ཀཾ་ཚང་མན་ངག་གཅེས་བཏུས།

ཀཾ་ཚང་མན་ངག་གཅེས་བཏུས།

གླེགས་བམ། མ༽

ཕྱོགས་བསྒྲིགས་མཛད་པ་པོ། རྫོགས་ཆེན་དཔོན་སློབ་བདུན་པ་ཀརྨ་གསུང་རབ་ངེས་དོན་བསྟན་པའི་རྒྱལ་མཚན།

Nitartha international

Selected Esoteric Instructions of the Karma Kamtsang (25 vols.) Publication supported by Tsadra Foundation

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཀཾ་ཚང་མན་ངག་གཅེས་བཏུས་ལས་ཆོས་དྲུག་སྐོར་གྱི་གླེགས་བམ་ མ༽ པའི་དཀར་ཆག

― KMC016_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཾ་ཚང་མན་ངག་གཅེས་བཏུས་ལས་ཆོས་དྲུག་སྐོར་གྱི་གླེགས་བམ་ མ༽ པའི་བཞུགས་བྱང་ལ། ༡ 1–2 ཟབ་ལམ་ནཱ་རོའི་ཆོས་དྲུག་གི་བླ་བརྒྱུད་གསོལ་འདེབས། ༧ 3–15 ཆོས་དྲུག་བླ་མ་རྒྱང་འབོད། ༣ 17–21 ཆོས་དྲུག་གི་ཉེ་བརྒྱུད་ཟུང་འཇུག་བརྒྱུད་པའི་གསོལ་འདེབས་སྨོན་ལམ་དང་བཅས་པ། ༤ 23–30 ཆོས་དྲུག་བདུད་རྩི་ཉིང་ཁུའི་སྔོན་འགྲོ་དངོས་གྲུབ་མྱུར་སྩོལ། ༥ 31–40 ཟབ་ལམ་ནཱ་རོ་ཆོས་དྲུག་གི་འཕྲུལ་འཁོར་གྱི་ཟིན་བྲིས་མཐོང་བ་དོན་ལྡན། ༡༤ 41–65 ཟབ་མོ་ནཱ་རོའི་ཆོས་དྲུག་གི་ཉམས་ལེན་ཐུན་ཆོས་བདུད་རྩིའི་ཉིང་ཁུ་ཞེས་བྱ་བ་སྒྲུབ་བརྒྱུད་ཀརྨ་ཀཾ་ཚང་གི་དོན་ཁྲིད། ༣༤ 67–133 ཆོས་དྲུག་བདུད་རྩི་སྙིང་ཁུའི་ཟུར་རྒྱན་ལུང་གི་འོད་ཟེར། ༢༣ 135–179 ཟབ་ལམ་ནཱ་རོ་ཆོས་དྲུག་བདུད་རྩི་ཉིང་ཁུའི་ཐུན་མིན་ཚངས་གནས་བཞིའི་འགྲེལ་པ་བླ་མའི་ཞལ་ལུང་སློབ་མའི་བདུད་རྩི། ༧ 181–194 སྨོན་ལམ། ༡ 195–196 ཆོས་དྲུག་ཐུན་མཚམས་སྨོན་ལམ་དང་སྨོན་ལམ་

― KMC016_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་བཞིའི་འགྲེལ་པ། ༣ 197–201 ཟབ་ལམ་ནཱ་རོ་ཆོས་དྲུག་གི་གསལ་བྱེད་སྤྱི་ཆིངས་ཁྲིད་ཡིག་དང་བཅས་པ། ༡༨ 203–238 ཆོས་དྲུག་གི་སྒོམ་ཁྲིད། ༢༣ 239–284 ཆོས་དྲུག་གསོལ་འདེབས་བདེ་སྟོང་དབྱེར་མེད་ཀྱི་འགྲེལ་ཆུང་ཚིག་དོན་སྙིང་པོ་རབ་གསལ། ༩ 285–302 ཐབས་ལམ་སྨོན་ལམ་ཚིག་བཞི་པའི་འགྲེལ་པ་སྦས་དོན་རབ་སྣང༌། ༣ 303–307 འཁྲུལ་འཁོར་གྱི་དམིགས་རིམ་ཟབ་མོ། ༡༠ 309–328 སྙན་བརྒྱུད་ཟབ་མོ་ཐུན་མོང་མ་ཡིན་པ་ཐབས་ལམ་ནཱ་རོ་ཆོས་དྲུག་གི་འདོན་ཚུལ་དང་འཁྲུལ་འཁོར་གབ་སྤྲད་ཚུལ་བློ་རྨོང་རང་གི་བརྗེད་ཐོ་གསལ་བ། བཀའ་རྒྱ། ༩ 329–345 ཆོས་དྲུག་གསོལ་འདེབས་ཀྱི་འགྲེལ་པ་གཏུམ་མོ་བདེ་བ་ཆེན་པོའི་ཐིག་ལེ། ༧ 347–359 ནཱ་རོ་ཆོས་དྲུག་ལས་གཏུམ་མོའི་བོགས་འདོན་ལུས་སྦྱོང་འཁྲུལ་འཁོར་གྱི་ཞལ་ཁྲིད་ཀུན་གསལ་མེ་ལོང༌། ༣༠ 361–419 འཁྲུལ་འཁོར་དཔེའུ་རིས། ༣༠ 421–479 བཅས་བཞུགས་སོ།།

ཟབ་ལམ་ནཱ་རོའི་ཆོས་དྲུག་གི་བླ་མ་བརྒྱུད་པ་ལ་གསོལ་བ་འདེབས་པ།

― KMC016_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ལམ་ནཱ་རོའི་ཆོས་དྲུག་གི་བླ་མ་བརྒྱུད་པ་ལ་གསོལ་བ་འདེབས་པ་བཞུགས་སོ། །

― KMC016_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་འཆང་ཆེན་ཡེ་ཤེས་མཁའ་འགྲོ་མ། །གསང་བའི་བདག་པོ་དཔལ་ལྡན་ས་ར་ཧ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བདག་ཉིད་ཆེན་པོ་ཀླུ་སྒྲུབ་འཕགས་པ་ལྷ། །དཔལ་ལྡན་ཟླ་བ་གྲགས་པ་མ་ཏང་གི །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དཔལ་མཆོག་ལུ་ཧི་པ་དང་ཌཻཾ་གི་པ། །དཱ་རི་ཀ་པ་སུ་ཁ་

― KMC016_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

དྷ་རིའི་ཞབས། གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དཔའ་བོ་ཌོམྦི་པ་དང་བི་ན་པ། །ལྭ་བ་པ་དང་ཨིནྡྲ་བྷུ་ཏིའི་ཞབས། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །མཁའ་འགྲོ་བསྐལ་པ་བཟང་མོ་ཐང་ལོ་པ། །ཤིང་ལོ་པ་དང་ཀརྞ་རི་པའི་ཞབས། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་

― KMC016_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་བྱིན་རླབས་ཆར་རྒྱུན་དབབ་ཏུ་གསོལ། །པྲཛྙཱ་པ་དང་བདེ་ཆེན་རོལ་པའི་ཞབས། །ཐར་པའི་ལམ་སྟོན་ཇོ་བོ་མཻ་ཏྲི་པ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །ཛྙཱ་ན་གརྦྷ་བལ་པོ་བྱིན་རླབས་ཅན། །པིནྜ་པ་སོགས་མན་ངག་རིག་པ་རྣམས། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དྷརྨ་མ་ཏི་དྲི་མེད་བཤེས་གཉེན་མཚན། །བཞད་པ་རྡོ་རྗེ་དཔལ་ལྡན་སྒམ་པོ་པ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བཛྲ་ཀཱིརྟི་དཔལ་ལྡན་དུས་གསུམ་མཁྱེན། །འགྲོ་མགོན་རས་ཆེན་རྒྱལ་སྲས་སྤོམ་བྲག་པ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དཔལ་ལྡན་ཀརྨ་པ་

― KMC016_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཉན་རས་ཞབས། །མཚུངས་མེད་རང་བྱུང་བ་དང་བཛྲ་ཤྲཱི། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བླ་མེད་ཆོས་རྗེ་རྒྱལ་བ་ཀུན་གྱི་དངོས། །ཉམས་རྟོགས་དབང་ཕྱུག་དྲི་མེད་དཔལ་ཡེ་ཤེས། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །མཁྱེན་རབ་ཐུགས་རྗེའི་དབང་ཕྱུག་དེ་བཞིན་གཤེགས། །རྒྱལ་བ་ཀུན་དངོས་བླ་མ་རིན་པོ་ཆེ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །སངས་རྒྱས་ཐམས་ཅད་འདུས་པའི་རིན་པོ་ཆེ། །ཐུགས་རྗེའི་བདག་ཉིད་མཐོང་བ་དོན་ལྡན་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བླ་མེད་མཁྱེན་པའི་མངའ་བདག་

― KMC016_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་བཟང་། །དཔལ་འབྱོར་དོན་གྲུབ་ཆོས་གྲགས་རྒྱ་མཚོ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །མཆོག་གི་དངོས་གྲུབ་བརྙེས་པ་གྲུབ་པའི་དཔལ། །ཡེ་ཤེས་མཁའ་ལ་སྤྱོད་པ་མི་བསྐྱོད་བཟང་། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །གར་གྱི་དབང་ཕྱུག་མཆོག་གི་སྤྲུལ་པའི་སྐུ། །ས་གསུམ་ཀུན་ལ་དབང་བསྒྱུར་ཆོས་ཀྱི་རྗེ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བདེ་ཆེན་ལ་རོལ་དགའ་བའི་རྡོ་རྗེ་དང་། རྡོ་རྗེ་འཆང་དངོས་ཆོས་དབྱིངས་རྡོ་རྗེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །མི་ཕྱེད་དོན་གྱི་ཡེ་ཤེས་རྡོ་རྗེ་མངའ། །མཉམ་ཉིད་

― KMC016_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་ཡེ་ཤེས་སྙིང་པོའི་ཞབས། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །རྒྱལ་བ་ཀུན་གྱི་ཐུགས་རྗེའི་རང་གཟུགས་མཆོག །འགྲོ་བའི་འདྲེན་པ་ཡེ་ཤེས་རྡོ་རྗེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བདེ་སྟོང་ལྷན་སྐྱེས་ཡེ་ཤེས་གཞོམ་མེད་སྐུ། །རྣམ་རོལ་ཀུན་མཁྱེན་ཆོས་ཀྱི་དོན་གྲུབ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །རྣམ་ཀུན་མཆོག་ལྡན་ཕྱག་རྒྱ་ཆེན་མོ་ཡིས། །དགྱེས་དགུར་རོལ་པ་བྱང་ཆུབ་རྡོ་རྗེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བཀའ་བརྒྱུད་རྣམ་ཐར་དྲི་མེད་ལམ་པོ་ཆེའི། །སྲོལ་འཛིན་ཆོས་ཀྱི་

― KMC016_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་གནས་ཞབས་དེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །འགྱུར་མེད་བདེ་བ་ཆེན་པོའི་ཆོས་ཀུན་ལ། །ཕྱག་རྒྱས་འདེབས་པ་བདུད་འདུལ་རྡོ་རྗེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དུས་གསུམ་རྒྱལ་ཀུན་ཕྲིན་ལས་དབང་བསྒྱུར་བ། །མི་ཕམ་ཆོས་འགྲུབ་རྒྱ་མཚོའི་ཞབས་དེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །རྒྱལ་ཀུན་གསང་གསུམ་བྱིན་རླབས་གཅིག་བསྡུས་པ། །མཚུངས་བྲལ་པདྨ་ཉིན་བྱེད་དབང་པོ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །གསང་བའི་དགྱེས་པར་ཐམས་ཅད་བདག་ཉིད་དུ། །རྟག་བཞུགས་སངས་རྒྱས་

― KMC016_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་མཆོག་རྡོ་རྗེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དཀྱིལ་འཁོར་ཀུན་གཙོ་མཚུངས་མེད་རྡོ་རྗེ་འཆང་། །བདེ་སྟོང་འགྱུར་མེད་པདྨ་གར་དབང་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །ཟབ་གསལ་སྤྲོས་བྲལ་ཡེ་ཤེས་ཆེན་པོའི་ངང་། །རྟག་བཞུགས་སངས་རྒྱས་མཁའ་ཁྱབ་རྡོ་རྗེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །སྐུ་བཞིའི་ངོ་བོ་མི་འགྱུར་དག་པའི་དཔལ། །གཟུགས་སྐུ་ཆགས་བྲལ་པདྨ་དབང་མཆོག་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །བདེ་ཆེན་འགྱུར་མེད་དབྱིངས་སུ་རྫོགས་པའི་སྐུ། །འགགས་མེད་

― KMC016_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རོལ་རིག་པའི་རྡོ་རྗེ་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །མི་འགྱུར་རྟག་པ་དམ་པ་བདེ་བའི་གཤིས། །འགགས་མེད་གར་རོལ་དཀྱིལ་འཁོར་རྒྱ་མཚོའི་བདག །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དཔལ་ལྡན་འདུས་པ་སྡོམ་པ་ཡི་དམ་ལྷ། །རྒྱལ་བ་རྒྱལ་སྲས་དཔའ་བོ་ཌཱ་ཀིའི་ཚོགས། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །མ་ཧཱ་ཀཱ་ལ་གཉན་གྱི་རེ་མ་ཏི། །བཀའ་སྡོད་དམ་ཅན་སྲུང་མ་རྒྱ་མཚོའི་ཚོགས། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །གསོལ་འདེབས་བྱིན་རླབས་ཆར་རྒྱུན་དབབ་ཏུ་གསོལ། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །གློ་བུར་རྐྱེན་སྣང་ཅི་བྱུང་ཅི་ཤར་ཡང་། །ཡིན་

― KMC016_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཇི་བཞིན་རྟོགས་པའི་རྐྱེན་གྱུར་ཏེ། །གནས་ལུགས་ནང་ནས་འཆར་བར་བྱིན་གྱིས་རློབས། །སྣང་ལ་རང་བཞིན་མེད་པར་བྱིན་གྱིས་རློབས། །ཡུལ་ལ་ཆེད་འཛིན་མེད་པར་བྱིན་གྱིས་རློབས། །དགྲ་ལ་སྡང་བ་མེད་པར་བྱིན་གྱིས་རློབས། །གཉེན་ལ་ཞེན་པ་མེད་པར་བྱིན་གྱིས་རློབས། །ནོར་ལ་བསགས་བློ་མེད་པར་བྱིན་གྱིས་རློབས། །ཚེ་ལ་རྟག་འཛིན་མེད་པར་བྱིན་གྱིས་རློབས། །འཁོར་ལ་བདེན་འཛིན་མེད་པར་བྱིན་གྱིས་རློབས། །དོན་ལ་ཡེངས་བ་མེད་པར་བྱིན་གྱིས་རློབས། །ཉམས་ལ་མཐོ་དམན་མེད་པར་བྱིན་གྱིས་རློབས། །སེམས་ལ་གསལ་འགྲིབ་མེད་པར་བྱིན་གྱིས་རློབས། །རང་ལ་ངར་འཛིན་མེད་པར་བྱིན་གྱིས་རློབས། །གང་ལའང་འཆིང་བ་མེད་པར་བྱིན་གྱིས་རློབས། །ཅིར་སྣང་ཆོས་སྐུར་མཐོང་བར་བྱིན་གྱིས་རློབས། །རང་སེམས་ངོ་བོ་རྟོགས་པར་བྱིན་གྱིས་རློབས། །སྒོམ་མེད་ཡེངས་སུ་མེད་པར་བྱིན་གྱིས་རློབས། །

― KMC016_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

གཅེར་མཐོང་རང་ངོ་ཤེས་པར་བྱིན་གྱིས་རློབས། །གཏུམ་མོ་སྒྱུ་ལུས་འབྱོངས་བར་བྱིན་གྱིས་རློབས། །རྨི་ལམ་འོད་གསལ་ཟིན་པར་བྱིན་གྱིས་རློབས། །བར་དོ་འཕོ་བ་འབྱོངས་བར་བྱིན་གྱིས་རློབས། །ཚེ་གཅིག་འཇའ་ལུས་འགྲུབ་པར་བྱིན་གྱིས་རློབས། ། རྟག་ཏུ་བླ་མས་སྐྱོབ་པར་བྱིན་གྱིས་རློབས། །གེགས་སྐྱོན་ལམ་དུ་འགྱུར་བར་བྱིན་གྱིས་རློབས། །ཉོན་མོངས་རང་སར་གྲོལ་བར་བྱིན་གྱིས་རློབས། །བདེ་སྟོང་དབྱེར་མེད་རྟོགས་པར་བྱིན་གྱིས་རློབས། །བློ་ཆོས་སུ་འགྲོ་བར་བྱིན་གྱིས་རློབས། །ཆོས་ལམ་དུ་འགྲོ་བར་བྱིན་གྱིས་རློབས། །ལམ་འཁྲུལ་པ་སེལ་བར་བྱིན་གྱིས་རློབས། །འཁྲུལ་པ་ཡེ་ཤེས་སུ་འཆར་བར་བྱིན་གྱིས་རློབས། །བཀའ་བབ་ཆུ་བོ་བཞིའི་བླ་མ་བརྒྱུད་པའི་གསོལ་འདེབས་ཀརྨ་པ་དེ་བཞིན་གཤེགས་པས་མཛད་པའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་

― KMC016_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཆོས་དྲུག་བླ་མ་རྒྱང་འབོད།

― KMC016_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱཻ་མ། ཕ་རྗེ་བཙུན་བླ་མ་རིན་པོ་ཆེ། །ཁྱེད་སངས་རྒྱས་ཀུན་དང་དབྱེར་མེད་ཀྱང་། །ངེད་མོས་པའི་བུ་ལ་ཐུགས་བརྩེ་བས། །འཕྲལ་རྒྱལ་སྲས་མཆོག་གི་ཚུལ་བཟུང་ནས། །ལར་བསམ་བཞིན་སྐྱེ་བ་བཞེས་མཛད་པ། །དཔལ་ཀརྨ་པ་ཞེས་ཡོངས་སུ་གྲགས། །རྗེ་ཁྱེད་ཀྱི་བྱིན་རླབས་མི་དམན་ཀྱང་། །རྒྱུད་ཉོན་མོངས་དྲག་པོས་ཡོངས་བཟུང་ནས། །ལས་ནག་པོའི་སྤྱོད་པ་དར་བའི་མཐུས། །དུས་སྙིགས་མ་ལྔ་བདོའི་སེམས་ཅན་རྣམས། །འོག་ངན་སོང་གཡང་ས་ཁོ་ནར་ལྷུང་། །ཕ་ཐུགས་རྗེས་གཟིགས་ཤིག་ཀརྨ་པ། །ལས་སྔར་བྱས་རྣམས་ལ་དོན་མ་མཆིས། །ཆོས་སྔར་བྱས་རྣམས་ལ་ཆོས་བརྒྱད་འདྲེས། ལམ་རྣལ་མར་སྒྲུབ་པ་གཅིག་མ་དྲན། །ད་ཁྱེད་རང་མིན་པ་རེ་ས་མེད། །ཕ་ཐུགས་རྗེས་གཟིགས་ཤིག་ཀརྨ་པ། །ལར་གཤིན་རྗེའི་སྐྱེས་བུས་རྒྱབ་ནས་དེད། །དུས་ལོ་ཟླ་ཞག་གིས་མདུན་ནས་བསུ། །འཕྲལ་རྣམ་གཡེང་བྱ་བས་བར་

― KMC016_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བྲིད། །དེ་མ་ཚོར་བསླུས་ཤིག་བྱུང་ཉན་འདུག །ཕ་ཐུགས་རྗེས་གཟིགས་ཤིག་ཀརྨ་པ། །གཞོན་དབང་པོ་གསལ་ཚེ་བྱིས་པའི་སེམས། །ལུས་དར་ལ་བབ་ཚེ་བྲེལ་བས་གཡེངས། །ད་རྒས་ཤིང་འཁོགས་པར་གྱུར་པའི་ཚེ། །ཆོས་གཤའ་མར་དྲན་ཀྱང་ཕྱིས་ནས་སོང་། །ཕ་ཐུགས་རྗེས་གཟིགས་ཤིག་ཀརྨ་པ། །རང་སྡོད་པར་འདོད་ཀྱང་སྡོད་དབང་མེད། །ནོར་ཁྱེར་བར་འདོད་ཀྱང་ཁྱེར་མི་བཏུབ། །གྲོགས་འགྲོགས་པར་འདོད་ཀྱང་རང་གཅིག་པུར། །སང་འཇིག་རྟེན་ཕ་རོལ་འགྲོ་བར་ངེས། །ཕ་ཐུགས་རྗེས་གཟིགས་ཤིག་ཀརྨ་པ། །ཚེ་འདི་ཡི་བག་ཆགས་འཕེན་པའི་མཐུས། །ལམ་བར་དོའི་འཕྲང་ནས་ཅི་འདྲ་འབྱུང་། དཔེ་མདང་སུམ་ཉལ་བའི་རྨི་ལམ་བཞིན། །ལར་རང་དབང་ཐོབ་པ་ཤིན་ཏུ་དཀའ། །ཕ་ཐུགས་རྗེས་གཟིགས་ཤིག་ཀརྨ་པ། །སྤྱིར་འཁོར་བའི་ཆོས་ལ་སྙིང་པོ་མེད། །སྒོས་མི་རྟག་ལུས་ལ་སྙིང་པོ་མེད། །འདི་ནམ་མཁར་ཤར་བའི་

― KMC016_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

འཇའ་ཚོན་འདྲ། །དེ་བདེན་པར་བཟུང་ཡང་ཡལ་ནས་འགྲོ །ཕ་ཐུགས་རྗེས་གཟིགས་ཤིག་ཀརྨ་པ། །ཡར་སངས་རྒྱས་རྣམས་ལ་དད་པ་མེད། །མར་སེམས་ཅན་རྣམས་ལ་སྙིང་རྗེ་ཆུང་། །གོས་ངུར་སྨྲིག་གྱོན་ཀྱང་གཟུགས་བརྙན་ཙམ། །སྐྲ་སྤུ་གྲིས་བཞར་ཡང་དོན་གོ་མེད། །ཕ་ཐུགས་རྗེས་གཟིགས་ཤིག་ཀརྨ་པ། །ཆོས་ཐོས་པ་མང་ཡང་གནད་མ་ཁྲོལ། །ཁ་བཤད་པ་ཆེ་ཡང་རྒྱུད་མ་དུལ། །གནས་རི་ཁྲོད་འགྲིམས་ཀྱང་ཁྱིམ་ལ་སྲེད། །མིག་ལྟ་སྟངས་བྱས་ཀྱང་ཉམས་མྱོང་མེད། །ཕ་ཐུགས་རྗེས་གཟིགས་ཤིག་ཀརྨ་པ། །མི་གཞན་གྱི་སྐྱོན་མཚང་ཆུང་ངུ་རིག །རང་ཁོག་ནས་རུལ་བ་ཡང་མ་ཚོར། །ཁྱོད་གཞན་གྱི་མགོ་བོ་བསྐོར་བསྐོར་ནས། །སྡུག་རང་གིས་ཉོས་པ་མ་ལགས་སམ། །ཕ་ཐུགས་རྗེས་གཟིགས་ཤིག་ཀརྨ་པ། །ཁོང་རྒྱལ་བའི་གསུང་རབ་མ་ལུས་པ། །སེམས་རྒྱུད་ལ་ཨེ་ཕན་མི་སེམས་པར། ཁེ་གྲགས་པ་བསྒྲུབ་ཕྱིར་ཐོས་

― KMC016_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་བྱས། །དེ་ཐར་པའི་ལམ་དུ་ཨེ་འགྲོའམ། །ཕ་ཐུགས་རྗེས་གཟིགས་ཤིག་ཀརྨ་པ། །ཁྱོད་ཆོས་པའི་ཚུལ་གྱིས་འཇིག་རྟེན་སྒྲུབ། །ལར་སྐྱེ་བོ་ཀུན་གྱི་མཆོད་པ་ལེན། །ཚེ་ཡང་ཡེངས་བྱ་བའི་ངང་དུ་བཏང་། །དབུགས་ཁྲིག་གེར་འགྲོ་དུས་ཅི་འདྲ་ཨང་། །ཕ་ཐུགས་རྗེས་གཟིགས་ཤིག་ཀརྨ་པ། །བདག་དེ་དྲན་སྐྱོ་བ་གཏིང་ནས་སྐྱེས། །ཡར་སངས་རྒྱས་རྣམས་ལ་གསོལ་བ་འདེབས། །སྤྱིར་སྙིགས་མའི་དུས་ཀྱི་སེམས་ཅན་དང་། །སྒོས་ཆོས་པའི་ཚུལ་ཅན་བདག་སོགས་ལ། །ཕ་ཐུགས་རྗེས་གཟིགས་ཤིག་ཀརྨ་པ། །བུ་ང་ལ་རེ་ས་གཞན་ན་མེད། །བྱ་བྲལ་གྱི་སྐྱིད་སྡུག་ཁྱེད་རང་ཤེས། །དབྱིངས་ཟག་མེད་བདེ་ཆེན་ཕོ་བྲང་ནས། །མགོན་ཁྱེད་དང་དབྱེར་མེད་རོ་གཅིག་ཤོག །ཅེས་དཔལ་ཙཱ་རི་དྲའི་ཟིལ་ཆེན་ཕུག་ཏུ་ཞྭ་དམར་དཀོན་མཆོག་ཡན་ལག་གིས་མཛད་པའོ། །སླར་རྒྱལ་དབང་བཅོ་ལྔ་པའི་གསུང་འབུམ་ནང་ནས་ཞུ་དག་བགྱིས་སོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་

― KMC016_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཆོས་དྲུག་གི་ཉེ་བརྒྱུད་ཟུང་འཇུག་བརྒྱུད་པའི་གསོལ་འདེབས་སྨོན་ལམ་དང་བཅས་པ།

― KMC016_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དྲུག་གི་ཉེ་བརྒྱུད་ཟུང་འཇུག་བརྒྱུད་པའི་གསོལ་འདེབས་སྨོན་ལམ་དང་བཅས་པ་བཞུགས་སོ། །

― KMC016_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་སྟོང་དབྱེར་མེད་སྲིད་དང་ཞི་བའི་དཔལ། །ཐབས་ཤེས་དབྱེར་མེད་རྡོ་རྗེ་དྲིལ་བུ་འཆང་། །སྒྱུ་མའི་གར་གྱིས་རྣམ་རོལ་བཅོམ་ལྡན་འདས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཤེས་རབ་ཆེན་པོས་གཉུག་མའི་གནས་ལུགས་རྟོགས། །ཕྲིན་ལས་བཟང་པོས་གདུལ་བྱ་ཐར་ལམ་འདྲེན། །འཁོར་ལོ་སྡོམ་པའི་རྣལ་འབྱོར་ཏཻ་ལོ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གཉིས་སུ་མེད་པའི་ཡེ་ཤེས་མཆོག་དང་ལྡན། །བཅུ་གཉིས་

― KMC016_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

དཀའ་སྤྱད་དངོས་གྲུབ་རྣམ་གཉིས་བརྙེས། །གནས་ལྔ་རིག་པའི་པཎ་ཆེན་ནཱ་རོ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཆོས་ཀྱི་སྙིང་པོ་རྡོ་རྗེ་ཐེག་པའི་བཅུད། །གང་གི་བློ་གྲོས་མཆོག་གིས་ཡོངས་སུ་འཛིན། །བསྟན་པའི་མངའ་བདག་ལྷོ་བྲག་མར་པའི་ཞབས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བདེ་སྟོང་ཏིང་འཛིན་གར་གྱིས་རྣམ་བཞད་པའི། །ཟབ་ལམ་རྡོ་རྗེ་ཐེག་པའི་མངའ་བདག་མཆོག །སྒྲུབ་བརྒྱུད་བསྟན་པའི་སྲོག་

― KMC016_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་མི་ལ་རྗེ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བསོད་ནམས་ཡེ་ཤེས་གྲངས་མེད་དུ་མར་བསགས། །གངས་ཅན་སྒྲུབ་བརྒྱུད་གཙུག་གི་རིན་པོ་ཆེ། །ཟླ་འོད་གཞོན་ནུ་དྭགས་པོ་ལྷ་རྗེ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཐུབ་དབང་བསྟན་པའི་གསལ་བྱེད་ཆོས་ཀྱི་མཛོད། །སྙན་གྲགས་ཐུགས་རྗེའི་འོད་ཀྱིས་འཛམ་གླིང་ཁྱབ། །ས་ར་ཧ་ཡི་རྣམ་འཕྲུལ་ཀརྨ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གསོལ་བ་བཏབ་ན་དངོས་གྲུབ་རྣམ་གཉིས་སྩོལ། །སྒྲུབ་བརྒྱུད་བསྟན་པའི་རྒྱལ་མཚན་ཡོངས་ཀྱི་ཏོག །ཡིད་བཞིན་ནོར་བུ་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བྱམས་དང་སྙིང་རྗེའི་རྩ་བ་རབ་ཏུ་བརྟན། །བདེ་སྟོང་ཡལ་གའི་ཁྱོན་ནི་རབ་ཏུ་ཡངས། །དཔག་བསམ་ལྗོན་ཤིང་དྭགས་པོ་བཀའ་བརྒྱུད་ལ། གསོལ་བ་འདེབས་སོ་བདག་རྒྱུད་བྱིན་གྱིས་རློབས། །

― KMC016_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་པའི་མཁའ་ལ་ཐུགས་རྗེའི་ཉི་འོད་ཤར། །སངས་རྒྱས་བསྟན་པའི་པད་ཚལ་མཐའ་དག་འབྱེད། །མ་རིག་མུན་སེལ་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྐྱེ་མེད་སྤྲུལ་སྐུ་འགག་མེད་ལོངས་སྤྱོད་རྫོགས། །གནས་མེད་ཆོས་སྐུ་དབྱེར་མེད་ངོ་བོ་ཉིད། །སྐུ་བཞིའི་དབང་ཕྱུག་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གང་ལ་བརྟེན་ན་ཉེས་པའི་ཚོགས་ཀྱིས་དབེན། །ཡོན་ཏན་ཡར་ངོའི་ཟླ་ལྟར་འཕེལ་བ་ཡི། །དགོས་འདོད་ཀུན་འབྱུང་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གནས་ལུགས་གཉུག་མའི་དོན་གྱི་ལྡེའུ་མིག་དང་། །ཞི་ལྷག་སྒྲོན་མེས་རྒྱལ་བའི་དགོངས་པ་མཆོག །ཐར་པའི་ལམ་སྟོན་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཐབས་ཤེས་སྐྱ་བས་

― KMC016_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩོན་པའི་ཤུགས་བསྐྱེད་ནས། །ཕྲིན་ལས་གྲུ་ཡིས་འགྲོ་ཀུན་སྒྲོལ་བ་ཡི། །འགྲོ་བའི་དེད་དཔོན་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྤྲུལ་པའི་གནས་སུ་འབར་བའི་ཙཎྜ་ལཱིས། །བདེ་ཆེན་ཟླ་བའི་དཀྱིལ་འཁོར་ཡོངས་སུ་བཞུས། །ཕུང་ཁམས་རབ་བསྲེགས་ཆོས་ཀྱི་འཁོར་ལོར་ནི། །ལྷན་སྐྱེས་བདེ་བ་མྱོང་བར་བྱིན་གྱིས་རློབས། །བཅུ་གཉིས་དཔེ་ཡིས་ཁྱད་པར་བྱས་པ་ཡི། །ཕྱི་ནང་ཆོས་ཀུན་བདེན་པས་རྣམ་པར་དབེན། །རང་ལུས་རྡོར་སེམས་མེ་ལོང་གཟུགས་བརྙན་བཞིན། །གདོད་ནས་ལྷ་སྐུར་འཆར་བར་བྱིན་གྱིས་རློབས། །ཉིན་སྣང་སྒྱུ་མའི་འདུན་པ་རབ་བརྟན་ནས། །མགྲིན་པར་རླུང་སེམས་བརྟན་པ་ཐོབ་པའི་མཐུས། །རྨི་ལམ་ན་ཡང་ཆོས་ཀུན་རྨི་ལམ་ལྟར། །མཐོང་ནས་ངེས་པ་རྙེད་པར་བྱིན་གྱིས་རློབས། །ཀུན་རྟོག་རླུང་སེམས་དྷཱུ་ཏིར་དག་པའི་མཐུས། །ཆོས་ཀུན་ནམ་མཁའི་དཀྱིལ་ལྟར་

― KMC016_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་དག །གཏི་མུག་མ་སྤང་ཆོས་དབྱིངས་ངོ་བོར་གྲོལ། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །གང་དུ་འཕོ་བའི་ཡུལ་སོགས་མ་དམིགས་ཀྱང་། སྲོག་རྩོལ་རླུང་གི་རྒྱུ་བ་བརྟན་ཐོབ་ནས། །ནམ་ཞིག་འཁྲུལ་པའི་སྣང་བ་འཆར་བའི་ཚེ། །ཚངས་ནས་མདའ་ལྟར་འཕོ་བར་བྱིན་གྱིས་རློབས། །འཆི་བའི་རང་བཞིན་དོན་དམ་བདེན་པར་རྟོགས། །ཆོས་སྐུའི་ངང་ནས་འོད་གསལ་མ་བུ་འཕྲད། །དེ་ཡི་ངང་ལས་བར་དོ་སྒྱུ་མའི་གཟུགས། །མཚན་དཔེའི་རྒྱན་ལྡན་ཐོབ་པར་བྱིན་གྱིས་རློབས། །མདོར་ན་བདག་སོགས་སྐྱེ་བ་ཐམས་ཅད་དུ། །དལ་འབྱོར་མཆོག་ཐོབ་ཐེག་ཆེན་ལམ་ལ་ཞུགས། །རྡོ་རྗེ་ཐེག་པ་སྟོན་པའི་བླ་མ་དང་། །ནམ་ཡང་འབྲལ་བ་མེད་པར་བྱིན་གྱིས་རློབས། །ཐོག་མར་སྨིན་བྱེད་དབང་གིས་རྒྱུད་སྦྱངས་ནས། །གྲོལ་བྱེད་རིམ་གཉིས་ཟབ་མོའི་ལམ་མཆོག་གིས། །སྐུ་བཞིའི་དབང་ཕྱུག་ཁྱབ་བདག་རྡོ་རྗེ་

― KMC016_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་། །གོ་འཕང་བདེ་བླག་བརྙེས་པར་བྱིན་གྱིས་རློབས། །གནས་སྐབས་སུ་ཡང་འགལ་རྐྱེན་མཐའ་དག་ཞི། །མཐུན་རྐྱེན་ཚེ་དང་དཔལ་འབྱོར་རྒྱས་པ་དང་། །ཆོས་བཞིན་སྤྱོད་པའི་གྲོགས་དང་ལྷན་ཅིག་ཏུ། །བསམ་པའི་དོན་ཀུན་འགྲུབ་པར་བྱིན་གྱིས་རློབས། །འཁྲུལ་པའི་དེ་ཉིད་ཤེས་པའི་རྣམ་དཔྱོད་ཀྱིས། །ཐ་མལ་ཤེས་པ་རང་ངོ་མཐོང་བའི་ཚེ། །གསལ་སྟོང་འཛིན་མེད་སེམས་སུ་ཐག་ཆོད་ནས། །ཅིར་སྣང་ཆོས་སྐུར་འཆར་བར་བྱིན་གྱིས་རློབས། །ཅེས་པ་འདི་ནི་རང་བྱུང་མཚོ་སྐྱེས་རྡོ་རྗེའི་རིགས་བདག་ཆེན་པོ་འཇམ་དཔལ་བཟང་པོས་མཛད་པའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཆོས་དྲུག་བདུད་རྩི་ཉིང་ཁུའི་སྔོན་འགྲོ་དངོས་གྲུབ་མྱུར་སྩོལ།

― KMC016_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དྲུག་བདུད་རྩི་ཉིང་ཁུའི་སྔོན་འགྲོ་དངོས་གྲུབ་མྱུར་སྩོལ་བཞུགས། །

― KMC016_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ༀ་སྭསྟི་སིདྡྷི་ཧཱུྃ། རབ་འབྱམས་དཀྱིལ་འཁོར་ཀུན་བདག་འཁོར་ལོའི་མགོན། །རྡོ་རྗེ་འཆང་དབང་དཔལ་ལྡན་ཀརྨ་པ། །རྣམ་ཀུན་འབྲལ་མེད་རིགས་ཀྱི་བདག་པོར་བསྟེན། །དགོངས་པ་འགྲོལ་ཞིང་རྗེས་སུ་གནང་བར་གསོལ། །དེ་ལ་འདིར་རྒྱལ་བ་ཀུན་གྱི་ཐུགས་བཅུད་རྡོ་རྗེ་ཐེག་པའི་ཉེ་ལམ་རྨད་དུ་བྱུང་བ་ཟབ་མོ་ནཱ་རོ་ཆོས་དྲུག་ཅེས་གྲུབ་པའི་དབང་ཕྱུག་རྣམས་ཀྱི་སྙན་ནས་སྙན་དུ་བརྒྱུད་པའི་བྱིན་རླབས་ཀྱི་ཚན་ཁ་མ་ཉམས་པ་གང་ཟག་ལས་དང་སྐལ་པར་ལྡན་པ་དག་གིས་ཉམས་སུ་ལེན་པའི་རིམ་པ་ལ། དང་པོ་ཐུན་མོང་གི་སྔོན་འགྲོ་དལ་འབྱོར་རྙེད་དཀའ་བསམ་

― KMC016_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

པ། འཆི་བ་མི་རྟག་དྲན་པ། ལས་འབྲས་རྣམ་པར་སྨིན་ཚུལ། འཁོར་བའི་ཉེས་དམིགས་ལ་བློས་གཞིགས་པ་བཅས་ངེས་འབྱུང་གི་བསམ་པ་བརྟན་པོ་སྔོན་དུ་བཏང་། དེ་ནས་ཐུན་མོང་མ་ཡིན་པའི་སྔོན་འགྲོ་ལ། ཐོག་མར་སྐྱབས་སེམས་ནི། ༀ་སྭ་བྷཱ་ཝ་ཤུདྡྷཱཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧྂ། ཞེས་པས་གཟུང་འཛིན་སྣང་ཞེན་གྱི་ཆོས་རྣམས་སྟོང་པར་སྦྱངས། སྟོང་པའི་ངང་ལས་ཁམས་གསུམ་གྱི་ས་བོན་སུམ་བརྩེགས་སྟེང་མ་དཀར་པོ་མར་མེ་མི་གཡོ་བ་ལྟ་བུ། བར་པ་དམར་པོ་རྩེ་མོ་ཕྱོགས་བཅུར་གཡོ་བ་སྲིན་བུ་པད་པ་ལྟ་བུ། འོག་མ་སྔོན་པོ་ནས་འབྲུ་ལྟ་བུའི་དབྱིབས་ཤིན་ཏུ་གཡོ་ཞིང་སྒྲ་དང་བཅས་པར་གསལ་བའི། སྟེང་མ་བར་པ་ལ་ཐིམ་པས་རང་གི་སྤྱི་བོ་ནས་སྐྲ་

― KMC016_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་ཡན་གྲུབ། འོག་མ་བར་པ་ལ་ཐིམ་པས་སྙིང་ག་ནས་རྐང་མཐིལ་གྱི་བར་གྲུབ། བར་པ་ལན་གསུམ་གཡོས་པས་སྐྲ་མཚམས་ནས་སྙིང་གའི་བར་གྲུབ་པར་བསྒོམས་ལ། སྟོང་ལས་ཁམས་གསུམ་ངོ་བོ་ནཱ་དའི་གཟུགས། །དཀར་དམར་སྔོ་བརྩེགས་ཡས་མན་འདུས་པ་ལས། །སྐྲ་མཚམས་ཡན་དང་སྙིང་ག་ཕྱིན་ཆད་གྲུབ ། བར་བ་གཡོས་པས་དེ་བར་གྲུབ་པའི་མདུན། དེ་ནས་མདུན་དུ་རིན་པོ་ཆེའི་གཞལ་མེད་ཁང་གྲུ་བཞི་སྒོ་བཞི་རྒྱན་རྟ་བབས་དང་བཅས་པའི་དབུས་སུ། སེང་གེའི་ཁྲི་པདྨ་ཉི་ཟླའི་གདན་ལ་བླ་མ་རྡོ་རྗེ་འཆང་གི་རྣམ་པ་ཅན་ལ་བརྒྱུད་པའི་ཚོགས་ཀྱིས་བསྐོར་བ། མདུན་དུ་པད་ཉི་ལ་ཡི་དམ་འཁོར་ལོ་སྡོམ་པར་རྒྱུད་སྡེའི་ལྷ་ཚོགས་ཀྱིས་བསྐོར་བ། གཡས་སུ་པད་ཟླར་སངས་རྒྱས་ཤཱཀྱ་ཐུབ་པར་ཕྱོག་བཅུའི་སངས་རྒྱས་ཀྱིས་བསྐོར་བ། རྒྱབ་ཏུ་པད་ཟླ་ལ་ཤེར་ཕྱིན་མར་ཆོས་དཀོན་མཆོག་གིས་བསྐོར་བ། གཡོན་དུ་པད་ཟླ་ལ་རྒྱལ་སྲས་དཔའ་བོ་རྣལ་འབྱོར་མ། སྲུང་མའི་ཚོགས་བཅས་བཞུགས་པར་བསྒོམས་ལ། གཞན་མེད་ཁང་དབུས་དཀོན་མཆོག་ལྔ་ཚོམ་གསལ། །དེ་ལ་རྩེ་གཅིག་གུས་པས་སྐྱབས་འགྲོ་བྱ། །བདག་སོགས་མཁའ་མཉམ་སེམས་ཅན་ཀུན། །དུས་འདི་

― KMC016_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཟུང་བྱང་ཆུབ་བར། །དུས་གསུམ་གཤེགས་པའི་རྒྱན་འཁོར་ལྔ། །གཅིག་བསྡུས་ཆོས་ཕུང་བརྒྱད་ཁྲི་དང་། །བཞི་སྟོང་འབྱུང་གནས་འཕགས་པ་ཡི། །དགེ་འདུན་བདག་ཉིད་རྩ་བརྒྱུད་ཀྱི། །བླ་མ་རྣམས་ལ་སྐྱབས་སུ་མཆི། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སྔགས་མཁའ་འགྲོ་མ། །འཁོར་ལོ་གསུམ་གྱི་བདག་ཉིད་ཅན། །དཔའ་བོ་དང་ནི་དཔའ་མོའི་ཚོགས། །ཀུན་ལ་རྟག་ཏུ་སྐྱབས་སུ་མཆི། །ཞེས་ལན་མང་དུ་བརྗོད། དེ་ནས་སེམས་བསྐྱེད་པ་ནི། ༀ་བཛྲ་ས ཏྭ་ༀ། ཞེས་བརྗོད་པས། རང་ཉིད་རྡོ་རྗེ་སེམས་དཔའི་སྐུར་གྱུར། ༀ་བཛྲ་སཏྭ་ཨཱཿ ཐུགས་ཀར་ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་གསལ་བར་གྱུར། དེ་ནས་ཐུན་མོང་མིན་པའི་ཚངས་གནས་བཞིའི་འདོན་བསྒོམ་སྦྲག་པ་ནི། ༀ་སེམས་ཅན་ཐམས་ཅད་རྡོ་རྗེ་ཆགས་པས་རྗེས་སུ་ཆགས་པར་གྱུར་ཅིག །ༀ་སེམས་ཅན་ཐམས་ཅད་རྡོ་རྗེ་བསྡམ་པས་

― KMC016_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་སུ་བསྡམ་པར་གྱུར་ཅིག །ༀ་སེམས་ཅན་ཐམས་ཅད་རྡོ་རྗེ་བདེ་བ་ཆེན་པོས་ཡང་དག་པར་མྱོས་པར་གྱུར་ཅིག །ༀ་སེམས་ཅན་ཐམས་ཅད་རྡོ་རྗེ་རྣལ་འབྱོར་སྦྱོར་བས་རྗེས་སུ་གྲོལ་བར་གྱུར་ཅིག །ཅེས་མང་དུ་བརྗོད། ༀ་བཛྲ་ས ཏྭ་ཧཱུྃ། ཟླ་གདན་གྱི་སྟེང་དུ་དོན་དམ་བྱང་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བའི་རྣམ་པར་གྱུར། དེ་ནས། སྐུ་གསུང་ཐུགས་ཀྱི་དཀྱིལ་འཁོར་དུ། །སངས་རྒྱས་ཀུན་གྱི་དམ་ཚིག་ཆེ། །ཨེ་ཝཾ་རང་བཞིན་འབའ་ཞིག་པ། །རྡོ་རྗེ་སྙིང་པོར་བདག་བསྐྱེད་དོ། །ཅེས་མང་དུ་བརྗོད་ལ། དགེ་བ་འདི་ཡིས་མྱུར་དུ་བདག །ཕྱག་རྒྱ་ཆེན་པོ་འགྲུབ༴ སོགས་དགེ་བསྔོ་བྱའོ། །རྡོར་སེམས་ནི། རང་གི་སྤྱི་བོར་ཟླ་གདན་གྱི་སྟེང་འོད་ཀྱི་གུར་ཁང་གི་དབུས་སུ་བླ་མ་རྡོ་རྗེ་སེམས་དཔའ་འོད་ཀྱི་སྐུ་ཅན་ཁ་དོག་དཀར་པོ་ཞལ་གཅིག་ཕྱག་གཉིས་གཡས་ཀྱིས་རྡོ་རྗེ་རྩེ་ལྔ་པ་ཐུགས་ཀར་འཛིན་ཅིང་། གཡོན་པས་དྲིལ་བུ་དཀུར་བརྟེན་པ་འགྱིང་བ་དང་བཅས་པས་བཞུགས་པ་ལ་མོས་གུས་དུང་བྱས་པས། དེའི་སྐུ་ལས་བདུད་རྩིའི་རྒྱུན་འོ་མ་ལྟ་བུ་བྱུང་རང་གི་ཚངས་བུག་ནས་ཞུགས། ལུས་

― KMC016_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་གང་བས་རྣམ་སྨིན་གྱི་ཕུང་པོ་གདོས་བཅས་ཀྱི་ཆ་སྦྲུལ་གྱི་ཤུན་པ་བརྗེས་པ་ལྟར་སོང་། ལུས་ཕྱི་ནང་སྒྲིབ་མེད་ཤེལ་གོང་ཕྱིས་པ་ལྟར་གྱུར། ཐོག་མེད་ནས་བསགས་པའི་སྡིག་སྒྲིབ་ཐམས་ཅད་དག་པར་མོས་ལ། ངག་ཏུ། སྤྱི་བོར་ཟླ་གདན་འོད་ཀྱི་གུར་ཁང་དབུས། །བླ་མ་རྡོ་རྗེ་སེམས་དཔའ་རབ་དཀར་བ། །དེ་ལ་མོས་གུས་བྱས་པས་བདུད་རྩི་བབས། །རྣམ་སྨིན་ལུས་སྦྱངས་སྡིག་སྒྲིབ་དག་པར་གྱུར། །ཅེས་བརྗོད་པས་གསལ་བཏབ་ནས་ཡི་གེ་བརྒྱ་པ་མང་དུ་འདོན། མཐར་རྡོ་རྗེ་སེམས་དཔའ་རང་ཉིད་ལ་ཐིམ་པར་མོས་ཏེ་ཐུན་བསྡུའོ། །དེ་ནས་ཚོགས་གཉིས་རྫོགས་བྱེད་མཎྜལ་ནི། གནས་ཁང་མཛེས་པར་བརྒྱན། སྟེགས་ཀྱི་ཁར་རིན་པོ་ཆེ་སོགས་ཀྱི་མཎྜལ་སྐྱོན་མེད་དྲི་བཟང་དང་བཅས་པའི་མེ་ཏོག་ཚོམ་བུ་སོ་བདུན་མ་ལག་ལེན་ལྟར་བཀོད་པ་དང་། མཆོད་པ་ཅི་འབྱོར་ཡང་བཤམས། རང་ཉིད་ཧེ་རུ་ཀ་དཔའ་བོ་གཅིག་པའི་སྐུ་བསྒོམ་པའི་མདུན་དུ། སྐྱབས་ཡུལ་གྱི་སྐབས་ལྟར་དཀོན་མཆོག་ལྔ་ཚོམ་སྤྱན་དྲངས་ཏེ་བཞུགས་པར་མོས་པའི་དྲུང་དུ། སེམས་ཅན་ཐམས་ཅད་བཅོམ་ལྡན་འདས་མའི་ངོ་བོ་ལྷ་མོ་བཅུ་དྲུག་ཏུ་གྱུར་པས། དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོས་མཆོད་པར་བསམས་ལ། དེ་ཉིད་གསལ་གདབ་པ་ནི།

― KMC016_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་ཧེ་རུ་ཀར་གསལ་མདུན་གྱི་མཁར། །དཀོན་མཆོག་རྒྱ་མཚོ་སྤྱན་དྲངས་བཞུགས་པའི་དྲུང་། །ཕྱི་ནང་གསང་བའི་མཆོད་ཚོགས་རབ་འབྱམས་ཀྱིས། །འགྲོ་ཀུན་མཆོད་ལྷར་གྱུར་པས་མཆོད་པར་གྱུར། །སངས་རྒྱས་ཀུན་འདུས་བླ་མའི་དྲུང་། །གླིང་བཞི་རི་རབ་བཅས་པ་དང་། །གླིང་བཞི་བྱེ་བ་ཕྲག་བརྒྱ་དང་། །བྱེ་བ་འབུམ་དང་དུང་ཕྱུར་བཅས། །མཎྜལ་གཅིག་ཏུ་བསྡུས་ནས་ནི། །མོས་བློས་གོང་མ་རྣམས་ལ་འབུལ། །འགྲོ་ཚོགས་སྒོ་གསུམ་ལོངས་སྤྱོད་དང་། །དགེ་ཚོགས་འབུལ་གྱིས་བཞེས་སུ་གསོལ། །ཁང་བཟང་རྟ་བབས་བསིལ་ཁང་དང་། །ཁྲུས་ཁང་སྲོ་ཁང་ལྡུམ་ར་དང་། །སྐྱེད་ཚལ་གདན་ཁྲི་བླ་བྲེ་གདུགས། །རྒྱལ་མཚན་བ་དན་རྔ་བསིལ་ཡབ། །ཆུ་བཞི་མེ་ཏོག་བདུག་སྤོས་དང་། །སྣང་གསལ་དྲི་ཆབ་ཞལ་ཟས་མཆོག །རོལ་མོ་སྐུ་ཁྲུས་ན་བཟའ་རྒྱན། །གཟུགས་སྒྲ་དྲི་རོ་རེག་བྱ་དང་། །གཟིམས་མལ་བང་མཛོད་གཏེར་ལོ་ཏོག །

― KMC016_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

རྫིང་བུ་བ་མཆོག་དཔག་བསམ་ཤིང་། །བཞོན་པ་རྩེད་འཇོ་བཀྲ་ཤིས་བརྒྱད། །རིན་ཆེན་སྣ་བདུན་བཅས་པ་འབུལ། །བཞེས་ནས་བྱིན་གྱིས་བརླབ་ཏུ་གསོལ། །སྟོང་ཆེན་རྟོགས་པར་བྱེད་པའི་རོ། །དྲི་ཆུ་དྲི་ཆེན་རཀྟ་དང་། །ཁུ་ཀླད་བདེ་ཆེན་འབར་བའི་རོ། །མི་རྟ་ཁྱི་བ་གླང་པོའི་ཤ། །ཡེ་ཤེས་བདུད་རྩི་དག་པ་ཅན། །དཔལ་ལྡན་བླ་མ་མཆོག་ལ་འབུལ། །ཞེས་གྲངས་ཅི་རིགས་བརྗོད་ཅིང་། ཚོམ་བུ་ཁ་གསོ། དེ་ནས་བདུན་རྣམ་དག་ནི། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡི ད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གི་མགྲོན་དུ་

― KMC016_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་མྱུར་འགྲུབ་ཤོག །ཅེས་བརྗོད། ཚོགས་ཞིང་འོད་ཞུ་བདག་དང་དབྱེར་མེད་ཅིང་། །དགེ་བས་བདེ་ཆེན་རྡོ་རྗེའི་གནས་ཐོབ་ཤོག །ཅེས་བྱའོ། །དེ་ནས་བྱིན་རླབས་མྱུར་འཇུག་བླ་མའི་རྣལ་འབྱོར་གྱི་རིམ་པ་སོགས་གཞུང་དུ་གསལ་བ་ལྟར་ཉམས་སུ་ལེན་པར་བྱའོ། །དེ་ལྟར་སྔོན་འགྲོའི་རིམ་པ་རྣམ་འདྲེན་དཔའ་བོ་རིན་པོ་ཆེའི་བཀས་བསྐུལ་ལྟར། རྗེ་ཆོས་ཀྱི་འབྱུང་གནས་ཀྱིས་བསྒྲིགས་པ་སོར་བཞག་ལ། སླར་ཡང་དང་པོའི་ལས་ཅན་རྣམས་འཇུག་བདེའི་ཕྱིར་ཅུང་ཟད་གསལ་བར་བཀོད་པ་པོ་ནི་སི་ཏུ་པདྨ་ཉིན་བྱེད་དབང་པོའོ། །མངྒ་ལཾ། ཨེ་ཀ་པྲྀཙྪ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཟབ་མོ་ནཱ་རོའི་ཆོས་དྲུག་གི་ཉམས་ལེན་ཐུན་ཆོས་བདུད་རྩིའི་ཉིང་ཁུ་ཞེས་བྱ་བ་སྒྲུབ་བརྒྱུད་ཀརྨ་ཀཾ་ཚང་གི་དོན་ཁྲིད།

― KMC016_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ལམ་ནཱ་རོ་ཆོས་དྲུག་གི །འཕྲུལ་འཁོར་ཟིན་བྲིས་མཐོང་ཙམ་གྱིས། །ཁོང་ཆུད་དོན་དང་ལྡན་པ་ཡི། །གསུང་རྒྱུན་གོ་བདེ་རབ་གསལ་བཞུགས། །

― KMC016_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ༀ་སྭསྟི་པྲ་ཛ་བྷྱཿ མཆོག་ཏུ་མི་འགྱུར་ཆོས་དབྱིངས་ཡེ་ཤེས་ཁམས། །བདེ་བ་ཆེན་པོའི་རང་བཞིན་འདུས་མ་བྱས། །སྒྱུ་འཕྲུལ་རྡོ་རྗེའི་རྣམ་པར་རོལ་པ་ནི། །ཅིར་ཡང་སྟོན་པ་དོན་བརྒྱུད་བླ་མར་འདུད། །རྣམ་དག་ངེས་དོན་བཀའ་གསང་ཟབ་མོའི་ཆོས། །བླ་ན་མེད་པའི་རྒྱུད་སྡེའི་ཡང་སྙིང་གང་། །རྡོ་རྗེ་འཆང་ནས་རྩ་བའི་བླ་མའི་བར། །ཡེ་ཤེས་མངོན་སུམ་རྒྱུད་སྨིན་གྲོལ་བ་ཡི། །རིམ་གཉིས་དངོས་གྲུབ་མྱུར་ལམ་མཐར་ཐུག་མཆོག །པཎ་ཆེན་ནཱ་རོའི་ཆོས་དྲུག་ཅེས་གྲགས་པ། །གྲུབ་ཐོབ་སྐར་ཚོགས་

― KMC016_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ་གཤེགས་པའི་ཤུལ། །སྐལ་ལྡན་ཚེ་གཅིག་སངས་རྒྱས་ཐོབ་པའི་ཐབས། །གཞུང་དོན་ཁྲིད་རིམ་སྔོན་བྱོན་གོང་མ་ཡི། །བཀའ་ལས་གསལ་ཞིང་འདིར་ནི་ལུས་སྦྱོང་གི །འཕྲུལ་འཁོར་ཕྱག་ལེན་ཁུངས་བཙུན་གོ་བདེ་བར། །རྡོ་རྗེའི་དམ་ཚིག་ལྡན་པའི་སློབ་མ་ལ། །ཕན་ཕྱིར་བཀོད་ལ་ཆོས་བདག་ཌཱ་ཀི་ཡིས། །བཀའ་ཡི་གནང་བ་སྩོལ་ལ་བྱིན་གྱིས་རློབས། །དེ་ཡང་བསམ་གཏན་ཚེར་མས་དབེན་པའི་གནས། །བདེ་བའི་གདན་འཁོད་དང་པོ་ཐུན་མོང་གི །སྔོན་འགྲོར་བློ་སྦྱངས་དེ་ནས་ཐུན་མིན་གྱི། །

― KMC016_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་འགྲོ་བསགས་སྦྱངས་ཆོས་རྣམས་ནན་ཏན་འབད། །དེ་ནས་དངོས་གཞི་གཏུམ་མོ་ལམ་གྱི་གཞུང་། །སྒྱུ་ལུས་ལམ་གྱི་བོགས་འདོན་རྨི་ལམ་ནི། །ལམ་གྱི་ཚོད་འཛིན་འོད་གསལ་ལམ་སྒྲོན་མེ། །དེ་ལྟར་རྩ་བ་བཞི་དང་ཡན་ལག་ནི། །བར་དོ་ལམ་གྱི་བསུ་མ་འཕོ་བ་ནི། །ལམ་གྱི་སྐྱེལ་མར་གསུངས་ཕྱིར་དེ་ཀུན་གྱི། །སྙིང་པོ་གཏུམ་མོའི་ཉམས་ལེན་གཞིར་བྱས་ཏེ། །རྩ་རླུང་ཐིག་ལེ་གནད་དུ་བསྣུན་པ་ཡི། །ཟག་མེད་ཏིང་འཛིན་ཡེ་ཤེས་བསྐྱེད་ཕྱིར་དུ། །རྡོ་རྗེའི་ལུས་ལ་འཁྲུལ་འཁོར་འདི་ལྟར་བྱ། དང་པོ་ཆོས་དྲུག་ནང་གི་བླ་མའི་རྣལ་འབྱོར་དབང་ལེན་བཅས། དེ་ནས་སྟོང་ར་བསྐྱེད་སྔགས། ༀ་ཨཱཿ ཧཱུྃ་ཀཱ་ཡ་སོགས། རང་ལུས་རྡོ་རྗེ་སོགས། དེ་ནས་རྩ་སྦྱོང་། ལུས་ཀྱི་ནང་དབུས་སོགས། ༈ སྔོན་འགྲོ་རླུང་སྐྱོན་སེལ་བའི་འཁྲུལ་འཁོར་ནི། །རླུང་བཟུང་མི་དགོས་ལུས་གནད་ཆོས་བདུན་བཅས། །ལག་མཐིལ་གཉིས་ཀྱིས་རྐང་མཐིལ་ཤེད་ཀྱིས་བྱུག །ལན་གསུམ་དང་བཅས་ལག་གཉིས་འཁྱུད་པའི་རྒྱ། །བཀྲོལ་དང་རྡོར་སྐྱིལ་བཤིག་པ་དུས་མཉམ་བཅས། །ལག་གཉིས་

― KMC016_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

བརླ་གཡས་དཔྱི་མགོར་ཐལ་རྡེབ་བཅས། །ཕྱིར་བྱུག་རྐང་པ་བརྐྱངས་ནས་ལོང་བུ་བསྡམས། འདིར་སོར་རྩེ་ནས་བསྐོར་མི་དགོས། །ནང་ནས་ཡར་བྱུག་རྐང་པ་བསྐུམ་པ་བཅས། །དེ་བཞིན་གཡས་གསུམ་དང་ནི་གཡོན་གསུམ་བྱ། །རྡོར་སྐྱིལ་དཔུང་བརྒྱང་ལག་གཉིས་ཐལ་བརྡབ་དང་། །འཕུར་བ་མདུན་དུ་འཕང་བ་གསུམ་ཡོད། དང་བཅས་ལན་གསུམ་ལག་གཡས་ཀྱིས། །གཡོན་ངོས་ཕྲག་དཔུང་ཕྱིར་བྱུག་ལག་མགོ་ནས། །ནང་ལ་མཆན་ཁུང་བར་དུ་ཡར་བྱུག་འཕྲལ། །ལག་གཡས་ཤེད་བརྐྱང་དེ་ལྟར་ལན་གསུམ་དང་། །གཡས་གསུམ་བྱ་ཞིང་ལག་གཉིས་རྡོར་སྐྱིལ་ཐད། །ཕྱིར་བསྟན་ལག་གཉིས་བསྒྲིགས་ནས། ཡར་ཁྱེར་མཆན་རྡེབ་བརྒྱབ་ནས་སུ། །མདུན་དུ་བརྐྱང་ཞིང་ལག་གཡས་དཔྲལ་བ་དང་། །གཡོན་གྱིས་ལྟག་པ་ནས་བསྐོར་སྔར་བཞིན་དུ། །མཆན་རྡེབ་དང་གསུམ་དང་འཕེན་པ་གསུམ། བཅས་ལན་གསུམ་མགོ་འཕུར་བྲེར། །མགོ་འཕུར་གསུམ་མཆན་རྡེབ་དགོས། ལག་མཐིལ་གདོང་ལ་གདོང་འཕུར་གསུམ་ལ་མཆན་རྡེབ་མེད། ཕྱིར་བྱུག་ལྐོག་མའི་

― KMC016_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

ཐད། །ཐལ་རྩེ་སྤྲད་པ་ཕྱིར་བསྟན་དེ་འདྲ་གསུམ། །ལག་མཐིལ་ཐལ་མོ་གཉིས་མར་བྱུག་དགོས། གཡོན་སྟེང་གཡས་འོག་རེས་མོས་ཀྱིས། །ནུ་འཕུར་གཡས་གསུམ་གཡོན་གསུམ་ཁུ་ཚུར་གཉིས། །མདུན་རྒྱབ་རེས་མོས་ཕྱིར་བྱུག་གསུམ་བྱེད་པ། །དེ་ཡིས་དྲུག་ཚང་ཁུ་ཚུར་མཛུབ་སྐོར་གྱིས། །གཡས་གཡོན་ཁུ་ཚུར་གྱིས་མཁལ་མ་འཕུར་བ་ལས་གཞན་མེད། མཁལ་འཕུར་གསུམ་བྱ་དེ་ནས་རླུང་། རླུང་རོ་བསལ་བས་སོགས། །འབུད་པ་དགུ་ཕྲུག་ཁུ་ཚུར་གཉིས་སྦུབ་ཅིང་། །བརླར་བཞག་ལག་གཡོན་པུས་སྟེང་ནས་ཡར་ཁྱེར། །མཆན་རྡེབ་མདུན་བརྐྱང་ཁུ་ཚུར་མཛུབ་སྐོར་བཅས། །གྲུ་མོ་ཐད་བརྒྱང་མཛུབ་མོས་སྣ་གཡོན་བཀག །གཡས་ནས་རྔུབ་ཅིང་འབུད་པ་གསུམ་རེ་བྱ། །མཆན་རྡེབ་མདུན་བརྐྱང་བརླར་བཞག་དེ་བཞིན་དུ། །གཡས་ཀྱིས་ཚར་མཚམས་ཁུ་ཚུར་གཉིས་བརླར་སྦུབ། །སྣ་བུག་གཉིས་ནས་རྔུབ་དགང་དགང་ཚེ་ཁུ་ཚུར་ཁ་གྱེན་བསྟན། འབུད་གསུམ་བྱ། ཁུ་ཚུར་གྱེན་བསྟན་བུམ་ཅན་ཅི་ནུས་བཟུང་། ༈ །དེ་ནས་རྩ་ཁྲུས་ཡན་ལག་ལྔ་སྦྱོང་ནི། །

― KMC016_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་གནད་དང་བཅས་རླུང་བཟུང་ཁུ་ཚུར་གཉིས། །པུས་སྟེང་ཡར་ཁྱེར་མཆན་རྡེབ་མདུན་བརྐྱང་འཕྲལ། །བྲང་རྡེག་མཆན་རྡེབ་གོང་བཞིན་གསུམ་བྱ་ཞིང་། །ལག་གཡས་གཡོན་གྱི་ཕྲག་དཔུང་ཕྱིར་བྱུག་ནས། །མཁྲིག་མའི་མཚམས་ནས་ནང་ནས་མཆན་ཁུང་བར། །ཡར་བྱུག་ལག་གཡས་ཤེད་བརྐྱང་དེ་ལྟར་གྱི། །གཡས་གསུམ་གཡོན་གསུམ་དང་པོ་གཡོན་གསུམ། དེ་ནས་གཡས་གསུམ་ཡིན། རེས་མོས་མིན། བྱ་ཞིང་ཐལ་བརྡབ་འཕུར། །ལན་གསུམ་དང་ནི་པུས་སྟེང་ཐལ་མོ་གཉིས། །ཕྱིར་བསྟན་ཕྱིར་འཕེན་ཉམས་བཅས། ཡར་ཁྱེར་མཆན་རྡེབ་དང་མདུན་བརྐྱང་། །ལག་གཡས་དཔྲལ་བ་གཡོན་པས་ལྟག་པ་བསྐོར། །གོང་བཞིན་མཆན་རྡེབ་དང་བཅས་ལན་གསུམ་བྱ། །མདུན་རྒྱབ་དབུ་མ་ཤེད་པ་དེ་ཡིན། རེས་མོས་ཕྱིར་བྱུག་གསུམ་གྱི་རྗེས། །སྐྱིལ་ཀྲུང་བཤིག་ཅིང་ལག་གཉིས་བརླ་གཡས་ཀྱི། །དཔྱི་མགོར་ཐལ་བརྡབ་དང་བཅས་ཕྱིར་བྱུག་ནས། །རྐང་བརྐྱང་མཐིལ་ནས་ནང་ན་ཡར་བྱུག་དུས། །རྐང་པ་བསྐུམ་ཞིང་དེ་ལྟར་ལན་གསུམ་

― KMC016_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས། །ལག་གཡོན་རྐང་གཡས་རྒྱབ་དང་མཐིལ་ནས་བཟུང་། ཁུ་ཚུར་གཡས་ཀྱིས་པུས་མོ་མནན་ནས་སུ། །མིག་གིས་གཡས་གཡོན་གྱེན་བལྟ་སྔར་ཇི་བཞིན། དཔྱི་མཐོར་ཐལ་རྡེབ་བཅས། །གཡོན་ལའང་གོང་ལྟར་བྱས་རྗེས་རྡོར་སྐྱིལ་བཅའ། །ལག་གཉིས་སར་བཙུགས་ཁུ་ཚུར་མཐེ་བོང་བཅས། རིམ་ཀྱིས་འབེབས་ཆུང་གསུམ། །རྡོར་དཀྱིལ་བཀྲོལ་ཞིང་ཧ་སྤྲུགས་འཕུར་འདོན་བྱ། ལུས་པོ་ཕང་ལོའི་སྟེང་ལག་མཐིལ་གྱིས་མནན་ཏེ་སི་ལི་ལི་སྤྲུགས། ཧ་སྤྲུགས་རྐྱང་པ་མ་གཏོགས་ལག་འཕུར་མེད། རྩ་གསུམ་འདུས་མདོར་སོགས། ༈ ནཱ་རོའི་དྲུག་བསྐོར་ལུས་གནད་རླུང་བཟུང་བཅས། །ལག་གཉིས་ཁུ་ཚུར་ཁ་སྦུབ་པུས་སྟེང་བཞག །ཕོ་བ་གཡས་གསུམ་གཡོན་གསུམ་བསྐོར་ནས་སུ། །ཁུ་ཚུར་སྔོན་ལྟར་དཔུང་བརྒྱང་རོ་སྟོད་གཡས། །གཡོན་བཅས་རེས་མོས་ཁྱུད་པ་ལན་དྲུག་བྱེད། ཁུ་ཚུར་གྱེན་བསྟན་བརླར་བཞག་མགྲིན་པ་གཡས། །གཡོན་བཅས་གསུམ་གསུམ་བསྐོར་ཞིང་མགོ་དགྱེ་དགུ། །གསུམ་དང་རྡོར་སྐྱིལ་བཤིག་ལ་གཞོགས་གཡོན་ཕབ། །ལག་གཡོན་ཁུ་ཚུར་ནུ་ཐད་

― KMC016_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་ལག་གཡས། །གྱེན་བརྐྱང་བསྐུམ་དང་མཆན་རྡེབ་མཉམ་བསྒྲིགས་ཀྱིས། །རྐང་གཡས་གྱེན་བརྐྱང་བསྐུམ་པས་འཕོངས་བརྡེག་བྱ། །དེ་ལྟར་ལན་གསུམ་དེ་ནས་གཞོགས་གཡས་ཕབ། །གོང་ལྟར་བྱས་རྗེས་རྡོར་སྐྱིལ་ཁུ་ཚུར་གཉིས། །མདུན་ཐོག་མར་ལག་གཡས་མདུན་་གཡོན་རྒྱབ་སེ་རལ་ཁ་རེས་མོས་དེ་བཞིན་ཕྱི་ནང་ཡར་བྱུག་གསུམ་རོ་སྟོད་ལ་མར་བྱུག སྨད་ལ་གསུམ་མཐར་འབེབས་ཆུང་གདན་འབེབས། གསུམ་དང་རྡོར་སྐྱིལ་བཤིག །ཧ་སྤྲུགས་གསིག་དང་འཕུར་འདོན་སོགས་བྱའོ། ༈ །སོ་བདུན་མ་ལ་ལུས་གནད་བཅའ་རླུང་བཟུང་། །ལག་གཉིས་ཁུ་ཚུར་ཁ་སྦུབ་པུས་སྟེང་བཞག །ཕོ་སྐོར་དང་པོ་གཡས་གཡོན་གསུམ་རེ་པུས་གཡས་སྟེང་། །གཡས་ཀྱི་ཁུ་ཚུར་སྟེང་དུ་གཡོན་པ་བརྩེགས། །ཕོ་སྐོར་གཡས་གཡོན་གསུམ་རེ་གཡོན་པུས་སྟེང་། །གཡོན་གྱི་ཁུ་ཚུར་སྟེང་དུ་གཡས་པ་བརྩེགས། །ཕོ་སྐོར་དང་པོ་གཡས་དེ་ནས་གཡོན་གཡས་གཡོན་གསུམ་རེ་དང་ཁུ་ཚུར། པུས་སྟེང་དུ་བཞག་པའང་སྣང་། །བརླར་བཞག་གྱེན་བསྟན་ལག་

― KMC016_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་མགོར་གཡོན་བསྐོར། །མཆན་རྡེབ་མདུན་བརྐྱང་དེ་འདྲ་གསུམ་བྱ་ཞིང་། །གཡོན་གྱི་ཁུ་ཚུར་མགོ་ལ་གཡས་བསྐོར་གྱིས། །ཞགས་འཕེན་སྔར་ལྟར་རྗེས་ལ་མདུན་བརྐྱང་འཕྲལ། །གཡས་ཀྱི་ཐལ་མོ་གཡོན་མཐིལ་ཐལ་རྡེབ་བཅས་ཁུར་བྱས་ལ། དཔུང་བྲང་བར། །བྱུག་ནས་གཡོན་དཔུང་བརྒྱང་བ་གཡས་གཡོན་རེས་མོས་གསུམ་གསུམ་བྱ། མདའ་འགེང་ཚུལ། །གཡས་མཆན་རྡེབ་ནས་སླར་ཡང་གཡས་མཐིལ་གྱིས། །བྲང་ནས་དཔུང་གཡོན་ལག་མཐིལ་བྱུག་འཕྲལ་གཡས། །དཔུང་བརྒྱང་གཡོན་མཆན་རྡེབ་སོགས་གོང་བཞིན་དུ། །དྲུག་གི་རྗེས་ལ་དཔུང་གཡོན་མདུན་བརྐྱང་ལ། །དཔུང་ནང་གཡས་ཀྱི་ཁུ་ཚུར་ཡར་མར་ཤད། གཡོན་གྱི་དཔུང་པ་ནང་ནས་གཡས་འཆང་ཁས་ཡར་ཤད་མར་ཤད་གསུམ། །གསུམ་དང་གཡས་དང་པོ་མར་ཤད། དེ་ནས་ཡར་ཤད། ཡང་མར་ཤད་པ་སྟེ་གསུམ་ཡིན། གཡས་ལ་དེ་བཞིན་འབེབས་ཆུང་གསུམ། །རྡོར་དཀྱིལ་བཀྲོལ་ཞིང་ཧ་སྤྲུགས་འཕུར་འདོན་བྱེད། །སྐབས་འདིར་རླུང་བཟུང་འབེབས་ཆུང་རླུང་ཁུག་གཅིག་ལ་བར་འདེབས་ཅི་ནུས་བྱ། གང་ནུས་བྱ།

― KMC016_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་གསུམ་འཁོར་ལོ་དྲུག་སོགས། ༈ དེ་ནས་ནཱ་རོའི་ཡན་ལག་ལྔ་སྦྱོང་ནི། །ལུས་གནད་དང་བཅས་རླུང་བཟུང་ཁུ་ཚུར་གཉིས། ཁ་སྦུབ་པུས་སྟེང་བཞག་ལ་ཕོ་སྐོར་གཡས། །གསུམ་དང་གཡོན་གསུམ་ཁུ་ཚུར་གྱེན་བསྟན་བརླར། །བཞག་ཅིང་མགྲིན་པ་དང་པོ་གཡས་གསུམ་དེ་ནས་གཡོན་གསུམ་བསྐོར། །མགྲིན་པ་གཡས་ཀྱོག་གཡོན་ཀྱོག་གསུམ་གསུམ་དང་། །མགོ་བོ་དགྱེ་དགུ་གསུམ་རེས་མོས་དྲུག་ཡིན། བཅས་ཁུ་ཚུར་གཉིས། །གྱེན་གཞར་ཐད་བརྐྱང་གཡས་ཀྱི་ཁུ་ཚུར་གྱིས། །ཕྲག་གོང་བརྡེག་ལ་གཡོན་པའང་དེ་ལྟར་བརྡེག །དང་པོ་གཡས་ཀྱི་ཁུ་ཚུར་ཕྲག་པར་རྒྱག །གཡོན་ལ་རྒྱག །ཕྲག་རྡེག་གསུམ་གྱི་མཇུག་ཏུ་མཆན་རྡེབ་གསུམ་ཡོད། སླར་ཡང་གཡས་ཀྱིས་བརྡེག་བཅས་ལག་གཉིས་ཀ །མཆན་རྡེབ་མདུན་བརྐྱང་གསུམ་བྱ་ཐད་བརྐྱང་ནས། །གཡོན་གཡས་ཕྲག་རྡེབ་མཆན་རྡེབ་སོགས་སྔར་ལྟར། །རྡོར་སྐྱིལ་བཀྲོལ་འཕྲལ་ཙོག་པུར་ལག་གཡོན་སར། །བཙུགས་ནས་རྐང་གཡས་མཐེ་བོང་ལག་གཉིས་ཀྱིས། །བཟུང་ནས་མདུན་བརྐྱང་བསྐུམ་པ་གསུམ་

― KMC016_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ལ། །ལག་གཡས་སར་བཙུགས་གཡོན་གྱིས་དེ་ལྟར་བྱ། །ཙོག་པུར་ཙོག་པུའི་དོན་བར་འབེབས་ཡིན་པས་སྐྱིལ་ཀྲུང་ཡར་བཏེག་ཚེ་ཙོག་པུ་ཞེས་བརྡ་ཙམ་ལས་གཞན་མེད། རྐང་བསྣོལ་ལག་གཉིས་འཁྱུད་རྒྱའི་ཚུལ། །གྱེན་འཕགས་ལག་གཉིས་ཐད་བརྐྱང་སེམས་སྐྱིལ་བྱ། །བར་འབེབས་གསུམ་མཐར་ཧ་སྤྲུགས་འཕུར་འདོད་བྱ། ༈ །དེ་ནས་མཻ་ཏྲིའིི་ཡན་ལག་ལྔ་སྦྱོང་ནི། །ལུས་གནད་རླུང་བཟུང་ཁུ་ཚུར་གཉིས་ཁ་སྦུབ། །བརླར་བཞག་མགྲིན་པ་གཡས་གསུམ་གཡོན་གསུམ་བསྐོར། །མགྲིན་པ་གཡས་ཀྱོག་གཡོན་ཀྱོག་གསུམ་གསུམ་དང་། ཐོག་མར་གཡས་༡༢༣ གཡོན་ལ་༡༢༣ །མགོ་བོ་དགྱེ་དགུ་གསུམ་དང་རྡོར་སྐྱིལ་བཀྲོལ། །པུས་མོ་བཙུགས་ལ་གྲུ་གཡོན་བརྒྱང་ཁུ་ཚུར། །ནུ་སྟེང་མནན་ལ་ལག་གཡས་ཞགས་འཕེན་དང་། །མཆན་རྡེབ་སོགས་བཅས་ལན་གསུམ་སླར་ཡང་ནི། །གཡས་གཡོན་གོ་ལྡོག་དེ་ལྟར་ལན་གསུམ་བྱ། །ཙོག་པུར་ལག་གཉིས་སར་བཙུགས་རྐང་པ་གཡས། །ཐད་དཀར་བསྐྱང་བསྐུམ་གསུམ་བྱེད་གཡོན་ལའང་འགྲེ །བར་འབེབས་གསུམ་

― KMC016_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཧ་སྤྲུགས་འཕུར་འདོན་ནོ། །སྐབས་འདིར་རླུང་བཟུང་བར་འབེབས་ཅི་ནུས་བྱ། །རླུང་སྐྱོན་སེལ་དང་ཡན་ལག་ལྔ་སྦྱོང་དང་། །དྲུག་སྐོར་སོ་བདུན་མ་བཅས་རྩ་བ་ནི། །ནཱ་རོ་མཻ་ཏྲིའི་ཡན་ལག་ལྔ་སྦྱོང་བཅས། །བསྣན་པས་རྩ་བ་དྲུག་ཅེས་ཡོངས་སུ་གྲགས། ༈ །ཉི་མ་དྲུག་སྐོར་ཙོག་པུར་འདུག་རླུང་བཟུང་། །རྐང་པ་གཉིས་བསྣོལ་ལག་གཉིས་བསྣོལ་ཕྱིར་བརྐྱང་། །རྐང་མཐིལ་འོག་ནས་ཡར་ལ་མཐེ་བོང་བཟུང་། །ཕོ་སྐོར་གཡས་དྲུག་གཡོན་དྲུག་རྐང་རྟིང་སར། །བཙུགས་ནས་འཕོངས་ལ་རེས་མོས་དེ་འདྲ་དྲུག །དེ་བཞིན་འཕོངས་གྱེན་དྲུག་བཅས་སྣ་རླུང་བཏང་། ༈ །གཏུམ་མོ་ཞག་བདུན་ཙོག་པུར་འདུག་རླུང་བཟུང་། །རྐང་ལག་བསྣོལ་སོགས་གོང་བཞིན་རྐང་རྟིང་ནས། །མཐེ་བོང་བཟུང་ལ་ཕོ་སྐོར་ལན་གསུམ་གཡོན། །གསུམ་དང་རྟིང་པ་སར་བཙུགས་འཕོངས་བཏེགས་རེས། །གསུམ་བྱེད་ཡར་ལང་ཐོག་འབེབས་ལག་གཉིས་ཀྱིས། །པུས་སྟེང་གྱེན་གཞར་ཐད་བརྐྱང་ཕྲག་གོང་ཕྱིར། །གཞར་ནས་ཁུ་ཚུར་

― KMC016_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

གྱེན་བསྟན་བརླར་བཞག་འཕྲལ། །སེམས་སྐྱིལ་དང་བཅས་སླར་ཡང་ཙོག་པུར་འདུག །རྐང་མཐིལ་བཟུང་ཞིང་ཕོ་སྐོར་འབེབས་ལ་སོགས། །སྔར་བཞིན་གསུམ་མཐར་ཧ་སྤྲུགས་འཕུར་འདོན་ནོ། ༈ །དེ་ནས་གཏུམ་མོ་བཅོ་བརྒྱད་དང་པོ་ནི། །རླུང་སྐྱོན་སེལ་བ་ལུས་གནད་རྐང་གཡོན་མཐིལ། །ལག་གཡས་ཕྱིར་སྦུབ་གཡོན་པ་མདུན་བརྐྱངས་ནས། །མཛུབ་སྐོར་གྲུ་བརྒྱང་སྣ་གཡོན་བཀག་གཡས་ནས། །རྔུབ་ཅིང་འབུད་པ་རྐང་པ་རྡོར་སྐྱིལ་ལག་གཡོན་ཁུ་ཚུར་རྐང་མཐིལ་སྟེང་བཞག །ལག་གཡས་མཛུབ་མོས་སྣ་གཡས་བཀག གསུམ་མམ་རེ་རེ་བྱ། །མཆན་རྡེབ་མདུན་བརྐྱང་ལག་གཡོན་གཡས་རྐང་མཐིལ། །སྟེང་སྦུབ་སྣ་གཡས་བཀག་སོགས་སྔོན་ལྟར་བྱ། །ཁུ་ཚུར་བརླར་སྦུབ་སྣ་གཉིས་རླུང་སྔོན་བཞིན། །གསུམ་དང་བུམ་པ་ཅན་རླུང་ཅི་ནུས་བཟུང་། །མེ་ཐབ་དྲུག་ཆིངས་ཙོག་པུར་རྐང་བསྣོལ་ནས། །པུས་སྟེང་གྲུ་བཙུགས་ལག་བསྣོལ་ཐལ་མོ་གཉིས། །དཔུང་པའི་ཁུག་གཞུག་འཇུ་བའི་ཉམས་ཙམ་བྱ། དཔུང་པར་སྦྱར་ལ་བུམ་ཅན་ཅི་ནུས་བཟུང་། །ལྗོན་ཤིང་

― KMC016_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣོལ་བར་ལག་པའི་མཁྲིག་མ་བསྣོལ། །བཟུང་ཞིང་པུས་མོའི་ཐད་འཁྱུད་རླུང་གོང་ལྟར། འཁྱུད་པ་རིང་ཡང་པུས་མོའི་འོག་ཏུ་མི་འགྲོ་བ་དང་ཐོག་ཏུ་བཞག་པའམ་མ་ཡིན་པའི་སྐོར་གྱིས་འགྲོ་བར་བྱ། །བཙན་ཐབས་དྲོད་འབེབས་ཙོག་པུར་རྐང་མཐེབ་གཉིས། །ལག་གཉིས་བསྣོལ་འཛིན་རླུང་བཟུང་ཕོ་བསྐོར་གཡས། །གསུམ་དང་གཡོན་གསུམ་རྐང་བཏེགས་འཕོངས་བཏེགས་རེས། །གསུམ་དང་ཐད་བརྐྱང་གསུམ་མཐར་འབེབས་ཆེན་ནི། །ལང་ཞོར་འཁྱུད་རྒྱ་ཕྱིར་ཕབ་ལག་ཐད་བརྐྱང་། སེམས་སྐྱིལ་དེ་བཞིན་ཅི་ནུས་མཐར་རྡོར་འབེབས། །ཧ་སྤྲུགས་འཕུར་འདོན་སྐབས་འདིར་ངལ་བསོའོ། །མཁའ་ལྡིང་སྦྲུལ་འཛིན་ལུས་གནད་རླུང་བཟུང་འཕྲལ། །རྐང་གཉིས་མདུན་བརྐྱང་པུས་སྟེང་ལག་ཁུ་ཚུར། །སྦུབ་ལ་གྱེན་ལངས་རྐང་ལག་རྩེ་སར་བཙུགས། །མགོ་བཀུག་མིག་གྱེན་བལྟ་ཞིང་གཞོག་གཡས་གཡོན། །དགང་འདྲེན་གསུམ་གསུམ་འབེབས་ཆེན་སོགས་སྔར་ལྟར། །བྱིང་སེལ་བྱ་རྒོད་འཕུར་ལ་ལུས་གནད་སོགས། །སྔར་ལྟར་བྱས་ལ་གྱེན་

― KMC016_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ལང་རྐང་གཡས་བསྐུམ། །གཡོན་བརྐྱང་ལག་གཉིས་དང་པོ་གཡས་བརྡེག་གཡོན་བརྐྱང་གཡོན་བརྡེག་གཡས་བརྐྱང་ཐད་བརྐྱང་ཕྲག་གོང་བརྡེག །རེས་མོས་ནཱ་རོའི་ཡན་ལག་ནང་ལྟར་གྱི། །མཆན་རྡེབ་མདུན་བརྐྱང་སོགས་དང་རྐང་གཡོན་བསྐུམ། །གཡས་བརྐྱང་ལག་གཉིས་ཕྲག་རྡེག་སོགས་གོང་བཞིན། །དེ་ལྟར་འབེབས་ཆེན་ལ་སོགས་སྔར་ལྟར་རོ། །རྒོད་སེལ་ཤེས་པ་བུམ་པར་བཟུང་ལུས་གནད། །རླུང་བཅས་ལྟ་སྟངས་སྨད་ལ་ལག་གཉིས་ཕྱིར། །བསྣོལ་མར་ཁ་སྦུབས་རྐང་གཉིས་མཐིལ་དུ་སྦྱར། །དེ་ནས་རླུང་བཏང་སྤྱང་མོ་ཉལ་བ་ནི། །ལུས་གནད་རླུང་བཟུང་དེ་ངང་གཞོགས་གཡས་སར། །གཏད་ནས་རྐང་པ་གཉིས་བསྐུམ་པུས་བྲང་སྤྲད། །ལག་གཡས་གཡོན་གྱི་མཆན་སྟེང་བཀབ་གཡོན་པས། །པུས་མོ་གཉིས་འཁྱུད་ཉལ་མཐར་ལུས་གནད་བཅའ། །སྣ་ནས་རླུང་བཏང་མཁའ་ལ་དབབ་པ་ནི། །ལུས་གནད་རླུང་བཅས་དེ་ནས་གན་རྐྱལ་འདུག །ལག་གཉིས་ཁུ་ཚུར་རྐང་པ་གཉིས་བསྐུམ་ནས། །གྱེན་འཕགས་རྐང་ལག་གྱེན་བརྐྱང་ཕྱིར་

― KMC016_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུམ་གསུམ། །ཐལ་མོ་སྤྲད་བསྡམ་གྱེན་འཕགས་སོགས་སྔར་ལྟར། །གསུམ་མཐར་ལངས་ནས་འབེབས་ཆེན་ཧ་སྤྲུགས་འཕུར། །ནེའུ་ལི་རེས་འཇོག་ལུས་གནད་རླུང་བཟུང་ནས། །ཡར་ལངས་ལག་གཡོན་ཁུ་ཚུར་དཀུར་བརྟེན་ནས། །རྐང་གཡོན་སར་བཙུགས་གཡས་ཀྱི་རྐང་ལག་གཉིས། །མདུན་ངོས་ཕྱིར་ལ་བརྐྱང་བསྐུམ་ལག་པ་བསྐུམ་དུས་མཆན་རྡེབ་ཡིན། ལག་མཆན་རྡེབ། །རྐང་རྟིང་འཕོངས་རྡེག་མཉམ་སྦྲག་གཡོན་ལའང་། །དེ་ལྟར་བྱ་ཞིང་འབེབས་ཆེན་ཧ་ཕྲུགས་བྱ། །ཐིག་ལེ་འདྲེན་གྱེན་དུ་དྲངས་ནས་ཧཱུྃ་སྒྲ་བཅས། །སྟོད་ལ་སྒྲིལ་ཞིང་རྒྱ་མཚོ་རི་རབ་སྦྱར། །གསུས་པ་སྒལ་ཚིག་ལ་སྦྱར། དར་ཆེན་ཕྱར་དང་ཆུ་མིག་གྱེན་ལྡོག་དགོས། ལྕེ་རྩེ་རྐན་ལ་སྦྱར་བ་མིག་འབྲས་གྱེན་ལ་ལྡོག །འདི་ནི་འདྲེན་རིགས་ཀུན་ལ་དགོས་ངེས་ཡིན། བཞི་རླུང་ནི་རང་བབ་དང་། །དང་པོ་རི་རབ་འཕུར་བ་ལུས་གནད་བཅའ། ཁུ་ཚུར་བརླར་སྦུབ་རོ་སྟོད་ལྷོད་ནས་སུ། །གཡོན་གཡས་དབུས་གསུམ་གྱེན་དྲངས་ཁོང་སྒྲ་བཅས། །ཧཱུྃ་རིང་བཅུ་དང་ཧཱུྃ་ཐུང་བཅུས་ཡར་འདྲེན། །མིག་འབྲས་གྱེན་ལྡོག་ལྕེ་རྩེ་རྐན་

― KMC016_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྦྱར། །ལྟོ་བ་སྒལ་སྦྱར་རྗེས་ལ་ཧ་སྤྲུགས་བྱ། །ཝ་ཡི་བཞེད་ཚུལ་ལུས་གནད་ཁུ་ཚུར་གཉིས། །ནུ་སྟེང་བཞག་ལ་གྲུ་བརྒྱང་རོ་སྟོད་ལྷོད། །ཧཱུྃ་གི་ཁོང་སྒྲས་གྱེན་དྲངས་སོགས་གོང་ལྟར། །ཡིད་དྭགས་འདུག་སྟངས་རྐང་རྩེ་གཉིས་སར་བཙུགས། །རྟིང་སྤྲད་དཔུང་བརྒྱང་ཁུ་ཚུར་པུས་སྟེང་མནན། །ཕྱེད་ལངས་ཙམ་བྱས་མིག་གྱེན་ལྡོག་བལྟ་ཞིང་། །གསུམ་དང་ཧིཀ་ཀུ་རིང་ཐུང་ཧི་ཀ་ཞེས་མཉམ་པོར་ཡར་འདྲེན་དགོས། གཉིས་ཀྱིས་འདྲེན། །དྲངས་ཤིང་འཕོངས་དང་རྐང་རྟིང་ལྡེབ་ཆུང་གསུམ། །འདུག་དུས་རྐུབ་རྡེབ་ལྟ་བུ་འཕོངས་མནན་ཆུང་ཆུང་གསུམ་དགོས། སླར་ཡང་ཕྱེད་ལངས་ལ་སོགས་སྔོན་ལྟར་དུ། །ལན་གཉིས་རྗེས་ལ་འབེབས་ཆེན་ཧ་སྤྲུགས་བྱ། །སེང་གེ་གྱེན་ལོག་སྐྱིལ་ཀྲུང་བར་ལག་གཉིས། ཁུ་ཚུར་མཐེབ་མཛུབ་གུང་གསུམ་སར་བཙུགས་ནས། །ཧཾ་ཀ་ར་བརྗོད་གཡས་གཡོན་དབུས་གྱེན་དྲངས། །རྡོར་སྐྱིལ་ཡར་བཀྱག་མདུན་རྡེབ་བཅས་དེ་ལྟར། །གསུམ་མཐར་ཧ་སྤྲུགས་འཕུར་འདོན་རླུང་གི་སྦྱོར་བས་གཏུམ་མོ་སོགས། སེང་གེའི་རྩལ། །སྤྲུག་ནི་

― KMC016_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་གནད་རླུང་བཟུང་རྡོར་སྐྱིལ་བཤིག ཁུ་ཚུར་པུས་སྟེང་ཡར་ཁྱེར་བར་འབེབས་དང་། །མཆན་རྡེབ་དུས་གཅིག་བྱས་ལ་གཡས་གཡོན་དབུས། །ཐལ་མོ་སོར་མོ་སྤྲུགས་པ་ཡིན། ཕྱེ་ཙམ་དེ་བཞིན་ལན་གསུམ་མཐར། །ཕ་ཧ་ཧ་བརྗོད་རླུང་བཏང་བར་འབེབས་གསུམ། རླུང་གི་སྦྱོར་བས་སོགས། ༈ སེང་གེ་རྣམ་རོལ་ལུས་གནད་རླུང་བཟུང་འཕྲལ། །ཁུ་ཚུར་པུས་སྟེང་ཡར་ཁྱེར་མཆན་རྡེབ་འཕྲལ། །མཆན་རྡེབ་རྒྱག་ལག་པ་ཤེད་བརྐྱང་ནས་ཁ་སྣ་བཀག ཐད་བརྐྱང་ཚུར་བསྐུམ་སྲིན་ལག་མཐེའུ་ཆུང་གིས། །ཁ་བཀབ་གུང་མོས་སྣ་དང་མཛུབ་མོས་མིག །བཀབ་ཅིང་མཐེ་བོང་རྣ་བ་བཀབ་ནས་སུ། །རོ་སྟོད་གཡས་སྐོར་གཡོན་སྐོར་གསུམ་གསུམ་དང་། འཁོར་ལོ་ལྟ་བུར་ཤིན་ཏུ་བསྐོར། མ་ཧ་ཧ་བརྗོད་རླུང་བཏང་བར་འབེབས་གསུམ། སྤྱི་བོའི་ཧཾ་ལས་སོགས། །སྙན་བརྒྱུད་དྲུག་ལས་སེང་གེ་བརྩེ་བ་ནི། །རླུང་ནི་རང་བབས་སེམས་སྐྱིལ་ལག་གཉིས་བསྣོལ། །གཡོན་པས་རྐང་གཡས་ལོང་བུ་བསྡམ་གཡས་པས། །བོལ་མཐིལ་ནས་བཟུང་རྐང་གཡོན་བསྐུམ་འོག་སྒོར། །

― KMC016_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་ལ་ཧ་འདྲེན་གྱེན་འཐེན་ལྷོད་ལན་གསུམ། །རྐང་ལག་གཡས་གཡོན་བརྗེས་ལ་གོང་ལྟར་བཅས། །ཧ་སྤྲུགས་འཕུར་འདོན་སྟག་མོ་སྐྱུགས་པ་ནི། །རླུང་ནི་རང་བབས་རྡོར་སྐྱིལ་འོག་ལག་གཉིས། །ཕྱིར་བསྟན་སྦུབ་ལ་ཧ་སྐྱུགས་ཚུལ་རྡོར་སྐྱིལ། །མདུན་རྡེབ་དང་བཅས་གསུམ་མཐར་རྡོར་སྐྱིལ་བཤིག །ཧ་སྤྲུགས་འཕུར་འདོན་གླང་ཆེན་འགྱིང་ལུས་གནད། །རླུང་བཟུང་རྡོར་སྐྱིལ་བཤིག་ལ་རྐང་པ་གཉིས། །མདུན་བརྐྱང་ལག་གཉིས་ཕྱིར་སྦུབ་བརྐྱང་ནས་སུ། །རྐང་པའི་ལོང་བུའི་ཕྱི་ནས་ཡར་གཞར་ལ། །སྙན་བརྒྱུད་དྲུག་དགོས་རིགས་ལ་འདི་ལྟར། ཡར་ལངས་མཆན་རྡེབ་རྐང་ལག་སར་བཙུགས་སྒུར། །རྐང་པའི་བར་ལ་འཁྱུད་གང་བཞག་ལ་གཡོན། ཁུ་ཚུར་སྟེང་དུ་གཡས་བཞག་གཡོན་རྒུར་ཞིང་། །གྱེན་འཐེན་གསུམ་དང་འཕོངས་ཚོས་རྐང་རྟིང་བརྡེག །གསུམ་བཅས་ཡར་ལངས་སྔར་ལྟར་སྒུར་སོགས་བཅས། །གསུམ་མཐར་འབེབས་ཆེན་ཧ་སྤྲུགས་འཕུར་འདོན་ནོ། །རུས་སྦལ་བསྐུམ་ནི་ལུས་གནད་སོགས་སྔར་བཞིན། །ཡར་ལངས་མཆན་

― KMC016_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

རྡེབ་རྐང་གཉིས་བར་གྲུ་གང་། །བཞག་ལ་ལག་གཉིས་བརླ་ནང་ཕྱིར་འཁྱུད་ནས། །རྐང་མཐེབ་བཟུང་ལ་དགང་འདྲེན་གཡས་གཡོན་དབུས། །དང་པོ་གཡས། དེ་ནས་གཡོན། དེ་ནས་དབུས། དེ་ནས་འཕར་འདར། ཡང་དེ་ནས་གཡོན། གཡས། དབུས། འཕར་འདར། ཡང་གཡས། གཡོན། དབུས། འཕར་འདར་བྱའོ། །འཐེན་ཞིང་ལུས་སྟོད་འཕར་འདར་གསུམ་འབེབས་ཆེན། །སྔར་ལྟར་བྱ་ཞིང་རྨ་བྱ་འཕུར་ལའང་། །ལུས་གནད་ལ་སོགས་གོང་བཞིན་ཡར་ལངས་ནས། །མདུན་ངོས་རྟིང་སིག་རྟིང་སིག་ཞེས་པ་ཅུང་ཟད་འཕར་ཉམས་ལྟ་བུའོ། །ཕྱིར་སྒུར་ལག་གཉིས་ཀྱིས། །རྐང་གཉིས་མཐེ་བོང་དམ་བཟུང་མགོ་བཀུག་ནས། །འཕོངས་སར་བཙུགས་ནས་རྐང་གཉིས་དྲང་པོར་གྱེན། །བརྐྱང་ལ་བཟུང་ནས་དེ་དང་ཡར་ལངས་ནས། །ཕྱིར་སྒུར་ལ་སོགས་ལན་གསུམ་རྗེས་འབེབས་ཆེན། །སྔར་ལྟར་བྱས་ལ་བྱ་རྒོད་འཕུར་ཇི་བཞིན། །ལུས་གནད་རིགས་འགྲེས་གཏུམ་མོ་བཅོ་བརྒྱད་ནང་། །བྱ་རྒོད་འཕུར་དང་མཚུངས་ཤིང་ལན་གསུམ་མཐར། །འབེབས་ཆེན་ཧ་སྤྲུགས་འཕུར་

― KMC016_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན་ངལ་བསོ་ཞིང་། །མཉམ་གཞག་ངོ་བོ་སྐྱོང་སོགས་ཀུན་ལ་འགྲེའོ། ༈ །འདི་མཚམས་སྙན་བརྒྱུད་ཡན་ལག་སོ་དགུ་མ་དང་། དེ་ནས་གངས་སེང་མ་དང་། རྗེ་མི་ལའི་རྩུབ་ཤིང་གཉིས་རྒྱོབ་དགོས། དེ་ནས་རྐྱང་འབེབས་ལུས་གནད་རླུང་བཟུང་ནས། །རྡོར་སྐྱིལ་བཤིག་ལ་ཡར་ལངས་རྐང་པ་གཤིབ། །ལག་གཉིས་ཐུར་བརྐྱང་ལུས་པོ་འཕང་བའི་ཚུལ། །སར་བརྡབ་རྐང་བརྐྱང་ལུས་སྟོད་དྲང་པོའི་ངང་། །ཡར་ལངས་ཕྱིར་འཕང་དེ་ལྟར་གསུམ་གྱི་མཐར། །འབེབས་ཆེན་ཧ་སྤྲུགས་འཕུར་འདོན་སླར་ཡང་ནི། །འབེབས་ཆེན་ལུས་གནད་རླུང་བཟུང་ཡར་ལངས་ནས། །རྐང་གཉིས་གཤིབ་པའི་འབེབས་ཆེན་ཅི་ནུས་དང་། །རྐང་གཉིས་བསྒྲད་པའི་འབེབས་ཆེན་ཅི་ནུས་དང་། །རྐང་གཉིས་བསྣོལ་བའི་འབེབས་ཆེན་ཅི་ནུས་བཅས། ༈ །བརྐྱང་བསྐུམ་འབེབས་ལ་ལུས་གནད་རྡོར་སྐྱིལ་བཤིག །སེམས་སྐྱིལ་པུས་མོ་ལག་རྒྱབ་གདན་ལ་བརྡབ། །རྐང་གཉིས་མདུན་བརྐྱང་ལག་གཉིས་པུས་མགོར་སྦུབས། །ཡར་བསྐུམ་ལག་གཉིས་འཁྱུད་རྒྱ་རྐང་གཉིས་བསྣོལ། །ལངས་

― KMC016_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་འབེབས་ཆེན་སླར་ཡང་དེ་བཞིན་གསུམ། །ཧ་སྤྲུགས་འཕུར་འདོན་རླུང་གེགས་སེལ་བ་ནི། །ལུས་གནད་རླུང་བཟུང་ཁུ་ཚུར་བརླར་སྦུབས་ཤིང་། །མིག་གིས་གཡས་བལྟ་གཡོན་བལྟ་དབུས་བལྟས་ལ། །ཧ་ཧ་ཧ་བརྗོད་དེ་བཞིན་གཡས་གཡོན་སོགས། །གཞིལ་བྱས་རྡོར་སྐྱིལ་བཤིག་ལ་ལག་གཉིས་ཀྱིས། །བར་འབེབས་དང་། རྡོ་རྗེ་རྩེ་གཅིག་གི་རྒྱ་སྙིང་གར་བརྡེག་པ། ངག་ནས་ཧ་བརྗོད་པ་དང་གསུམ་དུས་མཉམ་དུ་བྱ་དགོས། རྡོ་རྗེ་རྩེ་གཅིག་ཕྱག་རྒྱ་གྱེན་བརྐྱང་བསྐུམ། །བར་འབེབས་དང་སྦྲགས་ཧ་འདོན་དེ་ལྟར་དུ། །དྲུག་གམ་བདུན་མཐར་ཧ་སྤྲུགས་འཕུར་འདོན་ནོ། །གོང་གི་སྔོན་འགྲོའི་རྩ་ཁྲུས་ལྟར་ལ་བྲང་རྡེབ་དང་མཆན་རྡེབ་སོགས་ཐམས་ཅད་རེ་རེ་བྱ་བ་བསྡུས་པའི་ལུགས་སོ། །ཡང་ན་གེགས་སེལ་སེམས་སྐྱིལ་པུས་མོའི་རྐང་གཡས་ཀྱིས་གཡོན་དང་། སྟེང་། །ཁུ་ཚུར་སྦུབས་ལ་གཞོགས་གཡས་གཡོན་བཅས་དཀྱུ། དང་པོ་གཡས་ཕྱི་གཡོན་ནང་། དེ་ནས་གཡས་ནང་གཡོན་ཕྱི། དེ་ནས་གཡོན་ནང་གཡས་ཕྱིར་བསྒྱུར། །པུས་བྲང་འཕྲོད་ཙམ་དེ་བཞིན་གསུམ་བྱའོ། ༈ །རྗེས་རིམ་ཡན་ལག་ལྔ་སྦྱང་

― KMC016_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་པ་དང་། །ལུགས་གཅིག་ལ་བཀྲ་ཤིས་ནི། སེམས་སྐྱིལ་མདུན་དུ་ཁུ་ཚུར་བརྩེགས་ཧཱུྃ་ཞེས་ལན་གསུམ་གྱེན་ལ་འཐེན་འབྲིང་ཐ་མ་ཧ་སྤྲུགས་འཕུར་འདོན་བྱའོ། །དེ་ནས་ལུས་ཀུན་མཉེ་འཕུར་བྱའོ། །མཐའ་རྟེན་སེམས་སྐྱིལ་རྐང་གཡས་ལོང་བུའི་སྟེང་། ཁུ་ཚུར་གཉིས་བརྩེགས་ཧཱུྃ་སྒྲས་ལན་གསུམ་དུ། །གྱེན་འདྲེན་དེ་མཐར་ཧ་སྤྲུགས་སིལ་སིལ་དང་། །ཡན་ལག་ཉིང་ལག་འཕུར་འདོན་དྲག་ཏུ་བྱ། །གཞན་ཡང་གེགས་སེལ་ནཱ་རོའི་གཟེར་ལྔ་དང་། །མར་པའི་ལྔ་བཅུ་པ་སོགས་ལས་གསལ་ཞིང་། །ཀུན་གྱི་སྙིང་པོ་གནས་ལུགས་གཉུག་མའི་དོན། རང་སེམས་ངོ་བོ་སྐྱོང་བ་མཆོག་ཏུ་གསུངས། །དེ་ལྟར་རྡོར་འཆང་དགོངས་པའི་ཟབ་གནད་མཆོག །འཕགས་ཡུལ་གྲུབ་བརྙེས་རིམ་བརྒྱུད་ལོ་ཙཱ་ཆེར། །གདམས་པའི་མན་ངག་ཡང་རྩེ་འཕྲུལ་འཁོར་གྱི། །ལུས་སྦྱོང་འབད་པས་རྩ་མདུད་རང་སར་གྲོལ། །རླུང་ལ་དབང་ཐོབ་ཐིག་ལེ་བརྟན་ནས་སུ། །བདེ་སྟོང་ཡེ་ཤེས་ཟག་མེད་ཏིང་འཛིན་རྒྱས། །ཚེ་གཅིག་ཆོས་སྐུའི་གོ་འཕང་བདེ་བླག་ཏུ། །ཐོབ་བྱེད་ཚེགས་ཆུང་དོན་ཆེན་གནས་སུ་

― KMC016_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས། །ལམ་འདིར་ཞུགས་པའི་སྐལ་ལྡན་རྣམས། །ལམ་བཟང་མ་ནོར་འདིར་འབད་ན། །ལམ་གྱི་མཐར་ཐུག་ཕྱག་རྒྱ་ཆེའི། །ལམ་མཆོག་མངོན་དུ་རྟོགས་པར་འགྱུར། །ཅེས་པའང་གོང་མ་རྣམས་ཀྱི་གསུང་རྒྱུན་བཞིན། ༧སི་ཏུ་པདྨ་ཉིན་བྱེད་དབང་པོས་ཟིན་ཐོར་སྤེལ་བ་དགེ། །མངྒ་ལཾ། རྗེས་སུ་གཉུག་མའི་ཤེས་སོགས་འདོན་ནས་མཉམ་གཞག་བྱ། །དེ་ནས་སྐྱེ་བ་ཀུན་ཏུ་སོགས་བྱའོ། །ཨེ་ཀ་པྲྀཙྪ་བི་ཤུདྡྷ་སྟི།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཟབ་མོ་ནཱ་རོའི་ཆོས་དྲུག་གི་ཉམས་ལེན་ཐུན་ཆོས་བདུད་རྩིའི་ཉིང་ཁུ་ཞེས་བྱ་བ་སྒྲུབ་བརྒྱུད་ཀརྨ་ཀཾ་ཚང་གི་དོན་ཁྲིད།

― KMC016_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་མོ་ནཱ་རོའི་ཆོས་དྲུག་གི་ཉམས་ལེན་ཐུན་ཆོས་བདུད་རྩིའི་ཉིང་ཁུ་ཞེས་བྱ་བ་སྒྲུབ་བརྒྱུད་ཀརྨ་ཀཾ་ཚང་གི་དོན་ཁྲིད་བཞུགས་སོ། །

― KMC016_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་ཡི་དམ་ལྷན་ཅིག་སྐྱེས་མའི་ཞབས་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །དགོངས་པ་དགྲོལ་བ་དང་རྗེས་སུ་གནང་བར་མཛད་དུ་གསོལ། སྒྲུབ་བརྒྱུད་རིན་པོ་ཆེ་ཀརྨ་ཀཾ་ཚང་གི་ཕྱག་བཞེས་རྫོགས་རིམ་ཟབ་མོ་ནཱ་རོའི་ཆོས་དྲུག་མདོར་བསྡུས་ཏེ་ཉམས་སུ་བླང་བར་འདོད་པས། ལེན་ཚུལ་སྦྱོར་དངོས་རྗེས་གསུམ་ལས། དང་པོ་ནི་བླ་མ་མཚན་ཉིད་དང་ལྡན་པ་ལས། བླ་མེད་བདེ་དགྱེས་ལྟ་བུའི་དཀྱིལ་འཁོར་དུ་དབང་ལེགས་པར་བླངས་བ་སྔོན་དུ་སོང་ནས། བསམ་གཏན་གྱི་ཚེར་མ་

― KMC016_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་གནས་སུ། དལ་འབྱོར་རྙེད་དཀའ་སོགས་ཐུན་མོང་གི་སྔོན་འགྲོ་ལ་བློ་སྦྱངས། སེམས་ཅན་ལ་བཟོད་གླགས་མེད་པའི་སྙིང་རྗེ་བསྐྱེད་པས་རྒྱུད་བསྐུལ་ཏེ། སྐྱབས་འགྲོ་སེམས་བསྐྱེད་སྔོན་དུ་བཏང་ནས་རང་གི་སྤྱི་བོར་ཟླ་གདན་གྱི་སྟེང་འོད་ཀྱི་གུར་ཁང་དབུས་སུ་བླ་མ་རྡོ་རྗེ་སེམས་དཔའ་འོད་ཀྱི་སྐུ་ཅན། ཁ་དོག་དཀར་བ། ཞལ་གཅིག་ཕྱག་གཉིས། གཡས་ཀྱིས་རྡོ་རྗེ་རྩེ་ལྔ་པ་ཐུགས་ཀར་འཛིན་ཅིང་། གཡོན་པས་དྲིལ་བུ་དཀུར་བརྟེན་པ། འགྱིང་བ་དང་བཅས་པས་བཞུགས་པ་ལ་མོས་གུས་དུང་

― KMC016_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་པས། དེའི་སྐུ་ལས་བདུད་རྩིའི་རྒྱུན་འོ་མ་ལྟ་བུ་བྱུང་རང་གི་ཚངས་བུག་ནས་ཞུགས། ལུས་ཐམས་ཅད་གང་བས་རྣམ་སྨིན་གྱི་ཕུང་པོ་གདོས་བཅས་ཀྱི་ཆ་སྦྲུལ་གྱི་ཤུན་པ་བརྗེས་པ་ལྟར་སོང་། ལུས་ཕྱི་ནང་སྒྲིབ་མེད་ཤེལ་སྒོང་ཕྱིས་པ་ལྟར་གྱུར། ཐོག་མེད་ནས་བསགས་པའི་སྡིག་སྒྲིབ་ཐམས་ཅད་དག་པར་མོས་ལ། ངག་ཏུ། སྤྱི་བོར་ཟླ་གདན་འོད་ཀྱི་གུར་ཁང་དབུས་། །བླ་མ་རྡོ་རྗེ་སེམས་དཔའ་རབ་དཀར་བ། །དེ་ལ་མོས་གུས་བྱས་པས་བདུད་རྩི་བབས། །རྣམ་སྨིན་ལུས་སྦྱངས་སྡིག་སྒྲིབ་དག་པར་གྱུར། ཅེས་བརྗོད་པས་གསལ་བཏབ་ནས་ཡི་གེ་བརྒྱ་པ་མང་དུ་འདོན། མཐར་རྡོ་རྗེ་སེམས་དཔའ་རང་ཉིད་ལ་ཐིམ་པར་མོས་ཏེ་ཐུན་བསྡུའོ། ༡ དེ་ནས་བྱིན་རླབས་མྱུར་དུ་འཇུག་པའི་ཕྱིར་བླ་མའི་རྣལ་འབྱོར་བསྒོམ་པ་ནི། རྟེན་མེད་པའི་ནམ་མཁར་ཨ་ཧཾ་ཞེས་སྟོང་པའི་སྒྲ་གྲགས་པའི་རྐྱེན་གྱིས་སྣོད་བཅུད་ཞུ། སླར་སྣང་ལ་རང་བཞིན་མེད་པའི་གཞལ་ཡས་ཁང་གི་དབུས་སུ་རང་ཉིད་བཅོམ་ལྡན་འདས་ཧེ་རུ་ཀ་སྐུ་མདོག་མཐིང་ག་ཞལ་

― KMC016_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཕྱག་གཉིས་ཀྱིས་རྡོ་རྗེ་དྲིལ་བུ་འཛིན་པས་ཡུམ་རྡོ་རྗེ་རྣལ་འབྱོར་མ་དམར་མོ་གྲི་ཐོད་འཛིན་པ་གཡོན་བརྐྱངས་གཡས་བསྐུམ་གྱིས་འཁྲིལ་བ་ལ་འཁྱུད་པ་རལ་པའི་ཐོར་ཚུགས་རིན་པོ་ཆེ་དང་སྣ་ཚོགས་རྡོ་རྗེ་དང་ཟླ་བ་ཕྱེད་པས་སྤྲས་པ། ཐོད་སྐམ་ལྔའི་དབུ་རྒྱན་རིན་པོ་ཆེའི་རྩེ་བྲན་རློན་པ་ལྔ་བཅུའི་དོ་ཤལ་འཕྱང་བ། གཡས་བརྐྱངས་ཀྱིས་བཞུགས་པའི་སྤྱིབོར་བླ་མ་རྡོ་རྗེ་འཆང་སྔོན་པོ་རྡོ་རྗེ་སྐྱིལ་ཀྲུང་གིས་བཞུགས་པ་རྡོ་རྗེ་དང་དྲིལ་བུ་འཛིན་པ་ལ་ཡུམ་རྡོ་རྗེ་ཕག་མོ་དམར་མོ་གྲི་ཐོད་འཛིན་པས་པདྨའི་འདུག་སྟངས་ཀྱིས་འཁྱུད་པ། འོད་ཟེར་འབར་བའི་ཀློང་ན་པདྨ་དང་ཟླ་བའི་གདན་ལ་གནས་པར་བསམ། དེ་ནས་རང་གི་ལུས་ལས་འོད་འཕྲོས། སེམས་ཅན་ཐམས་ཅད་མཆོད་པའི་ལྷ་མོར་གྱུར་པས་མཆོད་པར་བསམས་ནས། དེ་རྣམས་གསལ་གདབ་པའི་ཕྱིར་ངག་ཏུ། མཁའ་ལས་ཨ་ཧཾ་སྟོང་པའི་སྒྲ་གྲགས་པས། །རང་ཉིད་ཧེ་རུ་ཀར་གསལ་སྤྱི་གཙུག་ན། །བླ་མ་ཡུམ་བཅས་དགྱེས་པར་བཞུགས་པ་ལ། འགྲོ་ཀུན་

― KMC016_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་ལྷར་གྱུར་པས་མཆོད་པ་བྱས། །ཞེས་གསལ་བཏབ་ནས་ངག་ཏུ། སངས་རྒྱས་ཀུན་འདུས་བླ་མའི་དྲུང་། །གླིང་བཞི་རི་རབ་བཅས་པ་དང་། །ཞེས་པ་ནས། མོས་བློས་གོང་མ་རྣམས་ལ་འབུལ། །འགྲོ་ཚོགས་སྒོ་གསུམ་ལོངས་སྤྱོད་དང་། །དགེ་ཚོགས་འབུལ་གྱིས་བཞེས་སུ་གསོལ། །ཕྱི་ཡི་མཆོད་པ་སྣ་ཚོགས་དང་། །སྟོང་ཆེན་རྟོགས་པར་བྱེད་པའི་རོ། །དྲི་ཆུ་དྲི་ཆེན་རཀྟ་དང་། ཁུ་ཀླད་བདེ་ཆེན་འབར་བའི་རོ། །མི་རྟ་ཁྱི་བ་གླང་པོའི་ཤ །ཡེ་ཤེས་བདུད་རྩི་དག་པ་ཅན། །དཔལ་ལྡན་བླ་མ་མཆོག་ལ་འབུལ། །བྱིན་གྱིས་བརླབ་པར་མཛད་དུ་གསོལ། །མཆོད་ལྷ་བླ་མའི་ཡུམ་ལ་ཐིམ། །ཡབ་ཡུམ་གཉིས་མེད་སྦྱོར་བ་ཡིས། །གསང་བ་བདེ་སྟོང་མཆོད་པས་དགྱེས། །མཚར་སྡུག་འོད་དུ་འབར་བར་གྱུར། ཞེས་འདོན་བསྒོམ་བྱས་ནས། དབང་བསྐུར་བའི་དོན་དུ། ཨེ་མ་ཧོ་ཨེ་མ་ཧོ་ཆོས། །ཨེ་མ་ཧོ་ཆོས་ཀྱི་དོན་འབྱུང་བ། །ཆོས་དོན་དག་པ་བདག་མེད་པ། །རྡོ་རྗེ་རྒྱལ་པོར་ཕྱག་འཚལ་འདུད། །ནམ་མཁའི་རྡོ་རྗེ་དེང་བདག་སྩོལ། །ཞེས་གསོལ་

― KMC016_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བཏབ་པས་བླ་མ་ཡབ་ཡུམ་སྙོམས་འཇུག་གི་སྒྲས་ཕྱོག་བཅུའི་སངས་རྒྱས་ཐམས་ཅད་བསྐུལ་ཏེ། འདུས་པ་བླ་མའི་ཐུགས་ཀར་བཞུགས། བྱང་ཆུབ་ཀྱི་སེམས་སུ་ཞུ་བ་རྡོ་རྗེའི་ལམ་ནས་ཡུམ་གྱི་པདྨར་སྤྲོས་ཏེ་ཡུམ་གྱི་སྐུའི་དཀྱིལ་འཁོར་པ་ཐམས་ཅད་མཆོད། སླར་རྡོ་རྗེ་བུང་བས་ཡུམ་གྱི་སྐུའི་དཀྱིལ་འཁོར་པ་ཐམས་ཅད་བདུད་རྩིའི་ངོ་བོར་བཞུས་པའི་སྦྲང་རྩི་ལེགས་པར་བཏུང་བ་སྦྱོར་མཚམས་ནས་བབས། བདག་གི་ཚངས་བུག་ནས་ཞུགས་རྩ་དབུ་མའི་ནང་ནས་ཞུགས། རྩ་སྟོང་ཕྲག་བདུན་ཅུ་རྩ་གཉིས་ཀྱི་བར་ཁྱབ་པར་སྤྲོས་པས་བུམ་དབང་ཐོབ། རྩ་དག་པ་སྐུ་རྡོ་རྗེ་མངོན་དུ་བྱས། བདུད་རྩིའི་ཆུ་ཞབས་ཡར་འཁྱིལ་བས་བླ་མ་ཡབ་ཡུམ་སྔར་བས་མཚར་སྡུག་འོད་དུ་ཆགས་པར་གྱུར། དེ་ནས་བླ་མ་ཡབ་ཡུམ་འོ་བྱེད་པ་དང་། འཁྱུད་པ་དང་། དཀུ་རྩ་འཚིར་བ་དང་། རྡོ་རྗེ་དང་པདྨ་དྲག་ཏུ་སྲུབ་པའི་སྦྱོར་བས་བྱང་ཆུབ་ཀྱི་སེམས་དཀར་དམར་ཆུ་བོའི་རྒྱུན་ལྟ་བུ་བྱུང་། བདག་ཉིད་ཀྱི་ལྕེ་རྡོ་རྗེ་རྩེ་གསུམ་པ་ནས་བྱོན།

― KMC016_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པའི་ཡི་གེ་ཡ་ར་ལ་ཝ་ནས་བརྒྱུད་རླུང་བཅུས་བསྡུས་པའི་ཉི་ཁྲི་ཆིག་སྟོང་གི་བར་ཁྱབ་པར་སྤྲོས་པས་གསང་དབང་ཐོབ། རླུང་དག་པ་གསུམ་རྡོ་རྗེ་མངོན་དུ་བྱས། དེ་ནས་བླ་མའི་ཡུམ་ལས་ཕག་མོ་གཉིས་པ་ཆད། བདག་ཉིད་ཧེ་རུ་ཀར་གནས་པའི་ཡུམ་ལ་ཐིམ། ཧེ་རུ་ཀ་ཡབ་ཡུམ་སྦྱོར་བ་མཛད་པས་བྱང་སེམས་སྤྱི་གཙུག་ནས་མགྲིན་པའི་བར་བབས་པས་དགའ་བ། དེ་ནས་རྡོ་རྗེས་པདྨ་དཔྱིས་ཕྱིན་པར་ཕུག་པས་བྱང་སེམས་སྙིང་གར་བབས་པས་མཆོག་དགའ། དེ་ནས་འོག་རླུང་བསྡམས་པས་འཛག་པ་བཅིང་ཞིང་བྱང་སེམས་ལྟེ་བར་བབས་པས་ཁྱད་དགའ། དེ་ནས་རྡོ་རྗེས་དལ་བུས་པདྨའི་ཟེའུ་འབྲུ་ལེགས་པར་འཇིབས་པས་ཁམས་དྭངས་མ་ཞུ་བ་འཛིན་ཞིང་བྱང་སེམས་གསང་བའི་རྩེ་མོའི་བར་ཁྱབ་པར་སྤྲོས་པས་ལྷན་སྐྱེས་ཀྱི་དགའ་བ་མྱོང་། ཤེས་རབ་ཡེ་ཤེས་ཀྱི་དབང་ཐོབ། ཐིག་ལེ་དག་པ་ཐུགས་རྡོ་རྗེ་མངོན་དུ་བྱས། དེ་ནས་བདག་ཉིད་ཀྱི་རྒྱུད་ལ་སྐྱེས་པའི་བདེ་བ་ཆེན་པོའི་ཡེ་ཤེས་ཆོས་ཉིད་བརྗོད་མེད་རྟོག་བྲལ་གྱི་

― KMC016_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

མྱོང་བ་དང་། བླ་མ་རྡོ་རྗེ་འཆང་ཡབ་ཡུམ་གྱི་ཐུགས་གཉིས་སུ་མེད་པའི་བདེ་བ་ཆེན་པོར་ཡེ་ཤེས་གཉིས་སྤྲོས་བྲལ་རོ་གཅིག་ཏུ་བསྲེ། ལམ་གྱི་རྣམ་པར་མི་རྟོག་པའི་ཡེ་ཤེས་འབྲས་བུ་མི་རྟོག་ཡེ་ཤེས་ཀྱི་ངོ་བོར་བརྒྱུད། བརྟན་གཡོའི་ཡེ་ཤེས་ཀྱི་བར་ཁྱབ་པར་སྤྲོས་པས་དབང་བཞི་པ་ཐོབ། རྣམ་ཤེས་དག་པ་བདེ་ཆེན་གྱི་སྐུ་མངོན་དུ་བྱས། དེ་ནས་བླ་མ་ཡབ་ཡུམ་གྱི་རྡོ་རྗེ་ཐུགས་ཀྱི་དམ་ཚིག་སྤྱི་བོ་དང་སྙིང་གར་བརྟན། དྲིལ་བུ་གསུམ་གི་དམ་ཚིག་མགྲིན་པ་དང་གསང་བར་བརྟན། ཕྱག་རྒྱ་སྐུའི་དམ་ཚིག་དབུ་མ་རྣམ་དག་ཏུ་བརྟན་པས་རྡོ་རྗེ་སློབ་དཔོན་བདག་པོ་ཆེན་པོའི་དབང་ཐོབ། ཕྲིན་ལས་རབ་འབྱམས་བསྒྲུབ་པ་ལ་འཁོར་བ་ཇི་སྲིད་པ་དེ་སྲིད་དུ་སྡོད་པའི་ང་རྒྱལ་བྱས་ནས། དེ་རྣམས་གསལ་གདབ་པའི་ཕྱིར་ངག་ཏུ། བླ་མ་ཡབ་ཡུམ་སྙོམས་ཞུགས་བདུད་རྩི་ཡིས། །རྩ་གང་བྱང་སེམས་རྒྱུན་གྱིས་རླུང་རྣམས་སྦྱངས། མཉམ་སྦྱོར་དགའ་བཞི་མྱོང་ནས་ཆོས་ཉིད་རྟོགས། །དམ་ཚིག་གསུམ་བརྟན་དབང་ཐོབ་སློབ་དཔོན་གྱུར།

― KMC016_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བརྗོད་པས་གསལ་གདབ་ཅིང་བསྒོམས་ནས། སྐྱེ་བ་ཀུན་ཏུ་རིགས་བདག་མི་འཆོལ་ཞིང་། །བཅོམ་ལྡན་དྲག་པོའི་དཀྱིལ་འཁོར་འཛིན་བཞིན་དུ། །ཤེས་རབ་པདྨའི་བདུད་རྩི་འཐུང་བྱེད་ཅིང་། །བྱང་ཆུབ་སྙིང་པོར་སྲིད་པ་དག་བགྱིད་ཤོག །ཅེས་སྨོན་ལམ་བྱའོ། །དེ་དག་ནི་སྦྱོར་བའམ་སྔོན་འགྲོའི་མན་ངག་གོ ༢ །གཉིས་པ་དངོས་གཞིའི་རྣལ་འབྱོར་ལ་གཏུམ་མོ་སོགས་དྲུག་ལས། དང་པོ་ལ། །མ་ཟིན་པ་ཟིན་པར་བྱེད་པ། ཟིན་པ་བརྟན་པར་བྱེད་པ། །བརྟན་པ་བོགས་དབྱུང་བ་གསུམ་གྱི་དང་པོ་ལ། ཐོག་མར་སྟོང་ར་སྦྱོང་བ་ནི། ལུས་གནད་བདེ་བའི་སྟན་ལ་རྐང་པ་རེ་མིག་ལྟར་བསྣོལ། ལག་པ་མཉམ་བཞག་གི་ཕྱག་རྒྱ་བཙིར། སྒལ་ཚིག་མདའ་ལྟར་བསྲང་སྟེ། ལག་པའི་གྲུ་མོ་ནང་དུ་ཕུལ། དཔུང་པའི་འཕེལ་ཀ་ཕྱིར་སྐྱེད་པའི་གནད་ཀྱིས་དཔུང་པ་རྒོད་གཤོག་ལྟར་བརྒྱང་། མགྲིན་པ་ཡུད་ཙམ་དགུག །མིག་སྣ་རྩེར་གཏད། ལྕེ་མཆུ་རང་བབ་ཏུ་བཞག །ལུས་བསྲང་བའི་ཕྱིར་སྒོམ་ཐག་པུས་འོག་ནས་དྲངས་ཏེ་ཕྲག་པ་ལ་བཀོན་

― KMC016_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། བླ་མ་ལ་མོས་གུས་ཀྱིས་གསོལ་བ་གདབ། དེ་ནས། ༀ་ཨཱཿཧཱུྃ་ཀཱ་ཡ་ཝཱཀྩིཏྟ་ཛྙཱ་ན་བཛྲ་སྭ་བྷཱ་ཝ་ཨདྨ་ཀོ྅ཧཾ། ཞེས་བརྗོད་པས་ཁམས་གསུམ་པོའི་སྣོད་བཅུད་ཐམས་ཅད་ཡེ་ཤེས་ཀྱི་འཁོར་ལོའི་རྟེན་བརྟེན་པར་གྱུར་པའི་དབུས་ན་བདག་ཉིད་བཅོམ་ལྡན་འདས་རྡོ་རྗེ་རྣལ་འབྱོར་མ་སྐུ་མདོག་དམར་མོ་ལང་ཚོ་རྒྱས་པ་སྐུ་ཡི་གནས་མཐོ་བ་རྣམས་རྒྱ་སྐྱེགས་ཀྱིས་ཁ་བཀུག་པ་ལྟར་སྨུག་པ། མཆེ་བ་ཅུང་ཟད་གཙིགས་པའི་ཞལ་གཅིག་ཕྱག་གཉིས་ཀྱི་གཡས་ཀྱིས་གྲི་གུག་ཕྱར་བ། གཡོན་པས་ཐོད་པ་ཁྲག་བཅས་འཛིན་པ། ཧེ་རུ་ཀའི་ངོ་བོའི་ཁ་ཊྭཱཾ་ག་གྲུ་ུམོར་བརྟེན་པ། དབུ་སྐྲ་སུམ་ཆ་བཅིངས་ཤིང་ལྷག་མ་གྲོལ་བ། མི་མགོའི་ཕྲེང་བ་སེ་རལ་ཁ་བྱས་པ། ནུ་མ་དང་བྷ་ག་རྒྱས་ཤིང་སྦེད་པ། ཡེ་ཤེས་ཀྱི་མེ་དཔུང་འབར་བའི་དབུས་ན་པད་ཉི་དང་རོ་སེར་པོའི་སྟེང་དུ་གར་སྟབས་ཀྱིས་རོལ་པའི་སྐུའི་ནང་གསལ་དྭངས་རྙོག་པ་དང་བྲལ་བ་ནམ་མཁའི་ངོས་ལ་སྟོང་པའི་རི་མོས་བར་མ་ཆོད་པ་ལྟར་དམིགས་ཏེ། ངག་ཏུ། རང་ལུས་རྡོ་

― KMC016_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་རྣལ་འབྱོར་མ་ཡི་སྐུ། །དམར་ལ་སྨུག་པའི་མདངས་ཆགས་གྲི་ཐོད་འཛིན། །བྷ་ག་ནུ་མ་རབ་རྒྱས་གར་སྟབས་ཅན། །གསལ་དྭངས་རྙོག་པ་ཀུན་དང་བྲལ་བའོ། །ཞེས་འདོན་བསྒོམ་བྱའོ། ༣ དེ་ལྟར་སྣང་བརྙན་གྱི་སྐུ་སྒྲུབ་པའི་ཕྱིར་སྟོང་ར་ལེགས་པར་བསྒོམས་ནས། ད་ནི་རིགས་ལྡན་གྱི་གཞི་བཟུང་བ་རྩ་སྦྱང་བ་ནི། ལུས་གནད་གོང་ལྟར་ལ་དམིགས་པའང་རང་ཉིད་རྡོ་རྗེ་རྣལ་འབྱོར་མ་གོང་ལྟར་བསྐྱེད་པའི་སྐུའི་ནང་གི་དབུས་སུ་རྩ་དབུ་མ་སྔོན་པོ་ཤིན་ཏུ་དྲང་བ། ཡར་སྣ་སྣ་ཚོགས་རྡོ་རྗེའི་རྩི བས་ཅན་གྱི་འཁོར་ལོས་སྤྲས་པའི་ཚངས་བུག་གི་བར་དང་། མར་སྣ་གསང་བའི་པདྨར་ཟེའུ་འབྲུའི་ཚུལ་དུ་གནས་པ་གྲོ་སོག་འབྲིང་པོ་ཙམ་པ་གཡས་རོ་མ་དམར་པོ་དང་། གཡོན་རྐྱང་མ་དཀར་མོ་གཉིས་ཀྱང་དབུ་མའི་རང་ཚད་དང་མཉམ་པ་གྲོ་སོག་ཕྲ་ཤོས་ཙམ་པ། གསུམ་གའང་གཅིག་ལ་གཅིག་མ་རེག་པ་ཁང་སྟོང་དུ་ཀ་བ་བཙུག་པ་ལྟ་བུ་བསམ་མོ། །ལོང་སྐབས་ཆེ་བ་དང་དམིགས་པའི་གནད་དཀའ་བ་ལ་འདིར་ཐུན་གཅིག་བྱེད་པའམ་གཞན་དུ་མ་བྱས་ཀྱང་རུང་། མཆན།

― KMC016_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ལྟེ་བའི་འཁོར་ལོ་རྩ་འདབ་རེ་བཞི་དམར་པོ་ཁ་གྱེན་བསྟན་གྲུ་གསུམ་ཨེ་ཡིག་གི་དབྱིབས་ཅན། སྙིང་གའི་འཁོར་ལོ་རྩ་འདབ་བརྒྱད་ཁ་འོག་བསྟན་དཀར་པོ་ཟླུམ་པོ་ཝཾ་ཡིག་གི་དབྱིབས་ཅན། མགྲིན་པའི་རྩ་འདབ་བཅུ་དྲུག་དམར་པོ་ཁ་གྱེན་བསྟན་གྲུ་གསུམ་ཨེ་ཡིག་གི་དབྱིབས་ཅན། སྤྱི་བོའི་འཁོར་ལོ་རྩ་འདབ་སོ་གཉིས་ཁ་འོག་བསྟན་དཀར་པོ་ཟླུམ་པོ་ཝཾ་ཡིག་དབྱིབས་ཅན། དེ་རྣམས་ཀྱི་རྩ་སྣེ་གཡོགས་བཅས་སྒྲིབ་མེད་ཕྲ་སྦོམ་རོ་རྐྱང་ཙམ་པ་རོ་རྐྱང་དང་མ་འབྲེལ་བར་བསྒོམས་ཏེ། དེ་གསལ་གདབ་པའི་ཕྱིར་ངག་ཏུ། ལུས་ཀྱི་ནང་དབུས་དྷཱུ་ཏི་མཐིང་གསལ་དྲང་། །གསང་བའི་གནས་ནས་ཚངས་པའི་ཡུལ་སར་སླེབས། །རོ་རྐྱང་དེ་ཚད་དམར་དང་དཀར་བའི་མདོག །འཁོར་ལོ་བཞི་དང་བཅས་པ་ཤིན་ཏུ་གསལ། །ཞེས་འདོན་བསྒོམ་བྱ། ༤ །དེ་ནས་རླུང་སྦྱང་བའི་ཕྱིར་སྣ་བུག་གཉིས་ནས་རླུང་རང་འགྲོས་དྲན་རྩོལ་ཅུང་ཟད་ཆེ་ཙམ་གྱིས་ནང་དུ་བསྡུས་ནས་རྫོགས་པའི་མོད་དེ་ཉིད་དུ་ཐོག་མར་དལ་ཙམ་ལ་དེ་ནས་

― KMC016_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུགས་དྲག་པོས་རླུང་ལྷག་མ་མ་ལུས་པར་སངས་ཀྱིས་བུས། རྒྱ་མཚོ་རི་རབ་ལ་སྦྱར་ཏེ་དེའི་དུས། ཚེ་རབས་ཐོག་མ་མེད་པ་ནས་བསགས་པའི་སྡིབ་སྒྲིབ་ཐམས་ཅད་སྣ་བུག་གཉིས་དང་། གཞན་ཡང་ལུས་ཀྱི་བ་སྤུའི་བུ་ག་ཐམས་ཅད་ཁྲོལ་ཚགས་ལྟར་སེང་ངེ་ཡོད་པ་ནས་ཐོན་པས་སངས་ཀྱིས་དག། ལུས་ཤིན་ཏུ་དག་པ་མེ་ཤེལ་དྲི་མ་མེད་པ་ལྟ་བུ་ལ་སེམས་བཞག །དེ་ནས་ཡང་དལ་ལ་རིང་བར་བརྔུབས་ཏེ་མཆིལ་མ་ཞིག་མིད་པ་དང་མཉམ་དུ་ལྟེ་བར་མནན། སྲིན་ཞལ་ནང་དུ་སྡོམ་པའི་ཚུལ་གྱིས་འོག་རླུང་འཐེན་ནས། སྟེང་འོག་གི་རླུང་ལྷན་ཅིག་ལྟོ་བའི་སྨད་ཆ་ཐེར་བྱས་ལ་དགང་། གནོན་མི་བདེ་ཙ་ན་ལྟེ་བར་ཧྲིལ་བྱས་པ་དེ་ལུས་ཀྱི་ནང་རང་གནས་སུ་ཅུང་ཟད་ལྷོད་བྱས་ལ། བ་སྤུའི་བུ་ག་ཐམས་ཅད་ནས་སྔོ་སིབ་སིབ་སོང་བར་བསམས་ནས་གཞིལ། གནོན་མི་ཐུབ་སྙམ་ཙ་ན་སྤྱི་བཙུག་མདའ་ལྟར་འཕང་བ་སྟེ་ཐུན་མགོ་ལ་རེ་རེ་ཙམ་བྱེད་ཅིང་། གཞན་སྣ་བུག་ནས་སངས་བུས་ཏེ་སྤོས་རིང་དུད་པ་ལྟ་བུར་ཕྱིར་ཐོན། སོར་བཅུ་དྲུག་ཙམ་གྱི་

― KMC016_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའ་ལ་ཡལ་བར་བསམ། ཡང་སྡུད་དུས་འོད་ཀྱི་སྐུད་པ་འདྲ་བའི་རླུང་སོར་བཅུ་དྲུག་གི་ཐད་ཀྱི་ནམ་མཁའ་རང་ལས་བྱུང་། ནང་དུ་སྙིང་གའི་ཐད་ཀྱི་དབུ་མར་ཐིམ་པར་བསམ། ཕྱི་མ་འདི་ལ་རང་བཞིན་མདའ་ལྟར་འཕང་བའང་ཟེར། ཡང་གོང་གི་གཞིལ་བའི་སྐབས་སུ་ནང་གཞིལ་བྱེད་ན། རོ་རྐྱང་གི་རླུང་དྷཱུ་ཏིར་བཅུག །ཡུར་བ་ལ་ཆུ་དྲངས་པ་ལྟ་བུར་ལྟེ་སྙིང་གི་བར་གྱི་ཐད་ཙམ་དུ་སླེབ་པ་དང་ཡལ་བར་བསམས་ནས། དབུ་མའི་ནང་སྟོང་སང་ངེ་བ་ལ་སེམས་གཏད། འདི་ནི་གཞིལ་ཚུལ་མཆོག་ཡིན་ཡང་། ལས་དང་པོ་པ་ལ་རླུང་ཁུག་རིང་བ་ལ་ནི་སྔ་མ་ཕན་གི་འདུག་ཅིང་། ཕུགས་ཀྱི་ཡོན་ཏན་འོག་མ་འདི་ཆེ་སྟེ། དེ་ལྟར་རྔུབ། དགང་། གཞིལ། མདའ་ལྟར་འཕང་བ་བཞི་པོ་ལ་སྦྱོར་བ་བཞི་ལྡན་ཞེས་ཟེར་ཞིང་། འདིར་འདོན་བསྒོམ་སྦྲགས་མ་མི་བདེ་ཡང་། ཡིད་ཡུལ་དུ་གསལ་གདབ་པའི་ཕྱིར། རླུང་རོ་བསལ་བས་སྡིག་སྒྲིབ་ནད་གདོན་དག །དལ་བར་བརྔུབས་ཏེ་སྟེང་འོག་ཁ་སྦྱར་དགང་། །གནོན་པར་མི་བདེ་

― KMC016_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་ན་གཞིལ་བ་དང་། མི་ནོན་པ་ན་མདའ་ལྟར་འཕང་བའོ། །ཞེས་པའི་དོན་ངེས་པར་སྦྱང་སྟེ། དེ་ལ་གསང་གསུམ་གྱི་འགྲོས་རླུང་སྦྱང་བ་ཞེས་ཐ་སྙད་མཛད་དོ། ༥ །དེ་ནས་ཆུ་ཟླའི་གར་བསྒྱུར་བ་ཐིག་ལེ་སྦྱང་བ་ནི། སྟོང་ར་རྩ་གསལ་གདབ་ལ་སོགས་སྔོན་བཞིན་ལ་དབུ་མའི་ཡར་སྣ་ཚངས་བུག་ནས་སྨིན་མཚམས་ཀྱི་བར་སྣེ་བསྲིངས་ཏེ་གནས་པའི་སྨིན་མཚམས་རུས་པ་གྲུ་གསུམ་གྱི་ནང་དབུ་མའི་རྩ་སྣེར་རླུང་སེམས་ཀྱི་ངོ་བོ་ཐིག་ལེ་དཀར་ལ་འཚེར་བ་སྣུམ་ལ་འདྲིལ་བ་བདེ་བ་དང་ལྡན་པ་ཞིག་བསྒོམ་ཞིང་རླུང་སྦྱོར་དང་ལྡན་པས་གསལ་བཏབ། གསལ་ཐེབས་པ་དང་། རང་བཞིན་མདའ་ལྟར་འཕང་བའི་སྦྱོར་བ་དང་བསྟུན། ཐིག་ལེ་ཚངས་བུག་གི་ཐད་ཀྱི་དབུ་མའི་ནང་སེང་སྒྲ་དང་བཅས་ཤིང་བདེ་བའི་ཚོར་བ་དང་ལྡན་པར་སོང་ནས། དེར་གནས་པ་ལ་སེམས་བཞག །ཡང་རྔུབ་པའི་སྦྱོར་བ་དང་བསྟུན་ནས་ཐིག་ལེ་དབུ་མའི་ནང་དུ་མར་བྱུང་། དགང་བ་དང་བསྟུན། གསང་བའི་རྩེ་མོར་བདེ་ཕྲི་ལེ་གནས་པར་བསྒོམ། ཡང་རང་བཞིན་

― KMC016_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་ལྟར་འཕང་བ་དང་བསྟུན་སྤྱི་གཙུག་ཏུ་སོང་། རྔུབ་པ་དང་བསྟུན། སྨིན་མཚམས་སུ་གནས་པར་བསམ། དེ་ལྟར་འཁོར་མར་སྦྱང་ཞིང་ཐུན་འཇོག་པའི་ཚེ་སྨིན་མཚམས་སུ་ཐིག་ལེ་བསྡུས་ནས་འཇོག་སྟེ། དེ་ཉིད་གསལ་གདབ་པའི་ཕྱིར། སྨིན་མཚམས་ཐིག་ལེ་དཀར་འཚེར་སྣུམ་ལ་འདྲིལ། །རང་བཞིན་མདའ་ལྟར་འཕང་བས་སྤྱི་བོར་བཀོད། །བརྔུབས་པས་དྷཱུ་ཏིའི་ལམ་ནས་གསང་བར་སླེབས། །དེ་ལྟར་འབྱུང་ལྡོག་བྱས་པས་བདེ་བ་སྐྱེས། །ཞེས་གསལ་བཏབ་ནས་ཉམས་སུ་བླང་ངོ་། ༦ །དེ་ལྟར་མ་ཟིན་པ་ཟིན་བྱེད་ཀྱི་ཐབས་བསྟན་ནས། གཉིས་པ་ཟིན་པ་བརྟན་པར་བྱེད་པ་ལ་ལུས་གནད་སྔར་ལྟར་རླུང་སྦྱང་ཡན་ཆད་སྔོན་དུ་བཏང་། རང་ཉིད་ཀྱི་ལུས་ལྷ་སྐུ་གསལ་དྭངས་སུ་གོང་ལྟར་གསལ་བའི་ལུས་ཀྱི་ནང་དུ་རྩ་གསུམ་ལེགས་པར་གསལ་བཏབ་པའི་ལྟེ་འོག་སོར་བཞི་ཙམ་མན་ཆད་གསུམ་ག་ནང་གཅིག་ཏུ་གྱུར་པའི་ལྟེ་བའི་འོག་གསང་བའི་སྟེང་རྒྱུ་ཞབས་གཉེར་མཚམས་ཀྱི་ཐད་ཀྱི་དྷཱུ་ཏིའི་ནང་དུ་མེའི་ཆོས་

― KMC016_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་གི་དབུས་སུ་ཡེ་ཤེས་ཀྱི་གཏུམ་མོ་ཐིག་ལེའི་རྣམ་པ་ཁ་དོག་དམར་བ། རེག་བྱ་ཚ་བ། ངོ་བོ་མི་དམིགས་པ། རྣམ་པ་བདེ་བ་སྟེ་མཚན་ཉིད་བཞི་ལྡན་ཙ་ན་ཀའི་འབྲས་བུའི་ཚད་ཙམ། ཆེས་ཤིན་ཏུ་ཕྲ་བ་ཞིག་བསམས་ནས་བུམ་ཅན་གྱི་སྦྱོར་བ་བྱས་པས་མེ་ཤེད་སྐྱེས་ཤིང་། བདེ་བ་དང་ལྡན་པར་བསྒོམ། ༧ དེ་ལ་སེམས་ཟིན་པ་དང་། རླུང་སྦྱོར་གྱིས་མེ་ཤེད་ཇེ་ཆེར་བསྐྱེད་ནས་སྲན་མའི་རྡོག་པོ་ཙམ་པ། གཅན་གཟན་གྱི་སྤུ་ཙམ་གྱི་རྩེ་མོ་སུམ་འཁྱོག་ཏུ་ཡོད་པ་ལ་སེམས་གཏད། ༠ དེ་ལ་བརྟན་ནས་ཁབ་ཙམ་པ་སུམ་འཁྱོག་སྐད་ཅིག་ཀྱང་མི་སྡོད་པར་གཡོ་བ་དང་། ༠ དེ་འདྲ་བ་སོར་གཉིས་དང་། ༠ བཞི་ཙམ་པ་ལ་སེམས་སྦྱང་སྟེ། ཐིག་ལེའི་རྟགས་ཡོད་པ་འདི་རྣམས་ཐུན་སོ་སོའམ་དམིགས་ཐུན་བདུན་པར་བསྡུས་ཀྱང་རུང་ངོ་། །མེ་དེ་དག་ཀྱང་དམར་བ་ལ་སོགས་པ་མཚན་ཉིད་བཞི་ལྡན་རྩ་བ་སྡོམ་ལ་བརྟན་པ། རྩེ་མོ་ཕྲ་ཞིང་གཡོ་བ། དྷཱུ་ཏིའི་ནང་དུ་ཉུག་ཉུག་པ་ལ་སེམས་བཟུང་ངོ་། །འཁྲུལ་འཁོར་དྲུག་པ་བྱ་སྟེ། སྐེད་པ་གཡས་

― KMC016_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར་གཡོན་བསྐོར་གྱིས། །ལྟེ་བའི་རྩ་མ དུད་འགྲོལ་བ་ཡིན། །རོ་སྟོད་གཡས་གཡོན་གཅུད་པ་ཡིས། །སྙིང་གའི་རྩ་མདུད་འགྲོལ་བ་ཡིན། །མགྲིན་པ་བསྐོར་ཞིང་དགྱེ་དགུ་ཡིས། །སྤྱི་བོ་མགྲིན་པའི་རྩ་མདུད་འགྲོལ། །རྐང་ལག་བརྐྱང་བསྐུམ་བྱས་པ་ཡིས། །ཚིགས་ཀྱི་རྩ་མདུད་འགྲོལ་བ་ཡིན། །ལུས་སྤྲུགས་འཕུར་བསྲུབ་བྱས་པ་ཡིས། །རྩ་རྣམས་ཐམས་ཅད་འདུལ་བ་ཡིན། །ཞེས་སོ། །དམིགས་པ་དེ་དག་གསལ་གདབ་པའི་ཕྱིར། རྩ་གསུམ་འདུས་མདོར་མེ་ཡི་ཆོས་འབྱུང་དབུས། །ཡེ་ཤེས་གཏུམ་མོ་ཐིག་ལེ་ཤིན་ཏུ་ཕྲ། འདིར། ཡེ་ཤེས་གཏུམ་མོ་རྣོ་ལྡན་སྲན་མ་ཙམ། །ཞེས་དང་། ཡེ་ཤེས་གཏུམ་མོ་གསུམ་འཁྱོག་མོ་ཁབ་ཙམ། །ཞེས་དང་། ཡེ་ཤེས་གཏུམ་མོ་གསུམ་འཁྱོག་སོར་གཉིས་པ། །ཞེས་དང་། ཡེ་ཤེས་གཏུམ་མོ་གསུམ་འཁྱོག་སོར་བཞི་པ། །ཞེས་དམིགས་པ་དག་བསྟུན་ནས་འདོན་པ་བསྒྱུར། །ཁ་དོག་དམར་ལ་རེག་བྱ་རབ་ཏུ་ཚ། །ངོ་བོ་སྟོང་ཉིད་རྣམ་པ་བདེ་ཞིང་གསལ། །ཞེས་གསལ་གདབ་ཅིང་བསྒོམ།

― KMC016_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་ཟིན་པ་བརྟན་བྱེད་ཀྱི་མན་ངག་གོ །གསུམ་པ་བརྟན་པ་བོགས་དབྱུང་བ་ལ། དྲོད་ཀྱི་བོགས་དབྱུང་བ། བདེ་བའི་བོགས་དབྱུང་བ། མི་རྟོག་པའི་བོགས་དབྱུང་བ་གསུམ་གྱི་དང་པོ་ནི། དེ་ལྟར་གོང་དུ་བསྟན་པ་རྣམས་བསྒོམས་ཀྱང་མེ་དམིགས་སོགས་མི་གསལ་བའམ། གསལ་ཡང་བོགས་དབྱུང་བའི་ཕྱིར། ལུས་གནད་སྔར་ལྟར་རམ། ཡང་ན་རྐང་པའི་ལོང་བུ་གཉིས་བསྣོལ་ལ་པུས་མོ་སོ་སོར་བསླང་། ལག་གཉིས་བསྣོལ་བའི་གྲུ་མོ་པུས་སྟེང་དུ་བཙུག །ལག་མཐིལ་དཔུང་པ་གཡས་གཡོན་གྱི་སྟེང་དུ་སྦྱར་ཏེ། པུས་འཁྱུད་ཀྱིས་བཅིངས་པས་རྐང་པ་ལ་ཐབ་འགལ་གྲུ་གསུམ་གཉིས། ལག་པ་ལ་བཞི་སྟེ་དྲུག །ནང་དང་གསང་བའི་ཡང་དེ་ལྟར་དྲུག་ཡོད་པས་ཐབ་འགལ་གྱི་ཕྱག་རྒྱ་བཅོ་བ རྒྱད་བཅའ། དམིགས་པའི་གནད་རང་ཉིད་ལྷ་སྐུ་གསལ་དྭངས་རྩ་གསུམ་འཁོར་ལོ་བཞི་དང་བཅས་པ་སྔར་ལྟར་ལ། གཙུག་ཏོར་གྱི་སར་རྩ་གསུམ་ཡར་སྣེ་བསྲིངས་པའི་རྩེ་མོར་གཙུག་གྱི་འཁོར་ལོ་རྩ་འདབ་དགུ་པ། གསང་བའི་འཁོར་ལོ་

― KMC016_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་འདབ་སོ་གཉིས་པ། ཚིགས་ཆེན་གྱི་འཁོར་ལོ་བཅུ་གཉིས་ལ་རྩ་འདབ་བརྒྱད་རེ། ཚིགས་ཕྲན་གྱི་འཁོར་ལོ་རྣམས་ལ་རྩ་འདབ་བཞི་རེ་ཡོད་པར་བསྒོམས་པའི་རྩ་གསུམ་འདུས་མདོར་ཡེ་ཤེས་ཀྱི་གཏུམ་མོ་ཐིག་ལེའི་རྣམ་པ་གསལ་ཞིང་འབར་བའི་རྩེ་མོ་དྷཱུ་ཏིའི་ནང་དུ་ཞུགས་པར་བསམ་ཞིང་རླུང་སྦྱོར་གྱིས་གནད་དུ་བསྣུན་པས་དེ་ལས་མེ་དྲག་ཏུ་འབར། ལྟེ་བའི་འཁོར་ལོ་མན་ཆད་ཁྱབ་པར་བསྒོམ། དྲུག་སྐོར་གྱི་ཕོ་བ་གཡས་བསྐོར་གཡོན་བསྐོར་བྱ། དེ་བརྟན་ནས་སྙིང་ག་མན་ཆད་ཁྱབ་པར་བསྒོམ། རོ་སྟོད་གཡས་གཡོན་གཅུད་པར་བྱ། དེ་བརྟན་ནས་མགྲིན་པ་དང་སྤྱི་བོ་མན་ཆད་ཁྱབ་པར་བསྒོམ། མགྲིན་པ་བསྐོར་ཞིང་དགྱེ་དགུ་བྱ། དེ་བརྟན་ནས་ཡན་ལག་གི་འཁོར་ལོ་རྣམས་ཁྱབ་པར་བསྒོམ། ཡན་ལག་བརྐྱང་བསྐུམ་བྱ། དེ་བརྟན་ནས་རྩ་སྟོང་ཕྲག་བདུན་ཅུ་རྩ་གཉིས་སོགས་བ་སྤུའི་མཐར་ཐུག་པ་ཁྱབ་པར་བསྒོམ། ལུས་སྤྲུགས་འཕུར་བསྲུབ་བྱ། དེ་ལྟར་ཡེ་ཤེས་ཀྱི་མེ་འབར་བས་འཁོར་བའི་རྟེན་བྱེད་པའི་རྩ་

― KMC016_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དང་རྩ་མདུད་བརྟེན་པར་བྱེད་པའི་ཆ་ཐམས་ཅད་བསྲེགས། མཆོག་གི་དབུ་མ་མ་གཏོགས་ཕྱི་འཁོར་བའི་སྲོག་གི་རྟེན་བྱེད་པའི་དབུ་མའང་བསྲེགས་པར་མོས་ཏེ། གསལ་གདབ་པའི་ཕྱིར། རྩ་གསུམ་འཁོར་ལོ་དྲུག་དང་འཁོར་ཕྲན་བཅས། །གསལ་བའི་འདུས་མདོའི་གཏུམ་མོ་རབ་ཏུ་འབར། །གཙོ་མོ་གསུམ་གང་འཁོར་ལོ་རྣམས་ཀྱང་གང་། །བ་སྤུའི་བར་ཁྱབ་སླར་ཡང་འདུས་མདོར་བསྡུས། ཞེས་ཐུན་མཐར་འདུས་མདོའི་གཞིའི་གཏུམ་མོ་ལ་མེ་རྣམས་བསྡུས་ཏེ་མཉམ་པར་བཞག །སྐབས་འདིར་བོགས་འདོན་གྱི་ལུས་སྦྱངས་སོ་བདུན་མ་བྱ་བ་ནི། ས་གནོན་བྱས་ལ་ཕོ་བ་ནི། །གཡས་གཡོན་གསུམ་གསུམ་བསྐོར་བས་དྲུག །པུས་མོ་གཡས་པར་འཇུས་ནས་ནི། །དེ་བཞིན་དྲུག་དང་གཡོན་ལའང་དྲུག །མཐེ་བོས་སྲིན་རྩ་མནན་ནས་ཀྱང་། །གཡས་གཡོན་ཁུ་ཚུར་ཞགས་འཕེན་དྲུག །གཡས་གཡོན་མདའ་འགེངས་བྱེད་པ་དྲུག །གཡས་གཡོན་ལག་པའི་ནང་ཤེད་དྲུག །ལུས་ཀུན་སྤྲུགས་དང་སོ་བདུན་ནོ། །ཞེས་པ་ལྟར་རོ། ༨ །དེ་ནས་

― KMC016_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བའི་བོགས་དབྱུང་བའི་ཕྱིར། ལུས་གནད་དང་སྟོང་ར་རྩ་འཁོར་སྔ་མ་ལྟར་གསལ་བའི་བདེ་ཆེན་འཁོར་ལོའི་དབུས་དྷཱུ་ཏིའི་ནང་དུ་བདུད་རྩི་ཟླ་བ་བྱང་ཆུབ་ཀྱི་སེམས་དཀར་ཆའི་དཀྱིལ་འཁོར་ཟླ་བ་དྲི་མ་དང་བྲལ་བ་ལྟ་བུའི་ལྟེ་བར་ཧཾ་ཡིག་དཀར་པོས་མཚན་པ། ལྟེ་འཁོར་གྱི་དབུས་དྷཱུ་ཏིའི་ནང་དུ་ཙཎྜ་ལི་ཕྲ་ཞིང་ཕྲ་བ་གོང་བུའི་རྣམ་པ་ཅན་མཚན་ཉིད་བཞི་ལྡན་གསལ་བ་ལ་རླུང་སྦྱོར་གྱིས་གནད་དུ་བསྣུན་པས། དེ་ལས་སོར་གང་ལྷག་ཙམ་གྱི་མེ་འབར་བས་དེ་ཡིས་རེག་པས་སྤྱི་བོའི་ཧཾ་ཡིག་ཟླ་བ་དང་བཅས་པ་གཡོས། ཧཾ་ཡིག་ལས་བྱང་ཆུབ་སེམས་ཧཾ་ཡིག་མགོ་ཐུར་བསྟན་གྱི་རྣམ་པར་འཛག་པར་རྩོམ་པ་ན། ཡང་རླུང་རབ་ཏུ་དགང་ཞིང་མེ་སོར་གཉིས་ཙམ་དུ་འབར་བས་བྱང་སེམས་ཧཾ་ཡིག་མགོ་ཐུར་བསྟན་གྱི་རྣམ་པར་ཟག་པ་དེ་ཉིད་བྱང་ཐིག་དཀར་པོ་ཉུངས་ཀར་ཙམ་པ་བྱས་ཏེ། ཆབ་རོམ་ལས་ཐིགས་པ་ཟག་པ་བཞིན་དྷཱུ་ཏིའི་ནང་ནས་བརྒྱུད་དེ་མགྲིན་པའི་བར་བབས། དེ་ནས་སྙིང་ག་ནས་མེ་སོར་བརྒྱད་ཙམ་

― KMC016_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་བས་ཐིག་ལེ་མར་བབས་ནས་དེ་དང་གཏུམ་མོ་གཉིས་མེད་དུ་འདྲེས་མ་ཐག་ཐིག་ལེ་དཀར་ལ་དམར་བའི་མདངས་ཆགས་པའི་བྱང་ཐིག་གིས་ལུས་ཐམས་ཅད་གང་བར་བསམ་ཞིང་སེམས་གཟུང་བདེ་བ་སྐྱེས་པ་དང་རྟོག་མེད་དུ་ཆམ་གྱིས་བཞག་སྟེ། ངག་ཏུ། རླུང་གི་སྦྱོར་བས་གཏུམ་མོ་སྦར་བའི་མཐུས། །སྤྱི་བོའི་ཟླ་བ་ཧཾ་ཡིག་བཅས་པ་ལས། །དཀར་ཆ་འཛག་པ་ཐིག་ལེའི་གཟུགས་སུ་བྱོན། །དཀར་དམར་འདྲེས་པའི་ཐིག་ལེས་ལུས་ཀུན་གང་། །དགའ་དང་བདེ་དང་སིམ་པ་སྐྱེད་པར་གྱུར། །ཅེས་བརྗོད་དེ་བསྒོམ་། ༩ །ཡང་འབྲོས་འདེད་ཀྱི་དམིགས་པ་ནི། གཞན་སྔར་ལྟར་ལ་རླུང་སྦྱོར་བྱས་པས་གཏུམ་མོ་ལས་མེ་དབུ་མའི་ནང་དུ་ཡར་ནར་གྱིས་སོང་། ཧྃ་ཡིག་ལ་རེག་མ་ཐག་ཐིག་ལེ་དམར་པོས་ལུས་ཐམས་ཅད་གང་བདེ་མེར་གྱིས་གྱུར། སླར་ཧྃ་ཡིག་ལས་ཐིག་ལེ་དཀར་པོ་ཆད། མེ་ལྕེ་ལ་རེག་པས་མེ་ལྕེ་དེ་ཇེ་དམར་སོང་ནས་སོར་བཞི་ཙམ་དུ་གནས་པའི་ཚེ་ལུས་ཐམས་ཅད་བྱང་ཐིག་དཀར་པོས་གང་བས་བདེ་བ་རྒྱས་པར་

― KMC016_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

བསམས་ལ། ངག་ཏུ། རླུང་གི་སྦྱོར་བས་གཏུམ་མོ་ནར་གྱིས་འབར། །ཧྃ་ལ་རེག་འཕྲལ་ཐིག་ལེ་དམར་པོས་གང་། །ཧྃ་ལས་ཐིག་ལེ་ཆད་པས་མེ་ཕྱིར་ལོག །ལུས་ཀུན་ཐིག་ལེ་དཀར་པོས་གང་བར་གྱུར། །ཅེས་བསྒོམ་མོ། ༡༠ །དེས་ཀྱང་བདེ་བ་རབ་ཚད་དུ་མ་སྐྱེས་ན་བ་འཇོའི་དམིགས་པ་ནི། པུས་མོ་གཉིས་སྦྱར་ཞིང་རྐང་མགོ་ཕྱིར་བསྐྱེད་སྤྱི་བོའི་ཧྃ་ལས་དཀར་ཆའི་རང་བཞིན་ཧཱུྃ་དཀར་པོ་ཞིག་བདེ་ཕྲིལ་གྱིས་དབུ་མའི་ནང་ནས་མར་ཆད། གསང་བའི་རྩེ་མོར་བདེ་ཕྲིལ་ལེ་གནས་པར་བསམ་ཞིང་འོག་རླུང་འཐེན་འཕུལ་བྱ། བདེ་བ་མི་ཐུབ་པ་སྙམ་ཙ་ན་ཧཱུྃ་དེ་སྤྱི་གཙུག་ཏུ་རྒྱངས་ཀྱིས་སོང་ཧྃ་ལ་ཐིམ། ཚངས་བུག་རྡོ་རྗེ་དཀར་པོ་རྩེ་ལྔ་པ་རྒྱ་གྲམ་གྱིས་བཀག་པར་བསམས་ལ་རྟོག་མེད་དུ་བཞག །ངག་ཏུ། སྤྱི་བོའི་ཧྃ་ལས་ཐིག་ལེ་དཀར་པོ་ཟག །དྷཱུ་ཏིའི་ལམ་བརྒྱུད་གསང་བའི་རྩེ་མོར་གནས། །བདེ་བ་རབ་རྒྱས་སླར་ཡང་སྟེང་དུ་སོང་། །ཧྃ་ལ་ཐིམ་ཞིང་ཚངས་བུག་རྡོ་རྗེས་བཀག །ཅེས་བསྒོམ། ༡༡ དེ་ནས་མི་རྟོག་པའི་བོགས་

― KMC016_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱུང་བའི་ཕྱིར། ལུས་གནད་སྤང་ལ་བེ་ཕུར་བཏབ་པ་བཞིན་མི་གཡོ་བར་བཅའ། ལྟ་སྟངས་ནམ་མཁའི་དབྱིངས་སུ་མི་གཡོ་བར་བལྟ། འཇམ་རླུང་ཅུང་ཟད་བཟུང་ལ་བདེ་བའི་རྟོག་པའམ་དྲོ་བའི་རྟོག་པའམ། མདོར་ན་ཡིད་ཀྱི་ཡུལ་དུ་རྣམ་པར་རྟོག་པ་གང་ཤར་བ་དེ་ཀའི་ངོ་བོ་ལ་བཅོས་བསླད་མེད་པར་མཉམ་པར་བཞག །ཐི་བ་ཚང་དུ་འཇུག་པ་ལྟར་ཆོན་ནེ་བཞག །སྦྲང་མ་གར་སྦྱིན་ལ་འབྱར་བ་ལྟར་མི་གཡོ་བ་ལྷན་ནེ་བཞག །བྱ་བ་ཟིན་པའི་སྐྱེས་བུ་ལྟར་རྩོལ་སྒྲུབ་མེད་པར་བཞག །སོག་ཕོན་མདུད་པ་བཤིག་པ་ལྟར་གློད་ལ་བཞག །དེ་ལྟར་བཞག་པས་ཡང་རྣམ་རྟོག་ཅིག་སྐྱེས་ན་དེའི་ངོ་བོ་ལ་སྔར་ལྟར་ཅེར་གྱིས་བལྟས་ཏེ་བཞག་གོ །ཆུ་རྙོག་མ་དང་བྲལ་བ་ལྟར་དྭངས་སང་ངེ་བ། དེ་རླབས་ཀྱིས་མ་བསྐྱོད་པ་ལྟ་བུ་ལྷན་ནེ་བར་བཞག །ངག་ཏུ། གཉུག་མའི་ཤེས་པ་གསལ་དྭངས་རྙོགས་པ་མེད། །ངོས་བཟུང་མེད་ཅིང་འཕྲོ་གནས་འགྲོ་འོང་མེད། །བཅས་བཅོས་བྱར་མེད་རང་གར་ཀློད་ལ་བཞག །གློད་པའི་སེམས་ཉིད་ནམ་མཁའ་ལྟ་

― KMC016_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

བུའོ། །ཞེས་བསྒོམ་མོ། ༡༢ །དེ་ལྟར་བརྟན་པ་བོགས་དབྱུང་བའི་ཡན་ལག་སྟེ། དེ་རྣམས་ཀྱིས་གཏུམ་མོའི་ཉམས་ལེན་གྱི་ཐུན་དམིགས་སྨོས་ཟིན་ཏོ། ༈ །གཉིས་པ་སྒྱུ་ལུས་ཉམས་སུ་བླང་བ་ལ། མ་དག་པ་སྦྱང་བ་དང་། དག་པ་སྦྱང་བ་དང་། ཐུན་མོང་མིན་པ་སྦྱོང་བ་གསུམ་། དང་པོ་ལ་མ་ཟིན་པ་ཟིན་བྱེད་སོགས་གསུམ་ལས། དང་པོ་ནི། ལུས་གནས་སྔར་བཞིན་རྣམ་སྣང་གི་ཆོས་བདུན་བཅའ། ཡུལ་གནད་སྣང་བ་སྣ་ཚོགས། དུས་གནས་ཉིན་པར་ཤས་ཆེ། དམིགས་པ་ལ་དང་པོར་འདུས་བྱས་ཀྱི་ཆོས་རྣམས་མི་རྟག །སྒོམ་སུ་འགྲོ་བའི་ཚེ་སྲོག་མི་རྟག །བུ་དང་ཆུང་མ་གཉེན་ནོར་རྫས་སོགས་ཀྱང་སྙིང་པོ་མེད་དེ། མདོར་ན་ཆོས་ཤིག་མ་གཏོགས་གང་གིས་ཀྱང་མི་འཚེངས་མི་ཕན། སྐྱེས་པའི་ཐ་མ་འཆི། བསགས་པའི་ཐ་མ་འཛད། འགྲོགས་པའི་ཐ་མ་འབྲལ། མཛའ་བའི་ཐ་མ་འཁོན། གསོས་པའི་ལུས་ནི་འཇིག །རྒྱུ་བའི་དབུགས་ནི་ཆད། ཉེ་འབྲེལ་ཤུལ་དུ་ལུས། ནོར་རྫས་གཞན་གྱིས་སྤྱོད། ཕུང་པོ་རོ་རུ་སོང་། རང་

― KMC016_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་རང་ལ་མེད། མདོར་ན་གང་ལའང་སྙིང་པོ་མེད། ཅིས་ཀྱང་དགོས་པ་མེད་སྙམ་དུ་བསམ་ཞིང་སྐྱོ་བ་བསྐྱེད་པས་བློ་སྦྱང་བ་སྔོན་དུ་བཏང་ནས། འདི་སྙམ་དུ་གཟུགས་སོགས་ཕྱི་རོལ་གྱི་སྣང་བ་འདི་ཐམས་ཅད་དེ་སྔ་བདེན་པར་བཟུང་བས་འཁོར་བར་འཁྱམས་པ་ཡིན་པར་འདུག །འདི་ཐམས་ཅད་བརྟགས་ཤིང་དཔྱད་ན་མེད་བཞིན་དུ་སྣང་བ་རྨི་ལམ་དང་སྒྱུ་མ་ལྟ་བུ་དང་། རྐྱེན་ལས་བྱུང་བ་བྲག་ཆ་དང་རྔའི་སྒྲ་ལྟ་བུ་། མི་རྟག་པ་གློག་དང་ཆུ་བུར་ལྟ་བུ། སྣང་ཡང་རང་བཞིན་མེད་པ་སྨིག་སྒྱུ་དང་ཆུ་ཟླ་ལྟ་བུའོ། །སྙམ་དུ་ལེགས་པར་བསྒོམས་ཏེ། ངག་ཏུ། གཟུགས་སྒྲ་དྲི་རོ་རྟ་གླང་ཁང་ཁྱིམ་སོགས། །སྣང་བ་འདི་ཀུན་མེད་བཞིན་སྣང་བ་སྟེ། །རྐྱེན་ལས་བྱུང་ཞིང་མི་རྟག་རང་བཞིན་མེད། །རྨི་ལམ་སྒྱུ་མ་ལྟ་བུར་བདེན་པས་སྟོང་། །ཞེས་འདོན་བསྒོམ་བྱ་ཞིང་མཉམ་རྗེས་ཐམས་ཅད་དུ་དེ་ལྟར་བསམ། ༡ གཉིས་པ་ཟིན་པ་བརྟན་བྱེད་ནི། རང་གི་གཟུགས་མེ་ལོང་ལ་འཆར་དུ་བཅུག་སྟེ། དེ་ལ་རྒྱན་བཏགས་པ། རྡེག་འཚོག་བྱེད་པ། བསྟོད་

― KMC016_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

སྨད་བྱེད་པ་ཁྱད་མེད་པ་ལྟར། རང་གི་ལུས་ཀྱང་དེ་དང་འདྲ། ངག་བྲག་ཆ་དང་འདྲ། ཡིད་རྟོག་སྨིག་སྒྱུ་ལ་ཆུར་འཛིན་པ་དང་འདྲ་བར་བསམ་ཞིང་། ངག་ཏུ། མེ་ལོང་གཟུགས་བརྙན་འདི་ལ་དགའ་དང་གདུང་། །མཛེས་དང་མི་མཛེས་སྙན་དང་མི་སྙན་མེད། །རང་གི་ལུས་ཀྱང་དེ་དང་འདྲ་བ་སྟེ། །ངག་དང་ཡིད་ཀྱང་བྲག་ཆ་སྨིག་སྒྱུ་བཞིན། །ཞེས་འདོན་བསྒོམ་བྱ། ༢ གསུམ་པ་བོགས་དབྱུང་བ་ནི། དེ་ལྟར་བྱས་པས་རང་ལ་སྟོད་སྨད་ཀྱི་དགའ་གདུང་སོགས་མགོ་ནོན་ཞིང་བརྟན་པ་ནི། ཐོག་མར་བླ་མའམ་མཆེད་གྲོགས་ལྟ་བུ་རྒྱུས་ཡོད་པ་ཞིག་ལ་བསྟོད་སྨད་སྣ་ཚོགས་བྱེད་དུ་བཅུག །དེ་ནས་ཚོང་དུས་སོགས་སྐྱེ་བོ་མང་པོའི་སར་སོང་ནས་སྤྱོད་པ་མ ཐོ་དམན་སྣ་ཚོགས་ཤིག་བྱས་པས་མི་གཞན་གྱིས་བསྟོད་སྨད་རྡེག་འཚོག་དགའ་མི་དགའ་སོགས་བྱས་པ་ལ་ཁྱད་པར་ཨི་འདུག་བལྟ། འདུག་ན་སླར་ཡང་དབེན་པར་སོང་ལ་བླ་མ་དཀོན་མཆོག་ལ་གསོལ་བ་དྲག་ཏུ་གདབ་ཅིང་སླར་ཡང་བསྒོམས་ཏེ། མཚམས་སུ་གསལ་གདབ་

― KMC016_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར། སྐྱེས་པ་བུད་མེད་འདི་ཀུན་རྨི་ལམ་བཞིན། །བསྟོད་དང་སྨད་པའི་ཚིག་འདི་བྲག་ཆ་བཞིན། །མཐོང་ཐོས་མྱོང་བའི་སེམས་འདི་རི་དྭགས་ཀྱིས། །སྨིག་སྒྱུ་ཆུ་རུ་འཁྲུལ་དང་མི་མཚུངས་སམ། །ཞེས་འདོན་བསྒོམ་བྱའོ། ༣ །གཉིས་པ་དག་པ་ནི། མེ་ལོང་གི་ནང་དུ་ཡི་དམ་གྱི་སྐུའི་གཟུགས་བརྙན་འཆར་དུ་བཅུག་ལ། དེ་ཅི་འདྲ་བ་བཞིན་དུ་རང་གི་ལུས་ཀྱང་ལྷ་སྐུ་སྟོང་ཞིང་རང་བཞིན་མེད་པ་སྣང་ཡང་བདེན་པར་མ་གྲུབ་པ་ཡིན་ལ་སེམས་ཅན་ཐམས་ཅད་ཀྱང་ལྷ་སྐུ་སྣང་ལ་རང་བཞིན་མེད་པ་འབའ་ཞིག་ཡིན། སྣོད་ཀྱི་འཇིག་རྟེན་ཐམས་ཅད་ཀྱང་གཞལ་ཡས་ཀྱི་ཁང་པ་སྣང་ལ་རང་བཞིན་མེད་པ། ངག་སྔགས་ཀྱི་སྒྲ་བྲག་ཆ་ལྟ་བུ། ཡིད་གཡོ་བ་སྨིག་སྒྱུ་ཙམ་འདི་བདེ་བ་ཆེན་པོ་རང་གྲོལ་ཡིན་པས། གནས་གཞལ་ཡས་ཁང་ལ་སྐྱིད་མི་སྐྱིད། བཅུད་ལྷ་སྐུ་ལ་ཆགས་སྡང་དང་བསྟོད་སྨད། སྔགས་ཀྱི་སྒྲ་ལ་དགའ་གདུང་འབྱུང་བའི་ཡུལ་ཅི་ལ་ཡོད། ཅེས་བསམ་ཞིང་། ངག་ཏུ། རང་ལུས་ལ་སོགས་གཟུགས་སྣང་འདི་ཐམས་ཅད། །ལྷ་

― KMC016_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་སྣང་སྟོང་ཟུང་འཇུག་གཟུགས་བརྙན་ལྟར། །དེས་ན་ཆགས་སྡང་བསྟོད་སྨད་དགའ་གདུང་གི །རྟོག་པ་སྐྱེས་བའི་ཡུལ་དེ་གང་དུ་སོང་། །ཞེས་འདོན་སྒོམ་བྱ། ༤ སྒྱུ་ལུས་གནད་ཀྱི་དམིགས་པ་འདི་དག་ལ། རྒྱས་པར་ནི་གོང་དུ་ཟིན་པ་བརྟན་བྱེད་ཀྱི་སྐབས་སུ་ལུས་གཟུགས་བརྙན་ལྟར་སྒོམ་པ་ལ་ཐུན་གཅིག །བྲག་ཆ་ཡོད་པའི་སར་སོང་ནས་ངག་བྲག་ཆ་ལྟར་སྒོམ་པ་ལ་ཐུན་གཅིག །སྨིག་སྒྱུ་ཡོད་པའི་སར་སོང་ནས་ཡིད་སྨིག་སྒྱུ་ལྟར་སྒོམ་པ་ལ་ཐུན་གཅིག་སྟེ་གསུམ་བྱས་པས་ཡོངས་སྒྲིལ་དྲུག་གམ། འདི་ཀ་ལྟར་བཞི་བྱས་པས་ཀྱང་དོན་འཐུས། གསུམ་པ་ཐུན་མོང་མ་ཡིན་པ་ཤིན་ཏུ་ཕྲ་བའི་རླུང་ཐིག་སྒྱུ་ལུས་ཀྱི་སྐུར་སྒྲུབ་པ་འདི། གསེར་ཞུན་རྩ་བར་སྤས་དོན་དུ་མཛད་ཀྱང་། རྗེ་བརྒྱད་པའི་དགོངས་པས་གཉིས། དངོས་པོ་དང་། སྤོགས་ཆོག་གོ །དང་པོ་ནི། རང་བཞིན་ལྷུན་གྱིས་གྲུབ་པའི་དབེན་གསུམ་གྱིས། །གཉུག་མའི་སྒོ་གསུམ་བཅོས་བསླད་མེད་པར་བཞག །རླུང་སེམས་ཟིན་པས་སྣང་སེམས་ལུགས་འབྱུང་

― KMC016_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། །ལུགས་ལྡོག་སྒྱུ་མའི་སྐུ་རུ་ལྡང་བར་བྱ། །ཞེས་གསལ་བཏབ་ནས་རྐང་པ་རྡོར་གདན། སྒལ་ཚིག་མདའ་ལྟར་བསྲང་། མིག་འབྱེད་འཛུམ་གྱི་སྤྲོས་པ་མེད་པར་ཧྲིག་གེར་བལྟ། དབུགས་དབྱུང་རྔུབ་མེད་པར་ངག་གསུང་པ་ཡང་མ་ཡིན། མི་གསུང་པ་ཡང་མ་ཡིན། ལྕེ་མཆུ་མ་འབྱར་བ་རང་བཞིན་ལྷུན་གྲུབ་ཀྱི་རྡོར་བཟླས། ལག་པ་མཉམ་གཞག་མི་གཡོ། མདོར་ན་རང་བཞིན་ལྷུན་གྲུབ་ཀྱི་ལུས་རྣམ་པར་དབེན་པ་གཡོ་མེད་རང་སོར་བཞག །དེའི་ངང་ལས་རང་བཞིན་ལྷུན་གྲུབ་ཀྱི་སེམས་དབེན། དུས་གསུམ་གྱི་ཡིད་བྱེད་ཐམས་ཅད་ཆམ་གྱིས་བཞག །ཡོད་མེད་སྟོང་མི་སྟོང་བསྒོམ་བྱ་སྒོམ་བྱེད་བསྒོམ་མི་སྒོམ་སོགས་ཅིར་ཡང་མི་སེམས་པར་བཞག །དེའི་ངང་ནས་རྣམ་རྟོག་གི་འཆར་སྒོ་བྱུང་ན་མུ་མཐུད་དུ་མི་གཞུག་པར་རྟོག་པ་ཁ་རྒྱུ་འོག་རྒྱུ་ུཐམས་ཅད་རྟོག་མེད་ཡེངས་མེད་དུ་གཟུང་། བྱིང་རྨུག་བྱུང་ན་ལྟ་སྟངས་སྟོད། རིག་པ་ངར་ཕྱུངས། འཕྲོ་རྒོད་བྱུང་ན་ལྟ་སྟངས་སྨད། ཤེས་པ་ཁོང་གློད། བྱིང་རྒོད་མེད་ན་མཉམ་པར་བསྐྱང་།

― KMC016_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ཐུན་མགོ་ལ་བཟང་ཞིང་ཐུན་གཤམ་ལ་ངན་ནམ། སྔ་ཐུན་ལ་བཟངཞིང་ཕྱི་ཐུན་ལ་ངན་ན། ཆུ་ཟད་པའི་རྫིང་ལྟར་ཁམས་གཏུགས་པ་ཡིན་པས་ཁམས་གསོ་ཞིང་ཤེས་པ་གློད་ནས་བསྒོམ། ཐུན་མགོ་ལ་ངན་ཞིང་ཐུན་གཤམ་ལ་བཟང་ངམ། སྔ་ཐུན་ལ་ངན་ཞིང་ཕྱི་ཐུན་ལ་བཟང་ན། ཡུར་བས་རྫིང་གི་ཆུ་མ་འདྲོངས་པ་ལྟར་སྦྱོར་བ་རྩོལ་བ་ཆུང་བ་ཡིན་པས་ཧུར་བཏོན་ཏེ་བསྒོམ། དེ་ལྟར་བསྒོམ་ཞིང་བླ་མ་ལ་ཆོས་སྐུའི་མོས་གུས་བྱ། ཕྱི་ནང་གསང་གསུམ་གྱི་ལུས་ལོངས་སྤྱོད་བདོག་པ་ཐམས་ཅད་ཕུལ་ཅིང་མཆོད་པས་བྱིན་རླབས་ཀྱི་མཐུ་དང་། ཉམས་ལེན་གྱི་སྟོབས་ཀྱིས་ཕྱག་ཆེན་དུ་སེམས་ཟིན། དེ་ཟིན་པས་རླུང་ཟིན། དེ་ལས་ཉམས་སྐྱེ་སྟེ། ས་ཆུ་ལ་ཐིམ་པས་སྨིག་སྒྱུ་འོད་ཟེར་ལྔ་དང་ལྡན་པ་སྔོ་མེར་མེར་བ་དང་། སྔོ་ཧྲིབ་ཧྲིབ་པ་དང་། ཆུ་གཡོ་བའི་རྣམ་པ་ལྟ་བུ་འབྱུང་། ཆུ་མེ་ལ་ཐིམ་པས་དུ་བ་ལྟ་བུ་ཕྱུར་བ་དང་དུ་ཐང་ཆག་པ་ལྟ་བུ་འབྱུང་། མེ་རླུང་ལ་ཐིམ་པས་སྲིན་བུ་མེ་ཁྱེར་ལྟ་བུ་དམར་ཚེག་ཚེག་བ་དང་། དམར་ཕྲ་

― KMC016_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་བ་འབྱུང་། རླུང་སེམས་ལ་ཐིམ་པས་མར་མེ་ལྟ་བུ་འབྱུང་། སེམས་སེམས་བྱུང་ལ་ཐིམ་པའི་དུས་སུ་ཟླ་བའི་སྣང་བ་ལྟ་བུ། སེམས་བྱུང་མ་རིག་པ་ལ་ཐིམ་པའི་དུས་སུ་ཉི་མ་ལྟ་བུ། མ་རིག་པ་ཐམས་ཅད་སྟོང་པར་ཐིམ་པའི་དུས་སུ་སྒྲ་གཅན་ནམ་མུན་ནག་ལྟ་བུ། དེའི་དུས་སུ་ཐམས་ཅད་སྟོང་པ་སྤྲིན་མེད་པའི་ནམ་མཁའ་ཆོས་སྐུ་ཡིན་གསུངས། ལྟ་བུ་འཆར། དེ་ནས་སྣང་གསུམ་ལུགས་ལྡོག་ཏུ་འཆར་ཏེ། ཐམས་ཅད་སྟོང་པ་ལས་མ་རིག་པ། དེ་ལས་སེམས་བྱུང་། དེ་ལས་སེམས། སེམས་གསུམ་རླུང་དང་བཅས་པ་ལས་སྒྱུ་མའི་སྐུ་མཚན་དཔེས་བརྒྱན་པ། སྒྱུ་མའི་དཔེ་བཅུ་གཉིས་ཀྱིས་མཚོན་པར་བྱས་པ་སོ་སོ་རང་གི་རིག་པའི་ཡེ་ཤེས་ཀྱི་ངོར་མངོན་སུམ་དུ་སྤྲུལ་སྐུ་ཡིན་གསུངས། འཆར་ལ། དེར་མ་ཟད་དུས་གསུམ་གྱི་བརྟན་གཡོ་དག་པའི་སྣང་བ་དང་། མ་དག་པ་ཁམས་གསུམ་པོ་ཐམས་ཅད་ཀྱང་སྒྲིབ་པ་དང་བྲལ་བ་སྐྱུ་རུ་ར་ལག་མཐིལ་དུ་བཞག་པ་ལྟར་མཐོང་བ་སྙམ་བྱེད་དེ། འདི་ནི་དབེན་གསུམ་རང་སོར་བཞག་པ་ལས་སྐྱེས་པའི་སྒྱུ་

― KMC016_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་བསྒོམ་ཚུལ་མདོར་བསྡུས་པའོ། །འདི་ཕྱག་རྒྱ་དང་པོ་གསུམ་གྱིས་སྒྲུབ་པའི་ཚུལ་སོགས་ཡོད་ཀྱང་མ་སྨོས་སོ། ༥ །གཉིས་པ་སྤོགས་ཆོག་ནི། དེ་ལྟར་བསྒོམས་ཀྱང་ཉམས་མ་སྐྱེས་པའམ། སྟོང་པ་ལས་སྒྱུ་མའི་སྐུ་འགྲུབ་པ་མི་འཐད་སྙམ་ན། ཡིད་ཆེས་པར་བྱ་བའི་ཕྱིར། མུན་ཁང་དང་། རྒྱ་སྐྱེགས་ཀྱི་ཆུ་དང་། རལ་གྲི་དང་། མེ་ལོང་གི་སྦྱོར་བས་སྤོགས་ཆོག་བྱ་སྟེ། ཞིབ་པར་རླུང་སེམས་གཉིས་མེད་ལ་སོགས་པའི་མན་ངག་ཏུ་གསལ་བས་རྡོ་རྗེ་སློབ་དཔོན་གྱི་ཞབས་ཀྱི་པདྨར་བསྙེན་ནས་གསོལ་བ་གདབ་པར་བྱའོ། ༈ །གསུམ་པ་རྨི་ལམ་འཁྲུལ་པ་རང་སངས་ཀྱི་གདམས་པ་ལ་གསུམ། གཟུང་བ། སྦྱང་བ། དེ་ཁོ་ན་ཉིད་སྒོམ་པའོ། །དང་པོ་ལ་ཉིན་པར་དྲན་པ་རྒྱུན་ཆགས་བྱ་བ་དང་། མཚན་མོ་གདམས་ངག་བཙན་ཐབས་ཀྱིས་གཟུང་བ་གཉིས་ཀྱི་དང་པོ་ནི། དབེན་པའི་གནས་སུ་མཚམས་དམ་པར་བཅད་ལ། འཁོར་བའི་བྱ་བ་ལ་སྙིང་པོ་མེད་པར་བསམ། ཆོས་ཐམས་ཅད་སྒྱུ་མ་ལྟ་བུ་ཡིན་པ་ལ། དེ་ལྟར་མ་ཤེས་

― KMC016_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མ་རྒན་སེམས་ཅན་རྣམས་འཁོར་བར་འཁྱམས་པ་ཡིན་ཨང་སྙམ་དུ་སྙིང་རྗེ་ཆེན་པོ་བསྐྱེད། སྤྱོད་ལམ་རྣམ་བཞི་ཐམས་ཅད་དུའང་། ཨེ་མ་སྣང་བ་འདི་ཐམས་ཅད་སྒྱུ་མ་ལྟ་བུ་རྨི་ལམ་ལྟ་བུ་ཡིན། དེ་ཡིན་པ་ལ་ཡིན་པར་བདག་གིས་ཤེས་པར་བྱ། ཁྱད་པར་དུ་དོ་ནུབ་རྨི་ལམ་རྨི་བར་བྱ། དེ་རྨི་ལམ་དུ་ངོ་ཤེས་པར་བྱ་སྙམ་དུ་དྲན་འདུན་ཡང་ཡང་བཏང་ངོ་། ༡ །གཉིས་པ་ནི། སྟན་བདེ་བ་ལ་སེང་གེའི་ཉལ་སྟབས་ཀྱིས་འདུག་ནས་ཉལ་ཁར་བླ་མ་སྤྱི་བོར་བསྒོམ། མོས་གུས་དྲག་ཏུ་བྱ། གསོལ་བ་སྙིང་ཐག་པ་ནས་གདབ་སྟེ། རྗེ་སྐྱབས་གསུམ་གྱི་ངོ་བོ་བླ་མ་རྗེ། །ཕ་རྟོགས་ལྡན་གྱི་རྒྱལ་པོ་དགོངས་སུ་གསོལ། །གཉིད་འོད་གསལ་དུ་ཐིམ་པར་བྱིན་གྱིས་རློབས། །རྨི་ལམ་སྒྱུ་ལུས་སུ་འཆར་བར་བྱིན་གྱིས་རློབས། །ཞེས་གསོལ་བ་ལན་མང་དུ་བཏབ། དོ་ནུབ་གཉིད་འོད་གསལ་དུ་འཛིན། རྨི་ལམ་སྒྱུ་ལུས་སུ་ལྡང་། དེའི་ལྡང་གཞི་རྨི་ལམ་ཡང་མང་པོ་རྨི་ཞིང་གསལ་པོར་རྨི་བར་བྱའོ། །བཟང་པོར་རྨི་བར་བྱའོ། །ཅིས་ཀྱང་རྨི་ལམ་ཟིན་པར་བྱ།

― KMC016_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

རྨི་ལམ་རྨི་ལམ་དུ་ངོ་ཤེས་པར་བྱ། ཞེས་འདུན་པ་དྲག་པོ་བཏང་། རང་རྡོ་རྗེ་རྣལ་འབྱོར་མ་གཏུམ་མོའི་སྐབས་ལྟར་གསལ་བའི་མགྲིན་པར་སྣ་ཚོགས་པདྨ་འདབ་མ་བཞི་པ་ཟེའུ་འབྲུ་དང་བཅས་པའི་དབུས་སུ་ༀ་དཀར་པོ། མདུན་དུ་ཨ་སྔོན་པོ། གཡས་སུ་ནུ་སེར་པོ། རྒྱབ་ཏུ་ཏ་དམར་པོ། གཡོན་དུ་ར་ལྗང་གུ་རྣམས་གསལ་བར་བསྒོམས་ནས། ངག་ཏུ། བདག་གིས་རྨི་ལམ་ཅིས་ཀྱང་ཟིན་པར་བྱ། །རྨི་ལམ་རྨི་ལམ་ཡིན་པར་ཤེས་པར་བྱ། །མགྲིན་པར་སྣ་ཚོགས་པདྨ་འདབ་བཞིའི་སྟེང་། །ༀ་དང་ཨ་ནུ་ཏ་རའི་ཡི་གེ་ལྔ། །དཀར་སྔོ་སེར་དང་དམར་ལྗང་མདོག་ཅན་གསལ། །ཞེས་ཐོག་མར་སྤྱིར་གསལ་བཏབ་ཅིང་། དེའི་ནང་ནས་ཨ་ལ་སེམས་བཟུང་། དེ་ནས་གཉིད་འོང་འདོད་པ་དང་ནུ་ལ། དེ་ནས་གཉིད་ཟི་བ་དང་ཏ་ལ། དེ་ནས་གཉིད་ཁྲི་བ་དང་ར་ལ། དེ་ནས་ༀ་ལ་སེམས་བཟུང་ནས་གཉིད་འཐུག་འོད་ལ་བཞག་པས་རྨི་ལམ་འཆར་བ་དང་བསྟུན་ནས་ཟིན་འོང་བས་རྨི་ལམ་ལྷ་སྐུར་སྒོམ་པ་སོགས་ཅི་ཟིན་བྱའོ། །ལན་

― KMC016_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོར་མ་ཟིན་ཀྱང་རྨི་ལམ་འདི་འདུན་པ་རང་གཙོ་བས་འདུན་པ་དྲག་ཏུ་བཏང་། བླ་མ་མཁའ་འགྲོ་ལ་གསོལ་བ་རྩེ་གཅིག་ཏུ་བཏབ་ཅིང་བསྐྱར་བས་ཟིན་ཏོ། ༢ །གཉིས་པ་སྦྱང་བ་ལ། སྤེལ་བསྒྱུར་ལ་སྦྱང་བ། སྒྱུ་མར་སྦྱང་བ། སྒྱུ་མའི་རྣམ་ཐར་ལ་སྦྱང་བའོ། །དང་པོ་ནི། རྨི་ལམ་ཟིན་པ་ཁོ་ནས་མི་ཆོག་པས། བདག་གིས་དོ་ནུབ་རྨི་ལམ་ཟིན་ཞིང་ཟིན་ནས་ཀྱང་གཅིག་ལས་དུ་མ་སོགས་སྤེལ་བ་དང་། ངན་པ་ལས་བཟང་པོ་དང་། ལྷ་སྐུར་བསྒྱུར་བ་སོགས་བྱའོ་སྙམ་དུ་འདུན་པ་བཏང་ལ་ཉལ། རྨི་ལམ་ཟིན་པ་དང་། རྨི་ལམ་བདེན་པར་མ་གྲུབ་ཅི་བྱས་བཏུབ་སྙམ་པས། རང་མིར་འདུག་པ་མཁའ་ལྡིང་དུ་སྒྱུར་བ་སོགས་དང་། ངན་པ་རྨིས་པ་བཟང་པོར་སྒྱུར་བ་དང་། རང་ལུས་ལྷ་སྐུ་སྒྱུ་མར་བསྒོམ་ཞིང་བདེ་དགྱེས་སོགས་གང་འདོད་དུ་སྒྱུར་བ་དང་། ཞལ་ཕྱག་སོགས་ཐ་དད་པ་མང་པོ་དང་། གཅིག་ལས་དུ་མ་དང་དུ་མ་ལས་གཅིག་ཏུ་སྤྲུལ་ཞིང་སྒྱུར་བ་ལ་སྦྱང་ངོ་། །དེ་ལྟར་སྦྱང་བའི་ཕྱིར་གཉིད་ཁར་གསལ་གདབ་པ་ནི། རྨི་ལམ་བདེན་

― KMC016_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མ་གྲུབ་སྒྱུ་མ་ཉིད། །དེས་ན་བདག་གིས་རྨི་ལམ་བཟུང་ནས་ཀྱང་། །གཅིག་དང་དུ་མ་ལྷ་སྐུ་སྣ་ཚོགས་སོགས། །གང་འདོད་སྤྲུལ་བསྒྱུར་གཏན་ལ་དབབ་པར་བྱ། །ཞེས་འདུན་པ་གསལ་བཏབ་སྟེ་བྱའོ། ༣ །གཉིས་པ་ནི། རྨི་ལམ་དུ་མེ་དང་། ཆུ་ཆེན་པོ་དང་། གཡང་ས་དང་། དགྲ་དང་། གཅན་གཟན་སོགས་འཇིགས་པའི་རྣམ་པ་མཐོང་ན་དེ་ལ་ཡ་ང་སྤང་ནས་སྒྱུ་མར་སྦྱང་དགོས་པས་རྨི་ལམ་ནི་མེད་བཞིན་སྣང་བ་བདེན་པར་མ་གྲུབ་པ་ཡིན་ནོ། །དེའི་མེས་སུ་འཚིག །ཆུས་སུ་ཁྱེར། དགྲས་སུ་ལ་གནོད་པ་བྱེད། གཅན་གཟན་གྱིས་སུ་ཞིག་ཟ། གཡང་དུ་སུ་ཞིག་ལྷུང་སྟེ། བདེན་པར་མ་གྲུབ་པ་སྒྱུ་མ་ལྟ་བུ་ཡིན་པས་བདག་གིས་རྨི་ལམ་གྱི་སྣང་བ་ཐམས་ཅད་ལ་སྒྱུ་མར་ཤེས་པས་ཡ་ང་བ་སྤང་ཞིང་སྦྱང་ངོ་སྙམ་དུ་འདུན་པ་བཏང་། ངག་ཏུ། རྨི་ལམ་ཡུལ་སྣང་མེ་ཆུ་དུག་མཚོན་སོགས། །ཐམས་ཅད་དེ་དང་དེ་རུ་གྲུབ་པ་མེད། །ཐམས་ཅད་སྒྱུ་མ་ཉིད་དེ་བདེན་པས་སྟོང་། །དེ་ཕྱིར་བདག་གིས་ཡ་ང་འཇིགས་པ་སྤང་། །ཞེས་

― KMC016_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བཏབ་ནས་ཉལ་ཏེ་ཟིན་པ་དང་། མེ་ལྟ་བུ་རྨིས་ན། རྨི་ལམ་གྱི་མེས་སུ་འཚིག་སྙམ་དུ་ཐོག་བརྫིས་བྱ། ཆུ་ལའང་གོམ་པ་སྤོ་ཞིང་འགྲོ། རྨི་ལམ་གྱི་གཡང་ལ་སུ་ཞིག་འབྲུལ་སྙམ་དུ་བྱ་ལྟར་ལྡིང་ཞིང་འཕུར་བ་སོགས་བྱའོ། ༤ །གསུམ་པ་ལ། འཇིག་རྟེན་པའི་རྣམ་ཐར་ལ་བསླབ་པ་དང་། འཇིག་རྟེན་ལས་འདས་པའི་རྣམ་ཐར་ལ་བསླབ་པ་གཉིས། དང་པོ་ནི། གཉིད་ཁར། རྨི་ལམ་ལུས་ལ་ཅི་ཡང་རུང་བས་ན། །བདག་གིས་ལྷ་ཡི་ཡུལ་དང་སྒྲ་མི་སྙན། །སྐྱོ་བ་བསྐྱེད་སླད་ངན་སོང་ལ་སོགས་པའི། །གནས་ཀྱི་ཁྱད་པར་མང་དུ་བལྟ་བར་བྱ། །ཞེས་འདུན་པ་གཏད་ནས་ཉལ་ཏེ། ཟིན་པ་དང་། ཉི་ཟེར་ལ་བཟུང་ནས་སོང་སྟེ་ལྷ་ཡུལ་བལྟ་བ་དང་། གླིང་གཞན་དང་། ངན་སོང་སོགས་དང་རྒྱ་གར་སོགས་བལྟ་བ་ལ་སྦྱང་ངོ་། །གཉིས་པ་འདས་པའི་རྣམ་ཐར་ལ་སྦྱང་བ་ལ། ཉིན་མོ་འདུན་པ་ལ་གོམས་པ་གལ་ཆེ་བས། དབེན་པའི་གནས་སུ་ལུས་གནད་གཏུམ་མོ་ལྟར་བཅས་ལ་དམིགས་པ་རང་ཡི་དམ་དུ་གསལ་བའི་སྙིང་གར་ཡེ་ཤེས་སེམས་

― KMC016_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་ཚོན་གང་བ་ཞིག་གསལ་བཏབ་ནས། ད་ནི་བདག་གི་ལུས་ལས་ཐོན་ཏེ་སངས་རྒྱས་ཀྱི་ཞིང་དུ་འགྲོའོ་སྙམ་པའི་འདུན་པས་བསྐུལ་ཏེ། རང་ལུས་དམ་ཚིག་སེམས་དཔའ་ལས་རང་སེམས་ཡེ་ཤེས་སེམས་དཔའ་དེ་ཚངས་བུག་ནས་ཐོན་ཏེ། སྟེང་ཕྱོགས་མཐོན་པོར་ཕྱིན་པས་སྟུག་པོ་བཀོད་པའི་ཞིང་དུ་སླེབ། བཅོམ་ལྡན་འདས་རྣམ་པར་སྣང་མཛད་སེང་གེའི་ཁྲི་ལ་བཞུགས་ནས་ཆོས་སྟོན་པ་དང་མཇལ་ཏེ་ཕྱག་འཚལ་བསྙུན་གསོལ། གདམས་པ་དང་ལུང་བསྟན་ནོད་དེ། ད་བདག་གིས་དགོས་པ་འགྲུབ་པས་སླར་བདག་གི་ལུས་དམ་ཚིག་པ་ལ་འཇུག་པར་བྱ་སྙམ་པས་དམ་ཚིག་སེམས་དཔའ་ལ་ཡེ་ཤེས་སེམས་དཔའ་བཅུག་པའི་ཚུལ་གྱིས་འཇུག་པར་བྱ་སྟེ། འདི་ལ་ཐོག་མར་བྱང་བ་གལ་ཆེ་བས། ངག་ཏུ། རང་ལུས་ཡི་དམ་དམ་ཚིག་སེམས་དཔའ་ལས། རང་རིག་ཡེ་ཤེས་སེམས་དཔའ་ཐོན་ནས་ཀྱང་། །དག་པའི་ཞིང་དུ་སངས་རྒྱས་རྣམས་དང་མཇལ། །གདམས་པ་ནོན་ནས་སླར་ཡང་ལུས་ལ་ཞུགས། །ཞེས་གསལ་

― KMC016_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་ཅིང་། དེ་བཞིན་དུ་ཤར་ཕྱོགས་ཀྱི་སངས་རྒྱས་ཀྱི་ཞིང་སོགས་ལ་སྦྱོང་ངོ་། ༦ །དེ་ལྟར་ཉིན་མོ་སྦྱངས་བ་ཇི་ལྟ་བར་མཚན་མོ་ཉལ་ཁར། དོ་ནུབ་བདག་གིས་རྨི་ལམ་བཟུང་སྟེ། སངས་རྒྱས་རྣམ་པར་སྣང་མཛད་ཀྱི་ཞིང་བལྟ་ཞིང་སྦྱང་ངོ་སྙམ་པ་སོགས་འདུན་པ་ལན་མང་དུ་བཏང་ཞིང་ངག་ཏུ། བདག་གི་རྨི་ལམ་ལེགས་པར་བཟུང་ནས་ཀྱང་། །སྒྱུ་མའི་ལུས་ཀྱིས་སངས་རྒྱས་ཞིང་རྣམས་སུ། །བདེ་བར་གཤེགས་པ་རྣམས་ལ་བལྟ་བ་དང་། །ལུང་བསྟན་གདམས་པ་ཉན་ཅིང་ནོད་པར་བྱ། །ཞེས་གསལ་བཏབ་ལྟེ། ༀ་ལ་སེམས་བཟུང་ནས་རྣམ་པར་སྣང་མཛད་ཀྱི་ཞིང་སྦྱང་། ཨ་ལ་སེམས་བཟུང་ནས་མི་བསྐྱོད་པ་དང་། ནུ་ལ་རིན་འབྱུང་དང་། ཏ་ལ་འོད་དཔག་མེད། ར་ལ་དོན་གྲུབ་ཀྱི་ཞིང་སྦྱང་བ་དང་། དེ་བཞིན་དུ་ཡུལ་ཉེར་བཞིར་མཁའ་འགྲོ་མའི་ཚོགས་གྲལ་དུ་འགྲོ་བ་དང་། ཨོ་རྒྱན་དང་ཤམྦྷ་ལ་སོགས་གང་འགྲོ་འདོད་པར་དེ་དང་དེའི་འདུན་པ་སྔོན་དུ་བཏང་ནས་སྦྱང་ངོ་། །དེ་ལྟར་བྱས་པས་དང་པོ་འོལ་སྤྱི་ཙམ་དང་། དེ་ནས་ཇེ་

― KMC016_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་དུ་གྱུར་ཏེ། མཐར་ཇི་ལྟ་བར་མཐོང་ཞིང་འབྱོངས་པར་འགྱུར་རོ། །གསུམ་པ་རྨི་ལམ་གྱི་དེ་ཁོ་ན་ཉིད་བསྒོམ་པ་ནི། ཆོས་ཐམས་ཅད་ཡེ་ནས་རྨི་ལམ་སྒྱུ་མ་ལྟ་བུ་ཡིན། སྦྱང་གཞི་སྦྱོང་བྱེད་སྦྱང་བྱ་སོགས་ཀྱང་ཐ་དད་དུ་ུབདེན་པར་མེད་པས། རང་སེམས་གསལ་ལ་མི་རྟོག་པ་སྒྱུ་མ་ལྟ་བུའི་ངང་ལ་མཉམ་པར་བཞག་པ་སྟེ། ངག་ཏུ། ཆོས་རྣམས་གཟོད་ནས་རྨི་ལམ་སྒྱུ་མ་ལྟར། །སྦྱང་བྱ་སྦྱོང་བྱེད་སྦྱང་གཞི་བདེན་པར་མེད། །ཐམས་ཅད་སེམས་སྣང་ཙམ་སྟེ་སེམས་འདི་ཡང་། གསལ་ལ་ངོས་བཟུང་བྲལ་བ་སྒྱུ་མའི་དབྱིངས། ཞེས་འདོན་བསྒོམ་བྱའོ། །དེ་རྣམས་ཀྱིས་རྨི་ལམ་གྱི་ཉམས་ལེན་མདོར་བསྡུས་སྨོས་ཟིན་ཏོ། ༈ །བཞི་པ་འོད་གསལ་མ་རིག་མུན་སེལ་གྱི་གདམས་པ་ལ། ཉིན་སྣང་འོད་གསལ་དུ་འཁྱེར་བ་དང་། མཚན་མོའི་གཉིད་འཐུག་འོད་གསལ་དུ་གཞུག་པ་གཉིས་ཀྱི་དང་པོ་ནི། ལུས་གནད་གཏུམ་མོ་ལྟར་བཅས། སྒོམ་ཤིང་སྒོམ་ཐག་གིས་བསྲང་ལ། ལྟ་སྟངས་མཛོད་སྤུའམ་ནམ་མཁར་གཏད་ནས་མི་རྟོག་པ་

― KMC016_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ། དེ་ལ་མི་གནས་ན་རང་ཉིད་རྡོ་རྗེ་རྣལ་འབྱོར་མར་གསལ་བའི་སྙིང་གར་པདྨ་དང་ཉི་མའི་སྟེང་དུ་ཧཱུྃ་སྔོན་པོ་ཞིག་བསམ། དེ་ལས་འོད་ཟེར་འཕྲོས་པས་སྣོད་ཀྱི་འཇིག་རྟེན་ཐམས་ཅད་བཅུད་ཀྱི་སེམས་ཅན་ལ་ཐིམ། དེ་རྣམས་ཀྱང་རང་ཉིད་ལ་ཐིམ། རང་ཉིད་ལྷར་གསལ་བ་དེ་ཡང་གཙུག་ཏོར་ནམ་མས་དང་། རྐང་མཐིལ་ནས་ཡས་ཞུ་སྟེ་ཧཱུྃ་ལ་ཐིམ། ཧཱུྃ་གི་ཞབས་ཀྱུ་ཧ་ལ། དེ་མགོ་བོ་ལ། དེ་ཟླ་ཚེས། དེ་ཐིག་ལེ། དེ་ནཱ་ད་ལ་ཐིམ་པར་བསམ་ཞིང་རླུང་བུམ་པ་ཅན་བཟུང་ཞིང་རྣམ་པར་མི་རྟོག་པའི་ངང་ལ་མཉམ་པར་གཞག །དེ་ལ་བྱིང་ངམ་འཕྲོ་ཡང་སྔར་ལྟར་རང་ཡི་དམ་དུ་བསྒོམ་པ་ནས་ནཱ་དར་བསྡུ་བའི་བར་ཡང་ཡང་བསྐྱར་ཞིང་བྱས་ཏེ་བསྒོམས་པས་ཟླ་ཉི་སྒྲ་གཅན་གྱི་རླུང་སྙིང་གར་ཟིན་ནས། སྣང་གསུམ་གྱི་མཐར་འོད་གསལ་ཟིན་པས་ནན་ཏན་བྱ་ཞིང་། ངག་ཏུ། རང་ཉིད་རྣལ་འབྱོར་མར་གསལ་སྙིང་ག་ནས། །པད་ཉིའི་སྟེང་དུ་ཧཱུྃ་ཡིག་སྔོན་པོ་ཞིག །གནས་པའི་འོད་ཀྱིས་སྣོད་བཅུད་རང་ལ་ཐིམ། །རང་ཡང་ཧཱུྃ་དང་ནཱ་དའི་

― KMC016_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དུ་བསྡུ། །ཞེས་གསལ་བཏབ་ཅིང་བསྒོམ་མོ། །གཉིས་པ་མཚན་མོའི་གཉིད་འཐུག་འོད་གསལ་དུ་གཞུག་པ་ནི། དབེན་པའི་གནས་སུ་སྔར་བཤད་པའི་ཉིན་མོའི་སྦྱོང་ཐབས་རྣམས་ལེགས་པར་སྦྱངས་ཤིང་གོམས་པར་བྱས་ལ། སྒོ་གསུམ་དལ་དུ་གཞུག །རེ་ཞིག་བྱ་བ་གཞན་སྤང་། ནུབ་གཉིས་གསུམ་གཉིད་བཅག་ལ་དགེ་སྦྱོར་ཅི་ནུས་བྱ། ཟས་བཅུད་ཅན་བརྟེན་ཅིང་ལུས་ལ་བསྐུ་མཉེ་བྱ། བླ་མ་ཡི་དམ་མཁའ་འགྲོ་ལ་མི་ཤས་བརྒྱན་པའི་གཏོར་མ་འབུལ། གཉིད་ཀྱི་འོད་གསལ་ཅིས་ཀྱང་ཟིན་པར་བྱའོ། །སྙམ་པའི་འདུན་པ་ཉེར་གཅིག་ཙམ་ཅི་མང་བཏང་ལ་ལུས་གནད་མགོ་བྱང་དུ་བསྟན་པའི་སེང་གེའི་ཉལ་སྟབས་ཀྱིས་ཅི་བདེ་བར་ཉལ། དམིགས་པ་རང་ཡི་དམ་དུ་གསལ་བའི་སྙིང་གར་དྷཱུ་ཏིའི་ནང་དུ་པདྨ་སྔོན་པོ་འདབ་མ་བཞི་པ། དེའི་དབུས་ཀྱི་གེ་སར་ལ་ཧཱུྃ་སྔོན་པོ། འདབ་མ་བཞིའི་མདུན་དུ་ཨ་དཀར་པོ། གཡས་སུ་ནུ་སེར་པོ། རྒྱབ་ཏུ་ཏ་དམར་པོ། གཡོན་དུ་ར་ལྗང་གུ་རྣམས་གསལ་བར་བལྟས་ལ། ངག་ཏུ། རང་

― KMC016_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ལྷན་ཅིག་སྐྱེས་མར་གསལ་བ་བ་ཡི། སྙིང་གར་དྷཱུ་ཏིའི་ནང་དུ་པདྨའི་སྟེང་། །ཧཱུྃ་དང་ཨ་ནུ་ཏ་ར་སྔོ་དཀར་སེར། །དམར་དང་ལྗང་བའི་མདོག་ཅན་ཤིན་ཏུ་གསལ། །ཞེས་གསལ་གདབ་ནས་བུམ་ཅན་འཇམ་པོར་བཟུང་། དང་པོ་མདུན་གྱི་ཨ་དྲན་པ་ཙམ་བྱ། དེ་ནས་སྣང་བ་ལ་འདུན་པ་ཅུང་ཟད་ཕྱོགས་པའི་དུས་སུ་ནུ། སྣང་བ་མཆེད་པའི་འདུན་པ་ཆེར་ཕྱོགས་པའི་དུས་སུ་ཏ། ཕྱིའི་སྣང་བ་ཞི་ནས་སྟོང་པར་ཐིམ་པ་སྣང་བ་ཐོབ་པའི་དུས་སུ་ར། དེ་ནས་སྟོང་པ་བཞིའི་རྟོག་པའི་སྣ་ཅི་ཟིན་བྱས་ལ། མངོན་བྱང་ལྔ་པ་ཐམས་ཅད་སྟོང་པའི་རྟགས་འཆར་བར་མགོ་བརྩམ་པ་ན་དབུས་ཀྱི་ཧཱུྃ་ཡིག་ལ་སེམས་གཏད་དེ། མཆོག་མི་འགྱུར་བའི་འོད་གསལ་ངོས་ཅི་ཟིན་བྱས་ལ་ཟིན་པ་དང་མཉམ་པར་བཞག་གོ །འདི་ལྟ་བུ་བཀའ་བརྒྱུད་ཀརྨ་ཀཾ་ཚང་གི་གདམས་པ་བླ་ན་མེད་པ་ཡིན་ཀྱང་ལས་དང་པོ་པ་ལྟ་བུ་མངོན་བྱང་དང་དེའི་རྟགས་ཀྱི་གོ་བ་འཆར་བར་དཀའ་ན། གཉིད་ཉལ་ཁར་དོ་ནུབ་གཉིད་ཀྱི་འོད་གསལ་ཟིན་པར་བྱ་སྙམ་པའི་འདུན་པ་ཡང་ཡང་

― KMC016_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་ལ། གོང་དུ་བཤད་པའི་ཉིན་གྱི་རྣལ་འབྱོར་ཇི་ལྟ་བར། རང་ཡི་དམ་དུ་གསལ་བ་ནས་ཧཱུྃ་ལ་བསྡུ་བའི་བར་བྱས་ལ། ཧཱུྃ་དེ་ཐིག་ལེ་སྔོན་པོ་སྲན་མ་ཙམ་ཞིག་ལ་བསྡུས་ཏེ་སེམས་བཟུང་ནས་ཉལ་བས། ད་ལྟའི་སྣང་བ་ནུབ་ཅིང་རྨི་ལམ་གྱི་སྣང་བ་མ་ཤར་གྱི་བར་དེར་གསལ་ལ་རྟོག་པ་མེད་པ་གཉིད་འཐུག་པོ་རང་ཡང་མིན་པ་ཞིག་འབྱུང་སྟེ། གྲོགས་ཀྱིས་ཀྱང་བསྐུལ་བརྡ་བྱས་ཤིང་ཨེ་ཟིན་བལྟ། ཟིན་པ་དང་གསལ་སྟོང་དང་བདེ་སྟོང་འདྲེས་པ་ཞིག་འོང་བ་དེ་ཀ་ལ་མཉམ་པར་གཞག་སྟེ། གོང་གི་རང་ཉིད་རྣལ་འབྱོར་མར་གསལ་ཞེས་པ་ནས། རང་ཡང་ཧཱུྃ་དང་ཐིག་ལེའི་བར་དུ་བསྡུ། ཞེས་གསལ་བཏབ། ཡང་གཉིད་འཐུག་འོད་གསལ་ཟིན་པར་འདོད་ན། ནོར་བུའི་ནང་དུ་ཐིག་ལེ་སྔོན་པོ་ལ་སེམས་གཟུང་། གཉིད་སྲབ་མོའི་འོད་གསལ་ཟིན་པར་འདོད་ན། དབུ་མའི་ཡར་སྣེ་སྨིན་མཚམས་སུ་ཡོད་པར་བསྒོམས་ལ། དེར་ཐིག་ལེ་ནག་པོ་རིལ་མ་ཙམ་ལ་སེམས་བཟུང་བས་ཟིན་པར་སླའོ། །དེ་དག་ནི་མ་ཟིན་པ་ཟིན་པར་

― KMC016_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པའི་ཐབས་སོ། །ཟིན་ནས་བརྟན་པར་བྱ་བ་དང་། ཁྱད་པར་རྗེ་དབྱངས་ཅན་ཞབས་ཀྱི་དགོངས་པས་གོང་གི་ཙཎྜ་ལཱིའི་རྣལ་འབྱོར་གྱི་དྷཱུ་ཏིའི་ནང་གི་གཏུམ་མོ་འབར་སྟོབས་ཀྱིས་བྱང་སེམས་ཞུ་བ་ལ་བདེ་སྟོང་གི་རྟོགས་པ་སྣང་གསུམ་འོད་གསལ་དང་བཅས་པའི་རླུང་སེམས་ཀྱི་རྟགས་སྣང་ཁྱད་པར་ཅན་སྒྱུ་མའི་སྐུར་ཤར་བ་དེ་ཉིད་དོན་གྱི་འོད་གསལ་མངོན་དུ་བྱེད་པའི་ཕྱིར་རླུང་སེམས་ཤིང་ཏུ་ཕྲ་བ་འོད་གསལ་དུ་གཞུག་པའི་ཐབས་རིལ་འཛིན་དང་རྗེས་གཞིག་གཉིས་ལས། དང་པོ་ནི། བདག་དང་སེམས་ཅན་ཐམས་ཅད་ཀྱི་ལུས་ངག་ཡིད་གསུམ་དབྱེར་མེད་དུ་བྱས་ལ། ལུས་ཀྱི་ཆ་རྣམ་སྣང་། ངག་གི་ཆ་འོད་དཔག་མེད། ཡིད་ཀྱི་ཆ་མི་བསྐྱོད་པར་བསྒོམ་པར་དམ་ཚིག་སེམས་དཔའ། དེ་གསུམ་གྱི་ཐུགས་ཀར་རིམ་བཞིན་ༀ་ཨཱཿཧཱུྃ་བསམ་པ་ཡེ་ཤེས་སེམས་དཔའ། ཡི་གེ་གསུམ་གྱི་ཐིག་ལེའི་ནང་དུ་ཨ་ཐུང་གཞོམ་མེད་ཀྱི་སྒྲ་དང་བཅས་པ་སྒོམ། དེ་ནས་ཐུགས་ཀའི་ས་བོན་ༀ་ཨཱཿཧཱུྃ་ལས་འོད་འཕྲོས་དམ་ཚིག་སེམས་དཔའི་སྤྱི་བོ་

― KMC016_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཡས་རིམ་དང་། རྐང་མཐིལ་ནས་མས་རིམ་གྱི་སྙིང་གའི་ཡེ་ཤེས་སེམས་དཔའ་ལ་བསྡུ། དེ་རྣམས་ཀྱང་རིམ་གྱིས་ཏིང་ངེ་འཛིན་སེམས་དཔའ་མི་ཤིགས་པའི་ཐིག་ལེ་ཨ་ཐུང་སྒྲ་བཅས་ལ་བསྡུ། དེ་ཡང་འོད་གསལ་ཐིག་ལེར་བསྡུས་ནས་སེམས་གཡོ་མེད་དུ་བཞག་སྟེ། འདི་དམིགས་པ་གསལ་བ་ལ་ཐུན་གཅིག་དང་མི་གསལ་ན་སྐུ་གསུང་ཐུགས་ཀྱི་རིལ་འཛིན་གསུམ་མོ། །དེ་ནས་ངག་ཏུ། བདག་དང་འགྲོ་ཀུན་སྒོ་གསུམ་དབྱེར་མེད་ཀྱི། །ལུས་ཀྱི་ཆ་སོགས་རྣམ་སྣང་སོགས་སུ་གསལ། །དེ་ཡི་ཐུགས་ཀར་ༀ་སོགས་གནས་པའི་ནང། །ཨ་ཐུང་སྒྲ་བཅས་གསལ་ལས་འོད་འཕྲོས་པས། །ཕྱི་ནས་རིམ་གྱིས་འདུས་ཏེ་ཐིག་ལེར་ཐིམ། ཞེས་དང་། སོ་སོར་བྱེད་དུས་རྐང་པ་གཉིས་པར། ལུས་ཀྱི་ཆ་ནི་རྣམ་སྣང་ཉིད་དུ་གསལ། །གསུམ་པར། དེ་ཡི་ཐུགས་ཀར་ༀ་ཡིག་ཅེས་དང་། གསུང་གི་དུས། ངག་གི་ཆ་ནི་འོད་དཔག་མེད་དུ་གསལ། དེ་ཡི་ཐུགས་ཀར་ཨ་ཡིག་ཅེས་དང་། ཐུགས་ཀྱི་དུས། ཡིད་ཀྱི་ཆ་ནི་མི་བསྐྱོད་རྡོ་རྗེར་

― KMC016_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། །དེ་ཡི་ཐུགས་ཀར་ཧཱུྃ་ཡིག་ཅེས་འདོན་པ་བསྒྱུར། གཉིས་པ་རྗེས་གཞིག་ནི། རང་གི་སྙིང་གའི་ས་བོན་གྱི་འོད་ཀྱིས་སྣོད་བཅུད་བཞུ་བའི་འོད་ཕུང་རང་ལ་བསྡུ། དེ་ནས་སེམས་དཔའ་གསུམ་བསྡུ་བ་རིལ་འཛིན་བཞིན་ནོ། །ཡང་དེ་ཉིད་ལས་རླུང་སེམས་དབྱེར་མེད་ཀྱི་ལྷ་སྐུར་ལྡང་བར་བྱ་ཞིང་། དེ་ནས་འོད་གསལ་ལས་སྒྱུ་ལུས་སུ་ལྡང་བ་ཞེས་བྱའོ། །འདི་གསལ་གདབ་པའི་ཕྱིར་ངག་ཏུ། སྙིང་གའི་ས་བོན་འོད་ཀྱིས་སྣོད་བཅུད་བཞུ། །འོད་ཀྱི་རྣམ་པར་རང་ལ་ཐིམ་པ་ནས། །རང་གི་སྒོ་གསུམ་དམ་ཚིག་སེམས་དཔའ་ཡང་། །རིམ་གྱིས་འོད་ཀྱི་ཐིག་ལེའི་བར་དུ་བསྡུ། །ཞེས་སོ། དེ་དག་གིས་འོད་གསལ་གྱི་དམིགས་རིམ་སྨོས་ཟིན་ཏོ། ༈ །ལྔ་པ་བར་དོ་ཆོས་ཉིད་རང་གྲོལ་གྱི་གདམས་པ་ལ། བར་དོ་དང་པོ་ཆོས་སྐུ་མངོན་དུ་བྱ་བ། བར་དོ་གཉིས་པ་སྒྱུ་ལུས་ལྷ་སྐུར་ལྡང་བ། བར་དོ་གསུམ་པ་འགྲོ་དྲུག་གི་སྐྱེ་སྒོ་དགག་པ་གསུམ། དང་པོ་ནི། རྣལ་འབྱོར་པ་རང་ཉིད་འཆི་བའི་ཉམས་ཁོང་དུ་ཆུད་པ་ན་འདི་ལྟར་བསམ་པར་བྱ་སྟེ།

― KMC016_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

གལ་ཏེ་དངོས་པོ་རྣམས་ཡང་དག་པར་བདེན་ན་འཆི་མི་སྲིད་ལ། འཆི་བ་དང་འཇིག་པ་མཐོང་བའི་ཕྱིར་བདེན་པར་མ་གྲུབ་སྟེ། དེས་ན་འཆི་བ་ཉིད་ཀྱང་དོན་དུ་གྲུབ་པ་མེད་བཞིན་དུ་སྣང་བའོ། །སྙམ་པས་འཆི་བ་ལ་ཇི་མི་སྙམ་དུ་བཟུང་ནས། རྫས་དང་ཡོ་བྱད་རྣམས་དཀོན་མཆོག་གི་ཕྱོགས་སུ་བཏང་། བཤེས་གཉེན་གྱི་གདུང་སེམས་སོགས་ཏིང་འཛིན་གཡེང་བའི་རྒྱུ་རྣམས་སྤང་། ནུས་ན་ལུས་གནད་གཏུམ་མོ་ལྟར་དང་། མི་ནུས་ན་སེང་གེའི་ཉལ་སྟབས་བྱས་ལ། བླ་མ་དཀོན་མཆོག་ཡིད་ཡུལ་དུ་བྱས་ལ། སྙིང་ཁུང་རུས་པའི་གཏིང་ནས་དད་པ་བསྐྱེད། སྐྱབས་འགྲོ་ཁྱད་པར་ཅན་བྱ། བདག་འཆི་བ་དེ་ཁོ་ན་ཉིད་འོད་གསལ་དོན་དམ་པའི་བདེན་པ་རྟོགས་པར་བྱས་ལ། སེམས་ཅན་ཐམས་ཅད་ཀྱི་དོན་དུ་སྲིད་པ་བར་དོར་ཟུང་འཇུག་ཕྱག་རྒྱ་ཆེན་པོའི་གོ་འཕང་མངོན་དུ་བྱའོ་སྙམ་དུ་སེམས་ཡང་ཡང་བསྐྱེད། འཕེན་པ་དྲག་པོ་བྱ། དེ་ནས་འཆི་བའི་ཚེ་མིག་གི་སྣང་བ་ཐིམ་པས་གཟུགས་མི་གསལ། རྣ་བའི་སྣང་བ་ཐིམ་པས་

― KMC016_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་མི་ཐོས། སྣའི་སྣང་བ་ཐིམ་པས་དྲི་མི་ཚོར། ལྕེའི་སྣང་བ་ཐིམ་པས་རོ་མི་མྱོང་། ལུས་ཀྱི་སྣང་བ་ཐིམ་པས་ཚོར་བ་བརྟུལ། ས་ཆུ་ལ་ཐིམ་པས་ལུས་ཀྱི་ཟུང་མི་ཐུབ། ཆུ་མེ་ལ་ཐིམ་པས་ཁ་སྣ་སྐམ། མེ་རླུང་ལ་ཐིམ་པས་ལུས་ཀྱི་དྲོད་རྣམས་སྡུད། རླུང་རྣམ་པར་ཤེས་པ་ལ་ཐིམ་པས་ཕྱི་དབུགས་ཆད་ནས་ནང་དབུགས་ཅུང་ཟད་མི་ཆད། དེའི་ཚེ་སྐད་ཅིག་དང་པོ་སྣང་བའི་དུས་སུ་ནང་རྟགས་དུ་བ་ལྟ་བུ། ཕྱི་རྟགས་ཟླ་བ་ཤར་བ་ལྟ་བུ། གཉིས་པ་མཆེད་པའི་དུས་ན། ནང་རྟགས་སྲིན་བུ་མེ་ཁྱེར་ལྟ་བུ། ཕྱི་རྟགས་ཉི་མ་ཤར་བ་ལྟ་བུ། གསུམ་པ་ཐོབ་པའི་ཚེ། ནང་རྟགས་མར་མེ་ལྟ་བུ། ཕྱི་རྟགས་མུན་པ་ལྟ་བུ་འཆར། དེ་ནས་སྐད་ཅིག་བཞི་པར་ཐོབ་པ་འོད་གསལ་ལ་ཐིམ་སྟེ། ཕྱི་རྟགས་སྐྱ་རེངས་ཤར་བ་ལྟ་བུ། ནང་རྟགས་ཤེས་པ་ནམ་མཁའ་སྤྲིན་དང་བྲལ་བ་ལྟ་བུ། མི་རྟོག་པ་བློ་ལས་འདས་པའི་འོད་གསལ་མཐའ་དབུས་མེད་པ་ཞིག་འཆར། དུས་དེར་ད་ལྟ་སྒོམ་པའི་འོད་གསལ་དང་། རང་བཞིན་གྱི་འོད་གསལ་གཉིས་བུ་དང་མ་འཕྲད་པའི་ཚུལ་

― KMC016_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་དེའི་སྟེང་དུ་གནས་པས་རྟོག་བཅས་རང་བཞིན་བརྒྱད་ཅུ་འགག་ནས་རྟོག་མེད་འོད་གསལ་སྤྲོས་བྲལ་ཆོས་སྐུ་མངོན་དུ་གྱུར། དེ་ལས་སྒྱུ་མའི་སྐུར་ལྡང་བས་སློབ་པའི་ཟུང་འཇུག་ཏུ་འགྱུར་བ་ཡིན་པས། དེ་དང་པོ་གསལ་གདབ་པའི་ངག་ཏུ། རིགས་དྲུག་མ་རྒན་ཡོངས་ཀྱི་དོན་སླད་དུ། །འཆི་ཚེ་སྣང་མཆེད་ཐོབ་གསུམ་ཐིམ་པའི་མཐར། །བདག་གིས་འོད་གསལ་མ་བུ་འཕྲད་པའི་སེམས། །མི་རྟོག་ཆོས་སྐུའི་རང་ཞལ་མཐོང་བར་བྱ། །ཞེས་འདུན་པ་དྲག་པོ་དང་བཅས་འདོན་བསྒོམ་ཡང་ཡང་སྔོན་དུ་བཏང་ངོ་། །གཉིས་པ་ནི། དེ་ཁོ་ནས་གྲོལ་བར་མ་ནུས་ཏེ། བར་དོ་གཉིས་པ་འཇུག་པ་དང་། ཡང་ཀུན་རྟོག་གི་གཞོན་པའི་རླུང་གཡོས་པའི་རྐྱེན་བྱས་ནས་འོད་གསལ་གྱི་ངང་ལས་ཉེར་ཐོབ་རང་བཞིན་བདུན་དང་བཅས་པ་འབྱུང་། དེ་ལས་མཆེད་པ། དེ་ལས་སྣང་བ། དེ་ལས་རླུང་མེ་ཆུ་ས། དེ་ལས་དབང་པོ་ཀུན་ཚང་ཐོགས་མེད་རྒྱུ་བའི་བར་སྲིད་ཀྱི་ལུས་གྲུབ་པས། དེས་ན་གོང་གི་འོད་གསལ་ལ་ཅི་གནས་སུ་བཞག་ནས། སྣང་

― KMC016_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ལུགས་ལྡོག་ཏུ་འཆར་བར་རྩོམ་པའི་ཚེ་བར་དོ་སྒྱུ་ལུས་སུ་ལྡང་བའི་འཕེན་པ་གཏོང་སྟེ། དེ་ད་ལྟ་ནས་གསལ་གདབ་པའི་ཕྱིར། ངག་ཏུ། བར་དོ་དང་པོའི་འོད་གསལ་ལས་འདས་ཏེ། གལ་ཏེ་གཉིས་པའི་སྣང་བ་འཆར་བ་ན། །དེ་ཚེ་བདག་གིས་བར་དོ་སྒྱུ་མའི་ལུས། །ལྷག་པའི་ལྷ་ཡི་སྐུ་རུ་ལྡང་བར་བྱ། །ཞེས་པའི་འཕེན་པ་ད་ལྟ་ནས་ཀྱང་བཏང་ཞིང་སྣང་གསུམ་ལུགས་ལྡོག་རྫོགས་ཏེ་བར་དོ་གཉིས་པ་གྲུབ་པ་དེའི་ཚེ། རང་ཉིད་རྡོ་རྗེ་རྣལ་འབྱོར་མ་སྒྱུ་མའི་སྐུར་ལྡང་། ཡང་དེ་དོན་དམ་འོད་གསལ་གྱིས་སྦྱང་བ་སོགས་ནས་སླར་སྡང་བ་ན་ལུགས་ལྡོག་སྣང་གསུམ་ཡེ་ཤེས་ཀྱི་རླུང་དང་བཅས་པ་མི་སློབ་པའི་ཟུང་འཇུག་གི་སྐུར་ལྡང་ངོ་། །གསུམ་པ་ནི། རྣལ་འབྱོར་དེ་དག་ཁོ་ནས་མཆོག་གི་གོ་འཕང་མཐར་མ་ཕྱིན་ཏེ། བར་དོ་གསུམ་པ་མངལ་གྱི་སྣང་བ་སོགས་འཆར་བ་དེའི་ཚེ་སྐྱེ་བ་ཕྱི་མའི་མ་དེ་རྡོ་རྗེ་རྣལ་འབྱོར་མ་དང་། ཕ་ཡབ་ཧེ་རུ་ཀར་བསྒོམས་ཏེ་ཆགས་པ་བཟློག་པས་མངལ་སྒོ་ཁེགས་ནས་སྔགས་ཀྱི་རིག་པ་འཛིན་པའི་རྣལ་

― KMC016_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་ཡབ་ཡུམ་རང་གི་བླ་མར་བཟུང་ཆོག་པ་ཞིང་གི་མངལ་གདམ་ནས། དེར་སྐྱེ་བའི་ཚེ་བླ་མ་ཡབ་ཡུམ་ལ་དབང་གོང་མ་བསྐུར་བར་གསོལ་བ་བཏབ་པས་བླ་མ་ཡབ་ཡུམ་གྱི་བྱང་སེམས་དང་འདྲེས་པའི་ཚེ་བདེ་སྟོང་གི་ཉམས་སྐྱེས་པ་ན་གསང་དབང་གི་རྟོག་པ་ངོས་ཟིན་པར་བྱས་ལ་ཡབ་ཡུམ་ཡི་དམ་དུ་ཤེས་པ་དང་། མངོན་བྱང་ལྔའི་རྟོགས་པ་དང་མ་བྲལ་བར་ཡེ་ཤེས་ཀྱི་རྒྱུ་ལས་ཡེ་ཤེས་སྒྱུ་མ་ལྟ་བུ་བསྐྱེད་ནས་མིག་འཕྲུལ་ཙམ་དུ་སྐྱེ་བ་སྤྲུལ་སྐུ་ཡིན་ནོ། །སྙམ་པའི་མཉམ་བཞག་གི་སྒོ་ནས་མངལ་བཟུང་ངོ་། །དེ་ད་ལྟ་ནས་འཕེན་པ་བཏང་བའི་ཕྱིར། གལ་ཏེ་བར་དོ་གཉིས་པར་ཟུང་འཇུག་སྐུ། །འགྲུབ་པར་མ་གྱུར་དེ་ཚེ་ཕྱི་མ་ཡི། །ཕ་མ་ལྷ་རུ་བལྟས་པས་ཆགས་སྤང་སྟེ། །མངལ་གདམ་ཤེས་བཞིན་སྐྱེ་བ་འཛིན་པར་བྱ། །ཞེས་འདོན་བསྒོམ་ཡང་ཡང་བྱ། །དེ་དག་གིས་བར་དོའི་ཉམས་ལེན་ཁོངས་ཀྱི་དམིགས་རིམ་མདོ་ཙམ་བརྗོད་ནས། དེ་གསུམ་གལ་ཏེ་གནད་དུ་མ་སོང་ན། དགེ་བ་བསྔོ་ཞིང་སྨོན་ལམ་གྱིས་རྒྱས་བཏབ་པས་སྐྱེ་

― KMC016_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དག་པ་འཛིན་དགོས་པས། དེ་ད་ལྟ་ནས་འཕེན་པ་བཏང་བའི་ཕྱིར། གལ་ཏེ་བར་དོ་གསུམ་པར་སྐུ་གསུམ་གྱི། །ཉམས་ལེན་འབྲས་བུ་སྟེང་དུ་མ་ཕྱིན་ན། །དུས་གསུམ་དགེ་བ་བསྡོམས་ཏེ་བསྔོ་བ་དང་། །སྨོན་ལམ་བཟང་པོས་སྐྱེ་བ་དག་པར་བྱ། །ཞེས་འཕེན་པ་བཏང་ཞིང་མངལ་གདམ་པར་མ་ནུས་པ་དེའི་ཚེ་བདག་གིས་ཚུལ་ཁྲིམས་བསྲུང་བ་ལ་སོགས་པའི་དགེ་བའི་རྩ་བ་བྱས་སོ་ཅོག་ཡིད་ཀྱིས་གསལ་བཏབ་ཅིང་བསྡུས་ཏེ། དེ་དག་གི་མཐུས་དམ་པའི་ཆོས་གསང་སྔགས་ཀྱི་བསྟན་པ་སྒྲུབ་ཏུ་རུང་ཞིང་སྒྲུབ་པའི་སྐལ་པ་ཅན་གྱི་ལུས་ལེན་པར་གྱུར་ཅིག་པའི་སྨོན་ལམ་དང་བསྔོ་བས་མཚམས་སྦྱར་རོ། །དེ་དག་གིས་བར་དོའི་ཉམས་ལེན་སྨོས་ཟིན་ཏོ། ༈ །དྲུག་པ་འདའ་ཀ་འཕོ་བ་གསེར་འགྱུར་གྱི་གདམས་པ་ལ། རབ་འོད་གསལ་དུ་འཕོ་བ་དང་། འབྲིང་སྒྱུ་ལུས་སུ་འཕོ་བ་གཉིས། སྔར་བཤད་ཟིན་ཏོ། །ད་ཐ་མ་ལྷ་སྐུ་འཕོ་བ་ལ་སྦྱངས་ཏེ་འཕོ་བ། ལུས་བཅོས་ཏེ་འཕོ་བ། བཙན་ཐབས་སུ་འཕོ་བ་གསུམ། དང་པོ་ལ་སྦྱང་བ་དང་། ལས་

― KMC016_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྦྱོར་བ་གཉིས་ཀྱི་དང་པོ་ནི། ལུས་གནད་རྐང་པ་རྡོར་སྐྱིལ། སྒལ་པ་བསྲང་། ལག་པ་གཉིས་བརླའི་སྟེང་དུ་བཞག་ལ་དམིགས་པ་རང་ཉིད་རྡོ་རྗེ་རྣལ་འབྱོར་མར་གསལ་བ། ཁ་དང་། ཆུ་ལམ། བཤང་ལམ། སྣ་བུག་གཉིས་དང་། རྣ་བའི་བུ་ག་གཉིས། མིག་གཉིས། ལྟེ་བ་རྣམས་ཧྲཱིཿཡིག་དམར་པོ་རེས་བཀག་པར་བསམ། ལུས་ཀྱི་དབུས་སུ་རྩ་དབུ་མ་གྲོ་སོག་ཙམ་པ། མར་སྣ་ལྟེ་འོག་ཏུ་ཕུག་རྡུགས། ཡར་སྣ་ཚངས་བུག་ཏུ་ཟང་ཐལ་དུ་ཡོད་པའི་སྟོད་ཆའི་ཐད་དུ་རྩ་བའི་བླ་མ་རྡོ་རྗེ་འཆང་ཡབ་ཡུམ་སྔོན་འགྲོའི་སྐབས་ལྟར་བསྐྱེད་ནས་མཆོད་བསྟོད་བྱ། ཉེས་ལྷུང་བཤགས། དབང་རྫོགས་པར་བླངས་ནས། ཐུན་མོང་མ་ཡིན་པའི་དད་པས་འདི་སྐད་དུ། བླ་མ་དམ་པ། བླ་མ་དམ་པ། བདག་གི་འཆི་བ་ཆོས་སྐུ། བར་དོ་ལོངས་སྐུ། སྐྱེ་བ་སྤྲུལ་སྐུར་འཆར་བར་བྱིན་གྱིས་བརླབ་ཏུ་གསོལ། །དེ་འཆར་བའི་ཆེད་དུ་མཁའ་སྤྱོད་ཀྱི་གནས་སུ་རིག་པ་འཛིན་པའི་འཁོར་ལོས་སྒྱུར་བའི་ལུས་ཁྱད་པར་ཅན་དུ་སྐྱེ་བར་བྱིན་གྱིས་བརླབ་ཏུ་

― KMC016_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། དེར་སྐྱེས་ནས་མཁའ་ཁྱབ་ཀྱི་སེམས་ཅན་གསང་སྔགས་ཀྱི་ཐེག་པ་ཆེན་པོར་བདག་ཁོ་ནས་འཇོག་ནུས་པར་བྱིན་གྱིས་བརླབ་ཏུ་གསོལ། ཞེས་གསོལ་བ་དྲག་ཏུ་བཏབ་པས། ལྟེ་འོག་དྷཱུ་ཏིའི་ནང་དུ་པདྨ་འདབ་མ་བཞིའི་ཟེའུ་འབྲུར་སེམས་ཀྱི་ངོ་བོ་ཨ་སྔོན་པོ་འདབ་མ་བཞིར་ཡྃ་ཡིག་རེ་གསལ་བཏབ་ནས། རླུང་བརྔུབ་པས་དྷཱུ་ཏི་སྒྲིབ་མེད་ཀྱི་ནང་དུ་སིབ་སིབ་སོང་། ལྟེ་འོག་དྷཱུ་ཏིའི་ནང་དུ་དགང་བས་ཡྃ་ཡིག་བཞི་རབ་ཏུ་གཡོས་པ་ལས། རླུང་བྱུང་བས་ཨ་ཡིག་བཏེག་པ་དང་ལྷན་ཅིག་ཧིཀ་བདུན་བརྗོད་པས་ལྟེ་བར་འཕར། ཡང་བདུན་བརྗོད་པས་སྙིང་ག །དེ་ནས་བདུན་བརྗོད་པས་སངས་ཀྱིས་འཕར་སོང་བླ་མའི་ཞབས་ལ་རེག་རེག་བྱ། ཡང་རླུང་གཞིལ་ཅིང་ཀ་ཧིཀ་ཉེར་གཅིག་བརྗོད་པས་ཨ་ལྟེ་འོག་གི་པདྨར་བབས་པར་བསམ་སྟེ། གསལ་གདབ་པའི་ཕྱིར། རང་ལུས་ལྷར་གསལ་དྷཱུ་ཏིའི་མར་སྣེའི་ནང་། །པདྨའི་སྟེང་དུ་རང་སེམས་ཨ་ཡིག་ཚུལ། །རླུང་གིས་བཏེག་པས་སྤྱི་བོའི་བླ་མར་རེག །རླུང་གཞིལ་སླར་ཡང་ལྟེ་འོག་པདྨར་

― KMC016_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

བབ། ཅེས་གསལ་བཏབ་ཅིང་། སྤྱི་བོ་ཟ། སྐྲངས། ཆུ་སེར་ཕྲུམ་པ་སོགས་རྟགས་མ་བྱུང་གི་བར་སྦྱང་ངོ་། །གཉིས་པ་ལས་སྦྱོར་ནི། འཆི་ལྟས་རྣམས་ཤར་ནའང་། ཟློག་པའི་ཐབས་ཡོད་པ་རྣམས་ཅི་ནུས་སུ་ཟློག །ཅིས་ཀྱང་བཟློག་བར་མི་ནུས་པ་དེའི་ཚེ། སྡོམ་པ་དང་དམ་ཚིག་ཉམས་ཆགས་ལ་ཕྱིར་བཅོས་བྱ། རྫས་དང་ཡོ་བྱད་དཀོན་མཆོག་ལ་འབུལ། དམ་ལྡན་གྱི་གྲོགས་ལ་ཚོགས་ཀྱི་འཁོར་ལོ་སོགས་ཅི་འབྱོར་བྱ། ཡི་དམ་གྱི་སྐུ་མདུན་དུ་བཤམ། མཆོད་པའི་བཀོད་པས་མཆོད། དམིགས་པ་སྔར་ལྟར་ལ་ཡྃ་ཡིག་བཞི་པོ་རླུང་གི་དཀྱིལ་འཁོར་གཞུ་ཡི་དབྱིབས་ཅན་དུ་བསམ་པས་ཡི་གེ་བཏེག །སྔར་ལྟར་འཕངས་པས་བླ་མ་རྡོ་རྗེ་འཆང་གི་ཐུགས་ཀར་ཐིམ་པར་བསམས་པ་ལ། ཚིག་ཐོག་མ་གཉིས་སྔ་མ་ལྟར་ལ། རླུང་གིས་བཏེག་པས་སྤྱི་བོའི་བླ་མ་ཡི། །ཐུགས་ཀར་ཐིམ་པས་གཉིས་མེད་རོ་གཅིག་གྱུར། །ཞེས་འདོན་པ་བསྒྱུར་བས་གསལ་བཏབ་སྟེ། དེ་ལ་སྤྲུལ་སྐུ་བླ་མའི་འཕོ་བ་ཟེར། ཡང་དམིགས་པ་གཞན་དེ་ཉིད་ལ། བླ་

― KMC016_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རྡོ་རྗེ་རྣལ་འབྱོར་མར་བསྒོམ་པའི་ཐུགས་ཀར་ཡེ་ཤེས་སེམས་དཔའ་ཚོན་གང་བ་དེའི་ཐུགས་ཀར་ཏིང་ངེ་འཛིན་སེམས་དཔའ་ཧྲཱིཿཡིག་དམར་པོ་གསལ་བ་ལ་འཕོ་བ་ནི་ལོངས་སྐུ་ཡི་དམ་གྱི་འཕོ་བ་དང་། ཨ་ཡིག་དམིགས་མེད་དུ་བཏང་བ་ལ་ཆོས་སྐུ་འོད་གསལ་གྱི་འཕོ་བར་འདོགས་པ་ཡིད་ནོ། །གཉིས་པ་ལུས་བཅོས་ཏེ་འཕོ་བ་ནི། སེང་གེའི་ཉལ་སྟབས་མགོ་བྱང་དུ་བསྟན་བྱས། རང་ཡི་དམ་དུ་གསལ་བའི་མགྲིན་པར་ༀ། སྙིང་གར་ཧཱུྃ། ལྟེ་བར་ཨཱཿསེམས་ཀྱི་ངོ་བོར་བསྒོམས་ཏེ། ཨཱ ཿཧཱུྃ་ལ། ཧཱུྃ་ༀ་ལ། ༀ་སྣ་བུག་གཡོན་ནས་ཐོན། ཡི་དམ་གྱི་སྐུ་ལ་ཐིམ་པར་བསམ་མོ། །གསུམ་པ་བཙན་ཐབས་ཀྱི་འཕོ་བ་ནི་འདིར་མ་སྨོས་སོ། །དེ་དག་གིས་འཕོ་བའི་ཉམས་ལེན་མདོ་ཙམ་སྨོས་ཟིན་ཏོ། །གསུམ་པ་འཇུག་གམ་རྗེས་ལ་གེགས་བསལ་བ། བོགས་འདོན་པ། ལམ་བགྲོད་ཚུལ། འབྲས་བུ་ཇི་ལྟར་ཐོབ་པ་བཞི་ལས། དང་པོ་ནི། རླུང་གནད་ཀྱི་དུས་སུ་རླུང་སྦྱོར་ཧ་ཅང་དྲགས་པ་དང་། ཡུལ་གནད་དུས་གནད་མ་ཤེས་པའི་དབང་གིས་སྲོག་

― KMC016_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་ལོག་པ་སོགས་གེགས་ཀྱི་རྣམ་པ་བྱུང་ན། བླ་མའི་ཞལ་ལས་དྲིས་ཤིང་བཅོས། སྣོད་འཁྲུད་པ་ན་དྲི་མ་ལྡང་བ་ལྟར་དུག་ལྔ་དང་རིགས་དྲུག་གི་འབྲས་བུ་ངན་པ་ལན་གྲངས་གཞན་ལ་མྱོང་འགྱུར་འདིར་ལྡངས་བས་ལུས་ཀྱི་ན་ཚ་དང་། སེམས་ཀྱི་ཉོན་མོངས་སོགས་ཆེར་ཤར་བ་ན་སྒྱུ་ལུས་དང་སྟོང་ཉིད་བསྒོམ། གཟེར་ལྔ་ལ་སོགས་པའི་ཉམས་ལེན་གྱིས་ལམ་དུ་བསྒྱུར། ཁྱད་པར་ཐབས་ལམ་སྒོམ་པ་འདི་ལ་ཡོན་ཏན་ལ་ང་རྒྱལ་གྱི་བདུད་འཇུག་པ་མང་བས། སངས་རྒྱས་ཀྱི་ཐུགས་ལའང་འདི་ལས་མེད་སྙམ་པ་བྱུང་རུང་སྤྲོས་མེད་དུ་བཞག །རོ་སྙོམས་སུ་བསྲེ། གཞན་དོན་མ་སྔས་པ་བྱ། མདོར་ན་གཏུམ་མོ་ཨ་ཐུང་གི་གདམས་པ་སྒྱུ་ལུས་ལ་སོགས་པའི་ཆ་ལག་དང་བཅས་པ་འདི་ལ་གེགས་མང་ཞིང་ཤེས་པ་སྤང་བར་དཀའ་སྟེ། རྩ་མདུད་དུ་རླུང་ཟིན་པ་དང་། ལུས་ཀྱི་གནས་གཞན་དུ་རླུང་ཟིན་པས་ཉམས་ལ་མི་འཆར་བྱ་བ་མི་འོང་། དེ་ཚོ་ལ་སྡུག་བསྔལ་དང་རློམ་སེམས་རེ་དོགས་སྐྱེས་ན་གེགས་སུ་འགྱུར། དེ་བས་ན་

― KMC016_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དམ་པའི་ཞལ་གྱི་བདུད་རྩི་ལ་བརྟེན་ནས་གེགས་ཀྱི་དབང་དུ་མི་འགྲོ་བར་བྱ་སྟེ་འདིར་བསྡུས་སོ། །གཉིས་པ་བོགས་འདོན་པ་ལ། སྤྱིར་བླ་མ་ལ་དད་པ། སེམས་ཅན་ལ་སྙིང་རྗེ། ལེ་ལོ་མེད་པའི་བརྩོན་འགྲུས། ཐབས་ལམ་ལ་མ་རྨོང་པའི་ཤེས་རབ། དབེན་པ་བརྟེན་པའི་སྒོམ་ཚུགས་སོགས་ཆུ་བོའི་རྒྱུན་ལྟ་བུར་བྱ། བརྟན་པ་མ་ཐོབ་བར་བླ་མའི་ཞལ་ལ་བསྟེན། དབང་པོ་རྟུལ་འབྲིང་དཔེ་ཡི་ཕྱག་རྒྱས་བདེ་བ་སྒྲུབ་པ་རྣམས། རིག་མ་མཚན་ལྡན་ལས་རྒྱ་དང་། ཡིད་ཀྱིས་བསམ་པའི་རྒྱ་ལ་བརྟེན་ནས་བོགས་འདོན། དྲོད་དང་བསྟུན་པའི་བརྟུལ་ཞུགས་ལ་སྤྱོད། དབང་པོ་རྣོན་པོ་རྣམ་ལྡན་སྟོང་ཉིད་ཕྱག་རྒྱར་བྱེད་ནུས་པ་སོགས་ཀྱིས་བྷུ་སུ་ཀུའི་སྤྱོད་པ་དང་། ཕྱག་ཆེན་གྱི་བོགས་འདོན། མདོར་ན་ཕ་རྒྱུད་ནས་བཤད་པའི་སྤྱོད་པ་གསུམ་དང་། མ་རྒྱུད་ནས་བཤད་པའི་སྤྱོད་པ་སོ་སོའི་སྐབས་དང་བསྟུན་ཏེ་བོགས་འདོན། སྤྱིར་ཡོན་ཏན་གསང་ནས་བོགས་འདོན། བླ་འདོད་དང་འགྲོ་དོན་དུ་མིང་བཏགས་མ་སྔས་པ་བྱ། ཞིབ་པར་བླ་མའི་

― KMC016_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་ལས་ཤེས། གསུམ་པ་ལམ་བགྲོད་ཚུལ་ནི། མ་དག་པའི་ལུས་ཀྱི་གནས་ལྔར་ཉོན་མོངས་ལྔའི་ས་བོན། གཏུམ་མོ་ཡེ་ཤེས་ཀྱི་མེས་བསྲེགས་པས་གཞན་ལ་མྱོང་འགྱུར་གྱི་འབྲས་བུ་འབྱིན་པའི་ཉོན་མོངས་རྣམ་རྟོག་སློང་བའི་ཚོགས་ལམ་དང་པོ། དེ་འདྲ་བའི་འབྲས་བུ་ནད་གདོན་སློང་བའི་ཚོགས་ལམ་གཉིས་པ། ཁམས་གསུམ་གྱི་སྐྱེ་རྒྱུན་སློང་ཞིང་གཅོད་པའི་ཚོགས་ལམ་གསུམ་པ། ཟག་བཅས་ཀྱི་བདེ་གསལ་མི་རྟོག་སྟོང་པ་དང་བཅས་ལམ་དུ་སློང་བའི་ཚོགས་ལམ་བཞི་པ་རྣམས་བགྲོད། དེ་ནས་འཁོར་ལོ་ལྔར་རླུང་སེམས་འདུས་པ་ལམ་དུ་སྦྱོང་བའི་སྦྱོར་ལམ་དང་པོ། རྩ་གནས་གྲངས་མེད་དུ་རླུང་སེམས་ཟིན་པ་སློང་བའི་སྦྱོར་ལམ་གཉིས་པ། ཟག་མེད་ཀྱི་བདེ་གསལ་མི་རྟོག་པ་སློང་བས་བདེན་པ་དང་པོར་མཚམས་སྦྱོར་བའི་སྦྱོར་ལམ་གསུམ་པ། འབྱུང་ལྔའི་རླུང་ཟག་མེད་ཡེ་ཤེས་ཀྱི་རླུང་དུ་ཟིན་པའི་སྦྱོར་ལམ་བཞི་པ། བདེ་ཆེན་དང་སྟོང་ཆེན་རེས་འཇོག་ཏུ་འཆར་བའི་སྦྱོར་ལམ་ལྔ་པ་རྣམས་བགྲོད། དེ་ནས་སྔར་མ་

― KMC016_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་བའི་བདེ་སྟོང་རོ་གཅིག་གི་དོན་དང་པོར་མཐོང་བའི་མཐོང་ལམ་ས་དང་པོ་རབ་ཏུ་དགའ་བ་བགྲོད་དོ། །དེ་ནས་དྭངས་མ་ལྔ་ཡེ་བྱོན་གྱི་འགྲོས་སོགས་དང་མཐུན་པར་སྒོམ་ལམ་དང་པོ་ནས་བཟུང་སྟེ་བཅུ་གཉིས་མ་ཆགས་པདྨའི་སའི་བར་དུ་བགྲོད་པས་རྒྱུན་མཐའ་ཐོབ་བོ། །བཞི་པ་འབྲས་བུ་གཏན་ལ་དབབ་པ་ནི། ཐུན་མོང་གི་དངོས་གྲུབ་བམ་འབྲས་བུ་འབྱུང་བ་ལྔའི་རླུང་དབུ་མར་འགག་པས། དུ་བ་ལ་སོགས་པའི་རྟགས་ལྔ་དང་བཅུ་སོགས་འཆར། གཞན་ཡང་སྒོ་གསུམ་ལ་ཡོན་ཏན་དཔག་མེད་འབྱུང་། ཕྲིན་ལས་བཞི་གྲུབ་ཆེན་བརྒྱད་སོགས་ཐུན་མོང་གི་གྲུབ་པ་ཐོབ། དེ་ལྟར་འཇིག་རྟེན་པའི་དངོས་གྲུབ་ཐོབ་ཅིང་དབང་དུ་འདུས་ལ་བོགས་ཐོན། ལམ་ཚད་དུ་ཕྱིན་པས་མཆོག་གི་དངོས་གྲུབ་བཅུ་གསུམ་རྡོ་རྗེ་འཛིན་པའི་ས་བརྙེས། རྡོ་རྗེ་འཆང་ཆེན་པོའི་གོ་འཕང་ཐོབ། ཁ་སྦྱོར་བདུན་ལྡན་ལོངས་སྤྱོད་རྫོགས་སྐུར་བཞེངས། སྒྱུ་འཕྲུལ་དྲ་བའི་སྤྲུལ་པ་བསམ་ཡས་བརྗོད་ཀྱིས་མི་ལོངས་པའི་གར་བསྒྱུར། བྱང་ཆུབ་སྙིང་པོར་སྲིད་པ་

― KMC016_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

དག །མདོར་ན་ཐུན་མོང་མིན་པའི་སངས་རྒྱས་རྡོ་རྗེ་སེམས་དཔའ་རིགས་ཐམས་ཅད་ཀྱི་ཁྱབ་བདག་ཆེན་པོའི་གོ་འཕང་མངོན་དུ་བྱེད་པར་འགྱུར་རོ། །དེ་རྣམས་ཀྱིས་དཔལ་ནཱ་རོའི་ཆོས་དྲུག་གི་དམིགས་ཐུན་མདོ་ཙམ་སྨོས་ཟིན་ཏོ། །འདིར་སྨྲས་པ། བདག་ལ་སྒོམ་པའི་མྱོང་བ་མ་མཆིས་པས། །དེ་སླད་གཞན་ལ་ལམ་ཚུལ་སྟོན་པ་དཀའ། །འོན་ཀྱང་ཡོངས་འཛིན་རྣམས་ཀྱི་ལེགས་བཤད་དང་། སྒྲུབ་བརྒྱུད་ཟླ་མེད་ཀརྨ་ཀཾ་ཚང་ལ། །ངེས་ཤེས་རྙེད་པས་ཚུལ་འདི་ཅུང་ཟད་ཙམ། །གོ་ཞིང་རྟོགས་པས་མདོར་བསྡུས་བཀོད་པ་ཡིན། །སྦྱོང་གཞི་རང་ལུས་ལ་བརྟེན་དྲི་མ་ཙམ། །སྦྱང་བའི་ཐབས་ལ་རྫོགས་རིམ་ཙཎྜ་ལཱི། །མཐར་ཐུག་ཡིན་པར་འཁྲུལ་ནས་ཁ་འཆལ་གྱི། །བརྗོད་པ་མང་པོ་བོད་ཀྱི་ཡུལ་འདིར་བྱུང་། །དེ་ཚེ་ཡོངས་འཛིན་འཁྲུལ་མེད་ཀརྨ་པ། །དབྱངས་ཅན་བཞད་པའི་བཀའ་མཆིད་སྒྲོན་མེ་ཡིས། །དོན་དང་དོན་མིན་ལེགས་པར་ཕྱེ་བ་ལ། །ཤེས་བྱའི་ཁོང་ནས་རྒོལ་བ་རྩོམ་པ་སུ། །ཐུགས་རྗེའི་ནུས་པ་གཏུགས་མེད་བླ་མ་

― KMC016_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག །དབང་ཕྱུག་རྡོ་རྗེ་ལྟ་བུའི་ཞབས་སེན་ལ། །མགོ་བོས་མངོན་བསྟོད་བརྒྱུད་པའི་རྗེས་འབྲང་ན། །ངེས་དོན་དོན་སྤྱིར་མ་ལུས་མངོན་སུམ་འཆར། །འདི་བྲིས་གསང་བ་བསྒྲགས་པའི་ནོངས་མཆིས་ན། །མཁའ་འགྲོའི་ཚོགས་ཀྱིས་བཟོད་པར་མཛད་འཚལ་ཞིང་། །དགེ་བས་འགྲོ་ཀུན་སྙིང་པོའི་བསྟན་པ་ལ། །ཞུགས་ནས་མཆོག་ཏུ་མི་འགྱུར་འགྲུབ་གྱུར་ཅིག །ཅེ ས་པ་འདི་སྔགས་ཀྱི་ཚུལ་ལ་རབ་འབྱམས་སྨྲ་བ་ཀརྨ་དབང་ཕྱུག་གིས་བསྐུལ་བ་དོན་ཡོད་པར་བྱ་བའི་ཕྱིར་ཤཱཀྱའི་དགེ་སློང་ཆོས་ཀྱི་དབང་ཕྱུག་གིས་མཁའ་འགྲོ་ལ་གནང་བར་གསོལ་བ་བཏབ་ཅིང་རྗེ་བཙུན་ཀརྨ་པ་ཆེན་པོ་སྤྱི་བོའི་རྒྱན་དུ་བཀོད་དེ། རང་ལོ་ཉེར་དྲུག་པ་ལ་ཁྱུང་རྫོང་རྒྱལ་བའི་ཕོ་བྲང་དུ་ལེགས་པར་བྲིས་པའོ། །མངྒ་ལཾ། ༈ མར་པའི་ཞལ་གདམས་ལས། ཉམས་ཁྲིད་རྫོགས་པར་མ་ཐོབ་པར། །གལ་ཏེ་འདི་ཉིད་བསྟན་གྱུར་ན། །ནག་པོ་ཆེ་དང་ཟ་བྱེད་ཚོགས། །མཁའ་འགྲོ་རྣམས་ཀྱིས་མགོ་བོ་ཁོས། །ཞེས་གསུངས་པ་ལྟར་རྣལ་འབྱོར་པ་རང་ཉིད་ཀྱང་དམ་ཚིག་

― KMC016_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བཞིན་པར་ཉམས་སུ་ལེན་ཅིང་གཞན་དམ་ལྡན་དམ་མིན་ཚུལ་བཞིན་ཤེས་པ་མ་གཏོགས་གསང་རྒྱས་གདབ་པ་གལ་ཆེའོ། །ཨེ་ཀ་པ་རི་པྲི ཙྪ་བི་ཤུདྦྷ་ཛ་ཡནྟུ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཆོས་དྲུག་བདུད་རྩི་སྙིང་ཁུའི་ཟུར་རྒྱན་ལུང་གི་འོད་ཟེར།

― KMC016_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དྲུག་བདུད་རྩི་ཉིང་ཁུ་ཡི། །ཟུར་རྒྱན་ལུང་གི་འོད་ཟེར་བཞུགས། །

― KMC016_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་བཛྲ་དྷ་ར་ཙནྡྲ་བྷ་དྲཱ་ཡེ། བསྟོད་ཕྱག་དང་པོ་ལེགས་སྦྱར་སྐད། མཆན། འགྱུར་མེད་ཨེ་དབྱིངས་མཁའ་ཁྱབ་ནམ་མཁའི་ཀློང་། བསྟོད་ཕྱག་གཉིས་པ་མཚན་སྤྲས་དང་རྒྱུད་མཐའ་དག་གཟུགས་ཅན། མཆན། །འཕོ་མེད་ཝཾ་ཡིག་རྡོརྗེ་ཉི་ཟླའི་དཀྱིལ། །ཟུང་འཇུག་སྐུ་བཞིའི་འོད་ཟེར་རབ་འབར་བ། །རིགས་ཀུན་ཁྱབ་པའི་བདག་པོར་ཕྱག་འཚལ་ལོ། ༼༡༽ དོན་ཁྲིད་བདུད་རྩི་སྙིང་ཁུ་ཡི། །ཟུར་རྒྱན་ལུང་གི་འོད་ཟེར་གྱིས། །རིག་པ་འཛིན་པའི་རྣལ་འབྱོར་གྱི། །དད་པའི་པད་ཚལ་ཆེར་བཞད་ནས། ལྡན་པའི་གཟུགས་ཅན། མཆན།

― KMC016_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

༼༢༽ །ཉམས་རྟོགས་སྦྲང་རྩིའི་རོ་མཆོག་གིས། །སྐལ་ལྡན་ར་ཡིག་གཉིས་པའི་ཚོགས། །དགྱེས་པའི་གར་གྱིས་རབ་བྲེལ་བས། །ཟབ་གསང་དཔྱིད་ཀྱི་ལང་ཚོ་ངོམ། བྱ་བ་མཐའ་གསལ། མཆན། ༼༣༽ །དོན་ལ་ཟུར་རྒྱན་མི་དགོས་ཀྱང་། །ཟབ་ཅིང་རབ་བརླིང་རྡོ་རྗེའི་ཚིག །རྟོགས་ལྡན་གསར་བུའི་བློ་ཡུལ་དུ། །ངེས་པ་བསྐྱེད་ཕྱིར་ཡི་གེར་སྤེལ། དངོས་པོ་ངེས་བསྟན་རང་བཞིན་བརྗོད་པ། མཆན། ༼༤༽ །ལྡེབ་དང་པོར་བླ་མ་མཚན་ཉིད་དང་ལྡན་པ་ནི། ཡོན་ཏན་བདུན་ལྡན་ཏེ། ལྷག་པ་ཚུལ་ཁྲིམས་ཀྱི་བསླབ་པ་སྡོམ་

― KMC016_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསུམ་དང་ལྡན་པ། ༡ ཏིང་ངེ་འཛིན་གྱི་བསླབ་པ་སེམས་ལ་རང་དབང་ཐོབ་པ། ༢ ཤེས་རབ་ཀྱི་བསླབ་པས་སྔགས་ཀྱི་དེ་ཉིད་རྟོགས་པ། ༣ བྱིན་རླབས་འབྱུང་བའི་གཞི་བརྒྱུད་པ་རྣམ་པར་དག་པ་དང་ལྡན་པ། ༤ བརྒྱུད་པ་དེ་ལྡན་གྱི་གདམས་ངག་ཉམས་སུ་མྱོང་བ། ༥ ཐོས་བསམ་གྱི་གོ་བས་སྡེ་སྣོད་ཀྱི་འཇུག་ཚུལ་ཤེས་པ། ༦ གསང་བ་ཟབ་མོ་སྙན་བརྒྱུད་ཀྱི་སྒྲོ་འདོགས་ཆོད་པ། ༧ དང་བདུན་དུ་ཆོས་དྲུག་གི་ཁྲིད་ཡིག་སྐུ་བཞིའི་འབྲས་བུ་མྱུར་སྟེར་ལས་བཤད། དམར་ཁྲིད་གསང་བ་སྙིང་པོ་བཅུད་ཀྱི་ཡང་ཞུན་དུ་དྲུག་ཏུ་བཞེད་དེ། ཕྱི་མ་ཉིད་གདམས་ངག་ཉམས་མྱོང་གི་ཁོངས་སུ་བསྡུས་པའོ། །ཞར་བྱུང་དུ་སློབ་མའི་མཚན་ཉིད་ཀྱང་ཁྲིད་ཡིག་དེ་ཉིད་ལས། སློབ་མ་མཚན་ཉིད་ལྔ་ལྡན་དུ་བཞེད་དེ། དཀར་པོའི་ཞིང་ས་ཟད་པ་མོ་ཤམ་གྱི་བུ་ལྟ་བུ་མ་ཡིན་པར་དད་པ་གསུམ་དང་ལྡན་པ། ༡ ཡོན་ཏན་གྱི་རྟེན་དུ་མ་གྱུར་པ་རུ་སྦལ་གྱི་སྤུ་ལྟ་བུ་མ་ཡིན་པར་དམ་ཚིག་སྡོམ་པ་སྲུང་ནུས་པ། ༢ ཆོས་བརྒྱད་ཀྱི་དབང་དུ་ཤོར་བ་བྲན་ལྟ་བུ་མ་

― KMC016_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པར་ཐར་འདོད་ཀྱི་བརྩོན་འགྲུས་རྩོམ་ནུས་པ། ༣ ཐེག་ཆེན་གྱི་སྣོད་དང་མི་ལྡན་པ་རིགས་ཆད་པ་ལྟ་བུ་མ་ཡིན་པ་སྙིང་རྗེ་ཆེ་ཞིང་ཤེས་རབ་གསུམ་དང་ལྡན་པ། ༤ སྨིན་གྲོལ་གྱི་སྣོད་དུ་མ་གྱུར་པ་ཉན་ཐོས་སིནྡྷ་པ་ལྟ་བུ་མ་ཡིན་པར་སྔགས་ཀྱི་ལྟ་སྤྱོད་ལ་ཡོན་ཏན་དུ་མཐོང་བའོ། ༥ །སྒྲུབ་གནས་རབ་བཀའ་བརྒྱུད་གོང་མས་བྱིན་གྱིས་བརླབས་པའི་གནས་དེར་བར་ཆད་མི་འབྱུང་ཞིང་རྟོགས་པ་མྱུར་དུ་འཆར་བའོ། །འབྲིང་མཁའ་འགྲོ་འདུ་བའི་དུར་ཁྲོད་དེར་དངོས་གྲུབ་མྱུར་ཞིང་འཁོར་བ་ལ་སྐྱོ་བ་སྐྱེ། ཐ་མ་མཐུན་རྐྱེན་ཚང་ཞིང་དབེན་པའི་གནས་ཏེ་བསམ་གཏན་གྱི་ཚེར་མ་ཉིན་མོ་སྐྱེ་བོའི་འདུ་འཛིས་དབེན་པ། མཚན་མོ་དགྲ་རྐུན་ཉེར་འཚེས་དབེན་པ། འཚོ་བ་དང་ཆུ་ཤིང་སྒྲུབ་སླ་བ་དེར་སྐྱེ་བོའི་རྒྱུ་འགྲུལ་ཉུང་བས་འཇིག་རྟེན་ཆོས་བརྒྱད་མི་སྐྱེ་བའོ། །ལྡེབ་གཉིས་པའི་རྒྱབ་ཕྲེང་བཞི་པར་བླ་མའི་རྣལ་འབྱོར་སྐབས་སུ། ཨ་ཧཾ་ཞེས་པ། ཨ་སྟོང་པ་ཉིད། ཧཾ་བདེ་བ་ཆེན་པོ། བདེ་སྟོང་གི་རང་སྒྲའོ། །ཨ་ལྟེ་བའི་ཨ་ཤད། ཧཾ་

― KMC016_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་བོའི་ཧཾ་ཡིག །ཨ་རྡོ་རྗེ་རྣལ་འབྱོར་མ། ཧཾ་བདེ་མཆོག་འཁོར་ལོའོ། །ནམ་མཁའ་དང་མཉམ་པའི་རྒྱུད་ལས། མི་ཤིགས་ཧཾ་གི་དབྱིབས་འདྲ་སྟེ། །ནོར་བུ་ཀུནྡའི་མདོག་ལྟ་བུ། །དཀར་ལ་འཚེར་དང་གཟི་མདངས་སྣུམ། །ཞེས་དང་། སློབ་དཔོན་ནག་པོ་པས། འདི་ནི་ཧེ་རུ་ཀ་དཔལ་དཔའ། །སྤྱིད་ཀྱི་ཐིག་ལེ་བཤད་པ་སྟེ། །ཅེས་སོ། །སྡོམ་འབྱུང་ལས། ཨ་ཡིག་སྣ་ཚོགས་གཟུགས་ལྡན་མ། །ལྷ་མོ་སྐུ་བཞིའི་བདག་ཉིད་ཅན། །དངོས་གྲུབ་ཐམས་ཅད་རབ་སྩོལ་མ། །ལྟེ་བའི་དཀྱིལ་འཁོར་ཉིད་གནས་པ། །རྒོད་མའི་མེ་འདྲའི་ངོ་བོ་ནི། །ཕག་མོའི་ཐིག་ལེར་འདོད་པ་ཡིན། །ཅེས་གསུངས་པ་ལྟར་རོ། །གཉིས་པའི་རྒྱབ་ལོག་ཕྲེང་གསུམ་པར། པདྨའི་འདུག་སྟངས་ལ། ཞབས་མཐིལ་ཁ་སྦྱར་བ་དང་ལོང་བུ་བསྣོལ་བའི་ལུགས་གཉིས་ལས་གང་བསྒོམ་ཀྱང་འདྲའོ། །གསུམ་པ་ཡར་ངོ་ཕྲེང་གཉིས་པར། ཨེ་མ་ཧོ་ཞེས་པ་ངོ་མཚར་བའོ། །ལན་གསུམ་དུ་བརྗོད་པ་ནི། བརྒྱད་སྟོང་འགྲེལ་ཆེན་ལས། ངོ་མཚར་བ་དང་རྩོད་པ་དང་། ཁྲོ་དང་

― KMC016_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུམ་དང་ངེས་བཟུང་དང་། །དད་དང་དགའ་བ་རྣམས་ལ་ནི། །ཚིག་གཅིག་ལན་གཉིས་འབྱུང་བ་ཡིན། །ཅེས་གསུངས་པ་ལྟར་མཆོག་ཏུ་དད་ཅིང་དགའ་བས་ལན་གཉིས་བསྐྱར་ནས་ཆེད་དུ་བརྗོད་ཅིང་། ཆོས་ཞེ ས་པ་ནི་དོན་རྣམ་པ་བཅུ་ལ་འཇུག་པ་ལས་འདི་ནི་ཡིད་ཀྱི་ཡུལ་བདེ་བ་ཆེན་པོའམ་དགའ་བ་ཆེན་པོ་ལ་ཆེས་རྨད་དུ་བྱུང་བས་ངོ་མཚར་བའོ། སླར་ཡང་ཨེ་མ་ཧོ་ཞེས་ངོ་མཚར་བའི་ཚིག་གིས་ཐོག་དྲངས་ཏེ། ཆོས་བདེ་ཆེན་ལྷན་གཅིག་སྐྱེས་པའི་དོན་གང་ལས་བྱུང་བ་ཡིན་ཅེ་ན། ཇི་སྐད་དུ་ཡང་། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །ཞེས་སོགས་གསུངས་པ་ལྟར་ཆོས་ཉིད་ཀྱི་བདེན་པ་གཟིགས་པའི་རྡོ་རྗེ་སློབ་དཔོན་ཉིད་ལས་བྱུང་བ་སྟེ། སྣང་ཞིང་སྲིད་པའི་ཆོས་ཐམས་ཅད་དོན་དམ་པ་བདག་མེད་པ་བདེ་སྟོང་གཉིས་སུ་མེད་པའི་རྡོ་རྗེ་རྒྱལ་པོ་ལ་དོན་དམ་དེ་ཁོ་ན་ཉིད་ཀྱི་ངང་དུ་ཕྱག་འཚལ་ཞིང་འདུད་པའོ། །ནམ་མཁའི་རྡོ་རྗེ་ནི། རྡོ་རྗེ་གུར་ལས། སྐྱེ་བ་མེད་ཅིང་དམིགས་པ་

― KMC016_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

མེད། །མི་ཕྱེད་ནམ་མཁའི་འབྱུང་གནས་ཏེ། །ཟབ་ཅིང་རྒྱ་ཆེའི་རང་བཞིན་ཅན། །བྱང་ཆུབ་ཚུལ་འདི་བསྟན་པའོ། །ཞེས་པ་ལྟར་དོན་དམ་པའི་འོད་གསལ་རང་རིག་འདུས་མ་བྱས་པའི་ཡེ་ཤེས་རྡོ་རྗེའི་ཆོས་བདུན་ལྡན་ཏེ། ཉོན་མོངས་པའི་སྒྲིབ་པས་མི་ཆོད་པ། ༡ ཤེས་བྱའི་སྒྲིབ་པས་མི་ཤིགས་པ། ༢ རྟོགས་པའི་མི་བསླུ་བས་བརྟན་པ། ༣ དེ་ལ་ཕྱིན་ཅི་ལོག་ཏུ་འགྱུར་བ་མེད་པས་སྲ་བ། ༤ འགལ་རྐྱེན་གྱིས་མི་འཕྲོག་པས་བརྟན་པ། ༥ སྒྲིབ་གཉིས་འཇོམས་པས་ཐམས་ཅད་དུ་མཐུ་ཐོགས་པ་མེད་པ། ༦ སྤང་བྱའི་གཡུལ་ལས་རྒྱལ་བས་ཕྱོགས་ཐམས་ཅད་ལས་མ་ཕམ་པ་སྟེ། ༧ རྟོགས་པ་ནམ་མཁའི་རྡོ་རྗེ་ཆོས་བདུན་དང་ལྡན་པ་དེ་དེང་བདག་ལ་སྩོལ་ཅིག་པའོ། །རྩ་སྟོང་ཕྲག་བདུན་ཅུ་རྩ་གཉིས་ནི་མངལ་དུ་ཟླ་བ་གཅིག་རྫོགས་ནས་བཟུང་སྟེ་ཞག་རེ་རེ་ལ་རྩ་ཉིས་བརྒྱ་རེ་ཆགས་པས་ཟླ་བ་རེ་ལ་རྩ་དྲུག་སྟོང་འབྱུང་དྲུག་སྟོང་རེ་ཟླ་བ་བཅུ་གཉིས། ལ། མངལ་གྱི་ཟླ་བ་དགུ་ལ་རྩ་སྟོང་ཕྲག་ལྔ་བཅུ་ང་བཞི་དང་། ཕྱི་རོལ་ཟླ་བ་གསུམ་ལའང་རྩ་

― KMC016_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་སྟོང་རེ་སྟེ་ཟླ་བ་བཅུ་གཉིས་ཀྱི་བར་དུ་འཕེལ་བས་སྟོང་ཕྲག་བདུན་ཅུ་རྩ་གཉིས་རྫོགས་པའོ། ཟབ་མོ་ནང་དོན་ལས། སྟོང་ཕྲག་ཉི་ཤུ་རྩ་བཞི་ནི། །ཟླ་བ་འབབ་པ་རྐྱང་མའི་རིགས། །སྟོང་ཕྲག་ཉི་ཤུ་རྩ་བཞི་ནི། །ཉི་མ་འབབ་པ་རོ་མའི་རིགས། །སྟོང་ཕྲག་ཉི་ཤུ་རྩ་བཞི་ནི། །རླུང་རྒྱུ་དབུ་མའི་རིགས་སུ་བརྗོད། །ཅེས་དང་། རྩ་ནི་ཉི་ཤུ་རྩ་བཞི་པོ། །མི་ཕྱེད་མ་ནས་ཡིད་བཟང་བར། །ཐིམ་འདས། དང་དཀར། ལོངས་ད་ལྟ། སྤྱོད་དམར། བདག་མ་འོངས། པོ་ཡི། །དབྱེ་བ་གསུམ་ལྟེ་བདུན་ཅུ་གཉིས། །རེ་རེའང་འཁོར་ནི་སྟོང་སྟོང་ངོ་། །དཔེར་ན་སྡོང་པོ་གཅིག་ལ་ནི། །ཡལ་ག་ལོ་འདབ་གྱེས་པ་བཞིན། །ཅེས་སོ། །ཞར་བྱུང་རྩ་སྡུད་པའི་ཚུལ་ཡང་། ནང་དོན་ལས། སྐྱེ་ནས་ལོ་གཅིག་བར་དུ་ནི། །ཐམས་ཅད་སྐྱེད་པར་བྱེད་པ་སྟེ། །དེ་ནས་ཞག་རེ་རྩ་གཉིས་གཉིས། །ནུས་པ་སྐམ་པར་བཤད་པ་ཡིན། །ལོ་བརྒྱད་སྟོང་ཕྲག་བདུན་ཅུ་གཉིས། །སྡུད་པ་རགས་པའི་རིམ་པའོ། །ཞེས་སོ། །རླུང་བཅུ་ནི། རྩ་བའི་རླུང་ལྔ། ཡན་

― KMC016_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་གི་རླུང་ལྔ་དང་བཅུ་སྟེ། སྲོག་འཛིན་པའི་རླུང་ནི། རྩ་དབུ་མའི་མར་སྣ་ཨ་དང་ཡར་སྣ་ཧྂ་གིས་བཀག་པའི་བར་དུ་གནས་པ་ཀུན་གཞིའི་རྣམ་ཤེས་ལ་བརྟེན་ཉོན་མོངས་པ་ཅན་གྱི་ཡིད་སྲོག་གི་རླུང་མངོན་པར་བྱེད་པ་ཡི་གེ་ཨ་ཡི་རང་བཞིན་ནམ་མཁའི་ཁམས། ༡ གསང་བ་འདུས་པ་ལས། ནམ་མཁའི་མགོན་པོ་ཞེས་ཀྱང་བཤད་དོ། །ཐུར་སེལ་གྱི་རླུང་རྩ་གསུམ་འདུས་མདོ་མན་ཆད་དུ་གནས་པ་ལྀ་ཡིག་གི་རྣམ་པ་ཅན་སའི་ཁམས། ༢ དེ་ལས་གཞན་པའི་རྩ་བའི་རླུང་གསུམ་དང་ཡན་ལག་གི་རླུང་ལྔ་དང་བརྒྱད་ནི་སྙིང་གི་རྩ་འདབ་བརྒྱད་ལ་གནས་ཏེ། གྱེན་རྒྱུ་མདུན་ཕྱོགས་ཤར་གྱི་རྩ་སྣར་མ་ལ་གནས་ཤིང་རྀ་ཡིག་གི་རྣམ་པ་ཅན་འབྱུང་བ་མེ་ཁམས། ༣ མེ་མཉམ་ཤར་ལྷོའི་རྩ་གླང་ཆེན་ལྕེ་ལ་གནས་ཤིང་ཨི་ཡིག་གི་དབྱིབས་ཅན་འབྱུང་བ་རླུང་གི་ཁམས། ༤ ཁྱབ་བྱེད་ལྷོ་ཕྱོགས་ཀྱི་རྩ་སེར་དམར་སེར་ཡང་ཟེར། མཆན། སྐྱ་ལ་གནས་ཤིང་ཡི་གེ་ཨུའི་དབྱིབས་ཅན་འབྱུང་བ་ཆུ་ཁམས་ཏེ་རྩ་བའི་རླུང་རྣམ་པ་ལྔའོ། ༥ །འདི་དག་དུས་འཁོར་

― KMC016_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སེམས་འགྲེལ་སྐོར་གསུམ་ལས་གསུངས་པ་ཟབ་མོ་ནང་དོན་ལྟར་རོ། །རྡོར་ཕྲེང་ལས་སྲོག་འཛིན་རླུང་ཁམས་དང་ཁྱབ་བྱེད་ནམ་མཁའི་ཁམས་སུ་བཞག་པ་དང་། ཏི་པུ་པས། གྱེན་རྒྱུ་ཆུ་ཁམས་མེ་མཉམ་མེ་ཁམས་དང་ཁྱབ་བྱེད་རླུང་ཁམས་སུ་བཤད་པའང་ཡོད་དོ། །རྩ་བའི་རླུང་ལྔ་ཨ་ལ་སོགས་པའི་ཡི་གེ་ལྔར་གནས་པའི་སྟོང་ཆེན་ཡི་གེ་ལྔའི་རང་བཞིན་ཡིན་པས་སོ། །ཡན་ལག་གི་རླུང་ལྔ་ནི། ཀླུའི་རླུང་ལྷོ་ནུབ་རྒྱལ་གྱི་རྩ་ལས་རྒྱུ་ཨཱ་རིང་པོའི་རྣམ་པ་ནམ་མཁའི་རླུང་། ༡ རུ་སྦལ་གྱི་རླུང་རྒྱབ་ནུབ་ཕྱོགས་རྒྱལ་བའི་རྩ་ལས་རྒྱུ་ཨེ་རྣམ་པ་རླུང་གི་རླུང་། ༢ རྩང་པའི་རླུང་ནུབ་བྱང་ཀུན་ཏུ་འཕྱང་ཨ་ལཾ་སུ་ཥ་པའི་རྩ་ལས་རྒྱུ་ཨར་གྱི་རྣམ་པ་མེའི་རླུང་། ༣ ལྷས་སྦྱིན་གྱི་རླུང་བྱང་སྟེ་གཡོན་ཨོ་ཌྀའི་རྩ་ལས་རྒྱུ་ཨོ་ཡིག་གི་རྣམ་པ་ཅན་ཆུའི་རླུང་། ༤ ནོར་ལས་རྒྱལ་གྱི་རླུང་བྱང་ཤར་ཚུལ་འཆོས་ཀུ་ཧ། པའི་རྩ་ལས་རྒྱུ་ཨལ྄་གྱི་རྣམ་པ་སའི་རླུང་། རྀ་ཡན་ལག་གི་རླུང་ལྔའོ། །འདིར་བཤད་པའི་སྙིང་གའི་རྩ་འདབ་རྩ་བརྒྱད་ཀྱི་མིང་

― KMC016_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་འཁོར་ལས་འབྱུང་བ་ལྟར་ཡིན་ལ་ནང་དོན་གཞུང་གི་རིན་ཆེན་ཅོད་པན་སོགས་ནི་རྡོར་ཕྲེང་གི་དགོངས་པའོ། །འདིར་བཀོད་པ་ནི་༧དྲུང་ཀུན་དགའ་རྣམ་རྒྱལ་གསུང་འབུམ་ལྟར་ཡིན་པ་འདི་དག་ཧོར་པར་རྙིང་པ་ལྟར་འདུག་སྟེ། གྱེན་རྒྱུ་མདུན་ཕྱོགས་རྩ་ལས་བྱུང་། །མེ་མཉམ་མི་མཚམས་རྩ་ལས་བྱུང་། །ཞེས་པ་ནང་དོན་འགྲེལ་པ་ཉིན་བྱེད་འོད་ཕྲེང་དང་དཔལ་སྤུངས་པར་མ་དང་ཅུང་ཟད་མི་འདྲ་བས་དཔྱད་པར་ཞུ། ནང་དོན་ལས། སྟོང་ཕྲག་བདུན་ཅུ་རྩ་གཉིས་སུ། །ཉི་ཁྲི་ཆིག་སྟོང་དྲུག་བརྒྱའི་རླུང་། །དེ་ལྟར་ནང་ན་རྒྱུ་བར་འགྱུར། །ཞེས་གསུངས་པ་ལྟར་ཞག་གཅིག་ལ་རླུང་དབྱུང་རྔུབ་རེ་རེའང་བ་སྤུའི་མཐར་ཐུག་ཏུ་འགྲོ་ཞིང་རྒྱུ་བ་དང་མཚུངས་པ་ཕྱི་རོལ་ཏུ་ལོ་གཅིག་ལ་ཁྱིམ་ཞག་སུམ་བརྒྱ་དྲུག་ཅུ་ཞག་རེའི་ཆུ་ཚོད་དྲུག་ཅུ་བསྒྱུར་གྲངས་དང་མཉམ་པར་འཆར་རོ། ༈ །དམ་ཚིག་གསུམ་རྟེན་ཅེས་པ་ནི། ཕྱག་རྒྱ་སྐུ་ཡི་དམ་ཚིག །དྲིལ་བུ་གསུང་གི་དམ་ཚིག རྡོ་རྗེ་ཐུགས་ཀྱི་དམ་ཚིག་གོ །ཕྱག་རྒྱ་སྐུ་ཡི་དམ་ཚིག་ལུས་རྩལ་དག་པ་སྐུ་རྡོ་རྗེ།

― KMC016_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིལ་བུ་གསུང་གི་དམ་ཚིག་ངག་རླུང་དག་པ་གསུང་རྡོ་རྗེ། རྡོ་རྗེ་ཐུགས་ཀྱི་དམ་ཚིག་ཡིད་ཐིག་ལེ་དག་པ་ཐུགས་རྡོ་རྗེ་སྟེ་མདོར་ན་ལུས་ངག་ཡིད་ཀྱི་སྒོ་གསུམ་རྡོ་རྗེ་གསུམ་དུ་དག་ཅིང་བརྟན་པ་ཐོབ་པའོ། །དེ་ཡང་རྡོ་རྗེ་ཐུགས་ཀྱི་དམ་ཚིག་ནི་ཐབས་བདེ་བ་ཆེན་པོ། དྲིལ་བུ་གསུང་གི་དམ་ཚིག་ནི་ཤེས་རབ་སྟོང་པ་ཉིད། ཕྱག་རྒྱ་སྐུ་ཡི་དམ་ཚིག་ནི་ཟུང་འཇུག་རྣམ་པར་མི་རྟོག་པའི་ཡེ་ཤེས་སོ། །སྡོམ་གསུམ་རྣམ་པར་ངེས་པ་ལས། མདོར་ན་རང་ལུས་རྡོ་རྗེ་གསུམ་ཤེས་ན། །སྔགས་ཀྱི་དམ་ཚིག་ས་ཡ་འབུམ་སྡེ་འདུས། །ཞེས་གསུངས་པ་ལྟར་རོ། །དེ་ལྟ་བུའི་དམ་ཚིག་གསུམ་ལ་བརྟན་པ་ཐོབ་ན་དབང་དོན་རྒྱུད་ལ་སྐྱེས་པ་ཡིན་པས་རྡོ་རྗེ་སློབ་དཔོན་བདག་པོ་ཆེན་པོ་ཡིན་པས་དབང་ཐོབ་པ་སྟེ་རྒྱལ་བའི་གདུང་འཚོབ་པ་ཡིན་ནོ། །སྐྱེ་བ་ཀུན་ཏུ་རིགས་བདག་མི་འཆོལ་ཞེས་སོགས་ཀྱི་སྨོན་ལམ་ལ་ཕྱག་རྒྱ་བཞི་དང་འབྲེལ་བའི་བཤད་བྱ་རྒྱ་ཆེན་པོ་ཡོད་ཀྱང་མདོར་བསྡུས་རང་རེས་ཟུར་དུ་བྲིས་པ་ཡོད་པ་དེར་གཟིགས་པས་འཐུས་སོ།

― KMC016_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །ལྡེབ་བཞི་པའི་ཡར་ངོ་ཕྲེང་བཞི་པར། ༀ་ཨཱཿཧཱུྃ་སོགས་སྔགས་དོན་ནི། ལུས་ངག་ཡིད་གསུམ་སྐུ་གསུང་ཐུགས་ཡེ་ཤེས་རྡོ་རྗེའི་རང་བཞིན་གྱི་བདག་ཉིད་པའོ། །ཞེས་པ་ནི་གཞི་རྣམ་དག་གི་ཏིང་ངེ་འཛིན་ནོ། །སྟོང་རའི་སྐབས་སུ་ཕག་མོ་ལ་འགྱིང་སྟབས་སུ་བསྒོམ་ན་དབུ་རྐྱང་རོ་གསུམ་འཁྱོག་པའི་སྐྱོན་འབྱུང་བས་འགྱིང་སྟབས་མེད་པ་ཤིན་ཏུ་དྲང་བ་བསྒོམ་མོ། ༈ །ལྔ་པའི་ཕྱིར་ངོ་གསུམ་པར་རྒྱབ་ལོགས་ཀྱི་རྩ་འཁོར་ཨེ་ཡིག་དབྱིབས་ནི་གྲུ་གསུམ་དང་། ཝཾ་ཡིག་ནི་ཟླུམ་པོའོ། ༈ །དྲུག་པའི་ཡར་ངོ་ཕྲེང་དང་པོར། རྒྱ་མཚོ་ནི་ཕོ་བ། རི་རབ་ནི་སྒལ་ཚིག་སྟེ། ཕ་ོབ་སྒལ་པ་ལ་སྦྱར་བའི་བརྡ་ཚིག ༈ །ཕྲེང་བཞི་པར་སྲིན་ཞལ་ནི་འོག་སྒོ་བཤང་ལམ་མོ། ༈ །འདི་སྐབས་སུ་རླུང་བུམ་པ་ཅན་ལ་དབྱེ་བ་བདུན་ཏེ། ཆུང་ངུ་ུ། ༡ འབྲིང་པོ། ༢ ཆེན་པོ། ༣ སྟེང་གི་བུམ་ཅན། ༤ འོག་གི་བུམ་ཅན། ༥ བར་གྱི་བུམ་ཅན། ༦ ཕྱིའི་བུམ་པ་ཅན་ནོ། ༧ དང་པོ་ནི། འོག་རླུང་སྟེང་དུ་འཐེན། སྟེང་རླུང་འོག་ཏུ་མནན་ནས་རྩ་གསུམ་འདུས་མདོར་རླུང་

― KMC016_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

གྭའུ་ཁ་སྦྱོར་དུ་བསྒོམ་པའི་བུམ་ཅན་ཆུང་ངུ་། ལྟེ་བར་སྙིང་ག་ཕྱིན་ཆད་དུ་སྦྱོར་འབྲིང་པོ། མཆན། གྭའུ་ཁ་སྦྱོར་དུ་བྱེད་པ་འབྲིང་པོ། མགྲིན་པ་མན་ཆད་གྭའུ་ཁ་སྦྱོར་དུ་བྱེད་པ་ཆེན་པོ། འོག་རླུང་བཟུང་སྟེ་སྟེང་རླུང་ཡན་པར་བཏང་བ་འོག་གི་བུམ་པ་ཅན། སྟེང་རླུང་བཟུང་ནས་འོག་རླུང་ཡན་པར་འཇོག་པ་སྟེང་གི་བུམ་ཅན། སྟེང་འོག་གཉིས་ཀ་ཡན་པར་གཏོང་ལ་བར་དུ་བརྒྱངས་ཏེ་འཛིན་པ་བར་གྱི་བུམ་ཅན། རླུང་ནང་དུ་མི་འཛིན་ཅིང་ཕྱི་རོལ་ཏུ་འཛིན་པ་ཕྱིའི་བུམ་ཅན་ནོ། །དེ་རྣམས་རང་རང་གི་བློ་ཚོད་དང་དུས་སྐབས་སོགས་ལ་སྦྱར་རོ། ༈ །སྣ་བུག་ནས་སོར་བཅུ་དྲུག་གི་མཚམས་ནས་ནང་དུ་འཛིན་པ་དང་། ཕྱིར་གཏོང་བའི་ཚེ་དེའི་ཚད་དུ་ཡལ་བར་བསྒོམ་དགོས་པའི་གནད་ནི། ས་རླུང་ཡོན་ཏན་ལྔ་ལྡན་ནི་སྣ་ནས་སོར་བཅུ་གཉིས་བར་དུ་ནི་ལྷུང་ཐབས་སུ་ཐུར་དུ་རྒྱུ་ལ། དེ་ནས་ཆུ་རླུང་སོར་བཅུ་གསུམ། མེ་རླུང་སོར་བཅུ་བཞི། རླུང་གི་རླུང་སོར་བཅོ་ལྔ། ནམ་མཁའི་རླུང་སོར་བཅུ་དྲུག་གི་བར་ཡོན་ཏན་རེ་རེ་ཕྲི་བས་ཡང་བས་གྱེན་

― KMC016_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་མཐོ་ཞིང་རྒྱུ་བས་སོ། །འདི་ནི་དུས་འཁོར་གྱི་དགོངས་པ་ཡིན་ལ་གསང་བ་འདུས་པ་ལས་གསུངས་པ་འདི་དང་མི་འདྲའོ། ༈ །རླུང་སྦྱོར་བ་བཞི་ལྡན་གྱི་སྐབས་སུ་གཞིལ་ཚུལ་རྣམ་པ་གསུམ་དུ་རྒྱལ་དབང་ཆོས་གྲགས་རྒྱ་མཚོས་གསུངས་པ་ནི། ཕྱི་གཞིལ། ༡ ནང་གཞིལ། ༢ དེ་ཁོ་ན་ཉིད་ཀྱི་ངང་དུ་གཞིལ་བ་གསུམ་མོ། ༣ །དང་པོ་བ་སྤུའི་བུ་ག་ནས་ཕྱིར་གཞིལ་བའི་དམིགས་པ་ནཱ་རོའི་ཀ་དཔེ་ཚིག་ལྷུག་གི་དགོངས་པ་དང་། གཉིས་པ་ནང་གཞིལ་རོ་རྐྱང་གཉིས་ནས་རྩ་དབུ་མར་གཞིལ་བ། ཀར་ལུགས་ཉམས་ལེན་གྱི་གཙོ་བོ། གསུམ་པ་གནས་ལུགས་ཀྱི་ངང་དུ་གཞིལ་བ་ནི། རླུང་སེམས་གཉིས་སུ་མེད་པའི་གནད་དམ་པ་སྟེ། ༈ ལྔ་པའི་ཕྱི་ལོག་ཕྲེང་དང་པོར། དབུ་མའི་ནང་སྟོང་སང་ངེ་བ་ལ་སེམས་གཏད་དེ་རྣམ་པར་བཞག་པའོ། །རྗེ་བཞད་པ་རྡོ་རྗེའི་ཞལ་སྔ་ནས་འོག་འཁོར་བ་རྒྱུན་གཅོད་སྦར་བ་འོག་སྒོའི་བཅུད་བསྡུས་ཞེས་དང་། འཁོར་འདས་ཀྱི་འཁྲུགས་པ་སུ་རྒྱལ་ལྟེ་འོག་སོར་བཞིར་ཡོད་གསུངས་པ་ལྟར་སྐབས་འདིར་ཐུར་

― KMC016_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ་དབང་དུ་བྱ་བ་གནད་འགག་ཆེ་བ་སྟེ། འོག་སྒོ་གཡས་སུ་ཤེད་ཀྱིས་འཐེན་ཅིང་གཞིལ། ༡ དེ་བཞིན་གཡོན་དང་། ༢ མདུན་དང་། ༣ རྒྱབ་དང་། ༤ དབུས་སུ་དམ་པར་བཅིང་ལ་གཞིལ་བའོ། ༥ །འདི་ལ་གཞིལ་ལྔའི་གནད་ཅེས་གསུངས་སོ། །བུམ་ཅན་གྱི་ཐོག་མར་རྡོར་བཟླས་བྱ་བ། ཡི་གེ་གསུམ་ལ་མ་ཡེངས་པར། །ཉིན་དང་མཚན་དུ་གོམ་པར་བྱ། །ཞེས་གསུངས་པས་མཚོན་རྗེ་མར་པའི་ཞལ་གདམས་ཀྱི་ལུགས་དང་། འབྲུག་ལུགས་སུ་རྩ་ལམ་སྦྱོང་བ་རྩ་གནས་བྱིན་རླབས་སོགས་དམིགས་པའི་རྣམ་གྲངས་སྣ་ཚོགས་ཡོད་ཀྱང་བདུད་རྩི་སྙིང་ཁུ་འདི་ཉིད་དུ་དག་པ་ལྷ་ཡི་སྟོང་ར་དང་། གནས་པ་རྩའི་སྒོམ་རིམ་ལ་བརྟན་པ་ཐོབ་ནས། གཡོ་བ་རླུང་གི་འགྲོས་རྔུབས་ཤིང་དགང་བ། ༡ རང་སར་གཞིལ་བ། ༢ མདའ་ལྟར་འཕང་བ་གསུམ་སྦྱང་བ་ལས་གཞན་མེད་དོ། ༣ ༈ །ལར་འདི་ཐད་ས་བཅད་དང་མིང་འདོགས་ཚུལ་འདྲ་མིན་མང་དུ་ཡོད་ཀྱང་། སྟོང་ར་སྦྱོང་བ་སྣང་བརྙན་གྱི་སྐུ་སྒྲུབ་པ་དང་། རྩ་སྦྱོང་བ་ལ་

― KMC016_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྡན་གྱི་གཞི་བཟུང་བ་དང་། རླུང་སྦྱོང་བ་ལ་གསང་གསུམ་གྱི་འགྲོས་སྦྱོང་བ་དང་། ཐིག་ལེ་སྦྱོང་བ་ལ་ཆུ་ཟླའི་གར་བསྒྱུར་བ་ཞེས་པའི་མིང་འདོགས་རྟོགས་ལྡན་མཁའ་སྤྱོད་དབང་པོས་གསུངས། ༈ དབུ་མའི་ཡར་སྣ་སྨིན་མཚམས་སུ་བསྲིངས་པའི་ཐིག་ལེ་འབྱུང་ལྡོག་གི་དམིགས་པ་འདི་རྗེ་དྭགས་པོ་རིན་པོ་ཆེ་དང་དུས་མཁྱེན་གྱི་གསུང་ལས་འབྱུང་བ་ལྟར་རོ། །འདི་ལ་དྲུང་ཀུན་དགའ་རྣམ་རྒྱལ་གྱི་ཟིན་བྲིས་སུ་སྨིན་བར་གྱི་རུས་པར་ཆོས་འབྱུང་དཀར་པོ་གྲུ་གསུམ་པ། དེའི་ནང་དུ་རླུང་སེམས་འདྲེས་པའི་ཐིག་ལེ་དཀར་ལ་འཚེར་བ། སྣུམ་ལ་འདྲིལ་བ། ཆེ་ཆུང་སྲན་མའི་རྡོག་པོ་ཙམ་ལ་ཤེས་པ་གཏད་ཅིང་མིས་མ་ཚོར་ཙམ་གྱིས་འཇམ་རླུང་བཟུང་ཞིང་ཞག་གསུམ་ལྔ་བདུན་སོགས་ལ་ཐུན་དྲུག་ཏུ་བསྒོམས་པས་ཐིག་ལེ་དེ་འགུལ་བའམ། རྩེ་བའམ་ལག་པས་རེག་ཏུ་གཏུབ་པའི་མཐོང་སྙམ་བྱེད་པ་འབྱུང་ཞིང་དེ་ལྟར་གསལ་ཐེབས་ནས། ཚངས་བུག་གི་ཐད་དེར་སྐྱ་ཙེ་རེར་འདུག་པ་ཨེན་ཅིག་སྒོམ། དེ་ནས་དྷཱུ་ཏིའི་ནང་སེང་སྒྲ་དང་

― KMC016_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་སོང་ནས་གསང་བ་རྡོ་རྗེ་ནོར་བུའི་རྩེ་མོར་བདེ་ཕྲིལ་ལེར་སོང་བར་སྒོམ། ཡང་ཐིག་ལེ་དེ་དབུ་མའི་ལམ་བརྒྱུད་ནས་ཚངས་བུག་དང་སྨིན་དབྲག་ཏུ་བསྒོམ་ལ་བདེ་བ་མ་སྐྱེས་བར་བསྐྱར་ལ་བསྒོམ། རེས་དབུ་མ་ལུ་གུ་བརྒྱུད་དུ་བསྒོམ་ལ་ཐིག་ལེ་དེ་སྒྲ་དང་བཅས་ཡར་མར་སོང་བས་དབུ་མ་དེ་ཏ་ར་ར་ཤོང་ཚད་དུ་སོང་བར་བསམ། རེས་འགའ་རླུང་ཁོ་ན་ཡར་མར་དུ་འགྲོ་བར་བསམ་ལ་བདེ་བ་མ་སྐྱེས་བར་སྦྱོང་བར་གསུངས་པ་ནི་རྗེ་ཆོས་ཀྱི་དབང་ཕྱུག་གི་ཨུ་པ་དེ་ཤའོ། །ཐིག་ལེ་འབྱུང་ལྡོག་གི་ཐིག་ལེ་དཀར་པོ་འདི་ལ་ཁྲིད་ཡིག་རྒྱས་པ་སྐུ་བཞིའི་འབྲས་བུ་མྱུར་སྟེར་དུ་བདེ་མཆོག་ཧེ་རུ་ཀ་ཡབ་རྐྱང་དཀར་པོ་བསྒོམ་ཞིང་འབྱུང་ལྡོག་གི་དམིགས་པ་བྱ་བར་གསུངས་པས་དེ་ལྟར་དམིགས་པའི་རྩལ་སྦྱོང་བའི་ཕྱིར་བར་སྐབས་སུ་སྒོམ་སྒྲུབ་ནའང་ལེགས། ལྡེབ་དྲུག་པའི་ཡར་ངོ་ཕྲེང་བཞི་པའི་མཐར། དྷཱུ་ཏིའི་ནང་དུ་མེའི་ཆོས་འབྱུང་གསུངས་པས་དེ་འབྲུག་ལུགས་སུ་ཆོས་འབྱུང་གདན་ཐབས་བསྣོལ་ལ་བསྒོམ་པ་ཡིན་ཀྱང་། ཀཾ་

― KMC016_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

ཚང་ལུགས་འདི་ཆོས་འབྱུང་དམར་པོ་རྐྱང་པ་ལས་བསྣོལ་མ་བསྒོམ་མི་དགོས་ཤིང་ཟུར་མདུན་བསྟན་དང་ལེབ་རྒྱབ་ཏུ་བསྟན་པའི་དབུས་སུ། ཡེ་ཤེས་ཀྱི་གཏུམ་མོ་མཚན་ཉིད་བཞི་ལྡན་ནི་རྣམ་པ་མེ། ༡ ངོ་བོ་རྗེ་བཙུན་རྡོ་རྗེ་རྣལ་འབྱོར་མ། ༢ རང་བཞིན་ཡེ་ཤེས། ༣ ཉམས་མྱོང་བདེ་དྲོད་དེ་ལ་མཚན་ཉིད་བཞི་ལྡན་ནམ། ༤ ཡང་ན་ངོ་བོ་སྟོང་པ་སྤྲོས་དང་བྲལ་བ་མི་དམིགས་པ། ༡ མཚན་ཉིད་སྲེག་བྱེད་མེའི་རྣམ་པ་ཅན་ཡིན་པས་རེག་བྱ་ཙནྡན་གྱི་མེ་ལྟར་ཚ་བ། ༢ རང་བཞིན་སྟོང་པ་དང་བདེ་ཆེན་དབྱེར་མེད་པས་ན་རྣམ་པ་བདེ་བ་ཆེན་པོ། ༣ ཁ་དོག་དམར་བ་བྱིན་ཟའི་མེ་ཏོག་ལྟ་བུ་མིག་གིས་བལྟ་མི་བཟོད་པ་ཉི་མའི་འོད་ལྟར་འཚེར་བའོ། ༤ ༈ །དྲུག་པའི་རྒྱབ་ལོག་ཕྲེང་དང་པོར། རྩེ་མོ་ཕྲ་ཞིང་གཡོ་བ། དྷཱུ་ཏིའི་ནང་ཉུག་ཉུག་ལ་སེམས་བཟུང་ངོ་། །ཞེས་པ་ནི་རྩེ་མོ་རྣོ་བ་མར་མེའི་རྩེ་མོ་རྣོ་བ་ལྟ་བུ་གར་གཏད་གཏད་དུ་ཐལ་བྱུང་དུ་འགྲོ་བ། མྱུར་བ་བར་སྣང་གི་གློག་ལྟ་བུ། སྐད་ཅིག་ཀྱང་མི་སྡོད་པར་ལྷབ་ལྷབ་འཁྱུད་པའོ། །འཁྱུད་

― KMC016_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་སྒོམ་མ་བཏུབ་ན་གསལ་བ་ཏིལ་མར་གྱི་མར་མེ་རླུང་གིས་མ་བསྐྱོད་པ་ལྟ་བུ་མི་གཡོ་བ་ལ་སེམས་གཏད་ཀྱང་རུང་ངོ་། །འཁྲུལ་འཁོར་གྱི་ཟིན་བྲིས་ཟུར་གསལ་ལྟར་དང་། ཁྱད་པར་༧སི་ཏུ་པདྨ་ཉིན་བྱེད་ཀྱིས་མཛད་པའི་གོ་བདེ་རབ་གསལ་ལྟར་དང་རང་རེས་དོགས་སེལ་མི་བརྗེད་ཐོ་བྲིས་པ་དང་། འཁྲུལ་འཁོར་རྒྱས་བསྡུས་གཞུང་དང་གབ་སྤྲད་ཚུལ་ཡོད་པ་རྣམས་དང་ཕྱག་ལེན་མཐོང་བརྒྱུད་ལྟར་རོ། ༈ །དེ་ཡང་རླུང་ལས་ལ་གཞུག་པ་ཞེས་དང་པོ་གཏུམ་མོའི་ཡོན་ཏན་དྲོད་སྐྱེ་བས་དྲོད་ལ་བརྟན་པ་མ་ཐོབ་ཀྱི་བར་དུ་འབར་འཛག་གི་དམིགས་པ་མི་སྒོམ་ཏེ། ཐིག་ལེ་དབང་དུ་མི་འདུ་ཞིང་བར་ཆད་འབྱུང་བས་རིམ་བཞིན་འཇུག་པར་བྱའོ། ༈ །ལྡེབ་བདུན་པའི་ཡར་ངོ་ཕྲེང་བདུན་པར་འཁོར་བའི་རྟེན་བྱེད་པའི་རྩ་རྣམས་དང་རྩ་མདུད་བརྟན་པར་བྱེད་པའི་རྩ་ཐམས་ཅད་བསྲེགས་ཞེས་པ་རྒྱས་པར་ས་བོན་བསྲེག་པར་བསྒོམ་དགོས་ཏེ། རྗེ་མར་པ་ལོ་ཙཱས། ཡི་གེ་བཅུ་ཡི་འདུག་ཚུལ་དང་། །ཉོན་མོངས་ལྔ་ཡི་གནས་ཚུལ་

― KMC016_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། །གཅིག་ཏུ་བསྡེབས་ནས་བསྲེག་པ་ལགས། །ཞེས་དང་། ཆོས་རྗེ་ཀརྨ་པའི་ཞལ་ནས། ཉི་ཟླ་གཉིས་ཀྱི་བར་མཚམས་སུ། །རིགས་དྲུག་ས་བོན་བསྲེག་པ་ནི། །ཟབ་མོ་བླ་མའི་ཐུགས་ལ་བཞུགས། །ཞེས་གསུངས་པ་ལྟར་གཙུག་ཏོར་གྱི་འཁོར་ལོ་སྨིན་མཚམས་ཡིད་བཞིན་འཁོར་ལོའི་ལྟེ་བར་ཧྂ་དང་ཧྲཱིཿདཀར་པོ། སྤྱི་བོ་བདེ་ཆེན་གྱི་འཁོར་ལོའི་ལྟེ་བར་ༀ་དང་ལཾ་དཀར་པོ། དེ་བཞིན་དུ་མགྲིན་པར་ཧྲཱིཿདང་མཾ་དམར་པོ། སྙིང་གར་ཧཱུྃ་དང་བཾ་སྔོན་པོ། ལྟེ་བར་ཏྲྂ་དང་ལཾ་སེར་པོ། གསང་གནས་སུ་ཨ་དང་ཡྃ་ལྗང་གུ། རྐྱང་མར་ༀ་དཀར་པོ། རོ་མར་ཨཱཿདམར་པོ། དབུ་མར་ཧཱུྃ་མཐིང་ག་རྣམས་གསལ་བཏབ་ནས་གཏུམ་མོ་ཡེ་ཤེས་ཀྱི་མེ་དྲག་པོའི་ཤུགས་དང་ལྡན་པ་སྦར་བས་ཕྲག་དོག་གིས་ས་བོན་ཨ་དང་ཡཾ་དང་། ང་རྒྱལ་གྱི་ས་བོན་ཏྲྂ་དང་ལཾ་དང་། ཞེ་སྡང་གི་ས་བོན་ཧཱུྃ་དང་བཾ་དང་། འདོད་ཆགས་ཀྱི་ས་བོན་ཧྲཱིཿ་དང་མཾ། གཏི་མུག་གི་ས་བོན་ༀ་དང་ལཾ། ཧཾ་ཧྲཱིཿརྣམས་དང་ལུས་ངག་ཡིད་གསུམ་གྱི་ས་བོན་འབྲུ་གསུམ་བཅས་

― KMC016_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེགས་པར་བསྒོམ། ཤིན་ཏུ་རྒྱས་ན་རོ་རྐྱང་དུ་དབྱངས་གསལ་དང་། རྩ་འདབ་རྣམས་ལའང་ཡི་གེ་རྩ་མདུད་ཀྱི་རྣམ་པ་བསྒོམ་པར་གསུངས། ཤིན་ཏུ་བསྡུས་སྐབས་མ་དག་པའི་ཆ་རྣམས་བསྲེག་པར་བསམ་པ་ཙམ་ལས་ཡི་གེ་སྒོམ་པ་བཞུང་ལྟར་རོ། ༈ །གཞན་ཡང་གཏུམ་མོ་གུར་ཐབ་མ། གཏུམ་མོ་སྒྲོམ་ཐབ་མ། ཉི་མ་སུམ་བརྩེགས། ཆོས་འབྱུང་མ། རཾ་ཕྲེང་མ། སྲུབ་ཤིང་མ། འཕར་མ་སོགས་ཀྱི་དམིགས་རིམ་ཞྭ་དམར་མཁའ་སྤྱོད་དབང་པོའི་ཟིན་བྲིས་ལྟར་སྒོམ་གྲུབ་ནའང་ལེགས་སོ། །བསྡུ་ན་གཞུང་ཁོ་ན་ལྟར་རོ། ༈ །གཏུམ་མོ་བ་འཇོ་བའི་མན་ངག་ཀ་དཔེ་ཚིག་ལྷུག་གི་དགོངས་པ་རྗེ་དུས་གསུམ་མཁྱེན་པའི་ཕྱག་བཞེས་སོ། །འདི་ལ་འཇམ་རླུང་བཟུང་ཞིང་དམིགས་པ་བྱ་བ་ལས་བུམ་ཅན་དང་མ་སྦྱར་ཀྱང་རུང་བར་དམར་ཁྲིད་གསང་བ་སྙིང་བཅུད་ཀྱི་ཡང་ཞུན་ལས་གསུངས་སོ། ༈ །ལྡེབ་བརྒྱད་པའི་ཕྱི་ལོག་གཉུག་མའི་ཤེས་པ་སོགས་ནི་གསང་བ་མི་རྟོག་པའི་གཏུམ་མོ་སེང་གེ་ལྟ་བུ་རླུང་འོད་གསལ་དུ་གཞུག་པའི་

― KMC016_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

གདམས་ངག་འཇམ་རླུང་བཟུང་ཞིང་ཕྱག་རྒྱ་ཆེན་པོའི་ངང་དུ་མཉམ་པར་བཞག་པའོ། ༈ །གཉིས་པ་སྒྱུ་ལུས་ཆོས་བརྒྱད་ཆགས་སྡང་རང་གྲོལ་ལ། སྤྱིར་བཏང་གི་གོ་དོན་ནི། ཕྱི་རོལ་སྣང་བ་ཐམས་ཅད་དཔེའི་སྒྱུ་ལུས། རང་གི་ཕུང་པོ་ནང་གི་སྒྱུ་ལུས། སྣང་བ་རང་བཞིན་མེད་པ་དོན་གྱི་སྒྱུ་ལུས་སོ། །དེ་ལ་གང་ཟག་དབང་པོ་རབ་ཀྱིས་ཕྱིའི་སྣང་བ་སྒྱུ་མར་ལམ་དུ་ཁྱེར། འབྲིང་གིས་རང་གི་སྒྱུ་ལུས་སྒྱུ་མའི་ལུས་སུ་ཤེས་ཤིང་རྟོགས། ཐ་མས་རིག་པ་གསལ་སྟོང་ཆུ་ཟླ་ལྟ་བུར་ལམ་དུ་བྱེད། དབང་པོ་ཡང་རབ་ལུས་སྣང་སེམས་གསུམ་སྒྱུ་ལུས་སྣང་ལ་རང་བཞིན་མེད་པའི་ངང་དུ་རོ་གཅིག་ཏུ་གྱུར་པའོ། ༈ །ལྡེབ་དགུ་པའི་ཡར་ངོ་ཕྲེང་ཐ་མར། མཉམ་རྗེས་ཐམས་ཅད་དུ་དེ་ལྟར་བསམ་ཞེས་པ་ནི། མིག་གིས་གཟུགས་མཐོང་ཚད་གཟུགས་སུ་སྣང་དུས་ཉིད་ནས་གཟུགས་རང་གི་ངོ་བོས་སྟོང་པས་གཟུགས་སྣང་སྟོང་སྒྱུ་མ་ལྟ་བུ། རྣ་བས་སྒྲ་ཐོས་ཚེ་སྒྲ་རུ་གྲགས་དུས་ཉིད་ནས་སྒྲ་གྲགས་ངོ་བོས་སྟོང་པ་གྲགས་སྟོང་སྒྱུ་མ་ལྟ་བུ། སེམས་ལ་རྣམ་རྟོག་འཕྲོ་ཚེ་

― KMC016_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རྟོག་ཏུ་ཤར་ཙམ་ཉིད་ནས་ཁོ་རང་གི་ངོ་བོས་སྟོང་པས་སེམས་གསལ་སྟོང་སྒྱུ་མ་ལྟ་བུ་ཡིན་སྙམ་དུ་སེམས་ལ་ཏུར་ཏུར་ངག་ཏུ་ཐོལ་ཐོལ། སྤྱོད་ལམ་དང་གཉིད་ཁུང་ཚུན་ལ་བག་ཆགས་འདྲིས་ངེས་སུ་བསྒོམ་ཞིང་སྦྱོང་བ་ནི་གཞི་གལ་པོ་ཆེའོ། ༈ །ལྡེབ་བཅུ་པའི་ཡར་ངོ་ཕྲེང་དྲུག་པར་དབེན་གསུམ་ཞེས་པ་ནི། ལུས་དབེན་སྐུ་རྡོ་རྗེ། ངག་དབེན་གསུང་རྡོ་རྗེ། སེམས་དབེན་ཐུགས་རྡོ་རྗེ་གསུམ་གྱི་རྣལ་འབྱོར། རགས་པ་གནས་སྐབས་པའི་སྒོ་གསུམ་ནི། དཔེར་ན་ཆུའི་ཚ་བ་ལྟ་བུ། ཕྲ་བ་གཉུག་མའི་སྒོ་གསུམ་ནི་ཆུའི་གཤེར་བ་ལྟ་བུ་སྒྱུ་ལུས་ཀྱི་སྒྲུབ་གཞི་ཡིན་པས་བཅོས་བསླད་མེད་པར་བཞག་པས་རླུང་དབུ་མར་ཞུགས་གནས་ཐིམ་གསུམ་འབྱུང་ཞིང་། དེ་ཡང་ཞུགས་པའི་རྟགས་སུ་སྒོར་མཉམ་རྒྱུ། གནས་པའི་རྟགས་སུ་རྒྱུ་བ་རང་འགག །ཐིམ་པའི་རྟགས་སུ་མཁའ་སྣང་སོགས་འཆར་བ་སྟེ། ས་ཆུ་མེ་རླུང་རིམ་བཞིནཐིམ་པའི་རྟགས། སྨིག་སྒྱུ། དུ་བ། མཁའ་སྣང་། མེ་ཁྱེར། རླུང་སྣང་བ་ལ་ཐིམ་པ་དཀར་ལམ་པ། མར་མེ།

― KMC016_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བ་མཆེད་པ་ལ་ཐིམ་པས་དམར་ལམ་པ། མཆེད་པ་ཉེར་ཐོབ་ལ་ཐིམ་པས་ནག་ལམ་པ། ཉེར་ཐོབ་འོད་གསལ་ལ་ཐིམ་པས་སྟོན་གནམ་གཡའ་དག་པ་ལྟ་བུ་འཆར་བ་སྟེ། འདི་དག་ལའང་མིང་འདོགས་དབྱེ་བསྡུ་འདྲ་མིན་རྒྱུད་སྡེའི་བཞེད་ཚུལ་གྱིས་ཡོད་དེ། གྲུབ་ཆེན་ལྭ་ཝ་པས། དང་པོ་རི་དྭགས་སྲིད་པའི་སྣང་བ་སྟེ། །མཚན་མ་གཉིས་པ་དུད་ཁའི་རྣམ་པ་ཅན། །གསུམ་པ་སྲིན་བུ་མེ་ཁྱེར་དང་འདྲ་བ། །བཞི་པ་སྒྲོན་མེ་འབར་བ་ལྟ་བུར་གསལ། །མཚན་མ་ལྔ་པ་རྣམ་པར་མ་བརྟགས་པར། །སྤྲིན་བྲལ་ནམ་མཁའ་ལྟ་བུར་སྣང་བ་ཡིན། །ཅེས་དང་། རྗེ་མར་པའི་རིགས་ལྔའི་རྩ་ཚིག་བསྡུས་གསལ་ལས། དང་པོ་སྨིག་སྒྱུ་ལྟ་བུའི་ཉམས། །འོད་ཟེར་ལྔ་དང་བཅས་པ་འཆར། །གཉིས་པ་ཟླ་བ་ལྟ་བུ་དང་། སྣང་བ། མཆན། གསུམ་པ་ཉི་མའི་འོད་ཀྱིས་འཁྲིགས། མཆེད་པ། མཆན། མཚམས་སྣང་ལ་ནི་ཐོབ་པ་སྟེ། ཐུན་མཚམས་ཀྱི་སྨག་ནག་པོ་ཁྱབ་པ་ལྟ་བུ། མཆན། །ཞེས་གསུངས་པ་ལྟར་རོ། །འདི་རྣམས་ལའང་རླུང་འདུ་ཕུལ་ཆེ་ཆུང་སོགས་ཀྱིས་རྒྱ་ཆེ་

― KMC016_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་དང་བརྟན་མི་བརྟན་སྣ་ཚོགས་ཤིག་འོང་བར་གསུངས་སོ། །ལུགས་ལྡོག་སྒྱུ་མའི་སྐུ་རུ་བཞེངས་ཚུལ་ནི། ཐམས་ཅད་སྟོང་པ་ལས་ཉེར་ཐོབ་ལྡང་། ཉེར་ཐོབ་ལས་མཆེད་པ་ལྡང་། མཆེད་པ་ལས་སྣང་བ་ལྡང་སྟེ། དོན་ནི་མ་རིག་པ་དང་སེམས་དང་སེམས་བྱུང་རྣམས་ལྡང་བ་སྣང་མཆེད་ཐོབ་པའི་སེམས་གསུམ་ལུགས་ལྡོག་རླུང་དང་བཅས་པ་ལས་སྒྱུ་མའི་སྐུར་ལྡང་བ་ནི་སྦས་དོན་རླུང་སེམས་ཀྱི་སྒྱུ་ལུས་སོ། །དེ་ཡང་རྣམ་ཤེས་ཀྱི་འཇུག་པ་གཅིག་སྐྱེ་བའི་ཚེ་འོད་གསལ་སྟོང་པ་ལས་མུན་སྣང་ཉེར་ཐོབ་རླུང་ཁམས་དང་། མུན་པ་ལས་ཡུལ་དུ་སྣང་བའི་ཁམས་དང་། མཆེད་པ་མེ། མཆེད་པ་ལས་ཡུལ་ལ་མཚན་འཛིན་གྱི་སྣང་བ་ཐོབ་པ་ཆུ་ཁམས་དང་། དེ་ལས་ཕུང་ཁམས་སྐྱེ་མཆེད་རགས་པ་སྣང་བ་ས་ཡི་ཁམས་རྣམས་བསྐྱེད་པའོ། །ད་དུང་ཡང་བསྐྱར་ཞིབ་པར་བཤད་ན་སེམས་ཉིད་རང་བཞིན་གྱིས་འོད་གསལ་བ་ནི་ཡེ་ཤེས་ཀྱི་རླུང་སྟོང་པ་ཆེན་པོ། དེ་ལས་མུན་པའི་སྣང་པའམ་ཉེར་ཐོབ་ཞེས་ཀུན་གཞིའི་རྣམ་ཤེས་ཉོན་ཡིད་

― KMC016_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པ་ནམ་མཁའི་རླུང་། དེ་ལས་མཆེད་པ་ཉོན་ཡིད་འདུ་བྱེད་དང་བཅས་པ་ལྡང་བ་ནི་གློ་བུར་གྱི་དྲི་མ་གཡོ་བའི་མཚན་ཉིད་ཅན་ཡིན་པས་རླུང་གི་རླུང་མཆེད་པ་དེ་ལས་ཚོགས་དྲུག་འཁོར་བཅས་འབྱུང་བས། ཚོར་བ་ནི་རྒྱུད་བསྲེགས་པས་མེའི་རླུང་འདུ་ཤེས་ནི་ཡུལ་ལ་མཚན་མར་འཛིན་ཅིང་བག་ཆགས་སྡུད་པས་ཆུའི་ཁམས་རླུང་གཟུགས་ནི་རིག་པས་སྲ་བརྟན་དུ་འཛིན་པས་སའི་རླུང་ངོ་། །དེ་དག་གཉིད་དང་སྦྱར་ན་གཉིད་འཐུག་པོའི་དུས་སུ་ཤེས་པ་ཀུན་གཞི་ལ་བསྡུས་ནས་རྟོགས་པ་དྲི་མ་མེད་པའི་སེམས་ཉིད་རང་བཞིན་གྱིས་འོད་གསལ་བ་དེ་ཡེ་ཤེས་ཀྱི་རླུང་གཡོ་བ་མེད་པ་བརྟན་པའི་རང་བཞིན་ཅན། དེ་ལས་ཉེར་ཐོབ་མུན་པའི་སྣང་བ་ཉོན་ཡིད་གཡོས་ནས་གཉིད་སྲབ་མོར་གྱུར་པ་ནམ་མཁའི་ཁམས། དེ་ལས་མཆེད་པ་བྱུང་ནས་ཡིད་འདུ་བྱེད་པ་ལས་ལངས་ནས་རྨི་ལམ་འདུ་བྱེད་གཡོ་བའི་མཚན་ཉིད་ཅན་རླུང་གི་རླུང་། དེ་དག་ལས་སད་པའི་དུས་ཀྱི་ཚོར་འདུ་སོགས་མེ་ཆུ་ས་གསུམ་གྱི་མཚན་ཉིད་འཛིན་པའི་ཤེས་པ་རྣམས་སོ་

― KMC016_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

སོའི་རླུང་གི་ངོ་བོ་ཡིན་ནོ། ༈ །ལྡེབ་བཅུ་གཅིག་པའི་ཡར་ངོ་ཕྲེང་གསུམ་པར་སྒྱུ་མའི་དཔེ་བཅུ་གཉིས་ནི། རྗེ་བཙུན་བཞད་པ་རྡོ་རྗེའི་སྟེང་སྒོ་རྣམ་པར་གྲོལ་བའི་ཆོས་དྲུག་ལས། རྒྱུ་རྐྱེན་ལས་གྲུབ་པའི་སྒྱུ་མ། ༡ གཡོ་བ་དང་བཅས་པའི་སྨིག་སྒྱུ། ༢ གནས་དང་ལོངས་སྤྱོད་མེད་བཞིན་སྣང་བ་དྲི་ཟའི་གྲོང་ཁྱེར། ༣ སྣང་ལ་རང་བཞིན་མེད་པ་འཇའ་ཚོན། ༤ གསལ་ལ་རྟོག་པ་མེད་པ་མེ་ལོང་གི་གཟུགས་བརྙན། ༥ ཀུན་ལ་ཁྱབ་པ་ཆུ་ཟླ། ༦ རང་ཉིད་ཡིན་ཀྱང་གཞན་དུ་སྣང་བས་བྲག་ཆ། ༧ སེམས་དང་བཅས་པས་རྨི་ལམ། ༨ མི་རྟག་ཅིང་མྱུར་བས་གློག ༩ །མེད་བཞིན་སྣང་བ་མིག་ཡོར། ༡༠ གཅིག་ཀྱང་དུ་མར་འབྱུང་བས་སྤྲིན། ༡༡ གཟུགས་སྣ་ཚོགས་སུ་འཆར་བས་སྤྲུལ་པའོ། ༡༢ ༈ །དེའི་ཕྲེང་བཞི་དང་ལྔ་པར་སྤོག་ཆོག་བོགས་འདོན་སྐབས། མུན་ཁང་དུ། མཁའ་སྤྱོད་པའི་ཁྲིད་ཡིག་ཏུ། སྣང་བ་འབྱུང་བའི་སྒོ་མེད་པས་བསམ་གཏན་གྱི་ཁང་བུར་བསམ་གཏན་གྱི་ཆོས་དང་ལྡན་པའི་ལུས་ཀྱི་གནད་བཅིངས་ཏེ།

― KMC016_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་མི་འཛུམ་པར་རྩེ་གཅིག་ཏུ་གནས་པས་པྲ་ཕབ་པ་ལྟ་བུའི་ལྷ་སྐུ་སྒྱུ་མའི་སྣང་བརྙན་འཆར་རོ། །ཞེས་དང་། དེ་བཞིན་དུ་སྤྲིན་མེད་པའི་ནམ་མཁའ་ལ་མི་འགྱུར་བ་བལྟ་བའི་སྦྱོར་བ་དང་། ཟླ་ཟེར་ཉི་ཟེར་སྒྲོན་མེའི་ནོར་བུ་སོགས་ཀྱི་ཟེར་ལ་སྦྱངས་པས་སྣང་ཡང་བདེན་པར་མ་གྲུབ་པ་སྒྱུ་མའི་གཟུགས་འཆར་བས་ངེས་ཤེས་ཐོབ་སྟེ་བོགས་ཐོན་པའི་ཐབས་ལ་མུན་སྣང་ཟེར་གསུམ་གྱི་བོགས་ཅེས་གསུངས་སོ། །རྗེ་མི་ལའི་སྟེང་སྒོའི་ཆོས་དྲུག་ལས། ཉི་ཟླའི་ཟེར་ལ་ངོ་སྤྲད་པ་ནི། ཁང་པ་བླ་གབ་མེད་པའམ། ཡང་ན་ཕྱོགས་བཞིར་སྐར་ཁུང་བཞི་བརྟོད་ལ་ཕྱག་བདར་བྱ། སྔ་དྲོ་ཤར་དུ། ཉིན་ཕྱེད་ལྷོ། དགུང་མོ་ནུབ་ཏུ་བལྟ། ཤར་གྱི་འོད་སྐར་ཐད་ཀར་རལ་གྲི། ལྷོ་རུ་མེ་ལོང་། ནུབ་ཏུ་རྒྱ་སྐྱེགས་ཀྱི་ཁུ་བ། བྱང་དུ་གླེགས་བམ་གདགས། དེས་ཅིར་སྣང་བདེན་མེད་དུ་འཆར། སྣང་བ་བུན་ལོང་དུ་འགྲོ་བའི་རྟེན་འབྲེལ་ལོ། །ཡི་དམ་རྡོ་རྗེ་སེམས་དཔའི་ཐང་སྐུ་ཅིག་རྒྱབ་ཏུ་བཀྲམ། བླ་མ་ཡི་དམ་བསྒོམ་ལ་གསོལ་བ་བཏབ། ཆུ་དང་མེ་ལོང་ནང་ནས་ལྷ་

― KMC016_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་འཆར་བ་ལ་རིག་པ་གཏད། རྟེན་འབྲེལ་སྒྱུ་མའི་རང་བཞིན་དུ་ཤེས་ནས་ཐུན་མཐར་ལྷ་སྐུ་རང་ལ་བསྡུ། རང་དང་སྣང་བ་ཐམས་ཅད་སྒྱུ་མ། སྒྱུ་མ་རྨི་ལམ་ཡིན་པས་སྟོང་པ། སྟོང་པ་ཡིན་པས་སྐྱེ་མེད། སྐྱེ་མེད་ཡིན་པས་སྤྲོས་བྲལ། སྤྲོས་བྲལ་ཡིན་པས་ཆོས་སྐུ་ཡིན་སྙམ་དུ་ཐག་རྦད་ཀྱིས་བཅད་ལ། དེ་ཀའི་ངང་དུ་སེང་ངེ་ཡེ་རེ་ཆུག་ཚད་དུ་བཞག་གོ ༈ །ལྡེབ་བཅུ་གཉིས་པའི་ཡར་ངོ་ཕྲེང་དང་པོར་རྨི་ལམ་སྐབས་མགྲིན་པར་སྣ་ཚོགས་པདྨ་འདབ་བཞིའི་སྟེང་། ཞེས་གསུངས་ཀྱང་། རྗེ་མི་ལའི་སྟེང་སྒོའི་ཆོས་དྲུག་དང་། རྗེ་དུས་གསུམ་མཁྱེན་པའི་རྨི་ལམ་འགྲེལ་པ་སུམ་ལྡན་གཉིས་ཀར་པདྨ་འདབ་བཞིན་དམར་པོ་ཡིན་པས། དམར་པོ་སྒོམ་བདེ་བས་དེ་ལྟར་ལེགས། དེ་ཚེ་ག ས ལ་འདེབས་ཀྱི་ཚིག་ལ། མགྲིན་པར་པདྨ་དམར་པོ་འདབ་བཞིའི་དབུས། །ཞེས་འདོན། རས་ཆུང་སྙན་བརྒྱུད་དུ་འདབ་མ་བཞི་ལ། ཤར་དུ་ལཾ་སྔོན་པོ། ལྷོར་མཾ་སེར་པོ། ནུབ་ཏུ་པཾ་དམར་པོ། བྱང་དུ་ཏཾ་ལྗང་གུ་ཡང་བསྒོམ་པར་གསུངས་ལ། ཡོངས་

― KMC016_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་དང་རང་ལུགས་སུ་ཨ་ནུ་ཏ་ར་སྒོམ་པ་སྟེ་དོན་སྟོང་པ་བཞིའམ་ཡེ་ཤེས་བཞིའི་ངོ་བོར་རིགས་ཀྱི་ཡུམ་བཞིའི་ས་བོན་ཡིན་ནོ། །ཡི་གེ་རྣམས་གསལ་བཏབ་ནས་ཨ་ནུ་ཏ་ར་ༀ་ཞེས་བཟླས་པ་བྱ་བའང་ཆོས་དྲུག་གི་ཁྲིད་དཔེ་ཆེན་པོ་ལས་འབྱུང་ངོ་། །འདི་སྐབས་རྨི་ལམ་ཡིན་ན་འཁྲུལ་སྣང་བག་ཆགས་ཡིན་པར་ཁྱབ་བམ་ན་མ་ཁྱབ་སྟེ། མ་འཁྲུལ་པའི་རྨི་ལམ་ནི་བྱང་ཆུབ་སེམས་དཔའ་ས་དང་པོ་ནས་བཅུ་པའི་བར་གྱི་ལྟས་ཁྱད་པར་ཅན་བརྒྱ་དང་རྩ་བརྒྱད་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྡོ་རྗེ་རབ་འབྱམས་ལ་གསུངས་པའི་ཕྱིར་རོ། །རྨི་ལམ་ནི་རླུང་མཁྲིས་བད་ཀན་གྱི་ཆས་བསྐྱེད་ལ། བྱང་སེམས་ས་དང་པོ་ཡན་ཆད་ཉོན་མོངས་པ་ལས་གྲོལ་བའི་ཟག་བཅས་ཀྱི་ཕུང་པོ་མེད་པར་བཤད་པས་ས་བཅུ་པ་ལ་རྨི་ལམ་འབྱུང་བ་མི་རིགས་སོ་སྙམ་ན། ཟག་པ་མེད་པའི་ལས་ཀྱིས་བསྐྱེད་པའི་ཕུང་ཁམས་སྐྱེ་མཆེད་འཛིན་པས་ཕུང་པོ་དེ་དང་འབྲེལ་བའི་གནས་སྐབས་རྣམ་སྣང་བཞི་གྲུབ་པས་ཟག་མེད་ཀྱི་རྨི་ལམ་ཡོད་དེ་

― KMC016_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

ཟག་མེད་ཀྱི་ཁམས་བཟུང་བའི་ཕྱིར་རོ། རྨི་ལམ་དང་བྲལ་བ་ནི་ཡང་དག་པར་རྫོགས་པའི་སངས་རྒྱས་ཏེ་ཟག་བཅས་ཀྱི་གནས་སྐབས་བཞི་པོ་ཟག་མེད་སྐུ་བཞིའི་ངོ་བོར་གནས་གྱུར་པས་སོ། །ཞེས་པའང་འཕྲོས་དོན་ཏོ། །ཤིན་ཏུ་རྣལ་འབྱོར་ནང་གི་རྨི་ལམ་མམ། རྨི་ལམ་གྱི་དེ་ཁོ་ན་ཉིད་ནི་ལྟ་བས་གཏན་ལ་ཕབ་ཅིང་བསྒོམ་པས་ཉམས་སུ་མྱོང་བ་ནི་ལྡེབ་བཅུ་གསུམ་པའི་རྒྱབ་ལོག་ཕྲེང་བཞི་པོར་ཆོས་རྣམས་གཟོད་ནས་རྨི་ལམ་སྒྱུ་མ་སོགས་ཏེ། དེ་ཡང་རྗེ་ནཱ་རོ་པས། རྨི་ལམ་ཡུལ་གྱི་སྣང་ཚུལ་དེ། །སྐྱེས་པ་རྨིང་ན་ཕོ་འདྲེར་བཟུང་། །བུད་མེད་རྨིང་ན་མོ་འདྲེར་བཟུང་། །བྱོལ་སོང་རྨིང་ན་ཀླུ་རུ་བཟུང་། དགའ་བ་རྨིས་ན་སེམས་དཔང་མཐོ། །ངན་པ་རྨིས་ན་སེམས་མི་དགའ། །འདྲེ་རང་སེམས་རྩ་བ་མ་ཤེས་ན། །བགེགས་ལ་ཟད་པ་མེད་པར་འགྱུར། །ཕྱི་ནང་གི་ཆོས་ལ་ཐོས་པ་དགོས། །སྒོམ་པ་མཐའ་གཉིས་སྤོང་བ་ཡིན། །ཡིན་མིན་གྱི་སྒྲོ་འདོགས་ཆོད་དམ་སམ། །ཞེས་དང་། དུས་རྨི་ལམ་ཙམ་གྱི་འཁྲུལ་པ་ལ། །གནད་

― KMC016_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པ་ༀ་གྱི་ས་བོན་ཅན། །རྨི་ལམ་ངོ་ཤེས་སྒྱུ་མར་རྟོགས། །རྨི་ལམ་དུས་ཀྱི་ཤེས་པ་དེ། །བར་དོའི་ཤེས་པ་བསྲེ་དགོས་ཏེ། །ལོངས་སྤྱོད་རྫོགས་སྐུའི་ངོ་བོ་ཅན། །རྨི་ལམ་བར་དོ་བསྲེ་འཕོ་གནད། །མིང་ཡང་བར་དོ་བསྲེ་འཕོ་ཟེར། །རྨི་ལམ་འབྱོངས་སམ་ལོ་ཙཱ་བ། །ཞེས་གསུངས་པ་ལྟར། ༈ ལྡེབ་བཅུ་གསུམ་པའི་ཕྱི་ལོགས་ཕྲེང་དྲུག་པར་སྒོམ་ཤིང་ནི། ཨོག་མཁར་དུ་གྲགས་པ་རང་གི་ལུས་དང་བསྟུན་ནས་བཟོ་དགོས་པ་དེའོ། །དཔལ་ཡུལ་སོགས་སུ་སྒོམ་ཤིང་ལེབ་མོ་རྒྱབ་ལོགས་ནས་བཅིངས་རྒྱུ་ཡོད་ཀྱང་འདིར་དེ་མ་ཡིན་ནོ། །དེའི་ཕྲེང་བདུན་པར་པདྨ་དང་ཉི་མའི་སྟེང་དུ་ཧཱུྃ་སྔོན་པོ་ཞིག་བསམ། ཞེས་པའི་པདྨ་དེ་སྔོན་པོ་འདབ་མ་བརྒྱད་པ་ཞིག་བསྒོམ་དགོས་སོ། །ལྡེབ་བཅུ་བཞི་ཡར་ངོ་ཕྲེང་གཉིས་པར། ཟླ་ཉི་སྒྲ་ཅན་གྱི་རླུང་སྙིང་གར་ཟིན་ཞེས་པ། ཟླ་བ་རྐྱང་མ། ཉི་མ་རོ་མ། སྒྲ་གཅན་དབུ་མ་སྟེ་དམིགས་པའི་སྟོབས་ཀྱིས་རླུང་དབུ་མར་ཐིམ་ནས་སྣང་མཆེད་ཐོབ་གསུམ་གྱི་མཐར་འོད་གསལ་ཟིན་པའོ། ༈ །གཉིད་ཀྱིས་བརྒྱལ་

― KMC016_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ར་རོ་བ་འོད་གསལ་མཐོང་བ་ལ་གེགས་བྱེད་པ། དེ་ནི་དག་བྱ་ཡིན་ལ། འོད་གསལ་མཐོང་བ་ལ་སྒྲིབ་བྱེད་དུ་མ་གྱུར་པའི་སྲབ་མོ་དང་སྟུག་པོའི་གཉིད་ནི་དག་བྱའམ་སྤང་བྱ་མ་ཡིན་ཏེ། དགྱེས་པ་རྡོ་རྗེ་ལས། གཉིད་ནི་སྤང་བར་མི་བྱ་སྟེ། །དབང་པོ་རྣམས་ནི་མི་དགག་གོ །ཞེས་གསུངས་པའི་དོན་ཏོ། །དེ་ཡང་རྣལ་འབྱོར་དང་མི་ལྡན་པའི་གང་ཟག་ལ། དང་པོ་སྣང་གསུམ་སྟོང་པར་ཐིམ་པའི་ཉེར་ཐོབ་གཏི་མུག་འཁྲུལ་པའི་རང་བཞིན་གྱིས་གཉིད་འཐུག་དང་། དེ་ལས་ཀུན་རྟོག་གི་བཞོན་པའི་རླུང་གཡོས་པས་རྐྱེན་བྱས་ཏེ་ཉིང་འཁྲུལ་རྨི་ལམ་གྱི་སྣང་བ་འཆར་བའོ། ༈ །ལམ་བསྒོམ་པའི་རྣལ་འབྱོར་པ་གཉིད་དུ་སོང་ནས་རྨི་ལམ་མ་ཤར་བའི་བར་དེར། གཉིད་འཐུག་པོ་མུན་པ་ལྟར་མ་སོང་བར་ངོས་བཟུང་དང་བྲལ་བ་ཤིན་ཏུ་རྣམ་པར་དག་པ་གསལ་ཞིང་ནམ་མཁའ་གཡའ་དག་པ་ལྟ་བུ་བརྗོད་མེད་བདེ་སྟོང་གི་ཡེ་ཤེས་ཉམས་སུ་མྱོང་བ་ནི་མཐར་ཐུག་གི་འོད་གསལ་དོན་དམ་པའི་བདེན་པའོ། །དེ་ལྟ་བུ་དངོས་མ་ཡིན་པར་རྨི་

― KMC016_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གྱི་སྣང་བ་ལྟར་དབང་པོ་སྒོ་ལྔའི་སྣང་བ་ལ་འགག་ཅིང་། ཡིད་འཁྲུལ་རྟོག་གི་འཛིན་པ་མི་སྐྱེ་ཞིང་བདེ་གསལ་མི་རྟོག་པའི་ཡེ་ཤེས་ཉམས་སུ་མྱོང་ཞིང་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཁོང་དུ་ཆུད་པ་ན། གནས་སྐབས་འདིར་འོད་གསལ་ཟིན་པ་ཞེས་བྱ་ཞིང་དེ་ཀའི་ངང་དུ་མཉམ་པར་བཞག་གོ །ལྡེབ་བཅུ་བཞི་རྒྱབ་ལོགས་ཕྲེང་གཉིས་པར། དང་པོ་མདུན་གྱི་ཨ་དྲན་པ་ཙམ་བྱ། ཞེས་པ་ནི་དང་པོ་གཉིད་ལོག་ཁར་ཐ་མལ་དུ་གནས་པའམ་སད་པའི་དུས་སུ་ཨ་ལ་ཤེས་པ་གཏད་ལ་སྣང་བ་དང་སྟོང་པ་ངོས་བཟུང་། སྣང་བ་ལ་འདུན་པ་ཅུང་ཟད་ཕྱོགས་ཞེས་པ་གཉིད་ཧྲིབ་པའི་དུས་སུ་ནུ་ལ་གཏད་པས། སྣང་བ་མཆེད་པའི་འདུན་པ་ཆེར་ཕྱོགས་ཞེས་པ་ཡུལ་ཆེས་ཕྲ་བའི་རྟོག་པ་ཐིམ་པ་སྟེ། སྔ་བ་ལས་ཀྱང་ཆེར་ཧྲིབ་པ་དང་ཏ་ལ་ཤེས་པ་གཏད། ཕྱིའི་སྣང་བ་ཞུ་བ་སྟེ་འགག་པའི་ཚེ་ཤིན་ཏུ་ཧྲིབ་པའི་དུས་སུ་ར་ལ་ཤེས་པ་གཏད་པས་རྟོག་པ་ཐམས་ཅད་ཐིམ་པས་ཉེ་བར་ཐོབ་པ་དང་ཐམས་ཅད་སྟོང་པའོ། །རྗེ་བཙུན་མི་ལས། དང་པོ་གཉིད་

― KMC016_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ཧྲིབ་པའི་དུས་སུ་འདོད་ཆགས་ཀྱི་རྟོག་པ་བཞི་བཅུ་འགག །ཆེར་ཧྲིབ་པའི་དུས་སུ་ཞེ་སྡང་གི་རྟོག་པ་སོ་གསུམ་འགག །ཤིན་ཏུ་ཧྲིབ་པའི་དུས་སུ་གཏི་མུག་གི་རྟོག་པ་བདུན་འགག་ནས་འོད་གསལ་ཆོས་སྐུའི་དོན་འཆར་རོ། །ཞེས་གསུངས་སོ། ༈ །དེའི་ཕྲེང་གསུམ་པར་སྟོང་པ་བཞིའི་རྟོགས་པའི་སྣ་ཅི་ཟིན་བྱས་ལ་ཞེས་པའི་སྟོང་པ་བཞི་ནི། དང་པོ་རྣམ་ཤེས་སྣང་བ་ལ་ཐིམ་པས་སྣང་བའམ་སྟོང་པའི་ཡེ་ཤེས། དེ་ནས་སྣང་བ་མཆེད་པ་ལ་ཐིམ་པས་སྟོང་པ་ཆེན་པོ། མཆེད་པ་ཉེར་ཐོབ་ལ་ཐིམ་པས་ཤིན་ཏུ་སྟོང་པ། ཉེར་ཐོབ་འོད་གསལ་ལ་ཐིམ་པས་ཐམས་ཅད་སྟོང་པ་ཞེས་བྱ་སྟེ་རྣམ་པ་བཞིའོ། ༈ །འདི་སྐབས་མངོན་པར་བྱང་ཆུབ་པ་ལྔ་ཞིབ་པར་བཤད་ན། མངོན་པར་བྱང་ཆུབ་པ་དང་པོ་ལས་རླུང་ཕལ་ཆེར་རླུང་གི་རླུང་ལ་ཐིམ་པས་སྨིག་སྒྱུ་ལྟ་བུ་སྣང་བ་འོད་ཟེར་ལྔ་ལྡན་དུ་མཐོང་། མངོན་བྱང་གཉིས་པར་འདོད་ཆགས་ཀྱི་ཀུན་རྟོག་ཐིམ་པས་སྣང་བ་ནམ་མཁའ་དྲི་མ་མེད་པ་ལ་ཁྱབ་པར་ཤར་བའི་ཟླ་འོད་ལྟ་བུ། མངོན་

― KMC016_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་གསུམ་པ་ཞེ་སྡང་ལ་ཐིམ་པས་སྣང་བ་ནམ་མཁའི་དྲིམེད་ལ་ཉི་ཟེར་ཤར་བ་ལྟ་བུ། མངོན་བྱང་བཞི་པ་གཏི་མུག་ཐིམ་པས་ནམ་མཁའ་དྲི་མེད་ལ་མུན་པས་ཁྱབ་པ་ལྟ་བུ། མངོན་བྱང་ལྔ་པ་རྣམ་ཤེས་ཀུན་གཞི་ལ་ཐིམ་པས་མུན་པ་དང་བྲལ་བའི་སྐད་ཅིག་མ་འོད་གསལ་བ་རྣམ་པར་མི་རྟོག་པའོ། །རྗེ་བཙུན་དབྱངས་ཅན་བཞད་པས། རྣམ་ཤེས་བྱང་བ་དང་། ཡེ་ཤེས་ཆུབ་པ་ཞེས་གསུངས་ཏེ། བྱང་བྱའི་རྣམ་ཤེས་ཀྱང་རྣམ་བྱང་དང་པོའི་སྐབས་སུ་སྒོ་ལྔའི་རྣམ་ཤེས། གཉིས་པའི་དུས་སུ་དྲུག་ཡིད། གསུམ་པའི་དུས་སུ་ཉོན་ཡིད། བཞི་པའི་དུས་སུ་ཀུན་གཞིའི་རྣམ་ཤེས་ཀྱི་ཆ། ལྔ་པའི་དུས་སུ་ཀུན་གཞིའི་ས་བོན་གྱི་ཆ་ཡིན་ལ། ཆུབ་བྱའི་ཡེ་ཤེས་ལའང་ལམ་དང་འབྲས་བུའི་ཡེ་ཤེས་གཉིས་སུ་འགྱུར་རོ། །གོང་དུ་བཤད་པའི་འོད་གསལ་དེ་དཔེར་ན། ཐོ་རངས་ཀྱི་ཟླ་བ་ནུབ་ཅིང་སྐྱ་རེངས་ཤར་བ་དཔེ་རུ་བཞག་པ་ཡིན་ཏེ། དེ་ཡང་ཐུན་མོང་ཐེག་པ་དང་བསྟུན་ན། ཟབ་མོ་ལྟ་བརྒྱུད་ཀྱི་སྟོང་ཉིད་སྤྲོས་བྲལ་གྱི་ཆ་གཙོ་བོར་བཤད། རྒྱ་ཆེན་སྤྱོད་

― KMC016_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་པས་རང་བཞིན་འོད་གསལ་གཙོ་བོར་བཤད་ཀྱང་ངེས་པའི་དོན་དུ་ཤེར་ཕྱིན་སྟོང་པ་སྤྲོས་བྲལ་གྱི་ཕྱོགས་སུ་ཡང་མ་ལྷུང་། སྤྲོས་པ་འོད་གསལ་བའི་ཕྱོགས་སུ་ཡང་མ་ལྷུང་། གཉིས་ཀའི་དབུས་དང་གཉིས་མིན་གྱི་རིས་སུ་མ་ཆད་པས་གང་དུའང་མི་རྟོག་པའི་བདག་ཉིད་ཡིན་ཏེ། དེ་ཉིད་དཔེ་ལ་སྦྱར་ན། ཉི་མ་ཤར་བ་ལས་མཚོན་པའི་སྤྲོས་བཅས་ལས་ཀྱང་འདས། ཟླ་བ་ཤར་བས་མཚོན་པའི་སྤྲོས་མེད་ལས་ཀྱང་འདས། ཐུན་མཚམས་ཀྱིས་མཚོན་པའི་དབུ་མ་ལས་ཀྱང་འདས་པའི་སྐྱ་རེངས་དཔེ་དོན་གྱི་འོད་གསལ་མཚོན་པ་ནི་ཕྱི་ལྟར་རོ། །ནང་ལྟར་ལས་ཀྱི་ཕྱག་རྒྱ་ལ་སྦྱར་ན། སྲུབ་པའི་སྦྱོར་བ་ལས་བྱུང་བའི་དྲོད་ལས་ཀྱང་འདས་ཤིང་། དཀར་ཆ་འབབ་པའི་བདེ་བ་འབའ་ཞིག་པ་ལས་ཀྱང་འདས་ཤིང་དེ་གཉིས་ཀའི་བྱ་བ་མཐར་ཕྱིན་པ་རོ་སྙོམས་སུ་གྱུར་པ་ལས། གཉིས་ཡིན་དང་གཉིས་མིན་ལས་ཀྱང་འདས་པ། དཔེའི་བྱང་ཆུབ་ཀྱིས་མཚོན་པའི་དོན་གྱི་བྱང་ཆུབ་འོད་གསལ་བ་ཡིན་ཀྱང་ཉི་མ་ཤར་བས་མཚོན་

― KMC016_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དྲོད་ལས་འདས་ཤིང་། ཟླ་བ་ཤར་བས་མཚོན་པའི་བདེ་བ་ལས་ཀྱང་འདས་པ་ཐུན་མཚམས་ཀྱིས་མཚོན་པའི་གཉིས་ཡིན་དང་གཉིས་མིན་ལས་འདས་པ་བདེ་སྟོང་རོ་མཉམ་བྱང་ཆུབ་སེམས་ཀྱི་རང་བཞིན་འོད་གསལ་བའོ། །འདི་གཉིས་ཀྱི་བསྐྱེད་བྱའི་འོད་གསལ་ཐུན་མོང་ཐེག་པ་དང་མཐུན་ཅིང་། སྐྱེད་བྱེད་ཀྱི་ཐབས་རིག་མ་དང་འབྲེལ་བས་ཕྱི་ནང་ཐུན་མོང་གི་འོད་གསལ་དུ་བཞེད་པའང་ཡོད་དོ། །འདི་དག་གི་གོ་དོན་ཞིབ་པར་ཆོས་དྲུག་གི་ཁྲིད་དཔེ་ཆེན་པོ་རྣམས་ལས་ཤེས་པར་བྱའོ། །འདི་ནི་གོ་དོན་སྙིང་པོ་བསྡུས་པ་ཡིན་ནོ། ༈ །དེའི་ཕྲེང་དྲུག་པར་གྲོགས་ཀྱིས་ཀྱང་བསྐུལ་བརྡ་བྱས་ཤིང་ཨི་ཟིན་བལྟ་ཞེས་པར། རྗེ་བཙུན་མི་ལས། བ་ཐག་གསེར་ཕུར་ལ་གླང་པོ་གདགས་པ་དང་། རས་རྐུད་འདོམ་གང་མ་སློབ་མའི་སྐྲ་ལ་བཏགས། རིན་ཆེན་ཐོ་རས་ཀྱི་ཡོག་ཐོའམ་སྲིན་བལ་གྱི་ཡོག་ཐོ། མཆན། བས་མ་རིག་པའི་གཉིད་གསང་བ་གཉིས་གསུངས་པ་ལྟར་ཕྱག་བཞེས་མཛད་པའོ། །མེ་ལོང་ལ་ཧས་བཏབ་པ་ལྟར་སྐད་ཅིག་གིས་བསྡུ་བ་རིལ་འཛིན་དང་

― KMC016_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུའི་འཁྱག་སྒོང་རིམ་གྱིས་ཞུ་བ་རྗེས་གཞིག །ཅེས་ཡོངས་གྲགས་ཡིན་ཀྱང་། རྗེ་མི་བསྐྱོད་ཞབས་ཀྱིས་རྡོ་རྗེ་གསུམ་གྱི་རིལ་འཛིན་དང་རྗེས་གཞིག་བསྒོམ་ཚུལ་འདི་སློབ་དཔོན་ཟླ་བའི་དགོངས་པ་སྟེ། ཇི་སྐད་དུ་ཡང་། མགོ་བོ་ནས་ནི་རྐང་པའི་བར། །ཇི་སྲིད་སྙིང་ག་ཕྱིན་གྱི་བར། །རྣལ་འབྱོར་ཡང་དག་མཐའ་ལ་འཇུག །རིལ་པོར་འཛིན་པ་ཞེས་བཤད་དོ། །རྗེས་གཞིག་ལ་རྒྱུ་བ་དང་ནི་མི་རྒྱུ་ཉིད། །དང་པོ་འོད་གསལ་བར་བྱས་ཏེ། །ཕྱིས་ནས་དེ་བཞིན་བདག་ཉིད་བྱེད། །དབུགས་ཀྱི་རླུང་ནི་མེ་ལོང་ལ། །ཇི་ལྟར་ཀུན་ཏུ་ཐིམ་གྱུར་པ། །དེ་བཞིན་རྣལ་འབྱོར་ཡང་དག་མཐའ། །ཡང་ནས་ཡང་དུ་འཇུག་པར་བྱེད། །ཅེས་གསུངས་པ་ལྟར་རོ། །སེམས་ཅན་ཐམས་ཅད་ཀྱི་རྒྱུད་ལ་ཐོག་མ་མེད་པ་ནས་གནས་པ་ཀུན་གཞིའི་སྟེང་གི་རང་བཞིན་འོད་གསལ་གཉུག་མའི་ཐིག་ལེ་གཞིའི་འོད་གསལ་རྣལ་འབྱོར་པས་སྒོམ་པའི་སྟོབས་ཀྱིས་མཉམ་བཞག་ཏིང་ངེ་འཛིན་གྱི་ངོ་བོར་སྐྱེས་པ་ལམ་གྱི་འོད་གསལ་དེ་ཉིད་གོམས་པས་

― KMC016_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིའི་འོད་གསལ་གྱི་སྟེང་དུ་མཐར་ཕྱིན་པའི་དྲི་བྲལ་གདོད་མའི་གནས་ལུགས་མངོན་དུ་གྱུར་པ་ནི་འབྲས་བུའི་འོད་གསལ་ཡིན་ལ། དེ་དག་ལའང་རྗེ་མར་པ་ལོ་ཙཱས་བཞེད་པ་ལྟར་ན་རྣམ་པ་ལྔ་སྟེ། འཆི་བའི་ཚེ་འཆར་བ་གཞིའི་འོད་གསལ། ༡ རླུང་དབུ་མར་ཚུད་པའི་ཚེ་འཆར་བ་རང་བཞིན་གྱི་འོད་གསལ། ༢ ཉིན་སྣང་མཉམ་བཞག་གི་དུས་ཤར་བ་ཤེས་པའི་འོད་གསལ། ༣ གཉིད་འཐུག་རྣལ་འབྱོར་གྱིས་ཟིན་པ་ཏིང་ངེ་འཛིན་གྱི་འོད་གསལ། ༤ མཉམ་རྗེས་རོ་གཅིག་ཏུ་འདྲེས་པའི་ཚེ་ཤར་བ་དེ་བཞིན་ཉིད་ཀྱི་འོད་གསལ། ༥ ལྷག་མཐོང་གི་ཆོས་ཉིད་ཀྱི་བདེན་པ་མཐོང་བ་རྟོགས་པའི་འོད་གསལ་ལོ། ༦ །གཞིའི་འོད་གསལ་དང་རང་བཞིན་འོད་གསལ་རང་བཞིན་དང་། འོད་གསལ་གཅིག་ཏུ་བསྡུས་པས་ལྔར་བཞེད་པའོ། །མཉམ་རྗེས་འདྲེས་པ་དང་རྟོགས་པའི་འོད་གསལ་གཅིག་ཏུ་བསྡུ་བའི་ལུགས་ཡོད་པ་ཞིབ་པར་གསང་འདུས་རིམ་ལྔ་དང་བསྟུན་དགོས་སོ། ༈ །བཅུ་དྲུག་པའི་རྒྱབ་ལོགས་ཕྲེང་གཉིས་པར། རྟོག་བཅས་རང་

― KMC016_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་བརྒྱད་ཅུ་འགག་ནས་ཞེས་པ་ནི། སེམས་ཀུན་གཞིའི་རྣམ་པར་ཤེས་པ་ལ་འདོད་ཆགས་དང་། ཞེ་སྡང་དང་། གཏི་མུག་གི་ས་བོན་བག་ལ་ཉལ་དུ་ཡོད་པས་དེ་དག་སོ་སོ་ལས་བྱུང་བའི་རྣམ་པར་རྟོག་པ་རིགས་མི་འདྲ་བ་བརྒྱད་ཅུས་སྤྲས་ཤིང་ངོས་འཛིན་མིང་འདོགས་ནི་ཨཱཪྱ་དེ་ཝའི་ཆོས་སྤྱོད་ལས་འབྱུང་བ་ལྟར་རོ། ༈ །དེའི་ཕྲེང་གསུམ་པར་འོད་གསལ་མ་བུ་འཕྲད་པ་ནི་འཆི་བའི་ཚེ་ཐིམ་རིམ་རྫོགས་པའི་མཐའ་དང་གཉིད་དུས་སོགས་སུ་ཤར་བ་ནི་གཞིའི་འོད་གསལ་རྣམ་འབྱོར་པས་བསྒོམས་པའི་སྟོབས་ཀྱིས་མངོན་པར་རྟོགས་པ་ནི་ལམ་གྱི་འོད་གསལ་ཏེ། གཞི་གནས་ལུགས་ཀྱི་རང་བཞིན་འོད་གསལ་མ་ལྟ་བུ། ལམ་རྟེན་འབྲེལ་ཏིང་འཛིན་གྱི་འོད་གསལ་བུ་ལྟ་བུའོ། །མཐོང་ལམ་མ་སྐྱེས་ཚུན་ཆད་དཔེའི་འོད་གསལ་ཡིན་ལ་མཐོང་ལམ་གྱི་བདེན་པ་མཐོང་བ་ནས་བཟུང་སྟེ་དོན་གྱི་འོད་གསལ་ལོ། །ལྡེབ་བཅུ་བདུན་པའི་རྒྱབ་ལོགས་ཕྲེང་གསུམ་པ་དང་བཞི་པར། རབ་འོད་གསལ་གྱི་འཕོ་བ་ནི་བར་དོ་དང་པོ་འོད་གསལ་

― KMC016_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བུ་འཕྲད་པའོ། །འབྲིང་ནི་བར་དོ་གཉིས་པར་སྒྱུ་ལུས་ཀྱི་སྐུར་ལྡང་བའོ། །ཐ་མ་ནི་ལམ་གྱི་ཆད་མཐུད་འཕོ་བ་དང་པོའོ། ༈ །ལྡེབ་བཅོ་བརྒྱད་པའི་ཕྱི་ལོགས་ཕྲེང་དྲུག་པར་བཙན་ཐབས་འཕོ་བ་ནི་རས་ཆུང་སྙན་བརྒྱུད་ལྟར་རོ། ༈ །ལྡེབ་བཅུ་དགུ་པའི་ཡར་ངོ་ཕྲེང་ལྔ་པར། གཟེར་ལྔ་ལ་སོགས་པའི་ཉམས་ལེན་གྱིས་ལམ་དུ་བསྒྱུར་ཞེས་པ་ནི། ནཱ་རོའི་གཟེར་ལྔ་ནི། ན་ཚ་བོགས་སུ་འདོན་པའི་གཟེར། ༡ འཆི་བ་གྲོགས་སུ་ཁྱེར་བའི་གཟེར། ༢ ཉོན་མོངས་ལམ་དུ་སློང་བའི་གཟེར། ༣ མཚན་རྟོག་རང་སར་གྲོལ་བའི་གཟེར། ༤ བར་ཆད་དངོས་གྲུབ་ཏུ་བླང་བའི་གཟེར་དང་ལྔའོ། །ཞིབ་པར་རྗེ་རང་བྱུང་ཞབས་ཀྱི་ཁྲིད་ཡིག་དང་། བླ་མ་ཞང་གི་མན་ངག་དང་། མཁའ་སྤྱོད་པའི་ཟིན་བྲིས་རྣམས་སུ་གསལ་ལོ། ༈ །ལྡེབ་བཅུ་དགུ་པའི་ཡར་ངོའི་ཕྲེང་ཐ་མར། རྒྱུད་ནས་བཤད་པའི་སྤྱོད་པ་གསུམ་ནི། ཀུན་ཏུ་བཟང་པོའི་སྤྱོད་པ། ༡ རིག་པ་བརྟུལ་ཞུགས་ཀྱི་སྤྱོད་པ། ༢ ཕྱོགས་ལས་རྣམ་རྒྱལ་གྱི་སྤྱོད་པ་དང་གསུམ་མོ། ༣ །ཞིབ་པར་ཕག་

― KMC016_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་སྤྱོད་པའི་རྣམ་བཤད་ལྟར་རོ། །ཆོས་དྲུག་བདུད་རྩི་སྙིང་ཁུའི་དོགས་སེལ་ཟུར་རྒྱན་འདི་ལྟར་དགོས་ཞེས་མཚར་སྒང་བང་རི་པ་དགེ་སློང་ཀརྨ་རྣམ་གྲོལ་བཟང་པོས་བཙུགས་ཡུ་རྟ་རི་བའི་རྟེན་དང་བཅས་ཞུ་བསྐུལ་དང་། ཚེ་འདིར་ཆོས་དྲུག་ཉམས་སུ་ལེན་ཞེས་ནན་ཏན་ཨུ་ཚུགས་ཆེ་བའི་ཞལ་ངོ་ལྡོག་མ་ཕོད་པར་མཁན་པོ་ཀརྨ་རཏྣས་ཁྱུ་མཆོག་ལོ་ཁྲུམ་སྟོད་ཟླ་བའི་ཡར་ཚེས་ཐུན་བར་རྣམས་སུ་བྲིས་ཤིང་འགྲུབ་པའི་སྦྱོར་བ་ལ་མཐར་ཕྱིན་གྲུབ་པ་དགེ །པ་ར་མ་སེ་སིདྡྷི་ཧོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཟབ་ལམ་ནཱ་རོ་ཆོས་དྲུག་བདུད་རྩི་ཉིང་ཁུའི་ཐུན་མིན་ཚངས་གནས་བཞིའི་འགྲེལ་པ་བླ་མའི་ཞལ་ལུང་སློབ་མའི་བདུད་རྩི།

― KMC016_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ལམ་ནཱ་རོ་ཆོས་དྲུག་བདུད་རྩི་ཉིང་ཁུའི་ཐུན་མིན་ཚངས་གནས་བཞིའི་འགྲེལ་པ་བླ་མའི་ཞལ་ལུང་སློབ་མའི་བདུད་རྩི་ཞེས་བྱ་བ་བཞུགས་སོ། །

― KMC016_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་བརྒྱུད་བླ་མ་གྲུབ་ཐོབ་རྒྱ་མཚོའི་ཚོགས་དང་བཅས་པ་རྣམས་ལ་ཕྱག་འཚལ་ལོ། །བདག་གི་རྒྱུད་བྱིན་གྱིས་བརླབ་ཏུ་གསོལ། བཤད་པར་བྱ་བའི་རྩ་བ། ༀ་སེམས་ཅན་ཐམས་ཅད་རྡོ་རྗེ་ཆགས་པས་རྗེས་སུ་ཆགས་པར་གྱུར་ཅིག །ༀ་སེམས་ཅན་ཐམས་ཅད་རྡོ་རྗེ་བསྡམ་པས་རྗེས་སུ་བསྡམ་པར་གྱུར་ཅིག །ༀ་སེམས་ཅན་ཐམས་ཅད་རྡོ་རྗེ་བདེ་བ་ཆེན་པོས་ཡང་དག་པར་མྱོས་པར་གྱུར་ཅིག །ༀ་སེམས་ཅན་ཐམས་ཅད་རྡོ་རྗེ་རྣལ་འབྱོར་སྦྱོར་བས་རྗེས་སུ་གྲོལ་བར་གྱུར་ཅིག །ཅེས་པ་འདི་ལ་གཉིས། སྤྱི་

― KMC016_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། བྱེ་བྲག་གོ །དང་པོ་ཚད་མེད་པ་བཞིའམ་ཚངས་པའི་གནས་བཞི་ཞེས་པ་ནི། མགོན་པོ་བྱམས་པས། སེམས་ཅན་ཁམས་ནི་ཚད་མེད་པས། །ཕན་འདོད་དེ་ནི་དེ་འདྲའོ། །ཞེས་དམིགས་ཡུལ་སེམས་ཅན་གྱི་ཁམས་ཚད་བཟུང་དུ་མེད་པས། དེ་དག་ཐམས་ཅད་ཚེ་རབས་དུ་མའི་ཕ་མར་ཤེས་པར་བྱས་ནས་བྱམས་པ་ལ་སོགས་པའི་ལམ་བསྒོམས་པས་བསོད་ནམས་ཀྱང་ཚད་མེད་པ་ཐོབ་པས་ན་དེ་སྐད་ཅེས་བྱའོ། །དེ་དག་གིས་ཚངས་པའི་གནས་བཞི་ཐོབ་པས་ན་ཚངས་གནས་བཞི་ཞེས་ཀྱང་བྱའོ། །

― KMC016_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་བྱེ་བྲག་ཏུ་བཤད་པ་ལ་དངོས་དང་། རྗེས་སུ་འབྲེལ་པ་གཉིས། དང་པོ་ལ་གོ་བདེ་བའི་ཕྱིར་ཕར་ཕྱིན་ལུགས་ལྟར་བཤད་པ་དང་། ཐུན་མིན་སྔགས་དོན་ལྟར་བཤད་པའོ། །དང་པོ་ལའང་བཞི་སྟེ། བྱམས་པ། སྙིང་རྗེ། དགའ་བ། བཏང་སྙོམས་སོ། དང་པོ་བྱམས་པ་བསྒོམ་ཚུལ་ནི། སློབ་དཔོན་ཙནྡྲས། འགྲོ་ལ་ཕན་པ་ཉེར་སྒྲུབ་པ། །བྱམས་པ་ཆེན་པོ་ཞེས་བྱར་བརྗོད། །ཅེས་གསུངས་པ་ལྟར། དམིགས་པ་ཕ་མར་གྱུར་པའི་སེམས་ཅན་ཐམས་ཅད་ལ་དམིགས་ནས་རྣམ་པ་བདེ་བ་དང་བདེ་བའི་རྒྱུ་དགེ་བ་ལ་སྤྱོད་པ་དང་ལྡན་པར་གྱུར་ན་ཅི་མ་རུང་སྙམ་དུ་འདུན་པ་དང་དེ་ལྟར་འགྱུར་བར་བྱ་སྙམ་དུ་སེམས་བསྐྱེད་པ་དང་། དེ་ལྟར་སྤྱོད་པར་གྱུར་ཅིག་སྙམ་དུ་སྨོན་ལམ་དང་འབྲེལ་པས་ཉམས་སུ་ལེན་པའོ། །གཉིས་པ་སྙིང་རྗེ་ཚད་མེད་ནི། ཡང་དེ་ཉིད་ལས། སྡུག་བསྔལ་ཅན་རྣམས་ཡོངས་སྐྱོབ་པ། །ཐུགས་རྗེ་ཆེན་པོ་ཞེས་པ་སྟེ། །དེ་བསྒོམ་པའི་ཚུལ་ནི། དམིགས་པ་སྡུག་བསྔལ་ཅན་གྱི་སེམས་ཅན་ལ་དམིགས་ནས། རྣམ་པ་སྡུག་

― KMC016_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་དང་སྡུག་བསྔལ་གྱི་རྒྱུ་མི་དགེ་བར་སྤྱོད་པ་དང་བྲལ་བར་གྱུར་ན་སྙམ་པའི་འདུན་སེམས་སྨོན་ལམ་གསུམ་དང་འབྲེལ་པས་ཉམས་སུ་བླང་ངོ་། །གསུམ་པ་དགའ་བ་ཚད་མེད་ནི། དམིགས་ཡུལ་དེ་དག་སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ན་རེ་དགའ་སྙམ་པའི་འདུན་སེམས་སྨོན་པ་དང་འབྲེལ་པའོ། །བཞི་པ་བཏང་སྙོམས་ཚད་མེད་ནི། དམིགས་ཡུལ་དེ་དག་རང་ཕྱོགས་ལ་ཆགས་པ་དང་། གཞན་ཕྱོགས་ལ་ཞེ་སྡང་གི་འཆིང་བས་བཅིངས་པ་ཁོ་ན་ཡིན་པས། དེ་དག་དང་བྲལ་བའི་བཏང་སྙོམས་ཆེན་པོ་ལ་གནས་པར་འགྱུར་བའི་འདུན་སེམས་སྨོན་པ་དང་བཅས་པས་སོ། །གཉིས་པ་འཆད་བྱ་ཐུན་མོང་མ་ཡིན་པ་སྔགས་དོན་དང་འབྲེལ་པ། ༀ་ནི་དོན་རྣམ་པ་བཅུ་ལ་འཇུག་སྟེ། རྒྱུད་རྡོ་རྗེ་རྩེ་མོ་ལས། ༀ་ནི་ཅི་ཞིག་ཡིན་པར་བསྐྱེད ། །མཆོག་དང་ནོར་སྟེར་དཔལ་དང་གཡང་། །བསྐལ་བཟང་རྣམ་པ་དང་ལྡན་ཞིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཞེས་གསུངས་པ་

― KMC016_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་འཇུག་ཡུལ་མང་ནའང་སྐབས་འདིར་མཆོག་གི་དངོས་གྲུབ་སྦྱིན་པར་བྱེད་པ་ཡིན་ཅིང་། ༀ་བཞི་འབྱུང་བ་འབྲས་བུ་ཆོས་སྐུ་ལོངས་སྐུ་སྤྲུལ་སྐུ་ངོ་བོ་ཉིད་སྐུ་བཞི་མཚོན་པའོ། །དང་པོ་ནི། རྡོ་རྗེ་ཞེས་པ་སྟོང་པ་ཉིད་ཆགས་པ་ནི་ཡིད་དུ་འོང་བའི་བྱམས་པ་དང་སྙིང་རྗེ་ཆེན་པོ། རྗེས་སུ་ཆགས་པ་ནི་བདག་ཉིད་ཐ་མལ་གྱི་སྣང་ཞེན་མ་ཡིན་པར་ཐབས་བདེ་བ་ཆེན་པོ་ཧེ་རུ་ཀ་ཡབ་ཀྱི་ལྷས། ཆོས་དབྱིངས་སྟོང་པ་ཉིད་ཤེས་རབ་རང་འོད་ཀྱི་ཡུམ་རྡོ་རྗེ་ཕག་མོ་རྗེས་སུ་ཆགས་བཞིན་པ་སྣང་སྟོང་ཟུང་འཇུག་གི་སྐུ་དེ་ཐོབ་པར་གྱུར་ན་ཅི་མ་རུང་། ཐོབ་པར་གྱུར་ཅིག །ཐོབ་པ་ཅིག་བདག་གིས་བྱའོ་ཞེས་འདུན་པ་སེམས་བསྐྱེད། དམ་བཅའ་གསུམ་ལྡན་ནི་ཐམས་ཅད་ལ་འདྲའོ། །དེ་ཡང་སྤྲོས་པ་མེད་པའི་རང་བཞིན་ཉིད། །ལྷ་དང་སྔགས་ཀྱི་རྣམ་པར་གནས། །ཞེས་པ་ལྟར། སྟོང་པ་ཉིད་ཀྱི་སྙིང་རྗེ་དབྱེར་མེད་ངེས་པའི་དོན་གྱིས་ལྷ་ཡང་བརྗོད་པ། བདེ་སྟོང་དབྱེར་མེད། གསལ་སྟོང་ཟུང་འཇུག །གཉིས་སུ་མེད་པའི་ཡེ་ཤེས། ཅིར་ཡང་སྣང་། ཅིར་ཡང་

― KMC016_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་བ་ལས། ལྷའི་ངོ་བོ་ལོགས་སུ་གྲུབ་པ་མེད་ཅིང་། སྣང་ཡང་རང་སེམས་སུ་སྣང་བ། རྟོགས་ཀྱང་རང་སེམས་སུ་རྟོགས་པ། ལུས་ངག་ཡིད་གསུམ་ལྷ་སྔགས་བདེ་བ་ཆེན་པོའི་རང་བཞིན། གནས་སྐབས་བཞི་སོགས་སྐུ་བཞིའི་ངོ་བོར་ལྷུན་གྱིས་གྲུབ་པར་གྱུར་ཅིག་པའོ། །གཉིས་པ་ནི། རྡོ་རྗེ་གོང་དང་འདྲ། བསྡམ་པ་ནི་སམྦྷ་ར་སྟེ། ཟག་པ་དང་ཉོན་མོངས་པ་ཐམས་ཅད་སྡོམ་པར་བྱེད་པ་སྟེ་ཐབས། སྙིང་རྗེ་ཆེན་པོ་དང་ལྡན་པ་སྟེ། གང་ཟག་སྐྱེ་བ་ཐོག་མ་མེད་པ་ནས་ཕྱི་རོལ་གྱི་དངོས་པོ་སྣ་ཚོགས་ལ་མངོན་པར་ཞེན་པས། ཡོད་པ་དང་མེད་པ། རྟག་པ་དང་ཆད་པ་ལ་སོགས་པའི་བག་ཆགས་མཚན་རྟོག་ཐམས་ཅད་སྡོམ་པར་བྱེད་པ་ཟག་མེད་ལྷན་སྐྱེས་ཀྱི་འཁོར་ལོས་སྡོམས་ཤིག་པའོ། །གསུམ་པ་ནི། རྡོ་རྗེ་ནི་གོང་དང་འདྲ་ལ། དགའ་བ་ཆེན་པོའམ་བདེ་བ་ཆེན་པོས་ཡང་དག་པར་མྱོས་ཞེས་པ་ནི། དཔལ་དུས་ཀྱི་འཁོར་ལོ་ལས། འཕོ་མེད་ལྷན་སྐྱེས་ལུས་ཀྱི་བདེ་བ་སྔགས་ཀྱི་ཐེག་པར་བསྟན། ཞེས་པ་ནི་རྡོ་རྗེའི་ལུས་

― KMC016_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འདི་ཉིད་ལ་བདེ་ཆེན་ཧེ་རུ་ཀ་ཟུང་འཇུག་གི་སྐུ་ཐོབ་ནས་དགྱེས་པའི་གར་གྱིས་ཡང་དག་པར་མྱོས་པ་སྟེ། གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུ་ཉིད་ཀྱིས་དུ་མའི་གར་མཛད་དོ། །ཞེས་པ་ལྟར་རིགས་ཀུན་ཁྱབ་པའི་བདག་ཉིད་དམ་པ་ཐོབ་པར་གྱུར་ཅིག་པའོ། །བཞི་པ་ནི། རྡོ་རྗེ་སྔ་མ་ལྟར་དང་། རྣལ་འབྱོར་སྦྱོར་བས་རྗེས་སུ་གྲོལ་བ་ཞེས་པ་དང་སྦྲེལ་བས་སྟོང་པ་ཉིད་ལ་རྣལ་འབྱོར་ཞེས་པ་སྟེ། རྡོ་རྗེའི་ཆོས་བདུན་ལྡན་ལ་དབང་འབྱོར་བས་འཁོར་འདས་དབྱེར་མེད་དུ་ཁྱབ་པའི་བཏང་སྙོམས་ཆེན་པོའི་གོ་འཕང་ལ་མཐར་ཕྱིན་དུ་སྦྱོར་བའོ། །རྡོ་རྗེའི་ཆོས་བདུན་ལྡན་ནི། །སྟོང་པ་ཉིད་ཀྱི་རྡོ་རྗེ་དེ་ལ་སྐྱེ་བས་བར་དུ་མི་ཆོད་པ། ༡ འདུས་བྱས་ཀྱི་དངོས་པོ་རྣམས་གཞན་དུ་འགྱུར་བ་ཡོད་ལ་སྟོང་པ་ཉིད་ལ་གཞན་དུ་འགྱུར་བ་མེད་པས་མི་ཤིགས་པ། ༢ འདུས་བྱས་རྣམས་སྡུག་བསྔལ་གྱིས་གདུང་ལ་ཆོས་སྐུ་སྟོང་པ་ཉིད་ལ་སྡུག་བསྔལ་མེད་པས་བདེན་པ། ༣ ཆོས་སྐུ་ལ་སྐྱེབ་མེད་པས་ཐ་མ་འགག་སྟེ་རྒྱུན་ཆད་མེད་པས་སྲ་བ།

― KMC016_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

༤ དུས་དང་སྐལ་པ་ཐམས་ཅད་དུ་གནོད་པར་མི་ནུས་པས་བརྟན་པ། ༥ བདག་གཞན་གཟུང་འཛིན་ཐམས་ཅད་འཇིགས་པར་བྱེད་པས་ན་ཐམས་ཅད་དུ་ཐོགས་པ་མེད་པ། ༦ ཆོས་སྐུ་སྟོང་པ་ཉིད་ལ་ཚུར་གང་གིས་ཀྱང་གནོད་པར་མི་ནུས་ཤིང་། ཕར་ཐམས་ཅད་འཇོམས་པར་བྱས་བས་ནི་ཐམས་ཅད་དུ་མ་ཕམ་པའོ། ༧ །རྟོགས་པའི་དབང་དུ་བྱས་ན། ཉོན་མོངས་པའི་སྒྲིབ་པས་མི་ཆོད་པ། ༡ ཤེས་བྱའི་སྒྲིབ་པས་མི་ཤིགས་པ། ༢ རྟོགས་པ་ལྟར་མི་བསླུ་བས་བདེན་པ། ༣ ཕྱིན་ཅི་ལོག་ཏུ་འགྱུར་བ་མེད་པས་སྲ་བ། ༤ འགལ་རྐྱེན་གྱིས་མི་འཕྲོག་པས་བརྟན་པ། ༥ སྒྲིབ་གཉིས་འཇོམས་པས་ཐམས་ཅད་དུ་ཐོགས་པ་མེད་པ། ༦ སྤང་བྱའི་གཡུལ་ལས་རྒྱལ་བས་ཕྱོགས་ཐམས་ཅད་དུ་མ་ཕམ་པ་སྟེ། ༧ དེ་ལྟ་བུའི་ཡེ་ཤེས་ཆོས་ཀྱི་སྐུའི་གོ་འཕང་དམ་པ་དེ་སེམས་ཅན་ཐམས་ཅད་ཀྱིས་ཐོབ་པར་གྱུར་ཅིག་པའོ། །གཉིས་པ་དེ་དང་རྗེས་སུ་འབྲེལ་བའི་དོན་དམ་སེམས་བསྐྱེད་ནི། ༀ་མཆོག་སྟེར་བ། བཛྲ་རྡོ་རྗེ། སཏྭ་སེམས་

― KMC016_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ། ངེས་པའི་དོན་དུ་རྡོ་རྗེ་སྟོང་པ་ཉིད་དེ་ཤེས་རབ། སཏྭ་ནི་སྙིང་རྗེ་ཆེན་པོ་སྟེ་ཐབས། ཧཱུྃ་ཡིག་ནི་ཐུགས་རྡོ་རྗེའི་ས་བོན། དོན་ནི། དཔལ་རྡོ་རྗེ་སེམས་དཔའ་ཞེས་བོས་ནས། སྟོང་ཉིད་སྙིང་རྗེའི་སྙིང་པོ་ཅན་དེ་རྟོགས་པར་མཛོད་ཅེས་སྲོག་ཡིག་ས་བོན་ནས་བསྐུལ་བའོ། ཧཱུྃ་ཡིག་དེ་ཀྱཻ་རྡོར་བརྟག་གཉིས་ལས་གསུངས་པ་ལྟར། ཡི་གེ་ཁ་ཕྲལ་གྱི་དབང་དུ་བྱས་ནས་བཤད་ན། ཧའི་སྒྲ་ལས། ཧ་གྲ་ཀ །བཟུང་བ། གྲ་ཧ་ཙ། འཛིན་པ། ཞབས་སྐྱེད་དམ་ཞབས་ཀྱུ། ཨུ་ལ་ཤ་བྱིན་པས་ཤུ་ནྱ་ཏཱ་སྟོང་པ་ཉིད། ཀླད་ཀོར་གྱི་མ་ནི་མ་ནོ་ཏ་སྟེ་ཡིད། གཟུང་འཛིན་གཉིས་ཀྱིས་སྟོང་པའི་ཡིད་ཅེས་པ་སྙེ་ཆོས་དབྱིངས་ཡེ་ཤེས་སོ། །དེ་ལྟར་སྔགས་བརྗོད་པའི་རྐྱེན་གྱིས་རང་ཉིད་རྡོ་རྗེ་སེམས་དཔའི་སྐུར་སྐད་ཅིག་གིས་གསལ་བའི་ཐུགས་ཀར། ཀུན་རྫོབ་བྱང་ཆུབ་སེམས་ཀྱི་ངོ་བོ་ཟླ་བའི་དཀྱིལ་འཁོར་ཉ་གང་བ་མེ་ལོང་བཞག་པ་ལྟ་བུའི་སྟེང་དུ་དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ་འོད་ཀྱི་རང་བཞིན་ཅན་གྱིས་རྒྱས་གདབ་པར་མོས་

― KMC016_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ངག་ཏུ། སྐུ་གསུང་ཐུགས་ཀྱི་དཀྱིལ་འཁོར་དུ། །སངས་རྒྱས་ཀུན་གྱི་དམ་ཚིག་ཆེ། །ཨེ་ཝཾ་རང་བཞིན་འབའ་ཞིག་པ། །རྡོ་རྗེ་སྙིང་པོར་བདག་བསྐྱེད་དོ། །ཞེས་པ་ལུས་སྐུ། ངག་གསུང་། ཡིད་ཐུགས་ཀྱི་དཀྱིལ་འཁོར་དུ་གདོད་ནས་ལྷུན་གྱིས་གྲུབ་པ་ལ། སངས་རྒྱས་ཀུན་གྱི་དམ་ཚིག་སྟེ། ས་མ་ཡའི་སྒྲ་ལས་རྡོ་རྗེའི་ཡལ་གམ་ལས་མི་འདའ་བས་ན་དམ་ཚིག །མཚན་འཛིན་གྱི་རྟོག་པ་ཐམས་ཅད་སྡོམ་པའམ་བཅིང་བར་བྱེད་པས་ཆེན་པོ། དེ་ཡང་མདོར་བསྡུས་ན་ཨེ་ཝཾ་གྱི་རང་བཞིན་འབའ་ཞིག་སྟེ། ཨེ་ཝཾ་གྱི་རང་བཞིན་ཁོ་ནའོ། །ཞེས་པ་སྟེ། ཨེ་ཝཾ་ལ་སྟོང་ཆེན་ཡིག་ལྔ་དང་། ཐིག་སྟོང་ཡིག་དྲུག་སོགས་ཀྱིས་བཤད་ན་ཡི་གེ་མང་དུ་དོགས་པས་མ་བཀོད་ལ། སྤྱིར་བཏང་ཡོངས་གྲགས་ཀྱི་དབང་དུ་བཏང་ན་བསྐྱེད་རིམ་དང་རྫོགས་རིམ་གཉིས་ཁོ་ནར་གནས་སོ། །ཞེས་པ་སྟེ། རྒྱུད་རྡོ་རྗེ་འཆང་གི་ཆོས་བསྟན་པ། །རིམ་པ་གཉིས་ཀྱིས་ཡང་དག་བསྟན། །བསྐྱེད་པ་ཡི་ནི་རིམ་པ་དང་། །དེ་བཞིན་རྫོགས་པའི་རིམ་པའོ། །ཞེས་

― KMC016_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར་ན། དེ་གཉིས་ཟུང་དུ་འཇུག་པ་རྡོ་རྗེའི་སྙིང་པོ་ལས། བསྐྱེད་བྱ་སྐྱེད་བྱེད་དང་བྲལ་བའི་ངང་ངམ་བདག་ཉིད་དུ་གནས་པར་བྱའོ། །ཞེས་པ་སྟེར་སྒྲུབ་བརྒྱུད་སྙིང་པོའི་རིང་ལུགས་བླ་ན་མེད་པར་ཤིན་ཏུ་ཕྲ་བའི་རླུང་སེམས་དབྱེར་མེད་འཁོར་འདས་དབྱེར་མེད་ཁོ་ན་ལ་ངོས་འཛིན་ཅིང་དོན་དམ་སེམས་བསྐྱེད་ཞེས་པའི་དོན་ཡང་། དགྱེས་རྡོར་ལས། རྨོངས་ཕྱིར་འཁོར་བའི་སེམས་ཅན་ཉིད། །རྨོངས་མེད་འཁོར་བ་དག་པས་ན། །འཁོར་བ་མྱ་ངན་འདས་པར་འགྱུར། །བྱང་ཆུབ་སེམས་ནི་མྱ་ངན་འདས། །ཀུན་རྫོབ་དོན་དམ་ཚུལ་ཅན་ནོ། །ཞེས་གསུངས་པ་ལྟར། ད་ལྟ་ཐ་སྙད་པའི་ངོར་ཆོས་ཅན་འཁོར་བར་མཐོང་བའི་གཞི་དེ་ཉིད་བརྟགས་ཤིང་དཔྱད་པའི་བློ་རྨོངས་མོད་ཀྱི་ངོར་ཆོས་ཉིད་མྱང་འདས་སུ་གཟིགས་ལ། གཟིགས་པ་དེའི་དོན་ཆོས་ཉིད་མྱང་འདས་ལས་བཞག་པའི་ཆོས་ཅན་འཁོར་བ་ཞེས་བྱ་བ་གྲུབ་པ་མེད་ཅིང་། དེ་མ་གྲུབ་པའི་ཆོས་ཅན་འཁོར་བ་ལས་གཞན་པའི་ཆོས་ཉིད་མྱང་འདས་ཞེས་བྱ་བ་ཞིག་ཀྱང་ནམ་ཡང་གྲུབ་པ་མེད་

― KMC016_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི་བདེན་གཉིས་དབྱེར་མེད་དམ་ཟུང་འཇུག་གི་དོན་ཏོ། །དེ་ཉིད་ཇི་ལྟར་ཉམས་སུ་བླང་བའི་ཚུལ་ནི། དཔལ་མགོན་འཕགས་པ་ཀླུ་སྒྲུབ་ཀྱིས། སངས་རྒྱས་རྣམས་ཀྱི་བྱང་ཆུབ་སེམས། །བདག་དང་ཕུང་པོ་རྣམ་རིག་གི །རྟོག་པ་རྣམས་ཀྱིས་མ་བསྒྲིབས་པའི། །རྟག་ཏུ་སྟོང་ཉིད་མཚན་ཉིད་བཞེད། །ཅེས་གསུངས་ཏེ། དེའང་ཕྱི་རོལ་པས་བརྟགས་པའི་བདག་དང་། ཉན་ཐོས་སྡེ་གཉིས་ཀྱིས་བརྟགས་པའི་ཕུང་ཁམས་སྐྱེ་མཆེད་ཀྱི་ཆོས་དང་། སེམས་ཙམ་པས་བརྟགས་པའི་རྣམ་པར་རིག་པས་བདེན་པར་འདོད་པ་ལ་སོགས་མཐར་འཛིན་གྱི་རྟོག་པས་བརྟགས་པ་ཙམ་གྱིས་ཀྱང་མ་བསྒྲིབས་པར་འཁོར་འདས་ཀྱི་ཆོས་ཐམས་ཅད་ཀྱི་རྩ་བ་གཉུག་མ་སེམས་ཀྱི་རང་བཞིན་ཡོད་མེད་ཡིན་མིན་སྤྲོས་པའི་མཐའ་ཐམས་ཅད་དང་བྲལ་བར་གཏན་ལ་ཕབ་པའི་དོན་དམ་བྱང་ཆུབ་སེམས་བསྐྱེད་པ་སྟེ་ཡེ་ཤེས་ཀྱི་ཚོགས་བསགས་པའོ། །ཞེས་ཆོས་དྲུག་གི་ཚད་མེད་བཞི་དང་དོན་དམ་སེམས་བསྐྱེད་འདི་ལ་ཚིག་འགྲེལ་ཞིག་དགོས་

― KMC016_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས། སྒྲུབ་བརྩོན་བླ་མ་བདེ་ཆེན་གྱི་གསུང་གིས་སྔ་མོ་ནས་ཡང་ཡང་བསྐུལ་བ་དང་། ཉེ་ཆར་དབུ་མཛད་མགོན་པོ་དང་། མཚར་སྒང་གི་དགེ་སློང་སྟོབས་རྒྱལ་གྱིས་བསྐུལ་ངོར། བླ་མའི་གསུང་རྒྱུན་རྩ་བར་བཟུང་། རང་གི་གོ་ཚོད་ཀྱི་ལུང་རིགས་དང་སྦྲེལ་ནས། འོག་མིན་ཀརྨའི་གདན་སར་མཁན་པོ་འདུལ་འཛིན་ཀརྨ་རཏྣས་རང་ལོ་བཞི་བཅུ་ཞེ་གཅིག་དུ་ལོན་པའི་སྤརྑ་ལིའི་དགུ་མིག་གིས་རྩུབ་སྐེག་ལས་གྲོལ་བའི་སྐབས་སུ་བྲིས་པ་ནོངས་པར་གྱུར་ན་རྩ་བ་གསུམ་གྱི་ལྷ་ལ་བཤགས་ཤིང་དཀར་པོ་དགེ་བའི་ཆ་མཆིས་ན་བསྟན་པ་རྒྱས་པའི་རྒྱུར་གྱུར་ཅིག །མངྒ་ལཾ་བི་ཛ་ཡནྟུ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

― KMC016_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བའི་རྩ་བ་འདིས་མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་རྩ་བདེ་བར་གྱུར་ཅིག །རླུང་འཇམ་པར་གྱུར་ཅིག །ཐིག་ལེ་བརྟན་པར་གྱུར་ཅིག །རྩ་ཐིག་རླུང་གསུམ་ལ་དབང་ཐོབ་ནས་ཟུང་འཇུག་ཕྱག་རྒྱ་ཆེན་པོ་ཁ་སྦྱོར་ཡན་ལག་བདུན་དང་ལྡན་པའི་རྡོ་རྗེ་འཆང་ཆེན་པོའི་གོ་འཕང་རིན་པོ་ཆེ་ཐོབ་པར་གྱུར་ཅིག །བདེ་གཤེགས་ཀུན་འདུས་ལས། ལུས་ནི་སྣང་སྟོང་ལྷ་སྐུར་གྲོལ༔ ངག་ནི་གཞོམ་མེད་རང་སྒྲར་གསལ༔ སེམས་ནི་བདེ་ཆེན་ཆོས་སྐུར་འགྲོལ༔ བདེ་ཆེན་ཐུགས་རྗེའི་ལྷ་ཚོགས་ཀྱིས༔ སྐུ་གསུང་ཐུགས་སུ་ལྷུན་གྲུབ་ཤོག༔ ཅེས་པ་འདི་མཁན་རཏྣའི་ཕྱག་བྲིས་ལས་ཞལ་བཤུས་པ་དགེ། །།

ཆོས་དྲུག་ཐུན་མཚམས་སྨོན་ལམ་དང་སྨོན་ལམ་ཚིག་བཞིའི་འགྲེལ་པ།

― KMC016_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ལམ་རྩ་རླུང་ཐིག་ལེའི་འབར་ཞུ་དང་འབྲེལ་བའི་སྨོན་ལམ་ཚིག་བཞིའི་བསྡུས་འགྲེལ་འཆི་མེད་དོན་གྱི་ཐིག་ལེ་ཞེས་བྱ་བ། རྩ་དག་རླུང་ཐིམ་ཐིག་ལེ་འཕོ་མེད་དུ་བརྟན་པའི་རྟོགས་ལྡན་གྱི་རྒྱལ་པོ་དེ་ལ་ཕྱག་འཚལ་ལོ། །དགྲོལ་བྱའི་རྩ་བ་ནི། དགེ་འདིས་འགྲོ་བ་མ་ལུས་རྡོ་རྗེ་སེམས། །རྟག་བདེའི་ཐབས་ཤེས་སྦྱོར་བས་འཆི་མེད་ཅིང་། །ནང་གི་ལམ་ནས་རྡོ་རྗེའི་འགྲོ་བ་ཡི། །སངས་རྒྱས་ཉིད་ཀྱི་གོ་འཕང་སྩོལ་ཕྱིར་བསྔོ། །ཞེས་པ་དགེ་བ་འདིས་བདག་གཞན་འགྲོ་བ་སེམས་ཅན་མ་ལུས་པ་ཐམས་ཅད་དཔལ་རྡོ་རྗེ་སེམས་དཔའ་ཧེ་རུ་ཀ་སྟེ། དྲང་དོན་བརྡ་ཐབས་ལྟར་ན་ལྷ་ཡབ་ཡུམ། ངེས་པའི་དོན་དུ་སྣང་སྟོང་ཟུང་འཇུག་འཕོ་མེད་རྟག་པའི་བདེ་བ་ཆེན་པོའི་ཐབས་དང་ཤེས་རབ་འདུ་འབྲལ་མེད་པར་སྦྱོར་བས་འཆི་མེད་དམ་འགག་མེད་ཀྱི་ལམ་འབྱོར་བས། ནང་གི་ལམ་སྟེ་དབུ་མའི་ལམ་ནས་རྡོ་རྗེའི་འགྲོས་ཀྱིས་འགྲོ་བ་སྟེ། རླུང་

― KMC016_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཡེ་ཤེས་ཀྱི་རླུང་དུ་འགྲོ་བའམ་རླུང་གི་འགྲོས་ཐིམ་པས། སྒྲིབ་གཉིས་བག་ཆགས་དང་བཅས་པ་སངས་ཤིང་ཡེ་ཤེས་དང་ཡོན་ཏན་ཐམས་ཅད་ཡོངས་སུ་རྒྱས་པས། དེ་ཁོ་ན་ཉིད་ཀྱི་གོ་འཕང་འབད་མེད་དུ་སྩོལ་བའི་ཕྱིར་བསྔོ་བ་སྟེ། ཞིབ་པར་རྩ་རླུང་ཐིག་ལེ་དང་སྦྱར་ན། དེ་ཡང་རང་ལུས་ལྷ་སྐུ་མེ་ལོང་ནང་གི་གཟུགས་བརྙན་ལྟ་བུ་སོགས་སྒྱུ་མའི་དཔེས་མཚོན་པ་དེ་བཞིན་གསལ་བའི་ནང་དབུས་རྡོ་རྗེ་ལུས་ལ་ནཱ་ཌཱི་སྟེ་རྩ་ཐམས་ཅད་ཀྱི་རྩ་བ་དང་ཁྱབ་བྱེད་དུ་གྱུར་པ་དབུ་མའམ་ཨ་ཝ་དྷཱུ་ཏི་ཚངས་བུག་ནས་ལྟེ་འོག་ཏུ་ཟུག་པ་དེ་ལས་རོ་རྐྱང་གཉིས་སུ་གྱེས་པའི་གཡོན་དུ་ལཱ་ལ་ན་ཏེ་ཐིག་ལེ་འབབ་པ་དབྱངས་ཀྱིས་མཚན་པ་རྐྱང་མ། གཡས་སུ་རཱ་ས་ན་སྟེ་ཁྲག་འབབས་པ་གསལ་བྱེད་ཀྱིས་མཚན་པ་རོ་མ། རླུང་ཕྱི་ནང་གི་འགྲོ་འོང་བྱེད་པ་ཅན། དེ་གཉིས་འོག་ཏུ་ཀུན་འདར་མའི་གནས་སུ་འཛོམ་པའི་སུམ་མདོར་རྒོད་མ་ཁའི་མེ་རྡོ་རྗེ་ཉི་མ་སྣང་བ་ཆེན་པོའི་བདག་

― KMC016_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་དུ་གྲགས་པ་ཨཾ་ངམ། ཨ་ཤད་རྡོ་རྗེ་ཕག་མོ་བཞུགས་པ། སྙིང་གའི་ནང་དུ་རྩ་འཁོར་འདབ་མ་བརྒྱད་པ་སྙིང་པོ་དང་བཅས་པ་ནང་དུ་ས་པའི་ཆུ་ཤིང་གི་མེ་ཏོག་ལྟར་ཁ་འོག་ཏུ་ཕྱོགས་པའི་ནང་དུ་མི་ཤིགས་པའི་ས་བོན་ཧཱུྃ་ཡུངས་ཀར་གྱི་ཚད་ཙམ་པ་ཧེ་རུ་ཀའི་ཡེ་ཤེས་ཀྱི་རང་བཞིན། རླུང་ཁ་སྦྱོར་དུ་སུམ་མདོར་འཆིང་བ་སྟེ། འབྱུང་བ་ལྔའི་རླུང་གིས་རྡོ་རྗེ་ཕག་མོའམ་ཨ་ཤད་བསྐུལ་བས་རྗེས་སུ་ཆགས་པའི་མེས། དཔའ་བོ་ཧེ་རུ་ཀ་དགྱེས་པའི་བྱང་ཆུབ་ཀྱི་སེམས་སྤྱི་བོ་ནས་ཞུ་བ་འབར་འཛག་ཟུང་འཇུག་ཡབ་ཡུམ་སྙོམས་པར་འཇུག་པའི་བདེ་བས་ལྷ་མོ་མཉེས་པར་གྱུར་ཅིང་ཕྱི་རུ་ལུས་འཕར་ཞིང་གཡོ་བ་དང་། དྲོད་འབྱུང་བ་དང་། ནང་དུ་འབྱུང་བའི་རླུང་ཞུགས་པའི་རྟགས་ལྔ་སྟེ། རྡོ་རྗེ་གུར་ལས། དང་པོ་སྤྲིན་གྱི་རྣམ་པ་སྟེ། །གཉིས་པ་དུ་བ་འདྲ་བ་ཉིད། །གསུམ་པ་མེ་ཁྱེར་རྣམ་པ་སྟེ། །བཞི་པ་མར་མེ་ཉེར་འདྲ་བ། །ལྔ་པ་རྟག་ཏུ་སྣང་བ་སྟེ། །སྤྲིན་

― KMC016_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ནམ་མཁའ་འདྲ་བ་ཉིད། །ཅེས་སོ། །དེ་ལྟར་རྣལ་འབྱོར་དུ་བྱེད་པའི་ལམ་རླུང་དང་འཁྲུལ་འཁོར་དང་དམིགས་པའི་གནད་ཟབ་མོས་རྩ་མདུད་རྣམས་གྲོལ་ནས་རྩ་ཐམས་ཅད་ཨ་ཝ་དྷཱུ་ཏིའི་རང་བཞིན་དུ་དག་ནས་ལྟེ་བའི་གཏུམ་མོ་སྦར་བས་ཕུང་ཁམས་སྐྱེ་མཆེད་ཀྱི་ཆོས་རགས་པའི་དངོས་པོ་ཐམས་ཅད་སྤངས་ཏེ་དྭངས་མའི་ལུས་ཅན་གྱི་སེམས་ཅན་ཐམས་ཅད་ཀྱི་དོན་མཛད་པའོ། །འདི་དག་གི་རྒྱབ་སྐྱོར་ལུང་འདྲེན་སོགས་ནི་མང་དུ་དོགས་པས་མ་བྲིས་ཤིང་ནང་གི་ས་ལམ་བགྲོད་ཚུལ་སྤྱིར་བླ་མེད་མཐའ་དག་དང་ཁྱད་པར་དགྱེས་རྡོར་རྩ་བཤད་ཀྱི་གཞུང་འགྲེལ་དང་། ཟབ་མོ་ནང་གི་དོན་ལས་ཤེས་པར་གྱིས་ཤིག །ཅེས་པ་འདིའང་རི་པ་དགེ་སློང་བཟོད་པའི་ངོར་འདུལ་འཛིན་ཀརྨ་རཏྣས་ཀརྨའི་དབེན་གནས་སུ་བྲིས་པ་དགེ་ལེགས་འཕེལ། ཤུ་བྷཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་

― KMC016_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཟབ་ལམ་ནཱ་རོ་ཆོས་དྲུག་གི་གསལ་བྱེད་སྤྱི་ཆིངས་ཁྲིད་ཡིག་དང་བཅས་པ།

― KMC016_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ལམ་ནཱ་རོ་ཆོས་དྲུག་གི་གསལ་བྱེད་སྤྱི་ཆིངས་ཁྲིད་ཡིག་དང་བཅས་པ་ཀརྨ་པ་རང་བྱུང་རྡོ་རྗེའི་ཆོས་དྲུག་གསེར་ཞུན་མ་བཞུགས་སོ། །

― KMC016_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དམ་པ་རྣམས་ལ་ཕྱག་འཚལ་ལོ། །རྣམ་ཀུན་མཆོག་ལྡན་སྟོང་ཉིད་མངོན་དུ་མཛད། །བདེ་ཆེན་མཆོག་ལྡན་སྙིང་རྗེས་སྲིད་པ་འཛིན། །ཟུང་འཇུག་མཆོག་ལྡན་རྡོ་རྗེ་སེམས་དཔའ་དང་། །བླ་མ་མཆོག་ལ་གུས་པས་ཕྱག་འཚལ་ལོ། །ཐེག་མཆོག་སྙིང་པོ་རྣལ་འབྱོར་བླ་མེད་ཀྱི། །རྫོགས་རིམ་མཐར་ཐུག་དཔལ་ལྡན་ཆོས་དྲུག་གི །སྙིང་པོའི་ཞལ་གདམས་བརྒྱུད་པ་ལས་འོངས་པ། །གསལ་བར་བྱ་ཕྱིར་རེ་ཞིག་འདི་བཤད་དོ། །འདིར་སངས་རྒྱས་ཀྱིས་གསུངས་པའི་ཐེག་པ་ཆེན་པོ་རྨད་དུ་བྱུང་བ་ལ་བརྟེན་

― KMC016_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཞལ་གདམས་དཔག་ཏུ་མེད་ཀྱང་། ཚེ་གཅིག་ལུས་གཅིག་གིས་རྡོ་རྗེ་འཆང་ཆེན་པོ་མངོན་དུ་བྱེད་པ་དཔལ་ལྡན་ནཱ་རོ་པའི་ཆོས་དྲུག་འདི་ལ་དོན་རྣམ་པ་གཉིས་ཏེ། ཤེས་པར་བྱ་བ་དང་། ཉམས་སུ་བླང་བའོ། །དང་པོ་ལ་བླ་མའི་བརྒྱུད་ཚུལ་དང་། གཞི་ལམ་འབྲས་བུའི་རྣམ་གཞག་གོ །དང་པོ་ནི་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཆེན་པོས། གསང་བ་པའི་བདག་པོ་ལ་སོགས་པའི་བྱང་ཆུབ་སེམས་དཔའ་རྣམས་ལ། དེ་ལས་རིམ་པར་བཀའ་བཞི་བརྒྱུད་པའི་བླ་མ་རྣམས་ལ་

― KMC016_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་དེ། ཀླུ་སྒྲུབ། ཨཱཪྱ་དེ་བ། ཟླ་བ་གྲགས་པ། མ་ཏཾ་གི་རྣམས་ནི་ལྷོའི་བརྒྱུད་པའོ། །བིར་ཝ་པ། ཌོམྦི་ཡང་ཟེར། བི་ན་པ། ལྭ་ཝ་པ། ཨིནྡྲ་བོ་དྷི་སྟེ་དེ་རྣམས་ནུབ་ཀྱི་བརྒྱུད་པའོ། །ལཱུ་ཧི་པ། ཌེཾ་གི་པ། དཱ་རི་ཀ །སུ་ཁ་དྷ་རི་ནི་བྱང་གི་བརྒྱུད་པའོ། །སུ་ཁ་མ་ཧཱ་སིདྡྷི། ཐང་ལོ་པ། ཤིང་ལོ་པ། ཀརྞ་རི་པ་རྡོ་རྗེ་དྲིལ་བུ་ཡང་ཟེར། རྣམས་ཤར་གྱི་བརྒྱུད་པ་སྟེ། དེ་རྣམས་ལ་དཔལ་ཏཻ་ལོ་པ་ཆེན་པོས་གཏུགས་པའི་ཚུལ་བསྟན། དངོས་སུ་བཅོམ་ལྡན་འདས་རྡོ་རྗེ་འཆང་ཆེན་པོས་བྱིན་གྱིས་བ རླབས་ཤིང་ལྷན་ཅིག་སྐྱེས་མཐར་ཕྱིན་པ་དེས། དཔལ་ནཱ་རོ་པ་ལ་གསུངས་ཏེ་གཞུང་ལས། བླ་མ་ཆེན་པོ་ནཱ་རོ་པས། བདེ་མཆོག་འཁོར་ལོའི་གསང་སྔགས་ནི། །འབུམ་ཕྲག་གཅིག་ཏུ་བཟླས་པ་ཡིས། །ས་རྣམས་གཡོས་ཤིང་ལུང་བསྟན་ཐོབ། །ཅེས་སོ། །དེ་ཡང་དཀའ་བ་བཅུ་གཉིས་སྤྱད། བླ་མ་མཉེས་པ་སྣ་ཚོགས་ཀྱིས་བསྟེན་ཅིང་། མཐར་ཕྱག་རྒྱ་ཆེན་པོ་མངོན་དུ་མཛད་དེ། བླ་མའི་བཀའ་ལ་བརྟེན་ནས་འཕགས་པ་ཐོག་མེད་སྐུ་མཆེད་ལས་བརྒྱུད་པ་ལ་

― KMC016_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་ཡིན་པས་བྱང་སྒོ་སྲུང་བའི་པཎྜི་ཏ་མཛད་དེ། པུལླ་ཧ་རིར་བཞུགས་ཤིང་འགྲོ་བའི་དོན་མཛད་དེ། དེས་མར་པ། མི་ལ་རས་པ། བླ་མ་ལྷ་རྗེ། དུས་གསུམ་མཁྱེན་པ། འགྲོ་མགོན་རས་པ། སྤོམ་བྲག་པ། བླ་མ་ཀརྨ་པ། སངྒ་ལཀྵ། དེས་རང་བྱུང་རྡོ་རྗེའོ། །བླ་མ་རྣམས་ཀྱི་རྣམ་པར་ཐར་པ་ནི་གཞན་དུ་ཡོད་པས་དེར་བལྟའོ། །གཉིས་པ་ནི། གཞི་དངོས་པོའི་གནས་ལུགས། ལམ་གྱི་རིམ་པ། འབྲས་བུ་སྐྱེ་བའི་རིམ་པའོ། །དེ་ཡང་གཞུང་ལས། ཤར་ཕྱོགས་ངོས་སུ་ཏཻ་ལོ་པའི། །ཞལ་སྔར་གདམས་ངག་མནོས་པ་ནི། །དངོས་པོའི་གནས་ལུགས་ལམ་དང་ནི། །འབྲས་བུ་སྐྱེ་བའི་རིམ་པའོ། །ཞེས་པས། དང་པོ་ལ་གཉིས། གཞི་དངོས་དང་། ལམ་གྱི་གཞི་དབང་ངོ་། །དང་པོ་ལ་ཐེག་པ་ཆེན་པོའི་དབང་དུ་བྱས་ཏེ་ལུས་དང་སེམས་གཉིས་ལས། ལུས་ལ་ཡང་རྣམ་པར་ཕྱེ་ན་གསུམ་དུ་འགྱུར་ཡང་། འདིར་ཕྱོགས་གཅིག་ཏུ་བསྟན་པར་བྱ་སྟེ། དེ་ཡང་དངོས་པོའི་གནས་ལུགས་ནི། ལུས་ནི་བྱང་ཆུབ་རྣམ་ལྔ་དང་། །རྩ་དང་

― KMC016_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དང་ནི། །མི་གཙང་རྫས་དང་རྣམ་རྟོག་གིས། །ལུས་ཀྱི་ཆོས་ནི་གནས་པ་ཡིན། །ཞེས་འབྱུང་བས་སྤྱིར་དྲི་མ་དང་བཅས་པའི་སེམས་ཀྱིས་ཉེ་བར་བརྟགས་ཤིང་ཞེན་པ་ལ་བརྟེན་ནས་སྣང་བ་ཡིན་ཡང་རེ་ཞིག་རྟེན་དང་བརྟེན་པའི་ཚུལ་དུ་རྣམ་པར་ཕྱེ་ན། འགྲོ་བ་རིགས་དྲུག་ཁམས་གསུམ་པ་རྣམས་ཀྱི་རྣམ་པར་ཤེས་པའི་གཟུང་འཛིན་གཉིས་ལས་བྱུང་བ། ཕྱི་སྣོད་དང་ནང་ལུས་དབྱེར་མེད་པར་རྒྱུ་དང་འབྲས་བུ་རྣམ་པར་ཕྱེ་བ་དུས་ཀྱི་འཁོར་ལོ་ལ་སོགས་པ་རྒྱུད་འགྲེལ་རྣམས་ལས་གསུངས་པ་བདག་གི་བློ་ལ་གསལ་མོད་ཀྱང་ཡི་གེས་འཇིགས་པའི་ཕྱིར་མ་བཤད་དོ། །འདིར་འཛམ་བུའི་གླིང་དུ་སྐྱེས་པ་ཁམས་དྲུག་ལྡན་པའི་མི་ལུས་ལ་བརྟེན་པ་བསྟན་ཏེ། འདི་ལ་ཡང་ལུས་འགྲུབ་པའི་རྒྱུ་རྐྱེན། ཇི་ལྟར་འགྲུབ་ཚུལ་བཤད་པ། བཤད་པའི་དགོས་པ་དང་གསུམ་ལས། དང་པོ་ནི། སེམས་དྲི་མ་དང་བཅས་པ་འདུས་བྱས་ཤིང་ལས་མངོན་པར་བསྒྲུབས་པས་རྒྱུ་བྱས། ཕ་མའི་འདུ་འཕྲོད་ཀྱིས་རྐྱེན་བྱས་ཤིང་། གསུམ་འཚོགས་

― KMC016_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལས། ཕའི་ཁུ་བ་དང་། མའི་ཁྲག་ནད་མེད་པ་དང་། བར་མ་དོའི་རྣམ་པར་ཤེས་པ་ལ། ཟླ་བ། ཉི་མ། སྒྲ་གཅན། ཞེས་ཀྱང་བཏགས་ཏེ། ལུས་ངག་ཡིད་གསུམ་བསྐྱེད་དེ། དང་པོའི་སངས་རྒྱས་ཀྱི་རྒྱུད་ལས། སྐུ་ནི་ཐིག་ལེ་ཟླ་བ་ཁུ། །གསུང་ནི་ཚེག་དྲག་ཉི་མ་ཁྲག །ཐུགས་ནི་ནཱ་ད་ཐམས་ཅད་འབྱུང་། །ཞེས་སོ། །འདི་ལ་བྱང་ཆུབ་པ་ལྔར་ཡང་འགྲོ་སྟེ། དཀར་ཆ་མེ་ལོང་ལྟ་བུའི་ཡེ་ཤེས། དམར་ཆ་མཉམ་པ་ཉིད། རྣམ་ཤེས་རླུང་དང་བཅས་པ་སོ་སོར་རྟོག་པ། ཐམས་ཅད་འདྲེས་པ་བྱ་བ་གྲུབ་པ། ལུས་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། དགྱེས་པ་རྡོ་རྗེ་ལས། ཟླ་བ་མེ་ལོང་ཡེ་ཤེས་ལྡན། །བདུན་གྱི་འདུན་པ་མཉམ་ཉིད་ལྡན། །རང་ལྷའི་ས་བོན་ཕྱག་མཚན་ནི། །སོ་སོར་རྟོག་པ་བརྗོད་པར་བྱ། །ཐམས་ཅད་གཅིག་གྱུར་ནན་ཏན་ཉིད། །རྫོགས་པས་ཆོས་དབྱིངས་དག་པ་སྟེ། །མཁས་པས་ཆོ་གར་གསུངས་པ་ཡི། །རྣམ་པ་ལྔ་པོ་བསྒོམ་པ་ཉིད། །ཅེས་སྦྱང་གཞི་སྦྱོང་བྱེད་སྦྱར་ཏེ་གསུངས་སོ། །གཞན་ཡང་དང་པོ་ཕ་མ་

― KMC016_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀྱི་རེག་པ་སྲ་བ་ཉམས་སུ་མྱོང་བ་ས། བྱང་ཆུབ་ཀྱི་སེམས་གཤེར་བ་ཆུ། བསྐྱོད་པས་དྲོ་བ་མེ། གཡོ་བ་རླུང་། བདེ་བ་ནམ་མཁའི་ཁམས་ཏེ། དགྱེས་པ་རྡོ་རྗེ་ལས། བོལླ་ཀཀྐོ་ལ་སྦྱར་བས། །རེག་པ་སྲ་བ་བག་ཆགས་ཉིད། །སྲ་བ་གཏི་མུག་ཆོས་ཀྱི་ཕྱིར། །གཏི་མུག་རྣམ་པར་སྣང་མཛད་བརྗོད། །གང་ཕྱིར་བྱང་སེམས་གཤེར་བ་ཉིད། །གཤེར་བ་ཆུ་ཡི་ཁམས་སུ་འགྱུར། །ཆུ་ནི་མི་བསྐྱོད་གཟུགས་ཀྱི་ཕྱིར། །ཞེ་སྡང་འདྲེན་པ་མི་བསྐྱོད་པ། །གཉིས་ཀྱིས་བསྐྱོད་པའི་སྦྱོར་བ་ལས། །དྲོད་ནི་རྟག་ཏུ་སྐྱེ་བར་འགྱུར། །འདོད་ཆགས་དཔག་མེད་རྡོ་རྗེ་ཡིན། །འདོད་ཆགས་དྲོད་ལས་འབྱུང་བར་འགྱུར། །ཀཀྐོ་ལར་ནི་སེམས་རྒྱུ་བ། །དེ་ནི་རླུང་ནི་རང་བཞིན་ཅན། །ཕྲག་དོག་དོན་ཡོད་གྲུབ་པ་ཡིན། །དོན་ཡོད་རླུང་ལས་འབྱུང་བ་ཉིད། །བདེ་བའི་འདོད་ཆགས་ཁྲག་ཏུ་འགྱུར། །དགའ་བ་ནམ་མཁའི་མཚན་ཉིད་དེ། །ནམ་མཁའ་སེར་སྣ་རྡོ་རྗེར་འགྱུར། །སེར་སྣ་ནམ་མཁའ་ལས་བྱུང་ཉིད། །སེམས་ནི་ཆེན་པོ་གཅིག་ཉིད་ལ། །ལྔ་ཡི་གཟུགས་

― KMC016_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་རྣམ་པར་བསྐོར། །ཞེས་སོ། །དེ་ལྟར་རྣམ་པར་ཤེས་པ་འབྱུང་བ་ལྔ་ཡེ་ཤེས་ཀྱི་ཁམས་དང་དྲུག་འདུས་པ་ལས་ལུས་འགྲུབ་པར་བྱེད་དོ། །གཉིས་པ་ལུས་ཇི་ལྟར་འགྲུབ་ཚུལ་ལ་གསུམ་སྟེ། རྩ་དང་། རླུང་དང་། ཐིག་ལེ་ལའོ། །དང་པོ་ནི། མངལ་གྱི་ཞག་བདུན་ཕྲག་དང་པོ་ལ། ནུར་ནུར་པོ་དང་། གཉིས་པ་ལ་མེར་མེར་པོ་དང་། གསུམ་པ་ལ་ལྟར་ལྟར་པོ་དང་། བཞི་པ་ལ་གོར་གོར་པོ་སྟེ། ཞག་ཉེར་བརྒྱད་དེ། ལྔ་པ་འཁྲང་འགྱུར་གྱི་ཞག་དང་པོ་ལ་མ་དང་འབྲེལ་བའི་ལྟེ་བ་ནས། རང་སོར་ཕྱེད་དང་བཅུ་གསུམ་གྱི་ཚད་ཀྱི་རྩ་དབུ་མ་ཆགས་ལ། གཉིས་པ་ལ་སྙིང་གི་དབུས་ཀྱི་རྩ་བཅུ་འབྱུང་སྟེ། རྩ་བ་དང་ཡན་ལག་གི་རླུང་བཅུ་འབྱུང་བའི་གནས་སོ། །དེ་ནས་ཞག་རེ་ལ་རྩ་ཉིས་བརྒྱ་ཉིས་བརྒྱ་འབྱུང་སྟེ། མངལ་གྱི་ཟླ་བ་བརྒྱད་དང་ཕྱི་རོལ་གྱི་བཞི་སྟེ་བཅུ་གཉིས་ཀྱི་བར་རྩ་འཕེལ་བས་སྟོང་ཕྲག་བདུན་ཅུ་རྩ་གཉིས་སུ་འགྱུར་རོ། །རྩ་འདི་རྣམས་ཀྱི་རགས་པ་ཙམ་བཤད་ན། ཟླ་བ་དང་པོ་ལ་སྙིང་གའི་འཁོར་ལོའོ། །གཉིས་

― KMC016_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ལྟེ་བའི་རྩ་དྲུག་ཅུ་རྩ་བཞི། ཁྱིམ་བཅུ་གཉིས་ཀྱི་དབྱེ་བས་འབྱུང་ངོ་། །དེའི་འོག་ཏུ་མགྲིན་པའི་བཅུ་དྲུག །སྤྱི་བོའི་སུམ་ཅུ་དཔྲལ་བ། རྩ་གཉིས་སྟེང་དུ་གཙུག་ཏོར་གྱི་བཞི། དེ་རྣམས་སྙིང་ག་ལས་འཕྲོས་ཏེ་འབྱུང་ངོ་། འོག་ཏུ་གསང་བའི་རྩ་སུམ་ཅུ་རྩ་གཉིས་དང་སྟོང་པ་དྲུག་གི་རྩ་ལྟེ་བ་ནས་ཐུར་དུ་འབྱུང་ངོ་། །འདི་རྣམས་ནི་འཁོར་ལོའི་རྩ་རྣམས་སོ། །དེའི་ཕྱིར་སྤྱི་གཙུག་ན་རྩ་བཞི་དཔྲལ་བ་ན་བཅུ་དྲུག་སྟེ་བད་ཀན་གྱི་རྩ་དང་། མགྲིན་པ་ན་སུམ་ཅུ་རྩ་གཉིས། སྙིང་ཁ་ནས་བརྒྱད་དང་རྩ་བཞི་བཅུ་མཁྲིས་པའི་རྩ་དང་། ལྟེ་བའི་དྲུག་ཅུ་རྩ་བཞི་གསང་བའི་ཕྱི་རོལ་དུ་བསྐོར་བའི་རྩ་བཅུ་དྲུག་སྟེ་བརྒྱད་ཅུ་ནི་རླུང་གི་རྩའོ། །གསང་བའི་ནང་རིམ་ནས་འདུས་པའི་རྩ་བཅུ་དྲུག་འབྱུང་ངོ་། །དེ་རྣམས་ལ་སོགས་པ་ནང་གི་རྩ་དྲུག་སྟོང་ཆགས་པས་ཉ་ལྟ་བུར་འབྱུང་ངོ་། །དེ་ནས་ཟླ་བ་གསུམ་པར་རྐང་ལག་སྐྱེ་སྟེ་རུ་སྦལ་ལྟ་བུའོ། །ཟླ་བ་བཞི་པར་ཚིགས་རྣམས་འབྱུང་བའི་སར་རྩའི་འཁོར་ལོ་སུམ་ཅུ་པ་བཅུ་གཉིས་འབྱུང་སྟེ། དེ་ལ་སོགས་པ་གཞན་ཡང་

― KMC016_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་ངོ་། །ཟླ་བ་ལྔ་པར་ཤ་དང་ཁྲག་རུས་པའི་ཚིགས་སུམ་བརྒྱ་དྲུག་ཅུ་འབྱུང་སྟེ་རུ་སྦལ་ལྟ་བུའོ། །དབང་པོ་རྣམས་གསལ་བར་བྱེད་ཅིང་ཟླ་བ་དྲུག་ནས་ཚོར་བ་འབྱུང་ངོ་། །བདུན་པ་ལ་སྐྲ་དང་ཁ་སྤུ་རྣམས་འགྲུབ་བོ། །དེའི་ཚེ་མངོན་པར་ཤེས་པ་འབྱུང་བར་བཤད་དོ། །བརྒྱད་པར་དབང་པོ་རྫོགས་པས་བཀྲེས་སྐོམ་འབྱུང་ངོ་། །དགུ་པའི་མཐར་སྡུག་བསྔལ་ཞིང་སྐྱོ་བ་སྐྱེ་བར་བྱེད་དོ། །འདི་ནི་མིའི་སེང་གེའི་གནས་སྐབས་སོ། །འདི་རྣམས་དུས་ཀྱི་འཁོར་ལོའི་ནང་གི་ལེའུར། ལུས་འདི་ལ་ནི་ཁམས་ཀྱི་ཚོགས་རྣམས་མ་ལུས་རོ་དྲུག་རྣམས་ཀྱི་བཟའ་བཏུང་ལས་ནི་འབྱུང་བར་འགྱུར། ཞེས་བྱ་བ་ལ་སོགས་པའི་ཚིགས་སུ་བཅད་པ་བཅུས་གསུངས་སོ། །གཉིས་པ་རླུང་ལ་རྩ་བའི་རླུང་ལྔ། ཡན་ལག་གི་རླུང་ལྔ། སྣར་རྒྱུ་བ་བཤད་པའོ། །དང་པོ་ནི་རྣམ་པར་ཤེས་པ་དང་ནམ་མཁའི་ཁམས་ཡེ་ཤེས་དང་བཅས་པ། རྩ་དབུ་མར་གནས་པ། ཐིག་ལེ་ཨ་དུས་མེ། ཧཾ་སྒྲ། གིས་བསྟན་པ། སྲོག་གི་རླུང་སྟེ་དབུས་རླུང་ངོ་། །དེ་ལ་སྟེང་དུ་

― KMC016_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་ཞེས་བཤད་དོ། །ཐུར་སེལ་ནི། ཨ་ཐུང་ནས་འོག་ཏུ་འགྲོ་ཞིང་དྲི་ཆུ་དང་ཁུ་བ་འབྱིན་སྡོམ་བྱེད་དེ་སའི་ཁམས་ཀྱི་རང་བཞིན་ནོ། །མཉམ་གནས་ནི། མདུན་གྱི་ཕྱོགས་སུ་རྒྱུ་བ་སྣར་མའི་རྩ་ལས་བྱུང་ནས་ཕོ་བར་མེ་ཉམས་སུ་གྱུར་ཏེ་དྭངས་སྙིགས་ལུས་ཐམས་ཅད་དུ་ཁྱབ་པར་བྱེད་དེ་འདི་ནི་མེའི་རླུང་ངོ་། །གྱེན་དུ་རྒྱུ་བ་ནི། ཤར་ལྷོ་མཚམས་ནས་བྱུང་ཞིང་གཡས་ཀྱི་ཕྱོགས་ནས་གླང་པོའི་རྩར་རྒྱུ་སྟེ་སྨྲ་བརྗོད་ཀྱི་ལས་བྱེད་ཅིང་གྲེ་བའི་གནས་ནས་འབྱུང་བ་རླུང་གི་རླུང་ངོ་། །ཁྱབ་བྱེད་ནི་ལྷོ་སྟེ། གཡས་རོ་མ་དང་འབྲེལ་བ་ལུས་ཐམས་ཅད་དུ་ཁྱབ་པ་ཆུའི་རླུང་ངོ་། །ཡན་ལག་གི་རླུང་། ཀླུ་ནི་ལྷོ་ནུབ་སྟེ་རྒྱལ་གྱི་རྩ་ལས་བྱུང་ནས་ལུས་འགྲེང་བ་ལ་སོགས་པ་བྱེད་དེ་ནམ་མཁའོ། །རུ་སྦལ་ནི་རྒྱབ་ཏུ་སྟེ། རྒྱལ་བའི་རྩ་ལས་བྱུང་ནས་རྐང་ལག་བསྐུམ་པ་ལ་སོགས་པ་བྱེད་དེ་རླུང་གི་རླུང་ངོ་། །རྩངས་པའི་ནུབ་བྱང་སྟེ། གཡོན་དུ་ཉེ་བར་བྱུང་ནས་ཁྲོ་བ་ལ་སོགས་པ་སྐྱེད་པར་བྱེད་དེ་མེའི་རླུང་ངོ་། །ལྷ་སྦྱིན་གཡོན་ནས་བྱུང་ནས། རྐྱང་མར་འབྲེལ་

― KMC016_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་གླལ་བ་ལ་སོགས་པ་བྱེད་དེ་ཆུའི་རླུང་ངོ་། །ནོར་ལས་རྒྱལ་ནི་བྱང་ཤར་སྟེ་ཤི་བའི་ལུས་ལ་ཞག་གཅིག་མི་གཏོང་བར་བྱེད་དེ་སའི་རླུང་ངོ་། །འདི་ནི་སྙིང་ཁའི་འཁོར་ལོ་སྟེ། རླུང་ཐམས་ཅད་ཀྱི་འབྱུང་བའི་རྩ་བ་མངལ་དུ་ཟླ་བ་གཅིག་ནས་འབྱུང་སྟེ། ཡན་ལག་གི་རླུང་འདི་རྣམས་རྒྱུད་གཞན་ནས་རྒྱུ་བས་མིག་གིས་གཟུགས་མཐོང་བའི་བདག་རྐྱེན་བྱེད། རབ་ཏུ་རྒྱུ་བས་སྒྲ། མངོན་པར་རྒྱུ་བས་དྲི། ཤིན་ཏུ་རྒྱུ་བས་རོ། །ཡང་དག་པར་རྒྱུ་བས་རེག་བྱ། མྱོང་བའི་བདག་རྐྱེན་བྱེད་ཅེས་ཀྱང་བཤད་དོ། །སྣར་རྒྱུ་བ་ནི། ལྟེ་བའི་འཁོར་ལོ་ལས་ལུས་ཐམས་ཅད་ཏུ་ཁྱབ་པར་བྱེད་པའི་རྩ་དྲུག་ཅུ་རྩ་བཞི་པོ་རྣམས་ལྔ་ཚན་བཅུ་གཉིས་བཞིར་གྱུར་པ་རོ་རྐྱང་དུ་འབྲེལ་ཅིང་རྩ་གསུམ་འདུས་པར་དབུ་མར་འབྲེལ་ནས་སྲོག་གི་ཆ་དང་བཅས་ཏེ་གཡས་པའི་ཆ་ལ་ས་ཆུ་མེ་རླུང་ནམ་མཁའ་དང་། གཡོན་ནས་ནམ་མཁའ་རླུང་མེ་ཆུ་དང་སའི་རང་བཞིན་དུ་རྒྱུའོ། །ཁ་གཅིག་ལ་གཡས་གཡོན་འཕོ་བ་བཅུ་གཉིས། འཕོ་བ་རེ་ལ་དཀྱིལ་འཁོར་ལྔ་ལྔ་ཡོད་

― KMC016_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དྲུག་ཅུ། དཀྱིལ་འཁོར་གཅིག་ལ་དབུགས་སུམ་བརྒྱ་དྲུག་ཅུ་ཡོད་ཀྱང་། བཅུ་གཅིག་དང་བཞི་ཆ་དབུ་མའི་རླུང་ཡིན་པས་འདི་ལ་ཡེ་ཤེས་ཀྱི་རླུང་ཞེས་ཟེར། ཁ་ཅིག་འཕོ་མཚམས་ན་རྒྱུ་ཟེར་ཏེ། དབུགས་ཀྱི་སོ་གཉིས་ཕྱེད་དང་བཅས་པ་གཅིག་གི་ཆ་ཤས་ཡིན། དེ་སྣ་གཡོན་ཟླ་བ་གཡས་ཉི་མ་སྐྱེ་སྡུད་ཀྱི་རིམ་པས་དོན་ལ་ཡེ་ཤེས་ཀྱི་རླུང་གི་ཕྱེད་ནང་དུ་འཕེལ་ཅིང་ཕྱེད་ཕྱིར་འདོར་བར་བྱེད་པས་འཆི་ལྟས་ལ་སོགས་པ་འཆར་བར་བྱེད་དོ། །མདོར་ན་ཞག་གཅིག་ལ་རླུང་ཉི་ཁྲི་ཆིག་སྟོང་དྲུག་བརྒྱ། ཡེ་ཤེས་ཀྱི་རླུང་དྲུག་བརྒྱ་བདུན་ཅུ་རྩ་ལྔ་སྟེ། ཕྱི་རོལ་དུ་ལོ་གཅིག་ལ་ཞག་སུམ་བརྒྱ་དྲུག་ཅུ་ཆུ་ཚོད་ཉི་ཁྲི་ཆིག་སྟོང་དྲུག་བརྒྱ་འོང་ཡང་། ཉི་ཟླས་རྒྱུ་སྐར་གྱི་དཀྱིལ་འཁོར་མི་འཁོར་བར་རྐང་པ་འཕེལ་བའི་ཆ་ཞག་དྲུག་དང་ཞག་གི་བརྒྱད་ཆ་གཅིག་གིས་རྩིས་ཐམས་ཅད་རྣམ་པར་དག་འགྲོ་སྟེ། འགྲིབས་པའི་ཆ་དང་བཅས་པ་འཇིག་རྟེན་པའི་སྣང་བ་ལ་ཞག་བཅུ་གཅིག་དང་བཞི་ཆ་ལ་ལོ་གཅིག་ལ་ལྷག་པར་སྣང་བས་ཟླ་བ་སུམ་ཅུ་སོ་ཕྱེད་དང་

― KMC016_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ན་ཟླ་ལྷག་འབྱུང་ཞེས་འདོགས་ཏེ་ཕྱི་ནང་གཅིག་པའི་རྟེན་འབྲེལ་ཡིན་ནོ། །འདི་ལྟར་ཕྱི་ནང་སྦྱར་ན་གསལ་མོད་ཀྱི། རྣམ་པར་སྤྲོས་པས་ཆོག་གོ །རྣལ་འབྱོར་ཅན་རྣམས་ལ་གནད་བཅིང་བ་ནི་འོག་ཏུ་འཆད་དོ། །འདི་རྣམས་ཀྱི་ངེས་པ་ནི་དུས་ཀྱི་འཁོར་ལོ་ལས། སྲོག་ནི་ཟླ་བའི་ལམ་དུ་སོན་པ་སྟོབས་བྱེད་བཟའ་བ་དང་ནི་བཏུང་བ་མ་ལུས་པ། །ཐུར་སེལ་གྱིས་ནི་ཐུར་དུ་འབྱིན་ལ་རོ་རྣམས་མ་ལུས་ལུས་ལ་ཁྱེར་བ་མཉམ་གནས་ཀྱིས། །གྱེན་དུ་རྒྱུ་བས་ལུས་བསྐྱེད་པ་དང་ཁ་དང་ལག་པ་རྐང་པ་རྣམས་དང་གླུ་དང་གར་བྱེད་པ། །ཁྱབ་བྱེད་ནད་རྣམས་སྐྱེད་པར་བྱེད་དེ་རང་གཞན་ཡོན་ཏན་དབང་གིས་ལུས་འཁྱོག་པ་ཡང་དེ་བཞིན་ནོ། །ཞེས་པ་ལ་སོགས་པ་ཚིགས་སུ་བཅད་པ་བདུན་གྱིས་གསུངས་སོ། །གསུམ་པ་ཐིག་ལེའི་གནད་ནི། ཐོག་མར་དཀར་དམར་གཉིས་ལས། དྭངས་སྙིགས་གཉིས་སུ་འགྱུར་ཏེ། སྤྱི་བོ་ན་དཀར་ཆ་ཧྃ་གི་རང་བཞིན་དང་། ལྟེ་བ་ན་དམར་ཆ་ཨ་ཐུང་ངུའི་རང་བཞིན་དྭངས་མ་སྟེ་དབུ་

― KMC016_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་ཆ་ལ་བརྟེན་པ་ལུས་ཅན་རྣམས་འཆི་བའི་ཚེ་དཀར་བ་འོག །དམར་བ་གྱེན་དུ་འཕོ་བར་བྱེད་ཅིང་རྣམ་པར་ཤེས་པའི་རྟེན་བྱེད་པ་སྟེ། དང་པོའི་སངས་རྒྱས་ལས། ལུས་ཅན་རྣམས་ནི་འཆི་བ་ན། །བདུད་རྩི་ཟླ་བ་ཐུར་དུ་འགྲོ །སྟེང་དུ་ཉི་རྡུལ་སྒྲ་གཅན་ཏེ། །རྣམ་ཤེས་སྲིད་པའི་མཚན་ཉིད་སྦྱོར། །ཞེས་སོ། །དེ་ལས་གཞན་ཡང་དཀར་དམར་ལ་དྭངས་སྙིགས་སུ་འགྱུར་ཏེ། མངལ་དུ་ནི་མའི་རྩ་དང་འབྲེལ་བས་བསྐྱེད་ཅིང་བཙས་པ་ནས་བཟའ་བཏུང་རྣམས་འཕོ་བར་མེ་མཉམ་གྱི་རླུང་དང་དྲོད་ཀྱིས། མྱག་པ་དང་། མདོག་འགྱུར་བ་དང་། དྭངས་སྙིགས་འབྱེད་དེ། སྨན་གྱི་བསྟན་བཅོས་ལས། བན་ཀན་མྱག་བྱེད། མཁྲིས་པ་མདོག་འགྱུར། རླུང་མེ་མཉམ་ཞེས་བཤད་དོ། །དྭངས་མ་ནི་མཆིན་པར་ཁྲག་ཏུ་འགྱུར། དེ་རྩ་ལ་བརྒྱུད་ནས་ཤ །དེ་ཚིལ། དེ་རུས་པ། དེ་རྐང་། དེ་བྱང་ཆུབ་སེམས། དེ་སྟོབས་དང་མདངས་སུ་འགྱུར་ལ། དེ་རྣམས་ཀྱི་སྙིགས་མ་ནི་རིམ་པ་བཞིན་དུ། དྲི་ཆེན་དང་། དྲི་ཆུ་དང་། མཁྲིས་པ་དང་། པགས་པ་དང་། རྨེན་

― KMC016_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་དང་། སོ་སེན་དང་། སྦུབས་ཀྱི་དྲི་མ་མཆིལ་སྣབས་ལ་སོགས་པ་དང་། དགའ་བའི་མཐར་འཛག་པ་སྟེ། ལུས་ཟུངས་བདུན་ཞེས་ཀྱང་བཤད་ཅིང་། རྣམ་དབྱེ་ནི། སམྦུ་ཏྲི་ལས། མི་ཕྱེད་པུལླི་ར་མ་ཎས། །སོ་དང་སེན་མོ་འབབ་པར་གནས། །སྤྱི་གཙུག་ཛ་ལནྡྷ་ར་སྟེ། །སྐྲ་དང་སྤུ་ནི་འབབ་པར་གནས། །ཨུ་རྒྱན་རྣ་བ་གཡས་པའི་རྩ། །སང་པ་དང་ནི་རྒྱུ་མ་འབབ། །ལྟག་པར་ཨར་པུ་ཏ་ཡིན་ཏེ། །ཤ་ནི་ཡང་དག་འབབ་པའི་རྩ། །གོ་ད་བ་རི་རྣ་བ་གཡོན། །རྒྱུས་པ་ཡང་དག་འབབ་པའི་རྩ། །སྨིན་དབུས་རཱ་མེ་ཤྭ་ར་སྟེ། །རྟག་ཏུ་རུས་པ་འབབ་པའོ། །མིག་ནི་དེ་ཝི་ཀོ་ཊི་སྟེ། །མཆིན་པ་འབབ་པའི་རྩ་གནས་སོ། །མ་ལ་ཝ་ནི་དཔུང་པ་གཉིས། །སྙིང་འབབ་པ་ཡི་རྩ་གནས་སོ། །མཆན་ཁུང་ཀཱ་མ་རཱུ་པ་སྟེ། །རྟག་ཏུ་མིག་ནི་འབབ་པའོ། །ནུ་མ་གཉིས་ནི་ཨོ་ཏྲ་སྟེ། །རྟག་ཏུ་མཁྲིས་པ་འབབ་པའི་རྩ། །ཏྲི་ཤ་ཀུ་ནི་ལྟེ་བ་སྟེ། །རྩ་ནི་གློ་བར་འབབ་པར་གནས། །སྣ་རྩེ་ཀོ་ས་ལ་ཡིན་ཏེ། །རྒྱུ་མའི་ཕྲེང་བ་འབབ་པར་གནས། །

― KMC016_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ནི་ཀ་ལིང་ཀ་ཡིན་ཏེ། །རྟག་ཏུ་གཉེ་མ་འབབ་པར་གནས། །མགྲིན་པ་ལམྤ་ཀ་ཡིན་ཏེ། །རྟག་ཏུ་ལྟེ་བ་འབབ་པའི་གནས། །འདི་རྣམས་ནི་གཡོན་རྐྱང་མ་ལས་གྱེས་པ་རྣམས་སོ། །དེ་བཞིན་དུ་རོ་མ་ནས་བྱུང་བ་ནི། །ཀཉ་ཙི་སྙིང་ཁའི་རྩ་ཡིན་ཏེ། །བཤང་བ་འབབ་པའི་རྩ་གནས་སོ། །འདོམས་པར་ཧི་མ་ལ་ཡ་སྟེ། །མཚོག་མའི་མཚམས་ནི་འབབ་པའི་རྩ། །པྲེ་ཏ་པུ་རི་མཚན་མ་སྟེ། །བད་ཀན་འབབ་པའི་རྩ་ཡིན་ནོ། །གྲྀ་ཧ་དེ་བ་བཤང་ལམ་སྟེ། །རྟག་ཏུ་རྣག་ནི་འབབ་པའོ། །བརླ་གཉིས་སཽ་རཥྚ་སྟེ། །རྟག་ཏུ་ཁྲག་ནི་འབབ་པའོ། །བྱིན་པ་གཉིས་ནི་གསེར་གླིང་གནས། །རྡུལ་འབབ་པ་ཡི་རྩ་ཡིན་ནོ། །རྐང་པའི་སོར་མོ་ནཱ་ག་ར། །རྟག་ཏུ་ཚིལ་འབབ་རྩར་ཤེས་བྱ། །རྐང་པའི་བོལ་ནི་སིནྡྷུ་སྟེ། །མཆིལ་མ་འབབ་པའི་གཟུགས་ཅན་མ། །མ་རུ་དྷེ་ཤ་མཐེ་བོང་སྟེ། །རྟག་ཏུ་མཆིལ་མ་འབབ་པ་གནས། །ཀུ་ལུ་ཏ་ནི་པུས་མོ་སྟེ། །རྟག་ཏུ་སྣ་ཆུ་འབབ་པའི་གནས། །ཞེས་ཕྱི་རོལ་ཏུ་གནས་ཉི་ཤུ་རྩ་བཞི། ནང་དུ་ཉི་ཤུ་རྩ་བཞིར་ཁམས་ཉི་ཤུ་རྩ་

― KMC016_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་འབབ་པའོ། །དེ་ལས་གཞན་ནི། འདིར་ནི་ལུས་ཀྱི་སྙིང་དབུས་སུ། །རྩ་ལྔ་པོ་ནི་ཡང་དག་གནས། །ཞེས་སྔར་བཤད་པའི་ཡན་ལག་གི་རླུང་རྒྱུ་བའི་རྩ་རྣམས་སོ། །རོ་མ་དང་རྐྱང་མ་ཨ་བ་དྷཱུ་ཏིའི་བྱེད་ལས་ཀྱང་། །འབུམ་ལྔ་ལས། དེ་ནི་ཐུར་དུ་རྩེ་གསུམ་སྟེ། །དེ་བཞིན་གྱེན་དུའང་རྩེ་གསུམ་མོ། །སྒྲ་གཅན་རྩེ་མོ་དབུས་ན་གནས། །ཉི་མའི་རྩེ་མོ་གཡས་པའོ། །ཟླ་བའི་རྩེ་མོ་གཡོན་པའོ། །ཆུ་དང་མེ་དང་ནམ་མཁའ་རྒྱུ། །གཡས་གཡོན་དབུ་མའི་ནང་ན་ནས། །བཤང་བ་གཅི་བ་ཁུ་བ་རྒྱུ། །ཞེས་བཤད་པས་རྩ་གསུམ་འདུས་པ་ནས་གྱེན་དུ་རླུང་རྒྱུ་ལ། ཐུར་དུ་དྭངས་སྙིགས་རྒྱུ་བར་གསུངས་སོ། །དེ་ལྟར་རྩ་གསུམ་བཅས་སུམ་ཅུ་སོ་གཉིས་ཏེ་རྣལ་འབྱོར་མ་རྒྱུད་ལས་གྲགས་སོ། །དེའི་སྟེང་རྩ་བའི་རླུང་ལྔ་རྒྱུ་བའི་རྩ་སྲོག་ཆེན་པོ་མ་གཏོགས་པ་བཞི་བསྣན་ན་སུམ་ཅུ་སོ་དྲུག་སྟེ། ཐབས་ཀྱི་རྒྱུད་ལས་གསལ་བར་བསྟན་པས་རིགས་སུམ་ཅུ་སོ་དྲུག་ཏུ་འགྱུར་རོ། །འདི་རྣམས་ཡི་གེ་ལ་སོགས་ཀྱི་སྦྱར་བཤད་དང་། ཕྱི་དང་། ལྷ་ལ་སྦྱར་

― KMC016_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཡོད་དེ། འདིར་མ་བཤད་དོ། །དེ་ལྟར་རྩ་རླུང་ཐིག་ལེ་བཤད་པའི་དགོས་པ་གསུམ་སྟེ། འདིར་སྦྱང་གཞི་སྦྱོང་བྱེད་ཤེས་པར་བྱེད་པ་དང་། རྟེན་བཅིངས་པས་བརྟེན་པ་འཆིང་བ་དང་། འབྲས་བུའི་དོན་རྟོགས་པ་སྟེ། དང་པོ་ནི། ལུས་ཇི་ལྟ་བར་ཕྱི་ནང་གཞན་གསུམ་སྟེ། འདིར་བཤད་པ། རྩ་ལྔ་རླུང་ལྔ་འབྱུང་བ་ལྔ། །ཕུང་པོ་ལྔ་དང་སངས་རྒྱས་ལྔ། །ཡན་ལག་རླུང་ལྔ་རྩ་ལྔ་དང་། །ཁམས་ལྔ་ཡུམ་ལྔ་རྣམ་པ་སྟེ། །དབང་པོ་ལྔ་དང་ཡུལ་ལྔ་དང་། །དབང་ཤེས་ལྔ་སྟེ་བཅོ་ལྔ་ནི། །བྱང་ཆུབ་སེམས་དཔའ་ལྷ་མོར་གྲགས། །རྣམ་ཤེས་ཡེ་ཤེས་དྲུག་པའི་ཁམས། །རྡོ་རྗེ་འཆང་དུ་གསུངས་པ་ཡིན། །བྱེ་བྲག་རྒྱས་བཤད་དཔག་མེད་ཀྱང་། །འདིར་ནི་རྒྱས་པར་མ་བསྟན་ནོ། །གཉིས་པ་ནི། རྟེན་རྩ་བཅིངས་པས་རླུང་འཆིང་། རླུང་བཅིངས་པས་ཐིག་ལེ་འཆིང་། ཐིག་ལེ་བཅིངས་པས་རྣམ་པར་རྟོག་པ་འཆིང་བར་བྱེད་པས་ཁྱད་པར་དུ་འཕགས་སོ། །གསུམ་པ་ནི། འབྲས་བུ་ནི་འོག་ཏུ་འཆད་དོ། །དེ་ལྟར་ལུས་ཀྱི་གནད་བསྟན་པས། སེམས་ཅན་སྐྱེ་བ་

― KMC016_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་སྤྲུལ་པའི་སྐུ་དང་མཚུངས་པར་རྟོགས་ལ། གནས་པའི་དུས་གནས་སྐབས་བཞི་རྫོགས་པ་ལོངས་སྤྱོད་རྫོགས་པའི་སྐུར་འགྱུར་ཞིང་། འཆི་བ་ཆོས་ཀྱི་སྐུ་དང་མཚུངས་པར་རྟོགས་ལ། ཡང་ན་གནས་སྐབས་བཞི་སྐུ་བཞིར་དག་པར་འགྱུར་བས་ལུས་རྫོགས་པའི་སངས་རྒྱས་སུ་རྟོགས་པར་འགྱུར་རོ། །འདི་རྣམས་ཀྱང་ཐབས་དང་ཤེས་རབ་ཀྱི་རང་བཞིན་དུ་གནས་ཏེ། གང་ཕྱིར་ཐབས་ནི་འབྱུང་བ་ཉིད། །གཅིག་པ་ཤེས་རབ་སྲིད་མཐར་བྱེད། །ཅེས་ཧེ་བཛྲ་ལས་གསུངས་པ་དང་། གཞན་ཡང་བྱེ་བྲག་རྒྱས་བཤད་དུས་ཀྱི་འཁོར་ལོ་ལས་མང་དུ་གསུངས་པ་འདིར་མ་བྲིས་ཀྱང་ཤེས་པར་འགྱུར་རོ། །མདོ་ལས། འདི་རྣམས་གཟུགས་ཀྱི་ཕུང་པོར་བཤད་ཀྱང་འདིར་རྩ་ལུས་ཀྱི་རང་བཞིན། རླུང་ངག་དང་དུས་ཀྱི་རྣམ་པ། ཡིད་དྭངས་མ་བྱང་ཆུབ་ཀྱི་སེམས་དང་འགྲོ་ལྡོག་གཅིག་ཏུ་བཞེད་པས། ཇི་ལྟར་ཕྱི་རོལ་དེ་བཞིན་ནང་། །ཞེས་གསུངས་པ་བཞིན་རྟོགས་པར་བྱའོ། །དེ་རྣམས་སྡུད་ཅིང་འཆི་བའི་ཚེ་རྩ་ཆད་པ་

― KMC016_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། རླུང་འགག་པ་དང་། ཁམས་འགྱུར་བའི་ཚུལ་དུས་ཀྱི་འཁོར་ལོའི་ནང་གི་ལེའུ་ལས་མང་དུ་གསུངས་པ་འདིར་མ་བྲིས་ཀྱང་། ད་ལྟར་མཁོ་བ་ནི་འོག་ནས་བར་དོའི་སྐབས་སུ་འཆད་དོ། །ལུས་དངོས་པོའི་གནས་ལུགས་སོ། །གཉིས་པ་དེ་ལ་བརྟེན་པའི་སེམས་ཀྱི་གནས་ལུགས་ནི། སེམས་ཕུང་པོ་ཁམས་དང་། སྐྱེ་མཆེད་བག་ཆགས་ཐམས་ཅད་ཀྱིས་གོས་པ་ཀུན་གཞི་ཞེས་གསུངས་ཏེ། དེ་ཡང་ངོ་བོ་རང་བཞིན་གྱིས་རྣམ་པར་དག་པ། སྟོང་པ། གསལ་བ། འགག་པ་མེད་པ། ཀུན་ལ་ཁྱབ་པ། མི་འགྱུར་བ། ངོ་བོ་རང་གིས་མ་ཤེས་ཤིང་། ཡིད་ཀྱིས་ང་དང་བདག་ཏུ་རྟོག་པས་ཁ་ནང་དུ་བལྟས་ཏེ་འཛིན་པས་ཉོན་ཡིད་ཞེས་བྱ་ལ། ཡིད་འདུ་བྱེད་པས་གཟུང་བ་དང་འཛིན་པར་ཤར་བ། དེར་འཁྲུལ་པའི་རྣམ་པར་ཤེས་པ་ལས། མིང་གཞི་དང་། གཟུགས་སུ་སྣང་ཞིང་། རྟེན་ཅིང་འབྲེལ་བར་འབྱུང་བའི་དབང་གིས་ཁམས་གསུམ་དུ་སྣང་སྟེ། གཟུང་བ་དང་འཛིན་པས་འཁོར་བར་སྣང་ངོ་། །རྒྱས་པར་ཁོ་བོས་ཕུང་པོ་ལྔའི་དོན་གསལ་

― KMC016_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བྱེད་པར་བཤད་པ་ཡིན་ནོ། །འདི་ལྟར་ལུས་དང་སེམས་ཀྱི་གནས་ལུགས་རྟོགས་ན། ཀུན་རྫོབ་ཀྱི་བདེན་པ་མཐོང་ནས་སྡུག་བསྔལ་དང་། ཀུན་འབྱུང་བ་བདེ་བླག་ཏུ་རྟོགས་པར་འགྱུར་རོ། །སེམས་ཀྱི་གནས་ལུགས་འདི་ལ་བརྟེན་ནས། ལོག་པར་རྟོག་པ་རྟག་ཆད་དུ་ལྟ་བ་དང་། ཉན་ཐོས་བྱེ་བྲག་ཏུ་སྨྲ་བ་དང་། མདོ་སྡེ་པ་དང་། ཐེག་པ་ཆེན་པོ་སེམས་ཙམ་པ་དང་། དབུ་མ་པའི་འདོད་པ་རྣམས་བཤད་དུ་ཡོད་ཀྱང་འདིར་མ་བཤད་དོ། །དེ་ཅིའི་ཕྱིར་ཞེ་ན། འདིར་ཀུན་རྫོབ་སེམས་ཀྱི་རྣམ་པར་ཤེས་ཤིང་དེ་ཉིད་གཅིག་དང་དུ་མའི་ངོ་བོ་དང་བྲལ་བ་ཉིད་དུ་རྣལ་འབྱོར་ཅན་གྱིས་རྟོགས་པས་ཡེ་ཤེས་མཐོང་བར་འགྱུར་གྱི་ལོག་པར་རྟོག་པ་དང་། འཇིག་ཚོགས་དང་མཐར་འཛིན་པས་ནི་ནམ་དུ་ཡང་མི་གྲོལ་བའི་ཕྱིར་རོ། །དེས་ན་སྤྲོས་པས་ཆོག་གོ །གཉིས་པ་ལམ་གྱི་གཞི་དབང་ནི། སྔགས་ཀྱི་དགོངས་པས་ཚོགས་ལམ་ནས་མཐར་ཐུག་གི་ལམ་གྱི་བར་དུ་གལ་ཆེ་བར་གསུངས་ཏེ། དེ་ཡང་སྦྱང་གཞི་དང་བསྟུན་ནས།

― KMC016_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་སེམས་འགྲུབ་པར་བྱེད་པའི་རིམ་པས་སྔར་མངལ་གྱི་གནས་སྐབས། བསྟན་པ་རྣམས་སྟ་གོན་ལ་སོགས་པ་ཡིན་ལ། སྐྱེས་ནས་བྱིས་པའི་ལུས་འཁྲུད་པ་ནི་ཆུ་དབང་དང་། གཙུག་ཕུད་འཇོག་པ་དང་། རྣ་བ་འབིག་པ་དག་དར་དཔྱངས་ཅོད་པན་དང་། སྨྲ་བ་སློབ་ཅིང་རྡེག་པ་ལ་སོགས་པས་སྤྱོད་པ་དག་པར་བྱེད་པ་རྡོ་རྗེ་དྲིལ་བུ་དང་། མིང་འདོགས་པ་མིང་གི་དབང་དང་། རང་གི་རིགས་སུ་སྟོན་ཅིང་བྱ་བ་སྟོན་པ་རྡོ་རྗེའི་བརྟུལ་ཞུགས་དང་། དེའི་ཆུང་མ་སྦྱིན་པ་གསང་བའི་དབང་དང་། བདེ་བ་ཉམས་སུ་མྱོང་བ་ཤེས་རབ་ཡེ་ཤེས་དང་། འཆི་བའི་གནས་སྐབས་ལ་སོགས་པ་སེམས་མེད་པ་དབང་བཞི་པ་སྟེ། འདི་རྣམས་དང་རྗེས་སུ་མཐུན་པར་སྦྱོང་བ་འཇིག་རྟེན་གྱི་དབང་བཅུ་དང་། འཇིག་རྟེན་ལས་འདས་པ་ཕྱག་རྒྱ་ཆེན་པོའི་དབང་སྟེ། འདི་ལྟར་བྱང་ཆུབ་སེམས་དཔའི་འགྲེལ་པ་གསུམ་དང་རྒྱུད་རྣམས་ལས་མང་དུ་གསུངས་མོད་ཀྱི། དབང་གི་ཆོ་ག་ནས་རྒྱས་པར་བསྟན་པ་དང་། ཡི་གེ་མང་གིས་དོགས་ནས་མ་བྲིས་སོ། །ངོ་བོ་ནི་མ་སྨིན་

― KMC016_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྨིན་པར་བྱེད་པ་ཉིད་ཡིན་པས་ཐོག་མར་དབང་བསྐུར་བ་ཐོབ་པ་གལ་ཆེའོ། །རྣམ་བཤད་ནི་ཐབས་བཞི་ལས་བཤད་དོ། །དབང་ཐམས་ཅད་ལམ་གྱི་གཞི་ཡིན་ཀྱང་། ལམ་ལ་འཇུག་པར་རྩོམ་པས་ལམ་ཡིན་ནོ། །ལམ་གྱི་རིམ་པ་ལ་གཉིས་ཏེ། བསྐྱེད་པའི་རིམ་པ་དང་རྫོགས་པའི་རིམ་པའོ། །དང་པོ་ནི། ལུས་ཐ་མལ་གྱི་འཛིན་པ་སྤོང་ཞིང་འཇིག་རྟེན་གྱི་དངོས་གྲུབ་སྒྲུབ་པ། མངལ་སྐྱེས། སྒོང་སྐྱེས། དྲོད་གཤེར་སྐྱེས། བརྫུས་སྐྱེས་སྦྱོང་བའི་དོན་དུ་གསུངས་པ་རྣམས་ཏེ། འདིར་ཡང་མངོན་པར་རྟོགས་པའི་རིམ་པ་ནི། གསང་བའི་དབང་གི་དུས་དག་ཏུ། །མེ་ལོང་དྲི་མ་མེད་པ་ལ། །རྡོ་རྗེ་སེམས་དཔའ་ལེགས་བྲིས་པའི། །དེ་ཡི་གཟུགས་བརྙན་སྣང་དང་མཚུངས། །ཞེས་བཤད་པས། འདིར་གང་ཡང་རུང་བ་སྣང་ལ་རང་བཞིན་མེད་པའི་ཚུལ་དུ་བསྒོམ་མོ། །རྫོགས་རིམ་ལའང་གཉིས་ཏེ། མི་ཟབ་པའི་རྫོགས་རིམ་རྩ་རླུང་ཐིག་ལེ་ལ་བརྟེན་པ་དང་། ཟབ་པ་ཕྱག་རྒྱ་ཆེན་པོའོ། །དེ་ལ་འདིར་དང་པོར་གཙོ་ཆེ་སྟེ། འདི་ལའང་

― KMC016_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་ཕ་རྒྱུད་ཀྱི་གདམས་པ་རྣམས་རིམ་པ་ལྔ་སྟེ། ཕྱི་དབྱིབས་བསྐྱེད་པའི་རིམ་པ། ངག་དབེན་རླུང་རྡོ་རྗེའི་བཟླས་པ། སེམས་ལ་དམིགས་པ་ཐིག་ལེ་དང་ཕྲ་མོའི་རྣལ་འབྱོར། རྨི་ལམ་ནི་ཟུང་འཇུག་གི་རྣལ་འབྱོར། སྒྱུ་ལུས་འོད་གསལ་རྣམས་སོ། །མ་རྒྱུད་ཐམས་ཅད་ཕྱག་རྒྱ་བཞི་སྟེ། ཕྱི་ལས་ཀྱི་ཕྱག་རྒྱ། ནང་དམ་ཚིག་གི་ཕྱག་རྒྱ་གཏུམ་མོ། །སྣང་བ་ཆོས་ཀྱི་ཕྱག་རྒྱ་སྒྱུ་ལུས། ཕྱག་རྒྱ་ཆེན་པོ་ནི་འོད་གསལ་དང་ལྷན་ཅིག་སྐྱེས་སྦྱོར། རྨི་ལམ་སྒྱུ་ལུས་ཀྱི་ཡན་ལག །འཕོ་བ་དང་བར་དོ་ཕྱི་མའི་མཚམས་སྦྱོར་ཏེ་འདིར་འདུས་སོ། །འདིར་ནི་གཏུམ་མོ་དང་སྒྱུ་ལུས། རྨི་ལམ་དང་འོད་གསལ། བར་དོ་དང་འཕོ་བ་གྲོང་འཇུག་འཕོ་བའི་བྱེ་བྲག་སྟེ་ནཱ་རོ་པའི་ཆོས་དྲུག་ཅེས་བྱའོ། །འདི་རྣམས་རྗེ་རས་ཆུང་པ་ནི་འདོད་ཆགས་བདེ་ཆེན་དུ་བསྲེ་བ་གཏུམ་མོ། །ཞེ་སྡང་བདེན་མེད་དུ་བསྲེ་བ་སྒྱུ་ལུས། གཏི་མུག་མི་རྟོག་པར་བསྲེ་བ་འོད་གསལ། གཏུམ་མོ་དང་སྒྱུ་ལུས་བསྲེ་ལ་ཉིན་པར་བསྒོམ། རྨི་ལམ་དང་འོད་གསལ་བསྲེ་ལ་མཚན་མོ་བསྒོམ། བར་དོ་དང་

― KMC016_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

འཕོ་བ་བསྲེ་ལ་འཆི་ཁར་བསྒོམ། གང་ཟག་བརྩོན་འགྲུས་ཅན་གཏུམ་མོ། །ལེ་ལོ་ཅན་རྨི་ལམ། ཚེ་ཐུང་པོ་འཕོ་བ་དང་བསྲེ་བས། བསྲེ་འཕོ་དགུ་བསྐོར་ཞེས་བརྗོད་དོ། །འདིར་བཀའ་དཔེ་ལས་གསུངས་པ་ནི། རྩ་བ་རྣམ་པ་བཞི། ཡན་ལག་གསུམ་ཡོད་ཀྱང་། གནད་བཞིས་སྟོན་ཏེ། དེ་ལ་དམིགས་པའི་གནད་མ་གཏོགས་པ་གསུམ་སྤྱིར་བསྟན་པ། གཞུང་ལས། དེ་ལ་གནད་ནི་རྣམ་གསུམ་སྟེ། །ལུས་དང་ཡུལ་དང་དུས་དང་ངོ་། །ཞེས་པས་དང་པོ་ལུས་ཀྱི་གནད་ནི་སྤྱིར། ལུས་བསམ་གཏན་གྱི་ཆོས་དྲུག་དང་། སེང་གེའི་ཉལ་སྟབས་དང་གཉིས་འདིར་གསུངས་ཀྱང་། དང་པོ་ནི། གཞུང་ལས། དེ་ལ་ལུས་ཀྱི་གནད་བཤད་པ། །རིན་ཆེན་རྩར་ལ་བརྒྱུས་པ་འདྲ། །ཤིན་ཏུ་བསྲང་ལ་དགུག་པར་བྱ། །རྒྱ་མདུད་ལྟ་བུའི་ཚུལ་དུ་གནས། །འཕེལ་ཀ་ཤིན་ཏུ་བསྐྱེད་པར་བྱ། །མཉམ་བཞག་ཕྱག་རྒྱ་བཙིར་བྱ་ཞིང་། །རེ་མིག་ཚུལ་དུ་བསྣོལ་བར་བྱ། །ཞེས་པས་རྩ་འཆིང་བ་དང་། རླུང་རང་སོར་གནས་པ་དང་། དྲོད་དང་བདེ་བ་སྐྱེ་

― KMC016_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། རྟོག་པ་འགོག་པ་དང་། རིག་པ་གསལ་བའི་དགོས་པ་ཡོད་པས་ལག་ལེན་ལྟར་བྱའོ། །ལུས་ཀྱི་གནད་དོ། །གཉིས་པ་དུས་ཀྱི་གནད་ནི། དུས་རིང་པོར་བར་དོ་བཞི་དང་སྦྱོར་ཏེ། གཞུང་ལས། དེ་ལ་དུས་ཀྱི་གནད་བཤད་པ། །གཉིད་དང་རྨི་ལམ་སྙོམས་འཇུག་དང་། །ཐ་མལ་དུས་དང་རྣམ་པ་བཞི། །ཞེས་པས། སེམས་ཅན་ཐམས་ཅད་ལ་གནས་སྐབས་བཞིའི་རྟོག་པ་ལས་མ་འདས་ཏེ། ཆགས་པ་དང་། ཐ་མལ་འཁྲུལ་པའི་སྣང་བ་དང་། རྨི་ལམ་གྱི་སྣང་བ་དང་། གཉིད་འཐུག་པོར་འགྱུར་བ་དང་བཞིའོ། །དེ་ལ་གཏུམ་མོས་འདོད་ཆགས་དག་པར་བྱེད་ཅིང་། ཐ་མལ་གྱི་སྣང་བ་སྒྱུ་ལུས་ཀྱིས་སྦྱོང་ལ། རྨི་ལམ་ནི་རྨི་ལམ་གྱི་གདམས་པས་དག་ཅིང་། ཐ་མལ་གྱི་སྣང་བ་གཉིད་འཐུག་པོ་ལ་སོགས་སེམས་མེད་ཀྱི་གནས་སྐབས་ལྔ་འོད་གསལ་གྱིས་དག་པར་བྱེད་དོ། །གསུམ་པ་ཡུལ་གྱི་གནད་ནི། གཞུང་ལས། ཡུལ་གྱི་གནད་ལ་རྣམ་གཉིས་ཏེ། །ཕྱི་ནང་གཉིས་སུ་ཤེས་པར་བྱ། །ཕྱི་ཡི་སྣང་བ་དཀར་དམར་དང་། །ནང་དུ་འཁོར་ལོ་

― KMC016_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་བཞི། །ཞེས་པས་ཕྱི་རོལ་གྱི་སྣང་བ་གཟུགས་སྒྲ་དྲི་རོ་རེག་བྱ་ཆོས་སུ་སྣང་བ་ནི་སྒྱུ་ལུས་ཀྱི་ཡུལ་ལོ། །ནང་དུ། གཏུམ་མོ་འཁོར་ལོ་གཅིག་པ་ནི་ཐ་མལ་གྱི་སྣང་བ་བསྡུས་ནས་ལྟེ་བ་སྤྲུལ་པའི་འཁོར་ལོར་སེམས་འཆིང་བའོ། །ཆགས་པའི་གནས་སྐབས་སུ་འབར་འཛག་སྟེ་སྤྱི་བོའི་འཁོར་ལོར་འཆིང་བས་ཡུལ་དུ་བཤད་དོ། །རྨི་ལམ་གྱི་དུས་སུ་མགྲིན་པར་འཆིང་བའོ། །གཉིད་འཐུག་པོའི་དུས་སུ་སྙིང་ཁར་འཆིང་སྟེ། དེས་ན་འཁོར་ལོ་བཞི་ཡུལ་དུ་བཤད་དོ། །བཞི་པ་དམིགས་པའི་གནད་ནི། རེ་རེ་ལའང་མ་ཟིན་པ་ཟིན་པར་བྱེད་པ། ཟིན་པ་བརྟན་པར་བྱེད་པ། བརྟན་པ་བོགས་དབྱུང་། རང་བཞིན་གཉུག་མར་འཇོག་པ་བཞིར་བཤད་དེ་ལག་ལེན་དུ་བྱའོ། །རྒྱུད་ཐམས་ཅད་དུ་འབྱུང་བ་ཟབ་མོའི་བསྐྱེད་རིམ། མི་ཟབ་པའི་རྫོགས་རིམ་གྱི་མདོར་བསྟན་པའོ། །ཟབ་པ་ཕྱག་རྒྱ་ཆེན་པོ་ནི་གཞུང་ལས། ཕྱག་རྒྱ་ཆེན་པོའི་མན་ངག་ནི། །མན་ངག་ཚིག་བསྡུས་དག་པ་ཤེས། །ཞེས་པས་ཐམས་ཅད་ཀྱི་གནས་ལུགས་

― KMC016_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་ཅིང་། དེ་ཉིད་དུ་གོ་བར་བྱའོ། །ལམ་གྱི་རིམ་པའོ། །འབྲས་བུ་སྐྱེ་བའི་རིམ་པ་ནི། །གཞུང་ལས། དེ་ལ་འབྲས་བུ་འབྱུང་བ་ནི། །ལུང་དང་མན་ངག་ཉམས་དང་གསུམ། །རིམ་པས་གྲངས་ཀྱིས་འབྱུང་བར་གསུངས། །ཞེས་པས་ལུང་ནི་ཐོག་མར་སངས་རྒྱས་ཀྱི་བཀའ་དང་མི་འགལ་བར་དོན་སྤྱི་ཤེས་པ་ནི་མཉན་པའི་འབྲས་བུའོ། །མན་ངག་ནི། ཞི་ལྷག་གི་དོན་མྱུར་དུ་རྟོགས་པའི་གོ་བ་ཐོབ་པ་སྟེ་བསམ་པའི་འབྲས་བུའོ། །ཉམས་རྟོགས་ནི་བསྒོམ་པའི་འབྲས་བུ་སྟེ་འདི་ལས་འཇིག་རྟེན་པ་དང་འཇིག་རྟེན་ལས་འདས་པའི་འབྲས་བུ་འབྱུང་སྟེ། དེའང་མདོ་སྡེ་རྒྱན་ལས། སོ་སོ་སྐྱེ་བོའི་ཤེས་པ་ཡིས། །དེ་བཞིན་དུ་ནི་གཉིས་རྟོགས་ནས། །ཤེས་པ་དེ་ཡོངས་རྫོགས་བྱའི་ཕྱིར། །མཐུན་པའི་ཆོས་ནི་རབ་ཏུ་བསྒྲུབ། །ཅེས་སོ། །འདིར་འཇིག་རྟེན་པ་ནི་ཚོགས་ལམ་དང་སྦྱོར་བའི་ལམ་དུ་འབྲས་བུ་འཇིག་རྟེན་པ་ཡིན་པས་མདོ་ལས་ཚོགས་ལམ་ཆུང་ངུ་དང་འབྲིང་དང་ཆེན་པོའི་རྟགས་མང་དུ་གསུངས་ཀྱང་འདིར་མི་བརྗོད་དོ། །སྔགས་ཀྱི་

― KMC016_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པ་ནི། སྐྱེས་བུ་ཤེས་རབ་དང་བརྩོན་འགྲུས་ལྡན་པས་རྡོ་རྗེ་ཐེག་པ་ཐོས་པ་ཚོགས་ལམ་གསུམ་གང་རུང་དུ་འདོད་དོ། །ཀུན་སྤྱོད་ལས། དད་པ་ཡང་དག་བསྐྱེད་པ་དང་། །རྣལ་འབྱོར་བརྩོན་ལ་གནས་པ་ནི། །སྐྱེ་བ་བྱེ་བ་སྟོང་ཕྲག་ཏུ། །ང་ཡི་ཡེ་ཤེས་ཀྱིས་བསྐུལ་ཡིན། །ཞེས་སོ། །གང་གིས་བསྐྱེད་པའི་རིམ་པས་སྲིད་པའི་རྩེ་མོའི་བར་གྱི་དངོས་གྲུབ་ཐམས་ཅད་འགྲུབ་པས། དེ་ལ་བརྟེན་པའི་ལས་བཞི་དང་གྲུབ་པ་རྣམས་ནི་ཚོགས་སྦྱོར་གྱི་རྟགས་འཇིག་རྟེན་པར་དྲི་མ་མེད་པའི་འོད་དུ་བཤད་དོ། །འདི་ལྟ་བུའི་རྫོགས་རིམ་གྱི་རྟགས་ནི། གང་གིས་དང་པོར་བདེ་བ་དང་། གསལ་བ་དང་། མི་རྟོག་པ་གསུམ་དང་། དུ་བ། སྨིག་རྒྱུ་དང་། མེ་ཁྱེར་དང་། མཁའ་གསལ་ཏེ་མཚན་མོའི་རྟགས་བཞི་དང་། ཉི་མ་དང་། ཟླ་བ་དང་། སྒྲ་གཅན་མུན་ནག་དང་། དུས་མེ་གློག་དང་། ནམ་མཁའ་སྟོང་པ་དང་། ཡེ་ཤེས་ཀྱི་བྱེ་བྲག་ཐིག་ལེ་ཁ་དོག་ལྔ་པ་སྟེ་ཉིན་མོའི་རྟགས་དྲུག་དང་བཅུ་སྟེ། ཡང་ན་འབར་བ་དང་བཅུ་གཅིག་ཀྱང་འོང་། འདི་

― KMC016_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དང་པོར་ཚོགས་ལམ་དུ་འགྱུར་རོ། །དེ་ལ་བརྟེན་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་དང་རྗེས་སུ་མཐུན་པར་བསམ་གཏན་གྱི་སེམས་དང་པོ་དང་གཉིས་པ་དང་གསུམ་པ་རིམ་པས་ཐོབ་པ་ནི་སྦྱོར་བའི་ལམ་མོ། །འདིར་ཡོན་ཏན་བརྒྱད་དེ། དེ་ལ་གཟུགས་སྒྲ་དྲི་རོ་རེག་བྱ་དང་ལྔ་ནི་ཟླ་བའི་ཡོན་ཏན་ཞེས་བྱ། རྡུལ་མུན་སྙིང་སྟོབས་ཏེ་འདོད་ཆགས་ཞེ་སྡང་གཏི་མུག་གསུམ་ནི་ཉི་མའི་ཡོན་ཏན་ཏེ་བརྒྱད་པོ་འདི་མ་དག་པས་འཁོར་བའི་སྡུག་བསྔལ་ཐམས་ཅད་འབྱུང་ངོ་། །དེའང་བསྒོམ་གཟུགས་སྟོང་པ་ཉིད། སྟོང་པ་ཉིད་ཀྱང་གཟུགས་སུ་མཐོང་བས་གཟུགས་བདེན་པ་དང་། རྟག་པ་དང་། སྐྱེ་བ་དང་། འགགས་པ་དང་། རང་བཞིན་མེད་པར་ཉམས་སུ་མྱོང་བ་དང་། རྟོགས་པའོ། །དེ་བཞིན་དུ་སྟོང་པའི་སྒྲ་དང་། དྲི་སྟོང་པ་དང་། རོ་སྟོང་པ་དང་། རེག་བྱ་སྟོང་པ་ཉིད་ཉམས་སུ་མྱོང་བ་དང་། རྟོགས་པར་འགྱུར་རོ། །འདོད་ཆགས་སྟོང་པས་ཁམས་གསུམ་དུ་ཆགས་པའི་སེམས་ལྡོག་གོ །ཞེ་སྡང་སྟོང་པ་ཉིད་པས་ཁམས་གསུམ་

― KMC016_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སྤངས་པས་ཞི་བ་ལ་དགའ་བའི་སེམས་ལྡོག་གོ །གཏི་མུག་སྟོང་པ་ཉིད་པས་རྟེན་ཅིང་འབྲེལ་པར་འབྱུང་བ་གོ་བ་དང་ཉམས་སུ་མྱོང་བ་དང་རྟོགས་པས་གཏི་མུག་ལྡོག་ཏེ། རྒྱུ་མཚན་འདིས་ལྷའི་མིག་དང་རྣ་བ་ལ་སོགས་པ་སྔོན་གྱི་གནས་དང་འཆི་འཕོ་བ་དང་། སྐྱེ་བ་དང་། གཞན་གྱི་སེམས་ཤེས་པ་དང་། གང་དུ་ཟག་པ་མཐར་དབྱུང་བའི་ཆ་རྣམས་དང་པོར་གོ་བས་ནི་དོན་སྤྱིའི་རྣམ་པ་ཤེས་སོ། །ཉམས་སུ་མྱོང་བས་ནི་ཆ་དང་མཐུན་པར་ཉམས་དང་རྨི་ལམ་དུ་ཤེས་སོ། །མཐར་རྟོགས་པས་ནི་ཇི་ལྟ་བར་མངོན་དུ་འབྱུང་ངོ་། །འོན་ཀྱང་ཟག་མེད་མ་ཡིན་ཏེ་བསམ་གཏན་གྱི་ཆ་ཤས་ལས་བྱུང་བའོ། །འདི་ལྟར་ན་མདོ་དང་ཁྱད་པར་ཅི་ཡོད། འོན་ཀྱང་བླ་མ་རྣམས་ཀྱིས་འདི་རྣམས་ལ་རླུང་གི་ཡོན་ཏན་ཏུ་མཛད་པ་ནི། སྣ་གཡོན་ཟླ་བ། གཡས་ཉི་མར་བྱས་ནས་རླུང་ལྔ་དང་ཁམས་གཅིག་ཏུ་མཛད་ཅིང་། ཉི་ཟླ་ནམ་མཁའ་གསུམ་ཐིག་ལེར་མཛད་དེ། སའི་རླུང་གི་ཡོན་ཏན་ཞེས་བྱ་བ་ལ་སོགས་པའི་མིང་དུ་མཛད་པ་ནི་འགལ་

― KMC016_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཅི་ཞིག་ཡོད་དེ། དེ་ལྟར་ལོག་ལྟ་ཅན་རྣམས་ཡོན་ཏན་འདི་དག་ཤེས་པར་མི་ནུས་སོ། །མདོ་སྡེ་རྒྱན་ལས་ཀྱང་། བསམ་གཏན་ལས་ཐོབ་མངོན་པར་ཤེས། །ཞེས་བྱ་བ་ལ་སོགས་པ་རྒྱ་ཆེར་གསུངས་ཏེ་སྤྲོས་པས་ཆོག་གོ །མདོར་བསྡུས་ན་རྩ་རླུང་ཐིག་ལེ་སེམས་གནད་བཅིངས་ནས་ཚོགས་ལམ་ཆེན་པོ་ནས་སྦྱོར་བའི་ལམ་གྱི་འབྲས་བུ་འགྲུབ་པར་ངེས་སོ། །གང་ཕྲིན་ལས་ཀྱང་། ལྟ་སྟངས་རྫུ་འཕྲུལ་གྲུབ་ནས་ནི། །མཁས་པས་སེམས་ཅན་འཇུག་པར་བྱ། །ཅེས་པ་དང་། ཟླ་དྲུག་སྒོམ་པའི་སྦྱོར་བ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །ཅེས་འབྱུང་ན་སུ་ཞིག་ཐེ་ཚོམ་འགྱུར། རྣམ་རྟོག་གི་རླུང་བརྒྱ་ཕྲག་བཅོ་བརྒྱད་དག་ཅིང་ཐིག་ལེ་བརྟན་པར་གྱུར་ནས། གཉིད་དང་རྨི་ལམ་ཉིན་མོ་བར་མཚམས་མེད་པར་ཐམས་ཅད་སྒྱུ་མ་ལྟར་རྟོགས་ཤིང་། རྣམ་ཀུན་མཆོག་ལྡན་གྱི་ཡོན་ཏན་དང་མཐུན་པར་གྱུར་པ་ན་ཆོས་མཆོག་ཏུ་འགྱུར་བ་འདི་ལ་ཐེ་ཚོམ་མེད་དེ། རྒྱུད་འགྲེལ་ཐམས་ཅད་དུ་གསུངས་པས་སོ། །འཇིག་རྟེན་པའི་འབྲས་བུ་མཐར་

― KMC016_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་གོ །དེ་ནས་གཉིས་པ་འཇིག་རྟེན་ལས་འདས་པ་ནི་ནང་དུ་དབུ་མ་ལ་རྩ་མདུད་རིམ་གྱིས་གྲོལ་བའི་མིང་དང་། རླུང་བརྒྱ་ཕྲག་བཅོ་བརྒྱད་རེ་དང་། དགའ་བ་རེ་རེ་དང་། སྟོང་པ་རེ་རེ་དང་། སྙིང་རྗེ་རེ་རེ་དང་། འཕོ་བ་མེད་པའི་ཐིག་ལེ་རེ་རེ་དང་། རྣམ་རྟོག་ལས་ཡེ་ཤེས་སུ་གྱུར་པའི་ཚུལ་གྱིས་རབ་ཏུ་དགའ་བ་ནས་ཆོས་ཀྱི་སྤྲིན་གྱི་བར་དུ་འགྲུབ་པར་གསུངས་ཏེ་འདིར་ཡི་གེས་འཇིགས་སོ། །གང་གི་ཚེ་རླུང་ཉི་ཁྲི་ཆིག་སྟོང་དྲུག་བརྒྱ་འགགས་ཤིང་རྩ་ཐམས་ཅད་གྲོལ་ནས་ཐིག་ལེ་རྣམ་ཀུན་གྱི་མཆོག་དང་ལྡན་པ་ནམ་མཁའ་དང་མཉམ་པ་ནི། རྣམ་རྟོག་བརྒྱད་ཁྲི་བཞི་སྟོང་ཡེ་ཤེས་ཟང་མར་གྱུར་པ་དེ་ལ་སངས་རྒྱས་སུ་བརྗོད་དོ། །དེའི་ཚེ་སད་པའི་ཐ་མལ་གྱི་སྣང་བ་ཚོགས་དྲུག་འཁོར་དང་བཅས་པ་ནི་བྱ་བ་གྲུབ་པ་དང་། སོ་སོར་རྟོག་པའི་ཡེ་ཤེས་སུ་གྱུར་པས་སྤྲུལ་པའི་སྐུའོ། །རྨི་ལམ་གྱི་འཁྲུལ་པ་སྲོག་གི་རླུང་གིས་བསྐྱོད་པ་དག་ནས་མཉམ་པ་ཉིད་ཀྱི་ཡེ་ཤེས་སུ་གྱུར་པ་ནི་ལོངས་སྤྱོད་རྫོགས་པའོ། །གཉིད་འཐུག་པོ་ལ་

― KMC016_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པ་སེམས་མེད་པའི་གནས་སྐབས་དག་ནས་ཆོས་ཀྱི་དབྱིངས་ཀྱི་ཡེ་ཤེས་ངོ་བོ་ཉིད་ཀྱི་སྐུའོ། །ཆགས་པའི་གནས་སྐབས་དག་ནས་བདེ་བ་ཆེན་པོ་མེ་ལོང་ལྟ་བུའི་ཡེ་ཤེས་ཆོས་ཀྱི་སྐུ་ཡེ་ཤེས་ཀྱི་སྐུ་ཞེས་ཀྱང་བྱའོ། །འདི་ལ་མདོ་སྡེ་རྒྱན་དང་། རྒྱུད་བླའི་གནས་འགྱུར་རྣམས་དང་། བྱང་ཆུབ་སེམས་དཔའི་འགྲེལ་པ་སྐོར་གསུམ་དུ་གསུངས་པ་སྦྱར་ན་མང་ཡང་། སྤྱི་དོན་གོ་བ་ཙམ་བྱས་པ་ཡིན། གདམས་ངག་ཆོས་དྲུག་གི་གོ་བར་བྱ་བའི་ཆིངས་བསྟན་པའོ། །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཆོས་དྲུག་གི་སྒོམ་ཁྲིད།

― KMC016_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དྲུག་གི་སྒོམ་ཁྲིད་བཞུགས་སོ། །

― KMC016_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དམ་པ་རྣམས་ལ་ཕྱག་འཚལ་ལོ། །ཆོས་དྲུག་གི་གཏུམ་མོའི་སྒོམ་ཁྲིད་ནི། དང་པོར་སྟན་བདེ་བ་ལ་ལུས་གནད་ནི། རྐང་པ་རེ་མིག་ལྟར་བསྣོལ། སྒལ་པ་བསྲང་། ལག་པ་མཉམ་བཞག་བྱས་ལ། དཔུང་པ་བརྒྱང་། མགྲིན་པ་དགུག །ལྕེ་རྐན་ལ་སྦྱར། མིག་སྣ་རྩེར་ཕབ་ནས། བླ་མ་སྤྱི་བོར་བསྒོམ། ཏིང་ངེ་འཛིན་རྒྱུད་ལ་སྐྱེ་བའི་གསོལ་བ་གདབ། རང་ལུས་ཡི་དམ་དུ་དྲན་པ་ཙམ་བྱས་ལ། དང་པོ་ལུས་ཀྱི་ནང་སྟོང་སང་ངེ་བ་ལ་དམིགས་པ་ནི་སྟོང་ར་སྦྱངས་པའོ། ཐུན་གཅིག་སྟེ་ཞག་འགའ་བསྒོམ། །དེ་ནས་རྩ་

― KMC016_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱང་བ་ནི། ལུས་ཀྱི་དབུས་དྲང་པོ་ན་ཡར་དབུ་མ་སྤྱི་བོ་ཚངས་བུག་ནས་གསང་བའི་བར་གཡས་རོ་མ་དང་གཡོན་རྐྱང་མ་གཉིས་སྣ་བུག་གཡས་གཡོན་ནས་མར་སྣ་ལྟེ་འོག་སོར་བཞི་ཙམ་དུ་དབུ་མ་དང་ནང་གཅིག་ཏུ་གྱུར་པ། ཁ་དོག་ནི་བཤད་པ་ལ་གཡས་དམར་པོ་གཡོན་དཀར་པོ་དབུས་སྔོན་པོར་བསྒོམ་ཞེས་ཟེར་ཡང་། གང་རུང་གཅིག་ཏུ་བསྒོམ་སྟེ། དཀར་བ། དྲང་བ། སྟོང་པ། གསལ་བ་སྟེ་མཚན་ཉིད་བཞི་ལྡན་སེམས་མ་ཟིན་གྱི་བར་དུ་བསྒོམ་པའམ་ཞག་ཁ་ཡར་སྦྱངས་ཏེ་ལྟ་སྟངས་དང་བཅས་ནས་

― KMC016_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ་གལ་ཆེའོ། །ཐུན་གཉིས་པའོ། །དེ་ནས་རླུང་སྦྱང་བ་ནི། རྔུབ། དགང་། གཞིལ། མདའ་ལྟར་འཕང་བ་སྟེ་བཞི་ལྡན་ཞེས་པ། དང་པོ་ལན་མང་དུ་བུས། ནད་དང་སྡིག་སྒྲིབ་ཐམས་ཅད་དག་པར་བསམ། དེ་ནས་དལ་ལ་རིང་བར་རན་ཚོད་ཅིག་རྔུབས་སྟེ། སྟེང་རླུང་ཆ་གསུམ་མནན་ཞེས་པ་ལྟེ་བར་ནོན་པར་བྱ། དགང་བ་ནི་འོག་རླུང་རིལ་གྱིས་འཐེན་ནས་ལྟོ་བ་ཐེར་གྱིས་བྱས་ལ་དབུ་མ་ལ་བཞག །གཞིལ་བ་རང་ལུགས་སུ་གློད་ལ་བ་སྤུ་ནས་རླུང་རྣམས་སིབ་སིབ་སོང་བར་བསམ། མདའ་ལྟར་འཕང་བ་ནི་སྐབས་སུ་ཚངས་བུག་ནས་ཡར་སྔོ་ཕྱུར་ཕྱུར་སོང་བར་བསམ་པ་སྟེ། མང་ན་འཕོ་བ་དང་འདྲ་བས་མང་དུ་མི་བྱའོ། །དེ་ལྟར་སྦྱངས་པས་རླུང་ཡུན་རིང་དུ་བཀག་ཀྱང་ཐང་ཆད་པ་དང་མི་བདེ་བ་མེད་པར་སོང་ན་ཅུང་ཟད་བྱང་བ་ཡིན་ནོ། །ཐུན་གསུམ་པའོ། །དེ་ནས་ཐིག་ལེ་ལ་སྦྱོང་བ་དང་སྦྱར་བ་ནི། དང་པོ་སྨིན་ཕྲག་ན་རྩ་གནས་གྲུ་གསུམ་པ་ཕར་ཚངས་བུག་དང་འབྲེལ་པ་བསྒོམ་ཏེ། དེར་རླུང་སེམས་ཀྱི་ངོ་བོ་ཐིག་ལེ་དཀར་ལ་འཚེར། སྣུམ་ལ་

― KMC016_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲིལ་བ་སྲན་མ་འབྲིང་པོ་ཙམ་ཞིག་བསྒོམ། དེར་གསལ་ནས་སེང་སྒྲ་དང་བཅས་ཏེ་ཚངས་བུག་ཏུ་སོང་བར་བསམ་པ་ལ་སེམས་བཟུང་། ཡང་དབུ་མར་འདྲིལ་གསང་བའི་རྩ་བའམ་རྩེ་མོ་གང་བདེར་སེམས་བཟུང་ལ་རླུང་དང་བསྟུན་ནས་བསྒོམ་པས་དམིགས་པ་གར་གཏད་དུ་ཟིན་པ་དང་། བདེ་བ་དང་། མངོན་སུམ་ལྟར་སྣང་བའི་བར་དུ་བསྒོམ། འཕྲོ་འཇོག་ཙ་ན་སྨིན་མཚམས་སུ་བསྡུའོ། །དེ་རྣམས་ནི་སྦྱོང་བ་གསུམ་ཞེས་བྱ་སྟེ། ངོ་བོ་རྣམ་རྟོག་ཟིན་པར་བྱེད་པ་ཡིན། སེམས་མི་རྟོག་པར་ཟིན་ན་རླུང་ཟིན། དེས་བྲག་དྲོས་པས་དྲོད་སྐྱེ། དེས་བདེ་བ་སྐྱེ། བདེ་བ་ལ་མི་རྟོག་པའི་བསམ་གཏན་སྐྱེ་བ་ཡིན་ནོ། །དམིགས་པ་ལ་ནི་སེམས་གཏད་ནས། །དེ་རྒྱུན་རྣམ་པར་གཡེང་མི་བྱ། །ཅེས་པ་ལ་སོགས་པ་མདོ་ལས་ཀྱང་གསུངས་ཏེ། རྟགས་དུ་བ་དང་སྨིག་རྒྱུ་ལ་སོགས་རྣམས་ནི་མི་འདོད་ཀྱང་འབྱུང་ངོ་། །ཞལ་གདམས་ཀྱི་རིམ་པ་བཀའ་དཔེ་བཞིན་ཡོད་པས་ལག་ལེན་འདིར་བྲིས་པའོ། །མ་ཟིན་པ་ཟིན་པར་བྱེད་པའི་གནད་རྫོགས་སོ།

― KMC016_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །ཟིན་པ་བརྟན་པར་བྱེད་པ་ནི། ལུས་གནད་བཅའ། སེམས་བསྐྱེད། བླ་མ་བསྒོམ་ཏིང་ངེ་འཛིན་རྒྱུད་ལ་སྐྱེ་བའི་གསོལ་བ་གདབ། ལུས་ལྷར་བསྒོམ། རྩ་གསུམ་འདུས་མདོར། ཐུན་བཞི་པ་གཏུམ་མོ་ཨ་ཐུང་། ངོ་བོ་ཐིག་ལེ། རྣམ་པ་མེ། ཁ་དོག་དམར་ཞིང་རེག་བྱ་ཚ་བ། བདེ་བ་དང་ལྡན་པར་བསམ། དེ་ལ་སེམས་ཟིན་པ་དང་། མེ་ཁབ་ཙམ་འབར་བར་བསམ། དེ་ལ་མ་གསལ་ན་ཡང་མེ་སོར་གཉིས་པ་བཞི་པ་ཙམ་ལ་སེམས་བཟུང་། དེས་དྲོད་བདེ་གསལ་མི་རྟོག་པ་སྐྱེ་ཞིང་སྔར་སྐྱེས་ན་བརྟན་པར་བྱེད་དོ། །འདི་ལ་བརྒྱུད་པ་གཞན་དམིགས་པ་བཞི་བྱེད། རང་རེ་གཅིག་བྱེད་དེ་ཐུན་ལྔའོ། །ལུགས་མང་དུ་གསུངས་ཀྱང་འདིར་མ་བྲིས་སོ། །གསུམ་པ་བརྟན་པ་བོགས་འབྱིན་པ་དང་འབྲེལ་བ། དང་པོ་གོང་ལྟར་བསྒོམས་ཀྱང་དྲོད་ཙམ་མ་སྐྱེས་ན། མེ་ཆེར་བསྐྱེད་པ་བསྒོམ་སྟེ། ཨ་ཐུང་ལས་མེ་དྲག་ཏུ་འབར་བས་ལྟེ་བ་ཐམས་ཅད་ལ་ཁྱབ་པར་དམིགས་ལ་བསྒོམ། དེ་བརྟན་ནས་སྙིང་ཁ་མན་ཆད་མེས་ཁེངས་པ་ལ་དམིགས་ལ་བསྒོམ་མོ། །དེ་ནས་མགྲིན་

― KMC016_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མན་ཆད་ལུས་ཐམས་ཅད་ཏུ་གཏུམ་མོ་ཁ་དོག་དམར། རེག་བྱ་ཚ། ངོ་བོ་བདེ། རྣམ་པ་གསལ་བ་ལ་དམིགས་ལ་བསྒོམ། དེ་རྣམས་ཞག་ཁ་ཡར་ན་སྤོ་བའམ། དུས་གཅིག་ཀྱང་རུང་སྟེ། ལུས་ཀྱི་འཁྲུལ་འཁོར་དང་། ཁ་ཟས་བཟང་དུ་བྱས་ནས་བསྒོམ། འདི་ལ་འབྲུག་སྐོར་རྣམས་དམིགས་པ་བཞི་བྱེད་རང་རེ་གཅིག་ཏུ་དྲིལ་བའོ། །སོ་སོ་བ་ཡང་རུང་སྟེ་ཁྱད་མེད་དོ། །དྲོད་སྐྱེའོ། །ཐུན་དྲུག་གོ །རྔུལ་འཛག་ན་ལུས་མི་བསྐྱོད་པས་བཀྲུ། མེ་ཆུང་ངུ་བྱའོ། །དྲོད་སྐྱེས་ཀྱང་བདེ་བ་མ་སྐྱེས་ན་གཏུམ་མོ་འཁོར་ལོ་གཉིས་པ་ལ་བརྟེན་བསྒོམ་སྟེ། ལྟེ་བའི་ཨ་ཐུང་ལས་མེ་སོར་བརྒྱད་པ་འབར་ཏེ་སྤྱི་བོའི་ཚངས་བུག་ཏུ་ཐིག་ལེའི་རང་བཞིན་ཧྃ་དཀར་པོ་མགོ་ཐུར་དུ་བསྟན་པ་ལས་ཐིག་ལེ་ཉུངས་ཀར་ཙམ་གཅིག་བྱུང་མེ་ལ་ཕོག་བདེ་དྲོད་འབར། དེ་ནས་ཧྃ་ལས་ཐིག་ལེའི་རྒྱུན་རྟ་རྔ་ཙམ་བབ་ཅིང་བདེ་སྟོང་དུ་སེམས་བཟུང་། འདི་ནི་དམ་ཚིག་གི་ཕྱག་རྒྱ་སྟེ། དོན་ཐིག་ལེ་དཀར་དམར་འདྲེས་པ་ལས་རྒྱའི་བག་ཆགས་སྦྱོང་བའི་དོན་ཡིན་ནོ། །ཐུན་

― KMC016_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་ནོ། །དེས་ཀྱང་དྲོད་དང་བདེ་བ་ལུས་ཐམས་ཅད་ཏུ་ཁྱབ་པ་མ་སྐྱེས་ན། གང་དྲོད་མ་སྐྱེས་སར་མེ་དམིགས་དྲག་ཏུ་བྱ། ལག་མཐིལ་གྱིས་མཉེ། བདེ་བ་ལ། སྤྱི་བོའི་ཧྃ་ལས་ཧཱུྃ་དཀར་པོ་གཅིག་བྱུང་ནོར་བུའི་རྩེར་བསྒོམ་ཏེ། འོག་རླུང་འཐེན་འ ཕུལ་བྱའོ། །དེས་བདེ་བ་མི་ཐུབ་སྙམ་བྱེད་ན། ཧཱུྃ་དེ་སྤྱི་གཙུག་ཏུ་སོང་བར་བསམས་ལ། དམིགས་པ་དྲག་ཏུ་བྱའོ། །དེ་རྣམས་ཀྱིས་བདེ་དྲོད་སྐྱེས་ཀྱང་མི་རྟོག་པ་མ་སྐྱེས་ན་རྣམ་པར་རྟོག་པ་གང་ཤར་བ་དེ་ལ་རིག་པས་ངོས་བཟུང་། དྲན་པ་ཡེངས་མེད་དུ་བཟུང་། དམིགས་པ་སྤོས་ཀྱིན་བསྒོམ། །དེ་བཞིན་གཤེགས་པའི་སྐུའམ། ཤིང་བུའམ། རྡེའུ་ལ་ཡང་སེམས་བཟུང་། དེ་རྣམས་ནི་གཏུམ་མོའི་དམིགས་པ་དངོས་ཡིན་ནོ། །བོགས་འདོན་ལ་གསུམ་མམ་ལུང་བྱེད་ན་གཅིག་ཀྱང་རུང་ངོ་། །ད་ནི་འཕྲོས་བརྗོད་དེ། སྤྱིར་དང་པོ་རྩའི་སྐབས་སུ་སེམས་ཟིན་པ་དང་ལྟ་སྟངས་གལ་ཆེ། དེར་ཟིན་ན་རླུང་ལ་ཚེགས་མེད། བདེ་དྲོད་རང་བཞིན་གྱིས་སྐྱེ། དེ་ལ་དེ་ཙམ་མ་ཟིན་ན་མེ་དམིགས་ཆུང་བ་གལ་ཆེའོ། །འབར་འཛག་

― KMC016_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེས་ན་ཐིག་ལེའི་གེགས་འོང་བས་ཐུན་ཆུང་ངུ་བྱ། སྤྱིར་གསང་སྔགས་ཀྱི་གནད་ནི། དུག་གསུམ་ལམ་དུ་སློང་བ་ཡིན་པས། གཏུམ་མོ་ལ་བརྟེན་ནས་ཆགས་པའི་ལྟུང་བ་སྦྱོང་བ་ཡིན་པས་རྩ་རླུང་བསྒོམ་ན་ཆགས་པའི་བདེ་བ་ལྟ་བུ་སྐྱེ་བས། དེ་རང་བཞིན་བདེན་མེད་དུ་སྟོང་པའི་གནད་བཅིང་བ་གལ་ཆེ། ཐིག་ལེའི་གེགས་སེལ་ཡང་དང་པོ་ལུས་འཁྲུགས་དུས་བྱས་ཀྱང་མི་ཕན་ཕྱིས་ཡུན་རིང་དུ་བསྒོམས་ཀྱང་བྱུང་ན་བྱ་བ་གལ་ཆེའོ། །སྤྱིར་བསམ་གཏན་དང་པོ་ཡན་ལག་ལྔ་ལས། དམིགས་པ་རྣམས་ཐམས་ཅད་རྟོག་དཔྱོད་སྟེ་གཉེན་པོ་ཡིན། རྩེ་གཅིག་པ་བསམ་གཏན་གྱི་ངོ་བོ་ཡིན། དགའ་བ་སེམས་ཐོག་ཏུ་སྐྱེ། བདེ་བ་ལུས་ལ་སྐྱེ་བ་ཡིན། དེ་ལ་མ་ཆགས་པར་གོང་ནས་གོང་དུ་བོགས་དབྱུང་དགོས། དགའ་བ་སེམས་ཐོག་ཏུ་སྐྱེ་བ་སྒྱུ་ལུས་ལ་བརྟེན་ནས་འོང་བ་ཕལ་ཆེར་གསལ་བའི་བོགས་འདོན་ཀྱང་སྒྱུ་ལུས་ཁོ་ན་ཡིན། བདེ་བ་འདི་ངོ་མ་ཤེས་ན་སྐྱོན་ཆེ་སྟེ། འགའ་ཞིག་ལ་བསྒོམ་བྱས་པས་ཆགས་སེམས་སྐྱེས་འདུག་སྙམ་པའི་

― KMC016_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་པས་སྡུག་བསྔལ་སྐྱེ་ལ། ལ་ལའི་གེགས་སུ་སོང་ནས་བུད་མེད་ལ་སོགས་པར་རྟོག་པ་འཕྲོ་ཡོང་བས། ཡོན་ཏན་དུ་ཤེས་པ་ལ། དེ་ལ་མ་ཆགས་པར་སྟོང་པའི་རྒྱས་གདབ་བྱ་བ་གལ་ཆེའོ། །ལར་ཡང་ཉམས་བཟང་ངན་གང་སྐྱེས་ཀྱང་རྟོག་པའི་ཆོ་འཕྲུལ་ཡིན་པས་མ་ཆགས་པར་ཆུ་བོའི་རྒྱུན་བཞིན་དུ་བསྒོམ་མོ། །གེགས་སེལ་རྣམས་ནི་གཞན་དུ་བཤད་པས་འདིར་མ་བྲིས་སོ། །རྒྱུད་རྣམས་ཀུན་ནས་རབ་གསུངས་པ། །གཏུམ་མོ་ཁྲིད་ཀྱི་ལག་ལེན་རྣམས། །ཞལ་ནས་བརྒྱུད་པའི་རིམ་པ་ནི། །རང་བྱུང་རྡོ་རྗེས་བྲིས་པ་ཡིན། །མན་ངག་གནད་ཀྱི་གཏུམ་མོ་ནི། །འཁོར་ལོ་སྔ་མ་དེ་ཉིད་ཡིན། །འཁྲུལ་འཁོར་དྲུག་པ་ཞེས་བྱ་བ། །སྐེད་པ་གཡས་བསྐོརགཡོན་བསྐོར་གྱིས། །ལྟེ་བའི་རྩ་མདུད་གྲོལ་བ་ཡིན། །རོ་སྟོད་གཡས་གཡོན་བཅུད་པ་ཡིས། །སྙིང་ཁའི་རྩ་མདུད་གྲོལ་བྱེད་ཅིང་། །མགྲིན་པ་བསྐོར་ཞིང་དགྱེ་དགུ་ཡིས། །སྤྱི་བོ་མགྲིན་པའི་རྩ་མདུད་འགྲོལ། །རྐང་ལག་བརྐྱང་བསྐུམ་བྱས་པ་ཡིས། །ཚིགས་ཀྱི་རྩ་མདུད་གྲོལ་བ་ཡིན། །

― KMC016_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་སྤྲུག་འཕུར་བསུབ་བྱས་པ་ཡིས། །རྩ་རྣམས་ཐམས་ཅད་འདུལ་བའོ། །སྐལ་ལྡན་རྣམས་ཀྱིས་ཉམས་སུ་ལོང་། །གཏུམ་མོའི་དམར་ཁྲིད་རྫོགས་སོ། ༈ །སྒྱུ་ལུས་ཉམས་སུ་བླང་བ་ལ་གནད་བཞི་སྟེ། ལུས་གནད་གཏུམ་མོ་དང་མཐུན། ཡུལ་སྣང་བ་དཀར་དམར་རོ། །དུས་ནི་ཉིན་པར་ཤས་ཆེ། དམིགས་པ་གསུམ་ལས། མ་ཟིན་པ་ཟིན་པར་བྱེད་པ་སྒྱུ་མ་སྤྱིར་སྦྱང་བ་སྟེ། སྔོན་དུ་བླ་མའི་རྣལ་འབྱོར་དང་གཏུམ་མོ་བསྒོམ། དེ་ནས་དང་པོ་ཕྱི་རོལ་གྱི་སྣང་བ་རྣམས་སྒྱུ་མའི་དཔེ་བརྒྱད་དང་འདྲ་བར་བལྟ་སྟེ། གཟུགས་ལ་སོགས་པ་འདི་རྣམས་སེམས་འཁྲུལ་པར་སྣང་ལ། ཕྱི་རོལ་ན་མེད་པ་རྨི་ལམ་དང་སྒྱུ་མ་ལྟ་བུ། རྐྱེན་ལས་བྱུང་བ་བྲག་ཆ་དང་གཟུགས་བརྙན་ལྟ་བུ། མི་རྟག་པ་ཟིལ་པའམ་ཆུ་བུར་ལྟ་བུ། སྣང་ལ་རང་བཞིན་མེད་པ་སྨིག་རྒྱུའམ་འཇའ་ཚོན་ལྟ་བུ་སྟེ། དེ་ལྟར་སྦྱང་ཞིང་བསྒོམས་པས་སྣང་བ་ལ་བརྟེན་པའི་རྟོག་པ་ཡོང་ངོ་། །ཐུན་གཅིག །དེ་ནས་ཟིན་པ་བརྟན་པར་བྱ་བ་ནི། མདུན་དུ་མེ་ལོང་གཅིག་ཤིང་ཁྲུ་གང་ཙམ་

― KMC016_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དཔྱངས་ལ་ལུས་ཀྱི་གཟུགས་གསལ་བར་བྱས་ལ་དེ་ལ་བརྡེག་བཙོག་དང་། རྒྱན་འདོགས་པ་དང་། བསྟོད་སྨད་བྱས་ཀྱང་ཁྱད་པར་མེད་པས། རང་གི་ལུས་ཀྱང་དེ་དང་འདྲ་བར་བལྟ། ངག་བྲག་ཆ་དང་འདྲ་བར་བལྟ། ཡིད་རྟོག་པའི་སྨིག་རྒྱུ་ཙམ་དུ་བལྟས་ལ་བསྒོམ། དེ་བརྟན་ནས་ངེས་ཤེས་སྐྱེས་ན། དྲན་རྟོག་རང་བཞིན་མེད་པར་མཐོང་། བསྟོད་སྨད་ཁྱད་མེད་པ་འབྱུང་ངོ་། །དེ་བོགས་དབྱུང་བ་ལ་གཉིས། དེ་ཉིད་ལ་བོགས་དབྱུང་བ་དང་། ལྷ་སྐུ་ལ་སྦྱང་བའོ། །དང་པོ་ནི་ཉམས་བརྟན་ནས་གཞན་གྱིས་བསྟོད་སྨད་བྱས་པའམ་བྱེད་དུ་བཅུག་པའང་རུང་སྟེ། ཆགས་སྡང་སྐྱེའམ་བལྟ། མི་སྐྱེ་ན་མང་འདུ་བའི་ཚོགས་དུས་ལ་སོགས་པར་ཕྱིན་ལ། དེ་རྣམས་ཀྱི་རྐྱེན་གྱིས་གནོད་དམ་མི་གནོད་བལྟ། ཡུལ་ལ་ཆགས་པ་དང་དགའ་མི་དགའ་འདུག་ན། དབེན་པར་ཕྱིན་ལ། སླར་བླ་མ་ལ་གསོལ་བ་དྲག་ཏུ་གདབ། སྐྱོ་ཤས་བསྐྱེད། ཆགས་འཛིན་གྱི་ལོངས་སྤྱོད་སྤང་། བརྩོན་འགྲུས་བསྐྱེད་ལ་སྔར་ལྟར་བསྒོམ། དེས་ལུས་ངག་ལ་ཞེན་པ་མེད་

― KMC016_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། སྣང་བ་ལ་ཆགས་སྡང་དང་པོ་དྲན་པས་བཟློག་ནུས་ན་མཐར་རོ་མཉམ་པར་འགྱུར་རོ། །འདི་རྣམས་ཀྱང་མགྱོགས་ཁྲིད་བྱེད་ན་གོང་ལ་མཐུད། །དེ་ནས་སྔགས་ཀྱི་ཐབས་མཁས་པའི་ཕྲིན་ལས་ལ་གཞུག་པའི་དོན་དུ་ལྷ་སྐུ་ལ་བརྟེན་པ་ནི། མེ་ལོང་དུ་རྡོ་རྗེ་སེམས་དཔའ་ཡི་དམ་གང་རུང་གི་གཟུགས་འཆར་བ་དཔེར་བྱས་ལ། ལུས་གཟུགས་བརྙན་ལྷ་སྐུ་སྒྱུ་མ་ལྟ་བུར་བསྒོམ། ངག་བྲག་ཆ་ལྟ་བུ་སྔགས་སམ་ཐེག་པ་ཆེན་པོའི་རང་སྒྲ་བྲག་ཆ་ལྟར་མོས། ཡིད་གཡོ་བ་སྨིག་རྒྱུ་ཙམ་འདི་བདེ་བ་ཆེན་པོ་རང་གྲོལ་དུ་སྦྱང་སྟེ། མདོར་ན་ད་ལྟ་ཐ་མལ་གྱི་སྣང་བ་ལ། ཡུལ་ཕྱི་རོལ་དུ་བདེན་རྟོག་བྱུང་བས་གཟུང་བས་བཅིངས། ནང་དེར་འཛིན་མཁན་འཁྲུལ་པར་མ་ཤེས་པས་འཛིན་རྟོག་ལ་བདེན་ཞེན་བྱུང་བས་འཁོར་བར་འཁྱམས་པ་ཡིན། དེ་རྣམས་བདེན་མེད་དུ་སྦྱངས་པས་མདོ་ལས་གསུངས་པ་ལྟར་གཟུང་འཛིན་སྤོང་བ་ཡིན་ལ། གསང་སྔགས་ཀྱི་ལུགས་ལྟར་དེ་ཐབས་མཁས་པས་སྣང་ལ་རང་བཞིན་མེད་པར་ལྷ་དང་སྔགས་བདེ་བ་

― KMC016_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོར་སྣང་བ་རྣམས་སུ་བསྒྱུར་ལ་དེ་ཡང་བདེན་རྟོག་གིས་མ་བཅིངས་པར་སྦྱོང་བའོ། །ད་ནི་འཕྲོས་བཤད་དེ། ཇི་ལྟར་སྒྱུ་མ་དེ་བཞིན་དུ། །ཡང་དག་མ་ཡིན་ཀུན་རྟོག་དེ་དང་འདྲ་བ། བརྗོད། །སྒྱུ་མའི་རྣམ་པ་སྣང་བ། ཇི་བཞིན་དུ། །དེ་བཞིན་དུ་སྣང་བ་འདི། གཉིས་སུ་འཁྲུལ་པར་བརྗོད། །ཇི་ལྟར་སྒྱུ་མ། དེ་ལ་རྟ་གླང་། དེ་མེད་པར། །དེ་བཞིན་དུ་ནི་བདེན་མེད་ཀྱི་རང་བཞིན། དོན་དམ་ཉིད། །ཇི་ལྟར་དེ་ནི་དམིགས་པ་ལྟར། །དེ་བཞིན་དུ་ནི་ཀུན་རྫོབ་ཉིད། །ཅེས་པས་ཕུང་པོ་ལྔ་ལ་སོགས་པ་སྣང་བ་ཐམས་ཅད་ནི་སྒྱུ་མ་ལྟ་བུ་སྟེ་ཤེས་པ་ལ་སྣང་གི་བདེན་པར་མེད་པས་རྫུན་པ་སྟེ་དེས་ན་ཀུན་རྫོབ་ཅེས་བྱའོ། །ཇི་ལྟར་སྒྱུ་མ་དང་རྨི་ལམ་འཁྲུལ་པ་དེ་མེད་ཅིང་མི་བདེན་པའི་དོན་མཐོང་བ་ན་མ་འཁྲུལ་བ་སྟེ། དེ་ནི་དོན་དམ་པ་ཞེས་བྱའོ། །སྒྱུ་མ། དེ་མེད་ན་ནི་དེ་ཡི་རྒྱུ། །གང་ཡིན་པ་དེ། གསལ་བར་དམིགས་པ་ཇི་ལྟ་བར། །དེ་བཞིན་དུ་རྟོག་པའི། གནས་ནི་གཞན་གྱུར་ན། །ཡང་དག་པ་དང་། མ་ཡིན་པའི། རྟོག་པ་དེ་ཤེས་སོ། དམིགས། །ཞེས་པས་

― KMC016_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུ་མ་ཞིག་ཙམ་ན་ཤིང་བུ་ལ་སོགས་པ་འཁྲུལ་གཞི་དེ་མཐོང་བ་བཞིན་རང་གི་སེམས་ལ་གཟུང་འཛིན་གཉིས་སུ་སྣང་བ་དེ་མཐོང་བས། སྣང་བ་དེ་ལ་བདེན་ཞེན་ལོག་ཙམ་ན་མ་འཁྲུལ་པའི་རང་རིག་རང་གསལ་བ་དེ་མཐོང་ངོ་། །དེ་ལྟ་བུ་ནི་དེ་ལ་ཡོད། སྒྱུ་མ། །དེ་ཡི་དངོས་པོ་བདེན་པ། ཡོད་པ། མ་ཡིན། །དེ་ལྟར་སྒྱུ་མ་ལ་ཡོད་དང་ཐ་སྙད་གཉིས་གང་རུང་སྟེ། མེད་པ་ཉིད་དུ་བརྗོད། །ཅེས་པས། དེས་ན་སྒྱུ་མའི་རྟ་གླང་འཁྲུལ་པ་ལ་སྣང་བ་མེད་ཅེས་བྱར་ཡང་མི་རུང་ལ་རྟ་གླང་དེར་བདེན་པ་མེད་པས་ཡོད་པར་ཡང་མི་རུང་ངོ་། །འོན་ཀྱང་སྣང་བར་ཡོད་དོ། །བདེན་པར་མེད་དོ་ཅེས་མཁས་པ་རྣམས་གསུངས་སོ ། །དེ་བཞིན་དུ་ཀུན་རྫོབ་ལ། གཉིས་སྣང་འདི་ལ་ཡོད། །གཉིས་སྣང་། དེ་ཡི་དངོས་པོར་བདེན་པ། ཡོད་པ། མ་ཡིན། །དེ་བཞིན་གཟུགས་ལ་སོགས་པ་ཡང་། །ཡོད་དང་མེད་པ་ཉིད་དུ་བརྗོད། །ཅེས་པ་སྣང་བ་ཐམས་ཅད་དེ་དང་འདྲ་བར་གསུངས་ཏེ། ཚུལ་འདིས་ཤེས་རབཀྱི་ཕ་རོལ་ཏུ་ཕྱིན་པ་དང་། ཆོས་ཐམས་ཅད་ཀྱང་སྒྱུ་མ་ལྟ་

― KMC016_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་རྨི་ལམ་ཐ་སྙད། ལྟ་བུ། ཞེས་འཁྲུལ་པ་ལ་གཉིས་སུ་བརྗོད་ཀྱི་ཡང་དག་པ་གཉིས་སུ་མེད་དེ་ཟུང་འཇུག་གཅིག་གོ །སྒྲོ་འདོགས་ཟུང་འཇུག་བསྟན་པའི་དོན། པ་དང་སྐུར་པ་ཡི། །མཐའ་དག་དགག་པར་བྱ་ཕྱིར་དང་། །ཐེག་པ་ཞི་བ་ཕྱོགས་གཅིག དམན་པས་འགྲོ་བ་དག །དགག་པར་བྱ་ཕྱིར་འདོད་པ་ཡིན། །རྒྱུ་མ་མཚན་འདིས་སྒྱུ་ལུས་ཀྱི་གདམས་པ་གལ་ཆེ་བར་ཤེས་སོ། །སྒྱུ་མ་དང་པོ་སྣང་བ་སྒྱུ་མར་བསླབ་པའི་ཐབས་རྫོགས་སོ། ༈ །རྨི་ལམ་ཉམས་སུ་ལེན་པ་ལ་བཞི་སྟེ། ལུས་དང་། ཡུལ་དང་། དུས་དང་། དམིགས་པའི་གནད་དོ། །ཐམས་ཅད་ཀྱི་སྔོན་དུ་ཉིན་པར་གཏུམ་མོ་དང་སྒྱུ་ལུས་བསྒོམས་པའི་རྗེས་ལ། ཡང་བླ་མ་མདུན་གྱི་ནམ་མཁར་བསྒོམ་ལ་རྨི་ལམ་ཟིན་པར་མཛད་དུ་གསོལ། ཞེས་གསོལ་བ་གདབ། ལུས་གནད་སེང་གེའི་ཉལ་སྟབས་ཏེ་མགོ་བྱང་དུ་བསྟན། ངོས་གཡས་པ་འོག་ཏུ་གཞུག །དུས་གནད་གཉིད་ཀྱི་དུས་སུའོ། །ཡུལ་གནད་མགྲིན་པར་དམིགས་པ་ནི། བཟུང་། སྦྱང་། ཡ་ང་བ་སྤང་། སྒྱུ་མར་བསླབ་པ་ལ་བཞི་

― KMC016_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། དང་པོ་ལའང་། འདུན་པ་ཐིག་ལེ་ཡི་གེ་གསུམ་ལས། དང་པོ་ནི། མགྲིན་པར་པདྨ་འདབ་བཞི་བསམ་པའི་དབུས་སུ་ཤེས་པ་གཏད་དེ། དོ་ནུབ་རྨི་ལམ་རྨི་བར་བྱའོ། །ངོ་ཤེས་པར་བྱའོ་སྙམ་དུ་ལན་མང་དུ་བྱ། དེས་རྨི་ལམ་དུ་ཤེས་ན་ཆོག །གལ་ཏེ་མ་ཤེས་ན། མགྲིན་པའི་པདྨའི་དབུས་དེར་ཐིག་ལེ་དཀར་པོའམ་དམར་པོ་རིལ་མ་ཙམ་མེ་ལོང་ངམ་ཤེལ་ལྟར་གསལ་བ་གཅིག་བསྒོམ་ལ་སྣང་བ་འདི་རྨི་ལམ་དུ་ཤེས་པར་བྱ་སྙམ་པ་ཡང་ཡང་འདུན་པ་བྱ། །དེས་རྨི་ལམ་དུ་སྐྲག་སྔངས་འབྱུང་སྟེ། དེས་ཟིན་པའི་རྐྱེན་བྱེད་པ་ཡིན་ནོ། །དེས་ཀྱང་མ་ཟིན་ན། མགྲིན་པར་ཐིག་ལེའི་ས་དེར་ༀ་དཀར་པོ་བསམས་ལ་སྔར་ལྟར་བསྒོམ། དེ་བཞིན་དུ་མདུན་གྱི་འདབ་མ་ལ་ཨ་སྔོན་པོ། གཡས་སུ་ནུ་སེར་པོ། རྒྱབ་ཏུ་ཏ་དམར་པོ། གཡོན་དུ་ར་ལྗང་ཁུ་ལ་རིམ་པས་བསྒོམ་པའམ། དུས་གཅིག་ཏུ་བསྒོམ་ཀྱང་རུང་སྟེ། འདུན་པ་བྱ་བ་དང་བླ་མ་ལ་གསོལ་བ་གདབ་པ་དང་རྣམ་རྟོག་གཞན་གྱིས་བར་མ་ཆོད་པ་གལ་ཆེའོ། །ཐུན་གཉིས་སམ་མང་ཡང་

― KMC016_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན། དེས་རྨི་ལམ་ཟིན་པར་འགྱུར་རོ། །གཉིས་པ་སྦྱང་བ་ནི། བསྒྱུར་བ་དང་། སྤེལ་བ་གཉིས་ལས། དང་པོ་ནི། རྨི་ལམ་བཟུང་བའི་འདུན་པའི་སྟེང་དུ། དོ་ནུབ་རྨི་ལམ་དུ་ཤེས་པས་མི་ཕན་རང་ཡི་དམ་དུ་བསྒྱུར་དགོས་བསམ་པ་བྱ། དེས་བསྒྱུར་ན་རབ་ཡིན། གལ་ཏེ་མ་ནུས་ན་ཉིན་པར་དེ་ལྟར་དུ་བསྒྱུར་ལ་བསྒོམ། ཡང་ཉལ་ཁར་རྨི་ལམ་དུ་བསྒྱུར་བ་དང་ཉིན་པར་བསྒོམ་པ་ལ་ཁྱད་མེད་དོ། །དོ་ནུབ་ཅིས་ཀྱང་བསྒྱུར་བར་བྱ་སྙམ་དུ་བྱས་པས་འདི་ལ་ཡང་ཐུན་ངེས་པ་མེད་མང་པོ་ཡང་རུང་། སྤེལ་སྦྱང་དང་བསྒྱུར་སྦྱང་གཉིས་བྱས་ཀྱང་ཉན། འགྲུབ་པ་ཡིན། དེ་བཞིན་དུ་གྲུབ་ཙམ་ན་རྡོ་རྗེ་གདན་དུ་འགྲོ་བ་དང་། ཨུ་རྒྱན་དང་། ལྷ་ཡུལ་དང་། སངས་རྒྱས་ཀྱི་ཞིང་དུ་འགྲོ་བ་ལ་སྔར་དང་ཁྱད་མེད་དེ། འདུན་པས་ཆོག་གོ །གང་དུ་བསྒྱུར་ཡང་ཉིན་པར་གྱི་འདུན་པ་དང་བརྩོན་འགྲུས་གལ་ཆེ་བས། དེ་ལྟར་སྦྱང་ངོ་། །སྤེལ་བ་ནི་རྨི་ལམ་དུ་རང་ལྷར་བསྒྱུར་ནུས་ཙམ་ན། དེ་ལས་གཉིས་དང་གསུམ་དང་མང་པོ་སྤེལ་ལ་བསྒོམ། དེ་བཞིན་དུ་རྨི་ལམ་དུ་སྣང་བ་མི་ལ་

― KMC016_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པ་གང་མཐོང་བ་དེ་ལྟར་བསྒྱུར་བར་བྱའོ། །དེ་གོམས་ནས། སངས་རྒྱས་ཀྱི་ཞིང་ལ་སློབ་ན། དང་པོ་ཞིང་འདི་ཉིན་པར་རྣམ་པར་སྣང་མཛད་ཀྱི་ཞིང་སྟུག་པོ་བཀོད་པའི་རྒྱན་དང་བཅས་པ་རང་གཞན་ཐམས་ཅད་དེ་བཞིན་གཤེགས་པ་རྣམ་པར་སྣང་མཛད་བྱང་ཆུབ་སེམས་དཔའ་དང་བཅས་པར་བསྒོམ། ཉལ་ཁར་མགྲིན་པའི་དབུས་ཀྱི་ༀ་ལ་སེམས་གཏད་ལ། དོ་ནུབ་ནི་རྣམ་པར་སྣང་མཛད་ཀྱི་ཞིང་བལྟ་བར་བྱའོ་སྙམ་པ་བྱ། །དེས་མ་ཟིན་པར་རྨི་ལམ་རང་མཚན་པ་བྱུང་ནས། ངོ་ཤེས་ན་རྨི་ལམ་རང་དུ་བསྒྱུར་བས་ཆོག །མ་ཤེས་ན་ཆོས་ཐམས་ཅད་སེམས་ཀྱི་ཆོ་འཕྲུལ་ཡིན་པ་ལ་དེ་ལྟར་མ་ཤེས་པ་རེ་མ་ལེགས་སྙམ་པ་བྱས་ལ་དྲག་ཏུ་བསྒོམ། དེ་བཞིན་དུ་འདྲ་སྟེ། མངོན་དགའ་སྦྱོང་ན་ཨ་སྔོན་པོ་ལ་དམིགས་ལྟར་བསྒོམ། ནུ་སེར་པོས་ལྷོ་རིན་པོ་ཆེ་ཡོད་པ་དང་། ཏ་དམར་པོས་བདེ་བ་ཅན་དང་། ར་ལྗང་གུས་ལས་རབ་གྲུབ་པའི་ཞིང་ཁམས་སྦྱོང་ལུགས་ཁྱད་མེད་ཉིན་གྱི་དམིགས་པ་བས་ཆོག་གོ །སྦྱང་བའོ། །ཐུན་གཅིག

― KMC016_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ཡ་ང་སྤང་བ་ནི། རྨི་ལམ་དུ་མེ་དང་ཆུ་ཆེན་པོ་དང་། ངམ་གྲོག་དང་། རླུང་འཚུབ། ཤ་ཟ་སྲིན་པོ་དང་། ཁྱི་དང་དགྲ་ལ་སོགས་པ་བྱུང་ནས། དེ་ལ་སྐྲག་ཅིང་སྦྱོང་བའི་གེགས་བྱེད་ན་དང་པོར་རྨི་ལམ་གྱི་སེམས་སུ་ཚིགས་ཆུས་སུ་ཁྱེར་སྙམ་དུ་བྱས་ལ་བསྲེའོ། །གཞན་ཡང་རང་གི་མགྲིན་པར་ཡི་གེ་རྣམས་བསྒོམ་པ་དང་། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཆོ་འཕྲུལ་ཡིན་ན་དེ་ལ་སུ་འཇིགས་སྙམ་དུ་བྱའོ། །དེས་ཀྱང་མ་སེལ་ན་མ་གཉིད་པའི་དུས་སུ། རང་ལུས་གཏུམ་མོའི། མེས་བསྲེགས་ལ་མེར་བསྒོམ་པ་དང་། ཆུར་བསྒོམ་པ་དང་། རླུང་ནང་དུ་རྔུབ་པས་ཕྱིའི་འཚུབ་མ་ཞི་བ་དང་། རྣམ་ཤེས་ཧཱུྃ་དུ་བྱས་ལ་དྷཱུ་ཏི་དང་ནམ་མཁའ་ལ་འཕངས་པ་བྱས་ཀྱིན་བསྒོམ་པས་ཡ་ང་བ་སེལ་ལོ། །ཟིན་ཁར་སད་པ་དང་། འཁྲུལ་པ་དང་། བརྗེད་པ་རྣམས་ལ་དང་པོ་ནས་འདུན་པས་མ་སད་པར་བྱ་སྙམ་པ་དང་། མ་འཁྲུལ་བར་བྱ་སྙམ་པ་དང་། མ་བརྗེད་པར་བྱ་སྙམ་པ་ཡང་ཡང་བྱ་བ་དེས་ཆོག་གོ །བཞི་པ་བོགས་དབྱུང་ཞིང་རྨི་ལམ་དེ་ཁོ་

― KMC016_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ན་དང་བསྲེ་བ་ནི། ཅི་བྱས་ཀྱང་མ་ཟིན་ན། སྔོན་དུ་ཚོགས་བསགས། འཇིག་རྟེན་གྱི་ཞེན་པ་སྤང་། བླ་མ་ལ་གསོལ་བ་དྲག་ཏུ་གདབ། ཉིན་པར་གྱི་སྣང་བ་ཐམས་ཅད་རྨི་ལམ་དངོས་སུ་བལྟ། དེས་མི་ཟིན་ཁ་མེད་ཡིན་ནོ། །སྦྱང་བ་དང་དེ་དང་འདྲ་སྟེ། གཏུམ་མོ་དང་སྒྱུ་ལུས་ལྷ་སྐུ་དང་སྦྱར་བ་དེ་ལ་བརྩོན་པ་གལ་ཆེའོ། །དེས་ཟིན་ནས་དེ་ཁོ་ན་ཉིད་ནི། རྨི་ལམ་ན་ཆོས་བཤད་ཀྱང་། རང་དང་གཞན་དང་སྒྲ་ཚིག་ཀྱང་མེད་དེ་འཁྲུལ་པ་ལ་སྣང་བར་ཟད་ཅེས་བདེན་མེད་ཕྱག་རྒྱ་ཆེན་པོ་ཟུང་འཇུག་ཏུ་ཁྱེར་ལ་ཉིན་པར་གྱི་སྒྱུ་ལུས་དང་འགྲེའམ། བལྟས་ལ་བསྒོམ་པར་བྱའོ། ། འདི་འོད་གསལ་གྱི་སྔོན་འགྲོ་ཡང་ཡིན་ནོ། །ད་ནི་འཕྲོས་བཤད་དེ། རྨི་ལམ་བསྒོམ་པ་ནི། བར་དོའི་སྔོན་དུ་འགྲོ་བར་གསུངས་པས། རྨི་ལམ་གྱི་ངོ་བོ་ཀུན་གཞིའི་སྟེང་ནས་ཡིད་གཅིག་པུ་ལངས་ཏེ། སྲོག་རླུང་དང་ལྷན་ཅིག་ལུས་ཀྱི་ནང་དུ་དེ་ལྟར་སྣ་ཚོགས་སྣང་བ་སྟེ། ལུས་ལས་ཤེས་པ་ཕྱིར་བུད་ཡང་མེད། ཡུལ་བདེན་པ་ནང་དུ་འོང་བ་ཡང་མེད་མོད་ཀྱི།

― KMC016_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུ་ལུས་ཀྱང་དེ་ཁོ་ན་དང་འདྲ་བར་བལྟའོ། །འོ་ན་ཡུལ་སྣང་བའི་རྒྱུ་གང་ཞེ་ན། ལས་སྣ་ཚོགས་ཀྱི་བག་ཆགས་ཀུན་གཞི་ལ་གནས་པ་དེའི་གཟུགས་བརྙན་དེ་ལ་དེར་འཛིན་གྱིས་ཉེ་བར་རྟོག་པ་ན། དེ་ལྟར་ཡིད་ལ་ཨུཏྤལ་བྱེད་པ་ན་སྔོན་པོ་དང་། ལོ་མ་ལ་སོགས་པ་འཆར་ཏེ། འདི་ནི་ཨུཏྤ་ལའོ་ཞེས་པར་བྱེད་ཅིང་། ཤེས་པ་ལས་གཞན་དེར་མི་དམིགས་པ་དེ་དང་འདྲ་བ་ཉིད་དོ། །དེས་ན་ད་ལྟ་ཡང་བག་ཆགས་བརྟས་པས་ཚོགས་དྲུག་ཏུ་རང་སར་སྣང་ཡང་། དོན་ལ་རྨི་ལམ་དང་འདྲ་བ་ཡིན་ནོ། །བར་དོ་ནི་དེ་ལས་ཁྱད་མེད་ཀྱང་དེ་ཉིད་ཀྱི་སྐབས་སུ་བརྗོད་པར་བྱའོ། །དེས་ན་ཆོས་ཐམས་ཅད་རྨི་ལམ་དང་འདྲ་བ་ཉིད་པས། ཀུན་རྫོབ་དེ་ལྟར་ཤེས་ནས་སྤེལ་སྦྱང་གོམས་པས། བར་དོ་དང་ད་ལྟ་ཡང་རྫུ་འཕྲུལ་ལ་སོགས་འགྲུབ་པར་བྱེད་པའི་ཕྱིར་ཡིན་གྱི་རྨི་ལམ་དུ་སྤྲུལ་བསྒྱུར་ནུས་པ་ཙམ་གྱིས་ང་རྒྱལ་མི་བྱའོ། །ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ཉིན་པར་བསྒོམ་པས་རྣམ་པར་འཕེལ་ན། རྨི་ལམ་དུ་བསྒོམས་པས་ཀྱང་

― KMC016_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་བར་འགྱུར་རོ་ཞེས་གསུངས་སོ། །ཆོས་ཀུན་རྨི་ལམ་ལྟ་བུ་སྟེ། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་བྱུང་། །ཉོན་མོངས་རྒྱུ་དང་ལས་རྣམས་ཀུན། །ཚུལ་བཞིན་མ་ཡིན་ཡིད་ལ་གནས། །ཚུལ་བཞིན་མ་ཡིན་ཡིད་བྱེད་ནི། །སེམས་ཀྱི་དག་པ་ལ་རབ་གནས། །དག་པ་གང་ལའང་གནས་མིན་པ། །རྟོགས་པར་བྱ་ཕྱིར་རྒྱལ་བ་རྣམས། །ཆོས་ཀུན་རྨི་ལམ་སྒྱུ་འདྲར་སྟོན། །དེ་ལྟར་རྟོགས་ཤིང་དབང་སྒྱུར་བ། །གཉིད་དང་རྨི་ལམ་ཆགས་པ་དང་། །ཐ་མལ་འཁྲུལ་པ་ཟད་ལས་བྱུང་། །དེས་ན་སྐྱེས་བུ་དམ་པ་རྣམས། །ཞེན་མེད་རྨི་ལམ་སྒྱུ་མ་སྦྱངས། །ཟུང་འཇུག་མངོན་དུ་གྱུར་པར་མཛོད། །རྨི་ལམ་གྱི་གདམས་པ་རྫོགས་སོ། ༈ །འོད་གསལ་གྱི་གནད་ནི། ལུས་གནད་རྨི་ལམ་དང་མཐུན། དུས་གཉིད་དང་ཉིན་པར་གཉིས་ཀའོ། །ཡུལ་སྙིང་ཁ་ཆོས་ཀྱི་འཁོར་ལོར། །དམིགས་པ་ནི་མ་ཟིན་པ་ཟིན་པ། ཟིན་པ་བརྟན་པ། བོགས་དབྱུང་བའོ། །དང་པོ་ནི། གཏུམ་མོ་དང་སྒྱུ་ལུས་རྨི་ལམ་ཟིན་པའི་

― KMC016_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་བུས། གནས་དབེན་པར་བླ་མ་ལ་གསོལ་བ་གདབ། མཁའ་འགྲོ་ལ་གཏོར་མ་བཏང་། འོད་གསལ་བ་ཟིན་པར་བྱའོ། །སྙམ་པའི་འདུན་པ་བཏང་། རང་གི་སྙིང་གར་པད་མ་འདབ་མ་བཞི་པར་བསྒོམ་པའི་དབུས་སུ་ཧཱུྃ་སྔོན་པོ། མདུན་དུ་ཨ། གཡས་སུ་ནུ། རྒྱབ་ཏུ་ཏ། གཡོན་དུ་ར་བསམ། འདི་ལྟར་སྣང་བ་ཐམས་ཅད་སེམས་ཀྱི་ཆོ་འཕྲུལ་སྣང་ལ་རང་བཞིན་མེད་པར་འདུག་སྙམ་དུ་ཡང་ཡང་བསྒོམ། དེས་ཟིན་ཀྱང་སྲིད། ཐུན་གཅིག གཉིས་པ་ནི། དེ་ནས་ནུབ་མོའི་གཉིད་འོད་གསལ་དུ་གཞུག་པ་ནི། ཉལ་ཁར་སྙིང་གའི་ཧཱུྃ་ལས་འོད་འཕྲོས། བརྟན་གཡོ་སྣོད་བཅུད་ཐམས་ཅད་ལུས་ལ་བསྡུ། དེ་ཡང་ཧཱུྃ་ལ་བསྡུ། དེ་ཡང་འོད་ཀྱི་རྣམ་པའི་ཐིག་ལེ་སྲན་མ་ཙམ་དུ་བསམས་ལ་གཉིད་ལོག་པས། ད་ལྟའི་སྣང་བ་ནུབ། རྨི་ལམ་གྱི་སྣང་བ་མ་ཤར་བའི་བར་དེར། གསལ་ལ་རྟོག་མེད་གཉིད་འཐུག་པོ་རང་ཡང་མ་ཡིན་པ་བུམ་ནང་གི་མར་མེ་ལྟ་བུ་འབྱུང་། དེ་ངོ་ཤེས་པར་བྱ། གྲོགས་ལ་སོགས་པས་བསླངས་ལ་ཟིན་ནམ་ལྟ། ཟིན་ན་བདེ་སྟོང་

― KMC016_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གསལ་སྟོང་འདྲེས་པ་འབྱུང་བ་ཡིན་ནོ། ཐུན་གཉིས། ༈ །ཉིན་པར་བསྒོམ་པ་ནི། ལུས་གནད་གཏུམ་མོ་ལྟ་བུའམ། གང་བདེ་བྱས། ལྟ་སྟངས་སྨིན་མཚམས་ཀྱི་མཛོད་སྤུའམ་ནམ་མཁར་གཏད་ལ། རྣམ་པར་མི་རྟོག་པ་བསྒོམ། དེ་ལ་མི་གནས་ན། ནམ་མཁར་ཧཱུྃ་བསྒོམ། དེ་ལས་འོད་འཕྲོས། ཐམས་ཅད་བསྡུས་ལ་གསལ་སྟོང་དུ་བཞག །རྟོག་པ་ཐམས་ཅད་ངོ་ཤེས་པར་བྱས་ལ་གསལ་སྟོང་བསྡུས་ཀྱིན་བསྒོམ། དེས་ཉིན་པར་དང་མཚན་མོ་ཐམས་ཅད་གསལ་སྟོང་དང་བདེ་སྟོང་དུ་འདྲེ་བར་བསྟན་པ་ཡིན་ནོ། །འདི་ཐུན་གཅིག་གམ་ཡང་ན་ལོགས་སུ་བྱ། ༈ བོགས་དབྱུང་བ་ནི་རྨི་ལམ་གྱི་སྣང་བས་སྐྱེད་ན་སྔར་རྨི་ལམ་ཟིན་པས་རྨི་ལམ་དུ་ཤེས་པའི་ཚེ། རྨི་ལམ་དེ་ཉིད་དུ་སྔར་ལྟར་བསྒོམས་པས། གསལ་ལ་རྟོག་མེད་དུ་ཟིན་པར་འགྱུར། དེས་ཀྱང་མ་ཟིན་ན། སྨིན་མཚམས་སུ་རུས་པ་གྲུ་གསུམ་གྱི་ནང་དུ་ཐིག་ལེ་སྔོན་པོ་སྣང་ལ་རང་བཞིན་མེད་པ་ལ་སེམས་བཟུང་བའམ། ཡང་ན་སྙིང་གར་འོད་ཀྱི་གོང་བུ་འོད་ལྔ་དང་ལྡན་པ་བསམ་ཁ་

― KMC016_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིད་ཀྱིས་གསུངས་སོ། །དེས་རྣམ་རྟོག་ཐམས་ཅད་གསལ་ཡང་སྟོང་པར་འཆར་བའམ་བདེ་སྟོང་འདྲེས་པ་འབྱུང་ངོ་། །གསུམ་པའམ་ལྔའོ། །ད་ནི་འཕྲོས་བརྗོད་དེ། སློབ་དཔོན་ཆེན་པོ་ལྭ་བ་པས། ལོ་ནི་བཅུ་གཉིས་བར་དག་ཏུ། །འོད་གསལ་བ་ལ་གཉིད་ལོག་པས། །ཕྱག་རྒྱ་ཆེན་པོའི་དངོས་གྲུབ་ཐོབ། །ཅེས་འབྱུང་བ་དང་། གཉིད་ནི་སྤང་བར་མི་བྱ་སྟེ། །དབང་པོ་རྣམས་ནི་མི་དགག་གོ །ཅེས་པས་སྤྱིར་འོད་གསལ་གྱི་གོ་བ་ནི། གཉིད་འཐུག་པོ་ལ་སོགས་རྟོག་པ་ཀུན་གཞིའི་སྟེང་དུ་སོང་བ་དེ་རང་དང་འདྲ་ཡང་དེ་ལ་མ་རིག་པ་དང་ལྷན་ཅིག་ཡིན་པས་གོལ་སར་འགྱུར་ལ། འདིར་དྲན་པས་དབང་བསྒྱུར་ནས་གཟུགས་སྒྲ་ལ་སོགས་ཀྱི་རྣམ་པ་ལམ་མེ་འདུག་ཀྱང་། རྟོག་དཔྱོད་ཀྱིས་མ་བསླད་པ། རྟོག་པ་མི་འགྱུར་ཡང་རྣམ་པ་ཐམས་ཅད་ཤེལ་སྒོང་ལག་མཐིལ་དུ་བཞག་པ་ལྟ་བུ་གཅིག་འབྱུང་སྟེ། དེ་ལམ་དུ་འགྲོ་བ་ཡིན་ཏེ། གཉིད་དང་རྨི་ལམ་མཚམས་ཤེད་ན། །གཏི་མུག་ཆོས་སྐུའི་ངོ་བོ་ཅན། །ཞེས་པ་དང་། གཞིའི་འོད་གསལ་བར་དོར་

― KMC016_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་ལ་ཁྱད་མེད་ངོ་ཤེས་ཀྱིས་དྲན་པས་ཟིན་ན་ལམ་གྱི་འོད་གསལ་ཡིན། མེ་ལོང་ལྟ་བུར་གྱུར་པ་འབྲས་བུའི་འོད་གསལ་དུ་ངེས་སོ། །རྟོགས་པའི་ཤེས་རབ་ཀྱིས་ཟིན་ཅིང་། བསམ་གཏན་བཞི་པ་དང་འབྲེལ་པ་དེ་ཚེ་མེ་ལོང་དག་པའི་དཔེར། །རྣམ་པ་ཀུན་སྣང་རྟོག་པ་མེད། །ལམ་གྱི་འོད་གསལ་ཞེས་ཀྱང་བྱ། །མཉམ་རྗེས་མེད་ཅིང་དེར་འཛིན་བྲལ། །ཇི་ལྟ་ཇི་སྙེད་མཉམ་པ་ཉིད། །ནམ་མཁའ་ལྟར་གྱུར་བདེ་གཤེགས་ཐུགས། །འབྲས་བུའི་འོད་གསལ་རྟོགས་པར་མཛོད། འོད་གསལ་བ་རྫོགས་སོ། ༈ །བར་དོ་ལམ་དུ་འཁྱེར་བ་ལ་གཉིས་ཏེ། ཉམས་ལེན་དང་། གོ་བར་བྱ་བའོ། །དང་པོ་ནི། གཞུང་ལས། འབྱུང་བ་ལྟར་འཆི་བའི་རྟགས་རྫོགས་ནས་ཉམས་སུ་བླང་བ་ལ་གསུམ། རབ་བར་དོ་འོད་གསལ་ངོས་བཟུང་། འབྲིང་སྒྱུ་ལུས་ལ་རྩལ་སྦྱང་། ཐ་མ་མངལ་གྱི་སྒོ་དགག་ཅིང་གདམས་པའོ། །དང་པོ་ནི། འོག་ནས་བཤད་པ་ལྟར་འཆི་ཁར་སྔར་འོད་གསལ་ཉིན་མཚན་འབྲེལ་བ་ཡོད་ན། དེ་ཉིད་ལ་དྲན་པ་གཏད་ནས་

― KMC016_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིའི་འོད་གསལ་ཤེས་པར་བྱའོ། །སྙམ་པའི་དྲན་པས་ཟིན་པར་རྟགས་རྣམས་རྫོགས་པའི་རྗེས་ལ་འདིའི་སྣང་བ་ནུབ། བར་དོའི་སྣང་བ་མ་ཤར་བའི་བར་དེར་འོད་གསལ་འཆར་ཏེ། དེ་ལ་ཇི་ལྟར་སྡོད་པའི་དབང་ཡོད་པས། །འོད་གསལ་བ་ལ་རྒྱུན་པར་གནས། །བར་དོའི་གྲོང་ཁྱེར་དེ་ལ་མེད། །ཅེས་བཤད་པ་ཡིན། དེའི་ངང་ལས་ཟུང་འཇུག་གི་ལུས་སུ་ལངས་ནས་སེམས་ཅན་གྱི་དོན་བྱེད་པ་ནི། ཐེག་ཆེན་གྱི་ཁྱད་པར་ཡིན་ལ། ཁམས་གསུམ་སྤང་བྱའི་རྟོག་པ་ཐམས་ཅད་བཅད་ནས་དེ་ཉིད་དུ་ཞི་བ་ནི་བར་དོར་དགྲ་བཅོམ་ཐོབ་པ་དེ་དང་དགོངས་པ་གཅིག་པར་འདུག །སྙིང་རྗེས་ཟུང་འཇུག་གི་སྐུར་ལངས་ལ་འགྲོ་དོན་བྱ་བ་ནི་ཁྱད་པར་གྱི་གདམས་པ་ཡིན། དེ་ལྟར་འོད་གསལ་ལ་བརྟེན་ནས་བར་དོ་དང་པོའི་སྣང་བ་ཤར་ཀྱང་དེ་ཉིད་དུ་འོད་གསལ་བསྒོམ་པ་ལྟར་སྦྱངས་ན། དག་པའི་བར་དོ་མངོན་དུ་འགྱུར་བ་ཡིན། བར་དོ་གཉིས་པ་ནི། ད་ལྟར་རྨི་ལམ་སྒྱུ་ལུས་འབྱོངས་པ་གཅིག་གིས་ཟིན་ཏེ། འཆི་ཁར་བར་དོ་ལ་བར་དོ་ངོ་ཤེས་པ་

― KMC016_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ལ། སྒྱུ་མ་སྦྱངས་ཏེ་བསྒོམ་དགོས་གལ་ཆེ། དེ་ནས་བར་དོའི་སྣང་བ་ཤར་བའི་ཚེ་བར་དོར་ཤེས་པ་དང་། ཆོས་ཐམས་ཅད་སྒྱུ་མ་ལྟ་བུའི་ངེས་ཤེས་བསྐྱེད་ལ་རྨི་ལམ་གྱི་བསྒྱུར་སྦྱང་སྤེལ་སྦྱང་ལྟར་བསྒོམས་པས། སངས་རྒྱས་ཀྱི་ཞིང་དང་དགའ་ལྡན་ལ་སོགས་པར་འགྲོ་བ་ལ་ཚེགས་མེད་པ་ཡིན་ནོ། །བར་དོ་གསུམ་པ་ནི། དེ་ལྟར་གོང་གི་ཡོན་ཏན་དེ་རྣམས་མེད་ཀྱང་ཚུལ་ཁྲིམས་རྣམ་པར་དག་པའམ། བླ་མ་ལ་སངས་རྒྱས་ཀྱི་འདུ་ཤེས་ཐོབ་བམ། གཏུམ་མོའི་དྲོད་བདེ་གསལ་ཙམ་ཟིན་པའམ། བསྐྱེད་རིམ་ཅུང་ཟད་བརྟན་པ་ཞིག་གིས་འགྲུབ་པས། འཆི་ཁའི་མཚམས་སྦྱོར་ནི་འཕོ་བ་ལ་སོགས་པ་གལ་ཆེ་སྟེ། བར་དོའི་དང་པོ་སྲིད་པ་དེར་འབྱུང་བས་སོ། །དངོས་གཞི་ནི། བར་དོར་ཞག་ཕྱེད་དང་བཞི་ཕན་ཆད་སྔར་གྱི་རྟོག་པ་དང་འདྲ། དེ་ཕྱིན་ཆད་ཕྱི་མ་ཁོ་ནའི་སྣང་བ་འབྱུང་ཞེས་པས་གང་ལྟར་ཡང་བར་དོ་དེས་གང་དུ་སྐྱེ་བ་ཤེས་ཤིང་། ཁྱད་པར་དུ་ཕོ་རུ་སྐྱེས་ན་མོ་ལ་ཆགས་པ་དང་། མོ་རུ་སྐྱེ་ན་ཕོ་ལ་ཆགས་པ་འབྱུང་

― KMC016_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

བས། སྐབས་འདིར་གོང་གི་ཉམས་མྱོང་དྲན་ནས་སྔོན་ཡང་འདི་འདྲས་འཁོར་བར་འཁྱམས་ཏེ་ད་ནི་འདིའི་དབང་དུ་མ་སོང་བར་བྱ་སྙམ་པས་ཆགས་སྡང་གི་རྟོག་པ་བཟློག་ནུས་ཙམ་ན་མངལ་འགག །དེ་ནས་བར་དོ་དེ་ཉིད་དུ་སྔར་གྱི་ཉམས་ལེན་སྦྱང་ཞེས་གསུངས་ཏེ། འདི་ལ་གཞུང་ནས། ཕྱི་མའི་ཕ་མ་བར་དོར་མཐོང་ཙ་ན། བླ་མ་ལ་སྔར་མོས་པ་ཐོབ་ན་བླ་མ་ཡབ་ཡུམ་གྱིས་བདག་ལ་དབང་བསྐུར་བ་ཡིན་བསམ་པ་བྱ། ལུས་ངག་ཡིད་གསུམ་བླ་མ་ལ་འབུལ། ཆགས་སྡང་གི་སེམས་དགག་གོ་གསུང་། བསྐྱེད་རིམ་བརྟན་པས་ཕ་མ་དེ་ཡི་དམ་ཡབ་ཡུམ་དུ་བསྒོམ་གསུང་ངོ་། །དེ་ནི་འཇུག་ཡུལ་དགག་པ་ཡིན་ནོ། །འཇུག་མཁན་དགག་པ་ནི། རང་སེམས་ཧཱུྃ་དུ་བསྒོམ་པ་དང་། ལྷར་བསྒོམ་པ་དང་། གཏུམ་མོ་ལྟ་བུའི་ཉམས་མྱོང་ལ་གཏད་པ་དང་། ཚུལ་ཁྲིམས་ཀྱི་གཉེན་པོ་བསྐྱེད་པ་ཁོ་ནའོ། །འདི་རྣམས་ནི་གནད་གསུམ་དང་ལྡན་དགོས་ཏེ། འཆི་ཁར་སྔར་གྱི་ཉམས་མྱོང་གསལ་བ། བར་དོར་ངོ་ཤེས་དུས་སུ་འདུན་པ་དྲག་པ། གདམས་

― KMC016_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ད་ལྟར་ལ་ལོར་མ་བཞག་པར་ཤིན་ཏུ་བྱང་བ་ཞིག་དགོས་པ་ཡིན་ནོ། །འདི་དང་ལྡན་ན་འཆི་བ་ཉིད་ལམ་གྱི་གྲོགས་སུ་འགྲོ་བས་མཚམས་སྦྱོར་རྣམ་པར་དག་གོ །ཡན་ལག་དང་ཕྱི་མ་དང་མཚམས་སྦྱར་བའོ། །ད་ནི་གོ་བར་བྱ་བའི་འཕྲོས་བརྗོད་དེ། བཀའ་དཔེ་ལས། ལུས་ཅན་རྣམས་ནི་འཆི་བ་ན། །སྣང་བ་ཐིམ་དང་རྟོག་པ་ཐིམ། །ཕྲ་བ་ཐིམ་དང་རགས་པ་ཐིམ། །ཐིམ་པའི་རྗེས་ལ་གོམས་པ་ཡིས། །རང་བཞིན་གྱིས་ནི་འོད་གསལ་འཆར། །ཞེས་འབྱུང་བ་ནི། དེ་ལྟར་མིའི་འགྲོ་བ་ཕལ་གྱི་འབྱུང་ལུགས་ཏེ། སྣང་བ་ཐིམ་པ་ནི། གཟུགས་ཐིམ་པས་མིག་མི་གསལ་ལ། སྒྲ་ཐིམ་ནས་རྣ་བས་གཞན་གྱི་སྒྲ་མི་ཐོས། དྲི་ཐིམ་པས་སྣ་བལ་གྱིས་བཀག་པ་བཞིན་འགྲོ། རོ་ཐིམ་ནས་ལྕེས་ཟས་ཀྱི་རོ་མི་མྱོང་། རེག་བྱ་ཐིམ་ནས་ལུས་ཀྱི་རེག་པ་བརྟུལ་དུ་འགྲོ། ཆོས་ཐིམ་ནས་འཁོར་བའི་ཆོས་མི་གསལ་དུ་འགྲོའོ། །རགས་པ་ཐིམ་པས་ས་ཆུ་ལ་ཐིམ་པས་ལུས་ཀྱི་ཟུངས་མི་ཐུབ། ཆུ་མེ་ལ་ཐིམ་པས་ཁ་སྣའི་ཆུ་ཕྱིར་བྱུང་ནས་སྐམ། མེ་

― KMC016_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་ལ་ཐིམ་ནས་དྲོད་མཐའ་ནས་ཡལ་ཏེ། ངན་སོང་དུ་འགྲོ་ན་དྲོད་མར་འཆད། མཐོ་རིས་སུ་འགྲོ་ན་དྲོད་ཡར་འཆད་གསུངས་ཏེ་ཅི་རིགས་སུ་འགྱུར། རླུང་རྣམ་པར་ཤེས་པ་ལ་ཐིམ་པས་ཕྱི་དབུགས་ཆད། ནང་དབུགས་ཅུང་ཟད་མི་འཆད་དེ། ཕྲ་བ་དང་རྟོག་པ་ཐིམ་ལུགས་ནི། སྣང་བ་ཐིམ་པའི་ཚེ། ཐོག་མར་ཕྱི་རྟགས་སྣང་བ་སྔར་དང་མི་འདྲ་བར་མཐོང་བ་དང་། ནང་རྟགས་ཤེས་པ་དུ་བ་ལྟར་བན་བུན་ལང་ལང་དུ་འཆར་ཞིང་། དེ་ནས་ཕྱི་རྟགས་ཟླ་བ་ཤར་བ་ལྟར་དཀར་ལམ་པ་འབྱུང་། ནང་རྟགས་ཤེས་པ་སྨིག་སྒྱུ་ལྟར་གཡོ་བ་འབྱུང་སྟེ། འདིའི་དུས་ཕལ་གྱིས་རང་ཉིད་འཆི་བར་ངེས་པ་འབྱུང་ཞིང་དེའི་འོག་ཏུ་ཞེ་སྡང་ལས་གྱུར་པའི་རྟོག་པ་སུམ་ཅུ་སོ་གསུམ་འགག་གོ །མཆེད་པ་ཐིམ་པས་ཕྱི་རྟགས་ཉི་མ་ཤར་བ་ལྟར་དམར་ལམ་གྱིས་འགྲོ། ནང་རྟགས་ཤེས་པ་སྲིན་བུ་མེ་ཁྱེར་ལྟར་རེས་གསལ་རེས་མི་གསལ། འདིའི་དུས་ན། མདོ་རྣམས་ནས་ཕྱི་མའི་སྲིད་པའི་ས་བོན་འཇོག་པར་གསུངས་ཏེ། སེམས་ཀྱིས་སྔར་གྱི་ལས་གང་བྱས་པ་

― KMC016_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་ཤུགས་ཀྱིས་རིགས་དྲུག་སོ་སོའི་སྣང་བའི་བྱེ་བྲག་ཡུད་ཙམ་འབྱུང་སྟེ། འདི་ལ་ས་བོན་བཏབ་པ་དང་འདྲ་བས། འདིར་མཚམས་སྦྱོར་གལ་ཆེ་བར་ཤེས་སོ། །རྒྱུད་ལས་ཀྱང་། རྣལ་འབྱོར་པ་རྣམས་འཕོ་ཚེ་དཔལ། །ཁྲག་འཐུང་ལ་སོགས་རྣལ་འབྱོར་མ། །མེ་ཏོག་སྣ་ཚོགས་ལག་ན་ཐོགས། །རྒྱལ་མཚན་བ་དན་སྣ་ཚོགས་དང་། །རོལ་མོའི་སྒྲ་ནི་སྣ་ཚོགས་ཀྱིས། །མཁའ་སྤྱོད་གནས་སུ་འཁྲིད་པར་བྱེད། །ཅེས་འབྱུང་ངོ་། །སྡིག་ཅན་ལ་གཤིན་རྗེའི་ཕོ་ཉ་འབྱུང་སྟེ། དེའི་འོག་ཏུ་འདོད་ཆགས་ལས་གྱུར་པའི་རྟོག་པ་བཞི་བཅུ་འགག་གོ །ཐོབ་པ་འོད་གསལ་ལ་ཐིམ་པས། ཕྱི་རྟགས་སྒྲ་གཅན་མུན་ནག་ལྟ་བུའི་ནག་འུབ་པའི་སྣང་བ་འབྱུང་། ནང་རྟགས་མར་མེ་ལྟར་གསལ་སངས་པ་འབྱུང་། དེའི་དུས་སུ་གཏི་མུག་ལས་གྱུར་པའི་རྟོག་པ་བདུན་ཐིམ་པར་འགྱུར་ཏེ། དེ་ལྟར་རྟོག་པ་ཀུན་གཞིའི་སྟེང་དུ་བསྡུས་ཤིང་། ནམ་མཁའ་ལྟར་གྱུར་ནས། ཡུལ་དྲུག །དབང་པོ་དྲུག །རྣམ་ཤེས་དྲུག །འབྱུང་བ་ལྔ་བསྡུས་པའི་སྐད་ཅིག་ལ།

― KMC016_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་མའི་ཡར་སྣའི་དཀར་བ་དང་། མར་སྣའི་དམར་བ་གཉིས་སྲོག་གི་རླུང་ཆེན་པོ་དང་། རྣམ་པར་ཤེས་པ་ཡུད་ཙམ་འདུས་པའི་ཚེ། འོད་གསལ་བ་གཞིའི་ཆོས་སྐུ་སྐད་ཅིག་འབྱུང་ངོ་། །དེ་ཡང་མ་རིག་པའི་དབང་གིས་ངོ་མི་ཤེས་ཏེ། རྣམ་པར་ཤེས་པ་འཕོས་ནས་བར་དོ་འབྱུང་ངོ་། །སྔར་གྱི་སྲིད་པ་འཇོག་ལུགས་ནི། འདིར་དམྱལ་བར་འགྲོ་བའི་སེམས་ཅན་རྣམས་ནི། སྔར་མི་དགེ་བ་བཅུ་གོམས་དྲག་པས་དེར་ཡང་དེ་ཉིད་ཀྱི་སྣང་བ་འཆར་ཏེ། རང་གི་སྣང་བའི་སྟོང་གཟུགས་སྡུད་པ་སྣང་བ་ལ། འཆར་ལུགས་གཉིས་འབྱུང་སྟེ། སྡིག་ཤས་ཆེ་བ་མནར་མེད་ལ་སོགས་པར་འགྲོ་བ་ནི། གཤིན་རྗེའི་སྐྱེས་བུ་ལ་སོགས་པར་སྣང་ཞིང་རང་གི་ཁྲག་དང་མཁྲིས་པ་ལུས་ལ་རླུང་གིས་གཏོར་ནས་མིག་ཁྲག་ལྟ་བུའམ་སེར་པོར་འགྱུར། ལུས་ཚ་བས་གདུང་བས་འགྱུར། སྲོག་ལ་ཆགས་བ ཞིན་འཆི་བས། གནད་གཅོད་དྲག་པོ་འབྱུང་སྟེ། དེས་སྣང་བ་ཡང་མེ་འབར་བ་དང་། མཚོན་ཆ་ལ་སོགས་པ་དང་། རླུང་སྒྲ་ཡང་ལོག་པར་འགྱུར་བས། དེ་ཉིད་དང་

― KMC016_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོགས་ཏེ་ཤི་ནས་རྣམ་ཤེས་འཕོས་པའི་སྐད་ཅིག་ལ་ཅུང་ཟད་ཅིག་བདེ་བར་གྱུར་ཏེ་བལྟས་པས་སྣང་བ་ལ་ནགས་མེ་དང་། ཆུ་ལ་སོགས་པ་མཐོང་སྟེ། དེ་འདོད་དེ་ཕྱིན་པ་ན་སླར་ཡང་ལས་ཀྱི་སྣང་བ་ལ་སྔར་གྱི་གཤིན་རྗེ་དག་འོངས་ནས་ལོག་པར་བྱེད་པ་སྣང་བར་བཤད་དོ། །དེ་བས་ལས་ཆུང་བ་ནི། འཆི་ཁར་སྣང་བ་ལ་དམྱལ་བའི་གནས་མཚོན་གྱི་ནགས་ཚལ་སྔོན་པོ་དང་། རི་སྤང་གཤོང་དང་། སེམས་ཅན་གཅིག་གིས་གཅིག་བསད་ནས་ཤ་ཟ་བ་དང་། ས་ཕྱོགས་ཁྲག་གིས་གཏོར་བ་དག་སྣང་ནས། སྔར་སྲོག་གཅོད་གོམས་པའི་དབང་གིས། ཀྱེ་མ་བདག་ཀྱང་འདིར་འགྲོ་བར་བྱའོ་སྙམ་པ་འབྱུང་སྟེ། འདི་ནི་སྣང་བ་སྟོབས་ཆེ་བ་ཡིན་ལ་སྔ་མ་ནི་ལས་སྦྱིན་པ་དེ་སྟོབས་ཆེ་བ་ཡིན་ནོ། །རྒྱ་ཆེ་བར་ནི་དྲན་པ་ཉེར་བཞག་ཏུ་ཡོད་དོ། །ཡི་དྭགས་སུ་འགྲོ་བ་ཡང་སེར་སྣ་ཤས་ཆེ་བའི་སྲེད་པ་ཉིད་སྐྱེའོ། །དུད་འགྲོར་འགྲོ་བ་ཡང་དུད་འགྲོ་དེ་དང་དེ་དག་ལ་དགའ་བ་ཆགས་པའི་སེམས་སམ། ཡང་ན་ཅི་ཡང་མི་དྲན་པར་རྨུགས་ཏེ་

― KMC016_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་བ་ཉིད་དོ། །མིར་སྐྱེ་བ་རྣམས་ནི་མི་ཉིད་ཤིན་ཏུ་ཆགས་པ་དང་བཅས་པའི་སྣང་བ་དང་། ངེས་པ་ཕལ་ཆེར་འཇུག་པར་བཤད་དོ། །ལྷ་མ་ཡིན་ཀྱང་ལྷ་དང་ཕྱོགས་མཐུན་ཀྱང་ཅུང་ཟད་ང་རྒྱལ་དང་བཅས་པར་འགྱུར་བ་དང་། ནག་ཕྱོགས་ལ་འཆི་བར་བཤད་དོ། །ལྷར་འགྲོ་བ་དང་བདེ་འགྲོ་འདི་རྣམས་ཀྱི་སྲིད་པ་ཡང་འདི་ལྟར་བཤད་དེ། གང་དུ་སྐྱེ་བའི་གནས་ན་ཕུན་སུམ་ཚོགས་པའི་ཡོ་བྱད་དང་། ལྷ་དང་ལྷ་མོ་རྣམས་ཁྲི་ལ་འདུག་པ་མཐོང་ཞིང་དེར་དགའ་བའི་སེམས་སྐྱེ་སྟེ། སྔར་གྱི་ལེགས་པར་བྱས་པ་རྣམས་དྲན་ཅིང་འགྱོད་པ་མེད་པར་འཆི་བ་དང་། ལྷ་དང་བླ་མ་ལ་སོགས་པ་རྐྱེན་བཟང་པོ་འཚོགས་ཤིང་དེ་ཉིད་ཀྱིས་སྲིད་པའི་ས་བོན་འཇོག་སྟེ་དུས་ཀྱང་ཕལ་ཆེར་དཀར་ཕྱོགས་དང་ཉི་མ་གསལ་བ་ལ་འཆི་བར་བཤད་དོ། །དེ་ལྟར་སྣང་བའི་རྒྱུ་ནི་སེམས་ལ་དགེ་བ་དང་། མི་དགེ་བ་སྔར་བྱས་པའི་བག་ཆགས་ཀྱི་ས་བོན་ཡོད་པ་དེ། ལུས་ལ་རྩ་བ་དང་། ཡན་ལག་གི་རླུང་གནས་པ་གཡོ་བས། དུ་བ་དང་སྨིག་རྒྱུ་ལ་སོགས་པའི་རྟགས་

― KMC016_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་དེས་རྐྱེན་བྱས་པས་ལྡང་ཞིང་སྣང་བ་དང་། རླུང་གིས་སྟོང་པའི་སྒྲ་རྣམས་ཐ་དད་དུ་སྣང་བ་ཉིད་དོ། །དེ་ནས་རེ་ཞིག་འོད་གསལ་ལ་ཞུགས་ནས་བར་དོ་འཆར་ཏེ། འོད་གསལ་ད་ལྟ་གོམས་ཤས་མེད་པ་རྣམས་དེ། དཔེར་ན་སྲང་ཁའི་མཐོ་དམན་བཞིན། འདི་ནུབ་མ་ཐག་ཏུ་བར་དོ་འབྱུང་བར་བཤད་དོ། །གཟུགས་ཁམས་སུ་འགྲོ་བ་དག་ནི་འདིར་བསམ་གཏན་གོམས་པའི་མཐུས། དེ་ཉིད་ལ་གནས་པ་ན། བསམ་གཏན་གྱི་ཉེར་སྡོགས་ལས། གཟུགས་ཀྱི་ཁམས་དེར་སྣང་བ་ཉིད་དེ་འདི་རྣམས་ལ་བར་དོ་ཡུན་རིང་པོ་མེད་དོ། །གཟུགས་མེད་ནི། གང་ཤི་བ་དེ་ཉིད་དུ་སྔར་ནམ་མཁའ་མཐའ་ཡས་ལ་སོགས་པ་བཞི་པོ་གང་གོམས་པ་དེ་ཉིད་ཀྱི་སྟེང་དུ་འགྲོ་བས། ས་བོན་ཐམས་ཅད་པ་མ་ཡིན་པ། རྟོག་པ་གཞན་འགག་པ་སྟེ་བར་དོ་གཞན་ནི་མེད་དོ། །རྒྱུད་ལས། སྟེང་ནས་གཟུགས་མེད་རྣམས་སུ་སྟེ། །ཞེས་པ་འབྱུང་བ་ནི། ལུས་ཀྱི་གནས་ལ་སྲིད་གསུམ་སྦྱར་བའི་དབང་དུ་བྱས་ཀྱིས། དེར་འཕོས་ཏེ་འགྲོ་བ་མ་ཡིན་པར་

― KMC016_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་སོ། །ད་ནི་བར་དོ་ཉིད་བཤད་དོ། །འདོད་པའི་ཁམས་ཀྱི་ལྷ་དྲུག་དང་། །མི་དང་། ལྷ་མ་ཡིན་དང་། དུད་འགྲོ་དང་། ཡི་དྭགས་དང་། དམྱལ་བ་རྣམས་ལ། ཕལ་ཆེར་ཞག་བདུན་ཏེ། འགའ་ཞིག་དེ་བས་ཡུན་རིང་བ་ཡང་བཤད་དེ། བདུན་ཕྲག་བདུན་ལ་སོགས་པ་འཆད་ཀྱང་དེ་ནི་ཉུང་ངོ་། །བར་དོ་དེ་ནི། སྔོན་བྱུང་སྲིད་དུས་ཤ་ཚུགས་ཅན། །དབང་པོ་ཀུན་ཚང་ཐོགས་མེད་ལྡན། །ལས་ཀྱི་རྫུ་འཕྲུལ་ཤུགས་དང་ལྡན། །རིགས་མཐུན་ལྷ་མིག་དག་པས་མཐོང་། །ཞེས་འབྱུང་བ་དེ་ཉིད་དེ། མདོ་ལས། དཔེར་ན་སྐྱེས་བུ་ལུས་སྟོབས་དང་ལྡན་པ། གཡུལ་ངོར་རྟ་ལས་ལྷུང་བ་མྱུར་བར་རྟ་དེ་ལ་འཛེགས་པ་ལྟར། སྐྱེ་བའི་འདུན་པ་ལ་ཕྱོགས་པས་མྱུར་དུ་ལེན་པ་དང་སྲིད་པ་སྦྱོར་བར་བཤད་དོ། །དེ་ལྟར་ན་ཞག་བདུན་ཅིའི་ཕྱིར་འགོར་ཞེ་ན། བར་དོ་དང་པོ་ཤར་བ་ན་རྨི་ལམ་ལྟར་སྣང་སྟེ། ཡིད་ཀྱི་ལུས་དེ་ནི། དཔེར་ན་ཆུ་ནང་གི་གཟུགས་བརྙན་ལྟ་བུ་དབང་པོ་དང་ལྡན་པ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པས་

― KMC016_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་ཀྱི་འབྱུང་བ་བཞི་ནི་མེད་དོ། །དེའི་ཚེ་ཤི་བའི་རོ་ཡང་མཐོང་ལ། ཤི་བར་ཡང་ཤེས་ཏེ་རང་ལ་ཡང་ལུས་གཅིག་ཡོད་པར་སེམས་པ་འབྱུང་ཞིང་། སྐྱེ་བ་གར་སྐྱེ་བ་ཞིག་སྙམ་པ་ན་སྔར་ལྟར་སྲེད་པ་བཞག་པ་ནི་ལྷ་ཕོ་མོ་མཐོང་ཞིང་། ལྷ་གནས་ཀྱང་མཐོང་དེར་སྐྱེ་བ་ཡང་ཤེས་པས་ཡིད་དགའ་བར་འགྱུར་ཏེ། རྒྱུ་དེས་རོ་ཡང་མིག་ཟིམ་བུར་ལྟ་བུར་ལྟ་བ་འདྲ་བ་དང་། མཉེན་པ་དང་། ཁ་དོག་གསལ་བ་དང་དྲི་ཞིམ་པར་འགྱུར་རོ། །འདི་རྣམས་ཕལ་ཆེར་རྫུས་སྐྱེས་ཡིན་པས་ཞག་བདུན་པ་ལ་སྐྱེ་བ་འགྲུབ་པར་གསུངས་སོ། །ལྷ་མ་ཡིན་ཀྱང་ཕྱོགས་མཐུན་པའོ། །དེ་བཞིན་དུ་ལྷ་དང་ལྷ་མ་ཡིན་ལ་མངལ་སྐྱེས་དང་། མི་རྣམས་ནི། ཕ་མའི་འདུ་བའི་རྐྱེན་མཐོང་ནས་དེ་ལ་ཆགས་པ་དང་བཅས་པས་མངལ་དུ་འཇུག་སྟེ། འཇུག་ཁ་དེར་སྣང་བ་ནི་ཐ་དད་པ་དུ་མ་འབྱུང་སྟེ། ལས་དག་པ་རྣམས་ལ་ནི་ཁང་བཟང་ལ་སོགས་པའི་སྣང་བ་དང་། འགའ་ཞིག་ལ་འཁྲིག་པའི་འདུ་ཤེས་དང་། ཁ་ཅིག་ལ་སྐྱབས་སུ་རེ་ནས་དེའི་ཐུ་བར་

― KMC016_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

འཛུལ་བ་དང་། དུད་འགྲོ་ལ་སོགས་ཁ་ཅིག་ལ། ཁ་བ་དང་། རླུང་དང་། ཆར་གྱིས་བདས་པ་དང་། དེ་རྣམས་ལ་ཡིབ་པའི་གནས་བཙལ་བ་ལ་སོགས་པའི་སྣང་བ་འབྱུང་ངོ་། །དམྱལ་བ་དང་ཡི་དྭགས་ཕལ་ཆེར་ནི། བར་དོ་དེ་ཡི་སྣང་ལ་གཤིན་རྗེའི་སྐྱེས་བུས་ཁྲིད་དེ། ལས་སོ་སོ་ལ་གཤིན་རྗེའི་རྒྱལ་པོས་ལུང་བསྟན་ནས་ཉམ་ཐག་པར་འགྱུར་བཞིན་ཉིང་མཚམས་སྦྱོར་བར་བྱེད་དོ། །འདི་རྣམས་ཀྱིའང་ཕལ་ཆེར་ཞག་བདུན་ན་རྫུས་ཏེ་སྐྱེའོ། །དེ་བཞིན་སྐྱེ་གནས་གཞན་དག་ཀྱང་ཡོད་མོད་ཀྱིས་འདིར་མ་སྨོས་ཏེ། མངལ་སྐྱེས་རྣམས་ནི་མངལ་དུ་ཞུགས་ཟིན་པ་ནས་བར་དོ་མ་ཡིན་མོད་ཀྱི། ལྷ་ཕྲེང་ཐོགས་རྣམས་ནི་མངལ་དང་བཅས་པའི་ཞག་བདུན་ཡང་གསུངས་སོ། །བར་དོ་དེའི་གཟུགས་ནི། ཐམས་ཅད་མཁྱེན་པས་གཟིགས་པ་ན། །གང་དུ་སྐྱེ་བ་དེའི་རྣམ་པ་ཅན། །མཐོ་རིས་སུ་འགྲོ་བ་ནི་མགོ་གྱེན་དུ་བསྟན་པ་དང་། ངན་འགྲོ་ཐུར་དུ་བསྟན་པ་ཁ་དོག་ཐ་དད་པ་ཡིན་ནོ། །གཟུགས་ཁམས་དང་། གཟུགས་མེད་དང་། མནར་མེད་ནི་སྔར་

― KMC016_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་ཉིད་དོ། །འདི་རྣམས་ནི་རྒྱུད་དང་མདོ་དུ་མ་ནས་ཐམས་ཅད་མཁྱེན་པས་གསུངས་པ་ལ་ངེས་པ་རྙེད་དེ་རགས་པའི་རིམ་པ་བཀོད་པ་སྟེ། དེས་ན་ཐེ་ཚོམ་མི་བྱའོ། །ལུང་དུ་མ་ཡོད་ཀྱང་ཡི་གེས་འཇིགས་པས་མ་བཀོད་དོ། །བར་དོ་སྲིད་པའི་ཉིང་མཚམས་ནི། །གང་ལ་སྲེད་པ་དེ་ལེན་ཅིང་། །སྲིད་གསུམ་སོ་སོར་འགྲུབ་བྱེད་པས། །དང་པོའི་ལས་ཅན་སྐྱེས་བུ་རྣམས། །དེ་ལྟར་བརྩོན་པའི་སྟོབས་བསྐྱེད་ནས། །སྣང་བ་སྦྱང་བ་ཤིན་ཏུ་གཅེས། །བར་དོ་གཉིས་པའི་དུས་འདི་རུ། །རྩལ་སྦྱོང་རྨི་ལམ་བར་དོ་ལ། །སྣང་བ་འགྱུར་ཞིང་ཟིན་པ་ན། །སྲིད་པའི་བར་དོར་བྱ་བ་འགྲུབ། །དེ་ལྟར་འཁྲུལ་པའི་རྗེས་འབྲང་ནས། །ཉོན་མོངས་རྟོག་པ་རང་དགར་བཞག །བར་དོར་ཡོན་ཏན་ཐོབ་འདོད་པ། །གཏི་མུག་འཁྲུལ་པས་བཅིང་བ་མང་། །དེ་ཕྱིར་ཡེངས་མེད་བརྩོན་བསྐྱེད་ལ། །ལུས་ངག་ཡིད་གསུམ་དགེ་བ་རྣམས། །འཕགས་པ་མཆོད་ཅིང་སེམས་ཅན་སྦྱིན། །རྟག་ཏུ་ཐེག་མཆོག་ཚུལ་ཁྲིམས་བསྲུང་། །ཁོང་ཁྲོ་ང་རྒྱལ་བཅོམ་ནས་

― KMC016_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །བརྩོན་པས་བསམ་གཏན་བསྒོམ་བྱ་ཞིང་། །ཆོས་རྣམས་རྟག་ཏུ་འདྲེས་པར་མཛོད། །དེ་ལྟར་སྦྱངས་ཤིང་རང་སེམས་ལ། །དབང་ཐོབ་རྒྱལ་བའི་ཞིང་སྦྱངས་ན། །སངས་རྒྱས་ཞིང་དུ་འགྲོ་བ་དང་། །མྱུར་དུ་བྱང་ཆུབ་མཆོག་ཐོབ་འགྱུར། །བར་དོའི་དམར་ཁྲིད་ཅུང་ཟད་རྒྱས་པར་བྱས་སོ། ༈ །འཕོ་བ་ནི་གཉིས་ཏེ། རྟེན་མེད་དུ་འཕོ་བ། འཕོ་བ་དངོས། རྟེན་དུ་འཕོ་བ། གྲོང་དུ་འཇུག་པའོ། །དང་པོ་ལ་གསུམ། རབ་འོད་གསལ་དུ་འཕོ་བ། འབྲིང་སྒྱུ་ལུས་ལ་འཕོ་བ། ཐ་མ་ལྷ་སྐུ་ལ་འཕོ་བའོ། །དང་པོ་གཉིས་བར་དོ་བཤད་ཟིན། ལྷ་སྐུ་ལ་འཕོ་བ་ལ་རྣམ་གྲངས་གསུམ་སྟེ། དང་པོ་སྦྱངས་ཏེ་འཕོ་བ་ནི། སྔོན་དུ་རླུང་འབྱོང་བར་བྱས་ཏེ། ཁྱད་པར་དུ་མདའ་ལྟར་འཕང་བ་བསྒོམ། ཀ་ཧིཀ་ངག་ཏུ་བརྗོད་པ་དང་མི་བརྗོད་པ་གཉིས་ལས། དང་པོ་སྦྱང་དུས་ངག་ཏུ་མི་བརྗོད། རླུང་ཚུར་འཛིན་རྩ་ན་མགྲིན་པའི་ༀ་ལས་ཧཱུྃ་སྙིང་ཁར་ཆད། དེ་ལས་ཨ་ཆད་ནས་ལྟེ་བར་ཤེས་པ་གཏད། ཕར་གཏོང་ཙ་ན་ཨ་ཧཱུྃ་ལ། ར་ༀ་ལ། ༀ་ཡུམ་བཞིའི་ས་བོན་ཨ་

― KMC016_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ནུ་ཏ་ར་དང་བཅས་པ་འཕར་ལྡེག་པ་ལྟར་བསྒོམ་ཞིང་རླུང་ཚངས་བུག་ཏུ་སྔོ་ཕྱུར་ཕྱུར་བསམ་མོ། །ལས་སྦྱོར་ནུས་པའི་ཚད་ནི། ལག་མཐིལ་པུས་མོ་ལན་གསུམ་བསྐོར། དེ་ནས་ལན་ཅིག་སེ་གོལ་གཏོགས། །སུམ་ཅུ་བདུན་ཅུ་བརྒྱ་རྩ་བརྒྱད། །ཐ་མ་འདི་རྣམས་ལུང་དུ་བྱེད་ན་ཐུན་གཅིག །དེ་མིན་ན་སྦྱང་བ་ལ་གཅིག །དངོས་གཞི་ལ་གཅིག །གཞན་ལ་གཅིག འབྲིང་དང་རབ་ཀྱི་ཚད། །གཞན་ཐམས་ཅད་ཞལ་གདམས་ཀྱི་དེ་ཀ་ཡིན་པས་དེ་ལྟར་བྱའོ། །ལུས་བཅོས་ཏེ་འཕོ་བ་ལ། ཡི་གེ་ལ་རིག་པ་མི་ཟིན་ན། སེམས་འོད་ལྟར་བསམས་ལ་སྤྱི་བོའི་མདུན་གྱི་ནམ་མཁའ་ལ་བླ་མའམ་ཡི་དམ་གང་གསལ་གྱི་ཐུགས་ཀར་བསྲེ་བ་གནད་ཡིན། གཞན་ལ་ཡང་བཏབ་པས་ཆོག་གོ །བཙན་ཐབས་ཀྱི་འཕོ་བ་ནི་བཤད་པ་ཙམ་ཡིན། ལག་ལེན་མི་བྱའོ། །རྟེན་ཅན་འཕོ་བ་ལ་ཡང་ད་ལྟར་རླུང་ལ་དབང་ཐོབ་པ་དང་། སྣང་སྲིད་སྒྱུ་མར་འབྱོངས་ན་འབྱུང་སྟེ། རོ་དེ་གསར་པ་ཤི་མ་ཐག་པ་དགོས་སོ། ཐུན་གཅིག །གཞན་ནི་གཞུང་ཉིད་ཀྱི་དེ་ཡིན་ཏེ། དང་པོ་སྦྱང་། བར་

― KMC016_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཉམས་སད། ཐ་མ་ལས་ལ་སྦྱར་རོ། །ཀྱེ་མ་ད་ལྟ་རྒྱལ་སྲས་རྣམས། །ཐུགས་རྗེའི་རྣམ་ཐར་རྒྱ་མཚོ་ཡིས། །སྣ་ཚོགས་ཐབས་ཀྱིས་གདུལ་བྱ་འདྲེན། །ཟབ་མོ་གནད་ཀྱི་ཆོས་དྲུག་འདི། །རྒྱུད་སྡེ་རྒྱ་མཚོའི་སྙིང་པོ་ཡིན། །སྔར་བྱོན་གྲུབ་ཐོབ་དུ་མ་ཡིས། །གནད་དུ་བསྣུན་ཅིང་ཐུགས་ཉམས་བཞེས། །གསེར་ཞུན་ལྟ་བུའི་གདམས་པ་ཡིན། །སླད་ཀྱི་སྐལ་ལྡན་སྒྲུབ་མཛད་ཀུན། །ཐོག་མར་བྱང་ཆུབ་སེམས་བསྐྱེད་དང་། །དབང་གིས་རང་རྒྱུད་སྨིན་བྱས་ནས། །འཇིག་རྟེན་འཁྲི་བ་རྩད་བཅད་དེ། །བརྩོན་འགྲུས་ལྡན་པས་ཉམས་སུ་ལོངས། །ཐབས་ཀྱི་རིམ་པ་དཔག་མེད་ཀྱང་། །འདི་ལས་ལྷག་པ་གཞན་ན་མེད། །རྩ་བའི་གདམས་ངག་དབང་བཞི་གཏུམ་མོ། སྒྱུ་ལུས། རྨི་ལམ། འོད་གསལ་ལོ། ཡིས། །གནས་སྐབས་བཞི་ཡི་འཁྲུལ་པ་སེལ། །སྐུ་བཞི་རང་ལ་རྟོགས་པར་ངེས། །ཕྱག་རྒྱ་ལྷན་ཅིག་སྐྱེས་སྦྱོར་གྱིས། །ཐབས་དང་ལམ་གྱི་ཞེན་པ་ཐོངས། །ད་ལྟར་འབྲས་བུ་མ་ཐོབ་ན། །ཡན་ལག་གཉིས་བར་དོ་དང་འཕོ་བ། ཀྱིས་ཉིང་མཚམས་སྦྱོར། །

― KMC016_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ངག་ཡིད་གསུམ་གཞན་དོན་དུ། །བསྔོ་བ་སྨོན་ལམ་དག་པ་ཐོབ། །ཚེ་འདིར་ཡོན་ཏན་ཐོབ་པར་ངེས། །འདི་བྱས་དགེ་བས་སེམས་ཅན་ཀུན། །འཁྲུལ་པའི་དྲི་མ་དག་གྱུར་ཅིག །གདམས་ངག་ཆོས་དྲུག་གི་ཉམས་སུ་བླང་བྱ་འདི་བརྒྱུད་པ་གཞན་གྱིས་མི་ཤེས་པར་འདུག་པས། རྗེས་འཇུག་འགའ་ཞིག་ལ་ཕན་སྙམ་ནས་སྒོམ་ཆེན་རང་བྱུང་རྡོ་རྗེས་སྦྱར་བའོ། ༈ །ༀ་སྭ་སྟི། དོན་བརྒྱུད་ཀརྨ་ཀཾ་ཚང་ཐུན་མིན་ཆོས། །ཉེ་བརྒྱུད་ཟབ་ལམ་ནཱ་རོའི་ཆོས་དྲུག་གི །སྙན་བརྒྱུད་ཟབ་མོའི་གནད་ཀྱི་འཁྲུལ་འཁོར་བཅས། །བཀའ་བརྒྱུད་རིན་ཆེན་ཕྲེང་བའི་ཞལ་གདམས་བཅུད། །ཐབས་གྲོལ་གདམས་པའི་གཤོག་རྩལ་འདི་འདྲ་བས། །འཁོར་བ་དོང་ནས་སྤྲུགས་ཏེ་མཁའ་ལ་སྤྱོད། །དེ་ཕྱིར་སྐལ་པར་ལྡན་པའི་ཚོགས་རྣམས་ཀྱང་། །ཇི་ཙམ་གྲོལ་ཡང་ངོམ་པའི་སྐབས་མ་མཆིས། །འདི་འདྲ་འཛད་མེད་འོད་བཟོས་དཔར་ལས་གྲུབ། །ཆོས་ཆར་དབབ་འདི་སངས་རྒྱས་བསྟན་འཛིན་དང་། །གུ་རུ་བཱ་སུ་དེ་ཝའི་མཛད་ཕྲིན་གྱིས། །སྐལ་ལྡན་

― KMC016_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་ལ་གདམས་པའི་བཅུད་དུ་སྤེལ། །ཅེས་པའང་ཟབ་ཆོས་འདི་ཉིད་ལ་མོས་པ་ལམ་དུ་བྱེད་པའི་སྨྱུག་འཛིན་པ་དེས་གུས་པས་བྲིས་པའི་དགེ་བས་སངས་རྒྱས་ཀྱི་བསྟན་པ་རིན་པོ་ཆེ་ཕྱོགས་དུས་ཀུན་ལ་ཁྱབ་པར་གྱུར་ཅིག །སརྦ་མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཆོས་དྲུག་གསོལ་འདེབས་བདེ་སྟོང་དབྱེར་མེད་ཀྱི་འགྲེལ་ཆུང་ཚིག་དོན་སྙིང་པོ་རབ་གསལ།

― KMC016_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དྲུག་གསོལ་འདེབས་བདེ་སྟོང་དབྱེར་མེད་ཀྱི་འགྲེལ་ཆུང་ཚིག་དོན་སྙིང་པོ་རབ་གསལ་བཞུགས་སོ། །

― KMC016_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཧཱ་གུ་རུ་སུ་ཙནྡྲ་རཏྣ་པཱ་དཱ་ཡ་ན་མཿ དོན་བརྒྱུད་སྙིང་པོའི་བསྟན་པ་སྤེལ་བའི་སླད། །མཉམ་མེད་དྭགས་པོ་སྤྲུལ་པའི་སྐུར་བཞེངས་པ། མཁན་ཆེན་རྡོ་རྗེ་འཆང་དབང་ཟླ་བ་བཟང་། །བྱང་ཆུབ་བར་དུ་རིགས་ཀྱི་བདག་པོར་བཞུགས། །མཉྫུ་ཤྲཱི་བྷ་དྲ་ཡིས། །མཛད་པའི་ཆོས་དྲུག་གསོལ་འདེབས་ཀྱི། །ཚིག་དོན་སྙིང་པོ་ཅུང་ཟད་དབྱེ། །དོན་ཚན་ལྔ་ཡིས་གཏན་ལ་དབབ། དེ་ཡང་དང་པོ་གསང་སྔགས་ཐམས་ཅད་ཀྱི་འཆར་གཞི་རྡོ་རྗེ་འཆང་ལ་བསྟོད་པ། མཆོག་གཟིགས་གཉིས་སོགས་མཚན་ནས་

― KMC016_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་པ་དྲུག་ལ་བསྟོད་པ། བརྒྱུད་པ་སྤྱི་ལ་བསྟོད་པ། ཟབ་མོའི་ལམ་ལ་གོམས་པ་མཐར་ཕྱིན་པར་གསོལ་བ་འདེབས་པ། མཇུག་དགེ་བ་ཆོས་ཀྱི་སྐུར་བསྔོ་བའོ། །དང་པོ་ནི། བདེ་སྟོང་དབྱེར་མེད་སྲིད་དང་ཞི་བའི་དཔལ། །ཐབས་ཤེས་དབྱེར་མེད་རྡོ་རྗེ་དྲིལ་བུ་འཆང་། །སྒྱུ་མའི་གར་གྱི་རྣམ་རོལ་བཅོམ་ལྡན་འདས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཅེས་སོ། གཉིས་པ་མཆོག་གཟིགས་གཉིས་སོགས་ལ་བསྟོད་པ་ནི། ཤེས་རབ་ཆེན་པོས་གཉུག་མའི་གནས་ལུགས་རྟོགས། ཕྲིན་

― KMC016_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བཟང་པོས་གདུལ་བྱ་ཐར་ལམ་འདྲེན། །འཁོར་ལོ་སྡོམ་པའི་རྣལ་འབྱོར་ཏཻ་ལོ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་པའི་དོན། ངེས་པའི་དོན་ལ། ང་ལ་མི་ཡི་བླ་མ་མེད། ། ང་ཡི་བླ་མ་ཐམས་ཅད་མཁྱེན། །ཞེས་གསུངས་པ་ལྟར་རིགས་དྲུག་པའི་ཁྱབ་བདག་རྡོ་རྗེ་འཆང་ལས་ཤེས་རབ་ཀྱི་ཕུ་ཐག་ཆོད་ན་ཡང་། ཐུན་མོང་གདུལ་བྱའི་སྣང་ངོར། ཙཪྻཱ་ཀླུ་སྒྲུབ་ལྭ་བ་པ། །མ་ཏི་བསྐལ་པ་བཟང་མོ་སོགས། །བཀའ་བབས་བཞི་ཡི་བླ་མ་བསྟེན། །ཞེས་སོགས་གསུངས་པ་ལྟར་རོ། །མཛད་པ་ཕྲིན་ལས་བཟང་པོ་ནི་པཎ་ཆེན་ནཱ་རོ་ཏ་པ་སྟེ་མི་མཆོག་ཞབས་སོགས་པཎ་ཆེན་ལྔ་བརྒྱ། ལུང་རིགས་ཀྱིས་བརྟུལ་ཞིང་ཡང་དག་པའི་ལམ་ལ་བཀོད་ནས་གསང་སྔགས་རྡོ་རྗེ་ཐེག་པའི་བསྟན་པ་ཉི་མ་ལྟར་གསལ་བར་མཛད། དཔལ་འཁོར་ལོ་སྡོམ་པའི་རྣལ་འབྱོར་ལ་བརྟེན་ནས་གྲུབ་པ་བརྙེས་པའི་ཚུལ་བསྟན་པས་མཚན་དངོས་པྲཛྙཱ་བྷ་དྲ་སྟེ་ཤེས་རབ་བཟང་པོ། ཏིལླི་པ་ཞེས་ཏིལ་བརྡུང་ཞབས་ཟུར་ཆག་པས་ཏཻ་ལོ་པའོ། །

― KMC016_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སུ་མེད་པའི་ཡེ་ཤེས་མཆོག་དང་ལྡན། །བཅུ་གཉིས་དཀའ་སྤྱད་དངོས་གྲུབ་རྣམ་གཉིས་བརྙེས། །གནས་སྔ་རིག་པའི་པཎ་ཆེན་ནཱ་རོ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དེ་ཡང་བདེ་སྟོང་གསལ་སྟོང་སྣང་སྟོང་རིག་སྟོང་སོགས་གཉིས་སུ་མེད་པའི་ཡེ་ཤེས་མཆོག་དང་ལྡན་ཞིང་། རྣལ་འབྱོར་གྱི་དབང་ཕྱུག་ཏཻ་ལོ་པས། ཞིང་དང་བསམ་པ་དངོས་པོ་གསུམ། །གཅིག་ཏུ་སྒྲིལ་ལ་གསོལ་བ་ཐོབ། །གང་འདོད་འབྲས་བུ་འབྱུང་བར་ངེས། །ལྟེམ་རྐྱང་མ་བྱེད་རྣལ་འབྱོར་པ། །ཞེས་གསུངས་པ་ལྟར་བཅུ་གཉིས་ཀྱི་དཀའ་བ་སྤྱད་དེ། དང་པོ་གསུམ་གྱིས་ལུས་སྒྲིབ་དག །བུམ་དབང་གི་དོན་རྒྱུད་ལ་སྐྱེས། དེ་ནས་གསུམ་གྱིས་ངག་སྒྲིབ་སྦྱངས། གསང་དབང་ཐོབ། དེ་ནས་གསུམ་གྱིས་ཡིད་སྒྲིབ་སྦྱངས། ཤེར་དབང་ཐོབ། དེ་ནས་གསུམ་གྱིས་ཆ་མཉམ་གྱི་དྲི་མ་སྦྱངས། བཞི་པ་ཐོབ། མཐར་མཚོན་བྱ་དོན་གྱི་ཡེ་ཤེས་མངོན་དུ་གྱུར་པས་དངོས་གྲུབ་རྣམ་པ་གཉིས་ཐོབ་བོ། །དཀའ་བ་བཅུ་གཉིས་ནི། བླ་མའི་བཀའ་

― KMC016_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་སྒྲུབ་སྟེ་སྲོག་ལ་ལྟོས་པ་མེད་པར་དང་དུ་བླང་བའི་ཚུལ་རྣམ་ཐར་རྒྱས་པ་ལས་འབྱུང་བ་བཞིན་ཏེ། རྗེ་བཅུ་གསུམ་པའི་བཀའ་འབུམ་ལས། སློབ་མའི་སྙིང་རུས་དཔེར་འཇོག་པ། །ནཱ་རོའི་དཀའ་ཆེན་བཅུ་གཉིས་ནི། །དང་པོ་མཁར་གྱི་རྩེ་ནས་མཆོངས ། །དམ་ཚིག་ཡིད་བཞིན་ནོར་བུ་གནང་། གཉིས་པ་མཁར་ཁུང་ཐུར་མ་བརྒྱབ། །སྒྱུ་ལུས་གནད་ཀྱི་གདམས་པ་གནང་། །གསུམ་པ་མེ་དཔུང་ནང་དུ་མཆོངས། །གཏུམ་མོ་སྐོར་གསུམ་གདམས་ངག་གནང་། །བཞི་པ་མི་གཙང་འདམ་རྫབ་ཟོས། །སྤྱད་པར་བྱ་བའི་དམ་ཚིག་བསྟན། །ལྔ་པ་འབྲས་ཆེན་སྟོན་མོ་བརྐུས། །རྨི་ལམ་འཛིན་པའི་གདམ་ངག་གནང་། །དྲུག་པ་རྒྱལ་པོའི་བག་མ་འཕྲོག །ཚེ་འདིར་མཆོག་འགྲོའི་གྲོང་འཇུག་གནང་། །བདུན་པ་བློན་པོའི་ཆུང་མ་བརྐུས། །མ་བསྒོམ་འཕོ་བའི་གདམས་ངག་གནང་། །བརྒྱད་པ་རང་གི་ཆུང་མ་བླང་། །རང་རིག་ཡེ་ཤེས་གསལ་བྱེད་གནང་། །དགུ་པ་རྡོ་རྗེ་ཐོ་བས་བརྡུངས། །འོག་སྒོ་བདེ་ཆེན་གདམས་པ་གནང་། །བཅུ་པ་ཆུང་མ་རྗེ་ལ་

― KMC016_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ། །བར་དོ་ངོ་སྤྲོད་གདམས་པ་གནང་། །བཅུ་གཅིག་པད་འདམ་ཟམ་པ་བྱས། །རང་ལུས་གཏུམ་མོའི་གདམས་པ་གནང་། །བཅུ་གཉིས་ཐང་ཆེན་མ ཎྜལ་ཕུལ། །ཉམས་དང་རྟོགས་པའི་འོད་གསལ་ཤར། །བླ་མས་གང་གསུངས་དེ་ལྟར་བསྒྲུབས། །ཚེ་གཅིག་མཆོག་གི་དངོས་གྲུབ་ཐོབ། །ཅེས་གསུངས་པ་ལྟར་རོ། །གནས་ལྔ་རིག་པའི་པཎ་ཆེན་ཡོངས་གྲགས་བྱང་སྒོ་སྲུང་བ་པོ་མཁས་པ་སྒོ་དྲུག་གི་ནང་ཚན་ནོ། །ཆོས་ཀྱི་སྙིང་པོ་རྡོ་རྗེ་ཐེག་པའི་བཅུད། །གང་གི་བློ་གྲོས་མཆོག་གིས་ཡོངས་སུ་འཛིན། །བསྟན་པའི་མངའ་བདག་ལྷོ་བྲག་མར་པའི་ཞབས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་མངའ་བདག་མར་པ་ལོ་ཙཱ་ཞེས་གསང་སྔགས་རྡོ་རྗེ་ཐེག་པའི་འབྱུང་གནས་སམ་མངའ་བདག་ཆེན་པོ་ཞེས་ཡོངས་སུ་གྲགས་པའོ། །བདེ་སྟོང་ཏིང་འཛིན་གར་གྱིས་རྣམ་བཞད་པའི། །ཟབ་ལམ་རྡོ་རྗེ་ཐེག་པའི་མངའ་བདག་མཆོག །སྒྲུབ་བརྒྱུད་བསྟན་པའི་སྲོག་ཤིང་མི་ལ་རྗེ། །གསོལ་བ་འདེབས་སོ་བདག་

― KMC016_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་བྱིན་གྱིས་རློབས། །རྗེ་དེ་ཉིད་ཀྱི་བདེ་སྟོང་ཏིང་འཛིན་ལ་མངའ་བརྙེས་པའི་ཚུལ་ནི། རྡོ་རྗེའི་མགུར་ལས། སྟོད་བྱང་ཆུབ་སེམས་ཀྱི་རྒྱུན་འབབ་བདེ། །སྨད་དྭངས་མའི་ཐིག་ལེ་རྒྱས་པས་བདེ། །བར་དཀར་དམར་ཐུག་ཕྲད་བརྩེ་བས་བདེ། །ཞེས་གསུངས་པས་མཚོན། ཟབ་ལམ་རྡོ་རྗེ་ཐེག་པ་སྙིང་པོའི་མངའ་བདག་སྙན་བརྒྱུད་དམ་སྒྲུབ་བརྒྱུད་བསྟན་པའི་སྲོག་ཤིང་དམ་པའོ། །བསོད་ནམས་ཡེ་ཤེས་གྲངས་མེད་དུ་མར་བསགས། །གངས་ཅན་སྒྲུབ་བརྒྱུད་གཙུག་གི་རིན་པོ་ཆེ། །ཟླ་འོད་གཞོན་ནུ་དྭགས་པོ་ལྷ་རྗེ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་པ་ཨོ་རྒྱན་སངས་རྒྱས་གཉིས་པ། རིགས་ལྡན་པདྨ་དཀར་པོ། ཆོས་རྒྱལ་སྲོང་བཙན་སྒམ་པོ་སོགས་ཀྱི་སྐྱེ་བ་བཞེས་ཏེ་བསོད་ནམས་དང་ཡེ་ཤེས་ཀྱི་ཚོགས་གཉིས་ཡོངས་སུ་རྫོགས་པར་མཛད་ནས་གངས་ཅན་སྒྲུབ་བརྒྱུད་ཡོངས་ཀྱི་གཙུག་རྒྱན་དྭགས་པོ་ཟླ་འོད་གཞོན་ནུའོ། །ཐུབ་དབང་བསྟན་པའི་མངའ་བདག་ཆོས་ཀྱི་མཛོད། །སྙན་གྲགས་ཐུགས་

― KMC016_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་འོད་ཀྱིས་འཛམ་གླིང་ཁྱབ། །ས་ར་ཧ་ཡི་རྣམ་འཕྲུལ་ཀརྨ་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དེ་ཡང་ཤཱཀྱ་ལི་ཙཱ་བི་དྲི་མེད་གྲགས་པ། བྲམ་ཟེ་མདའ་བསྣུན་ཞབས། ངན་ལམ་རྒྱལ་བ་མཆོག་དབྱངས་སོགས་སྤྱན་རས་གཟིགས་དངོས་དཔལ་དུས་གསུམ་མཁྱེན་པའམ་དུས་གསུམ་རྒྱལ་བ་ཀུན་གྱི་ཕྲིན་ལས་པ་དཔལ་ཀརྨ་པའོ། །གསུམ་པ་དེ་ཉིད་སོགས་བརྒྱུད་པ་སྤྱི་ལ་བསྟོད་པའམ་གསོལ་བ་འདེབས་པ་ནི། གསོལ་བ་བཏབ་ན་དངོས་གྲུབ་རྣམ་གཉིས་སྩོལ། །སྒྲུབ་བརྒྱུད་བསྟན་པའི་རྒྱལ་མཚན་ཡོངས་ཀྱི་ཏོག །ཡིད་བཞིན་ནོར་བུ་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཅེས་ཡིད་བཞིན་གྱི་ནོར་བུ་རིན་པོ་ཆེ་དང་། དེ་བཞིན་དུ། བྱམས་དང་སྙིང་རྗེའི་རྩ་བ་རབ་ཏུ་བརྟན། །བདེ་སྟོང་ཡལ་གའི་ཁྱོན་ནི་ཤིན་ཏུ་ཡངས། །དཔག་བསམ་ལྗོན་ཤིང་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་དཔག་བསམ་གྱི་

― KMC016_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་དང་། །མཁྱེན་པའི་མཁའ་ལ་ཐུགས་རྗེའི་ཉི་མ་ཤར། །སངས་རྒྱས་བསྟན་པའི་པད་ཚལ་མཐའ་དག་བཞད། །མ་རིག་མུན་སེལ་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་ཉི་མ་དང་། སྐྱེ་མེད་སྤྲུལ་སྐུ་འགག་མེད་ལོངས་སྤྱོད་རྫོགས། །གནས་མེད་ཆོས་སྐུ་དབྱེར་མེད་ངོ་བོ་ཉིད། །སྐུ་བཞིའི་དབང་ཕྱུག་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་སྐུ་བཞིའི་དབང་ཕྱུག་དང་། གང་ལ་བརྟེན་ན་ཉེས་པའི་ཚོགས་ཀྱིས་དབེན། །ཡོན་ཏན་ཡར་ངོའི་ཟླ་ལྟར་འཕེལ་བ་ཡི། །དགོས་འདོད་ཀུན་འབྱུང་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་པ་གང་ལ་བརྟེན་ན་མི་མཐུན་ཉེས་ལྟུང་གནས་ངན་ལེན་གྱི་ཉེས་པ་ཕྲ་མོས་ཀྱང་གོས་པ་མེད་པ་དང་། ལེགས་ཚོགས་ཡོན་ཏན་ཐམས་ཅད་ཡར་ངོའི་ཟླ་བ་ལྟར་གོང་ནས་གོང་འཕེལ་དང་། དགོས་འདོད་ཀུན་གྱི་འབྱུང་གནས་ཡིད་བཞིན་གྱི་ནོར་བུའི་གཏེར་ཁ་ལྟ་

― KMC016_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

བུའོ། །གནས་ལུགས་གཉུག་མའི་དོན་གྱི་ལྡེའུ་མིག་དང་། །ཞི་ལྷག་སྒྲོན་མེས་རྒྱལ་བའི་དགོངས་པ་མཆོག །ཐར་པའི་ལམ་སྟོན་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གནས་ལུགས་གཉུག་མ་ཆོས་སྐུའི་རང་ཞལ་མངོན་དུ་བྱེད་པའི་ཐབས་ཀྱི་ལྡེའུ་མིག་བླ་མའི་མན་ངག་ཅལ་ཕོག་གིས་གཏན་ལ་ཕབས་ཏེ། ཞི་ལྷག་གི་སྒྲོན་མེས་མུན་པ་བསལ་ནས་ཐར་པའི་ལམ་སྟོན་པའོ། །ཐབས་ཤེས་སྐྱ་བས་བརྩོན་པའི་ཤུགས་བསྐྱེད་ནས། །ཕྲིན་ལས་གྲུ་ཡིས་འགྲོ་ཀུན་སྒྲོལ་བ་ཡི། །འགྲོ་བའི་དེད་དཔོན་དྭགས་པོ་བཀའ་བརྒྱུད་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཞེས་འཁོར་བའི་རྒྱ་མཚོ་ལས་སྒྲོལ་བའི་དེད་དཔོན་དང་། བཞི་པ་ཟབ་མོའི་ལམ་ལ་གོམས་པ་མཐར་ཕྱིན་པར་གསོལ་བ་འདེབས་པ་ལ་ཚིགས་བཅད་དྲུག་སྟེ། གཏུམ་མོ། སྒྱུ་ལུས། རྨི་ལམ། འོད་གསལ། འཕོ་བ། བར་དོའི་སྨོན་ལམ་མོ། །དང་པོ་ནི། སྤྲུལ་པའི་གནས་སུ་འབར་བའི་ཙཎྜ་ལཱིས། །

― KMC016_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་ཆེན་ཟླ་བའི་དཀྱིལ་འཁོར་ཡོངས་སུ་བཞུས། །ཕུང་ཁམས་རབ་བསྲེགས་ཆོས་ཀྱི་འཁོར་ལོ་ནི། །ལྷན་སྐྱེས་བདེ་བ་མྱོང་བར་བྱིན་གྱིས་རླབས། །ཞེས་པ་ནི། ཇི་སྐད་དུ་ཡང་། ལྟེ་བའི་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེག་ཅིང་། །སྤྱན་མ་སོགས་པ་ཡང་བསྲེགས་ཏེ། །བསྲེགས་པས་རི་བོང་ཅན་ཡང་འཛག །ཞེས་པ་ལྟར་གཏུམ་མོ་འབར་འཛག་གིས་ལམ་མོ། །གཉིས་པ་ནི། བཅུ་གཉིས་དཔེ་ཡིས་ཁྱད་པར་བྱས་པ་ལས། །ཕྱིན་ནང་ཆོས་ཀུན་བདེན་པས་རྣམ་པར་དབེན། །རང་ལུས་རྡོར་སེམས་མེ་ལོང་གཟུགས་བརྙན་བཞིན། །གདོད་ནས་ལྷ་སྐུར་འཆར་བར་བྱིན་གྱིས་རློབས། །ཅེས་པ་སྒྱུ་མའི་དཔེ་བཅུ་གཉིས་ནི། མེ་ལོང་ནང་གི་གཟུགས་བརྙན། ནམ་མཁའི་འཇའ་ཚོན། ཆུ་ནང་གི་ཟླ་གཟུགས་གསུམ་གཙོ་བོ་དང་། མིག་ཡོར། མེད་བཞིན་སྣང་བ། གློག གསལ་ཡང་ཡུན་མི་ཐུབ་པ། སྨིག་སྒྱུ། གཡོ་ཞིང་མི་བདེན་པ། བྲག་ཆ། བདག་གི་ཡིན་ཀྱང་གཞན་དུ་སྣང་བ། དྲི་ཟའི་གྲོང་ཁྱེར། མ་འགག་སྣང་བས། རྨི་ལམ། སེམས་དང་བཅས་པས། སྒྱུ་

― KMC016_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

མ། རྒྱུ་རྐྱེན་ལས་སྐྱེས་པ། ཆུ་བུར། འཇིགས་ཤིང་འབྱུང་བས། མིག་འཕྲུལ་གཅིག་དུ་མར་སྣང་བས་ཆོ་འཕྲུལ་ལོ། བཅས་བཅུ་གཉིས་སོ། །ཡེ་ཤེས་རྡོ་རྗེ་ཀུན་ལས་བཏུས་པར། བཅུ་གཉིས་དཔེ་ཡི་ཁྱད་པར་ཕྱི་ནང་ཆོས་ཀུན་བདེན་མེད་དུ་གཏན་ལ་དབབ་པར། སྒྱུ་མ། ཆུ་ཟླ། མིག་ཡོར། སྨིག་སྒྱུ། རྨི་ལམ། བྲག་ཆ། དྲི་ཟའི་གྲོང་ཁྱེར། མིག་འཁྲུལ། འཇའ་ཚོན། གློག །ཆུའི་ཆུ་བུར། མེ་ལོང་ནང་གི་གཟུགས་བརྙན་ཏེ་སྒྱུ་མས་མགོ་དྲངས་པའི་དཔེ་བཅུ་གཉིས་རིམ་པར། རླུང་སེམས་ཙམ་ལས་གྲུབ་པའི་ཡེ་ཤེས་སྒྱུ་མའི་ལྷ་སྐུ་རྡོར་སེམས་སམ། རྡོ་རྗེ་འཆང་དེ་སྣང་ལ་མ་གྲུབ་པས་སྒྱུ་མ་ལྟ་བུ། གར་ཡང་ཁྱབ་པས་ཆུ་ཟླ། གདོས་བཅས་ཤ་རུས་སོགས་དང་བྲལ་བས་མིག་ཡོར་ཏེ་མིའི་གྲིབ་མའི་ལུས་ལྟ་བུ། སྐད་ཅིག་གིས་གཡོ་ཞིང་མ་གྲུབ་པས་སྨིག་སྒྱུ། སྣང་ཡང་བདེན་མེད་རྨི་ལམ། རྣམ་སྨིན་གྱི་ལུས་དང་རྒྱུད་གཅིག་ཏུ་རྟོག་དང་གཞན་དུ་སྣང་བས་བྲག་ཆ། རྟེན་དང་བརྟེན་པའི་དཀྱིལ་འཁོར་དུ་སྣང་ཡང་བདེན་པས་སྟོང་པའི་དྲི་ཟའི་གྲོང་

― KMC016_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེར། གཅིག་ཉིད་དུ་མར་སྣང་བས་མིག་འཕྲུལ། སྐུའི་ཁ་དོག་ལྔ་མ་འདྲེས་པར་སྣང་བས་འཇའ་ཚོན་ལྟར་གསལ་བ། རྒྱུ་རྐྱེན་རྣམ་སྨིན་གྱི་ཕུང་པོ་ལ་བརྟེན་ཏེ་གནས་པས་སྤྲིན་གྱི་གསེབ་ནས་གློག་འགྱུ་བ་ལྟ་བུ། སྟོང་པའི་ངང་ལས་ཐོལ་གྱིས་བཞེངས་པས་ཆུ་ལས་ཆུ་བུར་རྡོལ་བ་ལྟ་བུ། ཡན་ལག་ཉིང་ལག་ཐམས་ཅད་ཡོངས་སུ་རྫོགས་པས་མེ་ལོང་ལ་རྡོ་རྗེ་འཆང་གི་གཟུགས་བརྙན་འཆར་བ་ལྟ་བུའོ། །དེ་ཡང་དངོས་འཛིན་དང་བྲལ་བས་ཡོད་པ་མ་ཡིན། མེད་བཞིན་དུ་སྣང་བས་སྒྱུ་མའི་དཔེར་བསྟན། ལྷ་སྐུ་གསལ་སྟོང་སྣང་ལ་རང་བཞིན་མེད་པ་དེ་ཡེ་ཤེས་སྒྱུ་མའི་ལུས་ཞེས་བྱ། སྒོམ་པས་ཉམས་སུ་ལེན་སྐབས་རང་ལུས་གཟུགས་བརྙན་དུ་བསམ་སྟེ་དགའ་སྡུག་གི་རྟོག་པ་རོ་སྙོམ་མ་དག་པའི་སྒྱུ་ལུས། ལྷ་སྐུ་སྒྱུ་མ་ལྟར་དམིགས་པ་དག་པའི་སྒྱུ་ལུས་མིང་བཏགས་པའོ། །དེ་ཡང་གང་སྣང་ལྷ་སྐུ། ལྷ་སྐུ་སྒྱུ་མ། སྒྱུ་མ་བདེ་ཆེན་དུ་འཆར་བ་ཞིག་དགོས་སོ། །ད་ལྟ་མ་དག་པའི་སྒྱུ་ལུས་དག་པ་ཡེ་ཤེས་ཀྱི་སྒྱུ་ལུས་སུ་བསྒྱུར་ཞིང་དག་པའོ། །

― KMC016_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ནི། ཉིན་སྣང་སྒྱུ་མའི་འདུན་པ་རབ་བརྟན་ནས། །མགྲིན་པར་རླུང་སེམས་བརྟན་པ་ཐོབ་པའི་མཐུས། །རྨི་ལམ་ན་ཡང་ཆོས་ཀུན་རྨི་ལམ་ལྟར་། །མཐོང་ནས་ངེས་པ་རྙེད་པར་བྱིན་གྱིས་རློབས། །ཅེས་པ་ཆོས་ཐམས་ཅད་རྨི་ལམ་ལྟར་མཐོང་ཞིང་རྟོགས་ཏེ་འཁྲུལ་སྣང་གི་རྨི་ལམ་དག་ནས་སྣང་བ་ཐམས་ཅད་ལྷ་དང་ལྷ་མོའི་རང་བཞིན་དུ་མཐོང་ནས་ཡང་དག་པའི་ལམ་ལ་ངེས་པ་རྙེད་པའོ། །བཞི་པ་ནི། ཀུན་རྟོག་རླུང་སེམས་དྷཱུ་ཏིར་དག་པའི་མཐུས། །ཆོས་ཀུན་ནམ་མཁའི་དཀྱིལ་ལྟར་ཡོངས་སུ་དག །གཏི་མུག་མ་སྤང་ཆོས་དབྱིངས་ངོ་བོར་གྲོལ། །འོད་གསལ་ཕྱག་ཆེན་རྟོགས་པར་བྱིན་གྱིས་རློབས། །ཞེས་པ། ཨ་ཀལྤ་ཞེས་རྣམ་རྟོག་དང་། བི་ཀལྤ་ཞེས་ཀུན་རྟོག་ལ་འཇུག་པས་ན་ཀུན་རྟོག་གི་རླུང་སེམས་དབུ་མར་དག་ཅིང་འོད་གསལ་འཆར་བའི་སྨོན་ལམ་མོ། ཇི་སྐད་དུ་ཡང་། འཆི་བའི་དུས་དང་གཉིད་ལོག་དང་། །མཉམ་པར་བཞག་དང་དབུ་མར་གནས་། །མཉམ་རྗེས་རོ་གཅིག་གྱུར་ན་ཡིན། །ཅེས་

― KMC016_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་ལྟར་རོ། ལྔ་པ་ནི། གང་དུ་འཕོ་བའི་ཡུལ་སོགས་མ་དམིགས་ཤིང་། །སྲོག་རྩོལ་རླུང་གི་རྒྱུ་བ་བརྟན་ཐོབ་ནས། །ནམ་ཞིག་འཁྲུལ་པའི་སྣང་བ་འཆར་བའི་ཚེ། །ཚངས་ནས་མདའ་ལྟར་འཕོ་བར་བྱིན་གྱིས་རློབས། །ཞེས་པ་རྣལ་འབྱོར་པ་རབ་རང་སྣང་བདེན་མེད་དུ་སྟོན་ནས་སྣང་སྲིད་དག་པ་རབ་འབྱམས་སུ་ཤར་བ་ལ་འཕོ་བྱ་འཕོ་བྱེད་ལས་འདས་ཀྱང་། འབྲིང་རང་ཐ་མ་འཕོ་མེད་གཉུག་མའི་དོན་ཁོང་དུ་ཆུད་པ་ལ་རླུང་གིས་འཕོ་བར་སྨོན་པའོ། དྲུག་པ་ནི། འཆི་བའི་རང་བཞིན་དོན་དམ་བདེན་པར་རྟོགས། །ཆོས་སྐུའི་ངང་ནས་འོད་གསལ་མ་བུ་འཕྲད། །དེ་ཡི་ངང་ནས་བར་དོ་སྒྱུ་མའི་གཟུགས། །མཚན་དཔེའི་རྒྱན་ལྡན་ཐོབ་པར་བྱིན་གྱིས་རློབས། །ཞེས་པ་བར་དོའི་འོད་གསལ་ལ་གཞིའམ་མ། ལམ་སྒོམ་པའི་འོད་གསལ་ལ་བུ་ཞེས་མིང་བཏགས་ཏེ། འཆི་བ་ཆོས་སྐུ། བར་དོ་ལོངས་སྐུ། སྐྱེ་བ་སྤྲུལ་སྐུར་གྲོལ་བའི་ལམ་ལས་བར་དོ་ལོངས་སྐུར་སྨིན་པའི་སྨོན་ལམ་མོ། །ལྔ་པ་མཇུག་དགེ་བ་ཆོས་ཀྱི་སྐུར་བསྔོ་བ་ཚིགས་བཅད་

― KMC016_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་ནི། མདོར་ན་བདག་སོགས་སྐྱེ་བ་ཐམས་ཅད་དུ། །དལ་འབྱོར་མཆོག་ཐོབ་ཐེག་ཆེན་ལམ་ལ་ཞུགས། །རྡོ་རྗེ་ཐེག་པ་སྟོན་པའི་བླ་མ་དང་། །ནམ་ཡང་འབྲལ་བ་མེད་པར་བྱིན་གྱིས་རློབས། །ཞེས་ལམ་གྱི་རྩ་བ་དགེ་བའི་བཤེས་གཉེན་དང་མི་འབྲལ་བའི་དོན་དང་། ཐོག་མར་སྨིན་བྱེད་དབང་གིས་རྒྱུད་སྦྱངས་ནས། །གྲོལ་བྱེད་རིམ་གཉིས་ཟབ་མོའི་ལམ་མཆོག་གིས། །སྐུ་བཞིའི་དབང་ཕྱུག་ཁྱབ་བདག་རྡོ་རྗེ་འཆང་། །གོ་འཕང་བདེ་བླག་འགྲུབ་པར་བྱིན་གྱིས་རློབས། །ཞེས་པ་རྩ་བའི་བླ་མས་སྨིན་གྲོལ་གྱི་ལམ་བསྟན་པ་ཉམས་སུ་མྱོང་བ་དང་། གནས་སྐབས་སུ་ཡང་འགལ་རྐྱེན་མཐའ་དག་ཞི། །མཐུན་རྐྱེན་ཚེ་དང་དཔལ་འབྱོར་རྒྱས་པ་དང་། །ཆོས་བཞིན་སྤྱོད་པའི་གྲོགས་དང་ལྷན་ཅིག་ཏུ། །བསམ་པའི་དོན་ཀུན་འགྲུབ་པར་བྱིན་གྱིས་རློབས། །ཞེས་ལམ་བསྒོམ་པ་ལ་བར་ཆད་མེད་པ་དང་། འཁྲུལ་པའི་དེ་ཉིད་ཤེས་པའི་རྣམ་དཔྱོད་ཀྱིས། །ཐ་མལ་ཤེས་པ་རང་ངོ་མཐོང་བའི་ཚེ། །གསལ་སྟོང་འཛིན་མེད་སེམས་སུ་

― KMC016_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཐག་ཆོད་ནས། །ཅིང་སྣང་ཆོས་སྐུར་འཆར་བར་བྱིན་གྱིས་རློབས། །ཞེས་གནས་ལུགས་ཆོས་སྐུའི་རང་ཞལ་མཇལ་བའི་སྨོན་ལམ་མཐར་ཐུག་པའོ། །རང་གི་ཡིད་ལ་ངེས་པའི་ཕྱིར། །ཤཱ་ས་དྷྭ་ཛའི་ཡིག་རྙིང་ལས། །མཁན་པོ་རཏྣས་བསྡུས་ཏེ་བྲིས། །ཚིག་དོན་ཁོང་དུ་ཆུད་པ་དང་། །ལུང་རྟོགས་བསྟན་པ་འཕེལ་གྱུར་ཅིག །དགེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཐབས་ལམ་སྨོན་ལམ་ཚིག་བཞི་པའི་འགྲེལ་པ་སྦས་དོན་རབ་སྣང་།

― KMC016_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་ལམ་སྨོན་ལམ་ཚིག་བཞི་པའི་འགྲེལ་པ་སྦས་དོན་རབ་སྣང་ཞེས་བྱ་བ། །

― KMC016_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

ༀ་སྭསྟི། དགྲོལ་བྱ་རྩ་བའི་ཚིག་ནི། སྐྱེ་བ་ཀུན་ཏུ་རིགས་བདག་མི་འཆོལ་ཞིང་། །བཅོམ་ལྡན་དྲག་པོའི་དཀྱིལ་འཁོར་འཛིན་བཞིན་དུ། །ཤེས་རབ་པདྨའི་བདུད་རྩི་འཐུང་བྱེད་ཅིང་། །བྱང་ཆུབ་སྙིང་པོར་སྲིད་པ་དག་བགྱིད་ཤོག །ཅེས་པ་འདི་ནི་ཐབས་ལམ་གྱི་སྨོན་ལམ་བླ་ན་མེད་པ་སྟེ། སྐྱེ་བ་དང་ཚེ་རབས་ཐམས་ཅད་དུ་རིགས་ཀྱི་བདག་པོ་དཔལ་ལྡན་བླ་མ་དམ་པ་ཀརྨ་པ་ཉིད་ལས་གཞན་དུ་མི་འགྱུར་ཞིང་མི་འབྲལ་བ་དང་། བཅོམ་ལྡན་འདས་དཔལ་ཧེ་རུ་ཀ་དྲག་པོ་སྟེ་འཁོར་ལོ་སྡོམ་པ་ཡབ་ཡུམ་གྱི་

― KMC016_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་དུ་དབང་གསུམ་པ་ལ་བརྟེན་ནས་ཕྱག་རྒྱ་ཆེན་པོ་མངོན་དུ་འགྱུར་བར་ཤོག་ཅེས་པ་སྟེ། དེ་ཡང་ཞིབ་པར་འགྲེལ་ན། ཤེས་རབ་མ་དང་ལྷན་གཅིག་མཉམ་པར་སྦྱར་བས་འདོད་པའི་ལྕགས་ཀྱུས་རྩ་ཐམས་ཅད་ལས་བྱང་ཆུབ་ཀྱི་སེམས་ཀྱི་ཁུ་བ་བཅོམ་ལྡན་འདས་ཧེ་རུ་ཀའི་བདག་ཉིད་ནོར་བུའི་རྩེ་མོར་བཀུག་ལ་བརྟན་པར་བྱས་པས་རྟོག་པ་ཐམས་ཅད་ནུབ་པའི་བདེ་བ་ལྷ་མོའི་རང་བཞིན་ཉི་ཟླ་ཁ་སྦྱོར་བའམ། གཡས་གཡོན་རོ་རྐྱང་ཉི་ཟླའི་རྒྱུ་བ་གཟུང་འཛིན་གྱི་རླུང་ཚོགས། དྷཱུ་ཏི་ཡེ་

― KMC016_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀྱི་སྒྲ་གཅན་གྱིས་ངེས་པར་ཟོས་པས་ཕྱག་ཆེན་གྱི་རྟོགས་པ་མངོན་དུ་འགྱུར་བ་སྟེ། དེ་ཡང་ཡས་བབས་ཀྱི་དགའ་བཞིའི་མཐར་དཔེའི་ལྷན་སྐྱེས་མངོན་དུ་བྱས། དཀར་དམར་ལྷན་ཅིག་ཏུ་འདྲེས་པའི་དྭངས་མ་མས་བསྟན་གྱི་དགའ་བ་བཞིའི་རིམ་པས། དཔལ་ལྡན་དེ་བཞིན་ཉིད་གཤེགས་ཤིང་། །དེ་བཞིན་སླར་ཡང་གཤེགས་པ་ཉིད། །ཅེས་པ་ལྟར་དོན་གྱི་ལྷན་སྐྱེས་མངོན་དུ་གྱུར་ཏེ། དྭངས་མ་གསང་གནས་ནས་སྤྱི་བོའི་བར་དུ་སོན་པ་དེའི་ཚེ་ཕྱག་རྒྱ་ཆེན་པོ་མཆོག་གི་གོ་འཕང་ཐོབ་པར་བཤད་པས། བྱང་ཆུབ་ཀྱི་སྙིང་པོ་མི་ཤིགས་ཐིག་ལེའི་གཟུགས་ཧེ་རུ་ཀའི་སྐུར་གྱུར་པས་སྲིད་པ་ཤིན་ཏུ་དག་པར་གྱུར་ཅིག་པའོ། །དེའི་ཚེ་ལུས་ཀྱི་རྩ་ཐམས་ཅད་ཡེ་ཤེས་ཀྱི་རྩ། ངག་གི་རླུང་ཐམས་ཅད་ཡེ་ཤེས་ཀྱི་རླུང་། ཡིད་དང་ཐིག་ལེ་ཐམས་ཅད་ཡེ་ཤེས་ཀྱི་ཐིག་ལེར་གྱུར་ཏེ་སྒྲིབ་བྲལ་རྡོ་རྗེ་གསུམ་གྱི་དབྱིངས་དྷཱུ་ཏི་སྟེ་དབུ་མར་ཐིམ་པས་ཡེ་ཤེས་ལྔ་མངོན་དུ་གྱུར་ཏེ་བྱང་ཆུབ་པའོ། །འདི་ཡང་ཆོས་དྲུག་གི་སྦྱོར་བ་འགའ་ཞིག་གི་བཞེད་ངོར། ཀརྨ་

― KMC016_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་འཛིན་པས་རང་གི་གོ་ཚོད་ཡི་གེར་སྤེལ་བ་བི་ཛ་ཡནྟུ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

འཁྲུལ་འཁོར་གྱི་དམིགས་རིམ་ཟབ་མོ།

― KMC016_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་འཁོར་གྱི་དམིགས་རིམ་ཟབ་མོ་བཞུགས་སོ། །

― KMC016_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་རླུང་སེལ་བའི་འཁྲུལ་འཁོར་གྱི་དམིགས་པ་ནི། ལུས་གནད་རྣམ་སྣང་ཆོས་བདུན་བཅའ། ལག་མཐིལ་གཉིས་ཡི་གེ་ཡྂ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ཅན། རྐང་མཐིལ་གཉིས་སུ་ཆོས་འབྱུང་དམར་པོ་ཡི་གེ་རྂ་ལས་མེའི་དཀྱིལ་འཁོར་དམར་པོ་གྲུ་གསུམ་ཞིག་བསྒོམ་ལ། ལག་མཐིལ་གཉིས་ཀྱིས་རྐང་མཐིལ་ལ་ལན་གསུམ་ཤེད་དང་པོས་དུ་བ་འཐུལ། གཉིས་པས་མེ་སྟག་ཐར་སེང་། གསུམ་པས་མེ་ལྷབ་ཀྱིས་འབར་བས་མེའི་གོང་བུར་བཙུད་པར་བསྒོམས་ནས། རླུང་སྐྱོན་

― KMC016_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ་བའི་འཁྲུལ་འཁོར་ལ་འཇུག་པར་བྱའོ། ༈ །རླུང་རོ་དགུ་འབུད་ཀྱི་དམིགས་པ་ནི། སྣ་བུག་གཡས་ནས་རླུང་རོ་ལན་གསུམ་བསལ་ཚེ་སྐྱེ་བ་ཐོག་མའི་ནད་གདོན་སྡིག་སྒྲིབ་ཁྱད་པར་རྩ་རླུང་ཐིག་གསུམ་གྱི་གེགས་དང་བར་ཆད་ཐམས་ཅད་རྒྱང་བསྲིང་ནས་སྒོ་དགུ་གཙོས་པའི་ལུས་ཀྱི་བ་སྤུའི་བུ་ག་ཐམས་ཅད་ནས་སྔོ་ཐར་སེང་སོང་བ་དང་། ཚུར་རྔུབ་པའི་སྐབས་ཡེ་ཤེས་ལྔ་ཡི་རླུང་གི་རྣམ་པ་འོད་ཟེར་ཁ་དོག་སྣ་ལྔའི་ཟེར་ནས་དཔའ་བོ་དང་མཁའ་འགྲོ་མ་ཐམས་ཅད་བདག་གི་རྩ་རླུང་ཐིག་གསུམ་གྱི་

― KMC016_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་སུ་སྤྱན་དྲངས་པའི་རང་གི་བ་སྤུའི་བུ་ག་དང་རྩ་མིག་ཐམས་ཅད་ལ་ཤ་རུལ་ལ་སྦྲང་མ་འཚུབས་པ་བཞིན་དང་། ཉི་ཟེར་ལ་རྡུལ་འཚུབས་པའམ་མཚོ་ལ་ཆར་བབ་པ་ལྟར་སིབ་སིབ་ཐིམ་པར་བསྒོམ། གཡོན་ནས་ལན་གསུམ་བསལ་ཚེ་སྐྱེ་བ་བར་མ་འདིའི་བསླབ་པ་གསུམ་ལ་ལྟུང་བས་གོས་པའི་སྡིག་སྒྲིབ་དང་། ཁྱད་པར་རྩ་རླུང་ཐིག་གསུམ་གྱི་རྐྱེན་གེགས་ཐམས་ཅད་རྒྱང་གིས་སོང་ནས་སྔོ་ཟི་མས་ལྕགས་ཕྱེ་བླང་བ་ལ་ཕུས་བཏབ་པ་ལྟར་དང་། ཚུར་རྔུབ་པའི་དུས་གཡས་ལྟར་དགོས། སྣ་བུག་གཉིས་ཀ་ནས་རླུང་རོ་ལན་གསུམ་བསལ་ཚེ་སྐྱེ་བ་རྗེས་མའི་གཙོས་ཐོག་མཐའ་བར་གསུམ་གྱི་བླ་མ་སློབ་དཔོན་མཆེད་གྲོགས་སོགས་ཀྱི་དམ་ཚིག་ཆགས་ཉམས་ཐམས་ཅད་དང་། ཁྱད་པར་རྩ་རླུང་གི་གེགས་དང་བར་ཆད་ཐམས་ཅད་ལུས་ཁྲོལ་ཚགས་ལྟར་རྒྱང་བསྲིང་ཐལ་བ་གོང་ལྟར་བསྒོམ་པ་ནི་རླུང་རོ་དགུ་འབུད་ཀྱི་དམིགས་པའོ། ༈ །ནཱ་རོ་དྲུག་སྐོར་གྱི་དམིགས་པ་ནི། རྩ་དབུ་རྐྱང་རོ་གསུམ་སྔར་ལྟར་ལས་གསལ་བཏབ་པའི་འདུས་

― KMC016_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་མེའི་ཆོས་འབྱུང་དམར་པོའི་དབུས་སུ་ཡེ་ཤེས་ཀྱི་གཏུམ་མོ་མཚན་ཉིད་བཞི་ལྡན་ཤིན་ཏུ་ཕྲ་བ་གཅན་གཟན་གྱི་སོགས། ཝ་ཡི་སྤུ་རྩེ་ལྟ་བུ་དབྱིབས་ཅུང་ཞིག་གཡོ་བ་རེག་བྱ་ཤིན་ཏུ་ཚ་བ་ཞིག་དང་། རླུང་སེམས་བསྲེ་བའི་ཚུལ་གྱིས་བསྒོམ། དེ་ནས་རླུང་རོ་སྣ་རྩེའི་ཐད་མཚན་ཉིད་བཞི་སོར་བཅུ་དྲུག་གི་འབྱུང་བ་ལྔ་པའི་རླུང་། ཆུའི་རླུང་དཀར་པོ། མེའི་རླུང་དམར་པོ། རླུང་གི་རླུང་ལྗང་གུ། ནམ་མཁའི་རླུང་མཐིང་ག །ས་ཡི་རླུང་སེར་པོ་རྣམས་འཇའ་ཚོན་སྣ་ལྔ་ལྟ་བུ་བསྒོམ་པ་དང་མཉམ་དུ་རླུང་རྔུབས་པས་རྩ་གསུམ་འདུས་མདོར་མེ་ཤིན་ཏུ་ཕྲ་བ་ལ་ཕོག །སྣ་བུག་གཉིས་ཀྱི་རླུང་མགར་བའི་སྦུད་པ་རྒྱབ་པ་ལྟར་ཕོག་མ་ཐག་རེག་བྱ་ཤིན་ཏུ་ཚ་བས་དབྱིབས་ཅུང་ཞིག་གཡོ་བ། ཕྱི་སྟོང་ར་རྩ་དང་། ནང་གི་རླུང་མེ་རྣམས་གསལ་དྭངས་རྙོག་པ་མེད་པ་ཆུ་ནང་གི་ཟླ་བ་དང་། ནམ་མཁའི་འཇའ་ཚོན་ལྟ་བུར་མེ་རླུང་རྩ་སྟོང་ར་རྣམས་གཅིག་གིས་གཅིག་མ་བསྒྲིབ་པར་ཕྱི་ནང་ཟང་ཐལ་ས་ལེ་བ་ཞིག་བསྒོམས་ནས་ནཱ་རོ་དྲུག་སྐོར་གྱི་

― KMC016_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་འཁོར་ལ་འཇུག་གོ ༈ །སོ་བདུན་མའི་འཁྲུལ་འཁོར་གྱི་དམིགས་པ་ནི། རྩ་གསུམ་འདུས་མདོར་ཆོས་འབྱུང་མེ་སྔོན་སྤུ་ཡི་རྩེ་མོ་ཙམ་དེ་ལས་འབྱུང་ལྔའི་རླུང་འཇའ་ཚོན་སྣ་ལྔ་དེ་སྣ་བུག་རོ་རྐྱང་གཉིས་ནས་རྔུབས་པས་མགར་བའི་སྦུད་པ་གཞིལ་བ་ལྟར་གཏུམ་མོའི་མེ་ལ་ཕོག་པས་རྣོ་ལྡན་སྲན་མ་ཙམ་ཆེར་སྐྱེས་པས་རེག་བྱ་སྔར་བས་ཚ་བ་གསལ་ཞིང་རྙོག་པ་དང་བྲལ་བ་རྩ་གསུམ་འཁོར་ལོ་ལྔ་བཅས་མེ་འོད་ཀྱིས་ཁྱབ་པར་བསྒོམས་ནས་སོ་བདུན་འཁྲུལ་འཁོར་ལ་འཇུག་གོ ༈ །ནཱ་རོའི་ཡན་ལག་འཁྲུལ་འཁོར་དམིགས་པ་ནི། སྔར་ལྟར་འབྱུང་ལྔའི་རླུང་ཕྲ་ནར་གྱིས་རོ་རྐྱང་གཉིས་ནས་རྔུབ་པས་གཏུམ་མོའི་མེ་ལ་ཕོག་སྔར་བས་རེག་བྱ་གསལ། ཇེ་ཆེར་མོ་ཁབ་ཙམ་ཆེར་སྐྱེས་པས་མེ་འོད་ཀྱིས་དབུ་མའི་ནང་ཀུན་ཚ་ཆིལ་ལེ་སོང་ནས་རྩ་འཁོར་ཡན་ལག་འཁོར་ཕྲན་བཅས་འཕུར་སྲུབ་རིམ་པ་ལྟར་མུན་ཁང་སྒོ་ཕྱེ་བ་བཞིན་ཁྲ་ཆེམ་མེར་མེ་འོད་ཀྱིས་ཁྱབ་པར་བསྒོམས་ནས་ནཱ་ཱརོའི་ཡན་ལག་ལ་འཇུག་གོ ༈ །མཻ་ཏྲི་པའི་འཁྲུལ་འཁོར་གྱི་

― KMC016_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པ་ནི། ཡང་འབྱུང་ལྔའི་རླུང་རོ་རྐྱང་གཉིས་ནས་རྔུབས་པས་ལྟེ་བའི་ཆོས་འབྱུང་ཨ་ཤད་མེ་ལ་མགར་གྱི་སྦུད་པ་བཞིན་གཡས་གཡོན་ནས་དམར་ཚར་ཚར་སྔར་བས་མེ་མདོག་ཚ་ངར་ཤིན་ཏུ་ཆེ་བས་མེའི་ཨ་ཤད་སུམ་འཁྱོག་སོར་མོ་གཉིས་ཆེར་སྐྱེས་པས་ལུས་སེམས་བདེ་དྲོད་འབར་བས་དར་དམར་གྱི་གུར་ནང་མར་མེ་འཇོག་པ་ལྟར་དམར་ལ་སྨུག་པའི་མདངས་ཆགས་པ། ངོ་བོ་སྟོང་ཞིང་སྣང་ལ་རང་བཞིན་མེད་པ་འཇའ་ཚོན་ལྟ་བུ་རྙོག་པ་དང་བྲལ་བ། ནང་གི་མེ་བར་གྱི་རྩ་ཕྱིའི་སྟོང་ར་གསུམ་གཅིག་གིས་གཅིག་མ་སྒྲིབ་པ་འོད་ཀྱི་ཕུང་པོར་བསྒོམས་ནས། མཻ་ཏྲི་པའི་འཁྲུལ་འཁོར་ལ་འཇུག་གོ ༈ །ཉི་མ་དྲུག་སྐོར་གྱི་དམིགས་པ་ནི། རང་ཉིད་སྟོང་རའི་སྟེང་འོག་གཉིས་ལ་ཉི་མའི་དཀྱིལ་འཁོར་གཉིས། ལོགས་བཞི་ལ་ཉི་མའི་དཀྱིལ་འཁོར་བཞི་དང་ཉི་མ་དྲུག་གི་དབུས་སུ་རང་ལུས་ཡི་དམ་གྱི་གཏུམ་མོ་སྟོང་ར་གསལ་ཞིང་རྙོག་པ་དང་བྲལ་བ། དམར་ལ་སྨུག་འོད་འབར་བ་ཞིག་བསྒོམས་ནས་འཁྲུལ་འཁོར་ལ་

― KMC016_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་གོ ༈ །གཏུམ་མོ་ཞག་བདུན་མའི་འཁྲུལ་འཁོར་གྱི་དམིགས་པ་ནི། གོང་ལྟར་གསལ་བའི་ལྟེ་འོག་ཏུ་མེ་འོད་སྐེམ་སྐེམ་གློག་འཁྱུག་པ་ལྟ་བུ་བྱེད་པར་མོས་ལ་འཁྲུལ་འཁོར་ལ་འཇུག་པར་བྱའོ། ༈ །གཏུམ་མོ་གངས་སེང་མའི་དམིགས་པ་ནི། རང་ཉིད་བཅོམ་ལྡན་འདས་མའི་སྐུ་སྟོང་ར་རྩ་གསུམ་བཅས་གསལ་བཏབ། ལྟེ་བར་ས་ལྗང་གུ་ལ་ས་དྲུག་ཅུ་རྩ་བཞིས་བསྐོར་བར་བསྒོམ། སྙིང་གར་ནི་དམར་པོ་ལ་ནི་བརྒྱད་གྱིས་བསྐོར་བ། མགྲིན་པར་རི་སེར་པོ་ལ་རི་བཅུ་དྲུག་གིས་བསྐོར་བ། སྤྱི་བོར་ཧ་སྔོན་པོ་ལ་ཧ་སྔོན་སོ་གཉིས་བསྒོམས་པ་རྣམས་ལྟེ་བར་རྃ་ཡིག་དང་། གསར་བར་ཡྃ་ཡིག་བཀོད་ལ་རླུང་དང་སྦྱར་ནས་མེ་རབ་ཏུ་འབར་བར་བསྒོམས་ནས་དེས་གསང་བ་ལྟེ་བ་སྙིང་ག་མགྲིན་པ་སྤྱི་བོ་རྣམས་ཀྱི་ས་བོན་བསྲེག ། རང་རང་མདོག་ཅན་གྱི་སོ་སོར་འབར་ཞིང་གཞན་ཡང་ཡན་ལག་དང་ཉིང་ལག་ཐམས་ཅད་ཡི་གེ་ཧ་རི་ནི་ས་བཀོད་པའི་མེ་འབར་ཞིང་འཁྱིལ་བས་ལུས་ཀྱི་ནང་ཐམས་ཅད་ཡེ་ཤེས་ཀྱི་རང་བཞིན་དུ་བལྟ་བར་བསྒོམ་

― KMC016_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། ༈ །མེ་ཐབ་དྲུག་ཆིང་དམིགས་པ་ནི། རླུང་གནད་ལྟེ་འོག་ཏུ་མར་འཕུལ། དམིགས་གནད་ལྟེ་འོག་གི་གློག་སྐེམ་པ་རེག་བྱ་འཚུབ་འཚུབ་བྱུང་བས་རང་ལུས་ཐ་མལ་གྱི་ལུས་སེམས་གཏན་ནས་མི་བཟོད་པ་ཙམ་བསྒོམ་དགོས། ༈ །རང་ལུས་རྣམ་པ་ལྟེ་འོག་ན་གཏུམ་མོ་འོད་གསལ་གྱི་ངོ་བོ་སྔོ་དྭངས་ཡུངས་འབྲུ་ཙམ་ཞིག་གི་དབུས་སུ་འོད་ཟེར་ཕྲ་མོ་དམར་ཙམ་པ། དེ་རེག་མི་དགོས་པར་འཁོར་འདས་ཐམས་ཅད་བཟོད་མེད་ཟ་ནུས་པར་བསྒོམས་ནས་བུམ་ཅན་རང་ཤུགས་ཀྱིས་བཏང་ངོ་། ༈ །སྐུ་གསུམ་བསྣོལ་མའི་དམིགས་པ་ནི། འདུས་མདོར་གཏུམ་མོའི་མེ་མཆེད་དེ་ལྟེ་འོག་རྩ་འཁོར་གང་བས་མེ་ལྕེ་སྙིང་གའི་སྤྲུལ་སྐུའི་ངོ་བོ་ཧཱུྃ་མཐིང་ག་ལ་ཕོག་པས་བདེ་དྲོད་བཟོད་མེད་སྐྱེས། ཡང་མེ་ཤེད་ཇེ་ཆེར་སོང་བས་མེ་ལྕེ་མགྲིན་པའི་འཁོར་ལོའི་དབུས་སུ་ལོངས་སྐུའི་ངོ་བོ་ཨ་དམར་པོ་ལ་ཕོག་པས་མགྲིན་པའི་བདེ་དྲོད་སྐྱེས་ནས་ངག་གི་ནུས་མཐུ་སྐྱེས། ཡང་མེ་ལྕེ་ཆེར་སྐྱེས་པས་སྤྱི་བོའི་རྩ་འཁོར་དབུས་སུ་ཆོས་སྐུའི་

― KMC016_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་བོ་ༀ་དཀར་པོ་ལ་ཕོག་པས་ལུས་སྟོད་སྨད་ལ་བདེ་དྲོད་བཟོད་མེད་དུ་སྐྱེས་ནས་བ་སྤུའི་མཐར་ཐུག་མེས་ཁྱབ་སྟེ་སྟོང་གསུམ་ཁྱབ་པར་བསྒོམ་མོ། ༈ །བཙན་ཐབས་དྲོད་འབེབས་དམིགས་པ་ནི། རང་ལུས་ཡི་དམ་གྱི་ལྟེ་བར་ཉི་མའི་གདན་ལ་དཔལ་ལྡན་བླ་མ་མེའི་སྐུ་མགར་གྱི་སོལ་མེར་གནས་པའི་ལངས་ཚོ་ལྟ་བུ་འོད་དང་འོད་ཟེར་འཕྲོ་ཞིང་དེའི་འོད་ཀྱིས་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་སྤྱན་དྲངས་ཏེ། བླ་མའི་སྐུ་ལ་ཐིམ་པས་མེ་རབ་ཏུ་འབར་ཞིང་ལུས་ཕྱི་ནང་བརྟན་གཡོ་ཐམས་ཅད་བླ་མའི་ཐུགས་རྗེ་ཡེ་ཤེས་ཀྱི་འོད་ཀྱི་ཕུང་པོ་མངོན་པར་གང་བ་ལ་སེམས་གཏད་དེ། འཁྲུལ་འཁོར་ལ་འཇུག་གོ ༈ །མཁའ་ལྡིང་སྦྲུལ་འཛིན་དམིགས་པ་ནི། དབུ་མའི་ཡར་སྣེ་སྤྱི་བོར་རྡོ་རྗེ་ཕྱེད་པའི་ལྟེ་བའི་དབུས་སུ་ཟླ་བ་ཉ་གང་བ་ལྟར་གསལ་བའི་དབུས་སུ་བདེ་ཆེན་ཐིག་ལེའི་རྣམ་པ་ཧྃ་ཡིག་དཀར་པོ་མགོ་ཐུར་དུ་བལྟ་བ་ལ་ཐིག་ལེ་ཡུངས་འབྲུ་ཙམ་བརྒྱད་མདུན་རྒྱབ་གཡས་གཡོན་ནས་གཉིས་བཞི་བརྒྱད་ཀྱིས་བསྐོར་

― KMC016_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

བ་གསལ་གདབ། ལྟེ་བའི་རྩ་འཁོར་གྱི་དབུས་སུ་ཙཎྜ་ལཱི་ཨ་ཐུང་བཞིའི་ཚད་འབར། དེ་རླུང་སྦྱོར་གྱིས་བསྟུན་པས་དེ་ལས་ཀྱང་མེ་སོར་གཅིག་ཏུ་དྷཱུ་ཏིའི་ནང་དུ་འབར་བས་སྤྱི་བོར་ཧྃ་ཡིག་དཀར་པོ་བདེ་མེར་གྱིས་གཡོས་པས་ཐིག་ལེ་འབབ། དེའི་རྩེ་མོ་ཕྱོགས་ཐམས་ཅད་དུ་འོད་ཟེར་རྣོན་པོ་འབར་ཞིང་བསྒོམ་ནས་འཁྲུལ་འཁོར་ལ་འཇུག་གོ ༈ །བྱིང་བ་སེལ་བའི་དམིགས་པ་ནི། གཏུམ་མོའི་འོད་ཟེར་གྱིས་སྙིང་གར་བླ་མའི་ངོ་བོ་ཧཱུྃ་མཐིང་ག་ལ་ཕོག་པས་དེའི་འོད་ཟེར་ཕྱོགས་བཅུར་གཡོས་པས་བྱིང་འཐིབ་རྩ་རླུང་མི་གསལ་བ་ཐམས་ཅད་སང་སང་དག་པར་བསྒོམས་ནས་འཁྲུལ་འཁོར་ལ་འཇུག ༈ །རྒོད་ན་ཤེས་པའི་དམིགས་པ་ནི། སྙིང་ནང་གཏུམ་མོ་འོད་ཟེར་སྔོན་པོས་ཁྱབ་པར་བསྒོམ། ༈ །སྦྱང་མོ་ཉལ་བའི་དམིགས་པ་ནི། གཏུམ་མོ་འབར་བའི་འོད་ཟེར་གྱིས། །ལུས་ཀྱི་སྟོད་སྨད་འོད་ཀྱིས་གང་། །ཤེལ་བུམ་མར་མེ་འཇོག་པ་ལྟར། །གནས་ཁང་ཚུན་ཆད་འོད་ཀྱིས་ཁྱབ་པར་བསྒོམས་ནས་སྤྱང་མོ་ཉལ་བའི་འཁྲུལ་

― KMC016_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལ་འཇུག་གོ ༈ །མཁའ་ལས་དབབ་པའི་དམིགས་པ་ནི། གཏུམ་མོའི་འོད་ཟེར་དེ་ཉིད་ཀྱིས་ནང་ཐམས་ཅད་མི་སྡོད་པ་མྱུར་བར་སྐད་ཅིག་སྤྱི་གཙུག་ནས་རྐང་མཐིལ་གྱི་བར་བ་སྤུའི་བུ་ག་ཚང་མ་ལ་རྒྱུག་ནུས་པར་བསྒོམས་ནས་འཁྲུལ་འཁོར་ལ་འཇུག་གོ ༈ །ནེ་ལེ་རེས་འཇོག་གི་དམིགས་པ་ནི། གཏུམ་མོའི་འོད་ཟེར་སྔོན་པོས་སྙིང་ནང་ཁྱབ་པར་བསྒོམས་ནས་འཁྲུལ་འཁོར་ལ་འཇུག་གོ། ༈ །རི་རབ་འཕུར་བའི་དམིགས་པ་ནི། ཐིག་ལེས་ལུས་ཁམས་གཡོས་ཏེ་ཆགས་པ་སྐྱེས་ཟིན་ནས་ཐིག་ལེ་ཡར་འདྲེན་དམིགས་ནས་འཁྲུལ་འཁོར་ལ་འཇུག་གོ ༈ །ཝ་ཡི་བཞད་ཚུལ་གྱི་དམིགས་པ་ནི། རླུང་གི་སྦྱོར་བས་གཏུམ་མོ་འབར་བའི་སྤྱི་བོར་བྱང་ཐིག་ཞུ་མེ་ལ་ཕོག་པས་མེ་ཆེར་འབར་བའི་རྣམ་པས་ཝ་ཡི་བཞད་ཚུལ་བྱའོ། ༈ །ཡི་དྭགས་འདུག་སྟངས་དམིགས་པ་ནི། ཆུ་མིག་གྱེན་ཟློག་བྱའོ། ༈ །སེང་གེ་གྱེན་ལོག་དམིགས་པ་ནི། བདེ་ཆེན་རྩ་བའི་འཁོར་ལོའི་དབུས་བྱང་ཐིག་དཀར་པོ་ཡུངས་འབྲུ་ཙམ། རླུང་གི་སྦྱོར་བས་སྨིན་

― KMC016_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་བཀོད། རྔུབ་པས་དབུ་མ་བརྒྱུད་ནས་གསང་བར་སླེབས། དེ་ལྟར་འབྱུང་ལྡོག་གསུམ་བྱེད་འཁྲུལ་འཁོར་ལ་འཇུག་གོ ༈ །སེང་གེ་རྩལ་སྤྲུགས་ཀྱི་དམིགས་པ་ནི། ལུས་གནད་སྟོང་ར་རྩ་འཁོར་སྔ་མ་ལྟར་གསལ་བའི་བདེ་ཆེན་འཁོར་ལོའི་དབུས་དྷཱུ་ཏིའི་ནང་དུ་བདུད་རྩིའི་ཟླ་བ་བྱང་ཆུབ་ཀྱི་སེམས་དཀར་ཆའི་དཀྱིལ་འཁོར་ཟླ་བ་དྲི་མ་དང་བྲལ་བ་ལྟ་བུའི་ལྟེ་བར་ཧཾ་ཡིག་དཀར་པོས་མཚན་པ་ལྟེ་འཁོར་གྱི་དབུས་དྷཱུ་ཏིའི་ནང་དུ་ཙཎྜ་ལཱི་ཕྲ་ཞིང་ཕྲ་བ་གོང་བུའི་རྣམ་པ་མཚན་ཉིད་བཞི་ལྡན་གསལ་བ་ལ་རླུང་སྦྱོར་གྱི་གནད་དུ་བསྣུན་པས་དེ་ལས་སོར་གང་ལྷག་ཙམ་གྱི་མེ་འབར་བས་དེ་ཡིས་རེག་པས་སྤྱི་བོའི་ཧཾ་ཡིག་ཟླ་བ་དང་བཅས་པ་གཡོས། ཧཾ་ཡིག་ལས་བྱང་ཆུབ་སེམས་ཀྱི་ཧཾ་ཡིག་མགོ་ཐུར་བསྟན་གྱི་རྣམ་པར་འཛག་པ་ཙམ་པ་ན། ཡང་རླུང་རབ་ཏུ་དགང་ཞིང་མེ་སོར་གཉིས་ཙམ་དུ་འབར་བས་བྱང་སེམས་ཧཾ་ཡིག་མགོ་ཐུར་བསྟན་གྱི་རྣམ་པར་ཟག་པ་དེ་ཉིད་བྱང་ཐིག་དཀར་པོ་ཡུངས་ཀར་ཙམ་པ་བྱས་ཏེ་ཆབ་རོམ་ལས་

― KMC016_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིགས་པ་ཟག་པ་ལྟ་བུ་དྷཱུ་ཏིའི་ནང་དུ་བརྒྱུད་དེ་མགྲིན་པའི་བར་བབ། དེ་ནས་སྙིང་ག་ནས་སོར་བརྒྱད་ཙམ་འབབ་ནས་ཐིག་ལེར་མར་བབས་ནས། དེ་དང་གཏུམ་མོ་གཉིས་མེད་དུ་འདྲེས་མ་ཐག་ཐིག་ལེ་དཀར་ལ་དམར་བའི་མདངས་ཆགས་པའི་བྱང་ཐིག་གིས་ལུས་ཐམས་ཅད་གང་བར་བསམས་ལ་སེམས་བཟུང་བདེ་བ་སྐྱེས་པ་དང་རྟོག་མེད་དུ་ཆམ་གྱིས་བཞག་སྟེ། ངག་ཏུ། རླུང་གི་སྦྱོར་བས་གཏུམ་མོ་སྦར་བའི་མཐུས། སོགས་ནས་འཁྲུལ་འཁོར་བྱའོ། ༈ །སེང་གེ་རྣམ་རོལ་གྱི་དམིགས་པ་ནི། རླུང་སྦྱོར་བྱས་པས་གཏུམ་མོ་ལས་མེ་དབུ་མའི་ནང་དུ་ཡར་ནར་གྱིས་སོང་ཧྃ་ཡིག་ལ་རེག་མ་ཐག་ཐིག་ལེ་དམར་པོས་ལུས་ཐམས་ཅད་གང་། བདེ་མེར་གྱིས་བྱུང་། སླར་ཧྃ་ཡིག་ལས་ཐིག་ལེ་དཀར་པོ་ཆད། མེ་ལྕེ་ལ་རེག་པས་མེ་ལྕེ་ཇེ་དམའ་རུ་སོང་ནས་སོར་བཞི་ཙམ་དུ་གནས་པའི་ཚེ་ལུས་ཐམས་ཅད་བྱང་ཐིག་དཀར་པོས་གང་བས་བདེ་བར་བྱས་པར་བསམས་ལ། ངག་ཏུ། རླུང་གི་སྦྱོར་བས་སོགས་ནས་འཁྲུལ་འཁོར་ལ་འཇུག་གོ ༈ །སེང་གེ་

― KMC016_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེ་བའི་དམིགས་པ་ནི། སྤྱི་བོའི་ཧྃ་ལས་དཀར་ཆའི་རང་བཞིན་ཧཱུྃ་དཀར་པོ་བདེ་ཁྲིལ་གྱིས་དབུ་མའི་ནང་ནས་མར་ཆད། གསང་བའི་རྩེ་མོར་བདེ་ཁྲིལ་ལེར་གནས་པར་བསམ་ཞིང་འོག་རླུང་འཐེན་འཕུལ་བྱ། བདེ་བ་མི་ཐུབ་པ་སྙམ་ཙ་ན་ཧཱུྃ་དེ་སྤྱི་གཙུག་ཏུ་རྒྱང་གིས་སོང་ཧྃ་ལ་ཐིམ་ཚངས་བུག་རྡོ་རྗེ་དཀར་པོ་རྩེ་ལྔ་པ་རྒྱ་གྲམ་གྱིས་བཀག་པར་བསམ་ལ་རྟོག་མེད་དུ་བཞག །ངག་ཏུ། སྤྱི་བོའི་ཧྃ་ལས་ཐིག་ལེ་དཀར་པོ་ཟགས། སོགས་ནས་འཁྲུལ་འཁོར་ལ་འཇུག་གོ ༈ །སྟག་མོ་སྐྱུགས་པའི་དམིགས་པ་ནི། འདྲེན་ཐེབ་དང་པོ་རྩ་འཁོར་ཀུན། །ག་བུར་མེ་ཏོག་ཤར་བ་དང་། །གཉིས་པ་ཙནྡན་ཆུ་མིག་དྭངས། །གསུམ་པ་འདྲེན་པའི་སྨན་འོད་ཀྱིས། །དགའ་བདེ་ལོངས་སུ་སྤྱོད་པའི་མཐར། །དཀར་ཆ་བཞི་ལ་བདུད་རྩི་འདྲེན་པ་བསྒོམས་ནས་འཁྲུལ་འཁོར་ལ་འཇུག་གོ ༈ །གླང་ཆེན་འགྱིང་བའི་དམིགས་པ་ནི། དབུ་མའི་སྣེ་མོ་ཚངས་བུག་ནས་སོར་བཞི་ཐོན། ནང་དུ་ཧྃ་དཀར་པོ་མགོ་གྱེན་བསྟན་གྱིས་ཚངས་བུག་ཡར་སྣ་

― KMC016_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

བཀག་པར་བསམས་ལ་ལྟེ་བའི་འོག་ཏུ་མིག་གཅིག་གིས་ཧཾ་ལ་བལྟ་བར་དམིགས་ཏེ་འདྲེན་པར་བསམས་ནས་འཁྲུལ་འཁོར་ལ་འཇུག་གོ ༈ །རུས་སྦལ་བསྐུམ་པའི་དམིགས་པ་ནི། རླུང་བུམ་པ་ཅན་མེ་རླུང་འཆིང་། སྤྱི་བོར་སྐུ་རྡོ་རྗེ་ༀ་གནས་པ། གསུང་རྡོ་རྗེ་ཨཱཿ ཐུགས་སྒྲུབ་སྐབས་ཧཱུྃ་གནས་པ་ཡིན། དང་པོ་དབུ་མ་འདྲེན་སྐབས་སྤྱི་བོའི་ༀ་ལ་བསྟིམ། གཡས་རོ་མ་འདྲེན་སྐབས་ཨཱཿལ་བསྟིམ། གཡོན་རྐྱང་མ་འདྲེན་སྐབས་ཧཱུྃ་ལ་བསྟིམས་པའི་དམིགས་པ་བྱས་ནས་རུས་སྦལ་བསྐུམ་སྟབས་བྱའོ། ༈ །རྨ་བྱ་འཕུར་བའི་དམིགས་པ་ནི། སྤྱི་བོར་ཧཱུྃ་ལས་ཧཱུྃ་ཡིག་འཆད། །གསང་གནས་སླེབ་འཕྲལ་ལུས་ཐམས་ཅད། །ཐིག་ལེ་རྐྱང་པས་ཁེངས་པར་བསྒོམ། །ཡར་ལོང་མར་སྒུར་སྐབས་ཧཱུྃ་ཧྃ་ལ་ཐིམ་པས་རེས་མོས་བྱ། །མཇུག་ཏུ་ཧཱུྃ་ཉིད་ཧྃ་ལ་བསྟིམ། །ཐིག་ལེས་ལུས་ཀུན་ཁྱབ་པར་བསྒོམ། །རྗེ་བཙུན་དགུ་པའི་གསུང་ལས་བཏུས། ༈ །བྱ་རྒོད་འཕུར་བའི་དམིགས་པ་ནི། འབར་འཛག་ལྟ་བུའི་དཀར་དམར་གཉིས། །མཚལ་ཆུ་འོ་མ་འདྲེས་

― KMC016_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར། །ཐིག་ལེས་ལུས་ཀུན་ཁྱབ་པར་དམིགས། །རྗེ་བཙུན་དགུ་པའི་གསུང་ལས་བཏུས། །འཁྲུལ་འཁོར་ལ་འཇུག་གོ ༈ །འབེབས་ཆེན་རྣམ་ལྔ་ནི། ཌཱ་ཀི་མ་གསེར་མདོག་ཅན་གྲི་ཐོད་འཛིན་པ་དེ་ལ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་རྣལ་འབྱོར་མའི་ཚོགས་དཔག་ཏུ་མེད་པ་སྤྱན་དྲངས། རང་ཉིད་ཀྱི་ལུས་ལ་ཐིམ། དེའི་མཐུས་ཕྱི་ནང་ཐམས་ཅད་ཡེ་ཤེས་ཀྱི་མེ་དཔུང་དུ་གསལ་གདབ་ཅིང་། སླར་ཡང་བྱང་ཆུབ་སེམས་དཔའ་དཔའ་བོ་རྣལ་འབྱོར་མ་བསམ་གྱིས་མི་ཁྱབ་པར་རང་གི་སྐུ་ལུས་ལ་བསྡུས། ལྟེ་བར་ཐིམ་པས་མེ་ཆེར་འབར་བའི་རྐྱེན་དུ་འགྱུར་ཞིང་སྟོང་གསུམ་འཇིག་རྟེན་གྱི་ཁམས་བར་དུ་མེའི་ཕུང་པོ་ཆེན་པོར་གྲུབ་པས་ཟད་སར་མེའི་ཏིང་འཛིན་ལ་རྩེ་གཅིག་ཏུ་གཏད་ནས་འབེབས་ཆེན་རྣམ་ལྔ་ལ་འཇུག་གོ ༈ །གེགས་སེལ་གྱི་དམིགས་པ་ནི། མདུན་གྱི་བར་སྣང་ཧ་ལྗང་ཆེ་གཅིག །གཡས་གཡོན་ཕྲག་གོང་གཉིས་ཀྱི་ལན་དུ་ཧ་འབྲིང་རེ་གསལ་བཏབ། དེ་ལ་དམིགས་པ་རང་

― KMC016_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་ཐོག་མེད་ནས་བསགས་པའི་སྡིག་སྒྲིབ་ཉེས་ལྟུང་ཁྱད་པར་རྩ་ལྟུང་གི་གེགས་དང་བར་ཆད་རང་གི་དབང་པོ་སྒོ་དགུའི་བ་སྤུའི་བུ་ག་ནས་ནག་སིབ་སིབ་མདུན་གྱི་ཧ་ལ་རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར་ཐིམ་པར་བསྒོམས་ནས་གེགས་སེལ་གྱི་འཁྲུལ་འཁོར་ལ་འཇུག་གོ ༈ །མཐའ་རྟེན་བཀྲ་ཤིས་ནི། ཧཱུྃ་རིང་ཧཱུྃ་ཐུང་གསུམ་གྱི་དམིགས་པས་ཐིག་ལེ་བབ། འཁྲུལ་འཁོར་ལ་འཇུག་ནས་བཀྲ་ཤིས་བྱའོ། ༈ །རང་ལུས་འཕུར་བྱུག་གི་དམིགས་པ་ནི། རང་ལུས་སྟོད་སྨད་རྩ་གནས་ཐམས་ཅད་འབར་འཛག་གི་མེའི་དབང་པོའི་སྒོ་རྣམས་ནས་མེ་ལྕེ་ཆེར་འབར་བས་བ་སྤུའི་བུ་ག་ཐམས་ཅད་ནས་མེ་སྟག་གློག་ལྟར་འཚུབས་པས་རང་ལུས་མེའི་གོང་བུར་མེ་ནི་དཔག་ཚད་ཙམ་དུ་འབར་བར་བསྒོམ། ལག་མཐིལ་གཡས་རླུང་གི་འཁོར་ལོ། གཡོན་མེའི་ཆོས་འབྱུང་བསྒོམ། ལག་མཐིལ་བརྡབ་འཕུར་ཡང་ཡང་བྱས་པའི་ལག་མཐིལ་མེ་ལ་བཙོས་པ་ལྟར་ཚ་ཆི་ལི་ལི་བྱས་པ་དེའི་རླུང་བུམ་ཅན་དགང་ནས་རང་ལུས་འཕུར་བྱུག་བསྒྲུབ་གསུམ་

― KMC016_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཡང་བྱ། ཧ་སྤྲུགས་གཡས་གཡོན་དུས་དྲུག་བྱས་ནས་རང་ལུས་འཕུར་བྱུག་གི་དམིགས་པའོ། ༈ །བསྡུ་རིམ་ནི། གཉུག་མའི་ཤེས་པ་སོགས་བཏོན། ཞེས་འདོན་བསྒོམ་སྦྲག་ནས་མེ་ལྟེ་བའི་ཨ་ཤད་ལ་བསྡུ། བླ་མའི་སྐུ་གསུང་ཐུགས་ལ་གཅེར་གྱིས་བལྟ་བའམ། ནམ་མཁའ་མཐོང་ན་རང་སེམས་ནམ་མཁའ་དང་བསྲེ། གཏུམ་མོ་གཙོར་བྱས་ན་བླ་མ་ཡི་དམ་དབྱེར་མེད་ཀྱི་སྐུ་གསུང་ཐུགས་དང་ལྟེ་བའི་ཨ་ཤད་ལ་སེམས་མ་ཡེངས་པར་འགྲོ་འཆག་ཉལ་འདུག་སོགས་ཡེངས་མེད་དུ་སྐྱོང་བ་གལ་ཆེ། རྣམ་སྣང་ཆོས་བདུན་ལུས་ངག་ཡིད་གསུམ་རླུང་བཅས་རང་བབས་སུ་འཇོག་ལ། མ་ཐུབ་བར་དུ་ཐུན་ཐུང་དུ་ཙམ་བཞག་ནས་སླར་སྤྱོད་ལམ་ལྡང་བའི་སྐབས། རྗེས་ཐོབ་སྒྱུ་མ་ལྟ་བུའི་ཡི་དམ་གྱི་སྐུ་གསལ་བའི་ངང་ནས་སྣང་གྲགས་རིགས་གསུམ་ངང་ནས། སྐྱེ་བ་ཀུན་ཏུ་རིགས་བདག་སོགས་ཀྱི་དགེ་བ་བསྔོའོ། །གཏུམ་མོ་དྲག་རླུང་མའི་གདམས་ངག་ཟབ་མོ་རྫོགས་སོ།། །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་

― KMC016_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

སྙན་བརྒྱུད་ཟབ་མོ་ཐུན་མོང་མ་ཡིན་པ་ཐབས་ལམ་ནཱ་རོ་ཆོས་དྲུག་གི་འདོན་ཚུལ་དང་འཁྲུལ་འཁོར་གབ་སྤྲད་ཚུལ་བློ་རྨོང་རང་གི་བརྗེད་ཐོ་གསལ་བ།

― KMC016_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་བརྒྱུད་ཟབ་མོ་ཐུན་མོང་མ་ཡིན་པ་ཐབས་ལམ་ནཱ་རོ་ཆོས་དྲུག་གི་འདོན་ཚུལ་དང་འཁྲུལ་འཁོར་གབ་སྤྲད་ཚུལ་བློ་རྨོང་རང་གི་བརྗེད་ཐོ་གསལ་བའི་དབུའོ། །བཀའ་རྒྱ་ཡོད།

― KMC016_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་བཛྲ་དྷཱ་རཱ་ཡ། བཻཌཱུཪྻ་དང་དབང་སྔོན་མཐོན་ཀའི་རིར། །ཉིན་བྱེད་བྱེ་བའི་འོད་ཀྱིས་དཀྲིས་པ་ལྟར། །གཟི་བརྗིད་མཚུངས་བྲལ་སྣང་སྟོང་ཟུང་འཇུག་སྐུ། །རིགས་དྲུག་ཁྱབ་བདག་རྡོ་རྗེ་འཆང་དེར་འདུད། ༡ །ཤེས་རབ་བཟང་པོའི་སྨིན་གྲོལ་གདམས་པའི་བཅུད ། ཡོངས་རྫོགས་ཐུགས་ཀྱི་དཔལ་བེའུར་གཏམས་བྱེད་པ། །ཛྙ་ན་སི ངྔྷིའི་མཚན་གྱི་གྲགས་སྙན་གང་། །ནམ་མཁའི་འཁོར་ཡུག་བརྒལ་བ་གང་དེ་རྒྱལ། ༢ །ཁྱད་པར་ངེས་དོན་བསྟན་པའི་རྩ་ལག་མཆོག །མཆོག་དངོས་གྲུབ་པའི་ཁྱུ་

― KMC016_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་མར་པ་རྗེ། །རྗེ་དེའི་ཐུགས་སྲས་བཞད་པ་རྡོ་རྗེར་གྲགས། གྲགས་པའི་དཔལ་དེ་སྤྱི་གཙུག་རྒྱན་དུ་བཞུགས། ༣ །ཚུལ་ཁྲིམས་རྣམ་དག་ཀཻ་ལ་ཤ་རིའི་ངོགས། །ཞི་ལྷག་ཟུང་འབྲེལ་ཏིང་འཛིན་གདོང་ལྔ་འཕྱོ། །ཤེས་རབ་གསུམ་གྱི་རྩལ་གསུམ་ཉེ་བར་རྫོགས། །སྨྲ་བའི་སེང་གེ་ཟླ་འོད་གཞོན་ནུ་རྒྱལ། ༤ །སྤྲོས་བྲལ་ལུས་ནི་སྤྲོས་པའི་ཁྱིམ་དུ་སྤྱོད། །དབུ་ུམའི་ལྟོ་བར་མཐའ་གཉིས་ཟླ་ཉི་བཅིངས། །བླ་མེད་བླ་མའི་གནས་སུ་ཀརྨ་ཀ །དུས་གསུམ་མཁྱེན་པ་སྒྲ་གཅན་དབང་པོ་རྒྱལ། ༥ །གསུང་རབ་

― KMC016_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་དོན་ནགས་ཀླུང་སྟུག་པོ་རུ། །ལེགས་བཤད་གུདྡྷ ིའི་རྒྱུན་བཟང་ཕྱོགས་བཅུར་བསྒྲེངས། །ཚངས་སྤྱོད་ཨེ་ཎྱའི་བླ་གོས་ཀྱིས་བཀླུབས་པ། །དྭགས་བརྒྱུད་བཤེས་གཉེན་དྲང་སྲོང་ཚོགས་རྣམས་རྒྱལ། ༦ །བྱང་ཆུབ་སེམས་དཔའ་ཟླ་འོད་གཞོན་ནུ་ཉིད། །བཀའ་བརྒྱུད་བསྟན་པ་ཕྱོགས་བཅུར་སྤེལ་སླད་དུ། །རྣམ་འདྲེན་གར་རོལ་ཟླ་བ་བཟང་པོའི་ཞབས། །བཀའ་དྲིན་འགྲན་བྲལ་སྙིང་ནས་གུས་ཕྱགའཚལ། ༧ །ཞེས་མཆོད་པར་བརྗོད་པ་སྔོན་དུ་བཏང་ནས། འདིར་ཟབ་ལམ་ནཱ་རོའི་ཆོས་དྲུག་གི་ཉམས་སུ་ལེན་ཚུལ་འདོན་འགྲིགས་བློ་དམན་རང་གི་བརྗེད་ཐོ་དྲན་པའི་གསལ་འདེབས་བྲི་བ་ལགས་ཏེ། དེ་ཡང་ཐོག་མར་ཆོས་དྲུག་གི་སྔོན་འགྲོ་བཞི་སྦྱོར་བླ་མའི་རྣལ་འབྱོར་གྱི་སྐབས། བརྒྱུད་པའི་གསོལ་འདེབས་དེ་བཞིན་གཤེགས་པས་མཛད་པ། རྡོ་རྗེ་འཆང་ཆེན་ཡེ་ཤེས་མཁའ་འགྲོ་མ་སོགས་དང་། འཇམ་དཔལ་བཟང་པོས་མཛད་པའི་བདེ་སྟོང་དབྱེར་མེད་སོགས། གཉིས་གང་རུང་འདོན། བླ་མའི་གསོལ་འདེབས་རྗེ་དྷརྨཱ་ཤྭ་རས་

― KMC016_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ། རྗེ་སྐྱབས་གསུམ་གྱི་ངོ་བོ་བླ་མ་རྗེ། །ཞེས་པ་ཚིག་དོན་དྲན་བཞིན་པས་གདུང་ཤུགས་དྲག་པོས་ཉེར་གཅིག་སོགས་ཅི་འགྲུབ་འདོན་ཞིང་། དེ་ནས་བླ་མ་རྒྱང་འབོད། ཕ་རྗེ་བཙུན་བླ་མ་རིན་པོ་ཆེ། །ཞེས་འདོན་བཞིན་པས། སྙིང་ཁུང་རུས་པའི་གཏིང་ནས་ཅི་མཛད་ཁྱེད་ཤེས་ཀྱི་དད་པ་བརྟན་པོ་འབྱོང་བ་གལ་ཤིན་ཏུ་ཆེ། དེ་མཚམས། ཨེ་མ་ཧོ་ཨེ་མ་ཧོ་ཆོས། ཞེས་པ་ནས་དམ་ཚིག་གསུམ་བརྟན་དབང་ཐོབ་སློབ་དཔོན་གྱུར། །ཞེས་པས་དབང་བཞི་བླང་ཞིང་དགའ་བཞིའི་ཡེ་ཤེས་རྒྱུད་ལ་མྱོང་བའི་ངང་ནས་མཉམ་པར་བཞག །མཉམ་བཞག་སོགས་གང་འོས་ཀུན་ལ་ལུས་དྲང་པོར་བསྲང་ཟེར་བ་ལ་རྣམ་གྲངས་མང་ཡང་། ལག་པ་དང་སྒལ་ཚིག་རིང་ཐུང་ཅི་རིགས་ཡོད་མོད། དེའི་དབང་གིས་ལག་པ་རིང་ཞིང་སྒལ་ཚིག་ཐུང་བ་རྣམས་ལ་འཁྲུལ་འཁོར་མ་གཏོགས་པའི་མཉམ་རྗེས་ངང་ལ་གནས་དུས་བསམ་གཏན་འབོལ་ཆུང་ཞིང་དཀྱུས་མཐོ་གང་། དཔང་ལ་སོར་གསུམ་བཞི་སོགས་སྒལ་ཚིག་རིང་ཐུང་ལ་རིམ་པར་དཔག་སྟེ་

― KMC016_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོ་དགོས། སྒལ་ཚིག་དང་ལག་པ་རིང་ཐུང་མཚམས་པས་གནད་ཀྱི་བཞུགས་ཚུལ་རང་འགྲིག་ཏུ་འགྲོ་བ་རྣམས་ལ་འབོལ་ཆུང་མི་དགོས། ཞེས་རྗེ་བླ་མས་གསུངས་སོ། །དཔེར་ན་མདའ་བསྲང་བ་ན་གུག་པའི་ནང་ངོས་ལ་བསྲང་དགོས་པ་མ་གཏོགས་ཕྱིར་བསྲང་ན་རང་དུ་འགྲོ་ཞིང་འཐེན་ཆེ་ན་ཆག་ཡོང་བས། དེ་ལ་གོམས་ཤིང་འདྲིས་ན་ཉམས་ཀྱི་གནད་སྲང་ཤེས་ལས་སླ་བའི་དཔེ་ལྟ་བུའོ། །བཞུགས་པའི་དུས་སུ་ཕྲག་མགོ་གཉིས་པོ་དེ་ཤིན་ཏུ་གྱེན་ལ་འཐེན་ཞིང་བྲང་ནང་དུ་བསྲང་ལས་དང་པོ་པ་རྣམས་ལ་བྲང་དགྱེ་བ་ལྟ་བུའི་སྐྱོན་འཇུག་ཡོང་། མཆན། ཞིང་ལྷན་སྣེའི་རུས་པ་ལ་འབུར་གནད་དུ་སོང་བ་ལྟེམ་ཁ་ཡོད་ངེས་ལྟ་བུ་བྱས་ལ་རླུང་གནོན་མ་ཐག་ལྟེ་འོག་ཤིན་ཏུ་ལྡིར་བ་བྱས་པ་ལ་སྒལ་ཚིག་མདའ་ལྟར་བསྲང་བ་ངེས་པར་ཡོང་འདུག་པ་དེའི་ཞལ་ཁྲིད་ཕྱག་ལེན་བཅས་ཆོས་རྒྱལ་བསྟན་འཛིན་དཔལ་བཟང་གི་ཞལ་སྔ་ནས་གསུང་སོ། །ༀ་ཨཱཿཧཱུྃ་ཀཱ་ཡ་ཝཱཀྐ་ཙིཏྟ་ཞེས་པ་ལ་འཇུག་ནས། སྟོང་རའི་དམིགས་པ། རང་ལུས་རྡ་ོརྗེ་རྣལ་འབྱོར་མ་གསལ་

― KMC016_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་ལ། ལུས་ཀྱི་ནང་དབུས་སོགས་ཤོ་ལོ་ཀས་རྩ་གསུམ་འཁོར་ལོ་བཞི་བཅས་དམིགས་པ་གསལ་བའི་ངང་ནས། འཁྲུལ་འཁོར་རྒྱས་པ་བྱེད་ན། རླུང་སྐྱོན་སེལ་བའི་འཁྲུལ་འཁོར་ལ་འཇུག །དེ་མཐར་རླུང་རོ་བསལ་སོགས་ཤོ་ལོ་ཀ་བཏོན་ནས། རླུང་རོ་དགུ་འབུད་ཕྱག་ལེན་ལྟར་བྱས་ལ། བུམ་ཅན་བཟུང་ནས། སྨིན་མཚམས་ཐིག་ལེ་དཀར་འཚེར་སྣུམ་ལ། ཞེས་པ་བཏོན། དབྱར་དགུན་གྱི་དུས་ལ་དཔག་པའི་མང་ཉུང་རིག་པས་དཔྱད། དེ་མཚམས་རྩ་གསུམ་འདུས་མདོར་སོགས་འདོན་སྐབས། ཡེ་ཤེས་གཏུམ་མོ་ཐིག་ལེ་ཤིན་ཏུ་ཕྲ། །ཁ་དོག་དམར་ཞེས་བཏོན་ནས་དམིགས་པ་མེ་ཆེར་བསྐྱེད་པར་བསྒོམ་པ་ལ། གཞན་རྣམས་ལ་སྲན་མ་ཙམ་དང་། མོ་ཁ བ་ཙམ། སོར་གཉིས་སོགས་དམིགས་པ་ལས་འདོན་མི་དགོས། དེ་ནས་རྩ་ཁྲུས་ཡན་ལག་ལྔ་སྦྱང་བྱ། དེ་ནས། རྩ་གསུམ་འཁོར་ལོ་དྲུག་དང་འཁོར་ཕྲན་སོགས་བཏོན་ནས། ནཱ་རོ་དྲུག་སྐོར་དང་། སོ་བདུན་མ། འབེབས་ཆུང་བཅས་དང་། ནཱ་རོའི་ཡན་ལག་ལྔ།

― KMC016_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

མཻ་ཏྲིའི་ཡན་ལག་ལྔ། བར་འབེབས་ནས་བཟུང་སྐུ་གསུམ་བསྣོལ་མའི་བར་བྱས་ལ། དེ་ནས་ངག་ཏུ། རླུང་གི་སྦྱོར་བས་གཏུམ་མོ་སྦར་བའི་མཐུས། སོགས་བཏོན་ནས། བཙན་ཐབས་དྲོད་འབེབས། མཁའ་ལྡིང་སྤྲུལ་འཛིན། བྱ་རྒོད་འཕུར་བཅས་བྱས་ལ། དེ་ནས་ངག་ཏུ། རླུང་གི་སྦྱོར་བས་གཏུམ་མོ་ནར་གྱིས་འབར། །སོགས་ཀྱི་ཤོ་ལོ་ཀས་འབྲོས་འདེད་ཀྱི་དམིགས་པ་བྱས་ལ། རྒོད་ན་ཤེས་པ་བུམ་པར་བཟུང་། སྤྱང་མོ་ཉལ་བ། མཁའ་ལ་དབབ་པ། ནེའུ་ལེ་རིམ་འཇོག་བཅས་ཀྱི་འཁྲུལ་འཁོར་མཛད་ནས། འདྲེན་བཞིའི་གོང་དེར། ངག་ཏུ། སྤྱི་བོའི་ཧྂ་ལས་ཐིག་ལེ་དཀར་པོ་སོགས་བཏོན་ནས་འདྲེན་གྱི་དམིགས་པ་བྱ། གཏུམ་མོ་བཅོ་བརྒྱད་མའི་འཁྲུལ་འཁོར་རྫོགས་མཐར། སྙན་བརྒྱུད་འཁྲུལ་འཁོར་དྲུག་དང་། ཡན་ལག་སོ་དགུ་གེགས་སེལ་ཡན་ལག་ལྔ་སྦྱངས་བསྡུས་པ། མཐའ་རྟེན་བཀྲ་ཤིས་བཅས་དང་། ཐལ་མཉེ་དང་ལུས་འཕུར་བསྲུབ་བཅས་མཛད་ནས། རྣམ་སྣང་ཆོས་བདུན་གོང་བཞིན་བཞུགས་ནས། ངག་ཏུ། གཉུག་

― KMC016_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་ཤེས་པ་གསལ་དྭངས་རྙོག་པ་མེད། ཞེས་པའི་ཚིགས་བཅས་བཏོན་ལ་མཉམ་བཞག་ངང་ལ་ཅི་གནས་སུ་བཞག །སླར་སྒྱུ་མའི་སྐུར་ལྡང་བ་ནི། རྡོ་རྗེ་རྣལ་འབྱོར་མར་བསྒོམས་ལ་དགེ་འདིས་འགྲོ་བ་སོགས་སྨོན་ལམ་ཅི་རིགས་བརྗོད། ༈ །འབྲིང་པོ་ལྟར་ན། སྔོན་འགྲོ་བཞི་སྦྱོར་མགོ་བཟུང་སྟོང་རའི་རྩ་འཁོར་བཅས་སྔར་ལྟར་བྱས། རླུང་སྐྱོན་སེལ་བ། ངག་ཏུ་གདོན་བྱ། རླུང་རོ་དགུ་འབུད། ཡན་ལག་ལྔ་སྦྱང། ནཱ་རོ་དྲུག་སྐོར། སོ་བདུན་མ། ནཱ་རོའི་ཡན་ལག་ལྔ། མཻ་ཏྲིའི་ཡན་ལག་བཅས་དང་། ངག་ཏུ་གདོན་བྱ་དམིགས་རིམ་སོགས་རྒྱས་པའི་སྐབས་ལྟར་དགོས། ཉི་མ་དྲུག་སྐོར་ནས་བཟུང་། གཏུམ་མོ་བཅོ་བརྒྱད་མ་དང་འབེབས་ཆེན་རྣམ་ལྔ། གེགས་སེལ། ཡན་ལག་ལྔ་སྦྱང་བསྡུས་པ། མཐའ་རྟེན་བཀྲ་ཤིས་སྨོན་ལམ་སྔ་མ་ལྟར་དགོས། ༈ རེས་མོས་ལྟར་བྱེད་ན། གཞན་གོང་དང་འདྲ་བ་ལ། མཻ་ཏྲི་པའི་ཡན་ལག་ལྔ། བར་འབེབས་ཀྱི་མཐར། སྙན་བརྒྱུད་འཁྲུལ་འཁོར་དྲུག་དང་། ཡན་ལག་སོ་དགུ། གེགས་

― KMC016_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ་སོགས་དང་། བཀྲ་ཤིས་སྔ་མ་ལྟར་རོ། ༈ །ལོང་ཁམས་མེད་ཅིང་དེ་ཙམ་མི་འགྲུབ་ཅིང་རྒྱུན་དུ་མ་ཆགས་ཙམ་བྱེད་ན། སྟོང་ར་དང་རྩ་གསལ་བཏབ་རྣམས་སྔ་མ་ལྟར་བྱས། ངག་ཏུ། རླུང་རོ་བསལ་བ་ཤོ་ལོ་ཀ་གཅིག་པུ་བཏོན་ནས་རླུང་རོ་དགུ་འབུད་སྔ་མ་ལྟར་བྱས། དེ་ནས། སྨིན་མཚམས་ཐིག་ལེ་དཀར་འཚེར་སོགས་བཏོན་ནས་བུམ་ཅན་གྲངས་སྔ་མ་ལྟར་རིག་པས་དཔྱད། དེ་མཚམས་རྩ་གསུམ་འདུས་མདོར་མེ་ཡི་ཆོས་འབྱུང་སོགས་ཤོ་ལོ་ཀ་གཅིག་དང་། རྩ་གསུམ་འཁོར་ལོ་དྲུག་དང་འཁོར་ཕྲན་བཅས་བཏོན་ནས། རྗེ་བཙུན་དམ་པ་བཞད་པ་རྡོ་རྗེའི་རྩུབ་ཤིང་མར་གྲགས་པའི་འཁྲུལ་འཁོར། ལུས་གནད་རྣམ་སྣང་ཆོས་བདུན། སྔར་ལྟར་བྱས་ལ། རླུང་མནན་མ་ཐག་ཏུ་རྡོར་སྐྱིལ་བཀྲོལ་ནས་ཙོག་པུར་རྐང་ལག་བསྣོལ་ནས་རྐང་པའི་མཐེ་བོང་བཟུང་ནས་ཕོ་བ་གཡས་གཡོན་གསུམ་དུ་བསྐོར་ནས། གཡས་འཐེན་གསུམ། གཡོན་འཐེན་གསུམ་དུ་རྐུབ་རྡེབ་ཆུང་བ་གསུམ། ཆེ་བ་གསུམ་དང་དྲུག །རླུང་ཐུབ་ཚོད་དང་བསྟུན་ནས་ཕོ་བ་

― KMC016_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་ནས་བཟུང་སྔར་ལྟར་གསུམ་དྲུག་དགུ་སོགས་ཅི་ཐུབ་དང་། རླུང་ཁུག་དྲུག་དགུ་སོགས་ལོང་ཁམས་དང་བསྟུན་ནས་གེགས་སེལ་ཕྲན་བུ་སྔ་མ་ལྟར་བྱས། མཐའ་རྟེན་བཀྲ་ཤིས་ཐིག་ལེ་བསྡུ་རིམ་སྔ་མ་ཇི་ལྟ་བ་བཞིན་དང་། ངག་ཏུ། གཉུག་མའི་ཤེས་པ་ཞེས་པའི་ཚིགས་བཅད་བཏོན་ལ་མཉམ་པར་བཞག་ནས་མཐར་སྒྱུ་མའི་སྐུར་ལྡང་བ་དང་བསྔོ་སྨོན་རྒྱས་གདབ་སྔར་བཞིན་མཛད་པས་འཁྲུལ་འཁོར་མ་ཆག་ཙམ་དུ་འབྱུང་བས། རླུང་པའི་མཚན་ཐོག་ཙམ་འོང་འདུག་པས་དེང་སང་སྐབས་སུ་སྔར་སྦྱང་པ་ཅིག་བྱས་ཡོད་པར་ཁས་འཆོས་པས། རྒྱུན་དུ་ཉམས་ལེན་བྱེད་པ་ལག་དོན་ཁེལ་དཀའ་ནའང་དེ་ཙམ་རེ་ངེས་པར་དགོས་མ་གཏོགས་འཆགས་རྒུར་སྡུག་བསྲན་གྱིས་རང་གར་བཟོ་ཆོས་སུ་བསྡད་ན། སྙིང་པོ་རང་མངོན་སུམ་ཚང་གྲུབ་ནད་ཀྱིས་གསལ་ཡོང་བས། རང་གཞན་གྱིས་སློད་མེད་དུ་བརྩོན་འགྲུས་རྩོམ་པ་གལ་པོ་ཆེ་ཡིན་ཏེ། དེ་ཡང་། རྗེ་བཙུན་ཆེན་པོ་བཞད་པ་རྡོ་རྗེའི་ཞལ་ནས། གཏུམ་མོ་སྦར་ཐབས་སྦྱོར་

― KMC016_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལ་གནད་བཞིར་ཡོད་ཏེ། གསོལ་འདེབས་བྱིན་རླབས་ཀྱི་གནད། གེགས་སེལ་བསྙེན་པའི་གནས། མཐུན་སྦྱོར་རྐྱེན་གྱི་གནད། གསང་བ་དམ་ཚིག་གི་གནད་དང་བཞིར་གསུངས་པ་ལས། ནང་གསེས་སུ་མཐུན་སྦྱོར་རྐྱེན་ལ་བརྒྱད་དུ་དབྱེ་བ་ལས། འདུག་པ་ལུས་ཀྱི་གནད། ༡ བཟའ་བ་ཟས་ཀྱི་གནད། ༢ བདེ་བ་མལ་གྱི་གནད། ༣ མིག་འབྲས་པུས་འཁྱུད་ཀྱི་གནད། ༤ འགྲོ་འདུག་སྤྱོད་ལམ་གྱི་གནད། ༥ མཐུན་པ་གྲོགས་ཀྱི་གནད། ༦ སྒོམ་པ་དུས་ཀྱི་གནད། ༧ བགོ་བ་གོས་ཀྱི་གནད། ༨ དང་བརྒྱད་གསུངས་པ་ལས། བགོ་བ་གོས་ཀྱི་གནད་དང་ནི་དྲོ་ཡང་གཅེར་བུར་མི་བྱ། གྲང་ཡང་སྐྱི་སྤགས་མི་གྱོན། མཁའ་འགྲོ་མཉེས་བྱེད་རས་གོས་དང་མི་འབྲལ་བར་བརྩོན་འགྲུས་ཀྱི་ལྕགས་ཡིན་པར་བསྒྲུབ་པར་བྱ། ཞེས་གསུངས་པས་ཕུར་ཚུགས་ནན་ཏན་དུ། ལུས་ལྷ་སྐུ་སྒྱུ་མ་ལྟ་བུར་བསྒོམ་པའི་ངང་ནས་འཁྲུལ་འཁོར་དང་། ངག་རླུང་རྡོ་རྗེའི་བཟླས་པ་གྲགས་སྟོང་བརྗོད་བྲལ་ནཱ་དའི་སྒྲ། སེམས་སྟོང་ཉིད་སྙིང་རྗེའི་ཏིང་ངེ་འཛིན་དང་

― KMC016_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བྲལ་བ་སོགས་མདོར་ན་གཏུམ་མོ་ལམ་གྱི་གཞུང་ཤིང་ལ་འབད་ཅིང་རྩོལ་བས་སྒོམ་པ་གལ་ཤིན་ཏུ་ཆེ། གཏུམ་མོ་ཞེས་པའི་སྒྲ་དོན་ནི། སྤང་བྱ་འཇོམས་པ་ལ་ཟེར་ཏེ། དཔེར་ན་གོ་མཚོན་ཐོགས་པའི་དཔའ་བོ་ཅིག་གིས་སྡར་མའི་དམག་དཔུང་འཇོམས་པ་བཞིན་ནོ། ཉོན་མོངས་རྣམ་རྟོག་གདོན་བགེགས་འཇོམས་པ་ལ། །དཔའ་ཞིང་གཏུམ་པས་གཏུམ་མོ་ཞེས་བྱའོ། །ཞེས་སོ། ཕྱི་ཡི་གཏུམ་མོས་གདོན་སྟོང་ཕྲག་བརྒྱད་ཅུ་འཇོམས། ནང་གི་གཏུམ་མོས་ནད་བཞི་བརྒྱ་རྩ་བཞི་འཇོམས། གསང་བའི་གཏུམ་མོས་ཉོན་མོངས་བརྒྱད་ཁྲི་བཞི་སྟོང་འཇོམས། དེ་ཁོ་ན་ཉིད་ཀྱི་གཏུམ་མོས་རང་ལ་ཡོད་པའི་ཡེ་ཤེས་ངོ་སྤྲོད་པའོ། དེ་ཡང་གནས་པ་རྩ་ཡི་གཏུམ་རྩ་གསུམ་འཁོར་ལོ་བཞི་དང་དྲུག་སོགས་མཚན་ཉིད་བཞི་ལྡན། མཆན། མོ། གཡོ་བ་རླུང་གི་སྦྱོར་བ་བཞི་ལྡན། གཏུམ་མོ། འགྲོ་འོང་ཐིག་འབར་འཛག་བསྒོམ་པ། མཆན། ལེའི་གཏུམ་མོ། བསྒོམ་པ་དུས་ཀྱི་གཏུམ་མོ་དངོས། གཏུམ་མོ། དོན་དམ་མཆོག་གི་གཏུམ་མོ་སོགས་སུ་དབྱེ་བ་རྣམ་

― KMC016_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་མང་ཡང་། རྩ་གསུམ་ཐིག་ལེ་གསུམ་ནི་གསང་སྔགས་རྡོ་རྗེ་ཐེག་པ་སོགས་རྒྱུད་སྡེ་བཞི་པོ་རྣམས་ཀྱི་མར་གྱི་ཡང་ཞུན་ལྟ་བུ་ཡིན། མདོར་ན་དོན་དམ་མཆོག་གི་གཏུམ་མོ་ནི་བཀའ་བར་པ་མཚན་ཉིད་མེད་པའི་དོན་ཡིན་ཞིང་། བསྒོམ་པ་དུས་ཀྱི་གཏུམ་མོ་ནི་སྐྱོན་སྤང་ཞིང་ཡོན་ཏན་བསྒྲུབ་པས་འདུལ་བའི་བསླབ་བྱར་འོས་པ་བཀའ་དང་པོའི་དགོངས་དོན་ཡིན་ཞིང་། མདོ་རྒྱུད་ཕྱི་ནང་ཐམས་ཅད་སྟེ་གསུང་རབ་རྒྱ་མཚོའི་དགོངས་པ་མི་འགལ་བ་གཅིག་ཏུ་དྲིལ་བ་འདི་བཀའ་བརྒྱུད་གོང་མ་རྣམས་དང་། ཁྱད་པར་རྡོ་རྗེ་འཆང་དངོས་སྐྱབས་གཅིག་རྗེ་བླ་མའི་བཀའ་དྲིན་ལ་བརྟེན་ནས་ཐོབ་ཞིང་སྤྱོད་ཡུལ་དུ་གྱུར་པ་འདི་ནི་ཆེས་ཆེར་ངོ་མཚར་དུ་ཆེ་བས་ཉམས་སུ་ལེན་པར་མ་མཛད་ན། ཚེ་ཡི་སྡོད་ལོང་ཉི་ཚེ་སྦྲང་བུ་ལྟར་ཡིན་མོད། དཔལ་མགོན་འཕགས་པ་ཀླུ་སྒྲུབ་ཀྱི་ཞལ་ནས། ཚེ་ནི་གནོད་མང་རླུང་གིས་བཏབ་པ་བཞིན། །ཆུ་ཡི་ཆུ་བུར་ལས་ཀྱང་མི་རྟག་ན། །དབུགས་དབྱུང་དབུགས་རྔུབ་གཉིད་ཀྱི་ལོག་པ་ལས། །སད་ཁོམ་གང་

― KMC016_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ལགས་དེ་ནི་ངོ་མཚར་ཆེ། །ཞེས་སོགས་འདི་གཅིག་པུ་མ་ཡིན་པར་མདོ་རྒྱུད་དུ་མ་ནས་གསུངས་ཤིང་། ངེས་པར་དཔྱད་ན་ཀུན་གྱིས་ཡིན་པར་ཤེས་བཞིན་དུ་ཉམས་སུ་ལེན་པར་གཅིག་ཏུ་གཞོལ་བར་ཞུ་ཞུ། ༈ སླར་སྨྲས་པ། རྒྱུད་སྡེ་རྒྱ་མཚོའི་ཡང་སྙིང་ཡིད་བཞིན་ནོར། །ཐོས་བསམ་སྒོམ་པའི་རྒྱལ་མཚན་རྩེར་བཏེག་ནས། བརྩོན་འགྲུས་གང་གིས་བྱི་དོར་མི་བྱེད་པར། །མཆིང་བུའི་ནོར་བུའི་སྲིད་འདི་ཀྱེ་མ་བླུན། ༡ །ཁྱད་པར་ངེས་དོན་ཕྱག་ཆེན་ཆོས་དྲུག་ལས། །ཟབ་པའི་མྱུར་ལམ་ཁྲེགས་ཆོད་སྦྱང་ངོ་སྐད། །ཅལ་སྒྲོག་རྒྱུག་འདིས་སྙིང་ནས་མཆི་མ་འཁྲུག །བཀའ་བརྒྱུད་གྲུབ་ཐོབ་རྩོད་བྲལ་མ་བྱུང་ངམ། ༢ །རྒྱལ་བའི་དགོངས་དོན་ཕྱག་རྫོགས་དབུ་མ་ཆེ། །ལ་སོགས་མིང་གི་ཁྱེར་སོ་མང་ན་ཡང་། །ཆོས་རྣམས་མངོན་སུམ་མཐར་ཐུག་ཡེ་ཤེས་ཆ། །བཟང་ངན་དབྱེ་བ་གཞན་འཕྲུལ་བྱེད་པོ་རུ། ༣ །ཟབ་མིན་གང་ཟག་རང་ལ་རགས་ལས་ཀྱི། །ཟབ་པ་ཉམས་སུ་མ་བླང་ཅི་ལ་ཕན། །ཟབ་བམ་མི་ཟབ་སྒོམ་ན་ཅིས་མི་

― KMC016_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། །ཟབ་ལམ་འདི་ལས་ཟབ་པ་ཡོད་རེ་སྐན། ༤ །དེ་ཕྱིར་སྣོད་ལྡན་རྣམས་ཀྱིས་ཉམས་བླང་ན། །ལོ་ཁྱིམ་༡༢ ཡོལ་ཚེ་ཆོས་སྐུའི་རང་ཞལ་མཐོང་། །ལེ་ལོར་མ་བཏང་བརྩོན་འགྲུས་དཔུང་སྐྱེད་འཚལ། །དགེ་བས་མ་གྱུར་འགྲོ་རྣམས་སངས་རྒྱས་ཤོག ༥ །ཅེས་པ་འདིའང་བྱམས་མགོན་པདྨ་ཉིན་བྱེད་དབང་པོའི་ཐུགས་ཀྱིས་བརྩེ་བར་བསྐྱངས་ཤིང་ཞབས་ཀྱི་པདྨ་ཡུན་དུ་བརྟན་པ་དང་། རིགས་དང་དཀྱིལ་འཁོར་ཀུན་གྱི་མངའ་བདག་རྡོ་རྗེ་འཆང་དངོས་མཚན་བརྗོད་པར་དཀའ་བ། ༧ ཀརྨ་ངེས་དོན་བསྟན་པ་རབ་རྒྱས་དཔལ་བཟང་པོའི་ཞལ་སྔ་ནས་ཀྱང་། ལུང་རྟོགས་དམ་ཆོས་ཀྱིས་རྒྱུད་སྨིན་ཅིང་གྲོལ་བར་མཛད་ནས་རིམ་གཉིས་བསྐྱེད་རྫོགས་ཟབ་མོར་བརྟན་པ་ཐོབ་པར་བསྔགས་པའི་སློབ་དཔོན་བཀའ་དྲིན་སུམ་ལྡན་ཆོས་རྒྱལ་བསྟན་འཛིན་དཔའ་བཟང་པོའི་གསུང་ཇི་ལྟ་བ་བཞིན་དུ། ཀརྨ་སངས་རྒྱས་ཆོས་འཕེལ་གྱིས་བྲིས་ཏེ་བདག་ལྟ་བུའི་སྤྱི་རྟོལ་འབྲི་བ་མ་ལགས་ཏེ། ཟབ་ཆོས་འདི་འདྲ་བ་བརྟགས་ཤིང་དཔྱད་པའི་ཡུལ་དུ་

― KMC016_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་པ་འདི་བསྐལ་པ་བཟང་སྙམ་པའི་དགའ་སྤྲོ་དང་བཅས་ཁྱད་པར་མཁན་ཆེན་རྡོ་རྗེ་འཆང་གི་བཀའ་དྲིན་ལ་བརྟེན་ནས་རྣམ་བཀར་ཆོས་ལ་ཡིད་འདུན་མོས་བློ་ཙམ་དང་ལྡན་པ་ནན་ཏན་དུ་རྩོལ་བ་བགྱིས་ནས་བརྗེད་ཐོར་བྲིས་པ་འདི་བསམ་བཏན་གྱི་ཁང་བུ་ཞིག་ཏུ་སྡོད་ཚེ་མནོག་ཆུང་གི་ནོར་ཞིག་དང་མི་འདྲ་བར་ནམ་དགོས་ཀྱི་དུས་སུ་དཔྱད་པས་འཛད་མེད་ནོར་མཆོག་དམ་པ་ཡིན་ནོ། །སརྦ་མངྒ་ལཾ། ཕ་བཀའ་བརྒྱུད་ཀྱི་བསྟན་པ་དར་ཞིང་རྒྱས་པར་གྱུར་ཅིག །ཤུབྷཾ། ཞུས་སོ།། །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཆོས་དྲུག་གསོལ་འདེབས་ཀྱི་འགྲེལ་པ་གཏུམ་མོ་བདེ་བ་ཆེན་པོའི་ཐིག་ལེ།

― KMC016_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དྲུག་གསོལ་འདེབས་ཀྱི་འགྲེལ་པ་གཏུམ་མོ་བདེ་བ་ཆེན་པོའི་ཐིག་ལེ་ཞེས་བྱ་བ་བཞུགས་སོ། །

― KMC016_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་བུདྡྷ་གུ་རུ་ཀརྨ་ཀཱ་ཡ། །འདིར་གང་བཤད་པར་བྱ་བ་ནི། མཁས་གྲུབ་ཀརྨ་ཆགས་མེད་ཀྱི་རི་ཆོས་མཚམས་ཀྱི་ཞལ་གདམས་ཀྱི་ལེའུ་སོ་གསུམ་མ་ལས། བླ་མེད་སྤྱིའི་ཡང་གསང་སྒྲུབ་པ་དང་། གཏུམ་མོའི་ཁྲིད་རིམ་ཀུན་ལ་སྦྱར་རུང་བའི་གསོལ་འདེབས་ཉུང་ངུ་ཞེས་གསུངས་པ། རྗེ་ཆོས་ཀྱི་དབང་ཕྱུག་གིས་མཛད་པ། རྗེ་སྐྱབས་གསུམ་གྱི་ངོ་བོ་བླ་མ་རྗེ། །ཕ་རྟོགས་ལྡན་གྱི་རྒྱལ་པོ་དགོངས་སུ་གསོལ། །ཙཎྜི་བདེ་སྟོང་དུ་འབར་བར་བྱིན་གྱིས་རློབས། །སྒྱུ་ལུས་ལྷ་སྐུ་རུ་འཆར་བར་བྱིན་གྱིས་རློབས། །

― KMC016_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིད་འོད་གསལ་དུ་ཐིམ་པར་བྱིན་གྱིས་རློབས། །རྨི་ལམ་སྒྱུ་ལུས་སུ་འཆར་བར་བྱིན་གྱིས་རློབས། །འདའ་ཀ་སྐུ་གསུམ་དུ་འཕོ་བར་བྱིན་གྱིས་རློབས། །བར་དོ་ཆོས་ཉིད་དུ་གྲོལ་བར་བྱིན་གྱིས་རློབས། །ཅེས་པའི་གོ་དོན་བཤད་པ་ལ་གཉིས། ཚིག་འགྲེལ་དང་། དོན་འགྲེལ་ལོ། །དང་པོ་ནི། རྗེ་ཞེས་ལྷར་བཅས་འཇིག་རྟེན་གྱི་རྗེ་བོའམ་རྒྱལ་པོ་སྟེ་ཁམས་གསུམ་ཆོས་ཀྱི་རྒྱལ་པོ། ཕྱི་ནང་གསང་བའི་སྐྱབས་གནས་དཀོན་མཆོག་གསུམ་འདུས་པའི་ངོ་བོ་རྩ་བའི་བླ་མ་རྗེ་ཞེས་བཟོད་མེད་གདུང་བའི་ཤུགས་

― KMC016_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བོས་ནས། འཇིག་རྟེན་ནའང་ཕ་རྗེས་བུ་ཡིས་ཟིན་དགོས་པ་ལྟར་ཕ་བཀའ་བརྒྱུད་བླ་མ་གྲུབ་ཐོབ་རྒྱ་མཚོའི་གསང་བ་གསུམ་ལས་སྐྱེས་པའི་བུ་རྣམས་ཀྱིས། རྟོགས་པ་རྣམ་ཀུན་མཆོག་ལྡན་ཕྱག་རྒྱ་ཆེན་པོའི་རྒྱལ་སྲིད་ལ་མངའ་དབང་འབྱོར་བའི་རྒྱལ་པོ་ཆེན་པོ་དགོངས་སུ་གསོལ་ལོ་ཞེས་སྙན་གསན་ཕབ་ནས་ཟབ་ལམ་ནཱ་རོ་ཆོས་དྲུག་གིས་བདག་རྒྱུད་སྨིན་པར་གསོལ་བ་འདེབས་པའི་ཚིག་རྐང་དྲུག་ལས། དང་པོ་གཏུམ་མོ་ལམ་གྱི་གཞུང་ཤིང་གི་གསོལ་འདེབས་ནི། ཙཎྜི་ཞེས་པ་གཏུམ་མོ་སྟེ། དེ་ཡང་ཕྱི་དྲོད་ཀྱི་གཏུམ་མོས་བགེགས་རིགས་སྟོང་ཕྲག་བརྒྱད་ཅུ་བསྲེགས། ནང་བདེ་བའི་གཏུམ་མོས་ནད་རིགས་བཞི་བརྒྱ་རྩ་བཞི་སེལ། གསང་བ་མི་རྟོག་པའི་གཏུམ་མོས་ཉོན་མོངས་པ་བརྒྱད་ཁྲི་བཞི་སྟོང་འཇོམས། དེ་ཁོ་ན་ཉིད་ཟུང་འཇུག་ཕྱག་རྒྱ་ཆེན་པོའི་གཏུམ་མོས་ཡེ་ཤེས་ངོ་སྤྲོད་པར་བྱེད་ཅིང་། དེ་ཉིད་ཆོས་མཚུངས་དཔེ་ལ་སྦྱར་ན། དྲོད་ཀྱི་གཏུམ་མོ་མེ་དང་འདྲ་སྟེ་རྣམ་རྟོག་གི་གདོན་བགེགས་རྣམས་བསྲེགས། བདེ་བའི་གཏུམ་

― KMC016_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་སྨན་དང་འདྲ་སྟེ་ཚ་གྲང་ཟུག་རྔུའི་ནད་སེལ། མི་རྟོག་པའི་གཏུམ་མོ་སེང་གེ་དང་ཆོས་མཚུངས་ཏེ་ཉོན་མོངས་ཀུན་རྟོག་ཐམས་ཅད་ཟིལ་གྱིས་གནོན། དེ་ཁོ་ན་ཉིད་ཟུང་འཇུག་གི་གཏུམ་མོ་མེ་ལོང་དང་ཆོས་མཚུངས་ཏེ་རང་སེམས་ས ངས་རྒྱས་ཀྱི་ཡེ་ཤེས་ངོ་སྤྲོད་པར་བྱེད་པའོ། །དེ་དག་རྣལ་འབྱོར་པས་ཉམས་སུ་ལེན་པ་ལ། དྲག་རླུང་བྱེད་པ་གཅིག་པ། བརྟན་བྱེད་སྦྱོར་བ་བཞི་ལྡན། འཇམ་རླུང་ཞུག་པ་སུམ་ལྡན་གང་འོས་ཀྱི་སྦྱོར་བ་དང་། སྡོད་པའི་འཁྲུལ་འཁོར་རྣམ་བཞི་གང་རུང་ལ་རྒྱུན་དུ་གནས་པ་དང་། གཞན་ཡང་གཏུམ་མོའི་འཁྲུལ་འཁོར་བཅོ་བརྒྱད་དང་། རྩ་བ་དང་ཡན་ལག་གི་འཁྲུལ་འཁོར་རྣམས་རྗེ་མར་པ་ལོ་ཙཱའི་གསུང་ལས་བྱུང་བ་ལྟར་གེགས་སེལ་བོགས་འདོན་གྱི་ཆེད་དུ་སྦྱོང་ཞིང་ནད་ལ་སྨན་བཞིན་དགོས་པའི་དུས་སུ་རྒྱུད་ལ་བརྟེན་ནས་བདེ་སྟོང་རྣམ་པར་མི་རྟོག་པའི་ཡེ་ཤེས་སུ་འབར་བར་བྱིན་གྱིས་རློབས་ཤིག་ཅེས་གསོལ་བ་འདེབས་པའོ། །གཉིས་པ་སྒྱུ་ལུས་ལམ་གྱི་བོགས་འདོན་གྱི་གསོལ་

― KMC016_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་ནི། སྣང་གྲགས་ཀྱི་ཆོས་ཐམས་ཅད་སྒྱུ་མ་དང་རྨི་ལམ་ལྟ་བུའི་འདུ་ཤེས་སྒོམ་ཞིང་རང་ལུས་རྣམ་སྨིན་ལས་གྲུབ་པའི་ཐ་མལ་གྱི་སྒྱུ་ལུས་འདི་ཉིད་ལྷ་སྐུ་སྣང་ལ་རང་བཞིན་མེད་པ་ནམ་མཁའི་འཇའ་ཚོན་ལྟ་བུ། གསལ་ལ་རྟོག་པ་མེད་པ་མེ་ལོང་གི་གཟུགས་བརྙན་ལྟ་བུ། སྣང་སྟོང་ཞེན་མེད་ཟུང་འཇུག་གསེར་འགྱུར་གྱི་རྩི་ལྟ་བུ། སྣང་ཙམ་ཉིད་ན་སྟོང་པའི་ལྷ་སྐུ་དྲི་མེད་ཡེ་ཤེས་ཀྱི་སྒྱུ་ལུས་སུ་འཆར་བར་བྱིན་གྱིས་རློབས་ཤིག་ཅེས་པའོ། །གསུམ་པ་འོད་གསལ་ལམ་གྱི་སྒྲོན་མེའི་གསོལ་འདེབས་ནི། གནས་སྐབས་བཞི་ལས་གཉིད་འཐུག་གི་གནས་སྐབས། སྲིད་པ་བཞི་ལས་འཆི་སྲིད། ཐིག་ལེ་བཞི་ལས་ཡིད་ཀྱི་ཐིག་ལེ། འཁོར་ལོ་བཞི་ལས་སྙིང་ག་ཆོས་ཀྱི་འཁོར་ལོ་ལ་གནད་དུ་བསྣུན་ཅིང་རླུང་སེམས་བརྟན་པས་སྣང་མཆེད་ཐོབ་པ་ལས་འདས་ཏེ་ཐམས་ཅད་སྟོང་པར་འདྲེས་པའི་ཚེ་འོད་གསལ་གཉུག་མ་ལྷན་ཅིག་སྐྱེས་པའི་ངང་དུ་ཐིམ་པར་གསོལ་བ་འདེབས་པའོ། །རྗེ་ནཱ་རོ་པས། འོད་གསལ་འདི་ནི་རྣམ་ལྔ་སྟེ། །རང་བཞིན་

― KMC016_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ནི་འོད་གསལ་དང་། །ཤེས་པའི་འོད་གསལ་འཆར་བ་དང་། །ཏིང་ངེ་འཛིན་གྱི་འོད་གསལ་དང་། །དེ་བཞིན་ཉིད་ཀྱི་འོད་གསལ་དང་། །རྟོགས་པའི་འོད་གསལ་བསྟན་པའོ། །དེ་ལ་དུས་ནི་ལྔ་ཡིན་ཏེ། །འཆི་བའི་དུས་དང་དབུ་མར་གནས། །མཉམ་བཞག་དང་ནི་གཉིད་ལོག་ཚེ། མཉམ་རྗེས་རོ་གཅིག་གྱུར་པ་དང་། །ལྷག་མཐོང་རྟོགས་པའི་དུས་ཡིན་ནོ། །ཞེས་གསུངས་པ་ལྟར་རོ། །བཞི་པ་རྨི་ལམ་གྱི་ཚོད་འཛིན་གྱི་གསོལ་འདེབས་ནི། །དབང་པོའི་ཡུལ་དུ་གྱུར་ཚད་སྒྱུ་མ་དང་རྨི་ལམ་ཙམ་དུ་མོས་ཤིང་བློ་ལ་ངེས་པར་སེམས་ཤིང་མ་ཡེངས་པར་གཏད་པས། རྨི་ལམ་གྱི་སྣང་བ་ཐམས་ཅད་སེམས་ཀྱི་རྣམ་འཕྲུལ། བཟང་ངན་ཐམས་ཅད་སྒྱུ་མའི་རྩལ་ཁ། སྣང་གྲགས་ཐམས་ཅད་སྟོང་པའི་རང་བཞིན། སེམས་ཉིད་གདོད་ནས་སྐྱེ་འགག་དང་བྲལ་བ་ཡིན་པས། རྨི་ལམ་གྱི་དེ་ཁོ་ན་ཉིད་འོད་གསལ་སྟོང་པར་ངོས་ཟིན་ནས་ཉིན་མོ་ཡང་དེ་ལྟར་རྒྱས་བཏབ་ནས་མོས་འདུན་བྱས་པས་འཁྲུལ་པའི་བདེན་ཞེན་ལོག་སྟེ། སྣང་བ་ཅིར་

― KMC016_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་རྨི་ལམ་བཞིན་དུ་བདེན་མེད་དུ་ཤེས་ཤིང་རང་ཤར་རང་གྲོལ་ཡིན་པས་སྒྱུ་མ། སྒྱུ་མ་ཡིན་པས་སྟོང་པ། སྟོང་པ་ཡིན་པས་ཡེ་ཤེས་ཏེ། དེ་ལྟ་བུའི་སྒོ་ནས་ཅི་བྱེད་ཐམས་ཅད་ཞེན་མེད་ཀྱི་ལམ་ཁྱེར་དང་། སྒྱུ་མ་ལྟ་བུའི་གཞན་ཕན་འབའ་ཞིག་སྒྲུབ་པས་རྨི་ལམ་གྱི་རྩལ་འབྱོངས་པས་མ་དག་པའི་སྒྱུ་ལུས་དག་པ་ཡེ་ཤེས་ཀྱི་སྒྱུ་ལུས་སུ་འཆར་བར་བྱིན་གྱིས་རློབས་ཤིག་པའོ། །ངེས་པའི་དོན་ལ། སྣང་གྲགས་ཐམས་ཅད་ལ་དངོས་འཛིན་གྱི་མཚན་མ་རང་སར་གྲོལ་ནས། རྟེན་འབྲེལ་སྒྱུ་མ་ལྟ་བུའི་འཆིང་གྲོལ་ལ་དབང་ཐོབ་ནས་འབྲས་བུ་ལོངས་སྤྱོད་རྫོགས་པའི་སྐུ་འགྲུབ་པའོ། །རྗེ་བཙུན་མི་ལས། རྨི་ལམ་ཉིན་མོ་ཁྱད་མེད་ན། །སྒོམ་པ་ཀློང་དུ་གྱུར་པ་ཡིན། །ཅེས་སོ། །ལྔ་པ་འཕོ་བའི་ལམ་བསུ་མའི་གསོལ་འདེབས་ནི། ཤུལ་རིང་གི་ལམ་འཇིགས་པ་ཡོད་པའི་ས་ནས་བསུ་བ་དང་ཆོས་མཚུངས་པས་ལམ་གྱི་སུན་མའང་གསུངས་ལ། རྣལ་འབྱོར་པ་རབ་ཚེ་འདིར་ཕྱག་རྒྱ་ཆེན་པོའི་རྟོགས་པ་མངོན་ཏུ་གྱུར་པ་ལ་མི་དགོས་ཀྱང་། ལམ་སྦྱངས་

― KMC016_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དམན་ན་འཕོ་བ་བསུ། །ཞེས་པ་ལྟར་རྣལ་འབྱོར་པས་འཆི་ལྟས་བརྟགས་པས་འཆི་བར་ངེས་ཤིང་མི་བསླུ་བར་ཤེས་པའི་དུས་ནི་འདའ་ཁའམ་འཆི་ཁ་ཡིན་ལ། དེ་ལྟ་བུའི་འདའ་ཀ་སྐུ་གསུམ་གྱི་འཕོ་བ་མ་སྒོམ་སངས་རྒྱས་ཀྱི་ལམ་གྱིས་སྐུ་གསུམ་དག་པའི་ཞིང་དུ་འཕོ་བར་བྱིན་གྱིས་རློབས་ཤིག་པའོ། །དྲུག་པ་བར་དོ་ལམ་སྐྱེལ་མའི་གསོལ་འདེབས་ནི། ལམ་འཇིགས་པ་ཡོད་པའི་སར་སྐྱེལ་མ་དང་ཆོས་མཚུངས་པས་དེ་སྐད་ཅེས་བྱ་ལ། རྣལ་འབྱོར་རབ་ལ་འབྱུང་འཁྲུག་འཆི་ཀའི་བར་དོ་སྣང་གསུམ་གྱིས་དྲངས་པའི་གཞིའི་འོད་གསལ་འཆར་བའི་ཚེ་སྔར་སྒོམ་པའི་འོད་གསལ་མ་བུ་འདྲེས་ཏེ་འོད་གསལ་ཆོས་སྐུའི་ངང་དུ་གྲོལ་བ་ནི་བར་དོ་ཆོས་ཉིད་དུ་གྲོལ་བར་བྱིན་གྱིས་རློབས་ཤིག་པའོ། །འབྲིང་སྣང་མུན་སྲིད་པའི་བར་དོ་སྒྱུ་ལུས་ལ་བརྟེན་ནས་བར་དོ་སྒྱུ་མའི་ལྟ་བུ་སྐུར་ལྡང་། ཐ་མ་སྲེད་ལེན་སྐྱེ་གནས་ཀྱི་བར་དོ་ལ་མངལ་སྒོ་ངན་པ་སྤངས་ཤིང་བཟང་པོ་གདམ་ནས་ཟབ་མོའི་ཆོས་ལ་སྤྱོད་པའི་སྣོད་རུང་དུ་སྐྱེས་ནས་ལམ་

― KMC016_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་འཕྲོ་མཐུད་པས་ན་བར་དོ་ལམ་གྱི་ཆད་མཐུད་ཞེས་ཀྱང་བྱའོ། །གཉིས་པ་དོན་འགྲེལ་ནི། ཆོས་དྲུག་ལ་གྲངས་འདྲེན་ཚུལ་སྣ་ཚོགས་ཡོད་ཀྱང་འདིར་ནི། གཏུམ་མོ་བདེ་དྲོད་རང་འབར། སྒྱུ་ལུས་ཆོས་བརྒྱད་རང་གྲོལ། འོད་གསལ་མ་རིག་མུན་སེལ། རྨི་ལམ་འཁྲུལ་པ་རང་སངས། འཕོ་བ་མ་སྒོམ་སངས་རྒྱས། བར་དོ་རྒྱལ་བ་ལོངས་སྐུ་དང་དྲུག་གོ །རྗེ་རས་ཆུང་པས་འདོད་ཆགས་བདེ་ཆེན་དུ་བསྲེ་བ་གཏུམ་མོ། ཞེན་མེད་བདེན་མེད་དུ་བསྲེ་བ་སྒྱུ་ལུས། གཏི་མུག་མི་རྟོག་པར་བསྲེ་བ་འོད་གསལ། གཏུམ་མོ་དང་སྒྱུ་ལུས་བསྲེས་ནས་ཉིན་མོ་སྒོམ་པ། རྨི་ལམ་དང་འོད་གསལ་བསྲེས་ནས་མཚན་མོ་སྒོམ་པ། བར་དོ་དང་འཕོ་བ་བསྲེས་ནས་འཆི་ཁར་སྒོམ་པ། གང་ཟག་བརྩོན་འགྲུས་ཅན་ལ་གཏུམ་མོ། ལེ་ལོ་ཅན་ལ་རྨི་ལམ། ཚེ་ཐུང་བ་ལ་འཕོ་བ་ལ་བསྲེ་བས་བསྲེ་འཕོ་དགུ་སྐོར་གྱི་རྣམ་གཞག་མཛད་པ་ནི། མངའ་བདག་མར་པ་ལོ་ཙཱའི་གསུང་མགུར་ལས། སྒོ་སྲུང་ནཱ་རོ་པཎ་ཆེན་ལས། རྒྱུད་ཟབ་མོ་དགྱེས་པ་རྡོ་རྗེ་ཐོས། །བསྲེ་འཕོ་

― KMC016_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་སྦྱོར་གྱི་གདམ་ངག་ཐོབ། །ཞེས་གསུངས་པ་ཉིད་དོ། རྣལ་འབྱོར་པས་རྒྱུན་དུ་ཉམས་སུ་ལེན་ཚུལ་ལ། འགྲོ་བའི་མགོན་པོ་དཔལ་ཕག་མོ་གྲུབ་པས། འགྲོ་མགོན་སྟག་ལུང་ཐང་པ་ལ་གནང་བའི་ཆོས་དྲུག་སྟན་ཐོག་གཅིག་ཏུ་ཉམས་སུ་ལེན་ཚུལ་ནི། ཐབས་བཞིའི་མན་ངག་ཆིག་དྲིལ་དུ་སྒོམ་པ་ཞེས་བྱ་སྟེ། གཏུམ་མོ་གནད་དུ་བསྣུན་ཅིང་འོད་གསལ་ཕྱག་རྒྱ་ཆེན་པོའི་ངང་དུ་འཇོག །ཆོས་ཐམས་ཅད་བདེན་མེད་རྨི་ལམ་ལྟར་ཤེས་པའི་ངང་ནས་རང་རིག་ལྷ་སྐུ་སྒྱུ་མ་ལྟར་བསྒོམ། དེ་ལྟར་ཉིན་མཚན་འཁོར་ཡུག་ཏུ་ཉམས་སུ་བླངས་ཤིང་གནད་བཞི་དང་ལྡན་པར་བྱ་དགོས་ཏེ། མི་ཉལ་བ་ཙོག་པུའི་གནད། ༡ མི་འབྲལ་བ་སྒོམ་ཐག་གི་གནད། ༢ བགོ་བ་གོས་ཀྱི་གནད། ༣ གསང་བ་ཚིག་གི་གནད། ༤ སྟོན་པའི་བླ་མས་བསྟན་པའི་ཆོས་རྒྱུད་ལ་སྐྱེས་པའི་ཉམས་རྟོགས་རྣམས་རྩལ་རྫོགས་ཤིང་མཐར་མ་ཕྱིན་གྱི་བར་དུ་གསང་བའི་གནད་བཞིའོ། །དེ་ལྟར་ཟབ་ལམ་ནཱ་རོ་ཆོས་དྲུག་ཅེས་པ་རྩ་བའི་ཆོས་བཞི་དང་ཡན་

― KMC016_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་གི་ཆོས་གཉིས་དང་དྲུག་ཡིན་ལ་དེ་དག་བརྩོན་འགྲུས་དང་ལྡན་པས་ཉམས་སུ་བླངས་ན་ལྟེ་བ་སྤྲུལ་པའི་འཁོར་ལོར་རྩ་རླུང་བྱང་ཆུབ་ཀྱི་སེམས་བརྟན་པས་སད་པའི་གནས་སྐབས་དག་སྟེ་སྒོ་ལྔའི་རྣམ་ཤེས་བྱ་བ་གྲུབ་པའི་ཡེ་ཤེས་སུ་བྱང་ཆུབ་ཅིང་ལུས་ལ་མཚན་དཔེས་སྤྲས་པ་རྡོ་རྗེའི་སྐུ་རྡོ་རྗེ་མངོན་དུ་འགྱུར་བ་དང་། དེ་བཞིན་དུ་སྙིང་ག་ཆོས་ཀྱི་འཁོར་ལོར་བརྟན་པས་གཉིད་འཐུག་གི་གནས་སྐབས་ལྷན་ཅིག་སྐྱེས་པའི་མ་རིག་པ་དག་སྟེ། ཀུན་གཞིའི་རྣམ་ཤེས་མེ་ལོང་ལྟ་བུའི་ཡེ་ཤེས་བྱང་ཆུབ་ཅིང་ཆོས་ཀྱི་སྐུ་ཐུགས་རྡོ་རྗེ་ཐོབ་པ་དང་། མགྲིན་པར་བརྟན་པས་རྨི་ལམ་གྱི་གནས་སྐབས་དག་སྟེ། དྲུག་པ་ཡིད་ཀྱི་རྣམ་ཤེས་སོ་སོར་རྟོག་པའི་ཡེ་ཤེས་བྱང་ཆུབ་ཅིང་གསུང་གི་རྡོ་རྗེ་མངོན་དུ་བྱེད་པ་དང་། སྤྱི་བོར་བརྟན་པས་ཆགས་པའི་གནས་སྐབས་ཤིན་ཏུ་ཕྲ་ཞིང་ཕྲ་བ་འཕོ་བའི་བག་ཆགས་དག་སྟེ་བདུན་ཡིད་མཉམ་པ་ཉིད་ཀྱི་ཡེ་ཤེས་སུ་བྱང་ཆུབ་ཅིང་བདེ་བ་ཆེན་པོའི་སྐུ་ཐོབ་པར་འགྱུར་བ་སྟེ། ཧེ་བཛྲ་ལས། གང་ཕྱིར་སྤྲུལ་པ་གནས་

― KMC016_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་ཕྱིར། །དེ་ལ་སྤྲུལ་པའི་སྐུ་ཉིད་ཡིན། །ཞེས་གསུངས་པ་ལྟར་རོ། །ཆོས་དྲུག་གི་གསོལ་འདེབས་ལ་འགྲེལ་པ་འདི་ལྟར་དགོས་ཞེས་མཚར་སྒང་བང་རིའི་རྟོགས་ལྡན་ཀརྨ་རྣམ་གྲོལ་བཟང་པོས་བསྐུལ་ངོར། དྭགས་བརྒྱུད་མཁན་མིང་པ་འདུལ་འཛིན་ཞྭ་ལྗང་ཅན་གྱིས་བྲིས་པ་བརྒྱུད་ལྡན་བླ་མའི་བྱིན་རླབས་སྣོད་ལྡན་སློབ་མའི་རྒྱུད་ལ་འཇུག་པའི་གྱུར་ཅིག །སརྦ་མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ནཱ་རོ་ཆོས་དྲུག་ལས་གཏུམ་མོའི་བོགས་འདོན་ལུས་སྦྱོང་འཁྲུལ་འཁོར་གྱི་ཞལ་ཁྲིད་ཀུན་གསལ་མེ་ལོང་།

― KMC016_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

ནཱ་རོ་ཆོས་དྲུག་ལས་གཏུམ་མོའི་བོགས་འདོན་ལུས་སྦྱོང་འཁྲུལ་འཁོར་གྱི་ཞལ་ཁྲིད་ཀུན་གསལ་མེ་ལོང་ཞེས་བྱ་བ་བཞུགས་སོ། །

― KMC016_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཀརྨ་ཀཱ་ཡེ། འདིར་མྱུར་ལམ་ཟབ་མོ་ནཱ་རོ་ཆོས་དྲུག་གི་ལམ་གྱི་གཞུང་ཤིང་གཏུམ་མོ་ལ་བརྟེན་ནས་རྩ་རླུང་ཐིག་ལེ་གནད་དུ་བསྣུན་པས་ཟག་མེད་ཀྱི་ཡེ་ཤེས་དང་བདེ་དྲོད་རང་འབར་དུ་འགྱུར་བའི་ཐབས་དང་དམིགས་རིམ་གཙོ་བོར་གཞུང་ཁྲིད་ལ་ཉམས་མྱོང་གི་མན་ངག་ཞལ་རྒྱུན་གྱིས་བརྒྱན་པ་ཞུས་ཏེ་ཉམས་ལེན་བྱང་ཞིང་ཆུབ་པ་གལ་ཆེ་ཞིང་དེ་ཡི་བོགས་འདོན་ལུས་སྦྱོང་འཁྲུལ་འཁོར་གྱི་ཕྱག་ལེན་མཐོང་རྒྱུན་མ་ཆད་པ་བཞུགས་བཞིན་པ་འདི་ལྟར་ལ། དེ་ཡང་སོ་སོའི་ཞལ་རྒྱུན་སོགས་ཀྱི་ཕྲན་བུའི་འདྲ་མིན་འབྱུང་འདུག་པར་བརྟེན་དཔེའུ་རིས་

― KMC016_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འཕྱུག་མེད་ཀྱི་ལག་ལེན་ཡི་གེ་ཁ་གསལ་དུ་བཀོད་པ་ལ། ༼ཀ༽ ཐོག་མར་སྔོན་འགྲོ་རླུང་སྐྱོན་སེལ་བའི་འཁྲུལ་འཁོར་ནི། རླུང་བཟུང་མི་དགོས་ལུས་གནད་རྣམ་སྣང་ཆོས་བདུན་བཅས་ལ་ལག་མཐིལ་གཉིས་ཀྱིས་རྐང་མཐིལ་དུ་ཤེད་ཀྱིས་ལན་གསུམ་བརྡབ། དེ་འཕྲལ་ལག་གཉིས་སྙིང་ཁར་འཁྱུད་རྒྱ་བྱས་ལ་བཀྲོལ་བ་དང་ལྷན་དུ་རྡོར་སྐྱིལ་བཤིག་ནས། ༼ཁ༽ ཅུང་ཟད་ཡར་འཕགས་ཉམས་བཅས་རྐང་པ་གཡས་ཤེད་ཀྱིས་བརྐྱང་པའི་དཔྱི་མགོར་ལག་གཉིས་ཀྱི་ཐལ་རྡེབ་བཅས་བརླ་ཡི་ཕྱི་ཟུར་ནས་མར་བྱུག་ཞོར་སོར་རྩེ་ནས་བསྐོར་མི་དགོས་ལོང་

― KMC016_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིགས་བསྡམས་ཙམ་བྱས་ནས། ལག་པ་གཉིས་ཀས་ནང་ནས་ཡར་བྱུག་ཞོར་རྐང་པ་བསྐུམ་ཡང་རྐང་པ་མར་བརྐྱང་ལ་དཔྱི་མགོར་ཐལ་རྡེབ་སོགས་ལན་གསུམ་བྱས་ལ། དེ་ནས་རྐང་པ་གཡོན་ལ་ཡང་དེ་འདྲ་ལན་གསུམ་བྱ། དེ་འཕྲལ་རྡོར་སྐྱིལ་བཅས་ལ། ༼ག༽ དཔུང་བརྐྱངས་ལག་གཉིས་ཐལ་མོ་སྙིང་ཁའི་ཐད་དུ་བརྡབས་ནས་ལག་པ་བཀྲུ་བ་ལྟར་འཕུར་ཞིང་། མདུན་དུ་ཕྱིར་འཕེན་པའི་ཚུལ་བཅས་དེ་འདྲ་ལན་གསུམ་བྱ། ༼ང་༽ ལག་གཡས་ཀྱིས་ཕྲག་གོང་ནས་ཕྱིར་བྱུག་ལག་མགོ་ཁུ་ཚུར་རྩེ་ནས་ནང་ནས་མཆན་ཁུང་བར་དུ་བྱུགས་འཕྲལ། མཆན་རྡེབ་རྒྱབ་ལ། ཡང་ཕྲག་གོང་ནས་བྱུག་པ་བཅས་དེ་འདྲ་ལན་གསུམ་དང་། དེ་ནས་ལག་གཡས་ཤེད་ཀྱིས་བརྐྱང་ལ་གཡོན་ཀྱི་ཕྲག་གོང་ནས་བྱུགས་ཤིང་མཆན་རྡེབ་བཅས་གོང་ལྟར་ལན་གསུམ་བྱས་ནས། མགོ་འཕུར་ནི། ༼ཅ༽ ལག་གཉིས་བསྒྲིག་ནས་ཐལ་མོ་ཕྱིར་བསྟན་རྡོར་སྐྱིལ་ཐད་ནས་ཡར་ཁྱེར། མཆན་རྡེབ་བཅས་མདུན་དུ་བརྐྱང་ཞིང་། ལག་གཡས་ཀྱིས་དཔྲལ་བ་དང་། གཡོན་པ་ལྟག་པར་བཞག་ནས། བྱུགས་ཤིང་འཕེན་པའི་ཚུལ་བྱ། སླར་ཡང་མཆན་རྡེབ་མདུན་

― KMC016_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

བརྐྱང་གིས་གཡོན་ནང་གཡས་ཕྱི་བྱུག་དང་འཕེན་ཚུལ་དེ་ནས་མཆན་རྡེབ་བཅས་མདུན་བརྐྱང་གིས་གཡས་ནང་གཡོན་ཕྱི་བྱས་ལ་བྱུག་དང་འཕེན་པའི་ཚུལ་བཅས་གོང་གསལ་གཡས་གཡོན་བསྡོམས་པས་གསུམ་བྱ། ༼ཆ༽ དེ་ནས་གདོང་བྱུག་ནི་ལག་མཐིལ་གཉིས་ཀྱིས་དཔྲལ་བ་ནས་གདོང་པ་ཕྱིར་བྱུག། ལྐོག་མའི་ཐད་ནས་ཐལ་མོའི་མཛུབ་རྩེ་རྣམས་སྦྲེལ་ལ་ཕྱིར་བསྟན། དེ་འདྲ་ལན་གསུམ་སོང་ནས། ༼ཇ༽ ནུ་འཕུར་ནི་དང་པོ་ནུ་མ་གཡོན་ཕྱོགས་སུ་ལག་གཡས་སྟེང་གཡོན་འོག་གི་ཁུ་ཚུར་གྱིས་ཕྱིར་བྱུག །དེ་ནས་ནུ་མ་གཡས་ཐོག་ལག་གཡོན་སྟེང་གཡས་འོག་བྱས་ནས་བྱུག་པ་བཅས་རེས་མོས་ཀྱིས་གཡས་ལ་གསུམ་གཡོན་ལ་གསུམ་བཅས་ཁྱོན་བསྡོམས་དྲུག་ཚང་དགོས། འདི་སྐབས་ལག་གཉིས་ཁུ་ཚུར་ནང་བསྟན་གྱིས་བྱུག་པ་ཡིན་ཀྱང་། དཔེ་རིས་སུ་ཐལ་མོ་བྲིས་པ་ཅུང་ནོར་སོང་འདུག་པ་དགོངས་འཇགས་ཞུ། ༼ཉ༽ ལག་གཉིས་ཁུ་ཚུར་གཡས་མདུན་སྙིང་ཁའི་སྟོད་བྲང་གཞུང་དང་། གཡོན་རྒྱ བ་གཞུང་རྒལ་ཚིགས་སྟེང་དུ་བཞག་ནས། མཉམ་དུ་ཕྱིར་བྱུག་ཡང་གཡོན་མདུན། གཡས་རྒྱབ་ཏུ་བཞག་ནས་

― KMC016_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་བྱུག །ཡང་གོང་བཞིན་གཡས་མདུན་གཡོན་རྒྱབ་བྱས་ནས་བྱུག་པ་བཅས་ཁྱོན་གསུམ། ༼ཏ༽ ལག་གཉིས་ཁུ་ཚུར་རྒྱུ་ཁུག་མཁལ་མའི་སྟེང་དུ་བཞག་ནས་བསྐོར་ཞིང་འཕུར་བ་ལན་གསུམ་བྱ། དེས་སྔོན་འགྲོ་རླུང་སྐྱོན་སེལ་བའི་འཁྲུལ་འཁོར་རྫོགས་སོ། །དམིགས་པའི་གནད་ནི་ལག་མཐིལ་གཉིས་སུ་རླུང་གི་དཀྱིལ་འཁོར་སྔོན་པོ་གཞུ་ཡི་དབྱིབས་ཅན་ཡྃ་ཡིག་ལྗང་ཁུས་མཚན་པ། རྐང་མཐིལ་གཉིས་སུ་མེ་ཡི་རང་བཞིན་ཆོས་འབྱུང་དམར་པོ་རྃ་གྱིས་མཚན་པ་བསྒོམ་ལ་ལག་མཐིལ་གྱིས་རྐང་མཐིལ་དུ་ལན་གསུམ་བརྡབ་པའི་ཚེ་རྐང་མཐའ་ཆོས་འབྱུང་ལས། དང་པོས་དུ་བ་འཐུལ། གཉིས་པས་མེ་སྟག་འཚུབས། གསུམ་པས་མེ་ལྷབ་ཀྱིས་འབར་སྟེ་རང་ལུས་མེ་ཡི་གོང་བུར་ཚུད། རྩ་རླུང་གི་སྐྱོན་ཐམས་ཅད་འཚིགས་རྩ་མདུད་སོགས་གྲོལ་བར་སྒོམ་མོ། །དེ་ནས་རླུང་བྱང་བའི་ཕྱིར་རླུང་རོ་དགུ་ཕྲུག་འབུད་པ་ནི་ལུས་གནད་བསྲངས་ཁུ་ཚུར་གཉིས་བརླ་རྩར་སྦུབ་ཐོག་མར། ༡༽ ལག་གཡོན་ཁུ་ཚུར་པུས་སྟེང་ནས་ཡར་ཁྱེར་ནས་ནུ་མའི་སྟེང་དུ་སླེབས་ཚེ་མཆན་རྡེབ་ཀྱིས་མདུན་དུ་ཤེད་ཀྱིས་བརྐྱང་འཕྲལ་ཁུ་ཚུར་མཛུབ་སྐོར་བཅས་གྲུ་

― KMC016_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་ཐད་ཀར་བརྐྱང་། མཛུབ་མོས་སྣ་བུག་གཡོན་པ་བཀག་རླུང་གཡས་ནས་རྔུབ་ཅིང་འབུད་པ་གསུམ་བྱས་ལ་མཆན་རྡེབ་ཀྱིས་མདུན་དུ་ཤེད་ཀྱིས་བརྐྱང་ལ་སྔར་བཞིན་བརླ་རྩར་སྦུབ་མར་བརྐྱང་དུས་མཛུབ་སྐོར་མེད། ༈ །དམིགས་པའི་གནད་ནི། རླུང་ཕར་འབུད་པའི་ཚེ། སྐྱེ་བ་ཐོག་མེད་ནས་བསགས་པའི་སྡིག་སྒྲིབ་ནད་གདོན་ཐམས་ཅད་དང་། ཁྱད་པར་རྩ་རླུང་ཐིག་གསུམ་གྱི་གེགས་དང་བར་ཆད་ཐམས་ཅད་དབང་པོའི་སྒོ་དགུ་དང་བ་སྤུའི་བུ་ག་ཐམས་ཅད་ནས་སྔོ་ཐར་རེ་སོང་བར་བསམ། ཚུར་རྔུབ་པའི་སྐབས། ཡེ་ཤེས་ལྔ་ཡི་རང་བཞིན་དཔའ་བོ་དང་མཁའ་འགྲོ་མ་ཐམས་ཅད་རྩ་རླུང་ཐིག་གསུམ་གྱི་གྲོགས་སུ་རླུང་འོད་ཟེར་ཁ་དོག་སྣ་ལྔའི་རྣམ་པར་སྤྱན་དྲངས། རྩ་དམིགས་ཐམས་ཅད་དུ་མཚོ་ལ་ཆར་བབ་པ་ལྟར་སིབ་སིབ་ཐིམ་པར་སྒོམ་མོ། །དེ་ནས་ལག་གཡས་པུས་སྟེང་ནས་ཡར་ཁྱེར་མཆན་རྡེབ་མདུན་བརྐྱང་མཛུབ་མོས་སྣ་གཡས་བཀག་ལ་གཡོན་ནས་རྔུབ་ཅིང་འབུད་པ་གསུམ་བྱས་ལ་མཆན་རྡེབ་མདུན་བརྐྱངས་ཀྱིས་བརླར་སྦུབ། དེ་ཡི་ཚེ་དམིགས་པ་ནི་རླུང་ཕར་བཏང་བ་ན་སྐྱེ་བ་བར་མ་འདིའི་བསླབ་པ་

― KMC016_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ལ་ལྟུང་བས་གོས་པའི་སྡིག་སྒྲིབ་དང་། རྩ་རླུང་ཐིག་ལེའི་གེགས་དང་བར་ཆད་ཐམས་ཅད་སྔོ་ལྗང་གིས་ཕྱི་རོལ་དུ་སོང་བ་དང་། ཚུར་རྔུབ་ཚེ་བྱིན་རླབས་བསྡུ་བའི་དམིགས་པ་གོང་བཞིན་བྱའོ། ༢༽ །དེ་ནས་ལག་གཉིས་ཁུ་ཚུར་བརླ་རྩར་སྦུབ་བཞིན་སྣ་བུག་གཉིས་ནས་རྔུབ་དགང་། ཕྱིར་འབུད་དུས་ཁུ་ཚུར་པུས་སྟེང་དུ་སྦུབ། ཡང་ཁུ་ཚུར་བརླ་རྩར་ཡང་ཁྱེར། དེ་འདྲ་ལན་གསུམ་བྱ། དེ་ཡི་ཚེ་དམིགས་པ་ནི། རླུང་ཕྱིར་བཏང་དུས་སྐྱེ་བ་ཐོག་མཐའ་བར་གསུམ་གྱི་དམ་ཚིག་ཉམས་ཆག་སྡིག་སྒྲིབ་ནད་གདོན་སོགས། རྩ་རླུང་གི་བར་ཆད་ཐམས་ཅད་དབང་པོའི་སྒོ་དང་བ་སྤུའི་བུ་ག་བཅས། ལུས་ཁྲོལ་ཚག་ལྟར་ཡོད་པ་ནས་སྔོ་ལྗང་གིས་སོང་བ་དང་། ཚུར་རྔུབ་པའི་ཚེ་གོང་བཞིན་བྱིན་རླབས་བསྡུ་བའི་དམིགས་པ་བཅས་བྱའོ། ༈ །རླུང་བུམ་ཅན་བཟུང་བ་ནི། ལུས་གནད་ཇི་སྐད་དུ། རྣམ་སྣང་ཆོས་བདུན་ཞེས་བྱ་བ། །རྐང་པ་རྡོ་རྗེ་སྐྱིལ་ཀྲུང་གིས། །དྲོད་ནི་ཤུགས་ལ་སྐྱེ་བ་ཡིན། །ལག་པ་ལྟེ་འོག་སོར་བཞིའི་མཚམས། །མཉམ་བཞག་ཕྱག་རྒྱ་དམ་པར་བྱ། །རྩ་ཁ་འབྱེད་ཅིང་བདེ་བ་སྐྱེ། །སྒལ་ཚིགས་མདའ་ལྟར་དྲང་པོར་བསྲངས། །རླུང་

― KMC016_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་རང་སར་ཚུད་པ་ཡིན། །མགྲིན་པ་ལྕགས་ཀྱུ་ལྟར་བཀུག་པས། །སྙིང་རྩེ་གྱེན་ལྡོག་མི་རྟོག་སྐྱེ། །དཔུང་པ་རྒོད་གཤོག་ལྟར་བརྒྱངས་པས། །དགོས་པ་རླུང་ནད་ཆུང་བ་ཡིན། །མིག་གིས་སྣ་རྩེར་གཏད་པ་ཡིས། །དམིགས་པ་དག་ནི་གསལ་བ་ཡིན། །ལུས་སེམས་རིལ་བུ་ལྟར་དུ་སྒྲིམ། །བདེ་དྲོད་མྱུར་དུ་སྐྱེ་བ་ཡིན། །ཞེས་གསུངས་པ་ལྟར་བཅས་གཞི་དེ་དང་ལྡན་པས། རླུང་དངོས་བཟུང་བ་ནི། རྔུབ་དགང་བཞིལ་བ་མདའ་ལྟར་འཕང་། །སྦྱོར་བ་བཞི་ལྡན་མ་ཤེས་ན། །ཡོན་ཏན་སྐྱོན་དུ་འགྱུར་ཉན་ཡོད། །ཅེས་དང་། རྒྱ་རས་ཀྱིས། རླུང་སེམས་གཉིས་མེད་མི་ཤེས་པའི། །རླུང་ཀྱང་འབུད་པ་ཀྱི་སེར་ཡིན། །ཞེས་པ་ལྟར། དམིགས་པའི་གནད་སྟོང་ར་རྩ་གསུམ་འཁོར་ལོ་བཞི་བཅས་གསལ་ཞིང་རླུང་སེམས་གཉིས་མེད་ཀྱི་བསྐྱེད་རྫོགས་དང་མ་བྲལ་བས་ལྕགས་ཀྱུ་ལྟར་འགུགས། རྒྱ་མཚོ་ལྟར་དགང་། ཡུར་བ་ལྟར་གཞིལ། མདའ་ལྟར་འཕང་བ་སྟེ་སྦྱོར་བ་བཞིའི་ཚུལ་ལ་ནན་ཏན་དུ་བྱའོ། །འདི་ཕྱིན་དམིགས་བསལ་མ་གཏོགས་རླུང་བུམ་ཅན་བཟུང་བཞིན་དུ་རླུང་ཁུག་རེ་ལ་འཁྲུལ་འཁོར་རེ་རྫོགས་པར་བྱ་དགོས།

― KMC016_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་ཁྲུས་ཡན་ལག་ལྔ་སྦྱོང་ནི། ལུས་གནད་རྡོར་སྐྱིལ་དྲང་པོར་བསྲང་རླུང་བཟུང་འཕྲལ། ༼ཀ༽ ལག་གཉིས་ཁུ་ཚུར་སྦུབས་ལ་པུས་མོའི་སྟེང་ནས་ཡར་ཁྱེར་ནུ་སྟེང་སླེབས་འཕྲལ་མཆན་རྡེབ་བཅས་ཤེད་ཀྱིས་མདུན་དུ་བརྐྱང་སྐུམ་དུས་བྲང་སྟེང་ཤེད་ཀྱིས་བརྡེག་པ་དེ་འདྲ་ལ ན་གསུམ་བྱ། ༼ཁ༽ ལག་གཡོན་འཕྲོད་དུ་ཤེད་ཀྱིས་བརྐྱངས། ལག་གཡས་ཀྱིས་གཡོན་པའི་ཕྲག་མགོ་ནས་ཕྱིར་བྱུག་མཁྲིག་མའི་མཚམས་ནས་ནང་ལ་མཆན་ཁུང་བར་ཡར་བྱུག །ཡང་ལག་གཡོན་ཤེད་ཀྱིས་བརྐྱངས་པ་སོགས་གོང་བཞིན་བཅས་གསུམ་དང་། ལག་གཡས་བརྐྱངས་ཤིང་གཡོན་པས་བྱུག་ཚུལ་སོགས་གོང་དང་འདྲ་བ་གསུམ་བྱ། ༼ག༽ དེ་ནས་ཐལ་མོ་གཉིས་སྙིང་ཁའི་ཐད་དུ་རྡེབ་བྱུག་ཕྱིར་འཕེན་ཉམས་ཅན་གསུམ་བྱ། འདི་གོང་གི་རླུང་སྐྱོན་སེལ་དུས་ཀྱི་ལག་པ་བཀྲུ་ུབ་ལྟར་མིན། ༼ང་༽ ཐལ་མོ་གཉིས་ཕྱིར་བསྟན་པ་བཅས་པུས་མོའི་སྟེང་ནས་ཡར་ཁྱེར་མཆན་རྡེབ་ཀྱིས་མདུན་དུ་བརྐྱང་ལ་ལག་གཡས་དཔྲལ་བ་གཡོན་ལྟག་པ་ནས་བསྐོར། ཡང་མཆན་རྡེབ་བཅས་ལག་གཡས་གཡོན་ཕྱི་ནང་བརྗེ་རེས་ལན་གསུམ། གོང་གི་རླུང་སྐྱོན་སེལ་བའི་

― KMC016_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་དང་འདྲ། ༼ཅ༽ ལག་གཡས་ཁུ་ཚུར་སྦུབས་ལ་འཆང་ཁ་ཕྱིར་བསྟན་གྱིས་དྲང་དང་། གཡོན་པ་ཁུ་ཚུར་བཀན་ལ་འཆང་ཁ་ཕྱིར་བསྟན་གྱིས་རྒྱབ་གཞུང་དུ་བཞག་ལ་དབུ་མ་ཤད་པ་ལག་གཡས་གཡོན་ཕྱི་ནང་རྗེ་རེས་ཀྱིས་ཕྱིར་ཤད་གསུམ་བྱ། ༼ཆ༽ རྡོར་སྐྱིལ་བཤིག་ནས་རྐང་གཡས་བརྐྱངས་ལག་གཉིས་ཀྱིས་བརླ་གཡས་དཔྱི་མགོར་ཐལ་རྡེབ་དང་བཅས་ཕྱི་ནས་མར་བྱུག་པ་སོར་རྩེ་རྐང་མཐིལ་ནས་ཡར་བརླ་ནས་ཡར་བྱུག་པ་གསུམ་དང་། འདི་སྐབས་པདྨ་ཉིན་བྱེད་ཟིན་བྲིས་སུ་ལག་པས་ཕྱི་ནས་མར་བྱུག་པ་སྐོར་བ་བརྐྱང་ནང་ནས་ཡར་བྱུག་པ་དང་རྐང་པ་བསྐུམ་པར་གསུངས་ཀྱང། དེ་ནི་གོང་གི་རླུང་སྐྱོན་སེལ་བའི་སྐབས་ལས་འདིར་མི་མཛད། ༼ཇ༽ སེམས་སྐྱིལ་བྱས་ལ་ལག་གཡོན་རྐང་གཡས་མཐིལ་འགེབ་ནས་བཟུང་ལག་གཡས་ཁུ་ཚུར་པུས་མོ་གཡས་ཀྱི་ཐོག་སྦུབ་ཅིང་མནན་ལ་མིག་གིས་གཡས་གཡོན་དབུས་གསུམ་དུ་གྱེན་ལ་ལྟ་བ་རེ་བྱ། དེ་ནས་རྐང་གཡོན་བརྐྱང་ལ་དཔྱི་མ གོར་ཐལ་རྡེབ་ནས་ཕྱི་ནང་བྱུག་པ་གསུམ་དང་། སེམས་སྐྱིལ་རྐང་པ་གཡས་གཡོན་ཕྱི་ནང་གོ་བརྗེ་སྟེ་མིག་གིས་གྱེན་ལྟ་

― KMC016_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བཅས་གོང་བཞིན་སོང་ནས། རྡོར་སྐྱིལ་བཅས་ལ་ལག་གཉིས་ཁུ་ཚུར་མཐེ་བོང་སར་བཙུག་སྟེ། རྡོར་སྐྱིལ་གདན་ལས་འཕགས་ཁུ་ཚུར་ཡར་བཀྱག་པ་དང་། ལུས་ལྗིད་ཀྱིས་རྡོར་སྐྱིལ་འབེབས་གདན་ལ་བརྡབ་པའི་འབེབས་ཆུང་གསུམ་བརྒྱབས་ལ་རྡོར་སྐྱིལ་བཀྲོལ་སྟེ་རླུང་བཏང་། པུས་མོའི་འཕང་ལོའི་སྟེང་ལག་མཐིལ་གྱིས་མནན་ལ་རོ་སྟོད་སི་ལི་ལི་སྤྲུགས་ཤིང་ཧ་སྤྲུགས་བྱའོ། །དེ་དག་གི་ཚེ་དམིགས་པའི་གནད་ནི། རྩ་གསུམ་འཁོར་ལོ་བཞི་དང་ཡན་ལག་བཞི་ཡི་ཚིགས་ཆེན་ཚིགས་ཕྲན་རྣམས་ཀྱི་འཁོར་ལོ་རྣམས་གསལ་ལ། དེ་སྔ་ཕན་ཆད་ཉོན་མོངས་པའི་སྟོབས་ཀྱིས་ཡེ་ཤེས་ཀྱི་རྩ་རྣམས་གྲུ་གུ་བཞིན་ལྡོག་ཅིང་གྱོང་ནས་ཡོད་པ་རྩ་གནས་རྣམས་སུ་རླུང་གིས་ཁྱབ་སྟེ་འཕུར་སྲུབ་སོགས་བྱས་པས་དེ་རྣམས་མཉན་ཅིང་གཞུ་རྒྱུད་ལྟར་བརྐྱངས་པའི་དམིགས་པ་བྱའོ། །ནཱ་རོ་དྲུག་སྐོར་ནི་དམིགས་པ་སོགས་བྱང་ན་བོགས་འདོན་གྱི་དམིགས་པ་དང་སྦྲགས་ཚུལ་ནི། ༡༽ རྡོར་སྐྱིལ་བཅས་ལ་རྩ་གསུམ་འཁོར་ལོ་དྲུག་འཁོར་ཕྲན་དང་བཅས་པར་གསལ་པའི་འདུས་མདོར་ཡེ་ཤེས་ཀྱི་གཏུམ་མོ་མཚན་ཉིད་བཞི་ལྡན་ཐིག་ལེའི་རྣམ་པ་

― KMC016_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དང་དབྱེར་མེད་དུ་སྒོམ་ལ་རླུང་བཟུང་བས་གཏུམ་མོའི་མེ་ཡི་རྩེ་མོ་དྷཱུ་ཏིའི་ནང་དུ་ཞུགས་མེ་ཤེད་ཇེ་ཆེར་འབར་སྟེ་ལྟེ་བའི་འཁོར་ལོ་མན་ཁྱབ་པར་བསྒོམ་ཞིང་ལག་གཉིས་ཁུ་ཚུར་ཁ་སྦུབས་པུས་སྟེང་དུ་བཞག་ནས་ཕོ་བ་གཡས་གསུམ་སྐོར་གཡོན་གསུམ་སྐོར་མེ་ཡིས་སྙིང་ག་མན་ཆད་ཁྱབ་པར་བསྒོམ་ལ། ༈ ༢༽ །ཁུ་ཚུར་པུས་སྟེང་དུ་སྦུབ་བཞིན་པ་ནས་དཔུང་པ་བརྐྱངས་ཤིང་རོ་སྟོད་གཡས་གཡོན་བཅུད་པ་རེས་མོས་ཀྱིས་ལན་དྲུག་བྱ་དེ་ནས་མེ་ཡིས་མགྲིན་པ་བར་ཁྱབ་པར་སྒོམ། ༣༽ ལག་གཉིས་ཁུ་ཚུར་གྱེན་བསྟན་བརླ་རྩར་བཞག་ལ་མགོ་གཡས་སྐོར་གསུམ་དང་གཡོན་སྐོར་གསུམ་བྱ་མེ་ཡིས་སྤྱི་བོ་མན་ཆད་ཁྱབ་པར་སྒོམ། ༈ ༤༽ །མགོ་བོ་དགུ་བའི་མདུན་འཕང་གསུམ་དང་། ༥༽ མགོ་བོ་དགྱེ་བའི་རྒྱབ་འཕང་གསུམ་བྱ་དེ་ནས་མེ་ཡིས་ཡན་ལག་གི་འཁོར་ལོ་རྣམས་ལ་ཁྱབ་པར་བསྒོམ། ༦༽ རྡོར་སྐྱིལ་བཤིག །གཞོགས་གཡོན་ས་ལ་ཕབ། གཡོན་ཁུ་ཚུར་ནུ་སྟེང་བཞག་ཅིང་གྲུ་མོ་གདན་ལ་གཙུག །རྐང་གཡོན་བསྐུམ་པའི་རྟིང་པས་འོག་སྒོ་མནན། ལུས་ཚུགས་མ་ཤོར་བར་ལག་གཡས་རྐང་གཡས་མཉམ་

― KMC016_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཤེད་ཀྱིས་གྱེན་ལ་བརྐྱང་ཞིང་། ཕྱིར་ཤེད་ཀྱིས་བསྐུམ་དུས་ལག་པས་མཆན་རྡེབ་དང་རྐང་པས་འཕོངས་རྡེབ་ཕོག་པ་ལན་གསུམ་བྱ། དེ་ནས་གཞོགས་གཡས་ས་ལ་ཕབ་ནས་གོང་བཞིན་ལན་གསུམ་སོང་ནས་མེ་ཡིས་ལུས་ཀྱི་ནང་ཐམས་ཅད་ཁེངས་ནས་བ་སྤུའི་པར་ཁྱབ་པར་བསྒོམ་ལ། རྡོར་སྐྱིལ་བཅས་ལག་གཉིས་ཁུ་ཚུར་དང་པོ་གཡས་མདུན་གཡོན་རྒྱབ། དེ་ནས་གཡོན་མདུན་གཡས་རྒྱབ་བཅས་ཕྱི་ནང་རེས་མོས་ཀྱིས་རོ་སྟོད་ལ་ཡར་ཤད་གསུམ་ཁྱོག་སྨད་ལ་མར་ཤད་གསུམ་བྱ། དེ་ནས་ལུས་ཀྱི་ཕྱི་ནས་ཀྱང་མེ་དམར་ཡོར་ཡོར་འབར་བར་སྒོམ་ལ་འབེབས་ཆུང་གསུམ་རྒྱབ། སླར་ཡང་མེ་རྣམས་གཏུམ་མོའི་འདུས་མདོར་ཐིམ་པར་བསམ་ཞིང་རྡོར་སྐྱིལ་བཤིག་ལ་རླུང་བཏང་ཧ་སྤྲུགས་འཕུར་འདར་བྱའོ། །འདི་སྐབས་དམིགས་པ་མི་གསལ་བའི་ལས་དང་པོ་དང་། དམིགས་པ་གསལ་ཀྱང་རོ་སྟོད་ན་བ་དང་རླུང་ཤེད་ཆེ་བ་སོགས་ལ་སྤྱིར་བཏང་དུ་དམིགས་གནད་རྩ་གསུམ་འཁོར་ལོ་བཞི་དང་བཅས་པའི་འདུས་མདོར་གཏུམ་མོའི་མེ་མཚན་ཉིད་བཞི་ལྡན་ཆེས་ཕྲ་བ་ནས་གསུམ་འཁྱོག་སོར་བཞི་པའི་བར་གསལ་བ་ལ་དམིགས་པ་

― KMC016_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

གཏད་པར་བྱའོ། །རྩ་གསུམ་འཁོར་ལོ་སོགས་གྲུབ་ཆེན་ཀརྨ་པཀྴིས་མན་ངག་དུ་བཀྲལ་བའི་ལུས་སྦྱང་འཁྲུལ་འཁོར་སོ་བདུན་མར་གྲགས་པའི་གྲངས་ནི་ས་གནོན་བྱས་ལ་གཡས་གཡོན་སྐོར་བ་དྲུག །པུས་མོ་གཡས་འཇུས་གཡོན་སྐོར་བ་དྲུག །དེ་བཞིན་གཡོན་འཇུས་དྲུག་བཅས་བཅོ་བརྒྱད་ལ། གཡས་གཡོན་ཞགས་འཕེན་དྲུག་གིས་ཉེར་བཞི་སྟེ། །མདའ་འགེངས་གཡས་གཡོན་དྲུག་དང་སུམ་ཅུ་ལ། གཡས་གཡོན་ནང་བྱུག་དྲུག་དང་སོ་དྲུག་སྟེ། ཧ་སྤྲུགས་བསྒྲང་བས་ལུས་སྦྱོང་སོ་བདུན་ནོ། །ཞེས་གསུངས་པའི་སོ་བདུན་མ་ནི་ལུས་གནད་རྡོར་སྐྱིལ་བཅས་ལ་རླུང་བཟུང་། ༼ཀ༽ ལག་གཉིས་ཁུ་ཚུར་ཁ་སྦུབ་པུས་མོའི་སྟེང་དུ་བཞག་ལ་ཕོ་བ་གཡས་སྐོར་གསུམ་གཡོན་སྐོར་གསུམ་བྱ། ༼ཁ༽ པུས་མོ་གཡས་ཀྱི་སྟེང་དུ་ལག་གཡས་ཁུ་ཚུར་སྦུབ་ཐོག་གཡོན་གྱི་ཁུ་ཚུར་སྦུབ་ལ་བརྩེགས་ཕོ་སྐོར་གཡས་གསུམ་གཡོན་གསུམ་བྱ། དེ་ནས་པུས་མོ་གཡོན་སྟེང་ཁུ་ཚུར་གཡོན་ཐོག་གཡས་བརྩེགས་ལ་ཕོ་སྐོར་གཡས་གསུམ་གཡོན་གསུམ་བྱ། དེ་ནས། ༼ག༽ ཁུ་ཚུར་ཞགས་འཕེན་ནི་ལག་གཡོན་ཁུ་ཚུར་པུས་གཡོན་སྟེང་སྦུབས་

― KMC016_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ལག་གཡས་མགོ་ཐོག་ནས་གཡོན་དུ་སྐོར་ལ་མཆན་རྡེབ་བཅས་མདུན་དུ་བརྐྱང་པ་ལན་གསུམ་བྱ། ལག་གཡས་ཁུ་ཚུར་པུས་གཡས་སྟེང་སྦུབ་ལ་གཡོན་གྱི་ཁུ་ཚུར་མགོ་ཐོག་ནས་གཡས་སྐོར་གྱི་མཆན་རྡེབ་མདུན་བརྐྱང་གོང་བཞིན་ལན་གསུམ་རྗེས་མདུན་དུ་བརྐྱང་འཕྲལ་མདའ་འགེང་ནི། ༼ང་༽ ལག་གཉིས་མདུན་དུ་ཐལ་མོ་བརྡབ་ལ་གཡོན་པའི་ཁུ་ཚུར་ཤེད་ཀྱིས་བརྐྱང་ཞོར་གཡས་པའི་ཁུ་ཚུར་གཡོན་པའི་མཁྲིག་མ་ནས་བྲང་དཀྱིལ་བར་ཚུར་བྱུག་ལ་ནུ་སྟེང་མཆན་རྡེབ་བྱ་བ་དེ་འདྲ་གཡས་གཡོན་རེས་མོས་ཀྱིས་དྲུག་བྱ། ༼ཅ༽ དེ་ནས་ལག་གཡོན་མདུན་ཐད་དྲང་པོར་བརྐྱང་ལ་ལག་གཡས་ཁུ་ཚུར་གྱིས་འཆང་ཁས་དཔུང་པའི་ནང་མར་ཤད་མཁྲིག་མའི་མཚམས་ནས་ཡར་ཤད་མར་ཤད་ལན་གསུམ་དང་། གཡས་ལའང་གཡོན་གྱིས་ཤད་ཚུལ་དེ་བཞིན་ལན་གསུམ་བྱ། འབེབས་ཆུང་གསུམ་མཐར་རྡོར་སྐྱིལ་དཀྲོལ་ལ་རླུང་བཏང་ཧ་སྤྲུགས་འཕུར་འདོན་སྤྱི་ལྟར་བྱའོ། །དེ་ཡི་ཚེ་དམིགས་པའི་གནད་ནི་རྩ་གསུམ་འཁོར་ལོ་དྲུག་འཁོར་ཕྲན་དང་བཅས་པ་གསལ་བའི་འདུས་མདོར་ཆོས་འབྱུང་གི་དབུས་ཕག་མོའི་ངོ་བོ་གཏུམ་མོ་ཕྲ་

― KMC016_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཕྲ་བ་གོང་བུའི་རྣམ་པར་གསལ་ཞིང་འབར་བའི་རྩེ་མོ་དྷཱུཏིའི་ནང་དུ་ཕྱིན་པ་ལ་སེམས་བཟུང་ཞིང་སྣ་བུག་རོ་རྐྱང་གཉིས་ནས་རྔུབ་པས་མགར་གྱིས་སྦུད་པ་བཏབ་པའི་མེ་བཞིན་གཞི་ཡི་ཙནྡ་ལཱི་ལས་མེ་དྲག་ཏུ་འབར། སྤྱི་བོ་བར་ཁྱབ་དེ་ནས་མེ་རྣམས་ཕྱིར་ལྡོག་འཕྲེད་དུ་འབར་བས་བ་སྤུའི་བར་ཁྱབ་ཅིང་རྩ་མདུད་རྟེན་བྱེད་དང་། འཁོར་བར་སྐྱེད་པའི་རྩ་རྣམས་དབུ་མ་ནས་འཁོར་ཕྲན་གྱི་རྩ་འདབ་རྣམས་ཀྱི་བར་ཐམས་ཅད་ལ། ཤིང་གི་ཤུན་པ་བཞིན་ཆགས་ནས་ཡོད་པ་ཐམས་ཅད་བསྲེག་ཡེ་ཤེས་ཀྱི་རྩ་འབའ་ཞིག་ཏུ་གྱུར་ཏེ་ཕྱི་ཡི་སྟོང་ར་ནང་མེ་བར་གྱི་རྩ་གསུམ་གཅིག་གིས་གཅིག་མ་བསྒྲིབ་པར་ཕྱི་ནང་ཟང་ཐལ་བདེ་བ་ཆེན་པོའི་ངང་ནས་མཐར་གཞིའི་གཏུམ་མོ་ལ་བསྡུའོ། །ཡང་གོང་བཞིན་སྦྱོར་བ་བཞིན་ལྡན་གྱི་རླུང་གིས་ཙནྡ་ལཱིའི་མེ་ཤེད་ཇེ་ཆེར་གྱིས་ལུས་ཀྱི་ནང་ཁྱབ་ཐམས་ཅད་མེ་ཡིས་ཁེངས། བ་སྦུའི་བུ་ག་རྣམས་ནས་མེ་ཡི་རྩེ་མོ་སྦྲུལ་གྱི་ལྕེ་བཞིན་ཕྱི་རོལ་དུ་ཉུག་ཉུག་མཆེད་པ་ལས་ཐོག་མར་གནས་ཁང་། དེ་ནས་ཇེ་ཆེར་གྱི་ཡུལ་ལུང་འཇིག་རྟེན་ཀུན་ཏུ་མེ་ཡིས་ཁེངས་པར་བསྒོམས་ཤིང་རླུང་ཁུག་གཅིག་ལ་

― KMC016_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

འབེབས་ཆུང་ཅི་ནུས་རྒྱབ་ལ། མཐར་མེ་རྣམས་གཞིའི་གཏུམ་མོ་ལ་བསྡུ་ཞིང་རྟོག་མེད་ཀྱི་ངང་ལ་ནས་ཧ་སྤྲུགས་ཕུར་འདོན་སོགས་བྱའོ། །དེ་ཡན་གྱི་རླུང་སྐྱོན་སེལ་བ་གཅིག །ཡན་ལག་ལྔ་སྦྱོང་གཉིས། ནཱ་རོ་དྲུག་སྐོར་སོ་བདུན་མ་བཅས་གཏུམ་མོའི་འཁྲུལ་འཁོར་རྩ་བ་བཞི་རྫོགས་སོ། །དེ་དག་གི་ཚེ་ཁམས་སྐྱོན་ཡིན་ན་མེ་ཁ་དོག་དཀར་པོ་སྒོམས། དེ་ཡང་དྲོད་དང་བདེ་བ་དུས་མཉམ་དུ་སྒོམས། བདེ་བ་ཆུང་ན་བདེ་བ་རྐྱང་པ་དང་། དྲོད་ཆུང་ན་དྲོད་རྐྱང་པ་དང་། རླུང་ཤས་ཆེ་ཞིང་སེམས་མི་གནས་ན་མིག་མི་གཡོ་ཞིང་བདེ་བ་དང་ལྡན་པ་དང་། བྱིང་རྨུགས་དང་ཏིང་ངེ་འཛིན་མི་གསལ་ན། མེ་རྩེ་མོ་གཡོ་ཞིང་ཚ་བ་ལ་སེམས་བཟུང་བ་དང་། དུས་ཀྱི་གནད་ཀྱང་། སྡུག་བསྔལ་གྱི་དུས་རྩེ་མོ་རིང་བ་དང་། བཏང་སྙོམས་ཀྱི་དུས་ཐུང་བ་དང་། བདེ་བའི་སྐབས་གོང་བུའི་རྣམ་པ་ལ་སེམས་བཟུང་བར་བྱ་བ་ནི་མན་ངག་གནད་དམ་པའོ། །ནཱ་རོའི་ཡན་ལག་ལྔ་སྦྱོང་ནི། ལུས་གནད་རླུང་བཟུང་སྐྱིལ་ཀྲུང་བཅས་ལ། ལག་གཉིས་ཁུ་ཚུར་ཁ་སྦུབས་པུས་མོའི་སྟེང་དུ་བཞག་ལ་ཕོ་བ་གཡས་སྐོར་གསུམ་དང་གཡོན་སྐོར་གསུམ་བྱ། ཁུ་ཚུར་གྱེན་བསྟན་

― KMC016_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

བརླ་རྩར་བཞག་ལ་མགྲིན་པ་གཡས་སྐོར་གསུམ་གཡོན་སྐོར་གསུམ། མགོ་བོ་གཡས་ཀྱོག་རེས་མོས་ཀྱིས་ལན་དྲུག་བྱ། མདུན་རྒྱབ་ཏུ་མགོ་བོ་དགྱེ་དགུ་རེས་མོས་ལན་དྲུག་བྱ། སླར་ཡང་ཁུ་ཚུར་མདུན་ནས་ཡར་གྱེན་དུ་གཞལ་དཔུང་པ་གཉིས་ཐད་དུ་རྒོད་གཤོག་ལྟར་བརྐྱང་ལ། དང་པོ་གཡས་ཀྱི་ཁུ་ཚུར་གྱིས་གཡས་ཀྱི་ཕྲག་པར་བརྡེག་ལ་བརྐྱང་། དེ་ནས་གཡོན་གྱི་ཕྲག་བརྡེག་དེ་བཞིན་དང་། ཡང་གཡས་ཀྱི་ཕྲག་བརྡེག་གཅིག་ནས་ལག་གཉིས་ཀྱི་མཆན་རྡེབ་ཀྱིས་མདུན་དུ་བརྐྱང་། ཕྲག་རྡེབ་བཅས་ཁུ་ཚུར་བསྐུམ་པ་དེ་འདྲ་ལན་གསུམ་བྱ། འཁྱུད་རྒྱ་བཅས་རྡོར་སྐྱིལ་བཀྲོལ་བ་འཕྲལ། ཙོག་པུར་ཁུ་ཚུར་གཡོན་དང་རྐང་གཡོན་གདན་ལ་གཙུག ། ལག་གཡས་མཐེ་བོང་མཛུབ་མོ་གུང་མོ་གསུམ་གྱིས་རྐང་གཡས་མཐེ་བོང་བཟུང་ལ་མདུན་དུ་ཤེད་ཀྱིས་བརྐྱང་བསྐུམ་ལན་གསུམ་དང་། ཁུ་ཚུར་གཡས་དང་རྐང་གཡས་གདན་ལ་གཙུག་ནས་གོང་བཞིན་ལག་གཡོན་གྱིས་རྐང་གཡོན་མཐེ་བོང་བཟུང་ལ་མདུན་དུ་བརྐྱང་བ་ལན་གསུམ་བྱས་ལ། བར་འབེབས་ནི་སེམས་སྐྱིལ་ཡར་བཏེག་ཞོར། ཙོག་པུར་རྐང་པ་གཉིས་

― KMC016_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

བརྣོལ་ལག་གཉིས་འཁྱུད་རྒྱའི་ཚུལ་གྱིས་གྱེན་དུ་འཕགས་པ་དང་། ལག་གཉིས་ཐད་ཀར་བརྐྱངས་སེམས་སྐྱིལ་པུས་མོའི་ཕྱིའི་ཟུར་གྱི་འབེབས་གདན་ལ་བརྡབ་པ་ནི་བར་འབེབས་ཏེ། དེ་འདྲ་ལན་གསུམ་མཐར་ཧ་སྤྲུགས་ཕུར་དོན་བྱ། འདི་ཕྱིན་བར་འབེབས་ཐམས་ཅད་འདི་ཡིས་རིགས་འགྲེའོ། །དམིགས་པའི་གནད་ནི་སྟོང་ར་རྩ་འཁོར་སོགས་གོང་བཞིན་བསྒོམ་པ་ལ་རླུང་གི་སྦྱོར་བས་མེ་ཡི་ནུས་པ་རབ་ཏུ་རྒྱས་ཏེ་ལྟེ་བའི་རྩ་འདབ་རྣམས་མེ་ཡིས་ཁེངས། འཁོར་ལོའི་དབུས་སུ་རྩ་བའི་མེ་མར་མེའི་སྡོང་བུ་ལྟར་འབར་བས་སྙིང་ཁའི་དབུས་དང་རྩ་འདབ་རྣམས་སུ་འབར་ཞིང་། དེ་བཞིན་དུ་མགྲིན་པ་དང་སྤྱི་བོའི་འབར་ཁྱབ། སྤྱི་བོར་གདུགས་རྩིབས་ལྟར་མེའི་སྣེ་མོ་ཅུང་ཟད་ཐུར་དུ་གུག་སྟེ་འབར་བ་ལས་ལྟེ་འཁོར་གྱི་མེ་ཡི་ནུས་པ་རྒྱས་པས་རྐང་པའི་ཚིགས་ཆེན་ཚིགས་ཕྲན་ནས་སོར་རྩེའི་བར་དང་། སྙིང་གའི་མེའི་ནུས་པ་རྒྱས་པས་ལག་པའི་ཚིགས་ཆེན་ཚིགས་ཕྲན་སོར་རྩེའི་བར་ཡེ་ཤེས་ཀྱི་ངོ་བོའི་མེ་འབར་ཞིང་ཁྱབ་པར་བསྒོམ་ལ་མཐར་གཞིའི་གཏུམ་མོ་ལ་བསྡུ་གོང་བཞིན་བྱའོ། །མཻ་ཏྲིའི་ཡན་ལག་ལྔ་སྦྱོང་ནི་ལུས་གནད་རླུང་

― KMC016_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་རྡོར་དཀྱིལ་བཅས་ལ། ༡༽ ཁུ་ཚུར་གཉིས་བརླ་རྩར་སྦུབས་ལ་མགྲིན་པ་གཡས་བསྐོར་གསུམ། གཡོན་སྐོར་གསུམ། མགོ་བོ་གཡས་ཀྱོག་གསུམ། གཡོན་ཀྱོག་གསུམ། དེ་བཞིན་མགོ་བོ་རྒྱབ་ཏུ་དགྱེ་ཞིང་འཕང་གསུམ་དང་། མདུན་དུ་དགུ་བ་ལན་གསུམ་བྱས་ལ། ལག་གཉིས་འཁྱུད་རྒྱ་བཀྲོལ་བ་དང་རྡོར་སྐྱིལ་བཤིག ༢༽ །དེ་འཕྲལ་པུས་མོ་གཉིས་ས་ལ་གཙུགས། ལུས་དྲང་པོར་བསྲང་། གྲུ་མོ་གཡོན་བརྐྱངས་ཁུ་ཚུར་གྱིས་ནུ་མ་གཡོན་གྱི་སྟེང་ནས་མནན་ལ། ལག་གཡས་ཁུ་ཚུར་མགོ་ཐོག་ནས་བསྐོར་བའི་ཞགས་འཕེན་རེ་དང་མཆན་རྡེབ་རེ་སྦྲགས་པ་གསུམ། སླར་ཡང་གཡས་པའི་ཁུ་ཚུར་ནུ་གཡས་སྟེང་བཙུག་ལ་གཡོན་པ་ཞགས་འཕེན་མཆན་རྡེབ་བཅས་གསུམ། ཙོག་པུར་ལག་པ་གཉིས་ཀྱི་ཁུ་ཚུར་དང་། རྐང་པ་གཡོན་བཅས་གདན་ལ་བཙུག ། རྐང་གཡས་མདུན་ཐད་དྲང་པོར་བརྐྱང་བསྐུམ་བརྐྱང་བཅས་གསུམ་དང་། སླར་ཡང་རྐང་གཡོན་དེ་བཞིན་བརྐྱང་བསྐུམ་གསུམ་མཐར་བར་འབེབས་གསུམ་རྒྱབ་རླུང་བཏང་ཧ་སྤྲུགས་འཕུར་འདོན་བྱའོ། །དམིགས་པའི་གནད་ནི་རོ་རྐྱང་ལས་རླུང་རྔུབ་པས་

― KMC016_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་མདོའི་གཏུམ་མོའི་མེ་ལ་མགར་གྱིས་སྦུད་པ་རྒྱབ་པ་བཞིན་མེ་ཤེད་ཆེར་སྐྱེས་ཏེ་ལྟེ་བ་ཕྱིན་གྱི་སྟོང་ར་ཐམས་ཅད་མེ་མཚན་ཉིད་བཞི་ལྡན་གྱིས་གང་། དེ་བཞིན་དུ་རིམ་པས་སྙིང་ཁ། མགྲིན་པ། སྤྱི་བོ་ཕྱིན་གྱི་སྟོང་ར་ཐམས་ཅད་མེ་ཡིས་ཁེངས་པས་དར་དམར་གྱི་གུར་ནང་མར་མེ་བཞག་པ་བཞིན་རང་ལུས་དམར་ལ་སྨུག་པའི་མདངས་ཆགས་པ། སྣང་སྟོང་དབྱེར་མེད་འོད་ཀྱི་རང་བཞིན་དུ་བསམ་ལ། མཐར་ཧ་སྤྲུགས་སྐབས་བ་སྤུའི་བུ་ག་ནས་མེ་ལྕེ་དམར་ལྷབ་ལྷབ་བྱེད་པར་སྒོམ། འདི་སྐབས་ལུས་ཐམས་ཅད་དུ་ཁྱབ་པའི་དྲོད་མ་སྐྱེས་ན། གང་དུ་དྲོད་མ་སྐྱེས་པ་དེར་རཾ་ཡིག་དམར་པོ་ལས་བྱུང་བའི་མེ་མཚན་ཉིད་བཞི་ལྡན་འབར་བ་ལ་རླུང་སེམས་གཏད་ཅིང་ཚ་ཆི་ལེར་བསྒོམ། ཡང་རླུང་བཟུང་སྟེ་རླུང་ཁུག་གཅིག་ལ་བར་འབེབས་ཅི་ནུས་རྒྱབ། དེ་ཚེ་གོང་བཞིན་རང་ལུས་མེ་ཡིས་ཁེངས། ཕྱི་རོལ་དུ་མཆེད། སྟོང་གསུམ་ཐམས་ཅད་མེ་ཡིས་ཁེངས་པར་བསྒོམ། བདེ་སྟོང་དབྱེར་མེད་ཀྱི་ངང་ནས་མཐར་གཞིའི་གཏུམ་མོ་ལ་བསྡུའོ། །ཧ་སྤྲུགས་འཕུར་འདོན་བྱ། དེ་ཡན་གྱི་རྩ་བ་བཞི་དང་ཡན་ལག་གཉིས་བཅས་རྩ་བའི་ལུས་སྦྱོང་དྲུག་

― KMC016_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་སོ། །ཉི་མ་དྲུག་བསྐོར་ནི། ལུས་གནད་ཙོག་པུར་འདུག་ལ་རླུང་བཟུང་། རྐང་པ་གཉིས་བསྣོལ་བའི་པུས་མོའི་རྒྱབ་ནས་ལག་པ་བསྣོལ་སྟེ་ཕྱིར་བརྐྱང་། རྐང་མཐིལ་འོག་ནས་ཡར་ལ་རྐང་ལག་མཐིལ་བཞི་སྤྲད་དེ། ལག་པའི་མཐེབ་མཛུབ་ཀྱིས་རྐང་པའི་མཐེ་བོང་བཟུང་ལ་ཕོ་བ་གཡས་སྐོར་གཡོན་སྐོར་དྲུག །རྟིང་པ་དང་འཕོངས་བཏེག་རེས་མོས་དྲུག་གྱེན་འཕགས་དྲུག་བཅས་སོང་ནས་རླུང་བཏང་། དེའི་ཚེ་དམིགས་པའི་གནད་ནི་རང་གི་སྟེང་འོག་མདུན་རྒྱབ་གཡས་གཡོན་བཅས་ལ་ཉི་མའི་དཀྱིལ་འཁོར་གསལ་ཞིང་དྲོད་འབར་བ་རེ་གསལ་བའི་དབུས་སུ། རང་ལུས་སྟོང་ར་ཡི་དམ་གྱི་སྐུ་དང་འདུས་མདོར་གཏུམ་མོ་བཅས་གསལ་ཞིང་རྙོག་པ་དང་བྲལ་བ་དམར་ལ་སྨུག་པའི་འོད་འབར་བར་བསྒོམ་མོ། །གཏུམ་མོ་ཞག་བདུན་མ་ནི། ལུས་གནད་གོང་བཞིན་ཙོག་པུར་རླུང་བཟུང་། རྐང་ལག་གོང་ལྟར་བསྣོལ་བའི་རྐང་སྟེང་ནས་ལག་པ་གཉིས་ཀྱིས་རྐང་པའི་མཐེ་བོང་དམ་དུ་བཟུང་ལ་ཕོ་བ་གཡས་གཡོན་སྐོར་གསུམ། རྟིང་པ་སར་བཙུག་འཕོངས་བཏེག །འཕོངས་སར་བཙུག་རྟིང་བཏེག །ཡང་རྟིང་པ་སར་

― KMC016_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུག་འཕོངས་བཏེག་པ་བཅས་གསུམ་སོང་ནས་ཤེད་ཀྱིས་རྐང་པ་གཤིབས་ཏེ་ཡར་ལང་། ལག་གཉིས་ཐལ་མོ་པུས་སྟེང་ནས་གྱེན་དུ་གཞལ། ཐད་ཀར་བརྐྱང་ཞིང་ཕྲག་གོང་ནས་ཕྱིར་ཤད་ཁུ་ཚུར་གྱེན་སྟན་བརླ་རྩར་བཞག་འཕྲལ། འབེབས་ཆེན་བཅས་སེམས་སྐྱིལ་དང་སླར་ཡང་ཙོག་པུར་རྐང་མཐེབ་བཟུང་བ་ནས་ཕོ་སྐོར་འབེབས་སོགས་གོང་བཞིན་ལན་གསུམ་སོང་ནས་རླུང་བཏང་ཧ་སྤྲུགས་འཕུར་འདོན་བྱའོ། །དམིགས་པའི་གནད་ནི་སྟོང་ར་ཡི་དམ་དུ་གསལ་བའི་ལྟེ་འོག་གཏུམ་མོའི་མེ་མཚན་ཉིད་བཞི་ལྡན་འོད་ཀེམ་ཀེ མ་གློག་ཁྱུག་ཁྱུག་བདེ་དྲོད་དང་ལྡན་པར་སེམས་བཟུང་ངོ་། །ད་ནི་རྗེ་བརྒྱད་པ་མི་བསྐྱོད་ཞབས་ཀྱིས་མར་པའི་གཏུམ་མོ་གསང་ལྡན་གྱི་འཁྲུལ་འཁོར་ལ། དཔལ་རྒ་ལོའི་ལུགས་ཀྱི་དམིགས་གནད་དང་སྦྲགས་པ། དཔལ་ལྡན་དུས་གསུམ་མཁྱེན་པའི་ཐུགས་དམ་རྩལ་འདོན་དུ་གནང་བ་གཏུམ་མོ་དྲག་རླུང་མའི་གདམས་པ་ལ། ལུས་སྦྱོང་འཁྲུལ་འཁོར་རྣམ་གྲངས་བཅོ་བརྒྱད་དུ་ཡོད་པས་གཏུམ་མོ་བཅོ་བརྒྱད་མ་ཞེས་གྲགས་པའི་གྲངས་ནི། རླུང་སྐྱོན་སེལ་བ། ལུས་སེམས་འཆིང་བྱེད་སྡོད་པའི་འཁྲུལ་འཁོར་བཞི།

― KMC016_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་དྲོད་འབེབས་པའི་འཁྲུལ་འཁོར་གཉིས། བྱིང་རྒོད་སེལ་བའི་འཁྲུལ་འཁོར་གཉིས། ཉལ་བའི་འཁྲུལ་འཁོར་གཅིག །འགྲོ་བའི་འཁྲུལ་འཁོར་གཉིས། བདེ་དྲོད་ལུས་སེམས་འདྲེན་པའི་འཁྲུལ་འཁོར་བཞི། གེགས་སེལ་གནད་ཀྱི་འཁྲུལ་འཁོར་གཉིས་བཅས་བཅོ་བརྒྱད་བཞུགས་པ་ལས། དང་པོ་རླུང་སྐྱོན་སེལ་བའི་འཁྲུལ་འཁོར་ནི། ལུས་གནད་རྐང་པ་རྡོར་སྐྱིལ། ལག་གཡོན་ཕྱི་གཡས་ནང་བྱས་ཏེ་བསྣོལ་ལ་མཐེ་བོང་གི་སྲིན་རྩ་མནན། སོར་མོ་བསྐུམ་པའི་ཁུ་ཚུར་རྐང་མཐིལ་སྟེང་དུ་སྦུབས། ཐོག་མར་ལག་གཡས་ཡར་ཁྱེར་མཆན་རྡེབ་མདུན་བརྐྱངས་མཛུབ་སྐོར་བཅས་གྲུ་མོ་བརྐྱངས། མཛུབ་མོས་སྣ་བུག་གཡས་བཀག་གཡོན་ནས་རྔུབ་བཅིང་འབུད་པ་གསུམ་མམ་གཅིག་བྱས་ལ། མཆན་རྡེབ་མདུན་བརྐྱང་བཅས་ལག་གཡོན་རྒྱབ་ནས་རྐང་གཡོན་མཐིལ་དུ་སྦུབས། དེ་ནས་ལག་གཡོན་གྱིས་གོང་བཞིན་སྣ་གཡོན་བཀག་ལ་གཡས་ནས་འབུད། དེ་ནས་ཁུ་ཚུར་གཉིས་མི་བསྣོལ་བར་རང་ཕྱོགས་ཀྱི་པུས་མོའི་ཐོག་ཏུ་སྦུབས་ནས་སྣ་གཉིས་ནས་རླུང་སྔོན་བཞིན་འབུད། དེའང་དང་པོ་དལ་བུ། བར་དུ་ཅུང་

― KMC016_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད། ཐ་མ་དྲག་ཏུ་བསྐྱེད་ལ་རྒྱ་མཚོ་རི་རབ་ལ་སྦྱར་སྟེ་འབུད། དེའི་ཚེ་དམིགས་པ་ནི། ཐོག་མེད་ནས་བསགས་པའི་སྡིག་སྒྲིབ་ནད་གདོན་ཐམས་ཅད་དང་། བག་ཆགས་ངན་པ་ཐམས་ཅད་སྦུར་མ་རླུང་གིས་ཁྱེར་བ་བཞིན་སྟོང་ཞིང་དག་པར་དམིགས། དེ་ནས་སྡོད་པའི་འཁྲུལ་འཁོར་བཞི་ལས། དང་པོ་མཉམ་བཞག་བུམ་ཅན་དམིགས་པ་བཟུང་བའི་འཁྲུལ་འཁོར་ནི། རླུང་བཅུ་དུས་གཅིག་ལ་ཟིན་པའི་གནད་སེམས་དམིགས་པ་ལ་ཟིན་པ། རླུང་དམིགས་པར་ཟིན་པའི་གནད་ཕྱི་འཛིན་འབྱོངས་པ། ཆུ་རླུང་སྟོབས་མི་འཕེལ་བའི་གནད་ལུས་གྲིམ་ཤ་ཐོན་པ། བདེ་དྲོད་མྱུར་དུ་བསྐྱེད་པའི་གནད་ཐུར་སེལ་གནད་དུ་བཟུང་བ། གེགས་སྐྱོན་རང་གྲོལ་དུ་བྱ་བའི་གནད་ལུས་ཀྱི་འཁྲུལ་འཁོར་བྱ་བའོ། །ཞེས་གསུངས་པ་ལྟར། ལུས་གནད་རྣམ་སྣང་གི་ཆོས་དང་ལྡན་པས་གོང་གི་རླུང་རོ་བསལ་འཕྲལ་ཁུ་ཚུར་གྱེན་བསྟན་བརླ་རྩར་བཞག་ལ། སྣ་བུག་གཉིས་ནས་དལ་བུས་རྔུབ་ཅིང་སྟེང་རླུང་མནན། འོག་རླུང་ཅུང་ཟད་འཐེན་པ་རླུང་ཁ་སྦྱོར་གྱིས་མཚན་ཉིད་ཀྱི་ལྟེ་བའི་ཐད་དུ་དགང་། དམིགས་པའི་གནད་ནི། རང་ལུས་ཡི་དམ་ལྷན་ཅིག་སྐྱེས་མའི་སྐུ་

― KMC016_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

དར་དམར་གྱི་གུར་ཕུབ་པ་ལ་ཉི་འོད་ཕོག་པ་བཞིན་ཇེ་གསལ་ཇེ་དྭངས་སུ་སོང་བར་བསྒོམ་མོ། །སྡོད་པའི་འཁྲུལ་འཁོར་གཉིས་པ་མེ་ཐབས་དྲུག་ཆིང་ནི། ལུས་གནད་རླུང་བཟུང་རྡོར་སྐྱིལ་བཤིག་ནས་ཙོག་པུར་རྐང་གཡས་ཕྱི་གཡོན་ནང་དུ་ཡོད་པར་བྱས་ནས་བསྣོལ། ལག་པ་གཉིས་ཀྱང་དེ་བཞིན་གཡས་ཕྱི་གཡོན་ནང་དུ་བྱས་ཏེ་བསྣོལ་བའི་གྲུ་མོ་པུས་སྟེང་བཙུག །ཐལ་མོ་གཉིས་ནས་ལག་པའི་དཔུང་པའི་རྒྱབ་འཇུ་བའི་ཉམས་ཀྱིས་སྦྱར་ལ་རླུང་ལྟེ་འོག་ཏུ་མར་ཕུལ་ཞིང་བུམ་ཅན་ཐུབ་ཚད་དམ་དམིགས་པ་མ་གསལ་བར་དུ་བཟུང་། དམིགས་པའི་གནད་ནི། ལྟེ་འོག་ཏུ་གཏུམ་མོའི་ངོ་བོ་འོད་ཁྱུག་ཁྱུག་གློག་ཀེམ་ཀེམ་ཡོད་པ་དེ་ཉིད་རླུང་གི་སྦྱོང་བས་མེ་ཡི་རེག་བྱ་ཚ་ལ་རྩུབ་པ་འབྱུང་བས་ཐ་མལ་གྱི་ལུས་སེམས་གཏན་མེད་དུ་བསྲེག ། འོད་ཀྱི་ལུས་ལ་བདེ་དྲོད་མི་བཟོད་པ་ཙམ་དུ་བསྒོམ་མོ། །དེ་ནི་དྲོད་མྱུར་དུ་སྐྱེ་བའི་གནད་དོ། །སྡོད་པའི་འཁྲུལ་འཁོར་གསུམ་པ་ལྗོན་ཤིང་བསྣོལ་བའི་འཁྲུལ་འཁོར་ནི། ལུས་གནད་གོང་ལྟར་ཙོག་པུར་རྐང་པ་བསྣོལ་བའི་པུས་མོ་གཉིས་གཅིག་ཏུ་རུབ། ལག་པ་བསྣོལ་བའི་མཁྲིག་མ་

― KMC016_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཟུང་ལ་པུས་མོའི་འོག་ཏུ་ཡང་མི་འགྲོ་ཞིང་ཐོག་ཏུ་བཞག་པའང་མ་ཡིན་པར། པུས་མོ་ལ་ཚུར་མ་ཐུབ་ཙམ་གྱིས་པུས་རྩེ་ནས་བསྐོར་གྱིས་འཁོར་བར་བྱས་ལ་བུམ་ཅན་བཟུང་། འདི་ལ་ཐོག་མར་འོག་རླུང་འཐེན་ནས་ལྟེ་བར་འཕུལ། དེ་ནས་སྟེང་རླུང་ལྷོད་ཀྱིས་རྔུབ་ལ་མནན་ཏེ་དགང་བར་བྱའོ། །དམིགས་པའི་གནད་ནི། རང་ལུས་རྣམ་པར་དག་པའི་ལྟེ་འོག་ཏུ་གཏུམ་མོའི་འོད་གསལ་གྱི་ངོ་བོ་སྔོ་དྭངས་ཡུངས་འབྲུ་ཙམ་ཞིག་གི་དབུས་སུ། འོད་ཟེར་ཕྲ་མོ་བློས་མི་བཟོད་པ་མར་མེ་བཞིན་འབར་བ་དེས་རེག་མི་དགོས་པར་འཁོར་འདས་ཐམས་ཅད་རང་སྟོབས་ཀྱིས་བསྲེགས་ནུས་པར་བསྒོམ་མོ། །འདིས་ཆུ་རླུང་འཁྲུགས་པ་དང་གྲང་བའི་ནད་འཕྲལ་དུ་འཇོམས་པར་བྱེད་དོ། །སྡོད་པའི་འཁྲུལ་འཁོར་བཞི་པ་སྐུ་གསུམ་བསྣོལ་བའི་འཁྲུལ་འཁོར་ནི། ལུས་གནད་གཙོག་པུར་རྐང་བོལ་གཡོན་སྟེང་གཡས་པའི་མཐིལ་གྱིས་མནན་ལ་འཕོངས་གིས་གདན་ལ་མ་ཐུག་བར་ལུས་གནད་དྲང་པོར་བསྲངས། ལག་གཉིས་པུས་མོའི་ཐད་ནས་བསྣོལ་ལ་དཔུང་པར་འཇུས་སྟེ་རླུང་བུམ་ཅན་བཟུང་། དམིགས་པའི་གནད་ནི་འདུས་མདོའི་གཏུམ་མོའི་མེ་

― KMC016_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེད་དེ། ལྟེ་བའི་རྩ་འཁོར་གང་བས་མེ་ལྕེ་སྙིང་གར་སྤྲུལ་སྐུའི་ངོ་བོ་ཧཱུྃ་མཐིང་ག་ལ་ཕོག་པས་བདེ་དྲོད་བཟོད་མེད་སྐྱེས། ཡང་མེ་ཤེད་ཇེ་ཆེར་སོང་ནས་མེ་ལྕེ་མགྲིན་པའི་འཁོར་ལོའི་དབུས་སུ་ལོངས་སྐུའི་ངོ་བོ་ཨཱཿདམར་པོ་ལ་ཕོག་པས་མགྲིན་པར་བདེ་དྲོད་སྐྱེས་ནས་ངག་གིས་ནུས་མཐུ་སྐྱེད། ཡང་མེ་ལྕེ་ཆེར་སྐྱེས་པའི་སྤྱི་བོའི་རྩ་འཁོར་དབུས་སུ་ཆོས་སྐུའི་ངོ་བོ་ༀ་དཀར་པོ་ལ་ཕོག་ནས་ལུས་སྟོད་སྨད་ཀུན་ཏུ་བདེ་དྲོད་བཟོད་མེད་དུ་སྐྱེས། བ་སྤུའི་མཐར་ཐུག་མེ་ཡིས་ཁྱབ་པར་བསྒོམ་ལ་རླུང་བཟུང་། རླུང་བཏང་བ་དང་མེས་སྟོང་གསུམ་ཁྱབ་པར་བསྒོམ། དེ་ནི་མེ་བཞིས་ཆུ་བཞི་བསྲོ་བ་ཞེས་རྩ་རྣམས་ཡོ་བ་བསྲང་ཞིང་རླུང་ནད་སྲོག་ཏུ་ཚུད། དྲོད་མྱུར་དུ་སྐྱེ་བའི་གནད་དོ། །དྲོད་འབེབས་གཉིས་ལས། དང་པོ་བཙན་ཐབས་དྲོད་འབེབས་སམ་རྗེ་མི་ལའི་རྩུབ་ཤིང་མར་གྲགས་པའི་འཁྲུལ་འཁོར་ནི། ལུས་གནད་རྣམ་སྣང་ཆོས་བདུན་བཅས། རླུང་མནན་མ་ཐག་རྡོར་སྐྱིལ་བཀྲོལ་ནས་ཙོག་པུར་རྐང་པ་གཉིས་བསྣོལ་བའི་མཐེ་བོང་ལག་གཉིས་བསྣོལ་སྟེ་བཟུང་ནས། ཕོ་བ་གཡས་སྐོར་གསུམ་གཡོན་སྐོར་གསུམ། རྐང་རྟིང་

― KMC016_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འཕོངས་གཉིས་བཏེག་རེས་བྱས་ལ་རྐུབ་རྡེབ་ཆུང་གསུམ་དང་། རྐང་རྟིང་ཐད་བརྐྱང་ཉམས་ཙམ་དང་འཕོངས་བཏེག་ཕྱེད་ལངས་ཉམས་ཙམ་ཐོན་པ་རེས་མོས་ཀྱིས་རྐུབ་རྡེབ་ཆེ་བ་གསུམ། མཐར་འབེབས་ཆེན་ནི་ལང་ཞོར་འཁྱུད་རྒྱ་བཅས་ཕྱིར་བརྡབ་པ་དང་། ལག་པ་ཐད་བརྐྱངས་སེམས་སྐྱིལ་གྱིས་འབེབས་གདན་ལ་ཅར་གྱིས་བརྡབ་པ་ཅི་ནུས་མཐར་ཧ་སྤྲུགས་འཕུར་འདོན་བྱའོ། །དམིགས་པའི་གནད་ནི་རང་ལུས་ཡི་དམ་དུ་གསལ་བའི་ལྟེ་བར་ཉི་མའི་གདན་ལ་རྩ་བའི་བླ་མའི་སྐུ་ུམགར་གྱི་སོལ་མེའི་དབུས་སུ་ལྕགས་ཚུད་པ་ལྟ་བུ་འོད་དང་འོད་ཟེར་འཕྲོ་ཞིང་། དེའི་འོད་ཀྱིས་ཕྱོགས་བཅུ་དུས་གསུམ་གྱི་སངས་རྒྱས་སྲས་དང་བཅས་པ་སྤྱན་དྲངས། བླ་མའི་སྐུ་ལ་ཐིམ་པས་མེ་རབ་ཏུ་འབར། ལུས་ཀྱི་ཕྱི་ནང་བརྟན་གཡོ་ཐམས་ཅད་བླ་མའི་ཐུགས་ཡེ་ཤེས་ཆེན་པོའི་མེ་འོད་ཀྱིས་གསལ་ལྷམ་མེར་ཁྱབ་པར་བསྒོམ། འདིས་ནི་དྲོད་ཆེན་མེ་ལྟར་འབར་བ་མ་ཞུ་བའི་སྐྲན་ནད་ཞི་ཆུ་འཁྱག་གཅེར་ཉལ་ཐུབ་པ་འོང་ངོ་། །དྲོད་འབེབས་གཉིས་པ་མཁའ་ལྡིང་སྦྲུལ་འཛིན་ནི། ལུས་གནད་རྡོར་སྐྱིལ་བཅས། རླུང་བཟུང་འཕྲལ་སྐྱིལ་ཀྲུང་བཤིག་

― KMC016_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རྐང་ལག་བཞི་མདུན་དུ་ཐད་ཀར་བརྐྱང་། ཁུ་ཚུར་གཉིས་པུས་མོའི་སྟེང་དུ་སྦུབ་བཞིན་ལངས་ལ། རྐང་ལག་བཞིའི་མཐེབ་སོར་རྩེ་སར་བཙུག །མགོ་ལག་པ་གཉིས་ཀྱི་བར་དུ་བཀུག་ལ་མིག་གྱེན་དུ་ལྡོག་བཞིན་དགོངས་འདྲེན་ཁོག་པ་བསྒྲིམ་ལ་གཡས་གསུམ་གཡོན་གསུམ། དབུས་སུ་ད གྱེ་དགུ་གསུམ་བཅས་མཐར་འབེབས་ཆེན་གསུམ་སོགས་མཐར་ཧ་སྤྲུགས་རླུང་བཏང་། འདི་སྐབས་སུ་དབུས་སུ་དགྱེ་དགུ་གསུམ་བྱ་བ་པད་ཉིད་དང་འཇང་པའི་འཁྲུལ་འཁོར་ཟིན་བྲིས་སུ་མི་འདུག་ཀྱང་ཆད་པར་མངོན། དམིགས་པའི་གནད་ནི་སྤྱི་བོར་བྱང་སེམས་ཧཾ་ཡིག་ཟླ་གདན་བཅས་གསལ་བར་ལྟེ་བའི་ཙནྜ་ལཱིའི་མེ་སོར་བཞི་ཚད་ཙམ་འབར་བས་ཆབ་རོམ་ཞུ་བ་ལྟར། སྤྱི་བོའི་ཟླ་གདན་ལས་ཧཾ་ཡིག་མགོ་མཐུར་བསྟན་གྱི་མཐའ་བསྐོར་ཀུན་ནས་བྱང་སེམས་བདུད་རྩི་མུ་ཏིག་གི་རྡོག་ལྟ་བུ་སྣོད་ཀྱི་ཁ་ཁེབ་ལ་ཟིལ་པ་ཆགས་པ་བཞིན་འཛག་པར་བསྒོམ་པ་ནས། སླར་ཡང་མེ་སོར་གཅིག་ཙམ་དྷཱུ་ཏིའི་ནང་དུ་ཡར་འབར་བས་སྤྱི་བོའི་ཧཾ་ཡིག་ལས་བདུད་རྩི་ཞུ་བ་དྷཱུ་ཏིའི་ཕྱི་ནང་ཀུན་ནས་འོད་ཟེར་གྱི་རྣམ་པས་ཁྱབ་ཏེ། ལུས་ཐམས་ཅད་འོད་

― KMC016_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ཁེངས་བདེ་དྲོད་མི་བཟོད་པ་ཙམ་དུ་བསྒོམ་པར་བྱ་སྟེ། འདིས་ནི་ཆུ་ཁ་སྙིང་བའི་ནད་སེལ་ལོ། །བྱིང་རྒོད་སེལ་བའི་འཁྲུལ་འཁོར་གཉིས་ལས། དང་པོ་བྱིང་སེལ་བྱ་རྒོད་འཕུར་བ་ནི། ལུས་གནད་རྡོར་སྐྱིལ། རླུང་བཟུང་སྔར་ལྟར་སྐྱིལ་ཀྲུང་བཀྲོལ་ནས་རྐང་ལག་ཤེད་ཀྱིས་མདུན་དུ་བརྐྱང་ལ། ཡར་ལངས་ཞོར་རྐང་པ་གཡོན་ས་ལ་བཙུག །རྐང་གཡས་བསྐུམ་པ་མཐིལ་རྐང་གཡོན་རླ་རྩར་བཞག་ལ། ལག་པ་གཉིས་གཤོག་པ་ལྟར་བརྐྱངས་ནས་ཁུ་ཚུར་འཆང་ཁས་དང་པོར་གཡས་བསྐུམ་གཡས་ཀྱིས་ཕྲག་གོང་ལ་བརྡེག་ཚེ་གཡོན་པ་རྐྱང་། དེ་ནས་གཡོན་པ་བསྐུམ་ལ་རྡེག་པ་བཅས་རེས་མོས་ཀྱིས་སོ་སོར་གསུམ་སྟེ་དྲུག །མདུན་དུ་ཤེད་ཀྱིས་བརྐྱང་ནས་བསྐུམ་དུས་འཆང་ཁས་ནུ་རྡེབ་དང་ཕར་རྐྱང་ཞོར་མཆན་རྡེབ་གསུམ་བཅས། ཡང་རྐང་གཡས་སར་བཙུག་གཡོན་མཐིལ་གཡས་ཀྱི་རླ་རྩར་གཏད་ནས་ལག་གཡོན་པས་ཕྲག་རྡེག་ཀྱིས་མགོ་བཟུང་སྟེ་སྔར་ལྟར་འབེབས་ཆེན་གསུམ་སོང་ནས་རླུང་བཏང་ཧ་སྤྲུགས་བྱ། དམིགས་པའི་གནད་ནི། སྟེང་རླུང་རྩོལ་བ་ཆེ་ཙམ་གྱིས་མནན། ལྟེ་བའི་གཏུམ་མོའི་མེ་སོར་བཞི་ཙམ་དུ་འབར་

― KMC016_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་འོད་སྙིང་ཁའི་རྩ་འཁོར་དབུས་སུ་བླ་མའི་ངོ་བོ་ཧཱུྃ་ཐིང་ག་ཞིག་བསམ་པ་ལ་ཕོག་པས་དེ་ལས་འོད་ཟེར་དཀར་པོ་འཕྲོས་ལུས་ཕྱི་ནང་ཐམས་ཅད་ལ་ཁྱབ་པས་རྩ་རླུང་མི་གསལ་བར་བྱེད་པ་བྱིང་འཐིབས་ཀྱི་སྒྲིབ་པ་བསལ། ཕྱི་རོལ་གྱི་འོད་ཟེར་ཐམས་ཅད་ཚུར་འདུས་མདུན་གྱི་ནམ་མཁར་ཐིག་ལེ་དཀར་པོ་འོད་འཚེར་བ་སྐར་ཆེན་ཤར་བ་ལྟ་བུ་ལ་མིག་གི་ལྟ་སྟངས་དང་ཤེས་པ་གཏད། མཐར་སྙིང་གའི་ཧཱུྃ་ལ་བསྡུ། དེས་ཤེས་པ་བྱིང་རྨུག་འཐིབ་པ་སེལ་ལོ། །གཉིས་པ་རྒོད་སེལ་ཤེས་པ་བུམ་འཇུག་འཁྲུལ་འཁོར་ནི། ལུས་གནད་རྡོར་སྐྱིལ་མདའ་ལྟར་བསྲངས། ལག་གཡས་ཕྱི་གཡོན་ནང་དུ་ཡོད་པར་བྱས་ལ་བསྣོལ་ཏེ་མཐེ་བོང་གིས་རྩ་མནན་བཞིན་ཐལ་མོས་རྐང་མཐིལ་བཀབ། སྟེང་རླུང་འཇམ་པོར་བཟུང་། འོག་རླུང་ཀློད། མིག་གི་ལྟ་སྟངས་གདན་ལ་ཕབ། རླུང་བཟུང་མི་ཐུབ་ན་ལག་གཉིས་ཁུ་ཚུར་བརླ་རྩར་སྦུབས་ལ་རླུང་བཏང་། དམིགས་པའི་གནད་ནི། ལྟེ་བའི་གཏུམ་མོ་ཚ་ཆི་ལེར་རང་བབས་སུ་གནས་པ་ལས་འོད་ཟེར་སྔོན་པོ་འཕྲོས། སྙིང་གའི་ཧཱུྃ་གི་འོག་སོར་བཞི་མན་སྔོ་ལྟེམ་གྱིས་དྷཱུ་ཏིའི་ནང་དུ་སྤྲིན་

― KMC016_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲིགས་པ་བཞིན་ཡོད་པ་ལ་སེམས་གཏད། རྐང་མཐིལ་གཉིས་སུ་འོད་ཀྱི་ཐིག་ལེ་ནག་པོ་ཡུངས་འབྲུ་ཙམ་ཡོད་པར་བསྒོམ་ལ་ལྟ་སྟངས་ཕབ། དེས་རྣམ་རྟོག་ཕྲོ་རྒོད་སེལ་མཐར་མི་དམིགས་པའི་ངང་དུ་འཇོག་གོ །ཉལ་བའི་འཁྲུལ་འཁོར་གཅིག་ནི་སྤྱང་མོ་ཉལ་བ་སྟེ། ལུས་གནད་རྡོར་སྐྱིལ་བཅས། རླུང་བཟུང་། རླུང་དང་དམིགས་པ་ཟིན་འཕྲལ་རྡོར་སྐྱིལ་བཤིག་ནས་གཞོགས་གཡས་ས་ལ་ཕབ། མིག་ཟིམ་བུར་བཙུམ། རྐང་གཉིས་བསྐུམ་ལ་པུས་བྲང་སྤྲད། ལག་གཡས་གཡོན་གྱི་མཆན་ཁུང་ངམ་མཁལ་ཁུང་གང་བདེར་བཞག །ལག་གཡོན་གྱིས་པུས་མོ་གཉིས་དམ་དུ་འཁྱུད་ལ། རླུང་མི་ཐུབ་ཚེ་རྡོར་སྐྱིལ་བཅས་ལ་རླུང་བཏང་རྡོར་སྐྱིལ་ལྷོད་ནས་ཧ་སྤྲུགས་བྱ། དམིགས་པའི་གནད་ནི། གཏུམ་མོ་འབར་བའི་འོད་ཟེར་ཤེལ་བུམ་དུ་མར་མེ་བཞག་པ་ལྟར་ལུས་ཀྱི་སྟོད་སྨད་ཀུན་དང་། གནས་ཁང་བཅས་འོད་དེས་གསལ་བར་བསྒོམ་པའམ། མཚན་མོར་ལུས་གནད་མ་ཐུབ་ན་པུས་མོ་བསྐུམ་པ་པུས་འཁྱུད་ཀྱིས་བསྡམ། ལག་པ་གཡས་འགྲམ་འོག་དང་ལག་གཡོན་དཔྱི་ཐོག་ཏུ་བཞག །སྣ་ནས་རླུང་བཏང་། བར་རླུང་བཟུང་། ལྟེ་བའི་

― KMC016_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུམ་མོ་མར་མེ་ལྟར་འབར་བའི་དྲོད་ཀྱིས་སྙིང་ཁ་བླ་མའི་ངོ་བོ་ཧཱུྃ་ཡིག་མཐིང་ག་བསམ་པས། དེ་ལས་འོད་འཕྲོས་ལུས་ཀྱི་ཕྱི་ནང་ཀུན་གསལ་ཞིང་བདེ་དྲོད་འབར་བར་བསྒོམ་ལ། བདེ་སྟོང་གི་ངང་སྐྱོང་བ་ནི་ཉལ་བ་ཆོས་སྐུ་འོད་གསལ་དུ་བློ་སྦྱོང་བ་སྟེ། འདིས་ནི་ནུབ་མོ་གོས་རས་ཀྱང་ཐུབ་པའི་གནད་དོ། །འདི་ལ་འབེབས་ཆེན་མེད། འགྲོ་བའི་འཁྲུལ་འཁོར་གཉིས་ལས། དང་པོ་མཁའ་ལ་དབབ་པ་ནི། ལུས་གནད་རྡོར་སྐྱིལ། རླུང་བཟུང་ཟིན་འཕྲལ་སྐྱིལ་ཀྲུང་བཤིག ། རྒལ་པ་གདན་ལ་གཏད། རྐང་ལག་བསྐུམ་ནས་གན་རྐྱལ་དུ་ཉལ་ལ་གྱེན་དུ་འཕགས་ཚེ་སྒལ་པ་གདན་ལས་དབྱེ་བ་དང་། རྐང་ལག་ཡར་བརྐྱང་དེའི་དུས་ལག་པའི་ཁུ་ཚུར་ཀྱང་ཁ་ཕྱེ། མར་བསྐུམ་དུས་ཁུ་ཚུར་བསྡམས་ལ་རྐང་རྟིང་གིས་འཕོངས་བརྡེག་སྒྲ་ཐོན་པ་བྱས་པ་དེ་འདྲ་རྐྱང་བསྐུམ་ལན་གསུམ་མཐར། ཧར་གྱིས་ལངས་ནས་འབེབས་ཆེན་ལན་གསུམ་སོགས་བརྒྱབ་ནས་ཧ་སྤྲུགས་འཕུར་འདོན་བྱ། དམིགས་པའི་གནད་ནི། ལྟེ་བའི་གཏུམ་མོ་ལས་བདེ་དྲོད་ཀྱི་རང་བཞིན་སྔོ་ལ་དྭངས་བའི་རླུང་། རྩ་གནས་ཐམས་ཅད་དུ་སྐད་ཅིག་ལ་ཁྱབ་པས་

― KMC016_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཤིང་བལ་བཞིན་ཡངས་ཤིང་གཡོ་བ་ས་ལ་མ་རེག་པར་བསྒོམ་པ་སྟེ། འདིས་ནི་ཆུ་སེར་གྱི་ནད་སེལ་ལོ། །འགྲོ་བའི་འཁྲུལ་འཁོར་གཉིས་པ། ནེ་ལེ་རེག་འཇོག་གི་འཁྲུལ་འཁོར་ནི། ལུས་གནད་རྡོར་སྐྱིལ་བཅས། རླུང་བཟུང་། སྐྱིལ་ཀྲུང་བཤིག་ནས་མཁའ་ལྡིང་སྦྲུལ་འཛིན་ལྟར་ཡར་ལངས་ནས་ལག་གཡོན་ཁུ་ཚུར་སྐེད་པར་བརྟེན། རྐང་གཡོན་སར་བཙུགས་། གཡས་ཀྱི་ལག་པར་ཕར་བརྐྱངས་པ་དང་ཁུ་ཚུར་བསྐུ མ་ལ་མཆན་རྡེབ་བཅས་ཕར་བརྐྱངས། དེ་བཞིན་དུ་རྐང་པའང་ཚུར་བསྐུམ་དུས་འཕོངས་རྡེག་བཅས། དེ་བཞིན་མཉམ་སྦྲགས་བྱ་བ་གཡས་ལ་གསུམ་གཡོན་ལ་གསུམ་སྟེ་ཁྱོན་བསྡོམས་དྲུག་དང་། མཐར་འབེབས་ཆེན་གསུམ་སོང་མཐར་ཧ་སྤྲུགས་འཕུར་འདོན་བཅས་བྱ། དམིགས་པའི་གནད་ནི། འོག་རླུང་རྩོལ་བཅས་ཀྱིས་ཡར་འཐེན་རླུང་གི་ལྷ་མོ་ལྗང་གུ་རླུང་གི་རང་བཞིན་གཤོག་པ་ཅན་གཉིས་ཀྱིས་མཆན་འོག་ནས་འདེགས་པར་བསམ། འདིས་ནི་ཉིན་བདུན་གྱི་ལམ་བར་ཉིན་གཅིག་གིས་ཆོད་པའི་གནད་དེ་རྐང་པ་ཡང་ཟོལ་དང་བཅས་ཏེ་འགྲོའོ། །བདེ་དྲོད་ལུས་སེམས་འདྲེན་པའི་འཁྲུལ་འཁོར་བཞིའི་དང་པོ་རི་

― KMC016_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་འཕུར་བ་ནི། ལུས་གནད་རླུང་རང་བབ་རྡོར་སྐྱིལ་བཅས། ཁུ་ཚུར་གཉིས་བརླ་རྩར་སྦུབས། གྲུ་མོ་ཤུགས་ཀྱི་བརྐྱངས། རོ་སྟོད་སློད་ལ་མདུན་དུ་ཅུང་ཟད་རྒུར་ཉམས་ཀྱིས་དབུས་དང་། གཡས་གཡོན་གསུམ་དུ་དགོངས་འདྲེན་མགྲིན་སྣ་ནས་ཧཱུྃ་སྒྲས་རྔུབ་པ་ལན་གསུམ་བྱ། འདི་ལ་ཧཱུྃ་རིང་དལ་བ་བཅུ་ཧཱུྃ་ཐུང་དྲག་པོ་བཅུ་ཡིས་འདྲེན་ཞེས་གསུངས་ཀྱང་ལག་ལེན་གོང་ལྟར་ལ། འདིས་མཚོན་འདྲེན་རིགས་ཀུན་ལ་རྒྱ་མཚོ་རི་རབ་ལ་སྦྱར་ཞེས་ཕོ་བ་རྒལ་ཚིག་ལ་སྦྱར་བ་དང་། དར་ཆེན་ཕྱར་བ་སྟེ་ལྕེ་ཡ་རྐན་ལ་སྦྱར་བ་དང་། ཆུ་མིག་གྱེན་ལྡོག་ཅེས་མིག་འབྲས་གྱེན་ལ་ལྡོག་པ་ཐམས་ཅད་ལ་འགྲེ། དམིགས་པའི་གནད་ནི་ཐོག་མར་རླུང་སྦྱོར་བཅས་ལྟེ་བའི་གཏུམ་མོའི་མེ་ཤེད་ཇེ་ཆེར་སྐྱེས་པས་བདེ་ཆེན་འཁོར་ལོའི་དྷཱུ་ཏིའི་ནང་དུ་བྱང་སེམས་ཟླ་བ་ཧཾ་ཡིག་བཅས་གསལ་བ་ལས། བདུད་རྩི་ཧྃ་ཡིག་མགོ་མཐུར་བསྟན་གྱི་རྣམ་པས་བར་མེད་དུ་འཛག་པས་རིམ་བཞིན་མགྲིན་པ་སོགས་འཁོར་ལོ་བཞི་གང་། གསང་གནས་བར་འབབས་པས་ལུགས་འབྱུང་གི་དགའ་བ་བཞི་རྒྱུད་ལ་སྐྱེས་པར་དམིགས་ཏེ། འོག་རླུང་

― KMC016_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོལ་བཅས་ཀྱིས་འཐེན་ལ་བདེ་བའི་ངང་སྐྱོང་། བདེ་བ་ཅུང་སྐྱེས་པ་དང་རླུང་ལྷོད་ནས་འཁྲུལ་འཁོར་བཅས་བྱང་སེམས་བདུད་རྩི་དབུ་རྐྱང་རོ་གསུམ་ལས་ཡར་དྲངས་པས་ལུས་ཀུན་ཁྱབས་པར་བསྒོམ་མོ། །འདྲེན་འདི་རྣམས་ཀྱིས་སྐབས་རླུང་བུམ་ཅན་ཁུག་པ་རེ་ཐམས་ཅད་ཀྱི་སྔོན་དུ་འགྲོ་དགོས། གཉིས་པ་ཝ་ཡི་བཞད་ཚུལ་ནི། ལུས་གནད་རླུང་རང་བབས། རྐང་པ་རྡོར་སྐྱིལ་བཅས། ལག་གཉིས་ཁུ་ཚུར་འཆང་ཁ་ནུ་སྟེང་དུ་གཏད། གྲུ་མོ་བརྐྱང་། རོ་སྟོད་ལྷོད་ལ་ཧཱུྃ་སྒྲས་རླུང་རྔུབ་ཅིང་མགྲིན་པའི་ཨོལ་མདུད་མནན་ལ་གླིང་བཞི་སྒྲིམ་པ་གོང་ལྟར་བྱས་ལ་དགྱེ་དགུ་བཅས་འདྲེན་གསུམ་བྱ། དམིགས་པའི་གནད་ནི། གོང་བཞིན་རླུང་སྦྱོར་བཅས་གཏུམ་མོ་དང་སྤྱི་བོའི་བྱང་ཐིག་གསལ་བ་ལ་གཏུམ་མོ་འབར་བས་བྱང་ཐིག་ཞུ། མེ་ལ་ཕོག་པས་མེ་ཆེར་འབར་བས་ལུས་ཀུན་བདེ་བ་རྒྱས་པར་བསྒོམ་བཞིན་རླུང་བཏང་། འདྲེན་གསུམ་གྱིས་བདེ་དྲོད་སྤྱི་བོའི་བར་ཁྱབ་པར་བསྒོམ་མོ། །གསུམ་པ་ཡི་དྭགས་འདུག་སྟངས་ནི། ལུས་གནད་བར་རླུང་བཅས་རྡོར་སྐྱིལ་བཤིག་ནས། རྐང་རྩེ་སར་གཙུག །རྐང་མཐིལ་སྤྲད། ཁུ་ཚུར་པུས་སྟེང་སྦུབས།

― KMC016_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཧི་ཀ་རིང་གིས་འདྲེན་པ་དང་། ཕྱེད་ལངས་ཙམ་བྱས་འཕྲལ་ཧི་ཀ་ཐུང་གིས་མནན་ཅིང་འཕོངས་རྐང་རྟིང་ལ་མནན་མནན་གསུམ་ལ། གདོང་གྱེན་དུ་ཕྱོགས། མིག་གྱེན་དུ་ལྡོག་སྟེ། དེ་འདྲ་ལན་གསུམ་མཐར་རླུང་བཟུང་ལ་འབེབས་ཆེན་ལན་གསུམ་སོགས་བྱ། དམིགས་པའི་གནད་ནི། གོང་བཞིན་རླུང་བཟུང་། འདུས་མདོར་དང་སྤྱི་བོར་ཐབས་ཤེས་ཐིག་ལེའི་དམིགས་པ་ཟིན་ནས་ཙནྜ་ལཱིའི་བྱང་ཐིག་ཞུ་བ་འདུས་མདོར་སླེབ་པ་དང་བདེ་བ་རྒྱས་པར་བསྒོམ་ལ་རླུང་བཏང་། བར་རླུང་བཅས་ཧཱུྃ་རིང་གིས་འདྲེན་པ་ན། འདུས་མདོའི་བྱང་སེམས་དཀར་པོ་དངུལ་ཆུ་ལྟར་འཚེར་ཞིང་མེ་ལྟར་ཚ་བ་ཡུར་བ་ནས་ཆུ་དྲངས་པ་བཞིན་དབུ་རྐྱང་རོ་གསུམ་ནས་དྲངས། ཧཱུྃ་ཐུང་མནན་པ་ན་འཁོར་ལོ་བཞིའི་རྩ་འདབ་རྣམས་སུ་འདྲེན་པར་བསྒོམ་ལ་བདེ་སྟོང་གི་ངང་ལ་སྐྱོང་ཞིང་འོག་རླུང་འཐེན་འཕུལ་བྱ། བཞི་པ་སེངྒེ་གྱེན་ལོག་ནི། ལུས་གནད་རླུང་རང་བབས། རྐང་པ་རྡོར་སྐྱིལ་གྱིས་བརླ་བར་ནས་ལག་པའི་ཁུ་ཚུར་གདན་ལ་བཙུག་ཏེ། ཧི་ཞེས་རྔུབ་ཅིང་འདྲེན་བཞིན་དགྱེ་ལ་རྡོར་སྐྱིལ་མདུན་བཏེག་འཕོངས་ཚོས་གདན་ལ་རྡེབ། ཧ་ཞེས་

― KMC016_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་བཏང་། འཕོངས་བཏེག་རྡོར་སྐྱིལ་མདུན་རྡེབ་བཅས་གསུམ་བྱས་ལ་ཧ་སྤྲུགས་བྱའོ། །དམིགས་པའི་གནད་ནི། ཐོག་མར་རླུང་བཟུང་། དབུ་མའི་ཡར་སྣེ་སྨིན་མཚམས་སུ་བསྲིང་བའི་ནང་། བྱང་སེམས་ཐིག་ལེ་དཀར་པོ་འོད་འཚེར་བ་སྲན་མ་སྦོམ་པ་ཙམ་བདེ་བ་དང་ལྡན་པར་བསྒོམ་མོ། །རླུང་བཏང་། ཧི་ཞེས་རྔུབ་པའི་ཚེ་སེང་སྒྲ་དང་བཅས་འདུས་མདོའི་གཏུམ་མོ་ལ་བསྟིམ། ཧ་ཞེས་བཏང་བ་དང་མཛོད་སྤུར་བསྟིམ། དེ་ལྟར་རེས་མོས་བདེ་བ་དང་ལྡན་པར་བསྒོམ་ཞིང་མཐར་སྨིན་མཚམས་སུ་བསྡུའོ། །ལུས་གནད་གེགས་སེལ་གནད་ཀྱི་འཁྲུལ་འཁོར་གཉིས་ལས་དང་པོ་སེང་གེ་རྩ་སྤྲུགས་ནི། ལུས་གནད་རྡོར་སྐྱིལ་བཅས་། རླུང་བཟུང་། སྐྱིལ་ཀྲུང་བཤིག ། ལག་གཉིས་པུས་མོའི་ཕྱི་ནས་ཡར་ཁྱེར། གྲུ་མོ་བརྐྱང་ལ་ཁུ་ཚུར་ནུ་སྟེང་སླེབ་པ་དང་མཆན་རྡེབ་བར་འབེབས་དང་སྦྲགས་གཅིག་རྒྱབ་ནས་ལག་གཉིས་ཀྱི་སོར་མོ་གཡས་སུ་ལན་གསུམ་སྤྲུགས་ལ། ཁུ་ཚུར་པུས་རྒྱབ་ནས་ཡར་ཁྱེར་མཆན་རྡེབ་བ ར་འབེབས་གོང་བཞིན་ལག་གཉིས་སོར་མོ་རྣམས་གཡོན་དུ་གསུམ་བཀྲབ། ཡང་དེ་བཞིན་བར་འབེབས་གཅིག་ནས་མདུན་དུ་

― KMC016_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

སོར་མོ་རྣས་སྤྲུགས་ནས་རླུང་བཏང་། ངག་ནས་ཕ་ཧ་ཧ་བརྗོད་པ་དང་བར་འབེབས་སྦྲགས་ལན་གསུམ་བྱ། དམིགས་པའི་གནད་ནི། རླུང་སྦྱོར་གྱི་ལྟེ་བའི་མེ་ཤེད་ཇེ་ཆེར་སྐྱེས་པའི་སྤྱི་བོའི་ཧཾ་ལ་རེག་འཕྲལ་ཐིག་ལེ་དཀར་པོ་གཡས་རོ་མ་ནས་བབ་ལུས་ཀྱི་གཡས་ཕྱོགས་བ་སྤུའི་བར་ཁྱ། དེ་ནས་རྐྱང་མ་ནས་བབ་ལུས་ཀྱི་གཡོན་བ་སྤུའི་བར་ཁྱབ། དེ་ནས་དབུ་མ་ནས་བབ་གསང་གནས་སུ་བདེ་ཧྲིལ་ལེར་བསྐྱིལ་བར་བསྒོམ་མོ། །གཉིས་པ་སེང་གེ་རྣམ་རོལ་ནི། ལུས་གནད་བསྲང་ལ་རྡོར་སྐྱིལ་བཅས། རླུང་བཟུང་ལ་ལག་གཉིས་ཐལ་མོ་སྦུབས་པ་པུས་སྟེང་ནས་ཡར་ཁྱེར། ནུ་སྟེང་སླེབས་པ་དང་མཆན་རྡེབ་བཅས་ཤེད་ཀྱིས་ཐད་དཀར་བརྐྱང་། ཚུར་བསྐུམ་ལ་ཐེའུ་ཆུང་སྲིན་ལག་བཞིས་ཁ་བསྡམ། གུང་མོས་སྣ། མཛུབ་མོས་མིག །ཐེ་བོང་གིས་རྣ་བ་བཀག་ལ། ལུས་ཚུགས་མ་ཤོར་བར་རོ་སྟོད་འཁོར་ལོ་ལྟར་གཡས་སྐོར་གསུམ་གཡོན་སྐོར་གསུམ་བྱས་འཕྲལ། ཁ་སྣ་ཕྱིས་ལ་ལག་གཉིས་བཤིག །རླུང་བཏང་ལ་ངག་ནས། མ་ཧ་ཧ་བརྗོད་པ་དང་བར་འབེབས་སྦྲགས་ལ་ལན་གསུམ་ནས་ཧ་སྤྲུགས་བྱ། དམིགས་པའི་

― KMC016_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

གནད་ནི། རླུང་གི་སྦྱོར་བས་གཏུམ་མོ་འབར། སྤྱི་བོའི་ཧྃ་ཡིག་བྱང་ཐིག་གི་རྒྱུན་དཀར་ནར་གྱིས་བབས། འཁོར་ལོ་བཞི་གང་། དགའ་བཞིའི་བདེ་བ་སྐྱེས། གཏུམ་མོ་དང་འདྲེས། བདེ་བ་ཆེན་པོའི་ངོ་བོ་སྣང་སྲིད་ཐམས་ཅད་ཡཾ་ཡཾ་དུ་གཡོས། མཐར་ཕྱི་ཡི་སྣང་བ་བར་གྱི་ལུས་ནང་གི་འཛིན་རྟོག་བཅས་བདེ་བ་ཆེན་པོའི་ངོ་བོར་ཞུ་སྟེ་ཐམས་ཅད་མི་དམིགས་པ་སྟོང་པའི་རང་ངོ་སྐྱོང་ངོ་། །སྙན་བརྒྱུད་རྩ་བའི་འཁྲུལ་འཁོར་དྲུག་ནི་ཐིག་ལེའི་འཁྲུལ་འཁོར་ཏེ། ཐིག་ལེ་འཛིན་པའི་འཁྲུལ་འཁོར་གཉིས། ཐིག་ལེ་འདྲེན་པའི་འཁྲུལ་འཁོར་གཉིས། ཐིག་ལེ་བཀྲམ་པའི་འཁྲུལ་འཁོར་གཉིས་ཏེ་དྲུག་གོ །དང་པོ་ཐིག་ལེ་འཛིན་པའི་འཁྲུལ་འཁོར་གཉིས་ལས། དང་པོ་སེང་གེ་རྩེ་བ་ནི། ལུས་གནད་སེམས་སྐྱིལ། རླུང་རང་བབ་འོག་རླུང་འཐེན་ཅིང་སྲིན་ཞལ་བསྡམ། རྐང་གཡོན་བསྐུམ་པ་འོག་སྒོར་བཞག །རྐང་གཡས་སྟེང་ལག་པའི་འཁྲིག་མ་གཉིས་བསྣོལ་སྟེ་གཡས་ཕྱི་གཡོན་ནང་དུ་ཡོད་པར་བྱས་ལ། ལག་གཡོན་གྱིས་རྐང་གཡས་ལོང་བུ་བསྡམ་གཡས་པས་བོལ་མཐིལ་ནས་བཟུང་། རོ་སྟོད་དང་མགོ་བོ་གཡས་སུ་འཐེན་ཅིང་ཧ་འདྲེན་བཅས་

― KMC016_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ལ་མིག་གིས་བར་སྣང་དུ་ཅེར་གྱིས་ལྟ་སྟངས་བཅས་ལན་གསུམ་མཐར་། རྐང་གཡས་འོག་སྒོར་བཞག །རྐང་གཡོན་མདུན་དུ་བཞག །ལག་པ་ཕྱི་ནང་བསྣོལ་ཏེ་གཡོན་པས་བོལ་མཐིལ་གཡས་པས་ལོང་བུ་བསྡམ་ཞིང་གཡོན་ཕྱོགས་སུ་གོང་ལྟར་ཧ་འདྲེན་ལན་གསུམ་གྱིས་འཐེན་ལྷོད་བྱས་ལ་ཧ་སྤྲུགས་བྱ། དམིགས་པའི་གནད་ནི། སྤྱི་བོའི་ཧཾ་ལས་བྱང་ཐིག་དཀར་པོ་བབས། གསང་བའི་རྩེ་མོར་བདེ་བ་དང་ལྡན་པར་བསམ། གསང་གནས་ཀྱི་བུ་ག་ཕཊ་སེར་པོས་བཀག་པར་བསྒོམ། ཡར་འདྲེན་པ་དང་སྤྱི་བོའི་ཧཾ་ལ་ཐིམ། ཡང་མར་དབབ་པ་བཅས་རེས་མོས་མཐར་སྤྱི་བོར་བསྡུའོ། །གཉིས་པ་སྟག་མོ་སྐྱུག་པ་ནི། ལུས་གནད་རླུང་རང་བབས། རྡོར་སྐྱིལ་བོལ་ཚིགས་གཉིས་ཀྱི་རྒྱབ་ལག་པ་གཉིས་ཀྱི་རྒྱབ་སྦྱོར་ལ་ཐལ་མོ་བཀན་པའི་སོར་ཙེ་གདན་ལ་བཙུག །ལུས་སྟོད་བསྲངས་ཤུགས་ཀྱིས་སྒྲིམས་ལ། མིག་འབུར་ཚུགས་བཅས་འཕོངས་བཀྱག ། ཧ་གསུམ་གྱི་སྒྲས་སྐྱུག་འདྲེན་གྱིས་མདུན་དུ་རྒུར་བ་ལན་གསུམ་མཐར་ཧ་སྤྲུགས་རྡོར་སྐྱིལ་བཤིག །དམིགས་པའི་གནད་ནི། འདྲེན་དང་པོས་འཁོར་ལོ་བཞིར་གཏུམ་

― KMC016_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་དྲོད་ཀྱི་ཁྱབ་པར་བསྒོམ། གཉིས་པས་སྤྱི་བོའི་ཧཾ་ལས་བབ་པའི་བདུད་རྩི་འཁོར་ལོ་བཞི་གང་བས་བདེ་བ་སྐྱེས་པར་བསྒོམ། གསུམ་པས་བདེ་དྲོད་བཟོད་མེད་ཀྱིས་ལུས་ཀྱི་ཕྱི་ནང་ཀུན་ཁྱབ་པར་བསྒོམ་མོ། །གཉིས་པ་ཐིག་ལེ་འདྲེན་པའི་འཁྲུལ་འཁོར་གཉིས་ལས། དང་པོ་གླང་ཆེན་འགྱིང་བ་ནི། ལུས་གནད་རྡོར་སྐྱིལ་བཅས། རླུང་བཟུང་། སྐྱིལ་ཀྲུང་བཤིག་ནས་རྐང་ལག་བཞི་མདུན་དུ་བརྐྱང་། ལག་གཉིས་གན་རྐྱལ་པུས་མོའི་ཐད་ནས་ཡར་དྲངས་ཞོར་བཞེངས་ལ། ལག་པ་ནུ་སྟེང་སླེབ་པ་དང་མཆན་རྡེབ་བཅས་རྐང་གཉིས་བར་མཁྱིད་གང་ཙམ་ཕྱེ་བར་བྱས་ཏེ་མར་རྒུར། ཁུ་ཚུར་གཡོན་འོག་གཡས་སྟེང་དུ་བྱས་ལ་བརྩེགས། གྲུ་མོ་དང་སྒྱིད་ཁུག་བསྲང་། ལུས་པོ་ཅུང་ལྷོ། མགོ་བོ་བླ་བར་དུ་རྒུར་ནས་གཡས་གཡོན་དབུས་གསུམ་དུ་ཡར་འདྲེན་སྐབས་མགོ་བོ་གྱེན་དུ་ཕྱོགས། མིག་ནམ་མཁར་ལྡོག །མར་རྒུར་དུས་མགོ་བོ་བླ་བར་དུ་རྒུར་འདྲེན་གསུམ་ཚར་ནས་གདོང་གྱེན་དུ་ཕྱོགས། མིག་བར་སྣང་ལ་ཧར་གྱིས་བལྟ་བཞིན་འཕོངས་རྟིང་རྡེབ་པ་དང་རྐང་རྟིང་ལག་རྟིང་བཞི་རྣམས་དུས་གཅིག་ལ་སར་རྡེབ། ཡར་དགྱེ་བ་དང་རྐང་རྩེ་

― KMC016_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་རྩེ་བཙུག་པ་བཅས་དགྱེ་དགུ་ལན་གསུམ་ནས་ཡང་གོང་བཞིན་འདྲེན་སོགས་བྱ་བ་ཁྱོན་ལན་གསུམ་སོང་ནས་འབེབས་ཆེན་གསུམ་ནས་ཧ་སྤྲུགས་བྱ། དམིགས་པའི་གནད་ནི།་དབུ་མའི་ཡར་སྣེ་གཙུག་ཏོར་སར་ཧཾ་ཡིག་དཀར་པོ་མགོ་གྱེན་བསྟན་ཚངས་བུག་ནས་ཡི་གེ་མ་སེར་པོས་བཀག་པ། བདེ་ཆེན་འཁོར་ལོའི་ཧཾ་ཡིག་མགོ་མཐུར་བསྟན་ལྟེ་བར་གཏུམ་མོའི་ངོ་བོ་ཧཱུྃ་ཡིག་དམར་པོ་ཚ་ཞིང་བསྲེག་པ་མགོ་གྱེན་བསྟན། ཧཱུྃ་གི་འོད་ཀྱིས་བདེ་ཆེན་འཁོར་ལོའི་ཧཾ་བྱ་ལྡིང་བ་ལྟར་མར་འབབ། མགྲིན་པར་བསླེབ་པ་དང་ལྟེ་བའི་ཧཱུྃ་ཡིག་རིམ་གྱིས་ཇེ་མཐོར་གྱུར་པ་སྙིང་གའི་ཆ་སྨད་ཙམ་དུ་སླེབ་པ་དང་ཧཾ་རང་གནས་སུ་སོང་། ཧཱུྃ་ཡང་མར་བབས་ལུས་ཀུན་བདེ་དྲོད་ཀྱིས་ཁྱབ་པར་དམིགས། ལྟེ་འོག་ནས་མིག་གཅིག་གིས་དབུ་མ་བཀག་སྟེ་ཡར་ལྟ་བར་བསྒོམ་མོ། །གཉིས་པ་རུ་སྦལ་བསྐུམ་པ་ནི། ལུས་གནད་རྡོར་སྐྱིལ། རླུང་བཟུང་། སྐྱིལ་ཀྲུང་བཤིག་ནས་རྐང་པ་མདུན་དུ་བརྐྱང་། ལག་གཉིས་ཁུ་ཚུར་གྱེན་བསྟན་པུས་མགོར་ཡར་གཞལ་བཞེངས། ནུ་སྟེང་སླེབས་པ་དང་མཆན་རྡེབ་བཅས་མར་རྒུར་ཞོར་རྐང་གཉིས་བར་ཁྲུ་གང་

― KMC016_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་གྱིས་བར་བྱེ་བར་བྱས། ལག་གཉིས་བརླ་ནང་སྒྱིད་ཁུག་ནས་མར་རྐྱང་། རྐང་རྡེབ་གཉིས་ཀྱིས་ཕྱི་ནས་གཅུད། ལག་པའི་མཛུབ་མོ་གཉིས་ཀྱིས་རྐང་པའི་མཐེ་བོང་གཉིས་དམ་དུ་བཟུང་ནས་རླུང་གང་བའི་ཤུགས་ཀྱིས་གཡས་གཡོན་དབུས་གསུམ་ལ་དགང་འདྲེན་སྟེ་འཐེན་རྒུར་བྱ། ཁོག་སྟོད་སྒྲོ་སིག་ལྟར་འཕར་འདར་ལན་གསུམ་བྱ། ལག་དཔུང་རྐང་བརླ་བཅས་ཀྱིས་ཆག་སྒྲ་ཐོན་པར་བྱ། ཡང་དགང་འདྲེན་གཡོན་གཡས་དབུས་གསུམ་འཕར་འདར་གསུམ། ཡང་གཡས་གཡོན་དབུས་གསུམ་འཕར་འདར་གསུམ་བཅས་མཐར་འབེབས་ཆེན་གསུམ་རྒྱབ། རླུང་བཏང་ཧ་སྤྲུགས་བྱ། རོ་སྟོད་དགྱེ་དགུའི་སྐབས། མར་རྒུར་དུས་མགོ་བརླ་གཉིས་བར་བཀུག་ཡག་དང་། ཡར་དགྱེ་དུས་མིག་གྱེན་དུ་ལྡོག་པའི་བར་སྣང་ལ་བལྟ་བར་བྱའོ། དམིགས་པའི་གནད་ནི། རིག་པ་ཁོང་ལྷོད་ལ་རྩ་གསུམ་གསལ་བའི་དབུ་མའི་ཡར་སྣེ་ཧཱུྃ་མཐིང་ག ། རོ་མའི་ཡར་སྣེ་ཨཱཿདམར་པོ། རྐྱང་མའི་ཡར་སྣེར་ༀ་དཀར་པོ་སྟེ་རྡོ་རྗེ་གསུམ་གྱི་ངོ་བོར་གསལ་བའི་ལྟེ་བའི་མེས་སྤྱི་བོའི་ཧཾ་ཞུ། བྱང་སེམས་གསང་བའི་གནས་བར་ཁྱབ། དེ་ནས་གཡས་འདྲེན་

― KMC016_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་རོ་མ་ནས་ཨཱཿདང་། ཡོན་འདྲེན་སྐབས་རྐྱང་མ་ནས་ༀ། དབུས་འདྲེན་སྐབས་ཧཱུྃ་ལ་ཐིམ་འབྲུ་གསུམ་འོད་ཟེར་འབར་བས་ཕྱོགས་དུས་ཀྱི་རྩ་གསུམ་མཆོད། བྱིན་རླབས་བསྡུས། རྒྱལ་བ་རྣམས་ཀྱི་སྐུ་གསུང་ཐུགས་དང་རོ་གཅིག་ཏུ་གྱུར་པར་དམིགས་ལ་རྟོག་མེད་ངང་དུ་ཧ་རེ་བཞག་གོ །གསུམ་པ་ཐིག་ལེ་བཀྲམ་པའི་འཁྲུལ་འཁོར་གཉིས་ཀྱི་དང་པོ། རྨ་བྱ་འཕུར་བ་ནི། ལུས་གནད་རྡོར་སྐྱིལ། ལུས་བསྲང་བུམ་ཅན་བཟུང་། སྐྱིལ་བཀྲུང་བཤིག ། རྐང་ལག་བཞི་མ དུན་དུ་བརྐྱང་། ཁུ་ཚུར་པུས་སྟེང་ནས་གཞལ་ལ་ཡར་བཞེངས། ཁུ་ཚུར་ནུ་སྟེང་སླེབ་པ་དང་། རྟིང་སྲིག་བཅས་ལག་གཉིས་མདུན་དུ་བརྐྱངས་ལ་རྒུར་རྐང་པའི་མཐེ་བོང་གཉིས་འཛུབ་མོས་དམ་དུ་བཟུངས། ཕྱི་རྟིང་གཉིས་ཀྱིས་གསང་བའི་དབུ་མའི་མར་སྣེ་མནན་ཅིང་གྲུ་གུ་ཆིང་བཞིན་རྒལ་པ་གདན་ལ་གཏད། ཡར་འགྲིལ་ལྟག་པ་གདན་ལ་སྦྱར། མགོ་མདུན་དུ་རྒུར་བཞིན་ལག་གཉིས་ནས་རྐང་མཐེབ་བཟུང་བཞིན་མ་ཤོར་བར་གནམ་དུ་བརྐྱངས་ལ། དཔུང་ཚིགས་ལག་ཚིགས་བསྲང་། མར་འགྲིལ་རྐང་ལག་སར་བཙུག་རྒུར་ཚུགས་སུ་ཡར་

― KMC016_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

ལངས་བཅས། དེ་འདྲ་ལན་གསུམ་མཐར་རྐང་མཐེབ་བཏང་ནས་སྒྲེང་གིས་ལངས་ཏེ་འབེབས་ཆེན་གསུམ་རྒྱབ། ཧ་སྤྲུགས་བྱ། དམིགས་པའི་གནད་ནི། ལྟེ་བའི་གཏུམ་མོ་ལས་མེ་སོར་བརྒྱད་ཙམ་དུ་འབར། སྤྱི་བོའི་ཧཾ་ལས་བྱང་སེམས་ཧཱུྃ་ཡིག་གི་རྣམ་པ་ཆད། གསང་གནས་སུ་སླེབས་པ་དང་ལུས་ཐམས་ཅད་ཐིག་ལེར་དཀར་པོས་རིམ་གྱིས་ཁེངས་ཏེ་བ་སྤུའི་བར་ཁྱབ་པར་བསྒོམ། ཡར་ལངས་མར་རྒུར་སྐབས་ཧཱུྃ་ཧཾ་ལ་ཐིམ་པར་དམིགས། ཡང་ཧཾ་ལས་ཧཱུྃ་ཆད་པ་སོགས་རེས་མོས་མཐར་ཧཱུྃ་ཧཾ་ལ་བསྡུ། ཐིག་ལེས་ལུས་ཀུན་ཁྱབ་པ་དེ་ཉིད་ལས་མི་བསྡུའོ། །གཉིས་པ་བྱ་རྒོད་འཕུར་བ་ནི། ལུས་གནད་རྡོར་སྐྱིལ་ངང་ནས་རླུང་བཟུང་། སྐྱིལ་བཀྲུང་བཤིག ། རྐང་པ་མདུན་རྐྱང་། ཁུ་ཚུར་གྱེན་བསྟན་པུས་སྟེང་ནས་གཞལ་ལ་ཡར་ལངས། རྐང་གཡས་བསྐུམ་གཡོན་གྱི་བརླ་ལ་གཏད། གཡོན་པ་ས་ལ་བཙུག །ལག་གཉིས་ཐད་ཀར་ཤེད་ཀྱིས་བརྐྱང་། ཁུ་ཚུར་འཆང་ཁས་ཕྲག་གོང་དུ་གཡས་གཡོན་གཡས་བཅས་གསུམ་མཐར་ལག་གཉིས་ཁུ་ཚུར་མདུན་རྐྱང་གིས་ནུ་རྡེབ་གསུམ་རྒྱབ། ཡང་རྐང་མཐིལ་གཡོན་བརླ་གཡས་ལ་གཏད། ཕྲག་རྡེབ་

― KMC016_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་ཙམ་གསུམ་དང་། ནུ་རྡེབ་མཆན་རྡེབ་གསུམ་རྒྱབ། མཐར་འབེབས་ཆེན་གསུམ་དང་ཧ་སྤྲུགས་འཕུར་འདོན་བྱ། དམིགས་པའི་གནད་ནི། ལྟེ་བའི་གཏུམ་མོའི་འོད་ཀྱིས་སྤྱི་བོའི་ཧཾ་ལས་བྱང་སེམས་ཐིག་ལེ་ཡུངས་འབྲུ་ཙམ་གྲངས་མེད་པ་བབས་སྟེ། ལྟེ་བའི་གཞི་གནས་ཀྱི་མེ་ལ་རེག་མ་ཐག་ཐིག་ལེ་དཀར་ལ་དམར་བའི་མདངས་ཆགས་པའི་བདེ་དྲོད་དང་ལྡན་པས་རྩ་གནས་ཐམས་ཅད་མེར་གྱིས་ཁེངས། བ་སྤུའི་བུ་ག་ནས་མཆེད་པའི་ལུས་ཀྱི་ཕྱི་དྲོད་ཀྱིས་མེ་འབར། ལུས་ཀྱི་ནང་བདེ་བས་མྱོས་པ་བཞིན་ཟར་ཟིར་དུ་གྱུར་བདེ་དྲོད་ལུས་ལ་འབར་བས་སེམས་སྐྱེ་མེད་རྟོག་བྲལ་ནམ་མཁའ་གཡའ་དག་པ་ལྟར་ལྷན་ནེར་སོང་བར་དམིགས་ལ། ལུས་སེམས་ལྷོད་ཅིང་ངལ་གསོའི། དེ་ནས་འབེབས་ཆེན་ནི་ལུས་གནད་རྡོར་སྐྱིལ་བཅས། རླུང་བཟུང་། ལག་གཉིས་འཁྱུད་རྒྱ་བཀྲོལ་བ་དང་རྡོར་སྐྱིལ་བཤིག །ཡར་ལངས། རྐང་པ་གཤིབ། ལུས་དྲང་པོར་བསྲང་ཞིང་ལག་གཉིས་མྱུར་པོར་མདུན་ཕྱོགས་ཤེད་ཀྱིས་བརྐྱང་ནས། ཐུགས་ཀར་འཁྱུད་རྒྱ་བཀྲོལ་བའི་ཁུ་ཚུར་པུས་མོ་གཉིས་ཀྱི་ཕྱི་ཟུར་དུ་སྦུབས་པ་དང་མཉམ་དུ་

― KMC016_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་པ་གཉིས་སེམས་སྐྱིལ་ཚུལ་གྱིས་ལུས་ལྗིད་ཕབ་ཏེ་གདན་ལ་འཕངས་པ་དང་། བརླ་པུས་མགོའི་ཕྱི་བོལ་གོང་བཅས་ཐམས་ཅད་ལྷན་ཅིག་ཅལ་གྱིས་བརྡབ་པ་ནི་སྤྱིར་འབེབས་ཆེན་ཏེ་གོང་དུ་བཤད་པ་ལ། ནང་གསེས་རྐང་པ་གཡས་ཕྱི་གཡོན་ནང་བྱས་གོང་བཞིན་གདན་ལ་འབེབས་པ་བསྣོལ་འབེབས། ༡༽ ཡང་རྐང་པ་གཉིས་བར་ཁྲུ་གང་ཙམ་བྱེ་བར་བྱས་ཏེ་གདན་ལ་འབེབས་པ་བསྒྲད་འབེབས་དང་། ༢༽ རྐང་པ་གཤིབས་ནས་ཡར་བཞེངས། ཅུང་ཟད་ཡར་འཕགས་ཉམས་ཀྱིས་ལག་པ་འཁྱུད་རྒྱ་རྐང་པ་གཉིས་རྡོར་སྐྱིལ་བཞིན་གདན་ལ་འབེབས་འཕྲལ་འཁྱུད་རྒྱ་རྡོར་སྐྱིལ་བཤིག་ཐུབ་ངེས་བྱ་བ་རྡོ་རྗེ་ཐོག་འབེབས་དང་། ༣༽ རྡོར་སྐྱིལ་བཤིག་འཕྲལ་ལག་རྒྱབ་གཉིས་པུས་མོའི་ཕྱི་ཟུར་གཉིས་དུས་མཉམ་དུ་གདན་ལ་ཤུགས་ཀྱིས་རྡེབ་མ་ཐག་རྐང་ལག་བཞི་མདུན་ཕྱོགས་སུ་ཤེད་ཀྱིས་བརྐྱང་། ལག་གཉིས་ཁུ་ཚུར་སྦུབས་པ་ངར་གདོང་སྟེང་དུ་བཞག་ཙམ་ནས་མྱུར་བར་ཙོག་པུར་མེ་ཐབས་དྲུག་ཆིངས་བཅའ། ཡར་ལངས་ཞོར་ལག་གཉིས་ནུ་མའི་སྟེང་ནས་ཡར་གཞལ་བའི་ཚུལ་གྱིས་དཔུང་པ་རྒོད་གཤོག་ལྟར་བརྐྱངས་

― KMC016_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། ཚུར་བསྐུམ་པའི་ཕྲག་གོང་ནས་བཟུང་ཕྱིར་མཁལ་ཁུག་བར་ཁུ་ཚུར་གྱིས་གཞལ། ལུང་ལྗིད་ཕབས་ཏེ་རྐང་པ་སེམས་སྐྱིལ་གྱིས་འབེབས་གདན་ལ་བརྡབ་པ་ནི། བརྐྱངས་བསྐུམ་འབེབས་དང་། ཡང་རྐང་པ་གཤིབས་ནས་ཡར་ལངས། ལག་གཉིས་ཁུ་ཚུར་ཕྱིར་སྦུབས་ལུས་རྒྱུད་དཔྱི་ཟུར་ནས་ཕྱིར་གཞལ་དང་། རྐང་ལག་བཞི་ཀ་མདུན་ཕྱོགས་སུ་འཕངས་པ་ལྟ་བུར་ལག་པའི་གྲུ་མོ་རྐང་པའི་སྒྱིད་ཁུག་རྣམས་ཐད་ཀར་བརྐྱངས་བཞི ན་ལུས་ལྗིད་ཕབས་ཏེ་བྱིན་གཞུག ། ཉ་སྙིང་། སྒྱིད་ཁུག །བརླ་དང་། འཕོངས་རྣམས་ལྷན་ཅིག་འབེབས་གདན་ལ་ཅར་གྱིས་རྡེབ་ཅིང་། དེ་ཡང་ལུས་ཚུགས་མ་ཤོར་བར་བསྲང་བ་ནི་བརྐྱང་འབེབས་ཏེ། དེ་ལྟར་འབེབས་ཆེན་རྣམ་ལྔར་གྲགས་པ་ཡང་ལོངས་སྐབས་ཡོད་ཚེ་རླུང་ཁུག་རེ་རེ་འབེབས་ཆེན་སྣ་རེ་ཅི་ནུས་སུ་རྒྱབ་པ་དང་། བསྡུ་ཚེ་རླུང་ཁུག་གཅིག་ལ་ཐམས་ཅད་ཚང་བར་བྱས་ཏེ་གོང་ལྟར་ཧ་སྤྲུགས་སོགས་བྱའོ། །དམིགས་པའི་གནད་ནི། འདི་དག་ས་བཅད་གཅིག་གི་ཁོངས་སུ་གཏོགས་པའི་ཕྱིར། རང་ཉིད་ཌཱ་ཀི་མ་གསེར་གྱི་མདོག་ཅན་གྲི་ཐོད་འཛིན་པ་རྩ་གསུམ་འཁོར་ལོ་

― KMC016_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་དང་བཅས་པ་གསལ་བའི་འདུས་མདོའི་གཏུམ་མོ་རྣོ་ལྡན་སྲན་མ་ཙམ་ལས་འོད་འཕྲོས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་འམ་དཔའ་བོ་རྣལ་འབྱོར་མའི་ཚོགས་དཔག་ཏུ་མེད་པ་སྤྱན་དྲངས། རང་ཉིད་ཀྱི་ལུས་ལ་ཐིམ། དེའི་མཐུས་ལུས་ཕྱི་ནང་ཐམས་ཅད་ཡེ་ཤེས་ཀྱི་མེ་རི་མེ་དཔུང་དུ་གྱུར། སླར་ཡང་བྱང་ཆུབ་སེམས་དཔའ་དཔའ་བོ་དཔའ་མོ་བསམ་གྱིས་མི་ཁྱབ་པ་རང་གི་ལུས་ལ་ཐིམ་པས་མེ་ཆེར་འབར། སྟོང་གསུམ་འཇིག་རྟེན་ཐམས་ཅད་མེའི་ཕུང་པོ་ཆེན་པོ་གཅིག་ཏུ་གྱུར་པ་ཟད་པར་མེའི་ཏིང་ངེ་འཛིན་ལ་སེམས་རྩེ་གཅིག་ཏུ་གཏད་དོ། །གཞན་དུ་འབེབས་ཆེན་རེ་ལ་དམིགས་པ་རེ་སྦྲག་རྒྱུ་མཆིས་མོད། ལུགས་འདིར་འབེབས་ཆེན་ཀུན་ལ་དམིགས་པ་འདི་གཅིག་པུས་ཁྱབ་པའོ། །གེགས་སེལ་ནི། ལུས་གནད་རྡོར་སྐྱིལ། ལག་གཉིས་ཁུ་ཚུར་བརླ་རྩར་སྦུབས། རླུང་བཟུང་ལ་ཐོག་མར་མདུན་མཁར་ཧར་གྱིས་གཅིག་བལྟ། ལུས་གནད་བསྲང་བཞིན་གདོང་གཡས་སུ་ཕྱོགས་པས་མིག་གིས་ཕྲག་གོང་གཡས་སུ་བལྟ། དེ་བཞིན་དུ་གཡོན་དུ་བལྟ། དེ་ནས་གཡས་སུ་བལྟས་ལ་ཧ་བརྗོད། ཡང་གཡས་སུ་གཅིག་

― KMC016_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་དུ་གཅིག ། ཡང་གཡས་གཡོན་ལ་ལན་རེ་བལྟས་ཏེ་ཧ་རེ་བརྗོད། རྡོར་སྐྱིལ་བཤིག་ལ་ལག་གཉིས་རྡོ་རྗེ་རྩེ་གཅིག་རྒྱ་ནམ་མཁར་བཏེག་ཅིང་མིག་བར་སྣང་ལ་བལྟ། སེམས་སྐྱིལ་བཅའ། བར་འབེབས་རེ་དང་ངག་གིས་ཧ་རེ་བརྗོད། རྡོ་རྗེ་རྩེ་གཅིག་རྒྱས་བྲང་ལ་ཤེད་ཀྱིས་རྒྱབ་པ་རྣམས་སྦྲགས་ལ་ལན་གསུམ་བདུན་བརྒྱད་སོགས་བྱ། དམིགས་པའི་གནད་ནི་ཐོག་མར་མདུན་དུ་བལྟ་བའི་ཚེ་མདུན་མཁར་ཡི་གེ་ཧ་ལྗང་གུ་ཆེ་བ་གཅིག ། གཡས་གཡོན་དུ་བལྟ་ཚེ་ཕྲག་གོང་གཉིས་སུ་ཧ་ལྗང་གུ་དེ་ལས་ཆུང་བ་རེ་གསལ་བཏབ། དེ་ནས་ཧ་བརྗོད་བཞིན་གཡས་སུ་བལྟ་བའི་ཚེ་ཐོག་མེད་ནས་བསགས་པའི་སྡིག་སྒྲིབ་ལུས་ཀྱི་བག་ཆགས། རྩ་ཡི་སྒྲིབ་པ་གེགས་དང་བར་ཆད་ཐམས་ཅད་ནག་ཐིབས་སེ་གཡས་ཀྱི་ཧ་ལ་ཐིམ་པ་དང་། གཡོན་དུ་བལྟ་ཚེ་ཕྱི་མ་མྱོང་འགྱུར་གྱི་ལས་ངན་འབྲས་བུ་བག་ཆགས་དང་བཅས། ངག་གི་སྡིག་སྒྲིབ་རླུང་གེགས་དང་བར་ཆད་ཐམས་ཅད་གཡོན་གྱི་ཧ་ལ་ཐིམ་པ་བཅས་ཡང་ཡང་བསྒོམ། མཐར་བར་འབེབས་སྐབས་སུ་འདུས་མདོའི་གཏུམ་མོ་ལས་རླུང་གཡོས། ཀུན་གཞིའི་བག་ཆགས་ཚེ་འདིར་

― KMC016_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་བསགས་ཀྱི་སྡིག་སྒྲིབ་མདོར་ན་གཉིས་སྣང་འཛིན་རྟོག་དང་བཅས་པ། རོ་རྐྱང་ལས་རླུང་ཟག་བཅས་ལུས་ཀྱི་ཤ་ཁྲག་གི་ཐིག་ལེ་བསྒོམ་པའི་གེགས་དང་བར་ཆད་ཐམས་ཅད་སྦུར་མ་རླུང་གིས་ཁྱེར་བ་ལྟར་དབང་པོའི་སྒོ་དགུ་དང་། བ་སྤུའི་བུ་ག་རྣམས་ནས་ཕྱིར་དེད། ཁུག་རླུང་གི་རྣམ་པ་ནག་སིབ་སིབ་མདུན་གྱི་ཧ་ལ་རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར་ཐིམ། ཕྲག་གོང་གཉིས་ཀྱི་ཧ་ཡང་དེ་དང་ལྷན་ཅིག་མདུན་གྱི་ཧ་ལ་ཐིམ། སླར་སྒོ་གསུམ་གྱི་སྒྲིབ་པ་དྲི་མ་ཙམ་མ་ལུས་པའང་གཏུམ་མོའི་མེས་བསྲེགས་ཏེ་རྣམ་སྨིན་གྱི་ཕུང་པོ་སྦྲུལ་གྱི་ཤུན་པ་བརྗེས་པ་བཞིན་དག་སྟེ། གསལ་སྟོང་དབྱེར་མེད་འཇའ་ཚོན་ལྟ་བུའི་ཡི་དམ་ལྷའི་སྐུ། གྲགས་སྟོང་ལྷུན་གྲུབ་བྲག་ཆ་ལྟ་བུ་ཨ་ཧཾ་སྔགས་ཀྱི་སྒྲ། བདེ་སྟོང་ཟུང་འཇུག་འདུས་མ་བྱས་པའི་རིག་པ་བཟུང་འཛིན་གྱི་ཕྱོགས་སུ་མ་ལྷུང་བར་གང་ཤར་ཡེ་ཤེས་ཆེན་པོར་འབྱམས་ཀླས་པ་འདིའི་རང་ངོ་སྐྱོང་ངོ་། །རྗེས་རིམ་ནི་ལུས་གནད་རྡོར་སྐྱིལ་བཅས། རླུང་བཟུང་ལ། སྔོན་འགྲོ་རྩ་འཁྲུས་ལྟར་བྲང་རྡེབ་མཆན་རྡེབ་སོགས་གསུམ་དགོས་པ་རྣམས་རེ་རེ་བྱས་ལ་རྡོར་སྐྱིལ་བཤིག །སེམས་སྐྱིལ་ངང་ནས་

― KMC016_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

ཁུ་ཚུར་པུས་མོར་སྦུབས་ལ་པུས་བྲང་འཕྲོད་ངེས་ཀྱིས་གཡས་བཅད་གསུམ། གཡོན་བཅད་གསུམ་བྱས་ལ་རླུང་བཏང་། འདི་ལ་སྔར་ལྟར་རྐང་བྱུག་སོགས་མི་དགོས། དཔེ་ཉིད་ཟིན་བྲིས་སུ་བགེགས་སེལ་ལུགས་གཅིག་གསུངས་པ་དང་། འཇང་པ་སྐུ་སྐྱེའི་རྗེས་ཆོག་ཡན་ལག་ལྔ་སྦྱོང་བསྡུས་པ་ཚར་གཅིག་གསུངས་པ་བཅས་གཉིས་ཀར་ཆད་ལྷག་གི་སྐྱོན་ཅུང་ཟད་ཀྱིས་རྗེས་འཇུག་རྣམས་གོ་བ་འཁྲུལ་བར་མངོན་ནོ། །དམིགས་པའི་གནད་ནི་གོང་གི་གེགས་སེལ་གྱི་ཁྱེར་སོ་དང་མ་བྲལ་བར ། ལྟེ་བའི་གཏུམ་མོའི་མེས་དབུ་མ་ནས་རྩ་ཕྲན་རྣམས་སུ་ཁྱབ། ཡན་ལག་ཉིང་ལག་དང་བཅས་པ་དྲོ་ཞིང་མཉན་ལ་ཡང་པ་རྩ་རླུང་གི་གེགས་དང་གོལ་ས་ལས་གྲོལ་བར་བསམ་མོ། །མཐའ་རྟེན་བཀྲ་ཤིས་ནི། ལུས་གནད་རྡོར་སྐྱིལ་བཅས། རླུང་བཟུང་། སྐྱིལ་ཀྲུང་བཤིག་ནས་སེམས་སྐྱིལ་ངང་ལག་གཉིས་མཆན་རྡེབ་བཅས་རྐང་པའི་བོལ་ཚིགས་རྩར་ཁུ་ཚུར་གཡོན་འོག་གཡས་སྟེང་མ་བྱས་ལ་བརྩེགས། མགོ་བོ་གདན་ལ་ཕྱོགས། ཧཱུྃ་གིས་འདྲེན་པ་དང་དུས་ཅིག་མགོ་བོ་བཏེག །མིག་གྱེན་དུ་ལྡོག །ལྕེ་ཡ་རྐན་ལ་སྦྱར། རྒྱུ་

― KMC016_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་གྱེན་ལྡོག །རྒྱུ་སྟོད་གཟེར་ཐམ་ཐམ་བྱེད་པ་རྒྱ་མཚོ་རི་རབ་ལ་སྦྱར་བའི་བུམ་ཅན་སྟོད་ལ་བཟུང་བ་སྟེ། དེ་ལྟ་བུའི་གཡས་གཡོན་དབུས་གསུམ་འདྲེན་ཅིང་དགྱེ་དགུ་གསུམ་བྱ། མར་རྒུར་དུས་མཆན་རྡེབ་རེ་དང་སྦྲགས་ཁུ་ཚུར་སྔར་བཞིན་བརྩེགས། དེ་ནས་རྡོར་སྐྱིལ་བཅའ། ལག་པ་གཉིས་མདུན་དུ་བརྐྱང་ནས་བརྡབ་འཕུར་གསུམ་དང་། ལུས་ཀྱི་སྟོད་སྨད་ཀུན་ལ་ཤུགས་ཀྱིས་འཕུར་བྱུག་གསུམ་གསུམ་ཡང་ཡང་བྱས་ལ་རླུང་བཏང་། གཡས་གཡོན་དབུས་གསུམ་དུ་ཧ་སྤྲུགས་ཡང་ཡང་བྱའོ། །དམིགས་པའི་གནད་ནི་འདུས་མདོའི་མེ་འོད་ཀྱིས་སྤྱིར་བོའི་ཧཾ་ཡིག་ཞུ། དབུ་མ་ནས་རྩ་འཁོར་རྣམས་རྒྱུད་ཡན་ལག་གི་མཐའ་བར་རྩ་ཕྲན་ཀུན་ལ་མེ་ཏོག་ཆབ་ཀྱིས་བྲན་པ་ལྟ་བུའི་བདུད་རྩིས་ཁྱབ། རྩ་ཐམས་ཅད་གནས་དང་ཐིག་ལེ་ཐམས་ཅད་དཔའ་བོ་དཔའ་མོའི་རང་བཞི་རང་ལུས་ཡི་དམ་ལྷའི་དཀྱིལ་འཁོར་དུ་གྱུར། དེ་ནས་བུམ་ཅན་སྨད་ལ་བཟུང་ནས་གཏུམ་མོའི་མེ་རྩ་གནས་རྣམས་སུ་ཁྱབ་ཅིང་བསོས་པས་ལྷ་ཚོགས་རྣམས་ལ་དགྱེས་ཤིང་མཉེས་པའི་མཆོད་པར་གྱུར། མཐར་དབང་པོའི་སྒོ་དང་བ་སྤུའི་བུ་ག་ཐམས་ཅད་ནས་མེ་སྟག་

― KMC016_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

གློག་ལྟར་འཚུབས་པའི་རང་ལུས་ཡེ་ཤེས་མེའི་གུར་ཁང་དཔག་ཚད་ཙམ་དུ་ཁྱབ་ཅིང་བར་མེད་དུ་འབར་བར་ཚུད་པས་གདོན་བགེགས་སོགས་གང་གིས་གླགས་མི་རྙེད་པར་གྱུར། ལག་མཐིལ་གཡས་སུ་རླུང་གི་འཁོར་ལོ་ལྗང་གུ་ཟླ་གམ། གཡོན་དུ་མེ་ཡི་ཆོས་འབྱུང་དམར་པོ་གྲུ་གསུམ་པ་བསྒོམ་ལ་བརྡབ་ཅིང་འཕུར་བས། ལག་མཐིལ་གཉིས་མེ་ལ་གསོས་པ་ལྟར་ཚ་ཆི་ལེར་རེག་བྱ་མི་བཟོད་པ་ཙམ་དུ་བསྒོམ་ལ་ལུས་ཀྱི་སྟོད་སྨད་ཀུན་ཏུ་འཕུར་སྲུབ་བྱའོ། །ཡང་ན་རླུང་རང་བབས། སེམས་སྐྱིལ་བཅས། རྐང་གཡས་ལོང་བུའི་སྟེང་མཆན་རྡེབ་མེད་པའི་ཁུ་ཚུར་གཉིས་བརྩེགས་ཧཱུྃ་སྒྲས་གཡས་གཡོན་དབུས་གསུམ་གྱེན་དུ་འདྲེན་ལ། མཐར་ཧ་སྤྲུགས་འཕུར་འདོན་བྱ་ཞིང་། དམིགས་པ་ནི་ལོགས་སུ་མེད་དོ། །མཐར་རྡོར་སྐྱིལ་རྣམ་སྣང་ཆོས་བདུན་བཅས་བླ་མའི་སྐུ་གསུང་ཐུགས་དང་རང་གི་སྒོ་གསུམ་དབྱེར་མེད་དུ་ལྟས་ལ་མ་བཅོས་པ་ཕྱག་རྒྱ་ཆེན་པོའི་ངང་དུ་ལྷོད་ཅིང་ང ལ་ག སོའོ། །དགེ་ཚོགས་བྱང་ཆུབ་ཆེན་པོར་བསྔོ་བས་རྒྱས་འདེབས་ཀྱང་བྱའོ། །རྟོགས་མེད་རླུང་གིས་མེ་ཆུའི་རྒྱུན་ཡང་གཡོ། །རྟོག་བཅས་རླུང་གིས་སྐྱེ་

― KMC016_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་འགྲོ་འོང་བྱེད། །རྟོག་དང་མི་རྟོག་དབྱེར་མེད་ཐབས་གྲོལ་གྱི། །རླུང་གིས་རྡོ་རྗེ་འཆང་གི་ས་རུ་སྐྱལ། །རླུང་དང་རྟོག་པ་བསྲེས་པས་ཉོན་མོངས་བསྐྱེད། །རླུང་དང་འཛིན་པ་བསྲེས་པས་བདུད་བཞི་འཇོམས། །རླུང་སེམས་དབྱེར་མེད་ཕྱག་རྒྱ་ཆེན་པོ་དང་། །བསྲེ་བ་མཆོག་གི་གཏུམ་མོའི་མྱུར་ལམ་སྟེ། །དེ་ཡི་གཞུང་ཁྲིད་རྫོགས་ཤིང་ཉམས་ལེན་ལ། ། གེགས་སེལ་བོག་འདོན་ལུས་སྦྱོང་འཁྲུལ་འཁོར་གྱི། །ཚུལ་འདིས་ཚེ་འདིར་རྡོ་རྗེ་འཆང་ཆེན་པོར། །གྲུབ་པའི་སྒྲུབ་བརྒྱུད་ཡུན་དུ་གསལ་གྱུར་ཅིག །ཅེས་པའང་རང་གི་རིམ་འགྲོ་པ་ཀརྨ་རིན་ཆེན་ནས་སྐུལ་བ་ལ་སླར་ཡང་བསྟན་པ་དང་ཆོས་རྒྱུད་ལ་རྒྱུ་མཚན་མཁྱེན་པ་སྒྲུབ་དཔོན་བླ་མ་བཀྲ་ཤིས་ཚེ་རིང་དང་ཞེ་འཇང་རྣམ་དག་སྤྲུལ་སྐུ་ནས་ཚོགས་དང་མར་མེ་སྟོང་མཆོད་བཅས་ནན་ཏན་དུ་བསྐུལ་བ་ལ་དོན་ཡོད་པའི་སླད་དུ། འཁྲུལ་འཁོར་རྩ་ཚིག་སྐྱབས་རྗེ་པདྨ་ཉིན་བྱེད་དང་། འཇང་སྤྲུལ་སྐུ་སྐྱེ་དབང་རྒྱལ་གཉིས་ཀྱི་ཟིན་བྲིས་ཕྱིས་འདིར་དར་རྒྱས་ཆེ་བར་གཞིར་བཟུང་། དམིགས་རིམ་རྣམས་རྗེ་བརྒྱད་པ་དང་དགུ་པའི་གསུང་ལ་ཉམས་ཁྲིད་ཀྱི་རྒྱུན་ཕྲན་བུའི་ནོར་འཁྲུལ་སོགས་

― KMC016_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུགས་པ་སྡེབས་ཤིང་གསལ་ཁ་བཅས་ལག་ལེན་དམིགས་རིམ་སྦྲེལ་བ་ལྟས་ཆོགས་ཏུ་བཀོད་པ་འདི་བཞིན། བསྙེན་བརྒྱུད་ཡི་གེར་སྤེལ་བར་ཤིན་ཏུ་འཇིགས་ཀྱང་ལྷ་དང་བླ་མར་ནོངས་པ་བཤགས་ཤིང་བྲིས་པ་འདིའང་སྙིང་ནས་ཆོས་འདིར་མོས་ཤིང་ཡི་དམ་གྱི་བསྙེན་སྒྲུབ་ཚད་དུ་འཁྱོལ་བ་ཆོས་དྲུག་གི་ཉམས་ཁྲིད་རྫོགས་པར་ཐོབ་པ་རྣམས་ལས་གཞན་དུ་མི་སྤེལ་བར་གསང་རྒྱས་གདབ་པར་བྱའོ། །ཞེས་རང་གནས་བསམ་གཏན་གྱི་ཁང་བུར ། མཁྱེན་སྤྲུལ་པས་ཟིན་བྲིས་གཙོར་གདོན་བྱས་པ་བཀྲ་ཤིས་དཔལ་སྤུངས་སྒྲུབ་བརྒྱུད་བསྟན་པ་རྒྱན་དུ་གྱུར་ཅིག མངྒ་ལཾ་བྷ་ཝནྟུ་དགེའོ།། །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

འཁྲུལ་འཁོར་དཔེའུ་རིས།

― KMC016_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

― KMC016_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

― KMC016_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལ་འཕྱུག་མེད་ཀྱི་ལག་ལེན་ཡི་གེ་ཁ་གསལ་དུ་བཀོད་པ་ལ། ༼ཀ༽ ཐོག་མར་སྔོན་འགྲོ་རླུང་སྐྱོན་སེལ་བའི་འཁྲུལ་འཁོར་ནི། རླུང་བཟུང་མི་དགོས་ལུས་གནད་རྣམ་སྣང་ཆོས་བདུན་བཅས་ལ་ལག་མཐིལ་གཉིས་ཀྱིས་རྐང་མཐིལ་དུ་ཤེད་ཀྱིས་ལན་གསུམ་བརྡབ། དེ་འཕྲལ་ལག་གཉིས་སྙིང་ཁར་འཁྱུད་རྒྱ་བྱས་ལ་བཀྲོལ་བ་དང་ལྷན་དུ་རྡོར་སྐྱིལ་བཤིག་ནས། ༼ཁ༽ ཅུང་ཟད་ཡར་འཕགས་ཉམས་བཅས་རྐང་པ་གཡས་ཤེད་ཀྱིས་བརྐྱང་པའི་དཔྱི་མགོར་ལག་གཉིས་ཀྱི་ཐལ་རྡེབ་བཅས་བརླ་ཡི་ཕྱི་ཟུར་ནས་མར་བྱུག་ཞོར་སོར་

― KMC016_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེ་ནས་བསྐོར་མི་དགོས་ལོང་ཚིགས་བསྡམས་ཙམ་བྱས་ནས། ལག་པ་གཉིས་ཀས་ནང་ནས་ཡར་བྱུག་ཞོར་རྐང་པ་བསྐུམ་ཡང་རྐང་པ་མར་བརྐྱང་ལ་དཔྱི་མགོར་ཐལ་རྡེབ་སོགས་ལན་གསུམ་བྱས་ལ། དེ་ནས་རྐང་པ་གཡོན་ལ་ཡང་དེ་འདྲ་ལན་གསུམ་བྱ། དེ་འཕྲལ་རྡོར་སྐྱིལ་བཅས་ལ། ༼ག༽ དཔུང་བརྐྱངས་ལག་གཉིས་ཐལ་མོ་སྙིང་ཁའི་ཐད་དུ་བརྡབས་ནས་ལག་པ་བཀྲུ་བ་ལྟར་འཕུར་ཞིང་། མདུན་དུ་ཕྱིར་འཕེན་པའི་ཚུལ་བཅས་དེ་འདྲ་ལན་གསུམ་བྱ། ༼ང་༽ ལག་གཡས་ཀྱིས་ཕྲག་གོང་ནས་ཕྱིར་བྱུག་ལག་མགོ་ཁུ་ཚུར་རྩེ་ནས་ནང་ནས་མཆན་ཁུང་བར་དུ་བྱུགས་འཕྲལ། མཆན་རྡེབ་རྒྱབ་ལ། ཡང་ཕྲག་གོང་ནས་བྱུག་པ་བཅས་དེ་འདྲ་ལན་གསུམ་དང་། དེ་ནས་ལག་གཡས་ཤེད་ཀྱིས་བརྐྱང་ལ་གཡོན་ཀྱི་ཕྲག་གོང་ནས་བྱུགས་ཤིང་མཆན་རྡེབ་བཅས་གོང་ལྟར་ལན་གསུམ་བྱས་ནས། མགོ་འཕུར་ནི། ༼ཅ༽ ལག་གཉིས་

― KMC016_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲིག་ནས་ཐལ་མོ་ཕྱིར་བསྟན་རྡོར་སྐྱིལ་ཐད་ནས་ཡར་ཁྱེར། མཆན་རྡེབ་བཅས་མདུན་དུ་བརྐྱང་ཞིང་། ལག་གཡས་ཀྱིས་དཔྲལ་བ་དང་། གཡོན་པ་ལྟག་པར་བཞག་ནས། བྱུགས་ཤིང་འཕེན་པའི་ཚུལ་བྱ། སླར་ཡང་མཆན་རྡེབ་མདུན་བརྐྱང་གིས་གཡོན་ནང་གཡས་ཕྱི་བྱུག་དང་འཕེན་ཚུལ་དེ་ནས་མཆན་རྡེབ་བཅས་མདུན་བརྐྱང་གིས་གཡས་ནང་གཡོན་ཕྱི་བྱས་ལ་བྱུག་དང་འཕེན་པའི་ཚུལ་བཅས་གོང་གསལ་གཡས་གཡོན་བསྡོམས་པས་གསུམ་བྱ། ༼ཆ༽ དེ་ནས་གདོང་བྱུག་ནི་ལག་མཐིལ་གཉིས་ཀྱིས་དཔྲལ་བ་ནས་གདོང་པ་ཕྱིར་བྱུག། ལྐོག་མའི་ཐད་ནས་ཐལ་མོའི་མཛུབ་རྩེ་རྣམས་སྦྲེལ་ལ་ཕྱིར་བསྟན། དེ་འདྲ་ལན་གསུམ་སོང་ནས། ༼ཇ༽ ནུ་འཕུར་ནི་དང་པོ་ནུ་མ་གཡོན་ཕྱོགས་སུ་ལག་གཡས་སྟེང་གཡོན་འོག་གི་ཁུ་ཚུར་གྱིས་ཕྱིར་བྱུག །དེ་ནས་ནུ་མ་གཡས་ཐོག་ལག་གཡོན་སྟེང་གཡས་འོག་བྱས་ནས་བྱུག་པ་བཅས་རེས་མོས་ཀྱིས་གཡས་ལ་གསུམ་གཡོན་ལ་གསུམ་བཅས་ཁྱོན་བསྡོམས་དྲུག་ཚང་དགོས། འདི་སྐབས་

― KMC016_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་གཉིས་ཁུ་ཚུར་ནང་བསྟན་གྱིས་བྱུག་པ་ཡིན་ཀྱང་། དཔེ་རིས་སུ་ཐལ་མོ་བྲིས་པ་ཅུང་ནོར་སོང་འདུག་པ་དགོངས་འཇགས་ཞུ། ༼ཉ༽ ལག་གཉིས་ཁུ་ཚུར་གཡས་མདུན་སྙིང་ཁའི་སྟོད་བྲང་གཞུང་དང་། གཡོན་རྒྱབ་གཞུང་རྒལ་ཚིགས་སྟེང་དུ་བཞག་ནས། མཉམ་དུ་ཕྱིར་བྱུག་ཡང་གཡོན་མདུན། གཡས་རྒྱབ་ཏུ་བཞག་ནས་དེ་བཞིན་བྱུག །ཡང་གོང་བཞིན་གཡས་མདུན་གཡོན་རྒྱབ་བྱས་ནས་བྱུག་པ་བཅས་ཁྱོན་གསུམ། ༼ཏ༽ ལག་གཉིས་ཁུ་ཚུར་རྒྱུ་ཁུག་མཁལ་མའི་སྟེང་དུ་བཞག་ནས་བསྐོར་ཞིང་འཕུར་བ་ལན་གསུམ་བྱ། དེས་སྔོན་འགྲོ་རླུང་སྐྱོན་སེལ་བའི་འཁྲུལ་འཁོར་རྫོགས་སོ། །དམིགས་པའི་གནད་ནི་ལག་མཐིལ་གཉིས་སུ་རླུང་གི་དཀྱིལ་འཁོར་སྔོན་པོ་གཞུ་ཡི་དབྱིབས་ཅན་ཡྃ་ཡིག་ལྗང་ཁུས་མཚན་པ། རྐང་མཐིལ་གཉིས་སུ་མེ་ཡི་རང་བཞིན་ཆོས་འབྱུང་དམར་པོ་རྃ་གྱིས་མཚན་པ་བསྒོམ་ལ་ལག་མཐིལ་གྱིས་རྐང་མཐིལ་དུ་ལན་གསུམ་བརྡབ་པའི་ཚེ་རྐང་མཐའ་ཆོས་འབྱུང་ལས། དང་པོས་དུ་བ་འཐུལ། གཉིས་

― KMC016_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མེ་སྟག་འཚུབས། གསུམ་པས་མེ་ལྷབ་ཀྱིས་འབར་སྟེ་རང་ལུས་མེ་ཡི་གོང་བུར་ཚུད། རྩ་རླུང་གི་སྐྱོན་ཐམས་ཅད་འཚིགས་རྩ་མདུད་སོགས་གྲོལ་བར་སྒོམ་མོ། །དེ་ནས་རླུང་བྱང་བའི་ཕྱིར་རླུང་རོ་དགུ་ཕྲུག་འབུད་པ་ནི་ལུས་གནད་བསྲངས་ཁུ་ཚུར་གཉིས་བརླ་རྩར་སྦུབ་ཐོག་མར། ༡༽ ལག་གཡོན་ཁུ་ཚུར་པུས་སྟེང་ནས་ཡར་ཁྱེར་ནས་ནུ་མའི་སྟེང་དུ་སླེབས་ཚེ་མཆན་རྡེབ་ཀྱིས་མདུན་དུ་ཤེད་ཀྱིས་བརྐྱང་འཕྲལ་ཁུ་ཚུར་མཛུབ་སྐོར་བཅས་གྲུ་མོ་ཐད་ཀར་བརྐྱང་། མཛུབ་མོས་སྣ་བུག་གཡོན་པ་བཀག་རླུང་གཡས་ནས་རྔུབ་ཅིང་འབུད་པ་གསུམ་བྱས་ལ་མཆན་རྡེབ་ཀྱིས་མདུན་དུ་ཤེད་ཀྱིས་བརྐྱང་ལ་སྔར་བཞིན་བརླ་རྩར་སྦུབ་མར་བརྐྱང་དུས་མཛུབ་སྐོར་མེད། ༈ །དམིགས་པའི་གནད་ནི། རླུང་ཕར་འབུད་པའི་ཚེ། སྐྱེ་བ་ཐོག་མེད་ནས་བསགས་པའི་སྡིག་སྒྲིབ་ནད་གདོན་ཐམས་ཅད་དང་། ཁྱད་པར་རྩ་རླུང་ཐིག་གསུམ་གྱི་གེགས་དང་བར་ཆད་ཐམས་ཅད་དབང་པོའི་སྒོ་དགུ་དང་བ་སྤུའི་བུ་ག་ཐམས་ཅད་ནས་སྔོ་ཐར་རེ་སོང་བར་བསམ། ཚུར་རྔུབ་པའི་སྐབས། ཡེ་ཤེས་ལྔ་ཡི་རང་བཞིན་དཔའ་བོ་དང་མཁའ་འགྲོ་མ་ཐམས་ཅད་རྩ་རླུང་ཐིག་གསུམ་གྱི་གྲོགས་སུ་རླུང་འོད་ཟེར་

― KMC016_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་དོག་སྣ་ལྔའི་རྣམ་པར་སྤྱན་དྲངས། རྩ་དམིགས་ཐམས་ཅད་དུ་མཚོ་ལ་ཆར་བབ་པ་ལྟར་སིབ་སིབ་ཐིམ་པར་སྒོམ་མོ། །དེ་ནས་ལག་གཡས་པུས་སྟེང་ནས་ཡར་ཁྱེར་མཆན་རྡེབ་མདུན་བརྐྱང་མཛུབ་མོས་སྣ་གཡས་བཀག་ལ་གཡོན་ནས་རྔུབ་ཅིང་འབུད་པ་གསུམ་བྱས་ལ་མཆན་རྡེབ་མདུན་བརྐྱངས་ཀྱིས་བརླར་སྦུབ། དེ་ཡི་ཚེ་དམིགས་པ་ནི་རླུང་ཕར་བཏང་བ་ན་སྐྱེ་བ་བར་མ་འདིའི་བསླབ་པ་གསུམ་ལ་ལྟུང་བས་གོས་པའི་སྡིག་སྒྲིབ་དང་། རྩ་རླུང་ཐིག་ལེའི་གེགས་དང་བར་ཆད་ཐམས་ཅད་སྔོ་ལྗང་གིས་ཕྱི་རོལ་དུ་སོང་བ་དང་། ཚུར་རྔུབ་ཚེ་བྱིན་རླབས་བསྡུ་བའི་དམིགས་པ་གོང་བཞིན་བྱའོ། ༢༽ །དེ་ནས་ལག་གཉིས་ཁུ་ཚུར་བརླ་རྩར་སྦུབ་བཞིན་སྣ་བུག་གཉིས་ནས་རྔུབ་དགང་། ཕྱིར་འབུད་དུས་ཁུ་ཚུར་པུས་སྟེང་དུ་སྦུབ། ཡང་ཁུ་ཚུར་བརླ་རྩར་ཡང་ཁྱེར། དེ་འདྲ་ལན་གསུམ་བྱ། དེ་ཡི་ཚེ་དམིགས་པ་ནི། རླུང་ཕྱིར་བཏང་དུས་སྐྱེ་བ་ཐོག་མཐའ་བར་གསུམ་གྱི་དམ་ཚིག་ཉམས་ཆག་སྡིག་སྒྲིབ་ནད་གདོན་སོགས། རྩ་རླུང་གི་བར་ཆད་ཐམས་ཅད་དབང་པོའི་སྒོ་དང་བ་སྤུའི་བུ་ག་བཅས། ལུས་ཁྲོལ་ཚག་ལྟར་ཡོད་པ་ནས་སྔོ་ལྗང་གིས་སོང་བ་དང་། ཚུར་རྔུབ་པའི་ཚེ་གོང་བཞིན་བྱིན་

― KMC016_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་བསྡུ་བའི་དམིགས་པ་བཅས་བྱའོ། ༈ །རླུང་བུམ་ཅན་བཟུང་བ་ནི། ལུས་གནད་ཇི་སྐད་དུ། རྣམ་སྣང་ཆོས་བདུན་ཞེས་བྱ་བ། །རྐང་པ་རྡོ་རྗེ་སྐྱིལ་ཀྲུང་གིས། །དྲོད་ནི་ཤུགས་ལ་སྐྱེ་བ་ཡིན། །ལག་པ་ལྟེ་འོག་སོར་བཞིའི་མཚམས། །མཉམ་བཞག་ཕྱག་རྒྱ་དམ་པར་བྱ། །རྩ་ཁ་འབྱེད་ཅིང་བདེ་བ་སྐྱེ། །སྒལ་ཚིགས་མདའ་ལྟར་དྲང་པོར་བསྲངས། །རླུང་རྣམས་རང་སར་ཚུད་པ་ཡིན། །མགྲིན་པ་ལྕགས་ཀྱུ་ལྟར་བཀུག་པས། །སྙིང་རྩེ་གྱེན་ལྡོག་མི་རྟོག་སྐྱེ། །དཔུང་པ་རྒོད་གཤོག་ལྟར་བརྒྱངས་པས། །དགོས་པ་རླུང་ནད་ཆུང་བ་ཡིན། །མིག་གིས་སྣ་རྩེར་གཏད་པ་ཡིས། །དམིགས་པ་དག་ནི་གསལ་བ་ཡིན། །ལུས་སེམས་རིལ་བུ་ལྟར་དུ་སྒྲིམ། །བདེ་དྲོད་མྱུར་དུ་སྐྱེ་བ་ཡིན། །ཞེས་གསུངས་པ་ལྟར་བཅས་གཞི་དེ་དང་ལྡན་པས། རླུང་དངོས་བཟུང་བ་ནི། རྔུབ་དགང་བཞིལ་བ་མདའ་ལྟར་འཕང་། །སྦྱོར་བ་བཞི་ལྡན་མ་ཤེས་ན། །ཡོན་ཏན་སྐྱོན་དུ་འགྱུར་ཉན་ཡོད། །ཅེས་དང་། རྒྱ་རས་ཀྱིས། རླུང་སེམས་གཉིས་མེད་མི་ཤེས་པའི། །རླུང་ཀྱང་འབུད་པ་ཀྱི་སེར་ཡིན། །ཞེས་པ་ལྟར། དམིགས་པའི་གནད་སྟོང་ར་རྩ་གསུམ་འཁོར་ལོ་བཞི་བཅས་གསལ་ཞིང་རླུང་སེམས་གཉིས་མེད་

― KMC016_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བསྐྱེད་རྫོགས་དང་མ་བྲལ་བས་ལྕགས་ཀྱུ་ལྟར་འགུགས། རྒྱ་མཚོ་ལྟར་དགང་། ཡུར་བ་ལྟར་གཞིལ། མདའ་ལྟར་འཕང་བ་སྟེ་སྦྱོར་བ་བཞིའི་ཚུལ་ལ་ནན་ཏན་དུ་བྱའོ། །འདི་ཕྱིན་དམིགས་བསལ་མ་གཏོགས་རླུང་བུམ་ཅན་བཟུང་བཞིན་དུ་རླུང་ཁུག་རེ་ལ་འཁྲུལ་འཁོར་རེ་རྫོགས་པར་བྱ་དགོས། རྩ་ཁྲུས་ཡན་ལག་ལྔ་སྦྱོང་ནི། ལུས་གནད་རྡོར་སྐྱིལ་དྲང་པོར་བསྲང་རླུང་བཟུང་འཕྲལ། ༼ཀ༽ ལག་གཉིས་ཁུ་ཚུར་སྦུབས་ལ་པུས་མོའི་སྟེང་ནས་ཡར་ཁྱེར་ནུ་སྟེང་སླེབས་འཕྲལ་མཆན་རྡེབ་བཅས་ཤེད་ཀྱིས་མདུན་དུ་བརྐྱང་སྐུམ་དུས་བྲང་སྟེང་ཤེད་ཀྱིས་བརྡེག་པ་དེ་འདྲ་ལན་གསུམ་བྱ། ༼ཁ༽ ལག་གཡོན་འཕྲོད་དུ་ཤེད་ཀྱིས་བརྐྱངས། ལག་གཡས་ཀྱིས་གཡོན་པའི་ཕྲག་མགོ་ནས་ཕྱིར་བྱུག་མཁྲིག་མའི་མཚམས་ནས་ནང་ལ་མཆན་ཁུང་བར་ཡར་བྱུག །ཡང་ལག་གཡོན་ཤེད་ཀྱིས་བརྐྱངས་པ་སོགས་གོང་ཀྱིས་གཡོན་པའི་ཕྲག་མགོ་ནས་ཕྱིར་བྱུག་མཁྲིག་མའི་མཚམས་ནས་ནང་ལ་མཆན་ཁུང་བར་ཡར་བྱུག ཡང་ལག་གཡོན་ཤེས་ཀྱིས་བརྐྱངས་

― KMC016_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གཡོན་པའི་ཕྲག་མགོ་ནས་ཕྱིར་བྱུག་མཁྲིག་མའི་མཚམས་ནས་ནང་ལ་མཆན་ཁུང་བར་ཡར་བྱུག །ཡང་ལག་གཡོན་ཤེད་ཀྱིས་བརྐྱངས་པ་སོགས་གོང་བཞིན་བཅས་གསུམ་དང་། ལག་གཡས་བརྐྱངས་ཤིང་གཡོན་པས་བྱུག་ཚུལ་སོགས་གོང་དང་འདྲ་བ་གསུམ་བྱ། ༼ག༽ དེ་ནས་ཐལ་མོ་གཉིས་སྙིང་ཁའི་ཐད་དུ་རྡེབ་བྱུག་ཕྱིར་འཕེན་ཉམས་ཅན་གསུམ་བྱ། འདི་གོང་གི་རླུང་སྐྱོན་སེལ་དུས་ཀྱི་ལག་པ་བཀྲུ་བ་ལྟར་མིན། ༼ང་༽ ཐལ་མོ་གཉིས་ཕྱིར་བསྟན་པ་བཅས་པུས་མོའི་སྟེང་ནས་ཡར་ཁྱེར་མཆན་རྡེབ་ཀྱིས་མདུན་དུ་བརྐྱང་ལ་ལག་གཡས་དཔྲལ་བ་གཡོན་ལྟག་པ་ནས་བསྐོར། ཡང་མཆན་རྡེབ་བཅས་ལག་གཡས་གཡོན་ཕྱི་ནང་བརྗེ་རེས་ལན་གསུམ། གོང་གི་རླུང་སྐྱོན་སེལ་བའི་སྐབས་དང་འདྲ། ༼ཅ༽ ལག་གཡས་ཁུ་ཚུར་སྦུབས་ལ་འཆང་ཁ་ཕྱིར་བསྟན་གྱིས་དྲང་དང་། གཡོན་པ་ཁུ་ཚུར་

― KMC016_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

བཀན་ལ་འཆང་ཁ་ཕྱིར་བསྟན་གྱིས་རྒྱབ་གཞུང་དུ་བཞག་ལ་དབུ་མ་ཤད་པ་ལག་གཡས་གཡོན་ཕྱི་ནང་རྗེ་རེས་ཀྱིས་ཕྱིར་ཤད་གསུམ་བྱ། ༼ཆ༽ རྡོར་སྐྱིལ་བཤིག་ནས་རྐང་གཡས་བརྐྱངས་ལག་གཉིས་ཀྱིས་བརླ་གཡས་དཔྱི་མགོར་ཐལ་རྡེབ་དང་བཅས་ཕྱི་ནས་མར་བྱུག་པ་སོར་རྩེ་རྐང་མཐིལ་ནས་ཡར་བརླ་ནས་ཡར་བྱུག་པ་གསུམ་དང་། འདི་སྐབས་པདྨ་ཉིན་བྱེད་ཟིན་བྲིས་སུ་ལག་པས་ཕྱི་ནས་མར་བྱུག་པ་སྐོར་བ་བརྐྱང་ནང་ནས་ཡར་བྱུག་པ་དང་རྐང་པ་བསྐུམ་པར་གསུངས་ཀྱང། དེ་ནི་གོང་གི་རླུང་སྐྱོན་སེལ་བའི་སྐབས་ལས་འདིར་མི་མཛད། ༼ཇ༽ སེམས་སྐྱིལ་བྱས་ལ་ལག་གཡོན་རྐང་གཡས་མཐིལ་འགེབ་ནས་བཟུང་ལག་གཡས་ཁུ་ཚུར་པུས་མོ་གཡས་ཀྱི་ཐོག་སྦུབ་ཅིང་མནན་ལ་མིག་གིས་གཡས་གཡོན་དབུས་གསུམ་དུ་གྱེན་ལ་ལྟ་བ་རེ་བྱ། དེ་ནས་རྐང་གཡོན་

― KMC016_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

བརྐྱང་ལ་དཔྱི་མགོར་ཐལ་རྡེབ་ནས་ཕྱི་ནང་བྱུག་པ་གསུམ་དང་། སེམས་སྐྱིལ་རྐང་པ་གཡས་གཡོན་ཕྱི་ནང་གོ་བརྗེ་སྟེ་མིག་གིས་གྱེན་ལྟ་གསུམ་བཅས་གོང་བཞིན་སོང་ནས། རྡོར་སྐྱིལ་བཅས་ལ་ལག་གཉིས་ཁུ་ཚུར་མཐེ་བོང་སར་བཙུག་སྟེ། རྡོར་སྐྱིལ་གདན་ལས་འཕགས་ཁུ་ཚུར་ཡར་བཀྱག་པ་དང་། ལུས་ལྗིད་ཀྱིས་རྡོར་སྐྱིལ་འབེབས་གདན་ལ་བརྡབ་པའི་འབེབས་ཆུང་གསུམ་བརྒྱབས་ལ་རྡོར་སྐྱིལ་བཀྲོལ་སྟེ་རླུང་བཏང་། པུས་མོའི་འཕང་ལོའི་སྟེང་ལག་མཐིལ་གྱིས་མནན་ལ་རོ་སྟོད་སི་ལི་ལི་སྤྲུགས་ཤིང་ཧ་སྤྲུགས་བྱའོ། །དེ་དག་གི་ཚེ་དམིགས་པའི་གནད་ནི། རྩ་གསུམ་འཁོར་ལོ་བཞི་དང་ཡན་ལག་བཞི་ཡི་ཚིགས་ཆེན་ཚིགས་ཕྲན་རྣམས་ཀྱི་འཁོར་ལོ་རྣམས་གསལ་ལ། དེ་སྔ་ཕན་ཆད་ཉོན་མོངས་པའི་སྟོབས་ཀྱིས་ཡེ་ཤེས་ཀྱི་རྩ་རྣམས་གྲུ་གུ་བཞིན་ལྡོག་ཅིང་གྱོང་ནས་ཡོད་པ་རྩ་གནས་རྣམས་སུ་རླུང་གིས་ཁྱབ་སྟེ་འཕུར་སྲུབ་སོགས་བྱས་པས་དེ་རྣམས་མཉན་ཅིང་གཞུ་རྒྱུད་ལྟར་བརྐྱངས་པའི་དམིགས་པ་བྱའོ། །ནཱ་རོ་དྲུག་སྐོར་ནི་དམིགས་པ་སོགས་བྱང་ན་བོགས་འདོན་གྱི་དམིགས་པ་དང་སྦྲགས་ཚུལ་ནི། ༡༽ རྡོར་སྐྱིལ་བཅས་ལ་རྩ་གསུམ་འཁོར་ལོ་དྲུག་འཁོར་ཕྲན་དང་བཅས་

― KMC016_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གསལ་པའི་འདུས་མདོར་ཡེ་ཤེས་ཀྱི་གཏུམ་མོ་མཚན་ཉིད་བཞི་ལྡན་ཐིག་ལེའི་རྣམ་པ་སེམས་དང་དབྱེར་མེད་དུ་སྒོམ་ལ་རླུང་བཟུང་བས་གཏུམ་མོའི་མེ་ཡི་རྩེ་མོ་ངྷཱུ་ཏིའི་ནང་དུ་ཞུགས་མེ་ཤེད་ཇེ་ཆེར་འབར་སྟེ་ལྟེ་བའི་འཁོར་ལོ་མན་ཁྱབ་པར་བསྒོམ་ཞིང་ལག་གཉིས་ཁུ་ཚུར་ཁ་སྦུབས་པུས་སྟེང་དུ་བཞག་ནས་ཕོ་བ་གཡས་གསུམ་སྐོར་གཡོན་གསུམ་སྐོར་མེ་ཡིས་སྙིང་ག་མན་ཆད་ཁྱབ་པར་བསྒོམ་ལ། ༈ ༢༽ །ཁུ་ཚུར་པུས་སྟེང་དུ་སྦུབ་བཞིན་པ་ནས་དཔུང་པ་བརྐྱངས་ཤིང་རོ་སྟོད་གཡས་གཡོན་བཅུད་པ་རེས་མོས་ཀྱིས་ལན་དྲུག་བྱ་དེ་ནས་མེ་ཡིས་མགྲིན་པ་བར་ཁྱབ་པར་སྒོམ། ༣༽ ལག་གཉིས་ཁུ་ཚུར་གྱེན་བསྟན་བརླ་རྩར་བཞག་ལ་མགོ་གཡས་སྐོར་གསུམ་དང་གཡོན་སྐོར་གསུམ་བྱ་མེ་ཡིས་སྤྱི་བོ་མན་ཆད་ཁྱབ་པར་སྒོམ། ༈ ༤༽ །མགོ་བོ་དགུ་བའི་མདུན་འཕང་གསུམ་དང་།

― KMC016_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

༥༽ མགོ་བོ་དགྱེ་བའི་རྒྱབ་འཕང་གསུམ་བྱ་དེ་ནས་མེ་ཡིས་ཡན་ལག་གི་འཁོར་ལོ་རྣམས་ལ་ཁྱབ་པར་བསྒོམ། ༦༽ རྡོར་སྐྱིལ་བཤིག །གཞོགས་གཡོན་ས་ལ་ཕབ། གཡོན་ཁུ་ཚུར་ནུ་སྟེང་བཞག་ཅིང་གྲུ་མོ་གདན་ལ་གཙུག །རྐང་གཡོན་བསྐུམ་པའི་རྟིང་པས་འོག་སྒོ་མནན། ལུས་ཚུགས་མ་ཤོར་བར་ལག་གཡས་རྐང་གཡས་མཉམ་དུ་ཤེད་ཀྱིས་གྱེན་ལ་བརྐྱང་ཞིང་། ཕྱིར་ཤེད་ཀྱིས་བསྐུམ་དུས་ལག་པས་མཆན་རྡེབ་དང་རྐང་པས་འཕོངས་རྡེབ་ཕོག་པ་ལན་གསུམ་བྱ། དེ་ནས་གཞོགས་གཡས་ས་ལ་ཕབ་ནས་གོང་བཞིན་ལན་གསུམ་སོང་ནས་མེ་ཡིས་ལུས་ཀྱི་ནང་ཐམས་ཅད་ཁེངས་ནས་བ་སྤུའི་པར་ཁྱབ་པར་བསྒོམ་ལ། རྡོར་སྐྱིལ་བཅས་ལག་གཉིས་ཁུ་ཚུར་དང་པོ་གཡས་མདུན་གཡོན་རྒྱབ། དེ་ནས་གཡོན་མདུན་གཡས་རྒྱབ་བཅས་ཕྱི་ནང་རེས་མོས་ཀྱིས་རོ་སྟོད་ལ་ཡར་ཤད་གསུམ་ཁྱོག་སྨད་ལ་མར་ཤད་གསུམ་བྱ། དེ་ནས་ལུས་

― KMC016_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཕྱི་ནས་ཀྱང་མེ་དམར་ཡོར་ཡོར་འབར་བར་སྒོམ་ལ་འབེབས་ཆུང་གསུམ་རྒྱབ། སླར་ཡང་མེ་རྣམས་གཏུམ་མོའི་འདུས་མདོར་ཐིམ་པར་བསམ་ཞིང་རྡོར་སྐྱིལ་བཤིག་ལ་རླུང་བཏང་ཧ་སྤྲུགས་འཕུར་འདར་བྱའོ། །འདི་སྐབས་དམིགས་པ་མི་གསལ་བའི་ལས་དང་པོ་དང་། དམིགས་པ་གསལ་ཀྱང་རོ་སྟོད་ན་བ་དང་རླུང་ཤེད་ཆེ་བ་སོགས་ལ་སྤྱིར་བཏང་དུ་དམིགས་གནད་རྩ་གསུམ་འཁོར་ལོ་བཞི་དང་བཅས་པའི་འདུས་མདོར་གཏུམ་མོའི་མེ་མཚན་ཉིད་བཞི་ལྡན་ཆེས་ཕྲ་བ་ནས་གསུམ་འཁྱོག་སོར་བཞི་པའི་བར་གསལ་བ་ལ་དམིགས་པ་གཏད་པར་བྱའོ། །རྩ་གསུམ་འཁོར་ལོ་སོགས་གྲུབ་ཆེན་ཀརྨ་པཀྴིས་མན་ངག་དུ་བཀྲལ་བའི་ལུས་སྦྱང་འཁྲུལ་འཁོར་སོ་བདུན་མར་གྲགས་པའི་གྲངས་ནི་ས་གནོན་བྱས་ལ་གཡས་གཡོན་སྐོར་བ་དྲུག །པུས་མོ་གཡས་འཇུས་གཡོན་སྐོར་བ་དྲུག །དེ་བཞིན་གཡོན་འཇུས་དྲུག་བཅས་བཅོ་བརྒྱད་ལ། གཡས་གཡོན་ཞགས་འཕེན་དྲུག་གིས་ཉེར་བཞི་སྟེ། །མདའ་འགེངས་གཡས་གཡོན་དྲུག་དང་སུམ་ཅུ་ལ། གཡས་གཡོན་ནང་བྱུག་

― KMC016_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་དང་སོ་དྲུག་སྟེ། ཧ་སྤྲུགས་བསྒྲང་བས་ལུས་སྦྱོང་སོ་བདུན་ནོ། །ཞེས་གསུངས་པའི་སོ་བདུན་མ་ནི་ལུས་གནད་རྡོར་སྐྱིལ་བཅས་ལ་རླུང་བཟུང་། ༼ཀ༽ ལག་གཉིས་ཁུ་ཚུར་ཁ་སྦུབ་པུས་མོའི་སྟེང་དུ་བཞག་ལ་ཕོ་བ་གཡས་སྐོར་གསུམ་གཡོན་སྐོར་གསུམ་བྱ། ༼ཁ༽ པུས་མོ་གཡས་ཀྱི་སྟེང་དུ་ལག་གཡས་ཁུ་ཚུར་སྦུབ་ཐོག་གཡོན་གྱི་ཁུ་ཚུར་སྦུབ་ལ་བརྩེགས་ཕོ་སྐོར་གཡས་གསུམ་གཡོན་གསུམ་བྱ། དེ་ནས་པུས་མོ་གཡོན་སྟེང་ཁུ་ཚུར་གཡོན་ཐོག་གཡས་བརྩེགས་ལ་ཕོ་སྐོར་གཡས་གསུམ་གཡོན་གསུམ་བྱ། དེ་ནས། ༼ག༽ ཁུ་ཚུར་ཞགས་འཕེན་ནི་ལག་གཡོན་ཁུ་ཚུར་པུས་གཡོན་སྟེང་སྦུབས་བཞིན་ལག་གཡས་མགོ་ཐོག་ནས་གཡོན་དུ་སྐོར་ལ་མཆན་རྡེབ་བཅས་མདུན་དུ་བརྐྱང་པ་ལན་གསུམ་བྱ། ལག་གཡས་ཁུ་ཚུར་པུས་གཡས་སྟེང་སྦུབ་ལ་གཡོན་གྱི་ཁུ་ཚུར་མགོ་ཐོག་ནས་གཡས་སྐོར་གྱི་

― KMC016_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

མཆན་རྡེབ་མདུན་བརྐྱང་གོང་བཞིན་ལན་གསུམ་རྗེས་མདུན་དུ་བརྐྱང་འཕྲལ་མདའ་འགེང་ནི། ༼ང་༽ ལག་གཉིས་མདུན་དུ་ཐལ་མོ་བརྡབ་ལ་གཡོན་པའི་ཁུ་ཚུར་ཤེད་ཀྱིས་བརྐྱང་ཞོར་གཡས་པའི་ཁུ་ཚུར་གཡོན་པའི་མཁྲིག་མ་ནས་བྲང་དཀྱིལ་བར་ཚུར་བྱུག་ལ་ནུ་སྟེང་མཆན་རྡེབ་བྱ་བ་དེ་འདྲ་གཡས་གཡོན་རེས་མོས་ཀྱིས་དྲུག་བྱ། ༼ཅ༽ དེ་ནས་ལག་གཡོན་མདུན་ཐད་དྲང་པོར་བརྐྱང་ལ་ལག་གཡས་ཁུ་ཚུར་གྱིས་འཆང་ཁས་དཔུང་པའི་ནང་མར་ཤད་མཁྲིག་མའི་མཚམས་ནས་ཡར་ཤད་མར་ཤད་ལན་གསུམ་དང་། གཡས་ལའང་གཡོན་གྱིས་ཤད་ཚུལ་དེ་བཞིན་ལན་གསུམ་བྱ། འབེབས་ཆུང་གསུམ་མཐར་རྡོར་སྐྱིལ་དཀྲོལ་ལ་རླུང་བཏང་ཧ་སྤྲུགས་འཕུར་འདོན་སྤྱི་ལྟར་བྱའོ། །དེ་ཡི་ཚེ་དམིགས་པའི་གནད་ནི་རྩ་གསུམ་འཁོར་ལོ་དྲུག་འཁོར་ཕྲན་དང་བཅས་པ་གསལ་བའི་འདུས་

― KMC016_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་ཆོས་འབྱུང་གི་དབུས་ཕག་མོའི་ངོ་བོ་གཏུམ་མོ་ཕྲ་ཞིང་ཕྲ་བ་གོང་བུའི་རྣམ་པར་གསལ་ཞིང་འབར་བའི་རྩེ་མོ་དྷཱུཏིའི་ནང་དུ་ཕྱིན་པ་ལ་སེམས་བཟུང་ཞིང་སྣ་བུག་རོ་རྐྱང་གཉིས་ནས་རྔུབ་པས་མགར་གྱིས་སྦུད་པ་བཏབ་པའི་མེ་བཞིན་གཞི་ཡི་ཙནྡ་ལཱི་ལས་མེ་དྲག་ཏུ་འབར། སྤྱི་བོ་བར་ཁྱབ་དེ་ནས་མེ་རྣམས་ཕྱིར་ལྡོག་འཕྲེད་དུ་འབར་བས་བ་སྤུའི་བར་ཁྱབ་ཅིང་རྩ་མདུད་རྟེན་བྱེད་དང་། འཁོར་བར་སྐྱེད་པའི་རྩ་རྣམས་དབུ་མ་ནས་འཁོར་ཕྲན་གྱི་རྩ་འདབ་རྣམས་ཀྱི་བར་ཐམས་ཅད་ལ། ཤིང་གི་ཤུན་པ་བཞིན་ཆགས་ནས་ཡོད་པ་ཐམས་ཅད་བསྲེག་ཡེ་ཤེས་ཀྱི་རྩ་འབའ་ཞིག་ཏུ་གྱུར་ཏེ་ཕྱི་ཡི་སྟོང་ར་ནང་མེ་བར་གྱི་རྩ་གསུམ་གཅིག་གིས་གཅིག་མ་བསྒྲིབ་པར་ཕྱི་ནང་ཟང་ཐལ་བདེ་བ་ཆེན་པོའི་ངང་ནས་མཐར་གཞིའི་གཏུམ་མོ་ལ་བསྡུའོ། །ཡང་གོང་བཞིན་སྦྱོར་བ་བཞིན་ལྡན་གྱི་རླུང་གིས་ཙནྡ་ལཱིའི་མེ་ཤེད་ཇེ་ཆེར་གྱིས་ལུས་ཀྱི་ནང་ཁྱབ་ཐམས་ཅད་མེ་ཡིས་ཁེངས། བ་སྦུའི་བུ་ག་རྣམས་ནས་མེ་ཡི་རྩེ་མོ་སྦྲུལ་གྱི་ལྕེ་བཞིན་ཕྱི་རོལ་དུ་ཉུག་ཉུག་མཆེད་པ་ལས་ཐོག་མར་གནས་ཁང་། དེ་ནས་ཇེ་ཆེར་གྱི་ཡུལ་ལུང་འཇིག་རྟེན་ཀུན་ཏུ་མེ་ཡིས་ཁེངས་པར་བསྒོམས་ཤིང་རླུང་ཁུག་གཅིག་ལ་འབེབས་ཆུང་ཅི་ནུས་རྒྱབ་ལ། མཐར་མེ་རྣམས་གཞིའི་གཏུམ་མོ་ལ་བསྡུ་ཞིང་རྟོག་མེད་ཀྱི་ངང་ལ་ནས་ཧ་སྤྲུགས་ཕུར་འདོན་སོགས་བྱའོ། །དེ་ཡན་གྱི་རླུང་སྐྱོན་སེལ་བ་གཅིག །

― KMC016_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་ལྔ་སྦྱོང་གཉིས། ནཱ་རོ་དྲུག་སྐོར་སོ་བདུན་མ་བཅས་གཏུམ་མོའི་འཁྲུལ་འཁོར་རྩ་བ་བཞི་རྫོགས་སོ། །དེ་དག་གི་ཚེ་ཁམས་སྐྱོན་ཡིན་ན་མེ་ཁ་དོག་དཀར་པོ་སྒོམས། དེ་ཡང་དྲོད་དང་བདེ་བ་དུས་མཉམ་དུ་སྒོམས། བདེ་བ་ཆུང་ན་བདེ་བ་རྐྱང་པ་དང་། དྲོད་ཆུང་ན་དྲོད་རྐྱང་པ་དང་། རླུང་ཤས་ཆེ་ཞིང་སེམས་མི་གནས་ན་མིག་མི་གཡོ་ཞིང་བདེ་བ་དང་ལྡན་པ་དང་། བྱིང་རྨུགས་དང་ཏིང་ངེ་འཛིན་མི་གསལ་ན། མེ་རྩེ་མོ་གཡོ་ཞིང་ཚ་བ་ལ་སེམས་བཟུང་བ་དང་། དུས་ཀྱི་གནད་ཀྱང་། སྡུག་བསྔལ་གྱི་དུས་རྩེ་མོ་རིང་བ་དང་། བཏང་སྙོམས་ཀྱི་དུས་ཐུང་བ་དང་། བདེ་བའི་སྐབས་གོང་བུའི་རྣམ་པ་ལ་སེམས་བཟུང་བར་བྱ་བ་ནི་མན་ངག་གནད་དམ་པའོ། །ནཱ་རོའི་ཡན་ལག་ལྔ་སྦྱོང་ནི། ལུས་གནད་རླུང་བཟུང་སྐྱིལ་ཀྲུང་བཅས་ལ། ལག་གཉིས་ཁུ་ཚུར་ཁ་སྦུབས་པུས་མོའི་སྟེང་དུ་བཞག་ལ་ཕོ་བ་གཡས་སྐོར་གསུམ་དང་གཡོན་སྐོར་གསུམ་བྱ། ཁུ་ཚུར་གྱེན་བསྟན་བརླ་རྩར་བཞག་ལ་མགྲིན་པ་གཡས་སྐོར་གསུམ་གཡོན་སྐོར་གསུམ། མགོ་བོ་གཡས་ཀྱོག་རེས་མོས་ཀྱིས་ལན་

― KMC016_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་བྱ། མདུན་རྒྱབ་ཏུ་མགོ་བོ་དགྱེ་དགུ་རེས་མོས་ལན་དྲུག་བྱ། སླར་ཡང་ཁུ་ཚུར་མདུན་ནས་ཡར་གྱེན་དུ་གཞལ་དཔུང་པ་གཉིས་ཐད་དུ་རྒོད་གཤོག་ལྟར་བརྐྱང་ལ། དང་པོ་གཡས་ཀྱི་ཁུ་ཚུར་གྱིས་གཡས་ཀྱི་ཕྲག་པར་བརྡེག་ལ་བརྐྱང་། དེ་ནས་གཡོན་གྱི་ཕྲག་བརྡེག་དེ་བཞིན་དང་། ཡང་གཡས་ཀྱི་ཕྲག་བརྡེག་གཅིག་ནས་ལག་གཉིས་ཀྱི་མཆན་རྡེབ་ཀྱིས་མདུན་དུ་བརྐྱང་། ཕྲག་རྡེབ་བཅས་ཁུ་ཚུར་བསྐུམ་པ་དེ་འདྲ་ལན་གསུམ་བྱ། འཁྱུད་རྒྱ་བཅས་རྡོར་སྐྱིལ་བཀྲོལ་བ་འཕྲལ། ཙོག་པུར་ཁུ་ཚུར་གཡོན་དང་རྐང་གཡོན་གདན་ལ་གཙུག །ལག་གཡས་མཐེ་བོང་མཛུབ་མོ་གུང་མོ་གསུམ་གྱིས་རྐང་གཡས་མཐེ་བོང་བཟུང་ལ་མདུན་དུ་ཤེད་ཀྱིས་བརྐྱང་བསྐུམ་ལན་གསུམ་དང་། ཁུ་ཚུར་གཡས་དང་རྐང་གཡས་གདན་ལ་གཙུག་ནས་གོང་བཞིན་ལག་གཡོན་གྱིས་རྐང་གཡོན་མཐེ་བོང་བཟུང་ལ་མདུན་དུ་བརྐྱང་བ་ལན་གསུམ་བྱས་ལ། བར་འབེབས་ནི་སེམས་སྐྱིལ་ཡར་བཏེག་

― KMC016_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

ཞོར། ཙོག་པུར་རྐང་པ་གཉིས་བརྣོལ་ལག་གཉིས་འཁྱུད་རྒྱའི་ཚུལ་གྱིས་གྱེན་དུ་འཕགས་པ་དང་། ལག་གཉིས་ཐད་ཀར་བརྐྱངས་སེམས་སྐྱིལ་པུས་མོའི་ཕྱིའི་ཟུར་གྱི་འབེབས་གདན་ལ་བརྡབ་པ་ནི་བར་འབེབས་ཏེ། དེ་འདྲ་ལན་གསུམ་མཐར་ཧ་སྤྲུགས་ཕུར་དོན་བྱ། འདི་ཕྱིན་བར་འབེབས་ཐམས་ཅད་འདི་ཡིས་རིགས་འགྲེའོ། །དམིགས་པའི་གནད་ནི་སྟོང་ར་རྩ་འཁོར་སོགས་གོང་བཞིན་བསྒོམ་པ་ལ་རླུང་གི་སྦྱོར་བས་མེ་ཡི་ནུས་པ་རབ་ཏུ་རྒྱས་ཏེ་ལྟེ་བའི་རྩ་འདབ་རྣམས་མེ་ཡིས་ཁེངས། འཁོར་ལོའི་དབུས་སུ་རྩ་བའི་མེ་མར་མེའི་སྡོང་བུ་ལྟར་འབར་བས་སྙིང་ཁའི་དབུས་དང་རྩ་འདབ་རྣམས་སུ་འབར་ཞིང་། དེ་བཞིན་དུ་མགྲིན་པ་དང་སྤྱི་བོའི་འབར་ཁྱབ། སྤྱི་བོར་གདུགས་རྩིབས་ལྟར་མེའི་སྣེ་མོ་ཅུང་ཟད་ཐུར་དུ་གུག་སྟེ་འབར་བ་ལས་ལྟེ་འཁོར་གྱི་མེ་ཡི་ནུས་པ་རྒྱས་པས་རྐང་པའི་ཚིགས་ཆེན་ཚིགས་ཕྲན་ནས་སོར་རྩེའི་བར་དང་། སྙིང་གའི་མེའི་ནུས་པ་རྒྱས་པས་ལག་པའི་ཚིགས་ཆེན་ཚིགས་ཕྲན་སོར་རྩེའི་བར་ཡེ་ཤེས་ཀྱི་ངོ་བོའི་མེ་འབར་ཞིང་ཁྱབ་པར་བསྒོམ་ལ་མཐར་གཞིའི་གཏུམ་མོ་ལ་བསྡུ་གོང་བཞིན་བྱའོ། །མཻ་ཏྲིའི་ཡན་ལག་ལྔ་སྦྱོང་ནི་ལུས་གནད་རླུང་བཟུང་རྡོར་དཀྱིལ་བཅས་ལ། ༡༽ ཁུ་ཚུར་གཉིས་བརླ་རྩར་སྦུབས་ལ་

― KMC016_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པ་གཡས་བསྐོར་གསུམ། གཡོན་སྐོར་གསུམ། མགོ་བོ་གཡས་ཀྱོག་གསུམ། གཡོན་ཀྱོག་གསུམ། དེ་བཞིན་མགོ་བོ་རྒྱབ་ཏུ་དགྱེ་ཞིང་འཕང་གསུམ་དང་། མདུན་དུ་དགུ་བ་ལན་གསུམ་བྱས་ལ། ལག་གཉིས་འཁྱུད་རྒྱ་བཀྲོལ་བ་དང་རྡོར་སྐྱིལ་བཤིག ༢༽ །དེ་འཕྲལ་པུས་མོ་གཉིས་ས་ལ་གཙུགས། ལུས་དྲང་པོར་བསྲང་། གྲུ་མོ་གཡོན་བརྐྱངས་ཁུ་ཚུར་གྱིས་ནུ་མ་གཡོན་གྱི་སྟེང་ནས་མནན་ལ། ལག་གཡས་ཁུ་ཚུར་མགོ་ཐོག་ནས་བསྐོར་བའི་ཞགས་འཕེན་རེ་དང་མཆན་རྡེབ་རེ་སྦྲགས་པ་གསུམ། སླར་ཡང་གཡས་པའི་ཁུ་ཚུར་ནུ་གཡས་སྟེང་བཙུག་ལ་གཡོན་པ་ཞགས་འཕེན་མཆན་རྡེབ་བཅས་གསུམ། ཙོག་པུར་ལག་པ་གཉིས་ཀྱི་ཁུ་ཚུར་དང་། རྐང་པ་གཡོན་བཅས་གདན་ལ་བཙུག །རྐང་གཡས་མདུན་ཐད་དྲང་པོར་བརྐྱང་བསྐུམ་བརྐྱང་བཅས་གསུམ་དང་། སླར་ཡང་རྐང་གཡོན་དེ་བཞིན་བརྐྱང་བསྐུམ་གསུམ་མཐར་བར་འབེབས་གསུམ་རྒྱབ་རླུང་བཏང་ཧ་སྤྲུགས་འཕུར་འདོན་བྱའོ། །དམིགས་པའི་གནད་ནི་རོ་རྐྱང་ལས་རླུང་རྔུབ་པས་འདུས་མདོའི་གཏུམ་མོའི་མེ་ལ་མགར་གྱིས་སྦུད་

― KMC016_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྒྱབ་པ་བཞིན་མེ་ཤེད་ཆེར་སྐྱེས་ཏེ་ལྟེ་བ་ཕྱིན་གྱི་སྟོང་ར་ཐམས་ཅད་མེ་མཚན་ཉིད་བཞི་ལྡན་གྱིས་གང་། དེ་བཞིན་དུ་རིམ་པས་སྙིང་ཁ། མགྲིན་པ། སྤྱི་བོ་ཕྱིན་གྱི་སྟོང་ར་ཐམས་ཅད་མེ་ཡིས་ཁེངས་པས་དར་དམར་གྱི་གུར་ནང་མར་མེ་བཞག་པ་བཞིན་རང་ལུས་དམར་ལ་སྨུག་པའི་མདངས་ཆགས་པ། སྣང་སྟོང་དབྱེར་མེད་འོད་ཀྱི་རང་བཞིན་དུ་བསམ་ལ། མཐར་ཧ་སྤྲུགས་སྐབས་བ་སྤུའི་བུ་ག་ནས་མེ་ལྕེ་དམར་ལྷབ་ལྷབ་བྱེད་པར་སྒོམ། འདི་སྐབས་ལུས་ཐམས་ཅད་དུ་ཁྱབ་པའི་དྲོད་མ་སྐྱེས་ན། གང་དུ་དྲོད་མ་སྐྱེས་པ་དེར་རཾ་ཡིག་དམར་པོ་ལས་བྱུང་བའི་མེ་མཚན་ཉིད་བཞི་ལྡན་འབར་བ་ལ་རླུང་སེམས་གཏད་ཅིང་ཚ་ཆི་ལེར་བསྒོམ། ཡང་རླུང་བཟུང་སྟེ་རླུང་ཁུག་གཅིག་ལ་བར་འབེབས་ཅི་ནུས་རྒྱབ། དེ་ཚེ་གོང་བཞིན་རང་ལུས་མེ་ཡིས་ཁེངས། ཕྱི་རོལ་དུ་མཆེད། སྟོང་གསུམ་ཐམས་ཅད་མེ་ཡིས་ཁེངས་པར་བསྒོམ། བདེ་སྟོང་དབྱེར་མེད་ཀྱི་ངང་ནས་མཐར་གཞིའི་གཏུམ་མོ་ལ་བསྡུའོ། །ཧ་སྤྲུགས་འཕུར་འདོན་བྱ། དེ་ཡན་གྱི་རྩ་བ་བཞི་དང་ཡན་ལག་གཉིས་བཅས་རྩ་བའི་ལུས་སྦྱོང་དྲུག་རྫོགས་སོ། །ཉི་མ་དྲུག་བསྐོར་ནི། ལུས་གནད་ཙོག་པུར་འདུག་ལ་རླུང་བཟུང་། རྐང་པ་གཉིས་བསྣོལ་བའི་པུས་མོའི་རྒྱབ་ནས་ལག་པ་བསྣོལ་སྟེ་

― KMC016_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་བརྐྱང་། རྐང་མཐིལ་འོག་ནས་ཡར་ལ་རྐང་ལག་མཐིལ་བཞི་སྤྲད་དེ། ལག་པའི་མཐེབ་མཛུབ་ཀྱིས་རྐང་པའི་མཐེ་བོང་བཟུང་ལ་ཕོ་བ་གཡས་སྐོར་གཡོན་སྐོར་དྲུག །རྟིང་པ་དང་འཕོངས་བཏེག་རེས་མོས་དྲུག་གྱེན་འཕགས་དྲུག་བཅས་སོང་ནས་རླུང་བཏང་། དེའི་ཚེ་དམིགས་པའི་གནད་ནི་རང་གི་སྟེང་འོག་མདུན་རྒྱབ་གཡས་གཡོན་བཅས་ལ་ཉི་མའི་དཀྱིལ་འཁོར་གསལ་ཞིང་དྲོད་འབར་བ་རེ་གསལ་བའི་དབུས་སུ། རང་ལུས་སྟོང་ར་ཡི་དམ་གྱི་སྐུ་དང་འདུས་མདོར་གཏུམ་མོ་བཅས་གསལ་ཞིང་རྙོག་པ་དང་བྲལ་བ་དམར་ལ་སྨུག་པའི་འོད་འབར་བར་བསྒོམ་མོ། །གཏུམ་མོ་ཞག་བདུན་མ་ནི། ལུས་གནད་གོང་བཞིན་ཙོག་པུར་རླུང་བཟུང་། རྐང་ལག་གོང་ལྟར་བསྣོལ་བའི་རྐང་སྟེང་ནས་ལག་པ་གཉིས་ཀྱིས་རྐང་པའི་མཐེ་བོང་དམ་དུ་བཟུང་ལ་ཕོ་བ་གཡས་གཡོན་སྐོར་གསུམ། རྟིང་པ་སར་བཙུག་འཕོངས་བཏེག །འཕོངས་སར་བཙུག་རྟིང་བཏེག །ཡང་རྟིང་པ་སར་བཙུག་འཕོངས་བཏེག་པ་བཅས་གསུམ་སོང་ནས་ཤེད་ཀྱིས་རྐང་པ་གཤིབས་ཏེ་ཡར་ལང་། ལག་གཉིས་ཐལ་མོ་པུས་སྟེང་ནས་གྱེན་དུ་གཞལ། ཐད་ཀར་བརྐྱང་ཞིང་ཕྲག་གོང་ནས་ཕྱིར་ཤད་ཁུ་ཚུར་གྱེན་སྟན་བརླ་རྩར་བཞག་འཕྲལ།

― KMC016_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

འབེབས་ཆེན་བཅས་སེམས་སྐྱིལ་དང་སླར་ཡང་ཙོག་པུར་རྐང་མཐེབ་བཟུང་བ་ནས་ཕོ་སྐོར་འབེབས་སོགས་གོང་བཞིན་ལན་གསུམ་སོང་ནས་རླུང་བཏང་ཧ་སྤྲུགས་འཕུར་འདོན་བྱའོ། །དམིགས་པའི་གནད་ནི་སྟོང་ར་ཡི་དམ་དུ་གསལ་བའི་ལྟེ་འོག་གཏུམ་མོའི་མེ་མཚན་ཉིད་བཞི་ལྡན་འོད་ཀེམ་ཀེམ་གློག་ཁྱུག་ཁྱུག་བདེ་དྲོད་དང་ལྡན་པར་སེམས་བཟུང་ངོ་། །གཏུམ་མོ་གངས་སེང་མ་ནི་ལུས་གནད་ཙོག་པུར་རྐང་པ་གཡས་ཕྱི་གཡོན་ནང་དུ་བྱེད་ནས་བསྣོལ། ལྷམ་སྒྲོགས་བཅིང་པའི་ཐད་ནས་གྲུབ་མོས་འཁྱུད། ལག་གཉིས་དཔུང་བའི་གཞོག་འོག་ཏུ་འཇུ། སྐད་པ་གཡས་གསུམ་གཡོན་གསུམ་སྐོར་ཕྲག་དཔུང་ཕྱིར་ཕུར་ནང་འཐེན་གཡས་གསུམ་གཡོན་གསུམ། དགྱེ་རྒུ་རྐད་ཆུན་ཐོན་ངེས་ལན་གསུམ། ཕྱེད་ལང་ལན་གསུམ། བརྡེབ་སྤྲུག་བྱ། དམིགས་པའི་གནད་ནི། རྩ་གསུམ་འདུས་མདོའི་ལྟེ་བའི་གཏུམ་མོའི་ཨ་ཤད་ལས་མེ་དྲག་ཏུ་འབར་བས་རྩ་འཁོར་རྣམས་དང་སྤུས་པར་མེ་ཡི་རང་བཞིན་དུ་གྱུར་པར་བསྒོམ་མོ། ད་ནི་རྗེ་བརྒྱད་པ་མི་བསྐྱོད་ཞབས་ཀྱིས་མར་པའི་གཏུམ་མོ་གསང་ལྡན་གྱི་འཁྲུལ་འཁོར་ལ། དཔལ་རྒ་ལོའི་ལུགས་ཀྱི་དམིགས་གནད་དང་སྦྲགས་པ། དཔལ་ལྡན་དུས་གསུམ་མཁྱེན་པའི་ཐུགས་

― KMC016_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་རྩལ་འདོན་དུ་གནང་བ་གཏུམ་མོ་དྲག་རླུང་མའི་གདམས་པ་ལ། ལུས་སྦྱོང་འཁྲུལ་འཁོར་རྣམ་གྲངས་བཅོ་བརྒྱད་དུ་ཡོད་པས་གཏུམ་མོ་བཅོ་བརྒྱད་མ་ཞེས་གྲགས་པའི་གྲངས་ནི། རླུང་སྐྱོན་སེལ་བ། ལུས་སེམས་འཆིང་བྱེད་སྡོད་པའི་འཁྲུལ་འཁོར་བཞི། བདེ་དྲོད་འབེབས་པའི་འཁྲུལ་འཁོར་གཉིས། བྱིང་རྒོད་སེལ་བའི་འཁྲུལ་འཁོར་གཉིས། ཉལ་བའི་འཁྲུལ་འཁོར་གཅིག །འགྲོ་བའི་འཁྲུལ་འཁོར་གཉིས། བདེ་དྲོད་ལུས་སེམས་འདྲེན་པའི་འཁྲུལ་འཁོར་བཞི། གེགས་སེལ་གནད་ཀྱི་འཁྲུལ་འཁོར་གཉིས་བཅས་བཅོ་བརྒྱད་བཞུགས་པ་ལས། དང་པོ་རླུང་སྐྱོན་སེལ་བའི་འཁྲུལ་འཁོར་ནི། ལུས་གནད་རྐང་པ་རྡོར་སྐྱིལ། ལག་གཡོན་ཕྱི་གཡས་ནང་བྱས་ཏེ་བསྣོལ་ལ་མཐེ་བོང་གི་སྲིན་རྩ་མནན། སོར་མོ་བསྐུམ་པའི་ཁུ་ཚུར་རྐང་མཐིལ་སྟེང་དུ་སྦུབས། ཐོག་མར་ལག་གཡས་ཡར་ཁྱེར་མཆན་རྡེབ་མདུན་བརྐྱངས་མཛུབ་སྐོར་བཅས་གྲུ་མོ་བརྐྱངས། མཛུབ་མོས་སྣ་བུག་གཡས་བཀག་གཡོན་ནས་རྔུབ་བཅིང་འབུད་པ་གསུམ་མམ་གཅིག་བྱས་ལ། མཆན་རྡེབ་མདུན་བརྐྱང་བཅས་ལག་གཡོན་རྒྱབ་ནས་རྐང་གཡོན་མཐིལ་དུ་སྦུབས། དེ་ནས་ལག་གཡོན་གྱིས་གོང་བཞིན་སྣ་གཡོན་བཀག་ལ་གཡས་ནས་

― KMC016_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

འབུད། དེ་ནས་ཁུ་ཚུར་གཉིས་མི་བསྣོལ་བར་རང་ཕྱོགས་ཀྱི་པུས་མོའི་ཐོག་ཏུ་སྦུབས་ནས་སྣ་གཉིས་ནས་རླུང་སྔོན་བཞིན་འབུད། དེའང་དང་པོ་དལ་བུ། བར་དུ་ཅུང་བསྐྱེད། ཐ་མ་དྲག་ཏུ་བསྐྱེད་ལ་རྒྱ་མཚོ་རི་རབ་ལ་སྦྱར་སྟེ་འབུད། དེའི་ཚེ་དམིགས་པ་ནི། ཐོག་མེད་ནས་བསགས་པའི་སྡིག་སྒྲིབ་ནད་གདོན་ཐམས་ཅད་དང་། བག་ཆགས་ངན་པ་ཐམས་ཅད་སྦུར་མ་རླུང་གིས་ཁྱེར་བ་བཞིན་སྟོང་ཞིང་དག་པར་དམིགས། དེ་ནས་སྡོད་པའི་འཁྲུལ་འཁོར་བཞི་ལས། དང་པོ་མཉམ་བཞག་བུམ་ཅན་དམིགས་པ་བཟུང་བའི་འཁྲུལ་འཁོར་ནི། རླུང་བཅུ་དུས་གཅིག་ལ་ཟིན་པའི་གནད་སེམས་དམིགས་པ་ལ་ཟིན་པ། རླུང་དམིགས་པར་ཟིན་པའི་གནད་ཕྱི་འཛིན་འབྱོངས་པ། ཆུ་རླུང་སྟོབས་མི་འཕེལ་བའི་གནད་ལུས་གྲིམ་ཤ་ཐོན་པ། བདེ་དྲོད་མྱུར་དུ་བསྐྱེད་པའི་གནད་ཐུར་སེལ་གནད་དུ་བཟུང་བ། གེགས་སྐྱོན་རང་གྲོལ་དུ་བྱ་བའི་གནད་ལུས་ཀྱི་འཁྲུལ་འཁོར་བྱ་བའོ། །ཞེས་གསུངས་པ་ལྟར། ལུས་གནད་རྣམ་སྣང་གི་ཆོས་དང་ལྡན་པས་གོང་གི་རླུང་རོ་བསལ་འཕྲལ་ཁུ་ཚུར་གྱེན་བསྟན་བརླ་རྩར་བཞག་ལ། སྣ་བུག་གཉིས་ནས་དལ་བུས་རྔུབ་ཅིང་སྟེང་རླུང་མནན། འོག་རླུང་ཅུང་ཟད་འཐེན་པ་རླུང་ཁ་སྦྱོར་གྱིས་མཚན་ཉིད་ཀྱི་

― KMC016_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟེ་བའི་ཐད་དུ་དགང་། དམིགས་པའི་གནད་ནི། རང་ལུས་ཡི་དམ་ལྷན་ཅིག་སྐྱེས་མའི་སྐུ་དར་དམར་གྱི་གུར་ཕུབ་པ་ལ་ཉི་འོད་ཕོག་པ་བཞིན་ཇེ་གསལ་ཇེ་དྭངས་སུ་སོང་བར་བསྒོམ་མོ། །སྡོད་པའི་འཁྲུལ་འཁོར་གཉིས་པ་མེ་ཐབས་དྲུག་ཆིང་ནི། ལུས་གནད་རླུང་བཟུང་རྡོར་སྐྱིལ་བཤིག་ནས་ཙོག་པུར་རྐང་གཡས་ཕྱི་གཡོན་ནང་དུ་ཡོད་པར་བྱས་ནས་བསྣོལ། ལག་པ་གཉིས་ཀྱང་དེ་བཞིན་གཡས་ཕྱི་གཡོན་ནང་དུ་བྱས་ཏེ་བསྣོལ་བའི་གྲུ་མོ་པུས་སྟེང་བཙུག །ཐལ་མོ་གཉིས་ནས་ལག་པའི་དཔུང་པའི་རྒྱབ་འཇུ་བའི་ཉམས་ཀྱིས་སྦྱར་ལ་རླུང་ལྟེ་འོག་ཏུ་མར་ཕུལ་ཞིང་བུམ་ཅན་ཐུབ་ཚད་དམ་དམིགས་པ་མ་གསལ་བར་དུ་བཟུང་། དམིགས་པའི་གནད་ནི། ལྟེ་འོག་ཏུ་གཏུམ་མོའི་ངོ་བོ་འོད་ཁྱུག་ཁྱུག་གློག་ཀེམ་ཀེམ་ཡོད་པ་དེ་ཉིད་རླུང་གི་སྦྱོང་བས་མེ་ཡི་རེག་བྱ་ཚ་ལ་རྩུབ་པ་འབྱུང་བས་ཐ་མལ་གྱི་ལུས་སེམས་གཏན་མེད་དུ་བསྲེག །འོད་ཀྱི་ལུས་ལ་བདེ་དྲོད་མི་བཟོད་པ་ཙམ་དུ་བསྒོམ་མོ། །དེ་ནི་དྲོད་མྱུར་དུ་སྐྱེ་བའི་གནད་དོ། །སྡོད་པའི་འཁྲུལ་འཁོར་གསུམ་པ་ལྗོན་ཤིང་བསྣོལ་བའི་འཁྲུལ་འཁོར་ནི། ལུས་གནད་གོང་ལྟར་ཙོག་པུར་རྐང་པ་བསྣོལ་བའི་པུས་མོ་གཉིས་གཅིག་ཏུ་རུབ། ལག་པ་བསྣོལ་བའི་མཁྲིག་མ་ནས་བཟུང་

― KMC016_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་པུས་མོའི་འོག་ཏུ་ཡང་མི་འགྲོ་ཞིང་ཐོག་ཏུ་བཞག་པའང་མ་ཡིན་པར། པུས་མོ་ལ་ཚུར་མ་ཐུབ་ཙམ་གྱིས་པུས་རྩེ་ནས་བསྐོར་གྱིས་འཁོར་བར་བྱས་ལ་བུམ་ཅན་བཟུང་། འདི་ལ་ཐོག་མར་འོག་རླུང་འཐེན་ནས་ལྟེ་བར་འཕུལ། དེ་ནས་སྟེང་རླུང་ལྷོད་ཀྱིས་རྔུབ་ལ་མནན་ཏེ་དགང་བར་བྱའོ། །དམིགས་པའི་གནད་ནི། རང་ལུས་རྣམ་པར་དག་པའི་ལྟེ་འོག་ཏུ་གཏུམ་མོའི་འོད་གསལ་གྱི་ངོ་བོ་སྔོ་དྭངས་ཡུངས་འབྲུ་ཙམ་ཞིག་གི་དབུས་སུ། འོད་ཟེར་ཕྲ་མོ་བློས་མི་བཟོད་པ་མར་མེ་བཞིན་འབར་བ་དེས་རེག་མི་དགོས་པར་འཁོར་འདས་ཐམས་ཅད་རང་སྟོབས་ཀྱིས་བསྲེགས་ནུས་པར་བསྒོམ་མོ། །འདིས་ཆུ་རླུང་འཁྲུགས་པ་དང་གྲང་བའི་ནད་འཕྲལ་དུ་འཇོམས་པར་བྱེད་དོ། །སྡོད་པའི་འཁྲུལ་འཁོར་བཞི་པ་སྐུ་གསུམ་བསྣོལ་བའི་འཁྲུལ་འཁོར་ནི། ལུས་གནད་གཙོག་པུར་རྐང་བོལ་གཡོན་སྟེང་གཡས་པའི་མཐིལ་གྱིས་མནན་ལ་འཕོངས་གིས་གདན་ལ་མ་ཐུག་བར་ལུས་གནད་དྲང་པོར་བསྲངས། ལག་གཉིས་པུས་མོའི་ཐད་ནས་བསྣོལ་ལ་དཔུང་པར་འཇུས་སྟེ་རླུང་བུམ་ཅན་བཟུང་། དམིགས་

― KMC016_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གནད་ནི་འདུས་མདོའི་གཏུམ་མོའི་མེ་མཆེད་དེ། ལྟེ་བའི་རྩ་འཁོར་གང་བས་མེ་ལྕེ་སྙིང་གར་སྤྲུལ་སྐུའི་ངོ་བོ་ཧཱུྃ་མཐིང་ག་ལ་ཕོག་པས་བདེ་དྲོད་བཟོད་མེད་སྐྱེས། ཡང་མེ་ཤེད་ཇེ་ཆེར་སོང་ནས་མེ་ལྕེ་མགྲིན་པའི་འཁོར་ལོའི་དབུས་སུ་ལོངས་སྐུའི་ངོ་བོ་ཨཱཿདམར་པོ་ལ་ཕོག་པས་མགྲིན་པར་བདེ་དྲོད་སྐྱེས་ནས་ངག་གིས་ནུས་མཐུ་སྐྱེད། ཡང་མེ་ལྕེ་ཆེར་སྐྱེས་པའི་སྤྱི་བོའི་རྩ་འཁོར་དབུས་སུ་ཆོས་སྐུའི་ངོ་བོ་ཨོཾ་དཀར་པོ་ལ་ཕོག་ནས་ལུས་སྟོད་སྨད་ཀུན་ཏུ་བདེ་དྲོད་བཟོད་མེད་དུ་སྐྱེས། བ་སྤུའི་མཐར་ཐུག་མེ་ཡིས་ཁྱབ་པར་བསྒོམ་ལ་རླུང་བཟུང་། རླུང་བཏང་བ་དང་མེས་སྟོང་གསུམ་ཁྱབ་པར་བསྒོམ། དེ་ནི་མེ་བཞིས་ཆུ་བཞི་བསྲོ་བ་ཞེས་རྩ་རྣམས་ཡོ་བ་བསྲང་ཞིང་རླུང་ནད་སྲོག་ཏུ་ཚུད། དྲོད་མྱུར་དུ་སྐྱེ་བའི་གནད་དོ། །དྲོད་འབེབས་གཉིས་ལས། དང་པོ་བཙན་ཐབས་དྲོད་འབེབས་སམ་རྗེ་མི་ལའི་རྩུབ་ཤིང་མར་གྲགས་པའི་འཁྲུལ་འཁོར་ནི། ལུས་གནད་རྣམ་སྣང་ཆོས་བདུན་བཅས། རླུང་མནན་མ་ཐག་རྡོར་སྐྱིལ་བཀྲོལ་ནས་ཙོག་པུར་རྐང་པ་གཉིས་བསྣོལ་བའི་མཐེ་བོང་ལག་གཉིས་བསྣོལ་སྟེ་བཟུང་ནས། ཕོ་བ་གཡས་སྐོར་གསུམ་གཡོན་སྐོར་གསུམ། རྐང་རྟིང་དང་འཕོངས་གཉིས་བཏེག་རེས་བྱས་ལ་རྐུབ་

― KMC016_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

རྡེབ་ཆུང་གསུམ་དང་། རྐང་རྟིང་ཐད་བརྐྱང་ཉམས་ཙམ་དང་འཕོངས་བཏེག་ཕྱེད་ལངས་ཉམས་ཙམ་ཐོན་པ་རེས་མོས་ཀྱིས་རྐུབ་རྡེབ་ཆེ་བ་གསུམ། མཐར་འབེབས་ཆེན་ནི་ལང་ཞོར་འཁྱུད་རྒྱ་བཅས་ཕྱིར་བརྡབ་པ་དང་། ལག་པ་ཐད་བརྐྱངས་སེམས་སྐྱིལ་གྱིས་འབེབས་གདན་ལ་ཅར་གྱིས་བརྡབ་པ་ཅི་ནུས་མཐར་ཧ་སྤྲུགས་འཕུར་འདོན་བྱའོ། །དམིགས་པའི་གནད་ནི་རང་ལུས་ཡི་དམ་དུ་གསལ་བའི་ལྟེ་བར་ཉི་མའི་གདན་ལ་རྩ་བའི་བླ་མའི་སྐུ་མགར་གྱི་སོལ་མེའི་དབུས་སུ་ལྕགས་ཚུད་པ་ལྟ་བུ་འོད་དང་འོད་ཟེར་འཕྲོ་ཞིང་། དེའི་འོད་ཀྱིས་ཕྱོགས་བཅུ་དུས་གསུམ་གྱི་སངས་རྒྱས་སྲས་དང་བཅས་པ་སྤྱན་དྲངས། བླ་མའི་སྐུ་ལ་ཐིམ་པས་མེ་རབ་ཏུ་འབར། ལུས་ཀྱི་ཕྱི་ནང་བརྟན་གཡོ་ཐམས་ཅད་བླ་མའི་ཐུགས་ཡེ་ཤེས་ཆེན་པོའི་མེ་འོད་ཀྱིས་གསལ་ལྷམ་མེར་ཁྱབ་པར་བསྒོམ། འདིས་ནི་དྲོད་ཆེན་མེ་ལྟར་འབར་བ་མ་ཞུ་བའི་སྐྲན་ནད་ཞི་ཆུ་འཁྱག་གཅེར་ཉལ་ཐུབ་པ་འོང་ངོ་། །དྲོད་འབེབས་གཉིས་པ་མཁའ་ལྡིང་སྦྲུལ་འཛིན་ནི། ལུས་གནད་རྡོར་སྐྱིལ་བཅས། རླུང་བཟུང་འཕྲལ་སྐྱིལ་ཀྲུང་བཤིག་ལ་རྐང་ལག་བཞི་མདུན་དུ་ཐད་ཀར་བརྐྱང་། ཁུ་ཚུར་གཉིས་པུས་མོའི་སྟེང་དུ་སྦུབ་བཞིན་ལངས་ལ། རྐང་

― KMC016_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་བཞིའི་མཐེབ་སོར་རྩེ་སར་བཙུག །མགོ་ལག་པ་གཉིས་ཀྱི་བར་དུ་བཀུག་ལ་མིག་གྱེན་དུ་ལྡོག་བཞིན་དགོངས་འདྲེན་ཁོག་པ་བསྒྲིམ་ལ་གཡས་གསུམ་གཡོན་གསུམ། དབུས་སུ་དགྱེ་དགུ་གསུམ་བཅས་མཐར་འབེབས་ཆེན་གསུམ་སོགས་མཐར་ཧ་སྤྲུགས་རླུང་བཏང་། འདི་སྐབས་སུ་དབུས་སུ་དགྱེ་དགུ་གསུམ་བྱ་བ་པད་ཉིད་དང་འཇང་པའི་འཁྲུལ་འཁོར་ཟིན་བྲིས་སུ་མི་འདུག་ཀྱང་ཆད་པར་མངོན། དམིགས་པའི་གནད་ནི་སྤྱི་བོར་བྱང་སེམས་ཧཾ་ཡིག་ཟླ་གདན་བཅས་གསལ་བར་ལྟེ་བའི་ཙནྜ་ལཱིའི་མེ་སོར་བཞི་ཚད་ཙམ་འབར་བས་ཆབ་རོམ་ཞུ་བ་ལྟར། སྤྱི་བོའི་ཟླ་གདན་ལས་ཧཾ་ཡིག་མགོ་མཐུར་བསྟན་གྱི་མཐའ་བསྐོར་ཀུན་ནས་བྱང་སེམས་བདུད་རྩི་མུ་ཏིག་གི་རྡོག་ལྟ་བུ་སྣོད་ཀྱི་ཁ་ཁེབ་ལ་ཟིལ་པ་ཆགས་པ་བཞིན་འཛག་པར་བསྒོམ་པ་ནས། སླར་ཡང་མེ་སོར་གཅིག་ཙམ་དྷཱུ་ཏིའི་ནང་དུ་ཡར་འབར་བས་སྤྱི་བོའི་ཧཾ་ཡིག་ལས་བདུད་རྩི་ཞུ་བ་དྷཱུ་ཏིའི་ཕྱི་ནང་ཀུན་ནས་འོད་ཟེར་གྱི་རྣམ་པས་ཁྱབ་ཏེ། ལུས་ཐམས་ཅད་འོད་ཀྱིས་ཁེངས་བདེ་དྲོད་མི་བཟོད་པ་ཙམ་དུ་བསྒོམ་པར་བྱ་སྟེ། འདིས་ནི་ཆུ་ཁ་སྙིང་བའི་ནད་སེལ་ལོ། །བྱིང་རྒོད་སེལ་བའི་འཁྲུལ་འཁོར་གཉིས་ལས། དང་པོ་བྱིང་སེལ་བྱ་རྒོད་འཕུར་བ་ནི། ལུས་གནད་

― KMC016_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོར་སྐྱིལ། རླུང་བཟུང་སྔར་ལྟར་སྐྱིལ་ཀྲུང་བཀྲོལ་ནས་རྐང་ལག་ཤེད་ཀྱིས་མདུན་དུ་བརྐྱང་ལ། ཡར་ལངས་ཞོར་རྐང་པ་གཡོན་ས་ལ་བཙུག །རྐང་གཡས་བསྐུམ་པ་མཐིལ་རྐང་གཡོན་རླ་རྩར་བཞག་ལ། ལག་པ་གཉིས་གཤོག་པ་ལྟར་བརྐྱངས་ནས་ཁུ་ཚུར་འཆང་ཁས་དང་པོར་གཡས་བསྐུམ་གཡས་ཀྱིས་ཕྲག་གོང་ལ་བརྡེག་ཚེ་གཡོན་པ་རྐྱང་། དེ་ནས་གཡོན་པ་བསྐུམ་ལ་རྡེག་པ་བཅས་རེས་མོས་ཀྱིས་སོ་སོར་གསུམ་སྟེ་དྲུག །མདུན་དུ་ཤེད་ཀྱིས་བརྐྱང་ནས་བསྐུམ་དུས་འཆང་ཁས་ནུ་རྡེབ་དང་ཕར་རྐྱང་ཞོར་མཆན་རྡེབ་གསུམ་བཅས། ཡང་རྐང་གཡས་སར་བཙུག་གཡོན་མཐིལ་གཡས་ཀྱི་རླ་རྩར་གཏད་ནས་ལག་གཡོན་པས་ཕྲག་རྡེག་ཀྱིས་མགོ་བཟུང་སྟེ་སྔར་ལྟར་འབེབས་ཆེན་གསུམ་སོང་ནས་རླུང་བཏང་ཧ་སྤྲུགས་བྱ། དམིགས་པའི་གནད་ནི། སྟེང་རླུང་རྩོལ་བ་ཆེ་ཙམ་གྱིས་མནན། ལྟེ་བའི་གཏུམ་མོའི་མེ་སོར་བཞི་ཙམ་དུ་འབར་བའི་འོད་སྙིང་ཁའི་རྩ་འཁོར་དབུས་སུ་བླ་མའི་ངོ་བོ་ཧཱུྃ་ཐིང་ག་ཞིག་བསམ་པ་ལ་ཕོག་པས་དེ་ལས་འོད་ཟེར་དཀར་པོ་འཕྲོས་ལུས་ཕྱི་ནང་ཐམས་ཅད་ལ་ཁྱབ་པས་རྩ་རླུང་མི་གསལ་བར་བྱེད་པ་བྱིང་འཐིབས་ཀྱི་སྒྲིབ་པ་བསལ། ཕྱི་རོལ་གྱི་འོད་ཟེར་ཐམས་ཅད་ཚུར་འདུས་མདུན་གྱི་ནམ་མཁར་ཐིག་ལེ་དཀར་པོ་འོད་འཚེར་བ་སྐར་ཆེན་ཤར་བ་ལྟ་བུ་ལ་མིག་གི་ལྟ་སྟངས་དང་ཤེས་པ་གཏད། མཐར་སྙིང་གའི་ཧཱུྃ་ལ་བསྡུ།

― KMC016_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ཤེས་པ་བྱིང་རྨུག་འཐིབ་པ་སེལ་ལོ། །གཉིས་པ་རྒོད་སེལ་ཤེས་པ་བུམ་འཇུག་འཁྲུལ་འཁོར་ནི། ལུས་གནད་རྡོར་སྐྱིལ་མདའ་ལྟར་བསྲངས། ལག་གཡས་ཕྱི་གཡོན་ནང་དུ་ཡོད་པར་བྱས་ལ་བསྣོལ་ཏེ་མཐེ་བོང་གིས་རྩ་མནན་བཞིན་ཐལ་མོས་རྐང་མཐིལ་བཀབ། སྟེང་རླུང་འཇམ་པོར་བཟུང་། འོག་རླུང་ཀློད། མིག་གི་ལྟ་སྟངས་གདན་ལ་ཕབ། རླུང་བཟུང་མི་ཐུབ་ན་ལག་གཉིས་ཁུ་ཚུར་བརླ་རྩར་སྦུབས་ལ་རླུང་བཏང་། དམིགས་པའི་གནད་ནི། ལྟེ་བའི་གཏུམ་མོ་ཚ་ཆི་ལེར་རང་བབས་སུ་གནས་པ་ལས་འོད་ཟེར་སྔོན་པོ་འཕྲོས། སྙིང་གའི་ཧཱུྃ་གི་འོག་སོར་བཞི་མན་སྔོ་ལྟེམ་གྱིས་དྷཱུ་ཏིའི་ནང་དུ་སྤྲིན་འཁྲིགས་པ་བཞིན་ཡོད་པ་ལ་སེམས་གཏད། རྐང་མཐིལ་གཉིས་སུ་འོད་ཀྱི་ཐིག་ལེ་ནག་པོ་ཡུངས་འབྲུ་ཙམ་ཡོད་པར་བསྒོམ་ལ་ལྟ་སྟངས་ཕབ། དེས་རྣམ་རྟོག་ཕྲོ་རྒོད་སེལ་མཐར་མི་དམིགས་པའི་ངང་དུ་འཇོག་གོ །ཉལ་བའི་འཁྲུལ་འཁོར་གཅིག་ནི་སྤྱང་མོ་ཉལ་བ་སྟེ། ལུས་གནད་རྡོར་སྐྱིལ་བཅས། རླུང་བཟུང་། རླུང་དང་དམིགས་པ་ཟིན་འཕྲལ་རྡོར་སྐྱིལ་བཤིག་ནས་གཞོགས་གཡས་ས་ལ་ཕབ། མིག་ཟིམ་བུར་བཙུམ། རྐང་

― KMC016_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་བསྐུམ་ལ་པུས་བྲང་སྤྲད། ལག་གཡས་གཡོན་གྱི་མཆན་ཁུང་ངམ་མཁལ་ཁུང་གང་བདེར་བཞག །ལག་གཡོན་གྱིས་པུས་མོ་གཉིས་དམ་དུ་འཁྱུད་ལ། རླུང་མི་ཐུབ་ཚེ་རྡོར་སྐྱིལ་བཅས་ལ་རླུང་བཏང་རྡོར་སྐྱིལ་ལྷོད་ནས་ཧ་སྤྲུགས་བྱ། དམིགས་པའི་གནད་ནི། གཏུམ་མོ་འབར་བའི་འོད་ཟེར་ཤེལ་བུམ་དུ་མར་མེ་བཞག་པ་ལྟར་ལུས་ཀྱི་སྟོད་སྨད་ཀུན་དང་། གནས་ཁང་བཅས་འོད་དེས་གསལ་བར་བསྒོམ་པའམ། མཚན་མོར་ལུས་གནད་མ་ཐུབ་ན་པུས་མོ་བསྐུམ་པ་པུས་འཁྱུད་ཀྱིས་བསྡམ། ལག་པ་གཡས་འགྲམ་འོག་དང་ལག་གཡོན་དཔྱི་ཐོག་ཏུ་བཞག །སྣ་ནས་རླུང་བཏང་། བར་རླུང་བཟུང་། ལྟེ་བའི་གཏུམ་མོ་མར་མེ་ལྟར་འབར་བའི་དྲོད་ཀྱིས་སྙིང་ཁ་བླ་མའི་ངོ་བོ་ཧཱུྃ་ཡིག་མཐིང་ག་བསམ་པས། དེ་ལས་འོད་འཕྲོས་ལུས་ཀྱི་ཕྱི་ནང་ཀུན་གསལ་ཞིང་བདེ་དྲོད་འབར་བར་བསྒོམ་ལ། བདེ་སྟོང་གི་ངང་སྐྱོང་བ་ནི་ཉལ་བ་ཆོས་སྐུ་འོད་གསལ་དུ་བློ་སྦྱོང་བ་སྟེ། འདིས་ནི་ནུབ་མོ་གོས་རས་ཀྱང་ཐུབ་པའི་གནད་དོ། །འདི་ལ་འབེབས་ཆེན་མེད། འགྲོ་བའི་འཁྲུལ་འཁོར་གཉིས་ལས། དང་པོ་མཁའ་ལ་དབབ་པ་ནི། ལུས་གནད་རྡོར་སྐྱིལ། རླུང་

― KMC016_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་ཟིན་འཕྲལ་སྐྱིལ་ཀྲུང་བཤིག །རྒལ་པ་གདན་ལ་གཏད། རྐང་ལག་བསྐུམ་ནས་གན་རྐྱལ་དུ་ཉལ་ལ་གྱེན་དུ་འཕགས་ཚེ་སྒལ་པ་གདན་ལས་དབྱེ་བ་དང་། རྐང་ལག་ཡར་བརྐྱང་དེའི་དུས་ལག་པའི་ཁུ་ཚུར་ཀྱང་ཁ་ཕྱེ། མར་བསྐུམ་དུས་ཁུ་ཚུར་བསྡམས་ལ་རྐང་རྟིང་གིས་འཕོངས་བརྡེག་སྒྲ་ཐོན་པ་བྱས་པ་དེ་འདྲ་རྐྱང་བསྐུམ་ལན་གསུམ་མཐར། ཧར་གྱིས་ལངས་ནས་འབེབས་ཆེན་ལན་གསུམ་སོགས་བརྒྱབ་ནས་ཧ་སྤྲུགས་འཕུར་འདོན་བྱ། དམིགས་པའི་གནད་ནི། ལྟེ་བའི་གཏུམ་མོ་ལས་བདེ་དྲོད་ཀྱི་རང་བཞིན་སྔོ་ལ་དྭངས་བའི་རླུང་། རྩ་གནས་ཐམས་ཅད་དུ་སྐད་ཅིག་ལ་ཁྱབ་པས་ལུས་ཤིང་བལ་བཞིན་ཡངས་ཤིང་གཡོ་བ་ས་ལ་མ་རེག་པར་བསྒོམ་པ་སྟེ། འདིས་ནི་ཆུ་སེར་གྱི་ནད་སེལ་ལོ། །འགྲོ་བའི་འཁྲུལ་འཁོར་གཉིས་པ། ནེ་ལེ་རེག་འཇོག་གི་འཁྲུལ་འཁོར་ནི། ལུས་གནད་རྡོར་སྐྱིལ་བཅས། རླུང་བཟུང་། སྐྱིལ་ཀྲུང་བཤིག་ནས་མཁའ་ལྡིང་སྦྲུལ་འཛིན་ལྟར་ཡར་ལངས་ནས་ལག་གཡོན་ཁུ་ཚུར་སྐེད་པར་བརྟེན། རྐང་གཡོན་སར་བཙུགས་། གཡས་ཀྱི་ལག་པར་ཕར་བརྐྱངས་པ་དང་ཁུ་ཚུར་བསྐུམ་ལ་མཆན་རྡེབ་བཅས་ཕར་བརྐྱངས། དེ་བཞིན་དུ་རྐང་པའང་ཚུར་བསྐུམ་དུས་འཕོངས་རྡེག་བཅས། དེ་བཞིན་མཉམ་

― KMC016_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲགས་བྱ་བ་གཡས་ལ་གསུམ་གཡོན་ལ་གསུམ་སྟེ་ཁྱོན་བསྡོམས་དྲུག་དང་། མཐར་འབེབས་ཆེན་གསུམ་སོང་མཐར་ཧ་སྤྲུགས་འཕུར་འདོན་བཅས་བྱ། དམིགས་པའི་གནད་ནི། འོག་རླུང་རྩོལ་བཅས་ཀྱིས་ཡར་འཐེན་རླུང་གི་ལྷ་མོ་ལྗང་གུ་རླུང་གི་རང་བཞིན་གཤོག་པ་ཅན་གཉིས་ཀྱིས་མཆན་འོག་ནས་འདེགས་པར་བསམ། འདིས་ནི་ཉིན་བདུན་གྱི་ལམ་བར་ཉིན་གཅིག་གིས་ཆོད་པའི་གནད་དེ་རྐང་པ་ཡང་ཟོལ་དང་བཅས་ཏེ་འགྲོའོ། །བདེ་དྲོད་ལུས་སེམས་འདྲེན་པའི་འཁྲུལ་འཁོར་བཞིའི་དང་པོ་རི་རབ་འཕུར་བ་ནི། ལུས་གནད་རླུང་རང་བབ་རྡོར་སྐྱིལ་བཅས། ཁུ་ཚུར་གཉིས་བརླ་རྩར་སྦུབས། གྲུ་མོ་ཤུགས་ཀྱི་བརྐྱངས། རོ་སྟོད་སློད་ལ་མདུན་དུ་ཅུང་ཟད་རྒུར་ཉམས་ཀྱིས་དབུས་དང་། གཡས་གཡོན་གསུམ་དུ་དགོངས་འདྲེན་མགྲིན་སྣ་ནས་ཧཱུྃ་སྒྲས་རྔུབ་པ་ལན་གསུམ་བྱ། འདི་ལ་ཧཱུྃ་རིང་དལ་བ་བཅུ་ཧཱུྃ་ཐུང་དྲག་པོ་བཅུ་ཡིས་འདྲེན་ཞེས་གསུངས་ཀྱང་ལག་ལེན་གོང་ལྟར་ལ། འདིས་མཚོན་འདྲེན་རིགས་ཀུན་ལ་རྒྱ་མཚོ་རི་རབ་ལ་སྦྱར་ཞེས་ཕོ་བ་རྒལ་ཚིག་ལ་སྦྱར་བ་དང་། དར་ཆེན་ཕྱར་བ་སྟེ་ལྕེ་ཡ་རྐན་ལ་སྦྱར་བ་དང་། ཆུ་མིག་གྱེན་ལྡོག་ཅེས་མིག་འབྲས་གྱེན་ལ་ལྡོག་པ་ཐམས་

― KMC016_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ལ་འགྲེ། དམིགས་པའི་གནད་ནི་ཐོག་མར་རླུང་སྦྱོར་བཅས་ལྟེ་བའི་གཏུམ་མོའི་མེ་ཤེད་ཇེ་ཆེར་སྐྱེས་པས་བདེ་ཆེན་འཁོར་ལོའི་དྷཱུ་ཏིའི་ནང་དུ་བྱང་སེམས་ཟླ་བ་ཧཾ་ཡིག་བཅས་གསལ་ཅད་ལ་འགྲེ། དམིགས་པའི་གནད་ནི་ཐོག་མར་རླུང་སྦྱོར་བཅས་ལྟེ་བའི་གཏུམ་མོའི་མེ་ཤེད་ཇེ་ཆེར་སྐྱེས་པས་བདེ་ཆེན་འཁོར་ལོའི་དྷཱུ་ཏིའི་ནང་དུ་བྱང་སེམས་ཟླ་བ་ཧཾ་ཡིག་བཅས་གསལ་ཅད་ལ་འགྲེ། དམིགས་པའི་གནད་ནི་ཐོག་མར་རླུང་སྦྱོར་བཅས་ལྟེ་བའི་གཏུམ་མོའི་མེ་ཤེད་ཇེ་ཆེར་སྐྱེས་པས་བདེ་ཆེན་འཁོར་ལོའི་དྷཱུ་ཏིའི་ནང་དུ་བྱང་སེམས་ཟླ་བ་ཧཾ་ཡིག་བཅས་གསལ་བ་ལས། བདུད་རྩི་ཧྃ་ཡིག་མགོ་མཐུར་བསྟན་གྱི་རྣམ་པས་བར་མེད་དུ་འཛག་པས་རིམ་བཞིན་མགྲིན་པ་སོགས་འཁོར་ལོ་བཞི་གང་། གསང་གནས་བར་འབབས་པས་ལུགས་འབྱུང་གི་དགའ་བ་བཞི་རྒྱུད་ལ་སྐྱེས་པར་དམིགས་ཏེ། འོག་རླུང་རྩོལ་བཅས་ཀྱིས་འཐེན་ལ་བདེ་བའི་ངང་སྐྱོང་། བདེ་བ་ཅུང་སྐྱེས་པ་དང་རླུང་ལྷོད་ནས་འཁྲུལ་འཁོར་བཅས་བྱང་སེམས་བདུད་རྩི་དབུ་རྐྱང་རོ་གསུམ་ལས་ཡར་དྲངས་པས་ལུས་ཀུན་ཁྱབས་པར་བསྒོམ་མོ། །འདྲེན་འདི་རྣམས་ཀྱིས་སྐབས་རླུང་བུམ་ཅན་ཁུག་པ་རེ་ཐམས་ཅད་

― KMC016_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྔོན་དུ་འགྲོ་དགོས། གཉིས་པ་ཝ་ཡི་བཞད་ཚུལ་ནི། ལུས་གནད་རླུང་རང་བབས། རྐང་པ་རྡོར་སྐྱིལ་བཅས། ལག་གཉིས་ཁུ་ཚུར་འཆང་ཁ་ནུ་སྟེང་དུ་གཏད། གྲུ་མོ་བརྐྱང་། རོ་སྟོད་ལྷོད་ལ་ཧཱུྃ་སྒྲས་རླུང་རྔུབ་ཅིང་མགྲིན་པའི་ཨོལ་མདུད་མནན་ལ་གླིང་བཞི་སྒྲིམ་པ་གོང་ལྟར་བྱས་ལ་དགྱེ་དགུ་བཅས་འདྲེན་གསུམ་བྱ། དམིགས་པའི་གནད་ནི། གོང་བཞིན་རླུང་སྦྱོར་བཅས་གཏུམ་མོ་དང་སྤྱི་བོའི་བྱང་ཐིག་གསལ་བ་ལ་གཏུམ་མོ་འབར་བས་བྱང་ཐིག་ཞུ། མེ་ལ་ཕོག་པས་མེ་ཆེར་འབར་བས་ལུས་ཀུན་བདེ་བ་རྒྱས་པར་བསྒོམ་བཞིན་རླུང་བཏང་། འདྲེན་གསུམ་གྱིས་བདེ་དྲོད་སྤྱི་བོའི་བར་ཁྱབ་པར་བསྒོམ་མོ། །གསུམ་པ་ཡི་དྭགས་འདུག་སྟངས་ནི། ལུས་གནད་བར་རླུང་བཅས་རྡོར་སྐྱིལ་བཤིག་ནས། རྐང་རྩེ་སར་གཙུག །རྐང་མཐིལ་སྤྲད། ཁུ་ཚུར་པུས་སྟེང་སྦུབས། ཧི་ཀ་རིང་གིས་འདྲེན་པ་དང་། ཕྱེད་ལངས་ཙམ་བྱས་འཕྲལ་ཧི་ཀ་ཐུང་གིས་མནན་ཅིང་འཕོངས་རྐང་རྟིང་ལ་མནན་མནན་གསུམ་ལ། གདོང་གྱེན་དུ་ཕྱོགས། མིག་གྱེན་དུ་ལྡོག་སྟེ། དེ་འདྲ་ལན་གསུམ་མཐར་རླུང་བཟུང་ལ་འབེབས་ཆེན་ལན་གསུམ་སོགས་བྱ། དམིགས་པའི་གནད་ནི། གོང་བཞིན་རླུང་བཟུང་། འདུས་

― KMC016_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་དང་སྤྱི་བོར་ཐབས་ཤེས་ཐིག་ལེའི་དམིགས་པ་ཟིན་ནས་ཙནྜ་ལཱིའི་བྱང་ཐིག་ཞུ་བ་འདུས་མདོར་སླེབ་པ་དང་བདེ་བ་རྒྱས་པར་བསྒོམ་ལ་རླུང་བཏང་། བར་རླུང་བཅས་ཧཱུྃ་རིང་གིས་འདྲེན་པ་ན། འདུས་མདོའི་བྱང་སེམས་དཀར་པོ་དངུལ་ཆུ་ལྟར་འཚེར་ཞིང་མེ་ལྟར་ཚ་བ་ཡུར་བ་ནས་ཆུ་དྲངས་པ་བཞིན་དབུ་རྐྱང་རོ་གསུམ་ནས་དྲངས། ཧཱུྃ་ཐུང་མནན་པ་ན་འཁོར་ལོ་བཞིའི་རྩ་འདབ་རྣམས་སུ་འདྲེན་པར་བསྒོམ་ལ་བདེ་སྟོང་གི་ངང་ལ་སྐྱོང་ཞིང་འོག་རླུང་འཐེན་འཕུལ་བྱ། བཞི་པ་སེངྒེ་གྱེན་ལོག་ནི། ལུས་གནད་རླུང་རང་བབས། རྐང་པ་རྡོར་སྐྱིལ་གྱིས་བརླ་བར་ནས་ལག་པའི་ཁུ་ཚུར་གདན་ལ་བཙུག་ཏེ། ཧི་ཞེས་རྔུབ་ཅིང་འདྲེན་བཞིན་དགྱེ་ལ་རྡོར་སྐྱིལ་མདུན་བཏེག་འཕོངས་ཚོས་གདན་ལ་རྡེབ། ཧ་ཞེས་རླུང་བཏང་། འཕོངས་བཏེག་རྡོར་སྐྱིལ་མདུན་རྡེབ་བཅས་གསུམ་བྱས་ལ་ཧ་སྤྲུགས་བྱའོ། །དམིགས་པའི་གནད་ནི། ཐོག་མར་རླུང་བཟུང་། དབུ་མའི་ཡར་སྣེ་སྨིན་མཚམས་སུ་བསྲིང་བའི་ནང་། བྱང་སེམས་ཐིག་ལེ་དཀར་པོ་འོད་འཚེར་བ་སྲན་མ་སྦོམ་པ་ཙམ་བདེ་བ་དང་ལྡན་པར་བསྒོམ་མོ། །རླུང་བཏང་། ཧི་ཞེས་རྔུབ་པའི་ཚེ་སེང་སྒྲ་དང་བཅས་འདུས་མདོའི་གཏུམ་མོ་ལ་བསྟིམ། ཧ་ཞེས་བཏང་བ་དང་

― KMC016_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་སྤུར་བསྟིམ། དེ་ལྟར་རེས་མོས་བདེ་བ་དང་ལྡན་པར་བསྒོམ་ཞིང་མཐར་སྨིན་མཚམས་སུ་བསྡུའོ། །ལུས་གནད་གེགས་སེལ་གནད་ཀྱི་འཁྲུལ་འཁོར་གཉིས་ལས་དང་པོ་སེང་གེ་རྩ་སྤྲུགས་ནི། ལུས་གནད་རྡོར་སྐྱིལ་བཅས་། རླུང་བཟུང་། སྐྱིལ་ཀྲུང་བཤིག །ལག་གཉིས་པུས་མོའི་ཕྱི་ནས་ཡར་ཁྱེར། གྲུ་མོ་བརྐྱང་ལ་ཁུ་ཚུར་ནུ་སྟེང་སླེབ་པ་དང་མཆན་རྡེབ་བར་འབེབས་དང་སྦྲགས་གཅིག་རྒྱབ་ནས་ལག་གཉིས་ཀྱི་སོར་མོ་གཡས་སུ་ལན་གསུམ་སྤྲུགས་ལ། ཁུ་ཚུར་པུས་རྒྱབ་ནས་ཡར་ཁྱེར་མཆན་རྡེབ་བར་འབེབས་གོང་བཞིན་ལག་གཉིས་སོར་མོ་རྣམས་གཡོན་དུ་གསུམ་བཀྲབ། ཡང་དེ་བཞིན་བར་འབེབས་གཅིག་ནས་མདུན་དུ་སོར་མོ་རྣས་སྤྲུགས་ནས་རླུང་བཏང་། ངག་ནས་ཕ་ཧ་ཧ་བརྗོད་པ་དང་བར་འབེབས་སྦྲགས་ལན་གསུམ་བྱ། དམིགས་པའི་གནད་ནི། རླུང་སྦྱོར་གྱི་ལྟེ་བའི་མེ་ཤེད་ཇེ་ཆེར་སྐྱེས་པའི་སྤྱི་བོའི་ཧཾ་ལ་རེག་འཕྲལ་ཐིག་ལེ་དཀར་པོ་གཡས་རོ་མ་ནས་བབ་ལུས་ཀྱི་གཡས་ཕྱོགས་བ་སྤུའི་བར་ཁྱ། དེ་ནས་རྐྱང་མ་ནས་བབ་ལུས་ཀྱི་གཡོན་བ་སྤུའི་བར་ཁྱབ། དེ་ནས་དབུ་མ་ནས་བབ་གསང་གནས་སུ་བདེ་ཧྲིལ་ལེར་བསྐྱིལ་བར་བསྒོམ་མོ། །གཉིས་པ་སེང་གེ་རྣམ་རོལ་ནི། ལུས་གནད་བསྲང་ལ་

― KMC016_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོར་སྐྱིལ་བཅས། རླུང་བཟུང་ལ་ལག་གཉིས་ཐལ་མོ་སྦུབས་པ་པུས་སྟེང་ནས་ཡར་ཁྱེར། ནུ་སྟེང་སླེབས་པ་དང་མཆན་རྡེབ་བཅས་ཤེད་ཀྱིས་ཐད་དཀར་བརྐྱང་། ཚུར་བསྐུམ་ལ་ཐེའུ་ཆུང་སྲིན་ལག་བཞིས་ཁ་བསྡམ། གུང་མོས་སྣ། མཛུབ་མོས་མིག །ཐེ་བོང་གིས་རྣ་བ་བཀག་ལ། ལུས་ཚུགས་མ་ཤོར་བར་རོ་སྟོད་འཁོར་ལོ་ལྟར་གཡས་སྐོར་གསུམ་གཡོན་སྐོར་གསུམ་བྱས་འཕྲལ། ཁ་སྣ་ཕྱིས་ལ་ལག་གཉིས་བཤིག །རླུང་བཏང་ལ་ངག་ནས། མ་ཧ་ཧ་བརྗོད་པ་དང་བར་འབེབས་སྦྲགས་ལ་ལན་གསུམ་ནས་ཧ་སྤྲུགས་བྱ། དམིགས་པའི་གནད་ནི། རླུང་གི་སྦྱོར་བས་གཏུམ་མོ་འབར། སྤྱི་བོའི་ཧྃ་ཡིག་བྱང་ཐིག་གི་རྒྱུན་དཀར་ནར་གྱིས་བབས། འཁོར་ལོ་བཞི་གང་། དགའ་བཞིའི་བདེ་བ་སྐྱེས། གཏུམ་མོ་དང་འདྲེས། བདེ་བ་ཆེན་པོའི་ངོ་བོ་སྣང་སྲིད་ཐམས་ཅད་ཡཾ་ཡཾ་དུ་གཡོས། མཐར་ཕྱི་ཡི་སྣང་བ་བར་གྱི་ལུས་ནང་གི་འཛིན་རྟོག་བཅས་བདེ་བ་ཆེན་པོའི་ངོ་བོར་ཞུ་སྟེ་ཐམས་ཅད་མི་དམིགས་པ་སྟོང་པའི་རང་ངོ་སྐྱོང་ངོ་། །སྙན་བརྒྱུད་རྩ་བའི་འཁྲུལ་འཁོར་དྲུག་ནི་ཐིག་ལེའི་འཁྲུལ་འཁོར་ཏེ། ཐིག་ལེ་འཛིན་པའི་འཁྲུལ་འཁོར་གཉིས། ཐིག་ལེ་འདྲེན་པའི་འཁྲུལ་འཁོར་གཉིས། ཐིག་ལེ་བཀྲམ་པའི་འཁྲུལ་འཁོར་

― KMC016_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཏེ་དྲུག་གོ །དང་པོ་ཐིག་ལེ་འཛིན་པའི་འཁྲུལ་འཁོར་གཉིས་ལས། དང་པོ་སེང་གེ་རྩེ་བ་ནི། ལུས་གནད་སེམས་སྐྱིལ། རླུང་རང་བབ་འོག་རླུང་འཐེན་ཅིང་སྲིན་ཞལ་བསྡམ། རྐང་གཡོན་བསྐུམ་པ་འོག་སྒོར་བཞག །རྐང་གཡས་སྟེང་ལག་པའི་འཁྲིག་མ་གཉིས་བསྣོལ་སྟེ་གཡས་ཕྱི་གཡོན་ནང་དུ་ཡོད་པར་བྱས་ལ། ལག་གཡོན་གྱིས་རྐང་གཡས་ལོང་བུ་བསྡམ་གཡས་པས་བོལ་མཐིལ་ནས་བཟུང་། རོ་སྟོད་དང་མགོ་བོ་གཡས་སུ་འཐེན་ཅིང་ཧ་འདྲེན་བཅས་གསུམ་ལ་མིག་གིས་བར་སྣང་དུ་ཅེར་གྱིས་ལྟ་སྟངས་བཅས་ལན་གསུམ་མཐར་། རྐང་གཡས་འོག་སྒོར་བཞག །རྐང་གཡོན་མདུན་དུ་བཞག །ལག་པ་ཕྱི་ནང་བསྣོལ་ཏེ་གཡོན་པས་བོལ་མཐིལ་གཡས་པས་ལོང་བུ་བསྡམ་ཞིང་གཡོན་ཕྱོགས་སུ་གོང་ལྟར་ཧ་འདྲེན་ལན་གསུམ་གྱིས་འཐེན་ལྷོད་བྱས་ལ་ཧ་སྤྲུགས་བྱ། དམིགས་པའི་གནད་ནི། སྤྱི་བོའི་ཧཾ་ལས་བྱང་ཐིག་དཀར་པོ་བབས། གསང་བའི་རྩེ་མོར་བདེ་བ་དང་ལྡན་པར་བསམ། གསང་གནས་ཀྱི་བུ་ག་ཕཊ་སེར་པོས་བཀག་པར་བསྒོམ། ཡར་འདྲེན་པ་དང་སྤྱི་བོའི་ཧཾ་ལ་ཐིམ། ཡང་མར་དབབ་པ་བཅས་རེས་མོས་མཐར་སྤྱི་བོར་བསྡུའོ། །གཉིས་པ་སྟག་མོ་སྐྱུག་པ་ནི། ལུས་གནད་རླུང་རང་བབས།

― KMC016_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོར་སྐྱིལ་བོལ་ཚིགས་གཉིས་ཀྱི་རྒྱབ་ལག་པ་གཉིས་ཀྱི་རྒྱབ་སྦྱོར་ལ་ཐལ་མོ་བཀན་པའི་སོར་ཙེ་གདན་ལ་བཙུག །ལུས་སྟོད་བསྲངས་ཤུགས་ཀྱིས་སྒྲིམས་ལ། མིག་འབུར་ཚུགས་བཅས་འཕོངས་བཀྱག །ཧ་གསུམ་གྱི་སྒྲས་སྐྱུག་འདྲེན་གྱིས་མདུན་དུ་རྒུར་བ་ལན་གསུམ་མཐར་ཧ་སྤྲུགས་རྡོར་སྐྱིལ་བཤིག །དམིགས་པའི་གནད་ནི། འདྲེན་དང་པོས་འཁོར་ལོ་བཞིར་གཏུམ་མོའི་དྲོད་ཀྱི་ཁྱབ་པར་བསྒོམ། གཉིས་པས་སྤྱི་བོའི་ཧཾ་ལས་བབ་པའི་བདུད་རྩི་འཁོར་ལོ་བཞི་གང་བས་བདེ་བ་སྐྱེས་པར་བསྒོམ། གསུམ་པས་བདེ་དྲོད་བཟོད་མེད་ཀྱིས་ལུས་ཀྱི་ཕྱི་ནང་ཀུན་ཁྱབ་པར་བསྒོམ་མོ། །གཉིས་པ་ཐིག་ལེ་འདྲེན་པའི་འཁྲུལ་འཁོར་གཉིས་ལས། དང་པོ་གླང་ཆེན་འགྱིང་བ་ནི། ལུས་གནད་རྡོར་སྐྱིལ་བཅས། རླུང་བཟུང་། སྐྱིལ་ཀྲུང་བཤིག་ནས་རྐང་ལག་བཞི་མདུན་དུ་བརྐྱང་། ལག་གཉིས་གན་རྐྱལ་པུས་མོའི་ཐད་ནས་ཡར་དྲངས་ཞོར་བཞེངས་ལ། ལག་པ་ནུ་སྟེང་སླེབ་པ་དང་མཆན་རྡེབ་བཅས་རྐང་གཉིས་བར་མཁྱིད་གང་ཙམ་ཕྱེ་བར་བྱས་ཏེ་མར་རྒུར། ཁུ་ཚུར་གཡོན་འོག་གཡས་སྟེང་དུ་བྱས་ལ་བརྩེགས། གྲུ་མོ་དང་སྒྱིད་ཁུག་བསྲང་། ལུས་པོ་ཅུང་ལྷོ། མགོ་བོ་བླ་བར་དུ་རྒུར་ནས་གཡས་གཡོན་དབུས་གསུམ་དུ་ཡར་འདྲེན་སྐབས་

― KMC016_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

མགོ་བོ་གྱེན་དུ་ཕྱོགས། མིག་ནམ་མཁར་ལྡོག །མར་རྒུར་དུས་མགོ་བོ་བླ་བར་དུ་རྒུར་འདྲེན་གསུམ་ཚར་ནས་གདོང་གྱེན་དུ་ཕྱོགས། མིག་བར་སྣང་ལ་ཧར་གྱིས་བལྟ་བཞིན་འཕོངས་རྟིང་རྡེབ་པ་དང་རྐང་རྟིང་ལག་རྟིང་བཞི་རྣམས་དུས་གཅིག་ལ་སར་རྡེབ། ཡར་དགྱེ་བ་དང་རྐང་རྩེ་ལག་རྩེ་བཙུག་པ་བཅས་དགྱེ་དགུ་ལན་གསུམ་ནས་ཡང་གོང་བཞིན་འདྲེན་སོགས་བྱ་བ་ཁྱོན་ལན་གསུམ་སོང་ནས་འབེབས་ཆེན་གསུམ་ནས་ཧ་སྤྲུགས་བྱ། དམིགས་པའི་གནད་ནི།་དབུ་མའི་ཡར་སྣེ་གཙུག་ཏོར་སར་ཧཾ་ཡིག་དཀར་པོ་མགོ་གྱེན་བསྟན་ཚངས་བུག་ནས་ཡི་གེ་མ་སེར་པོས་བཀག་པ། བདེ་ཆེན་འཁོར་ལོའི་ཧཾ་ཡིག་མགོ་མཐུར་བསྟན་ལྟེ་བར་གཏུམ་མོའི་ངོ་བོ་ཧཱུྃ་ཡིག་དམར་པོ་ཚ་ཞིང་བསྲེག་པ་མགོ་གྱེན་བསྟན། ཧཱུྃ་གི་འོད་ཀྱིས་བདེ་ཆེན་འཁོར་ལོའི་ཧཾ་བྱ་ལྡིང་བ་ལྟར་མར་འབབ། མགྲིན་པར་བསླེབ་པ་དང་ལྟེ་བའི་ཧཱུྃ་ཡིག་རིམ་གྱིས་ཇེ་མཐོར་གྱུར་པ་སྙིང་གའི་ཆ་སྨད་ཙམ་དུ་སླེབ་པ་དང་ཧཾ་རང་གནས་སུ་སོང་། ཧཱུྃ་ཡང་མར་བབས་ལུས་ཀུན་བདེ་དྲོད་ཀྱིས་ཁྱབ་པར་དམིགས། ལྟེ་འོག་ནས་མིག་གཅིག་གིས་དབུ་མ་བཀག་སྟེ་ཡར་ལྟ་བར་བསྒོམ་མོ། །གཉིས་པ་རུ་སྦལ་བསྐུམ་པ་ནི། ལུས་གནད་རྡོར་སྐྱིལ། རླུང་བཟུང་། སྐྱིལ་ཀྲུང་བཤིག་ནས་རྐང་པ་མདུན་དུ་བརྐྱང་། ལག་གཉིས་ཁུ་ཚུར་གྱེན་བསྟན་པུས་མགོར་ཡར་གཞལ་བཞེངས། ནུ་སྟེང་སླེབས་པ་

― KMC016_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཆན་རྡེབ་བཅས་མར་རྒུར་ཞོར་རྐང་གཉིས་བར་ཁྲུ་གང་ཙམ་གྱིས་བར་བྱེ་བར་བྱས། ལག་གཉིས་བརླ་ནང་སྒྱིད་ཁུག་ནས་མར་རྐྱང་། རྐང་རྡེབ་གཉིས་ཀྱིས་ཕྱི་ནས་གཅུད། ལག་པའི་མཛུབ་མོ་གཉིས་ཀྱིས་རྐང་པའི་མཐེ་བོང་གཉིས་དམ་དུ་བཟུང་ནས་རླུང་གང་བའི་ཤུགས་ཀྱིས་གཡས་གཡོན་དབུས་གསུམ་ལ་དགང་འདྲེན་སྟེ་འཐེན་རྒུར་བྱ། ཁོག་སྟོད་སྒྲོ་སིག་ལྟར་འཕར་འདར་ལན་གསུམ་བྱ། ལག་དཔུང་རྐང་བརླ་བཅས་ཀྱིས་ཆག་སྒྲ་ཐོན་པར་བྱ། ཡང་དགང་འདྲེན་གཡོན་གཡས་དབུས་གསུམ་འཕར་འདར་གསུམ། ཡང་གཡས་གཡོན་དབུས་གསུམ་འཕར་འདར་གསུམ་བཅས་མཐར་འབེབས་ཆེན་གསུམ་རྒྱབ། རླུང་བཏང་ཧ་སྤྲུགས་བྱ། རོ་སྟོད་དགྱེ་དགུའི་སྐབས། མར་རྒུར་དུས་མགོ་བརླ་གཉིས་བར་བཀུག་ཡག་དང་། ཡར་དགྱེ་དུས་མིག་གྱེན་དུ་ལྡོག་པའི་བར་སྣང་ལ་བལྟ་བར་བྱའོ། དམིགས་པའི་གནད་ནི། རིག་པ་ཁོང་ལྷོད་ལ་རྩ་གསུམ་གསལ་བའི་དབུ་མའི་ཡར་སྣེ་ཧཱུྃ་མཐིང་ག །རོ་མའི་ཡར་སྣེ་ཨཱཿདམར་པོ། རྐྱང་མའི་ཡར་སྣེར་ཨོཾ་དཀར་པོ་སྟེ་རྡོ་རྗེ་གསུམ་གྱི་ངོ་བོར་གསལ་བའི་ལྟེ་བའི་མེས་སྤྱི་བོའི་ཧཾ་ཞུ། བྱང་སེམས་གསང་བའི་གནས་བར་ཁྱབ། དེ་ནས་གཡས་འདྲེན་སྐབས་རོ་

― KMC016_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ནས་ཨཱཿདང་། ཡོན་འདྲེན་སྐབས་རྐྱང་མ་ནས་ཨོཾ། དབུས་འདྲེན་སྐབས་ཧཱུྃ་ལ་ཐིམ་འབྲུ་གསུམ་འོད་ཟེར་འབར་བས་ཕྱོགས་དུས་ཀྱི་རྩ་གསུམ་མཆོད། བྱིན་རླབས་བསྡུས། རྒྱལ་བ་རྣམས་ཀྱི་སྐུ་གསུང་ཐུགས་དང་རོ་གཅིག་ཏུ་གྱུར་པར་དམིགས་ལ་རྟོག་མེད་ངང་དུ་ཧ་རེ་བཞག་གོ །གསུམ་པ་ཐིག་ལེ་བཀྲམ་པའི་འཁྲུལ་འཁོར་གཉིས་ཀྱི་དང་པོ། རྨ་བྱ་འཕུར་བ་ནི། ལུས་གནད་རྡོར་སྐྱིལ། ལུས་བསྲང་བུམ་ཅན་བཟུང་། སྐྱིལ་བཀྲུང་བཤིག །རྐང་ལག་བཞི་མདུན་དུ་བརྐྱང་། ཁུ་ཚུར་པུས་སྟེང་ནས་གཞལ་ལ་ཡར་བཞེངས། ཁུ་ཚུར་ནུ་སྟེང་སླེབ་པ་དང་། རྟིང་སྲིག་བཅས་ལག་གཉིས་མདུན་དུ་བརྐྱངས་ལ་རྒུར་རྐང་པའི་མཐེ་བོང་གཉིས་འཛུབ་མོས་དམ་དུ་བཟུངས། ཕྱི་རྟིང་གཉིས་ཀྱིས་གསང་བའི་དབུ་མའི་མར་སྣེ་མནན་ཅིང་གྲུ་གུ་ཆིང་བཞིན་རྒལ་པ་གདན་ལ་གཏད། ཡར་འགྲིལ་ལྟག་པ་གདན་ལ་སྦྱར། མགོ་མདུན་དུ་རྒུར་བཞིན་ལག་གཉིས་ནས་རྐང་མཐེབ་བཟུང་བཞིན་མ་ཤོར་བར་གནམ་དུ་བརྐྱངས་ལ། དཔུང་ཚིགས་ལག་ཚིགས་བསྲང་། མར་འགྲིལ་རྐང་ལག་སར་བཙུག་རྒུར་ཚུགས་སུ་ཡར་ལངས་བཅས། དེ་འདྲ་ལན་གསུམ་མཐར་རྐང་མཐེབ་བཏང་ནས་སྒྲེང་གིས་ལངས་ཏེ་འབེབས་

― KMC016_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་གསུམ་རྒྱབ། ཧ་སྤྲུགས་བྱ། དམིགས་པའི་གནད་ནི། ལྟེ་བའི་གཏུམ་མོ་ལས་མེ་སོར་བརྒྱད་ཙམ་དུ་འབར། སྤྱི་བོའི་ཧཾ་ལས་བྱང་སེམས་ཧཱུྃ་ཡིག་གི་རྣམ་པ་ཆད། གསང་གནས་སུ་སླེབས་པ་དང་ལུས་ཐམས་ཅད་ཐིག་ལེར་དཀར་པོས་རིམ་གྱིས་ཁེངས་ཏེ་བ་སྤུའི་བར་ཁྱབ་པར་བསྒོམ། ཡར་ལངས་མར་རྒུར་སྐབས་ཧཱུྃ་ཧཾ་ལ་ཐིམ་པར་དམིགས། ཡང་ཧཾ་ལས་ཧཱུྃ་ཆད་པ་སོགས་རེས་མོས་མཐར་ཧཱུྃ་ཧཾ་ལ་བསྡུ། ཐིག་ལེས་ལུས་ཀུན་ཁྱབ་པ་དེ་ཉིད་ལས་མི་བསྡུའོ། །གཉིས་པ་བྱ་རྒོད་འཕུར་བ་ནི། ལུས་གནད་རྡོར་སྐྱིལ་ངང་ནས་རླུང་བཟུང་། སྐྱིལ་བཀྲུང་བཤིག །རྐང་པ་མདུན་རྐྱང་། ཁུ་ཚུར་གྱེན་བསྟན་པུས་སྟེང་ནས་གཞལ་ལ་ཡར་ལངས། རྐང་གཡས་བསྐུམ་གཡོན་གྱི་བརླ་ལ་གཏད། གཡོན་པ་ས་ལ་བཙུག །ལག་གཉིས་ཐད་ཀར་ཤེད་ཀྱིས་བརྐྱང་། ཁུ་ཚུར་འཆང་ཁས་ཕྲག་གོང་དུ་གཡས་གཡོན་གཡས་བཅས་གསུམ་མཐར་ལག་གཉིས་ཁུ་ཚུར་མདུན་རྐྱང་གིས་ནུ་རྡེབ་གསུམ་རྒྱབ། ཡང་རྐང་མཐིལ་གཡོན་བརླ་གཡས་ལ་གཏད། ཕྲག་རྡེབ་གཡོན་ཙམ་གསུམ་དང་། ནུ་རྡེབ་མཆན་རྡེབ་གསུམ་རྒྱབ། མཐར་འབེབས་ཆེན་གསུམ་དང་ཧ་སྤྲུགས་འཕུར་འདོན་བྱ། དམིགས་པའི་གནད་ནི། ལྟེ་བའི་གཏུམ་མོའི་འོད་ཀྱིས་སྤྱི་བོའི་

― KMC016_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཾ་ལས་བྱང་སེམས་ཐིག་ལེ་ཡུངས་འབྲུ་ཙམ་གྲངས་མེད་པ་བབས་སྟེ། ལྟེ་བའི་གཞི་གནས་ཀྱི་མེ་ལ་རེག་མ་ཐག་ཐིག་ལེ་དཀར་ལ་དམར་བའི་མདངས་ཆགས་པའི་བདེ་དྲོད་དང་ལྡན་པས་རྩ་གནས་ཐམས་ཅད་མེར་གྱིས་ཁེངས། བ་སྤུའི་བུ་ག་ནས་མཆེད་པའི་ལུས་ཀྱི་ཕྱི་དྲོད་ཀྱིས་མེ་འབར། ལུས་ཀྱི་ནང་བདེ་བས་མྱོས་པ་བཞིན་ཟར་ཟིར་དུ་གྱུར་བདེ་དྲོད་ལུས་ལ་འབར་བས་སེམས་སྐྱེ་མེད་རྟོག་བྲལ་ནམ་མཁའ་གཡའ་དག་པ་ལྟར་ལྷན་ནེར་སོང་བར་དམིགས་ལ། ལུས་སེམས་ལྷོད་ཅིང་ངལ་གསོའི། དེ་ནས་འབེབས་ཆེན་ནི་ལུས་གནད་རྡོར་སྐྱིལ་བཅས། རླུང་བཟུང་། ལག་གཉིས་འཁྱུད་རྒྱ་བཀྲོལ་བ་དང་རྡོར་སྐྱིལ་བཤིག །ཡར་ལངས། རྐང་པ་གཤིབ། ལུས་དྲང་པོར་བསྲང་ཞིང་ལག་གཉིས་མྱུར་པོར་མདུན་ཕྱོགས་ཤེད་ཀྱིས་བརྐྱང་ནས། ཐུགས་ཀར་འཁྱུད་རྒྱ་བཀྲོལ་བའི་ཁུ་ཚུར་པུས་མོ་གཉིས་ཀྱི་ཕྱི་ཟུར་དུ་སྦུབས་པ་དང་མཉམ་དུ་རྐང་པ་གཉིས་སེམས་སྐྱིལ་ཚུལ་གྱིས་ལུས་ལྗིད་ཕབ་ཏེ་གདན་ལ་འཕངས་པ་དང་། བརླ་པུས་མགོའི་ཕྱི་བོལ་གོང་བཅས་ཐམས་ཅད་ལྷན་ཅིག་ཅལ་གྱིས་བརྡབ་པ་ནི་སྤྱིར་འབེབས་ཆེན་ཏེ་གོང་དུ་བཤད་པ་ལ། ནང་གསེས་རྐང་པ་གཡས་ཕྱི་གཡོན་ནང་བྱས་གོང་བཞིན་གདན་ལ་འབེབས་པ་བསྣོལ་འབེབས། ༡༽ ཡང་རྐང་པ་

― KMC016_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་བར་ཁྲུ་གང་ཙམ་བྱེ་བར་བྱས་ཏེ་གདན་ལ་འབེབས་པ་བསྒྲད་འབེབས་དང་། ༢༽ རྐང་པ་གཤིབས་ནས་ཡར་བཞེངས། ཅུང་ཟད་ཡར་འཕགས་ཉམས་ཀྱིས་ལག་པ་འཁྱུད་རྒྱ་རྐང་པ་གཉིས་རྡོར་སྐྱིལ་བཞིན་གདན་ལ་འབེབས་འཕྲལ་འཁྱུད་རྒྱ་རྡོར་སྐྱིལ་བཤིག་ཐུབ་ངེས་བྱ་བ་རྡོ་རྗེ་ཐོག་འབེབས་དང་། ༣༽ རྡོར་སྐྱིལ་བཤིག་འཕྲལ་ལག་རྒྱབ་གཉིས་པུས་མོའི་ཕྱི་ཟུར་གཉིས་དུས་མཉམ་དུ་གདན་ལ་ཤུགས་ཀྱིས་རྡེབ་མ་ཐག་རྐང་ལག་བཞི་མདུན་ཕྱོགས་སུ་ཤེད་ཀྱིས་བརྐྱང་། ལག་གཉིས་ཁུ་ཚུར་སྦུབས་པ་ངར་གདོང་སྟེང་དུ་བཞག་ཙམ་ནས་མྱུར་བར་ཙོག་པུར་མེ་ཐབས་དྲུག་ཆིངས་བཅའ། ཡར་ལངས་ཞོར་ལག་གཉིས་ནུ་མའི་སྟེང་ནས་ཡར་གཞལ་བའི་ཚུལ་གྱིས་དཔུང་པ་རྒོད་གཤོག་ལྟར་བརྐྱངས་ནས། ཚུར་བསྐུམ་པའི་ཕྲག་གོང་ནས་བཟུང་ཕྱིར་མཁལ་ཁུག་བར་ཁུ་ཚུར་གྱིས་གཞལ། ལུང་ལྗིད་ཕབས་ཏེ་རྐང་པ་སེམས་སྐྱིལ་གྱིས་འབེབས་གདན་ལ་བརྡབ་པ་ནི། བརྐྱངས་བསྐུམ་འབེབས་དང་། ཡང་རྐང་པ་གཤིབས་ནས་ཡར་ལངས། ལག་གཉིས་ཁུ་ཚུར་ཕྱིར་སྦུབས་

― KMC016_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་རྒྱུད་དཔྱི་ཟུར་ནས་ཕྱིར་གཞལ་དང་། རྐང་ལག་བཞི་ཀ་མདུན་ཕྱོགས་སུ་འཕངས་པ་ལྟ་བུར་ལག་པའི་གྲུ་མོ་རྐང་པའི་སྒྱིད་ཁུག་རྣམས་ཐད་ཀར་བརྐྱངས་བཞིན་ལུས་ལྗིད་ཕབས་ཏེ་བྱིན་གཞུག །ཉ་སྙིང་། སྒྱིད་ཁུག །བརླ་དང་། འཕོངས་རྣམས་ལྷན་ཅིག་འབེབས་གདན་ལ་ཅར་གྱིས་རྡེབ་ཅིང་། དེ་ཡང་ལུས་ཚུགས་མ་ཤོར་བར་བསྲང་བ་ནི་བརྐྱང་འབེབས་ཏེ། དེ་ལྟར་འབེབས་ཆེན་རྣམ་ལྔར་གྲགས་པ་ཡང་ལོངས་སྐབས་ཡོད་ཚེ་རླུང་ཁུག་རེ་རེ་འབེབས་ཆེན་སྣ་རེ་ཅི་ནུས་སུ་རྒྱབ་པ་དང་། བསྡུ་ཚེ་རླུང་ཁུག་གཅིག་ལ་ཐམས་ཅད་ཚང་བར་བྱས་ཏེ་གོང་ལྟར་ཧ་སྤྲུགས་སོགས་བྱའོ། །དམིགས་པའི་གནད་ནི། འདི་དག་ས་བཅད་གཅིག་གི་ཁོངས་སུ་གཏོགས་པའི་ཕྱིར། རང་ཉིད་ཌཱ་ཀི་མ་གསེར་གྱི་མདོག་ཅན་གྲི་ཐོད་འཛིན་པ་རྩ་གསུམ་འཁོར་ལོ་བཞི་དང་བཅས་པ་གསལ་བའི་འདུས་མདོའི་གཏུམ་མོ་རྣོ་ལྡན་སྲན་མ་ཙམ་ལས་འོད་འཕྲོས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་འམ་དཔའ་བོ་རྣལ་འབྱོར་མའི་ཚོགས་དཔག་ཏུ་མེད་པ་སྤྱན་དྲངས། རང་ཉིད་ཀྱི་ལུས་ལ་ཐིམ། དེའི་

― KMC016_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུས་ལུས་ཕྱི་ནང་ཐམས་ཅད་ཡེ་ཤེས་ཀྱི་མེ་རི་མེ་དཔུང་དུ་གྱུར། སླར་ཡང་བྱང་ཆུབ་སེམས་དཔའ་དཔའ་བོ་དཔའ་མོ་བསམ་གྱིས་མི་ཁྱབ་པ་རང་གི་ལུས་ལ་ཐིམ་པས་མེ་ཆེར་འབར། སྟོང་གསུམ་འཇིག་རྟེན་ཐམས་ཅད་མེའི་ཕུང་པོ་ཆེན་པོ་གཅིག་ཏུ་གྱུར་པ་ཟད་པར་མེའི་ཏིང་ངེ་འཛིན་ལ་སེམས་རྩེ་གཅིག་ཏུ་གཏད་དོ། །གཞན་དུ་འབེབས་ཆེན་རེ་ལ་དམིགས་པ་རེ་སྦྲག་རྒྱུ་མཆིས་མོད། ལུགས་འདིར་འབེབས་ཆེན་ཀུན་ལ་དམིགས་པ་འདི་གཅིག་པུས་ཁྱབ་པའོ། །གེགས་སེལ་ནི། ལུས་གནད་རྡོར་སྐྱིལ། ལག་གཉིས་ཁུ་ཚུར་བརླ་རྩར་སྦུབས། རླུང་བཟུང་ལ་ཐོག་མར་མདུན་མཁར་ཧར་གྱིས་གཅིག་བལྟ། ལུས་གནད་བསྲང་བཞིན་གདོང་གཡས་སུ་ཕྱོགས་པས་མིག་གིས་ཕྲག་གོང་གཡས་སུ་བལྟ། དེ་བཞིན་དུ་གཡོན་དུ་བལྟ། དེ་ནས་གཡས་སུ་བལྟས་ལ་ཧ་བརྗོད། ཡང་གཡས་སུ་གཅིག་གཡོན་དུ་གཅིག །ཡང་གཡས་གཡོན་ལ་ལན་རེ་བལྟས་ཏེ་ཧ་རེ་བརྗོད། རྡོར་སྐྱིལ་བཤིག་ལ་ལག་གཉིས་རྡོ་རྗེ་རྩེ་གཅིག་རྒྱ་ནམ་མཁར་བཏེག་ཅིང་མིག་བར་སྣང་ལ་བལྟ། སེམས་སྐྱིལ་བཅའ། བར་

― KMC016_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

འབེབས་རེ་དང་ངག་གིས་ཧ་རེ་བརྗོད། རྡོ་རྗེ་རྩེ་གཅིག་རྒྱས་བྲང་ལ་ཤེད་ཀྱིས་རྒྱབ་པ་རྣམས་སྦྲགས་ལ་ལན་གསུམ་བདུན་བརྒྱད་སོགས་བྱ། དམིགས་པའི་གནད་ནི་ཐོག་མར་མདུན་དུ་བལྟ་བའི་ཚེ་མདུན་མཁར་ཡི་གེ་ཧ་ལྗང་གུ་ཆེ་བ་གཅིག །གཡས་གཡོན་དུ་བལྟ་ཚེ་ཕྲག་གོང་གཉིས་སུ་ཧ་ལྗང་གུ་དེ་ལས་ཆུང་བ་རེ་གསལ་བཏབ། དེ་ནས་ཧ་བརྗོད་བཞིན་གཡས་སུ་བལྟ་བའི་ཚེ་ཐོག་མེད་ནས་བསགས་པའི་སྡིག་སྒྲིབ་ལུས་ཀྱི་བག་ཆགས། རྩ་ཡི་སྒྲིབ་པ་གེགས་དང་བར་ཆད་ཐམས་ཅད་ནག་ཐིབས་སེ་གཡས་ཀྱི་ཧ་ལ་ཐིམ་པ་དང་། གཡོན་དུ་བལྟ་ཚེ་ཕྱི་མ་མྱོང་འགྱུར་གྱི་ལས་ངན་འབྲས་བུ་བག་ཆགས་དང་བཅས། ངག་གི་སྡིག་སྒྲིབ་རླུང་གེགས་དང་བར་ཆད་ཐམས་ཅད་གཡོན་གྱི་ཧ་ལ་ཐིམ་པ་བཅས་ཡང་ཡང་བསྒོམ། མཐར་བར་འབེབས་སྐབས་སུ་འདུས་མདོའི་གཏུམ་མོ་ལས་རླུང་གཡོས། ཀུན་གཞིའི་བག་ཆགས་ཚེ་འདིར་བྱས་བསགས་ཀྱི་སྡིག་སྒྲིབ་མདོར་ན་གཉིས་སྣང་འཛིན་རྟོག་དང་བཅས་པ། རོ་རྐྱང་ལས་རླུང་ཟག་བཅས་ལུས་ཀྱི་ཤ་ཁྲག་གི་ཐིག་ལེ་བསྒོམ་པའི་གེགས་དང་བར་ཆད་ཐམས་ཅད་སྦུར་མ་རླུང་གིས་ཁྱེར་བ་ལྟར་དབང་པོའི་སྒོ་དགུ་དང་། བ་སྤུའི་བུ་ག་རྣམས་ནས་ཕྱིར་དེད། ཁུག་རླུང་གི་རྣམ་པ་ནག་སིབ་སིབ་མདུན་གྱི་ཧ་ལ་རྡོ་ཁབ་ལེན་གྱིས་ལྕགས་ཕྱེ་བསྡུས་པ་ལྟར་ཐིམ། ཕྲག་གོང་གཉིས་ཀྱི་ཧ་ཡང་དེ་དང་ལྷན་ཅིག་མདུན་གྱི་

― KMC016_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

ཧ་ལ་ཐིམ། སླར་སྒོ་གསུམ་གྱི་སྒྲིབ་པ་དྲི་མ་ཙམ་མ་ལུས་པའང་གཏུམ་མོའི་མེས་བསྲེགས་ཏེ་རྣམ་སྨིན་གྱི་ཕུང་པོ་སྦྲུལ་གྱི་ཤུན་པ་བརྗེས་པ་བཞིན་དག་སྟེ། གསལ་སྟོང་དབྱེར་མེད་འཇའ་ཚོན་ལྟ་བུའི་ཡི་དམ་ལྷའི་སྐུ། གྲགས་སྟོང་ལྷུན་གྲུབ་བྲག་ཆ་ལྟ་བུ་ཨ་ཧཾ་སྔགས་ཀྱི་སྒྲ། བདེ་སྟོང་ཟུང་འཇུག་འདུས་མ་བྱས་པའི་རིག་པ་བཟུང་འཛིན་གྱི་ཕྱོགས་སུ་མ་ལྷུང་བར་གང་ཤར་ཡེ་ཤེས་ཆེན་པོར་འབྱམས་ཀླས་པ་འདིའི་རང་ངོ་སྐྱོང་ངོ་། །རྗེས་རིམ་ནི་ལུས་གནད་རྡོར་སྐྱིལ་བཅས། རླུང་བཟུང་ལ། སྔོན་འགྲོ་རྩ་འཁྲུས་ལྟར་བྲང་རྡེབ་མཆན་རྡེབ་སོགས་གསུམ་དགོས་པ་རྣམས་རེ་རེ་བྱས་ལ་རྡོར་སྐྱིལ་བཤིག །སེམས་སྐྱིལ་ངང་ནས་ཁུ་ཚུར་པུས་མོར་སྦུབས་ལ་པུས་བྲང་འཕྲོད་ངེས་ཀྱིས་གཡས་བཅད་གསུམ། གཡོན་བཅད་གསུམ་བྱས་ལ་རླུང་བཏང་། འདི་ལ་སྔར་ལྟར་རྐང་བྱུག་སོགས་མི་དགོས། དཔེ་ཉིད་ཟིན་བྲིས་སུ་བགེགས་སེལ་ལུགས་གཅིག་གསུངས་པ་དང་། འཇང་པ་སྐུ་སྐྱེའི་རྗེས་ཆོག་ཡན་ལག་ལྔ་སྦྱོང་བསྡུས་པ་ཚར་གཅིག་གསུངས་པ་བཅས་གཉིས་ཀར་ཆད་ལྷག་གི་སྐྱོན་ཅུང་ཟད་ཀྱིས་རྗེས་འཇུག་རྣམས་གོ་བ་འཁྲུལ་བར་མངོན་ནོ། །དམིགས་པའི་གནད་ནི་གོང་གི་གེགས་སེལ་གྱི་ཁྱེར་སོ་དང་མ་བྲལ་བར། ལྟེ་བའི་གཏུམ་མོའི་མེས་དབུ་མ་ནས་རྩ་ཕྲན་རྣམས་སུ་ཁྱབ། ཡན་ལག་ཉིང་ལག་དང་བཅས་པ་དྲོ་ཞིང་མཉན་ལ་ཡང་པ་རྩ་

― KMC016_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་གི་གེགས་དང་གོལ་ས་ལས་གྲོལ་བར་བསམ་མོ། །མཐའ་རྟེན་བཀྲ་ཤིས་ནི། ལུས་གནད་རྡོར་སྐྱིལ་བཅས། རླུང་བཟུང་། སྐྱིལ་ཀྲུང་བཤིག་ནས་སེམས་སྐྱིལ་ངང་ལག་གཉིས་མཆན་རྡེབ་བཅས་རྐང་པའི་བོལ་ཚིགས་རྩར་ཁུ་ཚུར་གཡོན་འོག་གཡས་སྟེང་མ་བྱས་ལ་བརྩེགས། མགོ་བོ་གདན་ལ་ཕྱོགས། ཧཱུྃ་གིས་འདྲེན་པ་དང་དུས་ཅིག་མགོ་བོ་བཏེག །མིག་གྱེན་དུ་ལྡོག །ལྕེ་ཡ་རྐན་ལ་སྦྱར། རྒྱུ་ཞབས་གྱེན་ལྡོག །རྒྱུ་སྟོད་གཟེར་ཐམ་ཐམ་བྱེད་པ་རྒྱ་མཚོ་རི་རབ་ལ་སྦྱར་བའི་བུམ་ཅན་སྟོད་ལ་བཟུང་བ་སྟེ། དེ་ལྟ་བུའི་གཡས་གཡོན་དབུས་གསུམ་འདྲེན་ཅིང་དགྱེ་དགུ་གསུམ་བྱ། མར་རྒུར་དུས་མཆན་རྡེབ་རེ་དང་སྦྲགས་ཁུ་ཚུར་སྔར་བཞིན་བརྩེགས། དེ་ནས་རྡོར་སྐྱིལ་བཅའ། ལག་པ་གཉིས་མདུན་དུ་བརྐྱང་ནས་བརྡབ་འཕུར་གསུམ་དང་། ལུས་ཀྱི་སྟོད་སྨད་ཀུན་ལ་ཤུགས་ཀྱིས་འཕུར་བྱུག་གསུམ་གསུམ་ཡང་ཡང་བྱས་ལ་རླུང་བཏང་། གཡས་གཡོན་དབུས་གསུམ་དུ་ཧ་སྤྲུགས་ཡང་ཡང་བྱའོ། །དམིགས་པའི་གནད་ནི་འདུས་མདོའི་མེ་འོད་ཀྱིས་སྤྱིར་བོའི་ཧཾ་ཡིག་ཞུ། དབུ་མ་ནས་རྩ་འཁོར་རྣམས་རྒྱུད་ཡན་ལག་གི་མཐའ་བར་རྩ་ཕྲན་ཀུན་ལ་མེ་ཏོག་ཆབ་ཀྱིས་བྲན་པ་ལྟ་བུའི་བདུད་རྩིས་ཁྱབ། རྩ་ཐམས་ཅད་གནས་དང་

― KMC016_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིག་ལེ་ཐམས་ཅད་དཔའ་བོ་དཔའ་མོའི་རང་བཞི་རང་ལུས་ཡི་དམ་ལྷའི་དཀྱིལ་འཁོར་དུ་གྱུར། དེ་ནས་བུམ་ཅན་སྨད་ལ་བཟུང་ནས་གཏུམ་མོའི་མེ་རྩ་གནས་རྣམས་སུ་ཁྱབ་ཅིང་བསོས་པས་ལྷ་ཚོགས་རྣམས་ལ་དགྱེས་ཤིང་མཉེས་པའི་མཆོད་པར་གྱུར། མཐར་དབང་པོའི་སྒོ་དང་བ་སྤུའི་བུ་ག་ཐམས་ཅད་ནས་མེ་སྟག་གློག་ལྟར་འཚུབས་པའི་རང་ལུས་ཡེ་ཤེས་མེའི་གུར་ཁང་དཔག་ཚད་ཙམ་དུ་ཁྱབ་ཅིང་བར་མེད་དུ་འབར་བར་ཚུད་པས་གདོན་བགེགས་སོགས་གང་གིས་གླགས་མི་རྙེད་པར་གྱུར། ལག་མཐིལ་གཡས་སུ་རླུང་གི་འཁོར་ལོ་ལྗང་གུ་ཟླ་གམ། གཡོན་དུ་མེ་ཡི་ཆོས་འབྱུང་དམར་པོ་གྲུ་གསུམ་པ་བསྒོམ་ལ་བརྡབ་ཅིང་འཕུར་བས། ལག་མཐིལ་གཉིས་མེ་ལ་གསོས་པ་ལྟར་ཚ་ཆི་ལེར་རེག་བྱ་མི་བཟོད་པ་ཙམ་དུ་བསྒོམ་ལ་ལུས་ཀྱི་སྟོད་སྨད་ཀུན་ཏུ་འཕུར་སྲུབ་བྱའོ། །ཡང་ན་རླུང་རང་བབས། སེམས་སྐྱིལ་བཅས། རྐང་གཡས་ལོང་བུའི་སྟེང་མཆན་རྡེབ་མེད་པའི་ཁུ་ཚུར་གཉིས་བརྩེགས་ཧཱུྃ་སྒྲས་གཡས་གཡོན་དབུས་གསུམ་གྱེན་དུ་འདྲེན་ལ། མཐར་ཧ་སྤྲུགས་འཕུར་འདོན་བྱ་ཞིང་། དམིགས་པ་ནི་ལོགས་སུ་མེད་དོ། །མཐར་རྡོར་སྐྱིལ་རྣམ་སྣང་ཆོས་བདུན་བཅས་བླ་མའི་སྐུ་གསུང་ཐུགས་དང་རང་གི་སྒོ་གསུམ་དབྱེར་མེད་དུ་ལྟས་ལ་མ་བཅོས་པ་ཕྱག་རྒྱ་ཆེན་པོའི་ངང་དུ་ལྷོད་ཅིང་ངལ་གསོའོ། །དགེ་ཚོགས་བྱང་ཆུབ་ཆེན་པོར་བསྔོ་བས་

― KMC016_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་འདེབས་ཀྱང་བྱའོ། །རྟོགས་མེད་རླུང་གིས་མེ་ཆུའི་རྒྱུན་ཡང་གཡོ། །རྟོག་བཅས་རླུང་གིས་སྐྱེ་ཀུན་འགྲོ་འོང་བྱེད། །རྟོག་དང་མི་རྟོག་དབྱེར་མེད་ཐབས་གྲོལ་གྱི། །རླུང་གིས་རྡོ་རྗེ་འཆང་གི་ས་རུ་སྐྱལ། །རླུང་དང་རྟོག་པ་བསྲེས་པས་ཉོན་མོངས་བསྐྱེད། །རླུང་དང་འཛིན་པ་བསྲེས་པས་བདུད་བཞི་འཇོམས། །རླུང་སེམས་དབྱེར་མེད་ཕྱག་རྒྱ་ཆེན་པོ་དང་། །བསྲེ་བ་མཆོག་གི་གཏུམ་མོའི་མྱུར་ལམ་སྟེ། །དེ་ཡི་གཞུང་ཁྲིད་རྫོགས་ཤིང་ཉམས་ལེན་ལ། །གེགས་སེལ་བོག་འདོན་ལུས་སྦྱོང་འཁྲུལ་འཁོར་གྱི། །ཚུལ་འདིས་ཚེ་འདིར་རྡོ་རྗེ་འཆང་ཆེན་པོར། །གྲུབ་པའི་སྒྲུབ་བརྒྱུད་ཡུན་དུ་གསལ་གྱུར་ཅིག །ཅེས་པའང་རང་གི་རིམ་འགྲོ་པ་ཀརྨ་རིན་ཆེན་ནས་སྐུལ་བ་ལ་སླར་ཡང་བསྟན་པ་དང་ཆོས་རྒྱུད་ལ་རྒྱུ་མཚན་མཁྱེན་པ་སྒྲུབ་དཔོན་བླ་མ་བཀྲ་ཤིས་ཚེ་རིང་དང་ཞེ་འཇང་རྣམ་དག་སྤྲུལ་སྐུ་ནས་ཚོགས་དང་མར་མེ་སྟོང་མཆོད་བཅས་ནན་ཏན་དུ་བསྐུལ་བ་ལ་དོན་ཡོད་པའི་སླད་དུ། འཁྲུལ་འཁོར་རྩ་ཚིག་སྐྱབས་རྗེ་པདྨ་ཉིན་བྱེད་དང་། འཇང་སྤྲུལ་སྐུ་སྐྱེ་དབང་རྒྱལ་གཉིས་ཀྱི་ཟིན་བྲིས་ཕྱིས་འདིར་དར་རྒྱས་ཆེ་བར་གཞིར་བཟུང་། དམིགས་རིམ་རྣམས་རྗེ་བརྒྱད་པ་དང་དགུ་པའི་གསུང་ལ་ཉམས་ཁྲིད་ཀྱི་རྒྱུན་ཕྲན་བུའི་ནོར་འཁྲུལ་སོགས་འཁྲུགས་པ་སྡེབས་ཤིང་གསལ་ཁ་བཅས་ལག་ལེན་དམིགས་རིམ་སྦྲེལ་བ་ལྟས་ཆོགས་ཏུ་བཀོད་པ་འདི་བཞིན། བསྙེན་བརྒྱུད་

― KMC016_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་གེར་སྤེལ་བར་ཤིན་ཏུ་འཇིགས་ཀྱང་ལྷ་དང་བླ་མར་ནོངས་པ་བཤགས་ཤིང་བྲིས་པ་འདིའང་སྙིང་ནས་ཆོས་འདིར་མོས་ཤིང་ཡི་དམ་གྱི་བསྙེན་སྒྲུབ་ཚད་དུ་འཁྱོལ་བ་ཆོས་དྲུག་གི་ཉམས་ཁྲིད་རྫོགས་པར་ཐོབ་པ་རྣམས་ལས་གཞན་དུ་མི་སྤེལ་བར་གསང་རྒྱས་གདབ་པར་བྱའོ། །ཞེས་རང་གནས་བསམ་གཏན་གྱི་ཁང་བུར། མཁྱེན་སྤྲུལ་པས་ཟིན་བྲིས་གཙོར་གདོན་བྱས་པ་བཀྲ་ཤིས་དཔལ་སྤུངས་སྒྲུབ་བརྒྱུད་བསྟན་པ་རྒྱན་དུ་གྱུར་ཅིག མངྒ་ལཾ་བྷ་ཝནྟུ་དགེའོ།། །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །