ཀཾ་ཚང་མན་ངག་གཅེས་བཏུས།

ཀཾ་ཚང་མན་ངག་གཅེས་བཏུས།

གླེགས་བམ། ཕ༽

ཕྱོགས་བསྒྲིགས་མཛད་པ་པོ། རྫོགས་ཆེན་དཔོན་སློབ་བདུན་པ་ཀརྨ་གསུང་རབ་ངེས་དོན་བསྟན་པའི་རྒྱལ་མཚན།

Nitartha international

Selected Esoteric Instructions of the Karma Kamtsang (25 vols.) Publication supported by Tsadra Foundation

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཀཾ་ཚང་མན་ངག་གཅེས་བཏུས་ལས་རྒྱུད་སྡེའི་ཟིན་བྲིས་སྐོར་གྱི་གླེགས་བམ་ ཕ༽ པའི་དཀར་ཆག

― KMC014_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཾ་ཚང་མན་ངག་གཅེས་བཏུས་ལས་རྒྱུད་སྡེའི་ཟིན་བྲིས་སྐོར་གྱི་གླེགས་བམ་ ཕ༽ པའི་བཞུགས་བྱང་ལ། ༢ 1–4 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུ་ཕྱི་ལྟར་སྒྲུབ་པའི་ཟིན་བྲིས། ༡༢ 5–27 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་ནང་སྒྲུབ་ཟིན་བྲིས། ༡༡ 29–50 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་གསང་སྒྲུབ་ཟིན་བྲིས། ༡༠ 51–69 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་དྲིལ་སྒྲུབ་ཀྱི་ཟིན་བྲིས། ༨ 71–85 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལྷ་དགུའི་ནང་གསང་དྲིལ་སྒྲུབ་གསུམ་གྱི་སྟ་གོན། ༦ 87–97 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་

― KMC014_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་གསལ་ཐར་པའི་ལམ་ཆེན་ལས་ལྷ་དགུའི་ལུས་དཀྱིལ་ཟིན་བྲིས། ༨ 99–114 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་རྗེས་ཆོག་ཟིན་བྲིས། ༤ 115–122 དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་ཡང་གསང་སྒྲུབ་པའི་ཟིན་བྲིས། ༡༢ 123–145 ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་ཡང་གསང་སེམས་ལ་བཀོད་པའི་སྒྲུབ་ཐབས་སྐུ་གསུམ་སྐུ་བཞི་ངོ་སྤྲོད་རྣམས་གཅིག་ཏུ་བསྡོམ་པའི་ཟིན་བྲིས། ༨ 147–161 བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་དང་ལྷ་ལྔའི་ཟིན་བྲིས་ཀྱི་བརྩམས་དོན། ༡༡ 163–184 ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས་ཀྱི་སྒྲུབ་ཐབས་རྣམས་ཀྱི་དུས་རྟགས་གྲངས་ཀྱི་བསྙེན་ཚད་ཕན་ཡོན་དང་བཅས་པ་མདོར་བསྡུས་པ། ༧ 185–197 དཔལ་འཇིག་རྟེན་དབང་ཕྱུག་རྒྱལ་བ་རྒྱ་

― KMC014_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་ལྷ་དགུའི་བསྙེན་ཡིག་དངོས་གྲུབ་ཀྱི་རོལ་མཚོ། ༡༦ 199–230 རྗེ་བརྒྱད་པས་མཛད་པའི་བདེ་མཆོག་ལྷ་ལྔའི་ཆོ་ག་ཚིགས་སུ་བཅད་པའི་ཟིན་བྲིས་ཚིགས་བཅད༌། ༥༠ 231–328 དཔལ་འཁོར་ལོ་སྡོམ་པ་ལྷ་ལྔའི་སྒྲུབ་ཐབས་ཀྱི་རྣམ་བཤད་ཤིན་ཏུ་བསྡུས་པ་ལས་དང་པོ་པ་ལ་ཉེ་བར་མཁོ་བའི་ཚོགས་ལྡན་འདོད་འཇོའི་བུམ་པ་བཟང་པོ་ལེགས་པར་སྨྲ་བའི་ཟིན་བྲིས། ༣༡ 329–389 དཔལ་འཁོར་ལོ་སྡོམ་པ་ལྷ་ལྔའི་དཀྱིལ་ཆོག་གི་རྣམ་པར་བཤད་པ་རྣལ་འབྱོར་དགྱེས་པའི་དགའ་སྟོན། ༣༠ 391–645 བཅས་བཞུགས་སོ།།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུ་ཕྱི་ལྟར་སྒྲུབ་པའི་ཟིན་བྲིས།

― KMC014_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ཞེས་བྱ་བ་ལས། ལྷ་དགུ་ཕྱི་ལྟར་སྒྲུབ་པའི་ཟིན་བྲིས་བཞུགས། །

― KMC014_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ལོ་ཀེ་ཤྭ་རཱ་ཡ། འཇིག་རྟེན་འདྲེན་པ་འཕགས་མཆོག་སྤྱན་རས་གཟིགས། །ལྷ་དགུའི་ལྷ་ལ་ཕྱག་འཚལ་སྐྱབས་སུ་མཆི། །དགོངས་པ་འགྲོལ་ཞིང་བྱིན་གྱིས་བརླབ་ཏུ་གསོལ། །རྒྱུད་ལ་བརྟེན་པའི་རྒྱ་གཞུང་ཆེན་པོ་དང་། །རང་བྱུང་རྡོ་རྗེའི་ཚིགས་བཅད་ཚིག་ལྷུག་གཉིས། །ཡབ་སྲས་སོ་སོས་མཛད་དང་ཞལ་གདམས་བཅས། །ཆོ་ག་འདི་ཡི་གཞུང་སྲོང་ཉམས་ལེན་ཅིང་། །བསྙེན་ཚད་མ་འཁྱོལ་བར་དུ་བདག་བསྐྱེད་ལ། །གཙོ་བོར་བྱེད་དགོས་དཀོན་

― KMC014_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་འབངས་ཀྱིས་གསུངས། །དེ་ལ་བསྒྲུབ་རྫས་དཀྱིལ་འཁོར་སོགས་མི་དགོས། །ཕུག་གཏོར་ནང་མཆོད་མཆོད་པ་རྣམ་ལྔ་དང་། །སྔོན་འགྲོ་གཏོར་མ་ཌཱ་དྲིལ་འཛོམ་པར་བྱ། །ཉིན་རེ་སྔ་ཐུན་སྔོན་འགྲོ་རེ་རེ་བཏང་། །དེ་མན་ཐུན་གཞན་སྔོན་འགྲོ་མི་དགོས་སོ། །གསར་བུ་ཡིན་ན་ཐུན་དྲུག་བྱ་བར་བཤད། །ཞོག་པ་སྔ་གྲོ་ཉིན་གུང་དགོང་ཀ་བཞི། །སྲོད་དང་ཐོ་རངས་ཐུན་དྲུག་བྱ་བའམ། །སྔ་གྲོ་ཉིན་གུང་དགོང་ཀ་སྲོད་དང་བཞི། །ཐུན་མཇུག་གཏོར་བསྔོས་

― KMC014_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ནས་ཐུན་བསྡུས་ཏེ། །ཐུན་མཚམས་དགེ་སྦྱོར་ཆགས་མེད་གང་དགོས་བྱ། །ངག་ནི་འཁོར་ཡུག་བཅད་ན་མཆོག་ཡིན་ཏེ། །གལ་ཆེན་བྱུང་ན་ཐུན་མཚམས་བཏང་སྲོལ་གདའ། །བདག་བསྐྱེད་ཚར་རྗེས་བསྙེན་པའི་སྐབས་དེ་རུ། །བདག་དང་རིགས་བཞིའི་སྤྱན་རས་གཟིགས་བཞི་ཡི། །ཐུགས་ཀར་པདྨ་དམར་པོ་འདབ་བརྒྱད་པའི། །ཟེའུ་འབྲུར་ཧྲཱིཿཡིག་དམར་པོ་བྱེ་རུའི་མདོག །འགྲེངས་ཏེ་གནས་པའི་ཡིག་མགོའི་ཕྱོགས་དེ་ནི། །ཡི་གེའི་མདུན་ཡིན་རང་གི་མདུན་ངོས་བལྟ། །དེ་མཐར་མདུན་ནས་བརྩམས་ཏེ་གཡོན་བསྐོར་དུ། །ཡིག་བཅུ་ཡིག་ངོ་ཕྱི་ལ་བསྟན་ཏེ་བཀོད། །ཡུམ་ལྔའི་ཐུགས་ཀར་ཆོས་འབྱུང་གདན་ཐབས་ནི། །དམར་པོ་མུ་རན་དཀར་པོ་ཅན་གྱི་དབུས། །རང་མདོག་ཧྲཱིཿཡིག་ལངས་ཏེ་གནས་པའི་མཐར། །ཧ་རི་ནི་ས་སྤངས་པའི་ཡུམ་སྔགས་དེ། །ཡིག་ངོ་ནང་བསྟན་གཡས་སུ་བསྐོར་ལ་བཀོད། །མཚམས་བཞིར་མཁའ་འགྲོ་བཞི་ཡི་ཐུགས་

― KMC014_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་རུ། །ཉི་མའི་སྟེང་དུ་ུས་བོན་རེ་རེའི་མཐར། །རང་སྔགས་ཡིག་ངོ་ནང་བསྟན་གཡས་བསྐོར་བཀོད། །རྡོ་རྗེ་མཁའ་འགྲོའི་ཐུགས་ཀར་ཧ་སྔོན་མཐར། །ༀ་བཛྲ་ཌཱ་ཀི་ནཱི་ཡེ་ཧཱུྃ་ཕཊ། རིན་ཆེན་མཁའ་འགྲོའི་ཐུགས་ཀར་རི་སེར་མཐར། །ༀ་རཏྣ་ཌཱ་ཀི་ནཱི་ཡེ་ཧཱུྃ་ཕཊ། །པདྨ་མཁའ་འགྲོའི་ཐུགས་ཀར་ནི་དམར་མཐར། །ༀ་པདྨ་ཌཱ་ཀི་ནཱི་ཡེ་ཧཱུྃ་ཕཊ། །ལས་ཀྱི་མཁའ་འགྲོའི་ཐུགས་ཀར་ས་ལྗང་མཐར། །ༀ་ཀརྨ་ཌཱ་ཀི་ནཱི་ཡེ་ཧཱུྃ་ཕཊ། །དེ་ནས་ཐུགས་ཀའི་སྔགས་ཕྲེང་རིག་པ་གཏད། །ཀློག་པའི་ཚུལ་དུ་བཟླས་པ་བསྙེན་པའོ། །དེ་ནས་ཡིག་ཕྲེང་རྣམས་ལས་འོད་ཟེར་ནི། །ཁ་དོག་ལྔ་ལྡན་དམར་པོ་ཤས་ཆེ་བ། །ཡིག་འབྲུ་མི་འཁོར་འོད་ཟེར་འཁོར་བར་བསྒོམ། །དེ་ནས་དང་པོ་ཡིག་འབྲུ་དལ་བུས་འཁོར། །ཡབ་རྣམས་གཡས་འཁོར་ཡུམ་རྣམས་གཡོན་དུ་འཁོར། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །དེ་ལྟར་བསྒོམ་ཞིང་བཟླས་པ་ཉེ་བསྙེན་

― KMC014_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །ཟླ་སྐར་ཕྲེང་བ་ལྟ་བུའི་བཟླས་པ་ཟེར། །དེ་ནས་བདག་ཉིད་ཡབ་ཡུམ་ཐུགས་ཀ་ཡི། །ཧྲཱིཿནི་མི་གཡོ་སྔགས་ཕྲེང་དྲག་འཁོར་བས། །དེ་ལས་འོད་ཟེར་ཁ་དོག་དམར་ཤས་ཆེ། །དཀར་སེར་ལྗང་མཐིང་འཇའ་ཚོན་ལྟ་བུ་ནི། །སྟེང་དང་ཕྱོགས་མཚམས་ནམ་མཁའ་ཁྱབ་པར་འཕྲོས། །གྲུབ་ཆེན་བརྒྱད་ཅུ་རྗེ་འབངས་ཉེར་ལྔ་དང་། །བཀའ་བརྒྱུད་བླ་མ་གྲུབ་ཐོབ་རྒྱ་མཚོ་ལ། །འོད་ཟེར་དེ་ཕོག་མཆོད་པ་ཆེན་པོར་གྱུར། །སྐུ་གསུང་ཐུགས་རྒྱུད་ཟག་མེད་བདེ་བ་རྒྱས། །ཀུན་ཀྱང་རྒྱལ་བ་རྒྱ་མཚོ་ཡབ་ཡུམ་སྐུ། །གནས་འགྱུར་ཆར་ལྟར་བབ་བྱོན་བདག་ལ་ཐིམ། །བྱིན་རླབས་ཞུགས་པས་ཉམས་རྟོགས་འབར་བ་བསྒོམ། །བླ་མ་གྲུབ་ཐོབ་རྣམས་དང་བསྲེ་བ་སྟེ། །$བླ་མ་རྒྱ་མཚོ། ཕྱག་ཆེན་འདོད་ན་དྭགས་པོ་ས་ར་ཧ། །རྫོགས་ཆེན་འདོད་ན་དགའ་རབ་བི་མ་ལ། །ནུས་པ་ཆེ་འདོད་ཨོ་རྒྱན་པཀྴི་སོགས། །བསྒོམས་པས་བླ་སྒྲུབ་མཆོག་ཏུ་འགྱུར་བ་ཡིན། །ཡང་ནི་

― KMC014_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་ཕྱོགས་བཅུར་འཕྲོས་པ་ཡིས། །ཞིང་ཁམས་ཀུན་ན་བཞུགས་པའི་སངས་རྒྱས་དང་། །བྱང་ཆུབ་སེམས་དཔའ་ཐམས་ཅད་འོད་དེས་མཆོད། །ཐམས་ཅན་སྤྱན་རས་གཟིགས་ཀྱི་སྐུར་གྱུར་ནས། །ཆར་ལྟར་བབ་ནས་རང་ལ་ཐིམ་པར་བསྒོམ། །$རྒྱལ་བ་རྒྱ་མཚོ་དེ་ཡང་ཚེ་བསྲིང་འདོད་ན་ཚེ་དཔག་མེད། །ནད་ཞི་འདོད་ན་སངས་རྒྱས་སྨན་གྱི་བླ། །སྡིག་ལྟུང་དག་པར་འདོད་ན་རྡོ་རྗེ་སེམས། །ལས་སྒྲིབ་དག་པར་འདོད་ན་མི་འཁྲུགས་པ། །ངན་སོང་སྒོ་གཅོད་འདོད་ན་ཀུན་རིག་དང་། །གང་འདོད་སོ་སོར་ཚན་ཆེན་བསྲེ་བ་བསྒོམ། །དེ་ཡི་གནད་ལ་དང་པོ་སྐད་ཅིག་ལ། །ནམ་མཁའ་བར་སྣང་གང་འདོད་ལྷ་དེ་ཡི། །སྐུ་ནི་མང་པོས་ཐེམ་འགགས་ནེམ་འགགས་གང་། །དེ་ནས་འོད་ཟེར་དེས་ཕོག་ཐུགས་མཉེས་ནས། །ཐམས་ཅད་ཐུགས་རྗེ་ཆེན་པོའི་སྐུར་གྱུར་ཏེ། །རང་ལ་སིབ་སིབ་ཐིམ་པར་བསྒོམ་པ་ཡིན། །དེ་བཞིན་བདེ་དགྱེས་དཔའ་བོ་རྒྱ་མཚོ།

― KMC014_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་སོགས་གསར་མའི་ལྷ། །བཀའ་དགོངས་ཕུར་གསུམ་ལ་སོགས་རྙིང་མའི་ལྷ། །བྱ་སྤྱོད་རྣལ་འབྱོར་རྒྱུད་ཀྱི་ལྷ་ཚོགས་རྣམས། །གང་འདོད་ཐམས་ཅད་དེ་ལྟར་བསྒོམ་ཆོག་སྟེ། །འདི་ནི་རྒྱུད་སྡེ་བཞི་ཡི་སྤྱི་སྒྲུབ་ཡིན། །ལྷ་གཅིག་སྔགས་གཅིག་བཟླས་པས་ཀུན་འགྲུབ་གསུངས། །དེ་བཞིན་ཕག་མཁའ་འགྲོ་རྒྱ་མཚོ། ཁྲོས་སེང་གསུམ་སྒྲོལ་མའི་རིགས། །ཐུགས་རྗེ་ཆེན་པོ་ཡབ་ཡུམ་ཞལ་སྦྱོར་དུ། །གྱུར་ནས་རང་ལ་ཐིམ་པར་བསྒོམ་པར་བྱ། །དེ་བཞིན་ཆོས་སྐྱོང་རྒྱ་མཚོ་ཕྱག་བཞི་ཕྱག་དྲུག་བེར་གུར་སོགས། །མ་ནིང་དུད་སོལ་མ་དང་རང་བྱུང་མ། །ཡེ་ཤེས་ཆོས་སྐྱོང་རྣམས་ལའང་བསྲེ་ཞིང་བསྒོམ། །ཁྱད་པར་རིམས་ནད་ཡོད་དུས་ལོ་མ་ཅན། །དགྲ་འཇིགས་ཡོད་དུས་འོད་ཟེར་ཅན་དང་བསྲེ། །དེ་ལྟར་རྣམ་གྲངས། མང་པོ་མི་ལྕོགས་སམ། །ཆ་ལུགས་སྐུ་མདོག་མི་ཤེས་ཟིན་དཀའ་ན། །སངས་རྒྱས་བྱང་སེམས་བླ་མ་ཡི་དམ་དང་། །མཁའ་འགྲོ་ཆོས་སྐྱོང་སྤྱི་

― KMC014_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འོད་དེས་ཕོག །ཐམས་ཅད་ཐུགས་རྗེ་ཆེན་པོའི་སྐུར་གྱུར་ནས། །ཆར་བཞིན་བབ་ནས་རང་བསྟིམ་ཁོ་ནས་ཆོག །དེ་ལྟར་བསྒོམ་ཞིང་ཡིག་བཅུ་ཁོ་ན་བཟླས། །བྱིན་རླབས་བསྡུ་བའི་དམིགས་པ་སྒྲུབ་པ་ཡིན། །དེ་ནས་རང་གི་ཐུགས་ཀའི་སྔགས་ཕྲེང་ལས། །འོད་ཟེར་ཕྱོགས་བཅུའི་ནམ་མཁའ་ཁྱབ་པར་འཕྲོས། །སྣོད་ཀྱི་འཇིག་རྟེན་བདེ་བ་ཅན་གྱི་ཞིང་། །པདྨདབང་གི་དཀྱིལ་འཁོར་ཉིད་དུ་གྱུར། །བཅུད་ཀྱི་སེམས་ཅན་ཐམས་ཅད་སྤྱན་རས་གཟིགས། །ཐུགས་རྗེ་ཆེན་པོའི་ལྷ་ཚོགས་རྣམས་སུ་གྱུར། །དམྱལ་བ་རྡོ་རྗེ་རིགས་ཀྱི་སྤྱན་རས་གཟིགས། །ཡབ་ཡུམ་སྐུར་གྱུར་དེ་བཞིན་ཡི་དྭགས་རྣམས། །པདྨ་རིགས་ཀྱི་སྤྱན་རས་གཟིགས་ཡབ་ཡུམ། །དུད་འགྲོ་བདེ་གཤེགས་རིགས་ཀྱི་སྤྱན་རས་གཟིགས། །ལྷ་མིན་ལས་ཀྱི་རིགས་ཀྱི་སྤྱན་རས་གཟིགས། །ལྷ་དང་མི་ནི་རིན་ཆེན་སྤྱན་རས་གཟིགས། །རྒྱན་དང་ཆ་ལུགས་མངོན་རྟོག་ལྟ་

― KMC014_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་སྐུ། །འབའ་ཞིག་གྱུར་ནས་རང་གི་རམ་བུའི་ཚུལ། །ཡིག་བཅུ་འུར་འུར་དིར་དིར་འདོན་པར་བསྒོམ། །དེ་ནི་སྣང་བ་སྐུ་ཡི་ཁྱེར་སོ་དང་། །གྲགས་པ་གསུང་གི་ཁྱེར་སོའི་དོན་ཚང་སྟེ། །སྐད་ཅིག་གཅིག་ལ་དུང་ཕྱུར་མང་པོ་འགྲོ། །ཕྲེང་སྐོར་གཅིག་གིས་ཡི་དམ་འགྲུབ་པའི་གནད། །རྒྱལ་པོའི་ཕོ་ཉ་ལྟ་བུའི་བཟླས་པ་དང་། །བུང་བ་ཚང་ཞིག་ལྟ་བུའི་བཟླས་པའང་ཟེར། །སྒྲུབ་པ་ཆེན་པོའི་དམིགས་པ་ཡིན་པར་བཤད། །དམིགས་པ་དེ་རྣམས་ཐུན་རེར་རྫོགས་པར་བསྒོམ། །མི་ལྕོགས་ན་ནི་ཞག་གཅིག་རྫོགས་པས་ཆོག །ཞག་བདུན་བསྒྲུབ་ན་དེ་ཡན་ཞག་དྲུག་བྱ། །དེ་ནས་ཞག་གཅིག་ལས་སྦྱོར་དམིགས་པ་ནི། །ཐུན་གྱི་བཟུང་ལུགས་སྔོན་དང་འདྲ་བ་ལས། །སྔ་ཐུན་ཡུད་ཙམ་ཤར་དུ་ཁ་བལྟས་ལ། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་དཀར་པོ་ཡབ་ཡུམ་ཞལ་ནས་ཐོན། །མདུན་དུ་བཞུགས་པའི་རྡོ་རྗེ་སྤྱན་རས་གཟིགས། །ཡབ་

― KMC014_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་གཉིས་ཀྱི་ཐུགས་ཀར་ཐིམ་པ་ཡིས། །ཐུགས་ཀའི་སྔགས་ཕྲེང་དྲག་འཁོར་ཐུགས་རྒྱུད་བསྐུལ། །ཐུགས་ཀའི་ཧྲཱིཿལས་འོད་ཟེར་དཀར་པོ་བྱུང་། །ཞལ་ནས་ཐོན་ཅིང་བདག་ཉིད་ཡབ་ཡུམ་གྱི། །ཐུགས་ཀར་ཐིམ་བས་ནད་གདོན་སྡིག་སྒྲིབ་ཞི། །འོད་ཟེར་ཕར་ལ་འཕྲོ་དུས་མཆོད་པའི་ཚུལ། །མདུན་གྱི་ཐུགས་ཀར་ཐིམ་དུས་ཐུགས་རྒྱུད་བསྐུལ། །སྔགས་ཕྲེང་དྲག་འཁོར་ཕྲིན་ལས་དགོངས་པ་གཏད། །འོད་ཟེར་ཞལ་ནས་བྱུང་དུས་དངོས་གྲུབ་ཚུལ། །དེ་ཡི་འོད་ཟེར་ཟླ་བའི་འོད་ལྟ་བུས། །སེམས་ཅན་ཀུན་གྱི་སྡིག་སྒྲིབ་ཐམས་ཅད་ནི། །མུན་པར་ཟླ་ཤར་ལྟ་བུར་འོད་དེས་བསལ། །སངས་རྒྱས་ཀུན་གྱི་ཞི་བའི་དངོས་གྲུབ་ཀྱང་། །འོད་ཟེར་དེ་ལ་སིབ་ཀྱིས་ཐིམ་པ་ལས། །རང་གི་ཐུགས་ཀར་ཐིམ་ཞིང་ལུས་ཁྱབ་པས། །ནད་གདོན་སྡིག་སྒྲིབ་ཐམས་ཅད་སངས་ཀྱིས་དག །འོད་ཀུན་ཐུགས་ཀའི་ཧྲཱིཿལ་ཐིམ་པ་ཡིས། །སེམས་ཀྱི་ཉོན་སྒྲིབ་ཤེས་སྒྲིབ་

― KMC014_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཞི། །ཞི་བ་ཆེན་པོའི་དངོས་གྲུབ་ཐོབ་པར་བསྒོམ། །སྔགས་རིང་ཧ་རི་ནི་ས་ཧཱུྃ་ཕཊ་ཅན། །ལྔ་བརྒྱ་ལ་སོགས་ཇི་ཙམ་ལྕོགས་པ་བཟླས། །དེ་ནས་བདག་ཉིད་ཡབ་ཡུམ་སྔགས་ཕྲེང་ལས། །འོད་ཟེར་དཀར་པོ་ཡབ་ཡུམ་ཞལ་ནས་ཐོན། །གཡས་ཟུར་རྡོ་རྗེ་མཁའ་འགྲོའི་ཐུགས་ཀར་ཐིམ། །སྔགས་ཕྲེང་གཡོན་འཁོར་ཕྲིན་ལས་དགོངས་པ་གཏད། །མཁའ་འགྲོའི་ཐུགས་ལས་འོད་ཟེར་སྟོན་ཟླའི་མདོག །བདེ་བའི་རེག་བྱ་ཅན་འཕྲོས་ཞལ་ནས་ཐོན། །བདེ་བའི་འོད་ཟེར་ཟླ་བའི་འོད་ལྟ་བུ། །བསྲུང་བྱ་ཀུན་ལ་ཕོག་པས་ནད་དང་གདོན། །ཐམས་ཅད་བ་མོར་ཉི་ཟེར་ཕོག་ལྟར་དག །སངས་རྒྱས་བྱང་སེམས་དཔའ་བོ་མཁའ་འགྲོ་ཡི། །ཞི་བ་ཆེན་པོའི་དངོས་གྲུབ་འོད་དེར་འདུས། །རང་གི་ཐུགས་ཀར་ཞུགས་པས་ནད་དང་གདོན། །སྡིག་སྒྲིབ་མུན་པར་ཉི་ཤར་ལྟ་བུར་དག །འོད་དེ་ཐུགས་ཀའི་ཧྲཱིཿལ་ཐིམ་པ་ཡིས། །ཞི་བའི་ལས་ཀུན་འགྲུབ་པའི་དངོས་

― KMC014_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཐོབ། །དེ་ལྟར་བསྒོམ་ཞིང་སྔགས་རིང་མཇུག་དེ་རུ། །ནད་གདོན་སརྦ་པཱ་པཾ་ཤནྟིཾ་ཀུ་རུ་སྭཱ་ཧཱ། །ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །དེ་ནས་ཉི་མ་དྲོས་ཆེན་དུས་བབ་ཚེ། །བདག་བསྐྱེད་ཚར་གཅིག་བཏང་བ་དེ་ཡི་རྗེས། །ལྷོའམ་བྱང་དུ་ཡུད་ཙམ་ཁ་གྱུས་ནས། །སྔགས་རིང་ཧཱུྃ་ཕཊ་ཅན་དེ་བཟླས་བྱ་ཞིང་། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་བཙོ་མ་གསེར་གྱི་མདོག་འདྲ་འཕྲོས། །ཡབ་ཡུམ་ཞལ་ནས་ཐོན་ཅིང་གཡས་ཕྱོགས་ཀྱི། །རིན་ཆེན་རིགས་ཀྱི་ཡབ་ཡུམ་ཐུགས་ཀར་ཕོག །མཆོད་པར་གྱུར་ནས་མཉེས་པས་སྔགས་ཕྲེང་འཁོར། །ཐུགས་རྒྱུད་བསྐུལ་བས་ཕྲིན་ལས་དགོངས་པ་གཏད། །ཡབ་ཡུམ་ཧྲཱིཿལས་འོད་ཟེར་གསེར་མདོག་འཕྲོས། །རྒྱས་པའི་དངོས་གྲུབ་ཚུལ་དུ་ཞལ་ནས་ཐོན། །དེ་ཡི་འོད་ནི་ཉི་མ་ཤར་འདྲ་བས། །བསྲུང་བྱ་རྣམས་ལ་ཕོག་པས་ཚེ་བསོད་རྒྱས། །འཁོར་འདས་ཀུན་

― KMC014_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཚེ་བསོད་འོད་དེར་ཐིམ། །ཚུར་བྱུང་ཐུགས་ཀར་ཞུགས་ནས་ལུས་ཁྱབ་པས། །རང་གི་ཚེ་བསོད་ཉམས་རྟོགས་ཡེ་ཤེས་རྒྱས། །ཐུགས་སྲོག་ཧྲཱིཿར་ཐིམ་རྒྱས་པའི་དངོས་གྲུབ་ཐོབ། །དེ་ནས་རང་ཉིད་ཡབ་ཡུམ་ཐུགས་ཀ་ནས། །འོད་ཟེར་གསེར་མདོག་འཕྲོས་ཤིང་ཞལ་ནས་ཐོན། །གཡས་ཀྱི་རྒྱབ་ཟུར་རིན་ཆེན་མཁའ་འགྲོ་ཡི། །ཐུགས་ཀར་ཐིམ་པས་མཆོད་པར་གྱུར་ནས་མཉེས། །སྔགས་ཕྲེང་དྲག་འཁོར་ཐུགས་དམ་རྒྱུད་བསྐུལ་ཏེ། །རྒྱས་པའི་ཕྲིན་ལས་སྒྲུབ་ལ་ཐུགས་དགོངས་གཏད། །ཐུགས་ལས་འོད་ཟེར་བཙོ་མ་གསེར་མདོག་འཕྲོས། །ཞལ་ནས་ཐོན་ཚེ་ཉི་མའི་དཀྱིལ་འཁོར་བཞིན། །དེ་ཡི་འོད་ཟེར་ཉི་མའི་འོད་ལྟ་བུ། །བསྲུང་བྱ་རྣམས་ལ་ཕོག་པས་ཚེ་བསོད་རྒྱས། །དཔེར་ན་མེ་ཏོག་པདྨར་ཉི་ཟེར་བཞིན། །ཡི་དམ་མཁའ་འགྲོ་ཆོས་སྐྱོང་དངོས་གྲུབ་ཀུན། །སྦུར་ལེན་དྭངས་མར་རྡུལ་བཞིན་འོད་དེར་ཐིམ། །ཚུར་བྱོན་ཐུགས་ཀར་ཐིམ་ཞིང་ལུས་གང་

― KMC014_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །རང་གིས་ཚེ་བསོད་དབང་ཐང་ཉམས་རྟོགས་འཕེལ། །ཐུགས་སྲོག་ཧྲཱིཿར་ཐིམ་རྒྱས་པའི་དངོས་གྲུབ་ཐོབ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །རི་ནི་ཧ་ས་མ་མ་ཨཱ་ཡུཿཔུཎྱེ་ཛྙཱ་ན་པུཥྚིཾ་ཀུ་རུ་སྭཱ་ཧཱ། །ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །དགོངས་ཆེན་བདག་བསྐྱེད་ཚར་གཅིག་བཏང་བའི་རྗེས། །ཡུད་ཙམ་ནུབ་ཏུ་ཁ་ཕྱོགས་སྔགས་རིང་ནི། །གཞུང་གི་ཧཱུྃ་ཕཊ་ཅན་དེ་བཟླ་བའི་ཚེ། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་དམར་པོ་བྱི་རུའི་ཕྲེང་བ་ལྟར། །ཞལ་ནས་ཐོན་ཅིང་རྒྱབ་ཀྱི་ཕྱོགས་སུ་སོང་། །པདྨ་སྤྱན་གཟིགས་ཡབ་ཡུམ་ཐུགས་ཀར་ཐིམ། །སྔགས་ཕྲེང་དྲག་འཁོར་ཐུགས་དམ་རྒྱུད་བསྐུལ་བས། །སྣང་སྲིད་དབང་སྡུད་ལས་ལ་དགོངས་པ་གཏད། །ཐུགས་ཀའི་སྔགས་ཕྲེང་འོད་ཟེར་དམར་པོ་འཕྲོས། །ཞལ་ནས་ཐོན་པས་པདྨ་རཱ་གའི་མདོག །དེ་ལས་འོད་ཟེར་གློག་འདྲས་འཇིག་རྟེན་ཁྱབ། །

― KMC014_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་བྱང་སེམས་ཡི་དམ་མཁའ་འགྲོ་དང་། །ཆོས་སྐྱོང་ནོར་ལྷ་ཀུན་གྱི་དངོས་གྲུབ་དང་། །འཇིག་རྟེན་ཁམས་ཀྱི་བསོད་ནམས་ལོངས་སྤྱོད་ཀུན། །བསྡུས་ནས་འོད་དེར་ཐིམ་ཞིང་ཚུར་བྱོན་ནས། །རང་གི་ཐུགས་ཀར་ཞུགས་ཤིང་ལུས་ཁྱབ་པས། །རླུང་སེམས་སྣང་བ་དབང་དུ་འདུས་གྱུར་ནས། །ཧྲཱིཿར་ཐིམ་སྣང་སྲིད་དབང་སྡུས་དངོས་གྲུབ་ཐོབ། །དེ་ནས་རང་གི་ཐུགས་ལས་འོད་དམར་འཕྲོས། །ཞལ་ནས་ཐོན་ཅིང་རྒྱབ་ཟུར་གཡོན་བཞུགས་པའི། །པདྨ་མཁའ་འགྲོའི་ཐུགས་ཐིམ་སྔགས་མྱུར་འཁོར། །དབང་གི་ཕྲིན་ལས་སྒྲུབ་ལ་དགོངས་པ་གཏད། །སྔགས་ལས་འཕྲོས་པའི་འོད་དམར་ཞལ་ནས་ཐོན། །དེ་ཡི་འོད་ཀྱིས་སྣང་སྲིད་འཁོར་འདས་ཀྱི། །གང་འདོད་དངོས་གྲུབ་བསྡུས་ཤིང་འོད་དེར་ཐིམ། །ཚུར་བྱོན་རང་གི་ཐུགས་ཀར་ཐིམ་པ་ཡིས། །ཁམས་གསུམ་དབང་དུ་འདུས་པའི་དངོས་གྲུབ་ཐོབ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །ནི་རི་ས་ཧ་བ་སུ་ན་

― KMC014_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཥཱི་དྷ་སརྦ་སིདྡྷི་བ་ཤཾ་ཀུ་རུ་སྭཱ་ཧཱ། །ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །དེ་ནས་མུན་རུབ་བདག་བསྐྱེད་ཚར་གཅིག་བཏང་། །ཡུད་ཙམ་བྱང་ངམ་ལྷོ་རུ་ཁ་ཕྱོགས་ལ། །སྔགས་རིང་ཧཱུྃ་ཕཊ་ཅན་དེ་བཟླས་བྱ་ཞིང་། །བདག་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་ལྗང་གུ་སྤང་ཆེན་མདོག་འདྲ་འཕྲོས། །གཡོན་ཕྱོགས་ལས་ཀྱི་སྤྱན་རས་གཟིགས་དང་ནི། །སྒྲོལ་མ་ཞལ་སྦྱོར་བཞུགས་པའི་ཐུགས་ཀར་ཐིམ། །སྔགས་ཕྲེང་དྲག་འཁོར་ལས་ལ་དགོངས་པ་གཏད། །ཐུགས་ཀའི་སྔགས་ལས་དྲག་པོའི་དངོས་གྲུབ་ནི། །འོད་ཟེར་ལྗང་གུའི་ཚུལ་དུ་ཞལ་ནས་ཐོན། །འོད་དེའི་འོད་ཟེར་ལྗང་ནག་ཚ་ལ་རྩུབ། །ཕྱོགས་བཅུར་ཁྱབ་པས་གནོད་བྱེད་དགྲ་བགེགས་ཀུན། །བ་མོར་ཐན་ཚད་ཕོག་བཞིན་གཞོབ་ཏུ་བསྲེགས། །ཁྲོ་བོ་ཁྲོ་མོ་ཆོས་སྐྱོང་ཐམས་ཅད་ཀྱི། །མཐུ་སྟོབས་འོད་དེར་ཐིམ་ཞིང་ཚུར་བྱོན་ཏེ། །རང་གི་ཐུགས་ཀར་

― KMC014_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ་ཞིང་ལུས་གང་བས། །བདུད་བཞི་ཉོན་མོངས་ལུས་གདོན་ལུས་ཀྱི་ནད། །ཐམས་ཅད་ཚར་བཅད་འོད་ཟེར་ཧྲཱིཿལ་ཐིམ། །དྲག་པོའི་ཕྲིན་ལས་ཐོགས་མེད་དངོས་གྲུབ་ཐོབ། །དེ་ནས་བདག་ཉིད་ཡབ་ཡུམ་ཐུགས་ཀ་ནས། །འོད་ཟེར་ལྗང་ནག་འཕྲོས་པས་ཞལ་ནས་ཐོན། །མདུན་གཡོན་ལས་ཀྱི་མཁའ་འགྲོའི་ཐུགས་ཀར་ཐིམ། །སྔགས་ཕྲེང་དྲག་འཁོར་ལས་ལ་དགོངས་པ་གཏད། །དྲག་པོའི་དངོས་གྲུབ་འོད་ཟེར་ལྗང་གུའི་ཚུལ། །ཞལ་ནས་ཐོན་ཚེ་འོད་དེའི་འོད་ཟེར་ནི། །རབ་ཏུ་རྩུབ་ཅིང་ཚ་ངར་ལྡན་པ་ཡིས། །རང་དང་བསྲུང་བྱ་ལ་གནོད་དགྲ་བགེགས་རྣམས། །བྱ་སྒྲོ་མེ་ལ་བསྲེགས་བཞིན་ཚར་བཅད་དེ། །འཇིག་རྟེན་དྲེགས་པའི་མཐུ་སྟོབས་ནུས་པ་རྣམས། །བསྡུས་ཤིང་འོད་དེར་ཐིམ་ཞིང་ཚུར་བྱོན་ནས། །རང་གི་ཐུགས་ཀའི་ཧྲཱིཿལ་ཐིམ་པ་ཡིས། །དྲེགས་པ་ཚར་བཅད་དངོས་གྲུབ་ཐོབ་པར་བསྒོམ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །ས་ནི་རི་ཧ་

― KMC014_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་བྱེད་སརྦ་ཤ་ཏྲུཾ་མཱ་ར་ཡ་ཧཱུྃ་ཕཊ། །ཅི་ལྕོགས་བཟླས་རྗེས་གཏོར་བསྔོས་ཐུན་བསྔུ་ཉལ། །ཐུན་བསྔུའི་དམིགས་པ་སྟོང་པ་ཉིད་དོ་ཞེས། །ཟེར་བ་དེ་ནི་ཉལ་བའི་རྣལ་འབྱོར་ཡིན། མཚམས་སྡོམ་ཞག་བདུན་ཕྱི་སྒྲུབ་ཚང་བ་སྟེ། །བདུན་གཉིས་བདུན་གསུམ་ཟླ་སྒྲུབ་ལོ་སྒྲུབ་སོགས། །ཡུན་རིང་བསྒྲུབ་ན་ལས་བཞི་རེ་རེ་ལའང། །དུས་ནི་ཞག་བདུན་སྔགས་གྲངས་འབུམ་ཕྲག་སོགས། །བསྒྲུབས་ན་ཕྲིན་ལས་སོ་སོའི་རྟགས་ཐོན་འགྱུར། །དེ་ཚེ་དུས་ཚོད་དང་ནི་ཁ་གྱུ་ཕྱོགས། །དང་པོ་དབུ་འཛུགས་དུས་སུ་བྱས་པས་འཐུས། །ལས་བཞི་རེ་རེའི་ཞག་གྲངས་སྔགས་གྲངས་ཀྱང། །བསྙེན་སྒྲུབ་ཅི་ཙམ་ཐོན་པའི་བཅུ་ཆ་གཅིག །དེ་ལས་མང་ན་བསྙེན་སྒྲུབ་ནུས་པ་ཉམས། །དེ་ལས་ཉུང་ནའང་ལས་དེ་འགྲུབ་པ་དཀའ། དེ་ནི་མཚམས་སྡོམ་ཕྱི་སྒྲུབ་བྱེད་ཐབས་ཡིན། །མཚམས་མི་སྡོམ་པར་ཕྱི་སྒྲུབ་བྱེད་འདོད་ན། །ད་ནང་བདག་བསྐྱེད་ཚར་གཅིག་བཏང་

― KMC014_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྗེས། །ཉི་ཐལ་བར་དུ་འགྲོ་སྡོད་གང་གིིའང་ཚེ། །སྔགས་བཟླས་གོང་གི་དམིགས་པ་དེ་རྣམས་བསྒོམ། །ཉི་མ་ཐལ་ཀའི་དུས་ལ་བབ་ཙམ་ན། །རང་ཉིད་ཡབ་ཡུམ་ཐུགས་ཀའི་སྔགས་ཕྲེང་ལས། །འོད་ཟེར་ཁ་དོག་བཞི་ལྡན་ཏོང་སྐུད་བཞིན། །འོད་ཟེར་དཀའ་པོ་གཉིས་དང་སེར་པོ་གཉིས། །དམར་པོ་གཉིས་དང་དེ་བཞིན་ལྗང་གུ་གཉིས། །ཞལ་ནས་ཐོན་ཅིང་ཕྱོགས་མཚམས་བརྒྱད་དུ་འཕྲོས། །རིགས་བཞི་ཡབ་ཡུམ་རིགས་བཞིའི་མཁའ་འགྲོ་ཡི། །ཐུགས་ཀར་ཐིམ་པས་ཐུགས་དམ་རྒྱུད་བསྐུལ་ཏེ། །ལས་བཞིའི་དངོས་གྲུབ་འོད་ཟེར་ཁ་དོག་བཞིའི། །རྣམ་པར་ཞལ་ནས་ཐོན་ཅིང་བདག་ཉིད་ཀྱི། །ཐུགས་ཀར་ཐིམ་པས་ཕྲིན་ལས་བཞི་འགྲུབ་བསམ། །སྔགས་རིང་ཧཱུྃ་ཕཊ་ཅན་དེ་ཅི་འགྲུབ་བཟླ། །འདི་ལྟར་ལས་བཞི་གཅིག་ཆར་སྒོམ་པ་ཡི། །དོན་ལྡན་ཞབས་དང་དཀོན་མཆོག་འབངས་ཀྱིས་གསུངས། །དེ་ནས་གཏོར་བསྔོས་བྱས་ལ་ཐུན་

― KMC014_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔུས་ཏེ། །གཞུང་ལྟར་བསྔོ་སྨོན་བྱས་རྗེས་མུན་རུབ་ལ། །སྔོན་འགྲོ་མི་དགོས་བདག་བསྐྱེད་ཚར་གཅིག་འདོན། །གོང་ལྟར་དམིགས་པ་རྣམས་བསྒོམ་སྔགས་བཟླ་ཞིང། །མཇུག་ཏུ་ལས་བཞིའི་སྔགས་དམིགས་ཡུད་ཙམ་བྱ། །དེ་ནས་གཏོར་བསྔོས་བྱས་ཏེ་ཐུན་བསྡུ་ཉལ། །དེ་ལྟར་ཉིན་མཚན་ཐུན་གཉིས་མ་ཆགས་པར། །ཟླ་གྲངས་མང་པོའི་བར་དུ་བྱ་བ་སྟེ། །ཟླ་ཞག་མི་བརྩི་སྔགས་ཀྱི་གྲངས་ལ་བརྩི། །འབུམ་ཕྲག་བཅུ་སོགས་འགྲུབ་ན་ཕྱི་སྒྲུབ་ཐེམ། །བྱང་ཆུབ་ནར་མར་སྒྱུབ་པ་ཞེས་བྱ་སྟེ། །གནས་གཅིག་མིན་ཀྱང་གར་ཕྱིན་དེར་སྒྲུབ་ཆོག །དེ་ཡང་མི་ལྕོགས་རྒྱུན་ཁྱེར་ཉམས་ལེན་ནི། །ཉིན་ནུབ་ནམ་འདོད་བདག་བསྐྱེད་ཚར་གཅིག་ནི། །ཡི་དམ་ཡིན་ཕྱིར་ཆགས་པའི་ཐབས་མེད་ཅིང། །དེ་བཞིན་གཏོར་བསྔོས་ཚར་གཅིག་མ་ཆགས་བྱ། །དེ་མིན་འགྲོ་སྡོད་སྦྱོད་ལམ་ཀུན་གྱི་ཚེ། །གོང་གི་དམིགས་པ་དེ་དག་ཅི་ལྕོགས་བསྒོམ། །སྔགས་བཟླ་

― KMC014_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་བར་བདེ་མཆོག་རྒྱུད་ལས་གསུངས། །ཉལ་ཁ་ཐུན་བསྡུ་བསྔོ་སྨོན་བྱ་བ་གཅེས། །སྔགས་ཀྱང་རྒྱུད་ཀྱི་དགོངས་པ་ཡི་གེ་དྲུག །རྒྱ་གཞུང་དགོངས་པ་ཡིག་བཅུ་གང་འདོད་ཆོག །རྟགས་དང་བྱིན་རླབས་མྱུར་འདོད་སྔགས་རིང་ཟབ། །དེ་ལྟར་ལྷ་དགུ་ཕྱི་ལྟར་སྒྲུབ་པ་འདི། །རྒྱུད་ཀྱི་དགོངས་པ་རྒྱ་གཞུང་སོར་བཞག་སྟེ། །བོད་གཞུང་རྣམས་ན་ཤིན་ཏུ་གསལ་ན་ཡང་། །བློ་ཆུང་རྣམས་ལ་ཕན་ཕྱིར་བསྡུས་ཏེ་བཀོད། །འགལ་འཁྱུལ་ཉེས་པའི་ཆ་མཆིས་ལྷ་ལ་བཤགས། །དགེ་བས་བླ་མའི་ཐུགས་དགོངས་རྫོགས་པ་དང་། །ཞུ་བ་པོ་ཡིས་གཙོར་བྱས་འབྲེལ་ཐོགས་ཀུན། །ཚེ་འདིར་ཐུགས་རྗེ་ཆེན་པོ་འགྲུབ་འགྱུར་ཞིང་། །ཕྱི་མ་བདེ་ཆེན་ཞིང་དུ་སྐྱེ་བར་ཤོག །མཐར་ཕྱིན་ཐབས་མཁས་གཉིས་ཀྱིས་ཞུས་པའི་ངོར། །རིག་འཛིན་སྤྲུལ་སྐུའི་དགོངས་རྫོགས་ལ་དམིགས་ཏེ། །ལུག་ལོ་ས་ག་ཟླ་བའི་ཡར་ཚེས་དྲུག །མཆོག་གི་སྤྲུལ་སྐུས་ཆོས་འཁོར་བསྐོར་བའི་དུས། །རྒྱུ་སྐར་

― KMC014_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ལ་བབས་པའི་སྔ་དྲོའི་ཆར། །རཱ་ག་ཨ་སྱས་ཇི་ལྟར་སྨྲས་པ་ལྟར། །པདྨ་མཐར་ཕྱིན་ཞེས་བྱས་ཡི་གེར་བཀོད།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་ནང་སྒྲུབ་ཟིན་བྲིས།

― KMC014_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་ནང་སྒྲུབ་ཀྱི་ཟིན་བྲིས་བཞུགས་པའི་དབུ་ཕྱོགས་ལགས་སོ། །

― KMC014_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཨཱརྱ་ལོ་ཀེ་ཤྭ་རཱ་ཡ། འཕགས་པ་འཇིག་རྟེན་དབང་ཕྱུག་ལྷ་དགུ་ལ། །ཕྱག་འཚལ་སྐྱབས་སུ་མཆིའོ་བྱིན་གྱིས་རློབས། །འདིའི་ནང་སྒྲུབ་སྟ་གོན་ཚར་བའི་རྗེས། །ཐུན་བཞིར་བདག་མདུན་གཉིས་ཀ་ཚར་རེ་འདོན། །བསྙེན་པ་ཅི་ནུས་བྱས་རྗེས་གཏོར་བསྔོས་དང་། །ཐུན་བསྡུ་བསྔོ་སྨོན་ཐུན་རྣམས་ཀུན་ལ་འགྲེས། །དགོང་མོའི་ཐུན་ལ་ཚོགས་མཆོད་རེ་རེ་བྱ། །དངོས་གཞི་ཐུན་སྐབས་བསྒོམ་པའི་དམིགས་རིམ་ནི། །བདག་དང་མདུན་བསྐྱེད་གཉིས་ཀའི་

― KMC014_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀ་རུ། །དེ་ན་ཉི་མ་ཟླ་བ་བརྩེགས་པའི་སྟེང་། །རང་འདྲ་ཡེ་ཤེས་སེམས་དཔའ་ཡུམ་དང་བཅས། །གཟི་བརྗིད་འོད་དང་ལྡན་པའི་ཐུགས་ཀ་རུ། །སྣ་ཚོགས་པདྨ་ཟླ་བའི་གདན་གྱི་སྟེང་། །ཏིང་འཛིན་སེམས་དཔའ་པདྨ་དམར་པོ་ནི། །ཅུང་ཟད་ཁ་ནི་བྱེ་བའི་ཟེའུ་འབྲུའི་སྟེང་། །ཧྲཱིཿཡིག་བྱེ་རུའི་མདོག་ཅན་འགྲེངས་ཐབས་གནས། །ཕྱག་མཚན་པདྨའི་མཐའ་བསྐོར་ཟླ་བའི་སྟེང་། །ཡིག་བཅུའི་སྔགས་ཕྲེང་གཡས་སུ་བསྐོར་བར་བསྒོམ། །བདག་མདུན་རིགས་ཀྱི་

― KMC014_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་བཞིའི་ཐུགས་ཀ་རུ། །པད་ཟླའི་སྟེང་དུ་ཧྲཱིཿམཐར་ཡིག་བཅུས་བསྐོར། །བདག་མདུན་ཕྱི་ནང་ཡུམ་དྲུག་ཐུགས་ཀ་རུ། །ཆོས་འབྱུང་རྐྱང་པ་རྩེ་མོ་ཐུར་བསྟན་ལ། །ཁ་ནི་གྱེན་བསྟན་ཕྱི་དཀར་ནང་དམར་བ། །ནང་ནི་སྟོང་པ་ཕྱེད་མན་འོད་ཀྱིས་གང་། །དེ་སྟེང་ཧྲཱིཿམཐར་སྔགས་ཕྲེང་གཡོན་དུ་འཁོར། །བདག་མདུན་རིགས་བཞི་མཁའ་འགྲོའི་ཐུགས་ཀ་རུ། །ཧ་རི་ནི་སའི་ཡིག་འབྲུ་རེ་རེ་ལ། །རང་རང་མཚན་སྔགས་གཡོན་དུ་འཁོར་བའོ། །རང་བྱུང་རྡོ་རྗེའི་ཧ་དགུ་ཚིགས་ལྷུག་མར། །མདུན་དུའང་བདག་བསྐྱེད་ལྟར་བསྒོམ་ཞིང་། ལས་དང་མཐུན་པའི་འོད་ཟེར་གྱི་སྤྲོ་བསྡུ་དང་། སྔགས་ཀྱི་ཤམ་བུ་བཏགས་ལ་བསྒྲུབ་པར་བྱའོ། །གསུངས་པའི་དོན་དེ་རང་གི་ཐུགས་ཀ་ནས། །འོད་ཟེར་དམར་པོ་འོད་ལྔའི་མདངས་སྔོན་པོ། །རང་གི་ཐུགས་ཀའི་སྔགས་ཕྲེང་ལས་འཕྲོས་ཏེ། །ཡེ་ཤེས་སེམས་དཔའི་ཞལ་ནས་ཐོན་ནས་ཀྱང་། །རང་གི་ཞལ་ནས་ཐོན་ཅིང་ཕར་

― KMC014_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོས་ནས། །མདུན་བསྐྱེད་ཞལ་ཞུགས་དེ་ཡང་ཐུགས་ཀ་ཡི། །ཡེ་ཤེས་སེམས་དཔའི་ཞལ་ཞུགས་ཐུགས་ཀར་ཐིམ། །ཐུགས་དམ་རྒྱུད་བསྐུལ་སྔགས་ཕྲེང་དྲག་ཏུ་འཁོར། །སྔགས་ཕྲེང་དེ་ལས་འོད་ཟེར་འཕྲོས་པ་ཡིས། །ཡེ་ཤེས་སེམས་དཔའ་ཡབ་ཡུམ་སྦྱོར་མཚམས་ནས། །མར་སོང་སྦྱོར་མཚམས་རྡོ་རྗེའི་སྦུབས་ནས་ཐོན། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །ཡར་སོང་ཐུགས་ཀའི་ཡེ་ཤེས་སེམས་དཔའ་ཡི། །སྦྱོར་མཚམས་རྡོ་རྗེའི་སྦུབས་ནས་ཐུགས་ཀར་ཐིམ། །རང་གི་སྔགས་ཕྲེང་ཡང་ནི་དྲག་ཏུ་འཁོར། །ཕར་ལ་མཆོད་པ་ཚུར་ལ་དངོས་གྲུབ་ཚུལ། །འགལ་མེའི་འཁོར་ལོ་བཞིན་དུ་རྒྱུན་དུ་འཁོར། །འདི་ནི་འདི་ཡི་ལུགས་ཀྱི་བསྙེན་པ་ཡིན། །དེ་ལྟར་འཁོར་བས་མདུན་བསྐྱེད་སྔགས་ཕྲེང་ལས། །འོད་ཟེར་ཁ་དོག་སྣ་ཚོགས་ཕྱོགས་བཅུར་འཕྲོས། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་དང་། །བླ་མ་ཡི་དམ་

― KMC014_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་ཆོས་སྐྱོང་མཆོད། །དེ་ཀུན་ཐུགས་རྗེ་ཆེན་པོ་ཡབ་ཡུམ་གྱི། །སྐུར་གྱུར་ཆར་ལྟར་བབ་ནས་མདུན་བསྐྱེད་ཐིམ། །དེ་དག་ཀུན་གྱི་བྱིན་རླབས་དངོས་གྲུབ་ནི། །འོད་ཟེར་ཚུལ་དུ་གོང་ལྟར་ཚུར་བྱུང་ནས། །ཐུགས་ཀར་ཞུགས་ཤིང་ཐིམ་པས་དངོས་གྲུབ་ཐོབ། །དེ་ནི་ཉེ་བར་བསྙེན་པའི་དམིགས་པ་ཡིན། །དེ་ནས་འོད་ཟེར་དེ་ཉིད་སྔགས་ཕྲེང་བསྒྱུར། །སྔགས་ཕྲེང་བདག་མདུན་བར་དུ་སྔོན་ལྟར་འཁོར། །སྔགས་ཕྲེང་འཁོར་བས་མདུན་གྱི་ཐུགས་རྒྱུད་བསྐུལ། །མདུན་གྱི་སྔགས་ལས་འོད་ཟེར་དཔག་མེད་པ། །སྟེང་འོག་ཕྱོགས་མཚམས་ནམ་མཁའ་ཁྱབ་པར་འཕྲོས། །ཁམས་གསུམ་སེམས་ཅད་ཀུན་ལ་འོད་དེས་ཕོག །ལུས་ངག་ཡིད་གསུམ་སྒྲིབ་པ་ཀུན་དག་ནས། །ཀུན་ཀྱང་ཐུགས་རྗེ་ཆེན་བོ་ཡབ་ཡུམ་གྱི། །སྐུར་གྱུར་སྔགས་སྒྲ་དིར་དིར་སྒྲོག་པར་བསམ། །དེ་བཞིན་སྒྲ་སྐད་ཐམས་ཅད་ཡིག་བཅུའི་སྒྲ། །གཟུགས་སུ་སྣང་བ་ཐམས་ཅད་སྤྱན་རས་

― KMC014_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས། །དེ་ལྟར་སྒོམ་སོགས་ཡིད་ཀྱི་དྲན་རྟོག་ཀུན། །གདོད་ནས་འགྱུར་མེད་ཆོས་སྐུ་ཡིན་པར་མོས། །དེ་ནི་ཁྱེར་སོ་གསུམ་གྱི་དོན་བསྡུས་དང་། །བུང་བ་ཚང་ཞིག་ལྟ་བུའི་བཟླས་པ་སྟེ། །འདི་ཡི་ལུགས་ཀྱི་སྒྲུབ་པའི་དམིགས་པ་ཡིན། །ལས་སྦྱོར་ཕྱོགས་གཏོགས་སྒྲུབ་པ་ཆེན་པོ་ནི། །སྔ་དྲོའི་ཐུན་མཇུག་སྔགས་ཕྲེང་དཀར་པོ་བསྒོམ། །བདག་དང་འགྲོ་བའི་སྡིག་སྒྲིབ་ཞི་བར་བསམ། །ཉིན་གུང་ཐུན་མཇུག་སྔགས་ཕྲེང་སེར་པོ་བསྒོམ། །བདག་དང་འགྲོ་བའི་བསོད་ནམས་ཡེ་ཤེས་རྒྱས། །དགོང་མོའི་ཐུན་མཇུག་སྔགས་ཕྲེང་དམར་པོ་བསྒོམ། །རླུང་སེམས་སྣང་བ་དབང་དུ་འདུས་པར་བསམ། །སྲོད་ཀྱི་ཐུན་ལ་སྔགས་ཕྲེང་ལྗང་ནག་འཕྲོས། །ཉོན་མོངས་བདུད་བཞི་ལོག་འདྲེན་ཚར་ཆོད་བསྒོམ། །དེ་དག་ཀུན་ལ་སྔགས་རིང་ཧཱུྃ་ཕཊ་ཅན། །རྒྱ་གཞུང་དགོངས་པ་ཡིན་པས་བཟླས་པ་ཟབ། །ཞག་བདུན་སྒྲུབ་ན་ཞག་དྲུག་དེ་ལྟ་སྟེ། །ཞག་

― KMC014_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་ཉིན་པར་སྔ་དྲོའི་ཐུན་ལ་ནི། །རང་གི་ཐུགས་ཀའི་སྔགས་ཕྲེང་སྔར་ལྟར་དུ། །དཀར་པོ་འཕྲོས་ནས་མདུན་དུ་བསྐྱེད་པ་ཡི། །རྡོ་རྗེ་སྤྱན་རས་གཟིགས་དེ་ཚུར་ཞལ་གཟིགས། །ཡབ་ཡུམ་གཉིས་ཀའི་ཞལ་དུ་སྔགས་ཕྲེང་ཞུགས། །ཐུགས་ཀར་ཐིམ་པས་ཡབ་ཡུམ་གཉིས་ཀ་ཡི། །སྔགས་ཕྲེང་གཡས་གཡོན་དྲག་འཁོར་ཐུགས་རྒྱུད་བསྐུལ། །གཉིས་ཀའི་སྔགས་ལས་རང་སྔགས་དངོས་གྲུབ་ཚུལ། །སྦྱོར་མཚམས་ནས་ཐོན་སྔགས་ཕྲེང་གཅིག་ཏུ་གྱུར། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །རྡོ་རྗེའི་སྦུབས་ནས་རང་གི་ཐུགས་ཀ་ཡི། །ཡེ་ཤེས་སེམས་དཔའི་སྦྱོར་མཚམས་གསང་སྦུབས་ནས། །ཞུགས་ནས་ཐུགས་སྲོག་ཧྲཱིཿཐིམ་དངོས་གྲུབ་ཐོབ། །དེ་ལྟར་བདག་མདུན་བར་དུ་སྔགས་ཕྲེང་ནི། །ཤེལ་དཀར་ཕྲེང་བ་བསྐོར་འདྲ་ཀྱི་ལི་ལི། །དེ་ལྟར་འཁོར་བས་རྡོ་རྗེ་སྤྱན་རས་གཟིགས། །ཡབ་ཡུམ་སྐུ་ལས་འོད་ཟེར་དཀར་པོ་ནི། །བདེ་བའི་རེག་བྱ་ལྡན་

― KMC014_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཕྱོགས་བཅུར་འཕྲོས། །ཞིང་ཁམས་ཕྱོགས་བཅུར་བཞུགས་པའི་རྒྱལ་བ་ལ། །དཀར་གསུམ་མངར་གསུམ་མེ་ཏོག་བདུག་སྤོས་སོགས། །ཞི་བའི་མཆོད་པ་རྒྱ་མཚོར་གྱུར་པས་མཉེས། །སངས་རྒྱས་ཀུན་གྱི་ཞི་བའི་དངོས་གྲུབ་ནི། །འོད་ཟེར་དཀར་པོར་བསྡུས་ནས་མདུན་ལ་ཐིམ། །དེ་ཉིད་སྔགས་ཕྲེང་དཀར་པོའི་རྣམ་པར་འཕྲོས། །སྔར་ལྟར་རང་གི་ལུས་ཞུགས་ཐུགས་ཀར་ཐིམ། །ཞི་བ་ཆེན་པོའི་དངོས་གྲུབ་ཐོབ་པར་གྱུར། །དེ་བཞིན་མདུན་བསྐྱེད་ཐུགས་ཀའི་འོད་ཟེར་ནི། །སྟོན་ཟླའི་འོད་འདྲ་ཕྱོགས་བཅུ་ཁྱབ་པར་འཕྲོས། །འབྲེལ་ཐོགས་གཙོར་བྱས་སེམས་ཅན་ཐམས་ཅད་ཀྱི། །སྡིག་སྒྲིབ་ཉེས་ལྷུང་དྲི་མའི་ཚོགས་རྣམས་ཀུན། །བ་མོར་ཉི་ཟེར་ཕོག་ལྟར་དག་པར་བསྒོམ། །དེ་ནི་སྔ་དྲོའི་ཐུན་གྱི་ཕྱེད་ཡན་ཡིན། །དེ་ནས་སྔར་ལྟར་རང་གི་ཐུགས་ཀ་ནས། །སྔགས་ཕྲེང་དཀར་པོ་ནར་གྱིས་ཐོན་པ་དེ། །མདུན་བསྐྱེད་རྡོ་རྗེ་མཁའ་འགྲོ་

― KMC014_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུར་གཟིགས་པའི། །ཞལ་ཞུགས་ཐུགས་གར་ཐིམ་པས་སྔགས་མྱུར་འཁོར། །ཐུགས་རྒྱུད་བསྐུལ་བས་སྔགས་ལས་སྔགས་ཕྲེང་འཕྲོས། །བྷ་ག་ནས་ཐོན་རང་གི་སྦྱོར་མཚམས་ནས། །རྡོ་རྗེའི་སྦུབས་ཞུགས་ཐུགས་སྲོག་ཧྲཱིཿལ་ཐིམ། །ཕར་ལ་མཆོད་པ་ཚུར་ལ་དངོས་གྲུབ་ཚུལ། །སྔགས་ཕྲེང་མུ་ཏིག་ཕྲེང་བ་འཁོར་བ་བཞིན། །རྒྱུན་དུ་འཁོར་བས་མཁའ་འགྲོའི་ཐུགས་རྒྱུད་བསྐུལ། །སྐུ་ལས་འོད་ཟེར་སྟོན་ཀའི་ཟླ་བའི་མདོག །བསིལ་ཞིང་བདེ་བའི་རེག་བྱ་ཅན་འཕྲོས་པས། །བདག་དང་བསྲུང་བྱའི་ནད་གདོན་སྡིག་སྒྲིབ་རྣམས། །མུན་པར་ཟླ་བ་ཤར་ལྟར་བསལ་བར་བསམ། །དེ་ལྟར་ཐུན་ནི་གོང་འོག་གཉིས་ཀ་ལ། །སྔགས་རིང་ཧ་རི་ནི་སའི་མཇུག་ཏུ་ནི། །ནད་གདོན་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། །ཞེས་པ་བཏགས་ལ་ཅི་ལྕོགས་བཟླས་པ་བྱ། །དེ་ནས་ཐུན་མཚམས་གཏོར་མ་བསྔོ་བའི་ཚེ། །ཤར་གྱི་ཞི་བའི་གཏོར་མ་བྲན་བྱས་ལ། །གཏོར་མ་བྱིན་

― KMC014_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབས་འདོན་ཆ་གཞུང་ལྟར་ལ། །གཏོར་སྣོད་ཤེལ་དཀར་བྷནྡྷ་རྒྱ་ཆེ་བར། །ངོ་བོ་གཞུང་ལྟར་ཤ་ལྔ་བདུད་རྩི་སོགས། །རྣམ་པ་སྐུ་ཡི་བདུད་རྩི་འོ་མའི་མཚོ། །ཀ་ར་སྦྲང་རྩིའི་རོ་ལྡན་བསམ་ལ་འབུལ། །ཐུན་བསྡུ་རྫོགས་རིམ་བསྒོམ་པ་གཞུང་ལྟར་བྱ། །དེ་ནས་ཉིན་གུང་བདག་མདུན་ཚར་གཅིག་རྗེས། །བདག་གི་ཐུགས་ལས་སྔགས་ཕྲེང་གསེར་གྱི་མདོག །ནར་གྱིས་ཐོན་ནས་མདུན་གྱི་དཀྱིལ་འཁོར་གྱི། །རིན་ཆེན་སྤྱན་གཟིགས་ཡབ་ཡུམ་ཞལ་དུ་ཞུགས། །ཐུགས་རྒྱུད་བསྐུལ་བས་སྔགས་ཕྲེང་གཡས་གཡོན་འཁོར། །སྔགས་ལས་སྔགས་ཕྲེང་འཕྲོས་པས་སྦྱོར་མཚམས་ནས། །སྔགས་ཕྲེང་གཅིག་གྱུར་ཚུར་བྱོན་རང་ཉིད་ཀྱི། །སྦྱོར་མཚམས་གསང་སྦུབས་ནས་ཞུགས་ཐུགས་ཀར་ཐིམ། །དེ་ལྟར་བདག་མདུན་བར་དུ་སྔགས་ཕྲེང་ནི། །སྤོས་ཤེལ་ཞགས་པ་བསྐོར་འདྲ་ཀྱི་ལི་ལི། །དེ་ལྟར་འཁོར་བས་རིན་ཆེན་སྤྱན་རས་གཟིགས། །ཡབ་ཡུམ་གཉིས་

― KMC014_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཐུགས་དམ་རྒྱུད་བསྐུལ་བས། །ཐུགས་ལས་འོད་ཟེར་འཛམ་བུ་ཆུ་གསེར་མདོག །ཕྱོགས་བཅུའི་ནམ་མཁའ་ཁྱབ་པར་འཕྲོས་པ་ཡིས། །རབ་འབྱམས་ཞིང་དུ་བཞུགས་པའི་རྒྱལ་བ་ལ། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །ལྷ་མིའི་ལོངས་སྤྱོད་དཔག་མེད་མཆོད་པར་གྱུར། །བསོད་ནམས་ཚོགས་རྫོགས་རྒྱས་པའི་དངོས་གྲུབ་ཀུན། །འོད་ཟེར་སེར་པོའི་རྣམ་པར་མདུན་བསྐྱེད་ཐིམ། །དེ་ཉིད་སྔགས་ཕྲེང་དུ་གྱུར་རང་ལ་བསྟིམ། །བསོད་ནམས་ཡེ་ཤེས་རྒྱས་པའི་དངོས་གྲུབ་ཐོབ། །སླར་ཡང་མདུན་བསྐྱེད་སྐུ་ལས་འོད་སེར་པོ། །ཉི་མ་ཤར་འདྲ་ནམ་མཁའ་ཁྱབ་པར་འཕྲོས། །འོད་དེས་རེག་པ་ཙམ་གྱིས་འགྲོ་ཀུན་གྱི། །བསོད་ནམས་ཡེ་ཤེས་ཚོགས་གཉིས་རྒྱས་པར་བསྒོམ། །དེ་ནི་གུང་ཐུན་ཕྱེད་ཡན་དམིགས་པ་སྟེ། །དེ་ནས་རང་གི་ཞལ་གྱི་སྔགས་ཕྲེང་དེ། །རིན་ཆེན་མཁའ་འགྲོའི་ཞལ་ཞུགས་ཐུགས་རྒྱུད་བསྐུལ། །བྷ་ག་ནས་ཐོན་རང་

― KMC014_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སྦྱོར་མཚམས་ནས། །ཐུགས་ཀར་ཐིམ་ཞིང་འཁོར་བ་སྔར་དང་འདྲ། །རིན་ཆེན་མཁའ་འགྲོའི་ཐུགས་དམ་རྒྱུད་བསྐུལ་ནས། །སྐུ་ལས་འོད་ཟེར་བཙོ་མ་གསེར་གྱི་མདོག །བདེ་བའི་རེག་བྱ་ལྡན་པ་ཕྱོགས་བཅུར་འཕྲོས། །བདག་དང་བསྲུང་བྱ་ཀུན་ལ་འོད་དེ་ཕོག །དཔེར་ན་པདྨ་ཆུ་ཡིས་བྲན་པ་བཞིན། །ཚེ་བསོད་ཉམས་རྟོགས་ཡོན་ཏན་རྒྱས་པར་བསྒོམ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །རི་ནི་ཧ་ས་མ་མ་ཨཱཿཡུཿཔུཎྱེ་ཛྙཱ་ན་པུཥྚིཾ་ཀུ་རུ་སྭཱ་ཧཱ། །ཅི་ལྕོགས་བཟླས་རྗེས་གཏོར་བསྔོས་གཞུང་ལྟར་ལ། །དམིགས་པ་གསེར་གྱི་བྷནྡྷ་སྟོང་གསུམ་མཉམ། །གཏོར་མ་བདུད་རྩི་གསེར་མདོག་རྒྱ་མཚོ་ནི། །རོ་བརྒྱ་ནུས་པ་སྟོང་དང་ལྡན་པ་ལས། །རླངས་པ་འདོད་ཡོན་སྣ་ཚོགས་སྤྲིན་སྤུང་འཁྲིགས། །དེ་ལྟར་བསྒོམ་ཞིང་རྒྱས་པའི་གཏོར་མ་བསྔོ། །ཐུན་བསྡུ་རྫོགས་རིམ་བསྒོམ་སོགས་གཞུང་ལྟར་བྱ། །དེ་ནས་དགོང་མོ་བདག་མདུན་ཚར་གཅིག་

― KMC014_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས། །བདག་གི་ཐུགས་ལས་སྔགས་ཕྲེང་དམར་པོ་ནི། །བྱེ་རུའི་ཕྲེང་བ་ལྟ་བུ་ནར་གྱིས་འཕྲོས། །མདུན་བསྐྱེད་པདྨ་སྤྱན་གཟིགས་ཡབ་ཡུམ་གྱི། །ཞལ་ཞུགས་ཐུགས་ཀའི་སྔགས་ཕྲེང་གཡས་གཡོན་འཁོར། །སྔགས་ཕྲེང་གཉིས་ལས་སྔགས་ཕྲེང་སོ་སོར་འཕྲོས། །སྦྱོར་མཚམས་ནས་ཐོན་གཅིག་གྱུར་ཚུར་བྱོན་ཏེ། །རང་གི་སྦྱོར་མཚམས་རྡོ་རྗེའི་སྦུབས་ནས་ཞུགས། །ཐུགས་ཀའི་ཧྲཱིཿར་ཐིམ་དབང་གི་དངོས་གྲུབ་ཐོབ། །སྔགས་ཕྲེང་འགལ་མེའམ་བྱེ་རུའི་ཕྲེང་བ་ལྟར། །རྒྱུན་དུ་འཁོར་བས་མདུན་གྱི་ཐུགས་རྒྱུད་བསྐུལ། སྐུ་ལས་འོད་ཟེར་པདྨ་རཱ་གའི་མདོག །ཉི་མ་འཆར་ཀའི་འོད་བཞིན་ཕྱོགས་བཅུར་ཁྱབ། །རབ་འབྱམས་ཞིང་གི་རྒྱལ་བ་སྲས་བཅས་ལ། །མཆོད་པའི་ལྷ་མོ་བཅུ་དྲུག་འདོད་ཡོན་ལྔ། །མཆོད་པར་གྱུར་པས་ཟག་མེད་བདེ་བས་དགྱེས། །སྣང་སྲིད་དབང་གི་དངོས་གྲུབ་འོད་དམར་པོས། །ཚུར་བསྡུས་མདུན་བསྐྱེད་ལ་ཐིམ་སྔགས་ཕྲེང་གི །རྣམ་པར་

― KMC014_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ནས་ཚུར་བྱོན་རང་ཐིམ་པས། །རླུང་སེམས་སྣང་བ་དབང་འདུས་དངོས་གྲུབ་ཐོབ། །སླར་ཡང་མདུན་ལས་འོད་ཟེར་དམར་པོ་འཕྲོས། །འོད་དེས་རེག་པས་སེམས་ཅན་ཐམས་ཅད་ཀྱང་། །རང་རང་རླུང་སེམས་རང་དབང་འདུས་པར་བསམ། །དེ་ནི་དགོང་ཐུན་ཕྱེད་ཡན་དམིགས་པ་སྟེ། །དེ་ནས་རང་གི་ཞལ་གྱི་སྔགས་ཕྲེང་དེ། །པདྨ་མཁའ་འགྲོའི་ཞལ་ཞུགས་ཐུགས་རྒྱུད་བསྐུལ། །སྔགས་ཕྲེང་དྲག་འཁོར་དེ་ལས་སྔགས་ཕྲཔྱང་འཕྲོས། །བྷ་ག་ནས་ཐོན་རང་གི་སྦྱོར་མཚམས་ཞུགས། །ཐུགས་ཀའི་ཧྲཱིཿར་ཐིམ་དབང་གི་དངོས་གྲུབ་ཐོབ། །དེ་ལྟར་སྔགས་ཕྲེང་འགལ་མེ་ལྟར་འཁོར་བས། །པདྨ་མཁའ་འགྲོའི་ཐུགས་དམ་རྒྱུད་བསྐུལ་ནས། །སྐུ་ལས་འོད་ཟེར་དམར་པོ་གློག་ལྟ་བུ། །ཕྱོགས་བཅུའི་འཇིག་རྟེན་ཁྱབ་པར་འཕྲོས་པ་ཡིས། །ཆོས་དང་ལོངས་སྤྱོད་མཆོག་དང་ཐུན་མོང་གི །དངོས་གྲུབ་ཐམས་ཅད་འོད་ཟེར་དེས་བསྡུས་ཏེ། །པདྨ་

― KMC014_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་ལ་ཐིམ་གཟི་བརྗིད་འབར། །དངོས་གྲུབ་སྔགས་ཕྲེང་རྣམ་པར་ཚུར་བྱུང་སྟེ། །རང་གི་སྦྱོར་མཚམས་ནས་ཞུགས་ཐུགས་ཀར་ཐིམ། །སྣང་སྲིད་འཁོར་འདས་དབང་དུ་འདུས་པར་བསྒོམ། །སྔགས་རིང་བཻ་རོ་ཙ་ནཱ་ཡེ་ཡི་མཇུག །ནི་རི་ཧ་ས་བ་སུ་ན་ན་ཁེ་ངྷ་སརྦ་སིདྡྷི་བ་ཤང་ཀུ་རུ་སྭཱ་ཧཱ། །ཞེས་པ་བཏགས་ལ་ཅི་འགྲུབ་བཟླས་པར་བྱ། །དེ་ནས་སྐབས་འདིར་ཚོགས་འཁོར་གཞུང་ལྟར་བྱ། །ཚོགས་ཕུད་ཕུལ་ལ་ནུབ་ཀྱི་གཏོར་མ་བྲན། །གཏོར་བསྔོས་གཞུང་ལྟར་འདོན་ཅིང་དམིགས་པ་ནི། །པདྨ་ར་གའི་བྷནྡྷ་རྒྱ་ཆེའི་ནང་། །གཏོར་མ་གསུང་གི་བདུད་རྩི་དམར་ལྟེམ་མེ། །རོ་བཅུད་ཞིམ་མངར་ཕུན་ཚོགས་དམིགས་ལ་འབུལ། །ཚོགས་ལ་ལོངས་སྤྱོད་ལྷག་མ་གཞུང་ལྟར་འབུལ། །ཐུན་བསྡུ་རྫོགས་རིམ་བསྔོ་སྨོན་གཞུང་ལྟར་རོ། །ཐུན་མཚམས་དགེ་སྦྱོར་ཆགས་མེད་གང་དགོས་བྱ། །ཐུན་གྱི་དཀྱིལ་དུ་འདོན་པ་གཞན་མི་བསྲེ། །དེ་ནས་མུན་རུབ་བདག་མདུན་

― KMC014_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

ཚར་གཅིག་འདོན། །བདག་གི་ཐུགས་ཀའི་སྔགས་ཕྲེང་དེ་ཉིད་ལས། །སྔགས་ཕྲེང་གཡུའམ་མར་གད་མདོག་ཅན་འཕྲོས། །མདུན་བསྐྱེད་ལས་ཀྱི་སྤྱན་གཟིགས་ཡབ་ཡུམ་གྱི། །ཞལ་ཞུགས་སྔགས་ཕྲེང་གཡས་གཡོན་དྲག་དུ་འཁོར། །ཐུགས་རྒྱུད་བསྐུལ་བས་སྔགས་ལས་སྔགས་ཕྲེང་འཕྲོས། །སྦྱོར་མཚམས་ནས་ཐོན་སྔགས་ཕྲེང་གཅིག་གྱུར་ཏེ། །ཚུར་བྱོན་རང་གི་སྦྱོར་མཚམས་གསང་སྦུབས་ཞུགས། །ཐུགས་ཀའི་ཧྲཱིཿར་ཐིམ་དྲག་པོའི་དངོས་གྲུབ་ཐོབ། །དེ་ལྟར་བདག་མདུན་བར་དུ་སྔགས་ཕྲེང་ནི། །གཡུ་ཕྲེང་འཁོར་འདྲ་ཀྱི་ལི་ལི་འཁོར་བས། །ལས་ཀྱི་སྤྱན་གཟིགས་ཡབ་ཡུམ་ཐུགས་རྒྱུད་བསྐུལ། །སྐུ་ལས་འོད་ཟེར་ལྗང་གུ་སྤང་ཆེན་མདོག །ཕྱོགས་བཅུར་འཕྲོས་པས་ཁྲོ་བོ་ཁྲོ་མོ་དང་། །དཔའ་བོ་མཁའ་འགྲོ་ཆོས་སྐྱོང་ཐམས་ཅད་ལ། །ཤ་ལྔ་བདུད་རྩི་ལྔ་དང་ཤ་ཁྲག་རུས། །ཤ་ཆེན་བདུག་སྤོས་ཞུན་ཆེན་མར་མེ་སོགས། །དྲག་པོའི་

― KMC014_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པ་སྣ་ཚོགས་མཆོད་པས་མཉེས། །དེ་དག་ཀུན་གྱི་མཐུ་སྟོབས་ནུས་པ་རྣམས། །འོད་ཟེར་ལྗང་གུར་བསྡུས་ནས་མདུན་བསྐྱེད་ཐིམ། །དེ་ཉིད་སྔགས་ཕྲེང་ཚུལ་དུ་ཚུར་བྱོན་ནས། །བདག་ཐིམ་མཐུ་སྟོབས་ནུས་མཐུའི་དངོས་གྲུབ་ཐོབ། །སླར་ཡང་མདུན་བསྐྱེད་སྐུ་ལས་འོད་ལྗང་གུ། །རྩུབ་ཅིང་ཚ་ངར་ལྡན་པ་འཕྲོས་པ་ཡིས། །བདག་དང་བསྲུང་བྱ་ལ་གནོད་གདོན་བགེགས་རྣམས། །གཞོབ་ཐུལ་བསྲེགས་པས་བདུད་བཞི་ལས་རྒྱལ་བསམ། །དེ་ནི་སྲོད་ཐུན་ཕྱེད་ཡན་དམིགས་པ་སྟེ། །དེ་ནས་རང་གི་ཞལ་གྱི་སྔགས་ཕྲེང་དེ། །ཅུང་ཟད་ལྗང་ནག་ཐག་འཁྱུག་ལྟར་འཕྲོས་པས། །ལས་ཀྱི་མཁའ་འགྲོའི་ཞལ་ཞུགས་ཐུགས་རྒྱུད་བསྐུལ། །བྷ་ག་ནས་བྱོན་རང་གི་སྦྱོར་མཚམས་ནས། །ཐུགས་ཀར་ཐིམ་པས་དྲག་པོའི་དངོས་གྲུབ་ཐོབ། །སྔགས་ཕྲེང་ལྗང་ནག་དྲག་ཏུ་འཁོར་བ་དེས། །ལས་ཀྱི་མཁའ་འགྲོ་རང་དབང་མེད་པར་བསྐུལ། །ལས་ཀྱི་མཁའ་འགྲོའི་

― KMC014_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ལས་འོད་ལྗང་ནག །རྣམ་པ་མེ་རི་རེག་བྱ་ཅན་འཕྲོས་ནས། །བདག་དང་བསྲུང་བྱ་ལ་གནོད་ནད་གདོན་དགྲ། །ཐམས་ཅད་བྱ་སྒྲོ་མེ་ལ་བསྲེགས་ལྟར་བཅོམ། །དེ་ལྟར་སྔགས་རིང་བཻ་རོ་ཙ་ནཱིའི་མཇུག །ས་ནི་རི་ཧ་གནོད་བྱེད་སརྦ་ཤ་ཏྲུཾ་མཱ་ར་ཡ་ཧཱུྃ་ཕཊ། །ཅི་ལྕོགས་བཟླས་རྗེས་བྱང་གི་གཏོར་མ་བྲན། །གཏོར་བསྔོས་བྱེད་ཚེ་དམིགས་པའི་བསྒྱུར་ཁ་ནི། །བྷནྡྷ་རློན་པ་ལྕང་ལོ་དང་བཅས་པ། །ཡངས་ཤིང་རྒྱ་ཆེའི་ནང་དུ་གཏོར་མ་དེ། །ངོ་བོ་དགྲ་བགེགས་གནོད་བྱེད་ཤ་ཁྲག་ལ། །རྣམ་པ་ཐུགས་ཀྱི་བདུད་རྩི་སྔོ་ལྟེམ་མེ། །སྦྲེ་སྣུམ་ཤ་ཁྲག་རོ་ལྡན་དམིགས་ལ་འབུལ། །འདི་དག་རྣམས་ཀྱི་རྩ་བ་གང་ཞེ་ན། །ཛ་ལནྡྷ་རའི་ལྷ་དགུའི་རྒྱ་གཞུང་ལས། །དེ་ནས་རང་དང་གཞན་གྱི་དོན་བྱའི་ཕྱིར། །ཕྲིན་ལས་རྣམ་པ་བཞི་པོ་བསྒྲུབ་པའི་ཕྱིར། །ཕྲིན་ལས་གང་སྒྲུབ་ཀྱི་དམིགས་པ་སྤོ་སྟེ། །སྔགས་ཀྱི་ཤམ་བུ་བསྒྱུར་ལ་བཟླ་བར་བྱའོ། །ཞེས་གསུངས་ཐེ་

― KMC014_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོམ་སྤང་ལ་བསྒྲུབ་པར་བྱ། །གལ་ཏེ་ཟླ་གཅིག་ནང་སྒྲུབ་འདི་བྱེད་ན། །བདུན་གསུམ་ཙམ་ལ་གོང་གི་བསྙེན་བསྒྲུབ་བྱ། །ཞག་བདུན་ལས་བཞི་གོང་ལྟར་དུས་བཞིར་བྱ། །དེ་ནས་ཞག་གཅིག་སྔ་དྲོ་དགོང་ཞོགས་སོགས། །དུས་བཞིར་ལས་བཞིའི་སྦྱིན་སྲེག་བྱ་བ་ཡིན། །དེ་ནས་ཞག་གཅིག་དངོས་གྲུབ་ལེན་ཆོག་ཚུལ། །བུམ་བསྐྱེད་བཏོན་ལ་བདག་འཇུག་ལེན་པ་དང་། །དགའ་སྟོན་ཚོགས་འཁོར་རྗེས་ཆོག་རྫོགས་པར་བྱ། །གལ་ཏེ་ཞག་བདུན་སྒྲུབ་རྗེས་གསང་སྒྲུབ་དང་། །སྒྲོལ་ནས་བསྒྲུབ་ན་བདག་འཇུག་འདིར་མི་བྱ། །མཆོད་པ་ཁ་གསོ་གསང་སྒྲུབ་ཉིད་ལ་འཇུག །ཞག་བདུན་ཁོ་ན་ལས་ནི་མི་བསྒྲུབ་ནའང་། །སྒྲུབ་རྫས་རྣམས་ཀྱིས་བདག་འཇུག་ལེན་པ་དང་། །ཚོགས་འཁོར་རྗེས་ཆོག་རྣམས་ནི་གཞུང་ལྟར་ཏེ། །ཞི་བའི་སྦྱིན་སྲེག་གཅིག་ཙམ་གྲུབ་ན་ལེགས། །མ་འགྲུབ་ན་ཡང་ཆད་པའི་སྐྱོན་ནི་མེད། །དེ་ལྟར་ལྷ་དགུའི་ནང་སྒྲུབ་ཟིན་བྲིས་འདི། །མཐར་

― KMC014_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་ཐབས་མཁས་གཉིས་ཀྱིས་བསྐུལ་བ་དང་། །རིག་འཛིན་སྤྲུལ་སྐུའི་དགོངས་རྫོགས་ལ་དམིགས་ནས། །ལུག་ལོ་ས་ག་ཟླ་བའི་ཚེས་བདུན་གྱི། །སྔ་དྲོའི་ཆ་ལ་རཱ་ག་ཨ་སྱ་ཡིས། །རྒྱུད་དང་རྒྱ་གཞུང་བོད་གཞུང་ཞལ་གདམས་ཚོགས། །རང་གི་མྱོང་བ་དང་མཐུན་གསལ་བར་བཀོད། །འདི་ལ་འགལ་འཁྲུལ་ཉེས་པའི་ཆ་མཆིས་ན། །ལྷ་དགུའི་ལྷ་དང་སྲུང་མའི་ཚོགས་ལ་བཤགས། །འདི་བྲིས་དགེ་བའི་རྩ་བ་གང་མཆིས་དེས། །གཏེར་སྟོན་སྤྲུལ་སྐུའི་དགོངས་པ་རྫོགས་པ་དང་། །བདག་དང་བདག་ལ་འབྲེལ་ཐོགས་འགྲོ་བ་ཀུན། །ནམ་ཞིག་འདི་ནས་ཚེ་འཕོས་གྱུར་མ་ཐག །སྐྱེ་བ་གཞན་གྱིས་བར་མ་ཆོད་པ་རུ། །བདེ་བ་ཅན་གྱི་ཞིང་དུ་རྫུས་སྐྱེས་ནས། །སྤྱན་རས་གཟིགས་དང་ནམ་ཡང་འབྲལ་མེད་ཤོག །ཡི་གེ་པ་ནི་བྷ་ཏ་ཧོར་གྱི་རིགས། །དགེ་བཤེས་པདྨ་མཐར་ཕྱིན་ཞེས་བྱས་བྲིས།། །།སརྦ་མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་

― KMC014_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་གསང་སྒྲུབ་ཟིན་བྲིས།

― KMC014_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་གསང་སྒྲུབ་ཀྱི་ཟིན་བྲིས་བཞུགས་སོ། །

― KMC014_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭཱ་ར་པཉྩ་ཡེ། །རིགས་ལྔའི་སྤྱན་རས་གཟིགས་དབང་ཡབ་ཡུམ་ལ། །གུས་པས་ཕྱག་འཚལ་བཀའ་གནང་བྱིན་གྱིས་རློབས། །འདི་ཡི་གསང་སྒྲུབ་སྟ་གོན་ཚར་བའི་རྗེས། །བདག་མདུན་མངོན་རྟོགས་རེག་བྱ་རྡོ་རྗེའི་མཚམས། །བདག་མདུན་ལུས་ལྷའང་མོས་པ་ཙམ་ཞིག་བསྒོམ། །བདག་མདུན་ཚར་རྗེས་བསྙེན་པའི་སྐབས་དེ་རུ། །བསྙེན་པ་བྱ་ཞིང་དམིགས་པས་གསལ་བཏབ་སྟེ། །བདག་དང་མདུན་བསྐྱེད་གཙོ་བོ་ཡབ་ཀྱི་སྐུ། །ཕྱི་ནི་དར་དམར་གུར་

― KMC014_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུབ་ལྟ་བུ་ལ། །ནང་ནི་སྟོང་པ་ཕྲུ་མ་ཕུས་བཏབ་བཞིན། །དེ་དབུས་དབུ་མ་ཁང་སྟོང་ཀ་བ་ལྟར། །ཡར་སྣེ་སྦྱི་བོ་མར་སྣེ་གསང་གནས་ཟུག །ཡར་སྣེ་ཧཾ་དཀར་མགོ་བོ་ཐུར་བསྟན་དང་། །མར་སྣེ་ཨ་དམར་ལྕགས་སྲེག་མདོག་གིས་མཚན། །དབུ་མ་མཐིང་གསལ་དྲང་ཞིང་སྟོང་སང་ངེ་། །གཡོན་གཡས་རྐྱང་མ་དཀར་དང་རོ་མ་དམར། །ཡར་སྣེ་ཚངས་བུག་མར་སྣེ་ལྟེ་འོག་ཟུག །འཁོར་ལོ་ལྔ་ཡི་རྩ་འདབ་གདུགས་རྩིབས་ལྟར། །སྦྱི་བོའི་རྩ་འདབ་སུམ་བཅུ་སོ་གཉིས་

― KMC014_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར། །མགྲིན་པའི་རྩ་འདབ་བཅུ་དྲུག་དམར་པོ་སྟེ། །སྙིང་ཀའི་རྩ་འདབ་བརྒྱད་པོ་མཐིང་ཀའོ། །ལྟེ་བའི་དྲུག་ཅུ་རྩ་བཞི་སེར་པོ་སྟེ། །གསང་གནས་སོ་གཉིས་སམ་ནི་ཉེར་བརྒྱད་ལྗང་། །བདག་མདུན་དབུ་མའི་ནང་གི་རྩ་འཁོར་དབུས། །སྦྱི་བོར་གཏི་མུག་ངོ་བོ་ༀ་དཀར་པོ། །མགྲིན་པར་འདོད་ཆགས་ངོ་བོ་ཧྲཱིཿདམར་པོ། །སྙིང་གར་ཞེ་སྡང་ངོ་བོ་ཧཱུྃ་མཐིང་ཁ། །ལྟེ་བར་ང་རྒྱལ་ངོ་བོ་ཏྲཱཾ་སེར་པོ། །གསང་བར་ཕྲག་དོག་ངོ་བོ་ཨཱཿལྗང་ཀུ། །དེ་དག་རྣམས་ལས་འོད་ཟེར་ཕྱོགས་བཅུར་འཕྲོས། །བདག་དང་འགྲོ་བ་སེམས་ཅན་ཐམས་ཅད་ཀྱིས། །དུག་ལྔའི་སྒོ་ནས་བསགས་པའི་སྡིག་སྒྲིབ་དང་། །ལམ་རྒྱུད་ལྔ་རུ་སྐྱེས་པའི་ས་བོན་རྣམས། །འོད་ཀྱིས་བསྡུས་ནས་ཡིག་འབྲུ་བཅུ་ལ་ཐིམ། །བར་རླུང་གསུས་པ་ཐེར་ཙམ་བྱས་པ་ཡིས། །དབུ་མའི་མར་སྣ་ཨ་ཡིག་དམར་པོ་ལས། །གཏུམ་མོ་ཡེ་ཤེས་མེ་ལྕེ་ནར་གྱིས་འབར། །ཡིག་འབྲུ་བཅུ་བསྲེག་དུག་ལྔ་སྦྱངས་པའི་

― KMC014_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས། །རིགས་ལྔའི་སྤྱན་རས་གཟིགས་ཀྱི་སྐུར་གྱུར་ཏེ། །སྦྱི་བོར་རྣམ་སྣང་སྤྱན་གཟིགས་ཡབ་ཡུམ་དཀར། །མགྲིན་པར་པདྨ་སྤྱན་གཟིགས་ཡབ་ཡུམ་དམར། །ཐུགས་ཀར་རྡོ་རྗེ་སྤྱན་གཟིགས་ཡབ་ཡུམ་མཐིང་། །ལྟེ་བར་རིན་ཆེན་སྤྱན་གཟིགས་ཡབ་ཡུམ་སེར། །གསང་བར་ཀརྨ་སྤྱན་གཟིགས་ཡབ་ཡུམ་ལྗང་། །ཀུན་ཀྱང་ཞལ་གཅིག་ཕྱག་བཞི་གཞུང་ལྟར་ལས། །པདྨ་ཟླ་བའི་གདན་ལ་སྐྱིལ་ཀྲུང་བཞུགས། །ཡབ་ཡུམ་རིགས་ལྔ་སོ་སོས་དབུ་བརྒྱན་བསམ། །རྩ་འདབ་གྲངས་མཉམ་ཌཱ་ཀི་ཐམས་ཅད་ནི། །རུས་པའི་རྒྱན་ལྡན་གར་སྟབས་ཟླ་སྟེང་བཞུགས། །སྦྱི་བོར་སོ་གཉིས་འཁོར་ལོ་གྲི་ཐོད་དཀར། །མགྲིན་པར་བཅུ་དྲུག་པདྨ་གྲི་ཐོད་དམར། །སྙིང་གར་རྡོ་རྗེ་གྲི་ཐོད་འཛིན་བརྒྱད་མཐིང་། །ལྟེ་བར་རེ་བཞི་རིན་ཆེན་གྲི་ཐོད་སེར། །གསང་བར་སོ་གཉིས་རྒྱ་གྲམ་གྲི་ཐོད་ལྗང་། །འཁོར་རྣམས་ཐུགས་ཀར་ཟླ་སྟེང་ས་བོན་ཧྲཱིཿ། །སྦྱི་བོའི་ཐུགས་

― KMC014_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ཀར་ཧྲཱིཿཡིག་དཀར་པོ་རེ། །གཞན་རྣམས་ཧ་རི་ནི་སའི་ཡིག་འབྲུ་རེ། །གཙོ་བོ་ལྔ་ཡི་ཐུགས་ཀར་པད་ཉིའི་སྟེང་། །ཧྲཱིཿཡིག་རང་མདོག་ཡིག་བཅུ་གཡས་སུ་འཁོར། །ཡུམ་ལྔའི་ཐུགས་ཀར་ཆོས་འབྱུང་རྐྱང་པའི་སྟེང་། །ཧྲཱིཿཡིག་མཐའ་མར་ཡུམ་སྔགས་གཡོན་དུ་འཁོར། །དེ་རྣམས་གསལ་བཏབ་བཟླས་པ་བསྙེན་པའོ། །དེ་ནས་ཐུགས་ཀའི་ཡབ་ཡུམ་སྔགས་འཁོར་ལས། །འོད་ཟེར་བྱུང་བ་ཡབ་ཡུམ་ཞལ་ནས་ཐོན། །མགྲིན་པའི་ཡབ་ཡུམ་སྦྱོར་མཚམས་ནས་ཞུགས་ཏེ། །ཐུགས་ཀའི་སྔགས་ཕྲེང་བརྒྱུད་ཅིང་ཞལ་ནས་ཐོན། །སྦྱི་བོའི་ཡབ་ཡུམ་སྦྱོར་མཚམས་ནས་ཞུགས་ཏེ། །ཐུགས་ཀའི་སྔགས་ཕྲེང་བརྒྱུད་དེ་ཞལ་ནས་ཐོན། །མར་བྱུང་རང་གི་ཞལ་ནས་ཕྱིར་ཐོན་པ། །ཁ་དོག་ལྔ་ལྡན་ཏོང་སྐུད་ཆུན་པོ་བཞིན། །མདུན་བསྐྱེད་ཞལ་ཞུགས་ཡར་སོང་སྦྱི་བོ་ཡི། །ཡབ་ཡུམ་ཞལ་ཞུགས་སྐུ་ཡི་དབྱིབས་བརྒྱུད་ནས། །སྦྱོར་མཚམས་ནས་ཐོན་མགྲིན་པའི་ཞལ་དུ་ཞུགས། །སྐུ་

― KMC014_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་སྦྱོར་མཚམས་ནས་ཐོན་ཐུགས་ཀ་ཡི། །ཡབ་ཡུམ་ཞལ་ཞུགས་སྔགས་ཕྲེང་དྲག་ཏུ་འཁོར། །སྦྱོར་མཚམས་ནས་ཐོན་ལྟེ་བའི་ཡབ་ཡུམ་གྱི། །ཞལ་ཞུགས་སྐུ་ལུས་བརྒྱུད་ཅིང་སྦྱོར་མཚམས་ཐོན། །གསང་གནས་ཡབ་ཡུམ་ཞལ་ཞུགས་སྐུ་ལུས་བརྒྱུད། །སྦྱོར་མཚམས་ནས་ཐོན་མདུན་བསྐྱེད་སྦྱོར་མཚམས་ནས། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །བདག་བསྐྱེད་གསང་གནས་ཡབ་ཡུམ་སྦྱོར་མཚམས་ཞུགས། །སྐུ་ཡི་དབྱིབས་བརྒྱུད་ཡབ་ཡུམ་ཞལ་ནས་ཐོན། །ལྟེ་བའི་ཡབ་ཡུམ་སྦྱོར་མཚམས་ནས་ཞུགས་ཏེ། །སྐུ་ལུས་བརྒྱུད་དེ་ཡབ་ཡུམ་ཞལ་ནས་ཐོན། །ཐུགས་ཀའི་ཡབ་ཡུམ་སྦྱོར་མཚམས་ནས་ཞུགས་ནས། །ཐུགས་ཀའི་སྔགས་འཁོར་ས་བོན་ལ་ཐིམ་པས། །སྐུ་ལྔ་ཡེ་ཤེས་ལྔ་ཡི་དངོས་གྲུབ་ཐོབ། །དེ་ལྟར་འོད་ཟེར་ཁ་དོག་ལྔ་ལྡན་པ། །དཔེར་ན་ཏོང་སྐུད་ཆུན་བོ་བསྐོར་བ་བཞིན། །བདག་མདུན་བར་དུ་ཀྱི་ལི་ལི་འཁོར་

― KMC014_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །བདག་མདུན་ཡབ་ཡུམ་སྔགས་ཕྲེང་ཉི་ཤུ་པོ། །ཡབ་བཅུ་གཡས་འཁོར་ཡུམ་བཅུ་གཡོན་དུ་འཁོར། །དེ་ཡང་ཇེ་མགྱོགས་དྲག་ཏུ་འཁོར་བ་ཡིས། །མདུན་བསྐྱེད་ཡབ་ཡུམ་བཅུ་ཡི་སྔགས་ཕྲེང་ལས། །འོད་ཟེར་སྣ་ཚོགས་ནམ་མཁའ་ཁྱབ་པར་འཕྲོས། །མཁའ་ཁྱབ་འགྲོ་བ་མ་ལུས་ཐམས་ཅད་ཀྱིས། །དུག་ལྔའི་སྒོ་ནས་བསགས་པའི་སྡིག་སྒྲིབ་དག །མཆོག་གི་ཡོན་ཏན་མ་ལུས་ཐོབ་པར་གྱུར། །སླར་ཡང་འོད་ཟེར་ཕྱོགས་བཅུའི་ཞིང་ཁྱབ་པས། །རིགས་ལྔའི་རྒྱལ་བ་སྲས་བཅས་ཐམས་ཅད་མཆོད། །སྐུ་ལྔ་ཡེ་ཤེས་ལྔ་ཡི་དངོས་གྲུབ་བཅུ། །འོད་ལྔའི་རྣམ་པར་བསྡུས་ཏེ་མདུན་བསྐྱེད་ཐིམ། །དེ་ཉིད་སྔགས་ཕྲེང་དེ་དང་དབྱེར་མེད་དུ། །ཚུར་བྱོན་རང་ལ་ཐིམ་པས་དངོས་གྲུབ་ཐོབ། །དེ་ལྟར་བསྒོམ་ཞིང་བཟླས་པ་ཉེ་བསྙེན་ཡིན། །དེ་དག་ཚེ་ནི་གཞུང་གི་སྔགས་རིང་བཟླས། །དེ་ནས་འོད་ཟེར་དེ་ཉིད་སྔགས་ཕྲེང་གྱུར། །བདག་མདུན་བར་དུ་སྔར་ལྟར་

― KMC014_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བ་ལས། །བདག་མདུན་བར་དུ་སྔགས་ཕྲེང་དེ་ཉིད་ལས། །འོད་ཟེར་སྣ་ཚོགས་ནམ་མཁའ་ཁྱབ་པར་འཕྲོས། །ཕྱོགས་བཅུ་དུས་གསུམ་བཞུགས་པའི་བླ་མ་དང་། །སངས་རྒྱས་བྱང་སེམས་ཡི་དམ་མཁའ་འགྲོའི་ཚོགས། །ཐམས་ཅད་འོད་དེས་མཆོད་པས་ཐུགས་མཉེས་ནས། །དེ་དག་རྣམས་ཀྱི་སྐུ་གསུམ་ཐུགས་རྣམས་ལས། །ཐུགས་རྗེ་ཆེན་བོ་ཡབ་ཡུམ་སྐུ་ཆེ་ཕྲ། །ཆེ་བ་རི་རབ་ཙམ་དང་ཆུང་བ་ནི། །ཡུངས་འབྲུའི་ཚད་ཙམ་གསུང་ལས་སྔགས་ཀྱི་ཕྲེང་། །ཨཱ་ལི་དམར་པོ་ཀཱ་ལི་དཀར་པོའི་ཕྲེང་། །ཐུགས་ནི་ཕྱག་མཚན་རྡོ་རྗེ་འཁོར་ལོ་དང་། །རིན་ཆེན་པདྨ་རྒྱ་གྲམ་ཧྲཱིཿས་མཚན་པ། །ཆེ་ཕྲ་སྣ་ཚོགས་ཁ་བ་བུ་ཡུག་བཞིན། །སིལ་སིལ་ཆིལ་ཆིལ་ལྷུག་ལྷུག་བབས་གྱུར་ཏེ། །མཚོ་ལ་ཆར་བཞིན་བདག་མདུན་རྣམས་ལ་ཐིམ། །སངས་རྒྱས་ཀུན་གྱི་སྐུ་གསུང་ཐུགས་དང་ནི། །ཡོན་ཏན་ཕྲིན་ལས་དངོས་གྲུབ་ཐོབ་པར་བསྒོམ། །དེ་ནི་སྒྲུབ་

― KMC014_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དམིགས་པ་གཙོ་བོ་ཡིན། །དེ་ནས་སྔགས་ཕྲེང་སྔར་ལྟར་འཁོར་བཞིན་ལས། །མདུན་བསྐྱེད་སྦྱི་བོའི་སྔགས་ཕྲེང་དམིགས་པ་གཏད། །དེ་ལས་འོད་ཟེར་དཀར་པོ་ཕྱོགས་བཅུར་འཕྲོས། །སེམས་ཅན་ཀུན་གྱི་གཏི་མུག་སྒྲིབ་པ་སྦྱངས། །ཀུན་ཀྱང་བདེར་གཤེགས་རིགས་ཀྱི་སྤྱན་རས་གཟིགས། །ཡབ་ཡུམ་སྐུ་མདོག་དཀར་པོ་ཤ་སྟག་གྱུར། །དེ་བཞིན་མདུན་བསྐྱེད་མགྲིན་པའི་ཡབ་ཡུམ་གྱི། །སྔགས་ཕྲེང་དྲག་འཁོར་འོད་ཟེར་དམར་པོ་འཕྲོས། །འགྲོ་བ་ཀུན་གྱི་འདོད་ཆགས་སྒྲིབ་པ་སྦྱངས། །ཀུན་ཀྱང་པདྨ་རིགས་ཀྱི་སྤྱན་རས་གཟིགས། །ཡབ་ཡུམ་སྐུ་མདོག་དམར་པོ་ཤ་སྟག་གྱུར། །དེ་བཞིན་མདུན་བསྐྱེད་ཐུགས་ཀའི་ཡབ་ཡུམ་གྱི། །སྔགས་ཕྲེང་དྲག་འཁོར་འོད་ཟེར་མཐིང་ག་འཕྲོས། །འགྲོ་བ་ཀུན་གྱི་ཞེ་སྡང་སྒྲིབ་པ་སྦྱངས། །ཐམས་ཅད་རྡོ་རྗེ་རིགས་ཀྱི་སྤྱན་གཟིགས། །ཡབ་ཡུམ་སྐུ་མདོག་མཐིང་ག་ཤ་སྟག་གྱུར། །དེ་ནས་མདུན་བསྐྱེད་ལྟེ་བའི་ཡབ་ཡུམ་

― KMC014_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས། །སྔགས་ཕྲེང་དྲག་འཁོར་འོད་ཟེར་གསེར་མདོག་འཕྲོས། །འགྲོ་བ་ཀུན་གྱི་ང་རྒྱལ་སྒྲིབ་པ་སྦྱངས། །ཐམས་ཅད་རིན་ཆེན་རིགས་ཀྱི་སྤྱན་རས་གཟིགས། །ཡབ་ཡུམ་གསེར་མདོག་ཤ་སྟག་སྐུ་རུ་གྱུར། །ཡང་ནི་མདུན་བསྐྱེད་གསང་གནས་ཡབ་ཡུམ་གྱི། །སྔགས་ཕྲེང་དྲག་འཁོར་འོད་ཟེར་ལྗང་གུ་འཕྲོས། །འགྲོ་བ་ཀུན་གྱི་ཕྲག་དོག་སྒྲིབ་པ་སྦྱངས། །ཐམས་ཅད་ལས་ཀྱི་རིགས་ཀྱི་སྤྱན་རས་གཟིགས། །ཀུན་ཀྱང་ཡབ་ཡུམ་ལྗང་གུའི་སྐུ་རུ་གྱུར། །དེ་ལྟར་འགྲོ་བ་སེམས་ཅན་ཐམས་ཅད་ཀྱང་། །སོ་སོའི་དུག་ལྔ་གང་ཆེ་དེ་སྦྱངས་ནས། །སྦྱངས་འབྲས་རིགས་ལྔ་སོ་སོའི་སྤྱན་རས་གཟིགས། །དམྱལ་བ་རྡོ་རྗེ་ཡི་དྭགས་པདྨའི་རིགས། །དུད་འགྲོ་བདེ་གཤེགས་ལྷ་མིན་ལས་ཀྱི་རིགས། །ལྷ་མི་རིན་ཆེན་རིགས་ཀྱི་སྤྱན་རས་གཟིགས། །དེ་ལྟར་རིགས་དྲུག་འཁོར་བ་དོང་སྤྲུག་ནས། །ཀུན་ཀྱང་རང་གི་རམ་བུ་བཀྱག་པའི་ཚུལ། །སྔགས་སྒྲ་འུར་

― KMC014_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོམ་འབྲུག་སྟོང་དུས་གཅིག་བཞིན། །ནམ་མཁའི་མཐར་ཐུགས་སྔགས་ཀྱི་སྒྲས་ཁྱབ་པས། །འགྲོ་བ་རིགས་དྲུག་ལུས་ཀྱང་མ་བླངས་བའི། །ནམ་མཁའ་གང་བའི་རྣམ་ཤེས་འཁྱམ་པོའི་ཚོགས། །དེ་དག་ཀུན་གྱི་སྒྲིབ་གཉིས་བག་ཆགས་དག །ཀུན་ཀྱང་འཕགས་པའི་གོ་འཕང་ཐོབ་པར་བསྒོམ། །དེ་ནི་སྒྲུབ་པ་ཆེན་པོའི་དམིགས་པ་ཡིན། །སྔགས་རིང་ཧ་རི་ནི་སའི་མཇུག་དེ་རུ། །རི་ནི་ཧ་ས་ནི་རི་ས་ཧ་ས་ནི་རི་ཧ་ཧཱུྃ་ཕཊ་སྭཱ་ཧཱ་སྦྱར་བཟླས་རྟགས་མྱུར་ཟབ། །དམིགས་པ་དེ་རྣམས་ཐུན་རེར་རྫོགས་པར་བྱ། །ཐུན་མགོར་བདག་མདུན་ཚར་རེ་འདོན་པ་དང་། །ཐུན་མཇུག་གཏོར་བསྔོས་ཐུན་བསྡུ་བསྔོ་སྨོན་བྱ། །དེ་ལྟར་ཞག་པོ་དྲུག་ལས་མི་ཉུང་བསྒྲུབ། །ཞག་བདུན་ཉིན་པར་སྔ་དྲོའི་ཐུན་ལ་ནི། །གོང་ལྟར་བདག་མདུན་སྔགས་ཕྲེང་འཁོར་བ་ཡི། །མདུན་བསྐྱེད་སྤྱི་བོའི་སྔགས་འཁོར་དྲག་འཁོར་བས། །ཐུགས་རྒྱུད་བསྐུལ་ནས་སྦྱི་བོའི་གཙོ་འཁོར་ནི། །ཀུན་ལས་འོད་

― KMC014_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་དཀར་པོ་ཟླ་བའི་མདོག །ཤི་སོས་བདུད་རྩི་ལྟ་བུ་ཕྱོགས་བཅུར་འཕྲོས། །འགྲོ་བའི་སྒྲིབ་གཉིས་མུན་ལ་ཟླ་ལྟར་བསལ། །འོད་ཟེར་བདག་དང་བསྲུང་བྱ་ལ་ཐིམ་པས། །ནད་གདོན་སྡིག་སྒྲིབ་ཐམས་ཅད་ཞི་བར་བསྒོམ། །སྔགས་རིང་ཧ་རི་ནི་སའི་མཇུག་དེ་རུ། །ནད་གདོན་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། །རང་ལ་གདོན་དང་ནད་ཀྱིས་གནོད་གྱུར་ན། །སརྦ་ཛྭ་ར་ནི་ཏྲ་ཧཱུྃ་ཕཊ་སྭཱ་ཧཱ་སྦྱར། །ཅི་ནུས་བཟླས་རྗེས་གཏོར་བསྔོས་ཐུན་བསྡུ་བྱ། །སླར་ཡང་བདག་མདུན་བཏང་རྗེས་དམིགས་པ་ནི། །བདག་མདུན་བར་དུ་སྔགས་ཕྲེང་འཁོར་བ་དེས། །མདུན་བསྐྱེད་ལྟེ་བའི་ལྷ་ཚོགས་ཐུགས་རྒྱུད་བསྐུལ། །འོད་ཟེར་གསེར་མདོག་ནམ་མཁའ་ཁྱབ་པར་འཕྲོས། །འགྲོ་བའི་བསོད་ནམས་ཡེ་ཤེས་ཡོན་ཏན་ཚོགས། །པདྨོར་ཉི་ཟེར་ཕོག་ལྟར་རྒྱས་པར་བྱས། །འོད་ཟེར་ཚུར་འདུས་བདག་དང་བསྲུང་བྱར་ཐིམ། །ཚེ་དང་བསོད་ནམས་ཡེ་ཤེས་ཡོན་ཏན་

― KMC014_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས། །པདྨོ་ཆུ་ཡིས་བྲན་ལྟར་བཀྲག་མདངས་རྒྱས། །སྔགས་རིང་བཻ་རོ་ཙ་ནཱ་ཡེ་ཡི་མཇུག །རི་ནི་ཧ་ས་མ་མ་ཨཱ་ཡུཿཔུཎྱེ་ཛྙཱ་ན་པུཥྚིཾ་ཀུ་རུ་སྭཱ་ཧཱ། །ཅི་ནུས་བཟླས་རྗེས་གཏོར་བསྡོས་ཐུན་བསྡུ་བྱ། །ཕྱེད་ཡོལ་ནས་བཟུང་བདག་མདུན་ཚར་གཅིག་རྗེས། །བདག་མདུན་བར་དུ་སྔགས་ཕྲེང་སྔར་ལྟར་འཁོར། །མདུན་བསྐྱེད་ཐུགས་ཀའི་ལྷ་ཚོགས་ཐུགས་རྒྱུད་བསྐུལ། །སྔགས་ཕྲེང་དྲག་འཁོར་འོད་ཟེར་བཻཌཱུའི་མདོག །ཕྱོགས་བཅུ་ནམ་མཁའ་ཁྱབ་པར་འཕྲོས་པ་ཡིས། །རྒྱལ་བ་སྲས་བཅས་དཔའ་བོ་མཁའ་འགྲོ་ཡི། །མཆོག་གི་དངོས་གྲུབ་ཉམས་རྟོགས་ཡོན་ཏན་ཀུན། །འོད་ཟེར་མཐིང་གར་བསྡུས་ཏེ་བདག་ཉིད་ཀྱི། །སྙིང་གར་ཐིམ་པས་ཉམས་རྟོགས་མཆོག་ཐོབ་བསྒོམ། །སྔགས་རིང་ཧ་རི་ནི་སའི་མཇུག་དེ་རུ། །ཨཱ་ཝེ་ཤ་ཡ་ཨཱ་ཝེ་ཤ་ཡ་ཨཱཿཨཱཿ། །ཞེས་པ་བཏགས་ལ་ཅི་ལྕོགས་བཟླས་པ་བྱ། གཏོར་བསྔོས་ཐུན་བསྡུ་བྱས་རྗེས་བདག་མདུན་འདོན། །བདག་

― KMC014_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་བར་གྱི་སྔགས་ཕྲེང་སྔར་ལྟར་འཁོར། །དགོང་ཀ་ནས་བཟུང་མུན་རུབ་བར་དུ་སྟེ། །མདུན་བསྐྱེད་མགྲིན་པའི་ལྷ་ཚོགས་ཐུགས་རྒྱུད་བསྐུལ། །སྐུ་ལས་འོད་ཟེར་ཉི་མ་འཆར་ཀའི་འོད། །ཕྱོགས་བཅུར་འཕྲོས་པས་འོད་དེས་རེག་ཙམ་གྱིས། །འགྲོ་ཀུན་སོ་སོའི་རླུང་སེམས་སྣང་བ་ཐོབ། །འོད་ཟེར་ཚུར་འདུས་པདྨ་རཱ་གའི་མདོག །རང་ལ་ཐིམ་པས་སྣང་སྲིད་འཁོར་འདས་ཀུན། །དབང་སྡུད་ཟིལ་གནོན་དངོས་གྲུབ་ཐོབ་པར་བསྒོམ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །ནི་རི་ས་ཧ་བ་སུ་ན་ན་ཁེ་དྷ་སརྦ་སིདྡྷི་བ་ཤང་ཀུ་རུ་སྭཱ་ཧཱ། །ཅི་ནུས་བཟླས་རྗེས་གཏོར་བསྔོས་ཐུན་བསྡུ་བྱ། །ཐུན་མཚམས་རྣམས་སུ་ཆགས་མེད་རིགས་རྣམས་བྱ། །མུན་རུབ་བདག་མདུན་ཚར་གཅིག་བཏང་བའི་རྗེས། །བདག་མདུན་བར་དུ་སྔགས་ཕྲེང་སྔར་ལྟར་འཁོར། །སྔགས་ཕྲེང་དྲག་འཁོར་གསང་གནས་ལྷ་ཚོགས་ཀྱི། །སྐུ་ལས་འོད་ཟེར་ལྗང་ནག་ཕྱོགས་

― KMC014_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུར་འཕྲོས། །འོད་ཀྱི་ཟེར་མ་མཚོན་ཆའི་དབྱིབས་འདྲ་བ། །ཚ་ཞིང་རྩུབ་བའི་རེག་བྱ་དང་ལྡན་པ། འགྲོ་བ་ཀུན་གྱི་བདུད་དང་ཐར་པའི་གེགས། །བ་མོར་ཉི་ཟེར་ཕོག་བཞིན་ཚར་བཅད་ནས། །འོད་ཟེར་ཚུར་འདུས་བདེ་བའི་རེག་བྱར་བཅས། །བདག་དང་བསྲུང་བྱ་རྣམས་ལ་ཐིམ་པ་ཡིས། །ནད་གདོན་བར་ཆད་ཐམས་ཅད་ཚར་བཅད་བསམ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །ས་ནི་རི་ཧ་གནོད་བྱེད་སརྦ་ཤ་ཏྲུཾ་མཱ་ཱར་ཡ་ཧཱུྃ་ཕཊ། །ཅི་ནུས་བཟླས་རྗེས་གཏོར་བསྔོས་ཐུན་བསྔུ་ཉལ། །ཕྱིར་ནང་བདག་མདུན་ཚར་གཅིག་བདག་འཇུག་བླང། །དགའ་སྟོན་ཚོགས་འཁོར་རྗེས་ཆོག་གཞུང་ལྟར་རོ། །དེ་ལྟ་ཞག་བདུན་གསང་སྒྲུབ་ཚང་བ་ཡིན། །གལ་ཏེ་གསང་སྒྲུབ་ཟླ་གཅིག་བྱེད་འདོད་ན། །བདུན་གསུམ་སྒྲུབ་པ་བདུན་གཅིག་ལས་སྦྱོར་དང། །ཞག་གཅིག་དུས་བཞིར་ལས་བཞིའི་སྦྱིན་སྲེག་བྱ། །དེ་རྗེས་ཞག་གཅིག་བདག་འཇུག་རྗེས་ཆོག་ཡིན། །

― KMC014_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

གལ་ཏེ་གསང་སྒྲུབ་དྲིལ་སྒྲུབ་སྦྲེལ་འདོད་ན། །བདག་འཇུག་མི་བྱ་མཆོད་པ་ཁ་གསོ་ལ། །དེ་ནས་དྲིལ་སྒྲུབ་གཞུང་ལྟར་བྱེད་པས་འཐུས། །ལྷ་དགུའི་མན་ངག་པཀྴིའི་སྙན་བརྒྱུད་ནི། །གཉན་རས་སང་གྷ་ལཀྴས་གསུངས་པ་བཞིན། །རང་བྱུང་རྡོ་རྗེས་ཡི་གེར་བཀོད་པ་ལས། །འདི་ནི་ཤིན་ཏུ་གསང་ཤིང་སྦ་གསུངས་ལྟར། །གསང་སྒྲུབ་ཡང་གསང་སྒྲུབ་པའི་རྩ་བ་ཡིན། །བསྐྱེད་རྫོགས་གཉིས་ཀའི་དོན་ཡང་འདིར་འདུས་ཏེ། །འདིར་ནི་བསྐྱེད་རིམ་གཙོ་བོར་བྱས་པ་ཡིན། །གཞན་ཡང་རང་བྱུང་རྒྱལ་བས་མཛད་པ་ཡི། །ལྷ་དགུ་ཚིགས་བཅད་མ་ཡི་གཞུང་ལས་ཀྱང། །མདུན་དུ་ཡང་དེ་ལྟར་ལེགས་བསྐྱེད་ནས། །དེ་ལྟར་རང་རང་ཐུགས་ཀར་ནི། །པདྨའི་སྟེང་དུ་ཡི་གེ་ཧྲཱིཿ། །སྙིང་པོར་བཅས་པ་དགོད་པར་བྱ། །ༀ་ཨཱཿ ཧཱུྃ་ཧྲཱིཿༀམ་ཎི་པདྨེ་ཧཱུྃ། ༀ་བཛྲ་ཝཱ་རཱ་ཧཱི། སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞ་ནཱི་ཡེ། བཛྲ་བཻ་རོ་ཙ་ནཱི་ཡེ་སྭཱ་ཧཱ། ཧ་རི་ནི་ས། གསང་སྔགས་

― KMC014_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་སྤྲོ་བསྡུ་ཡིས། །ཡེ་ཤེས་སྤྱན་དྲངས་ལེགས་པར་མཆོད། །དབང་བསྐུར་རྒྱས་གདབ་དབུ་ཡང་བརྒྱན། །མཁའ་ཁྱབ་འགྲོ་བ་མ་ལུས་ཀུན། །མཆོག་གི་ཡོན་ཏན་ཐོབ་པར་བསམ། །འདི་ལ་སྤྲོ་བསྡུའི་བཟླས་པའམ། །རྡོ་རྗེའི་བཟླས་པ་གང་རུང་གིས། ། མདུན་བསྐྱེད་དེ་ལ་ལེགས་བསྟིམས་ནས། །ཞེས་གསུངས་དེ་བཞིན་ཞལ་གདམས་ཡི་གེ་ལས། །རྩ་གསུམ་དང་འཁོར་ལོ་ལྔ་གསལ་གདབ། ཅེས་སོགས་རྒྱ་ཆེར་གསུངས་པའི་དོན་ཡིན་ནོ། །འདིར་ནི་ལུང་འདྲེན་སྤངས་ཏེ་གོ་བདེ་བར། །ཐབས་མཁས་མཐར་ཕྱིན་གཉིས་ཀྱིས་བསྐུལ་བའི་ཕྱི། །སྤྲུལ་སྐུ་གཤེགས་པའི་དགོངས་རྫོགས་ལ་དམིགས་ཏེ། །ལུག་ལོ་ས་ག་ཟླ་བའི་ཚེས་དགུ་ཡི། །སྔ་དྲོའི་ཆ་ལ་རཱ་ག་ཨ་སྱ་ཡིས། །ཇི་ལྟར་སྨྲས་བཞིན་མཐར་ཕྱིན་ཞེས་བྱས་བྲིས། །འདི་ལ་འགལ་འཁྲུལ་ཉེས་པའི་ཆ་མཆིས་ན། །ལྷ་དགུའི་ལྷ་ཚོགས་སྲུང་མར་བཅས་ལ་བཤགས་། །འདི་བྲིས་རབ་དཀར་དགེ་བ་

― KMC014_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

གང་མཆིས་དེས། །སྤྲུལ་སྐུ་ཆེན་པོའི་དགོངས་པ་རྫོགས་པ་དང། །འདི་ཉིད་མཐོང་ཐོས་འབྲེལ་ཐོགས་འགྲོ་བ་ཀུན། །ཚེ་གཅིག་ཐུགས་རྗེ་ཆེན་པོའི་སྐུ་འགྲུབ་ཤོག །མངྒལཾ། དགེའོ། དགེའོ། དགེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་དྲིལ་སྒྲུབ་ཀྱི་ཟིན་བྲིས།

― KMC014_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་དྲིལ་སྒྲུབ་ཀྱི་ཟིན་བྲིས་བཞུགས་སོ། །

― KMC014_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ལོ་ཀེ་ཤྭཱ་ར་པཉྩ་ཡེ། །འཇིག་རྟེན་དབང་ཕྱུག་ལྷ་དགུའི་ཞབས་ལ་འདུད། །དགོངས་པ་འགྲོལ་ཞིང་བྱིན་རླབས་དངོས་གྲུབ་སྩོལ། །ལྷ་དགུ་དྲིལ་ཏེ་སྒྲུབ་པའི་གདམས་པ་ནི། སྔོན་དུ་ཕྱི་ནང་གསང་གསུམ་སྒྲུབ་ཐོན་ལེགས། །མ་ཐོན་ན་ཡང་འདི་ལ་གསུམ་ཀ་ཚང་། །བཙན་ཐབས་མྱུར་དུ་འགྲུབ་ཕྱིིར་རླུང་སྒྲུབ་ཟེར། །སྟ་གོན་ཚར་རྗེས་བདག་མདུན་ཚར་གཅིག་འདོན། །དེ་ནས་བདག་མདུན་ཐུགས་ཀར་པདྨའི་སྟེང་། །ཡབ་ཀྱི་ཐུགས་ཀར་ཧྲཱིཿམཐར་ཡིག་

― KMC014_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུས་བསྐོར། །ཡུམ་ཐུགས་ཆོས་འབྱུང་ཧྲཱིཿམཐར་ཡུམ་སྔགས་བསྐོར། །བདག་བསྐྱེད་ཡབ་ཡུམ་ཐུགས་ཀའི་སྔགས་ཕྲེང་ནས། །འོད་ཟེར་སྣ་ཚོགས་འཇའ་སྤྲིན་ལྟ་བུར་འཕྲོས། །འོད་ཟེར་དེ་དག་ཕྱི་ནང་གསང་བ་ཡི། །མཆོད་སྤྲིན་གྱུར་ནས་མདུན་བསྐྱེད་ལྷ་ཚོགས་མཆོད། །མདུན་བསྐྱེད་གཙོ་འཁོར་ཀུན་གྱི་ཐུགས་ཀ་ཡི། །སྔགས་ཕྲེང་དྲག་འཁོར་འོད་ཟེར་སྣ་ཚོགས་པ། །འཇའ་ཚོན་ལྟ་བུ་ཕྱོགས་བཅུ་ཁྱབ་པར་འཕྲོས། །ཕྱོགས་བཅུའི་སངས་རྒྱས་བྱང་སེམས་

― KMC014_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱི། །སྐུ་གསུང་ཐུགས་ཀྱི་བྱིན་རླབས་མ་ལུས་པ། །འོད་ཀྱི་རྣམ་པར་བསྡུས་ནས་མདུན་བསྐྱེད་ཀྱི། །ལྷ་ཚོགས་རྣམས་དང་དབྱེར་མེད་གཅིག་ཏུ་གྱུར། །མདུན་བསྐྱེད་ལྷ་ཚོགས་རྣམས་ལས་བྱིན་རླབས་དང་། །དངོས་གྲུབ་འོད་ཟེར་ཁ་དོག་སྣ་ཚོགས་པ། །འཇའ་སྤྲིན་ལྟར་འཕྲོས་རང་ལ་ཐིམ་པར་བསྒོམ། །འདི་ནི་འདི་ཡི་ལུགས་ཀྱི་བསྙེན་པ་ཡིན། །དེ་ནས་རང་གི་ཐུགས་ཀའི་སྔགས་འཁོར་ལས། འོད་ཟེར་དམར་པོ་འོད་ལྔའི་མདངས་ལྡན་པ། །རང་གི་ཞལ་ཐོན་མདུན་བསྐྱེད་ཞལ་དུ་ཞུགས། །མཆོད་པར་གྱུར་ཏེ་ཟག་མེད་བདེ་བས་དགྱེས། །ཐུགས་ཀར་ཐིམ་པས་སྔགས་ཕྲེང་དྲག་ཏུ་འཁོར། །སྔོན་གྱི་ཐུགས་བསྐྱེད་སྨོན་ལམ་དམ་བཅའ་དྲན། །ཐུགས་རྗེ་བྱིན་རླབས་དངོས་གྲུབ་མ་ལུས་པ། །འོད་ཟེར་ཚུལ་དུ་འཕྲོས་ནས་སྦྱོར་མཚམས་ཐོན། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །སྙིང་གར་ཐིམ་པས་ཐུགས་རྗེ་བྱིན་རླབས་ཞུགས། །དེ་

― KMC014_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་འོད་ཟེར་དེ་ཡང་སྔགས་ཕྲེང་གྱུར། །དེ་ལྟར་སྔགས་ཕྲེང་འགལ་མེའི་འཁོར་ལོ་ལྟར། །རྒྱུན་ཆད་མེད་པར་གྱི་ལི་ལི་འཁོར་བས། །འོད་ཟེར་དེ་དང་མདུན་བསྐྱེད་ལྷ་ཚོགས་ལས། །འོད་ཟེར་འཇའ་ཡི་ཟེར་ལྟར་ཕྱོགས་བཅུར་འཕྲོས། །ཞིང་ཁམས་རྒྱ་མཚོར་བཞུགས་པའི་རྒྱལ་བ་ལ། །ཕྱི་ནང་གསང་བའི་མཆོད་པར་གྱུར་པས་མཉེས། འགྲོ་བ་ཀུན་གྱི་སྒྲིབ་གཉིས་བག་ཆགས་སྦྱངས། །རྒྱལ་བ་ཀུན་གྱི་ཐུགས་རྗེ་བྱིན་རླབས་དང་། འགྲོ་བའི་བསོད་ནམས་འབྱུང་བའི་བཅུད་ལ་སོགས། །འོད་ཀྱི་རྣམ་པར་ཚུར་བསྡུས་མདུན་བསྐྱེད་ཐིམ། བྱིན་རླབས་བཅུད་དང་འོད་ཟེར་དབྱེར་མེད་པ། །ཚུར་བྱུང་རང་ལ་ཐིམ་པས་དངོས་གྲུབ་ཐོབ། །དེ་ལྟར་བསྒོམ་ཞིང་སྔགས་རིང་བཟླས་པ་ནི། །འདི་ཡི་ལུགས་ཀྱི་ཉེ་བར་བསྙེན་པ་ཡིན། །དེ་ནས་བདག་མདུན་གཙོ་བོའི་སྐུ་ཡི་ནང་། །སྟོང་གསལ་ཕྲུ་མ་ཕུས་བཏབ་ལྟ་བུའི་ནང་། །རྩ་གསུམ་འཁོར་ལོ་ལྔ་པོ་

― KMC014_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བཏབ་སྟེ། །སྤྱི་བོར་ༀ་དཀར་མགྲིན་པར་ཧྲཱིཿདམར་པོ། །ཐུགས་ཀར་ཧཱུྃ་སྔོན་ལྟེ་བར་ཏྲཱཾ་སེར་པོ། །གསང་གནས་ཨཱཿལྗང་རྣམས་ལས་འོད་འཕྲོས་པས། །བདག་དང་འགྲོ་བའི་དུག་ལྔའི་སྒྲིབ་པ་ཀུན། །ཁབ་ལེན་རྡོ་ཡིས་ལྕགས་ཕྱེ་བསྡུས་བཞིན་ཐིམ། །དབུ་མའི་ཡར་སྣེ་ཐུགས་རྗེ་ཆེན་པོ་ཡི། །ངོ་བོ་ཐིག་ལེ་དཀར་པོ་ཧྃ་ཡིག་མཚན། །དབུ་མའི་མར་སྣེར་ཕག་མོའི་ངོ་བོ་ནི། །ཐིག་ལེ་དམར་པོ་རྩེ་མོ་སུམ་འཁྱོག་གོ །བར་རླུང་ཞེས་པ་གསུས་པ་ཐེར་བྱས་པས། །ཐིག་ལེ་དམར་པོར་གཏུམ་མོའི་མེ་འབར་ནས། །དུག་ལྔའི་ས་བོན་ཡི་གེ་བཅུ་པོ་བསྲེགས། །རིགས་ལྔའི་སྤྱན་གཟིགས་ཡབ་ཡུམ་བཅུ་པོ་ནི། རིགས་ལྔ་སོ་སོའི་དབུ་རྒྱན་རང་ཆས་ཅན། །རྒྱན་དང་ཆ་ལུགས་ཡོངས་རྫོགས་གཞུང་ལྟར་རོ། །རྩ་འདབ་གྲངས་མཉམ་ཌཱ་ཀི་ཐམས་ཅད་ཀྱང་། །རང་རྟགས་སྐུ་མདོག་ཕྱག་མཚན་གྲི་ཐོད་འཛིན། །གཙོ་ལ་ཞལ་གཟིགས་གར་སྟབས་ཟླ་སྟེང་བཞུགས། །

― KMC014_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་མདུན་ཡབ་བཅུའི་ཐུགས་ཀར་པད་ཟླའི་སྟེང་། །རང་མདོག་ཧྲཱིཿལ་ཡིག་བཅུ་གཡས་སུ་འཁོར། །ཡུམ་བཅུའི་ཐུགས་ཀར་ཆོས་འབྱུང་རྐྱང་པའི་སྟེང་། །རང་མདོག་ཧྲཱིཿམཐར་ཡུམ་སྔགས་གཡོན་ཏུ་འཁོར། །འཁོར་རྣམས་ཐུགས་ཀར་ཧ་རི་ནི་ས་དང་། །སྤྱི་བོའི་འཁོར་རྣམས་ཐུགས་ཀར་ཧྲཱིཿདཀར་རེ། །བདག་གི་ཐུགས་ཀའི་སྔགས་ཕྲེང་དྲག་འཁོར་བས། སྔགས་ཕྲེང་རྩེ་ལས་སྔགས་ཀྱི་ཕྲེང་བ་འཕྲོས། །ཐུགས་ཀྱི་སྤྱན་རས་གཟིགས་ཀྱི་ཞལ་ནས་ཐོན། །མགྲིན་པའི་ཡབ་ཡུམ་སྦྱོར་མཚམས་ནས་ཞུགས་ཏེ། །ཡབ་ཀྱི་ཐུགས་ཀའི་སྔགས་ལས་གཡས་བསྐོར་བྱས། །དཔེར་ན་སྦྲུལ་ནི་གཅུད་ཅིང་འགྲོ་བ་ལྟར། །ཞལ་ནས་ཐོན་ཏེ་སྤྱི་བོའི་ཡབ་ཡུམ་གྱི། །སྦྱོར་མཚམས་ནས་ཞུགས་ཡབ་ཀྱི་ཐུགས་ཀར་གཅུད། །ཞལ་ནས་ཐོན་ཏེ་ཕྱིར་འབྱུང་རང་ཉིད་ཀྱི། །ཞལ་ནས་ཐོན་ཏེ་མདུན་བསྐྱེད་ཞལ་དུ་ཞུགས། །ཡར་བྱོན་སྤྱི་བོའི་ཡབ་ཀྱི་ཞལ་ཞུགས་ཏེ། །

― KMC014_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀར་གཡས་སུ་བསྐོར་ཞིང་སྦྱོར་མཚམས་ཐོན། །མར་བྱུང་མགྲིན་པའི་ཡབ་ཀྱི་ཞལ་དུ་ཞུགས། །ཐུགས་ཀར་གཡས་སུ་འཁོར་ཏེ་སྦྱོར་མཚམས་ནས། །ཐོན་ཏེ་ལྟེ་བའི་ཡབ་ཀྱི་ཞལ་དུ་ཞུགས། །ཐུགས་ཀར་གཡས་འཁོར་སྦྱོར་མཚམས་ནས་ཐོན་པ། །གསང་བའི་ཡབ་ཀྱི་ཞལ་དུ་ཐུགས་ཀར་བསྐོར། །སྦྱོར་མཚམས་ནས་ཐོན་མདུན་གྱི་སྦྱོར་མཚམས་ནས། །ཚུར་བྱོན་རང་གི་སྦྱོར་མཚམས་ནས་ཞུགས་ཏེ། །གསང་བའི་སྦྱོར་མཚམས་ནས་ཞུགས་ཐུགས་ཀར་འཁོར། །ཞལ་ནས་ཐོན་ཏེ་ལྟེ་བའི་སྦྱོར་མཚམས་ཞུགས། །ཐུགས་ཀར་གཡས་བསྐོར་ཞལ་ནས་ཐོན་པ་སྟེ། །ཐུགས་ཀའི་ལྷ་ཡི་སྦྱོར་མཚམས་ནས་ཞུགས་ཏེ། །ཐུགས་དབུས་སྔགས་ལ་གཡས་བསྐོར་གཅིག་བྱས་ནས། །ཐུགས་སྲོག་ཧྲཱིཿཡིག་མཐིང་ག་ལ་ཐིམ་ནས། །སྤྱན་རས་གཟིགས་དབང་རིགས་ལྔའི་བྱིན་རླབས་དང་། །དངོས་གྲུབ་ཐམས་ཅད་བདག་གིས་ཐོབ་པར་བསྒོམ། །དེ་ལྟར་

― KMC014_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་རིང་བརྒྱ་སྟོང་སྦྲེལ་བ་ཡི། །ཕྲེང་བ་གཅུད་བཅུ་བརྒྱབ་ཅིང་འཁོར་བ་ནི། །དཔེར་ན་སྲོག་ཆགས་སྦྲུལ་གྱི་འགྲོས་ལྟ་བུ། །མྱུར་བའི་ཚད་ནི་འགལ་མེའི་འཁོར་ལོ་བཞིན། །གཅུད་བརྒྱབ་ནུས་པས་བདག་མདུན་བཅུ་པོ་ཡི། །ཐུགས་ལས་འོད་ཟེར་སྣ་ཚོགས་ཕྱོགས་བཅུར་འཕྲོས། །ཕྱོགས་བཅུའི་བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཐམས་ཅད་འོད་དེས་མཆོད། །དེ་དག་སྐུ་ལས་སྤྱན་གཟིགས་ཡབ་ཡུམ་སྐུ། །དཀར་སེར་དམར་ལྗང་མཐིང་ག་ཆེ་ཕྲའི་ཚོགས། །གསུང་ལས་སྔགས་སྒྲ་ཨ་ལཱི་ཀཱ་ལི་དང་། །ཐུགས་ལས་ཕྱག་མཚན་པདྨ་ཧྲཱིཿས་མཚན་པ། །བུན་ནེ་ཆིལ་ལེ་ཕྱོགས་བཅུ་ཀུན་ནས་བྱོན། །མཚོ་ལ་ཆར་དྲག་བབས་བཞིན་བདག་མདུན་ལ། །སིབ་སིབ་ཐིམ་པས་བྱིན་རླབས་དངོས་གྲུབ་ཐོབ། །དེ་ནི་སྒྲུབ་པའི་དམིགས་རིམ་གཙོ་བོ་ཡིན། །དེ་ནས་སྔགས་ཕྲེང་དེ་ཉིད་འཁོར་བཞིན་ལས། །འོད་ཟེར་སྣ་ཚོགས་ཕྱོགས་བཅུ་

― KMC014_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་པར་འཕྲོས། །སྣོད་ཀྱི་འཇིག་རྟེན་ཐམས་ཅད་གཞལ་ཡས་ཁང་། །ཐུགས་རྗེ་ཆེན་པོའི་དཀྱིལ་འཁོར་ངོ་བོར་གྱུར། །བཅུད་ཀྱི་སེམས་ཅན་ཐམས་ཅད་ཡི་དམ་ལྷ། །རྒྱལ་བ་རྒྱ་མཚོ་ལྷ་དགུའི་ཚོགས་སུ་གྱུར། །ཀུན་གྱིས་བདག་གི་རམ་བུ་བཀྱག་བྱེད་ཅིང་། །འབྱུང་བའི་སྒྲ་སོགས་སྒྲ་ཀུན་སྔགས་ཀྱི་སྒྲ། །བུང་བ་ཚང་ཞིག་ལྟ་བུར་ཟི་རི་རི། །དེ་ལྟར་སྒོམ་མཁན་རྣམས་ཀྱང་རང་གི་སེམས། །སེམས་འདི་ཡེ་ནས་འགྱུར་མེད་ཆོས་ཀྱི་སྐུ། །ཡིན་ལ་ཡིན་པར་ཤེས་པའི་གདེང་ལྡན་པ། །འདི་ནི་སྒྲུབ་པ་ཀུན་གྱི་སྤྱི་འགྲོས་གསུང་། །དེ་ལྟར་བསྒོམ་པ་སྒྲུབ་པ་ཆེན་པོའོ། །ཟབ་ཁྱད་སྔགས་རིང་བཻ་རོ་ཙ་ནཱི་ཡེ། །ཧ་རི་ནི་ས། རི་ནི་ཧ་ས། །ནི་རི་ས་ཧ། ས་ནི་རི་ཧ། ཧཱུྃ་ཕཊ་སྭཱ་ཧཱ། ཞེས་བཟླས་དེ་རྣམས་ཐུན་རེར་རྫོགས་པར་བྱ། །དགོང་མོ་ཐུན་མཚམས་ཚོགས་མཆོད་འབུལ་བ་དང་། །ཐུན་གཞན་གསུམ་ལ་ཐུན་མཚམས་གཏོར་བསྔོས་བྱ། །ཐུན་བསྡུ་རྫོགས་རིམ་བསྔོ་

― KMC014_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་ཚར་བའི་རྗེས། །ཐུན་མཚམས་དགེ་སྦྱོར་ཆགས་མེད་རིགས་རྣམས་བྱ། །དེ་ལྟར་ཐུན་བཞིར་ཞག་དྲུག་བསྒྲུབས་པའི་རྗེས། །སྔ་ཐུན་བདག་མདུན་ཚར་རྗེས་གོང་ལྟར་དུ། །སྔགས་ཕྲེང་མུ་ཏིག་ཕྲེང་བ་ལྟར་འཁོར་བས། །སྐུ་ལས་འོད་ཟེར་དཀར་པོ་སྟོན་ཟླའི་མདོག །ཤི་སོས་བདུད་རྩི་ལྟ་བུ་བྱིན་རླབས་ཅན། །འཕྲོས་པས་བདག་དང་སེམས་ཅན་ཐམས་ཅད་ཀྱི། །སྡིག་སྒྲིབ་སྡུག་བསྔལ་ཡིད་མི་བདེ་བ་ཀུན། །མུན་པར་ཟླ་ཤར་ལྟ་བུར་སངས་སེ་དག །འོད་ཟེར་དཀར་པོས་ཞི་བའི་དངོས་གྲུབ་ཀུན། །བསྡུས་ནས་བདག་དང་བསྲུང་བྱ་ལ་ཐིམ་པས། །ཞི་བ་ཆེན་པོའི་དངོས་གྲུབ་ཐོབ་པར་བསྒོམ། །སྔགས་རིང་ཧ་རི་ནི་སའི་མཇུག་དེ་རུ། །འཇིགས་བརྒྱད་ཤཱནྟིཾ་ཀུ་རུ་སྭཱ་ཧཱ། ཅི་ལྕོགས་བཟླས་རྗེས་གཏོར་བསྔོས་ཐུན་བསྡུ་བྱ། །གྲོས་ཆེན་ནས་བཟུང་བདག་མདུན་ཚར་གཅིག་རྗེས། །བདག་མདུན་བར་དུ་སྔགས་ཕྲེང་འཁོར་བཞིན་ལས། །

― KMC014_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཕྲེང་སེར་པོ་རྨ་བྱའི་སྒྲོ་ཆུན་བཞིན། །ཁ་དོག་ལྔ་ཡི་མདངས་དང་ལྡན་པར་འཁོར། །དེ་མཐུན་བདག་མདུན་ལྷ་རྣམས་ཐུགས་བརྒྱུད་བསྐུལ། །ལྷ་ཚོགས་ཀུན་ལས་བཙོ་མ་གསེར་མདོག་འོད། །སྤྲིན་མེད་ཉི་མའི་འོད་བཞིན་ཕྱོགས་ཀུན་ཁྱབ། །བདག་དང་འགྲོ་བའི་བསོད་ནམས་ཡེ་ཤེས་རྒྱས། །འོད་ཟེར་ཚུར་འདུས་བདག་དང་བསྲུང་བྱར་ཐིམ། །དཔལ་འབྱོར་ཉམས་རྟོགས་ཡོན་ཏན་རྒྱས་པར་བསྒོམ། །སྔགས་རིར་བཻ་རོ་ཙ་ནཱི་ཡེ་ཡི་མཇུག །རི་ནི་ཧ་ས་འབྱོར་དྲུག་པུཥྚིཾ་ཀུ་རུ་སྭཱ་ཧཱ། ཅི་ནུས་བཟླས་རྗེས་གཏོར་བསྔོས་ཐུན་བསྡུ་བྱ། །དེ་ནས་དགོང་མོ་བདག་མདུན་ཚར་གཅིག་རྗེས། །སྔགས་ཕྲེང་བྱེརུའི་མདོག་ཅན་ལྕགས་སྒྲོག་དབྱིབས། །འཁྱོག་ཅིང་གུག་པའི་ཚུལ་དུ་འཁོར་བ་ལས། །བདག་མདུན་ལྷ་ཚོགས་ཀུན་ལས་འོད་ཟེར་ནི། །དམར་པོ་ལྕགས་ཀྱུའི་དབྱིབས་ཅན་ཕྱོགས་བཅུར་འཕྲོས། །སྣོད་བཅུད་འཁོར་འདས་ཀུན་གྱི་དངོས་གྲུབ་བཅུད། །

― KMC014_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

སིབས་སེ་བསྡུས་ནས་བདག་ལ་ཐིམ་པ་ཡིས། །ཕྲིན་ལས་འགྲོ་དོན་ལྷུན་གྲུབ་དངོས་གྲུབ་ཐོབ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །ནི་རི་ས་ཧ་ཁམས་གསུམ་བ་ཤངྐུ་རུ་སྭཱ་ཧཱ། ཞེས་བཟླས་གཏོར་བསྔོས་ཐུན་བསྡུ་གོང་ལྟར་རོ། །མུན་རུབ་སླར་ཡང་བདག་མདུན་ཚར་གཅིག་རྗེས། །བདག་མདུན་བར་དུ་སྔགས་ཕྲེང་གོང་ལྟར་ལས། །སྔགས་ཕྲེང་ལྗང་ནག་ཐག་འཁྱུག་ལྟ་བུ་དེས། །བདག་མདུན་ཀུན་གྱི་ཐུགས་དམ་རྒྱུད་བསྐུལ་བས། །འོད་ཟེར་སྔོན་པོའམ་ལྗང་ནག་ཕྱོགས་བཅུར་འཕྲོས། །འོད་ཟེར་རྩུབ་ཅིང་ཚ་བའི་རེག་བྱ་ཡིས། །བདུད་བཞི་ལོག་འདྲེན་དགྲ་བགེགས་ཐམས་ཅད་ནི། །བ་མོར་ཉི་ཟེར་ཕོག་བཞིན་ཚར་བཅད་དེ། །འོད་རྣམས་ཚུར་འདུས་བདག་ལ་ཐིམ་པ་ཡིས། །མཐུ་རྩལ་ནུས་པ་ཐོགས་མེད་དངོས་གྲུབ་ཐོབ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །ས་ནི་རི་ཧ་དགྲ་བགེགས་མཱ་ར་ཡ་ཕཊ། །དེ་ནས་གཏོར་བསྔོས་ཐུན་

― KMC014_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུ་ཉལ་བ་ཡིན། །ཕྱིར་ནང་བདག་མདུན་ཚར་གཅིག་ཚར་བའི་རྗེས། །ཕུན་སུམ་ཚོགས་པའི་སྦྱིན་སྲེག་གྲུབ་ན་རབ། །མ་ཐོན་ན་ཡང་ཆད་པའི་སྐྱོན་ནི་མེད། །དེ་ལྟར་ནང་སྒྲུབ་གསང་སྒྲུབ་དྲིལ་སྒྲུབ་གསུམ། །མདུན་བསྐྱེད་གཙོ་བོ་སྤྲོས་བཅས་ཡིན་པའི་ཕྱིར། །མཆོད་པ་ཚོགས་གཏོར་གཟབས་པ་གལ་ཆེ་ཞིང་། །སྒྲུབ་པ་དར་དྲག་ཡུན་ཐུང་བརྩོན་འགྲུས་བསྐྱེད། །གལ་ཏེ་དྲིལ་སྒྲུབ་ཟླ་གཅིག་བྱེད་འདོད་ན། །དངོས་གཞི་བདུན་གསུམ་ལས་སྦྱོར་ཞག་བདུན་བྱ། །ཞག་གཅིག་སྦྱིན་སྲེག་ཞག་གཅིག་བདག་འཇུག་དང་། །ཚོགས་མཆོད་རྗེས་ཆོག་ལ་སོགས་བྱ་བ་ཡིན། །ཕྱི་ནང་གསང་གསུམ་དྲིལ་ཏེ་སྒྲུབ་པའི་ཐབས། །ཟབ་ཅིང་མྱུར་བའི་རླུང་སྒྲུབ་གདམས་པ་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ་བ་དང་། །རིག་འཛིན་སྤྲུལ་སྐུའི་དགོངས་པ་རྫོགས་པའི་ཕྱིར། །ལུག་ལོ་ས་ག་ཟླ་བའི་ཚེས་དགུ་ཡི། །ཕྱི་དྲོའི་ཐུན་ལ་རཱ་ག་ཨ་སྱེས་གདམས། །ཡི་

― KMC014_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

གེ་པ་ནི་སློབ་བུ་མཐར་ཕྱིན་ནོ། །འདི་བྲིས་འགལ་འཁྲུལ་ཉེས་པ་ལྷ་ལ་བཤགས། །དགེ་བས་སྤྲུལ་སྐུ་ཟག་མེད་ཐུགས་དགོངས་རྫོགས། །འདི་དང་འབྲེལ་པ་ཐོགས་ཚད་འགྲོ་བ་རྣམས། །ཐུགས་རྗེ་ཆེན་པོ་དགོས་སུ་འགྲུབ་གྱུར་ཏེ། །འབྲེལ་ཚད་དོན་ལྡན་མངོན་པར་སངས་རྒྱས་ཤོག །སརྦ་མངྒ་ལཾ།། ༈ །། མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལྷ་དགུའི་ནང་གསང་དྲིལ་སྒྲུབ་གསུམ་གྱི་སྟ་གོན།

― KMC014_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་ནང་སྒྲུབ་གསང་སྒྲུབ་དྲིལ་སྒྲུབ་གསུམ་གྱི་སྟ་གོན་བཞུགས་སོ། །

― KMC014_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཨཱཪྱ་པ་ལོ་ཡེ། འཇིག་རྟེན་འདྲེན་པ་འཕགས་པ་སྤྱན་རས་གཟིགས། །ལྷ་དགུའི་ལྷ་ལ་ཕྱག་འཚལ་སྐྱབས་གསོལ་ནས། །ནང་སྒྲུབ་གསང་སྒྲུབ་དྲིལ་སྒྲུབ་གསུམ་པོ་ཡི། །སྟ་གོན་རིམ་པ་ལག་ཏུ་བླང་བདེར་བཀོད། །དེ་ལ་རྒྱས་འབྲིང་བསྡུས་དང་གསུམ་ཡིན་ཏེ། །རྒྱས་པར་བར་མའི་གཞུང་ནས་འབྱུང་བ་ལྟར། །ས་སློང་ས་བཟུང་སྟེགས་བུ་ཞ་ལ་དང་། །ལྷ་ཡི་སྟ་གོན་བུམ་པའི་སྟ་གོན་དང་། །ཐིག་ཚོན་བྱིན་རླབས་ཐིག་གདབ་དཀྱིལ་འཁོར་བྲི། །ཐིག་རྩ་

― KMC014_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་གཞུང་ན་གསལ་ལྟར་ཡིན། །དཀྱིལ་འཁོར་དབུས་སུ་པདྨ་འདབ་བརྒྱད་ཏེ། །ལྟེ་བ་དང་ནི་ཕྱོགས་བཞིའི་འདབ་མ་དམར། །བྱང་ཤར་སྔོ་དང་ལྷོ་ནུབ་ལྗང་གུ་བྱ། །ཤར་ལྷོ་ནུབ་བྱང་གཉིས་ནི་སེར་པོའོ། །ལྷ་རྣམས་རང་མདོག་ཐིག་ལེ་ཚོན་སྤུངས་སམ། །ཡང་ན་སོ་སོའི་ཕྱག་མཚན་པདྨ་སོགས། །ཡང་ན་ས་བོན་ཡིག་འབྲུ་རང་མདོག་སྟེ། །ཡབ་ཡུམ་ས་བོན་ཧྲཱིཿཡིག་ཁ་སྤྲོད་བྲི། །གལ་ཏེ་དཀྱིལ་འཁོར་ཐིག་རྩ་མི་ཤེས་ན། །མུ་ཁྱུད་འོད་ལྔའི་ཁ་དོག་ཟླུམ་པོར་

― KMC014_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར། །དེས་ཀྱང་ཆོག་པ་གསང་བ་སྤྱི་རྒྱུད་གསུངས། །འཁྱམ་གྱི་ཕྱི་རོལ་པདྨའི་རྭ་བའི་རྒྱབ། །དུར་ཁྲོད་བརྒྱད་བྲི་དེ་ཡི་ཕྱི་རོལ་ཏུ། །ནོར་བུ་བཀྲ་ཤིས་ཤིང་ལོ་སྤེལ་མར་བྲི། །དེ་ནི་ཞལ་གཟིགས་ལུགས་ཡིན་མེད་ཀྱང་ཆོག །དེ་རྒྱབ་རྡོ་ར་མེ་ནི་སྤྱི་ལྟར་ལས། །ཟུར་བཞིར་བུམ་པ་མེ་ཏོག་ཁ་རྒྱན་ཅན། །དངོས་སུ་བཤམ་རྒྱུ་མེད་ན་བྲི་སྲོལ་སྣང་། །རྟ་བུམ་ཞེས་བྱ་རྒྱན་གྱི་བུམ་པའོ། །གསུང་རབ་རྣམས་ནས་བྱ་མ་བུམ་ཞེས་བཤད། །འབྱོར་པ་རབ་དང་དབང་བོ་ཐ་མ་ལ། །རྡུལ་ཚོན་དཀྱིལ་འཁོར་འདི་ནི་གསུངས་པ་ཡིན། །རས་བྲིས་དང་ནི་ཚོམ་བུའི་དཀྱིལ་འཁོར་ལ། །ས་སློང་ལྷ་ཡི་སྟ་གོན་སོགས་མི་དགོས། །སྟེགས་ཀྱི་སྟེང་དུ་རས་བྲིས་དཀྱིལ་འཁོར་བཏིང་། །མེད་ན་ཤོག་བུར་བྲིས་བ་ཙམ་གྱིས་རུང་། །འབྱོར་པ་འབྲིང་དང་དབང་པོ་འབྲིང་རྣམས་ལ། །རས་བྲིས་དཀྱིལ་འཁོར་འདི་ནི་རྒྱལ་བས་གསུངས། །དེ་ཡང་མ་འཛོམ་སྟེགས་བུ་གཙང་མའི་

― KMC014_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་། །འབྲུ་ཡི་པདྨ་འདབ་བརྒྱད་བྲིས་པའི་མཐར། །འབྲུ་ཡི་མུ་ཁྱུད་ཟླུམ་པོར་བསྐོར་བར་བྱ། །དབུས་དང་འདབ་བརྒྱད་ལྷ་གྲངས་ཚོམ་བུ་བཀོད། །སྤྲོ་ན་ཚོམ་བུ་ཚོན་གྱིས་རང་མདོག་བསྒྱུར། །དབང་པོ་རབ་དང་འབྱོར་པ་ཐ་མ་ལ། །ཚོམ་བུའི་དཀྱིལ་འཁོར་འདི་ནི་རྒྱུད་ལས་གསུངས། །དེ་ནས་བུམ་པ་མགུལ་ཆིངས་དམར་པོ་ཅན། །ཆུ་གཙང་སུམ་གཉིས་བཀང་ནས་བུམ་རྫས་བཏབ། །འབྲས་བུ་ཅན་གྱི་ཤིང་གིས་ཁ་བརྒྱན་ནས། །དཀྱིལ་འཁོར་དབུས་སུ་སྣོད་གཙང་འབྲུས་བཀང་བའི། །སྟེང་དུ་བུམ་པ་དེ་ཉིད་བཞག་པའི་སྟེང་། །མཉྫིའམ་ནི་ཤིང་གི་ཁྲེའུའི་སྟེང་། །བནྦྷ་མར་གྱིས་ནང་བྱུགས་ཆང་གིས་བཀང་། །བདུད་རྩི་རིལ་བུ་བཏབ་ཏེ་བཞག་པའི་སྟེང་། །མེ་ལོང་སིནྡྷུ་ར་ཡི་དཀྱིལ་འཁོར་བཞག །མེ་ལོང་མཐོ་སྐོར་ལ་སོགས་ཆེར་ཡོད་ན། །གསལ་ངོས་སྣུམ་བྱུགས་དེ་སྟེང་ལི་ཁྲིའམ། །སིནྡྷུ་ར་བྱུགས་གསེར་གྱི་སྨྱུ་གུས་བྲིས། །མ་རྙེད་སྨྱུ་

― KMC014_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

གུར་གོས་ཆེན་གསེར་སྐུད་དཀྲི། །གལ་ཏེ་མེ་ལོང་ཆེན་པོ་མ་རྙེད་ན། །སིནྡྷུ་ར་ཡི་ཐིག་ལེ་ལྔ་ཚོམ་བྱ། །ཤོག་བུ་ཟླུམ་པོར་ལི་ཁྲིའམ་སིནྡྷུ་བྱུགས། །མཐའ་རུ་ཟླུམ་སྐོར་དེ་ནང་པད་འདབ་བརྒྱད། །དེ་ནང་ཆོས་འབྱུང་ཟུར་དྲུག་བྲིས་པ་ཡི། །ཟུར་དྲུག་ནང་དུ་དགའ་བ་འཁྱིལ་བ་རེ། །ཟུར་དྲུག་མཚམས་དྲུག་གཡུང་དྲུང་གཡས་འཁྱིལ་དྲུག ཕྱོགས་བཞིའི་འདབ་མར་ཧྲཱིཿཡིག་ཁ་སྤྲོད་རེ། །མཚམས་བཞིར་ཧ་རི་ནི་སའི་ཡིག་འབྲུ་རེ། །དབུས་ཀྱི་ལྟེ་བར་ཧྲཱིཿཡིག་ཁ་སྤྲོད་མཐར། །ཡིག་བཅུ་ནས་བཟུང་ལྷ་དགུའི་སྔགས་རིང་མཐར། །ཧ་རི་ནི་ས་ཧཱུྃ་ཕཊ་སྭཱ་ཧཱ་སྤང་། །ཨཱ་ཝེ་ཤ་ཡ་ཨཱ་ཝེ་ཤ་ཡ་ཨཱཿཨཱཿ ཞེས་པ་བྲི། །དར་དམར་སྟེང་བཞག་དེ་སྟེང་མེ་ལོང་བཞག །དེ་སྟེང་གཟུངས་ཐག་རྡོ་རྗེ་ཡོད་ན་བཞག །དེ་སྟེང་དར་རས་དམར་པོ་ཡོད་ན་བཀབ། །འོག་གི་བུམ་པའི་ཕྱོགས་བཞིར་དབང་གི་རྫས། །ཤར་དུ་རྡོ་རྗེ་ལྷོ་རུ་དབུ་རྒྱན་དང་། །མེད་ན་ཕྲེེང་བ་བཞག་ཀྱང་ཆོག་པ་

― KMC014_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །ནུབ་ཏུ་ཟ་མ་ཏོག་སོགས་གླེང་བམ་མམ། །མེད་ན་སྒྲུབ་ཐབས་དཔེའམ་ཤོག་དྲིལ་བཞག །བྱང་དུ་མར་མེ་འམ་ནི་དྲིལ་བུ་སྟེ། །དེ་དག་དངོས་སུ་འཛོམ་པར་མ་གྱུར་ན། །དབང་རྫས་ཡིན་ཕྱིིན་ཙཀ་ལི་བཞག་ཀྱང་ཆོག །ལྷ་གྲངས་མཉམ་པའི་མཆོད་པ་བཤམ་གསུངས་པས། །དེ་རྒྱབ་དཀྱིལ་འཁོར་ཕྱོགས་བཞི་མཚམས་བརྒྱད་དུ། །ཤར་ནས་བཟུང་སྟེ་མཆོད་ཡོན་བདུག་སྤོས་སོགས། །ཡབ་ལ་གཡས་བསྐོར་ཡུམ་ལ་གཡོན་བསྐོར་བཤམ། །རོལ་མོའི་མལ་དུ་ཏིང་ཤག་དྲིལ་བུ་སོགས། །མེད་ན་མཚམས་འཛིན་མེ་ཏོག་ནས་བཤམ་མོ། །དེ་རྒྱབ་ཕྱོགས་བཞིར་རིགས་བཞི་ཡབ་ཡུམ་ལ། །མཆོད་པ་ཆ་བརྒྱད་འཕྲེད་དུ་བཤམ་པ་ནི། །ཡབ་རྣམས་གཡོན་ནས་མགོ་བཟུང་གཡས་བསྐོར་ཚུལ། །ཡུམ་རྣམས་གཡས་ནས་མགོ་བཟུང་གཡོན་བསྐོར་ཚུལ། །མཚམས་བཞིར་རིགས་བཞི་མཁའ་འགྲོའི་མཆོད་པ་བཞི། །དབུས་ནས་མགོ་བཟུང་

― KMC014_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་རུ་ཕྲེང་བྱས་བཤམ། །དེ་ཙམ་ཏིང་ཆ་མང་པོ་མ་འཛོམ་ན། །མེ་ཏོག་དངོས་སམ་མར་ལ་གཟུགས་བྱས་བཤམ། །བདུག་སྤོས་སྤོས་རེང་ངམ་ནི་སྤོས་ཤིང་བཛུག །དྲི་ཆབ་དུང་ཆོས་སམ་ནི་ལ་ཁྲའི་ནང་། །སྤོས་ཆུ་འམ་ནི་ཇ་རྒོད་ཤུགས་པས་འཐུས། །འཁོར་གྱི་མཆོད་པ་དཀྱིལ་འཁོར་མཐའ་ནས་ཏེ། །གཙོ་བོ་འཁོར་གྱི་མཆོད་པའི་བར་དེ་རུ། །ཕྱོགས་བཞིར་ཕྲིན་ལས་བཞིའི་གཏོར་མ་ནི། །ཤར་དུ་ཟླུམ་པོ་མེ་ཏོག་དཀར་གསུམ་བརྒྱན། །ལྷོ་རུ་གྲུ་བཞི་ནོར་བུ་ཟས་སྣ་སྤུངས། །ནུབ་ཏུ་ཟུར་གཉིས་འབྲི་མོག་ལྕགས་ཀྱུས་བརྒྱན། །བྱང་དུ་ཟུར་གསུམ་མེ་རི་ཤ་ཁྲག་བརྒྱན། །དེ་མིན་སྒྲུབ་པའི་གཏོར་མ་སྨན་རག་སོགས། །གསར་མ་ཡིན་ཕྱིར་ནང་དེར་བཤམ་མི་དགོས། །གཏོར་བསྔོས་བྱེད་ས་ཕུག་གཏོར་ཆ་ཚང་བ། །ལོགས་སུ་གཏོར་སྒམ་སོགས་སུ་ཡོད་ན་ནི། །འདི་རུ་བཤམ་མི་དགོས་ཤིང་མེད་ན་ནི། །དཀོན་མཆོག་ཆོས་སྐྱོང་གཏོར་མ་བཤམ་གསུངས་ཕྱིར། །

― KMC014_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ལྷོ་བླ་མ་ལྷོ་ནུབ་ཡི་དམ་དང་། །ནུབ་བྱང་མཁའ་འགྲོ་བྱང་ཤར་ཆོས་སྐྱོང་བཤམ། །གཞན་ཡང་རང་གིས་ཆགས་མེད་འདོན་དགོས་པའི། །ཆོས་སྐྱོང་ནོར་ལྷ་བཀའ་སྲུང་ཕྱི་རྒྱུད་པ། །དེ་དག་གཏོར་མའང་བར་མཚམས་རྣམས་སུ་བཤམ། །མདུན་བསྐྱེད་དཀྱིལ་འཁོར་ཕྱི་ཡི་ཁྱམ་དེ་རུ། །གཏོར་མགྲོན་ཐམས་ཅད་བསྒོམ་ནི་དགོས་ཕྱིར་རོ། །དེ་བས་འབྱོར་པ་རྒྱས་པར་ཡོད་ན་ནི། །ཚོན་སྐུད་དྲྭ་བ་རྒྱལ་མཚན་བཞི་དང་ནི། །བླ་བྲེ་ལ་སོགས་སྒྲུབ་ཆེན་རྫས་རྣམས་སྦྱོར། །གསར་མའི་རྔོག་དཀྱིལ་བདུན་ལའང་བཤད་ཕྱིར་རོ། །མེད་ཀྱང་འགལ་བ་ཅུང་ཟད་ཡོད་པ་མིན། །མཆོད་པ་དེ་དག་དམའ་ན་ཁ་གསོ་ཙམ། །དེ་མིན་རྒྱུན་དུ་བརྗེ་སོགས་མི་བྱའོ། །དཀྱིལ་འཁོར་མདུན་དུ་མཆོད་སྟེགས་ལྕོག་རྩེའི་སྟེང་། །མཆོད་ཡོན་བདུག་སྤོས་ལ་སོགས་བརྗེ་རྒྱུ་བཤམ། །དེ་ནི་དུས་བཞིར་ཐུན་བཞིར་བརྗེ་བའམ། །མ་གྲུབ་ན་ཡང་ཁ་གསོ་ངེས་པར་དགོས། །

― KMC014_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་མཆོད་ཚོགས་གཏོར་ལ་སོགས་དེ་རུ་བཤམ། །གཏོར་བསྔོས་སྐབས་སུ་ཕུག་གཏོར་གང་ཡོད་པ། །གསོ་བྲན་བྱ་ཞིང་ཚོགས་ཕུད་དེ་རུ་འབུལ། །ལྷ་བཤོས་ལ་སོགས་མཆོད་པ་རྙིང་པ་རྣམས། །སྒྲུབ་པ་མ་ཚར་བར་དུ་ཕྱིར་མི་ཕྱུང་། །སྒྲུབ་པ་ཞག་བདུན་ལས་ནི་མི་བྱེད་ན། །སྔོན་འགྲོ་འབུལ་རྒྱུ་ཅོག་རྡོག་བརྒྱད་དང་ནི། །ལྷ་བཤོས་བརྗེ་རྒྱུ་ཉི་ཤུ་རྩ་དགུ་དང་། །ཚོགས་བརྒྱད་མཐེབ་ཀྱུ་དང་བཅས་འཛོམ་པར་བྱ། །གདན་དྲོད་མ་ཡལ་ངག་མཚམས་དམ་པ་དང་། །ཁ་ཡང་མི་བཤལ་སྐྲ་སེན་མི་བྲེགས་པར། །སྒྲུབ་པ་དར་བྲག་ཡུན་ཐུང་ལམ་དུ་འགྲོ། །སྒྲུབ་རོགས་མང་པོ་ཡོད་ན་སྔགས་རྒྱུན་བྱ། །འདི་ནི་རྙིང་མའི་ལུགས་ཀྱི་སྒྲུབ་ཆེན་དང་། །གསར་མའི་ལུགས་ཀྱི་སྒྲུབ་མཆོད་དོན་གཅིག་སྟེ། །ཚོགས་དང་མར་མེ་མཆོད་པ་བློ་སྟོབས་བསྐྱེད། །གྱེར་དབྱངས་རོལ་མོ་སོགས་ཀྱང་གང་ཤེས་འབད། །ཅི་ཕྱིར་སྤྲོས་བཅས་གཙོ་བོ་ཡིན་ཕྱིར་རོ། །ལྷ་དགུ་སྒྲུབ་པའི་སྟ་

― KMC014_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

གོན་རིམ་པ་འདི། །མཐར་ཕྱིན་ཐབས་མཁས་གཉིས་ཀྱིས་བསྐུ ལ་བའི་ཕྱིར། །ལུག་ལོ་ས་གའི་ཚེས་བདུན་གྱི་ཐུན་ལ། །རཱ་ག་ཨ་སྱས་ཇི་ལྟར་སྨྲས་པ་བཞིན། བླ་མ་མཐར་ཕྱིན་ཞེས་བྱས་ཡི་གེར་བཀོད། །འགལ་འཁྲུལ་ཉེས་པའི་ཆ་མཆིས་མཐོལ་ཞིང་བཤགས། །དགེ་བས་སྤྲུལ་སྐུའི་དགོངས་པ་རྫོགས་པ་དང་། །བློ་ཆུང་རྣམས་ལ་ཕན་ཐོགས་རྒྱ་ཆེར་ཤོག །སརྦ་མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་ལུས་དཀྱིལ་ཟིན་བྲིས།

― KMC014_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལུས་དཀྱིལ་གྱི་ཟིན་བྲིས་བཞུགས་སོ། །

― KMC014_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭ་ར་ཀཱ་ཡ་མཎྜ་ལཱ་ཡ། སྤྱན་རས་གཟིགས་དབང་ལུས་དཀྱིལ་གྱི། །ལྷ་ཚོགས་རྣམས་ལ་ཕྱག་འཚལ་ལོ། །འདི་ལ་བདག་བསྐྱེད་ཆས་ཙམ་ལས། །སྒྲུབ་རྫས་གཞན་ནི་མི་དགོས་ཏེ། །རང་བྱུང་རྡོ་རྗེའི་ལུས་དཀྱིལ་ལས། །ལུས་ཀྱི་དཀྱིལ་འཁོར་བསྒོམ་པ་ནི། །སྔོན་འགྲོའི་རིམ་པ་ཡོངས་རྫོགས་ནས། །གསུངས་ཕྱིར་བདག་བསྐྱེད་གཞུང་ལྟར་འདོན། །རེག་གི་རྡོ་རྗེ་ཞེས་བྱའི་མཚམས། །ལུས་ལྷ་རྣམས་ཀྱང་ཝལ་ཙམ་བསྒོམ། །རང་བྱུང་རྡོ་རྗེའི་ལུས་

― KMC014_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་ནས། །གནས་གསུམ་བྱིན་བརླབས་དབང་བསྐུར་བ། །ལ་སོགས་རིམ་པ་ཤེས་པར་བྱ། །གསུངས་ཕྱིར་གཞུང་ལྟར་འདོན་པ་སྟེ། །རིགས་བདག་པདྨ་རྣམ་རྒྱལ་ནི། །གཡས་འོག་རྡོ་རྗེ་འཛིན་པ་ཙམ། །མ་གཏོགས་བདག་ཉིད་ཡབ་ཡུམ་མཚུངས། །བདག་ཡུམ་རིག ས་བདག་རྣམ་སྣང་སྟེ། །གནས་བཞིའི་ཡུམ་བཞི་རིགས་བདག་ནི། །རྒྱལ་བ་རིགས་བཞིར་སོ་སོར་བསམ། །དེ་ནི་དབང་སྐུར་སྐབས་སུ་སྟེ། །བསྙེན་པའི་སྐབས་སུ་དམིགས་པ་ནི། །རང་ལུས་

― KMC014_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཞིང་གསལ་བའི་ནང་། །དཔྲལ་བར་སངས་རྒྱས་སྤྱན་མ་སེར། །གཡས་འོག་འཁོར་ལོ་དཀར་པོ་འཛིན། །མགྲིན་པར་གོས་དཀར་དམར་མོ་ནི། །གཡས་འོག་པདྨ་དཀར་པོ་འཛིན། །སྙིང་གའི་ཆ་སྨད་མཱ་མ་ཀཱི། །མཐིང་ག་གཡས་འོག་རིན་ཆེན་སྔོ། །ལྟེ་བར་སྒྲོལ་མ་ལྗང་གུ་ནི། །གཡས་འོག་ཨུ ཏྤལ་ལྗང་གུ་འཛིན། །བཞི་ག་པདྨ་ཟླ་བའི་སྟེང་། །རྡོ་རྗེའི་སྐྱིལ་མོ་ཀྲུང་གིས་བཞུགས། །དཔྲལ་བའི་མཛོད་སྤུའི་ཐད་ནང་དུ། །རྡོ་རྗེ་མཁའ་འགྲོ་སྐུ་མདོག་མཐིང་། །གཡས་འོག་རྡོ་རྗེ་འཛིན་པའོ། །རྐན་ཕུག་པདྨ་མཁའ་འགྲོ་དམར། །གཡས་འོག་པདྨ་དམར་པོ་འཛིན། །ལྟེ་བར་རིན་ཆེན་མཁའ་འགྲོ་སེར། །གཡས་འོག་ནོར་བུ་གསེར་མདོག་འཛིན། །གསང་བར་ལས་ཀྱི་མཁའ་འགྲོ་ལྗང་། །གཡས་འོག་རལ་གྲི་ལྗང་ནག་འཛིན། །མིག་གཉིས་གཟུགས་ཀྱི་རྡོ་རྗེ་དཀར། །གཡས་འོག་དངུལ་དཀར་མེ་ལོང་འཛིན། །རྣ་གཉིས་སྒྲ་ཡི་རྡོ་རྗེ་སྔོ། །གཡས་འོག་

― KMC014_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་བུ་འཛིན་པའོ། །སྣ་བུ་གཉིས་སུ་དྲི་རྡོ་རྗེ། །གཡས་འོག་སྤོས་སྣོད་བདུག་སྤོས་འཛིན། །ལྕེ་ལ་རོ་ཡི་རྡོ་རྗེ་དམར། །གཡས་འོག་ཟངས་གཞོང་ཟས་བཅུད་བཀང་། །སྐུ་གཡོན་རེག་གི་རྡོ་རྗེ་ལྗང་། །གཡས་འོག་ལྷ་རྫས་ན་བཟའ་འཛིན། །ལྷ་མོ་དེ་རྣམས་པད་ཟླའི་སྟེང་། །གཡས་བརྐྱང་གཡོན་བསྐུམ་འདོར་ཐབས་བཞེངས། །ཀུན་ཀྱང་ཞལ་གཅིག་ཕྱག་བཞི་མ། །དང་པོ་ཐུགས་ཀར་ཐལ་མོ་སྦྱར། །གཡོན་འོག་པདྨ་དམར་པོ་འཛིན། །ཡུམ་བཞི་མཆོད་པའི་ལྷ་མོ་རྣམས། །ཞི་འཛུམས་དར་དང་རིན་ཆེན་བརྒྱན། །མཁའ་འགྲོ་བཞི་པོ་ཅུང་ཞིག་ཁྲོས། །སྤྱན་གསུམ་གཅེར་བུ་རུས་པས་བརྒྱན། །གྲུ་མོར་ཁ་ཊྭཾ་གྱེན་དུ་བསྒྲེངས། །ཀུན་ཀྱང་དབུ་རྒྱན་ཐོར་ཚུགས་ཅན། །རང་གི་སྙིང་དཀྱིལ་སྟོད་ཀྱི་ཆར། །པདྨ་ཉི་མ་ཟླ་བའི་སྟེང་། །ཧྲཱིཿལས་དང་པོ་ཡིག་དྲུག་བསྐོར། །དེ་རྒྱབ་ཡིག་བཅུ་དེ་རྒྱབ་ཏུ། །ཡིག་བཅུ་སྔགས་རིང་སྦྲེལ་བས་བསྐོར། །ཀུན་གྱི་

― KMC014_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ནི་གཅིག་ཏུ་བསྡུ། །དེ་སྐད་རྒྱུད་ལས་གསུང་ཕྱིར་རོ། །ལྷ་མོ་ཀུན་གྱི་ཐུགས་ཀ་རུ། །ས་བོན་ཡིག་འབྲུ་རེ་རེ་དང་། །ཡུམ་བཞིར་ལཱྃ་མཱྃ་པཱྃ་ཏཱྃ་མོ། །ཧ་རི་ནི་ས་མཁའ་འགྲོ་བཞི། །ལྷ་མོ་ཀུན་ལ་བྃ་ཡིག་རེ། །ལུས་ལྷ་རྣམས་ཀྱིས་སྔགས་བཟླས་པས། །ཐུགས་ཀའི་སྔགས་ཕྲེང་གཡས་སུ་འཁོར། །སྔགས་ཕྲེང་འོད་ཟེར་སྤྱི་བོར་སོང་། །རིགས་བདག་ལ་ཕོག་སྔགས་གསུང་པས། །བདག་དང་རིགས་བདག་བཅས་པ་ལས། །འོད་ཟེར་དམར་པོ་ཕྱོགས་བཅུར་འཕྲོས། །ཞིང་ཁམས་རྒྱ་མཚོར་བཞུགས་པ་ཡི། །རྫོགས་པའི་སངས་རྒྱས་ཐམས་ཅད་ནི། །འགྲོ་བ་སེམས་ཅན་དོན་ལ་བསྐུལ། །རང་ཉིད་ཞལ་ནས་སྔགས་གསུངས་ཞིང་། །འོད་ཟེར་ཕྱོགས་བཅུར་འཕྲོས་པ་ཡིས། །ས་ལ་གནས་པའི་སེམས་དཔའ་རྣམས། །མ་ལུས་སེམས་ཅན་དོན་ལ་བསྐུལ། །རང་ཡུམ་ཕག་མོས་སྔགས་གསུངས་པས། །རི་རབ་སུམ་བཅུ་སོ་གཉིས་ཀྱི། །རྡུལ་གྱི་གྲངས་མཉམ་མཁའ་

― KMC014_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོའི་ཚོགས། །ཐམས་ཅད་སེམས་ཅན་དོན་ལ་བསྐུལ། །ཡུམ་བཞིའི་ཞལ་ནས་སྔགས་གསུང་ཞིང་། །འོད་ཟེར་ཕྱོགས་བཅུར་འཕྲོས་པ་དེས། །འབྲེལ་ཐོགས་གཙོར་བྱས་འགྲོ་ཀུན་ལ། །ཤེས་རབ་སྒོ་ཕྱེ་ཕར་ཕྱིན་རྟོགས། །མཁའ་འགྲོ་སྡེ་བཞིས་སྔགས་གསུང་བས། །ས་དང་ལམ་ལ་གནས་པ་དང་། །རང་ལ་འབྲེལ་ཐོགས་ཐམས་ཅད་ཀྱི། །སེམས་ལ་ཡེ་ཤེས་ཇེ་ཆེར་འབར། །མཆོད་པའི་ལྷ་མོས་སྔགས་གསུང་ཞིང་། །འོད་ཟེར་ཕྱོགས་བཅུར་འཕྲོས་པ་ཡིས། །འོད་ཟེར་དེ་ཡི་ཟེར་མ་ལས། །འདོད་ཡོན་ཟད་མེད་ཆར་པ་འབེབས། །ཟས་འདོད་ཟས་དང་གོས་འདོད་གོས། །བཞོན་པ་སྐྱེད་ཚལ་ཁང་བཟང་དང་། །འཇིགས་པ་རྣམས་ལ་སྐྱབས་ལ་སོགས། །དགོས་འདོད་ལོངས་སྤྱོད་ཕུན་ཚོགས་ཐོབ། །འོད་ཟེར་དེ་ཡིས་རེག་ཙམ་གྱིས། །སྨྱོན་པ་རྣམས་ཀྱང་དྲན་པ་རྙེད། །ལོང་བ་རྣམས་ཀྱང་མིག་གསལ་ཞིང་། །འོན་པ་རྣམས་ཀྱིས་སྒྲ་

― KMC014_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཐོས། །ལོག་ལྟ་ཅན་རྣམས་དད་པ་སྐྱེས། །སྡིག་ཅན་རྣམས་ཀྱང་ཆོས་ལ་སྤྱོད། །འགྲོ་དྲུག་ཁ་ལོ་ཆོས་ལ་བསྒྱུར། །ཐམས་ཅད་བྱང་ཆུབ་ལམ་ལ་ཞུགས། །སྤྱན་རས་གཟིགས་ཀྱི་ཕྲིན་ལས་ནི། །ཐམས་ཅད་བདག་གིས་འགྲུབ་པར་བསྒོམ། །མཆོད་པའི་ལྷ་མོས་སྔགས་གསུང་ཞིང་། །འོད་ཟེར་ཕྱོགས་བཅུར་འཕྲོས་པ་ཡིས། །སྟོང་གསུམ་འཇིག་རྟེན་ཐམས་ཅད་ཀྱི། །གཟུགས་ཀུན་གཟུགས་ཀྱི་རྡོ་རྗེ་མར། །གྱུར་ནས་རྒྱལ་ཀུན་སྤྱན་ལ་མཆོད། །སྒྲ་ཀུན་སྒྲ་ཡི་རྡོ་རྗེ་མར། །གྱུར་ནས་རྒྱལ་ཀུན་སྙན་ལ་མཆོད། །དྲི་ཀུན་དྲི་ཡི་རྡོ་རྗེ་མར། །གྱུར་ནས་རྒྱལ་ཀུན་ཤངས་ལ་མཆོད། །རོ་ཀུན་རོ་ཡི་རྡོ་རྗེ་མར། །གྱུར་ནས་རྒྱལ་ཀུན་ལྗགས་ལ་མཆོད། །རེག་ཀུན་རེག་གི་རྡོ་རྗེ་མར། །གྱུར་ནས་རྒྱལ་ཀུན་སྐུ་ལ་མཆོད། །ལྷ་མོ་སྤྱན་སོགས་སོ་སོར་ཐིམ། །ཟག་མེད་བདེ་བས་ཐུགས་དགྱེས་པས། །སྐུ་ལས་འོད་ཟེར་སྣ་ཚོགས་ནི། །འཇའ་སྤྲིན་བཞིན་དུ་འཐིབས་ནས་

― KMC014_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན། །བདག་གི་ལུས་ངག་ཡིད་ལ་ཐིམ། །སྣང་སྟོང་གྲགས་སྟོང་ཚོར་སྟོང་དང་། །མྱང་སྟོང་བདེ་སྟོང་ཏིང་འཛིན་སྐྱེས། །ཡུམ་བཞིའི་སྔགས་གསུང་འོད་འཕྲོས་པས། །རིགས་བཞིའི་རིགས་གྱུར་ལྷ་མོའི་ཚོགས། །ཀུན་ལ་བདེ་སྟོང་མཆོད་པར་གྱུར། །དེ་དག་སྐུ་ལས་འོད་འཕྲོས་པས། །འབྱུང་བཞི་ཀུན་གྱི་བཅུད་བསྡུས་ཏེ། །འོད་ཟེར་ཁ་དོག་རྣམ་པ་བཞིའི། །རྣམ་པར་བསྡུས་ནས་བདག་ལ་ཐིམ། །ཤ་ཁྲག་དྲོད་དབུགས་རྣམ་བཞི་ལ། །ནད་མེད་བདེ་བའི་དངོས་གྲུབ་ཐོབ། །དེ་བཞིན་འོད་ཀྱིས་མཁའ་འགྲོའི་ཚོགས། །མཆོད་པས་ཟག་མེད་བདེ་བས་དགྱེས། །དཔའ་བོ་མཁའ་འགྲོ་ཐམས་ཅད་ཀྱི། །བྱང་སེམས་དཀར་དམར་འོད་ཟེར་ཚུལ། །བསྡུས་ནས་བདག་ལ་ཐིམ་པ་ཡིས། །དགའ་བཞིའི་ཡེ་ཤེས་སྐྱེས་པར་བསྒོམ། །དེ་ནི་བསྙེན་པའི་དམིགས་པ་སྟེ། །རྒྱུད་ཀྱི་དགོངས་པ་ཡིག་དྲུག་བཟླ། །དེ་ནས་ཐུགས་ཀའི་སྔགས་ཕྲེང་ལས། །

― KMC014_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་དམར་པོ་ཕྱོགས་བཅུར་འཕྲོས། །སངས་རྒྱས་ཀུན་ལ་འོད་དེས་ཕོག །སྔོན་གྱི་ཐུགས་བསྐྱེད་ཐུགས་རྒྱུད་བསྐུལ། །ཀུན་ཀྱང་ཐུགས་རྗེ་ཆེན་པོར་གྱུར། །ཆར་བཞིན་བྱོན་ནས་བདག་ལ་ཐིམ། །འོད་འཕྲོས་ས་བཅུ་སོ་སོ་ལ། །བཞུགས་པའི་སེམས་དཔའ་ཀུན་ལ་ཕོག །སྒྲིབ་གཉིས་ཕྲ་མོ་གང་ཡོད་སྦྱངས། །རྡོ་རྗེ་ལྟ་བུའི་ཏིང་འཛིན་སྐྱེས། །མངོན་པར་རྫོགས་པར་སངས་རྒྱས་ནས། །འགྲོ་བའི་དོན་དུ་ཆོས་འཁོར་བསྐོར། །སླར་ཡང་འོད་འཕྲོས་ཉན་ཐོས་དང་། །རང་རྒྱལ་ཀུན་ལ་འོད་དེས་ཕོག །རང་དོན་ཞི་བདེའི་ས་ནས་བསླངས། །བྱང་ཆུབ་མཆོག་ཏུ་སེམས་བསྐྱེད་ནས། །འགྲོ་བ་སེམས་ཅན་དོན་མཛད་གྱུར། །སླར་ཡང་འོད་འཕྲོས་ཁམས་གསུམ་གྱི། །སེམས་ཅན་ཀུན་ལ་འོད་དེས་ཕོག །སྡིག་སྒྲིབ་སྡུག་བསྔལ་ཀུན་སྦྱངས་ནས། །སྡུག་བསྔལ་ཀུན་བྲལ་བདེ་བ་ཐོབ། །འོད་ཟེར་ཐམས་ཅད་ཚུར་འདུས་ནས། །ཐམས་ཅད་བདག་ལ་ཐིམ་པ་ཡིས། །

― KMC014_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ངག་ཡིད་གསུམ་དྲི་མ་དག །ཡེ་ཤེས་རང་གསལ་དོན་རྟོགས་གྱུར། །ཡིག་བཅུ་བཟླས་པ་ཉེ་བསྙེན་ཡིན། །རང་གི་ཐུགས་ཀའི་སྔགས་ཕྲེང་དེ། །གཡས་སུ་དྲག་ཏུ་འཁོར་བ་ལས། །འོད་ཟེར་དམར་པོ་ཕྱིར་འཕྲོས་ཏེ། །རང་གི་རྡོ་རྗེའི་བུ་ག་ནས། །ཡུམ་གྱི་པདྨར་བྱོན་པ་དེ། །ཡུམ་གྱི་ཐུགས་ཀར་ཆོས་འབྱུང་སྟེང་། །ཧྲཱིཿཡིག་མཐའ་ལ་གཡོན་བསྐོར་བྱས། །ཡུམ་གྱི་ཞལ་ནས་ཡབ་ཞལ་ཞུགས། །རང་གི་ཐུགས་ཀའི་ཧྲཱིཿལ་ཐིམ། །དེ་ལྟར་འགལ་མེའི་འཁོར་ལོ་ལྟར། །འཁོར་བར་བསྒོམ་ཞིང་དེ་རྗེས་ནི། །འོད་ཟེར་དེ་ཉིད་སྔགས་ཕྲེང་གྱུར། །གོང་ལྟར་རྒྱུན་དུ་འཁོར་བར་དམིགས། །དེ་ཡིས་བདེ་སྟོང་ཡེ་ཤེས་འཆར། །ཡང་ནི་རང་གི་ཐུགས་ཀ་ཡི། །སྔགས་ཕྲེང་དེ་ལས་སྔགས་ཕྲེང་འཕྲོས། །རང་གི་སྣ་བུག་གཡས་ནས་ཐོན། །རྒྱལ་དེ་ལས་དཀྱིལ་འཁོར་ལྷ་ཚོགས་དཔག་མེད་འཕྲོས། །འགྲོ་ཀུན་སེམས་ཅན་ཡོངས་ལ་ཁྱབ་བར་བསམ། བ་རྒྱ་མཚོའི་ལྷ་ཚོགས་གྱུར། །འགྲོ་བ་

― KMC014_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་དོན་མཛད་ནས། །ཚུར་འདུས་སྔགས་ཕྲེང་རྣམ་པར་གྱུར། །སྣ་བུག་གཡོན་ཞུགས་ཐུགས་ཀར་ཐིམ། །དེ་གཉིས་སྒྲུབ་པའི་དམིགས་པ་སྟེ། །ཡིག་བཅུ་སྔགས་རིང་གང་མོས་བཟླ། །དེ་ནས་ལུས་གྱི་ལྷ་རྣམས་ལས། །འོད་ཟེར་ཡར་འཕྲོས་སྤྱི་བོ་ཡི། །རིགས་བདག་ལ་ཕོག་ཐུགས་རྒྱུད་བསྐུལ། །དེ་ལས་འོད་དམར་ནམ་མཁའ་ཁྱབ། །ཕྱི་སྣོད་འཇིག་རྟེན་ལ་ཕོག་པས། །གཞལ་ཡས་གྲུ་བཞི་སྒོ་བཞི་པ། །ཕྱི་གསལ་ནང་གསལ་དྲི་མ་མེད། །ཕྱི་ནང་འདོད་ཡོན་དུ་མས་གང་། །ནང་དུ་པདྨ་འདབ་སྟོང་ལྡན། །དེ་འདྲ་ཆེ་ཕྲ་གྲངས་མེད་གྱུར། །དེ་ནང་ནང་བཅུད་སེམས་ཅན་ཀུན། །ཕོ་རྣམས་ཐམས་ཅད་སྤྱན་རས་གཟིགས། །མོ་རྣམས་ཡུམ་མཆོག་གསང་ཡེ་མ། །ཐུགས་རྗེ་ཆེན་པོའི་དཀྱིལ་འཁོར་ནི། །ཆ་ཚང་གྲངས་མེད་གཞལ་མེད་སྟེ། །ནམ་མཁའི་མཐར་ཐུག་ཞིང་ཀུན་ཁྱབ། །ཀུན་ཀྱང་རང་གི་རམ་བུའི་ཚུལ། །སྔགས་སྒྲ་འུར་ཆེམ་ཁམས་གསུམ་

― KMC014_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ། །སྒྲུབ་པ་ཆེན་པོའི་དམིགས་པའོ། །དེ་ནས་དུས་ལ་ངེས་མེད་པར། །ཐུན་མཇུག་ལས་བཞིའི་དམིགས་པ་ནི། །ཡུམ་གྱི་ཐུགས་ཀར་སྔགས་གཡོན་འཁོར། །ཧ་རི་ནི་ས་འབྱར་བ་ཡབ། །བཟླ་བྱའི་སྔགས་བཞིན་དཀྲུགས་ལ་བསྒོམ། །རང་གི་ཐུགས་ལས་འོད་དཀར་འཕྲོས། །རང་གི་ཞལ་ཐོན་ཡུམ་ཞལ་ཞུགས། །ཐུགས་ཐིམ་ཐུགས་བརྒྱུད་བྷ་གར་ཐོན། །རྡོ་རྗེའི་སྦུབས་ནས་ཐུགས་ཀར་ཐིམ། །མུ་ཏིག་ཕྲེང་བ་ལྟར་འཁོར་བས། །རང་གི་ནད་གདོན་བར་ཆད་ཞི། །སྔགས་རིང་ཧ་རི་ནི་སའི་མཇུག །ནད་གདོན་སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། །འོད་ཟེར་སེར་པོ་འོད་ལྔའི་མདངས། །རྨ་བྱའི་སྒྲོ་ཆུན་ལྟ་བུར་འཁོར། །ཚེ་བསོད་ཡེ་ཤེས་རྒྱས་པར་བསྒོམ། །བཻ་རོ་ཙ་ནཱི་ཡེ་ཡི་མཇུག །རི་ནི་ཧ་ས་མ་མ་ཨཱ་ཡུཿཔུཎྱེ་ཛྙཱ་ན་པུཥྚིཾ་ཀུ་རུ་སྭཱ་ཧཱ། །འོད་ཟེར་དམར་པོ་ལྕགས་སྒྲོག་དབྱིབས། །ཅུང་ཟད་འཁྱོག་ཅིང་གུག་པ་ནི། །འགལ་མེའི་འཁོར་ལོ་བཞིན་དུ་

― KMC014_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར། །རླུང་སེམས་སྣང་བ་དབང་འདུས་བསམ། །བཻ་རོ་ཙ་ནཱི་ཡེ་ཡི་མཇུག །ནི་རི་ས་ཧ་བ་སུ་ན་ན་ཁི་དྷ་སརྦ་སིདྡྷི་བ་ཤཾ་ཀུ་རུ་སྭཱ་ཧཱ། །འོད་ཟེར་མཐིང་ག་ཐག་འཁྱུག་བཞིན། །འཁོར་བས་བདུད་བཞི་ཚར་བཅད་བསྒོམ། །བཻ་རོ་ཙ་ནཱི་ཡེ་ཡི་མཇུག །ས་ནི་རི་ཧ་གནོད་བྱེད་སརྦ་ཤ་ཏྲུཾ་མཱ་ར་ཡ་ཧཱུྃ་ཕཊ། དེ་ལྟར་ལས་བཞིའི་སྔགས་དམིགས་ནི། །མང་ཉུང་རང་གིས་ཅི་འདོད་ཆོག །དེ་ནས་འགོག་པའི་བཟླས་པ་ནི། །ཡབ་ཡུམ་ཐུགས་ཀའི་ཧྲཱིཿཡིག་ལས། །འོད་ཟེར་དམར་པོས་སྐུ་ལུས་ཁྱབ། །ཕན་ཚུན་འོད་ཟེར་གཅིག་འདྲེས་པས། །ཡབ་ཡུམ་གཉིས་ཀྱི་སྐུ་གསུང་ཐུགས། །འོད་ཀྱི་ཕུར་པོར་གྱུར་པ་དེ། །སྐུ་ཡི་རྣམ་པ་གསལ་བ་ལ། །མཁའ་ལ་འཇའ་ཚོན་ཤར་བ་བཞིན། །སྒྱུ་མ་ཆུ་ཟླ་ལྟ་བུར་བསྒོམ། །ཐུན་མཚམས་གར་བདེར་གཏོར་བསྔོས་དང་། །ཉལ་ཁ་ཐུན་བསྡུ་སྟོང་བར་བྱ། །དེ་ལ་རང་བྱུང་རྡོ་རྗེའི་གསུང་། །ལྷ་ཡང་བསྡུས་ལ་ཧྲཱིཿཡང་ནི། །ལྷན་ཅིག་སྐྱེས་

― KMC014_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྒྱས་གདབ་བོ། །འཁོར་དང་མྱ་ངན་འདས་པའི་ཆོས། །དངོས་པོ་རྡུལ་ཙམ་ཡོད་མ་ཡིན། །གསུངས་པ་ལྟར་དུ་མཉམ་པར་བཞག །རྗེས་ནས་བསྔོ་སྨོན་རྒྱ་ཡིས་གདབ། །ལུས་དཀྱིལ་འདི་ལ་ཕན་ཡོན་ནི། །རྒྱ་ཆེར་རྒྱུད་ལས་གསུངས་པ་ལྟར། །རང་བྱུང་བས་ཀྱང་དེ་ལྟར་གསུངས། །མཐར་ཕྱིན་དང་ནི་ཐབས་མཁས་ཀྱིས། །ཡུན་རིང་གསོལ་བཏབ་བསྐུལ་བ་དང་། །དྲིན་ཆེན་སྤྲུལ་སྐུའི་དགོངས་རྫོགས་ཕྱིར། །ལུག་ལོ་ས་གའི་བཅུ་གཅིག་གི །ཕྱི་དྲོའི་ཐུན་ལ་བབ་པའི་ཚེ། །རཱ་ག་ཨ་སྱས་གདམས་པ་ལྟར། །བཙུན་པ་མཐར་ཕྱིན་ཞེས་བྱས་བྲིས། །འགལ་འཁྲུལ་ཉེས་པའི་ཆ་མཆིས་ན། །ཡི་དམ་ཌཱ་ཀིའི་ཚོགས་ལ་བཤགས། །དགེ་བས་ཞིང་གཤེགས་སྤྲུལ་སྐུ་ཡི། །ས་ལམ་ཡོན་ཏན་གོང་དུ་འཕེལ། །འདི་ཉིད་མཐོང་ཐོས་དྲན་རེག་རྣམས། །འབྲེལ་ཚད་དོན་དང་ལྡན་པ་ཡི། །ཐུགས་རྗེ་ཆེན་པོ་མྱུར་འགྲུབ་ཤོག །སརྦ་མངྒ་ལཾ། དགེའོ། དགེའོ།

― KMC014_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

དགེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་རྗེས་ཆོག་ཟིན་བྲིས།

― KMC014_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་སྒྲུབ་པའི་རྗེས་ཆོག་གི་ཟིན་བྲིས་བཞུགས་སོ། །

― KMC014_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ལོ་ཀེ་ཤྭ་རཱ་ཡ། །ཐུགས་རྗེ་ཆེན་པོར་ཕྱག་འཚལ་བཀའ་གནང་སྩོལ། །ལྷ་དགུའི་ནང་སྒྲུབ་གསང་སྒྲུབ་དྲིལ་སྒྲུབ་ཚེ། །དཀྱིལ་འཁོར་བུམ་པ་བྷནྡྷ་དབྱེར་མེད་པ། །མདུན་བསྐྱེད་གཞལ་ཡས་ཁང་གཅིག་བསྒོམ་པ་ཡིན། །བུམ་ཆུ་བདུད་རྩི་མདུན་བསྐྱེད་ལྷ་དབྱེར་མེད། །སྒྲུབ་པའི་ཞག་གྲངས་ཐེམ་པའི་ཕྱིར་ནང་ལ། །བདག་མདུན་བུམ་གསུམ་ཚར་གཅིག་འདོན་པའི་ཚེ། །གཞུང་ལྟར་བུམ་བསྐྱེད་མདུན་བསྐྱེད་སོ་སོར་བསྒོམ། །གཙོ་བོའི་མདུན་དུ་རྣམ་རྒྱལ་

― KMC014_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

བུམ་པའི་ནང་། །ལྷ་དགུ་བསྒོམ་ཚུལ་བུམ་བསྐྱེད་གཞུང་ལྟར་ཡིན། །མདུན་བསྐྱེད་སྦྱོར་མཚམས་བྱ ང་སེམས་དཀར་དམར་རྒྱུན། །འོད་ཟེར་ཚུལ་དུ་བྷནྡྷའི་བདུད་རྩིར་བསྟིམ། །བུམ་བསྐྱེད་ལ་དམིགས་བསྙེན་པ་ཅི་འགྲུབ་བྱ། །དེ་ནས་དངོས་གྲུབ་ལེན་ཆོག་ཚུལ་དུ་ནི། །བདག་འཇུག་རྒྱས་པ་རང་གིས་བླང་བར་བྱ། །སྐབས་འདིར་གལ་ཆེན་གཞན་ལ་བསྐུར་ན་ནི། །སྒྲུབ་དབང་ཡིན་ཕྱིར་བྱིན་རླབས་དཔག་ཏུ་མེད། །གལ་ཏེ་བདག་འཇུག་ལེན་པར་མི་ཤེས་སམ། །

― KMC014_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀྱང་ལེན་ལོངས་མེད་པར་གྲོལ་དགོས་ན། །མདུན་བསྐྱེད་ལྷ་ཚོགས་ཀུན་གྱི་དཔྲལ་བ་དང་། །མགྲིན་པ་ཐུགས་ཀ་ལྟེ་བ་བཞི་པོ་ནས། །ༀ་དཀར་ཨཱཿདམར་ཧཱུྃམཐིང་ཧྲཱིཿལྗང་གུ། །ཐིག་ལེ་འོད་དང་བཅས་པ་དཔག་མེད་བྱོན། །རང་གི་གནས་བཞིར་ཐིམ་པས་སྒྲིབ་བཞི་དག །དགའ་བ་བཞི་སྐྱེས་སྐུ་བཞིའི་ས་བོན་བཞག །དབང་བཞི་ཡོངས་སུ་རྫོགས་པ་ཐོབ་བསྒོམས་ཞིང་། །སྔགས་རིང་ཧ་རི་ནི་སའི་མཇུག་དེ་རུ། །ཀཱ་ཡ་སིདྡྷི་ༀ། ཝཱཀྐ་སིདྡྷི་ཨཱཿ། ཙིཏྟ་སིདྡྷི་ཧཱུྃ། སརྦ་སིདྡྷི་ཧྲཱིཿ། ཞེས་བཏགས་བརྒྱ་ལས་མི་ཉུང་ཙམ་ཞིག་བཟླ། །བུམ་པ་རྡོ་རྗེ་དབུ་རྒྱན་གླེགས་བམ་དང་། དྲིལ་བུ་རྣམས་ནི་རང་གི་གནས་བཞིར་གཏུགས། །བུམ་ཆུ་ཅུང་ཟད་བཏུང་ཞིང་སྤྱི་བོར་བླུགས། །ཐོད་པ་གནས་བཞིར་གཏུགས་ཤིང་བདུད་རྩི་བཏུང་། །མེ་ལོང་སྙིང་གར་གཏུགས་ཤིང་སིནྡྷུ་རས། །སྤྱི་མགྲིན་ཐུགས་ཀ་གསུམ་དུ་ཐིག་ལེ་བྱ། །སྐབས་འདིར་སྦྱིན་སྲེག་འགྲུབ་ན་ལེགས་པ་ཡིན། །

― KMC014_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་མེ་ལྷ་འོད་ཞུ་མེ་དཔུང་གྱུར། །དེ་ནང་གཞལ་ཡས་ཁང་ཞིག་བསྒོམ་པའི་ནང་། །དཀྱིལ་འཁོར་དབུས་ནས་ཚོམ་བུ་མེ་ནང་བཏབ། །བཛྲ་ས་མཱ་ཛཿཞེས་བརྗོད་བྱས་པས། །མདུན་བསྐྱེད་ལྷ་རྣམས་སྤྱན་དྲངས་བཞུགས་བསམ་ལ། །བསྲེག་རྫས་ཕུལ་བས་ཆོག་པར་བཤད་པ་ཡིན། །སྦྱིན་སྲེག་ཚར་ནས་ལྷ་རྣམས་དཀྱིལ་འཁོར་བཞུགས། །འཇིག་རྟེན་མེ་ལྷ་གཤེགས་གསོལ་སྤྱི་དང་མཚུངས། །དེ་ནས་དགའ་སྟོན་ཚོགས་ཀྱི་འཁོར་ལོ་དང་། །རྗེས་ཆོག་རྣམས་ནི་གཞུང་དུ་གསལ་ལྟར་ལས། །མདུན་བསྐྱེད་རྟེན་ལ་བསྟིམ་མམ་གཤེགས་གསོལ་བྱ། །བདག་བསྐྱེད་ནམ་ཡང་མི་གཤེགས་ཐུན་བསྡུའོ། །དེ་ལྟར་སྒྲུབ་པ་བྱས་པའི་དགེ་རྩ་དེས། །བདེ་བ་ཅན་གྱི་ཞིང་དུ་སྐྱེ་བ་སོགས། །མ་ཡེངས་རྩེ་གཅིག་སྨོན་ལམ་གང་བཏབ་པ། །ཐེ་ཚོམ་མེད་པར་འགྲུབ་པར་བཤད་པ་ཡིན། །སྦྱིན་སྲེག་རྗེས་ནས་བྱས་ཀྱང་ཆོག་པ་སྟེ། །དེ་ལྟར་བྱས་ན་བྱེད་

― KMC014_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་སྤྱི་དང་མཚུངས། །རྡུལ་ཚོན་རྒྱས་པ་གཞུང་ལྟར་ཡོད་ན་ནི། །ཆུ་ུལ་སྐྱེལ་སོགས་གཞུང་དུ་གསལ་ལྟར་བྱ། །རྡུལ་ཚོན་བསྡུས་པའམ་ཚོམ་བུ་ཡིན་ན་ནི། །མཐའ་ནས་དབུས་བསྡུ་ཅུང་ཟད་སྤྱི་བོར་བླུགས། །དེ་འཕྲོ་བྱིན་རླབས་རྟེན་དུ་སྦྱིན་པའང་རུང་། བུམ་ཆུ་བདུད་རྩིའི་ལྷག་མ་གང་དུ་འདུག་པ། །ནང་འཁོར་རྣམས་ལ་ཅུང་ཟད་སྦྱིན་པ་དང་། །དེ་འཕྲོ་རྟེན་འདུས་རིལ་བུའི་རུ་རྩི་བྱ། །རག་ཚད་སྐྱེ་བ་བདུན་གྱི་འོག་རོལ་དུ། །པདྨ་ཅན་གྱི་ཞིང་དུ་སྐྱེ་འགྱུར་ཞེས། །ཨོ་རྒྱན་གྱིས་མཛད་ལྷ་དགུའི་གཞུང་ནས་གསུངས། །ཐུགས་རྗེ་ཆེན་པོ་འགྲོ་དོན་ལྷ་ཡིན་ཕྱིར། །དངོས་གྲུབ་ཉམས་དོགས་སེར་སྣ་མི་བྱའོ། །དེ་ནས་གསང་སྔགས་གསང་བའི་རྟེན་འབྲེལ་དུ། །དཀྱིལ་འཁོར་སོགས་བསྡུས་རྗེས་མི་མངོན་པར་བྱ། །སྒྲུབ་པ་ཡུན་རིང་བྱས་པ་ཡིན་ན་ནི། །ཞག་གསུམ་ཐག་རིང་མི་འགྲོ་གནས་བསྲུང་བྱ། །དེ་ཚེ་ཉམས་ལེན་སྟོང་ཉིད་གཙོ་ཆེར་བསྒོམ། །དེ་

― KMC014_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་ལྷ་དགུ་སྒྲུབ་པའི་རྗེས་ཆོག་ཚུལ། །ཕྱི་སྒྲུབ་ཡང་གསང་སྒྲུབ་པ་ལུས་དཀྱིལ་ལ། །སྒྲུབ་པ་ཡུན་རིང་རྒྱུན་ཁྱེར་ཡིན་ཀྱང་རུང་། །སྤྲོ་ན་རྗེས་ཆོག་བྱེད་ཚུལ་གོང་དང་མཚུངས། །རྗེས་ཆོག་མ་བྱས་ན་ཡང་ཉེས་སྐྱོན་མེད། །ལྷ་དགུའི་སྒྲུབ་སྐོར་ཟིན་བྲིས་ཆ་ཚང་ཕྱིར། །ཐབས་མཁས་མཐར་ཕྱིན་གཉིས་ཀྱིས་བསྐུལ་བ་དང་། །དྲིན་ཆེན་རིག་འཛིན་མཆོག་དེའི་དགོངས་རྫོགས་ཕྱིར། །མེ་ལུག་ས་ག་ཟླ་བའི་བཅུ་གཅིག་གི།དགོང་མོའི་ཐུན་ལ་རཱ་ག་ཨ་སྱས་གདམས། །སློབ་བུ་མཐར་ཕྱིན་ཞེས་བྱ་ཡི་གེ་བ། །འདི་བྲིས་ཉེས་འགལ་ལྷ་དང་སྲུང་མར་བཤགས། །འདི་བྲིས་དགེ་བས་རིག་འཛིན་ཆེན་པོ་ཡི། །ཟག་མེད་ཐུགས་ཀྱི་དགོངས་པ་ཡོངས་རྫོགས་ཤིང་། །འདི་ལ་འབྲེལ་བ་ཐོགས་ཚད་འགྲོ་བ་ཀུན། །ནུབ་ཕྱོགས་བདེ་བ་ཅན་གྱི་ཞིང་ཁམས་སུ། །མེ་ཏོག་པདྨའི་སྟེང་དུ་བརྫུས་སྐྱེས་ནས། །སྤྱན་རས་གཟིགས་དང་ནམ་ཡང་འབྲལ་མེད་ཤོག །སརྦ་

― KMC014_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས་ལྷ་དགུའི་ཡང་གསང་སྒྲུབ་པའི་ཟིན་བྲིས།

― KMC014_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་གི་ཆོ་གའི་ཟིན་བྲིས་རབ་གསལ་ཐར་པའི་ལམ་ཆེན་ལས། ལྷ་དགུའི་ཡང་གསང་སྒྲུབ་པའི་ཟིན་བྲིས་བཞུགས་སོ། །

― KMC014_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭ་ར་དེ་ཝ་པཉྩ་ཡེ། རྒྱལ་བ་རྒྱ་མཚོའི་ལྷ་དགུའི་ལྷ་ཚོགས་ལ། །གུས་པས་ཕྱག་འཚལ་བཀའ་གནང་བྱིན་གྱིས་རློབས། །ཡང་གསང་འཁོར་ལོ་ལྔ་ཡི་སྒྲུབ་པ་ལ། །སྒྲུབ་པའི་ལུགས་དང་ཁྲིད་ཀྱི་རིམ་པ་གཉིས། །ཁྲིད་རིམ་རྩ་རླུང་བསྒོམ་ལུགས་གཞན་དུ་གསལ། །འདིར་ནི་བསྐྱེད་རིམ་བསྙེན་སྒྲུབ་བྱ་བའི་ཚུལ། །མཚམས་བཅད་མི་དགོས་གང་དགར་བསྒོམ་པས་ཆོག །བདག་བསྐྱེད་འདོན་པའི་ཆས་ཙམ་མ་གཏོགས་པ། །སྒྲུབ་པའི་རྫས་ནི་ཅི་ཡང་མི་

― KMC014_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་སོ། །ད་ནང་བདག་བསྐྱེད་ཚར་གཅིག་ཐོན་གྱི་ནས། །སྤྱོད་ལམ་ཀུན་ཏུ་སྔགས་བཟླས་དམིགས་པ་བསྒོམ། །དགོང་མོ་གཏོར་བསྔོས་རྒྱས་བསྡུས་ཅི་རིགས་དང་། །ཉལ་ཁ་ཐུན་བསྡུ་བསྔོ་སྨོན་རྒྱ་ཡིས་གདབ། །དེ་ལྟར་ཞག་བདུན་མན་ཆད་ལོ་ཟླའི་བར། །ཉམས་སུ་ལེན་པ་ཡང་གསང་སྒྲུབ་པ་ཉིད། །དེ་ཚེ་བསྒོམ་བྱ་དམིགས་པའི་རིམ་པ་ནི། །བདག་ཉིད་རྒྱལ་བ་རྒྱ་མཚོ་ཡབ་ཡུམ་སྐུ། །ཕྱི་ནི་དར་དམར་གུར་ཕུབ་ལྟ་བུ་ལ། །ནང་ནི་སྟོང་གསལ་ཕྲུ་མ་ཕུས་བཏབ་

― KMC014_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། །དེ་དབུས་ཨ་ཝ་དྷུ་ཏི་མཐིང་གསལ་དྲང་། །ཡར་སྣ་ཧྃ་ཡིག་ཐིག་ལེ་དངུལ་ཆུའི་མདོག །མར་སྣ་ཨཱཿཤད་ཐིག་ལེ་དམར་པོས་མཚན། །གཡས་གཡོན་རོ་མ་དམར་དང་རྐྱང་མ་དཀར། །ཡར་སྣེ་སྣ་བུག་མར་སྣེ་ལྟེ་འོག་ཟུག །འཁོར་ལོ་ལྔ་ཡི་རྩ་འདབ་གདུགས་རྩིབས་བཞིན། །སྤྱི་བོར་རྩ་འདབ་སུམ་བཅུ་སོ་གཉིས་དཀར། །མགྲིན་པར་བཅུ་དྲུག་དམར་པོ་ཁ་ཡར་ཕྱོགས། །སྙིང་ཀའི་རྩ་བརྒྱད་མཐིང་ཀ་ཅུང་ཟད་སྦུབ། །ལྟེ་བའི་རེ་བཞི་སེར་པོ་ཁ་ཡར་ཕྱོགས། །གསང་གནས་སོ་གཉིས་སམ་ཉེར་བརྒྱད་ལྗང་གུ་དྲང་། །འཁོར་ལོ་ལྔ་ཡི་རྩ་མདུད་དབུ་མའི་ནང་། །སྤྱི་བོར་གཏི་མུག་ངོ་བོ་ༀ་དཀར་པོ། །མགྲིན་པར་འདོད་ཆགས་ངོ་བོ་ཧྲཱིཿདམར་པོ། །སྙིང་གར་ཞེ་སྡང་ངོ་བོ་ཧཱུྃ་མཐིང་ཀ །ལྟེ་བར་ང་རྒྱལ་ངོ་བོ་ཏྲཱཾ་སེར་པོ། །གསང་གནས་ཕྲག་དོག་ངོ་བོ་ཨཱཿལྗང་གུ། །དེ་དག་རྣམས་ལས་འོད་ཟེར་ཕྱོགས་བཅུར་འཕྲོས། །བདག་དང་འབྲེལ་ཐོགས་གཙོར་བྱས་འགྲོ་

― KMC014_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱི། །དུག་ལྔའི་སྒོ་ནས་བསགས་པའི་སྡིག་སྒྲིབ་དང་། །ལམ་རྒྱུད་ལྔ་རུ་སྐྱེ་བའི་ས་བོན་ཀུན། །འོད་ཟེར་དེས་བསྡུས་ཡིག་འབྲུ་ལྔ་ལ་ཐིམ། །བར་རླུང་གསུས་པ་ཐེར་ཙམ་གང་བ་ཡིས། །དབུ་མའི་མར་སྣེར་གཏུམ་མོ་ཡེ་ཤེས་མེ། །ནར་གྱིས་འབར་བས་དུག་ལྔའི་ས་བོན་བསྲེགས། །ཡེ་ཤེས་ལྔ་ཡི་སྤྱན་རས་གཟིགས་གྱུར་ཏེ། །སྤྱི་བོར་སྐུ་ཡི་སྤྱན་གཟིགས་ཡབ་ཡུམ་དཀར། །འཁོར་ནི་ཌཱ་ཀི་དཀར་མོ་རྩ་འདབ་གྲངས། །ཐུགས་ཀར་ཧྲཱིཿཡིག་དཀར་པོ་རེ་རེས་མཚན། །མགྲིན་པར་གསུང་གི་སྤྱན་གཟིགས་ཡབ་ཡུམ་དམར། །དམར་མོ་བཅུ་དྲུག་ཐུགས་ཀར་ནི་ཡིག་མཚན། །སྙིང་ཁར་ཐུགས་ཀྱི་སྤྱན་གཟིགས་ཡབ་ཡུམ་མཐིང་། །འཁོར་བརྒྱད་སྔོན་མོའི་ཐུགས་ཀར་ཧ་ཡིག་རེ། །ལྟེ་བར་ཡོན་ཏན་སྤྱན་གཟིགས་ཡབ་ཡུམ་སེར། །སེར་མོ་རེ་བཞི་ཐུགས་ཀར་རི་ཡིག་རེ། །གསང་བར་ཕྲིན་ལས་སྤྱན་གཟིགས་ཡབ་ཡུམ་ལྗང་། །རྩ་འདབ་གྲངས་

― KMC014_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་ཌཱ་ཀིའི་ཐུགས་ཀར་ས། །འཁོར་རྣམས་རང་རྟགས་གྲི་ཐོད་ཁ་ཊཱཾ་ག །ཡབ་ལྔའི་ཐུགས་ཀར་པདྨ་ཟླ་བའི་སྟེང་། །རང་མདོག་ཧྲཱིཿལ་ཡིག་བཅུ་གཡས་སུ་འཁོར། །ཡུམ་ལྔའི་ཐུགས་ཀར་ཆོས་འབྱུང་རྐྱང་པའི་སྟེང་། །རང་མདོག་ཧྲཱིཿ ལ་ཡུམ་སྔགས་གཡོན་དུ་འཁོར། །དེ་ནས་བར་རླུང་ཐེར་ཙམ་བཟུང་བ་ཡིས། །གསང་གནས་ཨཱཿཤད་གཏུམ་མོའི་མེ་འབར་ཏེ། །རྩ་གནས་མེས་གང་སྤྱི་བོའི་ཧྃ་ལ་རེག །བདུད་རྩི་བྱང་སེམས་འོ་མའི་རྒྱུན་བཞིན་བབས། །ལྷ་ཚོགས་ཀུན་གྱི་ཞལ་ཞུགས་སྐུ་ལུས་གང་། །བདེ་བས་ཐུགས་རྗེས་བདེ་སྟོང་ཡེ་ཤེས་འབར། །སྔོན་ལས་བཀྲག་མདངས་གཟི་བརྗིད་རྒྱས་པར་བསྒོམ། །ཡིག་བཅུའམ་ཡིག་དྲུག་བཟླས་པ་བསྙེན་པ་ཡིན། །དེ་ནས་ཡབ་ཡུམ་སྔགས་འཁོར་བཅུ་པོ་ལས། །འོད་ཟེར་སྣ་ཚོགས་ནམ་མཁའ་ཁྱབ་པར་འཕྲོས། །ཕྱོགས་བཅུའི་སངས་རྒྱས་བྱང་སེམས་ཐམས་ཅད་དང་། །བླ་མ་ཡི་དམ་མཁའ་འགྲོ་ཐམས་

― KMC014_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ལ། །འོད་དེས་མཆོད་པའི་སྤྲིན་དུ་གྱུར་པས་མཉེས། །ཐམས་ཅད་ཐུགས་རྗེ་ཆེན་པོ་ཡབ་ཡུམ་སྐུར། གནས་རྒྱུར་ཁ་བ་བུ་ཡུག་འཚུབ་བཞིན་བྱོན། །མཚོ་ལ་ཆར་བཞིན་བདག་ལ་སིབ་སིབ་ཐིམ། །དབང་དང་བྱིན་རླབས་དངོས་གྲུབ་ཐོབ་པར་བསྒོམ། །དེ་ནི་ཉེ་བར་བསྙེན་པའི་དམིགས་པ་ཡིན། །དེ་ནས་སྔགས་འཁོར་བཅུ་པོ་འཁོར་བཞིན་ལས། །སྤྱི་བོའི་ཡབ་ཡུམ་སྔགས་ཕྲེང་དྲག་ཏུ་འཁོར། །དེ་ལས་འོད་ཟེར་དཀར་པོ་ཕྱོགས་བཅུར་འཕྲོས། །བདེ་གཤེགས་རིགས་ཀྱི་སངས་རྒྱས་བྱང་སེམས་དང་། །སྐུ་ཡི་རིགས་ཀྱི་ལྷ་ཚོགས་ཐམས་ཅད་མཆོད། །དེ་ཀུན་སྤྱན་གཟིགས་ཡབ་ཡུམ་དཀར་པོའི་སྐུར། །གནས་གྱུར་ཆར་བཞིན་བབ་ནས་བདག་ལ་ཐིམ། །འགྱུར་མེད་སྐུ་ཡི་དངོས་གྲུབ་ཐོབ་པ་དང་། །རང་གི་གཟུགས་ཀྱི་ཕུང་པོ་འདི་ཉིད་ནི། །བདེ་གཤེགས་སྤྱན་གཟིགས་ཡབ་ཡུམ་ངོ་བོར་གྱུར། །ཆོས་དབྱིང་ཡེ་ཤེས་མངོན་དུ་བྱས་པར་

― KMC014_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ། །མགྲིན་པའི་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་དམར་པོ་ཕྱོགས་བཅུར་ཁྱབ་པར་འཕྲོས། །པདྨ་རིགས་ཀྱི་སངས་རྒྱས་བྱང་སེམས་དང་། །གསུང་གི་ལྷ་ཚོགས་ཐམས་ཅད་མཆོད་པས་མཉེས། །ཐམས་ཅད་སྤྱན་གཟིགས་ཡབ་ཡུམ་དམར་པོར་གྱུར། །གནས་གྱུར་ཆར་བཞིན་བབ་ནས་བདག་ལ་ཐིམ། །འགགས་མེད་གསུང་གི་དངོས་གྲུབ་ཐོབ་པ་དང་། །འདུ་ཤེས་པདྨ་སྤྱན་གཟིགས་ངོ་བོ་གྱུར། །སོར་རྟོག་ཡེ་ཤེས་མངོན་དུ་བྱས་པར་བསྒོམ། །ཐུགས་ཀའི་ཡབ་ཡུམ་སྔགས་ཕྲེང་དྲག་ཏུ་འཁོར། །དེ་ལས་འོད་ཟེར་མཐིང་མདོག་ཕྱོགས་བཅུར་འཕྲོས། །རྡོ་རྗེ་རིགས་ཀྱི་སངས་རྒྱས་བྱང་སེམས་དང་། །ཐུགས་ཀྱི་ལྷ་ཚོགས་ཐམས་ཅད་མཆོད་པས་མཉེས། །ཐམས་ཅད་སྤྱན་གཟིགས་ཡབ་ཡུམ་མཐིང་ཀའི་སྐུར། །གནས་གྱུར་བུ་ཡུག་འཚུབ་བཞིན་བདག་ལ་ཐིམ། །འཁྲུལ་མེད་ཐུགས་ཀྱི་དངོས་གྲུབ་ཐོབ་པ་དང་། །རྣམ་ཤེས་རྡོ་རྗེ་

― KMC014_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱན་གཟིགས་ངོ་བོར་གྱུར། །མེ་ལོང་ཡེ་ཤེས་མངོན་དུ་བྱས་པར་བསྒོམ། །ལྟེ་བའི་ཡབ་ཡུམ་སྔགས་ཕྲེང་མྱུར་བར་འཁོར། །དེ་ལས་འོད་ཟེར་གསེར་མདོག་ཕྱོགས་བཅུར་འཕྲོས། །རིན་ཆེན་རིགས་ཀྱི་སངས་རྒྱས་བྱང་སེམས་དང་། །ཡོན་ཏན་ལྷ་ཚོགས་ཀུན་ལ་མཆོད་པས་མཉེས། །དེ་ཀུན་སྤྱན་གཟིགས་ཡབ་ཡུམ་གསེར་མདོག་སྐུར། །གནས་གྱུར་ཆར་བཞིན་བབ་ནས་བདག་ལ་ཐིམ། །ཡོན་ཏན་ལྷུན་གྱིས་གྲུབ་པའི་དངོས་གྲུབ་ཐོབ། །ཚོར་བ་རིན་ཆེན་སྤྱན་གཟིགས་ངོ་བོར་གྱུར། །མཉམ་ཉིད་ཡེ་ཤེས་མངོན་དུ་བྱས་པར་བསྒོམ། །གསང་གནས་ཡབ་ཡུམ་སྔགས་ཕྲེང་མྱུར་བར་འཁོར། །དེ་ལས་འོད་ཟེར་ལྗང་གུ་ཕྱོགས་བཅུར་འཕྲོས། །ལས་ཀྱི་རིགས་ཀྱི་སངས་རྒྱས་བྱང་སེམས་དང་། ཕྲིན་ལས་རིགས་ཀྱི་ལྷ་ཚོགས་ཐམས་ཅད་མཆོད། །དེ་ཀུན་སྤྱན་གཟིགས་ཡབ་ཡུམ་ལྗང་གུ་གྱུར། །བུན་ནེ་ཆེལ་ལེ་བྱོན་ནས་བདག་ལ་ཐིམ། །ཕྲིན་ལས་

― KMC014_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བ་འདུལ་བའི་དངོས་གྲུབ་ཐོབ། །འདུ་བྱེད་ཀརྨ་སྤྱན་གཟིགས་ངོ་བོར་གྱུར། །བྱ་གྲུབ་ཡེ་ཤེས་མངོན་དུ་བྱས་པར་བསྒོམ། །དེ་ལྟར་བསྒོམ་ཞིང་བཟླས་པ་སྒྲུབ་པ་ཡིན། །དེ་ནས་སྤྱི་བོ་ཡབ་ཡུམ་སྔགས་ཕྲེང་ལས། །འོད་ཟེར་དཀར་པོ་ཟླ་བ་ཤར་འདྲ་འཕྲོས། །རང་གི་ལུས་ཀྱི་ནང་ཀུན་དཀར་གསལ་ཁྱབ། །ནད་གདོན་གཏི་མུག་སྡིག་སྒྲིབ་སངས་སེ་དག །འོད་དེ་ཕྱིར་འཕྲོས་འོད་དཀར་འཇིག་རྟེན་ཁྱབ། །དུད་འགྲོ་ལ་སོགས་གཏི་མུག་ལྡན་རྣམས་ཀྱིས། གཏི་མུག་སྒོ་ནས་བསགས་པའི་སྡིག་སྒྲིབ་དང་། །བག་ཆགས་བཅས་པ་དག་ནས་ཐམས་ཅད་ཀྱང་། །སྤྱན་གཟིགས་ཡབ་ཡུམ་དཀར་པོའི་སྐུ་རུ་གྱུར། །དེ་བཞིན་མགྲིན་པའི་ཡབ་ཡུམ་སྔགས་འཁོར་ནི། །དྲག་ཏུ་འཁོར་བས་འོད་ཟེར་དམར་པོ་འཕྲོས། །ལུས་ཁྱབ་ནད་གདོན་འདོད་ཆགས་སྒྲིབ་པ་དག །ཕྱིར་འཕྲོས་ཉི་མ་འཆར་ཀའི་འོད་བཞིན་ཏུ། །ནམ་མཁའ་ཁྱབ་འཕྲོས་ཡི་དྭགས་ལ་སོགས་པ། །འདོད་

― KMC014_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་སེར་སྣ་ཅན་རྣམས་སྒྲིབ་པ་སྦྱངས། །ཐམས་ཅད་སྤྱན་གཟིགས་ཡབ་ཡུམ་དམར་པོར་གྱུར། །ཐུགས་ཀའི་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་མཐིང་མདོག་འཕྲོས་པས་བདག་ལུས་ཁྱབ། །ནད་གདོན་ཞེ་སྡང་སྡིག་སྒྲིབ་སངས་སེ་དག །འོད་ཟེར་ནམ་མཁའ་དྭངས་པའི་མདོག་ལྟ་བུ། །ཕྱོགས་ཀུན་ཁྱབ་པའི་དམྱལ་བ་ལ་སོགས་པ། །ཞེ་སྡང་ཅན་རྣམས་ཀུན་གྱི་སྡིག་སྒྲིབ་སྦྱངས། །ཐམས་ཅད་སྤྱན་གཟིགས་ཡབ་ཡུམ་མཐིང་ཀར་གྱུར། །ལྟེ་བའི་ཡབ་ཡུམ་སྔགས་ཕྲེང་དྲག་འཁོར་བས། །འོད་ཟེར་གསེར་མདོག་འཕྲོས་པས་བདག་ལུས་ཁྱབ། །ང་རྒྱལ་སྡིག་སྒྲིབ་དྲི་མ་སངས་སེ་དག །འོད་ཟེར་ཕྱིར་འཕྲོས་སྤྲིན་མེད་ཉི་ཤར་བཞིན། །འོད་ཀྱིས་ཕྱོགས་ཁྱབ་ལྷ་མི་ལ་སོགས་པ། །ང་རྒྱལ་ཅན་རྣམས་ཀུན་གྱི་སྒྲིབ་པ་སྦྱངས། །ཀུན་ཀྱང་སྤྱན་གཟིགས་སེར་པོ་ཡབ་ཡུམ་གྱུར། །གསང་གནས་ཡབ་ཡུམ་སྔགས་ཕྲེང་མྱུར་འཁོར་

― KMC014_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །འོད་ཟེར་ལྗང་གུ་འཕྲོས་པས་བདག་ལུས་ཁྱབ། །ནད་མདོན་ཕྲག་དོག་བག་ཆག་སྒྲིབ་པ་དག །འོད་ཟེར་ཕྱིར་འཕྲོས་འོད་ལྗང་འཇིག་རྟེན་ཁྱབ། །ལྷ་མི་ལ་སོགས་ཕྲག་དོག་ཅན་རྣམས་ཀྱི། །སྒྲིབ་སྦྱངས་སྤྱན་གཟིགས་ལྗང་གུ་ཡབ་ཡུམ་གྱུར། །དེ་ནས་གནས་ལྔའི་ཡབ་ཡུམ་སྔགས་ཕྲེང་ལས། །འོད་ཟེར་ཁ་དོག་སྣ་ཚོགས་བདག་ལུས་ཁྱབ། །ཐ་མལ་ལུས་ངག་ཡིད་ཀྱི་སྒྲིབ་པ་སྦྱངས། །འཕགས་པའི་སྐུ་གསུང་ཐུགས་ཀྱི་ངོ་བོར་གྱུར། །འོད་ཟེར་འཇའ་ཚོན་ལྟ་བུར་ཕྱིར་འཕྲོས་པས། །ཐ་མས་གདོས་བཅས་འབྱུང་བཞིར་འཛིན་པ་སྦྱང་། །ཡེ་ཤེས་གཞལ་ཡས་ཁང་གི་ངོ་བོ་གྱུར། །དེ་ལྟར་སྣོད་ཀྱི་འཇིག་རྟེན་གཞལ་ཡས་ཁང་། །བཅུད་ཀྱི་སེམས་ཅན་གཅིག་ཀྱང་མ་ལུས་པ། །རིགས་ལྔའི་སྤྱན་གཟིགས་ཡབ་ཡུམ་ཤ་སྟག་གྱུར། །ཀུན་ཀྱང་རང་གི་རམ་བུ་བཀྱག་པའི་ཚུལ། །སྔགས་སྒྲ་འུར་ཆོམ་འཇིག་རྟེན་གཡོ་བར་བསྒོམ། །དེ་ནི་སྒྲུབ་པ་ཆེན་པོའི་

― KMC014_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པའོ། །ཡིག་དྲུག་ཡིག་བཅུ་གང་རུང་བཟླ་ཆོག་སྟེ། །སྔགས་རིང་བཟླས་ན་རྟགས་དང་བྱིན་རླབས་མྱུར། །དམིགས་པ་དེ་དག་ཐུན་རེ་རྫོགས་པའམ། །ཞག་པོ་རེ་ལ་རྫོགས་པར་བྱས་ཀྱང་རུང་། །གལ་ཏེ་མཚམས་བསྡམས་རྩེ་གཅིག་སྒྲུབ་ན་ནི། །ཐུན་བཞིར་ཐུན་མཚམས་གཏོར་བསྔོས་ཐུན་བསྡུ་བྱ། །དེ་མིན་དགོང་ཀའམ་ནམ་འདོད་གཏོར་བསྔོས་གཅིག །དེ་ཚེ་སྤྲོ་ན་མདུན་བསྐྱེད་འདོན་ཡང་རུང་། །དེ་མིན་སྐད་ཅིག་གཏོར་མགྲོན་སྤྱན་དྲངས་ལ། །གཏོར་མ་བསྔོས་རྗེས་གཏོར་མགྲོན་ཡེ་ཤེས་པ། །རྟེན་ལ་བསྟིམ་མམ་མེད་ན་རང་ལ་བསྟིམ། །འཇིག་རྟེན་པ་རྣམས་རང་གནས་སོང་བར་དམིགས། །ཉལ་ཁ་ཐུན་བསྡུ་བསྔོ་སྨོན་གང་འདོད་བྱ། །དེ་ལྟར་མཚམས་བསྡམས་གྲུབ་ན་ཞག་དྲུག་གམ། །རྒྱུན་བསྙེན་ཡིན་ན་ཟླ་གཅིག་སོགས་འགྲུབ་ནས། །ཚེས་གཅིག་ནམ་ལངས་ཤར་དུ་ཁ་གྱུ་ལ། །དང་པོ་མགོ་བཙུགས་དེ་ནས་ནམ་འདོད་

― KMC014_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །སྤྱི་བོའི་ཡབ་ཡུམ་ཐུགས་ཀའི་སྔགས་འཁོར་ལས། །འོད་ཟེར་དཀར་པོ་ཕྱོགས་བཅུ་ཁྱབ་པར་འཕྲོས། །ཕྱོགས་བཅུར་བཞུགས་པའི་སངས་རྒྱས་བྱང་སེམས་དང་། །བླ་མ་ཡི་དམ་མཁའ་འགྲོ་ཐམས་ཅད་ལ། །དཀར་གསུམ་མངར་གསུམ་ལ་སོགས་ཞི་བ་ཡི། །འོད་དེ་མཆོད་རྫས་དཔག་མེད་གྱུར་པས་མཆོད། །ཞི་བ་ཆེན་པོའི་དངོས་གྲུབ་ཐམས་ཅད་ནི། །འོད་ཟེར་སྟོན་ཟླའི་མདོག་ཏུ་ཚུར་བསྡུས་ནས། །སྤྱི་བོའི་ཡབ་ཡུམ་སྐུ་ལ་ཐིམ་པ་ཡིས། །བདག་ཉིད་མཐོང་ཐོས་དྲན་རེག་འགྲོ་ཀུན་གྱི། །ནད་གདོན་སྡིག་སྒྲིབ་ཞི་ནུས་དངོས་གྲུབ་ཐོབ། །སླར་ཡང་སྤྱི་བོའི་ཡབ་ཡུམ་སྔགས་འཁོར་ལས། །འོད་ཟེར་དཀར་པོ་ཤི་སོས་བདུད་རྩི་བཞིན། །བདག་ལུས་གང་བས་ནད་གདོན་སྡིག་སྒྲིབ་རྣམས། །བ་སྤུའི་སྒོ་ནས་ནག་ཉིལ་ཕྱིར་ཐོན་ཏེ། །བདག་ལུས་བདེ་དྲོད་ཡེ་ཤེས་འབར་བར་གྱུར། །འོད་ཟེར་ཕྱིར་འཕྲོས་བསྲུང་བྱ་འབྲེལ་ཐོགས་ཀྱི། །ནད་གདོན་སྡིག་ལྟུང་

― KMC014_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་མ་དག་པར་བསྒོམ། །སྔགས་རིང་ཧ་རི་ནི་སའི་མཇུག་དེ་རུ། །ནད་གདོན་སརྦ་པཱ་པཾ་ཤནྟིཾ་ཀུ་རུ་སྭཱ་ཧཱ། །རྒྱུན་ཁྱེར་ཡིན་ན་བརྒྱ་སྟོང་ཅི་འགྲུབ་སྟེ། །རྟགས་ཐོན་བྱེད་ན་ཞག་བདུན་ཁྲི་འབུམ་སོགས། །གང་འདོད་རང་གི་ཉམས་དང་བསྟུན་པས་ཆོག །དེ་བཞིན་དང་པོ་རྒྱས་པའི་དབུ་འཛུག་ཚེ། །བཅོ་ལྔའི་ཉིན་ཕྱེད་ལྷོའམ་བྱང་དུ་ལྟས། །ལྟེ་བའི་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་སེར་པོ་ཕྱོགས་བཅུར་ཁྱབ་པར་འཕྲོས། །ཕྱོགས་བཅུའི་རྒྱལ་བ་སྲས་བཅས་ཐམས་ཅད་དང་། །བླ་མ་ཡི་དམ་མཁའ་འགྲོ་ནོར་ལྷའི་ཚོགས། །ཀུན་ལ་རྒྱལ་སྲིད་སྣ་བདུན་རིན་ཆེན་ལྔ། །རྒྱས་པའི་མཆོད་པ་རྒྱ་མཚོར་གུས་པས་མཆོད། །བསོད་ནམས་ཡེ་ཤེས་རྒྱས་པའི་དངོས་གྲུབ་ཀུན། །འོད་ཟེར་གཙོ་མ་གསེར་གྱི་མདོག་ལྟ་བུར། །བསྡུས་ནས་ལྟེ་བའི་ཡབ་ཡུམ་ཐུགས་ཀར་ཐིམ། །ཡོན་ཏན་ལྷུན་གྱིས་གྲུབ་པའི་དངོས་གྲུབ་ཐོབ། །སླར་ཡང་ཡབ་

― KMC014_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་འཁོར་བཅས་སྐུ་ལུས་ལས། །འོད་ཟེར་ཛཾ་བུ་ཆུ་གསེར་མདོག་ཅན་འཕྲོས། །བདག་ལུས་ཁྱབ་པས་ཚེ་བསོད་ཉམས་རྟོགས་རྒྱས། །འོད་ཟེར་ཕྱིར་འཕྲོས་སྤྲིན་མེད་ཉི་འོད་བཞིན། །འོད་དེས་དམིགས་ཡུལ་རྣམས་ལ་རེག་ཙམ་གྱིས། །དཔལ་འབྱོར་བདེ་སྐྱིད་བསོད་ནམས་རྒྱས་པར་བསྒོམ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །རི་ནི་ཧ་ས་མ་མ་ཨཱཿཡུཿཔུཎྱེ་ཛྙཱ་ན་པུ ཥྚིཾ་ཀུ་རུ་སྭཱ་ཧཱ། །ཞེས་པ་གོང་ལྟར་མང་ཉུང་ཅི་འགྲུབ་བཟླ། །ཉེར་གསུམ་དགོང་ཀ་ནུབ་ཏུ་ཁ་ཕྱོགས་ལ། །མགྲིན་པའི་ཡབ་ཡུམ་སྔགས་འཁོར་མྱུར་བར་འཁོར། །འོད་ཟེར་དམར་ཆེམ་ཕྱོགས་བཅུར་འཕྲོས་པ་ཡིས། །ཕྱོགས་བཅུའི་སངས་རྒྱས་རྩ་གསུམ་ལྷ་ཚོགས་ལ། །འདོད་ཡོན་ལྔ་དང་ཆང་སྣ་བཞི་ལ་སོགས། །དབང་གི་མཆོད་པ་རྒྱ་མཚོར་གྱུར་པས་མཆོད། །དབང་གི་དངོས་གྲུབ་བཅུད་རྣམས་འོད་ཟེར་ནི། །བྱེ་རུའི་མདོག་འདྲར་བསྡུས་ཏེ་མགྲིན་པར་ཐིམ། །བཀའ་བཙན་བདེན་ཚིག་

― KMC014_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་པའི་དངོས་གྲུབ་ཐོབ། །མགྲིན་པའི་གཙོ་འཁོར་ཀུན་གྱི་སྐུ་ལས་ནི། །འོད་ཟེར་པདྨ་རཱ་གའི་མདོག་འདྲ་འཕྲོས། །བདག་ལུས་ཁྱབ་པས་རླུང་སེམས་རང་དབང་ཐོབ། །འོད་ཟེར་ཕྱིར་འཕྲོས་གློག་སྟོང་འཁྱུགས་འདྲ་བས། །འཇིག་རྟེན་ཁམས་ཀྱི་ཚེ་བསོད་དཔལ་འབྱོར་དང་། །མཆོག་ཐུན་དངོས་གྲུབ་ཀུན་བསྡུས་བདག་ལ་ཐིམ། །སྔགས་རིང་བཻ་རོ་ཙ་ནཱི་ཡེ་ཡི་མཇུག །ནི་རི་ས་ཧ་བ་སུ་ན་ན་ཁ་དྷེ་སརྦ་སིདྡྷི་བ་ཤཾ་ཀུ་རུ་སྭཱ་ཧཱ། །ཅི་ལྕོགས་བཟླས་སོགས་གོང་དང་འདྲ་བ་ཡིན། །ཉེར་དགུའི་མུན་རུབ་ལྷོའམ་བྱང་བལྟས་ལ། །གསང་གནས་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་ལྗང་ནག་ཕྱོགས་བཅུར་ཁྱབ་པར་འཕྲོས། །ཕྱོགས་བཅུར་བཞུགས་པའི་རྩ་གསུམ་ལྷ་ཚོགས་ལ། །ཤ་ལྔ་ཤ་ཆེན་སྤོས་དག་ཚིལ་ཆེན་བསུར། །དྲག་པོའི་མཆོད་པ་དཔག་མེད་གྱུར་པས་མཆོད། །དེ་དག་ཀུན་གྱི་མཐུ་སྟོབས་ནུས་པ་ཀུན། །འོད་ཟེར་ལྗང་གུ་

― KMC014_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་ཏེ་གསང་གནས་ཀྱི། །ལྷ་ལ་ཐིམ་པས་བཀྲག་མདངས་ཕུན་སུམ་ཚོགས། །ཕྲིན་ལས་གང་བརྩམ་ཐོག་མེད་དངོས་གྲུབ་ཐོབ། །གསང་གནས་ལྷ་ཚོགས་གཙོ་འཁོར་ཐམས་ཅད་ལས། །འོད་ཟེར་ལྗང་གུ་འཕྲོས་པས་བདག་ལུས་ཁྱབ། །ལུས་ཀྱི་ནད་གདོན་སེམས་ཀྱི་དུག་ལྔ་རྣམས། །འོད་དེས་བ་མོར་ཉི་ཟེར་ཕོག་ལྟར་བཅོམ། །འོད་ལྗང་ཕྱིར་འཕྲོས་མཚོན་ཆའི་དབྱིབས་འདྲ་བ། །དམྱལ་བའི་མེ་ལྟར་ཚ་ངར་ལྡན་པ་དེས། །གནོད་བྱེད་དགྲ་བགེགས་བདུད་བཞི་གཞོབ་ཐུལ་བསྲེགས། །རྩ་སྔགས་བཻ་རོ་ཙ་ནཱི་ཡེ་ཡི་མཇུག །ས་ནི་རི་ཧ་གནོད་བྱེད་སརྦ་ཤ་ཏྲུཾ་མཱ་ར་ཡ་ཧཱུྃ་ཕཊ། །ཞེས་པ་ཐུན་མོང་ཕྲིན་ལས་བཞི་སྒྲུབ་ཡིན། །མཆོག་སྒྲུབ་ཡར་མར་ཚེས་བཅུའི་ཉི་ཤར་དུ། །བྱང་ཤར་དབང་ལྡན་ཕྱོགས་སུ་ཁ་གྱུ་ལ། །ཐུགས་ཀའི་ཡབ་ཡུམ་སྔགས་འཁོར་དྲག་འཁོར་བས། །འོད་ཟེར་བཻ་ཌཱུའི་མདོག་ཅན་ཕྱོགས་བཅུར་འཕྲོས། །ཕྱོགས་བཅུའི་བཀའ་བརྒྱུད་གྲུབ་ཐོབ་

― KMC014_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོའི་ཚོགས། །ཡི་དམ་སངས་རྒྱས་བྱང་སེམས་ཐམས་ཅད་ལ། །རིག་མ་བཅུ་དྲུག་བྱང་སེམས་དཀར་དམར་སོགས། །བདེ་སྟོང་མཆོད་པར་གྱུར་པས་ཐུགས་རྒྱུད་མཉེས། །ཐུགས་ཀྱི་ཡེ་ཤེས་ཉམས་རྟོགས་དངོས་གྲུབ་ཀུན། །འོད་ཟེར་ནམ་མཁའ་དྭངས་བའི་མདོག་ལྟ་བུར། །ཚུར་བསྡུས་ཐུགས་ཀའི་སྔགས་འཁོར་ཧྲཱིཿལ་ཐིམ། །དགོངས་པ་རྒྱལ་བ་ཀུན་དང་མཉམ་པ་དང་། །གཞན་བརྒྱུད་བྱིན་གྱིས་རློབས་ནུས་དངོས་གྲུབ་ཐོབ། །སླར་ཡང་ཐུགས་ཀའི་གཙོ་འཁོར་ཐམས་ཅད་ལས། །འོད་ཟེར་ནམ་མཁའ་དྭངས་པ་ལྟར་འཕྲོས་པས། །བདག་དང་འབྲེལ་ཐོག་འགྲོ་བ་ཐམས་ཅད་ལ། །ཉམས་རྟོགས་ཕུན་སུམ་ཚོགས་པ་སྐྱེ་བར་གྱུར། །སྔགས་རིང་ཧ་རི་ནཱིི་སའི་མཇུག་དེ་རུ། རི་ནི་ཧ་ས། ནི་རི་ས་ཧ། ས་ནི་རི་ཧ་ཨཱ་ཝེ་ཤ་ཡ་ཨཱ་ཝེ་ཤ་ཡ་ཨཱཿ ཨཱཿ །ཉམས་རྟོགས་སྐྱེ་འདོད་འདི་ཉིད་ཅི་མང་བཟླ། །ཞག་དང་དུས་ཚོད་ཁ་ཡི་གྱུ་ཕྱོགས་

― KMC014_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །དབུ་འཛུགས་དུས་ཡིན་རྒྱུན་དུ་མི་དགོས་སོ། །ཞག་ལས་བཞི་རྣམས་སོ་སོར་ཞག་བདུན་ནམ་དྲུག་ལ་སྒྲུབ་གསུངས། མཆན། དྲུག་སྒྲུབ་པའི་མཇུག་ཏུ་ཡིན་ན་ནི། །ཞག་གཅིག་དུས་ཚོད་ཁ་ཡི་གྱུ་ཕྱོགས་རྩམས། །ཚེས་ཀྱི་གྲངས་ཀ་དེ་ལ་རྩི་རྒྱུ་མེད། །ཡུན་རིང་རྟགས་ཐོན་སྒྲུབ་ན་སོ་སོའི་མཚམས། །ལས་བཞི་སོ་སོའི་སྦྱིན་སྲེག་གྲུབ་ན་ལེགས། །སྦྱིན་སྲེག་མ་གྲུབ་མ་ཚང་སྐྱོན་ནི་མེད། །དེ་ལྟར་ཡང་གསང་སྒྲུབ་པའི་སྙན་བརྒྱུད་འདི། །གཉན་རས་ཡན་ལ་ཡི་གེར་བཀོད་པ་མེད། །རང་བྱུང་རྡོ་རྗེས་རྩ་ཚིག་ཡི་གེར་བཀོད། །འདི་ཡི་རྒྱས་བཤད་གྲུབ་ཆེན་པཀྴིའི་གསུང་། །གདམས་ངག་རྒྱ་མཚོ་མཐའ་ཡས་གཞུང་ཆེན་དང་། །ཟབ་ཆོས་རྒྱ་མཚོ་མཐའ་ཡས་རྒྱས་པ་དང་། འཁོར་ལོ་ལྔ་ཡི་མན་ངག་མ་བུའི་སྐོར། །དེ་དག་རྣམས་སུ་འཐོར་ནས་སྦས་ཏེ་བཞུགས། །ལུང་འདྲེན་བྲིས་ན་པོ་ཏི་ལོངས་པ་ཙམ། །གཙོ་ཆེར་རྩ་རླུང་ཁོ་ན་ཡིན་ན་ཡང་། །རླུང་བཟུང་སྔགས་བཟླས་གང་

― KMC014_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་བྱ་གསུངས་ཕྱིར། །འདིར་ནི་བསྐྱེད་རིམ་སྔགས་བཟླས་གཙོ་བོར་བྱས། །འདི་ལ་ཡུན་རིང་འབད་ཅིང་རྟགས་ཐོན་ན། །ཕྱི་ཡི་དཀྱིལ་མཁོར་སྒྲུབ་རྫས་སྦྱིན་སྲེག་སོགས། །ཅི་ཡང་མི་དགོས་མཆོག་ཐུན་དངོས་གྲུབ་རྣམས། །འདི་ཉིད་ཁོ་ནས་འགྲུབ་པར་པཀྴིས་གསུངས། །ཚེ་འདིར་མཆོག་ཐུན་དངོས་གྲུབ་ཀུན་ཐོབ་སྟེ། །འོད་གསལ་ཆེན་པོ་མངོན་དུ་གྱུར་ནས་ཀྱང་། །མཁའ་སྤྱོད་འགྲུབ་པ་རང་བྱུང་རྡོ་རྗེས་གསུངས། །བདག་ཀྱང་ཡུན་རིང་འདི་ལ་ཉམས་ལེན་བྱས། །རྗེས་མཇུག་རྣམས་ཀྱང་དེ་བཞིན་ཉམས་སུ་ལོངས། །མཐར་ཕྱིན་ཐབས་མཁས་གཉིས་ཀྱིས་བསྐུལ་བའི་ཕྱིར། །དྲིན་ཅན་སྤྲུལ་སྐུའི་དགོངས་རྫོགས་ལ་དམིགས་ཏེ། མེ་ལུགས་ས་གའི་བཅུ་གཅིག་སྔ་དྲོའི་ཐུན། །རཱ་ག་ཨ་སྱས་ཇི་ལྟར་གདམས་པ་ལྟར། ཧོར་གྱི་བཙུན་པ་མཐར་ཕྱིན་ཞེས་བྱས་བྲིས། །འདི་ལ་འགལ་འཁྲུལ་ཉེས་པའི་ཆ་མཆིས་ན། །ཡི་དམ་ལྷ་དང་སྲུང་མའི་

― KMC014_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ལ་བཤགས། །དགེ་བས་སྤྲུལ་སྐུའི་ཟག་མེད་ཐུགས་དགོངས་རྫོགས། །འགྲེལ་ཐོགས་འགྲོ་ཀུན་བདེ་ཆེན་ཞིང་བགྲོད་ཤོག །མངྒ་ལཾ་བྷ་བནྟུ། ཤུ་བྷཾ། །རྒྱལ་རྒྱམ་ལྷ་དགུའི་ཡང་གསང་ཟིན་འདི་དང་། །ལྷ་ལྔའི་ཡང་གསང་སེམས་ལ་བཀོད་པ་གཉིས། །སྙན་བརྒྱུད་དངོས་ཡིན་གྲུབ་ཆེན་ཀརྨ་པའི། །གདམས་ངག་ཀུན་བཅུད་ཟབ་ཆོས་བླ་ན་མེད། །ཟིན་བྲིས་ཚན་གྲངས་མང་པོའི་བཅུད་ཀྱང་འདི། །འདི་ནི་གྲུབ་བརྙེས་ཀརྨ་ཆགས་མེད་ཀྱིས། །རྗེས་འཇུག་ཡོངས་ལ་བཀའ་དྲིན་ཆེན་པོར་མཛད། །གཞན་རྣམས་སྙན་བརྒྱུད་ཁོ་ན་ངེས་མེད་ཀྱང་། རྒྱུད་དང་རྒྱ་གཞུང་གཏེར་མ་རྟོགས་ཆོས་སོགས། །ཀུན་ཀྱང་བྱིན་རླབས་རྒྱུན་བཟང་ལྡན་པ་ཉིད། །དེས་ན་གཞན་རྣམས་འབྲེལ་པ་འཇོག་ཙམ་དང་། །རྩ་བའི་ཉམས་ལེན་འདི་དག་ལ་འབད་ན། །དངོས་གྲུབ་རྣམ་གཉིས་ཐེ་ཚོམ་མེད་པར་འཐོབ། །ཀཾ་ཚང་བསྟན་འཛིན་མཆོག་ཏུ་དོན་གྱིས་འགྱུར། །ཞེས་པའང་ཞུ་དག་ཞར་བྱུང་བློ་གྲོས་མཐའ་ཡས་ཀྱིས་སྨྲས་པའོ། །བཀྲ་ཤིས།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་

― KMC014_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་ཡང་གསང་སེམས་ལ་བཀོད་པའི་སྒྲུབ་ཐབས་སྐུ་གསུམ་སྐུ་བཞི་ངོ་སྤྲོད་རྣམས་གཅིག་ཏུ་བསྡོམ་པའི་ཟིན་བྲིས།

― KMC014_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་ལྔའི་ཡང་གསང་སེམས་ལ་བཀོད་པའི་སྒྲུབ་ཐབས་སྐུ་གསུམ་སྐུ་བཞི་ངོ་སྤྲོད་རྣམས་གཅིག་ཏུ་བསྡོམ་པའི་ཟིན་བྲིས་བཞུགས་སོ། །

― KMC014_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ལོ་ཀེ་ཤྭ་ར་ཀཱ་ཡ་ཙ་ཏུར་ཡེ། །སྐུ་བཞིའི་བདག་ཉིད་བཅོམ་ལྡན་འདས། །སྤྱན་རས་གཟིགས་ལ་ཕྱག་འཚལ་ལོ། །བཀའ་གནང་བྱིན་གྱིས་བརླབ་ཏུ་གསོལ། །རྡོ་རྗེ་སྙིང་པོའི་རྒྱ་གཞུང་ལས། །ཕྱི་ལྟར་རྒྱལ་བ་རྒྱ་མཚོའི་ཚོགས། །མ་ལུས་ཕྱི་རུ་འགོད་པ་དང་། །ནང་ལྟར་ལུས་ལ་འགོད་པ་དང་། །གསང་བ་རྩ་ལ་འགོད་པ་དང་། །ཡང་གསང་དེ་ཉིད་སེམས་ལ་འགོད། །དེ་ཡང་བསྙེན་སྒྲུབ་ལས་གསུམ་སྟེ། །ཡང་གསང་འབྲས་བུར་ངོ་སྤྲོད་བྱ། །གསུངས་པའི་

― KMC014_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་སྤྲོད་དེ་ཉིད་ནི། །སྐུ་གསུམ་སྐུ་བཞིའི་ངོ་སྤྲོད་ཡིན། །ཟབ་ཆོས་སྐུ་གསུམ་ངོ་སྤྲོད་དེ། །ཏཻ་ལོ་ནཱ་རོ་ནས་བརྒྱུད་ཏེ། །སྙན་བརྒྱུད་ཡི་གེ་མེད་པ་ཡིན། །རིན་ཆེན་གླིང་པའི་ཤོག་སེར་ལས། །ཐུགས་རྗེ་ཆེན་པོ་སྤྱན་རས་གཟིགས། །རྒྱལ་བ་རྒྱ་མཚོའི་ཕྲིན་ལས་ཀྱི། །རྒྱ་བོད་ཧོར་གསུམ་འདུལ་བ་ཡི། །དུས་གསུམ་མཁྱེན་པ་མཚུར་ཕུ་ཞེས། །གྲགས་པ་ཀརྨའི་མིང་ཅན་འབྱུང་། །ཨོ་རྒྱན་ང་ཡི་ཟབ་ཆོས་ལས། །རྩལ་དང་ཡོན་ཏན་རྫོགས་པར་སྟོན། །ཞེས་གསུངས་ལུང་

― KMC014_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་ཇི་བཞིན་ཏུ། །རང་བྱུང་རྡོ་རྗེས་ཡིག་གེར་བཀོད། །དེ་རྗེས་ཡབ་སྲས་ན་རིམ་རྣམས། །ཁྲིད་ཡིག་རྒྱས་བསྡུས་མང་དུ་མཛད། །ཟིན་བྲིས་བསྐྱེད་རྫོགས་ཆ་ཚང་ཕྱིར། །རྩ་ཚིག་ཉམས་སུ་བླང་བདེར་བཀོད། །དབང་པོ་ཐ་མའི་གང་ཟག་ལ། །སྐྱབས་སེམས་ཡིག་བརྒྱ་མཎྜལ་ཏེ། །ལྷ་ལྔའི་ཆོ་ག་དོན་གྱིས་ཚང་། །དབང་པོ་འབྲིང་གི་གང་ཟག་ལ། །གནད་བཞི་ཆོས་ཀྱི་འཁོར་ལོ་བསྐོར། །བཅའ་བ་ལུས་ཀྱི་གནད་དང་གཅིག །མོས་གུས་བླ་མའི་གནད་དང་གཉིས། །སྲོག་རྩོལ་རླུང་གི་གནད་དང་གསུམ། །རྩོལ་བ་ལུས་སྦྱོང་གནས་དང་བཞི། གནད་བཞི་ལྡན་པའི་གཏུམ་མོ་བསྒོམ། །གསང་སྒྲུབ་རྣམས་ལ་དོན་གྱིས་ཚང་། །རྒྱས་པར་གཞན་དུ་གསལ་ལྟར་ཡིན། །རྫོགས་རིམ་བསྐྱེད་རིམ་འདི་རྣམས་ཀྱང་། །རྣམ་པར་རྟོག་པའི་བསྐྱེད་རིམ་མིན། །རྣམ་པར་མི་རྟོག་བསྐྱེད་རིམ་སྟེ། །སྟོང་ཉིད་ལྟ་བའི་ངང་ནས་བསྒོམ། །ཉི་ཟླ་པདྨ་བརྩེགས་པའི་སྟེང་། །དྲན་

― KMC014_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་རང་ཉིད་བཅོམ་ལྡན་འདས། །ཤཱཀ་ཐུབ་གཙོ་མ་གསེར་གྱི་མདོག །མཚན་དཔེའི་རྒྱན་ལྡན་སྐྱིལ་ཀྲུང་བཞུགས། །ཆོས་གོས་རྣམས་གསུམ་སྐུ་ལ་གསོལ། །ཐུགས་ཀར་ཟླ་སྟེང་ཧཱུྃ་སེར་མཚན། །རླུང་ནི་ཕར་ལ་གཏོང་བའི་དུས། །སྐུ་ལས་སངས་རྒྱས་སྟོང་རྩ་གཉིས། །ཤཱཀ་ཐུབ་བྱེ་བ་གྲངས་མེད་འཕྲོས། །འཇིག་རྟེན་ཐམས་ཅད་སེར་ལྟེམ་གང་། །དེ་དག་ཀུན་གྱི་ཆོས་གསུངས་པས། །འགྲོ་ཀུན་ཤཱཀ་ཐུབ་དེ་འདྲ་བ། །ཁོ་ནའི་སྐུ་རུ་གྱུར་པ་དེ། །རླུང་ཞིག་ཚུར་ལ་རྔུབ་པ་ཡིས། །ཐམས་ཅད་ཚུར་འདུས་དབུ་མར་ཐིམ། །མི་དམིགས་ངང་ལ་མཉམ་པར་བཞག །སྟོང་ཉིད་ངང་ནས་སྙིང་རྗེ་བསྒོམ། །རིག་པ་ལྟེ་བའི་དབུས་སུ་གཏད། །དེ་ལྟར་ཡང་ཡང་བསྒོམ་པ་ཡིས། །ཆོས་ཀུན་སྤྲུལ་སྐུར་རྟོགས་པར་གསུངས། །དེ་དོན་ཕ་བརྒྱུད་གསང་འདུས་ལས། །མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔར་ནི་རབ་ཏུ་གྲགས། །སྐྱེ་མཆེད་

― KMC014_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་དང་དབང་པོ་ནི། །བྱང་ཆུབ་སེམས་དཔའི་དཀྱིལ་འཁོར་མཆོག །ཅེས་གསུངས་རྒྱལ་བ་བྱམས་པས་ཀྱང་། །རྫོགས་སངས་སྐུ་ནི་འཕྲོ་ཕྱིར་དང་། །དེ་བཞིན་ཉིད་དབྱེར་མེད་ཕྱིར་དང་། །རིགས་ཡོད་ཕྱིར་ན་ལུས་ཅན་ཀུན། །རྟག་ཏུ་སངས་རྒྱས་སྙིང་པོ་ཅན། །ཞེས་གསུངས་འགྲོ་བ་སེམས་ཅན་རྣམས། །ཡི་དམ་ལྷ་ཡི་ཡང་སྤྲུལ་དུ། །དགོངས་འདུས་རྒྱུད་ལས་གསུངས་པའི་ཕྱིར། །འགྲོ་དྲུག་སྤྲུལ་སྐུ་ཉིད་ཡིན་ཀྱང་། །མ་རྟོགས་ཐ་མལ་ཞེན་པས་བསྒྲིབས། །བསྒོམ་པས་ཐ་མས་འཁྲུལ་པ་སྦྱོང་། །སྣང་སྲིད་སྤྲུལ་སྐུར་རྟོགས་པར་བཤད། །དེ་དོན་རྡོ་རྗེའི་ཚིག་རྐང་ལས། །པུལླ་ཧ་རིའི་འོག་ཁང་དུ། །སྤྲུལ་སྐུ་ཐོགས་མེད་ཆར་རྒྱུན་འབེབས། །རྡོ་རྗེའི་ཚིག་རྐང་གཉིས་དེའོ། ༈ པདྨ་ཟླ་བའི་ཉི་མའི་སྟེང་། །དྲན་རྫོགས་རང་ཉིད་སྐད་ཅིག་ནི། །རྒྱལ་བ་རྒྱ་མཚོ་སྤྱན་རས་གཟིགས། །ཡབ་རྐྱང་མངོན་རྟོགས་བཞིན་དུ་བསྒོམ། །ཐུགས་ཀར་ཟླ་སྟེང་ཧྲཱིཿཡིག་

― KMC014_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར། །ཡི་གེ་དྲུག་པས་བསྐོར་བར་བསམ། །རླུང་ཞིག་ཕྱི་རུ་བུས་པའི་ཚེ། །སྣ་བུག་བ་སྤུའི་བུ་ག་ནས། །འོད་ཟེར་ཁ་དོག་སྣ་ལྔའི་ཚོགས། །ཕྱོགས་བཅུའི་འཇིག་རྟེན་ཁྱབ་པར་འཕྲོས། །རིགས་དྲུག་བར་དོར་བཅས་པ་ཡི། །འགྲོ་བ་སེམས་ཅན་མ་ལུས་པ། །ལོངས་སྤྱོད་རྫོགས་སྐུ་སྤྱན་རས་གཟིགས། །རྒྱལ་བ་རྒྱ་མཚོ་ཤ་སྟག་གྱུར། །རླུང་ཞིག་ཚུར་ལ་རྔུབ་པ་ཡིས། །ཐམས་ཅད་ཚུར་འདུས་རང་ལ་ཐིམ། །ངོ་བོ་རྗེན་པའི་ངང་ལ་བཞག །ཡང་གཅིག་འོད་ཟེར་འཕྲོས་པ་ཡིས། །དག་པའི་ཞིང་ཁམས་རབ་འབྱམས་ན། །ལོངས་སྤྱོད་རྫོགས་སྐུ་ཐམས་ཅད་ལ། །མཆོད་པའི་སྤྲིན་ཕུང་རྒྱ་མཚོས་མཆོད། །དེ་ཀུན་རྒྱལ་བ་རྒྱ་མཚོར་གྱུར། །རླུང་ཞིག་ཚུར་ལ་རྔུབ་པ་ཡིས། །ཐམས་ཅད་ཚུར་འདུས་བདག་ལ་ཐིམ། །ངོ་བོའི་སྟེང་དུ་ལྷང་ངེར་བཞག །རིག་པ་མགྲིན་པའི་གནས་སུ་གཏད། །དེ་ལྟར་ཡང་ཡང་བསྒོམ་བྱས་པས། །ཆོས་ཀུན་ལོངས་སྤྱོད་རྫོགས་

― KMC014_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུར་རྟོགས། །ཡོན་ཏན་དཔག་ཏུ་མེད་པ་འབྱུང་། །ལོངས་སྐུའི་ལྷ་ཚོགས་ཞལ་མཐོང་ཞིང་། །རང་ཉིད་མ་འོངས་ལོངས་སྐུ་ཡིས། །སེམས་ཅན་དོན་བྱེད་ནུས་པར་གསུངས། །སྣང་སྲིད་འཁོར་འདས་ཆོས་རྣམས་ཀུན། །ངོ་བོ་སྟོང་ལ་རང་བཞིན་གསལ། །གསལ་སྟོང་ཟུང་འཇུག་ལོངས་སྐུ་ཡི། །རྟོགས་པ་ཤུགས་ཀྱིས་འཆར་བར་འགྱུར། །དེ་དོན་རྡོ་རྗེའི་ཚིག་རྐང་ལས། །པུལླ་ཧ་རིའི་བར་ཁང་དུ། །ལོངས་སྤྱོད་རྫོགས་སྐུའི་བརྡ་ཡིས་མཚོན། །ཞེས་པའི་དོན་གྱི་ཉམས་ལེན་ནོ། ༈ །རྒྱལ་བ་རྒྱ་མཚོའི་ལྷ་ཚོགས་རྣམས། །ཡང་གསང་སེམས་ལ་འགོད་པ་དང་། །དྲན་རྟོགས་ཐུགས་ཀྱི་ཁྱེར་སོ་དང་། །དབུ་ཕྱག་རྫོགས་གསུམ་ཉམས་ལེན་རྣམས། །དོན་གཅིག་མིང་གི་རྣམས་གྲངས་ཡིན། །རྡོ་རྗེ་སྙིང་པོའི་རྒྱ་གཞུང་ལས། །ཡང་གསང་སེམས་ལ་འགོད་པ་ནི། །དབེན་གནས་ཕྱི་རོལ་མི་བཙལ་ཏེ། །ལུས་འདི་གཞལ་ཡས་ཁང་ཉིད་ཡིན། །ལྷ་སྐུ་གཞན་དུ་མི་བཙལ་ཏེ། །

― KMC014_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཉིད་སྐྱེ་འགགས་མེད་པ་དེ། །རིགས་ཀྱི་བདག་པོ་བླ་མ་ཡིན། །མ་རྟོགས་ཉོན་མོངས་གཏི་མུག་སྟེ། །རང་གྲོལ་ཐུགས་རྗེ་ཆེན་པོ་ཡིན། །ཡིད་བྱེད་རྟོགས་ཚོགས་འཕྲོ་བ་དེ། །རྟོགས་པས་སངས་རྒྱས་སྟོང་རྩ་ཡིན། །ཞེ་སྡང་གདུག་སེམས་ལྡན་པ་དེ། །གཞི་མེད་རྟོགས་པ་རྟ་མགྲིན་ཡིན། །འདོད་ཆགས་གདུང་སེམས་ཏུར་ཏུར་དེ། །རྩ་བྲལ་ཤར་བ་གསང་ཡེ་ཡིན། །ཉོན་མོངས་ང་རྒྱལ་རྟོག་ཚོགས་རྣམས། །ངར་འཛིན་བྲལ་བ་དཔའ་བོ་ཡིན། །ཕྲག་དོག་རླུང་ལྟར་འཚུབས་པ་དེ། །རེ་དོགས་ཟད་པ་དཔའ་མོ་ཡིན། །ཆུ་ཁམས་ཁྲག་དང་རྣམ་ཤེས་དེ། །རྡོ་རྗེ་རིགས་ཀྱི་མཁའ་འགྲོ་ཡིན། །ས་ཁམས་ཤ་དང་ཚོར་བ་ནི། །རིན་ཆེན་མཁའ་འགྲོ་མ་ཞེས་གྲགས། །མེ་ཁམས་དྲོད་དང་འདུ་ཤེས་དེ། །པདྨ་རིགས་ཀྱི་མཁའ་འགྲོ་ཡིན། །རླུང་ཁམས་དབུགས་དང་འདུ་བྱེད་དེ། །ལས་ཀྱི་མཁའ་འགྲོ་ཞེས་སུ་བཤད། །ནམ་མཁའི་ཁམས་དང་སེམས་

― KMC014_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་དེ། །གཟུགས་ཀྱི་ཕུང་པོ་བདེ་གཤེགས་རིགས། །མཁའ་འགྲོ་པདྨ་དྲྭ་བའོ། །སྐྱེ་མཆེད་ཚོགས་དྲུག་དེ་ཡི་ཡུལ། །འདོད་ཡོན་མཆོད་པའི་ལྷ་མོ་ཡིན། །དགེ་དང་མི་དགེའི་རྟོག་ཚོགས་རྣམས། །དམ་ཅན་བཀའ་སྡོད་སྲུང་མར་བཤད། །དེ་ལྟར་སེམས་ཀྱི་ངོ་བོ་དེ། །མ་རྟོགས་འཁྲུལ་པ་འཁོར་བ་སྟེ། །དེ་ཤེས་རྟོགས་པ་མྱང་ངན་འདས། །ལྷ་སྐུ་སེམས་ཀྱི་རིག་རྩལ་དེ། །དངོས་པོར་བཟུང་ན་འཁྲུལ་པ་ཡིན། །ལྷ་ཡང་སེམས་ཉིད་ཆོས་སྐུར་གསལ། །སྔགས་ནི་སྨྲ་བརྗོད་བྲལ་བའི་ཕྱིར། །ཕྱི་ནང་རླུང་གི་རྒྱུ་བ་ཡང་། །སྨྲ་ཚད་གྲགས་སྟོང་བརྗོད་མེད་ཡིན། །གདོད་ནས་དག་པའི་རིག་པ་འདི། །ཡེ་ནས་ཆོས་སྐུར་གནས་པ་ལ། །ངོ་སྤྲོད་དེ་ངོ་ཤེས་པ་ལ། །ཆོས་དབྱིངས་ཡེ་ཤེས་རྟོགས་པ་དེ། །སངས་རྒྱས་ཞེས་སུ་གྲགས་པའོ། །གོམས་འདྲིས་བརྟན་ན་དྲོད་རྟགས་འཆར། །དེ་ལྟར་ཆོས་སྐུའི་ངོ་བོ་ལ། །གཟུང་བར་བྱ་བའི་ཡུལ་ཡང་མེད། །ཁམས་དྲོད་རྟགས་དང་

― KMC014_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་མྱོང་མེད། །མ་ཆགས་རང་བྱུང་རྩ་ནས་དག །རང་དོན་ཆོས་སྐུ་མངོན་གྱུར་སྟེ། །གཞན་དོན་གཟུགས་སྐུ་ལྷུན་འགྲུབ་འགྱུར། །འཁོར་བ་མྱང་ངན་འདའ་བར་འགྱུར། །སྙན་བརྒྱུད་དྲི་མ་མེད་པའོ། །དེ་བཞིན་དགྱེས་རྡོར་རྒྱུད་ལས་ཀྱང་། །འཇིག་རྟེན་ཁམས་ནི་གང་དུ་ཡང་། །སངས་རྒྱས་གཞན་ནས་རྙེད་མི་འགྱུར། །སེམས་ནི་རྫོགས་པའི་སངས་རྒྱས་ཡིན། །ཞེས་གསུངས་སེམས་ལ་ལྷ་ཚོགས་ཚང་། །འོན་ཀྱང་གཟུགས་དང་དངོས་པོ་མེད། །དེ་དོན་བརྟག་པ་གཉིས་པ་ལས། །གཟུགས་མེད་མཐོང་བ་པོ་ཡང་མེད། །སྒྲ་མེད་ཐོས་པ་པོ་ཡང་མེད། །དྲི་མེད་སྣོམ་པ་པོ་ཡང་མེད། །རོ་མེད་མྱོང་བ་པོ་ཡང་མེད། །རེག་མེད་རེག་པ་པོ་ཡང་མེད། །སེམས་མེད་སེམས་ལས་བྱུང་བའང་མེད། །དེ་ཉིད་ཉམས་སུ་ལེན་པའི་ཚུལ། །པདྨ་རྒྱལ་པོའི་རྒྱུད་ཉིད་ལས། །དེ་ལ་མ་ཡེངས་ནང་དུ་བདེ། །སེམས་ལ་ཡེ་ཤེས་ཆེན་པོ་སྐྱེ། །སེམས་དབེན་རྟོགས་པ་ངན་

― KMC014_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མེད། །སྣང་ལ་རང་བཞིན་མེད་པར་མཐོང་། །སྒྱུ་མ་ལྟ་བུས་བསྡུས་པ་ཡིན། །གསལ་ལ་མི་རྟོག་འོད་གསལ་ལོ། །ཐམས་ཅད་སྤྲོས་པ་མེད་པར་རྟོགས། །བདེ་དང་སྟོང་པ་གཅིག་ཏུ་སྣང་། །འབྲས་བུ་ཞེས་བྱ་ཟུང་འཇུག་ཡིན། །དེ་དོན་རིག་ཐོག་ངོ་སྤྲོད་པ། །མཁའ་སྤྱོད་དབང་པོས་གསུངས་པའི་དོན། །བསྡུས་ཏེ་བརྗོད་ན་འདི་ལྟ་སྟེ། །འཁོར་འདས་ཐམས་ཅད་སེམས་སུ་རྟོགས། །དེ་ནི་དགའ་བའི་ཡེ་ཤེས་སོ། །སེམས་ཉིད་སྤྲོས་དང་བྲལ་བར་རྟོགས། །དེ་ནི་མཆོག་དགའི་ཡེ་ཤེས་སོ། །སེམས་ཉིད་སྐུ་ལྔ་ལྷུན་གྲུབ་རྟོགས། །དེ་ནི་ཁྱད་དགའི་ཡེ་ཤེས་སོ། །འཁོར་འདས་དབྱེར་མེད་ཟུང་འཇུག་རྟོགས། །ལྷན་ཅིག་སྐྱེས་དགའི་ཡེ་ཤེས་སོ། །དབང་བཞི་སྐུ་བཞི་ཡེ་ཤེས་བཞི། །སེམས་ཉིད་སྟེང་དུ་སྐད་ཅིག་རྫོགས། །དབང་བཞི་གཅིག་རྫོགས་བཟླས་པར་གསུངས། །ༀ་ཨཱཿཧཱུྃ་ཧྲཱིཿཡིག་འབྲུ་བཞི། །སངས་རྒྱས་ཀུན་གྱི་སྐུ་བཞིའི་སྔགས། །ཡིག་དྲུག་གཅིག་རྩེ་ཡི་གེ་

― KMC014_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ། །འབུམ་ཚོ་གཅིག་ཙམ་བཟླས་ན་ཡང་། །འགྲུབ་རྟགས་རབ་འབྲིང་ཐ་མ་སོགས། །སྣ་ཚོགས་མི་འབྱུང་མི་སྲིད་པས། །སྐུ་བཞི་ངོ་སྤྲོད་ཟབ་མོའི་གནད། །བུ་སློབ་རྣམས་ཀྱིས་ཤེས་བགྱིས་ལ། །གྲུབ་རྟགས་སྣ་ཚོགས་འཛམ་བུའི་གླིང་། །ཁྱབ་པར་སྟོན་ཅིག་པཀྴིས་གསུངས། །དེ་དོན་རྩ་བའི་ཚིག་རྐང་ལས། །པུལླ་ཧ་རིའི་ཡང་ཐོག་ཏུ། །ཆོས་སྐུ་སྤྲོས་མེད་བརྡ་ཡིས་མཚོན། །ཞེས་གསུངས་པ་ཡི་དོན་ཡིན་ནོ། ༈ །རང་ཉིད་རྒྱལ་བ་རྒྱ་མཚོ་ཡི། །ལྟེ་བའི་གཏུམ་མོའི་མེ་སྦར་ལ། །འཁོར་འདས་སྣོད་བཅུད་ཐམས་ཅད་ཀུན། །བྱང་སེམས་དངུལ་ཆུ་ལྟ་བུར་ཞུ། །སྣ་བུག་ནས་རྔུབ་མེ་ལ་བསྟིམ། །རླུང་བཟུང་ཉམས་ལེན་ངང་ལ་བཞག །བདེ་བ་ཆེན་པོའི་སྐུ་ཡི་ནི། །ངོ་འཕྲོད་བདེ་སྟོང་ཟུང་དུ་འཇུག །ཚེ་དང་བསོད་ནམས་ཡེ་ཤེས་རྒྱས། །སྣང་བ་ཐམས་ཅད་དབང་དུ་འདུས། །འགྲོ་འཆག་བཟའ་བཏུང་ཉལ་ལ་སོགས། །སྤྱོད་ལམ་གང་དང་ཅི་བྱེད་

― KMC014_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །ཉམས་ལེན་དེ་རྣམས་བསྲེ་ཞིང་བསྒོམ། །མཉམ་རྗེས་ཟུང་དུ་འཇུག་པར་གྱུར། །རྒྱུན་དུ་ཡིག་དྲུག་གམ་ནི་ཡིག་བཅུ་འབད། །མཇུག་ཏུ་བསྔོ་སྨོན་རྒྱ་ཡིས་གདབ། །རྫོགས་རིམ་རྩ་ཚིག་མདོར་བསྡུས་འདི། །མཐར་ཕྱིན་ཐབས་མཁས་གཉིས་ཀྱིས་བསྐུལ། །མེ་ལུགས་ས་གའི་བཅུ་དགུ་ཡི། །དགོང་ཐུན་རཱ་ག་ཨ་སྱས་གདམས། །སྒོམ་ཆེན་མཐའ་རུ་ཕྱིན་པས་བྲིས། །ཉེས་འགལ་སྒྲུབ་བརྒྱུད་སྲུང་མར་བཤགས། །དགེ་བས་དྲིན་ཆེན་སྤྲུལ་སྐུ་ཉིད། །མྱུར་དུ་སྐུ་གསུམ་མངོན་མཛད་ཤོག །ཀཾ་པོ་གངས་ཀྱི་སྒྲུབ་བརྒྱུད་པའི། །སྙན་བརྒྱུད་ཆོས་ཀྱི་བཅུད་འདི་ཡིན། །གྲུབ་མཐའ་གཞན་ལ་མ་གྲགས་སོ། །དེ་ཕྱིར་མ་འོངས་རྗེས་འཇུག་ཀུན། །ཉམས་ལེན་སྙིང་པོ་འདི་ལ་དྲིལ། །སྐལ་པ་ཅི་ལྟར་ཞན་ན་ཡང་། །བར་དོ་སྐུ་གསུམ་མངོན་དུ་འགྱུར། །འདི་ལས་ཟབ་པའི་གདམས་པ་ནི། །འཇིག་རྟེན་འདི་ན་མི་སྲིད་པས། །མི་བསྐྱོད་རྒྱལ་པོའི་གསུངས་ལས་

― KMC014_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། །སརྦ་མངྒ་ལཾ། ཤཱ་བྷཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་དང་ལྷ་ལྔའི་ཟིན་བྲིས་ཀྱི་བརྩམས་དོན།

― KMC014_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་དང་ལྷ་ལྔའི་ཟིན་བྲིས་ཀྱི་བརྩམས་དོན་བཞུགས་སོ། །ཀུན་གྱིས་གཟིགས་ཤིང་ཉམས་སུ་ལེན་པར་ཞུ། །

― KMC014_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ལོ་ཀེ་ཤྭ་རཱ་ཡ། །བླ་མ་ཡི་དམ་དབྱེ་མེད་པའི། །དྷརྨེ་ཤྭ་རའི་ཞབས་ལ་འདུད། །དགེ་སློང་རཱ་ག་ཨ་སྱ་བདག །ལོ་བརྒྱད་ལོན་ནས་བསྙེན་བསྒྲུབ་བརྩམས། །གསར་རྙིང་དབང་ལུང་རྒྱ་ཆེན་ཐོབ། །ལྷ་ཚོགས་མང་པོའི་གྲངས་བསྙེན་ཐེམ། །དེས་ཀྱང་བློ་ཁ་མ་ཚིམས་པར། །རྒྱལ་བ་རྒྱ་མཚོ་བསྒྲུབ་འདོད་ཀྱང་། །དབང་ལུང་རིན་ཆེན་གསེར་བས་དཀོན། །དབང་མེད་དངོས་གྲུབ་མེད་གསུངས་པས། །བླ་རྒན་ཀརྨ་རྣམ་རོལ་ལ། །དབང་གཉིས་བར་མ་

― KMC014_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་རྫོགས་ཞུས། །དེ་རྗེས་ལུང་རིག་ཉི་མ་ལ། །དབང་གཉིས་བར་མ་ཡོངས་རྫོགས་ལུང་། །རྒྱུད་གཉིས་ལྷ་དགུའི་རྒྱ་གཞུང་དང་། །སྲོང་བཙན་ལུགས་ཀྱི་སྒྲུབ་ཐབས་གཉིས། །སྐུ་གསུམ་ངོ་སྤྲོད་ཚིགས་བཅད་མ། །བཤད་པ་ཕྱག་ལེན་ཞལ་ཁྲིད་ཐོབ། །དེ་རྗེས་མཇལ་དུས་རང་བྱུང་བའི། །བཟླས་པའི་མན་ངག་ཚན་པ་གཉིས། །སངས་རྒྱས་གླིང་པའི་གཏེར་ཁ་ཡི། དབང་ལུང་མན་ངག་བཅས་པ་དང་། །སྐུ་གསུམ་ངོ་སྤྲོད་བརྗེད་ཐོ་ནི། །དྲུང་སྐྱིད་ཕྱག་བྲིས་

― KMC014_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་ནས་ཐོབ། །དེ་སོགས་བླ་མ་བཅུ་ཙམ་ལས། །འདི་ཡི་ཆོས་འབྲེལ་ཅི་རིགས་ཐོབ། །འོན་ཀྱང་ཀརྨ་པཀྴི་ཡིས། །འདི་ལ་གྲུབ་པ་མ་ཐོབ་ཅིང་། །སྐུ་བཞི་ངོ་སྤྲོད་རླུང་སེམས་ལ། །རྩལ་རྫོགས་གྲུབ་རྟགས་སྣ་ཚོགས་ནི། །འཛམ་གླིང་ཁྱབ་པར་འགྲན་མེད་པར། །སྟོན་པར་མི་ནུས་གང་ཟག་གིས། །ལོ་ནི་བརྒྱ་སྟོང་དབང་བསྐུར་ཞིང་། །ལུང་སོགས་བཤད་ཉན་ཅི་བྱས་ཀྱང་། །བུ་ཚས་རྩེད་མོ་རྩེ་བ་འདྲ། །འདི་ལ་གྲུབ་པ་ཐོབ་པ་ཡིས། །དབང་ནི་རྒྱས་པའམ་གཏོར་དབང་ཙམ། །ཕྱག་དབང་ལ་སོགས་ཐོབ་ན་ཡང་། །གསར་རྙིང་ཞི་ཁྲོ་རབ་འབྱམས་དང་། །རྒྱལ་བ་རྒྱ་མཚོའི་དབང་བསྐུར་ཐོབ། །སྣ་ཚོགས་སོ་སོར་མ་ཐོབ་ཀྱང་། །སངས་རྒྱས་ཀུན་གྱི་སྤྱི་དབང་སྟེ། །ཐམས་ཅད་དེ་ཡིས་ཆོག་ཅེས་གསུངས། །བདག་ཀྱང་ལོ་འགའ་སྒར་དུ་བསྡད། །ཡབ་སྲས་གསུམ་ཀའི་ཞྭ་ཞལ་ཡང་། །ལན་གྲངས་བཅུ་བཞི་ཙམ་ཞིག་མཇལ། །རྒྱལ་བ་རྒྱ་མཚོའི་ཁྲོམ་

― KMC014_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ལུང་། །ལན་གྲངས་བཞི་བཅུ་ཞེ་གཉིས་ཐོབ། །ཐུགས་རྗེ་ཆེན་པོའི་བསྒོམ་བཟླས་ལུང་། །དངོས་སུ་རྒྱལ་མཆོག་དྲུང་ནས་ཐོབ། །ཕྱག་དབང་ཐོབ་པ་གྲངས་མང་ཏེ། །ཞལ་མཇལ་བརྒྱ་ཕྲག་དུ་མའི་ཚེ། །སངས་རྒྱས་དངོས་ཀྱི་འདུ་ཤེས་ཀྱིས། །སྐུ་ཡི་དཀྱིལ་འཁོར་དེ་ཉིད་ལ། །ཏིང་ངེ་འཛིན་གྱིས་དབང་བཞི་བླངས། །རང་གིས་རྩེ་གཅིག་ཉམས་ལེན་ཆོས། །རྩོལ་མེད་སྙེམས་མེད་ལག་ནས་བྱུང་། །ཆོས་བདག་མཁའ་འགྲོས་གཏད་པ་ཡིན། །ལུང་རྒྱུན་མེད་ཀྱང་ཉམས་ལེན་རུང་། །ཨོ་རྒྱན་དྲི་མེད་ཀུན་དགས་གསུངས། །དེ་བཞིན་རྩོལ་མེད་ཕྱོགས་ཕྱོགས་ནས། །རྨི་ལམ་ལྟས་བཟང་དང་བཅས་ཏེ། །འདི་ཡི་སྒྲུབ་སྐོར་མང་དུ་རྙེད། །མཉམ་མེད་དྭགས་པོའི་མན་ངག་བཞིན། །ཞབས་རྗེས་དྲུང་ནས་ལུང་ཡང་ཞུས། །དེ་ཡིས་ལུང་ཡང་ཐོབ་ངེས་པ། །བྱ་རོག་ཆེན་པོའི་རྒྱུད་ནས་བཤད། །དེ་བཞིན་དགོངས་འདུས་ནས་གསུངས་པའི། །པོ་ཏི་

― KMC014_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་དབང་ཡང་ཡང་བླངས། །དེ་ཡི་དོན་དེ་ལེགས་རྟོགས་ནས། །དེ་ཡི་ལུང་རྒྱུན་སྤེལ་རུང་བ། །ཨོ་རྒྱན་ཆེན་པོའི་རྡོ་རྗེའི་གསུང་། །རྩེ་ཅིག་བསྒྲུབས་སྐབས་རྨི་ལམ་དུ། །ཆོས་ཀྱི་དབང་ཕྱུག་དངོས་ལྟར་མཇལ། །རྒྱལ་བ་རྒྱ་མཚོའི་ཆོས་སྐོར་ནི། །ཡོངས་རྫོགས་དབང་ལུང་ཐོབ་པ་དང་། །ཞབས་དྲུང་བཀྲ་ཤིས་དཔལ་གྲུབ་ཀྱིས། །སྐུ་གསུམ་ངོ་སྤྲོད་ཁྲིད་རྒྱས་པ། །ཁྲིད་དཔེའི་སྟེང་ནས་ལུང་གནང་རྨིས། །རྨི་ལམ་དབང་ལུང་ཐོབ་པ་དེ། །ངེས་ཤེས་བསྐྱེད་ན་མངོན་སུམ་དུ། །ཐོབ་པ་ལས་ཀྱང་ལྷག་གོ་ཞེས། །ཆོས་རྗེ་དེ་བཞིན་གཤེགས་པས་གསུངས། །དེ་ཕྱིར་བཀའ་རྒྱུད་གོང་མ་རྣམས། །རྨི་ལམ་ཡུལ་དུ་གསན་པ་ཡིས། །དབང་རྒྱུན་ལུང་རྒྱུན་མང་དུ་དར། །འོན་ཀྱང་མཚན་ཉིད་དགེ་བཤེས་འགས། །རྨི་ལམ་ཡུལ་དུ་ཐོབ་པ་དེས། །རང་ཉིད་ཉམས་ལེན་རུང་མོད་ཀྱི། །རང་ཉིད་ས་ཐོབ་མིན་ན་ནི། །གཞན་ལ་སྤེལ་དུ་མི་རུང་གསུངས། །ཞབས་དྲུང་ཉིད་ལ་

― KMC014_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུ་ཡིག་ཕུལ། །བདག་གིས་རྨི་ལམ་ཡུལ་ཐོབ་པས། །ཐོབ་གོ་ཆོད་དམ་མི་ཆོད་ཞུས། དེ་གས་ཐོབ་པའི་གོ་ཆོད་གསུངས། །མངོན་སུམ་ཉིད་ཀྱང་རྨི་ལམ་འདྲ། །བདེན་གྲུབ་མེད་གསུངས་གོ་བ་སྐྱེས། །ཟིན་བྲིས་བདག་གིས་རྩོམ་པའི་ཚིག །གཞན་ལ་སྤེལ་རུང་ཚད་མས་གྲུབ། །བཀའ་ཆད་ལུང་སྡུམ་མི་དགོངས་འཚལ། །འདི་ཡི་རྒྱུད་གཉིས་རྒྱ་གཞུང་སོགས། །རང་བྱུང་རྡོ་རྗེའི་ཐེམ་ཡིག་ལྟར། །ཡབ་སྲས་རྒྱབ་མས་མཛད་པ་རྣམས། །འཇམ་དབྱངས་ཆེན་པོ་དོན་ལྡན་ཞབས། །དཀོན་མཆོག་འབངས་ཀྱི་ཐེམ་ཡིག་ལས། །བྱུང་བ་ཀུན་ལ་ཐོས་བསམ་བྱས། །གཞན་ཡང་ཉང་ལུགས་རས་ཆེན་ལུགས། །མི་ཏྲ་ལུགས་དང་དམར་པོ་ལུགས། །གཙང་ཆེན་ཆོས་ཀྱི་དབང་ཕྱུག་ལུགས། །སངས་རྒྱས་དབོན་དང་སངས་རྒྱས་གླིང་། །རཏྣ་ལུགས་དང་གནམ་ཆོས་སོགས། །ཕལ་ཆེར་ཐོབ་ཅིང་ལ་ལ་མཐོང་། །ཐོབ་ཚད་རྣམས་ནི་ཉམས་སུའང་བླངས། །

― KMC014_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་རྒྱ་མ་ཆོད་ཕུགས་མེད་པའི། །གདམས་ངག་སྣ་རེར་མི་དགོངས་འཚལ། །ཉེར་དགུ་ལོན་ནས་ང་དགུའི་བར། །ཡི་དམ་གཙོ་བོ་འདི་ལ་བྱས། །ལོ་གྲངས་བཅུ་གསུམ་མཚམས་བསྡམས་ནས། །གདན་ཐོག་གཅིག་ཏུ་འདི་ཉིད་བསྒྲུབས། །གཞན་ཡང་འདི་ཡི་སྒྲུབ་ཆེན་དང་། །སྒྲུབ་ཕྲན་ཐོར་བུ་མང་དུ་བྱས། །དངོས་སུ་གྲུབ་རྟགས་མ་ཐོབ་ཀྱང་། །ཉམས་དང་རྨི་ལམ་དག་སྣང་དང་། །ངེས་ཤེས་དང་བ་ཉམས་རྟོགས་འཕེལ། །ཡིག་དྲུག་ཡིག་བཅུ་སྔགས་རིང་རྣམས། །འདྲེས་མ་དུང་ཕྱུར་ལྷག་ཙམ་ཐོན། །བྱིན་རླབས་བརྒྱུད་པ་མི་ལྡན་པའི། །དབང་ལུང་ཙམ་པོར་མི་དགོངས་འཚལ། །ཉེར་དགུ་ལོན་ནས་ང་དགུའི་བར། །འདི་ལ་ཐོས་བསམ་སྒོམ་གསུམ་འབད། །ང་དགུ་ལོ་ཡི་ལོ་འགོ་ཙམ། །མཐར་ཕྱིན་ཐབས་མཁས་མཆེད་གྲོགས་ཀྱིས། །འདི་ཡི་ཟིན་བྲིས་བརྩམ་དགོས་ཟེར། །བདག་གིས་བརྩོམ་ལ་ཡིད་མི་ཆེས། །རྒྱ་གཞུང་བོད་གཞུང་ཚད་ལྡན་

― KMC014_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །གུང་བསྒྲིགས་གཞུང་པོད་བཀོད་ན་བསམ། །རུང་ངམ་མི་རུང་བརྟགས་པའི་ནུབ། །མི་གཞོན་ཁྲོ་གཏུམ་ལྡན་པ་བཞིས། །དེ་འདྲ་བྱེད་འདག་ཡོད་རེ་ཟེར། །ལྕག་ཙན་ས་ལ་བརྒྱབས་ནས་ཐལ། །སྲུང་མ་དཔའ་བོ་སྡེ་བཞིའམ། །ཆོས་སྐྱོང་མི་དགའི་རྟགས་སུ་གོ། །རས་ཆུང་པ་ཡི་མགུར་ལས་ཀྱང་། །ན་ནིང་ལོ་ལ་དཀའ་དགུ་སྤྱད། །ད་ལོའི་ལོ་ལ་མཚར་དགུ་མཐོང་། །མ་གཅིག་གྲུབ་པའི་རྒྱལ་མོ་མཐོང་། །མཁའ་འགྲོ་རྒྱ་མཚོའི་སྲོག་སྙིང་ཡོད། །གསུངས་པའི་དོན་ཡང་འདི་ཡིན་གསུངས། །བླ་མ་མཁའ་འགྲོའི་བཀའ་རྒྱས་གདབ། །གཉན་ཕྱིར་གཞན་ལ་མ་བསྟན་ཏེ། །པཀྴིའི་བར་དུ་གཅིག་བརྒྱུད་མཛད། །བཀའ་རྒྱུད་རྣམས་ལ་ཕྱི་ནང་གསང་། །དེ་ཁོ་ན་ཉིད་ཀྱི་ཡི་དམ་ཡོད། །འདི་ནི་གསང་བའི་ཡི་དམ་ལགས། །ཤིན་ཏུ་གཉན་ཅིང་ཕྲག་དོག་ཆེ། །མི་སྤེལ་རྒྱུ་མཚན་དེ་ཡིན་ཞེས། །ཀརྨ་པཀྴིས་གསུངས་པ་ལྟར། །ད་རུང་བྱིན་རླབས་

― KMC014_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་མ་ཡལ། །ཤིན་ཏུ་གཉན་པར་འདུག་གོ་བསམ། །བཀའ་རྒྱ་མ་གྲོལ་མི་བརྩོམ་སྨྲས། །ཞག་འགའ་མྱ་ངན་ཆེན་པོ་བྱེད། །སྨྲེ་སྔགས་མང་པོ་འདོན་ཅིང་འདུག །འདོད་པ་ཆེ་བའི་ཁ་ན་མེད། །ཆོས་ལ་ཆེ་བ་མེད་ན་ནི། །དམ་ཆོས་ཤི་བའི་རོ་ཡིན་གསུངས། །བཀའ་རྒྱ་གྲོལ་བའི་གསོལ་བ་ཐོབ། །ཕྱག་དང་མཎྜལ་ཕུལ་ཅིག་སྨྲས། །བརྒྱ་ཕྱག་མཎྜལ་བརྒྱ་རྩ་སོགས། །ཁོང་གཉིས་ཟླ་གཅིག་ཙམ་དུ་འབད། །བདག་ཀྱང་ལན་གྲངས་བཅུ་གསུམ་ཙམ། །ཚོགས་མཆོད་ཕུལ་ཞིང་གསོལ་བ་གདབ། །བརྒྱ་ཕྱག་མཎྜལ་བརྒྱ་རྩ་ཕུལ། །ནག་པ་ཟླ་བའི་བཅུ་གཉིས་ནུབ། །ཉལ་ཁ་ཡིད་ལ་འདི་ལྟར་དྲན། །སྔོན་གྱི་རྒྱ་གཞུང་བོད་གཞུང་རྣམས། །བསྒྲིགས་ནས་སྒྲུབ་ཐབས་བྲི་མི་རུང་། །ཆོས་བཤས་ལག་པ་ཁྲག་གཅན་ཟེར། །བཀའ་དཀྲུགས་ཉེས་པས་བཀའ་ཆད་འབྱུང་། །དེ་བས་གཞུང་ཚིག་མི་དཀྲུགས་བར། །ཡིད་ཆེས་ཕྱིར་དུ་ལུང་ཁུངས་སྨོས། །རང་ཚིག་གོ་

― KMC014_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

བདེའི་ཟིན་བྲིས་ཤིག །བརྩམ་ན་རུང་ངམ་བརྟག་པ་བྱས། །ཕྱིར་ནང་བཅུ་གསུམ་ཞོག་པའི་དུས། །གཉིད་པ་མ་ཡིན་ཉམས་སྣང་ལ། །རྒྱལ་བ་རྒྱ་མཚོའི་ཟིན་བྲིས་ནི། །གསར་བ་བྲིས་མ་ཐག་པ་ཞིག །བདག་གི་ལག་དུ་བཞག་ནས་བྱུང་། །བརྩམ་དུ་རུང་བའི་རྟགས་ཡིན་ནམ། །ཅི་ཡིན་ཡིད་ལ་འཕྲེང་མ་ཐག །སྐུ་ནི་མ་མཐོང་ནམ་མཁའ་ནས། །ཤིན་ཏུ་སྙན་པའི་དབྱངས་ཞིག་གིས། །སངས་རྒྱས་ཀུན་གྱི་གསུང་གི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་ཏུ་རབ་བསྒྲུབ་ཕྱིར། །གསུང་གི་དབང་འདི་ཁྱོད་ཀྱིས་ལོངས། །ཟེར་བའི་སྒྲ་ཞིག་གསལ་བར་ཐོས། །ཕྱིར་ནང་བཀའ་རྒྱ་གྲོལ་ཡོད་སྨྲས། །འོན་ཀྱང་རེ་ཞིག་མ་སྐབས་པས། །སྐར་མ་བཟང་དུས་དབུ་བཙུགས་སྙམ། །དེ་ནས་སྤྲུལ་སྐུ་བསྙུང་བ་ཐོས། །ཞག་བརྒྱད་ཙམ་ཞིག་སྐུ་རིམ་བསྒྲུབས། །དེ་ནས་སྤྲུལ་སྐུ་གཤེགས་པ་ཐོས། །མྱ་ངན་དྲག་པོས་སེམས་ནོན་ཅིང་། །ཞག་

― KMC014_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་འདས་མཆོད་ཆོ་ག་བྱས། །དེ་ནས་ཚེས་ལྔའི་སྲོད་ཀྱི་ཐུན། །ད་ནི་མྱ་ངན་སེམས་འཐོར་བས། །བྲིས་ཀྱང་ལེགས་པོ་ཐོན་པ་དཀའ། །མ་བྲིས་ན་ཡང་རྗེས་འཇུག་ཚོས། །སྒྲུབ་པ་མང་པོ་ཐོན་རྒྱུ་ཡི། །ཆོས་བཤོལ་དགོངས་པ་མི་རྫོགས་སྲིད། །ཅི་དྲག་སྙམ་ནས་བརྟག་པ་བྱས། །ཐོ་རངས་ཉམས་དང་རྨི་ལམ་མཚམས། །ད་ནི་མགྱོགས་པར་བྲིས་ཟེར་བའི། །སྒྲ་ཞིག་བར་སྣང་ཁམས་ནས་གྲགས། །ཕྱིར་ནང་ས་རིས་ལི་ཐོར་བལྟས། །སྐར་མ་རྒྱལ་དང་འཛོམས་ནས་གདའ། །རྟེན་འབྲེལ་འགྲིགས་སྙམ་དབུ་བཙུགས་ནས། །མཚམས་ཀྱི་བུག་སྒོ་ནས་སྨོད་ཏེ། །དད་ལྡན་སློབ་བུ་མཐར་ཕྱིན་གྱིས། །སེམས་བསྐྱེད་བཟང་པོ་ལྡན་པས་བྲིས། །ལྷ་ལྔའི་གསང་སྒྲུབ་གཉན་པོ་གཉིས། །བྲིས་ནུབ་སྲོད་ཀྱི་ཉམས་རྟོགས་ལ། །དེ་རྣམས་མཁའ་འགྲོའི་སྙིང་ཁྲག་དངོས། །གསང་སྔགས་དམར་འདོན་བྱས་པ་དེས། །ཆོས་བདག་མཁའ་འགྲོ་མི་དགྱེས་སྲིད། །བདག་དང་སློབ་

― KMC014_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བརྒྱུད་བཅས་ལ། །འཕྲག་གམ་མི་འཕྲག་ཤིས་མི་ཤིས། །ཅི་འགྱུར་བརྟག་པ་བྱས་པའི་ནུབ། །སྲོད་ལ་རང་གི་ཡིན་སྙམ་པའི། །ཁྱི་རྒོད་ལྕགས་ཐག་རིང་པོ་ཅན། །གཉིས་ཤོར་ཁྲོམ་འགའ་འཇུ་གྲབས་ལ། །བུད་མེད་རྒྱན་ལྡན་མཛེས་མ་གཉིས། །ལྕགས་ཐག་བཟུང་ནས་ཁྱི་བཀག་ནས། །ཡང་ཡང་ཤོར་ཡང་ཡང་ཡང་བཟུང་། །གཅིག་ཀྱང་རྨུགས་མ་ཤོར་བ་རྨིས། །དེ་མ་ཐག་ཏུ་གཉིད་སད་པས། །རིན་ཆེན་ཆོས་ཀྱང་དཀོན་པ་དང་། །འཚེ་བ་མང་བར་ཐུབ་པས་གསུངས། །དེ་བཞིན་ཆོས་ཀྱི་སྙིང་པོ་འདི། །བསྒྲུབ་ལ་བདུད་དང་དམ་སྲི་ཡིས། །བར་ཆད་ལོས་ཡོད་ཡོད་ན་ཡང་། །མཁའ་འགྲོས་བར་ཆད་སེལ་བར་གོ། །དེ་ནས་གྱེན་ལ་སོང་ཙམ་ན། །རི་ཁྲོད་འདྲ་བའི་ཁང་པ་ནས། །མགོན་པོ་བར་ཆད་ཀུན་སེལ་དང་། །ཕྱག་བཞི་པ་ཡི་འདེར་སྐུ་གཉིས། །ཆེ་ཆུང་ཁང་རྩགས་ཕྱེད་གཉིས་ཙམ། །འཇིགས་ཤིང་བཀྲག་མདངས་ལྡན་པ་མཐོང་། །དེ་

― KMC014_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་སུ་ཡིས་མཐོང་ཚད་རྣམས། །བར་ཆད་ཞི་བ་ཡིན་སྙམ་བྱེད། །དེ་མ་ཐག་ཏུ་མནལ་སད་པས། །འདི་ཉིད་སུ་ཡིས་ཉམས་བླང་པས། །ཆོས་སྐྱོང་སྲུང་མས་སྐྱོབ་པར་གོ། །ཐོ་རངས་ཉམས་ཀྱི་སྣང་བ་ལ། །མདུན་གྱི་བར་སྣང་ཡི་གེ་དོད། །དེ་ཉིད་འདོན་ཅིང་ངག་དུ་བརྗོད། །ཡུངས་ཀར་རྡོ་རྗེའི་རིགས་ཏེ་སོགས། །བཀྲ་ཤིས་རྫས་བརྒྱད་ཚིགས་བཅད་རྣམས། །རིམ་པར་དོད་ཅིང་རིམ་པར་བཏོན། །དེ་ནས་ཉམས་དེ་ཡལ་མ་ཐག །འདི་ཉིད་སུ་ཡིས་ཉམས་བླངས་པ། །བཀྲ་ཤིས་བདེ་ལེགས་འབྱུང་བར་གོ །བཅུ་དགུའི་དུས་མཆོད་ཚར་བའི་རྗེས་། །རྫོགས་རིམ་སྐུ་གསུམ་ངོ་སྤྲོད་བྲིས། །ཟིན་བྲིས་བསྐྱེད་རྫོགས་ཆ་ཚང་འདི། །ནུབ་བམ་དར་སྲོལ་འབྱུང་ངམ་བརྟགས། །ནམ་ཕྱེད་རང་གི་སྒྲུབ་ཁང་གི །རྒྱལ་བ་རྒྱ་མཚོའི་དཀྱིལ་འཁོར་དྲུང་། །བདག་འདུག་ཉི་མ་དྲོན་པོ་ཤར། །སློབ་བུ་མཐུ་སྟོབས་མིང་ཅན་ལ། །གསང་བདག་ཕྱག་ན་རྡོ་རྗེ་ཡི། །ལོ་རྒྱུས་

― KMC014_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

འགའ་ཞིག་བཤད་པའི་རྗེས། །མཐུ་སྟོབས་མཐུ་སྟོབས་མང་བརྗོད་རྨིས། །ཐོ་རངས་ཉམས་ཀྱི་སྣང་བ་ལ། །ཀ་བཞི་སེང་ཆེན་མགུར་གྱི་མཇུག །བྱ་བྲན་གྱིས་ནམ་མཁའ་གང་བ་རྨིས། །ཟེར་བའི་ཚིགས་དེ་ལན་མང་གྱེར། །དེ་ནས་ཉམས་དེ་ཡལ་མ་ཐག །སྒྲུབ་མི་མང་པོ་འོང་བར་གོ །ཉི་མ་མ་ཆོད་སོས་དལ་གྱི། །རང་གར་བྲིས་པར་མི་དགོངས་འཚལ། །རྩོམ་གཞིའི་ལུང་ཁུངས་སོ་སོར་གསལ། །ཀཾ་ཚང་ནག་རྒྱལ་ཕག་གསུམ་ལ། མཚུར་ལུགས་རྟོགས་ལྡན་ལུགས་གཉིས་བྱུང་། །མཁའ་སྤྱོད་དབང་པོ་ཡན་ཆད་ལ། །གཞུང་གི་དབང་ལུང་དར་ཆེ་ཡང་། །སྙན་བརྒྱུད་ཡི་གེ་མེད་པའི་སྐོར། །ཐམས་ཅད་གཅིག་བརྒྱུད་ཁོ་ན་ལགས། །གཅིག་བརྒྱུད་མི་རབས་བཅུ་གསུམ་ཚང་། །དེ་ནས་མཁའ་སྤྱོད་དབང་པོ་ལ། །རྡོ་རྗེ་ཕག་མོས་ལུང་བསྟན་ནས། །ད་ནི་གཅིག་བརྒྱུད་བཀའ་རྒྱ་གྲོལ། །ཀུན་ལ་སྤེལ་ན་འགྲོ་དོན་ཆེ། །གསུངས་ཕྱིར་རྒྱལ་བ་རྒྱ་

― KMC014_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་ཡི། །སྒྲུབ་སྐོར་སྙན་བརྒྱུད་དམིགས་རིམ་ཀུན། །རྟོགས་ལྡན་མཁའ་སྤྱོད་དབང་པོས་གསུངས། །དེ་བཞིན་གཤེགས་པས་ཡི་གེར་བཀོད། །དེ་ལ་འཇམ་དབྱངས་ཆེན་པོ་ཡིས། །འདི་འདྲ་གཞུང་ལས་མ་བཤད་ཅིང་། །བླ་མ་རྣམས་ཀྱིས་མ་གསུངས་པས། །རང་བཟོའི་གདམས་ངག་འཆལ་གསུངས་བཀག །ནག་རྒྱལ་ཕག་གསུམ་ཐམས་ཅད་ལ། །སྙན་བརྒྱུད་རྣམས་དང་མི་ལྡན་པའི། །གཞུང་རྐྱང་ལུགས་སུ་བརྩམས་པར་མཛད། །རྟོགས་ལྡན་ལུགས་དང་མཚུར་ལུགས་ཞེས། །དེ་སྐབས་ཆོས་ལུགས་གཉིས་སུ་གྱེས། །དེ་རྗེས་མཐོང་བ་དོན་ལྡན་སོགས། །ན་རིམ་རྗེས་མ་ཐམས་ཅད་ཀྱིས། །རྟོགས་ལྡན་ལུགས་དེ་སོར་བཞག་མཛད། །མཚུར་ལུགས་ནུབ་ཅིང་བརྒྱུད་པ་ཆད། །དཔལ་ལྡན་མཁའ་སྤྱོད་དབང་པོ་དེས། །བོད་ཡུལ་གྲགས་དང་མ་གྲགས་པའི། །དབང་ལུང་གདམས་ངག་མཐའ་ཡས་པ། །དངོས་དང་ཉམས་དང་རྨི་ལམ་དུ། །མ་ཐོབ་པ་ནི་གཅིག་

― KMC014_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་གསུངས། །མཁའ་འགྲོའི་ལུང་བསྟན་ཡིན་ཀྱང་སྲིད། །གཏེར་ཁ་དུ་མའི་ཤོག་སེར་ལས། །མཁའ་སྤྱོད་དབང་པོ་འོད་དཔག་མེད། །དེ་བཞིན་གཤེགས་པ་སྤྱན་རས་གཟིགས། །ལུང་བསྟན་ས་ཕག་གྲོས་བྱས་འདྲ། །ཡབ་སྲས་གཉིས་ཀས་མཛད་པ་དེ། །རྒྱ་གཞུང་ཕལ་ལས་མི་ལྷག་གམ། །རྒྱ་གར་གསེར་འདོད་པཎྜི་ཏ། །གསེར་བསྒྲུབ་ཕྱིར་དུ་བསྟན་བཅོས་རྩོམ། །ཐུན་མོང་གྲུབ་རྟགས་ཐོན་ཙམ་གྱིས། །མཛད་པའི་རྒྱ་གཞུང་མང་དུ་ཡོད། །དེ་ཕྱིར་རྒྱ་གཞུང་ཡིན་ངེས་འགའ། །བོད་ཀྱི་མཁས་པས་བཀག་པ་མང་། །འོན་ཀྱང་ཐེ་ཚོམ་མ་ཞི་ན། །ལྷ་ལྔའི་ནང་སྒྲུབ་མ་གཏོགས་པ། །གཞན་ཀུན་ལུགས་གཉིས་ཁྱད་པར་མེད། །རྒྱལ་བ་རྒྱ་མཚོའི་སྒྲུབ་གཞུང་ཀུན། །བསྐྱེད་རིམ་དབང་སྡུད་ནོར་སྒྲུབ་དང་། །ཐབས་ལམ་རྩ་རླུང་གཏུམ་མོ་དང་། །གྲོལ་ལམ་ཕྱག་རྒྱ་ཆེན་པོ་རྣམས། །ཐམས་ཅད་འདྲེས་མར་གསུངས་པའི་ཕྱིར། །ཕལ་གྱིས་ཉམས་སུ་

― KMC014_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

ལོན་པར་དཀའ། །དེ་ཕྱིར་དཔེ་ཆ་འཛོམ་ན་ཡང་། །སྒྲུབ་པ་ཐོན་མཁན་ཉིན་སྐར་ཙམ། །ཐུན་མོངས་དབང་སྡུད་ནོར་སྒྲུབ་ལ། །དམིགས་ནས་སྤྱན་རས་གཟིགས་སྒྲུབ་ན། །ཙནྡ་སོལ་བར་བྱས་པའམ། །གཡག་རྟ་བེའུ་ལ་བསྒྱུར་བའི་དཔེ། །འོ་ན་ཅི་ཕྱིར་གསུངས་ཞེ་ན། །ས་གནས་སེམས་དཔའ་ཆེན་པོ་རྣམས། །ལྷ་འདྲེ་མི་གསུམ་དབང་བསྡུས་ནས། །བྱང་ཆུབ་ལམ་ལ་འགོད་ཕྱིར་གསུངས། །རང་འདོད་བསམ་པ་ཁོག་བཅུག་ནས། །དེ་དག་བསྒྲུབ་ཀྱང་འགྲུབ་མི་སྲིད། །ཚོད་ཀ་ཅུང་ཞིག་འགྲུབ་ན་ཡང་། །འབྲེལ་ཚད་དོན་དང་མི་ལྡན་པས། །ལོག་འཚོའི་ཉེས་པས་ངན་འགྲོར་ལྟུང་། །བསྒྲུབ་པའི་རྫས་ཀྱང་རྙེད་དཀའ་སྟེ། །པདྨ་རཀྟ་ཤུ་ཀྲ་དང་། །མོ་གསར་རྟ་གསར་ཕྲུ་མ་དང་། །རིགས་བཟང་གཙང་མ་སྦྱོར་བ་ཡི། །པདྨ་ནས་བླངས་བྱང་སེམས་གཉིས། །བུད་མེད་དར་མའི་ཙིཏྟ་དང་། །ཞིང་ཆེན་བྲེང་པ་ནལ་བུའི་རྐྱལ། །སྦ་ལྕགས་བ་མཁལ་འཁོར་ལོ་

― KMC014_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །རྟེན་འབྲེལ་རྫས་སྣ་མ་འཛོམ་ན། །རྒྱུན་ཐག་ཆད་པའི་པི་ཝཾ་བཞིན། །དོན་འབྲས་འགྲུབ་བར་མི་འགྱུར་གསུངས། །དེ་ཕྱིར་འདི་ནི་མཆོག་སྒྲུབ་ཡིན། །མཆོག་སྒྲུབ་ཐབས་ལམ་གྲོལ་ལམ་གཉིས། །ཐབས་ལམ་རྩ་རླུང་ཐིག་ལེ་སྟེ། །རྩ་རླུང་སྒོམ་པའི་གང་ཟག་གིས། །བསམ་ཞིང་བྱང་སེམས་ཉམས་ཤོར་ན། །རྩ་གནས་མཁའ་འགྲོ་བྱེ་བ་འབུམ། །ངུ་དང་དི་རི་བཀའ་ཆད་འབེབས། །རྩ་རླུང་བསྒོམས་པའི་བྱིན་རླབས་ཡལ། །གསང་སྔགས་རྩ་བའི་ལྟུང་བ་ཕོག །དམ་ཚིག་ཉམས་པའི་གྲལ་དུ་ཚུད། །རྩ་རླུང་ཉམས་ལེན་མི་བྱེད་ཅིང་། །བསྐྱེད་རིམ་སྒོམ་པའི་གང་ཟག་གིས། །ཉམས་ཀྱང་ཉེས་པ་དེ་ཙམ་མེད། །རྩ་ལྟུང་ཕོག་པར་མི་འགྱུར་གསུངས། །བྱང་སེམས་མི་ཉམས་སྲུང་ཐུབ་ཀྱང་། །རྩ་རླུང་གེགས་མང་ཁེ་ཉེན་ཆེ། །སྲོག་རླུང་འབྱུང་ངམ་སྡོམ་པ་འཆོར། །མཛེ་དང་དམུ་ཆུར་འགྱུར་བར་བཤད། །དེ་ཕྱིར་རྩ་རླུང་འདིར་མ་

― KMC014_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

བཀོད། །བསྐྱེད་རིམ་ལྷ་བསྒོམ་སྔགས་བཟླས་དང་། །རྫོགས་རིམ་ངོ་བོ་སྐྱོང་བ་འདི། །ཁེ་ཆེ་ཉེན་ཆུང་ཉམས་ལེན་བདེ། །དེ་ཕྱིར་དེ་ཡི་ལུགས་སུ་བཀོད། །གཞུང་དོན་མ་ཚང་མི་དགོངས་འཚལ། །རྒྱལ་བ་རྒྱ་མཚོའི་སྒྲུབ་ཐབས་འདི། །མཁའ་འགྲོ་རྒྱ་མཚོའི་སྲོག་སྙིང་ཡིན། །དངོས་གྲུབ་ཀུན་གྱི་གཏེར་མཛོད་ཡིན། །སློབ་དཔོན་པདྨའི་ཞལ་གདམས་ཡིན། །རྒྱུད་སྡེ་བཞི་ཡི་སྤྱི་སྒྲུབ་ཡིན། །མཆོག་དང་ཐུན་མོང་དངོས་གྲུབ་ཀུན། །ཞག་བདུན་ཙམ་གྱིས་ཐོབ་པ་ཡི། །གདམས་ངག་ཁྱད་པར་འཕགས་པ་ཡིན། །བཀའ་བབས་བྱིན་རླབས་བརྒྱུད་པ་ལྡན། །འགྲུབ་ཐག་ཤིན་ཏུ་ཉེ་བ་ཡིན། །དེ་སྐད་གྲུབ་ཆེན་པཀྴིས་གསུངས། །ཟིན་བྲིས་བརྩམས་པའི་རྩམ་དོན་འདི། །བརྩམས་ནས་ཞག་པོ་བཅུ་བཞི་ཡི། །དགོངས་ཐུན་བརྩམས་པ་ཚར་བའི་དུས། །རཱ་ག་ཨ་སྱས་གདམས་པ་ལྟར། །བླ་མ་པདྨ་མཐར་ཕྱིན་གྱིས། །སེམས་བསྐྱེད་མཐར་ཕྱིན་ཡི་གེར་བཀོད། །

― KMC014_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་བརྩམས་པ་མཐར་ཕྱིན་པ། །འདི་ལ་ཉེས་པའི་ཆ་མཆིས་ན། །ཐུགས་རྗེ་མཐར་ཕྱིན་ལྷ་ཡི་ལྷ། །ལྷ་དགུ་ལྷ་ལྔའི་ཚོགས་ལ་བཤགས། །འགྲོ་བ་སེམས་ཅན་ཐམས་ཅད་ཀྱི། །སྒྲིབ་སྦྱོང་མཐའ་རུ་ཕྱིན་པར་ཤོག །ཟིན་བྲིས་འདི་བརྩམས་དགེ་བ་དེས། །ཞིང་གཤེགས་གཏེར་སྟོན་སྤྲུལ་པའི་སྐུ། །སྐུ་གསུམ་འབྲས་བུ་མཐར་ཕྱིན་ནས། །སྤྲུལ་སྐུའི་འགྲོ་དོན་མཐར་ཕྱིན་ཤོག །བདག་དང་སློབ་མ་བརྒྱུད་པར་བཅས། །འདི་ཉིད་མཐོང་ཐོས་དྲན་རེག་ཀུན། །ཚེ་དང་སྒྲུབ་པ་མཐར་ཕྱིན་ནས། །ཚོགས་གཉིས་མཐར་ཕྱིན་བཅོམ་ལྡན་འདས། །རྒྱལ་བ་རྒྱ་མཚོ་སྤྱན་རས་གཟིགས། །ཚེ་འདི་ཉིད་ལ་འགྲུབ་གྱུར་ནས། །བཀྲ་ཤིས་བདེ་ལེགས་མཐར་ཕྱིན་ཤོག །མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་

― KMC014_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས་ཀྱི་སྒྲུབ་ཐབས་རྣམས་ཀྱི་དུས་རྟགས་གྲངས་ཀྱི་བསྙེན་ཚད་ཕན་ཡོན་དང་བཅས་པ་མདོར་བསྡུས་པ།

― KMC014_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་ཆེན་པོ་རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས་ཀྱི་སྒྲུབ་ཐབས་རྣམས་ཀྱི་དུས་རྟགས་གྲངས་ཀྱི་བསྙེན་ཚད་ཕན་ཡོན་དང་བཅས་པ་མདོར་བསྡུས་པ་བཞུགས་སོ།།

― KMC014_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ལོ་ཀེ་ཤྭ་རཱ་ཡ། །རྒྱལ་བ་རྒྱ་མཚོའི་ལྷ་ཚོགས་ཞབས་ལ་འདུད། །རྒྱལ་བ་རྒྱ་མཚོ་ལྷ་དགུ་ལྷ་ལྔ་གཉིས། །སྒྲུབ་པའི་དུས་རྟགས་གྲངས་ཀྱི་བསྙེན་པའི་ཚད། ངེས་ཤེས་བསྐྱེད་ཕྱིར་གཞུང་གི་ལུང་འདྲེན་བཀོད། །ལྷ་དགུའི་རྒྱ་གཞུང་གྲུབ་ཆེན་རྫ་ལནྡྷ་རས་མཛད་པ་ལས། །གྲངས་ཀྱི་བསྙེན་པ་འབུམ་ཕྲག་གསུམ་དང་། དུས་ཀྱི་བསྙེན་པ་མཚན་མའི་བསྙེན་པ་ནི། ནམ་མཁའ་དང་ས་གཞི་འོད་དམར་པོས་གང་བ་དང་། །མེ་ཏོག་དམར་པོ་འཐུ་བ་དང་། །གླང་པོ་

― KMC014_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་ལ་གཞོན་ནས་རི་པོ་ཏ་ལར་ཕྱིན་པ་དང་། །བུད་མེད་རྒྱན་གྱིས་བརྒྱན་པས་མེ་ཏོག་བདག་ལ་གཏོར་ཞིང་མ་ཎིའི་དབྱངས་སྒྲོགས་པ་དང་། སྤྲིན་ལྡིང་བའི་ཐོག་ཏུ་འདུག་པ་དང་། དེ་བཞིན་གཤེགས་པའི་སྐུའི་མདུན་དུ་ཕྱིན་པ་ལ་སོགས་པ་དང་། རིན་པོ་ཆེའི་སྐས་ལ་འཛེག་པ་ལ་སོགས་པ་རྨིས་ལྟས་བཟང་པོ་རྣམས་འབྱུང་བའོ། །ཞེས་དང་། ཨོ་རྒྱན་རིན་པོ་ཆེས་མཛད་པའི་རཏྣ་གླིང་པའི་གཏེར་ཁ་ལྷ་དགུ་ལས། སྒྲུབ་པའི་རྟགས་ཕྱིའི་རྟགས་སུ་ལུས་བདེ། ཁམས་

― KMC014_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

དྭངས་རིག་པ་དྭངས་པ་དང་། གཏོར་མ་ཁོལ་བ་འབྱུང་། ནང་རྟགས་སུ་ཉམས་དང་རྨི་ལམ་དུ་བུད་མེད་ཀྱི་ཚོགས་འདུ། བདག་ལ་བསྐོར་བ་དང་མཆོད་པ་བྱེད་པ་དང་། གྱེན་ལ་འགྲོ་བ། གནམ་ལ་འཕུར་བ། རྒྱན་ཐོགས་པ། ཆུ་བོ་བརྒལ་བ། ཉི་ཟླ་ཤར་བ། གསང་ཚིག་སྨྲ་བ། མེ་ཏོག་དམར་པོ་འཐུ་བ་སོགས་དཔག་མེད་འབྱུང་ངོ་། །བྱུང་ཡང་དགག་སྒྲུབ་མི་བྱ་མཉམ་ཉིད་དུ་བཞག །ཅེས་དང་། བུམ་ཆུ་གཏོར་མ་བྷནྡྷ་ལ། །གཟུངས་ཆུ་གཟུངས་རིལ་མང་དུ་ནི། །བསྒྲུབས་ནས་འགྲོ་བ་ཡོངས་ལ་སྤེལ། །རིན་ནི་མ་ཎི་འུར་རྒྱག་བླང་། །འདི་ནི་ཡོན་ཏན་བརྗོད་མི་ལོངས། །སྐྱེ་བ་བདུན་ནས་པདྨ་ཅན། །འོད་དཔག་མེད་པའི་སྲས་སུ་འགྱུར། །སྒྲུབ་པ་བྱེད་པའི་རྣལ་འབྱོར་པས། །ཚེ་འདིར་རིག་འཛིན་ཐོབ་པར་འགྱུར། །དང་དུ་ལོངས་ཤིག་སྐལ་པ་ཅན། །ཨེ་མ་རྒྱལ་བ་རྒྱ་མཚོའི་གསང་སྒྲུབ་འདི། །མ་འོངས་དོན་ལ་གཅེས་དགོངས་ནས། །བདག་འདྲ་པདྨས་ཡི་

― KMC014_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

གེར་བཀོད། །ཅེས་དང་། རང་བྱུང་རྡོ་རྗེའི་ལྷ་དགུ་ཚིགས་བཅད་མ་ལས། གྲངས་ཀྱི་བསྙེན་པ་འབུམ་ཚོ་བཅུས། །རྒྱལ་བའི་དཀྱིལ་འཁོར་མཐོང་བར་གསུངས། །ཞེས་དང་། གཉན་རས་ཀྱི་ཞལ་གདམས་རང་བྱུང་བས་ཡི་གེར་བཀོད་པ་ལྷ་དགུའི་དམིགས་རིམ་ལས། །དེ་ལྟར་སྒོམ་ཞིང་བླ་མའི་མན་ངག་བཞིན། །བསྲེ་བ་དང་སྦྱར་ནས་བསྒོམས་ན་མཆོག་དང་ཐུན་མོངས་ཀྱི་དངོས་གྲུབ་ཚེ་འདི་ཉིད་ལ་ཐོབ་སྟེ། འོད་གསལ་ཆེན་པོ་འགྲོ་འོང་མེད་པ་མངོན་དུ་གྱུར་ནས། མཁའ་སྤྱོད་ཀྱི་དངོས་གྲུབ་ཐོབ་པར་འགྱུར། ཞེས་གསུངས་སོ། །རང་བྱུང་རྡོ་རྗེའི་ལུས་དཀྱིལ་ཚིགས་བཅད་མ་དང་། པདྨ་ཟབ་པའི་རྒྱུད་གཉིས་ཚིག་དོན་མཐུན་པར། ལུས་ཀྱི་དཀྱིལ་འཁོར་ལ་བསྒོམས་ནས། །སངས་རྒྱས་སྤྱན་གྱི་རྣལ་འབྱོར་གྱིས། །ལུས་ལ་བདེ་བ་སྟེར་བར་བྱེད། །གོས་དཀར་དྲོད་ལ་བདེ་བ་སྟེར། །མཱ་མ་ཀཱི་ཡིས་ཁྲག་ལའོ། །སྒྲོལ་མས་དབུགས་

― KMC014_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བདེ་བ་སྟེར། །ལས་ཀྱི་མཁའ་འགྲོས་བདེ་ཆེན་སྟེར། །པདྨ་མཁའ་འགྲོས་རབ་དགའ་ཉིད། །རིན་ཆེན་མཁའ་འགྲོས་མཆོག་དགའོ། །རྡོ་རྗེས་བདེ་སྟོང་གཉིས་མེད་སྟེར། །གཟུགས་ཀྱི་མཐོང་བ་ཐམས་ཅད་དང་། །སྒྲ་དྲི་རོ་དང་རེག་ལ་སོགས། །ཐམས་ཅད་བདེ་བ་སྟེར་བར་བྱེད། །དེ་ལྟའི་ཡོན་ཏན་ཐོབ་པར་འགྱུར། །ཞེས་གསུངས་སོ། །ལྷ་ལྔའི་སྒྲུབ་ཐབས་གྲུབ་པའི་རྒྱལ་མོས་མཛད་པའི་རྒྱ་སྐད་ཅན་ལས། །བསྙེན་རྟགས་ནི། བུད་མེད་གཅེར་བུ་དཔག་མེད་འདུ་བ་དང་། །མཆོད་རྟེན་རྩེ་ལ་བསྡད་པ་དང་། ། འོད་དམར་ཁྱིམ་རྣམས་གང་བ་དང་། །སྨན་གྱི་དྲི་ཡིས་ཁྱབ་པ་དང་། །མངོན་པར་ཤེས་པ་འབྱུང་བ་དང་། །འགྲོ་བ་ཕོ་མོ་འདུ་བ་དང་། །རྒྱན་ཅན་བུད་མེད་འདུ་བ་དང་། །ཟང་ཟིང་དགོས་འདོད་འབྱུང་བའི་རྟགས། །ལས་སྦྱོར་རྫས་སྨན་དེ་ཉིད་ནི། །ཁོང་དུ་འགྲོ་ལ་སྦྱིན་པར་བྱ། །རྣམ་སྨིན་ཕུང་པོ་ནམ་དོར་བར། །འོད་དཔག་ཞིང་དུ་ཐེ་ཚོམ་

― KMC014_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

མེད། །ཅེས་གསུངས་སོ། །ཉང་གི་གཏེར་ཁ་བ་མཁལ་མའི་གཞུང་ལས། དེ་ལྟར་བསྒོམ་བཟླས་བྱས་པས་རྟགས་ནི། ལུས་བདེ་བ་དང་། ཡང་བ་དང་། སྣང་བ་ལ་འཛིན་པ་ཆུང་བ་དང་། སྣང་བ་སྒྱུ་མ་ལྟར་མཐོང་བ་དང་། འོད་དང་སྒྲ་དང་དྲི་ཞིམ་པོ་འབྱུང་ངོ་། །ཞེས་དང་། གྲུབ་པའི་རྒྱལ་མོས་རས་ཆུང་བ་ལ་གནང་བའི་ལྷ་ལྔ་གསང་སྒྲུབ་གཅིག་བརྒྱུད་མ་ལས། འདི་ནི་སྐད་ཅིག་དྲན་པ་ཙམ་གྱིས་ཀྱང་། །མཆོག་དང་ཐུན་མོངས་དངོས་གྲུབ་མྱུར་དུ་ཐོབ། །མཁའ་སྤྱོད་གནས་སུ་ཁྲིད་པར་བྱེད་པའི་རྟགས། །འཆི་ཚེ་རྟགས་དང་མཚན་མ་འཇའ་དང་ནི། །སྐུ་གདུང་རིང་བསྲེལ་ཤ་རཱི་རཾ་ལ་སོགས། །འབྱུང་བར་འགྱུར་ཏེ་ཐེ་ཚོམ་ཡོད་མ་ཡིན། །ཞག་བདུན་གྱིས་ཞལ་མཐོང་བ་དང་། དངོས་གྲུབ་མ་ལུས་པ་འབྱུང་བ་ཡིན་པས་ཤིན་ཏུ་གསང་བར་བྱའོ། །སློབ་དཔོན་དུ་མི་འཛིན་ཅིང་རང་གི་བརྒྱུད་པ་མིན་པ་ལ་གསང་བར་བྱའོ། །ཞེས་དང་། ལྷ་

― KMC014_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔའི་རྒྱ་གཞུང་ཆེན་པོ་རྡོ་རྗེའི་སྙིང་པོས་མཛད་པ་ལས། ལྟས་དང་ཆོ་འཕྲུལ་མཁའ་འགྲོའི་རྟགས། །དངོས་གྲུབ་མཚན་མ་ལ་སོགས་པ། །བཟང་ངན་བྱེ་བྲག་ཅི་ལྟར་ཡང་། །གང་ལ་དགའ་དང་མི་དགའ་བའི། །མཚན་མར་འཛིན་པ་མི་བྱའོ། །དེ་ལྟར་ཞག་བདུན་ཉེར་ཅིག་སོགས། །ཟླ་གསུམ་ཟླ་དྲུག་ལ་སོགས་པ། །མཆོག་དང་ཐུན་མོངས་དངོས་གྲུབ་འགྲུབ། །ཅེས་གསུངས་སོ། །ཉང་གི་གཏེར་ཁ་ལྷ་ལྔ་གཙོ་བོ་བསྙེན་པའི་སྐབས་ལས། དེ་ལྟར་དུས་ཀྱི་བསྙེན་པ་ཞག་ཉི་ཤུ་རྩ་གཅིག །གྲངས་ཀྱི་བསྙེན་པ་འབུམ་ཚོ་གསུམ། །མཚན་མའི་བསྙེན་པའི་རྟགས་བྱིན་ཆེ་བ་དང་། ལུས་བདེ་བ་དང་ཡང་བ་དང་། སྣང་བ་ལ་འཛིན་པ་ཆུང་བ་དང་། སྣང་བ་སྒྱུ་མ་ལྟར་འབྱོངས་པ་དང་། །འོད་དང་སྒྲ་དང་། དྲི་ཞིམ་པ་རྣམས་འབྱུང་ངོ་། །ཞེས་དང་། དེ་ཡི་སྒྲུབ་པའི་སྐབས་ནས། རྟགས་ནི་ལུས་བདེ་བ་དང་། །ཡང་བ་དང་། སྣང་བ་ལ་འཛིན་པ་ཆུང་བ་དང་། སྣང་བ་སྒྱུ་མ་

― KMC014_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་མཐོང་བ་དང་། འོད་དང་སྒྲ་དང་། དྲི་ཞིམ་པ་རྣམས་འབྱུང་ངོ་། །ཞེས་དང་། ཉང་གི་གཏེར་ཁ་ནང་སྒྲུབ་སྙན་བརྒྱུད་ཡི་གེར་བཀོད་པ་ལས། དེ་ལྟར་དུས་ཀྱི་བསྙེན་པ་ཞག་ཉི་ཤུ་རྩ་གཅིག །གྲངས་ཀྱི་བསྙེན་པ་འབུམ་ཚོ་གསུམ། མཚན་མའི་བསྙེན་པའི་རྟགས། བྱིན་ཆེ་བ་དང་། ལུས་བདེ་བ་དང་། ཡང་བ་དང་། སྣང་བ་ལ་འཛིན་པ་ཆུང་བ་དང་། སྣང་བ་སྒྱུ་མར་མཐོང་བ་དང་། འོད་དང་སྒྲ་དང་དྲི་ཞིམ་པ་རྣམས་འབྱུང་ངོ་། །ཞེས་དང་། རྒྱལ་བ་རྒྱ་མཚོའི་ལྷ་ལྔའི་སྒྲུབ་ཐབས་སངས་རྒྱས་གླིང་པའི་གཏེར་ཁ་ལས། དེ་ལྟ་བུའི་ཚུལ་གྱི་ཏིང་ངེ་འཛིན་བརྟན་ཞིང་བསྙེན་པ་ཐེམ་ནས། གསང་སྔགས་ཕྱི་ནང་གི་བཀའ་ཐམས་ཅད་ལ་བྱན་ཚུད་ནས་ལས་ཚོགས་ཐམས་ཅད་ལ་ཐོགས་པ་མེད་པར་འགྱུར་རོ། །ཞེས་དང་། དེ་ཡི་ཁྱེར་སོ་གསུམ་གྱི་གདམས་ངག་ལས། ཨེ་མ་ཡི་དམ་ལྷ་སྒྲུབ་བསྙེན་པ་བྱས་པ་ལས། ཁྱེར་སོ་གསུམ་ལ་ཚུལ་བཞིན་གནས་

― KMC014_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ན། །མཆོག་དང་ཐུན་མོངས་དངོས་གྲུབ་ཚེ་འདིར་འགྲུབ། །ས་མ་ཡ། ཐུགས་རྗེ་ཆེན་པོ་རྒྱལ་བ་རྒྱ་མཚོའི་སྒྲུབ་པ། །ཡབ་ཡུམ་གཉིས་མེད་ཀྱི་རྒྱུད། པདྨ་རྒྱལ་པོ་དང་པདྨ་ཟབ་པའི་རྒྱུད་ལས་བཏུས་ཏེ། དགེ་སློང་པདྨ་འབྱུང་གནས་ཀྱིས་མཛད་པའོ། །ས་མ་ཡ། རྒྱ་རྒྱ་རྒྱ། བརྡ་ཐིམ། རྒྱལ་པོ་སྲོང་བཙན་སྒམ་པོ་ལ་མཁའ་འགྲོས་ལུང་བསྟན་པའི་རྒྱལ་བ་རྒྱ་མཚོའི་སྒྲུབ་ཐབས་ལས། དེ་ལྟ་བུའི་དུས་ན་རྒྱུན་མི་འཆད་པ་གསུམ་ཡང་འབྱུང་སྟེ། སྣང་བ་ལྷ་ཡི་དཀྱིལ་འཁོར་ལ་མི་དང་མི་མ་ཡིན་པ་གང་ཡང་མེད་པས་མཚམས་རྒྱུན་མི་འཆད་པའོ། །གྲགས་པ་སྔགས་ཀྱི་དཀྱིལ་འཁོར་ལ། ༀ་མ་ཎི་པདྨེ་ཧཱུྃ། ཞེས་པ་མིན་པ་གང་ཡང་མེད་པས། འཛབ་བཟླས་རྒྱུན་མི་འཆད་པའོ། །དེ་ལྟ་བུའི་དུས་ན་འདུ་བ་རྣམ་པ་གསུམ་ཡང་འབྱུང་ཏེ། ལུས་ཐུགས་རྗེ་ཆེན་པོའི་སྐུར་གྱུར་པས། །འགྲོ་བ་མི་ཐམས་ཅད་འདུས་ཏེ་མོས་གུས་བྱེད། ངག་ཐུགས་རྗེ་ཆེན་པོའི་གསུང་དུ་

― KMC014_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་པས། བཀའ་ཉན་ཅིང་ཅི་སྨྲས་ཆོས་སུ་འགྲོ། སེམས་ཐུགས་རྗེ་ཆེན་པོའི་ཐུགས་སུ་འགྲུབ་པས། །ཆོས་ཉིད་ཀྱི་དགོངས་པའི་གདེང་རྟོགས་པ་སྟེ། བྱིན་རླབས་ཀྱིས་གཞན་དོན་འགྲུབ་སྟེ་དགོངས་པ་གྲོལ་ལོ། །ཞེས་གསུངས་སོ། །གྲུབ་ཆེན་པཀྴིའི་བཀའ་འབུམ་པོ་ཏི་བརྒྱད་ཀྱི་ནང་ནས། དཀོན་མཆོག་འབངས་ཀྱིས་བཏུས་པ་ནི། དེ་ལྟར་བསྐྱེད་རྫོགས་ཟུང་འཇུག་ཏུ་ཉམས་སུ་བླངས་ན། ཕན་ཡོན་བསམ་གྱིས་མི་ཁྱབ་པ་འབྱུང་སྟེ། གང་གིས་མ་ཎི་པདྨེའི་དབྱངས་ལེགས་པར་བསླབས་ནས་རྒྱུན་ཆད་མེད་པར་ཡུལ་ཁམས་ཀུན་ཏུ་དབྱངས་སུ་བླང་ན། དཔའ་བོ་མཁའ་འགྲོ་རྒྱ་མཚོ་ཐམས་ཅད་ཀྱིས་བྱིན་གྱིས་རློབ་ཅིང་རབ་ཏུ་གནས་ནས། སྐུ་བཞི་འདུ་ུ འབྲལ་མེད་པའི་དོན་རྟོགས་ཤིང་སྐུ་ལྔའི་སངས་རྒྱས་རང་ཉིད་ལ་རྫོགས་པར་འགྱུར་རོ། །ཞེས་པ་དང་། ཁ་པ་ནས། བླ་མ་ཀརྨ་པ་ནི་ཕྱོགས་བཅུར་ཕྲིན་ལས་སྣ་ཚོགས་སྒྲུབ་པ་དེ་ཕྱག་རྒྱ་

― KMC014_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་དང་ཡི་གེ་དྲུག་མས་བྱེད་པ་ཡིན་པས། གདུལ་བྱར་གྱུར་པ་རྣམས་ཀྱང་ཐུགས་རྗེ་ཆེན་པོའི་བསྐྱེད་རྫོགས་གཉིས་ལ་གོམས་ཤིང་གྲུབ་པ་ཐོབ་ནས། འགྲོ་དོན་བསམ་གྱིས་མི་ཁྱབ་ཅིང་སྣང་བ་མཐའ་ཡས་ཀྱི་ཞིང་ཁམས་མཐོང་ཞིང་ས་ལམ་རྫོགས་པར་འགྱུར་རོ། །ཞེས་དང་། བླ་མ་རིན་པོ་ཆེ་ཀརྨ་པ་དང་། ཐུགས་རྗེ་ཆེན་པོའི་བར་ན་བརྒྱུད་པ་ཡོད་ཀྱང་ཉན། མེད་ཀྱང་ཉན། ཀུན་གྱིས་སྒྲུབ་ན་སྒྲུབ་ཐག་ཤིན་ཏུ་ཉེ་བ་ཡིན། ཞེས་སོགས་གསུངས་པའི་ཕྱིར་རོ། །ༀ་མ་ཎི་པདྨེ་ཧཱུྃ། རྡོ་རྗེ་འཆང་གི་ལུང་། རང་བྱུང་རྡོ་རྗེའི་གཏམ། འགྲོ་བ་རིགས་དྲུག་བར་དོ་དང་བཅས་པ་ལ་ཟློ་བ། ད་ལྟའི་དུས་འདིར་སེམས་ཅན་ཐམས་ཅད་སྡུག་བསྔལ་ལས་གྲོལ་བར་བྱ་བའི་ཕྱིར། ཐུགས་རྗེ་ཆེན་པོ་རྒྱལ་བ་རྒྱ་མཚོ་འདི་ཀུན་གྱིས་སྒོམས་ཤིག །མ་ཎི་པདྨེ་བགྲང་ན་སྡུག་བསྔལ་ཐམས་ཅད་ལས་གྲོལ་ཞིང་མཐར་བླ་ན་མེད་པའི་བྱང་ཆུབ་ཐོབ་པའི་ཕྱིར་ན། དེ་ལྟར་ཀུན་གྱིས་

― KMC014_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

གོ་བར་གྱིས། བཀྲ་ཤིས་དཔའ་འབར་འཛམ་གླིང་རྒྱན་དུ་ཤོག །དེ་ལྟར་ལྷ་དགུ་ལྷ་ལྔ་གཉིས་པོ་ཡི། །རྟགས་དང་ཕན་ཡོན་དུས་དང་གྲངས་ཀྱི་བསྙེན། །ལུང་འདྲེན་ཁུངས་བཙུན་ཕྱོགས་གཅིག་བསྡུས་པ་འདི། །སྒྲུབ་སྐོར་ཟིན་བྲིས་ཆ་ལག་ཚང་བའི་ཕྱིར། །མེ་ལུག་ས་ག་ཟླ་བའི་བཅོ་བརྒྱད་ཀྱི། །སྔ་དྲོའི་ཆ་ལ་རཱ་ག་ཨ་སྱས་བསྒྲིགས། །ཉེས་འགལ་མེད་ཕྱིར་བཤགས་པ་མ་མཆིས་ཤིང་། །དགེ་བས་སྤྲུལ་སྐུའི་དགོངས་པ་རྫོགས་པ་དང་། །ཞུ་བ་པོ་ཡི་གཙོར་བྱས་འབྲེལ་ཐོགས་ཀུན། །སྤྱན་རས་གཟིགས་དབང་ཚེ་འདིར་འགྲུབ་གྱུར་ཅིག །ཡི་གེ་བ་ནི་སློབ་བུ་མཐར་ཕྱིན་ནོ།། །།མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཇིག་རྟེན་དབང་ཕྱུག་རྒྱལ་བ་རྒྱ་མཚོ་ལྷ་དགུའི་བསྙེན་ཡིག་དངོས་གྲུབ་ཀྱི་རོལ་མཚོ།

― KMC014_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཇིག་རྟེན་དབང་ཕྱུག་རྒྱལ་བ་རྒྱ་མཚོ་ལྷ་དགུའི་བསྙེན་ཡིག་དངོས་གྲུབ་ཀྱི་རོལ་མཚོ་ཞེས་བྱ་བ་བཞུགས་སོ། །

― KMC014_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་སརྦ་ཛྙཱ་དཪྴ་དྷརྨཱ་ཀ་རཱ་ཡ ། འདིར་འཇིག་རྟེན་དབང་ཕྱུག་རྒྱལ་བ་རྒྱ་མཚོ་ལྷ་དགུའི་བསྙེན་པའི་རྣལ་འབྱོར་ལ། དང་པོ་བཟླས་པའི་དགོས་པ་ནི། སེམས་གྱི་དྲི་མ་སྦྱོང་བའི་ཕྱིར་དང་། ངག་གི་ནུས་པ་རྙེད་པའི་ཕྱིར་དང་། རང་ལས་རྒྱུད་གཞན་དུ་རྟགས་ཤིང་གྲགས་པའི་དཔལ་རྒྱལ་བ་རྒྱ་མཚོ་སོགས་ཡེ་ཤེས་ཀྱི་ལྷ་དང་། དེའི་འཁོར་དུ་གཏོགས་པའི་ལྷ་རྣམས་ཀྱི་ཐུགས་བརྒྱུད་བསྐུལ་བའི་ཕྱིར་ཏེ། རྡོ་རྗེ་གུར་ལས། སངས་རྒྱས་བྱང་ཆུབ་སེམས་དཔའ་

― KMC014_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །མཁའ་འགྲོ་མ་དང་རྗེ་བཙུན་མ། །མངོན་སུམ་དུ་ནི་བྱ་བའི་ཕྱིར། །སྔགས་ནི་བསྙེན་གསན་དབབ་པར་བརྗོད། །ཅེས་བཤད་ཅིང་། ལེགས་སྦྱར་གྱི་དབང་དུ་བྱས་ན། མ་ཎི་པདྨཱ། ཞེས་པ་གཞན་དོན་གྱི་བསྡུ་བ་བྱས་པ། རིག་སྔགས་རྣམས་མོའི་རྟགས་ཡིན་ཕྱིར་ཤྭདྡྷཱའི་མཐའ་ལས་བོད་པའི་དོན་དུ་སི་སྦྱར་ནས། ཀ་ལཱ་པར། ཊཱ་ཨོས་དག་ལ་ཨེའོ། །སཾ་བུདྡྷཱའི་ལའང་ཞེས་པས། རྟགས་མཐའ་ཨེར་བསྒྱུར་བས། མ་ཎི་པདྨེ། ཞེས་པའང་བོད་སྐད་དུ། ཀྱཻ་ནོར་

― KMC014_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་པདྨ་ཅན། ཞེས་པ་སྟེ་བོད་པའི་དོན་ཡང་ཡིན་ལ། དྷུ་མ་གཱ་ཡེ་ན་མ་སྭཱ་ཧཱ། ཞེས་པའང་། སྐུ་ཞབས་ཐམས་ཅད་གཟིགས་པས། འོལ་ཁའི་རྗེ་དྲུང་གི་དྲིས་ལེན་དུ་དྷུ་མ་སྤངས་ལ། གཱ་ཡ་གླུ་མཁན་ལ། བོད་པའི་དོན་དུ་སི། རྟགས་མཐའ་ཨེར་བསྒྱུར་བས། ཀྱཻ་སྤངས་པའི་གྲུ་མཁན་མ་ལ་འདུད་དོ་གཞི་ཚུགས། ཞེས་པར་བསྒྱུར་གནང་བ་དང་། ཡང་ན་ཁོ་བོའི་རྣམ་རྟོག་ལས། དྷུ་མ་ཨུ་རྒྱན་ཀྱི་ཡུལ་དབུས་ཀྱི་གྲོང་ཁྱེར་དྷུ་མ སྠཱ་ལ། གཞན་རྣམས་སྔར་ལྟར་གྱི། ཀྱཻ་དྷུ་མསྠཱ་ལའི་གླུ་མཁན་མ། ཞེས་པའང་རུང་ངོ་། །དེ་བཞིན་དུ་བཻ་རོ་ཙ་ནཱི་ཡེ་དང་། ཌཱ་ཀི་ནཱི་ཡེ་དང་། ལཱ་མེ་དང་། ཁཎྜ་རོ་ཧེ་དང་། རཱུཔི་ཎཱི་ཡེ་དང་། ཏཱ་རེ་ཏུཏྟཱ་རེ་ཏུ་རེ། ལ་སོགས་པ་ཡང་བོད་པའི་དོན་ཡིན་ནོ། །ཡེ་ཤེས་ལྷ་ལ་བོས་པས་གསན་པ་དང་མ་བོས་པས་མི་གསན་པའི་ཉེ་རིང་གི་དབྱེ་བ་ཡོད་པ་མ་ཡིན་ཡང་། སྔགས་ཀྱི་ལྷ་ནི་སྔགས་ལས་བྱུང་བ་ཡིན་ཏེ། དེ་ཡང་བརྡ་སྤྲོད་པ་དག་གིས་ལྷ་

― KMC014_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་དོ། །ཞེས་པས་ཨིནྡྲ་ལ། ཨཎ་སྦྱར་བའི་ཨཻནྡྲཿ། ཞེས་པ་ཡང་དབང་པོའི་སྔགས་ཀྱི་ལྷ་དབང་པོ་ཉིད་ཡིན་པ་བཞིན་དུ། འདིར་ཡང་སྔགས་ཡི་གེ་བཅུ་པའམ། དྲུག་པའི་ལྷ་ནི་འཕགས་པ་འཇིག་རྟེན་དབང་ཕྱུག་ཉིད་ཡིན་པས། རྒྱུ་སྔགས་བསྒྲུབ་པ་ན་འབྲས་བུ་ལྷ་ཡང་ཉེ་བར་འགྱུར་པ་ཡིན་པས། མཁས་པ་དག་གིས་གསུངས་པ། དཔེར་ན་ལྷས་བྱིན་ལན་མང་དུ་བོས་ན། ལྷས་བྱིན་ཉེ་བར་འོངས་པ་དཔེར་མཛད་པ་བཞིན་དང་། གསུང་རྡོ་རྗེའི་རྒྱུ་མཐུན་པའི་བཟླས་པས་སྒྲིབ་པའི་གཉེན་པོར་བྱེད་པ་དང་། ཆོས་ཉིད་ཀྱི་བཟླས་པས་སྒྲིབ་པ་ཅུང་ཟད་ཟད་པ་ན། ཡེ་ཤེས་ལྷ་དང་ཇེ་ཉེར་འགྱུར་བ་ཡང་དངོས་པོའི་ཆོས་ཉིད་ཡིན་ནོ། །གཉིས་པ་བཟླས་པའི་ངོ་བོ་ནི། །དཔལ་འཇིག་རྟེན་དབང་ཕྱུག་སོགས་སངས་རྒྱས་ཐམས་ཅད་ཀྱི་གསུང་ཆོས་སྐུའི་རང་བཞིན་ཡེ་ཤེས་ཀྱི་རིག་སྔགས་དེ་དང་རྣམ་པ་མཐུན་པ་ཞིག་སྙིང་གའི་གནས་སུ་

― KMC014_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཀྱིས་བསམ་ཞིང་ངག་གིས་བཟླས་ནས་ཐོབ་པར་བྱ་རྒྱུའི་འབྲས་བུ་ཡེ་ཤེས་ཀྱི་རིག་སྔགས་དེ་མངོན་དུ་བྱེད་པའི་རྒྱུ། བློས་བསྒོམ་པའི་ཐ་མལ་པའི་ཡིག་འབྲུ་དེ་ཡང་རྣམ་པ་ཡེ་ཤེས་ཀྱི་རིག་སྔགས་དེའི་ངོ་བོར་མོས་པ་དེ་ལན་གཅིག་མ་ཡིན་པར་ཡང་ཡང་བསྐྱར་ཟློས་བྱས་པས་དེའི་ཚེ་ཞེན་པས་ཞུགས་ན་འབྲེལ་པས་མི་བསླུ་ངེས་པ་ཡིན་ཞིང་ཚུལ་དེས་སྔགས་ཁོ་ནར་མ་ཟད། ཡིད་ཀྱིས་བསྒོམ་པའི་ལྷ་ལའང་འབྲས་བུའི་སྐུར་མོས་ཏེ་རྟག་དུ་བསྒོམ་ན། གནས་སྐབས་སུ་ལྷའི་བྱ་བ་བྱེད་ནུས་པ་དང་མཐར་ཐུག་འབྲས་བུ་སངས་རྒྱས་ཀྱི་སྐུ་ཐོབ་པའི་དངོས་རྒྱུར་འགྱུར་བ་ཡིན་ཏེ། ཇི་སྐད་དུ། བསམ་པ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེ་དེའི་རང་བཞིན་འགྱུར་ལྷ་མོ། །སྣ་ཚོགས་གཟུགས་ཅན་ནོར་བུ་བཞིན། །ཞེས་གསུངས་པ་ལྟར་རོ། །སྔགས་དེས་ཞི་རྒྱས་དབང་དྲག་སོགས་ཐུན་མོང་གི་དངོས་གྲུབ་རྣམས་དང་། ལས་རབ་འབྱམས་

― KMC014_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བསྒྲུབ་ནུས་པ་དེའི་ཚེ་རིག་སྔགས་སུ་གྲུབ་པ་ཡིན་ཡང་། དེ་ཙམ་གྱིས་ཡེ་ཤེས་སུ་གྲུབ་པ་མ་ཡིན་ལ། ནུས་པ་དེ་ལྟར་ཡོད་པའི་སྟེང་དུ་ལྷག་བོར་སྒྲ་ཐམས་ཅད་སྔགས་ཀྱི་དེ་ཉིད་དུ་རྟོགས་པ་དེའི་ཚེ་ཡེ་ཤེས་སུ་གྲུབ་པ་ཡིན་ཅིང་། དེ་ནི་སྒྲིབ་པ་ཐམས་ཅད་དང་བྲལ་བ་ན་སངས་རྒྱས་ཐམས་ཅད་ཀྱི་གསུང་རྡོ་རྗེའི་རིགས་སྔགས་སུ་གྱུར་བ་ཡིན་ནོ ། །གསུམ་པ་བཟླས་པའི་དབྱེན བ་ལ། ལྷ་དགུའི་སྐབས་འདིར་མཚུར་ཕུ་འཇམ་དབྱངས་ཆེན་པོས ། སྤྲོ་བསྡུ་ལས་སྦྱོར་བདེ་ཆེན་འགོག་པ་བཞི། །བསྐྱེད་རིམ་ཐུན་མོང་བསྒྲུབ་པའི་བཟླས་པ་བཞི། །རྡོ་རྗེའི་བཟླས་པ་འཁོར་ལོ་ལྔ་ཡི་རིམ། །རྫོགས་རིམ་སྐུ་བཞི་བསྒྲུབ་པའི་བཟླས་པ་གཉིས་། །ཞེས་དང་། ཐམས་ཅད་མཁྱེན་པ་རང་བྱུང་བས། སྤྲོ་བསྡུའི་བཟླས་པ། འགོགས་པའི་བཟླས་པ། རྡོ་རྗེའི་བཟླས་པ་དང་གསུམ། དང་པོ་སྤྲོ་བསྡུའི་བཟླས་པ་ལ། བྱིན་རླབས་བསྡུ་བའི་ཚུལ་དུ་

― KMC014_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླས་པ། ཕྲིན་ལས་བཞི་ཡི་ཚུལ་དུ་བཟླས་པ། བདེ་བ་ཆེན་པོའི་བཟླས་པ་དང་གསུམ་ལས། དང་པོ་བྱིན་རླབས་བསྡུ་བའི་བཟླས་པ་ནི། ཆོ་གའི་དཀྱུས་ལས་བདག་ཉིད་འཇིག་རྟེན་དབང་ཕྱུག་ཡབ་ཡུམ་ཀྱི་ཡབ་ཀྱི་ཐུགས་ཀར་པདྨ་འདབ་མ་བརྒྱད་པའི་ཟེའུ་འབྲུར་ཧྲཱིཿདམར་པོ་དང་། ཡུམ་རྡོ་རྗེ་ཕག་མོའི་ཐུགས་ཀར་ཆོས་འབྱུང་རྐྱང་པའི་དབུས་ན་ཧྲཱིཿདམར་པོ་འགྲེངས་ཐབས་སུ་གནས་པ་དང་། རིགས་བཞིའི་སྤྱན་རས་གཟིགས་དང་ཡུམ་བཞིའི་ཐུགས་ཀར་ཡང་དེ་ལྟར་བཀོད་དགོས་པར་གྲུབ་སྟེ། ལྷ་བསྐྱེད་ཀྱི་སྐབས་སུ་ཡབ་རྣམས་ཀྱི་ཐུགས་ཀར་ཧྲཱིཿལ་ༀ་ཨཱཿཧཱུྃ་ཧྲཱིཿༀ་མ་ཎི་སོགས་ཀྱིས་གཡས་སུ་བསྐོར་བ། ཡུམ་རྣམས་གྱི་ཐུགས་ཀར་ཧྲཱིཿལ་ༀ་བཛྲ་བཱ་རཱ་ཧི་བུདྡྷ་ཌཱ་ཀི་ནཱི་ཡེ་བཛྲ་བརྣ་ནཱི་ཡེ་བཛྲ་བཻ་རོ་ཙ་ནཱི་ཡེ་ཧཱུྃ་ཕཊ་སྭཱ་ཧཱ། ཞེས་པས་གཡོན་དུ་བསྐོར་བ་རིགས་བཞི་མཁའ་འགྲོའི་ཐུགས་ཀར་ཧ་རི་ནི་སས་ཚན་པའོ། །ཞེས་གསུང་ཞིང་། ཀརྨ་ཆགས་མེད་ཀྱིས་

― KMC014_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་དེ་ལྟར་བཞེད་དེ། ཇི་སྐད་དུ། བདག་དང་རིགས་བཞིའི་སྤྱན་རས་གཟིགས་བཞི་ཡི། །ཐུགས་དཀར་པདྨ་དམར་པོ་འདབ་བརྒྱད་པའི། །ཟེའུ་འབྲུར་ཧྲཱིཿཡིག་དམར་པོ་བྱེ་རུའི་མདོག །འགྲེངས་ཏེ་གནས་པའི་ཡིག་མགོའི་ཕྱོགས་དེ་ནི། །ཡི་གེའི་མདུན་ཡིན་རང་གི་གཡས་ངོས་ལྟ། དེ་ཡི་མདུན་ནས་བརྩམས་ཏེ་གཡོན་བསྐོར་དུ། །ཡིག་བཅུའི་ངོ་བོ་ཕྱི་ལ་བསྟན་ཏེ་བཀོད། ཡུམ་ལྔའི་ཐུགས་ཀར་ཆོས་འབྱུང་གདན་ཐབས་ནི། །དམར་པོ་མུ་ུརན་དཀར་པོ་ཅན་གྱི་དབུས། །རང་མདོག་ཧྲཱིཿཡིག་འགྲེངས་ཏེེ་གནས་པའི་མཐར། །ཧ་རི་ནི་ས་སྤངས་པའི་ཡུམ་སྔགས་རེ། །ཡིག་ངོ་ནང་བསྟན་གཡས་སུ་བསྐོོར་བའོ། །མཚམས་བཞིའི་མཁའ་འགྲོ་བཞི་ཡི་ཐུགས་ཀ་རུ། །ཉི་མའི་སྟེང་དུ་ུས་བོན་རེ་རེ་བསམ། །འདིར་མཁའ་འགྲོ་བཞི་ཡི་ཐུགས་ཀར་ༀ་བཛྲ་ཌཱ་ཀི་ནི་ཡེ་ཧཱུྃ་ཕཊ་སོགས་འགོད་པར་མཛད་འདུག་ཀྱང་གཞུང་རྣམས་སུ་མི་གསལ་བས་རེ་

― KMC014_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་དཔྱད་པར་བྱའོ། །བཀོད་པའི་བཟླས་པ་ཞེས་སྙིང་གར་སྔགས་ཕྲེང་བཀོད་པ་དེ་ཀློག་པའི་ཚུལ་དུ་བྱེད་བའང་སྤྱི་ལ་གྲགས་པས། ཆགས་མེད་པས། དེ་ནས་ཐུགས་ཀའི་སྔགས་ཕྲེང་རིག་པ་གཏད། ཀློག་པའི་ཚུལ་དུ་བཟླས་པའི་བསྙེན་པའོ། །ཞེས་པ་ལྟར་བྱ་ཞིང་འདིར་ཀརྨ་ཆགས་མེད་པས་སྔགས་ཕྲེང་འཁོར་བའི་དམིགས་པ་སོགས་མཛད་འདུག་པ་སྔགས་གསར་རྙིང་སྦྱི་ལ་གྲགས་པས་དེ་ལྟར་ཡང་རུང་མོད་གཞུང་སྔ་ཕྱི་ཐམས་ཅད་ལས་དེ་ལྟར་མ་གསུང་ཞིང་། བདག་གི་བླ་མས་ཀྱང་དེ་ལྟར་མི་བཞེད་པས་དངོས་བསྟན་སྟར་དང་པོ་བྱིན་རླབས་བསྡུ་བའི་བཟླས་པ་ནི། རང་ཉིད་རྒྱལ་བ་རྒྱ་མཚོ་ཡབ་ཡུམ་འཁོར་དང་བཅས་པའི་ཐུགས་ཀའི་ས་བོན་སྔགས་ཕྲེང་དང་བཅས་པ་འོད་ཟེར་དཀར་སེར་དམར་ལྗང་མཐིང་ཀ་ལྔ་སྟེང་འོག་ཕྱོགས་བཅུར་འཕྲོས། སངས་རྒྱས་བྱང་ཆུབ་སེམས་དཔའ་ཐམས་ཅད་མཆོད་དེ་ཐམས་ཅད་སྤྱན་རས་གཟིགས་ཀྱི་དཀྱིལ་

― KMC014_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དུ་གྱུར་ཏེ། ཆར་བབ་པ་ལྟར་རང་གི་ལུས་ངག་ཡིད་གསུམ་ལ་ཐིམ་པར་བསམ། དེ་ཡང་ཀརྨ་ཆགས་མེད་པས། གྲུབ་ཆེན་བརྒྱད་ཅུ་རྗེ་འབངས་ཉེར་ལྔ་དང་། །བཀའ་རྒྱུད་བླ་མ་གྲུབ་ཐོབ་རྒྱ་མཚོ་ལ། །འོད་ཟེར་དེས་ཕོག་མཆོད་པ་ཆེན་པོར་གྱུར། །སྐུ་གསུང་ཐུགས་རྣམས་ཟག་མེད་བདེ་བ་རྒྱས། །ཐམས་ཅད་རྒྱལ་བ་རྒྱ་མཚོ་ཡབ་ཡུམ་སྐུར། །གནས་འགྱུར་ཆར་ལྟར་བབ་བྱོན་རང་ལ་བསྟིམས། །བྱིན་རླབས་ཞུགས་པས་ཉམས་རྟོགས་འབར་བར་བསྒོམ། །བླ་མ་གྲུབ་ཐོབ་རྣམས་དང་བསྲེ་བ་ལ། །ཕྱག་ཆེན་རྟོགས་འདོད་དྭགས་པོ་ས་ར་ཧ། །རྫོགས་ཆེན་འདོད་ན་དགའ་རབ་བི་མ་ལ། །ནུས་པ་ཆེ་འདོད་ཨོ་རྒྱན་པཀྴི་སོགས། །བསྒོམས་པས་བླ་སྒྲུབ་མཆོག་དུ་གྱུར་པ་ཡིན། །ཞེས་པ་ནི་གྲུབ་ཐོབ་རྒྱ་མཚོ་དང་། །ཡང་ནི་འོད་ཟེར་ཕྱོགས་བཅུར་འཕྲོས་པ་ཡིས། །ཞིང་ཁམས་ཀུན་ལ་བཞུགས་པའི་སངས་རྒྱས་དང་། །བྱང་ཆུབ་སེམས་དཔའ་

― KMC014_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་འོད་དེས་མཆོད། །ཐམས་ཅད་སྤྱན་རས་གཟིགས་ཀྱི་སྐུར་གྱུར་ནས། །ཆར་ལྟར་བབ་ནས་རང་ལ་ཐིམ་པར་བསམ། །དེ་ཡང་ཚེ་བསྲིང་འདོད་ན་ཚེ་དཔག་མེད། །ནད་ཞི་འདོད་ན་སངས་རྒྱས་སྨན་གྱི་བླ། །སྡིག་ལྟུང་དག་པར་འདོད་ན་མི་འཁྲུགས་པ། ངན་སོང་སྒོ་གཅོད་འདོད་ན་ཀུན་རིག་སོགས། །གང་འདོད་སོ་སོ་ཚན་ཆེན་བསྲེ་བར་བསྒོམ། །དེ་རྣམས་འོད་ཟེར་དེས་ཕོག་ཐུགས་མཉེས་ནས། ཐམས་ཅད་ཐུགས་རྗེ་ཆེན་པོའི་སྐུར་གྱུར་ཏེ། །རང་ལ་སིབ་སི བ་ཐིམ་པར་བསྒོམ་པ་ཡིན། །ཞེས་གསུངས་པ་ནི་རྒྱལ་བ་རྒྱ་མཚོ་རྣམས་དང་། དེ་བཞིན་བདེ་དགྱེས་གསང་གསུམ་གསར་མའི་ལྷ། །བཀའ་དགོངས་ཕུར་གསུམ་ལ་སོགས་རྙིང་མའི་ལྷ། །བྱ་སྦྱོད་རྣལ་འབྱོར་རྒྱུད་ཀྱི་ལྷ་ཚོགས་རྣམས། །གང་འདོད་ཐམས་ཅད་དེ་ལྟར་བསྒོམ་ཆོག་སྟེ། །འདི་ནི་རྒྱུད་སྡེ་བཞི་ཡི་སྤྱི་སྒྲུབ་ཡིན། །ལྷ་གཅིག་སྔགས་གཅིག་བཟླས་བས་ཀུན་འགྲུབ་གསུངས། །ཅེས་པ་

― KMC014_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་བོ་རྒྱ་མཚོ་དང་། །དེ་བཞིན་ཕག་ཁྲོས་སེང་གསུམ་སྒྲོལ་མའི་རིགས། །ཐུགས་རྗེ་ཆེན་པོ་ཡབ་ཡུམ་ཞལ་སྦྱོར་དུ། །གྱུར་ནས་རང་ལ་ཐིམ་པ་བསྒོམ་པར་བྱ། །ཞེས་པ་དཔའ་མོ་རྒྱ་མཚོ་དང་། །དེ་བཞིན་ཕྱག་བཞི་ཕྱག་དྲུག་བེར་གུར་ཞལ། །མ་ནིང་དུད་སོལ་མ་དང་རང་བྱུང་མ། །ཡེ་ཤེས་ཆོས་སྐྱོང་རྣམས་ལའང་བསྲེ་ཞིང་བསྒོམ། །ཞེས་པ་དམ་ཅན་རྒྱ་མཚོའོ། །ཁྱད་པར་རིམས་ནད་ཡོད་དུས་ལོ་མ་ཅན། །དགྲ་འཇིགས་ཡོད་དུས་འོད་ཟེར་ཅན་མ་བསྲེ། །ཞེས་སོགས་གསུངས་པ་རྣམས་ཀྱང་ལས་དང་པོ་རྣམས་ལ་ཕན་པའི་ཕྱིར་བཀོད་པ་ཡིན་ནོ། །དེ་ལྟར་བསྐྱེད་རིམས་ཀྱི་དབང་དུ་བྱས་ནའང་མཚན་དོན་ལྟར་དུ་རྒྱལ་བ་རྒྱ་མཚོ་སྟེ་རྒྱལ་བ་སྤྱི་ཡི་སྒྲུབ་པ་ཡིན་ཞིང་། ཟ་མ་ཏོག་བཀོད་པའི་མདོ་ལས། གང་ཡང་ཡི་གེ་དྲུག་པའི་རིག་སྔགས་ཆེན་པོ་འདི་རྟག་ཏུ་འཛིན་ཞིང་ཟློས་པ་ལ་བརྩོན་པའི་སེམས་ཅན་དེ་དག་ནི་བསོད་ནམས་དང་ལྡན་པ་

― KMC014_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ནོ། །དེ་དག་ཟློས་པར་བྱེད་པའི་ཚེ་སངས་རྒྱས་བཅོམ་ལྡན་འདས་གངྒཱ་ཀླུང་གི་བྱེ་མ་སྙེད་སྟོང་ཕྲག་དགུ་བཅུ་རྩ་དགུ་འདུ་བར་འགྱུར་རོ། །བྱང་ཆུབ་སེམས་དཔའ་རྡུལ་ཕྲ་རབ་དང་མཉམ་པ་འདུ་བར་འགྱུར་རོ། །ཞེས་གསུངས་སོ། །བཟླ་བྱའི་སྙིང་པོའི་དབང་དུ་བྱས་ནའང་ལེགས་སྦྱར་གྱི་སྐད་དུ། ཡསྱ་པཱ་ཎཽ་མ་ཎིཤྩ་བདྨཾ་ཙ་ནིདྱ་མཱ་ནཿསཿ། ཞེས་པ་བོད་སྐད་དུ། ལྷ་གང་གི་ཕྱག་ན་ནོར་བུ་དང་པདྨ་ཡོད་བའི་རིགས་དེ། ཞེས་པའི་རྣམ་དབྱེ་སོགས་བསྡུས་པས། མ་ཎི་པདྨཱ། ནོར་བུ་པདྨ་ཅན། ཞེས་པ་གཞན་དོན་གྱི་བསྡུ་བ་སྟེ་དེ་ལ་བོད་སྐད་དུ་སྦྱར་བའི། མ་ཎི་པདྨེ། ཀྱཻ་ནོར་བུ་པདྨ་ཅན། ཞེས་པའང་། ལྷ་ནོར་བུ་དང་པདྨ་འཛིན་པ་ཐམས་ཅད་ཀྱི་སྤྱི་བསྙེན་ཡིན་ཞིང་། ༼ཀ༽ ཇོ་ནང་རིགས་ལྡན་ཆེན་པོ་དོལ་བུ་པས་མཛད་པའི་ཡི་གེ་དྲུག་པའི་ངེས་དོན་ལ་རྗེས་སུ་དཔག་ནས། དུས་འཁོར་དང་། བདེ་མཆོག །དགྱེས་རྡོར་སོགས་ཁ་སྦྱོར་གྱི་རྣམ་པའི་ལྷ་

― KMC014_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱི་ཡང་སྙིང་པོ་ཡིན་ལ་ཟབ་མོའི་རྫོགས་རིམ་ཐམས་ཅད་ཀྱང་མཚོན་ནུས་ཕྱིར་རྒྱལ་བ་སྤྱི་ཡི་སྙིང་པོ་ཡིན་ནོ། །ༀ་ཨཱཿཧཱུྃ་ཧྲཱིཿ། ཞེས་པ་ཡང་རྒྱལ་བ་ཐམས་ཅད་གྱི་སྐུ་གསུང་ཐུགས་ཡོན་ཏན་ཐམས་ཅད་ཀྱི་ས་བོན་ཡང་ཡིན་ལ་ཁྱད་པར་དུ་ༀ་ཡིག་ནི། རྡོ་རྗེ་རྩེ་མོ་ལས། ནོར་བུ་འཛིན་པའི་སྙིང་པོ་ཡིན། ཞེས་གསུངས་པས་ན། འདི་ཉིད་ཀྱི་སྒེར་གྱི་སྙིང་པོར་ཡང་གྲུབ་བོ། །འདིར་པདྨ་ཟབ་པའི་རྒྱུད་ལས། ཕྱོགས་བཅུའི་སངས་རྒྱས་དེ་རྣམས་སྔགས་གཅིག་གིས་ཅི་ལྟར་བསྐུལ་བར་བྱ་ཞུས་པ་ལ། ༀ་མ་ཎི་པདྨེ་ཧཱུྃ་ཞེས་བརྗོད་པ་ལས། ས་ཆེན་པོ་ལ་བཞུགས་པའི་སངས་རྒྱས་བྱང་ཆུབ་སེམས་དཔའ་རྣམས་བསྐུལ་ལོ། །ཞེས་གསུང་པའི་དོན་ཡང་དེས་མཚོན་པར་ནུས་སོ། །འདིར་གོང་དུ་བཤད་པ་ལྟར་བསྙེན་པའི་ངོ་བོ་སོགས་ངེས་པར་བྱ་དགོས་སོ། །དེ་ཡང་སྔགས་པ་སྤྱི་ལ་བསྐྱེད་རིམ་གྱི་སྐབས་སུ་གྲགས་པའི་ཆོས་སྐད་ལམ་བྱེད་བཞི་

― KMC014_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་འདིར་ཚང་དགོས་ཏེ། སངས་རྒྱས་ཐམས་ཅད་ཀྱི་གསུང་རྡོ་རྗེའི་རིགས་སྔགས་ཀྱི་ངོ་བོར་བཞུགས་པ་དེ་ཐ་མལ་པའི་ཡིག་འབྲུའི་རྣམ་པར་བསྒོམ་པ་རྣམ་པ་ལམ་དུ་བྱེད་པ་དང་། རྣམ་པ་དེ་ཡང་སངས་རྒྱས་ཀྱི་གསུང་རྡོ་རྗེ་དངོས་ཡིན་ནོ་བསམ་པའི་ངེས་ཤེས་འདྲོང་པར་བྱེད་པ་མོས་པ་ལམ་བྱེད་དང་། དེ་བཞིན་བཤེགས་པའི་སྔགས་དེ་ལས་འོད་ཟེར་འཕྲོས་པས་རྒྱལ་པོའི་ཕོ་ཉ་བཞིན་དུ་རྒྱལ་བ་སྲས་དང་བཅས་པ་ཐམས་ཅད་སྤྱན་དྲངས་ནས་རང་གི་ལུས་ངག་ཡིད་གསུམ་ལ་ཐིམ་པས། སངས་རྒྱས་དེ་དག་གི་ཐུགས་རྗེ་ནུས་མཐུ་བྱིན་རླབས་ཐམས་ཅད་རང་ལ་ཡོད་དོ་བསམ་པ་བྱིན་རླབས་ལམ་བྱེད་དང་། ནམ་ཕུག་ཏུ་ཐོབ་པར་བྱ་རྒྱུའི་སངས་རྒྱས་ཐམས་ཅད་ཀྱི་སྐུ་གསུང་ཐུགས་རྡོ་རྗེ་གསུམ་དང་ཁྱད་པར་དུ་གསུང་རྡོ་རྗེའི་རིག་སྔགས་དེ་ཉིད་ད་ལྟ་ནས་རང་ལ་ཡོད་ཅིང་རིག་སྔགས་སུ་གྲུབ་པ་དེ་དག་གིས་ཕྲིན་ལས་ཞི་རྒྱས་དབང་དྲག་སོགས་ལས་རབ་

― KMC014_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱམས་བསྒྲུབ་པ་དང་རིག་སྔགས་དེ་ཡེ་ཤེས་སུ་གྲུབ་པས་གྲགས་ཚད་སྔགས་ཀྱི་རོལ་པར་འཆར་བ་སོགས་འབྲས་བུ་ཐམས་ཅད་ལམ་དུ་བསྒོམ་པས་འབྲས་བུ་ལམ་བྱེད་དོ།། ༈ །།དེ་ནས་ཕྲིན་ལས་བཞི་ཡི་ཚུལ་དུ་བཟླས་པ་ལ་རིམ་པར་བཟླ་བ་དང་། གཅིག་ཆར་དུ་བཟླ་བ་གཉིས་ཀྱི་དང་པོ་ནི། རང་ཉིད་ཀྱི་ཐུགས་ཀར་བཀོད་པའི་སྔགས་འཁོར་གཡས་དང་ཡུམ་གྱི་ཐུགས་ཀའི་སྔགས་འཁོར་གཡོན་དུ་འཁོར་བའི་ས་བོན་སྔགས་ཕྲེང་དང་བཅས་པ་ལས་འོད་ཟེར་དཀར་པོ་འཕྲོས་རང་རང་གི་ཞལ་ནས་ཐོན་ཡབ་ཀྱི་འོད་ཟེར་དེ་རྩེ་མོ་གཉིས་པར་གྱུར་ནས། མི་བསྐྱོད་པ་སྤྱན་རས་གཟིགས་དང་། རྡོ་རྗེ་མཁའ་འགྲོའི་ཐུགས་ཀར་ཐིམ། ཡུམ་གྱི་འོད་ཟེར་ཡུམ་སངས་རྒྱས་སྤྱན་མའི་ཐུགས་དཀར་ཐིམ་པས་ཡབ་ཀྱི་སྔགས་ཕྲེང་གཡས་དང་ཡུམ་གྱི་སྔགས་ཕྲེང་གཡོན་དུ་འཁོར་བ་ལས་ཐུགས་རྒྱུད་བསྐུལ་དེ་གསུམ་ཆར་གྱི་ཐུགས་རྗེ་ནུས་མཐུ་

― KMC014_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཐུགས་ཀའི་ས་བོན་དང་སྔགས་འཁོར་ལས་འོད་ཟེར་དཀར་པོའི་རྣམ་པར་གྱུར་ཏེ་རང་རང་གི་ཞལ་ནས་ཐོན། འོད་ཟེར་དེ་ཡང་རྩེ་མོ་གཉིས་པ་གཉིས་པ་ཁོ་ནར་གྱུར་ནས་རང་ཉིད་ཡབ་ཡུམ་ཀྱི་ཐུགས་ཀའི་ཧྲཱིཿདང་སྔགས་ཕྲེང་ལ་ཐིམ་པས་ཞི་བའི་དངོས་གྲུབ་ཐམས་ཅད་ཐོབ་ཏེ་རང་གཞན་གྱི་ནད་གདོན་ལ་སོགས་པ་ཞི་བར་བསམ། དེ་བཞིན་དུ་འོད་ཟེར་སེར་པོས་རིན་འབྱུང་སྤྱན་རས་གཟིགས་དང་། ཡུམ་མཱ་མ་ཀི །རིན་ཆེན་མཁའ་འགྲོ། རྒྱས་པའི་དངོས་གྲུབ་དང་། རང་གཞན་གྱི་ཚེ་བསོད་དཔལ་འབྱོར་ཐམས་ཅད་རྒྱས་པར་བསམ། འོད་ཟེར་དམར་པོས་སྣང་མཐའ་སྤྱན་རས་གཟིགས་དང་། གོས་དཀར་མོ། པདྨ་མཁའ་འགྲོ། དབང་གི་དངོས་གྲུབ་ཐོབ། ལྷ་འདྲེ་མི་གསུམ་ལ་སོགས་དབང་དུ་སྡུད་ནུས་པར་བསམ། འོད་ཟེར་ལྗང་གུས་དོན་གྲུབ་སྤྱན་རས་གཟིགས་དང་། དམ་ཚིག་སྒྲོལ་མ། ལས་ཀྱི་མཁའ་འགྲོ། དྲག་པོའི་དངོས་གྲུབ་

― KMC014_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ། དགྲ་བགེགས་ཐམས་ཅད་ཚར་གཅོད་ནུས་པའི་དངོས་གྲུབ་ཐོབ་པར་བསམ་ལ་བཟླས་པ་བྱའོ། གཅིག་ཆར་དུ་བཟླ་བ་ནི། རང་ཉིད་ཡབ་ཡུམ་གྱི་ཐུགས་ཀའི་ས་བོན་དང་སྔགས་ཕྲེང་ལས་འོད་ཟེར་དཀར་སེར་དམར་ལྗང་བཞི་འཕྲོས ། ཞལ་ནས་ཐོན། ཡབ་ཀྱི་འོད་ཟེར་དེ་རྣམས་རྩེ་མོ་གཉིས་པ་གཉིས་པ་ཁོ་ནར་གྱུར། རིགས་བཞིའི་སྤྱན་རས་གཟིགས་ཡབ་ཡུམ་དང་འཁའ་འགྲོ་མའི་ཐུགས་ཀར་ཕོག །དེའི་མོད་ལ་ཡབ་རྣམས་ཀྱི་ཐུགས་ཀའི་སྔགས་ཕྲེང་གཡས་དང་། ཡུམ་རྣམས་ཀྱི་སྔགས་འཁོར་གཡོན་དུ་འཁོར་ཞིང་ཐུགས་རྒྱུད་བསྐུལ། དེ་དག་གི་ཐུགས་རྗེ་ནུས་པ་ཐམས་ཅད་འོད་ཟེར་ཁ་དོག་བཞི་ཡི་རྣམ་པར་རང་རང་གི་ཞལ་ནས་ཐོན། དེ་ཡང་རྩེ་མོ་གཉིས་པ་གཉིས་པ་ཁོ་ནར་གྱུར་ནས་བདག་ཉིད་ཡབ་ཡུམ་གྱི་ཐུགས་ཀའི་ས་བོན་སྔགས་འཁོར་དང་བཅས་པ་ལ་ཐིམ་པ་ཕྲིན་ལས་རྣམ་པ་བཞི་འགྲུབ་པའི་དངོས་གྲུབ་ཐོབ་པར་

― KMC014_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་ཞིང་དེ་ལྟ་བུའི་སྤྲོ་བསྡུའི་བཟླས་པས་འགལ་མེའི་འཁོར་ལོ་ལྟར་བྱ་ཞིང་ཡབ་ཡུབ་གཉིས་ཀའི་བཟླས་པ་ལ་འབད་པར་བྱའོ། །འདིར་ཡང་ཐོབ་པར་བྱ་རྒྱུའི་འབྲས་བུ་གོང་དུ་བཤད་པ་ལྟར་སངས་རྒྱས་ཐམས་ཅད་ཀྱི་གསུང་རྡོ་རྗེའི་རིག་སྔགས་གྲུབ་པས། ཞི་རྒྱས་དབང་དྲག་སོགས་ལས་རབ་འབྱམས་སྒྲུབ་ནུས་པས་དེ་ཉིད་ལམ་དུ་བྱེད་པ་ཡིན་ནོ། །ཀརྨ་ཆགས་མེད་པའི་ཟིན་བྲིས་ལས་ལས་སྦྱོར་གྱི་བཟླས་པར་བཞེད་ཀྱང་རྣམ་པ་གཅིག་ཏུ་ན། དེ་ལྟར་རུང་མོད་ཐམས་ཅད་དུ་ནི་མ་ཡིན་ཏེ། འདི་རིགས་ཀྱི་བཟླས་པ་རྣམས་ལ་མཁས་པ་སྔ་མ་དག་གིས་དེ་ལྟར་ཁོ་ནར་མི་བཞེད་པའི་ཕྱིར་རོ།། ༈ །།གསུམ་པ་བདེ་བ་ཆེན་པོའི་བཟླས་པ་ནི། བདག་ཉིད་ཀྱི་ཐུགས་ཀའི་སྔགས་ཕྲེང་གཡས་སུ་འཁོར་བ་ལས་འོད་ཟེར་དམར་པོ་འཕྲོས་སྐུ་ཡི་དབྱིབས་བརྒྱུད། ནོར་བུ་ནས་ཡུམ་གྱི་པདྨར་བྱོན། སྐུའི་དབྱིབས་བརྒྱུད། ཐུགས་ཀའི་སྔགས་འཁོར་དང་བཅས་པ་

― KMC014_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་དུ་འཁོར། སླར་ཡང་ཡུམ་གྱི་ཞལ་ནས་རང་གི་ཞལ་དུ་ཞུགས། ཐུགས་ཀའི་ཧྲཱིཿལ་ཐིམ་ཞིང་སླར་ཡང་འགལ་མེ་ལྟར་བསྒོམ་ཞིང་། རེ་ཞིག་ནས་སྔགས་ཕྲེང་དུ་བསྒྱུར་བ་སྒོམ་ཏེ། དྲུང་འཇམ་དབྱངས་ཆེན་པོས་ཞལ་སྦྱོར་དུ་བསྒོམ་པའི་སྔགས་འཁོར་དང་ས་བོན་ལས་འོད་ཟེར་དང་སྔགས་ཕྲེང་སྐུའི་དབྱིབས་བརྒྱུད། དེ་ནས་ཡུམ་གྱི་པདྨར་བྱོན་སོགས་གསུངས་པ་ལྟར་བྱ་ཞིང་བཟླས་པས་བདེ་སྟོང་གི་ཡེ་ཤེས་འཆར་ཞེས་གཉན་རས་དགེ་འདུན་འབུམ་གྱིས་གསུངས་སོ་ཞེས་འབྱུང་ལ། དགྱེས་རྡོར་གྱི་སྒྲུབ་ཐབས་མཚོ་སྐྱེས་ལས། དེ་ནས་སྣ་ཚོགས་པའི་སྔགས་ཀྱི་བཟླས་པ་ནི། སྔགས་ཀྱི་ཡི་གེའི་ཚོགས་བརྗོད་པས། དེ་དག་ལྷ་མོའི་ཞལ་ནས་བྱུང་ཏེ། འོད་ཟེར་དང་བཅས་པ་རང་གི་ཞལ་དུ་ཞགས་ནས་རྡོ་རྗེའི་ལམ་ནས་བྱུང་ཏེ་ལྷ་མོའི་པདྨར་དབབ་པའོ། །ལྷ་མོའི་ཞལ་ནས་བདག་གི་ཞལ་དུ་ཏེ་རིམ་པར་རྒྱུན་མི་ཆད་པར་སྔགས་ཀྱིས་

― KMC014_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བར་བྱའོ། །ཞེས་པ་ལྟར་མཻ་ཏྲི་པ་ཡང་བཞེད་པ་མར་མེ་མཛད་དང་། ཤྲཱི་ཨཱ་ནནྡྲས་ས་བོན་སོགས་ལས་སྤྲོ་བར་མཛད་པ་བཞིན་རིན་ཆེན་འབར་བར་ཡང་བཤད་ཅིང་། གཞན་དུ་ན། དོ་ལི་སྟེ་ཁྱོགས་ཀྱི་བཟླས་པ་དང་། འཁོར་ལོའི་བཟླས་པའང་ཟེར་ཞིང་འདི་ནི་གཞུང་ཆེན་པོ་རྣམས་ཀྱི་དགོངས་པའོ་ཞེས་ཀྱང་སྨྲའོ། །དེ་རྣམས་ནི་སྤྲོ་བསྡུའི་བཟླས་པ་སྟེ། ༈ །གཉིས་པ་འགོགས་པའི་བཟླས་པ་ནི། བདག་ཉིད་ཡབ་ཡུམ་གྱི་ཐུགས་ཀའི་ཧྲཱིཿདང་སྙིང་པོ་ལས་འོད་ཟེར་དམར་པོ་ཕན་ཚུན་དུ་བྱུང་སྟེ་འདྲེས་པས་སྐུ་གསུང་ཐུགས་འོད་ཟེར་གྱི་ཕུང་པོར་གྱུར་ཏེ་སྒྱུ་མ་ལྟ་བུའི་ཏིང་ངེ་འཛིན་ལ་རྩེ་གཅིག་དུ་བཞག་པས་གཟུང་འཛིན་གྱི་རྟོག་པ་འགོག་པ་ནི་འགོག་པའི་བཟླས་པའོ། །དེ་ནི་པདྨ་རྒྱལ་པོའི་རྒྱུད་ལས། སེམས་དབེན་རྟོགས་པ་ངན་པ་མེད། །སྣང་ལ་རང་བཞིན་མེད་པར་མཐོང་། །སྒྱུ་མ་ལྟ་བུའི་བསྡུས་པ་ཡིན། །གསལ་བ་མི་རྟོགས་འོད་གསལ་ལོ། །

― KMC014_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་དང་བ་མཁལ་མ་ལས། ལྷ་ཚོགས་རྫས་དང་བཅས་པ་འོད་ཟེར་དམར་པོ་གྱུར་པ་བདག་ལ་ཐིམ། རང་ཉིད་ཀྱང་འོད་ཕུང་དམར་པོར་གྱུར། ཅེས་པ་དང་། སྣང་བ་ལ་འཛིན་པ་ཆུང་ནས་སྣང་བ་སྒྱུ་མར་མཐོང་བའོ། །ཞེས་པའི་དོན་ནོ། །གསུམ་པ་རྫོགས་རིམ་དང་འབྲེལ་བའི་བཟླས་པ་ལ་རྡོ་རྗེའི་བཟླས་པ་དང་། འཁོར་ལོ་ལྔའི་མན་ངག་གོ །དང་པོ་རྡོ་རྗེའི་བཟླས་པ་ནི། །རང་ཉིད་རྒྱལ་བ་རྒྱ་མཚོའི་སྐུའི་སྟོང་རའི་ནང་དུ་རྩ་གསུམ་གསལ་བཏབ་པའི་དབུ་མའི་ཡར་སྣེ་ལ་བླ་མའི་ངོ་བོ་ཧཾ་ཡིག །མར་སྣེ་ལྟེ་འོག་སོར་བཞིའི་ཐད་ན་ཆོས་འབྱུང་རྐྱང་པའི་དབུས་སུ་ཨ་ཤད་ཙཎྜ་ལི་སོར་བཞི་པ་ཆོས་དྲུག་ལྟར་བསྒོམ། ༈ །འདིར་དྲུང་འཇམ་དབྱངས་ཆེན་པོས། དང་པོ་རླུང་སྦྱོར་རྩ་གསུམ་གསལ་བཏབ་ནས། །དབུ་མའི་རྩེ་མོར་ཧཾ་ཡིག་རྩ་བ་རུ། །ཙཎྜ་ལི་དམིགས་མེ་ཡི་དྲོད་མདངས་དང་། །སྔགས་ཕྲེང་འོད་ཟེར་རླུང་དང་བསྲེས་ཏེ་སྤྲོ། །རླུང་གི་འགྲོ་འོང་

― KMC014_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

རང་སར་བཞག་པ་ལས། །ཉི་ཁྲི་གཅིག་སྟོང་དྲུག་བརྒྱའི་བཟླས་པར་གྱུར། །ཅེས་དང་། ཡང་རླུང་སྦྱོར་བ་སྔོན་དུ་འགྲོ་བས། མེའི་དྲོད་དང་། སྔགས་ཕྲེང་འོད་ཟེར་སྐབས་སུ་གང་བབ་རླུང་དང་བསྲེ་བས། རོ་རྐྱང་གང་ནས་རྒྱུ་བ་ནས་འཕྲོས། རླུང་འབྱུང་འཇུག་གནས་གསུམ་ཨོཾཨཱཿཧཱུྃ་གསུམ་མམ། སྔགས་ཕྲེང་ངམ། མེའི་འོད་ཟེར་རམ། གང་བསྡུ་བར་མོས་པ་འཇུག་ཅིང་། གནས་པའི་ཚེ་ཙཎྜ་ལི་དང་སྔགས་འཁོར་ལ་ཐིམ་པར་བསམ། བྱམས་དང་སྙིང་རྗེས་འགྲོ་བ་དབང་དུ་བསྡུས་ནས་ཕྲིན་ལས་བསྒྲུབ་པ འམ། ཕྱོགས་བཅུའི་སངས་རྒྱས་བསྡུས་ནས་སྐུ་གསུང་ཐུགས་དབྱེར་མི་ཕྱེད་པའི་བདག་ཉིད་ལོངས་སྐུ་བདེ་ཆེན་དུ་བསྒྲུབ་པ་དག་གང་བྱེད་ཀྱང་རླུང་འགྲོ་འོང་རང་བབ་སུ་བཞག་པ་དང་བསྲེ་བ་རྡོ་རྗེའི་བཟླས་པའོ། །འདི་ནི་གཞུང་ལ། །དུས་གསུམ་རྒྱལ་བ་མ་ལུས་དང་། །སྐྱེ་འགྲོ་སེམས་ཅན་བྱམས་སྡོང་སོགས། །དུས་དང་གནད་དུ་གང་འགྲོ་བ། །རླུང་

― KMC014_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དབྱེར་མེད་བསྲེས་ལ་བསྟིམ། །ཞེས་པ་སྟེ། དེའང་རྒྱས་པར་གཞུང་ལས། ཕྱོགས་བཅུའི་སངས་རྒྱས་སྤྱན་དྲངས་རླུང་དང་བསྲེ། །མེ་ལ་བསྟིམས་ལ་ལོངས་སྐུ་བདེ་ཆེན་བསྐྱེད། །འགྲོ་དྲུག་སེམས་ཅན་དབང་སྡུད་བྱང་སེམས་བསྒོམ། སྙིང་རྗེ་བསྐྱེད་དུས་རླུང་རྔུབ་མེ་ལ་བསྟིམ། །སྤྲུལ་སྐུ་འགྲོ་འདུལ་ཕྲིན་ལས་ཅིར་ཡང་སྟོན། །ཞེས་པའི་དོན་ནོ།། ༈ །།གཉིས་པ་བདེ་སྟོང་དབྱེར་མེད་བདེ་བ་ཆེན་པོའི་སྐུ་འོད་གསལ་ཆེན་པོ་མངོན་དུ་བྱེད་པའི་ཐབས་འཁོར་ལོ་ལྔའི་མན་ངག་ནི། རང་ཉིད་རྒྱལ་བ་རྒྱ་མཚོའི་སྐུའི་ལྟོང་རའི་དབུས་སུ་རྩ་གསུམ་འཁོར་ལོ་ལྔ་གསལ་གདབ་པའི་གསང་གནས་སུ་ཙཎྜ་ལི་དང་སྤྱི་བོར་ཧཾ་ཡིག་བསྒོམ། གསང་གནས་བདེ་སྐྱོང་ཀྱི་འཁོར་ལོ་རྩ་འདབས་སོ་གཉིས་པའི་དབུས་སུ་ཕྲག་དོག་གི་ས་བོན་ཐིག་ལེའམ་ཧཾ་ལྗང་གུ། ལྟེ་བ་སྤྲུལ་པའི་འཁོར་ལོ་སེར་པོ་རྩ་འདབས་དྲུག་ཅུ་རྩ་བཞིའི་དབུས་ན་ང་རྒྱལ་གྱི་ས་

― KMC014_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

བོན་ཏྲཾ་སེར་པོ། སྙིང་ག་ཆོས་ཀྱི་འཁོར་ལོ་སྔོན་པོ་རྩ་འདབས་བརྒྱད་པའི་དབུས་ན་ཞེ་སྡང་གི་ས་བོན་ཧཱུྃ་མཐིང་ནག །མགྲིན་པ་ལོངས་སྦྱོད་ཀྱི་འཁོར་ལོ་དམར་པོ་རྩ་འདབས་བཅུ་དྲུག་པའི་དབུས་ན་འདོད་ཆགས་གྱི་ས་བོན་ཧྲཱིཿདམར་པོ། སྤྱི་བོར་བདེ་ཆེན་གྱི་འཁོར་ལོ་དཀར་པོ་རྩ་འདབས་སོ་གཉིས་པའི་དབུས་ན་གཏི་མུག་གི་ས་བོན་ༀ་དཀར་པོ། ཐིག་ལེ་དང་འདམ་གར་བཤད་རླུང་སྦྱོར་བ་བཞི་ལྡན་བཟུང་བས། གཏུམ་མོའི་མེ་ཆེར་འབར། ཕྲག་དོག་གི་ས་བོན་ཧཾ་ཡིག་བསྲེགས་པའི་མོད་ལས། ཕྲིན་ལས་ཡོངས་རྫོགས་ཀྱི་སྤྱན་རས་གཟིགས་ཡུམ་དམ་ཚིག་སྒྲོལ་མ་ཡབ་ཡུམ་བྱ་གྲུབ་ཡེ་ཤེས་ཀྱི་ངོ་བོར་བསྒོམ། མེ་ཡར་འབར་བས་ཏྲཱཾ་དང་ཧཱུྃ་དང་ཧྲིཿདང་ༀ་རྣམས་རིམ་པར་བསྲེགས་པའི་མོད་ལ། །སྤྱན་རས་གཟིགས་ཡབ་ཡུམ་མཉམ་ཉིད་ཡེ་ཤེས་ཀྱི་ངོ་བོ། ཐུགས་ཀྱི་སྤྱན་རས་གཟིགས་ཡབ་ཡུམ་མེ་ལོང་ཡེ་ཤེས་ཀྱི་ངོ་བོ། པདྨ་གསུང་གི་སྤྱན་

― KMC014_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

རས་གཟིགས་ཡབ་ཡུམ་སོར་རྟོག་ཡེ་ཤེས་ཀྱི་ངོ་བོ། རྣམ་སྣང་སྐུའི་སྤྱན་རས་གཟིགས་ཆོས་དབྱིངས་ཡེ་ཤེས་ཀྱི་ངོ་བོ། རྩ་འདབས་རྣམས་སུ་རང་རང་གི་གྲངས་དང་མཐུན་པའི་རྡོ་རྗེ་རྣལ་འབྱོར་མ་རེ་རེ་བསྒོམ་མོ། །མེ་ལྕེ་སྤྱི་བོའི་ཧཾ་ཡིག་ལ་རེག་པའི་ཚེ། ཧཾ་ལས་འོད་འཕྲོས་པས་ཕྱོགས་བཅུའི་སངས་རྒྱས་བྱང་སེམས་རྣམས། བྱང་སེམས་དཀར་དམར་དུ་ཞུ་བ་སྤྱི་བོ་ནས་ཞུགས་པ་དང་། ཧཾ་ཡིག་ལས་བྱང་སེམས་བབ་ནས། རྣམ་སྣང་སྤྱན་རས་གཟིགས་ཡབ་ཡུམ་འཁོར་བཅས་ཀྱི་ཞལ་དུ་སོང་བས་སྐུ་ལུས་བདེ་བ་ཆེན་པོས་དགྱེས། དེ་བཞིན་དུ་མགྲིན་པའི་ལྷ་ཚོགས་ཀྱི་ཞལ་དུ་སོང་བས་དགའ་བ་དང་། ཐུགས་ཀའི་ལྷ་ཚོགས་ཀྱི་ཞལ་དུ་སོང་བས། ཁྱད་པར་གྱི་དགའ་བ། གསང་གནས་ཀྱི་ལྷ་ཚོགས་ཐུགས་ཀར་ཐིམ་པས་འཕོ་མེད་ལྷན་ཅིག་སྐྱེས་དགའ་ཏེ་མས་བབ་ཀྱི་དགའ་བ་བཞི་རྫོགས། ལྷན་ཅིག་སྐྱེས་པའི་ཡེ་ཤེས་མངོན་དུ་བྱས། སླར་

― KMC014_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་བྱང་སེམས་གྱེན་དུ་ལྡོག་ནས་སྤྱི་བོའི་ཧཾ་ཡིག་ལ་ཐིམ་པས་མས་བརྟན་གྱི་དགའ་བ་བཞི་མྱོང་། དབང་བཞིའི་འབྲས་བུ་ཡོངས་སུ་རྫོགས་པར་བསྒོམ་ལ་ཆོས་སྐུ་སྟོང་པ་ཉིད་དང་བསྲེས་ནས་ཉམས་སུ་ལེན་པར་བྱའོ། །དེ་ཡང་། པདྨ་ཟབ་པའི་རྒྱུད་ལས། འཁོར་ལོ་བཞི་སྟེ། བདེ་བ་ཆེན་པོའི་འཁོར་ལོ་དང་། ལོངས་སྤྱོད་འཁོར་ལོ་དང་། ཆོས་ཀྱི་འཁོར་ལོ་དང་། སྤྲུལ་པའི་འཁོར་ལོའོ། །སྐུ་བཞི་དང་། བདེ་བ་བཞི་དང་། ཚད་མེད་པ་བཞི་དང་། ཞེས་སོགས་དང་། སྤྱི་བོར་བླ་མ་བསྡུས་ནས་ནི། །ཟག་མེད་བདེ་བས་ལུས་དགང་ངོ་། །སྤྱི་བོར་ཡི་གེ་བསམ་ནས་ནི། །བྱིན་བརླབས་བདེ་བས་ལུས་གང་ངོ་། །ལས་ཀྱི་ཌཱ་ཀིས་རྣལ་འབྱོར་གྱི། །ལུས་ལ་བདེ་བ་ཆེན་པོ་སྟེར། །པདྨ་མཁའ་འགྲོས་རབ་དགའ་སྟེར། །རིན་ཆེན་མཁའ་འགྲོས་མཆོག་དགའ་སྟེར། །རྡོ་རྗེ་མཁའ་འགྲོས་བདེ་སྟོང་དབྱེར་མེད་སྟེར། །ཞེས་དང་། པདྨ་རྒྱལ་པོའི་རྒྱུད་ལས། ཐམས་ཅད་སྤྲོས་པ་

― KMC014_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པར་རྟོགས། །བདེ་དང་སྟོང་པ་གཅིག་དུ་སྣང་། །འབྲས་བུ་ཞེས་བྱ་ཟུང་འཇུག་ཡིན། །ཞེས་སོགས་གསུངས་པའི་དོན་ཡིན་ནོ། ༈ །བླ་མའི་མན་ངག་དང་བསྲེ་བ་སྦྱར་ཞེས་གསུངས་པའི་དོན། རྗེ་དཀོན་མཆོག་ཡན་ལག་གིས་གསུངས་པ། རྩ་གསུམ་དང་འཁོར་ལོ་བཞི་སོགས་གསལ་ནས་རླུང་རོ་དྲག་དུ་འབུད། གཏུམ་མོའི་མེ་ལས་འོད་འཕྲོས། རྒྱལ་བ་སྲས་བཅས་ཀྱི་སྐུ་གསུང་ཐུགས་ཀྱི་བྱིན་རླབས་བསྡུས། ལྟེ་བའི་མེ་དང་ཐུགས་ཀའི་ཧྲཱིཿལ་ཐིམ་པས། ལུས་ནང་མེས་གང་། མོས་གུས་དྲག་ཏུ་བྱ། ནད་གདོན་སྡིག་སྒྲིབ་ཐམས་ཅད་བསྲེགས་པར་བསམ། མཐར་གཉིས་མེད་ཕྱག་རྒྱ་ཆེན་པོའི་ངང་ལ་བཞག་པ་ནི་ལོངས་སྐུར་བསྲེ་བའོ། །ཡང་། རང་གི་ཡིད་ཡུལ་དུ་སྡུག་ཅིང་ཆགས་པའམ། སྙིང་རྗེ་བའམ། ཞེ་སྡང་བ་སོགས་གང་བྱུང་ཡང་། རང་ཉིད་སྐུ་མདོག་ཤིན་ཏུ་དམར་བའི། ཙཎྜ་ལི་ལས་འོད་ཟེར་ལྕགས་ཀྱུ་ལྟ་བུ་འཕྲོོས། དམིགས་ཡུལ་

― KMC014_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོར་བྱས་སེམས་ཅན་ཐམས་ཅད་བཀུག །བྱམས་སྙིང་རྗེ་དྲག་ཏུ་བསྒོམ། ལྟེ་བའི་མེ་དང་ཐུགས་ཀའི་ཧྲཱིཿལ་བསྟིམ། མཐར་མི་དམིགས་པའི་ངང་ལ་བཞག་པ་ནི་སྤྲུལ་སྐུར་བསྲེ་བའོ། །དེ་ནས་ལུས་བཏང་སྙོམས་སྐྱིལ་ཀྲུང་མཉམ་བཞག །ངག་བཏང་སྙོམས་སྨྲ་བརྗོད་དང་བྲལ་བ། སེམས་བཏང་སྙོམས་ཕྱག་རྒྱ་ཆེན་པོའི་ངང་ལས་བླ་མའི་རྣལ་འབྱོར་བསྒོམ། ལྷ་སྐུ་སྣང་ལ་རང་བཞིན་མེད་པར་བསྒོམ། ཕྱི་སྣང་བརྒྱ་ཡན། ནང་རིག་པ་རང་གྲོལ། ལུས་ཡེ་ཤེས་ཀྱི་ལུས། རྩ་ཡེ་ཤེས་ཀྱི་རྩ། རླུང་ཡེ་ཤེས་ཀྱི་རླུང་། དེ་ཉིད་ཀྱི་ངང་ལ་བློ་བུར་གྱི་རྣམ་རྟོག་དཀར་ནག་གང་སྐྱེས་ཀྱང་སྐྱེས་པའི་ངོ་བོ་ལ་གཅེར་གྱིས་བལྟས་པས། རྟོག་པ་བདེ་ཡང་སྐྱེ་མེད་རྩ་བྲལ། འགག་པ་མེད་པ་དམིགས་པ་མེད་པ་ལྷང་ལྷང་འཆར་རོ། །འདི་ནི་ཆོས་སྐུའི་བསྲེ་བ་མཆོག་གི་གཏུམ་མོའོ། །ཞེས་གསུངས་ཀྱང་། གཞུང་ལས། དུས་གསུམ་སངས་རྒྱས་མ་ལུས་དང་། །སྐྱེ་འགྲོ་སེམས་

― KMC014_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་བྱམས་སྡང་སོགས། །དུས་དང་གནད་དུ་གང་འགྲོ་བ། །རླུང་དང་དབྱེར་མེད་བསྡུས་ལ་བསྟིམ། །ཞེས་དང་། གཞན་ཡང་། ཕྱོགས་བཅུའི་སངས་རྒྱས་སྤྱན་དྲངས་རླུང་དང་བསྲེ། །མེ་ལ་བསྟིམས་ལ་ལོངས་སྐུ་བདེ་ཆེན་བསྐྱེད། །ཅེས་སོགས་གོང་དུ་རྡོར་བཟླས་ཀྱི་སྐབས་སུ་དྲངས་པ་བཞིན་ནོ། །དེ་ལྟར་འཇིག་རྟེན་དབང་ཕྱུག་རྒྱལ་བ་རྒྱ་མཚོ་ལྷ་དགུའི་བསྙེན་ཡིག་དངོས་གྲུབ་གྱི་རོལ་མཚོ་ཞེས་བྱ་བ་འདི་ནི་ཐམས་ཅད་མཁྱེན་པ་༧ཆོས་ཀྱི་འབྱུང་གནས་ཀྱི་ཞབས་རྡུལ་ལ་སྤྱི་བོས་ཅུང་ཟད་རེག་པའི་བཙུན་པ་ཀརྨ་ཚེ་དབང་ཀུན་ཁྱབ་ཀྱིས་དཔལ་སྤུངས་ཐུབ་བསྟན་ཆོས་འཁོར་གླིང་གི་དགོན་པར་སྦྱར་བའོ། །མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་

― KMC014_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

རྗེ་བརྒྱད་པས་མཛད་པའི་བདེ་མཆོག་ལྷ་ལྔའི་ཆོ་ག་ཚིགས་སུ་བཅད་པའི་ཟིན་བྲིས་ཚིགས་བཅད།

― KMC014_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བརྒྱད་པས་མཛད་པའི་བདེ་མཆོག་ལྷ་ལྔའི་ཆོ་ག་ཚིགས་སུ་བཅད་པའི་ཟིན་བྲིས་ཚིགས་བཅད་མ་བཞུགས་སོ། །

― KMC014_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཙཀྲ་སམྦ་རཱ་ཡ། །བླ་མ་འཁོར་ལོ་སྡོམ་པ་ཌཱ་ཀིའི་ཚོགས། །སྤྱི་བོའི་རྒྱན་དུ་བཀོད་ནས་ཕྱག་འཚལ་ཏེ། །ཟིན་བྲིས་བྲི་ལ་བཀའ་གནང་བྱིན་གྱིས་རློབས། །ཐོག་མར་དབང་གི་ལོ་རྒྱུས་མདོར་བསྡུས་ནི། །འོ་ན་ད་ལམ་བདེ་མཆོག་འཁོར་ལོའི་རྒྱུད། །དངོས་གྲུབ་འབྱུང་གནས་མ་རྒྱུད་ཀུན་གྱི་བླ། །བྱིན་རླབས་མངའ་བདག་ཕྲིན་ལས་རྒྱལ་པོ་ཆེ། །ལྷ་མིའི་བདེ་བ་ཟིལ་གནོན་བདེ་བའི་མཆོག །མཚན་ཐོས་ཙམ་གྱིས་སྡིག་པ་གྲངས་མེད་འཇོམས། །དཀྱིལ་

― KMC014_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་མཐོང་བས་འཁོར་འདས་ཡོན་ཏན་འཐོབ། །ཉམས་སུ་བླངས་ན་ཚེ་གཅིག་སངས་རྒྱ་བའི། །ཐུགས་དམ་བདེ་མཆོག་ལྷ་ལྔའི་དབང་བསྐུར་ལ། །ལྷ་ཡི་ངོས་བཟུང་རྒྱུད་ཀྱི་གསུང་ཚུལ་དང་། །རྒྱ་གཞུང་ངོས་བཟུང་བརྒྱུད་པའི་རྣམ་གྲངས་དང་། །ཕན་ཡོན་དགོས་ཆེད་བཤད་པ་རྣམ་གྲངས་སོ། །ལྷ་ཡི་དབང་པོ་དང་པོའི་སངས་རྒྱས་ཏེ། །ཀུན་བཟང་ཆོས་སྐུ་རྡོ་རྗེ་འཆང་ཆེན་ཉིད། །ཧེ་རུ་ཀ་ཡི་སྐུར་བཞེངས་བདེ་མཆོག་ཡིན། དེ་དོན་སྔ་འགྱུར་གསང་འདུས་རྒྱུད་

― KMC014_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ལས། །བདེ་མཆོག་ཀྱཻ་རྡོར་ཆེ་མཆོག་དོན་གཅིག་གསུངས། །རྡོར་ཕྲེང་དབང་ཆོག་བདེ་མཆོག་བསྟོད་པར་ཡང་། །ཀུན་བཟང་ཧེ་རུ་ཀ་ལ་ཕྱག་འཚལ་བསྟོད། །གསུངས་ཕྱིར་ངོ་བོ་ཀུན་ཏུ་བཟང་པོ་ཉིད། །ཐོག་མ་མེད་པའི་སངས་རྒྱས་ཀུན་གྱིས་ཀྱང་། །འཁོར་ལོ་སྡོམ་པའི་རྒྱུད་རྣམས་རྒྱ་ཆེར་གསུངས། །བདག་ཅག་སྟོན་པ་ཤཱཀྱ་ཐུབ་པ་ཡང་། །ཐོག་མ་མེད་པའི་དུས་ནས་སངས་རྒྱས་ཏེ། །དེ་མ་ཐག་ཏུ་སྡོམ་པའི་རྒྱུད་རྣམས་གསུངས། །འོན་ཀྱང་སེམས་ཅན་བསོད་ནམས་ལས་དབང་གིས། །ལ་ལར་དར་ཞིང་ལ་ལར་ནུབ་པར་གྱུར། །བསྐལ་པ་འདི་ཉིད་དང་པོ་ཆགས་པའི་སྐབས། །དབང་ཕྱུག་ཆེན་པོ་དྲག་པོ་འཇིག་བྱེད་ཀྱིས། །ཛམ་གླིང་དབང་བྱས་ལོག་པའི་ལམ་ལ་བཀོད། །དེ་ཚེ་འོག་མིན་གནས་ནས་བདེ་མཆོག་གི །དཀྱིལ་འཁོར་གཅིག་བྱོན་འཇིག་བྱེད་ཡབ་ཡུམ་གཉིས། །ཞབས་འོག་མནན་ཅིང་ཐིམ་དང་ལོངས་སྤྱོད་དང་། །བདག་པོའི་ཚུལ་གྱིས་འཁོར་

― KMC014_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་དབང་དུ་བསྡུས། །ཡུལ་ཆེན་ཉེར་བཞི་གནས་ཆེན་སུམ་བཅུ་གཉིས། །དབང་ཕྱུག་གནས་ཀུན་བདེ་མཆོག་གནས་སུ་བྱས། །རི་རབ་རྩེར་བྱོན་རྩ་རྒྱུད་ཉུང་ངུའང་གསུངས། །སླར་ཡང་སྤྲུལ་སྐུ་ཤཱཀྱ་ཐུབ་པ་ཉིད། །མྱ་ངན་འདས་ཁར་འབྲས་སྤུངས་མཆོད་རྟེན་དུ། །དུས་འཁོར་གསུངས་རྗེས་བདེ་མཆོག་རྒྱུད་ཀྱང་གསུངས། །དེ་ནས་རྒྱུད་ཀྱི་རྣམས་གྲངས་མདོར་བསྡུས་ནི། །རྩ་རྒྱུད་རྒྱས་པ་འབུམ་ཕྲག་གསུམ་པ་དང་། །མཁའ་འགྲོ་རྒྱ་མཚོ་རྣལ་འབྱོར་རྒྱ་མཚོ་དང་། །ཡེ་ཤེས་རྒྱ་མཚོ་སྡོམ་པ་རྒྱ་མཚོ་དང་། །དེ་ཁོ་ན་ཉིད་རྒྱ་མཚོ་བྱ་བ་དང་། །ཧེ་རུ་མངོན་བྱུང་སྡོམ་པ་འབྱུང་བ་དང་། །ཕག་མོ་མངོན་འབྱུང་རྩ་བ་ཕྱི་མ་གཉིས། །རྩ་རྒྱུད་ཉུང་ངུ་བཤད་རྒྱུད་ཨ་བྷི་དྷ། །ར་ལི་ཉེར་བཞི་རྣལ་འབྱོར་མའི་ཀུན་སྤྱོད། །དེ་སོགས་བདེ་མཆོག་རྒྱུད་སྡེ་མཐའ་དག་གི །སྙིང་པོ་ནཱ་རོ་པན་ཆེན་གྱིས་བསྡུས་པ། །བདེ་མཆོག་ལྷ་ལྔ་འདི་ཉིད་ཡིན་ནོ་ཞེས། །དུལ་

― KMC014_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་བཀྲ་ཤིས་འོད་ཟེར་སོགས་ཀྱིས་བཞེད། །རྩ་བའི་རྒྱུད་ལས་ལྷ་གྲངས་མི་གསལ་ཏེ། །བཤད་རྒྱུད་ངེས་བརྗོད་བླ་མའི་རྒྱུད་སྡེ་ལས། །ལྷ་གྲངས་དྲུག་ཅུ་པ་དང་བཅུ་གསུམ་པ། །ལྷ་ལྔ་ལྷན་སྐྱེས་ལ་སོགས་དུ་ུམ་གསུངས། །དེ་ཡི་རྗེས་འབྲང་དྲིལ་བུ་ལྷ་ལྔ་སྟེ། །དེ་ཡི་རྗེས་འབྲང་ནཱ་རོས་མཛད་པའང་བཞེད། །གཞན་ཡང་མཻ་ཏྲི་ལུགས་ཀྱི་ལྷ་ལྔའང་ཡོད། །ཁྲག་འཐུང་མངོན་འབྱུང་རྒྱུད་ཀྱི་ལག་མཆོད་སྐབས། །ལྷ་ལྔ་གསུང་བར་བརྟེན་ནས་ནཱ་རོ་པས། །མཛད་ཅེས་པཎ་ཆེན་ལུང་རིག་ཉི་མས་གསུངས། །སྐུ་གསུང་ཐུགས་དང་དམ་ཚིག་ཡེ་ཤེས་ཀྱི། །འཁོར་ལོ་ལྔ་ཡི་དཀྱིལ་འཁོར་སོ་སོ་ལས། །བདེ་བ་ཆེན་པོ་ཡེ་ཤེས་འཁོར་ལོ་ཡི། །ལྷ་ལྔ་འདི་ཉིད་ནཱ་རོ་པ་ཉིད་ཀྱིས། །ཁོལ་དུ་ཕྱུང་ནས་མཛད་པ་ཡིན་ནོ་ཞེས། །ཟུར་མང་བཀའ་བརྒྱུད་རྣམས་ཀྱིས་གསུང་སྒྲོས་ཐོས། །བརྒྱུད་པ་རིང་བརྒྱུད་རྡོ་རྗེ་འཆང་ཆེན་ནས། །ཕྱག་རྡོར་ས་ར་ཧ་དང་ཀླུ་སྒྲུབ་དང་། །ལཱུ་ཧི་པ་

― KMC014_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དཱ་རི་ཀ་པ་དང་། །དྲིལ་བུ་པ་དང་རུ་སྦལ་ཞབས་ཅན་དང་། །ཛ་ལནྡྷ་ར་ནག་པོ་སྤྱོད་པ་དང་། །རོལ་པའི་ཟླ་བ་དགེ་བའི་མགོན་པོ་དང་། །གུ་ཧྱ་པ་གསུམ་ནག་པོའི་སློབ་མ་སྟེ། །གསུམ་ཀར་རྣམ་པར་རྒྱལ་བའི་ཞབས་ཀྱིས་གསན། །དེ་ནས་ཏཻ་ལོ་ནཱ་རོར་བརྒྱུད་པར་བཤད། །ཉེ་བརྒྱུད་རྡོ་རྗེ་འཆང་ནས་ཐང་ལོ་པ། །ཤིང་ལོ་པ་དང་ཀརྞ་རི་པ་དང་། །ཨིནྡྲ་བྷཱུ་ཏི་ཏཻ་ལོ་ནཱ་རོར་བརྒྱུད། །འོན་ཀྱང་བྱིན་རླབས་སྙན་རྒྱུད་གཙོར་བཟུང་ནས། །རྡོ་རྗེ་འཆང་ནས་ཏཻ་ལོ་ནཱ་རོར་བརྒྱུད། །དེ་ཕྱིར་སྙན་བརྒྱུད་དབང་བསྐུར་མ་ཐོབ་ཀྱང་། །འདི་ཡི་དབང་བསྐུར་ཐོབ་པས་གོ་བཅད་ནས། །སྙན་བརྒྱུད་ཕྱི་སྒྲུབ་རྒྱུན་ཁྱེར་ཉམས་ལེན་དར། །དེ་དོན་བཤད་པ་ལུང་རིག་ཉི་མས་གསུངས། །འོན་ཀྱང་འདི་ནི་སྙན་བརྒྱུད་དངོས་མིན་ཏེ། །འདི་ཡི་རྒྱ་གཞུང་ནཱ་རོས་མཛད་པའི་སྐོར། །བཀའ་རྒྱུད་ཆོས་སྐོར་གླེགས་བམ་གྲྭ་རུ་བཞུགས། །དེ་ལ་བསྟེན་པའི་བདེ་མཆོག་ལྷ་ལྔ་

― KMC014_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

འདི། །ཤངས་པ་བཀའ་བརྒྱུད་འབའ་རོམ་བཀའ་བརྒྱུད་སོགས། །བཀའ་བརྒྱུད་སྤྱི་ལའང་རྒྱ་ཆེར་དར་མོད་ཀྱི། །དུས་མཁྱེན་ནས་བཟུང་ད་ལྟའི་བར་ཉིད་དུ། །ཞལ་གཟིགས་རྒྱུན་མ་ཆད་པས་བྱིན་རླབས་ལྡན། །ཤིན་ཏུ་ཉེ་བརྒྱུད་མི་བསྐྱོད་རྒྱལ་བས་གསུངས། །མི་བསྐྱོད་རྡོ་རྗེ་བཅོམ་ལྡན་འཁོར་ལོ་སྡོམ། །གསུངས་ཕྱིར་བླ་མ་ཡི་དམ་དབྱེར་མི་ཕྱེད། །རྒྱུད་སྡེའི་ནང་ནས་མཁར་གྱི་རྩེ་མོ་དང་། །མར་གྱི་ཡང་ཞུན་ལྟ་བུ་ཡིན་པར་གསུངས། །མར་པའི་ཐུགས་དམ་མ་རྒྱུད་སྐོར་བཞི་ལས། །ཡང་སྙིང་འཁོར་ལོ་སྡོམ་པ་ཞེས་སུ་གྲགས། །འདི་ཡི་དབང་བསྐུར་ལེགས་པར་མ་ཐོབ་ན། །ཕྱག་ཆེན་ཆོས་དྲུག་སོགས་ཀྱང་བསྒོམ་མི་རུང་། །ཅི་ཕྱིར་ཕྱག་ཆེན་བདེ་མཆོག་རྒྱུད་ལ་བརྟེན། །དེ་དོན་བདེ་མཆོག་ཨ་བྷི་དྷ་ན་ལས། །གང་ཡང་དབང་བསྐུར་མེད་པ་ལ། །གཞན་དུ་དེ་ཉིད་མ་བསྟན་ཅིག །ངེས་བརྗོད་རྒྱུད་ལས་བླ་མ་ཡི། །དབང་བསྐུར་སློབ་མ་དག་ལ་

― KMC014_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན། །གཞན་དུ་སློབ་མ་སྨྱོ་བ་དང་། །བརྒྱལ་དང་རྨོངས་པ་དག་ཏུ་འགྲོ། །མནར་མེད་འཇིགས་པ་ཆེན་པོ་དང་། །ངེས་པར་དེ་ནི་ལྟུང་བར་འགྱུར། །དཀྱིལ་འཁོར་མཐོང་དང་དབང་ཐོབ་པའི། །ཕན་ཡོན་རྒྱུད་སྡེ་དེ་ཉིད་ལས། །མཐོང་བ་དང་ནི་རེག་པ་དང་། །དད་པ་དང་ནི་དྲན་པ་ཡིས། །སྡིག་པ་ཀུན་ལས་གྲོལ་འགྱུར་ཏེ། །དེ་ལྟར་འདི་ལ་ཐེ་ཚོམ་མེད། །རྣལ་འབྱོར་པ་ཉིད་བསོད་ནམས་མཆོག །དག་བྱེད་སྡིག་པ་འཇིག་བྱེད་པ། །བཟླས་དང་བསམ་གཏན་དག་ལས་ཀྱང་། །སྐྱེ་བ་འདི་ལ་དངོས་གྲུབ་འགྱུར། །ཅེས་གསུང་ཁྲག་འཐུང་མངོན་འབྱུང་ལས། །དཀྱིལ་འཁོར་མཐོང་བ་ཉིད་ཀྱིས་ནི། །དངོས་གྲུབ་ཅི་སྟེ་སྐྱེ་མི་འགྱུར། །སྡིག་པ་ཀུན་ལས་རྣམ་པར་གྲོལ། །ཅེས་གསུང་འདི་ཉིད་བསྒོམ་བཟླས་དང་། །མཆོད་བསྟོད་ཕན་ཡོན་རྒྱུད་དེ་ལས། །བདག་གིས་དཔའ་བོ་རབ་ཏུ་བསྐུལ། །བཀླག་པས་ལས་ནི་ཐམས་ཅད་བྱེད། །འཆི་བའི་དུས་

― KMC014_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དངོས་གྲུབ་ནི། །འཆི་བ་ལས་ནི་བརྗོད་པར་འབྱུང་། །དངོས་གྲུབ་འདི་ཡི་བྱེ་བྲག་སྟེ། །ཉི་མ་གཅིག་གིས་དངོས་གྲུབ་ཆེ། །འཇིག་རྟེན་གསུམ་བསྒྲུབ་བསྒོམ་པར་བྱ། །སྒྲུབ་པའི་དཔའ་བོའི་ཆོ་ག་ཤེས། །དཔལ་ལྡན་ཧེ་རུ་ཀ་ཡི་ནི། །བརྟུལ་ཞུགས་ལ་ནི་ནུབ་གསུམ་གནས། །ལྷ་ཡི་གནས་སུ་སྐྱེ་བར་འགྱུར། །ལྷ་ཡི་ཡེ་ཤེས་ཐོབ་འགྱུར་ཏེ། །དེ་བཞིན་ལྷ་ཡི་གཟུགས་སུ་འགྱུར། །རྩོད་པ་ཀུན་ལས་རྒྱལ་བ་དང་། །རྒ་དང་འཆི་བ་རྣམ་པར་སྤང་། །སངས་རྒྱས་བཞིན་དུ་ལྷ་མོ་བརྟེན། །དཔའ་བོ་བཞིན་དུ་ུས་སྟེང་བརྩེ། །ཕྱག་རྒྱ་དང་ནི་བཅས་ཉིད་དུ། །ཉི་མ་གསུམ་གྱིས་འགྱུར་བ་ཉིད། །ཅེས་གསུང་ཁྱད་པར་བདེ་མཆོག་འདི། །འགྲན་ཟླ་མེད་ཚུལ་རྩ་རྒྱུད་ལས། །དེ་ཉིད་བསྒྲུབ་པའམ་བདེ་མཆོག་གམ། །གསང་བའི་རྡོ་རྗེ་འཇིག་བྱེད་ལས། །དཀྱིལ་འཁོར་རྣམས་ཀྱི་རྒྱལ་པོ་འདི། །མ་བྱུང་འབྱུང་བར་མི་འགྱུར་རོ། །རྒྱུད་འདི་རུ་ནི་དབང་བསྐུར་ན། །ཐམས་ཅད་

― KMC014_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ནི་སྒྲུབ་པོར་གསུངས། །གསང་སྔགས་འདི་ནི་མི་ཤེས་པར། །རྣལ་འབྱོར་པ་ནི་རྣལ་འབྱོར་འདོད། །དེ་ནི་ངལ་བ་དོན་མེད་དེ། །འབྲས་བུ་ཐོབ་པར་མི་འགྱུར་རོ། །གསང་སྔགས་འདི་ནི་འདོད་སྤྱོད་པར། །བདེ་བར་གཤེགས་པས་བསྔགས་པ་ཡི། །གསང་སྔགས་གང་དེས་ཤེས་གྱུར་པ། །སྒྲུབ་པ་སྔགས་དང་ཕྱག་རྒྱ་འགྲུབ། །བཟའ་དང་བཏུང་བ་ལ་སོགས་པའི། །ཟས་ཀྱི་མཆོག་དང་བཅུད་ལ་སོགས། །དངོས་གྲུབ་ཐམས་ཅད་སྦྱིན་བྱེད་ཡིན། །ཅེས་གསུང་ནམ་མཁའ་མཉམ་རྒྱུད་ལས། །སྙིང་པོ་ཉེ་སྙིང་ཕན་ཡོན་ནི། །གསང་སྔགས་རྒྱལ་པོ་འདི་དག་ནི། །བསྐལ་པ་སྟོང་ལ་སོགས་པ་ཡི། །སྡིག་པ་མ་ལུས་དག་བྱེད་ཆུ། །ཅེས་གསུང་ངེས་བརྗོད་བླ་མ་ལས། །གསང་སྔགས་འདི་ནི་གསང་སྔགས་ཆེ། །ལས་རྣམས་ཐམས་ཅད་བྱེད་པའི་མཆོག །འདི་ནི་བཀླགས་པ་ཙམ་གྱིས་འགྲུབ། །གསང་སྔགས་ཀུན་གྱི་གསང་སྔགས་མཆོག །ཐོད་པ་

― KMC014_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

དུམ་བུ་ལ་སོགས་པ། །དཔའ་བོ་ཀུན་གྱི་སྙིང་གནས་མཆོག །གསང་སྔགས་དེ་དག་མཆོག་དམ་པ། །འདོད་པའི་དོན་ཀུན་སྒྲུབ་བྱེད་ཡིན། །ཅེས་གསུང་དེ་བཞིན་རྩ་རྒྱུད་ལས། །མི་མཆོག་གང་ཞིག་ཀུན་སྤྱོད་པ། །སྡིག་པ་ཐམས་ཅད་རྣམ་པར་དག །དེ་བཞིན་གཤེགས་པའི་ས་ཐོབ་ཅིང་། །སྐྱེ་དང་སྐྱེ་བར་བདེ་གཤེགས་ཀྱི། །རིགས་སྐྱེས་རྒྱལ་པོ་ཆོས་ལྡན་འགྱུར། །ཅི་ལྟར་སྔོན་བདག་སྡིག་པ་ཡི། །བག་ཆགས་ཀུན་ཟད་མཚན་ཉིད་ཡིན། །གང་ཞིག་འདི་ནི་རྟག་སྒོམ་པ། །ས་ལ་འདོད་པ་ཀུན་དབང་ཕྱུག །དཔེར་ན་མར་གྱིས་གང་བའི་སྣོད། །མེ་ཡི་དབུས་སུ་བཞག་ནས་ནི། །མར་གསར་སྟེང་དུ་ཞུ་འགྱུར་ཞིང་། །སྣོད་ཀྱི་དྲི་མ་འཇིག་པ་ལྟར། །དེ་བཞིན་ཤྲཱི་ཧེ་རུ་ཀ་ཡི། །མཚན་གྱིས་སྡིག་པ་འཇིག་པར་འགྱུར། །བསམ་གཏན་སེམས་པ་ཙམ་གྱིས་སམ། །ཀློག་ཅིང་འདོན་དང་བྲིས་པ་ཡིས། །མཐོ་རིས་ལོངས་སྤྱོད་ཐོབ་འགྱུར་བའམ། །ཡང་ན་འཁོར་ལོས་སྒྱུར་

― KMC014_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཐོབ། །རྣལ་འབྱོར་པ་རྣམས་འཕོོ་བའི་ཚེ། ། དཔལ་ལྡན་ཁྲག་འཐུང་སོགས་མཁའ་འགྲོ། །ལག་ན་མེ་ཏོག་སྣ་ཚོགས་ཐོགས། །རྒྱལ་མཚན་བ་དན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུ་ཡི་མཆོད་པས་མཆོད། །འཆི་བ་ཞེས་བྱའི་རྣམ་རྟོག་འདི། །མཁའ་ལ་འགྲོ་བའི་གནས་སུ་ཁྱེར། །ཞེས་གསུང་དེ་ལྟར་རྒྱུད་སྡེ་མཐོ། །ནཱ་རོའི་རྒྱ་གཞུང་ཁུངས་བཙུན་ཞིང་། །བཀའ་བབས་བརྒྱུད་པའི་བྱིན་རླབས་ལྡན། །དེ་འདྲའི་དབང་བཞི་ཡོངས་རྫོགས་པ། །ཞུ་ཕྱིར་མཎྚལ་ཕུལ་བར་མཛོད། །ལོ་རྒྱུས་ལེའུ་སྟེ་དང་པོའོ།། །།དེ་ནས་དབང་ཐོབ་བསྙེན་པ་བྱེད་ཐབས་ནི། །དབེན་པའི་གནས་སུ་མཚམས་ནི་དམ་པར་བཅད། །གཏོར་མ་ཟླུམ་པོ་འཁོར་བཞི་ཆུར་གསུམ་སྟེ། །དཀར་དམར་རྒྱན་ལྡན་འདས་གཏོར་ལེགས་པ་གཅིག །སྣོད་གཙང་ནང་དུ་འཇིག་རྟེན་གཏོར་མ་ནི། །དཀར་གཏོར་ཆེ་ཞིང་ལེགས་པ་གཅིག་བཤམ་སྟེ། །

― KMC014_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་གསོ་བའི་ཐེབ་ཀྱུ་མང་པོ་དང་། །ཆུ་བཞི་སྔོན་དུ་འགྲོ་བའི་རྣམ་ལྔ་བཤམ། །ཌཱ་དྲིལ་ཙམ་ལས་བཅའ་ཚོགས་གཞན་མི་དགོས། །ནང་སྔ་སྔོན་འགྲོ་རེ་རེ་གཏང་བྱ་སྟེ། །ཐུན་གཞན་གསུམ་ལ་སྔོན་འགྲོ་གཏོང་མི་དགོས། །ཞོགས་པ་ཉིན་གུང་དགོང་མོ་མཚན་དང་བཞི། །བདག་བསྐྱེད་ཐུན་བཞིར་ཝིག་འབད་པར་བྱ་བ་སྟེ། །བསྙེན་པ་ཅི་ནུས་འབར་རྗེས་ཐུན་བསྡུས་ལ། །གཏོར་མ་གཉིས་པོ་གསོ་བྲན་བྱས་ལ་བསྔོ། །མགྲོན་གཤེགས་གོ་ཆ་བགོས་ལ་ཐུན་མཚམས་དེར། །ངག་ནི་བཏང་དགོས་བྱུང་ན་གཏོང་ཡང་རུང་། །ཆོས་སྤྱོད་ལ་སོགས་ཆགས་མི་རུང་བ་ཡི། །དགེ་སྦྱོར་གང་དགོས་ཐུན་མཚམས་རྣམས་སུ་བྱ། །དེ་ནས་བསྙེན་པ་བྱེད་ཚེ་དམིགས་རིམ་ནི། །རང་གི་ཐུགས་ཀར་སྣ་ཚོགས་པདྨ་དང་། །ཟླ་བའི་སྟེང་དུ་སྣ་ཚོགས་རྡོ་རྗེ་ནི། །ཉལ་ཐབས་གནས་པའི་ལྟེ་བ་ཡངས་པའི་སྟེང་། །ཉི་མའི་སྟེང་དུ་ཧཱུྃ་མཐིང་འགྲེངས་ཏེ་གནས། །དེ་མཐར་སྔགས་ཕྲེང་

― KMC014_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་གེ་བདུན་པ་དང་། །དེ་རྒྱབ་ཡི་གེ་ཉེར་གཉིས་པ་གཉིས་པོ། །ཡིག་ངོ་ནང་བསྟན་གཡས་སུ་བསྐོར་ཏེ་གནས། །ཡུམ་གྱི་ཐུགས་ཀར་ཆོས་འབྱུང་གདན་ཐབས་སྟེང་། །བཾ་གྱི་མཐའ་མར་ཡུམ་སྔགས་གནས་པ་དང་། །རྣལ་འབྱོར་མ་བཞིའི་ཐུགས་ཀར་ཉི་མའི་སྟེང་། །རང་རང་ས་བོན་མཱཾ་ལཱཾ་པཱཾ་ཏཱཾ་གཡས་རིམ་དུ། ཐ་མར་རང་སྔགས་བསྐོར། །དང་པོ་དེ་དག་གསལ་བཏབ་ཅུང་ཞིག་བཟླ། །དེ་ནས་སྔགས་རྣམས་ཀློག་པའི་ཚུལ་དུ་བཟླ། །དེ་ནས་ཡིག་འབྲུ་མི་འཁོར་སྔགས་ཕྲེང་ལས། །འོད་ཟེར་རང་མདོག་གཡོན་དུ་འཁོར་བར་དམིགས། །དེ་ནས་སྔགས་ཕྲེང་དལ་བུས་འཁོར་བ་ལ། །དེ་ནས་ཇེ་མགྱོགས་ཤིན་ཏུ་མགྱོགས་པ་ལས། །སྔ་དྲོ་འོད་ཟེར་དཀར་པོ་བྱུང་བ་སྟེ། །ཡབ་ཞལ་ནས་ཐོན་ཡུམ་གྱི་ཞལ་དུ་ཞུགས། །ཡུམ་གྱི་ཐུགས་ཀའི་སྔགས་འཁོར་ལ་ཕོག་པས། །སྔགས་ཕྲེང་དྲག་འཁོར་ཡུམ་གྱི་ཐུགས་རྒྱུད་བསྐུལ། །ཡུམ་གྱི་སྔགས་ལས་འོད་ཟེར་དཀར་

― KMC014_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བྱུང་། །བྷ་ག་ནས་ཐོན་རང་གི་གསང་སྦུགས་ཞུགས། །ཐུགས་ཀའི་ཧཱུྃ་ཐིམ་ནད་གདོན་བར་ཆད་ཞི། །རང་གི་སྤྱི་བོའི་ༀ་ཡིག་དཀར་པོ་ལས། །འོད་ཟེར་དཀར་པོ་དཔག་མེད་འཕྲོས་པ་ཡིས། །ས་འོག་སོང་སྟེ་ས་འོག་མན་ཆད་ཀྱི། །སེམས་ཅན་ཐམས་ཅད་དཔའ་བོ་མཁའ་འགྲོར་གྱུར། །ས་འོག་སྐུའི་འཁོར་ལོའི་ལྷ་ཚོགས་ཀུན། །འོད་དེས་རེག་པས་ཐུགས་རྒྱུད་བདེ་བས་ཚིམས། །ཐམས་ཅད་འོད་ཟེར་དཀར་པོའི་རྣམ་པས་བསྡུས། །རང་གི་སྤྱི་གཙུག་ༀ་ཡིག་ལ་ཐིམ་པས། །སྐུའི་འཁོར་ལོའི་ལྷ་ཚོགས་འགྲུབ་པར་འགྱུར། །དེ་ནས་སྐད་ཅིག་རང་གི་ཐུགས་ཀ་རུ། །ཡེ་ཤེས་སེམས་དཔའ་རང་འདྲ་ཅིག་བསྒོམ་སྟེ། །དེ་ཡི་ཐུགས་ཀར་འཁོར་ལོ་རྩིབས་བཞི་པ། །དེ་དབུས་མ་རེག་ཙམ་དུ་ཟླ་བའི་སྟེང་། །ཧཱུྃ་མཐར་སྔགས་ཕྲེང་གཡོན་དུ་འཁོར་བར་བསྒོམ། །འཁོར་ལོ་རྩིབས་བཞིའི་རྩིབས་མཚམས་རྩིབས་རྩེའི་ཐད། །ལྷ་བུའི་བདུད་ཀྱི་ངོ་བོ་བཾ་ནག་བཞི། །དེ་

― KMC014_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རང་ཉིད་བྱང་ཆུབ་མ་ཐོབ་བར། །བདུད་ཀྱི་བསླུ་བ་གེག ས་དང་གོལ་ས་དང་། །ང་རྒྱལ་ཞེན་ཆགས་ཐམས་ཅད་ཐིམཔར་བསམ། །འཁོར་ལོའི་རྩེ་མོ་སྤུ་གྲིའི་སོ་འདྲ་བས། །བཾ་ཡིག་ཐུལ་ཐུལ་བཅད་པས་རྗེས་མེད་སོང་། །ལྷ་ཡི་བུ་ཡི་བདུད་ནི་བཅོམ་པར་བསྒོམ། །དེ་རྗེས་འཁོར་ལོ་ཡེ་ཤེས་སེམས་དཔའ་རྣམས། །གནས་འགྱུར་སྔར་ལྟར་སྣ་ཚོགས་རྡོ་རྗེ་དང་། །སྔགས་ཕྲེང་རྣམས་ལས་འོད་ཟེར་དཀར་པོ་བྱུང་། །ཐུར་དུ་སོང་བས་རང་གི་གསང་སྦུབས་ནས། །ཡུམ་གྱི་བྷ་གར་ཞུགས་ཤིང་སྐུ་ལུས་བརྒྱུད། །ཡུམ་ཞལ་ནས་ཐོན་ཡབ་ཀྱི་ཞལ་དུ་ཞུགས། །གསལ་ཞིང་བདེ་བའི་ཉམས་རྟོགས་འཆར་བར་བསྒོམ། །དེ་ནི་སྔ་དྲོའི་ཐུན་གྱི་དམིགས་པའོ། །ཉིན་གུང་སྔགས་ཕྲེང་སྔོན་དང་འདྲ་བ་ལས། །འོད་ཟེར་སེར་པོ་འཁོར་བས་ཚེ་བསོད་རྒྱས། །རང་གི་ལྟེ་བར་ཧོ་ཡིག་སེར་པོ་ལས། །འོད་ཟེར་སེར་པོ་ཁམས་གསུམ་ཁྱབ་པར་སྤྲོས། །སེམས་ཅན་

― KMC014_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་དཔའ་བོ་མཁའ་འགྲོར་གྱུར། །འོད་དེས་ཡེ་ཤེས་འཁོར་ལོའི་ལྷ་ཚོགས་མཆོད། །ཐམས་ཅད་མཉེས་ནས་ཚུར་འདུས་ལྟེ་བར་ཐིམ། །ཡེ་ཤེས་འཁོར་ལོའི་ལྷ་ཚོགས་འགྲུབ་པར་བསམ། །ཡང་ནི་སྔོན་ལྟར་ཡེ་ཤེས་སེམས་དཔའ་དང་། །རྩིབས་བཞིའི་རྩིབས་སྣེར་བཾ་ཡིག་ནག་པོ་བཞི། །ཕུང་པོའི་བདུད་ཀྱི་ངོ་བོར་དམིགས་བྱས་ལ། །ལུས་ཀྱི་ནད་གདོན་ཐམས་ཅད་དེ་ལ་བསྟིམ། །འཁོར་ལོས་གཏུབས་ཤིང་རྗེས་མེད་སྟོང་པར་ཡལ། །ཕུང་པོའི་བདུད་བཅོམ་ན་ཚ་མེད་པར་བསྒོམ། །དེ་ནས་སྔོན་ལྟར་སྔགས་ཕྲེང་གསལ་བྱས་ལ། །འོད་ཟེར་སེར་པོ་འཐུར་སོང་གསང་སྦུབས་ནས། །ཡུམ་ཞུགས་ཞལ་བརྒྱུད་རང་གི་ཐུགས་ཀར་ཐིམ། །རྟོག་མེད་བདེ་བའི་ཏིང་འཛིན་འཆར་བར་བསྒོམ། །རང་གི་མགྲིན་པའི་ཨཱཿཡིག་དམར་པོ་ལས། །འོད་ཟེར་དམར་པོ་ས་སྟེང་ཁྱབ་པར་འཕྲོས། །ས་སྟེང་གནས་པའི་སེམས་ཅན་ཐམས་ཅད་ཀུན། །དཔའ་བོ་རྣལ་

― KMC014_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་མ་ཡི་ངོ་བོར་གྱུར། །ས་སྤྱོད་གསུང་གི་འཁོར་ལོའི་ལྷ་ཚོགས་ཀུན། །འོད་དེས་རེག་པས་བདེ་བ་ཆེན་པོས་མཉེས། །ཐམས་ཅད་ཚུར་བསྡུས་མགྲིན་པའི་ཨཱཿལ་ཐིམ། གསུང་གི་འཁོར་ལོའི་ལྷ་ཚོགས་འགྲུབ་པར་བསྒོམ། །དེ་ནས་དགོང་མོའི་ཐུན་གྱི་དམིགས་པ་ནི། །སྔགས་ཕྲེང་བཀོད་ལུགས་འཁོར་ལུགས་སྔོན་ལྟར་ལས། །འོད་ཟེར་དམར་པོ་ཡབ་ཞལ་ཡུམ་ཞལ་ཞུགས། །རླུང་སེམས་སྣང་སྲིད་དབང་དུ་འདུས་པར་བསྒོམ། །རང་གི་ཐུགས་ཀའི་ཧཱུྃ་ཡིག་མཐིང་ཀ་ལས། །འོད་ཟེར་མཐིང་ཀ་ནམ་མཁའ་ཁྱབ་པར་འཕྲོས། །བར་སྣང་ཡན་ཆད་གནས་པའི་སེམས་ཅན་ཀུན། །ཐམས་ཅད་དཔའ་བོ་མཁའ་འགྲོའི་རྣམ་པར་གྱུར། །མཁའ་སྤྱོད་ཐུགས་ཀྱི་འཁོར་ལོའི་ལྷ་ཚོགས་ཀུན། །འོད་དེས་རེག་པས་བདེ་སྟོང་མཆོད་པར་གྱུར། །ཐམས་ཅད་ཚུར་བསྡུས་ཐུགས་ཀའི་ཧཱུྃ་ལ་ཐིམ། །ཐུགས་ཀྱི་འཁོར་ལོའི་ལྷ་ཚོགས་འགྲུབ་པར་བསྒོམ། །དེ་

― KMC014_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གནས་འགྱུར་ཐུགས་ཀའི་ཡེ་ཤེས་སེམས། །འཁོར་ལོ་དང་བཅས་གསལ་བའི་རྩིབས་རྩེ་རུ། །ཉོན་མོངས་བདུད་ཀྱི་ངོ་བོ་ཀྵ་དམར་ནག །དེ་ལ་དུག་ལྔ་སེར་སྣ་བཅས་པ་བསྟིམ། །འཁོར་ལོའི་རྩིབས་རྩེས་གཏུབས་ཤིང་སྟོང་པར་ཡལ། །ཉོན་མོངས་བདུད་བཅོམ་དུག་ལྔ་མི་སྐྱེ་བསམ། །སླར་ཡང་གནས་འགྱུར་སྔགས་ཕྲེང་སྔོན་ལྟར་ལས། །འོད་ཟེར་སྔོན་པོ་གསང་སྦུབས་ནས་སོང་འཁོར། །བདེ་བ་ཆེན་པོའི་ཏིང་འཛིན་འཆར་བར་བསྒོམ། །དེ་ནས་མཚན་མོའི་ཐུན་གྱི་དམིགས་པ་ནི། །ས་བོན་སྔགས་ཕྲེང་ལ་སོགས་སྔོན་ལྟར་ལས། །འོད་ཟེར་ལྗང་མཐིང་ཡབ་ཞལ་ཡུམ་ཞལ་བརྒྱུད། །ཕྱི་ནང་བར་ཆད་ཐམས་ཅད་ཚར་བཅད་བསམ། །རང་གི་གསང་གནས་ཀྵ་ཡིག་ལྗང་གུ་ལས། །འོད་ཟེར་ལྗང་གུ་ཕྱོགས་མཚམས་བརྒྱད་དུ་འཕྲོས། །ཕྱོགས་མཚམས་འགྲོ་ཀུན་དཔའ་བོ་ཌཱ་ཀིར་གྱུར། །འོད་དེས་སྒོ་མཚམས་ལྷ་མོ་བརྒྱད་ལ་མཆོད། །ཐམས་ཅད་མཉེས་

― KMC014_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཚུར་འདུས་གསང་བར་ཐིམ། །དམ་ཚིག་འཁོར་ལོའི་ལྷ་ཚོགས་འགྲུབ་པར་བསྒོམ། །སླར་ཡང་ཡེ་ཤེས་སེམས་དཔའ་འཁོར་ལོར་བཅས། །འཆི་བདག་བདུད་ནི་ཀྵ་ཡིག་དམར་ནག་གཟུགས། །དེ་ལ་ཚེ་བསོད་ལ་གནོད་ཐམས་ཅད་བསྟིམ། །འཁོར་ལོ་འཁོར་ཞིང་གཏུབས་པས་སྟོང་པར་ཡལ། །འཆི་བདག་བདུད་བཅོམ་འཆི་མེད་འགྲུབ་པར་བསམ། །དེ་ནས་སྔགས་ཕྲེང་སྔོན་ལྟར་དམིགས་བྱས་ནས། །འོད་ཟེར་མཐིང་ལྗང་རྡོ་རྗེའི་སྦུབས་ནས་ཐོན། །ཡུམ་བརྒྱུད་རང་གི་ཞལ་ཞུགས་ཐུགས་ཀར་ཐིམ། །གསལ་སྟོང་ཕྱག་རྒྱ་ཆེན་པོ་འཆར་བར་བསྒོམ། །དེ་ནས་ཐུན་བཞི་རྫོགས་པའི་དམིགས་པ་ནི། །ཐུགས་ཀའི་སྔགས་འཁོར་ས་བོན་སྔོན་བཞིན་ལས། །འོད་ཟེར་ཁ་དོག་ལྔ་ལྡན་ཡབ་ཞལ་ནས། །ཡུམ་ཞལ་ཞུགས་པས་ཡུམ་ལས་འོད་ཟེར་འཕྲོས། །འཁོར་གྱི་རྣལ་འབྱོར་མ་བཞིའི་ཐུགས་རྒྱུད་བསྐུལ། །བྱིན་རླབས་བསྡུས་ནས་ཡུམ་གྱི་

― KMC014_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀ་ནས། །འོད་ཟེར་སྐུ་བརྒྱུད་བྷ་ག་ནས་བྱུང་སྟེ། །ནོར་བུ་ནས་ཞུགས་ཐུགས་ཀའི་ཧཱུྃ་ལ་ཐིམ། །བདེ་ཆེན་ཡེ་ཤེས་འཁོར་ལོ་འགྲུབ་པར་བསྒོམ། །དེ་ནས་ཉལ་ཁའི་དུས་ཀྱི་དམིགས་པ་ནི། །རང་གི་ཐུགས་ལས་འོད་ཟེར་ཁ་དོག་ལྔ། །འཕྲོས་པས་འགྲོ་ཀུན་བདེ་མཆོག་ཡབ་ཡུམ་གྱུར། །ཀུན་ཀྱང་ཚུར་འདུས་འོད་ཞུ་བདག་ལ་ཐིམ། །བདག་ཀྱང་ཧཱུྃ་ཐིམ་ཧཱུྃ་ཡང་གྱེན་རྫོགས་ཡལ། །ཉམས་ལེན་ངང་དུ་ཉལ་ན་འོད་གསལ་ཟིན། །དེ་ནི་གཉིད་པའི་རྣལ་འབྱོར་མཆོག་ཡིན་གསུང་། །དེ་ལྟར་ཞག་བདུན་བཅུ་བཞི་ཉེར་གཅིག་དང་། །ཟླ་གཅིག་ཟླ་དྲུག་ལ་སོགས་དུས་བསྙེན་ཏེ། །ཡབ་ཀྱི་སྙིང་པོ་ཉི་ཤུ་རྩ་གཉིས་པ། །བསྙེན་ན་འབུམ་ཕྲག་བཞི་ཡིས་ཆོག་པ་སྟེ། །ཡིག་བདུན་བསྙེན་ན་འབུམ་ཕྲག་བཅུ་གཉིས་དགོས། །ཡུམ་སྔགས་རྣལ་འབྱོར་མ་བཞིའི་སྔགས་རྣམས་ནི། །དུས་ཀྱི་དབང་གིས་ཁྲི་ཕྲག་བཞི་རེ་བཟླ། །དེ་ནི་རྒྱུད་ནས་དངོས་སུ་གསལ་བ་

― KMC014_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །རྫོགས་ལྡན་དུས་སུ་གཙོ་འབུམ་འཁོར་ཁྲི་སྟེ། །སྙིགས་དུས་བཞི་འགྱུར་དགོས་པ་གསར་མའི་ལུགས། །ཡུམ་སྔགས་བཟླ་ཚེ་ཡུམ་གྱི་སྔགས་འཁོར་ལས། །དམིགས་པ་རྩེ་གཅིག་གཏད་པར་བྱེད་པ་དང་། །འཁོར་བཞིའི་བཟླས་པ་བྱེད་ཚེ་སྔ་དྲོའི་ཆ། །རང་གི་ཐུགས་ལས་འོད་ཟེར་མཐིང་སྐྱ་བྱུང་། །མཁའ་འགྲོ་མ་ཡི་ཞལ་ཞུགས་སྔགས་དྲག་འཁོར། །མཁའ་འགྲོའི་ཐུགས་ལས་འོད་ཟེར་མཐིང་སྐྱ་བྱུང་། །རང་གི་ཐུགས་ཀར་ཐིམ་པས་ནད་དང་གདོན། །སྡིག་སྒྲིབ་ཉེས་ལྟུང་ཐམས་ཅད་ཞི་བར་བསྒོམ། །ཉིན་གུང་དུས་སུ་འོད་ཟེར་སེར་པོ་ནི། །གཡས་ཕྱོགས་གཟུགས་ཅན་མ་ཡི་ཐུགས་ཀར་བརྒྱུད། །ཚེ་དང་ཤེས་རབ་ལོངས་སྤྱོད་རྒྱས་པར་བསྒོམ། །དགོང་མོའི་དུས་སུ་འོད་ཟེར་དམར་པོ་འཕྲོས། །རྒྱབ་ཕྱོགས་དུམ་སྐྱེས་ཞལ་བརྒྱུད་ཚུར་ཐིམ་ནས། །རླུང་སེམས་སྣང་སྲིད་དབང་དུ་འདུས་པར་བསྒོམ། །མཚན་མོ་འོད་ཟེར་ལྗང་གུ་གཡོན་

― KMC014_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་འཕྲོས། །ལཱ་མའི་ཞལ་ཞུགས་ཐུགས་བརྒྱུད་ཚུར་ཐིམ་ནས། །གདུག་པའི་བར་ཆད་ཐམས་ཅད་ཚར་བཅད་བསྒོམ། །དེ་ལྟར་རྣལ་འབྱོར་མ་བཞིར་ཐུན་བཞི་བཅད། །ཕྲེང་སྐོར་རེ་རེའི་དབུ་ན་གཙོ་བོ་ནི། །ཡབ་ཡུམ་སྔགས་ཀྱང་རེ་ཟུང་ཙམ་རེ་སྦྱར། །དེ་ནི་རྒྱུད་དང་གྲུབ་མཐའ་སྤྱི་ཡི་ལུགས། །ཕྲེང་སྔགས་ཞེས་བྱ་ཡབ་ཡུམ་རྐང་བརྒྱད་ནི། །སྐུ་ཡི་སྔགས་ཡིན་ཐུན་རེར་རེ་རེས་ཆོག །ཡིག་བདུན་ཐུགས་ཀྱི་སྔགས་ཡིན་བཟླ་མི་དགོས། །ཏིང་ངེ་འཛིན་ནི་བསྒོམ་པས་འཐུས་པ་ཡིན། །གསུང་གི་སྙིང་པོ་ཡི་གེ་ཉེར་གཉིས་པ། །བསྙེན་རྒྱུའི་གཙོ་བོ་འདི་ཉིད་ཡིན་ནོ་ཞེས། །འབྲི་གུང་ཞབས་དྲུང་རྗེ་སྐྱོབ་པ་རིན་པོ་ཆེ་ནས་བཟུང་རིག་འཛིན་ཆོས་ཀྱི་གྲགས་པའི་བར་དུའོ། །གསུང་རྒྱུན་ལ་སོགས་པ། །མཁས་པ་འགའ་ཡི་གསུང་ལ་དངོས་སུ་ཐོས། །དེ་ནི་རྒྱུད་གཞུང་རྣམས་ཀྱི་དགོངས་པར་སྣང་། །མན་སྔགས་སྙན་བརྒྱུད་ལུགས་ཀྱི་དགོངས་པ་ནི། ༈ །ༀ་ནི་བཅོམ་ལྡན་འཁོར་ལོ་སྡོམ་

― KMC014_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཉིད། ཧྲཱིཿནི་བཅོམ་ལྡན་རྡོ་རྗེ་རྣལ་འབྱོར་མ། །ཧ་ཡིག་དང་པོ་རྣལ་འབྱོར་མ་བཞི་སྟེ། །གཉིས་པ་ས་འོག་སྐུ་ཡི་འཁོར་ལོ་ཡི། །དཔའ་བོ་དཔའ་མོ་ཡབ་ཡུམ་བཅུ་དྲུག་ཡིན། །ཧཱུྃ་ཡིག་དང་པོ་གསུང་གི་འཁོར་ལོ་ཡི། །དཔའ་བོ་དཔའ་མོ་ཡབ་ཡུམ་བཅུ་དྲུག་ཚང་། །གཉིས་པ་མཁའ་སྤྱོད་ཐུགས་ཀྱི་འཁོར་ལོ་ཡི། །དཔའ་བོ་དཔའ་མོ་ཡབ་ཡུམ་བཅུ་དྲུག་ཚང་། །ཕཊ་ནི་སྒོ་མཚམས་ལྷ་མོ་བརྒྱད་ཡིན་པས། །ཡུམ་དང་འཁོར་གྱི་སྔགས་ནི་བཟླ་མི་དགོས། །ཡིག་བདུན་ཁོ་ན་བཟླ་བ་སྙན་བརྒྱུད་ལུགས། །ཡིན་ཅེས་ཟུར་མང་ནང་སོའི་གསུང་ལས་ཐོས། །དེ་ལྟར་སྔགས་ཀྱི་བཟླ་ལུགས་གང་འདོད་རུང་། །རྟགས་ནི་རྟགས་ཡིག་སྤྱི་དང་མཚུངས་པ་ཡིན། །འོན་ཀྱང་ཡིག་བདུན་བདུན་འབུམ་བཟླས་པའི་སར། །མཁའ་འགྲོ་མ་རྣམས་བྲན་གཡོག་བྱེད་གསུང་ལྟར། །མཁའ་འགྲོ་འདུ་བའི་རྨིས་ལྟས་མང་དུ་འབྱུང་། །ཉམས་རྟོགས་གསར་དུ་སྐྱེའམ་བོགས་ཐོན་

― KMC014_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །དེ་ནི་མཆོག་གི་རྟགས་སུ་ངེས་པ་ཡིན། །མཇུག་ཏུ་ཁ་བསྐང་སྦྱིན་སྲེག་འགྲུབ་ན་ལེགས། །མ་འགྲུབ་ན་ཡང་ཆད་པའི་སྐྱོན་མེད་དེ། །བཟའ་བཏུང་ནང་གི་སྦྱིན་སྲེག་བསྒོམ་པས་འཐུས། །དེ་ནི་བདེ་མཆོག་བསྙེན་པའི་ཞལ་ཁྲིད་དེ། །ཕྱི་སྒྲུབ་ཅེས་བྱའི་མིང་ནི་བཏགས་ཀྱང་རུང་། །བསྙེན་པའི་ལེའུ་སྟེ་གཉིས་པའོ།། །།གསུམ་པ་མདུན་བུམ་སྒྲུབ་མཆོད་བྱ་བའི་ཐབས། །དུས་ནི་ཡར་མར་ཚེས་བཅུ་ཞིག་ལ་བརྩམ། །གནས་ནི་ཨ་བྷི་དྷ་ནའི་རྒྱུད་ཉིད་ནས། །གནས་ནི་བརྟགས་པར་བྱས་ནས་ཀྱང་། །ཡིད་ནི་གང་དུ་དགའ་བ་དེར། །ལྷ་ཚོགས་བདེ་མཆོག་དམ་པ་ནི། །དེ་རུ་སྒྲུབ་ན་དངོས་གྲུབ་འགྱུར། །གསུངས་ཕྱིར་བྱིན་རླབས་ལྡན་པའི་གནས་ནི་རབ། །མིན་ནའང་ཡིད་མཐུན་དབེན་པའི་གནས་སུ་རུང་། །རྒྱས་པར་ས་སློང་རྡུལ་ཚོན་བྲི་ཐབས་རྣམས། །དཀྱིལ་ཆོག་ཉིད་ནས་འབྱུང་བ་ལྟར་བྱ་སྟེ། །དེ་མཐར་དེ་ལས་དམའ་ཙམ་མཆོད་སྟེགས་ནི། །གྲུ་བཞི་

― KMC014_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

འདོམ་བསྐོར་དཔང་དུ་ཁྲུ་གང་བྱ། །འབྲིང་ནི་རས་བྲིས་དཀྱིལ་ཐང་བཏིང་བ་ཡིན། །ཐ་མ་ལྷ་གྲངས་ཚོམ་བུས་ཆོག་པ་ནི། །དུལ་མོ་འོད་ཟེར་བ་ཡི་གཞུང་གིས་གསལ། །དེ་དབུས་མཉྫི་འམ་ནི་ཁྲིའུའི་སྟེང་། །བུམ་པ་ལྔ་པོ་ཕྱོགས་བཞི་དབུས་ལྔར་བཀོད། །དེ་དོན་བདེ་མཆོག་རྩ་བའི་རྒྱུད་ཉིད་ནས། །བརྒྱད་ནི་སྒོ་རུ་རྣམ་པར་དགོད། །གོས་ཟུང་གིས་ནི་ལེགས་དཀྲིས་པའི། །བུམ་པར་དགུ་བ་བུམ་པ་དགུ་པ་དབུས་སུ་བཞག །དེ་དོན་དུལ་མོ་བཀྲ་ཤིས་འོད་ཟེར་བས། །བུམ་པ་དཀྱིལ་འཁོར་དབུས་སུ་བཞག་པར་བཤད། །གལ་ཏེ་བུམ་པ་གཉིས་ལས་མེད་ན་ནི། །རྣམ་རྒྱལ་བུམ་པ་ཤར་སྒོའི་གཡས་སུ་དང་། །ལས་བུམ་གཡོན་ནམ་བྱང་ཤར་མཚམས་སུ་བཞག །བུམ་པའི་སྟེང་དུ་ཁྲིའུ་བྱས་པའི་ཁར། །ཐོད་པ་མཚན་བཟང་ནང་དུ་ཟས་སྣ་དང་། །རིན་ཆེན་སྣ་ཚོགས་བདུད་རྩི་རིལ་བུས་བཀང་། །མེད་ན་ཆང་ལ་བདུད་རྩི་རིལ་བུ་བཏབ། །དར་དམར་

― KMC014_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

བཀབ་སྟེང་མེ་ལོང་སིནྡྷུ་བྱུང་། །ཆོས་འབྱུང་དབུས་སུ་འདབ་བཞི་དབུས་དང་ལྔ། །ཡབ་ཡུམ་རྣལ་འབྱོར་མ་བཞིའི་ས་བོན་བཀོད། །དེ་སྟེང་གཟུངས་ཐག་རྡོ་རྗེར་རིན་ཆེན་བཏགས། །དེ་དོན་བདེ་མཆོག་རྩ་བའི་རྒྱུད་ཉིད་ནས། །དེ་ནས་བུམ་པ་བྱ་བ་ནི། །རྩ་བ་ནག་པོ་ལ་སོགས་མེད། །མུ་ཏིག་གསེར་དང་རིན་ཆེན་དང་། །བྱི་རུ་དངུལ་དང་ཟངས་མ་སྟེ། །བཟའ་བ་ཀུན་གྱིས་རབ་བཀང་བའི། །སྣོད་ནི་སྟེང་དུ་བཞག་པར་བྱ། །མགྲིན་པར་སྲད་བུས་དཀྲིས་པ་དང་། །ཁ་ནི་འདབ་མས་བརྒྱན་པར་བྱ། །ཞེས་གསུང་དོན་ཡིན་འདི་ལ་འཁྲུལ་པ་མེད། །ཟངས་སོགས་རིན་ཆེན་སྡེར་གྱི་ནང་དུ་ནི། །ཤར་དུ་བླ་མ་ལྷོ་རུ་བདེ་མཆོག་ཉིད། །ནུབ་ཏུ་ཕག་མོ་བྱང་དུ་ཕྱག་བཞི་པ། །མཚམས་བཞིར་རྣལ་འབྱོར་མ་བཞིའི་གཏོར་མ་བཤམ། །འཇིག་རྟེན་པ་ཡི་གཏོར་མ་འདིར་མི་བཤམ། །ཆ་གསུམ་དུས་ལྟར་འཕྲལ་དུ་ཕྱི་རོལ་ཕུལ། །འབྱོར་པ་མེད་ན་དཀྱིལ་འཁོར་མཐའ་

― KMC014_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རུ། །མདུན་བསྐྱེད་ལྷ་ལྔ་བུམ་བསྐྱེད་ལྔ་དང་བཅུ། །བླ་མ་ཆོས་སྐྱོང་ལས་བུམ་དང་བཅས་པའི། །ཆུ་བཞི་ཉེར་སྤྱོད་ལྔ་དང་རོལ་མོ་རྣམས། །ཚར་གྲངས་བཅུ་གསུམ་དེ་ལས་ཉུང་ཐབས་མེད། །འབྱོར་ན་མདུན་བུམ་གཙོ་བོ་ཡབ་ཡུམ་བཞིའི། །རེ་རེ་ལའང་མཆོད་པ་ཚར་བཅུ་རེ། །ཤར་ནས་གཡོན་བསྐོར་མཆོད་པ་བསྐོར་བཤམ་ཡིན། །དེ་རྒྱབ་མཆོད་སྟེགས་སྟེང་དུ་ཕྱོགས་བཞི་ནས། །མདུན་བསྐྱེད་ཕྱག་གཡས་ཕྱོགས་ནས་མགོ་བཟུང་སྟེ། །མཆོད་པ་ཆ་རེ་མདུན་བུམ་ལྷ་མོ་བརྒྱད། །ལྷ་རེ་ལའང་ཚར་ནི་བཅུ་རེ་བཤམ། །དེ་དག་ཕྱོགས་བཞི་ནས་ནི་འཕྲེང་ལ་སྟེ། །མཚམས་བཞིའི་ནང་ནས་མགོ་བཟུང་ཐུར་དུ་ནི། །ཆ་བཞི་བཤམ་པ་བླ་མ་ཆོས་སྐྱོང་དང་། །ལས་བུམ་བདག་བསྐྱེད་མཆོད་པའང་ཚང་བ་ཡིན། །དེ་བས་རྒྱས་པར་འབྱོར་བས་ཁྱོག་ན་ནི། །ཟུར་བཞིར་བུམ་པ་མགུལ་ཆིངས་ཁ་རྒྱན་ཅན། །ཡང་ན་གཤའ་དམ་ལ་སོགས་དམ་པའང་

― KMC014_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་། །ཀུ་ཤ་ཤིང་ལོའམ་མེ་ཏོག་བརྒྱན་པ་བཞག །དེ་ནི་རྟ་བུམ་བྱ་མ་བུམ་ཞེས་བྱ། །ཕྱོགས་བཞིར་རྒྱུན་འབར་རམ་ནི་མཚན་ཐུབ་བཞི། །སྟེང་དུ་གདུགས་སམ་བླ་རེ་བྲེས་པ་སྟེ། །དེ་ནས་ཟུར་བཞིར་རྒྱལ་མཚན་བཞི་དང་ནི། །མཆོད་སྟེགས་མཐའ་སྐོར་རས་ཁྲའི་སྒབ་སྐོར་དགབ། །འཕྲེང་དུ་ཚོན་སྐུད་དྲྭ་བ་བྲེས་པ་སྟེ། །རྙིང་མའི་མིག་ལྟོས་བྱས་པ་མ་ཡིན་ཏེ། །རྔོག་དཀྱིལ་བདུན་དང་སྨན་བླའི་ཟིན་བྲིས་གསལ། །དེ་དག་མེད་ཀྱང་ཆད་པའི་སྐྱོན་ནི་མེད། །དཀྱིལ་འཁོར་མདུན་དུ་ཅོག་རྩེ་སོགས་ཀྱི་སྟེང་། །སྟག་གཟིག་ལྤགས་པའམ་ནི་རྟེན་ཁེབས་སྟེང་། །རས་ལ་བྲིས་སམ་ཡང་ན་ཚོམ་བུ་ཡི། །དབུས་སུ་ཆོས་འབྱུང་ཟུར་དྲུག་བྲིས་པའི་སྟེང་། །འབྲུ་ཡིས་སྣོད་བཀང་སྟེང་དུ་ནང་མཆོད་བཞག །གཡས་སུ་དགའ་འཁྱིལ་བྲིས་སྟེང་ཚོགས་དང་ཤ །གཡོན་དུ་གཡུང་དྲུང་བྲིས་སྟེང་ཚོགས་ཆང་བཞག །རབ་ཏུ་མཆོད་པ་དེ་དག་ཐུན་རེར་བརྗེ། །འབྲིང་དུ་ཉིན་རེར་

― KMC014_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་རེ་བརྗེ་བ་སྟེ། །ཐ་མ་ཉིན་རེར་ཕྲེང་རེ་བརྗེ་བྱ་ཞིང་། །ཐུན་རེར་ནས་དང་ཡོན་ཆབ་ཁ་གསོ་བྱ། །དེ་དོན་བདེ་མཆོག་རྩ་བའི་རྒྱུད་ཉིད་ལས། །གལ་ཏེ་དངོས་གྲུབ་མཆོག་འདོད་ན། །མར་མེ་བརྒྱ་ནི་འབུལ་བར་བྱ། །གལ་ཏེ་དངོས་གྲུབ་འདོད་ན་ནི། །དྲི་དང་མེ་ཏོག་བདུག་སྤོས་དང་། །མར་མེ་བརྒྱ་ཡང་འབུལ་བར་བྱ། །དཔལ་ལྡན་ཁྲག་འཐུང་དཀྱིལ་འཁོར་ནས། །དཔའ་བོ་རྣལ་འབྱོར་མ་མཆོད་བྱ། །ཞེས་གསུང་དོན་ཡིན་གལ་ཆེ་སྟེ། །མཆོད་པ་མུག་ཚུལ་རྒྱུན་སྲིང་ན། །ཡི་དྭགས་སྐྱེ་བའི་རྒྱུ་རུ་གསུངས། །དེ་བཞིན་གྱེར་དབྱངས་རོལ་མོ་སོགས། །སྤྲོས་པ་ཇི་ལྟར་རྒྱས་རྒྱས་བྱ། །དེ་དོན་རྒྱུད་ལས་རྡོ་རྗེའི་གསུང་། །ཤིན་ཏུ་སྒྲ་སྙན་དྲིལ་བུ་འཁྲོལ། །སྒྲུབ་པ་པོ་ཡིས་རྔ་བརྡུང་ཞིང་། །ཧ་ཧ་ཞེས་ནི་བརྗོད་པར་བྱ། །དེ་དག་སྟ་གོན་རིམ་པ་སྟེ། །འདོན་བྱ་བདག་མདུན་བུམ་པ་གསུམ། །ཐུན་རེ་ལ་ཡང་ཚར་རེ་སྟེ། །ཉིན་ཐུན་གསུམ་དང་མཚན་

― KMC014_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་གཅིག །ཐུན་མཚམས་ཚོགས་དང་གཏོར་བསྔོས་བྱ། །ཐུན་བཞིར་ཚོགས་བཞི་མ་འབྱོར་ན། །དགོང་མོའི་ཐུན་ལ་ཚོགས་བྱ་སྟེ། །དེ་སྐབས་མགོན་པོའི་གཏོར་བསྔོས་བྱ། །མདུན་བསྐྱེད་མཆོད་པའི་སྐབས་དེ་རུ། །ཉིན་མོ་སྐར་ཆུང་རེ་རེ་སྦར། །མཚན་མོ་ཐམས་ཅད་སྦར་བ་སྟེ། །མ་འབྱོར་བཅུ་རེ་ཙམ་སྦར་ཆོག །དེ་ནས་དམིགས་པའི་གནད་འགགས་ནི། །བདག་བསྐྱེད་ཚར་རྗེས་སྟོང་པར་བསྡུས། །དེ་ནས་ལྷན་སྐྱེས་ཕྱག་གཉིས་པར། །རང་ཉིད་གསལ་བས་མདུན་བསྐྱེད་ཀྱི། །ཤར་སྒོའི་དྲུང་དུ་འདུག་དམིགས་ལ། །དེ་ནས་མདུན་བུམ་འདོན་པ་སྟེ། །མདུན་བསྐྱེད་འདོན་ལུགས་གཞུང་དང་མཚུངས། །འདི་ནི་མདུན་བུམ་དབྱེར་མེད་མིན། །བུམ་པ་དཀྱིལ་འཁོར་སྟེང་བཞག་ཀྱང་། །སྟེང་དུ་བསྒོམ་པ་མ་ཡིན་ཏེ། །གཙོ་བོའི་མདུན་དང་ཕྱོགས་བཞིར་བསྒོམ། །གཉིས་ལས་མེད་ན་ཤར་སྒོའི་གཡས། །ཡོད་ལྟར་བསྒོམ་པ་གཞུང་དང་མཐུན། །དེ་

― KMC014_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བདག་མདུན་བུམ་པའི་ལྷ། །སོ་སོའི་ཐུགས་ཀར་པད་ཉིའི་སྟེང་། །སོ་སོའི་ས་བོན་སྔགས་ཀྱིས་བསྐོར། །ཁྱད་པར་བདག་མདུན་ཡབ་གཉིས་ཀྱི། །ཐུགས་ཀར་རང་འདྲའི་ཡེ་ཤེས་སེམས། །དེ་ཡི་ཐུགས་ཀར་པད་ཉིའི་སྟེང་། །སྣ་ཚོགས་རྡོ་རྗེ་གདན་ཐབས་ཀྱི། །ལྟེ་སྟེང་ཉི་ད བུས་ཧཱུྃ་མཐིང་མཐར། །བཟླ་བྱའི་སྔགས་ཕྲེང་གཡོན་དུ་འཁོར། །དེ་དག་གསལ་བཏབ་ཅུང་ཞིག་བཟླ། །དེ་ནས་རང་གི་ཐུགས་ཀ་ཡི། །སྔགས་ཕྲེང་འཁོར་བའི་འོད་ཟེར་ལས། །འོད་ཟེར་མཐིང་གསལ་ཤས་ཆེ་ལ། །ཁ་དོག་ལྔ་ཡི་མདོངས་ལྡན་འཕྲོས། །ཡེ་ཤེས་སེམས་དཔའི་ཞལ་ནས་ཐོན། །རང་ཉིད་དམ་ཚིག་སེམས་དཔའ་ཡི། །ཞལ་ནས་ཐོན་ཏེ་མདུན་བསྐྱེད་ཀྱི། །སེམས་དཔའ་གཉིས་ཀའི་ཞལ་ནས་བརྒྱུད། །ཐུགས་ཀའི་ས་བོན་སྔགས་ཕྲེང་ལ། །ཐིམ་པས་དྲག་འཁོར་ཐུགས་རྒྱུད་བསྐུལ། །འོད་ཟེར་འཕྲོས་པས་གསང་སྦུབས་ནས། །ཕྱི་ནང་ཡབ་ཡུམ་སྦྱོར་

― KMC014_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་ཐོན། །བདག་བསྐྱེད་ཕྱི་ནང་སྦྱོར་མཚམས་ནས། །ཞུགས་ཏེ་ཐུགས་ཀའི་སྔགས་འཁོར་ཐིམ། །ཕར་ལ་མཆོད་པ་ཕུལ་བའི་ཚུལ། །ཚུལ་ལ་དངོས་གྲུབ་གནང་ཚུལ་ཏེ། །བཻ་ཌཱུའི་ཕྲེང་བ་འཁོར་བ་བཞིན། །རྒྱུན་དུ་འཁོར་དམིགས་བཟླས་པ་བྱ། །དེ་ཡན་ནང་སྒྲུབ་བསྙེན་པ་དང་། །ཉེ་བར་བསྙེན་པ་གཉིས་ཀ་ཚང་། །དེ་ནས་སྔགས་ཕྲེང་འཁོར་བཞིན་ལས། །འོད་ཟེར་ཕྱོགས་བཅུ་ཁྱབ་པར་འཕྲོས། །མཐའ་ཡས་ཞིང་བཞུགས་རྒྱལ་བ་ཀུན། །འོད་ཟེར་མཆོད་པའི་སྤྲིན་གྱུར་མཆོད། །དེ་དག་ཀུན་གྱི་གནས་གསུམ་ནས། །བདེ་མཆོག་ལྷ་ལྔའི་སྐུ་ཆེ་ཕྲ། །སྔགས་ཕྲེང་རྡོ་རྗེ་རྩེ་ལྔ་སོགས། །ཁ་བ་བུ་ཡུག་འཚུབས་བཞིན་བྱོན། །བདག་མདུན་རྣམས་ལ་སིབ་སིབ་ཐིམ། །སྐུ་གསུང་ཐུགས་ཀྱི་དངོས་གྲུབ་ཐོབ། །དེ་ནི་སྒྲུབ་པའི་དམིགས་པའོ། །སླར་ཡང་སྔགས་འཁོར་འོད་ཟེར་ནི། །ས་འོག་ས་སྟེང་ས་བླ་ཁྱབ། །ས་འོག་མན་ཆད་སེམས་ཅན་ཀུན། །བདེ་

― KMC014_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཡབ་ཡུམ་དཀར་པོར་གྱུར། །ས་སྟེང་སེམས་ཅན་བདེ་མཆོག་དམར། །བར་སྣང་ཡན་ཆད་བདེ་མཆོག་མཐིང་། །སྐུ་གསུང་ཐུགས་ཀྱི་འཁོར་ལོར་གྱུར། །ཀུན་གྱིས་རང་གི་རམ་བུ་བཀྱགས། །སྔགས་སྒྲ་འུར་ཆེམས་སྣང་སྲིད་གཡོ། །སྒྲུབ་པ་ཆེན་པོའི་དམིགས་པའོ། །དེ་ནས་ཚོགས་དང་གཏོར་བསྔོས་ཏེ། །མདུན་བསྐྱེད་འཇིག་རྟེན་གཏོར་བསྔོས་སྐབས། །འདི་ཡི་སྤྱན་འདྲེན་དམིགས་པ་ནི། །འབར་བའི་ཕྱག་རྒྱས་ཕེཾ་བརྗོད་པས། །ཕྱོགས་བཅུའི་འགྲོ་བ་སེམས་ཅན་ཀུན། །བདེ་མཆོག་ལྷ་རུ་བསྒོམས་དེ་དང་། །ཕྱོགས་སྐྱོང་ལ་སོགས་འཇིག་རྟེན་སྐྱོང་། །ཐམས་ཅད་སྤྲིན་བཞིན་ནམ་མཁར་བྱོན། །ཛཿཧཱུྃ་བཾ་ཧོཿབརྗོད་པའི་སྐབས། །མགྲོན་ཀུན་དུམ་བུ་བརྒྱད་དུ་གྱུར། །མདུན་བསྐྱེད་དུར་ཁྲོད་བརྒྱད་ཀྱི་དབུས། །བདེ་མཆོག་ལྷ་ལྔའི་དཀྱིལ་འཁོར་ནི། །ཆ་ཚང་བརྒྱད་དུ་གྱུར་ནས་བཞུགས། །རང་ཉིད་གཙོ་རྐྱང་ཕྱག་མཐིལ་གཉིས། །ཨཱ་ལི་ཀཱ་ལི་

― KMC014_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་གྱུར་ཉི་ཟླས་མཚན། །ལག་ལྕིབས་ཚུར་བྱས་གཏོར་མ་བཏེག་པར་བསྒོམ། །ལྷ་རྣམས་ལྗགས་ལས་འོད་ཀྱི་སྦུ་གུ་ནི། །གཏོར་མར་ཟུག་ནས་བདུད་རྩི་དྲངས་གསོལ་བསམ། །བཛྲ་མུཿཡིས་འཇིག་རྟེན་པ་གཤེགས་ཤིང་། །ཡེ་ཤེས་པ་ནི་མི་གཤེགས་མི་བསྡུའོ། །དེ་ལྟར་ཐུན་བཞི་ཀུན་ལ་རིགས་འགྲེ་སྟེ། །ཞག་བདུན་ཡན་ཆད་འགྲུབ་ན་ནང་སྒྲུབ་ཚང་། །ཞག་གསུམ་ཞག་ལྔ་བྱས་ན་སྒྲུབ་མཆོད་ཡིན། །ཞག་བདུན་བྱེད་ན་ཞག་དྲུག་ཕྱིར་ནང་ལ། །སྔ་དྲོའི་ཆ་ལ་རང་གི་ཐུགས་ཀ་ནས། །སྔགས་ཕྲེང་དཀར་ལ་སྔོ་བའི་མདོངས་ཆགས་པ། །རང་གི་ཞལ་ནས་བྱུང་ནས་མདུན་བསྐྱེད་ཀྱི། །མཁའ་འགྲོ་ཚུར་ལ་ཞལ་གྱུའི་ཞལ་དུ་ཞུགས། །མཁའ་འགྲོའི་ཐུགས་ལས་འོད་ཟེར་ཚུར་འཕྲོས་ནས། །བདག་ཉིད་ཡབ་ཡུམ་སྦྱོར་བའི་ཐུགས་ཀར་ཐིམ། །ཞི་བ་ཆེན་པོའི་དངོས་གྲུབ་ཐོབ་པར་བསམ། །དེ་ནས་འོད་ཟེར་དེ་ཡང་སྔགས་ཕྲེང་གྱུར། །དེ་ལས་འོད་ཟེར་

― KMC014_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་མཐིང་ཕྱོགས་བཅུར་འཕྲོས། །བདག་དང་བསྲུང་བྱའི་ནད་གདོན་བར་ཆད་དང་། །འགྲོ་བ་ཀུན་གྱི་སྡིག་སྒྲིབ་སྡུག་བསྔལ་ཀུན། །བ་མོར་ཉི་ཟེར་ཕོག་ལྟར་ཞི་བར་བསྒོམ། །བདེ་མཆོག་ཡབ་ཡུམ་སྔགས་ནི་ཅུང་ཟད་རྗེས། །ཌཱ་ཀི་ནཱི་ཡི་སྔགས་དེ་ཅི་ནུས་བཟླ། །དེ་རྗེས་མཁའ་འགྲོའི་ཞལ་ཡང་ཕར་ལ་བསྒྱུར། །ཉིན་གུང་ཐུན་ལ་འོད་ཟེར་སེར་པོ་འཕྲོས། །མདུན་གཡས་གཟུགས་ཅན་མ་ཡི་ཞལ་དུ་ཞུགས། །ཐུགས་ཀ་བརྒྱུད་ནས་བདག་གི་ཐུགས་ཀར་ཐིམ། །དེ་ནས་འོད་ཟེར་དེ་ཡང་སྔགས་ཕྲེང་གྱུར། །སྤོས་ཤེལ་ཕྲེང་བ་སྐོར་བཞིན་ཀྱི་ལི་ལི། །དེ་ལས་འོད་ཟེར་ཛམ་བུ་ཆུ་གསེར་མདོག །སྤྲིན་མེད་ཉི་མ་ཤར་བའི་འོད་བཞིན་འཕྲོས། །བདག་དང་བསྲུང་བྱའི་ཚེ་དཔལ་ལོངས་སྤྱོད་དང་། །འགྲོ་བ་ཀུན་གྱི་ཡོན་ཏན་ཡེ་ཤེས་ནི། །པདྨར་ཉི་ཟེར་ཕོག་ལྟར་རྒྱས་པར་བསྒོམ། །ཡབ་ཡུམ་ཅུང་ཟད་བསྙེན་རྗེས་རཱུ་པི་བསྙེན། །གཟུགས་ཅན་མ་

― KMC014_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ནོར་རྒྱུན་མ་ཡིན་ཕྱིར། །ནོར་དང་ལོངས་སྤྱོད་རྒྱས་པའི་མཆོག་ཡིན་ནོ། །དེ་ནས་དགོང་མོར་འོད་ཟེར་དམར་པོ་འཕྲོས། །རྒྱབ་ཀྱི་དུམ་སྐྱེས་མ་ཡི་ཞལ་བརྒྱུད་ནས། །རང་ལ་ཐིམ་པས་དབང་གི་དངོས་གྲུབ་ཐོབ། །དེ་ནས་འོད་ཟེར་སྔགས་ཕྲེང་དམར་པོར་གྱུར། །བྱི་རུའི་ཕྲེང་བ་སྐོར་བཞིན་ཀྱིི་ལི་ལི། །དེ་ལ་འོད་ཟེར་གློག་བཞིན་ཕྱོགས་བཅུར་འཕྲོས། །རང་དང་བསྲུང་བྱའི་འདོད་དགུ་དབང་དུ་འདུས། །འགྲོ་ཀུན་རླུང་སེམས་རང་དབང་ཐོབ་བྱས་བསམ། །དེ་ནས་སྲོད་ཐུན་རང་ཐུགས་འོད་ཟེར་ནི། །ལྗང་གུ་མདུན་གཡོན་ལཱ་མའི་ཞལ་བརྒྱུད་ནས། །རང་ཐུགས་ལ་ཐིམ་དྲག་པོའི་དངོས་གྲུབ་ཐོབ། །འོད་ཟེར་སྔགས་ཕྲེང་གཡུ་ཕྲེང་བཞིན་དུ་འཁོར། །དེ་ལས་འོད་ལྗང་ཚ་བའི་རེག་བྱ་ཅན། །འཕྲོས་པས་བདག་དང་བསྲུང་བྱའི་ནད་གདོན་བསྲེགས། །འགྲོ་བ་ཀུན་གྱི་ཉོན་མོངས་ཚར་བཅད་བསྒོམ། །བསྙེན་པ་ནས་བཟུང་ལས་སྦྱོར་འདི་ཡི་བར། །བུམ་

― KMC014_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་སྐབས་སུ་བསྙེན་པ་ཕྲེང་སྐོར་ཙམ། །དེ་ཚེ་བུམ་ནང་ལྷ་ཡི་འོད་ཟེར་ལས། །སིནྡྷུ་ར་ཡི་སྟེང་དུ་ལྷ་ལྔ་ནི། །མེ་ལོང་གཟུགས་བརྙན་བཞིན་དུ་གསལ་བར་དམིགས། །བུམ་ལྷའི་འོད་ཟེར་ཕྱོགས་བཅུར་འཕྲོས་པ་ཡིས། །ཕྱོགས་བཅུའི་དཔའ་བོ་རྣལ་འབྱོར་ཐམས་ཅད་ཀྱི། །སྦྱོར་མཚམས་བྱང་སེམས་དཀར་དམར་སྤྱན་དྲངས་ནས། །སིནྡྷུ་ར་ཡི་ལྷ་ཚོགས་ལ་ཐིམ་པས། །བྱང་སེམས་བདུད་རྩིའི་རྒྱུན་བབས་ཐོད་པ་གང་། །ཚངས་བུག་ནས་བབས་བུམ་པའི་ལྷ་ལ་ཐིམ། །བདེ་བ་རྒྱས་ནས་སྐུ་ལས་བྱང་སེམས་རྒྱུན། །བབས་པའི་བུམ་ཆུ་དང་འདྲེས་བུམ་པ་གང་། །སྒྲུབ་པ་མ་གྲོལ་བར་དུ་ལྷ་མི་བཞུ། །འདི་ལྟར་མཚམས་བྱས་གཅིག་གིས་སྒྲུབ་པ་ནི། །དཔའ་བོ་གཅིག་སྒྲུབ་ཞེས་ནི་བྱ་བ་ཡིན། །དབང་ཐོབ་དམ་ཚིག་ལྡན་པ་མང་པོ་འཚོགས། །ཐུན་བཞིར་ཆབ་གོས་ཆོ་ག་རེས་མོས་འདོན། །དབང་ཐོབ་དམ་གཙང་ཆོ་ག་མི་ཤེས་རྣམས། །

― KMC014_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པ་སྤྲོད་ལ་ཡིག་བདུན་འུར་འདོན་བཅུག །མཚན་ཡང་ཐུན་བགོས་མ་ཆད་ན་ནི་རབ། །དེ་རུ་འཚོགས་རྣམས་ཆོ་ག་མི་ཤེས་ཀྱང་། །ཀུན་གྱིས་སྒྲུབ་པ་ཐེམ་པར་འགྱུར་བ་ཡིན། །ཇི་ལྟར་ཚོགས་པ་མང་བཞིན་སྟོབས་ནུས་ཆེ། །དབང་མ་ཐོབ་དང་དམ་ཚིག་མི་གཙང་བ། །ཡོད་ན་སྤྱི་ལ་གནོད་ཅིང་བར་ཆད་རྒྱུ། །ཀུན་ཀྱང་ནུབ་མོ་དཀྱིལ་འཁོར་དྲུང་ཉལ་ལེགས། །དྲིལ་བུའི་སྒྲ་ནི་མི་ཐོས་ཕན་ཆད་དུ། །འགྲོ་བར་མི་བྱ་ཀུན་ཀྱང་འཚམས་ཀྱི་ཚུལ། །སྒྲུབ་པ་པོ་དང་སྒྲུབ་གཡོག་པ་རྣམས་ལས། །མི་གཞན་སྒྲུབ་ཁང་ནང་དུ་འོང་མི་བཅོལ། །དེ་ལྟར་བྱེད་པ་ནང་གི་སྒྲུབ་པ་ཡིན། །དེ་དག་ཁྲག་འཐུང་མངོན་འབྱུང་རྒྱུད་ཉིད་ལས། །དཀྱིལ་འཁོར་དབུས་སུ་ཧེ་རུ་ཀ །སྤྱན་དྲངས་ནས་ནི་མཆོད་པ་འབུལ། །རྟག་ཏུ་རྣལ་འབྱོར་དབང་ཕྱུག་ལ། །མཆོད་པས་དབུལ་པོར་མི་འགྱུར་རོ། །མཁའ་འགྲོ་མ་དང་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །འདི་ནི་

― KMC014_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་བོའི་སྲིང་མོ་ཡིན། །འདོད་པའི་དོན་ཀུན་སྒྲུབ་པ་ཡིན། །དེ་ལྟར་ལྷ་གྲངས་བཅས་པ་གསུང་། །སྒྲུབ་ཡུན་ཐུང་བས་ཆོག་པ་ཡང་། །དཔལ་ལྡན་ཧེ་རུ་ཀ་ཡི་ནི། །བརྟུལ་ཞུགས་ལ་ནི་ནུབ་གསུམ་གནས། །ལྷ་ཡི་ལུས་སུ་སྐྱེ་འགྱུར་གསུངས། །བཅའ་ལུགས་འདོན་ལུགས་དམིགས་པ་འདྲ་བ་ལས། །མཚམས་མི་སྡོམ་ཞིང་ཀུན་གྱིས་ལྟ་ཆོག་པ། །དེ་ནི་སྒྲུབ་མཆོད་ཡིན་ཏེ་ཀུན་ལ་དར། །མཇལ་མཁན་བྱུང་ན་བུམ་ཆུ་སྦྱིན་སྲོལ་གདའ། །སྒྲུབ་པ་གྲོལ་ཁ་རང་གིས་བདག་འཇུག་ལེན། །དེ་ཡིས་དམ་ཚིག་ཉམས་ཆགས་ཐམས་ཅད་སྐོང་། །འདི་སྐབས་སློབ་མ་ཡོན་བདག་ལ་སོགས་ལ། །དབང་བསྐུར་བྱས་ན་སྒྲུབ་དབང་ཞེས་བྱ་སྟེ། །མགྱོགས་དབང་བརྒྱ་རྩ་བསྐུར་ལས་དེ་ཉིད་ལྷག །དེ་ནས་དགའ་སྟོན་ཚོགས་ཀྱི་འཁོར་ལོའི་རྗེས། །གཉེར་པ་ཡོན་བདག་ལ་སོགས་ཀུན་བོས་ལ། །བསྔོ་བའི་མཐུན་འགྱུར་བྱེད་དུ་བཅོལ་བ་ཡིས། །སྐབས་དེར་བསྔོ་

― KMC014_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སྨོན་ལམ་གང་བྱས་འགྲུབ། །དེ་དོན་བདེ་མཆོག་སྡོམ་པ་འབྱུང་བ་ལས། །དེ་ནས་དཀྱིལ་འཁོར་མདུན་ཉིད་དུ། །སྙིང་ཁར་ཐལ་མོ་སྦྱར་བྱས་ནས། །སྦྱིན་བདག་གིས་ནི་སྨོན་ལམ་དང་། །ཡོངས་སུ་བསྔོ་བ་ཉིད་དུ་བྱ། །གསུངས་ཕྱིར་འདི་སྐབས་བསྔོ་སྨོན་གནད་ཆེའོ། །དེ་ནས་རྗེས་ཆོག་རྣམས་ནི་གཞུང་ལྟར་ལས། །སིནྡྷུ་ར་ནི་རང་གི་གནས་གསུམ་བྱུག །བུམ་ཆུ་གཏོར་མ་བདུད་རྩིའི་ཕུད་རྣམས་ལ། །ཕྱི་རབ་སྒྲུབ་པ་བྱེད་པའི་རུ་རྩི་བྱ། །ལྷག་མ་གྲྭ་སློབ་ཀུན་གྱིས་དངོས་གྲུབ་བྱ། །རྡུལ་ཚོན་ཡིན་ན་ཆུ་བོར་སྐྱེལ་བ་དང་། །ཚོམ་བུ་ཡིན་ན་སྲུང་བར་འདོགས་རྒྱུ་སྦྱིན། །ཁ་སྐོང་སྦྱིན་སྲེག་གྲུབ་བཟང་མེད་ཀྱང་ཆོག །དེ་ནི་བདེ་མཆོག་ལྷ་ལྔའི་ནང་སྒྲུབ་སྟེ། །སྒྲུབ་མཆོད་ཞེས་གྲགས་ལེའུ་གསུམ་པའོ།། །།དེ་ནས་གྲུབ་ཆེན་ཀརྨ་པཀྵི་ལ། །མཁའ་འགྲོའི་ལུང་བསྟན་བྱུང་བའི་གདམས་ངག་སྟེ། །བདེ་དགྱེས་གསང་གསུམ་གདན་བཞི་མ་ཡཱ་སོགས། བླ་མེད་སྤྱི་ལ་

― KMC014_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་རྒྱུའི་གསང་སྒྲུབ་འདི། །བསྐྱེད་རིམ་གཙོ་བོར་སྟོན་ན་གསང་སྒྲུབ་ཡིན། །རྫོགས་རིམ་གཙོ་བོར་སྟོན་ན་གཏུམ་མོ་ཡིན། །འདི་ནི་གསང་སྒྲུབ་བསྒོམ་བཟླས་བྱ་ཚུལ་ཏེ། །དཀྱིལ་འཁོར་སྟ་གོན་ཐམས་ཅད་ནང་སྒྲུབ་ལྟར། །མཆོད་པ་བརྒྱ་རྩ་མི་དགོས་ཅི་འབྱོར་ཆོག །གྱེར་དབྱངས་མཆོད་གཏོར་ཧ་ཅང་གཟབ་མི་དགོས། །ཐུན་བཞིར་བདག་མདུན་བུམ་གསུམ་འདོན་པ་དང་། །བུམ་བསྐྱེད་ཅུང་ཟད་བསྙེན་ཚུལ་ནང་སྒྲུབ་ལྟར། །མདུན་བསྐྱེད་ཚར་རྗེས་ངག་གིས་སྔགས་བཟླ་ཞིང་། །སེམས་ཀྱིས་དམིགས་པ་འདི་དག་རྩེ་གཅིག་བསྒོམ། །བདག་མདུན་གཙོ་བོ་གཉིས་ཀྱི་སྐུ་ཡི་ནང་། །རྩ་གསུམ་འཁོར་ལོ་ལྔ་པོ་ཆོས་དྲུག་ལྟར། །རྩ་མདུད་ལྔ་དབུས་ༀ་ཧྲཱིཿཧཱུྃ་ཏྲཱྃ་ཨཱཿ །དུག་ལྔའི་ས་བོན་ཉིད་དུ་བསམ་བྱ་སྟེ། །བདག་གི་འབྲུ་ལྔར་བདག་གི་དུག་ལྔ་དང་། །མདུན་གྱི་འབྲུ་ལྔར་འགྲོ་བའི་དུག་ལྔ་བསྟིམ། །དབུ་མའི་མར་སྣེ་གསང་གནས་འཁོར་ལོའི་

― KMC014_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

འོག །ངོ་བོ་ཨ་ཐུང་གཏུམ་མོའི་རང་བཞིན་ལ། །རྣམ་པ་མེ་ཡི་ཐིག་ལེ་ཟུར་གསུམ་པ། །རྩེ་མོ་རྣོ་ཞིང་རེག་བྱ་ཚ་བར་བསྒོམ། །དེ་ལས་མེ་འབར་བདག་མདུན་གནས་ལྔ་ཡི། །དུག་ལྔའི་ས་བོན་ཡིག་འབྲུ་བཅུ་པོ་བསྲེགས། །སྐུ་གསུང་ཐུགས་ཡོན་ཕྲིན་ལས་བདེ་མཆོག་ལྔ། །ཡབ་ཡུམ་དཀར་དམར་མཐིང་སེར་ལྗང་གུར་གྱུར། །ཐུགས་ཀར་རང་མདོག་ཧཱུྃ་མཐར་སྔགས་ཀྱིས་བསྐོར། །རྩ་འདབས་རྣམས་སུ་ཌཱ་ཀི་གྲི་ཐོད་ཅན། །སྤྱི་བོར་དཀར་མོ་སོ་གཉིས་ཐུགས་ཀར་ཧ། །མགྲིན་པར་དམར་མོ་བཅུ་དྲུག་སྙིང་ཁར་ནི། །སྙིང་ཁར་སྔོན་མོ་བརྒྱད་ཀྱི་ཐུགས་ཀར་ཧྲཱིཿ །ལྟེ་བར་སེར་མོ་རེ་བཞིའི་ཐུགས་ཀར་རི། །གསང་བར་ལྗང་མོ་ཉེར་བརྒྱད་ཐུགས་ཀར་ས། །དེ་ནས་བར་རླུང་ཅུང་ཙམ་བཟུང་བ་ཡིས། །སླར་ཡང་གཏུམ་མོའི་མེ་ཡིས་ལུས་ཀུན་ཁེངས། །ལྷ་རྣམས་འོད་ཞུ་རང་མདོག་ཐིག་ལེར་གྱུར། །སྤྱི་བོར་ཧཾ་ཡིག་དཀར་པོ་མགོ་ཐུར་བསྟན། །དེ་ལ་བདུད་རྩི་བྱང་

― KMC014_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཆར་ཟིམ་ལྟར། །བབས་པས་ལྷ་རྣམས་སྔར་ལྟར་གསལ་བ་ལ། །སྔོན་ལས་བཀྲག་མདངས་གཟི་བརྗིད་ལྷག་པར་རྒྱས། །བདག་གི་ཐུགས་དབུས་སྔགས་ཕྲེང་འཁོར་བ་ལས། །འོད་ཟེར་ཁ་དོག་ལྔ་ལྡན་ཏོང་སྐུད་བཞིན། །གྱེན་དུ་འཕྲོས་ནས་བདག་གི་ལུས་ལྷ་བརྒྱུད། །ཞལ་ནས་ཐོན་ཏེ་མདུན་བསྐྱེད་ཞལ་དུ་ཞུགས། །གནས་ལྔའི་ཡབ་བརྒྱུད་སྦྱོར་མཚམས་ནས་ཐོན་ཏེ། །རང་གི་སྦྱོར་མཚམས་ནས་ཞུགས་ལུས་ལྷ་བརྒྱུད། །ཐུགས་ཀའི་ཧཱུྃ་ཐིམ་མཆོག་ཐུན་དངོས་གྲུབ་ཐོབ། །དེ་ནས་འོད་ཟེར་དེ་ཡང་སྔགས་ཕྲེང་གྱུར། །དེ་ཡང་རྒྱུན་དུ་འཁོར་བའི་ནུས་པ་ཡིས། །བདག་མདུན་གནས་ལྔའི་སྔགས་ཕྲེང་བཅུ་པོ་འཁོར། །དེ་ལས་འོད་ཟེར་སྣ་ཚོགས་ཕྱོགས་བཅུར་འཕྲོས། །ཕྱོགས་བཅུའི་ཞིང་བཞུགས་སངས་རྒྱས་བྱང་ཆུབ་སེམས། །དཔའ་བོ་ཌཱ་ཀི་ཐམས་ཅད་མཆོད་པས་མཉེས། །དེ་ཀུན་བདེ་མཆོག་རིགས་ལྔའི་ལྷར་གྱུར་ནས། །

― KMC014_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ཆར་ཆེན་བབས་བཞིན་ལྷུག་ལྷུག་ཆིལ་ཆིལ་བྱོན། །བདག་མདུན་སོ་སོར་གནས་ལྔར་སིབ་སིབ་ཐིམ། །སླར་ཡང་བདག་མདུན་གནས་ལྔའི་སྔགས་འཁོར་ལས། །འོད་ཟེར་སྣ་ཚོགས་སྟེང་འོག་ཕྱོགས་བཅུར་འཕྲོས། །འགྲོ་དྲུག་སེམས་ཅན་ཀུན་གྱི་སྒྲིབ་པ་སྦྱངས། །ལམ་རྒྱུད་ལྔ་པོ་བདེ་མཆོག་རིགས་ལྔའི་ལྷ། །དུད་འགྲོ་བདེ་མཆོག་དཀར་པོ་ཡི་དྭགས་དམར། །དམྱལ་མཐིང་ལྷ་མི་སེར་དང་ལྷ་མིན་ལྗང། །ཀུན་གྱིས་སྔགས་སྒྲ་འུར་འུར་ཆེམས་ཆེམས་སྒྲོགས། །དེ་ལྟར་བསྒོམ་ཞིང་ཡིག་བདུན་ཅི་ནུས་འབད། །དེ་ནས་ཐུན་མཚམས་གཏོར་བསྔོས་བྱ་བ་དང་། །ཞག་བདུན་ལ་སོགས་བསྒྲུབ་པའི་དུས་གྲངས་དང་། །བདག་འཇུག་ལ་སོགས་རྗེས་ཀྱི་བྱ་བ་རྣམས། །ཐམས་ཅད་ནང་སྒྲུབ་ཉིད་དང་ཁྱད་པར་མེད། །འདི་ནི་གྲུབ་ཆེན་པཀྵིའི་ཁྱད་ཆོས་ཏེ། །བཀའ་བརྒྱུད་གཞན་ལ་མེད་པའི་གདམས་པའོ། །དེ་ཡང་བདེ་མཆོག་སྡོམ་འབྱུང་ལས། །དབང་པོ་དམན་པས་

― KMC014_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རིམ་གྱི། །དཀྱིལ་འཁོར་བསྒོམ་ཞིང་བསམ་པར་བྱ། །གསུངས་པའི་དོན་དང་མཚུངས་པ་ཡིན། །ལྷ་ལྔ་གསང་སྒྲུབ་ལེའུ་བཞི་པའོ།། །།དེ་ནས་ཡང་གསང་ལུས་ཀྱི་དཀྱིལ་འཁོར་ནི། །བདག་བསྐྱེད་འདོན་པའི་ཆས་ཙམ་མ་གཏོགས་པ། །དཀྱིལ་འཁོར་མཆོད་པ་གཞན་ནི་མི་དགོས་སོ། །ད་ནང་བདག་བསྐྱེད་ཚར་གཅིག་བཏོན་པའི་རྗེས། །སྟོང་པར་བསྡུས་ནས་ཟུང་འཇུག་སྐུར་བཞེངས་སྐབས། །རང་ཉིད་གཙོ་རྐྱང་རྒྱན་དང་ཆ་ལུགས་རྫོགས། །ཡབ་ཡུམ་སྣང་སྟོང་ཕྲུ་མ་ཕུས་བཏབ་ལྟར། །དེ་ཡི་གནས་ལྔར་འདབ་བརྒྱད་ཉི་མའི་སྟེང་། །སྤྱི་བོར་བུདྡྷ་ཧེ་རུ་ཀ་དཀར་པོ། །འཁོར་ལོ་དྲིལ་འཛིན་མཁའ་འགྲོ་དཀར་སྔོན་འཁྲིལ། །འཁོར་གྱི་མཁའ་འགྲོ་མ་བཞི་དཀར་སྔོན་སྟེ། །མགྲིན་པར་པདྨ་ཧེ་རུ་ཀ་དམར་པོ། །པདྨ་དྲིལ་འཛིན་དུམ་སྐྱེས་དམར་མོར་འཁྲིལ། །ཕྱོགས་བཞིར་དུམ་སྐྱེས་དམར་མོ་བཞི་དང་བཅས། །ཐུགས་ཀར་གཞུང་ལྟར་

― KMC014_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་མཆོག་ལྷ་ལྔ་སྟེ། །ལྟེ་བར་རཏྣ་ཧེ་རུ་གསེར་གྱི་མདོག །རིན་ཆེན་དྲིལ་འཛིན་གཟུགས་ཅན་སེར་མོ་འཁྲིལ། ཕྱོགས་བཞིར་གཟུགས་ཅན་སེར་མོ་བཞི་དང་བཅས། །གསང་བར་ཀརྨ་ཧེ་རུ་ཨིནྡྲིའི་མདོག །རྒྱ་གྲམ་དྲིལ་འཛིན་ལཱ་མ་ལྗང་མོ་འཁྲིལ། །ལཱ་མ་བཞིས་བསྐོར་གནས་ལྔའི་མཚམས་བཞི་རུ། །བུམ་སྟེང་ཐོད་པ་བཞག་པ་བཞི་བཞིའོ། །ལུས་ཀྱི་རྩ་གནས་ཉི་ཤུ་རྩ་བཞི་རུ། །རྩ་མདུད་ཡིག་འབྲུའི་གཟུགས་གནས་དཔའ་མོ་སྟེ། །དེ་ནང་བྱང་སེམས་གནས་པ་དཔའ་བོའོ། །དེ་ཉིད་ཡིན་པར་ཤེས་པས་ཆོག་པ་སྟེ། །ཡིག་འབྲུའམ་སྐུ་གཟུགས་བསྒོམ་ཡང་རུང་བར་བཤད། །འོག་མིན་བཞུགས་པའི་ལྷ་ཚོགས་དེ་རྣམས་དང་། །ཕྱི་ཡི་གནས་དང་ཡུལ་ལ་གནས་པ་དང་། །ནང་གི་ལུས་གནས་རྩ་ཐིག་ལ་གནས་པའི། །དཔའ་བོ་རྣལ་འབྱོར་མ་རྣམས་དབྱེར་མེད་བསམ། །ལུས་ཀྱི་སྤྱི་བོར་པུལླི་ར་མ་ལར། །དཔའ་བོ་ཐོད་དུམ་དཔའ་མོ་རྭ་གཏུམ་མ། །སྤྱི་

― KMC014_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུགས་གནས་མཆོག་ཛ་ལནྡྷ་ར་རུ། །དཔའ་བོ་ཀེང་རུས་དཔའ་མོ་གཏུམ་མིག་མ། །རྣ་བ་གཡས་པ་ཨོ་རྒྱན་གནས་མཆོག་སྟེ། །དཔའ་བོ་ཀངྐ་མ་དང་འོད་ལྡན་མ། །ལྟག་པ་ཨརྦུ་ཏ་ཡི་གནས་མཆོག་ན། །དཔའ་བོ་མཆེ་བ་རྣམ་གཙིགས་སྣ་ཆེན་མ། །རྣ་གཡོན་གོ་དཱ་ཝ་རིའི་གནས་མཆོག་ན། །དཔའ་བོ་ཆང་འཐུང་དཔའ་མོ་བློ་གྲོས་མ། །སྨིན་མའི་དབུས་ནི་རསྨི་ཤྭ་རིའི་གནས། །དཔའ་བོ་འོད་དཔག་མེད་དང་མི་ཐུང་མ། །མིག་གཉིས་དེ་ཝི་ཀོ་ཊིའི་གནས་གཉིས་ན། །རྡོ་རྗེའི་འོད་དང་ལངྐའི་དབང་ཕྱུག་མ། །དཔུང་མགོ་གཉིས་པ་མཱ་ལ་ཝ་ཡི་གནས། །དཔའ་བོ་རྡོ་རྗེའི་སྐུ་དང་ཤིང་གྲིབ་མ། །དེ་ལྟར་མཁའ་སྤྱོད་ཐུགས་ཀྱི་འཁོར་ལོ་ཡི། །ཡབ་ཡུམ་བརྒྱད་པོ་སྐུ་མདོག་སྔོན་པོ་སྟེ། །ཡབ་རྣམས་རྡོར་དྲིལ་ཡུམ་རྣམ་གྲི་ཐོད་འཁྱུད། །དེ་དག་གནས་དང་ཉེ་བའི་གནས་ཡིན་ཏེ། །མཆན་ཁུང་གཉིས་པོ་ཀཱ་མ་རཱུ་པའི་གནས། །དཔའ་བོ་མྱུ་གུ་ཅན་

― KMC014_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ས་སྲུང་མ། །ནུ་མ་གཡས་གཡོན་ཨོ་ཊའི་གནས་གཉིས་ན། །རྡོ་རྗེའི་རལ་པ་ཅན་དང་འཇིག་བྱེད་མ། །ལྟེ་བ་ཏྲི་ཤ་ཀུ་ནེའི་གནས་མཆོག་ཏུ། །དཔའ་བོ་ཆེན་པོ་དང་ནི་རླུང་ཤུགས་མ། །སྣ་ཡི་རྩེ་མོ་ཀོ་ས་ལ་ཡི་གནས། །རྡོ་རྗེ་ཧཱུྃ་མཛད་དང་ནི་ཆང་འཐུང་མ། །ཁ་ནི་ཀ་ལིངྒ་ཡི་གནས་མཆོག་ན། །རབ་ཏུ་བཟང་པོ་དང་ནི་སྔོ་སངས་མ། །མགྲིན་པ་ལམྦ་ཀ་ཡི་གནས་མཆོག་ན། །རྡོ་རྗེ་བཟང་མོ་ཤིན་ཏུ་བཟང་མོ་གཉིས། །སྙིང་ཁ་ཀཉྩི་ཞེས་བྱའི་གནས་མཆོག་ན། །དཔའ་བོ་འཇིག་བྱེད་ཆེན་པོ་རྟ་རྣ་མ། །འདམས་པར་ལྒང་པ་ཧི་མ་ལ་ཡའི་གནས། །དཔའ་བོ་མིག་མི་བཟང་དང་བྱ་གདོང་མ། །ས་སྤྱོད་གསུང་གི་འཁོར་ལོའི་ལྷ་བརྒྱད་དམར། །ཡབ་རྣམས་རྡོར་དྲིལ་ཡུམ་རྣམས་གྲི་ཐོད་འཁྱུད། །དེ་དག་ཞིང་དང་ཚནྡྷོ་ཧ་ཞེས་བྱ། །མཚན་མ་པྲེ་ཏ་པུ་རིའི་གནས་མཆོག་ན། །སྟོབས་པོ་ཆེ་དང་འཁོར་ལོའི་ཤུགས་ཅན་མ། །བཤང་ལམ་གྲྀ་ཧ་དེ་ཝའི་གནས་

― KMC014_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ནས། །དཔའ་བོ་རིན་ཆེན་རྡོ་རྗེ་དུམ་སྐྱེས་མ། །བརླ་གཉིས་སཽ་རཱཥྚ་ཡི་གནས་མཆོག་ནས། །དཔའ་བོ་རྟ་མགྲིན་དཔའ་མོ་ཆང་འཚོང་མ། །བྱིན་པ་གཉིས་ནི་སུ་བརྞ་དཱིའི་གནས། །ནམ་མཁའི་སྙིང་པོ་འཁོར་ལོའི་གོ་ཆ་མ། །སོར་མཛུབ་བཅུ་དྲུག་ནཱ་ག་ར་ཡི་གནས། །ཧེ་རུ་ཀ་དང་ཤིན་ཏུ་དཔའ་མོ་བཞུགས། །བོལ་གང་གཉིས་ནི་སིནྡྷུ་ར་ཡི་གནས། །དཔའ་བོ་པདྨ་གར་དབང་སྟོབས་ཆེན་མ། །མཐེ་བོང་བཞི་པོ་མ་རུའི་གནས་ཆེན་ན། །རྣམ་པར་སྣང་མཛད་འཁོར་ལོས་སྒྱུར་མ་གཉིས། །པུས་མོ་གཉིས་པོ་ཀུ་ལུ་ཏ་ཡི་གནས། ། རྡོ་རྗེ་སེམས་དཔའ་བརྩོན་འགྲུས་ཆེན་མོ་བཞུགས། །ས་འོག་སྤྱོད་པ་སྐུ་ཡི་འཁོར་ལོ་རྣམས། །སྐུ་མདོག་དཀར་པོ་རྡོར་དྲིལ་གྲི་ཐོད་འཁྱུད། །འདུ་བ་དང་ནི་དུར་ཁྲོད་ཞེས་བྱའོ། །ལུས་ཀྱི་སྒོ་མཚམས་བརྒྱད་དུ་ཧཱུྃ་རིང་བརྒྱད། །ཁ་དང་ལྟེ་བའི་རྩ་ལ་ཁྲ་གདོང་ནག །སྣ་གཡོན་བྱང་གི་སྒོ་དེ་འུག་གདོང་ལྗང་། །

― KMC014_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

བཤང་ལམ་རྩ་ནི་ནུབ་སྒོ་ཁྱི་གདོང་དམར། །སྣ་བུག་གཡས་རྩ་ལྷོ་སྒོ་ཕག་གདོང་སེར། །རྣ་བ་གཡས་ཀྱི་རྩ་ནི་ཤར་ལྷོ་མཚམས། །གཤིན་རྗེ་བརྟན་མ་གཡས་སྔོ་གཡོན་སེར་མདོག །རྣ་བ་གཡོན་པའི་རྩ་ནི་ལྷོ་ནུབ་མཚམས། །གཡས་སེར་གཡོན་དམར་གཤིན་རྗེ་ཕོ་ཉ་མོ། །མིག་གཡས་རྩ་ནི་ནུབ་བྱང་མཚམས་ཡིན་ཏེ། །གཡས་དམར་གཡོན་ལྗང་གཤིན་རྗེ་མཆེ་བ་མོ། །མིག་གཡོན་རྩ་ནི་བྱང་ཤར་མཚམས་ཡིན་ཏེ། །གཡས་ལྗང་གཡོན་སྔོ་གཤིན་རྗེ་འཇོམས་པ་མོ། །ཀུན་ཀྱང་གྲི་ཐོད་ཁ་ཊཱཾ་པད་ཉི་རོའི། །སྟེང་བཞུགས་རང་འོད་ཡེ་ཤེས་མེ་དཔུང་འབར། །དེ་ལྟར་ལུས་ལྷ་མེ་ལོང་གཟུགས་བཞིན་བསྒོམ། །དེ་ལྟར་དཔའ་བོ་ཡབ་ཡུམ་སུམ་ཅུ་བདུན། །བྱང་ཆུབ་ཕྱོགས་ཆོས་སུམ་ཅུ་རྩ་བདུན་གྱི། །ངོ་བོ་ལྷ་དང་དབྱེར་མེད་རྣམ་པར་དག །བསམ་པར་བྱས་ལ་སྔགས་འདི་ལན་གཅིག་བརྗོད། །ༀ་ཨཱཿཧཱུྃ་སརྦ་བཱི་ར་ཡོ་གི་ནཱི་ཀཱ་ཡ་ཙིཏྟ་བཛྲ་སྭ་བྷ་ཝ་ཨཱཏྨ་ཀོ྅ཧཾ། །འོག་

― KMC014_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་གནས་བཞུགས་ལོངས་སྐུའི་ལྷ་ཚོགས་དང་། །འཛམ་གླིང་བཞུགས་པའི་སྤྲུལ་སྐུའི་ལྷ་ཚོགས་དང་། །བདག་གི་ལུས་ལ་བསྒོམ་པའི་ལྷ་ཚོགས་རྣམས། །ཡེ་ནས་དབྱེར་མེད་རྡོ་རྗེའི་རང་བཞིན་དུ། །ང་རྒྱལ་བསྐྱེད་ལ་སྔགས་འདི་ལན་གཅིག་བརྗོད། །ༀ་བཛྲ་ཤུདྡྷཿསརྦ་དྷརྨཱ་བཛྲ་ཤུདྡྷོ྅ཧཾ། དེ་ནས་གནས་ལྔའི་ཡབ་ལྔའི་ཐུགས་ཀ་རུ། །རང་མདོག་ཧཱུྃ་མཐར་སྔགས་ཕྲེང་གཡོན་དུ་འཁོར། །དེ་ནས་འོད་ཟེར་ཁ་དོག་ལྔ་ལྡན་པ། །རང་གི་ཞལ་ནས་ཡུམ་གྱི་ཞལ་དུ་ཞུགས། །ཡུམ་གྱི་སྔགས་ཕྲེང་དྲག་འཁོར་འོད་ཟེར་ནི། །བྷ་ག་ནས་ཐོན་རང་གི་ནོར་བུར་ཞུགས། །རང་གི་ཐུགས་ཀའི་ཧཱུྃ་ཡིག་ལ་ཐིམ་སྟེ། །རང་ལུས་བརྒྱུད་ཚེ་ཡབ་ལྔའི་སྐུ་ལུས་བརྒྱུད། །དེ་ལྟར་རྒྱུན་དུ་འཁོར་དམིགས་ཡིག་བདུན་བཟླས། །བདེ་སྟོང་ཆེན་པོ་གཅིག་ཅར་འཆར་བར་གསུངས། །དེ་ནས་འོད་ཟེར་དེ་ཡང་སྔགས་ཕྲེང་གྱུར། །དེ་ལས་འོད་ཟེར་ནམ་མཁའ་ཁྱབ་པར་སྤྲོས། །

― KMC014_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་མིན་གནས་བཞུགས་བདེ་མཆོག་ལྷ་ཚོགས་དང་། །ཛམ་གླིང་བཞུགས་པའི་བདེ་མཆོག་ལྷ་ཀུན་མཆོད། །དེ་དག་སྐུ་ལས་སོ་སོའི་སྐུ་ཆེ་ཕྲ། །གསུང་ལས་སྔགས་ཕྲེང་ཨཱ་ལི་ཀཱ་ལི་དང་། །ཐུགས་ལས་རྡོ་རྗེ་རྩེ་ལྔ་དཔག་མེད་འཕྲོས། །རང་གི་ལུས་ལྷ་སོ་སོར་ཐིམ་པར་བསྒོམ། དེ་ནས་ཡབ་ཡུམ་བར་གྱི་སྔགས་ཕྲེང་བསྡུས། །རང་གི་གནས་ལྔའི་སྔགས་འཁོར་འོད་ཟེར་ལས། །འོད་ཟེར་དཀར་པོ་སྣ་བུག་གཡས་ནས་ཐོན། །བདེ་མཆོག་ལྷ་ལྔའི་དཀྱིལ་འཁོར་གྲངས་མེད་འཕྲོས། །རིགས་དྲུག་སེམས་ཅན་ཐམས་ཅད་ཚར་བཅད་ཅིང་། །རྗེས་སུ་བཟུང་ནས་སངས་རྒྱས་སར་བཀོད་དེ། །སྤྲུལ་པའི་དཀྱིལ་འཁོར་དེ་དག་རང་ཐིམ་བསྒོམ། །སླར་ཡང་རང་གི་ཐུགས་ཀའི་འོད་ཟེར་གྱིས། །རིགས་དྲུག་སེམས་ཅན་གཅིག་ཀྱང་མ་ལུས་པ། །བདེ་མཆོག་ལྷ་ལྔའི་དཀྱིལ་འཁོར་དཔག་མེད་གྱུར། །ཀུན་གྱིས་སྔགས་སྒྲ་འུར་འུར་བཟླས་བྱས་པས། །ཐམས་

― KMC014_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་འོད་ཞུ་ཚུར་འདུས་རང་ཉིད་ཀྱི། །སྣ་བུག་གཡོན་ཞུགས་ཐུགས་ཀའི་ཧཱུྃ་ལ་ཐིམ། །འདི་དག་བསྒོམ་ཚེ་ཡིག་བདུན་བཟླས་པ་ཡིན། །དེ་ནས་བཟླས་པ་ལ་སོགས་མི་ལྕོགས་ན། །ཡིག་འབྲུའི་གཟུགས་སུ་མི་བསྒོམ་སྒྲར་མི་བརྗོད། །རླུང་ནི་ནང་དུ་འཇུག་པ་ཡི་གེ་ༀ། །ཁོག་ཏུ་གནས་པ་ཡེ་ནས་ཡི་གེ་ཨཱཿ །ཕྱི་རུ་དབྱུང་པ་ཧཱུྃ་དུ་ཤེས་བྱ་སྟེ། །དེ་ཉིད་ཤེས་ཤིང་སྒོམ་པར་བྱེད་པ་སྟེ། །འབྲུ་གསུམ་རྡོ་རྗེའི་བཟླས་པ་ཞེས་བྱའོ། །ཞི་གནས་སྐྱེ་བའི་མཆོག་ཀྱང་ཡིན་པ་དང་། །བརྩི་མི་ཁོམ་ཡང་ངེས་ཤེས་བསྐྱེད་པ་ན། །ཞག་གཅིག་ཉི་ཁྲི་གཅིག་སྟོང་དྲུག་བརྒྱའི་རླུང་། །དེ་ཡི་གྲངས་སྙེད་སྔགས་བཟླས་པ་དང་མཉམ། །ལུས་དཀྱིལ་འདི་ལ་རྡོར་བཟླས་འདི་ཀ་གཙོ། །དགོང་མོ་ད་ནང་བདག་བསྐྱེད་མཇུག་གི་ནི། ། གཏོར་བསྔོས་དེ་ཉིད་གྲུབ་ན་ལེགས་པ་སྟེ། །མ་གྲུབ་ན་ཡང་རྒྱུན་གྱི་བཟའ་བཏུང་ཀུན། །བནྡྷའི་སྣོད་དུ་ཡེ་ཤེས་བདུད་རྩི་དམིགས། །ལག་པ་

― KMC014_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ནས་རང་བྱུང་དགང་གཟར་བླུགས། །ཕོ་བའི་མེ་དྲོད་མེ་སྟེ་ཁ་ཐབ་ཁུང་། །དེ་ཡི་གཟུགས་སུ་སྒོམ་པ་མ་ཡིན་ཏེ། །ཡེ་ནས་རང་བྱུང་ཉིད་དུ་ཤེས་བྱས་ལ། །ལུས་ལྷ་མཆོད་ཕྱིར་བཟའ་བཏུང་སྦྱིན་སྲེག་བྱ། །འདི་ནི་རྒྱུན་ཁྱེར་ཡུན་རིང་བྱས་ན་ལེགས། །ཡང་གསང་བླ་ན་མེད་པའི་སྒྲུབ་ཐབས་ཏེ། །ལྷ་ལྔའི་ལུས་དཀྱིལ་ལེའུ་ལྔ་པའོ། །དེ་དོན་སྡོམ་པ་འབྱུང་བ་ལས། །ལུས་ཀྱི་དཀྱིལ་འཁོར་ལ་བརྟེན་ནས། །ཆོས་དང་ལོངས་སྤྱོད་རྫོགས་པའི་སྐུ། །རྫོགས་པའི་བྱང་ཆུབ་རིམ་བགྲོད་གནས། །ལུས་ཀྱི་དཀྱིལ་འཁོར་ཞེས་གསུངས་སོ།། །།དེ་ནས་རྫོགས་པའི་རིམ་པ་བསྒོམ་ལུགས་ལ། །བསྐྱེད་རིམ་ཕྱི་ནང་གསང་གསུམ་སྒྲུབ་པ་ལ། །རྟགས་ཐོན་བསྐྱེད་རིམ་གསལ་སྣང་ཐོབ་པ་དང་། །དེ་ནས་རྫོགས་རིམ་ཉིད་ལ་འཇུག་དགོས་ཏེ། །སྐས་ཀྱི་རིམ་པ་ལྟ་བུ་ཡིན་ནོ་ཞེས། །གྲུབ་མཐའ་སྤྱི་ཡི་ལུགས་ལ་དེ་ལྟར་བཞེད། །མཁས་པ་ནཱ་རོ་པཎ་ཆེན་ཁྱད་ཆོས་ནི། །དང་པོ་

― KMC014_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རིམ་སྐབས་ནས་རྫོགས་རིམ་གྱི། །ཐུན་རེ་ཐུན་གྲངས་མཉམ་པར་མ་བསྒོམས་ན། །བསྐྱེད་རྫོགས་ཡ་བྲལ་བླ་མེད་ལམ་མིན་གསུངས། །དེ་ཕྱིར་རང་གཞུང་ཆོ་ག་འདི་ཉིད་ཀྱི། །བཟླས་པའི་སྔོན་དུ་རྫོགས་རིམ་དམིགས་པ་ཡོད། །དེ་ལ་ཅི་གནས་བར་དུ་མཉམ་བཞག་ནས། །མི་གནས་འཕྲོ་ཚེ་བཟླས་པ་བྱ་རྒྱུ་ཡིན། །དེ་ལྟར་བྱས་པས་ཡ་བྲལ་སྐྱོན་ཁེགས་ཀྱང་། །ཕུར་ཚུགས་རྫོགས་རིམ་ཁོ་ན་མ་བསྒོམས་ན། །བདེ་དྲོད་སྐྱེ་བའི་ནུས་པ་མི་ཐོན་པས། །རྗེས་ནས་འདི་ཉིད་ཁོ་ན་བསྒོམ་དགོས་སོ། །ཅི་ཕྱིར་མཆོག་སྒྲུབ་གཙོ་བོ་རྫོགས་རིམ་ཡིན། །བཀའ་བབས་བཞི་ལས་བདེ་དགྱེས་ལ་བརྟེན་ནས། །ཙརྱཱ་པ་ནས་ཏཻ་ལོ་ནཱ་རོ་ལ། །གཏུམ་མོའི་བཀའ་ནི་བབས་པར་བཤད་པའི་ཕྱིར། །ཆོས་དྲུག་ཉིད་ཀྱང་དོན་ལ་གཅིག་མོད་ཀྱང་། །ཅུང་ཟད་མི་འདྲའི་ཁྱད་པར་ཡོད་པ་ནི། །ལྷ་ལྔའི་བདག་བསྐྱེད་ཚང་བར་བསྒོམ་པའམ། །ཡང་ན་དྲན་རྫོགས་གཙོ་

― KMC014_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱང་བསྒོམ་ཡང་རུང་། །ཕྱི་ནི་དར་སྔོན་གུར་ཕུབ་ལྟ་བུ་ལ། །ནང་ནི་སྟོང་པ་ཕྲུ་མ་ཕུས་བཏབ་བཞིན། །རྩ་གསུམ་འཁོར་ལོ་བཞི་པོ་ཆོས་དྲུག་ལྟར། །གསལ་བཏབ་རླུང་ནི་འབུད་པ་དགུ་ཕྲུག་དང་། །སྦྱོར་བ་བཞི་ལྡན་བསྒོམ་ཞིང་བུམ་ཆེན་བཟུང་། །དེ་ཚེ་འཁྲུལ་འཁོར་ཡན་ལག་ལྔ་སྦྱོང་བྱ། །དེ་ཚེ་རླུང་ནི་ཟིན་པར་གྱུར་པའི་ཚེ། །སྐྱིལ་ཀྲུང་བཅས་ནས་ལེགས་པར་རླུང་བཟུང་སྟེ། །ལག་གཡས་པུས་མོ་གཉིས་དང་དཔྲལ་བ་རེག །སེ་གོལ་ལན་དྲུག་བརྡབས་པ་གཅིག་ཏུ་བརྩི། །དེ་འདྲ་སུམ་ཅུ་རྩ་དྲུག་བར་དག་ཏུ། །རླུང་ནི་ནང་དུ་བཟུང་ཐུབ་ཐ་མ་སྟེ། །གཉིས་འགྱུར་འབྲིང་ཡིན་བརྒྱ་རྩའི་བར་ཐུབ་རབ། །དེ་དོན་སྡོམ་པ་འབྱུང་བའི་རྒྱུད་ཉིད་ནས། །བུམ་པ་ཅན་སྔར་ཤེས་བྱས་ནས། །བདག་ཉིད་སྐྱིལ་མོ་ཀྲུང་བཅས་ཏེ། །ལག་པས་ལན་གསུམ་མཉེས་ནས་ནི། །དེ་ནས་ལན་དྲུག་སེ་གོལ་བརྡབ། །ཇི་སྲིད་སུམ་ཅུ་རྩ་དྲུག་བར། །སུམ་འགྱུར་ཆེན་པོའི་གཞོལ་བ་ནི། །

― KMC014_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་ལས་རྩ་བརྒྱད་ལྷག་པས་སོ། །ཞེས་གསུངས་ལྟར་དུ་རླུང་ལ་རྟགས་ཐོན་ནས། །དབུ་མའི་ཡར་སྣེ་སྤྱི་བོའི་ཚངས་བུག་ཏུ། །ཧཾ་ཡིག་དཀར་པོ་མགོ་བོ་ཐུར་བསྟན་པ། །མགྲིན་པའི་རྩ་དབུས་ༀ་དཀར་མགོ་གྱེན་བསྟན། །སྙིང་དབུས་ཟླ་གདན་ཧཱུྃ་མཐིང་མགོ་ཐུར་བསྟན། །ལྟེ་དབུས་ཨཱཿཡིག་དམར་པོ་མགོ་གྱེན་བསྟན། །འ་ཨཿཀླད་ཀོར་ཐིག་ལེ་ཟླ་ཕྱེད་དང་། །ནཱ་ད་སྤུ་ཤད་ལྟ་བུས་བརྒྱན་པ་སྟེ། །ཤིན་ཏུ་གསལ་འཚེར་བསྒོམས་པས་གསལ་ཉམས་སྐྱེ། །བྱང་སེམས་བ་མོ་ལྟ་བུར་འཇིག་བསྒོམས་པས། །བདེ་བའི་ཉམས་ནི་སྐྱེ་བར་འགྱུར་བ་ཡིན། །རྒྱས་པར་རྩ་འདབ་རྣམས་སུ་དབྱངས་གསལ་བྱེད། །བཀོད་ཚུལ་ཡོད་ཀྱང་ཡིག་བཞི་འདི་གས་ཆོག །དམིགས་པ་མང་བས་མི་ཟབ་བརྟན་པས་ཟབ། །ལྟེ་འོག་སོར་བཞི་རྩ་གསུམ་འདུས་པའི་མདོར། །ཨ་ཤད་གཟབ་ཀྱི་ཤད་ནི་མཚལ་བྲིས་ལྟར། །ཟུར་གསུམ་རྩ་ཕྲ་རྩེ་སྦོམ་ལྕགས་སྲེག་

― KMC014_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

མདོག །སྐྱེར་བའི་ཚེར་མ་བཅད་མཚམས་གྱེན་བསྟན་འདྲ། །དང་པོ་ཡུངས་ཀར་འབྲིང་པོ་ཙམ་ཡིན་ཏེ། །གཏུམ་མོ་ཆུང་བསྐྱེད་འདི་ཉིད་ཟབ་པར་གསུངས། །རླུང་བཟུང་རོ་རྐྱང་གཉིས་ནས་དེར་བུས་པས། །སོལ་མེ་ལ་ནི་སྦུད་པ་བརྒྱབ་པ་བཞིན། །ཨ་ཡིག་ཨ་ཤད་གཉིས་ལས་མེ་འབར་ནས། །སྙིང་ཁའི་ཧཱུྃ་དང་མགྲིན་པའི་ༀ་ཡིག་བསྲེགས། །རྩ་གནས་བ་སྤུའི་མཐར་ཐུག་མེ་ཡིས་གང་། །ཐོག་མེད་ནས་བསགས་སྡིག་སྒྲིབ་ནད་དང་གདོན། །མ་དག་ཕུང་ཁམས་སྐྱེ་མཆེད་བཅས་པ་བསྲེགས། །དག་པ་ཡེ་ཤེས་ལུས་སུ་བསྒྱུར་བསྒོམ་ཞིང་། །རླུང་བཟུང་ངང་ནས་ནཱ་རོ་དྲུག་སྐོར་བྱ། །དེ་ལ་འབད་པས་དྲོད་ནི་སྐྱེ་འགྱུར་ཏེ། །ཕྱི་ནས་སྐྱེ་དང་ནང་ནས་སྐྱེ་བ་དང་། །ཁོལ་བུར་སྐྱེ་དང་བཙན་ཐབས་སྐྱེ་བའང་ཡོད། །སྤུ་ཅན་མི་གྱོན་གོས་ནི་ཇེ་སྲབ་བསླབ། །བཅུད་ཅན་ཟས་བསྟན་ཐིག་ལེ་མ་ཉམས་གཅེས། །མེ་ཡི་འོད་ཀྱིས་སྤྱི་བོའི་ཧཾ་ཡིག་ལས། །བྱང་སེམས་རྒྱུན་

― KMC014_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

བབས་རྩ་གནས་རིམ་པར་གང་། །མགྲིན་པ་སྙིང་གའི་ཡིག་འབྲུ་སྔོན་ལས་གསལ། །ལྟེ་བར་ཨ་ཐུང་བྱང་སེམས་འཕྲད་པའི་ཚེ། །བདེ་བ་ཚད་བཟུང་མེད་པ་སྐྱེས་པར་སྒོམ། །རྩ་རླུང་དང་བབ་བྱང་སེམས་རྒྱས་རྣམས་ལ། ། བདེ་བ་དངོས་སྐྱེ་བྱང་སེམས་འཆོར་དོགས་ན། །གཏུམ་མོའི་མེ་འབར་བྱང་སེམས་ཡར་བྲོས་ནས། །སྤྱི་བོའི་ཧཾ་ཡིག་ཉིད་ལ་ཐིམ་པར་བསྒོམ། །བདེ་བ་ཆུང་ན་བྱང་སེམས་མར་ཕབ་ནས། །གསང་གནས་རྩ་བའི་བར་དུ་ཕམ་ཕབ་པའམ། །ནོར་བུའི་རྩེ་མོར་བྱང་སེམས་ཡུངས་འབྲུ་ཙམ། །བདེ་བའི་རེག་བྱ་ཅན་ལ་དམིགས་པ་གཏད། །དེ་ནས་ཡུམ་གྱི་པདྨའི་ཟེའུ་འབྲུ་ལས། གཏུམ་མོའི་མེ་འོད་ཕྲའུ་རྡོ་རྗེར་ཞུགས། །ཐིག་ལེ་ཡར་ཕྲོས་སྤྱི་བོའི་ཧཾ་ལ་ཐིམ། །ལུས་ཀུན་ཡེ་ཤེས་མེ་ཡིས་གང་བར་དམིགས། །དེ་ལྟར་འབྲོས་དད་ཚུལ་དུ་ཡུན་རིང་བསྒོམ། །རབ་ནི་མངོན་གསུམ་འབྲིང་ནི་ཉམས་སྣང་དང་། །ཐ་མ་རང་གི་ཡིད་

― KMC014_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྣང་བ་ལ། །རླུང་རྣམས་དབུ་མར་ཚུད་པའི་སྔ་ལྟས་སུ། །རྟགས་རྣམས་དངོས་སུ་འབྱུང་བ་དཀའ་ན་ཡང་། །རྗེས་མཐུན་ཙམ་རེ་ངེས་པར་འབྱུང་གྱུར་ཏེ། །གོ་རིམ་གསུངས་ཀྱང་གོ་རིམ་ངེས་ངེས་མེད། །སྨིག་རྒྱུ་འདྲ་བ་ཆུ་འདྲ་སྔོ་རིབ་རིབ། །དུ་བ་འདྲ་བ་བན་བུན་ལང་ལོང་དང་། །མེ་ཁྱེར་མེ་རྟག་འཕྲོ་འདྲ་དམར་རྩིག་རྩིག །སྒྲ་ཅན་ཞེས་བྱ་ནག་ཐིབ་ནག་ཡར་ཡོར། །དྲོས་སྐྱེས་བྱང་སེམས་འཕེལ་བས་བདེ་བ་རྒྱས། །རྟོག་པ་མི་འཕྲོ་མེ་རེ་འཁྱིལ་ལེར་གནས། །དེ་ནས་ཅུང་ཞིག་དབུ་མར་རླུང་ཚུད་པས། །སྤྲིན་མེད་ནམ་མཁའ་ལྟ་བུའི་གསལ་ཉམས་འཆར། །འདི་སྐབས་སེམས་ངོ་སྤྲད་པར་བྱ་བ་ནི། །ནཱ་རོ་མར་མི་རྣམས་ཀྱི་ཕྱག་སྲོལ་ལགས། །ཐོག་མ་ཉིད་ནས་ཕྱག་ཆེན་ངོ་སྤྲད་པ། །མཻ་ཏྲིའི་ལུགས་དེ་དྭགས་པོས་རྩལ་དུ་བཏོན། དེ་ཕྱིར་ཐོག་མར་ཕྱག་ཆེན་ངོ་སྤྲད་ནས། །དེ་ཡི་བོགས་འདོན་གཏུམ་མོས་བྱེད་སྲོལ་འཇག །འདིར་ནི་ས་བཅད་མ་སྟོང་

― KMC014_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བོན་ཙམ། །རྒྱས་པར་ཆོས་དྲུག་གཞུང་ལས་ཤེས་པར་བྱ། །བདེ་མཆོག་ལྷ་ལྔའི་རྫོགས་རིམ་རྩ་ཐོ་ཡི། །དམིགས་སྐོར་བཤད་པའི་ལེའུ་དྲུག་པའོ།། །།དེ་ནས་བསྐྱེད་རྫོགས་ཟུང་འཇུག་ནི། །བདེ་མཆོག་སྡོམ་པ་འབྱུང་བ་ལས། །དབང་པོ་གནོན་པོས་སྐད་གཅིག་གི། །རྣམ་པས་སེམས་ཀྱི་དཀྱིལ་འཁོར་བསམ། །སྐད་གཅིག་རྣམས་པའི་རྣལ་འབྱོར་གྱིས། །རྫོགས་པའི་རིམ་པ་བསྒོམ་པ་ནི། །ཁམས་གསུམ་ཞལ་ཡས་ཁང་བདག་ཉིད། །སྲོག་ཆགས་རྣམས་ནི་དཀྱིལ་འཁོར་པ། །དེ་དབུས་སྐད་གཅིག་རྣམ་པ་ཡི། །དཀྱིལ་འཁོར་བདག་པོ་རྣལ་འབྱོར་པའི། །ༀ་ཨཱཿཧཱུྃ་གི་སྔགས་ཀྱིས་ནི། །སྐུ་གསུང་ཐུགས་ཀྱི་དཀྱིལ་འཁོར་སྟེ། །མཐོ་རིས་ས་སྟེང་ས་འོག་ཏུ། །སྐད་གཅིག་གིས་ནི་སྐུ་གཅིག་འགྱུར། །སྐད་གཅིག་རྣམ་པའི་རྣལ་འབྱོར་ཏེ། །སྐད་གཅིག་རྣམ་པའི་གསང་སྔགས་འདོན། །གསུངས་པའི་དོན་ནི་འདི་ལྟར་སྟེ། །བསྐྱེད་རིམ་

― KMC014_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་རྣམ་རྟོག་ཉིད། །རྣམ་རྟོག་སྒོམ་དུ་མ་ཤར་བར། །བསྐྱེད་རྫོགས་ཟུང་འཇུག་འོང་ཐབས་མེད། །རྣམ་རྟོག་སྒོམ་དུ་ཤར་བའི་མིས། །སྟོང་ཉིད་གཤིས་དང་མ་བྲལ་བར། །སྤྲོས་པར་དགའ་ན་ཆོ་ག་འདོན། །གལ་ཏེ་སྤྲོས་པར་མི་དགའ་ན། །དྲན་རྫོགས་ལྷ་ལྔའི་དཀྱིལ་འཁོར་བསྒོམ། །ངག་ནས་ཡིག་བདུན་ཤུབ་བུར་བཟླ། །སྤྱན་འདྲེན་དབང་བསྐུར་མི་དགོས་ཏེ། །རང་ལུས་ཡེ་ནས་དམ་ཚིག་སེམས། །རང་སེམས་གདོད་ནས་ཡེ་ཤེས་ལྷ། །རིགས་བདག་རང་ཆས་བླ་མ་ཉིད། །བླ་མའི་ཐུགས་དང་རང་གི་སེམས། །དབྱེར་མེད་ཆོས་ཉིད་ངོ་བོར་གཅིག །ཐུགས་ཡིད་གཅིག་འདྲེས་མོས་གུས་མཆོག །སྣང་སྲིད་འཁོར་འདས་ཆོས་རྣམས་ཀུན། །རྒྱ་མཚོར་ཤར་བའི་བཟའ་སྐར་བཞིན། །རྣམ་པ་གསལ་ཡང་ངོ་བོ་སྟོང་། །གསལ་སྟོང་ཟུང་འཇུག་སྒྱུ་ལུས་མཆོག །དེ་ལྟར་མ་རྟོགས་སེམས་ཅན་ལ། །ཤུགས་འབྱུང་སྙིང་རྗེ་ཤུགས་ལ་འཆར། །སྟོང་ཉིད་

― KMC014_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་རྗེའི་སྙིང་པོ་ཅན། །སྟོང་ཉིད་མེ་ཡིས་དངོས་འཛིན་སྲེག །མཆོག་གི་གཏུམ་མོ་ཨེ་མ་ཧོ། །རང་གི་གནས་གསུམ་འབྲུ་གསུམ་ལས། །འོད་ཟེར་དཀར་དམར་མཐིང་གསུམ་འཕྲོས། །ས་འོག་ས་སྟེང་ས་བླ་ཡི། །སེམས་ཅན་མ་ལུས་ཐམས་ཅད་ཀུན། །སྐུ་གསུང་ཐུགས་ཀྱི་འཁོར་ལོ་ཡི། །བདེ་མཆོག་ལྷ་ཡི་ཚོགས་སུ་བསྒྱུར། །ཀུན་གྱི་སྔགས་སྒྲ་འུར་འུར་བཟླས། །སྒྲ་གྲགས་ཐམས་ཅད་སྔགས་སུ་བསྒོམ། །སྐད་གཅིག་རེར་ཡང་དུང་ཕྱུར་འགྱུར། །དེ་ལྟར་བསྒོམས་པའི་དགེ་བ་ཡང་། །བསྔོ་བྱ་སྔོ་བྱེད་མི་དམིགས་པར། །འགྲོ་ཀུན་བྱང་ཆུབ་ཐོབ་ཕྱིར་བསྔོ། །འཁོར་གསུམ་དམིགས་མེད་བསྔོ་བའི་མཆོག །གཉིད་དུས་འཆི་དུས་མཚུངས་པ་སྟེ། །སྣོད་བཅུད་ལྷར་གསལ་རང་ལ་བསྡུ། །རང་ཉིད་ཧཱུྃ་ཐིམ་གྱེན་རྫོགས་ཡལ། །མི་དམིགས་ངང་ལ་མཉམ་པར་བཞག །གཉིད་དང་འཆི་བའི་འོད་གསལ་ཟིན། །འཆི་དུས་འོད་གསལ་དེ་ཟིན་ནས། །དེ་ཡི་

― KMC014_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

ངང་དུ་གནས་ནུས་ན། །འཆི་བ་ཆོས་སྐུར་སངས་རྒྱས་དང་། །དོན་གྱི་མཁའ་སྤྱོད་ཡིན་ནོ་ཞེས། །བདེ་མཆོག་རྒྱུད་འགྲེལ་རྣམས་ལས་བཤད། །ཆོས་སྐུའི་འཕོ་བའང་དེ་ཉིད་རང་། །དེ་དོན་མཆོག་གི་སྤྲུལ་སྐུ་ཡི། །འཕོ་བྱ་འཕོ་བྱེད་བྲལ་བ་ཡི། །ཞེས་སོགས་ཚིགས་བཅད་གསུངས་པ་ཡིན། །དེ་ཡི་འབྲས་བུ་ཅི་ཞེ་ན། །བུམ་པའི་ནང་གི་ནམ་མཁའ་དེ། །བུམ་པ་ཆག་ཚེ་ཕྱི་རོལ་གྱི། །ནམ་མཁའ་དང་འདྲེས་དབྱེར་མེད་ལྟར། །སེམས་ཉིད་སངས་རྒྱས་ཐམས་ཅད་དང་། །དབྱེར་མེད་ཆོས་སྐུར་སངས་རྒྱས་ཏེ། །སྨོན་ལམ་དབང་གིས་གཟུགས་ཀྱི་སྐུ། །དག་པའི་ཞིང་དུ་ལོངས་སྐུ་དང་། །མ་དག་ཞིང་དུ་གང་འདུལ་གྱི། །སྤྲུལ་པ་དུ་མས་འགྲོ་བ་འདྲེན། །འཆི་བ་ཆོས་སྐུར་སངས་རྒྱས་པ། །ཆོས་འདིའི་ལུགས་ཀྱི་འབྲས་བུ་ཡིན། །གལ་ཏེ་དེ་ལྟར་མ་གྱུར་ན། །བར་དོའི་འཁྲུལ་སྣང་ཤར་བའི་ཚེ། །ད་ལྟའི་བསྐྱེད་རྫོགས་ཉམས་ལེན་དོན། །དེ་དུས་དྲན་ནས་བསྒོམ་བྱས་

― KMC014_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

པས། །ཤ་ཁྲག་ལུས་མེད་ཡིད་ལུས་དེ། །འགྱུར་སླ་བསྒོམ་ལྟར་དངོས་སུ་འགྱུར། །བདེ་མཆོག་ཉིད་དང་དབྱེར་མེད་པར། །བར་དོ་ལོངས་སྐུར་སངས་རྒྱས་ཟེར། །བསྐྱེད་རྫོགས་བརྟན་པ་མ་ཐོབ་པས། །དེས་ཀྱང་གྲོལ་བར་མ་ནུས་ན། །བསྒོམ་བཟླས་མཆོད་བསྟོད་བསོད་ནམས་དང་། །ད་ལྟའི་བསྔོ་སྨོན་མཐུ་ཤུགས་ཀྱིས། །དཔའ་བོ་རྣལ་འབྱོར་མ་ཚོགས་ཀྱིས། །མེ་ཏོག་ཆར་དང་རོལ་མོའི་སྒྲ། །མཆོད་པའི་སྤྲིན་གྱིས་བསུས་བྱས་ནས། །བདེ་བ་ཅན་སོགས་དག་པའི་ཞིང་། །སྨོན་ལམ་གར་བཏབ་ཞིང་དེར་སྐྱེ། །ལོ་གྲངས་བྱེ་བ་དུ་མ་རུ། །རིགས་བདག་ཉིད་ལ་ཆོས་ཉན་ཅིང་། །ས་ལམ་རིམ་པར་བགྲོད་བྱས་ཏེ། །ལུས་རྟེན་དེ་ལ་སངས་རྒྱས་པ། །སྐྱེ་བ་སྤྲུལ་སྐུར་སངས་རྒྱས་ཡིན། །ཞིང་ཁམས་སྨོན་ལམ་མ་བཏབ་ན། །སླར་ཡང་དལ་འབྱོར་ཆོས་ལྡན་དུ། །སྐྱེ་བ་བདུན་དུ་བརྒྱུད་མར་ལེན། །དམ་ཆོས་འདི་འཕྲད་ཉམས་བླངས་པས། །སྐྱེ་

― KMC014_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་ཐ་མར་སངས་རྒྱས་གསུངས། །བླ་མེད་བྱང་ཆུབ་ཆེན་པོ་ཡི། །སངས་རྒྱས་གོ་འཕང་བརྙེས་ལགས་ཀྱང་། །བྱང་ཆུབ་མངོན་དུ་མི་བྱེད་པར། །གང་འདུལ་སྐྱེ་བ་གྲངས་མེད་ཀྱིས། །བསྐལ་པ་དུ་མར་འགྲོ་དོན་སྤྱོད། །མཆོག་ལ་དམིགས་པར་མ་བྱས་ན། །འདི་ཉིད་བསྒྲུབ་ཅིང་མཆོད་བསྟོད་ན། །འཁོར་ལོས་སྒྱུར་རྒྱལ་ལ་སོགས་པ། །བསོད་ནམས་འབྱོར་པ་ཕུན་ཚོགས་པའི། །སྐྱེ་བ་སྟོང་ཕྲག་དུ་མའི་མཐར། །རིམ་གྱིས་བྱང་ཆུབ་ཐོབ་པའང་ཡོད། །དེ་དག་བདག་གིས་མ་ཤེས་ཀྱང་། །རྒྱུད་འགྲེལ་བཤད་པའི་རྗེས་འབྲང་ཡིན། །ཕྱག་ཆེན་ཉམས་ལེན་མ་བྲལ་བར། །བསྐྱེད་རིམ་མོས་གུས་སྙིང་རྗེ་དང་། །གཏུམ་མོ་སྒྱུ་ལུས་འོད་གསལ་དང་། །བསྔོ་བ་སྟན་ཐོག་གཅིག་ཉིད་དུ། །ཐུན་གཅིག་ལ་ཡང་ཡོངས་རྫོགས་པ། །འདས་དང་མ་བྱོན་ད་ལྟར་གྱི། །བཀའ་རྒྱུད་རྣམས་ཀྱི་ཉམས་ལེན་མཐིལ། །འདི་ཉིད་ཡིན་པ་ཡང་སྙམ་པའི། །འཕྲིགས་གཅིག་བདག་གི་

― KMC014_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ལ་ཚུད། །འགལ་བར་གྱུར་ན་བཟོད་པར་བཞེས། །རྩ་ཚིག་གོང་གི་རྒྱུད་ཚིག་དང་། །བདེ་མཆོག་ངེས་བརྗོད་བླ་མ་ལས། །རང་རིག་འགག་མེད་ཆོས་རྣམས་ནི། །ནམ་མཁའ་ལྟ་བུར་དྲི་མ་མེད། །སྟོང་ཉིད་ཡེ་ཤེས་རྡོ་རྗེ་ཡིས། །སྟོང་ཉིད་རྟག་ཏུ་བསྒོམ་པར་བྱ། །ཞེས་གསུངས་སྡོམ་པ་འབྱུང་བ་ལས། །ཡེ་ཤེས་འདི་ནི་རང་རིག་པ། །ངག་གི་སྤྱོད་ཡུལ་ལས་འདས་ཤིང་། །ཀུན་མཁྱེན་ཡེ་ཤེས་དེ་ཡི་དངོས། །རྨད་དུ་བྱུང་བའི་རྣམ་པར་སྐྱོས། །སྲིད་པ་ཐམས་ཅད་དངོས་མེད་མཉམ། །ཞེས་གསུངས་རྡོ་རྗེ་མཁའ་འགྲོ་ལས། །ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ནི་མཚན་ཉིད་མེད། །ཁམས་གསུམ་པོ་ནི་མ་ལུས་པ། །འགྲོ་ཀུན་སྒྱུ་མ་ལྟ་བུ་ཡིན། །འགྲོ་བ་དམིགས་སུ་མེད་པའོ། །མཐོང་བ་དང་ནི་རེག་པའི་དངོས། །ཐམས་ཅད་སྒྱུ་མ་ཇི་བཞིན་ནོ། །ཞེས་གསུངས་པ་ཡི་དོན་ཡིན་ནོ། །བདེ་མཆོག་བསྐྱེད་རྫོགས་ཟུང་འཇུག་གི །

― KMC014_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་ལེའུ་བདུན་པའོ།། །།དང་པོ་བསྐྱེད་རིམ་རྟགས་ཐོན་བསྙེན་སྒྲུབ་ཐེམ། །དེ་ནས་ཐུན་མོངས་ལས་ཚོགས་སྒྲུབ་པའམ། །མཆོག་ཉིད་འདོད་པས་རྫོགས་རིམ་སྒོམ་པ་ནི། །བླ་མེད་རྒྱུད་སྡེ་ཀུན་གྱི་དགོངས་པ་ཡིན། །སྔགས་ཀྱི་རྣལ་འབྱོར་པ་ལ་རིགས་གཉིས་ཏེ། །བྱང་ཆུབ་སྒྲུབ་ལ་རིང་དང་མི་རིང་གཉིས། །བྱང་ཆུབ་ཐོབ་ལ་འདོད་ཐག་མི་ཉེ་ན། །ཐུན་མོངས་དངོས་གྲུབ་བསྒྲུབས་ནས་ལོངས་སྤྱོད་ཅིང་། །རིམ་གྱིས་བྱང་ཆུབ་བསྒྲུབ་པས་ཆོག་པ་ཡིན། །ལུས་རྟེན་འདི་ལ་སངས་རྒྱས་ཐོབ་འདོད་པས། །ཐུན་མོངས་ལས་ཚོགས་བཀོལ་བའི་ལོང་མེད་པས། །རྩེ་གཅིག་མཆོག་སྒྲུབ་ཉིད་ལ་དྲིལ་དགོས་ཕྱིར། །བརྒྱུད་པ་འདི་ལ་ལས་ཚོགས་ཆེར་མི་དར། །རྫོགས་རིམ་ལས་ཚོགས་རླུང་དང་ལྟ་སྟངས་ཀྱིས། །བསད་དང་གསོ་དང་བསྐྲད་དང་འགུགས་པ་སོགས། །ལྷ་ཚོགས་བྱ་ཚུལ་རྒྱུད་ལས་གསལ་མོད་ཀྱིས། །གྲུབ་པ་མ་ཐོབ་པ་ཡི་གང་ཟག་གིས། །དེ་

― KMC014_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

དག་བྱ་བར་འདོད་པ་འཁྲུལ་པའི་བློ། །དེ་བཞིན་བུམ་པ་མཆིལ་ལྷམ་རལ་གྲི་སོགས། །ཐུན་མོངས་དངོས་གྲུབ་གྲུབ་ཆེན་བརྒྱད་པོ་ཡང་། །སྙིགས་མའི་དུས་སུ་འགྲུབ་པར་མ་གསུངས་སོ། །རབ་ལ་མཆོག་དང་འབྲིང་ལ་གྲུབ་ཆེན་བརྒྱད། །ཐ་མ་བཞི་སོགས་ལས་བཞིར་གསུངས་པ་སྟེ། །ལས་བཞི་ཕྲན་ཚོགས་དེང་སང་འགྲུབ་པར་འདོད། །དེ་ཡང་སྔོན་དུ་བསྙེན་བསྒྲུབ་རྟགས་ཐོན་དགོས། །བསྙེན་སྒྲུབ་མེད་པར་ལས་ཚོགས་བྱེད་པ་ན། །དོན་མི་འགྲུབ་པས་ལྷ་དང་གདམས་པ་སྨོད། །དམ་ཚིག་སེལ་ཞུགས་རང་ཉིད་ངན་འགྲོའི་རྒྱུ། །དེ་དོན་བདེ་མཆོག་སྡོམ་པ་འབྱུང་བ་ལས། །སྔོན་དུ་བསྙེན་པ་མེད་པར་ལས། །དེ་ནི་དོན་མེད་ཡོངས་སུ་ངལ། །གསུངས་པའི་དོན་དེ་གོ་བ་ཤིན་ཏུ་གཅེས། །བདེ་མཆོག་ལྷ་ལྔའི་རྒྱ་གཞུང་ལས། །ལག་མཆོད་ཚེས་བཅུའི་མཆོད་པ་གཉིས་གསུངས་པ། །འདི་ནི་ལས་ཚོགས་གཙོ་བོ་མཆོག་ཡིན་ཏེ། །སྒྲུབ་བརྩོན་

― KMC014_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རྫོགས་ལྡན་པའི་གང་ཟག་ཕལ། །ཨོ་རྒྱན་ལ་སོགས་གནས་ཡུལ་བགྲོད་པ་ཡི། །ནུས་པ་མེད་ཀྱང་དཔའ་བོ་མཁའ་འགྲོ་མཆོད། །ཡར་མར་མཁའ་འགྲོ་རྒྱུ་བའི་ཚེས་བཅུ་ལ། །མཆོད་ན་འདི་དང་མ་འོངས་སྐྱེ་བ་ཀུན། །བསོད་ནམས་ལོངས་སྤྱོད་རྒྱས་པའི་ལས་ཚོགས་མཆོག །དེ་ཕྱིར་ནཱ་རོ་ཡབ་སྲས་རྣམས་ཀྱིས་ཀྱང་། །ཚེས་བཅུའི་མཆོད་པ་མ་ཆགས་རྒྱུན་དུ་བཟུངས། །བྱ་ཚུལ་ཚེས་བཅུར་བདག་མདུན་བུམ་གསུམ་དང་། །ཚོགས་གཏོར་མཆོད་པ་གཟབ་ནས་ཕུལ་བས་འཐུས། །ལག་མཆོད་ཆོ་ག་འདི་ལ་བསྡུས་པ་འབྱར། །མཆོག་གི་སྤྲུལ་སྐུས་སབ་པ་ཞིག་ཀྱང་མཐོང་། །རྒྱས་འདོད་ཕག་མོའི་ལག་མཆོད་སབ་ཀྱང་ཆོག །མ་སབ་ན་ཡང་ཆད་པའི་སྐྱོན་ནི་མེད། །དེ་ཕྱིར་ལག་མཆོད་སབ་སྲོལ་མ་འཇགས་སོ། །ངེས་པར་བཟའ་བཏུང་འཕེལ་འདོད་ན། །འདས་གཏོར་ནང་དུ་ཟས་སྣའི་ཕུད། །འབྲུ་སྣ་རིན་ཆེན་སྣ་ཚོགས་ཕྱེ། །བཏབ་སྟེ་གཏོར་མ་བསྔོ་

― KMC014_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བྱ། །མཆོད་པའི་ལྷ་མོ་དཔག་མེད་ཀྱིས། །གང་འདོད་ལོངས་སྤྱོད་དཔག་མེད་པ། །ལྷ་ཚོགས་རྣམས་ལ་མཆོད་པར་དམིགས། །ལྷ་ལྔ་སོ་སོའི་སྔགས་འཇུག་ཏུ། །ན་ན་ཁ་དྷེ་པུཥྚིཾ་ཀུ་རུ་སྭཱ་ཧཱ།༔ ཅི་ནུས་བཟླས་པས་ཟས་སྐོམ་འདུ། །ལྷ་ལྔ་སོ་སོའི་སྔགས་མཇུག་ཏུ། །བ་སུ་པུཥྚིཾ་ཀུ་རུ་སྭཱ་ཧཱ། །བཏགས་བཟླས་ནོར་དང་ལོངས་སྤྱོད་འདུ། །བསོད་ནམས་གནས་ཆེན་བགྲོད་དང་མཉམ། །དེ་དོན་བདེ་མཆོག་སྡོམ་འབྱུང་ལས། །གནས་སོགས་འགྲོ་བར་མི་ནུས་ན། །ཕྱི་ཡི་རྣལ་འབྱོར་མ་མཆོད་བྱ། །རང་གི་ཁྱིམ་དུ་རྣལ་འབྱོར་མ། །མཆོད་དེ་སྔོན་དུ་བསྙེན་སོགས་བྱ། །མར་ངོ་ཡི་ནི་ཚེས་བཅུའམ། །ཡར་ངོ་ཡི་ནི་དེ་བཞིན་ཏེ། །ཁྲུས་དང་གཙང་སྦྲ་སོགས་ལྡན་པས། །དད་པའི་སེམས་ཀྱིས་སྤྱན་དྲངས་ཏེ། །རང་གི་ཁྱིམ་དུ་ཤར་བསྟན་པར། །ཡང་དག་གནས་པས་ལྷ་མོ་མཆོད། །ཅེས་གསུངས་ཁྲག་འཐུང་མངོན་འབྱུང་ལས། །རྟག་ཏུ་རྣལ་འབྱོར་

― KMC014_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་ལ། །མཆོད་པས་དབུལ་པོར་མི་འགྱུར་རོ། །ཞེས་གསུངས་རྣལ་འབྱོར་མ་ཡི་ཀུན་སྤྱོད་ལས། །དགུན་ཟླ་འབྲིང་པོ་ལ་སོགས་པའི། །ཚེས་བཅུ་ལ་ནི་དད་པས་མཆོད། །སྐྱེ་བོ་དམ་པ་ཀུན་འདུས་ལ། །བདེ་བ་ཐམས་ཅད་དབུལ་བར་བྱ། །དེར་ནི་བཤོས་རྣམས་བཟའ་བར་བྱ། །ལྷག་མ་སྣོད་དུ་བཞག་པར་བྱ། །དེ་ཡི་ལག་ཏུ་འོང་བའི་དཔལ། །གང་གིས་ཀྱང་ནི་གཞོམ་མི་ནུས། །དེ་ནི་སྐྱེ་བོ་དད་ལྡན་རྣམས་ཀྱིས་མཆོག །ཧེ་རུ་ཀ་དཔལ་མངོན་པར་དགྱེས་གྱུར་ནས། །ཀུན་ཏུ་དགྱེས་པས་མཆོག་ནི་སྩོལ་འགྱུར་ཏེ། །གང་ཕྱིར་མཆོག་ནི་དེ་ཡི་ལག་ན་གནས། །ཅེས་གསུངས་དེ་བཞིན་ཧེར་ཀ་མངོན་འབྱུང་ལས། །ཤ་དང་ཆང་དུ་ལྡན་པ་ཡི། །སྟོན་མོ་སྣ་ཚོགས་ཀྱིས་ནི་འགྲུབ། །སྐལ་ལྡན་མཛའ་བའི་ལོངས་སྤྱོད་ཀྱིས། །ཚེ་འདིར་དམ་པ་འགྲུབ་པར་འགྱུར། །ཅེས་གསུངས་མཆོག་དང་ཐུན་མོང་གི །དངོས་གྲུབ་སྒྲུབ་པའི་ལས་ཚོགས་ཡིན། །རང་ཉིད་

― KMC014_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་མཆོག་ལྷ་ལྔའམ། །ལྷན་སྐྱེས་ཡབ་ཡུམ་གསལ་བསྒོམ་ལ། །རང་གི་ལུས་ལ་གོ་ཆའི་སྔགས། །བདག་བསྐྱེད་མཇུག་ནས་འབྱུང་བཞིན་བསྒོམ། །ངག་ཏུ་བཟླ་བཞིན་སོང་བ་ན། །ལམ་དགྲ་ཇག་རྐུན་གཅན་གཟན་གྱི། །འཇིགས་པ་ཀུན་གྱིས་ཚུགས་མི་འགྱུར། །གལ་ཏེ་ཚོམ་རྐུན་ལ་སོགས་ཀྱིས། །རང་ལ་འཚེ་ཞིང་རྡེག་པའི་ཚེ། །རྐང་པས་བརྡེག་པར་མི་བྱ་ཞིང་། །ལག་པས་རེག་སོགས་ལན་བྱས་པས། །རབ་ཀྱི་ཁོ་ནི་རེངས་བའམ། །ཐ་ནའང་སྟོབས་ཉམས་ཕམ་པར་འགྱུར། །གལ་ཏེ་ཁོ་ཉིད་ལུས་རེངས་ནས། །འགྲོ་བར་མ་ནུས་བབ་གཏོང་ན། །རྐང་བསྣུན་སྔགས་བཟླས་གྲོལ་བར་འགྱུར། །བགྲོ་གླེང་ཁ་ཤག་ལ་སོགས་དུས། །བསྐྱེད་རིམ་གོ་ཆ་གསལ་བཏབ་ནས། །སྔགས་ནི་ཤུབ་བུར་བཟླ་བཞིན་དུ། །ཁོ་ཡི་ངོ་ལ་འབུར་ཚུགས་སུ། །བལྟས་པས་ཁོ་ཡི་ཚིག་འཕྲོག་འགྱུར། །གོ་ཆའི་སྔགས་ཀྱི་ལས་ཚོགས་སུ། །རྩ་བའི་རྒྱུད་ཀྱི་

― KMC014_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པ་ཡིན། །ས་ཕྱོགས་གཙང་ཞིང་དབེན་པའི་གནས་ཉིད་དུ། །བྱིན་རླབས་ལྡན་པའི་རྟེན་དང་མཆོད་པ་བཤམ། །ཤ་ཆང་སྒོག་གཙོང་སྤངས་ལ་ཁྲུས་བྱས་ནས། །ཧཱུྃ་དྷཱིས་སྔགས་པའི་ཀུ་ཤ་གཙང་མ་བཏིང་། །མལ་འོག་ས་ལ་བདུད་རྩི་ལྔས་བྱུག་གསུངས། །མ་འཛོམ་བདུད་རྩི་རིལ་བུ་བཏབ་པ་ཡི། །ནང་མཆོད་ས་ལ་བཏབ་པས་ཆོག་པ་ཡིན། །ཡི་དམ་མཁའ་འགྲོ་རྣམས་ལ་གསོལ་བཏབ་ནས། །བྱ་བ་འདི་ཉིད་འགྲུབ་དང་མི་འགྲུབ་དང་། །ལེགས་ཉེས་ཅིའང་སྟོན་ཅེས་དམོད་བོར་ནས། །ཡིག་བདུན་བརྒྱ་རྩ་ཡན་ཆད་ཅི་འགྲུབ་བཟླ། །རང་ཉིད་བདེ་མཆོག་ལྷ་ལྔའི་སྐུར་གསལ་བའི། །སྐུ་ལས་འཁོར་གྱི་མཁའ་འགྲོ་མ་བཞིའི་ཚོགས། །གྲངས་མེད་སྤྲོས་པས་འཇིག་རྟེན་གསུམ་དང་འདྲེས། །འོད་ཞུ་ཚུར་འདུས་རྣ་བུག་གཡོན་ནས་ཞུགས། །ཐུགས་ཀའི་ཧཱུྃ་ཐིམ་སྣོད་བཅུད་འོད་དུ་ཞུ། །རང་ལ་ཐིམ་ཞིང་སྟོང་པར་བསྡུས་ཏེ་ཉལ། །དོན་རྣམས་གང་ཡིན་རྨི་

― KMC014_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ཡུལ་དུ་སྟོན། །ཡང་ན་རང་ཉིད་ལུས་དཀྱིལ་གསལ་བར་བསྒོམ། །འདོད་དོན་ཡིད་ལ་བསྒོམས་ནས་ཉལ་བས་ཆོག །ཡང་ན་སྤྱི་བོ་དཔྲལ་བ་མིག་གཉིས་དང་། །ཁ་དང་ཕྲག་པ་སྙིང་ཁར་ཟླ་བའི་སྟེང་། །ཡིག་བདུན་ཡིག་འབྲུ་རེ་རེ་ཁ་དོག་དཀར། །འོད་ཀྱིས་འཇིག་རྟེན་གསལ་བསྒོམས་ཉལ་བས་ཆོག །སློབ་དཔོན་བྷ་ཝའི་ལྷ་ཡི་བཞེད་པ་ནི། །མིག་དང་རྣ་བ་སྣ་དང་ལྕེ་དང་ལུས། །ཡིད་དང་དྲུག་ལ་ༀ་ཡིག་ནས་བཟུང་སྟེ། །ཡི་གེ་དྲུག་དང་ཡིད་ལ་ཧཱུྃ་ཕཊ་བཀོད། །དེ་དག་གྲུབ་ཆེན་སོ་སོའི་རྒྱ་གཞུང་ལུགས། །འབབ་ཆུའི་འགྲམ་གྱི་བྱེ་མ་གཙང་མ་དང་། །ཀུ་ཤ་དག་ལ་བརྒྱ་རྩ་བཟླས་པ་བྱ། །བདུད་རྩི་རིལ་བུ་འདྲེས་པའི་ནང་མཆོད་བྲན། །བྱེ་མ་ཀུ་ཤ་བདལ་སྟེང་རང་འདུག་སྟེ། །སྙིང་གའི་ཧཱུྃ་མཐར་ཡིག་བདུན་འཁོར་བ་ལས། །འོད་ཟེར་ཁ་མིག་རྣ་བ་སྣ་ནས་འཕྲོས། །སེམས་ཅན་ཐམས་ཅད་ཁྱབ་ཅིང་འོད་ཚུར་འདུས། །སྙིང་ཁའི་སྔགས་

― KMC014_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ཐིམ་དམིགས་སྔགས་བཟླ་ཞིང་། །སེངྒེའི་ཉལ་སྟབས་བྱས་པས་རྨི་ལམ་དུ། །བྱ་བ་འགྲུབ་དང་མི་འགྲུབ་རྐྱེན་ཡོད་མེད། །འཆི་འམ་མི་འཆི་ལ་སོགས་གསལ་བར་སྟོན། །ངན་ན་དེ་ཡི་རིམ་གྲོ་ཅིས་ཕན་པ། །སླར་ཡང་བརྟགས་ཤིང་དྲིས་པས་གསལ་བར་གསུངས། །བརྟགས་ཐབས་གཅིག་གིས་གསལ་བར་མ་གྱུར་ཀྱང་། །བརྟགས་ཐབས་འདྲ་མིན་མང་ཞིག་བྱས་པས་གསལ། །འདི་དག་རྒྱུད་ཀྱི་དགོངས་པ་འཁྲུལ་མེད་སྟེ། །རྒྱ་འགྲེལ་ཆེན་པོ་རྣམས་ནས་བཤད་པའི་ཕྱིར། །མེད་ཐབས་མེད་པའི་ལས་ཚོགས་གལ་ཆེན་ཡིན། །དཔྱད་མ་ཐེངས་དང་མ་གསལ་ངེས་པ་མེད། །གསལ་ཆ་བྱུང་ན་བསླུ་བ་མི་སྲིད་དོ། །ཅི་ཕྱིར་ཡེ་ཤེས་ལྷ་ནི་ཡིན་ཕྱིར་རོ། །རང་གི་ལག་མཐིལ་གཡོན་དུ་ཟླ་དཀྱིལ་དབུས། །འཁོར་ལོ་དཀར་པོ་ཁ་དོག་ཤིན་ཏུ་འཚེར། །རྩིབས་ལྔར་ཧྲཱིཿཧ་ཧ་ཧཱུྃ་ཕཊ་ཡིག་འབྲུ་ལྔ། །ལྟེ་བར་ༀ་ཧཱུྃ་བར་དུ་བསྲུང་བྱའི་མིང་། །གསལ་བར་བསྒོམས་

― KMC014_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ལག་གཡོན་ནད་པར་བསྟན། །དེ་ཡི་འོད་ཀྱིས་ནད་པའི་ནད་དང་གདོན། །ལུས་ལས་ཕྱུང་ནས་སང་སང་ཕྱིར་ཐོན་བསྒོམ། །རང་ཉིད་བདེ་མཆོག་ང་རྒྱལ་བསྐྱེད་བཞིན་དུ། །ཡིག་འདུན་མཐའ་ལ་འདི་བཏགས་སྟོང་ཕྲག་བཟླས། །ནད་གདོན་སརྦ་ཤནྟིཾ་ཀུ་རུ་སྭཱ་ཧཱ། །འདི་ནི་དཔལ་ཆེན་རྒྭ་ལོའི་བཞེད་པ་ལགས། །ཡང་ན་ལག་གཡོན་ཉི་མའི་དཀྱིལ་འཁོར་དབུས། །ཧཾ་ཡིག་མཐའ་རུ་ཡིག་བདུན་སྔགས་ཀྱིས་བསྐོར། །དེ་ནང་ནད་པའི་མིང་སྲེལ་སྔགས་བཅས་པ། །བྲི་འམ་ཡིད་ཀྱིས་བསྒོམ་པས་ཆོག་པ་སྟེ། །སྔགས་ཀྱི་ཁ་དོག་ཤེལ་གྱི་མདོག་ལྟར་བསམ། །སྔགས་སྟོང་བཟླས་ཤིང་ནད་པར་བྱབ་ཚུལ་བྱ། །དེ་ཡིས་ནད་ལས་གྲོལ་བ་ལུགས་གཅིག་ཡིན། །ཡང་ན་ལག་གཡོན་སྟོན་ཟླའི་དཀྱིལ་འཁོར་དབུས། །ཕྱོགས་བཞི་དབུས་ལྔར་རེའུ་མིག་ལྔ་ཡི་ཚུལ། །མཚམས་བཞི་དང་བཅས་རེའུ་མིག་དགུ་ཡིན་ཏེ། །དབུས་ༀ་ཤར་ཧྲཱིཿལྷོར་ཧ་ནུབ་ཏུ་

― KMC014_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ཧ། །བྱང་ཧཱུྃ་མཚམས་བཞིར་ཕའམ་ཕཊ་རེ་བཀོད། །ཡི་གེ་ཤེལ་མདོག་འོད་དཀར་འཕྲོ་བ་ཡི། །འཁོར་ལོའི་དབུས་དེར་ནད་པ་ཡོད་པར་བསམ། །ལག་གཡོན་འཁོར་ལོ་ཁོ་ཡི་མགོར་བཞག་པས། །བདུད་རྩིར་རྒྱུན་བབས་ཁོའི་ལུས་རྣམས་གང་། །དུག་དང་ནད་རིམས་གདོན་སོགས་ཐམས་ཅད་དག །དུག་མེད་ནད་མེད་བདེ་བས་ལུས་རྒྱས་བསམ། །སྔགས་ཀྱི་འོད་ཀྱིས་དུག་དང་ནད་ཕྱུང་སྟེ། །ཕྱོགས་བཅུ་ནམ་མཁའི་མཐར་གྱིས་ཡལ་བར་བསྒོམ། །དེ་དག་ནད་པའི་དྲུང་ན་བྱ་བ་སྟེ། །བསྐྱེད་རིམ་བརྟན་ནས་རྒྱང་ནས་བྱ་ཡང་རུང་། །སྦྱར་བའི་དུག་དང་ཁྱི་སྨྱོན་སྦྲུལ་གྱི་དུག །ནད་རིམས་རྗེད་བྱེད་གཟའ་དང་ལྷོག་པ་དང་། །མཛེ་སོགས་ནད་གདོན་ཐམས་ཅད་སེལ་བར་བཤད། །ཡང་ན་ནད་པའི་སྙིང་དབུས་རྣམ་ཤེས་ནི། །ཐིག་ལེ་དྲི་མེད་ཤེལ་མདོག་མཐེ་བོང་ཙམ། །བསྒོམ་ཞིང་སྙིང་པོ་སྤེལ་ཚིག་ཅན་བཟླས་པས། །ནད་ལས་གྲོལ་བ་རྒྱ་འགྲེལ་

― KMC014_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལས་བཤད། །སྲུང་སྐུད་སྔགས་མར་སྔགས་ཆུ་ས་སྔགས་སོགས། །སྭ་བྷཱ་ཝ་ཡི་སྔགས་ཀྱིས་སྟོང་པར་སྦྱང་། །པད་ཉིར་ཧཱུྃ་ལས་བདེ་མཆོག་ལྷ་ལྔ་བསྐྱེད། །ཡིད་ཀྱིས་སྤྱན་དྲངས་བསྟིམ་ཞིང་མཆོད་བསྟོད་བསམ། །ལྷ་ལྔ་སོ་སོ་སྔགས་ཀྱི་ཤམ་བུ་རུ། །ནད་གདོན་སརྦ་ཤཱནྟིཾ་ཀུ་རུ་སྭཱ་ཧཱ། །ཅེས་བཏགས་ཅི་ནུས་བཟླ་ཞིང་ཕུ་མཆིལ་བཏབ། །ལྷ་རྣམས་འོད་ཞུ་འོད་ཀྱི་གོང་བུར་བསམ། །སྔགས་ཆུ་རྡོ་རྗེའི་ཆུ་རྡུལ་ཕྲ་རབ་དང་། །སྲུང་སྐུད་འོད་ཟེར་ལྔ་ལྡན་སྐུད་པར་བསམ། །དེ་ཡིས་ལས་ཀྱི་རྣམ་སྨིན་མ་ཡིན་པའི། །ནད་གདོན་ཕྲ་མོ་རྣམས་ལ་ཕན་པར་བཤད། །དར་རས་གྲོ་ཤོག་སྲབ་མོ་གང་འཛོམ་ལ། །ཆོས་འབྱུང་དབུས་སུ་པདྨ་འདབ་དྲུག་གི །ལྟེ་བར་ཕཊ་ཡིག་གཉིས་ཀྱི་བར་དུ་ནི། །འཆང་བ་པོ་ལ་རཀྵ་རཀྵ་བྲི། །ནུབ་ནས་བཟུང་སྟེ་འདབ་མ་དྲུག་པོ་ལ། །ༀ་ཧྲཱིཿཧ་ཧ་ཧུཾ་ཧཱུྃ་འབྲུ་རེ་བྲིས། །ཆོས་འབྱུང་ཕྱི་རུ་མུ་ཁྱུད་བཞི་བཀོད་ལ། །

― KMC014_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་མར་གྲི་གུག་སོ་ཕྱིར་བསྟན་པའི་ཕྲེང་། །དེ་རྒྱབ་རྡོ་རྗེ་སྔོན་པོའི་ཕྲེང་བ་དང་། །པདྨ་དམར་པོ་འཁོར་ལོ་དཀར་པོའི་ཕྲེང་། །དེ་རྒྱབ་མེ་རི་ལྔ་ལྡན་གཡོན་བསྐོར་བྲི། །སྭ་བྷཱ་ཝ་ཡི་སྔགས་ཀྱིས་སྟོང་པར་སྦྱང་། །ཧཱུྃ་ལས་ལྷ་ལྔ་ཡིད་ཀྱིས་བསྐྱེད་བསྟིམ་བྱ། ཨརྒྷཾ་སོགས་མཆོད་བསྟོད་པ་ཤོ་ལོ་ཀས་བསྟོད། །ཡིག་བདུན་མཐའ་ལ་ཤམ་བུ་འདི་གཉིས་སྦྱར། །འཆང་པ་པོའི་ནད་གདོན་སརྦ་ཤཱནྟིཾ་ཀུ་རུ་སྭཱ་ཧཱ། །འཆང་པ་པོའི་ཨཱ་ཡུཿཔུཎྱེ་པུཥྚིཾ་ཀུ་རུ་ༀ། །ཅེས་བྲིས་བཟླས་པ་ཅི་ནུས་འབད་བྱས་ཏེ། །ཕུས་གདབ་ལྷ་རྣམས་འོད་ཞུ་འཁོར་ལོར་བསྟིམ། །རྟེན་འབྲེལ་སྙིང་པོ་བརྗོད་ཅིང་མེ་ཏོག་འཐོར། །ལྟེ་བ་མ་ཉམས་ལྟེབས་ལ་ཚོན་སྐུད་བཅིང་། །ལྟེ་བའི་ཡི་གེ་ཚུར་ལ་བསྟན་ཏེ་གདགས། །དེ་ཡིས་གནོད་པ་ཀུན་ལས་སྐྱོབ་པར་བཤད། །སྲུང་བའི་འཁོར་ལོ་གདགས་པའི་ལས་ཚོགས་སྟེ། །ཆོ་གའི་གཞུང་ལྟར་བུམ་ཆོག་བྱེད་པའི་ཚེ། །དམིགས་པ་གསལ་བས་བཟླས་པ་

― KMC014_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

མང་བྱས་ལ། །ལྷ་རྣམས་འོད་དུ་ཞུ་བའི་བྱང་སེམས་ཆུ། །རང་གཞན་ཁྲུས་བྱ་ཁོང་དུ་བཏང་བ་ཡིས། །སྒྲིབ་པ་སྦྱང་ཞིང་བར་ཆད་སེལ་བའི་མཆོག །ཡབ་སྲས་ལ་སོགས་སྐུ་ཡུལ་མཐོ་རྣམས་ཀྱང་། །སྐུ་གྲིབ་རྐྱེན་གྱིས་བསྙུན་པ་ལ་སོགས་དུས། །གྲྭ་སློབ་རྣམས་གྱིས་མེ་ལོང་ངོས་དག་ལ། །སྐུ་གཟུགས་ཤར་ལ་ཁྲུས་གསོལ་བྱེད་སྲོལ་ཡོད། །རང་ཉིད་གཅིག་པུར་བསྒྲུབ་པ་བྱེད་ཚེ་ཡང་། །བུམ་ཆུ་ཆབ་རིལ་ནང་དུ་བླུགས་བྱས་ཏེ། །ཅུང་ཟད་གཏུང་དང་ཆབ་ལེན་སོགས་བྱས་པས། །སྔགས་བཟླས་སྐབས་སུ་ཁ་ནི་ཆུས་བཤལ་བའི། །ཉེས་པ་མི་འབྱུང་འདུལ་ཁྲིམས་མི་འགལ་ཞིང་། །གྲིབ་སོགས་བར་ཆད་སེལ་བའི་གདམས་པ་ཟབ། །དེ་ནི་བུམ་བསྐྱེད་ལས་ཚོགས་ཕྲན་བུ་སྟེ། །ལས་ཚོགས་ཆེ་བ་དབང་དང་བདག་འཇུག་དང་། །ཕྱིར་ཟློག་ལ་སོགས་ཡིན་པ་ཤེས་པར་བྱ། །དེ་དག་ལྷ་ལྔའི་ཕན་བྱེད་ལས་ཚོགས་ཡིན། །གནོད་བྱའི་ལས་ཚོགས་རྒྱུད་

― KMC014_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མ་བཤད་ཀྱང་། །རྒྱུད་སྡེ་རྣམས་ལས་མངོན་སྤྱོད་གསུངས་པ་ནི། །རིགས་སྔགས་ནུས་པ་སྟོན་པའི་ཆེད་ཙམ་ཡིན། །མངོན་སྤྱོད་དངོས་སུ་བྱ་བ་གནང་སྐབས་མེད། །དེ་དོན་དུས་འཁོར་རྒྱུད་ལས་གསུངས་པའི་ཕྱིར། །བརྒྱུད་པ་འདི་ལ་ཕྱག་ལེན་འདེབས་སྲོལ་མེད། །དེ་སྐད་སློབ་དཔོན་རྣམས་ཀྱི་གསུང་ལས་ཐོས། །རྒྱུད་སྡེ་རྣམས་སུ་གང་ནས་བཞུགས་འདུག་པ། །ཉེས་པའི་གཞིར་འགྱུར་དོགས་པས་མ་སྤྲོས་སོ། །ལྷ་ལྔའི་ལས་ཚོགས་ལེའུ་བརྒྱད་པའོ།། །།ཞི་རྒྱས་དབང་དྲག་ལས་བཞི་སྒྲུབ་པའི་ཐབས། །གཙོ་བོ་སྦྱིན་སྲེག་ཡིན་པར་རྒྱུད་ལས་གསལ། །དེ་ཕྱིར་ནཱ་རོ་ལྷ་ལྔའི་རྒྱ་གཞུང་ལས། །ལས་བཞིའི་སྦྱིན་སྲེག་བྱ་ཚུལ་རྒྱས་པར་གསུངས། །དེ་ཉིད་ཆོ་ག་འདི་དང་སྦྱར་བའི་ཚུལ། ། མི་བསྐྱོད་རྒྱལ་བས་ལས་བཞིའི་སྦྱིན་སྲེག་ནི། །ཚིགས་སུ་བཅད་དེ་མཛད་པ་དེ་ཉིད་དམ། །ཡང་ན་ལས་བཞིའི་སྦྱིན་སྲེག་གང་རུང་ཞིག །བྱ་ཚུལ་ལེགས་པར་ཤེས་

― KMC014_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གང་ཟག་དེས། །རྒྱས་པར་གཞུང་ནས་གསུངས་ལྟར་བྱ་བ་སྟེ། །ལྔ་སེར་རྣལ་འབྱོར་མ་བརྒྱད་པིཥྚ་སོགས། །དེ་དག་རྣམས་དང་གདོང་ནི་མ་ཐུག་བྱ། །ས་རྒོད་ཡིན་ན་ས་སློང་བྱ་བའི་ཚུལ། །ཐིག་ཚོན་བྱིན་རླབས་དཀྱིལ་ཆོག་ནང་ལྟར། །བསྲེག་རྫས་ཐམས་ཅད་འཛོམ་པར་མ་གྱུར་ན། །གང་འཛོམ་ཙམ་ཞིག་འབུལ་བས་ཆོག་པ་སྟེ། །མ་འཛོམ་པ་ཡི་འབྲུ་སྔགས་བརྗོད་མི་དགོས། །ཐ་མ་རྫས་གཅིག་ཁོ་ནས་ཆོག་པ་སྟེ། །མར་ཁུ་ཡམ་ཤིང་གཉིས་ནི་མེད་ཐབས་མེད། །དེ་ཡང་བདུན་ནམ་ཉེར་གཅིག་ཙམ་རེས་ཆོག །འདས་དང་མ་འདས་ལྷ་ཡི་གཏོར་མ་གཉིས། །ངེས་པར་དགོས་ཏེ་ཅོག་རྡོག་ཙམ་རེས་ཆོག །རབ་ལ་རྒྱ་གར་ནས་བྱུང་ཏིལ་ནག་དངོས། །འབྲིང་ནི་ལྡུམ་ཏིལ་ལ་སོགས་ཏིལ་ནག་རིགས། །ཐ་མ་ཡུངས་ནག་ཡུངས་གཞིས་རུང་བ་སྟེ། །བདག་དང་སློབ་མ་ཡོན་བདག་ལ་སོགས་ཀྱི། །སྙིང་དབུས་པཾ་ཡིག་ནག་པོའི་འོད་ཟེར་གྱིས།

― KMC014_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ངག་ཡིད་གསུམ་སྡིག་སྒྲིབ་པཾ་ལ་བསྟིམ། །རྐང་མཐིལ་གཉིས་ནས་ཡཾ་ལས་རླུང་གཡོས་པས། །ལྟེ་འོག་རཾ་ལས་གཏུམ་མོའི་མེ་འབར་བས། །པཾ་ཡིག་སྡིག་པ་རྭ་ཅན་རྣམ་པ་སྟེ། །སྣ་བུག་གཡས་ནས་ཏིལ་ལ་སིབ་སིལ་བསྟིམ། །མེ་ལྷ་བདེ་མཆོག་ལྷ་ལྔའི་ཞལ་དུ་ནི། །ཕུལ་བས་ཡེ་ཤེས་མེ་ཡིས་བསྲེག་པར་བསམ། །བདེ་མཆོག་ལྷ་ལྔ་སོ་སོའི་སྔགས་འཇུག་ཏུ། །བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་སརྦ་པཱ་པཾཾ་ད་ཧ་ན་ཤཱནྟིཾ་ཀུ་རུ་སྭཱ་ཧཱ། ཡང་ན་ཡིག་བདུན་ཁོ་ནར་བཏགས་ཀྱང་ཆོག །ཅི་ཕྱིར་ཡིག་བདུན་གཙོ་འཁོར་ཡོངས་རྫོགས་ཡིན། །ཡང་ན་བདེ་མཆོག་རྡོ་རྗེ་མཁའ་འགྲོ་ཡི། །རྒྱུད་ལས་གསུངས་པའི་སྔགས་འདིས་ཕུལ་ཡང་ཆོག །ༀ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི། །སརྦ་ས་པཱ་པཾ་ད་ཧ་ན་བྷསྨི་ཀུ་རུ་སྭཱ་ཧཱ། །རྡོ་རྗེ་མཁའ་འགྲོ་ཞེས་བྱ་ལྷ་གཞན་མིན། །བདེ་མཆོག་མཚན་གྱི་རྣམ་གྲངས་ཡིན་ཤེས་བྱ། །ལན་གྲངས་བརྒྱ་སྟོང་ལ་སོགས་ཅི་ནུས་

― KMC014_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེག །དེ་རྗེས་གཏོར་མ་ཕུལ་ལ་འདོད་དོན་གསོལ། །སྡིག་སྒྲིབ་སྦྱོང་དང་ཉམས་ཆགས་སྐོང་བའི་ཐབས། །འདི་ལས་ཟབ་པ་གཞན་ན་ཡོད་མ་ཡིན། །ཞག་པོ་བདུན་གཅིག་བདུན་གཉིས་ལ་སོགས་ལ། །ནན་ཆེར་འབད་ནས་ཉམས་དང་རྨི་ལམ་དུ། །སྒྲིབ་པ་དག་པའི་རྟགས་མཚན་འབྱུང་བར་འགྱུར། །དེ་བཞིན་ཡུངས་ཀར་བདུན་བཞག་བྲན་བྱས་ལ། །གནོད་བྱེད་གདོན་བགེགས་འགུགས་བཞུགས་དྲག་བྱས་བསྟིམ། །ཡུངས་འབྲུ་རེ་རེའང་གདོན་བགེགས་དངོས་སུ་དམིགས། །ལྷ་ལྔའི་ཞལ་གདོང་མེ་ནི་འབར་བའི་ནང་། །རྐང་མཐིལ་སྐྱ་དང་ལྷག་ལྷག་སོང་བར་དམིགས། །ལྷ་ལྔ་སོ་སོའི་རྩ་སྔགས་མཇུག་ཏུ་ནི། ༀ་སརྦ་ཨརྠ་སིདྡྷི་ཡེ་གནོད་བྱེད་གདོན་བགེགས་སརྦ་ཤཱནྟིཾ་ཀུ་རུ་སྭཱ་ཧཱ། །དེ་བཞིན་གྲོ་ནི་མདུན་བཞག་བྲན་བྱས་ལ། །བདེན་པའི་སྟོབས་བརྗོད་རང་དང་བསྲུང་བྱ་ཡི། །ནད་ཀུན་གྲོ་ལ་བཀུག་ཅིང་ཐིམ་པར་དམིགས། །ལྷ་ལྔ་

― KMC014_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོའི་རྩ་སྔགས་ཤམ་བུ་རུ། ༀ་བཛྲ་གྷསྨ་ཡ་ནད་སརྦ་ཤཱནྟིཾ་ཀུ་རུ་སྭཱ་ཧཱ། །དེ་ནི་ཞི་བའི་ལས་ཚོགས་རིགས་གསུམ་ཡིན། དེ་ནས་རྒྱས་པའི་སྦྱིན་སྲེག་གཞུང་ལྟར་ལས། །དཱུརྺ་ཁོ་ན་སྔགས་དང་བཅས་པས་འབུལ། །ལྷ་སྔགས་འབྲུ་སྔགས་གཉིས་ཀའི་ཤམ་བུ་ནི། །ཚེ་ཕུན་སུམ་ཚོགས་པ་པུཥྚིཾ་ཀུ་རུ་ༀ། །དེ་བཞིན་འབྲས་ཀྱིས་བསོད་ནམས་རྒྱས་པ་དང་། །སོ་བས་ནོར་དང་འབྲུ་རྣམས་རྒྱས་པ་དང་། །ཤིང་ཐོག་རིགས་བརྒྱུད་འཁོར་འདབ་རྒྱུས་པ་རྣམས། །རྫས་གཅིག་ལ་བརྟེན་རྒྱས་པའི་ལས་ཚོགས་ཡིན། །དེ་བཞིན་ཟས་མཆོག་ཁོ་ན་བསྲེག་པ་ལ། །ལྷ་སྔགས་རྫས་སྔགས་གཉིས་ཀའི་མཇུག་ཏུ་ནི། །བདེ་སྐྱིད་ཕུན་སུམ་ཚོགས་པ་པ་ཝ་ཤཾ་ཀུ་རུ་ཧོ༔ དེ་ཡིས་འདོད་དགུ་དབང་སྡུད་ལས་ཚོགས་ཏེ། །དྲག་པོའི་སྦྱིན་སྲེག་སྤྱི་ལྟར་ཤེས་བྱ་ལ། །ལིང་ཆུང་སྤར་མ་ཤ་དུམ་ཁྲག་ཐིགས་སྦྲགས། །འཛོམ་ན་ཤོག་ལིང་གཏུབས་པའང་དེ་ཡི་གྲངས། །མ་འཛོམ་ཟན་ལིང་

― KMC014_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་གཅིག་བྱས་ལ། །འགུགས་གཞུགས་ཉུང་ངུ་བརྒྱ་རྩ་སོགས་ཀྱིས་བསྟིམ། །སྙིང་ཁར་ཕུར་པ་བཏབ་ནས་བསྒྲལ་བྱས་ཏེ། །མི་བསད་མཚོན་གྱིས་རྐང་པ་གཡོན་ནས་གཏུབས། །ཟན་དུམ་རེ་དང་ཤ་དུམ་ཁྲག་ཐིགས་སྦྲགས། །འཛོམ་ན་དུག་རིགས་ཚ་དང་སྒོག་པའང་བཏབ། །འདི་སྐབས་འགུགས་གཞུག་ཕུར་འདེབས་དམིགས་པ་ནི། །ལྷ་ལྔ་འདི་ཡི་ལས་བཞིའི་སྦྱིན་སྲེག་ནི། །བརྒྱད་པ་ཉིད་ཀྱིས་མཛད་པའི་གཞུང་ན་གསལ། །ལྷ་ལྔ་སོ་སོའི་རྩ་སྔགས་མཇུག་ཏུ་ནི། །སྤྱི་ལ་གནོད་བྱེད་དགྲ་བགེགས་ཞེས་བྱ་སྟེ། །བྱད་ཁ་ཆེ་ན་གནོད་བྱེད་བྱད་མ་དང་། །ཤི་སྒབ་གཅོད་ན་ཟ་འདྲེ་ཤི་གཤེད་དང་། །སྲེའུ་གསོ་ན་གནོད་བྱེད་ཆུང་སྲི་དང་། །གོད་ཁ་གཅོད་ན་གནོད་བྱེད་གོད་འདྲེ་སོགས། །མིང་མཐར་གནོད་བྱེད་མཱ་ར་ཡ་ཕཊ་སྦྱར། །གཙོ་བོ་ལ་ནི་བརྒྱ་རྩ་བརྒྱད་འབུལ་ཞིང་། །ཡུམ་ལ་རེ་བཞིའམ་ནི་ཉེར་གཅིག་ཙམ། །འཁོར་ལ་ཉེར་གཅིག་གམ་

― KMC014_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་བདུན་རེས་ཆོག །གཏོར་མ་ཕུལ་རྗེས་འདོད་གསོལ་དམོད་བཅོལ་བྱ། །དེ་ཡན་ཡབ་སྲས་ལ་སོགས་རང་ལུགས་ཀྱི། །བཤེས་གཉེན་ཀུན་གྱི་ཕྱག་ལེན་རྒྱུན་བཞེས་ལགས། །དེ་ནས་རྒྱུད་ནས་བཤད་པའི་མན་ངག་ནི། །བདུད་རྩི་རིལ་བུ་བཏབ་པའི་ཆང་ངམ་གླུམ། །དེ་ནང་ཉ་ཤའི་ཕྱེ་མ་བཏབ་བྱས་སྟེ། །འབྲུ་སྔགས་མེད་དེ་ལྷ་ལྔའི་རྩ་སྔགས་འཇུག །སརྦ་ལོ་ཀ་ཝ་ཤཾ་ཀུ་རུ་ཧོ༔ ཉིན་མོ་བསྙེན་ཅིང་མཚན་མོ་སྦྱིན་སྲེག་བྱ། ཞག་བདུན་འབད་ན་རྒྱལ་པོའང་དབང་དུ་འགྱུར། །དེ་མིན་ལན་བདུན་ཙམ་ཞིག་བླུག་པ་ན། །རྒྱལ་ཕྲན་བློན་པོ་རྣམས་ཀྱང་དབང་དུ་འགྱུར། །གསུམ་ཙམ་བླུགས་པས་ཐ་མལ་པ་འདུ་ཞིང་། །ལར་གྱིས་འདི་བླུགས་དངོས་གྲུབ་རྒྱ་ཆེན་འབྱུང་། །ཆང་གི་གླུམ་མམ་ཟན་ཆང་མང་ཞིག་ལ། །བ་ལང་ཤ་ནི་མང་དུ་གཏུབས་ལ་བསྲེ། །གོང་གི་སྔགས་ཀྱིས་སྦྱིན་སྲེག་བརྒྱ་རྩ་བླུགས། །ཟླ་བ་གསུམ་མམ་ཡང་ན་དྲུག་ནས་ནི། །ཕྱོགས་ཀུན་

― KMC014_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་འདུ་ལོངས་སྤྱོད་ཕུན་སུམ་ཚོགས། །དེ་སོགས་རྒྱུད་ལས་རྒྱ་ཆེར་གསུངས་མོད་ཀྱི། །ཉེར་མཁོ་ལག་ཏུ་ལོན་ངེས་དེ་ཙམ་མོ། །ལྷ་ལྔའི་སྦྱིན་སྲེག་ལེའུ་དགུ་པའོ།། །།བདེ་མཆོག་སྡོམ་པ་འབྱུང་བ་ལས། །ཐུན་ནི་ཕྱེད་ཕྱེད་དག་ཏུ་རླུང་། །སྣ་ཡི་བུ་གར་ཡང་དག་རྒྱུ། །ཞེས་སོགས་རྒྱ་ཆེར་གསུངས་པའི་དོན། །བཞེད་པ་མི་མཐུན་མང་ན་ཡང་། །པད་འབྱུང་ཆོས་ཀྱི་དབང་ཕྱུག་གཉིས། །བཞེད་པ་མཐུན་ཕྱིར་འདི་ཡིད་ཆེས། །ཟླ་བ་གང་ཡང་རུང་བ་ཡི། །ཚེས་གཅིག་ནས་བཟུང་ཞག་གསུམ་བར། །ནམ་མཁའ་གསལ་ནས་ཉི་དྲོས་བར། །སྣ་བུག་གཡོན་ནས་རླུང་རྒྱུ་སྟེ། །དེ་ནས་གཡོན་ནས་ཞག་གསུམ་ཡིན། །དེ་ལྟར་བཅོ་ལྔའི་བར་དུའོ། །བཅུ་དྲུག་ནས་བཟུང་ཞག་གསུམ་ལ། །གཡས་ནས་རྒྱུ་ཞིང་དེ་བཞིན་དུ། །གཡས་གཡོན་རེས་མོས་མ་འཆུག་ན། །རང་ལ་བར་ཆད་མེད་པའི་རྟགས། །གཡོན་ནས་རྒྱུ་དུས་གཡས་རྒྱུ་དང་། །གཡས་ན་

― KMC014_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་དུས་གཡོན་རྒྱུ་སོགས། །ཞག་ནི་འགའ་ཟུང་གོ་ལོག་ན། །འཛིང་རྩོད་ཁ་མཆུ་ཁ་སྨྲས་འོང་། །ཞག་ལྔ་དྲུག་སོགས་ལོག་པ་ན། །ཁ་མཆུ་རྩོད་པ་ཆེན་པོ་འམ། །གཏམ་ངན་མྱ་ངན་ཆེན་པོ་འོང་། །ཟླ་བ་ཕྱེད་དུ་གོ་ལོག་ན། །རང་ཉིད་ཚབས་ཆེན་ན་བར་འགྱུར། །ཟླ་བ་གཅིག་ཏུ་ལོག་པ་ན། །སྙིང་འདྲའི་ཉེ་དུ་འཆིའམ་བརླག །ཟླ་བ་ཕྱེད་གཉིས་ལོག་གྱུར་ན། །ཟླ་བ་དྲུག་ན་རང་ཉིད་འཆི། །འདི་ནི་རྒྱུད་ཀྱི་དགོངས་པ་སྟེ། །རྩ་རླུང་བསྒོམས་སམ་མ་བསྒོམས་རུང་། །འདི་ནི་སུ་ཡིས་བརྟགས་ཀྱང་ཐིག །དེ་ལྟར་རླུང་ལྟས་ལོག་གྱུར་ན། །དེ་ཡི་བར་ཆད་ཟློག་པའི་ཐབས། །མན་ངག་གསེར་གྱི་བཀའ་རྒྱ་ཅན། །སྙན་བརྒྱུད་ཡི་གེ་མེད་པ་ནི། །རླུང་ནི་གང་དུ་རྒྱུ་བའི་ཕྱོགས། །འོག་ཏུ་བསྟན་ལ་ལྗིད་ཕབ་ཉལ། །དེ་ཕྱོགས་སྣ་བུག་སྲིན་ལག་བཀག །འོག་ཕྱོགས་མཆན་ཞབས་གོས་ཧྲིལ་ལམ། །ཡང་ན་ལག་གཡས་དམ་དུ་བསྡམ། །ཧྲིང་ཉལ་བརྒྱ་ཙམ་བྱས་པ་ཡིས། །

― KMC014_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་ནི་སོར་ཆུད་རྣལ་མར་རྒྱུ། །ནང་གི་བར་ཆད་དེ་བཟློག་ན། །ཕྱི་ནང་རྟེན་འབྲེལ་གཅིག་པའི་གནད། །ཕྱི་ཡི་བར་ཆད་བཟློག་པར་འགྱུར། །ཤིན་ཏུ་ཟབ་པའི་བཀའ་རྒྱ་ཅན། །རླུང་ལྟས་ཐུགས་དམ་བརྟག་པ་ལ། །རྩ་རླུང་རྟགས་ཐོན་སྦྱངས་པའམ། །བུམ་ཆེན་ཐུན་རེ་མ་ཆགས་པར། །སྒོམ་མཁན་དེ་ཡིས་ཐིག་པར་འགྱུར། །གཞན་གྱིས་བརྟག་ཀྱང་བྱིས་པའི་བློ། །དེ་དོན་སྡོམ་པ་འབྱུང་བ་ལས། །དེ་བས་དེ་ཉིད་རིག་པ་དེས། །མི་དགེ་དགེ་སོགས་ཤེས་པར་བྱ། །ཞེས་སོགས་རྒྱ་ཆེར་གསུངས་པའི་དོན། །ལུང་འདྲེན་བསྐྱུངས་ནས་གོ་བདེར་བརྗོད། །རང་ལ་བརྟག་པ་འདྲི་བ་དང་། །གཡོན་ནས་རྒྱུ་བ་འགྲོག་ན་བཟང་། །ནད་ཞི་ནད་པ་འཚོ་བ་དང་། །བཀྲ་ཤིས་དགེ་བའི་ལས་ཀུན་འགྲུབ། །ངན་པའི་ལས་ནི་མི་འགྲུབ་ལྟས། །བརྟག་པ་ཞུ་དང་གཡས་རྒྱུ་འགྲིག །ནད་པ་འཆི་དང་ནད་མུ་ལངས། །ལེགས་པའི་བྱ་བ་ཀུན་མི་འགྲུབ། །དམག་

― KMC014_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ཇག་ལ་སོགས་དྲག་པོའི་ལས། །ངན་པའི་ལས་ཀུན་འདྲི་ན་འགྲུབ། །བརྟག་པ་ཞུ་དང་མཉམ་རྒྱུ་འགྲིག །བཟང་ངན་གང་འབྱུང་ཐག་མི་ཆོད། །ཐེ་ཚོམ་གནས་སུ་བཤད་པ་ཡིན། །ཞུ་སྐབས་རླུང་ནི་གང་དུ་རྒྱུ། །མ་གྲོལ་བར་དུ་དེར་གནས་པ། །བཟང་ངན་གང་བྱུང་ངེས་པ་ཡིན། །ཞུ་ཚེ་གང་ནས་རྒྱུ་བ་དེ། །དེ་མ་ཐག་ཏུ་འཕོས་གྱུར་ན། །དང་པོ་བཟང་ཡང་རྗེས་ངན་དང་། །དང་པོ་ངན་ཡང་རྗེས་བཟང་དང་། །གང་ཡོང་རིགས་པས་བརྟག་ཤེས་བྱ། །ཡང་ནི་སྡོམ་པ་འབྱུང་བ་ལས། །འཇུག་པ་ཆོས་ཀྱི་སྐུ་ཡིན་ཏེ། །གནས་པ་ལོངས་སྤྱོད་རྫོགས་པའི་སྐུ། །འབྱུང་བ་སྤྲུལ་པའི་སྐུ་ཞེས་བཤད། །འདྲི་བ་པོའམ་རང་གིའང་རུང་། །ཆོས་སྐུ་ཐམས་ཅད་དགེ་བ་སྟེ། །ལོངས་སྤྱོད་རྫོགས་པས་ཐེ་ཚོམ་འགྱུར། །སྤྲུལ་པས་འཐབ་མོར་བསྟན་པའོ། །ཞེས་པའི་དོན་ནི་འདི་ལྟ་སྟེ། །གཞན་གྱིས་བརྟགས་པ་ཞུ་བའམ། །རང་གི་བྱ་བ་སྒྲུབ་འདོད་ན། །རླུང་ནི་ནང་དུ་འཇུག་

― KMC014_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

འཛོམ་ན། །བྱ་བ་གང་ཡང་འགྲུབ་ཅིང་ལེགས། །ཁོག་ཏུ་གནས་འཛོམ་ཐེ་ཚོམ་སྟེ། །ཕྱིར་དབྱུང་དང་འཛོམ་གང་ཡང་ངན། །གོང་གི་གཡས་གཡོན་རྒྱུ་བ་དང་། །འོག་གི་འབྱུང་འཇུག་བཟང་ངན་བསྟུན། །གཉིས་ཀ་བཟང་མཉམ་བཟང་ཐག་ཆོད། །གཉིས་ཀ་ངན་ན་ངན་ཐག་ཆོད། །མ་འགྲིགས་ན་ནི་ཐག་ཆོད་མེད། །གོང་མ་རགས་པའི་བརྟག་པ་དང་། །འོག་མ་ཕྲ་བའི་བརྟག་པ་ཡིན། །ཤིན་ཏུ་ཕྲ་བ་རྣལ་འབྱོར་ཉམས། །སེམས་རྩ་དགའ་སྡུག་འཇམ་རྩུབ་བརྟག །ཕྱི་རོལ་གཟུགས་དང་སྒྲ་སྐད་སོགས། །བཟང་ངན་རྟེན་འབྲེལ་ཡིད་ལ་འཆང་། །དེ་དོན་དགོངས་འདུས་ལ་སོགས་ནས། །རྒྱ་ཆེར་གསུངས་པ་ཤེས་བྱ་སྟེ། །རྣལ་འབྱོར་ཉམས་ལེན་ལྡན་པ་དགོས། །ཕལ་གྱི་སྤྱོད་ཡུལ་མ་ཡིན་ནོ། །བདེ་མཆོག་ལྷ་ལྔའི་རླུང་ལྟས་ཀྱི། །བརྟག་པའི་ལེའུ་བཅུ་པའོ།། །།རླུང་ལྟས་འདི་ཉིད་དབུས་གཙང་གི །རྟོགས་ལྡན་སྒྲུབ་པ་པོ་རྣམས་ལ། །ཀུན་གྱིས་ཞུ་

― KMC014_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོལ་ཡོད་པར་སྣང་། །རང་ལོ་བཅོ་ལྔ་ལོན་ནས་བདེ་མཆོག་བསྙེན། །ལྷ་ལྔ་འདི་ཡང་བསྙེན་པ་ལེགས་པར་ཐེམ། །ལོ་གསུམ་ཙམ་ལ་བདག་བསྐྱེད་ཆགས་མེད་བྱས། །ད་ལྟ་དྲུག་བཅུ་ལོན་པའི་དུས་བར་དུ། །བསྐྱེད་རིམ་དྲན་རྫོགས་གཏོར་བསྔོས་རྒྱུན་ལྡན་ཡིན། །མཆོག་གི་སྤྲུལ་སྐུ་དྲུང་པ་གོང་འོག་སོགས། །མཁས་གྲུབ་བདུན་ལས་དབང་ལུང་ཅི་རིགས་དང་། །གནད་ཀྱི་མན་ངག་ཞལ་ཁྲིད་ཅུང་རེའང་ཐོབ། །རྒྱུད་དང་རྒྱ་གཞུང་འགྲེལ་ཆེན་མང་པོ་མཐོང་། །མཁའ་སྤྱོད་པ་སོགས་རིགས་ཀྱི་བརྒྱུད་པ་དང་། །སྐྱབས་ཡུལ་བླ་མ་ཀུན་གྱི་ཐུགས་དམ་གྱི། །གཙོ་བོར་འདུག་ཕྱིར་བཟློག་མེད་དད་པ་ཐོབ། །མཁས་བཙུན་བཟང་པོའི་གྲགས་པས་ཕྱོགས་འདིར་ཁྱབ། །སྒྲུབ་ཚུགས་བཟང་བས་སྒྲུབ་བརྒྱུད་བསྟན་པའི་རྒྱན། །གུ་རུ་ཀརྨ་སཱ་ག་ར་འཇང་གྲྭ་ཀརྨ་རྒྱ་མཚོ། ཞེས་པས། །མཎྚལ་གྱ་ནོམ་དང་བཅས་རིང་ནས་བསྐུལ། །འོན་ཀྱང་རྣམ་གཡེང་མང་བས་ཡུན་རིང་

― KMC014_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས། །དུས་ཀྱི་རྒྱལ་པོ་དབང་ཆེན་སྤྲེལ་གྱི་ལོ། །སྒྲ་རྒྱལ་འབྲུག་གི་ཟླ་བའི་དམར་པོ་ཡི། །ཚེས་ལྔ་ནས་བཟུང་ཞག་པོ་ལྔ་ཡི་བར། །བདེ་མཆོག་ལྷ་ལྔའི་ཟིན་བྲིས་གོ་བདེ་འདི། །རཱ་ག་ཨ་སྱས་ཐུན་སྐབས་ཐུན་སྐབས་སུ། །ཇི་ལྟར་སྨྲས་བཞིན་བླ་མ་ཡང་དག་གིས། །ལག་པ་རླུང་གི་རྟ་ལ་ཞོན་ནས་བྲིས། །བདེ་མཆོག་ཡབ་ཡུམ་དུས་ཆེན་ཁྱད་པར་ཅན། །དམར་པོའི་ཚེས་བཅུའི་སྔ་དྲོའི་ཆ་ལ་གྲུབ། །ཉེས་འགལ་གང་མཆིས་བདེ་མཆོག་ལྷ་ལ་བཤགས། །དགེ་བས་འགྲོ་ཀུན་བདེ་བ་མཆོག་འགྲུབ་ཤོག །སྟོང་ཉིད་བསྒོམ་དང་བདེ་མཆོག་རྣལ་འབྱོར་པ། །ཉེ་བར་སྐྱོང་མཛད་མགོན་པོ་བྱ་རོག་མཚན། །བསིལ་བ་ཚལ་དུ་བཞུགས་ཁྱེད་སྤྱན་མ་བརྟུལ། །ཆོས་འདི་དར་ཞིང་རྒྱས་པའི་ཕྲིན་ལས་མཛོད། །མངྒ་ལཾ་ཤྲཱི་ཛམྦུ་ཤྲཱི་བ་ཨ་ལངྐ་ར་བྷ་ཝནྟུ། །ཅེས་པ་འདིའི་ཆོས་སྦྱིན་མི་བཟད་སྤེལ་ཕྱིར་༧་རྗེ་དབོན་མཆོག་སྤྲུལ་ཟུང་གིས་འོག་མིན་ཚུར་ཕུའི་གདན་སར་པར་དུ་བསྒྲུབས་པའོ།། ༈ །།མཁོ་རྒུའི་

― KMC014_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཁོར་ལོ་སྡོམ་པ་ལྷ་ལྔའི་སྒྲུབ་ཐབས་ཀྱི་རྣམ་བཤད་ཤིན་ཏུ་བསྡུས་པ་ལས་དང་པོ་པ་ལ་ཉེ་བར་མཁོ་བའི་ཚོགས་ལྡན་འདོད་འཇོའི་བུམ་པ་བཟང་པོ་ལེགས་པར་སྨྲ་བའི་ཟིན་བྲིས།

― KMC014_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཁོར་ལོ་སྡོམ་པ་ལྷ་ལྔའི་སྒྲུབ་ཐབས་ཀྱི་རྣམ་བཤད་ཤིན་ཏུ་བསྡུས་པ་ལས་དང་པོ་པ་ལ་ཉེ་བར་མཁོ་བའི་ཚོགས་ལྡན་འདོད་འཇོའི་བུམ་པ་བཟང་པོ་ལེགས་པར་སྨྲ་བའི་ཟིན་བྲིས་དབུ་ཕྱོགས་བཞུགས་སོ། །

― KMC014_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་སརྦ་ཛྙཱ་དཪྴ་དྷརྨཱ་ཀ་རཱ་ཡ། འདིར་དཔལ་འཁོར་ལོ་བདེ་མཆོག་ནཱ་རོ་ལྷ་ལྔའི་སྒྲུབ་ཐབས་ཀྱི་གོ་དོན་ཤིན་ཏུ་བསྡུས་པ་ཞིག་བཀོད་པ་ལ། ཐོག་མར་ནང་མཆོད་བྱིན་གྱིས་བརླབ་པའི་སྐབས་སུ། བདག་ཉིད་སྐད་ཅིག་གིས་ལྷན་སྐྱེས་ཡབ་ཡུམ་གྱི་སྐུར་བསྐྱེད། ༀ་ཁཎྜ་རོ་ཧེ་སོགས་དུམ་སྐྱེས་མའི་སྔགས་ཀྱིས་བགེགས་བསངས། སྭ་བྷཱ་ཝས་སྟོང་པར་སྦྱང་། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་དང་། རཾ་ལས་མེའི་དཀྱིལ་འཁོར་གྲུ་གསུམ་པའི་སྟེང་དུ་

― KMC014_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ༀ་ཨཱཿཧཱུྃ་ལས་བྱུང་བའི་སྐུ་གསུམ་མཚོན་པའི་ཐོད་པའི་སྒྱེད་བུ་གསུམ་ལ་གནས་པའི་ཆོས་སྐུ་སྐྱེ་བ་མེད་པ་མཚོན་པའི་ཨ་ཡིག་ལས་བྱུང་བའི་ཐོད་པའི་སྣོད་ཡངས་ཤིང་རྒྱ་ཆེ་བའི་ནང་དུ། རྣལ་འབྱོར་མ་ཀུན་སྤྱོད་དང་། མངོན་བརྗོད་དང་། རྡོ་རྗེ་མཁའ་འགྲོའི་ལུགས་གྲུབ་པའི་དབང་ཕྱུག་ནག་པོ་ཞབས་རྗེས་འབྲང་དང་བཅས་པས་བཞེད་པ་ཤ་ལྔ་དང་བདུད་རྩི་ལྔ་བརྩེགས་ནས་འགོད་ཅིང་ཡབ་ལྔ་དང་ཡུམ་ལྔའི་དབྱེ་བ་སོ་སོར་མི་མཛད་པར་ཐུན་མོང་དུ་ཡེ་ཤེས་ལྔ་ཡི་

― KMC014_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པ་སྦྱོར་བའི་ལུགས་དེའང་དབུས་སུ་ཧཱུྃ་ལས་རྡོ་རྗེ་ལྕགས་ཀྱུ་ཆེན་པོ་མིའི་ཤ། ཤར་དུ་ༀ་ལས་རྡོ་རྗེ་ལྕགས་ཀྱུ་བ་ལང་གི་ཤ། བྱང་དུ་ཁཾ་ལས་རྒྱལ་པོའི་ལྕགས་ཀྱུ་གླང་པོ་ཆེའི་ཤ། ནུབ་ཏུ་ཨཱཾ་ལས་གཡོ་བའི་ལྕགས་ཀྱུ་རྟའི་ཤ། ལྷོར་ཏྲཱཾ་ལས་གནས་ཀྱི་ལྕགས་ཀྱུ་ཁྱིའི་ཤ་རྣམས་ཏེ་དངོས་གྲུབ་འགུགས་པར་བྱེད་པས་ན་དེ་ལྟར་གྲགས་སོ། །ཡང་དེ་དག་གི་སྟེང་དུ་དངོས་གྲུབ་གསལ་བར་བྱེད་པའི་སྒྲོན་མེ་ལྔ་ནི། དབུས་སུ་བཱཾ་ལས་རྡོ་རྗེའི་དྲི་ཆུ། ཤར་དུ་ལཱཾ་ལས་རྡོ་རྗེའི་དྲི་ཆེན། ལྷོར་མཱཾ་ལས་རྡོ་རྗེའི་རཀྟ། ནུབ་ཏུ་པཱཾ་ལས་རྡོ་རྗེའི་བྱང་སེམས་དཀར་པོ། བྱང་དུ་ཏཱཾ་ལས་རྡོ་རྗེའི་ཀླད་པ་རྣམས་རང་རང་གི་ས་བོན་གྱིས་མཚན་པར་གྱུར། རླུང་གཡོས་མེ་སྦར་ཐོད་པ་དྲོས། ས་བོན་དང་བཅས་པའི་རྫས་བཅུ་པོ་རྣམས་ཞུ། འཆར་ཁའི་ཁ་དོག་ལྟ་བུ་འོད་འབར་བར་གྱུར་པ་ནི་བདུད་རྩི་སྦྱོང་བའོ། །རླངས་པ་ལས་གྲུབ་པའི་དངུལ་ཆུའི་མདོག་དང་མཚུངས་པའི་ཁ་ཊཱཾ་ག་འོག་

― KMC014_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་ཁ་བལྟ་བ་དེ་ཡང་བདུད་རྩིའི་བཅུད་ཀྱིས་ཆེས་ལྗི་བས་ལྷུང་བའི་རྣམ་པས་བདུད་རྩི་ལ་འདྲེས་པ་ནི་བདུད་རྩིར་རྟོགས་པར་བྱ་བའོ། །ཡང་དེའི་སྟེང་དུ་ཨ་ཨཱ་ཨི་ཨཱི་སོགས་ཨཱ་ཕྲེང་དང་། ཀ་ཁ་ག་གྷ་ང་སོགས་ཀཱ་ཕྲེང་འོད་དུ་ཞུ་བ་ལས་བྱུང་བའི་མས་རིམ་གྱིས་ༀ་དཀར་ཨཱཿདམར་ཧཱུྃ་མཐིང་མགོ་བོ་མཐུར་དུ་བལྟ་བ་དེ་ལས། རིམ་བཞིན་ས་འོག་སྐུའི་འཁོར་ལོའི་ལྷ་བརྒྱད། ས་སྟེང་གསུང་གི་འཁོར་ལོའི་ལྷ་བརྒྱད། མཁའ་སྤྱོད་ཐུགས་ཀྱི་འཁོར་ལོའི་ལྷ་བརྒྱད་རྣམས་སྤྲོས། སེམས་ཅན་གྱི་དོན་བྱས། ས་བླ་ས་སྟེང་ས་འོག་ན་ཡོད་པའི་སེམས་ཅན་ཐམས་ཅད་འཁོར་ལོ་གསུམ་གྱི་ལྷར་གྱུར། དེ་དག་ཐམས་ཅད་སྙོམས་པར་ཞུགས་ནས་ཡི་གེ་གསུམ་སོ་སོར་ཐིམ་ཞིང་ཡི་གེ་གསུམ་ཡང་རིམ་གྱིས་གཅིག་ལ་གཅིག་ཐིམ་ནས་མཐར་དམ་ཚིག་གི་བདུད་རྩི་ལ་ཐིམ་པས་ཁ་དོག་དྲི་རོ་ཕུན་སུམ་ཚོགས་པ་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར་པར་བསམ་

― KMC014_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི་བདུད་རྩིར་སྦར་བའོ། །དེ་ནས་བདུད་རྩི་མྱང་ནས་ཁ་དག་པར་བྱས་ནས། སྔོན་འགྲོ་གཏོར་མ་ལ་གཡོན་པའི་མཐེབ་སྲིན་གྱིས་བདུད་རྩི་འཐོར་ཞིང་ནང་མཆོད་ལྟར་བྱིན་གྱིས་བརླབས་ནས། རང་གི་སྙིང་གའི་འོད་ཟེར་གྱི་གཏོར་མགྲོན་སྲིད་པ་གསུམ་གྱི་འབྱུང་པོའི་རིགས་ཆེ་ཕྲ ་མ་ལུས་པ་ཐམས་ཅད་སྤྱན་དྲངས་ནས་སྐད་ཅིག་གིས་འོད་གསལ་དུ་ཞུགས་པས་སོ་སོར་འཁོར་ལོ་གསུམ་གྱི་ལྷ་ཚོགས་སུ་གྱུར་པའི་ལྗགས་འོད་ཟེར་གྱི་སྦུ་གུས་གཏོར་མ་དྲངས་ཏེ་གསོལ་བར་བསམ་ལ། མཁའ་འགྲོ་སྤྱི་གཏོར་གྱི་སྔགས་ལན་གསུམ་བརྗོད། སྔགས་དེའི་ཚིག་དོན་ནི་གཞུང་གི་མཆན་བུར་ཡོད་ལ། རྗེ་བྱམས་པ་གླིང་པས་པཎྜི་ཏ་ལོ་ཀོཏྟ་རའི་ཕྱག་དཔེ་ལ། བི་བྲྀདྡྷཱ་ཞེས་པ་ཡོད་ཅིང་སཏྶུ་ཁ་བི་བྲྀདྡྷཱ་ཞེས་པ། བདེ་བ་དམ་པ་འཕེལ་བ་ཞེས་པར་འགྱུར་བ་ཚིག་དོན་དང་ཡང་མཐུན་ཅེས་གསུངས་འདུག་ཀྱང་བདག་གི་བླ་མས་གཟིགས་པའི་རྒྱ་དཔེ་མང་པོ་ལ་བི་ཤུདྡྷ་

― KMC014_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་ཁོ་ན་ཡོད་འདུག་ཅེས་གསུངས་ཤིང་། །ཚིག་དོན་ཀྱང་མཆོག་གི་བདེ་བ་དག་པ་ཞེས་པའང་མི་རུང་བ་ཡང་མེད་དོ། །དེ་ནས་ལྷ་ཀླུ་གནོད་སྦྱིན་སོགས་ལ་ཕྲིན་ལས་བཅོལ་བས་དེ་བཞིན་དུ་ཕྲིན་ལས་བསྒྲུབ་པར་ཞལ་གྱིས་བཞེས་ཏེ་རང་གནས་སུ་གཤེགས་པར་བསམ་མོ། །མཆོད་པ་བྱིན་རླབས་ནི། སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཡིག་འོད་དུ་ཞུ་བ་ལས་བྱུང་བའི་མཆོད་ཡོན་དང་། ཞལ་བསིལ་དང་། བསངས་གཏོར་དང་། ཞབས་བསིལ་ལ་སོགས་པ་མཆོད་པའི་ཚོགས་བསམ་གྱིས་མི་ཁྱབ་པར་བསམ་ལ། ༀ་བཛྲ་ཨརྒྷཾ་ཨཱཿཧཱུྃ་སྭཱ་ཧཱ། སོགས། ༀ་ཨཱཿཧཱུྃ་སྭཱ་ཧཱ་རེ་ཡེ་ཤེས་ལྔའི་ངོ་བོ་ཡི་གེ་ལྔ་དང་སྤེལ་བའི་སོ་སོའི་སྔགས་ཀྱིས་བྱིན་གྱིས་བརླབ། དེ་ལས་དེང་སང་གི་ཡིག་ཆ་ཕལ་མོ་ཆེར་ཞབས་བསིལ་གྱི་སྔགས་ལ་ཨཉྩ་མཱ་ནཾ་ཞེས་པ་ཁོ་ནར་བྲིས་འདུག་ནའང་རྒྱ་དཔེ་དག་པ་རྣམས་སུ་ཨཱ་

― KMC014_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ཙ་མཱ་ནཾ་ཞེས་པ་ཡོད་པ་དག་གོ །སྐྱབས་འགྲོ་ནི་རྒྱས་པར་ཕྱག་ཆེན་གྱི་སྔོན་འགྲོའི་སྐབས་ལྟར་སྐྱབས་ཡུལ་ལྔ་ཚོམ་མམ། བསྡུ་ན། མདུན་གྱི་ནམ་མཁར་བླ་མ་མི་བསྐྱོད་པས་དབུ་བརྒྱན་པའི་འཁོར་ལོ་སྡོམ་པའི་ལྷ་དང་། གཙོ་བོའི་ཐུགས་ཀར་ཉི་མ་ལ་ཧཱུྃ་གི་མཐར་སྙིང་པོ་དང་ཉེ་སྙིང་གིས་བསྐོར་བར་བསྒོམ་པའང་ལེགས་པ་ཡིན་ནོ། །དེའི་དྲུང་དུ་བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་སྐྱབས་སུ་འགྲོ་བའི་བློས་རྩེ་གཅིག་ཏུ། བདག་སོགས་མཁའ་མཉམ་སོགས་ཀྱིས་རྩ་བ་དང་རྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། སངས་རྒྱས་དང་། ཆོས་དང་། དགེ་འདུན་རྣམས་ལ་སྐྱབས་སུ་འགྲོ་ཞིང་། རྣལ་འབྱོར་ཏེ་དཔལ་བཅོམ་ལྡན་འདས་འཁོར་ལོ་བདེ་མཆོག་སངས་རྒྱས་དཀོན་མཆོག་དང་། གསང་སྔགས་ཏེ་ཐུགས་ཀའི་ས་བོན་དང་སྙིང་པོ་ཉེ་སྙིང་ཆོས་དཀོན་མཆོག །འཁོར་གྱི་མཁའ་འགྲོ་མ་བཞི་དང་

― KMC014_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་གསུམ་གྱི་དཔའ་བོ་དང་མཁའ་འགྲོ་མ་ཐམས་ཅད་དགེ་འདུན་དཀོན་མཆོག་སྟེ་སྔགས་ཚུལ་འདི་ཡི་ཐུན་མོང་མིན་པའི་དཀོན་མཆོག་གསུམ་མོ། །སྐྱབས་སུ་འགྲོ་ཚུལ་སོགས་སྤྱི་དང་འདྲ་ཞིང་སེམས་བསྐྱེད་པ་ལ་སྨོན་འཇུག་སེམས་བསྐྱེད་གཉིས་ཀྱི་དང་པོ་ནི། སེམས་ཅན་ཀུན་གྱི་དོན་གྱི་ཕྱིར། །བདག་ནི་ཧེ་རུ་ཀར་གྱུར་ནས། །སེམས་ཅན་ཐམས་ཅད་ཧེ་རུ་ཀའི། །གོ་འཕང་མཆོག་ལ་འགོད་པར་བྱ། །ཞེས་པས་ཐོག་མར་སེམས་བསྐྱེད་པ་དེ་ཡིན་ལ། ཕྱི་མ་ནི་དེ་ནས་དོན་དེའི་ཆེད་དུ་འདི་སོགས་བསྙེན་བསྒྲུབ་ལ་འཇུག་བཞིན་པ་ཉིད་དོ། །སེམས་བསྐྱེད་པའི་ཆོ་ག་འདི་ལ་ཞི་བ་ལྷའི་སྤྱོད་འཇུག་ནས་བཤད་པའི་སེམས་བསྐྱེད་ཀྱི་ཆོ་ག་བསྡུས་པ་དང་། བྱང་ས་ནས་བཤད་པའི་འཕགས་པ་ཐོགས་མེད་ལུགས་ཀྱི་སེམས་བསྐྱེད་ཀྱི་ཆོ་ག་རྒྱས་པའི་ལུགས་གཉིས་ཡོད་ཅིང་། སྔ་མ་ནི་རྟེན་མཆོག་དམན་ཐམས་ཅད་ལ་སྐྱེ་བ་དང་། ཕྱི་མ་ནི་

― KMC014_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་སོ་ཐར་རིས་བརྒྱད་གང་རུང་དང་ལྡན་པ་ལས་མི་སྐྱེ་བར་གསུངས་པའི་སྔ་མ་ལ་དེང་སང་དབུ་མ་ལུགས། ཕྱི་མ་ལ་སེམས་ཙམ་ལུགས་ཟེར། སེམས་བསྐྱེད་ཀྱི་ཆོ་ག་དེ་ཡང་ལྟ་བ་བཟང་ངན་ལས་ཐ་དད་དུ་གྱུར་པར་བསམ་ནས་དེ་ལྟར་སྨྲ་མོད། དེ་དག་དེ་འདྲ་ཡིན་དཀའ་ཞིང་སྔགས་གཞུང་རྣམས་ནས་བཤད་པའི་སྨོན་འཇུག་གི་སྡོམ་པ་ལེན་པའི་ཚིག་འདི་རྣམས་ཕལ་ཆེར་གྱིས་དབུ་མ་ལུགས་དེ་དང་འདྲ་བར་སེམས་མོད། དེ་ཡང་དེ་ཡིན་པར་ཡང་མ་ངེས་སོ། །དེ་ནས་ལུས་ངག་ཡིད་གསུམ་དག་པ་ནི། ཤྲཱི་ནི་གཉིས་མེད་ཡེ་ཤེས་བདེ་སྟོང་གཉིས་སུ་མེད་པའི་ཡེ་ཤེས། ཏེ། །ཧེ་ཐོག་མར་རྒྱུ་ལས་མ་སྐྱེས་པ། བར་དུ་མི་གནས་པ། ཐ་མ་གང་དུ་ུམི་འགགས་པའོ། ནི་རྒྱུ་སོགས་སྟོང་པ་ཉིད། །རུ་ནི་གཟུགས་སྒྲ་དྲི་རོ་རེག་བྱ་སོགས། ཚོགས་དང་བྲལ་བ་སྟེ། །ཀ་ནི་ཕྱོགས་མཚམས་ཕྱི་ནང་སྟེང་འོག་སོགས་སུ། གང་དུའང་མི་གནས་པའོ། །ཞེས་སོགས་ཀྱི་དོན་བསམ་སྟེ་ངག་དག་པའོ། །སྙིང་གར་ཟླ་བ་ལ་ཧཱུྃ་ཡིག་སྔོན་

― KMC014_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སྟེ། ཞབས་ཀྱུ་བྱ་བ་གྲུབ་པའི་ཡེ་ཤེས། ཁོག་པ་སོར་རྟོག །མགོ་བོ་མཉམ་ཉིད། ཟླ་ཚེས་མེ་ལོང་། ཐིག་ལེ་ནཱ་དར་བཅས་པ་ཆོས་དབྱིངས་ཡེ་ཤེས་སོ། །དེ་འདྲ་སྙིང་གར་བསམ་པ་ཡིད་དག་པ། དེའི་འོད་ཟེར་གྱིས་ལུས་སྦྱངས་ཏེ། སླར་ཡང་དཔལ་འཁོར་ལོ་བདེ་མཆོག་ཡབ་ཡུམ་དུ་གསལ་བ་ནི་ལུས་དག་པ་སྟེ། ལུག་ངག་ཡིད་གསུམ་ཐུགས་གསུང་སྐུའི་དག་པར་བསྒྱུར་བའོ། །འདི་ལ་ཤྲཱི་ནི་གཉིས་མེད་སོགས་ཀྱི་དོན་དྲན་པ་ཡིད་དག་པར་བྱེད་པ་ཡོད་མོད། རྣམ་པ་གཅིག་ཏུ་ན་དེ་ཡང་རུང་མོད་འདི་ལྟར་འདོད་པ་ཉིད་ཆེས་ལེགས་སོ། །དེ་ལྟར་གསལ་བའི་ལྟེ་བ་རུ་དབྱངས་གསལ་གྱི་ཕྲེང་བ་ༀ་དང་སྭཱ་ཧཱའི་ཐོག་མཐའ་ཅན་དཀའ་དམར་མཐིང་གསུམ་འོད་ཟེར་ཁ་དོག་ལྔ་འཕྲོ་བ་ཅན་གཡོན་གཞུང་གཅིག་ལས་ཨཱ་ལི་གཡས་དང་ཀཱ་ལི་གཡོན་བསྐོར་དུ་འཁོད་པར་བཤད་པ་འདུག་པ་འདི་ལེགས་སོ།། བསྐོར་དུ་ཕྱི་ནས་རིམ་བཞིན་རིམ་པ་གསུམ་དུ་འཁོད་པ་ལས་སྐུའི་འཁོར་ལོ་

― KMC014_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་བརྒྱད་དང་། གསུང་གི་འཁོར་ལོ་ལྷ་བརྒྱད། ཐུགས་ཀྱི་འཁོར་ལོ་ལྷ་བརྒྱད་རྣམས་སྤྲོས། ས་འོག་ས་སྟེང་ས་བླའི་བགེགས་ཐམས་ཅད་བཅོམ་ནས་སྔགས་ཕྲེང་སོ་སོ་ལ་ཐིམ་པར་བསམ་མོ། །དེ་ཡང་ཨཱ་ལི་ལས་སྤྲོས་པ་རྣམས་སྣ་བུག་གཡས་དང་ཀཱ་ལི་ལས་སྤྲོས་པ་རྣམས་སྣ་བུག་གཡོན་ནས་སྤྲོ་བ་དང་སྡུད་པ་སོགས་བྱེད་དགོས། འདི་ལ་མན་ངག་མི་འདྲ་བ་ཞིག་ཀྱང་ཡོད་འདུག །དེ་ནས་དཔལ་འཁོར་ལོ་སྡོམ་པའི་རྒྱུད་རྣམས་ལས་ཚངས་གནས་བཞི་བསྒོམ་པ་གལ་པོ་ཆེར་གསུངས་པས། སེམས་ཅན་ཐམས་ཅད་བདེ་རྒྱུར་ལྡན་སོགས་ཚད་མེད་བཞི་བསྒོམ་མོ། །རྩ་རྒྱུད་ལེའུ་ཉེར་བདུན་པ་ལས། །ནངས་པར་སྔར་ལངས་སེམས་དག་ཉིད། །ལུས་ལ་ཐམས་ཅད་བྱས་ནས་ནི། །ཡན་ལག་ལས་འདས་མཚོན་ཆ་རྣམས། །ལུས་ལ་གནས་པར་ཀུན་ཏུ་དཔྱད། །ཅེས་གསུངས་ཤིང་། དེ་ཉིད་ཕུང་ཁམས་བྱིན་རླབས་ཀྱི་ལྷ་བཅུ་བདུན་བསྒོམ་པ་ཡིན་པར་ལྭ་བ་པས་

― KMC014_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་ཅིང་། ཀུན་སྤྱོད་དང་མངོན་བརྗོད་ལས་གསལ་བར་གསུངས་པའི་ཕྱིར། མགོ་བོར་བུཾ་ལས་གཟུགས་ཀྱི་ཕུང་པོ་རྣམ་པར་སྣང་མཛད་དཀར་པོ། །གཡས་འཁོར་ལོ་དང་གཡོན་སྙེམས་པ་དང་བཅས་པས་འཁོར་ལོས་ཡུ་བ་བྱས་པའི་དྲིལ་བུ་དཀུར་བརྟེན་པ། ལྟེ་བར་ཨཱཾཿལས་ཚོར་བའི་ཕུང་པོ་རྡོ་རྗེ་ཉི་མ་སྟེ་རིན་འབྱུང་སེར་པོ་གཡས་རིན་པོ་ཆེ་དང་གཡོན་དེའི་ཡུ་བ་ཅན་གྱི་དྲིལ་བུ་ཐུགས་ཀར་འཛིན་པ། མགྲིན་པར་ཧྲཱིཿལས་འདུ་ཤེས་ཀྱི་ཕུང་པོ་པདྨ་གར་དབང་སྟེ་འོད་དཔག་མེད་དམར་པོ་གཡས་པདྨ་དམར་པོ་དང་གཡོན་དེའི་ཡུ་བ་ཅན་གྱི་དྲིལ་བུ་ཐུགས་ཀར་འཛིན་པ། རྐང་པའི་ལོང་བུ་གཉིས་སུ་ཧོཿལས་འདུ་བྱེད་ཀྱི་ཕུང་པོ་རྡོ་རྗེ་རྒྱལ་པོ་སྟེ་དོན་གྲུབ་ལྗང་གུ་གཡས་སྣ་ཚོགས་རྡོ་རྗེའི་འཕྱར་ཞིང་གཡོན་དེས་ཡུ་བ་བྱས་པའི་དྲིལ་བུ་ཐུགས་ཀར་འཛིན་པ། སྙིང་ཁར་ཧཱུྃ་ལས་རྣམ་ཤེས་ཕུང་པོ་རྡོ་རྗེ་སེམས་དཔའ་དཀར་པོ་གཡས་རྡོ་རྗེ་དང་གཡོན་

― KMC014_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིལ་བུ་དཀུར་བརྟེན་པ། སྤྱི་གཙུག་ཏུ་ཧི་ནག་པོ་ལས་ཡེ་ཤེས་ཀྱི་ཕུང་པོ་དཔལ་ཧེ་རུ་ཀ་རྡོ་རྗེ་ནག་པོ་གཡས་ས་གནོན་གྱིས་རྡོ་རྗེ་དང་གཡོན་དྲིལ་བུ་དཀུར་བརྟེན་པ་ནི་ཕུང་པོ་དྲུག་དང་རིགས་དྲུག་བྱིན་གྱིས་བརླབ་པའོ། །མིག་གཉིས་སུ་ༀ་དཀར་པོ་ལས་གཏི་མུག་རྡོ་རྗེ་སྟེ་སའི་སྙིང་པོ་དཀར་པོ་གཡས་འཁོར་ལོ་ཕྱར་ཞིང་གཡོན་དྲིལ་བུ་དཀུར་བརྟེན་པ། རྣ་བ་གཉིས་སུ་ཧཱུྃ་ནག་པོ་ལས་ཞེ་སྡང་རྡོ་རྗེ་སྟེ་ཕྱག་ན་རྡོ་རྗེ་ནག་པོ་གཡས་རྡོ་རྗེ་དང་གཡོན་དྲིལ་བུ་དཀུར་བརྟེན་པའོ། །སྣ་བུ་གཉིས་སུ་ཏྲཱཾ་ལས་ཕྲག་དོག་རྡོ་རྗེ་སེར་པོ་སྟེ་ནམ་སྙིང་གཡས་རིན་པོ་ཆེ་དང་གཡོན་དྲིལ་བུ་ཐུགས་ཀར་འཛིན་པ། ལྕེའི་རྩ་བར་ༀ་ལས་འདོད་ཆགས་རྡོ་རྗེ་སྟེ་སྤྱན་རས་གཟིགས་དམར་པོ་གཡས་པདྨ་དམར་པོ་དང་གཡོན་དྲིལ་བུ་ཐུགས་ཀར་འཛིན་པ། དཔྲལ་བར་ཁཾ་ལས་སེར་སྣ་རྡོ་རྗེ་སྟེ་སྒྲིབ་སེལ་ལྗང་གུ་གཡས་སྣ་ཚོགས་རྡོ་རྗེ་ཕྱར་ཞིང་གཡོན་དྲིལ་བུ་ཐུགས་ཀར་འཛིན་པ།

― KMC014_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་གར་ཏཾ་ལས་དབང་ཕྱུག་རྡོ་རྗེ་སྟེ་ཀུན་བཟང་དཀར་པོ་གཡས་རྡོ་རྗེ་དང་གཡོན་དྲིལ་བུ་དཀུར་བརྟེན་པའོ། །དེ་དག་ནི་སྐྱེ་མཆེད་དྲུག་བྱིན་གྱིས་བརླབ་པའོ། །དེ་ལྟར་ལྷ་བཅུ་གཉིས་པོ་རྣམས་ཞལ་གཅིག་ཕྱག་གཉིས་སྤྱན་གསུམ་པ། ཅུང་ཁྲོས་པ། རལ་པའི་ཅོད་པན་དང་ཕྱག་རྒྱ་ལྔ་ནི། ནོར་བུ་རྣ་ཆ་མགུལ་ཆུ་གདུབ། །འཁོར་ལོ་རྣམས་ནི་ཕྱག་རྒྱ་ལྔ། །ཅེས་གསུངས། ཞབས་གཉིས་གཡས་བརྐྱང་བའི་སྟབས་ཀྱིས་བཞུགས་པར་བསྒོམ་མོ། །ལྟེ་བར་ལཱཾ་ལས་ས་ཡི་ཁམས་ལྟུང་བྱེད་མ་སྟེ་སངས་རྒྱས་སྤྱན་མ་སེར་མོ་གཡས་དང་པོས་འཁོར་ལོ་འཛིན་པ། སའི་དཀྱིལ་འཁོར་གྲུ་བཞི་སེར་པོ་ལ་གནས་པ། སྙིང་གར་མཱཾ་ལས་ཆུའི་ཁམས་གསོད་བྱེད་མ་སྟེ་མཱ་མ་ཀི་ནག་མོ་གཡས་དང་པོས་རྡོ་རྗེ་འཛིན་པ། ཆུའི་དཀྱིལ་འཁོར་དཀར་ཟླུམ་ལ་གནས་པ། མགྲིན་པར་པཱཾ་ལས་མེའི་ཁམས་འགུགས་བྱེད་མ་སྟེ་གོས་དཀར་མོ་དམར་མོ་གཡས་

― KMC014_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོས་པདྨ་འཛིན་པ། མེ་དཀྱིལ་དམར་པོ་གྲུ་གསུམ་ལ་གནས་པ། དཔྲལ་བར་ཏཱཾ་ལས་རླུང་གི་ཁམས་པདྨ་གར་གྱི་དབང་ཕྱུག་མ་སྟེ་སྒྲོལ་མ་ལྗང་གུ་གཡས་དང་པོས་རལ་གྲི་འཛིན་པ། རླུང་གི་དཀྱིལ་འཁོར་ཟླ་གམ་ནག་པོ་ལ་གནས་པ། དེ་བཞི་ཀའང་ཞལ་གཅིག་ཕྱག་བཞི་མ་གཡས་འོག་མས་གྲི་གུག་དང་། གཡོན་དང་པོས་ཐོད་པ་དང་གཡོན་འོག་མས་ཁ་ཊྭཱཾ་ག་འཛིན་པ། གསང་བར་ཁཾ་ལས་ནམ་མཁའི་ཁམས་པདྨ་དྲྭ་བ་ཅན་ཏེ་དབྱིངས་ཕྱུག་མ་དུད་ཁ་ཞལ་གསུམ་གཡས་དཀར་གཡོན་དམར་མོ། ཕྱག་དྲུག་གཡས་གསུམ་ན་ལྕགས་ཀྱུ། གྲི་གུག །ཚངས་པའི་མགོ་དང་། གཡོན་གསུམ་ཐོད་པ། ཁ་ཊྭཱཾ་ག་དང་། ཞགས་པ་འཛིན་པ། ལྔ་ཀའང་གཅེར་མོ། སྐྲ་གྲོལ་བ། སྤྱན་གསུམ་པ། ཕྱག་རྒྱ་ལྔ་ནི། འཁོར་ལོ་ཀ་རགས་རྐང་གདུབ་དང་། །གདུབ་ཕྲན་རྣམས་ནི་ཕྱག་རྒྱ་ལྔ། །ཅེས་པས་སྤྲས་པ། གཡས་བརྐྱང་བའི་སྟབས་ཀྱིས་དེ་ལྟར་རང་རང་གི་འབྱུང་

― KMC014_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དཀྱིལ་འཁོར་ལ་བཞུགས་པའོ། །ཞེས་པ་ནི་འབྱུང་བ་ལྔ་བྱིན་གྱིས་བརླབས་པའོ། །ༀ་པྲ་ཀྲྀ་ཏ་སོགས་ཀྱིས་ཕུང་ཁམས་སྐྱེ་མཆེད་རྣམས་ལྷ་དེ་དང་དེའོ་སྙམ་པའི་ང་རྒྱལ་བཟུང་ངོ་། །སྲུང་འཁོར་གྱི་སྐབས་སུ། ཤར་དུ་ༀ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ་ནག་པོ། བྱང་དུ་ༀ་གྲྀཧྞ་སོགས་ལྗང་གུ། ནུབ་དུ་ༀ་གྲྀཧྞ་པཱ་ཡ་སོགས་དམར་པོ། ལྷོར་ༀ་ཨ་ནཱ་སོགས་སེར་པོ་རྣམས་ཚངས་པའི་འཇིག་རྟེན་ནས་གསེར་གྱི་ས་གཞིའི་བར་དུ་ཁྱབ་ཅིང་འོད་ཟེར་འབར་བ་དེ་ཡོངས་སུ་གྱུར་པ་ལས་རྡོ་རྗེའི་རྭ་བ་གྲུ་བཞི་པ་ཕྱོགས་ཀྱི་མདོག་ཅན། འོག་ཏུ་སྣ་ཚོགས་པདྨ་དང་ཉི་མའི་སྟེང་དུ་ཧཱུྃ་ལས་སྣ་ཚོགས་རྡོ་རྗེ་རྭ་བཅུ་གཉིས་པའམ་ཉི་ཤུ་པ་འདམ་ག་ཕྱོགས་ཀྱི་མདོག་ཅན་ལྟེ་བ་མཐིང་ག་ཧཱུྃ་གིས་མཚན་པའི་འོད་ཟེར་གྱི་སྣེ་ལས་རྡོ་རྗེ་ཆེ་ཕྲ་གྲངས་མེད་དཔག་ཏུ་མེད་པ་སྤྲོས། འོག་ཐམས་ཅད་རྡོ་རྗེའི་ས་གཞི། ཕྱོགས་ཐམས་ཅད་རྡོ་རྗེའི་རྭ་བ། སྟེང་ཐམས་ཅད་རྡོ་རྗེའི་

― KMC014_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

གུར་ཏེ་ལྕགས་རི་ཁ་དོག་མཐིང་ཞིང་དཔངས་མཐོ་བ། ལྕགས་རི་ལ་ཁ་ཆོད་བཀབ་པའི་རྣམ་པ། བང་རིམ་ཟླུམ་པོའི་རྣམ་པས་ཇེ་མཐོར་སོང་བའི་དབུས་ཀྱི་སྟེང་དུ་དྲིལ་བུའི་རྣམ་པ་བསྒོམས་པ་ནི་གུར་ཁང་མཆོད་རྟེན་གྱི་རྣམ་པ་ཟེར་བ་དེ་ཡིན། གུར་དང་རྭ་བ་འཕྲད་མཚམས་སུ་རྡོ་རྗེའི་དྲྭ་བས་བཀབ་པ་ནི་རྡོ་རྗེའི་བླ་བྲེ་དང་། རྡོ་རྗེའི་རྭ་གུར་གྱི་ཕྱི་རོལ་དུ་རྭ་གུར་ལ་མ་རེག་པ་ཉིད་དུ་རྡོ་རྗེའི་ཕྲེང་བ་ཁོ་ན་བསྣོལ་བའི་དྲྭ་བ་དང་། དེའི་བསྣོལ་མཚམས་ཀྱི་ཕྱོགས་བཞི་ནས་རེ་རེ་སྐྱེས་པའི་རྡོ་རྗེ་རྩེ་ལྔའི་མདེའུ་ཅན་གྱི་མདའ་མདེའུ་བསྣོལ་ཞིང་སྦྲེལ་བ་ཁོ་ནའི་མདའི་དྲྭ་བ་དང་། དེ་ཐམས་ཅད་ལས་འབར་ཞིང་སྐྱེས་པའི་རྡོ་རྗེའི་མེ་དཔུང་ཁ་དོག་སྣ་ལྔ་པ་བར་མེད་པས་ཁྱབ་པས་བགེགས་ཐམས་ཅད་བསྲེགས་པར་བསམ་ལ། ༀ་མེ་དཱི་ནི་སོགས་སྔགས་རྣམས་ལན་གསུམ་གསུམ་བརྗོད་པའི་དང་པོས་སྤྲོས། གཉིས་པས་བྱིན་གྱིས་བརླབས། གསུམ་པས་བརྟན་པར་བྱའོ། །

― KMC014_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

ལན་གཅིག་བརྗོད་ན་ནི་རྟེན་བྱེད་དུ་བྱའོ། །ཡང་ཕྱོགས་བཞིའི་ༀ་སུམྦྷ་སོགས་སྔགས་ཚན་བཞི་ལས་རྭ་བའི་ཕྱི་རོལ་དུ་ཁྭ་གདོང་མ་སོགས་སྒོ་མ་བཞི་དང་། ཡང་ཤར་ལྷོར་ༀ་སུམྦྷ་ནི་ནག་པོ་དང་། ༀ་ཨཱ་ན་སོགས་སེར་པོ་ལས་གཤིན་རྗེ་བརྟན་མ་གཡས་སྔོ་གཡོན་སེར། ལྷོ་ནུབ་དུ་ༀ་ཨཱ་ན་སེར་པོ་དང་། ༀ་གྲྀཧྞ་དམར་པོ་ལས་གཤིན་རྗེ་ཕོ་ཉ་མོ་གཡས་སེར་གཡོན་དམར། ནུབ་བྱང་ཏུ་ༀ་གྲྀཧྞ་དམར་པོ་དང་། ༀ་གྲྀཧྞ་པཱ་ཡ་ལྗང་གུ་ལས་གཤིན་རྗེ་མཆེ་མ་གཡས་དམར་གཡོན་ལྗང་། བྱང་ཤར་དུ་ༀ་གྲྀཧྞ་པཱ་ཡ་ལྗང་། ༀ་སུམྦྷ་ནག་པོ་ལས་གཤིན་རྗེ་འཇོམས་མ་གཡས་ལྗང་གཡོན་སྔོ། སྒོ་མཚམས་མ་བརྒྱད་ཀའང་ཞལ་ནང་དུ་གཟིགས་པ་ཞལ་གཅིག་ཕྱག་གཉིས་པ་ཆེར་ཁྲོས་སྐྲ་སེར་པོ་གྱེན་དུ་བརྫེས་པ་སྦྲུལ་རྒྱན་ཅན་ལྟེ་བ་མན་ཆད་ཕུར་བུའི་རྣམ་པ་ཅན། གཡོན་རང་འདྲ་བའི་ལྷ་མོ་ཕུར་ཤམ་ཅན་ཕྱག་གཉིས་གྲི་ཐོད་འཛིན་པའམ། རྡོ་རྗེ་ཕུར་

― KMC014_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་འཛིན་པ་བྱས་ཀྱང་ཆོག །གཡས་རྡོ་རྗེའི་ཐོ་བ་འཛིན་པར་བསྒོམ། །ཕུར་བུ་ཟེར་བ་ནི། མཚོན་ཀ་ཎཱ་ཡ་བྱ་བ། བོད་སྐད་དུ་རྡོ་རྗེ་རྩེ་གཅིག་གམ། མདུང་ཐུང་ངམ། ཕུར་བུ་རྣམས་དོན་འདྲ་ཞིང་། ཕུར་བུའི་དབལ་མདའ་སྒྲོ་ལྟ་བུ་བྱེད་པ་ནི་རྒྱ་ནག་གི་བཟོ་སྒྲོས་ཡིན་པས་འདིར་མི་འདོད་ལ་གྲུ་གསུམ་དུ་བྱེད་ཚེ་དེ་ལྟར་རོ། །དེའི་ཚེ་ན་རྒྱ་མདུད་དང་བརྒྱད་གཞོག་དང་ཆུ་སྲིན་ཁ་སོགས་མི་དགོས་ཤིང་བྱས་ཀྱང་འགལ་བ་ནི་མེད་དོ། །དེ་ཡང་སྦྱོང་པའི་ཡོན་ཏན་གྱི་བསྒྲུབ་ཐབས་ལས་འདི་ལྟར་བཤད་ཅིང་། རྡོ་རྗེའི་མཁའ་འགྲོའི་བསྒྲུབ་ཐབས་སུ། སྣ་ཚོགས་པདྨ་ཉི་དཀྱིལ་འཁོར། །དེར་ནི་ཧཱུྃ་ལས་བྱུང་བ་ནི། །ལས་ཀྱི་རྡོ་རྗེ་དབུས་གནས་པར། །ཧཱུྃ་གི་དེ་ཉིད་རྣམ་ལ་བསྒོམ་པའོ། །འོད་ཟེར་སྣ་ཚོགས་འབར་བ་ལས། །མཁའ་འགྲོ་མ་ཡི་འཁོར་ལོ་སྤྲོ། །ཞལ་གཅིག་ཕྱག་གཉིས་སྤྱན་གསུམ་པ། །སྐུ་མདོག་དམར་པོ་དྲག་ཆེན་མོ། །མདུང་གི་དབྱིབས་ཅན་འཇིགས་པའི་

― KMC014_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས། །སྤྱན་དམར་སྐྲ་སེར་གྱེན་དུ་བརྫེས། །ལང་ཚོ་ཕུན་སུམ་ཚོགས་པར་ལྡན། །སྟག་གི་པགས་པའི་ཤམ་ཐབས་ཅན། །ལྗགས་འདྲིལ་བས་ནི་ཆེར་འཇིགས་པ། །འཇིགས་པ་མཐའ་དག་འཇིགས་པར་མཛད། །ཅེས་གསུངས་པ་བཞིན་ཡིན་ལ། སྤྲུལ་པ་དུ་མ་ཕྱོགས་མཚམས་དང་། །ཞེས་སོགས་ནི། སྒོ་མཚམས་མ་བརྒྱད་ལས་སྤྲུལ་པའི་རང་འདྲ་བའི་ལྷ་མོ་སྐུ་མདོག་ཁ་ཅིག་དུ་ཕྱོགས་མདོག་གསུངས་ཀྱང་། སྒྲུབ་ཐབས་གཙུག་གི་ནོར་བུ་དང་རྡོ་རྗེ་མཁའ་འགྲོའི་སྒྲུབ་ཐབས་ཀ་མ་ལ་ཀམྦས་མཛད་པ་ལས་དང་། ལོ་ཙཱ་བ་བཞིའི་མན་ངག་མཐུན་པར། བགེགས་སོགས་དབང་དུ་བྱ་བའི་ཕྱིར་དམར་མོར་གསུངས་པ་བཞིན་ལེགས་པས། གཡས་ལྕགས་ཀྱུ་དང་གཡོན་ཞགས་པ་བསྣམས་པ། མདུང་གི་དབྱིབས་ཀྱང་རྡོ་རྗེ་ཕག་མོའི་གར་ལྟབས་ཀྱིས་བཞུགས་སྟངས་ལའང་འགྲེལ་པར་བཤད་པས་འདི་སྐབས་ཀྱི་སྤྲུལ་པའི་ཁྲོ་མོ་རྣམས་ནི་

― KMC014_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་གར་སྟབས་སུ་བྱེད་ནའང་ལེགས་སོ། །དེ་ལྟར་ཁྲོ་མོ་རྣམས་ལ་གནོད་མཛེས་ཀྱི་སྔགས་ཀྱིས་བཀའ་བསྒོས་པས། ཕྱོགས་བཅུའི་བགེགས་ཞི་བས་འདུལ་བ་རྣམས་ནི་ཞི་བས་བཏུལ། ཕྱོགས་བཅུའི་བགེགས་ཀྱི་གཙོ་བོ་རྣམས་ལས་གཞན་ལྷག་མ་བགེགས་སྡོང་ཟླ་རྣམས་རྒྱང་རིང་དུ་བསྐྲད། ཕྱོགས་བཅུའི་བགེགས་ཀྱི་གཙོ་བོ་མ་ལུས་པ་རྣམས་ཕྱོགས་སོ་སོ་རེ་རེ་ལ་འདུས་ཏེ་ཕྱོགས་སྐྱོང་བཅུའི་རྣམ་པར་གནས་པ་རྣམས་ལྕགས་ཀྱུས་སྙིང་ག་ནས་ཕུག །ཞགས་པས་དེ་རྣམས་བཅིངས་ཏེ་བཀུག་ནས་རྡོ་རྗེ་རྭ་བའི་ཕྱི་རོལ་དུ་ཧཱུྃ་ཡིག་ལས་བྱུང་བའི་ཁྲོན་པ་སྟེ་བྲུབ་ཁུང་གྲུ་གསུམ་པའི་ནང་དུ་བཅུག །སྟེང་གི་བགེགས་རྣམས་ཤར་གྱི་ཤར་དང་། འོག་གི་བགེགས་རྣམས་ནུབ་ཀྱི་ནུབ་ཏུ་བྲུབ་ཁུང་དུ་བཅུག །ཁྲོ་མོ་བརྒྱད་པོ་རྣམས་ཀྱིས་བགེགས་རྣམས་ཀྱི་ལག་པ་བཅིངས་ཤིང་རྐང་མགོ་གཉིས་ཀྱང་བསྣོལ་ཏེ་བཅིངས་པ་བཤང་ལམ་གྱི་འོག་ཏུ་བཞག་པ་ཕུར་

― KMC014_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

བུས་སྤྱི་བོ་ནས་བཏབ། བཤང་ལམ་ནས་ལག་པ་རྐང་པར་བཅས་ཐལ་བྱུང་ནས་གསེར་གྱི་ས་གཞི་ལ་ཐུག་པར་འཛེར་ཞིང་། མངོན་བརྗོད་ལས། གསང་སྔགས་རྒྱལ་པོ་འདི་ཡིས་ནི། །བགེགས་ཀུན་གྱི་ནི་ཀླད་པ་ལ། །ལུགས་སུ་འབྱུང་དང་ཟློག་པ་ཡིས། །རྡོ་རྗེ་ཕུར་བུས་འགོད་ཅིང་མནན། ༀ་གྷ་གྷ་སོགས། ཁྲོ་བོའི་ལྟ་བས་བལྟས་ནས་ནི། །རྡོ་རྗེ་ཕུར་བུས་གདབ་བྱ་སྟེ། །ལུགས་སུ་འབྱུང་དང་ཟློག་པ་ཡིས། །རྡོ་རྗེའི་དངོས་གྲུབ་བློས་བརྡུང་བྱ། །ༀ་ཧཱུྃ་བཛྲ་མུངྒར་སོགས་གསུངས་པ་བཞིན་ནོ། །དེ་ལྟར་གདབ་པས་བགེགས་རྣམས་ཀྱི་ལུས་ངག་ཡིད་གསུམ་བྱ་བྱེད་མེད་པར་གྱུར། འོད་གསལ་གྱི་ངོ་བོར་གྱུར་ནས་བགེགས་ཀྱི་སྒྲིབ་པ་རྣམས་སྦྱངས། མི་བསྐྱོད་པའི་ཞིང་དུ་སྐྱེས་ནས་སངས་རྒྱས་པར་བསམ་མོ། །དེ་ནས་ཁྲོ་མོ་རྣམས་རྡོ་རྗེའི་རྭ་བ་ཐིམ་པས། ཆུ་ལ་ཆུ་བརྡབས་པས་ཟེར་མ་ཕྱིར་འཐོར་བ་བཞིན་འོད་ཟེར་ཕྱིར་འཕྲོས་པས། སླར་

― KMC014_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དེའི་ཕྱི་རོལ་དུ་རྡོ་རྗེ་སྔོན་པོ་དང་། པདྨ་དམར་པོ་དང་། འཁོར་ལོ་སེར་པོའི་གུར་ཁང་ཟླུམ་པོ་རྣམས་བར་དང་སྲུབ་མེད་པ་དུམ་བུ་གཅིག་པའི་རྣམ་པར་གྱུར་པས་ཕྱིན་ཆད་བགེགས་འཇུག་པའི་གོ་སྐབས་དང་བྲལ་བར་བསམ་ཞིང་། སྔགས་གསུམ་གྱིས་བརྟན་པར་བྱའོ། །འདི་སོགས་སྔ་ཕྱི་ཐམས་ཅད་ལྷ་བཀོད་པ་ལ་སོགས་པ་གོ་ལྡོག་ཏུ་བྱེད་པའི་དགོས་པ་ནི། ཀུན་སྤྱོད་ལས། ལྷ་རྣམས་བཟློག་སྟེ་བཀོད་པ་དང་། །སྔགས་ཀྱི་དབྱེ་བ་བཟློག་པ་དང་། །བསྒོམ་པའི་གསང་བ་བཟློག་པ་ནི། །དངོས་གྲུབ་ཐམས་ཅད་སྒྲུབ་བྱེད་པའོ། །ཅེས་གསུངས་ཏེ། ལྷའི་རྣལ་འབྱོར་གཞན་དང་། སྔགས་ཀྱི་བཟླས་པ་གཞན་དང་། བསྐྱེད་རྫོགས་གཞན་ལས་དངོས་གྲུབ་མྱུར་བ་ལས་གཞན་དང་མི་མཚུངས་པ་ཞིག་ཡིན་ནོ། །ཞེས་མཚོན་པའི་ཕྱིར་རོ། །དེ་ནས་ཚོགས་བསགས་པ་ནི། དེ་ལྟ་བུའི་སྲུང་འཁོར་གྱི་དབུས་སུ་རང་ཉིད་དཔལ་འཁོར་ལོ་སྡོམ་པ་ཡབ་ཡུམ་དུ་

― KMC014_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བའི་སྙིང་གར། རྡོ་རྗེ་མཁའ་འགྲོ་ལས། སྔོན་དུ་རང་ཉིད་མཁའ་དབུས་སུ། །ཨ་ལས་ཟླ་བའི་དཀྱིལ་འཁོར་བསམ། །དེ་ཡི་སྟེང་དུ་ཧཱུྃ་བསྒོམ་མོ། །ཞེས་གསུངས་པའི་ཨ་ཡིག་ཐིག་ལེས་མཚན་པ་ལས་ཟླ་བའི་དབུས་སུ་ཧཱུྃ་སྔོན་པོ་འོད་ཟེར་སྣ་ཚོགས་འཕྲོ་བའི་འོད་ཀྱིས་བླ་མ་མི་བསྐྱོད་པས་དབུ་རྒྱན་དུ་བྱས་པའི་དཔལ་ལྡན་འཁོར་ལོ་སྡོམ་པའི་དཀྱིལ་འཁོར་རྟེན་དང་བརྟེན་པར་བཅས་པ་མདུན་གྱི་ནམ་མཁར་སྤྱན་དྲངས་ནས་འོད་ཟེར་དེ་སླར་རང་གི་སྙིང་གར་ཐིམ་པར་བསམ་མོ། །དེ་ནས་ཐལ་མོ་སྙིང་གར་སྦྱར་ཏེ། རྣལ་འབྱོར་རོ་གཅིག་བདུད་རྩི་གསོལ་སོགས་ཤོ་ལོ་ཀ་དང་པོས་བླ་མ་དང་། ལྷ་མོའི་ཕྲེང་བ་སོགས་ཀྱིས་ཡི་དམ་ལ་ཕྱག་འཚལ། རང་གི་སྙིང་གའི་ཧཱུྃ་ལས་སྤྲོས་པའི་པི་ཝང་མ་ལ་སོགས་ལྷ་མོ་བཅུ་དྲུག་གིས་མཆོད་པར་བསམ་ལ། ༀ་བཛྲ་བཱི་ཎི་སོགས་བརྗོད། སླར་ཡང་རང་གི་སྙིང་གའི་ཧཱུྃ་ལས་སྤྲོས་པའི་མཁའ་

― KMC014_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་མ་དང་། ལཱ་མཱ་དང་། དུམ་སྐྱེས་མ་དང་། གཟུགས་ཅན་མ་བཞིས་བདུད་རྩིས་གང་བའི་ཐོད་པ་ཐོགས་ནས་མཆོད་པར་བསམ་ལ། ༀ་པཉྩ་སོགས་བརྗོད། སྔ་ཕྱིའི་མཆོད་ལྷ་དེ་རྣམས་ཡུམ་བཅོམ་ལྡན་འདས་མར་ཐིམ་ནས་སྙོམས་འཇུག་གི་བདེ་བས་དགྱེས་པར་བསམ། འཁྱུད་རྒྱ་དང་བཅས། ༀ་ཤྲཱི་མ་ཧཱ་སོགས་བརྗོད། འདོད་ཆགས་ཞེ་སྡང་སོགས་ཤོ་ལོ་ཀ་དང་པོས་བཤགས་པའི་ཡན་ལག་དང་། གང་ཡང་དེ་བཞིན་སོགས་ཤོ་ལོ་ཀས་རྗེས་སུ་ཡི་རང་བའི་ཡན་ལག་དང་། དུས་གསུམ་ཀུན་ཏུ་སོགས་སྐྱབས་སུ་འགྲོ་བ་དང་། སྡིག་པ་ཐམས་ཅད་སོགས་སེམས་བསྐྱེད་པ་དང་། ཚངས་པ་དབང་པོ་སོགས་སྔགས་ལམ་ལ་གནས་པར་དམ་བཅའ་བ་དང་། བདག་གིས་འགྲོ་རྣམས་སོགས་ཤོ་ལོ་ཀས་སངས་རྒྱས་རྣམས་ལ་རང་ཉིད་འབུལ་བ་རྣམས་བྱའོ། །དེ་ནི་བསོད་ནམས་ཚོགས་བསགས་སོ། །དེ་ནས་ཡེ་ཤེས་ཚོགས་བསགས་ནི། ཚོགས་ཞིང་རྣམས་

― KMC014_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ལ་ཐིམ་པར་བསམ་ཞིང་། རང་གི་སྤྱི་མགྲིན་སྙིང་ག་གསུམ་དུ་ཧེ་དཀར་པོ། རུ་དམར་པོ། ཀ་སྔོན་པོ་རྣམས་བསམ་ཞིང་། ཧེ་ནི་རྒྱུ་སོགས་ཀྱི་ཚིག་དོན་བསམ་ཞིང་། དེ་ལྟ་བུའི་ཆོས་དེ་ལྟར་མ་ཤེས་པས་འགྲོ་བ་ཀུན་གྱིས་བདག་མེད་པ་ལ་བདག་ཏུ་བཟུང་བས་འཁོར་བར་གྱུར། དེའི་ཕྱིར་དུ་བདག་ཉིད་ཧེ་རུ་ཀར་གྱུར་ནས་གཟུང་འཛིན་གཉིས་དང་བྲལ་བའི་ཆོས་ཀྱི་དོན་དེ་ཁོང་དུ་ཆུད་པར་བྱའོ་བསམ་པར་བྱའོ། །ཞེས་ཆོས་ལ་དམིགས་པའི་སྙིང་རྗེ་བསྐྱེད་དོ། །དེ་ནས་དངོས་གཞི་བསྐྱེད་པའི་རིམ་པ་ལ། བྱང་ཆུབ་པ་བཞིའི་མིང་ཡིན་ཏེ། དེ་ཡང་སྔགས་བླ་མེད་སྤྱི་ལ་ཡོངས་སུ་གྲགས་པའི་ལམ་ཁྱེར་གསུམ་གྱི་དང་བློ་པོ་འཆི་བ་ཆོས་སྐུའི་ལམ་ཁྱེར་ནི། སྭ་བྷཱ་ཝའི་སྔགས་དོན་ཏེ་དེ་ཡང་གཟུང་བ་ལ་སོགས་པ་གཞན་དུ་སྣང་བ་ལྟར་གནས་ཚུལ་ལ་མ་གྲུབ་པའི་རང་བཞིན་ནམ་རང་ངོས་ནས་རྣམ་པར་རིག་པའི་ཤེས་པ་སྟེ་ཕྱི་ནང་སྣང་བ་སྣ་

― KMC014_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་པ་ཐམས་ཅད་ཀྱི་རང་བཞིན་རྣམ་པར་རིག་པ་གཅིག་པུའོ། །ཞེས་པའི་དོན་ཡིན་ལ། སེམས་དེ་ཡི་ཡང་འཁོར་བ་དང་ལམ་གྱི་ཆོས་ལ་སོགས་པ་སྣང་བ་སྣ་ཚོགས་པའི་ཆ་དེ་ནི་མེད་དེ། ཡང་དག་ཀུན་རྫོབ་ཏུ་རིག་པ་དག་པ་ཙམ་ཞིག་གནས་སོ། །དེ་ནི་སེམས་རང་བཞིན་གྱིས་དག་པ་ཡིན་ལ། འཁོར་འདས་ཀྱི་ཆོས་ཐམས་ཅད་ཀྱང་དེ་ལས་གཞན་དུ་མེད་པས་ཆོས་ཐམས་ཅད་རང་བཞིན་གྱིས་རྣམ་པར་དག་གོ །དེ་ཡང་རང་སེམས་ཀྱི་ངོ་བོ་ཉིད་བས་ངའོ་ཞེས་པའོ། །འདི་ནི་མཐར་ཐུག་དོན་དམ་མིན་ཡང་དེ་ལ་འཇུག་ཚུལ་ཁྱད་པར་ཅན་ཡིན་ཞིང་། འདིའི་སྐབས་བོད་རྣམས་ལ་འདོད་པ་མི་འདྲ་བ་འགའ་རེ་ཡོད་འདུག་ཀྱང་སྔགས་ཚུལ་འདི་ཡི་རང་ལུགས་ནི་རྣམ་པར་མི་རྟོག་པ་ལ་འཇོག་པ་ཁོ་ན་ཡིན་ཏེ། དཔྱད་པའི་སྟོང་ཉིད་སོགས་ནི་འཆི་བ་འོད་གསལ་དང་འབྲས་བུ་ཆོས་སྐུ་གཉིས་ཀ་དང་རྣམ་པ་མི་མཚུངས་ལ། མི་རྟོག་པ་ནི་དེ་གཉིས་ཀ་དང་

― KMC014_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་པའི་ཕྱིར་རོ། །གཉིས་པ་ལམ་ཁྱེར་དེ་ཇི་ལྟར་བསྒོམ་པའི་ཚུལ་ནི། ལྭ་བའི་ན་བཟའ་ཅན་གྱི་ལུགས་ལྟར། ཁམས་གསུམ་ཐམས་ཅད་རང་བཞིན་གྱི་སྟོང་པ་ཉིད་དུ་བསྒོམ། དེའི་ངང་ལས་རང་གི་སྨོན་ལམ་གྱི་སྔོན་གྱི་སྟོབས་ཀྱིས་ཁམས་གསུམ་གྱི་ངོ་བོ་ༀ་དཀར་པོ་ཨཱཿདམར་པོ་ཧཱུྃ་སྔོན་པོ་བརྩེགས་པའི་རྣམ་པར་བསམ། དེ་ལས་སྐུའི་འཁོར་ལོ་ལྷ་བརྒྱད་སོགས་འཁོར་ལོ་གསུམ་གྱི་དཔའ་བོ་དང་རྣལ་འབྱོར་མ་ཡབ་ཡུམ་རྣམས་སྤྲོས། འགྲོ་བ་ཐམས་ཅད་འཁོར་ལོ་གསུམ་གྱི་དཔའ་བོ་དང་རྣལ་འབྱོར་མ་ཡབ་ཡུམ་རྣམས་སུ་བྱས། དེ་ཐམས་ཅད་སྙོམས་པར་འཇུག་པས་བདེ་བ་ཆེན་པོའི་རྗེས་ཆགས་ཀྱིས་ཞུ་ནས། སྐུའི་འཁོར་ལོ་རྣམས་ༀ་དཀར་པོ་ལ་ཐིམ་པ་སོགས་སུ་གྱུར། དེ་ནས་སྣང་མཆེད་ཐོབ་གསུམ་གཅིག་ལ་གཅིག་ཐིམ་པ་སྦྱོང་བའི་ཕྱིར། ༀ་དཀར་ཨཱཿདམར་ལ་ཐིམ། ཨཱཿདམར་ཧཱུྃ་ལ་ཐིམ། ཧཱུྃ་དེ་ཡང་ཞབས་ཀྱུ་ནས་ཁོག་པ།

― KMC014_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

མགོ་བོ། ཟླ་ཚེས། ཐིག་ལེ། ནཱ་ད་ལ་རིམ་པར་ཐིམ། ནཱ་ད་དེ་སྐྲ་ཡི་རྩེསྟོང་དུ་གཏུབས་པའི་ཆ་ཙམ་དུ་གནས་པར་བསམ་པ་ནི་བར་དོ་ལོངས་སྐུའི་ལམ་ཁྱེར་ཡིན་ཞིང་། སེམས་ཅན་ཐམས་ཅད་ཀྱིས་ཆོས་རྣམས་ཀྱི་ཆོས་ཉིད་ཡོངས་གྲུབ་རྟག་བརྟན་འགྱུར་མེད་ཀྱི་དོན་མ་རྟོགས་པས་ཀུན་བརྟག་དང་གཞན་དབང་གིས་འཁོར་བར་འཁྲུལ་ལ། བདག་གིས་ཐམས་ཅད་ཀྱི་ཆོས་ཉིད་ཡོངས་གྲུབ་བདེ་བར་གཤེགས་པའི་སྙིང་པོ་མངོན་དུ་བྱས་ནས་འགྲོ་བ་རྣམས་ཀྱང་ངེས་དོན་ཟབ་མོ་མཐར་ཐུག་དེ་བཞིན་ཉིད་ཀྱི་དོན་རྟོགས་པར་བྱའོ། །ཞེས་ཆོས་ཉིད་དམིགས་པ་མེད་པའི་སྙིང་རྗེ་བསྐྱེད་ལ། ཤཱུནྱ་ཏཱའི་སྔགས་དོན་བསྒོམ་པས་ནཱ་ད་ཙམ་དུ་གནས་པ་ཡང་ཡོངས་སུ་སྤངས་ཏེ་མཉམ་པར་བཞག་གོ །ཤཱུནྱ་ཏཱའི་སྔགས་དོན་ནི། ཤཱུ ནྱ་ཏཱ་སྟོང་པ་ཉིད་དེ། གཞན་རྣམས་ལྟ་ཅི་སྨོས་རྣམ་ཤེས་དག་པའི་སེམས་དེ་ཡང་རང་གི་ངོ་བོས་མ་གྲུབ་སྟེ་གདོད་ནས་སྟོང་པའོ། །འོ་

― KMC014_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

ན་སེམས་ལས་གཞན་པ་ཡང་མེད། སེམས་ཀྱང་མེད་པས་ཅི་ཡང་མེད་པའོ་སྙམ་ན་མ་ཡིན་ཏེ་ཛྙཱ་ན་ནི་ཡེ་ཤེས་ཏེ། དོན་དམ་པའི་རིག་པ་རྣམ་པ་ཐམས་ཅད་པར་འཆར་བའོ། །བཛྲ་ནི་རྡོ་རྗེ་སྟེ། དེ་ཉིད་རྟག་བརྟན་ཞི་བ་གཡུང་དྲུང་གི་ངོ་བོ། སྭ་བྷཱ་ཝ་ནི་རང་བཞིན་ཏེ་ཡེ་ཤེས་རྡོ་རྗེ་དེ་ཉིད་ཆོས་ཐམས་ཅད་ཀྱི་རང་བཞིན་ནམ་གནས་ལུགས་སམ་སྡོད་ལུགས་ཡོད་པའོ། །ཨཱཏྨ་ཀོ་ནི་བདག་ཉིད་དེ། དེ་ཉིད་དོན་དམ་པའི་བདག་སྟེ་བདག་གི་དོན་ཡང་གནས་ལུགས་ལ་ཡོད་ཅིང་ངོ་བོས་གྲུབ་པ་བདེན་པར་ཡོད་དོ། །ཨ་ཧཾ་ནི་ངའོ་སྟེ། རང་གི་སེམས་ཀྱི་རང་བཞིན་དེ་ལྟར་ཡིན་པའོ། །དེ་ལྟར་ཤཱུ་ནྱ་ཏཱ་ཞེས་པས་ཀུན་རྫོབ་སྤྲོས་པའི་མཐའ་ཐམས་ཅད་སྤངས་པ་དང་། ཛྙཱ་ན་ཞེས་པ་མན་ཆད་ཀྱིས་དོན་དམ་སྤྲོས་བྲལ་གྱི་ཡེ་ཤེས་རྟག་ཏུ་མི་འགྱུར་བར་བཞུགས་པར་བསྟན་ཏོ། །མངོན་བརྗོད་བླ་མ་ལས། ཕྱི་དང་ནང་དུ་བལྟས་ནས་ནི། །ཆོས་རྣམས་ཐམས་ཅད་

― KMC014_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་པ་ཉིད། །བྱང་ཆུབ་ཚོགས་ཀྱི་མཆོག་ཐོབ་པ། །སེམས་ཙམ་ལ་ནི་རབ་ཏུ་གནས། །ཞེས་གསུངས་པའི་དོན་ཡང་། ཕྱི་ནང་གི་ཆོས་ཐམས་ཅད་སེམས་ཙམ་ལས་གཞན་མེད་པ་དང་། །བྱང་ཆུབ་ཚོགས་ཏེ་ཡོན་ཏན་དཔག་ཏུ་མེད་པས་གདོད་ནས་བརྒྱན་པའི་ཡེ་ཤེས་མཆོག་དེ་ནི་ཐོབ་པ་སྟེ་རྟག་ཏུ་ཡོད་པའོ། །དེ་ཡང་སེམས་ཀྱི་རང་བཞིན་ཉིད་ལས་གཞན་དུ་གནས་པ་མ་ཡིན་ཏེ། སེམས་ཙམ་ཉིད་ཀྱི་གནས་ལུགས་སོ། །དེ་རྣམས་ནི་བྱང་ཆུབ་བཞི་ལས་དང་པོར་སྟོང་ཉིད་བྱང་ཆུབ་པའོ། །དེ་ནས་སྐྱེ་བ་སྤྲུལ་སྐུའི་ལམ་ཁྱེར་ནི། དེ་ལྟ་བུའི་སྟོང་ཆེན་དེའི་ངང་ལས་ཨ་ལས་ཆོས་འབྱུང་གྲུ་གསུམ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཚད་ལས་འདས་པ། དེའི་ནང་དུ་ཡྃ་ལས་རླུང་དཀྱིལ་ཟླ་གམ་སྔོན་པོ། དེའི་སྟེང་དུ་རྃ་ལས་མེ་དཀྱིལ་གྲུ་གསུམ་དམར་པོ། དེའི་སྟེང་དུ་བྃ་ལས་ཆུ་དཀྱིལ་ཟླུམ་པོ་དཀར་པོ། དེའི་སྟེང་དུ་ལྃ་ལས་ས་དཀྱིལ་སེར་པོ་གྲུ་བཞི་པ། དེའི་

― KMC014_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ་སུྃ་ལས་རི་བོ་མཆོག་རབ་གྲུ་བཞི་པ། ཤར་ཤེལ། བྱང་གསེར། ནུབ་པད་རཱག །ལྷོ་བཻ་ཌཱུརྱ་སྟེ་ཁམས་དང་ཁ་དོག་སྣ་ཚོགས་པའི་བདག་ཉིད་ཅན་དང་། དེའི་སྟེང་དུ་པྃ་ལས་སྣ་ཚོགས་པདྨ་འདབ་མ་འབུམ་དང་ལྡན་པའི་ཟེའུ་འབྲུར་ཉི་མ་ལ་ཧཱུྃ་ལས་བྱུང་བའི་སྣ་ཚོགས་རྡོ་རྗེ་རྭ་ཉི་ཤུ་པའི་ལྟེ་བར་གཞལ་ཡས་ཀྱི་ཁང་པ་སྒོ་རྟ་བབས་རྒྱན་དང་བཅས་པ་བསྒོམ་པར་བྱ་ཞིང་། དེ་དག་གི་ཚད་དབྱིབས་སོགས་ནི་ཁོ་བོས་གཞན་དག་ཏུ་ཅུང་ཟད་བཤད་ཡོད་པ་དེ་བཞིན་ཤེས་པར་འཚལ་ཞིང་། འདིར་རྟ་བབས་བཞིས་མཛེས་ཞེས་པ་ནི་ཕྱོགས་བཞིར་རྟ་བབས་བཞི་ཡོད་པའི་དོན་ཡིན་གྱི་རྟ་བབས་སྣམ་བུ་བཞི་པའི་དོན་མིན་ནོ། །དེ་ལྟ་བུའི་གཞལ་ཡས་ཁང་གི་ཕྱི་རོལ་ཏུ་རྡོ་རྗེའི་དྲྭ་བ་མེ་དང་བཅས་པའི་ཕྱི་རོལ་ཏུ་གཏུམ་དྲག་ལ་སོགས་པའི་དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་གཞལ་ཡས་ཁང་གི་དབུས་སུ་སྣ་ཚོགས་པདྨ་འདབ་མ་

― KMC014_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་པའི་ལྟེ་བར་ཉི་མའི་གདན་ལ་འཇིགས་བྱེད་དང་དུས་མཚན་གྱི་གདན། ཕྱོགས་ཀྱི་འདབ་མ་བཞི་ལ་ཁྱབ་འཇུག་སོགས་ལྷ་ཆེན་པོ་རྣམས་ཀྱི་ངོ་བོ་དབུགས་བྲལ་ཏེ་རོ་ཡི་གདན་བཞི་དང་བཅས་པ་སྟེ། དེ་དག་ནི་རྟེན་གཞལ་ཡས་ཁང་གདན་དང་བཅས་པ་བསྐྱེད་པའོ། །དེ་ནས་བརྟན་པ་ལྷ་བསྐྱེད་པའི་ཚུལ་ནི། འདུས་པའི་རྒྱུད་ཕྱི་མ་དང་། ཀྱཻ་རྡོར་དང་། སམྦུ་ཊིའི་རྒྱུད་རྣམས་ལས། དང་པོ་སྟོང་ཉིད་བྱང་ཆུབ་སྟེ། །གཉིས་པ་ལ་ནི་ས་བོན་བསྡུ། །གསུམ་པ་ལ་ནི་གཟུགས་བརྙན་རྫོགས། །བཞི་པ་ལ་ནི་ཡི་གེ་འགོད། ། ཅེས་གསུངས་པ་བཞིན། དེ་ལྟ་བུའི་གཞལ་ཡས་ཁང་གི་དབུས་གཙོ་བོའི་གདན་གྱི་སྟེང་དུ་རང་གི་རྣམ་པར་ཤེས་པའི་ངོ་བོ་ཧཱུྃ་མཐིང་ག་འོད་ཟེར་འབར་བ། དེ་ལས་འོད་ཟེར་སྣ་ཚོགས་འཕྲོས་ཚུར་འདུས་ཧཱུྃ་ལ་ཐིམ་པས་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུྃ་གིས་མཚན་པར་བསྒོམ་པ་ནི་ས་བོན་བསྡུ་བའོ། །སྐྱེ་གནས་བཞི་སྦྱོང་བ་དང་

― KMC014_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟུན་ཚེ་སྒོང་སྐྱེས་སྦྱོང་བྱེད་ཡིན་ཏེ། རྡོ་རྗེ་ནི་སྒ་ོང་དང་ཧཱུྃ་ཡིག་ནི་སྒོང་ཆུའི་རྣམ་པ་ཡིན་པའི་ཕྱིར་རོ་ཞེས་སྔ་མ་རྣམས་གསུང་། འདི་ལ་བར་སྲིད་ཞུགས་རྒྱུ་མེད་པ། སྲིན་བུ་པད་པ་འཕོ་བ་ལྟར་བར་སྲིད་སྐད་ཅིག་མ་ལས་མེད་པ་དང་ཚུལ་བསྟུན་པའོ། །དེ་ནས་ས་བོན་ཕྱག་མཚན་དང་བཅས་པ་ཡོངས་སུ་གྱུར་པ་ལས། བདག་ཉིད་དཔལ་ཧེ་རུ་ཀ་འཁོར་ལོ་སྡོམ་པའི་སྐུར་གྱུར་པར་བསྒོམ་པ་ནི་གཟུགས་བརྙན་རྫོགས་པའོ། །ཕྱག་རྒྱ་དྲུག་ནི། སྤྱི་བོར་རུས་པའི་འཁོར་ལོ་རྩིབས་བརྒྱད་པ། རྣ་བར་རྣ་ཆ། མགྲིན་པར་མགུལ་ཆུ། སྙིང་གར་སེ་རལ་ཁ། སྐེད་པར་སྐ་རགས། ཡན་ལག་བཞི་ལ་གདུ་བུ་དྲུག་རྣམས་སོ། །སྒེག་པ་ལ་སོགས་ཉམས་དགུར་ལྡན། །ཅེས་པའི་སྒེག་པ་ནི་འཕྱོར་སྒེག་སྟེ་སྐུ་ལུས་ཐམས་ཅད་འཚམས་ཞིང་མཛེས་ལ་རྒྱན་ཐམས་ཅད་ཀྱིས་བརྒྱན་པ་དང་ཤེས་རབ་མ་ལ་སྦྱོར་བ་སོགས་ཆགས་པའི་སྤྱོད་པ་སྟོན་པའོ། །དཔའ་བ་ནི་

― KMC014_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་དང་ལྡན་ཞིང་ཐུབ་པར་དཀའ་བ་ལ་མཁྲང་བག་ཅན་སྐུ་ཤེད་དང་ལྡན་པ་ལྷ་རྣམས་ཞབས་འོག་ཏུ་མནན་པའོ། །མི་སྡུག་པ་ནི་ཁྲོ་ཉམས་ཏེ་མཐོང་བ་ཙམ་གྱིས་འཇིགས་པའོ། །དེ་ནི་སྐུའི་ཉམས་གསུམ་མོ། །བཞད་པ་ནི་ཆགས་པ་དང་དགྱེས་པའི་དྲེགས་པའི་རྒྱུ་ལས་བྱུང་བ་དང་། དྲག་ཤུལ་ནི་ཚིག་རྩུབ་པོས་གཤེ་བ་དང་། འཇིགས་རུང་གིས་ཧ་ཧ་སོགས་ང་རོ་དྲག་པོ་འབྲུག་ལྟར་སྒྲོགས་པ་སྟེ། གསུང་གི་ཉམས་གསུམ་མོ། །སྙིང་རྗེ་ནི་དམིགས་པ་མེད་པའི་སྙིང་རྗེ་ལ་གནས་པའོ། །རྔམ་པ་ནི་ངོ་མཚར་བ་སྟེ་ཁྲོ་ཆགས་ཀྱི་ཐུགས་གཉིས་ཀ་ཚོགས་པ་ལྟ་བུའོ། །ཞི་བ་ནི་རྣམ་པར་མི་རྟོག་པའི་ཐུགས་ཅན་ནོ། །དེ་དག་ནི་ཐུགས་ཀྱི་ཉམས་གསུམ་སྟེ་དགུའོ། །སྟག་ལྤགས་ཀྱི་ཤམ་ཐབས་ཅུང་ཟད་གྲོལ་བཞིན་པས་ཡུམ་རྡོ་རྗེ་ཕག་མོ་ལ་འཁྱུད་པའོ། །གཡས་བརྐྱང་པས་འཇིགས་བྱེད་ནག་པོའི་མགོ་རྐེ་བལྟབས་པའི་དཔྲལ་བ་ནས་དང་། གཡོན་བསྐུམས་པས་

― KMC014_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་མཚན་མ་དམར་མོའི་ནུ་མའི་བར་དུ་བརྫིས་པ། དེ་གཉིས་ཀའང་ཕྱག་མཚན་གྲི་གུག་དང་ཐོད་པ་ཅན་ནོ། །དྲི་མ་མེད་པའི་འོད་ཟེར་འཕྲོ་ཞིང་འཇིགས་དུས་ཀྱི་མེ་ལྟར་འབར་བའི་དབུས་ན་བཞུགས་པར་བསྒོམ། དེ་ལ་འཁྱུད་པའི་ཡུམ་རྡོ་རྗེ་ཕག་མོ་བསྐལ་པའི་མེ་ལྟར་གཟི་བརྗིད་འབར་ཞིང་། ཐལ་བ་སྟེ་སེ་རལ་ཁ་སྤང་པའི་ལྷག་མ་ཕྱག་རྒྱ་ལྔས་སྤྲས་པ། གཡས་པས་སྡིགས་མཛུབ་དང་བཅས་གྲི་གུག་འཕྱར། །ཞེས་པའི་སྡིགས་མཛུབ་ལ་གཉིས་ཏེ། མཐེ་བོང་གུང་མོས་མནན་པ་ཁྲོ་བོའི་སྡིགས་མཛུབ་དང་། མཐེ་བོང་གིས་གུང་སྲིན་མནན་པ་རྡོ་རྗེའི་སྡིགས་མཛུབ་གཉིས་ལས་འདིར་ཕྱི་མའོ། །མདུན་གྱི་པདྨའི་འདབ་མར་མཁའ་འགྲོ་མ་མཐིང་ག །གཡོན་ཕྱོགས་སུ་ལཱ་མཱ་ལྗང་གུ། རྒྱབ་དུ་དུམ་སྐྱེས་མ་དམར་མོ། གཡས་སུ་གཟུགས་ཅན་མ་སེར་མོ། བཞི་ཀའང་ཞལ་གཅིག་ཕྱག་གཉིས་གཡས་གྲི་གུག་དང་། གཡོན་ཐོད་པ་ཁྲག་གིས་གང་

― KMC014_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འཛིན་པ། གྲུ་མོར་ཁ་ཊྭཱཾ་ག་ཡོད་པ་སོགས་དཀྱུས་སུ་གསལ་ལོ། །ལྷ་མོ་བཞིའི་མཚན་དོན་ནི། །སྤྱིར་འཇིག་རྟེན་ན་སྲིན་མོ་རྫུ་འཕྲུལ་ཅན་རྣམས་རོ་ལངས་ཀྱི་བཞོན་པ་ལ་བརྟེན་ཏེ་མཁའ་ལ་འགྲོ་ཞིང་གཞན་གྱི་སྲོག་འཕྲོག་པས་མཁའ་འགྲོ་མ་དང་གསོད་བྱེད་མ་ཟེར་ལ། ཡང་འགའ་ཞིག་གིས་དུས་དང་དུས་ལ་མཆོད་པས་མགུ་བར་གྱུར་ནས་མིའི་བྱད་གཟུགས་ཕུན་སུམ་ཚོགས་པ་དང་། རོལ་རྩེད་ཀྱི་དགའ་བ་སྣ་ཚོགས་དང་། འཁྲིག་པའི་དེ་ཁོ་ན་ཉིད་སྟོན་པར་བྱེད་པས་ལཱ་མཱ་དང་། ཡང་ན་དེ་ཉིད་དགའ་བས་འདོད་པའི་སྒྱུ་རྩལ་བྱེད་པ་ཡང་ཡིན་ལ་སྐྱེ་བོ་རྣམས་ཡིད་གཡོ་བའི་སྒོ་ནས་ལུས་ངག་སྤྱོད་པར་ཡང་བྱེད་དུ་འཇུག་པས་འདོད་པའི་སྒྱུ་རྩལ་དང་གཡོ་བ་ནི་གར་སྟེ། དེའི་ཕྱིར་གར་གྱི་དབང་ཕྱུག་མའོ། །ཡང་ཁ་ཅིག་གདོང་བརྙན་སོགས་ལུས་ཀྱི་དུམ་བུ་མི་འདྲ་བར་བསྒྱུར་ཞིང་སྒྲ་སྣ་ཚོགས་ཀྱིས་འཇིགས་པ་བསྐྱེད་པ་དང་། ལུང་སྟོན་པ་དང་རིག་

― KMC014_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་སྟོན་པར་བྱེད་པས་དུམ་བུའི་ལུས་ལས་སྒྲ་ཡིག་སྐྱེད་པའི་ཕྱིར་དུམ་སྐྱེས་མ་སྟེ་འཇིག་རྟེན་དབང་དུ་བྱེད་ཅིང་འགུགས་པར་བྱེད་པའོ། །ཡང་ཁ་ཅིག་གི་སྡུག་པ་དང་མི་སྡུག་པ་དང་རྒན་གཞོན་བར་མ་སྣ་ཚོགས་དང་། མི་དང་དུད་འགྲོ་ལྗོན་ཤིང་ལ་སོགས་པའི་གཟུགས་སྣ་ཚོགས་པར་བསྒྱུར་ཏེ་སྐྱེ་བོ་རྣམས་འཁྲུལ་ཞིང་རྨོངས་པར་བྱེད་པའི་གཟུགས་ཅན་མ་ཞེས་ཟེར་ཞིང་ལྟུང་བའི་ལས་བྱེད་པའོ། །དེ་ལྟར་ན་གདུལ་བྱ་དེ་རྣམས་འདུལ་བའི་ཕྱིར། དགོངས་གབཞི་ངེས་པའི་དོན་ལ་དགོངས་ནས་དེ་དག་གི་མིང་གིས་བཅོམ་ལྡན་འདས་མ། མཱ་མ་ཀི། སྒྲོལ་མ་དང་། གོས་དཀར་མོ་དང་། སྤྱན་མ་རྣམས་ལའང་མཚན་པར་བྱས་པ་སྟེ། ཐུགས་སྤྲོས་བྲལ་གྱི་ནམ་མཁའ་ལ་གྱ་གྱུར་འགྲོ་བའི་ཕྱིར་མཁའ་འགྲོ་མ་དང་། དུམ་བུའི་སྐུ་ལས་གསུང་གི་སྣང་བ་སྐྱེད་པའི་ཕྱིར་དུམ་སྐྱེས་མ་དང་། སྐུའི་སྤྲུལ་པ་གཟུགས་ཅན་མཐའ་དག་གི་རྣམ་པར་སྟོན་པའི་

― KMC014_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་གཟུགས་ཅན་མ་དང་། ཡེ་ཤེས་དགའ་བ་ཐམས་ཅད་ལ་རོལ་བའི་ཕྱིར་ལཱ་མཱའོ། །མཚམས་ཀྱི་འདབ་མ་བཞི་ལ་བདུད་རྩི་ལྔ་ཆ་མཉམ་པས་བཀང་བའི་ཁར་ཤས་གང་བའི་ཐོད་པ་ལྷ་མིན་ཐགས་བཟང་རིས་སོགས་ཀྱི་ཐོད་པ་བཞི་དང་བཅས་པ་ནི། རྣམ་སྣང་ལ་སོགས་པའི་དེ་བཞིན་གཤེགས་པ་བཞིའི་ངོ་བོའོ། །དེ་ནས་དག་དྲན་ནི། ལུས་དྲན་པ་ཉེ་བར་བཞག་པ་ནི། ཆུ་ཁམས་ཀྱི་ཆོས་ཉིད་དྭངས་མ་མེ་ལོང་ཡེ་ཤེས་ཏེ། འཁོར་བའི་བག་ཆགས་ཀྱི་དྲི་མ་དག་པའི་དག་པ་གཉིས་ལྡན་གྱི་ཕྱིར་གཙང་བའི་དམ་པའང་ཡིན་ལ། དོན་དམ་པའི་འཁོར་བ་དང་མཐུན་པའི་ལུས་ལོངས་སྤྱོད་དུ་སྣང་བའི་ཕྱིར་ལུས་དྲན་ཉེ་དང་བག་ཆགས་སྤངས་པའི་ཕྱིར་གཙང་བ་དམ་པའི་ཕ་རོལ་ཏུ་ཕྱིན་པ་དང་། ཆུ་ཁམས་ཀྱི་ཡེ་ཤེས་ཡིན་པའི་ཕྱིར་མཁའ་འགྲོ་མའོ། །ཚོར་བ་དྲན་པ་ཉེ་བར་བཞག་པ་ནི། རླུང་ཁམས་ཀྱི་དྭངས་མ་བྱ་གྲུབ་ཡེ་ཤེས་དེ་ནི་སྙིང་རྗེ་ཆེན་པོའི་བདག་

― KMC014_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཡིན་ཏེ། དེའི་བྱ་བ་སྒྲུབ་པ་ཡིན་པའི་ཆ་ནས་སེམས་ཅན་གྱི་དོན་མཛད་པ་ཡིན་ཞིང་། སྙིང་རྗེ་དེ་ཡང་ཐེག་པ་འདིར་བདེ་བ་ཆེན་པོ་ཡིན་ལ། དེའང་ལས་རླུང་ཡན་ལག་དང་བཅས་པ་འགགས་པ་ན། རླུང་ཁམས་ཀྱི་དྭངས་མ་བདེ་ཆེན་མཐར་ཐུག་མངོན་དུ་འགྱུར་བ་ཡིན་པས། དེ་མ་རིག་བག་ཆགས་ཀྱི་ས་དང་། ཡིད་ལས་བྱུང་བའི་སྡུག་བསྔལ་ཕྲ་མོ་ཡང་འགགས་པར་འགྱུར་ན་ཚོར་བ་གཞན་རྣམས་ལྟ་ཅི་སྨོས་ཏེ། ཚོར་བ་དག་པའི་ཕྱིར་ཚོར་བ་དྲན་ཉེ་དང་། བདེ་ཆེན་ཉིད་ཀྱི་ཕྱིར་བདེ་བ་ཆེན་པོའི་ཕ་རོལ་ཏུ་ཕྱིན་པ་དང་། རླུང་ཁམས་ཀྱི་དྭངས་མ་ཡིན་པའི་ཕྱིར་ལཱ་མཱའོ། །ཆོས་དྲན་པ་ཉེར་བཞག་ནི། མེ་ཁམས་ཀྱི་དངས་དྭངས་མ་སོ་སོར་རྟོག་པའི་ཡེ་ཤེས་ཏེ། ཇི་ལྟ་ཇི་སྙེད་ཀྱི་ཆོས་ཐམས་ཅད་མ་འདྲེས་པར་མཁྱེན་ཡང་། ཐམས་ཅད་རང་བཞིན་མཉམ་ཉིད་དུ་གཟིགས་ཕྱིར་མཉམ་ཉིད་དེ་ནི་རྟག་པ་ཡིན་ཏེ། གང་མི་རྟག་པ་ཞིག་ཡོད་ན་ཡུལ་དུས་

― KMC014_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོ་བ་ཡིན་པས་མཉམ་པ་ཉིད་དུ་མི་འགྱུར་བའི་ཕྱིར་རོ། །དེས་ན་སྐད་ཅིག་རེ་རེ་དང་རྣམ་འགྱུར་ཕྲ་མོའི་སྐབས་ལྟ་ཅི་སྨོས། འཁོར་འདས་སེམས་ཀྱི་སྣང་བ་ཙམ་མ་གཏོགས་གདོད་ནས་མ་གྲུབ་པའི་ཕྱིར། གནས་ལུགས་དེ་ལ་འཁོར་བས་རྙོགས་པའང་མེད་ལ། མྱང་འདས་སུ་དག་པའང་མེད་པའི་ཕྱིར། མི་རྟག་ཅིང་འགྱུར་བའི་གནས་སྐབས་མ་གྲུབ་པས་རྟག་པ་ཉིད་དོ། །དེས་ན་དེ་ནི་ཆོས་ཐམས་ཅད་ཇི་ལྟ་ཇི་སྙེད་རྟོགས་ཕྱིར་ཆོས་དྲན་ཉེ་དང་། འགྱུར་མེད་རྟོགས་པའི་ཕྱིར་རྟག་པ་དམ་པའི་ཕ་རོལ་ཏུ་ཕྱིན་པ་དང་། མེ་ཁམས་ཀྱི་དྭངས་མ་ཉིད་ཀྱི་ཕྱིར་ཁཎྜ་རོ་ཧེའོ། །སེམས་དྲན་པ་ཉེ་བར་བཞག་པ་ནི། ས་ཁམས་ཀྱི་དྭངས་མ་མཉམ་ཉིད་ཡེ་ཤེས་ཏེ། བདག་གཞན་ཆོས་ཐམས་ཅད་སྟོང་པར་ཡང་མཉམ། གསལ་བའི་དཀྱིལ་འཁོར་དང་ཡང་མཉམ། མཉམ་པ་དེ་ཡང་འདྲ་མཚུངས་ཙམ་ཚོགས་པའི་དོན་མ་ཡིན་ཏེ། རང་བཞིན་གཅིག་པུ་གཉིས་སུ་མེད་

― KMC014_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་ལ། དེ་ལྟར་ན་ཤེས་བྱ་ཀུན་ལ་ང་བདག་ལྟ་ཅི་སྨོས། གཞན་ལས་ལོགས་སུ་བཀར་ཏེ་རང་ངམ་འདི་ལྟར་ཚུགས་ཐུབ་བོ་ཞེས་པའང་མི་སྣང་ཞིང་། དེའི་ཕྱིར་བདག་གི་སྤྲོས་པ་ཞི་བ་དང་། མཉམ་ཉིད་དེ་ནམ་ཡང་མི་འགྱུར་བར་བརྟན་ཅིང་རིག་པའི་རྒྱལ་པོར་གྲུབ་པས་བདག་མེད་པའི་སྤྲོས་པ་ལས་ཀྱང་འདས་ཏེ་གནས་ལུགས་སུ་བཞུགས་པ་ཡིན་ནོ། །མི་བདེན་པའི་སེམས་རྣམས་ཀྱི་གནས་ལུགས་རང་མྱོང་གི་རིག་པའི་ཡེ་ཤེས་ཡིན་པའི་ཕྱིར་སེམས་དྲན་ཉེ་དང་། གནས་ལུགས་ལ་བཞུགས་པའི་ཕྱིར་བདག་དམ་པའི་ཕ་རོལ་ཏུ་ཕྱིན་པ་དང་། ས་ཁམས་ཀྱི་དྭངས་མ་ཉིད་ཀྱི་ཕྱིར་གཟུགས་ཅན་མའོ། །ཡང་དག་པའི་ཏིང་ངེ་འཛིན་ནི་བྱང་ཆུབ་ཀྱི་ཕྱོགས་ཆོས་ཐམས་ཅད་ཀྱང་ཏིང་ངེ་འཛིན་གཅིག་པུར་འདུས་ཤིང་། སྒྱུ་མ་ལྟ་བུ་དང་། དཔའ་བར་འགྲོ་བ་ལ་སོགས་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་ཡང་ཕྱོགས་བཅུ་རབ་འབྱམས་མུ་

― KMC014_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་ཞིང་གི་རྡུལ་རྙེད་ཡིན་མོད་ཀྱི། དེས་ཀྱང་དེ་བཞིན་གཤེགས་པའི་ཏིང་ངེ་འཛིན་གྱི་བྱེ་བའི་ཆ་ལའང་བསྒྲུན་པར་མི་ནུས་པས། ཏིང་ངེ་འཛིན་རབ་འབྱམས་མཐའ་མེད་པ་དེ་དག་དོན་དམ་ལྷན་ཅིག་སྐྱེས་པའི་བདེ་ཆེན་གཅིག་པུའི་ངོ་བོར་གནས་པའི་ཡང་དག་པའི་ཏིང་ངེ་འཛིན་ཉིད་དེ། དེ་ནི་དཔལ་ཧེ་རུ་ཀར་བཞེངས་པའོ། །བྱང་ཕྱོགས་ཀྱི་སྐོར་འདི་རྣམས་བོད་ཐམས་ཅད་ཀྱིས་མདོ་དང་ཐུན་མོང་ལས་མ་བཤད་ཅིང་། ལམ་གྱི་ཆོས་སོ་བདུན་ལ་ཐུན་མོང་དང་ཐུན་མོང་མིན་པ་གཉིས་དང་། འབྲས་བུའི་སོ་བདུན་ལ་ཐབས་ཤེས་གཉིས་ཀའི་རྒྱས་བཏབ་ཅན་དུ་འཆད་པ་སོགས་ཆོས་འདིའི་སྲོག་ཤིང་དུ་སྣང་བ། ཇོ་བོ་བདེ་མཆོག་རྡོ་རྗེ་དང་ཅོག་རོ་ཆོས་རྒྱལ་བ་སོགས་ཀྱི་བཞེད་པ་ལྟར་འདི་རྣམས་ནི་འབྲས་བུའི་ཆོས་རྣམས་བཀོད་པའོ། །དེ་ལྟར་གཙོ་འཁོར་ལྔ་པོ་ཐམས་ཅད་ཀྱི་སྤྱི་བོར་ཟླ་བ་ལ་ༀ་དཀར་པོ། མགྲིན་པར་པདྨ་ལ་ཨཱཿདམར་པོ། སྙིང་ཁར་

― KMC014_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཚོགས་རྡོ་རྗེ་ལ་ཧཱུྃ་མཐིང་གས་མཚན་པར་གྱུར་པ་དང་། དེ་ནས་གོ་ཆ་འགོད་པ་ནི། བཅོམ་ལྡན་འདས་འཁོར་ལོ་སྡོམ་པའི་ཐུགས་ཀར་རྡོ་རྗེ་སེམས་དཔའི་ངོ་བོ་ༀ་ཧ་དཀར་པོ། མགོ་བོར་རྣམ་པར་སྣང་མཛད་ཀྱི་ངོ་བོ་ན་མ་ཧི་སེར་པོ། སྤྱི་གཙུག་ཏུ་པདྨ་གར་དབང་གི་ངོ་བོ་སྭཱ་ཧཱ་ཧུ་དམར་པོ། ཕྲག་པ་གཉིས་སུ་དཔལ་ཧེ་རུ་ཀའི་ངོ་བོ་བཽ་ཥཊ་ཧེ་ནག་པོ། མིག་གཉིས་སུ་རྡོ་རྗེ་ཉི་མའི་ངོ་བོ་ཧཱུྃ་ཧཱུྃ་ཧོཿདམར་སེར། ཡན་ལག་ཐམས་ཅད་ལ་རྟ་མགྲིན་གྱི་ངོ་བོ་ཕཊ་ཧཾ་ལྗང་གུ། ཡུམ་གྱི་ལྟེ་བར་ཕག་མོའི་ངོ་བོ་ༀ་བཾ་དམར་པོ། སྙིང་གར་གཤིན་རྗེ་མའི་ངོ་བོ་ཧཾ་ཡཾ་སྔོན་མོ། ཁར་རྨོངས་བྱེད་མའི་ངོ་བོ་ཧྲིཾ་མཾ་དཀར་མོ། མགོ་བོར་སྐྱོད་བྱེད་མའི་ངོ་བོ་ཧྲིཾ་ཧྲིཾ་སེར་པོ། སྤྱི་བོར་སྐྲག་བྱེད་མའི་ངོ་བོ་ཧཱུྃ་ཧཱུྃ་ལྗང་གུ། ཡན་ལག་ཐམས་ཅད་ལ་གཏུམ་མོའི་ངོ་བོ་ཕཊ་ཕཊ་དུད་ཁ་རྣམས་ཀྱིས་མཚན་པ། དེ་རྣམས་ནི་སྙིང་ག་ལ་སོགས་པའི་ཤ་ལྤགས་མཚམས་སུ་བསྒོམ་དགོས་

― KMC014_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་། སྔགས་ཚར་གཉིས་རེ་ཁ་སྤྲད་པའི་རྣམ་པ་ཅན་དགོས་པར་བཞེད། ཡན་ལག་ཐམས་ཅད་ཅེས་པ་ནི། དཔུང་མགོ་གཉིས་དང་། བར་ལྷུ་གཉིས། དཔྱི་གཉིས། པུས་མོ་གཉིས་ཏེ་ཚིགས་ཆེན་བརྒྱད་དུ་བཀོད་ནས་འོད་ཀྱིས་ལུས་ཐམས་ཅད་ལ་ཁྱབ་པར་བྱེད་པའོ། །དེ་ནི་བྱང་ཆུབ་བཞི་ལས་ཡི་གེ་འགོད་པའོ། །དེ་ནས་ཡེ་ཤེས་པ་སྤྱན་དྲངས་པ་ནི། ཕེཾ་ཞེས་བརྗོད་ཅིང་འབར་བའི་ཕྱག་རྒྱ་དཔྲལ་བར་བསྐོར་ནས། སྙིང་གའི་ཧཱུྃ་གི་འོད་ཀྱིས་དཔལ་འཁོར་ལོ་སྡོམ་པའི་ཡེ་ཤེས་ཀྱི་དཀྱིལ་འཁོར་ལྷ་ལྔའི་རྣམ་པ་དང་། གཞན་ཡང་ཕྱོགས་བཅུ་ན་བཞུགས་པའི་དཔའ་བོ་དང་རྣལ་འབྱོར་མ་རྣམས་དང་། དབང་གི་ལྷ་རྒྱལ་བ་སྲས་དང་བཅས་པ་ཐམས་ཅད་ཀྱང་དཔལ་འཁོར་ལོ་སྡོམ་པ་ལྷ་སོ་བདུན་གྱི་རྣམ་པར་མདུན་གྱི་ནམ་མཁར་སྤྱན་དྲངས་ནས་བཞུགས་པ་ལ། རང་གི་ཐུགས་ཀ་ནས་སྤྲོས་པའི་ལྷ་མོ་བཅུ་དྲུག་གིས་མཆོད་ནས། ཛཿཧཱུྃ་བཾ་ཧོཿཞེས་དབང་ལྷ་མ་

― KMC014_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོགས་པའི་ཡེ་ཤེས་པ་རྣམས་དམ་ཚིག་པ་རྣམས་ལ་ཐིམ་པར་བསམ་ལ་ༀ་ཡོ་ག་ཤུདྡྷ་སོགས་ང་རྒྱལ་བཟུང་། སླར་ཡང་རང་གི་སྙིང་ག་ནས་སྤྲོས་པའི་ལྷ་མོ་བཅུ་དྲུག་གིས་མཆོད་ནས། དམ་ཚིག་པ་རྣམས་ཀྱིས་དབང་གི་ལྷ་ལ། དེ་བཞིན་གཤེགས་ཀུན་བདག་ལ་དབང་བསྐུར་གསོལ། །ཞེས་དབང་བསྐུར་བར་གསོལ་བ་བཏབ་པའི་མོད་ལ། སྒོ་མཚམས་མ་བརྒྱད་ཀྱིས་བགེགས་བསྐྲད། དཔའ་བོ་སོ་བདུན་གྱིས་ཤིས་པ་བརྗོད། དཔའ་མོ་སོ་བདུན་གྱིས་གླུ་བླངས། ཡུམ་མཁའ་འགྲོ་མ་བཞི་དང་ཕག་མོར་བཅས་པས་རིན་པོ་ཆེའི་བུམ་པ་བདུད་རྩིས་གང་བ་ཐོགས་ཏེ། ཇི་ལྟར་བལྟམས་པ་སོགས་གསུང་བཞིན་པས་དབང་བསྐུར། ཡེ་ཤེས་ཀྱི་བདུད་རྩིའི་རྒྱུན་གྱིས་གནས་བཞི་རིམ་པས་གང་། དབང་བཞི་ཐོབ། དབང་སྐུར་བ་པོ་རྣམས་ཀྱང་རང་ཉིད་ལ་ཐིམ། ཆུའི་ལྷག་མ་གྱེན་དུ་ལུད་པ་ལས། བཅོམ་ལྡན་འདས་ལ་མི་བསྐྱོད་པ། རྡོ་རྗེ་ཕག་

― KMC014_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

མོར་རྣམ་པར་སྣང་མཛད། ཡུམ་བཞི་ལ་རིན་འབྱུང་གིས་དབུ་བརྒྱན་པར་བསམ་མོ། །དེ་ནས་མཆོད་བསྟོད་བྱ་བ་ནི། རང་གི་ཐུགས་ཀའི་ས་བོན་ལས་གྲུབ་པའི་ལྷ་མོ་དཔག་ཏུ་མེད་པ་རྣམས་ཀྱིས་བདག་ཉིད་ལ་མཆོད་པར་བསམ་ཞིང་། ཆུ་བཞི་དང་ཉེར་སྤྱོད་ཀྱི་སྔགས་དང་། སླར་ཡང་རིག་མ་བཅུ་དྲུག་གིས་མཆོད་པར་བསམ་ལ། དེ་རྣམས་ཀྱི་སྔགས་དང་། དེ་ནས་ཡུམ་བཞིས་བདུད་རྩིས་གང་བའི་ཐོད་པ་ཐོགས་ཏེ་མཆོད་པ་ལ་ལྷ་རྣམས་ཀྱི་ལྗགས་ཧཱུྃ་ལས་རྡོ་རྗེ་རྩེ་གསུམ་པའི་སྦུ་གུས་བདུད་རྩི་དྲངས་ཏེ་གསོལ་བར་བསམ། བླ་མ་བརྒྱུད་པ་རྣམས་ལ་ཕུལ་ཚེ་རང་གི་སྤྱི་གཙུག་ཏུ་རུས་པའི་འཁོར་ལོའི་སྟེང་ཐད་དུ་བཞུགས་པར་མོས་ལ་ཕུལ། མཐར་ༀ་ཨ་མྲྀ་ཏ་སྭཱ་ད་སོགས་ཀྱིས་ང་རྒྱལ་བཟུང་། དེ་ནས་རྐང་པ་བརྒྱད་པའི་སྔགས་ཀྱིས་བསྟོད་དོ། །ད་ནི་གཏུམ་མོ་འཁོར་ལོ་བཞི་པ་ཞེས་བསྐྱེད་རིམ་གྱི་ཕྲ་ཐིག་དེ་བསྒོམ་པར་བྱ་ཞིང་། དེ་ཡང་འདིས་རྫོགས་རིམ་

― KMC014_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཡེ་ཤེས་རྒྱུད་ལ་སྐྱེ་བར་བྱེད་པས་རྫོགས་རིམ་ཞེས་ཀྱང་མིང་འདོགས་ལ། དཔྱིད་ཐིག་ཁ་སྦྱོར་དུ་བཟུང་བའི་རྫོགས་རིམ་དངོས་དེ་སྟོན་པ་ལ་སྦྱོར་བ་ཡིན་ནོ། །དེ་ཡང་རང་ཉིད་གཙོ་བོ་ཡབ་ཡུམ་དུ་གསལ་བའི་སྐུའི་ནང་དུ་རྩ་གསུམ་འཁོར་ལོ་བཞི་རྣམས་གསལ་བཏབ་ལ། སྤྱི་བོའི་འཁོར་ལོའི་དབུས་སུ་ཧཾ་ཡིག་དཀར་པོ་མགོ་ཐུར་བསྟན། མགྲིན་པར་ༀ་ཡིག་དཀར་པོ་མགོ་གྱེན་བསྟན། སྙིང་ཁར་ཧཱུྃ་ཡིག་སྔོན་པོ་མགོ་མཐུར་བསྟན་དཔྱིད་ཀྱི་ཡི་གེའོ། །ལྟེ་བར་ཨཱཿཡིག་དམར་པོ་དེ་ནི་གཏུམ་མོའོ། །དཔྱིད་ཐིག་དངོས་ཀྱི་ཚེ་རོ་རྐྱང་གི་ནང་དུ་ཡི་གེ་འགོད་པའང་དགོས་མོད། ད་ལྟ་དེ་ཙམ་མི་དགོས། དེ་ནས་རླུང་ཁ་སྦྱོར་དུ་བཟུང་ནས་རོ་རྐྱང་ནས་རླུང་བུས་པས་ལྟེ་བའི་ཨཱཿལས་གཏུམ་མོའི་མེ་འབར། ཧཱུྃ་དང་ༀ་ཡིག་ཕུག །སྤྱི་བོའི་ཧྃ་ལ་རེག་པས། ཧྃ་ཡིག་ཞུ་བའི་བདུད་རྩི་སྨིན་མཚམས་ནས་ཕྱིར་སྤྲོས། སངས་རྒྱས་ཐམས་ཅད་ཀྱི་བདུད་རྩི་

― KMC014_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

བཀུག །སྤྱི་བོ་ནས་ཞུགས་ཏེ་ཧྃ་ཡིག་ལ་འདྲེས། དེ་ལས་བྱང་སེམས་ཀྱི་ཐིགས་པ་བབ། ༀ་དང་ཧཱུྃ་ཡིག་བརྒྱུད་དེ་ལྟེ་བའི་ཨཱཿལ་ཐིམ་པས་བདེ་བ་རྒྱས་པར་ཡང་ཡང་བསྒོམས་པས་རླུང་ཅུང་ཟད་ཀྱང་འགགས་པ་ནི་ཕྲ་མོའི་རྣལ་འབྱོར་དང་། དེ་ལས་བདེ་བ་སྐྱེ་བ་ནི་ཐིག་ལེའི་རྣལ་འབྱོར་ཏེ་ནག་པོ་པའི་བསྐྱེད་རིམ་སྐབས་སུ་ཡོད་པ་དང་། ཡང་ན་ལྟེ་བའི་ཨཱཿལས་མེ་འབར། ཧཱུྃ་དང་ༀ་བསྲེགས། སྤྱི་བོའི་ཧྃ་ལས་བྱང་སེམས་བབས། ཡི་གེ་གཉིས་གསོས། ཨཱཿཡིག་ལའང་བྱང་སེམས་བྲན་པས་མེ་ཆེར་འབར། སླར་ཡང་ཡི་གེ་གཉིས་བསྲེགས་པ་སོགས་ཡང་ཡང་བསྒོམ་པ་ནི་འདི་ཡི་ཚིག་ཟིན་ལྟར་རོ། ༈ །དེ་ནས་བཟླས་པའི་རྣལ་འབྱོར་ལ། ཐོག་མར་བགྲང་ཕྲེང་བྱིན་གྱིས་བརླབ་པ་ནི། དུང་ཆེན་པོའི་ཕྲེང་བ་སྙིམ་པར་བཅུག་ལ་བདུད་རྩིས་བསངས། པད་ཉིའི་སྟེང་དུ་བགྲང་ཕྲེང་ཧྲཱིཿལས་པདྨ་གར་གྱི་དབང་ཕྱུག་སྟེ་གསུང་རྡོ་རྗེ་སྣང་བ་མཐའ་ཡས་སྐུ་

― KMC014_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

མདོག་དམར་པོ་ཞལ་གཅིག་ཕྱག་བཞི་པར་བསྐྱེད། ཡེ་ཤེས་པ་བསྟིམས་ལ་མཆོད། ༀ་པདྨ་ནཏྟེ་སོགས་སྔགས་ཀྱིས་བྱིན་གྱིས་བརླབས་ནས་ཞུ་བས་བགྲང་ཕྲེང་དུ་གྱུར་པར་བསམ། ལས་བུམ་གྱི་ཆུས་བསང་ངོ་། །དེ་ནི་རྡོ་རྗེ་ཕྲེང་བའི་ལུགས་ཡིན་ནོ། །དེ་ནས་ལག་པ་གཡོན་པ་ལས་དང་མཐུན་པའི་སོར་མོར་མཐེ་བོང་རྡོ་རྗེ་ལྕགས་ཀྱུར་བྱས་ནས་ཡེ་ཤེས་པ་དགུག་པའི་བློས་བགྲང་བར་བྱའོ། །དེ་ནས་མངོན་བརྗོད་ལས། སྲོག་རྩོལ་ལས་དང་ཆོ་ག་བཞིན། །ཡེ་ཤེས་ཀྱི་ནི་བཟླས་པ་བྱ། །སྤྲོ་དང་བསྡུ་བའི་སྦྱོར་བ་ཡིས། །མྱུར་དུ་དངོས་གྲུབ་ཐོབ་པར་འགྱུར། །བདུད་རྩི་ལྔ་དང་ལྡན་བྱས་ནས། །འཁོར་ལོ་དམ་ཚིག་བཟླས་པ་ནི། །ཁྲོ་བོའི་དམ་ཚིག་བཟླས་བྱས་ནས། །དངོས་གྲུབ་ཐམས་ཅད་བདེ་བར་ཐོབ། །ཅེས་དང་། བཟླས་པས་རྣལ་འབྱོར་དོན་ཆེན་སྟེར། །རྣལ་འབྱོར་མ་དང་མཁའ་འགྲོ་དཔའ། །མངོན་སུམ་དུ་ནི་མཆོག་ཀྱང་སྩོལ། །

― KMC014_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་གསུངས་པའི་དང་པོ་འཁོར་ལོའི་བཟླས་པའི་ཁྱད་པར་ཡེ་ཤེས་ཀྱི་བཟླས་པ་ནི། གཙོ་བོའི་ཐུགས་ཀར་སྣ་ཚོགས་རྡོ་རྗེའི་ལྟེ་བར་ཉི་མ་ལ་ས་བོན་ཧཱུྃ་ཡིག་ལས་འོད་ཟེར། རྒྱུན་གྱི་བཟླས་པའི་ཚེ། མདོག་ལྷའི་མདོག་སྟེ་སྔོན་པོ་དང་། ཞི་སོགས་ལས་སོ་སོ་ལ་དཀར་པོ་བྱུང་། ཡབ་ཀྱི་ཞལ་ནས་ཐོན་ཡུམ་གྱི་ཞལ་དུ་ཞུགས། སྐུའི་དབྱིབས་བརྒྱུད་ཡུམ་གྱི་མཁའ་ནས་ཡབ་ཀྱི་རྡོ་རྗེར་ཞུགས། སྐུའི་དབྱིབས་བརྒྱུད་ཐུགས་ཀའི་ས་བོན་ལ་ཐིམ་པར་བསམ་གྱིན་བཟླའོ། །དེ་ཉིད་གོ་བཟློག་པའི་དམིགས་པ་ནི་དོལ་སྟེ་ཁྱོགས་ཀྱི་བཟླས་པའོ། །འཁོར་ལོའི་བཟླས་པ་ཉིད་ཁྲོ་བོ་ལ་བསྔགས་པར་བཤད་པས་དེ་ལྟ་བུའི་འཁོར་ལོ་བཟླས་པ་ནི་འདིར་དཔལ་འཁོར་ལོ་སྡོམ་པ་ཧེ་རུ་ཀ་ཁྲོ་བོ་ཐམས་ཅད་ཀྱི་རབ་མཆོག་ཡིན་པའི་ཕྱིར་ཤིན་ཏུ་བཟང་ངོ་། །ཕྱིས་འོད་ཟེར་སྔགས་ཕྲེང་དུ་བསྒྱུར་ནས་བསྒོམ་པར་བྱའོ། །ལས་སོ་སོའི་སྐབས་སུ། ཞི་བ་ལ་སྔགས་ཀྱི་ཡིག་འབྲུ་རྣམས་ཅུང་

― KMC014_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་མ་རེག་པ། ཡིག་འབྲུ་རེ་རེ་བཞིན་འོད་ཟེར་དཀར་པོ་འཕྲོ་བ་དལ་གྱིས་འགྲོ་བར་བསྒོམ་པའོ། །དབང་ལ་ནི་ཡིག་འབྲུ་དམར་པོ་འོད་ཟེར་དམར་པོ་ཅན་ཡི་གེ་སྔ་མའི་ཞབས་ལ་འོད་ཟེར་ལྕགས་ཀྱུ་ལྟ་བུ་ཡོད་ཅིང་། ཕྱི་མའི་མགོ་ལ་འོད་ཟེར་ཞག་མིག་ལྟ་བུ་ཡོད་པ། དེ་ལ་ལྕགས་ཀྱུས་བཏབ་ཏེ་སྔ་མས་ཕྱི་མ་དྲང་བའི་འགྲོས་ནི་ལུ་གུ་རྒྱུད་ལྟ་བུའི་འགྲོས་སོ། །དྲག་པོ་ལ་ཡི་གེ་སྔ་མ་སྔ་མ་ཕྱི་མ་ཕྱི་མས་འཕུལ་ཞིང་ཤིན་ཏུ་མྱུར་བ་མདའི་ཤུགས་ལྟར་འགྲོ་བའོ། རྒྱས་པ་ལ་ནི་ཡིག་འབྲུ་རེ་རེ་ལས་འོད་ཟེར་ཡི་གེའི་སྨད་ཀྱི་ཕྱོགས་ལ་ཇེ་རྒྱས་རྩེ་མོ་ཅུང་ཟད་འཁྱིལ་བའི་རྣམ་པ་ཅན་མང་པོ་གཤིབས་པ་རྨ་བྱའི་སྒྲོ་ཕོན་ལྟ་བུ་བསྒོམ་པ་སྟེ། ཐམས་ཅད་ལ་ཡང་མཚུངས་པར་ཡིག་འབྲུ་སྔ་མ་སྔ་མའི་ཞབས་ཀྱི་ཕྱོགས་ལ་ཕྱི་མ་ཕྱི་མའི་མགོ་མཐུད་དེ་ཡིག་འབྲུ་མ་རེག་ཅིང་འོད་ཟེར་འབྲེལ་བའི་ཚུལ་གྱིས་འཁོར་བར་བསྒོམ་མོ། །སྤྲོ་བསྡུ་དམ་ཚིག་གི་བཟླས་པ་

― KMC014_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ལྟེ་བ་སྤྲུལ་པའི་འཁོར་ལོ་པདྨའི་ལྟེ་བར་ནཱ་དའི་རྩེ་མོ་ནས། གང་ཟློ་བའི་སྔགས་ཕྲེང་དེ་འཕྲོས། སྣ་བུག་གཡས་ནས་ཐོན། དཀྱིལ་འཁོར་གྱི་ལྷ་ཚོགས་ཏེ་དཔའ་བོ་དང་རྣལ་འབྱོར་མ་རྣམས་སུ་གྱུར། འགྲོ་བའི་དོན་མཛད་ནས་ལྷ་ཚོགས་དེ་རྣམས་སྔགས་ཕྲེང་གི་གཟུགས་སུ་གྱུར་ཏེ། ཡང་སྣ་བུག་གཡོན་ནས་ཞུགས་ཏེ་སླར་ནཱ་ད་ལ་ཐིམ་པར་བསམ་གྱིན་བཟླའོ། ༈ །ཐུན་བསྡུ་བའི་ཚེ། ཐུགས་ཀའི་ཧཱུྃ་གི་འོད་ཀྱིས་སྣོད་བཅུད་ཐམས་ཅད་ལྷའི་རྣམ་པར་གྱུར། དེ་ཐམས་ཅད་གཞལ་ཡས་ཁང་ལ་ཐིམ། དེ་འོད་དུ་ཞུ་ནས་འཁོར་རྣམས་ལ། དེ་ཡང་ཡུམ་ལ། ཡུམ་ཡང་ཡབ་ལ་ཐིམ། དེ་ཡང་ཐུགས་ཀའི་ཧཱུྃ་ལ་ཐིམ། དེ་ཡང་གྱེན་རྫོགས་སུ་ཡལ་བར་བསམ་ལ་རྣམ་པར་མི་རྟོག་པའི་ངང་དུ་བཞག་གོ །སླར་ཡང་དེའི་ངང་ལས་གཙོ་བོ་ལྷན་སྐྱེས་ཡབ་དཔའ་བོ་གཅིག་པའི་རྣམ་པར་གསལ་ཞིང་། གཏོར་མ་སོགས་ཐུན་མཚམས་ཀྱི་རྣལ་འབྱོར་ལ་འཇུག་གོ །སྐབས་

― KMC014_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ལས་དང་པོ་པ་ལ་མཁོ་བའི་འཁོར་ལོ་གསུམ་གྱི་ལྷ་ཚོགས་རྣམས་ཀྱི་སྐུ་མདོག་སོགས་ནི། ཐུགས་ཀྱི་འཁོར་ལོའི་དཔའ་བོ་དང་རྣལ་འབྱོར་མ་རྣམས་ནི། ཤར་གྱི་རྩིབས་ལ་ཐོད་པའི་དུམ་བུ་དང་རབ་གཏུམ་མ། བྱང་དུ་ཀེང་རུས་ཆེན་མོ་དང་གཏུམ་མིག་མ། ནུབ་ཏུ་ཀེང་རུས་དང་འོད་ལྡན་མ་དང་། ལྷོར་མཆེ་བ་རྣམ་གཙིགས་དང་སྣ་ཆེན་མ། མེར་ཆང་དགྲ་དང་དཔའ་བློ་མ། སྲིན་པོར་འོད་དཔག་མེད་དང་མིའུ་ཐུང་མ། རླུང་དུ་རྡོ་རྗེ་འོད་དང་ལངྐའི་དབང་ཕྱུག །དབང་ལྡན་དུ་རྡོ་རྗེ་ལུས་དང་ཤིང་གྲིབ་མ། མཁའ་སྤྱོད་ཐུགས་ཀྱི་འཁོར་ལོ་པ་རྣམས་སྐུ་མདོག་སྔོན་པོ། གསུང་གི་འཁོར་ལོར། ཤར་དུ་མྱུ་གུ་ཅན་དང་ས་སྲུང་མ། བྱང་དུ་རྡོ་རྗེ་རལ་པ་ཅན་དང་འཇིགས་བྱེད་ཆེན་མོ། ནུབ་ཏུ་དཔའ་མོ་ཆེན་མོ་དང་རླུང་ཤུགས་མ། ལྷོར་རྡོ་རྗེ་ཧཱུྃ་མཛད་དང་ཆང་འཐུང་མ། མེར་རབ་ཏུ་བཟང་པོ་དང་སྔོ་སངས་ལྷ་མོ། བདེན་བྲལ་དུ་རྡོ་རྗེ་བཟང་པོ་དང་

― KMC014_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་བཟང་མ། རླུང་དུ་འཇིགས་བྱེད་ཆེན་པོ་དང་རྟ་རྣ་མ། དབང་ལྡན་དུ་མིག་མི་བཟང་དང་བྱ་གདོང་མ། ས་སྤྱོད་གསུང་གི་འཁོར་ལོ་པ་རྣམས་སྐུ་མདོག་དམར་པོ། སྐུའི་འཁོར་ལོའི་ཤར་གྱི་རྩིབས་ལ་སྟོབས་པོ་ཆེ་དང་འཁོར་ལོའི་ཤུགས་ཅན་མ། བྱང་དུ་རིན་ཆེན་རྡོ་རྗེ་དང་དུམ་སྐྱེས་མ། ནུབ་ཏུ་རྟ་མགྲིན་དང་ཆང་འཚོང་མ། ལྷོའི་རྩིབས་ལ་ནམ་མཁའི་སྙིང་པོ་དང་འཁོར་ལོའི་གོ་ཆ་མ། མེར་ཧེ་རུ་ཀ་དང་ཤིན་ཏུ་དཔའ་མོ། སྲིན་པོར་པདྨ་གར་གྱི་དབང་ཕྱུག་དང་སྟོབས་ཆེན་མ། རླུང་དུ་རྣམ་པར་སྣང་མཛད་དང་འཁོར་ལོས་སྒྱུར་མ། བྱང་ཤར་དུ་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ་ས་འོག་སྐུའི་འཁོར་ལོའི་ལྷ་རྣམས་སྐུ་མདོག་དཀར་པོ། དཔའ་བོ་ཐམས་ཅད་ཞལ་གཅིག་ཕྱག་བཞི་དང་པོ་གཉིས་རྡོར་དྲིལ། འོག་མ་གཉིས་ཌཱ་མ་རུ་དང་ཁ་ཊྭཱཾ་ག་བསྣམས་པ། ཡུམ་རྣམས་ཞལ་གཅིག་ཕྱག་གཉིས་གྲི་ཐོད་འཛིན་མ་ཡབ་ལ་འཁྱུད་པའོ། །གཞན་

― KMC014_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་འདིར་གསང་སྔགས་བླ་མེད་ཀྱི་ལྷ་ཡབ་ཡུམ་ཁ་སྦྱོར་ཅན་ཞིག་ལ་ལྷན་སྐྱེས་སུ་མཚན་གསོལ་བ་ཡིན་ནོ། །རང་ལུགས་ཀྱི་རྡོ་རྗེ་ཕག་མོ་འདི་ལ་ཡང་ཡབ་ཧེ་རུ་ཀ་སྦས་པའི་ཚུལ་དུ་སྦྱོར་བས་གྲུ་མོ་ན་ཁ་ཊྭཱཾ་ག་བཅུག་པ་ཁ་སྦྱོར་གྱི་སྐུ་ཡིན་པས་ན་ལྷན་སྐྱེས་མ་ཞེས་ཟེར་རོ། །འདིའི་བསྙེན་པ་བྱེད་ཚུལ་གཞུང་གི་དངོས་བསྟན་ལྟར་ན། ཐོག་མར་རྡོག་མཚམས་ཀྱི་ཁོངས་སུ་ཞག་ཤས་ཤིག་ཏུ་འདི་ནས་བཤད་པའི་སྐྱབས་སེམས་སོགས་སྔོན་དུ་འགྲོ་བའི་སྲུང་འཁོར་བསྒོམ་ཞིང་སུམྦྷ་གང་མང་བཟླ། ཐུན་མཚམས་སུ་མཁའ་འགྲོ་སྤྱི་གཏོར་གང་མང་ཕུལ་ཞིང་བར་ཆད་མི་འབྱུང་བའི་ཕྲིན་ལས་བཅོལ། ཐོག་མར་ཕུར་འདེབས་སོགས་དངོས་སུ་ཡང་བྱེད་པར་བཤད་པས་དེ་ལྟར་བྱས་ཟིན་པའི་ཕུར་བུ་བཅུ་པོ་ཕྱོགས་སོ་སོར་བཞུགས་སུ་གསོལ་ནས་ཕུར་བུའི་ལྷ་ལ་མཆོད་བསྟོད་དང་བར་ཆད་མི་འབྱུང་བའི་ཕྲིན་ལས་བཅོལ། དམིགས་པ་གསལ་བར་

― KMC014_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམས་པས་ཀྱང་འགྲུབ་པས་ཕུར་འདེབས་དངོས་སུ་ངེས་པར་དགོས་པ་ཡང་མིན་ནོ། །དེ་ནས་བསྙེན་པ་དངོས་གཞི་ལ་མཚམས་དམ་པོར་བཅད་ནས། མངོན་རྟོགས་སོགས་ཤར་ཅིག་བསྒོམ་ནས་རྣམ་པ་ལ་བསླབ་པ་ནི། ཐོག་མར་གཙུག་གི་ནོར་བུའམ། ཕྱག་སེན་དམར་པོ་འོད་འཕྲོ་བ་ལ་སེམས་འཛིན་པའི་དམིགས་བསྐོར་གཅིག །དེ་ནས་ཐོར་ཚུགས་དང་བཅས་པའི་ཞལ་རས་ལ། སྐུ་བྱིངས་ལ། ཕྱག་གཉིས་ན་བཟའ་རྒྱན་དང་བཅས་པ། སྐུ་ཡོངས་རྫོགས་ལ་སེམས་འཛིན་པའི་བར་དམིགས་སྐོར་རེ་རེ་བྱ། ང་རྒྱལ་ལ་བསླབ་པ་ནི། རང་ཉིད་དཔལ་ཧེ་རུ་ཀ་དངོས་ཡིན་བསམ་པ་ལ་གཅིག །རང་གི་མིང་རུས་སོགས་ཀྱི་འཛིན་པ་ཆེད་དུ་སྤངས་ཏེ་ལྷའི་ང་རྒྱལ་ལ་བསླབ་པར་གཅིག །སྐྱོན་ཀུན་ཟད་ཡོན་ཏན་ཀུན་རྫོགས་ཀྱི་ཧེ་རུ་ཀ་དེ་ང་ཡིན། ཧེ་རུ་ཀའི་སྐུ་གསུང་ཐུགས་ཀྱི་ཡོན་ཏན་ཐམས་ཅད་ང་ལ་ཡོད་དེ། དེའི་ཕྱིར་ང་ཧེ་རུ་ཀའོ་བསམ་པའི་ང་རྒྱལ་

― KMC014_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པོ་ཡུན་ཇེ་རིང་དུ་སྐྱོང་བར་གཅིག་སྟེ་གསུམ་པོ་དེ་ལ་བསླབ་བོ། །སླར་ཡང་ང་རྒྱལ་དང་གསལ་སྣང་དེ་ཉིད་ཀྱི་སྟེང་དུ་རང་བཞིན་མ་བཅོས་པའི་ཚུལ་དུ་མཉམ་པར་འཇོག་པའང་གྲུབ་ན་བྱ་སྟེ། ཟབ་གསལ་གཉིས་སུ་མེད་པའི་ཚུལ་དུ་འགྱུར་རོ། །ཡང་བསྐྱེད་རིམ་གྱི་ལྷ་སྐུ་ལ་དམིགས་ཤིང་། དེས་ཉེ་བར་མཚོན་པའི་ཆོས་ཐམས་ཅད་གཅིག་དུ་བྲལ། རྟེན་འབྱུང་གི་རིགས་པ་སོགས་ལ་བརྟེན་ནས་སྣང་བ་ལྟར་རང་བཞིན་མ་གྲུབ་པའི་ཚུལ་ལ་དམིགས་ནས་གསལ་སྟོང་དུ་བསྒོམ་མོ། །དེ་ནས་ཕྲ་ཐིག་དང་བཟླས་པའི་རྣལ་འབྱོར་སོགས་གོང་དུ་བཤད་པ་ལྟར་ལས། ཁྱད་པར་དུ་སྔགས་བཟླ་བའི་ཚེ་ཡིག་འབྲུ་རེ་རེ་བཞིན་རང་གི་སྒྲ་རྒྱུན་མི་འཆད་པར་འབྱུང་བ་དང་། གཙོ་འཁོར་ཐམས་ཅད་ཀྱིས་ཀྱང་སྔགས་བཟླ་གྲོགས་མཛད་པ་དང་། ཕྱོགས་བཅུའི་སངས་རྒྱས་བྱང་སེམས། ཡུལ་ཆེན་ཉེར་བཞིའི་དཔའ་བོ་དང་རྣལ་འབྱོར་མ་ཐམས་ཅད་

― KMC014_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་རང་ལ་བྱིན་གྱིས་རློབ་པའི་དོན་དུ་ཐམས་ཅད་ཀྱང་མདུན་གྱི་ནམ་མཁའ་གང་བར་བཞུགས་ཏེ་སྔགས་བཟླ་གྲོགས་མཛད་ཅིང་བྱིན་གྱིས་རློབ་པར་བསམ། དམིགས་པ་རྒྱ་ཆེ་ན་སེམས་ཅན་ཐམས་ཅད་ཀྱང་ཧེ་རུ་ཀའི་གོ་འཕང་ལ་བཀོད་དེ། དེ་ཐམས་ཅད་ཀྱིས་སྔགས་བཟླ་བར་བསམ་ལ་བཟླའོ། །གཞན་བཟླས་པའི་གོ་དོན་སོགས་ཁོ་བོས་བྱས་པའི་སྤྱན་རས་གཟིགས་རྒྱལ་བ་རྒྱ་མཚོའི་བསྙེན་ཡིག་དུ་བཀོད་ཡོད་པ་དེར་བལྟ་དགོས་སོ། །རྨི་ལམ་རྩུབ་པ་སོགས་བྱུང་ན་སྲུང་འཁོར་དྲག་ཏུ་བསྒོམ། སུམྦྷ་མང་དུ་བཟླ། དེས་ཀྱང་མ་སེལ་ན་མཁའ་འགྲོ་སྤྱི་གཏོར་གང་མང་འབུལ་ལ་ཕྲིན་ལས་བཅོལ། ཕུར་གདབ་དངོས་སམ་དམིགས་པ་དྲག་ཏུ་བསྒོམ། སུམྦྷའི་བསྙེན་པ་མང་དུ་བྱས་པས་སེལ་བར་འགྱུར་རོ། །ཞེས་རྗེ་དུས་གསུམ་མཁྱེན་པའི་ཐུགས་དམ་ལྔ་ཚན་ལྔ་ལས་དཔལ་འཁོར་ལོ་བདེ་མཆོག་ལྷ་ལྔའི་སྒྲུབ་ཐབས་ཀྱི་རྣམ་བཤད་ཤིན་ཏུ་ཉུང་ངུར་

― KMC014_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་པ་འདི་ནི། ལས་དང་པོ་པ་ལས་ཀྱང་ཆེས་དང་པོ་པར་གྱུར་བའི་གང་ཟག་རྣམས་ལ་ཕན་པའི་ཆེད་དུ་ལུང་སྦྱོར་དང་རྒྱས་བཤད་དང་དགག་བཞག་དང་ཚིག་སྦྱོར་མཛེས་ཁྲིགས་སོགས་སྤངས་ཤིང་། ཕྲལ་དབང་དུ་གྱུར་པས་ཚིག་སྣ་ཡང་ཆེས་བསྡུས་པ་ཙམ་དུ་བཀོད་པ་འདི་ནི་དབུ་མཛད་ཀརྨ་འཇིགས་མེད་དང་འཇང་བན་ཀརྨ་དཔལ་རྒྱས་གཉིས་ཀྱི་གསུང་གིས་བསྐུལ་བ་མ་བཟློག་ཙམ་དུ་ཀརྨ་ཚེ་དབང་ཀུན་ཁྱབ་ཀྱིས་དཔལ་སྤུངས་ཐུབ་བསྟན་ཆོས་འཁོར་གླིང་གི་ཆོས་གྲྭར་བྲིས་པ་སརྦ་མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་འཁོར་ལོ་སྡོམ་པ་ལྷ་ལྔའི་དཀྱིལ་ཆོག་གི་རྣམ་པར་བཤད་པ་རྣལ་འབྱོར་དགྱེས་པའི་དགའ་སྟོན།

― KMC014_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འཁོར་ལོ་སྡོམ་པ་ལྷ་ལྔའི་དཀྱིལ་ཆོག་གི་རྣམ་པར་བཤད་པ་རྣལ་འབྱོར་དགྱེས་པའི་དགའ་སྟོན་ཅེས་བྱ་བ་བཞུགས་སོ། །

― KMC014_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཤྲཱི་ཛཱ་ལ་སམྦ་རཱ་ཡ། །རབ་འབྱམས་རྒྱལ་བའི་མི་ཟད་རྒྱན་འཁོར་ལྔ། །འཕོ་མེད་བདེ་ཆེན་ཀློང་དུ་སྡོམ་མཛད་པ། །བཅོམ་ལྡན་དཔའ་བོའི་དབང་ཕྱུག་གང་དེ་ལ། །གུས་པས་འདུད་དོ་བཀའ་གནང་བྱིན་གྱིས་རློབས། །ཟབ་གསང་རྒྱུད་རྒྱལ་དགོངས་དོན་པདྨོའི་ཚལ། །རྒྱུད་འགྲེལ་ཉི་མའི་སྣང་བས་འབྱེད་མཛད་ལ། །བརྟེན་ཏེ་རྣམ་འགྲེལ་ལེགས་བཤད་བདུད་རྩིའི་སྐྱེས། །རྣལ་འབྱོར་རོལ་པའི་དགའ་སྟོན་འདི་ན་སྤེལ། །དེ་ལ་འདིར་དཔལ་ལྡན་ནཱ་རོ་ཏ་པ་

― KMC014_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་སྲས་ཀྱི་གདམས་སྐོར་མ་རྒྱུད་སྐོར་དྲུག་ཏུ་གྲགས་པའི་ཡ་རྒྱལ་ཡང་སྙིང་འཁོར་ལོ་བདེ་མཆོག་ལྷ་ལྔའི་དཀྱིལ་འཁོར་གྱི་ཆོ་གའི་ཟིན་བྲིས་རྣམ་བཤད་མདོར་བསྡུས་ཙམ་བྲི་བ་ལ་བཞི་སྟེ། དང་པོ་སྟོན་པས་རྒྱུད་ཇི་ལྟར་གསུངས་པའི་ཚུལ། བྱེ་བྲག་ཏུ་རྒྱུད་འདི་གང་དུ་གཏོགས་ངོས་བཟུང་བ། སྦྱོར་བ་ཡོ་བྱད་ཀྱི་བཤམ། དངོས་གཞི་རིམ་པ་དང་པོའི་སྒོམ་རིམ་རྣམ་པར་བཤད་པའོ། །དང་པོ་ནི། དེ་ཡང་འཁོར་ལོ་བདེ་མཆོག་གི་རྒྱུད་རྣམས་སྔོན་གྱི་འདས་པའི་

― KMC014_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཐམས་ཅད་ཀྱིས་རྒྱ་ཆེར་གསུངས་པ་ལ། སླར་ཡང་གཉིས་ལྡན་གྱི་དུས་སུ་འཛམ་གླིང་འདིར་སྟོན་པ་སྤྲུལ་པའི་སྐུ་ཉིད་འབྲས་བུ་ཧེ་རུ་ཀའི་རྣམ་པར་བཞེངས་ཏེ། རི་རབ་ཀྱི་བྱང་ཤར་དང་ལྷ་གནས་རྣམས་དང་མ་ག་དྷ་རུ་འཁོར་སངས་རྒྱས་དང་བྱང་སེམས་རིགས་ལྔའི་དཔའ་བོ་དང་རྣལ་འབྱོར་མ་རྣམས་ལ་རྒྱུད་ཐམས་ཅད་གསུངས་ཤིང་། སླར་ཡང་རྩོད་ལྡན་གྱི་དུས་སུ་དྲག་པོ་འཇིགས་བྱེད་ལྷ་དབང་ཕྱུག་ཆེན་པོ་ཆུང་མ་དང་བཅས་པས་ཡུལ་ཉེར་བཞི་དུར་ཁྲོད་བརྒྱད་ཐམས་ཅད་དབང་དུ་བསྡུས་ཏེ་ཐམས་ཅད་ལོག་པའི་ལམ་དུ་ཞུགས་པ་ལ་བརྟེན་ཏེ། སྟོན་པ་རྡོ་རྗེ་འཆང་ཉིད་བྱང་ཆུབ་ལྔས་མངོན་པར་རྫོགས་པར་སངས་རྒྱས་པའི་ཚུལ་བསྟན་ཏེ་འཁོར་སངས་རྒྱས་བྱང་སེམས་དཔག་མེད་ལ་འོད་གསལ་ལྷན་ཅིག་སྐྱེས་པའི་ཆོས་བསྟན། དྲག་པོ་དབང་ཕྱུག་འཁོར་བཅས་འདུལ་བའི་དུས་ལ་བབ་པར་མཁྱེན་ནས། སྤྲུལ་པ་འབྲས་བུའི་ཧེ་རུ་

― KMC014_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

ཀའི་སྐུར་བཞེངས་ཏེ་རི་རབ་ཀྱི་རྩེ་མོར་བྱོན་ཏེ། འཛམ་བུ་གླིང་འདིར་བདེ་མཆོག་ཞལ་བཞི་ཕྱག་བཅུ་དྲུག་པའི་སྐུར་སྤྲུལ་ཏེ། འཇིགས་བྱེད་དང་དུས་མཚན་གཉིས་ཞབས་འོག་ཏུ་མནན་ཞིང་བཏུལ། སྤྲུལ་པའི་འཁོར་རྣམས་ཀྱིས་ཀྱང་གནས་ཡུལ་དུར་ཁྲོད་བརྒྱད་ཀྱི་མ་རུང་པ་ཐམས་ཅད་ཚར་བཅད་དེ་རི་རབ་ཀྱི་རྩེ་མོར་བཅོམ་ལྡན་འདས་ཀྱི་གཞལ་ཡས་ཁང་དུ་འཁོད་དེ། དེའི་ཚེ་འཁོར་གྱི་དཀྱིལ་འཁོར་དང་། སངས་རྒྱས་བྱང་སེམས་རི་རབ་ཀྱི་རྡུལ་དང་མཉམ་པ་རྣམས་དང་། ཁྱད་པར་དུ་རྡོ་རྗེ་རྣལ་འབྱོར་མས་ཞུས་པ་བརྟེན་ཏེ་རྩ་བའི་རྒྱུད་འབུམ་པ་དང་དེའི་བསྡུས་རྒྱུད་ཨ་བྷི་དྷ་ན་དང་། རྡོ་རྗེ་མཁའ་འགྲོ་སོགས་གསུངས་ཤིང་། ཕྱག་རྡོར་གྱིས་ཞུས་ཏེ་བཤད་རྒྱུད་རྣལ་འབྱོར་མ་ཀུན་སྤྱོད་དང་། དཔལ་དྲྭ་བ་སྡོམ་པའི་རྒྱུད། བདེ་མཆོག་ཉུང་ངུའི་རྒྱུད་སོགས་བདེ་མཆོག་གི་རྒྱུད་མཐའ་དག་གསུངས་པ་ཡིན་ལ། དེ་དག་མི་ཡུལ་དུ་དར་ཚུལ་ནི།

― KMC014_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་སྡོམ་པའི་རྒྱུད་ཕྱི་མ་ལས། ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །བསྟན་པའི་སྙིང་པོ་དམ་པ་ཞིག །ལྷ་གནས་གསུམ་དུ་གྲགས་པ་སྟེ། །རྒྱ་གར་ཤར་ལྷོའི་ཕྱོགས་མཚམས་སུ། །རྒྱལ་པོ་ཛ་ཞེས་བྱ་བ་ལ། །ལག་ན་རྡོ་རྗེས་སྣང་བར་བྱེད། །བྱང་ཆུབ་མཆོག་ཏུ་འགྲུབ་འགྱུར་བས། །དེ་ལ་རྟག་ཏུ་གུས་པར་གྱིས། ཅེས་གསུངས་པ་ལྟར་སྟོན་པ་མྱ་ངན་ལས་འདས་ནས་ལོ་བརྒྱ་དང་བཅུ་གཉིས་འདས་པ་ན་རྒྱ་གར་ཤར་ལྷོའི་ཕྱོགས་གྲོང་ཁྱེར་ས་ཏི་ཀཱི་རྟི་ཞེས་བྱ་བར་རྒྱལ་པོ་རབ་གསལ་ཟླ་བའི་རིག་འཛིན་རྒྱལ་པོ་ཛ་ཞེས་བྱ་བ་ལ་རྒྱུད་མཐའ་དག་ཕྱག་ན་རྡོ་རྗེས་སྩལ་ཏེ་རིམ་པར་འཕགས་ཡུལ་དུ་དར་བ་ལས། ཁྱད་པར་དུ་ལུགས་འདིའི་ཤིང་རྟའི་སྲོལ་འབྱེད་དང་པོ་ནི་དཔལ་ཤ་བ་རི་པའི་སློབ་མ་ལཱུ་ཡི་པ་སྟེ། རྒྱ་གར་ཤར་ཕྱོགས་བྷ་ག་ལར་ཉའི་རྒྱུ་ལྟོ་གསོལ་ཞིང་སྒྲུབ་པ་མཛད་པས་རྒྱ་སྐད་དུ་ལཱུ་ཡི་པ་སྟེ་བོད་སྐད་དུ་ཉ་ལྟོ་བར་གྲགས།

― KMC014_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གི་གྲུབ་པ་བརྙེས་ནས་ཨུ་ཌ་བི་ཤའི་རྒྱལ་པོ་དང་བློན་པོ་རྫུ་འཕྲུལ་གྱིས་བཏུལ་ཏེ་རྗེས་སུ་བཟུང་བས། རྒྱལ་པོ་གྲུབ་པ་ཐོབ་པ་ལ་ད་རི་ཀ་པ་དང་། བློན་པོ་གྲུབ་པ་ཐོབ་པ་ཌིངྒི་པར་དཔལ་ཏཻ་ལོ་བས་ཀྱང་འདི་ལས་གསན་པའོ། །མཆན། གྲགས་ཏེ་འཁོར་ལྔ་བརྒྱ་དང་བཅས་པ་འཇའ་ལུས་སུ་བྱོན། སློབ་དཔོན་འདིས་ཨོ་རྒྱན་ནས་རྣལ་འབྱོར་མ་ཀུན་སྤྱོད་ཀྱི་རྒྱུད་སོགས་སྤྱན་དྲངས་ཤིང་འཁོར་ལོ་སྡོམ་པའི་མངོན་རྟོགས་ཀྱི་གཞུང་མཛད་པ་ལ་ལྭ་ཝ་པས་འགྲེལ་པ་མཛད་པར་བརྟེན་ཏེ་འཕགས་བོད་ཐམས་ཅད་དུ་ཤིན་ཏུ་དར་ཞིང་དཔལ་སྡོམ་པའི་ཆོས་ཚུལ་གྱི་ཆུ་མགོ་ལྟ་བུ་ཡིན་ནོ། །སྲོལ་འབྱེད་གཉིས་པ་ནི་གྲུབ་ཐོབ་ད་རི་ཀ་པའི་སློབ་མ་རྡོ་རྗེ་དྲིལ་བུ་པ་སྟེ། རྡོ་རྗེ་ཕག་མོས་དངོས་སུ་ལུང་བསྟན་ཏེ་ཨོ་ཌི་བི་ཤའི་ཡུལ་དུ་སྒྲུབ་པ་མཛད་ཚེ་དང་པོ་རྒྱལ་པོས་སྤྱན་དྲངས་པ་ལ། རིག་མ་དང་བཅས་ཏེ་བྱོན་པས་སྐྱེ་བོ་རྣམས་མ་དད་པས་དེ་རྣམས་འདུལ་བའི་དོན་

― KMC014_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཁྱེའུ་དང་བུ་མོ་གཉིས་སྤྲུལ་ཏེ་ཡུལ་དེར་བྱོན་པས་མ་དད་དེ་སྐུར་པ་བཏབ་པས། རྭའི་གསོལ་ཞལ་ས་ལ་བརྡབས་པས་ས་འོག་ནས་ཆུ་བྱུང་། ཁྱེའུ་དེ་རྡོ་རྗེར་བྱས། བུ་མོ་དྲིལ་བུར་སོང་བ་ཕྱག་ཏུ་བསྣམས་ཏེ་སློབ་དཔོན་ཡབ་ཡུམ་བདེ་མཆོག་ལྷན་སྐྱེས་ཀྱི་སྐུར་གྱུར་ནས་ནམ་མཁའ་ལ་གཤེགས་པས་མཚན་དུ་རྡོ་རྗེ་དྲིལ་བུར་པར་གྲགས། ཨོ་རྒྱན་ནས་བདེ་མཆོག་ཨ་བྷི་དྷཱ་ན་སྟེ་མངོན་བརྗོད་བླ་མའི་རྒྱུད་སྤྱན་དྲངས་ཏེ་བདེ་མཆོག་ལུས་དཀྱིལ་གྱི་སྒྲུབ་ཐབས་དང་། དབང་ཆོག་དང་། རྫོགས་རིམ་རིམ་ལྔ་སྟེ་དྲིལ་ལུགས་སྐོར་གསུམ་དུ་གྲགས་པ་མཛད་དེ། སློབ་མ་གྲུབ་པ་ཐོབ་པ་མང་དུ་བྱོན་པའི་གཙོ་བོ་རུ་སྦལ་ཞབས་ཡིན་ལ། དེས་ཛཱ་ལནྡྷ་རི་བ། དེས་ནག་པོ་པ་སོགས་རིམ་པར་གྲུབ་པའི་གནས་སུ་བཀོད་པ་ཡིན་ནོ། །སྲོལ་འབྱེད་གསུམ་པ་ནི་སློབ་དཔོན་ནག་པོ་སྤྱོད་པ་སྟེ། དུས་འཁོར་བསྡུས་རྒྱུད་ལས། ཁ་ཊྭཱཾ་ཅང་ཏེའུ་ཆང་སྣོད་ཐོགས་པ་ནག་པོའི་

― KMC014_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

མིང་ཅན་རྣལ་འབྱོར་འབྱུང་བར་འགྱུར། ཞེས་ལུང་བསྟན་པ་ལྟར་གྲུབ་ཐོབ་སྟོང་དང་བཞི་བརྒྱའི་འཁོར་གྱིས་བསྐོར་ཏེ་ཡུལ་ཆེན་བཅུ་གསུམ་གྱི་སྐྱེ་བོ་ཕལ་ཆེར་རྡོ་རྗེ་འཛིན་པའི་ས་ལ་བཀོད་ཅིང་། མཁའ་འགྲོ་མ་བསྐལ་པ་བཟང་པོའི་ཕྱག་ནས་དཔལ་སམྦུ་ཊིའི་རྒྱུད་དང་། སྡོམ་འབྱུང་དང་། རྡོ་རྗེ་མཁའ་འགྲོ་སོགས་ཀྱི་རྒྱུད་སྤྱན་དྲངས་ཏེ། དཔལ་ཧེ་རུ་ཀ་ཉིད་ཀྱིས་རྗེས་སུ་གནང་བ་བཞིན་སྡོམ་པའི་སྒྲུབ་ཐབས་དང་དབང་ཆོག །སྦྱིན་སྲེག་སྟེ་བསྐྱེད་རིམ་གྱི་གཞུང་གསུམ་དང་། དཔྱིད་ཐིག་དང་རིམ་པ་བཞི་པ་དང་། གསང་བའི་དེ་ཁོ་ན་ཉིད་དེ་རྫོགས་རིམ་གཞུང་གསུམ་སྟེ་ནག་པོ་པའི་གཞུང་དྲུག་ཏུ་གྲགས་པ་མཛད་པ་རྣམས་ནི་སྡོམ་པའི་བཀའ་སྲོལ་རྣམས་ལས་མཆོག་ཏུ་གྱུར་པ་ལཱུ་ནག་དྲིལ་གསུམ་གྱི་ལུགས་ཞེས་འཕགས་པའི་ཡུལ་དུ་ཉི་ཟླ་ལྟར་གྲགས་པའོ། །ཕྱིས་སུ་པཎ་ཆེན་ནཱ་རོ་པ་ཆེན་པོའི་ལུགས་ཀྱི་བདེ་མཆོག་ལྷ་ལྔ་འདི་ཡང་གཙོ་བོར་

― KMC014_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཐོབ་ལཱུ་ཡི་པ་དང་ནག་པོ་པའི་གདམས་སྲོལ་ལས་བྱུང་བ་ལྟར་རོ། ༈ །གཉིས་པ་རྒྱུད་འདི་ཉིད་གང་དུ་གཏོགས་ངོས་བཟུང་བ་ནི། དེ་ཡང་བདག་ཅག་གི་སྟོན་པ་མཉམ་མེད་ཤཱཀྱའི་རྒྱལ་པོས་ཆོས་ཀྱི་སྒོ་མོ་བསམ་གྱིས་མི་ཁྱབ་པར་གསུངས་པ་ཐམས་ཅད་མདོར་དྲིལ་ན་ཐེག་པ་ཆེ་ཆུང་གཉིས་སུ་འདུ་ལ། ཐེག་པ་ཆེན་པོ་དེ་ལའང་མཚན་ཉིད་རྒྱུའི་ཐེག་པ་དང་འབྲས་བུ་སྔགས་ཀྱི་ཐེག་པ་གཉིས་སུ་དབྱེར་ཡོད་པ་ལས་འདི་ནི་ཕྱི་མ་ཉིད་དོ། །དེ་ལའང་དབྱེ་ན་བྱ་སྤྱོད་རྣལ་འབྱོར་རྣལ་འབྱོར་བླ་ན་མེད་པ་དང་བཞིར་དབྱེ་བ་ལས། ཕྱི་མ་རྣལ་འབྱོར་བླ་མེད་ཀྱི་རྒྱུད་ལ་དབྱེ་ན་སྟོང་ཕྲག་མང་དུ་གསུངས་པ་ཉིད་མདོར་དྲིལ་ན། ཐབས་གཙོ་བོར་སྟོན་པ་ཕ་རྒྱུད་དང་། ཤེས་རབ་གཙོ་བོར་སྟོན་པ་མ་རྒྱུད། ཟུང་འཇུག་གཙོ་བོར་སྟོན་པ་གཉིས་མེད་ཀྱི་རྒྱུད་དང་གསུམ་ལས། མ་རྒྱུད་རིགས་དྲུག་གི་ནང་གསེས་དཔལ་ཧེ་རུ་ཀའི་རིགས་སུ་གཏོགས་པ་རྣལ་འབྱོར་མའི་

― KMC014_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལ་བརྟེན་པ་སྟེ། གུར་ལས། ཤེས་རབ་ཕ་རོལ་ཕྱིན་མའི་ཐབས། །འདི་ནི་རྣལ་འབྱོར་མར་བརྗོད་དོ། །ཕྱག་རྒྱ་ཆེན་པོར་རབ་སྦྱོར་བས། །གང་ཕྱིར་དེ་ཉིད་ལ་འཇུག་པ། །རྣལ་འབྱོར་མ་ཡི་རྒྱུད་བཞེད་དོ། །ཞེས་གསུངས་པ་ལྟར་ལྷ་འདི་ཉིད་ཀྱི་རྫོགས་རིམ་མཐར་ཐུག་ནི་འོད་གསལ་ཕྱག་རྒྱ་ཆེན་པོའི་གདམས་པ་ཉིད་ཡིན་པས་འདིའི་བསྐྱེད་རིམ་གྱི་རྩལ་འབྱོངས་ནས་གཟོད་ཕྱག་ཆེན་ལ་འཇུག་པ་གལ་ཆེ་ཞེས་གྲུབ་ཐོབ་གོང་མ་རྣམ་གསུམ་གྱིས་གསུངས་སོ། ༈ །གསུམ་པ་སྦྱོར་བ་ཡོ་བྱད་བཤམ་གྱི་ཐོག་མར་འཇུག་པ་པོའི་རྟེན་གྱི་གང་ཟག་ཀྱང་། རྒྱུད་ལས། ཡང་དག་ཡེ་ཤེས་རྒྱུད་ཤེས་ཤིང་། །ཧེ་རུ་ཀ་དཔལ་གསང་སྔགས་ཤེས། །ཁྲོ་མེད་གཙང་སྦྲ་བརྩོན་འགྲུས་ལྡན། །སྦྱོར་ཤེས་ཡེ་ཤེས་ཕ་རོལ་ཕྱིན། །ཅེས་གསུངས་པ་ལྟ་བུ་དང་ལྡན་པའི་གང་ཟག་གིས་དུས་ནམ་གྱི་ཚེ་བྱ་ན། རྒྱུད་ལས། དགུན་ཟླ་འབྲིང་པོ་ནས་བརྩམས་ཏེ། །ཟླ་

― KMC014_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

བ་རེ་རེ་བསྲུང་བར་ནི། །གཉིས་མེད་གཉིས་མེད་འཁོར་ལོར་གནས། །ཚེས་བཅུ་ལ་ནི་དེ་རབ་མཆོད། །ཅེས་དང་། ལཱུ་ཡི་པའི་མངོན་རྟོགས་འགྲེལ་པ་ལས། རྒྱལ་དང་ནག་པ་བྲ་ཉེ་བྱ་དབོའི་ཟླ་བ་མ་གཏོགས་པའི་ཟླ་བ་རྣམས་དང་། ཚེས་གཉིས་པ། གསུམ་པ། ལྔ་པ། བདུན་པ། བཅུ་པ། བཅུ་གསུམ་པ། ཉ་དང་། གཟའ་ཟླ་བ། ལྷག་པ། ཕུར་བུ། པ་སངས་རྣམས་སུའོ། །སྐར་མ་སྣར་མ། མགོ །ལག རྒྱལ། དབོ། མེ་བཞི། ལྷ་མཚམས། སྣྲོན། སྣུབ། གྲོ་བཞིན། ཆུ་སྟོད། ཆུ་སྨད། ཁྲུམས་སྟོད། ཁྲུམས་སྨད་རྣམས་སུའོ། །ཞེས་གསུངས་པ་ལྟར་དང་། གང་དུ་བྱ་བའི་གནས་ཀྱང་རྒྱུད་ལས། གང་དུ་ས་སྐྱོང་ཆོས་ལྡན་ཅིང་། །གང་ཞིག་ཁོ་ནར་སྐྱེ་དགུ་རྣམས། །བདེར་གནས་ས་འཛིན་རྩོད་མེད་པ། །དེར་ནི་རྣལ་འབྱོར་བརྩམ་པར་བྱ། །ཞེས་གསུངས་པ་ལྟ་བུའི་གནས་སུ་རང་མདུན་གྱི་གོ་སར་བདག་བསྐྱེད་བསྙེན་པའི་སྐབས་སུ་མཆོད་གཏོར་མཐོང་

― KMC014_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་བཞིན་དང་ཆུ་བཞི་སྔོན་དུ་འགྲོ་བའི་མཆོད་པ་རྣམ་ལྔ་དང་མཚམས་འཛིན་བདུད་རྩིའི་ཐོད་པ་ཙམ་འདུ་བྱ། མདུན་བསྐྱེད་སྒྲུབ་པ་སོགས་དང་འབྲེལ་ཚེ་གཞུང་གསལ་ལྟར་རྡུལ་ཚོན་ནམ་རས་བྲིས་སྐུ་རྟེན། ཐུན་མོང་དང་ཐུན་མིན་གྱི་དབང་རྫས་སོགས་མཐོང་བརྒྱུད་ལྟར་ཚོགས་པར་བྱས་ཏེ་མཆོད་པ་རྣམས་གཡོན་སྐོར་དུ་བཀོད་པར་བྱ་སྟེ། རྒྱུད་ལས། གང་ཕྱིར་སྡོམ་པ་གཙོ་བོ་ཡི། །ངེས་པ་ཐམས་ཅད་གཡོན་ལས་འབྱུང་། །དེ་ཕྱིར་ཆོ་ག་ནུས་པ་ཀུན། །ལས་ནི་གཡོན་པས་རྟག་ཏུ་བྱ། །ཞེས་དང་། རྡོ་རྗེ་མཁའ་འགྲོ་ལས། གཡོན་གྱི་རྒྱུད་ནི་དམིགས་ནས་སུ། །སྐྱེ་བོ་གཡོན་གྱི་སྤྱོད་པར་བྱ། །ཐམས་ཅད་གཡོན་པས་བྱས་ན་ནི། །མྱུར་དུ་དངོས་གྲུབ་འགྲུབ་པར་འགྱུར། །ཞེས་གསུངས་པའི་ཕྱིར་དཀྱིལ་འཁོར་དང་མཆོད་པ་ལས་སུ་བྱ་བ་ཐམས་ཅད་གཡོན་པས་བགྱི་བ་ནི་གཞུང་འདིའི་ཁྱད་ཆོས་སོ། །དེ་ནས་སྒྲུབ་པོའི་གདན་གྱི་ཁྱད་

― KMC014_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཡང་མིའི་སྲོག་སོང་དངོས་སམ་རི་མོར་བྲིས་པས་ཀྱང་རུང་སྟེ། བརྟག་གཉིས་ལས། རོ་ཡི་གཟུགས་ཅན་དགུ་དང་ནི། །ཡང་ན་སྟག་གི་པགས་པ་ཉིད། །དུར་ཁྲོད་རས་ནི་དེ་བཞིན་ནོ། །ཞེས་གསུངས་པ་ལྟར། རོ་གདན་གྱི་རྣམ་པ་གང་རུང་བྲིས་པའི་སྟེང་དུ་གདུལ་བྱ་དྲག་པོ་དབང་ཕྱུག་ཆེན་པོ་ལྷོ་ཕྱོགས་ལ་གནས་པ་དེར་ཁ་ཕྱོགས་པའམ། ཡང་ན་རྣམ་པར་རྟོག་པ་ཐམས་ཅད་ནུབ་པའི་བརྡ་དང་། འཛམ་གླིང་གི་དཔའ་བོ་མཁའ་འགྲོའི་གནས་ཀྱི་གཙོ་བོ་ཨོ་རྒྱན་ཡུལ་ཡིན་པས་དེར་ཁ་ཕྱོགས་པར་བྱའོ། །དེ་ནས་རང་གི་མདུན་དུ་གཡོན་ནས་བརྩམས་ཏེ་ཆུ་བཞི་མཆོད་པ་རྣམ་ལྔ་དང་། མི་བསྐྱོད་པའི་རང་བཞིན་བདུད་རྩིའི་ཐོད་པ། རིན་འབྱུང་གི་རང་བཞིན་ཅང་ཏེའུ་དར་དཔྱངས་ཅན། འོད་དཔག་མེད་ཀྱི་རང་བཞིན་རྡོ་རྗེ། དོན་གྲུབ་ཀྱི་རང་བཞིན་དྲིལ་བུ་རྣམས་ལེགས་པར་བཀོད་པར་བྱའོ། །དེ་ཡང་དཔའ་བོ་མཁའ་འགྲོ་རྣམས་དབང་དུ་བསྡུ་བའི་རྫས་ཌཱ་

― KMC014_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རུའམ་ཅང་ཏེའུ་ནི། ཕྱི་ལྟར་ན་ཙནྡན་དཀར་དམར་ལ་ཚད་དང་ལྡན་པར་བཟོས་པ་སྟེ། དཔལ་ཡང་དག་སྒྲུབ་པའི་རྒྱུད་ལས། བཛྲི་ཤིཪྴ་རྩ་བ་དང་། །ཙནྡན་དམར་པོ་ལས་བྱུང་དང་། །གཞན་རྣམས་གང་ལ་དེ་རྣམས་ནི། །ཡིད་ལ་འདོད་པ་རྣམས་ལ་བྱ། །ཞེས་དང་། ཚད་ཀྱང་རྒྱུད་དེ་ཉིད་ལས། བཅུ་གཉིས་པ་དང་བཅུ་པ་ཉིད། །ཁ་ལ་སོར་ནི་དྲུག་དང་ལྔ། །དགུ་པ་དང་ནི་བཅུ་གཅིག་པ། །ཁ་ལ་དེ་ཡི་ཕྱེད་ཉིད་དོ། །ཞེས་གསུངས་པ་ལྟར་ཆེ་ཚད་དཔངས་སུ་སོར་བཅུ་གཉིས་དང་། ཁ་རྒྱལ་སོར་དྲུག་ཡོད་པ་དང་། འབྲིང་ཚད་དཔངས་ལ་སོར་བཅུ་དང་ཁའི་ཞེང་ལ་སོར་ལྔ་དང་། ཆུང་ཚད་དཔངས་ལ་སོར་དགུ་ཁ་རྒྱ་ལ་དེའི་ཕྱེད་དེ་སོར་ཕྱེད་དྲུག་བྱ་བར་གསུངས་ལ། ནང་ལྟར་ན་སྐྱེས་པ་ལོ་བཅུ་དྲུག་པ་དང་བུད་མེད་ལོ་བཅུ་གཉིས་པའི་ཐོད་པ་ལྟག་པ་སྤྲད་པ་སྤྲེའུའི་པགས་པས་གཡོགས་པ་ཆུ་སྐྱལ་གྱི་རྐང་པས་བརྡུང་བར་གསུངས་ཏེ། གཞན་

― KMC014_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡི་ཡང་རྔེའུ་ཆུང་ནི། །ཐོད་པ་ལས་ནི་བསྐོར་བ་ཉིད། །སྤྲེའུ་པགས་པས་གཡོགས་པའོ། །དེ་ཡི་ཁ་སྦྱོར་གཉིས་ལ་ནི། །པདྨ་དག་ནི་བྲི་བར་བྱ། །བུད་མེད་ཁྲག་གིས་མཛེས་པར་བྱ། །དུར་ཁྲོད་སྐྱེས་པའི་སྐྲ་ལས་ནི། །བཀལ་ནས་རུས་པ་གཉིས་པོ་དྲིལ། །ཁྱིམ་གྱི་མེ་ཏོག་གཉིས་ཀྱིས་ནི། །པདྨའི་ཟེའུ་འབྲུ་གཉིས་པ་ལ། །དཀྱིལ་འཁོར་སྙིང་པོ་བྲི་བར་བྱ། །ཞེས་གསུངས་པ་ལྟར་དགའ་བ་བཅུ་དྲུག་དག་པའི་བརྡར་བུ་ག་བཅུ་དྲུག་ནས་རོ་སྐྲ་སུམ་སྒྲིལ་གྱི་སྐུད་བས་དྲྭ་བའི་ཚུལ་དུ་ཕྱི་ནས་བཅིངས། ནང་ངོས་སུ་ཁྱིམ་གྱི་མེ་ཏོག་སྟེ་བུ་མོའི་ཟླ་མཚན་དང་པོས་པདྨ་འདབ་བརྒྱད་ཀྱི་ལྟེ་བར་ལྷའམ། སྙིང་པོའམ། ས་བོན་གང་རུང་བཀོད་ལ་སྤྲེལ་གྱི་པགས་པས་གཡོགས་སྟེ་ཆུ་སྐྱལ་གྱི་རྐང་པའི་རུས་པས་བརྡུང་བར་བྱ་སྟེ། སམྦུ་ཊི་ལས། ཇི་ལྟར་དང་པོ་མིང་བཟུང་བ། །ཁཾ་ཧཱུྃ་ཞེས་ནི་བརྗོད་ནས་སུ། །ཆུ་སྐྱར་རྐང་པའི་རུས་པས་གདབ། །དེས་ནི་གཡོ་ལྡན་མ་ལ་སོགས། །

― KMC014_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་འགུགས་པར་བྱེད་པར་འགྱུར། །གལ་ཏེ་འོངས་པར་མ་གྱུར་ན། །དེ་ཚེ་མཁའ་འགྲོ་མ་ཀུན་འཆི། །ངེས་པ་ཉིད་དུ་འགྲུབ་འགྱུར་བས། །ངས་གསུངས་པ་ལ་ཐེ་ཚོམ་མེད། །ཅེས་གསུངས་པ་ལྟར་རོ། །གསང་བ་ལྟར་ན་བུ་མོ་གྲོང་པའི་ཆོས་ཀྱིས་མ་གོས་པའི་གསང་བའི་རུས་པ་རྐང་པ་འབྲེལ་མཚམས་ནས་དྲལ་ཏེ་དབྱིབས་ལེགས་པར་བཅོས་པ་བུ་མོ་དེ་ཉིད་ཀྱི་ཀླད་རྒྱས་གཡོགས་ལ་སྐྱེས་པའི་སྲིན་མཛུབ་རྩེ་མོ་བཅད་པས་ཌཱ་རྡེལ་བྱས་པ་ལ་གསང་བའི་རྔེའུ་ཆུང་དུ་གསུངས་སོ། །དག་པ་ནི་ཌཱ་མ་རུའི་གཟུགས་ཀྱིས་ཐབས་བདེ་བ་ཆེན་པོ་དང་། དེ་ཡི་སྒྲས་སྟོང་ཉིད་ཀྱི་སྒྲ་སྒྲོགས་པའི་ཕྱིར་ན། བརྟག་གཉིས་ལས། ཐབས་ཀྱི་གཟུགས་ནི་ཅང་ཏེའུ་ཉིད། །ཤེས་རབ་ཌཱ་མ་རུ་ཡི་སྒྲ། །ཞེས་གསུངས་ཤིང་། དེ་ཡུལ་དང་ཡུལ་ཅན་གཉིས་སུ་མེད་པའི་ཆ་ནས་ཟུང་འཇུག་གི་དོན་ཡང་སྟོན་ནོ། །དེ་ནས་དམ་ཚིག་གི་ཕྱག་རྒྱ་རྡོ་རྗེ་དང་དྲིལ་

― KMC014_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་དེ་ཉིད་མདོར་བསྡུས་ནི། དང་པོ་རྡོ་རྗེ་ལའང་གཉིས་ཏེ་མཚོན་བྱ་དོན་གྱི་རྡོ་རྗེ་ནི་རང་སེམས་གཉིས་མེད་ཀྱི་ཡེ་ཤེས་ཉིད་དེ། དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ལས། དེ་ནས་དོན་གྱི་རྡོ་རྗེ་བཤད། །གཟུང་འཛིན་རྟོག་པས་མི་ཕྱེད་ཕྱིར། །དོན་གྱི་རྡོ་རྗེར་བཤད་པའོ། །ཞེས་གསུངས་པ་ལྟར་ལ། གཉིས་པ་རྟགས་ཀྱི་རྡོ་རྗེ་ནི། རྒྱུད་དེ་ཉིད་ལས། རྟགས་ཀྱི་རྡོ་རྗེ་གསུམ་ཡིན་ཏེ། །རྩེ་གསུམ་རྩེ་ལྔ་རྩེ་དགུ་པ། །རྩེ་གསུམ་སྐུ་གསུང་ཐུགས་ཀྱི་རྟགས། །རྩེ་ལྔ་ཡེ་ཤེས་ལྔ་ཡི་རྟགས། །རྩེ་དགུ་ཁམས་གསུམ་ས་དགུའི་རྟགས། །ཞེས་གསུངས་པ་ལྟར་ལ། ཚད་ནི་ཐོག་མར་སྲིད་ཀྱི་ཚད་དུ་ཇི་ཙམ་བྱ་བ་ཉིད་ཆ་གསུམ་དུ་མཉམ་པར་བྱ་སྟེ། སྟེང་འོག་གི་རྭ་གཉིས་ལ་སུམ་ཆ་རེ་རེ་དང་། འོད་ཕྲེང་སྟེ་མུ་ཏིག་གི་ཕྲེང་བ་ནི་ཆུ་སྲིན་གྱི་ལྐོག་མའི་འོག་ཟླ་དཀྱིལ་གྱི་སྟེང་ནས་མུ་ཏིག་གི་ཕྲེང་སྐོར་ཡོད་པ་དེ་ཡིན་པས། སྟེང་འོག་གི་འོད་ཕྲེང་གཉིས་ཀྱི་

― KMC014_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དེར་ཆ་གཅིག་སྟེ་ཆ་གསུམ་དུ་བྱའོ། །རྡོ་རྗེའི་ལྟེ་བ་ལ་རྡོ་རྗེ་སེམས་དཔའི་ཞལ་དངོས་སུ་མི་འགོད་པ་ནི་ཀཱ་ལི་གསལ་བྱེད་ཀྱི་ཕྲེང་བ་སྲོག་དང་བྲལ་བས་བརྗོད་དུ་མེད་པའི་ཕྱིར་རྡོ་རྗེའི་ལྟེ་བ་ལ་ཞལ་མེད་པ་དང་། ཨཱ་ལི་དབྱངས་ཀྱི་ཕྲེང་བ་སྲོག་གི་རང་བཞིན་བརྗོད་པར་བྱ་བ་ཡིན་པས་དྲིལ་བུ་ལ་སྙེམ་མའི་ཞལ་ཡོད་པའོ། །དག་པ་ནི། འོད་ཕྲེང་ནི་ཆོས་ཐམས་ཅད་ཆོས་ཉིད་ཀྱི་རོལ་པར་སྣང་བ། ཟླ་དཀྱིལ་ནི་གཟུང་འཛིན་གཉིས་དག་པ། པདྨའི་ཟེའུ་འབྲུ་ནི་བྱང་ཆུབ་ཀྱི་སེམས་མི་ཤིགས་པའི་ཐིག་ལེ་ཉིད་འཁོར་བར་གནས་ཀྱང་དེ་ཡི་སྐྱོན་གྱིས་མ་གོས་པ་དང་། དེའི་འོག་གི་པདྨ་འདབ་བརྒྱད་ནི་འཕགས་ལམ་བརྒྱད་མཚོན་པ་དང་། དེའི་འོག་མུ་ཏིག་གི་ཕྲེང་བ་ཕྲ་མོ་བཀོད་པ་ནི་རྣམ་པར་དག་པ་དེ་དག་འདུ་འབྲལ་མེད་པར་གནས་པ་མཚོན་པ་དང་། ལྟེ་བ་ནི་ཡེ་ནས་གནས་པའི་འཕོ་མེད་ལྷན་ཅིག་སྐྱེས་པའི་རྡོ་རྗེ་བདེ་བ་ཆེན་པོ་ཉིད་

― KMC014_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་པའི་ཡུལ་ལས་འདས་པ་མཚོན་པའི་ཕྱིར་ཀུན་ཟླུམ་ཐིག་ལེའི་རྣམ་པར་གནས་པའོ། །རྭ་ལྔ་ཡིས་ནི་རིགས་ལྔའི་བདག་ཉིད་མཚོན་པ་དང་དེ་རེ་རེ་བཞིན་གྲུ་བཞིར་བྱས་པ་ནི་གཙོ་བོའི་རིགས་ཆུང་བཞི་ཡི་ཁྱབ་བྱེད་མཚོན་པའོ། །རྭ་བཞི་ཆུ་སྲིན་གྱི་ཁ་ནས་ཐོན་པ་ནི་སྲིད་པའི་དབུས་ལས་རིང་དུ་སོང་སྟེ་མྱ་ངན་ལས་འདས་པའི་དབྱིངས་སུ་བགྲོད་པ་མཚོན་པའོ། །རྭ་དབུས་མ་ཆུ་སྲིན་ལས་མ་ཕྱུངས་པ་ནི། ཐོག་མ་མེད་པའི་བྱང་ཆུབ་ཀྱི་སེམས་ཉིད་འཁོར་འདས་གང་གི་ཕྱོགས་སུའང་མ་ལྷུང་བས་གང་དུའང་དམིགས་སུ་མེད་པ་མཚོན་པའོ། །དབྱེ་ན་རྒྱན་གྱི་རྡོ་རྗེ་དང་གསོར་བའི་རྡོ་རྗེ་གཉིས་ལས་འདི་ནི་ཕྱི་མ་ཉིད་དོ། །དེ་ནས་དྲིལ་བུ་ནི་མཚོན་བྱ་དོན་གྱི་དྲིལ་བུའི་དབང་དུ་བྱས་ན་ལམ་གྱི་སྐབས་སུ་ཤེས་རབ་ཀྱི་བདག་ཉིད་དུ་གྱུར་པའི་ཆོས་ཇི་སྙེད་པ་དག་མཚོན་པ་སྟེ། དཔལ་ཡང་དག་སྦྱོར་བ་ལས། ཤེས་རབ་དཀྲོལ་བའི་དེ་ཉིད་ནི། །ལྷ་རྣམས་

― KMC014_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱིས་ཐོས་པར་འགྱུར། །ཞེས་གསུངས་པ་ལྟར་དང་། འབྲས་བུའི་སྐབས་སུ་གསུང་རྣམ་པ་ཐམས་ཅད་པ་ལོངས་སྤྱོད་རྫོགས་སྐུའི་རང་བཞིན་ནམ། རྒྱལ་བ་ཐམས་ཅད་སྐྱེད་པའི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མའི་ངོ་བོ་ཉིད་དེ། རྒྱུད་ལས། འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། །ཅེས་གསུངས་སོ། །དེ་ནས་མཚོན་བྱེད་རྫས་ཀྱི་དྲིལ་བུའི་རྒྱུ་ནི་གསེར་དངུལ་ཛྷི་ཀྵིཾ་ལི་འཁར་སོགས་ལས་བྱས་པའི་ཚད་དབྱིབས་ནི། སམྦུ་ཊ་ལས། ཆ་གསུམ་གསལ་བར་གཟུང་བ་ལ། །སྐ་རགས་བྱས་པ་བཟང་པོ་ཉིད། །ཅེས་གསུངས་པ་ལྟར་དྲིལ་བུ་ཆེ་ཚད་སོར་བཅུ་གཉིས་ཀྱི་བར་ཇི་ཙམ་བྱ་བའི་དཔངས་ལ་ཆ་གསུམ་དུ་བྱ་སྟེ། དྲིལ་བུའི་གཞི་ཁོག་པ་ལ་ཆ་གཅིག །མགྲིན་པའི་རྩ་བ་ནས་ཞལ་གྱི་བར་ཆ་གཅིག །དེ་ནས་རྭའི་རྩེའི་བར་ལ་ཆ་གཅིག་སྟེ་ཆ་གསུམ་སྙོམས་པར་བྱའོ། །དེ་ནས་དབྱིབས་ཀྱི་ཁྱད་པར་

― KMC014_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། རྡོ་རྗེའི་རྩེ་མོའི་འོད་ཕྲེང་དང་ཟླ་གདན་གྱི་འོག་ཏུ་ཤེས་རབ་མའི་ངོ་བོ་རྡོ་རྗེ་སྙེམ་མའི་ཞལ་མཛེས་ཤིང་ཡིད་དུ་འོང་བ་ཞི་བའི་ཉམས་ཅན་རིན་པོ་ཆེའི་ཅོད་པན་གྱིས་མཛེས་པ། དེའི་འོག་ཏུ་བདུད་རྩིའི་བུམ་པ་ཞལ་གྱི་ཚད་དང་མཉམ་པར་བྱ་སྟེ། དཔལ་ཡང་དག་གྲུབ་པའི་རྒྱུད་ལས། ཆུ་སྲིན་ཁ་ནས་བྱུང་བ་ཡི། །རྩེ་མོ་འོད་ཟེར་ཟླ་བར་གནས། །གཟུགས་མེད་སྲིད་པའི་གནས་སུ་ནི། །ཤེས་རབ་བདུད་རྩིའི་བུམ་པ་ལྟར། །ཡེ་ཤེས་བདུད་རྩིའི་གནས་སུ་ནི། །དེ་ཡི་ཡང་ནི་དབུས་སུ་ཡིད། །ལྷ་མོ་ཤེས་རབ་ཕ་རོལ་ཕྱིན། །གཟུགས་ནི་མཛེས་ཤིང་ཡོན་ཏན་གནས། །ཞེས་གསུངས་པ་ལྟར་བུམ་པ་དེའི་འོག་ཏུ་བུམ་གདན་གྲུ་བཞི་འམ་ཟླུམ་པོ་གང་རུང་རྒྱ་བུམ་པའི་ལྟོ་བ་དང་མཉམ་པ། འཕངས་བུམ་པའི་བཞི་ཆའི་ཚད་དང་མཉམ་པ། དེའི་འོག་ཏུ་ཡུ་བ་ལ་སོར་མོ་གཅིག་གམ་ཞལ་ཚད་མཉམ་པའི་རྩ་བར་བང་རིམ་ལྟ་བུ་ཕྲ་མོ་གསུམ་གྱི་མཐར་ཨུཏྤལ་རྒྱས་པ་

― KMC014_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨའི་ཟེའུ་འབྲུའི་རྣམ་པ་བྱས་པ། དེའི་ཕྱི་ནས་པདྨ་འདབ་བརྒྱད་ཞལ་ཚད་དང་མཉམ་པ་རྩེ་མོ་ཐུར་དུ་ཕྱོགས་པའི་པད་འདབ་དེ་དག་གི་ཤར་ཏེ་ཤེས་རབ་སྙེམ་མ་གང་དུ་ཕྱོགས་པའི་འདབ་མའི་དབུས་སུ་སྒྲོལ་མའི་ས་བོན་ཏཾ། བྱང་དུ་སྤྱན་མའི་ས་བོན་ལཾ། ནུབ་ཏུ་མཱ་མ་ཀིའི་མཾ། ལྷོར་གོས་དཀར་གྱི་པཾ། མེར་ནོར་རྒྱུན་མའི་བཾ། སྲིན་པོར་ཙུནྡྷ་ལེའི་ཙུཾ། རླུང་དུ་ཁྲོ་གཉེར་ཅན་གྱི་བྷྲྀཾ། དབང་ལྡན་དུ་ཕྲེང་བ་མའི་མཱཾ་ཡིག་རིང་པོ་རྣམས་ཞལ་ནང་དུ་ཕྱོགས་པས་འཁོད་དེ། རྒྱུད་ལས། ཕྱོགས་ནི་བརྒྱད་ཅེས་བྱ་བར་ནི། །ལྷ་མོ་བརྒྱད་དུ་རབ་གྲགས་པའི། །ཡི་གེ་བརྒྱད་ཀྱི་ས་བོན་ནི། །ཕྱོགས་ནི་བརྒྱད་དུ་རྣམ་པར་དགོད། །ཅེས་གསུངས་པ་ལྟར་ལ། དེའི་འོག་ཏུ་མུ་ཏིག་གི་ཕྲེང་བ་གསེར་སྐུད་ལྟ་བུའི་སྐ་རགས་རིམ་པ་གཉིས་ཀྱི་བར་དུ་རྡོ་རྗེའི་དྲིལ་བུ་ལ་རྡོ་རྗེ་ཆུར་ཉལ་བ། རིན་ཆེན་དྲིལ་བུ་ལ་རིན་ཆེན། པད་དྲིལ་ལ་པདྨ། ལས་དྲིལ་ལ་སྣ་ཚོགས་རྡོ་

― KMC014_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའམ་རལ་གྲི། དེ་བཞིན་གཤེགས་པའི་རིགས་ལ་འཁོར་ལོའི་ཕྲེང་བ་རྣམས་བྱའོ། །དེའི་འོག་ནས་ཙི་པ་ཊའི་ཁ་ནས་ཐུར་དུ་འཕྱང་བའི་རིན་པོ་ཆེའི་ཕྲེང་བ་དྲྭ་བ་དྲ་ཕྱེད་ཀྱི་རྣམ་པ་ཅན་བརྒྱད་བྱ་སྟེ། དེ་ཡི་ཤར་གྱི་དྲྭ་བའི་དབུས་སུ་འཁོར་ལོ། བྱང་དུ་རིན་པོ་ཆེ། ནུབ་ཏུ་པདྨ། ལྷོར་རལ་གྲི། མེར་ཆོས་འབྱུང་སྤྱན་མཚན། སྲིན་པོར་རྡོ་རྗེ། རླུང་དུ་པདྨ། དབང་ལྡན་དུ་ཨུཏྤལ་ཏེ་རིགས་བཞི་ཡུམ་བཞིའི་མཚན་མ་དགོད་ལ། གལ་ཏེ་དྲྭ་བ་བརྒྱད་ལས་མང་ན་བར་རྣམས་སུ་ཨུཏྤལ་པདྨ་སོགས་ཀྱིས་ཇི་ལྟར་མཛེས་པར་བྱ་སྟེ། རྒྱུད་ལས། སྐ་རགས་བྱས་པ་བཟང་པོ་ཉིད། །ཞི་བ་ཨུཏྤལ་ཀུ་མུ་ཏ། །རིན་ཆེན་པདྨ་རྣམ་པར་གནས། །ཕྱོགས་མཚམས་བརྒྱད་ཀྱི་དབུས་སུ་ནི། །དགུ་པ་ལ་ནི་སངས་རྒྱས་ཉིད། །ཅེས་གསུངས་པ་ལྟར་ལ། དེའི་འོག་ཏུ་དྲིལ་བུ་ཁའི་བ་གམ་གྱི་སྟེང་དུ་ཡང་སྐ་རགས་རིམ་པ་གཉིས་ཀྱི་བར་དུ་རིགས་སོ་སོའི་ལྷའི་ཕྱག་མཚན་རྡོ་རྗེའི་དྲིལ་བུ་ལ་

― KMC014_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་འགྲེང་ཐབས་སུ་བསྒྲིགས་པ་དང་། རིན་ཆེན་དྲིལ་བུ་ལ་རིན་ཆེན་སོགས་གོང་བཤད་ལྟར་དགོད་པར་བྱའོ། །དེ་ནས་དྲིལ་བུའི་ནང་གི་དབུས་སུ་ལྕེ་འཕྱང་བར་བྱེད་པའི་རྡོ་རྗེའི་ཆང་གཟུང་གི་བུག་པར་ལྕེ་གདག་པར་བྱ་ཞིང་། ནང་གི་ཕྱོགས་མཚམས་བརྒྱད་དུ་སྐུད་པ་དཔྱངས་པ་ལྟ་བུའི་མཚན་མ་བྱ་བར་རྡོ་རྗེ་མཁའ་འགྲོར་གསུངས་ཤིང་། མདུན་ཕྱོགས་ཤར་ངོས་སུ་འབྲུ་གསུམ་བཀོད་པ་ཡང་སྣང་ངོ་། །དེ་དག་གི་དག་པ་ནི། ཤེས་རབ་མའི་ཞལ་གྱིས་ཨཱ་ལི་དབྱངས་ཀྱི་རང་བཞིན་མཚོན་པ་དང་། བུམ་པ་ནི་ཤེས་རབ་མའི་ཐུགས་གཉིས་སུ་མེད་པའི་ཡེ་ཤེས་ཤེས་རབ་ཀྱི་ཕ་རོལ་ཏུ་ཕྱིན་མ་མཚོན་པ་དང་། བུམ་གདན་དང་ཡུ་བའི་རྩར་བང་རིམ་གསུམ་གྱི་རྣམ་པ་ནི་གཟུགས་མེད་ཀྱི་ཁམས་རྣམ་པར་དག་པ་དང་། ཨུཏྤལ་དང་པད་འདབ་བརྒྱད་ཀྱིས་གཟུགས་ཁམས་རྣམ་པར་དག་པ་དང་། དྲིལ་བུའི་ཁོག་པས་འདོད་པའི་ཁམས་རྣམ་པར་

― KMC014_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པ་དང་། མུ་ཏིག་གི་ཕྲེང་བ་ལྟ་བུའི་གསེར་སྐུད་ཀྱི་བར་རིགས་སོ་སོའི་ཕྱག་མཚན་བཀོད་པ་ནི་རིགས་ཀྱི་མཚན་མ་དང་པོའོ། །དེའི་འོག་ཏུ་དྲྭ་བ་དང་དྲ་ཕྱེད་འཕྱང་བ་ནི་ཁམས་གསུམ་པའི་རང་བཞིན་གྱི་གཞལ་ཡས་ཁང་མཚོན་པར་རྒྱུད་འགྲེལ་མན་ངག་སྙེ་མ་ལས་གསུངས་སོ། །དྲིལ་ཁའི་བ་གམ་གྱི་སྟེང་དུ་མུ་ཏིག་གི་ཕྲེང་བའི་སྐེ་རགས་རིམ་པ་གཉིས་ཀྱི་བར་དུ་རིགས་དང་མཐུན་པའི་ཕྱག་མཚན་བཀོད་པ་ནི་རིགས་ཀྱི་མཚན་མ་གཉིས་པའོ། །ལྕེ་འཕྱང་བའི་བུག་པ་ནི་རྡོ་རྗེ་བཙུན་མོའི་ཆོས་འབྱུང་ལ་ཉེ་བར་གནས་པའི་རྩ་ཁ་ཁ་མུ་ཁ་སྟེ་བྱ་གདོང་མ་མཚོན་པའོ། །དབྱེ་ན་རྡོ་རྗེ་འཆང་གི་དྲིལ་བུ་རྩེ་དགུ་པ་དྲྭ་བ་དང་དྲ་ཕྱེད་ཀྱིས་བརྒྱན་པ། ཡེ་ཤེས་ཀྱི་དྲིལ་བུ་ཕྱོགས་བཞིར་པདྨ་གསུམ་དང་ཨུཏྤལ་གྱིས་བརྒྱན་པ་ཁོག་པའི་སྟོད་སྨད་ལ་རྡོ་རྗེའི་ཕྲེང་བ་ཅན། དཔའ་བོའི་དྲིལ་བུ་རྩེ་ལྔ་པའམ་དགུ་པ། དྲྭ་བ་དང་དྲ་ཕྱེད་མེད་པ་དེའི་དོད་དུ་རིན་པོ་ཆེའམ་འཁོར་ལོས་

― KMC014_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲས་པ། རྡོར་ཕྲེང་ཕྲེང་གཉིས་སྔ་མ་དང་འདྲ་བ། རིགས་སོ་སོའི་དྲིལ་བུ་ལ་རྩེ་མོ་ལྔ་པ་ཁོ་ན། དྲྭ་ཕྱེད་ཀྱི་བར་ལ་རིགས་སོ་སོའི་ཕྱག་མཚན་ཅན་སོགས་སུ་བཤད་པས་དེ་དག་སོ་སོའི་ཚད་སོགས་ཞིབ་པར་རྡོ་རྗེ་མཁའ་འགྲོར་གསུངས་པ་ལྟར་ཤེས་པར་བྱའོ། །དེ་ཡང་གསར་རྙིང་གི་དཀྱིལ་འཁོར་སྤྱི་དང་ཁྱད་པར་དུ་བླ་མེད་ཀྱི་རྒྱུད་སྡེ་ལ་འཇུག་པའི་སྐབས་སློབ་དཔོན་གྱི་བྱ་བ་མཐའ་དག་ལ་རྡོ་དྲིལ་འཛིན་པ་སྔོན་དུ་འགྲོ་དགོས་པའི་ཕྱིར་ཐོག་མར་རྡོ་དྲིལ་གྱི་དེ་ཉིད་ཤེས་པ་གལ་ཆེ་ལ། དེ་ཉིད་མི་ཤེས་པས་རྡོ་དྲིལ་འཛིན་པ་ནི་གླང་པོའི་མགུལ་དུ་དྲིལ་བུ་བཏགས་པ་དང་འདྲ་བར་གསུངས་ཏེ། རྡོ་རྗེ་གདན་བཞིའི་རྒྱུད་ལས། དེ་ཉིད་མི་ཤེས་རྣལ་འབྱོར་པ། །གླང་པོས་དྲིལ་བུ་འཁྲོལ་དང་མཚུངས། །ཞེས་གསུངས་ལ། ཇི་ལྟར་དཀྲོལ་བའི་ཚུལ་ཡང་། དཔལ་སམྦུ་ཊའི་རྒྱུད་ལས། དེ་ལ་ལག་གཉིས་རབ་ཏུ་བརྐྱང་། །རྣམ་ལྔ་འདོད་པའི་བསྐོར་

― KMC014_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བྱ། །གཡས་པར་ཉི་མ་ཡང་དག་བསམ། །གཡོན་པར་ཟླ་བསམ་གཡོན་པ་ཉིད། །ལུས་ཅན་རྣམས་ཀྱི་ཐབས་ཉིད་དེ། །རང་འདོད་ལྷར་ནི་བསམ་པར་བྱ། །ཞེས་གསུངས་པ་ལྟར་རྣམ་ལྔ་འདོད་སྐོར་དང་བཅས་ཏེ་ལག་མཐིལ་གཡས་སུ་ཉི་མའི་དཀྱིལ་འཁོར་དང་། གཡོན་དུ་ཟླ་དཀྱིལ་བསམས་ལ། རྡོ་རྗེ་ཧཱུྃ་ལས་རྡོ་རྗེ་སེམས་དཔའ་དང་། དྲིལ་བུ་ཧོཿཡིག་ལས་རྡོ་རྗེ་སྙེམ་མའི་སྐུར་བསྐྱེད་དེ། འགྲོ་བ་རྣམས་མ་རིག་གཏི་མུག་གི་གཉིད་ལས་སད་པར་བྱས་ཏེ་མཐར་ཐུག་སངས་རྒྱས་ཐོབ་པའི་དོན་དུ་དཀྲོལ་བར་བྱའོ་སྙམ་པས་དྷརྨ་ར་ཎི་སོགས་ཀྱི་སྔགས་བརྗོད་ཅིང་དྲིལ་བུའི་ལྕེ་ནང་གི་གནས་བརྒྱད་དུ་ཕོག་པར་བྱ་ཞིང་དཀྲོལ་དགོས་ཏེ། སམྦུ་ཊི་ལས། ཐབས་དང་ཤེས་རབ་ཆོས་ཀྱིས་ནི། །འགྲོ་བ་ཐམས་ཅད་སད་པར་བྱེད། །མི་ཤེས་འདམ་དུ་བྱིང་བ་ཡི། །སེམས་ཅན་སངས་རྒྱས་དོན་དུ་དཀྲོལ། །རྡོ་རྗེ་དེ་ཉིད་ཀྱིས་ནི་བཟུང་། །ཆོས་ཀྱི་དྲིལ་བུ་དཀྲོལ་

― KMC014_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བྱ། །ཐབས་དང་ཤེས་རབ་ཆོ་ག་ཡིས། །སེམས་ཅན་དོན་ནི་ཡོ་གས་བྱེད། །ཅེས་དང་། ཨཱ་ལི་ཀཱ་ལི་སྒོམ་པ་ནི། །གནས་ནི་བརྒྱད་དུ་དཀྲོལ་བར་བྱ། །ཨཱ་ལི་ཀཱ་ལི་རབ་སྦྱོར་བས། །འཁོར་བ་ཐམས་ཅད་གཅོད་པར་བྱེད། །ཅེས་གསུངས་པ་ལྟར་དང་། སླར་ཡང་དམ་ཚིག་དྲན་བཞིན་པས་རྡོ་རྗེ་ནང་དུ་འོང་བའི་པད་ཀོར་དང་བཅས་འཁྱུད་པའི་སྟངས་ཀ་བྱས་ལ་དེ་ནས་ཆོ་གའི་སྦྱོར་བ་གང་ཡིན་ལ་འཇུག་པར་བྱ་ཞིང་། ཕྱིས་རྡོ་དྲིལ་ལེན་དུས་ཀྱང་ལག་གཉིས་བསྣོལ་བས་འོག་ཏུ་ཕྱོགས་པས་རྡོ་རྗེ་ཁུ་ཚུར་ཅུང་ཟད་ཁ་བྱེ་བའི་ཕྱག་རྒྱས་བླངས་ལ་རྣམ་སྣང་དང་རྡོ་རྗེ་སྙེམ་མ་ཞལ་སྦྱོར་བའི་ཚུལ་དུ་ཧ་ཅང་ཐག་མི་རིང་བར་འཛིན་ཅིང་། འཇོག་པའི་ཚེ་ཡང་དྲིལ་བུ་གཡས་དང་རྡོ་རྗེ་གཡོན་གྱི་ཆར་བཞག་པར་བྱའོ། །བཞི་པ་དངོས་གཞི་དཀྱིལ་འཁོར་ལ་འཇུག་པའི་ཐོག་མར་བདུད་རྩི་བྱིན་རླབས་བྱ་བ་ནི། བདག་ཉིད་སྐད་ཅིག་གིས་ལྷན་སྐྱེས་ཡབ་ཡུམ་

― KMC014_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྐུར་བསྐྱེད་པ་སྟེ། ལྷན་སྐྱེས་ཞེས་པའི་དོན་ནི། རང་བཞིན་སྟོང་པ་ཉིད་དང་མི་འགྱུར་བའི་བདེ་བ་ཆེན་པོ་ཟུང་དུ་འཇུག་པའི་རང་བཞིན་ལྷན་ཅིག་སྐྱེས་པའི་ཡེ་ཤེས་ཉིད་ཞལ་ཕྱག་གི་རྣམ་པར་བཞེངས་པའི་ལྷ་ཡིན་པས་ན་དེ་སྐད་ཅེས་བྱ་སྟེ། རྒྱུད་ལས། གང་དང་ལྷན་ཅིག་གང་སྐྱེས་པ། །དེས་ན་ལྷན་ཅིག་སྐྱེས་པར་བརྗོད། །ཅེས་པ་ལྟར་རོ། །དེ་ནས་ༀ་ཁཎྜ་རོ་ཧེ་སོགས་དུམ་སྐྱེས་མའི་སྔགས་ཀྱིས་བགེགས་བསལ། སྭ་བྷཱ་ཝ་སོགས་རང་བཞིན་རྣམ་དག་གི་སྔགས་ཀྱིས་དངོས་འཛིན་ཐམས་ཅད་སྟོང་པར་སྦྱང་། སྟོང་པ་དེའི་རང་རྩལ་མ་འགགས་པ་ལས་ཡཾ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ཅན། དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ་པ་དམར་པོའི་སྟེང་དུ་ཡི་གེ་ༀ་ཨཱཿཧཱུྃ་གསུམ་ཡོངས་སུ་གྱུར་པ་ལས། ཐོད་པ་དཀར་པོ་བུམ་རིལ་གྱི་སྒྱེད་བུ་གསུམ་ལ་གནས་པའི་ཨ་ཡིག་དཀར་པོ་ལས་བྱུང་བའི་ཐོད་སྣོད་ཕྱི་དཀར་ལ་

― KMC014_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་དམར་བ་ཡངས་ཤིང་རྒྱ་ཆེ་བའི་ནང་དུ། དབུས་སུ་ཧཱུྃ་ལས་མིའི་ཤ །ཤར་དུ་ༀ་ལས་བ་ལང་གི་ཤ །བྱང་དུ་ཁཾ་ལས་གླང་པོ་ཆེའི་ཤ །ནུབ་ཏུ་ཨཱཾ་ལས་རྟའི་ཤ །ལྷོར་ཏྲཱཾ་ལས་ཁྱིའི་ཤ་སྟེ་དེ་དག་ལ་ལྕགས་ཀྱུ་ལྔ་ཞེས་བྱ་བའི་དོན་ནི། མན་ངག་སྙེ་མ་ལས། འདི་རྣམས་ལྕགས་ཀྱུ་བཞིན་དུ་མངོན་པར་འདོད་པའི་དོན་ཉེ་བར་བྱེད་པའི་ཕྱིར་ལྕགས་ཀྱུ་རྣམས་སོ། །ཞེས་དང་སམྦུ་ཊི་ར། ཡེ་ཤེས་ལྕགས་ཀྱུས་རབ་དབྱེ་བས། །ཡིད་ཀྱིས་ཐམས་ཅད་འགུགས་པའོ། །ཞེས་གསུངས་པ་ལྟར། དང་པོ་ཡེ་ཤེས་འགུགས་པར་བྱེད་པའི་ལྕགས་ཀྱུ་ལྔ་ནི་ཤ་ལྔའོ། །དེ་དག་གི་སྟེང་དུ་རིམ་པ་བཞིན་དུ་དབུས་སུ་བཱཾ་ལས་རྡོ་རྗེའི་དྲི་ཆུ་བེ་ཌཱུར་ལྟ་བུ། ཤར་དུ་ལཱཾ་ལས་རྡོ་རྗེའི་དྲི་ཆེན་ཤེལ་ལྟ་བུ་དཀར་པོ། ལྷོར་མཱཾ་ལས་རྡོ་རྗེའི་རཀྟ་གསེར་བཙོ་མ་ལྟ་བུ། ནུབ་ཏུ་པཱཾ་ལས་རྡོ་རྗེའི་བྱང་སེམས་དཀར་པོ་དངུལ་ཆུ་ལྟ་བུ། བྱང་དུ་ཏཱཾ་ལས་རྡོ་རྗེའི་ཀླད་པ་དཀར་པོ་སྟེ་དེ་དག་ལ་

― KMC014_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོན་མ་ལྔ་ཞེས་བྱ་བའི་དོན་ནི། ལཱུ་ཡི་པའི་དཀའ་འགྲེལ་ལས། ཡི་གེ་ལྔ་པོ་ལས་བྱུང་བ་དང་དེའི་བྱིན་རླབས་ཀྱིས་བདུད་རྩི་ལྔ་སྒྲོན་མ་ལྔ་ཡི་ཚུལ་དུ་རྫོགས་པར་བྱ་བའོ། །ཞེས་གསུངས་པས་ས་བོན་ལྔ་དེས་བདུད་རྩི་ལྔ་པོ་ཡེ་ཤེས་ལྔར་སྦར་བར་བྱེད་པའི་ཕྱིར་ན་རྒྱུ་ཡི་འབྲས་བུ་ལ་བཏགས་ཏེ་སྒྲོན་མེ་ལྔ་ཞེས་གསུངས་སོ། །བདུད་རྩི་ལ་རྡོ་རྗེའི་སྒྲ་སྦྱར་བའི་དོན་ཡང་རྣལ་འབྱོར་མའི་ཀུན་སྤྱོད་ལས། བདུད་རྩི་ལྔ་ཡི་གོང་བུའི་དངོས། དེ་ཕྱིར་རྡོ་རྗེ་ཅན་དུ་བརྗོད། །ཅེས་གསུངས་སོ། །རྫས་བཅུ་དེ་དག་སླར་ཡང་རང་རང་གི་ས་བོན་གྱིས་མཚན་པར་བསྒོམ། དེ་ནས་འོག་གི་རླུང་གཡོས་མེ་སྦར་བསྐོལ་བས་རྫས་བཅུ་ས་བོན་དང་བཅས་པ་འོད་དུ་ཞུ་ནས་ཉི་མ་འཆར་ཁའི་ཁ་དོག་ལྟར་སེ ར་ལ་འོད་འབར་བར་གྱུར་པ་ནི་དང་པོ་བདུད་རྩིར་སྦྱང་བ་སྟེ། སམྦུ་ཊིར། འབུད་པ་སྦར་བ་ཉིད་དང་ནི། །ཁྱད་པར་དུ་ནི་བསྐོལ་བ་ཉིད། །ཤེལ་གྱི་གཟུགས་ཀྱིས་བསྐྱེད་བྱ་ཞིང་། །

― KMC014_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་སོ། །དེ་ནས་བདུད་རྩི་དེ་ཡི་རླངས་པ་ལས་དངུལ་ཆུའི་མདོག་དང་མཚུངས་པའི་ཁ་ཊྭཱྃ་ག་འོག་ཏུ་ཁ་བལྟ་སྟེ་རྩེ་མོ་ཐུར་དུ་བསྟན་པ་ཉིད་ཀྱང་ཞུ་སྟེ་བདུད་རྩིའི་བཅུད་དང་དབྱེར་མེད་དུ་འདྲེས་པར་བསམ་པ་ནི་གཉིས་པ་བདུད་རྩིར་རྟོགས་པར་བྱ་བ་སྟེ། འདུས་པའི་རྒྱུད་ཕྱི་མ་ལས། རང་བཞིན་གྱི་ལུས་ཆོས་རྣམས་ལ། །དྲི་མ་ལྔ་ཡིས་རྣམ་མཛེས་པ། །ཡེ་ཤེས་ལྔ་ཡིས་བྱིན་བརླབ་ཕྱིར། །བདུད་རྩི་ལྔ་རུ་རྟོགས་པར་བྱ། །ཞེས་གསུངས་སོ། །སླར་ཡང་བདུད་རྩི་དེ་ཡི་སྟེང་དུ་ཨཱ་ལི་སྟེ་དབྱངས་ཡིག་དཀར་པོ་དང་། ཀཱ་ལི་སྟེ་གསལ་བྱེད་དམར་པོ་གཉིས་ཡོངས་སུ་འདྲེས་ཏེ་ཞུ་བ་ལས་བྱུང་བ་དུས་གསུམ་རྒྱལ་བ་རྣམས་ཀྱི་སྐུ་རྡོ་རྗེའི་ངོ་བོ་ༀ་དཀར་པོ། གསུང་རྡོ་རྗེའི་ངོ་བོ་ཨཱཿདམར་པོ། ཐུགས་རྡོ་རྗེའི་ངོ་བོ་ཧཱུྃ་སྔོན་པོ་གསུམ་མས་རིམ་གྱིས་སྟེ་ཧཱུྃ་ཨཱཿༀ་གསུམ་མགོ་བོ་ཐུར་དུ་བལྟ་བར་གནས་པ་དེ་ལས། རྗེས་ནས་འབྱུང་བ་ལྟར་དཔའ་བོ་

― KMC014_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་པོ་ཆེ་སོགས་ས་འོག་སྐུའི་འཁོར་ལོའི་དཔའ་བོ་དང་དཔའ་མོ། དཔའ་བོ་མྱུ་གུ་ཅན་སོགས་ས་སྤྱོད་གསུང་གི་འཁོར་ལོའི་དཔའ་བོ་དང་དཔའ་མོ། དཔའ་བོ་ཐོད་པའི་དུམ་བུ་སོགས་མཁའ་སྤྱོད་ཐུགས་ཀྱི་འཁོར་ལོའི་དཔའ་བོ་དང་དཔའ་མོ་རྣམས་སྤྲོས་ལ། དེ་དག་གིས་སེམས་ཅན་ཐམས་ཅད་ཀྱི་དོན་བྱས། ཡུལ་ཉེར་བཞིའི་དཔའ་བོ་དང་དཔའ་མོའི་དབང་ཕྱུག་མ་རྣམས་ཀྱི་ཕྱག་གི་ཡེ་ཤེས་ཀྱི་བདུད་རྩི་བླངས་ཏེ་བྱོན། སླར་དཔའ་བོ་དཔའ་མོ་ཡབ་ཡུམ་ཐམས་ཅད་སྙོམས་པར་ཞུགས་པ་སྔོན་དུ་འགྲོ་བས་ཞུ་བར་གྱུར་ནས་ཡིག་འབྲུ་གསུམ་ལ་ཐིམ་པའི་མོད་ཡི་གེ་གསུམ་ཡང་རིམ་གྱིས་གཅིག་ལ་གཅིག་ཐིམ་ནས་མཐར་དམ་ཚིག་གི་བདུད་རྩི་ལ་ཐིམ་པས་ཁ་དོག་དྲི་རོ་རེག་བྱ་ཕུན་སུམ་ཚོགས་པ་ཟག་མེད་ཡེ་ཤེས་ཀྱི་བདུད་རྩིར་བསམ་པ་གསུམ་པ་བདུད་རྩིར་སྦར་བ་སྟེ། སམྦུ་ཊི་ལས། གང་དུ་བདུད་རྩི་དང་ནི་ཆུ། །ལྔ་ཡི་བདག་ཉིད་དུ་ནི་གསུངས། །ཞེས་

― KMC014_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཡེ་ཤེས་རྡོ་རྗེས་བྱིན་བརླབས་པས། །རྣམ་པ་ལྔར་ནི་རབ་ཏུ་བསྐྱེད། །ཅེས་གསུངས་སོ། །དེ་ནས་བདུད་རྩི་དང་པོ་རང་གིས་ཅུང་ཟད་མྱང་བར་བྱས་ནས་རྗེས་སུ་ཕྱི་རོལ་འབྱུང་གཏོར་ལ་མཐེབ་སྲིན་གྱིས་འཐོར་བར་བྱ་སྟེ། ཡང་དག་སྦྱོར་བ་ལས། དེ་ནས་བདུད་རྩི་མྱང་བར་བྱ། །ལྷག་མ་ལ་སོགས་དངོས་པོ་ཀུན། །ཕྱིར་རོལ་དཀྱིལ་འཁོར་ཚིམ་པར་བྱ། །ཞེས་གསུངས་སོ། །དེ་ནས་རང་གི་སྙིང་གའི་འོད་ཟེར་གྱིས་གཏོར་མགྲོན་སྲིད་གསུམ་གྱི་འབྱུང་པོའི་རིགས་ཆེ་ཕྲ་ཐམས་ཅད་བཀུག་སྟེ། དེ་དག་ཀྱང་སྐད་ཅིག་གིས་འོད་གསལ་དུ་ཞུགས་ཏེ་འཁོར་ལོ་གསུམ་གྱི་དཔའ་བོ་དང་དཔའ་མོའི་རང་བཞིན་དུ་གྱུར་བའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་གསོལ་བར་བསམས་ལ་པད་ཀོར་རྡོར་ཐལ་ཁ་ཕྱེ་བས་མཁའ་འགྲོ་སྤྱི་གཏོར་གྱི་སྔགས་བརྗོད་པར་བྱ་སྟེ། སྔགས་དོན་ནི། དང་པོ་ༀ་ནི་བཀྲ་ཤིས་པའིདོན་དུ་

― KMC014_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཀྱི་མགོ་འདྲེན། ཁ་ཁ། ཟོ་ཟོ། ཁཱ་ཧི་ཁཱ་ཧི། ཟོ་ཞིག་ཟོ་ཞིག །སརྦ་ཡཀྵ། གནོད་སྦྱིན་ཐམས་ཅད། རཀྵ་ས། སྲིན་པོ། བྷཱུ་ཏ། འབྱུང་པོ། པྲེ་ཏ། ཡི་དྭགས། པི་ཤཱ་ཙ། ཤ་ཟ། ཨུཏྨ་ད། སྨྱོ་བྱེད། ཨ་པ་སྨ་ར། བརྗེད་བྱེད། ཌཱ་ཀ། མཁའ་འགྲོ། ཌཱ་ཀི་ནཱི་དང་ཨཱ་ད་ཡ་སྦྱར་མཐར་མང་ཚིག་བྱིན་པས། ཌཱ་ཀི་ནྱ་ད་ཡཱ་ཱམཁའ་འགྲོ་མ་ལ་སོགས་པ་རྣམས། ཨི་མཾ་བ་ལིཾ། ཟན་འདི་ལ། གྲིཧྞནྟུ། ཟུངས་ཤིག །ས་མ་ཡ་རཀྵནྟུ ། དམ་ཚིག །མ་མ་སརྦ་སིདྡྷིམྨེ་པྲ་ཡཙྪནྟུ། དངོས་གྲུབ་ཐམས་ཅད་བདག་ལ་རབ་ཏུ་སྩོལ་ཅིག །ཡ་ཐཻ་བཾ། ཇི་ལྟ་བ། ཡ་ཐེཥྚཾ། ཇི་ལྟར་འདོད་པ། བྷུཉྫ་ཐ། ཟོ་ཞིག །པི་བ་ཐ། འཐུང་ཞིག །ཛི་གྷྲ་ཐ། དྲི་སྣོམ་ཞིག །མཱ་ཏི་ཀྲ་མ་ཐ། རིམ་པ་ལས་མ་འདས་ཤིག །མ་མ། བདག་གི །སརྦ་དང་། ཨཱ་ཀཱ་ར་ཏཱ་གཉིས་སྦྱར་མཐར་གསུམ་པ་བྱིན་པས། སརྦཱ་ཀཱ་ར་ཏཱ་ཡཱ། འདོད་པ་སྒྲུབ་པ་རྣམས་ཀྱིས། སཏྶུ་ཁཾ་བི་

― KMC014_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུདྡྷ་ལ་བཞི་པ་བྱིན་པས། སཏྶུ་ཁཾ་བི་ཤུདྡྷ་ཡཱ་སྟེ། མཆོག་གི་བདེ་བ་རྣམ་པར་དག་པའི་ཆེད་དུ། ས་ཧ་ཡི་ཀཱཾ། སྟོང་གྲོགས། བྷ་ཝནྟུ། མཛོད་ཅིག །ཧཱུྃ་ཧཱུྃ་ནི། སྔགས་ཀྱི་ཀླད་ནོན་གཙོ་བོའི་ས་བོན། ཕཊྲ་ཕཊྲ་ནི་ཚར་གཅོད་པ། སྭཱ་ཧཱ་གཞི་ཚུགས་ཞེས་པ་སྟེ་སྔགས་བརྟན་པར་བྱེད་པའོ། །དེ་ནས་ལྷ་ཀླུ་གནོད་སྦྱིན་སོགས་ཀྱིས་ཕྲིན་ལས་བཅོལ་ལོ། །འདིའི་སྔགས་ཀྱི་སྐབས་ཨུཏྨ་ད་དང་ཨཱ་པ་སྨ་ར་ཡང་མཚམས་སྦྱར་བས་དབྱངས་སྐུང་དུ་སོང་བ་ཡིན་པས་སྤྱི་ལྟར་དཔྲལ་ཏེ་བཀླག་པར་བྱའོ། །དེ་ནས་མཆོད་པ་བྱིན་རླབས་བྱ་ཞིང་སྔགས་དོན་དང་ཕྱག་རྒྱ་ནི་རྗེས་ནས་འཆད་ལ། སྔགས་མཐར་སེ་གོལ་མི་བྱ་སྟེ་སེ་གོལ་ཏོག་པ་ནི་གཤེགས་པའི་བརྡ་ཡིན་པས་སོ། །དེ་ནས་སྐྱབས་ཡུལ་དཔལ་འཁོར་ལོ་སྡོམ་པ་ལ་བླ་མ་སངས་རྒྱས་ཆོས་དང་དགེ་འདུན་སོགས་སྐྱབས་གནས་རྒྱ་མཚོ་ལྟ་བུས་བསྐོར་བར་དམིགས་ལ་སྐྱབས་འགྲོ་བདུན་ནམ་ཉེར་གཅིག་སོགས་བྱའོ། །ཚིག་དོན་ནི་བདག་སོགས་

― KMC014_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་ཐམས་ཅད་དུས་འདི་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ། དུས་གསུམ་དུ་བླ་ན་མེད་པའི་བྱང་ཆུབ་སྙིང་པོར་གཤེགས་པའི་རྒྱལ་བ་རྣམས་ཀྱི་རྒྱན་འཁོར་ལྔ་སྟེ་སྐུ་མི་ཟད་པ་རྒྱན་གྱི་འཁོར་ལོ། གསུང་མི་ཟད་པ་རྒྱན་གྱི་འཁོར་ལོ། ཐུགས་མི་ཟད་པའི་རྒྱན་འཁོར། ཡོན་ཏན་མི་ཟད་པའི་རྒྱན་འཁོར། ཕྲིན་ལས་མི་ཟད་པའི་རྒྱན་འཁོར་རྣམས་གཅིག་ཏུ་བསྡུས་པ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་འབྱུང་གནས། འཕགས་པའི་དགེ་འདུན་ཐམས་ཅད་ཀྱི་བདག་ཉིད་དེ་དཀོན་མཆོག་གསུམ་གྱི་ངོ་བོ་བླ་མ་རྣམས་དང་། སྐུ་བཞི་ཡེ་ཤེས་ལྔ་ལྡན་གྱི་སངས་རྒྱས། བདེན་གཉིས་ཟུང་འཇུག་གི་དམ་ཆོས། ལྡན་གྲོལ་གཉིས་ལྡན་གྱི་དགེ་འདུན་རྣམས་དང་། ཁྱད་པར་དུ་རྣལ་འབྱོར་ཏེ་དཔལ་འཁོར་ལོ་སྡོམ་པ་ནི་སངས་རྒྱས་དཀོན་མཆོག །གསང་སྔགས་ཏེ་ཐབས་དང་ཤེས་རབ་ཟུང་འཇུག་གི་དོན་སྟོན་པའི་གསང་རིག་གཟུངས་གསུམ་མམ་ལྷ་

― KMC014_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱི་སྙིང་པོ་ཉེ་སྙིང་རྣམས་ནི་ཆོས་དཀོན་མཆོག །འཁོར་གྱི་མཁའ་འགྲོ་མ་བཞི་དང་། སྐུ་གསུང་ཐུགས་ཀྱི་འཁོར་ལོ་གསུམ་གྱི་བདག་ཉིད་ཅན་དཔའ་བོ་དང་དཔའ་མོ་རྣམས་ནི་དགེ་འདུན་དཀོན་མཆོག་སྟེ་ཐུན་མོང་མ་ཡིན་པའི་དཀོན་མཆོག་གསུམ་ལ་སྐྱབས་སུ་འགྲོ་བའོ། །དེ་ནས་ལུས་ངག་ཡིད་གསུམ་དག་པར་བྱེད་པའི་ཕྱིར། དང་པོ་ཤྲཱི་ནི་གཉིས་མེད་སོགས་ཀྱི་དོན་བསམ་པ་ནི་ཡིད་དག་པར་བྱེད་པ་སྟེ། ལཱུ་ཡི་པའི་རིགས་དྲུག་པ་ཧེ་རུ་ཀའི་སྒྲུབ་ཐབས་ལས། ཤྲཱི་ནི་གཟུང་འཛིན་གཉིས་དང་བྲལ་བའི་ཡེ་ཤེས་ཏེ། དེ་ལ་རྒྱུ་བདག་དང་གཞན་དང་གཉིས་ཀ་ལས་སྐྱེ་བ་དང་རྒྱུ་མེད་པ་ལས་སྐྱེ་བ་རྣམ་པར་སྤངས་པས་ཧེ་ནི་རྒྱུ་སོགས་སྟོང་པ་ཉིད་དོ། །དེ་ལ་སྐྱེ་འཇིག་གནས་པ་སོགས་དང་བྲལ་བས་ན་རུ་ནི་ཚོགས་དང་བྲལ་བའོ། །དེ་ལྟར་ཡོད་མེད་དངོས་པོའི་མཐའ་ཀུན་དང་བྲལ་བའི་ཕྱིར་ཀ་ནི་མཐའ་གང་དུའང་མི་གནས་པའོ། །ཞེས་

― KMC014_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་ལྟར་རོ། །དེ་ནས་སེམས་ཅན་ཐམས་ཅད་ལ་ཕན་པ་དང་བདེ་བའི་སེམས་ཀྱིས། ཤྲཱི་ཧེ་རུ་ཀོ྅ཧཾ་གིས་དཔལ་ཧེ་རུ་ཀ་ཉིད་ངའོ་སྙམ་པའི་ང་རྒྱལ་བཟུང་སྟེ། བདག་ཉིད་སྐད་ཅིག་གིས་དཔལ་འཁོར་ལོ་སྡོམ་པ་ཡབ་ཡུམ་དུ་བསྐྱེད་པ་ནི་ལུས་དག་པར་བྱེད་པ་སྟེ་གར་ཉམས་ནི་རྗེས་ནས་འཆད་དོ། །དེ་ལྟར་བདག་ཉིད་ཧེ་རུ་ཀའི་ལྟེ་བར་ཐོག་མར་ༀ་དང་མཐར་ཧཱུྃ་ཧཱུྃ་ཕཊྲ་ཀྱིས་བརྒྱན་པའི་དབྱངས་གསལ་འོད་ཟེར་ཁ་དོག་ལྔ་པ་ཅན་དཀར་དམར་མཐིང་གསུམ་གཡོན་སྐོར་གྱིས་ལན་གསུམ་བསྐོར་བར་བསམ་པ་ནི་ངག་དག་པར་བྱེད་པ་སྟེ་ལཱུ་ཡི་པའི་མངོན་རྟོགས་ལས། ཨཱ་ལི་ཀཱ་ལི་སྒོམ་པ་ནི་ངག་དག་པའོ་ཞེས་གསུངས་སོ། །དེ་ནས་དབྱངས་གསལ་རིམ་པ་གསུམ་དེ་ལས་འཁོར་ལོ་གསུམ་གྱི་ལྷ་ཚོགས་སྤྲོ་བར་གསུངས་པ་ནི། དང་པོ་ས་འོག་ན་སྤྱོད་པ་སྐུའི་འཁོར་ལོའི་ལྷ། དཔའ་བོ་སྟོབས་པོ་ཆེ་དང་། དེ་བཞིན་རིན་ཆེན་རྡོ་རྗེ་དང་། རྟ་མགྲིན་དང་།

― KMC014_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའི་སྙིང་པོ་དང་། ཧེ་རུ་ཀ་དང་། པདྨ་གར་དབང་དང་། རྣམ་པར་སྣང་མཛད་དང་། རྡོ་རྗེ་སེམས་དཔའ་དང་བརྒྱད། དཔའ་མོ་འཁོར་ལོའི་ཤུགས་ཅན་དང་། དུམ་སྐྱེས་མ་དང་། ཆང་འཚོང་མ། འཁོར་ལོའི་གོ་ཆ་མ། བཞིན་བཟང་མ། སྟོབས་ཆེན་མ། འཁོར་ལོས་སྒྱུར་མ། བརྩོན་འགྲུས་ཆེན་མོ་དང་བརྒྱད་དེ་ཐམས་ཅད་སྐུ་མདོག་དཀར་པོ་ལ། དཔའ་བོ་ཐམས་ཅད་ཞལ་གཅིག་ཕྱག་བཞི་དང་པོ་གཉིས་རྡོ་དྲིལ། འོག་མ་གཉིས་ཌཱ་རུ་དང་ཁ་ཊྭཱྃ་བསྣམས་པ། ཡུམ་དཔའ་མོ་རྣམས་ཞལ་གཅིག་ཕྱག་གཉིས་གྲི་ཐོད་འཛིན་པ་ཡབ་ལ་འཁྱུད་པའོ། །དཔའ་བོ་བརྒྱད་དེའི་ངོ་བོ་ནི། ཟླ་འོད་གཞོན་ནུ། རྡོ་རྗེ་འོད། ཉི་མའི་སྙིང་པོ། རྡོ་རྗེ་འོད་ཟེར། མཐུ་ཆེན་ཐོབ། ནོར་བཟང་། བཟང་སྐྱོང་། བློ་གྲོས་རྒྱ་མཚོའོ། །དཔའ་མོ་བརྒྱད་ཀྱི་ངོ་བོ་ནི། རྒྱལ་མཚན་རྩེ་མོ། སོ་སོར་འབྲང་མ། རྨ་བྱ་ཆེན་མོ། ལོ་མ་གྱོན། ལུ་གུ་རྒྱུད། ཕྱིར་ཟློག་ཆེན་མོ། གཙུག་

― KMC014_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཏོར་གདུགས་དཀར་མོ། རྡོ་རྗེ་འཇིགས་བྱེད་མ་དང་བརྒྱད་དོ། །ས་སྤྱོད་གསུང་གི་འཁོར་ལོའི་ལྷ་རྣམས་ནི། སོ་སོའི་མཚན་གྱི་ངེས་ཚིག་དཔྱིད་ཐིག་དུ་འབྱུང་ཡང་ཡི་གེས་འཇིགས་ཏེ་མ་བྲིས་སོ། །དཔའ་བོ་མྱུ་གུ་ཅན་དང་། རྡོ་རྗེའི་རལ་པ་ཅན་དང་། དཔའ་བོ་ཆེན་པོ། རྡོ་རྗེ་ཧཱུྃ་མཛད། རབ་ཏུ་བཟང་པོ། རྡོ་རྗེ་བཟང་པོ། འཇིགས་བྱེད། མིག་མི་བཟང་དང་བརྒྱད། དཔའ་མོ་ས་སྲུང་མ་དང་། འཇིགས་བྱེད་ཆེན་མོ། རླུང་གི་ཤུགས་ཅན་མ། ཆང་འཐུང་མ། སྔོ་བསངས་མོ། །ཤིན་ཏུ་བཟང་མོ། རྟ་རྣ་མ། བྱ་གདོང་མ་དང་བརྒྱད་དེ་ཡབ་ཡུམ་ཐམས་ཅད་སྐུ་མདོག་དམར་པོ་ལ་ཞལ་ཕྱག་གོང་དང་འདྲ། དཔའ་བོ་བརྒྱད་ཀྱི་ངོ་བོ་ནི། སྒྲིབ་སེལ། སྤོས་ཀྱི་གླང་པོ། བློ་གྲོས་མི་ཟད་པ། ཡེ་ཤེས་ཏོག །སྤོབས་པ་བརྩེགས་པ། མྱ་ངན་མེད། ངན་སོང་ཀུན་འདྲེན། དྲྭ་བ་ཅན་གྱི་འོད་དང་བརྒྱད་དོ། །དཔའ་མོ་བརྒྱད་ཀྱི་ངོ་བོ་ནི། ཡེ་ཤེས་སྒྲོན་མ། རྡོ་རྗེ་འཇིགས་མ། གནྡ་རི། རྒྱན་ལྡན་

― KMC014_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

མ། སྒྲོལ་མ། གོས་དཀར་མོ། ཉེ་བའི་སྤྱན། ཉེ་བའི་མཱ་མ་ཀི་དང་བརྒྱད་དོ། །མཁའ་སྤྱོད་ཐུགས་ཀྱི་འཁོར་ལོའི་ལྷ་ནི། དཔའ་བོ་ཐོད་པའི་དུམ་བུ། འདིའི་སྤྲུལ་པ་འཇམ་མགོན་ཀོང་སྤྲུལ་ལོ། །ཀེང་རུས་ཆེན་པོ། ཀེང་རུས། མཆེ་བ་རྣམ་པར་གཙིགས་པ། ལྷ་དགྲ། འོད་དཔག་མེད། རྡོ་རྗེའི་འོད། རྡོ་རྗེའི་ལུས་ཏེ་བརྒྱད། དཔའ་མོ་རབ་གཏུམ་མ། གཏུམ་པའི་མིག་ཅན་མ། འོད་ལྡན་མ། སྣ་ཆེན་མ། དཔའ་བོའི་བློ་གྲོས་མ། མིའུ་ཐུང་མ། ལངྐའི་དབང་ཕྱུག་མ། ཤིང་གི་གྲིབ་མ་དང་བརྒྱད་དེ་ཡབ་ཡུམ་ཐམས་ཅད་སྐུ་མདོག་སྔོན་པོ་ལ་ཞལ་ཕྱག་ནི་སྔར་བཤད་པ་དང་འདྲ། དཔའ་བོ་བརྒྱད་ཀྱི་ངོ་བོ་ནི། ཀུན་ཏུ་བཟང་། འཇམ་དཔལ་དབྱངས། སྤྱན་རས་གཟིགས། ས་སྙིང་། ཕྱག་རྡོར། བྱམས་པ། ནམ་སྙིང་། ནམ་མཁའ་མཛོད་དོ། །དཔའ་མོ་བརྒྱད་ཀྱི་ངོ་བོ་ནི། རྡོ་རྗེ་ཕོ་ཉ་མོ། སྐུལ་བྱེད་མ། རིན་ཆེན་སྒྲོན་མ། རྡོ་རྗེ་ཉི་མ། རོ་ལངས་མ། རྡོ་རྗེ་གཞོན་ནུ་མ།

― KMC014_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

སྐམྦུ་ཛི། སངས་རྒྱས་བྱང་ཆུབ་མ་དང་བརྒྱད་ཡིན་ནོ། །དེ་དག་ཕྱི་རོལ་དུ་ཡུལ་ཉེར་བཞིར་གནས་ཚུལ་དང་ནང་དུ་རྡོ་རྗེ་ལུས་ཀྱི་རྩ་ལ་གནས་ཚུལ་ནི་ཟབ་མོ་ནང་དོན་ལས་ཤེས་པར་བྱའོ། །དེ་ལྟར་འཁོར་ལོ་གསུམ་གྱི་ལྷ་རྣམས་རང་ཉིད་ཧེ་རུ་ཀའི་སྣ་བུག་གཡས་པའི་རླུང་དང་བཅས་སྤྲོས་པས་ས་འོག་ས་སྟེང་ས་བླ་སྟེ་བར་སྣང་ལ་གནས་པའི་བགེགས་ཐམས་ཅད་བསྐྲད་ཅིང་བཅོམ་ནས་འཇིག་རྟེན་ཐམས་ཅད་འཁོར་ལོ་གསུམ་གྱི་ལྷར་གྱུར་ཏེ། སླར་ཡང་དཔའ་བོ་དང་དཔའ་མོ་ཐམས་ཅད་སྣ་བུག་གཡོན་པའི་རླུང་དང་ལྷན་ཅིག་ཏུ་ཞུགས་ཏེ་ལྟེ་བའི་སྔགས་ཕྲེང་རིམ་པ་གསུམ་སོ་སོར་ཐིམ་པར་བསམ་སྟེ། དེ་བཞིན་གཤེགས་པའི་རྡོ་རྗེའི་རྒྱ་གཞུང་ལས། ཨཱ་ལི་ཀཱ་ལི་འོད་ཟེར་ལྔ་དང་ལྡན་པ་ནི། །ཡང་དག་བཀོད་ཅིང་འཁོར་ལོ་གསུམ་ནི་སྤྲོས་ནས་དེ། །སྣ་ཡི་བུ་ག་གཡས་པའི་རླུང་དང་བཅས་ནས་སུ། །བྱུང་ནས་འཇིག་རྟེན་ཐམས་ཅད་འཁོར་ལོ་གསུམ་གྱུར་

― KMC014_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །དེ་ནས་སྣ་བུག་གཡོན་པའི་རླུང་གི་ཤུགས་ལས་དྲངས། །ཞེས་གསུངས་སོ། །དེ་ནས་ཚངས་གནས་བཞི་བསྒོམ་པ་ནི། ལཱུ་ཡི་པའི་ཁྱད་པར་གསལ་བྱེད་ལས། དེ་ལ་སེམས་ཅན་ཐམས་ཅད་ལ། །བུ་གཅིག་ལྟར་བརྩེ་བྱམས་པར་གསུངས། །སྡུག་བསྔལ་གསུམ་ལྡན་འཇིག་རྟེན་ལ། །འཁོར་བ་བསྒྲལ་འདོད་སྙིང་རྗེའོ། །རང་གི་བསོད་ནམས་གཞན་ཕན་ལ། །རངས་པའི་སེམས་ཉིད་དགའ་བ་སྟེ། །ཆགས་དང་སྡང་བ་དང་བྲལ་བས། །ཐམས་ཅད་དོན་བྱེད་བཏང་སྙོམས་སོ། །ཞེས་གསུངས་པ་ལྟར་བྱམས་དང་སྙིང་རྗེ་དགའ་བ་བཏང་སྙོམ་སྟེ་ཚད་མེད་བཞི་བསྒོམས་པའི་འབྲས་བུས་ཚངས་པའི་གནས་སུ་སྐྱེ་བས་ན་ཚངས་གནས་བཞི་ཞེས་བྱའོ། །རིམ་པ་དེ་དག་ཀྱང་ལཱུ་ཡི་པའི་དཀའ་འགྲེལ་སྡོམ་པ་འབྱུང་བ་ལས། ཤྲཱི་ཧེ་རུ་ཀ་ཡི་དོན། །བསམ་ཞིང་སྡོམ་པའི་ཚུལ་དུ་བསྒྱུར། །ཨཱ་ལི་ཀཱ་ལིའི་འོད་ཟེར་གྱིས། །བགེགས་བསྐྲད་ཚངས་པའི་གནས་

― KMC014_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་བསྒོམ། །ཞེས་གསུངས་པའི་དོན་ནོ། །དེ་ནས་ཕུང་པོ་དྲུག་རིགས་དྲུག་གི་ལྷར་བྱིན་གྱིས་བརླབ་པ་ནི། མགོ་དབུས་བུམ་ལས་སོགས་ཏེ། དེ་ཡང་གཟུགས་ནི་གཟུགས་ཀྱི་ཕུང་པོ་སྐྱེ་བའི་ས་བོན་གྱི་རྟེན་ཡིན་པས་གཟུགས་ཀྱི་གནས་ཀྱི་གཙོ་བོ་མགོ་བོར་བུམ་དཀར་པོ་ལས་གཟུགས་ཕུང་རྣམ་པར་དག་པ་རྣམ་པར་སྣང་མཛད་དཀར་པོ་གཡས་འཁོར་ལོ་དང་། གཡོན་ཐལ་མོ་མེ་ཏོག་གི་སྙེམས་པ་ཁ་བྱེ་བའི་ཚུལ་གྱིས་དྲིལ་བུ་དྲིལ་བུ་རྣམས་ལ་རང་རང་གི་རིགས་ཀྱི་ཕྱག་མཚན་གྱི་རྩེ་མོ་ཅན་དུ་བཤད་ཀྱང་རྒྱ་འགྲེལ་ལ་མེད་པས་འདིར་མ་བཀོད་དོ། །མཆན། དཀུར་བརྟེན་པ། ཚོར་བའི་ཕུང་པོ་ནི་བདེ་སྡུག་བར་མ་གསུམ་སྟེ། དེ་ཡང་གཞི་དྲོད་ལ་བརྟེན་པས་དེའི་གནས་ཀྱི་གཙོ་བོ་ལྟེ་བ་ཡིན་པས་དེར་ཨཱཾ་སེར་པོ་ལས་ཚོར་བའི་ཕུང་པོ་རྣམ་པར་དག་པ་རྡོ་རྗེ་ཉི་མ་སྟེ་རིན་འབྱུང་སེར་པོ་གཡས་རིན་པོ་ཆེ་དང་གཡོན་དྲིལ་བུ་ཐུགས་ཀར་འཛིན་པ། འདུ་ཤེས་ཀྱི་ཕུང་པོ་ནི་ཡུལ་རྣམས་འཛིན་པའི་དབང་གིས་

― KMC014_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དང་སེམས་བྱུང་གི་འདུ་ཤེས་སྐྱེ་བས་ན། དབང་པོ་རྣམས་ཀྱི་ཕལ་ཆེར་གྱི་རྩ་བར་གྱུར་པའི་གནས་ནི་མགྲིན་པ་ཡིན་པས་དེར་ཧྲཱིཿདམར་པོ་ལས་འདུ་ཤེས་ཀྱི་ཕུང་པོ་རྣམ་པར་དག་པ་པདྨ་གར་དབང་སྟེ་འོད་དཔག་མེད་དམར་པོ་གཡས་པདྨ་དམར་པོ་དང་གཡོན་དྲིལ་བུ་ཐུགས་ཀར་འཛིན་པ། འདུ་བྱེད་ཀྱི་ཕུང་པོ་ནི་འདོད་ཆགས་ཞེ་སྡང་ང་རྒྱལ་ཕྲག་དོག་སེར་སྣ་ལ་སོགས་པ་ལ་འཇུག་སྟེ། དེ་རྣམས་ཀྱི་རྟེན་ནི་རླུང་སྟེ། དེའི་གནས་ནི་རྐང་པའི་ལོང་བུའི་འོག་གཉིས་ཡིན་པས་དེར་ཧོཿཡིག་ལྗང་གུ་ལས་འདུ་བྱེད་ཀྱི་ཕུང་པོ་རྣམ་པར་དག་པ་རྡོ་རྗེ་རྒྱལ་པོ་སྟེ་དོན་ཡོད་གྲུབ་པ་ལྗང་གུ་གཡས་སྣ་ཚོགས་རྡོ་རྗེ་དང་གཡོན་དྲིལ་བུ་ཐུགས་ཀར་འཛིན་པ། རྣམ་ཤེས་ཀྱི་ཕུང་པོ་ནི། རྣམ་པར་ཤེས་པ་ཐམས་ཅད་ཀྱི་རྩ་བ་ནི་ཀུན་གཞིའི་རྣམ་ཤེས་ཏེ། ཡིད་ཀྱི་དབང་པོའི་རྟེན་ནི་སྲོག་རླུང་ཡིན་པས་དེའི་གནས་ནི་སྙིང་ག་ཡིན་པས་དེར་ཧཱུྃ་དཀར་པོ་ལས་རྣམ་

― KMC014_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀྱི་ཕུང་པོ་རྣམ་པར་དག་པ་རྡོ་རྗེ་སེམས་དཔའ་དཀར་པོ་གཡས་རྡོ་རྗེ་དང་གཡོན་དྲིལ་བུ་དཀུར་བརྟེན་པ། ཕུང་པོ་ལྔ་རྣམས་ཀྱི་དེ་བཞིན་ཉིད་ལ་སྤྱི་གཙུག་ཏུ་ཧིཿནག་པོ་ལས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དཔལ་ཧེ་རུ་ཀ་ནག་པོ་གཡས་ས་གནོན་གྱིས་རྡོ་རྗེ་དང་། གཡོན་དྲིལ་བུ་དཀུར་བརྟེན་པ་བསྒོམ་པ་ནི་ཕུང་པོ་དྲུག་རིགས་དྲུག་ཏུ་བྱིན་གྱིས་བརླབས་པ་སྟེ། ལཱུ་ཡི་པའི་མངོན་རྟོགས་འགྲེལ་པ་ལས། གཟུགས་ལ་རྒྱལ་བ་རྣམ་སྣང་མཛད། །ཚོར་བར་རྡོ་རྗེ་ཉི་མ་བསྒོམ། །འདུ་ཤེས་པདྨ་གར་དབང་ཕྱུག །འདུ་བྱེད་རྡོ་རྗེ་རྒྱལ་པོ་ལ། །རྣམ་ཤེས་ཕུང་པོ་རྡོ་རྗེ་ཅན། །ཐམས་ཅད་སྟོང་ཉིད་ཧེ་རུ་ཀའོ། །ཞེས་པའི་དོན་ནོ། །དེ་ནས་སྐྱེ་མཆེད་དྲུག་བྱིན་གྱིས་བརླབ་པ་ནི། མིག་གི་སྐྱེ་མཆེད་གཉིས་ལ། ༀ་དཀར་པོ་ལས་གཏི་མུག་རྡོ་རྗེ་སྟེ་སའི་སྙིང་པོ་དཀར་པོ་གཡས་འཁོར་ལོ་ཕྱར་ཞིང་གཡོན་དྲིལ་བུ་དཀུར་བརྟེན་པ། རྣ་བའི་སྐྱེ་མཆེད་གཉིས་

― KMC014_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཧཱུྃ་ནག་པོ་ལས་ཞེ་སྡང་རྡོ་རྗེ་སྟེ་ཕྱག་ན་རྡོ་རྗེ་ནག་པོ་གཡས་རྡོ་རྗེ་དང་གཡོན་དྲིལ་བུ་དཀུར་བརྟེན་པ། སྣའི་སྐྱེ་མཆེད་གཉིས་སུ་ཏྲཱཾ་ལས་ཕྲག་དོག་རྡོ་རྗེ་སེར་པོ་སྟེ་ནམ་མཁའི་སྙིང་པོ་གཡས་རིན་པོ་ཆེ་དང་གཡོན་དྲིལ་བུ་ཐུགས་ཀར་འཛིན་པ། ལྕེའི་སྐྱེ་མཆེད་ལ་ཨཱཾ་ལས་འདོད་ཆགས་རྡོ་རྗེ་སྟེ་སྤྱན་རས་གཟིགས་དམར་པོ་གཡས་པདྨ་དམར་པོ་དང་གཡོན་དྲིལ་བུ་ཐུགས་ཀར་འཛིན་པ། ལུས་ཀྱི་སྐྱེ་མཆེད་ཀྱི་གཙོ་བོ་དཔྲལ་བར་ཁཾ་ལས་སེར་སྣ་རྡོ་རྗེ་སྟེ་སྒྲིབ་པ་རྣམ་སེལ་ལྗང་གུ་གཡས་སྣ་ཚོགས་རྡོ་རྗེ་ཕྱར་ཞིང་གཡོན་དྲིལ་བུ་ཐུགས་ཀར་འཛིན་པ། ཡིད་ཀྱི་སྐྱེ་མཆེད་ཀྱི་གནས་སྙིང་གར་ཧཾ་ལས་དབང་ཕྱུག་རྡོ་རྗེ་སྟེ་ཀུན་བཟང་དཀར་པོ་གཡས་རྡོ་རྗེ་དང་གཡོན་དྲིལ་བུ་དཀུར་བརྟེན་པའོ། །དེ་དག་ལ་གཏི་མུག་རྡོ་རྗེ་སོགས་སུ་བརྗོད་པའི་དོན་ནི། ཉོན་དྲུག་མ་སྤངས་གནས་སུ་དག་པའི་ངོ་བོ་ནི་རིགས་དྲུག་པོ་འདི་དག་ཡིན་པས། དེ་དག་གིས་

― KMC014_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

གདུལ་བྱ་གཞན་རྒྱུད་ཀྱི་ཉོན་དྲུག་ཕར་འཇོམས་པའི་མཐུ་ཐོགས་པ་མེད་ཅིང་། ཚུར་ནམ་ཡང་མི་ཕམ་པ་རྫས་ཀྱི་དངོས་པོ་རྡོ་རྗེ་ལྟ་བུ་ཡིན་པས་ན་དེ་སྐད་ཅེས་བྱ་སྟེ། པྲཛྙ་རཀྵི་ཏའི་དཔའ་བོ་གཅིག་པའི་སྒྲུབ་ཐབས་ལས། གཏི་མུག་རྣམ་པར་འཇོམས་པས་ན་གཏི་མུག་རྡོ་རྗེའོ། །ཞེ་སྡང་རྣམ་པར་འཇོམས་པས་ན་ཞེ་སྡང་རྡོ་རྗེའོ། །ཕྲག་དོག་རྣམ་པར་འཇོམས་པས་ན་ཕྲག་དོག་རྡོ་རྗེའོ། །ཆགས་པ་ཐམས་ཅད་འཇོམས་པས་ན་འདོད་ཆགས་རྡོ་རྗེའོ། །སེར་སྣ་ཐམས་ཅད་འཇོམས་པས་ན་སེར་སྣ་རྡོ་རྗེའོ། །ཐམས་ཅད་ལ་དབང་ཕྱུག་སྟེར་བས་ན་དབང་ཕྱུག་རྡོ་རྗེའོ། །ཞེས་གསུངས་པ་ལྟར་ཏེ། དཔེར་ན་གནས་ཀྱི་མིང་གནས་ཅན་ལ་ཐོགས་པ་ལྟར་འཇོམས་བྱའི་མིང་འཇོམས་བྱེད་ལ་ཆགས་པའོ། །དེ་ལྟར་ལྷ་བཅུ་གཉིས་པོ་ཐམས་ཅད་ཞལ་གཅིག་ཕྱག་གཉིས་སྤྱན་གསུམ་པ། ཁྲོ་འཛུམ་རལ་པའི་ཅོད་པན་དང་། སྤྱི་བོའི་གཙུག་ཏུ་ནོར་བུ་རྣ་ཆ་མགུལ་རྒྱན་ཕྱག་

― KMC014_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་ཀྱི་གདུ་བུ་སྐ་རགས་བཅས་ཕྱག་རྒྱ་ལྔ་དང་། ཞབས་གཉིས་གཡས་བརྐྱང་གཡོན་བསྐུམ་སྟབས་ཀྱིས་བཞུགས་པར་བསྒོམ་མོ། །དེ་ནས་འབྱུང་བའི་ཁམས་ལྔ་བྱིན་གྱིས་བརླབ་པ་ནི། ལྟེ་བར་ས་དཀྱིལ་གྲུ་བཞི་སེར་པོ་ལ་ལཱཾ་ལས་ས་ཁམས་རྣམ་པར་དག་པ་ལྟུང་བྱེད་མ་སེར་མོ་ཞལ་གཅིག་ཕྱག་བཞི་མ་གཡས་དང་པོས་འཁོར་ལོ་འཛིན་པ། སྙིང་གར་ཆུ་དཀྱིལ་དཀར་ཟླུམ་ལ་མཱཾ་ལས་ཆུ་ཁམས་རྣམ་པར་དག་པ་གསོད་བྱེད་མ་ནག་མོ་ཞལ་གཅིག་ཕྱག་བཞི་མ་གཡས་དང་པོས་རྡོ་རྗེ་འཛིན་པ། མགྲིན་པར་མེ་དཀྱིལ་དམར་པོ་གྲུ་གསུམ་ལ་པཱཾ་ལས་མེ་ཁམས་རྣམ་པར་དག་པ་འགུགས་བྱེད་མ་དམར་མོ་ཞལ་གཅིག་ཕྱག་བཞི་གཡས་དང་པོས་པདྨ་འཛིན་པ། དཔྲལ་བར་རླུང་དཀྱིལ་ཟླ་གམ་ནག་པོ་ལ་ཏཱཾ་ལས་རླུང་ཁམས་རྣམ་པར་དག་པ་པདྨ་གར་གྱི་དབང་ཕྱུག་མ་ཞལ་གཅིག་ཕྱག་བཞི་མ་གཡས་དང་པོས་རལ་གྲི་འཛིན་པ། དེ་བཞི་ཀའི་

― KMC014_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་ཀྱི་འོག་མ་རྣམས་ཀྱིས་གྲི་གུག་དང་། གཡོན་དང་པོས་ཐོད་པ་དང་། གཡོན་འོག་མས་ཁ་ཊྭཱཾ་འཛིན་པའོ། །གསང་བར་ནམ་མཁའི་དཀྱིལ་འཁོར་ལ་ཁཾ་ལས་ནམ་མཁའི་ཁམས་རྣམ་པར་དག་པ་པདྨའི་དྲྭ་བ་ཅན་དུད་ཁ་ཞལ་གསུམ་གཡས་དཀར་གཡོན་དམར་པོ། ཕྱག་དྲུག་པའི་གཡས་གསུམ་ལྕགས་ཀྱུ་གྲི་གུག་ཚངས་པའི་མགོ་དང་། གཡོན་གསུམ་གྱིས་ཁ་ཊྭཱཾ་ག་དང་ཞགས་པ་འཛིན་པ། ལྷ་མོ་ལྔ་ཀའང་གཅེ ར་མོ་སྐྲ་གྲོལ་སྤྱན་གསུམ་པ་ཁྲོས་པའི་ཉམས་ཅན། སྤྱི་བོར་རུས་པའི་འཁོར་ལོ་སྙན་རྒྱན་མགུལ་རྒྱན་གདུབ་བུ་སྐ་རགས་བཅས་རུས་པའི་ཕྱག་རྒྱ་ལྔས་བརྒྱན་ཅིང་ཞབས་གཡས་བརྐྱང་གཡོན་བསྐུམ་གྱིས་བཞུགས་པའོ། །དེ་དག་ཀྱང་ལས་དང་རྗེས་སུ་མཐུན་པའི་མིང་ཅན་ཏེ། བདུད་དང་ལོག་འདྲེན་ཐམས་ཅད་ལྟུང་བར་བྱེད་པས་ལྟུང་བྱེད་མ་དང་། དེ་བཞིན་གསོད་པར་བྱེད་པས་གསོད་བྱེད་མ་དང་། འགུགས་པར་བྱེད་པས་འགུགས་

― KMC014_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་མ་དང་། པདྨའི་རིགས་ཡིན་ལ་ལས་ཁ་ཚར་ཐམས་ཅད་སྒྲུབ་པར་བྱེད་པའི་གར་ལ་དབང་འབྱོར་བས་པདྨ་གར་དབང་མ་དང་། པདྨའི་རིགས་ཀྱི་ལྷ་ཐམས་ཅད་སྤྲོ་བར་བྱེད་པས་པདྨའི་དྲྭ་བ་ཅན་ཏེ། ངོ་བོ་ནི་རིམ་པ་ལྟར་སངས་རྒྱས་སྤྱན་མ། མཱ་མ་ཀི་གོས་དཀར་མོ་དམ་ཚིག་སྒྲོལ་མ་ཆོས་ཀྱི་དབྱིངས་ཀྱི་རྡོ་རྗེ་མའི་རང་བཞིན་ཡིན་པར་ལཱུ་ཡི་པའི་མངོན་རྟོགས་ཀྱི་དཀའ་འགྲེལ་ལས་གསུངས་སོ། །ལྷ་དེ་དག་བསྐྱེད་པའི་རིམ་པ་ཡང་། ལཱུ་ཡི་པའི་སྡོམ་པ་འབྱུང་བ་ལས། གཏི་མུག་རྡོ་རྗེ་མིག་དག་ལ། །ཞེ་སྡང་དག་བྱེད་སྙན་གཉིས་ལ། །སྣ་ལ་སེར་སྣ་གསོད་བྱེད་མ། །ཁ་ལ་འདོད་ཆགས་རྡོ་རྗེ་སྟེ། །ཕྲག་དོག་རྡོ་རྗེ་ལུས་དཔྲལ་ལ། །བྱང་ཆུབ་སེམས་དཔའ་དབང་ཕྱུག་སྦྱིན། །སྐྱེ་མཆེད་རྣམས་ཀྱི་རང་སྙིང་ལའོ། །ས་ཡི་ཁམས་ནི་ལྟུང་བྱེད་མ། །ཆུ་ཡི་ཁམས་ནི་གསོད་བྱེད་མ། །མེ་ཡི་ཁམས་ནི་འགུགས་བྱེད་མ། །རླུང་ཁམས་གར་གྱི་

― KMC014_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་མ། །ནམ་མཁའི་རང་བཞིན་པད་འབར་མ། །འདི་དག་རིམ་པར་ལྟེ་བ་སྙིང་། །མགྲིན་པ་དཔྲལ་བ་གསང་གནས་སུ། །ཞེས་གསུངས་པའི་དོན་ཏོ། །དེ་དག་ཀྱང་། ཡང་ནི་གཟུགས་ལ་སོགས་པ་རྣམས། །གཟུགས་བརྙན་ལ་སོགས་བཞིན་དུ་བསམ། །ཞེས་གསུངས་པ་ལྟར། དེ་ལྟར་ཕུང་ཁམས་སྐྱེ་མཆེད་ལྷར་བསྒོམས་པ་ཐམས་ཅད་རང་བཞིན་གྱིས་ཡོངས་སུ་དག་པ་སྣང་ལ་རང་བཞིན་མེད་པ་ཆུ་ཟླ་དང་མེ་ལོང་གི་གཟུགས་བརྙན་ལྟར་ངེས་པར་བྱས་ཏེ་དོན་གསལ་གདབ་པའི་སྔགས། ༀ་པྲ་ཀྲྀ་ཏི་པ་རི་ཤུདྡྷཱཿནི་རང་བཞིན་གྱིས་ཡོངས་སུ་དག་པ། སརྦ་དྷརྨཱཿནི་ཆོས་ཐམས་ཅད། པྲ་ཀྲྀ་ཏི་བ་རི་ཤུདྡྷོ྅ ཧཾ་ནི། རང་བཞིན་གྱིས་ཡོངས་སུ་དག་པ་ངའོ། །ཞེས་པ་སྟེ། རང་བཞིན་དང་པོ་ནི་བཟུང་བ་དང་། གཉིས་པ་ནི་འཛིན་པ་དག་པ་ཡིན་པར་གསུངས་སོ། །ཕྱག་རྒྱ་པད་སྐོར་དང་འཁྱུད་ཚུལ་བྱ་བ་ནི་རྣམ་པ་ལྷར་གསལ་བ་དང་རང་བཞིན་སྟོང་པ་ཉིད་དབྱེར་

― KMC014_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་བརྡའོ། །དེ་ནས་སྲུང་འཁོར་བསྒོམ་པ་ནི། ལཱུ་ཡི་པའི་མངོན་རྟོགས་ལས། དེ་ནས་གཡོན་པའི་མཐེབ་མཛུབ་ཀྱིས། །སེ་གོལ་གཏོགས་པ་སྔོན་བཏང་ནས། །ཞེས་དང་། དྲིལ་བུ་པའི་སྒྲུབ་ཐབས་ཡིད་བཞིན་ནོར་བུ་ལས། ཧཱུྃ་གྱུར་བདེ་ཆེན་ཕྱག་གཉིས་བསམ། །ཤར་སོགས་ལུགས་དང་མི་མཐུན་དང་། །ལུགས་མཐུན་གཡོན་མཛུབ་སེ་གོལ་གཏོགས། །ཞེས་གསུངས་པ་ལྟར། བདག་ཉིད་ཧེ་རུ་ཀའི་ཕུང་ཁམས་སྐྱེ་མཆེད་དང་བཅས་པ་ལྷར་བསྐྱེད་བཞིན་པའི་ངང་ནས་ལག་གཡོན་པའི་སེ་གོལ་ཤར་ཏེ་རང་གི་མདུན་ཕྱོགས་སུ་གཏོགས་ཏེ། ༀ་སུམྦྷ་ནི་སོགས་བརྗོད་པ་དང་རང་གི་ཞལ་ནས་འོད་ཟེར་ནག་པོ་ཤར་ཕྱོགས་སུ་འཕྲོས་པ་ཡོངས་སུ་གྱུར་པ་ལས་སུམྦྷ་ནའི་སྔགས་ཀྱི་ཡིག་འབྲུ་ནག་པོ་གཟུགས་ཤིན་ཏུ་ཆེ་བས་ཚངས་པའི་གནས་ནས་ས་འོག་གི་བར་ཁྱབ་པར་བསྒོམ། དེ་བཞིན་དུ་སེ་གོལ་བྱང་སྟེ་རང་གི་གཡོན་ཕྱོགས་སུ་

― KMC014_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོགས་ཏེ། ༀ་གྲྀཧྞ་སོགས་བརྗོད་པ་དང་ཞལ་ནས་འོད་ཟེར་ལྗང་གུ་བྱང་དུ་འཕྲོས་པ་ཡོངས་སུ་གྱུར་པ་ལས་གྲྀཧྞའི་སྔགས་ཀྱི་ཡིག་འབྲུ་ལྗང་གུ་ཤིན་ཏུ་ཆེ་བ་སྔར་ལྟར་བསྒོམ། ཡང་སེ་གོལ་ནུབ་ཏེ་རང་གི་རྒྱབ་ཏུ་གཏོགས་ཏེ། ༀ་གྲྀཧྞ་པ་ཡ་སོགས་བརྗོད་པ་དང་ཞལ་ནས་འོད་ཟེར་དམར་པོ་ནུབ་ཕྱོགས་སུ་འཕྲོས་པ་ཡོངས་སུ་གྱུར་པ་ལས། གྲྀ་ཧྞཱཔ་ཡའི་སྔགས་ཀྱི་ཡིག་འབྲུ་ཤིན་ཏུ་ཆེ་བ་དམར་པོ་སྔར་ལྟར་བསྒོམ། ཡང་སེ་གོལ་ལྷོ་སྟེ་རང་གི་གཡས་སུ་གཏོགས་ཏེ། ༀ་ཨཱ་ན་ཡ་ཧོ་སོགས་བརྗོད་པས་ཞལ་ནས་འོད་ཟེར་སེར་པོ་ལྷོར་འཕྲོས་པ་ཡོངས་སུ་གྱུར་པ་ལས་ཨཱ་ན་ཡ་ཧོའི་སྔགས་ཀྱི་ཡིག་འབྲུ་སེར་པོ་གཟུགས་ཤིན་ཏུ་ཆེ་བས་ཚངས་པའི་གནས་ནས་ས་འོག་གི་བར་ཁྱབ་པར་བསམ། དེ་ནས་སླར་ཡང་ཕྱོགས་བཞིའི་སྔགས་དེ་དག་ལས་རང་མདོག་གི་འོད་ཟེར་འཕྲོས། དེ་ཡོངས་སུ་གྱུར་པ་ལས་རྡོ་རྗེའི་ར་བ་གྲུ་བཞི་པ་ཕྱོགས་ཀྱི་མདོག་ཅན། འོག་ཏུ་ཧཱུྃ་ཡིག་

― KMC014_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སྐྱེས་པའི་སྣ་ཚོགས་རྡོ་རྗེ་ལེབ་ཆགས་ཀྱི་ལྟེར་ཧཱུྃ་ཡིག་གིས་མཚན་པའི་འོད་ཟེར་སྟེང་འོག་ཏུ་འཕྲོས་པས་འོག་རྡོ་རྗེའི་ས་གཞི་སྟེ་རྡོ་རྗེའི་རྡུལ་ཕྲ་རབ་ཀྱིས་གཏམས་པ། རྡོ་རྗེའི་རྭ་བའི་སྟེང་དུ་རྡོ་རྗེའི་གུར་ཕུབ་པའི་སྟེང་དུ་སྣ་ཚོགས་རྡོ་རྗེའི་ལྟེ་བར་རྡོ་རྗེ་ཕྱེད་པའི་ཏོག་གིས་སྤྲས་པ། འདི་གུར་ཁང་སྒོང་དབྱིབས་ཏེ་སྟེང་གི་གུར་ལ་བང་རིམ་ཟླུམ་པོ་ཡོད་པའི་སྟེང་དུ་དྲིལ་བུ་སྦུབས་པ་ལྟ་བུ་ཡོད་པ་ལ་མཆོད་རྟེན་དབྱིབས་ཅན་དུ་ཡང་གསུངས་པ་ཡོད་དོ། །མཆན། རྡོ་རྗེའི་རྭ་བརྩིགས་ཚུལ་ལ་ཡང་གསུམ་སྟེ་ལོ་ཆེན་རིན་བཟང་ལུགས་ལ་ཆུར་ཉལ་དང་། རྭ་ལུགས་ལ་གྱེན་འགྲེང་དང་། ས་ལུགས་ལ་འབུམ་བརྩིགས་ཞེས་རྩེ་མོ་གཉིས་ཕྱི་ནང་དུ་བསྟན་པར་བཞེད་དོ། །གུར་གྱི་སྟེང་ནས་རྡོ་རྗེ་རྩེ་ལྔའི་མདེའུ་ཅན་གྱི་མདའ་བསྣོལ་མའི་དྲྭ་བ་དང་། ར་བ་དང་གུར་སྦྲེལ་བའི་མཚམས་ཀྱི་ནང་ནས་རྡོ་རྗེའི་བླ་རེ་དང་། དེ་དག་གི་ཕྱི་རོལ་ནས་རྡོ་རྗེའི་མེ་དཔུང་ཁ་དོག་ལྔ་པ་ཅན་གྱིས་བར་མེད་དུ་ཁྱབ་པར་

― KMC014_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

བསམས་ལ། སྤྱིར་བཏང་ལ་རྡོ་རྗེའི་དྲྭ་མིག་བསྣོལ་མཚམས་ནས་མདའ་བསྣོལ་བ་སྐྱེས་པ་ལྟ་བུ་དང་དེའི་མདིལ་རྩེ་བསྣོལ་མཚམས་རྣམས་ནས་མེ་འབར་བར་བཤད་ཀྱང་སྐབས་འདིར་རྡོ་རྗེའི་དྲྭ་བ་མ་བཤད་དོ། །མཆན། ༀ་མེ་དེ་ནི་སོགས་ནི་རྡོ་རྗེའི་ས་གཞི་བརྟན་པར་བྱེད་པའི་སྔགས་ཏེ། མེ་དེ་ནཱི་རྡོ་རྗེའི་ས་གཞི། བཛྲཱི་བྷ་བ་རྡོ་རྗེ་ཅན་དུ་བརྗོད། བཛྲ་བནྡྷ་ཧཱུྃ། རྡོ་རྗེས་ཆིངས་ཤིག་པའོ། །དེ་བཞིན་དུ་བཛྲ་པྲཱ་ཀཱ་ར་རྡོ་རྗེའི་རྭ་བ་བརྟན་བྱེད་ཀྱི་སྔགས་ཏེ། བཛྲ་རྡོ་རྗེ། པྲཱ་ཀཱ་ར་རྭ་བའོ། །ༀ་བཛྲ་པཉྫ་ར་རྡོ་རྗེའི་གུར་བརྟན་བྱེད་ཀྱི་སྔགས་ཏེ། བཛྲ་རྡོ་རྗེ་པཉྫ་ར་གུར་རོ། །ༀ་བཛྲ་ཤ་ར་སོགས་ནི་མདའི་དྲྭ་བ་བརྟན་པར་བྱེད་པའི་སྔགས་ཏེ། བཛྲ་རྡོ་རྗེ་ཤ་ར་མདའ། ཛཱ་ལ་དྲྭ་བའོ། །ༀ་བཛྲ་ཛྭ་ལ་སོགས་ནི་ཕྱིའི་མེ་དཔུང་བརྟན་པར་བྱེད་པའི་སྔགས་ཏེ། བཛྲ་རྡོ་རྗེ་ཛྭ་ལ་འབར་བ། ཨ་ན་ལ་དང་ཨཱརྐ་སྦྱར་བས། ཨ་ན་ལཱརྐ་སྟེ་མེ་དང་ཉི་མ། བཾ་ཁཾ་སཾ་ཧཱུྃ་རྣམས་ནི་འབྱུང་བ་བཞིའི་ས་བོན་ཏེ་དེ་དག་གིས་མི་འཇིག་པའི་ཆེད་དུ་ས་

― KMC014_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

བོན་ཧཱུྃ་ཡིག་གི་བར་དུ་བཅུག་སྟེ་རྒྱས་གདབ་པའོ། །དེ་དག་ཀྱང་ལཱུ་ཡི་པའི་གཞུང་ལས། སུམྦྷ་ལ་སོགས་སྔགས་བཞི་པོ། །རྩེ་གཅིག་རྣལ་འབྱོར་བརྗོད་པ་ཡིས། །ནག་པོ་ལྗང་གུ་དམར་སེར་པོ། །ཤར་ལ་སོགས་པའི་ཕྱོགས་སུ་འགོད། །ས་འོག་ཚངས་པའི་གནས་བར་དུ། །ཁྱབ་པའི་གཟུགས་ཆེན་འབར་བ་རྣམས། །སུམྦྷ་ལ་སོགས་འོད་ཟེར་གྱིས། །ར་བ་བཞི་པོ་དེ་བཞིན་བསམ། །ཞེས་གསུངས་པའི་དོན་ཏོ། །ཡང་རང་གི་ཞལ་ནས་ཧཱུྃ་བཞིའི་སྔགས་བརྗོད་པའི་རྐྱེན་གྱིས་རིམ་པ་ལྟར་སྔར་ཕྱོགས་བཞིར་བསྒོམས་པའི་སྔགས་ཚན་བཞི་ལས་འོད་ཟེར་རིམ་པ་ལྟར་འཕྲོས་པ་ཡོངས་སུ་གྱུར་པ་ལས་ར་བའི་ཕྱི་རོལ་གྱི་ཤར་དུ་ཁྭ་གདོང་ནག་མོ། བྱང་དུ་འུག་གདོང་ལྗང་གུ། ནུབ་ཏུ་ཁྱི་གདོང་དམར་མོ། ལྷོར་ཕག་གདོང་སེར་མོ་དང་བཅས་བཞི་ཀ་གཅེར་མོ་ཤིན་ཏུ་ཁྲོས་པའི་ཉམས་ཅན་སྐྲ་བརྫེས་སྦྲུལ་དང་རུས་པའི་རྒྱན་གྱིས་བརྒྱན་པ། ཕྱག་

― KMC014_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་ན་རྡོ་རྗེའི་ཐོ་བ་དང་གཡོན་པ་ན་རང་འདྲའི་སྐུ་སྟོད་ཅན་གྱི་ཕུར་པ་བསྣམས་པ། ལྟེ་བ་མན་ཆད་སྐུ་སྨད་ཕུར་པའི་རྣམ་པ་ཅན་ཞལ་ནང་དུ་ཕྱོགས་པར་བསྒོམ། འདི་དག་ཀྱང་མིའམ་ཅི་འདུལ་བའི་དོན་དུ་མཁའ་ལྡིང་སོགས་ཀྱི་གདོང་དུ་བསྟན་པ་ལས་ངོ་བོ་ནི་གཽ་རཱི་དང་། ཙཽ་རི། པུཀྐ་སི། བེ་ཏཱ་ལི་དང་བཞི་ཡིན་ལ། ཞལ་བཞི་ལ་ཐབས་ཁམས་གསུམ་རྣམ་རྒྱལ་དང་། བདུད་རྩི་འཁྱིལ་པ་དང་། རྟ་མཆོག་དང་། གཤིན་རྗེའི་གཤེད་དང་བཞི་སྦས་པ་ཡིན་པར་མངོན་བརྗོད་བླ་མའི་འགྲེལ་པར་གསུངས་སོ། །དེ་དག་ནི་ལུགས་དང་མི་མཐུན་པར་ལྷ་སྔགས་གཡོན་སྐོར་དུ་འགོད་པའོ། །དེ་ནས་ལུགས་མཐུན་གྱིས་མཚམས་མ་རྣམས་ཤར་ལྷོ་ནས་གཡས་སྐོར་གྱིས་རང་གི་མཚམས་བཞིར་སེ་གོལ་རིམ་པར་གཏོགས་ཏེ་རང་གི་ཞལ་ནས་སྔགས་གཉིས་གཉིས་རེ་བརྗོད་པའི་རྐྱེན་གྱིས་སྔར་བསྒོམས་པའི་ཧཱུྃ་བཞིའི་སྔགས་ལས། ༀ་སུམྦྷ་ནི་ལས་འོད་ཟེར་

― KMC014_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོ་དང་། ༀ་ཨཱ་ན་ཡ་ལས་འོད་ཟེར་སེར་པོ་འཕྲོས་པ་གཉིས་གཅིག་ཏུ་འདྲེས་ཏེ་ཡོངས་སུ་གྱུར་པ་ལས། ཤར་ལྷོར་གཤིན་རྗེ་བརྟན་མ་ཕྱེད་གཟུགས་ཏེ་སྐུ་ཕྱེད་གཡས་སྔོ་གཡོན་སེར་པོ། དེ་བཞིན་དུ་སྔགས་གཉིས་བརྗོད་པའི་རྐྱེན་གྱིས། ༀ་ཨཱ་ན་ཡ་ལས་འོད་སེར་པོ་དང་། ༀ་གྲྀ་ཧྞཱ་པ་ཡ་ལས་འོད་དམར་པོ་འཕྲོས་པ་གཉིས་ཡོངས་སུ་གྱུར་པ་ལས་ལྷོ་ནུབ་ཏུ་གཤིན་རྗེ་ཕོ་ཉ་མོ་གཡས་སེར་གཡོན་དམར་བ། དེ་བཞིན་ༀ་གྲྀ་ཧྞཱ་པ་ཡ་ལས་འོད་དམར་པོ་དང་། ༀ་གྲྀ་ཧྞ་ལས་འོད་ཟེར་ལྗང་གུ་འཕྲོས་པ་གཉིས་ཡོངས་སུ་གྱུར་པ་ལས་ནུབ་བྱང་དུ་གཤིན་རྗེ་མཆེ་མ་གཡས་དམར་གཡོན་ལྗང་བ། ཡང་ༀ་གྲྀ ཧྞ་ལས་འོད་ཟེར་ལྗང་གུ་དང་། ༀ་སུམྦྷ་ལས་འོད་ཟེར་ནག་པོ་འཕྲོས་པ་གཉིས་ཡོངས་སུ་གྱུར་པ་ལས་བྱང་ཤར་དུ་གཤིན་རྗེ་འཇོམས་མ་ཕྱེད་གཟུགས་གཡས་ལྗང་གཡོན་སྔོ་བ་སྟེ་ཞལ་ཕྱག་དང་ཕྱག་མཚན་རྒྱན་ཆས་ཕུར་ཤམ་སོགས་ནི་སྒོ་མ་བཞི་

― KMC014_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འདྲ་ལ། ངོ་བོ་ནི་གྷ སྨ་རཱི་དང་། ཤ་བ་རཱི། ཙཎྜ་ལི། ཌོམྦི་ནི་དང་བཞི་ཡིན་ལ། ཐབས་སྦས་པའི་ལྷ་ནི་དབྱིག་སྔོན་དང་། འདོད་པའི་རྒྱལ་པོ། མི་གཡོ་བ། སྟོབས་པོ་ཆེ་དང་བཞི་ཡིན་པར་ཨ་བྷི་དྷཱ་ནའི་འགྲེལ་པར་གསུངས་སོ། །སྐུ་སྨད་ཀྱི་ཕུར་ཤམ་ལ་རྡོ་རྗེ་རྩེ་གཅིག་གི་རྣམ་པར་གསུངས་པ་དང་། ལ་ལར་མདུང་གི་ཚུལ་དུ་གསུངས་ཤིང་། མདུང་ཞེས་པའང་ཕྱེད་ཀྲུང་སྟེ་ཕག་མོའི་ཞབས་ཀྱི་གར་སྟབས་འདྲ་བ་ལ་རྡོ་རྗེ་མཁའ་འགྲོའི་འགྲེལ་བར་གསུངས་པའང་བབ་འཕྲོས་སོ། །སུམྦྷའི་སྔགས་དོན་ནི། ༀ་ནི་སྔགས་ཀྱི་མགོ་འདྲེན། སུམྦྷ་གནོད་མཛེས། ནི་སུམྦྷ་ངེས་པར་གནོད་མཛེས། གྲྀཧྞ་གྲྀཧྞ་ཟུང་ཟུང་། གྲྀ་ཧྞཱ་པ་ཡ་གྲྀ་ཧྞཱཔ་ཡ་འཛིན་པར་གྱིས་འཛིན་པར་གྱིས། ཨཱ་ན་ཡ་ཀུན་ནས་དྲོངས་ཤིག་གམ་ཁུག་ཅིག །ཧོཿབྷ་ག་ཝཱན་བ ཛྲ་ཀྱེ་བཅོམ་ལྡན་རྡོ་རྗེའོ། །ཧཱུྃ་གཉིས་ཀྱིས་སྔ་མས་ཀུན་རྫོབ་དང་འབྲེལ་བའི་བགེགས་གཞོམ་པ་དང་ཕྱི་མས་གནོད་བྱ་

― KMC014_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་བྱེད་གཉིས་སུ་མ་གྲུབ་པར་ཤེས་པར་བྱེད་པ་དང་། ཕཊྲ་ཀྱིས་རྣམ་རྟོག་ཉོན་མོངས་ཐམས་ཅད་དབྱིངས་སུ་གཅོད་པའོ། །དེ་ནས་སྒོ་མཚམས་མ་བརྒྱད་ཀྱིས་རང་འདྲའི་སྤྲུལ་པ་དཔག་ཏུ་མེད་པ་ཕྱོགས་མཚམས་སྟེང་འོག་བཅུར་སྤྲོས་ཏེ་ཕྱོགས་བཅུའི་བགེགས་ཚོགས་མ་ལུས་པ་ཐམས་ཅད་བཀུག་སྟེ། ར་བའི་ཕྱིར་ཧཱུྃ་ཡིག་ལས་སྐྱེས་པའི་ཁྲོན་ཟབ་སྟེ་དོང་ཆུ་ཤིན་ཏུ་གཏིང་ཟབ་པ་བརྒྱད་ཀྱི་ནང་དུ་བགེགས་རྣམས་བཅུག་པ་དང་། བདག་ཉིད་བཅོམ་ལྡན་ཧེ་རུ་ཀའི་ཞལ་ནས་སྒོ་མཚམས་བརྒྱད་ཀྱི་ཁྲོ་མོ་རྣམས་ལ་ཕུར་པ་ཐོབ་ཅེས་བཀའ་བསྒོས་པས། ཁྲོ་མོ་ཕྱོགས་ན་གནས་པ་རྣམས་ཀྱིས་བགེགས་རྣམས་ཀྱི་སྤྱི་བོར་ཕུར་པ་གཡོན་སྐོར་དུ་གདབ་ཅིང་། མཚམས་མ་བཞིས་གཡས་སྐོར་དུ་གདབ་པའི་སྔགས་ནི། ༀ་གྷ་གྷ་ནི་གསོད་པའོ། །གྷཱ་ཏ་ཡ་གྷཱ་ཏ་ཡ་ནི་གསོད་པར་གྱིས་ཤིག་གསོད་པར་གྱིས་ཤིག་གོ །སུ་བསད་ཅེ་ན། སརྦ་དུཥྚཱན་བིགྷྣཱན་ཏེ་

― KMC014_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

གདུག་པའི་བགེགས་ཐམས་ཅད་དོ། །ཀཱི་ལ་ཡ་གཉིས་ནི་ཕུར་བུས་ཐོབ་ཕུར་བུས་ཐོབ་ཅེས་སོ། །སུ་ལ་ཞེ་ན། སརྦ་པཱ་པཾ་ན་ཏེ་སྡིག་པའི་ལས་བྱེད་པ་ཐམས་ཅད་ལའོ། །ཧཱུྃ་གསུམ་དང་བཛྲ་ཀཱི་ལ་ཡ་ནི་རྡོ་རྗེའི་ཕུར་བུ་བསྐྱེད་པའོ། །སུ་ཡིས་གདབ་ཅེ་ན། བཛྲ་དྷ་ར་ཨཱ་ཛྙཱ་པ་ཡ་ཏི་སྟེ་རྡོ་རྗེ་འཛིན་པའི་བཀའ་ཡིས་སོ། །གང་ལ་གདབ་ཅེ་ན། སརྦ་དུཥྚཱ ན་བིགྷྣཱན་ཏེ་གདུག་པ་ཅན་ཐམས་ཅད་ཀྱི། ཀཱ་ཡ་སྟེ་དཔྲལ་བ། ཝཱཀ་སྟེ་མགྲིན་པ། ཙིཏྟ་སྟེ་སྙིང་གར་རོ། །སུས་གདབ་ཅེ་ན། བཛྲ་ཀཱི་ལ་ཡ་ཧཱུྃ་ཕཊྲ་ཏེ། རྡོ་རྗེ་ཕུར་བུས་སོ། །དེ་ནས་ཁྲོ་མོ་ཐམས་ཅད་ཀྱི་ཕྱག་གཡས་པའི་རྡོ་རྗེའི་ཐོ་བས་ཕུར་བུ་རྣམས་བགེགས་རྣམས་ཀྱི་སྤྱི་བོར་བརྡུངས་པས་སྤྱི་བོ་ནས་རྐང་མཐིལ་གྱི་བར་ཕུག་སྟེ། དེ་ཚེ་བརྡུང་བའི་སྔགས་ཀྱང་། ༀ་བཛྲ་མུཏྒ་ར་ནི་རྡོ་རྗེའི་ཐོ་བའོ། །བཛྲ་ཀཱི་ལ་ཡ་ནི་རྡོ་རྗེའི་ཕུར་པའོ། །ཨཱ་ཀོ་ཊ་ཡ་ནི་རྡུངས་ཤིག་པ་སྟེ་ཀཱི་ལ་ཡ་དང་དབྱངས་སྦྱར་བའོ། །ཕུར་གདབ་ཀྱི་

― KMC014_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་དོན་འདི་ཡང་རྒྱུད་འགྲེལ་དུ་བཀྲལ་བ་ལྟར་རོ། །དེ་ནས་བགེགས་ཚོགས་དེ་དག་གི་ལུས་ངག་ཐམས་ཅད་རྡུལ་དུ་བརླག་སྟེ་སེམས་ཉིད་བདེ་ཆེན་འོད་གསལ་དེ་ཁོ་ན་ཉིད་དུ་རང་བཞིན་ཏེ་ངོ་བོ་གཅིག་ཏུ་བྱས། བགེགས་ལྷག་མ་རྣམས་ཀྱང་རྒྱང་རིང་དུ་བསྐྲད་ནས་སྒོ་མཚམས་ཀྱི་ཁྲོ་མོ་རྣམས་དང་ཧཱུྃ་བཞིའི་སྔགས་བཅས་རྡོ་རྗེའི་ར་བ་ལ་ཐིམ་སྟེ། དཔེར་ན་ཆུ་ལ་ཆུ་བརྡབས་པས་དབྱེར་མེད་དུ་འདྲེས་ཀྱང་ཆུ་ཡི་ཟེག་མ་འཐོར་བ་ལྟར་འོད་ཟེར་ཕྱིར་འཕྲོས་པས་སླར་ཡང་རྡོ་རྗེ་དང་། པདྨ་དང་། འཁོར་ལོའི་ར་བ་ཟླུམ་པོ་བར་མེད་དུམ་བུ་གཅིག་པས་བསྐོར་བར་བསྒོམས་ལ། ༀ་བཛྲ་པྲཱ་ཀཱ་ར་ཏེ་རྡོ་རྗེའི་རྭ་བ། པདྨ་པྲཱ་ཀཱ་ར་ཏེ་པདྨའི་རྭ་བ། ཙཀྲ་པྲཱ་ཀཱ་ར་ཏེ་འཁོར་ལོའི་རྭ་བའི་སྔགས་ཀྱིས་བརྟན་པར་བྱ་བའོ། །འདི་དག་ཀྱང་ལཱུ་ཡི་པའི་གཞུང་ལས། ཁ་གདོང་མ་ལ་སོགས་པ་བཞི། །གསང་སྔགས་བཞི་ལས་བྱུང་བ་དང་། །གཉིས་གཉིས་

― KMC014_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་འོད་ལས་བྱུང་བ། །གཤིན་རྗེ་བརྟན་མ་ལ་སོགས་བཞི། །ཞལ་གཅིག་ཕྱག་གཉིས་དེ་རྣམས་བརྒྱད། །ལྟེ་བ་མན་ཆད་ཕུར་པའི་གཟུགས། །དེ་རྣམས་གཡོན་ན་ཕུར་བུ་ནི། །དེ་དང་དེ་ཡི་ངང་ཚུལ་ཅན། །གཡས་པའི་ལག་པ་རྣམས་ལ་ནི། །རྡོ་རྗེའི་ཐོ་བ་ཆེན་པོ་འཛིན། །འཕྲོས་ཏེ་སོང་བས་ཕྱོགས་བཅུ་ན། །གནས་པའི་བགེགས་རྣམས་རབ་བཀུག་ནས། །ཧཱུྃ་རིང་ལས་བྱུང་ཕྱོགས་བརྒྱད་ཀྱི། །ཁྲོན་པར་དེ་རྣམས་རབ་བཅུག་ནས། །གདབ་པའི་སྔགས་ཀྱིས་ཕུར་བུ་གདབ། །བརྡུང་བའི་སྔགས་ཀྱིས་བརྡུང་བྱ་སྟེ། །གདབ་དང་བརྡུང་བ་དག་གིས་ནི། །དེ་བཞིན་ཉིད་དུ་རོ་གཅིག་གྱུར། །བགེགས་ཀྱི་ལྷག་མ་རྣམས་བསྐྲད་ནས། །ར་བ་ལ་ཐིམ་ལྷ་མོ་རྣམས། །ཆུ་ལ་ཆུ་ནི་གདབ་པ་བཞིན། །མཚམས་ཀྱི་བཅིངས་པའི་ཕྱིར་བྱུང་བ། །རྡོ་རྗེ་པདྨ་འཁོར་ལོ་ཡི། །ར་བ་རྣམས་ཀྱང་བསམ་པར་བྱ། །ཞེས་གསུངས་པའི་དོན་ཇི་བཞིན་ཡིན་ནོ། །སྲུང་འཁོར་གྱི་སྐབས་

― KMC014_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ལྷ་སྔགས་འགོད་ཚུལ་གོ་ལྡོག་ཏུ་འགོད་དགོས་པའི་དོན་ཀྱང་། རྣལ་འབྱོར་མའི་ཀུན་སྤྱོད་ལས། ལྷ་སྔགས་བཟློག་ཏེ་བཀོད་པ་དང་། །སྔགས་ཀྱི་དབྱེ་བ་བཟློག་པ་དང་། །བསྒོམ་པའི་གསང་བ་བཟློག་པ་ནི། །དངོས་གྲུབ་ཐམས་ཅད་སྒྲུབ་བྱེད་པའོ། །ཞེས་གསུངས་པ་ལྟར་རོ། །ཧཱུྃ་བཞིའི་སྔགས་ལ་སེ་གོལ་གཏོགས་པ་ནི་བཀའ་བསྒོ་བ་དང་གནས་སྲུང་བའི་བརྡ་བྱེད་པ་ཡིན་ནོ། །དེ་ནས་ཚོགས་བསགས་པ་ནི། སྲུང་འཁོར་གྱི་དབུས་སུ་བདག་ཉིད་ཧེ་རུ་ཀའི་སྙིང་གར་ཨཾ་ལས་བྱུང་བའི་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་ཡིག་སྔོན་པོ་འོད་ཟེར་སྣ་ཚོགས་འཕྲོ་བས་མདུན་གྱི་ནམ་མཁར་བླ་མ་དང་དཔལ་འཁོར་ལོ་སྡོམ་པ་རྟེན་གཞལ་ཡས་ཁང་དང་བརྟེན་པ་ལྷ་དང་བཅས་པ་སྤྱན་དྲངས་ཏེ་སྙིང་གའི་འོད་ཟེར་སླར་རང་ལ་ཐིམ་པར་བསམ། དེ་ནས་བླ་མ་དང་དཀྱིལ་འཁོར་གྱི་གཙོ་བོ་ལ་ཕྱག་འཚལ་བ་ནི། རྣལ་འབྱོར་རོ་གཅིག་སོགས་ཏེ།

― KMC014_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་གི་སྦས་དོན་ནི། ཡེ་ནས་གནས་པའི་མ་བཅོས་ཆོས་ཉིད་རྣལ་མ་ལ། རང་གསལ་ཀ་དག་ལྷུན་གྲུབ་ཡེ་ཤེས་ཀྱི་དབང་འབྱོར་བས་ཆོས་ཉིད་ཆོས་ཅན་ཐམས་ཅད་བདེ་ཆེན་གཉུག་མའི་ཀློང་དུ་རོ་གཅིག་ཏུ་འདྲེས་པས། ཐབས་སྙིང་རྗེ་ཆེན་པོ་དང་ཤེས་རབ་སྟོང་པ་ཉིད་ཟུང་དུ་འཇུག་པའི་བདུད་རྩི་གསོལ་བས་རྣམ་པར་དག་པའི་ཐུགས་འོད་གསལ་གྱི་ཡེ་ཤེས་མངོན་དུ་གྱུར་པ་དང་། ནང་རྡོ་རྗེའི་ལུས་ཀྱི་རྩ་རླུང་ཐིག་ལེའི་གནས་ཚུལ་ལ་སོགས་པ་ཐབས་ཀྱི་རྣམ་པ་ལ་བརྟེན་ཏེ། གཟུང་འཛིན་ཟླ་ཉིའི་རླུང་གི་འགྲོས་ཐམས་ཅད་དོན་དམ་འཕོ་མེད་དྷཱུ་ཏིའི་ཡུལ་དུ་བགྲོད་པས་རྣམ་པར་དག་པའི་ཡེ་ཤེས་ཀྱི་སྐུ་མངོན་དུ་གྱུར་པ་དང་། དཔལ་གྱི་གནས་ཀྱི་དབུས་མཆོག་སྟེ་སྙིང་ག་ཆོས་ཀྱི་འཁོར་ལོའི་དྭངས་མ་མི་ཤིགས་པའི་ཐིག་ལེ་ཉིད་འཕོ་མེད་དུ་བརྟེན་པའི་དཀྱིལ་འཁོར་གྱི་འཁོར་ལོའི་མགོན་པོ་སྟེ། གཙོ་བོ་དཔལ་ལྡན་བདེ་བ་མཆོག་དང་། རིགས་བརྒྱའི་

― KMC014_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བདག་དཔལ་ལྡན་བླ་མ་མཆོག་ལ་སྤྱི་བོས་བཏུད་དེ་སྒོ་གསུམ་གུས་པས་རྟག་ཏུ་ཕྱག་འཚལ་ལོ་ཞེས་པའོ། །དེ་ནས་འཁོར་ལོ་གསུམ་གྱི་དཔའ་བོ་དང་རྣལ་འབྱོར་མ་ལ་ཕྱག་འཚལ་བ་ནི། ལྷ་མོའི་ཕྲེང་བ་ནི་རྩའི་མིང་ཡིན་པས་རྩའི་འཁོར་ལོའི་རང་བཞིན་རྣམས་གཙོ་བོའི་སྐུའི་དབྱིབས་སུ་གསལ་བ་སྟེ། ཕྱི་རོལ་གྱི་ཡུལ་ཉེར་བཞི་པོ་རྣམས་ནང་རྡོ་རྗེ་ལུས་ཀྱི་རྩའི་བཀོད་པ་ལ་རྫོགས་ཤིང་དེར་བཞུགས་པའི་དཔའ་བོ་ཡབ་ཡུམ་རྣམས་ལ་རིན་པོ་ཆེ་རྣམས་སུ་གསུངས་ཏེ་སྐུ་ཡི་རྒྱན་ལྟ་བུ་ཡིན་པས་སོ། །དེ་ལྟར་འཁོར་ལོ་གསུམ་གྱི་དཔའ་བོ་དང་དཔའ་མོ་རྣམས་ཀྱིས་རྟག་ཏུ་སྤྲས་པའི་སྐུ་རྣམས་ནི་དུས་ཀུན་ཏུ་འཕོ་མེད་དུ་བཞུགས་པ་ཡིན་པའི་ཕྱིར་ན་གཙོ་བོའི་ནང་གི་འཁོར་ལོ་གསུམ་ལ་གནས་པའི་མགོན་མཆོག་ལྷན་ཅིག་སྐྱེས་པའི་དཔའ་བོ་དང་རྣལ་འབྱོར་མའི་ཚོགས་ཉེས་པའི་སྐྱོན་གྱི་དྲི་མ་མེད་པ་དེ་དག་ལ་ཡང་། བདེ་བ་མཆོག་གི་རྣལ་འབྱོར་

― KMC014_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོར་བྱེད་པ་བདག་གིས་ནི་རྟག་ཏུ་གུས་པས་ཕྱག་འཚལ་ལོ། །ཞེས་པའོ། །འདི་ཡི་དོན་འགྲེལ་ས་བོན་ཙམ་ཞིག་དཀའ་འགྲེལ་པདྨ་ཅན་དུ་བཞུགས་པ་ལ་བརྟེན་ཏེ་སླར་གོ་གསལ་དུ་བཀོད་པ་ཡིན་ནོ། །སླར་ཡང་རང་གི་སྙིང་གའི་ས་བོན་ལས་བྱུང་བའི་ལྷ་མོ་པི་ཝཾ་མ་སོགས་པས་མཆོད། སྦེག་ལ་སྒེག་ཅིང་ཞེས་པའི་སྦེག་པ་ནི་སྐུའི་ཤ་སྐེམ་པའི་དོན་དང་སྒེག་པ་ནི་རྒྱན་གྱིས་མཛེས་པའོ། །སྔགས་དོན་ནི་རྗེས་ནས་འཆད། སླར་ཡང་སྙིང་གའི་ས་བོན་ལས་སྤྲོས་པའི་མཁའ་འགྲོ་མ་བཞི་མཆོད་ལ། སྔགས་དོན་ནི། པཉྩ་ཨ་མྲྀ་ཏ་བདུད་རྩི་ལྔ། པཱུ་ཛ་མེ་གྷ་ས་མུ་དྲ་མཆོད་པའི་སྤྲིན་རྒྱ་མཚོ། སྥ་ར་ཎ་འཕྲོ་བ། ས་མ་ཡ་ཧཱུྃ་ནི་མ་འདའ་ཞིག་ཅེས་པའོ། །དེ་ནས་མཆོད་ལྷ་དེ་རྣམས་ཡུམ་ལ་ཐིམ་པས་ཡབ་ཡུམ་བདེ་ཆེན་གྱི་ཡེ་ཤེས་མཆོག་ཏུ་འཕེལ་བར་བསམས་ལ་ཕྱག་རྒྱ་འཁྱུད་ཚུལ་དང་བཅས་ཏེ་སྔགས་ༀ་ཤྲཱི་མ་ཧཱ་སུ་ཁ་ནི་དཔལ་བདེ་བ་ཆེན་པོ། ཧེ་ཧེ་རུ་རུ་བཞི་ནི་

― KMC014_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བ་བཞི། ཀཾ་ནི་དངོས་འཛིན་བྲལ་བ། ཨཱ་ཧཱུྃ་ཧཱུྃ་ཕཊྲ་བཞི་ནི་དགའ་བཞི་འཕོ་མེད་དུ་བརྟན་པར་བྱེད་པ། སྭཱ་ཧཱ་ནི་དེ་དག་གི་གཞི་ཚུགས་ཞེས་པའོ། །དེ་ནས་འདོད་ཆགས་ཞེ་སྡང་སོགས་ཡན་ལག་རྣམ་པ་ལྔའི་ཚིག་དོན་ནི་གོ་སླའོ། །དེ་ནས་ཚོགས་ཞིང་རྣམས་རང་ལ་བསྟིམ་པའི་མཐར། རང་ཉིད་ཀྱི་སྤྱི་མགྲིན་སྙིང་ག་གསུམ་དུ་ཧེ་དཀར་པོ་དང་རུ་དམར་པོ་ཀ་སྔོན་པོ་གསུམ་བསྒོམས་ལ། ཧེ་ནི་རྒྱུ་སོགས་ཀྱི་དོན་སྔར་བཤད་པ་ལྟར་བསམ། ཆོས་ཀུན་ལ་རང་བཞིན་མེད་པ་དེ་ལྟར་མ་ཤེས་ནས་འགྲོ་ཀུན་བདག་ཏུ་འཛིན་པས་འཁོར་བར་གྱུར་བས་ན། བདག་ནི་ཧེ་རུ་ཀར་གྱུར་ཏེ་གཟུང་བ་དང་འཛིན་པ་གཉིས་དང་བྲལ་བའི་ཆོས་ཁོང་དུ་ཆུབ་པར་བྱ་སྟེ་དེ་དོན་བསྒྲུབ་པར་བྱའོ་སྙམ་མོ། །ཚུལ་དེ་དག་ཀྱང་ལཱུ་ཡི་པའི་གཞུང་ལས། དེ་ནས་སྙིང་གར་ཨཾ་ལས་ཟླ་བའི་དཀྱིལ་འཁོར་ཏེ། །དེ་ཡི་སྟེང་དུ་ཧཱུྃ་ཡིག་འོད་ཟེར་དང་ལྡན་བསམ་བྱས་ཏེ། །དེ་ཡི་

― KMC014_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཀྱིས་བཀུག་ནས་མདུན་དུ་དཀྱིལ་འཁོར་ལ། །ཕྱག་འཚལ་ལ་སོགས་བདུན་དང་བདག་ཉིད་འབུལ་བར་བྱ། །ཧེ་རུ་ཀ་ཡིག་སྤྱི་བོ་མགྲིན་པ་སྙིང་ག་རུ། །རིམ་པས་བལྟས་ཏེ་སྟོང་པ་ཉིད་བསྒོམ་གསང་སྔགས་བརྗོད། །ཅེས་གསུངས་པའི་དོན་ཏེ། དེ་ནས་དང་པོ་འཆི་སྲིད་སྦྱོང་བའི་ཕྱིར་བདག་དང་ཁམས་གསུམ་ཐམས་ཅད་རང་བཞིན་འོད་གསལ་སྟོང་ཉིད་དུ་ཐིམ་པར་བསམས་ལ། ༀ་སྭ་བྷཱ་བཱ་ཤུདྡྷཿསྟེ་རང་བཞིན་གྱིས་ཡོངས་སུ་དག་པའོ། །གང་དག་ཅེ་ན། སརྦ་དྷརྨཱཿསྟེ་ཆོས་ཐམས་ཅད་དོ། །ཅིའི་རང་བཞིན་དུ་དག་ཅེ་ན། རང་བཞིན་ནི་མ་བཅོས་པ་ཡིན་པའི་ཕྱིར། སྭ་བྷཱ་བ་ཤུདྡྷོ ྅ཧཾ་སྟེ་རང་བཞིན་གྱིས་དག་པ་ནི་ངའོ། །ཞེས་སོ། །དེ་ལྟར་ཁམས་གསུམ་པོ་ཐམས་ཅད་བློས་བྱས་ཀྱི་སྟོང་པ་ཙམ་མ་ཡིན་པར་རང་བཞིན་གྱིས་ཐམས་ཅད་སྟོང་པར་བསམ་མོ། །གཉིས་པ་བར་སྲིད་སྦྱོང་བའི་ཕྱིར་དུ་སླར་ཡང་སྔོན་གྱི་སྨོན་ལམ་གྱི་སྟོབས་ཀྱིས་རང་གི་

― KMC014_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཉིད་སྟོང་པའི་རང་རྩལ་ལས་རྒྱལ་བ་རྣམས་ཀྱི་སྐུ་གསུང་ཐུགས་ཀྱི་རྡོ་རྗེའི་ངོ་བོ་ༀ་དཀར་ཨཱཿདམར་ཧཱུྃ་མཐིང་གསུམ་བརྩེགས་མར་གནས་པ་དེ་ལས་གོང་བཤད་ལྟར་སྐུ་གསུང་ཐུགས་ཀྱི་འཁོར་ལོའི་ལྷ་རྣམས་སྤྲོས་པས། འགྲོ་ཀུན་འཁོར་ལོ་གསུམ་གྱི་ལྷར་བྱས། དེ་ཐམས་ཅད་ཡབ་ཡུམ་སྙོམས་པར་ཞུགས་ཏེ་འོད་དུ་ཞུ་བ་ཡི་གེ་གསུམ་སོ་སོར་ཐིམ་པའི་མཐར་ༀ་ཨཱཿལ་ཐིམ། ཨཱཿཧཱུྃ་ལ་ཐིམ། ཧཱུྃ་དེ་ཡང་ཞབས་ཀྱུ་ཁོག་པ་ལ་ཐིམ། ཁོག་པ་མགོ་བོ་ལ། དེ་ཟླ་ཚེས་ལ། ཟླ་ཚེས་ཐིག་ལེ་ལ། ཐིག་ལེ་ནཱ་ད་ལ། ནཱ་ད་དེ་ཡང་སྐྲ་ཡི་རྩེ་མོ་སྟོང་དུ་གཏུབ་པའི་ཆ་ཙམ་དུ་གནས་པར་བསམ་པ་ནི་བར་དོའི་རྣམ་ཤེས་སྣང་བ་ལ་ཐིམ་པ་དང་། སྣང་བ་མཆེད་པ་ལ་ཐིམ་པ་དང་། མཆེད་པ་ཉེར་ཐོབ་ལ་ཐིམ་པ་རྣམས་སྦྱོང་བའོ། །དེ་ནས་འདི་ལྟར་མ་རིག་འཁྲུལ་པའི་སེམས་ཅན་ཐམས་ཅད་ཆོས་ཐམས་ཅད་ཀྱི་ཆོས་ཉིད་རང་བཞིན་འོད་གསལ་མ་རྟོགས་པས་

― KMC014_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བ་ལ་གནས་སོ་སྙམ་པའི་སྙིང་རྗེ་བྱ་བ་ནི་སེམས་ཅན་ལ་དམིགས་པའི་སྙིང་རྗེ་དང་ཆོས་ལ་དམིགས་པའི་སྙིང་རྗེ་གཉིས་སོ། །བདག་གིས་ཆོས་ཉིད་ཟབ་མོའི་དོན་མངོན་དུ་བྱས་ནས་འགྲོ་བ་རྣམས་ཀྱིས་ཀྱང་ཟབ་མོ་ཆོས་ཉིད་དེ་བཞིན་རྟོགས་པར་བྱའོ་སྙམ་པ་ནི་དམིགས་པ་མེད་པའི་སྙིང་རྗེའོ། ། དེ་ནས་དངོས་གཞི་རྟེན་གཞལ་ཡས་ཁང་བསྐྱེད་པའི་ཐོག་མར་གཞི་སྟོང་ཉིད་ལ་མངོན་པར་བྱང་ཆུབ་པ་ནི། ༀ་ཤཱུནྱ་ཏཱ་སོགས་ཏེ། ༀ་ནི་སྔགས་ཀྱི་ནོར་བུ་འཛིན་པ། ཤཱུནྱ་ཏཱ་ནི་སྟོང་པ་ཉིད་དེ། རྡོ་རྗེ་མཁའ་འགྲོ་ལས། གཟུགས་ནི་ཐམས་ཅད་སྟོང་པ་ཉིད། །སྟོང་པའི་ཚུལ་གྱིས་མིག་གིས་ནི། །དོགས་པ་མེད་པར་བསྒོམ་པའི་མཆོག །རྣམ་པར་མི་རྟོག་པ་ཡིས་བལྟ། །ཞེས་གསུངས་པ་ལྟར་འདི་ལྟར་གཟུགས་སོགས་སྣང་བའི་ཆོས་ཐམས་ཅད་ངོ་བོས་མ་གྲུབ་པས་ན་གདོད་ནས་སྟོང་པའོ། །འོ་ན་ཆོས་ཉིད་དེ་བཞིན་ཉིད་ཀྱང་ཅི་ཡང་མེད་པའི་སྟོང་པ་ཕྱང་ཆད་

― KMC014_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་ཡིན་ནམ་སྙམ་ན། ཛྙཱ་ན་ནི་ཡེ་ཤེས་ཏེ། རྒྱུད་གསེར་ཕྲེང་ལས། ཡེ་ནས་གནས་པའི་དོན་གང་ཞིག །མངོན་པར་ཤེས་ཕྱིར་ཡེ་ཤེས་བརྗོད། །ཅེས་གསུངས་པ་ལྟར་རང་བྱུང་ཡེ་ཤེས་ཉིད་སྨྲ་རྟོག་དངོས་པོའི་མཚན་མ་ལས་འདས་ཀྱང་། རྣལ་འབྱོར་ཅན་གྱི་སོ་སོ་རང་རིག་ཡེ་ཤེས་ཀྱི་སྤྱོད་ཡུལ་ཅན་ནོ། །བཛྲ་ནི་རྡོ་རྗེ་སྟེ། མཁའ་འགྲོ་མ་གསང་བ་འབར་བའི་རྒྱུད་ལས། གཟུང་འཛིན་རྟོག་པས་མི་ཕྱེད་ཕྱིར། །དོན་གྱི་རྡོ་རྗེར་བཤད་པའོ། །ཞེས་གསུངས་པ་ལྟར་རྡོ་རྗེའི་ཡེ་ཤེས་དེ་ཉིད་གཟུང་འཛིན་དངོས་པོའི་མཚན་མ་གང་གིས་ཀྱང་གཞིག་ཏུ་མེད་པ་དང་། དེའི་ངོ་བོའམ་རང་བཞིན་ལ་ནམ་ཡང་འགྱུར་བ་མེད་པས་ན་རྡོ་རྗེའོ། །སྭ་བྷཱ་བ་ནི་རང་བཞིན་ཏེ། སློབ་དཔོན་ཆེན་པོ་ནཱ་གཱརྫུ་ནས། རང་བཞིན་དག་ནི་བཅོས་མིན་ཏེ། །གཞན་ལ་ལྟོས་པ་མེད་པའོ། །ཞེས་གསུངས་པ་ལྟར། མ་བཅོས་རང་བཞིན་གདོད་མའི་གནས་ལུགས་ནི་

― KMC014_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱེན་གང་ལའང་མ་ལྟོས་པར་རང་བཞིན་གྱིས་དག་པའོ། །ཨཱཏྨ་ཀོ྅ཧཾ་ནི་བདག་ཉིད་ངའོ་སྟེ། གོང་གསལ་ཡེ་ཤེས་རྡོ་རྗེ་དེ་ཉིད་མངོན་དུ་གྱུར་པའི་བདག་ཉིད་ཅན་དེ་སུ་ཡིན་ཞེ་ན་བསྐལ་པ་དྲུག་དང་ལྡན་པའི་བཅོམ་ལྡན་འདས་ངའོ་ཞེས་གསུངས་ཏེ། དཔལ་སྡོམ་པའི་རྒྱུད་ལས། དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང་བསྐལ་པ་བཟང་། །ཡེ་ཤེས་ཕུན་སུམ་ཚོགས་པ་ནི། །དྲུག་པོ་དེ་ལ་ལྡན་ཅེས་གསུངས། །ཞེས་གསུངས་སོ། །དེ་དག་གི་ཕྱིར་ན་སྔགས་དོན་ལྟར་ཆོས་ཉིད་ཀྱི་དོན་ལ་མཉམ་པར་བཞག་པ་མ་གཏོགས་སྔགས་བརྗོད་པས་ཐམས་ཅད་སྟོང་པར་སོང་སྙམ་ན་ནི་སྟོང་ཉིད་རྒྱས་འདེབས་སུ་ཤོར་བ་ཡིན་པས་སྐབས་ཕྱེད་པ་གཅེས་སོ། །དེ་ལྟར་ཐམས་ཅད་སྟོང་པ་འོད་གསལ་བའི་རང་བཞིན་གྱི་ངང་ལས་སྲུང་འཁོར་གྱི་དབུས་སུ་ཡི་གེ་ཨེ་དཀར་པོ་ཡོངས་སུ་གྱུར་པ་ལས་ཆོས་ཀྱི་འབྱུང་གནས་གྲུ་གསུམ་པ་དཀར་པོ་ཤིན་ཏུ་

― KMC014_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཡངས་ཤིང་རྒྱ་ཆེ་བ་ཟུར་མདུན་བསྟན། སྟེང་ངོས་ཡངས་ལ་རྩ་བ་ཕྲ་བའི་རྣམ་པ་ཅན་དུ་བསྒོམ་པ་ནི་ཆོས་ཐམས་ཅད་ནམ་མཁའི་རང་བཞིན་རྣམ་པར་དག་པ་མཚོན་པ་དང་། ཟུར་གསུམ་གྱིས་སྐུ་གསུང་ཐུགས་རྣམ་པར་དག་པ་མཚོན་པའོ། །དེ་ཡང་ངོ་བོ་ནི་ཆོས་ཀྱི་དབྱིངས་ཀྱི་རང་བཞིན་ཐར་པ་ཆེན་པོའི་ཕོ་བྲང་ལ། དེ་རྟེན་དང་བརྟེན་པའི་དཀྱིལ་འཁོར་ཐམས་ཅད་ཀྱི་འབྱུང་གནས་ཡིན་པས་ན་ཆོས་འབྱུང་ཞེས་བྱའོ། །དེའི་ནང་དུ་ཡཾ་ཡིག་ལས་རླུང་དཀྱིལ་སྔོན་པོ་གཞུ་ཡི་དབྱིབས་ཅན་ལ་མཐའ་གཉིས་སུ་རྒྱལ་མཚན་སྔོན་པོ་གཉིས་ཀྱིས་བརྒྱན་པ་སྟེ། དེའང་རྒྱ་གར་ལུགས་ལ་དབྱུག་པ་ནོར་བུའི་ཏོག་གིས་མཚན་པའི་མགུལ་དུ་དར་བཏགས་པའི་སྣེ་འཕྱང་བ་ལ་རྒྱལ་མཚན་ནམ་བ་དན་ཅེས་མིང་འདོགས་སོ། །དེའི་སྟེང་དུ་རཾ་ལས་མེ་དཀྱིལ་མེའི་རྩེ་མོ་བདུན་ལྡན་དམར་པོ་གྲུ་གསུམ་རཾ་གྱིས་མཚན་པ། དེའི་སྟེང་དུ་བཾ་ཡིག་ལས་ཆུ་དཀྱིལ་

― KMC014_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོ་ཟླུམ་པོ་བུམ་པས་མཚན་པ། དེའི་སྟེང་དུ་ལཾ་ཡིག་ལས་ས་དཀྱིལ་སེར་པོ་གྲུ་བཞི་པ་རྡོ་རྗེ་རྩེ་གསུམ་གྱིས་མཚན་པ། དེ་དག་གི་སྟེང་དུ་སླར་ཡང་སོ་སོའི་ས་བོན་གྱིས་མཚན་པ། དེ་ཡི་སྟེང་དུ་སུཾ་ལས་རིན་ཆེན་སྣ་བཞི་ལས་གྲུབ་པའི་ལྷུན་པོ་གྲུ་བཞི་པོ་ཤར་ཤེལ། ལྷོ་བཻ་ཌཱུཪྻ ། ནུབ་པདྨ་རཱ་ག །བྱང་གསེར་གྱི་ཁ་དོག་ཅན་ཕྱེད་མན་ཆད་ལ་བང་རིམ་བཞི་པ། སྟེང་ངོས་གྲུ་བཞིའི་ཟུར་བཞི་དང་ལོགས་བཞི་ལ་རྩེ་མོ་རེ་རེ་སྟེ་ལྕོག་བརྒྱད་ཀྱིས་མཛེས་པ་སྟེ། དེ་ལྟར་འབྱུང་བ་རིམ་བརྩེགས་སྒོམ་པ་ནི་འབྱུང་བ་ལྔ་རྣམ་པར་དག་པ་མཚོན་པའོ། །དེའི་སྟེང་དུ་པཾ་ལས་སྣ་ཚོགས་པདྨ་འདབ་མ་སྟོང་ལྡན་གྱི་སུམ་ཆ་གྱེན་དུ་ལངས་པའི་པདྨའི་ཟེའུ་འབྲུར་ཉི་མ་ལ་གནས་པའི་ཧཱུྃ་ལས་བྱུང་བའི་སྣ་ཚོགས་རྡོ་རྗེ་རྭ་ཉི་ཤུ་པའམ་བཅུ་གཉིས་གང་རུང་ལེབ་ཆགས་སུ་བསྒོམ་པ་སྟེ། སྔ་མས་འཇིགས་ཚོགས་ལ་ལྟ་བ་ཉི་ཤུ་འཇོམས་པ་དང་ཕྱི་མས་རྟེན་འབྲེལ་བཅུ་གཉིས་དག་པ་

― KMC014_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། རྭ་རྣམས་ཀྱང་གཞལ་ཡས་ཁང་གི་ཕྱོགས་མདོག་དང་ལྟེ་བ་ནི་མཐིང་གའོ། །དེའི་ལྟེ་བར་རྣམ་པར་སྣང་མཛད་ཀྱི་ངོ་བོ་ཡི་གེ་བུམ་ཡོངས་སུ་གྱུར་པ་ལས་གཞལ་ཡས་ཁང་ཚད་དང་མཚན་ཉིད་ཐམས་ཅད་རྫོགས་པ་བསྒོམ་པ་སྟེ། དང་པོ་ཚད་ཀྱི་ངེས་པ་ནི། གཞལ་ཡས་ཁང་དངོས་ཀྱི་རྒྱུ་ཁྱོན་ཇི་ཙམ་བྱེད་པའི་ས་ཁྱོན་གྱི་ལོགས་རེར་དུམ་བུ་བཅུ་གཉིས་མཉམ་པར་བགོས་པའི་ཆ་རེ་ལ་ཆ་ཆེན་དང་སྒོ་ཚད་དང་གཙོ་བོའི་འདོམ་གང་ཞེས་མིང་སོ་སོར་བཏགས་ཀྱང་དོན་འདྲ་བ་ཡིན་ལ། དེའི་བཞི་ཆ་རེ་ལ་ཁྲུ་དང་ཆ་ཕྲན་ཞེས་མིང་གི་བརྡ་བྱེད་དོ། །དེའང་ཇི་ལྟར་གཞལ་ན་འོག་གཞི་སྣ་ཚོགས་རྡོ་རྗེའི་ལྟེ་བ་གྲུ་བཞི་ལ་ཆ་ཆེན་བཅུ་གཉིས་ཡོད་པ་དེའི་ཕྱི་མཐའ་ནས་ཕྱོགས་སོ་སོར་ཆ་ཕྲན་བདུན་རེ་གཞལ་མཚམས་ན་རྩིགས་པ་རིམ་ལྔ་ཡོད་ལ། དེའང་ནང་ནས་རིམ་པ་ལྟར་བཻ་ཌཱུརྻ་སྔོན་པོ། པདྨ་རཱ་ག་དམར་པོ། གསེར་སེར་པོ། ཤེལ་དཀར་པོ། མ་ར་ཀ་

― KMC014_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་ལྗང་གུ་རྣམས་ཤོག་ལྡེབ་བསྒྲིགས་པ་ལྟར་རེག་ལ་མ་འབྱར་བ། ལྔ་ཀ་བསྡོམས་པའི་རྩིགས་ཞེང་ལ་ཁྲུ་གང་བ། དཔངས་སུ་མཐོ་དམན་རྟ་བབས་དང་བསྟུན་དགོས་པས་རྟ་བབས་ཀྱི་ཚད་མི་འདྲ་བ་མང་ཡང་འདི་རྟ་བབས་བཅུ་གཅིག་པ་ཡིན་ཕྱིར་སྒོ་ཚད་གསུམ་མ་ཉིད་འཚམས་པས་རྩིགས་དཔངས་ལ་ཆ་ཆུང་བཅུ་གཉིས་དགོས་སོ། །རྩིགས་པའི་ཕྱི་ངོས་ཀྱི་རྩ་བར་གཞི་རིན་པོ་ཆེ་དམར་པོའི་རང་བཞིན་གྱི་འདོད་སྣམ་རྩིགས་ཞེང་དང་དཔངས་གཉིས་ཀར་ཆ་ཕྲན་གཉིས་རེ་ཅན་སྒོ་ཁྱུད་འཕྲད་པ་ནས་སྣེ་ཟད་པས་འདི་གཞུང་ནས་འདི་ལ་སྟེགས་བུ་བཞི་ཞེས་གསུངས་པ་དེའོ། །རྩིགས་པ་དེའི་རྩེ་ནས་ཕ་གུ་སེར་པོ་ལ་རིན་པོ་ཆེའི་ཕྲ་ཚོམ་བཏབ་པ་ཅན་གྱི་རྩིགས་ཞེང་དང་དཔངས་ལ་ཆ་ཕྲན་གཅིག་པ། དེའི་སྟེང་དུ་བྲེ་སྤུངས་ཏེ་ཀ་ཐུང་ཀ་ཞུ་དང་བཅས་པའི་དཔངས་སུ་ཆ་ཕྲན་གཉིས་ཡོད་པས་གསེར་གདུང་བཏེགས་པ། ཀ་ཐུང་དེ་རྣམས་ཀྱི་བར་སྟོང་ལ་མུན་སྣམ་

― KMC014_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བྱ་ལ། ཀ་ཞུའི་ངོས་ལ་རིན་པོ་ཆེའི་གཟེར་བུ་གཅིག་དང་། ཀ་བའི་ངོས་ལ་གཟེར་བུ་བཞི་རེ་ཐམས་ཅད་ལ་བཏབ་པ་ལ་གསེར་གྱི་སྐུད་པ་བཞི་རེ་འཕྲེད་ལ་འཐེན་ཅིང་གཟེར་བུ་རེ་ལ་གཅུད་རེ་བོར་བ་དང་། ཀ་ཞུའི་སྟེང་གི་གཟེར་བུ་ལ་འདོགས་པའི་ཆུ་སྲིན་ཙི་པ་ཊ་སྟེ་ཆུ་སྲིན་ཉ་མིད་དུ་གྲགས་པའི་ཁ་ཁུག་ནས་རིན་པོ་ཆེའི་ཕྲེང་བ་རིང་ཐུང་གསུམ་སྦྲེལ་བ་ལ་དྲྭ་བ་ཞེས་བྱ་ལ། ཁའི་དབུས་ནས་མར་ཕྲེང་བའི་བཅུ་ཚར་འདྲ་བ་གསུམ་རེ་དཔྱངས་པ་ལ་དྲྭ་བ་ཕྱེད་པ་ཞེས་བྱ་ལ། དེའི་སྣེར་དྲིལ་ཆུང་དང་ཟླ་ཕྱེད་རྔ་ཡབ་ཀྱིས་བརྒྱན་པ་རླུང་གིས་བསྐྱོད་པ་དང་སྒྲ་འབྱིན་པའོ། །དེ་ནས་གཞལ་ཡས་ཀྱི་སྒོ་དང་རྟ་བབས་ཀྱི་ཚད་དང་མཚན་ཉིད་ནི། རྩིགས་པ་གྲུ་བཞི་པའི་ཕྱོགས་བཞིར་སྒོ་བཞི་ཡོད་པས་སོ་སོའི་མདུན་ཕྱོགས་སུ་ཆ་ཆེན་རེ་རེ་འཐེན་པ་ལ་སྒོ་ཁྱུད་དམ་སྒོ་ཕུག་ཟེར། དེ་ནས་ཆ་ཕྲན་གཉིས་རེ་གཡས་གཡོན་དུ་འཐེན་པ་ལ་སྒོ་འགྲམ་ཞེས་བྱ་སྟེ།

― KMC014_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་སྣེ་ནས་མདུན་ཕྱོགས་སུ་ཆ་ཕྲན་བཞི་རེ་བཀུག་པ་ལ་སྒོ་ལོགས་ཏེ་དེ་ལ་སྒོ་གཡབ་ཀྱང་ཟེར། སྒོ་ལོགས་ཀྱི་རྩིགས་སྣ་གཉིས་ཀྱང་སླར་ནང་དུ་ཅུང་ཟད་བཀུག་སྟེ་རུབ་པའི་རྣམ་པར་ཡོད་དོ། །དེ་དག་གི་རྩིགས་པའི་མཐོ་དམན་དཔངས་ལ་ནི་འདི་སྐབས་རྟ་བབས་སྒོ་ཚད་གསུམ་མ་ཡིན་ཕྱིར་ཆ་ཆུང་བཅུ་གཅིག་གོ །གོང་བཤད་སྒོ་ལོགས་ཀྱི་རྩིགས་སྣ་ནང་དུ་བཀུག་པའི་སྣ་ནས་ཆ་ཕྲན་རེའི་མཚམས་སུ་ཀ་བ་རྩིགས་སྣའི་བཞི་ཆའི་སུམ་ཆ་ལ་སླེབ་པ་གཉིས་བསླང་བའི་སྟེང་དུ་གདུང་མ་བཀལ་བའི་སྣེ་སྒོ་ལོགས་ཀྱི་རྩིགས་སྣ་བཀུག་པ་ལ་གདུང་ཁུང་བྲུས་པར་བཅུག་པའི་སྟེང་ནས་རྩིགས་པ་མི་འཆད་པའི་ཕྱིར་ཕ་གུ་རིམ་གཅིག་བཏང་བའི་སྟེང་ནས་འོག་གི་ཀ་བ་དང་ཀ་ཐོག་ཀ་བཞག་གིས་ཀ་ཐུང་གཉིས་སྒོ་ལོགས་ཀྱི་རྩིགས་པའི་ཁ་དང་མཉམ་པ་བཙུག་པའི་སྟེང་དུའང་གདུང་མ་བཀལ་བ་ལ་སྒོ་ཁང་གི་ཐོག་འགེབ་པའི་བྱ་འདབ་ཀྱི་སྣེ་རྟ་བབ་ནང་དུ་འབྲེལ་

― KMC014_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

བའོ། །ཀ་ཐུང་གོང་མ་གཉིས་ཀྱི་གནས་སུ་ཤ་ལ་བྷཉྫ་ཀཱ་སྟེ་ལྷ་མོའི་གཟུགས་བརྙན་ལག་པ་གཉིས་ཀྱིས་ཀ་ཞུ་བཏེགས་པ་དང་ཀ་ཐུང་གི་ངོས་ནས་རྡོ་རྗེའི་གྲྭ་མིག་གསེག་འགྲོས་སུ་ཡོད་པར་བཤད་ཀྱང་གཞུང་འདིར་གསལ་ཀ་མེད་དོ། །དེ་ནས་རྟ་བབས་ངོས་ཀྱི་ཀ་བ་ནི། སྒོ་ལོགས་ཀྱི་ཕྱིའི་རྩིགས་སྣ་གཡས་གཡོན་གྱི་མཚམས་ནས་ཆ་ཆུང་རེ་གཞལ་བའི་ས་ན་སྒོ་ལོགས་ཀྱི་རྩིགས་སྣའི་རྩ་བར་རྟ་བབས་ནང་ཕྱོགས་འདེགས་པའི་ཕན་ཚུན་ཀ་བ་གཉིས་དང་། དེ་ཡི་ཀ་བའི་ཐད་སྣ་ཚོགས་རྡོ་རྗེའི་ཕྱི་མཐའ་ན་རྟ་བབས་ཕྱི་ངོས་འདེགས་པའི་ཀ་བ་གཉིས་བཅས་དོན་ཏུ་རྟ་བབས་རེ་རེ་བཞིན་དུ་ཀ་བ་བཞི་རེ་ཡོད་ལ། གོང་བཤད་སྒོའི་ཀ་བ་བཞི་དང་རྟ་བབས་འདེགས་བྱེད་ཀྱི་ཀ་བ་བཞི་བཅས་བརྒྱད་ཡོད་པས། དེ་ཉིད་བསྡུས་པ་ལས། ཀ་བ་བརྒྱད་ཀྱིས་ཉེ་བར་མཛེས། །ཞེས་གསུངས་སོ། །རྟ་བབས་འདེགས་བྱེད་ཀྱི་ཀ་བའི་རིང་ཐུང་ནི་སྒོ་ཁང་གི་རྩིགས་

― KMC014_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་དཔངས་མཉམ་ལ། ཀ་བའི་སྟེང་ནས་གདུང་ལེབ་སྲབ་མོ་བཏང་བའི་སྟེང་དུ་ཤར་བུ་སྔོན་པོ། རིན་ཆེན་དམར་པོ། རྟ་རྨིག་ལྗང་གུ། གསེར་སེར་པོ། ཆུ་སྲིན་དམར་སྐྱ། གསེར་སེར་པོ། རྨིག་པ་ལྗང་གུ། རིན་ཆེན་དམར་པོ། རྨིག་པ་ལྗང་གུ། གསེར་སེར་པོ། མདའ་ཡབ་དཀར་པོ་བཅས་སྣམ་བུ་བཅུ་གཅིག་པ་སྟེ་སྒོ་ཁང་གི་ཐོག་འགེབ་དང་རྟ་བབས་ལྔ་པ་ཆུ་སྲིན་གྱི་སྟེང་གཉིས་མཐོ་དམན་མཉམ་ཞིང་། རྟ་བབས་འོག་མ་རྣམས་དཀོར་ཁང་དང་སྟེང་མ་བསིལ་ཁང་གི་རྣམ་པ་དང་མཚུངས་ལ་རྟ་བབས་ཀྱི་སྣེ་གཡས་གཡོན་གྱི་རིང་ཐུང་གི་ཚད་འཆད་འགྱུར་ལྟར་ལ། ཕྱི་སོ་སོའི་རི་མོ་དང་ཁ་དོག་ཐ་དད་པ་ལས་ནང་ཐམས་ཅད་རྒྱུན་གཅིག་པ་ཤིང་སྒྲོམ་ནང་གཅིག་མ་ལྟ་བུའོ། །མདུན་དུ་གྷུཪྞ་ཧ་རི་སྟེ་གླང་རྒྱབ་མིག་གསུམ་དུ་གྲགས་པ་ཤིང་སྒྲོམ་ལ་ཧར་སྟོང་བྲུས་པ་ལྟ་བུ་ལ་ཕྱི་ཡི་ཁ་ཟུར་ལ་མུ་ཁྱུད་ཡོད་པ་སྟེ་དོན་དུ་སྒོ་དང་རྟ་བབས་ཀྱི་སྐར་ཁུང་ཡིན་

― KMC014_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

ནོ། །ལུགས་འདིའི་གླང་གུར་གྱི་གཟུགས་སྤྱི་དང་མི་འདྲ་བས་དེའི་དབྱིབས་ནི་དཔེ་རིས་ལྟར་རྟོགས་པར་བྱ་དགོས་སོ། །རྟ་བབས་རྣམས་ཀྱི་ཚད་ནི། རྟ་བབས་ཀྱི་དཔངས་ཀྱི་ཚད་ལ་སྒོ་ཚད་གསུམ་ཡོད་པ་དེ་ཆ་བརྒྱད་དུ་བགོས་པ་ལ། ཤར་བུ་དང་རིན་ཆེན་གཉིས་ལ་ཆ་རེ་རེ། རྟ་རྨིག་དང་གསེར་ཐུན་མོང་ལ་ཆ་གཅིག་བྱས་པའི་སུམ་ཆའི་ཕྱེ་མ་གསེར་རོ། །ཆུ་སྲིན་རང་ལ་ཆ་གཅིག །ཡང་གསེར་དང་རྨིག་པ་ཐུན་མོང་ལ་ཆ་གཅིག་བྱས་པའི་ནང་མཐའི་སུམ་ཆ་གཅིག་གསེར་རོ། །དེ་ནས་རིན་ཆེན་རང་ལ་ཆ་གཅིག །རྨིག་པ་གསེར་ཐུན་མོང་ལ་ཆ་གཅིག་བྱས་པའི་ཕྱི་མཐའི་སུམ་ཆ་གཅིག་གསེར་གྱི་ཚད་དོ། །དེ་ནས་མདའ་ཡབ་ལ་ཆ་གཅིག་བྱས་པས་གྲུབ་བོ། །རྟ་བབས་ཀྱི་རྒྱ་ཡི་ཚད་ནི་སྒོ་དབུས་ཚངས་ཐིག་ནས་གཡས་གཡོན་དུ་ཆ་ཆུང་བརྒྱད་དོར་བ་ཤར་བུའི་རྒྱ་དང་། དེ་བཞིན་དུ་རིན་ཆེན་དང་རྟ་རྨིག་ལ་ཆ་ཆུང་དགུ་དང་། གསེར་ལ་

― KMC014_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་ཆུང་དགུ་དང་སུམ་ཆ་གཅིག །ཆུ་སྲིན་ལ་ཆ་ཆུང་ཕྱེད་བརྒྱད། གསེར་ལ་ཆ་ཆུང་བརྒྱད། དེ་ནས་བདུན་པ་བརྒྱད་པ་དགུ་པ་བཅུ་པ་བཞི་ལ་འདྲ་བར་ཆ་ཆུང་བདུན་རེ་དང་། བཅུ་གཅིག་པ་ལ་ཆ་ཆུང་ལྔ་སྟེ་སོ་སོའི་གཡས་གཡོན་གྱི་སྣ་རིང་ཐུང་གི་ཆ་རྟོགས་པར་འགྱུར་ལ། རྟ་བབས་འོག་མའི་སྨད་ཆའི་རྒྱབ་ངོས་ཀྱི་སྣ་གཡས་གཡོན་ནི་སྒོ་ལོགས་ཀྱི་རྩིགས་པ་ལ་བཙུགས་པ། ཐོག་སྟེང་མདའ་ཡབ་དབུས་སུ་པདྨ་དང་། དེ་དབུས་ཡུ་བ་གྱེན་བསླང་ངོས་སུ་གཟེར་བུ་ལ་བཀོན་པའི་ཆོས་འཁོར་སེར་པོ་གདུགས་དང་བཅས་པ། གཡས་གཡོན་དུ་རི་དྭགས་ཀྲྀཥྞ་ས་ར་ཕོ་ལ་རྭ་དང་མོ་ལ་རྭ་མེད་པ་གསེར་ལས་བྱས་པ། རྟ་བབས་ཀྱི་ཀ་བ་གཉིས་ཀྱི་བར་དུ་ཀ་རྒྱན་གླང་པོ་ཆེ་འགྱིངས་སྟེ་ལངས་པའི་སྟེང་དུ་སེང་གེ་གྱེན་འགྲེང་གྱི་ལག་པ་གཉིས་ཀྱིས་རྟ་བབས་ཀྱི་ཀ་ཞུ་གཉིས་ནས་བཏེགས་པ་དང་། རྟ་བབས་ཀྱི་ཀ་བའི་གཡས་གཡོན་དུ་བུམ་བཟང་ལས་སྐྱེས་པའི་དཔག་བསམ་

― KMC014_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗོན་ཤིང་དང་རྒྱལ་སྲིད་བདུན་དང་རྫས་རྟགས་སོགས་ཀྱིས་བརྒྱན་པ་དང་། ཀ་བ་ལའང་སྟེགས་བུའི་སྟེང་དུ་བུམ་པ་དང་དེ་སྟེང་ཀ་བ་དངོས་བརྒྱད་ཟུར་གྱི་རྣམ་པ་ལ་ཀ་སྐེ་ལ་པདྨ་དང་བྲེ་དང་པདྨ་བཅས་ཡོད་དོ། །གཞལ་ཡས་ཀྱི་སྒོ་འཛུག་པའི་གནས་ནི་གཞལ་ཡས་དངོས་ཀྱི་ནང་སྒོ་ལ་འཛུག་པ་དང་སྒོ་ཁྱུད་ཀྱི་སྒོ་འགྲམ་དུ་འཛུག་པའི་ལུགས་གཉིས་བཞེད་ལ། གང་ལྟར་ཡང་སྒོ་གཡས་གཡོན་གྱི་རུ་བཞིའི་ཞེང་དུ་ཆ་ཆུང་ཕྱེད་རེ་དང་། དཔངས་ལ་ཆ་ཆུང་བརྒྱད་རེ་ཡོད་ལ། ཡ་ཐེམ་དང་མ་ཐེམ་གྱི་དཔངས་ལ་ཆ་ཆུང་ཕྱེད་དང་། འཕྲེད་དུ་ཆ་ཆུང་བཞི་རེ་ཡོད་པ། སྟེང་དུ་ཆ་ཆུང་གཉིས་ཀྱི་བར་དུ་པོ་ལི་དང་སྤང་ལེབ་བཅས་རིམ་པ་གཉིས་བརྩེགས་ཀྱི་ཚུལ་དུ་གག་ཚང་གི་རྣམ་པར་བྱས་པ་དང་། སྒོ་ཀླེགས་དངོས་གཡས་གཡོན་དུ་ཆ་ཕྲན་གཉིས་རེ་ཡོད་པ་བཅས་ཐམས་ཅད་གཞི་རིན་པོ་ཆེ་གསེར་ཁོ་ན་ལ་བྱས་པ་དང་། འདོད་སྣམ་གྱི་སྟེང་གི་

― KMC014_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིག་ཟུར་དང་སྒོ་ཁྱུད་ཕུག་གི་རྩིག་རྩར་ཟླ་ཕྱེད་རྡོ་རྗེས་མཚན་པ་རྣམས་ནི་འོག་གཞིའི་ཚུལ་ལོ། །དེ་ནས་གཞལ་ཡས་དེ་ཡི་ཐོག་ཕུབ་ཚུལ་ནི། གཞལ་ཡས་ཁང་གི་དབུས་སུ་གར་བུ་སྟེ་ཤེལ་དཀར་པོ་ལས་གྲུབ་པའི་སྟེགས་བུ་རྐང་རུབ་ཟླུམ་པོ་དཔངས་སུ་ཆ་ཕྲན་ཕྱེད་ཡོད་པ། ཞེང་གདན་གྱིས་མ་བཀབ་པ་མཐོང་བའི་ཆ་ལ་ཆ་ཕྲན་གཉིས་ཡོད་པ། དེའི་སྟེང་དུ་པཾ་ལས་པདྨ་འདབ་མ་བརྒྱད་པ་མུ་ཁྱུད་ལ་གྲི་གུག་གི་ཕྲེང་བས་བསྐོར་བའི་མུ་ཁྱུད་སྟེང་པད་འདབ་གཉིས་ཀྱི་བར་རེ་ནས་ཀ་བ་ཞུ་དང་བཅས་པ་རེ་རེ་སྟེ། ཀ་བ་བརྒྱད་འཛུག་པའི་རིང་ཐུང་ནི་རྟ་བབས་སྒོ་ཚད་གསུམ་མ་ལ་ཆ་ཕྲན་ཕྱེད་དང་བཅུ་བཞི་ཙམ་བྱས་པའི་སྟེང་དུ་རིན་པོ་ཆེའི་གདུང་རྡོ་རྗེས་སྤྲས་པ་བརྒྱད་ཟླུམ་པོར་འཕང་བ་བཀལ་བ། ཤར་ནུབ་དང་ལྷོ་བྱང་གི་ཀ་བའི་སྟེང་དུ་གདུང་བཞི་རྒྱ་གྲམ་དུ་བཏང་བས་རེའུ་མིག་དགུ་ཡོད་པ་འབྱུང་ལ། བཤད་མ་ཐག་པའི་དབུས་ཀྱི་གདུང་ཟླུམ་ལ་ནང་

― KMC014_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་དང་། སྔར་བཤད་ཀྱི་གསེར་གདུང་ལ་ཕྱི་མཐའ་བཀལ་ཏེ་ཕྱམ་ཉེར་བརྒྱད་དམ་དེ་ལས་མང་ཙམ་བཏང་བས་ཟུར་རྣམས་རིང་ཞིང་ལོགས་རྣམས་ཐུང་བ་ཁོ་ནར་འབྱུང་ངོ་། །དེ་དག་གི་སྤྱི་སྣེར་བ་ཀུ་ལིའམ་ཤར་བུ་ཞེས་དབྱིབས་མཆོད་རྟེན་གྱི་བང་རིམ་ཐུར་སྦུབ་ལྟ་བུ་དང་། སྤྱི་བླུགས་མགོ་ཐུར་བསྟན་ལྟ་བུ་དང་། ནོར་བུ་མིག་གསུམ་ཐུར་བསྟན་ལྟ་བུ་མི་འདྲ་བ་གསུམ་ཙམ་མཆིས་པ་ལས། སྐབས་འདིར་སྤྱི་བླུགས་ལྟ་བུ་སྟེ་ཕྱམ་སྣེར་གཟེར་གྱིས་བཏབ་པ་གསེར་གདུང་ལས་ཆ་ཆུང་གཅིག་ཕྱིར་འཕགས་པ། ཕྱམ་རྣམས་ཀྱི་སྟེང་ནས་བྱི་ཚེ་སྟེ་གྲམ་ཚགས་རིམ་པ་མང་པོས་བཀབ་པའི་སྣེ་ནས་འདོད་སྣམ་གྱི་རྒྱ་ནོན་ཙམ་བྱས་པའི་རིན་པོ་ཆེའི་གཟུགས་ཀྱི་རྣམ་པའི་ཕྱི་ནས་སྒོ་ཁྱིམ་ལྟ་བུ་ཡོད་པ་ཐུར་དུ་འཕྱང་བ་ལ་བྱ་འདབ་ཞེས་བྱ་སྟེ། བྱི་ཚེའི་སྟེང་ནས་རིན་པོ་ཆེའི་ཐོག་སས་བཀབ་པར་ཡང་ཁ་གཅིག་གིས་བཞེད་དོ། །བྱ་འདབ་ཀྱི་སྟེང་ནས་

― KMC014_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྲ་མ་ཤིཪྴ་སྟེ་མགོ་བོའི་རིམ་ཟེར་བའི་རྡོ་དཀར་པོ་ལས་བྱས་པའི་མདའ་ཡབ་ལ་པུ་ཤུ་དང་ལན་ཀན་ཡང་ཟེར། དབྱིབས་ལའང་སོའི་ཕྲེང་བ་བསྒྲིགས་པ་ལྟ་བུ་ལ་རྟ་སོ་རིས་ཞེས་པ་དང་། མཆོད་རྟེན་གྱི་བང་རིམ་ལྟ་བུ་རིམ་པ་གསུམ་ཅན་ལ་མཆོད་རྟེན་གྱི་དབྱིབས་ཅན་ནམ་བཏགས་སོ་རིས་ཞེས་དང་། དེའི་ཟུར་སྤངས་པ་ཟླུམ་པོ་དང་བཅས་མང་དུ་བཤད་ཀྱང་སྐབས་འདིར་སྤྱི་འགྲོ་བཏགས་སོ་རིས་ཉིད་དེ། དེ་འདྲ་མང་པོ་གཅིག་ལ་གཅིག་མ་རེག་ཙམ་དུ་བསྒྲིགས་པའི་རྩེ་ནས་རིན་པོ་ཆེའི་སྤང་ལེབ་བམ་སྐུད་པས་སྦྲེལ་བའི་སྟེང་ནས་བུམ་བཟང་ལས་ཐོན་པའི་གདུགས་དང་རྒྱལ་མཚན་འཕེན་རྣམས་ཀྱིས་མཛེས་པ་ལན་ཀན་ཏེ་ར་བ་ལྟ་བུས་སྟེང་བསྐོར་བའོ། །དེ་ནས་དབུས་ཀྱི་མཐོང་ཀའི་ཐོག་ཕུབ་ཚུལ་ལ་བཞི་སྟེ། མཆོད་རྟེན་མཁར་ཐབས། རྒྱ་ཕུབ། རི་བོའི་གུར་ལྟར་ཕུབ་པ་རྣམས་སུ་ཡོད་པ་ལས། སྐབས་འདིར་རི་བོའི་གུར་ལྟར་ཕུབ་པ་ཉིད་ཡིན་པས།

― KMC014_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་ཀྱི་མཐོང་ཀའི་གདོང་ཟླུམ་སྔར་བཤད་ཀྱི་སྟེང་ནས་ཕ་གུ་འཁོར་ལོ་ཆ་ཕྲན་གཅིག་ཡོད་པ། དེ་སྟེང་ཀ་ཐུང་བྲེ་ཕུལ་གྱིས་བཏེགས་པའི་གདུང་ཟླུམ་དང་གདུང་བཞི་རྒྱ་གྲམ་མིག་མང་རིས་སུ་བྲེས་པ་ལ་དྲྭ་བ་དང་དྲྭ་ཕྱེད་ཀྱིས་སྤྲས་པ། དེའི་རེའུ་མིག་དགུ་པའི་གདུང་བསྣོལ་མཚམས་བཞིའི་སྟེང་ནས་ཀ་ཐུང་དཔངས་སུ་ཆ་ཕྲན་གཉིས་ཡོད་པ་བཞི་བཙུགས་པའི་སྟེང་དུ་གདུང་བཞི་གྲུ་བཞིར་བཏང་། དེའི་སྟེང་དུ་གདུང་གཉིས་རྒྱ་གྲམ་རིས་སུ་བཏང་བས་ཟུར་བརྒྱད་འབྱུང་བ་ལ་ཡར་སྣེ་གཏད་ཅིང་། མར་སྣེ་གདུང་ཟླུམ་གོང་མ་ལ་གཟེར་གྱིས་བསྡམས་པའི་གསེག་ཐབས་ཀྱི་གདུང་ཐུར་རྒྱུག་བརྒྱད་ཀྱི་ཕྱི་ནས་གསེར་གྱི་རྒྱ་ཕིབ་ཀྱིས་གཡོགས་པའི་མར་སྣེར་བྱི་ཚེའི་སྣེ་བྱ་འདབ་དང་འབྲེལ་བའི་ཟུར་བརྒྱད་ལ་ཆུ་སྲིན་ནམ་ཁྱུང་མགོས་མཚན་པ་ལ་འོག་ཏུ་ཤར་བུ་དང་བཅས་པ། དབུས་ཀྱི་གདུང་རྒྱ་གྲམ་གྱི་ལྟེ་བར་དེང་སང་གཉྫི་རར་གྲགས་པ་

― KMC014_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

པད་སྤུང་བུམ་པ་རྡོ་རྗེ་ནོར་བུའི་ཏོག་གིས་མཚན་པ་ཉིད་བཙུགས་པའོ། །དེ་དག་གི་དག་པ་ནི། འཕགས་པའི་བདེན་པ་བཞི་རྣམ་པར་དག་པས་གཞལ་ཡས་ཁང་གྲུ་བཞི་པ། ཚངས་པའི་གནས་བཞི་རྣམ་པར་དག་པས་ཟུར་བཞི་པ། བསྡུ་བའི་དངོས་པོ་བཞི་རྣམ་པར་དག་པས་སྒོ་བཞི་པ། ཚད་མེད་བཞི་རྣམ་པར་དག་པས་སྒོ་ཡི་ཀ་བ་བཞི། ཡེ་ཤེས་ལྔ་རྣམ་པར་དག་པས་རྩིག་པ་རྣམ་པ་ལྔ། དཔའ་བར་འགྲོ་བ་ལ་སོགས་པའི་ཏིང་ངེ་འཛིན་བཞི་རྣམ་པར་དག་པས་སྟེགས་བུ་བཞི། བཟོད་པ་དང་ཆོས་དང་དོན་དང་སྔགས་ཀྱི་གཟུགས་རྣམ་པར་དག་པས་དེར་མཆོད་པའི་ལྷ་མོ་རྣམས་རྩེ་བ། འགྲོ་བའི་རེ་བ་སྣ་ཚོགས་རྫོགས་པར་བྱེད་པ་རྣམ་པར་དག་པས་གསེར་གྱི་ཕ་གུ་ལ་རིན་པོ་ཆེ་སྣ་ཚོགས་ཀྱིས་རྣམ་པར་སྤྲས་པ། དྲན་པ་ཉེ་བར་བཞག་པ་བཞི་རྣམ་པར་དག་པས་སྒོ་ཁྱུད་བཞི། ཡང་དག་པར་སྤོང་བ་བཞི་རྣམ་པར་དག་པས་སྒོ་ལོགས་བཞི། ས་བཅུ་གཅིག་རྣམ་

― KMC014_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བགྲོད་པས་རྟ་བབས་བཅུ་གཅིག །རྫུ་འཕྲུལ་གྱི་རྐང་པ་བཞི་རྣམ་པར་དག་པས་རྟ་བབས་ཀྱི་ཀ་བ་བཞི། གདུལ་བྱ་རྣམས་ལ་ཆོས་ཀྱི་འཁོར་ལོ་བསྐོར་བ་དང་མི་མཐུན་ཕྱོགས་གཅོད་པ་རྣམ་པར་དག་པས་ཆོས་ཀྱི་འཁོར་ལོ། ཡོངས་སུ་དག་པའི་ཆོས་བསྟན་པ་ལ་རབ་ཏུ་དྭང་བས་མགྲིན་པ་གྱེན་དུ་བཏེག་ཅིང་ཆོས་དང་དད་པའི་རྗེས་སུ་འབྲངས་པས་མུ་སྟེགས་ངན་པའི་རི་དྭགས་འཇོམས་པའི་རི་དྭགས་ཕོ་མོ། ངོ་ཚ་ཤེས་པ་དང་ཁྲེལ་ཡོད་པ་རྣམ་པར་དག་པས་རིན་པོ་ཆེའི་གདུགས་བཟང་། ཡང་དག་པའི་ཡེ་ཤེས་ཀྱི་སྣང་བ་རྣམ་པར་དག་པས་རིན་པོ་ཆེའི་ཏོག་འོད་ཟེར་འབར་བ། རྣམ་པར་ཐར་པ་བརྒྱད་རྣམ་པར་དག་པས་གཞལ་ཡས་ནང་གི་ཀ་བ་བརྒྱད། འཕགས་པའི་ལམ་ཡན་ལག་བརྒྱད་རྣམ་པར་དག་པས་རྡོ་རྗེའི་གདུང་ཟླུམ་བརྒྱད། ཉོན་མོངས་པའི་རྩ་བ་བཏོན་པས་འཇིག་རྟེན་ལས་འདས་པའི་སྒོམ་པའི་ལམ་རྣམ་པར་དག་པས་མུན་

― KMC014_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱམ་རྣམས་སུ་དྲྭ་བ་དང་། ཉོན་མོངས་པ་གནོན་པའི་ཕྱིར་འཇིག་རྟེན་པའི་སྒོམ་པའི་ལམ་རྣམ་པར་དག་པས་དྲྭ་བ་ཕྱེད་པ། གསུང་རབ་ཡན་ལག་བཅུ་གཉིས་ཀྱི་ཆོས་སྒྲ་རྣམ་པར་དག་པས་དྲིལ་བུ། བྱང་ཆུབ་ཀྱི་སེམས་རྣམ་པར་དག་པས་ཟླ་བ། ཤེས་རབ་ཡེ་ཤེས་རྣམ་པར་དག་པས་ཉི་མ། དེ་བཞིན་གཤེགས་པའི་ལམ་གྱི་ཡེ་ཤེས་རྣམ་པར་དག་པས་རྔ་ཡབ་རྣམས་སོ། །རགས་པ་དང་ཕྲ་བ་དང་བར་མའི་བློ་ཅན་གྱི་གདུལ་བྱ་རྣམས་ལ་ཇི་ལྟར་འོས་པའི་ཆོས་སྟོན་པ་ལ་འབབ་པ་རྣམ་པར་དག་པས་རྩེ་མོ་དུད་པའི་བ་ཀུ་ལིའི་ཕྲེང་བ། འཇིག་རྟེན་ལས་འདས་པ་མཆོག་ཏུ་དཀར་བའི་ཆོས་བཙུགས་པ་རྣམ་པར་དག་པས་མདའ་ཡབ། རྣམ་པར་རྟོག་པ་མ་ལུས་པ་དབྱིངས་སུ་ནུབ་ཀྱང་གཞན་དོན་ཕུན་སུམ་ཚོགས་པ་སྒྲུབ་པ་དག་པས་རྟ་བབས་ཀྱི་ཀ་བའི་དྲུང་ན་བུམ་བཟང་ལས་ཐོན་པའི་དཔག་བསམ་གྱི་ཤིང་། ཐབས་དང་ཤེས་རབ་ཟུང་དུ་འཇུག་ཅིང་བྱང་ཆུབ་སེམས་

― KMC014_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་དག་པས་ཟླ་ཕྱེད་རྡོ་རྗེ། ཡང་དག་པར་སྤོང་བ་བཞི་རྣམ་པར་དག་པས་མཐོང་ཀར་གདོང་བཞི་མིག་མང་རིས་སུ་བྲིས་པ། གཞན་དོན་ཕྲིན་ལས་རྣམ་བཞིའི་ཁུར་ཐེག་པ་རྣམ་པར་དག་པས་དབུས་ནས་ཀ་བ་བཞིས་བཏེགས་པ། ཇི་ལྟར་རིགས་པར་འགྲོ་བའི་འཁོར་བའི་གདུང་བ་ཞི་བ་དག་པས་རྒྱ་ཕིབས་ཀྱིས་སྟེང་གཡོགས་པ། སངས་རྒྱས་ཀྱི་ཡོན་ཏན་ཐམས་ཅད་ཀྱིས་ཉེ་བར་བསྟན་པའི་ཕྱིར་གཉྫི་རའི་ཏོག་གིས་མཛེས་པར་སྤྲས་པའོ། །འདི་རིགས་ཀྱི་དག་པ་ལའང་བཞེད་ཚུལ་མང་དག་ཅིག་སྣང་ནའང་འདིར་སམྦུ་ཊའི་རྒྱུད་འགྲེལ་མན་ངག་སྙེ་མ་ལས་གསུངས་པ་ཚིག་སྣ་ཅུང་བཟུང་བའོ། །དེ་ནས་རྡོ་རྗེའི་ར་བ་མེ་རི་དང་བཅས་པའི་ཕྱི་རོལ་དུ་རྣམ་ཤེས་ཚོགས་བརྒྱད་རྣམ་པར་དག་པ་མཚོན་པའི་དུར་ཁྲོད་ཆེན་པོ་བརྒྱད་ནི། འདི་ལ་བཤད་ཚུལ་མང་ཞིག་སྣང་ཡང་འདིར་དཔལ་འཁོར་ལོ་སྡོམ་པའི་རྒྱུད་ཀྱི་རྒྱལ་པོ་དུར་ཁྲོད་ཀྱི་རྒྱན་རྨད་

― KMC014_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བྱུང་བར་གསུངས་པ་ལྟར་འགོད་པར་བྱ་སྟེ། རྒྱུད་དེ་ཉིད་ལས། རྡོ་རྗེ་ར་བའི་ཕྱི་རོལ་དུ། །ལུགས་འབྱུང་ལུགས་ལས་བཟློག་པ་ནི། །གཏུམ་དྲག་དང་ནི་ཚང་ཚིང་དང་། །འབར་བས་འཁྲུགས་པའི་ཀེང་རུས་དང་། །འཇིགས་རུང་རྣམས་ནི་ཤར་སོགས་ཀྱི། །ཕྱོགས་སུ་གཡོན་དུ་བསྐོར་ཏེ་གནས། །ཧར་ཧར་དགོད་པ་དབང་ལྡན་ཏེ། །དཔལ་གྱི་ནགས་ཚལ་བྱིན་ཟར་རོ། །འཇིགས་པའི་མུན་ནག་བདེན་བྲལ་དུ། །རླུང་མཚམས་ཀཱི་ལི་ཀཱི་ལར་སྒྲོགས། །ཞེས་དུར་ཁྲོད་བརྒྱད་ཀྱི་ངོ་བོ་ནི་བདེ་བར་གཤེགས་པའི་གནས་བརྒྱད་ཡིན་པར་གསུངས་སོ། །ཤིང་བརྒྱད་དང་ཞིང་སྐྱོང་བརྒྱད་ནི། ཤར་དུ་ཧ་རིའི་ཤིང་ཆེན་ལ། །གཏུམ་དྲག་དཀར་པོ་གླང་པོའི་གདོང་། །བྱང་དུ་བྱང་ཆུབ་ཤིང་བུ་ལ། །གྷ་ར་སེར་པོ་མི་ཡི་གདོང་། །ནུབ་ཏུ་མྱ་ངན་མེད་ཤིང་ལ། །འབར་འཁྲུགས་དམར་པོ་ཆུ་སྲིན་གདོང་། །ལྷོ་རུ་ཙཱུ་ཏའི་ཤིང་བུ་ལ། །འཇིགས་སྡེ་ནག་པོ་མ་ཧེའི་གདོང་། །མེ་རུ་ཀ་

― KMC014_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

རན་ཙ་ན་སྟེ། །དཔལ་གྱི་ནགས་ཚལ་ར་གདོང་དམར། །བདེན་བྲལ་ཨཱརྫུའི་ཤིང་བུ་ལ། །འཇིགས་པའི་མུན་པ་མ་ཧེའི་གདོང་། །རླུང་དུ་སྲིད་གྲུབ་ཤིང་བུ་ལ། །ཀཱི་ལིའི་སྒྲ་སྒྲོགས་ཤ་བའི་གདོང་། །དབང་ལྡན་ནྱ་གྲོ་དྷ་ཤིང་ལ། །ཧ་ཧར་དགོད་པ་བ་ལང་གདོང་། །གཡས་ན་གྲི་གུག་གཡོན་ཐོད་པ། །ཤིང་ལོའི་གསེབ་ནས་སྟོད་ཕྱུང་ངོ་། །ཞེས་གསུངས་པ་ལྟར་ལ། ཞིང་སྐྱོང་བརྒྱད་འདིའི་ངོ་བོ་ནི་སངས་རྒྱས་རབ་བདུན་བྱམས་པ་དང་བརྒྱད། ཤིང་བརྒྱད་ནི་བྱང་ཆུབ་ཀྱི་ཤིང་བརྒྱད་ཡིན་པར་བདེ་མཆོག་གི་འགྲེལ་པ་རྣམས་སུ་འབྱུང་ངོ་། །ཕྱོགས་སྐྱོང་བརྒྱད་ནི་ཤིང་དེ་དག་གི་དྲུང་དུ་གནས་པ་སྟེ། རྒྱུད་ལས། ཤར་དུ་བརྒྱ་བྱིན་དཀར་པོ་ལ། །རྡོ་རྗེ་སྡིགས་མཛུབ་གླང་པོ་ཞོན། །བྱང་དུ་ལུས་ངན་སེར་པོ་ལ། །དབྱུག་པ་འཛིན་ཅིང་རྟ་ལ་ཞོན། །ནུབ་ཏུ་ཆུ་བདག་དམར་པོ་ནི། །ཆུ་སྲིན་ཞོན་ནས་ཞགས་པ་ཐོགས། །ལྷོ་རུ་གཤིན་རྗེ་ནག་པོ་ལ། །མ་ཧེ་ཞོན་

― KMC014_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བེ་ཅོན་ཐོགས། །ཤར་ལྷོ་མེ་ལྷ་དམར་སེར་ལ། །ར་ལ་ཞོན་ནས་མེ་ཐབ་འཛིན། །ལྷོ་ནུབ་སྲིན་པོ་སྨུག་ནག་ལ། །རལ་གྲི་ཐོགས་ནས་མི་ལ་ཞོན། །ནུབ་བྱང་རླུང་ལྷ་མདོག་སྔོན་པོ། །ཤ་བ་ཞོན་ནས་འཕེན་ནི་འཕྱར། །བྱང་ཤར་དབང་ལྡན་དཀར་པོ་ནི། །ཁྱུ་མཆོག་ཞོན་ནས་རྩེ་གསུམ་ཐོགས། །ཐམས་ཅད་རང་རང་རིག་མས་འཁྱུད། །ཅེས་པ་ལྟར་ངོ་བོ་ནི་ཉན་ཐོས་ཆེན་པོ་བརྒྱད་ཡིན་ནོ། །དུར་ཁྲོད་ཀྱི་མཚམས་ཀྱི་ཆུ་ལ་གནས་པའི་ཀླུ་བརྒྱད་ནི། ནོར་རྒྱས་དང་ནི་འཇོག་པོ་དང་། སྟོབས་ཀྱི་རྒྱུ་དང་པདྨ་དག །ཤར་ནས་བརྩམས་ཏེ་གཡོན་དུ་དགོད། །པདྨ་ཆེ་དང་མཐའ་ཡས་དང་། །རིགས་ལྡན་དང་ནི་དུང་སྐྱོང་ནི། །གཡས་ཀྱི་ཕྱོགས་སུ་དགོད་པའོ། །ཞེས་གསུངས་པ་ལྟར་ལ། ཀླུ་བརྒྱད་ཀྱི་ངོ་བོ་ནི་འཁོར་ལོས་སྒྱུར་བའི་ཡོན་བདག་བརྒྱད་ཡིན་ལ། སོ་སོའི་སྐུ་མདོག་ཀྱང་རིམ་པ་ལྟར་སེར་པོ་དམར་པོ་ལྗང་གུ་དཀར་པོ་སེར་པོ་སྔོན་པོ་ཁྲ་བོ་དཀར་པོ་ཅན་

― KMC014_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཀྱང་ཐལ་སྦྱར་ནོར་བུ་ཐོགས་པ་ལུས་ཕྱེད་ཆུ་སྟེང་དུ་ཐོན་པར་འགྲེལ་པ་རྣམས་སུ་འབྱུང་ངོ་། །སྤྲིན་བརྒྱད་ནི། སྒྲ་སྒྲོགས་པ་དང་རྨུགས་པ་དང་། །མུན་པ་ཅན་དང་ཀུན་ཏུ་འཁྱིལ། །ཤར་ནས་བྱང་གི་ཕྱོགས་སུ་འཁོད། །འཁྲིགས་པ་གང་བ་འབབ་པ་དང་། །དྲག་པོ་སྤྲིན་ཚོགས་མཚམས་ལ་དགོད། །ཅེས་གསུངས་ལ། སྤྲིན་བརྒྱད་ཀྱི་ངོ་བོ་ནི་རང་རྒྱལ་བརྒྱད་དེ་སོ་སོའི་མདོག་ཀྱང་རིམ་པ་ལྟར་སྔོན་པོ་དཀར་པོ་ནག་པོ་སེར་པོ་དམར་པོ་སེར་པོ་ལྗང་གུ་སྣ་ཚོགས་ཀྱི་མདོག་ཏུ་འགྲེལ་པར་བཤད་དོ། །རི་བརྒྱད་ཀྱང་། ཤར་གྱི་རི་སྣ་ཚོགས་མདོག །བྱང་གི་རི་སེར་པོ། ནུབ་ཀྱི་རི་ནག་པོ། ལྷོའི་རི་དཀར་པོ། ཤར་ལྷོའི་རི་དཀར་པོ། ལྷོ་ནུབ་ཀྱི་རི་ལྗང་གུ། ནུབ་བྱང་གི་རི་སེར་པོ། བྱང་ཤར་གྱི་རི་སྔོན་པོ་རྣམས་ལ་བརྟེན་པའི་མཆོད་རྟེན་བརྒྱད་དང་དེའི་དྲུང་དུ་གྲུབ་པའི་རྫས་བརྒྱད་ཀྱི་དངོས་གྲུབ་ཐོབ་པའི་གྲུབ་པའི་རིག་འཛིན་བརྒྱད་སོགས་དུར་

― KMC014_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོད་ཀྱི་བཀོད་པ་འཇིགས་སུ་རུང་བ་སྣ་ཚོགས་པ་དང་ལྡན་པ་སྟེ། རྒྱུད་ལས། སེང་གེ་ཅེ་སྤྱང་ཁྱི་སྒྲ་སྒྲོགས། །སྟག་དང་ཝ་དང་ཕག་རྣམས་དང་། །བྱི་ལ་རྐྱང་དང་གདུག་པའི་སྦྲུལ། །ཁྭ་དང་འུག་པ་ལ་སོགས་བྱ། །གསལ་ཤིང་བསྐྱོན་དང་མདུང་གིས་ཕུག །ཀེང་རུས་ཕྱེད་མགོ་རུས་པ་རྣམས། །ཐབ་ཏུ་ཚིག་དང་ཕྱེད་ཚིག་པ། །ཤ་ཟ་དང་ནི་རོ་སྒྲུབ་བྱེད། །གྲུབ་ཐོབ་གཏོར་མ་སྟེར་བ་དང་། །རྣལ་འབྱོར་མ་ཚོགས་མཆོད་པ་དང་། །གྲི་གུག་ཐོད་པ་ཁ་ཊྭཱཾ་ག །རྔེའུ་ཆུང་ཁ་ཟས་དཔག་མེད་སྣོད། །མཆོད་རྟེན་དཀར་པོའི་རི་ལ་གནས། །གྲུབ་ཆེན་བརྒྱད་ཀྱིས་བརྒྱན་པའོ། །རྣམ་ཤེས་བརྒྱད་ཀྱི་དག་པ་ཡང་། །སྟོན་པ་འདི་ཡི་དུར་ཁྲོད་དོ། །ཞེས་དང་། དུར་ཁྲོད་ཀྱི་དག་པ་ཡང་། རྒྱུད་ལས། ཆོས་ཀྱི་དབྱིངས་ཀྱི་དུར་དུ་མཆི། །གསང་བའི་རིག་པའི་ཡེ་ཤེས་ཁྲོད། །རྣམ་ཤེས་དག་པས་དུར་ཁྲོད་བརྒྱད། །ཕྱོགས་སྐྱོང་མི་དགེ་བཅུ་པོ་སྤོངས། །སངས་རྒྱས་བརྒྱད་ཀྱི་མཚན་

― KMC014_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཤིང་། །ཞིང་སྐྱོང་སྔགས་ཀྱི་ཐེག་པ་སྲུང་། །གདུག་པ་འཇོམས་ཕྱིར་ཀླུ་བརྒྱད་འགོད། །མཆོད་རྟེན་རང་སངས་རྒྱས་ཀྱི་གནས། །རྣལ་འབྱོར་བརྟུལ་ཞུགས་སྤྱོད་པ་བྱེད། །ཆུ་ནི་བརྗོད་བྱ་ཟབ་པ་ལ། །མེ་སོགས་རྟོགས་པ་བྲལ་བའོ། །ཞེས་གསུངས་སོ། །དེ་དག་ནི་རྟེན་གཞལ་ཡས་ཁང་གི་བཀོད་པ་སྟེ། གཞལ་མེད་ཁང་ཞེས་པའི་སྒྲ་དོན་ནི། ཡཱ་ན་ཚད་ལ་གཞལ་བའི་སྐད་དོད་ཀྱི་སྔུན་དུ་དགག་ཚིག་ནི་བཞག་པས། ནི་ཡཱ་ན་ཞེས་པ་གཞལ་མེད་ཁང་ཏེ། དེའི་རྒྱན་དང་བཀོད་པའི་ཁྱད་པར་བསམ་ལས་འདས་ཕྱིར་གཞན་གང་གིས་ཀྱང་བསྒྲུན་ཅིང་གཞལ་དུ་མེད་པས་ན་གཞལ་མེད་ཁང་ཞེས་བྱ་ལ། དེའི་སྒོ་རྒྱན་ལ་རྟ་བབས་ཞེས་བྱ་བའི་དོན་ཡང་། ཏྭ་ར་མགྱོགས་པའི་དབྱིངས་ལ་བསྒྲུབས་པས་ཏྭ་ར་ཎ་ཕྱི་སྒོའམ་རྟ་བབས་ཏེ། རྒྱ་གར་པའི་གཙུག་ལག་ཐམས་ཅད་ཀྱི་ཕྱི་སྒོར་རྟ་བབས་ཡོད་པས་དེའི་དྲུང་དུ་སླེབ་པ་དང་ཐམས་ཅད་རྟ་ལས་བབ་པར་

― KMC014_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པའི་མཚམས་ཡིན་ཕྱིར་རྟ་བབས་ཞེས་མིང་དུ་ཆགས་པར་འཆི་མེད་མཛོད་དུ་གསུངས་སོ། །དེ་བཞིན་རྟ་བབས་ཀྱི་སྐར་ཁུང་ལ་གླང་རྒྱབ་ཞེས་འདོགས་པའང་གླང་པོའི་རྒྱབ་ཏུ་བཀལ་བའི་ནོར་བུ་མིག་གསུམ་པའི་དབྱིབས་ལྟ་བུར་ཡོད་པའི་མིང་ཆགས་པར་བཤད་དོ། །དེ་ནས་སྐྱེ་སྲིད་སྦྱོང་བའི་ཕྱིར་དུ་བརྟེན་པ་ལྷ་བསྐྱེད་ཚུལ་ལའང་རྒྱས་པར་མངོན་བྱང་ལྔ་བསྐྱེད་དང་། འབྲིང་པོ་རྡོ་རྗེ་བཞི་བསྐྱེད་དང་། བསྡུས་པ་ཆོ་ག་གསུམ་བསྐྱེད་དང་རྣམ་པ་གསུམ་ལས་འདིར་ནི་རྡོ་རྗེ་བཞི་བསྐྱེད་དང་འབྲེལ་པ་སྟེ། བརྟག་གཉིས་དང་འདུས་པའི་རྒྱུད་ཕྱི་མ་ལས། དང་པོ་སྟོང་ཉིད་བྱང་ཆུབ་སྟེ། །གཉིས་པ་ས་བོན་བསྡུ་བ་ཡིན། །གསུམ་པ་གཟུགས་ནི་རྫོགས་པ་སྟེ། །བཞི་པ་ཡི་གེ་དགོད་པའོ། །རྡོ་རྗེ་རྣམ་བཞི་འདི་དག་གིས། །ཐ་མ ལ་སྒྲུབ་པ་བསྙེན་པར་བྱ། །ཞེས་གསུངས་པ་ལྟ་བུའི་བསྐྱེད་པའི་རིམ་པ་ལ་འཇུག་པའི་ཐོག་མར་སྦྱང་གཞི་སྦྱོང་བྱེད་ལ་ངེས་པ་ཅུང་ཟད་

― KMC014_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་དགོས་པས་མངལ་དུ་ཕ་མའི་ཁམས་དཀར་དམར་དང་བར་དོའི་རྣམ་ཤེས་རླུང་དང་བཅས་པ་ཚོགས་པ་གཅིག་ཏུ་གྱུར་པ་ནི་རྒྱུད་སྡེ་སྤྱིར་གྲགས་པའི་རྒྱུའི་རྡོ་རྗེ་འཆང་ངམ་འཁོར་ལོ་བདེ་མཆོག་ཉིད་ཡིན་པས། དེ་ལྟར་གཞི་དུས་ཀྱི་ལྷར་རྫོགས་པའི་ཚུལ་ལམ་དུ་བྱེད་པ་ལ། དང་པོ་འཆི་སྲིད་བར་དོ་དང་བཅས་པ་སྦྱོང་བའི་ཕྱིར་སྟོང་ཉིད་བྱང་ཆུབ་བསྒོམ་པ་ནི་རྟེན་གཞལ་ཡས་བསྐྱེད་པའི་ཐོག་མར་སོང་ཟིན་ལ། གཉིས་པ་བར་དོའི་རྣམ་ཤེས་ཁམས་དཀར་དམར་གྱི་དབུས་སུ་ཞུགས་ཏེ་རྟེན་བརྟེན་པར་བཅས་པ་སྦྱང་བའི་ཕྱིར་ས་བོན་བསྡུ་བ་ནི། གཞལ་ཡས་ཁང་གི་དབུས་སུ་འཁོར་བའི་སྐྱོན་གྱིས་མ་གོས་པའི་ཕྱིར་པདྨ་དང་། མ་རིག་པའི་མུན་པ་སེལ་བའི་ཕྱིར་ཉི་མའི་དཀྱིལ་འཁོར་གྱི་སྟེང་དུ་རྣམ་པར་ཤེས་པའི་ངོ་བོ་ཧཱུྃ་ཡིག་མཐིང་ནག་འོད་ཟེར་འབར་བ་དེ་ལས་འོད་ཟེར་སྣ་ཚོགས་འཕྲོས། སངས་རྒྱས་དང་བྱང་སེམས་ཐམས་ཅད་

― KMC014_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བྱིན་རླབས་རྣམས་འོད་ཀྱི་རྣམ་པར་བསྡུས་ཏེ་ཧཱུྃ་ལ་ཐིམ་པས་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུྃ་གིས་མཚན་པར་བསྒོམ་པའོ། །གསུམ་པ་རྣམ་སྨིན་གྱིས་ལུས་ཡོངས་སུ་གྲུབ་པའི་བག་ཆགས་སྦྱོང་བའི་ཕྱིར་དུ་སྐུ་ཡོངས་རྫོགས་བསྒོམ་པ་ནི། སླར་ཡང་རྡོ་རྗེ་ཧཱུྃ་མཚན་གྱི་འོད་ཀྱིས་ཁམས་གསུམ་གྱི་སེམས་ཅན་ཐམས་ཅད་ཀྱི་རྒྱུད་ཀྱི་ཉོན་མོངས་པ་ཐམས་ཅད་སྦྱངས་ཏེ་ཀུན་ཀྱང་ཧེ་རུ་ཀའི་གོ་འཕང་ལ་བཀོད་ནས་འོད་ཟེར་སླར་འདུས་པ་དང་ས་བོན་ཕྱག་མཚན་དང་བཅས་པ་ཡོངས་སུ་གྱུར་པ་ལས་བདག་ཉིད་དཔལ་འཁོར་ལོ་སྡོམ་པའི་སྐུར་བསྒོམ་པའོ། །གཙོ་བོའི་མཚན་དུ་དཔལ་འཁོར་ལོ་སྡོམ་པ་ཞེས་པའི་དོན་ཀྱང་། དབྱིངས་དང་ཡེ་ཤེས་གཉིས་སུ་མེད་པའི་ཡེ་ཤེས་ཀྱི་དཔལ་དང་ལྡན་ཅིང་། འཁོར་ལོ་གསུམ་གྱི་དཔའ་བོ་དང་རྣལ་འབྱོར་མ་ཐམས་ཅད་དག་པ་ཡེ་ཤེས་ཀྱི་འཁོར་ལོར་སྡོམ་པས་ན་སྡོམ་པ་སྟེ། དེ་ལའང་རྒྱས་པར་ཕྱི་ནང་གསང་བ་དེ་ཁོ་ན་

― KMC014_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་བཞིར་རྒྱུད་ལས་གསུངས་ཏེ། དཔལ་ནི་གཉིས་མེད་ཡེ་ཤེས་ཏེ། །འཁོར་ལོ་རྣམ་པ་བཞི་རུ་བརྗོད། །ཕྱི་ནང་གསང་བ་དེ་ཉིད་དོ། །དང་པོ་ཕྱི་ཡི་འཁོར་ལོ་ནི། །སྐུ་མདོག་ཕྱག་མཚན་ལྷ་ཡི་སྐུ། །དྲུག་ཅུ་རྩ་གཉིས་རིམ་པ་སྟེ། །ཡེ་ཤེས་དམ་ཚིག་སྐུ་གསུང་ཐུགས། །དཀྱིལ་འཁོར་ཕྱོགས་མཚམས་རིམ་པ་བཞིན། །ལུགས་འབྱུང་ལུགས་ལས་བཟློག་པ་ནི། །ཐ་མལ་གཅོད་པས་ཕྱི་རུ་བཤད། །གཉིས་པ་ནང་གི་འཁོར་ལོ་ནི། །གནས་སོགས་ས་བཅུའི་རིམ་པ་རྣམས། །མཐོ་རིས་ས་སྟེང་ས་འོག་དང་། །འཁོར་ལོ་སྒོ་ལ་དགོད་པ་ནི། ཕྱི་རོལ་སྤྲོས་པ་གཅོད་པའོ། །གསུམ་པ་གསང་བའི་འཁོར་ལོ་ནི། །སྤྲུལ་པ་ཆོས་དང་ལོངས་སྤྱོད་དང་། །དེ་བཞིན་བདེ་བ་ཆེན་པོ་སྟེ། །རྩ་ཆེན་སུམ་ཅུ་རྩ་གཉིས་ཀྱི། །གནས་སུ་གྱུར་པས་སྡུག་བསྔལ་གཅོད། །དགའ་བ་དང་ནི་མཆོག་དགའ་དང་། །རྣམ་པར་དགའ་བའི་གཉེན་པོ་ནི། །བདེ་བ་སྟོང་པ་མི་རྟོག་གསུམ། །

― KMC014_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེར་མེད་རྟོགས་པས་ལྷན་སྐྱེས་ལ། །དེ་ཁོ་ན་ཡི་འཁོར་ལོར་བརྗོད། །སྡོམ་པ་ཕྱི་ནང་གསང་བ་ཉིད། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ལ་སོགས་ཉོན་མོངས་པ། །གཉེན་པོ་ཡེ་ཤེས་ངང་དུ་སྡོམ། །བདག་དང་དངོས་པོར་ལྟ་བ་དང་། །ཐ་མལ་པ་ཡི་རྣམ་རྟོག་ཀྱང་། །དག་པ་ལྷ་ཡི་འཁོར་ལོར་སྡོམ། །གཟོད་ནས་ལུས་ལ་གྲུབ་པ་ཡི། །རྩ་དང་རླུང་དང་བྱང་སེམས་དང་། །ཨ་བ་དྷཱུ་ཏིའི་ནང་དུ་སྡོམ། །བདེ་དང་སྟོང་པ་མི་རྟོག་དང་། །དངོས་དང་དངོས་མེད་ཡེ་ཤེས་ཀྱང་། །དབྱེར་མེད་གཉུག་མའི་ངང་དུ་སྡོམ། །ཞེས་གསུངས་པ་ལྟར་ལ། མཚན་གྱི་རྣམ་གྲངས་ལ་བདེ་མཆོག་ཞེས་པའང་། བདེ་ཆེན་དགའ་བཞིའི་ཡེ་ཤེས་ལས་མཆོག་ཏུ་གྱུར་པ་འཕོ་མེད་དོན་དམ་ལྷན་ཅིག་སྐྱེས་དགའི་ཡེ་ཤེས་མཐར་ཐུག་བརྙེས་པས་དེ་སྐད་ཅེས་བྱའོ། །དེ་ཡང་བྱམས་པའི་ཐུགས་མངའ་ཆོས་ཉིད་མི་འགྱུར་བས་སྐུ་མདོག་སྔོ་སངས་ཟར་མའི་མེ་ཏོག་ལྟ་བུ། ཆོས་

― KMC014_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཆོས་ཉིད་ཀྱི་ངང་དུ་རོ་གཅིག་པས་ཞལ་གཅིག་པ། དུས་གསུམ་སྒྲིབ་མེད་དུ་གཟིགས་པས་སྤྱན་གསུམ་པ། མ་རུངས་པ་དང་ཉོན་མོངས་པ་འཇོམས་པས་ཞལ་གྱི་མཆེ་བ་ཅུང་ཟད་གཙིགས་པ། འདོད་ཆགས་ལ་དགའ་བ་ཉིད་ཆོས་ལ་འཛུད་པའི་ཕྱིར་རལ་པའི་ཅོད་པན། དྲག་པོ་ལ་སོགས་པ་གཞན་གྱིས་མི་ཐུབ་པའི་ཕྱིར་རྩེ་མོར་ནོར་བུས་བརྒྱན་པ། བྱང་ཆུབ་ཀྱི་སེམས་དང་དེས་འཕགས་པའི་ལས་སྣ་ཚོགས་མཚོན་པའི་ཕྱིར་མདུན་དུ་སྣ་ཚོགས་རྡོ་རྗེ་དང་ཟླ་བ་ཕྱེད་པས་སྤྲས་པ། སྐུ་གསུམ་མཚོན་པའི་ཕྱིར་དར་སུམ་འཁྱོག་གི་དར་དཔྱང་། རིགས་ལྔའི་ཕྱག་རྒྱ་ལྔ་དང་ལྡན་པས་ཐོད་པ་སྐམ་པོ་ལྔའི་དབུ་རྒྱན་དང་རིན་པོ་ཆེའི་རྩེ་བྲན། འཇིག་རྟེན་པའི་སེམས་བྱུང་རྣམས་བཅོམ་པས་ཐོད་རློན་ལྔ་བཅུའི་དོ་ཤལ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པས་ཕྱག་རྒྱ་དྲུག་གིས་བརྒྱན་པ་སྟེ། རྣལ་འབྱོར་མའི་ཀུན་སྤྱོད་ལས།

― KMC014_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

མགུར་ཆུ་དཔུང་རྒྱན་རྣ་ཆ་དང་། །ཐོད་པའི་ཕྲེང་བས་རྣམ་པར་བརྒྱན། །མཆོད་ཕྱིར་ཐོགས་དང་ཐལ་བ་ནི། །ཕྱག་རྒྱ་དྲུག་པར་རབ་ཏུ་བཤད། །ཕ་རོལ་ཕྱིན་དྲུག་རྣམ་དག་པས། །ཕྱག་རྒྱ་དྲུག་གིས་རྣམ་པར་བརྒྱན། །ཅེས་གསུངས་པ་ལྟར་རྣ་ཆ་ནི་བཟོད་པ། གདུབ་བུ་ནི་ཚུལ་ཁྲིམས། མགུལ་རྒྱན་ནི་བརྩོན་འགྲུས། སྤྱི་གཙུག་གི་ནོར་བུ་ནི་སྦྱིན་པ། མཆོད་ཕྱིར་ཐོགས་ཏེ་མིའི་རྒྱུས་པ་བསྒྲིལ་བའི་སེ་རལ་ཁ་ནི་བསམ་གཏན། ཐལ་བ་སྟེ་མིའི་ཐལ་ཆེན་ལུས་ལ་བྱུགས་པ་ནི་ཤེས་རབ་བོ། །སྒེག་པ་ལ་སོགས་པའི་གར་ཉམས་དགུ་ནི། གློག་གི་ཕྲེང་བ་ལས། སྒེག་པ་དཔའ་བ་མི་སྡུག་པ། །དགོད་དང་དྲག་ཤུལ་འཇིགས་སུ་རུང་། །སྙིང་རྗེ་རྔམ་དང་ཞི་བ་སྟེ། །གར་དགུའི་ཉམས་དང་ལྡན་པའོ། །ཞེས་པ་སྟེ། དེ་ཡང་ཕྱག་གཉིས་ཤེས་རབ་ཡུམ་ལ་འཁྲིལ་ཏེ་འགྱིང་བག་དང་ལྡན་པས་སྒེག་པ། བདུད་དང་སྒྲིབ་གཉིས་མྱང་འདས་དམན་པ་གཉིས་ལས་རྒྱལ་བས་

― KMC014_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

ན་དཔའ་བ། ལོག་པར་ལྟ་བ་རྣམས་ལ་མ་རངས་པས་བཞིན་དང་བཞུགས་སྟངས་མི་སྡུག་པ། རྔམ་པའི་སྒྲ་ཨཱ་རལླི་སོགས་ཀྱིས་འགྲོ་བ་འདུལ་བས་རྒོད་པ། སྨིན་མ་བསྡུས་པ་དང་མཆེ་བ་གཙིགས་པ་ལ་སོགས་པས་མ་རུང་བསྐྲག་པར་མཛད་པས་དྲག་ཤུལ། མ་རུངས་པའི་ཐོད་པའི་ཕྲེང་བ་དང་སྟག་གི་པགས་པ་ལ་སོགས་པ་དང་ལྡན་པས་འཇིགས་སུ་རུང་བ། །འཇིགས་བྱེད་དང་དུས་མཚན་ཞབས་ཀྱིས་མནན་ཀྱང་སྲོག་དང་མ་ཕྲལ་བས་སྙིང་རྗེ། འགལ་བའི་ཆོས་ཆགས་པ་མེད་ཀྱང་ཆགས་ཚུལ་གྱིས་ཡུམ་ལ་འཁྲིལ་བས་རྔམ་པ། སྐུ་དྲང་བ་དང་དྭང་བ་དང་སྣུམ་པ་དང་བརྟགས་ན་ངང་གིས་ཞི་བས་ན་ཞི་བ་སྟེ་གར་གྱི་ཉམས་དགུ་དང་ལྡན་ཅིང་། ཉོན་མོངས་དང་རྣམ་རྟོག་རྣམ་པར་བཅོམ་པས་སྟག་ལྤགས་ཀྱི་ཤམ་ཐབ་གྲོལ་བའི་ཚུལ་དུ་མནབ་པ། ཐབས་ཀྱིས་དགེ་བའི་ཆོས་མཐའ་དག་སྡུད་པས་རྡོ་རྗེ་དང་། ཤེས་རབ་ཀྱིས་དེའི་མི་མཐུན་

― KMC014_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་གཅོད་པའི་དྲིལ་བུ་བཅས་འཛིན་པས་ཡུམ་ལ་འཁྱུད་པ། འཁོར་བ་དག་པས་ཞབས་གཡས་བརྐྱང་བ་དང་། མི་གནས་པའི་མྱ་ངན་ལས་འདས་པའི་ཕྱིར་ཞབས་གཡོན་ཅུང་ཟད་བསྐུམ་པ། རྟག་ཆད་གཉིས་ཀྱི་མཐའ་དང་བྲལ་བའི་ཕྱིར་རྟག་པའི་རྣམ་པར་རྟོག་པའི་རང་བཞིན་འཇིགས་བྱེད་དེ་དབང་ཕྱུག་ནག་པོ་མགོ་སྐེ་བལྟབས་པའི་དཔྲལ་བ་ན་ཞབས་གཡས་པས་མནན་པ། ཆད་པའི་རྣམ་པར་རྟོག་པའི་རང་བཞིན་དུས་མཚན་ཏེ་ཨུ་མ་དེ་བཱི་དམར་མོའི་ནུ་མའི་བར་དུ་གཡོན་བསྐུམ་པས་བརྫིས་པ། དེ་གཉིས་ཀས་ཀྱང་ལག་ན་གྲི་གུག་དང་ཐོད་པ་ཐོགས་པའོ། །གཙོ་བོའི་པང་དུ་སྦྱོར་བའི་ཡུམ་ནི་རྡོ་རྗེ་ཕག་མོ་སྟེ། དེའི་མཚན་གྱི་སྒྲ་དོན་ནི། རྣམ་པར་རྟོག་པའི་སྐྱོན་གྱིས་མ་གོས་པས་ཕག་དང་། ཆོས་ཀྱི་དབྱིངས་ལ་གཙང་རྨེའི་རྟོག་པའི་སྤྲོས་པ་བྲལ་བས་ན་མོ་ཞེས་བྱ་སྟེ། ཕག་མོ་མངོན་པར་འབྱུང་བའི་རྒྱུད་ལས། རྣམ་རྟོག་ཅིས་ཀྱང་མ་གོས་

― KMC014_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

པས། །ཕག་ཅེས་བྱ་བ་རྟོག་མེད་ཡིན། །དབྱིངས་ཉིད་རྟོག་པ་སྤྲོས་བྲལ་བས། །མོ་ཞེས་བྱ་བ་དབྱིངས་སུ་ཐིམ། །ཞེས་དང་། དེ་ལའང་དབྱེ་ན་དོན་དམ། བརྗོད་པ། དབྱིངས་ཀྱི་ཕག་མོ་གསུམ་དུ་གསུངས་ཏེ། དོན་དམ་སྐྱེ་མེད་ཕག་མོ་ནི། །སྐྱེ་འགག་མེད་པས་ཆོས་སྐུ་ཡིན། །བརྗོད་པ་སྒྲ་ཡི་ཕག་མོ་ནི། །ཕག་ནི་ཀཱ་ལི་ཐབས་ཡིན་ལ། །མོ་ནི་ཨཱ་ལི་ལོངས་སྐུར་འདོད། །མཚོན་པ་དབྱིངས་ཀྱི་ཕག་མོ་ནི། །སྟོང་ཉིད་མཚོན་པའི་སྐུ་མདོག་ལ། །རྟོག་མེད་སྙིང་རྗེ་ཕག་གི་གདོང་། །ཐབས་དང་ཤེས་རབ་ཕག་མོ་ལ། །བདེ་སྟོང་སྐྱོན་བྲལ་གཅེར་བུ་ནི། །རྟོག་པ་མེད་པས་སྤྲུལ་སྐུའོ། །ཞེས་གསུངས་པ་ལྟར་ལ། འགྱུར་མེད་བདེ་བ་ཆེན་པོའི་རང་མདངས་སྟོང་པ་ཉིད་ལ་ཡེ་ཤེས་སྐྱེར་འཇུག་པས་སྐུ་མདོག་དམར་མོ། ཆོས་ཐམས་ཅད་དོན་དམ་པའི་བདེན་པར་རོ་གཅིག་པས་ཞལ་གཅིག །ཤེས་རབ་ཀྱིས་ཐབས་དབང་དུ་བྱས་པས་ཕྱག་གཉིས་མ།

― KMC014_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་གཟིགས་ཕྱིར་སྤྱན་གསུམ་པ། ཆོས་དབྱིངས་ལ་ཡེ་ཤེས་སྐྱེར་འཇུག་པས་སྐྲ་གྲོལ་བ། རིགས་ལྔ་བདག་པོ་ལྔའི་རང་བཞིན་མཚོན་ཕྱིར་ཐོད་སྐམ་ལྔས་བརྒྱན་པ། འདུ་བྱེད་ལྔ་བཅུ་རྩ་གཅིག་དག་པའི་ཕྱིར་ཐོད་པ་སྐམ་པོ་ལྔ་བཅུ་རྩ་གཅིག་གི་དོ་ཤལ་བྱས་པ། ཕར་ཕྱིན་ལྔ་རྣམ་པར་དག་པའི་ཕྱིར་ཐལ་བ་སྤངས་པའི་ཕྱག་རྒྱ་ལྔས་བརྒྱན་པ་སྟེ། འདིར་ཤེས་རབ་མེད་པ་ནི་ལྷ་མོ་ཉིད་ཤེས་རབ་ཡིན་པས་སོ། །ཕྱག་གཡས་པ་བགེགས་ལ་བསྡིགས་པའི་སྡིགས་མཛུབ་ཀྱིས་གཟུང་འཛིན་གྱི་སྤྲོས་པ་གཅོད་པའི་གྲི་གུག་འཛིན་པ། ཕྱག་གཡོན་པས་སྟོང་པ་དང་སྙིང་རྗེ་མཚོན་པའི་ཕྱིར་ཐོད་པ་བདུད་རྩིས་བཀང་བ་དང་བཅས་ཏེ་ཡབ་ལ་འཁྱུད་པ། ཐབས་དང་ཤེས་རབ་མཉམ་པའི་བསམ་གཏན་དང་ལྡན་པས་ཞབས་གཡོན་བརྐྱང་གཡས་བསྐུམ་གྱིས་འཁྲིལ་བས་བདེ་ཆེན་གྱི་ཡེ་ཤེས་རྒྱས་པ། སྐུ་གཅེར་བུ་ནི་ཐབས་དང་ཤེས་རབ་གཉིས་མེད་དེ་སྒྲིབ་པ་ལ་

― KMC014_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པ་དང་ལྷན་ཅིག་མི་གནས་པའོ། །གར་ཉམས་དགུ་དང་། ཕྱག་རྒྱ་དྲུག་དང་། དག་དྲན་རྣམས་ལའང་བཤད་ཚུལ་མང་ཡང་འདིར་ནི་ལཱུ་ཡི་པའི་རིགས་དྲུག་གི་སྒྲུབ་ཐབས་མངོན་རྟོགས་རྣམ་འབྱེད་ལས་གསུངས་པ་ལྟར་བཀོད་པའོ། །དེ་ནས་ཕྱོགས་བཞིའི་པདྨ་འདབ་མ་བཞི་ལ་དབུགས་བྲལ་གྱི་སྙིང་གར་ཉི་མའི་གདན་ལ་མདུན་དུ་མཁའ་འགྲོ་མ་མཐིང་ག །གཡོན་ཕྱོགས་སུ་ལཱ་མ་ལྗང་གུ། རྒྱབ་ཕྱོགས་སུ་དུམ་སྐྱེས་མ་དམར་མོ། གཡས་སུ་གཟུགས་ཅན་མ་སེར་མོ། བཞི་ཀ་ཡང་ཞལ་གཅིག་ཕྱག་གཉིས་གཡས་ཀྱིས་གྲི་གུག་དང་། གཡོན་གྱིས་ཐོད་པ་ཁྲག་གིས་གང་བ་འཛིན་པ། གྲུ་མོར་ཁ་ཊྭཱཾ་ག་དང་། རུས་པའི་རྒྱན་ཆ་ལྔས་བརྒྱན་པ། གཅེར་མོ་སྤྱན་གསུམ་སྐྲ་གྲོལ་གཡས་བརྐྱང་གཡོན་བསྐུམ་སྟབས་ཀྱིས་བཞུགས་པ་སྟེ། ལྷ་མོ་བཞི་ཡི་མཚན་ནི། གཙོ་བོ་ཡབ་ཡུམ་གྱི་ཁམས་ཟླ་ཉི་ལྷུང་བ་ལས་སྐྱེས་པ་ཆོས་ཉིད་ཀྱི་མཁའ་ལ་

― KMC014_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པའི་རྩལ་གྱིས་ལུས་མི་སྣང་བར་འགྲོ་བས་ན་མཁའ་འགྲོ་མ་སྟེ། ནག་པོ་པའི་བདེ་མཆོག་འཁོར་ལོའི་བཤད་པ་ལས། ཉི་ཟླ་རྣམ་དག་སྲིད་ལས་སྐྱེས། །རང་བཞིན་གྱིས་ནི་རོ་མཉམ་དེ། །པདྨ་མཆོག་གི་གནས་སུ་ལྷུང་། །དེ་སྐྱེས་རང་བྱུང་ཡང་དག་ལྡན། །ཌཱ་ནི་མཁའ་འགྲོ་མ་ཞེས་བྱ། །སངས་རྒྱས་ཁམས་སུ་རབ་ཏུ་བཏགས། །ནམ་མཁར་ཀུན་ཏུ་རྒྱུ་གྲུབ་པས། །མཁའ་འགྲོ་མ་ཞེས་བྱ་བར་བརྗོད། །ཅེས་དང་། དེ་ལས་སྐྱེས་པའི་མཁའ་འགྲོ་མའི་གཟུགས་ཀྱི་རྣམ་པའི་ཚུལ་ཇི་བཞིན་དུ་འཛིན་པས་ན་གཟུགས་ཅན་མ་སྟེ། དེ་ལས་སྐྱེས་པ་གཟུགས་ཇི་བཞིན། །གཟུགས་ཅན་མ་ཞེས་མངོན་པར་བརྗོད། །ཅེས་དང་། མཁའ་འགྲོ་མའི་སྐུའི་བཀོད་པའི་ཆ་ཤས་དུམ་བུ་ལས་སྐྱེས་པས་ན་དུམ་སྐྱེས་མ་སྟེ། །གཟུགས་ལས་རིམ་པར་སྐྱེས་པ་ཉིད། །མཚོན་པར་ཡང་ནི་དུམ་སྐྱེས་མ། །ཞེས་དང་། སྐྱེས་པ་དང་བུད་མེད་ཀྱི་མཛེས་པའི་ཆོས་ཐམས་ཅད་

― KMC014_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་རྫོགས་པས་ན་ལཱ་མ་སྟེ། གང་ཡང་མཛེས་པས་ཡོངས་གང་ན། །སྐྱེས་པ་བུད་མེད་ལས་བྱུང་བ། །མཚན་མ་ཀུན་གྱི་ཡོངས་སུ་རྫོགས། །དེས་ན་ལཱ་མར་རབ་ཏུ་གྲགས། །ཞེས་གསུངས་ལ། ཡང་མཁའ་འགྲོ་རྒྱ་མཚོའི་དབང་གི་རབ་བྱེད་ལས། མཆོག་ཏུ་འགྲོ་བའི་ངང་ཚུལ་ཕྱིར། །མཁའ་འགྲོ་མ་ཞེས་རབ་ཏུ་གྲགས། །གང་ཞིག་རྟག་ཏུ་གདུག་ཟ་བ། །ལཱ་མ་ཞེས་བྱར་དེ་བཞིན་དྲན། །དེ་བཞིན་ཤེས་བྱ་གཞན་ཉིད་ཀྱང་། །དུམ་བུར་བྱེད་ཅིང་སྐྱེད་པས་ཀྱང་། །དུམ་སྐྱེས་མ་ཞེས་བྱ་བར་བརྗོད། །སྣ་ཚོགས་པ་ཡི་གཟུགས་འཛིན་ཕྱིར། །གཟུགས་ཅན་མ་ཞེས་རབ་ཏུ་བཤད། །ཅེས་གསུངས་སོ། །མཁའ་འགྲོ་མ་བཞིའི་ངོ་བོ་ནི་ཨིནྡྲ་བྷུ་ཏིའི་རྒྱ་གཞུང་ལས། རྡོ་རྗེ་མཁའ་འགྲོ་མ་ནི་ཉེ་བའི་མཱ་མ་ཀཱི་སྟེ་གྲི་གུག་དང་ཀ་པཱ་ལ་ཐོགས་པའི་སྔོན་མོའོ། །རྡོ་རྗེ་ལཱ་མ་ནི་ཉེ་བའི་སྒྲོལ་མ་སྟེ་གྲི་གུག་དང་ཀ་པཱ་ལ་བསྣམས་པའི་ལྗང་གུའོ། །དུམ་སྐྱེས་མ་ནི་ཉེ་

― KMC014_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གོས་དཀར་མོ་སྟེ་གྲི་གུག་དང་ཀ་པཱ་ལ་ཐོགས་པ་དམར་མོའོ། །གཟུགས་ཅན་མ་ནི་ཉེ་བའི་སངས་རྒྱས་སྤྱན་མ་སྟེ་གྲི་གུག་དང་ཀ་པཱ་ལ་ཐོགས་པ་སེར་མོའོ། །ཞེས་གསུངས་སོ། །དེ་ནས་དག་པ་ནི། གཡས་ཀྱི་གྲི་གུག་ནི་ཡེ་ཤེས། གཡོན་གྱི་ཐོད་པ་ནི་སྙིང་རྗེ། ཁ་ཊྭཱཾ་ག་ནི་བསམ་གཏན་ཏེ་གཞན་རྣམས་སྔར་བཤད་པ་དང་འདྲའོ། །དེ་ནས་མཚམས་བཞིའི་པད་སྟེང་དུ་ཟླ་བའི་སྟེང་དུ་བུམ་པ་བདུད་རྩི་ལྔས་གང་བ་དང་ཐོད་པ་ཤ་ལྔས་གང་བ་བསྒོམ་པ་ནི། ཨིནྡྲ་བྷུ་ཏིའི་བདེ་མཆོག་ཉུང་ངུའི་རྣམ་བཤད་ལས། མཚམས་བཞིའི་བུམ་པ་ནི། རྣམ་སྣང་དང་། རིན་འབྱུང་དང་། སྣང་མཐའ་དང་། དོན་ཡོད་གྲུབ་པ་བཞི་ནང་དུ་བཞུགས་པའི་ཕྱི་རོལ་དུ་བུམ་པར་སྣང་བའོ། །བུམ་པའི་སྟེང་གི་ཐོད་པའི་ཤ་ལྔ་ནི་འཆི་བདག་གི་བདུད་འཇོམས་པའོ། །པདྨས་མཚན་པའི་གྲི་གུག་གི་ཕྲེང་བས་བསྐོར་བ་ནི་འགྲེལ་པས་ཁ་བསྐང་བའོ། །ཞེས་གསུངས་སོ། །དེ་ནས་བྱང་

― KMC014_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་རྣམ་པར་དག་པའི་ངོ་བོ་ནི་དཀྱིལ་འཁོར་གྱི་འཁོར་ལོའི་དཔའ་མོ་སུམ་ཅུ་རྩ་བདུན་ཏེ། གཙང་བདེ་རྟག་བདག་བཞིར་ཞེན་པའི་གཉེན་པོ་ནི་དྲན་པ་ཉེར་བཞག་བཞི་སྟེ། དྲན་པ་ནི་ཉམས་སུ་མྱོང་བའི་དོན་མི་བརྗེད་པ། དེ་ལ་འཛིན་མེད་དུ་བློ་ཉེ་བར་འཇོག་པ་ནི་དྲན་པ་ཉེ་བར་འཇོག་པ་སྟེ། དེ་ཡང་འདི་ལྟར་འབྱུང་བ་དང་འབྱུང་བ་ལས་གྱུར་པའི་དབང་པོ་ལྔ་ཚོགས་པ་ནི་ལུས་ཏེ། དེ་ཉིད་ལ་སེམས་མ་ཡེངས་པར་དྲན་པ་ཉེ་བར་བཞག་པས་ལུས་ལ་ཐ་མལ་པའི་གཙང་འཛིན་གྱི་རྟོག་པ་དང་བྲལ་ཏེ་གཙང་མའི་ཕ་རོལ་ཏུ་སོན་པར་གྱུར་པ་ནི་ལུས་དྲན་ཉེར་བཞག་སྟེ་དེ་རྣམ་པར་དག་པའི་ངོ་བོ་ནི་མཁའ་འགྲོ་མའོ། །བདེ་སྡུག་ལ་སོགས་པ་ཉམས་སུ་མྱོང་བ་ནི་ཚོར་བ་སྟེ། དེ་ལ་སེམས་ཉེ་བར་བཞག་པས་བདེ་འདོད་ཀྱི་རྟོག་པ་རང་སར་གྲོལ་ཏེ་བདེ་བ་མཆོག་གི་ཕ་རོལ་ཏུ་སོན་པ་ནི་ཚོར་བ་དྲན་པ་ཉེ་བར་

― KMC014_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་པ་སྟེ་དེ་རྣམ་པར་དག་པའི་ངོ་བོ་ནི་ལཱ་མའོ། །ཡང་དག་པའི་མཐའ་ནི་ཆོས་ཏེ་དེ་ལ་སེམས་ཉེ་བར་བཞག་པས་རྟག་ཆད་ཀྱི་མཐའ་ཐམས་ཅད་རང་སར་བྲལ་ཏེ་ཆོས་ཉིད་འགྱུར་མེད་རྟག་པ་དམ་པའི་ཕ་རོལ་ཏུ་ཕྱིན་པ་ནི་ཆོས་དྲན་ཉེར་བཞག་སྟེ་དེ་རྣམ་པར་དག་པ་ནི་དུམ་སྐྱེས་མའོ། །ཡུལ་སྣང་སོ་སོར་སྣང་བ་ཙམ་གྱི་རྣམ་ཤེས་ནི་སེམས་ཏེ། དེ་ལ་དྲན་པ་ཉེ་བར་བཞག་པས་བདག་ཏུ་འཛིན་པ་ཐམས་ཅད་རང་སར་གྲོལ་ཏེ་བདག་དམ་པའི་ཕ་རོལ་ཏུ་སོན་པ་ནི་སེམས་དྲན་པ་ཉེར་བཞག་སྟེ་དེ་རྣམ་པར་དག་པའི་ངོ་བོ་ནི་ལྷ་མོ་གཟུགས་ཅན་མའོ། །དེ་ཡང་ནང་ལྟར་ན་སྙིང་ག་ཆོས་ཀྱི་འཁོར་ལོའི་རྩ་བརྒྱད་ལས་ཕྱོགས་ཀྱི་འདབ་མ་བཞིའི་ངོ་བོ་ནི་མཁའ་འགྲོ་མ་བཞི་དང་། མཚམས་ཀྱི་རྩ་བདུད་རྩི་འབབ་པ་བཞི་ཡི་ངོ་བོ་ནི་བུམ་པ་བཞི་སྟེ། དཔྱིད་ཀྱི་ཐིག་ལེ་ལས། འདབ་མ་རྣམས་ན་བཞི་པོ་ཡང་། །ཕྱོགས་བཞིར་རྣམ་པར་གནས་པ་སྟེ། །འབྱུང་བ་བཞི་

― KMC014_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་རྩ་རྣམས་ནི། །ཐུགས་ཀྱི་རྡོ་རྗེའི་གནས་སུ་གནས། །མཁའ་འགྲོ་དེ་བཞིན་ལཱ་མ་དང་། །དུམ་སྐྱེས་མ་དང་གཟུགས་ཅན་མ། །མཚམས་ན་གནས་པའི་རྩ་རྣམས་ནི། །བཞི་པོ་ཡང་དེ་རུ་སོན་པའོ། །བདུད་རྩི་ལྔ་འབབ་པ་དེ་ནི། །མཆོད་པའི་ངོ་བོར་གནས་པ་སྟེ། །དེ་ཡི་གཟུགས་ཉིད་དངོས་པོ་ཡི། །མཆོད་པ་བཞི་ཞེས་རྣམ་པར་བཤད། །ལུས་ཅན་སྙིང་གི་ནང་དུ་ནི། །རྩ་རྣམ་ལྔ་ནི་རྣམ་པར་གནས། །ཞེས་གསུངས་སོ། །དེ་བཞིན་རྫུ་འཕྲུལ་གྱི་རྐང་པ་བཞི་ནི་སྔར་བཤད་རབ་གཏུམ་མ་སོགས་མཁའ་འགྲོ་བཞི་དང་། དབང་པོ་ལྔ་ནི་དཔའ་མོ་བློ་གྲོས་མ་སོགས་ལྔ་དང་། སྟོབས་ལྔ་ནི་ལྷ་མོ་འཇིགས་བྱེད་མ་སོགས་ལྔ་དང་། བྱང་ཆུབ་ཀྱི་ཡན་ལག་བདུན་ནི་རྟ་རྣ་མ་སོགས་ལྷ་མོ་བདུན་དང་། འཕགས་པའི་ལམ་ཡན་ལག་བརྒྱད་ནི་ལྷ་མོ་སྟོབས་ཆེན་མ་སོགས་གསུམ་དང་། ཁྭ་གདོང་མ་བཞི་དང་། གཙོ་བོ་དཔལ་ཧེ་རུ་ཀ་དཔལ་ཉིད་དང་བརྒྱད་དོ། །

― KMC014_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དག་པར་སྤོང་བ་བཞི་ནི་གཤིན་རྗེ་བརྟན་མ་སོགས་མཚམས་མ་བཞི་སྟེ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་རྣམ་པར་དག་པའི་ངོ་བོ་ལྷ་སོ་བདུན་ནི་དོན་གྱིས་དཀྱིལ་འཁོར་འདིར་ཚང་བ་ཡིན་ནོ། །ཚུལ་འདི་དག་ཀྱང་སློབ་དཔོན་མི་ཐུབ་ཟླ་བའི་བདུད་རྩི་འཛག་པ་དང་དཔྱིད་ཐིག་གི་དགོངས་པ་དང་མཐུན་པར་བཤད་པའོ། །འདིར་དངོས་བསྟན་དྲན་ཉེ་བཞི་ལས་བྱང་ཕྱོགས་གཞན་རྣམས་ཞིབ་པར་མ་བཤད་པས་གཞན་དུ་ཤེས་པར་བྱའོ། །དེ་ནས་ཕྱི་རོལ་དུ་བཅོས་ཏེ་དབང་པོ་ཡུལ་ལ་འཇུག་པའི་བག་ཆགས་སྦྱང་བའི་ཕྱིར་བཞི་པ་ཡི་གེ་དགོད་པ་ནི། གཙོ་འཁོར་ལྔ་པོ་ཀུན་གྱི་སྤྱི་བོར་ཟླ་བ་ལ་སྐུའི་ངོ་བོ་ༀ་དཀར་པོ། མགྲིན་པར་པདྨ་ལ་གསུང་གི་ངོ་བོ་ཨཱཿདམར་པོ། ཐུགས་ཀར་སྣ་ཚོགས་རྡོ་རྗེ་གདན་ཐབས་ཀྱི་ལྟེ་བར་ཐུགས་ཀྱི་ངོ་བོ་ཧཱུྃ་སྔོན་པོ་དང་། གཙོ་བོ་བཅོམ་ལྡན་འདས་ཀྱི་ཐུགས་ཀར་གོ་ཆའི་ལྷ་རྡོ་རྗེ་སེམས་དཔའི་ངོ་བོ་ༀ་ཧ་དཀར་པོ།

― KMC014_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

མགོ་བོར་རྣམ་པར་སྣང་མཛད་ཀྱི་ངོ་བོ་ན་མ་ཧི་སེར་པོ། སྤྱི་གཙུག་ཏུ་པདྨ་གར་དབང་གི་ངོ་བོ་སྭཱ་ཧཱ་ཧུ་དམར་པོ། ཕྲག་པ་གཉིས་ལ་དཔལ་ཧེ་རུ་ཀའི་ངོ་བོ་བཽ་ཥཊྲ་ཧེ་ནག་པོ། མིག་གཉིས་སུ་རྡོ་རྗེ་ཉི་མའི་ངོ་བོ་ཧཱུྃ་ཧཱུྃ་ཧོཿདམར་སེར། ཡན་ལག་ཐམས་ཅད་ལ་རྟ་མགྲིན་གྱི་ངོ་བོ་ཕཊྲ་ཧཾ་ལྗང་གུ་སྟེ་ཀུན་སྤྱོད་ཀྱི་རྒྱུད་འགྲེལ་ལས་མཛོད་སྤུ་དང་ལག་པའི་མཁྲིག་མ་གཉིས་དང་རྐང་པའི་ལོང་བུ་གཉིས་རྣམས་སུ་བསྐྱེད་པར་གསུངས་སོ། །དེ་ནས་ཡུམ་གྱི་གོ་ཆའི་ཡི་གེ་དགོད་པ་ནི། ལྟེ་བར་ཕག་མོའི་ངོ་བོ་ༀ་བཾ་དམར་པོ། སྙིང་གར་གཤིན་རྗེ་མའི་ངོ་བོ་ཧཾ་ཡོཾ་སྔོན་པོ། ཁ་ལ་རྨོངས་བྱེད་མའི་ངོ་བོ་ཧྲིཾ་མོཾ་དམར་མོ། མགོ་བོར་སྐྱོད་བྱེད་མའི་ངོ་བོ་ཧྲིཾ་ཧྲིཾ་སེར་པོ། སྤྱི་བོར་སྐྲག་བྱེད་མའི་ངོ་བོ་ཧཱུྃ་ཧཱུྃ་ལྗང་གུ། ཡན་ལག་ལྔར་གཏུམ་མོའི་ངོ་བོ་ཕཊ་ཕཊ་དུད་ཁ་རྣམས་ཀྱིས་མཚན་པར་བསམ་མོ། །འདི་དག་ཀྱང་སྐུའི་ཕྱི་ན་གོ་ཆ་བགོ་བའི་ཚུལ་ཡིན་པས་སྐུའི་ནང་དུ་མི་

― KMC014_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་སྟེ། སློབ་དཔོན་བཱི་ར་བཛྲ་གྱི་མངོན་རྟོགས་དཀའ་འགྲེལ་དུ། རྒྱ་དང་རྒྱ་ཡི་འབུར་བཞིན་དུ་ཤེས་པར་བྱའོ། །ཞེས་གསུངས་སོ། །འདོད་ཡོན་གྱི་སྣམ་བུ་རྣམས་ལ་གནས་པའི་རིག་མ་བཅུ་དྲུག་གི་འཁོད་ཚུལ་ནི། ཤར་གྱི་གཡོན་དུ་པི་ཝང་མ་སྔོན་མོ་དང་གླིང་བུ་མ་སེར་མོ། བྱང་གི་གཡས་སུ་རྔ་ཟླུམ་མ་དམར་མོ་དང་རྫ་རྔ་མ་ལྗང་མོ། བྱང་གི་གཡོན་དུ་བཞད་མ་དམར་མོ་དང་སྒེག་མོ་སྔོན་མོ། ནུབ་ཀྱི་གཡས་སུ་གླུ་མ་སེར་མོ་དང་གར་མ་ལྗང་མོ། ནུབ་ཀྱི་གཡོན་དུ་མེ་ཏོག་མ་སེར་མོ་དང་བདུག་སྤོས་མ་ནག་མོ། ལྷོའི་གཡས་སུ་མར་མེ་མ་དམར་མོ་དང་དྲི་ཆབ་མ་ལྗང་མོ་དྲིའི་དུང་ཆོས་འཛིན་པ། ལྷོའི་གཡས་སུ་གཟུགས་རྡོ་རྗེ་མ་དཀར་མོ་མེ་ལོང་དང་རོ་རྡོ་རྗེ་མ་དམར་མོ་ཞལ་ཟས་ཐོགས་པ། ཤར་གྱི་གཡས་སུ་རེག་བྱ་རྡོ་རྗེ་ལྗང་གུ་ན་བཟའ་དང་ཆོས་དབྱིངས་རྡོ་རྗེ་མ་དཀར་མོ་ཆོས་འབྱུང་སྤྱན་མཚན་འཛིན་པ་སྟེ་ཐམས་ཅད་ཀྱང་ཞི་མ་དར་དང་རིན་པོ་

― KMC014_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་བརྒྱན་པའོ། །དེ་ནས་ཡེ་ཤེས་པ་དགུག་ཅིང་བསྟིམ་པ་ནི། འབར་བའི་ཕྱག་རྒྱ་དང་ཕེཾ་གྱི་སྒྲས་བསྐུལ་བ་སྟེ། ཀུན་སྤྱོད་དང་མངོན་འབྱུང་གི་རྒྱུད་ལས། མཛུབ་མོ་མདུད་བྱ་གུང་མོ་ངེས་པར་སྦྱར། །མཐེ་བོང་རྡོ་རྗེ་བརྟན་པོར་རབ་སྦྱར་ཏེ། །དེ་ནི་དཔྲལ་བའི་དབུས་སུ་རབ་སྦྱར་ནས། །བསྐོར་ཞིང་བསྐོར་ཞིང་ཀུན་ཏུ་བསྐོར་བར་བྱ། །རྐང་པ་མནན་ཅིང་གྱེན་དུ་བལྟ། །རབ་ཏུ་ཕེཾ་གྱི་སྒྲ་སྒྲོགས་པས། །ཕྱོགས་བཅུའི་འཇིག་རྟེན་ཁམས་གནས་པའི། །དཔའ་བོ་རྣལ་འབྱོར་མ་རྣམས་འགུགས། །ཞེས་གསུངས་པ་ལྟར་འགྲེལ་པ་ལས་ཀྱང་རྐང་པ་གཡས་གཡོན་གྱིས་མནན་པ་ནི་རྐང་པའི་ཕྱག་རྒྱ། སྟེང་དུ་བལྟ་བ་ནི་མིག་གི་ཕྱག་རྒྱ། ཕེཾ་གྱི་སྒྲ་སྒྲོགས་པ་ནི་ངག་གི་ཕྱག་རྒྱ། མཛུབ་མོ་གཉིས་མདུད་པར་བྱས་པ་ལག་པའི་ཕྱག་རྒྱ་སྟེ་ཕྱག་རྒྱ་བཞིས་ཡེ་ཤེས་པ་སྤྱན་དྲངས་པ་སྟེ། ཕྱག་རྒྱ་བཞི་ཡི་མ་སྦས་བཤད་ཐབས་གྲོལ་གྱི་ལམ་ལ་སྦྱར་བ་རྒྱ་ཆེར་

― KMC014_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་འགྲེལ་དུ་འབྱུང་ཡང་བསྐྱེད་རིམ་སྐབས་མི་མཁོ་བས་མ་སྤྲོས་སོ། །ཕེཾ་གྱི་སྒྲ་ནི་མཁའ་འགྲོ་མའི་དམ་ཚིག་ཅེས་བརྗོད་པ་སྟེ་ཐུང་ངུ་མ་ཡིན་པར་ཡི་གེ་རིང་པོ་གསུམ་གྱི་གདངས་ཐོན་པ་ཕོ་ཉ་གསུམ་འདུས་པའི་ངོ་བོ་ཡིན་ཅེས་བཤད་རྒྱུད་སམྦུ་ཊ་ལས་གསུངས་སོ། །དེ་ནས་ཡིད་ཀྱི་ཏིང་ངེ་འཛིན་གྱིས་སྤྱན་དྲངས་པ་ནི། སྙིང་གར་ཉི་མ་ལ་གནས་པའི་ཧཱུྃ་གི་འོད་ཀྱིས་དཔལ་འཁོར་ལོ་སྡོམ་པ་ལྷ་ལྔའི་ཡེ་ཤེས་ཀྱི་དཀྱིལ་འཁོར་དང་། གཞན་ཡང་ཕྱོགས་བཅུར་བཞུགས་པའི་དཔའ་བོ་དང་རྣལ་འབྱོར་མ་རྣམས་དང་དབང་ལྷ་རྒྱལ་བ་སྲས་བཅས་ཐམས་ཅད་ལྷ་སོ་བདུན་གྱི་རྣམ་པར་མདུན་གྱི་ནམ་མཁར་སྤྱན་དྲངས་ནས་བཞུགས་པ་ལ། རང་གི་ཐུགས་ཀ་ནས་སྤྲོས་པའི་པི་ཝང་མ་སོགས་ལྷ་མོ་བཅུ་དྲུག་གིས་མཆོད། དེ་ནས་རྡོ་རྗེ་ལྕགས་ཀྱུ་ལ་སོགས་པའི་ཕྱག་རྒྱ་བཞི་འཆིང་བཞིན་པས། ཛཿཞེས་པས་ཡེ་ཤེས་པ་རྣམས་དམ་ཚིག་པ་དང་ཉེ་བར་དགུག །ཧཱུྃ་ཞེས་

― KMC014_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དམ་ཚིག་པ་ལ་གཞུག །བཾ་གྱིས་དམ་ཚིག་པ་ལ་འབྲལ་མེད་དུ་བཅིངས། ཧོཿཡིས་དགྱེས་ཤིང་རང་གི་དབང་དུ་བྱས་པར་མོས། དབང་གི་ལྷ་རྣམས་མ་གཏོགས་ཡེ་ཤེས་པ་རྣམས་དམ་ཚིག་པ་རྣམས་ལ་ཆུ་ལ་ཆུ་ཐིམ་པ་ལྟར་བསམས་ལ། ལག་གཉིས་རྣམ་ལྔ་འདོད་སྐོར་ཏེ། ཇི་སྐད་དུ། སྙིང་ག་ནུ་མ་གཡས་དང་ནི། །སྙིང་ག་ནུ་གཡོན་སྙིང་ག་རུ། རིམ་པར་ལག་གཉིས་པད་ཀོར་བཅས། ཞེས་གསུངས་པ་ལྟར་པད་ཀོར་དང་པོ་སྙིང་ག །གཉིས་པ་ནུ་གཡས་ཐད། གསུམ་པ་སྙིང་ག །བཞི་པ་ནུ་གཡོན་ཐད། ལྔ་པ་སྙིང་གར་བསྐོར་བ་སྟེ་འདོད་ཡོན་ལྔ་མཆོད་ཀྱི་ཕྱག་རྒྱ་པད་ཀོར་ལྔ་བྱ་བ་ལ་རྣམ་ལྔ་འདོད་སྐོར་ཞེས་གསང་སྔགས་ཕྱི་འགྱུར་གསར་མ་པ་ལ་ཡོངས་སུ་གྲགས་བ་ལྟར་སྔོན་དུ་འགྲོ་བས་འཁྱུད་རྒྱ་དང་བཅས་ཏེ་ༀ་སརྦ་ཡོ་ག་སོགས་བརྗོད་པར་བྱ་སྟེ། སྔགས་དོན། ༀ་ཡོ་ག་ཤུདྡྷཱཿནི་རྣལ་འབྱོར་དག་པའི་བདག་ཉིད་ཅན་ཏེ་ཀུན་

― KMC014_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོབ་སྒྱུ་མ་ལྟ་བུའི་ལྷར་དག་པ་དང་། དོན་དམ་པར་སྐྱེ་མེད་དུ་དག་པའོ། །གང་དག་ཅེ་ན་སརྦ་དྷརྨཱ ཿནི་ཆོས་ཐམས་ཅད་དེ་ཕུང་ཁམས་སྐྱེ་མཆེད་ཀྱིས་བསྡུས་པ་ཐམས་ཅད་དོ། །ཅིར་དག་ཅེ་ན་ཤུདྡྷོ྅ཧཾ་སྟེ་ཤེས་རབ་དང་སྙིང་རྗེ་དབྱེར་མེད་པའི་བྱང་ཆུབ་སེམས་ཀྱི་རང་བཞིན་དུ་དག་པའི་རྣལ་འབྱོར་ངའོ། །ཞེས་པ་སྟེ། དེ་དོན་གསལ་གདབ་པའི་ཕྱིར། ཆོས་རྣམས་ཐམས་ཅད་ཐབས་བདེ་བ་ཆེན་པོ་དང་ཤེས་རབ་སྟོང་པ་ཉིད་དབྱེར་མེད་པའི་ངང་དུ་དག་པས་ན། རྣལ་འབྱོར་ཟབ་མོ་ལ་འཇུག་པའི་རྣལ་འབྱོར་བདག་ཀྱང་དེ་ཡི་ངོ་བོར་རྣམ་པར་དག་གོ་ཞེས་ང་རྒྱལ་བཟུང་བའོ། །རིམ་པ་འདི་དག་ཀྱང་ལཱུ་ཡི་པའི་རྒྱ་གཞུང་ལས། རྐང་གཡས་གཡོན་གྱིས་མནན་ནས་ནི། །གཡོན་མིག་ཅུང་དམའ་གྱེན་དུ་བལྟ། །ལག་གཉིས་མཐེབ་རྩེ་ཐུར་བསྟན་ཏེ། །ཡང་དག་མནན་ནས་སྡིགས་མཛུབ་གཉིས། །ལུ་གུ་རྒྱུད་ཀྱིས་རྣམ་པར་བཅིངས། །གུང་མོ་གཉིས་ནི་སྤྲད་བྱས་

― KMC014_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །ལྷག་མ་བརྐྱངས་ནས་མགོ་སྟེང་དུ། །གཡོན་དང་གཡས་སུ་བསྐོར་བར་བྱ། །ཕྱག་རྒྱ་དྲྭ་བ་ཞེས་པ་འདིས། ཕེཾ་ཡིག་བརྗོད་པ་དང་བཅས་པས། །སྙིང་གར་ཉི་གནས་ཏིང་འཛིན་སེམས། །ཧཱུྃ་ཡིག་འོད་ཟེར་གྱིས་བཀུག་པའི། །ཡེ་ཤེས་འཁོར་ལོ་པི་ཝང་སོགས། །མཆོད་ནས་བདག་ལ་གཞུག་པར་བྱ། །གསང་སྔགས་བརྗོད་ཅིང་པད་ཀོར་གྱིས། །འཁྱུད་པའི་སྟངས་ཀྱིས་མཉེས་པར་བྱ། །ཞེས་གསུངས་པ་ལྟར་རོ། །དེ་ནས་བདག་ཉིད་དམ་ཚིག་པའི་ལྷ་རྣམས་ཀྱིས་དེ་བཞིན་གཤེགས་པ་ཀུན་གྱིས་བདག་ལ་དབང་བསྐུར་བར་མཛད་དུ་གསོལ་ཞེས་གསོལ་བ་བཏབ་པའི་མོད་ཁྭ་གདོང་མ་སོགས་སྒོ་མ་བཞི་དང་གཤིན་རྗེ་བརྟན་མ་སོགས་མཚམས་མ་བཞི་དང་བརྒྱད་ཀྱིས་བགེགས་རྣམས་བསྐྲད། དཔའ་བོ་ཐོད་པའི་དུམ་བུ་སོགས་ཉེར་བཞིས་ཤིས་པ་བརྗོད། །དཔའ་མོ་རབ་གཏུམ་མ་སོགས་ཉེར་བཞིས་གླུ་བླངས། ཡུམ་མཁའ་འགྲོ་མ་བཞི་

― KMC014_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཕག་མོར་བཅས་པས་རིན་པོ་ཆེའི་བུམ་པ་བདུད་རྩིས་གང་བ་བསྣམས་ནས། ཇི་ལྟར་བལྟམས་ཚེ་སོགས་དང་། ༀ་སརྦ་ཏ་ཐཱ་སོགས་ཀྱི་སྔགས་བརྗོད་བཞིན་ཡེ་ཤེས་བདུད་རྩིའི་རྒྱུན་གྱིས་དབང་བསྐུར་བས་གཞི་དུས་ཀྱི་དབང་ལ་ལམ་དབང་གིས་གསོས་བཏབ་པས་དབང་བཞི་ཅིག་ཆར་དུ་རྫོགས། དབང་བསྐུར་གྱི་ལྷ་རྣམས་ཀྱང་དཔལ་བདེ་བ་ཆེན་པོའི་བདག་ཉིད་རང་ལ་ཐིམ་པར་བསམ། སྔགས་དོན་ༀ་ནི་སྔགས་ཀྱི་མགོ་འདྲེན། སརྦ་ཏ་ཐཱ་ག་ཏ་དེ་བཞིན་གཤེགས་པ་ཐམས་ཅད་ཨ་བྷི་ཥེ་ཀ་ཏ་མངོན་པར་དབང་བསྐུར་བ། ས་མ་ཡ་དམ་ཚིག །ཤྲཱི་ཡེ་དཔལ་ལ། ཧཱུྃ་ནི་སྔགས་ཀྱི་མཐའ་རྟེན་སྐབས་འདིར་སྐུལ་ཚིག་སྟེ་དེ་དག་དོན་འགྲེལ་ཚིག་གྲོགས་དང་སྦྱར་ན། དེ་བཞིན་གཤེགས་པ་ཐམས་ཅད་ཀྱིས་མངོན་པར་དབང་བསྐུར་བའི་དམ་ཚིག་གི་དཔལ་ལ་གནས་པར་མཛོད་ཅིག །ཅེས་སོ། །དེ་ལྟར་དབང་བསྐུར་བས་ཆུའི་ལྷག་མ་ཡར་ལུད་པ་

― KMC014_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། བཅོམ་ལྡན་འདས་ལ་མི་བསྐྱོད་པ། རྡོ་རྗེ་ཕག་མོ་ལ་རྣམ་པར་སྣང་མཛད། ཡུམ་བཞི་ལ་རིན་འབྱུང་གིས་དབུ་བརྒྱན་པར་བསམ་མོ། །དེ་ནས་རང་གི་ཐུགས་ཀའི་ས་བོན་ལས་བྱུང་བའི་ལྷ་མོའི་ཚོགས་མཆོད་རྫས་འཛིན་པ་ནམ་མཁའི་ཁམས་ཐམས་ཅད་གང་བས་བདག་ཉིད་དམ་ཚིག་པའི་དཀྱིལ་འཁོར་མཆོད་པར་བསམས་ལ། ཆུ་བཞི་སྔོན་དུ་འགྲོ་བའི་ཉེར་སྤྱོད་རྣམས་དང་། རིག་མ་བཅུ་གཅིག་གིས་མཆོད། མཆོད་པའི་སྔགས་དོན་དང་ཕྱག་རྒྱ་རྗེས་ནས་འཆད། དེ་ནས་ལཱུ་ཡི་པའི་རྒྱ་གཞུང་དུ། བདུད་རྩི་རོ་མས་དྲངས་གསོལ་ནས། །རབ་དགྱེས་རྐང་པ་བརྒྱད་པས་བསྟོད། །ཅེས་གསུངས་པ་ལྟར། སླར་ཡང་རང་གི་ཐུགས་ལས་སྤྲུལ་པའི་མཆོད་པའི་ལྷ་མོ་བདུད་རྩིས་གང་བའི་ཐོད་པ་ཐོགས་པ་རྣམས་ཀྱིས་བདུད་རྩི་ཕུལ་བས། ལྷ་རྣམས་ཀྱི་ལྗགས་ཧཱུྃ་ལས་གྲུབ་པའི་རྡོ་རྗེ་རྩེ་གསུམ་གྱི་རྣམ་པའི་དབུས་ཀྱི་སྦུ་གུས་བདུད་རྩི་དྲངས་ནས་གསོལ་

― KMC014_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་དགྱེས་པས་བདག་གིར་བཞེས་པར་བསམས་ལ། ༀ་ཨ་མྲྀ་ཏ་སོགས་ཀྱི་སྔགས་དོན་ནི། ༀ་ཨ་མྲྀ་ཏ་བདུད་རྩི། སྭཱ་ད་མྱོང་བའི། སྭ་བྷཱ་ཝ་རང་བཞིན་གྱིས། ཨཏྨ་ཀོ྅ཧཾ་བདག་ཉིད་ངའོ། །ཞེས་དགྱེས་པས་གསུང་སྩལ་བའོ། །དེ་ནས་ནང་མཆོད་ༀ་ཨཱཿཧཱུྃ་གིས་བྱིན་གྱིས་བརླབས་ཏེ། གཡོན་པའི་མཐེབ་སྲིན་ཉི་ཟླའི་གའུ་སྦྱར་བས་ནང་མཆོད་ནས་ཐིག་གཏོར་ཏེ་བརྒྱུད་པའི་བླ་མ་རྣམས་ཀྱང་སྤྱི་བོའི་ཐད་ཀྱི་ནམ་མཁར་བཞུགས་པར་བསམས་ལ་བླ་མ་དང་ཡི་དམ་གྱི་སྙིང་པོ་ལ་ༀ་ཨཱཿཧཱུྃ་བཏགས་པས་བདུད་རྩི་ཕུལ་མ་མཆོད་ལྷ་རྣམས་ཀྱང་རང་ལ་བསྟིམ། དེ་ནས་ཚིགས་སུ་བཅད་པ་རྐང་པ་བརྒྱད་ཀྱི་སྔགས་ཀྱིས་བསྟོད་པ་ནི། ༀ་ནི་སྔགས་ཀྱི་ནོར་བུ་འཛིན་པ། ན་མོ་ཕྱག་འཚལ་ལོ། །བྷ་ག་ཝ་ཏེ་བཅོམ་ལྡན་འདས་མ། བཱི་ར་དཔའ་བོ་དང་ཨི་ཤ་དབང་པོ་གཉིས་མཚམས་སྦྱར་ཏེ། ན་མས྄་གོང་དུ་ཡོད་པ་ལ་བཞི་པའི་ངོ་སྦྱར་བས་བཱི་རེ་ཤཱ་ཡ་དཔའ་བོའི་དབང་པོ་

― KMC014_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ལའོ། །མཐའ་རྟེན་ཧཱུྃ་ཐུང་ངུ་ནི་ཆོས་སྐུ། ཧཱུྃ་རིང་པོ་ནི་ལོངས་སྐུ། ཕཊྲ་ནི་སྤྲུལ་སྐུ་སྟེ་དང་པོས་ཆོས་ཉིད་སྐྱེ་བ་མེད་པ་དང་། གཉིས་པས་ལོངས་སྐུ་འགགས་པ་མེད་པ་དང་། གསུམ་པས་སྤྲུལ་པ་སྣ་ཚོགས་པས་བདུད་དང་ལོག་འདྲེན་ཐམས་ཅད་འཇོམས་པར་བསྟན་པའོ། །རྣམ་དབྱེ་བཞི་པ་ཀུན་གྱི་མཐར་ཕྱིན་པ་དང་ཧཱུྃ་ཧཱུྃ་ཕཊྲ་ནི་ཕྱི་མ་ཀུན་ལ་འདྲའོ། །དོན་འགྱུར་ནི། ༀ་བཅོམ་ལྡན་དཔའ་བོའི་དབང་པོ་ལ་ཕྱག་འཚལ། །ཞེས་པའོ། །རྐང་པ་གཉིས་པའི་མ་ཧཱ་ནི་ཆེན་པོ། ཀལྤ་ནི་བསྐལ་པ། ཨགྣི་ནི་མེ། སནྣི་བྷཱ་ཡ་མཚུངས་པ་ལའོ། །ཀལྤ་དང་ཨགྣི་དབྱངས་སྦྱར་བས་ཀལྤཱགྣི་སྟེ་འདི་ལ་ཀ་ལ་པག་ནི་ཞེས་བཀླག་པ་ནི་རྣམ་པར་མ་དག་པ་སྟེ། རིང་པོ་མེད་པའི་ཀ་ལ་པགྣི་ནི་ཕོ་དབང་ལ་འཇུག་པའི་ཕྱིར་རོ། །དོན་འགྱུར་ཚིག་ཕྲད་དང་སྦྱར་བས། བསྐལ་པ་ཆེན་པོའི་མཐའ་ཡི་མེ་ལྟ་བུ། །ཞེས་པའོ། །རྐང་པ་གསུམ་པའི་ཛ་ཊཱ་རལ་པ། མུ་ཀུ་ཊ་ཅོད་

― KMC014_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

པན། ཨུརྐ་ཊ་བཅིངས་པ། དབྱངས་སྦྱར་བས་མུ་ཀུ་ཊོརྐ་ཊཱ་ཡ་ནི་ཅོད་པན་བཅིངས་པ་ལའོ། །འདི་ལ་མ་ཀུ་ཊ་ཞེས་སྣང་ཡང་བཀའ་བསྟན་གཉིས་ཀྱི་ཁྲོད་དུ་ཇི་སྙེད་གཅིག་བཞུགས་པ་རྣམས་ལའང་མུ་ཀུ་ཊ་ཞེས་ཡོད་དོ། །དོན་འགྱུར་ཚིག་ཕྲད་བཅུག་པས། བསྐལ་པ་ཆེན་པོའི་མཐའ་ཡི་མེ་ལྟ་བུ། ཞེས་པའོ། །རྐང་པ་གསུམ་པའི་ཛ་ཊཱ་རལ་བ། མུ་ཀུ་ཊ་ཅོདཔན། ཨུ་རྐ་ཊ་བཅིངས་པ། དབྱངས་སྦྱར་བས་མུ་ཀུ་ཊོརྐ་ཊཱ་ཡ་ནི་ཅོད་པན་བཅིངས་པ་ལའོ། །འདི་ལ་མ་ཀུ་ཊ་ཞེས་སྣང་ཡངབཀའ་བསྟན་གཉིས་ཀྱི་ཁྲོད་དུ་ཇི་སྙེད་གཅིག་བཞུགས་པ་རྣམས་ལའང་མུ་ཀུ་ཊ་ཞེས་ཡོད་དོ། །དོན་འགྱུར་ཚིག་ཕྲད་བཅུག་པས། རལ་པའི་ཚོགས་ཀྱི་ཅོད་པན་བཅིངས་པ་སྟེ། །ཞེས་པའོ། །རྐང་པ་བཞི་པའི་དཾཥྚ་ཀ་རཱ་མཆེ་བ་གཙིགས་བྱེད། མོ་གྲ་དྲག་པོ། བྷཱི་ཥ་ཎ་འཇིགས་སུ་རུང་བ། མུ་ཁཱ་ཡ་ཞལ་མའོ། །དོན་འགྱུར་མཆེ་གཙིགས་དྲག་པོ་འཇིགས་སུ་རུང་བའི་ཞལ། །ཅེས་

― KMC014_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །རྐང་པ་ལྔ་པའི་ས་ཧ་སྲ་སྟོང་ཕྲག །བྷུ་ཛ་ཕྱག །བྷཱ་འོད་ཟེར། སུ་རཱ་ཡ་འབར་བ་ལའོ་སྟེ་དོན་འགྱུར། ཕྱག་ནི་འོད་ཟེར་སྟོང་ཕྲག་འབར་བ་པོ། །ཞེས་སོ། །རྐང་པ་དྲུག་པའི་པར་ཤུ་དགྲ་སྟ། པ་ཤ་ཞགས་པ་དང་ཨུཏྟྱ་ཏ་འཕྱར་བ་གཉིས་སྦྱར་བས་པཱ་ཤོཏྟྱ་ཏ། ཤཱུ་ལ་མདུང་། ཁ་ཊྭཱཾ་ག ། ལོ་ཙཱ་སྔ་མས་ཁྲི་རྐང་དང་ཕྱིས་ནམ་མཁའི་དབྱུག་པ་ཞེས་པར་བསྒྱུར་རོ། །དྷཱ་རི་ཎི་འཛིན་པ་ལའོ་སྟེ། དོན་འགྱུར། དགྲ་སྟྭ་ཞགས་འཕྱར་མདུང་དང་ཁ་ཊྭཱཾ་འཛིན། །ཅེས་སོ། །རྐང་པ་བདུན་པའི་བྱཱ་གྷྲ་སྟག །ཛི་ན་པགས་པ་དང་། ཨཱམྦ་ར་ན་བཟའ་གཉིས། སྦྱར་བས་ཛི་ནཱམྦ་ར། དྷ་རཱ་ཡ་འཛིན་པ་ལའོ། །དོན་འགྱུར། སྟག་གི་པགས་པའི་ན་བཟའ་འཆང་བར་མཛད། །ཅེས་སོ། །རྐང་པ་བརྒྱད་པའི་མ་ཧཱ་ཆེན་པོ། དྷཱུ་མྲ་དུ་བ་དང་། ཨཱནྡྷ་ཀ་ར་མུན་པ་གཉིས་སྦྱར་བས། དྷཱུ་མྲཱནྡྷ་ཀ་ར། བ་སུ་ཥཱ་ཡ་མདོག་དང་མཚུངས་པ་ལའོ། །དོན་འགྱུར། དུ་བ་མུན་ཆེན་མདོག་མཚུངས་སྐུ་ལ་འདུད། །

― KMC014_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་སོ། །དེ་ནས་ཡུམ་གྱི་རྐང་བརྒྱད་ནི། ན་མོ་ཕྱག་འཚལ། བྷ་ག་ཝ་ཏཱེ། བཅོམ་ལྡན་འདས་མ། བཛྲ་བཱ་ར་ཧཱི་རྡོ་རྗེ་ཕག་མོ། བཾ་ནི་ས་བོན། ཧཱུྃ་ཧཱུྃ་ཕཊྲ་སྔར་དང་འདྲ། དོན་འགྱུར། ༀ་བཅོམ་ལྡན་འདས་མ་རྡོ་རྗེ་ཕག་མོ་ལ་ནི་ཕྱག་འཚལ་ལོ། །ཞེས་སོ། །ན་མ་ཕྱག་འཚལ་ལོ། ཨཱཪྱ་འཕགས་མ། ཨ་པ་རཱ་ཛི་ཏེ་གཞན་གྱིས་མི་ཐུབ་མ་ཀྱེ། ཏྲཻ་ལོ་ཀྱ་འཇིག་རྟེན་གསུམ། མཱ་ཏེ་ཡུམ། མ་ཧཱ་ཆེན་མོ། བིདྱ་དང་ཨི་ཤྭ་རཱི་གཉིས་སྦྱར་བས་བིདྱེ་ཤྭ་རཱི་རིག་པའི་དབང་ཕྱུག་མ་སྟེ་ཁྱད་པར་གྱི་ཚིག་རྣམས་སྔུན་དུ་བཞག་ལ་དོན་འགྱུར་བྱས་པས། འཕགས་མ་འཇིག་རྟེན་གསུམ་ཡུམ་གཞན་གྱིས་མི་ཐུབ་རིག་པའི་དབང་ཕྱུག་ཆེ། །ཅེས་སོ། །ན་མཿཕྱག་འཚལ་བ། སརྦ་བྷཱུ་ཏ་འབྱུང་པོ་ཐམས་ཅད། བྷ་ཡཱ་འཇིགས་པར་མཛད་མ། བ་ཧེ་ཀུན་ཏུ་འབེབས་མ། མ་ཧཱ་ཆེན་མོ། བཛྲཱི་རྡོ་རྗེ་ཅན། དོན་འགྱུར། འབྱུང་པོ་ཐམས་ཅད་འཇིགས་མཛད་ཀུན་ཏུ་འབེབས་མ་རྡོ་རྗེ་ཆེན་མོ་ཉིད། །

― KMC014_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་སོ། །ན་མོཿཕྱག་འཚལ་བ། བཛྲ་རྡོ་རྗེ་དང་ཨཱ་ས་ན་གདན་གཉིས་སྦྱར་མཐར་བོད་པའི་སི་བྱིན་པས་བཛྲཱ་པ་ནི་རྡོ་རྗེ་གདན་མ་ཀྱེ། ཨ་ཛི་ཏི་མི་ཕམ་མ། ཨ་པ་རཱ་ཛི་ཏེ་གཞན་ལས་རྒྱལ་མ་ཀྱེ། བ་ཤྱཾ་ཀ་རི་དབང་དུ་བྱེད་མ། ནེ་ཏྲ་སྤྱན། བྷྲཱ་མ་ཎི་གཡོ་བ་སྟེ། དོན་འགྱུར། རྡོ་རྗེ་གདན་མ་མི་ཕམ་གཞན་གྱིས་མི་ཐུབ་དབང་མཛད་གཡོ་བའི་སྤྱན། །ཞེས་སོ། །ན་མཿཕྱག་འཚལ་བ། བི་ཥ་ཎི་དུག་སྟེ་འདི་དཔེ་རྒྱུན་འདིར་མི་སྣང་རུང་བཀའ་བསྟན་གཉིས་ཀྱི་རྒྱ་དཔེ་རྣམས་ལས་འབྱུང་བར་མ་ཟད་འདིར་ཡང་དུག་ཀྱང་སྐེམ་མར་མཛད་མ་ཞེས་ཡོད་པས་ཆད་དམ་སྙམ། ཤོ་ཥ་ཎི། སྐེམ་བྱེད་མ། རོ་ཥ་ཎི་འཇིགས་རུང་མ། ཀྲོ་དྷ་ཁྲོ་མོ། ཀ་རཱུ་ལི་ནི་གཙིགས་བྱེད་མ་སྟེ། དོན་འགྱུར། དུག་ཀྱང་སྐེམ་པར་མཛད་མ་འཇིགས་སུ་རུང་བའི་ཁྲོ་མོ་གཙིགས་བྱེད་མ། །ཞེས་སོ། །ན་མས྄་ཕྱག་འཚལ་བ། ཏྲཱ་ས་ནི་སྐྲག་བྱེད་མ། མཱ་ར་ཎི་གསོད་བྱེད་མ། པྲ་བྷེ་

― KMC014_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་རབ་ཏུ་འབྱེད་བྱེད་མ། ཨ་པ་རཱ་ཛ་ཡེ་གཞན་ལས་རྒྱལ་མ་ཀྱེ་ཞེས་པ་སྟེ། དོན་འགྱུར་ནི། སྐྲག་བྱེད་གསོད་བྱེད་རབ་ཏུ་འབྱེད་པར་བྱེད་ཅིང་ཕ་རོལ་ལས་རྒྱལ་མ། །ཅེས་སོ། །ན་མོ་ཕྱག་འཚལ་བ། བི་ཛ་ཡེ་རྣམ་པར་རྒྱལ་མ་ཀྱེ། ཛམྦྷ་ནི་རྨུགས་བྱེད་མ། སྟམྦྷ་ནི་རེངས་བྱེད་མ། མོ་ཧ་ནི་རྨོངས་བྱེད་མ་སྟེ། དོན་འགྱུར། རྣམ་པར་རྒྱལ་མ་རྨུགས་པར་བྱེད་ཅིང་རེངས་དང་རྨོངས་པར་མཛད་པ་མོ། །ཞེས་སོ། །ན་མོ་སྔར་ལྟར། བཛྲ་བཱ་རཱ་ཧི་རྡོ་རྗེ་ཕག་མོ། མ་ཧཱ་ཡོ་གི་ནི་རྣལ་འབྱོར་ཆེན་མོ། ཀཱ་མ་འདོད་པ། ཨི་ཤཱ་རི་དབང་ཕྱུག་དང་སྦྱར་བ། ཁ་ག་མཁའ་འགྲོ་མ། བོད་པའི་དོན་གྱིས་ཁ་གེ་སྟེ། དོན་འགྱུར། རྡོ་རྗེ་ཕག་མོ་རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཅེས་པའོ། །ཚིག་དོན་གཞན་རྣམས་གོ་སླ་ལ་རྡོ་རྗེ་གདན་མ་ཞེས་བྱ་བའི་དོན་ནི་ཁམས་དཀར་ཆ་ཧཾ་ལས་བདེ་བ་འཇོ་བས་དཔྱིད་དང་། དམར་ཆ་ཨ་ཐུང་ལ་བདེ་བ་བརྟན་པས་ཐིག་ལེར་

― KMC014_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པས་ན་དེ་ཉིད་བདེ་ཆེན་འགྱུར་བ་མེད་པ་འཕོ་མེད་རྡོ་རྗེའི་ཡེ་ཤེས་མངོན་དུ་བྱེད་པའི་གནས་སུ་གྱུར་པས་ན་དེའི་ངོ་བོ་རྡོ་རྗེ་ཕག་མོ་ཉིད་ལ་རྡོ་རྗེ་གདན་མ་ཞེས་གསུངས་ཏེ། དཔེར་ན་སྟོན་པ་བྱང་ཆུབ་བརྙེས་པའི་གནས་རྡོ་རྗེ་གདན་ཡིན་པས་རྡོ་རྗེ་གདན་པ་ཞེས་གྲགས་པ་ལྟར་རོ། །དེ་ནས་བདེ་བ་ཆེན་པོ་ཉམས་སུ་མྱོང་བའི་ཕྱིར། བདག་ཉིད་ཧེ་རུ་ཀའི་སྐུ་ཡི་ནང་དུ་རྩ་དབུ་མ་ཆུ་ཤིང་གི་སྡོང་པོ་ལྟར་དྲང་བ། ཟར་མའི་མེ་ཏོག་ལྟར་སྔོ་བ། ཏིལ་གྱི་མར་མེ་ལྟར་གསལ་བ། པདྨའི་སྣར་མ་ལྟར་ཕྲ་བ་སྟེ་མཚན་ཉིད་བཞི་དང་ལྡན་པ། ཡར་སྣ་རྡོ་རྗེ་ཕྱེད་པ་དང་མར་སྣ་ལྟེ་འོག་སོར་བཞིའི་མཚམས་སུ་སླེབ་པ་སྣེ་ཕུག་རྡུག་དུ་ཡོད་པ། གཡས་སུ་རོ་མ་དཀར་མོ། གཡོན་དུ་རྐྱང་མ་དམར་མོ་གཉིས་ཀྱི་ཡར་སྣེ་སྤྱི་བོའི་ཐོད་པ་ལ་སོར་གང་ཙམ་གྱིས་མ་རེག་པར་མདུན་དུ་སྣ་སྒོར་ཟུག་པ། མར་སྣེ་དབུ་མའི་མཇུག་གི་སོར་བཞིའི་མཚམས་

― KMC014_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དབུ་མར་ཟུག་པ། སྤྱི་བོར་རྩ་འདབ་དཀར་པོ་སོ་གཉིས། མགྲིན་པར་དམར་པོ་བཅུ་དྲུག །སྙིང་གར་སྔོན་པོ་བརྒྱད། ལྟེ་བར་སེར་པོ་དྲུག་ཅུ་རྩ་བཞི་སྟེ་དེ་དག་གི་རྩ་འདབ་གྱེས་ཚུལ་བླ་མེད་རྒྱུད་སྡེའི་དགོངས་པ་རྩལ་དུ་བཏོན་པ་ཀུན་མཁྱེན་རང་བྱུང་བའི་ཟབ་མོ་ནང་དོན་ལྟར་རོ། །དེ་ནས་སྤྱི་བོའི་འཁོར་ལོར་དཔལ་ཧེ་རུ་ཀའི་ངོ་བོ་ཧཾ་ཡིག་དཀར་པོ་མགོ་བོ་ཐུར་བསྟན་དུ་བསྒོམ་པ་ནི་དཔྱིད་ཀྱི་ཡི་གེ་སྟེ། གྲུབ་ཆེན་ནག་པོ་པས། གཞོམ་མེད་ཧཾ་སྟེ་ས་བོན་ནི། །བ་མོ་ལྟ་བུར་འཛག་པ་ཉིད། །ལུས་ཅན་རྣམས་ཀྱི་སྙིང་དགའ་བ། །དཔྱིད་ཅེས་བྱ་བར་རྣམ་པར་བཤད། །ཅེས་གསུངས་ལ། ལྟེ་འོག་རྩ་གསུམ་འདུས་མདོར་བཅོམ་ལྡན་འདས་མའི་ངོ་བོ་ཨ་ཐུང་དམར་པོ་མེའི་རང་བཞིན་དུ་བསྒོམ་པ་ནི་ཐིག་ལེ་ཞེས་བྱ་སྟེ། ནག་པོ་པའི་ཞལ་ནས། མེ་ནི་ཆུང་ངུའི་གཟུགས་ཀྱིས་ནི། །ཕག་མོའི་ཐིག་ལེ་རུ་ནི་བརྗོད། །ཅེས་གསུངས་པ་ལྟར་ལ། སྐབས་འདིར་ནི་

― KMC014_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བ་བཞི་ཡི་ངོ་བོ་དཔྱིད་ཀྱི་ཡི་གེ་བཞི་སྟེ། སྤྱི་བོ་བདེ་ཆེན་འཁོར་ལོའི་རྩ་འདབ་དབུས་སུ་དཔྱིད་ཀྱི་ཡི་གེ་ཧཾ་ཡིག་དཀར་པོ་མགོ་བོ་ཐུར་དུ་བལྟ་བ། མགྲིན་པ་ལོངས་སྤྱོད་འཁོར་ལོའི་དབུས་སུ་ༀ་ཡིག་དཀར་པོ། སྙིང་ག་ཆོས་ཀྱི་འཁོར་ལོའི་དབུས་སུ་ཧཱུྃ་ཡིག་སྔོན་པོ་མགོ་ཐུར་དུ་བལྟ་བ། ལྟེ་བ་སྤྲུལ་པའི་འཁོར་ལོའི་རྩ་འདབ་དབུས་སུ་ཨཱཿཡིག་དམར་པོ་དང་བཞི་གསལ་བཏབ་ལ། བསྙེན་སྒྲུབ་ཀྱི་སྐབས་སྤྲོ་ན་དཔལ་ཏཻ་ལོ་པའི་སྙན་བརྒྱུད་ལས། ལྕགས་ཀྱུ་བཞིན་དུ་འགུགས་པ་དང་། །བུམ་པ་བཞིན་དུ་དགང་བ་དང་། །རྒྱ་མདུད་བཞིན་དུ་བསྡམས་ནས་སུ། །མདའ་ལྟར་གྱེན་དུ་འཕང་བར་བྱ། །ཞེས་གསུངས་པ་ལྟར་སྦྱོར་བ་བཞི་ལྡན་ནམ་དཀྱུས་ལ་བར་རླུང་ཅུང་ཟད་བཟུང་བས་རོ་རྐྱང་ནས་རླུང་བརྒྱུད་དེ་ལྟེ་བའི་སུམ་མདོའི་ཨ་ཐུང་མེ་ལྟེ་བའི་ཨཱཿལས་འབར་བར་ཡང་བཤད། ལ་རླུང་ཕོག་པས་གཏུམ་མོའི་མེ་འབར། ལྟེ་བའི་ཨཱཿ སྙིང་གའི་ཧཱུྃ།

― KMC014_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པའི་ༀ་དང་གསུམ་བསྲེགས་ཏེ་མེ་ལྕེ་ཧཾ་ཡིག་ལ་རེག་པས་དེ་ལས་དཀར་ཆའི་རྒྱུན་རིམ་པར་བབས་པས་ཡི་གེ་གསུམ་སྔར་ལྟར་གསོས་པས་བདེ་བ་སྐྱེས་པར་བསམ། སླར་ཡང་ལྟེ་བའི་ཨ་ཐུང་ལས་འོད་འཕྲོས་རྒྱལ་བ་སྲས་དང་བཅས་པ་ཐམས་ཅད་དང་ཁྱད་པར་དུ་རྡོ་རྗེ་རྣལ་འབྱོར་མའི་བྱིན་རླབས་ཐམས་ཅད་ཡེ་ཤེས་མེ་ཡི་རྣམ་པར་བསྡུས་ཏེ་ཨ་ཐུང་ལ་ཐིམ། ཡང་སྤྱི་བོའི་ཧཾ་ཡིག་ལས་འོད་ཟེར་འཕྲོས་པས་རྒྱལ་བ་སྲས་དང་བཅས་པ་ཐམས་ཅད་དང་། ཁྱད་པར་དུ་དཔལ་ཧེ་རུ་ཀའི་བྱིན་རླབས་ཐམས་ཅད་བྱང་ཆུབ་སེམས་ཀྱི་ཐིག་ལེའི་རྣམ་པར་བསྡུས་ཏེ་སྤྱི་བོའི་ཧཾ་ལ་ཐིམ་པར་བསམས་ལ་འབར་འཛག་གོང་བཞིན་བསྒོམས་པས། ཐིག་ལེ་སྤྱི་བོར་བབས་པས་དགའ་བ། མགྲིན་པར་བབས་པས་མཆོག་དགའ། སྙིང་གར་བབས་པས་ཁྱད་དགའ། ལྟེ་བར་བབས་པས་ལྷན་ཅིག་སྐྱེས་དགའི་བདེ་ཆེན་ཡེ་ཤེས་སྐྱེས་པར་བསམས་པ་སྟེ། རྡོ་རྗེ་ཕྲེང་བའི་

― KMC014_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལས། བདེ་ཆེན་འཁོར་ལོ་སྤྱི་བོ་ལ། །དེ་ནི་དགའ་བར་བཤད་པ་ཡིན། །ལོངས་སྤྱོད་འཁོར་ལོ་མཆོག་དགའ་དང་། །དགའ་བྲལ་ཆོས་ཀྱི་འཁོར་ལོར་གནས། །སྤྲུལ་པའི་འཁོར་ལོར་ལྷན་ཅིག་སྐྱེས། །དགའ་བ་ཉམས་སུ་མྱོང་བར་བྱེད། །ཅེས་གསུངས་པ་ལྟར་ཡང་ཡང་བསྒོམས་པས་རླུང་ཅུང་ཟད་འགག་པ་ཕྲ་མོའི་རྣལ་འབྱོར་དང་། དེ་ལས་བདེ་བ་སྐྱེ་བ་ཐིག་ལེའི་རྣལ་འབྱོར་གྱི་རྩ ལ་འབྱོངས་ནས་དུ་བ་སོགས་རྟགས་ལྔ་འཆར་ཏེ། འདུས་པའི་རྒྱུད་ཕྱི་མ་ལས། དུ་བ་ལྟ་བུ་དང་པོ་ཡི། །སྨིག་རྒྱུ་འདྲ་བ་གཉིས་པ་སྟེ། །མཁའ་སྣང་འདྲ་བ་གསུམ་པ་ཡིན། །མར་མེ་ལྟར་འབར་བཞི་པའོ། །སྤྲིན་མེད་ནམ་མཁའ་ལྟ་བུ་ནི། །རྟག་ཏུ་སྣང་བ་ལྔ་པའོ། །ཞེས་སོ། །དེ་ནས་བཟླས་པ་བྱ་བའི་ཐོག་མར་བགྲང་ཕྲེང་བྱིན་རླབས་བྱ་བ་ནི། མངོན་བརྗོད་ལས། དུང་ཆེན་ཕྲེང་བ་བླངས་ནས་ནི། །ཞེས་གསུངས་པ་ལྟར་ལ། མ་རྒྱུད་རྣམས་ལས་སྐྱེས་པ་

― KMC014_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

གྲིར་ཤི་བའི་ཐོད་པའི་ཕྲེང་བ་ལ་དུང་ཆེན་གྱི་ཕྲེང་བ་ཞེས་བསྔགས་པས་དེ་ཉིད་གཞོན་ནུ་མས་བཀལ་པའི་སྲེད་བུས་བརྒྱུས་པ་མདོ་འཛིན་སྟེང་དུ་ཡོད་པར་བྱས་ལ་ལག་པ་གཡོན་པའི་སྙིམ་པར་བཅུག་ལ་བདུད་རྩིས་བསང་སྦྱང་། སྟོང་ལས་པད་ཉིའི་སྟེང་དུ་བགྲང་ཕྲེང་ཧྲཱིཿལས་པདྨ་གར་དབང་སྟེ་ངོ་བོ་གསུང་རྡོ་རྗེ་སྣང་བ་མཐའ་ཡས་སྐུ་མདོག་དམར་པོ་ཞལ་གཅིག་ཕྱག་བཞི་སོགས་གཞུང་གསལ་ལྟར་བསྐྱེད་ལ་ཡེ་ཤེས་པ་བསྟིམ། ལག་གཡས་པས་རྒྱ་དང་ཤབྡ་ལ་དྲིལ་གསིལ་བཅས་སྔགས་ཀྱིས་མཆོད། ༀ་པདྨ་ནརྟི་ཤྭ་ར་སོགས་བརྒྱ་རྩ་བརྒྱད་བརྗོད། སྔགས་དོན་ནི། པདྨ་ནརྟ་དང་ཨཱི་ཤྭ་ར་དབྱངས་སྦྱར་བས་པདྨ་གར་གྱི་དབང་ཕྱུག་གོ །དེ་ནས་པདྨ་གར་དབང་ཡོངས་སུ་གྱུར་པས་ཕྲེང་བར་གྱུར་པར་བསམས་ལ་ཕྲེང་བ་ནར་གྱིས་བཏང་ལ་འཛིན་པ་ནི་ཕྱག་བཞེས་སོ། །དེ་ནས་ལག་གཡོན་པའི་མཐེ་བོང་རྡོ་རྗེ་ལྕགས་ཀྱུས་ལྷ་རྣམས་འགུགས་པའི་བློས་

― KMC014_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲང་བར་བྱ་སྟེ། རྡོ་རྗེ་མཁའ་འགྲོ་ལས། མཐེ་བོང་ལྕགས་ཀྱུར་བྱས་ནས་ནི། །ལྷ་རྣམས་ཐམས་ཅད་འགུགས་པར་བསམ། །ཞེས་གསུངས་སོ། །སྤྱིར་ཞི་བ་ལ་མཛུབ་མོ། རྒྱས་པར་གུང་མོ། དབང་ལ་སྲིན་ལག །མངོན་སྤྱོད་ལ་མཐེའུ་ཆུང་གི་སྟེང་དུ་བཞག་ཅིང་མདོ་འཛིན་མི་འགོམ་ཕྲེང་བའི་མདོ་འཛིན་མི་འགོམས་གསུངས་པ་ལ་རྗེ་དཔའ་བོའི་ཕག་མོའི་རྣམ་བཤད་དུ་དགག་བཞག་ཆེ་བར་མཛད་ལ་ཕྱིས་འཇམ་མགོན་ཀོང་སྤྲུལ་རིན་པོ་ཆེའི་བཞེད་པ་ལྟར་འདིར་བཀོད་པའོ། །མཆན། པར་དེ་ལ་བསྐོར་བ་བྱེད་ཚུལ་གྱིས་མཐེ་བོང་གིས་བགྲང་བར་བཤད་དོ། །དེ་ནས་བཟླས་པ་དངོས་ཀྱི་རྣམ་གཞག་ལ་གསུམ་སྟེ། དང་པོ་བཟླས་པའི་ངོ་བོ་ནི། གཙོ་བོར་སྟོང་པ་ཉིད་དང་སྙིང་རྗེ་དབྱེར་མེད་པའི་བྱང་ཆུབ་ཀྱི་སེམས་ནི་བཟླས་པའི་ངོ་བོར་བཞེད་པ་དང་། ཡང་ན་ཡི་གེ་འདུས་པ་གང་ཞིག་ཡང་ཡང་བཟླས་པས་དངོས་གྲུབ་འགྲུབ་པ་ནི་བརྡར་བཏགས་སྔགས་ཀྱི་ངོ་བོའོ། །གཉིས་པ་སྒྲ་དོན་ནི། ལྷ་རྣམས་སྤྱན་

― KMC014_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་པ་དང་ཐུགས་དམ་བསྐུལ་བ་དང་མཚན་ནས་བོད་པ་དང་གདུག་པ་སྐྲོད་ཅིང་ཉོན་མོངས་འཇོམས་པས་ན་སྔགས་ཞེས་བྱ་སྟེ། རྡོ་རྗེ་རྩེ་མོ་ལས། ཅི་ཕྱིར་སྔགས་སུ་བརྗོད་པར་བྱ། །གསང་སྔགས་རྣམས་ནི་བདེ་སྤྱོད་ཅིང་། གདུག་པ་ཐམས་ཅད་སྐྲོད་པར་བྱེད། །ཉོན་མོངས་ལ་སོགས་འཇོམས་བྱེད་ཅིང་། །སངས་རྒྱས་ཆོས་ནི་སྤྱན་འདྲེན་ཡིན། །ཞེས་གསུངས་པ་ལྟར་རོ། །གསུམ་པ་དབྱེ་བ་ནི། གསང་སྔགས་དང་། །རིག་སྔགས་དང་། གཟུངས་སྔགས་དང་གསུམ་སྟེ། ལྷ་ཕོའི་སྔགས་ནི་གསང་སྔགས། མོའི་སྔགས་ནི་རིག་སྔགས། གཉིས་ཀའི་ཕྱོགས་སུ་མ་ལྷུང་བ་ལས་ཚོགས་ཀྱི་སྔགས་ལ་གཟུངས་སྔགས་སུ་བཞེད་པ་དང་། ཡང་འཇིག་རྟེན་པའི་ཉོན་མོངས་པའི་ཡིད་ལས་སྐྱོབ་པས་གསང་སྔགས་དང་། ཡང་ཡང་བཟླས་པས་ཤེས་རབ་ཁྱད་པར་ཅན་སྐྱེད་པས་རིག་སྔགས་དང་། བྱང་ཆུབ་ཀྱི་སེམས་མི་བརྗེད་པའི་དྲན་པ་བསྐྱེད་པས་གཟུངས་སྔགས་

― KMC014_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བཤད་པ་དང་། གཞན་ཡང་རྩ་སྔགས་སྐུ། སྙིང་པོ་གསུང་། ཉེ་སྙིང་ཐུགས་བསྐུལ་བར་བྱེད་པའི་སྔགས་སུ་བཤད་དོ། །དེ་ཡང་བཟླས་པ་ཞེས་བྱ་བ་ནི་ལེགས་སྦྱར་གྱི་ཛབ྄་ཞེས་པ་བོད་སྐད་དུ་བཟླས་པ་ལ་འཇུག་པས་ཡང་ཡང་བསྐྱར་ཞིང་བཟླས་པས་ན་བཟླས་པ་སྟེ། དེ་ཡང་ལུས་ཀྱི་ལས། ངག་གི་བརྗོད་པ། ཡིད་ཀྱི་ཏིང་ངེ་འཛིན་གསུམ་ཡང་ཡང་བསྐྱར་བལྡབ་བྱེད་པའི་དོན་ནོ། །ཇི་ལྟར་བཟླ་ཚུལ་ལའང་། སྲོག་རྩོལ་གྱི་རླུང་བསྡམས་ཏེ་བཟླས་པ་འགོག་བཟླས། སྔགས་ཉིད་རླུང་འབྱུང་འཇུག་གནས་གསུམ་དང་སྦྱར་བ་རྡོར་བཟླས། ལྕེ་མི་བསྐྱོད་པར་ཡིད་ཀྱིས་བཟླས་པ་ཡིད་བཟླས། སྔགས་གོང་བས་ཐོས་ཙམ་བརྗོད་པ་ངག་བཟླས་སམ་ཤུབ་བུའི་བཟླས་པ། རང་གཞན་གཉིས་ཀས་ཐོས་པར་དྲག་ཏུ་བརྗོད་པ་ཁྲོ་བོའི་བཟླས་པ། ཞི་ལྷག་དང་འབྲེལ་བ་བསམ་གཏན་གྱི་བཟླས་པའམ་ཡེ་ཤེས་ཀྱི་བཟླས་པ་སྟེ། དེའང་ཞི་རྒྱས་དབང་

― KMC014_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཕལ་མོ་ཆེར་ཤུབ་བུའི་བཟླས་པ་གཙོ་$རྒྱུད་རྣམས་ལས་བདེ་མཆོག་ལ་ཁྲོ་བཟླས་བྱ་བར་གསུངས་འདུག་གོ། མཆན། བོར་བྱེད་ཅིང་། སྣོད་མིན་སྐྱེ་བོས་དབེན་པའི་སར་སྒྲུབ་པ་དང་། བྱིང་བ་སེལ་བ་དང་། གནོད་པ་བཟློག་པ་སོགས་ལ་རིག་བྱེད་འདོན་པ་ལྟར་དབྱངས་ཀྱིས་བཟླས་པ་བྱ་བ་དང་། ཁྲོ་བོའི་བཟླས་རྒྱུད་རྣམས་ལས་བདེ་མཆོག་ལ་ཁྲོ་བཟླས་བྱ་བར་གསུངས་འདུག་གོ །མཆན། པ་ལའང་མཉམ་སྦྱོར་གྱི་རྒྱུད་ལས་འཁུན་པ་དབུགས་ཀྱི་རླུང་འབྱིན་སྲིན་པོའི་ངར་སྐད་ལྟ་བུ།དེ་ཉིད་བསྡུས་པ་ལས་ཁྲོ་བོའི་འབྲུག་སྒྲ་ལྟ་བུ། ཧེ་རུ་ཀ་འབྱུང་བ་ལས་རིགས་བཞིའི་གླུས་བཟླས་པ་དང་གསུམ་དུ་གསུངས་པ་དང་སོགས་སྐབས་དང་འབྲེལ་བར་བྱའོ། །གཞན་ཡང་ལྷ་སྐུའི་རྣམ་པ་ཙམ་རྗེས་སུ་དྲན་ནས་བཟླ་བ་ནི་གཟུགས་ཀྱི་བཟླས་པ། ལྷ་གཙོ་འཁོར་ཐམས་ཅད་ཀྱིས་སྔགས་དེ་ཉིད་མགྲིན་གཅིག་ཏུ་བཟླ་བར་མོས་ཏེ་དེའི་རམ་འདེགས་ཀྱི་ཚུལ་དུ་བཟླ་བ་ནི་ཕྱིའི་བཟླས་པ་ཞེས་གསུངས་སོ། །དེ་

― KMC014_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ནང་གི་བཟླས་པ་སྟེ། ཡིད་ཀྱི་ཏིང་ངེ་འཛིན་ཇི་ལྟར་བསྒོམ་པའི་ཚུལ་ནི། མངོན་བརྗོད་བླ་མ་ལས། སྲོག་རྩོལ་ལས་དང་ཆོ་ག་བཞིན། །ཡེ་ཤེས་ཀྱི་ནི་བཟླས་པ་བྱ། །སྤྲོ་དང་བསྡུ་བའི་སྦྱོར་བ་ཡིས། །མྱུར་དུ་དངོས་གྲུབ་ཐོབ་པར་འགྱུར། །ཞེས་དང་། འཁོར་ལོ་དམ་ཚིག་བཟླས་པ་ནི། །ཁྲོ་བོའི་དམ་ཚིག་བཟླས་བྱས་ན། །དངོས་གྲུབ་ཐམས་ཅད་བདེ་བར་ཐོབ། །ཅེས་གསུངས་པ་ལྟར། སྤྱིར་བཏང་ལྟར་ན་བདག་མདུན་གཉིས་ཀའི་ཐུགས་ཀར་པདྨ་དང་ཟླ་ཉི་གང་རུང་གི་གདན་གྱི་དབུས་སུ་རང་ལྷའི་ས་བོན་ལ་སྔགས་ཕྲེང་ལྷའི་རང་མདོག་ཀྱིས་བསྐོར་ཏེ་རིམ་པར་ཇེ་མགྱོགས་ཀྱིས་མི་མངོན་པར་འཁོར་བར་བསམས་ཏེ། དེ་ནས་མདུན་བསྐྱེད་ཀྱི་ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་འཕྲོས་ཏེ་རང་གི་ཞལ་དུ་ཞུགས་ཤིང་ཐུགས་ཀ་ནས་འཐོན་ཏེ་ཞལ་དང་ཐུགས་ཀར་འཁོར་བར་བསམས་པ་བདག་མདུན་གཉིས་ཆར་ཅན་

― KMC014_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། བདག་བསྐྱེད་ཁོ་ན་ལ་ཞལ་ནས་ཐུགས་ཀ་དང་ཐུགས་ཀ་ནས་ཞལ་དུ་འཁོར་བར་བསམ་པ་ནི་འཁོར་ལོའི་བཟླས་པའོ། །ཁྱད་པར་གྱི་བཟླས་པའམ་གསང་བའི་བཟླས་པ་ནི། ཨ་ཧཾ་གཉིས་བསམ་ཞིང་དེའི་རང་སྒྲ་ལ་སེམས་གཏད་ནས་བཟླ་བའོ། །བཀོད་པའི་བཟླས་པ་ནི། བདག་བསྐྱེད་དམ་མདུན་བསྐྱེད་ཀྱི་ཐུགས་ཀར་ཉི་མའམ་ཟླ་བ་ལ་ས་བོན་མཐར་སྔགས་ཕྲེང་མགོ་གྱེན་བསྟན་མར་མེ་ལྟར་འབར་བ་ཡིད་ཀྱིས་བཀོད་པ་ལ་དམིགས་ནས་བཟླ་བ་དང་། སྤྲོ་བསྡུས་བཟླས་པ་ནི་སྔགས་ཀྱི་ཡིག་འབྲུ་ལས་འོད་འཕྲོས་སངས་རྒྱས་ཐམས་ཅད་ཀྱི་ཐུགས་རྒྱུད་བསྐུལ་ཞིང་བྱིན་རླབས་བསྡུས། སེམས་ཅན་གྱི་དོན་བྱས་ཚུར་འདུས་རང་གི་སྙིང་གར་ཐིམ་པར་བསམས་པ་སྟེ་དེ་དག་སྤྱིར་བཏང་ཙམ་དུ་བཤད་པ་དེ། སྐབས་འདིར་དངོས་སུ་འབྲེལ་བ་ནི། འཁོར་ལོའི་བཟླས་པའི་ཁྱད་པར་བདེ་དགྱེས་སོགས་རྣལ་འབྱོར་མ་རྒྱུད་ཡོངས་ཀྱི་བཟླས་

― KMC014_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་ཁྱད་པར་ཁྱོགས་ཀྱི་བཟླས་པ་དང་། ཕྲིན་ལས་བཞིའི་བཟླས་དམིགས་དང་། སྤྲོ་བསྡུ་དམ་ཚིག་གི་བཟླས་པ་དང་གསུམ་དུ་བསྟན་པས། དང་པོ་འདོ་ལིའམ་ཁྱོགས་ཀྱི་བཟླས་པ་དང་། གཙོ་བོའི་ཐུགས་ཀར་སྣ་ཚོགས་རྡོ་རྗེའི་ལྟེ་བར་ཉི་མ་ལ་གནས་པའི་ཧཱུྃ་འདི་ལ་སྔགས་འཁོར་མེད། མཆན།ཡིག་ལས་འོད་ཟེར་གྱི་མདོག་རྒྱུན་གྱི་བཟླས་པའི་ཚེ་སྔོན་པོ་བྱུང་། ཡབ་ཀྱི་ཞལ་ནས་ཐོན་ཡུམ་གྱི་ཞལ་དུ་ཞུགས། སྐུའི་དབྱིབས་བརྒྱུད་དེ་ཡུམ་གྱི་མཁའ་ནས་ཡབ་ཀྱི་རྡོ་རྗེར་ཞུགས། སྐུའི་དབྱིབས་བརྒྱུད་ཐུགས་ཀའི་ས་བོན་ལ་ཐིམ་པར་བསམས་ལ་སྔགས་བཟླ། ཡང་ལཱུ་ཡི་པའི་གཞུང་ལས། ཆོས་རྣམས་མཉམ་ཉིད་ང་རྒྱལ་གྱིས། །ཕྲེང་སྔགས་ས་བོན་ལས་ཐོན་ཏེ། །རྡོ་རྗེའི་ལམ་ནས་བྷ་གར་ཞུགས། །དབུ་མར་ཞུགས་ནས་ཁ་རུ་ཐོན། །ལྷ་མོ་ལས་བྱུང་ཁ་རུ་ཞུགས། །བསྐོར་སྦྱོར་འདོ་ལིའི་བཟླས་པའོ། །ཞེས་པ་ལྟར། ཧཱུྃ་ལས་སྔགས་ཕྲེང་སྔར་ལྟར་བྱུང་སྐུའི་

― KMC014_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིབས་བརྒྱུད་དེ་རྡོ་རྗེའི་ལམ་ནས་ཐོན་ཡུམ་གྱི་པདྨར་ཞུགས། སྐུའི་དབྱིབས་བརྒྱུད་ཡུམ་གྱི་ཞལ་ནས་ཐོན་རང་གི་ཞལ་དུ་ཞུགས་ཐུགས་ཀའི་ཧཱུྃ་ལ་ཐིམ་པར་བསམས་ལ་སྔགས་བཟླས་པས་སྔ་མས་ཐིག་ལེའི་གེགས་སེལ། ཕྱི་མས་བདེ་སྟོང་འཆར་བར་གསུངས་སོ། །དེ་ནས་ཕྲིན་ལས་བཞིའི་བཟླས་པ་བྱ་བ་ནི། ཡང་འོད་ཟེར་དཀར་པོ་གོང་གསལ་ལྟར་འཕྲོས་པས་ནད་གདོན་བར་ཆད་ཐམས་ཅད་ཞི། སེར་པོས་ཚེ་བསོད་དཔལ་འབྱོར་རྒྱས། དམར་པོས་ལོངས་སྤྱོད་བསྡུས། མཐིང་གས་གནོད་བྱེད་ཐམས་ཅད་ཚར་གཅོད་པར་བསམས་ལ་བཟླས་པ་བྱ། དེ་དག་གང་ཡང་དང་པོ་འོད་ཟེར་དང་། རྗེས་ནས་སྔགས་ཀྱི་ཕྲེང་བར་བསྒྱུར་བར་བྱ་སྟེ། དེ་ཡང་ཡིག་འབྲུ་སྔ་མའི་ཞབས་ཀྱི་ཕྱོགས་ལ་ཕྱི་མའི་མགོ་མཐུད་དེ་ཡིག་འབྲུ་རྣམས་ཕན་ཚུན་མ་རེག་པར་འོད་ཟེར་འཕྲོ་བ་དལ་གྱིས་འགྲོ་བར་བསྒོམ། ཞིབ་པར་ལས་བཞི་སྒྲུབ་པའི་སྐབས་སྡོམ་འབྱུང་གི་

― KMC014_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པ་ལྟར་ཞི་བ་ལ་སྔགས་ཕྲེང་རྣམས་རིམ་པར་དལ་གྱིས་འགྲོ་བ་འོད་ཟེར་ཀྱི་ལི་ལི་བྱེད་པ་སྟེ་འགལ་མེའི་འཁོར་ལོ་ལྟ་བུ་ཞེས་པའང་འདི་ཡིན། རྒྱས་པ་ལ་སྔགས་ཕྲེང་ཡི་གེ་རེ་རེ་བཞིན་སེར་པོ་གཙོ་ཆེ་བའི་འོད་ཟེར་ལྔ་ལྡན་མང་པོ་སྨད་ཀྱི་ཕྱོགས་སུ་ཇེ་སྦོམ་དུ་འཁྱིལ་ཞིང་འགྲོ་བ་རྨ་བྱའི་སྒྲོ་ཆུན་གྱི་སྣེ་ལྟ་བུ་དང་། དབང་ལ་ཡི་གེ་སྔ་མ་རྣམས་ཀྱི་ཞབས་སུ་འོད་ཟེར་ལྕགས་ཀྱུའི་དབྱིབས་ཅན་གྱིས། ཕྱི་མའི་ཡི་གེ་རྣམས་ཀྱི་མགོར་འོད་ཟེར་ཞགས་པའི་དབྱིབས་ཅན་གྱི་མིག་མ་བལྟས་ཏེ་འོད་ཟེར་ཐམས་ཅད་སྦྲེལ་བ་དང་གུག་པའི་རྣམ་པར་འགྲོ་བ་དང་། དྲག་པོ་ལ་ཐག་མདུང་འཕེན་པའི་ཐི་གུ་བསྒྲིལ་བ་ལྟ་བུར་ཕྱི་མ་རྣམས་ཀྱིས་སྔ་མ་འཕུལ་བའི་ཚུལ་གྱིས་མདའི་འགྲོས་ལྟར་དྲག་ཅིང་རྩུབ་པར་འཕྲོ་བར་གསུངས་སོ། །ཐམས་ཅད་ཀྱང་འོད་ཟེར་རེག་ལ་ཡིག་འབྲུ་ཕན་ཚུན་མ་རེག་པའོ། །སྤྱི་ཙམ་དུ་ཕ་རྒྱུད་ལ་སྤྲོ་བསྡུའི་བཟླས་པ་དང་།

― KMC014_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རྒྱུད་ལ་ཁྱོགས་ཀྱི་བཟླས་པ་གཙོ་བོར་བྱ་ཞིང་ཏིང་ངེ་འཛིན་སྐྱེ་བ་ལ་ནི། ཡིད་བཟླས་དང་། འགོག་བཟླས། རྡོར་བཟླས་རྣམས་གཙོ་བོར་བྱའོ། །བཟླ་བྱའི་སྔགས་ཀྱི་ཐོག་མ་ཡི་གེ་ༀ་ནི། རྡོ་རྗེ་རྩེ་མོ་ལས། ༀ་ནི་ཅི་ཞིག་ཡིན་པར་བརྗོད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་ཅིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཞེས་དོན་བརྒྱད་ལ་འཇུག་པར་གསུངས་པ་ལས་སྐབས་འདིར་དཔལ་སྡོམ་པའི་སྙིང་པོའི་སྔགས་ཀྱི་ནོར་བུ་འཛིན་པའོ། །ཤྲཱི་ནི་དཔལ་ཏེ། དཔལ་དྲྭ་བ་སྡོམ་པའི་རྒྱུད་ལས། དཔལ་ནི་གཉིས་མེད་ཡེ་ཤེས་ཏེ། །དེ་ཉིད་མཆོད་པའི་འོས་ཡིན་ལ། །གཉིས་མེད་བདེ་བས་མཆོད་པར་བྱ། །ཞེས་དང་། བདེ་མཆོག་ཉུང་ངུའི་བཀའ་འགྲེལ་ལས། གཉིས་སུ་མེད་པའི་ཡེ་ཤེས་ནི་ཤྲཱི་སྟེ། མི་འགྱུར་བདེ་བ་ཆེན་པོའི་ཡེ་ཤེས་ནི་བདེ་སྟོང་གཉིས་སུ་མེད་པའི་དཔལ་ཕུན་སུམ་ཚོགས་

― KMC014_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་ལྡན་པའོ། །ཞེས་གསུངས་པ་ལྟར་རོ། །བཛྲ་ནི་རྡོ་རྗེ་སྟེ་རྒྱུད་ལས། རྡོ་རྗེ་མི་ཕྱེད་ཅེས་བྱར་བརྗོད། །ཅེས་གསུངས་པ་ལྟར། འཕོ་མེད་རྡོ་རྗེའི་ཡེ་ཤེས་ཉིད་གཟུང་འཛིན་གྱི་རྟོག་པས་མི་ཕྱེད་པའི་དོན་ཏོ། །ཧེ་ནི་འཐུང་བའམ་རོལ་པ། རུ་ཀཾ་ནི་ཁྲག་ལ་འཇུག་པས་ཁྲག་འཐུང་ཞེས་བྱ་སྟེ། དོན་གྱིས་ན་དབྱིངས་ཡེ་གཉིས་སུ་མེད་པའི་དོན་དམ་འཕོ་མེད་ལྷན་ཅིག་སྐྱེས་པའི་བདེ་བ་མཆོག་ལ་དགྱེས་པས་རྟག་པར་རོལ་པའི་དོན་ཏེ་མཚན་དོན་དང་འབྲེལ་བའོ། །ཧཱུྃ་ཡིག་གི་དོན་ནི་བཤད་རྒྱུད་རྡོ་རྗེ་རྩེ་མོ་ལས། ཧཱུྃ་གི་ཡི་གེ་ཅི་ཞིག་བརྗོད། །སྡུག་བསྔལ་འཆོས་ཤིང་འཇོམས་པར་བྱེད། །སྲིད་པའི་ཞགས་པ་གཅོད་བྱེད་ཅིང་། །གདུག་པ་སྡང་གསོད་བྱེད་པ་ཡི། །ཧཱུྃ་ཡིག་མཆོག་ཏུ་དྲན་པར་བྱ། །ཞེས་དང་། ཕཊྲ་ཀྱང་དེ་ཉིད་ལས། ཡི་གེ་ཕཊྲ་ནི་ཅི་ཡིན་བརྗོད། །གདུག་དང་སྡུག་བསྔལ་འཇོམས་བྱེད་དེ། །བདེ་བ་དག་ནི་འགུགས་པར་བྱེད། །ཅེས་

― KMC014_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་སོ། །དེ་ལའང་རྣམ་པ་བརྡར་གྱུར་ལྟར་ན། ༀ་ནི་དཔལ་འཁོར་ལོ་སྡོམ་པའི་སྐུའི་ངོ་བོ། ཧེ་ཡིག་དང་པོ་དགའ་བ། གཉིས་པ་མཆོག་ཏུ་དགའ་བ། རུ་སྔོན་མ་ཁྱད་དགའ། རུ་རྗེས་མ་ལྷན་ཅིག་སྐྱེས་པའི་དགའ་བ། ཀཾ་ནི་བདེ་བ་དང་སྟོང་པ་དབྱེར་མེད་པ། ཧཱུྃ་ཡིག་གཉིས་ནི་སྐུ་གཉིས་ཟུང་དུ་འཇུག་པ། ཕཊྲ་ནི་འཇོམས་པ་སྟེ་གཟུང་འཛིན་གྱི་རྣམ་རྟོག་ཐམས་ཅད་ཆོས་ཀྱི་དབྱིངས་སུ་སྐྱེལ་བར་བྱེད་པའོ། །དོན་འགྱུར་ཧེ་ནི་རྒྱུ་སོགས་ཀྱི་དོན་སྔར་བཤད་པ་དང་འདྲའོ། །ཌཱ་ཀི་ནཱི་མཁའ་འགྲོ་མ་སྟེ། རྒྱུད་ལས། ཌཱ་ནི་ནམ་མཁར་འགྲོ་མ་ཞེས། །མཁའ་ལ་མངོན་དུ་བཏགས་པ་སྟེ། །ནམ་མཁར་ཀུན་ཏུ་སྤྱོད་གྲུབ་པས། །མཁའ་འགྲོ་མ་ཞེས་བརྡར་བཏགས་སོ། །ཞེས་གསུངས་པ་ལྟར་དང་། ཛཱ་ལ་ནི་དྲྭ་བ། སམྦ་རཾ་སྡོམ་པ་སྟེ། བདེ་མཆོག་ཉུང་ངུའི་རྒྱུད་ལས། འདི་ནི་རང་བྱུང་བཅོམ་ལྡན་འདས། །མཁའ་འགྲོ་དྲྭ་བའི་སྡོམ་པ་ཡིན། །ཞེས་དང་།

― KMC014_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་རྒྱ་མཚོ་ལས། མཁའ་འགྲོ་མ་ཡི་དྲྭ་བ་སྡོམ། །ཞེས་གསུངས་པ་ལྟར། དགོངས་འགྲེལ་གྲུ་གཟིངས་མ་ལས། མཁའ་འགྲོ་མ་རྣམས་ནི་རྩ་སྟོང་ཕྲག་བདུན་ཅུ་དེ་རྣམས་ཀྱི་དྲྭ་བ་སྟེ་ཚོགས་སོ། །དེ་དག་བཅོམ་ལྡན་འདས་ཀྱི་ཡེ་ཤེས་ཀྱི་སྐུའི་བདག་ཉིད་ཀྱི་ནང་དུ་སོན་པའི་ཕྱིར་དེའི་རང་བཞིན་དུ་སྡོམ་པས་སྡོམ་པའོ། །ཞེས་དང་། བདེ་མཆོག་ཉུང་ངུའི་བཀའ་འགྲེལ་ལས། མཁའ་འགྲོ་མ་ནི་རྡོ་རྗེ་ཌཱ་ཀི་ལ་སོགས་པ་གནས་གསུམ་གྱིས་བསྡུས་པའི་མཁའ་འགྲོ་ཐམས་ཅད་ཆོས་ཉིད་ཀྱི་ངང་ལས་ཡེ་ཤེས་ཀྱིས་འགྲོ་བའོ། །དེའི་དྲྭ་བ་སྡོམ་ཞེས་ལུས་སེམས་ཀྱི་དེ་ཁོ་ན་ཉིད་ཀྱི་ངང་དུ་ཐབས་ཤེས་རབ་དབྱེར་མེད་སྙིང་པོ་རྡོ་རྗེའི་གནས་སུ་སྡོམ་པ་ཉིད་དོ། །ཞེས་དང་། དོན་འགྱུར་ཡང་རྒྱུད་འགྲེལ་དེ་ཉིད་ལས། ཌཱ་ཀི་ནི་འོད་གསལ་བའོ། །དྲྭ་བ་ནི་རང་གི་རྟོགས་པ་ལས་འདས་པ། སྡོམ་པ་ནི་ཟུང་འཇུག་སྤྲོས་བྲལ་དུ་སྡོམ་པ་སྟེ་འཁོར་འདས་ཀྱི་

― KMC014_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཐམས་ཅད་གཉིས་མེད་ཐ་དད་མེད་པའི་རང་བཞིན་དུ་གྱུར་པའོ། །ཞེས་གསུངས་པ་ལྟར་དཔལ་རྡོ་རྗེ་གྲུབ་པ་དྲྭ་བ་སྡོམ་པའི་རྒྱུད་ལས་ཀྱང་། དྲྭ་བ་ཞེས་བྱ་མང་པོའི་དོན། །ཀུན་རྫོབ་གཞན་རིག་ཏུ་བསྟན་པས། །གྲངས་མང་རྒྱ་ཆེ་བསྟན་པ་ནི། །ནམ་མཁའ་དང་མཚུངས་སྡོམ་པའི་དོན། །ཞེས་གསུངས་སོ། །སྭཱ་ཧཱ་ནི་རྡོ་རྗེ་རྩེ་མོ་ལས། སྭཱ་ཧཱ་ཞེས་པ་ཅི་ཡིན་བརྗོད། །སྡིག་པ་ཐམས་ཅད་ཞི་བྱེད་ཅིང་། །དགེ་བའི་ཚོགས་ནི་འཕེལ་བར་བྱེད། །ཅེས་གསུངས་ལ། ཡང་ན། སྭཱ་ཧཱ་ནི་གཞི་ཚུགས་ཞེས་པ་སྟེ། ཕྱི་ལྟར་ན་ཉོན་མོངས་དང་རྣམ་རྟོག་ཐམས་ཅད་དག་པ་ལྷ་ཡི་འཁོར་ལོར་སྡོམ་པ་དང་། ནང་ལྟར་ན་རྩ་རླུང་ཐིག་ལེ་བྱང་སེམས་ཐམས་ཅད་ཨ་བ་དྷཱུ་ཏིའི་ནང་དུ་སྡོམ་པ་དང་། གསང་བ་ལྟར་ན་བདེ་གསལ་མི་རྟོག་པའི་ཉམས་ཐམས་ཅད་དབྱེར་མེད་གཉུག་མའི་ངང་དུ་སྡོམ་པའི་གཞི་ཚུགས་ཞེས་པའོ། །འདིར་ནི་ལྷའི་མཚན་དངོས་སུ་བརྗོད་པས་ན་སྙིང་པོའི་

― KMC014_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཅེས་བྱ་སྟེ་སྙིང་པོ་ཉི་ཤུ་རྩ་གཉིས་པའོ། །དེང་སང་ཐམས་ཅད་ཀྱིས་ཛྭཱ་ལ་སམྦ་ར་ཞེས་བཀླག་ཅིང་སྤར་གསར་བརྐོས་རྣམས་ལའང་དེ་བཞིན་སྣང་ཡང་། ཛྭཱ་ལ་འབར་བའི་དོན་ལ་འཇུག་པ་ལས་དྲྭ་བ་ལ་ནམ་ཡང་མི་འཇུག་པར་མ་ཟད། བདེ་མཆོག་སྤར་རྙིང་དང་བཀའ་བསྟན་གཉིས་ཀྱི་ཁྲོད་དུ་རྒྱུད་དང་རྒྱ་གཞུང་གི་དཔེ་ཇི་སྙེད་ཅིག་བཞུགས་པ་རྣམས་སུའང་ཛྭཱ་ལ་ཁོ་ནར་ཡོད་པས་ཤེས་ནུས་ལ། ཚིག་དོན་གྱི་དབང་དུ་བྱས་ནའང་གོང་དུ་ལུང་རྒྱས་པར་དྲངས་པ་ལྟར་དྲྭ་བ་སྡོམ་པ་ལས། འབར་བ་སྡོམ་པ་ཞེས་མ་གསུངས་པའི་ཕྱིར་རོ། །སྤྱིར་སྔགས་ཀྱི་བཀླག་ཐབས་ཚུལ་ལྡན་འབྱུང་བ་དཀའ་ཡང་སྙིང་པོ་ཙམ་ནི་དག་པར་ཀློག་དགོས་པར་གྲུབ་ལ། དེ་ལའང་གཉིས་ཏེ་ཅི་ཡང་མི་ཤེས་པའི་མི་སྐྱ་ཕོ་མོ་ཙམ་ལ་ནི་ཁྱོད་ཀྱི་བཟླས་བརྗོད་དང་ཁ་ཏོན་མི་དག་ཅེས་མི་བརྗོད་དེ། ཚུལ་ལྡན་དུ་མི་འབྱུང་བའི་ཁར་ཐེ་ཚོམ་གྱི་རྒྱུར་འགྲོ་བས་སྔར་གྱི་དགེ་བ་

― KMC014_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་མོ་དེ་ཡང་ཆུད་འཛའ་བས་སྨྲ་བར་མི་བྱ་ལ། ཆོས་ཀྱི་གནད་དོན་ཤེས་པ་རྣམས་ཀྱིས་ནི་རྣམ་དག་ཏུ་ཀློག་པ་གལ་ཆེ་སྟེ། དཔུང་བཟང་གིས་ཞུས་པ་ལས། གསང་ཚིག་སྒྲ་དང་ཚིག་འབྲུ་ཉམས་གྱུར་ན། །ལོག་པར་སྦྱོར་བས་དེ་ཡི་དོན་མི་སྟོན། །རྡོ་རྗེའི་ཚིག་དེས་མཆོག་སྦྱིན་བྱེད་མིན་ཏེ། །དབང་པོའི་བདག་པོ་དགྲ་ཡིས་བརླག་པ་བཞིན། །ཞེས་དང་། དགེ་སློང་ཀརྨ་ལུང་བསྟན་པའི་མདོ་ལས། དགེ་སློང་སྔགས་ཀྱི་ཡི་གེ་རྣམས་དག་པར་གདོན་པར་བྱ་སྟེ། མ་དག་པར་བཀླགས་ན་བསྐལ་པ་བརྒྱར་ལྕེ་དཔག་ཚད་བརྒྱད་ཁྲིར་འགྱུར་ཏེ། ཐོང་གཤོལ་ལྔ་བརྒྱས་རྨོ་ཞིང་འཚེད་དེ། སྡུག་བསྔལ་བསམ་གྱིས་མི་ཁྱབ་མྱོང་བར་འགྱུར་རོ། །ཞེས་གསུངས་པས་སོ། །དེ་ནས་སྤྲོ་བསྡུ་དམ་ཚིག་གི་བཟླས་པ་བྱ་བ་ནི། ལཱུ་ཡི་པའི་གཞུང་ལས། ནཱ་ད་འཁོར་ལོའི་ལྷ་ཚོགས་ཀྱི། །སྤྲོ་དང་བསྡུ་བ་དག་གིས་ནི། །དེ་བཞིན་བློ་ལྡན་དམ་ཚིག་བཟླས། །ཞེས་གསུངས་པ་ལྟར།

― KMC014_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་ཀྱི་ལྟེ་བ་སྤྲུལ་པའི་འཁོར་ལོར་པདྨའི་ལྟེ་བར་འདི་ལ་ལཱུ་ཡི་པའི་མངོན་རྟོགས་ཀྱི་དཀའ་འགྲེལ་དང་། དེ་བཞིན་གཤེགས་པའི་རྡོ་རྗེའི་རྒྱ་གཞུང་ལས་ཧཱུྃ་ཡིག་དམར་པོའམ་ནཱ་ད་ཞེས་གསུངས་སོ། །མཆན། ནཱ་ད་དམར་པོ་གནས་པ་ལས་གང་ཟློ་བའི་སྔགས་ཀྱི་ཕྲེང་བ་འཕྲོས། ལུས་ཀྱི་ནང་བརྒྱུད་སྣ་བུག་གཡས་ནས་ཐོན། དཀྱིལ་འཁོར་པ་སྟེ་གཙོ་བོ་ཡབ་ཡུམ་དང་མཁའ་འགྲོ་མ་བཞི་དཔའ་བོ་དང་རྣལ་འབྱོར་མ་རྣམས་སུ་གྱུར་ཏེ་འགྲོ་བའི་དོན་དཔག་ཏུ་མེད་པ་མཛད་ནས། མཐར་ལྷ་ཚོགས་དེ་དག་ཐམས་ཅད་ཀྱང་སྔར་ལྟར་སྔགས་ཕྲེང་གི་གཟུགས་སུ་གྱུར་ཏེ་རང་གི་སྣ་བུག་གཡོན་པ་ནས་ཞུགས་ཏེ་ནཱ་ད་ལ་ཐིམ་པར་བསམས་ཏེ་སྔགས་བཟླའོ། །ཉེ་བའི་སྙིང་པོ་ཡི་གེ་བདུན་པ་ནི་ཡན་ལག་གི་སྒོ་ནས་བརྗོད་པ་འདུས་པའི་ཡི་གེ་སྟེ། ༀ་ནི་བཅོམ་ལྡན་འཁོར་ལོ་སྡོམ་པ། ཧྲཱིཿནི་བཅོམ་ལྡན་རྡོ་རྗེ་རྣལ་འབྱོར་མ། ཧ་ཡིག་དང་པོ་རྣལ་འབྱོར་མ་བཞི། གཉིས་པ་ས་འོག་སྐུའི་འཁོར་ལོའི་

― KMC014_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་བོ་དང་དཔའ་མོ་ཡབ་ཡུམ་བཅུ་དྲུག །ཧཱུྃ་ཡིག་དང་པོ་ས་སྤྱོད་གསུང་གི་འཁོར་ལོའི་དཔའ་བོ་དང་དཔའ་མོ་ཡབ་ཡུམ་བཅུ་དྲུག །ཧཱུྃ་ཡིག་གཉིས་པ་མཁའ་སྤྱོད་ཐུགས་ཀྱི་འཁོར་ལོའི་དཔའ་བོ་དང་དཔའ་མོ་ཡབ་ཡུམ་བཅུ་དྲུག ། ཕཊྲ་ནི་སྒོ་མཚམས་ཀྱི་ལྷ་མོ་བརྒྱད་ཡིན་ནོ། །དེ་ནས་ཡུམ་གྱི་སྙིང་པོ། བཛྲ་ནི་རྡོ་རྗེ། བཻ་རོ་ཙ་ནཱི་ནི་རྣམ་པར་སྣང་མཛད་མ་སྟེ། འཕོ་མེད་བདེ་ཆེན་ཡེ་ཤེས་རྡོ་རྗེ་ཉིད་མཁའ་འགྲོ་མའི་རྣམ་པར་སྣང་བར་མཛད་མ་ཡིན་པས་ན་དེ་སྐད་ཅེས་བྱའོ། །ཉེ་སྙིང་སརྦ་བུདྡྷ་སོགས་ནི། སརྦ་ནི་ཀུན། བུདྡྷ་ནི་སངས་རྒྱས། ཌཱ་ཀི་ནཱི་ཡེ་མཁའ་འགྲོ་མ། བཛྲ་རྡོ་རྗེ། བརྞ་ནཱི་ཡེ་རིགས་ལྡན་མ་སྟེ། ངོ་བོ་སངས་རྒྱས་མཁའ་འགྲོ་ཡིན་པས་སངས་རྒྱས་ཀུན་གྱི་མཁའ་འགྲོ་མ་དང་། དེ་ལ་རྡོ་རྗེ་རིན་ཆེན་པདྨ་ལས་ཀྱི་རིགས་ཀྱི་མཁའ་འགྲོ་ཐམས་ཅད་ཀྱང་འདུས་པས་ན་རིགས་ལྡན་མ་ཞེས་བྱའོ། །འཁོར་སྔགས་ཌཱ་ཀི་ནཱི་ཡེ་མཁའ་འགྲོ་མ། ལཱ་མེ་མཛེས་མ།

― KMC014_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ཁཎྜ་རོ་ཧེ་དུམ་སྐྱེས་མ། རཱུ་པི་ཎཱི་ཡེ་གཟུགས་ཅན་མ། དེ་དག་ཐམས་ཅད་ཀྱི་མཐར་བོད་པའི་དོན་དུ་རྟགས་མཐའ་ཨེར་བསྒྱུར་བའོ། །ཐམས་ཅད་ཀྱི་མགོར་ༀ་དང་མཐར་ཧཱུྃ་ཧཱུྃ་ཕཊ་སྦྱར་བའི་དོན་ནི། ཁྲག་འཐུང་མངོན་པར་འབྱུང་བའི་རྒྱུད་ལས། རང་མིང་བརྗོད་པའི་སྔགས་དག་ལ། །དང་པོ་ༀ་གྱི་ཡི་གེ་དང་། །ཧཱུྃ་ཧཱུྃ་ཕཊ་ཀྱིས་མཐའ་ལ་བརྒྱན། །ཞེས་གསུངས་པ་ལྟར་རོ། །སྔགས་དེ་དག་གི་བྱེད་ལས་ཀྱང་། ངེས་བརྗོད་བླ་མའི་དཀའ་འགྲེལ་ལས། དཔའ་བོའི་སྙིང་པོས་ནི་ཆོས་ཀྱི་སྐུའི་ཡེ་ཤེས་སྟོན། ཉེ་བའི་སྙིང་པོས་ནི་ལོངས་སྐུའི་གཟུགས་སྟོན། ཡུམ་གྱི་སྙིང་པོས་ནི་ཆོས་ཀྱི་སྐུའི་འདུས་མ་བྱས་སྟོན། ཡུམ་གྱི་ཉེ་སྙིང་གིས་ནི་ལོངས་སྐུ་ལས་སྤྲུལ་སྐུ་འགྱེད་པ་སྟོན། ཡུམ་བཞིའི་སྔགས་ཀྱིས་ནི་ཕྲིན་ལས་བཞི་མཛད་དོ། །ཞེས་གསུངས་སོ། །མཐར་ཧཱུྃ་ཡིག་རིང་པོ་དང་ཐུང་དུ་གཉིས་སུ་འབྱུང་བ་ནི། འདྲ་བའི་ཡི་གེ་ལ་སྔ་མ་ཐུང་ངུ་དང་ཕྱི་མ་

― KMC014_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་པོར་བཤད་པ་ལྟར་རོ། །སྔགས་ཀྱི་བཟླས་ཚད་ཀྱང་གཙོ་བོ་ལ་འབུམ། ཡུམ་དང་འཁོར་ལ་ཁྲི་བཟླ་བ་གྲངས་བསྙེན་དང་། གྲངས་མེད་དུ་བཟླ་བ་གཉིས་སུ་གསུངས་ཏེ། སྡོམ་འབྱུང་ལས། བརྒྱ་དང་སྟོང་དང་འབུམ་གྱི་བར། དེར་ནི་གྲངས་ཉིད་མཚོན་པར་བྱ། །གྲངས་མེད་སྔགས་ནི་བཟླས་པ་ཡིས། །བླ་ན་མེད་པའི་དགེ་བ་འབྱུང་། །ཞེས་དང་། རྫོགས་ལྡན་དུས་སུ་གཅིག་བཟླས་པ། །གསུམ་ལྡན་དུས་སུ་ཉིས་འགྱུར་དང་། །གཉིས་ལྡན་དུས་སུ་སུམ་འགྱུར་བཤད། །རྩོད་དུས་བཞི་འགྱུར་དུ་ནི་བཟླ། །ཞེས་གསུངས་པ་ལ་དེང་སང་རྩོད་དུས་བཞི་འགྱུར་དུ་བཟླ་དགོས་ཞེས་བོད་རྣམས་བཞེད་ཀྱང་། རྗེ་བདུན་པའི་ཞལ་སློབ་ཀརྨ་ཕྲིན་ལས་པ་ཆེན་པོ་དང་བོ་དོང་བ་སོགས་ཀྱིས། རྫོགས་ལྡན་ལ་གཅིག་བཟླས་པ་དེ་སུམ་ལྡན་སོགས་ལ་བཟླས་ན་ཉིས་འགྱུར་གྱི་ཕན་ཡོན་སྟོན་པ་ཡིན་ཞེས་གསུངས་པ་མ་ཟད། དགེ་བ་མཐའ་དག་སྙིགས་དུས་སུ་འགྱུར་

― KMC014_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་ཆེ་བར་གསུངས་པ་དང་། ཁྱད་པར་དུ་སྔགས་རྣམས་དུས་ཀྱི་ཐ་མར་འགྲུབ་པར་འཇམ་དཔལ་རྩ་རྒྱུད་དུ་གསུངས་ཏེ། དུས་ཀྱི་ཐ་མ་དག་ལ་ནི། །སྔགས་རྣམས་གྲུབ་པ་ངེས་པ་ཡིན། །ཞེས་དང་། ཁྲག་འཐུང་མངོན་པར་འབྱུང་བའི་རྒྱུད་ལས། རྩོད་ལྡན་དུས་སུ་དངོས་གྲུབ་འགྱུར། །རྫོགས་ལྡན་ཡོན་ཏན་གཅིག་འགྲུབ་སྟེ། །དེ་བཞིན་གསུམ་ལྡན་ཡོན་ཏན་གཉིས། །གཉིས་ལྡན་ཡོན་ཏན་གསུམ་དུ་གསུངས། །རྩོད་ལྡན་ཡོན་ཏན་བཞི་ཉིད་དེ། །དངོས་གྲུབ་ཉིད་དུ་ཐེ་ཚོམ་མེད། །ཅེས་གསུངས་པ་ལྟར་ལ། འོ་ན་དེང་སང་གསང་སྔགས་ཀྱི་ལྷ་གྲུབ་པ་ཉིན་སྐར་ལས་དཀོན་པ་ཅི་ཞེ་ན། ཆོས་ཀྱི་ཕན་ཡོན་དང་ནུས་པ་ཆུང་བ་མིན་ཏེ་ཆོས་དང་གང་ཟག་གཉིས་རྒྱབ་འགལ་དུ་སོང་བའི་དབང་གིས་སྟེ། དཔུང་བཟང་ལས། ཆོ་ག་ཉམས་ཤིང་ཡི་གེ་གུག་སྐྱེད་མེད། །མཆོད་པ་མེད་ཅིང་མི་གཙང་བཟླས་བརྗོད་བྱེད། །གུག་སྐྱེད་ཡི་གེ་ལྷག་པར་གྱུར་བ་ན། །

― KMC014_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་སྔགས་དངོས་གྲུབ་རྒྱ་ཆེར་མི་སྟེར་རོ། །ཞེས་གསུངས་པ་ལྟར་བཟླས་པ་ལ་ཡང་དེང་སང་རང་གཞན་ཐམས་ཅད་ཀྱིས་ལོངས་སྤྱོད་འཕྲོས་ལྟར་ཏིང་འཛིན་མེད་པའི་བཟླས་བརྗོད་འབག་འབུག་ཙམ་གྱིས་ནི་གར་ཡང་མི་ཕྱིན་པས་བཟླས་པའི་སྐྱོན་ལྔ་སྤང་བར་གསུངས་ཏེ། མྱུར་དྲགས་ན་སྒྲ་ཟུར་ཆག །བུལ་དྲགས་ན་གྲངས་མི་འགྲོ། སྒྲ་ཆེ་ན་བར་ཆད་འབྱུང་། ཆུང་ན་དངོས་གྲུབ་བུལ། ནོར་བ་དང་ཆད་ན་དངོས་གྲུབ་ལོག་པར་འགྱུར་བར་གསུངས་པས་སྤང་བླང་གལ་ཆེ་ལ། བཟླས་པའི་ལྷག་ཆད་སྐོང་བ་ལ་ནི་ཇི་ཙམ་བཟླས་པའི་བཅུ་ཆའི་སྦྱིན་སྲེག་བྱ་བར་གསུངས་ཏེ། རྡོ་རྗེ་སྙིང་རྒྱན་ལས། གསང་སྔགས་ལྷག་ཆད་གང་ཡིན་པ། །ཐམས་ཅད་སྦྱིན་སྲེག་དག་གིས་སྐོང་། །ཞེས་གསུངས་སོ། །སྔགས་བཟླས་པའི་ཕན་ཡོན་ཀྱང་། ནམ་མཁའ་དང་མཉམ་པའི་རྒྱུད་ལས། སྙིང་པོ་དང་ནི་ཉེ་སྙིང་གི །གསང་སྔགས་རྒྱལ་པོ་འདི་དག་ནི། །བསྐལ་པ་སྟོང་

― KMC014_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོགས་པ་ཡི། །སྡིག་པ་མ་ལུས་དག་བྱེད་ཆུ། །ཞེས་དང་། ངེས་བརྗོད་བླ་མ་ལས། གསང་སྔགས་འདི་ནི་གསང་སྔགས་ཆེ། །ལས་རྣམས་ཐམས་ཅད་བྱེད་པའི་མཆོག །འདི་ནི་བཀླག་པ་ཙམ་གྱིས་འགྲུབ། །ཅེས་དང་། ཀུན་སྤྱོད་ལས། གང་ཞིག་འདི་སྒོམ་རྣལ་འབྱོར་པ། །འདོད་པའི་བདེ་བ་ཐམས་ཅད་སྟེར། །ཧེ་རུ་ཀ་དཔལ་མཚན་བརྗོད་པས། །ལྷ་སོགས་ཀུན་གྱི་གསང་གང་དང་། །མི་ལ་སོགས་པར་གང་ཞིག་ཡོད། །དེ་ཡི་བསོད་ནམས་དེས་འཐོབ་བོ། །ཞེས་སོགས་དང་། གང་ཞིག་མོས་པའི་བློས་འདིའི་དཀྱིལ་འཁོར་མཐོང་བ་ཙམ་གྱིས་ཀྱང་སྡིག་པ་ཀུན་བྱང་བར་གསུངས་ཏེ། ཁྲག་འཐུང་མངོན་འབྱུང་གི་རྒྱུད་ལས། དཀྱིལ་འཁོར་མཐོང་བ་ཉིད་ཀྱིས་རྟེན། །དངོས་གྲུབ་ཅི་སྟེ་སྐྱེ་མི་འགྱུར། །སྡིག་པ་ཀུན་ལས་རྣམ་པར་གྲོལ། །ཅེས་དང་། ལམ་འདིར་ཞུགས་པའི་གང་ཟག་དེ་ཉིད་འཕོས་མ་ཐག་དཔའ་བོ་དང་རྣལ་འབྱོར་མ་རྣམས་

― KMC014_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་མཁའ་སྤྱོད་དུ་བསུ་བར་གསུངས་ཏེ། ཀུན་སྤྱོད་ཀྱི་རྒྱུད་ལས། རྣལ་འབྱོར་པ་ནི་འཕོ་བའི་ཚེ། །དཔལ་ལྡན་ཧེ་རུ་ཀ་ལ་སོགས། །དཔའ་བོ་དག་ནི་ཐམས་ཅད་དང་། །རྣལ་འབྱོར་མ་ནི་ཇི་སྙེད་པས། །ལག་ན་སྣ་ཚོགས་མེ་ཏོག་བསྣམས། །བ་དན་རྒྱལ་མཚན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་དང་། །སྣ་ཚོགས་གླུས་ནི་ཉེ་བར་མཆོད། །འཆི་བ་ཞེས་བྱ་རྣམ་རྟོག་སྟེ། །མཁའ་ལ་སྤྱོད་པའི་གནས་སུ་འཁྱེར། །དེ་ལྟའི་དཔའ་བོ་ཆེན་པོ་དང་། །རྣལ་འབྱོར་མ་ནི་ས་སྟེང་དཀོན། །ཞེས་གསུངས་སོ། །དེ་ནས་ཐུན་བསྡུ་བ་ནི། ཧཱུྃ་གི་འོད་ཀྱིས་སྣོད་བཅུད་ཐམས་ཅད་ལྷའི་རྣམ་པར་བྱས། དེ་དག་ཀྱང་གཞལ་ཡས་ཁང་ལ་ཐིམ། དེ་འོད་དུ་ཞུ་སྟེ་འཁོར་རྣམས་ལ་ཐིམ། འཁོར་རྣམས་ཡུམ་ལ་ཐིམ། ཡུམ་ཡབ་ལ་ཐིམ། ཡབ་ཀྱང་ཐུགས་ཀའི་ཧཱུྃ་ལ་ཐིམ། ཧཱུྃ་དེ་ཡང་གྱེན་རྫོགས་སུ་ཞབས་ཀྱུ་ཁོག་པ་ལ། ཁོག་པ་མགོ་བོ་ལ། མགོ་ཟླ་ཚེས། ཟླ་ཚེས་ཐིག་

― KMC014_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

ལེ། ཐིག་ལེ་ཡང་ནཱ་ད། དེ་ཡང་མི་དམིགས་པར་བཞག་པ་ནི་རྟག་པའི་མཐའ་བསལ་བ་དང་། སླར་ཡང་ལྷན་སྐྱེས་དཔའ་གཅིག་གི་རྣམ་པར་གསལ་བ་ནི་ཆད་པའི་མཐའ་བསལ་བའོ། ༈ །དེ་ནས་བུམ་བསྐྱེད་ལ་འཇུག་པའི་ཐོག་མར་བུམ་པ་ལའང་། ཇི་སྐད་དུ། རྒྱུ་ཚད་ནང་བཅུད་ཕྱི་ཡི་རྒྱན། །མཚོན་བྱེད་སྒྲུབ་ཚུལ་རྣམ་པ་ལྔ། །ཞེས་འབྱུང་བ་ལྟར། དང་པོ་རྒྱུ་ནི་རབ་གསེར་དངུལ། འབྲིང་ཟངས་དང་ལི་འཁར་སོགས་ནས་ཐ་མ་རྫའི་བར་གྱིས་རུང་བར་གསུངས་ཏེ། རྒྱུད་ལས། གསེར་རམ་དངུལ་ལས་བྱས་པ་ཡི། །ཟངས་སམ་ས་ལས་བྱས་ཀྱང་རུང་། །ཞེས་སོ། །གཉིས་པ་ཚད་ནི། སློབ་དཔོན་འཇིགས་མེད་སྦས་པའི་བདེ་མཆོག་དབང་གི་རབ་བྱེད་ལས། ཞི་བ་དང་རྒྱས་པའི་བུམ་པ་ལ་ལྟོ་བའི་རྒྱར་སོར་བཅུ་དྲུག་དང་། ལྟེ་བའི་འོག་ནས་ཁ་དང་མཆུའི་བར་གྱི་དཔངས་ལ་སོར་ཉི་ཤུ། ཁའི་མཚམས་ནས་མཆུ་འཕྱང་བའི་བར་ལ་སོར་

― KMC014_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། མགྲིན་པར་སོར་བརྒྱད། བུམ་གཟུགས་ལ་སོར་དྲུག །སྦུབས་ལ་སོར་གཉིས། ཁ་གཡེར་བ་དང་ཕྱིར་འཕྱང་བ་ལ་སོར་བརྒྱད། ཞབས་ནང་དུ་ཅུང་ཟད་ཞུམ་པ་ལ་སོར་མོ་གཅིག་གོ །སྤྱིར་བཏང་གི་མཚན་ཉིད་རྒྱུད་ལས། རྩ་བ་ནག་པོ་ར་རི་མེད། །མཆུ་འཕྱང་མགྲིན་རིང་ལྟོ་བ་ཆེ། །ཞེས་དང་། རྒྱུད་ལ་ལར། བུམ་པ་ཞབས་མེད་ལྟོ་བ་ཟླུམ། །ཞེས་གསུངས་པ་ལྟར། ཕྱི་རོལ་པའི་བུམ་པ་ལས་ཁྱད་འབྱེད་པའི་ཕྱིར་རྩ་བ་མེད་པ་སྟེ་ཞབས་ར་མ་སྦྱར་བར་ནང་དུ་མཆོད་བདུན་གྱི་ཞབས་ལྟར་ཅུང་ཟད་ཞུམ་པར་བྱ་བ་དང་། ནག་པོ་སོགས་ཀྱི་ར་རི་མེད་པ་དང་། ཆུང་ཚད་ལའང་བྲེ་རེ་ཤོང་བར་བཤད་དོ། །དེ་བཞིན་དབང་དང་དགུག་པ་དབྱེ་བསྐྲད་རེངས་པ་སོགས་ཀྱི་བུམ་པའི་ཚད་སོ་སོར་གསུངས་ཀྱང་འདིར་མ་སྤྲོས་སོ། །གསུམ་པ་ནང་བཅུད་ལ། རིན་ཆེན་ལྔ་ནི། བྱི་རུ་དངུལ་དང་གསེར་དང་ནི། །པདྨ་རཱ་ག་མུ་ཏིག་གོ། །ཞེས་དང་། འབྲུ་ལྔ་ནི། ནས་གྲོ་

― KMC014_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

སུན་ཆུང་ནག་པོ་དང་། །ཏིལ་དང་དཀར་པོ། འབྲས་ནི་སོ་བའོ། །འབྲས་ཤུབ་ལྡན། ཞེས་དང་། སྨན་ལྔ་ནི། སྟག་ཚེར་ཏེ་སེ་འབྲུའི་མེ་ཏོག་སེ་བའི་མེ་ཏོག བྲི་ཧ་ཏི་ཀཎྜ་ཀ་ར་དང་། སེང་ཚེར་ཏེ་ཡོངས་གྲགས། ལྟར་སྩས་ཏེ་ཅོ་ག་གླད་སྨན། ས་ཧ་དེ་བ་གཞན་མི་ཐུབ། ཤུ་དག་དཀར་པོ། །དཎྜོཏྤ་ལའི་རྩ་བ་སྟེ། དབྱུག་པའི་ཨུཏྤལ་ཏེ་ཨུཏྤལ་སྔོན་པོ། །སྨན་ནི་རྣམ་པ་ལྔ་གཞུག་བྱ། །ཞེས་ལཱུ་ཡི་པའི་རྒྱ་གཞུང་ལས་གསུངས་སོ། །སྙིང་པོ་ལྔ་ནི། ལན་ཚ། བུ་རམ། མར། འོ་མ། སྦྲང་རྩིའོ། །དྲི་ལྔ་ནི་ཙནྡན་དཀར་པོ། དམར་པོ། གུར་གུམ། ག་པུར། ཛཱ་ཏིའོ། །དགོས་པའང་དགོས་འདོད་རེ་བ་སྐོང་ཕྱིར་རིན་ཆེན་ལྔ་དང་། མུ་གེའི་བསྐལ་པ་ཞི་ཕྱིར་འབྲུ་སྣ་ལྔ་དང་། །ནད་ཀྱི་བསྐལ་པ་ཞི་ཕྱིར་སྨན་སྣ་ལྔ། ཚུལ་ཁྲིམས་རྣམ་པར་དག་ཕྱིར་དྲི་ལྔ། དགོས་འདོད་རེ་བ་སྐོང་ཕྱིར་སྙིང་པོ་ལྔ་བླུགས་པར་སྤྱི་རྒྱུད་ནས་གསུངས་སོ། །བཞི་པ་ཕྱིའི་རྒྱན་ནི། རྣམ་རྒྱལ་བུམ་པར་ཆོས་འབྱུང་གི་དབུས་སུ་སྣ་ཚོགས་པད་

― KMC014_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིར་རྡོ་རྗེ་སྔོན་པོ་རྩེ་ལྔ་པ་དང་། ལས་བུམ་ལ་པད་ཉིར་གྲི་གུག་ཡོད་པ་བུམ་པའི་ལོགས་སུ་དགོད་པར་བྱ་སྟེ། ལཱུ་ཡི་པའི་རྒྱ་གཞུང་ལས། དཀྱིལ་འཁོར་པ་ནི་ཐམས་ཅད་ཀྱི། །ས་བོན་ཡང་ན་ཕྱག་མཚན་ནི། །གུར་གུམ་ལ་སོགས་འདུ་བྱས་ལ། །མཁས་པས་བུམ་པའི་ལོགས་ལ་དགོད། །ཅེས་གསུངས་པ་ལྟར་བུམ་མཚན་ལྷ་སོ་སོའི་གཙོ་བོའི་ཕྱག་མཚན་འགོད་པར་བྱའོ། །བུམ་པའི་མགུལ་ཆིངས་ཀྱང་ཀླུ་བྱང་ཞབས་ཀྱིས་དཀར་པོ་གསུངས་པ་དང་། ནག་པོ་པས་ཁ་དོག་སྣ་ཚོགས་པར་གསུངས་ཀྱང་། ལཱུ་ཡི་པས་རས་ནི་དཀར་པོ་མ་ཉམས་པས། །བུམ་པའི་མགུལ་པ་དཀྲི་བར་བྱ། །ཞེས་དང་། དེ་ཉིད་འཆིང་བའི་སྐུད་པ་ཡང་། རྡོ་རྗེ་མཁའ་འགྲོ་ལས་སེར་པོར་གསུངས་ཀྱང་། ལཱུ་ཡི་པས། ཆོ་ག་མཁས་པས་སྲད་བུ་ནི། །དཀར་པོས་རས་ཀྱི་སྟེང་ནས་འཆིང་། །ཞེས་དང་། བུམ་པའི་ཁ་རྒྱན་ཀྱང་། ཨ་མྲ་ཨུ་དུམ་ཝཱ་ར་དང་། །མྱ་ངན་མེད་དང་བྱང་ཆུབ་

― KMC014_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་། །ཀླུ་ཤིང་ཡལ་ག་ལྔ་བཟུང་ནས། །བུམ་པ་རྣམས་ཀྱི་ཁ་རྒྱན་བྱ། །ཞེས་གསུངས་པ་ལྟར། རྒྱ་གར་དུ་ཤིང་ལོའི་ཡལ་འདབ་ཀྱིས་ཁ་བརྒྱན་པར་བྱེད་པ་ནི་གདུལ་བྱའི་རེ་འདོད་ཡིད་བཞིན་དུ་སྐོང་བའི་རྟགས་སུ་བྱང་ཆུབ་ཤིང་གི་ཡལ་འདབ་ཀྱིས་ཁ་བརྒྱན་པ་ཡིན་ཀྱང་། ངེད་རང་བོད་རྣམས་ཀྱིས་ཀུ་ཤ་ལ་རྨ་བྱའི་སྒྲོ་ཆུན་མཛེས་བྱེད་དུ་སྦྱར་བ་ཡང་། རྒྱ་གར་དུ་ཀུ་ཤ་ནི་བྲམ་ཟེ་སོགས་ཀྱིས་གཙང་བྱེད་ཀྱི་རྫས་སུ་འདོད་པ་དང་། བུམ་པ་ཀུ་ཤ་བཏིང་བའི་སྟེང་དུ་བཞག་པར་གསུངས་པ་དང་སྒོ་བསྟུན། རྨ་བྱའི་མདོངས་ཀྱང་རྨ་བྱས་དུག་ཟོས་ཀྱང་མི་གོས་པར་ལྟར། སྔགས་བླ་མེད་ཉམས་སུ་ལེན་པའི་གང་ཟག་ཉོན་མོངས་མ་སྤངས་ལམ་དུ་སློང་བའི་བརྡ་ཡིན་ཞེས་འབྲེལ་འགྲིགས་བཤད་དོ། གཟུངས་ཐག་ཀྱང་རྒྱ་གར་ནས་མེ་ཏོག་སྐུད་པ་ལ་བརྒྱུས་པའི་ཕྲེང་བ་ལ་བྱེད་པའི་ཕྱིར་བོད་སྔ་རབས་རྣམས་མེ་ཏོག་གོས་དར་ལ་བཅོས་པའི་ཕྲེང་

― KMC014_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བྱེད་ཀྱང་། ད་ལྟ་སྐུད་པ་ཁྲ་བོ་ལ་མཛད་པའང་། ཐུགས་རྗེའི་གཟུངས་ཐག་ཡེ་ཤེས་ལྔ། །ཞེས་པ་དང་འབྲེལ་བར་འཆད་དོ། །ལྔ་པ་མཚོན་དོན་ནི། སྤྱིར་བུམ་པས་ས་བཅུ་གཅིག་པའི་གཉིས་སུ་མེད་པའི་ཡེ་ཤེས་མཚོན་པས། རྩ་བ་མེད་པས་ཆོས་ཉིད་སྐྱེ་བ་མེད་པ་དང་། མི་རྟག་པས་དབྱིངས་རང་བཞིན་གྱིས་རྣམ་པར་དག་ཅིང་གློ་བུར་གྱི་དྲི་མས་མ་གོས་པ་མཚོན། ལྟོ་བ་ལྡིར་ལ་རྒྱ་ཆེ་བས་ཡེ་ཤེས་ཟབ་ཅིང་རྒྱ་ཆེ་བ་མཚོན། མགྲིན་པ་རིང་བས་ཡེ་ཤེས་གཏིང་དཔག་དཀའ་བ་མཚོན། མཆུ་འཕྱང་བས་ཐུགས་རྗེས་སེམས་ཅན་འཁོར་བ་ནས་འདྲེན་པ་མཚོན། ཞབས་ཞུམ་སྲིད་པ་འཁོར་བའི་མཐའ་ལ་མི་གནས་པ་མཚོན། ཁ་གཡེལ་བས་སེམས་ཅན་གྱི་དོན་གཉིས་སྒྲུབ་པ་མཚོན། རིན་ཆེན་ལྔས་ཡེ་ཤེས་དེས་སེམས་ཅན་གྱི་རེ་བ་སྐོང་བ་དང་། སྨན་ལྔས་སེམས་ཅན་གྱི་ཉོན་མོངས་པའི་ནད་ཞི་བར་བྱེད་པ་དང་། དྲི་ལྔས་ཡེ་ཤེས་ལྔས་སེམས་ཅན་གྱིས་འཆལ་

― KMC014_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དྲི་མ་སེལ་བ་མཚོན། སྙིང་པོ་ལྔས་ཡེ་ཤེས་དེས་སེམས་ཅན་ཐམས་ཅད་ཟག་མེད་ཀྱི་བདེ་བ་ལ་འཁོད་པ་མཚོན། འབྲུ་ལྔས་སེམས་ཅན་གྱི་རྒྱུད་ལ་དགེ་བའི་ལོ་ཏོག་སྐྱེད་པར་བྱེད་པ་མཚོན། འབྲས་བུ་བཅས་པའི་ཤིང་ལོས་ཁ་བརྒྱན་པ་ནི་རྒྱུ་དགེ་བ་ལ་སྤྱད་པས་འབྲས་བུ་ཐར་པ་ཐོབ་པ་མཚོན། རས་དཀར་པོ་ཁ་ཚར་མ་ཉམས་པ་སྲད་བུས་ཟེ་སྲོག་ལྔ་པའི་ཚུལ་དུ་བཅིངས་པ་ནི་ཡེ་ཤེས་ལྔ་མཚོན། གཟུངས་ཐག་ནི་བླས་པའི་སྔགས་ཀྱི་ཕྲེང་བས་ཐུགས་ཀྱི་སྙིང་པོ་ཡེ་ཤེས་བསྐུལ་བ་ཉིད་མཚོན་བྱེད་ཡིན་ནོ། །མདོར་ན་བསྒྲུབ་བྱ་ནི་སྐུ་བཞི་དང་སྐུ་གསུམ་ཡིན་པས། སྒྲུབ་བྱེད་བུམ་པས་ཀྱང་དེ་ཉིད་མཚོན་ཏེ། ཕྱིའི་རྒྱན་སྣ་ཚོགས་ནི་སྤྲུལ་སྐུ། ནང་གི་རྫས་ཉེར་ལྔ་ནི་ལོངས་སྐུ། ཆུས་སུམ་གཉིས་བཀང་བ་ནི་ཆོས་སྐུ། རྡོ་རྗེའི་ལྟེ་བ་དུང་ཆོས་ཀྱི་ཆུར་ཤར་བ་ནི་ངོ་བོ་ཉིད་སྐུ་དང་། ཡང་ན་སྐུ་གསུམ་ནི། རྒྱུད་ལས། བུམ་པ་ཆུས་ནི་སུམ་གཉིས་

― KMC014_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

བཀང་། །སུམ་གཉིས་གཟུགས་སྐུ་གཉིས་པོ་མཚོན། །སུམ་ཆས་ཆོས་སྐུ་སྐྱེ་མེད་མཚོན། །ཞེས་གསུངས་པ་ལྟར་རོ། །དེ་ནས་སྒྲུབ་ཚུལ་དངོས་ནི། རྒྱུད་ལས། གུ་གུལ་དང་ནི་ཨ་ག་རུས། །བདུག་ཅིང་དྲི་ལྔའི་ཆུ་ཡིས་དགང་། །ཞེས་གསུངས་པ་ལྟར། གུ་གུལ་བདུག་ཅིང་། ༀ་སུམྦྷ་སོགས་ལན་གསུམ་གྱིས་བགེགས་བསྐྲད། བུམ་མཚན་གོང་གསལ་ལྟར་དགོད། མགུལ་ཆིངས་སྲད་བུ་དཀར་པོས་བཅིངས་ཏེ། ༀ་བཛྲ་ཤི་ཁ་སོགས་ལན་གསུམ་བརྗོད། སྔགས་དོན་ནི། ༀ་རབ་བསྔགས། བཛྲ་རྡོ་རྗེ། ཤི་ཁ་རེ་རྩེ་མོ། རུ་ཊ་མ་ཊ་གླགས་ལྟ། དི་ཤཱཾ་ཕྱོགས། བནྡྷ་བནྡྷ་ཆིངས་ཆིངས། ཧཱུྃ་ནི་སྐུལ་ཚིག་སྟེ། རབ་བསྔགས་རྡོ་རྗེ་རྩེ་མོས་གླགས་ལྟའི་ཕྱོགས་ཐམས་ཅད་ཆིངས་ཤིག་ཆིངས་ཤིག་ཅེས་པའོ། །དེ་ནས་ༀ་ཏཔྟེ་སོགས་ལན་གསུམ་བརྗོད་པས། ལྷ་ཡུལ་གྱི་ཆུ་བོ་ཡན་ལག་བརྒྱད་དང་ལྡན་པ་རྣམས། དལ་འགྲོ་སྟེ་མི་ཡུལ་གྱི་ཆུ་བོ་དལ་འབབ་རྣམས་སུ་བཀུག་སྟེ་

― KMC014_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

བུམ་པའི་ཆུ་དང་དབྱེར་མེད་དུ་གྱུར་པར་བསམ་མོ། །སྔགས་དོན་ནི། ༀ་མཆོག་ཏུ། ཏཔྟེ་ཏཔྟེ་གདུང་མ་གདུང་མ། མ་ཧཱ་ཏཔྟེ་གདུང་མ་ཆེན་མོ། སྭཱ་ཧཱ་གཞི་ཚུགས་ཞེས་པ་སྟེ། མཆོག་ཏུ་གདུང་མ་བརྩེ་བས་གདུང་མ་རབ་ཏུ་གདུང་མ་ཆེན་མོས་ཉོན་མོངས་པའི་གདུང་བ་སེལ་བའི་གཞི་ཚུགས་ཞེས་པའོ། །ཞེས་པའི་སྔགས་བརྗོད་བཞིན་ལས་ཆུ་གཙང་བདུད་རྩི་ལྔ་ཡི་དྲིས་བགོས་པས་བུམ་པའི་སུམ་གཉིས་དགང་། ལྔ་ཚན་ལྔ་ཡི་རྫས་རྣམས་གཞུག་སྟེ་དེའི་མཎྜལ་ལམ་ཀུ་ཤའི་གདན་ལ་བཀོད། དེ་ནས་དུང་ཆུས་སམ་པདྨའི་སྣོད་གང་རུང་བདུད་རྩི་ལྔ་དང་ལྡན་པའི་དྲི་བཟང་གི་ཆུས་དགང་སྟེ། ༀ་བཛྲ་ཨ་མྲྀ་ཏ་སོགས་ལན་བདུན་བཟླས་ཏེ་རྣམ་རྒྱལ་གྱི་སྟེང་དུ་བཀོད། དེའི་སྟེང་དུ་རྡོ་རྗེ་མེ་ཏོག་གི་ཕྲེང་བས་བཅིངས་པ་བཞག་སྟེ་ཆུའི་ནང་དུ་འཆར་བར་བྱ། སྔགས་དོན་ནི། ༀ་མཆོག་སྦྱིན། བཛྲ་ཨ་མྲྀ་ཏ་རྡོ་རྗེ་བདུད་རྩི། ཨུ་ད་ཀ་ཆུ་སྟེ་དབྱངས་སྦྱར་

― KMC014_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

བ། ཧཱུྃ་ནི་སྐབས་འདིར་སྐུལ་ཚིག་སྟེ། མཆོག་སྦྱིན་རྡོ་རྗེ་བདུད་རྩིའི་ཆུར་གྱུར་ཅིག །ཅེས་པའོ། །ༀ་ཨཱཿཧཱུྃ་ནི་རྡོ་རྗེ་གསུམ་གྱིས་བདུད་རྩིར་བྱིན་གྱིས་བརླབ་པའོ། །དེ་ནས་དེར་བརྟེན་པ་ལྷ་བསྐྱེད་ཚུལ་ལ། ཨཱརྱ་དེ་ཝས་ཆུ་ཉིད་ལྷར་བསྐྱེད་པར་གསུངས་པ་དང་། སློབ་དཔོན་ཨ་བྷ་ཡས་ཆུའི་ནང་དུ་པདྨའི་སྟེང་དུ་ལྷ་བསྐྱེད་པར་གསུངས་པས། འདིར་ཡང་ཕྱི་མ་ལྟར་ལཱུ་ཡི་པའི་ཁྱད་པར་གསལ་བྱེད་དུ་གསུངས་སོ། །དེ་ནས་བུམ་པ་བསང་སྦྱང་། སྟོང་པའི་ངང་ལས་བུམ་དཀར་པོ་ལས་བྱུང་བའི་བུམ་པ་ལྟོ་བ་ཡངས་ཤིང་མཆུ་འཕྱང་མགྲིན་རིང་སོགས་མཚན་ཉིད་ཐམས་ཅད་རྫོགས་པའི་རྣམ་རྒྱལ་བུམ་པའི་ནང་ཆུའི་སྟེང་དུ་སྣ་ཚོགས་པདྨ་འདབ་མ་བརྒྱད་པའི་ལྟེ་བར་བུམ་པའི་མཚན་མ་དང་བཅས་པའི་སྟེང་དུ་པདྨའི་ལྟེ་བར་ཉི་མ་དང་འཇིགས་བྱེད་དུས་མཚན་དང་བཅས་པ། ཕྱོགས་ཀྱི་འདབ་མ་ལ་དབུགས་བྲལ་གྱི་གདན་དང་བཅས་པ་སོགས་སྔར་ལྟར་

― KMC014_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ། ལས་བུམ་གྱི་ནང་དུའང་དབུས་སུ་བུམ་མཚན་པད་ཉི་རོའི་གདན་ལ་པཾ་ལས་གྲི་གུག་པཾ་གྱིས་མཚན་པ་ཡོངས་སུ་གྱུར་པ་ལས་དུམ་སྐྱེས་མ་དམར་མོ་གཞུང་གསལ་ལྟར་བསྐྱེད་པས་གྲུབ་བོ། །ལས་བུམ་གྱི་བསྟོད་པ་དབང་གི་ལས་དང་སོགས་ཀྱི་དོན་ནི། ལྷ་མོ་ཉིད་ལས་གཞི་ལས་དབང་གི་ལས་དང་། དགའ་བ་བཞི་ལས་དགའ་བྲལ་ལྷན་ཅིག་སྐྱེས་པ་དང་། རྗེས་དྲན་བཞི་ལས་ཆོས་རྗེས་སུ་དྲན་པའི་ངོ་བོ་ཡིན་པས་ན་དེ་སྐད་བྱའོ། །དེ་ནས་བདག་བསྐྱེད་ཀྱི་ཐུགས་ཀའི་འོད་ཟེར་སྔོན་པོ་སྤོས་རེང་གི་དུད་པ་ལྟ་བུ་གཟུངས་ཐག་ལ་འཁྲིལ་ཏེ་སོང་། རྩེ་མོ་མང་དུ་གྱེས་ཏེ་བུམ་ལྷ་གཙོ་འཁོར་སོ་སོའི་ཐུགས་ཀར་ཐིམ་པའི་མོད། ཡབ་ཡུམ་ཐམས་ཅད་སྙོམ་པར་ཞུགས་པའི་བྱང་སེམས་དཀར་དམར་ལས་འོད་ཟེར་རང་མདོག་འཕྲོས་པའི་མཐུས། ཡེ་ཤེས་ཀྱི་བདུད་རྩིས་བུམ་པ་ཁེངས་པར་བསམས་ལ་ཧཱུྃ་ཞེས་བརྗོད་ཅིང་ལག་གཡོན་པའི་

― KMC014_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

མཐེབ་སྲིན་གྱིས་གཟུངས་ཐག་འཛིན་ལ་བསྙེན་པ་ཚང་བར་བཏང་བའི་མཐར་མེ་ཏོག་དཀར་པོ་གསུམ་དུང་ཆུས་སུ་གཞུག་སྟེ། ༀ་ཤྲཱི་ཙཀྲ་སོགས་ཀྱིས་དུང་ཆོས་ཀྱི་ཆུ་མཆོད་ཡོན་ཕུལ་བས་ལྷ་རྣམས་དངོས་འཛིན་གྱི་འདོད་ཆགས་དང་བྲལ་ཡང་འདོད་ཆགས་ཆེན་པོའི་རྣམ་པས་ཞུ་བ་ལས། བྱང་ཆུབ་སེམས་ཀྱི་ངོ་བོ་བླུགས་པའི་བུམ་ཆུ་དང་རོ་གཅིག་ཏུ་གྱུར་པར་བསམས་ལ། ༀ་བཛྲ་པུཥྤེ་སོགས་རྣམ་ལྔས་མཆོད་ལ་ཕྲིན་ལས་བཅོལ་ལོ།། ༈ །།དེ་ནས་མདུན་བསྐྱེད་ཀྱི་བསྐྱེད་རིམ་དབང་བསྐུར་རྒྱས་གདབ་སོགས་ཀྱི་བསྒོམ་རིམ་དང་གོ་དོན་རྣམས་སྔར་བཤད་པ་ལྟར་ལ། སྤྱིར་བཏང་དུ་མཆོད་པའི་རིམ་པ་མདོར་བསྡུས་ཙམ་བཤད་པ་ལ་གསུམ་སྟེ། མཆོད་པའི་རྣམ་པའི་ཁྱད་པར་བསྟན་པ་དང་། ཇི་ལྟར་འབུལ་ཚུལ་དང་། དབྱེ་བ་བསྟན་པའོ། །དང་པོ་ནི་དེ་བཞིན་གཤེགས་པའི་རྡོ་རྗེའི་རྒྱ་གཞུང་ལས། དུང་དང་། འདབ་མའི་ཀོང་བུ་དང་། ཟངས་ལ་སོགས་

― KMC014_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལས་བྱས་པའི་ཞལ་བསིལ་དང་། བསང་གཏོར་དང་། ཞབས་བསིལ་དང་། མཆོད་ཡོན་གྱི་སྣོད་རྣམས་སུ་ནས་དང་། འོ་མ་དང་། མེ་ཏོག་དཀར་པོ། རྩ་ཀུ་ཤ་དང་ཏིལ་དཀར་པོ་དང་། བདུད་རྩི་ལྔ་ལ་སོགས་པ་བླུགས་ཏེ་ཡི་གེ་གསུམ་དང་རང་རང་གི་བདག་པོ་དང་ལས་ཐམས་ཅད་པའི་སྔགས་ཀྱིས་བརྒྱ་རྩ་བརྒྱད་དམ་ལན་བདུན་དུ་བསྔགས་ལ་སྣོད་རྣམས་རང་གི་གཡོན་དུ་མཉྫིའི་སྟེང་དུ་བཞག །དེའི་མདུན་དུ་བཟེད་ཞལ་ཡང་མཉྫིའི་སྟེང་དུའོ། །ཞེས་གསུངས་ལ། དེ་ཡང་སྤྱིར་བཏང་མཆོད་ཡོན་ནི་ཀ་ར་དང་། དྲི་བཟང་སོགས་བཏབ་པའི་ཆུ་བཞེས་རྒྱུ་ཡིན་ལ། ཨཱ་ཙ་མཱ་ནཾ་ནི་ཙ་མུ་ཟ་བའི་བྱིངས་ལ་སྒྲུབ་སྐབས་ཞལ་ལ་བསིལ་བ་སྐྱེད་བྱེད་ཀྱི་ཆུ་ཕལ་པ་བཞེས་རྒྱུ་ཡིན་པས་ན་ཞལ་བསིལ་ཞེས་བྱ་སྟེ། ཁ་ཅིག་ཞལ་བཤལ་བྱེད་ཡིན་པར་ཡང་འདོད་དོ། །པྲོཀྵ་ཎཾ་ནི་ལོ་ཙཱ་སྔ་མས་འཐོར་འཐུང་དུ་བསྒྱུར་ཡང་འཐུང་བའི་སྐད་དོད་མེད་པས་

― KMC014_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

བསངས་གཏོར་ཏེ། སྐུ་ལ་ཉེས་གྲིབ་མི་མངའ་ཡང་མཆོད་པ་པོའི་ཉེས་གྲིབ་སེལ་ཕྱིར་སྐུ་ལ་ཆུ་གཙང་གིས་བསངས་གཏོར་འབུལ་བ་དང་། སྐུ་ལ་བསིལ་བ་སྐྱེད་ཕྱིར་ཆུས་བྲན་པའོ། །པཱ་དྱཾ་ནི་ཞབས་བསིལ་ཏེ་ཞབས་གཉིས་བཀྲུ་བྱེད་ཡིན་ལ། པུཥྤཾ་སྟེ་ཆུ་དང་ཐང་ལས་སྐྱེས་པའི་མེ་ཏོག་སྣ་ཚོགས། དྷཱུ་པཾ་སྟེ་དུ་རུཥྐ་དང་ཙནྡན་སོགས་དྲི་བཟང་པོ་ཅན་གྱི་བདུག་སྤོས། ཨ་ལོ་ཀཾ་སྟེ་འབྲུ་མར་རྩི་མར་ལས་བྱུང་བའི་སྣང་གསལ། གནྡཾ་སྟེ་ག་པུར་དང་ཙནྡན་དྲི་བཟང་སོགས་བཏབ་པའི་སྤོས་ཆུ་ཐུགས་ཀར་བྱུགས་པའི་དྲི་ཆབ། ནཻ་ཝི་དྱཾ་སྟེ་དཀར་གསུམ་མངར་གསུམ་སོགས་ཁ་ཟས་སྣ་ཚོགས་པ་སྤུངས་པའམ་ཡོངས་གྲགས་ལྟར་བཅོས་པའི་ཞལ་ཟས། ཤཔྡཾ་སྟེ་ཌཱ་དྲིལ་སིལ་ཁྲོལ་པི་ཝང་གླིང་བུ་སོགས་རོལ་མོའི་རྣམ་པ་མང་པོའི་སྒྲ་རྣམས་འབུལ་བའོ། །གཉིས་པ་འབུལ་ཚུལ་ལའང་། མཆོད་ཡོན་དང་ཞལ་བསིལ་ཞལ། བསངས་གཏོར་སྐུ་ལུས་ལ། ཞབས་བསིལ་

― KMC014_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་ལ། མེ་ཏོག་དབུ་ལ། བདུག་སྤོས་ཤངས། མར་མེ་སྤྱན། ཞལ་ཟས་ལྗགས། དྲི་ཆབ་ནི་ཐུགས་ཀར། རོལ་མོ་སྙན་ལ་འབུལ་བའོ། །གསུམ་པ་དབྱེ་བ་ནི། ཐུན་མོང་ཕྱིའི་མཆོད་པ། ཁྱད་པར་ནང་གི་མཆོད་པ། གསང་བ་བླ་མེད་ཀྱི་མཆོད་པ། ཡང་གསང་དེ་ཁོ་ན་ཉིད་ཀྱི་མཆོད་པ་དང་བཞི་སྟེ། མདོར་དྲིལ་ན་ཀུན་རྫོབ་བརྡའི་མཆོད་པ་དང་། དོན་དམ་རྣམ་པར་མི་རྟོག་པའི་མཆོད་པ་དང་གཉིས་སུ་དེ་དག་འདུས་པ་ཡིན་ནོ། །དེ་ནས་མཆོད་པ་དངོས་འབུལ་བ་ལ། དང་པོ་མཆོད་པ་བྱིན་རླབས་བྱ་བ་ནི། བསང་སྦྱང་སྔོན་དུ་འགྲོ་བས། མཆོད་པའི་དངོས་འཛིན་གྱི་དྲི་མ་ཐམས་ཅད་སྟོང་པར་སྦྱང་། སྟོང་པ་དེའི་ངང་ལས་ཨ་ལས་ཐོད་སྣོད་ཡངས་ཤིང་རྒྱ་ཆེ་བའི་ནང་དུ་མཆོད་ཡོན་ཞལ་བསིལ་སོགས་མཆོད་པའི་བྱེ་བྲག་ཐམས་ཅད་རྒྱུ་དྭངས་ཤིང་ཡིད་དུ་འོང་བ། ཡིད་ལ་ཇི་ལྟར་བསམས་པ་བཞིན་སྐད་ཅིག་ཙམ་གྱིས་ཐོགས་པ་མེད་པར་

― KMC014_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ། བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་དང་རྣམ་ཐར་ལས་བྱུང་བ་ཇི་བཞིན་དུ་མཆོད་པའི་སྤྲིན་རབ་འབྱམས་ནམ་མཁའི་མཐའ་དང་མཉམ་པ་དཔའ་བོ་དང་རྣལ་འབྱོར་མ་རྣམས་དགྱེས་པ་སྐྱེད་པའི་རང་བཞིན་དུ་གྱུར་པར་བསམས་ལ། ༀ་བཛྲ་ཨཱརྒྷཾ་སོགས་ཀྱིས་བྱིན་གྱིས་བརླབ་པར་བྱ་སྟེ། ཐམས་ཅད་ཀྱི་མགོར་ༀ་དང་། མཐར་ཨཱཿཧཱུྃ་སྦྱར་བ་ནི་མཆོད་པ་རྣམས་རྒྱལ་བ་ཐམས་ཅད་ཀྱི་རྡོ་རྗེ་གསུམ་གྱིས་བླ་ན་མེད་པའི་མཆོད་པར་བྱིན་གྱིས་བརླབ་པ་སྟེ། ཚིག་གྲོགས་ལ་ལྟོས་ན་ཐམས་ཅད་ཀྱི་མཐར་རྣམ་དབྱེ་གཉིས་པའི་ཨཾ་བྱིན་ཏེ་སྔགས་ཀྱི་མཐའ་རྟེན་སྐུལ་ཚིག་དང་འབྲེལ་ཚེ། མཆོད་ཡོན་དུ་གྱུར་ཅིག་ཅེས་པ་སྟེ་གཞན་ལའང་འགྲེའོ། །བྱིན་རླབས་ཀྱི་སྐབས་སུ་ནི་མཐར་སེ་གོལ་མི་བྱ་སྟེ། སེ་གོལ་ཏོག་པ་ནི་ཕྱག་རྒྱ་བཅིངས་པ་སླར་བཀྲོལ་བ་ཡིན་པས་སོ། །དེ་ནས་དང་པོ་ཕྱི་མཆོད་ལ་ཆུ་བཞི་སྔོན་དུ་འགྲོ་བའི་ཉེར་སྤྱོད་ལྔ་རོལ་མོ་དང་

― KMC014_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་འབུལ་བ་ནི། མཆོག་ཏུ་གཙང་ཞིང་སོགས་ཏེ། ཡན་ལག་བརྒྱད་ལྡན་ནི། འདུལ་བ་ལུང་ལས། བསིལ་དང་ཞིམ་དང་ཡངས་དང་འཇམ། །དྭངས་ལ་དྲི་མ་མེད་པ་དང་། །འཐུང་ན་ལྟོ་བར་བྱམས་པ་དང་། །མགྲིན་པར་མི་གནོད་བདེ་བ་སྟེ། །ཆུ་བོ་ཡན་ལག་བརྒྱད་ལྡན་ནོ། །ཞེས་སོ། །དེ་ནས་རྣམ་ལྔ་འདོད་སྐོར་སྔོན་དུ་འགྲོ་བས་རྡོར་ཐལ་ཁ་ཕྱེ་བས། འབུལ་སྔགས་ༀ་ཤྲཱི་ཙཀྲ་སམྦ་ར། དཔལ་འཁོར་ལོ་སྡོམ་པ། སརྦ་བཱི་ར་ཡོ་གི་ནི། དཔའ་བོ་དང་རྣལ་འབྱོར་མ་རྣམས། བཛྲ་ཨཱརྒྷཾ་རྡོ་རྗེའི་མཆོད་ཡོན། པྲ་ཏཱིཙྪ་སོ་སོར་བཞེས་ཤིག །པཱུ་ཛ་མེ་གྷ་མཆོད་པའི་སྤྲིན། ས་མུ་དྲ་རྒྱ་མཚོ། སྥ་ར་ཎ་འཕྲོ་བ། ས་མ་ཡེ་ཧཱུྃ་མ་འདའ་ཞིག །སྭཱ་ཧཱ་གཞི་ཚུགས་ཞེས་པའོ། །དེ་ནས་ཨཱ་ཙ་མ་ནཾ་ཏེ་ཞལ་བསིལ་དང་། པྲོཀྵ་ཎཾ་སྟེ་བསང་གཏོར་གཉིས་ཀྱི་སྔགས་རྒྱ་ལ་ཕལ་ཆེར་གྱིས་སྦར་སྟངས་འདྲ་བ་གཉིས་བྱ་བ་ལས་ཚད་ལྡན་གྱི་གནད་སློང་བ་ཉུང་སྟེ། དེ་བཞིན་

― KMC014_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པའི་རྡོ་རྗེའི་རྒྱ་གཞུང་ལས། དང་པོ་གཡོན་པའི་ཞལ་བསིལ་གྱི་ཆུ་གཡས་པའི་ཁུ་ཚུར་གྱི་མཐེ་བོ་དང་མཛུབ་མོའི་སྐམ་པས་མེ་ཏོག་བཟུང་ལ། དེའི་བཟེད་ཞལ་དུ་ཁ་ཐུར་དུ་བསྟན་པའི་ཁུ་ཚུར་གྱིས་ཞལ་བསིལ་བའི་ཆེད་དུ་མཆོད་བྱའི་ཕྱག་ཏུ་མཐེའུ་ཆུང་ལ་སོགས་པ་རིམ་གྱིས་བརྐྱང་ཞིང་དབུལ་ལོ། །ཞེས་དང་། དེ་ཉིད་ཀྱི་ཆུ་གཡས་པའི་ཁུ་ཚུར་གྱི་མཐེ་བོ་དང་མཛུབ་མོའི་སྐམ་པས་མེ་ཏོག་བཟུང་ལ་རོལ་པས་སོར་མོ་རྣམས་བསྐོར་ཞིང་མཛུབ་མོ་ལ་སོགས་པའི་སོར་མོ་རྣམས་རིམ་གྱིས་བསྐྱངས་ཏེ་འབུལ་ལོ། །ཞེས་གསུངས་པ་ལྟར་དང་པོ་ལག་གཡོན་པའི་ཞལ་བསིལ་གྱི་ཆུ་སྣོད་སྟེང་། གཡས་པའི་ཐལ་མོ་གཡོན་སྐོར་གྱིས་ཁུ་ཚུར་མཐེབ་མཛུབ་སྦྱར་བས་མེ་ཏོག་སྟེ་ཆུ་ཐིག་བླངས་ཏེ་ཁུ་ཚུར་ཐུར་བསྟན་གྱིས་མཐེའུ་ཆུང་སྲིན་ལག་གུང་མོ་རྣམས་རིམ་པར་བརྐྱངས་ཏེ་འབུལ་ཚུལ་དང་། གཉིས་པ་ལ་ཆུ་སྣོད་ཀྱི་སྟེང་དུ་ཐལ་མོ་གཡས་སྐོར་གྱིས་ཁུ་

― KMC014_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུར་མཐེབ་མཛུབ་སྦྱར་བས་ཆུ་ཐིག་བླངས་ཏེ་ཁུ་ཚུར་གྱེན་བསྟན་གྱིས་གུང་མོ་སྲིན་ལག་མཐེའུ་ཆུང་རྣམས་རིམ་པར་བསྐྱངས་ཏེ་བསང་གཏོར་གྱི་ཚུལ་བྱའོ། །རྣམ་པ་ཙམ་དུ་འདིའི་རྒྱ་ཡོངས་གྲགས་ལ་མཚུངས་ཀྱང་ཞིབ་པར་མཛུབ་མོ་བརྐྱང་ཚུལ་དང་ཁུ་ཚུར་སྦུབ་བཀན་གྱི་གནད་ཕྲའུ་ཙམ་གྱིས་ཁྱད་པར་ཆེའོ། །དེ་ནས་པཱ་དྱཾ་ནི་ཞབས་བསིལ་ཏེ་དེ་དག་ལ་ཆུ་བཞི་ཞེས་བྱའོ། །དེ་ནས་ཉེར་སྤྱོད་ལྔ་དང་རོལ་མོ་འབུལ་བ་བཅས་ཀྱི་སྔགས་རྒྱ་ཡོངས་གྲགས་ལྟར་ལ་འབུལ་ཚིག་རྣམས་ཀྱང་གོ་སླའོ། །དེ་ནས་ནང་གི་ཉེར་སྤྱོད་ལྔ་རོལ་མོ་དང་བཅས་འབུལ་བའི་གོ་དོན་ཅུང་ཟད་སྤྲོ་ན། ཡང་དག་དགའ་བའི་མེ་ཏོག་ནི་རིགས་ལྡན་མའི་པདྨ་སྟེ། སམྦུ་ཊ་ལས། བུ་མོ་གསང་བའི་མཁའ་ཡི་ཁམས། །མེ་ཏོག་ཅེས་པར་མངོན་བརྗོད་བྱ། །ཞེས་དང་། རྡོ་རྗེ་ཉི་མ་ནི་བྱང་སེམས་སྟེ། རྡོ་རྗེ་མཁའ་འགྲོ་ལས། ཉི་མ་བྱང་ཆུབ་ཀྱི་སེམས་ཏེ། །གསལ་བར་བྱང་

― KMC014_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་ལ་ནི། །རྡོ་རྗེ་ཉི་མ་ཞེས་བྱར་བརྗོད། །ཅེས་གསུངས་པ་ལྟར། དང་པོ་མེ་ཏོག་འབུལ་བ་ནི། ཡང་དག་བདེ་ཆེན་དགའ་བ་བཞི་འབྱུང་བའི་རྐྱེན་རིགས་ལྡན་མའི་པདྨའི་ཟེའུ་འབྲུའི་མེ་ཏོག་གིས། རྡོ་རྗེ་ཉི་མ་སྟེ་བྱང་སེམས་པདྨོར་བྱུང་བའི་བདེ་ཆེན་མཆོག་གི་མེ་ཏོག་གི་མཆོད་པ་ཡང་། མི་འགྱུར་བདེ་བ་ཆེན་པོའི་གནས་བརྙེས་པས་མེ་ཏོག་གི་བདག་ཉིད་དེ་ཤེས་རབ་སྙེམ་མའི་དབང་ཕྱུག་ཏུ་གྱུར་པ་བཅོམ་ལྡན་དཔའ་བོའི་དབང་ཕྱུག་ལ་མཆོད་པ་ནི། རྡོ་རྗེ་གསུམ་གྱི་དགྱེས་པ་སྐྱེད་པར་བྱེད་པ་དམ་ཚིག་མཆོག་གི་མཆོད་པ་བླ་ན་མེད་པའོ། །གཉིས་པ་བདུག་སྤོས་ནི། དེའང་ཀུན་རྫོབ་བརྡའི་མཆོད་པ་གཟུང་འཛིན་རྣམ་པར་རྟོག་པའི་ཚོགས་ཀྱི་སྤྱོད་ཡུལ་ཙམ་མིན་ཅིང་། ལྟེ་བར་གཏུམ་མོའི་ངོ་བོ་ཨ་ཐུང་གི་མེ་རབ་ཏུ་སྦར་བ་ཡིས་ནི། ཐ་མལ་པའི་རྩ་ཁམས་སྙིགས་མ་ཐམས་ཅད་དང་། གསང་བའི་ཕྲག་དོག་གི་ངོ་བོ་ཨཱཿ ལྟེ་བའི་ང་རྒྱལ་གྱི་ངོ་བོ་ཏྲཱཾ།

― KMC014_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་གའི་ཞེ་སྡང་གི་ངོ་བོ་ཧཱུྃ། མགྲིན་པའི་འདོད་ཆགས་ཀྱི་ངོ་བོ་ཧྲཱིཿ སྤྱི་བོའི་གཏི་མུག་གི་ངོ་བོ་ༀ་ཡིག་རྣམས་ངེས་པར་བསྲེགས་ཏེ། ཐབས་ཀྱི་ངོ་བོ་ཧཾ་ཡིག་བཞུས་པས་བསྲེག་བཞུའི་ལམ་ནས་འཕོ་མེད་ལྷན་ཅིག་སྐྱེས་དགའི་ཡེ་ཤེས་ཉམས་སུ་མྱོང་བ་དེ་ནི་འཕོ་མེད་རྡོ་རྗེའི་བདུག་སྤོས་ཡིན་པས། རྒྱལ་བ་ཀུན་གྱི་ཐུགས་ཀྱི་རྡོ་རྗེའི་ངོ་བོ་བཅོམ་ལྡན་འདས་ལ་དབུལ་བར་བྱའོ། །གསུམ་པ་མར་མེ་ནི། ཐབས་ཡབ་ཀྱི་རྡོ་རྗེ་ཡི་གེ་ཧཱུྃ་ལས་ཡང་དག་པར་སྐྱེས་པའི་ནོར་བུའི་བུ་གར་སྔགས་ཀྱི་ཡི་གེ་བྱ་སེར་པོ་དང་ཤེས་རབ་ཡུམ་གྱི་མཁར་རྒྱ་ཡིག་དམར་པོ་འོད་ཟེར་འབར་བ་ཤིན་ཏུ་གསལ་བར་བསྒོམས་པས་ཐ་མལ་པའི་དབང་པོའི་སྒོ་བཀག་ཏེ། རྟོག་པ་མེད་པའི་ཚུལ་གྱིས་འཕོ་མེད་ལྷན་ཅིག་སྐྱེས་པའི་དགའ་བ་ཉམས་སུ་མྱོང་བས། མཚོན་བྱེད་དཔེའི་ཡེ་ཤེས་ལ་བརྟེན་ཏེ་མཚོན་བྱ་དོན་གྱི་འོད་གསལ་གྱི་མར་མེ་རྒྱུན་ཆད་མེད་པར་འབར་བ་ནི་ཡང་

― KMC014_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

དག་བདེ་ཆེན་གྱི་འོད་གསལ་ཡིན་པས། བཅོམ་ལྡན་ཐུགས་ཀྱི་རྡོ་རྗེ་ལ་དབུལ་བར་བྱའོ། །ཞེས་པ་སྟེ་ཤེར་དབང་དུ་འབྱུང་བ་ལྟར་རོ། །བཞི་པ་དྲི་ཆབ་ནི། རང་བྱུང་ལྷན་སྐྱེས་བདེ་བ་ཆེན་པོའི་གཞི་ལ་གནས་པ་ཤེས་རབ་མའི་པདྨར། ཐབས་ཀུནྡ་བྱང་ཆུབ་ཀྱི་སེམས་ནི་དབབ་ཏེ་བདེ་བ་སད་པར་གྱུར་པ་དང་། སླར་རྡོ་རྗེའི་ལམ་ནས་གྱེན་དུ་དྲངས་ཏེ་ཐིག་ལེ་དབབ་ལྡོག་གི་རྣལ་འབྱོར་དེ་ཁོ་ན་ཉིད་ཀྱིས་ཀྱང་བྱང་སེམས་རྩའི་གནས་ཐམས་ཅད་དུ་དགྲམ་པར་བྱས་པའི་བྱུགས་པའི་ཁྱད་པར་དག་ཀྱང་ཐུགས་ཀྱི་རྡོ་རྗེ་དཔལ་འཁོར་ལོ་སྡོམ་པ་ལ་དབུལ་བར་བྱའོ། །ལྔ་པ་ཞལ་ཟས་ནི། འདིར་ནི་ཡུལ་འདོད་པའི་ཡོན་ཏན་ལྔ་གང་དང་གང་ལོངས་སྤྱོད་པ་ཐམས་ཅད། བདག་རྐྱེན་དབང་པོ་ལྔ་པོ་ཐམས་ཅད་ལ་ཡང་དག་པར་བརྟེན་པས། དེ་དག་གིས་སྤྱོད་ཡུལ་དུ་གྱུར་པ་ཐམས་ཅད་ཀྱང་ཐུགས་ཀྱི་རྡོ་རྗེ་བཅོམ་ལྡན་འདས་ལ་བཟའ་བའི་སྣོད་དུ་ལེགས་པར་བཤམས་

― KMC014_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་མཆོད་པར་བྱའོ། །དྲུག་པ་སྒྲའི་མཆོད་པ་ནི། རྣམ་པ་ལྷ་ཡབ་ཡུམ་དུ་གསལ་བ་ལྷའི་འདུ་ཤེས། མཁའ་གསང་གཉིས་པདྨ་དང་རྡོ་རྗེ་སྔགས་ཀྱི་ཡི་གེ་དང་བཅས་པར་ཤེས་པ་སྔགས་ཀྱི་འདུ་ཤེས། ཐབས་འདིས་བདེ་བ་ཆེན་པོའི་ཡེ་ཤེས་བསྒྲུབ་པར་བྱའོ་སྙམ་པ་ཆོས་ཀྱི་འདུ་ཤེས་ཏེ་འདུ་ཤེས་གསུམ་དང་མ་བྲལ་བར་རྡོ་རྗེ་དང་པདྨ་ཡང་དག་སྦྱར་ཏེ་སྙོམས་པར་ཞུགས་པ་ལ་སོགས་པའི་རིམ་པ་ལས་བྱུང་བའི་རྣལ་འབྱོར་པ་ཡི་མི་ཤིགས་ཟག་མེད་བདེ་བའི་སྒྲ་ཡི་མཆོད་པ་ཡང་བཅོམ་ལྡན་ཐུགས་ཀྱི་རྡོ་རྗེ་ལ་དབུལ་བར་བྱའོ། །ཞེས་པའོ། །དེ་ནས་ཕྱི་མཆོད་རིག་མ་བཅུ་དྲུག་པོ་ཐམས་ཅད་ཞལ་གཅིག་ཕྱག་བཞི་མ་ཁོ་ན་ཡིན་ལ། སོ་སོའི་ཁ་དོག་དང་ཕྱག་མཚན་ནི་གཞུང་དུ་གསལ་བར་འབྱུང་བས་སྨོས་མ་དགོས་སོ། །མཆོད་སྔགས་རྣམས་ཀྱང་རིམ་པ་ལྟར་བཛྲ་བཱི་ནི་སྟེ་རྡོ་རྗེ་པི་ཝང་མ། དེ་བཞིན་ཝཾ་ཤེ་གླིང་བུ་མ། མྲྀ་དཾ་གེ་རྔ་ཟླུམ་མ། མུ་ར་ཛེ་རྫ་

― KMC014_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

རྔ་མ། ཧ་སྱེ་བཞད་པ་མ། ལཱ་སྱེ་སྒེག་མོ་མ། གཱི་ཏེ་གླུ་མ། ནྲྀ་ཏྱེ་གར་མ། པུཥྤེ་མེ་ཏོག་མ། དྷཱུ་པེ་བདུག་སྤོས་མ། དཱི་པེ་མར་མེ་མ། གནྡྷེ་དྲི་ཆབ་མ་སྟེ་དེ་དག་གི་དབྱངས་མཐའ་ཐམས་ཅད་ཨེར་འགྱུར་བའི་དོན་ནི་བོད་པའི་དོན་དུ་སི་བྱིན་པ་སྟེ། ཧཱུྃ་ཧཱུྃ་ཕཊ་རྣམས་སྐབས་འདིར་སྨོན་པ་སྤྲིང་སྐུལ་གྱི་ཚིག་དང་འབྲེལ་བས་རབ་བསྔགས་རྡོ་རྗེ་པི་ཝང་མ་ཀྱེ་མཆོད་པར་མཛོད་ཅིག་སྟེ་ཕྱི་མ་ཀུན་ལའང་དེས་བསྒྲེའོ། །རཱུ་པ་བཛྲཱི་ནི་གཟུགས་ཀྱི་རྡོ་རྗེ་མ། དེ་བཞིན་ཏུ་ར་ས་རོ། །སྤཪྴེ་རེག་བྱ། དྷརྨ་དྷ་ཏུ་ཆོས་དབྱིངས་རྡོ་རྗེ་མ་སྟེ་དེ་དག་གི་མཐར་བཛྲཱི་ཞེས་འབྱུང་བ་ནི་དེ་ཕན་གྱི་ལྡན་རྐྱེན་ཨཱནྡ་བྱིན་པ་ཡིན་པས་ན་གཟུགས་ཀྱི་རྡོ་རྗེ་ཅན་དུ་གྱིས་ཤིག་ཅེས་པ་སྟེ་ཕྱི་མ་གསུམ་ལའང་དེ་ལྟར་རོ། །དེ་ནས་ཕྱི་མཆོད་འདོད་ཡོན་ལྔ་འབུལ་བ་ནི། ཚིག་དོན་གཞན་གོ་སླ། སྒྲའི་དབྱེ་བ་ལ་ཟིན་དང་མ་ཟིན་ཅེས་པ་ནི། ཇི་སྐད་དུ། སྒྲ་ལ་ཟིན་དང་མ་ཟིན་དང་། ལུང་དུ་སྟོན་དང་མི་

― KMC014_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་དང་། ཡིད་མི་འོང་ལྔས་དབྱེ་བས་བརྒྱད། ཅེས་པ་ལྟར། ཟིན་པ་སེམས་ལྡན་གྱི་སྒྲ་དང་། མ་ཟིན་པ་འབྱུང་བའི་སྒྲ་དང་གཉིས། དེ་གཉིས་ཀ་ལའང་ལུང་དུ་སྟོན་པ་དོན་གོ་བྱ་ཡོད་པ་དང་མི་སྟོན་པ་དོན་གོ་བྱ་མེད་པ་སྟེ་དབྱེ་བ་བཞིའོ། །ཟིན་པའི་སྒྲ་ལའང་། ཡིད་དུ་འོང་བ་ཆོས་བཤད་པ་ལྟ་བུ། མི་འོང་བ་ངུ་བ་ལྟ་བུ། སྙན་པ་གླུ་ལེན་པ་ལྟ་བུ། མ་སྙན་པ་བསྡིགས་བསྡུང་བྱེད་པ་ལྟ་བུ། དེ་བཞིན་མ་ཟིན་པ་ལའང་། སྤྲུལ་པས་ལུང་སྟོན་པ་ལྟ་བུ་ཡིད་དུ་འོང་བ། མི་འོང་བ་དེ་ངུ་བ་ལྟ་བུ། སྙན་པའི་སྒྲ་རླུང་གིས་བསྐྱོད་པའི་དྲིལ་སྒྲ་ལྟ་བུ། མི་སྙན་པ་བྲག་རལ་བ་ལྟ་བུ་དང་བརྒྱད་ཡོད་པ་ལས་བླ་མེད་ཀྱི་སྐབས་འདིར་ཟིན་དང་མ་ཟིན་གཉིས་ཀའི་སྒྲའི་ཁྱད་པར་སྙན་དང་མི་སྙན་སྣ་ཚོགས་པའི་སྒྲའོ། །དྲི་ཡི་རྣམ་པ་ལའང་དྲི་ཞིམ་པ་དང་ང་བ་གཉིས། དེ་ལའང་ལྷན་སྐྱེས་ཀྱི་དྲི་ག་པུར་ལྟ་བུ། ཡོངས་སུ་གྱུར་པ་ཆང་གི་དྲི་ལྟ་བུ། སྦྱར་བ་སྤོས་ཀྱི་རེང་བུ་ལྟ་

― KMC014_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

བུའོ། །རོའི་ཁྱད་པར་རྣམ་པ་དྲུག་ཅེས་པ་ནི། མངར་བ་ཀ་ར་ལྟ་བུ། སྐྱུར་བ་སྟར་བུ་ལྟ་བུ། ལན་ཚྭ་ཚྭ་རིགས་ལྟ་བུ། ཁ་བ་ཏིཀྟ་ལྟ་བུ། ཚ་བ་པི་ལིང་ལྟ་བུ། བསྐ་བ་ཨ་རུ་ར་ལྟ་བུ་དང་གྲོང་ཚིག་ལ་ཁ་དབྲི་ཟེར། དྲུག་གོ །སོ་སོའི་འབུལ་སྔགས་ༀ་ཤྲཱི་ཙཀྲ་སོགས་སྔར་དང་འདྲ་ལ། ཀཱ་མ་གུ་ཎ་ནི་འདོད་པའི་ཡོན་ཏན། བཛྲ་པཱུ་ཛི་ཏི་ནི་རྡོ་རྗེའི་མཆོད་པ། ཨཱཿཧཱུྃ་ནི་བྱིན་གྱིས་བརླབ་པ་དང་། སྭཱ་ཧཱ་ནི་གཞི་ཚུགས་ཞེས་པའོ། །འདོད་པའི་ཡོན་ཏན་ཞེས་པ་ནི། འགྲོ་བ་ཐམས་ཅད་ཀྱིས་འདོད་ཅིང་དོན་དུ་གཉེར་བྱའི་གཙོ་བོ་ཡིན་པས་འདོད་པ་དང་། དེའི་སྒོ་ནས་ཚོགས་བསགས་ན་ཐར་པའི་ས་བོན་ཡང་སྟེར་པའི་ཡོན་ཏན་དང་ལྡན་པས་ན་ཡོན་ཏན་ནོ། །དེ་ནས་ནང་མཆོད་འབུལ་བ་གོ་སླ་ལ། གསང་མཆོད་འབུལ་བ་ནི། གཞན་འཕྲུལ་དབང་བྱེད་དུ་ལྟ་བ། འཕྲུལ་དགར་དགོད་པ། དགའ་ལྡན་དུ་ལག་བཅངས་དང་། སུམ་ཅུ་རྩ་གསུམ་པ་མན་ཆད་འཁྱུད་པ་དང་གཉིས་

― KMC014_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོད་སོགས་ཐ་མལ་པའི་འདོད་ཆགས་དག་པའི་ཕྱིར་རྒྱུད་སྡེ་བཞིར་སློབ་དཔོན་གསང་བ་ཤེས་རབ་ཡེ་ཤེས་བཞི་ཡི་དབང་བསྐུར་གསུངས་པ་སྟེ། བརྟག་གཉིས་ལས། དབང་ནི་བཞི་ཡི་གྲངས་ཀྱིས་ནི། །དགའ་བ་ལ་སོགས་རིམ་ཤེས་བྱ། །དགོད་པ་དག་པ་སློབ་དཔོན་ཉིད། །ལྟ་བ་གསང་བ་དེ་བཞིན་ནོ། །ལག་བཅངས་པ་ཡིས་ཤེས་རབ་ཉིད། །གཉིས་གཉིས་འཁྱུད་པ་དེ་བཞིན་ནོ། །སེམས་ཅན་རྣམས་ཀྱི་དངོས་གྲུབ་ཕྱིར། །དབང་ནི་རྣམ་པ་བཞི་རུ་བཤད། །ཅེས་གསུངས་པ་ལྟར་དབང་བཞི་ལ་བརྟེན་པའི་དགའ་བཞིའི་གསང་མཆོད་ཕུལ་བས། ཡང་དག་ལྷན་སྐྱེས་བདེ་ཆེན་ཡེ་ཤེས་ཀྱི་དབང་བསྐུར་བར་ནི་འགྱུར་བ་དང་། རྒྱུད་རྣམས་ཀུན་གྱི་དོན་ཕྱིན་ཅི་མ་ལོག་པར་རྟོགས་པར་ཤོག་ཅིག །ཅེས་སོ། །སྔགས་ༀ་སརྦ་ཏ་ཐཱ་ག་ཏ། དེ་བཞིན་གཤེགས་པ་ཐམས་ཅད་ཀྱི་ཨ་ནུ་རཱ་ག་ཎ་རྗེས་སུ་ཆགས་པའི་བཛྲ་སྭ་བྷ་བ་རྡོ་རྗེའི་རང་བཞིན་དུ་

― KMC014_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་པའི་ཨཱཏྨ་ཀོ྅ཧཾ་བདག་ཉིད་ངའོ། །ཞེས་སོ། །དེ་ཁོ་ན་ཉིད་ཀྱི་མཆོད་པ་ནི། འདི་ལྟར་སྣང་བའི་ཆོས་ཀུན་གདོད་ནས་རང་བཞིན་མེད་པར་ཤེས་པའི་གནས་ལ་གོམ་པས། ལྷ་ཡི་སྙིང་པོ་སྟེ་ཆོས་སྐུ་སྐྱེ་བ་མེད་པའི་དོན་རྩེ་གཅིག་ཏུ་སྒོམ་པར་བྱེད་པ་དེ་ནི། རྒྱལ་བ་སྲས་བཅས་མཆོག་ཏུ་དགྱེས་པར་བྱེད་པའི་མཆོད་པ་ཆེན་པོར་འདོད་པའི་ཕྱིར་ན། སངས་རྒྱས་ཐམས་ཅད་ཀྱི་དགོངས་པའི་མཐར་ཐུག་རང་བཞིན་འོད་གསལ་ཆོས་ཀྱི་སྐུ་ཉིད་བདག་གིས་རྟོགས་པར་བྱེད་པའོ། །ཞེས་སོ། །དེ་ནས་རྟགས་ཀྱི་བསྟོད་པ་ཆོས་ཀྱི་སྐུ་ལ་སོགས་བསྟོད་པ་རྣམས་ཀྱི་དོན་ནི་གོ་སླ་བས་མ་སྤྲོས་ལ། ཛཔ་བཟླས་ཀྱི་རིམ་པ་སོགས་གོང་དུ་ཇི་སྐད་བཤད་པ་ལྟར་ལ་སླར་ཟློས་མ་དགོས་སོ། །དེ་ནས་ཕྱི་རོལ་དུ་གཏོར་མ་གཏོང་བའི་དོན་ནི། ཕྱོགས་སྐྱོང་རྣམས་གདོན་གྱི་གཙོ་བོ་ཡིན་པས་དེ་དག་གི་འཁོར་དུ་དཔེར་ན་སྟོན་ཆེན་མོ་ཁྲོམ་འཚོགས་པ་ལྟར་འབྱུང་པོ་ཡི་དྭགས་མི་

― KMC014_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན་པ་སོགས་མང་དུ་ཡོད་པས། དམན་པའི་རིགས་ནང་དུ་འོང་བར་མི་ནུས་པ་དང་། འོངས་ཀྱང་གསང་སྤྱོད་ལ་ལྟ་བར་མི་དབང་བས་ཕྱི་རོལ་དུ་བྱ་བར་གསུངས་པས་ན་འདི་ཁོ་ནར་མ་ཟད་རྒྱུད་སྡེ་གཞན་ལའང་འདི་བཞིན་བྱ་བར་གསུངས་པས། གལ་ཏེ་ནང་དུ་བྱ་ནའང་དཀྱིལ་འཁོར་ཐམས་ཅད་ཡོལ་བས་གཡོགས་པར་བྱའོ། །སྔགས་དོན་རྣམས་ཨིནྡྲ་དབང་པོ། ས་པ་རི་བཱ་རཱ་ན་འཁོར་དང་བཅས་པ་རྣམས། ཨ་ཀཪྵ་ཡ་ཛཿ ཁུག་ཅིག །དེ་བཞིན་དུ། ཡ་མ་གཤིན་རྗེ། བཱ་རུ་ཎ་ཆུ་ལྷ། ཀུ་བེ་ར་ལུས་ངན། མ་ཧཱ་བྷུ་ཏ་འབྱུང་པོ་ཆེན་པོ། ཨཱགྣི་མེ་ལྷ། རཱཀྵ་སྲིན་པོ། བཱ་ཡུ་དེ་བ་ཏཱ་རླུང་ལྷ། ཙནྡྲ་ཟླ་བ། སཱུརྱ་ཉི་མ། བྲ་ཧྨ་ཚངས་པ། ཨ་དེ་བ་ལྷ་མིན། བེ་མ་ཙི་ཏྲི་ཐགས་བཟང་རིས། པྲྀ་ཐི་ཝཱི་དེ་བ་ཏཱ་སའི་ལྷ་མོ། འབྲུ་བཞིས་དགུག་གཞུག་བཅིངས་ཏེ་དབང་དུ་བྱས་ལ། སཾ་ཏྲི་སྟཱཿཡང་དག་པར་ཚིམས་པར། སརྦ་དེ་བ་ཏཱ་ལྷ་ཐམས་ཅད་ཉིད་དེ་

― KMC014_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ་བོའི་སྐད་དོད་སྔོན་དུ་བཞག་པས། ལྷ་ཐམས་ཅད་ཡང་དག་པར་ཚིམས་པར་མཛོད། ཅེས་སོ། །སཱ་དྷ་ཀ་སྱ་སྒྲུབ་པ་པོའི། ཤཱནྟིཾ་ཞི་བའི་ལས་མཛོད། པུཥྚིཾ་ཀུ་རུ་རྒྱས་པའི་ལས་མཛོད། སརྦ་ཀརྻ་ནྟུ་ཕྲིན་ལས་ཐམས་ཅད་མཛོད། སིདྡྷིཪྦྷ་བ་ཏུ་དངོས་གྲུབ་ཐམས་ཅད་མཛོད། ཡ་ཐཱ་ཇི་ལྟར། སུ་ཁཾ་བདེ་བ་དང་། སུ་ཁཻཿབདེ་བས་སྟེ་དོན་འགྱུར་ལྟར་ན་བདེ་བ་དང་བདེ་བས་འཚོ་བའི་དངོས་གྲུབ་ཇི་ལྟར་བསམ་པ་ལྟར་གྱུར་ཅིག་ཅེས་པ་སྟེ་བདེ་བ་དང་པོ་ནི་མངོན་མཐོ་ལྷ་མིའི་བདེ་བ་དང་གཉིས་པ་ནི་ངེས་ལེགས་ཐར་པའི་བདེ་བའོ། །དེ་དག་ནི་སྤྱན་འདྲེན་དང་འདོད་གསོལ་གྱི་སྔགས་སོ། །ༀ་ད་ཤ་དིག་ཕྱོགས་བཅུའི། ལོ་ཀ་པཱ་ལ་འཇིག་རྟེན་སྐྱོང་བ། ས་པ་རི་བཱ་ར་འཁོར་དང་བཅས་པ། ཨཱརྒྷཾ་སོགས་དང་། ༀ་ཁ་ཁ་སོགས་སྔར་ལྟར་ལ། འཇིག་རྟེན་པ་རྣམས་གཤེགས་ཟིན་པ་དང་ཙོག་པུར་བསྡད་ལ་ལག་པ་གཉིས་པུས་མོའི་ནང་དུ་སོན་པར་བྱས་ལ། གཡོན་པས་

― KMC014_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བཟང་གི་ཆུ་ཐོགས་ཏེ། ལག་གཡས་པའི་གུང་མོ་དང་མིང་མེད་ཅུང་ཟད་བསྐུམས་པས་ཆུ་ལ་རེག་སྟེ་དེས་མཆུ་ལ་བྱབས་པའི་ཚུལ་ལན་གསུམ་བྱས་ཏེ། རྣ་བའི་བུག་པ་གཉིས། མིག་གཉིས། སྣ་བུག་གཉིས། ལག་པ། ལྟོ་བ། མགོ་བོ་བཅས་ལ་ལན་གསུམ་དུ་ཉེ་རེག་བྱའོ། །འདིར་མཛུབ་མོ་ལ་མིང་མེད་ཅེས་བརྗོད་པ་ནི་སོར་མོ་གཞན་རྣམས་ལ་མཐེ་བོང་གུང་མོ་སྲིན་ལག་མཐེའུ་ཆུང་ཞེས་མིང་སོ་སོར་ཡོད་ཀྱང་མཛུབ་མོ་ལ་མིང་དེ་ཀ་ལས་མེད་པས་སོ། །ཉེ་རེག་ཅེས་པ་ནི་དོན་དུ་ཁྲུས་བྱ་བའི་མིང་ངོ་། །དེ་ནས་སུམྦྷ་ནི་བརྗོད་བཞིན་སློབ་དཔོན་གྱིས་སྲུང་དམིགས་དང་བཅས་རྟིང་མནན་ཏེ་ནང་དུ་བྱོན་ལ་དཀྱིལ་འཁོར་ལ་བསྐོར་བ་དངོས་སམ་ཡིད་ཀྱིས་བྱས་ནུབ་ཀྱི་སྒོར་གཡས་བརྐྱང་གི་སྟབས་ཀྱིས་ལག་པ་གཉིས་ཁུ་ཚུར་བཀན་ལ་གུང་མཛུབ་བརྐྱང་པ་བསྣོལ་ཐབས་སུ་བཞག་པ་སོ་སོར་བསྐྱེད་དེ་དཀྱིལ་འཁོར་གྱི་སྒོ་དབྱེ་བར་བསམས་

― KMC014_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ༀ་བཛྲ་རྡོ་རྗེ། ཨུདྒྷ་ཊ་དབྱེ་བའི། ས་མ་ཡ་དམ་ཚིག །པྲ་བེ་ཤ་ཡ་ཧཱུྃ་རབ་ཏུ་འབེབས་པར་མཛོད་ཅིག །ཅེས་པའི་སྔགས་ཚར་བཞི་བརྗོད་རིམ་ལྟར། ལྷོ་ནས་བྱང་། བྱང་ནས་ལྷོ། ཤར་ནས་ནུབ་ཀྱི་སྒོ་ཕྱེས་ལ། དེ་ནས་མེ་ཏོག་གི་ཕྲེང་བ་ཐོགས་སྟེ། སྔགས་ༀ་པ་ར་མ་སུ་ཁ་མཆོག་གི་བདེ་བ། ཨཱ་ཤ་ཡ་བསམ་པ་ལ། སུ་ལ་ལིས་ལེགས་པར་རོལ་པ། བི་ལཱ་ས་ནཱ་རྣམ་པར་སྒེག་པས། ན་མ་ཏི་ཕྱག་བྱེད་དོ། །ན་མ་ཏེ་ཕྱག་བྱ་བ། ན་མཱ་མི་ཕྱག་བགྱིའོ་སྟེ་ལུས་ངག་ཡིད་གསུམ་གྱིས་ཕྱག་བགྱི་བའི་དོན་ཏོ། །བྷ་ག་ཝནྟཾ་བཅོམ་ལྡན་འདས། ཛཿཧཱུྃ་བཾ་ཧོཿབཞིས་དབྱེར་མེད་དུ་བསྟིམ་པ། ཧི་ཐུང་ངུ་ནི་ངེས་པར་ལ་འཇུག་པས་དེ་ཉིད་ཡང་ཡང་བརྣན་པའི་དོན་དང་། ཧྲཱི་རིང་པོ་ནི་སྐྱོ་བའི་དོན་ལ་འཇུག་པས་གདུང་བས་གསོལ་བ་གདབ་པ། པྲ་ཏཱིཙྪ་སོ་སོར། ཀུ་སུ་མ་མེ་ཏོག །ཨཱཉྫ་ལི་ཐལ་མོའམ་སྙིམས་པ། ནཱ་ཐ་མགོན་པོ། ཧོཿདགྱེས་པ་སྟེ་སྙིམས་པའི་མེ་ཏོག་མགོན་

― KMC014_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

པོས་སོ་སོར་དགྱེས་པར་བཞེས་ཤིག །ཅེས་བརྗོད་ལ་མེ་ཏོག་དཀྱིལ་འཁོར་དུ་དོར། སླར་ཡང་མེ་ཏོག་གི་ཕྲེང་བས་དབང་བསྐུར་བར་མོས་ལ། མེ་ཏོག་དངོས་སམ་འབྲུ་སྤྱི་བོར་བཞག་ལ་དེ་རིང་འགྲོ་བ་ཀུན་ལ་སོགས་ཀྱིས་གསོལ་བ་གདབ་ལ་གདན་དུ་བཞུགས་པར་བྱའོ།། ༈ །།དེ་ནས་བདག་ཉིད་དཀྱིལ་འཁོར་དུ་འཇུག་ཅིང་དབང་བླང་བ་ནི་རྡོ་རྗེ་ཐེག་པའི་ལམ་གྱི་གཞི་རྟེན་ནམ་རྨངས་ལྟ་བུ་ཡིན་པས། དེ་ལའང་ལྔ་སྟེ། དབང་གི་ངོ་བོ། སྒྲ་དོན། དབྱེ་བ། མ་བསྐུར་བའི་ཉེས་དམིགས། བསྐུར་བའི་ཕན་ཡོན་དང་ལྔ་སྟེ། དང་པོ་ནི། གསང་སྔགས་ཀྱི་ཆོ་ག་རྣམ་པར་དག་པ་ལ་བརྟེན་ཏེ་གཞི་དུས་ཀྱི་ཕུང་ཁམས་སྐྱེ་མཆེད་ལ་འབྲས་བུ་སྐུ་བཞིའི་ས་བོན་ཁྱད་པར་ཅན་གདབ་པའི་སྒོ་ནས་རྒྱུད་ཡོངས་སུ་སྨིན་པར་བྱེད་པའོ། །གཉིས་པ་ངེས་ཚིག་ནི། ཨ་བྷི་ཥིཉྩ་ནི་མངོན་པར་དབང་བར་བྱེད་པ་སྟེ། དབང་བཞིས་རིམ་པ་བཞིན་དུ། བསྐྱེད་

― KMC014_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ། གཏུམ་མོ། ཤེར་ཡེ། ཕྱག་རྒྱ་ཆེན་པོ་རྣམས་བསྒོམ་པ་ལ་དབང་བར་བྱེད་པས་ན་དབང་སྟེ། དཔེར་ན་རྒྱལ་པོའི་གོ་སར་དབང་བསྐུར་བས་རྒྱལ་པོའི་བྱ་བ་ལ་དབང་བ་ལྟར་ཏེ། ཟུང་འཇུག་གསལ་བ་ལས། དབང་བསྐུར་བ་དེ་དག་གིས་སྔགས་དང་རྒྱུད་ཉན་པ་དང་སྔགས་སྒྲུབ་པ་དབང་བར་འགྱུར་རོ། །ཞེས་གསུངས་པ་ལྟར་དང་། ཡང་ན་ཨ་བྷི་ཥིཉྩའི་སྒྲ་གཏོར་བླུགས་ལ་འཇུག་པས། གནས་སྐབས་བཞིའི་སྒྲིབ་པ་གཏོར་ཏེ། ཡེ་ཤེས་ཀྱི་ནུས་པ་རྒྱུད་ལ་འཇོག་པར་བྱེད་པའི་ཕྱིར་བླུགས་པ་སྟེ། བརྟག་གཉིས་ལས། གཏོར་དང་བླུགས་པ་ཞེས་བྱ་བ། །དེས་ན་དབང་ཞེས་བརྗོད་པར་བྱ། །ཞེས་གསུངས་པ་ལྟར་རོ། །གསུམ་པ་དབྱེ་བ་ནི། དང་པོ་རྒྱུད་མ་སྨིན་པ་སྨིན་པར་བྱེད་པ་རྒྱུའི་དབང་། བར་དུ་སྨིན་པ་ཉམས་སུ་ལེན་པ་ལམ་གྱི་དབང་། མཐར་བླངས་པའི་འབྲས་བུ་མཆོག་ཐོབ་པ་འབྲས་བུའི་དབང་དང་གསུམ་སྟེ། རིན་ཆེན་ཕྲེང་བའི་རྒྱུད་ལས། རྒྱུ་

― KMC014_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་དབང་ནི་བླ་མས་བསྐུར། །ལམ་གྱི་དབང་ནི་རང་གིས་ལེན། །འབྲས་བུའི་དབང་ནི་མཐར་ཐུག་ཐོབ། །ཅེས་གསུངས་པ་ལྟར་རོ། །བཞི་པ་དབང་མ་ཐོབ་པའི་ཉེས་དམིགས་ནི། ཕྱག་ཆེན་ཐིག་ལེ་ལས། དབང་མ་ཐོབ་པར་དངོས་གྲུབ་མེད། །བྱེ་མ་བཙིར་ན་མར་མི་འབྱུང་། །མཁའ་ལ་ཁུ་ཚུར་གྱིས་བརྟེན་དང་། །སྨིག་རྒྱུའི་ཆུ་ལ་བཏུང་དང་མཚུངས། །ཞེས་གསུངས་སོ། །དྲུག་པ་ཐོབ་པའི་ཕན་ཡོན་ནི། སློབ་དཔོན་ནག་པོ་པས། དབང་བསྐུར་འདི་དག་ཐོབ་ནས་ནི། །སློབ་མ་ཡོན་ཏན་བདག་པོར་འགྱུར། །སངས་རྒྱས་ཀུན་གྱིས་རབ་ཏུ་མཆོད། །མཚམས་མེད་པ་དང་སྡིག་ཅན་ཡང་། །ཚོན་རྩི་མཐོང་བས་གྲོལ་བར་འགྱུར། །ཞེས་གསུངས་སོ། །དེ་ནས་དཀྱིལ་འཁོར་བཞི་ལ་བརྟེན་ཏེ་དབང་དངོས་ལ་འཇུག་པའི་ཐོག་མར་ཁྲུས་དང་མཎྜལ་དྲི་བ་དྲིས་ལན་རྣམས་ཀྱི་ཚིག་དོན་གོ་སླ་ལ། མིག་དར་འཆིང་སྔགས་ཙཀྵུཪྦནྡ་ཝ་ར་མཱ་ན་ཡེ་ཧཱུྃ། མིག་

― KMC014_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

བཅིངས་བར་བགྱིའོ། །ཞེས་དང་། ཨཱ་ཁཾ་བཱི་ར་ཧཱུྃ་ནི། ཀུན་ཏུ་ནམ་མཁའི་མེ་ཏོག་སྩོལ། །ཅེས་པའོ། །དེ་ནས་གསོལ་གདབ་དང་ཡན་ལག་ལྔ་པ་བྱ། བདག་ཉིད་ཧེ་རུ་ཀར་གསལ་སོགས་ཀྱིས་ལག་གཡས་རྡོ་རྗེ་མེ་ཏོག་དང་བཅས་སྙིང་གར་བཞག་ལ། ༀ་སརྦ་ཐམས་ཅད། ཡོ་ག་རྣལ་འབྱོར་དུ། ཙིཏྟཾ་སེམས། ཨུཏྤ་དཱ་ཡཱ་མི། བསྐྱེད་པར་བགྱིའོ། །ༀ་སུ་ར་ཏེ་རབ་ཏུ་དགའ་བའི། ས་མ་ཡ་སྟྭཾ་དམ་ཚིག་ལ་སྤྱོད། ཧོཿདགྱེས་པར་བཞུགས་ཤིག །སིདྡྷི་བཛྲ། གྲུབ་པའི་རྡོ་རྗེ། ཡ་ཐ་ཇི་ལྟ་བ། སུ་ནི་བདེ་བ། ཁཾ་ནི་སྟོང་པ་སྟེ་བདེ་སྟོང་གཉིས་སུ་མེད་པར་བརྟན་པར་བྱ་བའོ། །དེ་ནས་རིགས་ལྔའི་སྡོམ་བཟུང་། སངས་རྒྱས་སྲས་བཅས་སོགས་གཞན་གོ་སླ་ལ། སངས་རྒྱས་ཀྱི་རིགས་རྣམ་པར་སྣང་མཛད་ཀྱི་དམ་ཚིག་ཏུ། རྒྱུ་མི་དགེ་བ་ལས་ལྡོག་པ་ཉེས་སྤྱོད་སྡོམ་པའི་ཚུལ་ཁྲིམས། ལམ་དགེ་བ་ལ་འཇུག་པ་དགེ་བའི་ཆོས་མཐའ་དག་སྡུད་པའི་ཚུལ་ཁྲིམས། འབྲས་བུ་

― KMC014_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དོན་བྱེད་པ་སེམས་ཅན་དོན་བྱེད་ཀྱི་ཚུལ་ཁྲིམས་གསུམ་བཟུང་བ་དང་། བླ་ན་མེད་པའི་དཀོན་མཆོག་གསུམ་ནམ་དུ་ཡང་མི་སྤོང་བའོ། །རྡོ་རྗེའི་རིགས་མི་བསྐྱོད་པའི་དམ་ཚིག་ཏུ། རྡོ་རྗེའི་དེ་ཉིད་བྱང་ཆུབ་ཀྱི་སེམས་དང་། དྲིལ་བུའི་དེ་ཉིད་ཤེས་རབ་ཀྱི་ཆོས་སྟོན་པ་དང་། ཕྱག་རྒྱའི་དེ་ཁོ་ན་ཉིད་ལྷའི་རང་བཞིན་བསྟན་པ་དང་གསུམ་མི་འབྲལ་བ་དང་། དེ་བཞིན་སློབ་དཔོན་གྱི་བྱ་བ་དབང་བསྐུར་བ་ཡང་བཟུང་བར་བྱའོ། །རིན་ཆེན་རིགས་རིན་ཆེན་འབྱུང་ལྡན་གྱི་དམ་ཚིག་ཏུ། ཉིན་རེ་བཞིན་དུ་དུས་དྲུག་ཏུ་སྦྱིན་པ་རྣམ་བཞི་སྟེ། ཟང་ཟིང་ནོར་གྱི་སྦྱིན་པ་དང་། ཆོས་ཀྱི་སྦྱིན་པ་དང་། མི་འཇིགས་པ་སྐྱབས་ཀྱི་སྦྱིན་པ་དང་། སེམས་ཅན་དམན་ལ་བྱམས་པའི་སྦྱིན་པ་རྣམས་རྟག་པར་སྦྱིན་པར་བྱའོ། །བྱང་ཆུབ་ཆེན་པོ་ནི་སོ་སོར་རྟོགས་པའི་ཡེ་ཤེས་ཡིན་ལ། དེ་ལས་བྱུང་བའི་པདྨའི་རིགས་ཆེན་དག་པ་སྟེ་སྣང་བ་མཐའ་ཡས་ཀྱི་དམ་ཚིག་ཏུ། ཕྱི་

― KMC014_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་ཐོས་རང་རྒྱལ་བྱང་ཆུབ་སེམས་དཔའི་ཐེག་པ་དང་། ནང་བྱ་སྤྱོད་རྣལ་འབྱོར་གྱི་ཐེག་པ་དང་། གསང་བ་རྣལ་འབྱོར་ཆེན་པོ་བླ་ན་མེད་པའི་ཐེག་པ་སྟེ། དེ་དག་ལས་གསུང་པའི་དམ་པའི་ཆོས་མཐའ་དག་བཟུང་བའོ། །ལས་ཀྱི་རིགས་དོན་ཡོད་གྲུབ་པའི་དམ་ཚིག་ཏུ། ཕྱི་ནང་གི་སྡོམ་པ་ཐམས་ཅད་དང་ལྡན་པར་བྱ་བ་དང་། ཕྱི་ནང་གསང་བའི་མཆོད་པའི་ལས་ཀྱང་ཅི་ནུས་སུ་བྱ་བ་དང་། ཁྱད་པར་དུ་བླ་ན་མེད་པའི་བྱང་ཆུབ་ཀྱི་སེམས་དམ་པ་བདག་གིས་བསྐྱེད་ནས། སེམས་ཅན་ཀུན་གྱི་དོན་གྱི་ཕྱིར་དུ་བདག་གིས་སྡོམ་པ་མ་ལུས་པ་བཟུང་སྟེ། མ་རྒལ་བ་སྟེ་ཉན་ཐོས་ནི་ཉོན་མོངས་དང་ཤེས་བྱའི་སྒྲིབ་པ་དང་ལྡན་པས་དེ་ལས་བསྒྲལ་བར་བགྱིའོ། །མ་གྲོལ་པ་སྟེ་ཚངས་པ་དང་དབང་ཕྱུག་ལ་སོགས་པ་རྟག་ཆད་ཀྱི་ལམ་ལས་བདག་གིས་དགྲོལ་བར་བྱའོ། །དབུགས་མ་ཕྱིན་པ་སྟེ་དམྱལ་སོགས་ངན་སོང་གི་འགྲོ་བ་རྣམས་སྡུག་བསྔལ་ལས་བདག་གིས་

― KMC014_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་དབྱུང་ཞིང་། མདོར་ན་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པ་འགོད་པར་བྱའོ་ཞེས་ལན་གསུམ་གྱིས་ཐེག་ཆེན་གྱི་སྡོམ་པ་བཟུང་བའོ། །དེ་ནས་གནས་གསུམ་དུ་དྲིའི་ཐིག་ལེ་བྱ་ཞིང་། སྤྱི་བོར་ཟླ་སྟེང་སོགས་ཀྱི་ཚིག་དོན་གཉིས་ཀ་གོ་སླ་ལ། ཕྱག་བྱ་བའི་སྔགས། ༀ་ན་མ་ཏེ་ཧཱུྃ། ཁྱོད་ལ་ཕྱག་འཚལ་ལོ། །ན་མ་མི་ཧཱུྃ་ཕྱག་བགྱིའོ། །ན་མོ་ན་མ་ཧཱུྃ་ཕྱག་འཚལ་ཞིང་འདུད་དོ། །ཞེས་སོ། །དེ་ནས་སྐྱབས་འགྲོ་དང་སེམས་བསྐྱེད་པ་དམ་ཚིག་བསྒྲགས་པ་དམ་ཆུ་སྦྱིན་པ་རྣམས་དཀྱུས་ལྟར་གོ་དོན་སླ་བས་མ་སྤྲོས། བཛྲ་ཨུ་ད་ཀ་ཋཿནི་རྡོ་རྗེའི་ཆུའོ། །དེ་ནས་ཡེ་ཤེས་པ་དབབ་པའི་ཆེད་དུ་གསོལ་གདབ་ལན་གསུམ་གྱི་མཐར། བདག་ཉིད་སྐད་ཅིག་གིས་དཔལ་འཁོར་ལོ་སྡོམ་པའི་སྐུ་རྩ་གསུམ་འཁོར་ལོ་བཞི་དང་བཅས་པ་གསལ་གདབ་ལ། སྤྱི་བོའི་རྩ་འཁོར་དབུས་སུ་ཧཾ་དཀར་པོ། མགྲིན་པའི་རྩ་འཁོར་དབུས་སུ་

― KMC014_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

ༀ་དཀར་པོ། སྙིང་གའི་རྩ་འཁོར་དབུས་སུ་ཧཱུྃ་སྔོན་པོ། ལྟེ་བའི་རྩ་འཁོར་དབུས་སུ་ཨཾ་དམར་པོ་གསུམ་གསལ་བར་བསྒོམ། དེ་ནས་སྲོག་རྩོལ་གྱི་སྦྱོར་བས་ཨཾ་ལས་ཡེ་ཤེས་ཀྱི་མེ་འབར་སྙིང་གའི་ཧཱུྃ་དང་མགྲིན་པའི་ༀ་བསྲེགས་ཏེ་སྤྱི་བོའི་ཧཾ་ཡིག་ལ་རེག་པས་བདུད་རྩིའི་རྒྱུན་བབས་པས་ལུས་ལ་ཟག་མེད་ཀྱི་བདེ་བ་རབ་ཏུ་སྐྱེས་པར་བསམས་ལ། ཡི་གེ་བདུན་པའི་མཐར། འབེབས་སྔགས་ཛྙཱ་ན་ཡེ་ཤེས། ཨཱ་བེ་ཤ་ཡ་ཕོབ་ཅིག །ཨ་དང་པོས་དམ་ཚིག་པ། གཉིས་པས་ཡེ་ཤེས་པ། གསུམ་པས་དབྱེར་མེད་དུ་བསྟིམ་པ། ཧྲཱིཿཡིས་བྱིན་གྱིས་བརླབ་པ། བཾ་གྱིས་མི་ཉམས་པར་བཅིངས་པའོ། །ཏིཥྛ་མ་ཧཱ་ཀྲོ་དྷ་རབ་ཏུ་བརྟན་པའི་ཁྲོ་བོ་ཆེན་པོ། ཨ་བེ་ཤ་ཡ་ཧཱུྃ་ཕོབ་ཅིག །ཤྲཱི་ཧེ་རུ་ཀཱ་ཡ། དཔལ་ཁྲག་འཐུང་གི་ཆེད་དུ། བིདྨ་ཧེ་གཟིགས་པ་ཆེན་པོ། བིདྱཱ་རཱ་ཛ་ཡ་རིག་པའི་རྒྱལ་པོ། དྷཱི་མ་ཧེ་བློ་གྲོས་ཆེན་པོ། སྭཱ་ཧཱ་སྦྱིན་པར་མཛོད། ཅེས་ལན་མང་དུ་བརྗོད་ལ་རོལ་མོ་འཁྲོལ།

― KMC014_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་དབབ་པའི་བདུག་རྫས་ཀྱང་། རྒྱུད་ལས། བདུད་རྩི་ལྔ་དང་བྱི་ལའི་བྲུན། །གུ་གུལ་བུད་མེད་གོས་ཀྱི་མཐའ། །པདྨའི་སྣོད་དུ་བཞག་ནས་སུ། །དུར་ཁྲོད་མེ་ལ་བདུག་ནས་སུ། །རྐང་པ་གཡོན་བརྐྱང་ལ་གནས་པས། །གཉིས་མེད་གསང་སྔགས་བཟླས་བྱས་ན། །སྐད་ཅིག་ཉིད་ལ་ཡང་དག་འཇུག །ཅེས་གསུངས་སོ། །ཕེབས་ནས་རྡོ་རྗེ་མགོར་བཞག་སྟེ། ཏིཥྛ་བཛྲ་སྟེ་རབ་ཏུ་བརྟན་པའི་རྡོ་རྗེ་དང་། པྲ་ཏཱིཙྪ་བཛྲ་ཧོཿ བཞེས་ཤིག་དགྱེས་པའི་རྡོ་རྗེའོ། །དེ་ནས་མིག་དར་བཀྲོལ་བའི་སྔགས། བཛྲ་ནེ་ཏྲ་རྡོ་རྗེའི་མིག །ཨ་བ་ཧཱ་ར་སྒྲིབ་པས་འཕྲོག་པ། པ་ཊ་སོལ་ཅིག །ལམ་ནི་སྤྱན་མའི་ས་བོན་དང་ཧྲཱིཿནི་སྤྱན་གཟིགས་སོ། །དེ་ནས་དབང་བསྐུར་བ་དངོས་ལ་འཇུག་པའི་ཐོག་མར་མཎྜལ་ཕུལ་ཏེ་གསོལ་བ་གདབ་པ་ནི། ཇི་ལྟར་སྔོན་གྱི་འདས་པའི་སངས་རྒྱས་འཁོར་བ་འཇིགས་ལ་སོགས་པའི་རྒྱལ་བ་རྣམས་ཀྱིས་བླ་ན་མེད་པའི་བྱང་ཆུབ་

― KMC014_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་བརྙེས་ཏེ། རྡོ་རྗེ་ལྟ་བུའི་ཏིང་ངེ་འཛིན་མངོན་དུ་གྱུར་པས་ན་བྱང་ཆུབ་རྡོ་རྗེ་སྟེ། དེ་དག་གིས་ད་ལྟར་བྱུང་བའི་སངས་རྒྱས་ཤཱཀྱ་ཐུབ་པ་ལ་མཆོད་ཆེན་ཏེ་མཆོག་ཏུ་དགྱེས་པ་སྐྱེད་པར་བྱེད་པའི་འཕོ་མེད་དོན་གྱི་ཡེ་ཤེས་ཀྱི་དབང་མཆོག་བསྐུར་བའི་མཆོད་པ་ཆེན་པོ་ཇི་ལྟར་སྩལ་བ་ལྟར། ལམ་ཟབ་མོར་འཇུག་འདོད་ཀྱི་བློ་ཅན་བདག་ཀྱང་འཁོར་བའི་འཇིགས་པ་ལས་སྐྱོབ་པའི་དོན་གྱི་ཕྱིར་དུ་བརྩེ་བས་རྗེས་སུ་དགོངས་ཏེ། ནམ་མཁའི་རྡོ་རྗེ་སྟེ་ཁྱབ་བདག་རྡོ་རྗེ་འཆང་ཆེན་པོའི་གཉིས་སུ་མེད་པའི་ཡེ་ཤེས་ཀྱི་དབང་བསྐུར་མཆོག་དེ་དེང་འདིར་བདག་ལ་སྩོལ་ཅིག །ཅེས་སོ། །དེ་ནས་དང་པོ་རིག་པའི་དབང་ལྔ་བསྐུར་བ་ལ། མ་རིག་པའི་དྲི་མ་འཁྲུད་པའི་ཕྱིར་དུ་མི་བསྐྱོད་པའི་ངོ་བོ་ཆུའི་དབང་ནི། བསང་སྦྱང་སྔོན་དུ་འགྲོ་བས། སྟོང་པའི་ངང་ལས་སོགས་གཞུང་གསལ་གྱི་ཚིག་རིས་རྣམས་ནི་གོ་སླ་ལ། ༀ་བཛྲ་ཨ་བྷི་ཥིཉྩ་ཧཱུྃ། རྡོ་རྗེས་མངོན་པར་དབང་

― KMC014_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུར་དུ་གསོལ་ཞེས་པ་སྟེ། དེ་བཞིན་དུ་རཏྣ་རིན་ཆེན། པདྨ་ཆུ་སྐྱེས། ཀརྨ་ལས། བུདྡྷ་སངས་རྒྱས། བཛྲ་རྡོ་རྗེ། ཨུ་ད་ཀ་ཆུ་ཡིས། ཨ་བྷི་ཥིཉྩི་ཧཱུྃ་མངོན་པར་དབང་བསྐུར་དུ་གསོལ། སུ་ར་ཏ་སྟྭཾ་རབ་ཏུ་དགའ་བར་བཞུགས་པ། ཨ་ཧཾ་ངའོ། །དབང་ལྷ་སློབ་མ་ལ་ཐིམ་སོགས་གོ་སླའོ། །དེ་ནས་གཉིས་པ་སངས་རྒྱས་ལྔ་རིགས་བདག་གི་ཚུལ་དུ་རྒྱས་འདེབས་པའི་ཕྱིར་དང་གཙུག་ཏོར་གྱི་མཚན་སྐྱེད་ནུས་པའི་ཆེད་དུ་རིན་ཆེན་འབྱུང་ལྡན་ཅོད་པན་གྱི་དབང་ནི། དབང་ཚིག་གཞུང་གསལ་ལྟར། སྔགས་ལས་མུ་ཀུ་ཊ་ཅོད་པན་ཏེ་གཞན་རྣམས་སྔར་དང་འདྲ། གསུམ་པ་དེ་ཁོ་ན་ཉིད་དང་དབྱེར་མེད་པའི་ཡེ་ཤེས་སྐྱེ་བའི་ནུས་པ་ཅན་དུ་སྒྲུབ་པའི་ཆེད་དུ་སྣང་བ་མཐའ་ཡས་རྡོ་རྗེའི་དབང་བསྐུར་བའི་སྔགས་དོན་གོང་གསལ་ལྟར་རོ། །བཞི་པ་སྟོང་པ་ཉིད་དང་སྙིང་རྗེ་དབྱེར་མེད་པའི་ཡེ་ཤེས་འབྱུང་བའི་བདག་པོ་ཆོས་ཀྱི་དོན་རྟོགས་པར་བྱ་བའི་ཆེད་དུ་

― KMC014_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཡོད་གྲུབ་པའི་ངོ་བོ་དྲིལ་བུའི་དབང་བསྐུར་བའི་སྔགས་དོན། ༀ་བཛྲ་རྡོ་རྗེའི། ཨ་དྷི་པ་ཏི་སྟྭཾ་བདག་ཉིད་ཀྱིས། ཨ་བྷི་ཥིཉྩ་མཾ་ནི་མངོན་པར་དབང་བསྐུར་བགྱིའོ། །ཏིཥྛ་བཛྲ་བརྟན་པའི་རྡོ་རྗེ། ས་མ་ཡ་སྟྭཾ་དམ་ཚིག་ལ་ཞུགས། གཞན་གོང་དང་འདྲའོ། །ལྔ་པ་མ་འོངས་པར་འཚང་རྒྱ་བའི་མཚན་གྱི་ས་བོན་འགོད་པའི་ཆེད་དུ་རྣམ་པར་སྣང་མཛད་ཀྱི་ངོ་བོ་མིང་གི་དབང་བསྐུར་བའི་སྔགས་དོན། ༀ་བཛྲ་ས ཏྭ་སྟྭཾ་རྡོ་རྗེ་སེམས་དཔའ་ཉིད་ཀྱིས། ཨ་བྷི་ཥིཉྩ་མི་ནི་གོང་དང་འདྲ་ལ། བཛྲ་ནཱ་མ་རྡོ་རྗེའི་མིང་དབང་། ཨ་བྷི་ཥེ་ཀ་ཏ་མངོན་པར་བསྐུར་བའོ། །དེ་དག་གི་བྱེད་ལས་ནི་གཞུང་གསལ་ལྟར། ཆུའི་དབང་གིས་ཉོན་མོངས་པ་ཞེ་སྡང་དག །རྣམ་ཤེས་ཀྱི་ཕུང་པོ་གནས་འགྱུར་བས་མེ་ལོང་ཡེ་ཤེས་མངོན་དུ་བྱེད་པའི་ས་བོན་རྒྱུད་ལ་བཞག །ཅོད་པན་གྱི་དབང་གིས་ཉོན་མོངས་ང་རྒྱལ་དང་སེར་སྣ་དག །ཚོར་ཕུང་གནས་གྱུར་མཉམ་ཉིད་ཡེ་ཤེས་མངོན་དུ་བྱེད་པའི་

― KMC014_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བོན་བཞག །རྡོ་རྗེའི་དབང་གིས་ཉོན་མོངས་འདོད་ཆགས་དག །འདུ་ཤེས་ཀྱི་ཕུང་པོ་གནས་གྱུར་སོར་རྟོགས་ཡེ་ཤེས་མངོན་དུ་བྱེད་པའི་ས་བོན་རྒྱུད་ལ་བཞག །དྲིལ་བུའི་དབང་གིས་ཉོན་མོངས་ཕྲག་དོག་དག །འདུ་བྱེད་ཀྱི་ཕུང་པོ་གནས་གྱུར་བྱ་གྲུབ་ཡེ་ཤེས་མངོན་དུ་བྱེད་པའི་ས་བོན་རྒྱུད་ལ་བཞག །མིང་དབང་གིས་ཉོན་མོངས་གཏི་མུག་དག །གཟུགས་ཕུང་གནས་གྱུར་ཆོས་དབྱིངས་ཡེ་ཤེས་མངོན་དུ་བྱེད་པའི་ས་བོན་རྒྱུད་ལ་བཞག་པའོ། །མདོར་ན་དབང་འདི་དག་གིས་སྤང་བྱ་མ་རིག་པའི་ཉོན་མོངས་པ་ལྔ་དག་ནས། ཐོབ་བྱ་རིག་པ་ཡེ་ཤེས་ལྔ་ཐོབ་པར་བྱེད་པས་ན་རིག་པའི་དབང་ལྔ་ཞེས་བྱའོ། །དེ་ནས་ཕྱི་རོལ་གྱི་བརྟུལ་ཞུགས་སྤང་བའི་ཕྱིར་བརྟུལ་ཞུགས་སྦྱིན་པ་ལ་གཉིས་སྟེ། རྟག་ཏུ་བྱང་ཆུབ་ཀྱི་སེམས་དང་མི་འབྲལ་བའི། དང་པོ་རྡོ་རྗེའི་བརྟུལ་ཞུགས་སྦྱིན་པ་ནི། པད་ཟླའི་གདན་ལ་སོགས་ཀྱི་སྔགས་བརྗོད་བཞིན་རྡོ་རྗེ་

― KMC014_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

ལན་གསུམ་གསོར་ཏེ་སྙིང་གར་བཟུང་། སྔགས་དོན་ༀ་སརྦ་ཏ་ཐཱ་ག་ཏ་དེ་བཞིན་གཤེགས་པ་ཐམས་ཅད་ཀྱི། སིདྡྷི་དངོས་གྲུབ། བཛྲ་ས་མ་ཡ་རྡོ་རྗེའི་དམ་ཚིག་ལ། ཏིཥྛ་གནས་པ། ཨེ་ཥ་སྟྭཾ་འདི་ཉིད། དྷཱ་ར་ཡ་མི་ཧཱི་བཟུང་བར་བགྱིའོ། །ཧི་ཡིག་ནི་ངེས་བཟུང་ལ་འཇུག་པས་ལན་བཞིར་འབྱུང་བ་ནི་ཡང་ནས་ཡང་དུ་ངེས་པར་བཟུང་བའི་དོན་ཏོ། །ཧཱུྃ་ཡིག་ནི་རྡོ་རྗེ་སེམས་དཔའི་ས་བོན་ནོ། །གཉིས་པ་སྔགས་ཀྱི་སྤྱོད་པ་སྤྱད་པའི་ཕྱིར་བརྟུལ་ཞུགས་སྦྱིན་པ་ནི། བསང་སྦྱང་སྔོན་དུ་འགྲོ་བས། སློབ་མ་དབང་རྫས་སོགས་བརྗོད་ལ། ལག་གཡས་སུ་ཅང་ཏེའུ་གཡོན་དུ་ཐོད་པ་གྲུ་མོར་ཁ་ཊྭཱཾ་ག་ཚངས་སྐུད་སེ་རལ་ཁར་བྱིན་ནོ། །དེ་ལྟར་དཔལ་ཧེ་རུ་ཀའི་ཕྱག་རྒྱ་དེ་དག་ལའང་ཕྱི་ནང་གཉིས་ཏེ། ཕྱི་ལྟར་ན་ཁ་ཊྭཱཾ་ག་སྟེ་དབང་པོའི་དབྱུག་པ་དང་ནང་ལྟར་ན་ལྷའི་སྐུ་ཐབས་བདེ་བ་ཆེན་པོའོ། །ཕྱི་ལྟར་ན་ཌཱ་མ་རུ་སྟེ་ནང་ལྟར་ན་ཤེས་རབ་སྟོང་པ་ཉིད་དོ། །ཕྱི་ལྟར་ན་

― KMC014_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོད་པ་སྟེ་ནང་ལྟར་ན་གོང་གི་བདེ་བ་དང་སྟོང་པ་གཉིས་གཅིག་ཏུ་འདུས་པའི་ཟག་མེད་ཀྱི་བདེ་བ་སྐྱོང་བའོ། །ཕྱི་ལྟར་ན་ཚངས་སྐུད་དེ་ཕྱི་རོལ་པའི་བྲམ་ཟེ་རྣམས་ཀྱིས་ཚངས་པ་མཆོད་པའི་ཚེ་སེ་རལ་ཁར་ཐོགས་པས་ན་མཆོད་ཕྱིར་ཐོགས་སམ་ཚངས་སྐུད་ཅེས་གྲགས་པས་མིའི་རྒྱུས་པ་བསྒྲིལ་བའི་སྐུད་པ། ནང་ལྟར་ན་རྣམ་པར་མི་རྟོག་པའི་ཡེ་ཤེས་ཀྱི་དོན་མཚོན་པའོ། །དེ་ནས་སངས་རྒྱས་ཀྱི་མཚན་གྱི་ནུས་པ་རྒྱུད་ལ་བཞག་པ་ལས་མི་འདའ་བར་ས་འོག་ས་སྟེང་མཐོ་རིས་ཏེ་ལྷའི་གནས་རྣམས་སུ་རྣམ་པར་རྒྱལ་བར་འགྱུར་ཞེས་གཟེངས་བསྟོད་པའི་ཕྱིར་དང་པོ་ལུང་བསྟན་པ་ནི། ཨ་བ་དྷཱུ་ཏིའི་དབང་གི་བྱ་བ་མདོར་བསྡུས་ལས། ལག་པ་གཡོན་པས་ཆོས་གོས་ཀྱི་གྲྭ་སྙིང་གར་བཟུང་ལ། གཡས་པས་མི་འཇིགས་པའི་ཕྱག་རྒྱ་བཅིངས། སློབ་མ་གང་གི་རིགས་དེའི་གཟུགས་དམིགས་པ་དེ་ལ་ལུང་བསྟན་པར་བྱ། ཞེས་དང་། ནག་པོ་པའི་

― KMC014_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་ཐབས་ལས། གཡོན་པ་ཡིས་ནི་ཆོས་གོས་བཟུང་། །གཡས་ཀྱིས་མི་འཇིགས་དབུགས་འབྱིན་པ། །ཧེ་རུ་ཀ་དཔལ་རྣལ་འབྱོར་ཆེ། །ཞེས་གསུངས་པ་ལྟར་ཀུན་མཁྱེན་དྷརྨཱ་ཀ་རའི་ཞལ་ནས། ཆོས་གོས་ཀྱི་གྲྭ་རི་དྭགས་ཀྱི་རྣ་བ་ལྟར་འཛིན་ཞེས་པ་ལ། ད་ལྟ་རྣ་བ་གཉིས་ཀྱི་གཟུགས་ལྟར་འཛིན་པར་འདུག་ཀྱང་། དེ་ལྟར་མི་དགོས་ཏེ་སྔོན་བཅོམ་ལྡན་འདས་ཀྱིས་ལུང་བསྟན་མཛད་པའི་སྐབས་ཆོས་གོས་ཀྱི་གྲྭ་གཡོན་པའི་ཕྱག་གིས་གདེང་སྟབས་སུ་འཛིན་ཅིང་། གཡས་མི་འཇིགས་པའི་ཕྱག་རྒྱ་མཛད་དེ་ལུང་བསྟན་མཛད་པ་དཔེར་བཞག་པ་ཡིན་ལ། ཁ་ཅིག་སེང་གེའི་རྣ་བ་ཡིན་ཟེར་བའི་དག་སྦྱོར་ཡང་དོན་ཆུང་ཞེས་གསུངས་སོ། །བདེ་མཆོག་གི་རྒྱ་གཞུང་རྣམས་སུའང་དེ་བཞིན་གཤེགས་པའི་སྤྱོད་ལམ་གྱི་ཚུལ་བྱས་ཏེ་སོགས་གོང་དང་འདྲ་བར་གསུངས་པ་ལས་རྡོ་དྲིལ་འཛིན་དགོས་པ་གང་དུ་མི་འབྱུང་བའི་ཕྱིར། གནད་དོན་མཁྱེན་པའི་བླ་མ་འགས་

― KMC014_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བསྐུར་སྐབས་སུའང་འདི་དུས་ཞྭ་བཞེས་པར་མི་མཛད་པ་ནི་དེ་བཞིན་གཤེགས་པ་དབུ་ཞྭ་དང་རྡོ་དྲིལ་ཅན་མེད་པའི་ཕྱིར་རོ། །དེ་ནས་འདི་ལྟར་ངས་ནི་སོགས་ཀྱིས་ལུང་སྟོན་པ་སྟེ། ཤྲཱི་ཧེ་རུ་ཀ་ཏེ་དཔལ་ཁྲག་འཐུང་། ནཱ་མ་ཞེས་བྱ་བ། ཏ་ཐཱ་ག་ཏ་སིདྡྷི་དེ་བཞིན་གཤེགས་པ་གྲུབ་པའི། ས་མ་ཡ་སྟྭཾ་དམ་ཚིག་ལ་བཞུགས་ཤིག །བྷུར་ཏེ་ས་སྟེང་། བྷུ་ཝཿསྟེ་ས་འོག །སྭཿནི་མཐོ་རིས་ཏེ་དེ་གསུམ་ལས་རྣམ་པར་རྒྱལ་བར་གཟེངས་བསྟོད་པའོ། །དེ་ནས་སངས་རྒྱས་ཐོབ་པའི་ནུས་པ་བཞག་པ་ལ་སྤྲོ་བ་བསྐྱེད་དེ་དབུགས་དབྱུང་བ་ནི། ཁམས་གསུམ་ཀུན་གྱི་རྒྱལ་སྲིད་ཆེ་ལ་མངའ་དབང་སྒྱུར་བའི་དཔལ་དང་ལྡན་པའི་ཡོན་ཏན་མཐའ་དག་འབྱུང་བའི་གནས། ལོག་འདྲེན་བདུད་ཚོགས་ཀུན་ལས་རྣམ་པར་རྒྱལ་ཞིང་། ཡང་དག་ཐར་པ་མཆོག་གི་གྲོང་ཁྱེར་མཆོག་ཏུ་དེང་ནས་ཁྱོད་བཞུགས་པ་ཡིན་ནོ་ཞེས་དབུགས་དབྱུང་བའོ། །དེ་འདྲར་ཆོས་ཀྱི་

― KMC014_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྲིད་ལ་སྦྱོར་བ་ལས་ཕྱིར་མི་ལྡོག་པའི་ཆེད་དུ་རྡོ་རྗེ་སློབ་དཔོན་གྱི་དབང་སྟེ་བུམ་དབང་དངོས་གཞི་བསྐུར་བ་སྟེ། འདུས་པའི་རྒྱུད་ཕྱི་མ་ལས། བུམ་པའི་དབང་ནི་དང་པོ་སྟེ། གཉིས་པ་གསང་བའི་དབང་ཡིན་ནོ། །གསུམ་པ་ཤེས་རབ་ཡེ་ཤེས་ཏེ། །བཞི་པ་དེ་བཞིན་ཉིད་ཡིན་ནོ། །ཞེས་གསུངས་པ་ལྟར་དང་པོ་བུམ་དབང་གི་གསོལ་གདབ་ནི། ཁམས་གསུམ་གྱི་འཁོར་བ་ལས་ཕྱིར་མི་ལྡོག་པའི་དབང་བསྐུར་ཆེན་པོ་ནི་དཔའ་བོ་ཆེན་པོས་དེང་འདིར་བདག་ལ་སྩོལ་ཅིག །འགྲོ་བ་ཀུན་གྱིས་བདག་ཏུ་བཏགས་ཤིང་ཞེན་པའི་ཐ་མལ་པའི་ཕུང་ཁམས་ཐམས་ཅད་ལྷར་བསྒྱུར་ཏེ་གཟུང་འཛིན་དངོས་པོའི་མཚན་མར་ཞེན་པ་མེད་པར་བྱེད་པའི་སྨིན་གྲོལ་གྱི་ལམ་ཟབ་མོ་དེ་ནི་དེང་འདིར་བདག་ལ་སྩལ་དུ་གསོལ། །ཞེས་སོ། །དེ་ནས་དབང་དངོས་བསྐུར་བ་ཧཱུྃ་བྱུང་རྡོ་རྗེ་སོགས་ནས། སློབ་མའི་ཚོགས་རྣམས་བསྡུ་བར་གྱིས་ཞེས་པའི་སྐབས་དྲིལ་གསིལ་པད་ཀོར་འཁྱུད་

― KMC014_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་བཅས་བྱ་བ་ནི་ཕྱག་བཞེས་སོ། །དེ་ལྟར་དམ་ཚིག་གསུམ་པོ་ཞེས་པ་ནི། ཐབས་ཡབ་རྡོ་རྗེ་སེམས་དཔའ་དང་ཡུམ་ཤེས་རབ་རྡོ་རྗེ་སྙེམས་མར་གསལ་བ་ཕན་ཚུན་ཡབ་ཡུམ་སྙོམས་པར་ཞུགས་པ་ཁ་སྦྱོར་སྐུའི་དམ་ཚིག་དང་། རྡོ་རྗེ་ཐབས་ཀྱི་དེ་ཁོ་ན་ཉིད་ཐུགས་ཀྱི་དམ་ཚིག་གཡས་སུ་འཆང་བ་དང་། དྲིལ་བུ་ཤེས་རབ་ཀྱི་དེ་ཁོ་ན་ཉིད་གསུང་གི་དམ་ཚིག་གཡོན་དུ་འཆང་བ་དང་གསུམ་མོ། །ཇི་ལྟར་བལྟམས་པ་སོགས་དང་སྔགས་ཀྱིས་བུམ་པའི་དབང་བསྐུར་བའི་སྔགས་དོན་གོང་དུ་སོང་། དེ་ལྟར་དབང་བསྐུར་བས་སྒོ་གསུམ་གྱི་དྲི་མ་དག །མི་བསྐྱོད་པས་དབུ་བརྒྱན། མཐར་དབང་ལྷ་རྣམས་སློབ་མ་ལ་ཐིམ་པར་བསམས་ལ་ཉེར་སྤྱོད་ལྔས་མཆོད། གཟུགས་སྒྲ་སོགས་འདོད་ཡོན་ལྔ་ལ་སྤྱོད་པར་རྗེས་སུ་གནང་། རྟེན་ཅིང་འབྲེལ་བར་འབྱུང་བའི་ཆོས་ཀྱི་སྒོ་ནས་འགྲོ་དོན་དཔག་མེད་བྱོས་ཤིག་ཅེས་བཀའ་བསྒོའོ། །དབང་འདིས་ཆོས་ཀྱི་རྒྱལ་

― KMC014_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ལ་སྦྱོར་བར་བྱེད་ཅིང་སློབ་དཔོན་ནུས་པའི་གོ་འཕང་ཐོབ་པའི་དབང་བསྐུར་སྦྱིན་པར་བྱེད་པས་ན་སློབ་དཔོན་གྱི་དབང་ངམ་ཕྱིར་མི་ལྡོག་པའི་ས་བོན་བསྐྲུན་པར་བྱེད་པས་ན་ཕྱིར་མི་ལྡོག་པའི་དབང་ཞེས་བྱའོ། །དབང་འདི་བསྐུར་བའི་དཀྱིལ་འཁོར་ནི་ཕྱི་བཏགས་པའི་དཀྱིལ་འཁོར་རྡུལ་ཚོན་ནམ་རས་བྲིས་དང་ནང་ལུས་དཀྱིལ་སོགས་ལྷ་རྟེན་དང་བརྟེན་པར་བཅས་པ་ལ་བརྟེན་པ་ཡིན་ཅིང་། བསྐུར་གཞི་གཙོ་བོ་ལུས་ལ་བསྐུར་ཞིང་ལུས་ཀྱི་དྲི་མ་སྦྱངས་ནས་ལུས་དག་པར་བྱེད། བསྒྲུབ་བྱ་སངས་རྒྱས་སྤྲུལ་པའི་སྐུ་མཛད་པ་དང་བཅས་པ་འགྲུབ་པའི་ནུས་པ་ཁྱད་པར་ཅན་འཇོག་ཅིང་ལུས་སྐུ་རྡོ་རྗེའི་རང་བཞིན་དུ་བྱེད་པའོ། །དེ་ནས་ལྷ་དང་དཀྱིལ་འཁོར་གྱི་དེ་ཁོ་ན་ཉིད་བསྟན་པ། ཐར་པ་ཆེན་པོའི་ཕོ་བྲང་རྣམ་སྣང་གི །སོགས་དེ་དག་སོ་སོའི་དག་པ་བྱང་ཆུབ་ཕྱོགས་ཀྱི་ཆོས་སོ་བདུན་དང་སྦྱར་བ་སྔར་དཀྱིལ་འཁོར་དང་བསྐྱེད་རིམ་གྱི་སྐབས་སུ་བཤད་

― KMC014_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར་རོ། །དེ་ནས་མཆོག་དབང་གོང་མ་གསུམ་བསྐུར་བ་ལ་གསང་བ་ཤེས་རབ་ཡེ་ཤེས་དང་གསུམ་རིམ་པ་ལྟར། དང་པོ་ནི་རྡོ་རྗེ་སློབ་དཔོན་ཡབ་ཡུམ་གྱི་སྐུའི་དཀྱིལ་འཁོར་རམ་ལུས་དཀྱིལ། གཉིས་པ་རིག་མའི་བྷ་གའམ་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར། གསུམ་པ་ནི་རང་རིག་སྤྲོས་བྲལ་ལམ་དོན་དམ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན་ཏེ་བསྐུར་བ་ཡིན་ནོ། །གཉིས་པ་དད་པ་དང་ཤེས་རབ་ཀྱི་སྣོད་དུ་བྱ་བའི་ཕྱིར་གསང་དབང་བསྐུར་བ་ནི། དེའང་དད་པའི་ཞིང་དུ་བྱ་བ་ནི་བླ་མ་ཡབ་ཡུམ་ལྷར་གསལ་བ་སྙོམས་པར་ཞུགས་པའི་བྱང་སེམས་ཀྱི་བདུད་རྩི་མྱོང་བས་ལྷའི་བྱིན་རླབས་ཀྱི་མཐུས་བདེ་བ་ཁྱད་པར་ཅན་སྐྱེད་པ་དང་སྔགས་ཀྱི་ཀུན་སྤྱོད་ལ་ཐེ་ཚོམ་དང་ལོག་ལྟ་ཟློག་པ་དང་། ཤེས་རབ་ཀྱི་ཞིང་དུ་བྱ་བ་ནི་སངས་རྒྱས་ཐམས་ཅད་ཀྱི་ངོ་བོ་གསང་བའི་རྫས་ཁར་བྱིན་པས་སྙིང་གའི་པདྨར་ཞུགས་པས་སྒྱུ་མའི་དཔེ་བཅུ་

― KMC014_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀྱིས་མཚོན་པའི་སྒྱུ་ལུས་རྟོགས་པར་བྱེད་པའོ། །གསང་དབང་གི་ངོ་བོ་ནི་བྱང་སེམས་མྱོང་བ་ལས་བྱུང་བའི་ཏིང་ངེ་འཛིན་བདེ་བ་དང་བཅས་པ། སྒྲ་དོན་ནི་བླ་མ་ཡབ་ཡུམ་གྱི་བྱང་སེམས་གསང་བའི་རྫས་ཀྱིས་དབང་བསྐུར་བ་ཡིན་པས་ན་གསང་བའི་དབང་ཞེས་བྱའོ། །དེ་ནས་དབང་ཚིག་ནི་གཞུང་གསལ་ལྟར་གོ་སླ་ལ། ཨ་ཧོ་མ་ཧཱ་སུ་ཁ་ནི་ངོ་མཚར་རྨད་དུ་བྱུང་བའི་བདེ་བ་ཆེན་པོའོ། །ཞེས་སོ། །དེ་ལྟར་བླ་མ་ཡབ་ཡུམ་གྱི་བྱང་སེམས་བདུད་རྩི་མྱང་བས་ལུས་ལ་ཟག་མེད་ཀྱི་བདེ་ཆེན་ཁྱད་པར་ཅན་སྐྱེས། དཀྱིལ་འཁོར་གྱི་གཙོ་བོ་དང་དབྱེར་མེད་པ་བླ་མ་ཡབ་ཡུམ་གྱི་སྐུ་ལས་སྤྲོས་པའི་ངོ་བོ་ལྷན་སྐྱེས་ཡབ་ཡུམ་ལ། རྣམ་པ་བཅོམ་ལྡན་སྣང་བ་མཐའ་ཡས་སུ་གྱུར་ནས་རང་གི་མགྲིན་པར་ཐིམ་པས་རང་བཞིན་བརྒྱད་ཅུའི་རྟོག་པ་འགག་པར་བསམ་མོ། །དེའང་རང་བཞིན་གྱི་རྟོག་པ་བརྒྱད་ཅུ་སྟེ། དང་པོ་ཞེ་སྡང་གི་རྟོག་པ་སོ་གསུམ་ནི། འདོད་ཆགས་

― KMC014_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བྲལ་བ་དང་། ངོ་བོ་ཞེ་སྡང་སྟེ་ཡུལ་ལ་མི་སྡུག་པར་འཛིན་པ། དེ་དང་བྲལ་བ་བར་མ་དང་། ཤིན་ཏུ་བྲལ་བ་ཆེན་པོ་དང་། ཡིད་ཀྱིས་འོང་བ་དག་དང་། གནོད་སེམས་ནང་དུ་སེམས་པ། ཡིད་ཀྱིས་འགྲོ་བ་དང་། ཡུལ་ལ་གནོད་སེམས་ཕར་སྐྱེ་བ། མྱ་ངན་དང་། མྱ་ངན་བར་མ་དང་། ཤིན་ཏུ་མྱ་ངན་དང་། ཞི་བ་དང་། ངལ་ཞིང་ཧད་དེ་གདུག་པ། རྣམ་པར་རྟོག་པ་དང་། འཇིགས་པ་དང་། འཇིགས་པ་བར་མ་དང་། ཤིན་ཏུ་འཇིགས་པ་དང་། སྲེད་པ་དང་། སྲེད་པ་བར་མ་དང་། ཤིན་ཏུ་སྲེད་པ་དང་། ཉེ་བར་ལེན་པ་དང་། མི་དགེ་བ་དང་། བཀྲེས་སྐོམ་པ་དང་། ཚོར་བ་དང་། ཚོར་བ་བར་མ་དང་། ཤིན་ཏུ་ཚོར་བ་དང་། རིག་པ་དང་། རིག་པ་འཛིན་པའི་གཞི་དང་། སོ་སོར་རྟོག་པ་དང་། ངོ་ཚ་ཤེས་པ་དང་། གཞན་གྱིས་ཁྲེལ་གྱིས་དོགས་ནས། སྙིང་རྗེ་བ་དང་། བརྩེ་བ་དང་། བརྩེ་བ་བར་མ་དང་། ཤིན་ཏུ་བརྩེ་བ་དང་། དགྱེས་པ་དང་བཅས་པ་དང་། སྡུད་པ་དང་། ནོར་སོགས། སེར་སྣ་

― KMC014_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སོ། །འདོད་ཆགས་ཀྱི་རྟོག་པ་བཞི་བཅུ་ནི། འདོད་ཆགས་ཅན་དང་། ཆགས་པ་དང་། དེ་ལ་ཞེན་པ། དགའ་བ་དང་། དགའ་བ་བར་མ་དང་། ཤིན་ཏུ་དགའ་བ་དང་། རངས་པ་དང་། རབ་ཏུ་མགུ་བ་དང་། ངོ་མཚར་བ་དང་། དགོད་པ་དང་། ཚིམས་པ་དང་། འཁྱུད་པ་དང་། འོ་བྱེད་པ་དང་། འཇིབས་པ་དང་། བརྟན་པ་དང་། བརྩོན་པ་དང་། ཁེངས་པ་དང་། བྱེད་པ་དང་། འཕྲོག་པ་དང་། སྟོབས་བྱེད་པ་དང་། སྤྲོ་བ་དང་། ཚམ་ཚོམ་མེད་པ་དང་། ཚམ་ཚོམ་མེད་པ་བར་མ་དང་། ཤིན་ཏུ་ཚམ་ཚོམ་མེད་པ་དང་། དྲེགས་པ་དང་། རྣམ་པར་སྒེག་པ་དང་། འགྲས་པ་དང་། དགེ་བ་དང་། ཚིག་གསལ་བ་དང་། བདེན་པ་དང་། མི་བདེན་པ་དང་། དེས་པ་དང་། ཉེ་བར་ལེན་པ་དང་། སྦྱིན་པ་པོ་ཉིད་དང་། བརྟུལ་བ་དང་། དཔའ་བ་དང་། ངོ་ཚ་མེད་པ་དང་། གཡོ་ཅན་དང་། གདུག་པ་ཅན་དང་། མི་སྲུན་པ་དང་། གྱ་གྱུ་ཆེ་བ་རྣམས་སོ། །གཏི་མུག་གི་རྟོག་

― KMC014_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བདུན་ནི། འདོད་ཆགས་བར་མ། བརྗེད་ངས། འཁྲུལ་པ། མི་སྨྲ་བ། སྐྱོ་བ། ལེ་ལོ། ཐེ་ཚོམ་རྣམས་སོ། །དེ་དག་ཡོངས་དྲིལ་རྟོག་པ་བརྒྱད་ཅུའོ། །འདིར་ནི་རྣམ་གྲངས་ཙམ་ལས་མ་སྤྲོས་པས་ཞིབ་པར་ཡེ་ཤེས་རྡོ་རྗེ་ཀུན་བཏུས་དང་འཕགས་པ་ཀླུ་ཡི་རིམ་ལྔ་སོགས་ལས་ཤེས་པར་བྱའོ། །དེ་ལྟར་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན་ཏེ་ངག་ལ་གསང་བའི་དབང་བསྐུར་བས་ངག་གི་དྲི་མ་དག་ནས། བསྒྲུབ་བྱ་ལོངས་སྤྱོད་རྫོགས་པའི་སྐུ་འགྲུབ་པའི་ནུས་པ་ཁྱད་པར་ཅན་རྒྱུད་ལ་བཞག་ཅིང་ངག་གསུང་རྡོ་རྗེའི་རང་བཞིན་དུ་བྱེད་པའོ། །གསུམ་པ་ཤེས་རབ་ཡེ་ཤེས་ཀྱི་དབང་བསྐུར་བ་ལ་གསོལ་གདབ་ཀྱི་གོ་དོན་ནི། བཞི་བཅོམ་དྲུག་ལྡན་གྱི་དཔལ་དགྱེས་པ་རྡོ་རྗེའི་ངོ་བོ་ཉིད་དུ་གྲུབ་པས་ན་བཅོམ་ལྡན། གཉིས་སུ་མེད་པའི་རྣལ་འབྱོར་ལ་གནས་ཤིང་ཉོན་མོངས་པའི་སྤྲོས་ཚོགས་ཐམས་ཅད་ཉེ་བར་ཞི་བས་ཞི་བ། དེ་

― KMC014_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཀྱི་ཕ་རོལ་ཏུ་སོན་པས་ན་ཆེན་པོ་སྟེ་དང་པོ་ཆེ་བའི་ཡོན་ཏན་ལ་བསྔགས་པ་དང་། ཀྱེ་ཞེས་པ་ནི་སྙན་གཏོད་པའི་ཆེད་དུ་དང་པོ་བོད་པའོ། །རྡོ་རྗེ་སྟེ་གཉིས་སུ་མེད་པའི་ཡེ་ཤེས་དེ་དང་ཐ་མི་དད་པའི་རྡོ་རྗེའི་རྣལ་འབྱོར་གྱིས་རྒྱུ་དང་འབྲས་བུ་གཅིག་ཏུ་འགྲུབ་པར་བཞེད་པ་ཆོས་ཉིད་སྟོང་པ་ཉིད་ཀྱི་རང་བཞིན་གཟུང་འཛིན་གྱི་རྟོག་པས་མི་ཕྱེད་པའི་དོན་རྟོགས་ཤིང་། དངོས་ཆོས་ལྷ་སྐུ་དམ་ཚིག་སྟེ་ཕྱག་རྒྱ་བཞི་ལ་བརྟེན་ནས་མཆོག་གི་དངོས་གྲུབ་སྒྲུབ་པ་པོ་ནི་སངས་རྒྱས་ཀུན་གྱི་སྐུ་གསུང་ཐུགས་ཀྱི་རྡོ་རྗེ་མི་ཕྱེད་པའི་ཏིང་ངེ་འཛིན་གྱི་རྣལ་འབྱོར་ལས་བྱུང་བ་ཡིན་པས་ན། ཇི་ལྟར་རྡོ་རྗེ་སློབ་དཔོན་ཁྱོད་ནི་སྲིད་ཞི་ཀུན་གྱི་བདག་ཉིད་ཆེན་པོ་ཡིན་པའི་ཕྱིར་རིགས་ཐམས་ཅད་ཀྱི་གཙོ་བོ་ཡིན་པ་དང་། བདེ་ཆེན་ཡེ་ཤེས་མཆོག་གི་མངའ་བདག་ཡིན་པའི་ཕྱིར། སྐལ་ལྡན་སློབ་མ་བདག་ལའང་ཁྱོད་ཀྱི་ཡོན་ཏན་དང་མཚུངས་པ་དེ་ལྟར་དུ་མཛོད་ཅིག །དེ་ལྟར་

― KMC014_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་དགོས་པའི་རྒྱུ་མཚན་ཡང་། འཁོར་བ་བརྒལ་བར་དཀའ་བ་དང་ནུབ་པར་སླ་བའི་འདམ་གྱི་ཚོགས་ནང་དུ་བྱིང་བ་ལས་འདོན་པའི་སྐྱབས་བྱེད་པ་གང་ཡང་མེད་པ་བདག་ལ་སྐྱོབས་ཤིག །ཅེས་པ་སྟེ། འདི་ཉིད་བརྟག་གཉིས་ཀྱི་རྒྱུད་ཚིག་ཡིན་ནོ། །དེ་ནས་ཤེར་དབང་སྦྱིན་པའི་ཚིགས་བཅད་གྱི་དོན་གཞན་གོ་སླ་ལ། ཕྱག་རྒྱ་བཅོམ་ལྡན་མར་བསྐྱེད་པའི་ལྷ་མོས་དགའ་བཞིའི་ཡེ་ཤེས་སྟེར་བར་བྱེད་པས་ན་དགའ་སྟེར་དང་། རྟོགས་མ་རྟོགས་ཀྱི་བྱེ་བྲག་གིས་འཆིང་བ་དང་གྲོལ་བའི་ཚུལ་གཉིས་ལས་ཕྱིན་ཅི་མ་ལོག་པར་མི་གནས་པའི་མྱ་ངན་ལས་འདས་པ་སྟེར་བར་བྱེད་པས་ན་གནས་སྟེར་ཏེ། ལྷ་མོ་དེ་ནི་རྡོ་རྗེ་ཕག་མོ་དང་ཡུམ་བཞི་ལ་སོགས་པ་སྣ་ཚོགས་པའི་གཟུགས་འཛིན་པའི་རིག་མ་ཡིད་དུ་འོང་བ་མ་འདི་དབང་གི་ཡེ་ཤེས་སྐྱེད་པའི་དོན་དུ་ཁྱེར་ཅིག་ཁྱེར་ཅིག་ཅེས་ནན་ཏན་ངེས་བཟུང་གིས་ལན་གཉིས་སུ་ཟློས་ཏེ། སློབ་མ་བྱང་

― KMC014_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་དཔའ་ཆེན་པོ་ཞེས་བོས་པའི་རྣམ་པས། ལྷ་མོ་འདི་ཁྱེར་ལ་བདེ་བ་ཆེན་པོ་སྙོམས་འཇུག་གི་མཆོད་པ་རྟག་ཏུ་གྱིས་ལ་བདེ་ཆེན་ལྷན་ཅིག་སྐྱེས་པའི་ཡེ་ཤེས་ངོས་བཟུང་བར་གྱིས་ཤིག །ཅེས་པའོ། །དེ་ནས་སློབ་མ་ལྷན་སྐྱེས་ཡབ་ཡུམ་དུ་གསལ་བའི། ཡབ་ཀྱི་གསང་བ་མི་དམིགས་པ་ལས་ཧཱུྃ་ཡིག་དཀར་པོ་ལས་བྱུང་བའི་རྡོ་རྗེ་ནག་པོ་དང་། བྱཱ་ཡིག་དམར་པོ་སྔགས་ལ་རིང་ཆ་བཀའ་བསྟན་གཉིས་ཀར་ཡོད། ལས་བྱུང་བའི་རྡོ་རྗེའི་ནོར་བུ་ཅུང་ཟད་དམར་བའི་རྩེ་མོའི་བུ་ག་བྱཱ་ཡིག་སེར་པོ་མགོ་ཐུར་བསྟན་གྱིས་བཀག་པ། ཡུམ་གྱི་གསང་བ་མི་དམིགས་པར་ཨ་ལས་བྱུང་བའི་པདྨ་དམར་པོ་འདབ་མ་གསུམ་པའི་དབུས་སུ་རྒྱཱ་ལས་བྱུང་བའི་དཔའ་བོའི་བྱང་ཆུབ་སེམས་མཚོན་པའི་པདྨའི་ཟེའུ་འབྲུ་དཀར་པོ་ཡི་གེ་རྒྱ་སེར་པོ་མགོ་གྱེན་བསྟན་གྱིས་བྱིན་གྱིས་བརླབ་པའོ། །ཞེས་ལྭ་ཝ་པའི་བཀའ་འགྲེལ་ལས་གསུངས་སོ། །དེ་ནས་ཡབ་ཀྱི་ལྟེ་བར་ༀ་བཛྲ་བཻ་རོ་ཙ་ནི་སེར་པོ་

― KMC014_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྙིང་གར་ༀ་སརྦ་བུདྡྷ་སྔོན་པོ་དང་། མགྲིན་པར་ༀ་ཤྲཱི་དམར་པོ་དང་། དཔྲལ་བར་ༀ་ཧྲཱིཿདཀར་པོ་རྣམས་ཀྱིས་མཚན་པ་དང་། ལྷ་མོའི་ལྟེ་བར་ནི་ༀ་ཤྲཱི་སེར་པོ་དང་། སྙིང་གར་ༀ་ཧྲཱིཿསྔོན་པོ་དང་། མགྲིན་པར་ༀ་བཛྲ་དམར་པོ་དང་། །དཔྲལ་བར་ༀ་སརྦ་ཞེས་པའི་ཡི་གེ་དཀར་པོ་གསལ་བར་བསྐྱེད་པ་སྟེ། འདི་རིགས་ལ་ཚིག་གཅོད་མཚམས་མགོ་མཇུག་སྦྲེལ་བའི་ཞལ་རྒྱུན་ཞིག་སྣང་ཡང་དོན་དང་འབྲེལ་བ་མ་བྱུང་ལ། ཚིག་རྐང་ཕྱི་མའི་ༀ་དང་བཛྲ་གཉིས་སྦྲེལ་འདོན་དགོས་ངེས་སུ་འདུག་པ་ཤེས་པར་བྱ། དེ་ལྟར་ཡབ་ཡུམ་སྙོམས་པར་ཞུགས་པས་བྱང་སེམས་སྤྱི་བོ་ནས་མགྲིན་པར་བབས་པས་དགའ་བ། སྙིང་གའི་བར་དུ་བབས་པས་མཆོག་དགའ། ལྟེ་བའི་བར་དུ་བབས་པས་ཁྱད་དགའ། ནོར་བུའི་རྩེ་མོར་སླེབ་པ་དང་འཕོ་མེད་ལྷན་ཅིག་སྐྱེས་པའི་དགའ་བ་ཉམས་སུ་མྱོང་བར་གྱུར་པར་བསམ་མོ། །དེ་ལྟར་སློབ་མ་དང་ཕྱག་རྒྱ་ཡབ་

― KMC014_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་སྙོམས་པར་ཞུགས་པའི་རྗེས་ཆགས་གཏུམ་མོའི་དྲོད་ཀྱིས་བྱང་སེམས་ཞུ་བ་གནས་རྣམས་སུ་བབས་པས་ཡས་བབ་ཀྱི་དགའ་བ་བཞི་དང་དེ་ཉིད་གྱེན་དུ་ལྡོག་པ་མས་བརྟན་གྱི་དགའ་བ་བཞི་སྐྱེ་ལ། སློབ་མ་སྡོམ་བརྩོན་ལ་ནི་ཡེ་ཤེས་ཀྱི་ཕྱག་རྒྱར་བསྐྱེད་ལ་ལྷ་ཡབ་ཡུམ་སྙོམས་པར་ཞུགས་པར་མོས་ནས་དངོས་སུ་རླུང་གི་སྦྱོར་བས་གཏུམ་མོ་སྦར་བའི་དྲོད་ཀྱིས་བྱང་སེམས་བཞུས་ནས་དགའ་བཞི་འདྲེན་པའོ། །དབང་གསུམ་པའི་ངོ་བོ་ནི། བྱང་སེམས་ནོར་བུའི་ནང་དུ་སླེབ་པའི་ཚེ་ཉམས་སུ་མྱོང་བའི་ལྷན་སྐྱེས་ཡེ་ཤེས་ལ་བྱེད་དོ། །དབང་འདིས་ལས་ཀྱི་ཕྱག་རྒྱ་ཤེས་རབ་མ་ལ་བརྟེན་ནས་སེམས་རྣམ་རྟོག་དང་བྲལ་བ་ལྷན་སྐྱེས་ཡེ་ཤེས་བརྟེན་པ་ལ་དབང་བ་ཡིན་པས་ན་ཤེས་རབ་ཡེ་ཤེས་ཀྱི་དབང་ཞེས་བྱ་ལ། དཀྱིལ་འཁོར་ནི་ཕྱག་རྒྱའི་བྷ་གའི་དཀྱིལ་འཁོར་ལ་བརྟེན་ཏེ་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་མཐོང་། ཤེས་རབ་ཡེ་ཤེས་ཀྱི་དབང་

― KMC014_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་ཡིད་ཀྱི་དྲི་མ་དག །རྣམ་དག་རང་འོད་རིག་མ་བརྟེན་པ་ལ་དབང་། བསྒྲུབ་བྱ་ཆོས་ཀྱི་སྐུ་འགྲུབ་པའི་ནུས་པ་ཁྱད་པར་ཅན་འཇོག་ཅིང་ཡིད་ཐུགས་རྗེའི་རང་བཞིན་དུ་བྱེད་པའོ། །བཞི་པ་ཚིག་དབང་བསྐུར་བ་ནི། རིགས་བརྒྱའི་ཁྱབ་བདག་དཔལ་ལྡན་བླ་མ་ཁྱོད་ཀྱི་ཞབས་ཀྱི་པདྨོར་འཁོད་པའི་ཡུམ་དང་བཅས་པའི་བཀའ་དྲིན་གྱིས། གཙོ་བོའི་དབང་བསྐུར་རྣམ་གསུམ་སྟེ་བུམ་གསང་ཤེས་རབ་གསུམ་ཐོབ་ཀྱང་། ད་དུང་ཡང་དེ་རིང་ཉིད་དུ་རིན་ཆེན་བཞི་པ་སྟེ་དབང་བཞི་པ་ཚིག་དབང་རིན་པོ་ཆེ་ཡང་བཀའ་དྲིན་གྱིས་སྩལ་དུ་གསོལ། ཞེས་སོ། །དེ་ནས་བླ་མ་དང་དཀྱིལ་འཁོར་གྱི་གཙོ་བོ་དབྱེར་མེད་པའི་སྐུ་ལས་སྤྲོས་པའི་བཅོམ་ལྡན་ལྷན་སྐྱེས་ཡབ་ཡུམ་རང་ངམ་སློབ་མའི་སྨིན་མཚམས་སུ་ཐིམ་པས་བདེ་སྟོང་ཡེ་ཤེས་ཁྱད་པར་ཅན་སྐྱེས་པར་བསམས་ལ། དེ་དོན་ངོ་སྤྲོད་པའི་ཚིག་བརྟག་གཉིས་སུ་འབྱུང་བ་ནི། མཚོན་བྱེད་དཔེ་དང་མཚོན་

― KMC014_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་དོན་གྱི་ཡེ་ཤེས་ཉམས་སུ་མྱོང་བའི་ངོར་གྲུབ་པ་འདི་ནི་ཆེས་ཕྲ་སྟེ་དབང་པོ་ལྔའི་སྤྱོད་ཡུལ་ལས་འདས་ཤིང་ཡིད་ཀྱིས་ཀྱང་འདི་ཞེས་ངོས་བཟུང་དཀའ་བས་བློ་གྲོས་དམན་པ་ལ་ངེས་པར་བརྗོད་ཀྱང་མཚོན་དུ་མེད་པ་ཡིན་ཞིང་། རྡོ་རྗེ་སྟེ་དེ་བཞིན་གཤེགས་པའི་སྙིང་པོ་རང་བྱུང་གི་ཡེ་ཤེས་ཉིད་མཚན་འཛིན་གྱི་རྟོག་པས་མི་ཕྱེད་པ་སྟེ། དེའི་ངོ་བོ་ནི་གདོད་ནས་དག་པས་ནམ་མཁའི་དཀྱིལ་དུ་བལྟས་པ་ལྟ་བུར་སྤྲོས་པའི་མཚན་མ་ཀུན་གྱིས་སྟོངས་པས་མཐའ་དང་དབུས་འདི་ཞེས་མི་རྟོགས་པ་དང་། ནམ་མཁའ་རྡུལ་དང་བྲལ་བ་ལྟར་ཀུན་ནས་ཉོན་མོངས་པ་དང་རྣམ་རྟོག་གི་རྡུལ་དང་ཡེ་ནས་བྲལ་བས་རང་བཞིན་གྱིས་དག་པ་མཐར་ཕྱིན་པ་མ་བཅོས་རང་བྱུང་གདོད་མའི་གནས་ལུགས་ཞི་བ་ཆེན་པོ་དེ་ཉིད་ཀྱིས་སློབ་མ་ཁྱོད་རང་གི་རང་རིག་ཡེ་ཤེས་ཡང་ནི་སྐྱེད་པར་བྱེད་པས་ན་དེ་ཡི་ཕ་ཡང་དོན་གྱི་ཡེ་ཤེས་དེ་ཉིད་ཡིན་ཅིང་། དེ་ལྟར་སངས་རྒྱས་ཐམས་ཅད་ཀྱི་

― KMC014_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་ཀུན་ནས་འབྱུང་བའི་རྟེན་ནི་ཡང་ཁྱོད་རང་གིས་སྐྱེད་པར་བྱེད་པའི་ཕྱིར་སློབ་མ་ཁྱོད་ནི་ཡང་དེའི་ཕ་དང་འདྲ་བ་ཡིན་ལ། དེ་བཞིན་ཏུ་སྐྱེད་བྱེད་དབང་གསུམ་པའི་རྒྱུ་ལས་བསྐྱེད་བྱ་བཞི་པའང་འབྱུང་བ་ཡིན་པ་ལྟར་སྣང་ཡང་དོན་དུ་དེ་གཉིས་ལ་བསྐྱེད་བྱ་དང་སྐྱེད་བྱེད་ཅེས་ཕན་ཚུན་ལྟོས་གྲུབ་ཀྱིས་བཏགས་པ་ཙམ་ལས། རང་བྱུང་ཡེ་ཤེས་རང་གིས་རང་རིག་པ་ཙམ་ལས་གཞན་དུ་མེད་པའི་ཕྱིར་ན། སློབ་དཔོན་ནག་པོ་པས། རྒྱུ་དང་འབྲས་བུ་དབྱེར་མེད་པའི་ཕྱིར་རོ། །ཞེས་གསུངས་སོ། །དེ་ལྟར་དབང་བཞི་པ་བསྐུར་བས་དོན་དམ་བྱང་ཆུབ་སེམས་ཀྱི་དཀྱིལ་འཁོར་མཐོང་ཞིང་། ཕྱག་ཆེན་བསམ་གྱིས་མི་ཁྱབ་པ་བསྒོམ་པ་ལ་དབང་། སྒོ་གསུམ་གྱི་དྲི་མ་བག་ཆགས་དང་བཅས་པ་སྦྱངས། བསྒྲུབ་བྱ་རྡོ་རྗེ་གསུམ་དབྱེར་མེད་པ་ངོ་བོ་ཉིད་ཀྱི་སྐུ་འགྲུབ་པའི་ནུས་པ་ཁྱད་པར་ཅན་འཇོག་པ་ཡིན་ནོ། །ངོ་བོ་ནི་བདེ་སྟོང་དབྱེར་མེད་ལྷན་

― KMC014_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་སྐྱེས་པའི་ཆོས་སྐུ་ཡིན་ལ། དབང་འདི་ཟབ་ཅིང་རྒྱ་ཆེ་བ་ལ་མོས་པ་དག་ལ་ཚིག་ཙམ་གྱི་སྒོ་ནས་བསྐུར་བའི་དབང་ཡིན་པས་ན་ཚིག་དབང་དང་། ཀུན་རྫོབ་ཀྱི་དབང་ལས་ཁྱད་པར་ཅན་དུ་གྱུར་པས་ན་རིན་པོ་ཆེ་ཞེས་བྱ་ལ། དཀྱིལ་འཁོར་ནི་དོན་དམ་བྱང་ཆུབ་སེམས་ཀྱི་དཀྱིལ་འཁོར་ལ་བརྟེན་ནས་བསྐུར་བ་ཡིན་ནོ། །དེ་ནས་བདེན་པའི་ཚིག་བརྗོད་པ་ནི། སེམས་ཅན་ཀུན་གྱི་སྙིང་ལ་རྟག་ཏུ་གནས་པའི་དྭང་མ་མི་ཤིགས་པའི་ཐིག་ལེ་ཧཱུྃ་གི་རྣམ་པར་གནས་པ་ལ་བརྟེན་ཏེ་འཁོར་འདས་ཀྱི་སྣང་བ་ཐམས་ཅད་འབྱུང་སྟེ། རྒྱུད་ལས། རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་སྟེ་འགྱུར་བ་མེད། །ཅེས་གསུངས་པ་ལྟར། རྩ་བ་སྤྲོས་བྲལ་གྱི་ཐིག་ལེ་དེའི་དོན་མ་རྟོགས་པར་འཁྲུལ་པ་མ་རིག་པའི་ཐིག་ལེས་རྒྱུ་བྱས་ཏེ་འཁོར་བའི་འཁྲུལ་སྣང་ཐམས་ཅད་འབྱུང་བས་ན། སེམས་ཅན་ཀུན་གྱིའང་ཡབ་ཏུ་གྱུར་པ་ཉིད་དེ། དེ་ཉིད་ལམ་གནད་ཀྱིས་ཟིན་ན་སྤྲོས་

― KMC014_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་གྱི་ཐིག་ལེ་འདོད་མཆོག་སངས་རྒྱས་བསྒྲུབ་པའི་ཐབས་བླ་ན་མེད་པ་ཡན་ལག་བདུན་ལྡན་གྱི་རྡོ་རྗེ་འཆང་གི་དམ་ཚིག་གི་ཕྱག་རྒྱ་མཆོག་ཏུ་གྱུར་པའི་བདག་ཉིད་རང་བཞིན་འོད་གསལ་དོན་དམ་གྱི་བདེན་པ་ཉིད་ཡིན་པས། གང་དག་གིས་ཡེ་ཤེས་མཆོག་དེ་རྟོགས་པ་ན་ཤེས་རབ་སྟོང་པ་ཉིད་དང་ཐབས་བདེ་བ་ཆེན་པོའི་བདག་ཉིད་ཟུང་དུ་འཇུག་པའི་ལྷའི་དཀྱིལ་འཁོར་ཡིན་པས། ཆོས་ཉིད་ཀྱི་བདེན་པ་ཟབ་མོ་དེ་ཡི་མཐུས། མགོན་པོ་ཁྱོད་ཀྱིས་ཀྱང་བདག་གི་འདོད་པ་རབ་ཏུ་རྫོགས་པར་མཛོད་ཅིག་གོ །སློབ་པ་གཞུག་པ་དང་འབྲེལ་ཚེ་སླར་ཡང་སྨོན་ལམ་བྱ་བ་ནི། ཀུན་རྫོབ་ཀྱིས་བསྡུས་པའི་ཆོས་རྣམས་ཐམས་ཅད་སྒྱུ་མ་དང་གཟུགས་བརྙན་ལྟ་བུར་དག་པ་སྟེ། དེ་དག་གི་རང་བཞིན་སྐྱེ་མེད་དུ་དག་པས་ན་ཡེ་ནས་དག་ཅིང་གསལ་ལ་རྙོགས་པ་མེད་པས། དངོས་པོ་འདི་ཞེས་བཟུང་དུ་མེད་ཅིང་། ཐ་སྙད་ཀྱི་ཚིག་གིས་བརྗོད་དུ་

― KMC014_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཀྱང་། རང་བཞིན་རྒྱུའི་རྒྱུད་བདེ་གཤེགས་སྙིང་པོ་ལ་བརྟེན་ཏེ། རྐྱེན་བླ་མ་དམ་པ་དང་། ཐབས་དེའི་གདམས་པ་དང་། བདག་རྐྱེན་དགེ་བའི་ལས་བསགས་པ་ལས་ཀུན་ཏུ་བྱང་བའི་མ་བཅོས་གདོད་མའི་གནས་ལུགས་ཆོས་ཉིད་དེ་བཞིན་ཉིད་ལ་ངེས་པ་ནང་ནས་སྐྱེས་ཏེ་ཕྱིན་ཅི་མ་ལོག་པར་རྟོགས་པའི་བདེན་པ་མཆོག་དེ་ཡིས། དབང་བཞི་པ་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་སོ་སོ་རང་གིས་རིག་པའི་ཡེ་ཤེས་པྲ་ཕབ་ཀྱི་གཟུགས་བརྙན་ལྟ་བུར་གསལ་བར་ངོས་སྤྲད་པ་བཞིན་དུ་སློབ་མ་རྣམས་ཀྱིས་ནི་ཆོས་ཉིད་ཀྱི་ངོ་བོ་སྟོང་ལ་རང་བཞིན་གསལ་ཞིང་། ཡེ་ནས་དག་པ་དྲི་མ་མེད་པ་ཉིད་མངོན་སུམ་མཐོང་བར་ཤོག་ཅིག་ཅེས་པ་སྟེ། འཕགས་པ་ཀླུ་ཡི་རིགས་པ་དྲུག་ཅུ་པ་ལས། དངོས་པོ་གཟུགས་བརྙན་ལྟ་བུར་ནི། །ཡེ་ཤེས་མིག་གིས་རབ་མཐོང་བ། །བདག་ཉིད་ཆེན་པོ་དེ་དག་ནི། །འཁོར་བའི་འདམ་ལ་ཆགས་མི་འགྱུར། །ཞེས་

― KMC014_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་བཞིན་ནོ། །དེ་ནས་བཟའ་བཏུང་གི་ལག་མཆོད་བྱ་བ་ནི། ལག་གཡོན་པའི་མཐིལ་དུ་མེ་ཏོག་ལྔ་འཁོད་ལ་བསང་སྦྱང་བྱས་ཏེ། ལག་པའི་མཐིལ་དུ་སྐད་ཅིག་གིས་གྲུབ་པའི་པདྨ་དམར་པོ་འདབ་མ་ལྔ་པ་བསྒོམས་ལ། དེའིཔདྨའི་ཟེའུ་འབྲུའི་དབུས་སུ་ཕག་མོའི་ངོ་བོ་ༀ་བཾ་དམར་པོ། དེ་ནས་ཤར་ནས་བརྩམས་ཏེ་རིམ་པ་ལྟར་གཡོན་སྐོར་གྱིས་འདབ་མ་དང་པོར་གཤིན་རྗེ་མའི་ངོ་བོ་ཧཾ་ཡོཾ་སྔོན་པོ། གཉིས་པར་རྨོངས་བྱེད་མའི་ངོ་བོ་ཧྲཱི་མོཾ་དཀར་པོ། གསུམ་པར་བསྐྱོད་བྱེད་མའི་ངོ་བོ་ཧྲིཾ་ཧྲིཾ་སེར་པོ། བཞི་པར་སྐྲག་བྱེད་མའི་ངོ་བོ་ཧཱུྃ་ཧཱུྃ་ལྗང་གུ། ལྔ་པར་གཏུམ་མོའི་ངོ་བོ་ཕ྄ཊ་ཕ྄ཊ་དུད་ཁས་མཚན་པར་བསམ། དེ་ལྟར་ཡང་ཨ་ཝ་དྷུ་ཏིའི་གཞུང་ལས། གཡོན་པ་ཡི་ནི་ལག་མཐིལ་ལ། །པདྨ་དམར་པོ་འདབ་ལྔ་བསྒོམ། །དབུས་སུ་ༀ་བཾ་རྡོ་རྗེ་ཕག ། ཧཾ་ཡོ་དག་ནི་གཤིན་རྗེ་མོ། །ཧྲིཾ་མོཾ་དག་ནི་རྨོངས་བྱེད་མ། །ཧྲིཾ་ཧྲིཾ་དག་ནི་སྐྱོད་བྱེད་མ། །ཧཱུྃ་ཧཱུྃ་

― KMC014_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྲག་བྱེད་མ་རུ་ཤེས། །ཕ྄ཊ་ཕ྄ཊ་དག་ནི་ཙཎྜི་ཀ །ཞེས་གསུངས་པ་ལྟར་ཡུམ་གྱི་གོ་ཆའི་ལྷ་མོ་རྣམས་དང་། དེ་ནས་ཡབ་ཀྱི་གོ་ཆའི་ལྷ་རྣམས་ནི། ཨ་བ་དྷུ་ཏིའི་གཞུང་ལས། རྒན་པོ་ལ་ནི་རྡོ་རྗེ་སེམས། །མཛུབ་མོ་ལ་ནི་རྣམ་སྣང་མཛད། །པདྨ་གར་དབང་གུང་མོ་ལ། །ཧེ་རུ་ཀ་དཔལ་སྲིན་ལག་ལ། །རྡོ་རྗེ་ཉི་མ་མ ཐེའུ་ཆུང་ལ། །རྟ་མཆོག་རྡོ་རྗེ་སེན་མོ་ལའོ། །ཞེས་པ་ལྟར་མཐེ་བོང་ལ་རྡོ་རྗེ་སེམས་དཔའི་ངོ་བོ་ༀ་ཧ་དཀར་པོ། མཛུབ་མོ་ལ་རྣམ་པར་སྣང་མཛད་ཀྱི་ངོ་བོ་ན་མ་ཧི་སེར་པོ། གུང་མོ་ལ་འོད་དཔག་མེད་ཀྱི་ངོ་བོ་སྭཱ་ཧཱ་ཧུ་དམར་པོ། སྲིན་ལག་ལ་མི་བསྐྱོད་པའི་ངོ་བོ་བཽ་ཥཊྲ་ཧེ་ནག་པོ། མཐེའུ་ཆུང་ལ་རྡོ་རྗེ་ཉི་མའི་ངོ་བོ་ཧཱུྃ་ཧཱུྃ་ཧོཿདམར་སེར། དེའི་སེན་མོ་ལ་རྟ་མཆོག་གི་ངོ་བོ་ཕཊྲ་ཧཾ་ལྗང་གུ་རྣམས་གསལ་བར་བསྒོམས། དེ་ནས་ལག་པའི་སྦོ་ལ་ཡང་གཙོ་བོའི་དཀྱིལ་འཁོར་གྱི་འཁོར་ལོའི་ལྷ་རྣམས་མེ་ལོང་ལ་གཟུགས་བརྙན་ཤར་བ་ལྟར་གསལ་བར་བསྒོམས་

― KMC014_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། དེ་ནས་ལག་པ་ལ་གནས་པའི་འབྱུང་བ་ས་ཆུ་མེ་རླུང་ནམ་མཁའ་ལྔ་པོ་ཡང་རྣམ་པར་དག་པའི་ངོ་བོ་ལྟུང་བྱེད་མ་དང་། གསོད་བྱེད་མ་དང་། འགུགས་བྱེད་མ་དང་། གར་གྱི་དབང་ཕྱུག་མ་དང་། པདྨའི་དྲྭ་བ་ཅན་ཏེ་ལྷ་མོ་ལྔ་རུ་གྱུར་པར་བསམས། གོ་ཆའི་ལྷ་རྣམས་ཀྱི་སྔགས་ལ་ཉེར་སྤྱོད་ལྔ་བཏགས་པས་མཆོད། རྐང་བརྒྱད་ཀྱིས་བསྟོད། དེ་ནས་ༀ་ཨཱཿཧཱུྃ་གིས་ནང་མཆོད་དང་བཟའ་བཏུང་གི་ཕུད་ཀྱིས་མཆོད་པར་བྱ་སྟེ། ཨ་ཝ་དྷཱུ་ཏིའི་གཞུང་ལས། དེ་ལ་མེ་ཏོག་སྤོས་ཀྱིས་མཆོད། །ཆང་གིས་ཀྱང་ནི་ཚིམ་པར་བྱ། །ཞེས་གསུངས་པའི་དོན་ཏོ། །འདི་སྐབས་ཚོགས་ཀྱི་འཁོར་ལོ་བྱིན་གྱིས་བརླབ་པའི་དོན་དུ་གསོལ་གདབ་བྱ་བར་གསུངས་ཀྱང་ཕྱག་རྒྱུན་ལ་མི་སྣང་ངོ་། །དེ་ནས་བདུད་རྩི་ལག་པ་ལ་འཐོར་ཞིང་ལག་མཐིལ་གྱི་རྫས་སྲིན་ལག་གིས་བླངས་པའི་ཕྱག་རྒྱུན་ལ་ལག་མཐིལ་གྱི་ཚོམ་བུ་མགོར་བླུགས་པར་མཛད་དོ། །མཆན། ཚུལ་བྱས་ཏེ་རང་གི་སྙིང་ག་

― KMC014_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པ་མགོ་བོ་རྣམས་སུ་བདུད་རྩིའི་ཐིག་བླངས་པས་རེག་བཞིན་པས་ཧཱུྃ་དང་ཨཱཿདང་ༀ་བརྗོད་པས་ལག་པའི་ལྷ་ཚོགས་དེ་དག་རྣམས་བདག་ཉིད་ཀྱི་གནས་གསུམ་ལ་ཐིམ་པར་གྱུར་པར་བསམ་མོ།། ༈ །།དེ་ནས་ཚོགས་ཀྱི་འཁོར་ལོའི་རིམ་པའི་གོ་དོན་ནི་ཁོ་བོས་བྲིས་པའི་ཚོགས་མཆོད་ཀྱི་གཏོང་ཐུན་ཟབ་གསང་སྔགས་ཀྱི་མཛེས་རྒྱན་དུ་བལྟ་བར་བྱའོ། །ཚོགས་སྤྱན་འདྲེན་ནང་། གནས་རྡོ་རྗེ་བཙུན་མོའི་གསང་བ་ནས། །ཞེས་པ་ནི་ཕྱི་ལྟར་ན་ཆོས་ཀྱི་འབྱུང་གནས་ཐར་པ་ཆེན་པོའི་གཞལ་མེད་ཁང་། ནང་ལྟར་ན་ཤེས་རབ་རྡོ་རྗེ་ཕག་མོ་དང་དགྱེས་པས་རོལ་པའི་མཁའ་དབྱིངས་བདེ་བ་ཆེན་པོའི་ཀློང་། གསང་བ་ལྟར་ན་རླུང་སེམས་དྷཱུ་ཏིའི་ཀློང་དུ་ཐིམ་པའི་འོད་གསལ་ཆོས་ཀྱི་དབྱིངས་ལ་རྡོ་རྗེ་བཙུན་མོའི་གསང་བ་ཞེས་གསུངས་སོ། །གཞན་རྣམས་ནི་གོ་སླ་བས་མ་སྤྲོས་ལ། དེ་ནས་ཚོགས་འབུལ་ལེན་བྱ་བ་ནི། རྡོ་རྗེ་མཁའ་འགྲོའི་རྒྱུད་ལས། སྒྲུབ་

― KMC014_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

པ་པོ་ཡི་ལག་གཡོན་གྱིས། །པདྨའི་སྣོད་ནི་བཟུང་ནས་སུ། །ལག་པ་གཡས་པ་བ་དན་ནི། །གསུམ་པར་བྱས་ཏེ་དེ་ཡིས་བསྒོས། །ཞེས་གསུངས་པ་ལྟར་ལས་ཀྱི་རྡོ་རྗེས་ལག་གཡོན་པས་ཐོད་པ་མ་ད་ནས་བཀང་བ་སོགས་ཚོགས་ཀྱི་ཡོ་བྱད་ཐོགས། གཡས་པས་བ་དན་གསུམ་པ་སྟེ་རྩེ་གསུམ་གྱི་ཕྱག་རྒྱ་བསྟན་ལ། འབུལ་ཚིག་གི་གོ་དོན་ནི། འདི་ལྟར་ཕྱི་རོལ་གྱི་གཟུགས་སོགས་མཐོང་བའི་ཆོས་རྣམས་ནི་རང་བཞིན་གྱིས་རྣམ་པར་དག་པ་ཡིན་ལ། དེ་ཕྱིར་སྤང་བླང་དངོས་པོའི་འཛིན་རྟོག་གང་ཡང་མེད་དོ་སྙམ་པའི་རྟོག་པ་སྔོན་དུ་ཐོང་ལ། རིགས་མཐོ་ཞིང་གཙང་བ་བྲམ་ཟེ་དང་དམན་པ་ཁྱི་དང་གདོལ་པ་ལྟ་བུ་རྣམས་ཀྱང་། རང་བཞིན་ལྷན་ཅིག་སྐྱེས་པའི་ཡེ་ཤེས་ཀྱི་ངོར་བཟང་ངན་རོ་གཅིག་པའི་ཕྱིར། དེ་ཁོ་ན་ཉིད་ཀྱི་ངང་དུ་དགྱེས་པས་གསོལ་བར་མཛོད་ཅིག །ཅེས་སོ། །དེ་ནས་ཚོགས་ལེན་པ་པོས་ཀྱང་གཡོན་པས་ཕྱག་རྒྱ་སྔར་ལྟར་དང་གཡས་

― KMC014_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཚོགས་བླངས་ལ། བདེ་གཤེགས་ཆོས་ལ་སོགས་ཀྱི་གོ་དོན་ནི། ཐབས་མཁས་དང་ཐུགས་རྗེ་བསམ་གྱིས་མི་ཁྱབ་པའི་མངའ་བདག་བདེ་བར་གཤེགས་པས་རྗེས་སུ་བསྟན་པའི་ཁྱད་ཆོས་བླ་ན་མེད་པ་དམིགས་བཅས་བསོད་ནམས་ཀྱི་ཚོགས་དང་དམིགས་མེད་ཡེ་ཤེས་ཀྱི་ཚོགས་གཉིས་རྫོགས་པར་བྱེད་པའི་ཐབས་ཟབ་མོ་འདོད་རྒུ་འབྱུང་བའི་ནོར་བུ་ལྟ་བུ་འདི་ལ་ནི་དངོས་པོས་གཞལ་ན་རིན་ཐང་མེད་ཅིང་། དེ་ལའང་བརྣབ་སེམས་སོགས་འདོད་ཆགས་ཀྱི་དྲི་མ་ཐམས་ཅད་དང་རིང་དུ་བྲལ་ཞིང་། བདག་ཏུ་བཟུང་བ་དང་དངོས་པོར་འཛིན་པའི་འཆིང་བ་ཐམས་ཅད་དང་བྲལ་བའི་རང་བཞིན་རྒྱལ་བ་ཐམས་ཅད་མཁྱེན་པའི་སྤྱོད་ཡུལ་ཟབ་མོ་དེ་ཁོ་ན་ཉིད་ལ་བདག་ནི་གུས་པས་འདུད་དོ། །ཞེས་སོ། །དེ་ནས་སྤྱོད་པའི་ཉམས་སྐྱོང་བའི་ཕྱིར་དུ་རྡོ་རྗེའི་གླུ་བླངས་པ་ནི། སྡོམ་འབྱུང་ལས། ཆང་གི་སྟོན་མོས་དགའ་བྱས་ལ། །རྡོ་རྗེའི་གླུ་ནི་རྫོགས་པ་དང་། །

― KMC014_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

གར་བྱ་མཆོག་ཏུ་དགའ་བ་དང་། །ཕྱག་རྒྱ་སྔགས་ཀྱིས་གར་བྱའོ། །ཞེས་གསུངས་པ་ལྟར་དཔྱིད་ཀྱི་རྒྱལ་མོའི་གླུ་མངོན་བརྗོད་ཟླ་མའི་རྒྱུད་ལས་འབྱུང་བའི་གོ་དོན་ནི། དང་པོ་ཐུགས་ཀྱི་འཁོར་ལོའི་ལྷ་མོ་བརྒྱད་ཀྱི་གླུ་ཡིས་དཔལ་ཧེ་རུ་ཀ་ཉིད་ལ་བསྟོད་པའི་སྒོ་ནས་མངོན་བྱང་ལྔར་བཞེངས་པར་བསྐུལ་བ་སྟེ། མི་འགྱུར་བདེ་བ་ཆེན་པོའི་ཡེ་ཤེས་གཅིག་པུའི་ཉམས་ཀྱིས་དུ་མའི་རྣམ་པར་འཆར་བའི་བདེ་བ་ཆེན་པོའི་གར་གྱིས་བདེ་སྟོང་ཡེ་ཤེས་ལ་རྟག་པར་རོལ་པར་མཛད་པའི་དཔའ་བོ་ཆེན་པོ་སྟེ། ཛཱ་ལེནྡྷ་རའི་ཞལ་ནས། བདེ་ཆེན་ཡེ་ཤེས་ཞེས་བྱ་གཅིག་པུ་པ། །གཅིག་པུའི་ཉམས་ཀྱིས་དུ་མའི་གར་མཛད་དོ། །ཞེས་གསུངས་པ་ལྟ་བུའི་བདེ་ཆེན་ཧེ་རུ་ཀ་དཔལ་ཉིད་རྣལ་འབྱོར་མ་རྣམས་ཀྱི་གཙོ་མོ་མཆོག་ཐུགས་ཀྱི་འཁོར་ལོའི་ལྷ་མོ་བརྒྱད་ཀྱི་པདྨའི་བདེ་བ་ལ་འཕོ་མེད་དགའ་བཞིའི་ཉམས་ཀྱིས་དགྱེས་པས་རོལ་པར་མཛོད་ཅིག་སྟེ། དེ་ཉིད་

― KMC014_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དོན་བརྡའི་སྒོ་ནས་བསྟན་ཏེ་ངོ་མཚར་ཆེད་དུ་བརྗོད་པ་ནི། ཨ་ནི་བདེ་ཆེན་འགྱུར་བ་མེད་པ། ལ་དང་པོ་ནི་དོན་དམ་བྱང་ཆུབ་སེམས་ཀྱི་ཐིག་ལེ། ལ་ཡིག་ལྷག་མ་བཞི་ནི་རིམ་པ་ལྟར་དགའ་བ། མཆོག་དགའ། ཁྱད་དགའ། ལྷན་ཅིག་སྐྱེས་པའི་དགའ་བ་དང་བཞིའོ། །ཧོཿནི་དགྱེས་པ་དང་ངོ་མཚར་བ་ལ་འཇུག་པས་བདེ་ཆེན་དགའ་བ་བཞི་ལ་དགྱེས་པའི་ཉམས་ཀྱིས་རོལ་པ་ལ་ངོ་མཚར་བའི་དོན་ཏོ། །དེ་ལྟར་བདེ་ཆེན་དགའ་བ་བཞི་ཡི་ཡེ་ཤེས་ལ་མཆོག་ཏུ་དགྱེས་པ་རྣམས་ཀྱི་བདེ་བའི་མཆོག་སྟེ་བདེ་སྟོང་གཉིས་སུ་མེད་པའི་ངོ་བོ་ཧེ་རུ་ཀ་དཔལ་ཉིད་ལ། རྣལ་འབྱོར་མ་ཚོགས་ཏེ་ཐུགས་ཀྱི་ལྷ་མོ་བརྒྱད་ཀྱི་ཟག་མེད་བདེ་སྟོང་གིས་མཆོད་པར་བརྗོད་པ་ནི། ཨ་ནི་ཤེས་རབ་སྟོང་པ་ཉིད། ཨི་ནི་ཐབས་བདེ་བ་ཆེན་པོ། ཨཱ་ནི་ཐབས་དང་ཤེས་རབ་ཟུང་དུ་འཇུག་པ། ཨཱ་རཱལླི་ནི་དེ་ལ་བརྟུལ་ཞུགས་ཀྱི་སྤྱོད་པས་ཐོགས་པ་མེད་པར་རོལ་ཅིག་ཅེས་དང་། ཧོཿནི་དེ་ལ་

― KMC014_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་མཚར་བའི་དོན་ཏོ། །ཡང་ན་ཨཱ་རཱལླི་ཡི་དོན་རྡོ་རྗེ་ཨཱ་རཱལླིའི་རྒྱུད་ལས། ཨ་ནི་ཨ་བ་དྷཱུ་ཏཱི་སྟེ་དབུ་མ། རཱ་ནི་རཱ་ས་ནཱ་ཏེ་རོ་མ། ལ་ནི་ལ་ལ་ནཱ་ཏེ་རྐྱང་མ་ཡིན་པར་གསུངས་པས་ན་རྩ་གསུམ་གཅིག་ཏུ་དག་པའི་དབུ་མའི་མར་སྣ་དུང་ཅན་མའི་ནང་དུ་མས་བརྟན་དགའ་བ་བཞི་ཡི་ཡེ་ཤེས་ལ་ཐོགས་མེད་དུ་དགྱེས་པས་རོལ་བར་མཛོད་ཅིག་ཅེས་པའི་དོན་ཏོ། །གཉིས་པ་གསུང་གི་འཁོར་ལོའི་དཔའ་མོ་བརྒྱད་ཀྱི་གླུ་ནི། བདེ་ཆེན་དགའ་བཞིའི་ཡེ་ཤེས་ལ་རབ་ཏུ་དགྱེས་པའི་མགོན་པོ་ཧེ་རུ་ཀ་དཔལ་ཉིད་བདེ་ཆེན་གསང་བ་མཆོག་གི་དགྱེས་པ་ན་རྟག་པར་བཞུགས་མཛོད་ལ། མཁའ་འགྲོ་མ་ཡི་དྲྭ་བ་སྟེ་ཇི་སྐད་དུ། མང་ལ་འབྲེལ་བ་དྲྭ་བའི་དོན། །ཅེས་གསུངས་པ་ལྟར་ནང་གི་རྩ་སྟོང་ཕྲག་བཅུ་གཉིས་ཀྱི་གྲངས་དང་མཉམ་པའི་མཁའ་འགྲོ་མ་རྣམས་ཀྱི་ཟག་མེད་ཀྱི་བདེ་བ་སྐྱེད་པར་གསོལ་ན་ཐུགས་རབ་ཏུ་དགྱེས་པའི་སྒོ་ནས་ཟག་མེད་ཀྱི་བདེ་བ་དམ་

― KMC014_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསོལ་བར་མཛོད་ལ། དེ་ཡང་ཐ་མལ་པའི་འཛིན་རྟོག་དབྱིངས་སུ་ནུབ་པའི་བདེ་ཆེན་ཞི་བའི་གར་གྱིས་བདེ་བ་ཆེན་པོར་རོལ་པའི་གར་ཅིར་ཡང་སྒྱུར་བར་མཛད་པའི་དཔལ་ཆེན་ཧེ་རུ་ཀ་ཡིས་བདག་ཅག་གསུང་གི་འཁོར་ལོའི་མཁའ་འགྲོ་མ་བརྒྱད་ལ་འཕོ་མེད་བདེ་ཆེན་ཡེ་ཤེས་ཀྱི་བདེ་བ་དམ་པ་སྩོལ་ཅིག །དེ་ཡང་མཚོན་བྱེད་དཔེའི་ལྷན་ཅིག་སྐྱེས་པ་ཉམས་སུ་མྱོང་བས་མཚོན་བྱ་དོན་གྱི་ཡེ་ཤེས་ལ་སྦྱོར་བར་མཛད་པས་ན་མཐར་ཕྱིན་ཐར་པ་མྱ་ངན་ལས་འདས་པའི་གོ་འཕང་མཆོག་ལ་འགོད་པར་མཛད་པའི་ཐབས་མཁས་ཐུགས་རྗེའི་མཚན་ཉིད་ཐམས་ཅད་དང་ལྡན་པ་ནི་དཔའ་བོ་ཆེན་པོ་ཁྱོད་ཉིད་ལགས་པས་དེ་ལ་ངོ་མཚར་ཆེད་དུ་བརྗོད་པའི་བརྡའི་ཚིག་ཨ་ལ་ལ་སོགས་ཀྱི་དོན་གོང་དང་འདྲའོ། །གསུམ་པ་སྐུའི་འཁོར་ལོའི་ལྷ་མོ་བརྒྱད་ཀྱི་གླུ་ནི། དེ་ཡང་འགྲོ་བ་སྤངས་པའི་ཕ་རོལ་ན་བདེ་ཆེན་ལྷན་ཅིག་སྐྱེས་པ་རྙེད་པར་མི་འགྱུར་ཏེ། དེ་ཁོ་ན་ཉིད་ལ་

― KMC014_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་པ་ལས། འཁོར་བ་སྤངས་ནས་གཞན་དུ་ནི། །མྱ་ངན་འདས་པ་ཐོབ་མི་འགྱུར། །ཞེས་གསུངས་པ་ལྟར། འགྲོ་བའི་རང་བཞིན་ནི་ལྷན་ཅིག་སྐྱེས་དགའི་ཡེ་ཤེས་ཡིན་པའི་ཕྱིར་དེའི་ཐབས་བདེ་བ་སྤངས་པས་ནམ་ཡང་གྲོལ་བར་མི་འགྱུར་ཏེ། རྒྱུ་བདེ་བ་མེད་ན་སྡུག་བསྔལ་གྱི་རང་བཞིན་ཁོ་ན་ལས་མ་འདས་པས་ན་བདེ་མེད་སྡུག་བསྔལ་གྱིས་ནམ་ཡང་མི་གྲོལ་ཏེ་དཔེར་ན་ངན་སོང་གི་འགྲོ་བ་བཞིན་ནོ། །དེས་ན་དཔེའི་ཡེ་ཤེས་ལ་བརྟེན་ཏེ་དོན་གྱི་ཡེ་ཤེས་མངོན་དུ་བྱེད་པའི་བདེ་ཆེན་ཡེ་ཤེས་དེ་གང་དུ་གནས་ན་སྐུའི་འཁོར་ལོའི་ལྷ་མོ་བརྒྱད་ཀྱི་བདེ་ཆེན་ཆུ་སྐྱེས་ཀྱི་དབུས་སུ་གནས་པས་ན། དེ་ལའང་ཐ་མལ་འཛིན་རྟོག་གིས་བཅིངས་པའི་ཆགས་པའི་དངོས་པོ་ལ་ཁྱོད་ཀྱིས་མ་བསྒྱུར་བར། ཆགས་མེད་རང་གྲོལ་བདེ་བ་ཆེན་པོ་ཡིས་ཡོངས་སུ་གྲོལ་བར་མཛོད་ཅིག །དཔེ་ཇི་ལྟར་ན་ཤེས་རབ་མའི་པདྨ་ཟག་མེད་བདེ་བས་རྒྱས་པའི་རོ་

― KMC014_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཀྱིས་ཚིམས་པའི་ཚུལ་བུང་བ་ཡིས་མེ་ཏོག་གི་བཅུད་ལ་རོལ་པ་ལྟ་བུར་ཕྱི་མེ་ཏོག་གི་མདངས་ལ་མ་གནོད་པར་ནང་སྦྲང་རྩིའི་བཅུད་ཀྱིས་ལུས་ཁམས་མཆོག་ཏུ་བརྟས་པ་ལྟར་ཟག་མེད་བདེ་སྟོང་གི་རོ་ཡིས་ཚིམས་པར་མཛོད་ཅིག །ཅེས་སོ། །དེ་དག་གི་དོན་ཡང་ནང་ལྟར་ན། མཁའ་འགྲོ་ནི་རྩ་ཡི་གཙོ་མོ་གསུམ་ལ་བརྟེན་པའི་རྩ་སྟོང་ཕྲག་བཅུ་གཉིས། པདྨ་ནི་སྤྱི་མགྲིན་སྙིང་ལྟེའི་རྩ་འཁོར་ལོ་བཞི། དེའི་བདེ་བ་ནི་གཏུམ་མོ་འབར་འཛག་གི་ཞུ་བདེ་ལྷན་ཅིག་སྐྱེས་དགའི་ཡེ་ཤེས། དགྱེས་པས་རོལ་བ་ནི། གནས་པ་རྩ། གཡོ་བ་རླུང་། བཀོད་པ་བྱང་ཆུབ་སེམས་ཀྱི་ཐིག་ལེ་གསུམ་གྱི་གནད་དང་འབྲལ་བ་མེད་པ། ཨ་ལ་ལ་སོགས་ནི་ཐབས་ཟབ་མོ་ནང་གི་དོན་དེ་ལ་ངོ་མཚར་བའོ། །གསང་བ་ལྟར་ན་མཁའ་འགྲོ་མ་ནི་ཤེས་རབ་ཀྱི་ཕ་རོལ་ཏུ་ཕྱིན་མ། པདྨ་ནི་རང་བཞིན་འོད་གསལ་སྟོང་པ་ཉིད་ཀྱི་ཡེ་ཤེས། དགྱེས་པས་རོལ་པ་ནི་དེའི་དོན་དང་མི་འབྲལ་

― KMC014_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

བའོ། །ཨ་ལ་ལ་སོགས་ནི་མ་བཅོས་རང་བྱུང་གདོད་མའི་གནས་ལུགས་ལ་ངོ་མཚར་བའི་དོན་ཏོ། །འདིའི་འགྲེལ་པ་རྒྱུད་འགྲེལ་རྣམས་སུ་མི་བཞུགས་པས་རང་བློས་གང་དཔོགས་ཀྱི་འགྲེལ་བ་བགྱིས་པ་ལ་ནོངས་པ་གང་མཆིས་དཔའ་བོ་མཁའ་འགྲོ་རྣམས་ལ་བཤགས་སོ། །དེ་ནས་སྨོན་ལམ་གདབ་པ་ནི། སྡོམ་འབྱུང་ལས་སོ། །དེ་ལྟར་ཟབ་མོ་ཚོགས་ཀྱི་འཁོར་ལོ་བསྐོར་བའི་མཐུས་གནས་སྐབས་དང་མཐར་ཐུག་གི་བདེ་བ་ཕུན་སུམ་ཚོགས་པ་ཡང་དག་པ་དང་ལྡན་ཏེ། དེ་ལའང་ནད་མེད་དེ་འགལ་རྐྱེན་བར་ཆད་ཀྱི་ཆོས་དང་བྲལ་ཏེ། མཐུན་རྐྱེན་ཆོས་མཐུན་གྱི་བསམ་སྦྱོར་རབ་ཏུ་དགེ་བའི་སེམས་དང་ནི་ལྡན་ཏེ། ནོར་གྱི་སྡེ་དང་། འདོད་པའི་སྡེ་དང་། ཆོས་ཀྱི་སྡེ་དང་། ཐར་པའི་སྡེ་སྟེ་སྡེ་བཞིའི་དཔལ་ཡང་དག་པ་ཐོབ་ཅིང་། མདོར་ན་བདེ་ལེགས་ཕུན་སུམ་ཚོགས་པ་ཐམས་ཅད་ཡིད་ལ་ཇི་ལྟར་བསམ་པ་ལྟར་འགྲུབ་པར་གྱུར་ཅིག །ཅེས་སོ། །

― KMC014_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ལྷག་མ་བཏང་བ་ནི། སམྦུ་ཊ་ལས། ལྷག་མ་ལ་སོགས་དངོས་པོ་ཀུན། །ཕྱི་རོལ་དཀྱིལ་འཁོར་ཚིམས་པར་བྱ། །ཞེས་གསུངས་པས་སློབ་དཔོན་གྱི་ལག་གཉིས་མཐེ་བོང་དང་མཛུབ་མོ་རྩེ་སྤྲད། ལྷག་མ་རྣམས་བརྐྱངས་པ་ཁའི་ཐད་དུ་བཞག་ལ། ཆང་གི་ཁ་སྤྲུ་དེའི་དབུས་ནས་ལྷག་མའི་སྟེང་དུ་གདབ་སྟེ། དམ་ཚིག་ལྔ་པ་ལས། ཁ་ནི་མྱོས་བྱེད་ཀྱིས་བཀང་སྟེ། །འབར་བའི་ཕྱག་རྒྱ་བཅིངས་བྱས་ལ། །ཧཱུྃ་གི་སྒྲ་ནི་དྲག་པོ་ཡིས། །ལྷག་མའི་སྣོད་དུ་སྦྱིན་པར་བྱ། །ཞེས་གསུངས་པ་ལྟར་རོ། །འབུལ་སྔགས་ༀ་སརྦ་ཐམས་ཅད། ཁ་ཁ་ཟོ་ཟོ། ཁཱ་ཧི་ཁཱ་ཧི་ཟོ་ཤིག་ཟོ་ཤིག །ཨུཙྪིཥྚ་བ་ལིཾ་ལྷག་མའི་གཏོར་མ། ཨུཙྪིཥྚ་བྷཀྵེ་བྷྱཿལྷག་སྡུད་རྣམས་ཀྱི་ཆེད་དུ། སྭཱ་ཧཱ་ནི་སྦྱིན་པའོ། །འདི་སྐབས་ལྷག་སྐྱེལ་མ་སླེབ་བར་རོལ་འོག་སློབ་དཔོན་གྱིས་མཚམས་གཅོད་ཀྱི་དམིགས་པ་བྱ་སྟེ། འཁོར་དུ་ཤ་ཟའི་རིགས་གདུག་ཅན་མང་དུ་ཡོད་པའི་ཕྱིར་རོ། །དེ་ནས་རྗེས་བཟོད་

― KMC014_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་གོ་སླ་ལ། སྨོན་ལམ་གྱི་སྐབས། རིགས་སུ་སྐྱེ་དང་སོགས་ཀྱི་དོན། དེང་ནས་བཟུང་སྟེ་སྐྱེ་བ་ཀུན་ཏུ་ཡང་དག་པར་རྫོགས་པའི་སངས་རྒྱས་ཀྱི་རྗེས་སུ་བསྟན་པའི་ཆོས་ལ་དད་ཅིང་ཁྱད་པར་དུ་རྡོ་རྗེ་ཐེག་པ་བླ་ན་མེད་པ་ལ་འཇུག་པའི་རིགས་སུ་སྐྱེ་བ་དང་། དེ་ལ་ཞུགས་ནས་སྐུ་གསུང་ཐུགས་ཀྱི་དམ་ཚིག་རྩ་བ་དང་ཡན་ལག་བཅས་པ་མ་ལུས་པ་ཉམས་པ་མེད་པའི་སྐལ་པ་ཅན་དུ་འགྱུར་བ་དང་། སྒོ་གསུམ་གྱི་སྤྱོད་ལམ་མ་བསྡམས་པའི་སྨྱོ་སྤྱོད་ཁ་ན་མ་ཐོ་བའི་བརྟུལ་ཞུགས་མེད་པ་དང་། བདེན་གཉིས་དབྱེར་མེད་བསྐྱེད་རྫོགས་ཟུང་འཇུག་སྟོན་པའི་རྒྱུད་དཔལ་ལྡན་འཁོར་ལོ་སྡོམ་པ་སྟོན་པའི་བླ་མ་དམ་པ་དང་འཕྲད་ཅིང་དེ་ལ་མཆོག་ཏུ་གུས་པ་དང་། སེམས་ཅན་དང་ཆོས་དང་དམིགས་པ་མེད་པའི་སྙིང་རྗེར་ལྡན་པ་སྟེ་སྙིང་རྗེ་གསུམ་དང་མི་འབྲལ་བར་སྐྱེ་ཞིང་། དེ་བཞིན་དུ་སྐྱེ་བ་ཕྱི་མར་ཡང་ཡང་ནས་ཡང་དུ་ཆོས་འདིའི་བདག་པོར་

― KMC014_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བར་ཤོག་ཅིག །ལག་པས་རྡོ་རྗེ་དང་དྲིལ་བུ་འཁྲོལ་བའི་དོན་ནི་ཕྱི་ལྟར་ན་རྟགས་ཀྱི་རྡོ་རྗེ་དང་དྲིལ་བུ་འཁྲོལ་ཅིང་། ནང་ལྟར་ན་འདྲ་ཟབ་མོའི་ཆོས་ནི་དཔལ་ལྡན་སྡོམ་པའི་རྒྱུད་དེ། དེ་ཉིད་ཀློག་པ་དང་ཉན་པ་དང་དོན་ཚུལ་བཞིན་དུ་ཡིད་ལ་བྱེད་པ་དང་གཞན་ལ་འཆད་པར་སྨོན་པའོ། །གསང་བ་ལྟར་ན་ལག་པ་ནི་དེ་ཁོ་ན་ཉིད་ཀྱི་དོན་ཤེས་པ། རྡོ་རྗེ་ནི་བྱང་ཆུབ་སེམས་ཀྱི་བརྡ་དང་། དྲིལ་བུ་འཁྲོལ་བ་ནི་ཤེས་རབ་ཀྱི་ཕ་རོལ་ཏུ་ཕྱིན་མ་སྟེ། དེའི་དོན་ཟབ་མོ་ཡིད་ལ་བྱེད་པར་སྨོན་པའོ། །བཙུན་མོ་ནི་ཕྱི་ལྟར་ན་གཞན་ལུས་ཞིང་སྔགས་ལྷན་ཅིག་སྐྱེས་པའི་མཁའ་འགྲོ་མ། དེའི་ཤུ་ཀྲ་སྟེ་བྱང་ཆུབ་སེམས་ཀྱི་ཐིག་ལེ་དཀར་དམར། མཉམ་ཟས་ཅན་ཏེ་རླུང་གི་སྟོབས་ཀྱིས་དྭངས་མ་བདེ་ཆེན་དུ་འདྲེན་པའོ། །ནང་ལྟར་ན་རང་ལུས་ཐབས་ལྡན་གྱི་བཙུན་མོ་ནི་རྩ་ཨ་ཝ་དྷཱུ་ཏི་སྟེ། ཤུ་ཀྲ་ནི་ཨ་ཧཾ་འབར་འཛག་གིས་དགའ་བཞིའི་ཡེ་ཤེས་ཉམས་སུ་མྱོང་བའོ། །

― KMC014_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བ་ལྟར་ན་དོན་དམ་པའི་བཙུན་མོ་ནི་ཤེས་རབ་སྟོང་པ་ཉིད། དེའི་ཤུ་ཀྲ་ནི་སྟོང་པ་ཉིད་ཀྱི་དོན་ཕྱིན་ཅི་མ་ལོག་པར་རྟོགས་པ་སྟེ། དེ་ལྟར་སྟོང་ཉིད་ཀྱི་བདུད་རྩི་ལ་རང་གཞན་ཐམས་ཅད་མཉམ་པར་ཟས་སུ་ཟ་ཞིང་ལོངས་སྤྱོད་པའི་སྐལ་པ་ཅན་དུ་སྐྱེ་ཞིང་སྐྱེ་བར་འགྱུར་བར་ཤོག་ཅིག་ཅེས་སོ། །སེམས་ཅན་ཐམས་ཅད་ལ་སྡུག་བསྔལ་གྱི་རྒྱུ་སྡིག་པ་མི་དགེ་བའི་ལས་ནམ་ཡང་མེད་ཅིང་། སེམས་ཅན་ཐམས་ཅད་རྟག་ཏུ་བདེ་བ་ཕུན་སུམ་ཚོགས་པའི་དཔལ་དང་ལྡན་པར་གྱུར་ཅིག །སྐྱེ་བ་ཀུན་ཏུ་དལ་འབྱོར་བཅོ་བརྒྱད་དང་ལྡན་པའི་ལུས་མཆོག་ཐོབ་ཅིང་། བླ་ན་མེད་པའི་བྱང་ཆུབ་མཆོག་གང་གི་ལམ་ནས་ཡང་དག་པར་འགྲོ་བའི་སངས་རྒྱས་ཉིད་དང་རྟག་ཏུ་ཕྲད་པར་ཤོག་ཅིག །འགྲོ་བ་གང་དག་སྲིད་པའི་ཆུ་བོ་ལས་མ་རྒལ་བ་རྣམས་བདག་གིས་བསྒྲལ་བ་དང་། ཉན་ཐོས་ཞི་བའི་མཐའ་ལ་ཞེན་པས་མ་གྲོལ་བ་རྣམས་བདག་གིས་དགྲོལ་

― KMC014_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། ད་ལྟ་ཉིད་དུ་དེ་དག་ལ་རྗེས་སུ་བརྩེ་བས་རྣལ་འབྱོར་གྱི་ལམ་ཟབ་མོ་འདི་ཉིད་རྗེས་སུ་བསྟན་ཏེ་རྒྱུད་ཡོངས་སུ་བཅོས་ནས་ཡང་དག་པའི་གནས་ལ་འགོད་པར་བྱའོ་སྙམ་པ་ནི་ཐེག་ཆེན་བླ་ན་མེད་པའི་སྨོན་ལམ་དང་སེམས་བསྐྱེད་དོ། །དེ་ནས་བརྟན་བཞུགས་བྱས་ལ་སླར་ཡང་ལུས་གནས་ཡིད་གསུམ་སྲུང་བ་ནི། དང་པོ་རང་གི་སྙིང་གར་ༀ་ཧ་དཀར་པོ་སོགས་སྔར་བཤད་པ་ལྟར་ལ། འདིའི་ཚིག་གཅོད་མཚམས་མི་བདེ་བའི་དབང་གིས་ཚིག་ལྷུག་པར་འདོན་པའི་ཞལ་རྒྱུན་སྣང་ཡང་གནད་སློང་བ་ཉུང་ཕྱིར་གཅོད་མཚམས་འདི་ལྟར་བྱ་སྟེ། རང་གི་སྙིང་གར་ༀ་ཧ་དཀར། མགོ་བོར་ན་མ་ཧི་སེར། གཙུག་ཏུ་སྭཱ་ཧཱ་ཧུ་དམར། ཕྲག་གཉིས་སུ་བཽ་ཥཊ྄་ཧེ་ནག །མིག་གཉིས་སུ་ཧཱུྃ་ཧཱུྃ་ཧོཿདམར་སེར། ཡན་ལག་ཐམས་ཅད་ཕཊ྄་ཧཾ་ལྗང་གུས་ཁྱབ་པར་གྱུར། ཅེས་བརྗོད་པ་ནི་ལུས་སྲུང་བ་སྟེ་འདི་སྐབས་སྔར་བདག་གིས་དཔལ་སྤུངས་ཀྱི་བྱང་འདྲེན་བརྩོན་འགྲུས་

― KMC014_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་ནས་དབྱངས་རོལ་འདོན་འགྲིགས་བསླབ་སྐབས། གོ་ཆའི་སྔགས་བརྗོད་རིམ་བཞིན་ལག་གཡས་པས་རྡོ་རྗེས་གནས་སོ་སོར་རེག་ཚུལ་མཛད་ཀྱང་དེང་སང་ནི་དེ་འདྲ་མི་དགོས་ཞེས་ཟེར་སྣང་། དེ་ནས་སྔར་ལྟར་སེ་གོལ་གཡོན་སྐོར་དུ་གཏོགས་ཏེ་ཧཱུྃ་བཞིའི་སྔགས་བརྗོད་པ་ནི་གནས་སྲུང་བའོ། །སྣང་བ་ལྷ། གྲགས་པ་སྔགས། དྲན་རྟོག་བདེ་ཆེན་དེ་དག་པ་གསུམ་དྲན་པ་ནི་ཡིད་སྲུང་བའོ། །དེ་ནས་རྡོ་རྗེ་འཆང་ཆེན་སོགས་ཀྱི་བཀྲ་ཤིས་བརྗོད་ལ་མེ་ཏོག་གི་ཆར་བསྙིལ་ཏེ་དགེ་ལེགས་སུ་བྱའོ། །འདི་ལ་ཕྱི་ནང་གསང་སྒྲུབ་ཀྱི་བསྙེན་པ་བྱ་བའི་ཚུལ་སྤྲོ་ན་གྲུབ་དབང་ཆགས་མེད་ཞབས་ཀྱི་ཟིན་བྲིས་ལྟར་ཤེས་པར་བྱའོ། །སླར་སྨྲས་པ། དཔལ་ལྡན་སྡོམ་པའི་རྒྱུད་གཞུང་ཆུ་གཏེར་ཆེ། །གྲུབ་པའི་རྡོ་རྗེའི་གསུང་གིས་བསྲུབས་པ་ལས། །ལེགས་འོང་རྣམ་བཤད་ཟླ་བ་གསར་པའི་དཔལ། །དཔྱོད་ལྡན་ཀུ་མུ་ཏ་ཡི་དཔྱིད་དུ་ལོངས། ༡༽ །འདི་རུ་

― KMC014_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་མེད་ངག་རྒྱུན་སྦུ་བའི་ཕྲེང་། །ལེགས་བཤད་བདུད་རྩིར་སེམས་པ་མ་བྱས་པར། །རྣམ་དག་རྒྱུད་དང་གྲུབ་པའི་གསུང་བཞིན་དུ། །བཀོད་པས་ནོངས་པའི་དྲི་མ་མེད་སྙམ་བདོག ༢༽ །འོན་ཀྱང་རྒྱུད་དོན་མཐའ་དྲུག་ཚུལ་བཞིའི་སྒོ། །ཇི་བཞིན་འབྱེད་པ་ས་མཐར་མ་ཕྱིན་པར། །ཉི་ཚེའི་བློ་ཡིས་རྟོགས་པར་མིན་གསུངས་ཕྱིར། །ནོངས་གྱུར་ཡེ་ཤེས་སྤྱན་ལྡན་རྣམས་ལ་བཤགས། ༣༽ །འདི་ལས་བྱུང་བའི་ལེགས་བྱས་དགེ་བའི་མཐུ། །རབ་དཀར་གངས་རི་ལས་སྐྱེས་ཆུ་བོའི་རྒྱུན། །ངེས་དོན་སྙིང་པོའི་རྒྱ་མཚོར་ཉེར་ཞུགས་ཏེ། །སྒྲུབ་བརྒྱུད་མ་དྲོའི་བདག་པོའི་དཔལ་གྱུར་ཅིག ༤༽ །འདིར་འབྲེལ་པོ་ཡང་སྐྱེ་དང་ཚེ་རབས་སུ། །མཐིང་དབང་ཅོད་པན་འཛིན་དང་འབྲལ་མེད་ཅིང་། །ཡི་དམ་སྙིང་པོ་དཔལ་ལྡན་བདེ་བ་མཆོག །འཁོར་ལོ་སྡོམ་པས་རྗེས་སུ་འཛིན་གྱུར་ཅིག ༥༽ །ཅེས་དཔལ་འཁོར་ལོ་སྡོམ་པའི་ལྷ་ལྔའི་དཀྱིལ་ཆོག་གི་རྣམ་བཤད་ཉུང་ངུར་བསྡུས་པ་འདི་ཡང་། སྐྱེས་སྦྱང་ཡོན་ཏན་

― KMC014_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དཔལ་གྱིས་མངོན་པར་མཐོ་བ་དགེ་བཤེས་ཀརྨ་འཇིགས་བྲལ་ནས་ཚུལ་འདི་ལྟ་བུ་ཞིག་བྲི་དགོས་ཞེས། ལྷ་རྫས་དྲི་མེད་དང་སིངྒའི་ཡུལ་ནས་བྱུང་བའི་དབང་མདོག་གི་བྱི་རིལ་དང་བཟང་གོས་སྐྱེམས་འགེབ་ཀྱི་རྟེན་དང་བཅས་ཡི་གེའི་ལམ་ནས་ནན་ཆེར་གསུང་བསྐུལ་མཛད་ཀྱང་། སྤྱིར་ཡང་རྣམ་བཤད་ཟེར་བ་ཤིན་ཏུ་དཀའ་ཞིང་། ཁྱད་པར་དུ་བདེ་མཆོག་གི་རྣམ་བཤད་ནི་ཤིན་ཏུ་ནས་ཀྱང་དཀའ་བས་བདག་ལྟ་བུའི་སྤྱོད་ཡུལ་དུ་མ་གྱུར་ཀྱང་། གང་གི་བཀའ་མ་ལྡོག་ཙམ་དུ་བར་སྐབས་ཀྱི་ཚིག་འགྲེལ་ཁ་ཤས་འགའ་ཙམ་མ་གཏོགས་གཞུང་དོན་ལུང་ཁུངས་སོ་སོར་གསལ་བ་ལྟར་རྒྱ་འགྲེལ་གྱི་དགོངས་པ་ཁོ་ན་བླངས་པ་ལས་རང་རྟོག་གི་དྲི་མས་མ་བསླད་པར་སྒྲུབ་བརྒྱུད་སྙིང་པོའི་བསྟན་ལ་ཞུགས་པའི་རྟགས་ཙམ་འཆང་བ་དཀོན་མཆོག་བསྟན་འཛིན་གྱིས་བྲིས་པ་སྙིང་པོའི་བསྟན་པས་ས་གསུམ་ཁྱབ་པའི་རྒྱུར་གྱུར་ཅིག །དགེ་ལེགས་འཕེལ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།