རྡོ་གྲུབ་ཆེན་ཀུན་བཟང་གཞན་ཕན་གྱི་གསུང་འབུམ།

གླེགས་བམ། བརྒྱད་པ༽

རྡོ་གྲུབ་ཆེན་ཀུན་བཟང་གཞན་ཕན།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

བློ་སྦྱོང་མ་ལིའི་ཕྲེང་བ་སེམས་ལ་རྟོགས་དཔྱོད་སྣ་ཚོགས་གསལ་བའི་མེ་ལོང་བཞུངས་པ།

༄༅། །བློ་སྦྱོང་མ་ལིའི་ཕྲེང་བ་སེམས་ལ་རྟོགས་དཔྱོད་སྣ་ཚོགས་གསལ་བའི་མེ་ལོང་བཞུངས་པ་ལེགས་སོ། །

དུས་གསུམ་སངས་རྒྱས་བླ་མ་དམ་པའི་ཆོས། །འཕང་པའི་དགེ་འདུན་སྐྱབས་གྱུར་ཐམས་ཅད་ལ། །བདག་གིས་གཙོར་བྱས་མ་རྒན་འགྲོ་བ་རྣམས། །བྱང་ཆུབ་སྙིང་པོའི་བར་དུ་སྐྱབས་སུ་མཆིའོ། །བློ་གྲོས་རབ་ལྡན་དཔལ་ལྡན་སྐྱེས་བུ་ལ། །བློ་ངན་བདག་གིས་ཚིག་གཅིག་ཞུ་བ་སྤོབ། །བློ་ངན་དམན་པའི་བདག་དང་བདག་འདྲ་ལ་བློ་ལ་འཛིན་པའི་ཁ་ཏ་ཚིག་གསུམ་བཤད། །བློ་ཕུགས་གཏན་ནས་མི་བསླུ་དཀོན་མཆོག་ཡིན། །བློ་ཆོས་སོང་པའི་མི་རྣམས་ཐམས་ཅད་ཀུན། །བློ་ཆོས་དེ་བས་ལྷག་པ་གཞན་ན་མེད། །བློ་རབས་ཕྱི་མར་མཁོ་བ་དམ་པའི་ཆོས། །བློ་འབྲིང་ཚེ་འདིར་མཁོ་པ་བུ་ནོར་ཟས། །བློ་མཐའ་འདི་ཕྱི་གཉིས་སྡུག་ཕྱོ་རྒྱུ་ཁྲམ། །བློ་ཡུག་ཆོས་ལ་གཏད་ན་ཕོ་རབས་ཡིན། །བློ་ཕུག་རྒྱུ་ལ་གཏད་ན་ཕོ་འབྲིང་ཡིན། །བློ་ཕུག་རྐུས་ལ་གཏད་ན་ཕོ་མཐའ་ཡིན། །དཀོན་མཆོག་སྤྱི་བོར་ཁུར་བའི་མི་དང་གཅིག །ལས་དང་རྒྱུ་འབྲས་རྩི་བའི་མི་དང་གཉིས། །མི་ཚེ་ཆོས་ལ་བསྐྱལ་བའི་མི་དང་གསུམ། །གཏན་བདེ་ཕྱི་མར་སྐྱིད་པའི་མི་གསུམ་ཡིན། །འབྲི་ཀློག་ཡོན་ཏན་ཤེས་པའི་མི་དང་གཅིག །དཔའ་འཛངས་མཁས་གསུམ་འཛོམ་པའི་མིདང་གཉིས། །བཙན་ཕྱུགས་འཕན་གསུམ་འཛོ་པའི་མི་དང་གསུམ། །ཚེ་འདིར་མི་ཡི་སྨོན་པའི་མི་གསུམ་ཡིན། །བཙན་པོ་ཁེ་ཏྲག་ཅན་གྱི་བུ་དང་གཅིག །ཕྱུག་པོ་ཕན་ཐོག་ཅན་གྱི་བུ་དང་གཉིས། །སྨན་པ་སྲོག་སྐྱོབས་བྱེད་པའི་བུ་དང་གསུམ། །ཀུན་ལ་ངོ་ཐང་ཆེ་བའི་མི་གསུམ་ཡིན། །ཕ་མར་དྲིན་ལན་ཤེས་པའི་མི་དང་གཅིག །འཁོར་ལ་ཉེ་རང་མེད་པའི་ཡི་དང་གཉིས། །འགྲོགས་ན་ཕན་ཐོག་ཆེ་བའི་མི་དང་གསུམ། །འདི་གསུམ་བསམ་པ་ཅན་གྱི་མི་གསུམ་ཡིན། །རྣ་རྒྱུས་གཞུང་གསུམ་ཡོད་པའི་མི་དང་གཅིག །མནའ་གཏམ་ཁྲོལ་གསུམ་ཡོད་པའི་མི་དང་གཉིས། །ཕྱོ་རྒྱུ་ངན་སྲིག་མེད་པའི་མི་དང་གསུམ། །འདི་གསུམ་བློ་གཏད་ཐུབ་པའི་མི་གསུམ་ཡིན། །སྡེ་ཆེན་ཁྲིམས་ཁ་ཚ་བའི་དཔོན་དང་གཅིག །ལྷ་སྲིན་བྲན་ཁོལ་བན་བོན་གཉོན་གཉིས། །དཔལ་སྐྱོན་འཇབ་མཁས་ཁྲམ་པ་གཡོ་ཅན་གསུམ། །འདི་གསུམ་མི་རྩི་ཁ་མེད་མི་གསུམ་ཡིན། །ལེ་ལོ་ཡ་ནོ་ལྐོག་མེད་པའི་མི་དང་གཅིག །གསར་མཐོང་རྙིང་བརྗོད་མེད་པའི་མི་དང་གཉིས། །བློ་དྲག་སྤྱོད་བཟག་འཁྲོ་མེད་སེམས་དཀར་གསུམ། །འདི་གསུམ་འགྲོགས་ཡུན་རང་བའི་མི་གསུམ་ཡིན། །རྩེད་གཤོག་དགོངས་རྩོད་པའི་མི་དང་གཅིག །ངག་སྙན་གླ་དབྱང་ལེན་པའི་མི་དང་གཉིས། །ལུས་སེམས་བྱ་སྤྱོད་ཡག་པའི་མི་དང་གསུམ། །འདི་གསུམ་འགྲོགས་ན་འདོད་པའི་མི་གསུམ་ཡིན། །ཟུང་ཟོག་ཞིབ་ཚག་ཡོད་པའི་མི་དང་གཅིག །ཟོག་རྩེ་ཞེ་སྡུག་འགྲོ་འདྲིས་ཆེ་མི་གཉིས། །ཉིན་མཚན་དུས་རྣམས་རིམ་པོ་རྒོད་པོ་གསུམ། །འདི་གསུམ་ཕྱུག་པོར་འགྲོ་བའི་མི་གསུམ་ཡིན། །ཤ་ཆང་རྐུ་རྷམ་དགའ་བའི་མི་དང་གཅིག །མདོ་ཆུང་འཕྱོག་དགའ་རང་བརླག་མི་དང་གཉིས། །འགྲོ་དགའ་ཟསལ་དགའ་བའི་མི་དང་གསུམ། །འདི་གསུམ་དབུལ་པོར་འགྲོ་བའི་མི་གསུམ་ཡིན། །རྣ་རྒྱུས་གཞུང་གསུམ་ཡོད་པའི་མི་དང་གཅིག །མནའ་གཏམ་ཁྲོལ་གསུམ་མེད་པའི་མི་དང་གཉིས། །གཡོ་རྒྱུ་ངན་སྡིག་ཆེ་བའི་མི་དང་གསུ། །འགྲོགས་ན་ཁེ་ཉེན་མང་པའི་མི་གསུམ་ཡིན། །བཙན་པོའི་ནོམ་ངན་ཐག་རིང་མི་དག་གཅིག །དམ་ཚིག་ཆོས་འབྲེལ་ཆེ་བའི་མི་དང་གཉིས། །དཔོན་པོ་རྒྱུས་མེད་ཁྲམ་པ་གཞུང་མེད་གསུམ། །འདི་གསུམ་ནོམ་མི་རྟེབ་པའི་མི་གསུམ་ཡིན། །མངོན་ལྐོག་ལེ་ལོ་ཆེ་བའི་མི་དང་གཅིག །བྱར་མཐོང་རྙེད་བརྗེད་ཆེ་བའི་མི་དང་གཉིས། །བློ་ངན་སྤྲོ་ཐུང་བསམ་ངན་སྤྱོད་ངན་གསུམ། །འགྲོགས་ན་འགྲོགས་ཡུན་ཐུང་བའི་མི་གསུམ་ཡིན། །འདི་ཕྱི་གཉིས་ཕན་ཁྲིམས་ལྡན་བླ་མ་དང་། །འཁོར་སྐྱོང་དགྲ་འདུལ་ཁྲིམས་དྲང་དཔོན་པོ་གཉིས། །མཁན་སློབ་ནད་གསོས་སེམས་དཀར་སྨན་པ་གསུམ། །འདི་གསུམ་ཀུན་ལ་མཁོ་བའི་ཡིད་གསུམ་ཡིན། །ཁྲོ་གཏམ་གདུག་སེམས་ཆེ་བའི་དཔོན་དང་གཅིག །མི་མགུ་མཁོན་དུ་རྐྱེན་པའི་གཉེན་དང་གཉིས། །དམན་སྡང་ཆེ་བའི་ཕུ་ནི་གོང་སྐྱེས་གསུམ། །འདི་གསུམ་རང་འཚོ་བྱེད་པའི་མི་གསུམ་ཡིན། །ཁ་ཏ་མི་ལེན་བདུང་མ་བསམ་མེད་དང་། །སྐྱིད་ལ་མི་འགྲོགས་བུའི་ཕྲུག་སྤྱོད་ངན་དང་། །ཤ་མི་ཚ་བའི་གཡོག་འཁོར་འཁྲེལ་མེད་གསུམ། །འདི་གསུམ་ཁོང་སེམས་དཀྲུག་པའི་མི་གསུམ་ཡིན། །མཐོ་མཐོང་རིུ་རྩེ་ཉུལ་བའི་རྔོན་ཇག་དང་། །དམའ་དམའི་པ་མཐའ་སྐོར་བའི་རྐུན་མ་གཉིས། །བན་བཙུན་སྡོམ་ཉམས་ཁྱིམ་ཐབ་བབས་པ་གསུམ། །སྡུག་བསྔལ་རང་གི་ཉོས་པའི་མི་གསུམ་ཡིན། །དཀོན་མཆོག་རྒྱབ་ཏུ་བོར་བའི་དྲེད་པོ་དང་། །དྲིན་ཆེན་ཁྱད་དུ་གསོད་པའི་ཟོག་པོ་གཉིས། །ལས་དང་རྒྱུ་འབྲས་མེད་པའི་སྐལ་ཆད་གསུམ། །འདི་གསུམ་དམྱལ་བར་འགྲོ་བའི་མི་གསུམ་ཡིན། །ཁོ་ཚོང་འགྲོ་ལ་དགའ་བའི་མི་དང་གཅིག །ཚིག་སྟེང་གཅིག་གི་མི་འདུག་བློ་མང་གཉིས། །བུད་མེད་ཀུན་ལ་འདོད་སྲེད་ཆེ་དང་གསུམ། །བཟང་ངན་ཅི་འགྱུར་མི་ཤེས་མི་གསུམ་ཡིན། །མཁས་པ་ཧ་ཅིང་ང་རྒྱལ་ཆེ་དང་གཅིག །བཙོན་ཧ་ཅིང་སྲིད་སྡེ་དཀྲུག་པ་གཉིས། །རྒྱལ་པོ་ཧ་ཅིང་ཁྲིམས་ཁ་ཚ་བ་གསུམ། །འདུག་པ་མི་བརྟན་པ་ཡིས་མི་གསུམ་ཡིན། །རྒྱལ་ཁྲིམས་བཙན་པོ་དཀྲུག་པའི་མི་དང་གཅིག །ཉན་པོ་མཁས་པའི་ཟས་བོར་རྐུ་མི་གཉིས། །གཉན་པར་ས་རྡོ་རྩི་ཤིང་གཅོད་མི་གསུམ། །རང་སྲོག་རང་གི་གཅོད་པའི་མི་གསུམ་ཡིན། །དཔོན་པོས་མི་མངོན་ལྐོག་ཟས་ཟ་དང་གཅིག །རང་བསླུ་རང་རྐུས་རང་བརྟམ་བྱེད་མི་གཉིས། །དྲིན་ཆེན་ཕ་མ་དབྱུག་བརྡུང་བྱེད་མི་གསུམ། །འདི་གསུམ་རང་མཚང་མི་ཤེས་མི་གསུམ་ཡིན། །བཙན་པོ་གྱོད་ལ་དགའ་བའི་མི་དང་གཅིག །ཕྱུག་པོ་ང་རྒྱལ་ཅན་གྱི་མི་དང་གཉིས། །གླེན་ནས་ཨུ་ཚུགས་ཅན་གྱི་མི་དང་གསུམ། །ཀུན་ལ་མི་མཐུན་པ་ཡི་མི་གསུམ་རེད། །བློ་གྲོས་རབ་དང་ལྡན་པའི་ཞིབ་མོར་དཔྱོད། །དམ་པའི་ཚུལ་དུ་ལབ་པའི་དགེ་བ་འདིས། །ཕྱི་རབ་འགྲོ་རྣམས་བདེ་སྐྱིད་ལྡན་པར་ཤོག །༈ །མཚན་ལྡན་བླ་མའི་བྱིན་རླབས་འཇུག་འདོད་ན། ཁ་ཞེ་མངོན་ལྐོག་མེད་པར་མོས་གུས་འཚལ། བྱ་བ་ཅི་བྱེད་སྐྱོན་དུ་མཐོང་མཁན་རྣམས། །ལོག་ལྟ་སྒྲོས་བསྐུར་མ་འདེབ་སྙིང་གཏམ་ཡིན། །མདོར་ན་རྒྱལ་བའི་བསྟན་པའི་སྒོར་ཞུགས་ནས། །ཐོས་བསམ་བསྒོམ་གསུམ་སྒྲུབ་པ་གང་རུང་འཙལ། །ཚེ་འདིས་ཁོ་ན་དོན་དུ་མ་གཉེར་བར། །ཕྱི་མར་བསམ་ལོ་ཐུང་ཅིག་སྙིང་གཏམ་ཡིན། །མཐོ་དམན་བར་གསུམ་པུ་དང་འགྲོགས་ན་ཡང་། །ལོགས་ཉེས་གང་ཡིན་ཕྱི་ཐག་བསྲིང་བར་འཚལ། །མཐོ་མཐོ་ཀུན་དང་མཇལ་བའི་གྲོགས་པོ་རྣམས། །དགོས་པའི་དུས་སུ་མ་བསླུ་སྙིང་གཏམ་ཡིན། །སྙིང་གཏམ་སྙིང་དང་འདྲ་བ་ཡིད་ལ་ཞོག །སྙིང་འདི་ཕྱིར་ཕྱུང་བསྟན་ན་ཤ་ཞིག་ཡིན། །སྙིང་གཏམ་དེ་བས་ལྷག་གོ་སློབ་བུ་རྣམས། །དཀོན་མཆོག་སྐྱབས་སུ་སོང་ན་ཅི་བསམ་འགྲུབ། །བློ་སྤྱི་བོར་བསྒོམ་ན་བྱིན་རླབས་འཇུག །ཆོས་སྐྱོངས་སྲུང་མ་མཆོད་ན་བར་ཆད་སེལ། །ཡུལ་ལྷ་གཞི་བདག་བརྔན་ན་མཐུན་རྐྱེན་འགྲུབ། །འགོ་བའི་ལྷ་ལྔ་གསོལ་ན་སྡོང་གྲོགས་མཛོད། །ནོར་ལྷ་གཡང་ལྷ་གསོལ་ན་ཕྱ་གཡང་འདུད། །རྗེ་དཔོན་སྙིང་ནས་བརྟེན་ན་ཁ་འཛིན་ཆེ། །ཕ་མ་སྤྱི་བོར་བཀུར་ན་ཀུན་གྱི་སྨོན། །མི་མང་གཉེན་དུ་ཀུགས་ན་སྨོན། །མི་མང་གཉེན་དུ་ཀུགས་ན་རང་དཔུང་བརྗིད། །སྟོབས་ཆེན་མི་དང་འགྲོགས་ན་དོན་ཀུན་འགྲུབ། །ཕྱུག་པོའི་གཉན་དང་འབྲེལ་ན་ལོག་སྤྱོད་ཐོབ། །བློ་ཕུག་རྒན་ལ་དྲིས་ན་བློ་མི་རྡལ། །དོན་མཐུན་ཀུན་ལ་དྲིས་ན་འགྱོད་མི་འབྱུང་། །ལས་ལ་རྟོག་དཔྱོད་མཁས་ན་བླང་དོར་ཤེས། །སེམས་ལ་ཕྲག་དོག་མེད་ན་རང་སེམས་བདེ། །བཟང་ངན་སེམས་ལ་བཟུང་ན་རྗེས་པོར་དགོས། །ནོར་ལ་འཚོའི་སྐྱོང་མཁས་ན་ཕྱུག་པོར་འོང་། །ཟས་ནོར་ལོག་སྤྱོད་འཛོམས་ན་ཀུན་གྱི་རྩི། །གཡོ་རྒྱུ་ཁྱམ་གསུམ་མེད་ན་ཀུན་དང་མཐུན། །ཚིག་ལ་ཤོང་ཡང་ཆེ་ན་ཁ་མཆུ་ཉུང་། གཟའ་ཚང་རྩེ་རྒོད་ཆེ་ན་སྐྱིད་གྲོགས་ཡིན། རྒྱལ་པོ་ཆོག་ཤེས་མེད་ན་རྒྱལ་ཁག་འཁྲུགས། །བློན་པོའི་ཞལ་ལྕེ་འཁྱོག་ན་རྒྱལ་ཁབ་འཇིག །བཙུན་པས་ཁེ་ཚོང་བྱས་ན་སྡོམ་པ་ཉམས། །རྗེ་དཔོན་ཁ་བཙན་ཆེ་ན་གཡོག་འཁོར་དགོན། །སྐྱེས་པ་འགྲོ་འདུག་མང་ན་གྱོད་ལ་ཐུགས། །ཆུང་མ་ཁ་ལྕེ་རྒད་ན་ཀུན་གྱི་ཕྱ། །བུ་མོས་འགོ་ཡང་བྱས་ན་མི་ཁ་ཕོག །བུ་ཆུང་ཁྱམ་གཅེས་ཆེ་ན་པད་ཀྱི་ཁྱེར། །བུ་མོ་གོ་ཁས་རྒས་ན་ཕ་མར་སྡང་། །རྒད་པོས་ཁྱིམ་གསར་བཟུང་ན་ཆུང་མས་འདོར། །སྡར་མས་དཔའ་སྐད་བྱས་ན་གྲོགས་ཀྱིས་འཕྱོ། །ཁས་དམན་རྒྱུ་ནོར་ཆེ་ན་དགྲ་ལ་འཆོར། །རབས་ཆད་ལོངས་སྤྱོད་ཆེ་ན་དཔོན་གྱི་ཐོབ། །ཉམས་ཆུང་མཐོ་ལྟས་ཆེ་ན་ཀུན་གྱི་སྨོད། །རྩལ་ཆུང་རྟ་ལ་བརྒྱུག་ན་རང་མགོ་ཆག །མཁས་པ་ང་རྒྱལ་ཆེ་ན་བདུད་ཀྱི་བསྲུ། །ཕྱུག་པོ་སེར་སྣ་ཆེ་ན་རང་མཆིང་ཆུང་བཅིང་། །མེད་པོ་ཟ་ལྟོས་རྒོད་ན་ཟ་ཡུན་ཐུང་། །བསོད་ཆུང་ཅུང་ཟད་འབྱོར་ན་ཁ་ཕོ་ཆེ། ༑ །ངན་པ་ཟས་ཀྱི་འགྲངས་ན་ཆེ་སྐད་འདོན། །མ་རབ་མཐོ་པར་བཞག་ན་ཀུན་ལ་ལྡང་། །སྤྲང་པོ་རྩེས་རྒོད་ཆེ་ན་གྲལ་མགོ་སྙོག །ཕ་མ་འཁང་དུ་མ་བཅུག་མི་ཁ་འདུད། །བྲན་གཡོག་ཆེ་པར་བཞག་ན་རྗེ་ལ་རྡོ། །མ་རབ་སྣག་བ་མཐོ་ན་དཔོན་ལ་རྩེ། །འཇིགས་པར་གནས་གཞི་མ་འཛིན་འཇིག་སྐྲག་འོང་། །བན་བོན་དགྲ་བརྣེས་ལ་བྱེད་བྱད་ཁ་སྡང་། །པ་གཉན་སྐོ་ཀློག་བྱེད་ཀླུ་གཉན་ལྡང་། །ཡུལ་ལྷ་གཞི་བདག་མ་དཀྲུག་ཐོག་པར་འབེབས། །དྲན་ཚད་ཁ་རུ་མ་འདོན་ཁ་མཆུ་འོང་། །དོན་མེད་འགྲོ་འདུག་མ་མ་གཡང་བའི་རྒྱུ། །ཕན་མེད་ཡོན་ཏན་སྣ་མ་བསྡུད་ཟས་ཚག་ཀྱང་། །ངན་དོན་བརྙོག་རྒྱུ་མ་འཇུག་ལོག་རྒྱུ་ངན། །སེམས་ལ་རྣམ་རྡོག་མ་ཆེ་གདོན་སྣ་རྒོད། །ཕན་ཚུན་དགྲ་རུ་མ་འཛིན་གཉེན་དུ་ཁུག །ཁྱིམ་ཚེས་མཛའ་མཐུན་མ་འབོར་གཡར་སྦྱིན་བྱོས། །མཐོ་ལ་ངལ་སྲེགས་མ་བྱེད་དམན་པར་ལྟུང་། །ཅི་གཏམ་བདེན་པར་མ་འཛིན་སྤང་བླང་ཀྱིས། །མཐུན་ཡང་སྙིང་གཏམ་མ་བྱེད་ནམ་ཁིག་མཁོན། །མཁོན་ཡང་སྐྱོན་བརྗོད་མ་བྱེད་སྣ་ཞིག་མཐུན། །དཔེ་ངན་གཞན་ལ་མ་སྟོན་རང་ལ་འཁོར། །ཟས་ལ་ཁ་ཆེ་མ་གཏམ་ལ་མགོ་འབྱུང་། །ནོར་ལ་རྟག་བརྡུང་མ་བྱེད་གཡང་ལྟ་ཉམས། །སྔར་བྱས་ལས་ལ་མ་འགྱོད་ཕྱིན་ཆད་སྡོམ། །ཟས་ནོར་མི་ལ་མ་འཆོར་རང་གི་ཟུང་། །གོས་བཟང་ཁྱིམ་དུ་མ་གཟད་ཁྲོམ་དུ་གྱོན། །སྐྱིད་དུས་སྐྱིད་ངོམ་མ་བྱེད་ངེས་རྟག་མེད། །སྡུག་དུས་སྡུག་ཡུས་མཆེ་ངས་རྟག་མེད། །དམན་ལ་བརྙེས་བཅསོ་མ་བྱེད་དར་རྒུད་འབྱུང་། །ཕན་ཐོག་གཞུང་བཟང་ཕྱི་ཐག་ཅན་དང་འགྲོགས། །དྲིན་ཆེན་གང་ཡིན་དེ་ཡིས་ཅི་གསུང་བསྒྲུབ། །མཛའ་དགའ་མགྲོན་སྐྱིད་བཟང་མོ་ཆུང་མར་ཉོས། །བྱ་བ་ཐམས་ཅད་ཡུལ་གྱི་དུས་སྐབ་བསྟུན། །མི་རྒྱུས་མ་ལོན་བར་དུ་བློ་མ་གཏད། །བློ་གཏད་དྲང་པོའི་མི་ཡི་ལ་དྲང་གཏམ་གྱི། །གོ་ཚོད་རྟོག་པའི་མི་ལ་དྲང་པོར་སྨྲས། །ལས་རྣམས་ཅི་བྱེད་གཟའ་སྐར་བཟང་ལ་གཏོད། །ཁ་འཇམ་ཁོག་ནག་མི་ལ་བློ་མ་འདྲི། །བྲན་གཡོག་རྫུན་ཚིག་ཅན་གྱི་གཏམ་མ་མཉན། །ཁྲེ་ལྡན་སྙིང་གི་གྲོགས་ལ་འཕྲིག་མ་སྟོན། །མི་ཐུབ་ཆུ་དང་དགྲ་ལ་ཕོད་མ་བཙུག །ཕར་སོང་མེད་པའི་མི་ལ་རེ་ལ་ཆེ། །ཁྲོམ་ཆེན་ནང་དུ་བྱང་བའི་ཚིག་ལ་སྨྲ། །བུད་མེད་འཚོགས་པར་འཆལ་བའི་གཏམ་མ་སྨྲ། །ལྷ་འདྲ་རྒོད་པར་གཉིད་དང་མཚན་མ་འགྲོ། ངོ་ནག་ཁོང་དུག་ཅན་གྱི་རྩར་མ་འདུག །མ་རབ་སྤྱོད་ངན་ཅན་དང་འདྲེ་བ་ཆེ། །མི་ཐུབ་པལ་དགའ་བའི་ལས་མ་བཅོལ། །མི་ཤེས་པ་ལ་སྙིང་གི་གཏམ་མ་འདྲི། །མི་ཉན་པ་ལ་ཚིག་དང་གྲོས་མ་བྱེད། །མི་རྩི་བ་ལ་དགྱེས་དང་འཛུམ་ལ་སྟོན། །ལས་ངན་སྡིག་པོ་ཆེ་ལ་ཡིད་མ་སྨོན། །གཞན་གྱི་རྒྱུ་དང་ཟས་ལ་རྔམ་མ་ཆེ། །མི་ཁ་ཕོག་པའི་མི་ལ་མཐུན་མ་འདོག །སྤྲོ་ཐུང་གྱོད་མཁོན་ཅན་དང་ཁྱིམ་མ་མཚེས། །མཁོན་དང་ཁ་མཆུ་འོག་བའི་ནོར་ལ་ཉོ། །དུག་དང་མནོལ་རྩོག་ཅན་གྱི་ཟས་མ་ཟ། །རྩོག་དང་མི་ཁ་འོག་བའི་ནད་ལ་འཛེམ། །དཀོན་མཆོག་གཏན་ཏུ་འདོར་བའི་མནའ་ལ་སྐྱེལ། །ཉེ་དུས་དོན་དུསྡིག་པའི་ལས་མ་བསོགས། །ཇག་རྐུན་ནག་པོའི་ཕྱོགས་བློམ་གཏད། །སྐྱབས་ཚོལ་བློ་གཏད་བྱེད་པའི་མི་མ་བསླུ། །འཕྲལ་བདེ་ཙམ་ལ་ཕུག་གི་སྐྱིད་མ་བཙོང་། །གཞན་སྐྱོན་མ་འཚོལ་རང་གི་སྐྱོན་ལ་རྟོག །རང་བསྟོད་གཞན་སྨད་མ་བྱེད་གོབར་གྱིས། ༈ །ཀྱཻ་ཧོ་ཕྱི་མའི་རྣམ་སྨིན་མི་དྲན་བན་རྒོད་རྣམས། །རྣམ་ཤེས་དམ་པའི་ཆོས་ལ་མི་ཁུག་དུས། །སྟན་ཐོག་ཚེར་མ་ཟུག་པའི་ལང་འདུག་ལ། །བཟླས་བརྗོད་སྔགས་ལ་ནུས་པ་མི་འབྱིན་རྒྱུས། །ངག་སྒྲིབ་ལོངས་གཏམ་མ་མང་སྙིང་གཏམ་ཡིན། །བསྐྱེད་རིམ་སྣང་སྟོང་ལྷ་སྐུ་མི་གསལ་དུས། །རིག་པའི་གཟིང་བསྟོད་སྐད་ཅིག་དྲ་རྫོགས་སྒོམ། དབང་པོ་རྣམས་ནི་དམག་དང་ཆོམ་རྐུན་འདྲ། །གཡང་བའི་ལམ་ལ་མ་འཁྲུལ་སྙིང་གཏམ་ཡིན། །ཐམས་ཅད་རྟག་པ་མེད་དོ་སྙིང་གི་བུ། །གཟའ་ཚང་མི་རྟག་ཚོང་དུས་མགྲོན་པོ་འདྲ། །སྐྱིད་འདོད་མི་རྟག་ཕ་སྐྱིད་བུ་མོ་འདྲ། །ཕྱུག་པོ་མི་རྟག་ལ་ཁ་ན་བུན་འདྲ། །ནོར་རྫས་མི་རྟག་རྩ་ཁའི་ཟིལ་བ་འདྲ། །ད་རེས་གནས་སྐབས་སྐད་ཅིག་ཙམ་འདི་ལ། ཚེ་ཕྱི་མའི་འགྲོ་གྲྭབ་བྱེད་རེ་རན། །དལ་འབྱོར་ཐོབ་པའི་དོན་དགོས་ལ། །རང་རེལ་མི་འཁྱོད་པར་ཞིག་དགོས། །སྡུག་བསྔལ་རང་གི་མ་གོ་བློ་རག་སོང་། །དོན་མེད་ཚེ་འདིས་བྱ་བ་བསྒྲུ་བསྒྲུབ་ནས། །འཆི་ཁར་ཆོས་མེད་གྲྭ་པ་བནྡྷེ་སྡུག །ལས་ལ་གླ་མེད་བན་རྒན་རྫི་བོ་སྡུག །ཚག་ལ་ངོ་མེད་ཆོས་སྟེར་གྲྭ་པ་སྡུག །སྡིག་ལ་གླ་མེད་རྔོན་པ་ངོ་ནག་སྡུག །སྐྱིད་སྡུག་དགོས་ཁུར་ཁྱིམ་གྱི་གཟའ་དཔོན་སྡུག །མི་ཁ་ཕྱིར་བསྡུད་ཡུལ་སྟེའི་དཔོན་པོ་སྡུག །ཕན་ལ་གནོད་སྐྱེས་ཉེ་འཁོར་ཁྲེལ་མེད་སྡུག །དྲིན་ལ་ངོ་མེད་བུ་ཕྲུག་ཕ་མ་ལ་སྡུག །འབད་ལ་གོ་ཕྱོགས་ནོར་བའི་སེར་གཟུང་སྡུག །ལས་ལ་ཟད་རྒྱུམེད་པའི་དམྱལ་བ་སྡུག །སྐྱིད་ལ་ཐོབ་རྒྱུ་མེད་པའི་འཁོར་བ་སྡུག །དེ་དོན་སེམས་ལ་ཟུང་ལ་ཉམས་སུ་ལོང་། །དགེ་བས་མ་རྒན་སེམས་ཅན་གྲོལ་གྱུར་ཅིག །བྱེའུ་པའི་མེ་ཏོག་གྲལ་བརྒྱན་འདི། །བྱ་བྲལ་རྡོ་བླས་སྨྲས་པ་དགེ། དགེའོ། །

ཀློང་སྙིང་གི་ཁ་བསྐང་་་་་་

༄༅། །ཀློང་སྙིང་གི་ཁ་བསྐང་གྲུབ་རྟན་གྱི་གསུང་གི །བཀའ་བརྒྱད་དཔལ་འདུས་ཀྱི་གྲུབ་ཁྲུང་བསྐྱེད་པ་འགུགས་པ་ཆེ་ཆུང་། བཟློག་འབྲིང་གཉིས་དང་བཟློག་བསྡུས། །བརྒྱུད་ཕུར་གྱི་གྲུབ་ཞུང་བསྐྱེད་པ། འགུགས་པ་ཆེ་ཆུང་། བསྡུལ་བ་ཆེ་ཆུང་བཟློག་བསྡུས། དགེ་བསྐང་། ཐོས་གྲོལ་གཏེར་གཞུང་གི་སྦྱིན་སྲེག་གེར་འཕྲེང་། ཚེ་གྲུབ་བདུད་རྩི་བུམ་བཅུད་ཀྱི་ཚེ་དབང་བསྐུར་ཐབས། སྟག་དམར་གྱི་འདུལ་དཀར་ནག །དོན་བསྡུས། དམ་ཆོས་བདེ་ཆེན་ལོ་མཆོག་ལས་གྲིབ་བསང་ཤེལ་གྱི་མེ་ལོང་། མ་ཏིས་སེང་དམར་གྱི་མདུན་བསྐྱོད་ཆོག་འགྲིགས་དང་བཟློག་བསྡུས། རཏྣའི་འགུ་སྟག་མེས་སྦྱིལ་གྱི་མདུན་བསྐྱོད་ཆོག་འགྲིགས། རིག་འཛིན་བརྒྱད་ཀྱི་གསོལ་འདེབས་སྐྱེས་ཕྲེང་གསོལ་འདེགས་ཚུགས་གཉིས། རྣམ་འཇོམ་བྱ་བ་ཁྲུས། དམ་ཆེན་བདེ་ཆེན་ལམ་མཆོག་ལས་བྱ་གཡང་དཔལ་གཏེར་ནོར་མཛོད། མ་མྱོན་གྱི་གསོལ་བསྡུས་སྔགས་ཀྱི་བདག་མོར། སྐད་ཆེན་དྲན་རྫོགས༴ ཕུར་གསོལ་ཀྱི་ནང་གསང་བའི༴ ཚེ་རིང་མའི་མངའ་གསོལ་ཀ་མ་ལ་སྐྱེ༴ ཧཱུྃ་སྔོན་ཚེ་སློབ་དཔོན༴ གཟའི་མངའ་གསོལ་ཀ་དག་སྤྲོས་བྲལ༴ སྔོན་ཚེ་སངས་རྒྱས་རིན་ཆེན༴ ཚོགས་བདག་གི་གདོད་ནས་འཁོར་འདས༴ གཤེགས་རྙེད་མའི་སྔོན་ཚེ་པདྨ་འབྱུང་གནས། སྐུ་ལྔའི་སྤྲོས་བྲལ་མ་དང་ཧཱུྃ་ཆོས་རྒྱལ་སྐུ་ལྔ་སོགས་ཚིག་བཞི་ཅན་དགོངས་བཙན་ལྗོན་ཤིན་བྲག་རིག༴ གསེལ་བསྡུས་གཉིས། སྡེ་མཆེད་ཆེ་ཆུང་གསུམ། ཟ་ངུའི་བསྐང་བསྡུས་འཕྲིན་བཙལ་སངས་རྒྱས་ཀྱི་བསྟན་པ་དར་བ༴ སྐྱེ་ཆེན་པོའི་ཚོགས་དང་དགོས་བསྐངས། སེང་སྔོན་གྱི་བརྒྱུད་འདེབས། ༈ བཀའ་བརྒྱད་ཀྲམ་ཤིང་ཡང་ཡིད་ཟེར་སྲོལ་ཙམ་གོ་ཡོང་ལ་གཏོགས་མཇལ་མ་མྱོང་ངོ་། །

དམ་ཆོས་བདེན་ཆེན་ལམ་མཆོག་ལས། གཡང་འབོད་དཔལ་གཡང་ནོར་མཛོད།

༄༅། །དམ་ཆོས་བདེན་ཆེན་ལམ་མཆོག་ལས། གཡང་འབོད་དཔལ་གཡང་ནོར་མཛོད་བཞུགས། ཧྲཱིཿབྷྲཱུྃ། དཀོན་མཆོག་གསུམ་ལ་ཕྱག་འཚལ་ལོ། །གྲངས་མེད་གསུམ་དུ་བསོད་ནམས་དང་། །ཡེ་ཤེས་ཚོགས་ཆེན་བསགས་པའི་མཐུས། །སྲིད་དང་ཞི་བའི་དཔལ་ཡོན་ཐོབ། །སངས་རྒྱས་དཀོན་མཆོག་བདེན་སྟོབས་གཡང་། །སྐལ་ལྡན་བདག་དང་བསྲུང་བྱར་སྩོལ། །རྒྱལ་བསྟན་ལུང་དང་རྟོགས་པའི་ཆོས། །དེ་ལས་མདོ་རྒྱུད་བཀའ་གཏེར་དང་། བསྟན་བཅོས་མན་ངག་ཐམས་ཅད་ཀྱི། །དཔལ་ཡོན་སྟོབས་དང་ནུས་མཐུའི་གཡང་། སྐལ་ལྡན་བདག༴ ཉེ་སྲས་བརྒྱད་སོགས་འཕགས་པ་དང་། མཆོག་ཟུང་ལ་སོགས་ཉན་ཐོས་རིགས། །བསེ་རུ་དང་ནི་ནེ་ཙོ་ལྟའི། །རང་རྒྱལ་རྟེན་འབྲེལ་བདེན་མཐོང་ཚོགས། །རིམ་དགུའི་ཐེག་པའི་དགེ་འདུན་སྡེ། །མཁྱེན་བརྩེ་ནུས་པའི་དཔལ་སྟོབས་གཡང་། །སྐལ་ལྡན་བདག༴ དགུ་ལྡན་བླ་མའི་བྱིན་རླབས་གཡང་། །ཡི་དམ་ལྷ་ཡི་དངོས་གྲུབ་གཡང་། །གནས་གསུམ་མཁའ་འགྲོའི་དགའ་བདེའི་གཡང་། །དམ་ཅན་རྒྱ་མཚོའི་མཐུ་ནུས་གཡང་། །སྐལ་ལྡན་བདག༴ །ཀྱཻ་སྟེང་ཕྱོགས་འཆི་མེད་ལྷ་ཡི་གཡང་། །འོག་ཕྱོགས་ས་བདག་ཀླུ་གཉན་གཡང་། །བཅུ་གཉིས་གླིང་གི་མི་ནོར་གཡང་། །དཔལ་མགོན་བདུན་ཅུའི་མངའ་ཐང་གཡང་། སྐལ་ལྡན་བདག༴ ཀྱཻ་རྒྱ་གར་རྒྱལ་པོའི་ཆོས་ཀྱི་གཡང་། །རྒྱ་ནག་རྒྱལ་པོའི་ཁྲིམས་ཀྱི་གཡང་། །གེ་སར་རྒྱལ་པོའི་དམག་གི་གཡང་། །རྟ་ནོར་ལུག་སོགས་ཕྱུགས་ཀྱི་གཡང་། །བཟའ་བཏུང་འདོད་དགུ་ཕུན་ཚོགས་གཡང་། །སྐལ་ལྡན་བདག༴ ཀྱཻ་དོན་ཀུན་གྲུབ་པ་ལ་སོགས་པའི། །མཆོག་གསུམ་བརྒྱུད་འཛིན་བན་གྱི་གཡང་། །སྟོན་པ་གཤེན་རབ་ལ་སོགས་པའི། །གཡུང་དྲུང་བརྒྱུད་འཛིན་བོན་གྱི་གཡང་། །གདོང་བཞི་མགྲིན་སྔོན་ཐ་གུའི་ལྟོ། །འདྲེན་བྱེད་སྟོང་ལྡན་ལ་སོགས་པའི། །ཕྱི་པའི་སྟོན་དང་བསྟན་པའི་གཡང་། །སྐལ་ལྡན༴ ཀྱཻ་སྐུ་གསུམ་རྒྱལ་བའི་མཁའ་དབྱིངས་ནས། །ཐུགས་རྗེའི་དཔལ་ཡོན་སྤྲིན་ཕུང་ལས། །ཕྱྭ་གཡང་དངོས་གྲུབ་ཆར་གྱི་རྒྱུན། །བདག་སོགས་འགྲོ་ལ་བབས་ནས་ཀྱང་། །ཕུན་ཚོགས་ལོ་ཏོག་དར་རྒྱས་མཛོད། །ནམ་མཁའི་དབྱིངས་ནས་ཁ་ཆར་བཞིན། །ཕྱྭ་གཡང་དངོས་གྲུབ་མྱུར་དུ་སྩོལ། །བར་སྣང་ཁམས་ནས་ན་བུན་བཞིན། །ཕྱྭ་གཡང་དངོས་གྲུབ་མྱུར༴ །ས་གཞིའི་ཁམས་ནས་ས་རླུང་བཞིན། །ཕྱྭ་གཡང་དངོས་གྲུབ་མྱུར༴ །བརྟན་པ་སྣོད་ཀྱི་འཇིག་རྟེན་གཡང་། །གཡོ་བ་བཅུད་ཀྱི་ཚེ་བསོད་སྟོབས། །མཆོག་དམན་འགྲོ་བའི་དཔལ་ཡོན་བཅུད། །འདིར་སྡུས་འདིར་ཁུག་དངོས་གྲུབ་སྩོལ། །བཀྲ་ཤིས་དབྱར་རྔའི་སྒྲ་དབྱངས་ཀྱིས། །སྦྱིན་བདག་རྨ་བྱ་ཡོངས་དགའ་ཤོག །གཡང་འབོད་དཔལ་གཡང་ནོར་མཛོད་འདི། །རྣལ་འབྱོར་བསྟན་པ་དར་རྒྱས་ཀྱིས། །བསྐུལ་ངོར་ཀུན་བཟང་གཞན་ཕན་ཞེས། །བྱང་ཆུབ་སེམས་ཀྱི་བློ་ལྡན་དེས། །སྨྲས་བཞིན་ཡི་གེར་འབེབས་པ་པོ། །ཨཪྱ་དེ་ཝས་བགྱིས་པའི་དགེས། ཕན་བདེའི་ནོར་བུ་མཆོག་ཐོབ་ཤོག །དགེའོ། དགེའོ། དགེའོ། སརྦ་མངྒ་ལཾ། །

ཀར་གསུར་གཏོང་ཐབས་མཆོད་སྦྱིན་གཏེར་མདོ།

༄༅ཿ དམ་ཆོས་བདེ་ཆེན་ལམ་མཆོག་ལསཿ དཀར་གསུར་གཏོང་ཐབས་མཆོད་སྦྱིན་གཏེར་མདོ་བཞུགས་སོཿ

དམ་ཆོས་བདེ་ཆེན་ལམ་མཆོག་ལསཿ དཀར་གསུར་གཏོང་ཐབས་མཆོད་སྦྱིན་གཏེར་མཛོད་བཞུགསཿ ན་མ་གུ་རུ་ཨ་མི་ཏ་བྷ་ཡེཿ འདིར་དཀར་གསུར་གཏོང་ཐབས་ལ་མཐོང་རྒྱུདབཞིན་གསུར་མཆོད་བལྟར་ལཿ ཚད་མེད་རྣམ་པ་བཞིའི་བློ་དང་ལྡན་པའི་ངང་ནཿ ན་མོ། བདེ་ལེགས་སྙིང་པོས་སོགས ལ་ཡེ་སྟྭཾཿ ཞིང་ཁམས་རྒྱ་མཚོའི་མགྲོན་རིག༴ སོགས བཞུགས་པར་གྱུརཿ ༀ་ཨཱཿཧཱུཾཿ ལན་བདུན་བརྗོདཿ དུ་བ་འདི་འདོད་ཡོན་གྱི་ལྷ་མོ་གཟུགས་རྡོ་རྗེ་མ་མཛེས་ཤིང་བསྟན་སྡུག་པ་དབྱངས་སྙན་པ་དྲི་ཞིམ་པ་རེག་བྱ་འཇམ་པ་ཕྱག་གཉིས་ན་ལྷའི་བདུད་རྩི་རོ་བརྒྱ་དང་ལྡན་པའི་བུམ་པ་བསྣམ་པའི་ནང་ན་མཆོད་པའི་སྤྲིན་ཕུང་བསམ་གྱི་མི་ཁྱབ་པ་སྤྲོ་ཟིང་སྣོད་བཅུད་ཀྱི་ཉམས་གྲིབ་དང་དམུ་གབ་དག་པར་བྱེད་པའི་དབུ་གཙུག་ན་སངས་རྒྱས་རིན་ཆེན་མང་ཕྱག་གཡས་མཆོད་སྦྱིན་གྱི་སངས་རྒྱས་དབུལ་བ་སེལ་ཞིང་འདོད་ཡོན་གྱི་ལོངས་སྤྱོད་ཟད་མི་ཤེས་པའི་གཏེར་དུ་གྱུརཿ ན་མཿ སརྦ་སོགས་ལན་གསུམ་བརྗོདཿ ཨེ་མ་ཧོཿ རང་བྱུང་ལྷུན་གྲུབ་རིན་པོ་ཆེའི་སྣོདཿ ཟླ་དཀར་མདངས་འཛིན་ཞི་བའི་ཐབས་ཀྱི་དལཿ མཚན་ཉིད་ཕུན་ཚོགས་དབུས་སུ་མེ་ཡི་ལྷཿ དབྱིངས་རིག་དབྱེར་མེད་ངོ་བོ་རབ་འབར་ཀློང་ཿ རྟེན་འཛིན་སྲིད་ཞིའི་འདོད་དགུའི་ལོངས་སྤྱོད་རྫསཿ དངོས་པོར་འཛིན་པ་བསྲེགས་པའི་དངས་མའི་བཅུདཿ ཟག་མེད་ཡེ་ཤེས་བདུད་རྩི་བྱིན་བརླབས་ནསཿ མཆོད་སྦྱིན་མགྲོན་རྣམས་མཉེས་པའི་ལས་ལ་འཇུགཿ བྷྲུཾཿ སྲིད་ཞིའི་དཔལ་ཡོན་ཕུན་ཚོགས་གསུར་མཆོད་འདིཿ མཆོག་གསུམ་རྒྱལ་བ་རྒྱ་མཚོ་སྲས་དང་བཅསཿ ཉན་ཐོས་རང་རྒྱལ་ལྷ་དང་མི་ལ་སོགསཿ སྟོན་པ་རྣམས་བཞིའི་འཁོར་ཚོགས་རྒྱ་མཚོར་འབུལཿ ཁྱད་པར་དྲུག་ལྡན་བླ་མ་དམ་པ་དང་ཿ ཡི་དམ་རྒྱུད་སྡེ་བཞི་དང་ཐོག་རིམ་དགུའིཿ ལྷ་ཚོགས་ཞི་ཆག་ཁྲོ་སོགས་ཡབ་ཡུམ་སྲསཿ ཀུན་ལ་གསུར་མཆོད་འདོད་དགུའི་ལོངས་སྤྱོད་འབུལཿ ཡུལ་ཆེན་ཉེར་བཞིའི་གནས་ཆེན་སུམ་བཅུ་གཉིསཿ དུར་ཁྲོད་ཆེན་པོ་བརྒྱད་ན་ལེགས་བཞུགས་པའིཿ དཔའ་བོ་དཔའ་མོ་མྲོ་མྲོ་མཿ ཆོས་སྐྱོང་དམ་ཅན་རྒྱ་མཚོའི་ཚོགས་རྣམས་ལཿ འདོད་ཡོན་ལྔ་ལྡན་གསུར་མཚོད་རྒྱ་མཚོ་འདིཿ འབུལ་ལོ་དགྱེས་ཤིང་ཚིམ་པར་བཞེས་སུ་གསོལཿ མ་མགོན་ལྕམ་རལ་ཚེ་རང་མཆེད་ལྔ་དང་ཿ ཕྱི་ནང་གསང་བ་མཆོག་དང་སྤྲུལ་པ་དང་ཿ སྣང་སྲིད་སྡེ་བརྒྱད་དཔལ་མགོན་བདུན་ཅུར་བཅསཿ འདོད་ཡོན་ལྔ་ལྡན་གསུར་མཆོད་འདི་འབུལ་བཞེསཿ གཞན་ཡང་འབྱུང་ལྔ་སྤར་སྨེ་དུས་ཚོད་ལྷཿ ཕྱོགས་འཚམས་སྟེང་འོག་ཉི་མ་ཟླ་བའི་ལྷཿ འགོ་བའི་ལྷ་ལྔ་རྟ་ནོར་ལུག་གི་ལྷཿ ཁང་ལྷ་ཞིང་ལྷ་ཡུལ་འབྲོག་གནས་ཀྱི་ལྷཿ བྱེས་ལྷ་ལམ་ལྷ་ཚོང་མགྲོན་དམག་ཇག་ལྷཿ མུས་འཁོར་བཅས་གསུར་མཆོད་འདི་འབུལ་བཞེསཿ གཞན་ཡང་གཉུག་གནས་འཕྲལ་རྒྱུའི་རིག་རྣམས་དང་ཿ བགེགས་རིག་ལན་ཆགས་ཤ་མཁོན་མ་འཁོར་ཚིམཿ གཤེན་པོར་བརྫུ་ཞིང་གཤིན་པོར་འཇུག་པའི་ཚོགསཿ གསུར་མཆོད་འདོད་ཡོན་ལྔ་ལྡན་འདི་བཞེས་ཤིགཿ ཁྱད་པར་སྔོན་འདས་གཤིན་པོ་ཕལ་མོ་ཆེཿ བར་དོར་འཁྱམས་ཤིང་བསྐལ་བར་གནས་པའི་རིགསཿ དེ་ལས་དེངས་གི་དུས་དང་སླད་ཀྱི་ཆའིཿ ཚེ་ཟད་ལས་ཀྱི་ཤི་དང་དུས་མིན་ཤིཿ གཤིན་གྱི་གྲལ་བསྙེགས་སེར་སྐྱ་བུད་མེད་རིགཿ བྱིས་པ་ལ་སོགས་རི་དང་གསུར་ལ་སྲེདཿ བྱེ་བྲག་ཚེ་འདས་ཆེ་གེ་མོའི་གཙོར་བྱས་པའིཿ བར་དོའི་འགྲོ་རྣམ་གསུར་མཆོད་འདི་བཞེས་ཤིགཿ གཞན་ཡང་ཏྲན་ངོར་མ་ཤར་མིང་ལ་སྨོསཿ ཁས་ཉན་དབང་ཆུང་གཟུགས་ངན་གཟི་བརྗིད་བྲལཿ ཅེར་རེ་བལྟ་དང་གྲོག་གེར་རབ་ཉན་པའིཿ དུང་ངེ་བཟའ་བཏུང་ཡིད་ལ་བྱེད་པའི་རིགཿ བཟའ་བ་མེར་བསྲེག་བཏུང་བའི་བྲན་པ་འདིཿ སྣོམས་ཤིག་བཞེས་ཤིག་རོལ་ཅིག་ཚིམ་པར་རོལཿ དེ་ལྟར་འཁོར་གསུམ་མི་དམིགས་མཆོད་སྦྱིན་མཐུསཿ རྒྱལ་བ་རྒྱ་མཚོ་མཆོད་པའི་མཉེས་གྱུར་ཅིགཿ དམ་ཅན་རྒྱ་མཚོའི་ཐུག་དམ་བསྐང་གྱུར་ཅིགཿ རིག་དྲུག་སོ་སོའི་འདོད་པ་ཚིམ༴ ཤ་མཁོན་ལན་ཆགས་བུ་ལོན་འཁོར༴ མཆོད་ཡུལ་ཀུན་མཉེས་མཆོག་ཐུན་དངོས་གྲུབ་རྩོལཿ སྦྱིན་ཡུལ་ཡོངས་ཚིམས་བསམ་དགུའི་འདོད་དོན་བསྒྲུབཿ འཇིག་རྟེན་ཁམས་འདིར་བདེ་སྐྱིད་ཕུན་སུམ་ཚོགས་བསྟནཿ ཚེ་འདིར་དརྫོགས་ལྡན་དཔལ་ལ་ལོངས་སྤྱོད་ཅིང་ཿ མཐར་ཐུག་བདེ་ཆེན་ཞིང་ལ་སྤྱོད་པར་ཤོགཿ ཞེས་དང་། གཞན་ཡང་ཁམས་དག་པའི་ཞིང་སྲིད་གསུམ་ཐུགས་རྗེའི་མགྲོན་མ་ལུས་ཁྱབ་པའི་ཟས་ཆོས་ཉིད་ནུས་པའི་མཐུས་འདོད་ཡོན་མི་ཟད་པའི་གཏེར་ལ་ལོངས་སྤྱོད་པར་གྱུར་ཅིགཿ མ་ཎི་ཅི་ནུས་འདོན་ལ། མ་འབྱོར་བ་དང་སོགས་ནས་བཟོད་པར་གསོལ་ནས་ཡིག་བརྒྱད་བརྗོད། ཁྱེད་ཀྱི་སེམས་ཅན་སོགས། སོགས། མགོན་རྣམས་སོ་སོ་རང་རང་གི་གནས་སུ་གཤེར་པར་གྱུརཿ ཞེས་བསམ་ལ། བསྔོ་སྨོན་ཅི་འགྲུབས་བྱའོ། ཞེསཔ་འདི་ཡབ་རྗེ་སྤྲུལ་པའི་སྐུ་རིན་པོ་ཆེའི་དགོང་བཞེད་ཞེན་རྡོ་བླས་སྨྲསཔ་འི་དགེ་བས་མགོན་མེད་གཤིན་པོའི་ཚོགས་རྣམས་ལ་ཕན་པའི་རྒྱུར་གྱུར་ཅིག་གུཿ དགེའོ། དགེའོ། དགེའོ། སརྦ་མངྒ་ལཾ། ལཾ།

རབ་གནས་བསྡུས་པ་མེ་ཏོག་ཕྲེག་མཛེས།

༄༅། །རབ་གནས་བསྡུས་པ་མེ་ཏོག་ཕྲེག་མཛེས་བཞུགས། སྐུ་གསུམ་ཟིང་གི་སྟོན་མཆོག་རྒྱལ་བ་དང་། གང་གི་བསྟན་པའི་སྙིང་པོ་ལུང་རྟོག་ཆོས། དེ་བཞིན་འཕགས་པའི་དགེ་འདུན་ཚོགས་བཅས་ལ། གུས་པས་བཏུད་ནས་རབ་གནས་རབ་གནས་བསྡུས་པ་སྤེལ། དེ་ཡང་རབ་གནས་ཤིན་ཏུ་བསྡུས་པ་ཞིག་དགོས་པ་བྱུང་ཚེ། རང་ཉིད་ལྷ་མིན་ང་རྒྱལ་དང་ལྡན་པས། ཧཱུཾཿ ང་ནི་དཔལ་ཆེན་ཐོད་ཕྲེང་རྩལ། འདིར་མཆིས་གཉུག་གནས་འཕྲལ་རྒྱུའི་བགེགས། མ་ལུས་མྱུར་དུ་ད་ལྟར་སོང་བས། བཀའ་ལས་འདའ་ན་བརླག་པར་འགྱུར། ཞེས་དང་བདེན་པའི་སྟོབསབརྗོད་པ་ནི། ན་མོ་རིག་འཛིན་རྩ་རྒྱུད་གྱི་དཔལ་ལྡན་བླ་མ་དམ་པ་རྣམས་གྱི་བཀའ་བདེན་པ་དང་། སངས་རྒྱས་ཀྱི་བཀའ༴ ཆོས་ཀྱི༴ དགེ་འདུན༴ ཁྱད་པར་དུ་ཡི་དམ་རྩ་བ་གསུམ་གྱི་དཀྱིལ་འཁོར་གྱི་ལྷ་ཚོགས་བཀའ་སྲུང་དམ་ཅན་རྒྱ་མཚོའི་ཚོགས་དང་བཅས་པས་རྣམས༴ ཆོས་ཉིད་འགྱུར་བ་མེད་པའི་བདེན་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་ཆེན་པོའི་མཐུ་སྟོབས་ནུས་པ་ལ་བསྟེན་ནས་དེང་འདིར་བདེ་བར་གཤེགས་པའི་སུ་གསུངས་ཐུགས་ཀྱི་ཁ་བསྒྱུར་རྟེན་འདི་ལ་རབ་དུ་གནས་པ་ལ་བར་དུ་གཅོད་པར་བྱེད་པའི་གདོན་བགེགས་ལོགས་པར་འདྲེན་པའི་རིག་སུ་གྱུར་པ་ཐམས་ཅད་འདིར་མ་འདུག་པར་དམིགས་པའི་ཡུལ་གཞན་ཏུ་འགྲོ་བར་གྱིས་ཤིག །གང་དག་མིའགྲོ་བ་དེ་དག་ཐམས་ཅད་ལ་བདག་སོགས་ཁྲོ་རྒྱལ་འབར་བའི་ཚོགས་རབ་ཏུ་ཁྲོས་ནས་མགོ་བོ་ཚལ་པ་བརྒྱ། ལུས་དུམ་བུ་སྟོང་དུ་གཏོང་བར་གདོན་མི་ཟའོ། ཧཱུཾ་བཞིའི་སྔགས་དང་དྲག་སྔགས་བརྗོད་ནས་བསྐྲད་ཅིང་། ༀ་བཛྲ་རཀྵ་རཀྵ་ཧཱུཾ། གཉིས་པ་རྟེན་བསྐྱེད་པ་ནི། ༀ་སྭ་ཝ། སོར་ནས། ཧཾཿ སྟོང་པའི་ངང་ལས་སྐུ་རྟེན་རྣམས་སེང་གེའི་བཏགས་པའི་རིན་པོ་ཆེའི་ཁྲི་སྣ་ཚོགས་པདྨ་ཉི་ཟླ་བརྩེགས་པའི་སྟེང་དུ་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས་དཔལ་རྡོ་རྗེ་སེམས་དཔའ་སྐུ་མདོག་དཀར་པོ་ཞལ་གཅིག་ཕྱག་གཉིས་པ་རྡོ་རྗེ་དྲིལ་བུ་འཛིན་པ་ཡུམ་སྙོམས་མ་དཀར་མོ་རྡོར་དྲིལ་འཛིན་པ་དང་མཉམ་པར་སྦྱར་བ་ཞེས་བསྐྱེད་ཀ་ག མཆོད་རྟེན་དང་གཙུག་ལག་ཁང་སོགས་སེང་གེས་བགེགས་པའི་རིན་པོ་ཆེའི་ཁྲི་སྣ་ཚོགས་པདྨ་ཉི་ཟླ་བརྩེགས་པའི་སྟེང་དུ་ༀ་ལས་འཁོར་ལོ་ༀ་གྱི་མཚན་པ་ལས་རྣམ་སྣང་དཀར་འཁོར་ལོ་དང་དྲིལ་བུ་འཛིན་པ་ཡུམ་སྤྱན་མ་དཀར་མོ་འཁོར་ལོ་དང་དྲིལ་བུ་འཛིན་པ་དང་མཉམ་པར་སྦྱོར་བ་དེ་བཞིན་དུ་ལ་གླེག་བམ་རྣམས་རྨྱས་བཏེག་པའི་རིན་པོ་ཆེའི་ཁྲི་སྣ་ཚོགས་པདྨ་ཉི་ཟླ་བརྩེགས་པའི་སྟེང་དུ་ཨཱཾཿལས་པདྨ་ཨཾ་གིས་མཚན་པ་ལས་སྣང་བ་མཐའ་ཡས་དམར་པོ་པདྨ་དང་རིལ་བུ་འཛིན་པ་ཡུམ་གོས་དཀར་མོ་དམར་མོ་པདྨ་དང་དྲིལ་བུ་འཛིན་པ་དང་མཉམ་པར་སྦྱོར་བ་དེ་བཞིན་དུ། ཕྱག་མཚན་རྣམས་གླང་པོས་བཏེགས་པའི་རིན་པོ་ཆེན་ཁྲི་སྣ་ཚོགས་རིན་པོ་ཆེ་ནི་ཁྲི་སྣ་ཚོགས་པདྨ་ཉི་ཟླ་བརྩེགས་པའི་སྟེང་དུ་ཧཱུཾཿལས་རྡོ་རྗེ་ཧཱུཾ྄་གིས་མཚན་པ་ལས་མི་བསྐྱོད་པ་སྔོན་པོ་རྡོ་རྗེ་དང་དྲིལ་བུ་འཛིན་པ་དབང་ཕྱུག་མ་སྔོན་རྡོ་རྗེ་དང་དྲིལ་བུ་འཛིན་པ་དང་མཉམ་པར་སྦྱོར་བ་ཞེས་པ། རྣམས་ཀྱིས་ཚེ་གང་ཡང་མཐར། ཐམས་ཅད་ཀྱང་ཞི་ཞིང་འཛུམ་ལ་མཚན་དཔེའི་ཕོ་རབ་ཏུ་རྒྱས་པར་དར་གྱི་ན་བཟའ་དང་རིན་པོ་ཆེའི་བརྒྱན་ཐམས་ཅད་ཀྱིས་བརྒྱན་ཅིང་འོད་དང་འོད་ཟེར་མཐའ་ཡས་སྤྲོས་པས་བདག་ཉིད་ཅན་དུ་བཞུགས་པའོ། །དེ་རྣམས་ཀྱི་སྤྱི་བོར་ༀ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུཾ་སྔོན་པོ་རྣམས་ཀྱིས་མཚན་པར་བསམ་མོ་བདག་དང་རྟེན་གྱི་སྙིང་གའི་ཧཱུཾ་ལས་འོད་ཟེར་འཕྲོས་པས་ཡེ་ཤེས་ཀྱི་འཁོར་ལོ་བསམ་གྱིས་མི་ཁྱབ་པའི་ཚོར་ཐམས་ཅད་བཛྲ་པ་མཱ་ཡ་ཛཿ མ་ལུས་སེམས་ཀུན་གྱི༴ སོགས། བཅོམ་ལྡན་ཁྱེད་བཞུགས་ཀུས་གསོལ། པདྨ་ཀ་མ་ལ་ཡེ་སྟྭེ། གིས་སྲུང་འཁོར་གསལ་ཞིང་། སངས་རྒྱས་ཆོས་དང་༴ འགྲུབ་པར་ཤོག །ཞེས་སྐྱབས་འགྲོ་ལན་གསུམ་དང་། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས། ཚད་མེད་བཞི་དང་། བྱང་ཆུབ་སྙིང་པོ་མཆིས་ཀྱི་སོགས། ཚོགས་ལའང་དེ་བཞིན་སྐྱབས་སུ་མཆི། ལན་གསུམ། ཇི་ལྟར་སྔོན་གྱི་བདེ་གཤེགས་ཀྱིས། བྱང་ཆུབ་ཐུགས་ནི་སོགས། བཞིན་དུ་བསླབ་པར་བགྱི། གསུམ་གྱི་མཐར། དེང་དུས་བདག་ཚེ་འབྲས་བུ་ཡོད། མི་ཡི་སྲིད་པ་ལེར༴ སོགས། ལྷ་དང་ལྷ་མིན་ལོག་དགའ་བར་གྱིས། ཡན་ལག་བདུན་པ་བརྗོད། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། དུས་གསུམ་གཤེགས་པ༴ སོགས། ཚང་བར་བརྗོད། བསྔོ་འོ། ༀ་མཧཱ་ཤུ་ནྱཻ་ཏ༴ སོགས། སྟོང་པའི་ངང་ལས༴ སྐུ་གཟུགས་མཆོད་རྟེན་རྣམ་སྣང་ལུང་གི་གི་ཆོས་གླེག་བམ་སྣང་མཐའ། རྟོག་པའི་ཆོས་མི་བསྐྱོད། བ་གསུམ་གྱི་རང་བཞིན་གསལ་བཏབ་ལ། །དབང་གི་ལྷ་རིགས་ཡབ་ཡུམ་སོར་གདན་གསུམ་ཙགས་པའི་དཀྱིལ་འཁོར་སྤྱན་དྲངས་ཏེ། རྟེན་གྱི་ལྷ་ལ་དབུ་དམར་བར་བསམ་ལ། ༀ་སརྦ་ཏ་ཐཱ་ག་ཏ་ཨ་བྷི་ཥ་ཀ་ཏེ་ས་མ་ཡ་ཤྲྀ་ཡེ་ཧཱུཾ། ཞེས་དབང་བསྐུར་བས་དག་བྱའི་དྲི་མ་དག །རྟེན་གྱི་ལྷ་གང་ཡིན་པ་དེ་རང་རང་གི་རིག་གྱི་བདག་པོས་དབུ་བརྒྱན་པར་བསམ། སྤྱན་དབྱེ་བ་ནི། རྒྱལ་ཀུན་སྤྱན་ལ་སྒྲིབ་པ་མི་མངའ་ཡང་། བདག་ཅག་བསོད་ནམས་བསར་ཕྱིར་སྤྱན་དབྱེ་བས། མ་རིག་འཐིབ་པོས་ལྡོང་པའི་འགྲོ་བ་ཀུན། རང་བྱུང་ཡེ་ཤེས་ཆོས་ཆོས་སྐུའི་ཞལ་མཐོང་ཤོག །ༀ་ཙཀྵུ་ཙཀྵུ་ས་མནྟ་ཙཀྵུ་བི་ཤྭ་རྡ་ནི་སྭཱ་ཧཱ། ཡེ་ཤེས་ཀྱི་སྤྱན་རྣམ་པར་དག་པས་སེམས་ཅན་ཐམས་ཅད་ལ་རྒྱུན་ཆད་མེད་པར་གཟིགས་པར་གྱུར། ཞེས་བསམ་ལ། བདག་དང་རྟེན་གྱི་ལྷའི་ཐུགས་ཀའི་འོད་ཟེར་ཀྱིས་རྒྱལ་བ་སྲས་དང་བཅས་པའི་སྐུ་སྔགས་ཡོན་ཏན་ཕྲིན་ལས་ཀྱི་བྱིན་རླབས་ནུས་སྟོབས་མ་ལུས་པ་དང་། མཁྱེན་རྩེ་ནུས་གསུམ་གྱི་དཔལ་དང་ཡོན་ཏན་ཐམས་ཅད་དབྱངས་དང་གསལ་བྱེ་དཀྲི་རྣམ་པར་དྲངས་ནས་རྟེན་གྱི་ལྷ་ལ་ཏིམ་པས་ལྷ་ཡང་འོད་ཀྱི་ཕུང་པོར་གྱུར་ནས་དབྱངས་གསལ་གྱིས་རྣམས་པས་རྟེན་ལ་ཐིམ་ཞིང་། སྐུ་གསུངས་ཐུགས། རྟེན་རང་རང་གི་མཐོན་རྟོགས་ཇི་བཞིན་དང་། གླེགས་བམ་ཀྱང་སོ་སོའི་གཞུང་གི་ཡི་གེའི་གཟུགས་དང་དབྱེར་མེད་དུ་ཆུ་མ་ཆུ་བཞག་པ་ལྟར་གྱུར་ནས། མཐོང་ཐོས་དྲན་རེག་སྨིན་ཅིང་གྲོལ་བའི་ནུས་སྟོབས་དང་ལྡན་པའི་རྟེན་དུ་གྱུར། ཞེས་བསམ་ལ། དབྱངས་གསལ་ལན་ཅི་མང་བཟླས་བཞིན་རྟེན་ལ་ནས་འབྲུ་འཐོར་ཞིང་། འདིར་ནི་གཟུགས་དང་ལྡན་ཅིག༴ སོགས་ནས། རྩལ་དུ་རྩོལ། ཞེས་དང་། ཕྱོགས་བཅུ་ན་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱང་ལས་མི་འདའ་བར་བརྟན་པར་བཞུགས་སུ་གསོལ། ཁྱད་པར་དུའང་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་འདི་དག་ལ་བསྐྱེད་ཅིང་སྤྱན་དྲངས་པའི་དཀྱིལ་འཁོར་གྱི་ལྷ་ཚོགས་རྣམས་དང་། གཞན་ཡང་ཕོ་རྒྱུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའི་ཚོགས་རྣམས་རྟེན་འདི་དག་འབྱུང་བཞིའི་གནོད་པས་མ་ཞིག་གི་བར་དུ་བསྟན་པར་བཞུགས་སུ་གསོལ། བརྟན་པར་བཞུགས་ནས་ཀྱང་སྦྱིན་བདག་གི་གཙོར་གྱུར་འབྲེལ་ཏོག་རྣམས་ཀྱི་ཚོགས་གཉིས་རྫོགས། སྒྲིབ་གཉིས་བྱང་རྣམས་མཁྱེན་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པའི་རྟེན་དུ་གྱུར་ཅིག །ཅེས་རྟེན་སྙིང་ལན་ཅི་ནུས་དང་། པུ་པྲ་ཏིཥྛ་བཛྲ་ཡི་སྭཱ་ཧཱ། བཏགས་པས་ནས་འཐོར། ཡང་། ཕོ་རྒྱུ་ན་བཞུགས་པའི་རྒྱལ་བ་དང་སྲས་དང་བཅས་པ་པ་ཐམས་ཅད་བདག་མ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱང་ལས་འདས་པའི་ས་མ་བཞག་གི་བར་དུ། རྒྱལ་བ་རྣམས་མྱང་ལས་མི་འདའ་བར་བརྟེན་པར་བཞུགས་སུ་གསོལ། ཁྱད་པར་དུ་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་འདི་དག་ལ་བསྐྱོད་ཅིག་སྤྱན་དྲངས་པའི་དཀྱིལ་འཁོར་གྱི་ལྷ་ཚོགས་རྣམ་དང་། གཞང་ཡང་ཕྱོགས་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའི་ཚོགས་རྣམས། རྟེན་འདི་དག་འབྱུང་བ་བཞིའི་གནོད་པས་མ་ཞིག་གི་བར་དུ་བརྟེན་པར་བཞུགས་སུ་གསོལ། བརྟེན་པར་བཞུགས་ནས་ཀྱང་རྟེན་འདི་ཉིད་གང་དུ་གནས་པའི་ཡུལ་ཕྱོགས་འདིས་གཙོར་བྱས་འཇིག་རྟེན་གྱི་ཁམས་ཀུན་ཏུ་ནད་ཀྱི་བསྐལ་བ་ཞི་བ། མཚོན་གྱི་བསྐལ་པ་ཉམས་པ། མུ་ཀེའི་བསྐལ་པ་མེད་པ། མི་ནད་དང་ཕྱུག་ཐམས་ཅད་རྒྱུན་ཆད་ནས་ཆར་ཆུ་དུས་སུ་འབབ། ལོ་ཕྱུག་རྟག་ཏུ་ལེགས། སེམས་ཅན་ཐམས་ཅད་བདེ་སྐྱིད་ཕུན་སུམ་ཚོགས་པའི་དཔལ་ཡོན་ལ་ལོངས་སྤྱོད་པའི་རྟེན་དུ་གྱུར་རིག །རྟེན་རྙིང་ལན་ཅི་མང་། པུ་པྲག་ཏིཥྛ༴ སོར་གྱིས་མེ་ཏོག་འཐོར། ཡང་། ཕོ་རྒྱུ་ན་བཞུགས་པའི་རྒྱལ་བ་སྲས་དང་བཅས་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱང་ལས་འདས་པའི་པ་ལ་མ་བཞག་གི་བར། རྒྱལ་བ་རྣམས་མྱང་ལས་མི་འདའ་བར་བརྟེན་པར་བཞུགས་སུ་གསོལ། ཁྱད་པར་དུ་བདེ་བར་གཤེགས་པའི་སྐུ་གསུང་ཐུགས་ཀྱིས་རྟེན་འདི་དག་ལ་བསྐྱོད་ཅིང་སྤྱན་དྲངས་བའི་དཀྱིལ་འཁོར་གྱི་ལྷ་ཚོགས་རྣམས་དང་། གཞན་ཡང་ཕོ་སྒྱུ་དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའི་ཚོགས་རྣམས་རྟེན་འདི་དག་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟེན་པར་བཞུགས་སུ་གསོལ། བརྟེན་པར་བཞུགས་ནས་ཀྱང་རྟེན་འདི་ཉིད་སུས་མཐོང་བ་དང་ཐོས་པ་དང་དྲན་པ་དང་རེག་པའི་སེམས་ཅན་གྱི་ནད་གདོན་སྡིག་སྒྲུབ་ཞི་བ་དང་། ཚེ་བསོད་དཔལ་འབྱོར་རྒྱས་པ་དང་མོས་པ་རྣམས་བཞི་དབང་དུ་འདུ་བ་དང་དགྲ་བགེགས་ལོག་འདྲེན་ཚར་གཅོད་པ་ལ་སོགས་ལས་བཞི་དང་ལས་རབ་འབྱམས་ཀྱི་ཕྲིན་ལས་ཐོག་མེད་དུ་འགྲུབ་པའི་རྟེན་དུ་གྱུར་ཅིག །མཐར་ཐུགས་རྒྱལ་བ་མགོན་པོ་འོད་དཔག་དུ་མེད་པའི་གོ་འཕག་ཐོབ་པའི་རྟེན་དུ་གྱུར་ཅིག །ཞེས་གོང་བཞིན་རྟེན་འབྲེལ་སྙིང་པོ། པུ་པྲ་ཏིཥྛ། བཤམས་འདོག་ཅན་ཅི་མང་བཟླས་ཞིང་། ནས་འཐོར། གཡས་དང་བྱང་སེམས། བསྲུང་མ་བཅས་ཀྱི་བཀྲ་ཤིས་དང་། ལས་བཞི་གང་བརྩམ་འགྲུབ་པའི་བཀྲ་ཤིས་བརྗོད་མཚམས་རྣམས་སུ། ཡེ་དྷརྨས་ནས་འཐོར། བསམ་པ་ལྷུན་གྲུབ། མྱུར་འགྲུབ། གང་འཇོམས་དང་། བསྔོ་སྨོན་ཅི་ནུས་བྱའོ། །ཞེས་པའི་འདི་ཡང་མཆོད་ཡོན་སྤྲོས་ཆུང་འགའ་ཟིག་ལ་ཕར་འདོགས་ཀྱི་བོས་རྣལ་འབྱོར་པ་ཀུན་བཟང་གཞན་ཕན་གྱི་བྲིས་པས་ཡི་ཡི་གེ་ས་ནི་མགོན་པོ་བསམ་འགྲུབ་ཀྱིས་བགྱིས་པས་བསྟན་འགྲོ་ཡོངས་ལ་དགེ་ཞིང་བཀྲ་ཤིས་པའི་རྒྱུར་གྱུར་ཅིག །དགེའོ། དགེའོ། དགེའོ།།

ཀྱེ་མ་ཚེ་འདས་རིགས་ཀྱི་བུ་་་་་

༄༅། །གྲུབ་དབང་ཀུན་བཟང་གཞན་ཕན་གྱིས་གསུངས་ལས། ཀྱེ་མ་ཚེ་འདས་རིགས་ཀྱི་བུ། །ཁྱོད་ནི་ཚེ་ལས་འདས་པ་ཡིན། །འཇིག་རྟེན་འདི་ནས་ཕྲོལ་སོང་། །སྣང་མིན་བར་དོའི་མཚམས་ན་ཡོད། །བསམ་པ་རྩམ་གྱིས་སྟོང་གསུམ་འཁོར། །ཐོགས་མེད་རྫུ་འཕྲུལ་སྟོབས་དང་ལྡན། །ཉི་ཟླར་གྲིབ་མ་རྐང་རྗེས་མེད། །གནས་ལ་ངེས་མེད་ཀུན་དུ་འཁྱམས། །གྲོགས་ནི་གཤིན་གསོན་ཅིར་ཡང་འགྲོགས། །ཟས་ནི་བསྔོས་པ་ཙམ་གྱིས་ཚིམས། །ཆུ་བྲག་རྩིག་པར་ཐོགས་པ་མེ། །བར་དོ་ཡིན་ནོ་རིགས་ཀྱི་བུ། །ཁྱོད་ཉིད་གཅིག་པུར་ཤི་བ་མིན། །ཐམས་ཅད་འཆི་བའི་ཆོས་ཅན་ལ། །མ་སྡུག་མ་བསྔལ་རིགས་ཀྱི་བུ། །སྒྲ་འོད་ཟེར་དང་རྒྱབ་སོད་སྒྲ། །ཐམས་ཅད་རང་སྣང་འཁྲུལ་པ་ཡིན། །ལོག་ནས་བྱུང་བ་གཅིག་ཀྱང་མེ། །མ་འཇིགས་མ་སྐྲག་རིགས་ཀྱི་བུ། །ཁྲག་འཐུང་ཁྲོ་བོ་མགོ་བརྙན་ཚོགས། །འུར་སྒྲ་ཆོམས་སྒྲ་མཚོན་ཆའི་ཆར། །ཐམས་ཅད་ཡི་དམ་བསུ་མ་ཡིན། །མ་བསྔངས་མ་བྲོ་རིགས་ཀྱི་བུ། །འཁོར་བའི་གནས་ལ་བདེ་བ་མེ། །ཡུལ་དང་ཞིང་ཁང་ནོར་རྫས་དང་། །གཉེན་དང་ཉེ་དུ་རང་གཞན་རྣམས། །སྒྱུ་མ་རྨི་ལམ་ཇི་བཞིན་དུ། །མི་རྟག་བྲལ་བའི་ཆོས་ཅན་ཡིན། །རྟག་པར་གནས་པ་གཅིག་ཀྱང་མེད། །མ་ཆགས་མ་ཞེན་རིགས་ཀྱི་བུ། ༈ ཀྱེ་མ་ཚེ་འཕོས་སོགས།

ནང་སྒྲུབ་རིག་འཛིན་འདུས་པའི་ལྷ་དབང་པདྨའི་ཏཱ་གའི་ཕྲེང་བ།

༄༅། །ནང་སྒྲུབ་རིག་འཛིན་འདུས་པའི་ལྷ་དབང་པདྨའི་ཏཱ་གའི་ཕྲེང་བ་བཞུགས། །

ན་མོ་མ་ཧཱ་གུ་རུ་པདྨ་ཀ་ར་ཡེ། ཀུན་བཟང་འོད་མཚན་སྟོང་འབར་རྒྱསབ་དེ། བརྫུ་སྐྱེས་ཚུལ་བྱོན་གུ་རུ་པདྨ་འབྱུང་། སླར་ཡང་མིའི་སི་སྗུར་ཞུགས་འཇིགས་མེད་གླིང་། བདག་གི་རིགས་ཀྱི་བདག་པོ་མཆོག་ཏུ་ངེས། དེ་ཕྱིར་གང་གི་དགོངས་གཏེར་ཡིད་བཞིན་དབང་། ནང་སྒྲུབ་རིག་འཛིན་འདུས་པའི་ལྷ་དབང་གི །མངོན་རྟོགས་གདན་གསུམལྷ་ཡི་ཞལ་ངོམ་པ་ནི་དབང་བསྐུར་པདྨ་ཏཱ་གའི་ཕྲེང་བ་འདི། དོན་གཉེར་དད་དམ་མཆོག་ལྡན་སྐལ་བཞག་གི །སྣོད་ལྡན་སློབ་མ་རིག་པ་འཛིན་པ་འགས། རྗེས་འཇུག་སྨིན་གྲོལ་ལམ་དུ་དཀྲི་བའི་ཕྱིར། ཡབ་རྗེ་གཙུག་ཏུ་བཀོད་ནས་འདི་ལྟར་འགོད་དེ་ཡང་དབང་གི་བཤམས་བཀོད་ཆོ་ག་སོགས། གྲུབ་རྗེས་སློབ་མར་བུམ་པའི་དབུ་དམར་སོགས་གཞུང་བཞིན་གྲུབ་རྗེས་ལྷ་དབང་རིམ་བཞིན་དུ། བསྐུར་བའི་ཐོག་མར་སློབ་དཔོན་སྐུ་ཐོགས་ཏེ། ཧྲཱིཿསྐྱེ་རྒ་ན་འཆི་སྐྱོན་ལས་རྣམ་གྲོལ་ཞིང་ཡབ་དག་ཡུམ་མེད་པད་སྡོང་རྩེར་འཁྲུངས་པ། གངས་ཅན་བོད་ཀྱི་རྒྱན་མཆོག་པདྨ་སྐྱེས། ཡབ་ཡུམ་གཉིས་སུ་མེད་པའི་དབང་བསྐུར་རོ། །ༀ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཀཱ་ཡ་ཨ་བྷི་ཥིཉྩ་ཧཱུཾ། སློབ་དཔོན་དགའ་རབ་རྡོ་རྗེའི་སྐུ་ཐོགས་ཏེ། ཨཿབཛྲ་སཏྭ་སེམས་དག་ལྷ་ཡི་བུ། རྡོ་རྗེ་ཆོས་དག་རྡོ་རྗེ་ཀུན་ཏུ་བཟང་། རྫོགས་པ་ཆེན་པོའི་བསྟན་པའི་འཁོར་ལོ་བསྒྱུར། སྐྱེ་མཆོག་དགའ་རབ་རྡོ་རྗེའི་དབང་བསྐར་རོཿ ཨ་བྷི་ཥིཉྩ་ཧཱུཾ། གདོད་མའི་མགོན་པོ་ཡབ་ཡུམ་སྐ་ཐོགས་ཏེ། ཨཿ །ཡེ་ཤེས་རྣམ་དག་ཐབས་མཆོག་ཀུན་ཏུ་བཟང་། །ཆོས་ཁམས་རྣམ་དག་ཤེས་རབ་ཀུན་བཟང་མོ། །རྒྱལ་བ་རྒྱ་མཚོའི་སྤྲུལ་གཞི་བླ་ན་མེད། །ཆོས་སྐུ་ཀུན་བཟང་ཡབ་ཡུམ་དབང་བསྐུར་རོ། ༀ་བཛྲ་ཙིཏྟ་ཧཱུཾ། བཛྲ་ས་མནྡྲ༴ ཨ་བྷིཥི་ཉྩ་ཧཱུཾ། །རྒྱ་གར་རིག་འཛིན་བརྒྱད་ཀྱི་དབང་བསྐུར་བ། །རིམ་བཞིན་གྲུབ་ཆེན་སོ་སོའི་སྐུ་ཐོགས་ཏེ། །ཧཱུཾ་དཀྱིལ་འཁོར་ཤར་ཕྱོགས་པདྨའི་གདན་སྟེང་དུ། །ཡང་དག་ཐུགས་ཀྱི་རིག་འཛིན་སྐུ་མདོག་དཀར། །ཌཱ་ཏུ་དྲིལ་བུ་འཛིན་ཅིང་འགྱེངས་སྟབས་བཞུགས། །སློབ་དཔོན་ཧཱུཾ་ཀ་ར་ཡི་དབང་བསྐུར། །མ་ཧཱ་གུ་རུ་ཧཱུཾ་ཀ་ར་ཨ་བྷི་ཥིཉྩ་ཧཱུཾ། །ཧཱུཾ་དཀྱིལ་འཁོར་ནུབ་ཕྱོགས་པདྨའི་གདན་སྟེང་དུ། །པདྨ་གསུང་གི་རིག་འཛིན་ལི་ཁྲིའི་མདོག །དབུ་ལ་གཙུག་ཏོར་ཕྱག་གཉིས་ཌཱ་དྲིལ་བསྣམས། །སློབ་དཔོན་ཀླུ་གྲུབ་སྙིང་པོའི་དབང་བསྐུར་རོ། །མ་ཧཱ་གུ་རུ་ནཱ་གརྫུ་ན་ཨ་བྷི་ཥིཉྩ་ཧཱུཾ། །ཧཱུཾ་དཀྱིལ་འཁོར་བྱང་ཕྱོགས་པདྨའི་གདན་སྟེང་དུ། །ཕུར་པ་ཕྲིན་ལས་རིག་འཛིན་སྐུ་མདོག་ལྗང་། །ཕྱག་གཡས་ཌཱ་རུ་གཡོན་པས་དྲིལ་བུ་འཛིན། །སློབ་དཔོན་པྲ་བྷ་ཧ་ཏིའི་དབང་བསྐུར་རོ། །མཧཱ་གུ་རུ་པྲ་བྷ་ཧ་ཏའི་ལ་བྷི་པ་བྷི་ཥིཉྩ་ཧཱུཾ། །ཧཱུཾ་དཀྱིལ་འཁོར་ཤར་ལྷོ་ལྷ་ཚོགས་པདྨའི་གདན་སྟེང་དུ། །རྦོད་གཏོང་མ་མོའི་རིག་འཛིན་སྐུ་མདོག་མཐིང་། །ཕྱག་གཡས་ཌཱ་ཏུ་གཡོན་པས་དྲིལ་བུ་བསྣམས། །སློབ་དཔོན་དྷ་ན་སཾ་ཀྲྀའི་དབང་བསྐུར་རོ། །མ་ཧཱ་གུ་རུ་དྷ་ན་སཾ་ཀྲྀ་ཏ་ཨ་བྷི༴ །ཧཱུཾ་དཀྱིལ་འཁོར་ལྷོ་ནུབ་པདྨའི་གདན་སྟེང་དུ། །བདུད་རྩི་ཡོན་ཏན་རིག་འཛིན་བཻ་ཌཱུ་ཏུ་མདོག །ཕྱག་གཡས་ཌཱ་ཏུ་གཡོན་པས་དྲིལ་བུ་བསྣམསཿ །སློབ་དཔོན་བི་མ་མི་ཏྲའི་དབང་བསྐུར། །མ་ཧཱ་གུ་རུ་བི་མ་མི་ཏྲ་ཨ་བྷི༴ །ཧཱུཾ་དཀྱིལ་འཁོར་ནུབ་བྱང་མའི་གདན་སྟེང་དུཿ །འཇིག་རྟེན་མཆོད་བསྟོད་རིག་འཛིན་ནམ་མཁའི་མདོག །ཕྱག་གཡས་ཌཱ་ཏུ་གཡོན་པས་དྲིལ་བུ་བསྣམས། །སློབ་དཔོན་གུ་ཧྱ་ཙནྟྲའི་དབང་བསྐུར་རོ། །མ་ཧཱ་གུ་རུ་གུཧྱ་ཙནྟྲ་ཨ་བྷི༴ །ཧཱུཾ་དཀྱིལ་འཁོར་བྱང་ཤར་པདྨའི་གདན་སྟེང་དུཿ དམོད་པ་དྲག་སྔགས་རིག་འཛིན་མུ་ལེན་མདོག །ཕྱག་གཡས་ཌཱ་ཏུ་གཡོན་པས་དྲིལ་བུ་བསྣམས། །སློབ་དཔོན་ཤནྟིཾ་གྷརྦྷའི་དབང་བསྐུར་རོ། །མ་ཧཱ་གུ་རུ་ཤནྟིཾ་གྷརྦྷ་ཨ་བྷི་ཥིཉྩ་ཧཱུཾ། དེ་ནས་མ་ཧཱ་གུ་རུ་པདྨ་ཡིས། སྒྲུབ་ཆེན་བཀྱད་དལ་དུ་བོད་ཡུལ་གྱི། གྲུབ་ཐོབ་རྗེ་འབངས་ཉེར་ལྔ་སྨིན་བྱས་ལྟར། རིམ་བཞིན་སོ་སོའི་སྐུ་ཙག་ཐོགས་བྱས་ལ། ཧྲཱིཿ གནུབས་ཀྱི་རིགས་འཁྲུངས་དགེ་སློང་མཆོག་གི་ཚུལ། །ཡང་དག་ཐུགས་ཀྱི་གྲུབ་བརྙེས་འོད་བརྒྱའི་གཟིར། །ཆིབས་ནས་གཤེགས་བཞུད་རྫུ་འཕྲུལ་སྟོན་མཛད་པའི། །གནུབས་ཆེན་ནམ་མཁའི་སྙིང་པོའི་དབང་བསྐུར་རོ། ༀ་ཨཱ་མ་ཧཱ་གུ་རུ་ནམ་མཁའི་སྙིང་པོ་ཨ་བྷི་ཥིཉྩ་ཧཱུཾ། ཧྲཱིཿགནུབས་ཡུལ་རོང་བྱོན་གསང་སྔགས་རྣལ་འབྱོར་མཆོག །སྒྲགས་ཀྱི་ཡོངས་རྫོགས་གཤིན་རྗེའི་རྟགས། ཕུར་བུས་འདམ་ལ་ཅི་བཞིན་བྲག་ལ་ཐེབ༴ །གནུབས་ཆེན་སངས་རྒྱས་ཡེ་ཤེས་དབང་བསྐུར་རོ། །ༀ་ཨཱཿམ་ཧཱ་གུ་རུ་བུདྡྷ་ཛྙཱ་ན་ཨ་བྷི་ཥིཉྩ་ཧཱུཾ། །ཧྲཱིཿདབུ་རུ་ངན་ལམ་རིགས་འཁྲུངས་དགེ་སློང་མཆོག །མཆིམས་ཕུའི་དབེན་རྩ་གཉིས་མགྲིན་གྲུབ་བརྙེས་རྟགས། །བདེ་ཆེན་འཁོར་ལོའི་གཙུག་ནས་རྟ་སྐད་འཚེར། རྣལ་འབྱོར་རྒྱལ་བ་མཆོག་དབྱངས་དབང་བསྐུར་རོ། །ༀ་ཨཿམ་ཧཱ་གུ་རུ་རྒྱལ་བ་མཆོག་དབྱངས་ཨ་བྷི༴ ཧྲཱིཿསྒྲགས་མདར་མཁར་ཆེན་རིགས་སུ་སྲིད་བཟུང་ཞིང་། མནོ་ཁ་ནེ་རིང་ཕྲིན་ལས་ཕུར་གྲུབ་རྟགས། །གཞན་གྱི་བསད་པའི་མི་རོ་སློང་ནུས་པ། མཁའ་འགྲ་ཡེ་ཤེས་མཚོ་རྒྱལ་དབང་བསྐུར་རོ། །ༀ་ཨཱཿམ་ཧཱ་གུ་རུ་ཌཀྐི་ཛྙཱ་ན་སཱ་ར་ཛི་ཨ་བྷི༴ །ཧྲཱིཿཡར་སྟོད་ཤམ་པོ་གངས་ཀྱི་ར་བ་རུ། །སྲིད་པ་བདེ་འགྲོ་མངོན་པར་གྲུབ་བརྙེས་རྟགས། །མ་མོ་དབང་འདུས་བྲན་དུ་བཀོལ་མཛད་པའི། །འབྲོག་མི་དཔལ་གྱི་ཡེ་ཤེས་དབང་བསྐུར་རོ། །ༀ་ཨཱཿམ་ཧཱ་གུ་རུ་འབྲོག་མི་དཔལ་གྱི་ཡེ་ཤེས། ཨ་བྷི་ཥིཉྩ་ཧཱུཾ། ཧྲཱིཿསློབ་དཔོན་རྗེ་དང་བཱི་མ་མི་ཏྲ་ཡི། །རྗེས་བཟུང་ཡོན་ཏན་བདུད་རྩིའི་བཀའ་བབས་མཆོག །རྫུ་འཕྲུལ་བྲག་ལ་བདུད་རྩི་འབྱིན་ནུས་པ། །གཉག་ཆེན་ཡེ་ཤེས་གཞོན་ནུས་དབང་བསྐུར་རོ། །ༀ་ཨཱཿམ་ཧཱ་གུ་རུ་ཛྙཱ་ན་ཀུ་མ་ར་ཨ་བྷི༴ ཧྲཱིཿ །སྤ་གྲོ་སྟག་ཚང་བསམ་འགྲུབ་ཀིའུ་ཚང་དུ། །དྲེགས་པའི་བདག་པོ་མངོན་པོར་གྲུབ་མཛད་རྟགས། །ལྷ་སྲིན་སྡེ་བརྒྱད་དབང་བསྡུད་བྲན་དུ་བཀོལ། །གྲུབ་ཆེན་དཔལ་གྱི་སེང་གེའི་དབང་བསྐུར་རོ། །ༀ་ཨཱཿམ་ཧཱ་གུ་རུ་དཔལ་གྱི་སེང་གེ་ཨ་བྷི༴ །ཧྲཱིཿ གཡའ་མ་ལུང་དང་ལི་ཡུལ་ལྕང་ར་རུ། །སྟོབས་ལྡན་ནག་པོ་མངོན་པར་གྲུབ་མཛད་རྟགས། །སྡེ་བརྒྱད་བྲན་ཁོལ་ཡེ་ཤེས་སྤྱན་ལྡན་པའི། །དགེ་སློང་རྣམ་སྣང་ལོ་ཙའི་དབང་བསྐུར་རོ། །ༀ་ཨཱཿམ་ཧཱ་གུ་རུ་བཻ་རོ་ཙ་ན་ཨ་བྷི་ཥིཉྩ་ཧཱུཾ། ཧྲཱིཿ །རིགས་གསུམ་དཔལ་གྱི་བསམ་ཡས་དབུ་རྩེ་རུ། །རྡོ་རྗེའི་རྒྱལ་ཚབ་ཆེ་མཆོག་མངོན་གྲུབ་རྗེ། །ཏིང་འཛིན་མི་གཡོ་མངའ་བདག་ཆོས་ཀྱི་རྒྱལ། །ཚངས་པ་ལྷ་ཡི་མེ་ཏོག་དབང་བསྐུར་རོ། །ༀ་ཨཱཿམ་ཧཱ་གུ་རུ་དྷེ་ཝ་མནྡ་ཨ་བྷི་ཥིཉྩ་ཧཱུཾ། ཧྲཱིཿ སློབ་དཔོན་རྗེ་དང་བཱཻ་རོ་ཙ་ན་ཡིས། །རྗེས་བཟུང་རྒྱལ་མོ་གཡུ་སྒྲ་སྙིང་པོ་ཞེས། །རྟོགས་པ་མཆོག་ལྡན་གསེར་གྱི་རྡོ་རྗེར་སྤྲུལ། །རྣལ་འབྱོར་དབང་ཕྱུག་ཆེན་པོའི་དབང་བསྐུར་རོ། །ༀ་ཨཱཿམ་ཧཱ་གུ་རུ་གཡུ་སྒྲ་སྙིང་པོ་ཨ་བྷི༴ ཧྲཱིཿ །སློབ་དཔོན་ཆེན་པོའི་རྗེས་བཟུང་རྣལ་འབྱོར་མཆོག །གསང་སྔགས་བླ་ན་མེད་པའི་འཁོར་ལོས་བསྒྱུར། །རྫུ་འཕྲུལ་མཁའ་ལ་ཐོགས་མེད་རླུང་ལྟར་རྒྱུ། །སྣ་ནམ་རྡོ་རྗེ་བདུད་འཇོམས་དབང་བསྐུར་རོ། །ༀ་ཨཱཿམ་ཧཱ་གུ་རུ་སོག་པོ་ལྷ་དཔལ་ཨ་བྷི་ཥིཉྩ་ཧཱུཾ། ཧྲཱིཿ །མ་ཧཱ་གུ་རུ་པདྨ་ཀ་ར་ཡིས། །སྨིན་གྲོལ་སྒོར་བཅུག་དངོས་གྲུབ་རྣམ་གཉིས་བརྙེས། །རྫུ་འཕྲུལ་མཁའ་ལ་ཐོགས་མེད་བྱ་ལྟར་ལྡོང་། །རྣལ་འབྱོར་སྣ་ནམ་ཡེ་ཤེས་དབང་བསྐུར་རོ། །ༀ་ཨཱཿམ་ཧཱ་གུ་རུ་སྣ་ནམ་ཡེ་ཤེས་ཨ༴ ཧྲཱིཿ མཁར་ཆེན་རྒྱལ་པོའི་རིགས་སུ་སྐུ་འཁྲུགས་ཤིང་། །སྐད་གཉིས་སྨྲ་བའི་མཆོག་གྱུར་ལོ་ཙ་བ། །སྔགས་ཀྱི་གྲུབ་བརྙེད་ཕུར་པ་གདེགས་ཚད་བཀུམ། །མཁར་ཆེན་དཔལ་གྱི་དབང་ཕྱུག་དབང་བསྐུར་རོ། །ༀ་ཨཱཿམ་ཧཱ་གུ་རུ་དཔལ་གྱི་དབང་ཕྱུག་ཨ་བྷི་ཥིཉྩ་ཧཱུཾ། ཧྲཱིཿ །བྷོ་ཌའི་རྒྱན་གཅིག་པདྨ་རྒྱལ་པོ་ཡིས། །གསང་སྔགས་སྔ་འགྱུར་བསྟན་པའི་སྒོར་བཅུག་དོན། །མི་རྗེད་གཟུངས་ཐོབ་གྲུབ་པའི་སར་བཞུགས་གོང་། །རྣལ་འབྱོར་ལྷན་མ་རྩེ་མང་དབང་བསྐུར་རོ། །ༀ་ཨཱཿམ་ཧཱ་གུ་རུ་ལྡན་མ་རྩེ་མང་ཨ་བྷི༴ ཧྲཱིཿ །པདྨ་ལས་འཁྲུངས་པད་འབྱུང་སྤྲུལ་པའི་སྐུས། །སྨིན་གྲོལ་སྒོར་བཅུག་སྤྲུལ་པའི་ལོ་ཙ་བ། །གཞན་སེམས་ཀུན་མཁྱེན་བོད་ཡུལ་མུན་སེལ་ཉི། །རྣལ་འབྱོར་སྐ་བ་དཔལ་བརྩེགས་དབང་བསྐུར་རོ། །ༀ་ཨཱཿམ་ཧཱ་གུ་རུ་སྐུ་བ་དཔལ་བརྩེགས་ཨ་བྷི༴ ཧྲཱིཿ དུས་གསུམ་ཀུན་མཁྱེན་པདྨ་སཾ་བྷ་ཝས། །སྨིན་གྲོལ་གཤེར་དང་དྲོད་ཀྱི་བསྐྱེད་བསྲིངས་འབྲས། །རྫུ་འཕྲུལ་སྟོབས་ཀྱིས་ཆུ་རྒྱུན་གྱེན་དུ་བལྡོག །ཤུད་པུ་དཔལ་གྱི་སེང་གེའི་དབང་བསྐུར་རོ། །ༀ་ཨཱཿམ་ཧཱ་གུ་རུ་དཔལ་གྱི་སེང་གེ་ཨ༴ ཧྲཱི། ཆོས་རྣམས་ཁོང་ཆུད་བློ་ལྡན་མཆོག་སྲེད་ཀྱིས། །རྗེས་བཟུང་སྔགས་ཀྱི་དངོས་གྲུབ་བརྙེས་པའི་རྟགས། །རོ་ལང་གསེར་དུ་བསྒྱུར་བའི་རྫུ་འཕྲུལ་ཐོབ། །རྣལ་འབྱོར་རྒྱལ་བའི་བློ་གྲོས་དབང་བསྐུར་རོ། །ༀ་ཨཱཿམ་ཧཱ་གུ་རུ་རྒྱལ་བའི་བློ་གྲོས་ཨ་བྷི༴ ཧྲཱིཿ བརྟུལ་ཞུགས་མཆོག་གྲུབ་ཉི་མ་འོད་ཟེར་གྱིས། །དབང་བསྐུར་མཐུ་བྱིན་སྐད་གཅིག་སྨྲ་བ་གང་། །རྫུ་འཔྲུལ་སྟོབས་ཀྱི་མཁའ་བསྒྲོད་བྱ་ཡང་འཛིན། །རྣལ་འབྱོར་ཁྱེའུ་ཆུང་ལོ་ཙའི་དབང་བསྐུར་རོ། །ༀ་ཨཱཿམ་ཧཱ་གུ་རུ་ཁྱེའུ་ཆུང་ལོ་ཙཱ་ཨ༴ ཧྲཱིཿ །བདུད་སྡེའི་དཔུང་འཇོམས་སེང་གེ་སྒྲ་སྒྲོགས་ཀྱི། །མཐུ་སྟོབས་རྩལ་འབྱིན་ནུས་སྟོབས་མངོན་གྱུར་རྟགས། །རྫུ་འཕྲུལ་བྱང་གི་གཡང་རྒོད་མངོན་དུ་ཁྲུག །རྣལ་འབྱོར་དྲན་པ་ནམ་མཁའ་དབང་བསྐུར་རོ། །ༀ་ཨཱཿམ་ཧཱ་གུ་རུ་དྲན་པ་ནམ་མཁའ༴ ཧྲཱིཿ །སྟོན་པའི་ཞལ་སྐྱིན་ཤཱཀྱ་སེང་གེ་ཡིས། །དབང་བསྐུར་ལུང་སྟོན་དབུགས་དབྱུགས་གྲུབ་བརྙེས་མཐུས། །ཆུ་ལ་ཉ་བཟིན་ཐོགས་མེད་རྫུ་འཕྲུལ་ཏོབ། །འོ་བྲན་དཔལ་གྱི་དབང་ཕྱུག་དབང་བསྐུར་རོ། །ༀ་ཨཱཿམ་ཧཱ་གུ་རུ་དཔལ་གྱི་དབང་ཕྱུག་ཨ༴ །ཧྲཱིཿའདོད་དགུའི་གར་བསྒྱུར་པདྨ་བཛྲ་གྱིས། །མཐུ་སྟོབས་ནུས་པའི་དཔལ་ཡོན་ལེགས་བྱིན་པས། །ཕ་འོང་ཟན་ལྟར་གསོལ་ནུས་རྫུ་འཕྲུལ་ཐོབ། །ལོ་ཆེན་རྨ་ཐོག་རིན་ཆེན་དབང་བསྐུར༴ །ༀ་ཨཱཿམ་ཧཱ་གུ་རུ་རྨ་ཐོག་རིན་པོ་ཆེ་ཨ༴ ཧྲཱིཿ ཁྲོ་བོ་འཆོལ་བ་རྡོ་རྗེ་གྲོ་ལོད་ཀྱིས། །གསང་གསུམ་བྱིན་རླབས་ནུས་པའི་དབང་བསྐུར་བས། །རི་བྲག་ཐོགས་མེད་སྡིག་ཅན་དར་མ་བསྒྲལ། །རྣལ་འབྱོར་དཔལ་གྱི་རྡོ་རྗེའི་དབང་བསྐུར༴ །ༀ་ཨཱཿམ་ཧཱ་གུ་རུ་དཔལ་གྱི་རྡོ་རྗེ་ཨ༴ ཧྲཱིཿ །ཨོ་རྒྱན་ཆེན་པོ་པདྨ་ཐོད་ཕྲེང་གིས། །སྨིན་གྲོལ་གདམས་པའི་བཅུད་བྱིན་གྲུབ་བརྙེད་གང་། །རྫུ་འཕྲུལ་གནམ་ལྕག་ཐོགས་འཕེན་ལོ་ཙཱ་བ། །ལང་གྲོ་དཀོན་མཆོག་འབྱུང་གནས་དབང་བསྐུར་རོ། །ༀ་ཨཱཿམ་ཧཱ་གུ་རུ་དཀོན་མཆོག་འབྱུང་གནས་ཨ་བྷི༴ ཧྲཱིཿ །མཁྲོ་ཡོངས་ཀྱིས་མིང་སོ་པདྨ་སྐྱེས་གསང་སྔགས་བདུད་རྩིའི་ཆོས་ཆར་ལེགས་འབབས་པས། །རྫུ་འཕྲུལ་མཁའ་ལ་སྐྱིལ་ཀྲུང་གིས་བཞུགས་གང་། །གྲུབ་ཆེན་རྒྱལ་བ་བྱང་ཆུབ་དབང་བསྐུར་རོ། །ༀ་ཨཱཿམ་ཧཱ་གུ་རུ་རྒྱལ་བ་བྱང་ཆུབ་ཨ་བྷི་ཥིཉྩ་ཧཱུཾ། ཧྲཱིཿ དཀྱིལ་འཁོར་སྒོ་སྲུང་བཞི་ཡི་དབང་བསྐུར་པ། །དཀྱིལ་འཁོར་སྒོ་བཞི་སྐྱོང་བའི་ལྷ་ཆེན་པོ། །རྡོ་རྗེ་རིན་ཆེན་པདྨ་ཀརྨ་དང་། རང་རང་སྐུ་མདོག་ཕྱག་མཚན་རྒྱན་རྣམས་རྫོགས། །ཁྲོ་བོ་གདེན་པ་བཞིའི་དབང་བསྐུར་རོ། །དེ་རྗེས་གཏོར་མའི་དབང་བསྐུར་བྱ་བ་ནི། །གཏོར་དངོས་པོ་ཙན་མར་འཛིན་པ་ཡིས། །དྲི་མ་ཡང་དག་རིག་འཛིན་འདུས་པ་ཡིས། བརྟེན་དང་བརྟེན་པའི་ངོ་བོར་ལྷུན་རྫོགས་པ། །སློབ་མའི་མགོར་བཞག་དབང་རྣམས་ཐོབ་བསམ་ལ། ཧྲཱིཿ དཀྱིལ་འཁོར་གཙོ་བོ་དཔལ་འབྱུང་ཡབ་ཡུམ་དང་། །རིགས་བདག་དགའ་རབ་རྡོ་རྗེ་སེམས་དཔའ་ཆེ། །ཀུན་བཟང་ཡབ་ཡུམ་རྒྱ་གར་རིག་འཛིན་བརྒྱད། །རྗེ་རྒྱལ་འབངས་ཉེར་ལྔ་ཡི་དམ་ལྷ། །རྒྱུད་སྡེ་བཞི་དྲུག་དཔའ་བོ་མཁའ་འགྲོའི་ཚོགས། །དཔལ་མགོན་བདུན་ཅུ་རྩ་ལྔ་དབང་ཕྱུག ། ཉེར་བརྒྱད་སྒོ་སྐྱོངས་གིང་ཆེན་བཞི་བཅས་ཀྱི། །སྐུ་གསུང་ཐུགས་ཡོན་ཕྲིན་ལས་དབང་རྣམས་ཀུན། །སྐལ་ལྡན་ལས་ཅན་རྣམས་ལ་བསྐུར་བ་ཡིས། །ལུས་ངག་ཡིད་གསུམ་སྒོ་གསུམ་ཆ་མཉམ་བཞིའི། །སྒྲིབ་བཞི་ཡོངས་དག་རིག་འཛིན་རྣམ་བཞི་དེང་། །སྐུ་བཞིའི་གོ་འཕང་ཐོབ་པའི་རྟེན་འབྲེལ་འགྲིགས། །མཐར་ཐུགས་གཞོན་ནུ་བུམ་སྐུ། མངོན་དུ་གྱུར། །ༀ་ཨཱཿཧཱུཾ། བཛྲ་མ་ཧཱ་གུ་རུ་སརྦ་སི་དྡྷི་ཧཱུཾ། ཀཱ་ཡ་སིདྡྷི་ༀ། ཝཀྐ་སིདྡྷི་ཨཿ ཧྲཱི་ཏྟ་ཧཱུྃ་གུརྞ་སིདྡྷི་ཏྲཾ། སརྦ་སིདྡྷི་ཧྲཱིཿ གཏོར་མ་གནས་སོ་སོར་བཞག་གོ། མཐའ་རྟེན་གྱི་དང་པོ་རྒྱལ་སྲིད་རིནཔོ་ཆེ་སྣ་བདུན་གཏད་པ་ལ། ཀུན་རྫོབ་དང་དོན་དམ་གཉིས་ལ། །དང་པོ་ལྟར་ན་ལམ་ཞུགས་གི་ལྷ་མི་ཐེགས་པར་གཞོམ་ཚེ་རྣམ་དཀར་གྱི་ལས་བསགས་པ་གང་ཞིག་དམ་པ་གསུམ་གྱིས་ཟིན་པའི་རིགས་རྣམས་འཕགས་པ་གསུམ་གྱིས་ཐུགས་བསྐྱེད་ལས་འཁོར་ལོས་བསྒྱུར་བའི་དཔལ་ཡོན་ལ་སྤྱོད་པ་དག་ལ་རིན་ཆེན་གསུམ་གང་རུང་ངམ། གསེར་འཁོར་རྩིབས་སྟོང་ལྡན་པ་ལྷ་དབང་གི་གནས་སམ། །རི་བོའི་ལས་ཅན་རྗེ་འབངས་ཉི་ཤུ་རྩ་ལྔ་དགོངས་ས་ཀློང་དུ་གྱུར་ནས་རིག་འཛིན་གྱི་ས་ལ་གཤེགས་ཤིང་རྫུ་འཕྲུལ་མ་མ་ཟུང་སྟོན་ནུས་པའི་གྲུབ་ཐོབ་ཀྱི་དངོས་པོར་གྱུར། །དེ་དག་གི་ཚེ་གསང་སྔགས་ཐུན་མོང་བ་ལས་ཁྱད་པར་དུ་གྱུར་པ་ནང་རྒྱུད་ཡོ་ག་གསུམ་གྱི་དགོངས་པའི་བཅུད་ཕྱུང་བ་ལྟ་བུའི་མན་སྔགས་ཟབ་པ་དང་རྒྱ་ཆེ་བ་ཇི་སྙེད་ཞིག་རྗེ་བཙུན་གུ་རུ་ཉིད་ཀྱི་དགོངས་པའི་ཀློང་ནས་ཕྱུངས། །མགུལ་གྱི་བུམ་པ་ནས་དྲངས། རྡོ་རྗེའི་ལྗགས་ལས་བཀྲམ། །དུང་གི་ཚེམ་པར་ནས་གཤར་ཏོ་རྒྱུད་ལས་བསྒྲུབ་ཐབས། །སྒྲུབ་ཐམས་ཅད་མན་སྔགས་མན་སྔགས་ལག་ལེན་དུ་སྡེབས་ཏེ་གདམས་པ་སྣ་རེས་ཀྱང་གང་ཟག་གཅིག་ཆོ་གཞན་ལ་ལྟོས་པར་སངས་རྒྱས་རྒྱ་བའི་ཟག་གནད་ཅན་དུ་བསྟན་པ་རྗེ་འབངས་སོ་སོ་ལ་བཀའ་བབས་ཀྱི་ངེས་པ་ལྟར་བཤད་པ་ལས། ཕལ་ཆེར་ཇོ་མོ་མཚོ་རྒྱལ་གྱིས་ཀློང་གསལ་རིག་པའི་བརྗེད་ངེས་དང་བྲལ་བའི་གཟུགས་ཀྱི་བཟུང་ཞིང་། ཌཀྐིའི་བརྡ་རིས་རྣམ་གྲངས་མཐའ་ཡས་པར་བཏབ་ནས་སྦ་བའི་གཉེར་ཁ་མཛད། །དེར་མ་ལྟོས་པ་ཡི་གེ་མཁས་པའི་མཆོག་ལེགས་བྱིན་ཉི་མ། རྐྱེན་པའི་ཕུལ་ལྡན་མ་རྩེ་མང་། དག་པའི་རབ་ཨ་ཙ་ར་ཡེ་ཤེས་དབྱངས་ལོགས་པས་བྲི་གཞི་ངོ་མཚར་གྱི་བཀོད་པ་དུ་མས་ཁྱད་དུ་འཕགས་པར་བཀོད་ནས་སློབ་དཔོན་ཉིད་ཀྱི་རབ་ཏུ་གནས་ཤིང་མཐོང་གྲོལ་གྱི་བདེན་པ་ཅན་དུ་བྱིན་གྱི་རླབས། མ་འོག་པའི་དུས་ན་རང་རང་གི་ལས་འཕྲོ་སྐལ་བ་དང་འཚམས་པར་འདོན་པར་དབང་བའི་སྐྱེས་བུ་དེ་ལ་སྨོན་ལམ་དབང་བསྐུར་གཏད་རྒྱ་ལུང་བསྟན་ཡོངས་སུ་རྫོགས་པས་འགྲོ་བའི་དོན་རླབས་པོ་ཆེ་འགྲུབ་པའི་ཐུགས་བསྐྱེད་སྨོན་པའི་མཚམས་སྦྱོར་དང་བཅས་ཏེ། །དམ་པའི་ཆོས་མི་ནུབ་པ་དང་། །གདམས་ངག་མི་འཆུག་པ་དང་། །བྱིན་རླབས་མི་ཡལ་བ་དང་། །རྒྱུད་ཐག་ཉེ་བ་སྟེ་དགོས་པ་རྣམ་པ་བཞི་དང་ལྡན་པར་དགོངས་ནས་སྔོན་གྱི་ཚེ་རྒྱལ་བ་རྣམས་ཀྱིས་ཐུགས་ནས་མཐའ་ཡས་ཀྱི་གཏེར་དུ་སྦས་པ་དང་། མཁའ་འགྲོ་མས་དགོངས་པའི་རྩལ་གྱིས་ནམ་མཁའི་གཏེར་དུ་སྦས་པ་དང་། རིག་འཛིན་རྣམས་ཀྱིས་སྒོམ་བུལ་བརྟེན་ཏེ་པའི་གཏེར་དུ་སྦས་པ་དང་རྗེས་སུ་མཐུན་པར་མཚོན་བྱ་དོན་གྱི་མན་སྔགས་སྐུ་གསུམ་རང་བྱུང་གི་སྒྲོམ། མཚོན་བྱེད་ཚིག་གི་དཔེ་རྒྱུད་དང་། མྱོང་གྲོལ་སྐུ་གསུང་ཐུགས་ཀྱི་རྟེན་རྣམས་པ་ཉོ་རི་བྲག་ཆུ་ཤིང་ལོགས་པའི་གནས་ཐ་དད་པར་འབྱུང་བ་ལྔའི་རྒྱས་བསྡམས་ཏེ་སྦས་པ་གཏེར་སྟོན། སངས་རྒྱས་བླ་མ་དང་མངའ་བདག་ཉང་ཡབ་སྲས་ནས་བཟུང་རིམ་པར་དུས་རྟགས་དང་མཚུངས་པར་མངོན་དུ་ཕྱུང་བའི་ནང་ཚན་ལས་ཁྱད་པར་དུ་གྱུར་པ་འདིའི་ལོ་རྒྱུས་ཅུང་ཟད་ཞུ་ན། །བླ་མདགོངས་པ་འདུསཔའི་ལུང་ངན་བཀའ་རྒྱ་མ་ལས། །ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུཿ ཟབ་དོན་སྙིང་ཐིག་ཆོས་ཀྱི་འགྲོ་བ་འདྲེནཿ འབྲེལ་ཚད་རིག་འཛིན་ཞིང་དུ་འཕེན་པ་འབྱུང་ཿ ཞེས་དང་རྗེས་ཉིད་ཀྱི་རང་གཏེར་གནད་བྱང་ཐུགས་ཀྱི་སྒྲོམ་བུ་ལས། རིག་འཛིན་དཔའ་བོ་མཁའ་འགྲོ་ཡིསཿ བསྐུལ་མ་ཐང་གསུམ་དག་ཏུ་འོང་ཿ །དེ་ཚེ་མི་བརྗེད་དྲན་པའི་གཟུངསཿ གཟིར་དྲུག་གནད་ཀྱི་ལྡེ་མིག་གིསཿ ཀློང་གསལ་དགོངས་པའི་གཏེར་ཁ་འབྱེདཿ ཅེས་དང་། སྤྲེལ་ལོ་སྤོབས་ཟླས་ཚེ་བཅུ་ལཿ པདྨ་ང་དག་དངོས་ཞལ་མཇལཿ བར་ཆད་སེལ་ཞིང་བྱིན་གྱི་རློབསཿ ཅེས་གསུངས་བཞིན། སྤྲེལ་ལ་སྤྲེལ་ཟླའི་ཚེས་བཅུའི་ཉིན་པདྨ་འོད་གླི་སིནྡྷུ་རྒྱ་མཚོའི་ཞིང་ཁམས་བཀོད་པར་ཕྱི་ནང་གི་མཆོད་པ་གཟབ་རྒྱས་དང་བཅས་པས་མན་སྔགས་བཅུ་གསུམ་སྤྱི་དྲིལ་གསོལ་འདེབས་བསམ་པ་ལྷུན་གྲུབ་མའི་སྒོ་ནས་ཚེས་བཅུའི་ཆོ་ག་བསྟར་བ་ལས། སྤྱན་འདྲེན་གྱི་ཚེ་མོས་གུས་བླ་ན་མེད་པས་རྐྱེན་བྱས་དཔལ་ཨུ་རྒྱན་ཆོས་ཀྱི་རྒྱལ་པོས་མཚན་དཔེའི་ལང་ཚོ་བལྟ་བས་ཆོག་མི་ཤེས་པ་དཔའ་བོ་མཁྲོ་ཏིལ་གི་གོང་བུ་ལྟར་འཁྲིགས་པའི་ཀློང་ནས་རྡོ་རྗེའི་གར་སྟབས་སྲིད་གསུམ་ཟིལ་གྱི་གནོན་པའི་རང་བཞིན་དུ་སྒྱུར་ཞིང་། མནྡ་ར་བའི་མེ་ཏོག་གི་སིལ་བ་ཀུན་ཏུ་འཐོར་བའི་ངང་ཚུལ་ཅན་ཆུ་བུར་མིག་གི་སྤྱོད་ཡུལ་དུ་གྱུར་པས་མོས་གུས་ཀྱིས་བརྒྱལ་བ་ཙམ་གྱི་ངང་ནས་སྐལ་པ་བཟང་པོའི་དགེ་མཚན་ཅི་ཡང་ཐོབ་པོ། །དུས་དེར་ལྷོ་རྒྱུད་སྤྲུལ་པའི་སྐུ་མཆོག་རྣམས་གསུམ་གྱི་དགོངས་གཏེར་ཆེན་པོ་གཏན་ལ་དབབ་པ་ལགས་པོའི་དབུགས་འབྱིན་རྟེན་དང་བཅས་ཏེ་དངས་བ་སྟོན་པར་མཛད་པ་དང་གནུབས་ནམ་མཁའི་སྙིང་པོའི་སྤྲུལ་པ་ཀོང་སྨྱོན་སྦས་པའི་རྣལ་འབྱོར་གྱི་ལྐོག་གྱུར་མངོན་དུ་རིག་པ་ལྟར་ད་ལམ་ཅིས་ཀྱང་ཐུགས་གཏེར་གཏན་ལ་འབེབས་དགོས་ཀྱིས་གསུངས་ནན་སོགས་རྟེན་འབྲེལ་དུས་མཚུངས་སུ་གྱུར་བཞིན་སྤེལ་བ་ཡང་། སྒྲོན་མ་རྣམ་བཀོད་ལས། དགོངས་པ་བརྡའ་དང་སྙན་བརྒྱུད་ནས། གསང་སྔགས་དོན་གྱི་ཚད་མ་འབྱུང་། དཔེ་ལ་བརྟེན་ནས་དོན་ངོ་ཤེས། རྟགས་ལ་བརྟེན་པས་ཡིད་ཆས་འགྱུར། ཞེས་གསུངས་པ་ཡང་། པཎ་ཆེན་བི་མ་ལེའི་གསང་བ་གསུམ་གྱི་སྒྱུ་འཕྲུལ་ཀུན་མཁྱེན་ངག་གི་དབང་པོ་འདོལ་གྱི་ངང་ནས་ཞལ་ལན་གསུམ་མཇལ་ནས་དགོངས་པའི་གསང་མཛོད་ཆེན་མོ་གཏན་ལ་དབབ་པར་བསྐུལ་ཞིང་རིགས་སྔགས་ཌཱཀྐིའི་གཙོ་མོས་བརྡ་འགྲོ་ཀྱི་སྐབས་དབྱེ་ནས་རིམ་པར་སྐྱར་ཤོག་དཀར་པོའི་ངོས་སུ་སྣང་བར་བྱས་པ་ལ། ཨེ་མཿ འདི་ལྟར་ཤིན་ཏུ་ཟབ་པའི་གནདཿ གཏེར་བཅུད་འདུས་པ་དགོངས་པའི་གཏེརཿ ཀློང་གསལ་དབྱིངས་ཀྱིས་ཕོ་བྲང་དུཿ བརྡའ་ཚིག་རྡོ་རྗེའི་རོལ་མོ་འཁྲོལཿ སྙིང་ལ་རྒྱས་བཏབ་སྦ་སྙམས་ཡང་ཿ རིག་འཛིན་མཁའ་འགྲོའི་བརྡས་བསྐུལ་ནསཿ ལས་ཅན་རྗེས་འཇུག་དོན་དུ་བཀོདཿ ཅེས་གསུངས་པས་ཀློང་ཆེན་བརྡའ་བསྒྱུར་ནམ་མཁའ་མཛོད་ཀྱི་ཆོས་སྡེ་ལས་བྱུང་བའི་ནང་སྒྲུབ་རིག་འཛིན་འདུས་པའི་དབང་བསྐུར་བར་བྱེད་པ་ལ། བདག་གིས་བགྱི་བར་འོས་པ་རྣམས་སྔོན་དུ་གྲུབ་ནས། ད་ཁྱེད་རང་ངོ་སྐལ་དུ་གྱུར་པའི་མཎྜལ་འབུལ་མཛོད། ཅེས་བརྡའ་སྦྱར་ལ་མཎྜལ། ཕུལ་ནས་གསོལ་བ་འདེབས་པ་འདིའི་རྗེས་ཟློས་མཛོད། ཅེས་བརྡའ་སྦྱར་ལ། ཧོ་བདག་ནི་སྐལ་ལྡན་རིགས་ཀྱི་བུཿ ཐུགས་རྗེ་ཆེན་པོའི་རྗེས་བཟུང་ལཿ དམ་ཚིག་ཆེན་པོའི་དཀྱིལ་འཁོར་དུཿ འཇུག་ཅིང་སྨིན་པར་མཛད་དུ་གསོལཿ ཚར་གསུམ་ཞུ་ཞིང་། ལན་སྦྱིན་པ་ནི། ཧོ། གསལ་བ་མཆོག་གི་དཀྱིལ་འཁོར་འདིརཿ འཇུག་པར་དཀའ་ལ་ཁེ་ཉན་ཆེཿ དམ་ཚིག་ཉམས་ན་བརླག་གྱུར་པསཿ དམ་བསྒྲུང་དབང་བསྐུར་སྦྱིན་པར་བྱཿ ཅེས་བསྒྲག་སྐྱབས་སེམས་སོགས་ཅེས་པ་དང་པོ་ལྟར་སྤྱིར་མཆོག་གསུམ་རིན་པོ་ཆེར་སྐྱབས་སུ་མ་སོང་ན་ནང་ས་སངས་རྒྱས་ཀྱི་གྲལ་དུ་མི་ཚུད་པ་དང་། སྒོས་སུ་དབང་གི་ནུས་བཅུད་ཆགས་པ་ལའང་མེད་དུ་མི་རུང་བ་ལགས་པས། མདུན་གྱི་ནམ་མཁར་བླ་མ་དང་དབྱེར་མ་མཆིས་པ་བླ་མ་རིན་འཛིན་འདུས་པའི་ལྷ་ཚོགས་རྩ་གསུམ་དམ་ཅན་རྒྱ་མཚོའི་ཚོགས་གྱི་བསྐོར་བ་གསལ་བའི་མདུན་དུ་ཁྱེད་རང་གི་དྲིན་ཆེན་ཕ་མའི་ཐོག་དྲངས་མཁའ་མཉམ་གྱི་འགྲོ་བ་ཐམས་ཅད་པ་ཆེན་པོའི་རྡུལ་བཞིན་འཚོགས་ནས་དུས་འདི་ནས་བཟུང་སྟེ་བྱང་ཆུབ་སྙི་པོ་ལ་མཆིས་ཀྱི་བར་དུ་བླ་མ་རིག་འཛིན་འདུས་པའི་ལྷ་ཚོགས་སྐྱབས་ཀྱི་མཆོག་ཏུ་བཟུང་བར་བགྱིའོ་སྙམ་པས་འདིའི་རྗེས་ཟླས་མཛོད། ན་མོ་བདག་དང་མཐའ་ཡས་སེམས་ཅན་ཀུནཿ མཆོག་གསུམངོ་བོ་བླ་མ་དང་ཿ རིག་འཛིན་རྒྱ་མཚོའི་དཀྱིལ་འཁོར་ལཿ སྙིང་ནས་དད་པའི་སྐྱབས་སུ་མཆིཿ ལན་གསུམ་གཉིས་པ་སེམས་བསྐྱེད་ནིཿ དེ་ཡང་ནམ་མཁའི་གར་ཁྱབ་སེམས་ཅན་གྱི་ཁྱབ། སེམས་ཅན་གྱི་གར་ཁྱབ་ལས་ངན་དང་སྡུག་བསྔལ་གྱི་ཁྱབ། ལས་ངན་དང་སྡུག་བསྔལ་སྤྱོདཔའི་སེམས་ཅན་དེ་རྣམས་ཕ་མར་མ་གྱུར་པ་ནི་གཅིག་ཀྱང་མེད། ཕ་མ་དེ་རྣམས་བདེ་བ་འདོད་ཀྱང་སྡུག་བསྔལ་ཁོ་ནའི་རྒྱུ་དང་འབྲུས་ལ་སྤྱོད་པ་སྙིང་རེ་རྗེ་དེ་རྣམས་སངས་རྒྱས་ཐོབཔར་འདོད་པའི་སྨིན་སེམས་དང་། དེ་དང་འབྲེལ་པའི་སྨིན་གྲོལ་གྱི་ཆོས་རྣམས་ཕ་རོལ་ཏུ་ཕྱིན་པ་དྲུག་དང་དབྱེར་མེད་པའི་འཇུག་སེམས་བརྟེན་ནཔའི་གོ་ནས་འདིའི་རྗེས་ཟློས་མཛོད། ཧོཿརིག་འཛིན་དཀྱིལ་འཁོར་འདིར་ཞུགས་ནསཿ ཕ་མ་འགྲོ་དྲུག་སེམས་ཅན་ཀུནཿ ཚད་མེད་སྙིང་རྗེས་སྒྲོལ་བའི་ཕྱིརཿ སྨོན་འཇུག་དོན་དམ་བྱང་སེམས་བསྐྱེདཿ ལན་གསུམ། ཡན་ལག་བདུན་པའི་ཚོགས་བསགས་བྱ། དེས་ནི་དབང་འདི་གཞི་རྟེན་འགྱུརཿ ཞེས་པས་ཡན་ལག་བདུན་པ་ཡང་། ཐོག་དམན་ལུགས་ལྟར་མ་ཡིན་ཏེ། རྫོགས་པ་ཆེན་པོའི་རིང་ལུགས་བཞིན། ཁྲིགས་ཆོད་ཐོད་རྒལ་དོན་དྲན་བཞིན་འདི་ཡི་རྗེས་ཟློས་བྱེད་པར་རིག ཧོཿ ཆུ་ུལུས་ཆུ་སྦུར་ཇི་བཞིན་དུཿ ཡེ་ཤེས་དབྱིངས་ལས་སྤྲུལ་པའི་ལྷག་པརཿ མངོན་སུམ་རིག་པས་ཕྱག་འཚལ་ལོཿ ཉམས་སྣང་གོང་འཕེལ་མཆོད་པ་འབུལཿ རིག་པ་ཚད་ཕེབས་ངང་དུ་བཤགསཿ ཆོས་ཉིད་ཟད་ལ་རྗེས་ཡི་རང་ཿ འཕོ་ཆེན་ཀློང་ནས་ཆོས་འཁོར་བསྐོརཿ འཇའ་ལུས་ཆེན་པོར་བཞུགས་གསོལ་འདེབསཿ དགེ་ཚོགས་གཞོན་ནུ་བུམ་སྐར་བསྔོཿ སོགས་ལན་གསུམ་བརྗོདཿ དེ་ནས་སྡོམ་གསུམ་བླང་བ་ནིཿ ཧོཿ རིག་འཛིན་དཀྱིལ་འཁོར་བདག་ལ་དགོངསཿ བདག་སྔགས་རྡོ་རྗེའི་མཆེད་ལྕམ་རྣམསཿ བྱང་ཆུབ་སྙིང་པོར་མཆིས་ཀྱི་བརཿ དགེ་བསྙེན་དགེ་ཚུལ་དགེ་སློང་དང་། བྱང་ཆུབ་སེམས་དཔའི་སྨོན་འཇུག་སེམསཿ རིག་འཛིན་སྔགས་ཀྱི་སྡོམ་པའི་ཚོགསཿ མ་ལུས་བདག་གི་ཡོངས་སུ་བཟུང་། ལན་གསུམ། །ཐམས་ཅད་རྣལ་འབྱོར་དུ་སེམས་བསྐྱེད་ཕྱིར་སློབ་མའི་སྙིང་གར་རྡོ་རྗེ་བཞག་ལ། སེམས་ཅན་གྱི་དོན་དུ་སངས་རྒྱས་བསྒྲུབ་པའི་བློ་བཅོས་མིན་དེ་ཉིད། སྙིང་གར་ཀུན་རྫོབ་བྱང་སེམས་ཀྱི་ངོ་བོ་ཉ་ཟླའི་སྟེང་དུ་དོན་དམ་བྱང་སེམས་ཀྱི་ངོ་བོ་རྡོ་རྗེ་རྩེ་ལྔ་པ་འོད་དང་འོད་ཟེར་འབར་བར་གྱུར། ཞེས་བསམ་ལ། ༀ་སརྦ་ཡོ་ག་ཙིཏྟ་ཨུ་པ་ཏ་ཡ་མི། ལན་གསུམ། དམ་བཞག་ནི། ནང་མཆོད་སྦྱིན་ལ། འདི་ནི་ཁྱོད་ཀྱི་དམ་ཚིག་ཆུ། དམ་ཚིག་ཉམས་ན་བསྲེག་པར་བྱེད། བསྲུང་ན་དངོས་གྲུབ་ཐམས་ཅད་ཐོབ། དམ་ཚིག་བདུད་རྩིའི་ཆུ་འདི་འཐུགས་ས་མ་ཡ་ཨེ་དན་ན་ཏ་ཀྐན། སློབ་མ་ལྷ་དང་སྐལ་བ་མཉམ་པའི་ཕྱིར་དཀྱིལ་འཁོར་དུ་འཇུག་པ་འདིའི་རྗེས་ཟློས་མཛོད། ཀྱེ་རིགས་ལྔ་བདེ་བར་གཤེགས་པ་དང་། བླ་མ་ཡི་དམ་མཁའ་འགྲོ་དགོངས། སྒོ་བ་ཆེན་པོ་ཁྱེད་རྣམས་ཀྱི། སྒོ་ཕྱེ་ཐད་པའི་གྲོང་བསྟན་འཚལ། ལན་གསུམ་གྱི་རྗེས་སུ་བླ་མས། ཨ་ཁཾ་ཝི་ར་ཧཱུཾ་གིས་དམ་དུ་བཅུག་པར་བསམ་ལ། སློབ་མས་གནས་གསུམ་དུ་ཐལ་མོ་སྦྱར་ཞིང་སྐུ་གསུང་ཐུགས་ཀྱི་ཕྱག་བྱེད་བཞིན། ༀ་ན་མ་ཏེ་ཧཱུཾ། ༀ་ན་མ་མེ་ཧཱུཾ། ༀ་ན་མ་ན་མ་ཧཱུཾ། གིས་ཕྱི་འཇུག་དང་། ནང་འཇུག་ནི། སློབ་དཔོན་དང་དཀྱིལ་འཁོར་གྱི་བདག་པོ་གཉིས་སུ་མེད་པའི་སྲས་སུ་བྱ་བའི་ཕྱིར་དམིགས་པ་འདི་བཞིན་མཛོད། གཙོ་བོའི་མདུན་ཐད་ཤར་སྒོའི་དབང་སྟེགས་ལ་འཁོད་པས་དཀྱིལ་འཁོར་གྱི་བདག་པོའི་ཐུགས་ཀ་ནས་འོད་ཟེར་བྱུང་། སློབ་མའི་རྣམ་སྨིན་གྱི་ཕུང་པོ་སྦྱངས། རྣམ་པར་ཤེས་པ་ཧཱུཾ་དུ་གྱུར་པ་ཡབ་ཀྱི་ཞལ་ནས་དྲངས། རྗེས་སུ་ཆགས་པའི་ཡེ་ཤེས་ཀྱི་བསྐལ་ཏེ་ཡུམ་གྱི་པདྨོར་ལྷུང་། སྲས་ཀྱི་ཚུལ་དུ་རྣམ་པར་གྱུར་པ་ནི། ཆོས་ཐམས་ཅད་རང་བཞིན་གྱི་འོད་གསལ་བའི་སྟོང་པ་ཉིད་དུ་གྱུར། སྟོང་གསལ་འཛིན་པ་བྲལ་བ་དེའི་ངང་ལས་ལྷག་མཐོང་སྣང་ཆའི་རྟེན་འབྲེལ་འགགས་པ་མེད་པའི་རོལ་རྩལ་ལས། ལྷུན་གྲུབ་དག་པ་རབ་འབྱམས་ཀྱི་དཀྱིལ་འཁོར་ཆེན་པོའི་དབུས་སུ། སྣ་ཚོགས་པདྨ་དང་ཉི་ཟླའི་གདན་ལ་སློབ་མ་ཁྱེད་རང་རྣམས་སྐད་ཅིག་དྲན་རྫོགས་སུ་མཁའ་ལ་འཇའ་ཚོན་ཤར་བཞིན་སངས་རྒྱས་ཀུན་དངོས་རྗེ་བཙུན་ཆེན་པོ་མ་ཧཱ་གུ་རུ་པདྨ་གནས་འབྱུང་སྣང་ཉིད་ཟིལ་གནོན་གྱི་ཆ་བྱད་ཅན་སྐུ་མདོག་དཀར་ལ་དམར་བའི་མདངས་ཆགས་པ་ཞལ་གཅིག་ཕྱག་གཉིས་ཕྱག་གཡས་གསེར་གྱི་རྡོ་རྗེ་རྩེ་ལྔ་པ་བསྡིགས་པའི་ཚུལ་གྱི་ནམ་མཁར་ཕྱར་བ་གཡོན་ཛ་གད་ཀྱིས་བཀངས་པའི་ཀ་པ་ལར་འཆི་མོད་ཀྱི་བདུད་རྩིས་གཏམས་པའི་ཚེ་བུམ་ལྷན་ཅིག་ཏུ་བསྣམས་པ། སྐ་ལ་བྱང་སེམས་ཀྱི་ཐོག་པ་རྫོགས་པའི་རྟགས་སུ་ཕོད་ཁ་དང་། ཉན་རང་གི་ཐེག་པ་རྫོགས་པའིརགས་སུ་ཆོས་གོས་རིག་འཛིན་སྔགས་ཀྱི་ཐེག་པ་རྫོགས་པའི་རྟགས་སུ་བེར་འདུང་མནབས་པ། དབུ་ལ་པཎ་ཞུ་པདྨ་ཁ་ཕྱེ་བ་ལྟ་བུ་རྒོད་སྒྲོ་དར་སྣ་ཉི་ཟླ་རྒྱ་གྲམ་གྱི་མཚན་པ་ཅན་གསོལ་བ། ཞབས་གཉིས་རྒྱལ་པོརོལ་པའི་སྟབས་ཀྱི་བཞུགས་པའི་སྤྱི་བོར་ཟླ་བའི་སྟེང་དུ་ༀ་དཀར་པོ། མགྲིན་པར་པདྨའི་སྟེང་དུ་ཨཱཿདམར་པོ། ཐུགས་ཀར་ཉི་མའི་སྟེང་དུ་ཧཱུཾ་མཐིང་ཀ་གསུམ་གསལ་བ་ལས་འོད་ཟེར་འཕྲོས་པས་ཕྱོགས་བཅུའི་ཞིང་རབ་འབྱམས་ན་བཞུགས་པའི་རྒྱལ་བ་རྒྱ་མཚོ་སྲས་དང་བཅས་པ་རྣམས་ཀྱི་ཐུགས་བརྒྱུད་བསྐལ་ཏེ་མདུན་གྱི་ནམ་མཁའ་དབྱིངས་སུ་སྤྲིན་འཁྲིགས་པ་ལྟར་བྱོན་པར་གྱུར། ཞེས་བསམ་ལ། ཧཱུཾ་འཕཊ་མཆོག་ཐུགས་རྗེའི་དུས་ལ་བབས། ཁྱད་པར་སྟོན་པའི་དུས་ལ་བབས། མཐུ་རྩལ་དབྱུང་བའི་དུས༴ བྱིན་གྱིས་བརླབས་པའི་དུས༴ དབང་མཆོག་བསྐུར་བའི༴ དངོས་གྲུབ་རྩོལ་བའི་དུས་ལ་བབས། མཐུན་མོང་བདུད་ལ་བཅོམ་ལྡན་འདས། བྱིན་ཆེན་བྱིན་ཕོབ་བཅོམ་ལྡན་འདས། དབང་ཆེན་དབང་བསྐུར༴ དངོས་གྲུབ་མཆོག་རྩོལ་བཅོམ་ལྡན་འདས། བདག་ཆགས་ལས་འབྲས་མཆིས་པར་མཛོད། ༀ་བཛྲ་པྲ་ཝེ་ཤ་ཡ་སྲ་ཝེ་ཤ་ཡ་ཧཱུཾ་ཧཱུཾ། མང་དུ་བརྗོད་ལ་ནན་ཏན་བྱ། ལུས་ངག་ཡིད་ལ་ཕེབ་པའི་རྟག་འདར་ཞིང་འཕར་གཡོ་པང་ཀྲྀ་ཏའི། བརྡའ་སྐད་གླ་ལེན་ངུ་བ་དང་། བདེ་གསལ་མི་རྟོགས་ལྷག་པའི་ལྷས། སྤོག་ན་རྡོ་རྗེའི་འདུག་སྟངས་ཀྱི། སྙིང་གར་གཡུང་དྲུང་དམར་པོ་དྲག་ཏུ་འཁོར་བར་བསྒོམ་ལ། ཧཱུཾ་སྔོན་གྱི་བསྐལ་པའི་དང་པོ་ལ་ཨུ་རྒྱན་ཡུལ་གྱི་ནུབ་བྱང་མཚམས། པདྨ་གེ་སར་སྡོང་པོ་ལ། ཡ་མཚན་མཆོག་གི་དངོས་གྲུབ་བརྙེས། པདྨ་འབྱུང་གནས་ཞེས་སུ་གྲགས། འཁོར་དུ་མཁའ་འགྲོ་མང་པོ་དང་། རིག་འཛིན་གྲུབ་ཐོབ་རྒྱ་མཚོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིཿ བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབ་ལ། སྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་བར་ཆོད་སོལཿ མཆོག་དང་ཐུན་མོངས་དངོས་གྲུབ་རྩོལ། ༀ་ཨཱཿཧཱུཾ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཡ་ལ་ཧཱུཾ་ཨཿ ཧཱུཾ་ཧཱུཾ་ཧཱུཾ། ཨ་ར་ལི་ཡི་ཕེཾ་ཕེཾ་གྱིས། གླ་ཡིས་བསྐལ་ཞིང་ལྟ་བས་གཅུནཿ ཡེ་ཤེས་དབབ་པ་དེ་ཉིད་བརྟན་པར་གྱུར་ཅིག །ཏིཥྛ་བཛྲ་ཧཱུཾ། ཞེས་བརྗོད་པས་བརྟན་པར་བྱས་ནས་མེ་ཏོག་དོར་བ་ནི། ཀྱེ་བདེ་གཤེགས་རིག་ལྔའི་ཕོ་བྲང་དུཿ འབྲལ་བའིམེ་ཏོག་འདིདོར་བས། ལས་འཕྲོ་གང་ཡོད་ལྷ་དང་མཇལ་བར་ཤོག །ༀ་པུཔྤེ་སིདྡྷི་སྟྭོཾ། ལྷུངས་ན་བསྐྱར་ཞིང་སྤྱི་བོར་བཅིངས། པྲ་ཏི་གྷྲྀ་ཧ་ན་ཨི་མཾ་ས་ཏྭ་མ་ཧཱ་བ་ལ། ལྷག་ལྷ་སྤྱི་བོར་ཐིམ་པར་བསམ། གདོང་གཡོག་ཕྱེ་ཞིང་དཀྱིལ་འཁོར་བསྟན། སྟོན་པ་རིགས་ལྔའི་སངས་རྒྱས་ཀྱི། ཁྱོད་ཀྱི་མ་རིག་འཁོར་བའི་མིག །ཡེ་ཤེས་སྤྱན་དུ་དབྱེ་བ་ལྟར། དེ་བཞིན་ཁྱེད་ཀྱི་འགྲོ་བ་རྣམས། ཡེ་ཤེས་སྤྱན་དུ་འབྱེད་པར་ཤོག །ཙཀྵུ་པྲ་ཝེ་ཤ་ཡ་ཕཊཿ ཨེ་མ་སྐལ་ལྡན་རིགས་ཀྱི་བུ། ཁྱོད་ནི་སྡིག་ལ་ཀུན་ལས་གྲོལ། དཀྱིལ་འཁོར་ཆེན་པོ་འདི་ལ་ལྟོས། ལུས་ངག་ཡིད་ཀྱི་དད་པ་བསྐྱེད། དངོས་གྲུབ་ཐམས་ཅད་ཁྱེད་ཀྱི་ཐོབ། དམ་ཚིག་སྔགས་ལ་བརྩོན་པར་གྱིས། ཀྱཻ་རིགས་ཀྱི་བུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལོགས་པ་སངས་རྒྱས་ཀྱི་སྐུ་དང་ཡེ་ཤེས་བརྡའ་དོན་རྟག་ཀྱི་མཚོན་པའི་རྡུལ་ཚོན་གྱི་དཀྱིལ་འཁོར་འདི་ནི། རྟེན་གཞལ་ཡས་ཁང་ཏེ་ནང་ལྟར་ཕུང་པོ་ཁམས་དང་སྐྱེ་མཆེད་མཚོན་ལ། དེ་ན་བཞུགས་པ་བརྟེན་པ་ཡེ་ཤེས་ཀྱི་ལྷ་ནི་རང་གི་སེམས་རྣམ་ཤེས་ཚོགས་བརྒྱད་སེམས་བྱུང་དང་བཅས་པ་དམ་པ་རིགས་བརྒྱའི་ལྷ་ཚོགས་སུ་བཞུགས་པ་དེ་དྲཔར་གྱིས་ཤིག །འཇུག་པའི་ཆོ་གའོ། །གཉིས་པ་དབང་བསྐུར་བ་ནི། ཕྱོགས་བཅུའི་རྒྱལ་རྡོ་རྗེ་ཅན་གྱི་སངས་རྒྱས་ལ། འགྲོ་བ་སྐྱོབས་པའི་ཆེད་དུ་དབང་། ཡོན་ཏན་འབྱུང་གནས་ཇི་ལྟར་རྩལ། དེ་ལྟར་འདི་ལའང་རྩལ་དུ་རྩོལ། ཞེས་གསོལ་བ་བཏབ་པ། གཤེགས་པ་རྣམས་ཀྱི་དགོངས་པ་མཛད། གཤེགས་མ་རྣམས་ཀྱི་དགོངས་པ་མཛད། གཤེགས་མ་རྣམས་ཀྱི་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱི་གླ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད། དེ་ཀུན་ཀྱང་དབང་གི་བྱ་བ་ལ་དགྱེས་པར་གྱུར། སློབ་མི་བསྐྱོད་པར་གསལ་ལ། བུམ་པ་བཏེགས་ནས། ཧཱུཾ་རྣམ་ཤེས་ཕུང་པོ་རྣམ་དག་ཅིང་། ཉོན་མོས་ཞེ་སྡང་སྦྱོང་བྱེད་པའི། ཆོས་ཀྱི་དབྱིངས་ཀྱི་ཡེ་ཤེས་ཀྱི། དཔལ་ལྡན་ཐུགས་ཀྱི་དབང་བསྐུར་རོ། ༀ་བཛྲ་ཨ་བྷི་ཥིཉྩ་ཧཱུཾ། རིགས་ཀྱི་བུ་ཁྱོད་ལ་མི་བསྐྱོད་པ་ཆུའི་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀིར་སངས་རྒྱས་ཞེ་སྡང་ཆོས་ཀྱི་དབྱིངས་ཀྱི་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེ་རིགས་ཀྱི་ཐུགས་འཁྲུལ་བ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་གསལ་ལ་དབུ་རྒྱན་ཐོགས་ནས། ཧཱུཾ་ཚོར་བའི་ཕུང་པོ་རྣམ་དག་ཅིང་། ཉོན་མོངས་ང་རྒྱལ་སྦྱོང་བྱེད་པའི། མཉམ་པ་ཉིད་ཀྱི་ཡེ་ཤེས་ཀྱི། དཔལ་ལྡན་ཡོན་ཏན་དབང་བསྐུར་རོ། །ༀ་རཏྣ་ཨ་བྷི་ཥིཉྩ་དྲཾ། རིགས་ཀྱི་བུ་ཁྱོད་ལ་རིན་འབྱུང་བའ ི་ངོ་བོ་དབུ་རྒྱན་འདི་བཀོན་པ་ཙམ་གྱི་ཤེས། བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ས་བོན་ཏམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་བསྐང་བ་མཐའ་ཡས་སུ་གསལ་ལ། རྡོ་རྗེའི་དབང་བསྐུར་ཞིང་། ཧཱུཾ་འདུ་ཤེས་ཕུང་པོ་རྣམ་དག་ཅིང་། །ཉོན་མོངས་འདོད་སྔགས་སྦྱོང་སྒྱེད་པའི། །སོ་སོར་རྟོག་པའི་ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ༀ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེ་དབང་བསུར་བས་ངག་གི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དག་མེའི་ཁམས་མ་མ་ཀིར་སངས་རྒྱས། འདོད་སྔགས་སོ་སོར་རྟོགས་པའི་ཡེ་ཤེས་སུ་གྲོལ་ཏེ་སངས་རྒྱས་པདྨ་རིག་ཀྱི་གསུང་འགགས་པ་མེད་པ་ཆོས་ཀྱི་སྒྲ་དབྱངས་ཀྱི་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ་ལ། དྲིལ་བུ་འཛིན་པས། ཧཱུཾ་འདུ་བྱེད་ཕུང་པོ་རྣམ་དག་ཅིང་། ཉོན་མོངས་ཕྲག་དོག་སྦྱོངས་བྱེད་པ། བྱ་བ་གྲུབ་པའི་ཡེ་ཤེས་ཀྱི། དཔལ་ལྡན་ཕྲིན་ལས་དབང་བསྐུར་རོ། །ༀ་ཀརྨ་ཨ་བྷི་ཥིཉྩ་ཨཱཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་ཉུང་གི་ཁམས་དམ་ཚིག་སྒྲོལ་མར་སངས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པ་འགྲུབ་ནས་འགྲོ་བའི་དོན་བྱེད་པར་འགྱུར་རོ། སློབ་མ་རྣམས་སྣང་དུ་ུགསལ་ལ། མིང་དབང་བྱིན་པར་མོས་ཏེ། ཧཱུཾ་གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོངས་བྱེད་པའི། མེ་ལོང་ལྟ་བུའི་ཡེ་ཤེས་ཀྱི། དཔལ་ལྡན་སྐུ་ཡི་དབང་བསྐུར་རོ། །ༀ་བྷུདྡྷ་ཆེ་གེ་མོ་ཨ་བྷི་ཥིནྩ་ཧཱུཾ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་སངས་རྒྱས་ཐམས་ཅད་ཀྱི་སྐུ་ཡི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་། ནམ་མཁའ་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའིི་དོན་བྱེད་པར་འགྱུར་རོ། །ཅེས་རིགས་དབང་ལྔའི་གསང་སྔགས་ཕྱི་པའི་དབང་ཡང་ཞར་འབྱུང་དུ་རྫོགས་པའོ། །རྡོ་རྗེ་སློབ་དཔོན་གྱི་དབང་གི་ཐུགས་ཀྱི་དམ་ཚིག་རྡོ་རྗེ་བསོར་བ་དང་། གསུང་གི་དམ་ཚིག་དྲིལ་བུ་འཀྲོལ་བ་དང་། སྐུའི་དམ་ཚིག་འཁྱུད་རྒྱ་བྱེད་པ་སྟེ་དམ་ཚིག་གསུམ་བྱིན་ལ། ༀ་ཨཱཿཧཱུཾཿ ཐམས་ཅད་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱི། །འགྲོ་ཀུན་རྗེས་སུ་བཟུང་བར་མཛོད། རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པས་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམད་ཅད་མཁྱེན་པའི་ས་བོན་ཐེབ། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་ཏེ་སེམས་ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །ཅེས་བརྗོད་རྒྱལ་ཚབ་ཏུ་འོས་པའི་སློབ་བུ་ཡིན་ན་པུ་ཏི་དུང་དཀར་ཕྱག་ཤིང་འཁོར་ལོ་སོགས་པའང་སྤྲད་ཅིང་ཁྲི་ལ་མངའ་གསོལ་བ་གཞན་དང་མཐུན། སླར་ཡང་རྣམ་རྒྱལ་བུམ་པ་བཟུང་ལ། ཧཱུཾ་བཀྲིས་བུམ་པ་ལྷའི་གཞན་ཡས། ལྷ་དང་གཉིས་མེད་བདུད་རྩིའི་ཆུས། སྐལ་ལྡན་བུ་ལ་དབང་བསྐུར་བས། སྣང་ཞེན་ལྷ་སྐུའི་ཕྱག་རྒྱར་རྫོགས། རྣམ་སྨིན་རིག་འཛིན་ཉེར་ཐོབ་ཅིང་། ཀུན་ཏུ་འོད་ཀྱི་ས་ནོན་ཤོག་རྩ་སྔགས་དང་ཀཱ་ཡ་ཨ་བྷི་ཥིཉྩ་ༀ། རིགས་ཀྱི་བུ་ཁྱོད་ལ་དབང་ཐམས་ཅད་བརྟེན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས་སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས་ཕྱི་ནང་ཐམས་ཅད་ལ་བརྙས་པར་བྱས་ན་ལྟུང་བར་གྱུར་པ་ཡིན་པས་དག་སྣང་དང་མོས་པ་གྱི་ཤིག །སྐབས་འདིར་ལྷ་དབང་བསྐུར་བ་ནི། རིག་འཛིན་ལྷ་དབང་སྤྲུལ་སྐུའི་ཞལ་ངོམ་གཏོར་དབང་བཅས་སོང་ནས། གསང་རྫས་མགྲིན་པར་བཞག་སྟེ། ཧཱུཾ་ཡབ་ཡུམ་སྦྱོར་བའི་བྱང་ཆུབ་སེམས། དཀར་དམར་བྷནྡྷའི་ནང་དུ་བསྐྱིལ། སྐལ་ལྡན་བུ་ལ་དབང་བསྐུར་བས། རྩ་ཁམས་ཡིག་གེའི་རྣམ་པར་སྨིན། ཚེ་ལ་དབང་བའི་རིག་འཛིན་ཐོབ། པདྨ་ཅན་གྱི་ས་ནོན་ཤོག །རྩ་སྔགས་དང་། ཝཱཀྐ་ཨ་བྷི་ཥིཉྩ་ཨ། རྟེན་འབྲེལ་དུ་བཟླས་ལུང་བྱིན་པ་ནི། སློབ་དཔོན་གྱི་ཐུགས་ཀ་ནས་རྩ་བའི་སྔགས་ཕྲེང་ལུ་གུ་རྒྱུད་དུ་བྱུང་། སློབ་མའི་མགྲིན་པ་ནས་ཞུགས། སྙིང་གར་འཁོར་བའི་འགྱུར་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོ་རྫོགས་པར་བསམ་ལ། རྩ་བའི་རྗེས་ཟློས་ལན་གསུམ། དེས་དག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང་། རླུང་བཅུ་ལས་སུ་ཏུང་བའི་ཡོན་ཏན་འཐོབ། ལོངས་སྤྱོད་རྫོགས་པའི་སུ་འགྲུབ་པའི་སྐལ་པ་རྒྱུད་ལ་བཞག །རིགས་ཙག་གཏད་ལ། ཧོཿ ཆོས་རྣམས་ཀུན་གྱི་འབྱུང་གནས་ཆེ་ཏེ །བདེ་བ་ཆེན་པོ་གསང་བའི་ཡུམ། རིགས་ཀྱི་བུ་ལ་བྱིན་པ་ཡིས། དགའ་བཞིའི་ཡེ་ཤེས་མངོན་དུ་གྱུར། ཕྱག་རྒྱ་ཆེན་པོ་རིག་འདིན་ཐོབ། འཁོར་ལོ་ཚོགས་ཆེན་པ་ནོན་ཤོག །རྩ་སྔགས། ཙིཏྟ་ཨ་བྷི་ཥིཉྩ་ཧཱུཾ། ཅེས་གཏད་པས། རིགས་མ་དེས་པདྨ་མཀྵོ་ཧོཿ ཞེས་པས་སྒྲས་ཐར་པ་བརྟེན་པ་ལ་བསྐལ། རྗེས་སུ་ཆགས་པའི་རོལ་མོའི་དགའ་བ་བཞིའི་ཡེ་ཤེས་ཉམས་སུ་མྱོང་། ཡིད་དང་ཏིག་ལེའི་སྒྲིབ་པ་དག །རང་བཞིན་བརྒྱ་ཅུའི་རྟོག་ཚོགས་འགགས། ཆོས་སྐུ་གོ་འཕང་གི་སྐལ་བ་རྒྱུད་ལ་བཞག །དབང་བཞི་ས་ལ་མེ་ལོང་དང་ཤེལ་རྡོ་ནི་མཚོན་པའི་བརྡའ་སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ། ཧོཿ ཀ་དག་མེ་ལོང་གཙང་མའི་དགོས། ལྷུན་གྲུབ་དྭངས་ཤེལ་དྲི་མེད་འོད། བརྡའ་རྟག་རྫོགས་པའི་དབང་བསྐུར་བས། དྲི་མེད་རིག་པའི་གནས་ལུགས་རྟོགས། ལྷུན་གྲུབ་རིག་འཛིན་ཉེར་ཐོབ་ནས། བདེ་བ་ཆེན་པོའི་ས་ནོན་ཤོག །རྩ་སྔགས་དང་དྷརྨ་དྷདྷུ་ཨ་བྷི་ཥིཉྩ་ཧཱུཾ། ཅེས་པས་རྗེས་ལ། སློབ་མ་ལུས་གནད་དང་ལྡན་པའི་མནམ་པར་འཇོག་ཏུ་བཅུག །དེའི་ངང་ལ་ཕཊཿདྲག་པོ་གཅིག་བརྗོད་ལ་སེམས་གང་ཡིན་ཅེས་ཏབ་ཏབ་ཏུ་དྲིས་པས་སྣང་བ་ཧད་དེ་ཕྱད་དེ་ཅི་ཟེར་ཆ་མི་དོད་པ་བྱུང་ཚོར་གྱི་སྤྲོས་པ་འགགས་པ་དེ་ཉིད་རང་གནས་ཀྱི་ཡེ་ཤེས་སུ་ངོ་སྤྲོད། དེ་ཡང་ལྟ་བ་ལུང་རིག་དང་འདྲེལ་བ་ཅེས་བྱ་བ་ཡིན་པས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། མ་སྐྱེས་མིའགག་ནམ་མཁའི་ངོ་བོ་ཉིད། སོ་སོ་རང་རིག་ཡེ་ཤེས་སྤྱོད་ཡུལ་བ། དུས་གསུམ་རྒྱལ་བའི་ཡུམ་གྱུར་རྫོགས་པ་ཆེ། ཅེས་པའི་ལུང་གི་སྐྱོར། སློབ་དཔོན་ལྟ་དགོངས་ཅན་ཡིན་ན་ཐུགས་ཀར་ཨ་གཅིག་བསམ་ལ་སློབ་མའི་རིག་པ་གཏད་དེ་གཉིས་ཀར་མཉམ་པར་བཞག །བསྒོམ་པ་ཉམས་མྱོང་དག་འབྲེལབའི་གཤིས་ན། ཨཱཿཉི་ཤུ་རྩ་གཅིག་བརྩེགས་མར་བརྗོད། དེས་ཀུན་གཞི་ལསདང་ཤེས་བྱའི་སྒྲིབ་པ་དག །རྫོགས་པ་ཆེན་པོ་བསམ་གྱི་མི་ཁྱབ་པའི་ཡེ་ཤེས་བསྒོམ་པ་ལ་དབང་ངོ་བོ་ཉིད་སྐུ་ཐོབ་པའི་སྐལ་པ་རྒྱུད་ལ་བཞག །དེ་ནས་བཀའ་རྫོགས་ལུང་རྫོགས་ཕྱིར། གླེགས་བམ་སྤྱིབོར་བཞག་བྱས་ལ། ཧོ་ཆོས་སྐུ་ཀུན་ཏུ་བཟང་པོ། ལོང་སྐུ་རྒྱལ་བ་རིགས་ལྔ། སྤྲུལ་སུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེ་གཉེན། རིག་འཛིན་ཤྲྀ་སདྷི། པཎ་ཆེན་བི་མ་ལ་མི་ཏྲ། ༀ་རྒྱན་པདྨ་ཐོད་ཕྲེང་། མཁའ་འགྲོ་ཡེ་ཤེས་མཚོ་རྒྱལ། མངའ་བདག་ཁྲི་སྲོང་ལྡེའུ་བཙན། རྒྱལ་སྲས་དྲི་མེད་འོད་ཟེར། ཀློང་ཆེན་ནམ་མཁའི་རྣལ་འབྱོར་ལོགས་རང་བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལ་མགོན་རིན་འཛིན་བླ་མ། ཡིད་དམ་མཁའ་འགྲོ་རྒྱ་མཚོ་ཆོས་སྲུང་རྒྱ་མཚོའི་ཚོགས་དང་བཅས་པ་རྣམས་ཀྱིས་དེང་འདིར་རྡོ་རྗེ་སློབ་མ་རྣམས་ལ་དབང་བསྐུར་དུ་གསོལ། བྱིན་གྱིས་བརླབ་ཏུ་གསོལ། རྟོགས་པ་སྤར་དུ་གསོལ། བརྟུལ་ཞུགས་བསྐྱེད་དུ་གསོལ། བྱ་རྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ་ཚེ་གཅིག་ལུས་གཅིག་ལ་འཇའ་ལུས་འོད་ཕུང་འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལ། ཅེས་ལན་གསུམ་དང་བཤད་སྒྲུབ་ཀྱི་བརྒྱུད་པ་འཛིན་པ་དག་ལ་ཐོད་རྒལ་རིག་པའི་རྩལ་དབང་བསྐུར་བ་ཡེ་ཤེས་བླ་མ་ལས་ཤེས་སོ། དེ་ནས་དམ་ཚིག་བསྒྲགས་པ་ནི། གྲངས་དག་རིམ་པའི་རྣམ་དབྱེ་བཤད་ནས། འོ་དེས་བླ་མ་རིག་འཛིན་འདུས་པའི་དཀྱིལ་འཁོར་ཆེན་པོར་དབང་བཞི་མཐའ་རྟེན་དང་བཅས་པའི་བྱ་བ་ཡོངས་སུ་རྫོགས་པ་ཡིན་ལ། དེ་ལྟར་ནོད་པའི་ཡོན་ཏན་གྱི་རྣམ་པ་བསམ་གྱི་མི་ཁྱབ་ཅིང་། གསང་སྔགས་ཀྱི་དངོས་གྲུབ་ཐམས་ཅད་དབང་ལས་བྱུང་བ་ནི་རྒྱུད་ལས། དེ་ལྟར་དབང་རྣམས་ཡོངས་རྫོགས་པར། བསྐུར་བའི་ཡོན་ཏན་བསམ་མི་ཁྱབ། གསང་སྔགས་དངོས་གྲུབ་དབང་ལས་བྱུང་། ཅེས་དང་དབང་མ་ཐོབ་པའི་ཉེས་པ་ནི། ཤེས་རབ་གསུམ་རློམ་ལོགས་ཡང་། འབྲུས་མེད་ཅིང་བརླག་པར་འགྱུར། ཅེས་དབང་མ་ཐོབ་ན་ཐོས་བསམ་སྒོམ་པའི་བྱ་བ་ལ་འབད་ཀྱང་འབྲུས་མེད་པར་གསུངས་ཤིང་། ཐོས་པའི་གནས་སྐབས་སུའང་ལྟས་ཕུན་སུམ་ཚོགས་པས་སྣ་དྲངས་ཏེ་མངོན་པར་མཐོ་བའི་དཔལ་བཅུའི་གོ་འཕང་ལ་སྦྱོར་ཞིང་མཐར་ཐུགས་ངེས་པར་ལེགས་པའི་ས་ལ་དབུགས་དབྱུང་བ་ནི་རྒྱུད་ལས། ཐོབ་རྟགས་མཁའ་འགྲོ་ལུང་སྟོན་ཞིང་། ལྟས་སུ་ཡིད་བཞིན་གཙུགས་ན་འཆང་། མགོ་ལ་ཉི་ཤར་དམག་དཔོན་བྱེད། མགོ་དང་རོ་སྟོད་ཡང་ཡང་ལ་བདེ། བུམ་བཅུད་འཐུང་དང་ཟས་བཅུད་ཟོས། རང་རིག་རྩལ་ལ་དབང་བསྒྱུར་ནུས། ཞེས་སོ། དེའི་ཕྱིར་ནུས་པ་དེ་ལྟ་བུ་བསྐྱེད་པའི་ས་བོན་ཅན་དབང་དེ་དག་གིས་སྲོག་ནི་དམ་ཚིག་དང་སྡོམ་པ་ཁོ་ན་ལ་བརྟེན་པས་འཛིན་དགོས་ཏེ། ཉམས་ན་ས་བོན་མེའི་ཚིགས་པ་བཞིན། དཀའ་སྤྱད་བསྒྲུབ་ཀྱང་འབྲུས་མེད་ཅིང་བརླག་ཅེས་གསུངས་པ་ལྟར་ལས་བསྲུང་བྱའི་རྣམ་གྲངས་ལ་དབྱེ་ན། །ཉན་རག་ལ་ཉིས་བརྒྱ་ལྔ་བཅུའི་ཁྲིམས། །བྱང་སེམས་ལ་བརྒྱ་ཅུ་རྩ་ལྔ། བྱ་རྒྱུད་ལ་ཉི་ཤུ། སྤྱོད་རྒྱུད་ལ་ཉི་ཤུ། །རྣལ་འབྱོར་ལ་ཉི་ཤུ་རྩ་གཅིག །མ་ཧཱ་ལ་བརྒྱ་རྩ་ཨ་ནུ་ལ་སྐུ་གསུང་ཐུགས། །ཨ་ཏི་ལ་ཡེ་སྲུང་ལོགས་ཏེ་ས་མ་ཡ་འབུམ་སྡེའི་བར་དུ་དབྱེ་ཡང་། །ཀུན་གྱི་རྩ་བ་སྐུ་གསུང་ཐུགས། །ཡན་ལག་གི་ཉི་ཚུ་རྩ་ལྔ་ལ་གནས་པས། །དེའི་རང་བཞིན་ལས་མི་འདའ་བ་སྟེ། །གསང་བ་ཡོངས་རྫོགས་འདུས་པའི་རྒྱུད་ལས། །རྒྱུད་དོན་དམ་ཚིག་བསྲུང་བྱ་བ། །རྩ་བ་སྐུ་གསུང་ཐུགས་དང་ནི། །ཡན་ལག་ཉི་ཤུ་རྩ་ལས། །སྤྲོས་ན་བསམ་གྱི་མི་ཁྱབ་སྟེ། །རྩ་བ་ཡན་ལག་ཉམས་མི་བྱ། །ཡང་ན་མཉམ་རྫོགས་རྒྱལ་པོ་གནས། ཅེས་དང་། དེའི་རང་བཞིན་བཀྲལ་བ་ནི། །དེ་ཉིད་ལས་སྐུ་ཡི་དམ་ཚིག་རྡོ་རྗེ་སྟེ། །སློབ་དཔོན་མཆེད་དང་ལྕམ་དྲལ་ལ། །བརྡེག་བཙོག་བསྐུར་བ་ནམ་ཀྱང་མིན། །ངན་སེམས་སངས་རྒྱས་སེམས་ཅིག་མི་བྱ། །གསུང་གི་དམ་ཚིག་དབང་ཐོབ་ནས། །ཡིད་དམ་དཀྱིལ་འཁོར་ལྷ་མཆོག་གི། །སྔགས་དང་ཕྱག་རྒྱ་རྒྱུ་ན་མི་བཅད། །བླ་མེད་ཐོག་མཆོག་མི་སྤང་ངོ་། །ཐུགས་ཀྱི་དམ་ཚིག་གསང་བ་བཅུ། །བསྒྲུབ་རྫས་ལག་ཆ་ཐམས་ཅད་གསང་། །མ་གསང་མུ་སྟེགས་འཆལ་པར་འགྱུར། །སྨན་དང་གཏོར་མ་མཆོད་རྫས་གསང་། །དེ་མགསང་ན་དངོས་གྲུབ་ཉམས། །སྤྱི་འཛབ་རྩ་བའི་སྙིང་པོ་གསང་། །མ་གསང་མཐུ་དང་བྱིན་རླབས་ཉམས། སྔགས་པས་སྔགས་དང་ཕྱག་རྒྱ་གསང་། །དེ་མ་གསང་ན་སྨྱོན་པར་འགྱུར། །དེ་མ་གསང་ན་རས་ཆོད་འགྱུར། །རྒྱུད་དང་སྒྲུབ་ཐམས་མན་སྔགས་གསང་། །མ་གསང་མཁའ་འགྲོའི་བཀའ་ཆད་འཁོར། །མདོར་ན་གསང་བར་འོས་རིགས་གསང་། །དེ་མ་གསང་ན་ལྐུགས་པར་འགྱུར། །ཆད་དུ་གཉེར་གཏད་མན་སྔགས་གསང་། །མ་གསང་ཉམས་པ་ཆེན་པོར་འགྱུར། །སྐུ་གསུང་ཐུགས་ཀྱི་དམ་ཚིག་འདི། །ཉམས་ན་སྐལ་པ་གཅིག་གཉིས་གསུམ། །རྡོ་རྗེ་དམྱལ་བར་གདོན་མི་ཟ། ཅེས་དང་ཡན་ལག་གི་དམ་ཚིག་ལྔ་ཙན་ལྔར་བཤདཔའང་ཀུན་བྱེད་རྒྱལ་པོ་དང་། དམ་ཚིག་གསུམ་བཀོད་པ་སོགས་ལས་ཇི་ལྟར་གསུངས་པ་ཤིན་ཏུ་གསལ་བར་བྱས་པ་ནི་དམ་ཚིག་གནད་ཀྱི་མདོ་འགགས་ལས། དང་པོ་ཤེས་བྱའི་དམ་ཚིག་ལྔ། །གསང་སྔགས་དབང་གི་གོར་ཞུགས་ནས། །སྣང་ཉིད་རིགས་ལྔའི་དལ་དུ་སྒོམ། །གཟུགས་ཀྱི་ཕུང་པོ་རྣམ་སྣང་མཛད། །ཚོར་བའི་ཕུང་པོ་རིན་ཆེན་འབྱུང་། །འདུ་ཤེས་ཕུང་པོ་སྣང་མཐའ་ཡས། འདུ་ཤེས་ཕུང་པོ་དོན་ཡོད་གྲུབ། །ས་ནི་ཡུམ་ཆེན་སངས་རྒྱས་སྤྱན། །ཆུ་ནི་ཡུམ་ཆེན་མ་མ་ཀི། མེ་ནི་ཡུམ་ཆེན་གོས་དཀར་མོ། །རླུང་ནི་ཡུམ་ཆེན་དམ་ཚིག་སྒྲོལ། །ནམ་མཁའ་ཡུམ་ཆེན་དབྱིངས་ཕྱུག་མ། །དེང་བཞིན་དཀར་སྒོ་སེར་དམར་ལྗང་། །གཟུགས་སྒྲ་དྲི་རོ་རེག་བྱ་ལྔཿ རིགས་ཀྱི་ཡབ་ཡུམ་ལྔར་ཤེས་བྱཿ མིག་དང་རྣ་བ་སྣ་དང་ལྕེཿ གཟུགས་དང་རྣམ་ཤེས་རིག་ལྔར་ཤེས། འབྲས་བུ་ཡེ་ཤེས་ལྔ་རུ་ཤེསཿ དེ་རྣམས་ཤེས་བྱའི་དམ་ཚིག་སྒོམཿ མི་སྤང་བའི་དམ་ཚིག་ནི་འདོད་སྔགས་ཞེ་སྡང་གཏི་མུག་དང་ཿ ང་རྒྱལ་ཕྲག་དོག་ནྲ་པ་ལྔཿ རིགས་ལྔའི་དམ་ཚིག་ཡིན་པའི་ཕྱིརཿ སྤངས་པས་མི་སྤོངས་གནས་པ་ཡིནཿ རྗེས་སུ་འབྲང་ན་ཉོན་མོངས་རུཿ ཤར་ཚེ་རང་སར་ཀློད་པ་ཡིནཿ ཡེ་ཤེས་སུ་ལྔ་ཡི་ཀློང་དུ་གྲོལཿ དེ་ཕྱིར་མི་སྤོངས་དམ་ཚིག་ལྔཿ དང་དུ་བླངས་པའི་དམ་ཚིག་ནིཿ དྲི་ཆེན་དྲི་ཆུ་མ་ས་དང་ཿ རཀྟ་རྡོ་རྗེ་ཟིལ་པ་ལྔཿ རིགས་པར་བསྒྲུབ་པའི་རྫས་ཡིན་པསཿ གཙང་སྨེའི་རྟོག་པ་མེད་པར་བླངསཿ བག་མེད་སྨྱོ་ཐབས་མི་བྱ་སྟེཿ དམ་ཚིག་རྫས་སུ་བརྟན་པར་བྱཿ སྤྱད་པར་བྱ་བའི་དམ་ཚིག་ནིཿ སྦྱོར་བ་གཟུང་མ་མཚན་ལྡན་ལཿ རྩ་འབྱོངས་རླུང་ཆུན་ཐིག་ལེ་འདྲོངསཿ བདེ་བའ་ཕེལ་བའི་དུས་སུ་སྦྱོརཿ སྒྲོལ་བ་ཞིང་བཅུའི་དགྲ་འགེགས་ནིཿ ཆོས་བྱེད་སྤྱི་དང་སློབ་དཔོན་གྱིཿ སྐུ་དགྲ་བྱེད་པའི་དགྲ་བོ་བསྒྲལཿ དམ་ཉམས་དམ་མགོ་དམ་ལས་འཁུཿ སེམས་ཅན་སྤྱི་ལ་གནོད་པ་བསྒྲལཿ ངན་སོང་གསུམ་ཡང་ཐུགས་རྗེས་བསྒྲོལཿ མ་བྱིན་བླང་བའི་དམ་ཚིག་ལྔཿ མཚན་ལྡན་གཟུང་མ་སྐྱེ་བོས་སྤྱོདཿ གསང་སྔགས་ཟབ་མོ་སྣོད་མེད་འཆང་ཿ བྷསྔ་བཟང་པོ་མཆོད་པས་ཆསཿ དཔེ་ཟབ་བྱིན་རླབས་ཡོད་པའི་རྫསཿ སྣོད་མིན་སྤྱོད་ན་བླང་བར་བྱཿ ཕྱུག་ཅིང་སེར་སྣ་ཆེ་བའི་ནོརཿ ཐབས་ཀྱི་བླངས་ཏེ་སྦྱིན་པ་བཏང་ཿ སེམས་ཅན་དོན་དུ་འཕགས་པ་མཆོདཿ རྫུན་དུ་སྨྲ་བའི་དམ་ཚིག་ནིཿ གསང་བཅུའི་དམ་ཚིག་བསྲུང་བའི་ཕྱིརཿ བརྡའ་དང་རྫུན་སྨྲས་རྣམ་སྨིན་མེདཿ འགྲོ་བ་སྐྱོབས་པའི་ཆེད་དུ་སྨྲཿ ཚིག་རླུངས་སྨྲ་བའི་དམ་ཚིག་ནིཿ ཞིང་བཅུ་སྒྲོལ་ན་དྲག་པོ་སྨྲཿ སློབ་བུ་སྣོད་བརྟགས་སྣ་ཚོགས་སྨྲཿ གཟུང་མ་མཚན་ལྡན་འདྲེན་པ་ནཿ ཐབས་ཀྱི་ཚིག་གི་སྨྲ་བར་བྱཿ དེ་རྣམས་སྤྱད་བྱའི་དམ་ཚིག་གོཿ བསྒྲུབ་པར་བྱ་བའི་དམ་ཚིག་ནིཿ རྡོ་རྗེའི་རིགས་དང་དེ་བཞིན་རིགསཿ ཕྲིན་ལས་རིགས་སོགས་རྣམ་པ་ལྔཿ ཡེ་ཤེས་ཡིན་པས་བསྒྲུབ་པར་བྱཿ ལོག་པར་རིགས་ཆད་བསྒྲུབ་མི་བྱཿ རིགས་ལྔའི་ལྷ་རྣམས་མི་འབྲལ་བསྒྲུབཿ ལེ་ལོགཡེང་བ་རབ་སྤང་ལཿ མི་འབྲལ་རྩེ་གཅིག་དུང་བས་བསྒྲུབ། དེ་རྣམས་བསྒྲུབ་བྱའི་དམ་ཚིག་སྟེཿ ཡན་ལག་ཉི་ཤུ་རྩ་ལྔའོཿ ཉམས་པ་བསྐོང་ན་སྨན་རག་གཏོརཿ དག་པར་བཤམས་ལ་ཚོགས་ཀྱི་མཆོདཿ བརྒྱ་རྩ་གཅིག་གི་བསྐོངས་པར་འགྱུརཿ ཅེས་དང་། གཞན་ཡང་གསང་རྫོས་དམ་ཚིག་གི་ལེའུར། གཞན་ཡང་ཁྱདཔར་དམ་ཚིག་དང་ཿ བླ་མ་བཀུར་ཞིང་གསུང་མི་བཅགཿ ཐུན་བཞིའི་རྣལ་འབྱོར་ཡེངས་མི་བྱཿ ལྷ་དང་གསང་སྔགས་ལ་ཐེ་ཚོམ་སྤངས་མཆོད་ལྕམ་རྣམས་ལ་གདུང་སེམས་བསྐྱེདཿ སེམས་ཅན་རྣམས་ལ་སྙིང་རྗེ་བསྐྱངསཿ ང་རྒྱལ་རློམས་སེམས་ཞེ་སྡང་དང་ཿ འདོད་ཆགས་ཕྲག་དོག་ཁར་མི་གཏོང་ཿ གསང་སྔགས་ལྟ་སྤྱོད་ཟུང་དུ་སྦྲེལཿ བསྐྱེད་རྫོགས་བསྙེན་བསྒྲུབ་མཐའ་རུ་བྱུགསཿ ལེ་ལོ་གཉིད་དང་ཆག་དབང་སྤངསཿ ཅེས་སོ། དེ་ལྟར་མཚན་མའི་དམ་ཚིག་བསྲུང་མཚམས་ཀྱི་དབྱི་བསྡུའི་སྒོ་ནས་རྣམ་པར་བཞག་པ་ཏམས་ཅད་ཀྱང་དོན་ལ་ནམ་རྫོགས་ཆེན་པོར་ལ་བཟློ་བ་ནི་དེ་ཉིད་ལས། ཡང་དག་དོན་གྱི་དམ་ཚིག་ཏུཿ འཁོར་འདས་ཆོས་རྣམས་རང་གི་སེམསཿ གདོད་ནསརག་བྱུང་ཆོས་སྐུའི་ངང་ཿ དེ་ཉིད་ངེས་ན་བསྲུང་ཉམས་ནིཿ མི་བསྲུང་བློ་ཡི་དོར་དུ་མེདཿ ཉམས་སྐྱོན་ཐོབ་བྱའི་འབྲས་བུ་མེདཿ མ་སྤངས་མི་གནས་གཟུང་འཛིན་འདསཿ སྐྱེ་མེད་སྙིང་པོས་མི་བཤིགས་དམཿ མུ་སྟེགས་བདག་ཏུ་འཛིན་པས་ཚིགས། སྔ་རབས་འདས་པའི་སངས་རྒྱས་ཀྱང་ཿ དམ་ཚིག་དག་ལ་བརྟེན་དེ་རྒྱསཿ དེ་ལྟར་བཞུགས་པའི་སངས་རྒྱས་ཀྱང་ཿ དམ་ཚིག་འདི་ལ་རབ་ཏུ་གནསཿ མ་འོངས་བྱོན་པའི་སངས་རྒྱས་ཀྱང་ཿ དམ་ཚིག་འདི་ལ་བརྟེན་དེ་རྒྱཿ ཅེས་འགགས་བསྡམ་པ་ལྟརཿ གཞི་མ་སྨིན་པ་སྨིན་པར་བྱེད་པ་ལ་དབང་བསྐུར་དགོསཿ དབང་བརྟེན་པར་བྱེད་པ་ལ་དམ་ཚིག་བསྲུང་དགོསཿ དེའི་ཕྱིར་གསང་སྔགས་གནས་བཤད་པའི་དམ་ཚིག་མཐའ་དག་བསྲུང་ཞིང་ཁྱད་པར་རྩ་བ་སྐུ་གསུང་ཐུགས། ཡན་ལག་ཉི་ཤུ་རྩ་ལྔ། བྱེ་བྲག་གི་ཉི་ཤུ་ལ་སོགས་པ་མཐའ་དག་ཉམས་པ་མེད་པར་མ་བསྲུངས་ན་གནས་སྐབས་ཀྱི་བདེ་འབྲས་བརླག་ཅིང་མཐར་ཐུག་བྱང་ཆུབ་ཀྱི་མྱུ་གུ་སྔོ་སྐབས་སུ་གྱུར་སྟེ་རྡོ་རྗེའི་དམྱལ་བ་ནས་ཐོན་པའི་གོ་སྐབས་མེད་པ་ཡིན་པས་བླངས་དོར་ཚུལ་བཞིན་བྱའོ་སྙམ་པས་འདིའི་རྗེས་ཟློས་མཛོད། རྩ་བ་སྐུ་གསུང་ཐུགས་མཆོག་དང་། ཡན་ལག་དམ་ཚིག་ཉི་ཤུ་ལྔ། མེད་དག་གཅིག་པུ་ཕྱལ་བ་སོགས། ཆོ་ག་བཞིན་དུ་བསྲུང་བར་བགྱི། ལན་གསུམ། བཀའ་དྲིན་གཏོང་རང་གི་ཡོན་དུ་མཎྜལ་ཕུལ་བར་ཞུ། སླར་ཡང་ལུས་དང་ལོངས་སྤྱོད་བླ་མའི་ཕྱོགས་སུ་བསྔོ་བ་ནི་དམ་ཚིག་གི་ཐ་ཚིག་ཡིན་པས་འདིའི་རྗེས་ཟློས་མཛོད། གཙོ་བོའི་ཇི་ལྟར་བཀའ་རྩལ་པ། དེ་དག་ཐམས་ཅད་བདག་གི་བགྱི། ཁྱེད་ལ་བདག་ཀྱང་ཡོངས་སུ་འབུལ། སློབ་མར་བཟུང་ནས་སྤྱད་དུགསོལ། གསུམ་གྱི་རྗེས་ལ་དགེ་བ་བསྔོ། གསུམ་པ་རྗེས་ཀྱི་ལས་ཁྲིད་ནི། ཚོགས་འཁོར་བསྐོར་རྡོ་རྗེའི་གླ་གར་བྱ། གཏང་རགས་དངོས་གྲུབ་བླངས། རྡུལ་ཚོན་ཡིན་ན་ཨ་ཀ་རོའི་བསྡུ་ཞིང་ཆུ་ཀླུང་ལ་གཤེགས། རས་བྲིས་ལ་བརྟེན་གཞུག་བྱ། བསྔོ་སྨོན་དང་ཤིས་བརྗོད་ཀྱིས་མཐའ་བརྒྱན་པ་སོགས་སྤྱི་ལྟར་བྱའོ། དེ་ལའང་རང་བཞིན་བརྒྱད་ལྡན་གྱི་རྡོ་རྗེ་སློབ་དཔོན་དག་ལ་ནི་ཡིག་གེ་འདི་ཙམ་གྱིས་མཚོན་ལ་གཞན་དུ་ཀློང་དུམ་གྱུར་བའི་གང་ཟག་རྣམས་ལ་མདོ་སྔགས་ཀྱི་ལམ་སྤྱི་དང་བྱེ་བྲག་པ་དབང་གི་སྒྲོམ་ནས་ཁོངས་དུ་ཆུད་པའི་བསྐལ་པ་ཅན་ཉུང་བས། རང་དང་སློབ་མའི་དངོས་གྲུབ་ཀྱི་གེགས་སུ་འགྱུར་ཕྱིར་མདོ་རྒྱུད་སེམས་གསུམ་གྱི་རྒྱུད་སྡེའི་གནས་ལ་ངེས་པ་རྙེད་པར་མ་ནུས་ཀྱང་། ཁོ་བོས་བྱས་པའི་གྲོལ་ཏིག་གི་དབང་ཆོག་མཁྱེན་བརྩེའི་དགོངསཔ་རྒྱན་ལས་སྤྱི་དོན་ཤེས་པར་བྱ་བ་ཁོ་ནའོ། དའིར་སྒྲས་པ། རྒྱལ་བསྟན་ལྔ་བརྒྱ་ཐ་མའི་སྨག་ཏུམ་དུ། ཀློང་ཆེན་སྙིང་ཐིག་འོད་ཟེར་འབུམ་ལྡན་དམ། འདྲེན་མཛད་རྟ་བདུན་མཁྱེན་བརྩེའི་འོད་ཟེར་ཞབས། བདག་གཙུགས་བདེ་ཆེན་འཁོར་ལོ་འབྲལ་མེད་རོལཿ དམ་པ་མཆོག་དེའི་ཐུགས་རྗེའི་ལྕགས་ཀྱུ་ཡིས། ནམ་ཡང་མི་གཏོང་སློབ་འབངས་བགྲང་ཡས་ལས། དད་དམ་ནོར་བུ་གཅིག་ཏུ་རྒྱུན་འཆག་བའི། རྣལ་འབྱོར་དམ་པ་པདྨ་ཀུན་བཟང་དང་། རང་གི་ཉེ་གནས་ཆུང་ནས་བརྐྱངས་པའི་བུ། དམ་ལྡན་དྷརྨ་ཀི་རྟིས་ནན་བསྐལ་ངོར། བྱ་བྲལ་འཇིགས་མེད་ཕྲིན་ལས་འོད་ཟེར་གྱིས། རིག་འཛིན་འདུས་པའི་རང་གཞུང་དབང་བཀོད་བཞིན། དབང་ཆོག་རྒྱས་པའི་ལུགས་སུ་བཀྲལ་བ་ལ། ལྷན་ཐབས་ལྷ་དབང་མཐའ་རྟེན་དག་བཅས་པ། རྒྱན་གྱི་མེ་ཏོག་ཇི་བཞིན་མཛེས་པའི་གཟུགས། དམཔ་གསུམ་གྱིས་ཟིན་བཞིན་སྤེལ་བའི་དགེས། འབྲེལ་ཐོགས་རྣམ་མཁྱེན་གོ་སར་དབུགས་དབྱུང་ཤོག །ཅེས་རྫོགས་པ་ཆེན་པོ་ཀློང་ཆེན་སྙིང་ཐིག་གི་ནང་བསྒྲུབ་རིག་འཛིན་འདུས་པའི་རྩ་དབང་རྒྱལ་ཐབས་སྤྱི་བླུགས་ཅུང་ཟད་རྒྱས་པའི་ལུགས་སུ་བཀྲལ་བ་འདི་ཉིད་སྔ་འགྱུར་བསྟན་པའི་རྒྱ་མཚོར་ཆར་གྱི་བསྐྱེད་པ་ལྟར་རྒྱས་པའི་རྒྱུར་གྱུར་ཅིག །

གསང་སྒྲུབ་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་ཆོག་འོད་དཀར་མཐའ་ཡས།

༄༅། །ཀློང་ཆེན་སྙིང་གི་ཐིག་ལེ་ལསཿ གསང་སྒྲུབ་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་ཆོག་འོད་དཀར་མཐའ་ཡས་བཞུགས།

ན་མོ་གུ་རུ་མ་ཧཱ་ཀ་རུ་ཎི་ཀ་ཡེ། །རྒྱལ་རྣམས་དགོངས་དབྱིངས་འཆི་མེད་ལམ་ཆེན་ལས། །སྲིད་པའི་སྡུག་བསྔལ་ཚ་གདུང་སེལ་བའི་གཉེན། །ཐུགས་རྗེའི་འོད་དཀར་མཐའ་ཡས་སྤྲོ་བ་ཅན། །བླ་མ་ཟླ་བའི་མདངས་འཛིན་ཡིད་མཚོར་རོལ། །མཁྱེན་གཉིས་ནང་གསལ་ཆོས་སྐུར་འུབ་ཆུབ་ཀྱང་། །བྱམས་བརྩེའི་དམ་བཅའ་དུས་ལས་ཡོལ་མིན་གཟུགས། །ལྷུན་གྲུབ་ལོངས་སྐ་འོད་དཀར་ཕུང་པོའི་ཟེར། །མཆོག་དམན་འཁོར་བའི་ཀུནྡྷར་སྨན་དེར་འདུད། །རྒྱལ་ཀུན་དགོངས་པའི་གཏེར་མཛོད་རྒྱ་མཚོའི་རུམ། །རྨོངས་རྟུལ་བྱིས་བློས་བརྟོལ་དུ་ནུས་མིན་ཡང་། །དད་དམ་ལེགས་བྲིས་ཆེ་དགུའི་བློ་རྩལ་གྱིས། །སྨིན་བྱེད་འོད་དཀར་མཐའ་ཡས་འདི་བྱུང་ངོ་། །དེ་ཡང་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་ཆོག་ཁྲིགས་སུ་སྡེབ་པ་ལ་གསུམ་ལས། དང་པོ་དལ་དང་རྫས་བཀོད། གཉིས་པ་ཆོ་གའི་ལས་རིམ། གསུམ་པ་རྗེས་ཀྱི་བྱ་བའོ། །དང་པོ་ནི་མཎྜལ་པདྨ་འདབ་བཞི་སྒོ་རྫོགས་ཅན་གྱི་གནས་སོ་སོར་ལྷ་མཚན་དགུ་དང་། བུམ་པ་སྐུ་ཅིཀ །གསང་རྫས། རིག་ཙཀ །མེ་ལོང་། ཤེལ་རྡོ། གཏོར་མ། ཉེར་སྤྱོད་སོགས་བཤམ་མོ། གཉིས་པ་ལ། དཀྱིལ་འཁོར་སྒྲུབ་མཆོད་སྔོན་དུ་བཏང་ནས་བཟླས་པ་ཅི་ནུས་དང་། རྣམ་བུམ་ལ་དམིགས་ནས་རྩ་སྔགས་ལ་དབྱངས་གསལ་བཏགས་པ་དང་། ལས་སྔགས་བཟླས་མཐར་མཆོད་བསྟོད་འོད་ཞུ་བཅས་སྤྱི་ལྟར་གྲུབ་ནས་བདག་འཇུག་རང་གཞུང་ལྟར་རམ་བསྐྱེད་རྫོགས་ལ་གོམས་པ་བརྟན་པོར་སོན་པས་རིག་པའི་མེ་ཏོག་དོར་བར་འཇུག་ན། ༀ་བཛྲ་ས་མ་ཡ་ༀ། ཨཱཿབཛྲ་ས་མ་ཡ་ཨཱཿ ཧཱུཾ་བཛྲ་ས་མ་ཡ་ཧཱུཾ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། ༀ་ཡེ་ཤེས་རྒྱལ་པོའི་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ༀ་བཛྲ་ས་མ་ཡ་ཧཱུཾ། ༀ་བཛྲ་ས་མ་ཡ་སྟྭཾ། ༀ་བཛྲ་ས་མ་ཡ་ཧོ། ཏིང་ངེ་འཛིན་གྱིས་འཇུག་གོ། དེ་ནས་སློབ་མ་འཇུག་པའི་ཆོ་ག་ལ། དང་པོ་ནི། ལས་བུམ་གྱི་ཆུས་བཀྲུ་ཞིང་། བདུད་རྩི་འཁྱིལ་བའི་སྔགས་བཟླ། ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ། ཞེས་པ་མིག་དར་བཅིངས། ཨ་ཁཾ་ཝེ་ར་ཧཱུཾ། གིས་རིགས་ལྔའི་ས་བོན་སོ་སོ་ལས་སྐྱེས་པའི་མེ་ཏོག་གཏད། དབང་བསྐུར་བསྡུས་པའི་ཚེ་སྐབས་འདིར་ཁྲུས་དང་བགེགས་བསྐྲད་སྲུང་འཁོར་མིག་དར་མེ་ཏོག་བཅས་གྲུབ་ནས་མེ་ཏོག་བཀྱེ་བསྡུ་བྱས་ལ་ལོ་རྒྱུས་ནས་བཟུང་སྟེ་དཀྱུས་བཞིན་བྱ་བ་ལས་མི་དགོས་མོད་ཀྱང་། རིལ་སྒྲུབ་སོགས་ཀྱི་ཚེ་གོང་གི་མེ་ཏོག་གཏད་པ་སོང་རྗེས་གསོལ་བ་གདབ་པ་འདིའི་རྗེས་ཟློས་བྱ། ཀྱཻ་ཁྲོ་བོ་མི་བཟད་འབར་བའི་སྐུ། །མཚོན་ཆ་སྣ་ཚོགས་ཕྱག་ན་བསྣམས། །བདག་ཅག་འཁོར་བ་ལས་བསྒྲལ་ཕྱིར། །ཁྱེད་ཀྱིས་གནང་སྟེ་བཏང་དུ་གསོལ། ཞེས་པའི་ལན། ཁྱེད་རྣམས་སུ་ཡིན་ཅི་ལ་དགའ། །ལས་དང་སྐལ་པར་ལྡན་ནམ་ཅི། སློབ་མས། བླ་མ་རྡོ་རྗེ་འཛིན་པ་དང་། །དཀྱིལ་འཁོར་ལྷ་ཚོགས་སྤངས་ན་ནི། །སྐྱོབས་པ་གཞན་ན་མ་མཆིས་པས། །སྒོ་ཕྱེས་ཐར་པའི་གྲོང་བསྟན་འཚལ། ལན་གསུམ། ཁྱོད་ནི་སྣོད་མཆོག་དམ་པ་སྟེ། ཁྱོད་འདོད་པ་ནི་བདག་གིས་སྦྱིན། །སྤྲོ་བ་སྐྱེད་ལ་ནང་དུ་ཤོག །ཅེས་སྒོ་ཞུས་མཐོང་བརྒྱུད་ལྟར་གྲུབ་ནས་སྐབས་འདིར་བགེགས་བསྐྲད་ཅིང་སྲུང་འཁོར་བསྒོམས་མཐར་ཆོས་བཤད་ནི། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་འཕགས་མཆོག་ཐུགས་རྗེ་ཆེན་པོའི་གོ་འཕང་ལ་དཀྲི་བར་བྱ། དེའི་ཆེད་དུ་གསང་སྔགས་རྡོ་རྗེ་ཐེག་པའི་ལམ་གྱི་འཇུག་སྒོ་དང་པོ་སྨིན་བྱེད་ཀྱི་དབང་བསྐུར་བའི་རིམ་པ་གསན་ནས་ཚུལ་བཞིན་དུ་ཉམས་སུ་བླང་བར་བགྱིའོ་སྙམ་པའི་སྨོན་པ་བྱང་ཆུབ་མཆོག་ཏུ་སེམས་བསྐྱེད་པ་དང་། དབང་གི་ཐོག་མཐའ་བར་གསུམ་གྱི་བླང་དོར་མ་འཆོལ་བར་ཉམས་སུ་བསྟར་བཞིན་མཎྜལ་འབུལ་བ་སོགས་སྦྱིན་པ་དང་། སྣོད་ཀྱི་སྐྱོན་གསུམ་དྲི་མ་དྲུག་སོགས་ཆོས་ཉན་པའི་ཀུན་སློང་དང་ཀུན་སྤྱོད་མ་རུངས་པ་རྣམས་སྡོམ་པ་ཚུལ་ཁྲིམས་དང་། དེའི་ཚེ་གཞན་གྱི་གནོད་འཚེ་དང་དཀའ་བ་དང་དུ་ལེན་པ་ལ་ཇི་མི་སྙམ་པའི་བཟོད་པ། ཉན་པའི་ཚེ་ལེ་ལོ་དང་གཡེང་བས་བར་དུ་མི་གཅོད་པར་རྩེ་གཅིག་ཏུ་ཉན་པ་བརྩོན་འགྲུས། དབང་གི་སྦྱོར་དངོས་རྗེས་གསུམ་གྱིབསམ་བྱ་རྣམས་ཚུལ་བཞིན་དུ་ཡིད་ལ་བྱེད་པ་བསམ་གཏན། དེ་དག་ཐམས་ཅད་ཀྱང་དངོས་པོདང་མཚན་མར་འཛིན་པའི་སྐྱོན་དང་མ་འདྲེས་བཞིན་འཆད་བྱའི་ཆོས་འཆད་མཁན་སློབ་དཔོན་འཆད་ཡུལ་སློབ་མ་བཅས་ངོ་བོ་སྟོང་པ་ཆུ་ཟླ་ལྟ་བུ། རང་བཞིན་གསལ་བ་མེ་ལོང་དུ་ཤར་བའི་གཟུགས་བརྙན་ལྟ་བུ། རྩལ་མ་འགག་པའི་ངང་ནས་རྟེན་ཅིང་འབྲེལ་འབྱུང་གི་ཚུལ་དུ་སྣ་ཚོགས་སུ་སྣང་བ་སྒྱུ་མ་དང་རྨི་ལམ་གྱི་འཕྲུལ་འཁོར་ལྟར་ཤེས་པ་ནི་ཤེས་རབ་སྟེ་ཚུལ་དེ་ལྟ་བུས་འཇུག་པའི་བསླབ་བྱ་ཚང་བའིངང་ནས་ལེགས་པར་གསན་འཚལ། གང་ཉན་པར་བྱ་བའི་ཆོས་ཀྱང་། ད་ལམ་འཕགས་པ་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་སྐུར་བའི་སྐབས་སུ་བབ་པ་ལ་ཐེ་ཚོམ་བསལ་ནས་ཡིད་ཆེས་བསྐྱེད་ཕྱིར་ལོ་རྒྱུས་བརྗོད་དགོས་པ་ཡང་། ཉི་ཟླ་ཁ་སྦྱོར་ལས། ལོ་རྒྱུས་དོན་གྱི་མ་བཤད་ན། གསང་ཆེན་ངེས་པའི་བཀའ་འདི་ལ། ཡིད་མི་ཆེས་པའི་སྐྱོན་དུ་འགྱུར། ཞེས་གསུངས་པ་བཞིན། དགོངས་གཏེར་ཡིད་བཞིན་ནོར་བུའི་གན་མཛོད་འདི་ཉིད་ཀྱི་སྟོན་པ་ཐམས་ཅད་མཁྱེན་གཟིགས་ཆེན་པོ་དཔལ་ནམ་མཁའི་རྣལ་འབྱོར་ཞབས་དང་། བསྟན་པ་ཀློང་ཆེན་སྙིང་གི་ཐིག་ལེ་སོགས་བཀའ་གཏེར་གྱི་ཆོས་དཔག་པར་དཀའ་བ་འདི་རྣམས་ཡིན་ཏེ། དང་པོ་སྟོན་པ་ནི། ཨོ་རྒྱན་ཆེན་པོའི་བཀའ་དྲི་མ་མེད་པ་དགོངས་འདུས་གསེར་ཆོས་སུ་གྲགས་པའི་ལུང་བསྟན་བཀའ་རྒྱ་མ་ལས། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུཿ ཟབ་དོན་སྙིང་ཐིག་ཆོས་ཀྱིས་འགྲོ་བ་འདྲེནཿ ཞེས་དང་། གཏེར་ཆེན་ཆོས་རྗེ་གླིང་པའི་གཏེར་ལུང་ལས། དབུས་གཡོར་གཞུང་དུ་བྱང་སེམས་པདྨའི་མིང་ཿ བཀའ་རྙིང་བསྟན་སྐྱོང་ཐབས་ཀྱིས་འགྲོ་བ་འདུལཿ ཞེས་སོགས་མང་དུ་ཡོད་མོད་གང་གི་བསྟན་པ་རྒྱན་དྲུག་མཆོག་གཉིས་ཀྱི་གཞུང་གི་ཟླ་བོར་འོས་ཤིང་རྒྱ་ཆེ་བའི་བཤད་པ་དང་གནད་ཟབ་པའི་དམར་ཁྲིད་གཉིས་ཀའི་འབྱུང་གནས་རྒྱུད་ལུང་མན་ངག་ཀུན་གྱི་ལྡེ་མིག་ལྟ་བུ་འདི་ལ་ཆོས་བཀའ་ཇི་སྙེད་ཅིག་མཆིས་པ་རྣམསཀྱི་ནང་ནས། ད་ལམ་དབང་བསྐུར་བ་འདི་ཉིད་ཁོ་ནའི་ལོ་རྒྱུས་ཅུང་ཟད་ཅིག་བརྗོད་ན། སྤྱིར་འཕགས་མཆོག་དམ་པ་འདི་ཉིད་བསྐལ་པ་བཅུའི་གོང་ནས་སངས་རྒྱས་པར་གསུངས་པ་ལྟར་ལགས་མོད། བྱེ་བྲག་མི་མཇེད་ཀྱི་ཞིང་འདིར་འགྲོ་བའི་དོན་མཛད་ཚུལ་ཉུང་ངུར་དྲིལ་ཏེ་འཆད་ན། དུས་ལན་ཅིག་གི་ཚེ་བཅོམ་ལྡན་འདས་འོད་དཔག་ཏུ་མེད་པའི་ཐུགས་ཀ་ནས་ཧྲཱིཿཡིག་ཁ་དོག་ལྔ་ལྡན་ཞིག་ལྷོ་ནུབ་འོ་མ་ཅན་གྱི་རྒྱ་མཚོར་སྤྲོ་བར་མཛད་པ་ལས། རེ་ཞིག་གི་ཚེ་ཡབ་འཁོར་ལོས་སྒྱུར་རྒྱལ་བཟང་པོའི་ཏོག་ཅེས་བྱ་བ་རྒྱལ་བའི་ཐུགས་རྗེས་བསྐལ་ཏེ་རྒྱ་མཚོའི་འགྲམ་དུ་ཕྱིན་པ་དང་། རྒྱ་མཚོའི་དབུས་སུ་པདྨ་འདབ་མ་སྟོང་ལྡན་གྱི་དབུས་ན་ཁྱེའུ་དཀར་པོ་ལྟ་བས་ཆོག་མི་ཤེས་པ་མཚན་དཔེས་སྤྲས་པ་ཞིག་འཁྲུངས་འདུག་པ་དང་མཇལ་བར་རྒྱལ་པོས་ཕྱག་དང་མཆོད་བསྟོད་སོགས་ཀྱིས་སྲི་ཞུ་བགྱིས་མཐར་པད་སྡོང་ཁྱེའུ་དང་བཅས་པ་རང་གནས་སུ་སྤྱན་དྲངས་ནས་སངས་རྒྱས་ཀྱི་སྤྱན་སྔར་ཕྱིན་ཚེ། ཁམས་གསུམ་འཁོར་བ་དོང་ནས་སྤྲུག་པའི་དབང་བསྐུར་དབུགས་དབྱུང་གཟེངས་བསྟོད་དེ་ལྷོ་ཕྱོགས་རི་བོ་གྲུ་འཛིན་གྱི་རྩེར་ཕེབས་ནས་འཁོར་བ་དོང་ནས་སྤྲུག་པའི་ཏིང་ངེ་འཛིན་ལ་བཞུགས་བཞིན་ཡིག་དྲུག་དུང་བརྒྱ་ཐམ་པ་ཞལ་འདོན་མཛད་ནས་ངན་སོང་ལན་གསུམ་སྟོངས་པར་མཛད་མཐར་སླར་གཟིགས་པས་སྔར་ལས་ཅུང་ཟད་ཀྱང་མ་བྲི་བར་འདུག་པར་སེམས་ཅན་གྱི་དོན་བྱེད་པ་འདི་རེ་དཀའ་དགོངས་ནས་སྐྱོ་བ་ཅུང་ཟད་ཅིག་སྐྱེས་པས་ཐུགས་བསྐྱེད་ཀྱི་དམ་བཅའ་དང་འགལ་བས་དབུ་ཚལ་སྟོང་དུ་གས་པ་སངས་རྒྱས་འོད་དཔག་མེད་ཀྱིས་བཅུ་གཅིག་ཞལ་དུ་བྱིན་གྱིས་བརླབས་ནས་སྔར་ལས་ཀྱང་འགྲོ་དོན་རྒྱ་ཆེ་ཞིང་། སྔ་མ་སེམས་ཅན་གྱི་ལས་ལ་འཛད་དུ་མེད་པ་ལ་ཐུགས་ཞུམ་སྟེ་སྤྱན་ཆབ་ཕྱུང་བ་སྒྲོལ་མ་དཀར་ལྗང་དུ་གྱུར་ནས་འཕགས་པའི་གྲོགས་བགྱིད་པར་དམ་བཅས། ཐུགས་ལས་ཨོ་རྒྱན་ཆེན་པོ་སྤྲུལ་ནས་དེ་ལྟར་བྱས། ཡང་བཅུ་གཅིག་ཞལ་དེ་ཕྱག་སྟོང་སྤྱན་སྟོང་དུ་བསྒྱུར་ཞིང་རྒྱལ་པོ་སྟོང་དང་འདྲེན་པ་སྟོང་སོགས་སུ་སྤྲུལ་ནས་འགྲོ་དོན་དཔག་ཏུ་མེད་པ་བྱས་དང་བྱེད་པ་ལགས་མོད། གཞན་ཡང་འཕགསཔའི་ཐུགས་ལས་སྤྲུལ་པའི་སྤྲེའུ་ཞིག་ལ་དགེ་བསྙེན་གྱི་སྡོམ་པ་ཕོག་ནས་བོད་ཡུལ་འདྲེ་སྲིན་མི་རུ་བསྒྱུར་བའི་ཆེད་དུ་མངགས་ནས་ཁམས་ཀྱི་རྨ་ལུང་བྲག་ཏུ་སྒོམ་སྒྲུབ་ལ་ཞུགས་ཚེ་སྒྲོལ་མའི་སྤྲུལ་པའི་བྲག་སྲིན་མོ་ཞིག་གིས་ཁྱིམ་ཐབ་དགོས་པའི་བརྡ་ཡང་ཡང་བསྟན་པར་སྤྲེལ་སྒོམ་འཕགས་པའི་དྲུང་དུ་ཕྱིན་པས་དེ་ཚུལ་ཞུས་པར་འཕགས་པས་ཁྱིམ་ཐབ་གྱིས་ཞེས་གསུངས་བཞིན་བྱས་པས་སྤྲེལ་ཕྲུག་དྲུག་སྐྱེས་པ་ནགས་རྨ་བྱ་ཅན་དུ་བསྐྱལ་ཚེ་དེར་བསྟི་བའི་སྤྲེའུ་རྣམས་དང་ལྷན་ཅིག་ཚོགས་པས་སྤྲེའུ་མང་དུ་འཕེལ་ནས་བཟའ་རྒྱུ་མ་རྙེད་ཚེ་འཕགས་པའི་དྲུང་དུ་ཕྱིན་ནས་གསོལ་བ་བཏབ་པས་འབྲུ་སྣ་བདུན་བོད་ཡུལ་ཕྱོགས་སུ་གཏོར་ནས་སྨོན་ལམ་བཏབ་བཞིན་སྨིན་ནས་ལོངས་སྤྱད་པས་སྤྲེའུ་རྣམས་མི་རུ་གྱུར་པ་མི་བུ་རུས་དྲུག་ཏུ་གྲགས་པ་རྣམས་ཡིན་ཟེར། དེ་ལས་ཁྱད་པར་སངས་རྒྱས་ཀྱི་སྤྲུལ་པའི་ཁྱེའུ་དེ་ལ་བོད་ཀྱི་རྗེ་བོ་གྱིས་ལ་འགྲོ་དོན་གྱིས་ཞེས་བཀའ་བསྩལ་བཞིན། བོད་ཀྱི་རྒྱལ་པོ་སྲོང་བཙན་སྒམ་པོ་ཞེས་བྱ་བར་སྤྲུལ་ནས་གྲོགས་སུ་སྒྲོལ་མ་དང་ཁྲོ་གཉེར་ཅན་གྱི་སྤྲུལ་པ་རྒྱ་ཟ་དང་བལ་ཟ་གཉིས་བསུ་བར་མཛད། འཇམ་དབྱངས་ཀྱི་སྤྲུལ་པ་ཐོན་མི་ཨ་ནུའི་བུ་སཾ་བྷོ་དྲ་དང་། ཕྱག་རྡོར་གྱི་སྤྲུལ་པ་བློན་པོ་མགར་རིག་པ་ཅན་དུ་གྲགས་པ་དེ་གསུམ་རིགས་གསུམ་མགོན་པོ་རྒྱལ་བློན་གྱི་ཚུལ་དུ་བྱོན་པ་ཡིན་ཞེས་གསུངས་པ་ལྟར་ལགས། དེ་ནས་བཟུང་ཆོས་རྒྱལ་ཁྲི་སྲོང་ལྡེའུ་བཙན་འཇམ་དབྱངས་ཀྱི་སྤྲུལ་པ་དང་། སྤྱན་རས་གཟིགས་དང་ཕྱག་རྡོར་ཡང་འཁོར་གྱི་ཚུལ་དུ་ཡོད་པར་འཆད་པ་དང་། བོད་འདིར་བསྟན་འགྲོར་ཕན་པའི་བླ་མ་དང་རྒྱལ་བློན་ཕལ་པ་ཅི་འདྲ་ཡིན་ཀྱང་རིགས་གསུམ་མགོན་པོའི་སྤྲུལ་པ་ཡིན་པར་གསུངས་ཤིང་། ཁྱད་པར་སྤྲེལ་སྒོམ་བོད་ཕལ་མོཆེའི་འབྱུང་ཁུངས་སུ་གྱུར་པ་དང་། དེ་ཉིད་འཕགས་པའི་སྤྲུལ་པ་ལས་མ་འདས་པ་དང་། སྲོང་བཙན་སྒོམ་པོ་འཕགས་པ་དངོས་སུ་བྱོན་པ་ཡིན་པས་བོད་ཐུགས་རྗེ་ཆེན་པོའི་གདུལ་ཞིང་ཡིན་པར་གོར་མ་ཆག་ཅིང་། ཐུགས་རྗེ་ཆེན་པོའི་སྒྲུབ་སྐོར་ཡང་མདོ་རྒྱུད་མན་ངག་དུ་མ་ནས་མང་དུ་བྱུང་ཡང་ཁྱད་པར་དུ་གྱུར་པ་འདི་ནི་མཚན་བརྗོད་པར་དཀའ་ཡང་དོན་གྱི་སླད་དུ་སྨོས་ན་དཔལ་མཁྱེན་བརྩེ་འོད་ཟེར་འཇིགས་མེད་གླིང་པ་ཞེས་ཡོངས་སུ་གྲགས་པ་དེ་ཉིད་ཀྱི་དགོངས་གཏེར་ནམ་མཁའ་མཛོད་ཀྱི་ཆོས་སྡེ་ལས་བྱོན་པའི་གསང་སྒྲུབ་ཐུགས་རྗེ་ཆེན་པོ་སྡུག་བསྔལ་རང་གྲོལ་ཞེས་པ་འདི་ཉིད་ནི་སློབ་དཔོན་ཆེན་པོའི་རྡོ་རྗེའི་གསུངས་ལས། འདི་ལྟར་ཤིན་ཏུ་ཟབ་པའི་གནདཿ འཕགས་མཆོག་སྡུག་བསྔལ་རང་གྲོལ་གྱིཿ སྒྲུབ་ཐབས་རྗེ་བཙུན་མ་ཧཱ་གུ་རུསཿ མངའ་བདག་ཆོས་རྒྱལ་ཡབ་སྲས་ལཿ བར་ཁང་གཡུ་ཞལ་འབར་བ་རུཿ གདམས་ཏེ་སྙིང་མཛོད་སྒྲོམ་བུར་བསྩལཿ སྨོན་ལམ་གཏད་རྒྱའི་མཐུ་བཙན་པོཿ དུས་བབ་ས་ཕོ་སྟག་གི་ལོརཿ ཐུགས་རྗེ་ཆེན་པོའི་ཞལ་མཐོང་ཞིང་ཿ ཡེ་ཤེས་དབྱིངས་ཀྱི་ཌཱཀྐི་མསཿ འོད་གསལ་སྒྱུ་འཕྲུལ་དྲྭ་བའི་ཀློང་ཿ ཀློང་གསལ་བརྡའ་རིས་ཤོག་དྲིལ་སྤྲདཿ བརྡའ་དོན་གབ་སྦས་མེད་པར་བཀོདཿ བཀའ་སྲུང་གཟའ་བདུད་ཆེན་པོ་ཡིསཿ ཤིན་ཏུ་ཟབ་པའི་གཏེར་གྱི་བཅུདཿ གཡེལ་མེད་སྐྱོངས་ཤིག་ས་མ་ཡཿ ཞེས་དང་ཿ ལོ་བདུན་གསང་རྒྱ་བྱས་ནས་གཏན་ལ་ཕབཿ སྙིང་ལས་གཅེས་པའི་གདམས་པའོཿ ཞེས་རྡོ་རྗེའི་ལུང་གིས་གསལ་བར་བྱས་པ་འདི་ཉིད་ཀྱི་སྒོ་ནས་ཁྱེད་རང་ལ་དབང་བསྐུར་བར་བྱ་བ་ལ་བདག་གི་བགྱི་བར་འོས་པ་རྣམས་གྲུབ་པ་ཡིན་པས་ད་ཁྱེད་རང་རྣམས་ཀྱི་ངོ་སྐལ་དུ་གྱུར་པའི་མཎྜལ་ཕུལ། ཞེས་བརྗོད་ལ། མཎྜལ་ཕུལ་ནས་གསོལ་འདེབས་ལན་གསུམ་ནས་བཟུང་རང་གཞུང་ལ་འཇུག་རྒྱུ་འདྲ་མོ་འདུག་ཀྱང་བདག་འཇུག་ཁོ་ན་ལས་མ་མཆིས་མོད། དེས་ན་སྤྱིར་དབང་གི་སྤྱི་དོན་གྱི་གཞུང་ལྟར་སྟ་གོན་ནས་བཟུང་རིགས་དབང་ལྔ་དང་བཅས་པ་བཏང་མཐར་འདི་ཉིད་ཀྱི་དབང་ལ་འཇུག་དགོས་པ་ཡིན་ནའང་། སྒྲུབ་ཆེན་གྱི་སྐབས་སུ་དེ་ལྟར་བྱ་བ་ལས། གཞན་དོན་གྲོང་ཆོག་སོགས་ལ་འཇུག་པ་མི་བདེ་བས་འདི་བཞིན་བྱས་ན་འཐད་པར་མངོན། མཎྜལ་ཕུལ་ནས་གསོལ་བ་གདབ་པ་ནི། ཀུན་མཁྱེན་ཡེ་ཤེས་ཕུང་པོ་ཅན། སྲིད་པའི་འཁོར་ལོ་རྣམ་སྦྱངས་པ། དེ་རིང་བཤད་པའི་རིན་ཆེན་གཏེར། གཙོ་བོས་བདག་ལ་བཀྲ་དྲིན་སྩོལ། ལན་གསུམ་སོང་ནས། ཇི་སྐད་དུ། དབང་བསྐུར་ཀུན་ལ་ཡོད་མོད་དེ། །སྐྱབས་སུ་མ་སོང་བ་ལ་མེད། ཅེས་པས། སྤྱིར་དཀོན་མཆོག་གསུམ་ལ་སྐྱབས་སུ་མ་སོང་ན་ནང་པ་སངས་རྒྱས་ཀྱི་ཁྱུར་མི་ཚུད་པ་དང་། དངོས་སུ་དབང་གི་འབྲས་བུ་ཆགས་པ་ལ་གལ་ཤིན་ཏུ་ཆེ་བས་མདུན་གྱི་ནམ་མཁར་བླ་མ་དང་ཇོ་བོ་ཐུགས་རྗེ་ཆེན་པོ་དབྱེར་མེད་པའི་དཀྱིལ་འཁོར་ལ་རྒྱལ་བ་སྲས་དང་བཅས་པས་སྤྲིན་ཕུང་འཐིབས་པ་བཞིན་བསྐོར་བའི་མདུན་དུ་ཁྱེད་ཅག་རྣམས་ཀྱི་ཕ་མ་དགྲ་བགེགས་གཉིས་ཀྱི་གཙོའི་རིགས་དྲུག་འགྲོ་བའི་སེམས་ཅན་ཐམས་ཅད་འཁོད་ནས་སྒོ་གསུམ་གུས་པ་ཆེན་པོས་སྐྱབས་སུ་འགྲོ་བར་མོས་ནས་འདི་བཞིན་རྗེས་ཟློས་མཛོད། བྱས་ལ། ན་མོ་མཐའ་མེད་འཁོར་བ་སྡུག་བསྔལ་རང་བཞིན་ལཿ དབང་མེད་སྤྱོད་པའི་བདག་སོགས་སེམས་ཅན་ཀུནཿ མཆོག་གསུམ་ངོ་བོ་འཕགས་མཆོག་ཐུགས་རྗེའི་ལྷརཿ སྙིང་ནས་གདུང་ཤུགས་དྲག་པོས་སྐྱབས་སུ་མཆིཿ ལན་གསུམ། སེམས་བསྐྱེད་པའི་དོན། ནམ་མཁའ་ལ་མཐའ་མེད་པ་བཞིན་སེམས་ཅན་ལ་མཐའ་ཡོད་པ་མ་ཡིན་ལ་དེ་དག་ཀུན་ཕ་མར་མ་གྱུར་པ་གཅིག་ཀྱང་མེད་ངེས་པ་རྒྱལ་བ་བདེན་པར་སྨྲ་བས་བཀས་གྲུབ་མོད། དེའི་ཕྱིར་ན་ཕ་མ་གནས་ངན་དུ་བསྐྱུར་ནས་རང་ཉིད་ཐར་བར་འདོད་པ་ཉན་རང་གི་བློ་ཡིན་པ་སྐྱོན་དུ་བལྟས་ནས་སེམས་ཅན་གཅིག་ཀྱང་མ་ལུས་པར་བྱང་ཆུབ་སྙིང་པོ་ལ་འགོད་པར་བགྱིའོ་སྙམ་པའི་སེམས་བསྐྱེད་དང་ལྡན་པའི་སྒོ་ནས་འདི་བཞིན་རྗེས་ཟློས་གྱིས་བྱས་ནས། ཧོཿ ཕ་མ་རིགས་དྲུག་སྙིང་རྗེའི་ཡུལ་གྱུར་ཀུནཿ རང་ངོ་མ་ཤེས་འཁྲུལ་བའི་ལས་ལ་སྤྱོདཿ ཚད་མེད་སྙིང་རྗེས་བྱང་ཆུབ་ལམ་འགོད་ཕྱིརཿ སྨོན་འཇུག་དོན་དམ་སེམས་མཆོག་བསྐྱེད་པར་བགྱིཿ ལན་གསུམ་གྱི་མཐར། གོང་དུ་ཚོགས་ཞིང་གསལ་གདབ་པའི་སྤྱན་སྔར་ཚོགས་གསོས་པའི་སྒོ་ཐམས་ཅད་ཡན་ལག་བདུན་པར་འདུས་པའི་དོན་དྲན་བཞིན་རང་རང་རྣམས་ཀྱི་ལུས་ཞིང་གི་རྡུལ་སྙེད་དུ་སྤྲུལ་ནས་ཕྱག་འཚལ་བ་དང་། དངོས་འབྱོར་ཡིད་སྤྲུལ་གྱི་མཆོད་ཚོགས་འབུལ་བ། དུས་གསུམ་དུ་བསགས་པའི་ཉེས་ལྟུང་བཤགས་པ། རང་གཞན་གྱི་དགེ་བ་ལ་རྗེས་སུ་ཡི་རང་བ། རྒྱལ་བ་སྲས་དང་བཅས་པ་རྣམས་དང་རྒྱལ་བསྟན་འཛིན་སྐྱོང་སྤེལ་གསུམ་གྱི་བྱེད་པོ་རྣམས་ལ་གདུལ་བྱའི་བློར་གང་འཚམས་པའི་ཆོས་འཁོར་སྐོར་བར་བསྐལ་བ་དང་། དེ་རྣམས་སྐུ་མྱ་ངན་ལས་མི་འདའ་བར་འགྲོ་ངོར་རྟག་པར་བཞུགས་པའི་གསོལ་བ་འདེབས་པ། དུས་གསུམ་གྱི་དགེ་རྩ་སེམས་ཅན་ལ་བསྔོ་བ་ལ་སོགས་འདིའི་རྗེས་ཟློས་གྱིས་ཞེས། ཧོཿདུས་གསུམ་བཞུགས་པའི་སྐྱབས་གནས་ཐམས་ཅད་ལཿ གུས་པས་ཕྱག་འཚལ་ཕྱི་ནང་མཆོད་པ་འབུལཿ མི་དགེ་སྡིག་པའི་ལས་ཀུན་མཐོལ་ལོ་བཤགས། དགེ་ལ་ཡི་རང་ཆོས་འཁོར་སྐོར་བར་བསྐལཿ བཞུགས་གསོལ་འདེབས་སོ་དགེ་རྩ་བྱང་ཆུབ་བསྔོཿ ཀུན་ཀྱང་འཕགས་པའི་གོ་འཕང་ཐོབ་པར་ཤོགཿ ལན་གསུམ་དང་། ཡང་སྡོམ་པ་བཟུང་བ་འདིའི་རྗེས་ཟློས་གྱིས་ཞེས་བྱས་ནས། ཐུགས་རྗེ་ཆེན་པོ་སྐྱབས་ཀྱི་མཆོག་ཏུ་འཛིནཿ འགྲོ་བའི་དོན་དུ་སྨོནའཇུག་སེམས་བསྐྱེད་ཅིང་ཿ སྐུ་གསུང་ཐུགས་དང་མཉམ་སྦྱོར་གསང་སྔགས་ཀྱིཿ དམ་ཚིག་སྡོམ་པ་རྟག་ཏུ་བསྐྱང་བར་བགྱིཿ ལན་གསུམ་དང་། དེ་ནས་དཀྱིལ་འཁོར་དུ་འཇུག་པའི་ཕྱིར་འདིའི་རྗེས་ཟློས་གྱིས། ཀྱེ་ཐུགས་རྗེ་ཆེན་པོའི་ལྷ་ཚོགས་དང་། བླ་མ་ཡི་དམ་མཁའ་འགྲོ་དགོངསཿ སྒོ་བ་ཆེན་པོ་ཁྱེད་རྣམས་ཀྱིསཿ སྒོ་ཕྱེས་ཐར་པའི་གྲོང་བསྟན་འཚལ། ལན་གསུམ་གྱི་མཐར། ས་མ་ཡ་པྲ་ཝེ་ཤ་ཡ་ཧཱུཾ། ཞེས་དཀྱིལ་འཁོར་གྱི་སྒོ་ཤག་གིས་ཕྱེ་བར་བསམ། ལྷོ་ཕྱོགས་སྙིང་རྗེ་ཆེན་པོའི་སྒོ་ནས་རིམ་པར་སྐུ་གསུང་ཐུགས་ཕྱག་བྱེད་བཞིན་པར། ༀ་ན་མ་ཏེ་ཧཱུཾཿ ༀ་ན་མ་མེ་ཧཱུཾཿ ༀ་ན་མོ་ན་མ་ཧཱུཾཿ ལན་བཞིའི་མཐར། དཀྱིལ་འཁོར་གྱི་ཤར་སྒོར་དབང་སྟེགས་པདྨ་འདབ་བརྒྱད་ལ་འཁོད་པས། གཙོ་བོའི་ཐུགས་ཀ་ནས་འོད་ཟེར་བྱུང་། རྣམ་སྨིན་གྱི་ལུས་རྟེན་སྦྱངས། རྣམ་པར་ཤེས་པ་ཧྲཱིཿ ཡིག་དཀར་པོར་གྱུར་པ་ཞལ་ནས་དྲངས་པ་སྐུའི་དབྱིབས་བརྒྱུད། མདུན་དུ་སྒྲོལ་མའི་མཁའ་གསང་དུ་བབས་བདེ་སྟོང་ལས་བསྐྱེད་པའི་སྲས་ཀྱི་རྣམ་པར་གྱུར་པ་སྔར་གྱི་གདན་ལ་འཁོད། རང་ཉིད་ཐུགས་རྗེ་ཆེན་པོར་གསལ་བའི་གནས་གསུམ་དུ་ཡིག་འབྲུ་གསུམ་གྱིས་མཚན་པ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་སྲས་དང་བཅས་པ་སྤྱན་དྲངས་པར་བསམ། ཧྲཱིཿ ནུབ་ཕྱོགས་བདེ་ཆེན་དབང་གི་ཕོ་བྲང་ནསཿ མགོན་པོ་འོད་དཔག་མེད་པ་གཤེགས་སུ་གསོལཿ སྤྲུལ་པའི་ཞིང་ཁམས་རི་བོ་ཏ་ལ་ནསཿ འགྲོ་འདུལ་སྤྱན་རས་གཟིགས་དབང་གཤེགས་སུ་གསོལཿ ཐུགས་རྗེས་འགྲོ་བ་འ དུལ་བའི་ཕོ་བྲང་ནསཿ དཀྱིལ་འཁོར་ལྷ་ཚོགས་མ་ལུས་གཤེགས་སུ་གསོལཿ བདག་ཅག་སྒྲུབ་པ་པོ་ལ་བྱིན་གྱིས་རློབསཿ མཆོག་དང་ཐུན་མོང་དངོས་གྲུབ་སྩལ་དུ་གསོལཿ ༀ་ལོ་ཀི་ཤྭ་ར་གུ་རུ་དྷེ་ཝ་ཌཱཀྐི་ནི་སརྦ་ས་མ་ཡ་ཛ་ཛཿ རོལ་མོའི་སྒྲ་དང་བཅས་པས་བྱིན་ཕབ་ནསཿ དེ་ལྟར་ཡེ་ཤེས་པའི་ཚོགས་ཁ་ཆར་བབས་པ་ལྟར་ཁྱོད་རང་རྣམས་ལ་ཐིམ་པས་སྒོ་གསུམ་རྡོ་རྗེ་གསུམ་དུ་གྱུར་པར་མོས་ལ། རྩ་སྔགས་ལ་ཨ་ཝེ་ཤ་ཡ་ཕེ་བཏགས་པས་བྱིན་དབབ་མཐར། ཏིཥྛ་བཛྲ་གྱིས་བརྟན་པར་བྱས་ནས་མེ་ཏོག་དོར་བ་ནི། ཀྱཻ་ཐུགས་རྗེ་ཆེན་པོའི་དཀྱིལ་འཁོར་དུཿ འབྲེལ་བའི་མེ་ཏོག་འདི་དོར་བསཿ ལས་འཕྲོ་གང་ཡོད་ལྷ་དང་མཇལ་བར་ཤོགཿ པྲ་ཏིཙྪ་བཛྲ་ཧོཿ ཞེས་མེ་ཏོག་ཕུལ། པྲ་ཏི་གྷྲི་ཧ་ན་ཨི་མཾ་ས་ཏྭ་མ་ཧཱ་བྷ་ལ། ལྷག་ལྷ་སྤྱི་བོར་ཐིམ་པར་བསམ་གདོང་གཡོགས་བཀྲོལ་ལ། ཧོཿ བདེ་གཤེགས་སྙིང་པོ་ཚོགས་བརྒྱད་ཀྱིསཿ ལྡོངས་པའི་མ་རིག་ལིང་ཏོག་ནིཿ ཡེ་ཤེས་ཐུར་མས་བསལ་ནས་ཀྱང་ཿ རྣམ་ཐར་སྒོ་གསུམ་བསྟན་དུ་གསོལ། ཛྙཱ་ན་ཙཀྵུ་པྲ་ཝེ་ཤ་ཡ་ཕཊཿ ཅེས་བརྗོད་པས་ཆོས་ཉིད་ཀྱི་བདེན་པ་མཐོང་བར་བསམ་ལ། ཨེ་མ་སྐལ་ལྡན་རིགས་ཀྱི་བུ། ཁྱོད་ནི་སྡིག་པ་ཀུན་ལས་གྲོལ། དཀྱིལ་འཁོར་བཟང་པོ་འདི་ལ་ལྟོས། །ལུས་ངག་ཡིད་ཀྱིས་དད་པ་སྐྱེད། དངོས་གྲུབ་ཐམས་ཅད་ཁྱེད་ཀྱིས་ཐོབ། དམ་ཚིག་སྔགས་ལ་བརྩོན་པར་གྱིས། ཀྱཻ། རིགས་ཀྱི་བུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་སངས་རྒྱས་ཀྱི་སྐུ་དང་ཡེ་ཤེས་བརྡ་དོན་རྟགས་ཀྱིས་མཚོན་པའི་དཀྱིལ་འཁོར་འདི་ནི་རྟེན་གཞལ་ཡས་ཁང་སྟེ། ནང་ལྟར་ཕུང་པོ་ཁམས་དང་སྐྱེ་མཆེད་མཚོན་ལ། དེ་ན་བཞུགས་པའི་བརྟེན་པ་ཡེ་ཤེས་ཀྱི་ལྷ་ནི་རང་གི་སེམས་རྣམ་ཤེས་ཚོགས་བརྒྱད་སེམས་བྱུང་དང་བཅས་པ་ཐུགས་རྗེ་ཆེན་པོའི་དཀྱིལ་འཁོར་ཡིན་པ་དེ་དྲན་པར་གྱིས་ཤིག །དེ་ནས་དབང་བསྐུར་བ་དངོས་ནི། ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། ཨརྒྷཾ་སོགས་ཀྱིས་མཆོད། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། གཟུགས་སྐུ་འཇའ་ཚོན་བཞིན་དུ་སོ་སོར་གསལ། ཐབས་དང་ཤེས་རབ་མཆོག་ལ་མངའ་བརྙེས་པའི། རིགས་ལྔ་བདེ་བར་གཤེགས་ལ་ཕྱག་འཚལ་བསྟོད། ཅེས་དང་། རྡོ་རྗེ་ཅན་གྱི་སངས་རྒྱས་ལ། འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་བསྩལ། །དེ་ལྟར་འདི་ལའང་སྩོལ་དུ་གསོལ། ཞེས་གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། །གཤེགས་མ་རྣམས་ཀྱིས་དབང་བསྐུར། །སེམས་དཔའ་རྣམས་ཀྱིས་ཤིས་པ་བརྗོད། །སེམས་མ་རྣམས་ཀྱིས་གླ་གར་བསྒྱུར། །ཁྲོ་བོ་རྣམས་ཀྱིས་བགེགས་བསྐྲད་དེ། །ཀུན་ཀྱང་དབང་གི་བྱ་བ་ལ་དགྱེས་པར་གྱུར། སློབ་མ་མི་བསྐྱོད་པར་གསལ་ལ། བུམ་པ་བཏེགས་ནས། ཧཱུཾ་རྣམ་ཤེས་ཕུང་པོ་རྣམ་དག་ཅིང་། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ༀ་བཛྲ་ཨ་བྷི་ཥིཉྩ་ཧཱུཾ། འོ་རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡི་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀིར་སངས་རྒྱས། ཞེས་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། སློབ་མ་རིན་འབྱུང་དུ་གསལ་ལ་དབུ་རྒྱན་ཐོགས་ནས། ཧཱུཾ་ཚོར་བའི་ཕུང་པོ་རྣམ་དག་ཅིང་། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ༀ་རཏྣ་ཨ་བྷི་ཥིཉྩ་ཏྲཾ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་མར་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་མ་མཐའ་ཡས་སུ་གསལ་ལ། རྡོ་རྗེའི་དབང་བསྐུར་ཞིང་། ཧཱུཾ་འདུ་ཤེས་ཕུང་པོ་རྣམ་དག་ཅིང་། ཉོན་མོངས་འདོད་ཆགས་སྦྱོང་བྱེད་པའི། སོ་སོར་རྟོགས་པའི་ཡེ་ཤེས་ཀྱི། དཔལ་ལྡན་གསུང་གི་དབང་བསྐུར་རོ། །ༀ་པདྨ་ཨ་བྷི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེའི་དབང་བསྐུར་བས་ངག་གི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོགས་པའི་ཡེ་ཤེས་སུ་གྲོལ་ཏེ། སངས་རྒྱས་པདྨ་རིགས་ཀྱི་གསུང་འགག་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། སློབ་མ་དོན་གྲུབ་ཏུ་གསལ་ལ། དྲིལ་བུ་འཛིན་ལ། ཧཱུཾ་འདུ་བྱེད་ཕུང་པོ་རྣམ་དག་ཅིང་། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་བསྐུར་རོ། ༀ་ཀརྨ་ཨ་བྷི་ཥིཉྩ་ཨཿ རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། སློབ་མ་རྣམ་སྣང་དུ་གསལ་ལ། མིང་དབང་སྦྱིན་པར་མོས་ཏེ། ཧཱུཾ་གཟུགས་ཀྱི་ཕུང་པོ་རྣམ་དག་ཅིང་། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། ༀ་བུདྡྷ་ཆེ་གེ་མོ་ཨ་བྷི་ཥིཉྩ་ༀ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུའི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །ཞེས་རིགས་དབང་ལྔས་གསང་སྔགས་ཕྱི་པའི་བང་ཡང་ཞར་བྱུང་དུ་རྫོགས་པའོ། །རྡོ་རྗེ་སློབ་དཔོན་གྱི་དབང་ནི་ཐུགས་ཀྱི་དམ་ཚིག་རྡོ་རྗེ་བསོར་བ་དང་། གསུང་གི་དམ་ཚིག་དྲིལ་བུ་འཁྲོལ་བ་དང་། སྐུའི་དམ་ཚིག་འཁྱུད་རྒྱ་བྱེད་པ་སྟེ། དམ་ཚིག་གསུམ་བྱིན་ལ། ༀ་ཨཱཿཧཱུཾ། ཐབས་དང་ཤེས་རབ་གཉིས་མེད་ཅིང་། །སྣང་སྟོང་དབྱེར་མེད་འདི་ཟུངས་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་བཟུང་བར་མཛོད། རིགས་ཀྱི་བུ་ཁྱོད་ལ་གསང་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ། རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས་རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །ཅེས་བརྗོད། དེ་ནས་དབང་བསྐུར་བ་ནི་གཙོ་བོའི་ཐུགས་ཀར་ནས་དབང་རྫས་རྣམས་རིམ་པར་བྱུང་བར་བསམ་ལ། བཀྲ་ཤིས་བུམ་པ་ལྷ་ཡི་གཞལ་ཡས་ཁང་། ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང་། ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང་། ཀཱ་ཡ་ཨ་བྷི་ཥིཉྩ་མཾ། དེ་ནས་ལྷ་དབང་བསྐུར་བ་ནི། མདུན་བསྐྱེད་ཀྱི་ལྷ་རྣམས་ཀྱི་སྐུ་ལས་སྐུ་གཉིས་པ་རེ་ཆད་ནས་ཁྱེད་རང་རྣམས་ལ་ཐིམ་པས་ལྷ་སོ་སོའི་དཔལ་ཡོན་ལ་དབང་བར་བྱས་པའི་མོས་པ་གྱིས་ཞེས་བརྗོད་ནས་གཙོ་བོའི་སྐུ་ཐོགས་ལ། ཧྲཱིཿ སྐལ་ལྡན་རིགས་ཀྱི་བུ་ཁྱོད་ལ། །ཕྱག་ན་པདྨའི་དབང་བསྐུར་བས། །སྡུག་བསྔལ་རྒྱུ་འབྲས་རང་གྲོལ་ནས། །འཕགས་པའི་གསང་གསུམ་མངོན་གྱུར་ཤོག །ༀ་མ་ཎི་པདྨེ་ཧཱུཾ་ཧྲཱིཿ ཀཱ་ཡ་ཨ་བྷི་ཥིཉྩ་མཾ་རིགས་བདག་གི་སྐུ་ཐོགས་ལ། ཧྲཱིཿ སྐལ་ལྡན་རིགས་ཀྱི་བུ་ཁྱོད་ལ། །འཆི་མེད་མགོན་པོའི་དབང་བསྐུར་བས། །སྐྱེ་འཆི་བྲལ་བའི་དོན་རྟོགས་ནས། །འགྲོ་དོན་དཔག་ཡས་འབྱུང་བར་ཤོག །ༀ་ཨ་མི་ཏཱ་བྷ་ཧྲཱིཿཀ་ཡ་ཨ་བྷི་ཥིཉྩ་མཾ། སྒྲོལ་མའི་སྐུ་ཐོགས་ལ། ཧྲཱིཿ སྐལ་ལྡན་རིགས་ཀྱི་བུ་ཁྱོད་ལ། །རྗེ་བཙུན་སྒྲོལ་མའི་དབང་བསྐུར་བས། །འཇིགས་ཚོགས་ཀུན་ཞི་ཚེ་བསོད་རྒྱས། །བྱམས་པ་ཚད་མེད་དཔལ་ཐོབ་ཤོག །ཨཪྱ་ཏཱ་རེ་ཀཱ་ཡ་ཨ༴ འོད་ཟེར་ཅན་མའི་སྐུ་ཐོགས་ལ། ཧྲཱིཿ སྐལ་ལྡན་རིགས་ཀྱི་བུ༴ འོད་ཟེར་ཅན་མའི་དབང༴ ལོག་འདྲེན་དཔུང་གཞོམ་ཚེ་དཔལ་འཕེལ། སྙིང་རྗེ་ཚད་མེད་སྟོབས་རྒྱས་ཤོག །ཨ་ཪྱ་མ་རུ་ཙྱཻ་མཾ་ཀཱ་ཡ༴ རིགས་བྱེད་མའི་སྐུ་ཐོགས་ལ། ཧྲཱིཿ སྐལ་ལྡན་རིགས་ཀྱི༴ རིགས་བྱེད་ལྷ་མོའི༴ འགྲོ་ཁམས་མ་ལུས་དབང་འདུས་ནས། དགའ་བ་ཚད་མེད་རྟག་བརྟན་ཤོག །ༀ་ཀུ་རུ་ཀུལླེ་ཧྲཱིཿཀཱ་ཡ༴ ནོར་རྒྱུན་མའི་སྐུ་ཐོགས་ལ། ཧྲཱིཿ སྐལ་ལྡན་རིགས༴ ནོར་རྒྱུན་ལྷ་མོའི༴ དཔལ་འབྱོར་ལོངས་སྤྱོད་ཕུན་ཚོགས་ཤིང་། བཏང་སྙོམས་ཚད་མེད་མཐུ་ཐོབ་ཤོག །ཨཪྱ་བ་སུ་དྷཱ་རི་ཀཱ་ཡ༴ རྡོ་རྗེ་དབང་ཆེན་ཐོགས་ལ། ཧྲཱིཿ སྐལ་ལྡན་རིགས༴ བཛྲ་རྟ་མགྲིན་དབང་༴ ཞི་བའི་ལས་གྲུབ་ལྷ་བདུད་ཆོམ། །མེ་ལོང་ཡེ་ཤེས་མངོན་གྱུར་ཤོག །ༀ་བཛྲ་ཀྲོ་དྷ་ཧྱ་གྷྲྀ་ཝ་ཀཱ༴ རིན་ཆེན་དབང་ཆེན་ཐོགས་ལ། ཧྲཱིཿ །སྐལ་ལྡན་རིགས་ཀྱི༴ །རཏྣ་རྟ་མགྲིན་དབང་༴ །རྒྱས་པའི་ལས་འགྲུབ་ཉོན་བདུད་ཐུལ། །མཉམ་ཉིད་ཡེ་ཤེས་མངོན༴ ༀ་རཏྣ་ཀྲོ་ཏ༴ པདྨ་དབང་ཆེན་ཐོགས་ལ། ཧྲཱིཿ སྐལ་ལྡན་རིགས༴ པདྨ་རྟ༴ །དབང་གི་ལས་འགྲུབ་ཕུང་བདུད་ཆོམས། །སོར་རྟོགས་ཡེ་ཤེས་མངོན༴ ༀ་པདྨ་ཀྲོ་ཏ༴ །ལས་ཀྱི་དབང་ཆེན་ཐོགས་ལ། ཧྲཱིཿ །སྐལ་ལྡན་རིགས་ཀྱི༴ ཀརྨ་རྟ་མགྲིན༴ །དྲག་པོའི་ལས་འགྲུབ་འཆི་བདུད་ཐུལ། །བྱ་གྲུབ་ཡེ་ཤེས་མངོན་གྱུར་ཤོག །ༀ་ཀརྨ་ཀྲོ་ཏ་ཧྱ་གྷྲྀ་ཝ་ཀཱ་ཡ་ཨ་བྷི་ཥིཉྩ་མཾ། སྤྲོ་ན་སངས་རྒྱས་སྟོང་དབང་རཏྣའི་ལུགས་སམ་ཅི་བདེར་བསྐུར་ཞིང་བསྡུ་ཚེ་བཅུ་གཅིག་ཞལ་གྱི་སྐ་གཏད་པ་ཁོ་ནས་ཆོག་པར་ངེས་བཞིན། ཕྱག་སྟོང་འཁོར་ལོས་སྒྱུར་བའི་རྒྱལ་པོ་སྟོང་། །སྤྱན་སྟོང་བསྐལ་པ་བཟང་པོའི་སངས་རྒྱས་སྟོང་། །གང་ལ་གང་འདུལ་དེ་ལ་དེར་སྟོན་པ། །བཙུན་པ་སྤྱན་རས་གཟིགས་ཀྱི་དབང་བསྐུར་རོ། །ཞེས་དང་། མཐུན་པའི་དགེ་ཚོགས་སྨོན་ལམ་རྨད་བྱུང་ཞིང་། །སྤྱད་པ་སྤྱོད་ཚེ་ནམ་ཡང་མཆེད་གྱུར་པ། །བསྐལ་བཟང་གཅིག་ལ་མཛད་པ་མཐར་ཕྱིན་པའི། །རྫོགས་པའི་སངས་རྒྱས་སྟོང་གི་དབང་བསྐུར་རོ། །ༀ་སརྦ་ཏ་ཐཱ་ག་ཏ་ཨ༴ །དེས་ལུས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། །བསྐྱེད་རིམ་གྱི་སྣོད་དུ་གྱུར། །རྣམ་སྨིན་རིག་འཛིན་གྱི་ས་བོན་ཐེབས། །སྤྲུལ་སྐུའི་གོ་འཕང་ཐོབ་པའི་སྐལ་པ་རྒྱུད་ལ་བཞག་གོ། གསང་རྫས་བྱིན་ལ། ཧཱུཾ་ཡབ་ཡུམ་སྦྱོར་བའི་བྱང་ཆུབ་སེམས། དཀར་དམར་བྷན་དྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང་ཝཱཀྐ་ཨ་བྷི་ཥིཉྩ་མཾ། དེས་ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། །གསང་བའི་དབང་ཐོབ། །བཟླས་བརྗོད་ཀྱི་སྣོད་དུ་གྱུར། །ཚེ་དབང་རིག་འཛིན་གྱི་ས་བོན་ཐེབས། །ལོངས་སྤྱོད་རྫོགས་པའི་གོ་འཕང་གི་སྐལ་པ་རྒྱུད་ལ་བཞག་གོ། རིག་ཙག་བཟུང་ལ། ཧཱུཾ་ཆོས་རྣམས་ཀུན་གྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང་ཙིཏྟ་ཨ་བྷི་ཥིཉྩ་མཾ། །དེས་ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། །ཤེས་རབ་ཡེ་ཤེས་ཀྱི་དབང་ཐོབ། །བདེ་སྟོང་ཙཎྜལིའི་སྣོད་དུ་གྱུར། །ཕྱག་རྒྱའི་རིག་འཛིན་གྱིས་བོན་ཐེབས། །ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག་གོ། མེ་ལོང་ཤེལ་རྡོའི་བརྡས་མཚོན་པར་བྱས་ཏེ། ཧོཿ ཀ་དག་མེ་ལོང་གཙང་མའི་དོགས། །ལྷུན་གྲུབ་དྭངས་ཤེལ་དྲི་མེད་གསལ། །བརྡའ་རྟགས་རྫོགས་པའི་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང་དྷརྨ་དྷརྟུ་ཨ་བྷི་ཥིཉྩ་མཾ། དེས་ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོནཔའི་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིནགྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ། དེ་ནས་བཀའ་རྫོགས་ལུང་རྫོགས་ཕྱིར། གླེགས་བམ་སྤྱི་བོར་བཞག་བྱས་ལ། ཧོཿ ཆོས་སྐུ་ཀུན་ཏུ་བཟང་པོ། །ལོངས་སྐུ་རྒྱལ་བ་རིགས་ལྔ། །སྤྲུལ་སྐུ་དགའ་རབ་རྡོ་རྗེ། །སློབ་དཔོན་འཇམ་དཔལ་བཤེས་གཉེན། །རིག་འཛིན་ཤྲྀ་སེང་ཧ། །པཎ་ཆེན་བི་མ་མི་ཏྲ། །ཨོ་རྒྱན་པདྨ་ཐོད་ཕྲེང་། །མཁའ་འགྲོ་ཡེ་ཤེས་མཚོ་རྒྱལ། །མངའ་བདག་ཁྲི་སྲོང་ལྡེའུ་བཙན། །རྒྱལ་སྲས་དྲི་མེད་འོད་ཟེར། །ཀློང་ཆེན་ནམ་མཁའི་རྣལ་འབྱོར་ལ་སོགས། །རང་བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལམགོན་རིན་འཛིན་བླ་མ། ཡི་དམ་མཁའ་འགྲོ་རྒྱ་མཚོ། ཆོས་སྲུང་དམ་ཅན་རྒྱ་མཚོའི་ཚོགས་དང་བཅས་རྣམས་ཀྱིས་དེང་འདིར་རྡོ་རྗེའི་སློབ་མ་རྣམས་ལ་དབང་བསྐོར་དུ་གསོལ། བྱིན་གྱིས་བརླབ་ཏུ་གསོལ། །རྟོགས་པ་སྤར་དུ་གསོལ། བརྟུལ་ཞུགས་བསྐྱེད་དུ་གསོལ། །བྱ་རྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ། །ཚེ་གཅིག་ལུས་གཅིག་ལ་འཇའ་ལུས་འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལ། ཞེས་ལན་གསུམ་དང་། བཤད་སྒྲུབ་ཀྱི་བརྒྱུད་པ་འཛིན་པ་དག་ལ་ཐོད་རྒལ་རིག་པའི་རྩལ་དབང་བསྐུར་བ་ཡེ་ཤེས་བླ་མ་ལས་ཤེས་སོ། དེ་ནས་དམ་ཚིག་བསྒྲག་པ་ནི། གྲངས་དང་རིམ་པའི་རྣམ་དབྱེ་བཤད་ལ། རྩ་བ་སྐུ་གསུང་ཐུགས་མཆོག་དང་། ཡན་ལག་དམ་ཚིག་ཉི་ཤུ་ལྔ། མེད་དང་གཅིག་པུ་ཕྱལ་བ་སོགས། ཆོ་ག་བཞིན་དུ་བསྲུང་བར་བགྱི། ལན་གསུམ། གཏང་རག་གི་མཎྜལ་ཕུལ། སླར་ཡང་ལུས་ལོངས་སྤྱོད་བླ་མའི་ཕྱོགས་སུ་བསྔོ་བ་ནི། ༼ཀ ྅྅྅྅བསྒྲུབ་གཏོར་ཐོགས་ལ། ཧྲཱིཿ དཀྱིལ་འཁོར་གཙོ་བོ་འཕཊ་མཆོག་ཐུགས་རྗེའི་གཏེར། །སྡུག་བསྔལ་རང་གྲོལ་སྤྱན་རས་གཟིགས་དབང་མཆོག །རིགས་བདག་འོད་དཔག་མེད་པ་འགྲོ་བའི་མགོན། །སེམས་མ་རྣམ་བཞི་སྡུག་བསྔལ་སེལ་བའི་སྐྱབས། །སངས་རྒྱས་བྱང་སེམས་བྱིན་རླབས་ཐུགས་རྗེའི་གཏེར། །རྟ་མགྲིན་རིགས་བཞི་བདུད་འདུལ་བར་ཆད་སེལ། །ཐུགས་དམ་གནད་ནས་བསྐུལ་ལོ་རྗེས་སུ་དགོངས། །སྐལ་ལྡན་མོས་པའི་བུ་ལ་བྱིན་གྱིས་རློབས། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །དབང་མཆོག་བསྐུར་ལ་མཆོག་ཐུན་དངོས་གྲུབ་སྩོལ། །གུ་རུ་དྷེ་ཝ་ཌཀྐི་ནི་ཨཪྱ་ལོ་ཀི་ཤྭ་ར་སརྦ་ཏ་ཐཱ་ག་ཏ་ཀཱ་ཡ་ཝཀྐ་ཙིཏྟ་གུརྞ་ཀརྨ་སརྦ་སིདྡྷི་ཕ་ལ་ཧཱུཾ། ཞེས་བསྐུར་རོ། །ཕྱག་སྟོང་འཁོར་ལོས༴ སོགས དབང་བསྐར་རོཿ ༀ་མ་ཎི་ཌཱཀྐ་ཡ་ལ་བྷི་ཥིཉྩ་མཾཿ མཐུན་པའི་དགེ་སོགས་སྟོང་གི་དབང་བསྐར་རོ། །ༀ་སརྦ་ཏ་ཐཱ་ག་ཏ་ཨ་བྷི་ཥིཉྩ་མཾ། མཐའ་རྟེན་བསྐར། དེ་ལྟར་དངོས་གཞིའི་དབང་རྫོགས་ནས། མཐའ་རྟེན་གྱི་དབང་ནི། དང་པོ་རྒྱལ་སྲིད་སྣ་བདུན་ནི། ཧྲཱིཿ འོད་ཟེར་རིན་ཆེན་ཆོས་ཀྱི་འཁོར་ལ་བསྐོར། །ནོར་བུ་རིན་ཆེན་དགོས་འདོད་ཐམས་ཅད་འབྱུང་། །བཙུན་མོ་རིན་ཆེན་ཕ་རོལ་ཕྱིན་བཅུ་ལྡན། །ཁྱིམ་བདག་རིན་ཆེན་ཆབ་སྲིད་རབ་ཏུ་སྤེལ། །གླང་པོ་རིན་ཆེན་བདུད་ཀྱི་དཔུང་ཚོགས་འཇོམས། །རྟ་མཆོག་རིན་ཆེན་འཁོར་བའི་ཕ་རོལ་སྒྲོལ། །དམག་དཔོན་རིན་ཆེན་ཉོན་མོངས་གཡུལ་ངོ་བཟློག །རིན་ཆེན་སྣ་བདུན་ཡོངས་རྫོགས་དབང་བསྐུར་རོ། །གཉིས་པ་བཀྲ་ཤིས་རྟགས་བརྒྱད་ཀྱི་དབང་ནི། ཧྲཱིཿ བཀྲ་ཤིས་རིན་ཆེན་གདུགས་ཀྱིས་ཚ་གདུང་སྐྱོབ། །བཀྲ་ཤིས་གསེར་ཉས་ཡེ་ཤེས་སྤྱན་བྱིན་རློབས། །བཀྲ་ཤིས་དུང་ཆེན་ཐེག་དགུའི་རྩེ་མོར་ཕྱིན། །བཀྲ་ཤིས་འཁོར་ལོས་ས་བཅུ་ཟིལ་གྱིས་གནོན། །བཀྲ་ཤིས་རྟགས་བརྒྱད་ཡོངས་རྫོགས་དབང་བསྐུར་རོ། །གསུམ་པ་རྫས་བརྒྱད་ཀྱི་དབང་ནི། ཧྲཱི༔ སྒྲུབ་རྫས་ཡུངས་དཀར་རྒྱལ་པོས་བགེགས་ཚོགས་འཇོམས། །རྫས་མཆོག་བིལ་བས་ཡོན་ཏན་ཐམས་ཅད་རྒྱས། །རྩ་མཆོག་དུར་བས་གདོན་གྱི་གནོད་པ་སྐྱོབ། །ལི་ཁྲི་མཚལ་ཆེན་འགྲོ་བ་དབང་དུ་སྡུད། གྷི་ཝཾ་སྨན་གྱིས་ཉོན་མོངས་ནད་ཀུན་སེལ། །བཅུད་ལྡན་ཞོ་ཡིས་དབང་པོའི་གཟི་མདངས་བ སྐྱེད། །གསལ་བྱེད་མེ་ལོང་མ་རིག་མུན་པ་སེལ། །ཆོས་དུང་གཡས་འཁྱིལ་གསུང་དབྱངས་དྲུག་ཅུ་སྒྲོག །བཀྲ་ཤིས་རྫས་བརྒྱད་ཡོངས་རྫོགས་དབང་བསྐུར་རོ། ༼ཁ ྅྅྅྅྅།དམ་ཚིག་གི་ཐ་ཚིག་ཡིན་པས་འདིའི་རྗེས་ཟློས་གྱིས། །གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱོད་ལ་བདག་ཀྱང་ཡོངས་སུ་འབུལ། །སློབ་མར་བཟུང་ནས་སྤྱད་དུ་གསོལ། གསུམ་གྱི་རྗེས་ལ་དགེ་བ་བསྔོ་ཞིང་བཀྲ་ཤིས་ཀྱིས་མཐའ་བརྒྱན་པར་བྱའོ། འདིར་སྨྲས་པ། ཡབ་རྗེ་བླ་མ་དྲི་མེད་འོད་ཟེར་གྱིས། རབ་བསྟན་སྨོན་ལམ་གཏད་རྒྱའི་དབང་བསྐུར་བཞིན། སྐྱེས་མཆོག་ང་ལ་ནམ་མཁའི་རྣལ་འབྱོར་དེའི། དགོངས་པ་མངོན་སུམ་འཕོས་ལྟའི་བྱིན་ཐོབ་རྟགས། འཁྲུལ་མེད་ཐོས་བསམ་སྒོམ་གྱི་མངོན་རྟོགས་གཟུགས། གདུལ་བྱའི་ཨ་དཪྴར་སྣང་སུས་འགོག་ནུས། དེ་ཕྱིར་གང་གི་མཛད་པའི་འཕྲོ་བསྐྱངས་ན། གཉིས་སུ་བྱར་མེད་བྱེད་པོར་གདོན་མི་ཟ། ཁོ་བོ་དད་དམ་གནས་ལ་མ་ལྷོད་པས། བླ་མའི་བྱིན་ནུས་ཅུང་ཟད་ཐོབ་པ་དང་། ཉིད་གསུང་བདེན་སྨྲའི་རྟེན་འབྲེལ་བསླུ་མེད་ཕྱིར། དགོངས་བཞེད་ཇི་བཞིན་འཕྲལ་དུ་ཐོགས་མེད་སྤེལ། ད་ལྟ་ཆོས་སྤྱིར་གལ་ཆུང་བྱེད་པ་དང་། ཁྱད་པར་ཡབ་རྗེའི་ཆོས་ལ་གཞན་འགའ་ཡིས། ཕྱོགས་སྔའི་སྐྱོ་མ་སྔ་བཙན་ངོམ་དུས་འདིར། ཁྱོད་ནི་བསྟན་པའི་སྲོག་ཤིང་གཅིག་ཏུ་ངེས། འདི་ན་མཁས་རློམ་ཉིན་མཚན་གོ་ལོག་བྱ། རྣམ་དག་ལམ་བཟང་ཉིན་བྱེད་དགྲར་འཛིན་ཅིང་། ལོག་རྟོག་བྱང་ལྟའི་ཕུག་པར་གནས་བཅས་ནས། ལྟ་ངན་རང་སྐད་སྒྲོག་ཀྱང་རང་སྐྱོན་ཙམ། དེ་ཕྱིར་འདི་ནི་རྣམ་དག་བྱང་ཆེན་ལམ། སྐལ་བཟང་ཐར་འདོད་རྣམ་མཁྱེན་དོན་གཉེར་བ། ཡོད་ན་གཞུང་བཟང་འོད་དཀར་མཐའ་ཡས་ལ། བསྟེན་པར་མཛོད་དང་ཕན་བདེའི་ཀུ་མུད་རྒྱས། ཡབ་རྗེ་བླ་མའི་མཁྱེན་བརྩེ་ནུས་པའི་སྟོབས། གང་དང་དབྱེར་མེད་དམ་པའི་བཀས་བསྐལ་མཐུས། ཁོ་བོས་ལྷག་པའི་བསམ་པས་འདི་བརྩམས་དགེས། བསྟན་དང་འགྲོ་བའི་མི་མཐུན་ཀུན་ཟད་ནས། འཕྲལ་ཕུགས་དགའ་བདེའི་དཔལ་ལ་ལོངས་སྤྱོད་ཤོག །ཅེས་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་ཆོག་འོད་དཀར་མཐའ་ཡས་འདི་ཉིད་རིག་འཛིན་ཆེན་པོ་ནམ་མཁའ་འཇིགས་མེད་རྡོ་རྗེས་བཀའ་བསྩལ་དང་དུ་བླངས་ཏེ་རྩོམ་པར་བྱེད་པ་པོ་ཁམས་དབུས་གཙང་གསུམ་གྱིབླ་མ་དམ་པ་ཉི་ཤུའི་གྲངས་ལྡན་ལས་སྨིན་གྲོལ་གྱི་བདུད་རྩི་ཐོབ་པའི་རྣལ་འབྱོར་པ་འཇིགས་མེད་ཕྲིན་ལས་འོད་ཟེར་གྱིས་འདོན་འགྲིགས་སུ་བཀོད་པའི་ཡི་གེ་པ་ནི་དམ་ལྡན་མགོན་པོ་བསམ་འགྲུབ་ཀྱིས་བགྱིས་པའི་དགེ་བས་འགྲོ་ཀུན་ཐུགས་རྗེ་ཆེན་པོའི་གོ་འཕང་ཐོབ་པའི་རྒྱུར་གྱུར་ཅིག་གུ། དགེའོ་དགེའོ། དགེའོ།།

མ་མགོན་ལྕམ་དྲལ་གྱི་གཏོར་བསྔོས་བསྡུས་པ་ཕྲིན་ལས་མྱུར་འགྲུབ།

༄༅། །མ་མགོན་ལྕམ་དྲལ་གྱི་གཏོར་བསྔོས་བསྡུས་པ་ཕྲིན་ལས་མྱུར་འགྲུབ་བཞུགས། །

རཾ་ཡཾ་ཁཾ། །སྟོང་པའི་ངང་ལས་རླུང་མེ་ཐོད་སྐྱེད་སྟེང་། །མཚན་ལྡན་ཐོད་པ་ཡངས་ཤིང་རྒྱ་ཆེ་བར། །ཤ་ལྔ་བདུད་རྩི་ལྔ་སོགས་མཆོད་གཏོར་རྫས། །འབྲུ་གསུམ་སྔགས་ཀྱི་ནུས་པས་སྦྱང་སྤེལ་བསྒྱུར། ༀ་ཨཱཿཧཱུཾ། རང་གི་མདུན་དུ་སྣང་ཞིང་སྲིད་པའི་ཆོས། །མ་མོ་དཀྱིལ་འཁོར་མཚན་ཉིད་ཡོངས་རྫོགས་པའི། །དབུས་སུ་སྔགས་སྲུང་མོ་འཁོར་དང་བཅས། །གཡས་སུ་མགོན་པོ་མ་ནིང་ནག་པོ་དང་། །གཡོན་དུ་སྐྱེ་མཆོག་རྡོ་རྗེ་ལེགས་པ་རྩལ། །རྒྱབ་ཏུ་གསང་བའི་སྒྲོལ་གིང་ར་ཧུ་ལ། །མདུན་དུ་དུར་ཁྲོད་བདག་མོ་ངེ་ནེ་མ། །དེ་རྣམས་སོ་སོའི་འཁོར་དང་སྤྲུལ་པར་བཅས། །མ་ལུས་ཡོངས་རྫོགས་རྒྱ་མཚོ་གཟའ་སྐར་བཞིན། །གསལ་བའི་གནས་གསུམ་ཡི་གེ་འབྲུ་གསུམ་དང་། །ཁྱད་པར་བདག་ཉིད་ཡིད་དམ་ལྷར་གསལ་བའི། །ཐུགས་ཀའི་འོད་ཀྱི་གསང་སྔགས་བསྟན་བསྲུང་ལྷ། །མ་མགོན་ལྕམ་དྲལ་དམ་ཅན་སྡེ་ལྔ་དང་། གཞན་ཡང་སྤྲུལ་པ་ཡང་སྤྲུལ་ཉིང་སྤྲུལ་བཅས། །སྐད་ཅིག་ཙམ་གྱིས་གནས་འདིར་བྱོན་པར་གྱུར། །ༀ་མ་མ་དྲག་རཀྴ་ཨེ་ཀ་ཙ་ཌི་མ་མ་བྷྱོཿ མ་ཧཱ་ཀ་ལ་ཤ་ས་ན་དྲི་བཛྲ་ས་དྷུ་ས་མ་ཡ་ཛ་ཛཿ དྷརྨཱ་པ་ལ་ཀྵེ་ཊ་པ་ལ་ལོ་ཀ་པ་ལ་ས་བཱ་རི་ཝ་ར་བཛྲ་ས་མ་ཡ་ཛ་ཛཿ ས་མ་ཡ། ཏིཥྛ་ལྷན། ཨ་ཏི་པུ་ཧོ། པྲ་ཏི་ཛ་ཧོ། བཛྲ་ཨརྒྷཾ༴སོགས། ཤབྟ་ཏུ་པ་ཤ་བྷ་གྷནྡྷེ་ར་ས་པྲ་ཏི་ཙ་པཱུ་ཛ་ཧོ། མ་མ་དྲག་རཀྴ་ཨེ་ཀ་ཙ་ཊི་ས་པཱ་རི་ཝ་ར་སརྦ་པཉྩ་རཀྟ་བྷ་ལིང་ཏ་ཁཱ་ཧི། ༀ་མ་ཧཱ་ཀ་ལ་ཤི་ས་ན། ཏྲི་ལིང་གིང་ག་ས་ར་ས་པཱ་རི་ཝ་ར་སརྦ༴ ཏྲི་བཛྲ་ས་ཏུ་ས་མ་ཡ་ས་པཱ་རི་ཝ༴ ཧྲཱི་ཤག་ཏུ་རཾ་ན་ག་ཙིཏྟ་ཏྲཾ་མ་མ་ཡོམ་ཟ་གྷྲཾ་ཧ་ཧེ་ཡོ་ཀི་ཤི་ལ་ཛ་ཛཿས་པཱ་རི་ཝ་ར༴ ཧཱུཾ་ར་ལི་པྲ་མ་ཡ་ཛ་ས་པཱ་རི་ཝ༴ བཾ་ཧ་རི་ནི་ས་བཛྲ་པྲ་མོ་ཧ་ཙིཏྟ་ཧྲིཾ་ཧྲིཾ་ཛ་ས་པཱ་རི་ཝ༴ ༀ་བཛྲ་པྲ་མོ་ཧ་ས་པཱ་རི་ཝ༴ ༀ་དྷརྨ་པ་ལ་ཀྵེ་ཌ་པཱ་ལ་ལོ་ཀ་པ་ལ་ས་པཱ་རི་ཝ་སརྦ་པཉྩ་ཨ་མྲྀ་ཏ་ཁྷི། མ་ཧཱ་རཀྟ་ཁ་ཧི། མ་ཧཱ་བྷ་ལིང་ཏ་ཁ་ཧི། ཧཱུཾ་བསྐང་ངོ་གསོལ་ལོ་མཆོད་དོ་མངའ་གསོལ་ལོ། །ཕྱི་ནང་གསང་བ་ཡང་གསང་མཆོད་རྫས་དང་། །བསྐང་རྫས་བསྒྲུབ་རྫས་རྟེན་ནས་མཉེས་བྱེད་རྫས། །དངོས་བཤམས་ཡིད་སྤྲུལ་ཏིང་འཛིན་མཐུས་སྤྲུལ་པས། །རྩ་གསུམ་ལྷ་དང་མཁའ་འགྲོ་ཆོས་སྐྱོང་དང་༑ །བཀྲུང་གཏེར་སྲུང་ཆོས་སྐྱོངས་དམ་ཅན་སྡེ། །ཕོ་རྒྱུད་མོ་རྒྱུད་སྤྲུལ་པ་ཡང་སྤྲུལ་དང་། །ཕོ་ཉ་ཕྱག་བརྙན་འཁོར་རྒྱ་མཚོ་ཡི། །ཐུགས་དམ་ངོ་ཉམས་ཆགས་ནེས་ཚོགས་བཤགས། །ཚངས་པར་མཛད་ནས་མཆོག་མཐུན་དངོས་གྲུབ་སྩོལ། །ཞི་རྒྱས་དབང་དང་དྲག་པོ་ལོགས་པའི། །རབ་འབྱམས་ཕྲིན་ལས་གང་བརྩམ་ཐོག་མེད་དུ། །ཤོལ་འགྱང་མེད་པར་འགྲུབ་པར་མཛད་དུ་གསོལ། །སྔོན་ཚེ་སུ་གསུམ་རྒྱལ་བའི་སྤྱན་སྔ་རུ། །ཁས་བླང་དམ་བཅས་གསང་སྔགས་བསྟན་སྲུང་ཚོགས། །མ་ལུས་འཁོར་དང་བཅས་ལ་ཕྱག་འཚལ་བསྟོད། །བདག་སོགས་གར་ཕྱིན་གང་དུ་གནས་ཀྱང་རུང་། །ལུས་དང་གྲིབ་བཞིན་འགྲོགས་ནས་འགལ་སྤོངས་དང་། །མི་མཐུན་གནོད་པའི་རྐྱེན་ཚོགས་བཟློག་གྱུར་ནས། མཐུན་རྐྱེན་འབད་མེད་ལྷུན་གྱིས་གྲུབ་པར་མཛོད། ཡིག་བརྒྱ་ལན་གསུམ་བརྗོད། ཅེས་པའང་ཀུན་གཞན་ཕན་གྱིས་སྤེལ་དགེའོ། ༈ །མདོའི་བསྐང་བསྡུས་བསམ་དགུ་མྱུར་འགྲུབ་བཞུགས། རཾ་ཡཾ་ཁཾ། ༀ་ཨཱཿཧཱུཾ། བྷྱོ་བུ་ལ་བརྩེ་བའི་མ་ཅིག་ལ། །སྔགས་སྲུང་ཁྲོས་མ་རལ་གཅིག་མ། །འཁོར་འདས་ཡོངས་ལ་དབང་སྒྱུར་མ། འདོད་དགུའི་དངོས་གྲུབ་ཆར་འབེབས་མ། །དཔལ་ལྡན་གཉན་གྱི་རེ་མ་ཏི། །སྐུ་གསུང་ཐུགས་ཡོན་མ་ཚོགས་དང་། །ལྕམ་དྲལ་བདན་ཅུ་རྩ་ལྔ་བཅས། སྔོན་གྱི་ཐ་ཚིག་དྲན་མཛོད་ལ། འདིར་རིགས་ཕྱི་ནང་གསང་མཆོད་བཞེས། །མཐུན་རྫས་དགོས་དགུའི་ལོངས་སྤྱོད་ཀྱིས། །ཐུགས་ཀྱི་དམ་ཚིག་བསྐངས་གྱུར་ནས། །བསམ་དགུའི་རེ་སྨོན་མྱུར་འགྲུབ་མཛོད། ཅེས་པ་འདི་ཡང་རིགས་སྔགས་འཆང་བ་སྐྱེ་མདོ་རྡོ་རྗེས་རང་གི་རྒྱུན་ཁྲང་བསོག་རྒྱུར་ཤལ་མར་སྤེལ་བ་དགའོ། ༈ བཟའ་རྒོད་དུག་གི་སྤུ་གྲི་བཞུགས། ཧཱུཾ་སྔོན་ཚེ་སངས་རྒྱས་རིན་ཆེན་སྙིང་པོ་སོགས། །གསང་བདག་པདྨ་ཐོད་ཕྲེང་བཀའ་ཉན་མཆོག །དྲོང་ཆེན་པོ་གཟའ་ཆག་ར་ཧུ་ལ། གདོང་མོ་མཆེད་བཞི་གཟའ་བརྒྱད་རྒྱུར་སོགས། །ལྷ་སྲིན་སྡེ་བརྒྱད་སྤྲུལ་པ་ཡང་འཁོར་བཅས། །མཆོད་གཏོར་གསེར་སྐྱེམས་འདི་གསོལ་བདག་ཅག་གི། མཐུ་ཆེན་ཀུན་བསྒྲུབ་མི་མཐུན་ཕྱོས་ཀུན་ཞི། །བསམ་དོན་ཡིད་བཞིན་བསྒྲུབ་པའི་ཕྲིན་ལས་མཛོད། བཛྲ་པ་ཎི་བྲིས་སོ། ༈ ཚེ་རིང་མཆེད་ལྔའི་གཏོར་འབུལ་བཞུགས། རཾ་ཡཾ་ཁཾ། གཏོར་མ་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ༀ་ཨཱཿཧཱུཾ། ལན་གསུམ། ཧཱུཾ་སྔོན་ཚེ་སློབ་དཔོན་པདྨའི་བཀའ། བར་དུ་བཞད་པ་རྡོ་རྗེའི་ལུང་། །ཐ་མ་འཇིགས་མེད་གླིང་པའི་ཚིག །བཀའ་དང་དམ་ཚིག་དྲན་མཛོད་ལ། །ཚེ་རིང་མཆེད་ལྔ་འཁོར་དང་བཅས། །འདིར་གཤེགས་ཕྱི་ནང་གསང་གསུམ་གྱི། །མཆོད་རྫས་སྒྲུབ་རྫས་བསྐངས་རྫས་སོགས། །མཐུན་རྫས་ལོངས་སྤྱོད་འདི་བཞེས་ལ། །ཐུགས་དམ་གཉན་པོ་བསྐངས་ནས་ཀྱང་། །རབ་འབྱམས་ཕྲིན་ལས་ཡོངས་གྲུབ་ཅིང་། །མཆོག་ཐུན་དངོས་གྲུབ་མྱུར་ཐོབ་ནས། །བསྟན་འགྲོར་ཕན་པའི་དཔལ་ཐོབ་ཤོག །ལག་ན་རྡོ་རྗེས་སོ། ༈ རྡོ་རྗེ་གཡུ་སྒྲོན་མ་བཞུགས། ཧཱུཾ་རིག་འཛིན་པདྨ་ཐོད་ཕྲེང་གི །བཀའ་ཉན་ཆད་ཐོ་ལ་གནས་པའི། །སྨན་བཙུན་རྡོ་རྗེ་གཡུ་སྒྲོན་མ། །སྤྱན་འདྲེན་གནས་འདིར་ད་ཚུར་བྱོན། བཛྲ་ས་མ་ཡ་ཛཿ མཆོད་པ་ནི་ཧཱུཾ་ཏིང་འཛིན་སྔགས་དང་ཕྱག་རྒྱ་ཡིས། །སྣང་སྲིད་སྣོད་བཅུད་མ་ལུས་པའི། །མཁོ་དགུའི་འབྱོར་ཚོགས་ཇི་སྙེད་ཀུན། །ཡེ་ཤེས་བདུད་རྩིར་འཆར་བས་བསྐང་། །བདག་ཅག་དཔོན་སློབ་ཡོན་མཆོད་ཀྱི། །འགལ་འཁྲུལ་ནོངས་པ་དབྱིངས་སུ་བསྐང་། །མཐུན་རྐྱེན་ཚེ་དཔལ་ནུས་སྟོབས་བསྐྱེད། །བདེ་སྟོང་རང་བྱུང་མངོན་གྱུར་སྩོལ། ༀ་བཛྲ་པྲ་མོ་ཧ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། ༈ རྣམ་ཐོས་སྲས་བཞུགས། བཻ་རང་བཞིན་ཆོས་སྐུའི་ངང་ལས་མ་གཡོས་ཀྱང་། །དབང་དང་དྲག་ཤུལ་སྤྱོད་པའི་རྣམ་འགྱུར་གྱིས། །སེམས་ཅན་དོན་ལ་དགོངས་པའི་རྣམ་ཐོས་སྲས། །ཅང་ཤེས་སྟེང་ན་འགྱིང་བ་རྣམས་ལ་བསྟོད། །བདག་པོས་བཟུང་དང་མ་བཟུང་ཇི་སྙེད་པའི། །ཉེ་བར་ཡོ་བྱད་པའི་འདོད་ཡོན་མཁོ་དགུའི་མཛོད། །ཏིང་འཛིན་སྔགས་བརྒྱས་རྫུ་འཕྲུལ་སྤེལ་བའི། །ནམ་མཁའ་མཛོད་ཀྱི་འཁོར་བཅས་ཐུགས་དམ། །རྟོགས་པ་མེད་བཞིན་ཁམས་སུ་སྣོད་བཅུད་ཀྱི། །ཕུན་ཚོགས་ལོངས་སྤྱོད་ཆར་དུ་སྙིལ་བས་ཀྱང་། ཕ་མཐར་ཐུགས་མིན་ཚེ་དང་བསོད་ནམས་དཔལ། །ཆབ་སྲིད་སྙན་གྲགས་སྤེལ་བའི་གཡང་ཁུག་ཅིག༑ །ཟ་ཐང་སྲིས་ལ་རྐུ་བའི་ཐེའུ་རང་དང་། །འབྱུང་བའི་བཅུད་འཕྲོག་རྐང་བཞིའི་བླ་ལ་འཚེ། །འབྲུ་བཅུད་དཔལ་ལ་གཞོམ་པའི་བསེ་རག་རྣམས། །ཡི་དྭགས་སྨྱོ་བརྗོད་གྲིབ་གནོན་གདོན་ལས་སྲུངས། །བ་དན་གཡོ་བའི་རུ་མཚོན་གདོང་པའི་མཛོད། །གཟུགས་ཅན་དགྲ་དང་གཟུགས་མེད་བགེགས་ཀྱི་དཔུང་། །མེ་ལྕེའི་ཟེར་གྱིས་ཕྱེ་མ་ལེབ་ལ་བཞིན། །ཕྱོགས་ལས་རྣམ་པར་རྒྱལ་བའི་རྒྱལ་རྔ་བརྟུང་། །མདོར་ན་དུས་གསུམ་ཀུན་དུ་ཁྱེད་བརྟེན་ན། །གཞི་ལ་རྫོགས་ལྡན་གསར་བའི་ལྗོན་ཤིང་ཚུགས། བྱེས་སུ་ལམ་འཕྲང་ཡུལ་ངན་ཆོམ་རྐུན་སྐྱོབས། །འགྱེད་དང་དོན་གཉེར་ཀུན་ལས་རྒྱལ་ཁ་ལོངས། །བསམ་དོན་འབྲས་བུ་སྨིན་པའི་ཕྲིན་ལས་མཛོད། །རྫོགས་པ་ཆེན་རང་བྱུང་རྡོ་རྗེས་སྤེལ་བ་དགེ་ལེགས་འཕེལ། ༈ མགོན་པོ་ཚོགས་བདག་བཞུགས། ན་མོ་ཤྲི་མ་ཧཱ་ཀ་ལ་ཡི། དཔལ་མགོན་ཚོགས་ཀྱི་བདག་པོ་གཏེར་མ་འབུལ་བར་འདེད་བ། ཕུད་གཏེར་རྒྱས་བསྡུས་ཅི་རིགས་བཤམས་ནས་ཆབ་ཀྱིས་སྦྱངས་ཤིང་། རཾ་ཡཾ་ཁཾ། ལན་གསུམ། ༀ་ཨཱཿཧཱུཾ། ལན་གསུམ། གྱིས་གཏེར་མ་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོར་བྱིན་གྱིས་བརལབས་ནས་འདི་བཞིན་བརྗོད། གདོད་ནས་འཁོར་འདས་དབྱེར་མེད་ཀྱང་། །ལྷུན་གྲུབ་རྩལ་ལས་སྲིད་དང་ཞིའི། །སྒྱུ་འཕྲུལ་རོལ་པ་མཐའ་ཡས་པའི། །མངོན་རྟོགས་རྣམ་འགྱུར་བསམ་ལས་འདས། །དེ་ཕྱིར་རྒྱལ་ཀུན་བསྟན་སྲུང་མཆོག །རྒྱལ་བའི་བཀའ་སྡོད་ཚུལ་འཛིན་པའི། །ཚོགས་བདག་མ་ཧཱ་ཀ་ལ་ཆེ། །ཡབ་ཡུམ་གཙོ་འཁོར་སྤྲུལ་པར་བཅས། །འདིར་གཤེགས་དགྱེས་པའི་གདན་བཞུགས་ནས། །ཕྱི་ནང་གསང་བ་ཡང་གསང་གི། །མཚོ་རྫས་བསྐང་རྫས་སྒྲུབ་རྫས་སོགས། །དངོས་འབྱེར་ཡི་ཀྱིས་རྣམ་སྤྲུལ་པས། །གསོལ་ལོ་མཆོད་དོ་མངའ་གསོལ་ལོ། །ཚོགས་བདག་ཡབ་ཡུམ་གསོལ་ཞིང་མཆོད། །སྐུ་གསུང་ཐུགས་མགོན་གསོལ་ཞིང་༴ ཕྱོགས་བཅུའི་སྡེ་བརྒྱད་མགོན་པོ་སོགས། །གཙོ་འཁོར་ཡོངས་རྫོགས་གསོལ༴ དཔལ་མགོན་བདུན་ཅུ་གསོལ༴ དགྲ་བླ་བཅུ་གསུམ༴ ཕོ་ཉ་ཡང་འཁོར༴ གསོལ་ཞིང་མཆོད་པའི་མཐུ་སྟོབས་ཀྱིས། །དམ་ཚིག་ཉམས་ཆགས་བསྐངས་བ་དང་། །ཞི་རྒྱས་དབང་དྲག་ལ་སོགས་པའི། །རབ་འབྱམས་ཕྲིན་ལས་གང་བཅོལ་ཀུན། །ཐོགས་མེད་བགྲུབ་པའི་སྡོངས་གྲོགས་དང་། །འཕྲལ་ཕུགས་དགའ་བདེའི་དཔལ་ཡོན་གྱིས། །གཡེལ་མེད་སྐྱོང་བའི་བཀྲ་ཤིས་ཤོག །འདི་ནི་དད་དམ་བེར་འཆང་བ། །ཀུན་བཟང་འཚོ་མེད་ཀྱིས་བསྐལ་ངེར། །རྡོ་བླས་སྤེལ་བའི་གེར་བ་ཡིས། ལུགས་ཟུང་དཔལ་ཡེན་ཕུན་ཚོགས་ཤོག ། ༈ རྒྱལ་ཆེན་སྐུ་ལྔ་བཞུགས། ཧཱུཾ་སྤྲོས་བྲལ་ཆོས་ཀྱི་སྐུ་ལས་ལོངས་སྐུའི་མདངས། །རིགས་ལྔ་གངས་ཆེན་མཚོ་ཡི་སྒྱུ་འཕྲུལ་གར། །ལེགས་བསྒྱུར་བཅོམ་ལྡན་པདྨ་དབང་ཆེན་གྱི། །ཡང་སྤྲུལ་དྲེགས་པའི་གཙོ་བོ་བེ་ཧ་ར། །སྐུ་གསུང་ཐུགས་ཡོན་ཕྲིན་ལས་རྒྱལ་པོ་ལྔ། །ཡབ་ཡུམ་སྲས་འཁོར་མངག་གཞུག་བྲན་གཡོག་བཅས། །དངོས་བཤམས་ཡིད་སྤྲུལ་མཆོད་ཚོགས་འདི་བཞེས་ལ། །བདག་དང་བསྲུང་བྱའི་མི་མཐུན་ཕྱོགས་ཀུན་ཞི། །ཚེ་བསོད་དཔལ་འབྱོར་སྟོབས་རྒྱས་གང་འདོད་ཡུལ། །དབང་བསྡུས་དགྲ་བགེགས་བརླག་སོགས་རབ་འབྱམས་ལས། །ཡོངས་འགྲུབ་བསྟན་འགྲོར་ཕན་བདེ་རྒྱ་ཆེན་པོ། །སྦྱོར་ནུས་མཐུ་སྟོབས་ནུས་པ་ཕུན་ཚོགས་མཛོད། ཅེས་པའང་རྡོ་རྗེ་ལ་མཐུ་སྟོབས་རྡོ་རྗེའི་ངོར་ཀུན་བཟང་གཞན་པན་པས་བགྱིས་པའོ། །༈ ཙི་དམར་བཞུགས། ཧྲཱིཿ དབང་དྲག་པདྨའི་བཀའ་ཉན་པ། །བཙན་རྒོད་རོལ་པ་མཆེད་བདུན་ཚོགས། །མ་ལུས་འདིར་རིགས་དགྱེས་བཞུགས་ལ། །གདུང་བའི་ཡིད་ཀྱི་ཕྱག་འཚལ་ཞིང་། །ཐུགས་དམ་གཉོན་སྐོང་བའི་རྫས། །ཕྱི་ནང་གསང་བ་ཡང་གསང་གི །དགྲ་ལྷ་དགྱེས་པའི་མཆོད་ཚོགས་ཀུན། །དངོས་འབྱོར་ཡིད་ཀྱི་སྤྲུལ་བ་ཡིས། །ལྷ་བཙན་ལྷའི་ཐུགས་དམ། །རོལ་པ་སྐྱ་བདུན་ཐུགས༴ དགྱེས་སྡེ་བཙུན་མོས༴ །ལྷ་སྲིན་སྡེ་བརྒྱད་ཐམས་ཅད་དང་། །སྤྲུལ་འཁོར་ཡོངས་རྫོགས༴ །ཐུགས་དམ་གཉོན་པོ་དེ་བསྐང་ལ། །རིག་འཛིན་བརྒྱུད་པའི་ཐ་ཚིག་བཞིན། །རྣལ་འབྱོར་བདག་གི་དགྲ་ལྷ་རུ། །མངའ་གསོལ་མ་གཡེལ་འདོད་དོན་སྒྲུབས། །ཁམས་སུ་མ་ལུས་དབང་འདུས་མཛོད། སྟོབས་ལྡན་གཞོན་ནུས་བྲིས་པའོ། ༈ བཙན་རྒོད་སྤུན་བདུན་བཞུགས། རཾ་ཡཾ་ཁཾ། ༀ་ཨཱཿཧཱུཾ། ཧྲཱི་ལྗོན་ཤིང་བྲག་རིར་རྟེན་བཅས་བཙན་རྒོད་བདུན། །གནོད་སྦྱིན་ནོར་ལྷའི་ཚུལ་འཆང་རེ་འདོད་སྐོང་། །གཞན་ཡང་ལས་བཞིའི་ཕྲིན་ལས་སྒྱུ་འཕྲུལ་ངོམ། ཁྱེད་ཅག་གཙོ་འཁོར་སྤྲུལ་པ་ཡང་སྤྲུལ་བཅས། །རྣལ་འབྱོར་བདག་གིས་གནས་འདིར་སྤྱན་འདྲེན་ནོ། །དགྱེས་དགུའི་མཆོད་ཚོགས་ཀུན་བཞེས་འདོད་དོན་སྒྲུབས། །སློབ་དཔོན་པདྨའི་བཀའ་བསྒོས་ཐ་ཚིག་དོན། །ཡལ་བར་མ་མདོར་བཅོལ་བའི་ཕྲིན་ལས་ཀུན། །མྱུར་དུ་ཐོགས་པ་མེད་པར་འགྲུབ་པར་མཛོད། ཅེས་པའང་ལག་ན་རྡོ་རྗེས་སོ། ༈ ཤ་ཟ་ཁ་མོ་ཆེ་བཞུགས། རཾ་ཡཾ་ཁཾ། ༀ་ཨཱཿཧཱུཾ། གསང་སྔགས་ཧཱུཾ་ཀ་ར་ཞེས་མཚན་གསོལ་བའི། །རིག་ཀྱི་མྱུ་གུ་དཔལ་མོ་འཇམ་པ་སྐྱིད། །ལྷ་མོ་བརྒྱའི་དྷ་རའི་གར་བསྒྱུར་ཞིང་། །དེ་ཉིད་ཁྲོ་མོའི་སྐུར་སྟོན་ཁ་མོ་ཆེ། །བདག་དང་གཡར་དམ་ཅིག་པའི་ཐ་ཚིག་ནོ། །མ་གཡེལ་འདིར་བྱོན་སྨན་རཀ་གཏོར་མཆོད་སོགས། དགྱེས་པར་བཞེས་ལ་གང་བཅོལ་ཕྲིན་ལས་ཀུན། །ཐོག་མེད་མྱུར་འགྲུབ་མཐུན་རྐྱེན་ཕུན་ཚོགས་མཛོད། རྡོས་བླས་སོ། ༈ དམ་ཅན་སྐྱེས་བུའི་གསོལ་ཁ་ནི། ཀྱཻ་སྲིད་དང་ཞི་བའི་ཆོ་འཕྲུལ་ལས། །ལྷ་འདྲེ་གཉིས་འཛིན་གཟུགས་བརྙན་ཤར། །ཁྱད་པར་རྒྱལ་བསྟན་སྐྱོང་བའི་ལྷ། །སྐྱེ་མཆོག་བཛྲ་ས་དྷུ་རྩལ། །དམ་ཚིག་དབང་གིས་སྤྱན་འདྲེན་ན། །བརྩེ་ཞིང་དགའ་གདུང་ངོམས་པའི་མདངས། །ཕ་ཁུ་སྤུན་ཟླ་མཛའ་བཟང་བཞིན། །འདིར་གཤེགས་དངོས་བཤམས་ཡིད་སྤྲུལ་རྫས། །བཞེས་ལ་རབ་འབྱམས་ཕྲིན་ལས་བསྒྲུབ། །ཁྱད་པར་འགལ་སྦྱོར་དགྲ་བགེགས་དཔུང་། ལྷག་མེད་གཞོམས་ལ་ཕན་དང་བདེ། ཕྲིན་ལས་མ་ལུས་ཀུན་བསྒྲུབས་མཛོད། རྡོ་བླས་སོ། ༈ ངན་ནོ་མ་བཞུགས་སོ། བྷྱོ་བསིལ་བ་ཚལ་དང་ཉེ་བའི་ཚནྡྷོ་ཧ། །བདེན་བྲན་མུན་པ་ཅན་གྱི་དུར་ཁྲོད་ནས། །དཀར་པོ་གྱི་བདག་པོ་རྡོ་རྗེ་ངན་ནེ་མ། །འདིར་གཤེགས་དམ་རྫས་བརྒྱནཔའི་གཏོར་མ་བཞེས། །དཀར་པོ་རྣམས་བསྲུང་ཞིང་སྤེལ་བའི་ཕྲིན་ལས་མཛོད། །ༀ་ར་ལི་པྲ་མ་ཡ་ཛཿ བྷ་ལིང་ཏ་ཁྷི། ཞེས་གསང་འདུས་བཀྲུང་བསྒྲུན་ལགས་ནས་སོ། སྡེ་བརྒྱད་མཆོད་པ་བཞུགས། རཾ་ཡཾ་ཁཾ། ༀ་ཨཱཿཧཱུཾ། མཆོག་གསུམ་སྐུ་གསུམ་རྩ་བ་གསུམ། །ཆོས་སྐྱོང་དམ་ཅན་ནོར་ལྷ་སོགས། །མཆོད་ཡུལ་གོང་མ་ཐམས་ཅད་ལ། མཆོད་པ་དམ་པ་འདི་འབུལ་ལོ། །གསེར་སྐྱེམས་གཙང་མ་འདི་བཞེས་ལ། བདག་གི་འདོད་དོན་སྒྲུབ་ཏུ་གསོལ། ཕྱི་ནང་གསང་དང་སྤྲུལ་པ་དང་། །མཆོག་གི་སྡེ་བརྒྱད་བརྒྱད་ཚན་ལྔ། །འཁོར་དང་ཡང་འཁོར་བཅས་རྣམས་ལ། མཆོད་པ༴ གསེར་སྐྱེམས༴ བདག་གི༴ ས་བདག་ས་ལྷ་ཡུལ་གཞིའི་བདག །རྒྱལ་ཆེན་བཞི་དང་དཔལ་མགོན་སོགས། འགོ་བའི་ལྷ་ལྔ་ལ་སོགས་པའི། །སྣང་སྲིད་སྡེ་བརྒྱད་འཁོར་བཅས་ལ། མཆོད་པ༴ གསེར་སྐྱེམས༴ བདག་གི༴ སྡེ་བརྒྱད་གསེར་སྐྱེམས་བསྡུས་པ་འདི་ནི་རྫོགས་ཆེན་ཀུན་བཟང་གཞན་ཕན་གྱིས་སོ། ༈ སྡེ་བརྒྱད་མཆོད་པ་བསྡུས་པ་ཡིད་བཞིན་དབང་རྒྱལ་བཞུགས། རཾ་ཡཾ་ཁཾ། ༀ་ཨཱཿཧཱུཾ། ཧོ་མཆོག་གསུམ་རྩ་གསུམ་བཀའ་སྲུང་དམ་ཅན་སྤྱི། །ཁྱད་པར་ཕྱི་ནང་གསང་བ་མཆོག་དང་ནི། །སྤྲུལ་པ་སྣང་སྲིད་སྡེ་བརྒྱད་འཁོར་ཚོགས་དཔུང་། །གཉུག་གནས་ཡུལ་ལྷ་གཞི་བདག་ཟོ་དོར་ཀུན། །དངོས་འབྱོར་ཡིད་སྤྲུལ་མཆོད་སྦྱེན་མཛད་མི་འཛད་གཏེར། །འབུལ་ལོ་བཞེས་ལ་སྤྱི་སྒོས་བསྲུང་བྱ་ཡི། །མི་ལ་ན་ཚ་གྱོད་འཁོན་མི་འདོད་རྐྱེན། །ནོར་ལ་ཉ་གློ་སྐེ་འགག་སོགས་ནད། །རྟ་དྲེལ་བོང་བུར་གནོད་ཅིང་འཚེ་བའི་རིགས། །ར་དང་ལུག་གིནད་རྣམས་མ་ལུས་ཀུན། །གཅིག་ཏུ་བསྡུས་ཏེ་སྡང་བའི་དགྲ་ལ་བཟློག །མིང་ཙམ་ལྷག་མ་ཙམ་ཡང་མེད་པར་མཛོད། །ཞིང་ལ་བཙའ་སད་སེར་གསུམ་མི་འབྱུང་ཞིང་། །ལོ་ལེགས་འབྲུ་འཕེལ་བསམ་དོན་ཀུན་གྲུབ་ཅིང་། །དུས་འཁྲུགས་མཚོན་གྱི་བསྐལ་བ་ཞི་ནས་ཀྱང་། །བསྐལ་པ་རྫོགས་ལྡན་དཔལ་ཡོན་མངོན་གྱུར་ཅིང་། །བདེ་སྐྱིད་ཕུན་སུམ་ཚོགས་པའི་ཕྲིན་ལས་མཛོད། ཅེས་པ་འདི་ཡང་རིག་འཛིན་དམ་པའི་བཀའ་བཞིན། །ཀུན་བཟང་གཞན་ཕན་གྱིས་སོ། །དགེའོ།།

ཕྱོགས་བཅུའི་རྒྱལ་བ་་་་་་

༄༅། །ཕྱོགས་བཅུའི་རྒྱལ་བ་རུས་དང་སློབ་མར་བཅས། །རྩ་གསུམ་ལྷ་དང་དྲགས་སྔགས་གྲུབ་པའི་ཚོགས། །མཁའ་འགྲོ་ཆོས་སྐྱོང་བསྲུང་མའི་བདེན་སྟོབས་ཀྱིས། །རྣམ་དག་སྨོན་ལམ་འགྲུབ་པར་བྱིན་གྱིས་རློབས། །བདག་དོན་སྐྱེ་ཤིང་སྐྱེ་བ་ཐམས་ཅད་དུ། །ཐོག་དམན་ལམ་དུ་ནམ་ཡང་མི་འཕྱན་པར། །ཐོག་ལེན་རྣམ་པ་གཉིས་ལས་ཁྱད་པར་དུ། །རྡོ་རྗེའི་ཐེགས་པའི་ལམ་དུ་འཇུག་པར་སོག །དེར་ཡང་སྨིན་གྲོལ་ལམ་སྟོན་དགེ་བའི་བཤེས། །ད་ལྟའི་དུས་ཀྱི་རང་བདག་བླ་མ་དང་། །དབྱེར་མེད་ཤེས་བཞིན་དག་དམ་རྣམ་དག་གིས། །རིམ་གཉིས་ཟབ་མོའི་ལམ་མཆོག་མཐའ་ཕྱིན་ཤོག །དེ་བཞིན་ས་བཅུ་དང་ནི་ལམ་མཆོག་ལྔ། །དབང་བཞི་དང་ནི་རིག་འཛིན་བཞིས་བགྲོད་པས། །བདེར་གཤེགས་སྤྱི་ལམ་རྡོ་རྗེ་འཛིན་པ་དང་། །རྫོགས་ཆེན་ཡེ་ཤེས་བླ་མ་འདིས་ཐོབ་ཤོག །དེར་ཡང་པ་ལམ་རིམ་པ་མ་རྫོགས་པར། །རང་དོན་ཡིད་བྱེད་སྐྱོན་དང་མི་འགྲོག་ཞིང་། །གཞན་དོན་རླབས་ཆེན་རིགས་གསུམ་མགོན་པོ་ལྟར། །མཐའ་ཡས་འགྲོ་བ་འདྲེན་པའི་མཐུ་ལྡན་ཤོག །སངས་རྒྱས་སྐུ་གསུམ་བརྣེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་མཐུན་པའི་བྱིན་རླབས་ཀྱི། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ཅེས་པ་འདིའང་དད་ལྡན་དྷརྨཱ་ས་རིའི་བསྐལ་ངོ་རྡོ་བླས་བྲིས་པ་ཡོངས་སུ་དགེ་བ་གྱུར་ཅིག །ན་མོ་གུ་རུ། དུས་གསུམ་རྒྱལ་བ་ཀུན་གྱིས། །མཁྱེན་བརྩེ་ནུས་པའི་སྤྱི་གཟུགས། །རིག་འཛིན་འཇིགས་མེད་གླིང་པས། །ཁྱོད་ལ་རྟག་པར་བྱིན་རློབས། །ཉོན་དང་དྷརྨ་པ་ར། །དལ་འབྱོར་ལུས་རྟེན་ཐོག་དོན། །རྟག་ཏུ་ཆོས་ལ་བརྩོན་འཚལ། །བུ་ཡེངས་མིག་ཡེངས་ཙམ་གྱིས། །ཆོས་བསྒྲུབ་འཇུག་མི་ཚང་།

བླ་མ་ལ་ཕྱག་འཚལ་ལོ། །གནོད་སྦྱིན་ཡང་ལེ་བེར་གྱི་བསང་མཆོད་མདོར་བསྡུས་ནི། །བསང་རྫས་གཙང་མ་དྲི་བསུང་རོ་བཅུད་དང་ལྡན་པ་རྣམས་ཤིག་གི་མེ་ལ་བསྟེག་ཅིང་། བདག་གི་རྣལ་འབྱོར་སྔོན།

ཀློང་ཆེན་རབ་འབྱམས་མཛད་པའི་གཏོར་མ་བརྒྱ་བ་འདོན་འགྲིག་སུ་བཀོད་པ་བདུད་རྩིའི་ཆུ་རྒྱུན།

༄༅། །ཀློང་ཆེན་རབ་འབྱམས་མཛད་པའི་གཏོར་མ་བརྒྱ་བ་འདོན་འགྲིག་སུ་བཀོད་པ་བདུད་རྩིའི་ཆུ་རྒྱུན་བཞུགསཿ

བླ་མ་སྤྱན་རས་གཟིགས་ལ་ཕྱག་འཚལ་ལོ། །ཀུན་མཁྱེན་ཀློང་ཆེན་རབ་འབྱསམ་ཀྱི་མཛད་པའི་གཏོར་མ་བརྒྱ་རྩ་གཏོར་བར་འདོད་པས། །ཡུལ་དུས་སོགས་དག་བསྟུན་པའི་གཏོར་སྣོད་བཅུ་གཉིས་སམ་ལྔ་དྲུག་སོགས་མགྲོན་གྱི་གྲངས་ལྟར་བརྗེ་རྒྱུའམ། ཡང་ན་སྡོད་གཅིག་ཡང་བརྗེ་བྱས་ནས་མགྲོན་གྲངས་ཚངས་ངེས་དངོས་ཏུ་ཡིན་ན་ཡང་དེང་སེང་ཁམས་འདིར་སྣོད་ལྔར་ཡོས་བཀྲ་བླུགས་ནས་བརྒྱ་རྩ་མི་ཆགས་པར་བྱེད་སྲོལ་སྣང་མོད། དེ་ཡང་སྤྲོས་སཆུང་བའིདབང་དུ་བྱས་ན་ཏུང་ངམ་སྙམ་པྲེ། གཏོར་མའི་རྣལ་འབྱོར་ལྕེ་སྒོམ་པས། །ཆུ་ཐིག་དང་ནས་འབྲུ་ཙམ་ལ་བརྟེན་ཀྱང་ཏུང་བ་གསུངས་སོ། །གང་ལྟར་ཡང་གཏོར་རྫས་ཟན་གཙང་གི་དྲིལ་བུ་ཡས་མས་ཀྱི་མགྲོན་གྲངས་དག་མཚུངས་པའི་ལྷག་མགྲོན་མ་གཏོགས་པ་ཀུན་ལ་བཅུ་ཚོ་རོ་བླུགས་དགོས་རྒྱུ་ཡིན་ཀྱང་། །རྒྱུན་ཏུ་རིལ་གཙང་སྐམ་པོ་ཡོས་བཀྲ་དང་བསྲེས་ནས། །གཏོར་ཁམས་ཀྱི་ཉུང་སྐྱོན་མོད་པར་བླུགས་དགོས་རྒྱུ་ཕྱག་ལེན་འདེབས་སློབ། །དེ་ཡང་རང་གི་མདུན་དུ་ཅོག་ཚེ་གཙང་མར་སྣོད་གང་ཡོད་བྲེ་ཚུར་དུ་མ་ཡོ་ཞིང་ཡན་ཚུན་མ་རེག་པར་བཤམས་ནས། །རང་གི་ལག་གཡོན་ཐད་ནས་བཤམས་ལ་གཙང་པ་དབོང་། བརྒྱ་རྩའི་སྔོན་དུ་འཇུར་བགེགས་ཀྱི་གཏོར་མ་སམ་ཡེ་ཤེས་དྭགས་སྔོན་རྒྱུའི་རིགས་ལ་ཆུ་ཁོ་ན་མཐོང་བརྒྱུད་བཞིན་བླུགས་ལ་སམ་བྷ་རས་བསྔོ་དགོས་པ་དང་། གཞན་ཡང་བསྔོ་ཚུལ་ཡོད་མོད། གང་ལྟར་ཡང་དང་པོ། སངས་རྒྱས་ཆོས་དང་༴ སོགས་ལན་གསུམ་གྱིས་སྐྱབས་འགྲོ་དང་། སེམས་ཅན་ཐམས་ཅད་བདེ་བ་དང་༴ སོགས། ལན་གསུམ་གྱིས་ཚད་མེད་བཞི་བསྟོམ། བྱང་ཆུབ་སྙིང་པོ་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལ་འག་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའ་བསླབ་པ་ལ། །དེ་དག་རིམ་བཞིན་གསན་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནེ་བསླབ་པ་ལ། །རིམ་པ་བཞིན་དུ་བསླབ་པར་བགྱི། །ལན་གསུམ། །དེང་དུས་བདག་ཆེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །བདག་གིས་དེ་རིང་སྐྱོབས་པ་ཐམས་ཅད་ཀྱི། །སྤྱན་སྒར་འགྲོ་ལ་བདེ་གཤེགས་ཉེར་དང་ནི། །བར་དུ་བདེ་ལ་མགྲོན་དུ་བསོ་ཟིན་གྱིས། །ལྷ་དང་ལྷ་མིན་པ་སོགས་དགའ་བར་བགྱི། །ཞེས་བྱང་སྡོག་བླངས་བ་སྔོན་དུ་སོང་ནས། །ༀ་སྭཱ་བྷཱ་ཝ༴ །སྟོང་པའི་ངང་ལས་སྐད་ཅིག་དྲན་རྫོགས་སུ། །རང་ཉིད་ཇོ་བོ་ཁ་པར་ས་ཛིའི་སྐུ། །བཞེངས་སྟབས་ཕྱག་གཡས་མཆོག་སྦྱིན་ཅན་གསལ་བའི། །མདུན་དུ་རྣམ་པར་སྣང་མཛད་གངས་ཆེན་མཚོ། །སྐུ་ལ་ཞིང་ཁམས་རྫོགས་པའི་གཙུག་ཏོར་ནས། མགྲིན་པ་ཡན་ཆད་དཀོན་མཆོག་ཏྲི་ཞུའི་མགྲོན། །དེ་བཞིན་ཐུགས་ཀར་ལྟེ་བའི་བར་ག་ལ། །མགོན་པོ་ཡོན་ཏན་སྐུ་སྨད་སྙིང་རྗེ་མགྲོན། །པད་གདན་བགེགས་རིགས་ལན་ཆགས་གསལ་བ་ལས། །ཐུགས་ཀར་ཡི་གོ་དྲུག་མའི་འོད་ཟེར་གྱི། །མཆོད་ཡུལ་མཉེས་བྱས་སྦྱིན་ཡུལ་སྡིག་སྒྲིབ་སྦྱངས། །ཁམས་གསུམ་མ་ལུས་དག་པའི་ཞིང་དུ་གྱུར། །ༀ་མ་ཎི་པདྨེ་ཧཱུཾ་ཧྲཱིཿ བརྒྱ་རྩ་བསྟོད། ཧྲཱིཿབདག་ཉིད་ཐུགས་ལས་བྷྲུཾ་ཆད་ཡོངས་གྱུར་ལས། །སྟོང་གསུམ་དང་མཉམ་རིན་ཆེན་སྣོད་ནང་དུ། །འབྲུ་གསུམ་ཞུ་ལས་བདུད་རྩིའི་རྒྱ་མཚོ་ན། །འདོད་ཡོན་ལོངས་སྤྱོད་ནམ་མཁའ་མཛོད་དུ་གྱུར། ཞེས་དང་། ༀ་ཨཱཿཧཱུཾ། ལན་གསུམ་གྱིས་བྱིན་གྱིས་རྫབས། །གཏོར་སྣོད་དང་པོ་ཆུ་བཀང་བར་ཆུ་སྦྱིན་སྦྲངས་བཞིན་དུ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏོ་ༀ་སམྦྷ་ར་མྦྷ་ར་ཧཱུཾ། ལན་གསུམ་གྱིས་བསྔོ་ནས། བཅོམ་ལྡན་འདས་དེ་བཞིན་གཤེགས་པ་རིན་པོ་མངས་ལ་ཕྱག་འཚལ་ལོ། བཅོམ་ལྡན་འདས་དེ་བཞིན་གཤེགས་པ་གཟུགས་མཛེས་དམ་པ་ལ༴ །བཅོམ་ལྡན་འདས་དེ་བཞིན་གཤེགས་པ་སྐུ་འཇམ་ཀླས་ལ༴ །བཅོམ་ལྡན་འདས་དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བའི་ལྷ་ལ་ཕྱག་འཚལ་ལོ། །ཞེས་མཚན་བཞི་བརྗོད་ལ་གསར། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་ཉིད་ཡི་དྭགས་ཀྱི་རྒྱལ་མོ་ཁ་འབར་མ་གཟི་བརྗིད་ཆེན་མོས་གཙོ་བྱས་པའི་ཡི་དྭགས་ཀྱི་རིགས་སུ་གྱུར་པ་མཁའ་ལ་རྒྱུ་བ་དང་བྱིངས་ན་གནས་པ་ཐམས་ཅད་ལ་འབུལ་ལོ། བཀྲེས་སྐོམ་གྱི་སྡུག་བསྔལ་ཐམས་ཅད་དང་བྲལ་ནས་མྱུར་དུ་བླ་ན་མེད་པའི་བྱང་ཅུབ་ཐོབ་པར་གྱུར་ཅིག །བདག་ཅག་ཡོན་མཆོད་འཁོར་དང་བཅད་པ་ཐམས་ཅད་ལ་ནད་དང་རིམས་དང་འཚོ་བ་ཐམས་ཅད་མི་འབྱུང་བར་མཛད་དུ་གསོལ། ཞེས་བརྗོད། ཡར་གྲོན་ནི་གཏོར་སྣོད་རིམ་པ་བཞིན་ཆུས་བཀང་ཞིང་རིལ་བུས་བལྟམས་པར་དང་སོ་ནས་རིག་བཞིན། ༀ་ཨཱཿཧཱུཾ། ལན་གསུམ་རེ་དང་། ན་མཿསརྦ་ཏ་ཐཱ་ག་ཏ་ཨ་ཝ༴སོགས༴ སྔགས་བཅུ་ཚེ་རེ་སོང་རྗེས། དཀོན་མཆོག་སྲི་ཞུའི་མགྲོན་དུ་གྱུར་པ་ཐམས་ཅད་ལ་འབུལ་ལོ། མཆོག་དང་ཐུན་མོངས་ཀྱིདངོས་གྲུབ་རྒྱ་ཆེན་པོ་སྩལ་དུ་གསོལ། གཉིས་པ་ནི། ༀ་ཨཱཿཧཱུཾ། ལན་གསུམ་དང་། ན་མཿསརྦ་ཏ་ཐཱ་ག་ཏ༴ ཚར་བཅུ་རྗེས། མགོན་པོ་ཡོན་ཏན་གྱི་མགྲོན་དུ་གྱུར་པ་དཔལ་ལྡན་མ་ཧཱ་ཀ་ལ་ལ་སོགས་པའི་སྲུང་མ་དམ་ཚིག་ཅན་ཐམས་ཅད་ལ་འབུལ་ལོ། །སངས་རྒྱས་ཀྱི་བསྟན་པ་བསྲུང་ཞིང་འཁོར་རྣམ་པ་བཞི་བསྐྱང་དུ་གསོལ། གསུམ་པ་ནི། ༀ་ཨཱཿཧཱུཾ། ལན་གསུམ། ན་མཿསརྦ་ཏ་ཐཱ་སོགས། ཚར་བཅུ། ལྷན་ཅིག་སྐྱེས་པ་དང་དཀར་པོའི་ཕྱོགས་ལ་མངོན་པར་དགའ་བའི་ལྷའི་རིགས་སུ་གྱུར་པ་རྣམས་དང་། ལྷ་དང་མིའི་དྲང་སྲོང་ཆེན་པོ་ཐམས་ཅད་ལ་འབུལ་ལོ། བདག་གིས་བདེན་པའི་ཚིག་རྣམས་འགྲུབ་ནས་ལེགས་པ་ཐམས་ཅད་འགྲུབ་པར་མཛད་དུལ་གསོལ། །བྱམས་པའི་མཐས་བདག་ལ་དགོངས་ནས་ཀྱང་། །གཉིས་མེད་དབྱིངས་སུ་མི་འགྱུར་བདག་བཀོད་དེ། །མི་དམིས་བཏང་སྙོམས་ངང་དུ་བཞུགས་ནས་ཀྱང་། །གཉིས་མེད་དོན་གྱི་ཚངས་པ་སྩོལ་དུ་གསོལ། །དོན་དམ་སྤྲོས་མེད་བརྗོད་ལས་འདས་པ་ལས། །རྣམ་དག་གང་ཡང་དམིགས་པར་མི་འགྱུར་ཞིང་། །ཀུན་རྫོབ་སྒྱུ་མ་ཙམ་གྱིས་དབང་གིས་ནི། །ནོངས་པ་གང་མཆིས་རབ་གནོང་བཟོད་པར་གསོལ། །དེ་ནས་མར་མགྲོན་གྱི་གཏོར་སྣོད་དྲུག་ཏུ་གོང་བཞིན་རིལ་བུ་ཆུ་དང་བཅས་པ་བླུགས་ལ། ལྔ་པ་ནི། ༀ་ཨཱཿཧཱུཾ། ལན་གསུམ། ན་མཿསརྦ་ཏ་ཐཱ་ག་ཏ༴ སོགས། ཚར་བཅུ་དང་། མཚན་བཞི་ནི། བཅོམ་ལྡན་འད་དེ་བཞིན་གཤེགས་པ༴ སོགས། མཚོན་གྱི་གཏོར་མ་རྒྱ་ཆེན་པོ་འདི་ཉིད་ཀླུ་ཆེན་པོ་བརྒྱད་ཀྱིས་གཙོ་བྱས་པའི་ས་བདག་ཀླུན་གྱི་རིགས་སུ་གྱུར་པ་ཐམས་ཅད་ལ་འབུལ་ལོ། །ས་བདག་ཀླུན་གྱི་ནད་དང་གནོད་པ་ཐམས་ཅད་མི་འབྱུང་བར་མཛད་དུ་གསོལ། དྲུག་པ་ནི། ༀ་ཨཱཿཧཱུཾ། ལན་གསུམ། ན་མཿསརྦ་ཏ་ཐཱ་ག་ཏ༴ སོགས། ཚར་བཅུ་དང་མཚན་བཞི་བརྗོད། གཞི་བདག་གཉུག་མར་གནས་པ་ཐམས་ཅད་ལ་འབུལ་ལོ། །གནས་མགྲོན་གྱི་དམ་ཙིག་ལ་གནས་པ་དང་འགོ་ཞིང་སྟོངས་གྲོགས་གཉོན་མཛད་དུ་གསོལ། བདུན་པ་ནི། ༀ་ཨཱཿཧཱུཾ། ལན་གསུམ། ན་མ༔སརྦ་ཐཱ་ག༴སོགས། ཚར་བཅུ་དང་མཚན་བཞི་བརྗོད། ཡི་ཝགས་ཀྱི་རྒྱལ་མོ་གཟི་བརྗིད་ཆེན་མོས་གཙོ་བྱས་པའི་ཡི་དྭགས་ཀྱི་རིགས་སུ་གྱུར་པ་ཐམས་ཅད་ལ་འབུལ་ལོ། བཀྲེས་སྐོམ་གྱི་སྡུག་བསྔལ་ཐམས་ཅད་དང་བྲལ་ནས་མྱུར་དུ་བླ་ན་མེད་པའི་བྱང་ཆུབ་ཐོབ་པར་གྱུར་ཅིག དགུ་པ་ནི། ༀ་ཨཱཿཧཱུཾ། ལན་གསུམ། ན་མཿསརྦ་ཏ་ཐཱ་ག་ཏ་སོགས། ཚར་བཅུ་དང་མཚན་བཞི་བརྗོད། བགེགས་ཀྱི་རྒྱལ་པོའི་ན་ཡ་གས་གཙོ་བྱས་པའི་བགེགས་རིགས་སྟོང་ཕྲག་བརྒྱ་ཅུ་ཐམས་ཅད་ལ༴ གནོད་སེམས་དང་གདུགས་སེམས་ཐམས་ཅད་ཞི་ནས་མྱུར་དུ་བླ་ན་མེད་པའི་བྱང་ཅུབ་ཐོབ་པར་གྱུར་ཅིག །བཅུ་པ་ནི། ༀ་ཨཱཿཧཱུཾ། ལན་གསུམ། ན་མཿསརྦ་ཏ་ཐཱ༴ སོགས། ཚར་བཅུ་དང་མཚན་བཞི་བརྗོད། ལན་ཆགས་ཀྱི་རིགས་སུ་གྱུར་པ་ཐམས་ཅད་ལ་འབུལ་ལོ། བུ་ལོན་དང་ལན་ཆགས་ཐམས་ཅད་འོར་ནས་མྱུར་དུ་བླ་ན་མེད་པའི་བྱང་ཆུབ་ཐོབ་པར་གྱུར་ཅིག བཅུ་གཅིག་པ་ནི། སྔ་མ་དེ་ཀུན་གྱི་བཤལ་ཆུ་རིམ་བཞིན་བསྡོམས་ནས། ༀ་ཨཱཿཧཱུཾ། ལན་གསུམ། ན་མ་སརྦ་ཏ་ཐཱ༴སོགས། ཚར་བདུནདང་མཚན་བཞི་བརྗོད། གློ་བུར་དུ་ལྷགས་པ་དང་ཁམས་ཉེན་ཞིང་། དབང་ཆུང་བ་ལྷག་མ་དང་བཤལ་ཆུ་ལ་རེ་བ་ཐམས་ཅད་ལ་འབུལ་ལོ། བཟའ་བཏུང་ལོངས་སྤྱོད་ཕུན་སུམ་ཚོགས་པ་དག་ལྡན་པར་གྱུར་ཅིག །ཅེས་པའི་མཐར། རྒྱལ་བ་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར་ཅིག །རིག་དྲུག་འདོད་པ་ཚིམ་གྱུར་ཅིག །ལན་ཆགས་བུ་ལོན་འཁོར་གྱུར་ཅིག །ཁམས་སུ་དག་པའི་ཞིང་། སྲིད་གསུམ་ཐུགས་རྗེས་མགྲོན། མ་ལུས་ཁྱབ་པའི་ཟས། ཆོས་ཉིད་ནུས་པའི་མཐུས། གཏོར་མ་མི་ཟད་པའི་གཏེར་ལ་ལོངས་སྤྱོད་པར་གྱུར་ཅིག །འཇམ་ལྷའི་ཆུ་སྦྱིན། འབྱུངབཞིའི་གཏོར་མ། ཡི་དྭགས་ལ་སུ་རུ་བའི་གཟུངས། ཡེ་ཤེས་སྐུར་གདའི་གཟུངས་མཆན། ཅེས་སྨོན་ལམ་བཏབ་ནས་སླར་ཡི་དྭགས་རྗེས་འབྲང་ཀྱི་རིགས་ལ་གཏོར་མ་བསྔོ་བ་ནི་གཏོར་རྣལ་འབྱོར་ལྔ་ཆུས་བཀང་བར་རིམ་བཞིན་ཅུ་རྒྱུན་སྦྲེངས་བཞིན་པར། དང་པོ་དང་གཉིས་པར། འཕགས་པ་སྤྱན་རས་གཟིགས་དབང་གི། ཕྱག་ནས་བབས་པའི་འོ་རྒྱུན་གྱིས། ཡི་དྭགས་རྣམས་ནི་ཚིམས་བྱས་ནས། ཁྲུས་བྱས་རྟག་ཏུ་བསིལ་པར་ཤོག །ༀ་མ་ཎི་པདྨེ་ཧཱུཾ་ཧྲཱིཿ ལན་བདུན་གསུམ་པ་དང་བཞི་པར། ༀ་ཨཱཿཧྲཱི་ཧཱུཾཿ ལན་བདུན་དང་ལྔ་པར། ༀ་ཛྭ་ལ་མི་དམ་སརྦ་སྲེ་ཏ་བྷྱཿསྭཱ་ཧཱ། ལན་བདུན་བརྗོད་མཐར་སོ་གོལ་གཏོགས་པ་དང་བཅུས། ཡི་དྭགས་ཀྱི་རིགས་གང་གའི་ཀླུང་གི་བྱེ་མ་སྙིང་ངོམ་ཟིང་ཚིམས་པར་གྱུར་ཅིག །བར་དོའི་ཆུ་སྦྱིན་ནི། གཏོར་སྣོད་དུ་ཆུ་བྲིང་བཞིན། མགོན་པོ་མི་འཁྲུགས་པ་ལ་ཕྱག་འཚལ་ལོ། ན་མོ་རཏྣ་ཏྲ་ཡཱ་ཡ། ༀ་ཀཾ་ཀ་ནི༴ སོགས། ནཉྩ་སྭཱཧཱ། ལན་གསུམ་མམ་ཅི་ནུས་ལྡེབ་ནས། བར་དོའི་འགྲོ་བ་རྣམས་ཚིམས་པར་གྱུར་ཅིག །དེའི་བཤལ་ཆུ་ནི། བཅོམ་ལྡན་འདས༴ མཚན་བཞི་བརྗོད་མཐར། ༀ་ཨུཥྩི་ཊ་སིཎྚ་སརྦ་སྲེ་ཏ་བྷྱ་ས་མ་བྷྱཿསྭཱ་ཧཱཿ ལྷག་མའི་མགྲོན་དུ་གྱུར་པ་ཐམས་ཅད་ལ་འབུལ་ལོ། །བཟའ་བཏུང་ལོངས་སྤྱོད་ཕུན་ཚོགས་པ་དང་ལྡན་པར་གྱུར་ཅིག །ཅེས་དང་སྨོན་ལམ་ནི། ན་མོ་བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སྲི་ཞུའི་མགྲོན་ལ་མཆོད་པ་དང་། །སེམས་ཅན་རྣམས་ལ་ཕན་གདགས་ཕྱིར། །དོན་རྣམས་གང་དག་བསམ་པ་བཞིན། །འཇིག་རྟེན་ཁམས་འདིར་མ་ལུས་པར། །དེ་དག་ཐམས་ཅད་ཅི་རིགས་པ། །ཐོགས་པ་མེད་པ་འབྱུང་གྱུར་ཅིག །དཀར་གསུར་ནི། ན་མོ་བཻ་ཊ། སྟོང་༴ སོགས། སྤྱོད་པར་གྱུར་ཅིག །ཆོས་སྦྱིན་ནི། ཆོས་རྣམས་ཐམས་ཅད་རྒྱུ་ལས་བྱུང་། དེ་རྒྱུ་དེ་བཞིན་གཤེགས་པའི་གསུངས། །རྒྱུ་ལ་རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ཡིད་ཀྱི་སྡོམ་པ་ལ་སོགས་པ་སྟེ། །ཐམས་ཅད་དུ་སྡོམ་པ་ལེགས། །ཐམས་ཅད་སྲུང་བའི་དགེ་སྦྱོང་དག །སྡུག་བསྔལ་ཀུན་ལས་དེས་གྲོལ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོགས་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དག་ལས་ལ་ཀུན་ཏུ་འབྱུང་། །ངོ་བོ་ཉིད་མེད་གནས་མད་པར། །དེ་ལྟར་ཆོས་རྣམས་ཤེས་ཀྱིས་ལགས། །སེམས་ཅན་དོན་ནི་མཉམ་མེད་བྱོས། འོན་ཀྱང་སྐྱོབ་པའི་སྲས་སུ་སྐྱེས། །དེ་ལྟར་ཆོས་དང་ཟང་ཟིང་གི་སྦྱིན་པས་ཚོགས་གཉིས་རྫོགས། །སྒྲིབ་གཉིས་བྱང་ནས་མྱུར་དུ་བླ་ཏ་མེད་པའི་བྱང་ཆུབ་ཐོབ་པར་གྱུར་ཅིག །བཟོད་གསོལ་ནི། གང་ཡང་བདག་རྨོང་གཏི་མུག་པས། །ལེགས་སྤྱད་འདི་ལ་ཉེས་བྱས་གང་། །གང་ཕྱིར་མ་ལུས་ཅན་སྐྱབས་གྱུར་པ། །དེ་ཀུན་མགོན་པོས་བཀོད་པར་གསོལ། ཞེས་པ་དང་ཡི་གེ་བརྒྱ་པ་བརྗོད། གཤེགས་གསོལ་ནི། ༀ་ཁྱོད་ཀྱི་སེམས་ཅན༴ སོགས། བཛྲ་མུཿ ཡས་མགྲོན་རྣམས་གཤེགས། མཆོད་སྦྱིན་གནས་འདིར་གང་ལྷགས་པ། །འབྱུང་པོ་ས་འོག་ཏུ་བ་དང་། །གང་ཡང་ས་སྟེང་འཁོད་པ་དང་། །ས་བླར་རུ་བ་གང་ཡིན་པ། མཁུ་བར་གྱིས་ལ་རང་གནས་སུ། །ཐམས་ཅད་ཐ་དད་འགྲོ་བར་གྱིས། སརྦ་བྷྱ་ཏ་གཙྪ། མས་མགྲོན་རྣམས་རང་གནས་སུ་བཏང་། །རྗེས་ལ་བསྔོ་སྨོན་བཀྲ་ཤིས་སོགས་བྱའོ། །འདིར་སྤང་བྱ་གལ་ཆེན་གཏོར་སྲེགས་ལ་ལྕགས་ལྡན། འཛེར་བུ་ཡོད་པ་གཏོར་སྣོད་དུ་ཆུ་རིལ་བུ་བླུགས་སྤྱ་སོགས་ར་གན་མཁར་བ་རྭ་བསེ་སོགས་ཀྱི་མི་རུང་བར་བཤད་ཅིང་། ཉེ་སྐོར་དུ་སྣོད་སྟོང་དང་ལྕགས་སོགས་བཞག་པ་ཡང་བཀག་ཡོད། །གཏོར་མ་གཏོང་མི་དུས་ངེས་ཡོད་དུ་གསུངས། །ཀུན་མཁྱེན་ཀློང་ཆེན་པས་དགོངས་ཀར་གསུངས། །ཇོ་བོ་རྗེས་བོད་ལ་ཉི་མ་ཤར་བའི་དུས་སུ་གཏོང་བ་རྣམས་གསུངས་པས་ཁྱད་མེད་དམ་སྙམ། །དེ་ཡང་གཏོར་སྣོད་མུན་ཡོད་ཚེ་ལན་གཅིག་བཤགས་ནས་རིམ་བཞིན་གཤེགས་དུས་བཤལ་ཆུ་སྔོན་མ་རྗེས་མར་བྱོ་ཞིང་མཐར་ལྷག་མ་བྱེད་ཚུལ་སོགས་མཐོང་བརྒྱུད་བཞིན་ནོ། །གཏོར་སྣོད་ལྔ་འམ་གཅིག་ཀྱང་རུང་སྲེ་ཡང་བསྐྱར་གྱིས་བཤས་ཤིང་དོན་ན་སོགས་སྔོན་པོ་ལྟར་རོ། །སྣོད་རྣམས་ཕན་ཚུན་མ་རེག་ཅི་མ་ཡོ་བ། སྣོད་ཆུས་བཀངས་དུ་དོན་ཞིང་ལུད་པར་ཟུགས་ཤིང་། གཏོར་རྫས་ཀྱི་རིལ་བུ་དང་། ཆུ་གཉིས་གཙང་རྦོད་དུ་བུལ་བས་སོ། གོང་དུ་བདག་མེད་དུ་གཏོར་བ་ཅི་གོར་བྱ་ཞིང་། ལྷག་མའི་བཤལ་ཆུ་རིལ་བུ་བཅས་མེད་དུ་གཏོང་གི་གཏོར། །ལར་ཡར་མཆོད་མ་སྦྱིན་གྱི་རྗེས་རིག་གང་ཡང་རུང་སྲེ་ཕུལ་འཕྲལ་ཅུང་ཞིག་བླངས་ནས་བྱ་ཁྱི་སྤྲང་པོ་སོགས་ལ་བྱིན་ན་ཕན་འོན་ཡོད་པ་ཡང་། དངོས་པོ་གཅིག་གིས་ཚོགས་བསགས་ལན་གཉིས་ནུས། ཞེས་གཏོར་མ་རྣལ་འབྱོར་པ་ལྕེ་སྒོམ་པས་བཞེད་པ་ལྟར་སགས་པས་ཕྱག་ལེན་བཟང་ངོ་། དེ་ལྟར་ཀུན་མཁྱེན་ཆེན་པོ་ཀློང་ཆེན་བྱམས་བཟག་པོས་མཛད་པའི་གཏོར་མ་བརྒྱ་རྩ་ལ་བདག་བསྐྱེད་རིག་འཛིན་འཇིགས་མེད་གླིང་པས་ཁ་བསྐགས་མཛད་པ་གཉིས་འདོག་འགྲིག་སུ་བསྟོད་པ་སོ་དམ་པ་དེ་དག་གི་འབངས་སུ་གཏོགས་པ་གཉིས་ཀུན་བཟག་གཞན་ཕན་ནོ། །དེའི་དགེ་བས་འགྲོ་ཀུན་སངས་རྒྱས་ཐོབ་པའི་རྒྱུར་གྱུར་ཅིག་གུ །དགེའོ། སརྦ་མངྒ་ལཾ། ༢ སྨད་པས་ལས་དྲུག་ནི། དང་པོ་ལྷ་གཡེང་བདག་གཉིས་པ་གཟུགས་བསངས་པ་གསུམ་པ་བཤད་དུ་བཅུག་པ། བཞི་པ་ཉེ་འཁོར་བཅུ་པ། ལྔ་པ་གཏུན་དུ་སྟོང་པ། དྲུག་པ་ཞལ་དུ་སྟབ་པ།

མཁའ་འགྲོའི་གསོལ་འདེབས་དོན་གཉིས་ལྷུན་གྲུབ།

༄༅། །མཁའ་འགྲོའི་གསོལ་འདེབས་དོན་གཉིས་ལྷུན་གྲུབ་བཞུགས། སྐྱེ་མེད་དབྱིངས་ཀྱི་མཁའ་འགྲོ་ཀུན་ཏུ་བཟག་། །འགག་མེད་ལོངས་སྐུའི་མཁའ་འགྲོ་ཝ་རཱ་ཧཱི། །གང་འདུལ་སྤྲུལ་སྐུའི་མཁའ་འགྲོ་རྒྱ་མཚོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་རྩོལ། །སྐུ་གསུང་རྒྱལ་བའི་སྤྱི་གཟུགས་བདུན་མེད། །མཁའ་འགྲོ་ཡོངས་ཀྱི་མེས་པོ་ཧེ་རུ་ཀཿ །མཁྱེན་བརྩེའི་འོད་ཟེར་འཇིགས་མེད་གླིང་པ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་རྩོལ༑ །གང་གིས་བཀའགཏེར་བདུད་རྩིའི་རྒྱ་མཚོ་བཅུད། །རྣམ་གསུམ་དད་པས་ལེགས་འཐུང་བསྟན་འཛིན་རྗེ། །འཇིགས་མེད་ཕྲིན་ལས་འོད་ཟེར་དཔལ་འབར་བ། །གསོལ་བ་འདེབས་སོ༴ །འཇིགས་བྲལ་རྒྱལ་བའི་བསྟན་པ་རིས་མེད་དུ། །སྤེལ་མཛད་བསྐལ་བཟང་འགྲོ་བའི་གཉེན་གཅིག་པུ། །འཇམ་དཔལ་དབྱངས་དངོས་ཆོས་ཀྱི་བློ་གྲོས་ལ། །གསོལ་བ་འདེབས་སོ། །ཀུན་མཁྱེན་བླ་མའི་གསུང་གི་གསང་བ་འཛིན། །བཟུང་ནས་འགྲོ་ལ་སྤེལ་མཛད་སྤྲུལ་པའི་སྐུ། །རྒྱལ་བའི་སྲས་པོ་གཞན་ཕན་མཐའ་ཡས་ལ། །གསོལ་བ་འདེབས་སོ༴ །དེ་ལྟར་གསོལ་བ་བཏབ་པའི་མཐུ་ནུས་ཀྱིས། །ཚེ་འདིས་མི་མཐུན་རྒུད་པ་ཀུན་ཟད་ནས། །ས་ལམ་ཡོན་ཏན་ཡར་ངོའི་ཟླ་བཞིན་རྒྱས། །བདག་གཞན་དོན་གཉིས་ལྷུན་གྲུབ་འབྲས་སྨིན་ཤོག །ཅེས་པའང་བསྒྲུབ་བརྩོན་ནོར་བུ་བཟང་པོ་དང་གཅོད། སྨྱོན་གྱིས་བསྒྲུལ་ངོར་འཇིགས་མེད་གྲིས་འོད་ཟེར་གྱིས་སྦྱར་བའོ།། །།

མཆོག་གསུམ་རྩ་གསུམ་་་་

༄༅། །མཆོག་གསུམ་རྩ་གསུམ་ཀུན་འདུས་ཀྱི་ངོ་བོ་རྗེ་བཙུན་བླ་མ་རིན་པོ་ཆེ་ལ་ཕྱག་འཚལ་ལོ། །དེ་ཡང་རྣལ་འབྱོར་པ་རང་ངམ་བསྲུང་བྱར་གྱུར་པ་གང་ཡང་ཅུང་སྟེ་ཕྱོགས་མཚམས་གང་དུ་འགྲོ་བའི་རྒྱབ་བརྟེན་དུ་ལམ་ལྷ་བྱད་སྤྲོ་ན་བསང་རྫས་རྣམས་ཁ་གསོས་ལ། རཾ་ཡཾ་ཁཾ་གིས་མི་གཙང་བའི་སྐྱོན་རྣམས་བསྲེག་ཏེ་བཀྲུས་ལ། ༀ་ཨཱཿཧཱུཾ། གིས་སྦྱངས་སྤེལ་བསྒྱུར་གསུམ་བྱས་ནས་བསང་གཞུང་གི་འདོད་ཡོལ་ཕྲིན་བཅོལ་གྱི་སྐྱབས་སུ་བབ་ཚེ་རྒྱུ་འབྲས་བསླུད་མེད་ལ་ཡིད་ཆེས་ཀྱི་དད་པ་བསྐྱེད་བཞིན་འདི་སྐད་དོ། ཀྱཻ་དོན་དམ་རང་བཞིན་སྤྲོལ་ཡང་། །ཀུན་རྫོབ་སྣང་ཉིད་ཆོས་རྣམས་ཀུན། །རྟེན་ཅིང་འབྲེལ་འབྱུང་ལ་བརྟེན་ཕྱིར། །དེང་འདིར་ལམ་ལྷའི་ཆོ་ག་འཇུག །བྷྲུཾ་ལས་རིན་པོ་ཆེ་ཡི་སྣོད། །རྣམ་དག་དྲི་བྲལ་དཔལ་ཡོན་གྱིས། །ལེགས་སྤུད་ཕུན་ཚོགས་དལ་དབུས་སུ། །མེ་ལྷའིངོ་བོ་མེ་ཀློང་དུ། །རྨུག་པ་དངས་བྱེད་དྲི་བཟང་ཤིང་། །ཕྱི་མར་ཟས་སྣ་དང་སྦོར་ཏེ། །དགོས་པོ་འཛིན་པ་ལྷག་མེད་དུ། །གོས་དཀར་ལྷ་མོའི་དབྱིངས་ཆེན་པོར། །བསྲེགས་ཚེ་སྲིད་ཞིའི་མགྲོན་རིགས་ཀུན། །ཚིམ་ཞིང་མཉེས་སན་བདག་སོགས་ཀྱི། །རེ་འདོད་ཡོངས་སུ་བསྐོང་བར་གྱུར། ༀ་ན་མཿ སརྦ་ཏ་ཐཱ་ག་ཏོ་བྷྱོ༴ ཀྱཻ་རུ་དང་འཀུའི་ཚོགས་ཆནེ་གཉིས། །རྫོགས་ཕྱིར་དམ་པ་གསུམ་གྱི་སེམས། །བསྐྱ་བཞིན་སྣང་སྲིད་འདོད་དགུའི་རྗེས། །བསྲེག་པའི་དུད་སྤྲིན་རྒྱལ་ཆེན་པོ། །འདོད་ལྔའི་ལོང་སྤྱོད་འཛད་མེད་གཏེར་བསྔོ་ཟིང་འབུལ་བའི་ཚོགས་བསག་ཞིང་། །ཕོ་རྒྱུད་དུས་གསུམ་རྒྱལ་བ་སྲས། །སྐང་བཟང་འདྲེན་པ་སྟོང་རྩ་གཉིས། །ཁྱད་པར་འདྲེན་མཆོག་ཤཱཀྱའི་དོག །ཕྱག་འཚལ་སྐྱབས་མཆིས་གསོལ་བ་འདེབས། །བསང་མཆོད་དམ་པ་འདི་ཤེས་ལ། །ཁ་འཛིན་སྟོངས་གྲོགས་མགོན་སྐྱབས་མཛད། །རྒྱལ་ཀུན་སྤྱི་གཟུགས་པདྨ་སྐྱེས། །ཡུམ་ཆེན་ཡེ་ཤེས་འཚོ་རྒྱལ་མ། །ཐུགས་རྗེ་ཆེན་པོས་སྤྱན་རས་གཟིགས། །རིག་གསུམ་མེདསྤྲུལ་མེས་དབོན་གསུམ། །རྗེ་འབངས་ཉེར་ལྔ་མར་པ་རྗེ། །མི་ལ་སྙི་སྒོམ་བརྒྱུད་འཛིན་བཅས། །ས་ཟུར་གནུབས་གཉགས་སོགས་ཀྱི། །བརྒྱུད་འདིན་རྩ་ལག་དངས་པ། །སྔ་འགྱུར་ཕྱི་འགྱུར་བསྟན་འཛིན་སྡེར། །ཕྱག་འཚལ༴ བསང་༴ ཁ་འཛིན༴ བླ་མ་ཡིད་དམ་མཁའ་འགྲོ་དང་། །བཀྲུང་མཆོད་སྐྱོང་གཏེར་སྲུང་དང་། །དཀར་ཕྱོགས་ཡུལ་ལྷ་ཟོ་དོར་རིགས། །ཕ་ལྷ་མ་ལྷ་ཞིང་ལྷ་སོགས། །འགོ་བའི་ལྷ་ལྔ་གཙོ་དང་འཁོར། །སློབ་དཔོན་བརྒྱུད་ཛག་ཕ་མས་བརྒྱུད། །ཚེ་རབས་ལས་ཀྱིས་འགོ་བའི་ལྷ། །ལུས་ཇི་སྙེད་ཚོགས་རྣམས་ལ། ྅྅྅ །བྱང་སེམས་ཉེ་བའི་སྲས་བརྒྱད་དང་། །སྒྲོལ་མ་དཀར་ལྗང་རིག་བྱེད་མ། །གྲྭ་ལྔའི་ལྷ་མོ་ཁྲོ་གཉེར་ཅན། །གསང་སྔགས་རིག་སྔགས་གཟུངས་སྔགས་ཀྱི། །ལྷ་དང་ལྷ་མོའི་ཚོགས་རྣམས་ལ། ྅྅྅ ལོག་ལྷན་ཚོགས་བདག་ཕྱག་བཞི་དྲུག །མགོན་ཆེན་སྡེ་ལྔ་མ་ནིང་སོགས། །གཟའ་མཆོག་དམ་ཅན་མགར་དམར་ནག །ཕོ་རྒྱུད་མགོན་པོའི་ཚོགས་རྣམས་དང་། །ཨེ་ཀ་ཛ་ཌི་རོ་མ་ཏི། །དུང་སྐྱོང་མ་སོགས་ལྷ་མོའི་ཚོགས༑ །ཚེ་རིང་མཆོད་ལྔ་གཡུ་སྒྲོན་མ། །རྡོ་རྗེ་གཤོག་རྒོད་དམག་ཟོར་མ། །བརྡན་མ་བཅུ་གཉིས་ལ་སོགས་པའི། །ཡེ་ཤེས་ལས་དང་འཇིག་རྟེན་གྱི། །སྲུང་མ་མོ་རྒྱུད་ཐམས་ཅད་ལ། ྅྅྅ །སློབ་དཔོན་པདྨ་འབྱུང་གནས་ཀྱི། །བཀའ་སྡོད་བྷོ་ཌའི་ཡུལ་ལྷའི་གཙོ། །ཏི་སོ་ཐང་ལྷ་ཤམ་པོ་དང་། །རྒམ་པོ་དཔལ་རི་འོ་ཏེ་གང་། །སྤོམ་ར་རྫ་རྒྱལ་འབྲི་རྒྱལསོགས། །དུང་ཀོང་ཉང་གསུམ་ཏུ་བཞི་བདེ། །མདོ་ཁམས་སྒོང་དྲུག་ལ་གནས་རིགས། །འཛམ་གླིང་སྐྱོང་བ་སྤྱི་དང་ནི། །བྱེ་བྲག་གངས་ཅན་བོད་ཀྱི་ཡུལ། །སྐྱོང་བྱེད་ས་བདག་ཡུལ་བདག་དང་༑ །གཞི་བདག་གནས་བདག་ཐམས་ཅད་ལ། །བསག་མཆོད་འབུལ་ལོ་འགལ་རྐྱེན་བཟློག །མཐུན་རྐྱེན་བསམ་དོན་ལྷུན་གྲུབ་མཛོད༑ །བྱེ་བྲག་གསེར་སྟོང་འབྲོང་རི་ཡི། །གཙོ་འཁོར་སྤྲུལ་པ་ཡང་སྤྲུལ་གཙོས། །ས་ཕྱོགས་ཡུལ་རི་འདི་དག་ལ། །གནས་པའི་ས་བདག་གཞི་བདག་རིགས། །གཞན་ཡང་རྟོ་མཛི་སྨྲར་གསུམ་གྱི། །ཆར་གཏོགས་པ་བདག་གཞི་བདག་ཚོགས། །དེ་ལས་གཞན་ཡང་ས་གསུམ་གྱི། །ལྷ་ཀླུ་འབྱུང་པོ་ཟོ་དོར་རྣམས། །བསང་༴ མཐུན༴ དཔལ་མགོན་བདུན་ཅུ་རྩ་ལྔ་དང་། །ཕྱི་ནང་གསང་བ་ཡང་གསུང་གི། ལྷ་སྲིན་སྡེ་བརྒྱད་དྲེགས་པ་ཅན། །རྒྱལ་ཆེན་སྡེ་བཞི་གཙོ་འཁོར་བཅས། །རིགས་དྲུག་འགྲོ་བ་མ་ལུས་ཀུན། །བདེ་གཤེགས་སྙིང་པོ་གཅིག་ཡིན་ཕྱིར། ྅྅ །མཆོག་གསུམ་རྩ་གསུམ་བཀྲུང་དང་། །དམ་ཅན་ནོར་ལྷ་རྒྱ་མཚོའ་ཚོགས། །ཡུལ་ལྷ་གཞི་བདག་དཀར་ཕྱོགས་སྐྱོང་། །མདོར་ན་མཆོད་འོས་མགྲོན་རིགས་ལ། །བསངས་དང་མཅོད་པ་དངོས་འབྱོར་དག་། ཡིད་སྤྲུལ་དཔག་མེད་འདིས་ཤེས་ལ། །བདག་དང་བསྲུང་བྱའི་རིགས་རྣམས་ཀུན། །ཐག་རིང་ཤུལ་མ་བགྲོད་པའི་ཚེ། །སྔོན་པས་སུས་ལ་རྒྱབ་ནས་སྐྱོར། །ཁ་འཛིན་སྟོངས་གྲོགས་གཡེལ་མེད་དང་། །ཉིན་རྫི་མཚན་མོར་མེལ་ཚེ་མཛོད། །ཁ་ཡི་ཟས་འདོད་ཟས་དང་སྤྲོད། །ལག་པའི་ནོར་འདོད་ནོར༴ །ཡིད་ཀྱི་ཆོས་འདོད༴ །བློ་ཡགས་ལམ་ཡགས་ཅིང་བསམ་འགྲུབ། །གཞི་སྐྱིད་མགྲོན་དགེ་བདེ་ལེགས་འབྱོར། །ཕུན་སུམ་ཚོགས་པའི་ལམ་ལྷ་མཛོད། །འཇིགས་བརྒྱད་ཞི་བའི་ལམ་ལྷ༴ །ཚེ་བསོད་རྒྱས་པའི༴ །མོས་བཞི་དབང་འདུས༴ །དགྲ་འགེགས་ཚར་གཅོད༴ །དགྲ་ཕམ་བདག་རྒྱལ༴ །ལུས་ལ་ནད་མེད༴ །སེམས་ལ་འགྱོད་མེད༴ །བཟང་དང་འཕྲད་པའི༴ །ངན་དང་འཛོལ་བའི༴ འགལ་སྤོང་མཐུན་འགྲུབ༴ །བསམ་དོན་འགྲུབ་པའི༴ །ཕར་འགྲོའི་རུས་སུ་བསྐྱལ་མ་དང་། ཆུར་འོང་དུས་སུ་བསུམ་སོགས། །ལམ་ལྷ་མཛོད་ལ་དངོས་གྲུབ་རྩོལ། །རབ་འབྱམས་ཕྲིན་ལས་ཀུན་འགྲུབ་ཅིང་། །འཕྲལ་ཕུག་རྡག་བདེའི་བཀྲ་ཤིས་ཤོག །མིག་གིས་ལྟས་བཟང་ལྟད་མོ་མཐོང་། །རྣ་བས་བདེ་སྐྱིད་དཔལ་ཡོན་ཐོས། །སྣ་ཡིས་རི་བཟང་དད་ལྡན་ཐོབ། །ལྕེ་ཡིས་བདེའི་དགུའི་རོ་ཞིམ་སྤྱོད། །ལུས་ཀྱིས་དགའ་བདེའི་རེག་བྱར་སྤྱོད། །སེམས་ཀྱིས་བདེ་སྐྱིད་ཕུན་ཚོགས་དང་། །རྒྱུན་མི་འཆད་པར་ལོངས་སྤྱོད་ཤོག །རྗེས་ཆོག་བསང་གཞུང་སྤྱི་ལྟར་བྱའོ། །ཅེས་པ་འདི་ཡང་རྣལ་འབྱོར་པ་སཱ་རས་བསྐུར་ངོར། ༧ རྡོ་བླས་བྲིས་པ་ཡོངས་སུ་དགེ་བར་གྱུར་ཅིག །དགེའོ། དགེའོ། དགེའོ། བཀྲ་ཤིས་སར་གྱུར་ཅིག །སརྦ་མངྒ་ལམ།

ཞིང་རབ་འབྱམས་ཀྱི་་་་་་་

༄༅། །ན་མོ་གུ་རུ་དྷེ་ཝཌ་ཀྐི་ནི་སརྦ་སིདྡྷི་མེ་པྲ་ཡ་ཙ་ཡེ། །ཞིང་རབ་འབྱམས་ཀྱི་རྒྱལ་བ་སྲས་བཅས་ཀྱི། སྤྱི་གཟུགས་གྱུར་རྗེ་བཙུན་པདྨ་སྐྱེས། །གང་མངལ་སྐྱེས་ཚུལ་རིག༵་འཛི༵ན་འཇི༵གས་མེ༵ད་གླིང༵་། །དེའི་བདེན་པས་དེངས་འདིར་བདེ་ལེགས་སྩོལ། །བདག་རྡོ་བླ་ཀུ༵ན་བཟ༵ང་གཞ༵ན་ཕན༵་ཞེས། །ལོ་བདུན་ཅུ་བརྒྱད་ཅུར་ཉེ་ན་ཡང་། །འཆི་མ་ནུས་མི་རྒན་གང་དེ་ཡི། །སེམས་ཀུན་གཞིའི་མེ་ལོང་དྲི་བྲལ་ངོགས། །དུས་འབྱུང་འགྱུར་བཟང་ངན་ལེགས་ཉེས་ཀྱི། །ལྟས་རྟེན་འབྲེལ་གཟུགས་སུ་སྣང་བའི་ཆོས། །འདིར་མངོན་སུམ་དུ་ངོམ་ལ་ལྟད་མོ་ལྟོས། །དུས་རྒྱལ་པོ་མེ་གླང་ཤར་ཙམ་ནས། །ཡོངས་རྐང་གཉིས་མི་དང་ཁྱད་པར་དུ། །བོད་ཆེ་ཆུང་ཀུན་ལ་མི་དགེའི་ལྟས། །དམག་འཁྲུག་དང་ལོ་ཉེས་མི་ཕྱུགས་ནད། །དུ་མ་རུ་འབྱུང་ཞིང་བཟློག་པར་དཀའ། །བྱེ་བྲག་ཏུ་ས་ཆ་ཡུལ་ཁོལ་བུར། །མ་སྟོང་བར་སེང་གེའི་ཁོག་པ་ཡི། །སྲིན་བུའི་ཚོགས་ལངས་ནས་རང་གི་གཟུགས། །རྡུལ་ཕྲན་དུ་མ་སོང་དེ་སྲིད་དུ། །འཚོ་བ་བཞིན་འཚུབས་འདི་དུས་ང ན་སྟོབས། །དེ་ལས་ལ་དམིགས་བསལ་མངོན་རྟོགས་ཀྱི། །རུ་བཞི་ཡི་བོད་ཡུལ་ས་ཆ་རུ། །གནམ་ས་དང་བར་གྱི་ཐེའུ་རང་གི། །སྒྱུ་འཕྲུལ་ཀྱི་རང་གཟུགས་བན་བོན་འགའི། །ཁོང་ཞུགས་ནས་སེར་འཁྲུགས་སློང་བ་དང་། །དེའི་རྐྱེན་ཀྱི་ལྷ་འདྲེ་མི་གསུམ་འཚུབས། །ལྷོ་རྔ་ཡི་གྲུབ་མཐའ་ཕལ་མོ་ཆེ། །འཚུབ་མ་བཞིན་འཁྱིལ་ཞིང་བྱེར་ལ་རིངས། །ས་དངུལ་ཁྱེད་ཕྱི་སྣུམ་ནང་སྟོང་སྐམ། །བཀའ་འབྲུག་སོགས་རང་སའི་བྱིན་རླབས་ཀྱི། །དཔག་བསམ་ཀྱི་ལྗོན་པ་བསྲུངས་ལ་བརྩོན། །ཞི་གཙོད་སོགས་གདུལ་བྱ་ཁོལ་བུར་སྨིན། །བཀྲ་ཤིས་ཀྱི་ལྷུན་པོ་ལྷུམས་སུ་ཚུད། །གྲྭ་ས་བཞིར་རྔ་བོང་མྱོ་བཞིར་རྒྱུ། །བོད་ཁམས་ཀྱི་མཆོད་སྡོང་མས་ནས་སློང་། །དེའི་རྐྱེན་གྱིས་སྐྱོན་ཡོན་སྣ་བཞི་ངོམ། །དག་སྐོང་སོགས་རོང་ཡུལ་ཕལ་མོ་ཆེ། །ཐལ་ཕུང་བཞིན་འཚུབ་མ་གཏོར་བཞིན་འདུ། །བྱང་འབྲོག་ཕལ་མི་ཕྱུགས་ཉམས་རྒུད་ཀྱི། །ཆུ་ཕྲན་འགའ་ཐན་པ་གདུང་བཞིན་འགྱུར། །སྡེ་དགེ་ཡང་ཕྱོགས་འཚམས་ཟ་བྱེད་སྡེས། །ཟ་རློམ་ཡང་རང་གྲིབ་དགྲ་གཤེད་དུ། །མ་གྱུར་བར་གྲགས་ངན་རྗེ་མི་དཔོན། །འོན་ཀྱང་ནི་བླ་འོག་གོ་ས་དང་། །ཞྭ་ལྷྭམ་སོགས་རང་ས་བསྲུང་ཐབས་གཅེས། །ད་འདི་ནས་བགྲང་བྱ་ཡོས་ཕན་ཚུན། །འཇིག་རྟེན་འདིར་གྲགས་པའི་རྒྱལ་བློན་སོགས། །ཉེ་དུ་དང་མཛའ་བཤེས་དགྲ་ཟླའི་ཚོགས། །བྱ་འུག་གཉིས་ལྟར་སྣང་མཛའ་སྡེབ་ཅིང་། །ཡོན་མཆོད་འགའ་ཀུན་བརྟགས་དཔེ་ཟླ་དང་། །དཔོན་སྡེ་ཕར་རྨི་ལམ་སྒྱུ་མར་མཚུངས། །ཟླ་རྒྱུད་ཀྱི་ཆོས་སྡེ་མི་སྡེ་ཀུན། །ཤིང་རང་བདུད་རང་གིས་མ་བྱས་ན། །གཞན་ཅི་ཙམ་གནོད་ཀྱང་རེ་འགའ་ཙམ། །ཡིན་ཕྱིར་ན་ཡུལ་སྡེ་མཆོག་དམན་ཀུན། །མཛུ་གུ་ལྔ་སོ་སོར་མ་བྲལ་ན། །ཁུ་ཚུར་གྱི་སྒྲོམ་བུ་བཙིང་མཛོད་དང་། ཕ་རོལ་ཚང་ཕམ་ནུས་སྟོབས་ལྡན་འགྱུར། །དེ་ལས་ཀྱང་སྔོན་ནས་ཁོ་བ་ཡིས། །ས་སྐྱོང་གི་རྒྱལ་པོར་ཡང་ཡང་དུ། །ནང་མི་འགའ་ཕྱི་བྲོས་མང་གྱུར་ན། །དེའི་རྐྱེན་ཀྱིར་ཅིར་འགྱུར་ཆ་མེད་པས། །ཅེས་ཀྱང་ནི་རང་ས་བསྲུང་དགོས་པའི། །ཡར་ཞུ་ཡང་ཁ་ཤས་ཕུལ་མོད་ཀྱང་། །དབྱིངས་འཇུག་དོན་ཤོར་བས་འདི་འདྲ་འཁྲུལ། །འོན་ཀྱང་ད་དུང་རང་གཞན་གྱི། །ཕྱོགས་གཉིས་དང་ཕྱོགས་གསུམ་ལ་སོགས་པའི། །ངེས་མེད་ཀྱི་ཐེ་ཚོམ་གར་བསྒྱུར་ཞིང་། །རྫུན་གཟུགས་ཀྱི་མིག་མང་བརྒྱ་སྟོང་རྩེ། །ཤར་ཕྱོགས་ནས་རྒྱ་གྲོག་དམར་ནག་འཐབ། །ལྷོ་ཕྱོགས་ནས་གཅན་གཟན་གཡུལ་ཚེན་ཤོམ། །ནུབ་ཕྱོགས་ནས་ཤ་འུད་མཁའ་མཉམ་འགྱུར། །བྱང་ཕྱོགས་ནས་རྔ་བོང་ཁྱུ་སྡེབ་འུར། །སྟེང་ཕྱོགས་ནས་ཚར་མའི་བླ་བྲེ་གཡོ། །འོག་ཕྱོགས་ནས་སྲོག་ཆགས་མང་པོས་འཚེ། །མ་ཁང་གཉིས་རང་ཕུང་འཇིགས་ལ་བརྩོན། །བྲེ་བོ་ཧོར་ཅོག་རིའི་གདོན་གྱིས་མནར། །བྲག་འགོ་ནས་འབྱུང་བཞིའི་གད་མོ་དགོད། །དེའི་རྐྱེན་ཀྱིས་ལྷ་འདྲེ་མི་གསུམ་འཁྲུགས། །འཇམ་བརྫུ་མི་རྫུན་རླབས་ཆེན་པོ་ཡི། །གཟུགས་བརྙན་གྱི་སྨུག་པ་ཡུལ་འགར་འཐིབ། །རྒྱ་རོང་རྒྱལ་ཁག་ཆེན་པོ་བཞི། །རང་གཞན་གྱི་ཕུང་ལས་ལྟད་མོ་ངོམ། །ས་སྙིང་གི་མིང་འཛིན་ཡུལ་འདི་གར། །ཕུང་བྱེད་ཀྱི་ཁུར་བོ་བཅུ་གཉིས་འཕོས། །ལ་ལ་ཞིག་དགྲ་ཟླ་བསྙེག་པས་བྲེལ། །འགའ་ཞིག་ས་གཏིང་འཛུལ་ལ་རིངས། །ཕལ་མོ་ཚེས་བདུད་སྲིན་སྐྱབས་སུ་འཚོལ། །དེ་དག་ཀྱང་ལས་ངན་བྱས་པའི་འབྲས། །ཡིན་ཕྱིར་ན་དགེ་སྒྲུབ་སྡིག་སྤང་གལ། །ད་ལོ་ནས་བཟུང་སྟེ་ལོ་དྲུག་ཚུན། །ལྷ་མིན་དང་སུམ་ཅུ་རྩ་གསུམ་གཉིས། །རེ་འགའ་ཙམ་འཁྲུག་ཅིང་འཐབ་ངེས་ན། མི་རྣམས་ཀྱི་དགེ་སྡིག་ཆེ་ཆུང་གི། །སྟོབས་འབྲེལ་གྱི་ལྷ་ལ་ཕམ་རྒྱལ་གཟུགས། །འབྱུང་ངེས་ཤིང་ལྷ་རྣམས་ཕམ་གྱུར་ན། །མི་རྣམས་ལེ་བདེ་སྡུག་སྣ་ཚོགས་འབྱུང་། །དོན་དེ་ཕྱིར་ཀུན་གྱི་འགལ་སྤོང་ལ། །མཐུན་སྒྲུབ་ཀྱི་རིམ་གྲོར་བརྩོན་པ་སྐྱེད། །ཁྱད་པར་དུ་པདྨ༵་བཀའ༵་ཐ༵ང་དང་། །ལེ༵འུ་བདུ༵ན་དང་བས༵མ་ལྷུན༵་གང་རུང་སྒྲུབས། །སློབ༵་དཔོ༵ན་གྱི་སྐུ༵་གསུང་ཐུགས་ཀྱི༵་རྟེན༵། །ཅི་མང་དུ་བཞེངས་ན་ཕན་དང་བདེའི། །མངོན་རྟོགས་གཟུགས་མཐོང་ལ་ཐེ་ཚོམ་མེད། །དེ་ཕྱིར་ན་དེ་དོན་གསལ་བཞིན་དུ། །ཅི་ནུས་དང་སྒྲུབ་པར་བརྩོན་མཛོད་དང་། །འཕྲལ་ཕུགས་སུ་བདེ་ཞིང་སྐྱིད་པར་ངེས། །མཆོག་གསུམ་དང་རྩ་གསུམ་བདེན་སྟོབས་དང་། །ཁོ་བོ་ཡི་ལྷག་བསམ་རྣམ་དག་མཐུས། །རྒྱལ་ཁམས་ཀྱི་མི་བདེའི་སྨག་རུམ་དུ། །བདེ་སྐྱིད་ཀྱི་འོད་སྟོང་འཆར་བར་ཤོག །དགེའོ། བཀྲི་ཤིས་སོ།། །།

རྫོགས་པ་ཆེན་པོ་ཀློང་ཆེན་སྙིང་ཐེག་གི་སྔོན་འགྲོའི་ངག་འདོན་ཁྲིགས་སུ་བདེབས་པ་རྣམ་མཁྱེན་ལམ་བཟང་།

༄༅། །རྫོགས་པ་ཆེན་པོ་ཀློང་ཆེན་སྙིང་ཐེག་གི་སྔོན་འགྲོའི་ངག་འདོན་ཁྲིགས་སུ་བདེབས་པ་རྣམ་མཁྱེན་ལམ་བཟང་ཞེས་བྱ་བ་བཞུགས་སོ། །

གདོད་ནས་མངོན་གས་རྒྱས་ཀྱ་མང་ལ་ག་འདུལ་གཟུགས་སྐུ་འགགས་པ་མེད། །སྣ་ཚོགས་སྒྱུ་འཕྲུལ་མངོན་ཡང་ཕུང་ཁམ་བསྐྱེ་མཆེད་གཟུང་དང་འཛིན་པ་བྲལ། །མི་ཡི་གཟུགས་སུ་སྣང་ཡང་འཁྱེན་བརྩེའི་འོད་ཟེར་སྟོང་འབམ་རྒྱལ་བ་དངོས། །ཚེ་འདི་ཟེར་ཙམ་དུ་མ་ཡིན་གཏན་གྱི་སྐྱབས་སུ་ཁྱེད་བསྟེན་བྱིན་གྱིས་རློབས། །དེ་ལ་འདི་རྫོགས་པ་ཆེན་པོ་ཀློང་ཆེན་སྙིང་ཐིག་གི་སྔོན་དུ་འགྲོ་བའི་ངག་འདོན་ཁྲིགས་སུ་བསྡེབས་པ་ལ། །དང་པོ་དཔལ་ལྡན་བླ་མའི་ཐུགས་རྒྱུད་བསྐུལ་ཕྱིར་གསོལ་བ་གདབ་པ་ནི། བླ་མ་མཁྱེན། ལན་གསུམ་གྱིས་གདུང་བ་དྲག་པོས་བོས་ནས། །སྙིང་དབུས་དད་པའི་གེ་སར་བཞད་པ་ནས། སྐྱབས་གཅིག་དྲིན་ཅན་བླ་མ་ཡར་ལ་བཞེངས། ལས་དང་ཉོན་མོངས་དྲག་པོས་གཟིར་བ་ཡི། །སྐལ་བ་ངན་པ་བདག་ལ་སྐྱོབ་པའི་ཕྱིར། །སྤྱི་བོ་བདེ་ཆེན་འཁོར་ལོའི་རྒྱན་དུ་བཞུགས། །དྲན་དང་ཤེས་བཞིན་ཀུན་ཀྱང་བཞེངས་སུ་གསོལ། །ད་རེས་དམྱལ་བ་ཡི་དྭགས་གདུད་འགྲོ་དང་། །ཚེརིང་ལྷ་དང་ཀླ་ཀློ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །མི་ཁོམ་བརྒྱད་ལས་ཐར་པའི་དལ་བ་ཐོབ། །མིར་གྱུར་དབང་པོ་ཚང་དང་ཡུལ་དབུས་སྐྱེས། །ལས་མཐའ་མ་ལོག་བསྟན་ལ་དད་པ་སྟེ། །རང་ཉིད་འབྱོར་པ་ལྔ་ཚང་སངས་རྒྱས་བྱོན། །ཆོས་གསུངས་བསྟན་པ་གནས་དང་དེ་ལ་ཞུགས། །བཤེས་གཉེན་དམ་པས་ཟིན་དང་གཞན་འབྱོར་ལྔ། །ཐམས་ཅད་རང་ལ་ཚང་བའི་གནས་ཐོབ་ཀྱང་། །རྐྱེན་མང་ངེས་པ་མེད་པའི་ཚེ་སྤངས་ནས། །འཇིག་རྟེན་ཕ་རོལ་ཉིད་དུ་སོན་པར་འགྱུར། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་རེས་དལ་རྟེན་དོན་ཡོད་མ་བྱས་ན། །ཕྱི་ནས་ཐར་པ་སྒྲུབ་པའི་རྟེན་མི་རྙེད། །བདེ་འགྲོའི་རྟེན་ལ་བསོད་ནམས་ཟད་གྱུར་ནས། །ཤི་བའི་འོག་ཏུ་ངན་སོང་ངན་འགྲོར་འཁྱམས། །དགེ་སྡིག་མི་ཤེས་ཆོས་ཀྱི་སྒྲ་མི་ཐོས། །དགེ་བའི་བཤོས་དད་མི་མཛལ་མཚང་རེ་ཆེ། །སེམས་ཅན་ཙམ་གྱི་གྲངས་དང་རིམ་པ་ལ། །བསམས་ན་མི་ལུས་ཐོབ་པ་སྲིད་མཐའ་ཙམ། མི་ཡང་ཆོས་མེད་སྡིག་ལ་སྤྱོད་མཐོང་ན། །ཆོས་བཞིན་སྤྱོད་པ་ཉིན་མོའི་སྐར་མ་ཙམ། །བློ་སྣ་ཆོས་ལ༴ ལམ་གོལ༴ གཉིས་སུ༴ གལ་ཏེ་མི་ལུས་རིན་ཆེན་གླིང་ཕྱིན་ཡང་། ལུས་རྟེན་བཟང་ལ་བྱུར་པོ་ཆེ་ཡི་སེམས། །ཐར་པ་སྒྲུབ་པའི་རྟེན་དུ་མི་རུང་ཞིང་། །ཁྱད་པར་བདུད་ཀྱིས་ཟིན་དང་དུག་ལྔ་འཁྲུགས། །ལས་ངན་ཐོག་ཏུ་བབས༴ དང་ལེ་ལོས་གཡེངས། །གཞན་ཁོལ་བྲན་གཡོག་འཇིགས་སྐྱོབ་ཆོས་ལྟར་བཅོས། །རྨོངས་སོགས་འཕྲལ་བྱུང་རྐྱེན་གྱིས་མི་ཁོམ་བརྒྱད། །བདག་ལ་ཆོས་ཀྱི་འགལ་ཟླར་ལྷགས་པའི་ཚེ། །བློ་སྣ་ཆོས༴ ལམ་གོལ༴ གཉིས་སུ་མེད༴ སྐྱོ་ཤེས་ཆུང་ཞིང་དད་པའི་ནོར་དང་བྲལ། འདོད་སྲེད་ཞགས་པས་བཅིངས་དང་ཀུན་སྤྱོད་ཙུབ། མི་དགེ་སྡིག་ལ་མི་འཛེམས་ལས་མཐའ་ལེན། སྡོམ་པ་ཉམས་ཤིང་དམ་ཚིག་རལ་བ་སྟེ། རིས་ཆད་བློ་ཡི་མི་ཁེམ་རྣམ་པ་བརྒྱད། བདག་ལ་ཆོས་ཀྱི་འགལ་ཟླར་ལྷགས་པའི་ཚེ། བླ་སྣ༴ ལམ་གེལ༴ གཉིས་སུ༴ ད་ལྟ་ནད་དང་སྡུག་བསྔལ་གྱིས་མ་གཟིར། །བྲན་ཁོལ་ལ་སོགས་གཞན་དབང་མ་གྱུར་པའི། །རང་དབང་ཐོབ་པའི་རྟེན་འབྲེལ་འགྲིགས་དུས་འདིར། །སྙོམ་ལས་ངང་དུ་དལ་འབྱོར་ཆུད་གསོན་ན། །འཁོར་དང་ལོངས་སྤྱོད་ཉེ་དུ་འབྲེལ་པ་ལྟ། །ལྟ་ཅི་གཅེས་པར་བཟུང་བའི་ལུས་འདི་ཡང་། །མལ་གྱི་ནང་ནས་ས་ཕྱོགས་སྟོང་པར་བསྐྱལ། །ཝ་དང་བྱ་རྒོད་ཁྱི་ཡིས་འདྲད་པའི་དུས། །བར་དོའི་ཡུལ་ན་འཇིགས་པ་ཤིན་ཏུ་ཆེ། །བློ་སྣ༴ ལམ་གོལ༴ གཉིས་སུ༴ དགེ་སྡིག་ལས་ཀྱི་རྣམ་སྨིན་ཕྱི་བཞིན་འབྲང་། །ཁྱད་པར་དམྱལ་བའི་འཇིག་རྟེན་ཉིད་སོན་ན། །ལྕགས་བསྲེགས་ས་གཞིར་མཚོན་གྱིས་མགོ་ལུས་འདྲལ། །སོག་ལེས་གཤོག་དང་ཐོ་ལུམ་འབར་བས་འཚིར། །སྒོ་མེད་ལྕགས་ཁྱིམ་འཐུམས་པར་འོ་དོད་འབོད། །འབར་བའི་གསལ་ཤིང་གིས་འབུགས་ཁྲོ་ཆུར་འཚོད། །ཀུན་ནས་ཚ་བའི་མེས་བསྲེགས་བརྒྱད་ཚན་གཅིག །གངས་རི་སྟུག་པོའི་འདབས་དང་ཆུ་འཁྱགས་ཀྱ། །གཙོང་རོང་ཡ་ངའི་གནས་སུ་བུ་ཡུག་སྦྲེབས། །གྲང་རེག་རླུང་གིས་བཏབ་པའི་ལང་ཚོ་ནི། །ཆུ་བུར་ཅན་དང་ལྷག་པར་རྡོལ་བ་ཅན། །སྨྲེ་སྔགས་རྒྱུན་མི་ཆད་པར་འདོན་པ་ཡང་། །ཚོར་བའི་སྡུག་བསྔལ་བརྣག་པར་དཀའ་བ་ཡིས། །ཟུངས་ཀྱིས་རབ་བཏང་འཆི་ཁའི་ནད་པ་བཞིན། །ཤུགས་རིང་འདོན་ཞིང་སོ་འཐམ་པགས་པ་འགས། །ཤའུ་ཐོན་ནས་ལྷག་པར་འགས་ཏེ་བརྒྱད། །དེ་བཞིན་སྤུ་གྲིའི་ཐང་ལ་རྐ་པ་གཤོགས། །རལ་གྲིའི་ཚལ་དུ་ལུས་ལ་བཅད་གཏུབས་བྱེད། །རོ་མྱགས་འདམ་ཚུད་ཐལ་ཚན་རབ་མེད་ཀློང་། །མནར་བའི་ཉེ་འཁོར་བ་དང་འགྱུར་བ་ཅན། །སྒོ་དང་ཀ་བ་ཐབ་དང་ཐག་པ་སོགས། །རྟག་ཏུ་བཀོལ་ཞིང་སྤྱོད་པའི་ཉི་ཚེ་བ། །རྣམ་གྲངས་བཅོ་བརྒྱད་གང་ལས་འབྱུང་བའི་རྒྱུ། །ཞེ་སྡང་དྲག་པོའི་ཀུན་སློང་སྐྱེས་པའི་ཚེ། །བློ་སྣ༴ ལམ་གོལ༴ གཉིས་སུ༴ དེ་བཞིན་ཕོངས་ལ་ཉམས་མི་དགའ་བའི་ཡུལ། །བཟའ་བཏུང་ལོངས་སྤྱོད་མིང་ཡང་མི་གྲགས་པར། །ཟས་སྐོམ་ལོ་ཟླར་མི་རྙེད་ཡི་དྭགས་ལུས། །རིད་ཅིང་ལྡང་བའི་སྟོབས་ཉམས་རྣམ་པ་གསུམ། །གང་ལས་འབྱུང་བའི་རྒྱུ་ནི་སེར་སྣ་ཡིན། །གཅིག་ལ་གཅིག་ཟ་གསོད་པའི་འཇིགས་པ་ཆེ། །བཀོལ་ཞིང་སྤྱོད་པས་ཉམ་ཐག་བླང་དོར་རྨོངས། །ཕ་མཐའ་མེད་པའི་སྡུག་བསྔལ་གྱིས་གཟིར་བའི། །ས་བོན་གཏི་མུག་མུན་པར་འཁྱམས་པ་བདག །བློ་སྣ༴ ལམ་གོལ༴ གཉིས་སུ༴ ཆོས་ལམ་ཞུགས་ཀྱང་ཉེས་སྤྱོད་མི་སྡོམ་ཞིང་། །ཐེག་ཆེན་སྒོར་ཞུགས་གཞན་ཕན་སེམས་དང་བྲལ། །དབང་བཞི་ཐོབ་ཀྱང་བསྐྱེད་རྫོགས་མི་སྒོམ་པའི། །ལམ་གོལ་འདི་ལས་བླ་མས་བསྒྲལ་དུ་གསོལ། །ལྟ་བ་མ་རྟོགས་ཐོ་ཅོའི་སྤྱོད་པ་ཅན། །སྒོམ་པ་ཡོངས་ཀྱང་གོ་ཡུལ་འུད་གོག་འཐག །སྤྱོད་པ་ནོར་ཀྱང་རང་སྐྱོན་མི་སེམས་པའི། །ཆོས་དྲེད་འདི་ལས་བླ་མས་བསྒྲལ་དུ་གསོལ། དང་ནངས་པར་འཆི་ཡང་གནས་གོས་ནོར་ལ་སྲེད། །ན་ཚོད་ཡོལ་ཡང་ངེས་འབྱུང་སྐྱོ་ཤས་བྲལ། །ཐོས་པ་ཆུང་ཡང་ཡོན་ཏན་ཅན་དུ་རློམ། །མ་རིག་འདི་ལས་བླ་མས་བསྒྲལ་དུ་གསོལ། །རྐྱེན་ཁར་འཆོར་ཡང་འདུ་འཛི་གནས་སྐོར་སེམས་། །དབེན་པ་བརྟེན་ཀྱང་རང་རྒྱུད་ཤིང་ལྟར་རེངས། །དུལ་བར་སྨྲ་ཡང་ཆགས་སྡང་མ་ཞིག་པའི། །ཆོས་བརྒྱད་འདི་ལས་བླ་མས་བསྒྲལ་དུ་གསོལ། །གཉིད་འཐུག་འདི་ལས་མྱུར་དུ་སད་དུ་གསོལ། །ཁྲི་མུན་འདི་ལས་མྱུར་དུ་དབྱུང་དུ་གསོལ། ཞེས་འབོད་པ་དྲག་པོས་ཐུགས་རྗེ་བསླང་བར་བྱ། གཉིས་པ་སྐྱབས་སུ་འགྲོ་བ་ནི། དཀོན་མཆོག་གསུམ་དངོས་བདེ་གཤེགས་རྩ་བ་གསུམཿ རྩ་རླུང་ཐིག་ལེའི་རང་བཞིན་བྱང་ཆུབ་སེམསཿ ངོ་བོ་རང་བཞིན་ཐུགས་རྗེའི་དཀྱིལ་འཁོར་ལཿ བྱང་ཆུབ་སྙིང་པོའི་བར་དུ་སྐྱབས་སུ་མཆིཿ ལན་གསུམ། གསུམ་པ་སེམས་བསྐྱེད་པ་ནི། ཧོཿ སྣ་ཚོགས་སྣང་བ་ཆུ་ཟླའི་རྫུན་རིས་ཀྱིསཿ འཁོར་བ་ལུ་གུ་རྒྱུད་དུ་འཁྱམས་པའི་འགྲོཿ རང་རིག་འོད་གསལ་དབྱིངས་སུ་ངོལ་གསོའི་ཕྱིརཿ ཚད་མེད་བཞི་ཡི་ངང་དུ་སེམས་བསྐྱེད་དོཿ ལན་གསུམ། བཞི་པ་རྡོར་སེམས་བསྒོམ་བཟླས་ནིཿ ཨཿ བདག་ཉིད་ཐ་མལ་སྤྱི་བོ་རུཿ པད་དཀར་ཟླ་བའི་གདན་གྱི་དབུསཿ ཧཱུྃ་ལས་བླ་མ་རྡོ་རྗེ་སེམསཿ དཀར་གསལ་ལོངས་སྤྱོད་རྫོགས་པའི་སྐུཿ རྡོ་རྗེ་དྲིལ་འཛིན་སྙེམས་མ་འཁྲིལཿ ཁྱོད་ལ་སྐྱབས་གསོལ་སྡིག་པ་སྦྱོང་ཿ འགྱོད་སེམས་དྲག་པོས་མཐོལ་ལོ་བཤགསཿ ཕྱིན་ཆད་སྲོག་ལ་བབ་ཀྱང་སྡོམཿ ཁྱོད་ཐུགས་ཟླ་བ་རྒྱས་པའི་སྟོང་ཿ ཧཱུྃ་ཡིག་མཐའ་མར་སྔགས་ཀྱིས་བསྐོརཿ བཟླས་པ་སྔགས་ཀྱིས་རྒྱུད་བསྐུལ་བསཿ ཡབ་ཡུམ་བདེ་རོལ་སྦྱོར་མཚམས་ནསཿ བདུད་རྩི་བྱང་ཆུབ་སེམས་ཀྱི་སྤྲིནཿ ག་བུར་རྡུལ་ལྟར་འཛག་པ་ཡིསཿ བདག་དང་ཁམས་གསུམ་སེམས་ཅན་གྱིཿ ལས་དང་ཉོན་མོངས་སྡུག་བསྔལ་རྒྱུཿ ནད་གདོན་སྡིག་སྒྲིབ་ཉེས་ལྟུང་གྲིབཿ མ་ལུས་བྱང་བར་མཛད་དུ་གསོལཿ ༀ་བཛྲ་ས་ཏྭ་སོགས་ཡི་གེ་བརྒྱ་པ་ཅི་ནུས་བཟླས་མཐར། མགོན་པོ་བདག་ནི་མི་ཤེས་རྨོངས་པ་ཡིས། དམ་ཚིག་ལ་ནི་འགལ་ཞིང་ཉམས། །བླ་མ་མགོན་པོའི་སྐྱབས་མཛོད་ཅིགཿ གཙོ་བོ་རྡོ་རྗེ་འཛིན་པ་སྟེ། ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཅོ་ལ་བདག་སྐྱབས་མཆི། སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་པ་དང་སྒྲིབ་པ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཞེས་བརྗོད་པས་རྡོ་རྗེ་སེམས་དཔའ་དགྱེས་བཞིན་འཛུམ་པ་དང་བཅས་པས་རིགས་ཀྱི་བུ་ཁྱོད་ཀྱི་སྡིག་སྒྲིབ་ཉེས་ལྟུང་ཐམས་ཅད་དག་ལ་ཡིན་ནོ་ཞེས་གནང་བ་བྱིན་ཞིང་འོད་དུ་ཞུ་ནས་རང་ལ་ཐིམ་པའི་རྐྱེན་ལས་རང་ཉིད་ཀྱང་རྡོ་རྗེ་སེམས་དཔའ་སྣང་སྟོང་མེ་ལོང་ནང་གི་གཟུགས་བརྙན་ལྟ་བུར་གྱུར་པའི་ཐུགས་སྲོག་ཧཱུཾ་གི་མཐའ་མར་ཡི་གེ་འབྲུ་བཞི་པོ་གསལ་བ་ལས་འོད་ཟེར་འཕྲོས་ཁམས་གསུམ་སྣོད་བཅུད་དང་བཅས་ལ་རྡོར་སེམས་རིགས་ལྔའི་རྟེན་དང་བརྟེན་པའི་རང་བཞིན་དུ་སངས་རྒྱས་པར་བསམས་ལ། ༀ་བཛྲ་ས་ཏྭ་ཧཱུྃ་ཞེས་ཅི་ནུས་སུ་བཟླས་མཐར་མཉམ་པར་བཞག་གོ །ལྔ་པ་མཎྜལ་ནི། ༀ་ཨཱཿ ཧཱུྃཿསྟོང་གསུམ་འཇིག་རྟེན་བྱེ་བ་ཕྲག་བརྒྱའི་ཞིང་ཿ རིན་ཚེན་སྣ་བདུན་ལྷ་མའི་འབྱོར་བས་གཏམསཿ བདག་ལུས་ལོངས་སྤྱོད་བཅས་པ་ཡོངས་འབུལ་གྱིསཿ ཆོས་ཀྱི་འཁོར་ལོས་སྒྱུར་བའི་སྲིད་ཐོབ་ཤོགཿ འོག་མིན་བདེན་ཆེན་སྟུག་པོ་བཀོད་བའི་ཞིང་ཿ ངེས་པ་ལྔ་ལྡན་རིགས་ལྔའི་ཚོམ་བུ་ཅནཿ འདོད་ཡོན་མཆོད་པའི་སྤྲིན་ཕུང་བསམ་ཡས་པཿ ཕུལ་བས་ལོངས་སྐུའི་ཞིང་ལ་སྤྱོད་པར་ཤོགཿ སྣང་སྲིད་རྣམ་དག་གཞོན་ནུ་བུམ་པའི་སྐུཿ ཐུགས་རྗེ་མ་འགག་ཆོས་ཉིད་རོལ་པའི་རྒྱནཿ སྐུ་དང་ཐིག་ལེའི་འཛིན་པ་རྣམ་དག་ཅིང་ཿ ཕུལ་བས་ཆོས་སྐུའི་ཞིང་ལ་སྤྱོད་པར་ཤོགཿ དྲུག་པ་ཀུ་སཱ་ལུའི་ཚོགས་གསོག་ནིཿ ཕཊཿ ལུས་བ་གཅེས་འཛིན་བོར་བས་ལྷ་བདུད་བཅོམཿ སེམས་ཚངས་པའི་སྒོ་ནས་དབྱིངས་ལ་ཐོནཿ འཆི་བདག་གི་བདུད་བཅོམ་ཁྲོས་མར་གྱུརཿ གཡས་ཉོན་མོངས་བདུད་བཅོམ་གྲི་གུག་གིསཿ གཟུགས་ཕུང་པོའི་བདུད་བཅོམ་ཐོད་པ་བྲིགསཿ གཡོན་ལས་བྱེད་ཚུལ་གྱིས་བྷནྡྷ་ཐོགསཿ སྐུ་གསུམ་གྱི་མི་མགོའི་སྒྱེད་པུར་བཞགཿ ནང་སྟོང་གསུམ་གང་བའི་བམ་རོ་དེཿ ཨ་ཐུང་དང་ཧཾ་ཡིག་གིས་བདུད་རྩིར་ཞུཿ འབྲུ་གསུམ་གྱི་ནུས་པས་སྦྱངས་སྤེལ་བསྒྱུརཿ ༀ་ཨཱཿཧཱུྃ་ཅི་ནུས་བཟླས་མཐརཿ ཕཊཿཡར་མཆོད་ཡུལ་མགྲོན་གྱི་ཐུགས་དམ་བསྐང་ཿ ཚོགས་རྫོགས་ནས་མཆོག་ཐུན་དངོས་གྲུབ་ཐོབཿ མར་འཁོར་བའི་མགྲོན་མཉེས་ལན་ཚགས་བྱངཿ ཁྱད་པར་དུ་གནོད་བྱེད་བགེགས་རིགས་ཚིམསཿ ནད་གདོན་དང་བར་ཆད་དབྱིངས་སུ་ཞིཿ རྐྱེན་ངན་དང་བདག་འཛིན་རྡུལ་དུ་བརླགསཿ མཐར་མཆོད་བྱ་མཆོད་བྱེད་མཆོད་ཡུལ་ཀུནཿ གཤིས་རྫོགས་པ་ཆེན་པོར་མ་བཅོས་ཨཿ ཞེས་མཉམ་པར་བཞག །བདུན་པ་བླ་མའི་རྣལ་འབྱོར་ནིཿ ཨེ་མ་ཧོཿ རང་སྣང་ལྷུན་གྲུབ་དག་པ་རབ་འབྱམས་ཞིང་ཿ བཀོད་པ་རབ་རྫོགས་ཟངས་མདོག་དཔལ་རིའི་དབུསཿ རང་ཉིད་གཞི་ལུས་རྡོ་རྗེ་རྣལ་འབྱོར་མཿ ཞལ་གཅིག་ཕྱག་གཉིས་དམར་གསལ་གྲི་ཐོད་འཛིནཿ ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགསཿ སྤྱི་བོར་པདྨ་འབུམ་བརྡལ་ཉི་ཟླའི་སྟེངཿ སྐྱབས་གནས་ཀུན་འདུས་རྩ་བའི་བླ་མ་དང་ཿ དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུཿ དཀར་དམར་མདངས་ལྡན་གཞོན་ནུའི་ཤ་ཚུགས་ཅནཿ ཕོད་ཁ་ཆོས་གོས་ཟ་བེར་འདུང་མ་གསོལཿ ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབསཿ ཕྱག་གཡས་རྡོ་རྗེ་གཡོན་པས་ཐོད་བུམ་བསྣམསཿ དབུ་ལ་འདབ་ལྡན་པདྨའི་མཉེན་ཞུ་གསོལཿ མཆན་ཁུང་གཡོན་ན་བདེ་སྟོང་ཡུམ་མཆོག་མཿ སྦས་པའི་ཚུལ་གྱིས་ཁ་ཊཾ་རྩེ་གསུམ་བསྣམསཿ འཇའ་ཟེར་ཐིག་ལེའི་འོད་ཕུང་ཀློང་ན་བཞུགསཿ ཕྱི་འཁོར་འོད་ལྔའི་དྲ་བས་མཛེས་པའི་ཀློངཿ སྤྲུལ་པའི་རྗེ་འབངས་ཉི་ཤུ་རྩ་ལྔ་དང་ཿ རྒྱ་བོད་ལན་གྲུབ་རིག་འཛིན་ཡི་དམ་ལྷཿ མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབསཿ གསལ་སྟོང་མཉམ་གནས་ཆེན་པོའི་དང་དུ་གསལཿ ཧཱུྃཿ ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོས་བསྐོརཿ ཁྱེད་ཀྱི་རྗེས་སུ་བདག་སྒྲུབ་ཀྱིསཿ བྱིན་གྱིས་རློབ་ཕྱིར་གཤེགས་སུ་གསོལཿ གུ་རུ་པདྨ་སིདྡྷི་ཧཱུྃཿ ཡན་ལག་བདུན་པ་ནི། ཧྲཱིཿ བདག་ལུས་ཞིང་གི་རྡུལ་སྙེད་དུཿ རྣམ་པར་འཕྲུལ་པས་ཕྱག་འཚལ་ལོཿ དངོས་བཤམས་ཡིད་སྤྲུལ་ཏིང་འཛིན་མཐུསཿ སྣང་སྲིད་མཆོད་པའི་ཕྱག་རྒྱར་འབུལཿ སྒོ་གསུམ་མི་དགེའི་ལས་རྣམས་ཀུནཿ འོད་གསལ་ཆོས་སྐུའི་ངང་དུ་བཤགསཿ བདེན་པ་གཉིས་ཀྱིས་བསྡུས་པ་ཡི། །དགེ་ཚོགས་ཀུན་ལ་རྗེས་ཡི་རངཿ གདུལ་བྱའི་ཁམས་དབང་བསམ་པ་བཞིན། ཐེག་གསུམ་ཆོས་འཁོར་བསྐོར་བར་བསྐུལཿ ཇི་སྲིད་འཁོར་བ་མ་སྟོངས་བརཿ མྱ་ངན་མི་འདའ་བཞུགས་གསོལ་འདེབསཿ དུས་གསུམ་བསགས་པའི་དགེ་རྩ་ཀུནཿ བྱང་ཆུབ་ཆེན་པོའི་རྒྱུ་རུ་བསྔོཿ བརྒྱད་པ་གསོལ་བ་འདེབས་པ་ནི། རྗེ་བཙུན་གུ་རུ་རིན་པོ་ཆེཿ ཁྱེད་ནི་སངས་རྒྱས་ཐམས་ཅད་ཀྱིཿ ཐུགས་རྗེ་བྱིན་རླབས་འདུས་པའི་དཔལ༔ སེམས་ཅན་ཡོངས་གྱི་མགོན་གཅིག་པུ༔ ལུས་དང་ལོངས་སྤྱོད་བློ་སྙིང་བྲངཿ ལྟོས་པ་མེད་པར་ཁྱེད་ལ་འབུལཿ འདི་ནས་བྱང་ཆུབ་མ་ཐོབ་པརཿ སྐྱིད་སྡུག་ལེགས་ཉེས་མཐོ་དམན་ཀུནཿ རྗེ་བཙུན་ཆེན་པོ་པད་འབྱུང་མཁྱེནཿ བདག་ལ་རེས་གཞན་ན་མེདཿ ད་ལྟ་དུས་ངན་སྙིགས་མའི་འགྲོཿ མི་བཟོད་སྡུག་བསྔལ་འདམ་དུ་བྱིང་ཿ འདི་ལས་སྐྱོབས་ཤིག་མ་ཧཱ་གུ་རུཿ དབང་བཞི་སྐུར་ཅིག་བྱིན་རླབས་ཅནཿ རྟོགས་པ་སྤོར་ཅིག་ཐུགས་རྗེ་ཅནཿ སྒྲིབ་གཉིས་སྦྱོངས་ཤིག་ནུས་མཐུ་ཅནཿ ནམ་ཞིག་ཚེ་ཡི་དུས་བྱས་ཚེཿ རང་སྣང་རྔ་ཡབ་དཔལ་རིའི་ཞིང་ཿ ཟུང་འཇུག་སྤྲུལ་པའི་ཞིང་ཁམས་སུཿ གཞི་ལུས་རྡོ་རྗེ་རྣལ་འབྱོར་མཿ གསལ་འཚེར་འོད་ཀྱི་གོང་བུ་རུཿ གྱུར་ནས་རྗེ་བཙུན་པད་འབྱུང་དང་ཿ དབྱེར་མེད་ཆེན་པོར་སངས་རྒྱས་ཏེཿ བདེ་དང་སྟོང་པའི་ཆོ་འཕྲུལ་གྱིཿ ཡེ་ཤེས་ཆེན་པོའི་རོལ་པ་ལསཿ ཁམས་གསུམ་སེམས་ཅན་མ་ལུས་པཿ འདྲེན་པའི་དེད་དཔོན་དམ་པ་རུཿ རྗེ་བཙུན་པདྨས་དབུགས་དབྱུང་གསོལཿ གསོལ་བ་སྙིང་གི་དཀྱིལ་ནས་འདེབསཿ ཁ་ཙམ་ཚིག་ཙམ་མ་ཡིན་ནོཿ བྱིན་རླབས་ཐུགས་ཀྱི་ཀློང་ནས་སྩོལཿ བསམ་དོན་འགྲུབ་པར་མཛད་དུ་གསོལ༔ ༀ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ བརྒྱུད་པའི་གསོལ་འདེབས་ནིཿ ཨེ་མ་ཧོཿ རྒྱ་ཆད་ཕྱོགས་ལྷུང་བྲལ་བའི་ཞིང་ཁམས་ནཿ དང་པོའི་སངས་རྒྱས་ཆོས་སྐུ་ཀུན་ཏུ་བཟང་ཿ ལོངས་སྐུ་ཆུ་ཟླའི་རོལ་རྩལ་རྡོ་རྗེ་སེམསཿ སྤྲུལ་སྐུར་མཚན་རྫོགས་དགའ་རབ་རྡོ་རྗེ་ལཿ གསོལ་བ་འདེབས་སོ་བྱིན་རླབས་དབང་བསྐུར་སྩོལཿ ཤྲཱི་སིངྷ་དོན་དམ་ཆོས་ཀྱི་མཛོདཿ འཇམ་དཔལ་བཤེས་གཉེན་ཐེག་དགུའི་འཁོར་ལོས་སྒྱུརཿ ཛྙཱ་ན་སཱུ་ཏྲ་པན་ཆེན་བི་མ་ལརཿ གསོལ་བ་འདེབས་སོ་གྲོལ་བྱེད་ལམ་སྣ་སྟོནཿ འཛམ་བུའི་གླིང་གི་རྒྱན་གཅིག་པདྨ་འབྱུང་ཿ ངེས་པར་ཐུགས་ཀྱི་སྲས་མཆོག་རྗེ་འབངས་གྲོགསཿ ཐུགས་གཏེར་རྒྱ་མཚོའི་བརྡ་གྲོལ་ཀློང་ཆེན་ཞབསཿ མཁའ་འགྲོའི་དབྱིངས་མཛོད་བཀའ་བབ་འཇིགས་མེད་གླིང་ཿ གསོལ་བ་འདེབས་སོ་འབྲས་བུ་ཐོབ་གྲོལ་སྩོལཿ སྲིད་ལས་ངེས་པར་འབྱུང་བའི་ཞེན་ལོག་གིསཿ རྡོ་རྗེ་བླ་མ་དོན་ལྡན་མིག་བཞིན་བསྟེནཿ ཅི་གསུང་བཀའ་བསྒྲུབ་ཟབ་མོའི་ཉམས་ལེན་ལཿ ལྟེམ་རྐྱང་མེད་པའི་སྒྲུབ་ཚུགས་ཞེ་རུས་ཀྱིས་ཐུགས་རྒྱུད་དགོངས་པའི་བྱིན་རླབས་འཕོ་བར་ཤོགཿ སྣང་སྲིད་འཁོར་འདས་ཡེ་ནས་འོག་མིན་ཞིང་ཿ ལྷ་སྔགས་ཆོས་སྐུར་དག་རྫོགས་སྨིན་པའི་འབྲསཿ སྤང་བླང་བྱ་རྩོལ་མེད་པའི་རྫོགས་པ་ཆེཿ ཤེས་ཉམས་ཡིད་དཔྱོད་ལས་འདས་རིག་པའི་གདངསཿ ཆོས་ཉིད་མངོན་སུམ་རྗེན་པར་མཐོང་བར་ཤོགཿ མཚན་མའི་རྟོག་པ་རྣམ་གྲོལ་འཇའ་ཟེར་སྦུབསཿ སྐུ་དང་ཐིག་ལེའི་ཉམས་སྣང་གོང་དུ་འཕེལཿ རིག་རྩལ་ལོངས་སྐུའི་ཞིང་ཁམས་ཚད་ལ་ཕེབསཿ ཆོས་ཟད་བློ་འདས་ཆེན་པོར་སངས་རྒྱས་ཏེཿ གཞོན་ནུ་བུམ་སྐུར་གཏན་སྲིད་ཟིན་པར་ཤོགཿ ཤིན་ཏུ་རྣལ་འབྱོར་ཉམས་འོག་མ་ཚུད་དེཿ རགས་ལུས་དངས་མའི་དབྱིངས་སུ་མ་གྲོལ་ནཿ ནམ་ཞིག་ཚེ་ཡི་འདུ་བྱེད་བསྟུང་བའི་ཚེཿ འཚི་བ་འོད་གསལ་ཀ་དག་ཆོས་སྐུར་ཤརཿ བར་དོའི་སྣང་ཆ་ལོངས་སྤྱོད་རྫོགས་སྐུར་གྲོལཿ ཁྲེགས་ཆོད་ཐོད་རྒལ་ལམ་གྱི་རྩལ་ཤྣལྱྭོགས་ནསཿ མ་པང་བུ་འཇུག་ལྟ་བུར་གྲོལ་བར་ཤོགཿ གསང་ཆེན་འོད་གསལ་ཐེག་པ་མཆོག་གི་རྩེཿ སངས་རྒྱས་གཞན་ནས་མི་འཚོལ་ཆོས་སྐུའི་ཞལཿ མངོན་གྱུར་གདོད་མའི་ས་ལ་མ་གྲོལ་ནཿ མ་བསྒོམ་སངས་རྒྱས་ཆོས་ལྔའི་ལམ་མཆོག་ལཿ བརྟེན་ནས་རང་བཞིན་སྤྲུལ་པའི་ཞིང་ལྔ་དང་ཿ ཁྱད་པར་པདྨ་འོད་ཀྱི་ཕོ་བྲང་དུཿ རིག་འཛིན་རྒྱ་མཚོའི་གཙོ་མཆོག་ཨོ་རྒྱན་རྗེསཿ གསང་ཆེན་ཆོས་ཀྱི་དགའ་སྟོན་འགྱེད་པའི་སརཿ སྲས་ཀྱི་ཐུ་བོར་སྐྱེས་ནས་དབུགས་དབྱུང་སྟེཿ མཐའ་ཡས་འགྲོ་བའི་ཉེར་འཚོར་བདག་འགྱུར་ཤོགཿ རིག་འཛིན་རྒྱལ་བ་རྒྱ་མཚོའི་བྱིན་རླབས་དང་ཿ ཆོས་དབྱིངས་བསམ་མི་ཁྱབ་པའི་བདེན་པ་ཡིསཿ དལ་འབྱོར་རྟེན་ལ་རྫོགས་སྨིན་སྦྱངས་གསུམ་གྱིསཿ རྟེན་འབྲེལ་མངོན་གྱུར་སངས་རྒྱས་ཐོབ་པར་ཤོགཿ ཅེས་ཁ་ཞེ་མེད་པར་གསོལ་བ་སྙིང་ནས་གདབ་བོ། །དགུ་པ་དབང་བཞིའི་བླང་བ་ནི། གུ་རུའི་སྨིན་མཚམས་ནས་ༀ་ཡིག་ཆུ་ཤེལ་ལྟར་འཚེར་བ་ལས་འོད་ཟེར་འཕྲོས། །རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩ་ཡི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུར། །རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུདལ་བཞག །མེ་ཏོག་ལ་ནས་ཨ་ལྷུ་ཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། །རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་ཐོབ། བཟླས་བརྗོད་ཀྱི་སྣོད་དུ་གྱུར། །ཚེ་དབང་རིག་འཛིན་གྱི་ས་བོན་ཐེབས། ལོངས་སྤྱོད་རྫོགས་སྐུའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལིའི་སྣོད་དུ་གྱུར། །ཕྱག་རྒྱའི་རིག་འཛིན་ཀྱི་ས་བོན་ཐེབས། །ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཡང་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་ཆད། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གི་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། །ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ །དེ་ལྟར་འདོན་སྒོམ་ཟུང་དུ་འཇུག་པས་ལམ་དབང་བླངས་མཐར། སླར་ཡང་བླ་མའི་ཐུགས་ཀ་ནས་འོད་ཟེར་དམར་པོ་དྲོད་དང་བཅས་པ་ཞིག་ཝལ་གྱིས་བྱུང་བ་བདག་ཉིད་རྡོ་རྗེ་རྣལ་འབྱོར་མར་གསལ་བའི་སྙིང་གར་རེག་པ་ཙམ་གྱིས་འོད་དམར་གྱི་གོང་བུ་ཞིག་ཏུ་གྱུར་ནས་གུ་རུ་རིན་པོ་ཆེའི་ཐུགས་ཀར་ཐིམ་པས་དབྱེར་མེད་རོ་གཅིག་ཏུ་གྱུར་པར་བསྒོམས་ཤིང་ད མིགས་བསམ་བརྗོད་པ་དང་བྲལ་བའི་ངང་དུ་མཉམ་པར་བཞག་གོ། །དེ་ལས་ལངས་ནས། དཔལ་ལྡན་རྩ་བའི་བླ་མ་རིན་པོ་ཆེ། བདག་གི་སྙིང་གར་པདྨའི་གདན་བཞུགས་ལ། བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། སྐུ་གསུང་ཐུགས་ཀྱི་དངོས་གྲུབ་སྩལ་ཏུ་གསོལ། དཔལ་ལྡན་བླ་མའི་རྣམ་པར་ཐར་པ་ལ། སྐད་ཅིག་ཙམ་ཡང་ལོག་ལྟ་མི་སྐྱེ་ཞིང་། ཅི་མཛད་ལེགས་པར་མཐོང་བའི་མོས་གསལ་ཀྱིས། བླ་མའི་བྱིན་རླབས་སེམས་ལ་འཇུག་པར་ཤོག །སྐྱེ་བ་ཀུན་ཏུ་ཡང་དག་བླ་མ་དང་། འབྲལ་མེད་ཆོས་ཀྱི་དཔལ་ལ་ལོངས་སྤྱོད་ནས། ས་དང་ལམ་གྱི་ཡོན་ཏན་རབ་རྫོགས་ནས། རྡོ་རྗེ་འཆང་གི་གོ་འཕང་མྱུར་ཐོབ་ཤོག །བཅུ་པ་བསྔོ་བ་ནི། །དགེ་བ་འདི་ཡིིས་སྐྱེ་བོ་ཀུན། བསོད་ནམས་ཡེ་ཤེས་ཚོགས་རྫོགས་ཤིང་། བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །འགྲོ་ཀུན་དགེ་བ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དག །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ཀྱང་ཀུན་ནས་བཟང་པོར་རེག་གྱུར་ཅིག །འཇམ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་བསྔོ། །དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་སྟེེ། །བདག་གི་དགེ་བའི་རྩ་བ་འདི་ཀུན་ཀྱང་། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། བཅུ་གཅིག་པ་སྨོན་ལམ་ཁྱད་པར་བ་ནི། །གང་དུ་སྐྱེས་པའི་སྐྱེ་བ་ཐམས་ཅད་དུ། །མཐོ་རིས་ཡོན་ཏན་བདུན་ལྡན་ཐོབ་པར་ཤོག །སྐྱེས་མ་ཐག་ཏུ་ཆོས་དང་འཕྲད་གྱུར་ཅིང་། །ཚུལ་བཞིན་སྒྲུབ་པའི་རང་དབང་ཡོད་པར་ཤོག །དེར་ཡང་བླ་མ་དམ་པ་མཉེས་བྱེད་ཅིང་། ཉིན་དང་མཚན་དུ་ཆོས་ལ་སྤྱོད་པར་ཤོག །ཆོས་རྟོགས་ནས་ནི་སྙིང་པོའི་དོན་བསྒྲུབས་ཏེ། ཚེ་དེར་སྲིད་པའི་རྒྱ་མཚོ་བརྒལ་བར་ཤོག །སྲིད་པར་དམ་པའི་ཆོས་རབ་སྟོན་བྱེད་ཅིང་། །གཞན་ཕན་བསྒྲུབ་ལ་སྐྱོ་ངལ་མེད་པར་ཤོག །རླབས་ཆེན་གཞན་དོན་ཕྱོགས་རིས་མེད་པ་ཡིས། །ཐམས་ཅད་ཕྱམ་གཅིག་སངས་རྒྱས་ཐོབ་པར་ཤོག །ཅེས་རྫོགས་པ་ཆེན་པོ་ཀློང་ཆེན་སྙིང་ཐིག་གི་སྔོན་འགྲོའི་ངག་འདོན་ཁྲིགས་སུ་བསྡེབས་པ་རྣམ་མཁྱེན་ལམ་བཟང་འདི་ཉིད་རིག་འཛིན་འཇིགས་མེད་གླིང་པ་སོགས་དམ་པ་དུ་མའི་བཀའ་དྲིན་གྱིས་བསྐྱངས་ཤིང་དམ་ཚིག་ལ་མོས་པ་ཐོབ་པའི་སྔགས་བཙུན་འཇིགས་མེད་ཕྲིན་ལས་འོད་ཟེར་གྱིས་བྲིས་པའི་དགེ་བས་རྗེས་འཇུག་རྣམས་ཀྱིས་བླ་མ་སངས་རྒྱས་དངོས་སུ་མཐོང་འབྲས་ཀྱིས་རང་རིག་ཀུན་ཏུ་བཟང་པོའི་རང་ཞལ་མངོན་དུ་གྱུར་ནས་འགྲོ་ཁམས་རྒྱ་མཚོ་ལ་ཕན་པ་རྒྱུན་ཆད་མེད་པའི་རྒྱུར་གྱུར་ཅིག །སརྦ་མངྒ་ལཾ།།

ༀ་བཛྲ་ས་ཏྭོ་ས་མ་ས་མ་ཡ་མ་ནུ་པཱ་ཡ་ལ་བཛྲ་ས་ཏྭ་ཏྭེ་ནོ་བ་ཏིཥ་ཋ་ཌྷི་བྷ་ཝ་སུ་ཏྭོ་ཥྱོ་མེ་བྷ་ཝ་སུ་ཥྱོ་མེ་བྷ་ལ་ཨ་ནུ་རག་ད་མེ་གསར་བསིད་དྷི་མེ་པྲ་ཡ་ཨ་ཚ་སར་བ་ཀར་མ་སུ་ཙ་མེ་ཅི་ད་ཏི་ཤྲེ་ཡ་ཀུ་རུ་ཧཱུ་ཧེ་ཧ་ཧ་ཧ་ཧོ་བྷ་གོ་ལཱ་ན་སར་ཁ་ཏ་ཐཱ་ག་ཏ་བ་ཛྲ་མཱུ་མེ་མུན་ཁ།

གནས་མཆོག་ཁམས་ཀྱི་ཚ་རི་ཏྲ་རལ་གྲི་དེ་རྫོང་རྫོགས་ཆེན་གྱི་བཀོད་པ་གསལ་བར་བྱེད་པ་དྲི་བྲལ་བཻཌཱུཪྻའི་མེ་ལོང་།

༄༅། །གནས་མཆོག་ཁམས་ཀྱི་ཚ་རི་ཏྲ་རལ་གྲི་དེ་རྫོང་རྫོགས་ཆེན་གྱི་བཀོད་པ་གསལ་བར་བྱེད་པ་དྲི་བྲལ་བཻཌཱུཪྻའི་མེ་ལོང་བཞུགས་སོ། །

ༀ་ཨཱཿཧཱུྃ། ༀ་ཧཱུྃ་ཧྲཾ་ཧྲཱི་པརྦ་སིདྷི་ཕ་ལ་ཧཱུྃ། གདོད་ནས་སྤྲོས་ཀུན་ཉེར་ཞི་ལྟ་ལ་ཇི་བཞིན་མཐའ་དབུས་ཡངས་སྤངས་དངོས་མཚན་འཛིན་པ་བྲལ། །བྲལ་ཡང་ཆགས་སྡང་ལས་འདས་སྲིད་དང་ཞི་བའི་འཆར་གཞི་བསམ་གྱིས་མི་ཁྱབ་སྤྱོད་ཡུལ་མཆོག །མཆོག་ཏུ་མི་འགྱུར་ཐབས་དང་རྣམ་ཀུན་མཆོག་ལྡན་ཤེས་རབ་འདུ་འབྲལ་མེད་པའི་བདག་ཉིད་གང་། །གང་ཡང་དམིགས་སུ་མེད་ཀྱང་འཁོར་འདས་གཉིས་ཀའི་བདག་ཉིད་ཀུན་བཟང་ཡབ་ཡུམ་ལ་ཕྱག་འཚལ། །དེ་ཡི་མདངས་ལས་རང་བྱུང་ལྷུན་གྲུབ་ལོངས་སྐུ་རིགས་ལྔ་དང་། །དེ་ཉིད་འདུལ་ཕྱིར་སྣང་བ་རང་བཞིན་སྤྲུལ་སྐུ་གཙོ་དང་འཁོར། །རིགས་དྲུག་འགྲོ་བ་འདུལ་བྱེད་རང་རང་རིགས་བདག་ཐུབ་པ་དྲུག །གཞན་ཡང་གང་ལ་གང་ཕན་དེ་ལ་དེར་སྣང་ལྷ་ལ་འདུད། །ཚུར་མཐོང་མིག་མཚོར་སྣང་བའི་འབྱུང་ཆེར་ལྔ། །ཡེ་ནས་ཡུམ་ལྔའི་ངོ་བོར་ལྷུན་གྲུབ་ཀྱང་། །མ་དག་སྣང་བར་ཐ་མལ་རང་རྒྱུད་གཟུགས། །དག་སྣང་ལྡན་པའི་མིག་སྔར་དེ་ལྟར་ཡིན། །དེ་ཕྱིར་གནས་འདིའི་རྟེན་དང་བརྟེན་པར་བཅས། །གཟའ་སྐར་རྒྱ་མཚོར་སྣང་བཞིན་དཀར་ཆག་གཞུང་། །དྲི་བྲལ་བཻཌཱུཪྻའི་མེ་ལོང་འདིར། །སྒྲིབ་མེད་མངོན་སུམ་ངོམ་དེར་གཟིགས་དང་ཀྱེ། །ཞེས་མཆོད་པར་བརྗོད་པ་དང་རྩོམ་པར་དམ་བཅའ་བའི་ཚིག་ཅུང་ཟད་སྔོན་དུ་བཏང་ནས། གཏམ་ཡིན་འགོད་པའི་ཐོག་མར་འཁོར་འདས་གཉིས་རྒྱབ་གྱེས་ཚུལ་དང་། འཁོར་བར་ཕན་ཕྱིར་སྐུ་གསུམ་རྒྱལ་བའི་མཛད་པ་མཐའ་མ་བགག་པའི་ཚུལ་བསྟན་པ་སོགས་དད་ལྡན་རྣམས་སྤྲོ་བ་བསྐྱེད་པ་དང་། ལོག་པར་ལྟ་བ་རྣམས་ཡང་དག་གི་ལམ་ལ་འཇུག་ཕྱིར་ལྷག་བསམ་རྣམ་དག་གི་སེམས་ཀྱིས་དག་པའི་སྣང་བར་ཤར་བའི་ཚིག་འདི་སྐད་ཅེས་གླིང་ངོ་། །ཨེ་མ་ཧོ། ངོ་མཚར་རྨད་དུ་བྱུང་བའི་ལྟད་མོ་ལ། །འཁོར་འདས་གཉིས་སུ་མེད་པའི་ཡ་གཞི་ནི། །སུས་ཀྱང་མ་བྱས་སྟོང་ཆེན་ནམ་མཁའ་བཞིན། །གདུལ་བྱ་འདུལ་བྱེད་ཐ་དད་བྲལ་ལ་འདུད། །དེ་ལ་སངས་རྒྱས་དང་ནི་སེམས་ཅན་གཉིས། །གྲོལ་འཁྲུལ་སྔ་ཕྱི་མེད་དེ་འཆི་མེད་ལམ། །གློ་བུར་སྤྲིན་གྱིས་མ་བསྒྲིབ་བསྒྲིག་པའི་ཁྱད། །འདི་རུ་ཉམས་སུ་མྱོང་བའི་ལུགས་བཞིན་འགོད། །ཞི་དང་སྲིད་པ་དགྱེས་ཚུལ་འདི་ལྟ་སྟེ། །ཐོག་མའི་ཡེ་གཞི་སྤྲོས་བྲལ་བརྗོད་མེད་ཀྱང་། །དེ་ལས་ཡིད་ཀྱི་ཤེས་པ་ཕྲ་མོ་ལངས། །དེ་ཉིད་འཁོར་འདས་གཉིས་ཀའི་སྤྱི་གཞི་སྟེ། །ཡིད་ཤེས་གཅིག་པོའི་སྟེང་ནས་གཟུང་འཛིན་གཉིས། །གཉིད་དུས་ཤེས་པས་རྨི་ལམ་བཟུང་བ་བཞིན། །ང་མེད་ང་རུ་བཟུང་བས་ང་བདག་དང་། །གཞན་མེད་གཞན་དུ་བཟུང་བ་ཆོས་བདག་བྱུང་། །དེ་ལ་ཁམས་གསུམ་འགྲོ་བའི་རྟེན་བརྟེན་པ། །རིམ་བཞིན་མཆེད་གཞི་ཤེས་པ་བག་ལ་ཉལ། །ཕྲ་དང་རགས་པའི་ཚུལ་གྱིས་རིགས་དྲུག་འགྲོ། །གཟུགས་ཡིད་གཟུགས་དང་འདོད་ཁམས་ནས་མར་བཟུང་། །ཡས་རིམ་ཇི་བཞིན་འོག་ནས་འོག་ཏུ་མཆེད། །སྐབས་དེར་གཉིད་ལོག་རྨི་ལམ་མ་སད་བཞིན། །འདི་དག་འཁོར་བའི་འཁྲུལ་ཚུལ་མེད་ཙམ་ཡིན། །སངས་རྒྱས་གྲོལ་ཚུལ་ཡིད་ཤེས་ཕྲ་མོ་དེ། །ཤར་བའི་མདོ་ལས་རང་བྱུང་རང་གྲོལ་མཐུས། །ཡིད་ཤེས་ཕྲ་མོ་ཤེལ་འོད་ནང་ཐིམ་ལྟར། །ཐིམ་ལམ་མ་རྨུག་གཞོན་ནུ་བུམ་པའི་སྐུ། །སྐབས་དེའི་སྣང་ཆ་ཀུན་དུ་བཟང་པོ་ཡབ། །གཞི་དབྱིངས་བརྗོད་བྲལ་ཀུན་ཏུ་བཟང་མོ་ཡུམ། །གདུལ་བྱ་གདུལ་བྱེད་ལོགས་སུ་མ་གྲུབ་སྟེ། །སྣང་སྟོང་གཙོ་བོ་སྟོངས་གསལ་གཉིས་ཡིན་ཞིང་། །སྣང་བར་མཆེད་གཞི་མ་འགགས་རོལ་རྩལ་དེར། །གཙོ་བོར་མཆོག་དམན་མེད་དེ་དགོང་གློང་གཅིག །བརྗོད་བྲལ་ཨ་ཏི་ཡོ་ཀའི་ཆོས་འཁོར་ཆེ། །སྨིན་གྲོལ་སྟོན་འཁོར་མཉམས་ཉིད་ངང་ནས་ཐོབ། །དེ་དག་ཀུན་དུ་བཟང་པོའི་གྲོལ་ཚུལ་ལག །གོང་དུ་བཤད་པའི་ཡིད་ཤེས་བུམ་སྐུ་རུ། །རྣམ་ཐར་སྒོ་གསུམ་ཚུལ་དུ་བཞུགས་པའི་སྐབས། །྅྅྅འཁྲིལ་ཞིང་སེམས་དཔའ་དང་། སེམས་མ་སོགས་རྡོ་རྗེ་རིགས་ཀྱིས་བསྐོར། དཔལ་ཆེན་རྡོ་རྗེ་གཞོན་ནུ་དང་། སྲས་མཆོག་ལྔ་དང་ཁྲོ་བོ་ཡབ་ཡུམ་བཅུ། །འཁོར་གསུམ་གསོད་དང་ཁྲོ་བོ་སྒོ་མ་བཞི། །བཀའ་ཡི་སྲུང་མ་མཆོག་དམན་བཅུ་གཉིས་གཞུགས། །གཞན་ངོམ་བརྩེགས་དང་རྣམ་འཇོམས་ལ་སོགས་པ། །དཔལ་རྡོ་རྗེ་རིགས་ཀྱི་ཁྲོ་སྐུ་མང་། དེའི་མདུན་རྒྱབ་གཡས་གཡོན་བྲག་ལ་སོགས་ལ། །ལྷ་ཞི་བ་དང་ཁྲོ་བོ་རྡོ་རྗེའི་རིགས། །གཞན་྅ཡང་྅ཕུར་པ་གྲུབ་པའི་རིག་འཛིན་མཆོག །དཔལ་མཚོ་སྐྱེས་དང་བི་མ་སུ་སྟ་སྟེ། །མ་མཁའ་འགྲོ་ཡི་གཙོ་མོ་མཚོ་རྒྱལ་མ། །རྫས་རྡོ་རྗེ་དང་ཕུར་པ་རང་བྱུང་དང་། །གཡུང་དྲུང་རིས་ཆོས་དང་བོན་སྐོར་ཚུལ། །ཨ་ཡིག་སོགས་ཏྲག་སྔགས་བཅུ་བཞི་སོགས། །གཡོན་བསྐོར་གྱི་ཚུལ་དུ་འཐོར་ནས་ཡོད། །གཡོན་ཕྱོགས་ཀྱི་རྟོ་བ་ཕུར་གཟུགས་འདྲེས། །ལོགས་གཅིག་ན་བོན་ཡིག་ཨ་དཀར་ན། །ཨ་རྨད་དང་དུལ་ཏྲི་སུ་ཞེས་དང་། །ནག་པོ་བདེ་ཞི་མལ་མལ་སོགས་ཡོད། །དེར་ཉེ་བའི་བྲི་གུ་ཕག་ཐོང་འདྲ། །ནག་པོ་ལ་དཀར་པོའི་རྒྱ་ཆིངས་བྲིས། །ངོམ་པ་ལ་བོན་གཏེར་ཡོད་པ་ཏྲགས། །ལར་ཀུན་རྟོག་གི་རྟོག་པ་འཁྲུལ་རྟོགས་ཡིན། །དེ་ཉིད་ལ་གང་ཤར་ཡ་མ་བརླ། །རྟོག་བྲལ་ཀྱི་རྟེགས་པ་འཁྲུལ་བ་བྲལ། །རྟོག་ངོ་ན་ཡ་མཚན་ལྟས་མོ་སྣང་། །ཨོ་རྒྱན་གྱི་སློབ་དཔོན་པདྨའི་གཙོས། །རྗེ་འབངས་འཁོར་ཉེར་ལྔར་བཅས་པ་རྣམས། །རི་མོ་དང་འབུར་མའི་ཚུལ་གྱི་ཡོད། །རྫོང་ཆེན་དེར་བརྟེན་པའི་མཚོ་ནག་དལ། །ཨེ་དབྱིངས་སུ་ངོམ་པའི་གཞལ་ཡས་ཁང་། །དུར་ཁྲོད་བརྒྱད་ཀྱི་བཀོད་པ་ཡོངས་རྫོགས་དབུས། །མཁའ་འགྲོ་གཙོ་མོ་རྡོ་རྗེ་ཕམ་མོ་ལ། །ནག་མོ་ཡི་འཁོར་ཚོགས་དུ་མ་དང་། །ཡེ་ཤེས་དང་འཇིག་རྟེན་ཤ་ཟ་སོགས། །འཁོར་འདས་ཀྱི་མཁའ་འགྲོ་བསམ་ཡས་ཚོགས། །ཏིལ་གང་ལ་མར་གྱིས་ཁྱབ་པ་དང་། །དངུལ་རྡོ་ལ་དངུལ་གྱིས་ཁྱབ་པའི་དེས། །ཐ་མལ་གྱི་བློ་ཡིས་ལས་གིའི་ཡུལ། །གང་ཟག་གི་དབང་རིལ་བློ་སྐལ་བཞིན། །སྐུ་གསུམ་གྱི་འཆར་ཚུལ་དུ་མ་ཡོད། །མཆོག་དམན་ཀུན་འཆར་ཚུལ་སོ་སོ་སྟེར། །དབུ་མ་རུ་རླུང་ཁུགས་སྣང་ཤེས་ལ། །སྣ་ཚོགས་ཀྱི་མངོན་རྟོག་དུ་མ་འཆར། །སྤྲ་ཕབ་པའི་སུ་ཏྲ་ནེ་གུ་ཡི། །མིག་སྔ་རུ་ཕན་གནོད་ལྷ་འདྲེ་འཆར། །བདག་རྣལ་འབྱོར་གྱི་རྟོག་མེད་མེ་ལོང་ལ། །གཟུགས་མངོན་སུམ་དང་ལྐོག་གྱུར་གང་ཡང་འཆར། །དོན་དེ་ཕྱིར་ན་གབ་པ་མངོན་སུམ་སྟོན། །དེར་འཕྱང་མོ་ཉུག་གིས་མ་བསླད་པར། །སེམས་རྣམ་གསུམ་དད་པ་སྟོབས་བསྐྱེད་ན། །ཡུལ་དག་པའི་སྣང་བ་ཅིར་ཡང་མཇལ། །དེ་བར་སྐབས་འདིའི་དག་སྣང་བསྐྱེད་པའི་གླུ། །གླུ་དེ་ལ་རྒྱལ་བའི་བྱིན་རླབས་ཆགས། །གསུང་དམར་ནག་རཀྟ་ཞེས་འབོད་པས། །གནས་འདི་ཉིད་པདྨ་མཁའ་འགྲོའི་དག །ལྷ་པདྨ་མཁའ་འགྲོ་གཙོ་དང་འཁོར། །དཔེ་གོང་བཞིན་དུ་བཞུགས་ཤིང་ཁྱད་པར་བ། །ལྷ་དབང་ཕྱུག་དམར་པོ་ཡུམ་དང་བཅས། །མ་དབང་གི་ལྷ་མོ་རིགས་བྱེད་མ། །འཁོར་ལྷ་འདོད་རྒྱལ་དང་ཚོགས་བདག་དམོར་པོ་དང་། དེའི་སྤྲུལ་པ་སྤྲེའུ་དང་བཅས་པ། ཚུལ་འོ་མ་ལ་བར་གྱི་ཁྱབ་བཞིན་གནས། །མི་དད་ལྡན་གྱི་འདྲེན་བྱེད་འཇུག་པའི་ཡུལ། །མཚོར་གནས་པ་དེ་ཚོས་མངོན་རྟོགས་དང་། །གསུང་སྔགས་ཀྱི་རང་བྱུང་ཅིར་ཡང་མངོན། །དེ་ལས་ཡང་ཁྱད་པར་མཁའ་འགྲོ་ཡི། །སྲོག་སྙིང་པོ་ཧ་རི་ནི་པ་བཞི། །ཕྱོགས་བཞི་ན་འབུར་དང་རི་མོའི་ཚུལ། །ཡང་བམ་ཡིག་དང་དགའ་བ་འཁྱིལ་བའི་གཟུགས། །དུས་རྫོགས་ལྡན་གསུམ་ལྡན་གཉིས་ལྡན་དང་། །རྩོད་ལྡན་བཞིའི་རཱ་གའི་མངོན་རྟོགས་གཟུགས། །རི་མོ་དང་འབུགས་མ་རང་བྱུང་ཡོད། །མཛོད་འདིའི་ཆབ་ཀྱིས་འདོད་ལྡན་སྐྱེ་བོ་ལ། །ཁམས་ཞི་བོད་ཡི་དགའ་བདེ་ཅིར་ཡང་སྟེར། །འདིར་ཞིབ་ཉུལ་གྱི་བརྟག་དཔྱད་མ་བཤོལ་ན། །མ་མཁའ་འགྲོ་ཡིས་གསང་བའི་ཆུ་སྐྱེས་ཀྱིས། །རྡུལ་ར་ག་ཡི་མདངས་འཛིན་སི་དྷུ་ར། །ལས་སྐལ་བ་དང་ལྡན་ན་རྙེད་དེ་ངས། །གཞན་མཛོད་དེ་ཡི་ནུབ་འབུར་ལྟའི། །བྲག་དཀར་དམར་གྱི་མདངས་འཛིན་ཉི་བའི་ཆར། །ལྷ་ཆེན་པོ་ཡབ་ཡུམ་གྱི་གསང་སྦུག་གཟུགས། །འབུར་འདོད་ཀྱི་ཚུལ་དུ་རང་བྱུང་བཀྲ། །ལར་དབང་བསྒྱུར་གྱི་དྲ་ཀི་ཕྱག་མཚན་དང་། །རྟགས་མཚན་དང་ས་བོན་མང་དུ་ཡོད། །གནས་མཛད་ཐུགས་དང་གསུང་གི་རྟེན། །ད་ཟླ་ཁུན་གྱིི་བལྡམས་པའི་གཙོ་དཀར་ལ། །བརྟེན་ས་ཡི་སངས་རྒྱས་མཁའ་འགྲོ་མས། །གནས་ཚུལ་དང་མཐུན་པའི་མངོན་རྟོག་ངོམ། །དེར་མཇལ་ཙམ་གྱིས་དད་དམ་དགོང་འཕེལ་བྱོས། །མཛོད་དེའི་དབུས་སུ་སངས་རྒྱས་མཁའ་འགྲོ་མ། །འཁོར་དཀར་མོའི་རིགས་བསམ་ལས་འདས་པས་བསྐོར། །དཔལ་ལྷ་མོ་ཡི་རྗེ་མོ་དུང་སྐྱོང་མ། །འཁོར་ལྷ་མོའི་རིགས་གྲངས་མེད་པའི་བསྐོར། །རྫས་ཀཻ་ལ་ཤའི་མདངས་འཛིན་མགོན་དཀར་རྗེ། །འཁོར་གིང་རུས་ཀྱི་གཟུགས་ཅན་ལ་བཞིན་བཅས། །གཙོ་འཁོར་གཡོག་རྣམས་དཀར་མདུངས་འཛིན་པ་མང་། །མདངས་མཚན་མ་ཡང་གང་འདུལ་རོལ་པའི་གཟུགས། །ལྷ་དེ་རྣམས་ཀྱི་མངོན་ནོག་རང་བྱུང་གཟུགས། །བཞིན་འབུར་དོད་དང་ལ་ལ་རི་མདོ་མོ། །དེའི་འཁོར་འགོ་དང་གཡས་གཡོན་མདུན་རྒྱབ་ན། །སྐུའི་ས་བོན་དང་ལྷ་གཟུགས་ཕྲངས་གསལ་ངོམ། །ལ་གང་འགོ་གཉིས་ཡོད་པའི་གཤམ་དང་སྟོང་། །ཐར་བ་དང་རྣམ་མཁྱེན་ཐེམ་སྐས་ཟེར། །དེའི་གོང་བ་ན་རུས་རྦལ་ཕུག་པའི་སྒོར། །ཕ་དམ་པ་ཡི་མངོན་ནོག་ཇི་བཞིན་དང་། །དེའི་ཉེ་ལོག་ན་སྨ་ར་སེར་པོ་ཡོད། །ཤར་ཕྱོགས་ནས་ནུབ་དུ་ཁ་བལྟན་པའི། །བྲག་མཐིང་མདོག་ལ་རྭ་གའི་མངས་འཛིན་གྱིས། །དཔལ་བཻ་ར་ཡི་སྐུ་བརྙན་ལྔ་རང་བྱུང་དང་། དེའི་ཉེ་ལོགས་སུ་ཀརྨཱ་པཀྴ་ཡི། །སྐུ་རང་བྱུང་གཟུགས་དག་སྣང་ཆེ་ཆུང་བཞིན། །ལས་དག་པ་ཡི་སྣང་ངོར་མོ་བསྒྲིབས་གསལ། །གསུང་ཡིག་དྲུག་དང་འཇམ་དཔལ་ཕྱག་རྡོར་སྔགས། །༈ ཨ་ཀ་ཙ་ཏྲ་ཏ་པ་ཡ་ཤ་ཨ་ཧཾ། དེ་སོགས་ཀྱི་ཡིག་འབྲུ་རྒྱ་ཡིག་དང་། །བོད་ཡིག་སོགས་མ་ངེས་ཚུལ་དུ་ཡོད། །ཡང་ཧ་ཀྵ་མ་ལ་ཝ་ར་ཡཾ༔ བོད་ཡིག་གི་གཟུགས་སུ་མ་བསྒྲིལ་གསལ། །ཚུལ་དེ་ལྟ་བུའི་སྐུ་ུགསུང་ཐུགས་ཀྱི་གནས། །དོན་སྤྱི་མགྲིན་དང་སྙིང་ཀའི་འཁོར་ལོའི་ཚུལ། །འདིར་འཆར་ཚུལ་བཀོད་ལ་ཐེ་ཚོམ་སྤོངས། །གནས་ཙ་རིའི་བཀོད་པ་ཡང་འདི་ལྟར་ཡོད། །གནས་མཚོ་དཀར་གྱི་བརྟེན་ཡུལ་པདྨ་རྫོགས། །འདིར་བཞུགས་པ་ཡི་གཙོ་མཆོག་སྣང་མཐའ་གཡས། །ཡུམ་གོས་དཀར་མོས་འཁྲིལ་ཞིང་དེའི་འཁོར། །དཔལ་པདྨ་ཡི་རིགས་ཀྱིས་སེམས་དཔའ་དང་། །སེམས་མ་ཡི་འཁོར་ཚོགས་དུ་མས་བསྐོར། །ལྷ་དགོངས་འདུས་ཀྱི་དཀྱིལ་འཁོར་དགུརྫོགས་དང་། །དེའི་སྲུང་མ་མཆོག་རོལ་བ་སྐྱ་བདུན་བཅས། །ཆོས་སྐྱོང་བྱེད་ཀྱི་རྒྱལ་པོ་བེ་ཧ་ར། །སྤྱི་དཔོན་གྱི་རྒྱལ་པོ་ཙའུ་དམར། །ཡང་སྤྲུལ་པ་འབར་བ་སྤུན་བདུན་བཞུགས། །དེའི་ལོགས་ཤིག་ན་རྟ་མགྲིན་ཡང་གསང་སྐུ། །འཁོར་རིགས་བཞི་དང་སྒོ་མ་བཞི་བཅས་གསལ། །དེའི་ཉེ་སྐོར་ན་དམར་ནག་བྲག་འཁུག་པ་སྟེའི། ལོགས་ཤིག་ཏུ་བག་རྩེ་མིང་སྟིང་དང་། །བདུད་ནག་དང་དྲང་སྲོང་ལ་སོགས་པའི། །བཀའ་སྲུང་དང་ཆོས་སྲུང་དུ་མས་བསྐོར། །ཧྲཱི་ཡིག་དང་ཧཱུྃ་ཡིག་རང་བྱུང་གཟུགས། །རྟ་མགོ་དང་རལ་གྲི་པདྨ་སོགས། །འབུར་མ་དང་རི་མོ་མ་ངེས་ངོམ། །གནས་རྡོ་རྗེ་རྫོང་གི་དབང་པོའི་ཕྱོགས། །རྫས་འཁོར་ལོ་རྩིབས་སྟོང་བསོར་འདྲེའི་དལ། །དེར་བརྟེན་བཅས་བྷུདྡྷ་རིགས་ཀྱི་གཙོ། །ལྷ་རྣམ་པར་རང་མཛད་ཀུན་ཏུ་ཞལ། །ཡུམ་དབང་ཕྱུག་དམར་འཁྲིལ་ཞིང་བདེ་སྟོང་། །འཁོར་སངས་རྒྱས་རིགས་ཀྱི་ལྷ་ཚོགས་རྣམས། །གོང་ལྟར་དུ་བཞུགས་ཏེ་སྒྱུ་འཕྲུལ་བཞིན། །དེར་སྣ་ཚོགས་མདུངས་འཛིན་བྲག་རི་ལ། །ལྷ་ཞི་གྲོའི་སྣང་བསྙན་དུ་མ་དང་། །རྒྱ་གར་གྱི་གྲུབ་ཆེན་བརྒྱད་ཅུ་ལྔ། །ལྷོ་རྡོ་ཕྱོགས་སུ་ཞལ་གཟིགས་ཚུལ་གྱི་ཡོད། །དེའི་ཉེ་ལོགས་ན་མུ་ལེན་སྙིང་གི་མཚོར། །དཔལ་མགོན་ཆེན་ཚོགས་ཀྱི་བདག་པོ་དང་། །ཡུམ་ལྷ་མོ་བརྟན་མ་ཡབ་ཡུམ་ལ། །འཁོར་མགོན་པོ་ཕོ་རྒྱུད་ཚོགས་རྣམས་དང་། །ཡོངས་མོ་རྒྱུད་ཚོགས་བཅོས་གནས་འདི་ཡི། །འགལ་བཟློག་དང་མཐུན་སྒྲུབ་ཚུལ་དུ་བཞུགས། །གནས་རྡོ་རྗེ་རྫོགས་ཀྱི་ལྷོ་ཕྱོགས་ནས། །རི་ནོར་བུའི་དབྱིབས་ཅན་གཞལ་ཡས་སུ། །དཔལ་རིན་ཆེན་དབྱུང་གནས་རྒྱལ་བ་ལ། །ཡུམ་སངས་རྒྱས་སྤྱན་མས་འཁྱུད་བཞིན་བཞུགས། །འཁོར་རིན་ཆེན་རིགས་ཀྱི་སེམས་དཔའ་དང་། །སེམས་ལ་སོགས་བཞུགས་ཚུལ་གོང་བཞིན་ལ། །འདིར་གཡང་ཅན་ལྷ་མོ་གཏེར་བདག་མོ། །དཔལ་ཆེན་མོ་དང་ནོར་རྒྱུན་ལྷ་མོ་དང་། །དེའི་འཁོར་གྱི་གཡང་སྤེལ་ལྷ་མོ་བརྒྱད། །གནོད་སྦྱིན་ཀྱང་འགྲོགས་གནས་མཆེད་ལྔ་དང་། །རྟ་སྒྲོགས་ཀྱི་ཁྱེའུ་དང་དཀར་པོ་དང་། །ཡེ་ཤེས་གྲག་ལ་སོགས་བཞུགས་ཚུལ་ནི། །ཙན་དན་དང་དེ་ཡི་དྲི་བཞིན་ནོ། །བྱང་རྒྱ་ཁྲམ་རྫོང་གི་བཀོད་པ་ནི། །དཔལ་བཅོམ་ལྡན་དོན་ཡོད་གྲུབ་པ་ལ། །ཡུམ་དམ་ཚིག་སྒྲོལ་མ་ཡིས་འཁྱུད་བཞིན་བཞུགས། འཁོར་ལས་ཀྱི་རིགས་ཀྱི་སེམས་དཔའ་དང་། །སེམས་མ་སོགས་བཞུགས་ཚུལ་སྔོན་བཞིན་ནོ། །བྱེ་བྲག་ཏུ་ཀརྨཱ་ཱཔཀྴ་ཡི། །རྫུ་འཕྲུལ་གྱི་བགོད་པ་འགའ་ཞིག་དང་། །དེ་ཉིད་ཀྱི་ཏིང་ངེ་འཛིན་མཐུས་བསྒྲུན་པའི། །ས་རྡོ་དང་ཆུ་སོགས་བྱིན་ནུས་ལྡན། །པད་འབྱུང་དང་བཻ་རོལ་བྱིན་གནས་ཆབ། །རྡོ་བ་རྣམས་མཆོད་རྟེན་དང་ཕྱག་མཚན་གཉུགས། །སྟོགས་ཆགས་ཀྱི་ལུས་ལ་འཕགས་པའི་ཐུགས། །བཞུགས་པའི་རྟགས་དཔྲོག་ཆགས་མ་ངེས་པའི། །མངོན་རྟོགས་ཀྱང་ཡོད་པའི་གནས་དེ་ལ། །རང་བྱུང་གི་སྒྱུ་འཕྲུལ་མེ་ཏོག་གླིང་། །དེ་དང་རྦ་དང་རྣམ་དྲུག་ནི། །རི་ཀློངས་ཀུན་དངོས་འབུག་པ་མང་། །བྲག་རི་འགར་ཟང་ཐལ་ལམ་ཀྱང་ཡོད། །དུར་ཁྲོད་ཀྱང་རེ་ཆ་དགུ་ལྡན་གཟུགས། །སྣུམ་བསྐུས་ལྟའི་བྲག་རྩི་ཁ་ཡར་ཡོད། །ཁྱད་པར་རྦ་དོང་ལུགས་པ་དང་། །འགོ་མ་དེ་ལྕགས་འགགས་གོང་འགོ་ཟེར། །དེ་གཉིས་སུ་རྣམ་སྣང་ལོ་ཙ་དང་། །པིཀྴ་ཡི་སྒྲུབ་ཕུགས་རྣམ་གསུམ་ཡོད། །ཉི་ཕུག་དང་ཟླ་ཕུག་འོད་གསལ་ཕུག །ཟླ་ཕུག་འདིར་བདེ་མཆོག་གི་དཀྱིལ་འཁོར་ཡོད། །སོ་སོ་རུ་ཉི་ཟླ་དང་འཇའ་མཚོན་གྱི། །རི་མོ་དང་འབུར་མ་གང་ཡང་ཡོད། །དེ་གསུམ་དུ་མ་ཟད་ཕུག་པ་འགར། །ས་ཞགས་དང་ཆུ་ཐིགས་རྡོར་གྱུར་དང་། །པིདྡྷི་རས་དཀར་དམར་རྫས་ཀྱང་ཡོད། །ལར་སོ་སྐྱེ་ཡི་སྐྱེ་བོའི་དག་སྣང་དང་། །མ་དག་པའི་སྣང་ངོར་ལྷ་དང་འདྲེ། །སོ་སོ་རུ་འཆར་དང་ཅི་མི་མཚུངས། །བདག་རྣལ་འབྱོར་གྱི་སྣང་ངོར་རིགས་དྲུག་ཡུལ། །དཔལ་རྒྱལ་བ་རིགས་དྲུག་ཞིང་དུ་གྲུབ། །ཨ་ལ་ལ་དག་སྣང་ཁྱད་པར་འཕགས། །ཨེ་མ་ཧོ་དག་མིན་སེམས་ཅན་གྱི་གནས། །ཐམས་ཅད་ཀུན་མཉམ་ཉིད་རོ་གཅིག་གྱུར། །ཕཊཿ ཐུགས་གསུང་སྐུའི་མཚོན་བཤད་རྫོགས་གྱུར་ནས། །ད་ཡོན་ཏན་ཕྲིན་ལས་ཆུ་གཏེར་གྱི། །གནས་ཚུལ་དང་བཀོད་པ་བཟོད་ལ་གནོ། །གསེར་མདོག་གི་གཡུང་དྲུང་བཀྲ་བའི་མཚོ། །རྒྱུས་ཞེས་སུ་སྒྲགས་པའི་ལུགས་པའི་ཕུས། །གནས་རྒྱ་ཁྲམ་རྫོང་དུ་གྲགས་པའི་ཆར། །རྟེན་གནས་བཅས་ཤིང་གསེར་ཕྱེས་འདྲེན་པའི་དལ། །དེར་བརྟེན་པ་རིན་ཆེན་མཁའ་འགྲོ་མ། །འཁོར་སེར་མོ་འབུམ་གྱི་ཚོགས་དང་བཅས། །ལྷ་འོད་ཟེར་ཅན་མ་གསེར་མདོག་ཅན། །ཆོས་སྐྱོང་བའི་རྒྱལ་པོ་གསེར་གྱི་ལག །བསོད་ནམས་སྟོབས་ཞེས་པའི་རྒྱལ་སྲས་དང་། །དྲི་མེད་ཀུན་ལྡན་ཞེས་རྒྱལ་བའི་སྲས། །སྲོང་བཙན་དང་ཁྲི་སྲོང་ཁྲི་རལ་སོགས། །སྦྱིན་པ་ཡི་སྟོབས་ལྡན་མང་དུ་བཞུགས། །ལྷ་ཀླུ་མིའི་ནོར་བུ་དང་ཟ་མ་ཏོག །ཆོས་ནོར་གྱི་བལྟམས་པའི་གཏེར་སྒྲོམ་མང་། །དེ་ལྷོ་ཕྱོགས་ནོར་བུའི་རྫོང་ཞེས་པའི། །ཟླ་མཚོའི་དཔལ་གྱི་མཚོ་ཡིན་དེ། །ཡང་ཅིག་ནི་གཡུ་མཚོ་ཞེས་འབོད་པའི། །མཚོ་ནག་དང་ཉེ་བའི་བརྟེན་ལྷ་མོ། །གཙོ་མ་དེ་ལས་ཀྱི་མཁའ་འགྲོ་མ། །ལྗང་མོ་ཡི་འཁོར་ཚོགས་དུ་མ་དང་། །བདེ་སྐྱོང་གི་བརྟན་མ་བཅུ་གཉིས་སོ། །ཡང་གཡོག་དང་བྲན་ཁོལ་དུ་མ་དང་། །གཡུ་སྒྲོན་མཆེད་དུ་ལྔ་རིག་འཛིན་མ། །ཡང་འཁོར་གྱི་སྨན་མོ་དུ་མ་བཅས། །ཕན་ཚུན་དང་མདུན་རྒྱབ་བྲག་ལོགས་སུ། །བསྟན་མ་དང་གཡུ་སྒྲོན་རང་བྱུང་ཡོད། །དབྱངས་ཡིག་དང་གསལ་བྱེད་རང་བྱུང་དང་། །རྟེན་འབྲེལ་གྱི་སྙིང་པོ་རང་བྱུང་གཟུགས། །མཚོ་མཐའ་སོགས་ཀུན་སྣ་འཆོལ་བར་ཡོད། །སིནྡྷུ་ར་དཀར་དམར་རྫས་ཡོད་ཀྱང་། །བསྐལ་དང་དད་དམ་ལྡན་མིན་གྱིས། །རྗེས་འཁོར་ལོ་དང་ནོར་བུའི་རྫོང་གཉིས་པར། །སྨན་རྫོང་ཞེས་གྲགས་པའི་རི་ཡི་དབྱིབས། །བཻཌཱུ་ཪྱའི་ལྷུང་བཟེད་གནམ་བསྟན་ལྟའི། །རི་བོ་ལ་སྨན་བླ་བདེ་གཤེགས་བརྒྱད། །ཙ་ར་ཀ་ཧབ་པོ་སྐྱེས་ལ་སོགས། །འགྲོ་བ་ཡི་སྲོག་སྐྱོབ་སྨན་གྱི་ལྷ། །དུ་མ་ཞིག་བཞུགས་དང་ཨ་རུ་རའི། །དབྱིབས་ཅན་གྱི་རི་ལ་སྨན་གཏེར་ཡོད། །གང་དེའི་ཉེ་སྐོར་བ་ཏཿཡིག་གཟུགས། །མངོན་པ་དེ་སྒྲོལ་མ་དཀར་ལྗང་སོགས། །འཇིགས་པ་ལས་སྐྱོབ་བྱེད་ལྷ་ཚོགས་བཞུགས། །དེའི་ཉེ་སྒོར་རྗེ་བཙུན་སྒྲོལ་མ་ཡི། །བླ་མཚོ་ལ་རྟེན་མཚོ་ཆུང་ངུ་ཡོད། །དེ་ནའང་སྒྲོལ་མ་དཀར་དམར་ལྗང་། །ཡེ་ཤེས་དང་འཇིག་རྟེན་ཚུལ་གྱི་ཡོད། །མཚོ་དེའི་ཕྱོགས་བཞི་མ་ངེས་ཡོད། །ལ་བཞི་པོ་བགྲོད་པོ་འབྲས་བུ་ཡང་། །ལས་བཞི་པོར་འགྲུབ་ཅེས་རྒྱལ་བའི་བཀའ། །ལ་འགྲོ་མཛད་བར་རྒྱུ་མའི་འཕྲུལ་པའི་གཟུགས། །རྡོ་མཁན་གནས་དང་ཆུ་ལ་མེ་འབར་དང་། །མ་མཁའ་འགྲོ་ཡི་བྲོ་བརྡུང་བཤུལ་ལམ་རིས། །དེའི་བྱང་ཕྱོགས་ཚོད་ཞོང་བྷནྡྷའི་སྐྱོགས། །ཟུང་འབྲེལ་དུ་ཕོ་པའི་གཡོན་གྱི་ཆར། །ལ་པོ་རུ་སྔག་ཆེན་བྷི་མ་ལ། །གཡས་ལོགས་སུ་ཟ་མ་ཏོག་བཅས་ཡོད། །ལྷོ་ནོར་བུ་དང་ནུབ་ཕྱོགས་པདྨ་རྫོང་། །དེའི་བར་མཚམས་ན་འཇིག་རྟེན་རྨིགས་པའི་རྫོང་། །གནས་དེ་ཀ་རུ་ཙ་རུ་མུ་ཁ་དང་། །མདུན་དྲང་པོ་ན་དབྱངས་ཅན་ལྷ་མོ་བཞུགས། །དེའི་འཁོར་དུ་ནི་གཡང་སྤེལ་བ། །འདས་མ་འདས་ཀྱི་ལྷ་ཚོགས་གྲངས་དེ་བཞུགས། །དེའི་གཡས་གཡོན་དང་མདུན་རྒྱབ་བྲག་ལོགས་ལ། །ལྷ་ཞི་ཁྲོའི་སྐུ་འབུར་དང་རི་མོ་དང་། །དབྱངས་བཅུག་གསལ་བྱེད་གསུམ་ཅུ་པོ། །ཐོད་རྒལ་དུ་འཚོལ་བའི་ཚུལ་གྱིས་ཡོད། །གནས་པདྨ་དང་རྒྱ་ཁྲམ་མཚམས་ཤེད་ན། །ཡུམ་རྫང་སྤང་དང་ནག་ལྗོངས་ན་བ་འཆོལ། །དེ་སོ་སོ་རྒྱུ་མི་དབྱེ་དཔལ་སྤུངས་རྫོང་། །དེར་གླིང་རྗེ་རྒྱལ་པོ་གེ་སར་དང་། །གླིང་དཔའ་ཐེས་སུམ་ཅུ་ཁྱད་པར་དུ། །སྟོང་འབི་བ་རྒྱ་ཚ་ཞལ་དཀར་དེ། །དམག་དཔོན་གྱིས་ཚུལ་བཟང་ངེས་པར་བཞུགས། །ཤར་ཙཀྲ་ཡི་རྫོང་དང་བྱང་རྫོང་མཚམས། །དཔལ་ཁྱུང་ཆེན་གྱི་རྫོང་ཞེས་འཇིགས་པ་ཅན། །དེར་ཐང་རིགས་ལྔའི་གདུལ་རྒྱ་ཀླུན་བཅས། །མཚོ་རྒྱལ་ཀྱིལ་དང་ཆུ་མིག་དཀར་དམར་ནག །གནས་བཅས་པའི་གཟུགས་གདུལ་བྱ་འདུལ་བྱེད་ཀྱི། །ལྷ་བྱ་ཁྱུང་གི་སྤྲུལ་དང་ཡང་སྤྲུལ་གཟུགས། །དཔེ་མཁའ་ལྡིང་ཚོགས་གཟེན་ལ་རྔམ་ལྟར་བཞུགས། །གཞན་མཐའ་སྒོར་གྱི་རྫོང གི་གནས་ཚུལ་ཡང་། །བདུད་རི་ནག་སྤུངས་པ་གཙོ་དང་འཁོར། །རྫ་པོག་སོ་འཁྲོས་བསྟར་གནས་བཅས་ཤིང་། །དེའི་རྟེན་མཚོ་ལྕགས་སྡིག་ནག་པོ་ཡི། །མགོ་བརྒྱད་སོ་མཚམས་བརྒྱད་ལ་བལྟ་ཞིང་། །རྩ་བ་ཡི་མགོ་བོ་རྭ་གཉིས་བར། །སྟེགས་ཆགས་གཟུར་ཟ་བའི་བརྡུ་ུགས་ངོམ། །གནས་དེ་ནས་གཟུང་སྟེ་འཆོལ་ཚུལ་གྱིས། །ལྷ་དབང་དང་ཀླུ་དབང་ལྷ་མིན་དབང་། །མིའམ་ཅི་རྟ་མགོ་ཅན་དང་ནི། །གནོད་སྦྱིན་དང་མཁའ་རྟིང་གསེར་མིག་འཁྱིལ། །འཇིག་རྟེན་གྱི་མགོན་པོ་གཙོ་དང་འཁོར། །ཟུར་ཕུད་ལྔ་པ་ཏྲི་ཟའི་གཙོ། །ངེས་མེད་དུ་བཞུགས་ལ་ནང་གསང་གི །སྤྲུལ་འཁོར་དང་ཕོ་ཉའི་ཚོགས་ཀྱིས་བསྐོར། །དེ་འདུལ་བྱེད་ཀྱི་གཙོ་མཆོག་གསང་བའི་བདག །དབུ་དགུ་དང་བཅོ་བརྒྱད་ཕྱག་གི་གྲངས། །གཡས་པ་དགུས་གནམ་ལྕགས་རྡོ་རྗེ་དགུ། །གཡོན་པ་དགུས་ཀླུ་ཡི་གཙོ་བོ་དགུ། །དུག་སྦྲུལ་གྱི་རྣམ་པར་ཞལ་དུ་གསོལ། །ཞབས་བརྒྱད་ཀྱིས་ཕྱི་ནང་གསང་བ་དང་། །མཆོག་དང་ནི་སྤྲུལ་པ་ཡང་སྤྲུལ་བརྗིས། །དེ་གང་ཞེས་ན་ཕྱི་ནང་གསང་བའི་རྩལ། །ཕྱི་ལྟར་ན་སྐུ་བླ་གཉན་རྩེ་དང་། །ནང་ལྟར་ན་དགེ་བརྙེན་བདུད་འཇོམས་རྩལ། །གསང་བ་ནི་ཕྱག་རྟོར་སྲིད་ཞིའི་མགོན། །ཞི་ཁྲོ་ཡི་དཀྱིལ་འཁོར་རྫོང་བཞིན་བཞུགས། །ཡང་གསང་ལྟར་འོག་མིན་ཆོས་དབྱིངས་ད ལ། །དབྱིངས་སྣང་གི་ལོངས་སྐུ་གཙོ་འཁོར་དང་། །སྣང་སྟོང་དང་གསལ་སྟོང་ཚུལ་གྱི་བཞུགས། །དེ་གཙོ་བོ་རུ་བཞུགས་པའི་མདུན་ངོས་ན། །ཡུམ་ངང་རྒྱལ་མོ་སྨན་བཙུན་ཁྲོས་པའི་གཟུགས། །འཁོར་འགར་བ་ཡི་ཚུལ་འཛིན་དུ་མ་དང་། །ཡང་རྨན་མོ་དང་མི་མོའི་ཚུལ་འཛིན་པའི། །ལྷ་འདྲེ་གཉིས་ཀྱི་བར་མཚམས་འཛིན་པ་མང་། །དེའི་མར་གཤམ་གྱི་འོག་གི་སྤང་ལྗོངས་སྤོར། །ལྷ་ཆེན་པོ་ཡི་བཞུགས་གནས་སྤོམ་ར་ཞེས། རི་ཅི་རྟའི་རྩེ་དགུང་དུ་བསྟན་པ་ལྟའི། །མཐའ་འཁོར་ཡུག་དུ་ལྟ་ཕྲན་དུ་མས་བསྒོར། །ཡུམ་དང་རྒྱལ་མའི་བཞུགས་གཡས་ལུང་པའི་ཕུའི། །རྫ་ཤ་བ་ཡི་གཟུགས་ཅན་མཚོ་ཆུང་བཅས། །དེར་བརྟེན་བཅས་པའི་ལྷ་མིན་གཙོ་བོ་ལ། །འཁོར་རང་འདྲ་བའི་ཟོ་དོར་དུ་མས་བསྐོར། །ཡང་ལུངས་དེའི་ཉིན་ངོར་རྫ་དང་བྲག །མདོག་དཀར་དམར་ནག་འདྲེས་པའི་མངོན་རྟོགས་ནི། །དབྱིབས་གློ་བོའི་གཟུགས་གྱུར་གང་དེ་ལ། །རྟེན་བཅས་པའི་མཁའ་ལྟེང་གསེར་མིག་འཁྱིལ། །དེར་གནས་ནས་ཟོ་དོར་འདབ་བཟང་རིངས། །གཟུགས་འཇིག་རྟེན་པར་བསྒྱུར་ཡང་ཡེ་ཤེས་འཕྲུལ། །ཡུལ་ཤོས་ཞེས་དང་ཁྱུག་ལུང་གི་ཆར། །རྫ་བྲག་སྤངས་དང་ནག་ལྗོངས་ན་བ་ཡི། །རྫོང་ཕལ་ཆེར་གྱི་བདག་པོ་དྲི་ཟ་དང་། །མི་མིན་གྱི་གཙོ་བོ་འཁོར་གཡོན་བཅས། །དེ་ཀུན་ཀྱང་ཐ་མལ་མ་ཡིན་དེ། །དཔལ་བཛྲ་པཎིའི་ཟློས་པའི་གར། །ཆབ་དཀར་མོ་ཀྱུ་ཐུག་དུང་ལུག་ཅན། །མཛོད་རྒྱལ་མ་དང་ཁྱུག་དཔལ་མཛད་དང་། །ཤོས་སྟོད་ཀྱི་ཞོ་མཛོད་མཚེའུ་བཅས། །དེ་ཀུན་གྱི་བདག་པོ་ཀླུ་གནོད་དང་། །འཁོར་ཀླུ་རིགས་བཅས་མི་ལ་ཕན་གནོད་ངོམ། །ཚུལ་དེ་ནུའི་དཀྱིལ་དང་འཁོར་གྱུར་པའི། །སྐུ་གསུམ་གྱི་རྒྱལ་བ་སྲས་བཅས་ནས། །མཐའ་བསྐོར་གྱི་སྟེ་བརྒྱད་སྤྲུལ་པར་བཅས། །མི་མ་ཡིན་ཕྲ་རག་དུ་མས་བསྐོར། །གཟའ་སྐར་གཟུགས་རྒྱ་མཚོར་སྣང་བཞིན་ནོ། །དེ་ལས་ཀྱང་ཅུང་ཟད་དབྱེ་ཡིས་ཉོན། །ཤར་འཁོར་ལོ་རྫོང་གི་ཕུ་ཞིག་ན། །བྲག་དམག་དཔོན་ཁྲབ་གྱོན་འགྱེང་འདྲ་བར། །དཔལ་པདྨ་རྒྱལ་པོའི་བྱིན་རླབས་གནས། །རྗེ་བཻ་རོས་བསྐལ་པ་སྐད་ཅིག་དུ། །ཡོངས་བསྒྱུར་ནས་བཞུགས་པའི་ཕུག་ཅེས་ཟེར། །ལྷོ་ནོར་བུའི་རྫོང་གི་བྱང་བར་མཚམས། །རྡོ་ཕ་འོང་རྒོ་པོ་བྱིན་བབས་ལྟའི། །སྒོས་ཞུ་བཏུང་འདྲ་བའི་ཕུགས་པ་རུ། །ལྷ་དྲང་སྲང་ཧྲི་མེད་འོད་ཟེར་དང་། །རྫངས་དཔལ་གྱི་སེང་གེ་རང་བྱུང་ཡོད། །དབུ་རྡོ་རྗེ་རྫོང་ཞེས་གྲོགས་པ་ན། །མདུན་ཚོགས་རྫས་བསྟར་འདྲའི་ཕ་བོང་གོང་། །བྲག་དབྱིབས་ནི་གླིང་ངན་ཉལ་འདྲ་བ། །སྒོ་ཁྲོ་ཞལ་གདངས་ལྟའི་ག་པ་རུ། །རྗེ་དམ་པ་སངས་རྒྱས་བཞུགས་པའི་གནས། །དེ་མི་འགྱུར་རྟགས་སུ་ཐོད་པ་དང་། །རྐང་གླིང་དང་གྲི་གུག་རང་བྱུང་གཟུགས། །བྲག་ལོགས་ན་རྡོ་རྗེ་ཕག་མོ་ཡོད། །དེའི་ཐོག་ན་ཕུགས་གཟུགས་ངོམ་པའི་ཕུག །ཡང་ཕ་བོང་གི་དལ་ལ་ཆ་རྒྱུས་རིས། །བྲིས་པ་ལྟར་གསལ་བའི་ཉེ་ལོགས་ན། །རྣལ་འབྱོར་མའི་སྐུ་དང་མ་གཟའ་དམ། །རྣམ་གསུམ་སོགས་རང་བྱུང་བསམ་ལས་འདས། །ལགས་རྫོང་ཆེན་དང་རྫོང་ཆུང་ཇི་རྙེད་ཀྱིས། །གསུང་གསུམ་གྱི་ས་བོན་སྐུ་དང་གསུང་། །ཐུགས་ཕྱག་མཚན་སོགས་བརྗོད་པའི་མཐར་འདང་ཤིང་། །ས་བཅུ་ལ་གནས་པའི་སེམས་དཔས་ཀྱང་། །ཚུལ་ཇི་བཞིན་བརྗོད་པར་དཀའ་ངེས་ན། །གཞན་སོ་སྐྱེ་ཀྱི་སྤྱོད་ཡུལ་ག་ལ་ཡིན། །འོན་ཀྱང་ནི་དད་དམ་གཙག་མའི་མཚོར། །རྩ་ལྟུང་གི་འདུ་འཕྲོད་སྟོབས་རྒྱས་པས། །དག་སྣང་གི་གཟུགས་བརྙན་བསམ་ཡས་ཀྱང་། །མདོར་དྲིལ་སྣ་གཞི་དབྱངས་ཀྱི་སོར་ཆ་དེ། །དཔལ་ཀུན་ཏུ་བཟང་མོར་དབྱེ་རྒྱུ་མེད། །དེའི་གཞི་སྣང་ལ་བདེ་མཆོག་འགྱུར་མེད་དེ། །ཡབ་ཀུན་ཏུ་བཟང་པོ་ལས་གཞན་ཅི། །དེའི་རྩལ་དུ་ཤར་བའི་རྫོང་ཆེ་ཆུང་། །སྒྲུབ་གནང་དང་ཆུ་མ་དེར་གང་ཇི་སྙེད། །དེ་དག་ཀུན་སྐུ་གསུམ་རྒྱལ་བའི་ཞིང་། །བརྟེན་པའང་གདན་གསུམ་ལྷ་ཡི་དལ། །དབྱིག་འཛིན་ཁམས་སངས་རྒྱས་སྤྱན་མ་དང་། །དལ་འགྲོའི་དབྱིངས་ཡུམ་ཆེན་མ་མ་ཀི །མེ་ཁམས་ཀྱི་ཀློང་ནི་གསོ་དཀར་པོ། །རླུང་ཁམས་ཀྱི་བ་ཨུ་ཡིན་དཔྱོད། །དམ་ཚིག་སྒྲོལ་བ་འཛིན་བྲལ་དམ་པའི་ཆོས། །དེ་དག་གི་གཞི་དབྱིངས་དབྱིག་ཕྱུག་མ་ལ། །འཁོར་འདས་ཀྱི་གཞི་རུ་ལྷུན་གྱིས་གྲུབ། །དོན་དེ་ཕྱིར་ན་གནས་མཆོག་གི་འདི་ཉིད་ལ། །བསྒོར་ཕྱག་སོགས་རྣམ་དཀར་ལས་བགྱིས་པ། །ཁྱན་མ་ལ་བགྱིད་དུ་རྩ་བའི་དགེ། །གང་ཟག་གི་དབང་པོ་སྐལ་བ་དང་། །བློ་རིམ་རྣ་བསྒོམ་སྤྱོད་འབྲས་བཞིའི། །ཁྱད་པར་ཀྱི་དབྱེ་བའི་ཕན་ཡོན་མཐོང་ངོ་། །དེ་ནི་དབྱེ་ཚུལ་འདི་ལྟ་ལྟའི། །ལྡ་བ་ལ་ཡིན་པ་མེད་པ་དང་། །སྒོམ་པ་ལ་མིན་པ་མེད་པ་དང་། །སྤྱོད་པ་ལ་ཚུལ་འཆོས་མེད་ངེས་ཀྱིས། །ལན་གཅིག་ཏུ་བསྐོར་བའི་ཕན་ཡོན་ནི། །གང་ཟག་གི་བློ་ཡིས་གཞན་དུ་མེད། །ལུས་ལྷ་དང་ངག་སྔགས་ཡིད་ཏིང་འཛིན། །བསྐྱེད་རིམ་ལ་རང་གཞན་ཚུད་རྣམས་ཀྱིས། །ལན་གཅིག་པུ་བསྐོར་བའི་བསོད་ནམས་སྟོབས། །ཡི་གེ་དྲུག་དུང་གཅིག་བཏོན་དང་མཉམ། །སྨོན་སེམས་ཀྱི་འགྲོ་དོན་འདུ་ཤེས་དང་། །འཇུག་སེམས་ཀྱིས་པྱག་སྐོར་འདུ་བྱེད་པ། །དེ་འདྲ་ཡིས་བསྐོར་བ་གསུམ་བྱེད་པ། །མ་ཎི་དང་གཏོན་དང་ཁྱད་པར་མེད། །གཞན་དད་གུས་ཀྱིས་ཐར་བ་དོན་གཉེར་ཆེད། །སྡིག་དང་མ་འདྲེས་བསྐོར་བ་དགུ། །གཡས་འགྱུར་ན་ཕན་ཡོན་གོང་དུ་མཉམ། །སེམས་ལུང་མ་བསྟན་དགེ་བློའི་མ་ཟིན་བཞིན། །བསྐོར་ཁྲལ་ལྟའི་དད་གུས་ལྡན་མིན་ཡང་། །བསྐོར་བ་ནི་བཅོ་བརྒྱད་བརྒྱ་ཕྱག་དགུ། །སྔ་མ་དང་ཕན་ཡོན་མཉམ་པར་གྱུར། །གཞན་ནད་ཞི་དང་བསོད་ནམས་རྒྱས་ཕྱིར་དུ། །བསྐོར་བ་ཡི་འབྲས་བུ་དང་དེ་ལྟར་འབྱུང་། །ལོག་ལྟ་ཡི་ངང་ནས་བསྐོར་གྱུར་ཡང་། །ངན་འབྲེལ་གྱི་ཐུགས་རྗེས་བསྐུལ་མར་འགྱུར། །གཞན་བྱ་རིགས་རི་དྭགས་ཆུ་གནས་སོགས། །ས་ཀི་ཙི་དང་བཅས་སྒྲིབ་དག་ནས། །མཐའ་ཅན་གྱི་འགྲོ་བར་གདོན་མི་ཟ། །འདིར་གནས་ཀྱི་སྲོག་ཆགས་བསད་པའི་མི། །ཚེ་འདི་ལ་ཚེ་ཐུང་ནད་མང་ཞིང་། །བསོད་ནམས་དང་བྲལ་ནས་ནོར་གྱིས་དབུལ། །དགྲར་འཕྲད་ཅིང་མུ་གེས་མནར་བ་སོགས། །མི་འདོད་པར་འགྲོགས་ནས་དམྱ་བར་འགྲོ། །དེའི་ཕྱིར་ན་བླང་དོར་གལ་ཆེའོ། །གནས་འདིའི་སྒོ་སྔོན་ནས་རང་ཕྱེས་མོད། །འབྱུང་འགྱུར་ཆར་ལྕགས་ཀྱི་སྲོལ་ལུག་ནས། །གནས་ཀྱི་སྒོ་ངེས་པར་ཕྱེས་ནས་སུ། །འབྲེལ་ཐོགས་ཀུན་ཕན་དང་བདེ་ལ་སྦྱོར། །ཁྱད་པར་དུ་ལྕགས་ཀྱི་རྟ་ལུག་ནས། །བགྲང་བྱ་དྲུག་མ་འདས་ཚུན་ཆད་ནས། །བསྐོར་འབྲས་ཀྱང་རིམ་བཞིན་གོང་འཕེལ་ནས། །ལྟ་སྒོམ་དང་ལྡན་རྣམས་ཟླ་དང་བླལ། །བཟླས་སྒོམ་ལ་གོམ་རྣམས་བརྒྱད་འགྱུར་འཕགས། །གཞན་རྣམས་ཀྱང་དེ་ཡི་འགྲེས་ཀྱིས་གཞལ། །གནས་འདི་ལ་སྐོར་ལམ་རྣམས་པ་གསུམ། །གསང་གསུམ་གྱི་མཚོ་དང་དེའི་རྟེན་མཚོ་རྫོང་། །ཡོན་ཏན་དང་ཕྲིན་ལས་མཚོ་སྐུང་བཅས། །བསྐོར་བ་ལ་རྩེ་སྐོར་དང་དབུས་སྐོར་ཞེས། །ཡང་མཚོ་དཀར་གྱི་བཀྲ་ཤིས་ལ་ཁ་ནས། །ཤོས་སྟོད་ཀྱི་བདེ་ཆེན་ལ་བརྒལ་ཞིང་། །གཞུང་མཐུར་དུ་དེད་ནས་སོང་བའི་མདོ། །འཁོར་བ་ཡི་ལ་མོ་ཆེ་བརྒལ་ཏུ་ཞིང་། །ཁུ་བྱུག་གི་དུར་ཁྲོད་ལ་བརྒྱན་མཐར། །གཉན་རྩེ་ཡི་བཀྲ་ཤིས་འཁྱིམ་ནས་ཡར། །ངང་སྟོད་ཀྱི་ཁུག་པ་ལ་བརྒྱན་འཕྲལ། །ཤུག་འཕྲེད་ནས་རྡོ་རྗེ་རྫོང་ཆུའི་མདོར། །ཕྱིན་པ་ཡི་འཁོར་ཡུག་བར་སྐོར་ཡིན། །མཐའ་སྐོར་ནི་ཤོས་ཆུ་རྡོ་ཆུ་དང་། །འདྲེས་མཚམས་ནས་རྡོ་ཆུ་མཐུར་དེད་དུ། །ཕྱིན་དུ་རྡོ་རྙིའི་ལ་བརྒལ་ནས། །ངང་རྙི་ནས་ངང་ཕུའི་ལ་བརྒན་ཚུལ། །སྔ་མ་དང་མཐུན་པ་ཕྱིའི་མུ་ཁྱུད། །གནས་སྒོ་དེ་གསལ་ཕྱེས་རྟེན་འབྲེལ་ཡང་། །བཟང་ངན་གཉིས་མ་ངེས་ཚུལ་གྱིས་འབྱུང་། །དཔལ་ཨོ་རྒྱན་གྱི་ཐུགས་རྗེའི་འོད་ཟེར་འཕྲུལ། །དུས་སྙིགས་མ་ཡི་འདྲེན་མཆོག་ཨ་བྷྱེ། །བཱི་ས་ཡིས་ཇི་བཞིན་གསལ་མཛད་ནས། །ཀུན་དག་སྣང་དང་དད་མོས་གསལ་པོར་ངོམ། །གནས་མཆོག་དེའི་སྒོ་མོ་འབྱེད་པའི་ལྟས། །སྟོང་ནམ་མཁའ་སྟོང་པའི་དབྱིངས་རིམ་ནས། །སྔ་མ་མངོན་པའི་སྒྲ་དང་གཟུགས་དང་མ་ཐོས་སྒྲ། །འགོ་དབྱིག་འཛིན་བུ་མོས་གར་བསྒྱུར་ཞིང་། །ཤར་མ་ཧཱ་ཙ་ནའི་བྷོ་ཊའི་ཡུལ། །དབུས་གཙང་དང་ཁམས་གསུམ་རི་མོར་འགོད། །ཡུལ་འདིའི་དབལ་མེའི་བྱིས་ཚང་དུ། །གཞན་ཟ་འདོད་སྟེ་འགྲོ་ཞུགས་ལ་ལྟོས། །རྩེ་རྣོ་རྡུལ་གསུམ་རྭ་བར་དུ། །གཞན་ཚ་དྲོད་ཁོལ་མའི་ཁྲོ་ཆུའི་ཞུན། །ཐུག་བྱུང་ན་སྔོན་གྱི་ལུས་སུ་སེམས། །ཚད་ལས་ཐལ་གླང་མོ་དྲེགས་ཤིང་རྒྱགས། །ཆུ་སྲེ་མོ་མ་བུའི་ཚང་བརྟིབས་པས། །སྐྱོན་དྲང་གཟུགས་སྟེང་དུ་ཆས་ལ་བཞིན། །དེ་དཀར་ནག་བསོད་ནམས་གོ་ལྡོག་དོན། །ཡུལ་རྡོ་སྟོད་འཇིགས་བརྒྱད་སེར་བར་དགོས། །རྡོ་སྨད་ཀྱང་ཕུན་སུམ་ཚོགས་འཕྱང་མོ་ཉུག །བྱང་གཞན་གནོད་ཏུ་སྒྲུབ་ཀྱི་གཅན་གཟན་ཁྱུ། །ལྷ་མ་ཧཱ་རྭ་ཛའི་གལ་དུ་འཐོགས། །ས་ཡུལ་འདི་ཡི་མཛའ་མཁོན་བར་མའི་འགྲོ། །ཡོངས་གོ་ལོག་ཚུལ་གྱིས་འཆོལ་སྤྱོད་ངོམ། །གནས་འདི་ལ་དྭང་བ་སྟོན་པའི་མི། །དཔལ་ཡོན་ཏན་ཀུན་ལྡན་བསོ་པ་བཞིན། །མགོན་མཆོག་གསུམ་རྩ་གསུམ་བྱིན་ནུས་མཐུས། །དུས་རྒྱལ་པོ་ལྕགས་ཀྱི་རྟ་ལུག་ནས། །ཡུལ་ཕལ་ཆེར་རྩི་ཤིང་ལོ་ཐོག་རྒྱས། །ཁོང་འཕགས་པའི་སྒྱུ་འཕྲུལ་གཏམ་གྱི་བྲེལ། །མོ་བྲག་གནས་མེར་བསྡུས་དུཿཁས་གདུང་། །ཁྱོད་དྲག་རྒན་དུས་ཀྱི་བསེར་བུས་འདག །སྟོད་སྡེ་བཞིའི་སྤྲིན་དཔུང་དྲི་བཞོན་འཕྲད། །དགེ་མི་དགེར་གྱུར་པས་རྗེ་འབངས་དམན། །ཡུལ་ལྷ་ལྡན་མི་དགའ་དམན་མཆོག་བརྗེས། །ཁོང་དྲེགས་ལྡན་ལ་ལ་སོམ་ཉིས་འདར། །ཡུལ་འགར་འགར་དམན་མཆོག་གོ་པ་འཛོལ། །ལྷ་ཨོ་རྒྱན་སྤྲུལ་པ་མང་དུ་མོ། །བདུད་ཕོ་མོའི་སྤྲུལ་པའང་དེའི་རྗེས་འབྲངས། །གནས་སྐལ་བཟང་གི་རྟེན་ལ་བརྟེན་པའང་དེས། །འདྲེ་བྲག་ལ་གནས་པ་ཐབས་ཀྱིས་འདྲིད། །གདོན་ཕུན་ཚོགས་དབང་རྒྱལ་གྱི་མཁར་ནང་། །མགོན་དགྲར་ལངས་ཀྱི་འཇིགས་ཚོགས་སུ་ཡིས་འགོག །བདུད་རྡོ་རྗེ་དམྱལ་བའི་སྙིང་རྩ་དེ། །ལྷ་སྒོག་པའི་རྡོ་རྗེའི་མཚོན་གྱིས་གཞོལ། །ཡུལ་པདྨ་ཅན་དུ་གནས་གསར་འཇུག །དེར་ལེགས་པོའི་སྒྲ་ཡིས་ཕྱོགས་མཚམས་འུར། །མ་མཁའ་འགྲོ་ཤྲཱི་དྷཱ་ར་རྒྱལ། །གང་བཤེས་ཀུན་དགའ་བདེའི་རྫོགས་ལྡན་མཇལ། །དེ་ལྟར་ཡང་གཟུགས་སྐུའི་དབང་པོའི་མཚོན། །རྟེན་འབྱུང་གི་བདེན་པས་བྱེད་ལས་ཀྱིས། །ཞག་སྟོང་ཕྲག་དང་བརྒྱད་ཅུ་མ་འཁྱོལ་ཙམ། །དབྱིག་ཕྱུངས་སྟོང་པའི་དང་གར་སོང་ཆ་མེད་འགྱུར། །ཁོང་སྦས་པའི་རྣལ་འབྱོར་འཕགས་པའི་མིང་། །ཡུལ་མཐའ་ཁོབ་ཀྱི་མུན་པ་སེལ་སླད་དུ། །རྡོ་ཐལ་བའི་འགོ་ནས་ཐོན་སྲིད་ཚེ། །རྟེན་འབྲེལ་སྣ་ཁ་མ་ལོག་ན། ངན་གྲོགས་དང་གཡང་སའི་གཅོང་རང་འགར། །ཕན་བདེའི་ལེགས་ཚོགས་སྤེལ་ཡང་སྲིད། །གླིང་བདུད་ཇོས་རྡོ་རྗེ་གནས་འདི་རུ། །ལྷ་མཚོ་སྐྱེས་རྡོ་རྗེས་མངགས་བྱུང་ན། །ཡོངས་ཕྱོགས་འདིའི་འགྲོ་ལ་ཕན་བདེ་ངོམ། །ཁོང་གང་ལ་གང་འདུལ་དཔལ་མངའ་ཞིང་། །ཚུལ་མ་ངེས་སྤྱོད་པའི་བསྟན་འགྲོ་གསོ། །མགོན་ཨོ་རྒྱན་མཁན་པོ་བསྟན་འཛིན་མཆོག །མི་གཞན་ལས་འཕགས་པའི་སྐྱེས་མཆོག་དེས། །གནས་འདི་ཡི་བཀོད་པ་གཞན་ལ་འདོམས། །དེར་གཤེ་སྐུར་འདེབ་མཁན་མང་དུ་འབྱུང་། །ཡུལ་འཛམ་བུའི་གླིང་གི་ཐང་ཆེན་ན། །བློ་ཀཱ་ལ་ཙཀྲར་གཞོལ་བ་ཡི། །མང་སུཎྡྷེ་དྷརྨཱའི་སྲོག་ཤིང་ཅན། །ཕྱོགས་རིན་བྲལ་བསྟན་འགྲོར་སྨན་ལགས་ཀྱང་། །དུས་ཡིན་རིང་མ་ཡིན་བདུད་དང་རྩོད། །ཚུལ་དེ་ལས་རྒྱལ་ན་གནས་འདིར་དང་། །དཔལ་ལག་ན་རྡོ་རྗེས་བྱིན་རླབས་པས། །ཁོང་ཀརྨ་དཔའོ་ཧེ་རུ་ཀས། །གནས་འདི་ལ་རྒྱན་གྱིས་བརྒྱན་གྱུར་ན། །ཡུལ་འདི་ཀའི་བདེ་སྐྱེད་བོས་པ་བཞིན། །ལྷ་ཚེ་དཔག་མེད་ཀྱི་དཔལ་བྱིན་པ། །ཁོང་ཆོས་ལ་དབང་ཐོབ་དམ་པ་དང་། །དཔལ་ཛྙཱ་ན་སིདྡྷི་སླར་ཡང་འདིར། །གནས་ཕན་ན་རང་དང་གཞན་ལ་སྨན། །གནས་རྫོང་ཆེན་རྫོང་ཆུང་ཆུ་གཏེར་གྱིས། །རྟེན་འགའ་མ་བརྟེན་བཅས་ཆོས་ནོར་རྫས། །བདུད་ཕོ་མོས་མ་བཀའ་མངོན་བྱུང་ན། །དེས་བསྟན་འགྲོའི་དབུལ་ཕེལ་རྒུད་པའི་རེ་ཞིག་གསོ། མི་བདག་གིས་བདོན་གོས་གཏེར་གྱི་ནོར། །ཡོངས་བསྟན་འགྲོའི་དབུལ་སེལ་མཆིས་པ་དག །ཚེ་ཕྱི་མར་སྨོན་སྣ་ཉིང་གི་བུ། །ཕ་པདྨའི་གདུང་འཛིན་འགྲོ་ཕན་གླིང་། །མིང་དེ་ལྡན་སྔགས་སྤྱོད་སྐྱེས་བུ་ལ། །གཏེར་དངོས་མ་དག་སྣང་གསལ་བའི་ངོར། །ཆོས་ཕྱོགས་རྫོགས་དབུ་མ་ཞི་གཅོད་སོགས། །མཐའ་མ་བཀག་མེ་ལོང་བཞིན་འཕྲད་དེས། །ཚུལ་དཔེ་ནི་བསྟན་འགྲོར་ཕན་བདེ་སྟེར། །གནས་ལྷ་རྩེའི་གུ་རུ་ཀརྨཱའི་མིང་། །ཡང་བིཏྱཱ་དྷཱ་ར་ཆུ་སྐྱེས་དང་། །དཔལ་ཡོན་ཏན་ཀུན་ལྡན་པུཎྡྱེ་གཞན། །ཁྱད་པར་དུ་ག་ག་རཏྣ་ཡིས། །བྱིན་རླབས་ཀྱི་སྤྲུལ་སྐུ་ཤི་ལས་མཚན། །དེ་རྣམས་ཀྱི་གནས་འདིར་དགའ་ཞིང་མཆོད། །ཚུལ་དེ་མཐུས་ཡུལ་འདིའི་ལུགས་ཟུང་དར། །སྐྱབས་རྡོ་རྗེ་ཆོས་ཀྱིས་བྱིན་རླབས་པའི། །མི་རྣམ་གསུམ་བཟོད་པའི་བརྡུགས་ཅན། །ཁོང་འོད་ཟེར་རྡོ་རྗེའི་ཟེར་མདངས་ཀྱིས། །ཡུལ་ཆེ་བཀྲ་འགའ་ལ་ཕན་སྲིད་ཀྱང་། །མི་བདག་དང་འབྲེལ་མིན་རྗེས་སུ་འགྲོ། །གནས་ལྷ་རྩེ་དགོན་གྱི་དེ་ར་ཏུ། །དཔལ་ཨོ་རྒྱན་མཁན་པོའི་བྱིན་ཐའོ་མགོན། །ཆོས་ཡོ་ག་གསུམ་གྱི་ཡེ་ཤེས་ལ། །དབང་བསྒྱུར་དེའི་ཟློས་གར་པདྨའི་གཉེན། །དཔལ་སྙིང་མའི་ཕྲིན་ལས་གསལ་བྱེད་ཉི། །གེགས་དཀར་ནག་སྤྲིན་གྱིས་མ་བསྒྲིབས་ན། །དེས་གནས་དེའི་ཆུ་སྐྱེས་དགའ་བར་བྱེད། །གནས་དེ་རུ་སྔོན་དར་མདོ་རྒྱུ་སེམས། །དཔལ་བཀའ་དགོང་ཕུར་པ་བཀའ་མ་སོགས། །དཀྱིལ་གསར་རྙིང་གི་ཞི་དྲག་སྒྲུབ་མཆོད་རིགས། །ཕྱོགས་རིས་གཅོད་ཀྱིས་བར་ཆོད་མ་ཞུགས་ཡང་། །ལུགས་ཟུང་གི་ལོ་འབྲས་ལེགས་པ་འགའི། །འཁྲུག་རྩོད་ཀྱི་གྲལ་པར་བདལ་ལ་ལྟོས། །དཔལ་ཨོ་རྒྱན་ཆེན་པོའི་རྗེས་འཇུག་པའི། །ཀ་རྫོགས་དང་དཔལ་ཡུལ་བསྟན་འཛིན་རྣམས། །ཐུགས་མཐུན་དང་ཐུགས་བསྐྱེད་སྟོབས་བསྐྱེད་ནང་། །རྙིང་བསྟན་འདི་བླ་ནས་བླ་རུ་འཕགས། །མཁོན་རིགས་ལས་མཆེད་པའི་ས་བསྟན་ཡང་། །རི་མོ་ཡི་འཆད་རྩོད་རྩོམ་པའི་གཟུགས། །ཀར་བསྟན་གྱི་ཉི་འོད་ཤར་རིའི་ཡོད། །གསལ་འགྱུར་ཡང་སྤྲིན་གྱི་མི་བསྒྲིབས་སྨོན། །དྲི་དགེ་བ་སྡོམ་རློམ་ཆོས་ལུགས་ཀྱང་། །ཕྱོགས་ལྷུང་གི་གདོན་གྱི་ཆུ་འཁྱོགས་ཀྱིས། །དགེ་བཅུ་ཡི་ལོ་ཐོག་ལྷག་མེད་དུ། །གཞོམ་སྐྱོན་གྱི་དཔལ་ཡོན་རི་མོའི་ཆབ། །ཞི་གཅོད་ཟུང་འཕེལ་མེད་འཁྲུབ་པའང་མེད། །གནས་འདི་ཡི་ཤར་ནས་ལྷ་ཡིན་གྱི། །སེམས་མི་ལ་ཁྱུགས་འགས་ཀུ་ཅོ་འདོན། །ལྷོར་གནས་པའི་སྤྲ་སྤྲེལ་ཅི་སྦིར་སྒྲས། །ཁོང་ནགས་ཉལ་གཉིད་མགོ་ཕལ་ཆེན་པ། །ནུབ་གངས་ཆེན་ཁུ་བའི་ཆུ་རྒྱུན་སྒྲས། །བདེ་ཆེ་ཆུང་འགྲོགས་པ་ཙི་ནར་གྲགས། །བྱང་གཅན་སྤྱང་སེམས་ལྡན་བྱུར་པོ་ཆེ། །ལས་ནག་པོ་སྟོབས་རྒྱས་རང་ཕུངས་བརྩོན། །ཁོང་བླ་དཔོན་ལ་ལ་ཕྱོགས་ཕྱོགས་རྒྱུ། །ཡུལ་ཀུན་གྱི་བསམ་སྦྱོར་དཀར་ནག་ཁྲ། །སྔོན་མ་དེས་འཕགས་པའི་ཟླ་རུ་ཤེས། །བར་མ་དཔེ་གཞན་གནོད་གཞི་བཅས་སྤྱོད། །ཐ་མ་དཔེ་དཀར་ནག་འདྲེས་མར་བརྩོན། །དེ་ཀུན་ཀྱང་གཟུང་འཛིན་མཐུས་བསྒྲུན་ལས། །ཆོས་བདག་མེད་རྟོགས་ན་རེ་དྭོགས་བྲལ། །དཔལ་ཤུལ་ཁག་རྩེ་མོ་སྲད་བུས་སྦྲེལ། །མཛི་ཀའི་ཡུལ་ཁོལ་སྟོང་ལ་ཉེས། །ཛམྦྷ་ལའི་ཐང་ཡང་ཁྲ་བོར་འགྱུར། །རྒྱལ་རོང་ཁག་གཅིག་སྟོང་གཅིག་གིས་གནོན། །ཇི་ཞིག་ནས་གཞན་གྱིས་འཐེན་ཁྱེར་བྱེད། །པུ་ཝརྣའི་མཆོག་དམན་སྡེ་དགའ་ཡི། །དོན་ཆུང་ལ་ཉེས་ཆེན་བསློངས་ནས་སུ། །ལོག་ལྡོག་ས་ཕུ་བ་གཞན་ཡུལ་སྙེགས། །སྨད་པ་ཡང་སྲིན་བུའི་ཚང་འཐོར་འདྲ། །བར་མ་ཡང་རྡོ་བསྐོས་གཟུགས་བརྙན་བཞིན། །འདུལ་མེད་ཀྱི་ལས་ལ་སྦྱོར་ངེར་ལྟོས། །གེ་འཕན་ཡང་སྣལ་མ་འགོ་བྲོག་ཟླ། །ཧོར་སྡེ་ཁག་སེང་གེའི་ཁོག་པའི་འབུས། །རང་ལུས་ཀྱི་ལྟོ་བ་འབིབས་དང་མཚུངས། །དོན་དེ་ཕྱིར་ན་མཆོག་དམན་བར་གསུམ་གྱི། །མི་སེར་སྐྱ་རྣམས་མཆོག་གསུམ་སྐྱབས་བརྟེན་པ། །ཆོས་དགེ་སྒྲུབ་དང་སྡིག་སྤང་བླང་དོར་རིམ། །ཡང་སྤྱི་དང་ནི་བྱེ་བྲག་ཡུལ་འདི་ཡིས། །སྡེ་མཆོག་དམན་ཀུན་བསམ་པ་སྤྱི་རིལ་གྱིས། །ལྷ་ཨོ་རྒྱན་གྱི་རྣམ་ཐར་གསུང་སྒྲགས་དང་། །ལེའུ་བདུན་མ་དང་བཛྲ་གུ་རུ་སོགས། །གང་མང་དུ་འདོན་དང་བཀའ་ཀླུ་ཡིས། །ཞི་བསྲེག་དང་གཏོར་བཟློག་མདོས་ཟེར་བསྟེགས། །ཉེས་སེལ་དང་རྒྱལ་མཚན་རྩེ་མོའི་གཟུངས། །དར་ཆགས་སུ་བྲིས་པས་གང་མང་འཛུགས། །ཡལ་འདི་ཡི་མངའ་ཞབས་སུ་གཏོགས་རྣམས། །འཆི་ངེས་པ་ཅན་གྱིས་སྲོག་བསྲུ་དང་། །ཚེ་ཐར་དང་ཁྱད་པར་གནས་འདི་ཡི། །སྐོར་ལམ་གྱི་ནང་གནས་རི་དྭགས་དང་། །བྱ་རིགས་དང་ཆུ་གནས་ལ་སོགས་པའི། །སྲོག་ཆགས་རིགས་མི་གསོད་དམ་མནོས་ན། །དེ་མཐུ་ཡིས་མི་ཕྱུག་བདེ་ལྡན་ཞིང་། །ལོ་ལེགས་དང་འབྲུ་འཕེལ་དཔལ་འབྱོར་ལྡན། །འཕྲལ་ཕུག་གཉིས་བདེ་བའི་རྒྱུ་རུ་འགྱུར། །ཚུལ་དེ་ལས་བཟློག་ཅིང་བླང་དོར་གནས། །གོ་ལྡོག་ན་བླ་དཔོན་ཐམས་ཅད་དང་། །ཡུལ་མི་བདེ་ནད་རིམས་པད་སེར་སྡང་། །རྟ་ནོར་དང་ར་ལུག་ཤི་གོད་མང་། །འཕྲལ་ཕུག་གཉིས་མི་བདེའི་རྒྱུ་རུ་གྱུར། །དེ་ཕྱིར་ན་སྤངས་བྱ་ཡོངས་སྤངས་ཤིང་། །བླང་བྱ་རྣམས་ཇི་བཞིན་བསྒྲུབ་གྱུར་ན། །འདི་ཕྱི་གཉིས་དགའ་བདེའི་འབྲས་བཟང་མཐོང་། །ཚུལ་དེ་སྐད་ཅེས་སྨྲ་མཁན་གང་ཞེས་ན། །ཕ་མཁྱེན་བརྩེའི་འོད་ཟེར་རིགས་བདག་ཏུ། །དུས་ནམ་ཡང་མི་འབྲལ་རྣལ་འབྱོར་པ། །དཔལ་བྱང་ཆུབ་རྡོ་རྗེ་ཞེས་འབོད་པའི། །ཉམས་ཤེས་གྱི་གོང་དུར་ཤར་བའི་གླུ། །འདི་ཤར་མར་སྤེལ་བའི་ཡི་གེ་པ། །རང་ཉིད་ཀྱི་སློབ་བུ་དད་དམ་དང་། །ཐོས་བསམ་དང་སྒོམ་གྱི་ནོར་ལྡན་པ། །མིང་འཇིགས་མེད་བསྐལ་པ་བཟང་པོ་ཞེས། །རྗེ་བླ་མའི་ལུང་དུ་བསྟན་པའི་དབུ། །དེས་བྲིས་པའི་དགེ་བས་གནས་འདི་དང་། །འབྲེལ་ཐོགས་རྣམས་འཕྲལ་ཕུག་ཀུན་བདེ་ཤོག །དགེའོ། །དགེའོ། །དགེའོ།། །།

རིག་འཛིན་ཚེ་སྒྲུབ་བདུད་རྩི་བུམ་བཅུད་ཀྱི་ཚེ་དབང་བསྐུར་ཐབས་དོན་གཉིས་ལྷུན་གྲུབ་ཡིད་བཞིན་དབང་གི་རྒྱལ་པོ།

༄༅། །རིག་འཛིན་ཚེ་སྒྲུབ་བདུད་རྩི་བུམ་བཅུད་ཀྱི་ཚེ་དབང་བསྐུར་ཐབས་དོན་གཉིས་ལྷུན་གྲུབ་ཡིད་བཞིན་དབང་གི་རྒྱལ་པོ་ཞེས་བྱ་བ་བཞུགས། །

ཆོས་སྐུ་ཀུན་བཟང་སྣང་མཐའ་གྱུར་མེད་ཐུགས། །ལོངས་སྐུ་རྡོར་འཆད་རིགས་ལྔ་ལྷུན་རྡོགས་གསུང་། །འཆི་མེད་པདྨ་འབྱུང་གནས་སྤྲུལ་པའི་སྐུ། །སྐུ་གསུམ་ཚེ་ཡི་ལྷ་རྣམས་སྤྱི་བོས་མཆོད། །མཁྱེན་པའི་ཡེ་ཤེས་མཁའ་ལྟར་རྒྱ་ཆེ་ཞིང་། །བྱམས་བརྩེའི་རང་བཞིན་ཉི་ལྟར་འོད་ཟེར་འཕྲོ། །མཐུ་སྟོབས་ནུས་པ་འཇིགས་མེད་གླིང་པའི་ཞབས། །བྱང་ཆུབ་བར་དུ་འབྲེལ་མེདསྙིང་ནས་བསྟེན། །རིག་འཛིན་ཚོ་སྒྲུབ་གསེར་འཛིན་དགའ་མའི་ངོར། །ལེགས་འཁྲུངས་མཚོ་སྐྱེས་གཞོན་ནུ་འཆི་མེད་ཀྱི། །དབར་བསྐུར་བ་དཀར་ཕྲེང་བ་འདིར་ངོམ་ན། །སྐལ་ལྡན་རྗེས་འཇུག་ཚོགས་རྣམས་དགའ་བས་ལོངས། དེ་ལ། འདིར་ཚེ་སྒྲུབ་བདུད་རྩི་བུམ་བདུད་ཀྱི་དབང་བསྐུར་བྱེད་པར་འདོད་ན། །གཞུང་ལས། དབེན་པའི་གནས་སུ་སྟེགས་བུའི་ཁརཿ རྡུལ་ཚོན་རས་ཚོན་སྐབས་སྦྱར་གྱིཿ དཀྱིལ་འཁོར་དབུས་སུ་ལྡིང་ཁྲིའི་ཁརཿ ཚེ་བུམ་དབུས་ལ་ཚེ་རིལ་གཡསཿ ཚེ་མདའ་རྒྱབ་ལཚེ་ཆང་གཡོནཿ ཚེ་གཏོར་མདུན་བཤམས་མཆོད་པས་བསྐོརཿ བདག་དང་སྒྲུབ་རྟེན་དབྱེར་མེད་དུཿ རིག་འཛིན་འདུས་པའི་ལས་གཞུང་བསྲང་ཿ བསྟོད་པའི་མཇུག་ཏུ་འཛབ་ཁང་དབྱེཿ ཞེས་བསྟོད་པའི་བར་བྱ་ཞིང་། དབྱེ་གཞི་དཀྱིལ་འཁོར་གྱི་སྣང་ཆ་གསལ་ཐེགས་ནས། བྷྲཱུཾ་བི་ཤྭ་བི་ཤུདྡྷེ་ཕཊ་ཛཿ ཞེས་བརྗོད་པས་དཀྱིལ་འཁོར་གཉིས་པ་ཞིག་ལོགས་སུ་ཕྱེ་ནས་མདུན་མཁར་མེ་རི་འདབས་འབྱོར་དུ་བཞུགས་པར་གསལ། ཐུགས་ཀར་པདྨ་ཉི་ཟླའི་སོགས་བསྙེན་བསྒྲུབ་ཀྱི་བཟླས་པ་གཞུང་བཞིན་བྱས་མཐར། ཚེ་སྒྲུབ་དམིགས་པ་འདི་བཞིན་ནོ། །བྷྲཱིཿ ཚེ་དབང་རིག་འཛིན་པདྨ་འབྱུང་ཿ སྣང་སྲིད་བྲིལ་གནོན་ཐུགས་ཀ་རུཿ བཅོམ་ལྡན་མགོན་པོ་ཚེ་དཔག་མེདཿ དམར་གསལ་ལོངས་སྐུ་ཡུམ་དང་སྦྱོརཿ པདྨ་རཱ་གའི་བུམ་པ་འཛིནཿ ཐུགས་ཀར་ཉི་ཟླའི་གའུའི་ནང་ཿ སྲོག་གི་སྙིང་པོ་ཡི་གེ་ཧྲཱིཿ ཐ་མར་སྔགས་ཀྱི་ཕྲེང་བས་བསྐོརཿ འོད་ཟེར་འཕྲོས་པས་བརྟན་གཡོའི་བཅུདཿ རྒྱལ་བ་རིག་འཛིན་དྲང་སྲོང་གིཿ ཚེ་བཅུད་བསྡུས་ལ་བཅུད་དུ་འདྲིལཿ པ་སྤུའི་བུ་ག་ཚུན་ཆོད་ཀྱང་ཿ ཚེ་དཔག་མེད་པས་ཐམ་གྱིས་གང་ཿ ཀུན་ཀྱང་བུང་བ་ཚང་ཞིག་ལྟརཿ ཧྲཱིཿ སྒྲ་འཇམ་ལ་སྙན་པར་སྒྲོགསཿ འཆི་མེད་རིག་འཛིན་འགྲུབ་པར་འགྱུརཿ ངག་ཏུ་བརྗོད་ཅིང་ཡིད་ལ་བསམཿ འཇམ་རླུང་བུམ་པ་ཅན་དང་སྦྲགསཿ ཞེས་གསུངས་ལས། ཐུགས་ཀའི་ཡེ་ཤེས་སེམས་དཔའ་ཚེ་དཔག་མེད་སྐུ་མདོག་དམར་གསལ་ལོངས་སྤྱོད་རྫོགས་སྐུའི་ཆ་བྱད་རང་འོད་ཀྱི་ཡུམ་དང་འཁྲིལ་ཞིང་ཕྱག་གཉིས་མཉམ་གཞག་གི་སྟེང་ན་པདྨ་རཱ་གའི་ཚེ་བུམ་འཛིན་ཅིང་ཡབ་ཡུམ་གཉིས་སུ་མེད་པའི་ཐུགས་ཀར་སྣོད་བཅུད་མ་ལུས་པའི་ཁམས་ཀྱི་དྭངས་མ་ཉི་ཟླའི་ག་འུ་ཁ་སྦྱོར་གྱི་ནང་དུ་ཐུགས་སྲོག་གི་སྙིང་པོ་ཧྲཱིཿདང་། དེའི་གཡས་བསྐོར་དུ་སྔགས་ཕྲེང་ལུ་གུ་རྒྱད་དུ་འཁོར་ཞིང་འོད་ཟེར་བཀྲག་ལྡན་དུ་འཕྲོ་བ་གསལ་བརྟན་གྱི་རྩལ་རྫོགས་པར་གྱུར། ༀ་ཨཱཿཧཱུྃ་བཛྲ་མ་ཧཱ་གུ་རུ་ཨ་ལུ་ཛྙཱ་ན་མ་ཧཱ་པུ་ཎྱེ་ཚེ་བྷྲཱུཾ་བྷྲཱྀ་ཛཿ སརྦ་སིདྡྷི་ཧཱཾཿ ཅི་རིགས་བགྲངས། སྔགས་ཕྲེང་རྣམས་ལས་འོད་ཟེར་དཀར་འཚེར་ཐག་འཛིངས་པ་ལྟ་བུ་བུན་བུན་འཕྲོས། འོག་མིན་དག་པའི་ཞིང་གི་ངེས་པ་ལྔ་ལྡན་རྟག་པ་རྒྱུན་གྱི་འཁོར་ལོའི་ཡོན་ཏན་དང་། རིག་འཛིན་དང་དྲང་སྲོང་རྣམས་ཀྱི་བསྐལ་པར་གནས་པའི་ཚེ་བཅུད། བརྟན་པ་སྣོད་ཀྱི་འཇིག་རྟེན་དང་། གཡོ་བ་བཅུད་ཀྱི་སེམས་ཅན་ཐམས་ཅད་ཀྱི་ཁམས་དང་བཀྲག་མདངས་གཟི་བྱིན་ས་བཅུད་ཚེ་དཔལ་བསོད་ནམས་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་ལེན་པ་ལྟར་བསྡུས་ནས་རང་ཉིད་ལ་ཐིམ་པའི་མོད། འཁོར་འདས་ཀྱི་དྭངས་བཅུད་དེ་དག་ཐམས་ཅད་སྐད་ཅིག་ཉིད་ལ་བཅུད་དུ་འདྲིལ་ནས་ཚེ་དཔག་མེད་ཀྱི་སྐུ་རྡུལ་ཕྲ་རབ་ཏུ་གྱུར་པས། ལུས་ཀྱི་ནང་ཁོངས་བ་སྤུའི་བུག་ཚུན་ཆོདཀྱང་ཐམ་གྱིས་འགགས་པས་རྡོ་རྗེའི་སྲོག་ལ་དབང་ཐོབ་ཅིང་། གཡུང་དྲུང་ལྟ་བུའི་ལུས་སུ་གྱུར་པར་དམིགས་ཤིང་། དེ་དག་ཀུན་ཀྱང་གཅིག་ལ་གཅིག་མི་རེག །གཅིག་གིས་གཅིག་མི་སྒྲིབ། ཡངས་དོག་མེད་པ་རིལ་གོང་ཕྱུར་བལྟར་གནས་པ་ཐམས་ཅད་ཀྱི་ཞལ་ནས་ཚེའི་སྙིང་པོ་ཀུན་ལས་ཡང་སྙིང་དུ་གྱུར་པ། གནད་བསྐུལ་སྲོག་གི་རིག་པ་ཡི་གེ་འརུ་གཅིག་པོ་བུང་བ་ཚང་ཞིག་པ་ལྟར་འཇམ་ལ་སྙན་པ་སྒྲོགས་པར་བསམས་ལཿ འཛམ་རླུང་བུན་ཅན་དང་བཅས་པའི་འགོག་བཟླས་སམ། རྡོ་རྗེའི་བཟླས་པ་ཁོ་ན་གཞོལ་བ་ནི་དབང་པོ་ལང་རབ་སྤྲོས་པ་དང་བྲལ་བ་རྣམས་ཀྱིས་རླུང་སེམས་དབྱེར་མེད་ཀྱི་ཚེ་སྒྲུབ་ཡིན་ནོ། །སྤྱིར་བཏང་གཞན་དོན་དུ་བསྒྲུབ་པ་དང་། ཏིང་ངེ་འཛིན་དང་རླུང་སྟོབས་ཞན་པའི་དང་པོའི་ལས་ཅན་རྣམས་ཀྱིས་རང་ཉིད་ཀྱིས་སྒྲུབ་སྔགས་དང་། ཚེ་དཔག་མེད་རྣམས་ཀྱིས་ཧྲཱིཿསྒྲ་སྒྲོགས་པར་བསམས་ལ་འོད་ཟེར་སྤྲོ་བསྡུ་བ་བྱ་བ་ནི་གཙོ་བོར་གཅེས་ཤིང་། གཞན་དོན་ལ་དམིགས་བྱའི་སྲོག་གི་ངོ་བོ་ཡི་གེ་ནྲྀའི་རྣམ་པ་ཐུགས་སྲོག་གི་ཁོང་དུ་བསམ་ནས་དེ་ལ་ཚེ་བཅུད་སྡུད་ཅིང་། །ཀུན་ལ་ཐུན་གྱི་སྨད་ཆར་རྡོ་རྗེའི་བཟླས་པ་ཅུང་ཟད་རེ་བྱས་པས་ལེགས་པར་འགྱུར་ལ་ཞེས་གསུངས་པ་བཞིན། ༀ་ཨཱཿཧཱུྃ་བཛྲ་མཧཱ་གུ་རུ་ཨཱ་ཡུརྫྙཱ་ན་མཧཱ་པུ་ཎྱེ་ཚེ་བྷཱུཾ་ནྲྀ་ཛཿ སརྦ་སིདྡྷི་ཧཱུྃཿ ཞེས་ཚེ་བསྙེན་བ་ཟླ་བ་དང་། མདུན་བསྐྱེད་ཀྱིས་ཧྲཱིཿསྒྲ་སྒྲོགས་པར་བསམ། ཐུན་འཇུག་ཏུ་འཛམ་རླུང་དང་སྦྲགས་ཏེ་ཧྲཱིཿཡིག་རྡོར་བཟླས་དང་འགོག་བཟླས་ཚུལ་གྱིས་ཅི་འགྲུབ་བཟླ་ཞིང་མཐར་བུམ་པ་ལ་དམིགས་ཏེ། བུམ་པའི་ནང་དུ་ཨོ་རྒྱན་ཚེ་དཔག་ཏུ་མེད་པ་འཁོར་རིག་འཛིན་བརྒྱད་དང་ཚེའི་ལྷ་ཚོགས་དཔག་ཏུ་མེད་པ་རྒྱ་མཚོ་ལ་གཟའ་སྐར་ཤར་བའམ། མེ་ལོང་ལ་གཟུགས་བརྙན་སྣང་བ་ལྟར་གསལ་བའི་ཐུགས་སྲོག་ཧྲཱིཿཡིག་ལ་སྔགས་ཀྱིས་བསྐོར་བར་དམིགས་ཤིང་། བདག་གི་ཐུགས་ཀའི་སྔགས་ཕྲེང་ལས་འོད་ཟེར་ལུ་གུ་རྒྱུད་ཀྱི་ཚུལ་དུ་འཕྲོས། བུམ་པའི་ལྷ་རྣམས་ཀྱི་ཐུགས་རྒྱད་བསྐུལ། སླར་ཡང་འོད་ཟེར་འཕྲོས་འོག་མིན་དག་པའི་ཞིང་ངེས་པ་ལྔ་ལྡན་རྟག་པ་རྒྱུན་གྱི་འཁོར་ལོའི་ཡོན་ཏན་དང་། རིག་འཛིན་དང་དྲང་སྲོང་རྣམས་ཀྱི་བསྐལ་པར་གནས་པའི་ཚེ་བུད། བརྟེན་པ་སྣོད་ཀྱི་འཇིག་རྟེན་དང་། གཡོ་བ་བཅུད་ཀྱི་སེམས་ཅན་ཐམས་ཅད་ཀྱི་ཁམས་དང་བཀྲག་མདངས་གཟི་བྱིན་དྭངས་བཅུད་ཚེ་དཔལ་བསོད་ནམས་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་བསྡུས་ནས་བུམ་པའི་ལྷ་ཚོགས་ལ་ཐིམ་པས་འཁོར་འདས་ཀྱི་དྭངས་བཅུད་ཐམས་ཅད་སྐད་ཅིག་ཉིད་ལ་བཅུད་དུ་དྲིལ་ནས་ལྷ་ཚོགས་རྣམས་ཀྱི་སྐུ་ལ་འཆི་མེད་ཚེ་ཡི་བདུད་རྩིའི་རྒྱུན་ཆེན་པོ་འབབས་པས་བུམ་པ་ཡོངས་སུ་གང་བར་གྱུར། ཞེས་ཚེ་བསྙེན་ཅི་མང་དང་། ཧྲཱིཿབཟླས་ཅི་རིགས་བྱ། དེ་ནས་ལས་བུམ་ལ་དམིགས་ཏེ། ལས་བུམ་དུ་སྐད་ཅིག་གིས་བཅོམ་ལྡན་འདས་པདྨ་དབང་ཆེན་དམར་པོ་གཡས་དབྱུང་ཏོ་དང་། གཡོན་སྡིགས་མཛུབ་ཞགས་པ་འཛིན་པའི་སྐུར་གྱུར་པའི་ཐུགས་ཀའི་འོད་ཟེར་འཕྲོས་འདུས་དོན་གཉིས་བྱས། སླར་འདུས་པས་སྐུ་ལས་བདུད་རྩིའི་རྒྱུན་ཆེན་པོ་བབས་ནས་བུམ་པ་ཡོངས་སུ་གང་བར་གྱུར། ཞེས་བསམས་པ། ༀ་བཛྲ་ཀྲོ་ཏ་བྷྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊཿ ཞེས་བརྒྱ་རྩ་ལས་མི་ཉུང་བས་བཟླས་མཐར་ལྷ་མོ་བཅུ་དྲུག་སོགས་རྒྱས་བསྡུས་གང་འཚམས་ཀྱིས་མཆོད། ལས་གཞུང་ི་བསྟོད་པའི་མཇུག །ཧྲཱིཿ འོད་དཔག་མེད་མགོན་སྤྲུལ་སྐུ་འཆི་བ་མེད། །དྡྲོག་པོའི་སྐུར་བཞེངས་ལྷ་སྲིན་འདུལ་བའི་གཉེན། །སྤྱན་རས་གཟིགས་དབང་དྷྲཱིཿལས་རྔམ་བརྗིད་སྐུ། །རྟ་མ་གྲིན་རྟ་སྐད་བཞག་ལ་ཕྱག་འཚལ་བསྟོད། །ཅེས་པའི་མཐར་ཡི་གེ་བརྒྱད་པ་ལན་གསུམ་གྱིས་བཤགས་པ་བྱའོ་འོད་ཞུ་བྱ་བ་ནི། ༀ་ཨཱཿཧཱུྃ་ཞེས་དུང་ཞལ་གྱི་ཆུ་མཆོད་ཡོན་དུ་ཕུལ་བས་བུམ་ལྷ་བདེ་སྟོང་ཆེན་པོའི་ངོ་བོར་ཞུ་བ་བུམ་ཆུ་དང་དབྱེར་མེད་དུ་གྱུར། ཅེས་དང་། ལས་བུམ་གྱི་ལྷ་འོད་དུ་ཞུ་ནས་ཁྲོ་བོའི་རྡུལ་ཕྲ་རབ་ཏུ་གྱུར། ཅེས་བརྗོད་ཅིང་བསམ་མོ། །ཚེ་འགུགས་པ་ནི། དེ་ནས་བདག་མདུན་གྱི་ངུགས་ཀ་ནས་འོད་ཟེར་དཀར་འཚེར་བ་ཐག་འཛིངས་པ་ལྟ་བུ་བུན་བུན་འཕྲོས། འོག་མིན་དག་པའི་ཞིང་ངེས་པ་ལྔ་ལྡན་རྟག་པ་རྒྱུན་གྱི་འཁོར་ལོའི་ཡོན་ཏན་དང་ཕྲིན་ལས་རིག་འཛིན་དྲང་སྲོང་རྣམས་ཀྱི་བསྐལ་པར་གནས་པའི་ཚེ་བཅུད། བརྟན་པ་སྣོད་ཀྱི་འཇིག་རྟེན་དང་། གཡོ་བ་བཅུད་ཀྱི་སེམས་ཅན་ཐམས་ཅད་ཀྱི་ཁམས་དང་བཀྲག་མདངས་གཟི་བྱིན་དྭངས་བཅུད། ཚེ་དཔལ་བསོད་ནམས་ཐམས་ཅད་རྡོ་ཁབ་ལེནབ་གྱིས་ལྕགས་ཕྱེ་བླངས་པ་ལྟར་བསྡུས་ནས་ཚེ་རྫས་དང་། བསྲུང་བྱ་རྣམས་ལ་ཐིམ་པའི་མོས་པ་མཛོད། ཚོ་མདའ་གལ་བ་ཅིང་། ༀ། རང་སྣང་ཟངས་མདོག་དཔལ་གྱི་རིཿ ལྔ་ལྡན་རང་བྱུང་ཕོ་བྲང་ནསཿ སོགས། སྐྱེ་འཆི་མེད་པའི་དངོས་གྲུབ་སྩོལཿ ༀ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ན་མ་ཧཱ་པུཎྱེ་ཚེ་བྷྲཱུཾ་ནྲི་ཛཿ ཞེས་དང་། བྷྲཱིཿ ལྷ་དག་རིག་འཛིན་ཚེ་ཡི་བདགཿ ཅིས་ཀྱང་མི་ཆོས་མི་ཤིགས་པའིཿ ཚེ་བསྲིང་བླ་ཁུག་རྒྱས་ཐོབ་ལཿ འཆི་མེད་ཚེ་དབང་འདིར་སྩོལ་ཅིག། ཚེ་གཟུངས་བཟླ། ཚེ་དབང་དུ་གྱུར་ཅིག །དབང་དངོས་གྲུབ་ཏུ་གྱུར་ཅིག །ཚེ་མི་ཤིགས་པ་རྡོ་རྗེ་ལྟ་བུར་གྱུར་ཅིག །མི་འགྱུར་བ་གཡུང་དྲུང་ལྟ་བུར་གྱུར་ཅིག །མི་ནུབ་པ་རྒྱལ་མཚན་ལྟ་བུར་གྱུར་ཅིག །ཚེ་སྲོག་རྡོ་རྗེའི་བྲག་རི་བས་སྲ་ཞིང་བརྟན་པ་ལ་མངའ་བརྙེས་པར་གྱུར་ཅིག །ཞེས་བཀུག་ཚེ་པྲ་བརྟགས་པའི་རྗེསཿ རྒྱས་གདབ་ཚེ་མདའ་དྲང་པོར་བསྲང་ཿ ཨཱཿ འབྱུང་ལྔའི་དབྱིངས་སུ་འཁྱབས་པའི་ཚེཿ ཡུམ་ལྔའི་ཀློང་དུ་རྒྱས་བཏབ་པསཿ ཡེ་ཤེས་ལྔ་ལ་སྐྱེ་འཆི་མེདཿ སྐུ་ལྔའི་དབྱིངས་སུ་ཚེ་སྦས་པཿ རིགས་ལྔའི་རྒྱལ་བས་ཀྱང་མི་གཟིགསཿ དྷརྣཱདྷརྟུ་བཛྲ་རཀྵཿ ཞེས་བྱིན་བརླབ་བརྟན་པར་བྱ། དེ་ནས་བདག་ཉིད་དཀྱིལ་འཁོར་གྱི་ལྷ་དང་རང་བཞིན་དབྱེར་མེད་དུ་བསྒོམས་ནས་རིག་པའི་མེ་ཏོག་དོར་བ་ཉིད་དོན་གྱིས་དཀྱིལ་འཁོར་དུ་ཞུགས་པ་ཡིན་པས། མེ་ཏོག་འཐོར་བ་དང་བཅས། ༀ་བཛྲ་ས་མ་ཡ་ༀ། ཨཱཿབཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། ཞེས་མེ་ཏོག་ཕུལ་བས། བདག་དང་དཀྱིལ་འཁོར་བའི་སྐུ་གསུང་ཐུགས་ཡོན་ཏན་ཕྲིན་ལས་རྣམས་གཉིས་སུ་མེད་པར་གྱུར་པར་བསམས་ཏེཿ འཇུག་བྱའི་དཀྱིལ་འཁོར་དང་བདག་གི་སྐུ་གསུང་ཐུགས་ཡོན་ཏན་ཕྲིན་ལས་ཏེ་འབྲས་ཆོས་ལྔ་པོ་དབྱེར་མེད་རོ་གཅིག་ཏུ་བསམ་པའོ། ༀ། ཡེ་ཤེས་རྒྱལ་པོ་སྐུ་གསུང་ཐུགས། ༈ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བས། །ཕྱག་རྒྱ་ཆེན་པོར་བདག་སྦྱོར་ཅིག །ༀ་བཛྲ་ས་མ་ཡ་ཧཱུྃ། ༀ་བཛྲ་ས་མ་ཡ་སྟཱཾ། ༀ་བཛྲ་ས་མ་ཡ་ཧོ། ཞེས་དངོས་གྲུབ་བསྐུལ་ཞིང་བསྟིམ། དཀྱིལ་འཁོར་གྱི་ལྷ་ལ་ཐལ་མོ་སྦྱར་བས་བཏུད་དེ། ༀ། རྡོ་རྗེ་ཡེ་ཤེས་ཐོབ་བྱེད་པའི། དེ་བཞིན་གཤེགས་པ་ཐམས་ཅད་ཀྱི། །སྙིང་པོའི་དཀྱིལ་འཁོར་ཆེན་པོ་འདིར། །བདག་གི་སློབ་མ་འཇུག་པར་འཚལ། ཞེས་སློབ་དུ་འཇུག་པར་གནང་བ་ཞུས་པས་ལྷ་ཚོགས་རྣམས་ཀྱིས་དེ་དེ་བཞིན་དུ་གནང་བ་བྱིན་པར་བསམ་མོ། ཛཿཧཱུྃཿབྃཿཧོཿ ༀ་བཛྲ་ས་ཏྭ་ས་མ་ཡ་སོགས་ཡིག་བརྒྱ་བརྗོད། དཔལ་ལྡན་རྩ་བའི་བླ་མ་རིན་པོ་ཆེ། །བདག་གི་སྤྱི་བོར་པདྨའི་གདན་བཞུགས་ལ། །བཀའ་དྲིན་ཆེན་པོའི་སོག་ནས་རྗེས་བཟུང་སྟེ། །སྐུ་གསུང་ཐུགས་ཀྱི་དབང་མཆོག་བསྐུར་དུ་གསོལ། །ཞེས་དང་། ཆོས་སྐྱོང་གི་བསྐང་གསོལ་དང་། ཚོགས་ཀྱི་མཆོད་པ་བཅས་བྱ་ཞིང་། ཚོགས་ལ་རོལ་ཟིན་པ་དང་། གཞན་དོན་དུ་དབང་ལ་འཇུག་པ་ནི། སློབ་མ་རྣམ་མདུན་དུ་འཁོད་པར། ཧཱུྃ། བདེ་གཤེགས་རྒྱལ་བ་རྣམས་ཀྱི་ཐུགས་རྗེའི་ཆུས། །སྐལ་ལྡན་སློབ་མའི་ལུས་ངང་ཡིད་གསུམ་ལ། །གནས་པའི་ཉེས་སྐྱོན་དིར་མའི་ཚོགས་བཅས་ཀུན། །བཀྲུ་བར་བགྱིའོ་བྱང་ཞིང་དག་གྱུར་ཅིག །ལས་སྔགས་དང་སྦྲེལ། ༀབཛྲ་སཏྭ་ས་མ་ཡ་སོགས་བཟླ་བཞིན་ལས་ཆུས་ཉེ་རེག་བྱ་ཞིང་། བགེགས་གཏོར། ༀ་བཛྲ་ཀྲོ་དྷ་ཧྱ་གྷྲྀ་ཝ་ཧུ་ལུ་ཧུ་ལུ་ཧཱུྃ་ཕཊཿ དང་། ༀ་སྭབྷ་བ་ཤུདྡྷ་སརྦ་དྷརྨ་སྭ་བྷ་བ་ཤུདྡྷོ་ཧཾ། གིས་སྦྱངས་ལ། སྟོང་པ་ཉིད་དུ་གྱུར། སྟོང་པའི་དང་ལས་རིན་པོ་ཆེའི་སྣོད་ཀྱི་ནང་དུ་བགེགས་ཀྱི་གཏོར་མ་གཟུགས་སྒྲ་དྲི་རོ་རེག་བྱ་འདོད་པའི་ཡོན་ཏན་རྣམ་པ་ལྔ་དང་ལྡན་པར་གྱུར། ཞེས་བསམས་ལ། ༀ་ཨཱཿཧཱུྃ་ཧོ། ལྕགས་ཀྱུའི་ཕྱག་རྒྱས། སརྦ་བྟུ་ཏ་ཨ་ཀཪྵ་ཡ་ཛཿ ལན་གསུམ། ༀ་སརྦ་བི་བྷན་ན་མཿ སརྦ་ཏ་ཐཱ་ག་ཏ་བྷྱོཿབེ་ཤྭ་མུ་ཁེ་བྷྱཿསརྦ་ཐཱ་ཁཾ་ཨུངྒ་ཏེ་སྥ་ར་ཎ་ཨི་མཾ་གེ་ག་ན་ཁཾ་གྷྲྀ་ཧྞེ་ཨེ་དཱཾ་བ་ལིཾ་ཏ་ཡེ་སྭཱཧཱས་བགེགས་གཏོར་གཡས་སུ་ལན་གསུམ་བསྐོར་བ་གསུམ་གྱི་མཐར། ན་མོ་རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། དཀོན་མཆོག་རིན་པོ་ཆེ་རྣམ་པ་གསུམ་གྱི་བཀའ་བདེན་པ་དང་། ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང་། གནས་གསུམ་གྱི་དཔའ་བོ་མཁའ་འགྲོ་ཆོས་སྐྱོང་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་། ཆོས་ཉིད་འགྱུར་བ་མེད་པའི་བཀའ་བདེན་པ་དང་། ཆོས་ཅན་རྒྱ་འབྲས་བསླུ་བ་མེད་པའི་བདེན་པ་དང་། བདེནཔ་ཆེན་པོའི་མཐུ་སྟོབས་བྱིན་རླབས་ནུས་པ་ལ་བརྟེན་ནས་དེང་འདིར་བླ་མ་དང་དགེ་བཤེས་མཁན་པོ་སོགས་ལ་རིག་པ་འཛེན་པ་འདི་དག་ཅེས་སྦྱར། རང་ལས་དམན་པར་རྡོ་རྗེའི་སློབ་མ་འདི་དག་རྣམས་ལ་གསང་སྔགས་རྡོ་རྗེ་ཐེག་པའི་དབང་བསྐུར་ཟབ་མོ་སྒྲུབ་པ་ལ་བར་དུ་གཅོད་པར་བྱེད་པའི་གདོན་བགེགས་ལོག་འདྲེན་འབྱུང་པོ་སྔོན་གྱི་ལས་དང་འཕྲལ་གྱི་རྐྱེན་ལས་གྱུར་པའི་རིགས་གང་དག་སུ་ཡང་རུང་བ་ཐམས་ཅད་བགེགས་ཀྱི་གཏོར་མ་འདིས་ཚིམ་པར་གྱིས་ལ་འདིར་མ་གནས་པར་དམིགས་པའི་ཡུལ་གཞན་དུ་འགྲོ་བར་གྱིས་ཤིག །གལ་ཏེ་མི་འགྲོ་ཟིང་འདུག་པར་གྱུར་ན་བདག་སོགས་ཁྲོ་རྒྱལ་འབར་བའི་ཚོགས་རབ་ཏུ་ཁྲོས་ནས་ཨོ་མཚོན་མེ་དཔུང་གི་དབལ་ཟེར་གྱིས་ཐལ་བའི་རྡུལ་ཕྲན་བཞིན་དུ་བརལག་པར་གདོན་མི་ཟའོ། །ༀ་སུམྦྷ་ནི་ལན་གསུམ་གྱི་མཐར་དྲག་སྔགས་སོ་ལྔ་དང་ཧཱུྃ་གི་གདངས་ཅི་རིགས་བརྗོད་མཐར་གནོད་བྱེད་འབྱུང་པོ་སརྦ་ཨུ་ཙ་ཏ་ཡ་ཕཊཿ ཅེས་བགེགས་བསྐྲད་ནས། བགེགས་ཚོགས་ལོག་པར་འདྲེན་པ་ཐམས་ཅད་ཕྱིར་བསྐྲད། ཁྲོ་མཚོན་མེ་དཔུང་གི་ཚོགས་རྣམས་ཚུར་འདུས་པ་ལས་སྲུང་བའི་འཁོར་ལོ་སྟེང་ཐམས་ཅད་རྡོ་རྗེའི་གུར་དག་བླ་རེ། འོག་ཐམས་ཅད་རྡོ་རྗེའི་ས་གཞི། ཕྱོགས་དང་ཕྱོགས་མཚམས་ཐམས་ཅད་རྡོ་རྗེའི་རྭ་བ་དྲྭ་བ་ཡེ་ཤེས་ཀྱི་མེ་རི་མེ་དཔུང་ཆེན་པོས་ཡོངས་སུ་བསྐོར་བའི་སྲུང་བའི་གུར་ཁང་དུ་གྱུར། ༀ་བཛྲ་རཀྵ་རཀྵ་ཧཱུྃ། ལན་གསུམ་བརྗོད་ཅིང་གསོར་བར་བྱའོ། དེ་ནས། སླར་ཡང་ནམ་མཁའ་དང་མཉམ་པའི་སེམས་ཅན་ཐམས་ཅད་ལ་ཕན་འདོད་ཀྱི་ལྷག་བསམ་ཡིད་ལེ་མཆོག་ཏུ་བཅགས་ནས་དམ་པའི་ཆོས་ཉམ་པ་ལ་ཞུགས་པ་ནི་སྐྱེས་བུ་ཆེན་པོའི་ལམ་བསོད་ནམས་ཚད་མེད་པའི་འཇུག་དོགས་ཡིན་ཏེ། རེན་ཆེན་ཕྲེང་བ་ལས། སེམས་ཅན་ཁམས་ནི་ཚད་མེད་ལ། །ཕན་འདོད་དེ་ནི་དེ་འདྲའོ། །ཞེས་གསུངས་པས་སེམས་ཅན་གྱི་ཁམས་ཚད་མེད་པ་ལྟར་དེ་ལ་ཕན་འདོད་ཀྱི་ལྷག་བསམ་ལན་ཅིག་སྐྱེས་པའང་ཚད་མེད་དེ། བཟང་པོ་སྤྱོད་པ་ལས། །ནམ་མཁའི་མཐར་ཐུག་གྱུར་པ་ཅི་ཙམ་པར། ༈སེམས་ཅན་མ་ལུས་མཐའ་ཡང་དེ་བཞིན་ཏེ། །ཅི་ཙམ་ལས་དང་ཉོན་མོངས་མཐར་གྱུར་པ། །བདག་གིས་སྨོན་ལམ་མཐའ་དེ་ཙམ་མོ། །ཞེས་གསུངས་པ་བཞིན་སེམས་ཅན་ཐམས་ཅད་ཡིད་ལ་བཅངས་ཏེ་གསན་པར་མཛོད། དེ་ཡང་ཆོས་ཉན་པའི་ཀུན་ཏུ་སྤྱོད་པ། སྣོད་ཀྱིས་གཡོན་གསུམ་དྲི་མ་དྲུག །མི་འཛིན་པ་ལྔ་དང་བཅས་པ་སྤང་དགོས། དང་པོ་ནི། རྣ་བ་མི་གཏོད་ཁ་སྦུབ་ལྟ་བུའི་སྐྱོན། །ཡིད་ལ་མི་འཛིན་ཞབས་རྡོལ་ལ་བུའི་སྐྱོན། །ཉོན་མོངས་དང་འདྲེས་དུག་ཅན་ལྟ་བུའི་སྐྱོན། ཞེས་དང་། དྲི་མ་དྲུག་ནི། ང་རྒྱལ་དང་ནི་མ་དད་དང་། །དོན་དུ་གཉེར་བ་མེད་ཉིད་དང་། །ཕྱི་རོལ་རྣམ་གཡེང་ནང་དུ་སྡུད། །སྐྱོ་བ་ཉན་པའི་དྲི་མ་ཡིན། །ཞེས་སོ། །མི་འཛིན་པ་ལྔ་ནི། ཚིག་འཛིན་ལ་དོན་མི་འཛིན་པ་དང་། །དོན་འཛིན་པ་སྐད་ཀྱང་ཚིག་མི་འཛིན་པ་དང་། མི་ཚང་པར་འཛིན་པ་དང་། །ལོག་པར་འཛིན་པ་དང་། བརྡ་མ་འཕྲོད་པར་འཛིན་པ་སྟེ། སྐྱོན་དེ་རྣམས་སྤངས་ནས་ཚུལ་ཇི་ལྟ་བུས་ཉན་སྙམ་ན། མདོ་སྡོང་པོ་བཀོད་པ་ལས། རིགས་ཀྱི་བུ་ཁྱོད་ཀྱིས་ཆོས་ཉན་པའི་དུས་སུ་བདག་ཉིད་ལ་ནད་པའི་འདུ་ཤེས་བསྐྱེད་པར་བྱའོ། །ཆོས་ལ་སྨན་གྱི་འདུ་ཤེས་བསྐྱེད་པར་བྱའོ། །ནན་ཏན་ཉམས་སུ་ལེན་པ་ལ་ནེ་བར་འཚོ་བའི་འདུ་ཤེས་བསྐྱེད་པར་བྱའོ། །དགེ་བའི་བཤེས་གཉེན་ལ་སྨན་པ་མཁས་པའི་འདུ་ཤེས་བསྐྱེད་དེ་མཉམ་པར་བྱ་ཞེས་གསུངས་པ་ལྟར་མཉན་པ་དང་། དེའི་སྟེང་དུ་ཕ་རོལ་ཏུ་པྱིན་པ་དྲུག་ཚང་བའི་སྒོ་ནས་ཉན་དགོས་པའང་། ཆོས་སྤྱོད་ཐམས་ཅད་ཀྱི་མན་ངག་མངོན་པར་རྟོགས་པའི་རྒྱུད་ལས། མེ་ཏོག་སྟན་སོགས་རབ་འབུལ་ཞིང་། །ས་ཕྱོགས་སྤྱོད་ལམ་སྡོམ་པ་དང་། །སྲོག་ཆགས་ཀུན་ལ་འཚེ་མི་བྱེད། །བླ་མ་ལ་ནི་གསོལ་བ་འདེབས། །མ་ཡེངས་ལྦ་མའི་གདམས་ངང་ཉོན་། །དོགས་སེལ་ཕྱིར་ན་སྐྱོན་ཚིག་འདྲི། །སྒྲོལ་མ་ཡན་ལག་དྲུག་དང་ལྡན། །ཞེས་གསུངས་༩པའི་དོན་ལ་དགོངས་ཏེ་ཉན་དགོས་པ་ཡང་། འདི་ལྟར་དམ་པའི་ཆོས་ཀྱིསགར་ཙམ་ཐ་ན་དུད་འགྲོའི་རྣ་ལམ་དུ་ཐོས་ནའང་ངན་སོང་གི་སྡུག་བསྔལ་ལས་གྲོལ་བའི་ནུས་པ་ཁྱད་པར་ཅན་ཡིན་པ་མདོ་རྒྱུད་རྒྱ་མཚོ་ནས་བཤད་ཅིང་། །དེ་སྐད་དུའང་རྒྱལ་བའི་དབང་པོ་ཀློང་ཆེན་ཞབས་ཀྱིས། །ཆོས་རྔ་སྒྲོགས་པའི་སྒྲ་ཐོས་སེམས་ཅན་ཡང་། །ཡང་སོང་རྣམ་གྲོལ་ཉན་རྣམས་སྨོས་ཅི་དགོས། །ཞེས་གསུངས་པའི་ཕྱིར་ཁྱེད་ཅག་རྣམས་ཆོས་སྒྲ་སྒྲོག་པ་ལ་མོས་པ་སྟོབས་སུ་གྱུར་པ་འདི་ཡང་སྡིད་པ་མང་པོར་ཚོགས་བསགས་པ་ཆོས་ཅན། དེ་ལྟ་ནའང་། སློབ་དཔོན་ཞིབ་ལྷས། དལ་འབྱོར་འདི་ནི་ཤིན་ཏུ་རྙེད་པར་དཀའ། །སྐྱེས་བུའི་དོན་འགྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱི་ནས་ཡང་དག་འབྱོར་པར་ག་ལ་འགྱུར། །ཞེས་གསུངས་པས་ན། ད་རེས་ཡིད་བཞིན་གྱི་ནོར་བུ་ལག་ཏུ་ལོན་པའི་དཔེས་ཀྱང་བརྒྱ་སྟོང་གི་ཆར་ཡང་མི་ཕོད་པའི་དལ་བའི་རྟེན་བཟང་འདི་ལྟ་བུ་རྣེད་པའི་གནས་སྐབས་ཐར་པ་དང་ཐམས་ཅད་མཁྱེན་པའི་གོ་འཕང་དོན་དུ་གནེར་བའི་ཐབས་ལྷུར་ལེན་དོགས། དེ་ཅིས་ལེན་ན་ཁམས་དྲུག་ལྡན་གྱི་རྟེན་འདི་ཁོ་ན་ལ་ཏོས་དགོས་པའི་ཕྱིར། སློབ་དཔོན་ངང་གི་དབང་ཕྱུག་གྲགས་པའི་ཞལ་ནས། ཆོས་སྤྱོད་དབང་པོ་ཐུལ་བ་ནི། །འཁོར་བ་རུ་ནི་ཇི་སྲིད་འཚོ། །དེ་སྲིད་བསོད་ནམས་ལ་སོགས་ཚོགས། །བྱང་ཆུབ་སྒྲུབ་བྱེད་རབ་ཏུ་སྐྱེ། །འཁོར་བར་སྡོག་ལས་གཅེས་པ་ནི། །ཅི་ཡང་ཡོད་པར་མ་མཐོང་སྟེ། །དེ་བས་མྱུར་དུ་ཐབས་མང་པོས། །འཆི་བ་བསླུ་བ་ཀུན་ཏུ་སྤྱོད། །ཅེས་སོ། །དེ་ལ་ཡང་སྤྱིར་བར་ཆད་ཀྱི་རྐྱེན་མང་ཞིང་ཁྱད་པར་དུས་མ་ཡིན་པར་འཆི་བའི་རྐྱེན་ནི་ཚེ་དང་ལས་དང་བསོད་ནམས་ཟད་པ་སྟེ་རྐྱང་ཟད་གསུམ་དང་། དེ་དག་གཉིས་གཉིས་ཟད་པ་དང་གསུམ་ལས། ཚེ་ཟད་པ་ལ་ཚེ་སྒྲུབ་ཀྱི་ཆོ་གདང་། ལས་ཟད་པ་ལ་སྲོག་བསླུ་ཉེའུ་འདོན་པ་སོགས་དང་། བསོད་ནམས་ཟད་པ་ལ་མཆོད་སྦྱིན་གྱིས་སྤེལ་བ་ལ་སོགས་པས་གསོ་བ་དང་། དེ་དག་གཉིས་མཉམ་དུ་ཟད་པ་ནི། གཉེན་པོ་དེ་དང་དེས་གསོ་བར་གསུངས་པ་ལས། གསོ་བྱ་ཚེ་ཉིད་ཉམས་པའི་རྐྱེན། ཉམས་པའི་རྟགས། གསོ་བྱེད་སློབ་དཔོནམ། གསོ་ཚུལ་དང་བཞིར་རྒྱུད་ལས་གསུངས་པ་སྟེ། དང་པོ ཉམས་པའི་རྐྱེན་ནི། དམ་ཉམས་སེམས་དཀྲུགས་ཡི་ཆད་དངངས་པ་དང་། ཞེ་སྡང་དྲག་པོས་རྦོད་གཏོང་ཚར་བཅད་དང་། སྐུ་གསུངས་྄ཐུགས་ཀྱི་དམ་ཚིག་ཉམས་པ་དང་། གནས་ངན་དག་ཏུ་གནས་ཕབ་འདི་དག་ནི། ཚེ་ཉམས་དབུགས་དངངས་བགེགས་ཀྱི་དབང་དུ་འགྱུར། ཞེས་དང་། གཉིས་པ་ཉམས་པའི་རྟགས་ནི། འཁོར་ལ་ཁྲོ་ཞིང་སྡུག་སྐད་འབྱིན་པ་དང་། བཞིན་འགྱུར་སྤྱོད་ལམ་རྣམས་ནི་འཆལ་བ་དང་། སློབ་དཔོན་འཚོ་བྱེད་དུས་ལས་ཡོལ་བ་དང་། ཁ་ཟས་རྣམས་ཀྱང་ཡིད་གར་མི་འོང་རྣམས། འདི་དག་རྣམས་ནི་ཉམས་པའི་རྟགས་ཡིན་ནོ། །ཞེས་དང་། གསུམ་པ་སློབ་དཔོན་ནི། །ཏིང་འཛིན་ཕྲ་མོ་ལས་སུ་རུང་བ་དང་། །རྒྱུད་ཀྱི་དོན་ལ་མཁས་ཤིང་དབང་ཐོབ་པ། མཐུ་བྱིན་ཆེ་ཞིང་དམ་ཅན་ཉེ་བ་སྟེ། །འདི་གསུམ་གང་གིས་བཀུག་ཀྱང་ཁུག་པར་འགྱུར། ཞེས་དང་། བཞི་པ་ཇི་ལྟར་གསོ་བའི་ཐབས། རྒྱལ་བ་ཐབས་མཁས་ཤིང་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་འཆི་མེད་སྒྲུབ་པའི་ཆོས་ཀྱི་རྣམ་གྲངས་ཇི་སྙེད་ཅིག་བསྟན་པ་རྣམས་ཀྱི་ནང་ནས་འདུས་ནི་སྔ་འགྱུར་རྡོ་རྗེ་ཐེག་པའི་ཕྱོགས་སུ་གཏོགས་ལ། དེ་ལ་ཞལ་ནས་གསུངས་པའི་བཀའ་མ། རྗེས་སུ་གནང་བའི་གཏེར་མ། བྱིན་གྱིས་བརླབས་པའི་དག་སྣང་མ་སྟ་བརྒྱུད་པའི་བཀའ་སྲོལ་ཆེན་པོ་གསུམ་དུ་གྲགས་པ་ལས། ཁྱད་པར་དུ་གྱུར་པ་འདིའི་ལོ་རྒྱུས་ཅུང་ཟད་སྙམ་དུ་གསོལ་ན། ལུང་བསྟན་བཀའ་རྒྱ་མར། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུ། །ཟབ་དོན་སྙིང་ཏིག་ཆོས་ཀྱིས་འགྲོ་བ་འདྲེན། །འབྲེལ་ཚད་རིག་འཛིན་ཞིང་དུ་འཕེན་པ་འབྱུང་། །ཞེས་སྙིང་ཏིག་གི་རྫོགས་རིམ་དང་རིག་འཛིན་གྱི་བསྐྱེད་རིམ་ལ་བརྟེན་ནས་རིམ་པ་བཞིའི་རྣལ་འབྱོར་ལ་སྦྱོར་བའིུ་ལམ་སྟོན་དུ་བསྔགས་པའི་ཕྱིར། རིག་འཛིན་འཛམ་གླིང་རྡོ་རྗེའི་གཏེར་ལུང་ལས་ཀྱང་། དབུས་གཡོར་གཞུང་དུ་བྱང་སེམས་པདྨའི་མིང་ཿ བཀའ་རྙིང་བསྟན་སྐྱོང་ཐབས་མཁས་འགྲོ་བ་འདུལཿ ཞེས་རྡོ་རྗེའི་ལུང་གིས་དབང་པོར་བྱས་པ་བཞིན་དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱིས་རང་བྱུང་རྡོ་རྗེ་འཇིགས་མེད་གླིང་པར་མིང་གིས་དབང་བསྐུར་བའི་སྐྱེས་བུ་ཉིད་ཀྱི་རྗེས་ལ་ཏོབ་པའི་རོལ་པ་དང་། རྨི་ལམ་གྱིས་ནང་ཆ་སྒྱུ་མའི་རང་བཞིན་གཅིག་ཏུ་མཉམ་པའི་མིག་འཕྲུལ་ལྟ་བུའི་གསལ་སྣང་ལ་བ་ལ་ཡུལ་གྱི་མཆོད་རྒེན་བྱ་རུང་ཁ་ཤོར་གྱི་གམ་དུ། ཆོས་སྐུ་ཡེ་ཤེས་ཀྱི་མཁའ་འགྲོ་མས་ཀློང་བྱང་ཡེ་ཤེས་ཀྱི་བརྡ་རིས་མངོན་དུ་སྤྲད་པ་ལས་བྱུང་བའི་ཆོས་སྡེ་གནད་བྱང་ཐུགས་ཀྱིས་རོལ་བུ་ལས། དེ་དུས་ད་ལྟའི་རྗེས་འབངས་གྲོགསཿ བི་མ་རྒྱལ་སྲས་ལྷ་རྗེ་རྣམསཿ སྨོན་ལམ་ཐུགས་རྗེས་སྤྲུལ་པའི་སྲསཿ རང་བྱུང་རྡོ་རྗེ་པདྨ་དབང་ཿ གསང་མཚན་གར་དབང་འཇིགས་མེད་གླིང་ཿ རྟོགས་གྲོལ་དུས་མཉམ་ཐུགས་གཏེར་བདགཿ འཕགས་པས་རྗེས་སུ་བ་ཟུང་བའི་རྟགསཿ ལག་གཡས་མཐིལ་པདྨའི་སྤྱནཿ དབང་ཅེན་གསུང་གི་རིག་འཛིན་ཕྱིརཿ མཐེ་བོང་ཐུགས་སྲོག་བྷྱ་ཡིས་མཚནཿ རྟོགས་པ་ཀློང་དུ་གྱུར་པའི་རྟགསཿ ཚོམས་ལ་སྐྱེ་མེད་ཡི་གེ་ཨཿ སྙིང་རྗེ་ཆེ་ཞིང་རིག་ཧུརཿ ཤེས་རབ་ཆེ་ཞིང་འཛིན་ཆགས་ཆུང་ཿ ཐུགས་སྒམ་ཚིག་བཙན་བལོ་གྲོས་ཟབཿ ངེས་མེད་སྤྱོད་པ་ཅིར་ཡང་སྟོནཿ འཇིགས་པ་མེད་པའི་བརྟུལ་ཞུགས་ཅནཿ ཞུམ་མེད་སྣང་བ་ཟིལ་གྱིས་གནོནཿ དེ་ལ་ཐུགས་རྒྱུད་དངོས་གཏེར་རམཿ ཡང་ན་དགོངས་གཏེར་ཚུལ་དུ་འབེབསཿ ཞེས་གསུངས་པ་ལྟར། ཀློང་བྱང་བརྡ་བསྒྱུར་ནམ་མཁའ་མཛོད་ཀྱི་ཆོས་སྡེ་རིག་འཛིན་ཚེ་སྒྲུབ་བདུད་རྩི་བུར་བཅུད་ཀྱི་ཚེ་དབང་འབུལ་བར་སྐབས་སུ་བབས་པ་ཡིན་ཏེ། དེ་ཡང་རྩ་བར། ལྷ་སྔགས་ཏིང་འཛིན་དམིགས་པའི་གནདཿ ཀུན་ལས་ཀྱད་འཕགས་རིག་འཛིན་གྱིཿ ཚེ་སྒྲུབ་བདུད་རྩི་བུམ་བཅུད་འདིཿ ཆོས་བདག་སྐྱེས་བུའི་སྲོག་མཐུད་ཕྱིརཿ ཀློང་བྱང་མཁའ་འགྲོའི་བརྡ་རུ་བསྟནཿ །ཅེས་གསུངས་པ་ལྟར། ཡེ་ཤེས་སེམས་དཔའ་ལ་བརྟེན་ནས་རྒྱལ་བ་འོད་མཚན་སྟོང་འབར་མངོན་དུ་བསྒྲུབ་ཅིང་ཚེ་དཔག་མེད་ཀྱི་གོ་ཆ་བསྐོན་པ། རིགས་ལྔའི་རིག་འཛིན་ལ་བརྟེན་ནས་འབྱུང་ལྔའི་ཁམས་ནས་བླ་ཚེ་བསྡུ་བ། དྷ་ན་སཾ་སྐྲྀ་ལ་བརྟེན་ནས་བླ་འཁྱམས་འགུགས་པ། བི་མ་མི་ཏྲ་ལ་བརྟེན་ནས་ཚེ་ཟད་པ་བསྲིང་བ། རོམྦྷུ་གུ་ཧྱ་ལ་བརྟེན་ནས་ལྷ་འདྲེ་མཐུ་བོ་ཆེས་བརྐུས་པའི་བླ་ཚེ་འཕྲོག་པ། ཤིནྟཾ་གརྦྷ་ལ་བརྟེན་ནས་ཕ་རོལ་བན་བོན་གྱིས་བྱད་དུ་བཅུག་པའི་བླ་ཚེ་བསྡུ་བ། འབྱུང་འཇུག་གནས་གསུམ་སྔགས་ཀྱི་ངོ་བོར་རྒྱས་འདེབས་པ་ལ་སོགས་ཏེ་ཀྱད་ཆོས་དུ་མ་དང་ལྡན་པའི་ཕྱིར། ཐུགས་རྗེ་ལྡན་པའི་སློབ་དཔོན་གྱིསཿ མོས་གུས་ལྡན་པའི་སློབ་མ་ལཿ གཞུང་བཞིན་འདི་ནི་སུས་བསྐུར་བཿ འཆི་བདག་ཁ་རུ་ཚུད་ཀྱང་ཐོནཿ བྱད་དུ་བཅུག་ཀྱང་ཡ་མི་ང་ཿ དེ་ཕྱིར་སྣིང་ལས་གཅེས་པར་ཟུང་ཿ ཞེས་ཆེད་དུ་བསྔགས་པ་ཡིན་ལ། དེ་ལྟ་བུའི་ཚེ་དབང་ཟབ་མོ་བསྐུར་བར་བྱེད་པ་ལ། བདག་རྡོ་རྗེ་སློན་དཔོན་ཚེ་དབང་རིག་འཛིན་དང་། གཉིས་སུ་མེད་པའི་དཀྱིལ་འཁོར་གྱི་ངོ་བོར་རྫོགས་པ་ལ་མཎྜལ་འབུལ་བར་མཛོད། འོ་ཆོས་ཐམས་ཅད་ཀྱི་སྔོན་དུ་འགྲོ་ཞིང་གཞི་བརྟན་པར་བྱ་བ་ནི་དཀོན་མཆོག་གསུམ་ལ་སྐྱབས་སུ་འགྲོ་བ་དང་། །རྒྱས་སྲས་ཀྱི་སྤྱོད་པ་ལ་སློ་ཕྱིར་བྱང་ཆུབ་ཆེན་པོར་སེམས་བསྐྱེད་པ། རྒྱུད་དག་པར་བྱ་པྱིར་ཡན་ལག་བདུན་གྱིས་ཚོགས་བསགས་པ་རྣམས་ཚོགས་ཆུང་དུས་དོན་ཆེན་པོ་སྒྲུབ་པར་མ་ཟད་དབང་གི་འབྲས་བུ་ཆགས་པ་ལའང་མེད་དུ་མི་རུང་བ་ལགས་པས། དེ་དག་རང་རང་གི་ཚིག་དོན་ཡིད་ལ་བརྣག་པས་འདིའི་རྗེས་ཟློས་མཛད་པར་ཞུ། རྡོ་རྗེ་སློབ་དཔོན་སངས་རྒྱས་དཔལཿ དུས་གསུམ་ཞུགས་ལ་ཕྱག་འཚལ་ལོཿ མཆོག་གསུམ་བརྟེན་པའི་ཞིང་གྱུར་ལཿ གཉིས་མེད་ཡིད་ཀྱི་སྐྱབས་སུ་མཆིཿ དངོས་འབྱོར་ཡིད་ཀྱིས་རྣམ་འཕྲུལ་པའིཿ དག་པའི་མཆོད་པ་བཞེས་སུ་གསོལཿ དངོས་གྲུབ་ཆུ་བོ་གཅོད་པའི་གེགསཿ ཉེས་བྱས་མ་ལུས་བཤགས་པར་བགྱིཿ ཕྱོགས་བཅུ་འཁོར་གསུམ་དག་པའི་ཆོསཿ མ་ཆགས་སྤྱོད་ལ་རྗེས་ཡི་རང་ཿ དག་པའི་མཐའ་བཞི་དྲི་མ་མེདཿ རྫོགས་པའི་བྱང་ཆུབ་སེམས་བསྐྱེད་དོཿ བདེ་གཤེགས་དབང་ཕྱུག་སེམས་ཅན་ལཿ དགོས་པ་གསུམ་ཕྱིར་ལུས་འབུལ་ལོཿ ཚེ་རབས་བགྲངས་པའི་དགེ་བ་ཀུནཿ བསྡུས་ཏེ་བྱང་ཆུབ་ཆེན་པོར་བསྔོཿ ལན་གསུམ་བརྗོད་ལ། སླར་ཡང་གསོལ་བ་གདབ་པ་འདིའི་རྗེས་ཟློས་གྱིསཿ ཞེས་བརྡ་སྦྱར་ལ། འཆི་མེད་མགོན་པོ་པདྨ་འབྱུང་ཿ སྲོག་གི་འཇིགས་པས་སྐྲག་པ་ལཿ ཐུགས་རྗེ་ཆེན་པོས་ཉེར་དགོངས་ནསཿ ཚེ་ཡི་དབང་དང་དངོས་གྲུབ་སྩོལཿ ཅེས་ལན་གསུམ་རྗེས་སུ་སློབ་མ་ནིཿ ལས་ཆུས་བསངས་ལ་གུ་རུར་བསྐྱེདཿ ༀ་མ་ཧཱ་ཤུནྱ་ཏ་ཛྙཱ་ན་བཛྲ་སྭ་བྷ་ཝ་ཨདྨ་ཀོ་ཉ་ཧཾཿ ཆོས་ཐམས་ཅད་རང་བཞིན་གྱིས་འོད་གསལ་བའི་སྟོང་པ་ཉིད་དུ་གྱུར། སྟོང་པའི་ངང་ལས་སྣ་ཚོགས་པདྨ་དང་ཉི་ཟླའི་གདེན་གྱི་སྟེང་དུ། སློབ་མ་རྣམས་ཀྱི་གདོས་བཅས་ཤ་ཁྲག་གི་ཕུང་པོ་མི་དམིགས་པར་ནམ་མཁའ་ཚོན་རིས་བརྐ་བ་བཞིན་དུས་གསུམ་གྱི་རྒྱལ་བ་རྣམས་ཀྱི་སྤྱི་གཟུགས་སྣང་ཞིང་སྲིད་པའི་ཆོས་རྣམས་ཟིལ་གྱིས་གནོན་པའི་རྣམ་འགྱུར་དང་བཅས་པའི་རིག་འཛིན་གྱི་རྒྱལ་པོ་པདྨ་འབྱུང་གནས་ཞལ་གཅིག་ཕྱག་གཉིས་པ་དཀར་ལ་དམར་བའི་མདངས་ཆགས་པ། བྱང་སེམས་ཀྱི་ཐེག་པ་རྫོགས་པའི་རྟགས་སུ་གསང་གོས་དཀར་པོ་དང་། སྔགས་ཀྱི་ཐེག་པ་རྫོགས་པའི་ཟ་བེར་མཐིང་ནག །སོ་སོར་ཐར་པ་རྫོགས་པའི་རྟགས་སུ་ཆོས་གོས་དམར་པོ་གསེར་མདོག་གི་ལེའུས་སྤྲས་པ་ཅན་ནམ་བས་པ། ཕྱག་གཡས་ཐབས་ཀྱི་རང་བཞིན་རྡོ་རྗེ་རྩེ་ལྔ་པ་གསོར་ཞིང་བསྡིགས་པའི་ཚུལ་གྱི་འཛིན་པ། གཡོན་པས་ཀ་པཱ་ལ་དུམ་བུ་གཅིག་པ་ཛ་གད་ཀྱིས་བཀང་བའི་ནང་ན། འཆི་མེད་ཡེ་ཤེས་ཀྱི་བདུད་རྩིས་བལྟམས་པའི་ཚེ་བུམ་རྒྱན་ལྡན་དག་བཅས་པ་ཟུང་འབྲེལ་དུ་བསྣམས་པ། མཆན་ཁུང་གཡོན་ན་ལྷ་ལྕམ་མདྡྷའ་ར་བ་དང་འོད་ཀྱི་ཚུལ་དུ་སྐུལ་འཁྲིལ་བ། དབུ་ལ་པད་པདྨ་ཁྱ་ཕྱེས་པ་ལྟ་བུ་རྒོད་སྒྲོ་དར་སྣ་ཉི་ཟླ་རྒྱ་གྲམ་གྱིས་མཚན་པ་གསོལ་བ། ཞབས་གཉིས་རྒྱལ་པོ་རོལ་པའི་སྟབས་ཀྱིས་བཞུགས་པ། དེ་ལྟར་དུ་གསལ་བའི་སྤྱི་བོར་ཟླ་བའི་སྟེང་དུ་ༀ་དཀར་པོ། །མགྲིན་པར་པདྨའི་སྟེང་དུ་ཨཱཿདམར་པོ། །ཐུགས་ཀར་ཉི་མའི་སྟེང་དུ་ཧཱུྃ་མཐིང་ཀ་གསུམ་གསལ་བ་དང་། ཐུགས་ཀའི་ཧཱུྃ་ཡིག་ལས་འོད་ཟེར་ལྕགས་ཀྱུའི་དབྱིབས་ཅན་དཔག་ཏུ་མེད་པ་མཁའ་ཁྱབ་ཏུ་འཕྲོས་པས། ཕྱོགས་བཅུའི་རྒྱལ་བ་སྲས་དང་བཅས་པ་རྣམས་དང་། ཁྱད་པར་ལྷོ་ནུབ་པདྨ་འོད་ཀྱི་ཕོ་བྲང་ནས་རིག་འཛིན་གྱི་གཙོ་བོ་པདྨ་འོད་འབར་ལ་འཁོར་རིག་འཛིན་བརྒྱད་སོགས་དཔའ་བོ་མཁའ་འགྲོ་བསམ་གྱིས་མི་ཁྱབ་པར་དང་བཅས་ཏེ་མདུན་གྱི་ནམ་མཁར་སྤྲིན་དཔུང་ཏིབས་པ་ལྟར་བྱོན་པར་གྱུར། ཅེས་བསམས་ལ། ཧཱུྃ། ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོ་དང་། རིག་འཛིན་གྲུབ་ཐོབ་རྒྱ་མཚོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིསཿ བྱིན་གྱིས་རློབས་ཕྱིར་གཤེགས་སུ་གསོལཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་པར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ ཞེས་གསོལ་བ་བཏབ་པ་ཙམ་གྱིས་འོག་མིན་ཆོས་ཀྱི་དབྱིངས་ཀྱི་ཕོ་བྲང་དང་། ངེས་པ་ལྔ་ལྡན་ལོངས་སྤྱོད་རྫོགས་པ་སྐུའི་ཞིང་ཁམས་དག་། རང་བཞིན་སྤྲུལ་པ་སྐུའི་ཞིང་ཁམས་དང་མ། འགྲོ་འདུལ་སྤྲུལ་སྐུའི་ཞིང་གི་གཙོ་བོར་གྱུར་པ་ནུབ་ཕྱོགས་བདེ་བ་ཅན་གྱི་ཞིང་ཁམས་དང་། ལྷོ་ནུབ་པདྨ་འོད་ཀྱི་ཕོ་བྲང་སོགས་རབ་འབྱམས་རྒྱ་མཚོའི་ཞིང་ཁམས་ན་བཞུགས་པའི་སྐུ་གསུམ་རྒྱལ་བ་རྒྱ་མཚོ་འཁོར་དང་བཅས་པ་རྣམས་ཨོ་རྒྱན་ཆེན་པོའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་པར་རོལ་པས་སྔོན་གྱི་ཐུགས་དམ་དུས་ལ་འབབས་པ་ཇི་བཞིན། ནམ་མཁའ་ནས་བྱོན་པ་ཐམས་ཅད་ཁ་ནབ་བུ་ཡུག་འཚུབས་པ་ལྟ་བུ། བར་སྣང་ན་བྱོན་པ་ཐམས་ཅད་སྦྲང་ཆར་བབས་ལྟ་བུ། ས་གཞི་ནས་བྱོན་པ་ཐམས་ཅད་ས་རླང་བྱུང་བ་བཞིན་ས་གསུམ་གྱི་གནས་ཡོངས་སུ་གང་ཞིང་། བཛྲ་གུ་རུའི་སྒྲ་འབྲུག་སྟོང་དུས་གཅིག་ལྡིར་བ་ལྟ་བུའི་གསང་སྔགས་ཀྱི་རང་སྒྲ་དང་བཅས་ཏེ་རྒྱ་མཚོ་ཆེན་པོ་ལ་ཁ་ཆར་བབས་པ་བཞིན་ཁྱེད་རང་རྣམས་ཨུ་རྒྱན་ཚེ་དཔག་མེད་དུ་གསལ་བའི་ལུས་ངག་ཡིད་གསུམ་ལ་དབྱེར་མེད་དུ་ཐིམ་པའི་མོས་པ་གྱིས་ཤིག །ཅེས་བརྡ་སྦྱར་ལ། ༀ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལཿ བཛྲ་མ་ཡ་ཛཿཛཿ ཞེས་རོལ་མོའི་སྒྲ་ཆེན་པོ་དང་བཅས། དམ་ཡེ་དབྱེར་མེད་དུ་གྱུར་པའི་མོས་པ་བརྟན་པའོ་མཛོད་ཅིག །ༀ་སུ་པྲ་ཏིཥྛ་བེཾདར་ཡེ་སྭཱ་ཧཱཿ སྔགས་དེ་ལན་གསུམ་དང་། སྤྱི་བོར་རྒྱ་གྲམ་བཞག་ཚུལ་བྱས་མཐར། སྤྱི་བོར་ཚེ་དཔག་མེད་ཡབ་ཡུམཿ མཉམ་པར་སྦྱོར་བའི་མཁའ་གསང་ནསཿ བདེ་ཆེན་བྱང་སེམས་བདུད་རྩིའི་རྒྱུནཿ བབས་པས་ལུས་གང་བདེ་བས་མྱོསཿ རྡོ་རྗེའི་སྲོག་ལ་དབང་ཐོབ་དམིགསཿ ཞེས་རྒྱས་གདབ་མཐར། ཚེ་བསྐུལ་བྱ་བ་ནི། དེ་ནས་སློབ་དཔོན་ཚེ་དཔག་མེད་དུ་གསལ་བ་དང་མདུན་བསྐྱེད་ཀྱི་ཐུགས་ཀ་ནས་འོད་ཟེར་དཀར་འཚེར་བ་ཐག་འཛིངས་པ་ལྟ་བུན་བུན་འཕྲོས་འོག་མིན་དག་པའི་ཞིང་ངེས་པ་ལྔ་ལྡན་རྟག་པ་རྒྱུན་གྱི་འཁོར་ལོའི་ཡོན་ཏན་དང་ཕྲིན་ལས་རིག་འཛིནདརང་སྲོང་རྣམས་ཀྱི་བསྐལ་པར་གནས་པའི་ཚེ་བཅུད། བརྟན་པ་སྣོད་ཀྱི་འཇིག་རྟེན་དང་། གཡོ་བ་བཅུད་ཀྱི་སེམས་ཅན་ཐམས་ཅད་ཀྱུ་ཁམས་དག་བཀྲག་མདངས་གཟི་བྱིན་དངས་བཅུད། ཚེ་དཔལ་བསོད་ནམས་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་བསྡུས་ནས་ཁྱེད་རང་ལ་ཐིམ་པའི་མོས་པ་མཛོད། །མདའ་དར་ཚད་བཞག་གདུང་ཤུགས་བསྐྱེད། ༀ་རང་སྣང་ཟངས་མདོག་དཔལ་གྱི་རིཿ ལྔ་ལྡན་རང་བྱུང་ཕོ་བྲང་ནསཿ བཅོམ་ལྡན་མགོན་པོ་ཚེ་དཔག་མེདཿ འཇའ་ལུས་རིག་འཛིན་ཚོགས་དང་བཅསཿ ཐུགས་དམ་བསྐུལ་ལོ་དབྱིངས་ནས་བཞེངསཿ འཆི་མེད་ན་ནམ་མཁའི་བཅུད་བསྡུས་ལཿ རྣམ་ཤེས་ཁམས་ནས་ཡར་བའི་ཚེཿ དབྱིངས་ཕྱུག་རིག་པའི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀ་ཨཱཿཧཱུྃ་བཛྲ་མཧཱ་གུ་རུ་ཨཱ་ཡུརྫྙཱ་ན་མ་ཧཱ་པུཎྱེ་ཚེ་བྷཱུཾ་ནྲྀ་ཛཿ སརྦ་སིདྡྷི་ཧཱུྃཿ ཧཱུྃཿ ཤར་ནས་རིག་འཛིན་ཧཱུྃ་ཀ་རཿ ཡང་དག་ཐུགས་ཀྱི་ཀློང་ནས་བཞེངསཿ འབྱུང་བ་ཆུ་ཡི་བཅུད་བསྡུས་ལཿ ཁྲག་གི་ཁམས་ནས་ཡར་བའི་ཚེཿ མཱ་མ་ཀཱི་ཡི་ཀློང་དུ་བསྐྱིལཿ འགྱུར་མེད་སྲོག་གི་ཀ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ན་མ་ཧཱ་པུཎྱེ་ཚེ་བྷཱུཾ་ནྲྀ་ཛཿསརྦ་སིདྡྷི་ཧཱུྃཿ ཏྲཱྀཿ ལྷོ་ནས་རིག་འཛིན་མཉྫུ་ཤྲཱིཿ འཇམ་དཔལ་སྐུ་ཡི་ཀློང་ནས་བཞེངསཿ འབྱུང་བས་ཡི་བཅུད་བསྡུས་ལཿ ཤ་ཡི་ཁམས་ནས་ཡར་བའི་ཚེཿ སངས་རྒྱས་སྤྱན་མའི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ན་མ་ཧཱ་པུ་ཎྱེ་ཚེ་བྷཱུཾ་ནྲྀ་ཛཿ སརྦ་སིདྡྷི་ཧཱུྃཿ ཧྲཱིཿ ནུབ་ནས་རིག་འཛིན་ནཱ་ག་རྫུཿ པདྨ་གསུང་གི་ཀློང་ནས་བཞེངསཿ འབྱུང་བ་མེ་ཡི་བཅུད་བསྡུས་ལཿ དྲོད་ཀྱི་ཁམས་ནས་ཡར་བའི་ཚེཿ གོས་དཀར་མོ་ཡི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དགོས་གྲུབ་སྩོལཿ ༀ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ན་མཧཱ་པུཎྱེ་ཚེ་བྷཱུཾ་ནྲྀ་ཛཿསརྦ་སིདྡྷིཧཱུྃཿ ཨཿ བྱང་ནས་རིག་འཛིན་པྲ་བྷ་ཧཿ ཕྲིན་ལས་ཕུར་པའི་ཀློང་ནས་བཞེངསཿ འབྱུང་རླུང་གི་བཅུད་བསྡུས་ལཿ དབགུས་ཀྱི་ཁམས་ནས་ཡར་བའི་ཚེཿ དམ་ཚིག་སྒྲ་མའི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚོ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀཨཱཿཧཱུྃ་བཛྲ་མ་ཧའ་གུ་རུ་འ་ཡུརྫྙཱ་ན་མ་ཧཱ་པུཎྱེ་ཚེ་བྷཱུཾ་ནྲྀ་ཛ་སརྦ་སིདྡྷིཧཱུྃཿ ཛཿཤར་ལྷོ་རིག་འཛིན་དྷ་ན་སཾཿ རོད་གཏོང་ཟིལ་གནོདན་བརྟུལ་ཞུགས་བསྐྱེདཿ ཀློང་གྱུར་ཡེ་ཤེས་ལྕགས་ཀྱུ་ཡིསཿ འཁྱབས་དང་ཡར་བའི་བླ་ཚེ་ཁུགཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀ་ཨཱཿཧཱུྃ་བཛྲ་མཧཱ་གུ་རུ་ཨཱ་ཡུརྫྙཱ་ན་མཧཱ་པུཎྱེ་ཚེ་བྷྲའཾ་ནྲྀ་ཛཿ སརྦ་སིདྡྷིཧཱུྃཿ ཧཱུྃཿ ལྷོ་ནུབ་རིག་འཛིན་བི་མ་ལཿ ཚེ་ལ་དབང་བའི་བརྟུལ་ཞུགས་བསྐྱེདཿ འདའ་ཀ་ཡེ་ཤེས་ཞགས་པ་ཡིསཿ འཐོར་བ་ཁུག་ལ་ཟད་པ་སྲིངསཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀཨཱཿཧཱུྃ་བཛྲ་མཧཱ་གུ་རུ་ཨཱ་ཡུརྫྙཱ་ན་མ་ཧཱ་པུཎྱེ་ཚེ་བྷཱུཾ་ནྲྀ་ཛཿསརྦ་སིདྡྷི་ཧཱུྃཿཧཱུྃཿ བཾཿ ནུབ་བྱང་རིག་འཛིན་རོམྦུ་གུཿ དྲེགས་པ་ཟིལ་གནོན་བརྡུལ་ཞུགས་བསྐྱེདཿ དབྱིངས་གྲོལ་ཡེ་ཤེས་ལྕགས་སྒྲོག་གིསཿ ལྷ་འདྲེས་བརྐུས་པའིབལ་ཚེ་ཕྲོགསཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ན་མ་ཧཱ་པུནྱེ་ཚེ་བྷཱུཾ་ནྲྀ་ཛཿ སརྦ་སིདྡྷིཧཱུྃཿ ཧོཿ བྱང་ཤར་རིག་འཛིན་ཤཱིནྟཾ་གྷ་རཿ མངོན་སྤྱོད་དམོད་པའི་བརྟུལ་ཞུགས་བསྐྱེདཿ མཐའ་གྲོལ་ཡེ་ཤེས་དྲིལ་བུ་ཡིསཿ བྱང་དུ་བཅུག་པའི་བླ་ཚེ་སྡུསཿ འགྱུར་མེད་སྲོག་གི་ཀ་བ་ཚུགསཿ ཚེ་མཛའ་འདི་ལ་ཚར་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ ༀཨཱཿཧཱུྃ་བཛྲ་མཧཱ་གུ་རུ་ཨཱ་ཡུརྫྙཱ་ན་མཧཱ་པུཎྱེ་ཚེ་བྷཱུཾ་ནྲྀ་ཛཿ སརྦ་སིདྡྷི་ཧཱུྃཿ སོགས། ཞེས་བཀུག་ཚེ་པྲ་བརྟགས་པའི་རྗེས། ཅེས་གདབ་ཚེ་མདང་དྲག་པོར་བསྲངསཿ ཚེ་དབང་བསྐུར་བ་དངོས་ནི། བུམ་པ་ཐོགས་ཏེ། བུ་མི་པ་འདི་ཉིད་ཕྱི་རིན་པོ་ཆེའི་བུམ་པའི་དབྱིབས་ལ། ནང་འགྱུར་བ་མེད་པའི་རྡོ་རྗེའི་ཕོ་བྲང་དུ་ཨོ་རྒྱན་ཚེ་དཔག་ཏུ་མེད་པའི་ལྷ་ཙོགས་མངོན་སུམ་བཞིན་གསལ་བའི་སྐུ་ལས་ཆི་མེད་ཚེའི་བདུད་རྩིའི་རྒྱུན་ཆེན་པོ་བབས་པ། སློབ་མ་རྣམས་ཀྱི་སྤྱི་བོ་ནས་ཞུགས་པས། ལུས་ཡོངས་སུ་གང་ཞིང་འཆི་མེད་ཚེའི་དངོས་གྲུབ་ཐོབ་པའི་མོས་པ་མཛོད། ཅེས་བརྡ་སྦྱར་ལ། ཧྲཱིཿ སྣང་སྲིད་གཞོན་ནུ་བུམ་པའི་སྐུཿ སྐྱེ་འཆི་བྲལ་བའི་བཅུད་ཀྱིས་གཏམསཿ སྐལ་ལྡན་བུ་ལ་དབང་བསྐུར་བསཿ འཆི་མེད་རྡོ་རྗེའི་སྲོག་འགྲུབ་ཤོགཿ ཅེས་ཚེ་འཛབ་དང་། ཀཱ་ཡ་ཨབྷི་ཥེཉྩ་ༀཿ བུམ་ཆུ་སྦྱིན་མཐར། ཚེ་དབང་དུ་གྱུར་ཅིག །དབང་དངོས་གྲུབ་ཏུ་གྱུར་ཅིག །ཚེ་མི་ཤིགས་པ་རྡོ་རྗེ་ལྟ་བུར་གྱུར་ཅིག །མི་འགྱུར་བ་གཡུང་དྲུང་ལྟ་བུར་གྱུར་ཅིག །མི་ནུབ་པ་རྒྱལ་མཚོན་ལྟ་བུར་གྱུར་ཅིག །ཚེ་སྲོག་རྡོ་རྗེ་བྲ་རེ་བས་སྲ་ཞིང་བརྟན་པ་ལ་མངའ་བརྙེས་པར་གྱུར་ཅིག །ༀ་ཨཱཿཧཱུྃ་བཛྲ་མཧའ་གུ་རུ་ཨཱ་ཡུརྫྙཱ་ན་མ་ཧཱ་པུཎྱེ་ཚེ་བྷཱུཾ་ནྲྀ་ཛཿ སརྦ་སིདྡྷི་ཧཱུྃཿ ཚེ་གཟུངས་བརྗོད། ཚེ་ཆང་བྱིན་པ་ནི། ཚེ་ཆང་འདི་ཉིད་ངོ་བོ་འཛི་མེད་མངོན་པོ་སྟངས་དཔྱལ་གྱི་བྱང་སེམས་བདུད་རྩིའི་རང་བཞིན་ཡིན་པ་ཁྱེད་རང་གི་ངག་ཏུ་བླུད་པ་ཙམ་གྱིས་བདེ་སྟོང་འགྱུར་བ་མེད་པའི་དངོས་གྲུབ་ཐོབ་པའི་མོས་པ་མཛོདཿ ཅེས་བརྗོད་ལ། ཧྲཱིཿ བདེ་ཆེན་ཡུམ་ལྔའི་བྷནྡྷ་རུཿ འཆི་མེད་བྱང་སེམས་བདུད་རྩིར་འཁྱིལཿ སྐལ་ལྡན་བུ་ལ་བྱིན་པ་ཡིསཿ སྐྱེ་འཆི་མེད་པའི་དབང་ཐོབ་ཤོགཿ རྩ་སྔགས་དང་། ཝཱཀྐ་ཨ་བྷི་ཥི་ཉྩཨཿ ཅེས་བརྗོད་ཅིང་ཚེ་ཆང་བྱིན་ནས། ཚེ་དབང་དུ་གྱུར་ཅིགཿ སོགས་གོང་ལྟར་བརྗོད་ཅིང་། ཚེ་རིལ་སྦྱིན་པ་ནི། ཚེ་རིལ་འདི་ཉིད་འཁོར་འདས་སྣང་སྲིད་ཡོངས་ཀྱི་ཚེ་བསོད་དཔལ་འབྱོར་བཅུད་དུ་དྲིལ་བའི་རྫས་མཆོག་ཏུ་དམིགས་ཏེ། ཁྱེད་རང་གི་མགྲིན་པའི་ལམ་དུ་བསྟིམ་པ་ཙམ་གྱིས་རྡོ་རྗེའི་སྲོག་ལ་དབང་ཐོབ་པའི་མོས་པ་མཛོད། ཅེས་བརྗོད་ལ། ཧྲཱིཿ བརྟན་གཡོའི་ཁམས་དང་སྟོབས་བཅུའི་དཔལཿ ཡོངས་ཀྱི་བུད་འདུས་ཤེའི་རིལ་བུཿ རིགས་ཀྱི་བུ་ལ་སྦྱིན་པ་ཡིསཿ རྡོ་རྗེའི་སྡོག་ལ་དབག་ཐོབ་ཤོགཿ ༀ་ཨཱཿༀ་བཛྲ་བཧའ་གུ་རུ་ཨཱ་ཡུཛྙཱ་ན་མཧཱ་པུཎྱེཚེ་བྷཱུཾ་ནྲྀ་ཛཿ སརྦ་སིདྡྷི་ཧཱུྃཿ ཙིཏྟ་ཨ་བྷི་ཥིཉྩ་ཧཱུྃཿ ཞེས་བརྗོད་ཅིང་ཚེ་རོལ་བྱིན། ཚེ་དབང་དུ་གྱུར་ཅིག །དབང་དངོས་གྲུབ་ཏུ་གྱུར་ཅིག །ཚེ་མི་ཤིགས་པ་རྡོ་རྗེ་ལྟ་བུར་གྱུར་ཅིག །མི་འགྱུར་བ་གཡུང་དྲུང་ལྟ་བུར་གྱུར་ཅིག །མི་ནུབ་པ་རྒྱལ་མཚན་ལྟ་བུར་གྱུར་ཅིག །ཚེ་སྲོག་རྡོ་རྗེའི་བྲག་རི་བས་སྲ་ཞིང་བརྟན་པ་ལ་མངའ་བརྙེས་པར་གྱུར་ཅིག །ཚེ་གཟུངས་བཟླས་མཐར་སྤྲོ་ན་ཚེ་བསྐུལ་རྒྱས་པ་བྱ་ཞིང་། དེ་ལྟར་མི་སྤྲོ་ན་ཚོ་མདའ་ཐོགས་ལ། ཧྲཱྀཿ ལྷ་དང་རིག་འཛིན་ཚེ་ཡི་བདགཿ ཅིས་ཀྱང་མི་ཆོད་མི་ཤིགས་པའིཿ ཚེ་སྲིང་བླ་ཁུག་རྒྱས་ཐོབ་ལཿ འཆི་མེད་ཚེ་དབང་འདིར་སྩོལ་ཅིག །ཚེ་གཟུངས་བཟླ་བཞིན་ཚེ་མདའ་མགོར་བཞག །ཚེ་དབང་དུ་གྱུར་ཅིག །སོགས་གོང་ལྟར་ལ། ཨཱཿ འབྱུང་ལྔའི་དབྱིངས་སུ་འཁྱམས་པའི་ཚེཿ ཡུམ་ལྔའི་ཀློང་དུ་རྒྱས་བཏབ་པསཿ ཡེ་ཤེས་ལྔ་ལ་སྐྱེ་འཆི་མེདཿ སྐུ་ལྔའི་དབྱིངས་སུ་ཚེ་སྦས་པཿ རིགས་ལྔའི་རྒྱལ་བས་ཀྱང་མི་གཟིགསཿ དྷརྨཱདྷརྟུ་བཛྲ་རཀྵཿས་རྒྱས་གདབ། སྤྲོ་ན་བཀྲ་ཤིས་རྫས་རྟགས་ཀྱིས་མངའ་གསོལ། གཞན་བཀྲ་ཤིས་ཅི་རིགས་པར་བརྗོད་ཅིང་། དེ་ནས་དམ་ཚིག་གི་རིམ་པ་རྣམས་ཚུལ་བཞིན་དུ་སྙམ་པས་འདི་ཡི་རྗེས་ཟློས་གྱིས། གཙོ་བོས་ཇི་ལྟར་བཀའ་སྩལ་པ། དེ་དག་ཐམས་ཅད་བདག་གིས་བགྱི། ལན་གསུམ་མཐར། དེ་ལྟར་ཚེའི་དབང་བསྐུར་ཟབ་མོ་ལེགས་པར་ཐོབ་པའི་བཀའ་དྲིན་གཏང་རག་གི་ཡོན་ཏདུ་མཎྜལ་ཕུལ། ཞེས་འབུལ་བཅུག །དེ་ལྟར་ཚེ་ཡི་དབང་བསྐུར་ལེགས་པར་གྲུབ་པའི་དགེ་བ་འདིས་མཚོན་པའི་དུས་གསུམ་བསགས་ཡོད་ཀྱི་དགེ་བ་རྣམས་མཁའ་མཉམ་སེམས་ཅན་གྱི་དོན་དུ་བསྔོ་བར་ཞུ། ཞེས་མཐའ་རྒྱས་སུ་བྱའོ། །ཚེ་དབང་བརྒྱ་རྩ་གྲངས་གསོག་ན། དང་པོ་མཎྜལ། འཆི་མེད་མགོན་པོ་པདྨ་འབྱུང་ཿ གིས་གསོལ་གདབ། སློབ་མ་ལྷར་བསྐྱེད། ཡེ་ཤེས་དབབ། ཚེ་བསྐུལ། ཚེ་བུམ། ཚེ་ཆང་། ཚེ་རིལ། རྒྱས་གདབ་བཀྲ་ཤིས་བཅས་བསག་ཚུལ་ཟུར་བཀོལ་ལྟར་རོ། འདིར་སྨྲས་པ། སྙིང་དུས་འགྲོ་བའི་སྐྱབས་གཅིག་པད་འབྱུང་དང་། དབྱེར་མེད་མཀྱེན་བརྩེའི་འོད་ཟེར་འཇིགས་མེད་གླིང་། །གང་དེའི་དགོངས་གཏེར་ནམ་མཁའི་མཛོད་ཆེན་ལས། །ལེགས་བྱུང་ཚེ་སྒྲུབ་བདུད་རྩི་བུམ་བཅུད་རྨད། །དེ་ཡི་སྨིན་བྱེད་ཁྲིགས་སུ་བསྡེབས་པ་འདི། །རྒྱ་མཚོ་འཇིང་ལས་ཡིད་བཞིན་དབང་པོ་མཆོག །ལེགས་བཏོན་སྐལ་བཟང་དད་ལྡ་སྐྱེས་མཆོག་གི། །གཙུག་གི་རྒྱན་དུ་བྱིན་གྱིས་དད་པ་དང་། །དངས་པའི་སེམས་ཀྱིས་ལོངས་ལ་གདུལ་བྱའི་འགྲོའི། །ཚེ་སྲོག་ཉམས་པ་གསོ་བའི་སེམས་བསྐྱེད་ཀྱིས། །འདིར་བརྩོན་ཐབས་མཆོག་བླ་ན་མེད་པ་འདིས། །ཀུན་ཀྱང་འཆི་བའི་འཇིགས་ལས་དབུགས་འབྱིན་ཤོག །ཅེས་རིག་འཛིན་ཆེན་པོ་འཇིགས་མེད་གླིང་པའི་དགོངས་གཏེར་ནམ་མཁའ་མཛོད་ཀྱི་ཆོས་སྡེ་ལས་བྱུང་བའི་ཚེ་སྒྲུབ་བདུདད་རྩི་བུམ་བཅུད་ཀྱི་ཚེ་དབང་བསྐུར་ཐབས་དོན་གཉིས་ལྷུན་གྲུབ་ཡིད་བཞིན་དབང་གི་རྒྱལ་པོ་ཞེས་བྱ་བ་འདི་ཉིད་བླ་མ་རྡོ་རྗེ་འཛིན་པ་འཇིགས་མེད་ཤཱཀྱ་སེང་གེས་བསྐུལ་ངོར་འཇིགས་མེད་ཕྲིན་ལས་འོད་ཟེར་གྱིས་སྤེལ་བས་ཡེ་གེ་པ་ནི་དད་ལྡན་སངས་རྒྱས་བཟང་པོའམ་སངས་རྒྱས་འོད་གསལ་གྱིས་བགྱིས་པའི་དགེ་བས་འགྲོ་རྣམས་འཆི་མེད་མགོན་པོའི་དཔལ་ཡོན་ལ་ལོངས་སྤྱོད་པའི་སྐལ་བ་དང་ལྡན་པར་གྱུར་ཅིག །དགེའོ། སརྦ་མངྒ་ལཾ།། །།

འཕགས་ཡུལ་རིག་འཛིན་མཆོག་བརྒྱད་ཀྱི་གསོལ་འདེབས་བྱིན་རླབས་ཆུ་རྒྱུན།

༄༅། འཕགས་ཡུལ་རིག་འཛིན་མཆོག་བརྒྱད་ཀྱི་གསོལ་འདེབས་བྱིན་རླབས་ཆུ་རྒྱུན་བཞུགས་སོ། །རྣམ་ཀུན་མཆོག་ལྡན་ཆོས་སྐུའི་མཁའ་དབྱིངས་ལས། །ཡན་ལག་བདུན་ལྡན་ལོངས་སྐུའི་ཉ་རྒྱ་ཟླ། །གདུལ་བྱའི་མཚོ་ལ་བསམ་ཡས་སྤྲུལ་སྐུའི་ཚུལ། །སྒྱུ་འཕྲུལ་དྲྭ་བར་བསྒྱུར་ལ་གསོལ་བ་འདེབས། །ཤར་ཕྱོགས་བསིལ་བ་ཚལ་གྱི་དུར་ཁྲོད་དུ། །ཡང་དག་ཐུགས་ཀྱི་གསང་མཛོད་སྒོ་ཕྱེས་ཏེ། །གྲུབ་གཉིས་ཡིད་བཞིན་གཏེར་ལ་དབང་བསྒྱུར་བའི། །སློབ་དཔོན་ཧཱུྃ་ཀ་ར་ལ་གསོལ་བ་འདེབས། །ལྷོ་ཕྱོགས་སྐུ་ལ་རྫོགས་པའི་དུར་ཁྲོད་དུ། །པདྨ་གསུང་གི་ཆུ་གཏེར་རབ་བརྒལ་ནས། །ཇི་ལྟ་ཇི་སྙེད་མཁྱེན་པའི་ནོར་ཐོབ་པ། །ཀླུ་སྒྲུབ་སྙིང་པོའི་ཞབས་ལ་གསོལ་བ་འདེབས། །བྱང་ཕྱོགས་པདྨ་བརྩེགས་པའི་དུར་ཁྲོད་དུ། །ཕུར་པ་ཕྲིན་ལས་རྡོ་རྗེའི་མཚོན་བརྡུངས་པས། །སྲིད་གསུམ་དབྱིངས་སུ་སྒྲོལ་བའི་མཐུ་ཐོབ་པ། །པྲ་ཆེན་ཧ་སྟིའི་ཞབས་ལ་གསོལ་བ་འདེབས། །ཤར་ལྷོ་ལྷུན་གྲུབ་བརྩེགས་པའི་དུར་ཁྲོད་དུ། །རྦོད་གཏོང་མ་མོའི་དགའ་མར་རྟག་རོལ་བས། །ཟག་མེད་བདེ་ཆེན་ལང་ཚོ་རབ་རྒྱས་པ། །དྷ་ན་སཾ་སྐྲིའི་ཞབས་ལ་གསོལ་བ་འདེབས། །ལྷོ་ནུབ་གསང་ཆེན་རོལ་པའི་དུར་ཁྲོད་དུ། །ཡོན་ཏན་བདུད་རྩིའི་བཅུད་ལ་ལོངས་སྤྱོད་པས། །འཕོ་མེད་འཇའ་ལུས་མཆོག་གི་སྐུར་བཞེངས་པ། །བཱི་མ་མི་ཏྲའི་ཞབས་ལ་གསོལ་བ་འདེབས། །ནུབ་བྱང་ཧེ་ཆེན་བརྡལ་བའི་དུར་ཁྲོད་དུ། །འཇིག་རྟེན་མཆོད་བསྟོད་དཔུང་ཚོགས་རབ་རྔམས་པས། །མ་རུངས་བདུད་སྡེའི་གཡུལ་ངོ་ཕམ་བྱས་པ། །རོམ་བུ་གུ་ཧྱའི་ཞབས་ལ་གསོལ་བ་འདེབས། །བྱང་ཤར་འཇིག་རྟེན་བརྩེགས་པའི་དུར་ཁྲོད་དུ། །དྲག་སྔགས་དམོད་པའི་མེ་དཔུང་རབ་འབར་བས། །ཕས་རྒོལ་རྩི་ཤིང་བསྲེགས་པའི་མཐུ་ཐོབ་པ། །ཤིནྟཾ་གརྦྷའི་ཞབས་ལ་གསོལ་བ་འདེབས། །སྐུ་གསུམ་རྒྱལ་བའི་ཞིང་ཁམས་ཐམས་ཅད་དུ། །སྒྲུབ་སྡེ་བརྒྱད་ལ་མངོན་པར་བྱང་ཆུབ་ནས། །རིག་འཛིན་རྣམ་བཞིའི་གོ་འཕང་མཆོག་བརྙེས་པ། །ཨོ་རྒྱན་ཐོད་ཕྲེང་རྩལ་ལ་གསོལ་བ་འདེབས། །དེ་ལྟར་གསོལ་བ་བཏབ་པས་རྒྱལ་རྣམས་ཀྱི། །མཁྱེན་བརྩེ་ནུས་པའི་བྱིན་རླབས་དཔལ་ཡོན་ཀུན། །བདག་གིས་ལེགས་ཐོབ་རྡོ་རྗེའི་སྐུར་སྨིན་ཏེ། །མ་ལུས་འགྲོ་བའི་དཔལ་དུ་འགྱུར་བར་ཤོག །རིག་འཛིན་མཆོག་བརྒྱད་ཀྱི་གསོལ་འདེབས་བྱིན་རླབས་ཆུ་རྒྱུན་ཞེས་བྱ་བ་འདི་ཉིད་རེ་བོ་དགའ་ལྡན་པའི་རབ་འབྱམས་པ་དོན་གྲུབ་རྒྱ་མཚོས་བསྐུལ་བའི་ངོར་གསང་སྔགས་ཀྱི་དཀྱིལ་འཁོར་དུ་དབང་བསྐུར་ལེགས་པར་ནོད་ནས་ཐེ་ཚོམ་གྱི་གེགས་མ་ཞུགས་པའི་རྫོགས་ཆེན་རྣལ་འབྱོར་པ་འཇིགས་མེད་ཕྲིན་ལས་འོད་ཟེར་ཞེས་བྱ་བའི་བྱ་བྲལ་བར་ཐོལ་བྱུང་དུ་ཤར་བར་ཡིད་ཆེས་ཐོབ་ནས་བྱང་ཕྱོགས་མཚོ་སྔོན་ནས་སྤེལ་བའི་དགེ་བས་འབྲེལ་ཐོགས་ཐམས་ཅད་ཀྱི་རྒྱུད་ལ་བྱིན་རླབས་འཇུག་པའི་རྒྱུར་གྱུར་ཅིག །

སྐྱེ་ཕྲེང་གསོལ་འདེབས་མེ་ཏོག་ཕྲེང་མཛེས།

༄༅། །སྐྱེ་ཕྲེང་གསོལ་འདེབས་མེ་ཏོག་ཕྲེང་མཛེས་བཞུགས་སོ། །ན་མོ་ཤྲཱི་གུ་ར་ཝེ། བདེ་གཤེགས་སྙིང་པོ་ཀུན་བྱེད་རྒྱལ་པོ་ཡིས། །སྲིད་ཞི་ཡོངས་ལ་ཁྱབ་ཕྱིར་རིགས་དྲུག་འགྲོ། །ཀུན་བཟང་ཉིད་ལས་མི་གཞན་དེ་ཡི་ཕྱིར། །འཁོར་འདས་མཉམ་རྟོགས་པས་ཕྱག་བགྱིའོ། །ཨེ་མ། གདོད་ནས་རྣམ་དག་བྱང་ཆུབ་སེམས་ཉིད་དེ། །དམྱལ་མེས་མ་ཚིག་པྲེ་ཏས་མ་ཕོངས་ཤིང་། །དུད་འགྲོས་མ་འཐོམ་བདུད་སྡེས་མ་ཐུལ་བའི། །སྟོང་ཉིད་སྙིང་རྗེར་འབྲེལ་དེར་གསོལ་བ་འདེབས། །དེ་ལས་མཆེད་པའི་སྒྱུ་མའི་རྣལ་འབྱོར་པ། །འདས་དུས་བསྐལ་པར་ལུང་བསྟན་རྡོ་རྗེ་དང་། །སྐུ་གསུམ་ཞིང་དུ་མ་ངེས་སྣ་ཚོགས་སྟོན། །གཉིས་ལྡན་འོག་ཏུ་བྲམ་ཟེ་དཔལ་རབ་ལྡན། །བོད་རྗེ་སྙན་ཤལ་རྒྱལ་པོར་གསོལ་བ་འདེབས། །ཁྲི་སྲོང་སྲས་གྱུར་མུ་རུབ་བཙད་པོ་དང་། །ཐུགས་རྗེ་ཆེན་པོའི་རྣལ་འབྱོར་བསམ་གཏན་པ། །དྭགས་སྟོད་སྔགས་འཆང་རྡོ་རྗེ་རབ་བརྟན་ཞེས། །བུདྡྷ་དྭི་བར་བཅས་ལ་གསོལ་བ་འདེབས། །ཚ་རོང་ཆུ་མཚོར་ནཱ་གའི་སེམས་དཔའ་ཆེ། །ཡུལ་དེའི་དཔོན་བླ་སྙིང་པོ་སྣང་མཛད་དང་། །རྡོ་ཡུལ་སྟོད་དུ་སོ་སྐྱེས་འཕགས་པའི་ཚུལ། །ཀུན་བཟང་གཞན་ལ་ཕན་དེར་གསོལ་བ་འདེབས། །གཞན་ཡང་དཀར་ནག་ལས་ཀྱི་ཚོན་སྣ་ཡིས། །སྦགས་པའི་རང་གཟུགས་བརྗོད་པའི་མཐར་འདས་ཀྱང་། །བྱང་སེམས་དངུལ་ཆུ་དམན་དྲིས་མ་གོས་པའི། །ཕན་བདེའི་རྩ་ལག་དེ་ལ་གསོལ་བ་འདེབས། །འདི་འོག་ཏིང་འཛིན་རྣམ་གསུམ་རོལ་རྩལ་ལས། །སྐུ་གསུམ་སྟོན་པའི་ཕྲིན་ལས་ཕོ་ཉ་བ། །སྣ་ཚོགས་འཕྲུལ་གྱི་བྱེད་པོ་ཕན་བདེའི་བདག །ཕུན་ཚོགས་འབྱུང་གནས་དེ་ལ་གསོལ་བ་འདེབས། །གདོད་མ་ཆོས་སྐུ་དག་པའི་གཞི་དབྱིངས་ནས། །སྣ་ཚོགས་ལོངས་སྐུའི་བཀོད་པ་ཕྱོགས་བཅུར་འཕྲོ། །སྤྲུལ་སྐུ་རྒྱུན་ཆད་མེད་པས་འགྲོ་དོན་མཛད། །འཇིག༵༷ས་མེ༷ད་བསྟན༷་པའི༷་རྒྱལ་མཚ༷ན་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་མཐུ་ནུས་ཀྱིས། །སྐྱེ་བའི་ཕྲེང་བར་བླ་མ་དམ་པ་དང་། །འབྲལ་མེད་རིམ་དགུའི་ཐེག་པར་ལོངས་སྤྱོད་ནས། །ས་བཅུ་ལམ་ལྔའི་དཔལ་ཡོན་མཐར་ཕྱིན་ཤོག །འདི་ཉིད་དབུ་མཛད་འཇིགས་མེད་ཆོས་དར་གྱིས་བསྐུལ་ངོར། ཀུན་བཟང་གཞན་ཕན་གྱིས་བྲིས་པ་ཀུན་ཏུ་དགེ་བར་གྱུར་ཅིག །དགེའོ།། །།

ཡེ་ཤེས་མཁའ་འགྲོ་བདེ་ཆེན་རྒྱལ་མོའི་གསོལ་འདེབས་བདེན་པ་གཉིས་ཀྱི་མྱུ་གུ་དངོས་གྲུབ་འབྱུང་གནས།

༄༅། །ཡེ་ཤེས་མཁའ་འགྲོ་བདེ་ཆེན་རྒྱལ་མོའི་གསོལ་འདེབས་བདེན་པ་གཉིས་ཀྱི་མྱུ་གུ་དངོས་གྲུབ་འབྱུང་གནས་ཞེས་བྱ་བ་བཞུགས་སོ། །གུ་རུ་དྷེ་ཝ་ཌཱཀྐི་ནི་སརྦ་སིདྡྷི་ཕ་ལ་ཧཱུྃ། བདེ་སྟོང་སྤྲོས་དང་བྲལ་བའི་ཕོ་བྲང་ནས། །ཆོས་སྐུའི་སྟོན་པ་ཀུན་བཟང་ཡབ་ཡུམ་ལ། །གཉིས་མེད་འཛིན་བྲལ་ངང་ནས་གསོལ་བ་འདེབས། །གཞོན་ནུ་བུམ་པའི་སྐུ་རུ་བྱིན་གྱིས་རློབས། །སྣང་སྟོང་ལྷུན་གྱིས་གྲུབ་པའི་ཕོ་བྲང་ནས། །ལོངས་སྐུའི་སྟོན་་རིགས་ལྔ་སྟངས་དཔྱལ་ལ། །ཟུང་འཇུག་བདེ་ཆེན་ངང་ནས་གསོལ་བ་འདེབས། །མཐའ་བྲལ་ལོངས་སྤྱོད་རྫོགས་སྐུར་བྱིན་གྱིས་རློབས། །གསལ་སྟོང་རོལ་རྩལ་འགག་མེད་ཀློང་ཡངས་ནས། །ཐུགས་རྗེ་སྤྲུལ་སྐུའི་སྟོན་པ་བསམ་ཡས་ལ། །རྣམ་གསུམ་དད་པའི་ངང་ནས་གསོལ་བ་འདེབས། །གང་འདུལ་སྤྲུལ་པའི་སྐུ་རུ་བྱིན་གྱིས་རློབས། །འོག་མིན་པདྨ་འོད་ཀྱི་ཕོ་བྲང་དུ། །སྟོན་པའི་ཞལ་སྐྱིན་པདྨ་འབྱུང་གནས་ལ། །བཀའ་དྲིན་དྲན་པའི་ངང་ནས་གསོལ་བ་འདེབས། །འགྱུར་མེད་རྡོ་རྗེའི་སྐུ་རུ་བྱིན་གྱིས་རློབས། །གནས་ཡུལ་དུར་ཁྲོད་མཁའ་སྤྱོད་ཡོངས་ཀྱི་བདག །རྡོ་རྗེ་ཕག་མོཛྙཱ་ན་ས་ཀ་རར། །བཅུ་དྲུག་དགའ་བའི་ངང་ནས་གསོལ་བ་འདེབས། །བདེ་སྟོང་གཉིས་འཛིན་བྲལ་བར་བྱིན་གྱིས་རློབས། །རྒྱལ་ཀུན་བསྐྱེད་ཡུམ་མཁའ་འགྲོའི་གསང་གསུམ་ན། །གདན་གསུམ་ཡོངས་རྫོགས་དམ་པ་རིགས་བརྒྱའི་ལྷ། །དངོས་འཛིན་ཞེན་བྲལ་ངང་ནས་གསོལ་བ་འདེབས། །ལྷ་ཚོགས་རོ་གཅིག་རྟོགས་པར་བྱིན་གྱིས་རློབས། །ངོ་བོ་རང་བཞིན་ཐུགས་རྗེའི་བདག་ཉིད་རྗེ། །རྩ་གསུམ་མྱུ་གུ་མཁྱེན་བརྩེའི་འོད་ཟེར་ལ། །དད་དམ་གོང་འཕེལ་ངང་ནས་གསོལ་བ་འདེབས། །ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས། །འགྲོ་ཕན་སྙིང་རྗེ་ཀུན་ཁྱབ་ཀློང་ཡངས་ནས། །འཇིགས་མེད་ཕྲིན་ལས་འོད་ཟེར་དཔལ་འབར་ལ། །དམ་ཚིག་རྒྱུན་ལྡན་ངང་ནས་གསོལ་བ་འདེབས། །རབ་འབྱམས་ཕྲིན་ལས་འགྲུབ་པར་བྱིན་གྱིས་རློབས། །ཁ་སྐོང་ནི། རླབས་ཆེན་འགྲོ་འདུལ་སྤྱོད་པའི་ཀློང་ཡངས་ནས། །རིག་འཛིན་འཇིགས་མེད་རྒྱལ་བའི་མྱུ་གུ་ལ། །རྣམ་ཐར་རྗེས་དྲན་ངང་ནས་གསོལ་བ་འདེབས། །ཕྱོགས་མེད་འགྲོ་དོན་ནུས་པར་བྱིན་གྱིས་རློབས། །རབ་འབྱམས་ཆོས་ཚུལ་རྒྱ་མཚོའི་ཕོ་བྲང་ནས། །འཇམ་དཔལ་རྡོ་རྗེ་མདོ་སྔགས་གླིང་པའི་ཞབས། །སྒོ་གསུམ་ཟོལ་མེད་ངང་ནས་གསོལ་བ་འདེབས། །ཟབ་ལམ་མཐའ་རུ་འཁྱོལ་བར་བྱིན་གྱིས་རློབས། །མི་འབྲལ་བདེ་ཆེན་འཁོར་ལོའི་ཟུར་ཕུད་ནས། །བཀའ་དྲིན་མཉམ་མེད་རྩ་བའི་བླ་མ་ལ། །ཁྱེད་ཤེས་མོས་པའིངང་ནས་གསོལ་བ་འདེབས། །དགོངས་བརྒྱུད་བདུད་རྩིས་འཚོ་བར་བྱིན་གྱིས་རློབས། །རྡོ་གྲུབ་བསྟན་ཉིས་མཛད་པ། །གསོལ་བཏབ་ཐུགས་རྗེས་འཁོར་འདས་ཆོས་སོ་ཅོག །ཀུན་རྫོབ་སྒྱུ་མའི་དཔེ་བརྒྱད་རྣམ་རོལ་ཀྱང་། དོན་དམ་བདེ་གཤེགས་སྙིང་པོར་ཡོངས་བཟླུམ་པ། མྱང་འདས་མཐའ་བྲལ་དོན་གྱི་དབུ་མ་མཆོག །ཕྱག་རྫོགས་དབྱེར་མེད་ཡེ་ཤེས་མཁའ་འགྲོའི་ཞལ། །མངོན་སུམ་མཐོང་ནས་མཐའ་ཡས་འགྲོ་བ་ཀུན། །བདག་མེད་ལྷ་མོ་མཚོ་རྒྱལ་རྣལ་འབྱོར་མའི། །གོ་འཕང་མཆོག་ལ་འགོད་ནུས་དཔལ་ཐོབ་ཤོག །ཅེས་ཡེ་ཤེས་མཁའ་འགྲོ་བདེ་ཆེན་རྒྱལ་མོའི་གསོལ་བདེབས་བདེན་པ་གཉིས་ཀྱི་མྱུ་གུ་དངོས་གྲུབ་འབྱུང་གནས་བྱ་བ་འདི་ཉིད་དད་དམ་ཐོས་པའི་ནོར་ལྡན་ཡོ་གི་ས་མནྟབྷ་དྲདྷརྨཱ་དཱི་དང་། སྔོན་ལས་དགེ་བའི་བག་ཆགས་དུས་སུ་སྨིན་པ་རང་ཉིད་ཀྱི་ཚ་མོ་ཚོགས་གཉིས་དབང་མོ་ཟུང་གིས་ནན་བསྐུལ་ངོར། །རྣལ་འབྱོར་པ་ཀུན་བཟང་གཞན་ཕན་གྱིས་མཉམ་བཞག་གི་སྒྲོམ་ནས་རྗེས་ཐོབ་ཀྱི་སྣང་ཆར་སྤེལ་བའི་ཡི་གེ་པ་ནི་འགྱུར་མེད་ཡེ་ཤེས་ཀྱིས་བགྱིས་པ་ཡོངས་སུ་དགེ་བར་གྱུར་ཅིག །སརྦ་མངྒ་ལཾ།། །།

ཀློང་ཆེན་སྙིང་ཐིག་གི་ཆ་ལག་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་གནས་འདྲེན་རྣམ་གྲོལ་ལམ་བཟང་།

༄༅། །ཀློང་ཆེན་སྙིང་ཐིག་གི་ཆ་ལག་ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་གནས་འདྲེན་རྣམ་གྲོལ་ལམ་བཟང་བཞུགས་སོ། །

ན་མོ་གུ་རུ་ལོ་ཀི་ཤྭ་རཱ་ཡེ། རྒྱལ་ཀུན་བྱམས་བརྩེའི་རྣམ་རོལ་སྤྱན་རས་གཟིགས། །གང་དང་རྣམ་དབྱེར་མ་མཆིས་མཁྱེན་བརྩེའི་ལྔ། །སྙིང་དབུས་དད་བརྒྱའི་པདྨོའི་གེ་སར་སྟེང་། །འབྲལ་མེད་རྟག་པར་བཞུགས་ལ་བྱིན་གྱིས་རློབས། །དེ་ཡང་གཤིན་པོ་རིགས་དྲུག་གྲོང་ཁྱེར་ནས། །བདེ་ཆེན་ཐར་པའི་གོ་སར་དབུགས་དབྱུང་ཕྱིར། །གནས་འདྲེན་ཆོ་ག་རྣམ་གྲོལ་ལམ་བཟང་མཆོག །སྤེལ་ལ་ཕྱག་ན་པདྨོས་བྱིན་ནུས་སྩོལ། །དེ་ལ་ཐོག་མར་སྡུག་བསྔལ་རང་གྲོལ་གྱི། །ཆོ་ག་དཀྱུས་བཞིན་འཛབ་བཟླས་བསྟོད་པ་བཅས། །གྲུབ་རྗེ་རིགས་དྲུག་དལ་དུ་ཐུབ་དྲུག་དང་། །སོ་བོན་དྲུག་བཀོད་གཞན་ཡང་སྦྱོང་ཆས་དང་། །རིགས་དྲུག་སོ་སོའི་ལན་ཆགས་གཏོར་མ་དྲུག །ཁྲུས་བུམ་དབང་རྫས་གཞུང་ལྟར་ལེགས་བཀོད་ནས། །གཤིན་གྱི་མིང་བྱང་ཆས་ལྡན་ཟས་བསྔོའི་རྫས། །མ་ཚང་མེད་པར་འདུ་བྱ་བཤམས་ཏེ་བཞག །དེ་ནས་བྱམས་བརྩེའི་ངང་ནས་འདི་བཞིན་བརྗོད། །ཧྲཱིཿ བདག་ཉིད་ཐུགས་རྗེ་ཆེན་པོའི་སྐུར་གསལ་བའི། །ཐུགས་ཀའིཧྲཱིཿལས་འོད་ཟེར་རབ་འཕྲོས་པས། །ཚེ་འདས་རྣམ་ཤེས་འཇིག་རྟེན་བདུན་པོའི་ཡུལ། །གང་ལ་གནས་ཀྱང་བཀུར་སྟེ་གཟུགས་ལ་བསྟིམ། །ཞེས་བསམ་ཏིང་འཛིན་ཡེངས་མེད་སྟོབས་ཀྱིས་བཀུག །ན་མོ། མཆོག་གསུམ་རྩ་གསུམ་ཀུན་འདུས་ཐུགས་རྗེའི་ལྷ། །སྡུག་བསྔལ་རང་གྲོལ་སྤྱན་རས་གཟིགས་དབང་གི། །བདེན་པའི་སྟོབས་ཀྱིས་ཚེ་འདས་རྣམ་ཤེས་དེཿ མྱུར་བ་ཉིད་དུ་མཚན་བྱང་འདི་ལ་ཁུག །ༀ་མ་ཎི་པདྨེ་ཧཱུྃ་ཧྲཱིཿ ཚེ་ལས་འདས་པ་ཨཾ་ཀུ་ཤཱ་ཡ་ཛ་ཛཿ མདུན་དུ་དུལ་བའི་ཚུལ་གྱིས་བག་ཕེབས་གྱུར། ཧྲཱིཿ འདི་སྣང་ལས་ཏལ་ཚེ་འདས་ཁྱོད་ཉོན་ཅིག །རིགས་དྲུག་གར་སྐྱེས་སྡུག་བསྔལ་འཛིན་ཁྲིའི་གནས། །དེ་ལས་འདོན་ཕྱིར་གཟུགས་མིང་ཡིད་ཆགས་རྫས། །སྒོ་གསུམ་རྟེན་རྫས་འདི་ལ་བརྟན་པར་བཞུགས། །ནྲྀཿཛཿཧཱུྃ་བཾ་ཧོཿ ཏིཥྛནྟུ། ཞེས་བརྗོད་བརྟན་པར་བཞུགས་ནས་ཆོས་ཉན་མོས། བགེགས་གཏོར་བསང་སྦྱངས་བྱིན་རླབས་སྔོན་འགྲོ་བྱ། །ཧྲཱིཿ འཁོར་བར་འཁོར་ཚེ་ལན་ཆགས་ཤ་མཁོན་རྒྱུས། བསྐྱེད་པའི་ཟ་འདྲེ་ཤི་གཤེད་སྲོག་གཅོད་དང་། །དབུགས་ལེན་གཤིན་དུ་བརྫུ་བའི་རིགས་རྣམས་ཀུན། །གླུད་འདི་ལོངས་ལ་གཞན་དུ་དེངས་ཤིག་ཕཊཿ ཚམ་རྔམ་དྲག་པོས་གཏོར་མ་ཕྱིར་བཏང་ཞིང་། །ཧཱུྃ་བཞིའི་སྔགས་དང་དྲག་སྔགས་སོ་ལྔའི་གཤམ། །ཟ་འདྲེ་ཤིག་ཤེད་ཐམས་ཅད་ཨུ་ཙནྜཱ་ཡ་མཱ་ར་ཡ་ཕཊཿ ཅེས་བརྗོད་གཤིན་འདྲེ་བྲལ་བའི་མོས་པ་དང་། །ཚེ་འདས་སྒོ་གསུམ་གུས་པས་འདི་སྐད་ཅིས། །ཞུ་ཞིང་གསོལ་བ་འདེབས་པའི་དམིགས་འདུན་གྱིས། །ཧོཿ སྐྱབས་གནས་ཀུན་འདུས་བླ་མས་སྤྱན་རས་གཟིགས། །སྐྱབས་མེད་བདག་སོགས་ཐུགས་རྗེས་སྐྱས་ཏུ་གསོལ། །རིགས་དྲུག་འཁོར་བའི་སྡུག་བསྔལ་རྒྱ་མཚོ་ལས། །བསྒྲལ་ནས་ཐར་པའི་སྐམ་སར་དྲང་དུ་གསོལ། །ལན་གསུམ་ཞུ་རྗེས་བླ་མ་ཡིསཿ ཧཱུྃཿ ཉོན་ཅིག་ཚེ་འདས་རིགས་ཀྱི་བུ། །ཐོབ་དཀའི་མི་ལུས་ཐོབ་ལགས་ཀྱང་། །མི་རྟག་འཆི་བ་དབང་བཙན་པས། །རྣམ་ཤེས་ཕ་རོལ་གནས་སུ་འཁྱམས། །འདུས་བྱས་གཟུགས་ཕུང་ཤུལ་དུ་ལུས། །ལས་ངན་བག་ཆགས་རླུང་གིས་སྦྲིབས། །དཀར་ནག་རྣམ་སྨིན་སྔོན་ནས་བསྒུགས། །གཤིན་རྗེའི་ཕོ་ཉས་དབང་མེད་ཁྲིད། །མི་འདོད་ངན་སོད་གླིང་གསུམ་སྙོགས། །སྡུག་བསྔལ་བཟོད་དཀའ་ཡ་རེ་ང་། །དེ་དག་རང་བྱས་ལས་འབྲས་ཡིན། །དོན་ལ་རང་སྣང་མཐུ་རྟས་པས། །ཐོ་ཡོར་མི་དང་ཐག་ཁྲར་སྦྲུལ། །འཁྲུལ་ངོར་སྣང་བཞིན་ཤེས་མཛོད་ལ། །རང་རིག་ཡེངས་མེད་ངང་ཉིད་ལས། །ལྷ་དང་བླ་མར་གསོལ་བ་ཐོབ། །ལན་གསུམ་བརྗོད་ཅིང་ཚེ་འདས་ཀྱིས། །བརྗོད་པར་བསམ་རྗེས་ཨ་དཪྴར། །མཚན་བྱང་ཤར་བ་བཀུར་བྱ་ཞིང་། །ཧཱུྃ། འདི་ནི་བྱམས་དང་བརྩེ་བའི་འཕྲུལ། །སྤྲུལ་སྐུའི་རོལ་རྩལ་ཆུ་རྒྱུན་གྱིས། །ཁྱོད་ཀྱི་ཕུང་ཁམས་སྐྱེས་མཆེད་ཀྱི། །མ་དག་སྒྲིབ་ཚོགས་དག་གྱུར་ཅིག །ༀ་མ་ཎི་པདྨེ་ཧཱུྃ། ཚེ་འདས་ཀྱི་ཤེ་འཁོར་བ་ཐོག་མ་མེད་པ་ནས་དུས་གསུམ་ཀུན་ཏུ་ལུས་ཀྱི་སྒོ་ནས་བསགས་པའི་སྡིག་སྒྲིག་ཐམས་ཅད་སརྦ་ཤུདྡྷེ་ཤུདྡྷེ་སྭཱ་ཧཱ། ཧཱུྃ། འདི་ནི་ལྷུན་གྲུབ་དབྱིངས་སྣང་རྩལ། །འགགས་མེད་ལོངས་སྐུའི་ཆུ་རྒྱུན་གྱིས། །ཁྱོད་ཀྱི་རྣམ་ཤེས་ཚོགས་བརྒྱད་ཀྱི། །མ་དག་སྒྲིབ་ཚོགས་དག་གྱུར་ཅིག །ༀ་མ་ཎི་པདྨེ་ཧཱུྃ་ཧྲཱིཿ ༀ་ཧཱུྃ་ཏྲཾ་ཧྲཱིཿཨཱཿ ཚེ་འདས་ཀྱི་ཚེ་འཁོར་བ་ཐོག་མ་མེད་པ་ནས་དུས་གསུམ་ཀུན་ཏུ་ངག་གི་སྒོ་ནས་བསགས་པའི་སྡིག་སྒྲིབ་ཐམས་ཅད་སརྦ་ཤུདྡྷེ་ཤུདྡྷེ་སྭཱ་ཧཱ། ཧཱུྃ། འདི་ནི་ཀ་དག་སྤྲོས་བྲལ་གདངས། །གཞོན་ནུ་བུམ་སྐུའི་ཆུ་རྒྱུན་གྱིས། །ཁྱོད་ཀྱི་ལྷན་སྐྱེས་ཀུན་བརྟགས་ཀྱིས། །མ་དག་སྒྲིབ་ཚོགས་དག་གྱུར་ཅིག །ༀ་མ་ཎི་པདྨེ་ཧཱུྃ་ཧྲཱིཿ བུདྡྷ་ཛྙཱ་ན་དྷ་རྨ་དྷརྟུ་ཨཱཿ ཚེ་འདས་ཀྱི་ཚེ་འཁོར་བ་ཐོག་མ་མེད་པ་ནས་དུས་གསུམ་ཀུན་ཏུ་ཡིད་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་སརྦ་ཤུདྡྷེ་ཤུདྡྷེ་སྭཱ་ཧཱ། དེ་ལྟར་སྔགས་གསུམ་བཟླས་པ་དང་། །ཆགས་ཅིག་ལས་བུ་མ་ཆུ་ཡིས་བཀྲུ། །དེ་ནས་དུག་དབྱུང་བྱ་བ་ནི། ཧཱུྃ། མ་རིག་རྩལ་སྣང་འོད་ལྔ་པོ། །བདག་གིར་བཟུང་ལ་རབ་འཐས་པས། །ཕྱི་ནང་འབྱུང་བ་ལྔ་ཕྲག་ཟུང་། །དུག་ལྔའི་སྐྱེ་མཆེད་སྐྱེ་ཡུལ་གྱི། །ཕ་མ་ཇི་བཞིན་གྱུར་པའི་དུག །ལྔ་སྔགས་ཏིང་འཛིན་རོལ་རྩལ་གྱིས། །དུག་ཕྱུང་དུག་ལྔའི་སྒྲིབ་ཚོགས་ཀུན། །འབྱུང་བ་སོ་སོའི་དབྱིངས་སུ་དག །དུག་འཛིན་མཁའ་ལྟར་སྟོང་གྱུར་ཅིག །བྱེ་མ་བྲལ་བ་ཡིག་དྲུག་མཐར། །ཚེ་འདས་ཀྱི་ཚེ་འཁོར་ག་ཐོག་མ་མེད་པ་ནས་དུས་གསུམ་ཀུན་ཏུ་དགུ་ལྔའི་སོག་ནས་བསགས་པའི་སྡིག་བསྒྲིབ་ཐམས་ཅད་སརྦ་ཤུདྡྷེ་ཤུདྡྷེ་སྭཱ་ཧཱ། གོང་གི་ཁྲུས་སྔགས་གསུམ་པོ་དང་། །འོག་གི་དུག་སྦྱང་སྔགས་དང་བཅས། །སོ་སོའི་སྐབས་སུ་གསུམ་གསུམ་བཟླ། །དེ་ནས་རིགས་དྲུག་གནས་འདྲེན་ནི། །མཚན་བྱང་རིམ་བཞིན་སྤོ་བ་དང་། །གཏོར་མ་དྲུག་ཀྱང་བཤམས་ནས་སུ། །འགྲོ་དྲུག་རིགས་ལ་རིམ་བཞིན་འབུལ། །དང་པོ་དམྱལ་བའི་སྒྲིབ་སྦྱང་ནི། ཧཱུྃ། འདོད་པའི་ཡོན་ཏན་ལྔ་ལྡན་པའི། །གཏོར་མ་མཁོ་དགུ་ཕུན་ཚོགས་གཏེར། །ཚེ་འདས་ཞེ་སྡང་ལས་བསགས་པའི། །ལན་ཆགས་ཤ་མཁོ་ན་སྦྱང་ཕྱིར་བསྔོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ༀ་སཾ་བྷ་ར་སཾ་བྷ་ར་ཧཱུྃ། །ཞེས་བརྗོད་གཏོར་མ་བསྔོ་འཕྲལ་དུ། །དམྱལ་བའི་ཐུབ་པའི་དབང་བསྐུར་ཏེ། ཧཱུྃ། ཞེ་སྡང་རྣམ་དག་འགྲོ་འདུལ་སྤྲུལ་པའི་སྐུ། །དམྱལ་བའི་ཐུབ་པ་མེ་ཆུའི་ཕྱག་མཚན་བསྣམས། །ཚེ་འདས་རིགས་ཀྱི་བུ་ལ་དབང་བསྐུར་བས། །མི་བསྐྱོད་རྡོ་རྗེའི་གསང་གསུམ་དབང་ཐོབ་ཤོག །ༀ་མུ་ནེ་ཡེ་སྭཱ་ཧཱ། ༀ་ད་ཧ་ད་ཧ་སརྦ་ན་རཀ་ག་ཏེ་ཧེ་ཏུ་ན་ཧཱུྃ་ཕཊཿ ཅེས་བརྗོད་ཚེ་འདས་ཀྱིས་སེམས་དང་རང་གི་སེམས། །བསྲེ་བཞིན་དམྱལ་བ་དོང་ནས་སྦྲུགས་པར་བསམ་ཞིང་། ཧཱུྃ། ཉོན་ཅིག་ཚེ་འདས་ལུས་བརྗེས་རིགས་ཀྱི་བུ། །སེམས་ཉིད་བདག་མེད་བདག་ཏུ་བཟུང་སྐྱོན་དང་། །སྣང་བ་གཞན་མེད་གཞན་བཟུང་སྡང་ཞེན་འབྲས། །ཚ་གྲང་དམྱལ་བའི་སྣོད་བཅུད་ཞེ་རེ་འཇིགས། །དོན་ལ་རང་སེམས་འཁྲུལ་པ་ཡིན་པའི་ཕྱིར། །འཁྲུལ་སྣང་རྨི་ལམ་སད་པའི་གནས་སྐབས་ལྟར། །ཤེས་པར་གྱིས་ལ་དམྱལ་གནས་སྤང་བར་མཛོད། །ཅེས་བརྗོད་མཚན་བྱང་གནས་སྤོ་བགེགས་གཏོར་བཏང་། ཧཱུྃ། འདོད་པའི་ཡོན་ཏན་ལྔ་ལྡན་པའི། །གཏོར་མ་མཁོ་དགུ་ཕུན་ཚོགས་གཏེར། །ཚེ་འདས་སེར་སྣས་ལས་བསགས་པའི། །ལན་ཆགས་ཤ་མཁོན་སྦྱང་ཕྱིར་བསྔོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ༀ་སཾ་བྷ་ར་སཾ་བྷ་ར་ཧཱུྃ། ཞེས་བཤོ་ཁ་འབར་དབང་བསྐུར་བ། ཧཱུྃ། སེར་སྣ་རྣམ་དག་འགྲོ་འདུལ་སྤྲུལ་པའི་སྐུ། །ཡི་དྭགས་ཐུབ་པ་སྒྲོམ་བུའི་ཕྱག་མཚན་ཅན། །ཚེ་འདས་རིགས་ཀྱི་བུ་ལ་དབང་བསྐུར་བས། །སྣང་བ་མཐའ་ཡས་གསང་གསུམ་དབང་ཐོབ་ཤོག །ༀ་མུ་ཧེ་ཀྵཾ་སྭཱ་ཧཱ། ༀ་པ་ཙ་པ་ཙ་སརྦ་པྲེ་ཏ་ཀ་ག་ཏེ་ཧེ་ཏུ་ན་ཧཱུྃ་ཕཊཿ ཅེས་བརྗོད་ཡི་དྭགས་འཁོར་བ་དོང་སྤྲུགས་བསམ། ཧཱུྃ། ཉོན་ཅིག་ཚེ་འདས་ལུས་བརྗེས་རིགས་ཀྱི་བུ། །བདག་མེད་རྣམ་གཉིས་མ་རྟོགས་འཁྲུལ་དབང་གིས། །སེར་སྣའི་ལས་བསགས་ཡི་དྭགས་ཡུལ་དུ་སྐྱེས། །བཀྲེས་སྐོམ་སྡུག་བསྔལ་བཟོད་དཀའ་ཡ་རེང་། །དེ་ཡང་རྨི་ལམ་སྐབས་ལྟར་ཤེས་མཛོད་ལ། །པྲེ་ཏའི་ཡུལ་སྤོང་ཐར་ལམ་ཞིང་ཁམས་སྙོགས། །ཞེས་བརྗོད་མཚན་བྱང་གནས་སྤོ་བགེགས་གཏོར་བཏང་། ཧཱུྃ། འདོད་པའི་ཡོན་ཏན་ལྔ་ལྡན་པའི། །གཏོར་མ་མཁོ་དགུ་ཕན་ཚོགས་གཏེར། །ཚེ་འདས་བཀོལ་སྤྱོད་ལས་བསགས་པའི། །ལན་ཆགས་ཤ་མཁོན་སྦྱང་ཕྱིར་བསྔོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ༀ་སཾ་བྷ་ར་སཾ་བྷ་ར་ཧཱུྃ། ཞེས་བརྗོད་དུད་འགྲོའི་ཐུབ་པའི་དབང་བསྐུར་བ། ཧཱུྃ། གཏི་མུག་རྣམ་དག་འགྲོ་འདུལ་སྤྲུལ་པའི་སྐུ། །དུད་འགྲོའི་ཐུབ་པ་པོ་ཏིའི་ཕྱག་མཚན་ཅན། །ཚེ་འདས་རིགས་ཀྱི་བུ་ལ་དབང་བསྐུར་བས། །རྣམ་པར་སྣང་མཛད་གསང་གསུམ་དབང་ཐོབ་ཤོག །ༀ་མུ་ནེ་བྲེ་སཱ་ཧཱ། ༀ་མ་ཐཱ་མ་ཐཱ་སརྦ་ཏིཪྱ་ཀ་ག་ཏེ་ཧཱུྃ་ཕཊཿ ཅེས་བརྗོད་དུད་འགྲོའི་འཁོར་བ་དོར་སྤུགས་བསམ། ཧཱུྃ། ཉོན་ཅིག་ཚེ་འདས་ལུས་བརྗེས་རིགས་ཀྱི་བུ། རང་ངོ་མ་ཤེས་རྨོངས་པའི་ལས་དབང་གིས། །བྱོལ་སོང་ཡུལ་སྐྱེས་གཏི་མུག་ལས་ལ་སྤྱོད། །བཀོལ་སྤྱོད་སྡུག་བསྔལ་བཟོད་དཀའ་བག་རེ་གྲང་། །དེ་ཡང་ཐག་ཁྲར་སྦྲུལ་འཛིན་ལས་ལྡོག་ལྟར། །དུད་འགྲོའི་ཡུལ་སྤོང་ཡང་དག་ལམ་དུ་ཤོག །ཅེས་བརྗོད་མཚན་བྱང་གནས་སྤོ་བགེགས་གཏོར་བཏང་། ཧཱུྃ། འདོད་པའི་ཡོན་ཏན་ལྔ་ལྡན་པའི། །གཏོར་མ་མཁོ་དགུ་ཕུན་ཚོགས་གཏེར། །ཚེ་འདས་འཐབ་རྩོད་ལས་བསགས་པའི། །ལན་ཆགས་ཤ་མཁོན་སྦྱང་ཕྱིར་བསྔོ། །ན་མཿ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ༀ་སཾ་བྷ་ར་སཾ་བྷ་ར་ཧཱུྃ། ཞེས་བསྔོ་ལྷ་མིན་ཐུབ་པའི་དབང་། ཧཱུྃ། ཕྲག་དོག་རྣམ་དག་འགྲོ་འདུལ་སྤྲུལ་པའི་སྐུ། །ལྷ་མིན་ཐུབ་པ་རལ་གྲི་གོ་ཆ་འཛིན། །ཚེ་འདས་རིགས་ཀྱི་བུ་ལ་དབང་བསྐུར་བས། །དོན་ཡོད་གྲུབ་པའི་གསང་གསུམ་དབང་ཐོབ་ཤོག །ༀ་མུ་ནེ་སྲུཾ་སྭཱ་ཧཱ། ༀ་བི་ད་ན་ཁ་ཏ་ཁ་ཚིནྡྷ་ཚིནྡྷ་ཧཱུྃ་ཕཊཿ ཅེས་བརྗོད་ལྷ་མིན་འཁོར་བ་དོང་སྤྲུགས་བསམ། ཧཱུྃ། ཉོན་ཅིག་ཚེ་འདས་ལུས་བརྗེས་རིགས་ཀྱི་བུ། །ལྷན་སྐྱེས་ཀུན་བརྟགས་མཐུ་བརྟས་རྒྱུ་རྐྱེན་གྱི། །ཕྲག་དོག་འཁོན་འཛིན་ལས་ཀྱི་འཕངས་པའི་འགྲོ། །ལྷ་མིན་ཡུལ་སྐྱེས་འཐབ་རྩོད་བཟོད་དཀའ་ཡང་། །ལ་ཁའི་ཐོ་ཡོར་མིར་འཁྲུལ་སངས་པ་བཞིན། །ལྷ་མིན་ཡུལ་སྤོང་རྣམ་དག་ཞིང་ཁམས་སྙོགས། །ཞེས་བརྗོད་མཚན་བྱང་གནས་སྤོ་བགེགས་གཏོར་བཏང་། ཧཱུྃ། འདོད་པའི་ཡོན་ཏན་ལྔ་ལྡན་པའི། །གཏོར་མ་མཁོ་དགུ་ཕུན་ཚོགས་གཏེར། །ཚེ་འདས་ང་རྒྱལ་ལས་བསགས་པའི། །ལན་ཆགས་ཤ་མཁྱོན་སྦྱངས་ཕྱིར་བསྔོ། །ན་མཿསརྦཏ་ཐཱ་ག་ཏ་ཨ་ཝ་ལོ་ཀི་ཏེ་ༀ་སཾ་བྷ་ར་སཾ་བྷ་ར་ཧཱུྃ། ཞེས་བརྗོད་ལྷ་ཡི་ཐུག་པའི་དབང་། ཧཱུྃ། ང་རྒྱལ་རྣམ་དག་འགྲོ་འདུལ་སྤྲུལ་སྐུ། །ལྷ་ཡི་ཐུབ་པ་པི་ཝང་ཕྱག་མཚན་ཅན། །ཚེ་འདས་རིགས་ཀྱི་བུ་ལ་དབང་བསྐུར་བས། །རིན་ཆེན་འབྱུང་ལྡན་གསང་གསུམ་དབང་ཐོབ་ཤོག །ༀ་མུ་ཧེ་ཀྲེ་སྭཱ་ཧཱ། །ༀ་སརྦ་སུ་ཁ་སརྦ་ཀརྨ་ཚིནྡྷ་ཚིནྡྷ་ཧཱུྃ་ཕཊ་སྭཱ་ཧཱ། ཞེས་བརྗོད་ལྷའི་འཁོར་བ་དོང་སྤུགས་བསམ། ཧཱུྃ། ཉོན་ཅིག་ཚེ་འདས་ལུས་བརྗེས་ིརགས་ཀྱི་བུ། །ཀུན་གཞིའི་རྣམ་ཤེས་གཞན་དབང་གྱུར་པ་ཡིས། །ང་རྒྱལ་ཁེངས་སེམས་ལས་ལ་སྤྱོད་འབྲས་ཀྱིས། །ལྷ་ཡུལ་སྐྱེས་ནས་འཕོ་ལྟུང་ལས་སོགས་ཀྱི། །སྡུག་བསྔལ་བ་རྣག་པར་དཀའ་ཡང་སྐྱུ་མའི་འཕྲུལ། །ཞིག་ལྟའི་ལྷ་ཡུལ་འཛིན་པ་སྤོང་མཛོད་ལ། །རྣམ་མཁྱེན་ཡང་དག་ལམ་དུ་འདོངས་པར་གྱིས། །ཞེས་བརྗོད་མཚན་བྱང་གནས་སྤོ་བགེགས་གཏོར་བཏང་། ཧཱུྃ། འདོད་པའི་ཡོན་ཏན་ལྔ་ལྡན་པའི། །གཏོར་མ་མཁོ་དགུ་ཕུན་ཚོགས་གཏེར། །ཚེ་འདས་དུག་ལྔ་སྤྱི་དང་ནི། །ཁྱད་པར་འདོད་ཆགས་ལས་བསགས་པའི། །ལན་ཆགས་ཤ་མཁོན་སྦྱང་ཕྱིར་བསྔོ། །ན་མཿསརྦ་ཏཐཱ་ག་ཏ་ཨ་ཝ་ལོ་ཀི་ཏེ་ༀ་སཾ་བྷ་ར་སཾ་བྷ་ར་ཧཱུྃ། ཞེས་བསྔོ་ཤཱ་ཀྱ་ཐུབ་པའི་དབང་། ཧཱུྃ། འདོད་ཆགས་རྣམ་དག་འགྲོ་འདུལ་སྤྲུལ་པའི་སྐུ། །མི་ཡི་ཐུབ་པ་གསེག་གཤང་ལྷུང་བཟེད་བསྣམས། །ཚེ་འདས་རིགས་ཀྱི་བུ་ལ་དབང་བསྐུར་བས། །ཐུགས་རྗེ་ཆེན་པོའི་གསང་གསུམ་དབང་ཐོབ་ཤོག །ༀ་མུ་ནེ་སུཾ་སྭཱ་ཧཱ། ༀ་ནྲྀ་བི་ཤ་མུ་ཥ་ཚིནྡྷ་ཚིནྡྷ་ཧཱུྃ་ཕཊཿ ཅེས་བརྗོད་མི་ཡི་འཁོར་བ་དོང་སྦྲུགས་བསམ། ཧཱུྃ། ཉོན་ཅིག་ཚེ་འདས་ལུས་བརྗེས་རིགས་ཀྱི་བུ། །སྒོ་ལྔའི་རྣམ་སེས་ཡུལ་ལྔའི་ཇེས་འབྲག་བས། །ཚོགས་དྲུག་ལ་ཆགས་སྡང་བྱས་འབྲས་ཀྱིས། །མི་ཡུལ་སྐྱེས་ནས་སྡུག་བསྔལ་བཅུ་གཅིག་ལ། །རྟག་ཏུ་སྤྱོད་པ་བཟོད་དཀའི་གནས་ཡིན་ཀྱང་། །རང་གྲིབ་མཐོང་ཚེ་དེ་ཉིད་དགྲར་བཟུང་བ། །ཇི་བཞིན་རྟོགས་ལྟར་ངར་འཛིན་སྤོང་མཛོད་ལ། །ཕྱག་པདྨའི་གོ་སར་སླེབས་པར་ཤོག །དེ་ནས་གཤིན་པོར་དབང་བསྐུར་ཚེ། །ཡན་ལག་བརྒྱད་པའི་ཚོགས་བསགས་ནི། །ན་མོ། །མཆོག་གསུམ་རྩ་གསུམ་ངོ་བོ་ཉིད། །སྡུག་བསྔལ་རང་གྲོལ་ལྷ་ཚོགས་ལ། །ཕྱག་མཚལ་སྐྱབས་མཆི་ཉེས་ཚོགས་བཤགས། །མཆོད་ཚོགས་ཀུན་འབུལ་ཆོས་འཁོར་བསྐོར། །དགེ་རྩར་ཡི་རང་རྟག་བརྟན་བཞུགས། །བསོད་ནམས་འགྲོ་ལ་ཕན་ཕྱིར་བསྔོ། །ཞེས་བརྗོད་ལ་གྱི་ཤར་སྒོ་རུ། །དབང་སྟེགས་པདྨ་འདབ་བརྒྱད་ལ། །ཚེ་འདས་མངོན་སུམ་ལྷག་གསལ་ལ། །མིག་དར་གདབ་ཅིང་སྔགས་འདི་བརྗོད། །ༀ་ཙུཀྵུ་བྷནྡྷ་ཝ་ར་མ་ཧ་ཡེ་སྭཱ་ཧཱ། མེ་ཏོག་སྔགས་དའིས་གཏད་པར་བྱ། །ༀ་ཨཱ་ཁཱཾ་ཝཱི་ར་ཧཱུྃ་ༀམ། རང་སྣང་རྣམ་དག་འོག་མིན་ཞིང་། །སྡུག་བསྔལ་རང་གྲོལ་ཕོ་བྲང་འདིར། །བདག་ནི་སྨིན་པར་འཚལ་ལགས་ན། །ཐུགས་རྗེ་ཆེན་པོས་བདག་སྐྱབས་མཛོད། །ལན་གསུམ་གསོལ་བཏབ་སྒོ་དབྱེ། ཧཱུྃ། དོན་གྱི་འོག་མིན་སྒོ་སྐྱོང་བ། །ཚད་མེད་བཞི་ལྡན་ལྷ་བཞི་པོ། །ཐུགས་རྗེས་སེམས་ཅན་དོན་མཛད་ཕྱིར། །ཡེ་ཤེས་ཆེན་པོའི་སྒོ་ཕྱེས་ཤིག །ཅེས་བརྗོད་ཀྱིལ་འཁོར་ལྷ་ཚོགས་རྣམས། །མངོན་སུམ་མཇལ་བའི་མོས་འདུན་གྱིས། །གཤིན་པོས་འདི་ལྟར་བཟློས་བར་བསམ། །ཕྱོགས་བཅུའི་རྒྱལ་བསྲས་བཅས་ཀྱི། །སྤྱི་གཟུགས་འཕགས་མཆོག་ཐུགས་རྗེའི་གཏེར། །སྡུག་བསྔལ་རང་གྲོལ་དཀྱིལ་འཁོར་ལྷར། །བདག་ནི་གུས་པས་སྐྱབས་སུ་མཆི། །དགེ་བསྣེན་དགེ་ཚུལ་དགེ་སློང་དང་། །བྱང་སེམས་སྔགས་ཀྱི་བསླབ་སྔོམ་རིགས། །མ་ལུས་བདག་གིས་ཡོངས་སུ་བཟུང་། །ལན་གསུམ་གདབ་རྗེས་ཡེ་ཤེས་དབབ། ཚེ་ལས་འདས་པ་སྐད་ཅིག་གིས། །འཕགས་པའི་སྐུར་གསལ་གནས་གསུམ་དུ། །ཡིག་འབུར་གསུམ་གྱིས་མཚན་པ་ལས། །འོད་འཕྲོས་ཡེ་ཤེས་ལྷ་ཡི་ཚོགས། །སྤྱན་དྲངས་གཤིན་པོ་ལྷར་གསལ་བར། །དབྱེར་མེད་དུ་མ་རོ་གཅིག་གྱུར། །ཡི་གེ་དྲུག་མའི་སྔགས་ཤམ་དུ། །ཨཱཪྱ་ལོ་ཀི་ཤྭ་ར་ཛྙཱ་ན་བཛྲ་ཨ་བེ་ཤ་ཡ་ཨ་ཨ། ཡེ་ཤེས་དབབ་ཅིང་བརྟན་བཞུགས་ནི། །ཏིཥཱུ་བཛྲ་སོགས་བརྗོད་ཅིང་། །དལ་དུ་མེ་ཏོག་དོར་བ་ནི། །ཧཱུྃ། རྟེན་འབྲེལ་རྫས་ཀྱི་མེ་ཏོག་འདི། །དཀྱིལ་འཁོར་ལྷ་ལ་འབུལ་ལགས་ན། །སྔོན་ནས་ལས་འཕྲོ་གང་ཡོད་པའི། །ལྷག་པའི་ལྷ་དེར་འབབ་པར་ཤོག །པུཥྤེ་པྲ་ཏཱི་ཙྪ་ཧོཿ མེ་ཏོག་གང་བབ་ལྷ་དང་ནི། །མཚུངས་མིང་བཏགས་ཤིང་མིག་དབྱེ་བ། ཧཱུྃ། མིག་དར་མ་རིག་ལིང་ཏོག་མཚོན། །ཐུགས་རྗེ་ཆེན་པོའི་གསེར་ཐུར་གྱིས། །ཡེ་ཤེས་སྤྱན་དུ་དབྱེ་བགྱི་ན། །རང་བྱུང་ལྷ་ཞལ་མཇལ་བར་ཤོག །ཛྙཱ་ན་ཙཀྵུ་པྲ་བེ་ཤ་ཡ་ཕཊཿ དེ་ནས་ལྷ་ཞལ་བསྟན་པ་ནི། ཧཱུྃ། ཉོན་ཅིག་སྐལ་ལྡན་རིགས་ཀྱི་བུ། །ལྟོས་ཤིག་མདུན་གྱི་དལ་ལ་ལྟོས། །མཚན་མ་རྫས་ཀྱི་དཀྱིལ་འཁོར་འདི། །འོག་མིན་སྤྲུལ་པའི་ཞིང་ཁམས་ཏེ། །ཐུགས་རྗེ་ཆེན་པོའི་དཀྱིལ་འཁོར་ཡིན། །དོན་ལ་རང་སེམས་མ་འཁྲུལ་པའི། །ངོ་བོ་རང་བཞིན་ཐུགས་རྗེ་གསུམ། །ཐུགས་རྗེ་ཆེན་པོར་ལྷུན་གྱིས་གྲུབ། །དེ་ལ་རྟོགས་པའི་ཡིད་དམ་ལྷ། །ལོགས་རང་སེམས་མ་འཁྲུལ་པའི། །ངོ་བོར་རང་བཞིན་ཐུགས་རྗེ་གསུམ། །ཐུགས་རྗེ་ཆེན་པོར་ལྷུན་གྱིས་གྲུབ། །དེ་མ་རྟོགས་པའི་ཡི་དམ་ལྷ། །ལོགས་ན་མེད་དོན་ཤེས་པར་མཛོད། །ༀ་མ་ཎི་པདྨེ་ཧཱུྃ་ཧྲཱིཿ ཨ་ཨ་ཨཿ ཞེས་བརྗོད་མཉམ་གཞག་ཡེངས་མེད་བྱ། །དེ་ནས་བུ་མ་དབང་བསྐུར་བ་ནི། ༀ་ཕྱི་ལྟར་བུམ་པ་སྣོད་བཅུད་ལྡན། །ནང་ལྟར་ཕྱག་ན་པདྨོ་ཡི། །ཐུགས་རྗེའི་བདུད་རྩིའི་ཆུ་རྒྱུན་གྱིས། །ཚེ་འདས་ལུས་ལ་དབང་བསྐུར་བས། །སྤྲུལ་པའི་སྐུ་རུ་སྨིན་པར་ཤོག །རྩ་སྔགས་ཤམ་དུ་འདི་བཏགས་བཟླས། །ཀཱ་ཡ་ཨ་བྷི་ཥི་ཉྩ་ༀ། གསུང་སྔགས་ཀྱི་དབང་བསྐུར་བ་ནི། །ཨཱཿ ཕྱི་ལྟར་ས་ཆུ་མེ་རླུང་སྒྲ། །ནང་ལྟར་འགྲོ་བ་རིགས་དྲུག་སྐད། །གསང་བ་རྒྱལ་ཀུན་གསུང་གསང་དོན། །ཡི་གེ་བདུན་པར་འདུས་པའི་དབང་། །ཚེ་འདས་ངག་ལ་དབང་བསྐུར་བས། །ལོངས་སྤྱོད་རྫོགས་སྐུར་སྨིན་པར་ཤོག །རྩ་སྔགས་ཤམ་བུར་འདི་ཉིད་བཏགས། །ཝཱཀྐ་ཨ་བྷི་ཥི་ཉྪ་ཨཱཿ ཐུགས་རྡོ་རྗེས་དབང་བསྐུར་ཏེ། ཧཱུྃ། མཚན་མ་རྫས་ཀྱི་རྡོ་རྗེ་འདི། །རྒྱལ་ཀུན་ཐུགས་ཀྱི་མཚོན་བྱེད་དེ། །ཚེ་འདས་སེམས་ལ་དབང་བསྐུར་བས། །ཆོས་ཀྱི་སྐུ་རུ་སྨིན་པར་ཤོག །ཧཱུྃ་མཚན་མ་རྫས་ཀྱི་རྡོ་རྗེ་འདི། །རྒྱལ་ཀུན་ཐུགས་ཀྱི་མཚོན་བྱེད་དེ། །ཚེ་འདས་སེམས་ལ་དབང་བསྐུར་བས། །ཆོས་ཀྱི་སྐུ་རུ་སྨིན་པར་ཤོག །རྩ་སྔགས་ཤམ་བུར་འདི་ཉིད་བཏགས། །ཙིཏྟ་ཨ་བྷི་ཥིཉྩ་ཧཱུྃ། དེ་ལྟར་དབང་བསྐུར་རྫོགས་རྗེས་སུ། །འདོད་ཡོན་ཟས་གཏད་འདི་བཞིན་ཏེ། །མདུན་དུ་རིན་པོ་ཆེ་ཡི་སྣོད། །ཡངས་ཤིང་རྒྱ་ཆེ་གྲངས་ལྡན་པའི། །ནང་དུ་ལྷ་དང་མི་སོགས་ཀྱི། །བཟའ་བཅའ་ལྡག་གཞི་ལ་སོགས་ཟས། །ཇ་ཆང་འོ་ཞོ་ལ་སོགས་སྐོམ། །འཛད་མེད་ཡིད་བཞིན་གཏེར་དུ་གྱུར། །ནམ་མཁའ་མཛོད་ཀྱི་སྔགས་རྒྱ་བཅས། །ལན་གསུམ་བརླབས་རྗེས་འདི་ལྟར་བསྔོ། ཧཱུྃ། ཁ་ཟས་རོ་མཆོག་བརྒྱ་ལྡན་པའིམ། །བཟའ་བའི་ཟས་དང་བཏུང་བའི་སྐོམ། །བགོ་བའི་གོས་དང་ཡོ་བྱད་རྫས། །མི་ཟད་གཏེར་དུ་བྱིན་རླབས་ནས། །ཚེ་འདས་ཁྱོད་ལ་བསྔོས་པ་ཡིས། །དབང་པོ་དྲུག་དང་རབ་མཐུན་པའི། །སོ་སོའི་ལོངས་སྤྱོད་ཕུན་ཚོགས་གཏེར། །བསྔོས་པ་ཇི་བཞིན་ཐོག་གྱུར་ནས། །འཕྲལ་དུ་དགའ་བདེའི་རོས་ཚིམ་ཞིང་། །མཐར་ཐུག་རྣམ་དག་སར་སྤྱོད་ཤོག །ཅེས་བརྗོད་གསུར་བཏང་སྐྱེམས་གཏོར་ནས། །ལུས་རྟེན་ལྷ་ལ་འདི་བཞིན་འབུལ། ཧཱུྃ། ཕུང་ཁམས་སྐྱེས་མཆེད་དབང་ཡུལ་བཅས། །གདན་གསུམ་ཙང་བའི་དཀྱིལ་འཁོར་ལྟར། །ཡོན་དུ་འབུལ་ལོ་ཡོངས་བཞེས་ནས། །ཚོགས་རྫོོགས་སྒྲིབ་བྱང་སྐུ་ལྔ་ཡི། །དཔལ་ལ་ལོངས་སྤྱོད་མཐུ་ཐོབ་ཤོག །ཅེས་དང་མར་མེས་གསལ་བྱས་ལ། ཧཱུྃ། ཡེ་ཤེས་ལྔ་ལྡན་སྒྲོན་མེ་འདི། ངོ་བོ་སྟོང་ཀྱང་རང་བཞིན་གསལ། །ཐུགས་རྗེའི་རྩལ་ཚུགས་མ་འགགས་པས། །ཚེ་འདས་མ་རིག་མུན་པའི་སྨག །བསལ་ནས་སྐུ་གསུམ་ཞིང་མཐོང་ཤོག །དེ་ནས་གནས་སྤར་ནི། ཧཱུྃ། ཚེ་འདས་བུ་ཁྱོད་ལེགས་པར་ཉོན། །མཆོག་དམན་འཁོར་བའི་གནས་རིགས་ཀུན། །སྡུག་བསྔལ་གསུམ་གྱི་ཁྲི་མུན་དུ། །མ་ཚུད་སུ་ཡང་མེད་ངེས་ཕྱིར། །མ་ཆགས་མ་ཞེན་སེམས་མཆོག་བསྐྱེད། །འདི་ནས་ནུབ་ཀྱི་ཕྱོགས་རོ་ན། །བདེ་སྐྱེད་ལོངས་སྤྱོད་ཕུན་ཚོགས་གནས། །སྡུག་བསྔལ་མིང་མེད་བདེ་ཆེན་ཞིང་། །དེ་ན་མགོན་པོ་ཚེ་མཐའ་ཡས། །གཡས་ན་འཕགས་པ་སྤྱན་རས་གཟིགས། །གཡོན་ན་མཐུ་ཆེན་ཐོབ་ལ་སོགས། །སངས་རྒྱས་བྱང་སེམས་དཔག་མེད་ཀྱིས། །བསྐོར་བའི་གོ་སར་འགྲོ་བར་བྱོས། །ཁྱོད་ཀྱི་སེམས་ཉིད་ཡི་གེ་ཧྲཱིཿ སྐར་མདའ་ཇི་བཞིན་མྱུར་བསྐྱོད་ལ། །སྣང་བ་མཐའ་ཡས་ཐུགས་ཀློང་དུ། །དབྱེར་མེད་རོ་གཅིག་འདྲེས་པར་གྱུར། །ཞེས་པས་ཧྲཱིཿཧྲཱིཿཧྲཱིཿ བརྗོད་མཐར། །ཕཊ་ཕཊ་ཕཊཿ གསུམ་བརྗོད་པ་ཡིས། །སྐུ་གསུམ་དབྱིངས་སུ་ཐིམ་པར་མོས། །དེ་ནས་ཚེ་འདས་མིང་བྱང་དེ། །མ་རིག་ཟུང་གིས་བསྐྲུན་པའི་རྟེན། །ཉོན་མོངས་བརྒྱད་ཁི་བརྟེན་པའི་ལུས། །ཀ་དག་ལྷུན་གྲུབ་མེས་བསྲེག་སྟེ། ཧཱུྃ། ཀ་དག་སྤྲོས་བྲལ་མེ་ཐབ་ཏུ། །རང་བྱུང་ཡེ་ཤེས་མི་སྦར་བས། །མཚན་མའི་རྣམ་རྟོག་བུད་ཤིང་ཀུན། །ལྷག་མེད་མདོད་ཅིག་ཛྭ་ལ་རཾ། །ཉོན་མོངས་ཡེ་ཤེས་མེ་ལ་བསྲེགས། །བདག་གཉིས་བདག་མེད་དབྱིངས་སུ་བསྲེགས། །ཀུནག་ཞི་མ་རིག་གཉིས་དང་བཅས། །གཞོན་ནུ་བུམ་སྐུའི་ཀློང་དུ་བསྲེགས། །འཁོར་བར་ལྡོག་མེད་གཡ་ཡིས་གདབ། །གདོད་མའི་གྲོལ་གཞི་མངོན་གྱུར་ནས། །མཐའ་ཡས་འགྲོ་དོན་ཡོངས་འགྲུབ་ཤོག །ཅེས་བརྗོད་གཟུངས་སྔགས་ཀྱིས་སྦྱངས་མཐར། །སྦྲོས་བྲལ་དབྱིངས་སུ་མཉམ་པར་བཞག །དེ་ལྟར་རིགས་བདག་བླ་མ་རྗེའི། །དགོངས་གཏེར་སྡུག་བསྔལ་རང་གྲོལ་གྱི། །གནས་འདྲེན་རྣམ་གྲོལ་ལམ་བཟང་འདི། །བླ་མ་སངས་རྒྱས་ཆོས་འཕེལ་གྱིས། །ཡང་ཡང་བསྐུལ་ངོར་བྱ་བྲལ་བ། །འཇིགས་མེད་ཕྲིན་ལས་འོད་ཟེར་གྱིས། །བྲིས་འདིས་མགོན་མེད་གཤིན་པོའི་ཚོགས། །རྣམ་མཁྱེན་ཐོབ་པའི་རྒྱུར་གྱུར་ཅིག །དགེའོ།། །།

གྲིབ་བསང་ཤེལ་གྱི་མེ་ལོང་།

༄༅༔ ༔དམ་ཆོས་བདེ་ཆེན་ལམ་མཆོག་ལས༔ གྲིབ་བསང་ཤེལ་གྱི་མེ་ལོང་བཞུགས༔ རྃ་ཡྃ་ཁྃ༔ ཀྱེ༔ ཡེ་གཞི་འཁོར་འདས་དབྱེར་མེད་ཀྱང་༔ རླུང་རིག་གཡོ་བའི་རང་རྩལ་སེམས༔ རང་གིས་མ་ཤེས་ལྷན་སྐྱེས་གྲིབ༔ ངོ་བོ་ཀ་ནས་དག་པས་བསང༔ ང་མེད་ང་རུ་བཟུང་བ་ལས༔ ཡུལ་དང་ཡུལ་ཅན་འཁྲུལ་སྣང་ཤར༔ ཀུན་བརྟགས་གཉིས་འཛིན་ལོག་རྟོག་གྲིབ༔ ལྷུན་གྲུབ་རང་ངོ་ཤེས་པས་བསང་༔ སྐྱེ་མེད་མདངས་ལས་འགག་མེད་རྩལ༔ རང་བྱུང་འོད་ལྔར་གཟུང་འཛིན་སྐྱོན༔ འཁོར་བ་ཐོག་མར་བཀོད་པའི་གྲིབ༔ ཡེ་ཤེས་ལྔ་ཡི་རྩལ་གྱིས་བསང་། འཁྲུལ་རྟོག་ལུགས་འབྱུང་འཐས་པའི་མཐུས༔ གཟུགས་མེད་གཟུགས་དང་འདོད་ཁམས་སོགས༔ རིམ་བཞིན་འཁྲུལ་བའི་བག་ཆགས་གྲིབ༔ རང་བྱུང་རིག་པའི་རྩལ་གྱིས་བསང་༔ ཉོན་མོངས་དུག་ལྔའི་རྒྱུ་རྐྱེན་ལས༔ འགྲོ་བ་རིགས་དྲུག་མངོན་རྟོགས་གཟུགསཿ སྡུག་བསྔལ་ཕུང་པོ་སྤུང་བའི་གྲིབཿ རྟེན་འབྲེལ་ལུགས་ལྡོག་མཐུ་ཡིས་བསང་ཿ བེམ་པོའི་རྟེན་ལ་སེམས་བརྟེན་ཞིང་༔ རང་དང་གཞན་གྱི་ཟླས་ཕྱེ་བའི༔ གྲིབ་དང་མི་གཙང་གཟུང་འཛིན་སྐྱོནཿ སྒྱུ་མའི་འཁྲུལ་འཁོར་ཞིག་བཞིན་བསང་༔ གཟུང་འཛིན་འཐས་པའི་རང་སྐྱོན་གྱིས༔ རང་གྲིབ་ཤ་ཟར་འཁྲུལ་བཞིན་དུ༔ རང་རང་རྣམ་རྟོག་དགྲར་ལངས་པའི༔ གྲིབ་རྣམས་རང་བཞིན་མེད་པར་བསང་༔ གཙང་དམེའི་གཟུང་འཛིན་སེམས་ཀྱིས་བྱས༔ དེ་ཉིད་བྱུང་གནས་འགྲོ་གསུམ་དང་༔ བྲལ་ཡང་ཐབས་མཁས་རྟེན་འབྲེལ་གྱིས༔ བསང་བྱ་བསང་གིས་དག་གྱུར་ཅིགཿ བཟང་ངན་གཙང་བཙོག་གཉིས་འཛིན་གྲིབ༔ གཉིས་མེད་ངང་དུ་བསང་ཞིང་སྦྱང་༔ གཅིག་དང་དུ་བྲལ་རིག་པའི་གཤིས༔ གཉིས་འཛིན་སྦུབས་ལས་གྲོལ་གྱུར་ཅིག༔ བསང་བྱཿ བསང་བྱེད་བསང་འབྲས་ཀུན༔ སྣང་ལ་རང་བཞིན་མ་གྲུབ་པས༔ རྟག་ཆད་བྲལ་བའི་དབྱིངས་སུ་འུབ༔ འགྲོ་རྣམས་བྱང་ཆུབ་རྒྱུར་བསྔོའོ༔ གྲིབ་དང་མི་གཙང་མཁའ་དབྱིངས་སུ༔ སྤྲིན་ཕུང་འདུས་པ་འཐོར་རླུང་གིས༔ བསྐྲད་བཞིན་བྱེར་ནས་དགའ་བདེ་ཡི༔ འོད་བརྒྱ་འབར་བའི་བཀྲ་ཤིས་ཤོག༔ ཅེས་ལག་ན་རྡོ་རྗེས་གདམས་པ་དགེ་བར་གྱུར་ཅིག༔ སརྦ་མངྒ་ལཾ༔ དགེའོ༔

མ་མགོན་སྤྱི་གསོལ་བསྡུས་པའི་སྙིང་པོ་ཟམ་ཏོག་

མ་མགོན་སྤྱི་གསོལ་བསྡུས་པའི་སྙིང་པོ་ཟམ་ཏོག་བཞུགས། ཧཱུྃ། སྔགས་ཀྱི་བདག་མོ་ཨེ་ཀ་ཙ་ཊི་མ། །ལེགས་ལྡན་ནག་པོ་ལྷ་སྲིན་འདུལ་བའི་ལྷ། །འདོད་ཁམས་དབང་ཕྱུག་ལྷ་མོ་རེ་མ་ཏི། །དྲང་སྲོང་ཆེན་པོ་གཟའ་མཆོག་རཱ་ཧུ་ལ། །གནོད་སྦྱིན་ཆེན་པོ་ཤན་པ་དམར་ནག་དང་། །སྲོག་བདུད་ནག་མོ་ཁམས་གསུམ་སྲོག་གི་བདག །དམ་ཅན་སྐྱེས་བུ་བཛྲ་ཐིག་ལེ་རྩལ། །ཁྱེད་རྣམས་ཡབ་ཡུམ་སྲས་འཁོར་བཅས་རྣམས་ཀྱིས། །དངོས་འབྱོར་ཡིད་སྤྲུལ་མཆོད་གཏོར་འདི་བཞེས་ལ། །ཞི་རྒྱས་དབང་དྲག་ལ་སོགས་རབ་འབྱམས་ལས། །ཐོགས་མེད་མྱུར་འགྲུབ་བསྟན་འགྲོར་ཕན་དང་བདེའི། །སྣང་བ་རྒྱུན་ཆད་མེད་པར་རྟག་གསལ་ཤོག །མ་མགོན་སྤྱི་གསོལ་བསྡུས་པ་ཀུན་བཟང་གཟན་ཕན་གྱིས་བགྱིས་པའོ།། །།ༀཨཱཿཧཱུྃ། ཕྱི་ནང་གསང་བའི་མཆོད་པ་བསྐང་རྟེན་རྫས། །དངོས་འབྱོར་ཡིད་སྤྲུལ་དཔག་མེད་སྤྲིན ཕུང་འདིས། །ཤྭ་ན་ས་བདག་བདག་ཉིད་མ་བཞི་དང་། །མིང་པོ་གསུམ་དང་དབང་ཕྱུག་ཉི་ཤུ་བརྒྱད། །མ་བདུན་སྲིང་བཞི་དྲེགས་པ་སྡེ་དྲུག་སོགས། །རྡོ་རྗེ་ཕུར་པའི་བཀའ་གཏེར་སྲུང་མའི་ཚོགས། །གསོལ་ལོ་མཆོད་དོ་བཅོལ་བའི་ཕྲིན་ལས་མཛོད། །ༀ་བཛྲ་ཀྲོ དྷ་སོགས་ཛཿཛཿ ཨེ་དཾ་བ་ལིཾ་ཏ་པཱུ་ཙ་ཁཱ་ཧི་ཁཱ་ཧི། རྡོ་གྲུབ་ཀུན་བཟང་གཞན་ཕན་གྱིས་མཛད་པའོ།། །།

སྐུ་ལྔའི་གསོལ་མཆོད།

༄༅། །སྐུ་ལྔའི་གསོལ་མཆོད་བཞུགས། ཧཱུྃ། སྤྲོས་བྲལ་ཆོས་ཀྱི་སྐུ་ལས་ལོངས་སྐུའི་མདངས། །རིགས་ལྔ་གངས་ཆེན་མཚོ་ཡི་རྒྱུ་འཕྲུལ་གར། །ལེགས་བསྒྱུར་བཅོམ་ལྡན་པདྨ་དབང་ཆེན་གྱི། །ཡང་སྤྲུལ་དྲེགས་པའི་གཙོ་བོ་བེ་ཧ་ར། །སྐུ་གསུང་ཐུགས་ཡོན་ཕྲིན་ལས་རྒྱལ་པོ་ལྔ། །ཡབ་ཡུམ་སྲས་འཁོར་མངག་གཞུག་བྲན་གཡོག་བཅས། །དངོས་བཤམས་ཡིད་སྤྲུལ་མཆོད་ཚོགས་འདི་བཞེས་ལ། །བདག་དང་བསྲུང་བྱའི་མི་མཐུན་ཕྱོགས་ཀུན་ཞི། །ཚེ་བསོད་དཔལ་འབྱོར་སྟོབས་རྒྱས་གང་འདོད་ཕུལ། །དབང་སྡུས་དགྲ་བགེགས་བརླག་སོགས་རབ་འབྱམས་ལས། །ཡོང་འགྲུབ་བསྟན་འགྲོར་ཕན་བདེ་རྒྱ་ཆེན་པོ། །སྦྱོར་ནུས་མཐུ་སྟོབས་ནུས་པ་ཕུན་ཚོགས་མཛོད། །ཅེས་པའང་རྡོ་རྗེ་འཛིན་པ་མཐུ་སྟོབས་རྡོ་རྗེའི་ངོར་ལུན་བཟང་གཞན་ཕན་པས་བགྱིས་པའོ།།

ཚེ་རིང་མཆེད་ལྔའི་མངའ་གསོལ་ཕན་བདེའི་ཕོ་ཉ།

༄༅། །ཚེ་རིང་མཆེད་ལྔའི་མངའ་གསོལ་ཕན་བདེའི་ཕོ་ཉ་བཞུགས། ཀ་མ་ལར་སྐྱེེས་པདྨ་རྒྱལ་པོ་ཡིས། །ཁ་བ་ཅན་གྱི་ཡུལ་ལྷའི་གཙོར་བསྔགས་པ། །ག་དར་གངས་གྱི་རི་བོར་རྟེན་བཅས་ལྷ། །ང་ཡིས་འབོད་དོ་ཚེ་རིང་མཆེད་ལྔ་པོ། །ཅ་ཅོའི་ཁ་ཙམ་མ་ཡིན་སྙིང་ནས་གསོལ། །ཆ་ལུགས་འཆི་མེད་བུ་མོའི་སྒྱུ་འཕྲུལ་གར། །ཇ་དར་གསེར་དངུལ་ནོར་ཕྱུགས་གཏེར་གྱི་བདག །ཉ་ཟླའི་མདངས་འཛིན་གཙོ་མོ་འཁོར་བཞིས་བརྟེན། །ཏ་ཐཱ་ག་ཏ་རྡོ་རྗེ་མི་བསྐྱོད་པ། །ཐ་མལ་མི་ཡི་རྫུར་ཞུགས་མི་ལ་རྗེས། །ད་ལྟ་བསྟན་སྲུང་མཆོག་ཏུ་མངའ་གསོལ་ལོ། །ན་མ་ཚེ་རིང་མཆེད་ལྔ་ལས་གཞན་སུ། །པ་ནུའི་རྒྱུན་བཞིན་རྟག་ཏུ་ཁྱོད་གསོལ་ན། །ཕ་རོལ་གཟུགས་ཅན་གཟུགས་མེད་ལོག་སྦྱོར་ལུས། །བ་ལང་རྒྱ་སྟག་ངར་མས་འཕྲད་འཇོམས་བཞིན། །མ་ལུས་ལྷག་མེད་གཞོམ་པར་མངའ་གསོལ་ལོ། །ཙ་མ་ར་བཞིན་ཁེངས་པའི་སེམས་ལྡན་དང་། །ཚ་གྲང་དབལ་གྱིས་གཞན་དོན་མནར་སེམས་ཅན། །ཛ་ལང་སྤྱོད་པས་བསྟན་སེལ་སློང་བའི་རིགས། །ཝ་སྤྲེལ་གདོང་ལྔས་གཞོམ་བཞིན་མངའ་གསོལ་ལོ། །ཞྭ་ལྷམ་གོ་འཛོལ་བླ་སློབ་གོ་ཟློག་མཁན། ཟ་ཁ་ནང་བསྟན་སྙིང་ཁ་ཕྱིར་བལྟས་ནས། །འ་འོལ་གཡོ་སྒྱུའི་ཆོ་འཕྲུལ་ངོམ་པའི་རིགས། །ཡ་ལད་མཚོན་གྱིས་གཞོམ་པར་མངའ་གསོལ་ལོ། །ར་གན་གསེར་དུ་བརྫུ་འདྲའི་ཚུལ་འཆོས་ཅན། །ལ་ལུང་འགྲོ་ལ་སྡུག་སྦྱོར་ལས་ངན་དཔུང་། །ཤ་ཚའི་དྲིན་ལན་ལོག་འཇལ་སྙིང་རིང་རིགས། །ས་བདག་རྒྱལ་མོས་གཞོམ་པར་མངའ་གསོལ་ལོ། །ཧ་ཅང་མི་དགེ་སྤྱོད་ལ་འགྱོ་མེད་དང་། །ཨ་གསར་ལྕེ་གཉིས་རྐྱོང་བའི་དུག་སྦྲུལ་སེམས། །ཨ་རོགས་ཁ་དཀར་སྙིང་ནག་གནོད་བྱེད་དཔུང་། །ཨ་ཅེ་ལྷ་མོས་འདུལ་བར་མངའ་གསོལ་ལོ། །ཕྱི་ལྟར་ཟོ་དོར་ཚུལ་འཛིན་ཤ་ཟ་ལྔ། །ནང་ལྟར་མཁའ་སྤྱོད་གནས་བགྲོད་ཌཱཀྐི་ལྔ། །གསང་བ་འབྱུང་ལྔ་གནས་གྱུར་ཡུམ་ཆེན་ལྔ། །རྒྱུད་ལྔའི་འགྲོ་ལ་ཕན་ཕྱིར་མངའ་གསོལ་ལོ། །ངོ་བོ་རྣམ་ཀུན་མཆོག་ལྡན་སྤྲོས་བྲལ་ཡང་། །སྟོང་པ་ཕྱོགས་གཅིག་མ་ཡིན་བདེ་མཆོག་དང་། །ཟུང་འཇུག་རྩལ་དུ་ཤར་བའི་སྒྱུ་འཕྲུལ་བདག །འགྲོ་ཁམས་བདེ་ལ་སྦྱོར་ཕྱིར་མངའ་གསོལ་ལོ། །བདེ་གཤེགས་སྙིང་པོ་སྲིད་ཞི་མཉམ་ཉིད་ཀྱང་། །ཀུན་བྱེད་རྒྱལ་པོས་འཁོར་འདས་གཉ ིས་བསྐྲུན་པའི། །སྐྱེ་འགག་གནས་གསུམ་མཁའ་ལ་འཇའ་སྤྲིན་བཞིན། །རྟག་ཆད་འགྲོ་འོང་སྤང་ཕྱིར་མངའ་གསོལ་ལོ། །དོན་དམ་བཟང་ངན་རེ་དོགས་འཛིན་བྲལ་ཡང་། །ཀུན་རྫོབ་རྟེན་ཅིང་འབྲེལ་འབྱུང་བསམ་འདས་ཕྱིར། །ལུགས་ཟུང་འགལ་སྤོང་མཐུན་སྒྲུབ་བདག་ཉིད་དུ། །རྒྱལ་ཡུམ་ལྷ་མོ་མཆོག་ཁྱོད་མངའ་གསོལ་ལོ། །རྩ་གསུམ་ཀུན་འདུས་ཡེ་ཤེས་ལྷ་མོ་ལྔ། །དྲིན་ཆེན་མ་ལྟར་མངའ་གསོལ་བྱམས་བརྩེས་སྐྱོངས། །བརྩེ་ལྡན་སྲིང་ལྟར་མངའ་གསོལ་དུངས་སེམས་སྐྱེད། །མཛའ་བའི་གྲོགས་ལྟར་མངའ་གསོལ་ཕན་བདེ་སྤེལ། །སྒྲུབ་ལ་གཞོལ་ཚེ་བསྐྱེད་རྫོགས་ཡར་ཟླ་བཞིན། །གོང་ནས་གོང་འཕེལ་ས་ལམ་འབྲས་སྨིན་ཞིང་། །གཞན་དོན་ཕྲིན་ལས་འཇུག་པ་དབང་སྔོན་ལས། །དགོས་དགུ་འབྱུང་བཞིན་ཡོངས་ཀྱི་གསོས་གྱུར་མཛོད། །མདོར་ན་དགེ་བའི་སེམས་དང་རྣམ་དཀར་ལས། །བཤོལ་འགྱང་བར་ཆད་དབང་དུ་མི་འགྱུར་ཞིང་། །ཕར་ཕྱིན་དྲུག་གི་མཛད་པ་མཐའ་ཡས་ཀྱིས། །འགྲོ་ཁམས་ཕན་བདེར་སྦྱོར་ནུས་ཕྲིན་ལས་མཛོད། །ཅེས་པའང་རྣལ་འབྱོར་པ་བྱང་ཆུབ་རྡོ་རྗེས་སོ།། དགེའོ།།

སྨན་བཙུན་ཚེ་རིང་མཆེད་ལྔའི་གཏོར་འབུལ།

༄༅། །སྨན་བཙུན་ཚེ་རིང་མཆེད་ལྔའི་གཏོར་འབུལ་བཞུགས། །རཾ་ཡཾ་ཁཾ། །གཏོར་མ་ཟག་མ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། །ༀ་ཨཱཿཧཱུྃ། ལན་གསུམ། ཧཱུྃ། སྔོན་ཚེ་སློབ་དཔོན་པདྨའི་བཀའ། །བར་དུ་བཞད་པ་རྡོ་རྗེའི་ལུང་། །ཐ་མ་འཇིགས་མེད་གླིང་པའི་ཚིག །བཀའ་དང་དམ་ཚིག་དྲན་མཛོད་ལ། །ཚེ་རིང་མཆེད་ལྔ་འཁོར་དང་བཅས། །འདིར་གཤེགས་ཕྱི་ནང་གསང་གསུམ་གྱི། །མཆོད་རྫས་སྒྲུབ་རྫས་བསྐང་རྫས་སོགས། །མཐུན་རྫས་ལོངས་སྤྱོད་འདི་བཞེས་ལ། །ཐུགས་དམ་གཉན་པོ་བསྐངས་ནས་ཀྱང་། །རབ་འབྱམས་ཕྲིན་ལས་ཡོངས་གྲུབ་ཅིང་། །མཆོག་ཐུན་དངོས་གྲུབ་ཀུན་ཐོབ་ནས། །བསྟན་འགྲོར་ཕན་པའི་དཔལ་ཐོབ་ཤོག །ཅེས་ཚེ་རིང་མཆེད་ལྔའི་གཏོར་འབུལ་འདི་ཉིད་དད་ལྡན་འཇིགས་མེད་འོད་གསལ་གྱི་ངོར། །རྡོ་བླས་སྤེལ་བའི་ཡི་གེ་པ་ནི་འཇིགས་མེད་བསོད་ནམས་མཆོག་ལྡན་གྱིས་བགྱིས་པས་རྗེས་འཇུག་རྣམས་ཀྱིས་ལས་བཞིའི་ཕྲིན་ལས་འགྲུབ་པའི་རྒྱུར་གྱུར་ཅིག །དགེའོ། མངྒ་ལམ།

བཀའ་སྲུང་དྲང་སྲོང་ཆེན་པོ་རཱ་ཧུ་ལའི་མངའ་གསོལ།

༄༅། །བཀའ་སྲུང་དྲང་སྲོང་ཆེན་པོ་རཱ་ཧུ་ལའི་མངའ་གསོལ་ནི། །ཀ་དག་སྤྲོས་བྲལ་ཆོས་སྐུ་བརྗོད་འདས་ཀྱང་། །ཁ་དོག་མ་འགག་རྩལ་ལས་སྲིད་ཞིའི་མདངས། །ག་དར་ཤེལ་གོང་ངོས་སུ་གཟུགས་འཕོས་བཞིན། །ང་བདག་གཟུང་འཛིན་སྐྱོན་བྲལ་གཟའ་མཆོག་ཤར། །ཅ་ཅོའི་ཚིག་གིས་འབོད་དུ་མི་འཚལ་ཡང་། །ཆ་ལུགས་མཁའ་ལ་སྣང་བའི་འཇའ་ཚོན་བཞིན། །ཇ་ཆང་སྐྱེམས་ཕུད་འདོད་ཡོན་བདུད་རྩིའི་མཚོ། །ཉ་ཟླ་ཚ་ཟེར་བསྲེས་ལྟར་དགྱེས་པར་བཞེས། །ཏ་ཐཱ་ག་ཏའི་བསྟན་སྲུང་གཙོ་བོ་ཁྱོད། །ཐ་མལ་འབྱུང་པོ་མ་ཡིན་ཡེ་ཤེས་པ། །ད་ལྟ་དྲེགས་པའི་གཙོ་བོར་མངའ་གསོལ་ལོ། །ནཱ་ག་ལ་སོགས་སྡེ་བརྒྱད་དབང་དུ་སྡུད། །པ་ཝ་སངས་སོགས་གཟའ་བརྒྱད་ཁྱོད་ཀྱི་འཁོར། །ཕ་ཉིད་སྲིན་རྒྱལ་མ་ཡང་ཀླུ་མོ་སྟེ། །བ་དན་དཀར་པོས་མཁའ་དབྱིངས་སྤུད་པ་ལྟར། །མ་ལུས་དྲེགས་པའི་བླ་རུ་མངའ་གསོལ་ལོ། །ཙ་མ་ར་ལྟར་ཁེངས་ལྡན་དགྲ་སྡེའི་དཔུང་། །ཚ་གྲང་དབལ་གྱིས་གཞོམ་བྱེད་རཱ་ཧུ་ལ། །ཛ་ཡའི་བསྟན་སྲུང་མཆོག་ཏུ་མངའ་གསོལ་ལོ། །ཝ་སྤྲེལ་སྟག་ལྟར་རྔམ་པའི་དགྲ་སྡེ་སྒྲོལ། །ཞྭ་མོའི་ཏོག་ལྟར་མཐོ་བའི་བསྟན་སྲུང་ཁྱོད། །ཟ་བྱེད་དྲེགས་ཚོགས་ཡོངས་ཀྱི་གཙུག་ན་དཔའ། །འ་འོལ་ཙམ་མིན་སྙིང་ནས་ཁྱོད་བསྟེན་ཞིང་། ཡ་མཚན་ལྷག་པའི་ལྷ་རུ་མངའ་གསོལ་ལོ། །རཱ་ཛ་སྣང་སྲིད་དྲེགས་པའི་རྗེ་བོ་ཁྱོད། །ལ་ལ་ཙམ་མིན་འགྲོ་བའི་སྲོག་དབུགས་བདག །ཤ་ཟ་འབོད་སྒྲོག་པདྨའི་བཀའ་བཞིན་དུ། །ས་བཅུའི་སེམས་དཔའ་མཆོག་ཏུ་མངའ་གསོལ་ལོ། །ཧ་ལའི་རྒྱུད་ལྡན་དགྲ་སྡེ་ཡོངས་གཞོམ་ནས། །ཨ་ཏིའི་ཀློང་དུ་བྱང་ཆུབ་ལྡོག་མེད་མཛོད། །མངའ་གསོལ་བྱས་སོ་བསྟན་དང་འགྲོ་བའི་དོན། །ལྷུན་གྱིས་གྲུབ་ནས་སྐུ་གསུམ་རྒྱལ་བ་ཡི། །གོ་འཕང་མཆོག་ལ་འགོད་པའི་ཕྲིན་ལས་མཛོད། །ཅེས་དྲང་སྲོང་ཆེན་པོ་གཟའ་མཆོག་རཱ་ཧུ་ལའི་མངའ་གསོལ་རྡོ་རྗེའི་ཕྲེང་བ་འདི་ཉིད་པདྨ་ནོར་བུས་བསྐུལ་ངོར་རྡོ་བླས་སྨྲས་བཞིན་འཇིགས་མེད་བསོད་ནམས་མཆོག་ལྡན་གྱིས་ཡི་གེར་བྲིས་པ་ཡོངས་སུ་དགེ་བར་གྱུར་ཅིག །ན་མོ་ཤྲི་མ་ཧཱ་ཀ་ལ་ཡེ། དཔལ་མགོན་ཚོགས་ཀྱི་བདག་པོ་ལ་གཏོར་མ་འབུལ་བར་འདོད་ན། ཕུད་གཏོར་རྒྱས་བསྡུས་ཅི་རིགས་བཤམས་ནས་ཆབ་ཀྱིས་སྦྱངས་ཤིང་། རཾ་ཡཾ་ཁཾ། ལན་གསུམ། ༀ་ཨཱཿཧཱུྃ། ལན་གསུམ་གྱིས་གཏོར་མ་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོར་བྱིན་གྱིས་བརླབས་ནས་འདི་བཞིན་བརྗོད། །གདོད་ནས་འཁོར་འདས་དབྱེར་མེད་ཀྱང་། །ལྷུན་གྲུབ་རྩལ་ལས་སྲིད་དང་ཞིའི། །སྒྱུ་འཕྲུལ་རོལ་པ་མཐའ་ཡས་པའི། །མངོན་རྟོགས་རྣམ་འགྱུར་བསམ་ལས་འདས། །དེ་ཕྱིར་རྒྱལ་ཀུན་བསྟན་སྲུང་མཆོག །རྒྱལ་བའི་བཀའ་སྡོད་ཚུལ་འཛིན་པའི། །ཚོགས་བདག་མ་ཧཱ་ཀ་ལ་ཆེ། །ཡབ་ཡམ་གཙོ་འཁོར་སྤྲུལ་པར་བཅས། །འདིར་གཤེགས་དགྱེས་པའི་གདན་བཞུགས་ལ། །ཕྱི་ནང་གསང་བ་ཡང་གསང་གི། །མཆོད་རྫས་བསྐང་རྫས་སྒྲུབས་རྫས་སོགས། །དངོས་འབྱོར་ཡིད་ཀྱིས་རྣམ་སྤྲུལ་པས། །གསོལ་ལོ་མཆོད་དོ་མངའ་གསོལ་ལོ། །ཚོགས་བདག་ཡབ་ཡུམ་གསོལ་ཞིང་མཆོད། །སྐུ་གསུང་ཐུགས་མགོན་གསོལ་ཞིང་མཆོད། །ཕྱོགས་བཅུའི་སྡེ་བརྒྱད་མགོན་པོ་སོགས། །གཙོ་འཁོར་ཡོངས་རྫོགས་གསོལ་ཞིང་མཆོད། །དཔལ་མགོན་བདུན་ཅུ་གསོལ་ཞིང་མཆོད། །དགྲ་ལྷ་བཅུ་གསུམ་གསོལ་ཞིང་མཆོད། །ཕོ་ཉ་ཡང་འཁོར་གསོལ་ཞིང་མཆོད། །གསོལ་ཞིང་མཆོད་པའི་མཐུ་སྟོབས་ཀྱིས། །དམ་ཚིག་ཉམས་ཆག་བསྐང་བ་དང་། །ཞི་རྒྱས་དབང་དྲག་ལ་སོགས་པའི། །རབ་འབྱམས་ཕྲིན་ལས་གང་བཅོལ་ཀུན། །ཐོགས་མེད་འགྲུབ་པའི་སྡོང་གྲོགས་དང་། །འཕྲལ་ཕུག་དགའ་བདེའི་དཔལ་ཡོན་གྱིས། །གཡེལ་མེད་སྐྱོང་བའི་བཀྲ་ཤིས་ཤོག །འདི་ནི་དད་དམ་ནོར་འཆང་བ། །ཀུན་བཟང་འཆི་མེད་ཀྱིས་བསྐུལ་ངོར། །རྡོ་བླས་སྤེལ་བའི་དགེ་བ་ཡིས། །ལུགས་ཟུང་དཔལ་ཡོན་ཕུན་ཚོགས་ཤོག །དགེའོ།། །།

བསྟན་སྐྱོང་རྡོ་རྗེ་གཤོག་རྒོད་མའི་གསོལ་མཆོད་བསྡུས་པ་ཕྲིན་ལས་མྱུར་འགྲུབ།

༄༅། །བསྟན་སྐྱོང་རྡོ་རྗེ་གཤོག་རྒོད་མའི་གསོལ་མཆོད་བསྡུས་པ་ཕྲིན་ལས་མྱུར་འགྲུབ་བཞུགས།།

གུ་རུ་རིན་པོ་ཆེ་ལ་ཕྱག་འཚལ་ལོ། །བསྟན་སྐྱོང་རྡོ་རྗེ་གཤོག་རྒོད་མ་མཆོད་པར་འདོད་པས་གསེར་སྐྱེམས་མཐོང་བ རྒྱུད་ལྟར་བཤམས་ལ། །རཾ་ཡཾ་ཁཾ། གསུམ། ༀ་ཨཱཿཧཱུྃ། གསུམ་བརྗོད་ནས་མོས་གུས་གདངས་དང་བཅས་ཏེ། བྷྱོཿ སྔོན་ཚེ་པདྨ་འབྱུང་གནས་སྤྱན་སྔ་རུ། །ཇི་ལྟར་ཁས་བླང་དམ་བཅའ་དྲན་བཞིན་དུ། །བསྟན་སྐྱོང་ཆེན་མོ་རྡོ་རྗེ་གཤོག་རྒོད་མ། གཙོ་འཁོར་ཡོངས་རྫོགས་གནས་འདིར་སྤྱན་འདྲེན་གཤེགས། །བཞུགས་གསོལ་ཕྱག་འཚལ་ཕྱི་ནང་གསང་མཆོད་འབུལ། །ཐུགས་དམ་དགྱེས་སྐོངས་ཉམས་ཆགས་འགལ་འཁྲུལ་བཤགས། །གང་བཅོལ་ཕྲིན་ལས་ཐོགས་མེད་མྱུར་འགྲུབ་མཛོད། །ༀ་རུ་རུ་ཧེ་དུ ན་ཁ་ཁ་དུན། དྲག་མོ་དུ་ར་དུ་དུ་ཛ། དྲག་མོ་ཉེ་ར་དུ་ར་དུ་དུ་བྷྱོ་ས་པཱ་རི་ཝ་ར་སརྦ་པུ་ཙ་ཁཱ་ཧི། ཞེས་དང་ཡང་རྩ་སྔགས་མཐར། སརྦ་པཉྩ་རཀྟ་བཱ་ལིངྟ་ཁ་ཁ་ཁཱ་ཧི་ཁཱ་ཧི། ལན་གསུམ་བརྗོད་ནས། ཧཱུྃ། སྐུ་གསུམ་ཞིང་ན་གང་ལ་གང་འདུལ་གྱིས། །གསང་གསུམ་ཚོ་འཕྲུལ་དཔག་ཡས་རོལ་པའི་གར། །དཔལ་ལྡན་རྡོ་རྗེ་གཤོག་རྒོད་སྤྲུལ་འཁོར་བཅས། །མཆོད་གསོལ་བསྟོད་དོ་བསམ་དོན་ལྷུན་གྲུབ་མཛོད།། ཅེས་པའང་རྡོ་བླས་སོ།། །།

ཆོས་རྒྱལ་སྐུ་ལྔའི་གསོལ་མཆོད་འདོད་དགུ་ལྷུན་གྲུབ།

༄༅། །ཆོས་རྒྱལ་སྐུ་ལྔའི་གསོལ་མཆོད་འདོད་དགུ་ལྷུན་གྲུབ་བཞུགས་སོ། །ཆོས་རྒྱལ་སྐུ་ལྔའི་གསོལ་མཆོད་འདོད་དགུ་ལྷུན་གྲུབ་ནི། ཧྲཱིཿ ཀ་དག་ཀུན་བཟང་རྡོར་འཆང་ཐོད་ཕྲེང་རྩལ། །ཁ་བ་ཅན་སོགས་འགྲོ་བ་ཡོངས་ཀྱི་སྐྱབས། །ག་རུ་བཞུགས་ཀྱང་ཕན་བདེའི་འབྱུང་གནས་ཆེ། །ང་ཡི་བདེ་ཆེན་འཁོར་ལོའི་རྒྱན་དུ་སྤྲས། །ཅ་ཅོའི་ཁ་ཙམ་མ་ཡིན་རྡོ་རྗེའི་སྒྲ། །ཆ་ལུགས་སྲུང་མར་ལེགས་ཤར་སྐུ་ལྔ་འབོད། །ཇ་ཆང་ཤ་སོགས་དགྱེས་དགུའི་མཆོད་འབུལ་བཞེས། །ཉ་རྒྱས་ཇི་བཞིན་འདོད་དོན་ཡོངས་གང་མཛོད། །ཏ་ཐཱ་ག་ཏའི་བསྟན་སྲུང་བེ་ཧ་ར། །ཐ་དད་མ་གྲུབ་བཅོམ་ལྡན་དབང་ཆེན་དངོས། །ད་ལྟ་དྲེགས་པ་ཡོངས་ཀྱི་སྤྱི་ཡི་རྗེ། །ནཱ་ག་ལ་སོགས་སྡེ་བརྒྱད་བྲན་དུ་བཀོལ། །པ་སངས་ལྟར་དཀར་བྱམས་བརྩེའི་སྒྲུབ་མཆོག་སྐྱོངས། །ཕ་རོལ་ལོག་འདྲེན་འདུལ་ལ་མཆོག་ཏུ་བསྔགས། །བ་སྤུའི་གྲངས་ལྡན་ཕྱི་ནག་གསང་བའི་འཁོར། །མ་ལུས་འཁོར་བཅས་མཆོད་སྟོད་མངའ་གསོལ་ལོ། །ཙ་ར་གཡག་ལུག་ལ་སོགས་ཕྱི་ནང་རྟེན། །ཚ་ཏྲཾ་ཀ་དང་རྒྱལ་མཚན་འཕན་ཕུར་དང་། །ཛ་ལའི་རྒྱུན་བཞིན་ཡོན་ཆབ་ཁྲག་ཞག་སྐྱེམས། །ཝ་སྤྱང་སྟག་སེང་བྱ་རིགས་དུད་འགྲོའི་ཚོགས། །ཞྭ་ལྷམ་གོ་ཁྲབ་རྨོག་ར་ལ་མདའ་གཞུ་མདུང་། །ཟ་འོག་དིང་གུར་སྣ་ཚོགས་རོལ་མོའི་སྒྲ། །འ་འེའི་དབྱངས་སོགས་འདོད་ཡོན་མཆོད་པའ་སྤྲིན། །ཡ་མཚན་དངོས་བཤམས་བླ་མེད་ཡིད་སྤྲུལ་གྱིས། །རཱ་ཛ་ཆེན་པོའི་སྐུ་ལྔའི་ཐུགས་དམ་བསྐང་། །ལ་ཆུ་འཕྲང་སོགས་བརྒལ་ཀྱང་གཡར་དམ་ཚིག །ཤ་ཁྲག་གསུམ་དུ་བོར་ནས་སྒྲུབ་ངེས་བདག །ས་ཕྱོགས་གང་དུ་འགྲོའམ་སྡོད་ཀྱང་རུང་། །ཧྱ་གྷྲྀ་ཝའི་སྒྱུ་འཕྲུལ་ཁྱོད་ཀྱིས་ནི། །ཨ་མས་བུ་ལ་བརྩེ་བཞིན་སྐྱོང་བར་མཛོད། །ཡང་ཡང་གསོལ་ཞིང་མཆོད་ན་བཅོལ་བའི་ལས། །མང་མང་མི་ཐོགས་མྱུར་དུ་འགྲུབ་པ་དང་། །དགའ་དགའ་བདེ་སྐྱིད་དཔལ་གྱིས་འབྲས་བུའི་གཟུགས། །ཤོག་ཤོག་བདག་གི་གམ་དུ་མངོན་གྱུར་ཅིག །ཅེས་པའང་རྒྱལ་པོ་ཆེན་པོའི་རྟགས་མཚན་ཡང་ཡང་མཐོང་བ་ལ་བརྟེན་ནས་ཀུན་བཟང་གཞན་ཕན་གྱིས་བྲིས་པའི་ཡི་གེ་པ་ནི་འཇིགས་མེད་རྡོ་རྗེས་སོ། །དགོང་བཙན་གསོལ་མཆོད་ནི། ཧྲཱིཿ ལྗོན་ཤིང་བྲག་རིར་རྟེན་བཅས་བཙན་རྒོད་བདུན། །གནོད་སྦྱིན་ནོར་ལྷའི་ཚུལ་འཆང་རེ་འདོད་སྐོང་། །གཞན་ཡང་ལས་བཞིའི་ཕྲིན་ལས་སྒྱུ་འཕྲུལ་ངོམས། །ཁྱེད་ཅག་གཙོ་འཁོར་སྤུལ་པ་ཡང་སྤྲུལ་བཅས། །རྣལ་འབྱོར་བདག་གི་གནས་འདིར་སྤྱན་འདྲེན་ནོ། དགྱེས་དགུའི་མཆོད་ཚོགས་ཀུན་བཞེས་འདོད་དོན་སྒྲུབ། །སློབ་དཔོན་པདྨའི་བཀའ་བསྒོའི་ཐ་ཚིག་དོན། །ཡལ་བར་མ་འདོར་བཅོལ་བའི་ཕྲིན་ལས་ཀུན། །མྱུར་དུ་ཐོགས་པ་མེད་པར་མཛད་དུ་གསོལ། ཞེས་པའང་རྡོ་བླས་སོ།། དགེའོ།། །། རཾ་ཡཾ་ཁཾ། ༀ་ཨཱཿཧཱུྃ། སྐད་ཅིག་དྲན་རྡོགས་རང་མདུན་ཐོད་སྒྱེད་སྟེང་། །དུམ་གཅིག་ཀ་པཱ་ལ་ཡི་སྣོད་ནང་དུ། །ཤ་ལྔ་བདུད་རྩི་ལྔ་སོགས་སྦྱོར་སྒྲོལ་རྫས། །སྤྲོ་བསྡུའི་འཕྲུལ་གྱིས་རྒྱལ་ཀུན་གསང་གསུམ་བཅུད། །སྤྱན་དྲངས་གཏོར་བམའི་རྫས་དང་དབྱེར་མེད་གྱུར། །དངོས་འཛིན་དྲི་མས་མ་སྦགས་མཆོད་གཏོར་རྫས། །ཕྱི་ནང་གསང་བའི་དཔལ་ཡོན་རབ་ལྡན་འདི། །མཆོག་གསུམ་རྩ་གསུམ་བཀའ་སྲུང་ཆོས་སྲུང་སྤྱི། །ཁྱད་པར་སྔགས་སྲུང་ཨེ་ཀ་ཙ་ཊི་དང་། །དཔལ་མགོན་མ་ནིང་མགོན་པོ་ཕོ་རྒྱུད་ཚོགས། །སྒྲོལ་གིང་རྡོ་རྗེ་ལེགས་པ་མཆེད་འཁོར་བཅས། །གཟའ་བདུད་ཆེན་པོ་གདོང་མོ་སྡེ་བརྒྱད་འཁོར། །དུར་ཁྲོད་ལྷ་མོ་མིང་སྲིང་བརྒྱད་པོ་དང་། །ཚེ་རིང་མཆེད་ལྔ་གཡུ་སྒྲོན་བསྟན་མར་བཅས། །ཕྱི་ནང་གསང་བའི་ལྷ་སྲིན་སྡེ་བརྒྱད་རྣམས། །སྤྲུལ་པ་ཡང་སྤྲུལ་འཁོར་དང་ཡང་འཁོར་བཅས། །མཆོད་ཅིང་བསྟོད་དོ་བསྐང་ངོ་མངའ་གསོལ་ལོ། །དགྱེས་ཤིང་ཚིམ་པར་མཛོད་ལ་ཉམས་ཆག་བཤགས། །རབ་འབྱམས་ཕྲིན་ལས་གང་བཅོལ་འགྲུབ་པ་དང་། །འཕྲལ་ཕུགས་ཡོངས་དགེ་སངས་རྒྱས་འགྲུབ་པར་ཤོག །ཅེས་པ་འདི་ཡང་པདྨ་ཆོས་འཕེལ་ངོར། རྡོ་བླས་སྤེལ་བ་ཡོངས་སུ་དགེ་བར་གྱུར་ཅིག །དགེའོ།། །།རྃ་ཡྃ་ཁྃ། ༀ་ཨཱཿཧཱུྃ། མཆོག་གསུམ་སྐུ་གསུམ་རྩ་བ་གསུམ། །ཆོས་སྐྱོང་དམ་ཅན་ནོར་ལྷ་སོགས། མཆོད་ཡུལ་ཡོང་མ་ཐམས་ཅད་ལ། མཆོད་པ་དམ་པ་འདི་འབུལ་ལོ། །གསེར་སྐྱེམས་གཙང་མ་འདི་བཞེས་ལ། །བདག་གི་འདོད་དོན་སྒྲུབ་ཏུ་གསོལ། །ཕྱི་ནང་གསང་དང་སྤྲུལ་པ་དང་། མཆོག་གི་སྡེ་བརྒྱད་བརྒྱད་ཚན་ལྔ། །འཁོར་དང་ཡང་འཁོར་བཅས་རྣམས་ལ། མཆོད་པ་དམ་པ༔ གསེར་སྐྱེམས༔ བདག་གི་འདོད༔ ས་བདག་ས་ལྷ་ཡུལ་གཞིའི་བདག །རྒྱལ་ཆེན་བཞི་དང་དཔལ་མགོན་སོགས། །འགོ་བའི་ལྷ་ལྔ་ལ་སོགས་པའི། །སྣང་སྲིད་སྡེ་བརྒྱད་འཁོར་བཅས་ལ། །མཆོད་པ༔ གསེར་སྐྱེམས༔ བདག་གི་འདོད་དོན་སྒྲུབ་ཏུ་གསོལ། རྡོ་གྲུབ་ཆེན་ཀུན་ལ་ཟང་གཞན་ཕན་གྱིས་སོ།། །།

སྡེ་བརྒྱད་པ་བསུས་པ་ཡིད་བཞིན་དབང་རྒྱལ།

༄༅། །སྡེ་བརྒྱད་པ་བསུས་པ་ཡིད་བཞིན་དབང་རྒྱལ་བཞུགས། ཧོ་མཆོག་གསུམ་རྩ་གསུམ་བཀའ་སྲུང་དམ་ཅན་སྤྱི། །ཁྱད་པར་ཕྱི་ནང་གསུང་བ་མཆོག་དང་ནི། །སྤྲུལ་པ་སྣང་སརིད་སྡེ་བརྒྱད་འཁོར་ཚོགས་དཔུང་། །གཉུག་གནས་ཡུལ་ལྷ་གཞི་བདག་ཟོ་དོར་ཀུན། །དངོས་འབྱོར་ཡིད་སྦྲུལ་མཅོད་སྤྱིན་མི་འཛད་གཏེར། །འབུལ་ལེ་བཞེས་ལ་སྤྱི་སྒོས་བསྲུང་བྱ་ཡི། །མི་ལ་ན་ཚ་གྱོད་མཁོན་མི་འདོད་རྐྱེན། །ནོར་ལ་ཉ་གློ་སྟེ་འགགས་ལ་སོགས་ནད། །རྟ་དྲིལ་བོང་བུར་གནོད་ཅིང་འཚེ་བའི་རིགས། །ར་དང་ལུག་གི་ནད་རྣམས་མ་ལུས་ཀུན། །གཅིག་ཏུ་བསྡུས་ཏེ་སྡང་བའི་དགྲ་ལ་བཟློག །མིང་ཙམ་ལྷག་མ་ཙམ་ཡང་མེད་པ་མཛོད། །ཞིང་ལ་བཙའ་ཐན་སེར་གསུམ་མི་འབྱུང་ཞིང་། ལོ་ལེགས་འབྲུ་འཕེལ་བསམ་དོན་ཀུན་གྲུབ་ཅིང་། །དུས་འཁྲུགས་མཚོན་གྱི་བསྐལ་པ་ཞི་ནས་ཀྱང་། །བསྐལ་པ་རྫོགས་ལྡན་དཔལ་ཡོན་མངོན་གྱུར་ཞིང་། །བདེ་སྐྱིད་ཕུན་སུམ་ཚོགས་པའི་ཕྲིན་ལས་མཛོད།། ཀུན་བཟང་གཞན་ཕན་གྱིས་སོ།། དགེའོ།། །།ཟ་དུའི་བསྐང་བསྡུས་བསྟན་དགྲ་ཚར་གཅོད་ལས་བཞི་ཕྲིན་ལས་ལྷུན་གྲུབ་བཞུགས། ན་མོ་མ་ཧཱ་གུ་རུ་པདྨ་ཀཱ་ར་ཡེ། །སྐུ་གསུམ་རྒྱལ་བརྒྱ་མཚོའི་སྤྱི་གཟུགས་མཆོག །ལྷ་སྲིན་དྲེགས་པ་ཀུན་གྱི་གཉེན་གཅིག་བུ། །རང་བྱུང་ལྷུན་གྲུབ་པདྨ་རྒྱལ་པོ་དང་། །དབྱེར་མེད་འཇིགས་མེད་གླིང་པས་དགེ་ལེགས་སྩོལ། །དེ་ལ་ཡང་འདིར་དྲེགས་པ་ཟ་དུའི་ལས་ལ་འཇུག་པར་འདོད་པ་དག་གིས་དཀར་གཏོར་དཀར་གྱིས་བརྒྱད་པ་དང་། དམར་གཏོར་དམར་གྱིས་བརྒྱན་པ་འདོད་དགུའི་རྫས་སུ་བྱིན་གྱིས་བརླབས་ཏེ། རཾ་ཡཾ་ཁཾ། ༀ་ཨཱཿཧཱུྃ། སྐུ་གསུམ་དགུ་ལྡན་རྩ་རྒྱུད་བླ་མ་དང་། །ཡི་དམ་ཞི་ཆགས་ཁྲོ་བོའི་དཀྱིལ་འཁོར་ལྷ། །མཁའ་འགྲོ་ཆོས་སྐྱོང་བཀའ་སྲུང་གཏེར་སྲུང་རྣམས། །འདོད་ཡོན་ལྔ་ལྡན་དཀར་དམར་གཏོར་མ་དང་། །ཟག་མེད་བདུད་རྩེ་གསེར་སྐྱེམས་མཆོད་པ་འདི། །བཞེས་ལ་དུག་གསུམ་ལོག་སྦྱོར་དགྲ་ཟླའི་སྡེར། །སྒོ་གསུམ་བཟང་འབྲེལ་ཟོལ་གྱིས་ཐབས་གྱུར་ནས། །སྙིང་རྗེའི་རྩལ་ལས་རྡོ་རྗེ་ཁྲོས་པའི་ཤུགས། །ཕྱུངས་ཏེ་དྲག་ཤུལ་མཐུ་ཡིས་ཟ་དུ་གྱིས། །ཁྱད་པར་དཔལ་མགོན་ལེགས་ལྡན་ཚོགས་ཀྱི་བདག །ཡབ་ཡམ་སྲས་འཁོར་སྤྲུལ་པ་ཡང་སྤྲུལ་བཅས། །མགོན་ཆེན་སྡེ་ལྔ་མ་མོར་ལ་གཅིག་མ། །གཟའ་མཆོག་ཆེན་པོ་སྐྱེས་བུ་རྡོར་ལེགས་དང་། །དམ་ཅན་སྡེ་ལྔ་སྡེ་བདུན་དུ་ཁྲོད་ཀྱི། །ལྷ་མོ་ངན་ནེ་མ་སོགས་སྤྲུལ་འཁོར་བཅས། །འདོད་ཡོན་ལྔ་ལྡན་དཀར་དམར་གཏོར་མ་དང་། །ཟག་མེད་བདུད་རྩི་གསེར་སྐྱེམས་མཆོད་པ་འདི། །བཞེས་ལ་དུག་གསུམ་ལོག་སྦྱོར་དགྲ་ཟླའི་སྡེར། སྒོ་གསུམ་བཟག་འབྲེལ་ཟོལ་གྱིས་ཐ་བས་གྱུར་ནས། །སྙིང་རྗེའི་རྩ་ལས་རྡོ་རྗེ་ཁྲོས་པའི་ཤུགས། །ཕྱུངས་ཏེ་དྲག་ཤུལ་མཐུ་ཡི་ཟ་དུ་གྱིས། །གཞན་ཡང་གསང་སྔགས་སྔ་འགྱུར་ཕྱི་འགྱུར་གྱི། །བསྟན་བསྲུང་དམ་ཅན་རྒྱ་མཚོ་སྤྱི་དང་ནི། །ཁྱད་པར་རྫོགས་ཆེན་སྡེ་གསུམ་ཀློང་དགུ་ཡི། །བཀའ་སྲུང་གཏེར་སྲུང་ཡུལ་ལྷ་ཟོ་དོར་རིགས། །བསྟན་འགྲོར་ཕན་བདེ་སྤྱོད་བྱེད་ཚོགས་རྣམས་ཀུན། །འདོད་ཡོན་ལྔ་ལྡན་དཀར་དམར་གཏོར་མ་དང་། །ཟག་མེད་བདུད་རྩི་གསེར་སྐྱེམས་མཆོད་པ་འདི། །བཞེས་ལ་དུག་གསུམ་ལོག་སྦྱོར་དགྲ་ཟླའི་སྡེར། །སྒོ་གསུམ་བཟང་འབྲེལ་གྱིས་ཐབས་གྱུར་ནས། །སྙིང་རྗེའི་རྩལ་ལས་རྡོ་རྗེ་ཁྲོས་པའི་ཤུགས། །ཕྱུངས་ཏེ་དྲག་ཤུལ་མཐུ་ཡི་ཟ་དུ་གྱིས། །རྩ་གསུམ་དམ་ཅན་རྒྱ་མཚོ་ཁྱེད་རྣམས་ལ། །རབ་འབྱམས་ཕྲིན་ལས་བཅོལ་བའི་མདོ་ཉིད་ནི། །བསྟན་འགྲོར་ཕན་བདེ་རྒྱ་ཆེན་སྦྱོར་བ་དང་། །བསྟན་དང་བསྟན་འཛིན་ཚོགས་རྣམས་རྟག་སྐྱོངས་ཤིག །རབ་འབྱམས་ཕྲིན་ལས་འགྲུབ་པའི་སྡོང་གྲོགས་དང་། །འགལ་ཟླར་མཐུ་སྟོབས་དྲག་པོས་ཚར་བཅད་མཐར། །དབང་སྐུར་བྲན་དུ་གྱུར་ནས་རྗེས་བཟུང་ཚེ། །རུ་ང་ཕྲག་དོག་ཀོ་ལོང་མི་མཛད་པར། །འབྲེལ་ཚད་དགེ་ལ་སྦྱོར་ནུས་རྟེན་འབྲེལ་དང་། །དགྲ་ཟླ་བྱང་ཆུབ་ལམ་དུ་བཀོད་ནས་སུ། །ཐར་པ་མཆོག་གི་གོ་སར་དབུགས་དབྱུང་མཛོད། །ཅེས་པ་འདི་ཡང་རས་པ་དམ་ཙིག་རྡོ་རྗེའི་བསྐུལ་བ་དོན་ཡོད་པར་བྱ་བའི་ཕྱིར་རྣལ་འབྱོར་པ་ཀུན་བཟང་གཞན་ཕན་གྱིས་སྤེལ་བའི་ཡི་གེ་པ་ནི་འོད་ཟེར་དཔལ་འབར་གྱིས་བགྱིས་པའི་དགེ་བས་རྒྱལ་བསྟན་དར་ཞིང་རྒྱས་པར་གྱུར་ཅིག། དགེའོ།། །།

འདོད་དོན་གསོལ་ཞིང་ཕྲིན་ལས་བཅོལ་བ།

༄༅། །འདོད་དོན་གསོལ་ཞིང་ཕྲིན་ལས་བཅོལ་བ་ནི། སངས་རྒྱས་ཀྱི་བསྟན་པ་དར་བ་དང་། སེམས་ཅན་ལ་བདེ་སྐྱིད་འབྱུང་བ། རྣལ་འབྱོར་པ་བདག་ཅག་སྒྲུབ་པ་པོས། ཞི་བའི་ལས་དང་། །རྒྱས་པའི་ལས་དང་། དབང་གི་ལས་དང་། དྲག་པོའི་ལས་དང་། ལས་རབ་འབྱམས་གང་བརྩམ་པ་ཐམས་ཅད་ཐོགས་པ་མེད་ཅིང་མྱུར་བ་ཉིད་དུ་འགྲུབ་པའི་སྡོངས་གྲོགས་མཛད་དུ་གསོལ། །ཁྱད་པར་དུ་ཡང་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པའི་ནད་གདོན་འགལ་རྐྱེན་བར་ཆད་ཆག་ཆེ་ཉམ་ང་ལོ་སྐེག་ཟླ་གཤེད་ལ་སོགས་པ་མི་འདོད་པའི་ཉེ་བར་འཚེ་བ་མི་མཐུན་པའི་ཕྱོགས་ངན་པ་ཐམས་ཅད་ཞི་ཞིང་བ ཟློག་པའི་ཕྲིན་ལས་མཛད་དུ་གསོལ། མདོར་ན་མཐོ་རིས་ཀྱི་ཡོན་ཏན་བདུན་དང་སྡེ་བཞིའི་དཔལ་ཕུན་སུམ་ཚོགས་པ་ལ་རང་དབང་བསྒྱུར་ནས། རྟག་ཏུ་དགེ་བ་བཅུའི་ཆོས་ཡང་དག་པ་ལ་སྤྱོད་ཅིང་ཐར་པ་དང་ཐམས་ཅད་མཁྱེན་པའི་གོ་འཕང་ལ་དབུགས་འབྱིན་པའི་ཕྲིན་ལས་དམ་པ་རྒྱ་ཆེན་པོ་ཡོངས་སུ་འགྲུབ་པར་མཛད་དུ་གསོལ། འཇིག་རྟེན་སྐྱེ་བོའི་ཁ་སྨོན་བཞིན། ཀུན་བཟང་གཞན་ཕན་དེས་བྲིས་དགེས། །འདོད་དོན་ཕྲིན་ལས་ཀུན་འགྲུབ་ནས། །མཁའ་མཉམ་འགྲོ་བའི་དོན་ནུས་ཤོག །སརྦ་མངྒ་ལཾ། དགེའོ།། །།

བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་གྱི་དབང་ཆོག་མ་རིག་མུན་སེལ་འོད་ཟེར་འབུམ་ལྡན།

༄༅། །དམ་ཆོས་བདེ་ཆེན་ལམ་མཆོག་ལས། བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་གྱི་དབང་ཆོག་མ་རིག་མུན་སེལ་འོད་ཟེར་འབུམ་ལྡན་ཞེས་བྱ་བ་བཞུགས་སོ།།

ན་མོ་གུ་རུ་ཨ་མི་ཏཱ་བྷ་ཡེ། ཚེ་དཔག་མེད་མགོན་འཆི་མེད་ལམ་ཆེན་ལས། །མཁྱེན་བརྩེའི་འོད་སྣང་སྟོང་དུ་འབར་བའི་གཟིས། །མཐའ་ཡས་འགྲོ་བའི་མུན་སློང་གསལ་མཛད་གཉེན། །བླ་མ་འཇིགས་མེད་གླིང་པ་སྤྱི་བོར་མཆོད། །གང་གི་བཞེད་གཞུང་དཔག་མེད་མྱུར་ལམ་མཚོ། །རྣམ་དཔྱོད་ལྷ་ཆེན་འཚོགས་པས་ལེགས་བསླབ་དོན། །སྨིན་བྱེད་འོད་ཟེར་འབུམ་ལྡན་མ་ཎི་ཀ །སྐལ་བཟང་མཚོ་སྐྱེས་བཞད་པའི་གཉེན་དུ་ངོམ། །དེ་ལ་འདིར་བདེ་བ་ཅན་གྱི་དབང་ཆོག་འོད་ཟེར་འབུམ་ལྡན་ཡི་གེའི་རིས་སུ་འགོད་པ་ལ། སྔོན་འགྲོ་དངོས་གཞི་རྗེས་སོ། །དང་པོ་ལ་དཀྱིལ་འཁོར་བཤམ་བཀོད་ནི། སྤྱི་གཞུང་ལྟར་དང་། བྱེ་བྲག་གཙོ་ལས་ཀྱི་བུམ་པ་གཉིས་དང་ལྷ་དབང་གི་ཙ་ཀླི་དང་བཅས་གཤམ་པའོ། །གཉིས་པ་བདག་བསྐྱེད་བཟླས་པ་བཅས་རྫོགས་ནས་མདུན་བསྐྱེད་གཞུང་ལྟར་དང་། གཙོ་བུམ་དུ་ཡང་འདི་ལྟར་བསྐྱེད་པར་བྱ་སྟེ། བུམ་པ་བདུད་རྩིས་གང་བའི་དབུས་སུ་རིན་པོ་ཆེ་སྣ་བདུན་ལས་གྲུབ་པའི་ཁྲི་སྟེགས། ཞེས་པ་ནས། པདྨ་ཀ་མ་ལ་ཡེ་སྟྭཾ། ཡན་གཞུང་ལྟར་དང་། མཆོད་པའི་སྐབས། ཇི་སྙེད་སུ་དག་སོགས་ཚང་བར་བརྗོད་ནས། བདག་གི་ཐུགས་ཀའི་འོད་ཟེར་གྱིས་བུམ་པའི་ལྷ་ཚོགས་ཀྱི་ཐུགས་རྒྱུད་བསྐུལ་འོད་ཟེར་ཡར་འཕྲོས། རྒྱལ་བ་སྲས་བཅས་མཆོད། བྱིན་ནུས་བསྡུས། མར་འཕྲོས་འགྲོ ཁམས་ཡོངས་ཀྱི་སྒྲིབ་ཚོགས་སྦྱངས། ཚུར་འདུས་ལྷ་ཚོགས་རྣམས་ལ་ཐིག་མ་སྨིན་པར་ནུས་པའི་དཔལ་ཡོན་ཡོངས་སུ་རྫོགས་པར་གྱུར། ཞེས་བསམས་པ། བསྙེན་གཞུང་ལྟར་དབྱངས་གསལ་སྦྲེལ་ཏེ་ཅི་ནུས་བཟླས་མཐར་བཟང་སྤྱོད་ཚད་གཅིག་གི་མཐར། ལྷ་རྣམས་འོད་ཀྱི་རང་བཞིན་དུ་ཟུ་ནས་བུམ་ཆུ་དང་དབྱེར་མེད་གྱུར། ཞེས་དང་། བདག་དབང་བླ་བ་ནི །མདུན་བསྐྱེད་གནས་ལྔར་ཁ་དོག་སྣ་ལྔའི་འོད། །འཇའ་ཚོན་ཚུལ་དུ་བྱུང་ནས་རང་ཉིད་ཀྱི། གནས་ལྔར་ཐིམ་པས་བྱིན་ནུས་ཀུན་ཐོབ་གྱུར། །ཞེས་བསྙེན་པའི་སྔགས་ལ་འདི་བཏགས་བཟླ། ཀཱ་ཡ་ཝཀྐི་ཙིཏྟ་སིདྡྷི་ཧཱུྃ། སྐབས་འདིར་ལས་བུམ་བསྒྲུབ་པ་ནི། ལམ་བུམ་དུ་ཁྲོ་བོ་མགྲིན་དམར་པོ་དབྱུག་ཏོ་དང་སྡིག་མཛུབ་མཛད་པ་གསལ་བའི་ཐུགས་ཀཱི་འོད་ཟེར་འཔྲོས་འདུས་དོན་གཉིས་བྱས་སྐུ་ལས་བདུད་རྩིའི་རྒྱ་བབས་པས་བུམ་པ་ཁེངས་པར་བསམ། མཐར་མཆོད་ཅིང་བསྟོད་ནས། །ཡེ་ཤེས་པ་དམ་ཚིག་གི་ཆུ་དང་དབྱེར་མེད་དུ་གྱུར། ཞེས་བསམ་མོ། །དེ་ནས་སློབ་མ་རྣམས་བདུན་དུ་འཁོད་པ་ལ། ཧཱུྃ། སྒྲིབ་གཉིས་ལས་བྱུང་ནད་གདོན་གྲིབ། །ཉམས་ཆག་ཉེས་ལྟུང་དྲི་མའི་ཚོགས །ལྷ་སྔགས་ཏིང་འཛིན་རོལ་པའི་ཆུས། །བཀྲུ་བར་བགྱི་འོ་དག་གྱུར་ཅིག །ༀ་བཛྲ་ཀྲོ་ཏ་ཧྱགྷྲྀ་ཝ་ཧཱུྃ་ཕཊཿ དང་ཡིག་བརྒྱའི་སྔགས་ཀྱིས་བཀྲུ་བྱས་ནས། བགེགས་གཏོར་བསངས་སྦྱངས་བྱས་ལ། བསྔོ་ཚིག་གང་རུང་གིས་བསྔོས་ནས་བདེན་སྟོབས་བརྗོད་ཅིང་དྲག་སྔགས་དང་རྫས་རྔ་རོལ་མོ་བཅས་ཀྱིས་བསྐྲད་མཐར་བསྲུང་འཁོར་བསྒོམ། མེ་ཏོག་བཀྱེ་བསྡུ་བྱ། ༈ འོ་ནམ་མཁའ་དང་མཉམ་པའི་སེམས་ཅན་ཐམས་ཅད་མགོན་པོ་འོད་དཔག་ཏུ་མེད་པའི་གོ་འཕང་ལ་དགོད་པར་བྱ། དེའི་ཆེད་དུ་སྨིན་བྱེད་ཀྱི་དབང་བསྐུར་ཟབ་མོ་གསན་ནས་ཚུལ་བཞིན་ཉམས་སུ་བླང་བར་བགྱིའོ་སྙམ་པའི་ཐུགས་བསྐྱེད་རྣམ་པར་དག་པའི་སྒོ་ནས་གསན་པ་ནི་གལ་ཆེ་སྟེ། རིན་ཆེན་ཕྲེང་བ་ལས། སེམས་ཅན་ཁམས་ནི་ཚད་མེད་དེ། །ཕན་འདོད་དེ་ནི་དེ་འདྲའོ། །ཞེས་གསུངས་པས་ནམ་མཁའ་མཐའ་མེད་པ་བཞིན་སེམས་ཅན་མཐའ་མེད་ཅིང་དེ་ལ་ཕན་སེམས་ལན་གཅིག་སྐྱེས་པ་ཡང་། ཚད་མེད་པའི་སྦྱོར་བ་སེམས་བསྐྱེད་དམ་པས་ཟིན་པ་དང་། དངོས་གཞི་ཆོས་ཉན་པའི་སྐྱོན་གསུམ་དྲི་མ་དྲུག་མི་འཛིན་པ་ལྔ་དང་བཅས་པ་སྤངས་ནས། འདུ་ཤེས་བཞི་དང་ཕ་རོལ་ཏུ་ཕྱིན་པ་དྲུག་ཚང་བའི་སྒོ་ནས་ཉན་དངོས་པར་གསུངས་པ་ལྟར་དམིགས་མེད་དམ་པས་ཟིན་བཞིན་ཉན་པ་ནི་གལ་ཆེ། དེ་ཡང་གང་མཉམ་པར་བྱ་བ་ཡང་རྒྱལ་བ་ཐབས་མཁས་ཤིང་ཐུགས་རྗེ་ཆེ་བ་རྣ་ཀྱིས་འདུལ་བྱ་སེམས་ཅན་གྱི་བློ་རིགས་མ་ཟད་པར་འདུལ་བྱེད་ཀྱི་ཆོས་གང་ཟག་གི་དབང་པོ་དང་སྐལ་པར་འཚམས་པའི་མདོ་དང་། རྒྱུད་དང་། བཀའ་མ་དང་། གཏེར་མ་དང་། དག་སྣང་སོགས་མང་དུ་འབྱུང་བ་ཡིན་ཏེ། བཟང་སྤྱོད་ལས། །ནམ་མཁའི་མཐར་ཐུག་གྱུར་པའི་ཇི་ཙམ་པ། །སེམས་ཅན་མ་ལུས་མཐའ་ཡང་དེ་བཞིན་ཏེ། །ཇི་ཙམ་ལས་དང་ཉོན་མོངས་མཐར་གྱུར་པ། །བདག་གི་སྨོན་ལམ་མཐའ་ཡང་དེ་ཙམ་མོ། །ཞེས་གསུངས་པས་ན། ཚད་མ་གསུམ་གྱི་སྲང་ལ་བཏེགས་པའི་གཞུང་བཟང་འདི་ལྟ་བུ་ལ་ཐེ་ཚོམ་མི་རུང་ཞིང་། བྱིན་གྱིས་བརླབས་པའི་བཀའ་བསྙོན་དུ་མེད་དེ། སྡུད་པ་ལས། རྒྱལ་བས་ཉན་ཐོས་པ་དག་ཇི་སྙེད་ཆོས་སྟོན་དང་། །འཆད་དང་རིགས་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པ་སྐྱེས་བུའི་མཐུ། །ཞེས་དང་། དེར་མ་ཟད་འགྲོ་བ་གང་གི་རྒྱུད་ལ་དགེ་སེམས་སྐད་ཅིག་མ་གཅིག་སྐྱེས་པ་ཡང་རྒྱལ་བའི་ཐུགས་རྗེ་ལས་བྱུང་བ་ཡིན་ཏེ། སྤྱོད་འཇུག་ལས། ཇི་ལྟར་མཚན་མོ་མུན་ནག་སྤྲིན་རུམ་ན། །གློག་འགྱུར་སྐད་ཅིག་རབ་སྣང་སྟོན་པ་ལྟར། །དེ་བཞིན་སངས་རྒྱས་མཐུ་ཡིས་རྒྱ་ལམ་ན། འཇིག་རྟེན་བསོད་ནམས་བློ་གྲོས་ཐང་འགའ་འབྱུང་། །ཞེས་སོ། །དེས་ན་གཞུང་འདི་ཉིད་ཀྱང་དོན་གྱི་སླད་དུ་མཚན་ནས་བརྗོད་ན་སྤྲུལ་པའི་སྐུ་མཆོག་རིག་འཛིན་འཇིགས་མེད་གླིང་པ་ཞེས་ཇི་ལྟ་བ་བཞིན་མཁྱེན་པའི་ཡེ་ཤེས་དོན་དམ་ཆོས་ཉིད་ཀྱི་བདེན་པ་ཛོགས་པ་ཆེན་པོའི་རང་ཞལ་མངོན་དུ་མཐོང་ཞིང་། ཇི་སྙེད་མཁྱེན་པའི་ཡེ་ཤེས་རང་གཞན་གྱི་གྲུབ་མཐའ་རྒྱ་མཚོའི་ཕ་རོལ་ཏུ་ཕྱིན་པས། ད་ལྟའི་དུས་ཀྱི་ཆེན་པོར་རློམས་པ་སུས་ཀྱང་བརྗི་བར་མི་ནུས་པའི་སྐྱེས་བུ་ཆེན་པོ་དེ་ཉིད་ཀྱིས་བཀའ་རྩོམས་རྣམས་འཆོས་སྐྱོབས་ཀྱི་ཡོན་ཏན་གཉིས་དང་ལྡན་ཞིང་། ཁྱད་པར་ཆོས་ཉིད་ཀྱི་བདེན་པ་མཐོང་ཞིང་ཡི་དམ་ལྷའི་ཞལ་མཇལ་བ། ཤེས་བྱ་ཐམས་ཅད་ལ་ཐོགས་པ་མི་མགའ་བའི་བློ་གྲོས་རྒྱས་པ་ལ་སོགས་སྟོན་མཆོག་ཐུབ་པའི་དབང་པོའི་རྗེས་སྙོགས་ངེས་པ་ཡང་། རྒྱུད་བླ་མ་ལས། གང་ཞིག་ཐར་བའི་ལམ་དག་རྗེས་མཐུན་པ། །དེ་ནི་དྲང་སྲོང་བཀའ་བཞིན་སྤྱི་བོར་ལོངས། ཞེས་སོ། །དེ་ཡང་བདེ་བ་ཅན་གྱི་ཆོ་ག་དཔག་མེད་མྱུར་ལམ་འདི་ནི། རྗེ་ཉིད་ཀྱི་གསུང་ལས། མདོ་ལ་ཆོ་ག་དངོས་བསྟན་གབ་ན་ཡང་། །དོན་ལ་སྟོན་པ་རྒྱལ་པའི་ཕྲིན་ལས་ཕྱིར། །སྡོམ་པའི་ཀུན་སྤྱོད་མཚུངས་པ་ཡོ་ག་ལྟར། །བཀྲལ་བས་སེམས་ཅན་ཀུན་ལ་སྨན་གྱུར་ཅིག །ཅེས་གསུངས་པ་བགཞིན་པད་མ་དཀར་པོའི་མདོ་དང་། འོད་མདོ་སོགས་ནས་ཆོ་ག་མ་བསྟན་ཡང་། འཆི་མེད་རྔ་སྒྲ་ལས། ཆོ་གའི་སྦྱོར་བ་ཇི་བཞིན་གསུངས་པ་དང་། དེར་མ་ཟད་རྒྱུད་ལུང་མན་ངག་དུ་མ་ནས་རིགས་ལྔའི་དཀྱིལ་འཁོར་མང་དུ་གསུངས་པ་རྣམས་དང་ཚུལ་མཐུན་པར། ད་ལམ་བདེ་བ་ཅན་གྱི་དཀྱིལ་འཁོར་དུ་དབང་བསྐུར་བ་ལ། བདག་གིས་བགྱི་འོས་རྣམས་ཆད་ལྷག་མེད་པར་གྲུབ་ཟིན་ནས། ཁྱེད་རང་རྣམས་ཀྱི་ངོ་སྐལ་དུ་གྱུར་པའི་མཎྜ་ལ་ཕུལ། གསོལ་བ་གདབ་པ་འདིའི་རྗེས་ཟློས་མཛོད། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ལན་གསུམ་བྱ་རྗེས་སྐཡབས་འགྲོ་འདིའི་རྗེས་ཟློས་མཛོད། ཅེས་བརྗོད་ལ། བདག་སོགས་མཁའ་མཉམ་སྲིད་པའི་འགྲོ། །འཁོར་བའི་ལམ་ལས་ལྡོག་ནས་ཀྱང་། །མཆོག་གསུམ་ངོ་བོ་འོད་ཀྱི་ལྷར། །སྙིང་ནས་གུས་པས་སྐྱབས་སུ་མཆི། །ལན་གསུམ་དང་། སེམས་སྐྱེད་ནི། ༈ ཉོན་མོངས་དབང་གྱུར་འགྲོ་བ་རྣམས། །སྡུག་བསྔལ་རྒྱ་མཚོ་བསྒྲལ་ནས་སུ། །བདེ་ཆེན་འགྱུར་མེད་གནས་ཐོབ་ཕྱིར། །སྨོན་འཇུག་བྱང་ཆུབ་སེམས་མཆོག་བསྐྱེད། །ལན་གསུམ་དང་། རྒྱུན་བཤགས་འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱི་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིད་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ་རྗེས། དབང་དངོས་གཞིའི་དོན་དུ་མཎྜལ་ཕྲུལ་ལ། ཀྱེ་བླ་མ་འོད་དཔག་མེད་མགོན་དང་། །སྤྱན་རས་གཟིགས་དང་མཐུ་ཆེན་ཐོབ། །སངས་རྒྱས་བྱང་ཆུབ་ཚོགས་རྣམས་ལ། །གསོལ་བ་འདེབས་སོ་དབང་བསྐུར་སྩོལ། །ལན་གསུམ་སོང་རྗེས། ཡེ་ཤེས་པ་དབབ་པའི་དོན་དུ་དམིགས་པ་འདི་བཞིན་མཛོད། ཅེས་བརྗོད་ནས། ༀ་བཛྲ་ཀྲོ་ཏ་ཧྱ་གྲི་ཝས་ལས་བུམ་ཆུས་བསངས་ནས། ཁྱེད་རང་རྣམས་ཀྱི་གདོས་བཅས་ཤ་ཁྲག་གི་ཕུང་པོ་དེ་མི་དམིགས་པ་སྟོང་པའི་ངང་ལས་པདྨ་དམར་པོ་འདབ་མ་སྟོང་ལྡན་གྱི་སྟེང་དུ་ཉི་མའི་གདན་ལ་ཁྱེད་རང་རྣམས་བཅོམ་ལྡན་འདས་འོད་སྣང་མཐའ་ཡས་ཚེ་དང་ཡེ་ཤེས་དཔག་ཏུ་མེད་ཅིང་རྡུལ་བྲལ་ཤིན་ཏུ་རྣམ་པར་དག་པ། སྐུ་མདོག་པདྨ་རཱ་གའི་ལྷུན་པོ་ལ་ཉི་མ་བྱེ་བས་འཁྱུད་པའི་གཟི་བྱིན་ཅན་ཞབས་རྡོ་རྗེ་སྐྱིལ་མོ་ཀྲུང་དུ་བཞུགས་པའི་སྟེང་དུ་ལྷུང་བཟེད་ཀྱིས་མཚན་པའི་ཕྱག་གཉིས་མཉམ་པར་བཞག་ཅིང་། དར་དམར་སེར་གྱི་ཤམ་ཐབས་སྔོན་པོའི་བླ་གོས། དམར་པོའི་སྣམ་སྦྱར་ཅན། དབུའི་གཙུག་ཏོར་བལྟར་མི་མངོན་པ་ལ་སོགས་པའི་མཚན་དཔེའི་རྒྱན་མཚང་བ་མེད་པས་བརྒྱན་པའོ། །དེ་ལྟར་དུ་གསལ་བའི་སྤྱི་བོར་ༀ་དཀར་པོ། མགྲིན་པར་ཨཱཿདམར་པོ། ཐུགས་ཀའི་ཆ་སྨད་དུ་ཧཱུྃ་མཐིང་ག་དང་སྟོད་དུ་ཧྲཱིཿཡིག་དམར་པོ་གསལ་བ་ལས་འོད་ཟེར་མཁའ་ཁྱབ་ཏུ་འཕྲོས་པས་སྐུ་གསུམ་རྒྱལ་བའི་ཞིང་ན་བཞུགས་པའི་རྒྱལ་བ་སྲས་དང་བཅས་པ་རྣམས་དང་། ཁྱད་པར་ནུབ་ཕྱོགས་བདེ་བ་ཅན་གྱི་ཞིང་ཁམས་ནས་མགོན་པོ་འོད་དཔག་ཏུ་མེད་པ་ལ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས་ནས་ཁྱེད་རང་རྣམས་ལ་ཁ་ཆར་རྒྱ་མཚོར་ཐིམ་པ་བཞིན་དཌྱེར་མེད་དུ་གྱུར་པའི་མོས་པ་མཛོད། ཅེས་དང་། ༀ་ཨཱ་མི་ཏ་བྷ་ཧྲཱིཿ ཨཾ་ཨ་རོ་ལི་ཀ་སརྦ་ས་མ་ཡཱ་ཨ་བེ་ཤ་ཡ་ཕེཾ་ཕེཾ། ཧྲིཾ་ཧྲིཾ། ཛ་ཛཿ ཞེས་མང་དུ་བརྗོད་མཐར། ཡེ་ཤེས་དབབ་པ་དེ་ཉིད་བརྟན་པར་གྱུར་ཅིག །ཏིཥྛ་བཛྲ་ཧཱུྃ། ཞེས་རྡོ་རྗེ་སྤྱི་བོར་བཞག་གོ །དེ་ནས་བུམ་པའི་དབང་བསྐུར་བ་ནི། བཅོམ་ལྡན་འདས་ཀྱི་ཕྱག་གི་ལྷུང་བཟེད་ནས་བདུད་རྩིའི་རྒྱན་ཀུང་བ་བུམ་ཆུ་དང་དབྱེར་མེད་དུ་གྱུར་བཞིན་ཁྱེད་རང་རྣམས་ཀྱི་སྤྱི་བོ་ནས་ཞུགས། ལུས་ཀྱི་ནང་ཐམས་ཅད་གང་། ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་ཐམས་ཅད་དང་། །དེས་བསྐྱེད་པའི་ཚེ་དང་བསོད་ནམས་ཉམས་པར་བྱེད་པའི་རྒྱུ་ཅན་ཐམས་ཅད་བྱང་ཞིང་དག །སྐུ་གསུང་ཐུགས་ཀྱི་དབང་དང་བྱིན་རླབས་ཐོབ་པའི་མོས་་པ་མཛོད། ཅེས་བརྡ་སྦྱར་ནས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་སྐུར་རོ། །ༀ་ཨཱ་མི་ཏ་བྷ་ཧྲཱིཿ ཀཱ་ཡ་ཨ་བྷི་ཥིཉྩ་ༀ། སྤྲོན་སྔགས་རིང་བརྗོད། དེ་ལྟར་དབང་བསྐུར་བས་སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་ལོངས་སྐུ་ཚེ་དཔག་མེད་ཀྱིས་དབུ་བརྒྱན་པར་གྱུར། ཞེས་དང་། བཅོམ་ལྡན་འདས་ཀྱི་སྨིན་མཚམས་ནས་རང་འདྲིའི་ཚེ་ལྷ་དཔག་མེད་སྤྲོས། སློབ་མ་རྣམས་ཀྱི་སྨིན་མཚནས་སུ་ཐིམ་པས་སྐུའི་དབང་དང་བྱིན་རླབས་ཐོབ་པའི་མོས་པ་གྱིས། ཞེས་བརྗོད་ནས། སྐུ་སྤྱི་བོར་བཞག་ལ། གང་སྐུ་པདྨ་རཱ་གའི་ལྷུན་པོ་ལ། །མཚན་དཔེའི་འོད་སྟོང་འཁྱུད་པའི་གཟི་འོད་ཀྱིས། །འཁོར་བའི་སྡུག་བསྔལ་སྨག་རུམ་ཡོངས་སེལ་གཉེན། །འོད་མཚན་སྟོང་འབར་སྐུ་ཡི་དབང་ཐོབ་ཤོག །ༀ་ཨཱ་མི་ཏ་བྷ་ཧྲཱིཿ ཀཱ་ཡ་ཨ་བྷི་ཥིཉྩ་ༀཿ སྔགས་ཕྲེང་མགྲིན་པར་བཞག་ལ། གང་སྐུ་པདྨ་རཱ་གའི་ལྷུན་པོ་ལ། །མཚན་དཔེའི་འོད་སྟོང་འཁྱུད་པའི་གཟོ་འོད་ཀྱིས། །འཁོར་བའི་སྡུག་བསྔལ་སྨག་རུམ་ཡོངས་སེལ་གཉེན། །འོང་མཚན་སྟོང་འབར་གསུང་གི་ཐོབ་ཤོག །ༀ་ཨཱ་མི་ཏ་བྷ་ཧྲཱིཿ ལྦཀྐ་ཨ་བྷིཥིཉྩ་ཨཱཿ ཏིང་འདིན་སེམས་དཔའི་ངོ་བོ་བྷྲཱིཿཡིག་སྙིང་གར་བཞག་ལ། གང་སྐུ་པདྨ་རཱ་གའི་ལྷུན་པོ་ལ། །མཚན་དཔེའི་འོད་སྟོང་འཁྱུད་པའི་གཟི་འོད་ཀྱིས། །འཁོར་བའི་སྡུག་བསྔལ་སྨག་རུམ་ཡོངས་སེལ་གཉེན། །འོད་མཚན་སྟོང་འབར་ཐུགས་ཀྱི་དབང་བསྐུར་རོ། །ༀ་ཨ་མི་ཏ་བྷ་བྷྲཱིཿ ཙིཏྟ་ཨ་བྷི་ཥིཉྩ་ཧཱུྃ། ལག་གཡས་སུ་ཐབས་ཀྱི་ཚེ་རིལ་གཏད་ལ། ཧྲཱིཿ བདེ་མཆོག་འགྱུར་མེད་ཚེ་རིལ་ཐབས་ཀྱི་རྫས། །ཁྱོད་ལ་སྦྱིན་པས་འཁོར་འདས་སྣང་བའི་གཟུགས། །ཀུན་གྱི་བཅུད་བསྡུས་ཚེ་དཔག་བསོད་ནམས་དབྱིག །ལོངས་སུ་སྤྱོད་པའི་མཐུ་ནུས་སྟོབས་ལྡན་ཤོག །ཚེ་གཟུངས་བརྗོད་བཞིན་མེ་ཏོག་འཐོར། །མངར་གསུམ་སྦྱར་བའི་འོ་མ་གཏད་ལ། ཧྲཱིཿ རྣམ་ཀུན་མཆོག་ལྡན་ཤེས་རབ་འོ་མའི་ཆབ། །ཁྱོད་ལ་སྦྱིན་པས་རྟེན་ཅིང་འབྲེལ་འབྱུང་དབྱིངས། །མི་འགྱུར་མི་ཤིགས་རྟག་བརྟན་གཞོམ་ཞིག་བྲལ། །གོང་བཞིན་ཚེ་གཟུངས་དང་ནས་མཐོར། མཐར་ཚེ་ལྷ་བསྐུལ་ཞིང་རྒྱས་གདབ་བྱ་བ་ནི། མདའ་དར་གཡབ་ཅིང་། ཧྲཱིཿ ཆོས་སྐུ་མི་འགྱུར་རྡོ་རྗེའི་ཚེ་ཁུག་ཅིག །ལོངས་སྐུ་མི་འགག་པདྨའི་ཚེ་ཁུག་ཅིག །སྤྲུལ་སྐུ་མི་འགྱུར་གཡུང་དྲུང་ཚེ་ཁུག་ཅིག །ཕྱི་སྣོད་བརྟན་པ་འབྱུང་ལྔའི་ཚེ་བཅུད་ཁུག །ནང་བཅུད་གཡོ་བ་སྐྱེ་འགྲོའི་ཚེ་བཅུད་ཁུག །མདོར་ན་སྲིད་ཞིའི་བདེ་སྐྱིད་དཔལ་དང་གཡང་། །མ་ལུས་འདིར་ཁུག་འདིར་བསྡུས་འདིར་ཚོགས་ལ། །མཆོག་དང་ཐུན་མོང་དངོས་གྲུབ་ཀུན་སྩོལ་ཅིག །ཚེ་གཟུངས་བརྗོད་ཅིང་རྒྱས་གདབ་པ་ནི། ཧྲཱིཿ ལུས་ལ་རྡོ་རྗེའི་རྒྱས་གདབ་པས། གཞོམ་ཞིག་བྲལ་བའི་དཔལ་ཐོབ་ཤོག །ངག་ལ་སྔགས་ཀྱི་རྒྱས་བཏབ་པས། །རབ་འབྱམས་ཕྲིན་ལས་ཡོངས་གྲུབ་ཤོག །ཡིད་ལ་ཡེ་ཤེས་རྒྱས་བཏབ་པས། །མི་ཤེས་འཁྲུལ་རྟོག་མུན་སངས་ཤོག །སྲིད་པར་ཞི་བའི་རྒྱས་བཏབ་པས། །སྡུག་བསྔལ་རྒྱུ་འབྲས་ཡོངས་དག་ཤོག །ཅེས་བརྗོད་རྗེས་སུ་གཏང་རག་གི་མཎྜ་ལ་ཕུལ་ལ། དམ་ཚིག་གི་ཁས་ལེན་དང་བཀྲ་སིས་བརྗོད་མཐར། བསྔོ་སྨོན་གྱིས་མཐའ་བརྒྱན་པར་བྱའོ། །འདིར་སྨྲས་པ། རྗེ་བཙུན་བླ་མའི་ཐུགས་བསྐྱེད་སྐྱ་རེངས་ཀྱིས། ཉེ་བར་སྨིན་བྱེད་འོད་ཟེར་འབུམ་ལྡན་འདི། །གསལ་བར་བྱས་ཚེ་སྐལ་བཟང་མཚོ་སྐྱེས་ཚལ། །གཅིག་ཆར་དགོད་ཅིང་དོན་གཉེར་རྐང་དྲུག་ཁྱུ། །སྙན་པའི་གླུ་ལེན་དགའ་བའི་ཟློས་གར་དང་། །ཆབས་ཅིག་སྙིང་པོའི་བཅུད་མྱོང་ནུས་སྟོབས་ཀྱིས། །འཕྲལ་ཕུག་ཕན་བདེའི་ལང་ཚོ་བདོ་བའི་དཔྱིད། །རྫོགས་ལྡན་སྙིང་པོའི་སྐལ་པ་འཕོས་པ་བཞིན། །ཐོག་མཐའ་བར་གསུམ་དགེ་བའི་རྒྱུར་གྱུར་ཅིག །ཅེས་རྗེ་བླ་མ་ཐམས་ཅད་མཁྱེན་པའི་བཀའ་རྩོམས་དཔག་མེད་མྱུར་ལམ་ལ་སྦྱར་རྒུའི་དབང་ཆོག་འོད་ཟེར་འབུམ་ལྡན་ཞེས་པ་འདི་ནི་སྔ་འགྱུར་རྫོགས་པ་ཆེན་པོའི་བསྟན་པ་འཛིན་སྐྱོང་སྤེལ་གསུམ་གི་མངའ་བདག་རིག་འཛིན་ནམ་མཁའ་འཇིགས་མེད་རྡོ་རྗེའི་བཀའ་སྩལ་གསེར་གྱི་ཅོད་པ་ན་སྤྱི་བོར་བཅིངས་ནས་སྤེལ་བ་པོ་འཇིགས་མེད་ཕྲིན་ལས་འོད་ཟེར་བགྱིས་ཤིང་ཡི་གེ་པ་ནི་མགོན་པོ་བསམ་འགྲུབ་ཀྱིས་བགྱིས་པའི་དགེ་བས་འགྲོ་རྣམས་བདེ་ཆེན་ཞིང་དུ་སྐྱེ་བའི་རྒྱུར་གྱུར་ཅིག །འདི་མཛད་པ་པོ་རྡོ་གྲུབ་ཆེན་ནོ།། །།འུྃཿ བླ་མ་དྲག་པོ་རྟ་ཁྱུང་འབར་བའི་གསོལ་འདེབས་བཞུགས་སོ། ༈ རྒྱལ་བ་ཀུན་བཟང་སྟོང་མཆོག་རྡོ་རྗེ་སེམས། །དགྱེས་པ་རྡོ་རྗེ་དཔལ་གྱི་སེངྒེའི་ཞབས། །མཉྫུམི་ཏྲ་ཛྙཱ་ན་སཱུ་ཏྲ་ལ། །གསོལ་བ་འདེབས་སོ་བྱིན་རླབས་དབང་བསྐུར་སྩོལ། །བི་མ་པད་འབྱུང་ཐུགས་སྲས་རྗེ་འབངས་གྲོགས། །ཀློང་ཆེན་རབ་འབྱམས་མཁྱེན་འཇིགས་མེད་གླིང་། །སྐྱབས་ཀུན་ཡོངས་འདུས་རྩ་བའི་བླ་མ་ལ། །གསོལ་བ་འདེབས་སོ་གྲོལ་བྱེད་ལམ་སྣ་སྟོན། །རྒྱལ་ཀུན་སྤྱི་གཟུགས་ཨོ་རྒྱན་རྡོ་རྗེ་འཆང་། །གདུལ་དཀའི་གཤེད་དུ་འཆོལ་བའི་ཁྲོ་རྒྱལ་སྐུར། །ཡོངས་ཤར་དྲག་པོ་རྟ་ཁྱུང་དཀྱིལ་འཁོར་ལྷར། །གསོལ་བ་འདེབས་སོ་འབྲས་བུ་ཐོབ་གྲོལ་སྩོལ། །རང་ངོ་མ་མཐོང་གཉིས་འཛིན་ལས་ཀྱི་གདངས། །སྣ་ཚོགས་ཡུལ་ལ་འཕོས་པའི་རྐྱེན་སྣ་ཚོགས། །གཉིས་མེད་མཉམ་པ་ཆེན་པོར་རང་གྲོལ་ནས། །ལྷུན་གྱིས་གྲུབ་པའི་རིག་འཛིན་མཆོག་བརྙེས་ཤོག །ཅེས་པའང་ཆོས་གཟུགས་ནམ་མཁའ་ཚེ་དབང་མཆོག་གྲུབ་པས་བྲིས་པ་མངྒ་ལམ།། །།