལ་ཆོས། ལྷ་དམག་བྱེ་བ་དུང་ཕྱུར་ཆོས། ནག་པོ་སྟོང་གི་ཚོགས་དང་༴ ཤ་ཟ་འབུམ་གྱི་ཚོགས་དང་༴ མ་མོ་བྱེ་བའི་ཚོགས་དང་༴ ཚོགས་བདག་མ་ཧཱ་ཀཱ་ལ༴ བཙུན་མོ་ཨུ་མ་དྷེ་ཝི༴ སྲས་མཆོག་བྷི་སྣུ་རཱ་ཛ༴ དབུས་ཀྱི་དྷེ་ཝ་མགོན་པོ༴ ཚོགས་རྗེ་ཚོགས་ཀྱི་བདག་པོ༴ ལྷ་དམག་འབུམ་གྱི་སྤྱི་རྗེ༴ སྔགས་འཆང་ཡོངས་ཀྱི་དགྲ་ལྷ༴ སྐྱེ་ཤི་གཉིས་ཀྱི་ར་མདའ༴ དུག་གསུམ་ནད་ཀྱི་སྨན་པ༴ རིག་འཛིན་ཡོངས་ཀྱི་སྲོག་ཤིང་༴ རྣལ་འབྱོར་ཀུན་གྱི་དགྲ་ལྷ༴ བདུད་འདུལ་ལས་ཀྱི་དབང་ཕྱུག སྲ་བརྟན་རྡོ་རྗེའི་གོ་ཆ༴ རྣོ་དབལ་མཚོན་ཆའི་ངར་དང་༴ བཀའ་ཉན་ཕོ་ཉ་ལས་དང་༴ བཀའ་སྡོད་སྤྲུལ་པ་ལས་དང་༴ ཡང་སྤྲུལ་མང་པོ་དཔུང་དང་༴ གཏུམ་རྔམ་གནོད་པའི་སྟོབས་དང་༴ ཆོས་དགོས་དེ་ནི་དགྲ་ལ༴ དམག་དཔུང་བསྐྱེད་ལ་རུ་མཚོན་ཕྱོར༴ མ་ཧཱ་ཀཱ་ལའི་ཐུགས་དམ་དུས་ལ་བབས། བར་དང་། སྐབས་འདིར་གཏོར་ལྷག་རྒྱས་པར་བྱ་བ་ནི། ཧཱུཾ་བྱང་ཕྱོགས་དུར་ཁྲོད་ཆེན་པོ་ན། གྲོང་ཁྱེར་སུམ་བརྩེགས་ཕོ་བྲང་ནས། ཡབ་གཅིག་ལེགས་ལྡན་ནག་པོ་ནི། ཕྱག་ན་ཙནྡ་བེང་ཆེན་བསྣམས། ལྷ་དམག་བྱེ་བ་འབུམ་གྱི་དབུས། འདིར་གཤེགས་རྒྱན་གྱི་གཏོར་མ་བཞེས། བཅོལ་པའི་ཕྲིན་ལས་གྲུབ་པར་མཛོད༴ མི་འགྱུར་རྡོ་རྗེའི་བྲག་སྟེང་ནས། གྲུ་གསུམ་མཐིང་ནག་འབར་བའི་གཞལ་ཡས་ན། སྲས་མཆོག་ནག་པོ་འཇིགས་པའི་ཚུལ། ལས་ཀྱི་མགོན་པོ་འབུམ་གྱི་དབུས། འདིར་བཤེགས་རྒྱན་གྱི་གཏོར་མ༴ བཅོལ་པའི༴ ཡབ་ཅིག་མགོན་པོའི་བཀའ་ཉན་པ། ཤར་ཕྱོགས་སྐྱོང་བའི་མགོན་པོ་ནི། དཔལ་འབར་འཇིགས་པའི་ཆ་བྱད་ཅན། ཕྱག་ན་ནོར་བུ་ཞགས་པ་བསྣམས། མགོ་བརྙན་བྱེ་བ་འབུམ་གྱི་དབུས། འདིར་གཤེགས་རྒྱན་གྱི་གཏོར་མ༴ བཅོལ་པའི༴ ཡབ་ཅིག་མགོན་པོའི་བཀའ་ཉན་པ༴ ལྷོ་ཕྱོགས་སྐྱོང་བའི་ནག་པོ་ཆེ༴ སེར་ཆེན་འབེབས་ཤིང་བེང་ཆེན་བསྣམས། གཤིན་རྗེ་འབུམ་གྱི་འཁོར་གྱིས་བསྐོར། །འདིར་གཤེགས་རྒྱན་གྱི༴ བཅོལ་པའི༴ ཡབ་ཅིག་ལེགས་ལྡན་ནག་པོ་ཡི༴ ནུབ་ཕྱོགས་སྐྱོང་བའི་གཟི་བརྗིད་ཅན༴ མཚལ་བུ་རྟིང་དཀར་བཅིབས་ཤིང་གྲུ་ཚད་བསྣམས༴ ཀླུ་བདུད་མང་པོའི་འཁོར་གྱིས་བསྐོར ༴ འདིར་གཤེགས་རྒྱན་གྱི༴ བཅོལ་པའི༴ ཡབ་ཅིག་ལེགས་ལྡན་ནག་པོ་ཡི༴ བྱང་ཕྱོགས་སྐྱོང་བའི་རྣམ་ཐོས་སྲས། སེང་གེ་བཅིབས་ཤིང་བེང་ཆེན་བསྣམས། གནོད་སྦྱིན་སྨུག་ནག་འཁོར་གྱིས་བསྐོར༴ འདིར་གཤེགས༴ བཅོལ་པའི༴ ཡབ་ཅིག་མགོན་པོ་ལེགས་ལྡན་གྱི། ཤར་ལྷོ་སྐྱོང་མཛད་ཛམྦྷ་ལ། སྔོན་པོ་ཆུ་རིས་བཅིབས་ཤིང་ལྷ་དམག་བསྐལ། སྔོ་བཀྲ་རོལ་དུ་ཁྲིད་པའི་དམ་ཚིག་ནི། འདིར་གཤེགས་རྒྱན༴ བཅོལ་པའི༴ ཡབ་ཅིག་མགོན་པོ་ལེགས་ལྡན་ནི། ལྷོ་ནུབ་སྐྱོང་བའི་མཛེས་ལྡན་སྲས། སྟོབས་ཆེན་མགོན་པོ་ནག་པོ་ལ། རཀྴ་སྲིན་པོའི་ཚོགས་ཀྱིས་བསྐོར། འདིར་གཤེགས་རྒྱན༴ བཅོལ་པའི༴ ཡབ་ཅིག་མགོན་པོ་ལེགས་ལྡན་ནི། ནུབ་བྱང་སྐྱོང་བའི་དམ་ཅན་ནི། བྲག་ལྷ་མགོན་པོ་ཐིག་ལེ་རྩལ། རླུང་ལྷ་བཅིབས་ཤིང་ཕྱུགས་པོར་རྒྱུགས། དམ་ཅན་སྐྱེས་བུ་གིང་ཆེན་རྣམས། འདིར་གཤེགས༴ བཅོལ་པའི་ཕྲིན་ལས༴ ཡབ་ཅིག་ལེགས་ལྡན་ནག་པོ་ནི། བྱང་ཤར་སྐྱོང་བའི་དབུ་རྒྱན་ཅན། གཙུག་ཏོར་ལྗང་གུ་འཁོར་གྱིས་བསྐོར། འདིར་གཤེགས༴ བཅོལ་པའི༴ ཡབ་ཅིག་ལེགས་ལྡན་ནག་པོ་ནི། སྟེང་ཕྱོགས་སྐྱོང་བའི་གཙུག་ཕུད་ཅན། དམག་དཔོན་ཆེན་པོ་ཡ་བདུད་འཇོམས། གཟའ་ཆེན་བརྒྱད་ཀྱི་འཁོར་གྱིས་བསྐོར། ལྷ་སྲིན་སྡེ་བརྒྱད་ཕོ་ཉར་འགྱེད། འདིར་གཤེགས༴ བཅོལ་པའི༴ གདུག་པ་འདུལ་མཛད་ཐོད་ཕྲེང་ཅན། རྟ་ནག་བཅིབས་པའི་མགོན་པོ་ཡང་། བདུད་དམག་བྱེ་བ་འབུམ་གྱིས་དབུས། འདིར་གཤེགས༴ བཅོལ་པའི༴ ཡབ་གཅིག་ལེགས་ལྡན་ནག་པོ་ནི། སྤྲུལ་པ་ཡང་སྤྲུལ་བསམ་མི་ཁྱབ། བྱ་ནག་ཚོགས་དང་ཁྱི་ནག་ཚོགས། གཅན་སྤྱང་ཚོགས་དང་གདུག་པའི་ཚོགས། ཐོགས་མེད་རྫུ་འཕྲུལ་སྟོབས་དང་ལྡན། ཤ་ལ་དགའ་ཞིང་ཁྲག་ལ་མོས། དུར་ཁྲོད་འགྲིམ་ཞིང་ཤུགས་གླ་ལེན། དཔལ་གྱི་འཁོར་ཚོགས་མ་ལུས་པ། འདིར་གཤེགས་རྒྱན་གྱི༴ བཅོལ་པའི༴ སྔོན་ཚེ་དཔལ་ཆེན་སྤྱན་སྔ་རུ། ཇི་ལྟར་ཁས་བླངས་དམ་བཅས་བཞིན། རིག་འཛིན་རྣམས་ཀྱི་བསྟན་པ་སྲུངས། གཏུམ་ཞིང་གདུག་པའི་བསྟན་དགྲ་རྣམས། མྱུར་དུ་བསྒྲལ་བའི་ཕྲིན་ལས་མཛོད། ཞེས་དང་། དཔལ་མགོན་པོ་མ་ཧཱ་ཀཱ་ལ་ཁྲག་འཐུང་གིི་རྒྱལ་པོ། ཡེ་ཤེས་ཀྱི་སྤྱན་ཅན་ནག་པོ་སྟོང་གི་ཚོགས་ཀྱིས་བསྐོར་བ། མ་མོ་བྱེ་བའི་ཚོགས་ཀྱིས་བསྐོར་བ། མཁའ་འགྲོ་བསམ་གྱི་མི་ཁྱབ་པའི་ཚོགས་ཀྱིས་བསྐོར་བ། བསྟན་པའི་བཀའ་སྲུང་། དམ་ཉམས་རྣམས་ཀྱི་སྲོག་གཅོད། མནའ་ཟན་གྱི་གཤེད་མ། རིག་འཛིན་གྱི་སྲོག་ཤིང་རྣལ་འབྱོར་གྱི་དགྲ་ལྷ། དུག་གསུམ་ནད་གྱི་སྨན་པ། གཙུག་ལག་ཁང་གི་སྲུང་མ་རྣམས་ཀྱིས་བདག་ཅག་རྣལ་འབྱོར་པ་འཁོར་དང་བཅས་པ་སྲུངས་ཤིག ཚེ་དང་དབང་ཕྱུག་སྤེལ་ཞིག དཔལ་དང་གྲགས་པ་སྒྲུབས་ཤིག འཁོར་དང་བསྟན་པ་བསྲུངས་ཤིག བསམ་པ་སྒྲུབ་ལ་རེ་བ་སྐོངས་ཤིག ལེགས་པ་དང་སྤྲོད་ལ་ཉེས་པ་དང་སྣོལ་ཅིག དམ་ཆོས་མི་ནུབ་པའི་རྒྱལ་མཚན་ཕྱོར་ཞིག དཔལ་མགོན་པོ་མ་ཧཱ་ཀཱ་ལ་སྔོན་གྱི་ཐུགས་དམ་ཞལ་གྱིས་བཞེས་པ་ལྟར། དཀོན་མཆོག་གསུམ་ལ་གནོད་པའི་དམ་ཉམས་འདི་སྐྱོབས་པའི་ལྷ་དང་ཕྲོལ་ཅིག བརྟེན་པའི་མཁར་དང་ཕྲོལ་ཅིག ཚེ་ཡི་ཐག་པ་ཆོད་ཅིག སྲོག་གི་རྟེན་ཕུར་ཕུད་ཅིག ཚེའི་འདུ་བྱེད་སྐམས་ཤིག གློ་བུར་དང་ཡེ་འགྲོགས་ཐོངས་ཤིག བླ་རྐུན་གྱིས་བླ་ཁྱེར་ཅིག །ཤན་པས་སྲོག་ལ་རོལ་ཞིག །སྲོག་རྩ་དམར་པོ་ཆོད་ཅིག །དོན་སྙིང་ཁོང་ནས་ཕྱུངས་ཤིག །ཁོང་ཁྲག་ཐང་ལ་ཕོས་ཤིག །སྙིང་ཁྲག་ཧུབ་ཀྱིས་ཐུངས་ཤིག །ཀླད་པ་ཞོ་ལྟར་དཀྲུགས་ཤིག །ལྤགས་བཞི་ལྷུ་རུ་སྦྱོར་ཅིག ཕུང་པོ་ཁོག་པ་སྤྲུགས་ཤིག །མགོ་དང་ཡན་ལག་ཕྲོལ་ཅིག །བཀའི་ཆད་པ་ཆོད་ཅིག །ཤ་ཟན་གྱིས་ཤ་ལ་ཟོ་ཞིག །ཁྲག་འཐུང་ཁྲག་ལ་འཐུང་ཞིག ཏིལ་འབྲུ་ཙམ་ཡང་མེད་པར་མཛོད་ཅིག མ་ཐོགས་མྱུར་དུ་སྒྲོལ་ཞིག ཕོ་བདུད་ནག་པོ་དམ་ཉམས་དགྲ་ལ་རྒྱུག་ཅིག མ་མོ་ཟངས་ཀྱི་ཁ་འདའ་མགོ་དགུ་དམ་ཉམས་དགྲ་ལ་རྒྱུག་ཅིག ཁྱེའུ་ཤན་པ་ནག་པོ་དམ་ཉམས་དགྲ་ལ༴ ཟངས་གྲི་དམར་པོ་དམ་ཉམས༴ ཡམས་ཤུད་དམར་པོ་དམ་ཉམས༴ སྲིན་པོ་དཀར་ཆུང་དམར་པོ་དམ་ཉམས༴ སྲིན་པོ་གནོད་སྦྱིན་ནག་མོ་དམ་ཉམས་དགྲ༴ འདྲེ་མོ་དམན་མོ་དམ་ཉམས་དགྲ་ལ༴ འཇིག་རྟེན་པའི་ལྷ་འདྲེ་ཐམས་ཅད་དམ་ཉམས་པའི་དགྲ་བོ་རྣམས་ལ་རྒྱུག་ཅིག ཅེས་བརྗོད་ནས། བསྟོད་པ་བྱ་བ་ནི། ཧཱུཾ་བཅོམ་ལྡན་འདས་ཀྱི་སྤྱན་སྔ་རུ། བསྟན་པ་བསྲུང་བར་ཁས་བླངས་པའི། །རྡོ་རྗེ་འཆང་གི་བཀའ་ཉན་བདག །སྲོག་འཛིན་གཟུགས་ཅན་མཐུ་བོ་ཆེ། །རབ་ཁྲོས་རྔམས་པའི་ང་རོ་ཅན། །སྤྲུལ་པ་དུ་མས་གདུག་པ་འདུལ། །དཔལ་མགོན་ཚོགས་བདག་ནག་པོ་ཆེ། །ཁྱོད་ལ་མཆོད་གཏོར་འདི་འབུལ་གྱིས། །བཞེས་ནས་སྔོན་ཚེ་ཁས་བླངས་པའི། །དམ་བཅའ་རིང་དུ་དགོངས་མཛད་ནས། །བསྟན་པའི་དགྲ་བོ་དམ་ཉམས་ལ། །མཐུ་དང་རྫུ་འཕྲུལ་མྱུར་དུ་སྟོན། །བླ་མའི་སྐ་དགྲ་མྱུར་དུ་སྒྲོལ། །བསྟན་པའི་སྤྱི་དགྲ་རྡུལ་དུ་བ རློོགས། །རྣལ་འབྱོར་སྒོས་དགྲ་དེ་རིང་ཐུལ། །དུས་ལ་བབ་པོ་སྲུང་མ་ཆེ། །གསོན་ཅིག་དགོངས་ཤིག་དམ་ཚིག་ཅན། །རྦད་དོ་བསྐལ་ལོ་ཐུགས་རྗེའི་དགོངས། ཐུགས་རྗེ་བཏང་སྙོམས་མ་མཛད་པར། དུས་འདིར་མྱུར་དུ་རྫུ་འཕྲུལ་སྟོན། ཧཱུཾ་ལེགས་ལྡན་ཚོགས་ཀྱི་བདག་པོ་ཡི། སྐ་གསུང་ཐུགས་ཡོན་ཕྲིན་ལས་ཀྱིས། སྤྲུལ་པའི་མགོན་ཆེན་སྡེ་ལྔ་པོ། སྤྲུལ་པ་ཡང་སྤྲུལ་ཕོ་ཉར་བཅས། མཆོད་གཏོར་རྒྱ་ཆེན་འདི་བཞེས་ལ། སངས་རྒྱས་བསྟན་ལ་སྡང་བ་ཡིས། སྡིག་ཅན་དགྲ་བོ་མ་ལུས་པ། ཁྱོད་ཀྱིས་མྱུར་དུ་ཁུག་མཛོད་ལ། ཕོ་ཉ་རྣམས་ཀྱིས་དམ་དུ་སྡོམ། ལས་མཁན་རྣམས་ཀྱིས་དུམ་བུར་ཐོང་། བསྐལ་ལོ་མྱུར་དུ་ཕྲིན་ལས་མཛོད། དཔལ་ལྡན་བླ་མའི་སྐ་དགྲ་དང་། བསྟན་པ་སྤྱི་ལ་སྡང་བའི་དགྲ། སེམས་ཅན་ཀུན་ལ་འཚེ་བྱེད་ཅིང་། ཕྱི་ནང་མེད་པའི་དམ་ཉམས་དང་། མཚམས་མེད་བསྒྲུབ་པའི་སྡིག་པ་ཅན། དགེ་བདུན་སྡེ་བཅོམ་གཙུག་ལག་བསྲེགས། རྟེན་གསུམ་བཤིག་ཅིང་སྡིག་ཆེན་བསྒྲུབ། ཉམས་པ་རྣམས་ལ་ཕྲིན་ལས་མཛོད། བྷྱོཿ ཡུམ་ཆེན་ཡཀྴ་བཻ་ཏ་ལི། སྟོང་གསུམ་བསྒྲོད་པའི་མྱུར་མགྱོགས་ཅན། ཆོས་ལྡན་བསྲུང་བའི་མ་མོ་ཆེ། དུར་ཁྲོད་རྒྱུ་བའི་དབང་ཕྱུག་མ། རྫུ་འཕྲུལ་སྟོན་པའི་མཐུ་མོ་ཆེ། སྡིག་ཅན་སྒྲོལ་བའི་བཤན་པ་མོ། དྲག་པོའི་ལས་ཀྱི་མངའ་བདག་མོ། དམ་ཉམས་སྒྲོལ་བའི་ཕྲིན་ལས་མཛོད། སྤྲུལ་པའི་མ་མོ་མང་པོ་དང་། ལས་བྱེད་མ་མོ་མང་པོས་བསྐོར། ཁྲག་ཡམས་བདག་མོ་དྲག་ཆེན་མོ། མཐུ་ཆེན་རྣམས་ཀྱི་རྗེ་མོའི་གཙོ། མཆོད་གཏོར་རྒྱ་ཆེན་འདི་བཞེས་ལ། དམ་ཉམས་རྣམས་ལ་བཀའ་ཆད་དང་། མནའ་ཟན་རྣམས་ལ་ཆད་པ་དང་། སྡིག་ཅན་རྣམས་ལ་ཕྲིན་ལས་མཛོད། ཡུན་དུ་མ་བཞག་མྱུར་དུ་ཁུག བཏང་སྙོམས་མ་མཛད་དྲག་ཏུ་ཁུག བཀའ་ཉན་མ་མོའི་དབུས་སུ་ཆུག ལས་བྱེད་རྣམས་ཀྱིས་དལ་ཡམས་ཕོབས། ཕོ་ཉ་རྣམས་ཀྱིས་ཤ་ཁྲག་ཟོ། ཐོག་དང་སེར་བའི་ཆར་བ་ཕོབས། རླུང་དམར་དྲག་པོས་འཚུབ་ཅིང་ཁྱེར། སྡིག་ཅན་དམ་ཉམས་བསྒྲལ་དུ་གསོལ། དེ་ནས་གཏོར་མ་སྒོའི་ཕྱིར་དཔག་ལ་རཀྟ་བྲན མཆོད་ཡོན་ཀུན་དྲག་པོའི་དམག་དཔུང་བཞིན། དར་འཕྱར། དུང་འབུད། རྔ་རོལ་གཞན་ཡང་གང་ཡོད་བསྒྲགས་ཤིང་། བསྭོ ཆའོ་ཆའོ་བསྲུང་མའི་དམག་ཚོགས་ཆོས། ཆོས་འཁོར་སྲུང་མ་དམག་ལ་ཆོས། མགོན་པོའི་ལྷ་ཚོགས་དམག་ལ་ཆོས། རྣལ་འབྱོར་དགྲ་ལྷ་དམག་ལ་ཆོས། མགྱོགས་པ་ཞོན་ལ་དགྲ་ལ་ཆོས། བརྩན་པོ་གྱོན་ལ་དགྲ་ལ༴ རྣོན་པོ་ཐོགས་ལ་དགྲ་ལ༴ འཁོར་གྱི་མགོན་དམག་དགྲ་ལ༴ ཕྱོགས་བཅུའི་མགོན་པོས་རྟ་ཡར་སྟོད། དགྲ་བགེགས་སྟེང་དུ་དམག་སྣ་དྲོངས། ཡམས་སྣ་བཟློག་ཕྱིར་དམག་སྣ༴ རིམས་སྣ་ཟློག་ཕྱིར་དམག་སྣ༴ བྱད་ཁ་བཟློག་པའི་དུས་ལ་བབསཿ ཕོ་ལྷ་ཆེན་པོ་དགྲ་ལ་ཆོསཿ བྱེས་ལྷ་ཆེན་པོ་དགྲ་ལཿ ལམ་ལྷ་ཆེན་པོ་དགྲ་ལ༴ མགོན་བྱེད་ཆེན་པོ་དགྲ༴ དམར་གྱི་གཏོར་མ་འདི་བཞེས་ལཿ སྲུང་མའི་ཚོགས་རྣམས་མ་ཞན་ཅིག སྲུང་མ་མཐུ་རྩལ་མ་ཞན་ཅིག བརྔན་ཡོན་བཞེས་ལ་མཐུ་མ་ཆུང་ཿ ཆོས་འཁོར་བསྲུང་མ་མཐུ་བོ་ཆེ། ཕྱོགས་བཅུའི་མགོན་པོ་འཁོར་དང་བཅསཿ སྡེ་བརྒྱད་ཕོ་ཉ་ལས་བྱེད་ཚོགསཿ མ་ལུས་ཇི་སྙེད་ཡོད་པ་རྣམསཿ ཕུད་ཀྱི་མཆོད་པ་འདི་ཞེས་ལཿ སྔོན་ཚེ་དཔལ་ཆེན་སྤྱན་སྔ་རུཿ སྲོག་སྙིང་ཕུལ་ནས་དམ་བཅས་བཞིནཿ སངས་རྒྱས་བསྟན་པ་བསྲུང་དུ་གསོལཿ དཀོན་མཆོག་དབུ་འཕང་ཁྱེད་ཀྱིས་བསྟོད༔ བསྒྲལ་བའི་ཞིང་བཅུ་ཁྱེད་ཀྱིས་སྒྲོལཿ སྔགས་ཀྱི་སྲུང་མ་མཐུ་བོ་ཆེཿ འཁོར་དུ་ལས་བྱེད་འབུམ་གྱིས་བསྐོརཿ ཕུད་ཀྱི་མཆོད་པ་འདི་བཞེས་ལཿ སྡང་བའི་དགྲ་ལ་མཐུ་མ་ཆུང་ཿ བཅོལ་པའི་ལས་ལ་བང་མ་བུལཿ མངག་པ་ཡིན་ནོ་ཕྱིར་མ་ལྡོགཿ རྣལ་འབྱོར་དགྲ་ལྷའི་དམག་སྣ་དྲོངསཿ ཆོས་སྐྱོང་སྲུང་མས་དམག་སྣ་དྲོངསཿ བཀའ་སྡོད་ཆེན་པོས་དམག་སྣ༴ ནག་པོ་ཆེན་པོས་དམག༴ ཤ་ཟ་ཆེན་པོས་དམག་སྣཿ ཁྲག་འཐུང་ཆེན་པོས་དམག༴ དགྲ་བོའི་ཡུལ་མཁར་མགོ་རྟིང་བཟློགཿ བདག་ལ་ཉེས་བྱེད་སྡིག་ཅན་འདིཿ སྲུང་མ་ཆེན་པོས་མྱུར་དུ་སྒྲོལཿ མཚོན་ཁ་སྡང་བའི་དགྲ་ལ་སྟོནཿ ཟོར་ཁ་དགྲ་དང་བགེགས་ལ་ཕོབཿ ཕུར་བུའི་དབལ་དང་ཡུངས་དཀར་ཐུནཿ སྡང་བའི་དགྲ་བོའི་སྟེང་དུ་ཕོབསཿ དགྲ་བགེགས་མི་གཉན་མགོ་རྟིང་སྤྲུགསཿ ཡུལ་མཁར་མི་གཉན་རྨིངས་ནས་སྒྱེལཿ དཀོར་ནོར་མི་གཉན་ཕྱགས་མས་ཐོབཿ ཆོས་སྐྱོང་སྲུང་མ་འཁོར་དང་བཅསཿ དོ་ནུབ་དགྲ་བོའི་སྟེང་དུ་ཆོསཿ དགྲ་བོའི་སྟེང་དུ་གཡུལ་ཆེན་ཕོབཿ གོ་མཚོན་ཤུས་ལ་དགྲ་བོ་སོདཿ མགོ་བོ་ཆོད་ལ་དོན་སྙིང་ཕྱུངསཿ དགྲ་བགེགས་ཐལ་བའི་རྡུལ་དུ་རློགསཿ ཀྱཻ་དཀོན་མཆོག་གསུམ་གྱི་སྐྱབས་འོག་དུཿ རྣལ་འབྱོར་བདག་ཅག་འཁོར་བཅས་ཀྱིས༔ བསམ་གཏན་བྱང་ཆུབ་བསྒྲུབ་བསམ་ནཿ དགྲ་དང་བགེགས་ཀྱིས་མ་སྟེར་རོཿ བདག་མ་ཉེས་མ་ཡོ་སྲུང་མས་མཁྱེན༔ གཟུ་དཔང་དཀོན་མཆོག་གསུམ་གྱིས་མཛོདཿ ཆོས་སྐྱོང་སྲུང་མ་ར་མདའ་བཟློགཿ བསྟན་སྲུང་ཆེན་པོས་ར༴ སྔགས་ཀྱི་སྲུང་མ་ར༴ མ་མོ་ཤིན་རྗེ་ར༴ ཡང་སྤྲུལ་ཆེན་པོ༴ བཀའ་ཉན་ཆེན་པོ༴ ཡུལ་ལྷ་ཆེན་པོ༴ ལྷ་གཉན་ཀླུ་གཉན་ར༴ བདག་ཅག་བྱང་ཆུབ་བསྒྲུབ་པའི་ཚེཿ ཚེ་དང་སྲོག་ལ་བརྙབ་ལ་ཁདཿ བསྟན་པ་གཉན་པོ་བཤིག་ལ་ཁདཿ མ་ཉེས་མ་ཡོ་སྲུང་མས་མཁྱེནཿ བསྲུང་མའི་དམག་ཚོགས་མ་གཡེལ་ཞིགཿ ཤ་ཁྲག་དམར་ཕུད་འདི་བཞེས་ལཿ བསམ་པའི་དོན་རྣམས་སྲུང་མས་སྒྲུབཿ ཆོས་སྐྱོང་སྲུང་མ་འཁོར་བཅས་རྣམསཿ སྔོན་གྱི་དམ་བཅས་མ་གཡེལ་བརཿ དམ་བཅས་བཞིན་དུ་ཕྲིན་ལས་ཀྱིསཿ ཕར་ལ་འགྲོ་ན་རྒྱབ་ནས་སྐྱོལཿ ཚུར་ལ་འོང་ན་སྔོན་ནས་སུསཿ མི་དང་ནོར་གྱི་རྫི་བུ་གྱིསཿ ཕྱོགས་བཞི་མཚམས་བརྒྱད་སྟེང་འོག་ནསཿ བདག་ལ་སྡང་བྱེད་དགྲ་བགེགས་ཀྱིཿ མགོ་བོ་ཆོད་ལ་དོན་སྙིང་ཕྱུང་ཿ སྲུང་མ་ཆེན་པོས་ཞལ་དུ་སྟོབསཿ སྲུང་མ་མཐུ་རྩལ་མ་ཆུང་ཅིགཿ ཕྱོགས་བཅུའི་ཆོས་སྐྱོང་སྲུང་མ་རྣམསཿ ཕུད་ཀྱི་ཤ་ཁྲག་འདི་བཞེས་ལཿ ཕྱོགས་བཅུའི་དགྲ་བགེགས་གཡུལ་ངོ་བཟློགཿ བདག་ལ་སྡང་བྱེད་དགྲ་བོ་རྣམསཿ སྲུང་མ་རྣམས་ཀྱིས་མྱུར་དུ་སྒྲོལཿ དགྲ་བགེགས་སྡིག་ཅན་མ་ཤོར་ཅིགཿ རེངས་པར་ཁུག་ལ་མྱུར་དུ་སྒྲོལཿ ཕྱོགས་བཞི་མཚམས་བརྒྱད་དགྲ་ལམ་ཆོདཿ མིང་དང་གཟུགས་སུ་བྲིས་པ་ཡིཿ དགྲ་བོ་ཕ་འཁོར་བྲུབ་བྱོས་ཤིགཿ དགྲ་བོའི་མ་ཚན་སྒྱིད་ལིང་ཐོབཿ བཅོལ་པའི་ཕྲིན་ལས་གྲུབ་པར་མཛོདཿ ཅེས་གཏོར་མ་བཏེགས་ལ། གང་དུ་འཕེན་པའི་སར་སོང་ནས་གཏོར་མ་རྣམས་གོ་རིམ་བཞིན་སྟེགས་ལ་བཀོད་ཅིང་ཿ དམིགས་འབེན་གྱི་ལིང་ག་ཡང་མདུན་དུ་མགོ་མཇུག་བཟློག་ལ་བཤམས། གཞན་ཡང་སྣ་སེལ་སྡེ་བརྒྱད་མཆོད་པ་གསེར་སྐྱེམས་སོགས་བཤམས་ཤིང་བྱིན་གྱིས་བརླབས་ནས་ཕུལ་མཐར གཟུ་དཔང་ནིཿ ཧཱུཾ་བྱིན་རླབས་འབྱུང་གནས་བླ་མ་དང་ཿ སྐྱབས་གནས་དམ་པ་དཀོན་མཆོག་གསུམཿ དངོས་གྲུབ་སྩོལ་བའི་ཡི་དམ་ལྷཿ དེ་རིང་གཟུ་དཔང་གཉན་པོ་མཛོདཿ བར་ཆད་སེལ་བའི་མཁའ་འགྲོ་དང་ཿ བསྟན་སྲུང་ཆོས་སྐྱོང་སྲུང་མའི་ཚོགསཿ བཀའ་སྡོད་འཁོར་ཚོགས་འབུམ་སྡེར་བཅསཿ དེ་རིང་གཟུ་དཔང༴ གཙང་རིས་དཔལ་གགོན་ཐམས་ཅད་དང་༔ ཡུལ་ལྷ་མཐུ་ཆེན་འཁོར་དང་བཅསཿ སྣང་སྲིད་ལྷ་འདྲེ་མ་ལུས་པཿ དེ་རིག་གཟུ་དཔང་ཿ ཧཱུཾ་སྡིག་ཅན་དགྲ་བོ་དམ་ཉམས་འདིསཿ སངས་རྒྱས་བསྟན་པ་གཉན་པོ་བཤིགཿ དཀོན་མཆོག་གསུམ་གྱི་དབུ་འཕང་སྨདཿ དཔལ་ལྡན་བླ་མ་སྨོད་ཅིང་འཚེཿ རིག་འཛིན་རྣལ་འབྱོར་རྣམས་ལ་བརྙསཿ བཀའ་སྲུང་མཐུ་སྟོབས་ཅིར་མ་བརྩིས༔ ལས་འབྲས་རྣམས་ནི་ཁྱད་དུ་བསདཿ སེམས་ཅན་ཀུན་ལ་གནོད་ཅིང་འཚེཿ འདི་ནི་བསྒྲལ་བར་བྱ་བར་འོསཿ བསད་པར་བྱ་བའི་མཆོག་ཡིན་པསཿ ཐུགས་ཀྱི་དམ་ཚིག་གཉན་དགོངས་ལཿ མྱུར་དུ་དྲག་པོའི་ལས་མཛོད་ཅིགཿ བླ་མ་དཀོན་མཆོག་བྱིན་མ་ཆུང་ཿ ཡི་དམ་མཁའ་འགྲོ་ཐུགས་མ་གཡེལཿ ཆོས་སྐྱོང་འཁོར་བཅས་མཐུ་མ་ཆུང་ཿ བཀའ་སྡོད་དྲེགས་པ་དམ་མ་འདྲལ༔ བདུད་ཕོ་འབུམ་སྡེ་སྟོབས་མ་ཆུང་ཿ མ་མོ་འབུམ་སྡེ་རྩལ་མ་ཞནཿ ལས་བྱེད་ཕོ་ཉ་ལས་མ་བྱོལཿ སྲོག་གཅོད་ཤན་པ་བང་མ་བུལཿ དགྲ་བོ་ཆོས་ཀྱི་དབྱིངས་སུ་སྒྲོལ་སྦྱོརཿ བག་ཆགས་གཉིས་སྣང་འཁྲུལ་འཁོར་ཤིགསཿ རྣམ་སྨིན་གཟུགས་ཕུང་རྡུལ་དུ་རློགསཿ ཚེ་སྲོག་དབུགས་ལ་ལས་མཛོད་ཅིག འདི་ཡི་ཤ་རུས་ཁྲག་ལ་རོལཿ དབང་པོ་དོན་སྙིང་ནང་རོལ་ཟོཿ རིགས་རྒྱུད་མ་ལུས་རྩད་ནས་གཞིག ཕྲིན་ལས་གཉན་པོའི་དུས་ལ་བབས་ཞེས་བསྐལ་ནས་དམིགས་རྟེན་གོང་གསལ་དང་། ཅན་ལིང་གསར་བཤམས་བཅས་ལ་རཀྟ་བྲན་ཞིང་། མདུན་དུ་སྐད་ཅིག་གིས་གནམ་ལྕགས་ལས་གྲུབ་པའི་ཁང་སྒྲོམ་གྲུ་གསུམ་སྒོ་མེད་པ། འོག་དུག་ཁྲག་གི་རྒྱལ་མཚོ་འཁྲུག་ཅིང་སྟེང་ནས་མཚོན་གྱི་ཆར་འབེབས་པ། ནང་དུ་ནད་རླངས་དང་དུག་རླངས་འཚུབས་ཅིང་ཕྱི་རུ་བསྐལ་པའི་མེ་དཔུང་འབར་བ། སྲོག་གཅོད་ཀྱི་ཤན་པ་རོལ་ཞིང་དབུགས ལེན་གྱི་ཕོ་ཉ་རྒྱུག་པ། ཤ་ཟན་རྣམས་རྐན་སྒྲ་རྡེབ་ཅིང་ཁྲག་འཐུང་རྣམས་ཧ་ཧ་སྒྲོགས་པ། འཇིགས་ཤིང་ཡ་ང་བ་ལས་ཀྱི་བྲུབ་ཁུང་གི་ནད་དུ་ནྲྀ་ལས་དམ་ཉམས་པའི་དགྲ་བོ་ཆྒཻ་མོ་ལུས་རིད་ཅིང་འདར་བས་མྱ་ངན་གྱི་ཕྱག་རྒྱ་བྱས་པ། ངག་དངངས་པའི་སྨྲེ་སྔགས་བགྲང་ཞིང་ངུ་འབོད་བྱེད་པ། སེམས་འཇིགས་སྐྲག་གིས་བརྒྱལ་ཞིང་སྡུག་བསྔལ་གྱིས་མྱོས་པ། ལུས་ལས་མི་གཙང་བའི་རྒྱུན་འཛག་ཅིང་མཚོན་ཆས་བཏབ་པ། ལས་ངན་གྱི་འབྲས་བུ་སྨིན་ཅིང་མགོན་སྐྱབས་དང་བྲལ་བར་གྱུར། ཞེས་མོས ན་མོཿ རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི༴ སངས་རྒྱས༴ ཆོས༴ དགེ་འདུན༴ སྙིང་པོ་དང་ཕྱག་རྒྱ་དང་གསང་སྔགས་དང་རིགས་སྔགས་དང་གཟུངས་སྔགས་རྣམས་ཀྱི༴ ཁྱད་པར་དུ་ལེགས་ལྡན་ཚོགས་ཀྱི་བདག་པོ་ཡབ་ཡུམ་སྲས་འཁོར་ཕོ་ཉ་སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི་བཀའ༴ ཆོས་ཉིད་འགྱུར་བ་མེད་པ་དང་ཆོས་ཅན་བསླུ་བ་མེད་པའི་བདེན་སྟོབས་ནུས་པའི་བྱིན་བརླབས་ལ་བརྟེན་ནས་རྒྱལ་བའི་བསྟན་པ་རིན་པོ་ཆེ་སྤྱི་དང་ཁྱད་པར་སྔ་འགྱུར་རྡོ་རྗེའི་ཐེག་པ་ལ་དངོས་སམ་བརྒྱུད་ནས་ཕན་པ་འགོག་ཅིང་ལོག་སྦྱོར་ཤོམས་པའི་རིགས་སུ་གྱུར་པ་རྣམས་དང་། བྱེ་བྲག་བདག་དང་བསྲུང་བྱའི་མི་ནོར་སྟོབས་འབྱོར་ཕུན་སུམ་ཚོགས་པ་ལ་བར་དུ་གཅོད་པའི་གཟུགས་ཅན་སྡང་བར་བྱེད་པའི་དགྲ། གཟུགས་མེད་གནོད་པར་བྱེད་པའི་བགེགས་རིགས་ལོག་པར་འདྲེན་པ་ཐམས་ཅད་ཀྱི་བླ་སྲོག་རྣམ་པར་ཤེས་པ་སྐད་ཅིག་ཐང་ཅིག་ཡུད་ཙམ་ཞིག་ལ་གཟུགས་མིང་རི་མོར་བཀོད་པའི་ལིངྒ་འདི་ལ་ཁུག་ཅིག སྟིམས་ཤིག རྩ་སྔགས་གཤམ་དུ། ནྲྀ་ཏྲི་ཨ་ཀཪྴ་ཡ་ཛཿ ཞེས་ལན་གྲངས་གང་ནུས་ལྡབ་ལ་འགུགས་འཆིངས་སྡོམས་མྱོས་གྱི་མཐར་བསྒྲལ་བསྟབས་བྱ་བ་ནི། ཕུར་བ་སྐ་སྟོད་མ་ཧཱ་ཀ་ལ་སྲིན་པོ་ཁྲོས་པའི་རྣམ་འགྱུར་དང་། སྐ་སྨད་གནམ་ལྕགས་ཀྱི་ཕུར་པ་མགར་གྱི་སོལ་མེ་ནས་བྱུང་བ་ལྟ་བུ་དམར་ཟང་ངེ་བ་དེ་གཟས་པོའི་སྙིང་གར་དྲིལ་བས་དུས་གསུམ་གྱི་སྡིག་སྒྲིབ་དག་པར་བསམ་ཞིང་། སླར་ཡང་དྲིལ་བས་ཁོའི་ཚེ་སྲོག་གི་ངོ་བོ་ནྲྀ་ཡིག་གསེར་བཙོ་མའི་མདོག་ཅན་དེ་ཕུར་རྩེས་བླངས་ཏེ་རང་གི་སྙིང་གར་ཐིམ་པར་བསམ་ལ། ཕུར་རྩེ་རང་གི་སྙིང་གར་རེག་མཐར་སྡུག་བསྔལ་བདེན་པའི་རྟེན་ཕུང་ཁམས་སྐྱེ་མཆེད་ཀྱི་དོ་ར། བླ་ཡི་གནས་མལ་རྩད་ནས་བཤིག་པར་བསམ་ཞིང་ཁྱེར། ཕུར་པ་དང་། མཚོན་ཆས་བསྒྲལ་ཞིང་། ཧཱུཾ་ང་ནི་དཔལ་ཆེན་ཧེ་རུ་ཀ། ང་ནི་སངས་རྒྱས་ཀུན་གྱི་ཡབ། ང་ནི་ཁྲོ་རྒྱལ་ཀུན་གྱི་གཙོ། ང་ནི་དྲེགས་པ་ཀུན་གྱི་བདག དམ་ཉམས་དགྲ་བོ་སྡིག་ཅན་འདི། དང་པོ་ཞེ་སྡང་ཕ་ལས་བྱུང་། བར་དུ་འདོད་ཆགས་མ་ཡིས་བསྐྱེད། ཐ་མར་གཏི་མུག་སྡིག་ལ་སྤྱད། ད་ནི་སྒྲོལ་བའི་དུས་ལ་བབ། དབྱིངས་སུ་སྦྱོར་བའི་དུས་ལ༴ བག་ཆགས་བསད་པའི་དུས༴ གཟུགས་ཕུང་གཞིག་པའི་དུས༴ ཧཱུཾ་ཧཱུཾ་ཧེ་རུ་ཀ་ཡི་སྤྱན་སྔ་རུ། ཇི་ལྟར་ཁས་བླངས་དམ་བཅས་པ། དཀོན་མཆོག་བླ་མ་བརྙས་བྱེད་ལ། དུས་ལ་བབ་པོ་ཀཱི་ལ་ཡ ། ཧཱུཾ་སྐ་སྟོད་ཞལ་ཅིག་ཕྱག་གཉིས་པ། ཕྱག་གཡས་གྲི་གུག་ནམ་མཁར་ཕྱར། ཕྱག་གཡོན་ཐོད་པ་ཁྲག་བཀང་གསོལ། དམ་ཉམས་སྙིང་ལ་ཀཱི་ལ༴ ཧཱུཾ་སྐ་སྨད་གསལ་ཕུར་ཟུར་གསུམ་སོ ། བློ་སྟོབས་རྡོ་རྗེའི་ཐོ་བ་ཡིས། གནས་བཅུ་རྣམས་སུ་གདབ་པར་བྱ། འོད་ཟེར་འབར་བ་ཀི་ལ༴ ཧཱུཾ དུར་ཁྲོད་བདག་པོ་སྲིན་པོའི་གཟུགས། ཁམ་ནག་རལ་པ་གྱེན་དུ་བརྗེས། མ་མོ་འབུམ་གྱི་འཁོར་གྱིས་བསྐོར། གསོད་བྱེད་ལས་བྱེད་ཀཱི་ལ༴ ཧཱུཾ་ལང་ཀའི་གྲོང་ཁྱེར་འཇོམས་བྱེད་པ འཇིགས་བྱེད་དཀའ་ཐུབ་ཐོད་ཕྲེང་ཅན། འོད་ཟེར་མང་པོ་འདུ་འཕྲོ་བ། གདུག་པ་བརླག་མཛད་ཀཱི༴ ཧཱུཾ་ཉི་མ་ལྟ་བུ་དམར་བའི་སྤྱན། འོད་ཟེར་རྣོ་བཞིན་འཁྲུག་ཅིང་འཕྲོ། སྨིན་མ་ཁྲོ་གཉེར་གྱེན་དུ་བསྐྱོད། བདུད་ཚོགས་བསྲེག་བྱེད་ཀཱི༴ ཧཱུཾ་རྔམ་པའི་ཧ་ཧ་ཆེར་སྒྲོགས་པས། རི་རབ་རྡུལ་ཕྲན་བཞིན་དུ་གཏོར། སྟོབས་ཆེན་བྱང་ཆུབ་སེམས་དཔའ་སྟེ། ཉོན་མོངས་དགྲ་འཇོམས་ཀཱི་ལ༴ ཧཱུཾ་ཁམས་གསུམ་དབང་དུ་བསྡུ་མཛད་པ། དུག་གསུམ་རྡུལ་དུ་བརླག་མཛད་པ། གྲོང་ཁྱེར་སུམ་བརྩེགས་འཇོམས་མཛད་པ། ལོག་འདྲེན་གསོད་བྱེད་ཀཱི་ལ་ཡ། ཞེས་གདབ། དེ་ནས་རོལ་མོ་དྲག་ཏུ་བྱ་ཞིང་། ལིངྒའི་མ་སྨིན་མཚམས་མགྲིན་པ་སྙིང་ག་ལྟེ་བ་མིག་རྣ་བ་སྣ་ལྕེ་གསང་གནས་རྣམས་སུ་དྲག་ཏུ་ུ གདབ་ཅིང་། ཁ་ཁ་ཁཱ་ཧི་ཀཱི་ལ་ཡ། མཱ་ར་མ་ར་ཀཱི༴ གྷྲྀ་ཧྞ་གྷྲྀ་ཧྞ། བནྡྷ་བནྡྷ༴ ཧ་ན་ཧ་ན༴ ད་ཧ་ད་ཧ༴ པ་ཙ་པ་ཙ་ཀཱི༴ དཱི་ན་མི་ཀེ་ན་ཀཱི༴ ༀ་མ་ཧཱ་ཀཱ་ལ་ཀཱི་ལི་ཀཱི་ལ་ཡ་ཧཱུཾ་ཕཊཿ ཞེས་བརྗོད་ཅིང་། འབོད་རྦད་བསད་གསུམ་གྱི་དྲག་སྔགས་ཀྱིས་གཏུབ་ཅིང་ཁྲག་གིས་བྲན། བྱིན་གྱིས་བརླབས་ནས། ཞལ་བསྟབ་ནི། ཧཱུཾ་མ་ཧཱ་ཀཱ་ལ་ཞལ་ཕྱེས་ཤིག སྲོག་བདུད་ནག་པོ་ཞལ༴ སྲིང་གཅིག་ལྷ་མོ་ཞལ༴ བཀའ་སྡོད་ཕོ་ཉ་ཞལ༴ རྡོ་རྗེ་སློབ་དཔོན་སྨོད་པ་དང་། རྡོ་རྗེའི་སྤུན་ལ་འཁུ་བ་དང་། རྣལ་འབྱོར་བདག་ལ་འཚེ་བ་དང་། དེ་དག་ནག་པོ་ཆེན་པོས་སྒྲོལ། ཡན་ལག་ཀུན་གྱི་ཤ་ཆོད་ལ། མགོན་པོ་འཁོར་བཅས་ཞལ་དུ་གསོལ། ཁྲག་གི་རྒྱུན་ཡང་འཐུང་བར་གྱིས། དེ་ཡི་ཚེ་སྲོག་དབང་དུ་སྡུས། ཡང་ན་དེ་ཡི་སྤྱིར་གནས་ནས། ཏིལ་ཙམ་དུ་ནི་མཛད་དུ་གསོལ། ཤ་རྒྱུས་ཁྲག་ལ་ཚིམ་པ་རུ། བཞེས་ཤིག་རོལ་ཞིག་ཁ་རམ་ཁཱ་ཧི། ཞེས་དྲག་རོལ་དང་བཅས་པས་གཏོར་ཆེན་དུ་འབོད་རྦད་བསད་སྔགས་དྲིལ་བས་ཕུལ་ཞིང་། དགྲ་བོའི་ཤ་ཁམ་ཁྲག་ཐིགས་ཙམ་ཡང་མ་ལུས་པར་ཆོས་སྐྱོང་འཁོར་བཅས་ཀྱིས་གསོལ་བས་ཚིམ་པར་གསམ་མོ། དེ་ནས་ཟོར་གྱི་ལས་དངོས་ལ་འཇུག་པ་ནི། ཕྱོགས་འཚམས་ཀུན་ཏུ་གསེར་སྐྱེམས་འཐོར་ཞིང་། ཧཱུཾ་ཤར་ལྷོ་ནུབ་བྱང་ཕྱོགས་ཤེད་ན། དབང་པོ་གཤིན་རྗེ་ཆུ་ལྷ་དང་། གནོད་སྦྱིན་ཚོགས་རྣམས་གནས་པ་ལ། དྲག་པོའི་ཟོར་འདི་མི་འཕེན་ནོ། བྱང་ཤར་ལ་སོགས་མཚམས་ཤེད་ནས། དབང་ཕྱུག་མེ་ལྷ་སྲིན་པོ་དང་། རླུང་ལྷའི་ཚོགས་རྣམས་གནས་པ་ལ། དྲག་པོའི་ཟོར་འདི་མི་འཕེན་ནོ། སྟེང་དང་འོག་དང་བར་དག་ན། ཚངས་སོགས་དང་ནི་ས་ཡི་ལྷ། བཙན་དང་འབྱུང་པོ་རྒྱུ་བ་ལ། དྲག་པོའི་ཟོར་འདི༴ ཧཱུཾ་བསྒྲོད་པ་དྲག་པོའི་ཟོར་འདི་ཡིས། རི་རབ་ཡིན་ཀྱང་ཕྱེ་མར་བརླག རྒྱ་མཚོ་ཡིན་ཡང་སྐེམ་པར་བྱེད། མེ་དཔུང་ཡིན་ཀྱང་འཇོམས་པར་བྱེད། དེ་བས་འབྱུང་པོ་མ་ལུས་པ༔ མཐོ་བ་རྣམས་ནི་ཞབས་སྐམ་ཤིག །དམའ་བ་རྣམས་ནི་དབུ་ཚུམས་ཤིག བར་པ་རྣམས་ནི་སྐ་བཟུར་ཞིག དོ་ནུབ་ཕྲིན་ལས་གཉན་པོ་ཡི། ཟོར་འདི་སྡང་བའི་དགྲ་ལ་འཕེན། ཟོར་འདི་གནོད་པའི་བགེགས་ལ་འཕེན། དགྲ་བགེགས་ཐལ་བ་རྡུལ་དུ་རློགས། ཧཱུཾ་རྩ་རྒྱུད་བླ་མ་དམ་པ་དང་། ཡི་དམ་དཀྱིལ་འཁོར་ལྷ་ཡི་ཚོགས། གནས་གསུམ་དཔའ་འོ་མཁའ་འགྲོ་རྣམས། འདིར་གཤེགས་དགྲ་ལ་ཟོར་འདི་ཕོབ༴ བསྟན་སྲུང་ཆོས་སྐྱོང་འཁོར་དང་བཅས། གཙང་རིས་དཔལ་མགོན་མ་ལུས་དང་། དྲེགས་ས་ལྷ་སྲིན་སྡེ་བརྒྱད་རྣམས། འདིར་གཤེགས་དགྲ་ལ་ཟོར་འདི་ཕོབས། མཐུ་ཆེན་འཇིག་རྟེན་སྐྱོང་བའི་ཚོགས། ཡུལ་གྱི་གཞི་བདག་རྫུ་འཕྲུལ་ཅན། སྣང་སྲིད་ལྷ་འདྲེའི་ཚོགས་བཅས་རྣམས། འདིར་གཤེགས་དགྲ་ལ་ཟོར་འདི་ཕོབས། ཞེས་ཟོར་ལམ་ཕྱེས་ནས། འཕང་བ་དངོས་ནི། ལྟ་སྒོམ་སྤྱོད་པའི་གནད་དང་ལྡན་པས་དཀར་པོ་རྣམས་རིམས་བཞིན་ཐོགས་ཏིཿ ཧཱུཾ་དཔལ་ཆེན་སྐ་ལས་སྤྲུལ་པ་ཡི། གཏོར་ཟོར་ཤན་པ་མྱུར་མགྱོགས་ཅན། རྔམ་པའི་རྐན་སྒྲ་དི་རི་རི། ནད་ཀྱི་ཁུ་རླངས་ཐུ་ལུ་ལུ། དུག་གི་ཁ་ཕྲུ་ཅི་ལི་ལི། མཚོན་གྱི་ཆར་པ་ཤ་ར་ར། གཏོར་ཟོར་གཉན་པོ་སྲོག་ལ་ཡ། སྔགས་ཐུན་ལུས་ངག་སེམས་ལ་ཡ། ཛ་ཛ་སྡིག་ཅན་སྙིང་ལ་ཡ། ཡམ་ཡམ་ཉམས་པའི་སྲོག་ལ་ཡ། ཆུམ་ཆུམ་གནམ་དང་དབུགས་ལ་ཡ། རྦད་རྦད་དགྲ་བོའི་ལུས་ལ་ཡ། ཞེས་བད། འབོད་བོད་བསད་སྔགས་བརྗོད་ནས་གཏོར་ཟོར་བརྡེགས་ལ་ལྟས་ཀྱང་བརྟགས། དེའི་འགྲེས་ཀྱིས། ཧཱུཾ་དཔལ་ཆེན་སྐ་ལས། སྐམ་ཟོར་བདུད་དམག་ཁྲོ་གཏུམ་འབར། རྔམ་པའི་རྐན་སྒྲ་དི་རི༴ ནད་ཀྱི་ཁ་རླངས༔ དུག་གི་ཁ་ཕྲུ་ཅི་ལི༴ མཚོན་གྱི་ཆར་པ་ཤ་ར༴ སྐམ་ཟོར་ཕུང་པོ་ལྔ་ལ་ཡ། རྔམས་ཟོར་ལུས་ངག་སེམས་ལ་ཡ། ཛ་ཛ་སྡིག་ཅན་སྙིང་ལ་ཡ། ཡམ་ཡམ་ཉམས་པའི་སྲོག་ལ༴ ཆུམ་ཆུམ་གནོད་བྱེད་དབུགས་ལ༴ རྦད་རྦད་དགྲ་བོའི་ལུས་ལ་ཡ། གོང་ལྟར་འབོད་རྦད་བསད་སྔགས་ཀྱིས་སྐམ་ཟོར་བརྡེགས། ཧཱུཾ་དཔལ་ཆེན་སྐ་ལས༴ རློན་ཟོར་མ་མོ་དྲག་ཤུལ་ཅན༴ རྔམ་པའི་རྐན་སྒྲ༴ ནད་ཀྱི་ཁ་རླངས༴ དུག་གི་ཁ་ཕྲུ་ཅི༴ མཚོན་གྱི་ཆར་པ་སི༴ རློན་ཟོར་འབྱུང་བ་བཞི་ལ་ཡ། སྔགས་ཟོར་ལུས་ངག་སེམས་ལ༴ ཛ་ཛ་སྡིག་ཅན་སྙིང་ལ༴ ཡམ་ཡམ་ཉམས་པའི་སྲོག་ལ༴ ཆུམ་ཆུམ་གནོད་བྱེད་དབུགས་ལ༴ རྦད་རྦད་དགྲ་བོའི་སྲོག་ལ་ཡ། ཞེས་དང་། ༀ་ཤྲཱྀ་མ་ཧཱ་སོགས། ༀ་བཛྲ་ཡཀྴ་སོགས། མ་ཧཱ་ཀཱ་ལ་སིདྡྷིི་ཡཾ་སོགས། ༀ་ཤྲཱྀ་མ་ཧཱ་ཀཱ་ལ༴ མ་ཧཱ་ཀཱ་ལ་དགྲ་བོའི་སྙིང་འབྱིན་སོགས། ཐུམ་རི་ལི་ལི་བྷྱོཿ བར་རོ། རློན་ཐུན་རྣམས་བརྡེགས༴ དེ་ནས་མདའ་ཟོར་རྒྱགས་པ་ནི། མདའ་གཞུ་སྤྲད་དེ་ཕྱོགས་མཚམས་བརྒྱད་དུ་འཕེན་སྟངས་ཀྱིས་བསྡིགས་མོ་བྱ་ཞིང་། ཧཱུཾ་གཞུ་འདི་སྲིན་པོ་ཛྭ་ལ་རམ། རྒྱུད་འདི་སྦལ་མགོ་ཁྲག་མིག་མ། མདའ་འདི་སྲས་མཆོག་རཱ་ཧུ་ལ། གོ་མཚོན་ལྷ་སྲིན་སྡེ་བརྒྱད་དེ། མདའ་ཟོར་དགྲ་བོའི་སྙིང་ལ་རྒྱོབ། དགྲ་སྲོག་ཨ་ཝ་དྷུ་ཏི་ཆོད། རལ་གྲིས་དགྲ་བོའི་ལྷུ་ཚིགས་ཕྱེས། ལྷ་སྲིན་སྡེ་བརྒྱད་དྲེགས་པའི་ཚོགས། གདུག་པའི་མདུང་དར་དབལ་སོ་ཅན། རྒྱོབ་ཅིག་དགྲ་བོའི་སྙིང་ལ་རྒྱོབ། དགྲ་སྲོག་དྲེགས་པའི་དམག་གིས་ཆོད། མཚོན་ཆའི་ཆར་པ་དགྲ་ལ་ཕོབས། ནག་པོ་ཆེན་པོ་གཙོ་འཁོར་གྱི། མཐུ་ནུས་མདའ་ཟོར་འདི་ཡི་དབལ། དམ་ཉམས་དགྲ་བོའི་སྟེང་དུ་ཕོབས། ཕུང་པོ་ལྔ་ལ་མདའ་ཟོར་ཡ། འབྱུང་ཁམས་ལྔ་ལ་མདའ༴ སྐྱེ་མཆེད་ཀུན་ལ་མདའ༴ འཁོར་བའི་ཕུང་ཁམས་རྡུལ་དུ་རློགས། བདག་འཛིན་གཉིས་ལ་མདའ༴ མ་རིག་གཉིས་ལ་མདའ༴ འཁྲུལ་གཞི་རྩད་ནས་ཆོད་པ་དང་། གྲོལ་གཞི་མངོན་གྱུར་ཕྲིན་ལས་མཛོད། ཅེས་གོང་བཞིན་སྔགས་བརྗོད་ཅིང་མདའ་ཟོར་འཕེན་ནོ། དེ་ནས་གཏོར་མ་རྣམས་རིམ་བཞིན་བརྡེག་ས་ནི། ཧཱུཾ་ཕྲིན་ལས་དབང་ཕྱུག་ནག་པོ་ཆེ། སྣ་ཚོགས་སྤྲུལ་པའི་འཁོར་རྣམས་དང་། ཡང་སྤྲུལ་ཕོ་ཉ་འབུམ་ཕྲག་བརྒྱ། མཚོན་ཆ་སྣ་ཚོགས་རབ་འཛིན་ཞིང་། རི་རབ་ཆེན་པོ་ཕྲག་ལ་གཟར། རྡོ་རྗེའི་བྲག་རི་རིང་དུ་འདོར། རྒྱ་མཚོ་ཆེ་ཡང་ཧུབ་ཀྱིས་འདེབས། གནམ་ལྕགས་རྡོ་རྗེའི་ཐོག་མདའ་འཕེན། སྣ་ཚོགས་མཚོན་ཆའི་སེར་ཆེན་འབེབས། དྲག་པོའི་ནད་ཀྱི་ཆར་པ་གཏོང་། སྡིག་ཅན་དགྲ་བོའི་སྙིང་ལ་ཡ། དམ་ཉམས་རྣམས་ཀྱི་ལུས་ལ་ཡ། བསྟན་དགྲ་རྣམས་ཀྱི་སེམས་ལ་ཡ། གཟུགས་ཕུང་ཤིག་ལ་རྣམ་ཤེས་ཕྲོལ། ཁུག་ཅིག་དྲོངས་ཤིག་ཨཾ་ཀུ་ཤ། བརྒྱལ་ཞིག་རེངས་ཤིག་སྟྭོམ་བྷ་ཡ། ཕྱེས་ཤིག་ཁྲོལ་ཞིག་བི་དེ་ཤ། ཕྱུངས་ཤིག་བསྐྲོད་ཅིག་ཨུ་ཙ་ཊ། སོད་ཅིག་ཆོམས་ཤིག་མཱ་ར་ཡ། རྡུལ་ཕྲན་ཙམ་དུ་ཙུརྞ་ཡ། ཅེས་པའི་མཐར་འབོད་རྦད་བསད་པའི། སྔགས་ཚང་མ་བརྗོད་ཅིང་འཁོར་གཏོར་རྣམས་འཕངས་ལ། དོ་གལ་ཆེ་ན་གཙོ་གཏོར་ཡང་མཆོད་གཡོག་གི་བཏེགས་ལ་བཞེས་འབོད་དང་། དམོད་བཅོལ་འདི་བཞིས་བྱེད། ཧོ་དགོངས་སུ་གསོལ་ལོ་རབ་འབྱམས་རྒྱ་མཚོའི་ཞིང་ན་བཞུགས་པའི་སྐ་གསུམ་རྒྱལ་བ་རྒྱ་མཚོ་སྲས་དང་བཅས་ས་རྣམས་དང་། རྩ་གསུམ་ཆོས་བཀའ་གཏེར་སྲུང་དཀར་སྐྱོང་ཡུལ་ལྷ་གཞི་བདག་ཕོ་ཉ་སྤྲུལ་པ་ཡང་སྤྲུལ་ཉིང་སྤྲུལ་མ་ལུས་ཤིང་ལུས་པ་མེད་པའི་ལྷ་ཚོགས་བསམ་གྱིས་མི་ཁྱབ་ཅིང་བརྗོད་པའི་མཐའ་དང་བྲལ་བ་ཁྱེད་རྣམས་ཀྱིས། སྐ་གསུང་ཐུགས་ཡོན་ཏན་ཕྲིན་ལས་ཀྱི་མཐུ་སྟོབས་ནུས་པའི་རྩལ་ཤུགས་ཁྲོ་གཏུམ་མི་བཟད་པ་དྲག་པོ་མངོན་སྤྱོད་ཀྱི་ལས་ལ་མྱུར་བ་ཉིད་དུ་བཞེངས་ཤིང་དུས་གསུམ་ཆགས་ཐོགས་བྲལ་བའི་ཐུགས་ཀྱིས་དགོངས་ནས། སྒྲིབ་བྲལ་ཡེ་ཤེས་ཆེན་པོའི་སྤྱན་གྱིས་གཟིགས་ཤིང་། རང་བྱུང་ཆོས་ཉིད་དག་པའི་སྙན་གྱིས་གསོན་ལ། ལེགས་ཉེས་ཀྱི་སྟངས་ཟུངས་བདེན་རྫུན་གྱི་ཤག་ཕྱེས། ཉེས་བྱེད་དམ་ཉམས་དགྲ་ལ་བཀའ་ཆད་དྲག་པོ་ཕོབ་ཅིག གཞན་ཡང་མངོན་སྤྱོད་དྲག་པོའི་ཕྲིན་ལས་སུ་བཅོལ་བའི་མདོ་ནི། སྤྱིར་སངས་རྒྱས་ཀྱི་བསྟན་པ་གཉན་པོ་བཤིག་པ། དཀོན་མཆོག་གསུམ་གྱི་དབུ་འཕང་སྨད་པ། དགེ་བ་བཅུ་ལ་བརྩོན་པའི་ཉེས་མེད་ཀྱི་སེམས་ཅན་སྡུག་ལ་སྦྱོར་བ། གཞི་བསམ་སྦྱོར་བ་མཐར་ཐུག་གི་སྒོ་ནས་མི་དགེ་བ་ཁོ་ན་ལས་རྣམ་དཀར་གྱི་བསམ་སྦྱོར་དུག་ལྟར་སྤངས་པའི་རིགས་ཐམས་ཅད་དང་། ཁྱད་པར་དུ་བདག་ཅག་དཔོན་སློབ་མཆོད་ཡོན་ལྟོས་འཁོར་དང་བཅས་པ་རྣམས་ལ་དམག་ཇག་ཆོམ་རྐུན་དགྲ་གྱོད་མི་ཁ་ཕུང་སྦྱོར་མཐོ་གནོན་དོ་བསྡོ་ཕོད་བཙུགས། འགྲན་ཚོལ་བརྙས་གཤུང་སྨོད་སྐར་འདེབས་པའི་རིགས་སུ་གཏོགས་པ་རྣམས་དང་། བྱེ་བྲག་ཏུ་སྔ་དགྲ་ལག་ལ་བདར་བ། ཕྱི་དགྲ་ཡིད་ལ་ཤོམ་པ། ད་དགྲ་ཐད་དུ་ལངས་པའི་དམ་ཉམས་ཉེས་བྱེད་ཁ་དྲག་དཔུང་ཤོད་ངོམ་ཞིང་ཕན་བདེ་བསུབས་ནས་ཉེས་སྐྱོན་སྤེལ་ཐབས་ལ་བརྩོན་པའི་བསམ་ངན་སྦྱོར་རྩུབ་ཅན། ཁ་དཀར་སྙིང་གནག་བྱད་ཕུར་རྦོད་གཏོང་སོགས་དངོས་སམ་བརྒྱུད་ནས་སྡང་བའི་སེམས་དང་། གདུག་པའི་སེམས་དང་། དྲག་ཤུལ་གྱི་བསམ་སྤྱོད་ངན་པས་མནར་སྤྱོད་ལ་རྟག་ཏུ་བརྩོན་པ༴ མི་ལ་ལྷ་མེད་ཟེར་ཞིང་ལྷ་ལ་མཐུ་མེད་ཟེར་བ། མཐུ་བུ་ལོན་བཞིན་དུ་ུ སྙོགས་ཤིང་། ཆོས་དང་གདམ་ངག་ལྷ་དང་བཅས་པ་ཁྱད་དུ་གསོད་པའི་དགྲ་བོ་དམ་ཉམས་གནོད་ཅིང་འཚེ་བའི་ལས་ལ་བརྩོན་པ་གང་དག་སུ་ཡང་རུང་བ་འདི་རྣམས་ཐམས་ཅད་མིང་རུས་ཡུལ་ཁྱིམ་སོགས་འདྲ་འདྲའི་ནང་ནས་མ་ནོར་བར་ལྕགས་ཀྱུ་ཅན་གྱིས་སྙིང་ནས་ཟུངས། ཞགས་པ་ཅན་གྱིས་མགུལ་ནས་ཆིངས། ལྕགས་སྒྲོག་ཅན་གྱིས་ཡན་ལག་སྡོམས། དྲིལ་བུ་ཅན་གྱིས་མྱོས་སུ་ཆུག ལས་ཀྱི་རླུང་གིས་རྒྱབ་ནས་ཕུལ། འཇིགས་པའི་མུན་ནག་གིས་སྡུན་ནས་སུས་ལ་ལུས་སེམས་སོ་སོར་ཕྲོལ་ཅིག དམ་ཉམས་པའི་དགྲ་བོ་འདི་རྣམས་ཀྱི་གཟུགས་ཀྱི་ཕུང་པོ་ཁང་རུལ་ལ་སྒྱོགས་རྡོ་ཕོག་པ་བཞིན་དུ་ཐོང་ཞིག ཚོར་བའི་ཕུང་པོ་ཤིང་ཏ་ལེའི་རྩེ་མོ་བྲེགས་པ་བཞིན་དུ༴ འདུ་ཤེས་ཀྱི་ཕུང་པོ་ཙི་ཙི་ཛྭ་ལས་གདུང་བའི་ནད་ས་བཞིན་དུ༴ འདུ་བྱེད་ཀྱི་ཕུང་པོ་སྣུམ་ཟད་ཀྱི་མར་མེ་ཤི་པ་བཞིན་དུ༴ རྣམ་ཤེས་ཀྱི་ཕུང་པོ་བྱ་སྒོང་བྲག་ལ་བརྡབ་པ་བཞིན་དུ༴ ཚེའི་ངོ་བོ་དྭངས་མ་ལྔ་འདུས་ཀྱི་ཐིག་ལེ་ལྟག་ཆུ་ཆད་པའི་གོ་མོག་སྐམ་ས་བཞིན་དུ༴ སྲོག་གི་རྟེན་ཡུལ་རྩ་རླུང་ཐིག་ལེའི་དྲྭ་བ་པི་ཝཾ་གི་རྒྱུན་ཐག་བཅད་པ་བཞིན་དུ༴ བླའི་ངོ་བོ་ཡུལ་སེམས་ཟུང་འབྲེལ་གྱི་མངོན་རྟོགས་ཆུ་ཟོམ་ཆག་པའི་ཟླ་གཟུགས་ཡལ་བ་བཞིན་དུ༴ ཁྱིམ་གྱི་མི་ལ་བབས་ན་ལྗོན་ཤིང་རྩད་ནས་བཅད་པ་བཞིན་དུ༴ སྒོའི་ནོར་ལ་བབས་ན་ལོ་ཐོག་སེར་བས་བརྡུངས་པ་བཞིན་དུ༴ སྦྲ་ཁང་ལ་བབས་ན་རྩྭ་ཕུང་མེས་བསྲེགས་པ་བཞིན་དུ༴ ལོངས་སྤྱོད་སྟོབས་འབྱོར་ལ་བབས་ན་ཉི་མས་བ་མོ་བསྐམས་པ་བཞིན་དུ༴ འདུན་གྲོས་ཤོམས་ར་ལ་བབས་ན་ཤོག་སྐྱ་རླུང་གིས་གཏོར་བ་བཞིན་ཏུ༴ བཀྲག་མདངས་གཟི་བརྗིད་ལ་བབས་ན་འཇའ་མཚོན་རི་མོ་ཡལ་བ་བཞིན་དུ༴ དཔལ་རྩལ་རྟུལ་ཕོད་ལ་བབ་ན་བྱ་རྒོད་འདབ་གཤོག་བྲེགས་པ་བཞིན་དུ༴ བློ་དཀྱིལ་སྒྱུ་ཐབས་ལ་བབས་ཀ༵། ཧོ་དགོངས་སུ་གསོལ་ལོ། །ལྷུན་གྲུབ་ཆོས་དབྱིངས་ན་བཞུགས་པའི་བླ་མ་ཡི་དམ་སངས་རྒྱས་བྱང་སེམས་དཔའ་འོ་མཁའ་འགྲོ་ཆོས་སྐྱོང་བསྲུང་མ་མགོན་པོ་ཕོ་རྒྱུད་ལྷ་མོ་མོ་རྒྱུད་དམ་ཅན་སྲུང་མ་ཁྱད་པར་དུ་ཡང་གཟའ་ཆོག་ཆེན་པོ་རཱ་ཧཱུ་ལ་ལ་སོགས་པའི་ནམ་མཁའ་གང་བའི་སྲུང་མ། ཀླུ་བདུད་མགོ་དགུ་ལ་སོགས་པའི་ས་གཞི་གང་བའི་སྲུང་མ། དྲེགས་པ་སྡེ་བརྒྱད་ལ་སོགས་པའི་ས་བླར་གནས་པའི་སྲུང་མ། མགོན་པོ་མ་ནིང་ནག་པོ། གནོད་སྦྱིན་ཤན་པ་དམར་ནག གསང་བའི་བཀའ་སྲུང་རྡོ་རྗེ་ལེགས་པ། ཡང་གསང་བཀའ་སྲུང་ཀླུ་བདུད་ནག་པོ། གཏེར་སྲུང་སྤུ་གྲི་མཆེད་གསུམ། གཏེར་བདག་དགེ་གཉེན་བསྙོ་ཁ་སོགས་རྫོགས་པ་ཆེན་པོའི་སྲུང་མ། བམ་རི་ཁྲག་མཚོ་ཁོལ་མའི་ཀློང་དཀྱིལ་ནས ཤན་པ་སྲོག་སྒྲུབ་ནག་མོ། ལྷ་བཙན་ཡིད་བཞིན་ནོར་བུ་དཀོར་བདག་རྒྱལ་པོ་བེ་དཀར་འཁོར་བཅས་པ་ཁྱེད་རྣམས་ཀྱིས་ལེགས་ཉེས་ཀྱི་སྟངས་འཛིན་ཅིང་། དམ་ཚིག་གི་རྗེས་གཅོད་པ། དམ་ཉམས་དགྲ་བོའི་གཤེད་མ་མཛད་པ་ཁྱེད་རྣམས་ཀྱིས་གཟུ་དང་དཔང་པོ་མཛོད་ཅིག དམ་ལྡན་རྣལ་འབྱོར་བ་བདག་གིས་བྱང་ཆུབ་མ ཆོག་ཏུ་སེམས་བསྐྱེད། དུས་གསུམ་རྒྱལ་བའི་གདུང་འཚོབ། བདག་གཞན་དོན་གཉིས་སྒྲུབ་པ་འདི་ལ་གཞན་ཕ་རོལ་བའི་དགྲ་བགེགས་ལོག་པར་འདྲེན་པ་རྣམས་དང་། སྤྱིར་སངས་རྒྱས་ཀྱི་བསྟན་པ་ལ་གནོད་པ། བླ་མའི་སྐ་ལ་བསྡོ་བ། དགོན་གནས་དབེན་གནས་བཤིག་པ། ཆོས་འདོད་རྣམས་ལ་ཕྲག་དོག་བྱེད་པ། བཀའ་དང་དམ་ལས་འགལ་བ། ཆོས་ཁྲིམས་བཀའ་རྒྱ་ལ་འགལ་བ། རི་རྒྱ་རྔོན་རྒྱ་བཤིག་པ། བསམ་པ་ངན་ཞིང་སྦྱོར་བ་རྩུབ་པ། མཐུ་བུ་ལོན་བཞིན་དུ་བསྙེགས་མི་རྣམས་ལ་བཀའི་ཆད་པ་དྲག་པོ་ད་ལྟ་ཉིད་དུ་ཆོད་ཅིག དམ་ཉམས་པའི་དགྲ་བོའི་མི་ནོར་འཁོར་དང་བཅས་པ། ཕུང་ཁྲོལ་བརླག་ཏུ་ཆུག་ཅིག མེ་འབར་བ་ལ་ཆུ་བརྒྱབ་པ་བཞིན་དུ་ཐོངས་ཤིག །ཐལ་བ་རླུང་གིས་གཏོར་བ་བཞིན་དུ༴ བྲག་རི་ཐོག་གིས་བཤིག་པ་བཞིན་དུ་ཐོང་༴ རྩི་འབྲས་སེར་བས་བརྡུང་བ་བཞིན་དུ་ཐོང་༴ མཛའ་བའི་གཉེན་འཁོར་ཕོབ་ཅིག གསོ་བའི་ཕུང་པོ་ཤིགས་ཤིག གཅེས་པའི་སྲོག་རྩ་ཆོད་ཅིག ཁ་རྗེ་དབང་ཐང་སྤྲུགས་ཤིག །དམ་ཉམས་པའི་མི་ནོར་འཁོར་དང་བཅས་པ་གར་སོང་རྗེས་མེད་དུ་ཐོངས་ལ་རྣམ་པར་ཤེས་ས་སྐྱེ་མེད་ཆོས་ཀྱི་དབྱིངས་སུ་དྲོངས་ཤིག ཅེས་དམོད་བཅོལ་བསད་བཟློག་པའི་སྔགས་དང་བཅས་པས་བརྗོད་ཅིང་ཐལ་མོ་དང་དུལ་མོ་བརྡབ་སོ། ཅེས་པ་འདི་རྫོགས་ཆེན་པདྨ་རིག་འཛིན་གྱིས་སྦྱར་བའོ། ཁ། ན་དབྱར་ཁའི་ཆབ་རོམ་ཟད་པ་བཞིན་དུ༴ དམ་ཉམས་པའི་དགྲ་བོ་འདིས་ཕོ་རྒྱུད་རྩད་ནས་ཐོན་ཞིག །མོ་རྒྱུད་མངའ་ནས་སྐོམ་ཞིག །ཆུ་རྒྱུད་རུམ་ནས་སོད་ཅིག །མི་དཔའ་རྟ་མགྱོགས་སྒྲོལ་ཞིག །གོ་ཁྲབ་མཚོན་གསུམ་ཕྲོལ་ཞིག མཐུན་པའི་གཉེན་གྲོགས་སྡང་བའི་དགྲར་སྒྱུར་ཞིག །བྱམས་བརྩེའི་མཛའ་གྲོགས་སྲོག་གཅོད་ཀྱི་གཤེད་མར་ཕོབ་ཅིག །འགོ་བའི་ལྷ་གནོད་པའི་བདུད་དུ་སྒྱུར་ཞིག །འཚོ་བའི་སྨན་རེག་ཕུང་གི་དུག་དུ་སྒྱུར་ཞིག །བསྲུང་བྱེད་ཀྱི་རིམ་གྲོ་ཚེ་སྲོག་གི་སྤུ་གྲིར་སྒྱུར་ཞིག །མདོར་ན་སྡུག་བསྔལ་བདེན་པའི་ཕུང་ཁམས་སྐྱེ་མཆེད་སོགས་འཁོར་བའི་མངོན་རྟོགས་གི་ཆོས་སོ་ཅོག་དང་བཅས་པ་ཐམས་ཅད་ཆོས་ཉིད་སྟོང་པ་ཆེན་པོའི་དབྱིངས་སུ་སྟོང་པར་གྱུར་ཅིག ཟད་པར་གྱུར་ཅིག མེད་པར་གྱུར་ཅིག ཕྱིར་མི་ལྡོག་པའི་སྤྲོས་བྲལ་དེ་བཞིན་ཉིད་ཀྱི་དབྱིངས་སུ་མངོན་པར་བྱང་ཆུབ་པར་གྱུར་ཅིག ཅེས་བརྗོད་ཅིང་གཏོར་ཆེན་བརྡེགས་པའམ། ཡང་ན་དེ་ཕྱོགས་སུ་འབུལ་ཚུལ་སོགས་དོ་གལ་ཆེ་ཆུང་ལྟར་བྱས་མཐར། གཏོར་གཞོང་རྣམས་བཤལ་ཆུར་བསྟན་པའི་གཏོར་མ་བཤམས་ཏེ་སོ་སོར་གང་ལ་གང་འདོད་ཀྱི་ལོངས་སྤྱོད་དུ་བྱིན་གྱིས་བརླབས་ནས་ཡི་དམ་གཞུང་བཞིན་བརྟན་མ་བརྐྱང་ལ། དགྲ་མནན་དང་འབྲེལ་ན་མནན་པའི་ལས་སྦྱོར་རྡོ་རྗེའི་ལྷུན་པོ་ལྟར་དཔྱིས་ཕྱིན་པར་གྲུབ་མཐར་ཡར་ལོག་སྐབས་སྒབ་འདྲེ་ཕྱིར་འབྲང་མི་འོང་བའི་རྟེན་འབྲེལ་དུ་ཐོ་བརྩིགས་ཤིང་། ཁྲོམཿ བྲིས་པས་བརྒྱན་ཏེ་ཁྱུང་སྔགས་བརྗོད་པས་བྱིན་གྱིས་བརླབས་ནས། ཡེ་ཤེས་ཀྱི་བྱ་ཁྱུང་འཇིགས་སུ་རུང་བས་ཕྱི་ལམ་བཅད་པར་དམིགས་ནས། རྡོ་རྗེ་སློབ་དཔོན་གྱི་ཏིང་འཛིན་གྱིས་མནན་ཞིང་འོངས་ཤིང་སྒོ་རྩར་སླེབ་པ་དང་། སླར་ཡང་ས་ལ་བྲུབ་བྲིས་པར་དམ་སྲི་རྗེས་འབྲང་རྣམས་མནན་པའི་དམིགས་འདུན་གྱིས་གཞུང་བཞིན་བྲོ་མནན་རྒྱས་པར་བྱས་ནས། རྒྱལ་དབྱངས་གྱེར་བ་ནི། ཀྱཻ། བཅོམ་ལྡན་ཐུབ་པ་ཆེན་པོ་ཡིས། བདུད་ཀྱི་སྡེ་ཚོགས་ཕམ་བྱས་པའི། རྨད་བྱུང་དགེ་ཚོགསརྟེན་འབྲེལ་བཞིན། བདག་ཅག་འཁོར་བཅས་དེ་རིང་རྒྱལ། དེ་བཞིན་པདྨ་ཐོད་ཕྲེང་གིས། འཕགས་ཡུལ་དང་ནི་བྷོ་ཌར་སོགས། ཡུལ་གྲུ་ཀུན་གྱི་ལྷ་མ་སྲིན། བཏུལ་བཞིན་བདག་གིས་དགྲ་བགེགས་ཐུལ། ལྷ་ཡི་དབང་། བཏུང་བ་གཡོན་དུ་བཤམས་ཤིང་། རཾ་ཡཾ་ཁཾ། གིས་མི་གཙང་བའི་དྲི་མ་སྦྱངས། ༀ་ཨཱཿ་ཧཱུཾ། གིས་སྦྱངས་སྤེལ་བསྒྱུར་ཞིང་། སྤོས་སོགས་དྲི་ཞིམ་པོས་ངད་འཐུལ་བར་བྱས་ནས་རོལ་མོའི་སྒྲས་བྱིན་དབབ་སྟེ། དང་པོ་མངའ་གསོལ་གྱི་ཞིང་མགོན་པོའི་ལྷ་ཚོགས་སྤྱན་དྲང་པ་ནི། བདག་མདུན་གཉིས་ཀའི་ཐུགས་ཀ་ནས་འོད་ཟེར་འཕྲོས་པས་འོག་མིན་རྣམ་སྣང་གངས་ཆེན་གྱི་ཐུགས་ཀ་ནས་མགོན་པོ་དང་ལྷ་མོ། རང་བཞིན་ཕྱོགས་བཅུའི་ཞིང་ཁམས་ནས་སྐ་གསུང་ཐུགས་ུཕྱོགས་བཅུའི་མགོན་པོ་ལས་བྱེད་ཆོས་སྐྱོང་ཕོ་རྒྱུད་མོ་རྒྱུད་དགྲ་ལྷ། ལྷ་དམག་བྱེ་བའི་ཚོགས་ཀྱིས་བསྐོར་བ་སྤྱན་དྲངས། མ་ཧཱ་ཀཱ་ལ་ས་པཱ་རི་ཝཱ་ར་བཛྲ་ས་མཱ་ཛ༔ རྔམས་པའི་དབྱངས་དང་བཅས་པས་འདི་སྐད་དོ། ཧཱུཾ་འོག་མིན་རྣམ་སྣང་གངས་ཆེན་ཐུགས་ཀ་ནས། །མྱུར་མཛད་སྤྱན་རས་གཟིགས་ཀྱི་དངོས་སྤྲུལ་པ། ཚོགས་བདག་མ་ཧཱ་ཀ་ལ་མཐུ་བོ་ཆེ། བསྟན་པ་བསྲུང་ཕྱིར་གནས་འདིར་གཤེགས་སུ་གསོལ། རང་བཞིན་རྣམ་དག་དབྱིངས་ཀྱི་ཕོ་བྲང་ནས། ཡུམ་ཆེན་བཻ་ཏ་ནག་མོ་གཤེགས་སུ་གསོལ། མི་འགྱུར་ལྷུན་གྲུབ་སྐ་གསུམ་གནས་མ ཆོག་ནས། སྐ་གསུང་ཐུགས་ཀྱི་མགོན་པོ་གཤེགས་སུ་གསོལ། འོག་མིན་ཆོས་སྐྱོང་ཕྱོགས་བཅུ་རབ་འབྱམས་ནས། ཕྱོགས་བཅུའི་མགོན་པོ་འཁོར་བཅས་གཤེགས༴ རང་བཞིན་རྣམ་དག་དུར་ཁྲོད་གནས་བརྒྱད་ནས། སྡེ་བརྒྱད་མགོན་པོ་འཁོར་བཅས་གཤེགས་སུ་གསོལ། བསིལ་ཚལ་འཇིགས་རུང་རྒོད་པའི་གནས་མཆོག་ནས། སྤྲུལ་བའི་ཕྲ་མེན་སྤྱན་འདྲེན་གཤེགས༴ གར་བྱེད་སོ་ས་གླིང་གི་གནས་མཆོག་ནས། ཀཾ་ཀ་ཏ་རི་མིང་སྲིང་གཤེགས༴ པོ་ཊ་ལ་ཡི་གནས་ཀྱི་བྱང་ཕྱོགས་ནས། ལྕམ་སྲིང་མ་བཞི་སྤྱན་འདྲེན་གཤེགས་སུ་གསོལ། ཞིང་དང་ཆོས་འཁོར་གཉན་པོའི་ཕོ་བྲང་ནས། དགྲ་ལྷ་ལྷ་དམག་སྤྱན་འདྲེན་གཤེགས༴ བཀའ་དང་དམ་ཚིག་གཉན་པོའི་ཕོ་བྲང་ནས། བཀའ་སྲུང་ཕོ་ཉ་སྤྱན་འདྲེན་གཤེགས་སུ་གསོལ། ཧཱུཾ་འཇིགས་རུང་ཆར་སྤྲིན་རླུང་གིས་བསྐྱོད་པ་བཞིན། དཔལ་ལྡན་མ་ཧཱ་ཀཱ་ལ་གནས་འདིར་བྱོན། དུས་མཐའི་མེ་ལྕེ་བརསྣང་འཕྲོ་བ་བཞིན། དཔལ་ལྡན་ལྷ་མོ་ནག་མོ་གནས་འདིར་བྱོན། ལྷོ་སྤྲིན་ནག་པོ་ངོས་ལ་རྒྱུགས་པ་ལྟར། སྐ་གསུང་ཐུགས་ཀྱི་མགོན་པོ་གནས་འདིར་བྱོན། ལྟོ་འཕྱེ་གཡོས་པའི་ས་ཆེན་ལྡིར་བ་ལྟར། མཐུ་ཆེན་དགྲ་ལྷ་མཆེད་གསུམ་གནས་འདིར་གཤེགས། ཐོག་འབྲུག་གློག་གིས་སེར་ཆེན་བསྐྱོད་པ་བཞིན། ཕྱོགས་བཅུའི་མགོན་པོ་འཁོར་བཅས་གནས་འདིར་བྱོན། འདམ་བུ་ནགས་ཚལ་མེས་འཇིགས་འཁྲུགས་པ་བཞིན། སྡེ་བརྒྱད་མགོན་པོ་འཁོར་བཅས་གནས་འདིར་བྱོན། ཐོག་སྦྲང་སྤེལ་མས་སྟོང་གསུམ་སྡུད་པ་བཞིན། ཡུམ་ཆེན་ལྕམ་སྲིང་འཁོར་བཅས་གནས་འདིར་བྱོན། གློག་དམར་ཕྲེང་བས་སྟོང་གསུམ་བསྐོར་བ་ལྟར། སྤྲུལ་པ་ཕྲ་མེན་བརྒྱད་རྣམས་གནས་འདིར་བྱོན། ཁྱིམ་བགྲོད་མེལ་ཚེ་ཁྱིམ་བདག་འདུག་པ་ལྟར། བཀའ་སྡོད་ཀཾ་ཀ་ཏ་རི་གནས་འདིར་བྱོན། དམར་ནག་འཚུབས་མས་རི་ལུང་བསྐོར་བ་ལྟར། ལྷ་དམག་བྱེ་བ་དུང་ཕྱུར་གནས་འདིར་བྱོན། མུན་པ་སྨག་རུམ་རླུང་ནག་འཁྲུགས་པ་ལྟར། བཀའ་སྡོད་ཕོ་ཉ་ལས་མཁན་གནས་འདིར་བྱོན། ཚོགས་བདག་མ་ཧཱ་ཀཱ་ལ་འཁོར་བཅས་རྣམས། སློབ་དཔོན་རྒྱུད་དང་དགོངས་ནས་གནས་འདིར་བྱོན། ཕ་མྱེས་རྒྱུད་དང་བརྩེ་ནས་གནས་འདིར་བྱོན། རྣལ་འབྱོར་བདག་ལ་གདུང་ནས་གནས་འདིར་བྱོན། ད་ལྟ་གནས་མཆོག་འདི་རུ་གཤེགས་སུ་གསོལ། ཡེ་ཤེས་ཀྱི་མགོན་པོ་འཁོར་དང་བཅས་པ་རྣམས་མདུན་གྱི་ནམ་མཁར་སྤྲིན་ནག་འཚུབས་མའི་དབུས་མེ་རི་དགུ་འཁྲུགས་ཀྱི་ཀློང་དུ་རྔམ་པའི་ཧཱུཾ་སྒྲ་དང་བཅས་ཏེ་བྱོན་པར་བསམ་ལ། ༀ་ཤྲཱྀ་མ་ཧཱ་ཀཱ་ལ་ཀཱ་ལི་དྷེ་ཝི་ཡེ་ཨེ་ཧྱ་ཧི་ཛཿཧཱུཾ་བཻ་ཧོཿ གཉིས་པ་མངའ་གསོལ་དངོས་ནི། ཧཱུཾ་དཔལ་ལྡན་མགོན་པོ་ནག་པོ་ལ། སངས་རྒྱས་རྣམས་ཀྱིས་མངའ་གསོལ་ཕྱིར། སྐ་མདོག་མཐིང་ནག་འཇིགས་པའི་གཟུགས། དེ་བཞིན་བདག་གིས་མངའ་གསོལ་ལོ། དཔལ་ལྡན་མགོན་པོ་ནག་པོ་ལ། རིགས་གསུམ་མགོན་པོས་མངལ་གསོལ་ཕྱིར། ཁྲོ་གཉེར་སྤྱན་གསུམ་གློག་ལྟར་འགྱུར། དེ་བཞིན་བདག་གིས་མངའ་གསོལ་ལོ། དཔལ་ལྡན་མགོན་པོ་ནག་པོ་ལ། ཆོས་སྐྱོང་རྣམས་ཀྱིས་མངལ་གསོལ་ཕྱིར། དབུ་སྐྲ་དམར་པོ་གྱེན་དུ་བརྫེས། དེ་བཞིན་བདག་གིས༴ དཔལ་ལྡན་མགོན་པོ༴ རིགས་ལྔའི་སངས་རྒྱས་མངའ་གསོལ་ཕྱིར། དབུ་ལ་ཐོད་སྐམ་ལྔ་ཡིས་བརྒྱན། དེ་བཞིན་བདག་གིས༴ དཔལ་ལྡན་མགོན་པོ༴ གཤིན་རྗེ་རྣམས་ཀྱིས་མངལ་གསོལ་ཕྱིར། ཞལ་གདངས་ལྗགས་འདྲིལ་མཆེ་བ་གཙིགས༴ དེ་བཞིན་བདག་གིས༴ དཔལ་ལྡན་མགོན་པོ༴ རྒྱུ་སྐར་རྣམས་ཀྱིས་མངའ་གསོལ་ཕྱིར། སྨིན་མ་སྨ་ར་མེ་ལྟར་འབར། དེ་བཞིན་བདག་གིས༴ དཔལ་ལྡན་མགོན་པོ༴ བདུད་ཀྱི་རྒྱལ་པོས་མངལ་གསོལ་ཕྱིར། དར་ནག་འཇོལ་བེར་སྐ་ལ་གསོལ། དེ་བཞིན་བདག་གིས༴ དཔལ་ལྡན་མགོན་པོ༴ ལྷ་སྲིན་སྡེ་བརྒྱད་མངའ་གསོལ་ཕྱིར། དཔའ་བོ་སྟག་གི་ཤམ་ཐབས་ཅན། དེ་བཞིན་བདག་གིས༴ དཔལ་ལྡན་མགོན་པོ༴ གཟའ་ཆེན་རྣམས་ཀྱིས་མངའ་གསོལ་ཕྱིར། ཤངས་ནས་གདུག་པའི་རླུང་ནག་འཚུབས། དེ་བཞིན་བདག་གིས༴ དཔལ་ལྡན་མགོན་པོ༴ དཔའ་འོ་རྣམས་ཀྱིས་མངལ་གསོལ་ཕྱིར༴ གྲུ་གུག་འབར་བ་གཡས་ན་འཕྱར། དེ་བཞིན་བདག་གིས༴ དཔལ་ལྡན་མགོན་པོ་ནག་པོ༴ མ་མོ་རྣམས་ཀྱིས་མངའ༴ ཐོད་ཁྲག་འབར་བ་ཐུགས་ཀར་བསྣམས༴ དེ་བཞིན་བདག་གིས༴ དཔལ་ལྡན་མགོན་པོ༴ གནོད་སྦྱིན་རྣམས་ཀྱིས་མངའ༴ རིན་ཆེན་འབར་བས་སྐ་ལ་བརྒྱན། དེ་བཞིན་བདག་གིས༴ དཔལ་ལྡན་མགོན་པོ༴ ཀླུ་ཆེན་རྣམས་ཀྱིས་མངའ་གསོལ༴ སྦྲུལ་གྱི་ཆུན་པོས་སྐ་ལ་བརྒྱན༴ དེ་བཞིན༴ དཔལ་ལྡན་མགོན་པོ༴ སྲིན་པོ་རྣམས་ཀྱིས་མངའ༴ ཐོད་རློན་ཕྲེང་བའི་དོ་ཤལ་ཅན། དེ་བཞིན་བདག་གིས༴ དཔལ་ལྡན༴ དྲང་སྲོང་རྣམས་ཀྱིས་མངའ་གསོལ༔ ཆ་སྒྲ་དྲག་པོ་གསུམ་དང་ལྡན། དེ་བཞིན༴ དཔལ་ལྡན༴ སྲིད་པ་གསུམ་གྱིས་མངའ༴ སྐ་ཡི་ལྟེ་བ་ཟུར་གསུམ་ཟབ། དེ་བཞིན་བདག་གིས༴ དཔལ་ལྡན་མགོན་པོ༴ མེ་ལྷ་རྣམས་ཀྱིས༴ མེ་དཔུང་འབར་བའི་ཀློང་ན་བཞུགས། དེ་བཞིན༴ དཔལ་ལྡན་མགོན་པོ༴ ས་བདག་རྣམས་ཀྱིས་མངའ༴ བམ་ཆེན་གདན་ལ་བརྐྱངས་བསྐམ་བཞུགས༴ དེ་བཞིན་བདག་གིས༴ དཔལ་ལྡན་མགོན་པོ༴ ལྷ་ཆེན་རྣམས་ཀྱིས་མངའ་གསོལ༴ བསོ་སྒྲ་དྲག་པོ་གསུམ་དང་ལྡན༴ དེ་བཞིན༴ དཔལ་ལྡན་མགོན་པོ༴ ལྷ་མིན་རྣམས་ཀྱིས་མངའ༴ ཆ་སྒྲ་དྲག་པོ་གསུམ་དང་ལྡན༴ དེ་བཞིན་བདག་གིས༴ དཔལ་ལྡན་མགོན་པོ༴ མི་རྣམས་ཀུན་གྱི་མངའ༴ རིན་ཆེན་སྣ་ལྔས་སྐ་ལ་བརྒྱན། དེ་བཞིན་བདག་གིས༴ དཔལ་ལྡན་མགོན་པོ༴ བྱོལ་སོང་རྣམས་ཀྱིས་མངའ༴ ཤེས་རབ་ཡེ་ཤེས་སྒྲོན་མེ་བསྣམས། དེ་བཞིན་བདག་གིས༴ དཔལ་ལྡན་མགོན་པོ༴ ཡི་དྭགས་རྣམས་ཀྱིས་མངའ་གསོལ་ཕྱིར། རིན་ཆེན་འབར་བའི་གཙུགས་ཕུད་ཅན། དེ་བཞིན་བདག་གིས༴ དཔལ་ལྡན་མགོན་པོ༴ དམྱལ་བ་རྣམས་ཀྱིས་མངའ༴ སྤྱན་རས་བསྐལ་བའི་མེ་ཆེན་འབར། དེ་བཞིན་བདག་གིས༴ དཔལ་ལྡན་མགོན་པོ༴ བ་ཡ་བེ་ཡིས་མངལ་གསོལ༴ ཤངས་ནས་བསྐལ་པའི་རླུང་ཆེན་འཚུབས། དེ་བཞིན་བདག་གིས༴ དཔལ་ལྡན་མགོན་པོ༴ ཆུ་ལྷ་རྣམས་ཀྱིས་མངའ་གསོལ༴ ཞལ་ནས་བསྐལ་པའི་ཆུ་ཆེན་འཁྱིལ༴ དེ་བཞིན་བདག་གིས་མངའ་གསོལ་ལོ ། ཐུགས་དམ་རྒྱུད་བསྐལ་བཅོལ་པའི་ཕྲིན་ལས་འགྲུབ་པར་མཛོད། ཅེས་མངའ་གསོལ་གྱི་ཆི་བ་བསྐྱེད་མཐར། ཆོས་སྐྱོང་སྲུང་མ་དབུ་འཕང་བསྟོད་ཅིང་འདོད་གསོལ་འཕྲིན་བཅོལ་བྱ་བ་ནི། དཀྱིལ་འཁོར་གྱི་ལྷར་མེ་ཏོག་གཏོར་ཞིང་འདི་སྐད་བརྗོད་པར་བྱའོ། ཧཱུཾ་ཐབས་མཆོག་བདེ་ཆེན་དཔལ་ཡོན་ཚོགས་ཀྱི་བདག །རྣམ་ཀུན་མཆོག་ལྡན་ཡཀྴ་བཻ་ཏ་ལི། སྐ་གསུང་ཐུགས་མགོན་ཕྱོགས་བཅུའི་སྡེ་བརྒྱད་སོགས། ཆོས་ཀྱི་དབྱིངས་སུ་དབུ་འཕང་བསྟོད་པར་བགྱི། རྣམ་པ་ཀུན་གྱི་མཆོག་ལྡན་སྟོང་པའི་གཟུགས། ཀུན་ཁྱབ་བདེ་ཆེན་ངང་དུ་རོ་གཅིག་ཀྱང་། མ་རིག་འཛིན་པའི་ལས་རླུང་གིས་སྤྲུལ་པའི། གཡར་དམ་གཉན་པོ་ཆོས་ཀྱི་དབྱིངས་སུ་བསྲེ། འདས་པའི་རྣམ་པར་རྟོག་པ་ཡོད་དོ་ཅོག སྔར་བཅོལ་ལེགས་པའི་གཏང་རག་གཉན་པོ་སྤེལ། མ་འོངས་རྣམ་པར་རྟོག་པ་གནས་བསྒྱུར་ནས། ད་བཅོལ་ལེགས་པའི་ཞུ་བ་གཅིག་ཏུ་འབུལ། ཆད་པའི་གཞུང་ཅིག་བདག་གིས་མི་བསྲང་རྒྱུ། ཆད་ལས་དོན་འབྱུང་དོན་ལས་མ་གཡེལ་ཅིག བཅོལ་པའི་ཕྲིན་ལས་ཁྱོད་ཀྱི་མི་མཛད་རྒྱུ། ཕྲིན་ལས་དོན་དུ་གཟུགས་སྐར་བཞེངས་ལ་དགོངས། དབུ་འཕང་གཉན་པོ་དེ་རིང་མི་བསྟོད་རྒྱུ། ཕྱོགས་ལས་རྣམ་རྒྱལ་བརྟུལ་ཞུགས་འཛིན་པའི་ཕྱིར། ལྷུན་པོའི་སྤོ་དང་ཉི་ཟླའི་བཀྲག་མདངས་ཀྱང་། རྔམས་བརྗིད་ཡོན་ཏན་འབར་བའི་དཔྱིད་དུ་སྤྲུངས། སྙིགས་མ་ལྔ་ཡི་ཡང་མཐར་ལྷུང་བ་རྣམས། ནད་མཚོན་དམག་འཁྲུགས་མུ་གེས་མནར་བའི་ཚེ། སྐྱབས་འོས་དཀོན་མཆོག་རིན་ཆེན་རྣམས་པ་གསུམ། དམ་ཅན་ཆོས་སྐྱོང་རྒྱ་མཚོར་བཞེངས་ལ་འབོད། ཞི་བ་ཕྱོགས་གཅིག་མྱ་ངན་མི་འདས་བ། སློབ་པ་ལམ་གྱི་དམ་བཅའི་མཐར་ཐུག་ཕྱིར། སྟོང་ཉིད་དབྱིངས་ལས་སྙིང་རྗེའི་སྒྱུ་ཐབས་གར། རྣམ་བཞིའི་ཕྲིན་ལས་རོལ་མོར་མངའ་གསོལ་ལོ། རྟ་གདོང་མེ་ལྕེ་འབར་བའི་མུ་ཁྱུད་ནང་། ལས་དབང་བསོད་ནམས་རླུང་རྟ་དར་དྲགས་པའི། དཔུང་ཚོགས་གཡན་ལག་བཞི་པའི་རྩིབས་རྣོན་གྱིས། གཞན་སྡེའི་བསྟན་པ་འཕྲོག་པར་མངའ་གསོལ་ལོ། །གཞན་དབང་ཉིད་དུ་ཡོང་ཡེར་མ་བཟུང་ཡང་། གང་ལ་གསོལ་བ་བཏབ་ན་ཡིད་བཞིན་དོན། འབད་མེད་གྲུབ་པའི་ནོར་བུར་མངའ་གསོལ་ལོ། རང་སྡེ་བསྲུང་ལ་ཤིན་ཏུ་མཛངས་བཞིན་དུ། གཞན་སྡེ་དབང་བྱེད་སྒྱུ་རྩལ་ལ་གོམས་པས། ཐབས་ལ་མཁས་པའི་ཤེས་རབ་མིག་ཡངས་མས། ཁམས་གསུམ་དབང་བྱེད་བཙུན་མོར་མངའ་གསོལ་ལོ། འདུ་འཇིའི་གནས་ཀྱང་བསྡུ་བའི་དངོས་སོ་དང་། ཚངས་གནས་བཞི་ཡི་དོན་ལ་སྦྱོར་བྱེད་ཅིང་། འབྱོར་ཞིང རྒྱས་ལ་སྲིད་སྡེ་བསྲུང་མཁས་པའི། ཁྱིམ་བདག་རིན་ཆེན་མཆོག་ཏུ་མངའ༴ རྟག་ཆད་དོན་ལ་སེམས་པའི་མུ་སྟེགས་དང་། འཚེ་བ་ཆོས་སུ་སྨྲ་བའི་ཀླ་ཀློའི་དཔུང་། ཐེག་ཆེན་ལུས་སྟོབས་རྒྱས་པའི་སྣ་ཞགས་གི། རལ་གྲིད་གཅོད་པའི་གླང་པོར་མངའ༴ བསྐལ་སར་ཡུད་ཀྱིས་ཕྱིན་པས་མགྱོགས་པའི་བང་། རྦད་སར་ཐོགས་རྡུགས་མེད་པའི་རླུང་གི་ཤུགས། ཕ་རོལ་རི་རབ་ཡིན་ཀྱང་རྫུ་འཕྲུལ་གྱིས། བརླག་བྱེད་རྟ་མཆོག་ཆེན་པོར་མངའ༴ ལེགས་ཉེས་སྟངས་འཛིན་བདག་གོ་ཁྱེད་རྣམས་ནི། རྫུ་འཕྲུལ་རྐང་བ་བཞི་ལ་མཆོག་ཐོབ་ཅིང་། སྟོབས་བཅུ་མི་འཇིགས་རྣམ་བཞིའི་རྩལ་རྫོགས་པའི། དགྲ་འཇོམས་དམག་དཔོན་ཆེན་པོར་མངའ༴ ཁྱད་པར་རང་སྲིད་འབྱོར་བས་མི་ངོམས་པར། གཞན་སྡེ་བཟའ་བའི་ལྷ་མིན་འཇུག་པ་ཅན། བྱེད་པ་རྒྱུ་མཐུན་མཚོན་ཅའི་རྣོ་དབལ་རྩེར། རང་སྲོག་རང་གིས་འཕྲོག་པར་མངའ༴ གང་ལ་བསྲུང་སྐྱོབས་བྱེད་པའི་ལྷ་སྲུང་དང་། མཛའ་གཙུགས་དམ་བཅའི་རི་མོ་ཉེར་སུབས་ལ། བསྟན་འགྲོའི་ཕན་བདེ་བཤིག་པའི་འདུན་གྲོས་དཔུང་། ནང་དབྱེན་དམེ་འཁྲུགས་སྦྱོར་བས་བཀོང་ཞིག །རིགས་གསུམ་མགོན་པོ་མེས་དབོན་རྣམ་གསུམ་གྱིས། རྒྱལ་བསྟན་གངས་རིར་དྲངས་པ་ཆུད་གསན་ནས། དགེ་བཅུའི་ཁྲིམས་ཀྱི་མུ་ཁྱུད་བཤིག་པ་རྣམས། དོན་སྙིང་ལྐོག་མར་འབྱིན་པར་མངའ་གསོལ་ལོ། འཇིག་རྟེན་ལས་ཀྱིས་སྤྲུལ་པའི་གཞན་དབང་ལ། ཕྱྭ་དང་དབང་ཕྱུག་རང་དབང་ཡིན་ཟེར་ན། བདེན་པ་གཉིས་དང་དེ་ཡི་བསྟན་སྲུང་ལ། བསྟེན་གོམས་བྱས་པའི་འབྲས་བུ་གཡེལ་ལམ་ཅི། ཆོས་ཀྱི་སྐ་ནི་དུས་གསུམ་སྐྱེ་འགགས་མེད། ལོངས་སྤྱོད་རྫོགས་ལས་རྣམས་སྤྲུལ་ཆོས་སྐྱོང་རྣམས། དམ་ཅན་ཉིད་ཕྱིར་དམ་ཚིག་དང་བཞེས་ལ། ལྔ་བདོའི་འགྲོ་འདི་བསྲུང་སྐྱོབས་དུས་ལ་བབ། མིག་འཕྲུལ་ལས་ཀྱང་མྱུར་བའི་འཇིག་རྟེན་གྱི། རྒུད་པ་སྣ་ཚོགས་དམ་ཅན་ཆོས་སྲུང་མཐུས། བསྲུང་ཞིང་ཁྱད་པར་བདག་ཅག་ཡོན་མཆོད་ལ། ལུས་དང་གྲིབ་བཞིན་འགྲོགས་ནས་གྲོགས་དན་མཛོད། གཞི་རུ་འདུག་ན་རྫོགས་ལྡན་དགའ་སྟོན་སྤེལ། བྱེས་སུ་གཅན་འཕྲང་ཆོམ་རྐུན་ཁ་ཆར་སྲུངས། དགྲ་དང་འགྱེད་ན་དཔའ་རྡགས་རུ་མཚོན་ཕྱོར། ཕྱོགས་ལས་རྣམ་རྒྱལ་བཀྲ་ཤིས་བདེ་ལེགས་མཛོད། ཞེས་པས་གཏོར་ཕུད་སྐྱེམས་ཕུད་ཅུང་་ཟད་སྟེང་ཆར་བྲན་ཞིང་། ལྷག་མ་སྦྲའམ་ཁང་པའི་ཡང་ཐོག་ཏུ་མཆོད་པར་བྱའོ། གསུམ་པ་ཚོགས་ལྷག་བཏང་བ་ནི། དཀྱིལ་འཁོར་གྱི་མདུན་དུ་སྟེགས་ཀྱི་ཁར་གཅན་གཟན་པགས་པ་ལ་སོགས་པའི་སྟེང་དུ། དང་པོ་ལྷ་ལ་མཆོད་པའི་ལྷག་མ་གཡས་ཕྱོགས་དང་། རྡོ་རྗེ་སློབ་དཔོན་ནས་བཟུང་འཁོར་རྣམས་ལ་དྲངས་པའི་ལྷག་མ་གཡོན་ངོས་སུ་བཞག དེ་གཉིས་ཀྱི་བར་དུ་ཡོལ་གོར་ཛས་དུམ་ཅུང་ཟད་དམ། ཡང་ན་དཔལ་ཆེན་གཏོར་མ་ནས་སྐྱུ་གུ་ཞིག་བླངས་ལ་བཞག་ཅིང་། ཚོགས་ལྷག་བྱིན་བརླབས་དང་བསྔོ་ཚིག་གཞུང་བྱིན་བཏང་ནས་གཙང་སྨེ་བསྲེ་སྐབས་སྔ་མའི་ཡོལ་གོང་མཉམ་དུ་བསྲེ་བ་ལག་ལེན་ཡིན་ནོ། ལྷག་མ་ལ་ཁ་ཕྲུ་འདེབས་པ་ཡང་རྡོ་རྗེ་སློབ་དཔོན་ལྟ་དགོངས་དང་ལྡན་པའི་སྤྱོད་ཡུལ་ཡིན་གྱི། ཐོ་ཅོའི་རྩིངས་སྤྱོད་ཅན་རྣམས་ཀྱིས་དེ་ལྟར་བྱས་ན་སྐྱོན་ཆེན་པོའི་རྒྱུ་རུ་འགྱུར་བར་བཤད་པས་དཔའ་ཐལ་དུ་མ་སོང་བ་ཞིག་གལ་ཆེའོ། འདིར་སྨྲས་པ། དེ་ལྟར་དཔལ་གགོན་ཚོགས་ཀྱི་བདག་པོ་ཡི། སྟོད་ཆའི་འ དོན་འགྲིགས་དངོས་གྲུབ་རྒྱ་མཚོའི་གཏེར། སྐལ་བཟང་རྗེས་འཇུག་རེ་སྐོངས་དབང་གི་རྒྱལ། རྣམ་གསུམ་དད་པས་ལོངས་དང་དགོས་དགུ་འབྱུང་། བན་མིན་བོན་མིན་གླེགས་བམ་ཆེན་པོ་ཞིག །ཀློག་ཅིང་འབོད་རྦད་གསད་གསུམ་མ་ངེས་པའི། འདོན་རྩར་སྤྲུགས་ཀྱང་ཅིར་འགྱུར་འཕྱང་མོ་ཉུག དེ་ཕྱིར་རྣམ་དག་ལམ་འདིར་ཞུགས་དང་ཀྱཻ། ཁོ་བོས་མཁས་གྲུབ་བླ་མ་མང་བསྙེན་ཞིང་། སྨིན་གྲོལ་གདམས་པས་སྒོ་གསུམ་ལས་རུང་བྱས། ཟབ་དང་རྒྱ་ཆེའི་ཆོས་རྣམས་ཉན་བསམ་མཐུས། འདི་འདྲའི་ཕྱག་ལིན་འདྲི་བའི་སྤོབས་པ་ཐོབ། དེ་ཕྱིར་འདི་ལ་མཁས་དང་གྲགས་འདོད་ཀྱིས། བློ་ངན་དྲི་མས་གོས་པར་མ་གྱུར་ཞིང་། བསྟན་དང་འགྲོ་ལ་ཕན་སེམས་ཆེར་བསྐྱེད་གཞུང་། ཡིན་ཕྱིར་ཕན་པའི་འབྲས་བུའང་དེ་རྗེས་འབྲང་། འོན་ཀྱང་སོ་སྐྱོས་དབང་ཕྱུར་ནོངས་པའི་རིགས། རྩ་གསུམ་ལྷ་དང་ཚོགས་ཀྱི་བདག་པོར་འཆགས། རྣམ་དཀར་དགེ་བའི་འབྲས་བཟང་དལ་འགྲོའི་རྒྱུན། ཀུན་མཁྱེན་རྒྱ་མཚོར་རོ་གཅིག་འདྲེས་པར་སྨོན། རྣམ་དག་ལམ་འདིར་དགའ་ཞིང་དད་གུས་བརྟན། ཐོས་བསམ་བོམ་པས་ཉམས་ལེན་བརྩོན་པ་རྣམས། ལྷ་ཆེན་ཚོགས་ཀྱི་བདག་པོས་སྲས་བཞིན་དུ། སྐྱོང་ཞིང་བྱམས་པའི་ཕྲིན་ལས་ཡོངས་འགྲུབ་ཤོག །གང་གི་ལོག་ལྟའི་ཕུག་སྒོ་བྱང་བསྟན་དུ། གནས་བཅས་བླུན་སྐད་ཧུང་སྒྲ་སྒྲོགས་པའི་བྱ། རྣམ་དག་ལམ་བཟང་འོད་སྟོང་མི་བཟོད་ཀྱང་། ཕྱོགས་སྔའི་མུན་པར་ཞུགས་ན་དེས་ཆོག་གོ གཞན་ཡང་བཞུང་འདིར་བཟང་ངན་འབྲེལ་ཐོགས་ཀུན། ཉེས་ཚོགས་ཀུན་ཟད་རྣམ་དཀར་སྟོབས་རྒྱས་ཤིང་། འཕྲལ་ཕུག་དགའ་བདེའི་དཔལ་ཡོན་དང་འགྲོགས་བཞིན། བྱང་ཆུབ་སྙིང་པོར་མངོན་གྱུར་བཀྲ་ཤིས་ཤོག ཞེས་དཔལ་མགོན་ཚོགས་ཀྱི་བདག་པོའི་སྟོད་ལས་ཀྱི་འདོན་འགྲིགས་དངོས་གྲུབ་རྒྱ་མཚོའི་གཏེར་མཛོད་ཅེས་བྱ་བ་འདི་ཉིད་བཻ་རོའི་དངོས་སློབ་ལྡི་རི་ཆོས་ཀྱི་གྲགས་པས་གཞུང་གསང་བ་སྤུ་གྲི་སེར་བཞག་ལ་རིགས་མཐུན་གྱི་གཞུང་རྣམ་དག་ནས་ཁ་བསྐང་དགོས་རིགས་རྣམས་དང་། གསར་རྩོམ་ཅུང་ཟད་ཀྱིས་ཀྱང་བརྒྱན་ཏེ་ཕྱོགས་མེད་རྒྱལ་ཁམས་ཉུལ་བའི་བྱ་བྲལ་བ་ཀུན་བཟང་གཞན་ཕན་ནམ་འཇིགས་མེད་ཕྲིན་ལས་འོད་ཟེར་གྱིས་ཤིང་གླང་ཟླ་བ་གསུམ་པའི་ཚེས་གསུམ་གྱིས་ཉིན་གྲུབ་པར་བགྱིས་པའི་ཡི་གེ་པ་ནི་ཀུན་བཟང་ཕུན་ཚོགས་ཀྱིས་བགྱིས་པའི་དགེ་བས་བསྟན་འགྲོ་ཡོངས་ལ་ཕན་བདེ་རྒྱ་ཆེན་པོ་རྒྱུན་མི་འཆད་པའི་རྒྱུར་གྱུར་ཅིག དགེའོ། དགེའོ། དགེའོ། #div1

༄༅། མགོན་པོའི་ཕྱེ་མར་འབུལ་བ་བཞུགས། ཀྱཻ་ཕྱེ་མར་གཏོར་བ་གང་ནས སྲིད། སྔོན་ལྷ་མི་དམག་ལས་རྒྱལ་བའི་དུས། ལྷ་མིན་དམག་རྣམས་ཕམ་པའི་དུས། ལྷ་དང་མི་རྣམས་ཀུན་འདུས་ནས། མགོན་པོའི་དམག་ལ་གཏང་རག་ཕྱེ་མར་གཏོར། འབྲུ་སྣ་དགུ་ལ་འཐག་པའི་ཕྱེ་མ་ལ། འབྲི་མར་སེར་མོས་ཞལ་སྲོས་པས། ཕྱེ་མར་སྤྲིན་ཕུང་གནམ་ལ་གཏོར། མགོན་པོའི་ལྷ་ཚོགས་དགྱེས་པས་ཧ་ཧ་མཛད། མགོན་པོའི་ལྷ་ཚོགས་དགྱེས་པའི་བྱིན་བརླབས་ཀྱིས། དཀར་ཕྱོགས་རྒྱལ་གྱུར་ནག་ཕྱོགས་ཕམ་གྱུར་ཅིག ལྷ་རྣམས་རྒྱལ་གྱུར་ལྷ་མིན་ཕམ་གྱུར་ཅིག མགོན་པོ་རྒྱལ་གྱུར་བདུད་སྲིན་ཕམ་གྱུར་ཅིག ཆོས་རྣམས་རྒྱལ་གྱུར་ཆོས་མིན་ཕམ་གྱུར་ཅིག དགེ་འདུན་རྒྱལ་གྱུར་མུ་སྟེགས་ཕམ་གྱུར་ཅིག སྔགས་འཆང་རྒྱལ་གྱུར་གདོན་བགེགས་ཕམ་གྱུར་ཅིག ཡོན་བདག་རྒྱལ་གྱུར་དགྲ་བགེགས་ཕམ༴ ཡུལ་ལྷ་རྒྱལ་གྱུར་ཡུལ་འདྲེ་ཕམ༴ མཁར་ལྷ་རྒྱལ་གྱུར་མཁར་སྲི་ཕམ༴ ཁྱིམ་ལྷ་རྒྱལ་གྱུར་ཁྱིམ་འདྲེ་ཕམ༴ ཕོ་ལྷ་རྒྱལ་གྱུར་ཕོ་སྲི་ཕམ༴ མོ་ལྷ་རྒྱལ་གྱུར་མོ་སྲི་ཕམ༴ སྲོག་ལྷ་རྒྱལ་གྱུར་ཚེ་བདུད་ཕམ༴ ཆུང་ལྷ་རྒྱལ་གྱུར་ཆུང་སྲི་ཕམ༴ ནོར་ལྷ་རྒྱལ་གྱུར་གོད་སྲི་ཕམ་གྱུར་ཅིག ཞང་ལྷ་རྒྱལ་གྱུར་ཞང་སྲི་ཕམ༴ གཡང་ལྷ་རྒྱལ་གྱུར་འགོང་པོ་ཕམ་གྱུར་ཅིག དེ་ལྟར་རྒྱལ་རབས་ལྷ་མི་གཡས་སུ་རྒྱལ། གཏང་རག་ཕྱེ་མར་མཆོ་པ་བཞེས། རྒྱལ་ལོ་རྒྱལ་ལོ་ལྷ་རྒྱལ་ལོ། མགོན་པོའི་ལྷ་ཚོགས་རྒྱལ་རབ་ཐོབ། ཕྱེ་མར་འོལ་ཀུན་གནམ་ལ་གཏོར། མགོན་པོའི་ལྷ་ཚོགས་རྣམས་ལ་གཏང་རག་འབུལ། བདག་ཅག་དཔོན་སློབ་ཡོན་མཆོད་ལ། སྡོང་གྲོགས་དཔུང་ཤུགས་རྒྱབ་བརྟེན་མཛོད། ཕྱེ་མར་མཆོད་པའི་གཏང་རག་འབུལ། མགོན་པོའི་ལྷ་ཚོགས་འཁོར་བཅས་ལ། སྔོན་བཟང་པོ་བྱས་པའི་གཏང་རག་འབུལ། ད་ལྟ་བཟང་པོ་བྱེད་པས་ཞུ་སྐྱེམས་གསོལ། ད་ཕྱིན་བཟང་པོ་བྱེད་པའི་གཉེར་ཟས་འབུལ། སྔོན་ཚེ་ད་ལྟ་ཡི་དམ་ལྷ། ཕྱི་མ་བྱང་ཆུབ་ལམ་ལ་གྲོགས་མཛོད་ཅིག ད་ལྟ་འཁོར་རྣམས་བསྲུང་ལ་རྐྱེན་རྣམས་བཟློག རྣལ་འབྱོར་བཅོལ་པའི་ཕྲིན་ལས་གྲུབ་པར་མཛོད། མགོན་པོའི་ཕྱེ་མར་གཏང་རག་མཆོད་པ་རྫོགས་སོ། སརྦ་མངྒ་ལཾ། པོས་ལྷ་མིན་དཔུང་། ཕམ་པར་བྱས་ལྟར་བདག་ཅག་གིས། དགྲ་ཟླ་ལྷག་མེད་གཞོམ་པ་ཡིས། རྒྱལ་སྒྲ་འཇིག་རྟེན་ཁམས་སུ་སྒྲོགས། ཨེ་མ་དཔལ་མགོན་ཚོགས་བདག་གིས། འབོད་རྦད་བསད་འཕང་མནན་པའི་ལས། མཐར་ཕྱིན་འབྲས་བུས་རྒྱལ་བསྟན་དར། དགེ་བཅུའི་དཔལ་འཛིན་དཔོན་འབངས་སྐྱིད། རྣལ་འབྱོར་བདག་གིས་དགྲ་ཚོགས་བརླག རྒྱལ་ལོ་རྒྱལ་ལོ་ལྷ་རྒྱལ་ལོ། ལྷ་རྒྱལ་དགྲ་འདྲེ་ཕམ་པར་མཛོད། བདག་རྒྱལ་སྲིད་གསུམ་ཟིལ་གནོན་མཛོད། རྒྱལ་རྟག་བཀྲ་ཤིས་ཕུན་ཚོགས་མཛོད། ལྷ་རྒྱལ་ལོ། ཞེས་བརྗོད་པ་དང་ཆབ་གཅིག་ནང་དུ་ཕྱིན་ནས་དཔའ་ཟས་སྐྱེམས་སོགས་ལ་རོལ། ༈ གཉིས་པ་གཏང་རག་གཏོང་བ་ལ་ཡང་། མངའ་གསོལ་བྱ་བ། གཏང་རག་གཏོང་ཞིང་ཕྲིན་ལས་བཅོལ་བ། དངོས་གྲུབ་བླང་བ། མཆོད་བསྟོད་བྱ་བ། ནོངས་བཤགས། གཤེགས་གསོལ། བསྔོ་སྨོན། བཀྲ་ཤིས་བརྗོད་པ་རྣམས་སོ། དེ་ལས་དང་པོ་མངའ་གསོལ་ནི། སླར་ཡང་ཕྱི་ནང་གི་མཆོད་རྫས་ཁ་གསོ་ཞིང་། བྷ་ལིང་སྐྱེམས་ཕུད་སོགས་གསར་དུ་བཤམས་པ་བྱིན་གྱིས་བརླབས་ནས། མངལ་གསོལ་གཞུང་མན་བཏང་མཐར་གཉིས་པ་ནི་མོས་གདུང་རྩེ་གཅིག་གིས་ངང་ནས། ཧོ་ཡེ་ཤེས་ཀྱི་མགོན་པོ་རྣམ་པར་སྣང་མཛད། གསང་བའི་མགོན་པོ་ནག་པོ་ཆེན་པོ། འཇིག་རྟེན་གྱི་མགོན་པོ་ཚོགས་བདག་གླང་སྣ། ཉི་མ་དབུས་ཕྱོགས་ཀྱི་མགོན་པོ་ཚོགས་རྗེ་ཚོགས་བདག །ཤར་ཕྱོགས་ཀྱི་མགོན་པོ་དཔལ་རབ་འཆང་བ། ལྷོ་ཕྱོགས་ཀྱི་མགོན་པོ་ལེགས་ལྡན་ནག་པོ། ནུབ་ཕྱོགས་ཀྱི་མགོན་པོ་བྲག་ལྷ་མགོན་པོ། བྱང་ཕྱོགས་ཀྱི་མགོན་པོ་རྣམ་ཐོས་སྲས། བྱང་ཤར་མཚམས་ཀྱི་མགོན་པོ་ལྷ་ཆེན་དཔལ་འབར་དཀར་པོ་གླང་སྣ། ཤར་ལྷོ་མཚམས་ཀྱི་མགོན་པོ་ཨཱཪྱ་ཛམ་བྷ་ལ། ལྷོ་ནུབ་མཚམས་ཀྱི་མགོན་པོ་གསེར་མདོག་གཟི་འཕགས་པོ། ནུབ་བྱང་མཚམས་ཀྱི་མགོན་པོ་ནག་པོ་རྒྱན་ཅན། སྟེང་གི་མགོན་པོ་ཚངས་པ་དུང་གི་ཐོར་ཚུགས་ཅན་བདག་ཅག་སློབ་འཁོར་དང་བཅས་པ་མཐོ་ལ་ཁ་དམའ་ལུང་ཁུང་། ཆུ་ཁ་རབས་སོ། ཕྱོགས་བཞི་མཚམས་བརྒྱད་གར་འགྲོ་གར་འདུག གར་གནས་ཀྱང་སྡུན་ནས་སུས་ཤིག རྒྱབ་ནས་སྐྱེལ་ཅིག བར་དུ་སྡོང་གྲོགས་དམ་པ་མཛོད་ཅིག བསམ་པ་ཐམས་ཅད་ཡིད་བཞིན་གྱི་ནོར་བུ་རིན་པོ་ཆེ་ལྟར་མྱུར་དུ་ལྷུན་གྱིས་གྲུབ་པར་མཛོད་ཅིག ཆུ་རབས་མེད་ལ་རབས་ཚུགས་ཤིག བྲག་སྐས་མེད་ལ་སྐས་ཚུགས་ཤིག བཟང་དང་ལ་ཁར་སྤྲོད། ངན་དང་ལུང་ཁོང་དུ་བསྣོལ། དཔའ་བའི་དཔུང་མཛོད། བརྩན་པའི་མཁར་མཛོད། སྲ་བའི་གོས་སྐོན། རྣོ་བའི་མཚོན་ཐོགས། རིང་ན་རྟ་བཏོད། བྲེལ་ན་གཞུ་རྡུངས། ཁའི་ཟས་འདོད་ཟས་དང་སྤྲོད། ལག་པའི་ནོར་འདོད་ནོར་དང་སྤྲོད། མི་ནོར་ལ་མིག་མ་ཕྲ། མི་ཟས་ལ་ཁམ་མ་ཆུང་། མིའི་ཟས་ནོར་ཆོད་ལ་རང་གི་ཟས་ལ་སྣོན། དགྲ་ནོར་ཆོད་ལ་རང་ནོར་གྱིས། སངས་རྒྱས་ཀྱི་བསྟན་པ་མི་གཉན་པར་བྱེད་པ། དམ་ཆོས་མི་གཉན་པར་བྱེད་པ། དགེ་འདུན་མི་གཉན་པར་བྱེད་པ། ཚིག་མ་ཡིན་པར་ཟློ་བ། ཀློང་འདེབས་པ། རྡོ་རྗེ་སློབ་དཔོན་གྱི་སྐ་ལ་བསྡོ་བ། དཀོར་ལ་རློམས་པ། བདག་ཅག་ལ་ཁ་ངན་དུ་སྨྲ་བ། ལག་པ་ཚིག་ཏུ་རྔོ་བ། སྔ་དགྲ་བྱས་པ། ཕྱི་དགྲ་ཤོམ་པ། ད་དགྲ་བརྩོམ་པ། སྐ་ལ་བསྡོ་བ། རྒྱུས་ལ་ཚད་པ། པོད་བཙུགས་པ། དོ་བསྡོ་བ། ཡ་འགྲན་པ། རྐུན་མ་ཤ་ཆང་ཁུར་བ། ཇག་པ་རྟ་ཁ་བསིགས་པ། ཡོབ་ཆེན་བཀྲོལ་བ། མདའ་ཁ་འཕེན་པ། མདུང་ཁ་བཙུགས་པ། རྐུ་ཚད་པ། འཕྲོག་ཚད་པ། བཅོམ་ཚད་པ། ཡིད་ལ་བརྣག་པའི་བསྟན་དགྲ་དམ་ཉམས་སྡིག་ཅན་འདི་རྣམས་ཀྱི་གཉའ་ནོན་མཛོད་ཅིག ཚོམ་ལ་ཕོབ་ཅིག འོག་གི་མགོན་པོ་ཁྲོ་མོ་རཀྴ་གཟི་འབར་མ། བར་སྣང་ཁམས་ཀྱི་མགོན་པོ་དཔལ་ལྡན་ལས་ཀྱི་དབང་ཕྱུག གཞན་ཡང་འཁོར་དང་ཡང་འཁོར་གཡོག་དང་ཡང་གཡོག སྤྲུལ་པ་ཡང་སྤྲུལ་དང་བཅས་པ་རྣམས་ལ་མཆོད་པ་འབུལ་ལོ། གཏང་རག་གཏོང་ངོ་། ངོ་སོ་བསྟོད་དོ། གཞན་ཡང་ཁ་དྲག་སྤྱི་བཙན་གྱི་དགྲ་བླ། དཔའ་རྩལ་ཆེ་བའི་དགྲ་བླ། མི་གྲངས་སྤེལ་བའི་དགྲ་བླ། མགྱོགས་བྱེད་རྩེ་དགུའི་དགྲ་བླ། གྲངས་འཛིན་སྤྲུལ་པའི་དགྲ་བླ། ཁ་དོག་འོད་ཀྱི་དགྲ་བླ། རྫུ་འཕྲུལ་མཛད་པའི་དགྲ་བླ། དགྲ་བླ་དར་མ་སྐད་ཆེན། དགྲ་བླ་དོམ་མགོ་གླང་སྙིང་། དགྲ་བླ་དཔའ་བརྟན་ལྡོག་མེད། རྣོ་གཅོད་གཏིང་འབྱིན། འཐབ་རྐྱེན་རྣ་གསང་ལ་སོགས་པའི་འཇིག་རྟེན་པའི་དགྲ་བླ། དཔལ་མགོན་པོ་འཁོར་དང་བཅས་པ་རྣམས་ལ་མཆོད་པ་འབུལ་ལོ། གཏང་རག་གཏོང་ངོ་། ངོ་སོ་བསྟོད་དོ། མགོན་པོའི་དམག་ཚོགས་ཁྱེད་རྣམས་ཀྱི་ལྷའི་དམག་དཔུང་ནི་མ་ཉུང་ཞིག མཐུ་སྟོབས་ནི་མ་ཆུང་ཞིག བྱིན་རླབས་ནི་མ་ཞན་ཞིག གོ་ཁྲབ་ནི་མ་སྲབ་ཅིག བདག་ཅག་ཡོན་མཆོད་འཁོར་དང་བཅས་པ་རྣམས་ལ། མཐོ་མཐོ་ལ་བྱ་ར་མཛོད་ཅིག དམའ་དམའ་ལ་མེལ་ཚེ་མཛོད་ཅིག དགྲ་འོང་ན་བྱ་ཐོང་། བདུད་འོང་ན་ཤེལ་ཐོབ། དུག་འོང་ན་སྨན་སྐྱོལ། ནད་འོང་ན་རྩི་སྐྱོལ། བདག་བཅག་གི་ཁ་འཛིན་མཛོད། མཐུ་རོགས་ཀྱིས། རྒྱབ་བརྟེན་མཛོད། དཔུང་གཉེན་གྱིས་མགོན་སྐྱབས་དང་ཚེ་རྫི་མཛོད། དགྲ་སོགས ། བགེགས་ཐུལ། བར་ཆད་སོལ། བསམ་པ་སྒྲུབ། རེ་བ་སྐོངས། ཅི་བསམ་པ་དང་། ཅི་རེ་བ་དང་། ཅི་སྨོན་པའི་དོན་ཐམས་ཅད་ཆོས་དང་མཐུན་པར་མཛད་དུ་གསོལ། མགོན་པོའི་རྒྱལ་དབྱངས་བཞུགས། །ཧཱུཾ་བཀའ་རྒྱུད་བླ་མ་རྣམས་ཀྱི་བྱིན་བརླབས་དང་། ཡི་དམ་ལྷ་ཚོགས་རྣམས་ཀྱི་བདེན་སྟོབས་དང་། ཆོས་སྐྱོངས་སྲུང་མ་རྣམས་ཀྱི་མཐུ་སྟོབས་ཀྱིས། མགོན་པོ་ཡོན་ཏན་བསྙེན་སྒྲུབ་དེ་རིང་བྱུང་། འཆང་ཡོན་བདག་བསམ་པ་དེ་རིང་འགྲུབ། ཆོས་སྐ་མི་འགྱུར་བརྩན་ས་དེ་རིང་ཟིན། ལོངས་སྐ་རང་སྣང་འཁོར་ནི་དེ་རིང་ཐོབ། སྤྲུལ་སྐའི་དགྲ་དཔུང་འཇོམས་པའི་དམག་དཔུང་བསྒྱུར། ༣ཆོག་དང་ཐུན་མོང་དངོས་གྲུབ་དེ་རིང་ཐོབ། ངན་སོང་གསུམ་གྱི་སྡུག་བསྔལ་དེ་རིང་ཞི། དུས་གསུམ་སངས་རྒྱས་བསྟན་པ་དེ་རིང་དར། དགྲ་བགེགས་གནོད་བྱེད་འདྲེ་གདོན་དེ་རིང་ཕམ། སྔགས་འཆང་ཡོན་བདག་ཚོགས་རྣམས་དེ་རིང་རྒྱལ། ནག་ཕྱོགས་ལྷ་སྲིན་ཚོགས་རྣམས་དེ་རིང་ཕམ། དཀར་ཕྱོགས་ལྷ་སྲིན་ཚོགས་རྣམས་དེ་རིང་རྒྱལ། མི་ནད་ཕྱུག་ནད་ཇག་རྐུན་དེ་རིང་ཕམ། བདག་ཅག་མི་ཕྱུགས་ཚོང་མགྲོན་དེ་རིང་རྒྱལ། བྱད་ཁ་ཕུར་ཁ་ཟོར་ཁ་དེ་རིང་ཕམ། སྔགས་འཆང་ལྷ་སྲུང་འཁོར་བཅས་དེ་རིང རྒྱལ། སྔ་དགྲ་ཕྱི་དགྲ་སྡང་སེམས་དེ་རིང་ཕམ། དུས་གསུམ་རྒྱུན་ཆད་མེད་པར་སྔགས་འཆང་རྒྱལ། རྒྱལ་ལོ་རྒྱལ་ལོ་དེ་རིང ལྷ་སྲུང་རྒྱལ། རྒྱལ་བྱེད་ཆོས་སྐྱོང་མགོན་པོ་འཁོར་བཅས་རྣམས། དང་པོ་སྐྱེ་མེད་ཆོས་སྐའི་ངང་ལས་འབྱུང་། བར་དུ་འགགས་མེད་ལོང་སྐའི་དགྲ་བགེགས་འདུལ། ཐ་མ་ཕྲིན་ལས་རྫོགས་ནས་ཆོས་སྐར་ཐིམ། སརྦ་དཱ་ཀ་མྱ་ཎཾདྷབནདྷ། དེ་རྣམས་བསད་པ་དང་། བཅིངས་བ་དང་། བསྒྲལ་བ་དང་། སྤ་བཀོང་བ་དང་། རྡུལ་དུ་བརླགས་པ་དང་། དྲག་པོས་ཚར་གཅོད་པའི་ཕྲིན་ལས་དམ་པ་མཛོད་ཅིག འདོན་པ་དང་ཆབ་གཅིག་ཏུ་མཆོད་ཡོན་ཀུན་གྱིས་སྐྱེམས་ཕུད་གཏོར་ཞིང་འབྲུ་སྣའི་མེ་ཏོག་ཀྱང་དབུལ། མཐར་བསོ་སྒྲས་སྣ་དྲངས་པའི་རྒྱལ་བ་བརྗོད་པ་དང་གི་སྒྲ་སྒྲོགས་པ་སོགས་སྣང་བ་འགྱུར་བའི་དཔའ་ཟིལ་བསྐྱེད་ཐབས་བྱས་ན་ཐུབ་པའི་ལྷ་དགྱེས་ཤིང་འཁོར་བ་རིགས་པས་གྲུབ་སོ། གཞན་ཡང་། སངས་རྒྱས་བསྟན་སྲུང་མའི་འདོད་དོན་གསོལ་ལ། ཤིང་ཅི་སྣ་ཚོགས་མེར་བསྲེག་གོ། བསྒྲུབ་ཁང་སྟེང་དུ་བསྐྱལ་བ་སོགས་གང་འོས་བྱའོ། གསུམ་པ་ནི། ལྷག་མ་དངོས་གྲུབ་དུ་ལེན་ཞིང་གཞན་ལ་མི་འཁྱེར་བར་བདག་བྱེད་པ་ལྟར་དངོས་གྲུབ་ཀྱི་རྫས་བཟང་པོ་མཐོང་བརྒྱུད་ལྟར་བཤམས་པ་ལ། སྟེང་ཆའི་གཏོར་མའི་རྫས་སོགས་བསྣན་ནས། ཡབ་ཡུམ་ཀྱི་སྔགས་ལ། མ་ཧཱ་ཀཱ་ལ་སིདྡྷི་ཡཾ་དུ་ཛཿ བཏགས་པ་བརྒྱ་རྩ་སོགས་ཀྱི་དངོས་གྲུབ་ཀྱི་ཕུང་པོར་བལྟས་ལ་བླངས་པ་ནི། ༀ་བདུད་རྩི་དངོས་གྲུབ་འབྱུང་བའི་གནས་ཉིད་དུ། བདུད་ལས་རྒྱལ་བྱེད་མགོན་པོ་ལེགས་ལྡན་གྱི། ཐུགས་ཀྱི་དཔལ་བེའུ་འོད་ཀྱི་གོང་བུ་རུ། ཡེ་ཤེས་རྣམ་ལྔའི་འོད་ཟེར་རབ་ཏུ་འཕྲོ། ཡེ་ཤེས་སེམས་དཔའི་དངོས་གྲུབ་བདག་ལ་སྩོལ། སྐ་གསུང་ཐུགས་ཀྱི་སྤྲུལ་པ་ལས་མགོན་གསུམ། ཕྲིན་ལས་མཐའ་རྒྱས་དངོས་གྲུབ་བདག་ལ་སྩོལ། ཡུམ་ཆེན་མུ་ལེ་ཡཀྴ་བཻ་ཏ་ལི། སྦྱོར་སྒྲོལ་འདྲེན་པའི་དངོས་གྲུབ་བདག་ལ་སྩོལ། དཔལ་རབ་འཆང་དང་ཕྱོགས་བཅུའི་མགོན་པོ་སྟེ། ཡུལ་འཁོར་སྲུང་ནི་རྒྱལ་ཆེན་ཀུན་གྱི་དཔོན། ཕྲིན་ལས་བཞི་ཡི་དངོས་གྲུབ་བདག༴ ལྷ་ཡི་གཙོ་བོ་དཔལ་རབ་ཆེན་པོ་སྟེ། བདུད་འདུལ་སྔགས་ཀྱི་དངོས་གྲུབ་བདག༴ བཀའ་སྡོད་མགོ་བརྙན་དྲི་ཟ་ཕྱོགས་སྐྱོང་བཅུ། ལོག་ལྟ་ཚར་གཅོད་དངོས་གྲུབ་བདག༴ མགོན་པོའི་སྐ་ཉིད་མི་འགྱུར་རྡོ་རྗེའི་སྐ། རྡོ་རྗེ་སྐ་ཡི་དངོས་གྲུབ་བདག༴ མགོན་པོའི་གསུང་ཉིད་འགགས་མེད་པདྨ་སྟེ། པདྨ་གསུང་གི་དངོས་གྲུབ་བདག༴ མགོན་པོའི་ཐུགས་ཉིད་འཁྲུལ་མེད་གཡུང་དྲུང་སྟེ། གཡུང་དྲུང་ཐུགས་ཀྱི་དངོས་གྲུབ་བདག༴ མགོན་པོའི་ཡོན་ཏན་མི་ཟད་ནོར་བུ་རྒྱས། ནོར་བུ་ཡོན་ཏན་དངོས་གྲུབ་བདག༴ མགོན་པོའི་ཕྲིན་ལས་རྒྱས་པའི་འཁོར་ལོ་བསྐོར། འཁོར་ལོ་ཕྲིན་ལས་དངོས་གྲུབ་བདག༴ སྤྱན་རས་གཟིགས་ནི་འགྲོ་འདུལ་སངས་རྒྱས་གཙོ། འགྲོ་བ་འདུལ་བའི་དངོས་གྲུབ་བདག༴ ལྷ་དབང་བརྒྱ་བྱིན་ལྷ་ཡི་ཁ་འཛིན་གྱིས། མཐུན་འཇུག་རིགས་ཀྱི་དངོས་གྲུབ༴ མགོན་པོའི་ལྷ་ཚོགས་སྐྱེ་མེད་དོན་གྱི་ལྷ། མུ་མེད་མཐའ་རྒྱས་དངོས་གྲུབ་བདག༴ རིག་འཛིན་ཚེ་ཡི་དངོས་གྲུབ་བདག༴ དབང་ཐང་བུ་ཡི་དངོས་གྲུབ་བདག༴ མཛོད་ལྡན་ནོར་གྱི་དངོས་གྲུབ༴ སྐྱིད་སྤྱོད་ཟས་ཀྱི་དངོས་གྲུབ་བདག༴ སྤྱན་རས་གཟིགས་ཀྱི་དངོས་གྲུབ་ད་སྩོལ་ཅིག ལེགས་ལྡན་མགོན་པོས་དངོས་གྲུབ་ད༴ ཚོགས་བདག་མགོན་པོས་དངོས་གྲུབ་ད༴ ཡུམ་ཆེན་ཡཀྴ་བཻ་ཏ་ལི་ཡིས་དངོས་གྲུབ་ད༴ སྐ་གསུང་ཐུགས་ཀྱི་མགོན་པོས་དངོས་གྲུབ་ད༴ ཕྱོགས་བཅུ་སྡེ་བརྒྱད་མགོན་པོས་དངོས་གྲུབ་ད༴ ལྷ་དམག་བྱེ་བ་དུང་ཕྱུར་དངོས་གྲུབ་ད་སྩོལ་ཅིག ༀ་མ་ཧཱ་ཀཱ་ལ་ས་པཱ་རི་ཝ་ར་ཀཱ་ཡ་སིདྡྷི་ༀ། ཝཱཀྐ་སིདྡྷི་ཨཱཿ ཙིརྟ་སིདྡྷི་ཧཱུཾཿསརྦ་སིདྡྷི་ཧྲཱི༔ སྐ་གསུང་ཐུགས་ཀྱི་དངོས་གྲུབ་དུས་འདིར་སྩལ་དུ་གསོལ། དཔལ་ལྡན་མགོན་པོའི་དངོས་གྲུབ་བླང་བ་སློབ་དཔོན་བཻ་རོ་ཙ་ནས་མཛད་པའོ། བཞི་པ་མཆོད་ཅིང་བསྟོད་པ་ནི། ༀ་ཤྲྀ་མ་ཧཱ་ཀཱ་ལ་ཡཀྴ་བཻ་ཏ་ལི་ས་པཱ་རི་ཝཱ་ར་ཨརྒྷཾ་ནས་ཤཔྡ་དྷུ་པ་ཤཔྡ་གྷནྡྷེ་ར་ས་སྤར་ཤེ་པྲ་ཏིཙྪ་སྙུ་ཛ་མེ་གྷ་ས་མུ་ཏྲ་སྥ་རེ་ཎ་ས་མ་ཡེ་ཨཱཿཧཱུཾ། སྨན་གཏོར་རཀྟའི་སྔགས་ཀྱང་བརྗོད་ཅིང་ཕུལ་ལ། ཧཱུཾ་བཅོམ་ལྡན་ཐུགས་རྗེའི་བདག་ཉིད་མཆོག གདུལ་དཀའ་འདུལ་ཕྱིར་ཁྲོ་བོའི་སྐར། ཡོངས་བཞེངས་དཔལ་མགོན་ཚོགས་ཀྱི་བདག ཡུམ་སྲས་སྤྲུལ་འཁོར་བཅས་ལ་བསྟོད། ཅེས་པས་བསྟོད་ཅིང་ལྔ་བ་ནོངས་བཤགས་ནི། མ་རྙེད་ཡོངས་སུ་མ་ཚང་དང་། གཙོ་བོ་ནུས་པ་མ་མཆིས་པ། འདིར་ནི་ནོངས་པ་གང་བགྱིས་པ། དེ་ཀུན་མགོན་པོས་བཟོ་པར་གསོལ། ༀ་བཛྲ་ས་ཏྭ་ས་མ་ཡཱཿ སོགས། ཡིག་བརྒྱ་ལན་གསུམ་བརྗོད་པས་བཤགས རྟེན་ཡོད་ན་བཞུགས་གསོལ་དང་། མེད་ན་དྲུག་པ་གཤེགས་གསོལ་ནི། ཀྱཻ་ཆོས་སྐའི་མགོན་པོ་རྣམ་པར་སྣང་མཛད་ཡང་། འོག་མིན་ཆོས་དབྱིངས་ལྷ་ཡི་གནས་སུ་གཤེགས། ལོངས་སྐའི་མགོན་པོ་མ་ཧཱ་ཀཱ་ལ་ཡང་། ཆོས་བཟང་ལྷ་ཡི་འདུན་སའི་གནས་སུ་གཤེགས། སྤྲུལ་སྐའི་མགོན་པོ་ལེགས་ལྡན་ནག་པོ་ཡང་། དགའ་བའི་ཚལ་དང་འདྲེས་པའི་ཚལ་དུ་གཤེགས། ཚངས་པ་བརྒྱ་བྱིན་ལ་སོགས་ལྷ་ཆེན་བརྒྱད། རྣམ་པར་རྒྱལ་བའི་ཁང་བཟང་གནས་སུ་གཤེགས། ཀླུ་ཆེན་བརྒྱད་དང་གཟའ་བརྒྱད་གནོད་སྦྱིན་བརྒྱད། རྒྱུ་སྐར་ཉེར་བརྒྱད་ཚོགས་དང་བཅས་པ་རྣམས། རང་རང་གཞི་དང་གནས་སུ་ད་བྱོན་འཚལ། འཕྲེང་ཐོག་གཞོང་ཐོག་ལྷ་ཡི་ཚོགས་རྣམས་ཀྱང་། རང་རང་གཞི་དང་གནས་སུ་ད་བྱོན་འཚལ། དམ་ཚིག་སྤ་རང་ལ་བསྟིམ་པ་ནི། ཀྱཻ་སྣང་ཞིང་སྲིད་པའི་དཔལ་མགོན་མོ་རྒྱུད་རྣམས། བསྟིམ་མོ་དམ་ཚིག་མཁའ་འགྲོ་རྣམས་ལ་ཐིམ། དམ་ཚིག་མ་མོ་མཁའ་འགྲོ་ཐམས་ཅད་ཀྱང་། ཡེ་ཤེས་མཁའ་འགྲོ་རིགས་ལྔ་མཁའ་འགྲོར་ཐིམ། རིགས་ལྔ་ཡཀྴ་བཻ་ཏ་ལི་ལ་ཐིམ། ཡུམ་ཡང་མ་ཧཱ་ཀཱ་ལའི་ཐུགས་ཀར་ཐིམ། ཀྱཻ་སྣང་ཞིང་སྲིད་པའི་ལྷ་འདྲེ་ཕོ་རྒྱུད་རྣམས། སྲིད་པའི་དགྲ་བླ་དཔའ་བོ་རྣམས་ལ་ཐིམ། དགྲ་བླ་རྣམས་ཀྱང་ལྷ་དམག་རྣམས་ལ་ཐིམ། ལྷག་མ་གཙང་རིས་མགོན་པོ་རྣམས་ལ་ཐིམ། དཔལ་མགོན་སྡེ་བརྒྱད་མགོན་པོ་རྣམས་ལ་ཐིམ། སྡེ་བརྒྱད་ཕྱོགས་བཅུའི་མགོན་པོ་རྣམས་ལ་ཐིམ། ཕྱོགས་བཅུའི་མགོན་པོ་སྐ་གསུང་ཐུགས་ལ་ཐིམ། སྐ་གསུང་ཐུགས་ཡང་གཙོ་བོའི་ཐུགས་ཀར་ཐིམ། གཙོ་བོ་ཞུ་ནས་ཐུགས་ཀའི་ཧཱུཾ་ལ་ཐིམ། ཧཱུཾ་ཉིད་བདག་ཉིད་དཔལ་ཆེན་ཐུགས་ཀར་ཐིམ། བདག་ཉིད་གཞལ་ཡས་ཁང་དང་ལྷ་ཚོགས་རྣམས། གཙོ་བོའི་ཐུགས་ཀའི་སྔགས་འཁོར་དག་ལ་ཐིམ། རིམ་བཞིན་ཐིམ་ནས་ཐིག་ལེ་སྐྱེ་མེད་པའི། སྨྲ་བསམ་བརྗོད་བྲལ་ཡེ་སྟོང་གདོད་མ་ལས། ཁྱབ་པ་ཆེན་པོའི་ངང་དུ་བཛྲ་མུ་མུཿ མུ་མུ་བཛྲ་མུཿ དགེ་རྩ་བྱང་ཆུབ་ཏུ་བསྔོ་བ་ནི། དགེ་བ་འདིའི་མཐུས་འབོད་རྦད་བསད་པའི་ལས། ཡོངས་གྲུབ་བསྟན་འགྲོའི་ཕན་བདེའི་རྒྱུར་གྱུར་ནས། རྨད་བྱུང་བསོད་ནམས་དལ་འགྲོའི་རྒྱུན་ལྟ་བུ། རྣམ་མཁྱེན་རྒྱ་མཚོར་དབྱེར་མེད་ཆེད་དུ་བསྔོ། སྨོན་ལམ་ནི། ཐོག་མཐའ་བར་གསུམ་དགེ་བའི་བསམ་སྦྱོར་གྱིས། དགྲ་བགེགས་བརླག་པའི་དྲག་སྔགས་འདི་བསྒྲུབ་མཐུས། ལས་ངན་རྒྱུ་ུའབྲས་ལྡན་པའི་ཞིང་བཅུའི་དགྲ། ཡོངས་བསྒྲལ་མི་ལྡོག་བདེ་ཆེན་དཔལ་ཐོབ་ཤོག བདུན་པ་ཤིས་བརྗོད་ནི སྤྲོ་ན་ཟུར་བཀོད་ལྟར་དང་། ཡང་ན་འདི་བཞིན་བརྗོད་དེ་མེ་ཏོག་འཐོར། ༀ་བདེ་ལེགས་སུ་གྱུར་ཅིག དཔག་ཡས་ཞིང་ཁམས་རྒྱ་མཚོའི་སངས་རྒྱས་དང་། ལེགས་གསུང་བདེན་གཉིས་ཟུང་འཇུག་དམ་པའི་ཆོས། རིག་གྲོལ་གཉིས་ལྡན་དགེ་འདུན་འདུས་པའི་སྡེ། མཆོག་གསུམ་བདེན་པས་དེང་འདིར་ཤིས་པ་སྩོལ། རྩ་བརྒྱུད་རིག་འཛིན་བླ་མའི་ཚོགས་རྣམས་དང་། ཡི་དམ་ཞི་ཚགས་ཁྲོ་པོའི་དཀྱིལ་འཁོར་ལྷ། གནས་གསུམ་དཔའོ་མཁའ་འགྲོ་ཆོས་སྐྱོང་བཅས། རྩ་གསུམ་ཆོས་སྐྱོང་སྲུང་མས་དགེ་ལེགས་སྩོལ། དམིགས་མེད་ཐུགས་བརྩེའི་གཏེར་མཛོད་སྤྱན་རས་གཟིགས། མ་རུང་འགྲོ་ངོར་ཁྲོ་བོའི་སྐར་བཞེངས་ས། རྒྱལ་བསྟན་སྐྱོང་མཛད་ཚོགས་བདག་གཙོ་འཁོར་གྱི། མཐུ་སྟོབས་ནུས་པས་དེང་འདིར་བདེ་ལེགས་ཤོག ཆོས་སྐྱོང་ཡོངས་ཀྱི་སྤྱི་རྗེ་ནག་པོ་ཆེའི། གསང་གསུམ་བསྒྲུབ་ལ་བརྩོན་འབྲས་ཡོངས་སྨིན་པའི། མཁས་ཤིང་གྲུབ་བརྙེས་གང་དག་ཇི་སྙེད་ཀྱི༑ རབ་འབྱམས་འཕྲིན་ལས་བཀྲ་ཤིས་དེང་འདིར་ཤོག །མཆོག་གསུམ་རྩ་གསུམ་སྲུང་མ་ཀུན་འདུས་པའི། ངོ་བོ་ལེགས་ལྡན་ཚོགས་ཀྱི་བདག་པོ་ཡིས། ལྷ་མིན་དཔུང་ཚོགས་གཞོམ་པའི་དགེ་མཚན་དཔལ། དེང་འདིར་བདག་ཅག་རྣམས་ལ་ཐོབ་པར་ཤོག ལམ་མཆོག་འདི་བསྒྲུབ་མཐུ་ཡིས་རྒྱུད་ལྔའི་འགྲོའི། སྡུག་བསྔལ་སྨག་རུམ་བསལ་བའི་ལྷ་ལམ་དུ། འཕྲལ་ཕུགས་བདེ་ཞིང་སྐྱིད་པའི་འོད་བརྒྱའི་ཞལ། མངོན་གྱུར་བྱང་ཆུབ་སྙིང་པོའི་བཀྲ་ཤིས་ཤོག ཞེས་དང་། གཞན་ཡང་བཀྲ་ཤིས་ཅི་རིགས་བརྗོད་པར་བྱའོ། སྨྲས་པ། དེ་ལྟར་དཔལ་མགོན་ཚོགས་ཀྱི་བདག་པོ་ཡི། གཞུང་དོན་ཞོ་འཐུང་རུས་པ་ཇི་བཞིན་ལས། འབོད་རྦད་བསད་འཕང་དམ་བཅའ་བཞི་ལྡན་མཚོན། སྔགས་འཆང་ཉེ་དབང་ཚོགས་ཀྱི་ཕྱག་ཆར་འོས། དེ་ལྟ་ནའང་རྨོངས་དང་མཁས་རློམ་འགས། མགྲིན་བཟང་ལམ་ཞུགས་བརྡུལ་ཞུགས་ལས་བཟློག་ཕྱིར། ཡིན་མིན་བརྒལ་བརྟག་རློམ་པའི་འབྱུང་བྱའི་སྐད། སྒྲོགས་ཀྱང་རང་སྐྱོན་ངོམ་པ་ཙམ་དུ་ཟད། ལམ་བཟང་མཆོག་འདི་རྡ་ན་སཾ་སྐྲྀ་ཏས། བཻ་རོར་གདམས་བཞིན་ཆོས་རྒྱལ་ཁྲི་སྟོང་དང་། ཁམས་གསུམ་སྔགས་འཆང་ལྡི་རི་ཆོས་གྲགས་ལ། གནང་བ་ཇི་བཞིན་འཁྲུལ་མེད་ཡི་གེར་བཀོད། དེ་ཡང་བཀའ་གཏེར་ནག་འགྱུར་མཚུངས་ལྡན་ཆོས། དུ་མའི་འོ་མཚོ་བསྲུབས་འབྲས་སྙིང་པོའི་ཟླ། རྣམ་དག་སྒྲིབ་བྲལ་མཁའ་ལ་མངོན་སྣང་ཚེ། རྗེས་འཇུག་སྐལ་བཟང་ཀུ་མུད་འཛུམ་བག་གཡོ། གངས་རི་སེར་པོར་འཛིན་པའི་མཁྲིས་སྐྱོན་དང་། ནམ་མཁར་སྐྲ་ཤད་གཟིངས་མཐོང་མིག་སྐྱོན་དཔེའི། རང་སྐྱོན་སྦེད་བཞིན་གཞན་སྐྱོན་ཐབས་ཀྱིས་ཕྱར། དེ་ལྟའི་རིགས་ལ་བདག་འདྲས་ཅི་བྱར་ཡོད། དེ་ཕྱིར་བཀའ་གཏེར་ཀོང་ཆེའི་འགྱུར་དང་ནི། བཻ་རོས་ཆོས་བོན་མཉམ་བསྒྱུར་རྣམ་དག་ལུགས། རྒྱ་བོན་ཕྱི་རོལ་དང་མཚུངས་མ་འདྲེས་པར། སྔོན་བྱོན་མཁས་རྣམས་ལུགས་འདི་འཁྲུལ་བ་བྲལ། ཅིས་ཕྱིར་ཞེ་ན་ལེགས་ལྡན་ཚོགས་བདག་གི། གཞུང་མང་འོ་མར་ཐོན་པའི་མར་གོང་དང་། རྒྱུད་ལུང་མན་ངག་གཞན་གྱི་བཅུད་བསྡུས་རོ། དོན་གཉེར་སྐྱེ་བོས་མྱོང་ཚེ་ནུས་བཅུད་མངོན། དེ་ལྟའི་དགེ་མཐུ་འོད་སྟོང་འབར་བའི་གཟིས། སྙིགས་དུས་མུན་པའི་སྨག་རུམ་མཐར་བསྐྲད་ནས། བསྟན་འགྲོའི་ཕན་བདེའི་པད་ཚལ་ཡོངས་རྒྱས་ཤིང་། རབ་བྱམས་ཕྲིན་ལས་དྲི་བཟང་རྟག་འབྱུང་ཤོག ཞེས་དཔལ་མགོན་ཚོགས་ཀྱི་བདག་པོའི་སྨད་ལས་ཀྱི་འདོན་འགྲིགས་དམ་བཅའ་བཞི་ལྡན་རྡོ་རྗེའི་མཚོན་ཆ་ཞེས་བྱ་བ་འདི་ཡང་། རྫོགས་པ་ཆེན་པོའི་རྣལ་འབྱོར་པ་འཇགས་མེད་ཕྲིན་ལས་འོད་ཟེར་གྱིས་ལྡི་རི་ཆོས་ཀྱི་གྲགས་པའི་ཡི་གེའི་གཞུང་བཞིན་བཀོད་ནས། གསེར་སྐྱེམས་གཟུ་དཔང་སོགས་ཁ་བསྐང་དགོས་རིགས་རྣམས་ཀུན་མཁྱེན་བླ་མ་རྣམ་གཉིས་ཀྱི་མགོན་ནག་དང་། རྒྱུད་མགོན་དྲུག་གི་གཞུང་སོགས་ནས་བླངས་ཤིང་། རྒྱལ་དབྱངས་བཀྲ་ཤིས་བསྔོ་སྨོན་བཅས་ཚིག་ཞུང་དོན་འདུས་ཀྱི་ལུགས་སུ་རང་ཉིད་ཀྱིས་གསར་རྩོམ་བྱས་ཏེ་ཤིང་གླང་ཟླ་བ་བཞི་པའི་ཚེས་ཉེར་གཅིག་ལ་གྲུབ་པར་བགྱིས་པའི་དགེ་བས་བསྒྲལ་བའི་ཞིང་བཅུ་དང་། ཉམས་པ་བདུན་དུ་གཏོགས་པའི་དགྲ་སྡེའི་དཔུང་ཚོགས་མིང་ཡང་མེད་པར་བརླགས་ནས། རྒྱལ་བསྟན་རིན་ཆེན་ཕྱོགས་དུས་གནས་སྐབས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པའི་རྒྱུར་གྱུར་ཅིག་གུ །དགེའོ། དགེའོ། དགེའོ།

མགོན་པོ་ལེགས་ལྡན་ཚོགས་ཀྱི་བདག་པོའི་སྒོ་ནས་དགྲ་སྲི་མནན་ཐབས་རྡོ་རྗེའི་ལྷུན་པོ།

༄༅། །མགོན་པོ་ལེགས་ལྡན་ཚོགས་ཀྱི་བདག་པོའི་སྒོ་ནས་དགྲ་སྲི་མནན་ཐབས་རྡོ་རྗེའི་ལྷུན་པོ་ཞེས་བྱ་བ་བཞུགས་སོ།

གསང་གསུམ་མི་ཟད་རྒྱན་གྱི་འཁོར་ལོའི་གཟུགས། ཞི་ཆགས་ཁྲོ་སོགས་འདོད་དགུར་བསྒྱུར་མཛད་གང་། སྐ་གསུམ་རྒྱལ་བའི་ཕྲིན་ལས་མངའ་བདག་མཆོག །ཚོགས་ཀྱི་བདག་པོར་ངེས་པས་ཕྱག་འ ཚལ་ལོ། སྲིད་པའི་འགྲོ་རྣམས་དགྲ་འདྲེའི་དུ་ཁས་མནན། ཕན་བྱེད་རྒྱལ་བའི་ཕྲིན་ལས་ཚད་བཟུང་བྲལ། དེ་ཕྱིར་དགྲ་སྲི་མནན་པའི་ཐབས་ཟབ་མོ། ངག་གབ་པ་མངོན་བྱུང་འདི་ལྟར་རོ། དེ་ཡང་དཔལ་མགོན་ལེགས་ལྡན་ནག་པོ་དང་། ཚོགས་ཀྱི་བདག་པོ་ཡབ་སྲས་ཀྱི་སྒོ་ནས་དགྲ་སྲི་མནན་པའི་ལས་ཀྱི་རིམ་པ་ནི། ལིངྒ་བྲུབ་ཁུང་ཐོད་པ་རྫས་སོགས་ཡིག་ཆུང་ལས་ཤེས་པར་བྱ་ཞིང་། དམིགས་འདོན་དབྱེར་མེད་ཀྱི་ངང་ནས། དང་པོ་གསེར་སྐྱེམས་འབུལ་བ་ནི། སྣོད་གཙང་དུ་སྐྱེམས་ཕུད་རིན་པོ་ཆེ་བརྡར་བ་ལ། རཾ་ཡཾ་ཁཾ་གིས་བདུད་རྩིའི་ཉེས་སྐྱོན་སྦྱངས་ༀ་ཨཱཿཧཱུཾ་གིས་འདོད་ཡོན་གྱི་ཕུང་པོ་ལོངས་སྤྱོད་དཔག་མེད་དུ་བལྟས་ལ། རིག་འཛིན་རྩ་བརྒྱུད་བླ་མ་དམ་པ་དང་། བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། གནས་གསུམ་དཔའ་བོ་མཁའ་འགྲོ་ཆོས་སྐྱོང་རྣམས། གསེར་སྐྱེམས་འདི་བཞེས་རྣལ་འབྱོར་སྡོང་གྲོགས་མཛོད། ཁྱད་པར་དཔལ་མགོན་ཚོགས་བདག་ཡབ་ཡུམ་སྲས། ལས་མགོན་རྣམ་གསུམ་ཕྱོགས་བཅུའི་སྡེ་བརྒྱད་མགོན། སྤྲུལ་པ་ཡང་སྤྲུལ་ཕོ་ཉ་ཕྱག་བརྙན་བཅས། གསེར་སྐྱེམས་འདི་བཞེས༴ མ་མགོན་ལྕམ་དྲལ་ཚེ་རིང་མཆེད་ལྔ་དང་། དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། བཀའ་ཉན་བྲན་གཡོག་མངག་གཞུག་བཅས་པ་རྣམས། གསེར་སྐྱེམས་འདི་བཞེས༴ སྔགས་འཆང་བདག་གི་རིགས་ཀྱི་སྲུང་མ་དང་། ས་ཕྱོགས་འདི་ཡི་ཡུལ་གཞིའི་གནས་ཀྱི་བདག །ལོ་ཟླ་ཞག་དུས་ཚེས་ལ་དབང་བའི་ལྷ། གསེར་སྐྱེམས་འདི་བཞེས༴ མཆོག་གསུམ་ངོ་བོ་དཔལ་མགོན་བླ་མ་དང་། རྒྱུད་སྡེ་རྒྱ་མཚོ་གནས་གསུམ་མཁའ་འགྲོ་ལྷ། མ་མགོན་ལྕམ་དྲལ་ཚེ་རིང་མཆེད་ལྔ་ལ། མཆོད་གསོལ་བསྟོད་དོ་བསམ་དོན་ལྷུན་གྲུབ་མཛོད། གཉིས་པ་གཟུ་དཔང་བཅོལ་བ་ནི། ཧཱུཾ་ཁྱབ་བདག་གདོད་མའི་མགོན་པོ་ནས་བཟུང་སྟེ། མངོན་པར་བྱང་ཆུབ་དཔལ་མགོན་བླ་མའི་བར། དགོངས་བརྡ་སྙན་བརྒྱུད་རྡོ་རྗེ་སློབ་དཔོན་དང་། དཔལ་ཆེན་འདུས་པའི་ལྷ་ཚོགས་གཟུ་དང་དཔང་། ལྷ་ཡི་ལྷ་མཆོག་དཔལ་མགོན་ཚོགས་ཀྱི་བདག ཡུམ་ཆེན་ཁྲོ་མོ་ཡཀྴ་བཻ་ཏ་ལི། སྐ་གསུང་ཐུགས་མགོན་ཡོན་ཏན་ཕྲིན་ལས་མགོན། ཕྱོགས་བཅུའི་སྡེ་བརྒྱད་ལྷ་ཀླུ་གཉན་དམག་དཔུང་། ཟོ་དོར་ཡུལ་ལྷ་དཀར་ཕྱོགས་སྲུང་མའི་ཚོགས། དཔལ་མགོན་དམ་ཅན་རྒྱ་མཚོ་གཟུ་དང་དཔང་། འགྲོ་དྲུག་བདེ་གཤེགས་སྙིང་པོའི་རང་བཞིན་ལ། དགྲ་གཉེན་ཕྱོགས་ཆའི་སྡང་ཞེན་མི་དམིགས་ཀྱང་། གཟུང་འཛིན་གདོན་གྱིས་བརླམས་པའི་ཉམས་པ་བདུན། བྱང་ཆུབ་སེམས་གཉིས་བསྒོམ་པའི་དགྲ་རུ་ལངས། འདི་ལ་མངོན་སྤྱོད་ཕྲིན་ལས་མི་མཛད་ན། མཐར་གྱི་འཆི་བ་སེམས་ཅན་ཀུན་ལ་ཡོད། དུས་ལ་བབ་ན་དཔག་བསམ་ཤིང་ཡང་འགྱེལ། བསམ་པ་ངན་པའི་འབྲས་བུ་མཐར་ཕྱིན་ན། ཚར་གཅོད་རྗེས་འཛིན་མཐུ་སྟོབས་རྫུན་དུ་ཟད། ཆོས་ཉིད་བདེན་པ་བསླུ་བ་མེད་པ་དང་། སྔགས་ཀྱིས་སྒྲོལ་བ་སངས་རྒྱས་རྣམས་ཀྱི་མཐུ། ཨ་བྷི་ཙཪྱའི་དུས་ལ་ད་བབ་ན། བརྣག་པའི་ལས་ལ་བཏང་སྙོམས་མ་མཛད་ཅིག དུས་གསུམ་སངས་རྒྱས་རྣམས་ཀྱིས་དབྱིངས་ནས་གཟིགས། མཁའ་འགྲོ་ཆོས་སྐྱོང་སྲུང་མས་ནུས་སྟོབས་སྐྱེད། ཡུལ་ལྷ་གཞི་བདག་རྣམས་ཀྱིས་སྡོང་གྲོགས་མཛོད། བདེན་གཉིས་རྒྱུ་འབྲས་བསླུ་མེད་གཟུ་དང་དཔང་། དཔལ་མགོན་ཆོས་སྐྱོང་རྣམས་ཀྱིས་མཐུ་རྩལ་སྐྱེད། ཉེས་ཅན་འདི་ལ་མངོན་སྤྱོད་ཕྲིན་ལས་མཛོད། ཅེས་བརྗོད་ཅིང་ཡུས་གདབ། གསེར་སྐྱེམས་ཕྱོགས་བཅུར་འཐོར། བསྐལ་པ་ནི། ཧཱུཾ་མི་གནས་ཡམས་ཆོས་སྐའི་ཕོ་བྲང་ནས། ལོངས་སྤྱོད་རྫོགས་པ་ཞི་དང་ཁྲོ་བོའི་ལྷ། དཔལ་འབྱོན་ཚོགས་ཀྱི་བདག་པོའི་ལྷ་ཚོགས་རྣམས། ཐུགས་དམ་བསྐལ་ལོ་འགྲོ་བའི་དོན་ལ་དགོངས། རིག་པའི་རང་བཞིན་བདེ་གཤེགས་སྙིང་པོ་ཡང་། མ་རིག་འཛིན་པའི་ཀུན་གཞི་ལུང་མ་བསྟན། སྒོ་ལྔའི་ཡུལ་དུ་རྟེན་ཅིང་འབྲེལ་བ་ལས། རིགས་དྲུག་རྒྱུད་ལྔའི་གནས་སུ་འཁྱམས་པ་རྣམས། ལས་དང་ཉོན་མོངས་མཐུ་ཡིས་གཟིར་བའི་མཐུ། ཕྱི་རོལ་ཡུལ་ལ་སྨིན་པའི་སྡུག་བསྔལ་དང་། ནད་མཚོན་མུ་གེ་དགྲ་བགེགས་འབྱུང་པོའི་གདོན། འཇིགས་པ་ཆེན་པོ་བརྒྱད་དང་བཅུ་དྲུག་སོགས། མངོན་སྤྱོད་དྲག་པོའི་རོལ་པས་ཚར་བཅད་ནས། ལོག་རྟོག་དངོས་པོར་ཞེན་པའི་སེམས་ཅན་རྣམས། རྒྱུ་འབྲས་ཐེག་པ་གཞན་གྱིས་གདུལ་དཀའ་བས། རང་བྱུང་ཡེ་ཤེས་རྟོགས་པའི་ཕྲིན་ལས་མཛོད། ཅེས་བསྐལ་ལོ། བཞི་ས་ལས་བྱེད་ཀྱི་ལྷ་འགྱེད་པ་ནི། མདུན་གྱི་ལས་རྦད་ཀྱི་གཏོར་མ་མི་དམིགས་པ་སྟོང་ལ་འཛིན་པ་དང་བྲལ་བའི་དང་ནས། རང་གི་ཕར་མདུན་སྲུང་མ་རྣམས་ཀྱི་ཚུར་མདུན། གྲུ་གསུམ་དེ་ལྕགས་ཀྱི་ཁང་པ་ཟུར་གསུམ་ནག་ལ་གཏིང་ཟབ་པ། སྒོ་མེད་པ་གཅིག་གི་ནང་དུ། དགྲ་བགེགས་གང་ཡིན་པ་དེ་དངོས་སུ་བསྐྱེད་པའི་སྟེང་དུ་མགོན་པོའི་ཐུགས་ཀ་ནས་ཕཊཿ ནག་པོ་གཅིག་འཕྲོས་པ་ལས་བདུད་མགོན་སྲོག་གཅོད་ནག་པོ་གཡས་སོག་ལེ་གཡོན་ཐོད་ཁྲག་ཐོགས་པ། ལུས་ལ་བདུད་སྟྭ་རྣོན་པོ་ཡམ་ཡམ་པས་བརྒྱན་པ། ཆིབས་སུ་བདུད་གླང་ནག་པོ་ལ་བཅིབས་པ། དེའི་འཁོར་དུ་རེ་འབྱམས་སྤུན་དགུ། ལོ་བདུད་བཅུ་གཉིས། ལོའི་རེ་འབྱམས་དྲུག་ཅུ་རྩ་བཞི། ལྷ་འདྲེ་གྲི་བོའི་དམག་ཚོགས། སྲིན་པོའི་གདོན་ཚོགས། བདུད་པོ་ཐོད་ཁུར། བདུད་མོ་ནད་བདག་ཐེའུ་རང་འགོང་པོ། ཟ་བྱེད་དང་བཙན་དང་གཤིན་རྗེ་དཔག་ཏུ་མེད་པས་བསྐོར་ནས་དགྲ་བོ་བསད་བཅད་ཀྱི་ཤན་པར་རྔམ་ཤིང་ཡོད་པར་བསྒོམས། དེ་ནས་འདས་པའི་དྲེགས་བྱེད་ཐམས་ཅད་བསྟིམས། དེ་ལྟར་དུ་གསལ་བའི་བདུད་མགོན་གྱི་ཐུགས་ཀར་ཕཊཿ མཐིང་ནག་དང་འཁོར་རྣམས་ཀྱི་ཐུགས་ཀར་རང་རང་གི་མིང་ཡིག་དང་པོའི་ཐིག་ལེས་བརྒྱན་པ་ལས་འོད་ཟེར་འཕྲོས་པས་དེ་འདྲ་བའི་ལྷ་ཚོགས་སྤྱན་དྲངས་ནས་དམ་ཚིག་གི་འཁོར་ལོ་དང་དབྱེར་མེད་དུ་ཐིམ་པར་བསམ་ཞིང་། ཛཿཧཱུཾཾ་བམ་ཧོ༔ ཞེས་སོགས་ཀྱིས་ལས་རྦད་གཙོ་འཁོར་ཡོངས་རྫོགས་བསྐྱེད་ལ་ཡེ་ཤེས་པ་སྤྱན་དྲངས་པ་དང་མཆོད་བསྟོད་ཕྲིན་བཅོལ་རྦད་པ་སོགས་ནི་འདི་སྐད་དོ། ཧཱུཾ་སྔོན་ཚེ་དངོས་གྲུབ་བསྒྲུབ་པའི་ཚེ། བྱིན་རླབས་ཡ་མཚན་ཆེ་བའི་གནས། བྱ་རྒོད་ཕུང་པོའི་རི་ཡི་གྲོང་། འོད་མའི་ཚལ་གྱི་བྱང་གི་གནས། གང་ག་ཆེན་པོའི་ལྷོ་ཕྱོགས་ན། ནཱ་ལེནྟྲ་ཡི་ཤར་ཕྱོགས་ན། དུར་ཁྲོད་ཆེན་པོ་བསིལ་བའི་ཚལ། ཤི་རི་ཤ་དང་ཨ་ཤྭ་ཀ། ཨུ་དུམ་ཝཱ་ར་ནྱ་ཀྲོ་ཏ། ཤེལ་དང་མེ་ཏོག་ཚལ་གྱིས་བརྒྱན། ཀང་རུས་ཐོད་པའི་སྐ་མཁར་ནས། ནག་པོ་ཆེན་པོ་སྤྱན་འདྲེན་ན། ཆོས་དབྱིངས་ཕོ་བྲང་དམ་པ་འདིར། ཐུགས་རྗེའི་དབང་གིས་གཤེགས་སུ་གསོལ། བྱིན་གྱིས་བརླབས་པའི་གནས་མཆོག་འདིར། བསྟན་པ་བཤིག་བྱེད་བསྒྲལ་བའི་ཕྱིར། ནག་པོ་ཆེན་པོ་གཤེགས་སུ་གསོལ། ཤ་ཁྲག་དམར་གྱི་བདུད་རྩི་འདི། མ་ཧཱ་ཀཱ་ལའི་ཐུགས་དམ་བསྐང་བའི་ཕྱིར། ཡང་ཅིག་སྐ་ཅན་གཤེགས་སུ་གསོལ། མཐིང་ནག་གྲུ་གསུམ་དཀྱིལ་འཁོར་འདིར། འཕུང་བྱེད་ནག་པོ་སྤྱན་འདྲེན་ན། ཁྲག་འཐུང་ཆེན་པོ་གཤེགས༴ ཆོས་དབྱིངས་མི་འགྱུར་ཀློ་ང་དཀྱིལ་ནས། དམ་ཅན་ནག་པོ་སྤྱན་འདྲེན་ན། ལྷ་ཆེན་དཔལ་འབར་གཤེགས༴ དད་པ་དང་ནི་དམ་ཚིག་གིས། ལེགས་ལྡན་ནག་པོ་སྤྱན་འདྲེན་ན། བསྟན་སྲུང་མགོན་པོ་གཤེགས་སུ་གསོལ། བཅོམ་ལྡན་འདས་ཀྱི་སྤྱན་སྔ་རུ། བསྟན་པ་བསྲུང་བར་ཞལ་བཞེས་པའི། བྱ་རོག་གདོང་ཅན་གཤེགས༴ ནག་པོ་སྟོང་དང་ཤ་ཟ་འབུམ། མ་མོ་བྱེ་བའི་ཚོགས་རྣམས་ཀུན། བདེ་གཤེགས་སྤྲུལ་པ་གཤེགས་སུ་གསོལ། བྷུ་དྡྷའི་རྗེས་འཇུག་དམ་ཚིག་ཅན། རྣལ་འབྱོར་བདག་གིས་སྤྱན་འདྲེན་ན། བསྟན་པ་རྒྱས་མཛད་གཤེགས༴ དྲག་པོའི་ལས་རྣམས་བསྒྲུབ་པའི་ཕྱིར། སྡེ་བརྒྱད་མགོན་པོ་སྤྱན་འདྲེན་ན། སྤྱན་འདྲེན་གནས་འདིར་གཤེགས་སུ་གསོལ། རྡོ་རྗེ་འཆང་གི་སྤྱན་སྔ་རུ། ཇི་ལྟར་ཁས་བླངས་དམ་བཅས་པའི། ཁྲག་འཐུང་ཆེན་པོ་གཤེགས༴ ནག་པོ་ཆེན་པོ་དྲག་ཤུལ་ཅན། བྱ་རོག་མཚན་ཅན་སྟོབས་པོ་ཆེ། ཁྱོད་ཀྱིས་མི་འདུལ་གང་ཡང མེད། སྔོན་གྱི་ཐུགས་དམ་དགོངས་མཛོད་ལ། དད་པ་དང་ནི་དམ་ཚིག་གིས། ཚུར་གཤེགས་ཚུར་གཤེགས་ནག་པོ་ཆེ། བསྟན་དང་བསྟན་འཛིན་སྐྱོང་བ་དང་། བསྟན་དགྲ་ལོག་འདྲེན་སྒྲོལ་ཕྱིར་དུ། དྲག་པོའི་གནས་འདིར་གཤེགས་ནས་ཀྱང་། དུར་ཁྲོད་རོལ་པའི་གདན་དེ་རུ། མངོན་སྤྱོད་དབང་གིས་བཞུགས་སུ་གསོལ། ༀ་ཤྲྀ་མ་ཧཱ་ཀཱ་ལ་ས་མ་ཡ་ཛཿཧཱུཾ་བཾ་ཧོཿ གསུམ་པ་མཆོད་པ་འབུལ་ཞིང་ཕྲིན་ལས་བཅོལ་བ་ནི། ཀྱེ་མ་མགོན་པོའི་ཐུགས་ཀྱི་སྤྲུལ་པ་ལས། བདུད་མགོན་སྲོག་གཅོད་ནག་པོ་དང་། བདུད་དམག་འབུམ་ཕྲག་འཁོར་བཅས་རྣམས། གནས་འདིར་སྤྱན་འདྲེན་གཤེགས་སུ་གསོལ། རྒྱན་གྱི་གཏོར་མ་འདི་བཞེས་ལ། དགྲ་སྲོག་གཅོད་པའི་དུས་ལ་བབ། ལས་བཅོལ་ཕྲིན་ལས་མྱུར་དུ་མཛོད། ཀྱཻ་ས་བདག་རྒྱལ་པོ་ཕག་མགོ་ཅན། རེ་འབྱམས་མཆེད་བརྒྱད་འཁོར་བཅས་རྣམས། གནས་འདིར་སྤྱན་འདྲེན་སོགས། ཀྱཻ་མྱུར་མགྱོགས་ཕྲ་མེན་བཅུ་གཅིག་དང་། བདུད་ཕོ་ལོ་བདུད་བཅུ་གཉིས་རྣམས། གནས་འདིར་སྤྱན་འདྲེན་གཤེགས་སུ་གསོལ། རྒྱན་གྱི་གཏོར་མ་འདི་བཞེས་ལ། དགྲ་སྲོག་གཅོད་པའི་དུས་ལ་བབ། ལས་བཅོལ་ཕྲིན་ལས་མྱུར་དུ་མཛོད། ཀྱཻ་མི་ལུས་དུད་འགྲོའི་མགོ་བོ་ཅན། ཕུང་འདྲེ་བཅོ་བརྒྱད་འཁོར་བཅས་རྣམས། གནས་འདིར་སོགས། ཀྱཻ་ཕོ་བདུད་བདུད་ཕོ་ཐོད་ཁུར་དང་། མོ་བདུད་བདུད་མོ་ནད་བདག་དང་། སྣང་ཞིང་སྲིད་པའི་ལྷ་འདྲེ་རྣམས། གནས་འདིར་སོགས། ཀྱཻ་སྔོན་ཚེ་དཔལ་ཆེན་ཧེ་རུ་ཀ། འཕགས་པ་སྤྱན་རས་གཟིགས་དབང་དང་། དཔལ་ལྡན་རྒྱལ་ཆེན་རྣམ་ཐོས་སྲས། རིག་འཛིན་དྷ་ན་སཾ་སྐྲྀ་ཏ། མཁས་པ་བཻ་རོ་ཙ་ན་ཡི། སྤྱན་སྔར་ཁས་བླངས་དམ་བཅས་པ། བསྟན་སྲུང་མགོན་པོ་ལ་སོགས་པའི། འཇིག་རྟེན་དྲེགས་པའི་ལྷ་འདྲེ་རྣམས། དམ་ཚིག་གཉན་ལ་མ་འདའ་བར། སངས་རྒྱས་བསྟན་པ་བསྲུང་བའི་ཕྱིར། རྒྱན་གྱི་གཏོར་མ་འདི་བཞེས་ལ། དགྲ་བགེགས་མིང་གཟུགས་བྲིས་པ་རྣམས། སོད་ཅིག་སྒྲོལ་ཞིག་དགྲ་ཤ་ཟོ། གཏན་ནས་བརླག་པའི་ཕྲིན་ལས་མཛོད། ཀྱཻ་སྐྱེ་འགྲོའི་སྲོག་ལ་དབང་བྱེད་པའི། ས་བདག་རེ་འབྱམས་མཆེད་བརྒྱད་དང་། ལོ་བདུད་བཅུ་གཉིས་འཁོར་བཅས་དང་། སྲིན་པོ་སྡེ་བཞི་གྲི་བོའི་ཚོགས། ཕུང་འདྲེ་བཅོ་བརྒྱད་ཁྱེད་རྣམས་ལ། ཕྲིན་ལས་དྲག་ཏུ་བཅོལ་བ་ནི། བདག་ལ་བརྙས་བྱེད་སྡིག་ཅན་དང་། ཉམས་པ་ཅན་གྱི་དགྲ་བོ་འདིའི། སྲོག་སྙིང་ཕྱུངས་ལ་འབྱུང་བཞི་ཀྲུགས། མེ་དབལ་གག་ལྷོག་གཟོར་གསུམ་སོགས། ཚ་ནད་འབྲུམ་པ་ཁྲག་བཤལ་རིམས། སྲོག་སྙིང་ཕྱུང་བའི་ལས་རྣམས་ཀྱིས། དམ་ཉམས་དགྲ་བོའི་མཐའ་རྩ་ཆོད། བཅོལ་པའི་ཕྲིན་ལས་གྲུབ་པར་མཛོད། ཅེས་བརྗོད་ཅིང་བསྐལ་ལོ། ལྔ་པ་བྲིབ་ཁུང་བསྐྱེད་པ་ནི། ཨེ གནོད་བྱེད་དགྲ་བགེགས་མ་ལུས་བྲུབ་པའི་ཁུང་། དུག་གསུམ་ལས་ལས་གྲུབ་པའི་བཙོན་ཁང་ནི། གྲུ་གསུམ་དམར་ནག་རི་རབ་བང་རིམ་ཅན། འོག་ཕྱོགས་འདོད་ཆགས་ཁྲག་མཚོ་ཁོལ་མའི་གཞི། ནང་དམར་ཞེ་སྡང་རང་བཞིན་མེ་དཔུང་འབར། ཕྱི་ནག་གཏི་མུག་བྱིང་བའི་མུན་པ་འཐིབས། ཁ་དོག་མཐིལ་ཡངས་ཟིན་ན་ཐར་མེད་གནས། བདུད་ཀྱི་བཙོན་ར་གཤིན་རྗེའི་ཕོ་བྲང་ཆེ། ཤན་པའི་གྲོང་ཁྱེར་གསོད་དང་གཅོད་ལ་རྔམས། ཤ་ཁྲག་ཟས་ལ་རབ་དགའ་དེ་ཡི་མཐར། ཁོར་ཡུག་ལྕགས་བསྲེགས་ས་གཞི་ངར་མའི་སྟེང་། རྩང་དམར་འཇིག་རྟེན་ལས་གྲུབ་བཤན་པའི་ཚོགས། ཉི་ཤུ་རྩ་གཅིག་འཁོར་བཅས་གསལ་བར་གྱུར། དྲུག་པ་ལིངྒ་དམིགས་བྱ་གསལ་བ་ནི། ནྲྀཿཏྲིཿ དེ་ནང་བཀོད་པའི་ལིངྒ་བསྒྲལ་བའི་ཞིང་། བསྟན་པ་སྤྱི་དང་རྣལ་འབྱོར་སྒོས་ཀྱི་དགྲ། དམ་ཉམས་དགྲ་བོ་གནོད་བྱེད་ཨ་མུ་ཀ། གཟུགས་བརྙན་རི་མོར་བྲིས་ལ་མིང་བྱང་བཏབ། རྣམ་ཤེས་རྟེན་དུ་བྱས་ལ་ཟག་རྫས་བྱུག ཉམ་ཐག་མྱ་ངན་འདུག་སྟངས་རྐང་ལག་བཅིངས། མངོན་སུམ་ལྟ་བུར་གསལ་བ་ཉིད་དུ་གྱུར། བདུན་པ་ཕོ་ཉ་སྤྲོ་ཞིང་དམིགས་བྱ་དགུག་པ་ནི། ཛཿཛཿ བདག་དང་མདུན་བསྐྱེད་ཐུགས་ལས་རང་འདྲ་བའི། སྤྲུལ་པ་ཡང་སྤྲུལ་དཔག་ཏུ་མེད་འཕྲོས་པས། དམ་ཉམས་དགྲ་བོའི་རྣམ་པར་ཤེས་པ་ནི། སྐྱོབས་བྱེད་ལྷ་དང་བན་བོན་སྲུང་མའི་སྐྱབས། མདོར་ན་གར་ཡོད་གར་གནས་དེ་དག་ནི། མཐོ་བ་སྲིད་པའི་རྩེ་མོ་མན་ཆད་ནས། དམའ་བ་ན་རག་དམྱལ་ཁམས་ཡན་ཆད་དུ། བྲོས་ཤིང་བསྡད་པའི་རང་དབང་མེད་གྱུར་ནས། འགུགས་བྱེད་ལྕགས་ཀྱུས་སྙིང་གི་གནས་ནས་ཟུངས། ལས་ཀྱི་རླུང་དམར་ཞགས་པས་མགུལ་ནས་ཁྲིད། འཇོམས་བྱེད་ཐོ་བས་སྤྱི་བོའི་གཙུག་ནས་རྡུངས། འཇིགས་བྱེད་མུན་པ་ནག་པོས་རྒྱབ་ནས་དེད། ལས་ཀྱི་ཕོ་ཉས་ཧབ་སྒྲ་དི་རི་རི། རང་དབང་མེད་པར་བཙོན་བཞིན་ཁྲིད་ནས་ཀྱང་། ཕོ་རྣམས་གཡས་དང་མོ་རྣམས་གཡོན་དུ་བསྐོར། བདག་མདུན་བྲུབ་ཁུང་མཐར་སླེབ་འཁོར་རྣམས་ཀྱིས། ཀླད་ལ་གཡུགས་ཅིང་ལྕགས་བསྲེགས་ས་བཞིར་བརྡབ། ཁོ་ཡི་ཁོང་པའི་ནང་ནས་ཚེ་དང་བཅུད། ཐམས་ཅད་ཡར་བསྐྱུགས་བདག་ལ་ཚུར་ཐིམ་པས། དངོས་གྲུབ་གསོས་གྱུར་བཀྲག་དང་གཟི་མདངས་རྒྱས། བཅུད་བྲལ་སྒྱེ་སྟོང་བཞིན་གྱུར་དགྲ་བོ་ནི། འགོ་བའི་ལྷ་ལྔ་སྐྱོབས་བྱེད་དང་བྲལ་བས། ལུས་རིད་ནག་པོ་སྐེམ་སྐེམ་སོང་ནས་ནི། རྣམས་ཤེས་མར་མེ་འཆི་གའི་འོད་ཙམ་དང་། བཅས་ཏེ་བྲུབ་ཁུང་ནང་གི་ལིངྒར་ཐིམ། བརྒྱད་པ་དགུག་པ་བྱ་བ་ནི། ན་མོ། རྩ་བརྒྱུད་བླ་མ་རྒྱལ་བ་ཞི་ཁྲོའི་ཚོགས། དཔའ་བོ་མཁའ་འགྲོ་དམ་ཅན་སྲུང་མར་བཅས། སྔགས་འཆང་བདག་གི་སྔགས་དང་ཏིང་ངེ་འཛིན། དཀོན་མཆོག་གསུམ་སོགས་བཀའ་ཡི་བདེན་པ་དང ། དཔལ་མགོོན་ལེགས་ལྡན་ཚོགས་བདག་ཡབ་ཡུམ་སྲས། སྐ་གསུང་ཐུགས་དང་ཡོན་ཏན་ཕྲིན་ལས་མགོན། ཕྱོགས་བཅུ་སྡེ་བརྒྱད་ལྷ་དམག་བྱེ་བའི་ཚོགས། དཔལ་མགོན་བདུན་ཅུ་རྒྱལ་ཆེན་སྡེ་བཞི་སོགས། མ་ལུས་འཁོར་དང་བཅས་པའི་བདེན་པའི་མཐུས། བླ་མའི་སྐ་དགྲ་བསྟན་དང་བསྟན་འཛིན་སྨོད། ཁྱད་པར་སྔགས་འཆང་བདག་དང་སྦྱིན་པའི་བདག དཔོན་གཡོག་འཁོར་དང་བཅས་པ་ཐམས་ཅད་ལ། སྔ་དགྲ་ལག་བདར་ཕྱི་དགྲ་ཡིད་ལ་སེམས། ད་དགྲ་གནོད་ཅིང་འཚེ་བའི་དགྲ་དང་བགེགས། ཁ་འཇམ་སྙིང་རྩུབ་ཞེ་ནས་དམོད་པ་དང་། དོ་བསྡོ་ཕོད་བཙུགས་བསམ་ངན་སྦྱོར་རྩུབ་ཤོམ། མཐུ་དང་ནུས་པ་བུ་ལོན་བཞིན་དུ་སྙེགས། འགྲོ་ལམ་རྩང་བཙུགས་ཟ་ལམ་དུག་སྦྱོར་ཤོམ། དམིགས་ཡུལ་གཟུགས་ལིང་བཀོད་པ་འདི་རྣམས་ཀྱི། རྣམ་ཤེས་བླ་ཚེ་སྲོག་དང་བཅས་པ་རྣམས། གནམ་ས་གླིང་བཞི་གླིང་ཕྲན་རི་རབ་གསེང་། ཉི་ཟླའི་གོ་བར་ཆོས་བོན་སྲུང་མའི་སྐྱབས། གང་ན་གནས་ཀྱང་ལིངྒ་འདི་ཉིད་ལ། ཁུག་ཅིག་བཛྲ་ཨཾ་ཀུ་ཤ་ཡ་ཛཿ སྐེ་ནས་ཆིངས་ཤིག་བཛྲ་པཱ་ཤ་ཧཱུཾ། ཡན་ལག་སྡོམས་ཤིག་བཛྲ་སྥོ་ཌ་བམ། མྱོས་པར་གྱིས་ཤིག་བཛྲ་གྷཎྜེ་ཧོཿ ཕྱེས་ཤིག་བཛྲ་པྲ་བེ་ཤ་ཡ་ཕཊཿ དབྱེར་མེད་སྟིམས་ཤིག་ཨ་ཝེ་ཤ་ཡ་ཨཱཿ ཞེས་འགུགས་འཆིངས་སྡོམ་མྱོས་དབྱེ་བསྟིམས་ཀྱི་རྒྱ་དང་བཅས་རྟགས་མ་བྱུང་བར་བསྐྱལ་ཞིང་། སྤྲོ་ན་འགུགས་པ་རྒྱས་བསྡུས་ཅི་རིགས་བྱས་ལ། ༀ་ཤྲཱྀ་མ་ཧཱ་ཀཱ་ལ་ཧཱུཾ་ཕཊཿ ༀ་བཛྲ་ཡཀྴ་བཻ་ཏ་ལི་ཧཱུཾ༔ ༀ་ཤྲཱྀ་མ་ཧཱ་ཀཱ་ལ་ག་ན་གུ་ཏི་ཀཱ་མ་ལ་ཤྲྀ་ནག་མོ་ཏི་ལ་བྷྱོཿ གནོད་བྱེད་དགྲ་བགེགས་བྱད་མ་ལྷ་སྲུང་དང་བཅས་པའི། བླ་ཤ་རེ་མ་ཏི་འགྲིམ་འགྲིམཿ ཤ་མ་རུ་ཏི་ཐུམ་ཐུམཿ མྱོག་མྱོག༴ ཡེད་ཡེདཿ ཤ་མ་རུ་ཏི་ཁུག་ཁུགཿ ལིང་མྱོག ལིང་ཤག ལིང་ཐུམཿ ཙ་མུན་དྲི་བྷྱོཿ ཛཿཧཱུཾ་བཾ་ཧོཿ དགུ་བ་སྔོན་བྱུང་གི་ཁུངས་དང་ལོ་རྒྱུས་ཇི་བཞིན་དགྲ་སྲི་བྲུབ་པའི་གཞུང་ལ་འཇུག་པ་ནི། འགུགས་པའི་དམིགས་གནད་ལ་འདུན་པ་གཞུར་ནས་འདི་སྐད་དོ། ཧཱུཾ་སྔོན་གྱི་བསྐལ་པ་དང་པོ་ལཿ དགྲ་བྲུབ་བྱེད་པ་གར་སྲིད་ན། གནམ་གྱི་མགོ་བོ་དང་ནི་ས་ཡི་ཐ་མ་འཚོས་པ་ལ། ཕ་གནམ་མཐའ་ལྕགས་ཀྱི་རྒད་པོ་དང་། མ་ས་མཐའ་ཟངས་ཀྱི་རྒན་མོ་སྲིད། དེ་གཉིས་རྫུའཕྲུལ་བསྡེབས་པ་ལ། སྲིད་པའི་སྒོ་ང་རྣམ་བཞི་བྱུང་། དུང་སྒོང་ཤར་དུ་རྡོལ་བ་ལ། ཤར་ཕྱོགས་རྒྱ་ཡི་དགྲ་སྲི་སྲིད། གཡུ་སྒོང་ལྷོ་རུ་རྡོལ་བ་ལ། ལྷོ་ཕྱོགས་འཇང་གི་དགྲ་སྲི་སྲིད། ཟངས་སྒོང་ནུབ་ཏུ་རྡོལ་བ་ལ། ནུབ་ཕྱོགས་མོན་གྱི་དགྲ་སྲི་སྲིད། ལྕགས་སྒོང་བྱང་དུ་རྡོལ་བ་ལ། བྱང་ཕྱོགས་ཧོར་གྱི་དགྲ་སྲི་སྲིད། ཕྱོགས་བཞིའི་དགྲ་སྲི་རྣམ་བཞི་དེས། གོ་གྱོན་མཚོན་ཐོགས་ཀུན་ལ་སྡང་། འཛམ་གླིང་མི་ལ་དམག་སྣ་དྲངས། དེར་ལས་སྨོན་མཐུ་དང་ལྡན་པ་ཡི། མཁས་པ་མི་བཞིས་རྫུ་འཕྲུལ་མཛད། སྡང་བའི་དགྲ་བོ་ཐམས་ཅད་ཀུན། འོད་ཟེར་ཤུགས་ཀྱིས་བསྡུས་ནས་ནི། ཤར་ཕྱོགས་རྒྱ་ཡི་དགྲ་སྲི་དེ། འཕར་སྤྱང་ཐོད་པའི་ནང་དུ་བྲུབས། ལྷོ་ཕྱོགས་འཇང་གི་དགྲ་སྲི་དེ། ཁྱི་ཕག་ཐོད་པའི་ནང་དུ་བྲུབས། ནུབ་ཕྱོགས་མོན་གྱི་དགྲ་སྲི་དེ། རྟ་རྨིག་འཁོར་མོའི་ནང་དུ་བྲུབས། བྱང་ཕྱོགས་ཧོར་གྱི་དགྲ་སྲི་དེ། གཡག་རུ་གཡོན་མའི་ནང་དུ་བྲུབས། རྡོ་ནག་རྡེའུ་འབྲུ་དགུ་དང་བྲུབས། གླང་མ་ལིང་ཚེ་དགུ་དང་བྲུབས། ཚྭ་སྒོག་རམ་པ་དགུ་དང་༴ གཡེར་མ་ཁ་ཆེ་དགུ་དང་༴ རྒྱ་ལམ་ཆེན་པོའི་བཞི་མདོར་མནན། ལྷ་ཁང་ཐེམ་པའི་འོག་ཏུ་མནན། ལུང་གསུམ་འདུས་པའི་མདོ་རུ་མནན། མཆོད་རྟེན་བྱིན་ཅན་ཞབས་སུ་མནན། འཕང་བ་རྒྱ་མཚོའི་གཏིག་དུ་འཕང་། འཕང་བའི་འོག་ནས་ཡར་མ་ལྡང་། མནན་པ་རི་རབ་ལྗིད་ཀྱིས་མནན། མནན་པའི་འོག་ནས་འཕར་མེད་བྱས། དགྲ་བྲུབ་བྱེད་པ་དང་པོ་དེ་ལྟར་སྲིད། སྲིད་པ་དེ་ཡི་དཔེ་བཞིན་དུ། དོ་ནུབ་བདག་དང་ཡོན་བདག་གིས། གཡག་རུ་གཡོན་མའི་ནང་ཤེད་དུ། དགྲ་གཟུགས་ལིངྒ་མིང་རུས་བཅས། རྡོ་ནག་དེ་ནི་རྡེའུ་དགུ་དང་། གླང་མ་དེ་ནི་ལིང་དགུ་དང་། ཚྭ་གཡེར་རམ་སྒོག་ཐལ་འཇིམས་འདིས། སྡང་དགྲ་གནོན་བགེགས་མ་ལུས་བྲུབ། དམག་སྣ་ཇག་སྣ་སྟོན་མི་བྲུབ། རྐུན་སྣ་གྱོད་སྣ་སྟོན་མི་བྲུབ། བསམ་ངན་སྦྱོར་བ་རྩུབ་པ་ཡི། དགྲ་བགེགས་གནོད་བྱེད་ཐམས་ཅད་བྲུབ། བྲུབ་པོ་དགྲ་བོ་མ་ཤོར་ཅིག མནན་ནོ་དགྲ་བོ་མ་ལྡང་ཅིག ནྲྀ་ཏྲི་མཱ་ར་ཡ་ནན། སྟྭཾ་བྷ་ཡ་ནན། ཀྱཻ་དེ་ནས་བསྐལ་པ་སྔ་མ་ལ། དགྲ་སྲི་བྲུབ་པ་གར་སྲིད་ན། སྲིད་པ་ཡེ་སྨོན་རྒྱལ་པོ་ལ། བདུད་ངམ་རྗེ་རྩོལ་པོ་དགྲ་རུ་ལངས། བདུད་རྟ་ནག་པོ་འགྲམ་རིང་ཞོན། བདུད་ཞགས་ནག་པོ་གྲུ་ལ་བསྐོན། ལྕགས་སྤྱང་སྔོན་མོ་ཕྱི་ནས་ཁྲིད། འཛམ་གླིང་མི་ལ་དམག་སྣ་དྲངས། དེར་སྲིད་པ་ཡེ་སྨོན་རྒྱལ་པོ་དེས། འཕྲུལ་གྱི་གཏོད་མཁན་སྔགས་འཆང་སྤྱན་དྲངས་ནས། བདུད་ངམ་རྗེ་རྩོལ་པོའི་བླ་བཟུང་ནས། རྐང་ལག་བཞི་པོ་མགོ་དང་ལྔར། ཁྲོ་ཆུའི་ཕ་སྲིད་པ་དེ་ལ་དཔེ་བླངས་ནས། དེ་རིང་བདག་དང་ཡོན་བདག་གིས། གཡག་རུ་གཡོན་མའི་ནང་ཤེད་དུ། དགྲ་གཟུགས་ལིངྒ་མིང་རུས་བཅས། རྡོ་ནག་དེ་ནི་རྡེའུ་དགུ་དང་། གླང་མ་དེ་ནི་ལིང་དགུ་དང་། ཚྭ་གཡེར་རམ་སྒོག་ཐལ་འཇིམས་འདིས། སྡང་དགྲ་གནོད་བགེགས་མ་ལུས་བྲུབ། དམག་སྣ་ཇག་སྣ་སྟོན་མི་བྲུབ། རྐུན་སྣ་གྱོད་སྣ་སྟོན་མི་བྲུབ། བསམ་ངན་སྦྱོར་རྩུབ་འཆང་བ་ཡིས། དགྲ་བགེགས་བྱད་མ་ཐམས་ཅད་བྲུབ། བྲུབ་པོ་དགྲ་བོ་མ་ཤོར་ཅིག མནན་ནོ་དགྲ་བོ་མ་ལྡང་ཅིག ནྲྀ་ཏྲི་མཱ་ར་ཡ་ནན། སྟྭཾ་བྷ་ཡ་ནན་ནན། འོག་མ་ཀུན་ལ་དེའི་བགྲེས་སྦྱར། བོང་རྡོ་རེ་བཏགས། ལྕགས་ཐག་སྔོན་པོས་ཧྲིལ་གྱིས་བཀྱིགས། གཡག་རུ་གཡོན་མའི་ནང་དུ་བྲུབ། རྒྱ་ལམ་སུམ་མདོ་དྲང་པོ་རུ། གཡག་རུ་དགྲ་དང་བཅས་པ་མནན། དེ་ཡིས་ངམ་རྗེ་ཕམ་ནས་ངམ་ཁམས་བརླགས། ཡེ་སྨོན་རྒྱལ་པོ་ཡོན་མཆོད་རྒྱལ། དགྲ་སྲི་བྲུབ་པ་དེ་ལྟར་སྲིད། སོགས། ཀྱཻ་དེ་འོག་བསྐལ་པ་བར་མ་ལ། དགྲ་བྲུབ་བྱེད་པ་གར་སྲིད་ན། ཕྱྭ་རྗེ་ཡ་བླ་བདལ་དྲུག་ལ། བདུད་ཁྱུང་རུ་ནག་པོ་དགྲ་རུ་ལངས། བོང་བུ་ནག་པོ་རྟ་རུ་ཞོན། སྲིན་ཞྭ་ནག་པོའི་མགོ་ལ་གྱོན། ཁྱི་ནག་ལྕགས་མགོ་རྗེས་སུ་ཁྲིད། འཛམ་གླིང་མི་ལ་དམག་སྣ་དྲངས། དེར་ཕྱྭ་རྗེ་ཡ་བླ་བདལ་དྲུག་དེས། ལྷ་བདུད་དཔུང་ཀུན་འདུལ་སྤྱན་དྲངས་ནས། ས་ལ་རྡོ་བླངས་དགྲ་བོའི་བླ་རྡོ་བཅས། ལུང་ལ་ཤིང་བཅད་དགྲ་བོའི་བླ་ཤིང་བྱས། དགྲ་བོའི་བླ་རྡོ་བཅག་ལ་བླ་ཤིང་བཅད། གཡག་རུའི་ནང་དུ་དགྲ་སྲི་མ་ལུས་བྲུབ། སྡང་དགྲ་གནོད་བྱེད་བྲུབ་པ་དེ་ལྟར་སྲིད། སྲིད་པ་དེ་ལ་དཔེ་བླངས་སོགས། ཀྱཻ་བསྐལ་པ་དེ་ཡི་ཐ་མ་ལ༈ དགྲ་བྲུབ་བྱེད་པ་གར་སྲིད་ན། སྲིད་པ་རྒྱལ་བུ་མཐིང་གྷེ་ལ། སྲིན་པོ་སྙིང་དམར་དགྲ་རུ་ལངས། དྲིལ་ནག་རྐང་གསུམ་རྟ་རུ་ཞོན། སྲིན་པོའི་དམག་ཚོགས་ལས་ལ་བསྐོས། འཛམ་གླིང་མི་ལ་དམག་སྣ་དྲངས། དེར་སྲིད་པའི་རྒྱལ་བུ་མཐིང་གྷེ་དཔེ། ཀོང་ཚེ་འཕྲུལ་རྒྱལ་སྤྱན་དྲངས་ནས། ས་ལ་རྡོ་བླངས་དགྲ་བོའི་བླ་རྡོ་བྱས། ལུང་ལ་ཤིང་བཅད་དགྲ་བོའི་བླ་ཤིང་བྱས། དགྲ་བོའི་བླ་ཤིང་གཏུབ་ནས་བླ་རྡོ་བཅག །གཡག་རུའི་ནང་དུ་དགྲ་ལིང་བཅས་ཏེ་བྲུབ། སྡང་དགྲ་གནོད་བྱེད་བྲུབ་པ་དེ་ལྟར་སྲིད། སྲིད་པ་དེ་ཡི་དཔེ་སོགས། ཡང་དགྲ་བྲུབ་བྱེད་པ་གར་སྲིད་ན། རྒྱ་གར་ཆོས་ཀྱི་རྒྱལ་པོ་ལ། མུ་སྟེགས་ནག་པོ་དགྲ་རུ་ལངས། ཆོས་འཁོར་བསྟན་པ་འཇིགས་ཐུག །ནད་མུག་མཚོན་གྱི་བུ་ཡུག་འཚུབ། དེར་རྒྱ་གར་ཆོས་ཀྱི་རྒྱལ་པོ་དེས། སློབ་དཔོན་ཤིནྟཾ་གྷརྦྷ་སོགས། གྲུབ་ཆེན་མང་པོ་སྤྱན་དྲངས་ནས། དྲག་སྔགས་དམོད་པའི་སྒྲུབ་པ་མཛད། མནན་བསྲེག་འཕང་བའི་ལས་སྦྱོར་གྱིས། མུ་སྟེགས་སྡེ་ཚོགས་ཆམ་ལ་ཕབ། ནང་བ་སངས་རྒྱས་བསྟན་པ་བཙུགས། དགྲ་ཆོས་བྱེད་པ་དེ་ནས་སྲིད། སྲིད་པ་དེ་ལ་དཔེ་སོགས། ཡང་དགྲ་བྲུབ་བྱེད་པ་གར་སྲིད་ན། བཙད་པོ་ཁྲི་སྲོང་ལྡེའུ་བཙན་ལ། མཐའ་མིའི་རྒྱལ་པོ་དགྲ་རུ་ལངས། བོད་ཁམས་མི་བདེ་འཁྲུག་རྩོད་བྱུང་། དེར་རྒྱལ་པོ་ཁྲི་སྲོང་ལྡེའུ་བཙན་གྱིས། སློབ་དཔོན་པདྨ་འབྱུང་གནས་དང་། མཁས་པ་བཻ་རོ་ཙ་ན་དྲངས། རྟ་མགྲིན་དབང་གི་སྒྲུབ་པ་མཛད། དགྲ་གཟུགས་ལིངྒ་མིང་རུས་དང་། དགྲ་བོའི་བླ་རྡོ་བླ་ཤིང་རྣམས། གཅན་གཟན་ཐོད་པའི་ནང་དུ་བཅུག ལྷ་ཁང་ཐེམ་པའི་འོག་ཏུ་མནན། །མཐའ་དམག་བཟློག་ནས་བོད་ཁམས་བདེ། དགྲ་བྲུབ་བྱེད་པ་དེ་ནས་སྲིད། སྲིད་པ་དེ་ལ་སོགས། ཡང་དགྲ་བྲུབ་བྱེདཔ་གར་སྲིད་ན། རྒྱལ་པོ་མདོ་བཞིར་ནག་པོའི་སྐ་རིང་ལ། ཤར་གྱི་རྒྱལ་པོ་དགྲ་རུ་ལངས། རྒྱལ་མོ་རོང་དུ་དམག་སྣ་དྲངས། རྒྱལ་ཁམས་འཁྲུག་རྩོད་ལས་ལ་གཡེངས། དེར་རྒྱལ་པོ་མདོ་གཞེར་ནག་པོ་དེས། ལོ་པཎ་བཻ་རོ་ཙ་ན་དང་། གཡུ་སྒྲ་སྙིང་པོ་གདན་དྲངས་ནས། དམག་དཔུང་བཟློག་པའི་ཞུ་བ་ཕུལ། སློབ་དཔོན་རྣམ་གཉིས་བཀའ་བསྒྲོས་བྱས། མགོན་པོ་ནག་པོ་དགྲ་ལ་རྦད། གཡག་རུའི་ནང་དུ་དགྲ་གཟུགས་བྱས། སྒྲུབ་གནས་གཉན་པོའི་འོག་ཏུ་མནན། དགྲ་ཁམས་ཕམ་ནས་ཟུན་ཕྱོགས་རྒྱལ། དགྲ་ཆོས་མཛད་ནས་གཏེར་དུ་སྦས། དགྲ་སྲི་བྲུབ་པ་དེ་ནས་སྲིད། སྲིད་པ་དེ་ལ་དཔེ་བླངས་ནས། དེ་རིང་བདག་དང་ཡོན་བདག་གིས། གཡག་རུ་གཡོན་མའི་ནང་ཤེད་དུ། དགྲ་གཟུགས་ལིངྒ་བླ་རྡོ་བཅས། རྡོ་ནག་དེ་ནི་རྡེའུ་དགུ་དང་། གླང་མ་དེ་ནི་ལིང དགུ་དང་། ཚྭ་གཡེར་རམ་སྒོག་ཐལ་འཇིམ་འདིས། སྡང་དགྲ་གནོད་བགེགས་མ་ལུས་བྲུབ། དམག་སྣ་ཇག་སྣ་སྟོན་མི་བྲུབ། རྐུན་སྣ་གྱོད་སྣ་སྟོན་མི་བྲུབ། བསམ་ངན་སྦྱོར་རྩུབ་འཆང་བ་ཡི། དགྲ་བགེགས་བྱད་མ་ཐམས་ཅད་བྲུབ། བྲུབ་པོ་དགྲ་བོ་མ་ཤོར་ཅིག མནན་ནོ་དགྲ་བོ་མ་སྡང་ཅིག ནྲྀ་ཏྲི་མཱ་ར་ཡ་ནན། སྟྭཾ་བྷ་ཡ་ནན་ནནཿ ༀ་ཤྲཱྀ་མ་ཧཱ་ཀཱ་ལ་ཧཱུཾ་ཕཊཿ མ་ཧཱ་ཀཱ་ལ་སིདྷི་ཡཾ་དུ་ཛཿ ༀ་བཛྲ་ཡཀྴ་བཻ་ཏ་ལི་ཧཱུཾཿ ཏྲག་རཀྴ་རཀྨོ་ཐུམ་ལམཿ སྙིང་ལ་འདུས་འདུསཿ སྲོག་ལ་སྲིང་སྲིང་ཿ ཤམ་ཤམ་ཁྱེར་བྷྱོཿ འབོད་པའོ། ༀ་ཤྲཱྀ་མ་ཧཱ་ཀཱ་ལ་ཧཱུཾ་ཕཊཿ ༀ་མ་ཧཱ་ཀཱ་ལ་ཆྒཻམོའི་སྙིང་འབྱིནཿ སྙིང་ལ་པུ་ཏྲི་ཆྒཻམོའི་ཙིརྟ་རྦད་རྦདཿ དེ་ནི་ཡབ་ཀྱི་རྦད་པའོ། ༀ་བཛྲ་ཡཀྴ་བཻ་ཏ་ལི་ཧཱུཾ༔ ཏྲག་རཀྴ་རཀྨོ་ཐུམ་ལམཿ ཆྒཻའི་སྙིང་ལ་འདུས་འདུསཿ སྲོག་ལ་སྲིང་སྲིང་ཿ ཤམ་ཤམ་ཁྱེར་བྷྱོཿ ཏྲག་རཀྴ་རཀྨོ་ཐུམ་ལིང་སྙིང་ཁ་རག་ཛ་ཛཿ ཡུམ་གྱི་རྦད་པ་དང་དྲག་སྔགས་སོ། ༀ་ཤྲཱྀ་མ་ཧཱ་ཀཱ་ལ་ཧཱུཾ་ཕཊཿ ༀ་མ་ཤྲཱྀ་མ་ཧཱ་ཀཱ་ལ་དགྲ་བོའི་སྙིང་འབྱིནཿ སྙིང་ལ་སུ་ཏྲི་ཙིརྟ་རྦདཿ ༀ་མ་ཧཱ་ཀཱ་ལ་ནྲྀ་ཐུམ་ལིམ་རིལ་རྦདཿ སུ་ནྲྀ་ཛ་དགྲ་བོའི་སྙིང་ལ་ཡ་ཡཿ ༀ་བཛྲ་ཡཀྴ་བཻ་ཏ་ལི་ཧཱུཾཿ ཏྲག་རཀྴ་རཀྨོ་ཐུམ་ལིང་༔ དགྲ་བོའི་སྙིང་ལ་འདུས་འདུས༔ སྲོག་ལ་བྲིང་བྲིང་ཤམ་ཤམ་ཁྱེར་བྷྱོཿ རཀྴ་རཀྨོ་ཐུམ་ལིཾ་སྙིང་ཁ་རཀྴ་ཛ་ཛཿ ཏྲག་རཀྴ་དགྲ་བོའི་ཙིརྟ་ཤམ་ལམ་སྙིང་ཁ་རཀྴ་ཛཿཛཿ ཐུམ་རི་ལི་ལི་བྷྱོཿ ༀ་ཤྲཱྀ་མ་ཧཱ་ཀཱ་ལ་གུ་ཎ་ཧྲི་ཏ་ཙིརྟ་སརྦ་ཤཱ་ཏྲུམ་དགྲ་བོ་མིང་དང་གཟུགས་སུ་བྲིས་པ་ཐམས་ཅད་མཱ་ར་ཡ་ཕཊཿ འབོད་རྦད་རྣམས་ཀྱི་གཤམ་དུ། ༀ་ཤྲཱྀ་མ་ཧཱ་ཀཱ་ལ་ནྲྀ་ཐུམ་ལིཾ་ཐུམ་རིལཿ སུ་ནྲྀ་ཛཿ དགྲ་བོའི་སྙིང་ལ་ཡ་ཡཿ དྲག་རཀྴ་ཙིརྟ་ཤམ་ལོང་སྙིང་ཁ་རཀྴ་ཛ་ཛཿ ཐུམ་རི་ལི་ལི་བྷྱོཿ འབོད་རྦད་བསད་གསུམ་ཚང་བ་དང་། ༈ ཧཱུཾ་ཧཱུཾ་ཧཱུཾ༔ དགྲ་བོ་བྱད་མ་ཐམས་ཅད་བདུད་པྲ་མཱ་ར་ཡ་རྦད་ནནཿ དགྲ་རྐུན་ཇག་གསུམ་ཐམས་ཅད་ཁ་ལ་ཛ་མ་ལི༔ གདོན་བགེགས་འབྱུང་པོ་ཐམས་ཅད་རཱ་ཛ་དུན་ལིང་ཤག༴ ནད་མུག་མཚོན་འཁྲུག་ཐམས་ཅད་ཤིག་ཤིག་དུམ་དུམ༴ བྱད་གཏད་ཁྲམ་གསུམ་ཐམས་ཅད་ཚལ་བ་ཚལ་བ༴ རྨི་ལྟས་མཚན་ངན་ཐམས་ཅད་ཁྲ་མོ་ཁྲ་མོ་བྷྱོ༴ མི་ཁ་བྲ་མཆུ་ཐམས་ཅད་རྨུག་རྨུག༴ ཆགས་ཆེ་ཉམས་ང་ཐམས་ཅད་ཏིར་ཏིར༴ མི་དང་མི་མ་ཡིན་པའི་བསམ་ངན། སྦྱོར་རྩུབ་ཐམས་ཅད་ཚལ་ཚལ༴ ཕོ་སྲི་མོ་སྲི་ཆེ་སྲི་ཆུང་སྲི་རྒབ་འདྲེ་བསེ་རག་གོད་འདྲེ་གོད་སྲི་ཐམས་ཅད་ༀ་ལམ་ཧཱུཾ་ལམ་སུམ་ལམ་རྦད་ནན། ནྲྀ་ཏྲི་སརྦ་ཧུར་ཐུམ་ཛཿ མཱ་ར་ཡ་རྦད་ནནཿ སྟྭཾ་བྷ་ཡ་བྷྱོ་བྷྱོ་ནན་ནནཿ ཞེས་སངས་རྒྱས་ཆ་སོགས་སྐབས་དང་བསྟུན་ཏེ་བཟླ་ཞིང་། གོང་གི་འགུགས་པ་དང་སྔགས་བཅས་མང་ཉུང་ཅི་རིགས་ལྡབ་རྗེས། དགྲ་བྲུབ་གཞུང་དེ་ཚར་རེ་བཏང་ནས་དགྲ་བྲུབ་གསང་སྔགས་གང་ནུས་བཟླ། དེ་ལྟར་གྱི་ཡང་བསྐྱར་ཅི་ཙམ་ནུས་པའི་ཐུན་བཟུང་མཐར། བཅུ་པ་དེ་ཡི་ལྷན་ཅིག་སྐྱེས་པའི་ལྷ་བདུད་གཉིས་ཁོ་རང་གི་གཤེད་དུ་དབབ་པ་ནི། ཛཿ ལིང་གར་བླ་སྲོག་ཁུག་པའི་དགྲ་བོ་དངོས། ཕྱིན་ཆད་འཆོར་བ་མེད་པ་དེའི་ལུས་ལ། སྐད་ཅིག་ཉིད་ལ་གཡས་སུ་སྦྲུལ་དཀར་པོ། ལྷན་ཅིག་སྐྱེས་པའི་ལྷ་ཡིན་དགྲ་བོ་ཡི། དམ་ཚིག་ཉམས་པས་ཁོ་ཡི་བདུད་དུ་བབས། སྤྱི་བོ་ཚངས་པའི་བུ་ག་ནས་མར་འཇིབས། སྙིང་ག་ཡན་ཆད་ཁོང་ཁྲག་ཐམས་ཅད་དྲངས། དེ་བཞིན་གཡོན་དུ་དུག་སྦྲུལ་ནག་པོ་ཞིག བྱུང་བའང་མཉམ་པོར་འོང་བའི་འཆི་བདག་བདུད། ཡིན་ཏེ་ཁོ་ཡི་དམ་ཉམས་རང་གཤེད་གྱུར། གསང་བའི་གནས་ནས་མར་ལ་ཁོང་ཁྲག་རྣམས། དྲངས་ཏེ་མཆིན་མཁྲིས་མན་ཆད་འཇིབས་ཤིང་ཟོས། སྦྲུལ་དཀར་གཡས་དང་གཡོན་གྱི་སྦྲུལ་ནག་གཉིས། འཛིངས་ཤིང་འཐབ་ཅིང་དགྲ་བོའི་སྙིང་ཁྲག་ལ། ཟ་ཁ་མ་མཐུན་ལུས་ཀྱི་གཡས་གཡོན་དུ། འཁྲིལ་ཞིང་མཇུག་གཉིས་གསང་བའི་གནས་སུ་མདུད། མགོ་གཉིས་སྤྱི་བོར་གུག་པ་མདུད་བྱས་ནས། ལུས་ལ་འཁྱུད་ཅིང་ཀླད་ཁུང་གཡས་གཡོན་གྱི། རྣ་བར་ཁ་གདངས་ལྕེས་ལྡག་སོ་ཡིས་འབྲད། དེ་ཡི་སྤྱི་བོར་སྣ་ཚོགས་རྡོ་རྗེ་ནི། ལས་ཀྱི་རླུང་གིས་བསྐོར་བས་ཤུགས་དྲག་འཁོར། གསོར་ལྟར་བསྣུན་པས་ཀླད་ཁྲག་སྙིང་ཁྲག་རྣམས། ཞོ་ལྟར་དཀྲུགས་པས་སྦྲུལ་ཆེན་གཉིས་ཀྱིས་འཇིབས། དཀར་ནག་སྦྲུལ་གཉིས་ཇེ་ཆེར་སྟོབས་ལྡན་གྱུར། ཞེས་དམིགས་པ་མ་ཡེངས་བའི་ངང་ནས། ༀ་ཤྲཱྀ་མ་ཧཱ་ཀཱ་ལ་ཧཱུཾ་ཕཊཿ སོགས། གོང་ལྟར་འབོད་རྦད་བསད་གསུམ་སྦྲེལ་བའི་སྔགས་མཐར་ཛ་ཛཿ བར་དང་། ༈ བསད་སྔགས་སྤྱི་བགྲོས་སི སྒྲུབ་སྔགས་ཀྱི་ཤམ་དུ ཨ་མུ་ཀ་ནྲྀ་ཏྲི་ཤ་ཏྲུམ་སརྦ་ཧུར་ཐུམ་ཛཿ མཱ་ར་ཡ་ཐུམ་རིལ་བྷྱོ་རྦདཿ ལམ་གཏུབཿ ཁཾ་འཐུང་ཿ རེམ་གཏོརཿ ཀཾ་ཆོམསཿ ཡཾ་ཆོདཿ ཀ་ཝ་ཙི་རློགས༔ མཱ་ར་ཡ་རྦད་བྷྱོ་ནནཿ སྡང་བྱེད་དགྲ་ཇག་ཆོམ་རྐུནཿ གནོད་བྱེད་གདོན་བགེགས་འབྱུང་པོ་རྒབ་འདྲེ་བསེ་རག་ཟ་འདྲེ་ཕུང་སྲི་གོད་འདྲེ་གོད་སྲི་ཐམས་ཅད་ཀྱི་སྲོག་རྩ་ལ་ཡཾ་ཡཾཿ སྙིང་རྩ་ལ་རྦད་རྦདཿ ཁྲག་རྩ་ལ་རྦུད་རྦུདཿ བླ་ཚེ་སྲོག་དབུགས་ཐམས་ཅད་ཨེ་ཧུར་ཐུམས་ཛཿ མཱ་ར་ཡ་རྦད་རྦདཿ ཅེས་བཟླའོ། ༀ་ཤྲཱྀ་མ་ཧཱ་ཀཱ་ལ་ཧཱུཾ་ཕཊཿ སོགས་ནས ཛ་ཛཿ ཐུམ་རིལ་ནྲྀ་མགྱོག་སྒྲིབས་དགྲ་བོའི་ཝཱཀྐ་སྟྭཾ་བྷ་ཡ་རཀྴ་ནནཿ བྷིག་ནན་དགྲ་བོ་མཱ་ར་ཡ་རྦད་ནན་ཆིངས་ཤིགཿ ཏརྒྱ་ཐཱ། དུ་ཤན་དུ་ཤན་རཀྴ་རཀྴ་དགྲ་བོའི་སྙིང་རྩ་སྲོག་རྩ་ཁྲག་རྩ་ལ་འདུས་འདུསཿ དགྲ་བོའི་སྙིང་རྩ་སྲོག་རྩ་ཁྲག་རྩ་ལ་ཆོད་ཆོདཿ མཱ་ར་ཡ་རྦད་སོདཿ དགྲ་བོ་བྱད་མ་ཐམས་ཅད་བདུད་པྲ་མཱ་ར་ཡ་རྦད་ནནཿ དགྲ་རྐུན་ཇག་གསུམ་ཐམས་ཅད་ཁ་ལ་ཛ་མ་ལི་རྦད༴ གདོན་བགེགས་འབྱུང་པོ་ཐམས་ཅད་རཱ་ཛ་དུན་ལིང་ཤག་རྦདཿ ནད་མུག་མཚོན་འཁྲུགས་ཐམས་ཅད་ཤིག་ཤིག་དུམ་དུམ་རྦདཿ བྱད་གཏད་ཁྲམ་གསུམ་ཐམས་ཅད་ཚལ་པ་རྦད༴ རྨི་ལྟས་མཚན་ངན་ཐམས་ཅད་ཁྲོམ་ཁྲོམ་བྷྱོ་རྦདཿ མི་ཁ་སྨྲ་མཆུ་ཐམས་ཅད་རྨུག་རྨུག༴ ཆགས་ཆེ་ཉམ་ང་ཐམས་ཅད་ཏིར་ཏིར་རྦད༴ མི་དང་མི་མ་ཡིན་པའི་བསམ་ངན་སྦྱོར་རྩུབ་ཐམས་ཅད་ཚལ་ཚལ་རྦད༔ ཕོ་སྲི་མོ་སྲི་ཆེ་སྲི་ཆུང་སྲི་རྒབ་འདྲེ་བསེ་རག་གོད་འདྲེ་གོད་སྲི་ཐམས་ཅད་ༀ་ལམ་ཧཱུཾ་ལམ་སུམ་ལམ་རྦད་ནན། ནྲྀ་ཏྲི་སརྦ་ཤ་ཏྲུམ་ཧུར་ཐུམ་ཛཿ མཱ་ར་ཡ་རྦད་ནནཿ སྟྭཾ་བྷ་ཡ་བྷྱོ་བྷྱོ་ནན་ནན༔ སྔགས་གང་ནུས་བཟླ་ཞིང་། ཐུན་རྫས་ལ་མཆིལ་མ་མི་ཕོག་པར་རྒྱས་གདབ། བཅུ་གཅིག་པ་ཐུན་བརྡེག་པ་ནི། འཛབ་བཟླས་བསྔགས་པའི་ཐུན་རྫས་རྣམ་པ་ལྔ། ཕུར་བུ་ལ་སོགས་མཚོན་ཆ་སྣ་ཚོགས་པའི། རྣོ་བའི་དབལ་དང་དུག་གི་ནུས་པར་ལྡན། གནམ་ལྕགས་རབ་ཏུ་འབར་བའི་ཐོག་ལྟར་གྱུར། ཞེས་དང་། ཛཿ ལྷན་སྐྱེས་ངོ་བོ་སྦྲུལ་མེད་དགྲ་བོ་ཡི། ལུས་ཀྱི་སྟེང་དུ་དྲག་པོའི་རྫས་ཀྱི་ཐུན། བརྒྱབ་པས་ཐམས་ཅད་མཚོན་ཆའི་ཆར་དུ་གྱུར། ཚལ་པ་ཚལ་པ་དུམ་བུ་དུམ་བུར་གཏུབས། མཐར་གོང་བཞིན་སྔགས་རྣམས་ཚང་བར་བཟླ་ཞིང་དམོད་བཅོལ་འདི་ཉིད་བྱ། དམ་ཉམས་པའི་དགྲ་བོ་བསྒྲལ་བའི་ས་འདི་ནིཿ ལས་ཀྱི་གཤིན་རྗེ་ནག་པོའི་ལྟོ་བཿ གཟའ་བདུད་རཱ་ཧུ་ལ་ཡི་གདོང་བཿ ལྷ་མ་སྲིན་སྡེ་བརྒྱད་ཀྱི་འཚོགས་རཿ རྡོ་རྗེ་ལེགས་པའི་འགྲིམ་སྲིང་༔ བདུད་བཙན་གཉིས་ཀྱི་སོ་བར༔ ཀླུ་བདུད་ནག་པོའི་ཕོ་བྲང་། ནད་ཀྱི་རླངས་པ་འཐིབ་པཿ མཚོན་གྱི་ཆར་བ་འབེབ་པཿ ཁྲག་གི་རྒྱ་མཚོ་འཁྱིལ་བཿ རིམས་ཀྱི་རླངས་པ་འཕྱོ་བ། ཐོག་གི་བུ་ཡུག་འཚུབས་པཿ བྱད་མའི་མདའ་ཐུན་འདྲིལ་བཿ སྲོག་གཅོད་ཀྱི་ཕོ་ཉ་ངུ་བ། ཤ་ཟན་གྱི་ཕོ་ཉ་རྒོད་པ༔ ཁྲག་འཐུང་གི་ཕོ་ཉ་རྒྱུག་པཿ ལག་དམར་གྱི་བཤན་པ་རྔམས་པཿ ཤ་ཟན་གྱི་ཁྱི་ནག་དུ་བཿ བླ་འཛིན་གྱིས་དྲ་བ་བྲེས་པཿ བླ་འགུགས་ཀྱི་ཤ་ཟུང་ཐོགས་པཿ ཕྱི་ལྕགས་རི་ནག་པོ་ལཿ ལོགས་མཚོན་ཆའི་དྲྭ་བ་བྲེས་པཿ སྲིད་པ་གསུམ་ཡང་མི་མངོན་པཿ བདུད་ཀྱི་ལག་པ་བརྐྱང་པཿ གཤིན་རྗེའི་ལྟེ་བ་ཟེད་པཿ དཔག་ཚད་དགུ་སྟོང་ཡོད་པའི་ནང་དུཿ དམ་ཉམས་པའི་དགྲ་བོ་བསམ་པ་ངན་པཿ སྦྱོར་བ་རྩུབ་པཿ ཁ་ངན་པཿ ལག་པ་རྩུབ་པཿ ཁ་དཀར་ལ་སྙིང་ནག་པཿ སྔ་དགྲ་བྱས་པཿ ད་དགྲ་བརྩམ་པཿ ཕྱི་དགྲ་ཤོམ་པཿ རྐུན་མ་ཤ་ཆང་ཁུར་བཿ ཇག་པ་རྟ་ཁ་བསིགས་པཿ མཐོ་ལ་ཁཿ དམའ་ལུང་ཁུང་ཿ ཆུ་ཁ་རབ་སོཿ གཞི་བྱེས་གཉིས་ཀྱི་བར་ན་ངན་སེམས་འཆང་བའི་དགྲ་བོ་མིང་དང་གཟུགས་སུ་བྲིས་པ་རྣམས་སོད་ཅིགཿ སྒྲོལ་ཞིགཿ ཁ་སྐོར་ཅིགཿ ཚང་སྤྲུགས་ཤིག༔ ལིང་ཐོབ་ཅིགཿ མིག་ཕྱུངས་ཤིགཿ རོའི་ཟམ་པ་ཚུགས་ཤིགཿ ཁྲག་གི་ཆག་ཆག་ཐོབ་ཅིགཿ གྲིའི་ས་བོན་ཐོབ་ཅིག༴ ལིང་ཁུང་ཆེན་པོའི་ཁ་མ་དོགཿ ཤན་པ་ལག་དམར་གྱི་སྤྲུ་གྲི་མ་རྟུལཿ སྐྱེ་བ་ཕྱི་མ་ལ་སེལ་མ་བཏབཿ ལས་ཀྱི་རྣམ་པར་སྨིན་པ་ལ་ཁུངས་མ་འབྱིནཿ དུས་ད་ལྟ་ཉིད་དུ་སོད་ཅིགཿ སྒྲོལ་ཞིགཿ ཞེས་མནན་བསྲེག་གི་ལིང་ག་དང་ཿ རྒྱུན་བསྒྲལ་རྒྱུའི་ཐན་ལིང་བཅས་ལ་ཐུན་བརྡེགས་ཤིང་ཟན་ལིང་དུམ་བུར་གཏུབས་ནས་ཤ་དུམ་ཁྲག་ཐིགས་སུ་བསྒྲལ་ཞིང་། བཅུ་གཉིས་ས་བསྟབ་པ་ནི། ཧཱུཾ་ཤ་ཁམ་ཁྲག་ཐིགས་ཙམ་ཡང་མ་ལུས་པར། ནག་པོ་ཆེན་པོ་འཁོར་བཅས་དགྱེས་པར་རོལ། གནོད་བྱེད་ནྲྀ་ཏྲི་ཤ་ཏྲུམ་མཱ་ར་ཡཿ དུག་གསུམ་ཤ་ཁྲག་རུས་གསུམ་ཁ་རམ་ཁ་ཧིཿ ཞེས་དང་། བསྟན་དགྲ་གནོད་བྱེད་སྡིག་པོ་ཆེ་འདིའི་ཚེ་བླ་སྲོག་གསུམ་ཁ་རྗེ་དབང་ཐང་དང་བཅས་པ་ཐམས་ཅད་དཔལ་མགོན་པོ་ནག་པོ༴ ཤྲཱྀ་མ་ཧཱ་ཀཱ་ལ་ལེགས་ལྡན་ནག་པོ༴ སྐའི་མགོན་པོ༴ གསུང་གི་མགོན་པོ ཐུགས་ཀྱི༴ ཡོན་ཏན་གྱི༴ ཕྲིན་ལས་ཀྱི༴ ཕྱོགས་བཅུའི༴ སྡེ་བརྒྱད་ཀྱི་མགོན་པོ་འཁོར་ནག་པོ་སྟོང་༴ ཤ་ཟ་འབུམ༴ དྲི་ཟ་བྱེ་བ༴ དཔལ་ལྷ་མོ་ནག་མོ༴ སྔགས་ཀྱི་སྲུང་མ༴ མ་གཤིན་འབུམ༴ སྤྲུལ་པ་ཡང་སྤྲུལ་དང་། ལྷ་མ་སྲིན་སྡེ་བརྒྱད་འཁོར་དང་བཅས་པའི་ཞལ་དུ་སྟོབས་ཤིག༴ བཞེས་ཤིག༴ རོལ་ཞིག༴ གསོལ་ཞིག༴ མ་ཧཱ་མཾ་ས་ལ་ཁཱ་ཧིཿ མ་ཧཱ་རཀྟ༴ མ་ཧཱ་ཙིརྟ་ལ༴ མ་ཧཱ་བ་སུ་ཏ་ལ༴ མ་ཧཱ་ཀོ་རོ་ཙ་ན༴ དབང་པོ་རྣམ་ལྔ་ལ༴ རྣམ་ཤེས་ཚོགས་བརྒྱད་ལ༴ སྐྱེ་མཆེད་བཅུ་གཉིས་ལ༴ ལྷག་མ་རྗེས་ཤུལ་ལ་ཁཱ་ཧི༔ རྒྱན་གྱི་གཏོར་མ་ཕུད་ཀྱི་མཆོད་པ་འདི་བཞེས་ལ༔ སྡང་བའི་དགྲ་ལ་མཐུ་མ་ཆུང་༔ གནོད་པའི་བགེགས་ལ་རྩལ་མ་ཞན༔ བཅོལ་པའི་ལས་ལ་བང་མ་བུལ༔ དགྲ་བོ་ཆེ་བ་ལ་བབ་ན་སྡོང་རྒན་ལ་མེ་མཆེད་པ་བཞིན་དུ་ཐོངས་ཤིག༔ དགྲ་བོ་འབྲིང་བ་ལ་བབ་ན་ལྕུག་ཕྲན་ཟོར་བས་བྲེགས་པ་བཞིན་དུཿ དགྲ་བོ་ཆུང་བ་ལ་བབ་ན་མེ་ཏོག་སད་ཀྱིས་ཁྱེར་བ་བཞིན་དུ༴ དགྲ་བོའི་དར་མ་ལ་བབ་ན་ཐང་ཕྲན་སྟྭ་རེས་བཅད་པ་བཞིན་དུ༴ དགྲ་བོའི་བུད་མེད་ལ་བབ་ན་མེ་ཆུས་བསད་པ་བཞིན་དུ༴ དགྲ་བོའི་ཡུལ་ཞིང་ལ་བབ་ན་སྤང་ལ་མེ་མཆེད་པ་བཞིན་དུ༴ དགྲ་བོའི་ཁ་རྗེ་ལ་བབ་ན་རྟ་དཀར་པོ་ལ་སྟན་ནག་པོ་བསྟད་པ་བཞིན་དུ་དགྲ་བོའི་ཟས་ནོར་ལ་བབ་ན་མཚལ་རིས་ཆུས་ཁྱེར་བ་བཞིན་དུ༴ དགྲ་བོའི་གྲོང་མཁར་ལ་བབ་ན་བྲག་རུལ་ལ་ཐོག་ཕོག་པ་བཞིན་དུ། དགྲ་བོའི་ལོ་ཏོག་ལ་བབ་ན་འདམ་བུ་ནགས་ཚལ་མེས་ཚིག་པ་བཞིན་དུ༴ དགྲ་བོའི་ཕོ་རྒྱུད་རྩ་བ་ཀླུ་ལ་གཏོད་ཅིག མོ་རྒྱུད་མངལ་གྱི་ཆགས་འཛིན་བཙན་ལ༴ སྐྱེས་པ་དར་མ་གྲི་ཁར་སོད་ཅིགཿ ན་ཆུང་དར་མ་འགགས་གྲིར་སོད་ཅིག༔ བུ་ཚ་ཚང་ཕྱིང་ནང་དུ་སོད་ཅིགཿ རིང་པོར་སྐྱེས་པའི་རྩ་བ་ཆོད་ཅིགཿ ཐུང་ངུར་སྐྱེས་པའི་རྩ་བ་ཕྱུངས་ཤིགཿ སྦོམ་པོར་སྐྱེས་པའི་ཁོག་པ་སྤྲུགས་ཤིག ཡལ་ག་སྐྱེས་པའི་ཡན་ལག་ཆོད་ཅིག༔ དམ་ཉམས་པའི་དགྲ་བོ་མི་ནོར་འཁོར་བཅས་ཀྱི་ཚེ་བླ་སྲོག་གསུམ་ཁ་རྗེ་དབང་ཐང་བསོད་ནམས་ཐམས་ཅད་མཱ་ར་ཡ་ནན། སྟྭཾ་བྷ་ཡ་ནནཿ གོད་འདྲེ་གོད་སྲི་མི་ཁ་བྲ་མཆུ་ཐམས་ཅད་མཱ་ར་ཡ་ནནཿ སྟྭཾ་བྷ་ཡ་ནན་ཛ་ཛཿ བཅུ་པ་དགྲ་བོ་བྲུབ་མནན་དངོས་ལ་འཇུག་པ་ནི། མནན་ལིང་བྲུབ་རྫས་སྣོད་བཅས་ཟུར་གསལ་བཞིན་ཕྱག་ལེན་ཇི་བཞིན་དུ་ཐེབ་པར་བྱས་ལ་འདི་སྐད་དོ། ཧཱུཾ་མཆོག་གསུམ་རྩ་གསུམ་མཁའ་འགྲོ་ཆོས་སྐྱོང་དང་། ལེགས་ལྡན་ཚོགས་ཀྱི་བདག་པོ་ཡབ་ཡུམ་སྲས། སྐ་གསུང་ཐུགས་དང་ཡོན་ཏན་ཕྲིན་ལས་ཀྱི། མགོན་ཆེན་སྡེ་ལྔ་ཕྱོགས་བཅུའི་སྡེ་བརྒྱད་མགོན། དཔལ་མགོན་བདུན་ཅུ་སྤྲུལ་འཁོར་ཕོ་ཉར་བཅས། མ་ལུས་འཁོར་དང་བཅས་པའི་བདེན་མཐུ་དང་། རྟེན་འབྱུང་བསླུ་མེད་ཆོས་ཉིད་འགྱུར་མེད་པའི། བདེན་པ་ཆེན་པོའི་མཐུ་སྟོབས་བྱིན་རླབས་ཀྱིས། བསྟན་པའི་སྤྱི་དགྲ་རྣལ་འབྱོར་སྒོས་ཀྱི་དགྲ། ཕྱོགས་བཞི་མཚམས་བཞི་སྟེང་འོག་གཉིས་དང་བཅུའི།། བསམ་ངན་སྦྱོར་རྩུབ་ཁ་དཀར་སྙིང་གནག་ཅིང་། ཕན་པ་འགོག་ཅིང་འགལ་རྐྱེེན་སྦྱོར་བའི་རིགས། བྲུབ་ཁུང་ཕོང་ཐོད་ཀུན་འདུས་གཡག་རྒོད་རྭ། གྲུ་ུགསུམ་གཏིང་རིང་གནམ་ལྕགས་ཁང་སྒྲོམ་དུ། བྲུབ་པོ་བྲུབ་པོ་མི་ཁའི་རྫས་ཀྱིས་བྲུབ། དམག་ཇག་ཆོམ་རྐུན་བྲུབ་པའི་དུས་ལ་བབ། དམེ་གྱོད་མི་ཁ་བྲུབ་པའི་དུས་ལ་བབས། བསམ་ངན་སྦྱོར་རྩུབ་བྲུབ་པའི་དུས་ལ་བབ། ཀྱཻ་ཚེས་གཅིག་བཅུ་གཅིག་ཉི་ཤུ་གཅིག་ལ་སོགས། གཅིག་གསུམ་ཉིན་མཚན་ལ་ཆས་སྡང་དགྲའི་རིགས། ཕོང་ཐོད་ཀུན་འདུས་གཡག་རའི་ནང་དུ་བྲུབ། རྡེལ་ནག་དགུ་དང་གླང་མ་དུམ་དགུས་བྲུབ། ཚྭ་སྒོག་གཡེར་མ་ཁ་ཆེ་དགུ་དགུས་བྲུབ། དགྲ་བོའི་བླ་དང་མི་ཁའི་རྫས་ངན་བཅས། རྒྱ་མཚོའི་གཏིང་དུ་འཕེན་ནོ་མ་ལྡང་ཞིག མཱ་ར་ཡ་ནན། སྟྭཾ་བྷ་ཡ་ནན། ཚེས་གཉིས་བཅུ་གཉིས་ཉི་ཤུ་གཉིས་ལ་སོགས། གཉིས་གསུམ་ཉིན་མཚན་ལ་ཆས་སྡང་དགྲའི་རིགས། ཕོང་ཐོད་སོགས ཚེས་གསུམ་བཅུ་ུགསུམ་ཉི་ཤུ་གསུམ་ལ་སོགས། གསུམ་གསུམ་ཉིན་མཚན་ལ་ཆས་སྡང་དགྲའི་རིགས། ཕོང་ཐོད་སོགས། ཚེས་བཞི་བཅུ་བཞི་ཉི་ཤུ་བཞི༴ བཞི་གསུམ་ཉིན་མཚན༴ ཕོང་ཐོད་སོགས ཚེས་ལྔ་བཅོ་ལྔ་ཉི་ཤུ་ལྔ༴ ལྔ་གསུམ་ཉིན་མཚན༴ ཕོང་ཐོད་སོགས ཚེས་དྲུག་བཅུ་དྲུག་ཉི་ཤུ་དྲུག༴ དྲུག་གསུམ་ཉིན་མཚན༴ ཕོང་ཐོད་སོགས། ཚེས་བདུན་བཅུ་བདུན་ཉི་ཤུ་བདུན༴ བདུན་གསུམ༴ ཕོང་ཐོད་སོགས། ཚེས་བརྒྱད་བཅོ་བརྒྱད་ཉི་ཤུ་བརྒྱད་ལ་སོགས། བརྒྱད་གསུམ་ཉིན་མཚན༴ ཕོང་ཐོད་སོགས། ཚེས་དགུ་བཅུ་དགུ་ཉི་ཤུ་དགུ་ལ་སོགས། དགུ་གསུམ་ཉིན་མཚན་ལ་ཆས་སྡང་དགྲའི་རིགས། ཕོང་ཐོད་སོགས། ཚེས་བཅུ་ཉི་ཤུ་གནམ་སྟོང་ཉིན་མཚན་ལ། དམག་ཇག་ཆོམ་རྐུན་གནོད་སྦྱིན་འཚེ་བའི་རིགས། ཕོང་ཐོད་ཀུན་འདུས་གཡག་རུའི་ནང་དུ་བྲུབ། རྡེལ་ནག་དགུ་དང་གླང་མ་དུམ་དགུས་བྲུབ། ཚྭ་སྒོག་གཡེར་མ་ཁ་ཆེ་དགུ་དགུས་བྲུབ། དགྲ་བོའི་བླ་དང་མི་ཁའི་རྫས་ངན་བཅས། རྒྱ་མཚོའི་གཏིང་དུ་འཕེན་ནོ། མ་ལྡང་ཞིག མཱ་ར་ཡ་ནན། སྟྭམ་བྷ་ཡ་ནན། ཞེས་དང་། ༀ་ཤྲྀ་མ་ཧཱ་ཀཱ་ལ་ཧཱུཾ་ཕཊཿ སོགས། འབོད་རྦད་བསད་གསུམ་འགུག་སྔགས་རྣམས་ཚང་བར་གོང་བཞིན་བཏང་མཐར། ལོ་དང་ཟླ་བ་ལ་དགྲ་དར་བ་ཐམས་ཅད་མཱ་ར་ཡ་རྦད་ནན། ཞག་དང་ཟ་མ་ལ་དགྲ་དར་བ་ཐམས་ཅད་མཱ༴ སྲོག་ལུས་དབང་ཐང་ཀླུང་རྟ་ལ་དགྲ་དར་བ་ཐམས་ཅད༴ དགྲ་མགོ་ཐོག་ཏུ་བབ་པ་ཐམས་ཅད༴ སྔ་དགྲ་ལག་ཏུ་བདར་བ་ཐམས་ཅད༴ ཕྱི་དགྲ་ཡིད་ལ་ཤོམ་པ༴ ད་དགྲ་ཁྱི་ལྟར་ཟུག་པ༴ མགོ་ལ་ཏིལ་བརྡུང་བྱེད་པ༴ སེམས་ལ་སྡུག་བསྔལ་གཏོང་བ༴ ལུས་ལ་ན་ཚ་གཏོང་བ་ཐམས་ཅད༴ སྲོག་ལ་བར་ཆད་གཏོང་བ༴ ཟས་ནོར་ལ་གོད་ཁ་གཏོང་བ༴ རྒྱབ་ནས་འདེད་ཤོམ་བྱེད་པ་ཐམས་ཅད༴ མདུན་ནས་རྩང་བཞིན་བཙུགས་པ་ཐམས་ཅད༴ ཟུར་ནས་གཅོད་དགོས་ཟེར་བ་ཐམས་ཅད༴ ཟ་ལམ་དུ་དུག་གཡོས་བྱེད་པ༴ འགྲོ་ལམ་དུ་རྩང་བཙུགས་པ་ཐམས་ཅད༴ བྱམས་པ་གཉེན་གྱིས་བརྗོད་དུ་མ་འཇུག་ཅིག་མཱ་ར་ཡ༴ སྡང་བ་དགྲའི་སྒྲོགས་སུ་མ་འཇུག་ཅིག་མཱཿ མཉན་པའི་གྲུ་ཚུགས་སུ་གླེང་དུ་མ་འཇུག༴ མགར་གྱི་སོ་མལ་དུ་གླེང་དུ་མ་འཇུག༴ དགེ་འདུན་གྱི་ཚོགས་གྲལ་དུ་གླེང་དུ་མ་འཇུག༴ སྔགས་པའི་ཕུར་གྲལ་དུ་གླེང་དུ་མ་འཇུག༴ བརྒྱ་ཁ་མང་གི་མི་ཁ་ཟུག་པ་ཐམས་ཅད་མཱ་ར༴ སྟོང་མིག་མང་གི་བྲ་མཆུ་ངན་པ་ཐམས་ཅད༴ ཕ་ཚེའི་འདུན་ཁང་ནས་མི་ཁ་གླེང་བ་ཐམས་ཅད༴ གསོད་ཤོམ་བྱེད་པ་ཐམས་ཅད༴ རྐུ་ཤོམ་བྱེད་པ་ཐམས་ཅད༴ འཕྲོག་ཤོམ་བྱེད་པ་ཐམས་ཅད༴ ལྐོག་ནས་འབུ་བཞིན་དུ་འབུགས་པ་ཐམས་ཅད་མཱ༴ ཀེག་བདུད་གཤེད་གསུམ་ལ་བབ་པ་ཐམས་ཅད༴ བྱད་ཁ་ཕུར་ཁ་ཟུག་པ་ཐམས་ཅད༴ རྦད་འདྲེ་རྦོད་གཏོང་གཏོང་བ་ཐམས་ཅད༴ མི་ཁ་དང་དགྲ་སྣ་མེ་ལྟར་འབར་བ་ཐམས་ཅད༴ མི་ཁ་དང་དགྲ་སྣ་ཆུ་ལྟར་བྲུག་པ་ཐམས་ཅད་མཱ་ར༴ ཡུལ་མི་ཁྱིམ་མ ཚེས་ཀྱི་མི་ཁ་ཟུག་པ་ཐམས་ཅད༴ ཉི་མ་ཕྱོགས་བཞི་མཚམས་བརྒྱད་ཀྱི་དགྲ་འདྲེ་བྱུར་གསུམ་ཐམས་ཅད༴ བསྟན་དགྲའི་ལུས་ངག་ཡིད་གསུམ་ཐམས་ཅད༴ གཞན་ཡང་ལྷ་སྲིན་སྡེ་བརྒྱད་ཀྱི་ཟ་ཁ་སྟོན་པ་མཱ་ར་ཡ༴ བསྐལ་པ་མ་སྟོང་གི་བར་དུ་མ་ལྡང་ཅིག མཱ་ར་ཡ་རྦད་ནན། ཆིངས་ཤིག ༀ་ལམ་ཧཱུཾ་ལམ་སྟྭཾ་བྷ་ཡ་ནན། དགྲ་བགེགས་སརྦ་ཤ་ཏྲུཾ་མཱ་ར་ཡ་སྟྭཾ་བྷ་ཡ་ནན། བརྗོད་པ་དང་ཆབས་ཅིག་ཏུ་ལིངྒ་དང་མི་ཁའི་རྫས་སོགས་གཡག་རུའི་ནང་དུ་བཅུག་ཅིང་ལིངྒ་བཙིང་ཐིག་གི་འཕྲོ་གཡག་རུའི་ཁ་ནས་ལས་རྦད་དུ་བཏག་ཅིང་ལིངྒ་རས་ཀྱིས་བཀབ་ལ་བཞག ཅིང་ཐུན་གཏོར་ནི་གཏོར་ཁྲག་གིས་བརྒྱན་ཏེ་ཕུལ་བས་ལྗགས་གུག་གི་རྣམ་པ་ཅན་གྱིས་གསོལ་ཞིང་། ལྷག་མ་ནད་མཚོན་དུག་གསུམ་གྱི་རྣམ་པར་བསྒྱུར་ནས་དགྲ་ཕྱོགས་སུ་འཕང་བ་ཙམ་གྱིས་གང་ལ་དམིགས་པ་རྣམས་ཙྭ་ཕུང་མེས་བསྲེགས་པ་བཞིན་ནག་ཐུལ་གྱིས་ཚིག་པར་བསམ་མོ། ཧཱུཾ་ལེགས་ལྡན་ཚོགས་བདག་འཁོར་དང་བཅས། ཁྲམ་ཁ་སྒྱུར་བའི་མཐུ་བོ་ཆེ། བདུད་ཁ་སྒྱུར་བའི་ང་རོ་ཅན། དོ་ནུབ་བཟློག་བསྒྱུར་དུས་ལ་བབ། གཞན་གྱི་བསམ་སྦྱོར་ངན་པ་བཟློག བྱད་ཁ་ཕུར་ཁ་ངན་པ་བཟློག མཚེ་ཟོར་ཉུང་ཟོར་འཕེན་པ༴ འབྱུང་པོས་ཐོད་ཟོར་འཕེན་པ༴ གཤིན་རྗེའི་འཁོར་ལོ་སྐོར་བ༴ བདུད་ཀྱི་ཁྲམ་ཁ་གཏོང་བ༴ མ་མོའི་ཁྲག་ཟོར་འཕེན་པ༴ ཀླུ་ཡི་བྱད་དུ་བཅུག་པ༴ ཐེའུ་རང་སྲི་ལ་རྐུ་བ༴ མ་མོས་བར་ཆད་བྱེད་པ༴ རྒྱལ་པོ་སྨྱོ་འབོག་གཏོང་བ༴ ལྟས་ངན་བརྒྱད་ཅུ་རྩ་གཅིག༴ ཡེ་འགྲོགས་སུམ་བརྒྱ་དྲུག་ཅུ༴ གློ་བུར་དགུ་བཅུ་གོ་གཅིག༴ བྱིས་པའི་གདོན་ཆེན་བཅོ་ལྔ༴ བགེགས་རིགས་སྟོང་ཕྲག་བརྒྱད་ཅུ༴ ནད་རིགས་བཞི་བརྒྱ་རྩ་བཞི༴ དུས་མིན་འཆི་བ་རྣམ་བརྒྱད༴ རྨི་ལྟས་མཚན་མ་ངན་པ༴ ལོ་ཀགས་ཟླ་ཀག་ཞག་ཀག༴ ཟ་ཀག་དུས་ཀག་བདུན་ཟུར༴ དྲང་སྲོང་གཟའ་ཡི་ཀི་ཀཾ༴ ཞང་ཞུང་ཙོ་དམར་འཕེན་ས༴ སུམ་པས་གླང་ཟོར་འཕེན་པ༴ བནྡྷེས་སྔགས་ཟོར་འཕེན་པ༴ བོན་པོས་སྟྭ་ཟོར་འཕེན་པ༴ སྐྱེས་པས་མདའ་ཟོར་འཕེན་པ༴ བུད་མེད་དམོད་ཟོར་འཕེན་པ༴ སྲུང་གི་གཤེད་བཞི་ཐམས་ཅད༴ མོ་རྩིས་ངན་པ་ཐམས་ཅད༴ བདུད་དང་སྲིན་པོ་གཤིན་རྗི་དང་། བཙན་དང་མ་མོ་རྒྱལ་པོ་དང་༴ ཀླུ་གདོན་ལ་སོགས་གནོད་པ༴ དེ་ལ་སོགས་པའི་གདུག་པ་རྣམས། ཐམས་ཅད་སྡང་བའི་དགྲ་ལ་བཟློག ཐམས་ཅད་གནོད་པའི་བགེགས་ལ་བྷྱོཿ ཧཱུཾ་ཕྲིན་ལས་བྱང་ཆུབ་ནག་པོ་ཆེ། སྣ་ཚོགས་སྤྲུལ་པའི་འཁོར་རྣམས་ལ། ཡང་སྤྲུལ་ཕོ་ཉ་འབུམ་ཕྲག་བརྒྱ། མཚོན་ཆ་སྣ་ཚོགས་རབ་འཛིན་ཞིང་། རི་རབ་ཆེན་པོ་ཕྲག་ལ་གཟར། རྡོ་རྗེ་བྲག་རི་རིང་དུ་འདོར། རྒྱ་མཚོ་ཆེ་ཡང་ཧུབ་ཀྱིས་འདེབས། གནམ་ལྕགས་རྡོ་རྗེའི་ཐོག་མདའ་འཕེན། སྣ་ཚོགས་མཚོན་ཆའི་སེར་ཆེན་འབེབས། དྲག་པོའི་ནད་ཀྱིས་ཆར་བ་གཏོང་། སྡིག་ཅན་དགྲ་བོའི་སྲོག་ལ་ཡ། དམ་ཉམས་རྣམས་ཀྱི་ལུས་ལ་ཡ། བསྟན་དགྲ་རྣམས་ཀྱི་སེམས་ལ་ཡ། གཟུགས་ཕུང་ཤིགས་ལ་རྣམ་ཤེས་ཕྲོགས ཁུག་ཅིག་དྲོངས་ཤིག་ཨཾ་ཀུ་ཤ། བརྒྱལ་ཅིག་རེངས་ཤིག་སྟྭཾ་བྷ་ཡ། ཕྱེས་ཤིག་ཕྲོལ་ཞིག་བི་དེ་ཤ། ཕྱུངས་ཤིག་སྐྲོད་ཅིག་ཨུ་ཙ་ཌ། སོད་ཅིག་ཆོམས་ཤིག་མཱ་ར་ཡ། རྡུལ་ཕྲན་ཙམ་དུ་ཙུརྞ་ཡ། ཞེས་པས་མཐར། གོང་གི་སྔགས་རྣམས་ཚང་བར་བཟླ་ཞིང་ཐུན་གཏོར་དགྲ་ཕྱོགས་སུ་བརྡེག འདི་ལ་གཏོར་ཆུང་ཤ་ཁྲག་གིས་བརྒྱན་པ་རེ་དང་། མཚེ་ཀྱུང་རྩང་གིས་བརྒྱན་པ་གཉིས་བཤམས་ལ། སྔ་མ་ལས་རྦད་དུ་འབུལ། ཕྱི་མ་ཕྱི་རོལ་དུ་འཕེན་ཞིང་འཕྲལ་དུ་ཐུན་གཏོར་གསར་གཟུང་རེ་བཤམས་པ་གནད་ཡིན་ནོ། སྤྲོས་པ་ལ་དགའ་ན་ལྷ་དམག་སྤྱི་བསྐལ། ཕར་མཐའ་མ། བཟློག་པ་ཆེ་ཆུང་ཐམས་ཅད་སྐབས་འདིར་བཏང་ན་ལེགས། སྒྲུབ་ཞག་ཅི་ཙམ་བྱེད་ཀྱང་དེ་སྲིད་དུ་ཚུལ་དེ་དང་མཚུངས་པར་ཐུན་མང་ཉུང་སྐབས་དང་བསྟུན་ཞིང་གཉིས་མནན་གཞུང་དེ་ཡང་བསྐྱར་གྱི་བཏང་བ་དེ་ཁོ་ནའོ། དེ་ནས་ཉིན་ཐ་མ་ལ་བབས་ཚེ་གསང་སྤུར་གཞུང་གི་ལས་མཐའ་རྫོགས་ནས་འཕང་བའི་ལས་ལ་འཇུག་ཚེ་ཟོར་འཕེན་གྱི་ལིངྒ་དང་། མནན་ལིང་གཉིས་ཀ་ཟོར་བརྡེགས་རྗེས་གང དུ་མནན་པའི་སར་ཁྱེར་ནས། དང་པོ་སྡེ་བརྒྱད་གསེར་སྐྱེམས་བཏང་ལ་མནན་དོང་བརྐོ་ཞིང་། མནན་ཆས་རྣམས་བདུན་དུ་བཞག་པར་རཀྟ་བྲན་མཐར། ཞལ་བསྟབས་ཐུན་གཏོར་བཅས་དོར། གཉིས་པ་བདག་ཉིད་ལྷའི་ང་རྒྱལ་བཟུང་ནས་ལས་རྦད་མ་གཏོགས་དཀྱུས་བཞིན་བཏང་ཞིང་། ཐུན་བསྡེགས་ལས་སྦྱོར་ནི། ཧཱུཾ་བདག་ཉིད་དཔལ་ཆེན་ཀུན་འདུས་ཧེ་རུ་ཀ། རྒྱལ་ཀུན་མཁྱེན་བརྩེ་ནུས་རྩལ་རྫོགས་པའི་སྐར། ཕྱག་གཡས་གནམ་ལྕགས་རྡོ་རྗེ་རྩེ་དགུ་གདེངས། གཡོན་པའི་སྡིགས་མཛུབ་ཕྱག་རྒྱས་ལོག་འདྲེན་འདུལ། ༀ་གུ་རུ་ཤྲྀ་བཛྲ་ཡཀྴ་ཀྲོ་ཏ་ཙིརྟ་ཧཱུཾ། ཧཱུཾ་ཧཱུཾ་ཧཱུཾ། ཕྱག་གཡས་གནམ་ལྕགས་རྡོ་རྗེ་སར་བསྣུན་པས། ས་གཞི་ཚལ་བར་གས་པའི་དབྱིངས་རུམ་ནས། མཐའ་ཡི་རྒྱ་མཚོ་སྔོ་མེར་གསལ་བར་གྱུར། དེ་དབུས་ཀླུ་བདུད་ནག་པོ་ཏི་ས་ཙ། ཆུ་སྲིན་འབར་བའི་གདོང་ཅན་ཡར་ལ་བཞེངས། ཁ་གདེངས་གནམ་ས་བསྒྲད་ཅིང་ལྗགས་གློག་འཁྱུགས། ཚེམས་དང་མཆེ་བ་གངས་རི་ལྟ་བུར་གཙིགས། སྤྱན་གཉིས་ཉི་མ་ཟླ་བ་བཞིན་དུ་གསལ། སྦྲུལ་ཞགས་ནད་རྐྱལ་འཛིན་ཁྱོད་ཞལ་ཕྱེས་ཤིག གནམ་ས་བསྒྲད་པ་ཁྱེད་ཀྱིས་ཁ་ནང་དུ། དམ་ཉམས་དགྲ་བོ་གནོད་པར་བྱེད་པ་པོ། མི་ནོར་འཁོར་དང་བཅས་པ་འདི་དག་རྣམས། ཟས་སུ་བསྟབ་སོ་གཏོད་ནྲྀ་ཏྲི་ཛཿ ཞེས་པས སྐབས་འདིར་ལིངྒ་དགྲ་བོ་དངོས་སུ་གསལ་བ་ཡང་བསྐྱར་གྱིས་འགུགས་པ་འདི་ཉིད་ཅི་ནུས་བརྗོད༴ ན་མོ་མཆོག་གསུམ་རྩ་གསུམ་དམ་ཅན་རྒྱ་མཚོ་དང་། ཁྱད་པར་ལེགས་ལྡན་ཚོགས་བདག་ཡབ་ཡུམ་སྲས། སྐ་གསུང་ཐུགས་མགོན་ཡོན་ཏན་ཕྲིན་ལས་མགོན། ཕྱོགས་བཅུའི་སྡེ་བརྒྱད་དཔལ་མགོན་བདུན་ཅུའི་ཚོགས། སྤྲུལ་འཁོར་ཕོ་ཉ་ལས་བྱེད་ཡང་སྤྲུལ་བཅས། ཆོས་ཉིད་འགྱུར་མེད་རྒྱུ་འབྲས་བསླུ་མེད་མཐུས། རྒྱལ་བསྟན་ལ་གནོད་ཉེས་མེད་འགྲོ་ལ་འཚེ། བདག་དང་བསྲུང་བྱར་དུས་གསུམ་བསམ་སྦྱོར་གནག །དོ་བསྡོ་ཕོད་བཙུགས་འགྲས་བཙལ་ཐུབ་ཚོད་བྱས། དམག་ཇག་རྐུན་སྣ་དགྲ་གྱོད་མི་ཁ་འབེབས། མཐོ་གནོན་ཁྱད་གསོད་དངོས་དང་བརྒྱུད་ནས་གནོད། ཁ་དཀར་སྙིང་ནག་སྐར་འདེབས་ངན་སྨྲས་སྒྲོགས། ཕན་བདེ་འགོག་ཅིང་ལོག་སྦྱོར་རྩོམ་པའི་དགྲ། གནོད་ཅིང་འཚེ་བྱེད་གཟུགས་མེད་བགེགས་རིགས་བཅས། ཁུག་ཅིག་བཛྲ་ཨཾ་ཀུ་ཤ་ཡ་ཛཿ མགུལ་ནས་ཆིངས་ཤིག་བཛྲ་པཱ་ཤ་ཧཱུཾ་ཡན་ལག་སྡོམས་ཤིག་བཛྲ་སྥོ་ཌ་བམཿ མྱོས་པར་གྱིས་ཤིག་བཛྲ་གྷཎྜེ་ཧོཿ ཕྱེས་ཤིག་བཛྲ་པྲ་ཝེ་ཤ་ཡ་ཕཊཿ དབྱེར་མེད་སྟིམས་ཤིག་ཨ་བེ་ཤ་ཡ་ཨཱཿ ཞེས་ཅི་ནུས་དང་། འགུགས་ཐུང་ཀྱང་བྱའོ། །གསུམ་པ་གཡག་རུ་ལག་ཏུ་ཐོགས་ལ ཧཱུཾ་དཔལ་ལྡན་མགོན་པོ་ནག་པོ་ནིཿ ཁྱོད་ནི་སྲོག་བདུད་ནག་པོ་སྟེ། མིང་དང་རུས་སུ་བྲིས་པ་ཡི། དགྲ་བགེགས་སྡིག་ཅན་དམ་ཉམས་འདི། སྲོག་གཅོད་ནག་པོ་ཁྱོད་ལ་གཏད། དཔལ་ལྡན་མགོན་པོ༴ ཁྱོད་ནི་ཚེ་ལེན་ནག་པོ་སྟེ། མིང་དང་རུས་སུ༴ དགྲ་བགེགས་སྡིག་ཅན་དམ༴ ཚེ་ལེན་ནག་པོ་ཁྱེད་ལ་གཏད། དཔལ་ལྡན་མགོན་པོ༴ ཁྱོད་ནི་མི་ཟན་ནག་པོ་སྟེ། མིང་དང་རུས་སུ༴ དགྲ་བགེགས་སྡིག་ཅན ༴ མི་ཟན་ནག་པོ་ཁྱོད་ལ་གཏད། དཔལ་ལྡན་མགོན་པོ༴ ཁྱོད་ནི་སྲོག་བདུད་ནག་པོ་སྟེ། མིང་དང་རུས་སུ་བྲིས་པ་ཡི། དགྲ་བགེགས་སྡིག་ཅན་དམ་ཉམས་འདི། སྲོག་བདུད་ནག་པོ་ཁྱོད་ལ་གཏད། དཔལ་ལྡན༴ ཁྱོད་ནི་ཤ ཟ་ནག་པོ་སྟེ། མིང་དང་རུས་སུ༴ དགྲ་བགེགས་སྡིག་ཅན༴ ཤ་ཟ་ནག་པོ་ཁྱོད་ལ༴ དཔལ་ལྡན༴ ཁྱོད་ནི་ཁྲག་འཐུང་ཆེན་པོ་སྟེ། མིག་དང་རུས་སུ༴ དགྲ་བགེགས་སྡིག་ཅན༴ ཁྲག་འཐུང་ཆེན་པོ་ཁྱོད་ལ༴ དཔལ་ལྡན༴ ཁྱོད་ནི་བདུད་སྲིན་ནག་པོ༴ མིང་དང་༴ དགྲ་བགེགས་སྡིག་ཅན༴ བདུད་སྲིན་ནག་པོ་ཁྱོད་ལ༴ དཔལ་ལྡན་མགོན་པོ༴ ཁྱོད་ནི་གཤིན་རྗེ་ནག་པོ་སྟེ། མིང་དང་དགྲ་བགེགས་སྡིག་ཅན༴ གཤིན་རྗེ་ནག་པོ་ཁྱོད༴ དཔལ་ལྡན༴ ཁྱོད་ནི་ཁྲམ་བདག་ནག་པོ་སྟེ། མིང་དང་༴ དགྲ་བགེགས་སྡིག་ཅན༴ ཁྲམ་བདག་ནག་པོ་ཁྱོད་ལ༴ དཔལ་ལྡན་མགོན་པོ༴ ཁྱོད་ནི་ནག་པོ་ཆེན་པོ་སྟེ། མིང་དང་རུས་སུ་བྲིས་པ་ཡི། ཡིད་ལ་བརྣག་པའི་དགྲ་བགེགས་འདི། ནག་པོ་ཆེན་པོ་ཁྱོད་ལ་གཏད། ལེགས་ལྡན་ནག་པོ་ཁྱོད་ལ་གཏད། བཀའ་ཡི་ལྷ་སྲིན་རྣམས་ལ་གཏད། གཏད་དོ་དགྲ་བོ་མ་ཤོར་ཅིག གཏད་པ་ཡིན་པས་དང་དུ་ལོངས། སྡང་བའི་དགྲ་ལ་ལས་མཛོད་ཅིག བཅོལ་པའི་ཕྲིན་ལས་གྲུབ་པར་མཛོད། ས་མ་ཡ་ཛ་ཛཿ ཅེས་བརྗོད་ནས་མནན་དོང་དུ་འཕང་ངོ་། བཞི་པ་མནན་པ་དངོས་ལ་འཇུག་པ་ནི། གཡག་རུ་མནན་དོང་དུ་ཁ་སྦུབས་སུ་བསྐྱུར་བ་ལ་ཐུན་རྫས་བླུགས། རཀྟ་གཏོར་ཞིང་། ཁུང་ཚུད་ས་བདག་ཀླུ་གཉན་ཀུན་དགའ་ཞིང་། ཕྲུ་གུ་ཐམས་ཅད་ཙིར་སྒྲ་ཏིར་ཏིར་སྒྲོགས། མནན་པས་ལས་སྦྱོར་དམ་ཉམས་དགྲ་བོ་རྣམས། བསྐལ་པ་མ་སྟོངས་བར་དུ་མི་ཐར་བའི། ཆུ་སྲིན་ཁ་བསྡམས་ཉི་ཟླ་གཟས་ཟིན་ལྟར། མུན་ནག་དགུ་རིམ་ངང་གནས་རྒྱ་མཚོའི་གཏིང་། རིམ་བདུན་ས་འོག་གཤིན་རྗེའི་གྲོང་ཁྱེར་སོང་། ཞེས་དང་། འཆི་བདག་གཤིན་རྗེ་ནག་པོ་འཁོར་དང་བཅས་པ་ཁྱེད་རྣམས་ལ། དམ་ཉམས་པའི་དགྲ་བོ་འདིའི་ཚེ་བསོད་ནམས་བཀྲག་གཟི་མདངས། ཁ་རྗེ་དབང་ཐང་ལུས་ལོངས་སྤྱོད་དང་བཅས་པ་རྣམས་ཟས་སྐལ་དུ་གཏད་དོ། འཐུང་སྐལ་དུ་གཏད་དོ། བཀོད་པར་བགོ་སྐལ་དུ་གཏད་དོ། ནོར་སྐལ་དུ་གཏད་དོ། མ་ཤོར་ཅིག དེ་ནས་ནམ་ཡང་ལྡང་མེད་དུ་བྱ་བ་ནི། ཧཱུཾ་ང་ནི་དཔལ་ཆེན་ཁྲོ་བོའི་རྒྱལ། ཆེ་བའི་ལྷ་ཡ ང་ང་ཡི་འཁོར། སྣང་སྲིད་ལྷ་འདྲེ་ང་ཡི་བྲན། དེ་བས་ཐམས་ཅད་ང་ལ་ཉོན། སངས་རྒྱས་བསྟན་ལ་སྡང་བ་ཡི། ཞིང་བཅུ་ཚང་བའི་དགྲ་བོ་འདི། མི་ནོར་ཡུལ་མཁར་རིགས་རྒྱུད་བཅས། ད་ནི་མནན་པའི་དུས་ལ་བབ། རི་རབ་རི་ཡི་མར་ཞབས་ན། རིམ་པ་དགུ་ཡི་ས་འོག་ན། ཉི་ཟླ་ལྟ་བུའི་མིག་བསྒྲད་ཅིང་། གངས་རི་བསྣོལ་བའི་མཆེ་བ་གཙིགས། གནམ་ས་ལྟ་བུའི་ཁ་གདེངས་པའི། འཆི་བདག་གཤིན་རྗེ་ནག་པོ་ཡིས། ཁ་རུ་བྲུབ་པོ་མ་ཤོར་ཅིག མགུལ་དུ་བསྟིམ་མོ་མ་བཏང་ཅིག བཅོལ་ལོ་གཤིན་རྗེའི་དོང་དུ་བཅོལ། གཏད་དོ་བདུད་ཀྱི་ཟས་སུ་གཏད། བཅིངས་སོ་འཆི་བདག་ལྟོ་བར་བཅིངས། མནན་ནོ་རི་རབ་འོག་ཏུ་མནན། ཅེས་པས་མཐར་འགུགས་པ། ༀ་ཤྲཱྀ་མ་ཧཱ་ཀཱ་ལ་སོགས། གོང་གི་འབོད་རྦད་བསད་གསུམ་སྔགས་རྣམས་ཚང་བར་བརྗོད་ནས། ལོ་དང་ཟླ་བ་ལ་དགྲ་དར་བ་ཐམས་ཅད༴ སོགས་ནམ ནན། ཞེས་བརྗོད་པ་དང་ཆབས་གཅིག་པ་རྡོ་རྗེའི་དབྱིབས་ལ། མེ་ཆུ་གོ་ལྡོག་གིས་རྒྱས་གདབ་ཅིང་དུར་གཡམ་ལ་རྒྱ་གྲམ་བྲིས་པས་ཁ་བཀབ་ལ། ནམ་མཁའ་རླུང་མེ་ས་ཆུ་རི་རབ་འོག་ནྲྀ་ཏྲི་གནོད་བྱེད་སྟྭམ་བྷ་ཡ་ལམ་ནན། མནན་པ་ཡིན་པས་ལྡང་བར་མ་གྱུར་ཅིག སངས་རྒྱས་དོན་ཡོད་གྲུབ་པས་རྒྱས་བཏབ་པོ། དམིགས་མེད་ཆོས་ཀྱི་དབྱིངས་སུ་ས་མ་ཏི། ཞེས་དང་། སླར་ཡང་རྡོ་རྗེའི་བྲོ་ཡིས་རྒྱས་གདབ་ཅིང་། ཧཱུཾ་ང་ནི་དཔལ་ཆེན་འཁོར་དང་བཅས། སྒེག་སོགས་ཉམས་དགུ་ལྡན་པའི་གར། ཉི་ཟླ་འབར་བའི་ལྷ་སྟངས་དང་། རྡོ་རྗེ་འབར་བའི་རྐང་སྟབས་ཀྱིས། གཡས་རོལ་བདེ་ཆེན་ཐབས་ཀྱི་བྲོ། གཡོན་རོལ་སྟོང་ཉིད་ཤེས་རབ་བྲོ། མཉམ་པའི་སྟང་སྟབས་ཟུང་འཇུག་བྲོ། ཡེ་ཤེས་རོལ་པ་ཆེན་པོའི་གར། དགྲ་བགེགས་སྤྱི་བོར་ཆེམས་སེ་ཆེམ། གཟུགས་ཕུང་རྡུལ་དུ་ཤིགས་སེ་ཤིག རྣམ་ཤེས་སྐྱེ་མེད་ཀློང་དུ་བསྒྲལ། དགྲ་བགེགས་མིང་ཡང་མེད་པར་བྱས། བླ་མེད་མཆོག་གསུམ་དབུ་འཕང་མཐོ། ལྷ་དང་སྲུང་མ་མངའ་ཐང་རྒྱས། སངས་རྒྱས་བསྟན་པ་གཉན་པོ་དར། ཆོས་ཀྱི་རྒྱལ་མཚན་ལེགས་པར་འཛུགས། ༀ་ཛ་ཡེ་ཛ་ཡེ་བི་ཛ་ཡེ་སྭཱ་ཧཱ། དེ་ཡང་འདིར་ཤེས་པར་བྱ་བ་ཚོགས་བདག་གི་གཞུང་དང་འབྲེལ་ན། བར་ཅ་དང་། འོག་ཆའི་གཏོར་མ་ལས་རྦད་བཅས་པ་མཉམ་དུ་འཕེན་རྒྱུ་དང་། ཉིན་ཆོག་ལྟ་བུའི་ཡོན་མཆོད་གཉིས་ཀས་སྤྲོས་པ་བསྐྱུང་ན་དངོས་གྲུབ་འབྱུང་གཏེར་གཞུང་ཁེར་རྐྱང་བཏང་མཐར། དགྲ་བྲུབ་རྐྱང་པས་སྨད་ལས་གོ་ཆོད་བྱས་ཀྱང་ཆོག་པས་དེ་ལྟར་ན། ལས་རྦད་དབྱེར་མའི་ལྷ་ནམ་མཁར་བཏེགས་ནས་གཏོར་མ་དགྲ་བགེགས་ད ངོས་སུ་གསལ་བར་འགུགས་བསྒྲལ་བསྟབས་པ་སོགས་སྤྱི་ལྟར་བྱས་མཐར་ཐུན་གཏོར་གྱི་འཕེན་ཚིག་གིས་ལས་རྦད་འཕང་ཀྱང་རུང་ངོ་། འདིར་སྨྲས་པ། སྔ་འགྱུར་བཀའ་གཏེར་ལས་སྦྱོར་རྒྱ་མཚོ་ལས། ལེགས་ཐོན་སྲི་མནན་གདམ་པ་འོད་སྟོང་གཟིས། སྐྱེ་དགུའི་མི་མཐུན་སྨག་རུམ་རིངས་བསྐྲད་ནས། བདེ་སྐྱིད་སྦྲང་རྩིའི་རྒྱལ་མཚན་བཞད་པར་བྱས། འོན་ཀྱང་དགྲ་རིམ་མནན་ཐབས་ཤུགས་བསྟན་ལས། དངོས་སུ་སྤྲོས་པ་དབེན་ཕྱིར་ཁོ་བོ་ཡི། ལྷག་བསམ་སྐྱ་རེངས་ཀྱིས་དྲངས་དགྲ་མནན་ཐབས། རྡོ་རྗེའི་ལྷུན་པོ་འདི་བྲིས་དགེ་བ་ཡིས། བསྟན་འགྲོར་འཚེ་བའི་དགྲ་སྡེ་ཡོངས་བཅོམས་ཤིང་། འགྲོ་རྣམས་རྫོགས་ལྡན་དཔལ་ལ་ལོངས་སྤྱོད་ནས། འཕྲལ་ཕུགས་དགྲ་སྡེའི་གཡུལ་ལས་རྣམ་རྒྱལ་ཞིང་། །བདེ་ཆེན་འགྱུར་མེད་རྡོ་རྗེའི་གསན་ཐོབ་ཤོག དཔལ་མགོན་ལེགས་ལྡན་ཚོགས་ཀྱི་བདག་པོའི་སྒོ་ནས་དགྲ་སྲི་མནན་ཐབས་རྡོ་རྗེའི་ལྷུན་པོ་ཞེས་བྱ་བ་འདི་ནི་ཚོགས་བདག་གཞུང་གི་དགྲ་བྲུབ་ལ་རིགས་མཐུན་གྱི་མན་ངག་གིས་ཁ་བསྐང་ཞིང་གསར་རྩོམ་ཀྱི་ཚིགས་བཅད་འགའ་ཞིག་གིས་ཕྲ་ཚོམ་དང་བཅས་བཀླག་ཆོག་ཏུ་བཀོད་པ་འདི་ནི། གསང་སྔགས་རྡོ་རྗེ་ཐེག་པ་ལ་མོས་པ་ལམ་དུ་བྱེད་པའི་རྣལ་འབྱོར་བའཇིགས་མེད་ཕྲིན་ལས་འོད་ཟེར་གྱིས་སྤེལ་བའི་ཡི་གེ་པ་ནི། དྷརྨ་པ་ལས་བགྱིས་དགེ་བས་པའི་བསྟན་འགྲོའི་མི་མཐུན་རྒུད་པའི་ན་བུན་ལྷག་མེད་དེངས་པའི་མཁའ་ལ་བདེ་སྐྱིད་རྫོགས་ལྡན་གསར་བའི་ཉི་མ་རྟག་པ་རྒྱུན་གྱི་འཁོར་ལོར་གསལ་བར་གྱུར་ཅིག། དགེའོ། །དགེའོ། དགེའོ།

དྲག་པོ་སྔགས་ཀྱི་ལས་ཚོགས་ཐུན་མོང་མ་ཡིན་པ་གཡག་རུ་དགྲ་ཆོས་དགྲ་བགེགས་ཚར་གཅོད་ཞེས་བྱ་བ་ཤིན་ཏུ་ཟབ་པའི་མན་ངག

༄༅། །དྲག་པོ་སྔགས་ཀྱི་ལས་ཚོགས་ཐུན་མོང་མ་ཡིན་པ་གཡག་རུ་དགྲ་ཆོས་དགྲ་བགེགས་ཚར་གཅོད་ཞེས་བྱ་བ་ཤིན་ཏུ་ཟབ་པའི་མན་ངག་བཞུགས་སོ། །ན་མོ་གུ་རུ་མཉྫུ་ཤྲཱི་ཡི། འཇམ་དབྱངས་བླ་མའི་ཞབས་ལ་ཕྱག་འཚལ་ལོ། འགྲོ་ལ་ཕན་ཕྱིར་དགྲ་ཆོས་བྲི་བ་འདིར། །ཡི་དམ་ཊཱཀྐི་དམ་ཅན་ཆོས་སྐྱོང་གིས། བཀའ་ཡི་གནང་བ་སྩོལ་ལ་བྱིན་གྱིས་རློབས། སྔོན་ཚེ་ཡེ་སྨོན་རྒྱལ་པོའི་སྐ་རིང་ལ། བདུད་པོ་ངམ་རྗེ་རྩོལ་པོ་དགྲ་རུ་ལངས། འཛམ་གླིང་མི་ལ་དམག་སྣ་དྲངས་པའི་དུས། སྲིད་པ་ཡེ་སྨོན་རྒྱལ་པོ་ཡོན་མཆོད་ཀྱིས། ས་ལ་རྡོ་བླངས་དགྲ་བོའི་བླ་རྡོ་བྱས། ལུང་ལ་ཤིང་བཅད་དགྲ་བོའི་བླ་ཤིང་བྱས། དགྲ་བོའི་རྐང་ལག་གཟུགས་བཞི་མགོ་དང་ལྔ། ལིངྒ་བྲིས་ནས་དགུག་གཞུག་ཟིལ་གྱིས་མནན། གཡག་རུའི་ནང་བཙུད་རྡོ་ནག་ཤིང་ནག་དང་། མི་ཁའི་ཡས་བླུགས་རྒྱ་གྲམ་ལམ་དུ་མནན། དེ་ཡིས་ངོ་རྗེ་རྩོལ་པོ་དམུ་གབ་ནོན། དམག་སྣ་ཕར་ལ་བཟློག་སྟེ་དགྲ་ཁམས་ཕམ། དེ་ནས་མི་བུ་རུས་དྲུག་བཀྲ་ཤིས་སོ། དེང་སང་གཏོ་མཁན་འགའ་ཡི་བྱེད་ཚུལ་ལ། སྔོན་གྱི་དཔེ་ཡིན་ཟེར་བའི་དགྲ་ཆོས་བྱེད། བཅའ་ཆོག་འདོན་རྒྱུ་གཉིས་པོ་ཡ་བྲལ་ཏེ། རྡོ་ནག་ཡིན་ཟེར་རྡིས་འབྲུ་དགུ་དང་ནི། གླང་ཁྲམ་ཚྭ་གཡེར་རམ་སྒོག་ཐལ་འཇིམ་རྣམས། ལིངྒ་མེད་པའི་གཡག་རུ་སྟོང་པའི་ནང་། ལྷ་སྔགས་ཏིར་འཛིན་མེད་པར་གློ་བུར་བརྫངས། དེ་འདྲས་ཕན་གནོད་ཅིར་འགྱུར་ཆ་མ་མཆིས། དགྲ་བྲུབ་སྐོར་འདི་ཡེ་སྨོན་རྒྱལ་པོ་དང་། འཛམ་གླིང་རྒྱལ་པོར་དར་སྲོལ་ཆེ་ན་ཡང་། ཕྱི་ནས་ཡི་གེར་མ་ཐེབ་ཁ་མ་ཚང་། གཏོ་མཁན་རྣམས་ལ་ཁག་མེད་ལྟ་བུ་ཡིན། དེའི་ཕྱིར་དགྲ་ཆོས་ཆོག་བསྒྲིགས་འཁྱེར་བདེར་བཀོད། ཡར་གཞི་རྩ་གསུམ་སྲུང་མ་སྤྱི་སྒེར་གྱི། གཏོར་མ་སྨན་རཀ་མཆོད་རྫས་ཚོགས་འཁོར་དང་། བཟློག་གཏོར་ལ་སོགས་དུས་སྐབས་འབྲེལ་བར་བཤམས། མར་གཞི་དགྲ་ཆོས་བཅའ་ཆོག་འདི་ལྟ་སྟེ། ཧོམ་ཁུང་ནང་དུ་གཡག་རུ་གཡོན་མ་བཞག གཡག་རུའི་ནང་དུ་དུག་ཤོག་གཙང་མ་ལ། དགྲ་གཟུགས་ལིངྒ་ཚད་ལྡན་བྲིས་ཏི་གཞུག། བསྡུ་ན་ཙྭ་གཟུགས་བཅིངས་ཏེ་བཞག་ཀྱང་ཆོག། སྲིབ་སྐྱེས་ངམ་ཤིང་གླང་མ་དམར་པོ་དང་། མི་དང་དུད་འགྲོས་མ་འགོམ་རྡོ་ནག་དང་། ཚྭ་གཡིར་རམ་སྒོག་ཐལ་འཇིམ་ཕུང་རས་སོགས། འགོ་རུ་དགོས་པའི་རྫས་རྣམས་ཚང་བར་བསགས། དང་པོ་ཡི་དམ་བཀའ་སྲུང་ཆོས་སྐྱོང་གིས། ལས་གཞུང་བསྙེན་པ་ཚོགས་མཆོད་བསྐང་བཤགས་དང་། བསྐལ་དང་བསྒྲལ་ལས་བཟློག་པ་བྱ་བ་ནི། དཔེར་ན་རྒྱལ་པོར་ཞུས་ནས་བཀའ་འཕྲིན་བླངས། དེ་ནས་གཞན་ལ་རྩོད་པ་ལྟ་བུའོ། སྒྲུབ་གཞུང་ཡི་དམ་སངས་རྒྱས་བཟློག་བསྐང་བ་སོགས། ཞག་མང་ཡིན་ན་ཉིན་བཞིན་བཟློག་པའི་མཇུག དགྲ་ཆོས་ཚར་གྲངས་ཅི་མང་འདོན་པ་དང་། མནན་པ་བྱེད་ན་བྲ་བྲུབ་མཆོག་ཡིན་ཏེ། དགྲ་རྐུན་ཇག་པས་སྡང་དང་བྱར་མཐུ་ཟུག །ཁ་མཆུའི་མི་ཁ་དབབ་ས་ལ་སོགས་པར། ཕན་ཆེ་ལག་ལེན་མྱོང་བའི་གཏོ་ཆོག་ཡིན། འདི་ཡི་གོ་དོན་འདོན་ཆ་ཤེས་ན་ཡང་། ཞིབ་པར་མཐོང་བརྒྱུད་ཕྱག་བཞེས་གཙོ་བོར་ཟུངས། དེ་ནས་དངོས་གཞིའི་དམིགས་བྱ་བསྐྱེད་འགུགས་ནི། ༀ་སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་རང་གི་མདུན་དུ། ཨེ་ལས་གནམ་ལྕགས་ཀྱི་ཁང་སྒྲོམ་ཟུར་གསུམ་པའི་ནང་དུ་ཡཿ ལས་དགྲ་བོ་འགུགས་པའི་གཡག་རུ་ནག་པོ་གཏིང་ཟབ་ཅིང་ཚ་ལ་རྩུབ་པ། ནག་ལ་རྔམ་པ། འཇིགས་སུ་རུང་བ་དེའི་ནང་དུ་ནྲྀ་དང་ཏྲིཿ ལས་ཐད་དུ་ལངས་པའི་དགྲ་བོ་ཐམས་ཅད་ཀྱི་བླ་དང་སྲོག་གི་ལིངྒ་གཟུགས་དང་སྐྱེ་མཆེད་ཚང་བ། སྔོ་བ་སྐྱ་བ་ཧམ་པ་རིད་པ། མིག་ནས་ཁྲག་གི་མཆི་མ་འཆོར་བ། རྐང་ལག་ལྕགས་སྒྲོག་གིས་བསྡམ་པ། མགོན་སྐྱབས་ཀྱི་ལྷ་ཐམས་ཅད་དང་ཕྲལ་ནས་འདར་ཕྲི་ལི་ལི་བསྔངས་ཧེད་ཧེད་བྱེད་པས་ཉམ་ཐག་པ། ཉོན་མོངས་པ་ཁ་ནས་སྡུག་བསྔལ་གྱི་ཆོ་ངེ་འདེབས་པ་ཞིག་ཏུ་གྱུར། གཞན་ཡང་བླ་རྡོ་ནག་པོ་བླ་ཤིང་གླང་མ། ཚྭ་སྒོག་རམ་གཡེར། གོ་གསུམ་ཐལ་འཇིམ་སྟེ་ཡས་སྟག་དེ་དག་རྣམས་ལའང་དགྲ་བོ་ཐམས་ཅད་ཀྱི་བླ་སྲོག་རྣམ་པར་ཤེས་པ་ཁུག་ནས་ཐིམ་པར་གྱུར། ཛཿ ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རིག་འཛིན་གྲུབ་ཐོབ་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་། ཡི་དམ་རྒྱུད་སྡེ་བཞི་དང་ཐེག་པ་རིམ་པ་དགུ་ཡི་དཀྱིལ་འཁོར་གྱི་ལྷ་ཚོགས་རྣམས་ཀྱི་བཀའ༴ གནས་གསུམ་གྱི་དཔའ་བོ་མཁའ་འགྲོ་ཤུགས་འགྲོ་སོགས་མ་སྲིང་མཁའ་འགྲོ་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ༴ མགོན་པོ་ཕོ་རྒྱུད་ལྷ་མོ་མོ་རྒྱུད་སོགས་ཡེ་ཤེས་དང་འཇིག་རྟེན་གྱི་སྲུང་མ་བཀའ་གཏེར་གྱི་བདག་པོ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི༴ ཕོ་ལྷ་དགྲ་ལྷ་ཡུལ་ལྷ་ཟོ་དོར་རྣམས་ཀྱི་བཀའ༴ གསང་སྔགས་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་རྣམས་ཀྱི༴ བདེན་པ་དང་བདེན་པ་ཆེན་པོའི་མཐུ་དང་ནུས་པ་ལ་བརྟེན་ནས། སྤྱིར་སངས་རྒྱས་བསྟན་པའི་བསྟན་དགྲ། སེམས་ཅན་ཡོངས་ཀྱི་སྤྱི་དགྲ། དཔལ་ལྡན་བླ་མའི་སྐ་དགྲ་ཁྱད་པར་དུ་རྣལ་འབྱོར་བ་བདག་ཅག་དཔོན་སློབ་ཡོན་མཆོད་མི་ནོར་འཁོར་དང་བཅས་པ་ལ། ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པ་ནས། སྡང་བར་བྱེད་པའི་དགྲ། གནོད་པར་བྱེད་པའི་བགེགས། བར་དུ་གཅོད་པའི་རྐྱེན་ལན་པ་མེད་པའི་སྲོག་ལ་རྒོལ་བ། བསྡོས་པ་མེད་པའི་ནོར་ཕྲོག་པ། ཟོས་པ་མེད་པའི་བུ་ལོན་སྙེགས་པ། དོ་བསྡོ་ཞིང་ཕོད་བཙུགས་པའི་དགྲ་ཡ། གྱོད་ཡ་འཛིང་ཡ་འཁོན་ཡ་བྱེད་པའི་དགྲ་བོ་ལ་ཁ་ན་ཇག་པ་རྟ་སྒ་སྟོད་མི། ལུང་ཁུང་ན་རྐུན་མ་ཐག་འབྲེང་ཐོགས་མི། རྐུན་ཁ་ཤོམ་བྱེད་མི། འཇབ་ལག་ཤོམ་བྱེད་མི། ཁ་མཆུ་དང་རྩོད་ཡ་བྱེད་མི། མི་མེད་དང་ལྷ་མེད་ཟེར་མི་སོགས། མདོར་ན་བསམ་པ་ངན་པ་ཡིད་ལ་འཆང་ཞིང་སྦྱོར་བ་རྩུབ་མོ་ལག་ཏུ་ལེན་པའི་དགྲ་བོ་ཐམས་ཅད་ཀྱི་བླ་སྲོག་རྣམ་པར་ཤེས་པ་མཐོ་རི་བོའི་རྩེ། དམའ་རྒྱ་མཚོའི་འགྲམ། བར་ཉི་ཟླའི་སྐྱབས་ཞབས་སྔགས་པ་ནུས་པ་ཅན་གྱི་གུར་གུམ། སྲིད་པ་གསུམ་གར་གནས་ཀྱང་རང་དབང་མེད་པར་གཟུགས་ལིངྒ་འམ། རྩྭ་གཟུགས་སྐྱ་བོ། བླ་རྡོ་ནག་པོ། བླ་ཤིང་གླང་མ། གཡེར་མ་ཁ་ཆེ་ཚྭ་སྒོག་ཐལ་རམ་འདི་རྣམས་ལ་ཁུག་ཅིག ནྲྀ་ཏྲི་ཧུར་ཐུམ་ཛཿ ཛ་ཧཱུཾ་བམ་ཧོ༔ ཨ་བེ་ཤ་ཡ་ཨ་ཨཿ ཞེས་རོལ་མོ་དང་བཅས་པས་དགུག་གཞུག་ལན་གསུམ་བྱས་ལ། ༀ་བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུཾ༔ བཛྲ་སྥོ་ཌ་བམཿ བཛྲ་གྷ་ཎྜེ་ཧོཿ བཛྲ་པྲ་ཝེ་ཤ་ཡ་ཕཊཿ བཛྲ་ཨ་བེ་ཤ་ཡ་ཨཿ ཞེས་པས་འགུགས་འཆིང་སྡོམ་མྱོས་ལྷ་དང་བྲལ་ཏེ་དབྱེར་མེད་དུ་བསྟིམཿ དེ་ནས་གཟུ་ད པང་གི་ལྷ་ལ་དམར་གཏོར་ཤ་ཁྲག་གིས་བརྒྱན་པ། དཀར་གཏོར་དཀར་མངར་གྱིས་བརྒྱན་པ་བསོད་ནམས་འབྲུ་སྣས་བརྒྱན་པ་བཤམས་ལ་འདི་སྐད་དོ། ཧཱུཾ་དཀོན་མཆོག་གསུམ་པོ་གཟུ་དང་དཔང་ཿ བླ་མ་ཡི་དམ་གཟུ༴ མཁའ་འགྲོ་ཆོས་སྐྱོང་གཟུ༴ བཀའ་སྲུང་དམ་ཅན༴ ནོར་ལྷ་གཏེར་བདག༴ ཕོ་ལྷ་དགྲ་ལྷ༴ སྣང་སྲིད་ལྷ་འདྲེ་གཟུ༴ ཡུལ་ལྷ་གཞི་བདག༴ གནས་པེ་དགེ་བསྙེན༴ ཁྱེད་རྣམས་གཟུ་དང་དཔང་མཛོད་ཅིག༴ གཏོར་མ་འབྲུ་སྣ་འདོད་ཡོན་ལྔ། མཁའ་འགྲོ་ཆོས་སྐྱོང་ཐམས་ཅད་དང་། ཇ་ཕུད་ཆང་ཕུད་བདུད་རྩི་ལྔ༴ གཟུ་དཔང་ལྷ་ལ་མཆོད་པ་འབུལ། དགྲ་བགེགས་ཤ་ཁྲག་ལིངྒ་ཡིས། བཀའ་སྲུང་དམ་ཅན་མཉེས་གྱུར་ཅིག བདུད་རྩི་གསེར་སྐྱེམས་མཆོད་པ་ཡིས། ཕོ་ཉ་ལས་ལ་རྒྱུག་པ་བརྔན། དཀར་གསུམ་མངར་གསུམ་གཏོར་མ་ཡིས། ཡུལ་ལྷ་གཞི་བདག་གཉན་པོ་མཆོད། ཚྭ་གཡེར་རམ་སྒོག་ཐལ་འཇིམ་འདིས། དགྲ་བོ་བྱད་མ་ཐམས་ཅད་བྲུབ། ཤིང་ནག་གླང་མ་ལིང་དགུ་ལ། དགྲ་བོའི་མི་ནོར་ཁྲམ་ལ་ཐོབས། གཡག་རུའི་ནང་གི་ལིངྒ་ལ། དགྲ་རྐུན་ཇག་པའི་བླ་སྲོག་ཁུག དོ་ནུབ་ཉི་མའི་དགོང་ཐུན་ལ། ཡི་དམ་ཆོས་སྐྱོང་བསྙེན་གྲངས་ཐེམས། གསང་སྔགས་བཟླས་བརྗོད་གྲངས་ཡང་ཚང་། བཀའ་སྲུང་དམ་ཅན་རྒྱུག་པའི་སྲང་། ཕོ་ཉ་ལས་མཁན་དམག་ལ་ཆོས། ཀི་དང་བསོ་ལ་དགའ་བ་དང་། དར་ལ་འདུ་བ་དགྲ་ལྷའི་ལུགས། སངས་རྒྱས་ཆོས་ཀྱི་སྲུང་མ་རྣམས། དར་རག་ཕྱོར་ལ་ད་འདུས་ཤིག རྔ་སྒྲ་ལྡིར་ལྡིར་ཆས་རེ་རན། གོ་ཁྲབ་གྱོན་ལ་རྣོ་མཚོན་ཐོགས། མགྱོགས་པའི་རྟ་ཞོན་རངས་པར་རྒྱུག ཞེ་སྡང་ཕྱུངས་ལ་ང་རྒྱལ་སྐྱེད། དགྲ་བོའི་མི་དཔལ་རྟ་མགྱོགས་ཀྱི། དཔུང་བ་ཆོགས་ལ་རྒྱུས་པ་ཆིངས། དགྲ་གཟུགས་ལིངྒ་འདི་ཉིད་དང་། གང་ལ་དམིགས་པའི་དགྲ་བོ་རྣམས། མཉམ་པོར་སྒྲོལ་ལ་བརླག་པར་མཛོད། དགྲ་སྲོག་ཆོད་ལ་དགྲ་དབུགས་སྡུས། ཤ་ཟོ་ཁྲག་འཐུང་རུས་པ་མུར། བསད་རྟགས་དོན་སྙིང་ཁྱེར་ལ་ཤོག ལས་ལ་བསྐལ་ལོ་བང་མ་བུལ། དགྲ་ལ་རྦད་དོ་མཐུ་མ་ཆུང་། བྷྱོ་བྷྱོ་སྡང་བའི་དགྲ་ལ་བྷྱོ། བྷྱོ་བྷྱོ་གནོད་པའི་བགེགས་ལ་བྷྱོ། དུས་ལ་བབ་པོ་ས་མཱ་ཡ། བཅོལ་པའི་ཕྲིན་ལས་འགྲུབ་པར་མཛོད། ཅེས་བཀའ་སྲུང་རྣམས་ཀྱི་རྦད་སྔགས་རྟག་ཏུ་བཟླའོ། དེ་ནས་མགོན་པོའི་དམག་འགྱེད་དམ་ཅན་དགྲ་ལྷའི་ཚོགས་དང་བཅས་པའི་དགྲ་ཆོས་བྱ་བ་ནི། ཡོན་བདག་ཐམས་ཅད་ཀྱིས་གོ་གྱོན་མཚོན་ཐེགས་གྲལ་ལ་འཁོད་ནས་རོལ་མོ་དང་བཅས་དེ་འདི་སྐད་དོ། ཧཱུཾ་ཆོས་སྐྱོང་སྲུང་མའི་མདག་ཚོགས་རྣམས་དམར་གྱི་གཏོར་མ་བཤམས་ནས་སུ། དར་ནག་གཡབ་མོས་འབོད་པའི་ཚེ། ཆོས་ཤིག་དགྲ་བགེགས་སྟེང་དུ་ཆོས། དཔལ་ལྡན་མགོན་པོ་ནག་པོ་ནི། སྐ་མདོག་མཐིང་ནག་རྔམ་པའི་གཟུགས། ཟ་བྱེད་རྔམ་པའི་མཆེ་བ་གཙིགས། ནག་པོ་སྟོང་དང་ཤ་ཟ་འབུམ། མ་མོ་བྱེ་བ་གནོད་སྦྱིན་ཁྲི། སྣ་སྲིད་ལྷ་འདྲའི་དམག་དང་བཅས། དགྲ་བགེགས་སྟེང་དུ་དམག་ལ་ཆོས། དམ་ཅན་རྡོ་རྗེ་ལེགས་པ་ཁྱོད། དགྲ་ལྷ་ཡོངས་ཀྱི་དམག་དཔོན་ཏེ། མཆེད་འཁོར་སུམ་བརྒྱ་དྲུག་ཅུའི་ཚོགས། ཆོས་ཆོས་དགྲ་བགེགས་སྟེང་དུ་ཆོས། རྒྱུགས་རྒྱུགས་སྡང་བའི་དགྲ་ལ་རྒྱུགས་ད་རེས་མཐུ་རྩལ་ཅི་འདུག་ལྟ། དམ་ཅན་སྲུང་མའི་དམག་ཚོགས་རྣམས། དེ་རིང་དྲག་པོའི་ལས་ལ་བསྐལ། ལྷ་ཀླུ་གཉན་དང་སྡེ་བརྒྱད་རྣམས། ད་ལྟ་ཉིད་དུ་དམག་ལ་སྡུས། གོ་གྱོན་མཚོན་ཐོགས་ཞེ་སྡང་སྐྱེད། ཤ་ཁྲག་དམར་གཏོར་འདི་བཞེས་ལ། དགྲ་བོའི་ཡུལ་དུ་དམག་དཔུང་ཆོས། བདག་དང་རྒྱུ་སྦྱོར་ཡོན་བདག་ལ། ཉི་མ་ཕྱོགས་བཞི་མཚམས་བརྒྱད་ནས། སྡང་བའི་དགྲ་དང་གནོད་པའི་བགེགས། ལིངྒ་འདི་ལ་མྱུར་དུ་ཁུག རྩྭ་གཟུགས་སྐྱ་བོ་འདི་ལ་བསྐོར། བླ་ཤིང་སེ་རོག་གླང་མ་དང་། བླ་རྡོོ་ནག་པོ་འདི་ལ་སྟིམས། ཡིད་ལ་བརྣག་པའི་དགྲ་བོ་འདི། ལོ་དང་ཟླ་བར་མ་འགྱང་བར། ཞག་དང་ཟ་མའི་ནང་དུ་སྒྲོལ། དུས་ལ་བབ་སོ་སྲུང་མ་རྣམས། དམ་ཚིག་དགོངས་ལ་ཕྲིན་ལས་འདི། ཐོགས་མེད་མྱུར་དུ་འགྲུབ་པར་མཛོད། དེ་ནས་སླར་ཡང་བླ་རྡོ་བླ་ཤིང་སོགས་ལ་དམིགས་ནས་དགུག་གཞུག་དྲག་ཏུ་བྱ། བླ་ཤིང་བཅད་དེ་གླང་ཁྲམ་དགུ་བྱེད། བླ་རྡོ་བཅག་ནས་དུམ་བུ་དགུ་བྱེད། དགྲ་ཆོས་ལ་ཉེ་བར་མཁོ་བའི་ཐུར་ཡིག་བླ་རྡོ་བཅག་པ་དང་། བླ་ཤིང་བཅད་པ་ཁྲམ་འདེབས་དང་བཅས་པ་ནི། ཀྱཻ། ཕྱོགས་བཞི་མཚམས་བརྒྱད་སྟེང་འོག་གི། ལྷ་སྲིན་སྡེ་བརྒྱད་དྲེགས་པ་ཅན། གཟུགས་ནི་མ་ངེས་ཅིར་ཡང་སྟོན། སྤྲུལ་པ་ཕྱོགས་བཅུར་ཁྱབ་བར་རྒྱུག སྐྱེ་འགྲོའི་ཚེ་དང་སྲོག་ལ་རྔམ། གསོད་དང་གཅོད་ལ་རབ་ཏུ་དགའ། ཤ་དང་ཁྲག་ལ་ཤིན་ཏུ་དགྱེས། ཁྱེད་ཅག་འཁོར་དང་བཅས་པ་རྣམས། འདིར་སྤྱོན་གཏོར་མ་གསེར་སྐྱེམས་བཞེས། ང་ཡིས་བསྒོ་བའི་ཕྲིན་ལས་སྒྲུབས། དགྲ་བགེགས་མ་ཤོར་མྱུར་དུ་ཁུག དགྲ་བོའི་བླ་ཚེ་སྲོག་དབུགས་རྣམས། བླ་ཤིང་སེ་རོག་གླང་མ་དང་། བླ་རྡོ་ནག་པོ་འདི་ལ་སྟིམས། ནྲྀ་ཏྲི་སརྦ་ཨ་ཀཪྴ་ཡ་ཛཿཛཿ ཞེས་དགུག་ལ་དང་པོ་བླ་རྡོ་བཅག་པ་ནི། ཀྱཻ་སྟེང་གི་རྡོ་འདི་གནམ་ཡིན་ལ། འོག་གི་རྡོ་འདི་ས་ཡིན་པའི། གནམ་ས་གཉིས་ཀྱི་ཁ་བར་དུ། དགྲ་བོ་ཚེ་ཟད་བླ་རྡོ་བཅག སྟེང་གི་རྡོ་འདི་ཡེ་ཡིན་ལ། འོག་གི་རྡོ་འདི་ངམ་ཡིན་པས། ཡེ་ངམ་གཉིས་ཀྱི་ཁ་བར་དུ། དགྲ་བོ་ཚེ་ཟད༴ སྟེང་གི་རྡོ་འདི་ལྷ་ཡིན་ལ། འོག་གི་རྡོ་འདི་བདུད་ཡིན༴ ལྷ་བདུད་འཐབ་པའི་ཁ་བར༴ དགྲ་བོ་ཚེ་ཟད༴ སྟེང་གི་རྡོ་འདི་ཐོག་ཡིན་ལ། འོག་གི་རྡོ་འདི་སྒྱོགས་ཡིན་པས། ཐོག་སྒྱོགས་གཉིས་ཀྱི་ཁ་བར། དགྲ་བོ་ཚེ་ཟད༴ སྟེང་གི་རྡོ་འདི་ཟངས་ཡིན་ལ། འོག་གི་རྡོ་འདི་ལྕགས་ཡིན་པས། ཟངས་ལྕགས་གཉིས་ཀྱི་ཁཿ དགྲ་བོ་ཚེ་ཟད༴ སྟེང་གི་རྡོ་འདི་རི་ཡིན་ལ། འོག་གི་རྡོ་འདི་ཐང་ཡིནཿ རི་ཐང་གཉིས་ཀྱི་ཁ་བར༴ དགྲ་བོ་ཚེ་ཟད༴ སྟེང་གི་རྡོ་འདི་ཟླ་བ་ཡིན། འོག་གི་རྡོ་འདི་ཉི་མ་ཡིན། །ཉི་ཟླ་གཉིས་ཀྱི་ཁ༴ དགྲ་བོ་ཚེ་ཟད༴ སྟེང་གི་རྡོ་འདི་ཉིན་རི་ལ། འོག་གི་རྡོ་འདི་སྲིབ་རི་ཡིན། ཉིན་སྲིབ་གཉིས་ཀྱི་ཁ་བརཿ དགྲ་བོ་ཚེ་ཟད༴ ཁྱེད་དམ་ཅན་ལྷ་སྲིན་སྡེ་བརྒྱད་རྣམས། གསེར་སྐྱེམས་ཕུད་མཆོད་འདི་བཞེས་ལ། སྒོ་ང་བྲག་ལ་བརྒྱབ་པ་བཞིན། དགྲ་བོའི་བླ་རྡོ་དུམ་བུར་ཐོངས། བྲག་རི་ཐོག་གིས་བཤིག་པ་བཞིན། དགྲ་བོའི་བླ་རི་རྨང་ནས་སྒྱེལ། རམ་ནག་སེར་བས་བརྡུང་བ་བཞིན། དགྲ་བོའི་བླ་སྲོག་རྡུལ་དུ་རློགས། མ་གཡེལ་མ་གཡེལ་ལས་མཁན་རྣམས། དགྲ་དཔུང་ཚོམས་ལ་བགེགས་དཔུང་ཤིག དུས་ལ་བབ་པོ་ས་མཱ་ཡ། དྲག་པོའི་ཕྲིན་ལས་གྲུབ་པར་མཛོད། ཅེས་བརྗོད་ཅིང་། བླ་རྡོ་བཅག་ལ་དུམ་བུ་དགུ་བྱེད། དེ་ནས་གླང་ཁྲམ་བཅད་འདེབས་ནི ཀྱཻ། གསེར་རི་གཡུ་ལུང་དུང་རི་མཆོང་ལུང་དང་། ཤེལ་བྲག་འོང་མཚོའི་རྒྱུད་ལ་སྐྱེས་པ་ཡི། ཤུག་པ་འདོམ་ཤ་མཁན་པ་སྦ་སྨྱུག་རྣམས། ལྷ་ཀླུ་གཉན་དང་དགྲ་ལྷའི་བླ་ཤིང་ཡིན། སྲིབ་རི་ནག ས་ལ་སྐྱེས་པའི་གླང་ཕུང་འདི། སྔོན་ཚེ་སྲིད་པ་ཡེ་སྨོན་རྒྱལ་པོ་ཡིས། བདུད་ངམ་རྗེ་རྩོལ་པོ་བཏུལ་བའི་བླ་ཤིང་ཡིན། བར་དུ་ཡ་བླ་བདལ་དྲུག་སྐ་རིང་ལ། བདུད་ཁྱུང་རུ་ནག་པོ་བཏུལ་བའི་བླ་ཤིང་ཡིན། ཐ་མ་རྒྱལ་བུ་མཐིང་གྷེའི་སྐ་རིང་ལ། སྲིན་པོ་སྙིང་དམར་བཏུལ་བའི་བླ་ཤིང་ཡིན། དེ་རིང་སྔགས་འཆང་རྣལ་འབྱོར་ཡོན་མཆོད་ཀྱིས། གནོད་བྱེད་དགྲ་འདྲེ་བྱུར་གསུམ་བླ་ཤིང་བྱེད། སྡང་བའི་དགྲ་བོའི་བླ་ཡིད་སེམས་གསུམ་པོ། ངམ་ཤིང་སེ་རོག་གླང་མ་འདི་ལ་བསྟིམ། དགྲ་བོའི་བླ་དང་བླ་ཤིང་དབྱེར་མེད་གྱུར། ཤིང་གི་རྩི་མོ་ཐུར་དུ་བསྟན་ལ། ཀྱཻཿ དེ་རིང་དགུ་གསུམ་དྲག་པོའི་ཉི་མ་ལ། ཤིང་འདིའི་རྩེ་མོ་ཐུར་དུ་བསྟན་པ་ཡིས། དམ་ཉམས་དགྲ་བོ་ལས་ངན་མགོ་རྟིང་བཟློག རྣོ་ངར་ལྡན་པའི་གནམ་ལྕགས་རལ་གྲི་ཡིས། ཤིང་འདིའི་མགོ་པོ་མར་ལ་བཅད་པ་ཡིས། དགྲ་བོའི་མགོ་བོ་དང་ནི་གནམ་གྱི་འཇུ་ཐག་གཅོད། ཤིང་འདིའི་རྩ་བ་ཡར་ལ་བཅད་པ་ཡིས། དགྲ་བོའི་སྐྱེ་རྒྱུད་བཅད་དེ་ས་ཡི་རྟེན་ཕུར་ཕྱུང་། ཤིང་འདིའི་ལོ་འདབ་ཡན་ལག་བྲེག་པ་ཡིས། དམ་ཉམས་དགྲ་བོའི་ཡན་ལག་ཉིང་ལག་གཅོད། ཤིང་འདིའི་ལྤགས་པ་བཤུས་ནས་སྙིང་པོ་བྲུས་པ་ཡིས། དགྲ་བོའི་དོན་སྙིང་ཕྱུངས་ནས་ལྤགས་པ་བཤུས། ཤིང་འདིའི་རྐེད་པ་ཐད་དུ་བཅད་པ་ཡིས། དམ་ཉམས་དགྲ་བོའི་གཟུགས་ཕུང་རྐེད་ནས་གཅོད། ཤིང་འདི་དུམ་བུ་མང་པོར་གཏུབས་པ་ཡིས། སྡང་བའི་དགྲ་བོའི་དོན་སྙིང་ཚལ་བར་གཏོང་། ཤིང་འདི་གླང་ཁྲམ་དགུ་རུ་བྱས་པ་ཡིས། སྡང་བའི་དགྲ་བོའི་མི་ནོར་ཁྲམ་ལ་འདེབས། ཅེས་བརྗོད་པའི་བླ་ཤིང་གླང་མ་དེའི་མགོ་བོ་མར་བཅད། རྩ་བ་ཡར་བཅད། སྐེད་པ་དེ་དུམ་བུ་མང་པོར་བཏུབས་ལ་འདི་སྐད་དོ། ཀྱཻ་དམ་ཅན་ལྷ་སྲིན་སྡེ་བརྒྱད་རྣམས། གསེར་སྐྱེམས་ཕུད་མཆོད་འདི་བཞེས་ལ། བསྟན་དང་འགྲོ་བའི་སྤྱི་དགྲ་དང་། དཔལ་ལྡན་བླ་མའི་སྐ་དགྲ་རྣམས། ངམ་ཤིང་སེ་རོག་གླང་མ་ལ། མ་ཡོ་མ་བཟུར་ཁྲམ་ལ་ཐོབས། ད་ལྟ་ཉིད་དུ་རྩིས་ལ་ཕོབས། ཁྱད་པར་བདག་ཅག་ཡོན་མཆོད་ལ། ཕྱོགས་མཚམས་སྟེང་འོག་ཐམས་ཅད་ནས། གནོད་ཅིང་འཚེ་བར་བྱེད་པ་ཡི། དགྲ་བགེགས་བྱད་མ་ཐམས་ཅད་ཀུན། ངམ་ཤིང་སེ་རོག་གླང་མ་ལ། མ་ཡོ་མ་བཟུར་ཁྲམ་ལ་ཐོབས། ད་ལྟ་ཉིད་དུ་རྩིས་ལ་ཕོབས། བྱད་ཁ་ཕུར་ཁ་སྟོན་མི་དང་། རྐུན་སྣ་གྱོད་སྣ་སྟོན་མི་རྣམས། ངམ་ཤིང་སེ་རོག་གླང་མ་ལ། མ་ཡོ་མ་བཟུར་ཁྲམ་ལ་ཐོབས། ད་ལྟ་ཉིད་དུ་རྩིས་ལ་ཕོབས། མི་ལ་ལྷ་མེད་ཟེར་མི་དང་། ལྷ་ལ་མཐུ་མེད་ཟེར་མི་དང་། མཐུ་བུ་ལོན་བཞིན་དུ་སྙོགས་མི་རྣམས། ངམ་ཤིང་སེ་རོག༴ མ་ཡོ་མ་བཟུར་ཁྲམཿ ད་ལྟ་ཉིད་དུ་རྩིསཿ བཀའ་འགལ་དམ་ལོག་བྱེད་པ་དང་། ཕོད་བཙུགས་དོ་བསྡོ་བྱེད་པ་དང་། བཙན་བཙུགས་ཀླང་འདེབས་བྱེད་མཁན་རྣམས། ངམ་ཤིང་སེ་རོགཿ མ་ཡོ་མ་བཟུརཿ ད་ལྟ་ཉིད་དུཿ མི་ཁ་སྨྲ་མཆུ་གླེང་བ་དང་། བསམ་ངན་སྦྱོར་རྩུབ་འཆང་བ་ཡི། བསྟན་དགྲ་ཚེ་ཟད་ལས་ངན་རྣམས། ངམ་ཤིང་༴ མ་ཡོ་མ་བཟུར༴ ད་ལྟ་ཉིད་དུ་རྩིས་ལ༴ དགྲ་བོའི་ཕོ་རྒྱུད་མོ་རྒྱུད་དང་། ཆུང་རྒྱུད་མཐའ་རྩ་སྐྱེ་རྒྱུད་བཅས། ལྷ་ཡི་ཁྲམ་ལ་ད་ཐོབས་ཤིག གཤིན་རྗེའི་ཁྲམ་ལ་ད༴ བཙན་གྱི་ཁྲམ་ལ༴ བདུད་ཀྱི་ཁྲམ་ལ། གཟའ་ཀླུ་གནོད་བྱིན་རྒྱལ་པོ་དང་། མ་མོའི་ཁྲམ་ལ་ད་ཐོབ་ཤིག སྣང་སྲིད་ལྷ་འདྲེ་ཁྱེད་རྣམས་ཀྱིས། ཁྲམ་འདི་མ་ཡོ་མ་བཟུར་ཅིག རྩིས་འདི་མ་ནོར་མ་འཁྲུག་ཅིག དགྲ་ལ་བབ་ན་དགྲ་དཔུང་ཆོམས། བགེགས་ལ་བབ་ན་བགེགས་དཔུང་ཤིག ལས་འདི་མྱུར་དུ་འགྲུབ་པར་མཛོད། ཅེས་གླང་མ་དུམ་བུ་རྣམས་ཀྱིས་གླང་ཁྲམ་དགུ་བྱས་ལ་བཞག བླ་རྡོ་བཅག་པ་དང་། བླ་ཤིང་བཅད་པ་ཁྲམ་འདེབས་དང་བཅས་པ་འདི་རྣམས་ནི། མགོན་པོ་ལེགས་ལྡན་གྱི་ལས་ཚོགས་དང་། བསྟན་གཉིས་གླིང་བའི་གཏེར་མ་ཤུགས་མགོན་གྱི་དགྲ་བྲུབ་དང་། ལྡི་རི་ཆོས་གྲགས་ཀྱིས་མཛད་པའི་མགོན་པོ་ཚོགས་བདག་གི་ལས་ཚོགས་རྣམས་ཀྱིས་ཚིག་གང་ཟབ་ཕྱོགས་གཅིག་ཏུ་བསྡུས་ནས་ཀརྨཱ་རཱ་ག་ཨ་པཱལ་རང་གཞན་མང་པོར་ཕན་ཕྱིར་བྲིས་པ་ཕྱི་རབས་རྣམས་ཀྱིས་ཡིད་བརྟན་དུ་ཟུངས་ཤིག སརྦ་མངྒ་ལཾ།

དེ་ནས་སྐྱེལ་པ་སྟག་ལོ་་་་

༄༅། དེ་ནས་སྐྱེལ་པ་སྟག་ལོ་ཞིག་གིས་རྐང་པ་གཡོན་པས་གཡག་རུ་བརྗིས་ནས་དགྲ་ཆོས་ཀྱི་འབྱུང་ཁུངས་སོགས་ཀྱི་སྨྲེང་འདི་གྱེར་རོ། ཀྱཻ་སྔོན་གྱི་བསྐལ་པ་དང་པོ་ལ། དགྲ་བྲུབ་བྱེད་པ་གར་སྲིད་ན། གནམ་གྱི་མགོ་བོ་དང་ནི་ས་ཡི་ཐ་མ་འཚོས་པ་ལ། ཕ་གནམ་མཐའ་ལྕགས་ཀྱི་རྒད་པོ་དང་། མ་ས་མཐའ་ཟངས་ཀྱི་རྒན་མོ་སྲིད། དེ་གཉིས་རྫུ་འཕྲུལ་བསྡེབས་པ་ལས། སྲིད་པའི་སྒོ་ང་རྣམ་བཞི་བྱུང་། དུང་སྒོང་ཤར་དུ་རྡོལ་བ་ལས། ཤར་ཕྱོགས་རྒྱ་ཡི་དགྲ་སྲི་སྲིད། གཡུ་སྒོང་ལྷོ་རུ་རྡོལ་བ་ལས། ལྷོ་ཕྱོགས་འཇང་གི་དགྲ་སྲི་སྲིད། ཟངས་སྒོང་ནུབ་ཏུ་རྡོལ་བ་ལས། ནུབ་ཕྱོགས་མོན་གྱི་དགྲ་སྲི་སྲིད། ལྕགས་སྒོང་བྱང་དུ་རྡོལ་བ་ལས། བྱང་ཕྱོགས་ཧོར་གྱི་དགྲ་སྲི་སྲིད། ཕྱོགས་བཞིའི་དགྲ་སྲི་རྣམ་བཞི་དེས། གོ་གྱོན་མཚོན་ཐོགས་ཀུན་ལ་སྡང་། འཛམ་གླིང་མི་ལ་དམག་སྣ་དྲངས། དེར་ལས་སྨོན་མཐུ་དང་ལྡན་པ་ཡིས། མཁས་པ་མི་བཞིས་རྫུ་འཕྲུལ་མཛད། སྡང་བའི་དགྲ་བོ་ཐམས་ཅད་ཀུན། འོད་ཟེར་ཤུགས་ཀྱིས་བསྡུས་ནས་ནི། ཤར་ཕྱོགས་རྒྱ་ཡི་དགྲ་སྲི་དེ། འཕར་སྤྱང་ཐོད་པའི་ནང་དུ་བྲུབ། ལྷོ་ཕྱོགས་འཇང་གི་དགྲ་སྲི་དེ། ཁྱི་ཕག་ཐོད་པའི་ནང་དུ་བྲུབ། ནུབ་ཕྱོགས་མོན་གྱི་དགྲ་སྲི་དེ། རྟ་རྨིག་འཁོར་མོའི་ནང་དུ་བྲུབ། བྱང་ཕྱོགས་ཧོར་གྱི་དགྲ་སྲི་དེ། གཡག་རུ་གཡོན་མའི་ནང་དུ་བྲུབ། རྡོ་ནག་རྡེའུ་འབྲུ་དགུ་དང་བྲུབ། གླང་མ་ལིང་ཚེ་དགུ་དང་བྲུབ། ཚྭ་སྒོག་རམ་པ་དགུ་དང་བྲུབ། གཡེར་མ་ཁ་ཆེ་དགུ་དང་བྲུབ། རྒྱ་ལམ་ཆེན་པོའི་བཞི་མདོར་མནན། ལྷ་ཁང་ཐེམ་པའི་འོག་ཏུ་མནན། ལུང་གསུམ་འདུས་པའི་མདོ་རུ་མནན། མཆོད་རྟེན་བྱིན་ཅན་ཞབས་སུ་མནན། འཕང་བ་རྒྱ་མཚོའི་གཏིང་དུ་འཕང་། འཕང་བའི་འོག་ནས་ཡར་མ་ལྡང་། མནན་པ་རི་རབ་ལྗིད་ཀྱིས་མནན། མནན་པའི་འོག་ནས་འཕར་མེད་བྱས། དགྲ་བྲུབ་བྱེད་པ་དང་པོ་དེ་ལྟར་སྲིད། སྲིད་པ་དེ་ཡི་དཔེ་བཞིན་དུ། དོ་ནུབ་བདག་དང་ཡོན་བདག་གིས། གཡག་རུ་གཡོན་མའི་ནང་ཤེད་དུ། དགྲ་གཟུགས་ལིངྒ་མིང་རུས་བཅས། རྡོ་ནག་དེ་ནི་རྡེའུ་དགུ་དང་། གླང་མ་དེ་ནི་ལིང་དགུ་དང་། ཚྭ་གཡེར་རམ་སྒོག་ཐལ་འཇིམ་འདིས། སྡང་དགྲ་གནོད་བགེགས་མ་ལུས་བྲུབ། དམག་སྣ་ཇག་སྣ་སྟོན་མི་བྲུབ། རྐུན་སྣ་གྱོད་སྣ་སྟོན་མི་བྲུབ། བསམ་ངན་སྦྱོར་རྩུབ་འཆང་བ་ཡིས། དགྲ་བགེགས་བྱད་མ་ཐམས་ཅད་བྲུབ། བྲུབ་པོ་དགྲ་བོ་མ་ཤོར་ཅིག མནན་ནོ་དགྲ་བོ་མ་ལྡང་ཅིག ནྲྀ་ཏྲི་མཱ་ར་ཡ་ནན། སྟྭཾ་བྷ་ཡ་ནན་ནན། ཀྱཻ་དེ་ནས་བསྐལ་པ་སྔ་མ་ལ། དགྲ་སྲི་བྲུབ་པ་གར་སྲིད་ན། སྲིད་པ་ཡེ་སྨོན་རྒྱལ་པོ་ལ། བདུད་ངམ་རྗེ་རྩོལ་པོ་དགྲ་རུ་ལངས། བདུད་རྟ་ནག་པོ་འགྲམ་རིང་ཞོན། བདུད་ཞགས་ནག་པོ་གྲུ་ལ་བསྐོན། ལྕགས་སྤྱང་སྔོན་པོ་ཕྱི་ནས་ཁྲིད། འཛམ་གླིང་མི་ལ་དམག་སྣ་དྲངས། དེར་སྲིད་པ་ཡེ་སྨོན་རྒྱལ་པོ་དེས། འཕྲུལ་གྱི་གཏོ་མཁན་སྔགས་འཆང་སྤྱན་དྲངས་ནས། བདུད་ངམ་རྗེ་རྩོལ་པོའི་བླ་བཟུང་ནས། རྐང་ལག་བཞི་པོ་མགོ་དང་ལྔར། ཁྲོ་ཆུའི་ཕ་བོང་རྡོ་རེ་བཏགས། ལྕགས་ཐག་སྔོན་པོས་ཧྲིལ་གྱིས་བཀྱིགས། གཡག་རུ་གཡོན་མའི་ནང་དུ་བྲུབ། རྒྱ་ལམ་སུམ་མདོ་དྲང་པོ་རུ། གཡག་རུ་དགྲ་དང་བཅས་པ་མནན། དེ་ཡི་ངམ་རྗེ་ཕམ་ནས་ངམ་ཁམས་བརླགས། ཡེ་སྨོན་རྒྱལ་པོ་ཡོན་མཆོད་རྒྱལ། དགྲ་སྲི་བྲུབ་པ་དེ་ལྟར་སྲིད། སྲིད་པ་དེ་ལ་སོགས། ཀྱཻ་དེ་འོག་བསྐལ་པ་བར་མ་ལ། དགྲ་བྲུབ་བྱེད་པ་གར་སྲིད་ན། ཕྱྭ་རྗེ་ཡབ་བླ་བདལ་དྲུག་ལ། བདུད་ཁྱུང་རུ་ནག་པོའི་དགྲ་རུ་ལངས། བོང་བུ་ནག་པོ་རྟ་རུ་ཞོན། སྲིན་ཞྭ་ནག་པོ་མགོ་ལ་གྱོན། ཁྱི་ནག་ལྕགས་མགོ་རྗེས་སུ་ཁྲིད། འཛམ་གླིང་མི་ལ་དམག་སྣ་དྲངས། དེར་ཕྱྭ་རྗེ་ཡབ་བླ་བདལ་དྲུག་དཔེ། ལྷ་བདུད་དཔུང་ཀུན་འདུལ་སྤྱན་དྲངས་ནས། ས་ལ་རྡོ་བླངས་དགྲ་བོའི་བླ་རྡོ་བྱས། ལུང་ལ་ཤིང་བཅད་དགྲ་བོའི་བླ་ཤིང་བྱས། དགྲ་བོའི་བླ་རྡོ་བཅག་ལ་བླ་ཤིང་བཅད། གཡག་རུའི་ནང་དུ་དགྲ་སྲི་མ་ལུས་བྲུབ། སྡང་དགྲ་གནོད་བྱེད་བྲུབ་པ་དེ་ལྟར་སྲིད། སྲིད་པ་དེ་ལ་སོགས། ཀྱཻ་བསྐལ་པ་དེ་ཡི་ཐ་མ་ལ། དགྲ་བྲུབ་བྱེད་པ་གར་སྲིད་ན། སྲིད་པ་རྒྱལ་བུ་མཐིང་གྷེ་ལ། སྲིན་པོ་སྙིང་དམར་དགྲ་རུ་ལངས། དྲེལ་ནག་རྐང་གསུམ་རྟ་རུ་ཞོན། སྲིན་པོའི་དམག་ཚོགས་ལས་ལ་བསྐོས། འཛམ་གླིང་མི་ལ་དམག་སྣ་དྲངས། དེར་སྲིད་པ་རྒྱལ་བུ་མཐིང་གྷེ་དེས། ཀོང་ཚེ་འཕྲུལ་རྒྱལ་སྤྱན་དྲངས་ནས། ས་ལ་རྡོ་བླངས་དགྲ་བོའི་བླ་རྡོ་བྱས། ལུང་ལ་ཤིང་བཅད་དགྲ་བོའི་བླ་ཤིང་བྱས། དགྲ་བོའི་བླ་ཤིང་གཏུབས་ནས་བླ་རྡོ་བཅག གཡག་རུའི་ནང་དུ་དགྲ་ལིང་བྱས་ཏེ་བྲུབ། སྡང་དགྲ་གནོད་བྱེད་བྲུབ་པ་དེ་ལྟར་སྲིད། སྲིད་པ་དེ་ཡི་སོགས། ཡང་དགྲ་བྲུབ་བྱེད་པ་གར་སྲིད་ན། རྒྱ་གར་ཆོས་ཀྱི་རྒྱལ་པོ་ལ། མུ་སྟེགས་ནག་པོ་དགྲ་རུ་ལངས། ཆོས་འཁོར་བསྟན་པ་འཇིག་ལ་ཐུག ནད་མུག་མཚོན་གྱིས་བུ་ཡུག་འཚུབས། དེར་རྒྱ་གར་ཆོས་ཀྱི་རྒྱལ་པོ་དེས། སློབ་དཔོན་ཤིནྟཾ་གྷརྦྷ་སོགས། གྲུབ་ཆེན་མང་པོ་སྤྱན་དྲངས་ནས། དྲག་སྔགས་དམོད་པའི་སྒྲུབ་པ་མཛད། མནན་བསྲེག་འཕང་བའི་ལས་སྦྱོར་གྱིས། མུ་སྟེགས་སྡེ་ཚོགས་ཆམ་ལ་ཕབ། ནང་བ་སངས་རྒྱས་བསྟན་པ་བཙུགས། དགྲ་ཆོས་བྱེད་པ་དེ་ནས་སྲིད། སྲིད་པ་དེ་ལ་དཔེ་བླངས་སོགས། ཡང་དགྲ་བྲུབ་བྱེད་པ་གར་སྲིད་ན། བཙན་པོ་ཁྲི་སྲོང་ལྡེའུ་བཙན་ལ། མཐའ་མིའི་རྒྱལ་པོ་དགྲ་རུ་ལངས། བོད་ཁམས་མི་བདེ་འཁྲུག་རྩོད་བྱུང་། དེར་རྒྱལ་པོ་ཁྲི་སྲོང་ལྡེའུ་བཙན་གྱིས། སློབ་དཔོན་པདྨ་འབྱུང་གནས་དང་། མཁས་པ་བཻ་རོ་ཙ་ན་དྲངས། རྟ་མགྲིན་དབང་གི་སྒྲུབ་པ་མཛད། དགྲ་གཟུགས་ལིངྒ་མི་རུས་དང་། དགྲ་བོའི་བླ་རྡོ་བླ་ཤིང་རྣམས། གཅན་གཟན་ཐོད་པའི་ནང་དུ་བཅུག ལྷ་ཁང་ཐེམ་པའི་འོག་ཏུ་མནན། མཐའ་དམག་བཟློག་ནས་བོད་ཁམས་བདེ། དགྲ་བྲུབ་བྱེད་པ་དེ་ནས་སྲིད། སྲིད་པ་དེ་ལ་དཔེ་སོགས། ཡང་དགྲ་བྲུབ་བྱེད་པ་གར་སྲིད་ན། རྒྱལ་པོ་མདོ་གཞེར་ནག་པོའི་སྐ་རིང་ལ། ཤར་གྱི་རྒྱལ་པོ་དགྲ་རུ་ལངས། རྒྱལ་མོ་རོང་དུ་དམག་སྣ་དྲངས། རྒྱལ་ཁམས་འཁྲུག་རྩོད་ལས་ལ་གཡེངས། དེར་རྒྱལ་པོ་མདོ་གཞེར་ནག་པོ་དེས། ལོ་པཎ་བཻ་རོ་ཙ་ན་དང་། གཡུ་སྒྲ་སྙིང་པོ་གདན་དྲངས་ནས། དམག་དཔུང་བཟློག་པའི་ཞུ་བ་ཕུལ། སློབ་དཔོན་རྣམ་གཉིས་བཀའ་བགྲོས་བྱས། མགོན་པོ་ནག་པོ་དགྲ་ལ་རྦད། གཡག་རུའི་ནང་དུ་དགྲ་གཟུགས་བྱས། སྒྲུབ་གནས་གཉན་པོའི་འོག་ཏུ་མནན། དགྲ་ཁམས་ཕམ་ནས་ཟུན་ཕྱོགས་རྒྱལ། དགྲ་ཆོས་མཛད་ནས་གཏེར་དུ་སྦས། དགྲ་སྲི་བྲུབ་པ་དེ་ནས་སྲིད། སྲིད་པ་དེ་ལ་དཔེ་བླངས༴ དེ་རིང་བདག་དང་༴ གཡག་རུ་གཡོན་མའི༴ དགྲ་གཟུགས་ལིངྒ༴ རྡོ་ནག་དེ་ནི༴ གླང་མ་དེ་ནི་ལིང་༴ ཚྭ་གཡེར་རམ་སྒོག༴ སྡང་དགྲ་གནོད་བགེགས༴ དམག་སྣ་ཇག་སྣ༴ རྐུན་སྣ་གྱོད་སྣ༴ བསམ་ངན་སྦྱོར་བ༴ དགྲ་བགེགས་བྱད་མ་ཐམས་ཅད༴ བྲུབ་པོ་དགྲ་བོ་མ་ཤོར༴ མནན་ནོ་དགྲ་བོ་མ་ལྡང་ཅིག ནྲྀ་ཏྲི་མཱ་ར་ཡ་ནན། སྟྭཾ་བྷ་ཡ་ནན་ནན། དེ་ནས་རྡོ་ལེབ་འམ་ཤིང་ལེབ་གཙང་མའི་སྟེང་དུ་ཁྲམ་ལ་བཏབ་པའི་གླང་མ་དུམ་བུ་རེ། རྡོ་ནག་དུམ་བུ་རེ། ཚྭ་སྒོག་རམ་པ་གཡེར་མ་ཐལ་འཇིམ་བཅས་དུམ་བུ་རེ་རེ་སྟེ་དེ་རྣམས་ཚང་བར་བཅས་པ་ཆ་གུར་བཤམས་ལ། ཚེས་གཅིག་ནས་དགུའི་བར་གྱི་ཚིགས་མཚམས་རྣམས་སུ་མི་ཐམས་ཅད་ཀྱི་ལག་གཡོན་མར་བརྒྱུད་དེ་དམོད་བཅོལ་གང་དྲན་རེ་བྱེད་བཞིན་སྒྱིད་ཁུགས་གཡོན་ནས་དྲངས་ཏེ་གོང་གི་མི་སྐྱེས་པ་སྟག་ལོ་བ་ལ་གཏད། དེས་གཡག་རུའི་ནང་གི་ལིངྒའི་སྟེང་དུ་བྲུབ་ལ་འདི་སྐད་དོ། ཧཱུཾ་ང་ནི་ཁྲོ་རྒྱལ་ཀུན་གྱི་གཙོ། ང་ནི་ཁམས་གསུམ་ཡོངས་ཀྱི་རྗེ། ང་ནི་དགྲ་བགེགས་ཀུན་གྱི་གཤེད། ང་ཡི་མི་འདུལ་གང་ཡང་མེད། བདག་དང་རྒྱུ་སྦྱོར་ཡོན་བདག་ལ། ཉི་མ་ཕྱོགས་བཞི་མཚམས་བརྒྱད་ནས། སྡང་བའི་དགྲ་དང་གནོད་པའི་བགེགས། ང་ཡིས་ཐུགས་རྗེའི་ཤུགས་ཀྱིས་བཀུགས། གཟུགས་ཀྱི་ལིངྒ་འདི་ལ་བསྟིམས། གཡག་རུ་གཡོན་མའི་ནང་དུ་བྲུབ། རྡོ་ནག་རྡེའུ་འབྲུ་དགུ་དང་བྲུབ། གླང་མ་ལིང་ཚེ་དགུ་དང་། ཚྭ་སྒོག་རམ་པ་དགུ་དང་༴ གཡེར་མ་ཁ་ཆེ་དགུ་དང་༴ བྲུབ་པོ་དགྲ་བོ་མ་ཤོར་ཅིག མནན་ནོ་དགྲ་བོ་མ་ལྡང་ཅིག༴ ནྲྀ་ཏྲི་མཱ་ར་ཡ་ནན། སྟྭཾ་བྷ་ཡ་ནན་ནན། ཀྱཻ་ད་ནི་དགྲ་བོ་བྲུབ་པའི་དུས་ལ་བབ། ཇག་རྐུན་འཆིང་བའི་དུས་ལ་བབ། གདོན་བགེགས་འདུལ་བའི་དུས༴ བྱུར་སྲི་གནོན་པའི་དུས༴ བདག་དང་རྒྱུ་སྦྱོར་ཡོན་བདག་ལ། ཚེས་གཅིག་བཅུ་གཅིག་ཉི་ཤུ་གཅིག གཅིག་གསུམ་དག་ལ་གནོད་པའི་དགྲ་བོ་དེ། གཟུགས་ཀྱི་ལིངྒ་འདི་ལ་ཁུག གཡག་རུ་གཡོན་མའི་ནང་དུ་བྲུབ། འཕར་སྤྱང་ཐོད་པའི་ནང་དུ༴ ཁྱི་ཕག་ཐོད་པའི་ནང་དུ༴ རྟ་རྨིག་འཁོར་མོའི་ནང་དུ༴ རྡོ་ནག་རྡེའུ་འབྲུ་དགུ་དང་༴ གླང་མ་ལིང་ཚེ་དགུ་དང་༴ ཚྭ་སྒོག་རམ་པ་དགུ་དང་༴ གཡེར་མ་ཁ་ཆེ་དགུ་དང་༴ དགྲ་གཟུགས་ལིངྒ་བླ་རྡོ་བཅས། འཕེན་པ་རྒྱ་མཚོའི་གཏིང་དུ་འཕེན། རྒྱ་མཚོའི་ཁ་ལ་མ་འཕར་ཅིག མནན་པ་རི་རབ་ལྗིད་ཀྱིས་མནན། མནན་པའི་འོག་ནས་མ་ལྡང་ཞིག དགྲ་བོ་བྲུབ་པོ་མནན་ནོ་མཱ་ར་ཡ། སྟྭཾ་བྷ་ཡ་ནན་ནན། ཚེས་གཉིས་བཅུ་གཉིས་ཉི་ཤུ་གཉིས། གཉིས་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་ལིངྒ་སོགས། ཚེས་གསུམ་བཅུ་གསུམ་ཉི་ཤུ་གསུམ། གསུམ་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་ལིངྒ་འདི་ལ་ཁུག གཡག་རུ་གཡོན་མའི་ནང་དུ་བྲུབ༴ ཁྱི་ཕག་ཐོད་པའི་ནང་དུ༴ རྟ་རྨིག་འཁོར་མོའི་ནང་དུ༔ རྡོ་ནག་རྡེའུ་འབྲུ་དགུ༴ གླངས་མ་ལིང་༴ ཚེ་དགུ༴ ཚྭ་སྒོག་རམ་པ་དགུ༴ གཡེར་མ་ཁ་ཆེ་དགུ༴ དགྲ་གཟུགས་ལིངྒ་བླ་རྡོ་བཅས། འཕེན་པ་རྒྱ་མཚོའི་གཏིང་དུ་འཕེན། རྒྱ་མཚོའི་ཁ་ལ་མ་འཕར་ཅིག མནན་པ་རི་རབ་ལྗིད་ཀྱིས་མནན། མནན་པའི་འོག་ནས་མ་ལྡང་ཅིག དགྲ་བོ་བྲུབ་པོ་མནན་ནོ་མཱ་ར་ཡ། སྟྭཾ་བྷ་ཡ་ནན་ནན། ཚེས་བཞི་བཅུ་བཞི་ཉི་ཤུ་བཞི། བཞི་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་སོགས། ཚེས་ལྔ་བཅོ་ལྔ་ཉི་ཤུ་ལྔ། ལྔ་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་སོགས། ཚེས་དྲུག་བཅུ་དྲུག་ཉི་ཤུ་དྲུག དྲུག་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་སོགས། ཚེས་བདུན་བཅུ་བདུན་ཉི་ཤུ་བདུན། བདུན་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་སོགས། ཚེས་བརྒྱད་བཅོ་བརྒྱད་ཉི་ཤུ་བརྒྱད། བརྒྱད་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་སོགས། ཚེས་དགུ་བཅུ་དགུ་ཉི་ཤུ་དགུ། དགུ་གསུམ་དག་ལ་ཆས་པའི་དགྲ་བོ་དེ། གཟུགས་ཀྱི་སོགས། ཀྱཻ་གཞན་ཡང་རྣལ་འབྱོར་བདག་ཅག་ལ། གནོད་ཅིང་འཚེ་བར་བྱེད་པ་ཡི ། གཟུགས་ཅན་དགྲ་དང་གཟུགས་མེད་བགེགས། བསམ་ངན་སྦྱོར་རྩུབ་འཆང་བ་ཀུན། འོད་ཟེར་ཤུགས་ཀྱིས་བསྡུས་ནས་ནི། ཟུགས་ཀྱི་ལིངྒ་འདི་ལ་ཁུག གཡག་རུ་གཡོན་མའི་ནང་དུ་བྲུབ། དམག་སྣ་ཇག་སྣ་སྟོན་མི༴ རྐུན་སྣ་གྱོད་སྣ་སྟོན་མི༴ བྱད་ཕུར་གཏད་ཁྲམ་བྱེད་པ༴ མི་ཁ་བྲ་མཆུ་གླེང་བ༴ རྒབ་འདྲེ་བསེ་རག་འགོང་པོ༴ གོད་འདྲེ་གོད་སྲི་ཐམས་ཅད༴ ཆགས་ཆེ་ཉམ་ང་ཐམས་ཅད༴ རྨི་ལྟས་མཚན་ངན་ཐམས་ཅད༴ ནད་སྣ་རིམས་སྣ་ཟུག་པ་བྲུབ། བྲུབ་པོ་དགྲ་བོ་མ་ཤོར་ཅིག མནན་ནོ་དགྲ་བོ་མ་ལྡང་ཅིག དགྲ་གཟུགས་ལིངྒ་བླ་རྡོ་བཅས། འཕེན་པ་རྒྱ་མཚོའི་གཏིང་དུ་འཕེན། འཕང་བའི་འོག་ནས་མ་ལྡང་ཅིག མནན་ནོ་རི་རབ་ལྗིད་ཀྱིས་མནན། མནན་པའི་འོག་ནས་མ་འཕར་ཅིག བསྐལ་པ་སྟོང་དུ་མ་ལྡང་ཅིག ནྲྀ་ཏྲི་མ་ར་ཡ་ནན། སྟྭཾ་བྷ་ཡ་ནན་ནན། དགྲ་འདྲེ་བྱུར་གསུམ་ཐམས་ཅད་མཱ་ར་ཡ་རྦད་རྦད༴ ནན་ནན། ཆིང་ཆིང་། མྱོག་མྱོགཿ ནྲྀ་ཏྲི་སརྦ་ཤ་ཏྲུམ་ཧུར་ཐུམས༈ བསད་སྔགས་ནི། རྩ་སྔགས་གང་ཡིན་གྱི་ཤམ་དུ། ༀ་བཛྲ་མ་ཧཱ་ཀྲོ་དྷ་པདྨ་ཀྲོ་ཏི་སོགས། ཛྭ་ལ་རམ་ཧཱུཾ་ཕཊཿ སྡང་བྱེད་དགྲ་ཇག་ཆོམ་རྐུན་གཅན་གཟན། འཕར་སྤྱང་། སྟག་གཟིག གནོད་བྱེད་གདོན་བགེགས་འབྱུང་པོ་རྒབ་འདྲེ་བསེ་རག ཟ་འདྲེ་ཕུང་སྲི། ཕོ་སྲི་མོ་སྲི། ཆེ་སྲི་ཆུང་སྲི། གོད་འདྲེ་གོད་སྲི་ཐམས་ཅད་ཀྱི་སྲོག་རྩ་ལ་ཡཾ་ཡཾཿ སྙིང་རྩ་ལ་རྦད་རྦདཿ བླ་ཚེ་སྲོག་དབུགས་ཐམས་ཅད་ཨེ་ཧུར་ཐུམས་ཛཿ མཱ་ར་ཡ་རྦད་རྦདཿ ཅེས་བཟླའོ། མནན་སྔགས་ནི། རྩ་སྔགས་གང་ཡིན་གྱི་འཁོར་ལོ ། ༀ་བཛྲ་མ་ཧཱ་ཀྲོ་དྷ་སོགས། ༀ་སརྦ་ཇི་ན་ཧཱུཾ་ཛཿ ཏྲི་ཛ་ཏྲིག་ནནཿ ནྲྀ་ཏྲི་མུ་ཏྲི་ལཾ་ནནཿ ཤན་ཏྲི་གན་ཏྲི་ནནཿ ཕུང་སྲི་གུམ་གུམ་སྟྭཾ་བྷ་ཡ་ནནཿ སྡང་བྱེད་དགྲ་ཇག་ཆོམ་རྐུན་གཅན་གཟན། འཕར་སྦྱང་། སྟག་གཟིག གནོད་བྱེད་གདོན་བགེགས་འབྱུང་པོ། རྒབ་འདྲེ་བསེ་རག ཟ་འདྲེ་ཕུང་སྲི། ཕོ་སྲི་མོ་སྲི་ཆེ་སྲི་ཆུང་སྲི། གོད་འདྲེ་གོད་སྲི་ཐམས་ཅད་ཀྱི་ལུས་སྟོབས་སྟྭམ་བྷ་ཡ་ནནཿ ངག་ནུས་སྟྭམ་བྷ་ཡ་ནནཿ ཡིད་འགྱུ་སྟྭམ་བྱ་ཡ་ནནཿ མཐུ་དང་ནུས་པ་རྫུ་འཕྲུལ་ཐམས་ཅད་སྟྭམ་བྷ་ཡ་ནན། མཱ་ར་ཡ་ནནཿ ཆིངས་ཤིག ཅེས་བཟླ་འོ། ཛཿ མཱ་ར་ཡ་ནནཿ སྟྭཾ་བྷ་ཡ་བྷྱོ་བྷྱོ་ནནཿ ཅེས་རིམ་བཞིན་གཡག་རུའི་ནང་དུ་རྫས་རྣམས་བྲུབ་ལ་ཡི་དམ་གང་ཡིན་གྱི་བསད་སྔགས། དང་མནན་སྔགས་བརྗོད་ཅིང་། ཧཱུཾ་ཧཱུཾ་ཧཱུཾཿ དགྲ་བོ་བྱད་མ་ཐམས་ཅད་བདུད་པྲ་མཱ་ར་ཡ་རྦད་ནནཿ དགྲ་རྐུན་ཇག་གསུམ་ཐམས་ཅད་ཁ་ལ་ཛ་མ་ལི་རྦད་ནན༔ གདོན་བགེགས་འབྱུང་པོ་ཐམས་ཅད་རཱ་ཛ་དུན་ལིང་ཤག་རྦད་ནནཿ ནད་མུག་མཚོན་འཁྲུག་ཐམས་ཅད། ཤིག་ཤིག་དུམ་དུམ་རྦད་ནནཿ བྱད་གཏད་ཁྲམ་གསུམ་ཐམས་ཅད་ཚལ་པ་ཚལ་པ་རྦད་ནནཿ རྨི་ལྟས་མཚན་ངན་ཐམས་ཅད་ཁྲོམ་ཁྲོམ་བྷྱོ་རྦད་ནནཿ མི་ཁ་སྨྲ་མཆུ་ཐམས་ཅད་རྨུག་རྨུག་རྦད་ནནཿ ཆགས་ཆེ་ཉམ་ང་ཐམས་ཅད་ཏིར་ཏིར་རྦད༴ མི་དང་མི་མ་ཡིན་པའི་བསམ་ངན་སྦྱོར་རྩུབ་ཐམས་ཅད་ཚལ་ཚལ་རྦད་ནནཿ ཕོ་སྲི་མོ་སྲི་ཆེ་སྲི་ཆུང་སྲི་རྒབ་འདྲེ་བསེ་རག་གོད་འདྲེ་གོད་སྲི་ཐམས་ཅད་ༀ་ལམ་ཧཱུཾ་ལམ་སུམ་ལམ་རྦད་ནན། ནྲྀ་ཏྲི་སརྦཤ་ཏྲུམ་ཧུར་ཐུམ་ཛཿ མཱ་ར་ཡ་རྦད་ནནཿ སྟྭམ་བྷ་ཡ་བྷྱོ་བྷྱོ་ནན་ནནཿ ཅེས་པ་འདི་དགྲ་ཁ་ལ་རྒྱས་འདེབས་ཀྱི་སྔགས་དགྲ་བྲུབ་ཀྱི་རྒྱུད་ནས་བཏུས་པའོ། དེ་ནས་གཡག་རུའི་ཁ་དེ་བཅད་པའི་རྫས་ལ་ཕུང་ཤུལ་གྱིས། གོ་གསུམ་ཐལ་བ། སྒྱེད་གསུམ་གྱི་དྲེག་པ་བསྡུས་པ་རྣམས་བསྲེས་ལ་རི་རབ་ཀྱི་གཟུགས་གཅིག་བྱ། དེ་ནས་སྐྱེར་བའི་ཕུར་བུ་ཆུང་ངུ་དགུ་བཞོག་ལ་དེ་རྣམས་ཀྱི་རྩེར། མཛོ་ཁལ་དྲིལ་གསུམ། ཁྱི་ར་ཕག་གསུམ། བ་གླང་བོང་གསུམ་དགུའི་མགོ་གཟུགས་བྱས་ལ་བཙུགས། དེ་དག་རྡོ་ཤིང་གང་རུད་གི་སྟེང་དུ་བསྒྲིགས་ལ་འདི་སྐད་དོ། ཧཱུཾ་ང་ནི་ཁྲོ་ཆེན་འབར་བའི་སྐ། སྐ་གསུང་ཐུགས་ཡོན་ཕྲིན་ལས་ཀྱི། སྤྲུལ་པའི་ཁྲོ་ཚོགས་སྟོང་ཁམས་ཁྱབ། ཕྱོགས་བཅུའི་དགྲ་བགེགས་འབྱུང་པོ་རྣམས། དབང་དུ་བསྡུས་ནས་ཟིལ་གྱིས་གནོན། འགུགས་འཆིང་སྡོམ་མྱོས་གསོད་ལ་བརྩོན། ང་ལས་ཆེ་བཙན་སུ་ཡང་མེད། སྡང་སེམས་གདུག་རྩུབ་ལྡན་པ་ཡི། གཟུགས་ཅན་དགྲ་དང་གཟུགས་མེད་བགེགས། ཁྱེད་རྣམས་རང་རང་གནས་སུ་སྡོད། གལ་ཏེ་མི་འདུག་འཚེ་གྱུར་ན། རོག་པོ་གཡག་གི་རྭ་གཡོན་འདི། དགྲ་བགེགས་བྲུབ་པའི་ཧོམ་ཁུང་ཡིན། བསྟན་དང་འགྲོ་ལ་གནོད་པ་ཡི། དགྲ་འདྲེ་བྱུར་སྲི་མ་ལུས་ས། སྐད་ཅིག་རང་དབང་མེད་པར་བཀུག་གནམ་ལྕགས་ཁང་སྒྲོམ་འབར་བའི་དབུས། གཡག་རུ་གཡོན་མའི་ནང་དུ་བྲུབ། རི་རབ་ཆེན་པོས་སྟེང་ནས་གནོན། དྲག་རྩལ་ཐུགས་རྗེས་ཤུགས་ཀྱིས་སྒྲོལ། ཡེ་ཤེས་མེ་ཡིས་གཞོབ་ཏུ་བསྲེགས། ནམ་ཡང་ཐར་བའི་དུས་མེད་དོ། ཀྱཻ་དགྲ་བགེགས་ཆམ་ལ་དབབ་བྱེད་པའི། ཡས་ཀྱི་ཐལ་འཇིམ་མགོ་དགུ་འདིའི། ཕ་ནི་གནམ་གྱི་ཁ་ཆར་དང་། མ་ནི་ས་གཞི་ལས་སྐྱེས་པའི། བུ་ནི་རྩི་ཤིང་ནགས་ཚལ་སྲིད། དེ་འབྱུང་བ་མེ་ལ་བསྲེགས་ནས་སུ། ཐལ་བར་བྱ་བའི་དངོས་པོ་དེ། དགྲ་གདོན་བྱུར་སྲི་གནོན་ཕྱིར་བསྡུས། གོ་གསུམ་ཐལ་བ་བསྡུས་ཙམ་ན། ཁ་ཆར་བུ་ཡུག་འཚུབ་པ་འདྲ། སྒྱེད་གསུམ་དྲེག་པ་བཞར་ཙམ་ན། བསྐལ་པའི་མུན་པ་འཐིབ་པ་འདྲ། རི་རབ་གཟུགས་སུ་བཏོད་ཙམ་ན། ཐོག་འབྲུག་གློག་གསུམ་འཛོམ་པ་འདྲ། དྲག་པོའི་ཕུར་པ་བཞེངས་ཙམ་ན། མཚོན་ཆའི་འཁོར་ལོ་བསྐོར་བ་འདྲ། མགོ་དགུའི་གཟུགས་སུ་བཏོད་ཙམ་ན། སྲིད་པའི་འདྲེ་དགུ་ལངས་པ་འདྲ། མགོ་གསུམ་མཛོ་ཁལ་དྲིལ་གསུམ་མགོ། མགོ་གསུམ་ཁྱི་ར་ཕག་གསུམ་མགོ། མགོ་གསུམ་བ་གླང་བོང་གསུམ་མགོ། མགོ་དགུའི་ཁ་ལ་དགྲ་བོ་ཟ། སྣ་དགུའི་རླུང་འཚུབས་མི་ཁ་གཏོར། མིག་ནས་མེ་འབར་ཇག་རྐུན་བསྲེགས སྲིད་པའི་ཐལ་འཇིམ་མགོ་དགུ་པོ། ལས་ལ་བསྐལ་ལོ་དགྲ་ལ་རྒྱུགས གཡག་རུ་གཡོན་པའི་ཁ་ཆོད་ལ། དམ་ཉམས་དགྲ་བོ་ལས་ངན་གྱི། དབང་པོ་ལྔ་སོགས་ཁམས་དང་སྐྱེ་མཆེད་རྣམས། ཐལ་བ་སྐྱ་བོའི་འཚུབ་མས་གཡོག དགྲ་བོ་མ་འཆོར་བཙོན་དུ་ཟུངས། ཐལ་འཇིམ་ཆོས་ཆོས་དགྲ་ལ་ཆོས། དགྲ་ལ་ནད་མཚོན་དུག་ཆར་ཕོབས། མྱོས་འཐིབ་བརྒྱལ་འབོག་ལྐུགས་སུ་ཆུག ཐལ་འཇིམ་རྒྱུགས་རྒྱུགས་དགྲ་ལ་རྒྱུགས དགྲ་བོ་ལྷ་དང་ཕྱེས་ལ་བདུད་དང་སྤྲོད། དབང་དུ་སྡུས་ལ་རྡུལ་དུ་བརློགས། ནམ་ཡང་ལྡང་བ་མེད་པར་མཛོད། ཅེས་རི་རབ་ཕུར་བ་མགོ་དགུའི་གཟུགས་དང་བཅས་པས་གཡག་རུའི་ཁ་བཅད་ལ། དེ་ནས་རེ་བ་ནག་པོ་དང་ཁྱི་སྤུ་ར་བལ་གྱི་སྐད་པ་བསགས་ལ། དང་པོ་རྨུ་གབ་བསྐོན་པ་ནི། ཀྱཻ་ད་ནི་དགྲ་ལ་རྨུ་གབ་བསྐོན། སྔོན་དང་སྔོན་གྱི་དུས་ཙམ་ན། མཁས་པ་མི་བཞིའི་རྨུ་གབ་དེ། ཕྱོགས་བཞིའི་དགྲ་སྲིའི་མགོ་ལ་བཀབ། ཡེ་སྨོན་རྒྱལ་པོའི་རྨུ་གབ་དེ། ངམ་རྗེ་རྩོལ་པོའི་མགོ་ལ་བཀབ། ཡབ་བླ་བདལ་དྲུག་རྨུ་གབ་དེ། བདུད་ཁྱུངས་རུ་ནག་པོའི་མགོ་ལ་བཀབ། རྒྱལ་བུ་མཐིང་གྷེའི་རྨུ་གབ་དེ། སྲིན་པོ་སྙིང་དམར་མགོ༴ སངས་རྒྱས་ཆོས་ཀྱི་རྨུ་གབ་དེ། མུ་སྟེགས་ནག་པོའི་མགོ་ལ༴ སྤུ་རྒྱལ་བོད་ཀྱི་རྨུ་གབ༴ མཐའ་བཞིའི་དམག་དཔུང་མགོ༴ དེ་བཞིན་དེ་རིང་འདིར་འདུས་ཀྱི། བདག་ཅག་དཔོན་སློབ་རྨུ༴ བསྟན་དགྲ་ངན་པས་མགོ༴ ཡོན་བདག་འདི་ཡི་རྨུ༴ ཐད་དུ་ལང་པའི་དགྲ་བོའི་མགོ་ལ༴ ལྷ་དང་སྲུང་མའི་རྨུ༴ བདུད་དང་སྲིན་པོའི་མགོ༴ ཕོ་ལྷ་དགྲ་ལྷའི་རྨུ༴ དགྲ་ཇག་ཆོམ་རྐུན་མགོ་ལ༴ མོ་ལྷ་སྨན་བཙུན་རྨུ༴ མོ་འདྲེ་བསེན་མོའི་མགོ༴ ཡུལ་ལྷ་གཞི་བདག་རྨུ༴ ཡུལ་འདྲེ་ས་སྲིན་མགོ༴ ནོར་ལྷ་གཡང་ལྷའི་རྨུ༴ བསེ་རག་འགོང་པོའི་མགོ༴ དཀར་ཕྱོགས་ལྷ་མིའི་རྨུ༴ ནག་ཕྱོགས་བདུད་རིགས་མགོ༴ རི་མགོ་སྨུག་པས་གཡོག་པ་བཞིན། དགྲ་མགོ་རེ་བས་ད་ཐུམས་ཤིག ཉི་ཟླ་གཟའ་ཡིས་ཟིན་པ་བཞིན། དགྲ་མིག་ཁྲག་གིས་ད་ཆོད་ཅིག བསྐལ་པའི་མུན་ནག་འཐིབས་པ་བཞིན། དགྲ་ཁམས་མ་ལུས་རྨུགས་སུ་ཆུགས དགྲ་འདྲེ་བྱུར་གསུམ་ཐམས་ཅད་ཀུན། གཏན་ནས་བརླགས་ཏེ་མེད་པར་མཛོད། ཅེས་བརྗོད་ཅིང་གཡག་རུ་ཐལ་འཇིམ་དང་བཅས་པའི་ཁ་དེ་རེ་བ་ནག་པོས་མར་བཅད། སྐད་པ་ཁྲ་བོ་དེ་ལྷ་སྲིན་སྡེ་བརྒྱད་ཀྱི་བྱད་ཐག་ཏུ་དམིགས། དགྲ་བོ་བྱད་དུ་བཅུག་པར་བསམ་ལ་འདི་སྐད་དོ། ཀྱཻ་ཟིན་ན་ཐར་བ་མེད་པའི་གནས། དྲག་པོའི་བཙོན་ཁང་གཡག་རུ་འདིའི། ནང་དུ་དགྲ་བགེགས་ཐམས་ཅད་བྲུབ། རི་དྭགས་གོ་རར་བཙུད་པ་བཞིན། ཁ་ནི་ཐལ་འཇིམ་རེ་བས་གཡོགས། ཉེས་ཅན་བཙོན་དུ་བཟུང་བ་བཞིན། ཕྱི་ནི་སྣ་ཚོགས་ཞགས་པས་བཅིངས། ལྷ་ཡི་བྱད་ཐག་དཀར་པོ་འདིས། དམ་ཉམས་དགྲ་བོའི་མགོ་བོ་ཆིངས། གཤིན་རྗེའི་བྱད་ཐག་སྔོན་པོ་འདིས། དམ་ཉམས་དགྲ་བོའི་སྐེད་ནས་ཆིངས། བཙན་གྱི་བྱད་ཐག་དམར་པོ་འདིས། སྡང་བའི་དགྲ་བོའི་རྙབ་བྱེེད་ལག་པ༴ བདུད་ཀྱི་བྱད་ཐག་ནག་པོ༴ དམ་ཉམས་དགྲ་བོའི་སྐེད་པ༴ ཀླུ་ཡི་བྱད་ཐག་ཁྲ་བོ༴ དམ་ཉམས་དགྲ་བོའི་འགྲོ་བྱེད་རྐང་པ༴ གཟའ་ཡི་བྱད་ཐག་ལྗང་གུ༴ དམ་ཉམས་དགྲ་བོའི་གཟུགས་ཕུང་༴ རྒྱལ་པོའི་བྱད་ཐག་སྐྱ་བོ༴ དམ་ཉམས་དགྲ་བོ་འཆོར་མེད་སྡོམ༴ མ་མོའི་ནད་ཞགས་སྔོ་དམར་འདིས། དམ་ཉམས་དགྲ་བོ་གཟེར་དུ་ཆུགས ས་བདག་དང་ནི་གཉན་གྱི་བྱད་ཐག་སེར་པོ་འདིས། དམ་ཉམས་དགྲ་བོ་མྱུར་དུ་སྡོམས། འགོང་པོ་ཐེའུ་རང་བྱད་ཐག་ཁྱི་སྤུ་ར་བལ་སྐད་པ་འདིས། དམ་ཉམས་དགྲ་བོ་དྲག་ཏུ་སྡོམ་ལ་དམ་དུ་ཆིངས། མ་འཆོར་མ་གཏོང་སྣང་སྲིད་ལྷ་སྲིན་སྡེ་བརྒྱད་རྣམས། མ་ཉེས་སྟབས་ལ་མ་བཅད་ལ། ཉེས་བྱེད་སྟེབས་སུ་མ་ཤོར་ཅིག བཟུང་སྟེ་ཤོར་བ་མེད་པར་ཟུངས། བཟུང་འོག་དེ་ནས་མ་ཤོར་ཅིག བཅིངས་ཏེ་ཁྲོལ་བ་མེད་པར་ཆིངས། བཅིངས་འགོ་དེ་ནས་མ་གྲོལ་ཅིག བསྡམས་ཏེ་ལྷོད་པ་མེད་པར་སྡོམ། བསྡམ་འོག་འདི་ནས་མ་ཀློད་ཅིག མནན་ཏེ་ཁྱོག་པ་མེད་པར་མནན། མནན་འོག་འདི་ནས་མ་འཕར་ཅིག བསྐལ་པ་སྟོང་དུ་མ་ལྡང་ཅིག ཅེས་དང་་། སླར་ཡང་བདེན་པའི་སྟོབས་བརྗོད་ལ་དམོད་བཅོལ་དྲག་ཏུ་བྱ། གཡག་རུའི་ཁ་དེ་སྐད་པ་ཁྲ་བོས་དམ་དུ་དཀྲིས་ཏེ་མདུད་པ་དགུ་བྱ་ཞིང་ཕུར་ཐེལ་ལམ་རྡོ་རྗེ་རྒྱ་གྲམ་གྱི་ཐེལ་བརྒྱབ་ལ་བཞག་གོ སྒྲུབ་པ་ཞག་མང་བྱེད་པ་ཡིན་ན་དེ་ཡན་ཆད་ཆ་ཚང་བ་ནི་ཉིན་སྔ་མའམ། རྗེས་མ་སོགས་ལ་བྱེད་ཅིང་། བར་མ་རྣམས་ལ་བཟློག་པའི་མཇུག་ཏུ་གོང་གི་དམིགས་བྱ་བསྐྱེད་འགུགས་ནས་བཟུང་། གཟུ་དཔང་། དགྲ་ཆོས་བྱུང་ཁུངས་ཀྱི་སྨྲེང་། དགྲ་བྲུབ་དངོས་ཀྱི་མཇུག་གི་དགྲ་ཁ་ལ་རྒྱས་འདེབས་ཀྱི་སྔགས་ཡན་ཆད་ཚར་གྲངས་ཅི་འགྲུབ་བསགས་མཐར་བཟློག་པའི་ཐུན་གཏོར་འབུལ་བ་སོགས་ཆོ་གའི་རྗེས་ཆོག་རྣམས་བྱ་བ་བཞིན་ནོ། སྒྲུབ་ཞག་རྫོགས་པའི་ཉིན་ཐ་མའི་ཚེ། གླ་ཆེན་སྣ་བསྒྱུར་དང་། མི་ནག་མགོ་གསུམ་བྱེད་ན་མཚམས་འདིར་གཏོང་། དེ་ནས་སྔོན་འགྲོར་དཀར་གཏོར་གསེར་སྐྱེམས་སོགས་བཏང་ཞིང་ཕྱི་ནང་གི་སྒོ་དབྱེ། གཏོར་ཆེན་གྱི་དམ་ཡེ་ཕྱེས་ནས་ཟོར་སྒྲུབ། གཏོར་མ་རྣམས་དཔག ལྷག་མ་དང་ཆ་ཐོ་གཏོང་། མངའ་ཟོར་སོགས་འཕེན་རྒྱུ་རྣམས་ཐོགས་ལ། ན་མོ་རྩ་བརྒྱུད་ཀྱི་བླ་མ་མཆོག་གསུམ་རྒྱལ་བ་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ༴ ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་སངས་རྒྱས་དང་བྱང་སེམས་དཔའ་བོ་མཁའ་འགྲོ་དམ་ཅན་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བཀའ༴ གསང་སྔགས་རིགས་སྔགས་གཟུངས་སྔགས་སྙིང་པོ་ཕྱག་རྒྱ་ཏིང་ངེ་འཛིན་རྣམས་ཀྱི་བཀའ༴ ཆོས་ཉིད་རང་བཞིན་གྱིས་རྣམ་པར་དག་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བཀའ༴ བདེན་པ་ཆེན་པོའི་མཐུ་དང་ནུས་པས་བྱིན་གྱིས་བརླབས་པ་ལ་བརྟེན་ནས་བསྟན་དང་འགྲོ་བའི་སྤྱི་དགྲ། དཔལ་ལྡན་བླ་མའི་སྐ་དགྲ། ཁྱད་པར་དུ་རྣལ་འབྱོར་པ་བདག་ཅག་སློབ་དཔོན་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་དགྲ་ཇག་ཆོམ་རྐུན་སྒབ་འདྲེ་བསེ་རག་ཟ་འདྲེ་ཕུང་སྲི་གོད་འདྲེ་གོད་སྲི་ཐམས་ཅད་ཀྱི་བླ་སྲོག་རྣམ་པར་ཤེས་པ་གཡག་རུ་གཡོན་མའི་ནང་དུ་གཟུགས་ཀྱི་ལིངྒ་འདི་དང་གཉིས་སུ་མེད་པར་ཁུག་ཅིག ཆིངས་ཤིག་སྟིམས་ཤིག ནྲྀ་ཏྲི་སརྦ་ཤ་ཏྲུམ་ཧུར་ཐུམ་ཛཿ ཛཿཧཱུཾ་བཾ་ཧོཿ ཨ་ཝེ་ཤ་ཡ་ཨ་ཨཱཿ ཡིད་ལ་བརྣག་པའི་དགྲ་བོ་ལས་ངན་རྣམས་ཀྱི་སྐྱེས་པ་ཕོ་རྒྱུད་ཟ་མ་མོ་རྒྱུད། བྱིས་སྦ་ཆུང་རྒྱུད་མཐའ་རྩ་སྐྱེ་རྒྱུད་དང་བཅས་པ་ཐམས་ཅད་ཀྱི་ལུས་སྟོབས་ཐམས་ཅད་སྟྭཾ་བྷ་ཡ་ནན། ངག་ནུས་སྟྭམ་བྷ་ཡ༴ ཡིད་འགྱུ་སྟྭམ༴ མཐུ་རྩལ་རྫུ་འཕྲུལ་ཐམས་ཅད༴ མོ་ངན་པ་དང་། རྨི་ལམ་ངན་པ་དང་། ཐན་ལྟས་ལ་ཉེ་ཆོ་འཕྲུལ་ངན་པ་དང་། བཀྲ་མི་ཤིས་པའི་ཕྱོགས་ངན་པ་ཐམས་ཅད་དང་ཐད་དུ་ལངས་པའི་བསྟན་དགྲ་ལས་ངན་སྡིག་ཅན་འདི་རྣམས་ཀྱི་སྟེང་དུ་ཟློགས་ཤིག སྒྱུར་ཅིག ནྲྀ་ཏྲི་མཱ་ར་ཡ་ནནཿ སྟྭམ་བྷ་ཡ་ནན། བསྐལ་པ་སྟོང་དུ་མ་ལྡང་ཅིག ༈ ལོ་དང་ཟླ་བ་ལ་དགྲ་དར་བ་ཐམས་ཅད་མཱ་ར་ཡ་རྦད་ནན། ཞག་དང་ཟ་མ་ལ་དགྲ་དར་བ་ཐམས་ཅད༴ སྲོག་ལུས་དབང་ཐང་རླུང་རྟ་ལ་དགྲ་དར་བ༴ དགྲ་མགོ་ཐོག་ཏུ་བབས་པ་ཐམས་ཅདཿ སྔ་དགྲ་ལག་ཏུ་བདར་བ་ཐམས་ཅད༴ ཕྱི་དགྲ་ཡིད་ལ་ཤོམ་པ༴ ད་དགྲ་ཁྱི་ལྟར་ཟུག་པ༴ མགོ་ལ་ཏིལ་རྡུང་བྱེད་པ་ཐམས་ཅད སེམས་ལ་སྡུག་བསྔལ་གཏོང་བ༴ ལུས་ལ་ན་ཚ་གཏོང་བ༴ སྲོག་ལ་བར་ཆད་གཏོང་བ༴ ཟས་ནོར་ལ་གོད་ཁ་གཏོང་བ༴ རྒྱབ་ནས་འདེང་ཤོམ་བྱེད་པ༴ མདུན་ནས་རྩང་བཞིན་བཙུགས་པ༈ ཟུར་ནས་གཅོད་དགོས་ཟེར་བ༴ ཟ་ལམ་དུ་དུག་གཡོས་བྱེད་པ༴ འགྲོ་ལམ་དུ་རྩང་བཙུགས་པ༴ བྱམས་པ་གཉེན་གྱིས་བརྗོད་དུ་མ་བཅུག་ཅིག་མཱ་ར་ཡ༴ སྡང་བའི་དགྲས་སྒྲོག་ཏུ་མ་བཅུག་ཅིག་མཱ་ར་ཡ༴ མཉན་པས་གྲུ་ཚུགས་སུ་གླེང་དུ་མ་འཇུག་ཅིག༴ མགར་གྱི་སོ་མལ་དུ་གླེང་དུ་མ་འཇུག་ཅིག དགེ་འདུན་གྱི་ཚོགས་གྲལ་དུ་གླེང་དུ་མ་བཅུག་ཅིག སྔགས་པའི་ཕུར་གྲལ་དུ་གླེང་དུ་མ་འཇུག༴ བརྒྱ་ཁ་མང་གི་མི་ཁ་ཟུག་པ་ཐམས་ཅད༴ སྟོང་མིག་མང་གི་གྲ་མཆུ་ངན་པ༴ ཕ་ཚོའི་འདུན་ཁང་ནས་མི་ཁ་གླེང་བ༴ གསོད་ཤོམ་བྱེད་པ༴ རྐུ་ཤོམ་བྱེད་པ་ཐམས་ཅད༴ འཕྲོག་ཤོམ་བྱེད་པ༴ ལྐོག་ནས་འབུ་བཞིན་དུ་འབུགས་པ་ཐམས་ཅད༴ ཀེག་བདུད་གཤེད་གསུམ་ལ་བབ་པ་ཐམས་ཅད༴ བྱད་ཁ་ཕུར་ཁ་ཟུག་པ་ཐམས་ཅད༴ རྦད་འདྲེ་རྦོད་དོང་གཏོང་བ་ཐམས་ཅད༴ མི་ཁ་དང་དགྲ་སྣ་རླུང་ལྟར་འཚུབ་པ༴ མི་ཁ་དང་དགྲ་སྣ་མེ་ལྟར་འབར་བ་ཐམས་ཅད༴ མི་ཁ་དང་དགྲ་སྣ་ཆུ་ལྟར་འབྲུབ་པ་ཐམས་ཅད༴ ཡུལ་མི་ཁྱིམ་མཚེས་ཀྱི་མི་ཁ་ཟུག་པ་ཐམས་ཅད༴ ཉི་མ་ཕྱོགས་བཞི་མཚམས་བརྒྱད་ཀྱི་དགྲ་འདྲེ་བྱུར་གསུམ་ཐམས་ཅད༴ བསྟན་དགྲའི་ལུས་ངག་ཡིད་གསུམ༴ གཞན་ཡང་ལྷ་སྲེན་སྡེ་བརྒྱད་ཀྱིས་ཟ་ཁ་སྟོན་པ༴ བསྐལ་པ་མ་སྟོངས་ཀྱི་བར་དུ་མ་ལྡང་ཞིག མཱ་ར་ཡ་རྦད་ནན། ༀ་ལཾ་ཧཱུཾ་ལཾ་སྟྭཾ་བྷ་ཡ་ནནཿ དགྲ་བགེགས་སརྦ་ཤ་ཏྲུཾ་མཱ་ར་ཡ་ནན། ཡོན་མཆོད་ཀྱིས་གོ་གྱོན་མཚོན་ཐོགས། དར་ནག་བསྐྱོད། སྟངས་སྟབས་བྱ། རོལ་མོ་འཁྲོལ་ཞིང་འདི་སྐད་དོ། ཧཱུཾ་ད་ནི་ཆོས་ཆོས་དགྲ་ལ་ཆོས། ལྷ་དང་སྲུང་མའི་དམག་ཚོགས་ཆོས། ཕོ་ལྷ་དགྲ་ལྷའི་ཚོགས་རྣམས༴ གཟུ་དཔང་ཡུལ་ལྷ་གཉན་པོ༴ ནམ་མཁའི་ཁམས་ནས་ལྷ་དམག༴ བར་དང་ཁམས་ནས་གཉན་དམག༴ ས་གཞིའི་ཁམས་ནས་ཀླུ་དམག༴ ཀུ་བསོ་ཆ་སྒྲ་དིར་དིར་ཆོས། རྔ་གཤང་རོལ་མོ་ཁྲོལ་ལེ༴ དར་ནག་བ་དན་ལྷབས་སེ༴ ཐུན་ཟོར་དམག་ཇག་དཔུངས་སེ༴ མདའ་མདུང་རལ་གྲི་རུབས་སེ༴ སྡེ་བརྒྱད་འོ་དོད་ལྷང་ངེ༴ ཀླུ་བཙན་རྟ་རྒྱུག་སྤྲེངས་སེ༴ སྔགས་པས་བྲོ་བརྡུངས་ཁྲིགས་སེ༴ དཔའ་འོ་གོ་ཁྲབ་ཤིགས་སེ༴ ཤེད་དམ་ཐལ་རྡེབ་ཐལ་ལེ༴ བྱིས་པའི་གད་རྒྱང་ཤར་རེ༴ དགྲ་ངན་སྨྲེ་སྔགས་འབུབས་སེ༴ འདྲེ་ངན་སྐད་ངན་ཙི་རེ༴ དེ་རེང་འདིར་འདུས་སྡེ་བརྒྱད་དམག ད་རེས་སྡང་བའི་དགྲ་ལ་ཆོས། དགྲ་བོའི་བདུན་རྒྱུད་རྩད་ནས་ཆོད། ད་རིས་གནོད་པའི་བགེགས་ལ་ཡང་། བགེགས་དཔུང་ཐལ་བ་རྡུལ་དུ་རློགས། མ་གཡེལ་ལྷ་དང་སྲུང་མ་རྣམས། དུས་ལ་བབ་པོ་ལས་མཛོད་ཅིག ཅེས་དགྲ་ཆོས་དམག་འགྱེད་འདི་མ་ནིང་ལས་རྒྱུད་དང་། དགྲ་ལྷ་དྲག་མདོས་རྣམས་ཀྱི་དོན་བསྡུས་པ་ཡིན་པས་ཟབ་པོ། དེ་ནས་ཟོར་རྣམས་འཁྱེར་གྲབས་བྱས་ལ། ཧཱུཾ་གཏོ་འདི་བསྡུས་བསྡུས་བསྐྱོད་བསྐྱོད་ནས། ཡས་འདི་བསྔོས་བསྔོས་གྱེར་གྱེར་ནས། སྨྲེང་འདི་བསྔགས་བསྔགས་བརྗོད་བརྗོད་ནས། དགྲ་འདི་བཀུག་བཀུག་བྲུབ་བྲུབ་ནས། སངས་རྒྱས་བསྟན་པ་བཤིག་པ་དང་། དཀོན་མཆོག་དབུ་འཕང་སྨད་པ་དང་། རྔ་ཐོགས་དཀོར་ལ་རློམ་པ་དང་། བསྟེན་པའི་ལེའུ་ལྷ་ལོག་དང་། གཏམ་པའི་ཤག་རོགས་མནའ་ཟན་དང་། ཉེས་པའི་ཆུང་མ་སྙིང་ངན་དང་། རྣལ་འབྱོར་བདག་ཅག་འཁོར་བཅས་ལ། ཐད་དུ་ལངས་པའི་དགྲ་བོ་ཡི། མི་ནོར་ཕུང་བར་ས་མ་ཡ། དགྲ་བགེགས་གནོད་བྱེད་སྟེང་དུ་བྷྱོཿ ཟློག་ཅིག་སྒྱུར་ཅིག་མཱ་ར་ཡཿ དེ་ནས་དམོད་བཅོལ་དྲག་ཏུ་བྱ་ཞིང་ཟོར་ཐམས་ཅད་ཐོགས་ནས། ཕྱི་རོལ་གྱི་གཏོར་མ་འཕེན་པར་ཕྱིན། གསེར་སྐྱེམས་མཆོད། གཡག་རུ་དམིགས་པའི་འབེན་དུ་བཞག་ནས་དགུག་གཞུག་ལན་གསུམ་བྱ། དེ་ནས་གཏོར་ཟོར་ཁྲག་ཟོར་སོགས་ཟོར་སྣ་ཐམས་ཅད་འཕེན། སླར་ཡང་མདའ་གཞུ་རྩེ་སྟོང་སྤྲད་ལ་མདའ་སྡེ་བརྒྱད་དུ་བསམས་ཤིང་། ཧཱུཾ་གཞུ་འདི་སྲིན་པོ་ཛྭ་ལ་རག རྒྱུད་འདི་སྦལ་མགོ་ཁྲག་མིག་མ། མདའ་འདི་སྲས་མཆོག་རཱ་ཧུ་ལ། གོ་མཚོན་ལྷ་སྲིན་སྡེ་བརྒྱད་དེ། མདའ་ཟོར་དགྲ་བོའི་སྙིང་ལ་རྒྱོབ། དགྲ་སྲོག་ཆོད་ལ་དགྲ་དབུགས་སྡུས། རལ་གྲིས་དགྲ་བོའི་ལྷུ་ཚིག་ཕྱེས། ལྷ་སྲིན་སྡེ་བརྒྱ྄ད་དྲེགས་ཚོགས་ཀྱིས། གདུག་པའི་མདུང་དམར་དབལ་སོ་ཅན། རྒྱོབ་ཅིག་དགྲ་བོའི་སྙིང་ལ་རྒྱོབ། ཚོམས་ཤིག་དགྲ་བོའི་དམག་དཔུང་ཆོམས། ཆོད་ཅིག་དགྲ་བོའི་མཐའ་རྒྱུད་ཆོད། རྡུལ་ཕྲན་བཞིན་དུ་བརླག་པར་མཛོད། སྔོན་དུ་མདས་བརྒྱབ། དེ་ནས་མཚོན་ཆ་སྣ་ཚོགས་བརྒྱབ་ཚུལ་བྱ་ཞིང་བཟློག་བསྒྱུར་བྱ། གཏོར་ཆེན་ཟོར་སྟབས་སུ་འཕེན། དྲག་སྔགས་དང་བཟློག་བསད་སྔགས་དྲག་ཏུ་བཟླའོ། རྣལ་འབྱོོར་བདག་ཅག་ཡོན་ཆོད་འཁོར་དང་བཅས་པ་རྣམས་ལ་ཉི་མ་ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅས་པ་ཐམས་ཅད་ནས་ཐད་དུ་ལངས་པའི་དགྲ་རྐུན་ཇག་གསུམ་ཐམས་ཅད་ཚལ་པ་ཚལ་ས། དུམ་བུ་དུམ་བུ། རྡུལ་ཕྲན་རྡུལ་ཕྲན། ཕྱེ་མ་ཕྱེ་མ། ནྲྀ་ཏྲི་ཨ་བྷྱོ་ཛ་ཛཿ དགྲ་བོའི་སྲོག་ལ་མཱ་ར་ཡ་རྦད་རྦདཿ ཅེས་བཟླའོ། དེ་ནས་གཡག་རུ་དེ་རྒྱ་ལམ་ཆེན་པོའི་བཞི་མདོ་འམ། ཚ་ཁང་རྙིང་པའི་འོག་གམ། ལུང་གསུམ་འདུས་པའི་མདོ་དང་། མ་ཎི་བརྒྱ་མཁར་སོགས་ཀྱི་ཞབས་སུ་མནན། མ་འབྱོར་ན་སྒོ་ཐེམ་གྱི་འོག་གམ་ཐལ་ཕུང་གི་ནང་དུ་མནན་ལ་འདི་སྐད་དོ། ཧཱུཾ་རིམ་པ་དགུ་ཡི་ས་འོག་ནས། སྒོ་མེད་ལས་ཀྱི་བཙོན་ཁང་ནུས། འཆི་བདག་ནག་པོ་སྐ་བཞེངས་ཤིག དོ་ནུབ་དགྲ་བགེགས་བྱར་མ་འདི། ཁྱོད་ལ་གཏད་དོ་མྱུར་དུ་ལོངས། བརྫངས་སོ་ཆུ་སྲིན་གྲེ་བར་བརྫངས། གཏོང་ངོ་རྒྱ་མཚོའི་གཏིང་དུ་གཏོང་། གཉེར་རོ་ལས་མཁན་ཁྱོད་ལ་གཉེར། མནན་ནོ་རི་རབ་ལྗིད་ཀྱིས་མནན། བྲུབ་བོ་ཐར་མེད་བཙོན་རར་བྲུབ། རྒྱ་ལམ་བཞི་མདོའི་དཀྱིལ་དུ་བྲུབ། མཆོད་རྟེན་བྱིན་ཅན་འོག་ཏུ་བྲུབ། ལུང་གསུམ་འདུས་པའི་མདོ་རུ་མནན། ལྷ་ཁང་ཐེམ་པའི་འོག་ཏུ་མནན། ཐལ་བ་སྐྱ་བོའི་འོག་ཏུ་བྲུབ། བྲུབ་བོ་མནན་ནོ་མཱ་ར་ཡ། བསྐལ་པ་སྟོང་དུ་མ་ལྡང་ཅིག ནྲྀ་ཏྲི་སརྦ་སྟྭཾ་བྷ་ཡ་ནནཿ ༀ་ལཾ་ཨ་ལཾ་ཧཱུཾ་ལཾ་དགྲ་འདྲེ་བྱུར་གསུམ་ཐམས་ཅད་མཱ་ར་ཡ་ནན་ནནཿ དེ་ནས་རྐང་ཞབས་རྡོ་རྗེ་རྒྱ་གྲམ་དུ་བསམ་ལ་བྲོ་བརྡུང་ངོ་། དེ་ནས་ནང་དུ་ལོག་ནས་ཚེ་འགུགས་ལ་སོགས་རྗེས་ཆོག་རྣམས་བྱའོ། ཨེ་མ་འདི་ནི་ཚེགས་ཆུང་དོན་ཆེ་བྱ་སླ་བའི། དགྲ་མནན་ཟབ་མོ་ཁྱད་པར་ཅན་ཡིན་ཏེ། གང་དག་དགྲ་རྐུན་ཇག་པས་མནར་བ་དང་། ཁ་སྨྲས་གླེང་གཞི་བྱུང་དང་མཐུ་བྱད་ཟུག དབུལ་སྲི་བསེ་རག་ལྟོག་འགོང་ལྡང་བ་དང་། རྟ་ནོར་ཕྱུགས་ལ་གཅན་གཟན་འཚེ་བ་སོགས། ཀུན་ལ་ཕན་ཐོགས་ལག་ལེན་མྱོང་བས་གྲུབ། གྲོང་ཆོག་མཁན་རྣམས་དེ་ལུགས་ཉམས་ལེན་མཛོད། དོ་གལ་ཆེ་བའི་དགྲ་མནན་སྨིན་སྒྲུབ་ཚེ། རི་སྣ་བྲག་ཟུར་བྱང་བལྟས་འོག་ལ་སོགས། གོང་གནོན་ཆེ་བའི་ས་གནད་ངན་པ་རུ། མ་ཧཱ་བ་ལའི་མནན་པ་ལ་སོགས་བྱ། སྤྱི་མཚམས་ལ་ནི་རང་གི་སྒོ་ཐེམ་འོག གྲུ་གསུམ་བྲུས་པའི་ནང་དུ་གཡག་རུ་གནོན། སྟེང་ནས་གཏོར་གཞོང་སྦུབས་ལ་རྟ་བྲོ་བརྡུངས། དེས་ཀྱང་ཕན་ཆེ་ལན་མང་མྱོང་གྲུབ་ཡིན། དེ་སྐད་སྨྲ་བ་ར་ག་ཨ་གསེ་ཡིས། ལུག་ལོ་རྒྱལ་གྱི་ཟླ་བའི་མར་ངོའི་དུས། དགུ་གཏོར་ཆེན་མོར་ཕུར་བའི་སྒྲུབ་པ་དང་། འབྲེལ་བའི་གཡག་རུ་དགྲ་བྲུབ་ཚར་མང་བསགས། ཉེར་དགུའི་ཉིན་པར་བསྲེག་འཕང་མནན་གསུམ་གྱིས། ལས་མཇུག་བསྡུས་པས་དེ་ནུབ་ནམ་ཕྱེད་ཆར། བདུད་འདུལ་སྔགས་པའི་གླིང་ཡིན་ཟེར་བ་ཡི། ཁང་པ་དམར་ནག་གྲུ་གསུམ་མཐོ་བའི་ནང་། སྟག་ལྤགས་བཀབ་པའི་ཁྲིའུ་ཞིག་གི་སྟེང་། པད་འབྱུང་ཡིན་ཟེར་བླ་མ་སྔགས་ཆས་ཅན། ཕྱག་ན་ལྕགས་ཕུར་ཞིག་དང་དར་སྣ་ལྔས། དྲིལ་བའི་གླེགས་བམ་བསྣམས་པའི་མདུན་དེ་རུ། བྷནྡྷ་རཀྟས་བཀང་བ་བཞག་པ་མཐོང་། དེ་ལ་བདག་གིས་ཕྱག་བྱས་གླེགས་བམ་དེའི། བཀླག་ལུང་ཞུས་པས་དེ་མ་ཐག་ཉིད་ནས། གླེགས་བམ་ཕྱེས་ནས་དགྲ་ཆོས་འདི་ཉིད་ཀྱི། དམིགས་བྱ་བསྐྱེད་འགུགས་ནས་བཟུང་མནན་པའི་བར། འདོན་ཆ་ཚང་བའི་བཀླག་ལུང་ཚན་གསུམ་གསུངས། དེ་ནས་ལྕགས་ཕུར་གླེགས་བམ་བྷནྡྷ་བཅས། བདག་ལ་གཏད་པས་བདག་གིས་རཀྟ་དེ། འཐུང་བའི་མོད་ལ་བླ་མ་དེ་ཉིད་ཀྱང་། རང་ལ་ཐིམ་སྙམ་བྱུང་བས་གཉིད་སད་ཚེ། པད་འབྱུང་བླ་མར་རང་བཞིན་དབྱེར་མེད་པའི། ངེས་ཤེས་བརྟན་པོས་ལུས་སེམས་བདེ་བས་ཁྱབ། དགྲ་ཆོས་འདོན་ཆའི་ཚིག་རྣམས་མ་བརྗེད་འདུག ནངས་པར་སྣག་ཤོག་ཚགས་བྱས་ཡི་གེར་བྲིས། སྔོན་དུས་བ དག་གིས་བསྒྲིགས་པའི་དགྲ་ཆོས་དང་། ཞུས་དག་བྱས་པས་ཤ་རུ་ཁྲམ་འདེབས་དང་། གླང་གཟུགས་ཙམ་ལས་ཁྱད་པར་འགའ་མ་བྱུང་། འདི་ནི་ཆོག་བསྒྲིགས་གཞན་དང་མི་འདྲ་བའི། སྙན་རྒྱུད་དགོངས་གཏེར་གྲལ་དུ་བརྩིས་ཀྱང་མཚུངས། གང་དྲན་སྨྲས་པ་མིན་པས་ཟབ་གནད་ཆེ། སྔོན་ཆད་དམར་ཡོན་སྔགས་པས་བསྐལ་བའི་ངོར། བདག་གིས་བསྒྲིགས་པའི་དགྲ་ཆོས་དེ་ཉིད་ཀྱང་། སྔོན་གྱི་རྒྱུད་གཞུང་ཡིག་རྙིང་མང་པོ་དང་། བཀའ་གཏེར་མང་པོའི་དགྲ་བྲུབ་གོང་བསྡུར་ནས། ཆོས་སྐྱོང་བཀའ་སྲུང་དགྲ་ལྷའི་ཚོགས་བཅས་ལ། གསོལ་བ་བཏབ་ནས་བྲིས་པས་དེ་ནུབ་ཀྱང་། རྨི་ལམ་རྟེན་འབྲེལ་བཟང་པོ་འགའ་ཞིག་བྱུང་། དེ་དུས་བྲིས་པའི་དགྲ་ཆོས་དེ་ཉིད་དང་། འདྲ་བའི་ནང་ནས་མི་འདྲའི་ཟབ་གནད་ཁྱད། འདི་ནི་མང་དུ་མ་སྤེལ་བཀའ་རྒྱ་སྡོམས། མཐུ་དཔེ་ལྟ་བུ་ཡིན་པས་གཅིག་བརྒྱུད་མཛོད། རང་ལ་དགོས་དུས་ལག་ཏུ་ལོངས་དང་གསལ། བཀའ་འདི་མ་མགོན་དྲེགས་པ་སྡེ་བརྒྱད་ལ། བཅོལ་ལོ་གཏད་དོ་སྲུངས་ཤིག་ས་མ་ཡ ། དམ་ཉམས་ལོག་པར་ལྟ་བའི་སྙིང་ཁྲག་འཐུང་། དམ་ལྡན་རྣམས་ལ་སྡོང་གྲོགས་གཡེལ་མེད་མཛོད། འདི་བྲིས་དགེ་བས་རྒྱལ་བའི་བསྟན་པ་དར། འགྲོ་ལ་འཚེ་བའི་དགྲ་ཇག་ཆོམ་རྐུན་རྣམས། རང་སར་གྲོལ་ནས་རྣལ་འབྱོར་ཡོན་མཆོད་ཀྱི། སྐ་ཚེ་བརྟན་ཞིང་མཛད་འཕྲིན་རྒྱས་པར་ཤོག སྨྲ་བའི་སྔགས་ནག་རཱ་ག་ཨ་གསེ་དང་། བྲི་བའི་ཡིག་མཁན་པདྨ་འདུད་འདུལ་ལ། འདི་ཕྱིའི་རྐྱེན་དང་སྒྲིབ་པར་མ་གྱུར་ཅིག སརྦ་མངྒ་ལཾ། དགྲ་ཆོས་ལ་ཉེ་བར་མཁོ་བའི་ཐུར་ཡིག་ལིངྒ་བྲི་ཐབས་ནི། ཕུང་ཉི་བདུད་ཉི་སོགས་དྲག་པོའི་འགྲུབ་སྦྱོར་ལ་བབ་ཚེ། དུག་ཤོག་ལ་དུག་སྣ་དང་ཁྲག་སྣ་སྦྱར་བའི་ཁུ་བས་དགྲ་བགེགས་ཀྱི་ལིངྒ་དཔེ་རིས་ཚད་ལྡན་ལག་པ་རྒྱབ་ཏུ་བཀྱིགས། རྐང་པ་ལྕགས་སྒྲོག་ཏུ་བཅུག་པའི་སྤྱི་བོར་དྲིག་ནནཿ དཔྲལ་བར་ཇིའུ་ཀུང་ཀེག་ཤིང་། སྨིན་མཚམས་སུ་ཛ དཔུང་བ་པུས་མོའི་ཚིགས་ཆེན་བཞིན། དཔུང་མགོ་གཡས་ནས་བཙམས་ལ་གཡས་སྐོར་དུ་ཛཿཧཱུཾ་བཾ་ཧོཿ བཞི། ལུང་བུ་གྲུ་མོ་བཞིར། ལུང་ཚིགས་གཡོན་ནས་གཡས་སྐོར་དུ། མ་ར་ཡ་རྦད་བཞི་བྲིས། འདོམས་སུ་ཕཊཿ རྐང་མཐིལ་གཉིས་ཀྱི་ཞབས་སུ་རླུང་དཀྱིལ་གཞུའི་དབྱིབས་ཀྱི་རི་མོའི་ཆང་ཟུང་གི་ནང་ངོས་དང་། ལིང་གའི་སྙིང་གར་དགྲ་ལ་ནྲྀ་དང་། བགེགས་ལ་ཏྲི་བྲིས། ༑༑༑༑དེ་དག་གི་སྤྱི་ནས། ཨེ་ཧུར་ཐུམས་རྦདཿ འབྲུ་བཞི་ཕྱོགས་བཞི་ནས་བསྐོར། དེའི་ཕྱི་རོལ་ནས་དགྲ་ཡིན་ན། དམིགས་པའི་བླ་སྲོག་སྟོང་རྣམ་པར་ཤེས་པ་ཁུག་ཅིག་ནྲྀ་ཨ་ཀཪྴ་ཡ་ཛ་ཛཿ མཱ་ར་ཡ་རྦད་ནནཿ ཞེས་པ་དང་། བགེགས་ལ་རྒྱལ་བསེན་འབྱུང་པོ་ཤི་འདྲེ་གོད་སྲི་ཟ་འདྲེ་ཕུང་སྲི་རྣམས་ཀྱི་བླ་སྲོག་ཡིད་གཟུགས་ཁུག་ཅིག་བྲི་ཨ་ཀཪྴ་ཡ་ཛ་ཛཿ མཱ་ར་ཡ་རྦད་ནནཿ ཞེས་བྲིས། ལིངྒའི་ཕྱི་རོལ་གྱི་སྤྱི་བོ་ནས་དགྲ་བགེགས་གང་ཡིན་དམིགས་བསལ་ཁ་བསྒྱུར་གྱི། གནོད་བྱེད་སརྦ་ཤ་དྲུམ་ཧུར་ཐུམ་ཛཿ ནྲྀ་ཏྲི་མཱ་ར་ཡ་ཛ་ཛ་རྦད་རྦད་སོད་སོད་གནོད་བྱེད་འབྱུང་པོ་དགྲ་ཇག་ཆོམ་རྐུན་ཟ་འདྲེ་ཕུང་སྲི་གོད་འདྲེ་གོད་སྲི་གཅན་སྤྱང་ཐམས་ཅད་ཀྱི་ལུས་ངག་ཡིད་གསུམ་མཐུ་རྩལ་ནུས་སྟོབས་ཐམས་ཅད་སྟྭམ་བྷ་ཡ་བྷྱོ་ནན་ནནཿ ཞེས་པའི་སྔགས་དམོད་མོ་བཅས་ཚང་བས་གཡས་སུ་བསྐོར། ཕྱི་ནང་གི་ཡིག་མགོ་ཐམས་ཅད་རྦད་ཕྱིར་བསྟན་ནོ། དེའི་ཕྱི་རོལ་རྫས་ཁམ་གྱིས་བསྐོར་བ་ཅན་ལིངྒ་ཁ་རྐུབ་སྤྲད་པའི་རོ་ལྟེབ་བྱས་ནས་བྲུབ་ཁུང་ནང་གི་གཡག་རུའི་ནང་དུ་བཅུག་གོ རྒྱས་པར་འཛོམ་ན་ལས་དཀྱིལ་ཀྱི་ལྷོ་ནུབ་ཏུ་མི་ཤིས་པའི་གདུག་པའི་ས་སྣ་འཛོམ་ཚད་བསགས་ལ། རེ་ལྕག་དྷ་དུ་ར་སོགས་དུག་སྣའི་ཆུས་སྦྲུས་པའི་བྲུབ་ཁུང་རྒྱར་ཁྲུ་གང་། དཔངས་སུ་དེའི་ཕྱེད་ཕྱི་རོལ་རོ། སེལ་དང་ནང་དུག་གིས་བྱུགས་པའི་མཐའ་རྩང་དམར་གྱིས་བསྐོར་བའི་ནང་དུ་གཡག་རུ་ལིངྒ་དང་བཅས་པ་འཇོག དེ་དང་ཉེ་ལོགས་སུ་ལྷ་དང་དབྱེ་རྫས། གུ་གུལ་དང་། ཐུན་རྫས་སྣ་ཚོགས། ཟན་ལིང་། ཕུར་བ། སྒྲོལ་གྲི་ཐོ་བ། ཧོམ་གཟར་སོགས་བསྒྲལ་ཆས་རྣམས་དང་། བླ་རྡོ་བླ་ཤིང་གླང་མ། ཚ་གཡེར་རམ་སྒོག ཐལ་འཇིམ། རེ་ནག ཁྱི་སྤུ་ར་བལ་ཀྱི་སྐད་པ། སྐྱེར་བའི་ཕུར་ཆུང་ཐལ་འཇིམ་མགོ་དགུ། གསེར་སྐྱེམས། དཀར་གཏོར། དམར་གཏོར། བྱ་རོག་དང་འུག་པའི་སྒྲོ་གཉིས། དེ་དག་ལ་སོགས་དགོས་རྫས་ཐམས་ཅད་བསགས་ལ། ལས་གཞུང་གང་ཡིན་བསྒྲལ་བཟློག་སོང་བ་དང་། གཡག་རུའི་དམིགས་བྱ་བསྐྱེད་འགུགས་ལ། འགུགས་སྔགས་སོགས་བཏགས་པ་དང་། བླ་རྡོ་བླ་ཤིང་བཅག་བཅད་དང་། ལྷ་དབྱེ་རྒྱས་པ་ཞིག་བྱེད། བསད་མནན་གྱི་དམིགས་པ་དང་། སྔགས་ལས་གཞུང་གང་ཡིན་ལྟར་སྦྱར། ཐུན་གྱིས་བྲབས་དེ་ནས་དགྲ་ཆོས་ཀྱི་བྱུང་ཁུངས་ནས་ད་བཟུང་ཚང་བར་འདོན། མཐར་ཟན་ལིང་བསྐྲལ་ཞིང་གཏོར་མར་འབུལ། དེ་ནས་ཐུན་གཏོར་རྗེས་ཆོག་རྣམས་ཆོ་གའི་དཀྱུས་བཞིན་བྱ། ཉིན་རྗེས་མའི་ཚེ་ལིངྒ་མནན་པ་སོགས་བྱས་ན་ལེགས་སོ། ༈ དྲག་པོ་སྔགས་ཀྱི་ལས་ཚོགས་ཐུན་མོང་མ་ཡིན་པ་གཡག་རུ་དགྲ་ཆོས་དགྲ་བགེགས་ཚར་གཅོད་ཞེས་བྱ་བ་གཤིན་ཏུ་ཟབ་པ། དེའི་ཟུར་ཡིག་བླ་རྡོ་བཅག་པ། གླང་ཁྲམ་བཅད་འདེབས་དང་བཅས་པའི། བཀླག་ལུང་ཐོབ་པའི་ཉེ་བརྒྱུད་ནི། སློབ་དཔོན་པདྨ་འབྱུང་གནས་སྔགས་ནག་རཱ་ག་ཨ་སྱེས། པདྨ་བདུད་འདུལ་ཨོ་རྒྱན་ཀློང་གྲོལ། ཀུན་བཟང་དོན་ཡོད། ཕྲིན་ལས་ཕུན་ཚོགས། དཀོན་མཆོག་ཆོས་ལྡན། ངག་དབང་རྒྱལ་མཚན། ཆབ་མདོ་བླ་མ་རིག་འཛིན་བསྟན་རྒྱས་དེས་བདག་ལའོ། སངས་རྒྱས་བསྟན་པ་སྲུང་བའ་ིམཆོག་གི་ཆར་ཤོར་མཚོན་ཆར་ཤོག།

མི་ནག་མགོ་གསུམ་གྱི་བཟློག་མདོས་འགལ་རྐྱེན་ཀུན་སེལ།

༄༅། །མི་ནག་མགོ་གསུམ་གྱི་བཟློག་མདོས་འགལ་རྐྱེན་ཀུན་སེལ་ཞེས་བྱ་བ་བཞུགས། ལྷ་ཀོང་ཚེ་འཕྲུལ་གྱི་རྒྱལ་པོ་ལ་ཕྱག་འཚལ་ལོ། འགྲོ་བ་གང་ཞིག་ལ་སྔོན་ལས་དང་འཕྲལ་རྐྱེན་ལས་གྱུར་བའི་དགྲ་སྣ་དང་གདོན་སྣ་དང་ནད་སྣ་རིམས་སྣ་ཐུག་པ་དང་མི་ཕྱུགས་ཀྱི་ཤི་འགབ་གཅོད་པ་དང་། སྲིའུ་གསོ་བ་དང་། ལོ་ཀེག་ཟླ་གཤེད་དང་། ཆག་ཆེ་ཉམ་ང་བསྒྱུར་བ། བྱད་ཕུར་གཏད་ཁྲམ་རྦོད་གཏོང་བཟློག་པ། ཁྱད་པར་ཐན་དང་ལྟས་ངན་མ་རུངས་པ་བྱུང་བའི་ཐན་བཟློག་སོགས་ལ་མི་ནག་མགོ་གསུམ་གྱི་བཟློག་མདོས་འདི་བྱེད་པ་གལ་ཆེ་སྟེ། དེ་ལ་དང་པོ་བཅའ་བཤམས་ཀྱི་རིམ་པ་ནི་ཟུར་ཡིག་ལྟར་ཚང་བར་བྱས་ལ། དངོས་གཞིའི་འདོན་ཆ་ནི། ཡི་དམ་གྱི་བདག་བསྐྱེད་དང་། མདོས་རྫས་བྱིན་གྱིས་བརླབ་པ་རྣམས་རིགས་མཐུན་ལྟར་བྱས་ལ་མདོས། ཧྲིཿཥྚི་ཝི་ཀྲིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་བདག་ཉིད་ལྷར་གསལ་བའི་མདུན་དུ་སླ་ང་ནག་པོ་ཡངས་ཤིང་རྒྱ་ཆེ་བའི་དབུས་སུ་འབྱུང་བཞི་རི་རབ་དང་བཅས་པའི་སྟེང་དུ་མ་ཧཱ་གསེར་གྱི་རུ་སྦལ་གྱི་ལྟོ་བར་ཡི་གེ་བྷྱོ་ནག་པོ་ག ཅིག་གསལ། དེ་ལས་འོད་ཟེར་འཕྲོས་པས་དགྲ་བགེགས་གནོད་བྱེད་ཐམས་ཅད་ཐལ་བར་བརླགས། འོད་ཟེར་ཚུར་འདུས་བྷྱོ་ལ་ཐིམ། བྷྱོ་ཡོངས་སུ་གྱུར་པ་ལས་བདུད་ཀྱི་རྒྱལ་པོ་མི་ནག་མགོ་གསུམ་སྐ་མདོག་ནག་པོ་མུན་པའི་མདོག་ཅན། ཤིན་ཏུ་ཁྲོས་ཤིང་གཏུམ་ལ་རྔམ་པ། དབུས་གླང་མགོ། གཡས་སྟག་མགོ གཡོན་ཕག་མགོ་གསུམ་མིག་བསྒྲད་ནས་ཁ་གདངས་ཤིང་མཆེ་བ་གཙིགས་པ། ཕྱག་གཡས་ན་གནམ་ལྕགས་ཀྱི་སྟྭ་རེ་འཕྱར་ཞིང་། གཡོན་པས་ལྕགས་ཀྱུ་དང་སྦྲུལ་ཞགས་འཛིན་པ། ལུས་ལ་མཚོན་ཆ་སྣ་ཚོགས་ཀྱི་སྤུ་སྐྱེས་ཤིང་འཇིགས་སུ་རུང་བ་རྐང་ལག་ལྕགས་ཀྱི་སྡེར་མོ་ཅན་སྦྲུལ་གྱི་མཇུག་མ་རུ་སྦལ་གྱི་སྟེང་ན་འཁྱིལ་བ་གཅིག་བསྒོམ། དེའི་སྤྱོད་སྲིན་སྲིན་བྱ་འུག་པ་མཁུན་པ། གཡས་གཡོན་ས་བདག་ཁེན་ཁོན་ཕོ་མོ་རྒོད་པ། མདུན་དུ་ཤང་ཤང་གིས་སྣ་ཁྲིད་བྱས་པ། རྒྱབ་ཏུ་གླང་ཆེན་ཁལ་བཀལ་གྱིས་འདེད་ཚུལ་བྱེད་པ། མདུན་གཡས་སུ་མི་ཁའི་བུ་མོ་སྤུན་དགུ། མདུན་གཡོན་དུ་བུད་མེད་རྔ་མོང་ལ་ཞོན་པ། དེ་རྣམས་ཀྱི་འཁོར་དུ་ལོ་བདུད་བཅུ་གཉིས། སྤར་ཁ་སྨེ་བ་ཚེས་གྲངས་དུས་ཚོད་གཟའ་སྐར་ལ་སོགས་པའི་དགྲ་གཤེད་ཆག་ཆེ་ཉམས་ངའི་བདག་པོ་བདག་མོ་རྣམས་དང་། ཐན་བདག་ནད་བདག་འཆི་བདག་ལ་སོགས་སྲིད་པ་གསུམ་ན་གནས་པའི་གདོན་བགེགས་འབྱུང་པོའི་ཚོགས་ཐམས་ཅད་ཀྱིས་བསྐོར་བའོ། བདག་ཉིད་ལྷར་གསལ་བའི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་འཇིག་རྟེན་ཁམས་ན་གནས་པའི་འབྱུང་པོ་གདོན་བགེགས་ཀྱི་ཚོགས་འཁོར་དང་བཅས་པ་ཐམས་ཅད་རང་དབང་མེད་པར་བཀུག་ནས་མདུན་གྱི་གཟུགས་བརྙན་ལ་བསྟིམས་པས་གཉིས་སུ་མེད་པར་གྱུར་བར་བསམ་ལ། རོལ་མོ་དབྱངས་དང་བཅས་པས་འདི་སྐད་དོ། ཧཱུཾ། ང་ནི་འཇམ་དཔལ་གཤིན་རྗེའི་གཤེདཿ ང་ནི་ཁྲོ་བོ་ཀུན་གྱི་རྗེཿ འཁོར་འདས་སྣང་སྲིད་ཐམས་ཅད་ནི༔ ང་ཡི་བཀའ་ལ་མི་ཉན་མེདཿ སྲིད་པའི་ཆུ་ལ་མི་འཐུང་མེདཿ ཀུན་ཀྱང་ང་ཡི་བཀའ་ལ་འདུསཿ དེ་རིང་ཁམས་གསུམ་དབང་དུ་སྡུདཿ དེ་རིང་སྲིད་གསུམ་ཟིལ་གྱིས་གནོནཿ དེ་རིང་མི་དང་གླད་གཉིས་བརྗེ༔ དེ་རིང་བུ་ལོན་ལན་ཆགས་འཇལཿ མཐོ་བ་སྲིད་པའི་རྩེ་མོ་ནསཿ དམའ་བ་ན་རག་ཡན་ཆད་ཀྱིཿ ཆེ་དགུ་གཉན་བཅུ་ཐམས་ཅད་གཤེགསཿ ཁ་དྲེགས་རྩལ་སྟོབས་ལྡན་ཀུན་གཤེགསཿ སྣང་སྲིད་ལྷ་སྲིན་སྡེ་བརྒྱད་དང་ཿ ནད་གདོན་བར་ཆད་རྩོམ་པ་ཡིཿ ཐན་བདག་འགོང་པོ་ཡི་དྭགས་སོགསཿ ཚེ་རབས་སྔོན་ནས་ད་ལྟའི་བརཿ ལན་ཆགས་བུ་ལོན་མ་འཁོར་བའིཿ གླད་དང་ཡས་འདོད་ཐམས་ཅད་ཀུནཿ སྐད་ཅིག་ཉིད་ལ་འདིར་འདུས་ཤིགཿ རང་རང་གཟུགས་ལ་བརྟན་པར་བཞུགསཿ མདོས་གཞི་ནག་པོའི་གདན་ལ་སྡོདཿ བསྒོ་བའི་བཀའ་ལ་ཉན་པར་མཛོདཿ སརྦ་བྷུ་ཏ་ཨཾ་ཀུ་ཤ་ཛ་ཛཿ ཛཿཧཱུཾ་བཾ་ཧོཿ ཞེས་བརྗོད་པས་ཐིབ་ཐིབ་བྱོན་ནས་རང་གཟུགས་རྣམས་ལ་ཐིམ་སྟེ་བཀའ་ཉན་གསུང་སྡོད་ཀྱིས་གནས་པར་བསམ་ལ། དེ་ནས་ཁོ་ཡི་སྔོན་གྱི་བྱུང་ཁུངས་ལོ་རྒྱུས་སྨྲེང་འདི་གྱེར་རོ། ཀྱཻཿ དང་པོ་ཅི་ཡང་མེད་པ་ལསཿ འཕགས་པ་འཇམ་དཔལ་ཐུགས་རྗེ་ཡིསཿ འགྲོ་དྲུག་རྣམས་ལ་ཕན་གདགས་ཕྱིརཿ ས་བདག་ཧ་ས་གྷར་པར་སྤྲུལཿ ས་བདག་ཧ་ས་འགར་པ་ལཿ མ་ཧཱ་གསེར་གྱི་རུ་སྦལ་སྲིདཿ གསེར་གྱི་རུ་སྦལ་དེ་ཉིད་ནིཿ འབྱུང་བ་ཆེན་པོ་ལྔ་ལས་གྲུབཿ འབྱུང་བ་ལྔ་ཡི་སྙིགས་མ་ལཿ ས་བདག་ཁེན་ཁོན་ཕོ་མོ་གཉིས་སུ་སྲིདཿ སྐྱེ་འགྲོའི་ལོ་ཀེག་ཟླ་གཤེད་བཟློག་པ་དང་ཿ སྲིད་པའི་བྱོལ་ཟློག་མཛད་པའི་ཕྱིརཿ ཁེན་པ་རྒད་པོ་ཐུགས་ཁྲོས་ནསཿ མ་ཅིག་ཁོན་མ་རྒན་མོ་ལ། ཡིད་ཀྱིས་སྦྱོར་བ་བྱས་པ་ཡིས། ཟླ་དགུ་ངོ་བཅུ་ལོན་ཙམ་ན། ཕ་མ་གཉིས་ཀར་མི་འདྲ་བའི༔ འཇིགས་སུ་རུང་བའི་བུ་ཞིག་སྐྱེས། མི་ཡི་ལུས་ལ་མགོ་བོ་གསུམ། མདོག་ནག་གཏུམ་རྔམ་འཇིགས་པའི་གཟུགས། ཁ་གདངས་མཆེ་གཙིགས་སྡང་མིག་བསྒྲད། དེ་ཉོན་མོངས་བདུད་སྲིན་རིགས་ལས་བྱུང་། དབུས་ཞལ་བྱོལ་སོང་གླང་གི་མགོ ཆགས་སྲིད་ཆེ་ཞིང་ཤ་རྩ་ལྷོད། དེ་འདོད་ཆགས་མ་ཡི་རྒྱུ་ལས་བྱུང་། གཡས་ཕྱོགས་གཅན་ཟན་སྟག་གི་མགོ ཁྲོ་གཏུམ་སྡང་སེམས་གདུག་རྩུབ་ཆེ། དེ་ཞེ་སྡང་ཕ་ཡི་རྒྱུ་ལས་གྲུབ། གཡོན་པ་གཏི་མུག་ཕག་གི་མགོ། གཏི་མུག་ཆེ་ཞིང་ཤ་ལ་དགའ དེ་ས་བདག་ཀླུ་སྲིན་རིགས་ལས་བྱུང་། བཙས་མ་ཐག་ནས་ལུས་རྩལ་རྫོགས། སྙིང་རྗེ་མེད་ཅིང་དུག་ལྔ་རྒྱས། དེ་ལ་སུ་ཡང་མ་དགའ་བས། མ་རུངས་པ་ཡི་བུ་དེ་ཉིད། སླ་ང་ནག་པོའི་ནང་དུ་བཅུག མི་ཁའི་རྫས་སྣ་ཟས་སུ་བྱིན། དགྲ་དང་བགེགས་ཀྱི་མིང་རུས་བྲིས། ཁོ་ཡི་ཁོང་པའི་ནང་དུ་བཅུག མ་ཅིག་ཁོན་མ་རྒན་མོ་དེས། འདི་སྐད་སྨྲས་ནས་དམོད་པ་བོར། སྲིད་པའི་རྒན་རྒོན་ངེད་གཉིས་ཀྱིས། ཀྱེ་མ་ལས་ངན་བྱས་པ་འདྲ། དེ་ཡི་འབྲས་བུ་ད་ལྟ་སྨིན། འདི་དང་འདྲ་བའི་སེམས་ཅན་ནི། འཇིག་རྟེན་འདི་ན་མཐོང་མ་མྱོང་། ཀྱེ་མ་ཀྱི་ཧུད་ང་རེ་འཇིགས། མི་ནག་མགོ་བོ་གསུམ་པོ་འདི། རྐང་ལག་ལྕགས་ཀྱི་སྡེར་མོ་ཅན། ཁ་གདངས་མིག་བགྲད་མཆེ་བ་གཙིགས། ཐམས་ཅད་འཇིགས་པའི་ང་རེ་སྒྲོགས། ཁྱོད་འདི་ནས་མ་འདུག་འགྲོ་བར་གྱིས། དགྲ་དང་བགེགས་ཀྱི་སྟེང་དུ་ཆོས། ཐན་དང་ལྟམ་ངན་ཐམས་ཅད་ཁྱེར། གནས་ནི་རྒྱ་གྲམ་ལམ་ཀར་སྡོད། དགྲ་ཤ་ཟོ་ལ་དགྲ་ཁྲག་འཐུག དེ་སྐད་བརྗོད་ནས་ལམ་ཀར་བསྐྱལ། བསྐྱལ་བས་ལམ་དུ་འཕྲད་ཚད་ཤི། ཡུལ་དེའི་མི་རྣམས་ཁོ་ཡི་ཟོས། དགྲ་བགེགས་མཐོང་ཚད་ཐལ་བར་བརླགས། དེས་ཀྱང་མ་ཚིམ་འཇིག་རྟེན་མི། ཐམས་ཅད་མགོ་གསུམ་དེ་ཡིས་ཟོས། སྲིད་པ་གསུམ་པ་སྟོངས་ལ་ཐུག། མགོ་ག ཅིག་གཅན་གཟན་སྟག་གི་མགོ གཟའ་ཁྱབ་འཇུག་ལྷུམས་སུ་ཞུགས་པའི་བུ། གང་དང་འཕྲད་པ་ཧུར་ཐུམ་གསོད། གསོད་དང་གཅོད་ལ་ཤིན་ཏུ་དགའ། ཤ་ཟ་ཁྲག་འཐུང་ཞེ་སྡང་ཆེ། མགོ་གཅིག་གཏི་མུག་ཕག་གི་མགོ གཟའ་ལྷག་པ་ལྷུམས་སུ་ཞུགས་པའི་བུ། ལག་པ་མྱུར་མགྱོགས་ཤིན་ཏུ་ཆེ། རྨུགས་འཐིབས་བརྒྱལ་འབོག་ནད་རྣམས་གཏོང་། ཚེ་དང་སྲོག་ལ་རབ་ཏུ་རྔམ། དབུས་ཕྱོགས་གླང་གི་མགོ་བོ་དེ། གཟའ་སྤེན་པ་ལྷུམས་སུ་ཞུགས་པའི་བུ། གང་འཕྲད་སྲོག་ལ་རྒོལ་བ་ཡི། མཛེ་དང་ཤུ་བ་ལྷོག་པ་གཏོང་། གཟའ་བདུད་བས་ཀྱང་དྲག་ཤུལ་ཆེ། ཟས་སུ་མི་ཡི་ཚེ་སྲོག་ཟ། དེ་ལྟ་བུ་ཡི་མི་ནག་དེ། འཕགས་པའི་ཐུགས་རྗེས་འདུལ་བར་དགོངས། མཁྱེན་རབ་དབང་ཕྱུག་འཇམ་དཔལ་གྱིས། མི་ནག་མགོ་གསུམ་འཇིགས་པའི་གཟུགས། ཁོ་རང་འདྲ་བ་ཞིག་ཏུ་སྤྲུལ། སྤྱན་ནས་མེ་འབར་ཐོག་སེར་འབེབས། རྐན་སྒྲ་བརྡབ་པས་འཛིན་རྟེན་གཡོ། མཆེ་གཙིགས་ཞལ་གདངས་འདི་སྐད་བརྗོད། ཁྱེད་མི་སྲུན་གདུག་པའི་ང་རོ་ཅན། སྙིང་རྗེ་མེད་པའི་སེམས་ཅན་ནི། ཐམས་ཅད་ང་ཡིས་འདུལ་བར་བྱེད། ཁྱོད་ཀྱང་ང་ཡི་འདུལ་སྐལ་ཡིན། དེ་སྐད་ཅེས་ནི་བརྗོད་པ་དང་། མི་ནག་མགོ་གསུམ་ཞལ་དུ་གསོལ། མགྲིན་པར་མིད་ནས་འོག་སྒོར་ཕྱུང། ཁོ་སྐྲག་ཅིང་བསྔངས་ནས་འདར་བཞིན་དུ། དཔའ་བོ་ཆེན་པོ་ང་ལ་ཉོན། ཁྱེད་ཀྱི་ཅི་གསུང་བཀའ་བཞིན་བྱེད། དེ་སྐད་ཡང་ཡང་ཞུས་པ་དང་། འཇམ་དཔལ་ཁྲོ་མོས་བཀའ་སྩལ་པ། ཁྱོད་མི་ནག་མགོ་བོ་གསུམ་པ་ཡིས། ང་ཡི་བཀའ་ལ་མ་འདའ་བར། སྙིགས་མ་ལྔ་ཡི་དུས་བྱུང་ཚེ། ལྔ་བརྒྱ་ཐ་མའི་སེམས་ཅན་ལ། སྲིད་པའི་བྱོལ་བཟློག་ཁྱོད་ཀྱི་མཛོད། སླ་ང་ནག་པོའི་ནང་དུ་བཞུགས། གཏོར་མ་མཐེབ་སྐྱུ་ཁྱོད་ལ་སྦྱིན། མི་ཁ་སྣ་ཚོགས་ཟས་སུ་ཟོ། གནོད་པ་བསྐྱལ་ན་གང་འཕྲད་སོད། ཆག་ཆེ་ཉམ་ང་ཡོད་ན་སྒྱུར། ནད་པ་སློང་ལ་གདོན་སྣ་བཟློག སྲི་བུ་གསོས་ལ་ཆུང་སྲི་སོད། ཐན་ལྟས་ཆོ་འཕྲུལ་ངན་པ་ཟློགས ཅེས་གསུང་མི་ནག མགོ་གསུམ་གྱིས། བཀའ་བཞིན་བསྒྲུབ་པར་ཁས་བླངས་པའི། སྔོན་གྱི་དམ་ཚིག་དེ་དག་རྣམས། དེ་རིང་རྗེས་སུ་དྲན་མཛོད་ལ། གཏོ་ཡས་གནས་སུ་ཐིངས་བར་མཛོད། ཀྱཻ་བདུད་རྒྱལ་མི་ནག་མགོ་བོ་གསུམ། སྲིད་པ་གསུམ་གྱི་མཐུ་བོ་ཆེ། སྔོན་གྱི་ཐུགས་དམ་ཇི་བཞིན་དུ། སྲིད་པའི་བྱོལ་བཟློག་ཁྱོད་ཀྱིས་མཛོད། བདག་དང་རྒྱུ་སྦྱོར་ཡོན་བདག་ལ། སྡེ་བརྒྱད་ཟ་ཁ་ཟུག་པ་དང་། ལོ་ཟླ་ཞག་དུས་ཀེག་རིགས་དང་། རྨི་ལྟས་མཚན་མ་ངན་པ་རྣམས། བྱད་མ་དགྲ་བོའི་སྟེང་དུ་སྒྱུར། གང་དང་འཕྲད་པ་དེ་ལ་སྒྱུར། མིང་འདྲ་ལོ་མཉམ་དེ་ལ་སྒྱུར། ན་མཉམ་ཚོད་མཉམ་དེ་ལ་སྒྱུར། བྱོལ་སོང་ཐ་མ་ཁྱི་ལ་བསྒྱུར། ས་རྡོ་སེམས་མེད་དེ་ལ་བསྒྱུར། འཆི་བར་ངེས་པའི་མི་ཡོད་ཀྱང་། ལོ་གསུམ་བར་དུ་བཤོལ་ཐོབ་ཅིག དེ་རིང་བསྒྱུར་བའི་རྒྱལ་པོ་མཛོད། གཡས་པ་སྟག་གི་མགོ་བོ་ཡིས། འགོང་པོའི་གནོད་པ་བསྒྱུར་དུ་གསོལ། གཡོན་པ་ཕག་གི་མགོ་བོ་ཡིས། བྱུར་དང་གོད་ཁ་བསྒྱུར་དུ་གསོལ། དབུས་ཕྱོགས་གླང་གི་མགོ་བོ་ཡིས། ཆག་ཆེ་ཉམ་ང་བསྒྱུར༴ གཞན་ཡང་དགྲ་སྣ་གདོན་སྣ་དང་། མི་ནད་ཕྱུགས་ནད་རིམས་ཡམས་དང་། ཐན་ལྟས་ཆོ་འཕྲུལ་ངན་པ་སོགས། ཐམས་ཅད་སྒྱུར་བའི་རྒྱལ་པོ་མཛོད། དེ་ནས་ལོ་སྐོར་བཅུ་གཉིས་ཀྱི་སྨྲེང་འདི་སྐད་དུ་གྱེར། ཀྱཻ་ལོ་ཡི་རྒྱལ་པོ་བྱི་བའི་ལོ། སྣ་ཚོགས་ཆུ་ལས་གྲུབ་པ་ཡི། མི་ལུས་བྱི་བའི་མགོ་བོ་ཅན། ལག་ན་ཆུ་ཡི་རྐྱལ་པ་བསྣམས། མདོས་རྫས་གླད་གཏོར་འདི་བཞེས་ལ། བྱི་བ་ལོ་བའི་ལོ་ཀག་བསྒྱུར་དུ་གསོལ། མི་ལུས་གླང་གི་མགོ་བོ་ཅན། རིན་ཆེན་གསེར་ལས་གྲུབ་པའི་མདོག ལག་ན་གསེར་གྱི་རི་རབ་བསྣམས། བྱང་ཤར་གེན་ལ་གནས་པའི་བདག མདོས་རྫས་གླད་གཏོར༴ གླང་ལོ་པ་ཡི་ལོ་ཀེག་བསྒྱུརཿ མི་ལུས་སྟག་གི་མགོ་བོ༴ ཤིང་ལོ་ལྗང་གུའི་མདངས་ལས་གྲུབ། རི་མོ་ཐམས་ཅད་ལུས་ལ་བཀྲ། ཤར་སྟོད་ཤིང་གི་གདན་ལ་བཞུགས། ཕྱག་ན་ལྗོན་ཤིང་ཡལ་ག་བསྣམས། མདོས་རྫས་གླད་གཏོར༴ སྟག་ལོ་པ་ཡི་ལོ་ཀེག་བསྒྱུར༴ མི་ལུས་ཡོས་བུའི་མགོ་བོ་ཅན། ལྗང་ངལ་མི་འགྱུར་ཤིང་ལ་བརྟེན། ལག་ན་ལྗོན་ཤིང་མེ་ཏོག་བསྣམས། མདོས་རྫས་གླད་གཏོར༴ ཡོས་བུ་ལོ་བའི་ལོ་ཀེག་བསྒྱུར༴ མི་ལུས་འབྲུག་གི་མགོ་བོ་ཅན། སེར་པོ་གསེར་གྱི་མདངས་ལས་གྲུབ། གསེར་ས་རིམ་དགུའི་མངའ་བདག་བྱེད། ལག་ན་གསེར་གྱི་སྡོང་བུ་བསྣམས། མདོས་རྫས་གླད་གཏོར༴ འབྲུག་ལོ་པ་ཡི་ལོ་ཀེགཿ མི་ལུས་སྦྲུལ་གྱི་མགོ་བོ ༴ དམར་པོ་མེ་ཡི་མདངས་ལས་གྲུབ། ལག་ན་སྲེག་བྱེད་མེ་དཔུང་བསྣམས། མདོས་རྫས༴ སྦྲུལ་ལོ་པ་ཡི་ལོ་ཀེག་བསྒྱུར༴ མི་ལུས་རྟ་ཡི་མགོ་བོ༴ འབར་བ་མེ་ཡི་ན་བཟའ༴ ལག་ན་གསལ་བྱེད་མེ་རི་བསྣམས། མདོས་རྫས་གླད་གཏོར༴ རྟ་ལོ་པ་ཡི་ལོ་ཀེག་བསྒྱུར༴ མི་ལུས་ལུག་གི་མགོ་བོ་ཅན། སྐ་མདོག་སེར་ལ་འོད་ཟེར་འཕྲོ། ལག་ན་གསེར་གྱི་སྒྲོམ་བུ་བསྣམས། ལྷོ་ནུབ་ཁོན་གྱི་ས་སྒོ་སྲུངས། མདོས་རྫས་གྲུདཿ ལུག་ལོ་པ་ཡི་ལོ་ཀེག༴ མི་ལུས་སྤྲེའུའི་མགོ་བོ༴ ལག་ན་ལྕགས་ཀྱི་འཁོར་ལོ་ཐོགས། ལྕགས་ལས་གྲུབ་པའི་མངའ་བདག༴ མདོས་རྫས་གླད༴ སྤྲེའུ་ལོ་བའི་ལོ་ཀེག་བསྒྱུར༴ མི་ལུས་བྱ་ཡི་མགོ་བོ༴ དེ་ཡང་མདོག་དཀར་ལྕགས་ལས་གྲུབ། ལག་ན་གཅོད་བྱེད་རལ་གྲི་བསྣམས། མདོས་རྫས་གླད་གཏོརཿ བྱ་ལོ་པ་ཡི་ལོ་ཀེག༴ མི་ལུས་ཁྱི་ཡི་མགོ་བོ་ཅན། སེར་པོ་གསེར་གྱི་ན་བཟའ་གསོལ། ལག་ན་གསེར་གྱི་མཆོད་རྟེན་འཛིན། ནུབ་བྱང་ཁེན་གྱི་གནམ་སྒོ་སྲུངས ། མདོས་རྫས་གླད་གཏོར་འདི་བཞེས་ལ། ཁྱི་ལོ་ས་ཡི་ལོ་ཀེག་བསྒྱུར་དུ་གསོལ། མི་ལུས་ཕག་གི་མགོ་བོ་ཅན། འཁྲུད་བྱེད་ཆུ་ཡི་ན་བཟའ་གསོལ། ལག་ན་ཆུ་ཡི་བུམ་པ་བསྣམས། མདོས་རྫས་གླད་གཏོར༴ ཕག་ལོ་བ་ཡི་ལོ་ཀེག་བསྒྱུར་དུ་གསོལ། དེ་ནས་འབྲུ་སྣ་འཐོར་ཞིང་མདོས་རྫས་རྣམས་བསྔོ་བ་ནི། ཀྱཻ་མི་ནག་མགོ་བོ་གསུམ་པོ་དང་། ས་བདག་ཁེན་ཁོན་རྒན་རྒོན་དང་། ཤང་ཤང་སྲིན་བྱ་གླང་ཆེན་དང་། མི་ཁའི་བུ་མོ་སྤུན་དགུ་པོ། ལོ་སྐོར་བཅུ་གཉིས་སྤར་ཁ་བརྒྱད། སྨེ་བ་དགུ་དང་འབྱུང་བ་ལྔ། གཟའ་དང་རྒྱུ་སྐར་འདྲེ་སྲིན་རིགས། ལོ་ཟླ་ཞག་དུས་ས་བདག་དང་། ནད་ཡམས་ལོ་བདག་གླད་ཀྱི་བདག ཐན་བདག་འབྱུང་པོ་ལ་སོགས་པའི། སྣང་སྲིད་ལྷ་འདྲེ་ཁྱེད་རྣམས་ལ། མཁོ་དགུའི་ལོངས་སྤྱོད་མཐུན་པའི་རྫས། རྨད་བྱུང་བདུད་རྩི་གསེར་སྐྱེམས་ཕུད། བཟའ་བཏུང་དཀོར་ཆ་འདོད་ཡོན་ལྔ། དགྲ་བགེགས་ཤ་ཁྲག་རུས་པ་དང་། ཕོ་གླད་མོ་གླད་ནོར་ཕྱུགས་གླད། མར་མེ་ཆངས་བུ་མཐེབ་སྐྱུ་དང་། ནམ་མཁའ་རྒྱང་བུ་མདའ་དང་འཕང་། ཇ་ཆང་ཞོ་མར་ཤ་ཐུད་དང་། ནས་འབྲས་གྲོ་སྲན་འབྲུ་སྣའི་ཆན། དམར་གྱི་གཏོར་མ་ཁྲག་གི་སྐྱེམས། ཚ་སྒོག་རམ་གཡེར་ལ་ཕུག་དང་། སྦང་རམ་བཙོད་མཚུར་མི་ཁའི་རྫས། གོས་ཕྲུག་དར་རས་མཚོན་ཆ་སོགས། སྲིད་འདིར་གནས་པའི་ལོངས་སྤྱོད་ཚོགས། རང་རང་ཡིད་ལ་ཅི་འདོད་པ། གང་ཡང་མ་ཚང་མེད་པ་འདི། ཏིང་འཛིན་སྔགས་རྒྱས་བྱིན་བརླབས་ནས། ཁྱེད་ཅག་མདོས་བདག་རྣམས་ལ་བསྔོ། བསྔོས་པ་བཞིན་དུ་ཚིམ་གྱུར་ཅིག བཟློག་བསྒྱུར་ཕྲིན་ལས་མཛད་དུ་གསོལ། ཞེས་ཚིག་བཅད་དང་། ཁྱད་པར་དུ། ན་མཿ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས། ཞེས་བདུན་ནམ་ཉེར་གཅིག་གིས་ཚིམ་པར་བསྔོས་ལ། དེ་བཞིན་གཤེགས་པ་རིན་ཆེན་མངག་ལ་ཕྱག་འཚལ་ལོ། སོགས་མཚན་བཞི་བརྗོད། དེ་ལྟར་བསྔོས་པས་འདོད་དོན་སྣ་ཚོགས་ཀྱིས་མཉིས་ནས་བདག་དང་རྒྱུ་སྦྱོར་ཡོན་གྱི་བདག་པོའི་དགྲ་བགེགས་ཐན་ལྟས་ངན་པ་ཐམས་ཅད་བསྒྱུར་ནས་དགྲ་བོའི་ཡུལ་དུ་ཆས་པར་བ སྒོམ་ལ་འདི་སྐད་དོ། ཀྱཻ་སྲིད་གསུམ་ལྷ་འདྲེ་ཚོགས་པའི་བུ། མི་ནག་མགོ་གསུམ་མཐུ་བོ་ཆེ། ཁྱེད་ཀྱི་ཐུགས་དམ་དུས་ལ་བབ། དོ་ནུབ་སྲིད་པའི་བྱོལ་ཟློག་དྲག་པོ་མཛོད། དེ་རིང་བདག་དང་རྒྱུ་སྦྱོར་ཡོན་བདག་ལ། ལྷ་ཡི་བཀའ་ཆད་བབ་པ་བསྒྱུར་དུ་གསོལ། བདུད་ཀྱིས་ཞགས་པས་བཏབ་པ་བསྒྱུརཿ གཤིན་རྗེས་ཁྲམ་ལ་བཏབ་པ༴ རྒྱལ་པོས་སྨྱོ་འབོག་གཏོང་བ༴ སྲིན་པོས་ཟ་ཁ་གཏོང་བ༴ གནོད་སྦྱིན་གདུག་རྩུབ་བྱེད་པ༴ བཙན་གྱི་ཇག་པ་རྒྱུག་པ་བསྒྱུར༴ མ་མོའི་ཁྲག་ནད་གཏོང་བ༴ ཀླུ་ཡི་དུག་རླངས་འགྱེད་པ་བསྒྱུར༴ ཐེའུ་རང་ཚེ་ལ་རྐུ་བ༴ གཟའ་དང་རྒྱུ་སྐར་བྱད་སྟེམས༴ གཉན་ནད་ལྷོག་རྒོད་བྱུང་བ་བསྒྱུར༴ ལྷ་འདྲེའི་ཟ་ཁ་སྟོན་པ༴ བན་བོན་བྱད་ཁ་ཟུག་པ༴ མུ་སྟེགས་ངན་སྔགས་གཏོང་བ༴ མི་མཐུན་རྐྱེན་ཟེར་ལྡང་བ་བསྒྱུར། ལོ་ཀེག་ཟླ་གཤེད་ངན་པ༴ དགུ་མིག་བདུན་ཟུར་ལྡང་བ༴ སྤར་ཁ་བརྒྱད་ཀྱི་དགྲ་གཤེད༴ ཐན་ལྟས་ཆོ་འཕྲུལ་ངན་པ༴ པྲ་ལྟས་རྨི་ལམ་འཁྲུགས་པ༴ ཆགས་ཆེ་ཉམ་ང་ཐམས་ཅད༴ ནད་ཁ་ཡམས་ཁ་ཟུག་པ༴ མི་ཁ་སྨྲ་མཆུ་གླེང་བ༴ དགྲ་སྣ་ཇག་སྣ་ཟུག་པ༴ རྐུན་སྣ་གྱོད་སྣ་ཟུག་པ༴ རྒན་སྲི་གཞོན་སྲི་བབ་པ༴ བྱིས་པའི་ཆུ་སྲི་ལངས་པ༴ གོད་སྲི་གོད་འདྲེ་ལངས་པ༴ ཟ་འདྲེ་ཕུང་སྲིའི་གནོད་པ༴ ནད་རིགས་བཞི་བརྒྱ་རྩ་བཞི༴ བགེགས་རིགས་སྟོང་ཕྲག་བརྒྱད་ཅུ༴ གློ་བུར་བརྒྱད་ཅུ་རྩ་ཅིག༴ ལྟས་ངན་ཉི་ཁྲི་ཆིག་སྟོང་བསྒྱུར་དུ་གསོལ། མདོར་ན་སྔོན་ལས་འཕྲལ་རྐྱེན་ལས་བྱུང་བའི། མི་མཐུན་གནོད་པའི་ཕྱོགས་རྣམས་མ་ལུས་པ། ཐམས་ཅད་བསྒྱུར་ཞིང་ཟློག་པའི་ཕྲིན་ལས་མཛོད། ཀྱཻ ཤ་ཕོ་རུ་འཛིང་དྲི་ཟའི་ཐན། དྲི་ཟའི་ཐན་ལྟས་ངན་པ་དགྲ་ལ་བསྒྱུར། ལོག་བ་རུ་འཛིངས་དམུ་ཡི་ཐན། དམུ་ཡི་ཐན་ལྟས་ངན་པ་དགྲ༴ གླ་ནག་མཆེ་འཛིང་བྲག་ཐེའུའི་ཐན། བྲག་ཐེལ་ཐན་ལྟས་ངན་པ༴ རྟ་ཕོ་རྟིང་བརྒྱུད་གྲུལ་བུམ་ཐན། གྲུལ་བུམ་ཐན་ལྟས་ངན་པ་དགྲ༴ བྱ་ནག་སྡེར་འཛིང་བདུད་ཀྱི༴ བདུད་ཀྱི་ཐན་ལྟས་ངན་པ༴ སྦྲུལ་ནག་མགོ་དགུ་ཀླུ་ཡི་ཐན༴ ཀླུ་ཡི་ཐན་ལྟས་ངན་པ༴ སྦལ་ནག་ལག་བཅུ་ས་བདག༴ ས་བདག་ཐན་ལྟས་ངན་པ་དགྲ་ལ་སྒྱུར། གཞན་ཡང་མི་མིན་ལྷ་འདྲེའི་ཆོ་འཕྲུལ་གྱིས། ཐན་དང་ལྟས་ངན་གང་བྱུང་དགྲ་ལ༴ མདོར་ན་འཇིག་རྟེན་འདི་རུ་མི་སྲིད་པའི། ཆག་ཆེ་ཉམ་ང་བཀྲ་མི་ཤས་པའི་རྟགས༴ ཐམ་ཅད་བསྒྱུར་ཞིང་བཟློག་པའི་ཕྲིན་ལས་མཛོད། ཕོ་བདུད་དལ་ཁ་གཡས་སུ་སྒྱུར། མོ་བདུད་དལ་ཁ་གཡོན་དུ་སྒྱུར། སྤྱི་བདུད་དལ་ཁ་མཁའ༴ ཆུང་བདུད་དལ་ཁ་ཐད༴ བྷྱོ་བྷྱོ་སྡང་བའི་དགྲ་ལ་བྷྱོ། བྷྱོ་བྷྱོ་གནོད་པའི་བགེགས་ལ་བྷྱོ། བྷྱོ་བྷྱོ་བར་ཆད་རྐྱེན་ལ་བྷྱོ། སྒྱུར་ཅིག་ཟློགས་ཤིག་ས་མ་ཡ། བཅོལ་པའི་ཕྲིན་ལས་གྲུབ་པར་མཛོད། ཅེས་བརྗོད་པ་ཙམ་གྱིས། བདག་གི་ཐུགས་ཀའི་འོད་ཀྱིས་བསྐལ་བས་ཁོ་འཁོར་དང་བཅས་པ་ཆེར་ཁྲོས་ཏེ་དགྲ་བགེགས་ལོག་འདྲེན་འབྱུང་པོ་ཐན་བདག་དང་བཅས་པ་ཐམས་ཅད་བཀུག་ནས་ཤ་ཟོས། ཁྲག་འཐུང་། རུས་པ་མུར་ཏེ་ཐལ་རྡུལ་ཕྲན་དུ་བརླག བརྒྱའི་མི་ཁ་སྟོང་གི་བྲ་མཆུ་བྱད་ཕུར་རྦོད་གཏོང་ངན་པ་ཐམས་ཅད་ཕྱིར་བཟློག་ཅིང་སྒྱུར་བའི་ལས་མཛད་པར་བསམ་ལ། སྔགས་འདི་ཅི་མང་བཟླས། བྷྱོཿ དགྲ་བགེགས་མི་ཁ་ཐམས་ཅད་སྒྱུར་ཅིག མི་ཁ་ཧུར་ཐུམ་རྦད་རྦད་དྲིལ་དྲིལ་ཐུམ་ཐུམ་ཤིག་ཤིག་བྷྱོ་བྷྱོ་བཟློག་བཟློག ཅེས་བརྒྱ་སྟོང་སོགས་ཅི་འགྲུབ་བཟླས་མཚམས་སུ་ཤམ་བུ་འདི་སྦྱར། བརྒྱའི་མི་ཁ་སྒྱུར། སྟོང་གི་བྲ་མཆུ་སྒྱུར། ཁ་སྨྲས་གླེང་གཞི་ཐམས་ཅད་སྒྱུར་ཅིག ལོ་ཀེག་ཟླ་གཤེད་ངན་པ་དང་དགྲ་སྣ་གདོན་སྣ་ཟུག་པ་ཐམས་ཅད་སྒྱུར་ཅིག མི་ནད་ཕྱུགས་ནད་ལ་སོགས་ནད་སྣ་རིམས་སྣ་ཟུག་པ་ཐམས་ཅད་སྒྱུར་ཅིག བྱད་ཁ་ཕུར་ཁ་གཏད་ཁ་ཁྲམ་ཁ་ཟུག་པ་ཐམས་ཅད༴ ཐན་ལྟས་ལ་ཉེ་ཆོ་འཕྲུལ་ངན་པ་དང་བཀྲ་མི་ཤིས་པ་ཐམས་ཅད་སྒྱུར་ཅིག ཟློགས་ཤིག་བྷྱོ་བྷྱོ་བཟློག་བཟློག་བྷྱོ་བཟློག་ཅིག ཅེས་སྔགས་གོང་མ་ལ་བཏགས་ལ་མང་དུ་བཟླ། ཐ་ནའང་ཚར་དགུ་ངེས་པར་ཀློག་དགོས་སོ། དེ་ནས་ལམ་སྟོན་ནི། ཁ་ཕྱིར་བསྐོར་ལ་ཏིང་ལམ་སྒྲོན་ཞིང་། ཀྱཻ་འདྲེ་སྲིན་སྡེ་བརྒྱད་ཀུན་གྱི་སྲས། མི་ནག་མགོ་གསུམ་འཇིགས་པའི་གཟུགས། ཁྲོ་གཏུམ་དྲག་རྩལ་གདུག་རྩུབ་ཅན། ཁ་གདངས་མིག་བགྲད་མཆེ་བ་གཙིགས། རྐང་ལག་ལྕགས་སྡེར་ཕྱོགས་བཅུར་བགྲད། བ་སྤུ་མཚོན་ཆར་ཟངས་སེ་ཟང་༴ གཡས་པས་སྟྭ་རེ་གནམ་དུ་འཕྱར། གཡོན་པས་ལྕགས་ཀྱུ་སྦྲུལ་ཞགས་བསྣམས། དགྲ་དང་བགེགས་ལ་ཤིན་ཏུ་ཁྲོས། སྲིད་གསུམ་འབྱུང་པོའི་འཁོར་གྱིས་བསྐོར། ཀུན་ཀྱང་ཁྲོ་གཏུམ་ཡ་ལ་ལ། ཁྱེད་ཅག་མ་ལུས་ཐམས་ཅད་ཀྱིས། རྗོངས་ཡས་མཆོད་སྦྱིན་ཀུན་བཞེས་ལ། ད་ནི་འགྲོ་བའི་དུས་ལ་བབ། ཁྱོད་ཀྱི་ལམ་སྟོན་དགྲ་ལ་སྟོན། སྡང་བའི་དགྲ་བོའི་ཡུལ་དུ་སོང་། མགོ་གསུམ་བདུད་ལ་གསིག་གིན་སོང་། ལག་པས་དགྲ་ལ་རྙབ་ཀྱིན་སོང་། གཡས་ཕྱོགས་སྟག་མགོས་དགྲ་ཤ་ཟོ། གཡོན་ཕྱོགས་ཕག་མགོས་དགྲ་ཁྲག་འཐུང་། དབུས་ཕྱོགས་གླང་མགོས་དགྲ་བོ་རྡུངས། སྟྭ་རེས་དགྲ་བོའི་མགོ་ལུས་ཕྲོལ། ལྕགས་ཀྱུས་དགྲ་སྙིང་ཐང་དུ་ཕྱུངས། ཞགས་པས་དགྲ་བོའི་ཡན་ལག་ཆིངས། ཕྱོགས་བཞི་མཚམས་བརྒྱད་སྟེང་འོག་བཅུའི། སྣང་སྲིད་ལྷ་འདྲེ་ཁྲིད་ལ་སོང་། ལོ་བདུད་བཅུ་གཉིས་ཁྲིད་ལ་སོང་། ཕོ་སྲི་མོ་སྲི་ཁྲིད་ལ་སོང་། ལྟས་ངན་ཐམས་ཅད་ཁྲིད་ལ་སོང་། ཀག་དང་མཚེར་རྩུབ་སྒྱུར་གྱིན་སོང་། ཤགས་ཤགས་སྣ་ཁྲིད་ཀྱིས་ལ་སོང་། གླེ་ན་རྒྱབ་ནས་དེ་དལ་སོང་། མི་ཁ་བྲ་མཆུ་ཁྲིད་ལ་སོང་། ནད་ཀྱི་རྐྱལ་པ་ཁུར་ལ་སོང་། མཚོན་གྱི་དྲུ་གུ་ལྡོག་ལ་སོང་། ལམ་ཆེན་སུམ་མདོ་ཁྱོད་ཀྱི་ལམ། སུ་དང་འཕྲད་ཚད་འགྲོགས་ལ་སོང་། དགུ་ཚིག་སྐྱ་མོ་ཁྱོད་ཀྱི་ལམ། ཡ་བདུད་ཐམས་ཅད་སྒྱུར་གྱིན་སོང་། གཙང་པོ་གཞུང་རིང་ཁྱེད་ཀྱི་ལམ། མ་བདུད་ཐམས་ཅད་བསྒྱུར་ཤིན་སོང་། སྟོང་ལམ་ཁྲི་ཤོང་ཁྱོད་ཀྱི་ལམ། མ ཚེར་རྩུབ་ཐམས་ཅད་སྒྱུར་གྱིན་སོང་། བདག་ཅག་རྣལ་འབྱོར་འཁོར་བཅས་ཀྱི། སྐ་ཡི་གླད་དུ་བཞུད་ལ་སོང་། བདུད་བཙན་འདྲེ་སྲིན་ཚོགས་རྣམས་ཀྱི། ཁ་ཁོག་ངོ་ལོངས་གདུག་རྩུབ་སྒྱུར། ཕྱིན་ཆད་གནས་འདིར་མ་འཁོར་བར། དགྲ་བོའི་ཡུལ་དུ་དམག་སྒར་ཐོབ། དགྲ་ཁམས་མ་ལུས་སྟོངས་སུ་ཆུག ང་ཡི་བཀའ་ལས་མ་འདའ་བར། ད་ལྟ་ཉིད་དུ་འགྲོ་བར་གྱིས། མི་འགྲོ་འདུག་ན་བརླག་པར་བྱེད། དེ་བས་མྱུར་དུ་ཕྱིར་དེངས་ཤིག གནོད་བྱེད་འབྱུང་པོ་སརྦ་ཨུ་ཙ་ཏ་ཡ་ཕཊཿ བྷྱོཿ དགྲ་བགེགས་མི་ཁ་ཐམས་ཅད་སྒྱུར་ཅིགཿ མི་ཁ་ཧུར་ཐུམས་རྦད་རྦད་དྲིལ་དྲིལ་ཐུམ་ཐུམ་ཤིག་ཤིག་བྷྱོ་བྷྱོ་བཟློག་བཟློག ཅེས་དང་། ཡི་དམ་བ རྒྱ་གྱི་དྲག་སྔགས་ཀྱིས་ཐུན་བྲབ་རོལ་མོ་དྲག་ཏུ་འཁྲོལ་ལ། སྐྱེལ་མས་ཕྱི་མིག་མི་ལྟ་བར་གནས་ཁང་མི་མཐོང་བའི་སར་བསྐྱལ་རྗེས་སྲུང་འཁོར་བསྒོམ།