༡༩

དེ་ལྟར་བསྒོམས་པ་ན་ཤེས་པ་དྭངས་སྙིགས་ཕྱེ་ནས། སྤྱིར་འཁོར་བ་དང་ངན་སོང་གི་སྡུག་བསྔལ་ལ་ཆེས་སྐྲག་ཆེ་ཞིང༌། ཁྱད་པར་སྐྱེ་རྒ་ན་འཆི་དབང་མེད་ཀྱི་ཡིད་གཏིང་ནས་མ་བདེ་བར་འཁོར་བ་དང་ངན་སོང་སྐྱེ་སོགས་ཀྱི་སྡུག་བསྔལ་ལས་ཅི་ཐར་གྱི་ངེས་འབྱུང་དྲག་ཏུ་སྐྱེ་སྟེ། དེ་ཙ་ན་མངོན་མཐོ་ངེས་ལེགས་ཀྱི་བྱ་བ་སྒྲུབ་པ་ལས་མ་གཏོགས། ཚེ་འདིའི་ཆོས་བརྒྱད་ཀྱི་བྱ་བ་ལ་རང་གཞན་སྦྱོར་ཞིང་སྒྲུབ་པ་ནི། གསོད་སར་ཁྲིད་པའི་བཙོན་ར་ལྟ་བུའི་གནས་ལ་ཆེས་ཡ་ང་ཞིང་སྐྲག་པའི་བློ་བརྒྱ་སྟོང་གིས་ཀྱང་བསྒྲུན་དུ་མེད་པའི་ཚེ་འདིའི་བྱ་བ་སྒྲུབ་པ་ལ་སྔ་པ་སྔངས་སྐྲག་ཆེས་ཆེ་བས་ཡ་ང་སྟེ་བློ་ཡི་མི་འགྲོ་བར་བློ་སྣ་ཐུང་སྦུད་དེ། ཉལ་ན་གཉིད་མི་ཕེབས། ལྟོ་དང་ཀར་མི་འགྲོ་ཟོས་པ་ལུས་ཟུངས་སུ་མ་སོང་བར་ཉམས་སྟོབས་ཤོར་བའི་དུས་རྒྱུན་དུ་ཡིད་སྐྱོ་ཕྱེད་དེ་བ་ཞིག་འབྱུང་ལ། དེ་བྱུང་བ་ན་སླར་ངེས་འབྱུང་དེ་ཉིད་ལ་ངར་ཡང་ཡང་བླུད་ནས། མིག་མཆི་མ་འཁྲུག་ཅིང་ལུས་བ་སྤུ་ལྡང་ལྡང་དུ་ཉིན་མཚན་སྐད་ཅིག་ཀྱང་རྣམ་གཡེང་གིས་བར་མ་ཆོད་པར་དགེ་སྦྱོར་གྱི་ཐུན་དངོས་དང༌།

ཐུན་མཚམས་ཐམས་ཅད་དུ་དགེ་སྦྱོར་གྱིས་དུས་འདའ་བར་བྱའོ། །