ཀཾ་ཚང་མན་ངག་གཅེས་བཏུས།

ཀཾ་ཚང་མན་ངག་གཅེས་བཏུས།

གླེགས་བམ། ཟ༽

ཕྱོགས་བསྒྲིགས་མཛད་པ་པོ། རྫོགས་ཆེན་དཔོན་སློབ་བདུན་པ་ཀརྨ་གསུང་རབ་ངེས་དོན་བསྟན་པའི་རྒྱལ་མཚན།

Nitartha international

Selected Esoteric Instructions of the Karma Kamtsang (25 vols.) Publication supported by Tsadra Foundation

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཀཾ་ཚང་མན་ངག་གཅེས་བཏུས་ལས་ཉེར་མཁོ་སྣ་ཚོགས་སྐོར་གྱི་གླེགས་བམ་ ཟ༽ པའི་དཀར་ཆག

― KMC022_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཾ་ཚང་མན་ངག་གཅེས་བཏུས་ལས་ཉེར་མཁོ་སྣ་ཚོགས་སྐོར་གྱི་གླེགས་བམ་ ཟ༽ པའི་བཞུགས་བྱང་། ༢ 1–4 ཆབ་གཏོར་མདོར་བསྡུས། ༡༢ 5–27 གཏོར་མའི་ཟིན་བྲིས། ༡༢ 29–51 གཏོར་མའི་དེ་ཉིད་བདུད་རྩིའི་དགའ་སྟོན། ༢༥ 53–102 བསུར་མཆོད་འདོན་ཡོན་སྤྲིན་ཕུང༌། ༣ 103–108 ཚོགས་གསོག་གི་རིམ་པ་དང་རྗེས་སུ་འབྲེལ་བའི་སྡོམ་པ་གསུམ་གྱི་གསོ་སྦྱོང་རྒྱས་བསྡུས་ཐར་པའི་ཐེམ་སྐས། ༣༢ 109–172 སྒར་བསང་ཆེན་མོའི་མཆོད་གཏོར་བཤམས་བཀོད་དང་བརྔན་གཏོར་སོགས་ཀྱི་བཅའ་ཐབས་ནོར་བུའི་མེ་ལོང༌། ༥ 173–181 སྒར་ཆེན་འཛམ་གླིང་རྒྱན་གྱི་ཕྱག་བཞེས་རྩ་གསུམ་གཞི་བདག་དང་བཅས་པའི་གསང་བརྔན་ཆེན་མོ་ཡིད་བཞིན་དབང་རྒྱལ་དངོས་གྲུབ་འདོད་རྒུའི་ཆར་འབེབས་སྲིད་ཞིའི་བདེ་ལེགས་ཀུན་འབྱུང༌། ༥༤ 183–290 སྒྲུབ་བརྒྱུད་ཀརྨ་ཀཾ་ཚང་གི་བསྟན་སྲུང་འཁོར་ལྔ་རྗེ་འབྲངས་དང་བཅས་

― KMC022_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བསང་མཆོད་མངའ་གསོལ་གྱི་རིམ་པ་ཕྱོགས་གཅིག་ཏུ་སྤེལ་བ་ནོར་བུ་ཀརྐཻ་ཏའི་སྤྲིན་ཕུང༌། ༡༨ 291–326 དཔལ་ལྡན་ཀརྨ་པའི་གདན་ས་བདེ་མཆོག་ཐུགས་ཀྱི་འཁོར་ལོ་མཚུར་མདོ་བོ་ལུང་གི་ཕྱག་རྒྱུན་ལས་འབྱུང་བའི་མགྲོན་ཐབས་ཀྱི་སྲུང་མ་གདན་ས་གོང་འོག་གཙོ་བོར་གྱུར་པའི་ཡུལ་གཞིའི་བདག་པོ་རྣམས་ཀྱི་བསང་མཆོད་ཕྱོགས་གཅིག་ཏུ་བཀོད་པ་བསམ་འཕེལ་ནོར་བུའི་ཕྲེང་བ། ༤༠ 327–406 མགོན་པོ་ལེགས་ལྡན་གྱི་དགྲ་ཆོས་དགྲ་བླ་བཅུ་གསུམ་གྱི་བསང་མཆོད་རྒྱས་བསྡུས་དང་འདོད་གསོལ་དགྲ་བླ་དཔང་བསྟོད་བཅས་ཕྱོགས་གཅིག་ཏུ་བཀོད་པ་ཕྱོགས་ལས་རྣམ་པར་རྒྱལ་བའི་རུ་མཚོན། ༡༥ 407–436 རྩ་གསུམ་སྲུང་མ་ཡུལ་གཞིའི་བདག་པོ་རྣམས་ཀྱི་རྟེན་གནས་གསས་མཁར་བསྟོད་པ་དང༌། རྡོ་རྗེའི་ཆོས་སྐྱོང་རྣམས་ལ་ཕྱི་རྟེན་རིགས་འབུལ་བའི་ཆོ་ག་དགྱེས་སྐོང་ནོར་བུའི་དྲ་བ་རྣམ་པར་སྤེལ་བའི་སྤྲིན་ཕྲེང༌། ༩ 437–454

― KMC022_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

བསངས་མཆོད་བདུད་རྩིའི་སྤྲིན་ཕུང་བཀྲ་ཤིས་ཆར་འབེབས། ༡༨ 455–490 རྒྱུན་གྱི་བསངས་མཆོད་དགེ་ལེགས་སྤྲིན་ཕུང༌། ༡༢ 491–514 རི་བོ་བསང་མཆོད། ༥ 515–523 གནམ་ཆོས་ཐུགས་ཀྱི་གཏེར་ཁ་བསྙན་བརྒྱུད་ཟབ་མོའི་སྐོར་ལས་རྩ་གསུམ་སྤྱི་ཡི་སྔོན་འགྲོ། ༡ 525–526 གནམ་ཆོས་ཐུགས་ཀྱི་གཏེར་ཁ་བསྙན་བརྒྱུད་ཟབ་མོའི་སྐོར་ལས་བདེ་ཆེན་ཞིང་གི་སྒྲུབ་ཐབས་འདོན་ཆ། ༩ 527–544 ཞིང་སྒྲུབ་ཟིན་བྲིས་ཀྱི་ལྷན་ཐབས་ཉུང་བསྡུས། ༥ 545–553 མཁས་གྲུབ་རཱ་ག་ཨ་སྱས་མཛད་པའི་རྣམ་དག་བདེ་ཆེན་ཞིང་གི་སྨོན་ལམ། ༡༢ 555–577 བཤགས་དང་སྨོན་ལམ་གྱི་དོན་བསྡུས། ༡ 579–580 བདེ་ཆེན་ཞིང་སྒྲུབ་ཀྱི་བཀའ་སྲུང་གསོལ་མཆོད་དཀྲིགས་ཆགས་སུ་བྲིས་པ། ༤ 581–588 ཚོགས་མཆོད་བྱིན་རླབས་ཆར་འབེབས། ༥ 589–598 གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་བདེ་ཆེན་

― KMC022_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་སྒྲུབ་གི་བྱང་ཆོག་ཐར་ལམ་དཀར་པོ། ༡༠ 599–617 བདེ་ཆེན་ཞིང་གི་རོ་སྲེག་ཆོ་ག་ངན་སོང་གནས་འདྲེན་སྡུག་བསྔལ་མཚོ་སྐེམ་གཏན་བདེ་རབ་འབར། ༡༦ 619–650 གནམ་ཆོས་ཐུགས་ཀྱི་གཏེར་ཁ་ལས་བདེ་ཆེན་ཞིང་སྒྲུབ་ཀྱི་ཟིན་བྲིས། ༡༠ 651–670 གནམ་ཆོས་ཐུགས་ཀྱི་གཏེར་ཁ་ལས་བདེ་ཆེན་ཞིང་དུ་འཕོ་བའི་གདམས་པ་རྒྱས་པར་བསྒྲིགས་པ། ༡༦ 671–702 བཅས་བཞུགས་སོ།།

ཆབ་གཏོར་མདོར་བསྡུས།

― KMC022_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཆབ་གཏོར་མདོར་བསྡུས་བཞུགས་སོ།།

― KMC022_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་སྔ་དྲོའི་ཆ་ལ་བྱ་དགོས་པའི་ཆུ་གཏོར་ནི། གསར་རྙིང་རང་ལུགས་རྒྱས་བསྡུས་གང་རུང་བྱ་བ་ལས་ཟུར་དུ་སྨོས་མ་དགོས་ཀྱང་། རྒྱས་འབྲིང་རྣམས་མི་འགྲུབ་པས་བསྡུས་པར་མོས་ན། དེ་ཡང་དོན་བཞི་སྟེ། བདག་བསྒྲུབ་པ། རྫས་བསྒྲུབ་པ། མགྲོན་བསྒྲུབ་པ། མགྲོན་ལ་འབུལ་བའི་རིམ་པའོ། །བདག་བསྒྲུབ་པ་ནི་ཐུགས་རྗེ་ཆེན་པོར་བསྒོམ་པའོ། །རྫས་བསྒྲུབ་པ་ནིི་མངར་གསུམ་དཀར་གསུམ་ལ་སོགས་པ་ཤ་ཆང་སྒོག་གསུམ་མ་འདྲེས་པ་དང་། གཏོར་མའི་རྒྱུ་རྩམ་པ་ལ་སོགས་པ་རིན་པོ་ཆེའི་སྣོད་དམ། གང་ཡང་རུང་བའི་སྣོད་དུ་བཅའ་ཞིང་སྟེགས་ཀྱི་ཁར་བཞག་ནས་གཞུང་བཞིན་བསྒོམ་པའོ། །མགྲོན་བསྒྲུབ་པ་ནི། མཆོད་སྦྱིན་གྱི་ཡུལ་བརྗོད་པའི་སྐབས་སུ། དཀོན་མཆོག་སྲི་

― KMC022_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུའི་མགྲོན་དང་། མགོན་པོ་ཡོན་ཏན་གྱི་མགྲོན། རིགས་དྲུག་སྙིིང་རྗེའི་མགྲོན། ལན་ཆགས་བུ་ལོན་གྱི་མགྲོན་ཏེ། སོ་སོར་མདུན་གྱི་ནམ་མཁའ་དང་ས་གཞིར་བྱོན་པར་བསམ་པ་ཉིད་དོ། བཞི་པ་མགྲོན་ལ་འབུལ་བའི་རིམ་པ་ནི། དཀོན་མཆོག་སྲི་ཞུའི་མགྲོན་རྣམས་སྤྱན་འདྲེན་བཞུགས་གསོལ་གྱི་ཡན་ལག་བདུན་པ་སྔོན་དུ་འགྲོ་བས་འབུལ་བར་བྱ་ཞིང་། གཞན་རྣམས་སོ་སོའི་མཚན་ནས་བརྗོད་པའི་ཚེ། སྐད་ཅིག་གིས་མདུན་དུ་བྱོན་པར་བསམ་པ་ཉིད་དོ། དེ་ནས་ལྟུང་བཤགས་སྔོན་དུ་འགྲོ་བས་སྐྱབས་སེམས་ནི། སངས་རྒྱས་ཆོས་དང་ཚོགས་ཀྱི་སོགས་ལན་གསུམ་དང་། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བཅས་སྔོན་དུ་

― KMC022_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་ནས། ཆོས་རྣམས་ཐམས་ཅད་སྟོང་པར་གྱུར། །སྟོང་པའི་ངང་ལས་སྐད་ཅིག་གིས། །པད་ཟླའི་སྟེང་དུ་རང་ཉིད་ནི། །ཐུགས་རྗེ་ཆེན་པོ་སྐུ་མདོག་དཀར། །ཞལ་གཅིག་ཕྱག་གཉིས་གཡས་པ་ཡིས། །མཆོགསྦྱིན་གཡོནཔས་ཨུཏྤལ་འཛིན། །རྡོ་རྗེ་སྐྱིལ་ཀྲུང་གིས་བཞུགས་པ། །ཡིད་འོང་རྒྱན་དང་ལྡན་པར་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཨོཾ་སྭ་བྷ་ཝས་སྦྱངས། རིན་ཆེན་སྣོད་ཀྱི་ནང་དུ་ནི། །གཏོར་མ་དམ་ཚིག་བདུད་རྩིའི་རྒྱུན། ཨོཾ་ཨཱཿཧཱུྃ། རང་གི་ལག་མཐིལ་ཟླ་བ་དང་། འབྲུ་གསུམ་ཞུ་བའི་བདུད་རྩིའི་རྒྱུན། བབས་པས་ཡེ་ཤེས་བདུད་རྩིར་གྱུར། །ཨོཾ་ཨཱཿཧཱུྃ། ཞེས་བྱིན་གྱིས་བརླབས་ནས་གཏོར་མགྲོན་སྤྱན་འདྲེན་པ་ནི། ཧཱུྃ་བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ནི། །སེམས་ཅན་དོན་ལ་དགོངས་པའི་བླ་མེད་དཀོན་མཆོག་གསུམ། །དངོས་དང་ཡིད་ཀྱིས་བཤམས་ཤིང་མཆོད་པའི་གནས་འདི་རུ། །བཅོམ་ལྡན་

― KMC022_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མ་ཛཿ བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །ཨོཾ་སརྦ་ཏ་ཐཱ་ག་ཏ་པདྨ་ཀ་མ་ལཱ་ཡ་སྟྭཾ། དེང་སང་ཕྱག་བཞེས་ལྟར། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་སྣང་གསལ་དྲི་ཆབ་དང་། །ཞལ་ཟས་རོལ་མོ་ལ་སོགས་པའི། །མཆོད་རྫས་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །ཇི་སྙེད་རྒྱལ་བ་སྲས་དང་བཅས། །དེ་སྙེད་རྣམས་ལ་བདག་འབུལ་ན། །ཐུགས་རྗེ་མངའ་བ་ཁྱེད་རྣམས་ཀྱིས། །ཅི་བདེ་བར་ནི་བཞེས་ནས་ཀྱང་། །

― KMC022_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་དོན་ཀུན་མཛད་དུ་གསོལ། །ཨོཾ་སརྦ་ཏ་ཐཱ་ག་ཏ་ཨརྒྷཾ་པདྱཱཾ་པུཥྤེ་དྷཱུ་པེ་ཨ་ལོ་ཀེ་གནྡྷེ་ནཻ་ཝི་དྱཱ་ཤ་བྡ་པྲ་ཏི་ཙྪ་པུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཕྱིར་བསྔོའོ། །མགྲོན་ཚན་གོང་མ་རྣམས་ཀྱི་ལྗགས་འོད་ཟེར་གྱི་སྦུ་གུས་གཏོར་མ་བདུད་རྩིའི་རྒྱ་མཚོར་གྱུར་པ་ལ་ཟུག་ཏེ་གསོལ་བར་བསམ་པ་དང་། མགྲོན་དམན་པ་རྣམས་སོ་སོར་ཅི་འདོད་པ་བཞིན་སྦྱིན་ཡིན་པས་མགུ་ཞིང་ཚིམ་པར་བསམ་ལ། བླ་མ་ཡི་དམ་སངས་རྒྱས་དང་། །བྱང་ཆུབ་སེམས་དཔའ་ཆོས་སྐྱོང་བཅས། །རང་བྱུང་རྒྱལ་མོ་འཁོར་བཅས་ལ། །བདུད་རྩི་གཏོར་མ་འདི་དག་འབུལ། །ཨོཾ་གུ་རུ་སརྦ་ཏ་ཐཱ་ག་ཏ་མ་ཧཱ་ཀཱ་ལ་རེ་མ་ཏི་ཨརྒྷཾ་སོགས་ནས་ཤབྡ་པྲ་ཏི་ཙྪཔཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན་གྱིས་ཐུན་མོང་དུ་བྱིན་གྱིས་

― KMC022_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབས། བྱིན་རླབས་དངོས་གྲུབ་སྩོལ་བ་དང་། །ཕྲིན་ལས་རྣམ་བཞི་བསྒྲུབ་ཏུ་གསོལ། །ཞེས་པ་དང་པོ་དང་གཉིས་པ་བླ་མ་ཡི་དམ་སོགས་དང་ཆོས་སྐྱོང་ལ་འབུལ། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཆལ་ལོ། དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །ཚངས་སོགས་འཇིག་རྟེན་སྐྱོང་རྣམས་དང་། །བདེན་པ་གྲུབ་པ་མ་ལུས་དང་། །རང་ལ་འགོ་བའི་ལྷ་དང་བདུད། །རིགས་དྲུག་མགྲོན་དང་ཀླུ་རྣམས་དང་། །ཡི་དྭགས་ལན་ཆགས་བུ་ལོན་དང་། །འཇིག་རྟེན་འདིར་གནས་གཞི་ཡི་བདག ཁྱད་པར་གཉུག་མར་གནས་རྣམས་དང་། ཁས་ཞན་དབང་ཆུང་ཐམས་ཅད་ལ། །བདུད་རྩི་གཏོར་མ་སོ་སོར་འབུལ། །ན་མཿསརྦ་ཏ་ཐཱ་སོགས། བདུན་ནམ་ཉེར་གཅིག་གིས་བྱིན་གྱིས་བརླབས། མཉེས་ཤིང་ཚིམ་པར་གྱུར་ནས་ཀྱང་། །

― KMC022_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་སྐྱོང་བས་དངོས་གྲུབ་སྩོལ། །གྲུབ་པ་རྣམས་ཀྱིས་སྨོན་ལམ་མཛོད། །མཉམ་པར་འོང་བས་བར་ཆད་གསོལ། །མཁའ་མཉམ་སེམས་ཅན་སྡུག་བསྔལ་ཞི། །ཀླུ་རྣམས་བྱེ་ཚན་ཆར་སོགས་མེད། །ཡི་དྭགས་བཀྲེས་དང་སྐོམ་པ་སེལ། །བུ་ལོན་ཤ་ཁོན་ཐམས་ཅད་བྱང་། །ཡུལ་ཕྱོགས་བདེ་ལེགས་ཕུན་སུམ་ཚོགས་། །ཁྱད་པར་རྣལ་འབྱོར་མཐུན་རྐྱེན་སྒྲུབས། །རང་རང་སྡུག་བསྔལ་ལས་གྲོལ་ནས། །མྱུར་དུ་སངས་རྒྱས་ཐོབ་པར་ཤོག །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོག་པ་མེད་པར་འབྱུང་བར་ཤོག །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་

― KMC022_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་བསགས་ཏེ། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག ༈ །འབྲུལ་གཏོར་ཆ་ལྔའི་རིམ་པ་ནི། གཏོར་ཐེབ་ལྔའི་དང་པོ་དང་གཉིས་པར་རིལ་བུ་ཉེར་གཅིག་རེ་གཞན་གསུམ་ལ་བདུན་རེ་བླུགས་ཆུས་བཀང་ལ། ཨོཾ་བཛྲ་ཨ་མྲྀ་ཏས་བསངས། སྭ་བྷ་ཝས་སྦྱངས། རང་བཞིན་སྟོང་པའི་ངང་ཉིད་ལས། །པད་སྣོད་ལ་སོགས་སོ་སོའི་ནང་། །དང་པོ་རང་ལུས་སྟོད་ཀྱི་ཆ། །འཕར་ནས་ལྷུང་བའི་བདུད་རྩི་དང་། །གཉིས་པ་རང་ལུས་བར་གྱི་ཆ། །འཕར་ནས་ལྷུང་བའི་དཀར་གསུམ་སོགས། །དེ་རྗེས་རང་ལུས་སྨད་ཀྱི་ཆ། འཕར་ནས་ལྷུང་བ་ལས་བྱུང་བའི། །སོ་སོའི་ཡིད་

― KMC022_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་ལོངས་སྤྱོད་གྱུར། ཨོཾ་ཨཱཿཧཱུྃ། མདུན་གྱི་ནམ་མཁའ་སྟེང་གི་ཆ། བླ་མ་ཡི་དམ་ལོངས་སྐུའི་ཚོགས། དེ་འོག་སྤྲུལ་སྐུ་སྲས་དང་བཅས། ས་གཞིར་གདོནབགེགས་ཐམས་ཅད་དང་། ཀླུ་རྒྱལ་ཕྱག་བཞི་འཛུམམདངས་ཅན། །ཐལ་སྦྱར་སྙེ་མ་ཞགས་པ་འཛིན། །ཆུ་བདག་འཁོར་དང་བཅས་རྣམས་དང་། །དབང་མེད་བར་དོའི་སེམས་ཅན་རྣམས། །བུ་ཡུག་འཚུབ་པ་ལྟ་བུར་གྱུར། །ན་མཿསརྦ་ཏ་ཐཱ་ག་ཏ་ཛྙཱ་ན་ཨ་ཝ་ལོ་ཀི་ཏེ་ཨོོཾ་སམྦྷ་ར་སམྦྷ་ར་ཧཱུྂ། ཨོཾ་མ་ཎི་པདྨེ་ཧཱུྂ། ཐུན་མོང་དུ་སྔགས་སེ་གོལ་སྦྲགས་པ་ལན་བདུན་གྱིས་འབུལ། ཨརྒྷཾ་སོགས་ནས་ཤབྡ་པྲ་ཏིཙྪ་སྭཱ་ཧཱ། ཅེས་མཆོད། དེ་ལྟར་ཕུལ་བའི་དགེ་བ་འདིས། །བླ་མའི་དམ་ཚིག་ཆགས་ཉམས་དང་། །མཆོད་འོས་ཆོས་སྤང་དཀོར་གླུད་ཟོས། །སྡིག་སྒྲིབ་ཉེས་ལྟུང་དག་པར་ཤོག །གདོན་བགེགས་རྣམས་ཀྱི་ལན་ཆགས་འཁོར། །གནོད་སེམས་ཞི་ནས་སངས་རྒྱས་ཤོག །སྤྱན་རས་གཟིགས་སྔར་ཁས་བླངས་བཞིན། །ཀླུ་རྒྱལ་

― KMC022_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་བསྟན་པ་སྲུངས། །བར་དོའི་འཁྲུལ་སྣང་འཇིགས་སྐྲག་ཞི། །དག་པའི་ཞིང་དུ་སྐྱེ་བར་ཤོག །ཅེས་སོ། ༈ །འབྱུང་བཞི་གཏོར་མ་ནི། གཏོར་སྣོད་རྣམས་སུ་རླུང་མེ་ཆུ་སའི་དབྱིབས་ཀྱི་གཏོར་མ་ཟླ་གམ་གྲུ་གསུམ་ཟླུམ་པོ་གྲུ་བཞིའི་བྲན་དང་གླུད་ཆངས་བུ་བཅས་པ་ལ་ཆུས་བྲན། ཨ་མྲྀ་ཏས་བསངས། སྭ་བྷ་ཝས་སྦྱངས། སྟོང་ལས་རིན་ཆེན་སྣོད་ཀྱི་ནང་། །འབྲུ་གསུམ་ལས་བྱུང་གཏོར་མ་ནི། །འབྱུང་བཞིའི་རྣམ་པ་བདུད་རྩི་དངོས། །བྱེད་ལས་ཟག་མེད་བདེ་བསྐྱེད་གྱུར། །ཨོཾ་ཨཱཿཧཱུྃ། རང་ཉིད་དམ་པ་སངས་རྒྱས་སྐུ། །སྨུག་ནག་སེང་ལྡེང་ཌཱ་རུ་འཁྲོལ། །དངུལ་དཀར་དྲིལ་བུ་དཀུར་བརྟེན་ཞིང་། །རྟེན་འབྲེལ་གལ་ཏ་ཕྲག་ལ་གཟར། །མདོ་རྒྱུད་བསྟན་བཅོས་དགོངས་པ་རྟོགས། །ཨཱ་ལི་ཀཱ་ལི་སྒྲ་སྒྲོགས་གྱུར། ཡཾ་ཨི་ཨཱི་ཙ་ཚ་ཛ་ཛྙ་ཉ། རཾ་རྀ་རཱྀ་ཊ་ཋ་ཌ་ཌྷ་ཎ། བཾ་ཨུ་ཨཱུ་པ་ཕ་བ་བྷ་མ། ལཾ་ལྀ་ལཱྀ་ཏ་ཐ་ད་དྷ་ན། ཞེས་འབུལ་ཞིང་། ཨརྒྷཾ་སོགས། སྲ་ཤེར་དྲོ་དང་གཡོབའི་ལྷ་རྫས་འདི་དག་རྣམས། །བླ་མ་རྡོར་སེམས་

― KMC022_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་འབྱུང་སྣང་མཐའ་འདོན་གྲུབ་སོགས། །ཤར་ལྷོ་ནུབ་བྱང་རིགས་བཞིའི་ལྷ་ཚོགས་རྣམས་ལ་འབུལ། ཉོན་མོངས་རྒྱུ་དང་འབྲས་བུ་ནད་གདོན་སྣང་བ་རྣམས། །ཐམས་ཅད་སྲུངས་ཤིག་ཟློག་ཅིག་བསྒྱུར་བར་མཛད་དུ་གསོལ། །སྣང་བ་སྣ་ཚོགས་རྟེན་ཅིང་འབྲེལ་འབྱུང་དུ་རྟོགས་ནས། །འགྲོ་དོན་ཕྱོགས་མེད་རྟེན་འབྲེལ་སྒོ་ནས་འགྲུབ་པར་ཤོག །གླུད་ནི། སམྦྷ་རའི་སྔགས་དང་། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །སོགས་དེ་བཞིན་གཤེགས་པ་བཞིའི་མཚན་བརྗོད་པས་བསྔོས་ལ། ཤ་སོགས་ཐོགས་བཅས་ལུས་ཀྱི་གླུད། །ས་སོགས་ཐོགས་བཅས་ཁམས་ལ་གཏོང་། །སེམས་ཉིད་གླུད་འདི་མཁའ་ལ་གཏོང་། །ཐོགས་བཅས་ཐོགས་མེད་ལྷ་འདྲེ་རྣམས། །གླུད་དང་ཆངས་བུ་འདི་ཁྱེར་ལ། །སུ་ལ་གནོད་པ་མ་བྱེད་ཅིག །གཞན་གྱི་བྱད་ཀ་ཕུར་ཀ་སོགས། །གནོད་པ་ཐམས་ཅད་བཟློག་ཏུ་གསོལ། །བགེགས་རིགས་སྟོང་ཕྲག་བརྒྱད་ཅུ་བཞི་བ་དང་། །མི་མཐུན་

― KMC022_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པའི་རྐྱེན་དང་བྲལ་བ་དང་། །མཐུན་པར་འགྲུབ་ཅིང་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །འདིར་ཕྱག་བཞེས་སུ་ལན་ཆགས་གཏོར་མ་སྦྱར་བར་སྣང་། ༈ །དམ་པ་སངས་རྒྱས་ཀྱིས་མཛད་པའི་ལན་ཆགས་གཏོར་མ་ནི། ཨ་མྲྀ་ཏས་བསངས། སྭ་བྷ་ཝས་སྦྱངས། སྟོང་པའི་ངང་ལས་བྷྲཱུྃ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་པ་རྣམས་ཀྱི་ནང་དུ་གླུད་གཏོར་འདོད་དགུ་འབྱུང་བ་ཕུན་སུམ་ཚོགས་པ་དང་ལྡན་པར་གྱུར། ཨོཾ་ཨཱ་ག་བྷི་ག་ཧཱུྃ་པྲ་ཐཱ་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས་མཛོད་སྔགས་དང་རྒྱས་བརླབ། སམྦྷ་རས་བསྔོས། བཅོམ་ལྡན་འདས་དེ་བཞིན་གཤེགས་པ་རིན་ཆེན་མང་ལ་སོགས། མཆོད་སྦྱིན་གྱི་གཏོར་མ་གཟུགས་གླུད་འདོད་པའི་ཡོན་ཏན་ལྔ་དང་ལྡན་པ་འདི་ཉིད་ཚེ་རབས་འཁོར་བ་ཐོག་མ་མེད་པ་ནས་ད་ལྟའི་བར་དུ་བུ་ལོན་ལན་ཆགས་ཀྱི་མགྲོན་དུ་གྱུར་པ་ཐམས་ཅད་ལ་སྦྱིན་ནོ། །མཐོ་བ་མཁར་གྱི་ལན་ཆགས་པ། །དམའ་བ་ཞིང་གི་

― KMC022_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

ལན་༴ ཕ་མ་བུ་ཚའི་ལན༴ གཉེན་ཉེ་རིང་གི་ལན༴ གྲོགས་མཛའ་བའི་ལན༴ བསད་པ་སྲོག་གི་ལན༴ བརྡུང་བ་ན་བའི་ལན༴ རྐུས་པ་ནོར་གྱི་ལན༴ ཁལ་བཀལ་བའི་ལན༴ རྨོ་རྨོ་བའི་ལན༴ ཞོ་བཞོས་པའི་ལན༴ སྤུ་བྲེག་པ་ལ་སོགས་པའི་ལན་ཆགས་པ་ཐམས་ཅད་བྱང་ཞིང་དག་པར་མཛད་དུ་གསོལ། ན་མོ་བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོག་པ་མེད་པ་འབྱུང་བར་ཤོག །ཆོས་རྣམས་ཐམས་ཅད་རྒྱུ་ལས་འབྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་

― KMC022_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་བསགས་ཏེ། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །བར་གོང་བཞིན་བརྗོད། ༈ །ཆུ་གཏོར་གྱི་རིམ་པ་ནི། ༈ ཛམ་དཀར་ལ། ཨོཾ་སྭ་བྷ་ཝ་སོགས། རིན་ཆེན་ལྔ་ལས་གྲུབ་པ་ཡི། །གཞལ་མེད་ཁང་པའི་དབུས་སུ་ནི། །ཛམ་ལ་སྐུ་མདོག་དཀར་པོ་སྟེ། །ཞལ་གཅིག་ཕྱག་གཉིས་གཡས་བེ་ཅོན། །ཕྱག་གཡོན་ནེའུ་ལེ་བསྣམས་པ་སྟེ། །གྲུ་མོར་ཁ་ཊྭཱྃ་ག་ལྡན་པ། །དབུ་སྐྲ་དཀར་སེར་གྱེན་དུ་བརྗེས། །སྤྱན་གསུམ་ཞལ་གདངས་རིན་ཆེན་གྱི། །རྒྱན་ལྡན་འབྲུག་ལ་ཆིབས་པའོ། །ཤར་དུ་རྡོ་རྗེ་ཌཱ་ཀི་མ། །མཐིང་ནག་གཡས་ན་རྡོ་རྗེ་དང་། །གཡོན་པས་རྟེན་འབྲེལ་ནོར་རྫས་འཛིན། །ལྷོ་རུ་རིན་ཆེན་ཌཱ་ཀི་མ། །སེར་མོ་གཡས་ན་ནོར་བུ་དང་། །གཡོན་པས་རིན་ཆེན་བུམ་པ་

― KMC022_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན། །ནུབ་ཏུ་པདྨ་ཌཱ་ཀི་མ། །དམར་མོ་གཡས་ན་པདྨ་དང་། །གཡོན་པས་འགུགས་བྱེད་ལྕགས་ཀྱུ་འཛིན། །བྱང་དུ་ལས་ཀྱི་ཌཱ་ཀི་མ། །ལྗང་གུ་རྡོ་རྗེ་རྒྱ་གྲམ་གཡས། །གཡོན་པས་ནེའུ་ལེའི་རྐྱལ་པ་འཛིན། །ཀུན་ཀྱང་རིན་ཆེན་རྒྱན་ལྡན་ཞིང་། །ཕྱེད་བསྐུམ་ཚུལ་གྱིས་བཞུགས་པར་གྱུར། །རང་ཉིད་སྤྱན་རས་བཟིགས་གྱུར་པའི། །ཕྱག་གི་བུམ་པའི་ཆུ་བླུག་གྱུར། །ཨོཾ་པདྨ་ཀྲོ་དྷ་ཨཱརྱ་ཛམྦྷ་ལ་ཧྲི་ད་ཡ་ཧཱུྃ་ཕཊ། །བརྒྱ་རྩ་བརྗོད། །དེ་ནས་གཏོར་མ་དཀར་གསུམ་ཅི་འབྱོར་བཤམས་ནས། ཨོཾ་ཨཱཿཧཱུྃ། བདུད་རྩིའི་རྒྱ་མཚོ་ཆེན་པོར་གྱུར། །ཨོཾ་པདྨ་ཀྲོ་དྷ་སོགས་ཀྱི་མཐར། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨརྒྷཾ་སོགས་ཀྱིས་མཆོད། འགྲོ་བ་དབུལ་བའི་སྡུག་བསྔལ་གཟིགས་གྱུར་ནས། །འཇིག་རྟེན་མགོན་པོའི་སྤྱན་ཆབ་ལས་འཁྲུངས་པའི། །གངས་རི་ལྟར་དཀར་ནོར་འཆང་ཀུན་གྱི་རྗེ། །མཁའ་འགྲོ་བཞི་ཡིས་བསྐོར་ལ་ཕྱག་འཚལ་ལོ། །སེར་སྣའི་ལས་ཀྱི་མེ་ཡིས་གདུང་བ་བདག །སྐྱེ་དང་སྐྱེ་བར་

― KMC022_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེད་ལ་གསོལ་འདེབས་ཀྱི། །རིན་ཆེན་བདུད་རྩའི་གཏེར་གྱི་ཆུ་རྒྱུན་གྱིས། །སེམས་ཅན་དབུལ་བའི་སྡུག་བསྔལ་ཞི་བར་མཛོད། །ལྷ་ལྔ་རང་གི་ཐུགས་ཀར་ཐིམ། །ལོངས་སྤྱོད་སྤྲིན་བཞིན་འདུས་པར་གྱུར། །ཛཾ་སིདྡྷི་ཕ་ལ་ཨ་ལ་ལ་ཧོཿ ཆུ་མྱོང་བ་དང་། །ཕྱོགས་བཞིར་གཏོར། ཨོཾ་བཛྲ་ས་ཏྭ་ས་མ་ཡ་སོགས་ཡིག་བརྒྱ་མརྗོད། མ་འབྱོར་བ་དང་ཉམས་པ་དང་། །གང་ཡང་བདག་བློ་རྨོངས་པ་ཡིས། །བགྱིས་པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་མཛོད། ༈ །ཛཾ་སེར་ནག་གི་ཆུ་གཏོར་བསྡུས་པ་ནི། རང་ཉིད་ཐུགས་རྗེ་ཆེན་པོ་ནི། །ཞལ་གཅིག་ཕྱག་གཉིས་རྣམས་པར་གྱུར། །མདུན་དུ་རིན་ཆེན་སྣོད་ཟུང་དུ། །པད་ཟླ་པད་ཉིའི་དཀྱིལ་འཁོར་དུ། །ཛཾ་ལས་ཛམྦྷ་ལ་སེར་པོ། །རྒྱན་ལྡན་འབྲས་བུ་ནེའུ་ལེ་འཛིན། །སྐྱིལ་ཀྲུང་དུང་དང་གཏེར་བདག་མནན། །ཧཱུྃ་ལས་ཛམྦྷ་ལ་ནག་པོ། །ཀླུས་བརྒྱན་ཐོད་ཁྲག་ནེའུ་ལེའཛི། གཡོན་བརྐྱང་ནོར་བདག་སེར་པོ་མནན། །

― KMC022_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་གསུམ་ཨོཾ་ཨཱཿཧཱུྃ་འོད་ཀྱིས། །ཡེ་ཤེས་སྤྱན་དྲངས་གཉིས་མེད་ཅིང་། །དབང་ལྷས་དབང་བསྐུར་ཆུ་ཡི་ལྷག །སོ་སོར་ལུད་པས་རིན་འབྱུང་དང་། །མི་བསྐྱོད་པ་ཡིས་དབུ་བརྒྱན་གྱུར། །ཨརྒྷཾ་སོགས། ལག་མཐིལ་ཟླ་སྟེང་ས་བོན་ལྔ། །ས་བོན་ནི་བྷྲཱུྃ་ཨཱྃ་ཛྲཱིཾ་ཁཱྃ་ཧཱུྃ་བཅས་མཆན། ཡོངས་གྱུར་དེ་བཞིན་གཤེགས་པ་ལྔ། །ཞུ་བའི་ཡེ་ཤེས་བདུད་རྩིར་གྱུར། །ཆུ་རྒྱུན་དབུལ་ཞིང་། ཨོཾ་ཛམྦྷ་ལ་ཛ་ལེནྡྲ་ཡེ་སྭཱ་ཧཱ། ཞེས་དང་། ཨོཾ་ཨིནྡྲ་ནི་མུ་ཁ་བྷྲ་མ་ནི་སྭཱ་ཧཱ། ཨོཾ་ཛམླུཾ་སྭཱ་ཧཱ། གང་ནུས་བརྗོད། ཨརྒྷཾ་སོགས། ནོར་གྱི་དབང་ཕྱུག་རིན་ཆེན་གཏེར་མངའ་ཞིང་། །གནོད་སྦྱིན་རྗེ་བོ་མགོན་པོ་ཛམྦྷ་ལ། །གཅིག་ནི་གསེར་མདོག་ཅིག་ཤོས་ནམ་མཁའ་འདྲ། །ཕྱག་འཚལ་མཆོད་འབུལ་འབྲས་བུ་མཆིས་པར་མཛོད། །སེར་སྣའི་ལས་ཀྱི་མེ་ཡིས་གདུངས་པ་རྣམས། །སྐྱེ་དང་སྐྱེ་བར་ཁྱེད་ལ་སྐྱབས་སུ་མཆི། །རིན་ཆེན་བདུད་རྩིའི་གཏེར་གྱི་ཆར་རྒྱུན་གྱིས། །སེམས་ཅན་དབུལ་བའི་མསྡུག་བསྔལ་ཞི་བར་མཛོད། །ཛཾ་

― KMC022_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

སིདྡྷི་ཕ་ལ་ཨ་ལ་ལ་ཧོཿ ཅེས་སོ། །རང་ཉིད་ཐུགས་རྗེ་ཆེན་པོ་ནི། །ཞལ་གཅིག་ཕྱག་གཉིས་རྣམ་པར་གྱུར། །རང་གི་ཕྱག་ནས་བདུད་རྩིའི་རྒྱུན། །བབས་པས་ཡི་དྭགས་ཀུན་ཚིམ་གྱུར། །ཨོཾ་མ་ཎི་པདྨེ་ཧཱུྃ། ཨོཾ་ཨཱཿཧྲིཿཧཱུྃ། ཆུ་སྤྱིན་ཞིང་སེ་གོལ་དང་བཅས་ནས། ཨོཾ་ཛ་ལ་མི་དཾ་སརྦ་པྲེ་ཏེ་བྷྱཿསྭཱ་ཧཱ། འཕགས་པ་སྤྱན་རས་གཟིགས་དབང་གི །ཕྱག་ནས་བབ་པའི་འོ་རྒྱུན་གྱིས། །ཡི་དྭགས་རྣམས་ནི་ཚིམ་བྱེད་ཅིང་། །ཁྲུས་བྱས་རྟག་ཏུ་བསིལ་བར་ཤོག །བཅོམ་ལྡན་འདས་མགོན་པོ་མི་འཁྲུགས་པ་ལ་ཕྱག་འཚལ་ལོ། །ན་མོ་རཏྣ་ཏྲཱ་ཡཱ་ཡ། ཨོཾ་ཀཾ་ཀ་ནི་ཀཾ་ཀ་ནི། རོ་ཙ་ནི་རོ་ཙ་ནི། །ཏྲོ་ཊ་ནི་ཏྲོ་ཊ་ནི། །ཏྲཱ་ས་ནི་ཏྲཱ་ས་ནི། པྲ་ཏི་ཧ་ན་པྲ་ཏི་ཧ་ན། སརྦ་ཀརྨ་པཱ་རཾ་པཱ་ར་ནི་མེ་སརྦ་ས་ཏྭ་ནཉྩ་སྭཱ་ཧཱ། བར་དོའི་སེམས་ཅན་ཀུན་ཚིམ་ནས། །བཀྲེས་སྐོམ་འཇིགས་སྐྲག་ཞི་གྱུར་ཅིག །དེ་ལྟར་ཆུ་ཡི་སྦྱིན་པ་འདིས། །ཀླུ་རྒྱ་དགའ་བོ་ལ་སོགས་པ། །ཆུ་ཀླུང་བདག་པོ་མ་ལུས་པའི། །སྦྱིན་པ་

― KMC022_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པར་འགྱུར་བར་ཤོག །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པར། །ཐོགས་པ་མེད་པར་འབྱུང་བར་ཤོག །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་པ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །དགེ་པ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་བསགས་ཏེ། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །སོགས་ཀྱི་མཐར། མ་འབྱོར་

― KMC022_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་སོགས། རྫོགས་སངས་རྒྱས་དང་ལྷ་རྣམས་དང་། །དེ་སྲས་རྣམས་དག་ཚངས་ལ་སོགས། །འཇིག་རྟེན་སྐྱོང་བའི་གཏོར་མགྲོན་རྣམས། །མ་ཚང་བ་དག་བཟོད་པར་གསོལ། །ཨོཾ་བཛྲ་ས་ཏྭ་ས་མ་ཡ་མ་ནུ་སོགས་ཡིག་བརྒྱས་ལྷག་ཆད་བསྐང་། ཨོཾ་ཁྱེད་ཀྱི་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཞིང་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཞེས་པས་ཡེ་ཤེས་པ་དང་། མཆོད་སྦྱིན་གནས་འདིར་གང་ལྷག་པའི། །འབྱུང་པོ་ས་འོག་རྒྱུ་བ་དང་། །གང་ཡང་ས་སྟེང་འཁོད་པ་དང་། །ས་བླར་རྒྱུ་བ་གང་ཡིན་པ། །མགུ་བར་གྱིས་ལ་རང་གནས་སུ། །ཐམས་ཅད་ཐ་དད་འགྲོ་བར་གྱིས། སརྦ་བྷཱུ་ཏ་གཙྪ། ཞེས་བརྗོད་ནས་འཇིག་རྟེན་པ་རྣམས་གཤེགས་སུ་གསོལ། བཀྲ་ཤིས་ནི། སྟོན་མཆོག་དམ་པ་ལྷ་མིའི་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་

― KMC022_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཞི་བ་ཆགས་བྲལ་ལྷ་མིས་མཆོད་འོས་པ། །ཆོས་ལ་ཕྱག༴ སེམས་ཅན་གང་དག༴ དེ་དག་ཐམས་ཅད༴ ཚོགས་ཀྱི་དམ་པ་ལྷ་མིས་མཆོད་འོས་པ། །དགེ་འདུན་ཕྱག༴ སེམས་ཅན་གང་དག༴ དེ་དག་ཐམས་ཅད༴ ཉིན་མོ་བདེ་ལེགས་མཚན་བདེ་ལེགས། །ཉིན་མོའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱི་བཀྲ་ཤིས་ཤོག །སྨོན་ལམ་ནི། རྗེ་བཅུ་པ་ཆོས་དབྱིངས་རྡོ་རྗེས་དྲུང་ཀུན་དགའ་རྣམ་རྒྱལ་ལ་གནང་བའི་སྨོན་ལམ་ནི། བྱང་ཆུབ་སེམས་ནི་རྟག་ཏུ་བདེ་བའི་རྒྱུ། །སངས་རྒྱས་ཀུན་གྱིས་བསྟོད་ཅིང་བསྔགས་པ་ཡི། །ཞི་བའི་ཆོས་ཀྱི་སྒྲ་ནི་གྲགས་པ་ན། །བདེན་པ་དེ་ཡིས་སྐྱེ་དགུ་བདེ་ལེགས་ཤོག །འབྱུང་པོ་གང་དག་མཚན་མོར་རྒྱུ་བ་དང་། །ལྷ་ཀླུ་གནོད་སྦྱིན་སྲིན་པོ་མིའམ་ཅི། །གཡོག་འཁོར་ཡི་དྭགས་དེ་དག་ཐམས་ཅད་ཀྱང་། །ཞི་བའི་ཆོས་ཀྱི་སྒྲ་ནི་གྲགས་པ་ན། །སྐྱེ་དགུ་

― KMC022_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་བྱམས་པའི་སེམས་ལྡན་ཤོག །རྟ་ཕྱུགས་ར་ལུག་མི་ཡིས་བདག་བཟུང་བ། །རི་དྭགས་ཕྲ་མོ་རི་ལ་གནས་པ་རྣམས། །ཞི་བའི་ཆོས་ཀྱི་སྒྲ་ནི་གྲགས་པ་ན། །གཅན་གཟན་འཇིགས་པ་ཀུན་ལས་གྲོལ་བར་ཤོག །ཚོགས་མཆོག་དགེ་འདུན་སྐྱེ་དགུའི་བསོད་ནམས་ཞིང་། །ཞི་བའི་ཆོས་ཀྱི་སྒྲ་ནི་སྒྲོགས་པ་ན། །སྐུ་ལ་བསྙུན་མེད་ཆོས་ཟབ་གནས་ལུགས་མཐོང་། །སྤྱན་རས་གཟིགས་བཞིན་འགྲོ་བའི་དོན་བྱེད་ཤོག། །།གཞན་ཡང་བཟང་སྤྱོད་སྨོན་ལམ་སོགས་ཀྱིས་མཐའ་རྒྱན་པར་བྱའོ། །བཀྲིས།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གཏོར་མའི་ཟིན་བྲིས།

― KMC022_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མའི་ཟིན་བྲིས་དབུ་ཕྱོགས་ལེགས་པོར་བཞུགས་སོ། །

― KMC022_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་དྷརྨ་ཀ་ར་ཡེ། འདིར་ཆབ་གཏོར་གྱི་རིམ་པར་བརྒྱ་རྩ། འབྲུག་གཏོར་འབྱུང་བཞི། ཛམ་གཏོར། །ཡི་དྭགས་ཆུ་སྦྱིན་རྣམས་ཀྱི་སྐབས་སུ། །ཕྱག་ལེན་སོགས་ཇི་སྙེད་ཀྱི་ཞལ་ཁྲིད་གནང་བ་ལས་རང་གི་བློའི་ཇི་ལྟར་དཔག་པའི་ཚུལ་གྱི་གསུང་རྒྱུན་བྱ་སྟེ། དེང་སང་སྔ་དྲོའི་ཆ་ལ་རྒྱུད་སྡེ་འོག་མ་དང་མཐུན་པའི་མཆོད་རྫས་གཙང་མ་དཀར་གསུམ་སོགས་ཤ་ཆང་རྒོག་གཙོང་མ་འདྲེས་པ་ཆུ་གཙང་མ་དང་སྦྱར་བར་གསུང་པས་འབྲས་ཆེན་དང་འབོད་འདིར་ཟས་གཙང་མའི་གང་བུའམ་ཐ་ན་ཡོས་

― KMC022_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུས་ཀྱང་རུང་ཞིང་སྣོད་ནི་རབ་གསེར་དངུལ་འབྲིང་ཟངས་ཐ་མ་རྫ་མ་དང་ཤིང་ལ་བྱ་སྟེ། ལྕགས་དང་ཐོད་ཕོར་མཁར་བ་ལ་ནི་སོགས་མ་ཡིན་པར་བཤམས་པར་གསུང་། དེང་སང་མགྲོན་ང་རྒྱལ་ཆེ་བ་རྣམས་ཀྱི་སྣོད་ལ་མི་མགུ་ཞིང་མགྲོན་ཉམས་ཆུང་བ་རྣམས་ཀྱི་ལྕགས་སྣོད་སོགས་མཚོན་ཆར་གྱུར་པར་མཐོང་ནས་འཇིགས་སྐྲག་སྐྱེས་པ་སོགས་ཉེས་པ་མང་དུ་འབྱུང་བར་འགྱུར་རོ། །བཤམས་མ་ཐག་ཏུ་འདོན་དགོས་ཏེ། །ཡི་དྭགས་སོགས་འགའ་ཞིག་བསྒུགས་ཡུན་རིང་བས་ཡིད་ཆད་པར་

― KMC022_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་རོ། །འདོན་ཚར་མ་ཐག་ནས་བསྡུ་དགོས་ཏེ་ལྷག་མ་ལ་དབང་བ་རྣམས་ཡིད་ཆད་པར་འགྱུར་རོ། །སྣོད་ཀྱི་རྣམ་གྲངས་ཀྱང་མགྲོན་རིགས་སོ་སོར་འབྱོར་ན་ལེགས། དེ་ལྟར་མིན་ཀྱང་བརྒྱ་རྩའི་སྐབས་སུ་སྡུ་ན་ཡང་ཐེབ་གསུམ་ངེས་པར་བགོད་དགོས་ཏེ། དང་པོར་དཀོན་མཆོག་གསུམ་དང་། གཉིས་པ་དཔལ་མགོན་བདུན་བཅུ་རིག་འཛིན་དྲང་སྲོང་རང་ལས་འགོ་བའི་ལྷ་སོགས། གསུམ་པ་མགྲོན་གཞན་རྣམས་སོ། །དེང་སང་ཚངས་དབང་སོགས་མགྲོན་ང་རྒྱལ་ཆེ་རྣམས་མང་ལ་སྣོད་གཅིག་པར་གྱུར་ན་ཕྲག་དོག་གི་སྐྱོན། ཉམས་ཆུང་བ་ཁ་ཅིག་དེ་དག་དང་ལྷན་ཅིག་པར་ལོངས་སྤྱོད་མི་ནུས་པའི་ཕྱིར་རོ། །དེ་ནས་སྐྱབས་སེམས་སྔོན་དུ་སོང་ཞིང་། དངོས་གཞིའི་ཏིང་ངེ་འཛིན་ནི། བདག་སྒྲུབ་པ། རྫས་སྒྲུབ་པ། མགྲོན་ སྒྲུབ་པ། གསུམ་གྱི་དང་པོ་ནི། རང་ཉིད་ཐུགས་རྗེ་ཆེན་པོར་བསྒོམ་དགོས་པའོ། །གཉིས་པ་རྫས་སྒྲུབ་པ་ནི། ཨོཾ་བཛྲ་ཨ་མྲྀ་ཏས་བགེགས་བསྐྲད། རིན་པོ་ཆེའི་སྣོད་ཡངས་ཤིང་རྒྱ་ཆེ་ལ་གྲངས་

― KMC022_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

མང་རྣམས་ཀྱི་ནང་དུ་བཤམས་པའི་གཏོར་མ་དེ་ཉིད་དམ་ཚིག་གི་བདུད་རྩིར་གྱུར། རང་སྤྱན་རས་གཟིགས་སུ་གསལ་བའི་ལག་པའི་མཐིལ་དུ་ཟླ་བའི་དཀྱིལ་འཁོར་སྟེང་དུ་འབྲུ་གསུམ་བརྩེགས་ལ་འོད་དུ་ཞུ་བ་ལས་ཡེ་ཤེས་ཀྱི་བདུད་རྩིར་གྱུར། ཞེས་མཚམས་སུ། ཨོཾ་ཨཱཿཧཱུྃ། ལན་གསུམ་རེ་བརྗོད་དེ་ནི་རྫས་བསྒྲུབ་པའོ། །གསུམ་པ་མགྲོན་བསྒྲུབ་པ་ནི། བཞེངས་ཤིག་བཞེངས་སོགས་ཀྱིས་སྤྱན་འདྲེན་དང་། སྟོང་གསུམ་ཀུན་དང་སོགས་ཀྱི་གདན་འབུལ། དེ་ཡང་མདུན་གྱི་ནམ་མཁར་སྟེང་གི་ཆར་བཀའ་བརྒྱུད་ཀྱི་བླ་མ། ཡིད་དམ་ལྷ་ཚོགས་སངས་རྒྱས་བྱང་སེམས་དེ་འོག་བེར་ཅན་ཕྱག་བཞི་ཕྱག་དྲུག་གུར་མགོན་ཞིང་སྐྱོང་སོགས་ཆོས་སྐྱོངས་སྲུང་མ། དེ་འོག་ཕྱོགས་སྐྱོང་བཅུ་ལྷ་ཆེན་བརྒྱད། རྒྱུ་སྐར་ཉེར་བརྒྱད་སོགས་དཔལ་མགོན་བདུན་བཅུ། དེ་འོག་ཏུ་བདེན་པ་གྲུབ་པ་རྣམས་དང་། ས་གཞིའི་སྟེང་དུ་དམན་པའི་མགྲོན་རྣམས་འགོད་པར་བསམ་པ་ནི་མགྲོན་བསྒྲུབ་པའོ། །སྤྱིར་མགྲོན་

― KMC022_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཚུར་སྤྱན་འདྲེན་པའི་ལུགས་དང་མཆོད་རྫས་ཕར་བཏང་བའི་ལུགས་གཉིས་ཡོད་པ་ལས། འདི་ནི་ཚུར་སྤྱན་འདྲེན་པའི་ལུགས་སོ། །སྤྱན་འདྲེན་པའི་བླ་མ་ཡི་དམ་སངས་རྒྱས་བྱང་སེམས་ཆོས་སྐྱོང་རྣམས་ལ་རྒྱས་པར་ན་རབ་འབྱམས་མ་སོགས་ཀྱི་མཆོད་ཡོན་ཡན་ལག་བརྒྱད་པ་རྒྱས་བསྡུས་གང་རུང་ཞིག་ཕུལ། དེ་ནས་གཏོར་མ་བདུད་རྩིའི་རྒྱ་མཚོ་དེ་རྣམས་ལ་བླ་མ་ཡི་དམ་སངས་རྒྱས་བྱང་སེམས་ཀྱི་ལྗགས་འོད་ཟེར་སྦུ་གུ་ཟུགས་ཏེ། གསོལ་བར་བསམ། གུ་རུ་སརྦ་ཏ་ཐཱ་ག་ཏ་ཨརྒྷཾ་སོགས་ཉེར་སྤྱོད་ལྔས་མཆོད། གཟི་བརྗིད་ཚད་མེད་ཀྱི་སྔགས་ནི་ན་མཿསརྦ་སོགས་ཉེར་གཅིག་བརྗོད། མཉེས་ཤིང་ཚིམ་ནས་སོགས་འདོད་དོན་གསལ་བ་གདབ། གཉིས་པ་ཆོས་སྐྱོང་ལ། སྐུ་གསུང་ཐུགས་དང་ཡོན་ཏན་འཕྲིན་ལས་ཀྱི་མགོན་པོ་སྟེ། ཡེ་ཤེས་དང་འཇིག་རྟེན་གྱི་སྲུང་མ་རྣམས་ཀྱི་ལྗགས་འོད་ཟེར་གྱི་སྦུ་གུ་ཟུགས་ཏེ་གསོལ་བར་བསམ་ཞིང་། ཆུ་གཉིས་ཉེར་མཆོད་ཀྱིས་མཆོད། ན་མཿསརྦ་སོགས་བཅུ་

― KMC022_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་བརྗོད་ཕྲིན་ལས་བཅོལ། དེ་བཞིན་གཤེགས་པ་བཞིའི་མཚན་བརྗོད། སྤྱིར་དེ་བཞིན་གཤེགས་པ་རྣམས་ཀྱི་མཚན་བརྗོད་པས་མཐར་ཐུག་སངས་རྒྱས་ཐོབ་པའི་དགོས་པ་དང་། བྱེ་བྲག་ཏུ་མགྲོན་རྣམས་མཆོད་རྫས་ཀྱིས་ཚིམ་པ་དང་། ཆེ་ཆུང་ཕམ་རྒྱལ་མེད་པ་འཐབ་རྩོད་འཇིགས་སྐྲག་མི་འབྱུང་སོགས་ཕན་ཡོན་དུ་མ་ཡོད། དེ་ནས་ཚངས་དང་བརྒྱ་སྦྱིན་རྒྱལ་ཆེན་བཞིའི་ཕྱོགས་སྐྱོང་བཅུ་ལྷ་ཆེན་བརྒྱད་ནི་ལོག་འདྲེན་འདོད་ལྷ་སོགས་དང་། དགའ་བོ་སོགས་ཀླུ་ཆེན་བརྒྱད། ཉི་མ་སོགས་བཟའ་བརྒྱད། ཛམ་ལྷ་སོགས་གནོད་སྦྱིན་བརྒྱད། སྒྱུ་སྐར་ཉེར་བརྒྱད་སོགས་གཙང་རིགས་ཀྱི་མགོན་པོ་རྣམས་ཀྱི་ལྗགས་འོད་ཟེར་གྱི་སྦུ་གུ་ཟུགས་ཏེ་སོགས་བར་བསམ། སྔགས་བདུན་བརྗོད་ཕྲིན་ལས་བཅོལ། དེ་བཞིན་གཤེགས་པ་བཞིའི་མཚན་བརྗོད། འདི་ཕྱིན་གྱི་མགྲོན་ཚན་རྣམས་ཀྱི་མགོར་ངེས་པར་བརྗོད་དགོས་ལྷའི་རིག་འཛིན་སྔགས་གྲུབ་ཏེ་རལ་གྲི་མིག་སྨན་སོགས་ཏེ། དེ་ཡང་རྫུ་འཕྲུལ་དང་ལྡན་པ་ཕན་

― KMC022_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་བྱེད་པར་དབང་བ་ཉི་ཟླ་ལྷའི་རིག་འཛིན་དྲང་སྲོང་གྲུབ་པ་ཕན་གནོད་ནུས་པ་རྣམས་ཏེ་ཤིན་ཏུ་མང་ངོ་། །གཞན་ཡང་ཐུན་མོང་གི་དེ་རྣམས་ལ་མཆོད་ལྷ་སྤྱོས་ནས་མཆོད་དགོས་ཡོད། བསྒྲོད་པའི་ལམ་རི་རབ་དང་ཁ་ཁྱེར་ལ་གནས་པའོ། །འདི་ཕྱིན་ཐམས་ཅད་ལ་སྔགས་བདུན་རེ་བརྗོད། མཉེས་ཤིང་ཚིམ་པར་གྱུར་ནས་སོགས་སྨོན་ལམ་གདབ། དེ་ནས་རང་ལ་འགོ་བའི་ལྷན་ཅིག་སྐྱེས་པའི་ལྷ་དང་། མཉམ་པོར་འོང་པའི་བདུད་རྣམས་ལའང་འབུལ། དེ་ནས་འགྲོ་བ་རིགས་དྲུག་དང་ལྷ་ལྷ་མིན་དུད་འགྲོ་བརྩི་བའི་ལམ་རྒྱུད་ལྔ་ཡང་བསྡུ་ཚོགས་མངའ་སྐྱེས་རྫུས་སྐྱེས་སྒོང་སྐྱེས་དྲོད་གཤེར་ལས་སྐྱེས་ཏེ་སྐྱེས་གནས་བཞི་ལ་སོགས་པ་བསྡུས་པའི་མཁའ་མཉམ་སེམསཅན་མ་ལུས་པ་ལ་གཏོར་མ་སྦྱིན་ཞིང་སྡུག་བསྔལ་ལས་ཐར་བའི་སྨོན་ལམ་གདབ་བོ། །སྤྱིར་རིགས་དྲུག་ལ་ཀླུ་རྒྱལ་བདག་པོ་སོགས་ཀླུ་རྣམས་ལུས་མེད། འོན་ཀྱང་འདི་དག་ཕན་གནོད་ཆེ་བས་ཀླུ་ས་བདག་རྣམས་ལ་སྒེར་དུ་སྦྱིན་ཞིང་བྱེ་

― KMC022_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ཚན་ཆར་ཞེས་པ་བྱེ་མ་ཚ་མོའི་ཆར་གྱིས་ཀླུ་རྣམས་ལུས་བསྲེག་པར་བྱེད་པ་སྟེ། དེ་དག་གི་སྡུག་བསྔལ་ཞི་བར་གྱུར་ཅིག་ཅེས་སྨོན་ལམ་གདབ་བོ། །ནང་དུ་འདུས་པའི་ཡི་དྭགས་བཀྲེས་སྐོམ་གྱི་སྡུག་བསྔལ་ཆེ་བས་ཡི་དྭགས་ལ་སྒེར་དུ་སྦྱིན་པ་སྟེ་ཕྱིའི་སྒྲིབ་པ་ཅན་ནོ། །ཆུ་སོགས་ཟས་སྐོམ་རྙེད་ཀྱང་ཁ་དང་མིད་པ་ནས་མི་ཐར་བ་དང་། ཅུང་ཟད་ཐར་ཀྱང་ལྟོ་བ་མི་ཁེངས་པ་དང་། མེ་དང་ཁྲོ་ཆུ་སོགས་སུ་གྱུར་པའོ། །མཁའ་ལ་རྒྱུ་བའི་ལྷ་འདྲེ་གཞི་བདག་ལྟ་བུའི་འབྱུང་རིགས་ཕལ་ཆེར་རྣམས་ཏེ་དགེ་བ་བསྔོ་ཞིང་སྨོན་ལམ་ཀྱང་གདབ་བོ། །ཚེ་རབས་ཐོག་མ་མེད་པ་ནས་སོགས་ལན་ཆགས་ལ་བསྔོ་བ་སྟེ། ཟས་ཀྱི་ལན་ཆགས། ནོར་གྱི་ལན་ཆགས། སྲོག་གི་ལན་ཆགས་ལ་སོགས་ཀྱི་བདག་པོ་རྣམས། ཤ་འཁོན་ཤ་ཟོས་པའི་སྐྱིན་པོ་ལྟ་བུའོ། །དེ་དག་བྱང་བའི་ཆེད་དུ། དེ་དག་སོ་སོ་ལ་གཏོར་མ་སྦྱིན་པའོ། །བོད་ཁ་བ་ཅན་འདི་སྐྱོང་བའི་བརྟན་མ་བཅུ་གཉིས་དང་འཇིག་རྟེན་སྤྱིའི་སྲུང་མ་གནོན་སྦྱིན་ལག་

― KMC022_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ན་རི་རྩེ་ཀན་དང་། ས་འཛིན་ལག་པ་དང་། ལག་ན་གཞོང་ཐོགས་དང་། གཏེར་སྲུང་དང་། རྟག་མྱོས་དང་ལྔའོ། །རི་རབ་ནི་ལྷུན་པོ་དང་རོལ་པའི་མཚོ་བདུན་སོགས་འཇིག་རྟེན་འདིར་གནས་པའི་གཞི་བདག་རྣམས་ལ་གཏོར་མ་སྦྱིན་ནོ། །ཁྱད་པར་སྡོད་པའི་ཕུལ་དང་གྲོང་གི་ལྷ་སྟེ། ང་ཆེའི་སྙམ་པའི་ང་རྒྱལ་ངང་ཇན་པ་གཉུག་མར་གནས་པ་རྣམས་ལ་གཏོར་མ་སྦྱིན་ནོ། །དེ་ནས་མགྲོན་ཐ་མ་ནི་གང་གི་སྤྱན་འདྲེན་ནས་མ་དྲང་བའི་གློ་བུར་དུ་ལྷག་པར་གྱུར་པའི་གཏོར་མ་འདོད་ཅིང་མ་ཐོབ་པའི་ཁས་ཞན་དབང་ཆུང་བ་རྣམས་ལ་གཏོར་མ་སྦྱིན་ནོ། །རྗེས་སུ་བདག་གི་བསམ་པའི་སྟོབས་དག་སོགས་བདེན་སྟོབས་བརྗོད་པའོ། །ཆོས་རྣམས་ནི་གསོ་སྦྱོང་གི་ཚིགས་བཅད་ཆོས་ཀྱི་སྦྱིན་པའོ། །དགེ་བ་འདི་ཡིས་སྐྱེ་བོ་ཀུན་སོགས་ སྨོན་ལམ་རྒྱ་བསྐྱེད་དོ། །དེ་ནས་འབྲུ་གཏོར་ལྔའི་རིམ་པ་ནི། གཏོར་ཐེབ་ལྔའི་ནང་དུ་ཟས་རིལ་ལ་སོགས་བཤམས། བསྡུ་ནའང་ཐེབ་གསུམ་མམ། གཉིས་ངེས་པར་དགོས། སྣོད་རྣམས་

― KMC022_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

བསང་སྦྱང་བསམ་ཞིང་། སྟོང་པའི་ངང་ལས་རླུང་མེ་ཐོད་སྒྱེད་ལ་གནས་པའི་ཨཱཿཡིག་ལས་བྱུང་བའི་པད་སྣོད་ཏེ། ཐོད་པའི་སྣོད་དུ་རང་སྤྱན་རས་གཟིགས་སུ་གསལ་བའི་སྐུ་སྟོད་ལས་ཐ་མལ་མ་དག་པའི་ལུས་སྟོད་ཀྱི་ཆ་ཤས་རྣམས་འཕར་ནས་ལྟུང་བ་ཤ་ལྔ་བདུད་རྩི་ལྔ་རུ་གྱུར། རླུང་མེས་བསྐོལ་བའི་བདུད་རྩིའི་རྒྱ་མཚོར་གྱུར། དེ་ནས་མདུན་གྱི་ནམ་མཁར་བླ་མ་ཡི་དམ་ལྷ་ཚོགས་ཐམས་ཅད་རིགས་བདག་ལ་སོགས་པ་ལོངས་སྤྱོད་རྫོགས་སྐུ་དང་འཁོར་ལོ་བདེ་མཆོག་ལ་སོགས་པ་ཧེ་རུ་ཀའི་རྣམ་པར་ཆར་སྤྲིན་འཁྲིགས་པ་ལྟར་བཞུགས་ནས་ལྗགས་འོད་ཟེར་གྱི་སྦུ་གུས་གཏོར་མ་གསོལ་བར་བསམ་ཞིང་ཆུ་ཐིག་སེ་གོལ་བསྒྲགས་པའི་ཉེར་གཅིག་རེ་འབུལ། དེ་ལྟར་ཕུལ་བའི་སོགས་བརྗོད། འདི་ནས་བླ་མའི་དཀོར་འབགས་སོགས། རྩ་བ་དང་ཡནལག་གི་དམ་ཚིགས་ཆགས་ཉམས་སྦྱང་བའི་ཐབས་ཏེ། གཅོད་ཀྱི་ལུས་མཆོད་སྦྱིན་རྣམས་དང་འདྲའོ། །གཏོར་སྣོད་གཉིས་པ་ནི་བཾ་ཡིག་ལས་

― KMC022_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བའི་ཆུ་སྐྱེས་ཞེས་པ་རིན་པོ་ཆེ་ལས་གྲུབ་པའི་མེ་ཏོག་པདྨའི་དབྱིབས་ཅན་གྱི་སྣོད་ནང་དུ་བཤམས་མ་ཐག་ཏུ་རང་ལུས་བར་གྱི་ཆ་ཤས་རྣམས་འཕར་ནས་ལྷུང་བས་དཀར་གསུམ་བདུད་རྩིར་བསམ། མདུན་གྱི་ནམ་མཁར་སངས་རྒྱས་དང་བྱང་སེམས་ཐམས་ཅད་ཤཱཀྱ་ཐུབ་པའི་ཆ་ལུགས་ཆོས་གོས་རྣམ་གསུམ་སོགས་ཀྱིས་སྤྲས་སྤྲུལ་སྐུ་རབ་བྱུང་གི་རྣམ་པ་མཁའ་ལ་སྤྲིན་འཁྲིག་པ་ལྟ་བུ་བསྒོམས། དེ་རྣམས་ལྗགས་འོད་ཟེར་གྱིས་གཏོར་མ་གསོལ་བར་བསམ་ལ་སྔར་བཞིན་ཆུ་ཐིག་སེ་གོལ་བཅས་བདུན་རེ་འབུལ། འདི་རང་གི་ཕ་མ་དང་འདུལ་བའི་མཁན་པོ་སློབ་དཔོན་མཆེད་གྲོགས་ལ་མ་གུས་པ་དང་དཀོར་ཟོས་པའི་སྒྲིབ་པ་དག་པར་འགྱུར་རོ། །སྣོད་གསུམ་པར་ཨོཾ་ལས་རིན་པོ་ཆེའི་སྣོད་ནང་དུ་རང་ལུས་སྨད་ཀྱི་ཆ་ཤས་རྣམས་འཕར་ནས་ལྷུང་བ་ནས་བྱུང་བའི་གདོན་བགེགས་རྣམས་ཉི་མའི་འོད་ཟེར་ལ་རྡུལ་འཚུབས་པ་བཞིན་དུ་བསྒོམས་ལ་སྔགས་ཆུ་ཐིག་སེ་གོལ་བཅས་བདུན་གྱིས་བཤེགས། འདི་

― KMC022_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་ལན་ཆགས་ལས་གྱུར་པའི་གདོན་བགེགས་རྣམས་གཙོར་བྱས་པའི་ནད་གདོན་སོགས་བྱང་བའི་ཆེད་དུའོ། །སྣོད་བཞི་པ་ནི་པཾ་ལས་ཆུ་སྐྱེས་སོགས་གོང་ལྟར་བྱིན་གྱིས་བརླབས་ཏེ་ཆུ་བདག་ཝ་རུ་ཎ་འདོན་ཆ་ལྟར་མདུན་དུ་བསྒོམ་ལ་སྔགས་ཆུ་ཐིག་སེ་གོལ་བཅས་བདུན་གྱིས་ཕུལ། སྔོན་འཕགས་པ་སྤྱན་རས་གཟིགས་ཀྱིི་སྤྱན་སྔར་ཁས་བླངས་པ་བཞིན་སངས་རྒྱས་ཀྱི་བསྟན་པ་སྲུང་ཞིང་སེམས་ཅན་སྐྱོང་བར་མཛོད་ཅིང་། ཕྲིན་ལས་བཅོལ། སྣོད་ལྔ་པར་ཨོཾ་ལས་རིན་པོ་ཆེའི་རང་ལུས་སྨད་ཀྱི་ཆ་སོགས་སྔོན་ལྟར་བྱིན་གྱིས་རླབས་ལ་ཚེ་སྔ་མའི་ལུས་བོར་ཞིང་ཕྱི་མའི་ལུས་མ་ཐོབ་སྲིད་པ་བར་དོར་གནས་པ་རང་ལ་དབང་མེད་པ་ལས་འབྲས་ཉིད་ཀྱི་རྗེས་སུ་སྙེགས་དགོས་པའི་བར་དོར་ཡིད་ལུས་ཀྱི་སེམས་ཅན་རྣམས་མདུན་དུ་བུ་ཡུག་འཚུབས་བཞིན་བསྒོམས་ལ་སྔགས་ཆུ་ཐིག་སེ་གོལ་བཅས་བདུན་གྱིས་བསྔོས་པས་དེ་དག་ཚིམས་པས། དེ་ཐམས་ཅད་བཀྲེས་སྐོམ་དང་འཇིགས་སྐྲག་གི་སྡུག་བསྔལ་

― KMC022_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་བར་གྱུར་ཅིག་ཅེས་སྨོན་ལམ་གདབ། བདག་གི་བསམ་པའི་སོགས་བདེན་སྟོབས་བརྗོད་པ་དང་ཆོས་སྦྱིན་སྦྱང་བྱའོ། །འབྱུང་བཞི་གཏོར་མ་ནི། ཐེབ་བཞིར་འབྱུང་བཞིའི་མཚོན་བྱེད། ཟན་ལ་ཟླ་གམ། གྲུ་གསུམ་ཟླུམ་པོ། གྲུ་བཞི་རྣམས་བཤམས་ཏེ། དེ་ལྟར་མ་འབྱོར་ན་འབྲུ་བཏབ་ཀྱང་རུང་བས། སྟོང་པའི་ངང་ལས་རིན་པོ་ཆེ་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿཧཱུྃཿལས་བྱུང་བའི་གཏོར་མ་དེ་ཉིད་ངོ་བོ་ཡེ་ཤེས་ཀྱི་བདུད་རྩི་རྣམ་པ་འབྱུང་བཞི་བྱེད་ལས་དབང་པོ་དྲུག་གི་སྤྱོད་ཡུལ་དུ་གྱུར་པ་ཟག་པ་མེད་པའི་བདེ་བ་བསྐྱེད་པའི་རང་བཞིན་དུ་གྱུར་བར་བསམ་འབྲུ་གསུམ་བརྗོད་ཅིང་རང་གི་དམ་པ་སངས་རྒྱས་སྐུ་སོགས་འདོན་ཆ་ལྟ་བསྒོམས། ཡཾ་ཨི་ཨཱི་སོགས་བདུན་རླུང་རྫས་སྔོན་པོ་ཡང་ཞིང་གཡོ་བ་དེ་དག་བླ་མ་རྡོ་རྗེས་སེམས་དཔའ་སོགས་ཤར་ཕྱོགས་རྡོ་རྗེ་རིགས་ཀྱི་ལྷ་ཚོགས་རྣམས་ལ་འབུལ། ཉོན་མོངས་པ་ཞེ་སྡང་གིས་བསྐྱེད་པའི་རླུང་ནད་གདོན་ལྷ་དང་དྲི་གཟའི་གནོད་པ་ཐམས་ཅད་བསྲུང་བ་

― KMC022_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཟློག་ཅིང་བསྒྱུར་བའི་ཕྲིན་ལས་མཛད་དུ་གསོལ། སྣང་བ་སྣ་ཚོགས་འདོན་ཕྲིན་ལས་བཅོལ་བ་དང་སྨོན་ལམ་གདབ། དེ་བཞིན་དུ་རཾ་རི་རཱི་སོགས་མཾ་རྫས་དམར་པོ་ཚ་ཞིང་བསྲེག་པའི་རང་བཞིན་འདི་དག་བླ་མ་རིན་འབྱུང་སོགས་ལྷོ་ཕྱོགས་རིན་ཆེན་རིགས་ཀྱི་ལྷ་ཚོགས་ལ་འབུལ། ཉོན་མོངས་ང་རྒྱལ་གྱིས་བསྐྱེད་པའི་ཙད་ནས་ཕོ་གདོན་དང་གཤིན་རྗེའི་གནོད་པ་ཐམས་ཅདསྲུང་བ་དང་བཟློག་ཅིང་བསྒྱུར་སོགས་ཀྱིས་འཕྲིན་ལས་བཅོལ། པཾ་ཨུ་ཨཱུ་པ་ཕ་སོགས་བདུན་གྱི་འབུལ། ཆུ་རྫས་དཀར་པོ་ཆུ་ཡི་རང་བཞིན་རླན་ཅིང་གཤེར་བ་འདི་དག་བླ་མ་སྣང་མཐའ་སོགས་ནུབ་ཕྱོགས་པདྨ་རིགས་ཀྱི་ལྷ་ཚོགས་རྣམས་ལ་འབུལ་བས་ཉོན་མོངས་པ་འདོད་ཆགས་ལས་གྱུར་གྲང་བའི་ནད་དང་། མོ་གདོན་གླུའི་གདོན་སོགས་གནོད་པ་ཐམས་ཅད་བསྲུང་བཟློག་བསྒྱུར་བའི་ཕྲིན་ལས་བཅོལ། ལཾ་ལི་ལཱི་སོགས་བདུན་གྱིས་ས་རྫས་སེར་པོ་སྲ་ཞིང་བསྟན་པ་འདི་དག་བླ་མ་དོན་ཡོད་གྲུབ་པ་སོགས་བྱང་

― KMC022_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀྱི་ལྷ་ཚོགས་རྣམས་ལ་འབུལ་བས། ཉོན་མོངས་པ་ཕྲག་དོག་གིས་བསྐྱེས་པའི་བད་ཀན་གྱི་ནད་འགོང་པོ་གནོད་སྦྱིན་གདོན་ལ་སོགས་བསྲུང་བཟློག་བསྒྱུར་བའི་ཕྲིན་ལས་བཅོལ་བར་བྱའོ། །གླུ་གཏོར་ནི་ཐེབ་ཞིག་ཞུ་གླུད་གཟུགས་སམ་ཡཾ་སོགས་ཀྱང་རུང་བར་ཆུ་སྦྲིང་ཞིང་། ན་མཿསརྦ་སོགས་སྔགས་བདུན་བརྗོད། དེ་བཞིན་གཤེགས་པ་བཞི་དང་། ནང་མ་དག་པ་ཤ་ཁྲག་དྲོད་དབུས་རྣམས་འབྱུང་བ་སོར་སོར་བསྟིམ། ལྷ་འདྲེ་སོ་སོའི་གནོད་པ་མེད་པའི་ཕྲིན་ལས་བཅོལ་བར་བྱ། མཐར་གཞན་གྱི་བྱད་ཁ་ཕུར་ཁ་སོགས་བཟློག་པར་བྱ། ཆུ་སྦྱིན་གྱི་རིམ་པ་ནི། དང་པོ་ཛམ་གཏོར་ཆུ་སྦྱིན་བྱ་ཏེ། དེ་སང་ཛམ་དཀར་ལ་སྣོད་གཅིག་གི་ནང་དུ་རིལ་བུའམ་འབྲུ་བླུགས་པ་རང་ཉིད་ཀྱི་མདུན་དུ་བཤམས་ལ། རིན་ཆེན་ལྔ་ལས་གྲུབ་པའི་བཞལ་མེད་ཁང་པའི་དབུས་སུ་ཛམ་ལྷ་དཀར་པོ་འབྲུག་ལ་ཆིབས་པ་ལ་མཁའ་འགྲོ་མ་བཞིས་བསྐོར་བ་སོགས་མངོན་རྟོགས་ལྟར་བསྒོམས། རང་ཉིད་སྤྱན་རས་གཟིགས་སུ་

― KMC022_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བའི་ཕྱག་གི་བུམ་པས་ཆུ་བླུགས་ཏེ་ཕུལ་བར་བསམ། ཨཱརྻ་ཛམ་བྷ་ལ་སོགས་ཅི་མང་འདོན་ཅིང་ཆུ་སྦྲིང་མཐར་རིལ་བུ་སོགས་བཤམས་པའི་གཏོར་མ་འདི་ཉིད་བདུད་རྩིའི་རྒྱ་མཚོར་གྱུར་པར་བསམ་ལ། ཨོཾ་པདྨ་ཀྲོ་ཏ་ཨཱརྻ་སོགས་ལན་གསུམ་གྱིས་ཕུལ་ཏེ་མཆོད་བསྟོད་ཀྱང་བྱ། རང་གི་ཆུ་ཐིག་པ་མྱོང་ཏེ་ལྷ་ལྔ་ཡང་སྤྱན་རས་གཟིགས་ཀྱི་ཐུགས་ཀའི་ཧྲིཿལ་ཐིམ་པར་བསམ་མོ། །འདི་ནི་ཇོ་བོ་རྗེའི་ཞལ་གཟིགས་ཡིན་ཅིང་རྒྱ་གར་གྱི་ལུགས་ལ་འབྲུག་ཟེར་བའི་སྲོག་ཆགས་གྱུར་པ་མེད་པའི་འབྲུག་ཞེས་པ་ནི་སྤྲིན་གྱི་སྒྲ་ཡིན་པར་འདོད། བོད་དང་རྒྱ་ནག་གི་སྲོག་ཆགས་གྱུར་བར་འདོད་པས་འདི་ནས་ནི་བོད་ལུགས་དང་བསྐུལ་པའོ། །ཛམ་སེར་ནག་གི་ཆུ་གཏོར་ནི་སྣོད་གཉིས་སུ་བཤམས་ལ། བསྡུས་པར་སྣོད་གཅིག་གི་ཆོག་པར་མཛད་འདུག་ཀྱང་ཧ་ལམ་རུང་ཙམ་སྟེ། སྣོད་གཉིས་འབྱོར་ན་བཟང་བས་དེར་ཆུ་གཙང་མ་བཤམས་ལ། རང་སྤྱན་རས་གཟིག་ཀྱི་མདུན་དུ་རིན་པོ་ཆེའི་སྣོད་དུ་པདྨ་

― KMC022_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཟླ་བའི་སྟེང་དུ་ཡི་གེ་ཛམ་སེར་པོ་ལས་ཛམ་ལྷ་སེར་པོ་ཞལ་གཅིག་ཕྱག་གཉིས་གཡས་པས་ནཱི་ཛ་ཕུ་ར་ཀ་ཏེ། བོད་སྐད་དུ་ས་བོན་གྱིས་གང་བ་ཟེར་བའི་ཤིང་རྟོག་སེར་པོ། གཡོན་ནེའུ་ལེ་ཧེ་ཞེས་པ་སྲེ་མེད་འཛིན་པ་དུང་གིས་ཁ་བཅད་པ་དང་པདྨས་ཁ་བཅད་པའི་གཏེར་གྱི་བུམ་པ་གཉིས་སྐྱིལ་ཀྲུང་གིས་མནན་པའོ། །འདི་ལ་འདོན་བྱར་གཏེར་བདག་མནན་ཅིང་ཟེར་བ་ནི་ཡི་གེ་ནོར་བ་ཡིན་པ་དེར་འཕྲུལ་ནས་ལྷ་བཟོ་འགའ་རེས་གཏེར་བདག་གི་གཟུགས་མནན་པར་བྲིས་འདུག་པ་ནི་ཤིན་ཏུ་ནོར་བ་ཆེན་པོའོ། །ཛམ་སེར་གྱི་སྐུ་འདྲ་རྒྱ་གར་གྱི་ལི་མ་རྣམས་ལ་དུང་པདྨས་མཚན་པའི་དུམ་པ་སྐྱིལ་ཀྲུང་གི་མནན་པ་ཡོད་པའི་ཕྱིར་རོ། །འདོན་བྱར་ཡང་གཏེར་བདག་མནན་ཅིང་སྐྱིལ་ཀྲུང་བཞུགས་ཞེས་འདོད་དོན་དགོས་སོ། །མདུན་དུ་བསྐྱེད་པའི་ཛམ་ལྷ་དམ་ཚིག་པའི་གནས་གསུམ་གྱི་འབྲུ་གསུམ་ལས་འོད་ཟེར་འཕྲོས། ཡེ་ཤེས་པ་སྤྱན་དྲངས་ཤིང་གཉིས་སུ་མེད་པར་བསམ་ལ། དབང་བསྐུར་བ་ལ་རིན་

― KMC022_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་འབྱུང་ལྡན་སོགས་ཀྱི་བརྒྱན་པ་ལ་མཆོད་པར་བསམ། ཨརྒྷཾསོགས་རང་གི་ལག་མཐིལ་འབྲུ་གསུམ་ལས་བཾ་དཀར་པོ་ལས་རྣམ་སྣང་། ཨོཾ་སེར་པོ་ལས་རིན་འབྱུང་། ཛམ་དམར་པོ་ལས་འོད་དཔག་མེད། ལཾ་ལྗང་གུ་ལས་དོན་གྲུབ། ཧཱུྃ་སྔོན་པོ་ལས་མི་བསྐྱོད་པ་རྣམས་ཞུ་བ་ལས་བདུད་རྩིའི་རྒྱུན་བབ་པས་ཛམ་སེར་གྱི་དབུའི་རྨ་བཀྲུ་བར་བསམ་ལ། ཨོཾ་ཛམ་བྷ་ལ་ཛ་ལེནྡྲ་ཡེ་སྭཱ་ཧཱ། ཞེས་ཅི་མང་བཟླས་ཤིང་ཆུ་སྤྲིང་བའི་མཐར་ཨི་དཾ་བ་ལིཾ་སོགས་ཀྱིས་གཏོར་མ་ཕུལ་ལ་མཆོད་བསྟོད་དང་སྨོན་ལམ་གདབ་བོ། །དེ་སང་སྔོན་ལྷན་སྦྱིན་གྱིས་བསྐུལ་ནས་རྒྱལ་པོ་མ་སྐྱེ་དགྲས་བཅོམ་ལྡན་འདས་ལ་སྒྱོགས་རྡོ་འཕངས་པ་ལ་ཕྱག་ན་རྡོ་རྗེས་རྡོ་རྗེ་རྒྱབ་ནས་སྒྱོགས་རྡོ་བྱེ་མར་བྱས་ནས་ཛམ་སེར་གྱི་བཅོམ་ལྡན་འདས་ཀྱི་སྐུ་ལ་འཕོག་དོགས་ནས་སྐུ་གཡོར་བས་རྡོ་དུམ་བུ་ཞིག་ཡར་ནས་ཛམ་སེར་གྱི་དབུ་ལ་ཕོག་པས་རྨ་བྱུང་བ་ཡིན་པ་དེ་ལ་ཕན་པའི་ཕྱིར་བཅོམ་ལྡན་འདས་ཀྱི་ང་ཡི་རྗེས་འཇུག་ཡིན་ཕྱིར་ཛམ་

― KMC022_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་ལ་ཆུ་སྦྱིན་མ་ཆགས་པར་བྱ་དགོས། དེ་ལྟར་མི་བྱེད་པ་རྣམས་ང་ཡི་རྗེས་འཇུག་ལ་མི་རེག་གོ །ཞེས་བཅོམ་ལྡན་འདས་ཀྱི་ཞལ་བཞེས་ཡོད་པས་འདི་མ་ཆགས་པར་ཤིན་ཏུ་གལ་ཆེ་གསུངས་སོ། །ཛམ་པ་ལྷ་ནི་སྔོན་གྱི་ལོ་ཙཱ་བ་རྣམས་ཀྱིས་རྨུགས་འཛིན་དུ་བསྐུར་འདུག་ཀྱང་། ཛམ་པ་ལྷ་ནི་སོགས་གསལ་པོ་རོལ་གྱི་སོ་ལྟུང་ལ་འཇུག་ཅིང་ལ་ནི་འཛིན་པ་ལ་འཇུག་ཏེ། དོན་ལ་ལྷ་འདིའི་ཚམས་དེ་ལྟར་ཡོད་པའི་ལོ་རྒྱུས་ཀྱང་ཡོད་པས་སོགས་གསལ་པོ་འཛིན་པ་ཞིག་ལ་འཇུག་དགོས་གསུང་། ཛམ་པ་ནག་པོ་ནི་རང་སྤྱན་རས་གཟིགས་སྔར་བཞིན་ལ་མདུན་ཀྱི་སྣོད་པདྨ་ཉི་ཟླའི་སྟེང་། ཧཱུྃ་ལས་ཛམ་པ་ལྷ་སྐུ་མདོག་ནག་པོ་ཞལ་གཅིག་ཕྱག་གཉིས་སྐུ་གཅེར་བུ་བཞེངས་ནས་ནོར་བདག་སེར་པོ་མནན་པ་ཀླུ་བརྒྱད་ཀྱི་རྣམ་པ་སྦྲུལ་རིགས་བརྒྱད་ཀྱིས་བརྒྱན་པ་ལིངྒ་གྱེན་དུ་བསྒྲེངས་པ་ཕྱག་གཡས་ཐོད་ཁྲག་གཡོན་ནེའུ་ལེ་རབ་ཏུ་འཛིན་པ། དེའི་གནས་གསུམ་ཡི་གེ་གསུམ་ལས་འོད་ཟེར་འཕྲོས་ཡེ་ཤེས་པ་སྤྱན་དྲངས་

― KMC022_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་མེད་དུ་བསམ། དབང་ལྷ་མི་བསྐྱོད་པར་མཆོད་དབང་བསྐུར་བས་སྤྱི་བོ་ནས་དབུ་བརྒྱན་པར་བསམ་ཏེ་མཆོད་རང་གིས་ལག་མཐིལ་སོགས་སྔ་མ་ལྟར། ཨོཾ་ཨིནྡྲ་ནི་སོགས། ཨོཾ་ཛཾ་ལུམ་སོགས་ཅི་ནུས་བཟླས་ཤིང་ཆུ་སྦྲིིངས་ཤིང་ཞལ་དུ་ཕུལ་བར་བསམ་མོ། །མཐར་ན་མོ་རཏྣ་ཏྲ་ཡཱ་སོགས་ཀྱི་མཐར་ཨི་དཾ་སོགས་བཏགས་ལ་གཏོར་མ་ཕུལ། ཨརྒྷཾ་སོགས་ཀྱི་མཆོད། མགོན་པོ་སོགས་ཀྱི་བསྟོད། རིན་ཆེན་བདུད་རྩིའི་གཏེར་ཆེན་པོའི་ཆར་གྱིས་སེར་སྣའི་མདུད་པས་བཅིངས་པའི་དབུལ་ཕོངས་ཅན་གྱིས་འགྲོ་བའི་སྡུག་བསྔལ་ཞི་བར་མཛོད། ཞེས་འདོད་འདོན་གསོལ་བ་གདབ་བོ། །ཆུ་ཐིག་མྱོང་ཞིང་ཛམ་ལྷ་གཉིས་རང་ལ་བསྟིམ། རང་དུས་རྒྱུན་དུ་འདོན་ཡི་དམ་ཛམ་སེར་རང་གི་རྒྱབ་ཡོ་ལས་བསྟིམ་པར་བསྒོམས་གསུང་། འདིར་སྔར་གྱི་ཕྱག་ལེན་རྙིང་པ་ཚར་དང་པོ་ཆུ་སྦྱིན་དང་དེ་ནས་ཛམ་གཏོར་བཏང་ཞིང་ཛམ་གཏོར་ཆུ་དེ་ཆབ་གཏོར་རྒྱུའི་ཆུ་གཙང་ནང་དུ་བསྲེ་ཞིང་རྒྱུ་མཚན་བཤད་པ་

― KMC022_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པ་མཛད་མོད་ཀྱང་། དེ་ནི་ཤིན་ཏུ་ནོར་བ་ཞིག་ཡིན་ཏེ་ལྷའི་ཐུགས་རྒྱུད་བྱང་ཆུབ་སེམས་དཔའ་ཡིན་ཀྱང་རྣམ་པ་གནོད་སྦྱིན་སོགས་འཇིག་རྟེན་པ་ཡིན་པས་དེས་གསོལ་བའི་ལྷག་མ་དེ་དཀོན་མཆོག་གསུམ་ལ་ཕུལ་བ་ནི་མི་ལེགས་པ་ཆེན་པོ་འདུག་གོ་དེས་ན་བརྒྱ་རྩ་དང་འབྲུ་གཏོར་ཆ་ལྔ། འབྱུང་བཞི། ཛམ་གཏོར་ཡི་དྭགས་ཆུ་སྦྱིན་སོགས་གོ་རིམ་བཞིན་བཏང་བར་བྱའོ། ༈ །ཡི་དྭགས་ཆུ་སྦྱིན་ནི། རང་ཉིད་ཐུགས་རྗེ་ཆེན་པོ་སྤྱན་རས་གཟིགས་སུ་གསལ་བའོ། །ཕྱག་གཡས་མཆོད་སྦྱིན་གྱི་ཕྱག་བརྒྱའི་ཕྱག་སོར་རྣམས་ཀྱི་རྩེ་མོ་ནས་བདུད་རྩིའི་རྒྱུན་བབ་པས། ཡི་དྭགས་རྣམས་ཚིམ་པར་བསམ་ལ་ཆུ་སྦྲེང་ཞིང་། ཨོཾ་མ་ཎི་སོགས་ཨོཾ་ཨཱཿཧྲཱི་ཧཱུྃ་སོགས་མང་ཉུང་ཅི་རིགས་བཟླས། རྒྱུད་ནས་གསུང་པའི་འཇུར་འགེགས་སེལ་བའི་གཟུངས་འདི་ཡི་དྭགས་སྒྲིབ་པ་ཤིན་ཏུ་ཆེ་བ་རྣམས་ལ་ཆུ་གཙང་མ། ཟས་ཀྱི་དྲི་མ་ཙམ་ཡང་མ་སོང་བར་དགོས་ཤིང་ཨོཾ་ཛྭ་ལ་མོ་དམ་སརྦ་སོགས་ལན་མང་ཉུང་ཅི་རིགས་ཐ་

― KMC022_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལ་སེ་གོལ་གཅིག་གཏོགས་མི་འཁྲུགས་པའི་གཟུངས་ཀྱིས་ཀྱང་ཆུ་སྦྱིན་ཅིང་མཐར་བར་དོའི་སེམས་ཅན་རྣམས་ཚིམ་ནས་བཀྲེས་སྐོམ་དང་འཇིགས་སྐྲག་གི་སྡུག་བསྔལ་ཞི་བར་གྱུར་ཅིག་ཅེས་སྨོན་ལམ་གདབ་བོ། །དེ་ལྟར་ཆུ་ཡི་སོགས་ཤློཀ་གཉིས་ནས་མ་འབྱོར་པ་སོགས་བཟོད་གསོལ་དང་། མགྲོན་རྣམས་གཤེགས་གསོལ་དང་མཐར་བསྔོ་སྨོན་སོགས་རྒྱས་པར་བྱའོ། །ཚེ་དབང་ཀུན་ཁྱབ་ཀྱིས་བགྱིས་པའོ། །སརྦ་མངྒ་ལམ།། །།བཀྲ་ཤིས་དགེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གཏོར་མའི་དེ་ཉིད་བདུད་རྩིའི་དགའ་སྟོན།

― KMC022_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མའི་དེ་ཉིད་བདུད་རྩིའི་དགའ་སྟོན་ཞེས་བྱ་བ་བཞུགས།། །།

― KMC022_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་པ་བདེ་བར་གཤེགས་ལ་གུས་བཏུད་དེ། །བསྟན་པ་དམ་པའི་ཆོས་ཀྱི་ཉམས་ལེན་ལས། །དགེ་འདུན་རྣམས་ཀྱི་ཐུན་མཚམས་ཆོས་སྤྱོད་ཀྱི། །རིམ་པ་གཏོར་མའི་གོ་དོན་ཕྱོགས་ཙམ་བརྗོད། །བ་ལིཾ་ཞེས་བྱ་སྟོབས་དང་ནུས་པ་ལ། །འཇུག་སྟེ་རང་གཞན་རྒྱུད་ལ་འཆི་མེད་ཀྱི། །སྟོབས་ཆེན་ཐོབ་ནས་བདུད་བཞི་འཇོམས་ནུས་པའི། །དམ་རྫས་པཉྩ་ཨ་མྲྀ་ཏ་ཉིད་ཡིན། །བྷོ་ཊའི་བརྡ་ལས་གྲངས་པའི་སྒྲ་བཤད་ན། །ཆགས་མེད་ཡོངས་སུ་གཏོང་བས་གཏོར་ཞེས་བྱ། །

― KMC022_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

སྡང་མེད་བུ་ལྟར་བརྩེ་བས་མར་བརྗོད་དེ། །ཉེ་རིང་མེད་པའི་བཏང་སྙོམས་གཉིས་ཀའི་གྲོགས། །ལྟ་བ་གནས་ལུགས་སེམས་ཀྱི་གཏོར་མ་ནི། །ཆོས་སྐུ་སྐྱེ་བ་མེད་པའི་རང་ཞལ་ལ། །སྣ་ཚོགས་སྣང་བ་མ་ལུས་ཅིག་ཅར་བབ། །རོ་གཅིག་ཆོས་ཀྱི་སྐུ་ཡི་འཚོ་གཞེས་བརྟན། །སྒོམ་པ་རྣལ་འབྱོར་ལུས་ཀྱི་གཏོར་མ་འདི། །ཡེ་ཤེས་གཏུམ་མོ་སྒྲོན་མེ་ལྔ་སྦར་ཞིང་། །ཐུགས་རྗེའི་ལྕགས་ཀྱུ་བདུད་རྩི་ལྔ་བཞུས་པས། །ཕུང་ཁམས་རྒྱལ་བ་རིགས་ལྔའི་འཚོ་གཞེས་བརྟན། །སྤྱོད་

― KMC022_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བསྐྱེད་རིམ་ཕྱི་ཡི་གཏོར་མ་ནི། །གོང་དུ་ལྷག་པའི་ལྷ་ལ་མཆོད་པ་དང་། །འོག་ཏུ་འབྱུང་པོའི་ཚོགས་ལ་སྦྱིན་པ་དང་། །མཉམ་པར་རྡོ་རྗེའི་སྤུན་ཚོགས་རོལ་བའི་རྫས། །རྣལ་འབྱོར་གཏོར་མར་བརྩོན་པར་མི་བྱེད་ན། །དེ་ཡི་བར་ཆད་སེལ་བར་མི་ནུས་ཞེས། །ཕྲིན་ལས་དོན་ཡོད་གྲུབ་པའི་དམ་ཚིག་ཏུ། །རྡོ་རྗེ་འཆང་གིས་བཅས་པར་མཛད་པ་ཉིད། །དམ་ཚིག་པ་དང་ཡེ་ཤེས་སེམས་དཔའི་ལྷ། །གཅིག་པུའི་ཉམས་ཀྱིས་དུ་མའི་གར་མཛད་པ། །ཡབ་ཡུམ་སྲས་དང་བློན་པོ་འཁོར་གྱི་ཚོགས། །ཕོ་ཉ་བྲན་གཡོག་སྔོན་དུ་རོལ་བ་དང་། །ཕྱི་ནས་འབྲང་བ་ལ་སོགས་བསམ་མི་ཁྱབ། །དེ་དག་དགྱེས་ཤིང་ཚིམ་པར་བྱེད་པའོ། །དེ་ལྟའི་གཏོར་མའི་ཚུལ་ལ་མཐའ་ཡས་པས། །བསྡུ་ན་རང་གཞན་རྒྱུད་བསྡུས་ལུས་ལོངས་སྤྱོད། །བདག་པོས་བཟུང་དང་མ་བཟུང་གང་ཡང་རུང་། །དངོས་འབྱོར་ཡིད་སྤྲུལ་ཆེ་འབྲིང་ཆུང་ངུ་ཡིས། །དམིགས་པའི་རྟེན་གྱི་ཡོ་བྱད་གང་རུང་

― KMC022_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག །ལྷ་རུ་བསྐྱེད་དང་གཞལ་མེད་ཁང་དུ་བསྐྱེད། །ཤ་ལྔ་བདུད་རྩི་ལྔ་རུ་བསྐྱེད་པ་དང་། །ཟག་བཅས་ཟག་མེད་བདུད་རྩིའི་རྒྱ་མཚོ་དང་། །ལས་བཞི་སྒྲུབ་པའི་ཕོ་ཉར་བསྐྱེད་པ་དང་། །ལུས་སྲོག་ནོར་གྱི་གླུད་དུ་གཏོང་བ་དང་། །དགྲ་དང་འདྲེ་ཡི་ལིངྒར་བསྐྱེད་པ་དང་། །ཤ་ཁྲག་དམར་གྱི་གཏོར་མར་བསྐྱེད་པ་སོགས། །གཞན་ཡང་གཏོར་མགྲོན་རང་རང་མགུ་བྱེད་པའི། །གཟུགས་སྒྲ་དྲི་རོ་རེག་བྱ་ཡིད་ལོངས་སྤྱོད། །སོ་སོའི་བསམ་པ་ཇི་བཞིན་སྤྲུལ་པར་བཤད། །ཀུན་ཀྱང་འཕྲལ་སྣང་སྒྱུ་མའི་རྟེན་འབྲེལ་ཡིན། །རྟེན་འབྲེལ་རང་བཞིན་གང་དུའང་མ་གྲུབ་པས། །སྙིང་པོ་མེད་པས་སྙིང་པོ་ལེན་ཚུལ་གྱིས། །ཐབས་ཤེས་ལྡན་ན་བྱང་ཆུབ་ལམ་དུ་འགྲོ། །དེ་ལ་བྱ་བའི་རྒྱུད་ཀྱི་གཟུངས་སྔགས་ནས། །ཁ་འབར་མ་སོགས་གནོད་སྦྱིན་ཚིམ་བྱའི་ཕྱིར། །གཏོར་མའི་ཆོ་ག་ཞལ་ནས་གསུངས་པ་དང་། །བྱིན་གྱིས་རླབས་དང་རྗེས་སུ་གནང་བ་ཡི། །

― KMC022_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་དང་ཕྱག་རྒྱ་ཏིང་འཛིན་རིམ་པ་བཞིན། །ཚུལ་ལྡན་སྒྲུབས་ན་ཕན་ཡོན་བསམ་ལས་འདས། །དེ་ལ་བརྟེན་ནས་རུང་མཐུན་སྦྱར་བ་ཡི། །བླ་མ་བརྒྱུད་པའི་མན་ངག་ལས་འོངས་པ། །གཏོར་མ་གཏོང་ཚུལ་དུ་མ་བྱུང་གྱུར་ཏེ། །ཐམས་ཅད་སྐྱེས་བུའི་ཉེར་མཁོ་ཉིད་དུ་ངེས། །འདིར་ནི་ཀུན་མཁྱེན་རང་བྱུང་རྡོ་རྗེ་ཡིས། །སྣ་ཚོགས་བེའུ་བུམ་ཞེས་བྱར་གསུངས་པ་དང་། །དོན་ལྡན་ཞབས་ཀྱིས་ཆོས་སྤྱོད་རབ་གསལ་དུ། །གསུངས་པ་གང་རུང་གཙོ་བོར་བྱ་དགོས་ལ། །ཐོག་མར་ཁུངས་དང་གླེང་གཞི་ལོ་རྒྱུས་ན། །ཡི་དྭགས་ཁ་ནས་མེ་འབར་སྐྱབས་མཛད་དང་། །ཁ་འབར་མ་ནས་དབུགས་དབྱུང་ནས་གསུངས་ཏེ། །དེ་ཡང་ཚེ་དང་ལྡན་པ་ཀུན་དགའ་བོ། །དབེན་པར་སྤྱོད་ཚེ་ཡི་དྭགས་མི་སྡུག་པ། །ཁ་ནས་མེ་འབར་ཞིག་གིས་འདི་སྐད་ཅེས། །ཁྱོད་ནི་ཉིན་ཞག་བདུན་ན་དུས་བྱས་ཏེ། །ཡི་དྭགས་གནས་སུ་སྐྱེ་བར་འགྱུར་ཞེས་གསུངས། །དེ་ལ་སྐྱོབ་ཕྱིར་སྟོན་

― KMC022_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

པས་འདི་སྐད་ཅེས། །ང་སྔོན་བྲམ་ཟེ་ཞིག་ཏུ་གྱུར་པ་ན། །བྱང་ཆུབ་སེམས་དཔའ་སྤྱན་རས་གཟིགས་དབང་དང་། །དེ་བཞིན་གཤེགས་པ་དབང་ཕྱུག་ཡོན་ཏན་ལ། །གཟི་བརྗིད་ཚད་མེད་དབང་དུ་གྱུར་པ་ཡི། །འོད་ཟེར་རྣམ་པར་རྒྱལ་བའི་ཤུགས་ཞེས་པ། །གཟུངས་སྔགས་ཟབ་མོ་འདི་ནི་ཐོས་གྱུར་ནས། །ཡི་དྭགས་རྣམས་ལ་གཏོར་མ་བྱིན་བྱས་པས། །ཐམས་ཅད་མཐོ་རིས་ལྷ་རུ་སྐྱེས་གྱུར་ཏོ། །དགའ་བོ་ཁྱོད་ཀྱིས་ཟས་གཙང་ཆུ་སྦྱར་བ། །སྔགས་ཀྱིས་བསྔོས་ནས་གཙང་བར་བླུགས་བྱས་ན། །ཚེ་དང་བསོད་ནམས་རྣམ་པར་འཕེལ་འགྱུར་ཞིང་། །ཁ་འབར་མས་གཙོས་ཡི་དྭགས་གངྒའི་ཀླུང་། །བྱེ་བ་ཁྲག་ཁྲིག་འབུམ་ཕྲག་དུ་མ་ཡིས། །བྱེ་མ་སྙེད་ཀྱི་གྲངས་དང་མཉམ་པ་ལ། །མ་ག་དྷ་ཡི་བྲེ་ཆེན་བདུན་བདུན་གྱི། །བཟའ་བཏུང་བྱིན་པར་འགྱུར་ཞིང་དེ་ཐོབ་ནས། །ཚིམ་ཞིང་རངས་ཏེ་ལྷ་ཡུལ་སྐྱེ་བར་འགྱུར། །དེ་བཞིན་དགེ་སློང་དགེ་བསྙེན་ཕ་

― KMC022_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

མའམ། །གཞན་ཡང་རུང་སྟེ་གཟུངས་སྔགས་འདི་བཟླས་ནས། །ཡི་དྭགས་རྣམས་ལ་ཁ་ཟས་བྱིན་གྱུར་ན། །བསོད་ནམས་ཚད་མེད་ཡོངས་སུ་རྫོགས་འགྱུར་ཏེ། །ཚེ་རིང་མདངས་དང་སྟོབས་རྣམས་རབ་ཏུ་འཕེལ། །མི་མ་ཡིན་དང་གནོད་སྦྱིན་སྲིན་པོ་དང་། །ཡི་དྭགས་མ་རུངས་ཀུན་གྱིས་འཚེ་མི་ནུས། །དེ་ལ་གཟི་བརྗིད་ཚད་མེད་ལྡན་པར་འགྱུར། །གང་དག་ལྷ་ཡི་དྲང་སྲོང་བྲམ་ཟེ་ལ། །སྔགས་འདིས་ཁ་ཟས་གཙང་མ་བྱིན་རླབས་ནས། །འབབ་ཆུ་གཙང་མའི་ནང་དུ་དོར་བྱས་ན། །གངྒའི་ཀླུང་གི་བྱེ་མ་ཁྲག་ཁྲིག་འབུམ། །དཔག་མེད་བྱེ་མ་རྙེད་ཀྱི་རྡུལ་ཕྲན་གྲངས། །དྲང་སྲོང་བྲམ་ཟེའི་ཚོགས་ལ་ཅི་འདོད་ཀྱི། །མཆོད་པར་འགྱུར་ཞིང་ཀུན་གྱིས་དུས་གཅིག་ཏུ། །འདོད་དོན་འགྲུབ་པའི་སྨོན་ལམ་འདེབས་པར་འགྱུར། །གལ་ཏེ་དཀོན་མཆོག་གསུམ་ལ་མཆོད་འདོད་ཀྱང་། །སྤོས་དང་མེ་ཏོག་ཞལ་ཟས་ལ་སོགས་པར། །ཉི་ཤུ་རྩ་གཅིག་སྔགས་ནས་ཕུལ་

― KMC022_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ན། །དེ་དག་ལྷ་རྫས་དམ་པའི་ངོ་མཚར་དང་། །ལྡན་ཞིང་སྤྱན་སྔར་རྒྱུན་ཆད་མེད་པར་འགྱུར། །དེ་ལྟ་བས་ན་ཁྱོད་ཀྱིས་འདི་བཟུངས་ལ། །རིགས་ཀྱི་བུ་དང་བུ་མོ་གཞན་ལའང་སྟོན། །སྦྱིན་པའི་ཕ་རོལ་ཕྱིིན་པ་རྫོགས་འགྱུར་ཞེས། །བཅོམ་ལྡན་འདས་ཀྱིས་དེ་སྐད་བཀའ་སྩལ་ཏོ། །དེ་ལྟར་སྤྱན་རས་གཟིགས་དང་སྟོན་པ་མཆོག །ཉེ་གནས་གསང་བའི་བདག་པོ་ཀུན་དགའ་བོ། །དགེ་སློང་ཀུན་དགའ་མོ་དང་གྲགས་འཛིན་མ། །ཉེ་གནས་མ་དང་འཕགས་པ་དགྲ་བཅོམ་དང་། །རྣལ་འབྱོར་དབང་པོ་ཨཱ་ནནྡ་བཛྲ། །རྡོ་རྗེ་གདན་པ་གསེར་གླིང་ཇོ་བོ་རྗེ། །དགེ་བཤེས་སྟོན་པ་སྐུ་མཆེད་གསུམ་ལ་སོགས། །བཀའ་གདམས་བརྒྱུད་པའི་སྲོལ་ལས་བྱུང་བར་འགྱུར། །ལོ་པཎ་རྣམས་ཀྱིས་སྔར་ནས་བསྒྱུར་ཟིན་ཀྱང་། །ཕྱག་ལེན་དར་བ་ཇོ་བོའི་བཀའ་དྲིན་ཏེ། །བྱང་ཆུབ་སེམས་ཀྱི་ཕྱག་རྗེས་གཅིག་ཡིན་ནོ། །དེ་ལས་བྱུང་བ་ཆོ་གའི་རིམ་པ་ལ། །བདག་སྒྲུབ་

― KMC022_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་སྒྲུབ་གཏོར་མགྲོན་སྒྲུབ་པ་སྟེ། །སྒྲུབ་པ་གསུམ་དང་འབུལ་བའི་རིམ་པ་ཡི། །ལས་སྦྱར་གཅིག་སྟེ་དོན་ཚན་རྣམ་པ་བཞི། །དོན་ཚན་དང་པོ་རྟེན་གྱི་གང་ཟག་ནི། །སོ་སོར་ཐར་པའི་སྡོམ་གནས་གང་ཡང་རུང་། །ཚུལ་ཁྲིམས་འཆལ་བས་རིགས་སྔགས་མི་འགྲུབ་ཅིང་། །ཚུལ་ལྡན་སྨོན་ལམ་འགྲུབ་པར་གསུངས་པས་ན། །སུམ་ལྡན་རྡོ་རྗེ་འཛིན་པ་མཆོག་ཏུ་རིགས། །སྡོམ་ལྡན་མིན་ཀྱང་དད་པ་དོན་གཉེར་དང་། །བརྩོན་པའི་སྤྲོ་བ་ཡོད་ན་སུས་ཀྱང་རུང་། །ཆག་ན་རེ་བ་འབྲས་མེད་ཉེས་པ་ཡོད། །དེ་ཕྱིར་ཆག་མེད་གཏོང་བ་ཤིན་ཏུ་གཅེས། །བསམ་པ་བྱང་ཆུབ་སེམས་ཀྱི་སྙིང་རྗེ་དང་། །རྡོ་རྗེ་ཐེག་པའི་བསྐྱེད་རིམ་གསལ་དགོས་ལ། །སྤྱོད་ལམ་ཁྲུས་དང་གཙང་སྦྲ་བཅས་པ་དང་། །ཤ་ཆང་སྒོག་གཙོང་ལ་སོགས་སྤོང་བར་གསུང་། །བྱ་རྒྱུད་ཙམ་པོར་བདག་བསྐྱེད་མེད་མོད་ཀྱང་། །ཁྱད་པར་ཅན་ལ་བདག་སྐྱེད་གསུངས་པས་ན། །ཐུབ་པའི་དབང་པོའམ་

― KMC022_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱན་རས་གཟིགས་སུ་བསྒོམ། །དོན་ཚན་གཉིས་པར་གང་དུ་གཏོང་བའི་སྣོད། །རྭ་དང་ཐོད་པ་བསེ་སོགས་མི་གཙང་རིགས། །ཆུང་དང་ཁ་ཆག་ཞབས་རྡོལ་དྲི་མ་ཅན། །ལྕགས་ཀྱི་སྣོད་དང་ལ་ཆ་ཏི་ཚ་ཅན། །འཁར་བའི་རིགས་ཀྱི་སྣོད་རྣམས་རབ་སྤངས་ནས། །གསེར་དངུལ་ཟངས་དམར་དུང་དང་ཉ་ལྕིབས་དང་། །རྫ་ཤིང་དཀར་ཡོལ་ལ་སོགས་འབྱོར་དང་བསྟུན། །རྣམ་པ་རྒྱ་ཆེ་ཁ་དབྱེས་ཆེ་ཆུང་ཚད། །ཇི་ལྟར་ཆེ་ཞིང་བསོད་ནམས་ཆེ་བར་གསུངས། །ནང་གི་བཅུ་ནི་ཤ་ཆང་ལ་ཕུག་དང་། །དུག་གི་རིགས་དང་སྡིག་དང་འདྲེས་པའི་ཟས། །སྤངས་ནས་ཟས་མཆོག་དཀར་གསུམ་མངར་གསུམ་དང་། །ཐ་མ་ཟན་དང་ཆུ་ལ་བྱ་བ་སྟེ། །ཇོ་བོས་བོད་ལ་ཕྱུག་པོ་མི་ཡོང་བ། །གཏོར་ཟན་སླ་དང་མཐེབ་སྐྱུས་ལན་ཅེས་གསུངས། །དྲི་མ་ཅན་ལ་གཏོར་མགྲོན་མི་འཁོར་བས། །དེ་གསུམ་སྤངས་ཤིང་གྲུབ་ཐོབ་ལྕེ་སྒོམ་པས། །འབྲུ་དང་ཆུ་གཙང་ཁོ་ན་

― KMC022_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་བ་ནི། །ལག་ཏུ་ལེན་པར་བདེ་བ་ཡིན་ཡང་གསུང་། །སློབ་དཔོན་ཨ་བྷྱས་སྔགས་ཚར་བདུན་བརྗོད་ཅིང་། །ལག་གཡས་བརྐྱང་བའི་སོར་མོ་ལྔ་པོ་ལས། །བདུད་རྩི་བབ་པས་ཆུ་དང་བཅས་པའི་ཟན། །ཉག་མ་རེ་ཡིས་མ་ག་དྷ་ཡི་བྲེའོ། །ཁལ་ལྔ་ཙམ་དེའི་བཟའ་བར་གྱུར་པ་དེས། །ཚིམ་པར་བསམ་ཞིང་སེ་གོལ་ལན་གསུམ་བརྡབ། །ཅེས་གསུངས་དེས་ན་སྐབས་དང་རིགས་པས་དཔྱད། །ཟན་གྱི་དགར་སླ་རང་གི་ཟ་རུང་ཙམ། །ཆེ་ཆུང་ཚད་ནི་ཆེ་བ་རི་རབ་ཙམ། །རྒྱ་མཚོ་ཙམ་མམ་ཆུང་བ་ནས་འབྲུ་ཙམ། །ཟན་ཁམ་གཅིག་དང་ཆུ་ཕུལ་གང་ཡང་རུང་། །རང་གི་འབྱོར་པ་དག་དང་བསྟུན་ཏེ་བྱ། །གྲུབ་ཐོབ་ཆེན་པོ་ཀརྨ་པཀྵི་ཡིས། །ཕྲིན་ལས་ཐམས་ཅད་གཏོར་མར་རག་ལས་པས། །ཉང་ཉུང་ཆང་ཆུང་ཙམ་གྱིས་མི་རུང་སྟེ། །རི་ལྟར་སྤུངས་ཤིང་མཚོ་ལྟར་བསྐྱིལ་དགོས་གསུངས། །གཏོར་མའི་གྲུབ་ཐོབ་བླ་མ་ལྕེ་སྒོམ་པས། །ནས་འབྲུ་ཟན་ཁམ་ཙམ་ལའང་

― KMC022_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟེན་ནས་ནི། །བརྒྱ་རྩ་ཆགས་མེད་ཐུགས་དམ་མཛད་པ་དང་། །སྒྲུབ་བརྒྱགས་ཞོ་གཅིག་ཙམ་ལས་མེད་དུས་ཀྱང་། །གཏོར་མ་འབུམ་ཚོའི་བསྙེན་པ་མཛད་པ་ན། །འཕྲལ་དུ་ལོངས་སྤྱོད་དཔག་ཏུ་མེད་པ་འཕེལ། །གཞི་བདག་དམ་ལ་ཐོགས་པ་བྱུང་ཞེས་གསུངས། །དམིགས་པ་གཙོ་ཟེར་དངོས་པོ་ཁྱད་བསད་ནས། །སྣོད་མེད་སྐམ་གཏོར་ལ་སོགས་མི་རུང་སྟེ། །ཆུ་ནི་སྐོོམ་པ་སེལ་བའི་བདུད་རྩིའི་རྒྱུན། །ཟན་ནི་བཀྲེས་པ་སེལ་བ་སྲོག་གི་ཟུངས། །སྣོད་ནི་དེ་དག་བརྟེན་པའི་སྣོད་ཡིན་པས། །རྒྱུ་ཚོགས་གྲངས་ཚད་རྟེན་འབྲེལ་འགྲིགས་པ་དགོས། །ཡི་དྭགས་རྣམས་ཀྱིས་ཇི་ཙམ་ཐོབ་པ་ནི། །མ་ག་དྷ་ཡི་བྲེ་ཚད་བདུན་བདུན་ཏེ། །དེ་ཡི་བྲེ་རེར་གསེར་བྲེའི་ཁལ་བཞི་དང་། །བྲེ་བཞིར་གྲོ་བར་འདུག་ཅེས་གྲགས་པར་སྣང་། །དེ་ནི་སྔགས་མཐུ་ཁོ་ནས་འཕེལ་བའི་ནུས། །ཏིང་འཛིན་མཐུས་ནི་བསམ་མི་ཁྱབ་ཏུ་འཕེལ། །དོན་ཚན་གསུམ་པར་དཀོན་

― KMC022_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་སྲི་ཞུའི་མགྲོན། །མགོན་པོ་ཡོན་ཏན་རིགས་དྲུག་སྙིང་རྗེའི་མགྲོན། །ཤ་འཁོན་ལན་ཆགས་མགྲོན་བཞིར་གྲགས་པ་ལས། །དང་པོ་གཉིས་ནི་སྤྱན་འདྲེན་བྱས་ན་འབྱོན། །མ་བྱས་མི་འབྱོན་དྲངས་ཀྱང་མི་འབྱོན་པ། །རིགས་དྲུག་ནང་ནས་གནོད་སྦྱིན་གཞོང་ཐོགས་དང་། །ལག་རིང་རི་རྩེ་རྐན་དང་རྟག་མྱོས་རྣམས། །རྒྱ་མཚོ་ལུད་དང་རི་རབ་འགྱེལ་དོགས་དང་། །རི་རབ་རྩེ་ནས་གླིང་གཞི་བསྲུང་བ་དང་། །ཤིན་ཏུ་མྱོས་པར་གྱུར་པ་དེ་རྣམས་བཞིའོ། །སྤྱན་འདྲེན་བྱེད་དུ་མི་རུང་མགྲོན་བཞི་ནི། །ས་བདག་སྟོབས་ཆེན་ཤྲཱི་པ་ཏྲ་གཉིས། །ཧང་པཎ་ཀླུ་དང་ཡི་དྭགས་གཏེར་སྲུང་བཞི། །གཞན་དུ་ཕྱིན་ན་ས་གཞི་གཡོ་བ་དང་། །ནད་རྐྱལ་ཁ་ལུད་མཐོང་བའི་དུག་ཡོད་དང་། །གཏེར་བུམ་བོར་ན་མུ་གེ་འབྱུང་ཕྱིར་རོ། །སྤྱན་འདྲེན་མ་བྱས་ན་ཡང་འབྱོན་པ་ནི། །ཡི་དྭགས་རྣམས་ནི་ཤ་ལ་སྦྲང་མ་བཞིན། །བཤམས་མ་ཐག་ཏུ་འདུ་ཞིང་འཚོགས་པར་བྱེད། །

― KMC022_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ་སྒོ་འདིར་ནི་མཆོད་ཡུལ་སྦྱིན་ཡུལ་གཉིས། །དེ་ལས་ཕྱེ་ན་བསམ་གྱིས་མི་ཁྱབ་ཀྱང་། །བརྒྱུད་པའི་ཕྱག་ལེན་བཅུ་གཉིས་དབྱེར་མཛད་དེ། །དང་པོ་བླ་མ་ཡི་དམ་ལྷ་ཚོགས་དང་། །གཉིས་པ་ཡེ་ཤེས་པ་ཡི་ཆོས་སྐྱོང་དང་། །གསུམ་པ་འཇིག་རྟེན་པ་ཡི་ཆོས་སྐྱོང་དང་། །བཞི་པ་བྲམ་ཟེ་དྲང་སྲོང་གྲུབ་པ་དང་། །ལྔ་པ་ལྷན་སྐྱེས་ལྷ་རྣམས་མཆོད་ཡུལ་ཡིན། །ལྷན་སྐྱེས་བདུད་དང་དྲུག་པ་རིས་དྲུག་དང་། །བདུན་པ་ཀླུ་དང་བརྒྱད་པ་ཡི་དྭགས་དང་། །དགུ་པ་ལེན་ཆགས་བཅུ་པ་བཞི་བདག་སྤྱི། །བཅུ་གཅིག་བྱེ་བྲག་ཡུལ་གྱི་བཞི་བདག་དང་། །བཅུ་གཉིས་ཁས་ཉེན་དབང་ཆུང་མ་ཐོབ་ཅིང་། །གློ་བུར་ལྷགས་པ་རྣམས་ཏེ་སྦྱིན་ཡུལ་ཡིན། །དང་པོའི་ཁོངས་སུ་ཇོ་བོ་དཀོན་མཆོག་གསུམ། །རྒྱལ་བ་རྒྱལ་སྲས་ཉན་རང་འཕགས་པ་སོགས། །སྐྱབས་གནས་ཀུན་བསྡུ་དེ་དག་མཆོད་པའི་དགེས། །ཐུགས་རྗེའི་ལྕགས་ཀྱུས་རྗེས་སུ་འཛིན་པར་

― KMC022_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར། །གཉིས་པ་ཡེ་ཤེས་ཆོས་སྐྱོང་མཆོད་པས་ནི། །སྔོན་གྱི་ཐུགས་དམ་བཞིན་དུ་ཕྲིན་ལས་མཛད། །གསུམ་པ་འཇིག་རྟེན་པ་ཡི་ཆོས་སྐྱོང་ནི། །སྟོན་པའི་སྤྱན་སྔར་སྡོམ་པ་སེམས་བསྐྱེད་ནོད། །སངས་རྒྱས་བསྟན་པ་བསྲུང་བར་ཁས་བླངས་ཤིང་། །འཇིག་རྟེན་སྐྱོང་ཕྱིར་འཇིག་རྟེན་ཚུལ་བཟུང་བའི། །ལྷ་ཆེན་བརྒྱད་དང་ཀླུ་བརྒྱད་གཟའ་ཆེན་བརྒྱད། །གནོད་སྦྱིན་བརྒྱད་དང་ཕྱོགས་སྐྱོང་རྒྱལ་ཆེན་བཞི། །རྒྱུ་སྐར་ཉེར་བརྒྱད་ཚངས་པ་བརྒྱ་བྱིན་སོགས། །གཙང་རིས་དཔལ་མགོན་རྣམས་ལ་མཆོད་བྱས་པས། །མི་མཇེད་འཇིག་རྟེན་ཀུན་ཏུ་བདེ་ལེགས་འབྱུང་། །བཞི་པ་ལྷ་ཀླུ་མི་ཡི་བྲམ་ཟེ་དང་། །དྲང་སྲོང་ཁྲིམས་ལྡན་དཀའ་ཐུབ་རིགས་སྔགས་འཆང་། །ཕན་དང་གནོད་པའི་དམོད་འདོར་བདེན་ཚིག་གྲུབ། །སྤྱན་དང་མངོན་ཤེས་རིག་གནས་བཅོ་བརྒྱད་རིག །སྨོན་ལམ་འདེབས་པ་དཔག་ཏུ་མེད་པ་དང་། །ནད་པར་ཕན་འདོགས་སྨན་གྱི་བྲམ་ཟེ་དྲུག །

― KMC022_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩི་སྨན་གྱི་དྲང་སྲོང་བཅོ་ལྔ་སོགས། །མཆོད་པས་ནད་ཡམས་སེལ་ཞིང་སྨོན་ལམ་འགྲུབ། །ལྔ་པ་ལྷན་ཅིག་སྐྱེས་པའི་ལྷ་བདུད་ནི། །འཚོ་བའི་ལྷ་དང་སྲུང་སྐྱོབ་འགྲོགས་པའི་ལྷ། །འགོ་བའི་ལྷ་ལྔ་དེ་དག་རིམ་པ་བཞིན། །ཡུལ་ལྷ་སྲོག་ལྷ་དགྲ་ལྷ་མོ་ལྷ་དང་། །ཕོ་ལྷ་ཞེས་བྱ་ལུས་ཀྱི་གཟི་བརྗིད་དང་། །སེམས་ཀྱི་དཔའ་སྟོབས་མཐའ་དག་སྦྱིན་བྱེད་པའོ། །བསོད་ནམས་ཅན་ལ་ལྷན་སྐྱེས་ལྷ་མང་ཡང་། །བསོད་ཆུང་རྣམས་ལ་འདྲེ་བདུད་མང་དུ་འཁོར། །གཉིས་ཀར་མཆོད་སྦྱིན་བྱས་པས་གྲོགས་སུ་འགྱུར། །དྲུག་པ་རིགས་དྲུག་ཇི་སྙེད་ལ་སྦྱིན་པའི། །ལྷག་བསམ་མཐུ་ཡིས་དེ་སྙེད་བསོད་ནམས་ཐོབ། །ཀུན་ཀྱང་རང་གི་གདུལ་བྱའི་ཞིང་དུ་འགྱུར། །ཁྱད་པར་གཏོར་མ་མི་ལ་བསྔོ་བ་ནི། །དགེ་བཤེས་འཆད་ཀ་བ་ཡི་ཁྱད་ཆོས་གསུངས། །དགྲ་ལ་བསྔོས་ན་དེ་ཡི་གནོད་པ་ཞི། །བན་བོན་བསྔོས་ན་བྱད་ཁ་ཕུར་ཁ་ཟློོག །ཡུལ་མིར་བསྔོས་ན་

― KMC022_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱིས་བྱམས་པར་འགྱུར། །བདུན་པ་ཀླུ་གཉན་ས་བདག་ལ་སོགས་ནི། །བཀའ་གཉན་ཀོ་ལོང་དམ་པའི་དབང་གིས་ན། །གཏོར་མ་སྒོས་སུ་བསྔོ་བར་བྱས་པ་ནི། །ཐོ་ཅོ་མི་གཙང་གྲིབ་སོགས་ཕོག་ཐུག་རྣམས། །བཟོད་ཅིང་གནོད་སེམས་ཞི་བའི་དགོས་པ་ཡོད། །བརྒྱད་པ་ཡི་དྭགས་རྣམས་ནི་ཁྱད་པར་དུ། །སྟོན་པས་འདི་ཉིད་ཁོ་ནའི་དོན་དུ་བཅས། །ཡི་དྭགས་རིགས་ལ་བྱེ་བ་སུམ་ཅུ་གཉིས། །སྔོན་ལས་སེར་སྣ་འཇུར་གེགས་བྱས་པ་དང་། །དགེ་འདུན་འདུ་བའི་སྒོ་ལ་སྤྱད་པ་དང་། །དཀོན་མཆོག་དཀོར་ལ་འབགས་པའི་ཉེས་པ་ཡིས། །ད་ལྟ་བཀྲེས་སྐོམ་ཚ་གྲང་ངལ་དུབ་དང་། །གཞན་གྱིས་བརྡེག་འཚོག་རྐུ་འཕྲོག་དུ་མས་གཟིར། །དཔེར་ན་ཇོ་བོ་རྗེ་ཡིས་གཟིགས་པ་ན། །ལྦ་བར་རང་ལུས་བཏགས་པས་འགུལ་མི་ནུས། །དེ་ལ་བྲད་ནས་རྣག་ཁྲག་ཟ་བ་དང་། །སློབ་དཔོན་ཛེ་ཏཱ་རི་ཡིས་གཟིགས་པ་ལ། །བཅུ་གཉིས་ལོ་ལ་ཟས་སྐོམ་བསྒུགས་ན་

― KMC022_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་། །ལུད་པའི་བཅུ་ཆ་མ་གཏོགས་མ་ཐོབ་སོགས། །མི་སྡུག་ཉམ་ཐག་དུ་མ་ཡོད་པར་གསུངས། །དེ་དག་རྣམས་ལ་ནན་ཏན་གྱིས་བསྔོས་ན། །བཀྲེས་སྐོམ་བསལ་བའི་ཕན་ཡོན་དཔག་མེད་འབྱུང་། །ཕྱུག་ཅིང་འགྲངས་ལ་ཁ་ཟས་མི་དགོས་ལྟར། །མགྲོན་གྱི་ནང་ནས་ཡི་དྭགས་གཙོ་བོ་ཡིན། །དགུ་པ་ལན་ཆགས་གདོན་ཆེན་བཅོ་བརྒྱད་དང་། །བགེགས་རིགས་སྟོང་ཕྲག་བརྒྱད་ཅུ་གློ་བུར་གྱི། །ཡེ་འགྲོགས་སུམ་བརྒྱ་དྲུག་ཅུ་ལ་སོགས་པ། །གནོད་བྱེད་གདུག་རྩུབ་ནག་ཕྱོགས་འབྱུང་པོའི་རིགས། །བོད་ཀྱི་ལྷ་འདྲེ་དམུ་བཙན་རྒྱལ་པོ་དང་། །ཐེའུ་རང་མ་མོ་བདུད་སྲིན་གཟའ་དང་ཀླུ། །གནོད་སྦྱིན་སྨན་མོ་གཤིན་རྗེར་གྲགས་པ་སོགས། །ཁྱད་པར་གཅིག་སྲོག་གཅིག་གིས་བཅད་པ་དང་། །གཅིག་ནོར་གཅིག་གིས་ཕྲོགས་པ་ལ་སོགས་པའི། །བུ་ལོན་ཤ་འཁོན་ཞུགས་པ་ཐམས་ཅད་ལ། །བསྔོས་པས་ཕུན་ཚུན་གནོད་སེམས་ཞི་བར་འགྱུར། །བཅུ་

― KMC022_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཛམ་བུ་གླིང་གི་གཞི་ཡི་བདག །ཡུལ་བདག་གནས་བདག་ཅེས་གྲགས་མེ་ཡི་ལྷ། །མེ་དཔུང་བསྣམས་པ། གསལ་བའི་འོད་ཟེར་ཆུ་བདག་ཝ་རུ་ཎ། །སྦྲུལ་ཞགས་བསྣམས་པ། རླུང་ལྷ་$སྦུད་པ་བསྣམས་པ། བཱ་ཡ་བེ་བྱེ་རླུང་གི་བདག །ལག་པ་ཆེན་པོ་ $འཁོར་ལོ་བསྣམས་པ། གཏེར་བདག་ནོར་རིན་པོ་ཆེའི་བུམ་པ་བསྣམས་རྒྱུན་མ། །རི་ལ་གནས་པ་བརྟན་པའི་བློ་གྲོས་དང་། །རི་རབ་བསྣམས་པ། ནགས་ཀྱི་ལྷ་མོ་རྨ་བྱའི་མདངས་ལྡན་མ། །རྨ་བྱ་བསྣམས་པ། ཤིང་གི་ལྷ་མོ་ཀུན་ནས་འོད་ཟེར་དང་། །ཤིང་ཐོག་བསྣམས་པ། ཙི་ཐོག་ལྷ་མོ་གྲུབ་པའི་བློ་གྲོས་སོགས། །སྦྲང་རྩི་བསྣམས་པ། ཁྱད་པར་བོད་ཁམས་བརྟན་སྐྱོང་འཁོར་བཅས་ལ། །བསྔོས་པས་ཡུལ་ཀུན་བཀྲ་ཤིས་བྱིན་ཆགས་ཤིང་། །ལོ་ཕྱུག་རྟག་ཏུ་ལེགས་པའི་དགོས་པ་ཡོད། །བཅུ་གཅིག་རང་ཉིད་གང་དུ་གནས་པ་དེར། །རྟག་ཏུ་གཉུག་མར་གནས་པའི་གཞི་བདག་རིགས། །ཚོང་དུས་ཆོས་རེ་སྐྱེ་བོའི་འདུ་འཚོགས་ས། །དགེ་འདུན་རྣམས་

― KMC022_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཀུན་དགའ་ར་བའི་ལྷ། །ཐུགས་རིན་ཆེན་འབར་བསྣམས་པ། རྗེ་ཀུན་ཏུ་སྣང་བའི་བློ་གྲོས་དང་། །ཁྱིམ་རིན་པོ་ཆེ་བསྣམས་པ།གྱི་ཁྱིམ་ལྷ་ཀུན་ཏུ་སྣང་བ་སོགས། །གཞན་ཡང་འདི་ན་འདི་གནས་ཞེས་གྲགས་པ། །དེ་ལ་བསྔོས་པས་ཕྲག་དོག་གདུག་རྩུབ་ཞི། །གནས་པོ་བཞིན་དུ་སྟོང་གྲོགས་རོགས་དན་བྱེད། །བཅུ་གཉིས་གློ་བུར་ལྷགས་པའི་ཡི་དྭགས་རིགས། །དཔེར་ན་སྟོན་མོ་ཆེན་པོ་བྱས་གྱུར་ཀྱང་། །བསོད་ཆུང་ཁ་ཅིག་རྗེས་ནས་ལུས་པ་ལྟར། །སྐལ་ཆད་རྣམས་ལ་ལྷག་མ་ཆ་བརྒྱད་བྱིན། །རེ་བ་བཞིན་དུ་སྟོང་ལོག་མེད་པར་འགྱུར། །དོན་ཚན་བཞི་པ་འབུལ་བའི་རིམ་པ་ལ། །དུས་གནས་དམ་ཚིག་ཆོ་ག་བྱ་བ་དངོས། །ཚིམ་ཚུལ་ཕན་ཡོན་ལས་སྦྱོར་རྣམ་གྲངས་སོ། །དང་པོ་ཉི་ཤར་བཀྲ་ཤིས་ཕུན་སུམ་ཚོགས། །ཟས་ཀྱི་དྲི་ལ་འགའ་ཞིག་སྐྲག་པའི་ཕྱིར། །ཁ་ཟས་མ་ཟས་གོང་དུ་གཏོང་པའང་གསུངས། །བྲམ་ཟེའི་རིགས་འགའ་ཕྱི་དྲོ་མི་ཟ་བས། །སྔ་དྲོ་

― KMC022_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་ཞེས་ལྕེ་སྒོམ་པ་ཡིས་གསུངས། །ཕྱི་དྲོ་ཉི་མའི་གྲིབ་ཆུང་ཉིལ་བ་ན། །ཡི་དྭགས་བཟའ་བཏུང་འཚོལ་བས་དེར་ཡང་རུང་། །འབྱུང་པོ་ཕལ་ཆེར་མཚན་མོ་རྒྱུ་བས་ན། །མཚན་མོ་བཏང་བས་ཕྲིན་ལས་མྱུར་འགྲུབ་བྱེད། །མདོར་ན་མི་ལྟོགས་རྣམས་ལ་ཁ་ཟས་བཞིན། །ནམ་དུའང་རུང་ཞེས་ཇོ་བོ་རྗེ་ཡིས་གསུངས། །གཏོང་བའི་དུས་གནས་སྔར་ལས་མ་ཡོལ་བྱ། །གལ་ཏེ་ཡོལ་ན་ཅུང་ཟད་སྔ་བ་ལེགས། །ཐོག་མ་གང་དུ་བཏང་བའི་ས་ཡུལ་དེར། །སྐོར་གཅིག་ངེས་པར་འཚོགས་པར་འདུག་ཅེས་གསུངས། །གཉིས་པ་དམ་ཚིག་གཏོར་སྟེགས་མ་བྱས་ན། །མི་ཆེན་ལྕོག་རྩེ་མེད་བཞིན་བརྙས་པ་དང་། །རྒྱུ་འགྲུལ་གཞན་གྱིས་ཞར་ལ་འཁྱེར་བའང་སྲིད། །དབུལ་པོ་བླུགས་སྣོད་མེད་པར་སྦྱིན་པ་བཞིན། །སྣོད་མེད་བརྙས་དང་ཆེད་གཉེར་མེད་པར་འགྱུར། །གཙང་སར་བཏང་ཞིང་དོར་བ་མ་བྱས་ན། །འབགས་བཙོག་དྲི་མས་ཟས་དེ་དུག་ཏུ་འགྱུར། །ཆུ་མེད་སྐམ་གྱི་

― KMC022_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བོན་ལྟར་འགྱུར་བས། །སྟོན་པས་ཆུ་དང་བཅས་ཏེ་གཏོང་བར་གསུངས། །མུན་པའམ་གཞན་ཡང་མི་མཐོང་སར་བཤམས་ན། །འོལ་ཚོད་མུན་ནང་མདའ་འཕངས་ཉིད་འགྱུར་བས། །སྣང་བ་དང་བཅས་རང་གིས་མཐོང་སར་བཤམས། །གཏོར་སྣོད་ཡོ་ན་ཡི་དྭགས་བློ་མི་བདེ། །རྒྱུ་དེས་རང་བློ་ཀྱོག་པའི་སྐྱོན་འབྱུང་ཞིང་། །གཏོར་སྣོད་འབྲེལ་ན་རྩོད་པ་འབྱུང་བའི་ཕྱིར། །ཕན་ཚུན་མ་རེག་ཙམ་དུ་དྲང་པོར་བཤམས། །འཇུངས་པ་རྣམས་ཀྱི་ཡི་ག་མི་གང་ཞིང་། །བོ་ཞིང་ལུད་པའང་དེ་ཡིས་ཐོབ་འགྱུར་བས། །རབ་ཏུ་ཁེངས་ཤིང་ལུད་པ་ཙམ་དུ་གཏོང་། །སྦྱིན་གྲབས་བྱས་ཤིང་མ་བྱིན་ལྟ་བུ་ཡིས། །གཤིས་ངན་འཚིག་ནས་སྟོང་ལོག་བྱེད་སྲིད་པས། །གཏོར་མ་རན་པར་བསྒུལ་བསྐྱོད་མི་བྱ་ཞིང་། །གལ་ཏེ་བསྒུལ་ན་དེ་མ་ཐག་ཏུ་གཏོང་། །ལུས་ངག་ཙམ་ལ་འབྲས་བུ་མི་འབྱུང་བས། །མ་ཡེངས་སེམས་ཀྱི་དམིགས་འདུན་དྲག་ཏུ་བྱ། །སྟོན་མོ་

― KMC022_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

བཤམས་ནས་གསོལ་བརྡའ་མ་སྤྲད་བཞིན། །ནམ་ཟའི་དུས་དང་གང་ཐོབ་མི་ཤེས་པས། །གཏོང་དུས་ངེས་པར་མཚམས་སྦྱོར་བརྡ་སྤྲོད་བྱེད། །སྔ་མའི་ལྷག་མས་འབགས་བཙོག་འབྱུང་བའི་ཕྱིར། །གཏོར་སྣོད་བཤལ་ཞིང་བཀྲུས་ཏེ་གཙང་པར་བྱ། །ཟན་དང་བཀྲུ་བཤལ་བསྲེས་ན་མི་རུང་ལྟར། །བཤལ་ཆུ་ལོགས་སུ་བྱས་ནས་གཙང་སར་ཕོ། །དེ་ཡང་བཟའ་བཏུང་བླུག་ཏུ་རེ་བ་དང་། །ཡིད་དུ་མི་འོང་རྟེན་འབྲེལ་འཆུག་པའི་ཕྱིར། །སྣོད་སྤྱད་སྟོང་པ་རྩ་རུ་མི་བཞག་གོ །གསུམ་པ་ཆོ་གར་སྦྱོར་དངོས་རྗེས་གསུམ་ལས། །ཐོག་མར་སྐྱབས་འགྲོ་སེམས་བསྐྱེད་རྒྱས་པའམ། །བསྡུ་ན་སངས་རྒྱས་ཆོས་ཚོགས་ཁོ་ན་སྟེ། །འདི་ལྟའི་ཚིག་བཅད་རེ་རེའི་བཀའ་དྲིན་ཡང་། །བོད་ཁམས་ཀུན་གྱིས་ཁུར་ཡང་མི་ཐེག་ཅེས། །དགེ་བཤེས་སྤྱན་སྔ་བ་ཡི་གསུང་ལས་གྲགས། །ལྕེ་སྒོམ་པས་ཀྱང་འདི་ཉིད་གལ་ཆེ་བས། །ང་ཡིས་སྣོད་རེར་སེམས་བསྐྱེད་རེ་བྱས་གསུངས། །

― KMC022_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དམ་སེམས་བསྐྱེད་སྟོང་པ་ཉིད་སྒོམ་ཞིང་། །དེ་ལས་སྙིང་རྗེས་གཟུགས་སྐུར་ལྡང་ཚུལ་གྱིས། །བདག་བསྐྱེད་སྒོམ་ཞིང་གཏོར་མགྲོན་མདུན་བསྐྱེད་རྣམས། །སོ་སོར་སྤྱན་འདྲེན་ཞུ་ཞིང་མདུན་དུ་དགུག །དངོས་གཞི་སྔགས་དང་དམིགས་པ་ཕྱག་རྒྱ་ཡིན། །སྔགས་ཀྱི་ནུས་པ་བསམ་གྱིས་མི་ཁྱབ་སྟེ། །དཔེར་ན་བསྟོད་སྨད་སྙན་དང་མི་སྙན་ལས། །སེམས་ལ་བདེ་སྡུག་བསྐྱེད་པའི་ནུས་ཡོད་བཞིན། །ཁྱད་པར་སྟོན་པས་བྱིན་གྱིས་རླབས་པས་ན། །ཕན་ཡོན་འབྱུང་བར་ངེས་ཤེས་བསྐྱེད་དེ་འབད། །དམིགས་པ་ཆོས་ཅན་སྣང་ཆ་ཀུན་རྫོབ་དང་། །དེ་ཡི་ཆོས་ཉིད་སྟོང་པ་དོན་དམ་བདེན། །དོན་དམ་དམིགས་པ་མེད་པའི་དམིགས་པ་སྟེ། །སྔོན་ཚེ་རྗེ་བཙུན་ཆེན་པོ་སྒམ་པོ་པས། །ཏིང་འཛིན་ངང་ནས་ཆུ་སྦྱིན་མཛད་པ་བཞིན། །ཀུན་རྫོབ་ཆོས་ནི་སེམས་ཀྱི་བཏགས་པ་ཙམ། །རྒྱུ་མཚན་དེ་ཕྱིར་ཅིར་ཡང་བསྒྱུར་རུང་བས། །དམིགས་པ་རྣོན་པོ་

― KMC022_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

རྣལ་འབྱོར་མཚོན་ཆར་གྲགས། །འོན་ཀྱང་ཆགས་ཤིང་ཞེན་པའི་དངོས་འཛིན་གྱི། །བྱ་བྱེད་ཇི་ལྟར་བཟང་ཡང་འཁོར་བའི་རྒྱུ། །སྒྱུ་མ་མཁན་པོ་རང་གིས་སྤྲུལ་པ་ཡི། །རྟ་གླང་སོགས་ལ་ཆགས་འཛིན་མེད་ལྟར་སྤྱོད། །དེས་ནི་ཟག་པ་མེད་པའི་ཚོགས་རྫོགས་ནས། །དམིགས་གཏད་མཚན་མ་ཀུན་ལས་གྲོལ་བར་འགྱུར། །ཟབ་མོའི་དེ་ཉིད་དེ་ལྟར་རབ་ཤེས་པའི། །རྣལ་འབྱོར་བ་དེས་གཏོར་མའི་དེ་ཉིད་རིག །ཕྱག་རྒྱ་ཟུང་འཇུག་རྣལ་འབྱོར་རྩེ་གཅིག་དོན། །སེམས་ཀྱི་བསམ་པ་མཚོན་པའི་ལུས་ཀྱི་བརྡ། །མཆོག་སྦྱིན་སེ་གོལ་ལ་སོགས་ཕྱག་ལེན་བཞིན། །སྔགས་ཚན་དང་པོས་མཆོད་གཏོར་གདོན་བགེགས་བསལ། །གཉིས་པས་རང་བཞིན་རྣམ་དག་དྲན་བྱེད་ཅིང་། །གསུམ་པ་འབྲུ་གསུམ་གཏོར་མའི་དེ་ཉིད་ཅེས། །རིན་ཆེན་སྣོད་མཆོག་ཡིད་དུ་འོང་བའི་ནང་། །སངས་རྒྱས་ཀུན་གྱི་སྐུ་གསུང་ཐུགས་རང་བཞིན། །ཟག་མེད་ཡེ་ཤེས་བདུད་རྩིར་བྱིན་བརླབ་

― KMC022_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །ཡིག་གསུམ་དང་པོས་བསྐྱེད་པའི་ས་བོན་དང་། །གཉིས་པས་ཟག་མེད་བདུད་རྩིར་བྱིན་གྱིས་བརླབ། །ཡང་ན་འབྲུ་གསུམ་དང་པོས་ཉེས་སྐྱོན་སྦྱོང་། །གཉིས་པས་སྣོད་བཅུད་ཕུན་སུམ་ཚོགས་པར་བསྒྱུར། །གསུམ་པས་ཟད་མེད་རྒྱ་ཆེར་སྤེལ་བ་ཡི། །བྱིན་རླབས་དགུ་ཕྲུགས་ཞེས་བྱ་བཞེད་པའང་ཡོད། །བཞི་པ་ཁ་འབར་མ་ཡི་གཟུངས་སྔགས་དངོས། །དེ་ནི་བདུད་རྩི་ཐོབ་པར་བྱེད་པའི་སྔགས། །དེ་ཡང་བླ་མ་ཡི་དམ་ཆོས་སྐྱོང་དང་། །ཟག་པ་མེད་པའི་མཆོད་སྤྲིན་རྒྱ་མཚོ་དང་། །གཞན་དག་རྣམས་ལ་ངོ་བོ་བདུད་རྩི་ཉིད། །རྣམ་པ་སོ་སོའི་ཡིད་བཞིན་རོ་བརྒྱ་པའི། །བཟའ་དང་བཏུང་བའི་ལོངས་སྤྱོད་དུ་མ་དང་། །ལྷ་ཡི་ཞལ་ཟས་ཡིད་འོང་རྒྱན་ལྡན་པ། །ཁ་དོག་དྲི་རོ་རེག་བྱ་དམ་པའི་དངོས། །འབྲུ་འབྲས་ལོ་ཏོག་མེ་ཏོག་བདུག་སྤོས་དྲི། །སྣང་གསལ་ཞལ་ཟས་རོལ་མོ་རྩི་བཅུད་དང་། །རིན་ཆེན་གོས་སོགས་མཁོ་དགུའི་ཡོ་བྱད་

― KMC022_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །ལག་ལེན་མཁས་པས་གྲལ་དུ་བཀྱེ་ལེགས་བཞིན། །གང་ལ་གང་འཚམས་རིམ་པ་མ་འཆོལ་བར། །རྒྱལ་ཕམ་སྙོམས་ཤིང་ཀུན་གྱིས་ཐོབ་པར་བྱེད། །དེ་བཞིན་གཤེགས་པ་བཞི་ཡི་མཚན་བརྗོད་པའི། །རྒྱུ་མཚན་གཏོར་མ་བྱིན་གྱིས་རློབས་པ་དང་། །ཐོས་པའི་མོད་ལ་ཕན་ཡོན་འབྱུང་བ་ཡིན། །དེས་ན་གཟུངས་ཀྱི་ཐོག་ཐ་གང་དུའང་རུང་། །དེ་ཡང་དགེ་བཤེས་སྟོན་པའི་རྗེས་འབྲངས་ནས། །རིན་ཆེན་མང་ནི་ཤཱཀྱ་ཐུབ་པ་ཉིད། །གཙོ་མའི་གསེར་མདོག་ངུར་སྨྲིག་ཆོས་གོས་གསོལ། །པད་ཟླའི་གདན་ལ་རྡོ་རྗེ་སྐྱིལ་མོ་ཀྲུང་། །ཕྱག་གཡས་མཆོག་སྦྱིན་གཡོན་པ་མཉམ་བཞག་མཛད། །མཚན་དེ་ཐོས་པས་དབུལ་ཕོངས་ལས་གྲོལ་ནས། །བསོད་ནམས་ལོངས་སྤྱོད་ཕུན་སུམ་ཚོགས་པར་འགྱུར། །གཟུགས་མཛེས་དམ་པ་འཕགས་པ་སྤྱན་རས་གཟིགས། །གངས་རི་ལྟར་དཀར་དར་དང་ནོར་བུས་བརྒྱན། །པད་ཟླར་གཡས་བརྐྱང་རོལ་པའི་སྐྱིལ་

― KMC022_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྲུང་བཞུགས། །ཕྱག་གཡས་མཆོག་སྦྱིན་གཡོན་གྱིས་པད་དཀར་འཛིན། །མཚན་དེ་ཐོས་པས་མི་སྡུག་གཟུགས་སྤངས་ནས། །གཟུགས་བཟང་མཛེས་སྡུག་སྟོབས་ལྡན་ལུས་སུ་འགྱུར། །སྐུ་མཆོག་འབྱམས་ཀླས་འཇམ་དཔལ་གཞོན་ནུ་སྟེ། །གུར་གུམ་མདངས་ཆགས་རྒྱན་རྣམས་ཀུན་གྱིས་མཛེས། །པད་ཟླར་སྐྱིལ་ཀྲུང་ཕྱག་གཡས་རལ་གྲི་དང་། །གཡོན་ན་གླེགས་བམ་དང་བཅས་ཨུཏྤལ་བསྣམས། །མཚན་དེ་ཐོས་པས་ལྟོ་བའི་ནད་ཀུན་བྱང་། །ཟས་ཀྱི་རོ་བྲོ་ཆོག་ཤེས་ལྡན་པར་འགྱུར། འཇིགས་བྲལ་གསང་བའི་བདག་པོ་ཕྱག་རྡོར་ནི། །ཨིནྡྲ་ནཱི་ལའི་འོད་འབར་རྒྱན་གྱིས་སྤྲས། །པད་ཟླར་སྐྱིལ་ཀྲུང་ཕྱག་གཡས་རྡོ་རྗེ་གསོར། །ཕྱག་གཡོན་སྐྱབས་སྦྱིན་མཚན་དེ་ཐོས་པ་ཡིས། །ཕན་ཚུན་རྡེག་འཚོག་གཅིག་གི་གཅིག་ཟ་སོགས། །འཇིགས་དང་ཐོ་འཚེ་ཀུན་ལས་སྐྱོབ་པར་འགྱུར། །དེ་ནས་རྗེས་ནི་སོ་སོར་འདོད་གསོལ་དང་། །ཡང་ན་རིན་ཆེན་མང་

― KMC022_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་འབྱུང་། གཟུགས་མཛེས་གང་གིས་མཐོང་ཡང་ཡིད་དུ་འོང་བ་ཞིག །སྐུ་འབྱམས་ཀླས་གང་ཆེན་མཚོ། འཇིགས་བྲལ་དོན་ཡོད་གྲུབ་པར་བྱས་ཀྱང་རུང་། མཆན། བདེན་བདར་ཆོས་བཤད་བསྔོ་བས་རྒྱས་བཏབ་སྟེ། །མྱུར་མགྱོགས་རྟ་མཆོག་འདྲ་བའི་སྦྱིན་འབྲས་ཀྱང་། །སྨོན་ལམ་སྲབ་མདའ་འདྲ་བས་ཁ་བསྒྱུར་རོ། །ཀུན་ཀྱང་ཕར་ཕྱིན་དྲུག་ལྡན་ཉམས་བླངས་ཏེ། །ཇོ་བོའི་ཞལ་ནས་བྱང་ཆུབ་སེམས་མཆོག་དང་། །ཕ་རོལ་ཕྱིན་དྲུག་སྲང་ལ་བཅལ་གྱུར་ཀྱང་། །མཉམ་པ་ཉིད་ལ་སངས་རྒྱས་འབྱུང་ཞེས་གསུངས། །དེ་བས་རང་འདོད་སྤོང་ནས་མཆོད་སྦྱིན་བྱ། །གཞན་ལ་འཚེ་མེད་གཙང་སྦྲའི་ཚུལ་ཁྲིམས་སྲུང་། །སྐབས་དེར་གཞན་ལ་མི་རྒོལ་ངལ་དུབ་བཟོད། །དགེ་སྦྱོར་ལས་སུ་མ་སོང་རབ་སྤྲོ་བས། །རྐྱེན་གྱིས་ཟློག་ཏུ་མེད་པའི་བརྩོན་འགྲུས་རྩོམ། །མ་ཡེངས་སྨྲ་བཅད་རྩེ་གཅིག་བསམ་གཏན་འཇོག །དགེ་བའི་བཤེས་གཉེན་རྣལ་འབྱོར་པ་ཆེན་པོས། །ཐུགས་དམ་དུས་སུ་དྲུང་དུ་མི་མི་གཏོང་། །

― KMC022_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་པ་གཞན་པ་སྐྱེ་བའི་སྐྱོན་ཡོད་ཅིང་། །ཡེངས་པ་ཐམས་ཅད་སྙོམས་ལས་ཡིན་ཅེས་གསུངས། །བདེན་གཉིས་ཚུལ་ལས་མི་འགལ་ཤེས་རབ་ནི། །ཀུན་རྫོབ་ཐབས་ཀྱི་བྱ་བ་རུས་ཐོན་ཞིང་། །ཆུད་ཟོས་མེད་པའི་ཀང་དེ་ཀྲིག་གེ་དགོས། །མན་མུན་སབ་སུབ་ཙམ་གྱིས་མི་ཡོང་སྟེ། །རྒྱུ་འབྲས་མི་བསླུའི་འབྲེལ་བ་འགྲུབ་པའི་ཕྱིར། །རྒྱུ་ཚོགས་ངན་ལས་འབྲས་བཟང་འབྱུང་བ་མེད། །དོན་དམ་སྐྱེ་མེད་རྟོག་པའི་ཤེས་རབ་ཀྱིས། །ཅིར་ཡང་མ་གྲུབ་གསལ་སྟོང་ཟུང་འཇུག་སྟེ། །འཁོར་གསུམ་ཡོངས་སུ་དག་པའི་ངང་ནས་སྦྱོང་། །དེ་ལྟའི་ཕར་ཕྱིན་དྲུག་གི་དགེ་ཚོགས་རྣམས། །བྱམས་དང་སྙིང་རྗེ་བྱང་ཆུབ་སེམས་གསུམ་གྱི། །བསམ་པ་ཡེ་ཤེས་སྟོབས་ཀྱིས་ལྷག་པར་བྱེད། །སྟོང་ཉིད་རྒྱུ་འབྲས་ཚུལ་དུ་འཆར་བ་དང་། །རྒྱུ་འབྲས་སྟོང་ཉིད་ངང་དུ་གྲོལ་བ་ཡི། །ཤེས་རབ་སྟོབས་ཀྱིས་དགེ་རྩ་རྒྱས་པར་བྱེད། །དབང་པོ་སངས་རྒྱས་རྣམས་ཀྱི་བྱིན་བརླབས་

― KMC022_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །བསྔོ་རྒྱུ་མི་ཟད་འགག་པ་མེད་པ་ཡི། །བསྔོ་བའི་སྟོབས་ཀྱིས་དཔག་ཏུ་མེད་པར་བྱེད། །གཏོར་མགྲོན་རང་གི་རིག་པའི་འཆར་སྒོར་ཤེས། །རིག་བྱ་རིག་བྱེད་གཟུང་འཛིན་སྦུབས་ལས་གྲོལ། །མཆོད་ཡུལ་མཐར་ཐུག་སངས་རྒྱས་ཆོས་ཀྱི་སྐུ། །མཆོད་པའི་མཐར་ཐུག་དེ་ཁོ་ན་ཡིས་མཆོད། །མགྲོན་པོ་རང་ཁྱིམ་བདེ་མོར་སླེབས་པ་བཞིན། །བྱར་མེད་སྤྲོས་བྲལ་དབྱིངས་སུ་འཇོག་པ་འདི། །བཀའ་བརྒྱུད་འདི་པའི་ཆོས་སྤྱོད་རབ་གསལ་ཡིན། །སྒྲུབ་པའི་སྙིང་པོ་འདི་ལ་སྒྲིལ་ནུས་ན། །འཇིག་རྟེན་འཁོར་བའི་ཆོས་དང་མ་འདྲེས་པར། །ཉན་རང་དམན་པའི་རང་འདོད་ལས་གྲོལ་བའི། །སྤྱོད་པ་བསླབ་གསུམ་མཛེས་པའི་སྒྲུབ་རྟགས་ཤིག །རང་གཞན་ཀུན་གྱི་སྣང་ངོར་སྟོན་ནུས་ཤིང་། །དེ་ལས་གཞན་པའི་སྒྲུབ་རྟགས་མེད་ཀྱང་བཟོད། །དེ་ལྟའི་ལྟ་སྤྱོད་རྣམ་པར་དག་པ་ལ། །རྗེས་འཇུག་ཉན་ཐོས་ཐ་དག་འབད་པར་རིགས། །བཞི་པ་ཚིམ་ཚུལ་རྣམ་པ་བཞི་

― KMC022_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ཏེ། །དང་པོ་བཤམས་མ་ཐག་ནས་ཚིམ་པ་ནི། །མདངས་དང་དྲི་ཙམ་ཁོ་ནས་འཚོ་བའོ། །འདི་སྐབས་སློབ་དཔོན་སྒོམ་པའི་ཞལ་སྔ་ནས། །ཆོས་སྤྱོད་གཏོར་མ་གནད་དུ་འཁྱོལ་བ་ལ། །སྒོམ་ཆེན་ཕོ་གྲུང་མོ་གྲུང་ཞིག་དགོས་ཏེ། །ཕལ་ཆེར་འདྲེ་ཡིས་ཁྱེར་ཞེས་གསུངས་པ་ལྟར། །བཤམས་མ་ཐག་ནས་ཐོ་འཚམ་ཟ་བ་ཡོད། །དེ་ཕྱིར་ཐོག་མའི་བསང་ཆུས་བསྲུང་བ་གཅེས། །བསྔོ་ནས་ཚིམ་པ་མ་བསྔོས་གོང་རོལ་དུ། །མི་ཐོབ་དངོས་གཞིའི་ཆོ་ག་གྲུབ་འཕྲལ་ཐོབ། །བཏང་བས་ཚིམ་པ་སྒོ་ཕྱིའི་སློང་མོ་བཞིན། །ཚོགས་པ་རྣམས་ཀྱིས་ཐོབ་པར་བྱ་བའི་ཕྱིར། །གཙང་སར་དོར་ནས་ཡུད་ཙམ་སྲུང་བར་བྱ། །རྗེས་ཀྱི་ཚིམ་པ་ལྷག་བཤལ་ཟ་རྣམས་སོ། །དེ་རྗེས་བྱ་ཁྱི་སྤྲང་པོ་ལ་སོགས་པའི། །གཟུགས་ཅན་དབུལ་པོ་རྣམས་ཀྱང་ཚིམ་གྱུར་པས། །དངོས་པོ་གཅིག་གིས་ཚོགས་བསོག་ལན་གཉིས་ནུས། །ལྔ་པ་ཕན་ཡོན་དཔག་མེད་མདོར་བསྡུས་ན། །

― KMC022_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བོ་དུས་མིན་འཆི་བསླུར་གསུངས་པ་ཡི། །རིགས་པ་དེས་ནི་ཚེ་སྒྲུབ་མཆོག་ཏུ་འགྱུར། །བླ་མ་ལྕེ་སྒོམ་པ་ཡི་གསུང་ལས་ཀྱང་། །ང་ཡི་མི་ཚེ་རིང་དུ་ཐུབ་པ་འདི། །གཏོར་མ་བཏང་བའི་བྱིན་རླབས་ཡིན་ཅེས་འབྱུང་། །ཡི་དྭགས་མདངས་ཉམས་མ་ལུས་གསོས་པ་དང་། །ལྷན་ཅིག་སྐྱེས་པའི་ལྷ་རྣམས་མཉེས་བྱས་པས། །མདངས་བཟང་ལང་ཚོ་གཞོན་ཤ་ཆགས་པར་འགྱུར། །གཏོར་མགྲོན་རྣམས་ཀྱིས་རྟག་ཏུ་བསྲུང་བའི་ཕྱིར། །སུས་ཀྱང་གླགས་ལྟའི་བར་གཅོད་བྱ་མི་ནུས། །བཀྲེས་སྐོམ་བསལ་ཞིང་བདུད་རྩི་སྦྱིན་པའི་མཐུས། །ནད་དང་མུ་གེ་སེལ་བའི་སྨན་དུ་འགྱུར། །ལྕེ་སྒོམ་པ་ཡི་གསོལ་བརྒྱགས་ཆད་པ་ན། །ཕད་བུ་སྤྲུགས་པའི་ཕྱེ་མས་གཏོར་མ་མཛད། །ཉི་མ་ཕྱེད་ནས་མཆོད་སྟོན་འདུ་བའི་ཚེ། །ཞིང་གི་སོ་ནམ་སྒྲུབ་ལས་ཁེ་ཆེ་ཞིང་། །མྱུར་བའི་བསོད་ནམས་ངོ་མཚར་མི་འདུག་གམ། །ཞེས་སོགས་གོང་མ་དུ་མའི་མྱོང་བ་ཡིས། །མཐོང་ཆོས་

― KMC022_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་བྱུང་བར་གསུངས་པ་ལྟར། །ལོངས་སྤྱོད་ནོར་སྒྲུབ་འདི་ལས་ཟབ་པ་མེད། །ཀུན་ཁྱབ་སྙིང་རྗེ་ཆེན་པོས་སྦྱིན་བྱས་ཤིང་། །ཆོས་དབྱིངས་འཁོར་གསུམ་དག་པས་བསྔོས་པ་དེས། །ཚངས་དང་འཁོར་ལོས་བསྒྱུར་བའི་དཔལ་ཐོབ་སྟེ། །མི་ཟད་ནམ་མཁའི་མཛོད་དང་ལྡན་གྱུར་ཅིང་། །ཡི་དམ་ཆོས་སྐྱོང་ཞི་ཁྲོའི་ལས་ཀུན་གྱི། །སྔོན་དུ་འགྲོ་ཞིང་དངོས་གཞི་སྒྲུབ་པ་དང་། །རྗེས་ནས་མ་ཚང་རྣམས་ཀྱང་ཁ་སྐོང་བས། །ཕྲིན་ལས་རྣམ་བཞི་སྒྲུབ་པའི་ཕོ་ཉ་ཡིན། །སེམས་བསྐྱེད་བཟང་པོས་ཉོན་མོངས་བདུད་འཇོམས་ཤིང་། །སྡུག་བསྔལ་བསལ་བས་ཕུང་པོའི་བདུད་ལས་གྲོལ། །བགེགས་རིགས་ཟློག་པས་ལྷ་ཡི་བདུད་དཔུང་འཇོམས། །འཆི་བ་སླུ་བས་འཆི་བདག་བདུད་ལས་རྒྱལ། །སྦྱིན་བདག་གཙོ་བོ་ཆེན་པོར་གྱུར་པ་དང་། །མི་མ་ཡིན་པས་གཟི་འོད་སྒྲུབ་པའི་ཕྱིར། །ཀུན་ལས་འཕགས་པའི་གཟི་བརྗིད་ཐོབ་པར་འགྱུར། །པདྨའི་མཚོ་ལ་

― KMC022_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ངང་པ་འདུ་བ་ལྟར། །དཔག་ཚད་མང་པོའི་མི་མ་ཡིན་རྣམས་འདུ། །ལེན་པོ་གཏོང་པོའི་འགྲོ་བ་གཉིས་ཀ་ཡང་། །ཕྱི་མ་ཡི་དྭགས་འཇིག་རྟེན་རབ་སྤངས་ནས། །མཐོ་རིས་མཛེས་པའི་ལུས་རྟེན་ཐོབ་པར་འགྱུར། །དཀོན་མཆོག་རྣམས་ཀྱིས་བུ་ལྟར་དགོངས་པ་དང་། །རིགས་དྲུག་ཀུན་གྱིས་རྟག་ཏུ་བསྐུར་བ་དང་། །མི་མ་ཡིན་རྣམས་ཅི་བཅོལ་ཉན་པ་སོགས། །ཐུན་མོང་དངོས་གྲུབ་འཕྲལ་དུ་ཐོབ་གྱུར་ནས། །མཐར་ཐུག་མཆོག་གི་དངོས་གྲུབ་མྱུར་ཐོབ་པའོ། །དྲུག་པ་ལས་སྦྱོར་རྣམ་གྲངས་བསྟན་པ་ལ། །ཚོགས་བསོག་ལན་འཇལ་འཆི་བསླུ་ནད་པའི་གླུད། །ཟློག་པ་མཐུ་ཡི་ཚུལ་དུ་གཏོང་བ་དྲུག །དང་པོ་སྐྱབས་སེམས་ཕར་ཕྱིན་དྲུག་ལྡན་དང་། །འཁོར་གསུམ་ཡོངས་དག་བསྔོས་བས་རྒྱས་བཏབ་ནས། །ཐ་མ་ཆོས་ཀྱི་སྦྱིན་པས་བསྡུ་བའོ། །གཉིས་པ་གདོན་བགེགས་གནོད་བྱེད་ངོས་བཟུང་ལ། །དེ་དག་མགུ་བའི་ལོངས་སྤྱོད་དུ་བསྔོས་ཏེ། །བླ་མ་

― KMC022_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་གཉིས་ཀའི་དཔང་པོར་གསོལ། །ཆོས་སྐྱོང་ལ་སོགས་གཞན་ལ་ངོ་ཆེན་སྦྲན། །རིགས་དྲུག་ལ་སོགས་འབོད་འོས་མགྲོན་དུ་བྱས། །གནོད་བྱེད་གདོན་བགེགས་ལན་ཆགས་འདེད་མཁན་ཏེ། །གཞི་བདག་རྣམས་ལ་ནད་པ་སྲུངས་ཤིག་བྱ། །སྡེ་བརྒྱད་ཕ་རོལ་དཔུང་གྲོགས་མ་བྱེད་ཅེས། །བཤད་སྦྱང་དྲག་པོའི་སྒོ་ནས་རྩེ་གཅིག་པས། །ཉི་མ་འཆར་ཀ་དག་དང་བསྟུན་ཏེ་གཏོང་། །གསུམ་པ་དགེ་སློང་བཞི་སྡེ་མཆོད་པ་སོགས། །གཞན་ཡང་རིམ་གྲོ་དུ་མ་དང་བསྒྲིགས་ནས། །དགེ་སློང་གཅིག་གིས་གཏོར་མ་གཏོང་བའི་ཚེ། །ནད་པའི་མིང་ནས་ཕྱུང་སྟེ་འདོད་དོན་གསོལ། །བཞི་པ་ངར་གླུད་རེ་རེ་བྱས་ནས་ནི། །ཆེ་གེའི་ཚེ་སྲོག་ཤ་ཁྲག་རིན་གླུད་དུ། ཁྱེར་ཅེས་ཉི་མ་ནུབ་དང་བསྟུན་ཏེ་བཏང་། །ལྔ་པ་མཐུ་བཟློག་དྲུག་པ་མཐུ་སྒྲུབ་ན། །དུ་མ་འབྱུང་བ་གཞན་དུ་ཤེས་པར་བྱ། །ནད་པའི་དོན་སོགས་རིམ་གྲོ་ཕལ་ཆེར་ལ། །དགེ་སློང་གཙང་

― KMC022_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཚུལ་ཁྲིམས་ལྡན་པ་ཡིས། །སླར་ཡང་བཤགས་བསྡམ་ལ་སོགས་བྱས་ནས་ནི། །སྣམ་སྦྱར་གསོལ་ཏེ་ཐམས་ཅད་རྩེ་གཅིག་གིས། །དགེ་འདུན་བདུན་པ་མཐུན་པས་བཏང་བྱས་ཤིང་། །ཆུ་བོར་དོར་ན་ཕན་ཡོན་ཆེ་བར་གསུངས། །གཞན་ཡང་བསོད་ནམས་བསོག་ན་དཀོན་མཆོག་མཆོད། །ཡི་དྭགས་རྣམས་ལ་སྦྱིན་པ་གཙོ་བོར་འདོན། །བསྟན་པ་སྲུང་ན་ཡེ་ཤེས་ཆོས་སྐྱོང་དང་། །རྒྱལ་ཁམས་སྲུང་ན་འཇིག་རྟེན་ཆོས་སྐྱོང་དང་། །ནད་པའི་རིམ་གྲོར་བྲམ་ཟེ་དྲང་སྲོང་དང་། །དོན་རྣམས་སྒྲུབ་ན་ལྷན་ཅིག་སྐྱེས་པའི་ལྷ། །དགོན་གནས་འཛིན་ན་ས་བདག་གཞི་བདག་དང་། །ཡུལ་ཕྱོགས་བདེ་འདོད་སོ་སོའི་ཡུལ་བདག་དང་། །གནོད་བྱེད་རྦོད་གཏོང་ཟློག་ན་སྡེ་བརྒྱད་དང་། །ལན་ཆགས་ཤ་མཁོན་སྦྱང་ན་གནོད་བགེགས་དང་། །རིགས་དྲུག་སྤྱི་ལ་ཕམ་ཕབ་ཚུལ་ལ་སོགས། །ཕྲིན་ལས་གཞོལ་ཚུལ་སྐབས་བབ་རིགས་པས་དཔྱད། །དེ་རྣམས་གཞུང་བཞིན་གཏོང་

― KMC022_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་བཤད་སྦྱར་རོ། །བྱང་སེམས་རང་ཉིད་ཐུབ་པའི་དབང་པོར་སྒོམ། །དེ་ཡི་སྙིང་པོ་བཟླ་བའི་བདག་བསྐྱེད་དང་། །འབྲུ་གསུམ་དང་པོས་མི་གཙང་བ་རྣམས་སྦྱངས། །གཉིས་པ་རིན་ཆེན་སྣོད་དུ་བཅུད་ཀྱི་རྫས། །ལྷ་ཡི་ཞལ་ཟས་རི་རབ་ལྟར་མཐོ་ཞིང་། །བདུད་རྩི་རྒྱ་མཚོ་ལྟ་བུར་འཁྱིལ་བར་བསམ། །གསུམ་པས་དེ་དག་སྟོང་གསུམ་གང་བར་སྦེལ། །དེ་བཞིན་གཤེགས་པ་བཞི་ལ་ཕྱག་འཚལ་ནས། །གཟུངས་སྔགས་ལན་གསུམ་སེ་གོལ་བདུན་གྱིས་འབུལ། །མགྲོན་གྱིས་ཐོབ་ནས་སོ་སོར་གྱེས་པར་བསམ། །བདེན་སྟོབས་བསྔོ་བ་ཆོས་བཤད་མདོར་བསྡུས་ལུགས། །བརྒྱ་རྩིའི་རྗེས་དོར་ཏོག་གཅིག་ཆུ་སྦྱིན་བྱ། །མདོ་འདོན་སྨོན་ལམ་བཏབ་ནས་སྤྱོད་ལམ་འཇུག །འཇུར་གེགས་ཏོག་གཅིག་འདི་ཡི་ལོ་རྒྱུས་ནི། །ཉན་ཐོས་མཆོག་གཉིས་ཉིན་གུང་ལྗོངས་རྒྱུ་ཚེ། །ཡི་དྭགས་སྔོ་སྐམ་མིག་དམར་སྐྲ་འཛིངས་ཤིང་། །སྐེ་དང་ཡན་ལག་ཕྲ་ལ་

― KMC022_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

སེན་མོ་ཡིས། །ཁུ་ཚུར་ཐལ་བྱུང་ཕུག་པའི་མི་སྡུག་གཟུགས། །ཁ་ནས་དགོས་ན་མེད་ན་མ་བྱིན་ཅིག །སྦྱིན་ནའང་ཆེས་སོ་དེ་ལས་ཕྲིས་ཞེས་པའི། །སྒྲ་ལྔ་སྒྲོགས་དང་ཕྲད་ནས་གསོལ་བ་ན། །སྟོན་པས་དེ་ནི་ཆུ་ཙམ་མ་གཏོགས་པས། །གཞན་ལ་འཇུར་གེགས་བྱས་པའི་རྣམ་སྨིན་ཉིད། །དེས་ན་ཆུ་ལ་གཞན་གྱི་དྲི་མེད་པ། །སྦྱིན་ཞིང་ཛྭ་ལ་མི་དཾ་ལ་སོགས་པའི། །སྔགས་བརྗོད་སེ་གོལ་གཅིག་གིས་གཏོང་བར་གསུངས། །དེ་ཕྱིར་ལག་པ་རབ་ཏུ་བཀྲུས་བྱས་ནས། །སེན་མོའི་བར་གྱི་རྩམ་དྲིའང་མེད་པར་བྱ། །དགེ་བཤེས་སྤྱན་སྔ་བས་ནི་ཆུ་རྐྱང་ལས། །ཟན་ཡང་དུམ་ཙམ་འཇུག་པ་ཕལ་ཆེར་ལ། །གཟིགས་ཞེས་མྱོང་བས་གསུངས་པའི་མན་ངག་ལུགས། །སེ་གོལ་གཉིས་སོགས་མང་ན་སྐྲག་པ་སྐྱེ། །དེས་ན་སེ་གོལ་ཏོག་ཅིག་ཁོ་ན་བྱ། །ཕན་ཡོན་ཚེ་རིང་ནད་ཉུང་བྱད་གཏད་ཟློག །བར་གཅོད་ཀུན་གྱིས་མི་ཚུགས་ཁྱད་པར་དུ། །ལོངས་སྤྱོད་ནོར་གྱི་དངོས་

― KMC022_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་འབྱུང་བ་དང་། །ཡི་ག་འཆུས་དང་སྙིང་མི་དགའ་བ་སེལ། །མདངས་དང་ལྡན་ཞིང་གཞན་ལ་སྤེལ་བྱས་ན། །ཡི་དྭགས་རྒྱུད་ལས་གྲོལ་ནས་འཚང་རྒྱའོ། །འཇིག་རྟེན་ཡི་དྭགས་ཀུན་ལ་བྱིན་པས་ནི། །འཇུར་གེགས་གཅིག་ལ་བྱིན་པ་བསོད་ནམས་ཆེ། །ཅི་ཕྱིར་ཞེ་ན་འདིས་ནི་ཆུ་མ་གཏོགས། །གཞན་གྱི་སྦྱིན་པ་ཀུན་གྱི་གོ་བཀག་ཅིང་། །རང་བློས་བཅད་ནས་ཆུ་ཡང་མ་བྱིན་པས། །གཙང་པོའང་གྲེ་བའི་སྦུབས་སུ་སྐམ་ནུས་པའི། །མི་ཟད་སྡུག་བསྔལ་འབར་བ་དེ་ལ་ནི། །ཁ་ཟས་གཞན་རྣམས་བྱིན་ཀྱང་མི་ཐོབ་པས། །སེམས་རྒྱུད་རབ་ཏུ་ཞི་བའི་སྔགས་བརྗོད་པས། །ཆུ་སྦྱིན་ཁོ་ན་ཕན་ཡོན་ཆེ་བར་གསུངས། །སུ་རུ་པ་ནི་ངེས་པ་བདུན་ལྡན་ཏེ། །ཟས་སྐོམ་ཅུང་ཟད་ཙམ་ཡང་མ་སྤྱད་གོང་། །གཏོང་བའི་དུས་དང་ལན་ཅིག་ཆག་ན་ཡང་། །བརྒྱལ་ཞིང་བོགས་པའི་སྡུག་བསྔལ་ཆེར་ཡོད་པས། །ཆག་མེད་གཏོང་བ་དུས་ཀྱི་ངེས་པ་ཡིན། །མི་སྒྲ་ཁྱི་

― KMC022_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་སོག་ལ་སྐྲག་པ་དང་། །མི་གཙང་དྲི་སོགས་ཚོར་བ་རག་པའི་ཕྱིར། །དབེན་ཞིང་གཙང་བ་གནས་ཀྱི་ངེས་པ་ཡིན། །ལྕགས་སྣོད་མཚོན་ཆའི་རིགས་སུ་མཐོང་འགྱུར་བས། །རྫའམ་རིན་ཆེན་སྣོད་ཀྱི་ངེས་པ་ཡིན། །ཡི་དྭགས་རྣམས་ཀྱི་གཏོར་མའི་སྣོད་ལ་ནི། །ལྕགས་ཀྱི་གཟེར་བུ་ཙམ་ཡང་མེད་པར་དགོས། །སྐྱུག་བྲོའི་གནས་སུ་མཐོང་ནས་མི་ལེན་པས། །གཙང་བར་གནས་པ་གང་ཟག་ངེས་པ་ཡིན། །གཙང་མའི་ཆུ་ཟན་རྫས་ཀྱི་ངེས་པ་ཡིན། །རང་ཉིད་ཐུབ་པའམ་གཟུགས་མཛེས་གང་རུང་བསྒོམ། །སྣོད་ནི་རིན་ཆེན་ཟན་ནི་ལྷ་ཡི་ཟས། །ཆུ་ནི་བདུད་རྩིའི་རྒྱ་མཚོར་མོས་པ་དང་། །ཡི་དྭགས་ཀུན་ལ་བྱམས་པས་ཁྱབ་བྱས་ནས། །ཁ་ཟས་རྒྱལ་ཕམ་མེད་ཅིང་གནོད་མེད་པར། །སྦྱིན་པ་ལྷག་བསམ་དག་པའི་ངེས་པ་ཡིན། །གཟུངས་སྔགས་ལན་བདུན་ལག་གཡོན་སེ་གོལ་གསུམ། །དེ་ཡིས་བསྔོས་ནས་སྔགས་ཚན་ཕྱི་མ་ནི། །མི་ངན་ཁ་ཅིག་སྟོན་མོས་མགུ་

― KMC022_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ཀྱང་། །སླར་ཡང་གླགས་ལྟ་འཚེ་བར་བྱེད་པ་ཡོད། །དེ་ལྟའི་ཡི་དྭགས་གནོད་འཚེ་སྲུང་ཆེད་ཡིན། །གཙང་སར་དོར་ཞིང་ཆོས་སྦྱིན་བསྔོ་བ་བྱ། །ཆོ་ག་ངེས་པ་དེ་ལྟའི་ཕན་ཡོན་ནི། །ཡི་དྭགས་ཀུན་ལ་འབྲས་ཆེན་བྲེ་ཆེན་རེ། །སོ་སོར་བྱིན་པའི་བསོད་ནམས་ཐོབ་འགྱུར་ཞིང་། །སྐྱེ་བར་ཉམ་ཆུང་མི་འགྱུར་དབུལ་མི་འགྱུར། །སྟོབས་ཆེ་གཟུགས་བཟང་མཐོང་ན་དགའ་བ་དང་། །ཕྱུག་ཅིང་ལོངས་སྤྱོད་ཕུན་ཚོགས་ཚེ་རིང་ཞིང་། །ནད་མེད་བྱང་ཆུབ་མྱུར་དུ་ཐོབ་པ་དང་། །ཤི་འཕོས་བདེ་བ་ཅན་དུ་སྐྱེ་བར་གསུངས། །ཟས་ཀྱི་སྔོན་དུ་ཆང་བུ་སྦྱིན་པ་ནི། །སྲོག་དང་ནོར་གྱི་བླུད་དུ་འགྱུར་བ་སྟེ། །སྔོན་ཚེ་འཕྲོག་མ་ལྔ་བརྒྱའི་བུར་བཅས་པས། །ཉིན་ཞག་རེ་ལ་མི་ཡི་འགྲོ་བ་ནི། །ལྔ་བརྒྱ་ཕྲག་གསུམ་ཟོས་པར་གྱུར་པའི་ཚེ། །སྟོན་པས་དེ་ཡི་བུ་གཅིག་གསོལ་ལྷུང་དུ། །སྦས་པ་རྫུ་འཕྲུལ་དུ་མས་བཙལ་གྱུར་ཀྱང་། །མ་རྙེད་ཤིན་ཏུ་དུབ་ཅིང་སྡུག་བསྔལ་

― KMC022_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །སྟོན་པ་ཉིད་ལ་སྐྱབས་སུ་གསོལ་བར་བྱས། །དེ་ལ་ཕྱག་སོར་ལྔ་ཡི་རྗེས་ལྡན་གྱི། །ཆང་བུ་བསྩལ་ནས་ཐམས་ཅད་ཚིམ་པར་མཛད། །ཀུན་གྱིས་སྲོག་གཅོད་སྤོང་བར་ཁས་བླངས་ཤིང་། །འཁོར་རྣམས་བཞི་ཡིས་ཆང་བུ་སྦྱིན་པ་དང་། །དེ་དག་ཀུན་ཀྱང་འཕྲོག་མས་སྲུང་བར་གདམས། །དེ་ལྟར་ཆང་བུའི་སྔགས་སམ་ཁ་འབར་སྔགས། །གང་ཡང་རུང་བས་བྱིན་གྱིས་རླབས་ནས་སྦྱིན། །རང་ཉིད་ཟས་ཀྱི་བྱ་བར་འཇུག་བའི་ཚེ། །ལུས་ལ་སྲིན་བུ་བརྒྱད་ཁྲི་སྙེད་ཡོད་པ། །ད་ལྟ་འདི་དག་ཟང་ཟིང་གིས་བསྡུས་ནས། །མྱུར་བར་ཆོས་ཀྱི་བདུད་རྩིས་བསྡུ་བར་བྱ། །སྙམ་དུ་ལྷག་པའི་བསམ་པ་བསྐྱེད་པ་དང་། །སྒོ་གསུམ་དམ་པའི་ཆོས་ལ་བཀོལ་བའི་ཕྱིར། །ཟས་སྐོམ་གླ་རྔན་ཚུལ་དུ་སྦྱིན་པར་བསམ། །གཞན་ཡང་བསྐྱེད་རྫོགས་གང་རུང་དང་ལྡན་པས། །ཟས་ཀྱི་རྣལ་འབྱོར་ནང་གི་སྦྱིན་སྲེག་སོགས། །ཆོ་གའི་ཚུལ་མང་མདོར་བསྡུས་ཙམ་དུ་ན། །བདག་

― KMC022_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་འཇིག་རྟེན་དབང་པོའི་སྐུར་སྒོམ་ཞིང་། །ཟས་རྣམས་ཡི་གེ་གསུམ་གྱིས་བདུད་རྩིར་བསྒྱུར། །དེ་ཡིས་མཆོད་པར་མོས་ལ་རོལ་པར་བྱ། །ཉུང་ན་དགེ་ལ་སྦྱོར་བར་མི་ནུས་ཤིང་། །མང་ན་གཉིད་སོགས་ཉེས་པ་འཕེལ་འགྱུར་བས། །རན་པར་བྱ་ཞིང་ལྷག་མའི་ཆང་བུ་རྣམས། །འབྱུང་པོར་བསྔོས་ནས་སྨོན་ལམ་གདབ་པར་བྱ། །གཞན་ཡང་སྤྱི་གཏོར་དཀར་གསུམ་མངར་གསུམ་ནི། །མགྲོན་རིགས་མཆོག་དམན་ཀུན་ལ་སྦྱིན་དུ་རུང་། །ནང་གི་གཏོར་མ་འདོད་པའི་ཡོན་ཏན་ལྔ། །རིགས་དྲུག་འགྲོ་བ་རྣམས་ལ་སྦྱིན་པར་བྱ། །གསང་བ་ཤ་ལྔ་བདུད་རྩི་ལྔ་སྦྱར་ནི། ཡི་དམ་མཁའ་འགྲོ་ཆོས་སྐྱོང་རྣམས་ལ་འབུལ། །དེ་ཁོ་ན་ཉིད་རང་ལུས་མཆོད་སྦྱིན་ནི། །གནོད་བྱེད་ལན་ཆགས་སྡིག་སྒྲིབ་སྦྱང་བར་བྱེད། །མདོར་ན་སྣང་སྲིད་གཏོར་མ་མ་གྱུར་མེད། །ཕྱི་སྣོད་འཇིག་རྟེན་གཏོར་གཞོང་ཆེན་པོ་རུ། །ནང་བཅུད་སེམས་ཅན་ཐམས་ཅད་གཏོར་མར་

― KMC022_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔོ། །བདག་འཛིན་སྤུ་རྩེ་ཙམ་ཡང་མ་འཁྲིས་པར། །ཐམས་ཅད་བཏང་བ་གཏོར་མ་ཆེན་པོའོ། །དེ་ལྟར་གཏོར་མའི་དེ་ཉིད་འདི་བརྗོད་པས། །བདག་གཞན་འགྲོ་བ་སེམས་ཅན་མ་ལུས་པ། །ཤེས་བྱ་ཀུན་གྱི་དེ་ཉིད་རིག་གྱུར་ནས། །རྡོ་རྗེ་འཛིན་དབང་ཐོབ་པའི་བཀའ་དྲིན་སྩོལ། །ཞེས་པ་འདི་ནི་དགེ་སློང་སྤོང་བ་པ་ཀརྨ་སྲུང་གིས་སྐུལ་པ་ལྟར། ཞྭ་དམར་ཅོད་པཎ་འཛིན་པའི་མཚན་གྱི་བྱིན་རླབས་དང་ལྡན་པ་དཀོན་མཆོག་འབངས་ཀྱིས་བྲིས་པའོ། ༈ ཡོངས་གྲགས་སྣོད་ཚད་བཅུ་གཅིག་བཤམས་མོད་ཀྱང་། །འདིར་ནི་གཏོར་སྣོད་བཅུ་གཉིས་རིམ་པར་བཤམས། །གཙང་མའི་ཟན་ལ་ཆ་མཉམ་གསུམ་དུ་བགོས། །དང་པོའི་ཆ་ནས་ཕུད་ཀྱི་ཞལ་ས་འབུལ། །ལྷག་ངེས་གཏོར་སྡེར་དང་པོར་བླ་མ་དང་། །ཡི་དམ་སྲས་བཅས་རྣམས་ལ་མཆོད་པར་འབུལ། །ལྷག་མའི་ཆ་གཉིས་དུམ་བུ་བཞིར་བགོ་ཞིང་། །བཞི་གསུམ་བཅུ་གཉིས་དེ་རྣམས་རེ་རེ་ལ། །རིལ་བུ་

― KMC022_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་བཅུ་བྱས་ན་སྣོད་གཉིས་པ། །རིལ་བུ་ཉི་ཤུ་བླུག་པས་ཆོས་སྐྱོང་མཆོད། །དེ་ལྷག་སྣོད་བཅུད་རིལ་བུ་བཅུ་བཅུ་བླུག །དཀོན་མཆོག་མཆོད་དུས་གཟུངས་སྔགས་ཉེར་གཅིག་བཟླ། །ཆོས་སྐྱོང་རྣམས་ལ་གཟུངས་སྔགས་བཅུ་བཞི་བཟླ། །ལྷག་མ་རྣམས་ལ་མཚན་བཞི་སྒྲོག་པ་དང་། །གཟུངས་སྔགས་བདུན་བདུན་བཟླ་ཞིང་རེ་རེའི་མཐར། །ལག་གཡས་མཆོག་སྦྱིན་བརྐྱང་ནས་སེ་གོལ་བརྡབ། །རིམ་པས་བཤགས་ཤིང་ཆུ་གཙང་ཡིད་དྭགས་བཤལ། གཤེགས་གསོལ་སྤྲོ་ན་ཀུན་གྱི་མཐར་བྱའོ། །གཏོར་མ་ཆ་བཅུའི་ལྷན་ཐབས་ལ་སྐྱབས་འགྲོ་སེམས་སྐྱེད་ནི་རྒྱས་པའམ། བསྡུ་ན། སངས་རྒྱས་ཆོས་ཚོགས་སོགས། དེའི་རྗེས་སུ་དོན་བཞི་སྟེ། བདག་སྒྲུབ་པ། རྫས་སྒྲུབ་པ། མགྲོན་སྒྲུབ་པ། མགྲོན་ལ་འབུལ་བའི་རིམ་པའོ། བདག་སྒྲུབ་པ་ནི་ཐུགས་རྗེ་ཆེན་པོ་བསྒོམ་པའོ། རྫས་སྒྲུབ་པ་ནི། དཀར་གསུམ་མངར་གསུམ་ལ་སོགས་ཤ་ཆང་སྒོག་

― KMC022_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མ་འདྲེས་པ་དང་། གཏོར་མའི་རྒྱུ་རྩམ་པ་ལ་སོགས་པའི་རིན་པོ་ཆེའི་སྣོད་དམ་གང་ཡང་རུང་བའི་སྣོད་དུ་བཅའ་ཞིང་། སྟེགས་ཀྱི་ཁར་བཞག་ནས་གཞུང་བཞིན་བསྒོམ་པའོ། མགྲོན་སྒྲུབ་པ་ནི་བསྡུས་པར་ན། བླ་མ་བརྒྱུད་པར་བཅས་རྣམས་དང་ཞེས་སོགས་མཆོད་སྦྱིན་གྱི་ཡུལ་བརྗོད་པའི་སྐབས་སུ་སོ་སོར་མདུན་གྱི་ནམ་མཁའ་དང་ས་གཞིར་བྱོན་པར་བསམ་པ་ཉིད་དོ། རྒྱས་པར་ན་གཏོར་མ་ཡེ་ཤེས་བདུད་རྩིར་གྱུར། ཞེས་པའི་རྗེས་སུ། ཧཱུྃ་བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། ཞེས་ཤྭ་ལོ་ཀ་གཅིག་གི་མཐར་བཛྲ་ས་མ་ཛཿ ཞེས་པས་སྤྱན་དྲངས། བཅོམ་ལྡན་འདིར་ནི་བྱོན་པ་ལེགས། ཞེས་ཤློ་ཀ་གཉིས་ཀྱི་མཐར། ཨོཾ་སརྦ་ཏ་ཐཱག་ཏ་པདྨ་ཀ་མ་ལ་ཡེ་སྟྭཾ་ཞེས་བཞུགས་སུ་གསོལ། དེ་ནས་ཡན་ལག་བདུན་པ་རྒྱས་བསྡུས་གང་རུང་ཞིག་བྱ། བཞི་པ་མགྲོན་ལ་འབུལ་བའི་རིམ་པ་ནི་བླ་མར་བརྒྱུད་པ་བཅས་རྣམས་དང་། ཞེས་སོགས་

― KMC022_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། ཆ་གཉིས་པ་ཆོས་སྐྱོང་སྲུང་མ་མན་ཆད་ལ་སྤྱན་འདྲེན་བཞུགས་གསོལ་སོགས་སྦྱར་མི་དགོས་ཤིང་། སོ་སོའི་མཚན་ནས་བརྗོད་པའི་ཚེ་སྐད་ཅིག་གིས་མདུན་དུ་བྱོན་པར་བསམ་པ་ཉིད་དོ། དེ་ནས་མཐར་གཤེགས་གསོལ་སྤྲོ་ན། དམ་པ་ཉིད་ནི་ཐོབ་པར་ཤོག ཅེས་པའི་རྗེས་སུ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། ནས། བཛྲ་མུཿས་ཡེ་ཤེས་པ་དང་། མཆོད་སྦྱིན་གནས་འདིར་གང་ལྷགས་པ་ནས། སརྦ་བྷཱུ་ཏ་གཙྪས་འཇིག་རྟེན་པ་རྣམས་གཤེགས་སུ་གསོལ། །ཞེས་པ་ཞྭ་དམར་བ་ལྔ་པས་སོ།། །།སྦར་འདི་དཔལ་སྤུངས་སྒྲུབ་ཁང་དུ་བླ་མིང་བཀྲ་ཤིས་ཚེ་རིང་ནས་བསྐྲུན་པའོ།། །།དགེའོ། །མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་

― KMC022_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

བསུར་མཆོད་འདོན་ཡོན་སྤྲིན་ཕུང་།

― KMC022_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

བསུར་མཆོད་འདོན་ཡོན་སྤྲིན་ཕུང་བཞུགས་སོ། །

― KMC022_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཆོས་ཚོགས་ལན་གསུམ་གྱིས་སྐྱབས་སེམས་བྱ། རང་ཉིད་སྐད་ཅིག་སྤྱན་རས་གཟིགས། །སྐུ་ཡིས་ཞིང་ཁམས་ཡོངས་ལ་ཁྱབ། །ཞིང་ཁམས་རབ་འབྱམས་སྐུ་ལ་རྫོགས། །བ་སྤུའི་བུ་ག་ཐམས་ཅད་ནས། །གཏན་པ་མེད་པའི་མཆོད་སྦྱིན་སྤྲོ། །རཾ་ཡཾ་ཁཾ། །མི་གཙང་དྲི་མ་བསྲེགས་གཏོར་བཀྲུས། །བྷྲཱུཾ་ལས་རང་མཐུན་སྣོད་ཀྱི་ནང་། །འབྲུ་གསུམ་ལས་བྱུང་གསུར་མཆོད་ནི། །འདོད་ཡོན་ནམ་མཁའི་མཐའ་མཉམ་གྱུར། །ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐ་ཁཾ་ཨུཏྒ་

― KMC022_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཉན་རང་སོགས། །དཀོན་མཆོག་སྲི་ཞུའི་མགྲོན་རྣམས་ལ། །རྡོ་རྗེ་དྲི་ཡི་མཆོད་སྤྲིན་འབུལ། །སྒྲིབ་གཉིས་བྱང་ཞིང་ཚོགས་གཉིས་རྫོགས། །རང་བྱུང་ཡེ་ཤེས་མངོན་གྱུར་ཤོག །མ་མགོན་དམ་ཅན་རྒྱ་མཚོའི་ཚོགས། །གཙང་རིགས་དཔལ་མགོན་བདུན་ཅུ་ལྔ། །དགྲ་བླ་ཝེར་མ་ཟོ་དོར་གཉན། །དྲི་ཟའི་རྒྱལ་པོ་རབ་དགའ་སོགས། །མགོན་པོ་ཡོན་ཏན་མགྲོན་རྣམས་ལ། །དགྱེས་མཆོད་སྒྱུ་འཕྲུལ་དྲྭ་བར་

― KMC022_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ། །ས་དང་ལམ་གྱི་བར་ཆད་ཞི། །ཆོས་མཐུན་འབྱོར་པ་རྒྱས་པར་ཤོག །སྡེ་བརྒྱད་འབྱུང་པོ་མཐུ་བོ་ཆེ། །ཚེ་རྐུ་སྲོག་འཕྲོགས་ནད་མུག་དལ། །དུས་འཁྲུགས་གློ་བུར་ཡེ་འདྲོོགས་དང་། །བུ་ལོན་ཤ་འཁོན་བདག་པོ་སོགས། །གདོན་བགེགས་ལན་ཆགས་མགྲོན་རྣམས་ལ། །ཚེ་སྲོག་ནོར་གྱི་གླུད་དུ་བསྔོ། །བུ་ལོན་བྱང་ཞིང་ལན་ཆགས་འཁོར། །བྱང་ཆུབ་སེམས་དང་ལྡན་པར་ཤོག །སྐྱེ་བཞི་རྒྱུད་ལྔའི་འཁོར་བ་པ། །ཁྱད་པར་གཏད་མེད་ཡིད་ཀྱི་ལུས། །སྔོན་འབྱུང་སྲིད་པའི་ཤ་ཚུགས་ཅན། །དབང་པོ་ཀུན་ཚང་ཐོགས་མེད་རྒྱུ། །ལས་ཀྱི་རྫུ་འཕྲུལ་ཤུགས་དང་ལྡན། །མི་ལྡོག་བར་དོའི་འགྲོ་བ་སོགས། །རིགས་དྲུག་སྙིང་རྗེའི་མགྲོན་རྣམས་ལ། །འདོད་ཡོན་ནམ་མཁའ་མཛོད་དུ་བསྔོ། །འཁྲུལ་སྣང་སངས་ཤིང་ཡེ་ཤེས་རྒྱས། ཁམས་གསུམ་འཁོར་བ་དོང་སྤྲུགས་ཤོག །ཁམས་གསུམ་དག་པའི་ཞིང་། སྲིད་གསུམ་ཐུགས་རྗེའི་མགྲོན། མ་ལུས་ཁྱབ་པའི་ཟས། །ཆོས་ཉིད་ནུས་པའི་མཐུས། །གསུར་མཆོད་མི་

― KMC022_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་པའི་གཏེར་དུ་འབུལ་ལོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན། ཨོཾ་མ་ཎི་པདྨེ་ཧཱུྃ། ལན་གྲངས། རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ལོ། །ཨོཾ་ཨ་པྲ་ཏ་སུ་རུ་ཕུ་པ་ཡེ་སྭཱ་ཧཱ། ལན་གསུམ། བཅོམ་ལྡན་འདས་མགོན་པོ་མི་འཁྲུགས་པ་ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཡ། ཨོཾ་ཀཾ་ཀ་སོགས་བརྗོད། དཀོན་མཆོག་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར༴ །རིགས་དྲུག་འདོད་པ་ཚིམ་གྱུར༴ །ལན་ཆགས་བུ་ལོན་འཁོར་གྱུར༴ །རྣམ་བཞིའི་མགྲོན་གྱི་ཚོགས་རྣམས་ལ། །ཚད་མེད་མཆོད་སྦྱིན་འདི་བསྔོས་པས། །བདག་དང་མཐའ་ཡས་སེམས་ཅན་ཀུན། །ལོངས་སྤྱོད་ལྡན་ཞིང་ཚོགས་རྫོགས་ནས། །མྱུར་དུ་སངས་རྒྱས་ཐོབ་པར་ཤོག །ཐམས་ཅད་ནམ་མཁའ་མཛོད་སོགས། ཁ་ཟས་བསྟབས་སོགས། བདག་གི་བསམ་པའི་སོགས། ཆོས་རྣམས་ཐམས་སོགས། སྡིག་པ་ཅི་ཡང་སོགས།

― KMC022_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་པོ་གང་སོགས། སྦྱིན་པ་རྒྱ་སོགས། མི་གཙང་ལུས་སོགས། བསོད་ནམས་འདི་སོགས། འཇམ་དཔལ་དཔའ་སོགས། སངས་རྒྱས་སྐུ་སོགས་བརྗོད་པར་བྱའོ། །དེའང་ཕྱེ་མར་ལ་སྨན་སྤོས་འབྲུ་སྣ་རིན་ཆེན་དར་ཟབ་ཇ་ཆང་འོ་ཕུད་གང་འཛོམ་གཙང་མ་བསྲེས་པའི་དཀར་བསུར་སྔ་དགོངས་ནམ་འདོད་བཏང་བས་ཚོགས་རྫོགས་ཤིང་འཕྲལ་དུ་ཅི་འདོད་ཀྱི་དངོས་གྲུབ་ཐོབ་པ་དང་། ཤ་ཁྲག་ཚིལ་བུ་བསྲེས་པའི་དམར་གསུར་འབྱུང་པོ་ལ་ཆེད་དུ་དམིགས་ཏེ་དགོངས་མོར་བསྔོས་ན་རང་གཞན་འཆི་བ་བསླུ་བའི་མཆོག་ཏུ་འགྱུར་ཞིང་། བར་དོ་ཁོ་ན་ལ་དམིགས་ན་དམ་རྫས་མྱང་གྲོལ་གྱི་རིགས་བསྲེས་ཏེ་བཏང་བས་ཕན་ཡོན་དཔག་མེད་འབྱུང་བར་གསུངས་སོ། །ཞེས་པའང་གཡུ་ཐོག་རྣམ་རྒྱལ་དགོན་གྱི་བླ་གྲྭ་དམ་པ་འགའ་ཡི་ཐུགས་བཞེད་ལྟར་ཡོན་ཏན་རྒྱ་མཚོས་བྲིས་པ་འགྲོ་ཕན་འབྱུང་བར་གྱུར་ཅིག །དགེ་ལེགས་འཕེལ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཚོགས་གསོག་གི་རིམ་པ་དང་རྗེས་སུ་འབྲེལ་བའི་སྡོམ་པ་གསུམ་གྱི་གསོ་སྦྱོང་རྒྱས་བསྡུས་ཐར་པའི་ཐེམ་སྐས།

― KMC022_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་གསོག་གི་རིམ་པ་དང་རྗེས་སུ་འབྲེལ་བའི་སྡོམ་པ་གསུམ་གྱི་གསོ་སྦྱོང་རྒྱས་བསྡུས་ཐར་པའི་ཐེམ་སྐས་ཞེས་བྱ་བ་བཞུགས་སོ། །

― KMC022_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་རཏྣ་ཏྲ་ཡཱ་ཡ། །བླ་མ་རྒྱལ་བ་སྲས་བཅས་ལ། །མི་ཕྱེད་དད་པས་རབ་བཏུད་ནས། །དུས་དང་རྒྱུན་ཏུ་བྱ་བ་ཡི། །ཚོགས་གསོག་གསོ་སྦྱོང་རིམ་པ་འཆད། །དེའང་ཞིང་ས་བཟང་པོར་ལོ་ཏོག་བཏབ་ཟིན་ནས་འབྲས་བུ་མ་སྨིན་གྱི་བར་དུ་སོ་ནམ་སོགས་གཉེར་ཁལ་བརྩོན་དགོས་པ་བཞིན་ཏུ། རང་རེ་རྣམས་རྒྱལ་བའི་བསྟན་པ་རིན་པོ་ཆེའི་སྒོར་ཞུགས་ཤིང་རྒྱུད་སྡོམ་པ་གསུམ་ལྡན་ཏུ་བསྒྲུབས་ཟིན་པས་བྱང་ཆུབ་མ་ཐོབ་གྱི་བར་དུ་ཚོགས་གཉིས་གོང་ནས་གོང་དུ་སྤེལ་ཞིང་བསླབ་པ་རྣམ་པར་དག་པ་ལ་བརྩོན་དགོས་པའི་ཕྱིར། སྡོམ་གསུམ་རང་རང་གི་མི་མཐུན་ཕྱོགས་སྤོང་བའི་དྲན་པ་དང་ཤེས་བཞིན་ལ་རྟག་

― KMC022_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་གནས་པ་དང་། བསླབ་བྱའི་རིམ་པ་ཇི་སྐད་བཤད་པ་མཐའ་དག་ངེས་པར་ཉམས་སུ་བླང་དགོས་ཀྱང་ཡུལ་དུས་དང་གང་ཟག་དབང་གིས་བཤད་ཚོད་རྒྱུད་ལ་འབྱོར་བ་ནི་དཀོན་པར་མཐོང་བས། དེས་ན་དགེ་བ་གསོ་ཞིང་སྡིག་པ་སྦྱོང་བའི་ཐབས་འདི་ཙམ་ལ་སྙིང་ཐག་པ་ནས་གཡར་དམ་དུ་བྱས་ན་དོན་རྩ་ཕལ་ཆེར་འདུ་བ་ཡིན་པས་དུས་མཐུན་གྱི་ཉམས་ལེན་ལག་ཏུ་བླང་བདེར་འཆད་པ་ལ་གཉིས། ཅུང་ཟད་རྒྱས་པ་དང་། མདོར་བསྡུས་པའོ། །དང་པོ་ནི། སྟོན་པའི་དུས་ཆེན་བཞི་ལྟ་བུར་གནས་ཁང་བྱི་དོར་བྱས་ཞིང་བླ་རེ་འཕན་གདུགས་རྒྱལ་མཚན་ལ་སོགས་བརྒྱན་གྱིས་སྤྲས་པའི་གུང་དུ་དཀོན་མཆོག་གི་རྟེན་བཤམས་པའི་སྤྱན་སྔར་མཎྜལ་གྱི་ཡོ་བྱད། སྤོས་དང་མེ་ཏོག་མར་མེའི་ཕྲེང་བ་

― KMC022_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་ཞིང་བསོད་པའི་ཞལ་ཟས་ཀྱིས་མཚོན་མཆོད་པའི་ཡོ་བྱད་ཅི་འབྱོར་ཚར་དུ་དངར་བ་བཤམ། སྔ་དྲོའི་ཆར་ཡིད་ཉོན་མོངས་པས་མ་སྦགས་ཤིང་དད་སོགས་དགེ་བ་དང་རྗེས་སུ་དྲན་པ་དྲུག་ལ་བློ་མངོན་ཏུ་བཞག་སྟེ་ཉམས་ལེན་དངོས་ལ་བརྒྱད། ཐོག་མར་སྐྱབས་སུ་འགྲོ་ཞིང་སེམས་བསྐྱེད་པ་ནི། ནམ་མཁའི་གནས་སུ་ནམ་མཁའ་གང་བ་ཡི། །བླ་མ་ཡི་དམ་མཁའ་འགྲོའི་ཚོགས་རྣམས་དང་། །སངས་རྒྱས་ཆོས་དང་འཕགས་པའི་དགེ་འདུན་ལ། །བདག་དང་འགྲོ་ཀུན་གུས་པས་སྐྱབས་སུ་མཆི། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་པ་ལ། །ཡིན་པར་ཤེས་པའི་བདག་ཉིད་དུ། །བྱང་ཆུབ་མཆོག་ཏུ་སེམས་བསྐྱེད་དོ། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་

― KMC022_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །དེ་རྣམས་ལན་གསུམ་གསུམ་བརྗོད། །གཉིས་པ་བསགས་སྦྱོང་བྱ་བ་ནི། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེང་འདིར་ཁོར་ཡུག་གི་ས་གཞི་འདི་དག་བདེ་བ་ཅན་གྱི་ཞིང་གི་བཀོད་པ་ལྟ་བུ་ཕུན་སུམ་ཚོགས་པའི་རྒྱན་ཐམས་ཅད་ཀྱིས་རྣམ་པར་བརྒྱན་པས་མཛེས་ཤིང་ཡིད་དུ་འོང་བ་བསམ་གྱིས་མི་ཁྱབ་པར་གྱུར། །ཐམས་ཅད་དུ་ནི་ས་གཞི་དག །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻཌཱུརྻའི། །རང་བཞིན་འཇམ་པོར་གནས་

― KMC022_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ཅིག །ཕུན་སུམ་ཚོགས་པའི་ཞིང་འདི་དག་ཏུ་ལྷ་དང་མིའི་ཡོ་བྱད་དམ་པ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལ་སོགས་པ་རྣམ་པར་དག་ཅིང་ཡིད་དུ་འོང་བའི་མཆོད་པའི་སྤྲིན་རྒྱ་མཚོ་བསམ་གྱིས་མི་ཁྱབ་པས་ནམ་མཁའི་ཁམས་ཐམས་ཅད་གང་བར་གྱུར། ན་མཿསརྦ་བུདྡྷ་བོ་དྷི་སཏྭ་བྷྱཿ ཨོཾ་སརྦ་བིད་པཱུ་ར་པཱུ་ར་སུ་ར་སུ་ར་ཨཱ་བརྟྟེ་བྷྱཿསྭཱ་ཧཱ། ཨོཾ་བཛྲ་སྥ་ར་ཎ་ཁཾ། ན་མོ། །བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །སེམས་ནི་རྒྱ་ཆེན་མཆོག་ཏུ་རབ་བསྐྱེད་དེ། །འགྲོ་བ་འདི་དག་མ་ལུས་སངས་རྒྱས་རྒྱུ། །འདི་ན་སྣོད་མིན་སེམས་ཅན་གང་ཡང་མེད། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ནི། །སེམས་ཅན་དོན་ལ་དགོངས་པའི་བླ་མེད་དཀོན་མཆོག་གསུམ། །དངོས་དང་ཡིད་ཀྱིས་བཤམས་ཤིང་མཆོད་པའི་གནས་འདི་རུ། །རྒྱལ་བ་འཁོར་བཅས་མ་ལུས་སྤྱན་འདྲེན་

― KMC022_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་སུ་གསོལ། །ཕྱོགས་དུས་ཀུན་ཁྱབ་སྐྱབས་གསུམ་བཀའ་སྡོད་བཅས། །ཉོན་མོངས་འགྲོ་ལ་མཁྱེན་བརྩེས་རབ་དགོངས་ཏེ། །དཔག་མེད་ཞིང་ནས་ཐོགས་མེད་རྫུ་འཕྲུལ་གྱིས། །འདིར་གཤེགས་མཆོད་སྤྲིན་རྒྱ་མཚོའི་དབུས་བཞུགས་གསོལ། །མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་མཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །

― KMC022_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བགོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལ་བརྒྱན་པར་བགྱི། །སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་གྱུར་པ། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་པ། །དེ་སྲིད་བཅོམ་ལྡན་བཞུགས་སུ་གསོལ། །བླ་མ་མཉམ་མེད་

― KMC022_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་རིན་པོ་ཆེ། །དུས་གསུམ་བདེ་གཤེགས་སྲས་བཅས་ཐམས་ཅད་ཀྱིས། །སྐུ་གསུང་ཐུགས་ཀྱི་རང་བཞིན་བྱིན་བརླབས་པ། །བཀའ་དྲིན་ཆེན་པོའི་ཞབས་ལ་ཕྱག་འཚལ་ལོ། །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །བླ་མེད་དཀོན་མཆོག་གསུམ་ལ་ཕྱག་འཚལ་ལོ། །སྐྱེས་བུ་ཁྱུ་མཆོག་ཁྱེད་འདྲའི་དགེ་སྦྱོང་ཆེན་པོ་གཞན་དག་ལྷ་ཡུལ་ས་ལའང་མེད། །འཇིག་རྟེན་འདི་ནའང་ཡོད་པ་མ་ཡིན་རྣམ་ཐོས་བུ་ཡི་གནས་ནའང་ཡོད་མ་ཡིན། །ལྷ་ཡི་ཕོ་བྲང་གནས་མཆོག་དག་ནའང་མེད་ལ་ཕྱོགས་དང་ཕྱོགས་མཚམས་དག་ནའང་མེད། །རི་དང་ནགས་སུ་བཅས་པའི་ས་སྟེང་རྒྱས་པར་ཀུན་ཏུ་བསྐོར་ཀྱང་ག་ལ་ཡོད། །སྐུ་གྱུར་པ་ནི་ཐམས་ཅད་ལ། །མཚན་མཆོག་སུམ་ཅུ་གཉིས་མངའ་བའི། །རྫོགས་པའི་སངས་རྒྱས་གྲགས་ལྡན་པ། །རྒྱལ་བ་ཀུན་ལ་ཕྱག་འཚལ་ལོ། །

― KMC022_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་སངས་གང་དུ་བལྟམས་པ་དང་། །གང་དུ་བྱང་ཆུབ་ལ་རེག་དང་། །ཞི་བའི་འཁོར་ལོ་བསྐོར་བ་དང་། །ཟག་མེད་མྱ་ངན་འདས་པ་དང་། །བདེ་གཤེགས་གང་དུ་བཞུགས་པ་དང་། །འཆག་པ་དང་ནི་བཞེངས་པ་དང་། །སེང་གེ་ལྟ་བུར་གཟིམ་པ་ཡི། །གནས་དེ་ལ་ནི་བདག་ཕྱག་འཚལ། །སྟེང་དང་འོག་དང་བར་དག་དང་། །ཕྱོགས་དང་ཕྱོགས་མཚམ་རྣམས་སུ་ཡང་། །སྐུར་བཅས་སྐུ་ནི་མེད་པ་ཡི། །མཆོད་རྟེན་ལ་ནི་བདག་ཕྱག་འཚལ། །རྐང་གཉིས་དམ་པ་ཤར་དང་ནི། །བྱང་གི་ཕྱོགས་ཆར་བཞུགས་པ་ཡི། །རྒྱལ་བ་བསྟེན་དཀའ་ཞེས་བྱ་བ། །དེས་ནི་ཚིགས་བཅད་འདི་གསུངས་སོ། །གང་གིས་ཚིགས་བཅད་འདི་བཞི་ཡིས། །དེ་བཞིན་གཤེགས་པ་བསྟོད་བྱེད་ན། །བསྐལ་པ་བྱེ་བ་སྟོང་དུ་ནི། །དེ་ནི་ངན་འགྲོར་འགྲོ་མི་འགྱུར། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་

― KMC022_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱིས་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། །བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོག་དམ་འཕྲེང་བ་དམ་པ་དང་། །སིལ་སྙན་རྣམས་དང་བྱུག་པའི་གདུགས་མཆོག་དང་། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་

― KMC022_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་མཆོག་དང་། །ཕྱེ་མའི་ཕུར་མ་རི་རབ་མཉམ་པ་དང་། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ཡང་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །ཨོཾ་ན་མོ་བྷ་ག་བ་ཏེ་བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨཱརྷ་ཏེ་ས་མྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་བ་སཾ་ཀྲ་མཎ་བཛྲེ། སརྦ་ཀརྨ་ཨཱ་ཝ་ར་ཎ་བི་ཤོ་དྷ་ན་བཛྲེ་སྭཱ་ཧཱ། །རིན་ཆེན་སེམས་དེ་གཟུང་བར་བྱ་བའི་ཕྱིར། །དེ་བཞིན་གཤེགས་པ་རྣམས་དང་དམ་པའི་ཆོས། །དཀོན་མཆོག་དྲི་མ་མེད་དང་སངས་རྒྱས་སྲས། །ཡོན་ཏན་རྒྱ་མཚོ་རྣམས་ལ་ལེགས་པར་མཆོད། །མེ་ཏོག་འབྲས་བུ་ཇི་སྙེད་ཡོད་པ་དང་། །སྨན་གྱི་རྣམ་པ་གང་དག་ཡོད་པ་

― KMC022_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །འཇིག་རྟེན་རིན་ཆེན་ཇི་སྙེད་ཡོད་པ་དང་། །ཆུ་གཙང་ཡིད་དུ་འོང་བ་ཅི་ཡོད་དང་། །རིན་ཆེན་རི་བོ་དང་ན་དེ་བཞིན་ཏུ། །ནགས་ཚལ་ས་ཕྱོགས་དབེན་ཞིང་ཉམས་དགའ་དང་། །ལྗོན་ཤིང་མེ་ཏོག་རྒྱན་སྤྲས་སྦུད་པ་དང་། །ཤིང་གང་འབྲས་བཟང་ཡལ་གས་དུད་པ་དང་། །ལྷ་སོགས་འཇིག་རྟེན་ན་ཡང་དྲི་དང་ནི། །སྤོས་དང་དཔག་བསམ་ཤིང་དང་རིན་ཆེན་ཤིང་། །མ་རྨོས་འཁྲུངས་པའི་ལོ་ཏོག་རྣམ་པ་དང་། །གཞན་ཡང་མཆོད་པར་འོས་པའི་རྒྱན་རྣམས་ནི། །མཚོ་དང་རྫིང་བུ་པདྨས་བརྒྱན་པ་དང་། །ངང་པ་ཤིན་ཏུ་སྐད་སྙན་ཡིད་འོང་ལྡན། །ནམ་མཁའ་རབ་འབྱམས་ཁམས་ཀྱི་མཐས་གཏུགས་པ། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཆེ་རྣམས་ཀྱིས། །བདག་ལ་བརྩེར་དགོངས་བདག་གི་འདི་དག་

― KMC022_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས། །བདག་ནི་བསོད་ནམས་མི་ལྡན་བཀྲེན་ཆེན་སྟེ། །མཆོད་པའི་ནོར་གཞན་བདག་ལ་ཅང་མ་མཆིས། །དེས་ན་གཞན་དོན་དགོངས་པའི་མགོན་གྱིས་ནི། །བདག་གི་དོན་སླད་ཉིད་ཀྱི་མཐུས་བཞེས་ཤིག །རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་ཀུན་གཏན་དུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་མཆི་བར་བགྱི། །བདག་ནི་ཁྱེད་ཀྱིས་ཡོངས་སུ་བཟུང་བས་ན། །སྲིད་ལ་མི་འཇིགས་སེམས་ཅན་ཕན་པར་བགྱིད། །སྔོན་གྱི་སྡིག་ལས་ཡང་དག་འདའ་བགྱིད་ཅིང་། །སྡིག་པ་གཞན་ཡང་སླན་ཅད་མི་བགྱིད་དོ། ༈ །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡཱ་ར་དང་

― KMC022_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་དང་། །ཨུཏྤ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་འབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཆུས་བྱུགས་པ་དེར། །མེ་ཏོག་ཡིད་འོང་སིལ་མ་དཀྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །ཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་བསྒྲེང་བ་ཡང་། །རྟག་ཏུ་ཐུབ་དབང་རྣམས་ལ་

― KMC022_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་བཞིན་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །ཨོཾ་བཛྲ་བྷཱུ་མི་ཨཱཿཧཱུྃ། གཞི་རྣམ་པར་དག་པ་དབང་ཆེན་གསེར་གྱི་ས་གཞི། ཨོཾ་བཛྲ་རེ་ཁེ་ཨཱཿཧཱུྃ། ཕྱི་ལྕགས་རིའི་ཁོར་ཡུག་གི་ར་བས་ཡོངས་སུ་བསྐོར་བའི་དབུས་སུ་རིའི་རྒྱལ་པོ་རི་བོ་མཆོག་རབ།

― KMC022_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ལུས་འཕགས་པོ། ལྷོ་ཛམྦུ་གླིང་། ནུབ་བ་ལང་སྤྱོད། བྱང་སྒྲ་མི་སྙན། ལུས་དང་ལུས་འཕགས། རྔ་ཡབ་དང་རྔ་ཡབ་གཞན། གཡོ་ལྡན་དང་ལམ་མཆོག་འགྲོ། སྒྲ་མི་སྙན་དང་སྒྲ་མི་སྙན་གྱི་ཟླ། །རིན་པོ་ཆེའི་རི་བོ། དཔག་བསམ་གྱི་ཤིང་། འདོད་འཇོའི་བ། མ་རྨོས་པའི་ལོ་ཏོག །འཁོར་ལོ་རིན་པོ་ཆེ། ནོར་བུ་རིན་པོ་ཆེ། བཙུན་མོ་རིན་པོ་ཆེ། བློན་པོ་རིན་པོ་ཆེ། གླང་པོ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ། གཏེར་ཆེན་པོའི་བུམ་པ། སྒེག་མོ་མ། ཕྲེང་བ་མ། གླུ་མ། གར་མ། མེ་ཏོག་མ། བདུག་སྤོས་མ། སྣང་གསལ་མ། དྲི་ཆབ་མ། ཉི་མ། ཟླ་བ། རིན་པོ་ཆེའི་གདུགས། ཕྱོགས་ལས་རྣམ་པར་རྒྱལ་བའི་རྒྱལ་མཚན། དབུས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་པ་མ་ཚང་བ་མེད་པ་འདི་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་ཡི་དམ་དཀྱིལ་འཁོར་གྱི་ལྷ་ཚོགས་སངས་

― KMC022_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་དང་བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ས་གཞི་སྤོས་ཆུས་བྱུགས་ཤིང་མེ་ཏོག་ཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །ཕྱོགས་བཅུ་དུས་གསུམ་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་དང་། །བླ་མ་རྡོ་རྗེ་སློབ་དཔོན་དང་། །ཡི་དམ་ལྷ་ཚོགས་འཁོར་དང་བཅས། །དུས་གསུམ་བདེ་གཤེགས་མ་ལུས་ལ། །གླིང་བཞི་རི་རབ་བཅས་པ་དང་། །གླིང་བཞི་བྱེ་བ་ཕྲག་བརྒྱ་དང་། །བྱེ་བ་འབུམ་དང་དུང་ཕྱུར་ཏེ། །མཎྜལ་གཅིག་ཏུ་བསྡུས་ནས་ནི། །མོས་བློས་གོང་མ་རྣམས་ལ་འབུལ། །ཐུགས་རྗེས་བརྩེར་དགོངས་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ཨོཾ་མཎྜལ་པཱུ་ཛ་མེ་གྷ་ས་

― KMC022_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། །མཉེས་བྱེད་མཎྜལ་བཟང་པོ་འདི་ཕུལ་བས། །བྱང་ཆུབ་ལམ་ལ་བར་ཆད་མི་འབྱུང་ཞིང་། །དུས་གསུམ་བདེར་གཤེགས་དགོངས་པ་རྟོགས་པ་དང་། །སྲིད་པར་མི་འཁྲུལ་ཞི་བར་མི་གནས་ཤིང་། །ནམ་མཁའ་མཉམ་པའི་འགྲོ་བ་སྒྲོལ་བར་ཤོག །སེམས་ཅན་ཐམས་ཅད་རྟག་པར་བླ་མ་སོགས་ནས། སྐྱབས་སུ་ཉེ་བར་མཆིའོའི་བར་ལྟུང་བཤགས་ཚང་བ་བརྗོད། དེ་ནས་སྤྱི་བཤགས། བླ་མ་རྡོ་རྗེ་འཛིན་པ་ཆེན་པོ་ལ་སོགས་པ་ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་ཚེ་རབས་འཁོར་བ་ཐོག་མ་མ་མཆིས་པ་ནས། ད་ལྟ་ལ་ཐུག་གི་བར་དུ་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་གི་དབང་གིས་ལུས་ངག་ཡིད་གསུམ་གྱི་སྒོ་ནས་སྡིག་པ་མི་དགེ་བ་བཅུ་བགྱིས་པ་དང་། མཚམས་མ་མཆིས་པ་ལྔ་བགྱིས་པ་དང་། དེ་དང་ཉེ་

― KMC022_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལྔ་བགྱིས་པ་དང་། སོ་སོ་ཐར་པའི་སྡོམ་པ་དང་འགལ་བ་དང་། བྱང་ཆུབ་སེམས་དཔའི་བསླབ་པ་དང་འགལ་བ་དང་། གསང་སྔགས་ཀྱི་དམ་ཚིག་དང་འགལ་བ་དང་། ཕ་དང་མ་ལ་མ་གུས་པ་དང་། མཁན་པོ་དང་སློབ་དཔོན་ལ་མ་གུས་པ་དང་། གྲོགས་ཚངས་པ་མཚུངས་པར་སྤྱོད་པ་རྣམས་ལ་མ་གུས་པ་དང་། དཀོན་མཆོག་གསུམ་ལ་གནོད་པའི་ལས་བགྱིས་པ་དང་། དམ་པའི་ཆོས་སྤངས་པ་དང་། འཕགས་པའི་དགེ་འདུན་ལ་སྐུར་པ་བཏབ་པ་དང་། སེམས་ཅན་ལ་གནོད་པའི་ལས་བགྱིས་པ་ལ་སོགས་པ་སྡིག་པ་མི་དགེ་བའི་ཚོགས་བདག་གིས་བགྱིས་པ་དང་། བགྱིད་དུ་སྩལ་བ་དང་། གཞན་གྱིས་བགྱིས་པ་ལ་རྗེས་སུ་ཡི་རང་བ་ལ་སོགས་པ་མདོར་ན་མཐོ་རིས་དང་ཐར་པའི་གེགས་སུ་གྱུར་ཅིང་། འཁོར་བ་དང་ངན་སོང་གི་རྒྱུར་གྱུར་པའི་ཉེས་ལྟུང་ཚོགས་ཅི་མཆིས་པ་ཐམས་ཅད་བླ་མ་རྡོ་རྗེ་འཛིན་པ་ཆེན་པོ་ལ་སོགས་པ་ཕྱོགས་བཅུ་ན་བཞུགས་

― KMC022_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་སྔར་མཐོལ་ལོ་བཤགས་སོ། །མི་འཆབ་བོ། །མི་སྦེད་དོ། །ཕྱིན་ཆད་ཀྱང་སྡོམ་པར་བགྱིད་ལགས་སོ། །མཐོལ་ཞིང་བཤགས་ན་བདག་བདེ་བ་ལ་རེག་པར་གནས་པར་འགྱུར་གྱིས། མ་མཐོལ་མ་བཤགས་ན་ནི་མི་འགྱུར་རོ། །རྒྱ་གར་སྐད་དུ། གཱ་ཐཱ་དྭ་ཡ་དྷཱ་ར་ཎི། བོད་སྐད་དུ། ཚིགས་སུ་བཅད་པ་གཉིས་པའི་གཟུངས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སངས་རྒྱས་དང་ནི་ཆོས་ལ་བརྙས་པ་དང་། །ལེ་ལོ་དང་ནི་ཅུང་ཙམ་ཆོག་པར་འཛིན། །འདོད་ཆགས་དང་ནི་ང་རྒྱལ་སྤྱོད་པ་དང་། །འགྱོད་པ་དང་ནི་མ་ངེས་འགྱེད་པ་རྣམས། །སེམས་ཅན་རྣམས་ཀྱི་སྒྲིབ་པར་འགྱུར་བ་སྟེ། །དེ་ཡི་གཉེན་པོ་ཐེག་པ་མཆོག་བསྟན་པ། །འདི་ཡིས་བར་དུ་གཅོད་པ་དེ་དག་གི །ཉེས་པ་ཐམས་ཅད་རབ་ཏུ་སྤང་བར་འགྱུར། །ཏདྱ་ཐཱ། ཨོཾ་བཛྲ་པྲཱ་ཀཱ་ར་བཛྲ་པྲཱ་ཀཱ་ར་བཛྲ་ཙཀྲ་

― KMC022_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

དཾཥྚ་བྷ་ཡཱ་ན་ཀེ། ཨ་མ་ལེ། བི་མ་ལེ། ནི་རྨ་ལེ། ཙ་ལེ་ཙུ་ལེ་ཙུ་ལུ་ཀེ་ཙུ་ལུ་ཀེ། ཙུ་ལུ་ཙུ་ལུ་སརྦ་བུདྡྷེ་སྭཱ་ཧཱ། །ཚིགས་སུ་བཅད་པ་གཉིས་པའི་གཟུངས་ལ་ནི། །ཚིག་གམ་དོན་གྱིས་སྒོ་ནས་གང་སྦྱོར་བ། །སེམས་ཅན་དམ་པ་བློ་དང་ལྡན་པ་དེས། །ཕན་ཡོན་རྣམ་པ་བཅུ་དག་ཐོབ་པར་འགྱུར། ཁམས་རྣམས་མཐའ་དག་རྒྱས་པར་འགྱུར་བ་དང་། །འཆི་བའི་ཚེ་ན་མཆོག་དགའ་དམ་པ་འཐོབ། །ཇི་ལྟར་འདོད་པ་བཞིན་དུ་སྐྱེ་བ་དང་། །ཐམས་ཅད་དུ་ནི་ཚེ་རབས་དྲན་པར་འགྱུར། །སངས་རྒྱས་རྣམས་དང་འཕྲད་པར་འགྱུར་བ་དང་། །དེ་བཞིན་དེ་དག་ལས་ནི་ཐེག་མཆོག་ཐོས། །མོས་པར་འགྱུར་བ་བློ་དང་བཅས་པ་དང་། །སྒོ་གཉིས་དང་ནི་བྱང་ཆུབ་མྱུར་དུ་འཐོབ། །ཚིགས་སུ་བཅད་པ་གཉིས་པའི་གཟུངས་རྫོགས་སོ། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་

― KMC022_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་སོགས་ནས། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཕྱིར་བསྔོའོ། །གསུམ་པ་བླ་མ་དང་སངས་རྒྱས་རྗེས་དྲན་ཟུང་འཇུག་ཏུ་བསྒོམ་པ་ནི། ན་མོ་གུ་རུ། །དོན་དམ་དབྱིངས་ལ་འགྲོ་འོང་གནས་པ་བྲལ། །རྣམ་པའི་ཚུལ་ལས་ཕྱོགས་དུས་ཀུན་ཏུ་ཁྱབ། །ཆོས་རྣམས་ཀུན་གྱི་གདོད་མའི་གནས་ལུགས་མཆོག །སངས་རྒྱས་བླ་མ་ཆོས་སྐུར་སྐྱབས་སུ་མཆི། །ནམ་མཁའི་མཐས་གཏུགས་སེམས་ཅན་སྒྱུ་མ་འདྲ། །འཁྲུལ་པའི་སྣང་བ་ཙམ་འདི་རང་སངས་ནས། །ཡེ་ཤེས་རོ་མཉམ་གཅིག་ལ་འགོད་པའི་ཕྱིར། །བླ་མ་སངས་རྒྱས་རྗེས་དྲན་བསྒོམ་པར་བྱ། །འདི་ལྟར་སངས་རྒྱས་བཅོམ་ལྡན་འདས་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་

― KMC022_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འདི་ཉིད་དོ། །ཅེས་དལ་བུས་བརྗོད་ལ་དོན་བསམ་སྟེ། དེ་ཡང་། རྒྱལ་མཆོག་འདྲེན་པ་ཤཱཀྱ་ཐུབ་པ་དེ། །བདུད་བཞི་བཅོམ་ཞིང་སྐལ་པ་དྲུག་དང་ལྡན། །གནས་ལུགས་ཇི་བཞིན་གཟིགས་པ་མ་ནོར་བ། །ཉོན་མོངས་བག་ཆགས་བཅས་པ་མ་ལུས་བཅོམ། །ཉེས་སྐྱོན་ཀུན་སངས་ཤེས་བྱ་ཐམས་ཅད་ལ། །མཁྱེན་སོགས་རབ་རྒྱས་དུས་གསུམ་མ་ལུས་མཁྱེན། །རྫུ་འཕྲུལ་བགྲོད་པ་ནམ་མཁའི་མཐས་གཏུགས་ཁྱབ། །རྒྱུ་མཆོག་བསྒྲུབས་པས་འབྲས་བུ་བླ་མེད་བརྙེས། །ལས་ཉོན་སྡུག་བསྔལ་འཁོར་བ་མཐའ་དག་རིག །སྐྱེ་འགྲོ་སེམས་ཅན་མ་ལུས་ཐབས་ཀྱིས་འདུལ། །ཁྱོད་ལས་ལྷག་དང་ཁྱོད་མཚུངས་གང་ནའང་མེད། །ཀུན་ལ་ཐར་ལམ་སྟོན་པའི་ཕྲིན་ལས་ཅན། །ཅེས་པ་ཆོ་ག་རེ་

― KMC022_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

རེའི་དོན་བསམ། དེ་ལྟར་སངས་རྒྱས་ཀུན་གྱི་ཆོས་ཀྱི་སྐུ། །རྟག་ཅིང་མི་འགྱུར་ཡོན་ཏན་ཀུན་དང་ལྡན། །གདོད་ནས་ཉེས་པ་ཀུན་ལས་གྲོལ་གྲོལ་བ། །འཁོར་འདས་ཀུན་ལ་རྟག་ཏུ་ཁྱབ་པར་བཞུགས། །སྤྲོས་པའི་མཐའ་རྣམས་ཀུན་གྱིས་རྟག་ཏུ་དབེན། །བདག་ལ་རྒྱལ་བའི་ཆོས་སྐུ་འདི་ཉིད་བཞུགས། །མེ་ཏོག་གར་ཡོད་མེ་ཏོག་དྲི་ཡོད་ལྟར། །གཟུགས་སྐུ་གཉིས་ཀྱང་བདག་དང་འབྲལ་བ་མེད། །ཅེས་བརྗོད་ཅིང་དོན་བསམ། འདི་ལྟར་ནས་བཟུང་དེ་ཉིད་ལན་མང་དུ་བསམ་མོ། །རང་གི་མདུན་ནམ་སྤྱི་བོའམ་སྙིང་གར་མཚན་དཔེ་ཐམས་ཅད་ཡོངས་སུ་རྫོགས་པའི་སངས་རྒྱས་བཅོམ་ལྡན་འདས་བཞུགས་པར་གྱུར། །འདི་ཉིད་རྩ་བའི་བླ་མ་དམ་པ་ཡིན། །དཔལ་ལྡན་བླ་མ་སངས་རྒྱས་བཅོམ་ལྡན་འདས། །ཆོས་སྐུ་ཉག་གཅིག་ནམ་མཁའི་མཐའ་དང་མཉམ། །གསོལ་བ་འདེབས་སོ་བདག་ལ་བྱིན་གྱིས་རློབས། །ཆོས་ཀུན་རང་བཞིན་གདོད་མའི་ཡེ་ཤེས་འདི། །དཔལ་ལྡན་བླ་མའི་ཐུགས་

― KMC022_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཆོས་ཀྱི་སྐུ། །སངས་རྒྱས་ཀུན་དང་རོ་མཉམ་གཉིས་སུ་མེད། །བླ་མ་ཆོས་ཀྱི་སྐུ་ལ་གསོལ་བ་འདེབས། །རྣམ་རྟོག་འབད་རྩོལ་སྤྲོས་པ་མི་མངའ་ཡང་། །གང་འདུལ་སྐུ་ཡི་སྣང་བ་མཐའ་ཡས་སྟོན། །གཟུགས་སྐུ་བཤེས་གཉེན་དམ་པའི་རྣམ་པར་ཤར། །རྡོ་རྗེ་འཛིན་དབང་ཁྱོད་ལ་གསོལ་བ་འདེབས། །རྒྱལ་བ་རིགས་ལྔ་གདོད་ནས་ལྷུན་གྲུབ་དེ། །གཞན་སྣང་ཕུང་ལྔའི་ཚུལ་གྱིས་འགྲོ་དོན་མཛད། །ཕུང་པོའི་རྣམ་པས་འདུལ་བའི་འགྲོ་ཀུན་སྒྲོལ། །ཕུང་པོ་གཞན་མཆོག་ཁྱོད་ལ་གསོལ་བ་འདེབས། །ཆོས་ཉིད་གདོད་མའི་དེ་བཞིན་གཤེགས་པ་གང་། །སེམས་དཔའ་ཡབ་ཡུམ་དཔའ་བོ་མཁའ་འགྲོ་མ། །འབྱུང་བཞི་དབང་པོ་སོགས་ཀྱིས་འདུལ་བ་ལ། །དེ་དེའི་རྣམ་པར་སྟོན་ལ་གསོལ་བ་འདེབས། །ཀུན་གྱི་རང་བཞིན་ཡེ་ཤེས་སྤྲོས་བྲལ་ལས། །ཆོས་སྐུ་མཁའ་ཁྱབ་ཞེས་བྱ་གཞན་ཡོད་མིན། །དེ་ཉིད་དྲིན་ཅན་ཆོས་རྗེ་ཁྱོད་ཀྱི་ཐུགས། །རྡོ་རྗེ་འཛིན་

― KMC022_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཁྱོད་ལ་གསོལ་བ་འདེབས། །དོན་དམ་སྲིད་གསུམ་གདོད་ནས་རང་ཤར་ཏེ། །གདུལ་བྱའི་སྣང་ངོར་སྲིད་གསུམ་ཀུན་དུ་སྣང་། །དོན་མེད་མ་ཡིན་རྟག་ཏུ་ཕན་བདེར་མཛད། །ཕྲིན་ལས་ལྷུན་གྲུབ་ཁྱོད་ལ་གསོལ་བ་འདེབས། །བརྟན་གཡོ་ཀུན་གྱི་རང་བཞིན་བླ་མ་ཁྱེད། །ཕྱོགས་བཅུ་དུས་གསུམ་སངས་རྒྱས་ཀུན་དངོས་ལགས། །འགྲོ་བ་ཀུན་གྱི་སྙིང་པོར་བཞུགས་པ་དེ། །བདག་གིས་མངོན་སུམ་རྟོགས་པར་བྱིན་གྱིས་རློབས། །བཞི་པ་ཐེག་པ་ཆེ་ཆུང་གཉིས་ཀའི་དབང་དུ་བྱས་ཏེ་ཞི་གནས་གསོ་སྦྱོང་ནི། སྐར་མ་རབ་རིབ་མར་མེ་དང་། །སྒྱུ་མ་ཟིལ་པ་ཆུ་བུར་དང་། །རྨི་ལམ་གློགས་དང་སྤྲིན་ལྟ་བུར། །འདུས་བྱས་ཆོས་རྣམས་དེ་ལྟར་བལྟ། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པ་སྤྱད། །རང་གི་

― KMC022_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་ན། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་ན། །ཐམས་ཅད་དུ་ནི་སྡོམ་པ་ལེགས། །ཐམས་ཅད་སྲུང་བའི་དགེ་སློང་དག །སྡུག་བསྔལ་ཀུན་ལས་ངེས་གྲོལ་ལོ། །ལྔ་པ་སྨོན་འཇུག་བྱང་ཆུབ་ཀྱི་སེམས་གཟུང་བ་ནི། ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་དང་། ས་བཅུ་ལ་གནས་པའི་བྱང་ཆུབ་སེམས་དཔའ་ཆེན་པོ་རྣམས་དང་། བླ་མ་རྡོ་རྗེ་འཛིན་པ་ཆེན་པོ་རྣམས་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བས། །བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། ཅེས་ལན་གསུམ། ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་

― KMC022_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་བཞིན་གནས་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། ལན་གསུམ། འདིར་སྤྲོ་ན་དོན་ཞགས་ཀྱི་གཟུངས་མདོ་ལས་འབྱུང་བའི་ཚུལ་ཁྲིམས་རྣམ་པར་དག་པའི་གཟུངས་ནི། དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་ཤཱི་ལ། སཾ་བྷ་ར་སཾ་བྷ་ར། བྷ་ར་བྷ་ར། མ་ཧཱ་ཤུདྡྷ་ས་ཏྭ། པདྨ་བི་བྷཱུ་ཥི་ཏེ་བྷུ་ཛ། དྷ་ར་དྷ་ར། ས་མནྟ་ཨ་ཝ་ལོ་ཀི་ཏེ་ཧཱུྃ་ཕཊ་སྭཱ་ཧཱ། གང་ཞིག་ཉིན་རེ་རེ་བཞིན་གཟུངས་འདི་དྲན་ན་ཚུལ་ཁྲིམས་ཀྱི་ཉེས་ལྟུང་ཐམས་ཅད་དག་ཅིང་ཕྱིན་ཆད་བྱང་ཆུབ་ཀྱི་བར་དུ་ཚུལ་ཁྲིམས་རྣམ་པར་དག་པར་འགྱུར་རོ། །དེ་ནས་སྨོན་ལམ་གདབ་པ་ནི། བདག་སོགས་སེམས་ཅན་ཐམས་ཅད་ཀྱི་རྒྱུད་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ཆོས་རྣམས་ཡོངས་སུ་རྫོགས་པར་གྱུར་ཅིག །ཉོན་མོངས་པས་ཚུལ་

― KMC022_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིམས་འཆལ་བ་ལས་བྱུང་བའི་སྡིག་པ་དང་སྒྲིབ་པ་ཐམས་ཅད་བྱང་ཞིང་དག་པར་གྱུར་ཅིག །འཕགས་པ་དགྱེས་པའི་ཚུལ་ཁྲིམས་ཀྱི་སྐལ་པ་དང་ལྡན་པར་གྱུར་ཅིག །ཉོན་མོངས་པས་མི་རྫི་བར་རྣམ་པར་གྲོལ་བའི་བདེ་བ་ལ་གནས་པར་གྱུར་ཅིག །ཁྲིམས་ཀྱིས་ཚུལ་ཁྲིམས་སྐྱོན་མེད་ཅིང་། །སོགས། ཚུལ་ཁྲིམས་ཕ་རོལ་ཕྱིན་རྫོགས་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །སོགས། རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་བརྗོད་དོ། །དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །ད་ནི་བདག་གིས་ཅི་ནས་ཀྱང་། །རིགས་དང་མཐུན་པའི་ལས་བརྩམས་ཏེ། །སྐྱོན་མེད་བཙུན་པའི་རིགས་འདི་ལ། །རྙོག་པར་མི་འགྱུར་དེ་ལྟར་བྱ། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་

― KMC022_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན་གྱིས། །ལྷ་དང་ལྷ་མིན་ལ་སོགས་དགའ་བར་གྱིས། །བྱང་ཆུབ་སེམས་ནི་རིན་པོ་ཆེ། །མ་སྐྱེས་པ་རྣམས་སྐྱེས་གྱུར་ཅིག །སྐྱེས་པ་ཉམས་པ་མེད་པ་དང་། །གོང་ནས་གོང་དུ་འཕེལ་བར་ཤོག །བྱང་ཆུབ་སེམས་དང་མི་འབྲལ་ཞིང་། །བྱང་ཆུབ་སྤྱོད་ལ་གཞོལ་བ་དང་། །སངས་རྒྱས་རྣམས་ཀྱིས་ཡོངས་གཟུང་ཞིང་། །བདུད་ཀྱི་ལས་རྣམས་སྤོང་བར་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །སེམས་ཅན་ཐམས་ཅད་བདེ་དང་ལྡན་གྱུར་ཅིག །ངན་འགྲོ་ཐམས་ཅད་རྟག་ཏུ་སྟོངས་པར་ཤོག །བྱང་ཆུབ་སེམས་དཔའ་གང་དག་སར་བཞུགས་པ། །དེ་དག་ཀུན་གྱི་སྨོན་ལམ་འགྲུབ་པར་ཤོག །ཨོཾ་ན་མསྟྲཻ་ཡ་དྷཱི་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། སརྦ་ཏྲ་ཨ་པྲ་ཏི་ཧ་ཏ་བཔྟི་དྷརྨ་ཏཱ་བ་ལཱི་ནཱཾ། ཨོཾ་ཨ་ས་མ་ས་མནྟ་ཏོ་ཨ་ནནྟ། བཱཔྟི་ཤཱ་ས་ནི་ཧ་

― KMC022_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ར་ཧ་ར་སྨ་ར་སྨ་ར་ཎ་བི་ག་ཏ་རཱ་ག །བུདྡྷ་དྷརྨ་ཏེ་ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལཀྵ་ཎེ་ཛྭ་ལ་ཛྭ་ལ་ན་སཱ་ག་རེ་སྭཱ་ཧཱ། དེ་བཞིན་གཤེགས་པའི་ཡི་གེ་བརྒྱ་པ་འདི་ཕན་ཡོན་བསམ་གྱིས་མི་ཁྱབ་ཅིང་། ཁྱད་པར་སྡོམ་པའི་ཉེས་ལྟུང་དག་ནས་བྱང་ཆུབ་ཀྱི་ཁམས་གོང་ནས་གོང་དུ་འཕེལ་བར་འགྱུར་བས་ལན་ཅི་ནུས་བཟླ། དེ་ནས། རྒྱ་གར་སྐད་དུ། ཨཱརྻ་ཥཊ་མུ་ཁི་ནཱ་མ་དྷཱ་ར་ཎི། བོད་སྐད་དུ། འཕགས་པ་སྒོ་དྲུག་པ་ཞེས་བྱ་བའི་གཟུངས། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འཁོར་གྱི་ཁྱམས་གནས་གཙང་མའི་སྟེང་། ནམ་མཁའི་དཀྱིལ་ན་གནས་པ་རིན་པོ་ཆེ་སྣ་བདུན་གྱིས་རབ་ཏུ་རྣམ་པར་ཕྱེ་བས་སྤྲས་པ་ན། བྱང་ཆུབ་སེམས་དཔའི་ཚོགས་གྲངས་མེད་པ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྣམས་ལ་བཀའ་སྩལ་པ། རིགས་ཀྱི་བུ་

― KMC022_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ཁྱོད་ཀྱིས་འགྲོ་བ་ཐམས་ཅད་ལ་ཕན་པ་དང་། བདེ་བའི་ཕྱིར་སྒོ་དྲུག་པ་ཞེས་བྱ་བའི་གཟུངས་འདི་ཟུང་ཞིག །དེ་ནི་འདི་ལྟ་སྟེ། བདག་འཁོར་བ་ན་འཁོར་བའི་ཚེ། སྡུག་བསྔལ་གང་ཅི་མྱོང་བ་དེ་སེམས་ཅན་ཐམས་ཅད་དང་མཉམ་པ་ཉིད་དུ་མི་ཤེས་པའི་མཚན་ཉིད་དུ་མ་གྱུར་ཅིག །བདག་གིས་འཇིག་རྟེན་པའི་ཕུན་སུམ་ཚོགས་པའི་བདེ་བ་གང་ཅི་མྱོང་བ་དེ་སེམས་ཅན་ཐམས་ཅད་དང་ཐུན་མོང་དུ་ཡོངས་སུ་སྤྱོད་པར་གྱུར་ཅིག །བདག་ལ་སྡིག་པ་མི་དགེ་བའི་ལས་ཀྱི་སྒྲིབ་པ་གང་ཅི་ཡོད་པ་དེ་སོ་སོར་བཤགས་པ་བླ་ན་མེད་པས་སོ་སོར་མ་བཤགས་པར་མ་གྱུར་ཅིག །བདག་ལ་བདུད་ཀྱི་ལས་གང་དག་ཡོད་པ་དེ་དག་ཡོངས་སུ་ཤེས་པ་བླ་ན་མེད་པས་ཡོངས་སུ་མི་ཤེས་པར་མ་གྱུར་ཅིག །བདག་གི་ཕ་རོལ་ཏུ་ཕྱིན་པ་དང་ལྡན་པའི་དགེ་བའི་རྩ་བ་འཇིག་རྟེན་པའམ། འཇིག་རྟེན་ལས་འདས་པ་ཡང་རུང་། གང་ཅི་ཡོད་པ་དེའི་འབྲས་བུ་བླ་ན་མེད་

― KMC022_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡེ་ཤེས་སུ་གྱུར་ཅིག །བདག་གི་རྣམ་པར་གྲོལ་བ་གང་ཡིན་པ་དེས་སེམས་ཅན་ཐམས་ཅད་རྣམ་པར་ཐར་པར་གྱུར་ཅིག །འཁོར་བ་དང་མྱ་ངན་ལས་འདས་པ་ལ་བདག་གནས་པར་མ་གྱུར་ཅིག །ཏདྱ་ཐཱ། ཨོཾ་ཀྵ་མེ་ཀྵ་མེ། །ཀྵནྟེ་ཀྵནྟེ། དམེ་དམེ། དཱནྟེ་དཱནྟེ། བྷ་དྲེ་བྷ་དྲེ། སུ་བྷ་དྲེ་སུ་བྷ་དྲེ། ཙནྡྲེ་ཙནྡྲེ། སུ་ཙནྡྲེ་སུ་ཙནྡྲེ། ཙནྡྲ་ཀི་ར་ཎེ། ཙནྡྲ་ཝ་ཏི། ཏེ་ཛོ་ཝ་ཏི། དྷརྨ་ཝ་ཏི། ཡ་ཤོ་ཝ་ཏི། པྲཧྨ་ཝ་ཏི། སརྦ་གླེ་ཤ་བི་ཤོ་དྷ་ནི། སརྦ་ཨཱརྠ་སཱ་དྷ་ནཱི། སརྦ་ཨ་ནརྠ་པྲ་ཤ་མ་ནི། པ་ར་མ་ཨཱརྠ་སཱ་བྷ་ནི། ཀཱ་ཡ་བི་ཤོདྷ་ནི། ཝཱཀ་བི་ཤོདྷ་ནི། མནཿསཾ་ཤོདྷ་ནི་སྭཱ་ཧཱ། རིགས་ཀྱི་བུ་དེ་ལྟར་ན་རིགས་ཀྱི་བུའམ་རིགས་ཀྱི་བུ་མོ་གང་ལ་ལས་སྒོ་དྲུག་པ་ཞེས་བྱ་བའི་གཟུངས་འདི་ཉིན་ལན་གསུམ་མཚན་ལན་གསུམ་བརྗོད་ན། དེའི་ལས་ཀྱི་སྒྲིབ་པ་ཐམས་ཅད་བྱང་བར་འགྱུར་ནས་སྐྱེ་བ་བདུན་གྱི་བར་དུ་དེས་ནི་སྐྱེ་བ་དྲན་པར་འགྱུར་རོ། །བླ་ན་མེད་པ་ཡང་དག་པར་རྫོགས་

― KMC022_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །བཅོམ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་པ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། གནས་གཙང་མའི་རིས་ཀྱི་ལྷའི་བུ་དེ་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྒོ་དྲུག་པ་ཞེས་བྱ་བའི་གཟུངས་རྫོགས་སོ། །དྲུག་པ་རྡོ་རྗེ་ཐེགས་པ་ཐུན་མོང་མ་ཡིན་པ་འོད་གསལ་རྡོ་རྗེ་སྙིང་པོའི་ལུགས་ཀྱི་བསགས་སྦྱོང་སྔོན་ཏུ་འགྲོ་བའི་སྡོམ་པ་དང་དམ་ཚིག་བཟུང་བ་ནི། ཧོ་ཆོས་དབྱིངས་རྣམ་དག་ལྷུན་གྲུབ་ཆེན་པོ་ནས། །དཔག་ཡས་ཐུགས་རྗེའི་རྣམ་འཕྲུལ་འགྱེད་པའི་ལྷ། །ཀུན་བཟང་རིགས་ལྔ་སྐྱབས་གནས་ཐམས་ཅད་ཀུན། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །གདོད་ནས་བྱང་ཆུབ་རྡོ་རྗེ་སྙིང་པོའི་གདུང་། །དཀོན་མཆོག་གསུམ་དང་ཡི་དམ་མཁའ་འགྲོའི་ཚོགས། །ཆོས་སྐྱོང་སྲུང་མ་དམ་ཅན་གཏེར་བདག་རྣམས། །གནས་

― KMC022_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་བྱོན་ལ་བདག་སོགས་བྱིན་གྱིས་རློབས། །ཨོཾ་བཛྲ་ས་མཱ་ཡ་ཛཿ ས་མ་ཡ་སྟྭཾ། །རོལ་མོ་དབྱངས་སྙན་ཡིད་འོང་བདུད་རྩིའི་ཆུས། །ཡོན་ཏན་རྒྱ་མཚོའི་ཚོགས་ལ་ཁྲུས་གསོལ་ཞིང་། །ན་བཟའ་རིན་ཆེན་རྒྱན་མཆོག་འདི་ཕུལ་བས། །འགྲོ་ཀུན་སྐྱོན་བྲལ་ཡོན་ཏན་རྫོགས་པར་ཤོག །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུྃ། ཨོཾ་ཧཱུྃ་ཏྲཱཾ་ཧྲཱིཿཨཱཿ ཀཱ་ཡ་བི་ཤོདྷ་ན་ཡེ་སྭཱ་ཧཱ། །སྣང་སྲིད་རྣམ་དག་སངས་རྒྱས་ཞིང་ཁམས་འདིར། །ཀུན་བཟང་མཆོད་པའི་སྤྲིན་ཕུང་འདི་ཕུལ་བས། །ནམ་མཁའི་མཐའ་ཀླས་གྱུར་པའི་འགྲོ་བ་ཀུན། །བསོད་ནམས་ཡེ་ཤེས་ཚོགས་ཆེན་རྫོགས་པར་ཤོག །བཛྲ་ཨཱརྒྷཾ༴ པཱ་དྱཾ༴ པུཥྤེ༴ དྷཱུ་པེ༴ ཨཱ་ལོ་ཀེ༴ གནྡྷེ༴ ནཻ་བི་དྱ༴ ཤཔྡ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། །མངོན་པར་བྱང་ཆུབ་ཆོས་སྐུ་དག་པ་ལས། །མཛད་པའི་རྣམ་འཕྲུལ་སྒྱུ་མའི་སྐུར་བཞེངས་པ། །བླ་མ་མཆོག་གསུམ་ཡི་དམ་མཁའ་འགྲོ་དང་། །དམ་ཅན་རྒྱ་མཚོའི་

― KMC022_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ལ་གུས་ཕྱག་འཚལ། །རྡོ་རྗེའི་གདུང་འཚོབ་རྣལ་འབྱོར་ཚོགས་རྣམས་ཀྱི། །འགལ་འཁྲུལ་ཉམས་ཆགས་དུས་འདིར་བསྐང་གྱུར་ཅིག །མཆོག་དང་ཐུན་མོང་དངོས་གྲུབ་སྩོལ་བ་དང་། །བླ་མེད་ཆོས་ཀྱི་འཁོར་ལོ་བསྐོར་དུ་གསོལ། །ཨོཾ་ཙཀྲ་རཏྣ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ་སྭཱ་ཧཱ། སྤྱི་བཤགས་ནི། །ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེ་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེ་རོལ་པའི་ལྷ། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེར་ཡོངས་

― KMC022_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་མ་ལུས་རབ་འབྱམས་ཀུན། །འདུ་འབྲལ་མེད་པའི་ངང་དུ་རོ་གཅིག་པ། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་ལས་འདས་པའི། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །ཀུན་བཟང་རྫོགས་ཆེན་ཡེ་ནས་བརྡལ་བ་ལ། །ཕྱི་ནང་གསང་བ་བཀོད་པའི་དཀྱིལ་འཁོར་ནི། །སྣང་སྲིད་རྣམ་དག་ལྷ་དང་ལྷ་མོའི་དབྱིངས། །འབྱུང་དང་འབྱུང་འགྱུར་ཡབ་ཡུམ་ལྷུན་རྫོགས་རྣམས། །གསང་ཆེན་རབ་དགྱེས་གཟུགས་ཅན་བདག་ཉིད་མ། །མཁའ་དབྱིངས་ཀློང་ཡངས་པདྨོ་འཁྱིལ་བ་ལས། །གཉིས་མེད་ཐིག་ལེ་ཆེན་པོར་འོད་གསལ་ཞིང་། །མ་བཅོས་སྤྲོས་མེད་བྱང་ཆུབ་སྙིང་པོའི་

― KMC022_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ། །ཅིར་ཡང་སྣང་བ་བདེ་ཆེན་གཡུང་དྲུང་ལྷ། །འདུ་འབྲལ་མེད་པ་གསང་བའི་དཀྱིལ་འཁོར་འདིར། །བདག་ཉིད་ཆེན་པོ་རིགས་ལྔ་ཡབ་ཡུམ་དང་། །བྱང་ཆུབ་ལྕམ་དྲལ་ཁྲོ་བོ་ཁྲོ་མོའི་ཚོགས། །རྡོ་རྗེ་ལྷ་མོ་ཚོགས་རྗེ་ཚོགས་ཀྱི་བདག །རིགས་ལྔ་དཔལ་ཆེན་ཁྲོ་རྒྱལ་ཡབ་ཡུམ་བཅུ། །གནས་དང་ཡུལ་གྱི་ཕྱག་རྒྱ་སྒོ་མ་བཞི། །ཡེ་ཤེས་སྤྲུལ་པའི་ལྷ་ཚོགས་མང་པོ་དང་། །མ་ལྟར་བྱམས་ཤིང་སྲིང་ལྟར་གདུང་ལ་སོགས། །ལེགས་ཉེས་སྟངས་འཛིན་དམ་ཚིག་རྗེས་གཅོད་མ། །ཕྱི་ནང་མཁའ་འགྲོ་རྣལ་འབྱོར་མ་ཡི་ཚོགས། །དཔང་གྱུར་རྡོ་རྗེ་དམ་ཅན་དགོངས་སུ་གསོལ། ཧཱུྃ། །ཐུགས་རྗེ་གདུང་འཚོབ་རིག་འཛིན་བདག་ཅག་གིས། །འགྲོ་བའི་དོན་དུ་བྱང་ཆུབ་སེམས་བསྐྱེད་དེ། །བླ་མེད་གོ་འཕང་བགྲོད་པར་བྱ་བའི་ཕྱིར། །བསྟན་པ་རྒྱ་མཚོ་སོ་སོའི་འདུལ་ཁྲིམས་དང་། །སྐུ་གསུང་ཐུགས་དང་མཉམ་སྦྱོར་སྡོམ་པའི་མཆོག །རྡོ་རྗེ་འདའ་དཀའ་དམ་ཚིག་

― KMC022_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

གཏན་གྱི་གཉེར། །སྤྱི་དང་ཁྱད་པར་ལྷག་པའི་དམ་ཚིག་རྣམས། །སྔ་ཕྱིར་ནོས་ཤིང་གཉེར་དུ་སྨྲས་སོ་འཚལ། །ཡུན་དུ་མི་གཏོང་འདའ་བར་མི་བགྱིད་ཅིང་། །དོན་ལས་གོལ་ཞིང་ལྡོག་སེམས་མ་མཆིས་ཀྱང་། །གདོད་བྱ་ལོང་ཡོད་སྙོམ་པའི་ལེ་ལོ་ཡིས། །ཀློང་དུ་མ་གྱུར་རྩལ་ཤུགས་ཆུངས་པ་དང་། །ཤེས་བཞིན་མི་ལྡན་བག་མེད་དབང་གྱུར་ཏེ། །སྒོམ་ལ་མི་བརྩོན་བསྙེན་སྒྲུབ་གཡེལ་ལ་སོགས། །ཚོར་དང་མ་ཚོར་མ་རིག་དབང་གིས་ན། །སྟོན་པའི་བཀའ་དང་དམ་ལས་འགལ་གྱུར་ཏེ། །རྣལ་འབྱོར་གང་ཞིག་དམ་ཚིག་ཉམས་པ་དང་། །སྐད་ཅིག་ཙམ་ཡང་ཕྲད་པར་མི་བྱ་ཞེས། །བཀའ་ལས་བྱུང་ཞིང་དེ་ལྟར་མ་ལྕོགས་ཏེ། །གསང་སྒོ་འཆོལ་བས་དབྱེ་གསལ་བཀས་པ་དང་། །མངོན་ཤེས་མེད་པས་སྐྱོན་ཅན་མ་རྟོགས་ཏེ། །ཉམས་དང་ཚོགས་འདྲེས་ཉམས་པ་བསྐང་བ་དང་། །ཉམས་དང་སྣོད་མིན་རྣམས་ལ་ཆོས་བཤད་དང་། །ཉམས་ལ་མི་འཛེམས་ཉམས་པའི་

― KMC022_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོན་ལ་སོགས། །ཉམས་དང་འགྲོགས་ཤིང་ཉམས་པ་དེ་དག་གི །ཉམས་གྲིབ་སྐྱོན་གྱིས་གོས་པར་གྱུར་ཏོ་འཚལ། །ཚེ་འདིའི་རྐྱེན་དང་ཡུན་གྱི་སྒྲིབ་གྱུར་རྣམས། །རབ་གནོང་འགྱོད་པའི་སེམས་ཀྱིས་མཐོལ་ལོ་བཤགས། །བྱམས་པའི་ཐུགས་བརྩེས་བདག་ལ་དགོངས་ནས་ཀྱང་། །གཉིས་མེད་དབྱིངས་ལས་མི་འགྱུར་བདག་བཀོད་དེ། །དམིགས་མེད་བཏང་སྙོམས་ངང་ལ་བཞུགས་ནས་ཀྱང་། །གཉིས་མེད་དོན་གྱི་ཚངས་པ་སྩལ་དུ་གསོལ། །དོན་དམ་དམིགས་མེད་སྤྲོས་ལས་འདས་པས་ན། །རྣམ་རྟོག་གང་ཡང་དམིགས་པར་མི་འགྱུར་ཞིང་། །ཀུན་རྫོབ་སྒྱུ་མ་ཙམ་གྱི་དབང་གིས་ན། །ནོངས་པར་མཆིས་ན་རབ་གནོངས་བཟོད་པར་གསོལ། །སྐུ་གསུམ་མཎྜལ་ནི། རིན་ཆེན་མཎྜལ་ཡིད་འོང་མཆོད་པའི་སྤྲིན། །འདོད་རྒུའི་འབྱོར་ཚོགས་དཔག་མེད་དང་ལྡན་པ། །དཔག་ཡས་ནམ་མཁའི་རྒྱན་གྱུར་འདི་ཕུལ་བས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །

― KMC022_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་མིན་བདེ་ཆེན་རིན་ཆེན་གཞལ་ཡས་ཁང་། །སྣ་ཚོགས་མཆོད་པའི་སྤྲིན་གྱི་བླ་བྲེ་ཅན། །ནམ་མཁའ་གང་བར་དམིགས་ཏེ་ཕུལ་བ་ཡིས། །འགྲོ་ཀུན་ལོངས་སྐུའི་ཞིང་ལ་སྤྱོད་པར་ཤོག །འོད་གསལ་ལྷུན་གྲུབ་ཡེ་ཤེས་རིགས་ལྔའི་ཞིང་། །སྐུ་དང་ཐིག་ལེས་ཡེ་ནས་བརྒྱན་པ་འདི། །རང་སྣང་དག་པས་ལེགས་པར་ཕུལ་བ་ཡིས། །ཀུན་བཟང་ཆོས་སྐུའི་ཞིང་ལ་སྤྱོད་པར་ཤོག །ཡན་ལག་བརྒྱད་པ་སྔོན་ཏུ་འགྲོ་བའི་སྡོམ་བཟུང་དངོས་ནི། ཨོཾ་གདོད་མའི་དབྱིངས་སུ་མངོན་པར་བྱང་ཆུབ་ནས། །འཁོར་འདས་ཀུན་གྱི་ཐོག་མའི་མགོན་པོ་མཆོག །ཀུན་བཟང་རིགས་ལྔ་ཞི་ཁྲོ་བླ་མར་བཅས། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །ཡོན་ཏན་འབར་བའི་དབྱིངས་སུ་ལྷུན་རྫོགས་ཏེ། །སྐུ་དང་ཡེ་ཤེས་འདུ་འབྲལ་མེད་པའི་ལྷ། །བླ་མ་ཡི་དམ་མཁའ་འགྲོའི་ཚོགས་རྣམས་དང་། །དམ་ཅན་རྒྱ་མཚོའི་ཚོགས་ལ་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་རྣམ་

― KMC022_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི། །ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །ཐོག་མེད་དུས་ནས་ད་ལྟའི་བར་ཉིད་དུ། །སྲིད་འགྲོ་ཉམ་ངར་ཡུན་རིང་འཁོར་བ་ན། །ལུས་ངག་ཡིད་ཀྱིས་མི་དགེ་ཅི་བགྱིས་པ། །འགལ་འཁྲུལ་ཉམས་ཆགས་ཐམས་ཅད་མཐོལ་ལོ་བཤགས། །རྫོགས་སངས་རྒྱས་མགོན་བྱང་ཆུབ་སེམས་དཔའ་དང་། །འཕགས་གཉིས་སོ་སོ་སྐྱེ་བོ་མ་ལུས་པའི། །དུས་གསུམ་དགེ་བ་བགྱིད་དང་བགྱིད་སྩལ་དང་། །བགྱིས་པ་གྱུར་པ་ཀུན་ལ་ཡི་རང་ངོ་། །གློ་བུར་ཉོན་མོངས་དང་ལྡན་སེམས་ཅན་རྣམས། །ཁམས་དེའི་རང་བཞིན་དག་པར་མཐོང་བྱའི་ཕྱིར། །ཕྱི་ནང་གསང་བ་བླ་ན་མེད་པ་ཡི། །ཆོས་ཀྱི་འཁོར་ལོ་རྨད་བྱུང་བསྐོར་དུ་གསོལ། །སངས་རྒྱས་འཇིག་རྟེན་ཉི་མ་གང་དུ་བྱོན། །འགྲོ་བའི་གཉེན་གྱུར་སྲས་དང་བཅས་པ་ཀུན། །སྡིག་པའི་མུན་ནག་འཐིབས་པོ་བསལ་སླད་དུ། །འཁོར་བ་ཇི་སྲིད་སྒྲོན་མེར་མཛད་པར་གསོལ། །ཡོན་ཏན་དགེ་

― KMC022_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

འོས་རྒྱལ་བའི་བྱང་ཆུབ་མཆོག །སྐྱེ་དགུ་ཀུན་གྱིས་ཐོབ་པར་བྱ་བའི་ཕྱིར། །བསོད་ནམས་ཕུང་པོ་ཡོངས་སུ་བསྔོ་བགྱིས་པས། །འགྲོ་ཀུན་ཐར་པའི་གྲོང་དུ་ཕྱིན་པར་ཤོག །ཧོ་རྫོགས་སངས་རིན་ཆེན་དག་པའི་སེམས་ཉིད་དང་། །རྟོག་པའི་དྲི་མ་རབ་བྲལ་དམ་པའི་ཆོས། །བརྟུལ་ཞུགས་བཟང་པོའི་ཚོགས་ལ་སྐྱབས་མཆི་ཞིང་། །སྲེད་དང་བྲལ་བ་རྣམས་ལ་གུས་ཕྱག་འཚལ། །དེང་ནས་བདག་ནི་འགྲོ་ཀུན་ཉེར་འཚོའི་ཕྱིར། །མགོན་རྣམས་འབངས་སུ་བདག་ཉིད་འབུལ་ལགས་ཀྱིས། །བརྩེ་བའི་ཐུགས་རྗེས་བཞེས་པར་མཛད་དུ་གསོལ། །བྱམས་པའི་ཞལ་བཟང་དུས་འདིར་གཟིགས་ནས་ཀྱང་། །འགལ་འཁྲུལ་ཉམས་ཆགས་ཐམས་ཅད་བསྐང་དུ་གསོལ། ༈ །ཨོཾ་རྣལ་འབྱོར་དབང་ཕྱུག་ཡེ་ཤེས་མཐར་ཕྱིན་ནས། །འགྲོ་ལ་ཕན་མཛད་ཐུགས་རྗེས་དབང་བསྒྱུར་ཞིང་། །སྲིད་པ་གསུམ་གྱི་གཉེན་གྱུར་གཅིག་པུ་པ། །ལྷའི་ལྷ་ཁྱོད་བདག་ལ་དགོངས་སུ་གསོལ། །

― KMC022_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བར་གཤེགས་པའི་སྤྲུལ་པ་རྒྱ་མཚོ་དང་། །རྣལ་འབྱོར་དབང་ཕྱུག་གྲུབ་པའི་ཚོགས་ཆེན་པོ། །ལྷ་དང་ལྷ་མིན་སྔགས་འཆང་དམ་ཚིག་ཅན། །ཀུན་ནས་འདུས་པ་རྣམས་ཀྱང་དགོངས་སུ་གསོལ། །བདག་ནི་རྒྱལ་སྲིད་མཐོ་རིས་ལོངས་སྤྱོད་དང་། །འདོད་པའི་ཡོན་ཏན་བསྒྲུབ་པ་མ་ལགས་ཏེ། །འགྲོ་ལ་སྙིང་བརྩེ་ཁོ་ནས་དོན་བརྩོན་པས། །སྲིད་པ་གསུམ་གྱི་གཉེན་གྱུར་གཅིག་ཏུ་འཚལ། །འདི་ལ་ཀུན་མཁྱེན་ཁྱོད་ཉིད་དཔང་དུ་གསོལ། །མགོན་པོ་ཡེ་ཤེས་སྒྲིབ་པ་མི་མངའ་བས། །ཁྱོད་ཀྱིས་བདག་གི་ལྷག་པའི་བསམ་པ་མཁྱེན། །འཕགས་པའི་སྤྱན་སྔར་བདག་གིས་དམ་བཅས་པ། །ཉམས་པར་མི་བགྱིད་མགོན་ཁྱོད་བསླུ་མ་ལགས། །དེང་ནས་བདག་ནི་ཁེ་དང་གྲགས་ལ་སོགས། །གཡོ་དང་ཟང་ཟིང་སེམས་ནི་གཏན་སྤངས་ནས། །གཞན་དོན་སྒྲུབ་པ་གཅིག་པུའི་སེམས་བཞག་སྟེ། །རྣལ་འབྱོར་སྤྱོད་པ་ཆེན་པོ་བདག་གིས་བརྩམ། །ཀུན་ཏུ་

― KMC022_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོ་བླ་ན་མེད་པ་ཡི། །བྱང་ཆུབ་མཆོག་ཏུ་བདག་གིས་སེམས་བསྐྱེད་བྱ། །དོན་དམ་དང་ནི་ཀུན་རྫོབ་བྱང་ཆུབ་སེམས། །དེང་ནས་ཚུལ་བཞིན་ཡོངས་སུ་བཟུང་བར་བགྱི། །སྲོག་ཆགས་ཐམས་ཅད་གལ་ཏེ་འདུས་གྱུར་ནས། །དུམ་བུ་སྟོང་དུ་བདག་གི་ལུས་གཏུབས་ཀྱང་། །བྱང་ཆུབ་སེམས་མཆོག་ཤེས་རབ་སྙིང་རྗེ་དང་། །ཡི་དམ་རྒྱལ་བ་ཁྱོད་ནི་ཡོངས་མི་བཏང་། །ཇི་ལྟར་སྔོན་གྱི་རྒྱལ་བ་སྲས་བཅས་བར། །རིག་འཛིན་མཁའ་འགྲོ་རྒྱ་མཚོའི་ཚོགས་རྣམས་ཀྱིས། །ཕྱི་ནང་གསང་བ་མཆོག་གི་དམ་ཚིག་དང་། །སྡོམ་པ་མཐའ་ཡས་རྒྱ་མཚོ་བཟུང་བ་ལྟར། །དེང་ནས་བདག་ཀྱང་ལམ་ཆེན་དེར་ཞུགས་ཏེ། །འགྲོ་ལ་ཕན་ཕྱིར་དེ་དག་གཟུང་བར་བགྱི། །གདོད་ནས་མ་སྐྱེས་མཁའ་ལྟར་རྣམ་དག་ཅིང་། །མི་འགྱུར་ལྷུན་གྲུབ་རང་བྱུང་འོད་གསལ་པ། །ཇི་བཞིན་མ་བཅོས་ཆོས་ཉིད་དོན་བསྒོམས་ཏེ། །ཆོས་སྐུ་ཡངས་པ་ཆེན་པོའི་མཁའ་དབྱིངས་སུ། །ཀུན་བཟང་

― KMC022_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་གྱི་དམ་ཚིག་གཟུང་བར་བགྱི། །བདེ་བར་གཤེགས་པ་རིགས་ཀྱི་དམ་ཚིག་ཏུ། །སྡོམ་དང་ཆོས་སྡུད་སེམས་ཅན་དོན་བྱེད་ཅིང་། །བྱང་ཆུབ་སྙིང་པོ་རང་ལ་མཚོན་པའི་ཕྱིར། །ཆོས་ཀྱི་འཁོར་ལོའི་རྫས་ཀྱང་གཟུང་བར་བགྱི། །མི་འགྱུར་རྡོ་རྗེ་རིགས་ཀྱི་དམ་ཚིག་ཏུ། །རང་བཞིན་བསྐྱེད་རྫོགས་དོན་ལས་མི་འདའ་ཞིང་། །རྡོ་རྗེ་སློབ་དཔོན་མཆོག་ཏུ་བཀུར་བ་དང་། །ཐབས་དང་ཤེས་རབ་རང་ལ་མཚོན་པའི་ཕྱིར། །རྡོ་རྗེ་དྲིལ་བུའི་རྫས་ཀྱང་གཟུང་བར་བགྱི། །བསམ་འཕེལ་རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞིས་འགྲོ་དོན་སྐྱོང་བ་དང་། །བསོད་ནམས་ཡེ་ཤེས་ཚོགས་ཆེན་རྫོགས་བྱེད་ཅིང་། །ལྷུན་གྲུབ་ཡོན་ཏན་རང་ལ་མཚོན་པའི་ཕྱིར། །ནོར་བུ་རིན་ཆེན་རྫས་ཀྱང་གཟུང་བར་བགྱི། །མ་ཆགས་པདྨ་རིགས་ཀྱི་དམ་ཚིག་ཏུ། །ཕྱི་ནང་གསང་བའི་ཆོས་རྣམས་ཡོངས་བཟུང་ཞིང་། །འགྲོ་ལ་ཚད་མེད་སྙིང་རྗེས་ཆགས་པ་དང་། །སྐྱོན་

― KMC022_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ཆོས་ཉིད་རང་ལ་མཚོན་པའི་ཕྱིར། །ཡིད་འོང་པདྨ་མཆོག་ཀྱང་གཟུང་བར་བགྱི། །སྣ་ཚོགས་ལས་ཀྱི་རིགས་ཀྱི་དམ་ཚིག་ཏུ། །ཐེག་གསུམ་སྡོམ་པ་མཐའ་ཡས་གཟུང་བ་དང་། །དེ་ཉིད་ལྷུན་གྲུབ་རང་ལ་མཚོན་པའི་ཕྱིར། །རྒྱ་གྲམ་རལ་གྲི་མཆོག་ཀྱང་གཟུང་བར་བགྱི། །གསང་སྔགས་རྡོ་རྗེ་ཐེག་པའི་དམ་ཚིག་ཏུ། །ཟུང་འཇུག་ལམ་དུ་ཐམས་ཅད་བླང་བ་དང་། །སྤང་བླང་མེད་པའི་རོལ་པ་མཚོན་པའི་ཕྱིར། ཁ་ཊྭཱཾ་ཐོད་པ་ཅང་ཏེའུ་གཟུང་བར་བགྱི། །མདོར་ན་གང་གིས་འཁོར་བ་རྣམས་སྦྱངས་པ། །ཕུང་པོ་སྐྱེ་མཆེད་ཁམས་རྣམས་དག་བྱེད་ཅིང་། །དབང་པོ་ཡུལ་དང་ཉོན་མོངས་རྣམས་སྦྱངས་པ། །སྐུ་ལྔ་ཡེ་ཤེས་ལྔ་དང་གསུང་ལྔ་དང་། །ཡོན་ཏན་ཕྲིན་ལས་རིགས་ལྔ་བསྒྲུབ་པའི་རྫས། །ནང་གི་དགོངས་སྦྱོང་རྒྱ་མཚོ་མཐའ་ཡས་དང་། །ཕྱི་རོལ་དམ་རྫས་འདོད་ཡོན་ཐབས་ཆེན་ལྔ། །ཤ་ལྔ་བདུད་རྩི་ལྔ་ལ་སོགས་པ་དང་། །རྩ་བ་ཡན་ལག་དམ་ཚིག་རྣམ་ལྔ་

― KMC022_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །རྡོ་རྗེ་མཆོག་བསྒྲུབ་སྐུ་གསུང་ཐུགས་གསུམ་དང་། །ཤེས་དང་མི་སྤང་དང་དུ་བླང་བ་དང་། །སྒྲུབ་དང་སྤྱད་པར་བྱ་བ་ལྔ་ལྔ་སྟེ། །ཉི་ཤུ་རྩ་ལྔ་རྩ་བ་ཡན་ལག་བཅས། །གསང་སྔགས་རྡོ་རྗེ་སྙིང་པོའི་སྡོམ་པ་ཀུན། །དེང་ནས་བརྩམས་ཏེ་བདག་གིས་གཟུང་བར་བགྱི། །གང་ལ་བརྟེན་ནས་སྲིད་པ་རྣམ་སྦྱོང་ཞིང་། །ཞི་བར་ཐར་པ་དམ་པའི་ལྷ་ཆོས་ཀུན། །འགྲོ་བའི་དོན་དུ་བདག་གིས་ཡོངས་སུ་གཟུང་། །སྲིད་ཞིར་མི་གནས་བྱང་ཆུབ་མཆོག་ཞུགས་ཏེ། །དཀྱིལ་འཁོར་དབང་ཕྱུག་རྡོ་རྗེ་སློབ་དཔོན་དང་། །དཔའ་བོ་རྣལ་འབྱོར་མ་ཀུན་མཆོད་པ་དང་། །ཚོགས་གཉིས་བརྩོན་པ་མཐའ་ཡས་རྒྱ་མཚོ་བསྒྲུབ། །འགྲོ་ལ་སྙིང་བརྩེས་ཕན་པ་མཆོག་ཏུ་བྱ། །གནོང་པར་མི་བྱ་བརྙས་པར་ཡོངས་མི་བྱ། །གཅིག་པུར་ཞི་བར་དོན་དུ་མི་གཉེར་ཞིང་། །གཞན་དོན་ཡང་དག་སྒྲུབ་ལ་བརྩོན་པ་ཡིས། །རང་གཞན་ཐར་པའི་སྒོ་ནི་དབྱེ་བར་བགྱིད། །བདུན་པ་སྨོན་ལམ་གྱི་རིམ་

― KMC022_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལས་ཐོག་མར་ཐུན་མིན་རྡོ་རྗེའི་སྙིང་པོའི་སྡོམ་པ་ནན་ཏན་དུ་བཟུང་བ་དང་ཆབ་གཅིག་པའི་སྨོན་ལམ་ནི། ཧོཿ །མཐའ་ཡས་ཐེག་པ་ཆེན་པོའི་ལམ་ཆེན་དུ། །མ་ལུས་འགྲོ་ཀུན་བདག་གིས་ཡོངས་དྲངས་ཏེ། །ཐམས་ཅད་བྱང་ཆུབ་མཆོག་ལ་རབ་བཀོད་ནས། །ཀུན་བཟང་ཆོས་རྗེ་བླ་མེད་ས་ཐོབ་ཤོག །ཐར་ལམ་བྱང་ཆུབ་སྙིང་པོར་བདག་ཞུགས་ནས། །ཇི་སྲིད་བླ་མེད་གོ་འཕང་མཆིས་ཀྱི་བར། །ཚེ་རབས་གང་དང་གང་སྐྱེས་དེ་དང་དེར། །བློ་ལྡན་རིགས་བཟང་ང་རྒྱལ་མེད་པ་དང་། །སྙིང་བརྩེ་མཆོག་གྱུར་བླ་མ་ལ་གུས་ཤིང་། །འགྲོ་བའི་དོན་རྣམས་བསྒྲུབ་ལ་མཁས་པ་དང་། །དཔལ་མགོན་བླ་མ་རབ་ཏུ་མཉེས་བྱེད་ཤོག །དེང་ནས་བྱང་ཆུབ་སྙིང་པོར་མཆིས་ཀྱི་བར། །བཅོམ་ལྡན་རྡོ་རྗེ་ཀུན་ཏུ་བཟང་པོ་དང་། །ཡི་དམ་དཀྱིལ་འཁོར་སྲུང་མ་དམ་ཚིག་ཅན། །བཀའ་གསང་རྨད་བྱུང་བླ་ན་མེད་པ་དང་། །རྡོ་རྗེ་མཆེད་ལྕམ་རྣམས་དང་མི་འབྲལ་ཞིང་། །གཡར་དམ་གཅིག་པས་གཏན་དུ་མི་

― KMC022_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲལ་ཤོག །སྒྲུབ་མཆོག་བདག་ལ་བར་ཆད་མི་འབྱུང་ཞིང་། །ཉིན་མཚན་བརྩོན་པས་ཐར་ལམ་མཐར་ཕྱིན་ནས། །བསྐྱེད་རྫོགས་གྲུབ་པའི་རིག་འཛིན་གྲལ་འཁོད་དེ། །མཆོག་དང་ཐུན་མོང་དངོས་གྲུབ་ཐོབ་པར་ཤོག །བཅོམ་ལྡན་ཀུན་བཟང་ཡི་དམ་དཀྱིལ་འཁོར་ལྷ། །ས་ལེར་མཐོང་བར་བྱིན་གྱིས་བརླབས། །བལྟ་བར་འདོད་དང་འདྲི་བར་འདོད་ན་ཡང་། །སྒྲིབ་མེད་མགོན་པོ་མངོན་སུམ་མཐོང་བར་ཤོག །གང་ཚེ་བསྐྱེད་རྫོགས་བསྙེན་བསྒྲུབ་སྤྱོད་པ་ན། །དགོངས་སྤྱོད་ཏིང་འཛིན་རྒྱ་མཚོ་མཐར་ཕྱིན་ཏེ། །རྡོ་རྗེ་མཆོག་གསུམ་གྲུབ་པའི་ཕྲིན་ལས་བཞི། །བརྩམས་པ་ཙམ་གྱིས་མངོན་དུ་འགྱུར་བར་ཤོག །ཕྱོགས་བཅུའི་ནམ་མཁའི་མཐའ་མཉམ་ཞིང་རྣམས་ཀྱི། །སེམས་ཅན་མ་ལུས་བྱང་ཆུབ་ཐོབ་བྱའི་ཕྱིར། །ཀུན་བཟང་སྤྱོད་པ་ཅི་འདྲར་བདག་གྱུར་ཏེ། །རྒྱལ་སྲས་བྱང་ཆུབ་སྤྱོད་པ་མཐའ་ཡས་ཤོག །སེམས་ཅན་ཀུན་གྱི་སྡུག་བསྔལ་བདག་

― KMC022_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྨིན། །བདག་དགེ་སེམས་ཅན་རྣམས་ལ་ཡོངས་སྨིན་ཏེ། །འགྲོ་ཀུན་བདེ་གཤེགས་བྱང་ཆུབ་མཆོག་ཐོབ་ནས། །གཞན་དོན་སྤྱོད་པ་རྒྱ་མཚོ་མཐའ་ཡས་ཤོག །བདག་གི་བརྩོན་པས་མཁའ་མཉམ་སེམས་ཅན་རྣམས། །སྲིད་ལས་རྣམ་གྲོལ་འཁོར་བ་སྟོང་པ་ན། །བདག་ཀྱང་བྱང་ཆུབ་དམ་པ་གཉིས་ཐོབ་ནས། །ཆོས་སྐུ་ཀུན་ཏུ་བཟང་དང་དབྱེར་མེད་ཤོག །ཚེ་རབས་ཀུན་ཏུ་འགྲོ་བའི་གཉེན་གྱུར་ནས། །སྐྱབས་དང་སྐྱོབ་པ་བླ་ན་མེད་པ་ཡིས། །འགྲོ་བའི་དོན་དུ་འདོད་དགུའི་ཆར་འབེབས་པ། །ནོར་བུ་རིན་ཆེན་མཆོག་དང་མཚུངས་པར་ཤོག །དབང་བཅུ་མངོན་ཤེས་རྫུ་འཕྲུལ་སྟོབས་རྣམས་དང་། །གཟུངས་དང་རྣམ་ཐར་ཡོན་ཏན་མཆོག་གྲུབ་ནས། །གཞན་གྱིས་མཐུ་ལ་འགྲོ་རྣམས་འདུལ་བྱེད་ཅིང་། །ཐམས་ཅད་བྱང་ཆུབ་མཆོག་ལ་འགོད་པར་ཤོག །ནམ་མཁའི་མཐའ་མཉམ་གྱུར་པའི་འགྲོ་བ་ལ། །དམ་ཆོས་རིན་ཆེན་བདུད་རྩིའི་ཆར་ཕབས་ནས། །ཆོས་དང་

― KMC022_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

ཟང་ཟིང་མི་འཇིགས་སྦྱིན་པ་ཡིས། །སྐྱེ་དགུ་ཐམས་ཅད་བདེ་ལ་འགོད་པར་ཤོག །གསང་སྔགས་རྒྱལ་པོ་བླ་མེད་མཆོག་གྲུབ་ནས། །མཐའ་ཡས་ཞིང་དུ་རྣམ་འཕྲུལ་རྒྱ་མཚོ་དང་། །མཁའ་འགྲོ་མི་བཟད་འབར་བའི་སྤྲིན་འཕྲོ་བས། །གསང་སྔགས་སྤྱོད་པ་རྒྱ་མཚོ་མཐའ་ཡས་ཤོག །གནས་དང་ཉེ་བའི་གནས་རྣམས་བགྲོད་པ་དང་། །ཞིང་དང་ཉེ་བའི་ཞིང་རྣམས་ལྟ་བ་དང་། །དུར་ཁྲོད་བརྒྱད་དང་ཚནྡྷོ་ལ་སོགས་པར། །མཁའ་འགྲོ་རྣམས་དང་སྐལ་པ་མཉམ་པར་ཤོག །མངོན་ཤེས་མང་པོས་གདུལ་བྱའི་རྒྱུད་མཁྱེན་ཅིང་། །ཏིང་འཛིན་མང་པོས་ཡེ་ཤེས་ལུས་གྲུབ་སྟེ། །རིག་འཛིན་མང་པོས་གསང་སྔགས་དངོས་གྲུབ་བརྙེས། །ས་མཆོག་མང་པོས་དཀྱིལ་འཁོར་འགྲུབ་པར་ཤོག །འགྲོ་བློའི་རིམ་པ་ཇི་བཞིན་དབང་པོའི་ཆོས། །སྣ་ཚོགས་ཐེག་པའི་ཆོས་ཀྱི་ཆར་བསིལ་བས། །གནས་སྐབས་སོ་སོའི་རེ་བ་ཡོངས་བསྐངས་ཏེ། །མཐར་ཐུག་ཐེག་

― KMC022_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྒྱལ་པོར་འཇུག་པར་ཤོག །མཁའ་ཁྱབ་ཡོན་ཏན་ཡིད་བཞིན་སྤྲིན་ཚོགས་ལས། །དངོས་གྲུབ་རྣམ་པ་མང་པོའི་ཆར་བབ་ཅིང་། །གང་ལ་ཅི་བདུལ་དེ་ལ་དེར་སྣང་བས། །མཁའ་ཁྱབ་སེམས་ཅན་སྨིན་པའི་མཐུ་ལྡན་ཤོག །ནམ་ཞིག་འཆི་བའི་དུས་བྱེད་གྱུར་པའི་ཚེ། །དཔའ་བོ་རྣལ་འབྱོར་མ་ཚོགས་དཔག་མེད་ཀྱིས། །མཆོད་པའི་སྤྲིན་ཕུང་ཐོགས་པས་མདུན་བསུས་ནས། །འོག་མིན་མཁའ་སྤྱོད་གནས་སུ་ཕྱིན་པར་ཤོག །སྐད་ཅིག་དེ་ལ་ཆོས་སྐུ་མཐར་ཕྱིན་ནས། །གདོད་ནས་རྣམ་པར་དག་པའི་དེ་བཞིན་གཤེགས། །ཀུན་ཏུ་བཟང་པོ་ཀུན་གྱི་བདག་པོ་རུ། །རྡོ་རྗེ་བདེ་བ་ཆེན་པོའི་ས་ཐོབ་ཤོག །གཞོན་ནུ་བུམ་པ་སྐུ་ཡི་ཞིང་ཁམས་སུ། །རིན་ཆེན་སྦུབས་ལ་བརྟན་པ་མཐར་ཕྱིན་ནས། །གཟུགས་སྐུའི་རོལ་པས་གདུལ་བྱའི་འཇིག་རྟེན་ཏུ། །སྤྲུལ་པ་རྣམ་པ་མང་པོ་འགྱེད་པར་ཤོག །ཡེ་ཤེས་ཆོས་ཀྱི་སྐུ་དང་དབྱེར་མེད་ཅིང་། །ཐོག་མ་དང་ནི་ཐ་མ་མེད་

― KMC022_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བདག །རང་བཞིན་རྫོགས་པ་ཆེན་པོའི་མཁའ་དབྱིངས་སུ། །མ་འབད་བཞིན་དུ་ངང་གིས་ཕྱིན་པར་ཤོག །རིན་ཆེན་འོད་གསལ་དག་པའི་དཀྱིལ་འཁོར་དུ། །རང་རིག་རྡོ་རྗེ་སེམས་དཔའི་དོན་མཐོང་ནས། །རྩལ་ཆེན་རྫོགས་པའི་ཕྲིན་ལས་རླབས་ཆེན་གྱིས། །འགྲོ་ཀུན་ཕྱམ་གཅིག་རྫོགས་པའི་སངས་རྒྱས་ཤོག །གསེར་གྱི་ཉི་མ་རྣམས་ནི་ཀློང་དུ་ཐིམ། །འབར་བའི་འོད་ཟེར་ཉེ་བར་ཞི་བ་ན། །རྒྱལ་བའི་དབང་པོ་དྲི་མེད་མཆོག་གི་ཡུམ། །རྣམ་དག་ཡངས་པ་ཆེན་པོའི་དོན་མཐོང་ཤོག །དབང་བཞིས་སྨིན་པའི་རིག་པ་བྱང་ཆུབ་སེམས། །འོད་གསལ་སྣང་བ་བཞི་པོ་མངོན་གྱུར་ནས། །གདོས་བཅས་ཕུང་པོ་འོད་ཀྱི་སྐུར་གྲོལ་ཏེ། །འཕོ་བ་ཆེན་པོས་གཞན་དོན་འགྲུབ་པར་ཤོག །འཆིངས་བྱེད་ལུས་ཀྱི་རྒྱལ་ས་མ་གྲོལ་བར། །གང་ཞིག་འཆི་འཕོ་ནད་ཀྱི་སྡུག་བསྔལ་མེད། །བར་དོའི་འོད་གསལ་དམ་པ་མངོན་གྱུར་ནས། །ལྷུན་གྲུབ་ས་ལ་གཏན་

― KMC022_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ཟིན་པར་ཤོག །གལ་ཏེ་སྲིད་པ་བར་དོ་མཐོང་གྱུར་ན། །སྐད་ཅིག་དེ་ལ་རང་སྣང་འཇིགས་བྲལ་ཏེ། །མངོན་དགའ་ལ་སོགས་དག་པའི་ཞིང་བགྲོད་ནས། །མངོན་པར་བྱང་ཆུབ་མཛད་པ་མཐའ་ཡས་ཤོག །ས་མཆོག་འོད་གསལ་རྡོ་རྗེ་རྩེ་མོ་རུ། །བདག་ཅག་རྡོ་རྗེ་རྣལ་འབྱོར་ཞུགས་སོ་འཚལ། །བར་ཆད་མེད་ལམ་བརྟན་པ་མཐར་ཕྱིན་ནས། །ཀུན་བཟང་ཆེ་མཆོག་ཧེ་རུ་ཀ་ཐོབ་ཤོག །ཆོས་དབྱིངས་རྣམ་དག་རྣམ་སྣང་བཅོམ་ལྡན་འདས། །དབང་ཕྱུག་ཆེན་པོ་ལྷ་ཡི་ལྷར་གྱུར་པ། །སྟུག་པོའི་རྒྱན་གྱུར་མ་ལུས་ཀུན་གྱི་རྒྱན། །བདེ་གཤེགས་རིགས་ཀྱི་དངོས་གྲུབ་ཐོབ་པར་ཤོག །མེ་ལོང་རྣམ་དག་མི་བསྐྱོད་བཅོམ་ལྡན་འདས། །གྲགས་པ་མཐར་ཕྱིན་ལྷ་ཡི་ལྷར་གྱུར་པ། །མངོན་དགའི་རྒྱན་གྱུར་མ་ལུས་ཀུན་གྱི་རྒྱན། །རྡོ་རྗེ་རིགས་ཀྱི་དངོས་གྲུབ་ཐོབ་པར་ཤོག །ཀུན་རྟོག་རྣམ་དག་དཔག་མེད་བཅོམ་ལྡན་འདས། །བདེ་ཆེན་དབང་ཕྱུག་ལྷ་ཡི་ལྷར་གྱུར་པ། །བདེ་

― KMC022_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་རྒྱན་གྱུར་མ་ལུས་ཀུན་གྱི་རྒྱན། །པདྨ་རིགས་ཀྱི་དངོས་གྲུབ་ཐོབ་པར་ཤོག །མཉམ་ཉིད་རྣམ་དག་རིན་ཆེན་བཅོམ་ལྡན་འདས། །ཡོན་ཏན་མཐར་ཕྱིན་ལྷ་ཡི་ལྷར་གྱུར་པ། །དཔལ་ལྡན་རྒྱན་གྱུར་མ་ལུས་ཀུན་གྱི་རྒྱན། །རིན་ཆེན་རིགས་ཀྱི་དངོས་གྲུབ་ཐོབ་པར་ཤོག །བྱ་གྲུབ་རྣམ་དག་དོན་ཡོད་བཅོམ་ལྡན་འདས། །ཕྲིན་ལས་མཐར་ཕྱིན་ལྷ་ཡི་ལྷར་གྱུར་པ། །ལས་རབ་རྒྱན་གྱུར་མ་ལུས་ཀུན་གྱི་རྒྱན། །ལས་ཀྱི་རིགས་ཀྱི་དངོས་གྲུབ་ཐོབ་པར་ཤོག །རང་རིག་རྣམ་དག་ཀུན་བཟང་བཅོམ་ལྡན་འདས། །འཁོར་འདས་ཀུན་གྱི་ལྷ་ཡི་ལྷར་གྱུར་པ། །གདོད་མའི་རྒྱན་གྱུར་མ་ལུས་ཀུན་གྱི་རྒྱན། །ཐམས་ཅད་ལྷུན་གྲུབ་དངོས་གྲུབ་ཐོབ་པར་ཤོག །ཐུན་མོང་བཟང་པོ་སྤྱོད་པའི་སྨོན་ལམ་ནི། འདས་པའི་སངས་རྒྱས་རྣམས་དང་ཕྱོགས་བཅུ་ཡི། །སོགས་ཚང་བར་བརྗོད་ཅིང་། གཞན་ཡང་ནུས་ན་ཐེག་པ་ཆེན་པོའི་སྨོན་ལམ་སྤྱི་དང་། བདེ་བ་ཅན་གྱི་སྨོན་ལམ་སོགས་རྩེ་གཅིག་ཏུ་གདབ་མཐར་གལ་པོ་ཆེ་ལས་

― KMC022_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པའི་རྡོ་རྗེ་རྒྱལ་མཚན་གྱི་བསྔོ་བའི་སྙིང་པོས་རྒྱས་གདབ་སྟེ། འགྲོ་ཀུན་དགེ་རྩ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དང་། །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ཀྱང་ཀུན་ནས་བཟང་པོར་རེད་གྱུར་ཅིག །འཇིག་རྟེན་ཐམས་ཅད་མ་ལུས་སེམས་ཅན་རྣམས། །ཇི་སྙེད་རྒྱལ་བ་ཀུན་གྱིས་ཐུགས་ཆུད་པ། །ཀུན་ཀྱང་མཁས་པ་ཀུན་གྱིས་བསྔགས་པ་ཡི། །ཀུན་ཏུ་བཟང་པོ་དེ་བཞིན་འགྱུར་བར་ཤོག །ཕྱོགས་རྣམས་མ་ལུས་ཀུན་ཏུ་ཅི་བྱས་པ། །སྐྱེས་བུ་དམ་པ་དེ་ལྟར་ཡོངས་སུ་བསྔོ། །རྡོ་རྗེ་རྒྱལ་མཚན་རྒྱལ་བས་གང་གསུངས་པ། །ཡོངས་བསྔོ་དམ་པ་མཆོག་དང་ཕུལ་ཡང་ཡིན། །དེ་བཞིན་ཞིང་རྣམས་ཐམས་ཅད་མ་ལུས་པ། །རྒྱུ་བཞིན་ཀུན་ཀྱང་ཁོང་དུ་ཆུད་བྱས་ཏེ། །སེམས་ཅན་ཇི་སྙེད་ཐམས་ཅད་མ་ལུས་པར། །དེ་དག་ཀུན་ཀྱང་ཀུན་ཏུ་བཟང་གྱུར་ཅིག །སྦྱིན་པས་ཡོངས་བསྔོ་ཇི་བཞིན་རེད་གྱུར་ཅིག །ཚུལ་ཁྲིམས་ཀྱིས་ཀྱང་བསྔོས་

― KMC022_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་རེད་གྱུར་ཅིག །བརྩོན་འགྲུས་སྟོབས་ཀྱིས་བསྐལ་པར་མི་ལྡོག་ཅིང་། །བཟོད་པ་འཁྲུགས་པ་མེད་པའི་ཡིད་གྱུར་ཅིག །བསམ་གཏན་གྱིས་ཀྱང་རྩེ་གཅིག་ཡིད་ལྡན་ཞིང་། །ཏིང་འཛིན་ཀུན་གྱི་སྤྱོད་ཡུལ་ཤེས་གྱུར་ཅིག །ཤེས་རབ་དུས་རྣམས་གསུམ་པོ་ཐམས་ཅད་དུ། །འཇིག་རྟེན་དག་ཏུ་མཐར་དམིགས་མེད་གྱུར་ཅིག །ལུས་དང་ངག་དང་ཡིད་རྣམས་ཐམས་ཅད་ཀྱང་། །རྣམ་པ་ཀུན་ཏུ་རྣམ་དག་མཁས་གྱུར་ཅིག །སྤྱོད་པ་དེ་དག་ཐམས་ཅད་མ་ལུས་པ། །ཀུན་ཀྱང་ཀུན་ཏུ་བཟང་པོར་རེད་གྱུར་ཅིག །དེ་ལྟར་ཆོས་དབྱིངས་རློམ་པའི་སེམས་མེད་ཅིང་། །དེ་ལ་སྤྲོ་དང་ཆགས་པ་མེད་པ་ལྟར། །མྱ་ངན་འདའ་དང་སྒྲིབ་པ་མེད་པ་དང་། །དེ་བཞིན་སེམས་ལ་རློམས་སེམས་མེད་གྱུར་ཅིག །ཆོས་མཁས་ཡོངས་སུ་བསྔོ་བ་གང་བརྗོད་པ། །དེ་ནི་རྒྱལ་བས་གསུངས་པའི་བསྔོ་བ་སྟེ། །མཁས་པས་སྤྱོད་པ་ཅི་ནས་འགྲུབ་འགྱུར་པར། །དགེ་བ་དེ་ཡང་དེ་

― KMC022_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས་ཡོངས་སུ་བསྔོ། །རྒྱལ་བའི་སྲས་ཀྱིས་འདི་ལ་བསླབས་པ་སྟེ། །ཇི་སྙེད་གང་ཡོད་ཐམས་ཅད་མ་ལུས་པར། །ཁམས་རྣམས་ཀུན་ཀྱང་ཡོངས་སུ་བསྡུ་བྱས་ཏེ། །ཅི་ནས་བདེ་གཤེགས་སྟོབས་ལ་འཇུག་པར་བསྔོ། །བརྒྱད་པ་བརྟན་བཞུགས་བཀྲ་ཤིས་ལ་སོགས་པ་ནི་མདོ་ལུགས་ལ་བརྟན་བཞུགས་མཛད་པ་ཉུང་བར་བྱས་པ་འགལ་བ་མེད་ཅིང་འདིར་རྟེན་དང་སྔགས་ཆོག་འབྲེལ་བའི་དབང་དུ་བྱས་ཏེ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། ཁྱད་པར་དུའང་སྐུ་གསུང་ཐུགས་ཀྱི་རྟེན་འདི་རྣམས་ལ་སྤྱན་དྲངས་པའི་ལྷ་ཚོགས་རྣམས་ཇི་སྲིད་འབྱུང་བ་ཆེན་པོ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ། །བརྟན་

― KMC022_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཞུགས་ནས་ཀྱང་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། །ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱ། དེ་ནས་ཕུན་སུམ་ཚོགས་པ་སོགས་ཞལ་ནས་གསུངས་པའི་བཀྲ་ཤིས་ཀྱི་ཚིགས་སུ་བཅད་པ་ཇི་ལྟར་རིགས་པ་བརྗོད་ཅིང་། དེ་ལྟར་འགྲུབ་པ་ཡང་། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེ་དེ་བཞིན་ཏུ་འགྲུབ་པར་གྱུར་ཅིག །ཅེས་བདེན་པའི་སྟོབས་བསྐུལ་བས་བྱིན་གྱིས་བརླབ་པར་བྱའོ། ༈ །གཉིས་པ་རྒྱུན་གྱི་ཉམས་ལེན་ལྟ་བུར་སྤྲོས་པ་བསྡུ་བར་འདོད་ན། རྟེན་དང་མཆོད་པའི་ཡོ་བྱད་ཅི་ལྟར་འབྱོར་པ་དང་། མཎྜལ་འདུ་བྱས་ཏེ། ཐོག་མར་ན་མོ་གུ་རུ་ནས་རྟོགས་པར་བྱིན་གྱིས་རློབས། བར་བླ་མ་སངས་རྒྱས་རྗེས་དྲན་འདོན་བསྒོམ་བྱ། དེ་ནས་བྱང་ཆུབ་ལྟུང་བཤགས་ཚང་བ་དང་། སྤྱི་བཤགས་བླ་མ་རྡོ་རྗེ་

― KMC022_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་པའི་འགྲོས་སུ། སྐར་མ་རབ་རིབ་ནས་ངེས་གྲོལ་ལོ། བར་ཞིག་ནས་གསོ་སྦྱོང་བྱ། འདིའི་བར་ཚུལ་ཁྲིམས་རྣམ་པར་དག་པའི་གཟུངས་བཟླས། དེ་ནས་ཕྱོགས་བཅུ་ན་བཞུགས་པའི་སོགས་དགོངས་གསོལ་སྔོན་ཏུ་འགྲོ་བའི་བྱང་མཆིས་མ་ལན་གསུམ་གྱིས་རྟེན་ཁྱད་པར་ཅན་ལ་སྐྱབས་སུ་འགྲོ། ཇི་སྙེད་སུ་དག་སོགས་ནས་བྱང་ཆུབ་ཕྱིར་བསྔོའོའི་བར་དང་། འཇམ་དཔལ་དཔའ་བོས་ཇི་ལྟར་སོགས་དང་། བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །ཞེས་པའི་བར་བརྗོད་དེ་ཐབས་ཁྱད་པར་ཅན་གྱི་ཚོགས་གསག །དེ་ནས་བྱང་ཆུབ་ཀྱི་སེམས་རིན་པོ་ཆེར་བློ་སྦྱང་བའི་སླད་དུ། ལུས་དང་དེ་བཞིན་ལོངས་སྤྱོད་དང་། །དུས་གསུམ་དགེ་བའི་དངོས་པོ་ཡང་། །སེམས་ཅན་ཀུན་གྱི་དོན་བསྒྲུབ་ཕྱིར། །ཕོངས་པ་མེད་པར་གཏང་བར་བྱ། །ས་སོགས་འབྱུང་བ་ཆེན་པོ་དང་། །ནམ་མཁའ་བཞིན་དུ་རྟག་པར་ཡང་། །སེམས་ཅན་དཔག་ཏུ་མེད་པ་ཡི། །རྣམ་མང་ཉེར་འཚོའི་རྒྱུར་ཡང་ཤོག །དེ་བཞིན་ནམ་མཁའི་མཐས་གཏུགས་པའི། །སེམས་ཅན་ཁམས་ནི་རྣམ་ཀུན་ཏུ། །ཐམས་ཅད་མྱ་

― KMC022_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་འདས་བར་དུ། །བདག་ནི་ཉེར་འཚོའི་རྒྱུར་ཡང་ཤོག །དེ་ནས་དགོངས་གསོལ་སྔར་དང་འདྲ་བ་ལས། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་ཇི་ལྟར་སྔོན་གྱི་བདེ་གཤེགས་སོགས་ལན་གསུམ་གྱིས་སྨོན་འཇུག་གི་སེམས་བསྐྱེད་བླང་། དེང་དུས་བདག་ཚེ་ནས་དགའ་བར་གྱིས། །ཀུན་ནས་དགེ་བ་བཟང་པོ་སྤྱོད་པའི་ཕྱིར། །ནས་རྫོགས་པར་བགྱི། །བར་དང་། དེ་བཞིན་གཤེགས་པའི་ཡིག་བརྒྱ་བཅས་བརྗོད། དེ་ནས་ཧོ་ཆོས་དབྱིངས་རྣམ་དག་ནས་ཧཱུྃ་སྭཱ་ཧཱའི་བར་འདིར་མཎྜལ་ཚོམ་བུ་སོ་བདུན་མ་བརྒྱས་ཕུལ། རིན་ཆེན་མཎྜལ་སོགས་སྐུ་གསུམ་མཎྜལ་ཚིགས་བཅད་བརྗོད། ཨོཾ་གདོད་མའི་དབྱིངས་སུ་ནས་ཐར་པའི་སྒོ་ནི་དབྱེ་བར་འགྱིད། །བར་དང་། སྨོན་ལམ་ཧོཿམཐའ་ཡས་ཐེག་པ་ནས་དངོས་གྲུབ་ཐོབ་པར་ཤོག །བར་ཚང་བར་བརྗོད། མཐར་དཀོན་མཆོག་རིན་ཆེན་སོགས་ཀྱི་དགེ་བསྔོ་དང་། བཀྲ་ཤིས་དཔལ་འབར་འཛམ་གླིང་རྒྱན། །ལྟ་བུའི་ཤིས་བརྗོད་བྱས་པས་ལེགས་པར་འགྲུབ་བོ། །དེ་ལྟར་གསར་རྙིང་ཀུན་ལ་ཆོས་སྤྱོད་ཀྱི་

― KMC022_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་པ་རྒྱས་བསྡུས་ཇི་སྙེད་པ་གྱུར་ཡང་སྡོམ་པ་གསུམ་གྱི་བསླང་བྱ་གསོ་བ་དང་འབྲེལ་པ་འདི་ཉིད་རང་འདྲའི་སྐབ་མཉམ་པ་གལ་གནད་ཆེ་བར་མཐོང་བ་དང་། ལྷག་པར་དཔལ་སྤུངས་ཡང་ཁྲོད་དེ་བཱི་ཀོ་ཊིའི་སྙིང་པོ་ཙཱ་འདྲ་རིན་ཆེན་བྲག་ག་ཏུ་དཔལ་ཆེན་པོའི་ལྷ་ཁང་དང་འབྲེལ་བར་ངེས་དོན་སྒྲུབ་པའི་སྡེ་གསར་དུ་བཙུགས་པ་རྣམས་ཀྱི་དུས་རབ་རྒྱུན་གྱི་ཉམས་བཞེས་ལ་ཆེད་དུ་དམིགས་ཏེ། ཀུན་བཟང་དྲི་མེད་འོད་ཟེར། གསང་བདག་ཏཱ་ར་ནཱ་ཐ། ལོ་ཆེན་དྷརྨ་ཤྲི། ཐམས་ཅད་མཁྱེན་པ་དྷརྨཱ་ཀ་ར་སོགས་ཀྱི་དགོངས་པ་དང་གསུང་དྲི་མ་མེད་པ་གུང་བསྡེབས་ཏེ་ཉམས་སུ་བླང་བདེ་བར་བགྱིས་པའོ། །ཆོས་ཕུང་བརྒྱད་ཁྲི་བཞི་སྟོང་གི །ཉམས་ལེན་སྙིང་པོ་དྲིལ་བ་འདི། །ཐར་འདོད་ཀུན་གྱི་སྨན་གྱུར་ནས། །བརྟན་པའི་རྫོགས་ལྡན་རབ་འཆར་ཤོག །ཅེས་པའང་རྗེས་འཇུག་དགེ་བ་ལ་ཉེ་བར་བསྙེན་པའི་བརྟུལ་ཞུགས་ཅན་ཀརྨ་ངག་དབང་ཡོན་ཏན་རྒྱ་མཚོས་དབེན་གནས་ཀུན་བཟང་བདེ་ཆེན་འོད་གསལ་གླིང་དུ་སྦྱར་བ་དགེ་ལེགས་འཕེལ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

སྒར་བསང་ཆེན་མོའི་མཆོད་གཏོར་བཤམས་བཀོད་དང་བརྔན་གཏོར་སོགས་ཀྱི་བཅའ་ཐབས་ནོར་བུའི་མེ་ལོང་།

― KMC022_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

སྒར་བསང་ཆེན་མོའི་མཆོད་གཏོར་བཤམས་བཀོད་དང་བརྔན་གཏོར་སོགས་ཀྱི་བཅའ་ཐབས་ནོར་བུའི་མེ་ལོང་ཞེས་བྱ་བ་བཞུགས་སོ། །

― KMC022_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པའི་ཡུལ་དུ་འཕགས་མཆོག་ཀུན་བསྟེན་མཆོག་གི་དངོས་གྲུབ་བརྙེས། །བོད་ཀྱི་ཡུལ་དུ་བོད་ཁམས་ཀུན་བསྐྱངས་ལྷ་སྲིན་དམ་ལ་བཏགས། །སྲིན་པོའི་ཡུལ་དུ་སྲིན་པོ་ཀུན་བཏུལ་ཐབས་མཁས་ལངྐའི་རྒྱལ། །སངས་རྒྱས་གཉིས་པ་སངས་རྒྱས་ཀུན་འདུས་འཆི་མེད་པདྨ་འབྱུང་། །གང་དང་ཐ་མི་དད་པ་སྟེ། གང་གིས་ལུང་བསྟན་མཚན་གསོལ་བ། །གང་དག་རིམ་པར་བྱོན་དེ་ལ། །གང་ཞིག་གུས་པས་ཕྱག་འཚལ་ལོ། །འདིར་སྒར་བསང་ཆེན་མོ་ལ་ཉེ་བར་མཁོ་བའི་

― KMC022_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

བཅའ་ཐབས་དང་བཤམ་བཀོད་ནི། །བཀྲ་ཤིས་ཡིད་འོང་གི་གནས་སུ་སྟེགས་བུ་ཡངས་པ་རས་དཀར་གྱིས་བཀབ་པའི་གུང་དུ། ཁྲིའུ་འམ། བང་རིམ་མཐོ་བར་གོང་གཏོར་བཅུ་གསུམ་མམ། ལྔ་ཚར། དེའི་མདུན་ཏུ་སྨན་རཀ །བཱ་ལིཾ། དེའི་གཡས་ངོས་སུ་མདའ་དར། །བརྔན་གཏོར་ནི། སློབ་དཔོན་པདྨས་མཛད་པ་ལྷ་སྲིན་བརྔན་པའི་གཏོར་མར་གྲགས་པ་འདི་ལ། ཡིག་ཆུང་མང་པོར་འདྲ་མིན་ཅུང་ཟད་འདུག་ཀྱང་ཀུན་དང་མི་འགལ་བར་གསལ་བར་བཀོད་པ་འདི་ལྟ་སྟེ།

― KMC022_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་མའི་ཕྱེ་མ་གསེར་སྐྱེམས་དང་། ཀླུ་སྨན་བུམ་རྫས་གང་འཛོམ་བསྲེ། ཆུ་གཙང་དཀར་གསུམ་སོགས་ཀྱི་སྦྲུལ། རི་རབ་བང་རིམ་བཞི་ཡི་སྟེང་། །དབུས་སུ་བླ་མའི་གཏོར་མ་དང་། ཕྱོགས་བཞིར་ཡི་དམ་ཆོས་སྐྱོང་དང་། ལེགས་ལྡན་ལྷ་མོའི་གཏོར་མ་བཀོད། །མཚམས་བཞིར་བཤོས་བུ་བཞི་དང་བཅས། །དེ་དག་བླ་མ་ཡི་དམ་དང་། སངས་རྒྱས་བྱང་སེམས་ཆོས་སྐྱོང་སྟེ། །འཇིག་རྟེན་འདས་པའི་གཏོར་མའོ། །དེ་འོག་བང་རིམ་དང་པོ་ལ། །མཚམས་བཞིར་བཤོས་བུ་ཟླུམ་པོ་རེ། །ཕྱོགས་བཞིར་བཤོས་བུ་སྙིང་བཅས་དང་། །བཤོས་བུ་ཟུར་གསུམ་རེ་རེ་སྟེ། །དེ་ནི་བརྟན་མ་བཅུ་གཉིས་ལའོ། །དེ་འོག་བང་རིམ་གཉིས་པ་ལ། །བྱང་ཤར་མཚམས་ནས་གཡས་བསྐོར་དུ། །དབང་ལྡན་ལ་ནི་ལག་པ་སྟེ། །འབྱུང་པོར་གསང་ཕྱི་ནོར་བུའི་དབྱིབས། །རྒྱུ་སྐར་ལ་ནི་དྲ་མིག་ཅན། །དྲི་ཟའི་བཤོས་བུ་གཡས་དྲིལ་དང་། །ཚངས་པ་དང་ནི་བརྒྱ་བྱིན་ལ། །བཤོས་བུ་ཟླུམ་པོ་

― KMC022_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་རེའམ། །བཙན་ལ་བཤོས་བུ་ཟུར་གསུམ་པ། །ཡང་ན་དར་མདུང་རྩེ་ལྔ་བཀོད། །ཤར་ལྷོ་མཚམས་ནས་གཡས་བསྐོར་དུ། །མེ་ལྷ་ལ་ནི་མེ་ལྕེ་སྟེ། །རྒྱལ་པོར་མཁར་ཐབས་གཤིན་རྗེ་ལ། །ཁྲམ་རིས་མ་མོར་ནད་རྐྱལ་དང་། །བདུད་ལ་མི་རྐུབ་འགེགས་ལ་ནི། །བཤོས་བུ་རྩེ་གུག་གཟའ་རཱ་ཧུ། །ལྷོ་ནུབ་མཚམས་ནས་གཡས་བསྐོར་དུ། །སྲིན་པོ་ལ་ནི་ར་འགུགས་ཏེ། །དམུ་ལ་མཁོ་ཤུན་ཀླུ་ལ་ནི། །པདྨའམ་ནི་སྦྲུལ་དཀྲིས་བཤམས། །གྲུལ་བུམ་བཤོས་བུ་གཡོན་ཏུ་དྲིལ། །ཟུར་གསུམ་གཡས་དྲིལ་མིའམ་ཅི། །ལྷ་མོ་བརྟན་མར་བུམ་པ་དང་། །ལྟོ་འཕྱེར་བཤོས་བུ་ཟུར་སྐྱོག་བཀོད། །ནུབ་བྱང་མཚམས་ནས་གཡས་བསྐོར་དུ། །རླུང་ལྷ་ལ་ནི་བ་དན་ཏེ། །སྨན་མོར་བཤོས་བུ་རྩེ་གསུམ་ལེབ། །ཐེའུ་རང་ལ་ནི་གལ་ཏ་དང་། །གནོད་སྦྱིན་བོང་རྣའམ་ཐོང་རྣའི་དབྱིབས། །པེ་ཧར་སྦ་སྙུག་སྡེ་བརྒྱད་སྤྱིར། །འབྲང་རྒྱས་ཞལ་དཀར་དོང་རྩེ་དང་། །ཏིང་ལོ་ཁ་

― KMC022_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་ལེགས་པར་བཀོད། །བར་སྟོང་གང་བདེར་བཤོས་བུ་རེ། །ཡུལ་ལྷ་བཞི་བདག་སྤྱི་ལའོ། །དེ་འོག་བང་རིམ་གསུམ་པ་ལ། །བྱང་ཤར་ཟླ་བཤོས་ལྷོ་ནུབ་ཉི། །ཤར་དུ་རྣམ་ལྔ་གཏེར་གྱི་བུམ། །བཀྲ་ཤིས་རྟགས་བརྒྱད་ལྷོ་རུ་ནི། །རྒྱལ་སྲིད་བདུན་དང་དཔག་བསམ་ཤིང་། །ནུབ་ཏུ་འདོད་པའི་ཡོན་ཏན་ལྔ། །འདོད་པ་འཇོ་བའི་བ་མོ་བཤམས། །བྱང་དུ་དྲག་པོའི་མཆོད་རྫས་དང་། །མ་རྨོས་འབྲུ་རྣམས་བཀོད་པར་བྱ། །དེ་འོག་བང་རིམ་བཞི་པ་དང་། །ས་གཞིར་གཡག་ལུག་ར་རྟ་སོགས། །ཕྱུགས་རིགས་རི་དྭགས་ཆུ་གནས་རིགས། །བྱ་གཅན་བཤོས་བུ་ཏིང་ལོ་དང་། །མཐེབས་ཀྱུ་ཆང་བུ་ཤ་དུམ་བཀོད། །དར་ཚོན་བལ་ཚོན་སྟག་གཟིག་དང་། །རྒྱན་རྣམས་ཀུན་གྱིས་མཛེས་པར་བྱ། ཞེས་འབྱུང་བ་བཞིན་དང་། །གཡོན་ངོས་སུ་ཕྱེ་མར་དང་། ལམ་ལྷའི་གཏོར་མ་ནི། ལམ་ལྷར་མཁར་ཐབས་སྟེང་དུ་དམར་གཏོར་རྩེར། །མེ་རིའི་རྒྱན་ཅན་ཟུར་དུ་ར་མགོས་མཚན། །

― KMC022_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་ཐབས་གཡས་གཡོན་གཏོར་མ་དཀར་དམར་གཉིས། །ཁྱུང་འབྲུག་སེང་སོགས་དར་སྣ་སྟག་རས་བརྒྱན། །མདུན་ངོས་སུ། །ཐང་ལྷའི་གཏོར་མ་ནི། །ཐང་ལྷར་དཀར་བཤོས་རྒྱན་གཉིས་རྩེར་ཉི་ཟླ། །ནོར་བུས་མཚན་པའི་མདུན་རྒྱབ་སྨན་ལེབ་གཉིས། །དཀར་བཤོས་བཅུ་བདུན་གཙོ་འཁོར་ཉི་ཤུ་ལ། ཁྱུང་འབྲུག་སེང་སོགས་དར་ཚོན་སྟག་རས་བརྒྱན། ཞེས་བསྟན་པ་དང་། དགྲ་བླ་གཏོང་ན། དེའི་གཏོར་མ་རིན་པོ་ཆེའི་སྣོད་དུ་བང་རིམ་གསུམ་གྱི་སྟེང་། བཤོས་བུ་ཟུར་གསུམ་དེའི་ཟུར་རེ་རེར་རྩེ་མོ་བཞི་རེ་བྱས་པ་རྒྱན་ལྡན་གྱི་མཐའ་བསྐོར་དང་། །བང་རིམ་རྣམས་ལ་བཀྲ་ཤིས་རྫས་རྟག །རྒྱལ་སྲིད། འདོད་ཡོན་ལྔ། གོ་མཚོན་རིགས། ཁྱུང་འབྲུག་སོགས་གནམ་ལ་འཕུར་དགུ། སེང་སྟག་སོགས་བར་ནས་འགྲིམ་དགུ། སྦལ་སྦྲུལ་སོགས་ས་ལ་འཛུལ་དགུ། ཀྲྀཥྞ་ས་ར་སོགས་རི་དྭགས། རྟ་གཡག་ལུག་སོགས་གཡུང་དྭགས་རིགས་སྣ་

― KMC022_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་པས་བསྐོར། དར་སྣ། སྟག་གཟིག་རས་མོ། བྱ་སྤུ་རྣམས་ཀྱིས་བརྒྱན། སྨན་སྣ། རིན་ཆེན་ཕྱེ་མ། འབྲུ་སྣ། ཡོས་ཁྲ། ཤ་སྣ། ཕྱེ་མར། འོ་ཞོ། ཇ་ཆང་སོགས་ཕུད་སྣ་རྣམས་བཤམས་པ་དང་། མདུན་དུ་ཆུ་གཉིས་ཉེར་སྤྱོད། དེ་མདུན་གཞི་བདག་དཀར་གཏོར། བེར་དང་། ཕྱག་བཞི་པ། ལྷ་མོ། འཁོར་ལྔ། རྗེས་འབྲང་བཞི། རྩ་གསུམ་ལྷ་མགྲོན་སོ་སོ་རྣམས་ཀྱི་མངའ་གསོལ་གྱི་གཏོར་མ་མཐོང་རྒྱུན་བཞིན་སྟག་གཟིག །དར་ཕན། འབྲུ་སྨན། རིན་ཆེན་སོགས་ཀྱི་སྤུད་པ་དང་། གསེར་གཡུའི་སྐྱེམས་ཕུད་རྣམས་བཀོད་ལེགས་སུ་བཤམས། དབེན་ཅིང་གཙང་བའི་གནས་སུ། བསང་ཁང་ཟླུམ་པོ་བརྒྱ་རྩ་བརྒྱད་ནས། བཅུ་གསུམ་མམ། གསུམ་ལས་མི་ཉུང་བ་བརྩེགས་པར། བདུད་རྩི་ཅན་དང་། དྲི་བཟང་པོའི་ཤིང་སྣ་གཙང་མའི་བསང་དུད་སྦྱར་བ་ལ། འགྲུབ་ན་བསང་རྫས་ཀུན་འདུས་ཀྱི་ཕབ་གཏས་བྲན། དར་ནག་དང་། དར་སྣ་ཚོགས་པའི་བ་དན་

― KMC022_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀུན་ཏུ་བཀྲམ། གཞན་ཡང་སྲུང་མ་དགྲ་བླ་འཁོར་བའི་བརྟེན། དགྱེས་པ་བསྐྱེད་པའི་རྫས་དང་། སྤྱན་གཟིགས་རྣམས་ཀྱིས་བག་དྲོ་བྱིན་ཆགས་པར་བྱའོ། །རབ་གཙང་སྤེལ་ལེགས་མཆོད་སྤྲིན་གྱིས། །རྩ་གསུམ་མཆོད་པས་མཆོག་འགྲུབ་ཅིང་། ཆོས་སྐྱོང་གཞི་བདག་དགྱེས་བསྐྱེད་མཐུས། འཇིག་རྟེན་རྟག་ཏུ་བདེ་གྱུར་ཅིག །ཅེས་པའང་ཀརྨ་པའི་མཚན་འཛིན་བཅོ་ལྔ་པས་ཕྱོགས་གཅིག་ཏུ་བསྡུས་པ་དགེ། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

སྒར་ཆེན་འཛམ་གླིང་རྒྱན་གྱི་ཕྱག་བཞེས་རྩ་གསུམ་གཞི་བདག་དང་བཅས་པའི་གསང་བརྔན་ཆེན་མོ་ཡིད་བཞིན་དབང་རྒྱལ་དངོས་གྲུབ་འདོད་རྒུའི་ཆར་འབེབས་སྲིད་ཞིའི་བདེ་ལེགས་ཀུན་འབྱུང་།

― KMC022_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

སྒར་ཆེན་འཛམ་གླིང་རྒྱན་གྱི་ཕྱག་བཞེས་རྩ་གསུམ་གཞི་བདག་དང་བཅས་པའི་གསང་བརྔན་ཆེན་མོ་ཡིད་བཞིན་དབང་རྒྱལ་དངོས་གྲུབ་འདོད་རྒུའི་ཆར་འབེབས་སྲིད་ཞིའི་བདེ་ལེགས་ཀུན་འབྱུང་ཞེས་བྱ་བ་བཞུགས་སོ། །

― KMC022_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། སྲིད་ཞིའི་བདེ་ལེགས་ཀུན་འབྱུང་གནས། །བྱིན་རླབས་དངོས་གྲུབ་རྒྱ་མཚོའི་གཏེར། །བླ་མ་རྩ་གསུམ་སྲུང་མར་བཅས། །མི་འབྲལ་རྟག་ཏུ་མཆོད་ཅིང་བསྙེན། །དཀོན་མཆོག་རྩ་གསུམ་དགྱེས་བསྐྱེད་མཐུས། །ཚོགས་གཉིས་སྣང་བ་སྤེལ་བ་དང་། །སྲིད་ཞིའི་མགྲོན་ཀུན་མཉེས་བྱས་པས། །སྣང་སྲིད་རྒུད་པ་སྦྱོང་བ་དང་། །མི་གཙང་ཉམས་གྲིབ་སེལ་བྱེད་ཅིང་། །འཇིག་རྟེན་བདེ་ལེགས་བྱ་བ་དང་། །ཚེ་འབྱོར་ཡོན་ཏན་སྤེལ་བའི་ཕྱིར། །བདུད་རྩི་བསང་གི་ཆོ་ག་བཤད། །དེ་ལ་འདིར་གནས་སྐབས་སུ་སྲིད་ཞིའི་མགྲོན་ཀུན་མཆོད་ཅིང་བརྔན་པས། རྒྱལ་ཁམས་ཕན་བདེར་བསྒྲུབ་ཅིང་། གྲིབ་དང་། མི་གཙང་བ་དང་། འགལ་རྐྱེན་བསལ་ཞིང་ལྷ་ངོ་བསྟོད་པའི་ཕྱིར། མངའ་གསོལ་

― KMC022_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གསང་མཆོད་ཀྱི་རིམ་པའི་ལག་ལེན་བརྗོད་པར་བྱ་སྟེ། དེའང་ཚེས་གཅིག་མ་ཡིན་པའི་དུས་བཟང་ལ། དུག་ཤིང་སོགས་མི་གཙང་བ་མ་ཡིན་པའི་ཤིང་སྣ་ཅི་འབྱོར་པ་བསགས་ལ། བསང་ཁང་ཟླུམ་པོ་ཡིད་དུ་འོང་བ་རླུང་ཕྱོགས་དང་བསྟུན་པའི་མེ་སྒོ་བཞག །གུང་དུ་དཀོན་མཆོག་གསུམ་དང་། ཡི་དམ་ཆོས་སྐྱོང་གི་རྟེན་བཀྲམ་པའི་མདུན་དུ་གཞི་དཀར་པོའི་ཁར་འབྲུ་དཀར་བརྡལ་བའི་དབུས་སུ་མཉྫི་ལ། བླ་མ་ཡི་དམ་ཆོས་སྐྱོང་སོགས་ཀྱི་གཏོར་མ་ལྔ་ཚོམ། དེའི་གཡས་སུ་སྨན་དང་། གཡོན་ཏུ་རཀྟ། དེའི་གཡས་ངོས་སུ་བརྔན་གཏོར་དང་། དམིགས་བསལ་ལམ་ལྷའི་གཏོར་མ་དགོས་ན་ཟིན་བྲིས་ལྟར་གཤམས། མདུན་ངོས་སུ་ཉེར་སྤྱོད་ཀྱི་མཆོད་པ་ཕྲེང་ཚར། །མངའ་གསོལ་སྐབས་ཀྱི་

― KMC022_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་དཀར་དམར་རྣམས་དང་། གཞན་ཡང་བསང་མགྲོན་རིགས་ལ་འབུལ་གཏོར་སོགས་བསྒྲིགས་རིམ་འདོན་ཆ་བཞིན་བཤམས་ལ། དར་ཚོན། གསེར་དངུལ་སོགས་རིན་ཆེན་ཕྱེ་མ། སྨན་སྣ། སྟག་གཟིག་གི་པགས་རས། མེ་ཏོག །དཀར་གསུམ། མངར་གསུམ། ཆང་ཕུད། ཇ་ཕུད། འོ་ཕུད། ཟས་སྣའི་རིགས་སོགས་འབྲུ་སྣ་ཚོགས། ཕྱེ་མར་བཟང་པོ་དང་། མདའ་དར་རྒྱན་ལྡན། སྟག་གཟིག་གོ་ཁྲབ། རྟེན་རྫས་རྟ་གཡག་སོགས་ཀྱང་སྐབས་སུ་གང་བབ། དར་དཀར་པོ་དང་། དར་ནག །དར་སྣ་ཚོགས་རྣམས་ཀྱི་བ་དན་རྣམས་སྦྲེངས། རོལ་མོའི་བྱེ་བྲག་ཇི་སྙེད་ཚོགས་པར་བྱས་ལ། ཐོག་མར་ཚིག་བདུན་གསོལ་འདེབས་དང་། རྗེ་དུས་མཁྱེན་གསོལ་འདེབས་བསམ་འགྲུབ་མ་སོགས་སྔོན་དུ་བཏང་ནས། བདག་བསྐྱེད་རྒྱས་པར་བྱ་བའམ། བསྡུ་ན། བདག་ཉིད་སྐད་ཅིག་གིས་རྗེ་བཙུན་རྡོ་རྗེ་རྣལ་འབྱོར་མ་སྐུ་མདོག་དམར་མོ། ཞལ་གཅིག་ཕྱག་གཉིས། ཕྱག་གཡས་རྡོ་རྗེས་མཚན་པའི་གྲི་གུག་དང་། གཡོན་པས་ཐོད་པ་བདུད་རྩིས་བཀང་བ་བསྣམས་པ། གྲུ་མོ་ན་ཁ་ཊྭཱཾ་ག་ཡོད་པ། རྒྱན་ཆ་ལུགས་ཐམས་ཅད་ཡོངས་སུ་རྫོགས་པའི་སྐུར་གྱུར་པར་བསམས་ལ། བདུད་རྩི་ཨོཾ་ཨཱཿབིགྷྣནྟ་ཀྲྀ་ཏ་ཧཱུྃ་ཕཊ་ཀྱིས་

― KMC022_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

བསང་། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ་གིས་སྦྱང་། སྟོང་པ་ཉིད་དུ་གྱུར། སྟོང་པའི་ངང་ལས་ཡྃ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ཅན། ཆངས་ཟུང་ལ་ཡྃ་དང་། མཆོག་མ་གཉིས་ལ་གཡོ་བའི་བ་དན་གྱིས་མཚན་པ། དེའི་སྟེང་དུ་རྃ་ལས་མེའི་དཀྱིལ་འཁོར་གྲུ་གསུམ་དམར་པོ་རྃ་གྱིས་མཚན་པ། དེའི་སྟེང་དུ་ཀཾ་གསུམ་ལས་ཐོད་པ་བུམ་རིལ་གྱི་སྒྱིད་པུ་ལྟག་པ་ནང་དུ་བསྟན་པ་གསུམ་གྱི་སྟེང་དུ། ཡི་གེ་ཨ་ཡོངས་སུ་གྱུར་པ་ལས། ཀ་པཱ་ལ་ཕྱི་དཀར་ལ་ནང་དམར་བ། དུམ་བུ་གཅིག་པ་དཔྲལ་བ་རང་ལ་བསྟན་པ། རྒྱ་ཁྱོན་ཆོས་ཀྱི་དབྱིངས་དང་མཉམ་པ། དེའི་དབུས་སུ་མུ་ལས་དྲི་ཆུ་བཻ་ཌཱུརྱ་ལྟ་བུ། ཤར་དུ་བི་ལས་དྲི་ཆེན་ཤེལ་ལྟ་བུ། ལྷོར་ར་ལས་རཀྟ་གསེར་བཙོ་མ་ལྟ་བུ། ནུབ་ཏུ་ཤུ་ལས་བྱང་སེམས་དཀར་པོ། བྱང་དུ་མ་ལས་ཀླད་པ། སླར་ཡང་དབུས་སུ་ན་ལས་མིའི་ཤ །ཤར་ལྷོར་གོ་ལས་བ་གླང་གི་ཤ །ལྷོ་ནུབ་ཏུ་ཀུ་ལས་ཁྱིའི་

― KMC022_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ །ནུབ་བྱང་དུ་ད་ལས་གླང་པོ་ཆེའི་ཤ །བྱང་ཤར་དུ་ཧ་ལས་རྟའི་ཤ །དེ་རྣམས་སླར་ཡང་ཡི་གེ་དེ་དག་གིས་མཚན་པའོ། །རང་གི་སྣ་བུག་གཡོན་པ་ནས་རླུང་ཧཱུྃ་གི་དབྱིབས་ཅན་འཕྲོས། རླུང་གི་དཀྱིལ་འཁོར་ལ་ཕོག །བ་དན་བསྐྱོད་པས་རླུང་གཡོས། མེ་སྦར། ཐོད་པ་དྲོས། རྫས་རྣམས་ཁོལ། ཉེས་པའི་སྐྱོན་རྣམས་ཕྱིར་ལུད། དེའི་སྟེང་དུ་ཨོཾ་ཨཱཿཧཱུྃ་ལས་འོད་ཟེར་འཕྲོས། དེ་བཞིན་གཤེགས་པ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་བཀུག །དམ་ཚིག་གི་བདུད་རྩི་དང་གཉིས་སུ་མེད་པར་འདྲེས། ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། །ཨོཾ་ཨཱཿཧཱུྃ། ལན་གསུམ་བརྗོད་པས་བྱིན་གྱིས་བརླབ། མཆོད་རྫས་བྱིན་བརླབ་ནི། བདུད་རྩིས་བྲན་ཏེ་བསང་སྦྱང་། སྟོང་པ་ཉིད་དུ་གྱུར། སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཧཱུྃ་ཡིག་གི་ཚོགས་དཔག་ཏུ་མེད་པ་འོད་དུ་ཞུ་བ་ལས་བྱུང་བ། ལྷ་རྫས་ལས་གྲུབ་པའི་རྡོ་རྗེའི་མཆོད་ཡོན། མེ་ཏོག །བདུག་

― KMC022_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

སྤོས། མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་པའི་དངོས་པོ་དྭངས་ཤིང་ཐོགས་པ་མེད་པ། བྱང་ཆུབ་སེམས་དཔའ་འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་གྱི་ཕུང་པོ་ལས་ཀྱང་ཆེས་ཆེར་ལྷག་པའི་མཆོད་པའི་སྤྲིན་གྱི་ཕུང་པོ། རབ་འབྱམས་ནམ་མཁའི་མཐའ་ཀླས་པའི་བར་རྒྱས་པར་འགེངས་ཤིང་། འཕགས་པ་རྣམས་མཉེས་པར་བྱེད་པ། དུས་འཁོར་བ་ཇི་སྲིད་མ་སྟོངས་ཀྱི་བར་དུ་རྒྱུན་མི་འཆད་པར་འབྱུང་བའི་རང་བཞིན་དུ་གྱུར། ཨོཾ་བཛྲ་ཨཱརྒྷཾ་ཨཱཿཧཱུྃ་སྭཱ་ཧཱ། པུཥྤེ་ནས། ཤཔྟའི་བར་གྱིས་བརླབ། སྐྱབས་འགྲོ་སེམས་བསྐྱེད་ནི། བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི། སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་གཅིག་ཏུ་བསྡུས་པའི་ངོ་བོར་གྱུར་པ། ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞིའི་འབྱུང་གནས།

― KMC022_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པའི་དགེ་འདུན་ཐམས་ཅད་ཀྱི་མངའ་བདག །དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ་སྐྱབས་སུ་མཆིའོ། །སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་ཡེ་ཤེས་ཀྱི་སྤྱན་དང་ལྡན་པ་རྣམས་ལ་སྐྱབས་སུ་མཆིའོ། །ཞེས་བདུན་ནམ། ཉེར་གཅིག་དང་། ཕྱོགས་བཅུ་དུས་གསུམ་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་དང་། །བཅོམ་ལྡན་རྡོ་རྗེ་འཛིན་དབང་པོ། །རྡོ་རྗེ་སློབ་དཔོན་དགོངས་སུ་གསོལ། །ཇི་ལྟར་དུས་གསུམ་མགོན་པོ་རྣམས། །སེམས་ཅན་རྣམས་ཀྱི་དོན་སླད་དུ། །བྱང་ཆུབ་མཆོག་ཏུ་ཐུགས་བསྐྱེད་ལྟར། །དེ་བཞིན་བདག་གིས་སེམས་བསྐྱེད་དོ། །ཇི་ལྟར་དུས་གསུམ་མགོན་

― KMC022_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་རྣམས། །བསོད་ནམས་ཡེ་ཤེས་བྱང་ཆུབ་ལམ། །ཐབས་དང་ཤེས་རབ་གོམས་པས་འགྲོད། །དེ་བཞིན་བདག་གིས་ལམ་བགྲོད་དོ། །ཇི་ལྟར་དུས་གསུམ་མགོན་པོ་རྣམས། །ཐམས་ཅད་མཁྱེན་པར་སངས་རྒྱས་ནས། །མཁའ་མཉམ་སེམས་ཅན་དོན་མཛད་ལྟར། །དེ་བཞིན་བདག་གིས་དོན་བགྱིའོ། །མ་བསྒྲལ་བ་རྣམས་བསྒྲལ་བ་དང་། །མ་གྲོལ་བ་རྣམས་དགྲོལ་བ་དང་། །དབུགས་མ་ཕྱུངས་རྣམས་དབུགས་དབྱུང་ཞིང་། །འགྲོ་ཀུན་མྱ་ངན་འདའ་བ་དང་། །ཀུན་ཀྱང་སངས་རྒྱས་ཐོབ་པར་ཤོག །ཚད་མེད་བཞི་བསྒོམ་པ་ནི། སེམས་ཅན་ཐམས་ཅད་བདེ་བ་དང་བདེ་བའི་སོགས་བརྗོད། བསང་མགྲོན་བསྐྱེད་པ་ནི། སྭ་བྷཱ་ཝས་སྦྱང་། སྟོང་པའི་ངང་ལས་རང་ཉིད་ཡི་དམ་གྱི་ལྷར་གསལ་བའི་མདུན་གྱི་ནམ་མཁའི་གནས་སུ་གྱད་དང་། སེང་གེ་ཆེན་པོ་བརྒྱད་ཀྱི་བཏེགས་པའི་རིན་པོ་ཆེའི་ཁྲི་བཀོད་པ་ཕུན་སུམ་ཚོགས་པ། ལྷ་རྫས་ཀྱི་གོས་རིན་ཐང་མེད་པས་བཀབ་པའི་སྟེང་དུ།

― KMC022_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་སྐུ་མདོག་གསེར་བཙོ་མ་ལྟ་བུ། ཞལ་གཅིག་ཕྱག་གཉིས། གཡས་ས་གནོན། གཡོན་མཉམ་བཞག་གི་ཕྱག་རྒྱ་མཛད་པ། དབུ་ལ་གཙུག་ཏོར། ཞབས་ལ་འཁོར་ལོ་སོགས་མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྤྲས་པ། འོད་དང་འོད་ཟེར་དཔག་ཏུ་མེད་པ་འཕྲོ་བ། དེའི་སྟེང་གི་ཆ་ལ་བཀའ་བརྒྱུད་ཀྱི་བླ་མ། བར་གྱི་ཆ་ལ་ཡི་དམ་རྒྱུད་སྡེ་བཞིའི་དཀྱིལ་འཁོར་གྱི་ལྷ་ཚོགས་ཞི་ཁྲོ་རབ་འབྱམས། འོག་གི་ཆ་ལ་དཔལ་མགོན་དམ་པ་ཆོས་སྐྱོང་བའི་སྲུང་མའི་ཚོགས། གཞན་ཡང་ཡེ་ཤེས་དང་། ལས་ལས་གྲུབ་པའི་དམ་ཅན་རྒྱ་མཚོ། ལྷ་སྲིན་སྡེ་བརྒྱད། ཡུལ་ལྷ་གཞི་བདག །བསང་མགོན་གྱི་ཚོགས་དཔག་ཏུ་མེད་པས་བསྐོར་བ་སྤྱན་དྲངས་པར་གྱུར་པར་བསམས་ལ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་

― KMC022_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿས་སྤྱན་དྲངས། ཛཿཧཱུྃ་བཾ་ཧོཿས། གཉིས་སུ་མེད་པར་གྱུར། །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། ཞེས་པས་བཞུགས་སུ་གསོལ། རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་སྣང་གསལ་དྲི་ཆབ་དང་། །ཞལ་ཟས་རོལ་མོ་ལ་སོགས་པ། །མཆོད་རྫས་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་འདི། །ཇི་སྙེད་རྒྱལ་བ་སྲས་དང་བཅས། །དེ་སྙེད་རྣམས་ལ་བདག་འབུལ་ན། །ཐུགས་རྗེ་མངའ་བ་ཁྱེད་རྣམས་ཀྱིས། །ཅི་བདེ་བར་ནི་བཞེས་ནས་ཀྱང་། །སེམས་ཅན་དོན་ཀུན་མཛད་དུ་གསོལ། །ཨོཾ་བཛྲ་ཨཱརྒྷཾ་ཨཱཿཧཱུྃ་སྭཱ་ཧཱ། དེ་བཞིན་དུ། པུཥྤེ་ནས་ ཤཔྟའི་བར་གྱིས་མཆོད། ཨེ་མ་ཧོ། ངོ་མཚར་

― KMC022_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

རྨད་ཀྱི་ཆོས། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་ངོ་བོ་ཉིད། །འཁོར་འདས་ཡོན་ཏན་དཔལ་དང་ལྡན། །བཀའ་རྒྱུད་རིན་པོ་ཆེ་ལ་ཕྱག་འཚལ་ལོ། །བླ་མ་སངས་རྒྱས་བླ་མ་ཆོས། །བླ་མ་དཔལ་ལྡན་རྡོ་རྗེ་འཆང་། །ཀུན་གྱི་བྱེད་པོ་བླ་མ་ཡིན། །བླ་མ་རྣམས་ལ་ཕྱག་འཚལ་ལོ། །ཐབས་མཁས་ཐུགས་རྗེ་ཤཱཀྱའི་རིགས་སུ་འཁྲུངས། །གཞན་གྱི་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོའི་ཞབས་ལ་ཕྱག་འཚལ་ལོ། །གཞོན་ནུའི་ཆ་ལུགས་འཆང་བ་པོ། །ཡེ་ཤེས་སྒྲོན་མེ་རབ་ཏུ་གསལ། །འཇིག་རྟེན་གསུམ་གྱི་མུན་སེལ་བ། །འཇམ་པའི་དབྱངས་ལ་ཕྱག་འཚལ་ལོ། །སྐྱོན་གྱི་མ་གོས་སྐུ་མདོག་དཀར། །རྫོགས་སངས་རྒྱས་ཀྱི་དབུ་ལ་བརྒྱན། །ཐུགས་རྗེ་སྤྱན་གྱིས་འགྲོ་ལ་གཟིགས། །སྤྱན་རས་གཟིགས་ལ་ཕྱག་འཚལ་ལོ། །ལྕང་ལོ་ཅན་གྱི་གནས་མཆོག་དམ་པ་ནས། །གསང་སྔགས་

― KMC022_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་སྔགས་ཀུན་གྱི་བདག་པོ་སྟེ། །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ། །བཅོམ་ལྡན་རྡོ་རྗེ་འཛིན་ལ་ཕྱག་འཚལ་ལོ། །གང་གི་འཁོར་བའི་ཉེས་པ་ནི། །དྲན་པ་ཙམ་གྱིས་འཇོམས་མཛད་ཅིང་། །བླ་མེད་བྱང་ཆུབ་ཐོབ་མཛད་པ། །བླ་མ་རྣམས་ལ་ཕྱག་འཚལ་ལོ། །བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེས་ཐབས་མཁས་རྒྱ་ཆེར་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །བྱ་སྤྱོད་རྣལ་འབྱོར་རྒྱུད་སྡེ་བཞི། །སྟོན་པ་ཉིད་ཀྱིས་གང་གསུངས་པའི། །ཕྱི་དང་ནང་དང་གསང་བ་ཡི། །ཡི་དམ་རྣམས་ལ་ཕྱག་འཚལ་ལོ། །བཅོམ་ལྡན་འདས་ཀྱི་སྤྱན་སྔ་རུ། །སྒྲུབ་པ་མཛད་པའི་གང་ཟག་ལ། །བུ་བཞིན་སྐྱོང་བར་ཞལ་བཞེས་པའི། །ཆོས་སྐྱོང་རྣམས་ལ་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡི་རྣམས་

― KMC022_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །ཞེས་པས་བསྟོད། དེ་ནས་གསང་སྔགས་ནང་གི་གཏོར་མ་ཆོས་སྤྱོད་ནས་འབྱུང་བ་བཞིན་གྱིས། བླ་མ་ཡི་དམ་དཔའ་བོ་མཁའ་འགྲོ་ལ་གཏོར་མའི་དགྱེས་མཆོད་ཕུལ་མཐར། མ་མགོན་ལྕམ་དྲལ་ལ་སྨན་རཀ་བ་ལིཾ་འབུལ་བ་ནི། ཨོཾ་དཾཥྚཏྐོཊ་ཀྱིས་བསང་། སྭ་བྷཱ་ཝས་སྦྱང་། སྟོང་པར་གྱུར་པའི་ངང་ཉིད་ལས། །ཡཾ་ལས་རླུང་དང་དེ་ཡི་སྟེང་། །རཾ་ལས་མེ་འབར་ཕྱོགས་གསུམ་དུ། །ཀཾ་ལས་ཐོད་སྒྱེད་དེ་ཡི་སྟེང་། །ཨཱ་ལས་ཐོད་པའི་ནང་དུ་ནི། །ཟླ་བའི་དཀྱིལ་འཁོར་དབུས་སུ་མུ། །ཤར་དུ་བི་དང་བྱང་དུ་མ། །ནུབ་ཏུ་ཤུ་དང་ལྷོ་རུ་ར། །དེ་རྣམས་ལས་སྐྱེས་བདུད་རྩི་ལྔ། །སླར་ཡང་དབུས་སུ་ན་ཡིག་དང་། །ཤར་ལྷོར་གོ་དང་ལྷོ་ནུབ་ཏུ། །ཀུ་དང་རླུང་དུ་ད་ཡིག་དང་། །བྱང་ཤར་ཧ་ལས་ཤ་ལྔ་སྟེ། །མིང་གི་ཡི་གེས་རྒྱས་བཏབ་པའོ། །སྟེང་དུ་ཉི་མའི་དཀྱིལ་འཁོར་ལ། །རྡོ་རྗེ་གྲི་གུག་འབར་བ་ནི། །ལྟེ་བར་ཧཱུྃ་གིས་མཚན་པ་ལས། །འོད་འཕྲོས་འོག་གི་ཕྱོགས་སོང་བས། །རླུང་གིས་མེ་སྦར་ཐོད་པ་དྲོས། །རྫས་

― KMC022_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དམ་ཚིག་བདུད་རྩི་སྟེ། །བྱང་ཆུབ་སེམས་ཀྱི་རང་བཞིན་ནོ། །སླར་ཡང་སྟེང་དུ་འོད་འཕྲོས་པས། །ཡེ་ཤེས་བདུད་རྩི་སྤྱན་དྲངས་ནས། །ཐོད་པའི་ནང་དུ་ཞུགས་གྱུར་པས། །གྲི་གུག་གིས་དཀྲུག་གཉིས་མེད་གྱུར། །ཨོཾ་ཨཱཿཧཱུྃ། ལན་གསུམ་གྱིས་བརླབ། ཧཱུྃ། ལྷ་ཆེན་དཔལ་འབར་འཁོར་བཅས་ལ། །འབྲས་ཆེན་ཁྲག་གི་ཨཱརྒྷཾ་དང་། །མེ་ཏོག་བདུག་སྤོས་བྱུག་པ་དང་། །བདུད་རྩི་ལྔ་དང་ཤ་ལྔ་དང་། །ཁུར་བ་ཤིང་ཏོག་སྣ་ཚོགས་དང་། །བཅས་པའི་མཆོད་པའི་ཚོགས་རྣམས་ཀུན། །བདག་ཅག་དད་པས་འབུལ་ལགས་ན། །འཁོར་དང་བཅས་པས་བཞེས་སུ་གསོལ། །ཧཱུྃ། བླ་མེད་མཆོད་པ་ཁྱད་པར་ཅན། །ཤ་ཆེན་ལྔ་ནི་རི་ལྟར་སྤུངས། །བདུད་རྩི་ལྔ་ནི་མཚོ་ལྟར་བསྐྱིལ། །རཀྟ་གི་ཝཾ་ག་བུར་དང་། །ཨ་མྲྀ་ཏ་དང་ཤ་ཆེན་སོགས། །དམ་རྫས་བསམ་གྱིས་མི་ཁྱབ་པའི། །མཆོད་པའི་སྤྲིན་ཕུང་མཐའ་ཡས་པ། །མཁའ་དང་ཕྱོགས་མཚམས་ཀུན་བཀང་ནས། །

― KMC022_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོའི་སྐུ་ལ་མཆོད་པར་འབུལ། །མགོན་པོའི་གསུང་ལ་མཆོད་པར་འབུལ། །མགོན་པོའི་ཐུགས་ལ་མཆོད་པར་འབུལ། །ཐུགས་རྗེས་དགོངས་ཏེ་བཞེས་སུ་གསོལ། །བྱིན་གྱིས་བརླབ་པའི་བདུད་རྩི་བཟེད་ཞལ་དུ་སྦྲེང་ཞིང་། བྷྱོ། རིན་ཆེན་ཨིནྡྲ་ནཱི་ལའི་བུམ་པར་ནི། །འབྲུ་བཅུད་སྟོང་སྦྱར་ཛ་གད་དཔའ་བོས་གཏམས། །གཉིས་མེད་བྱང་ཆུབ་སེམས་ཀྱི་རང་བཞིན་མཆོག །འཐུངས་པས་འཚོ་བའི་ལོངས་སྤྱོད་ཆེན་པོ་ནི། །འབུལ་ནི་ཡེ་ཤེས་དཀྱིལ་འཁོར་ལྷ་ལ་འབུལ། །བསྐང་ནི་མ་མགོན་ལྕམ་དྲལ་ཐུགས་དམ་བསྐང་། །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་མ་ཧཱ་ཀཱ་ལ་ཏྲག་རཀྵ་ཛ་གད་ཁ་རཾ་ཁཱ་ཧི། བཟེད་ཞལ་གཅིག་ཏུ་ཁྲག་གི་མཆོད་ཡོན་སྦྲེང་ཞིང་། བྷྱོ། རཀྟ་ཁྲག་གི་རྒྱ་མཚོ་འཁྱིལ་བ་ལ། །སྣང་སྲིད་ཐམས་ཅད་རྦ་རླབས་ཀྱི་ལི་ལི། །མཁའ་དབྱིངས་རྒྱལ་བ་མ་ལུས་མཆོད་པ་དང་། །འཕགས་པ་རྣམས་མཆོད་ལྕམ་དྲལ་ཐུགས་དམ་བསྐང་། །ཨ་

― KMC022_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་མ་ཧཱ་ཀཱ་ལ་ཏྲག་རཀྵ་རཀྟ་པི་པ་ཏོ་ཁཱ་ཧི། མཐུན་བསྡེབ་བ་ལིཾ་འབུལ་ཞིང་། བྷྱོ། གཞོང་པ་རྣམ་དག་ཟླ་གམ་དཀྱིལ་འཁོར་དུ། །ཚེ་དང་གལ་གྱི་མཐུན་གཉིས་མཐུན་བསྡེབས་ཏེ། །དཀར་གྱི་ཐིག་གདབ་དམར་གྱི་གུར་ཕུབ་པ། །ལོངས་སྤྱོད་རྫས་ཀྱི་མཆོད་པ་ཆེན་པོ་འདི། །འབུལ་ནི་ཡེ་ཤེས་དཀྱིལ་འཁོར་ལྷ་ལ་འབུལ། །བསྐང་ནི་མ་མགོན་ལྕམ་དྲལ་ཐུགས་དམ་བསྐང་། །ཨ་ལ་ལ་ཧོ་འདི་ནི་བཞེས་སུ་གསོལ། །ཨ་ལ་ལ་ཧོ་བཞེས་ཏེ་དགྱེས་པར་རོལ། །ཨོཾ་སརྦ་བཛྲ་ཨ་ཙརྱ་ས་པ་རི་ཝཱ་ར་ཨི་དཾ་བ་ལིཾ་སརྦ་བིགྷྣན་སརྦ་ཤ་ཏྲཱུཾ་མ་ར་ཡ་ཁ་ཁ་ཁཱ་ཧི་ཁཱ་ཧི། ཨོཾ་ཏྲག་རཀྵ་དུན་ཏིཾ་མ་བྷྱོ། ཨོཾ་མ་ཧཱ་ཀཱ་ལ་ཀཱ་ལ་ཡ། ཤ་ས་ན། ཨུ་པ་ཀ་རི་ཎི། ཨེ་ཥ་ཨ་པཉྩི་མ་ཀ་ལོ་ཡཾ། ཨི་དཾ་རཏྣ་ཏྲ་ཡ་ཡཱ། ཨ་པ་ཀ་རི་ཎཾ། ཡ་ཏི་པྲ་ཏི་ཛྙཱ། སྨ་ར་སི་ཏ་དཱ། ཨི་དཾ་མ་མ་དུཥྚན་དགྲ་བགེགས་བྱེད་མ་ལྷ་སྲུང་དང་བཅས་

― KMC022_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཁ་ཁ་ཁཱ་ཧི་ཁཱ་ཧི། མ་ར་མ་ར། གྲྀཧྣ་གྲིཧྣ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དེ་ན་མེ་ཀེ་ན། གནོད་བྱེད་དགྲ་བགེགས་མཱ་ར་ཡ་ཧཱུྃ་ཕཊ། ཅེས་དང་། ཨོཾ་སརྦ་ཛྙཱ་ན་དྷརྨ་པཱ་ལ། ལོ་ཀ་དྷརྨ་པ་ལ། ཀ་ལ་པ་ཏི་ཨཱམྦོ་ཥོ་ཌ་ཤ །ད་ཤ་དིཀ་ལོ་ཀ་པ་ལ་ནཱ་ཐ་ད་ཤ །དྲཱ་ད་ཤཱ་སཔྟ་ཤྲཱི་ནཱ་ཐ། ཏྲི་རུ་དྲ་ཨ་ཤྭ་ཀ །སཔྟ་མ་ཏ། ཙ་ཏུ་ར་བྷཱ་གི་ནཱི། ན་བ་ཛྭ་ལ། ཙ་ཏུ་ར་ཀཱ་ལ་དེ་ཝཱི། ཙ་ཏུ་ར་ཎི་ཀ་རཱ་ཛི། ཨཱཥྚ་བིཾ་ཤཱ་ཏི་ཨི་ཤྭ་རི། དྭཱ་ད་ཤ་ཏིཥྛ་ས་པཱ་རི་ཝཱ་ར་ཨི་དཾ་བ་ལིཾ་ཏ་པཱུ་ཛ་ཁཱ་ཧི། འདིར་འཁོར་ལྔ་རྗེས་འབྲང་ལ་སོགས་པའི་སྔགས་བསྔོས་ཀྱང་བྱ། མཁའ་འགྲོ་སྤྱི་གཏོར་དང་། གཞི་བདག་དཀར་གཏོར་བསྔོ་ཞིང་ཕྲིན་ལས་བཅོལ་བ་བཅས་རྒྱུན་བཞིན་བཏང་། བྱེས་སུ་འགྲོ་ན། དཀར་གཏོར་འགྲོ་ཕྱོགས་སུ་འབུལ། གཞན་དུ་བསང་ཁང་ངམ། གཙང་སར་འབུལ་ལོ། །དེ་རྣམས་ཀྱི་སྦྱོར་བ་ཚོགས་བསགས་རྩ་གསུམ་སྤྱིའི་གཏོར་འབུལ་གྱི་རིམ་པ་སོང་ནས། ད་ནི་དངོས་གཞིའི་བསང་མཆོད་མངའ་གསོལ་གྱི་རིམ་པ་ལ། ཐོག་མར་དཔལ་ཡེ་ཤེས་ཀྱི་མགོན་པོར་མངའ་གསོལ་འབུལ་བ་ནི། མཆོད་རྫས་ཚོགས་རྣམས་ལ་བདུད་རྩི་འཐོར་ཏེ། དཾ་ཥྚཏྐོ་ཊ་སོགས་

― KMC022_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསང་། སྭ་བྷ་ཝས་སྦྱང་། སྟོང་པར་གྱུར་པའི་ངང་ཉིད་སོགས་ནས། གཉིས་མེད་གྱུར། ཨོཾ་ཨཱཿཧཱུྃ། ལན་གསུམ་བརྗོད་པས་བྱིན་གྱིས་བརླབ། ཨོཾ་མ་ཧཱ་ཀཱ་ལ་ཀཱ་ལ་ཡ། དེ་ཝ་རཀྵ་ཛཿཧཱུྃ་བཾ་ཧོ། འདིར་ཤོག་འདིར་ཤོག་ཨ་གཙྪ་ཡ་ཨ་གཙྪ་ཧཱུྃ་ཡ་ཛཿཧཱུྃ་ཡ་ཛཿ ཞེས་བརྗོད་བཞིན་པར་རོལ་མོའི་སྒྲ་ཆེན་པོ་ལྡིར་ཞིང་དབྱངས་དང་བཅས་པས་སྤྱན་དྲངས་ཏེ་འདི་སྐད་དོ།། ཧཱུྃ། འོག་མིན་བྱང་ཕྱོགས་དུར་ཁྲོད་ནས། །དཔལ་ལྡན་རྡོ་རྗེ་ནག་པོ་ཆེ། །རྣལ་འབྱོར་གདུང་བས་སྤྱན་འདྲེན་ན། །འདིར་གཤེགས་མངའ་གསོལ་མཆོད་པ་བཞེས། །བྱང་ཤར་ཐོད་མཁར་བརྩེགས་པ་ནས། །རྡོ་རྗེ་ནག་མོ་རེ་མ་ཏི། །རྣལ་འབྱོར་གདུང་བས་སྤྱན་འདྲེན་ན། །འདིར་གཤེགས་མངའ་གསོལ་མཆོད་པ་བཞེས། །འཇིག་རྟེན་འཇིག་རྟེན་འདས་པ་ཡི། །ཆོས་སྐྱོང་སྲུང་མ་མ་ལུས་པ། །རྣལ་འབྱོར་གདུང་བས་སྤྱན་འདྲེན་ན། །འདིར་གཤེགས་མངའ་གསོལ་མཆོད་པ་ཞེས། །ཤ་ཆེན་གཏོར་མ་རི་ལྟར་སྤུངས། །ཁྲག་ཆེན་ཨཱརྒྷཾ་མཚོ་ལྟར་བསྐྱིལ། །

― KMC022_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

གསུར་ཆེན་དུད་པ་སྤྲིན་ལྟར་གཏིབས། །འདོད་ཡོན་སྣ་ཚོགས་གཅལ་དུ་བཀྲམ། །དར་ནག་རྒྱལ་མཚན་བ་དན་བསྒྲེངས། །རོལ་མོ་སིལ་སྙན་འབྲུག་སྟོང་ལྡིར། །ཏིང་འཛིན་མཆོད་པ་བསམ་མི་ཁྱབ། །གསོལ་ལོ་མཆོད་དོ་མངའ་གསོལ་ལོ། །མ་ཧཱ་ཀཱ་ལ་མངའ་གསོལ་ལོ། །ལྷ་ཆེན་དཔལ་འབར་མངའ་གསོལ་ལོ། །ལེགས་ལྡན་ནག་པོ་མངའ༴ །མཁའ་འགྲོའི་གཙོ་བོ་མངའ༴ རིག་འཛིན་སྲུང་མ་མངའ༴ རྣལ་འབྱོར་དགྲ་ལྷ་མངའ༴ དམ་ཉམས་སྲོག་གཅོད་མངའ༴ འཇིགས་བྱེད་ཆེན་པོའི་མངའ༴ མ་ཅིག་ལྷ་མོ་མངའ་གསོལ་ལོ། །ཟ་བྱེད་ཆེན་མོ་མངའ༴ དབུགས་ལེན་བཅུ་དྲུག་མངའ༴ ཕྱོགས་བཅུའི་མགོན་པོ་མངའ༴ དྲེགས་པ་དོན་གཉིས་མངའ༴ དྲེགས་པ་རྣམ་གསུམ་མངའ༴ མ་བདུན་སྲིང་བཞི་མངའ༴ འབར་དུས་ལྷ་མོ་མངའ༴ དམག་གི་རྒྱལ་མོ་མངའ༴ དབང་ཕྱུག་ཉེར་བརྒྱད་མངའ༴ བརྟན་མ་བཅུ་གཉིས་མངའ༴ སྤྲུལ་དང་ཡང་སྤྲུལ་མངའ་གསོལ་ལོ། །

― KMC022_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་དང་མཆོད་པའི་བྱིན་རླབས་ཀྱིས། །བསམ་པ་སྒྲུབས་ལ་རེ་བ་སྐོངས། །བར་དུ་གཅོད་པ་མཐའ་དག་སོལ། །དངོས་གྲུབ་མ་ལུས་ཀུན་སྩོལ་ཅིག །ཅེས་རྗེ་མཁའ་སྤྱོད་པས་མཛད་པའོ། །རྒྱས་པར་སྤྲོ་ན། ཧཱུྃ། དཔལ་ལྡན་མགོན་པོ་ནག་པོ་ལ། །སངས་རྒྱས་རྣམས་ཀྱིས་མངའ་གསོལ་ཕྱིར། །སྐུ་མདོག་མཐིང་ནག་འཇིགས་པའི་སྐུ། །དེ་བཞིན་བདག་གིས་མངའ་གསོལ་ལོ། །དཔལ་ལྡན་མགོན་པོ་ནག་པོ་ལ། །རིགས་གསུམ་མགོན་པོས་མངའ་གསོལ་ཕྱིར། །ཁྲོ་གཉེར་སྤྱན་གསུམ་གློག་ལྟར་འཁྱུག །དེ་བཞིན་བདག་གིས་མངའ་གསོལ་ལོ། །དཔལ་ལྡན་མགོན་པོ་ནག་པོ་ལ། །ཆོས་སྐྱོང་རྣམས་ཀྱིས་མངའ་གསོལ་ཕྱིར། །དབུ་སྐྲ་དམར་སེར་གྱེན་དུ་བརྫེས། །དེ་བཞིན་བདག་གིས་མངའ༴ དཔལ་ལྡན་མགོན་པོ་ནག་པོ་ལ། །རིགས་ལྔའི་སངས་རྒྱས་མངའ་གསོལ་ཕྱིར། །དབུ་ལ་ཐོད་སྐམ་ལྔ་ཡིས་བརྒྱན། །དེ་བཞིན་བདག་གིས༴ དཔལ་ལྡན་མགོན་པོ༴ དཀོན་

― KMC022_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གསུམ་གྱིས་མངའ་གསོལ་ཕྱིར། །ཁྲིམས་ཀྱི་ཆ་ལུགས་གསུམ་དང་ལྡན། །དེ་བཞིན་བདག་གིས༴ དཔལ་ལྡན་མགོན་པོ༴ གཤིན་རྗེ་རྣམས་ཀྱིས་མངའ༴ ཞལ་གདངས་ལྗགས་དྲིལ་མཆེ་བ་གཙིགས། །དེ་བཞིན་བདག་གིས༴ དཔལ་ལྡན་མགོན་པོ༴ བདུད་ཀྱི་རྒྱལ་པོས༴ དར་ནག་འཇོལ་བེར་སྐུ་ལ་གསོལ། །དེ་བཞིན་བདག་གིས༴ དཔལ་ལྡན་མགོན་པོ༴ ལྷ་སྲིན་རྣམས་ཀྱི༴ གསེར་སྐེད་རིན་ཆེན་སྐེད་ལ་བཅིངས། །དེ་བཞིན་བདག་གིས༴ དཔལ་ལྡན་མགོན་པོ༴ གཟའ་ཆེན་རྣམས་ཀྱིས༴ ཤངས་ནས་གདུག་པའི་རླུང་ནག་འཚུབས། །དེ་བཞིན་བདག་གིས༴ དཔལ་ལྡན་མགོན་པོ༴ དཔའ་བོ་རྣམས་ཀྱིས༴ གྲི་གུག་འབར་བ་ཕྱག་ན་བསྣམས། །དེ་བཞིན་བདག་གིས༴ དཔལ་ལྡན་མགོན༴ མ་མོ་རྣམས་ཀྱིས༴ ཐོད་ཁྲག་དམར་པོ་ཐུགས་ཀར་བསྣམས། །དེ་བཞིན་བདག་གིས༴ དཔལ་ལྡན་མགོན་པོ༴ གནོད་སྦྱིན་རྣམས་ཀྱིས༴ རིན་ཆེན་འབར་བས་

― KMC022_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ལ་བརྒྱན། །དེ་བཞིན་བདག་གིས་མངའ༴ དཔལ་ལྡན་མགོན་པོ་ནག་པོ་ལ། །ཀླུ་ཆེན་རྣམས་ཀྱིས༴ སྲིད་གསུམ་སྐུ་ཡི་ལྟེ་ཟུར་གདན། །དེ་བཞིན་བདག་གིས༴ དཔལ་ལྡན་མགོན་པོ༴ ས་བདག་རྣམས་ཀྱིས་མངའ༴ བམ་ཆེན་གདན་ལ་བསྐྱང་བསྐུམ་བཞུགས། །དེ་བཞིན་བདག་གིས༴ དཔལ་ལྡན་མགོན་པོ༴ ལྷ་ཆེན་རྣམས་ཀྱིས༴ བསྭོ་སྒྲ་ཆེན་པོ་གསུམ་དང་ལྡན། །དེ་བཞིན་བདག་གིས༴ དཔལ་ལྡན་མགོན་པོ༴ མེ་ལྷ་རྣམས་ཀྱིས༴ ཆ་སྒྲ་དྲག་པོ་གསུམ་དང་ལྡན། །དེ་བཞིན་བདག་གིས༴ དཔལ་ལྡན་མགོན་པོ༴ ཡི་དྭགས་རྣམས་ཀྱིས༴ རིན་ཆེན་འབར་བའི་གཙུག་ཕུད་ཅན། །དེ་བཞིན་བདག་གིས༴ དཔལ་ལྡན་མགོན་པོ༴ དམྱལ་བ་རྣམས་ཀྱིས༴ ཤངས་ནས་བསྐལ་པའི་རླུངས་ནག་འཚུབས། །ཞལ་ནས་བསྐལ་པའི་ཆུ་ཆེན་འབྲུབ། །དེ་བཞིན་བདག་གིས་མངའ་གསོལ་ལོ། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །ཅེས་སློབ་དཔོན་

― KMC022_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་ཨཱརྞ་བས་མཛད་པའོ། །དེ་ནས་རོལ་མོ་དང་བཅས་པས་གཏོར་མ་དང་བདུད་རྩི་ནམ་མཁར་འབུལ་ཞིང་། གསོལ་ལོ་མཆོད་དོ། །དཔལ་ཡེ་ཤེས་ཀྱི་མགོན་པོ་མ་ཧཱ་ཀཱ་ལ། བདུད་འདུལ་རྡོ་རྗེའི་དེད་དཔོན། འཇིགས་བྱེད་ཆེན་པོ་བེར་ནག་པོ་ཅན། ཡེ་ཤེས་ཀྱི་མགོན་པོ། ལས་ཀྱི་མགོན་པོ། འཇིག་རྟེན་གྱི་མགོན་པོ། ཡབ་ལེགས་ལྡན་ནག་པོ། སྐུའི་མགོན་པོ། གསུང་གི་མགོན་པོ། ཐུགས་ཀྱི་མགོན་པོ། ཡོན་ཏན་གྱི་མགོན་པོ། ཕྲིན་ལས་ཀྱི་མགོན་པོ། དཔལ་ལྡན་ལྷ་མོ་རང་བྱུང་གི་རྒྱལ་མོ། འདོད་པ་ཁམས་ཀྱི་དབང་ཕྱུག་མ། རེ་མ་ཏི། རེ་མ་ཛ། རེ་མ་ཛུ། དབུགས་ལེན་གྱི་ཤན་པ་ཡབ་ཡུམ་བཅུ་དྲུག །ཕྱོགས་སྐྱོང་བའི་མགོན་པོ་བཅུ། དྲེགས་པའི་གཙོ་བོ་བདུན་བཅུ་རྩ་གཉིས། མྱུར་མགྱོགས་ཀྱི་དྲེགས་པ་སྐྱ་གསུམ། མ་བདུན། སྲིང་བཞི། འབར་མ་དགུ། དུས་ལ་འཆར་བའི་ལྷ་མོ་བཞི། དམག་གི་རྒྱལ་མོ་ཆེན་མོ་བཞི། དབང་ཕྱུག་མ་ཉེར་བརྒྱད། རྡོ་རྗེའི་བརྟན་མ་བཅུ་གཉིས།

― KMC022_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཡང་སྤྲུལ་པ་ཡང་སྤྲུལ་ཉིང་སྤྲུལ་དམ་ཅན་རྒྱ་མཚོའི་དམག་ཚོགས་འཁོར་དང་བཅས་པ་རྣམས་གསོལ་ལོ། །མཆོད་དོ། །གསོལ་ཞིང་མཆོད་པ་ལ་བརྟེན་ནས། བདག་ཅག་སློབ་དཔོན་ཡོན་མཆོད་འཁོར་དང་བཅས་པ་རྣམས་ཀྱི་རྡོ་རྗེ་སློབ་དཔོན་སྐུ་ཚེ་རིང་བར་གྱུར་ཅིག །མཆེད་དང་ལྕམ་དྲལ་ལ་ན་ཚ་མེད་པར་གྱུར་ཅིག །སྒྲུབ་པ་པོ་བདག་ཅག་གིས་བྱིན་པའི་ཟས་ཟོ། བཅོལ་བའི་ལས་གྱིས། གདམས་པའི་ངག་ཉོན། །བསྒོས་པའི་དོན་སྒྲུབས། སྡང་བྱེད་ཀྱི་དགྲ་སོད། གནོད་བྱེད་ཀྱི་བགེགས་ཐུལ། བར་ཆད་ཀྱི་རྐྱེན་ཟློག །སྡོད་པའི་གནས་མལ་སྲུངས། མཁོ་བའི་ཡོ་བྱད་སྲུངས། བརྒྱུད་འཛིན་གྱི་སློབ་མ་སྲུངས། ལུས་དང་གྲིབ་མ་བཞིན་དུ་མི་འབྲལ་བར་འགྲོགས་ལ། བཅོལ་བའི་ཕྲིན་ལས་འགྲུབ་པར་མཛོད་ཅིག །ཅེས་ཕྲིན་ལས་བཅོལ། དཔལ་མགོན་ཕྱག་བཞི་པའི་མངའ་གསོལ་ལ། གཏོར་མ་བྱིན་བརླབ་ནི། བིགྷྣཱན་གྱིས་བསང་། སྭ་བྷཱ་ཝས་སྦྱང་། སྟོང་

― KMC022_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཉིད་དུ་གྱུར། སྟོང་པའི་ངང་ལས་ཨ་ལས་ཀཱ་པཱ་ལའི་ནང་དུ། གོ་ཀུ་ད་ཧ་ན་ལས་ཤ་ལྔ། བི་མུ་མ་ར་ཤུ་ལས་བདུད་རྩི་ལྔ་སྟེ། ཨོཾ་ཧ་ཧོ་ཧྲཱི༔ལན་གསུམ། དྲི་རོ་ཕུན་སུམ་ཚོགས་པ་གཟི་བརྗིད་མཐའ་ཡས་པར་གྱུར། ཨ་ཀཱ་རོ་ལན་གསུམ་ཀྱིས་བསྔོས་ནས། མངའ་གསོལ་ནི། ཧཱུྃ། རྣམ་དག་ཆོས་ཀྱི་དབྱིངས་ལས་མ་གཡོས་ཀྱང་། །མ་རུངས་འདུལ་སླད་ཐུགས་རྗེའི་མཐུ་སྟོབས་ཀྱིས། །དཔལ་ལྡན་ནག་པོ་ཆེན་པོའི་སྐུར་སྟོན་པ། །བསྟན་སྲུང་གཙོ་བོ་ཁྱོད་ཉིད་མངའ་གསོལ་ལོ། །གདུག་པའི་ཚོགས་ལ་རབ་ཁྲོས་རྔམས་པའི་ཞལ། །བདུད་འཇོམས་མཆེ་གཙིགས་གྱེན་བརྫེས་དབུ་སྐྲ་དང་། །སྨིན་མ་སྨ་ར་འབར་ཞིང་དུས་གསུམ་ཀུན། །རབ་གཟིགས་སྤྱན་གསུམ་ལྡན་པ་མངའ་གསོལ་ལོ། །ཁྱོད་ཀྱི་ཕྱག་གཡོན་ཐོད་པའི་སྣོད་ཡངས་པར། །འཆི་མེད་བདུད་རྩིའི་བཅུད་ཀྱིས་ཡོངས་གང་བས། །ནད་གདོན་འཆི་བདག་བགེགས་རྣམས་མ་ལུས་པ། །ཞི་བའི་ཕྲིན་ལས་སྒྲུབ་མཛད་མངའ་གསོལ་ལོ། །

― KMC022_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་གྱི་འོག་མའི་ཕྱག་གི་ཏྲི་ཤུ་ལ། །རྒྱལ་བའི་སྐུ་གསུམ་ཡོན་ཏན་ཀུན་རྫོགས་པ། །རབ་ཏུ་འཛིན་པས་ཐུན་མོང་མཆོག་རྣམས་ཀྱི། །རྒྱས་པའི་དངོས་གྲུབ་སྩོལ་མཛད༴ ཁྱོད་ཀྱི་ཕྱག་གཡས་བེ་ཏིའི་འབྲས་བུ་ནི། །རྗེས་སུ་ཆགས་པའི་ཁ་དོག་དམར་བ་དང་། །ནོར་བུ་འབར་བ་ལྟ་བུའི་དབྱིབས་ལྡན་པ། །སྲིད་གསུམ་སེམས་ཅན་དབང་སྡུད་མངའ༴ གཡས་ཀྱི་འོག་མས་རྣོ་ངར་ཕུན་ཚོགས་པའི། །མི་བཟད་མེ་ལྕེ་མངོན་པར་འཕྲོ་བ་ཡི། །ཡེ་ཤེས་རལ་གྲི་གདེངས་པས་དགྲ་བགེགས་ཚོགས། །སྒྲོལ་བའི་མཐུ་ལྡན་དྲག་པོ་མངའ༴ རིགས་ལྔའི་རང་བཞིན་ཐོད་སྐམ་རྣམ་པ་ལྔ། །ཕ་རོལ་ཕྱིན་དྲུག་དག་པའི་ཕྱག་རྒྱ་དྲུག །སེམས་བྱུང་ལྔ་བཅུ་རྣམ་དག་ཐོད་རློན་སོགས། །སྤངས་རྟོགས་ཡོན་ཏན་རྒྱན་གྱིས་མངའ་གསོལ་ལོ། །མཐའ་གཉིས་མི་གནས་དཔའ་བོའི་འདུག་སྟངས་ཅན། །དཔའ་བོའི་མཚན་མ་སྟག་གི་ཤམ་ཐབས་མཛེས། །ཕྱོགས་བཅུ་འཇིགས་

― KMC022_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་བསྐལ་པའི་མེ་ལྕེ་ཡིས། །ཕྲིན་ལས་སྣ་ཚོགས་བསྒྲུབ་པར་མངའ་གསོལ་ལོ། །ཁྱད་པར་ལས་མགོན་ནག་པོ་སྟོང་གིས་བསྐོར། །སེང་གེའི་གདོང་ཅན་ཤ་ཟ་གཏུམ་པོ་འབུམ། །དུད་པའི་སོལ་བ་མ་མོ་བྱེ་བའི་ཚོགས། །གནོད་སྦྱིན་ཁྲི་ཡི་འཁོར་ལྡན་མངའ་གསོལ་ལོ། །སྐུ་གསུང་ཐུགས་ཀྱི་སྤྲུལ་པ་ཡུམ་དང་བཅས། །མཁའ་འགྲོ་བརྒྱད་དྲུག་ཕོ་རྒྱུད་མོ་རྒྱུད་འཁོར། །སྤྲུལ་པ་ཡང་སྤྲུལ་བསམ་གྱིས་མི་ཁྱབ་རྣམས། །མཆོད་གཏོར་རྒྱ་མཚོའི་ཚོགས་ཀྱིས་མངའ་གསོལ་ལོ། །འཁོར་དང་བཅས་པ་མཆོད་ཅིང་བསྟོད་པ་དང་། །ཐུགས་དམ་བསྐང་ཞིང་ཉེས་པ་ཀུན་བཤགས་ནས། །བརྟེན་རྫས་མ་ཚང་མེད་པ་འདི་དག་གིས། །མངའ་གསོལ་བགྱིས་པས་འདོད་དོན་ཀུན་འགྲུབ་མཛོད། །ཅེས་པ་འདི་ཞྭ་དམར་བཞི་པ་སྤྱན་སྔ་རིན་པོ་ཆེས་མཛད་པའོ། །གཏོར་མའི་ཕུད་དང་བདུད་རྩི་ནམ་མཁར་འབུལ་ཞིང་། གསོལ་ལོ་མཆོད་དོ། །ཤྲཱི་མ་ཧཱ་ཀཱ་ལ། ཁྲག་འཐུང་གི་རྒྱལ་པོ་ཕྱག་བཞི་པ། བྱ་རོག་གི་མཚན་

― KMC022_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། སྐུ་གསུང་ཐུགས་ཀྱི་སྤྲུལ་པ་ལས་མགོན། ཡུམ་མཆོག་རྩ་འཇིབས་དམར་མོ། ལེགས་ལྡན་ནག་པོ། །ཕྱོགས་ཀྱི་མཁའ་འགྲོ་མ་བཞི་སོགས་རང་འདྲའི་སྤྲུལ་པ་ལས་མཁན་འཁོར་ཚོགས་བཀའ་སྡོད་མཐུ་བོ་ཆེ་རྣམས་དང་། ནག་པོ་སྟོང་། ཤ་ཟ་འབུམ། མ་མོ་བྱེ་བ། གནོད་སྦྱིན་ཁྲིས་བསྐོར་བ། བསྟན་པའི་བཀའ་སྲུང་། དམ་ཉམས་ཀྱི་སྲོག་གཅོད། རིག་འཛིན་གྱི་སྲོག་ཤིང་། རྣལ་འབྱོར་གྱི་དགྲ་བླ། དུག་གསུམ་ནད་ཀྱི་སྨན་པ། གཙུག་ལག་ཁང་དང་དཀྱིལ་འཁོར་གྱི་སྲུང་མའི་ཚོགས་དང་བཅས་པ་རྣམས་ལ། དམ་རྫས་བདུད་རྩིའི་གཏོར་མ་དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་འདིས་མཆོད་དོ། །བསྟོད་དོ། །དེ་དག་གི་མཐུས་རྣལ་འབྱོར་པ་བདག་ཅག་གི་བཀའ་དང་བསྟན་པ་སྲུངས། ཚེ་དང་དབང་ཕྱུག་སྤེལ། དཔལ་དང་གྲགས་པ་སྒྲུབས། འཁོར་དང་སློབ་མ་སྐྱོངས། བདུད་དང་བར་ཆད་ཟློག །མི་ནོར་ཟས་གསུམ་སྡུས། དགྲ་བགེགས་

― KMC022_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཐལ་བར་རློག །ཕྲིན་ལས་རྣམ་བཞི་སྒྲུབས། རྟག་ཏུ་སྲུང་སྐྱོབ་མཛོད། བསམ་དོན་ཐམས་ཅད་ཡིད་བཞིན་དུ་བསྒྲུབ་པར་མཛོད་ཅིག །ཅེས་འདོད་དོན་གསོལ་ལོ། །དཔལ་ལྡན་ལྷ་མོའི་མངའ་གསོལ་ན། བིགྷྣཱན་གྱིས་བསང་། སྭ་བྷཱ་ཝས་སྦྱང་། ཆོས་ཐམས་ཅད་སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་གཞུ་ལྟ་བུ། དེའི་སྟེང་དུ་རཾ་ལས་མེ་ཡི་དཀྱིལ་འཁོར་གྲུ་གསུམ་ཆོས་ཀྱི་དབྱིངས་དང་མཉམ་པ། དེའི་སྟེང་དུ་ཀཾ་གསུམ་ལས་ཐོད་པའི་སྒྱེད་པུ་རི་རབ་ཙམ་གསུམ། དེའི་སྟེང་དུ་གཏོར་མའི་སྣོད་འོད་དུ་ཞུ་བ་ལས། ཐོད་པ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བའི་ནང་དུ། ཨོཾ་ཨཱཿཧཱུྃ་ལས་ཤ་ལྔ་བདུད་རྩི་ལྔ། སོ་སོའི་ས་བོན་གྱིས་མཚན་པར་གྱུར། རླུང་གཡོས། མེ་སྦར། མེས་ཐོད་པ་དྲོས། གཏོར་མའི་རྫས་འོད་དུ་ཞུ་བ་ལས། དམ་ཚིག་གི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ་བརྗོད། དཔལ་ཧེ་རུ་ཀ་དང་། ཁྲོ་བོ་ཡི་དམ་མ་མོ་རྣམས་ཀྱི་ཐུགས་

― KMC022_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་ནས་ཡེ་ཤེས་ཀྱི་བདུད་རྩི་བབ་པས། དམ་ཚིག་གི་བདུད་རྩི་དང་། ཡེ་ཤེས་ཀྱི་བདུད་རྩི་གཉིས་སུ་མེད་པར་གྱུར། ཨོཾ་ཨཱཿཧཱུྃ། ལན་གསུམ་བརྗོད་ལ་འདི་སྐད་དོ།། བྷྱོ། དཔལ་ཆེན་རྔམ་པའི་དཀྱིལ་འཁོར་དུ། ཧེ་རུ་ཀ་དཔལ་ཡ་མཱནྟ། །རྡོ་རྗེ་འཛིན་པ་དབང་གི་ལྷ། །འབར་བའི་ཁྲོ་བོ་བཅུ་ལ་སོགས། །སྟོང་གསུམ་སྟོང་གི་འཇིག་རྟེན་ནས། །དཔལ་ཆེན་ཚོགས་བཅས་གཤེགས་སུ་གསོལ། །བྷྱོ། དེ་ཡི་བཀའ་ཉན་ཐུགས་སྤྲུལ་ནི། །ལྷ་མོ་ཞལ་གསུམ་ཕྱག་དྲུག་མ། །བོང་བུ་ཆིབས་ཤིང་ལྷ་གནས་འགྲིམ། །ལྷ་མོ་འབུམ་དང་བཅས་པ་ཡང་། །དམ་ཚིག་དབང་གིས་གཤེགས་སུ་གསོལ། །བྱང་ཤར་ཐོད་པའི་སྐུ་མཁར་ནས། །ཐུགས་མཆོག་རང་བྱུང་རྒྱལ་མོ་ནི། །རླུང་ནག་འཚུབས་མའི་ཀློང་དཀྱིལ་དབུས། །དྲེལ་རྟ་ཆིབས་ཤིང་སྟོང་གསུམ་ཉུལ། །བདུད་མོ་བྱེ་བ་འབུམ་གྱིས་བསྐོར། །བསྟན་པ་བསྲུང་ཕྱིར་སྤྱན་འདྲེན་གྱིས། །ཕྲིན་ལས་བསྒྲུབ་ཕྱིར་གཤེགས་སུ་གསོལ། །

― KMC022_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིན་ཡུལ་ལངྐ་པུ་རི་ན། །ཁྲ་མཚོ་འབར་བའི་གཞལ་ཡས་ནས། །གསུང་སྤྲུལ་སྲིན་མོ་ཟངས་མདོག་མ། །སེང་གེ་ཆིབས་ཤིང་དུར་ཁྲོད་འགྲིམ། །སྲིན་མོ་བྱ་བའི་ཚོགས་དང་བཅས། །དགྲ་བགེགས་སྒྲོལ་ཕྱིར་སྤྱན་འདྲེན་གྱི། །ཤ་ཟ་ཆེན་མོ་གཤེགས༴ སྐུ་གསུང་ཐུགས་ཀྱི་ལྷ་མོ་གསུམ། །ཁྱོད་ཀྱིས་སྤྲུལ་པས་སྟོང་ཁམས་ཁྱབ། །སྲིད་པ་གསུམ་གྱི་མ་མོ་རྣམས། །ལྷ་མོ་ཀླུ་མོ་གནོད་སྦྱིན་མོ། །བདུད་མོ་སྲིན་མོའི་ཚོགས་དང་བཅས། །ཁྱོད་ཀྱི་བཀའ་ཉན་ཕོ་ཉ་སྟེ། །སྤྲུལ་པའི་མ་མོ་གཤེགས༴ དུར་ཁྲོད་ཆེན་པོའི་གནས་བརྒྱད་ནས། །ལྷ་སྲིན་སྡེ་བརྒྱད་རྗེ་མོ་མཛད། །སྲིན་མོ་ཟ་བྱེད་གདོང་དམར་མ། །ཤ་ཟ་འབུམ་གྱི་འཁོར་གྱིས་བསྐོར། །དགྲ་བགེགས་འདུལ་ཕྱིར་གཤེགས༴ མ་མོ་གཏུམ་རྔམས་འཇིགས་བྱེད་སྐུ། །མཁའ་འགྲོའི་དབང་ཕྱུག་ལྷ་མོ་ཆེ། །དྲི་ཟ་མོ་ཡི་འཁོར་དང་བཅས། །བསྟན་པ་བསྲུང་ཕྱིར་གཤེགས་སུ༴ རི་རབ་བང་རིམ་གནས་པ་ཡི། །མ་མོ་

― KMC022_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་མ་འཁོར་བཅས་རྣམས། །བསྟན་པ་སྐྱོང་ཕྱིར་གཤེགས་སུ་གསོལ། །རྡོ་རྗེ་བདུད་སྲིན་མ་མོ་ལ། །གདོང་མོ་བཞི་ཡི་འཁོར་གྱིས་བསྐོར། །ཁྱབ་འཇུག་ཆེན་མོའི་ཡུམ་བརྒྱད་ཀྱང་། །ཕྲིན་ལས་བསྒྲུབ་ཕྱིར་གཤེགས༴ མ་མོ་ཆེན་མོའི་ཚོགས་བརྒྱད་ཀྱང་། །དུར་ཁྲོད་གནས་བརྒྱད་སྲུང་བྱེད་ཅིང་། །སྲིད་གསུམ་མ་མོ་རྗེ་དཔོན་ཆེ། །དཔལ་ལྡན་གཉན་གྱི་བཀའ་ཉན་མ། །སྤྲིན་ལྟར་འདུ་ཞིང་ད་ཚུར་བྱོན། །སྐར་ལྟར་འཁྲུགས་ཤིང་དམ་ལ་འདུ། །སྔོན་ཚེ་དཔལ་ཆེན་སྤྱན་སྔ་རུ། །ཇི་ལྟར་ཁས་བླངས་དམ་བཅས་བཞིན། །བསྟན་པ་བསྲུང་ཕྱིར་གཤེགས་སུ་གསོལ། །བྷྱོ། དོན་དམ་བྱང་ཆུབ་སེམས་སུ་གསལ་ན་ཡང་། །བསྟན་པ་སྲུང་ཕྱིར་ཐུགས་རྗེས་སྐུ་སྤྲུལ་ནས། །ལྷ་མོའི་ཚུལ་གྱིས་སྲིད་གསུམ་དབང་བསྒྱུར་མ། །བྱང་ཆུབ་སེམས་མ་ཁྱོད་ཉིད་མངའ་གསོལ་ལོ། །སྟོང་གསུམ་འཇིག་རྟེན་སྐུ་ཡིས་ཁྱབ་མཛད་ཅིང་། །སྐུ་གསུང་ཐུགས་ཀྱི་སྤྲུལ་པའི་ལྷ་

― KMC022_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་ཚོགས། །ཁམས་གསུམ་ཁྱབ་ཅིང་སྲིད་གསུམ་ལས་ལ་འཇུག །མི་ཕམ་ཁྱབ་འཇུག་ཆེན་མོ་མངའ་གསོལ་ལོ། །ལྷ་མོ་ཀུན་གྱི་གཙོ་མོ་ཆེན་མོ་སྟེ། ལྷ་མིན་དབང་ཕྱུག་རྣམས་ཀྱི་རྗེ་མོ་མཛད། །ཀླུ་མོ་གནོད་སྦྱིན་མོ་ཡི་དབང་མོ་ཆེ། །སྣ་ཚོགས་སྐུར་སྟོན་ལྷ་མོ་མངའ་གསོལ་ལོ། །དེ་ལྟར་གསོལ་དང་མཆོད་པའི་བྱིན་རླབས་ཀྱིས། །དཔལ་ལྡན་བླ་མའི་སྐུ་ཚེ་བསྲིང་བ་དང་། །བསྟན་པ་དར་ཞིང་ཡུན་རིང་གནས་པ་ཡི། །ཕྲིན་ལས་རྒྱ་ཆེར་འཕེལ་བའི་སྡོང་གྲོགས་མཛོད། །བྷྱོ། །བྱང་ཤར་ཐོད་པ་འཕྲུལ་གྱི་གཞལ་ཡས་ནས། །ལྷ་མོ་ནག་མོ་མཐུ་དང་རྫུ་འཕྲུལ་ཅན། །དབང་ཕྱུག་སྲིད་པ་གསུམ་གྱི་བདག་མོ་སྟེ། །ཁྱོད་ནི་ཁམས་གསུམ་ཀུན་གྱིས་མཆོད་ཅིང་བཀུར། །ཚངས་པའི་རྒྱལ་པོས་རྨ་བྱའི་རྒྱལ་མཚན་ཕུལ། །ཁྱབ་འཇུག་ཆེན་པོས་ཉི་ཟླ་རྒྱན་དུ་ཕུལ། །བདེ་གཤེགས་རིགས་ལྔས་ཐོད་པའི་དབུ་རྒྱན་ཕུལ། །རྣམ་ཐོས་སྲས་ཀྱིས་སེང་གེའི་སྙན་རྒྱན་ཕུལ། །ནམ་

― KMC022_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའི་ལྷ་བྲན་གསེར་གྱི་དྲིལ་བུ་ཕུལ། །ཀླུ་རྒྱལ་དགའ་བོས་སྦྲུལ་ནག་གདེངས་ཀ་ཕུལ། །འཆི་བདག་ནག་པོས་ཕྱག་གཡས་རལ་གྲི་ཕུལ། །དུར་ཁྲོད་བདག་པོས་བྷནྡྷ་ཁྲག་བཀང་ཕུལ། །བཙན་གྱི་རྒྱལ་པོས་ཤོ་རྡེལ་དཀར་ནག་ཕུལ། །བདུད་ཀྱི་རྒྱལ་པོས་ཁྲམ་ཤིང་སེར་ནག་ཕུལ། །གནོད་སྦྱིན་རྒྱལ་པོས་ནེའུ་ལེའི་རྐྱལ་བ་ཕུལ། །ལྷ་དབང་བརྒྱ་བྱིན་གླང་ཆེན་ཀོ་རློན་ཕུལ། །མ་མོ་རྣམས་ཀྱིས་ནད་ཀྱི་རྐྱལ་པ་དང་། །རེ་ལྡེའི་ཤམ་བུའི་སྨད་གཡོགས་དམ་པ་ཕུལ། །ཤ་ཟ་རྣམས་ཀྱིས་ཁྲག་ཞག་ཐིག་ལེ་ཕུལ། །མཁའ་འགྲོ་རྣམས་ཀྱིས་རུས་པའི་རྒྱན་ཆ་ཕུལ། །གཤིན་རྗེའི་རྒྱལ་པོས་ཐོད་པའི་ཕྲེང་བ་ཕུལ། །སྲིན་པོའི་རྒྱལ་པོས་ཞབས་ལ་ལྕགས་སྒྲོག་ཕུལ། །སྲིན་པོ་དྷ་ཤས་བོང་བུ་གྭ་དམར་ཕུལ། །སྲིན་ཕྲུག་རྣམས་ཀྱིས་ཞིང་ཆེན་པགས་པ་ཕུལ། །སྲིན་མོ་རྣམས་ཀྱིས་མཚོན་གྱི་དྲུ་གུ་ཕུལ། །འཁོར་ལོས་སྒྱུར་རྒྱལ་ལྷ་མིའི་རྒྱལ་སྲིད་ཕུལ། །རྣལ་འབྱོར་བདག་

― KMC022_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་བ་ལིཾ་གཏོར་མ་ཕུལ། །དེ་ལྟར་རྒྱན་ཕུལ་མཆོད་པའི་ཚོགས་རྣམས་ཀྱིས། །དཔལ་ལྡན་ལྷ་མོ་ཁྱོད་ལ་བསྟོད་འབུལ་ན། །རྣལ་འབྱོར་བདག་ཅག་འཁོར་དང་བཅས་པ་ཡི། །ཚེ་དང་བསོད་ནམས་ལ་སོགས་རྒྱས་པ་དང་། །མཆོག་དང་ཐུན་མོང་དངོས་གྲུབ་མ་ལུས་སྩོལ། །གྲངས་མེད་བསྐལ་པ་དཔག་མེད་སྔོན་རོལ་ནས། །ལྷ་མོ་ཁྱོད་དང་སྨོན་ལམ་དམ་ཚིག་གིས། །སྔགས་དང་ཕྱག་རྒྱས་ཡུམ་དང་གྲོགས་སུ་བསྒྲུབ། །མཆེད་དང་ལྕམ་དྲལ་ཚུལ་དུ་ཁྱོད་བསྟེན་པས། །ཕྲིན་ལས་རྣམ་བཞི་ཁྱོད་ཀྱིས་བསྒྲུབ་ཏུ་གསོལ། །གཏོར་མ་དང་ཕུད་སྐྱེམས་ནམ་མཁར་འབུལ་ཞིང་། གསོལ་ལོ་མཆོད་དོ། །དཔལ་ལྡན་ལྷ་མོ་ཆེན་མོ་རང་བྱུང་གི་རྒྱལ་མོ། །བདུད་ཀྱི་ཡུམ་གཤིན་རྗེའི་ལྕམ། །འདོད་པ་ཁམས་ཀྱི་དབང་ཕྱུག་མ། དུས་བཞིའི་ལྷ་མོ་དབུ་ལ་འཆར་བ། ཕྲ་མེན་བཅུ་དྲུག་སྐུ་ལ་རྫོགས་པ། སྐུ་གསུང་ཐུགས་ཀྱི་སྤྲུལ་པ་འགྱེད་པ། རྫུ་འཕྲུལ་གྱི་ཤུགས་ལྡན་མྱུར་མགྱོགས་དྲེའུའི་

― KMC022_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་ན་བཙན་སྐྱིལ་གྱིས་བཞུགས་པ། དྲེགས་པ་ཕོ་མོ་དབང་དུ་སྡུད་པ་ཁྱེད་རྣམས་ལ་གསོལ་ལོ་མཆོད་དོ། །མ་ཅིག་དཔལ་ལྡན་ལྷ་མོ་རེ་མ་ཏི། འཕགས་མ་རེ་མ་ཏི། སེམས་མ་རེ་མ་ཏི། ལྷ་མོ་རེ་མ་ཏི། ཀླུ་མོ་རེ་མ་ཏི། བདུད་མོ་རེ་མ་ཏི། གནོད་སྦྱིན་རེ་མ་ཏི། དབང་ཕྱུག་རེ་མ་ཏི། དམ་ཅན་རེ་མ་ཏི། གསོལ་ལོ་མཆོད་དོ། །མ་མོ་ཀུན་གྱི་གཙོ་མོ། དཔལ་ལྡན་ལྷ་མོ། སྲིད་པའི་རྒྱལ་མོ། ལྷ་ཡི་སྲས་མོ། དབུགས་ལེན་གྱི་རྒྱལ་མོ། གསོལ་ལོ་མཆོད་དོ། །མ་ལྟར་བྱམས་བྱེད་མ། སྲིང་ལྟར་གདུང་བྱེད་མ། ཆུང་ལྟར་སེམས་བྱེད་མ། གྲོགས་ལྟར་བརྩེ་བྱེད་མ། བྲན་ལྟར་གུས་བྱེད་མ། གསོལ་ལོ་མཆོད་དོ། །གླིང་བཞི་ཁ་འབར་མ། སྐོས་བདག་ལས་མཁན་མ། ལེགས་ཉེས་སྟངས་འཛིན་མ། དམ་ཚིག་གྲོགས་མཛད་མ། དམ་ཉམས་སྲོག་གཅོད་མ། གསོལ་ལོ་མཆོད་དོ། །ཏིང་འཛིན་དྲོད་ཉུལ་མ། ཀླུ་མོ་གློག་འགྱུ་མ། འབར་མ་མེ་ཁྱེར་མ། ལྷ་མིན་

― KMC022_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུལ་བཟློག་མ། ལྟེ་བར་རྫོང་བཅས་མ། གསོལ་ལོ་མཆོད་དོ། །མགོན་པོ་ནག་མོ་མ། མི་སྲུན་མགོ་ཡག་མ། བྷ་ག་ཧྲི་ཏི་མ། རྫོང་གི་བཀའ་བཟློག་མ། མེ་ཟ་བྲག་གྱོན་མ། གསོལ་ལོ་མཆོད་དོ། གར་གྱི་དབང་ཕྱུག་མ། དཀར་མོ་སྤྱན་གཅིག་མ། གཙོ་མོ་སྤྱན་གཅིག་མ། བཙུན་མོ་མོ་བཙུན་མ། དམ་ཚིག་གཉེར་གཏད་མ། ལྷ་མོ་ནམ་གྲུ་མ། གསོལ་ལོ་མཆོད་དོ། །སྲིན་མོ་ཟ་བྱེད་མ། མ་མོ་རྔམ་པ་མ། བདུད་མོ་ཁ་འབར་མ། མོན་མོ་ལག་དམར་མ། སྒྲོལ་གིང་མཐུ་ཆེན་མ། གསོལ་ལོ་མཆོད་དོ། །སྲིད་གསུམ་ཟིལ་གནོན་མ། ཁམས་གསུམ་དབང་སྡུད་མ། མཁའ་ལ་དབང་སྒྱུར་མ། ཐར་པའི་ལམ་སྟོན་མ། འགྲོ་བ་ཀུན་བྱམས་མ། གསོལ་ལོ་མཆོད་དོ། །སངས་རྒྱས་དགོངས་མཐུན་མ། གླིང་བཞི་དབང་སྒྱུར་མ། སྐར་ཆེན་མདའ་འཕེན་མ། མ་མོ་ཀུན་ཁྱབ་མ། རླུང་འཚུབས་སྣ་འདྲེན་མ། གསོལ་ལོ་མཆོད་དོ། །རྡོ་རྗེ་བདུད་འདུལ་མ། ཕྱག་རྒྱ་སྐུར་གསལ་མ།

― KMC022_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

བལ་མོ་དུག་མཚོན་མ། ཞོ་མོ་ཁྲག་ནད་མ། ལྷ་མོ་ལྕེ་འབར་མ། ལྷ་མོ་ལྕགས་ཕུར་བདུན་མ། གསོལ་ལོ་མཆོད་དོ། །སྲོག་བདུད་ཆེན་མོ། སྲོག་གཤེད་ཆེན་མོ། སྲོག་གཅོད་ཆེན་མོ། སྲོག་གཟེར་ཆེན་མོ། གསོལ་ལོ་མཆོད་དོ། །བདུད་འདུལ་ཆེན་མོ། དགྲ་ལྷ་ཆེན་མོ། དགྲ་འདུལ་ཆེན་མོ། དགྲ་གཤེད་ཆེན་མོ། དགྲ་ལྷའི་རྒྱལ་མོ། གསོལ་ལོ་མཆོད་དོ། །དམག་དཔོན་ཆེན་མོ། ཁྲིམས་དཔོན་ཆེན་མོ། རུ་དཔོན་ཆེན་མོ། སྒོ་དཔོན་ཆེན་མོ། རྩིས་དཔོན་ཆེན་མོ། གསོལ་ལོ་མཆོད་དོ། །ཚོང་དཔོན་ཆེན་མོ། ཇག་དཔོན་ཆེན་མོ། བིང་དཔོན་ཆེན་མོ། གཞིས་དཔོན་ཆེན་མོ། བྱེས་དཔོན་ཆེན་མོ། ལས་དཔོན་ཆེན་མོ། གསོལ་ལོ་མཆོད་དོ། །གཙོ་མོ་ཆེན་མོ། ལྷ་མོ་ཆེན་མོ། དབང་ཕྱུག་ཆེན་མོ། དབང་བསྒྱུར་ཆེན་མོ། དབང་སྡུད་ཆེན་མོ། གསོལ་ལོ་མཆོད་དོ། །ནག་མོ་ཆེན་མོ། ནམ་གྲུ་ཆེན་མོ། ཁ་འབར་ཆེན་མོ། མགྱོགས་བྱེད་ཆེན་མོ། རྫུ་འཕྲུལ་ཆེན་

― KMC022_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

མོ། གསོལ་ལོ་མཆོད་དོ། །སྟོང་གསུམ་བདག་མོ། ཟ་བྱེད་ཆེན་མོ། འཐུང་བྱེད་ཆེན་མོ། འཇིགས་བྱེད་ཆེན་མོ། གསོད་བྱེད་ཆེན་མོ། གསོལ་ལོ་མཆོད་དོ། །སྒྲོལ་བྱེད་ཆེན་མོ། །སྲིན་མོ་ཆེན་མོ། བདུད་མོ་ཆེན་མོ། གནོད་སྦྱིན་ཆེན་མོ། དམ་ཅན་ཆེན་མོ། གསོལ་ལོ་མཆོད་དོ། །ལྷ་མོ་ཀུན་གྱི་བདག་མོ། ནད་ཀྱི་བདག་མོ། ཡམས་ཀྱི་བདག་མོ། རིམས་ཀྱི་བདག་མོ། གསོལ་ལོ་མཆོད་དོ། །རེ་མ་ཏི། རེ་མ་ཛཿ རེ་མ་ཛུ། རེ་མ་ཛི། རེ་མ་མཆེད་བཞི། གསོལ་ལོ་མཆོད་དོ། །ལྷ་མོ་ཙིརྩི་ཀ །བང་རིམ་གསུམ་གྱི་མ་མོ། །ཡེ་ཤེས་ཀྱི་མ་མོ། ལས་ཀྱི་མ་མོ། །དམ་ཚིག་གི་མ་མོ། སྤྲུལ་པའི་མ་མོ། ཤ་ཟའི་མ་མོ། འཇིག་རྟེན་གྱི་མ་མོ། མ་མོ་བདུན། སྲིང་མོ་བཞི། འབར་མ་དགུ། འབེབས་མ་ལྔ། ཨ་ཕྱི་ཆེན་མོ། དུས་ཀྱི་ལྷ་མོ། དམག་གི་རྒྱལ་མོ་ཆེན་མོ་བཞི། དབང་ཕྱུག་མ་ཉི་ཤུ་རྩ་བརྒྱད། རྡོ་རྗེའི་བརྟན་མ་བཅུ་གཉིས། ལྷ་མོ། ཀླུ་མོ། བདུད་མོ། སྲིན་མོ། གནོད་སྦྱིན་མོ།

― KMC022_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུལ་བུམ་མོ། དྲི་ཟ་མོ། མ་མོ་བྱེ་བ་འབུམ་སྡེའི་ཚོགས་དང་བཅས་པ་ཐམས་ཅད་ལ་གསོལ་ལོ། མཆོད་དོ། །བདུད་རྩི་གཏོར་མ་རཀྟ་ཛ་གད་གསེར་སྐྱེམས་ཕྱི་ནང་གསང་གསུམ་གྱི་མཆོད་པ་དཔག་ཏུ་མེད་པས་གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས། སྤྱིར་དུ་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་གྱི་སྡེ་སྐྱོང་། བཀའ་རྒྱུད་ཀྱི་བསྟན་པ་རིན་པོ་ཆེ་རྒྱ་ཆེར་འཕེལ་ཞིང་རྒྱས་པ་དང་། ལྷག་པར་ཀརྨ་ཀཾ་ཚང་འདི་ཉིད་དར་ཞིང་རྒྱས་ལ། ཡུན་རིང་དུ་གནས་པའི་ཕྲིན་ལས་དུས་ཀུན་ཏུ་བསྒྲུབ་པ་དང་། བདག་ཅག་གི་དཔལ་ལྡན་བླ་མའི་སྐུ་ཚེ་བསྲིང་ཞིང་ཕྲིན་ལས་སྤེལ་བ་དང་། བཞེད་དོན་ཐམས་ཅད་གེགས་མེད་མྱུར་དུ་འགྲུབ་པ་དང་། ཁྱད་པར་སྒྲུབ་པ་པོ་བདག་གིས་བྱིན་པའི་ཟས་ཟོ། བཅོལ་བའི་ལས་གྱིས། བསྒོས་པའི་དོན་སྒྲུབས། སྡང་བྱེད་ཀྱི་དགྲ་སོད། གནོད་བྱེད་ཀྱི་བགེགས་ཐུལ།

― KMC022_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ཆད་ཀྱི་རྐྱེན་ཟློག །རྦོད་གཏོང་ཕུར་ཁ་ཟློག །ལོ་ཀག་སྲི་ལངས་ཟློག །མཚན་ལྟས་ངན་པ་ཟློག །སྡོད་པའི་གནས་མལ་སྲུངས། །མཁོ་བའི་ཡོ་བྱད་སྲུངས། བརྒྱུད་འཛིན་གྱི་སློབ་མ་དང་ཡོནབདག་སྲུངས། ལུས་དང་གྲིབ་མ་བཞིན་དུ་མི་འབྲལ་བར་འགྲོགས་ཤིང་། བསྲུང་བ་དང་། བསྐྱབ་པ་དང་། སྦ་བར་མཛོད། ནད་གདོན་བགེགས་སོགས་མི་མཐུན་པའི་རྐྱེན་ཐམས་ཅད་ཞི་བར་མཛོད། ཚེ་དང་བསོད་ནམས་དཔལ་འབྱོར་ཕུན་སུམ་ཚོགས་པ་ཐམས་ཅད་འཕེལ་ཞིང་རྒྱས་པར་མཛོད། །མི་ནོར་ཟས་གསུམ་ལྷ་འདྲེ་མི་གསུམ་དབང་དུ་སྡུས། དགྲ་བགེགས་གནོད་བྱེད་ཐམས་ཅད་ཐལ་བའི་རྡུལ་དུ་བརླག་པ་སོགས་ཇི་ལྟར་བསྒོས་ཤིང་བཅོལ་བའི་ཕྲིན་ལས་ཐམས་ཅད་མྱུར་དུ་འགྲུབ་པར་མཛད་དུ་གསོལ། །དེ་ལྟར་དཔལ་ལྡནལྷ་མོ་རང་བྱུང་མ་དང་། དུད་སོལ་མ་གཉིས་གཙོར་བྱས། ལྷ་མོའི་རིགས་ཀུན་གྱི་སྤྱན་འདྲེན་མངའ་གསོལ་རྒྱན་འབུལ་ཕུད་མཆོད་ཕྲིན་ལས་བཅོལ་བ་རྣམས་མེ་ལྕེ་འབར་མ་གླིང་བཞིའི་རྒྱུད་སོགས་མ་མོའི་

― KMC022_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་རྣམས་ཁུངས་སུ་མཛད་དེ། གྲུབ་ཆེན་ཀརྨ་པ་དང་། རང་བྱུང་ཞབས། རྗེ་བཙུན་དགུ་པ་སོགས་ཀྱིས་མཛད་པའི་སྒྲུབ་སྐོར་རྣམས་དང་། རྒྱ་མཚོ་གསལ་བའི་སྒྲོན་མེ་སོགས་ནས་ཉུང་ངུར་བསྡུས་ཏེ། འདོན་འགྲིགས་སུ་དཔལ་ལྡན་གྲགས་པ་མཆོག་དབྱངས་ཀྱི་སྦྱར་བའོ།། །།སྐབས་འདིར་ཀརྨ་པའི་ཆོས་སྐྱོང་འཁོར་ལྔ་རྗེས་འབྲང་བཅས་པ་དང་། གཞན་ཡང་ཆོས་སྐྱོང་ཡེ་ཤེས་པ་དང་། ལས་ལས་གྲུབ་པའི་རིགས་ཀྱི་མཆོད་ཕྲེང་མངའ་གསོལ་སྤྲོ་ན་འདིའི་གོང་འོག་ཏུ་སྐབས་སུ་གང་བབ་གྱི་སྦྱོར་རོ།། །།དེ་ནས་འཛམ་གླིང་སྤྱི་བསང་ལ། ཕྱི་མར་གྱི་སུམ་ཆ་དང་། དར་ཚོན་སོགས་བསང་ཁང་དུ་འབུལ་ལ། ཆང་ཕུད་སོགས་ཀྱིས་བྲན་ནས་བསང་གི་རིམ་པ་འདི་སྐད་དོ།། ཀྱཻ། སྔོནགྱི་བསྐལ་པའི་དང་པོ་ལ། བསང་གི་རྒྱུ་ནི་ཇི་ལྟར་སྲིད། །སྐྱེ་མེད་སྤྲོས་བྲལ་སྟོང་པ་ལས། །འགགས་མེད་འཁོར་ལོས་སྒྱུར་རྒྱལ་ཤར། །སྐྱེ་འགག་གཉིས་མེད་རོལ་པ་ལས། །མཁའ་ལ་རླུང་བརྟེན་འབྱུང་བ་རིམ་བཞིན་ཆགས། །ཕྱི་སྣོད་འཇིག་རྟེན་གཞལ་ཡས་རང་གྲུབ་ལ། །ནང་བཅུད་སེམས་ཅན་བྱང་ཆུབ་སྙིང་པོར་གྱུར། །སྤྲུལ་པའི་ལྷ་རྣམས་འགྲོ་བའི་དོན་ལ་བྱོན། །རི་རབ་རི་བདུན་

― KMC022_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ལྷུན་གྱིས་གྲུབ། །རོལ་པའི་མཚོ་བདུན་སྨོན་ལམ་སྟོབས་ཀྱིས་ཆགས། །མེ་ཤེལ་ཆུ་ཤེལ་སྣང་སྲིད་དཀར་དམར་ཤར། །སྤོས་དྲི་ངད་ལྡན་ཛམ་བུ་གླིང་གི་རི། །རི་བོ་དེ་ཡི་ཤར་ཕྱོགས་ན། །ཤིང་ནི་བལ་བུ་དཀར་པོ་སྐྱེས། །རི་བོ་དེ་ཡི་ལྷོ་ཕྱོགས་ན། །ཤིང་ནི་གསེར་སྟག་སེར་པོ་སྐྱེས། །རི་བོ་དེ་ཡི་ནུབ་ཕྱོགས་ན། །ཤིང་ནི་ཙནྡན་དམར་པོ་སྐྱེས། །རི་བོ་དེ་ཡི་བྱང་ཕྱོགས་ན། །ཤིང་ནི་ལོ་བཟང་ཤུག་པ་སྐྱེས། །རི་བོ་དེ་ཡི་ཤར་ལྷོ་ན། །ཤིང་ནི་མུ་ལེ་གྲམ་ཤིང་སྐྱེས། །རི་བོ་དེ་ཡི་ལྷོ་ནུབ་ན། །ཤིང་ནི་སྦ་སྙུག་ལྡེམ་པ་སྐྱེས། །རི་བོ་དེ་ཡི་ནུབ་བྱང་ན། །ཤིང་ནི་དེ་ཝ་དཱ་རུ་སྐྱེས། །རི་བོ་དེ་ཡི་བྱང་ཤར་ན། །ཤིང་ནི་མཁན་དཀར་གསེར་མགོ་སྐྱེས། །རི་བོ་དེ་ཡི་དབུས་ཕྱོགས་ན། །ཤིང་ནི་དཔག་བསམ་ལྗོན་ཤིང་སྐྱེས། །ཤིང་སྣ་དགུ་ཡི་དུད་པ་དང་། །ཕྱེ་མར་ཟས་ཕུད་སྐྱེམས་དང་ནི། །གཡག་ལུག་ར་གསུམ་གཟུགས་འགྲོས་དང་། །དཀར་དམར་མདངས་ལྡན་ཤ་ཕུད་

― KMC022_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །རྩི་སྨན་དར་ཟབ་སྣ་ཚོགས་དང་། །རོལ་མོ་སྒྲ་སྙན་གདུང་བའི་དབྱངས། །འདོད་ཡོན་མཆོད་པ་སྣ་ཚོགས་ཀྱིས། །ཀྱཻ། ཀུན་ཏུ་བཟང་པོ་ལ་སོགས་པའི། །རྙིང་མ་བརྒྱུད་པ་ཐམས་ཅད་བསང་། །རྡོ་རྗེ་འཆང་ཆེན་ལ་སོགས་པའི། །གསར་མ་བརྒྱུད་པ་ཐམས་ཅད་བསང་། །སྣང་བ་མཐའ་ཡས་ལ་སོགས་པའི། །གཏེར་མ་བརྒྱུད་པ་ཐམས་ཅད་བསང་། །ཕ་རོལ་ཕྱིན་མ་ལ་སོགས་པའི། །དུས་གསུམ་རྒྱལ་བའི་ཡུམ་རྣམས་བསང་། །དཀོན་མཆོག་འབྱུང་གནས་ལ་སོགས་པའི། །ཕྱོགས་བཅུའི་སངས་རྒྱས་ཐམས་ཅད་བསང་། །མར་མེ་མཛད་ལ་སོགས་པ་ཡི། །འདས་པའི་སངས་རྒྱས་ཐམས་ཅད་བསང་། །ཤཱཀྱ་ཐུབ་པ་ལ་སོགས་པའི། །ད་ལྟའི་སངས་རྒྱས་ཐམས་ཅད་བསང་། །བྱམས་པ་མགོན་པོ་ལ་སོགས་པའི། །ཕྱི་ནས་འབྱོན་པ་ཐམས་ཅད་བསང་། །རྣམ་པར་སྣང་མཛད་ལ་སོགས་པའི། །བདེ་གཤེགས་རྒྱལ་བ་རིགས་ལྔ་བསང་། །ནམ་མཁའི་

― KMC022_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིངས་ཕྱུག་ལ་སོགས་པའི། །རིགས་ཀྱི་ཡུམ་ཆེན་ལྔ་པོ་བསང་། །འཕགས་པ་འཇམ་དབྱངས་ལ་སོགས་པའི། །རིགས་གསུམ་མགོན་པོ་རྣམ་གསུམ་བསང་། །ནམ་མཁའི་སྙིང་པོ་ལ་སོགས༴ བྱང་ཆུབ་སེམས་དཔའ་ཐམས་ཅད༴ གནས་བརྟན་རབ་འབྱོར་ལ༴ ཉན་ཐོས་ཆེན་པོ་མཆོག་བརྒྱད་བསང་། །གདུང་བ་སེལ་བ་ལ༴ རང་རྒྱལ་ཆེན་པོ་བཅུ་གཉིས༴ བྷ་ར་དྷྭ་ཛ་ལ༴ གནས་བརྟན་ཆེན་པོ་བཅུ་དྲུག༴ སློབ་དཔོན་ཐོགས་མེད་ལ༴ ཛམ་བུ་གླིང་གི་རྒྱན་དྲུག༴ ཨིནྡྲ་བོ་དྷི་ལ་སོགས་པའི། །རྣལ་འབྱོར་གྲུབ་ཆེན་བརྒྱད་པོ༴ ཀླུ་སྒྲུབ་སྙིང་པོ་ལ༴ རྒྱ་གར་གྲུབ་ཆེན་བརྒྱད་ཅུ༴ གསང་བ་འདུས་པ་ལ༴ ཕ་རྒྱུད་ལྷ་ཚོགས་ཐམས་ཅད༴ མ་ཧཱ་མ་ཡ་ལ༴ མ་རྒྱུད་ལྷ་ཚོགས་ཐམས་ཅད༴ དུས་འཁོར་བདེ་དགྱེས་ལ༴ གཉིས་མེད་ལྷ་ཚོགས་ཐམས་ཅད་བསང་། །རྡོ་རྗེ་སེམས་དཔའ་ལ༴ ཞི་བའི་ལྷ་ཚོགས་ཐམས་ཅད༴ ཆེ་མཆོག་ཁྲག་འཐུང་ལ་སོགས་པའི། །ཁྲོ་བའི་

― KMC022_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཚོགས་ཐམས་ཅད༴ གཤིན་རྗེ་གཤེད་ལ་སོགས་པ་ཡི། །སྐུ་ཡི་ལྷ་ཚོགས་ཐམས་ཅད་བསང་། །པདྨ་དབང་ཆེན་ལ་སོགས་པའི། །གསུང་གི་ལྷ་ཚོགས་ཐམས་ཅད་བསང་། །བཛྲ་ཧེ་རུ་ཀ་ལ་སོགས། །ཐུགས་ཀྱི་ལྷ་ཚོགས་ཐམས་ཅད་བསང་། །སྤྱི་དཔལ་ཆེ་མཆོག་ལ་སོགས་པའི། །ཡོན་ཏན་བདུད་རྩིའི་ལྷ་ཚོགས་བསང་། །རྡོ་རྗེ་གཞོན་ནུ་ལ་སོགས་པའི། །ཕྲིན་ལས་ཕུར་པའི་ལྷ་ཚོགས༴ བླ་མེད་ཧེ་རུ་ཀ་ལ་སོགས། །མ་མོ་རྦོད་གཏོང་ལྷ་ཚོགས་བསང་། །རྩ་བའི་བླ་མ་ལ་སོགས་པའི། །རིག་འཛིན་བླ་མའི་ལྷ་ཚོགས༴ དྲེགས་པ་ཀུན་འདུལ་ལ་སོགས་པའི། །འཇིག་རྟེན་མཆོད་བསྟོད་ལྷ་ཚོགས༴ སྟོབས་ལྡན་ནག་པོ་ལ་སོགས་པའི། །དམོད་པ་དྲག་སྔགས་ལྷ་ཚོགས༴ རིགས་བཞི་མཁའ་འགྲོ་ལ་སོགས་པའི། །བཀའ་སྲུང་ལྷ་ཚོགས་ཐམས་ཅད༴ མགོན་པོ་ནག་པོ་ལ་སོགས་པའི། །ཆོས་སྐྱོང་ཕོ་རྒྱུད་ཐམས་ཅད༴ དཔལ་ལྡན་ལྷ་མོ་ལ་སོགས་པའི། །

― KMC022_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྐྱོང་མོ་རྒྱུད་ཐམས་ཅད༴ ལྷ་ཆེན་དཔལ་འབར་ལ་སོགས་པའི། །ཆོས་སྐྱོང་མ་ནིང་ཐམས་ཅད༴ ཚངས་པ་དུང་ཐོད་ལ་སོགས་པའི། །སྟེང་གི་ལྷ་ཚོགས་ཐམས་ཅད༴ གཉན་རྒན་དེ་ཝ་ལ་སོགས་པའི། །བར་སྣང་གནས་པའི་གཉན་རྣམས༴ ས་བདག་དབང་ཆེནལ་སོགས་པའི། །ས་ལ་གནས་པའི་ས་བདག༴ ཡུལ་འཁོར་སྲུང་མ་ལ་སོགས་པའི། །རྒྱལ་པོ་ཆེན་པོ་སྡེ་བཞི༴ ལྷ་དབང་བརྒྱ་བྱིན་ལ་སོགས་པའི། །ཕྱོགས་སྐྱོང་གཉན་པོ་བཅུ་པོ་བསང་། །མ་ཧཱ་དེ་ཝཱ་ལ་སོགས་པའི། །ལྷ་ཆེནབརྒྱད་པོ་འཁོར་བཅས༴ དགའ་བོ་འཇོག་པོ་ལ་སོགས་པའི། །ཀླུ་ཆེན་བརྒྱད་པོ་འཁོར་བཅས༴ ཉི་མ་ཟླ་བ་ལ་སོགས་པའི། །གཟའ་ཆེན་བརྒྱད་པོ་འཁོར་བཅས༴ ཨཱརྱ་ཛམྦྷ་ལ་སོགས་པའི། །ནོར་སྲུང་བརྒྱད་པོ་འཁོར་བཅས༴ སྐར་མ་སྨིན་དྲུག་ལ་སོགས་པའི། །རྒྱུ་སྐར་ཉི་ཤུ་རྩ་བརྒྱད་བསང་། །རྗེ་བློན་བཅུ་བདུན་ལ་སོགས་པའི། །ལོ་ཡི་ས་བདག་ཐམས་ཅད༴ གྲོལ་

― KMC022_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་ལྷ་ལྔ་ལ་སོགས་པའི། །ཟླ་བའི་ས་བདག་ཐམས་ཅད༴ པི་ལིང་འཕར་མ་ལ་སོགས་པའི། །ཞག་གི་ས་བདག་ཐམས་ཅད༴ ཉུལ་ལེ་བཅུ་གཉིས་ལ་སོགས་པའི། །དུས་ཚོད་ས་བདག་ཐམས་ཅད་བསང་། །རི་བོ་མཆོག་རབ་ལ་སོགས་པའི། །རི་བདུན་མཚོ་བདུན་གནས་པ༴ ལྷོ་རྒྱལ་ཛམ་བུ་གླིང་ལ་སོགས། །གླིང་ཆེན་བཞི་ལ་གནས་པ༴ རྔ་ཡབ་གླིང་ལ་སོགས་པ་ཡི། །གླིང་ཕྲན་བརྒྱད་ལ་གནས་པ༴ རི་བོ་པོ་ཏ་ལ་སོགས་པའི། །རི་བོ་རྣམས་ལ་གནས་པ༴ ཆུ་བོ་གངྒ་ལ་སོགས་པའི། །ཆུ་བོ་རྣམས་ལ་གནས་པ་བསང་། །རྡོ་རྗེ་གདན་ལ་སོགས་པ་ཡི། །རྒྱ་གར་བཙུག་ལག་སྲུང་མ༴ ན་ལེནྡྲ་ལ་སོགས་པ་ཡི། །རྒྱ་གར་ཆོས་གྲྭའི་སྲུང་མ༴ ཨོ་རྒྱན་ཡུལ་ལ་སོགས་པ་ཡི། །སྒྲུབ་གནས་རྣམས་ལ་གནས་པ༴ བསིལ་བ་ཚལ་ལ་སོགས་པ་ཡི། །དུར་ཁྲོད་བརྒྱད་ལ་གནས་པ༴ འཕགས་པ་ཤིང་ཀུན་ལ་སོགས་པའི། །བལ་ཡུལ་གཞི་བདག་ཐམས་ཅད༴ རི་བོ་

― KMC022_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

གནྡྷ་ལ་སོགས་པའི། །བོད་ཀྱི་མགུར་ལྷ་བཅུ་གསུམ༴ ཁ་རག་ཁྱུང་བཙུན་ལ་སོགས་པའི། །བོད་ཁམས་སྐྱོང་བ་བཅུ་གཉིས༴ ཨནྡྷ་རི་དང་ཤནྡྷ་བྷ། །བྱང་ངོས་ས་བདག་ཐམས་ཅད༴ གནམ་མཚོ་ཕྱུག་མོ་ལ་སོགས་པའི། །བྱང་གི་མཚོ་སྨན་ཐམས་ཅད༴ ལྷ་ས་བསམ་ཡས་ལ་སོགས་པའི། །བོད་ཡུལ་གཙུག་ལག་སྲུང་མ༴ ལྷོ་བྲག་མཁར་ཆུ་ལ་སོགས་པའི། །བོད་ཡུལ་དབེན་གནས་སྲུང་མ༴ དགེ་བསྙེན་མཁའ་རི་ལ་སོགས་པའི། །བོད་ཡུལ་གཏེར་སྲུང་ཐམས་ཅད༴ དཔལ་ལྡན་ས་སྐྱ་ལ་སོགས་པའི། །ཆོས་གྲྭའི་སྲུང་མ་ཐམས་ཅད༴ དྭགས་ལྷ་སྒམ་པོ་ལ་སོགས་པའི། །སྒོམ་གྲྭའི་སྲུང་མ་ཐམས་ཅད༴ གང་བ་བཟང་པོ་ལ་སོགས་པའི། །གཙང་གི་ས་བདག་ཐམས་ཅད་བསང་། །ཡར་ལྷ་ཤམ་པོ་ལ་སོགས་པའི། །ཡར་ཀླུང་ས་བདག་ཐམས་ཅད༴ ཐང་ལྷ་ཡར་ཞུར་ལ་སོགས་པའི། །དབུས་ཀྱི་ས་བདག་ཐམས་ཅད་བསང་། །འོད་དེ་གུང་རྒྱལ་ལ་སོགས་པའི། །

― KMC022_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

མྱང་པོའི་ས་བདག་ཐམས་ཅད༴ སྒམ་པོ་དཔལ་རི་ལ་སོགས་པའི། །དྭགས་པོའི་ས་བདག་ཐམས་ཅད༴ ཀོང་བཙུནདེ་མོ་ལ་སོགས་པའི། །ཀོང་པོའི་ས་བདག་ཐམས་ཅད༴ ཁ་ཤ་སྨྱུག་རི་ལ་སོགས་པའི། །མོན་ཡུལ་ས་བདག་ཐམས་ཅད༴ གཡག་ལ་སེ་བོ་ལ་སོགས་པའི། །སོག་གི་ས་བདག་ཐམས་ཅད༴ རོང་ལྷ་རྒྱལ་མཚན་ལ་སོགས་པའི། །རོང་གི་ས་བདག་ཐམས་ཅད༴ དམག་དཔོན་དགྲ་འདུལ་ལ་སོགས་པའི། །ཚ་བ་སྒང་གི་ས་བདག༴ ཁྱུང་འཐོར་རི་ལ་སོགས་པ་ཡི། །སྤུ་བོའི་ས་བདག་ཐམས་ཅད༴ གཟེ་ཡི་དམག་དཔོན་ལ་སོགས་པའི། །ལྕི་ཡི་ས་བདག་ཐམས་ཅད་བསང་། །འགྲིག་གི་ཤེ་ནེ་ལ་སོགས་པའི། །མདོ་ཁམས་སྒང་གི་ས་བདག༴ རྩི་ཡི་དཔལ་དགེ་ལ་སོགས་པའི། །ཟླ་ཡི་ས་བདག་ཐམས་ཅད༴ རྡོ་ཏི་གངས་དཀར་ལ་སོགས་པའི། །གནས་ཆེན་དྲུག་གི་ས་བདག༴ ཡོར་རྒྱལ་མ་ཡོར་ལ་སོགས་པའི། །ཡོར་གྱི་ས་བདག་

― KMC022_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་བསང་། །ཆབ་ལ་རྫོང་ཕྲོམ་ལ་སོགས་པའི། །འབེ་ཡི་ས་བདག་ཐམས་ཅད༴ སྒྱོགས་ཆེན་གདོང་ར་ལ་སོགས་པའི། །འདནགྱི་ས་བདག་ཐམས་ཅད༴ མི་མགོན་དཀར་པོ་ལ་སོགས་པའི། །སྨར་ཁམས་སྒང་གི་ས་བདག༴ གེར་མཛེ་གཉན་པོ་ལ་སོགས་པའི། །ཤར་ཟླའི་ས་བདག་ཐམས་ཅད༴ རྨ་ཆེན་སྤོམ་ར་ལ་སོགས་པའི། །རྨ་ཡི་ས་བདག་ཐམས་ཅད༴ དགེ་བསྙེནལྡོང་ར་ལ་སོགས་པའི། །འབྲི་ཀླུང་ས་བདག་ཐམས་ཅད༴ རྩམ་གཉན་སྨྲི་ཁྲི་ལ་སོགས་པའི། །གཙང་ཤོང་གཞི་བདག་ཐམས་ཅད༴ རྡོ་རྗེ་དཔལ་བརྩེགས་ལ་སོགས་པའི། །སྤོ་འབུར་སྒང་གི་ས་བདག་བསང་། །བཞག་ར་ལྷ་རྩེ་ལ་སོགས་པའི། །རབ་སྒང་ས་བདག་ཐམས་ཅད༴ རི་བོ་རྩེ་ལྔ་ལ་སོགས་པའི། །རྒྱ་ནག་ས་བདག་ཐམས་ཅད༴ འཇང་རི་སྨུག་པོ་ལ་སོགས་པའི། །འཇང་ཡུལ་ས་བདག་ཐམས་ཅད༴ ཅོག་ལ་མཚལ་རྩེ་ལ་སོགས་པའི། །ཧོར་ཡུལ་ས་བདག་ཐམས་ཅད༴

― KMC022_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ལྷ་གཉནཔོ་ལ་སོགས་པའི། །ཡུལ་འདིའི་ས་བདག་ཐམས་ཅད༴ སྡོང་ལྷ་མོ་ཕྲོམ་ལ་སོགས་པའི། །སྡོང་རིགས་སྲིད་པའི་དགྲ་ལྷ༴ འགྲུ་མོ་ཕྲོམ་ཕྲོམ་ལ་སོགས་པའི། །འགྲུ་རིགས་སྲིད་པའི་དགྲ་བླ་བསང་། །དབྲ་མོ་དབྲ་དཀར་ལ་སོགས་པའི། །དབྲ་རིགས་སྲིད་པའི་དགྲ་ལྷ༴ སྒ་མོ་ལེན་ཕྲོམ་ལ་སོགས་པའི། །སྒ་རིང་སྲིད་པའི་དགྲ་བླ༴ དགུ་བརྒྱུད་དགུ་འཕྲུལ་ལ་སོགས་པའི། །དགུ་རིགས་སྲིད་པའི་དགྲ་ལྷ༴ མཚལ་སྟག་དམར་པོ་ལ་སོགས་པའི། །རྦ་ཟླ་གཉིས་ཀྱི་དགྲ་བླ༴ སྨོན་མི་དབུ་ནག་ལ་སོགས་པའི། །ཡང་མེས་མཚུན་རྒན་ཐམས་ཅད༴ ཡབ་ལྷ་སྡེ་དྲུག་ལ་སོགས་པའི། །མེས་མཚུན་གཉན་པོ་ཐམས་ཅད༴ རྒྱལ་པོ་མཐིང་གི་ལ་སོགས་པ། །ཕ་མཚུན་གཉན་པོ་ཐམས་ཅད་བསང་། །སྟག་ཆས་ཝལ་པོ་ལ་སོགས་པའི། །གྲི་མཚུན་གཉན་པོ་ཐམས་ཅད༴ དེ་མོ་གངས་དཀར་ལ་སོགས་པའི། །མ་ཕྱིའི་སྨན་བཙུན་ཐམས་ཅད་བསང་། །དེ་

― KMC022_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བསངས་པའི་ཡོན་ཏན་གྱིས། །བདག་དང་ཡོན་བདག་འཁོར་བཅས་ལ། །མི་ལ་ན་ཚ་མ་བཏང་ཞིག །ཕྱུག་ལ་གོད་ཁ་མ་བཏང་ཞིག །ཞིང་ལ་བཙའ་སད་སེར་གསུམ་མ་བཏང་ཞིག །བསམ་པ་ཆོས་བཞིན་འགྲུབ་པར་མཛོད། །ཅེས་རྒྱལ་བ་རང་བྱུང་རྡོ་རྗེས་འགྲོ་བ་རྣམས་ལ་མི་འཇིགས་སྐྱབས་སྦྱིན་ཆེད་དུ། སོག་གི་ལྕགས་ཟམ་འཛུག་སྐབས་སུ་མཛད་པའོ།། །།བསང་ཡིག་ནད་གདོན་སྡིག་སྒྲིབ་བར་ཆད་ཀུན་སེལ་དངོས་གྲུབ་འདུ་བའི་སྤྲིན་ཕུང་ཞེས་བྱ་བ་བཞུགས་སོ།། ཀྱཻ། གདོད་ནས་རྣམ་དག་འཁོར་བ་མྱ་ངནའདས། །མ་སྐྱེས་མི་འགགས་ལྷུན་གྲུབ་གཞལ་ཡས་ཁང་། །ཆོས་སྐུའི་དཀྱིལ་འཁོར་ལོངས་སྐུའི་རྒྱན་གྱིས་མཛེས། །སྤྲུལ་སྐུའི་མཆོད་སྤྲིན་ནམ་མཁའི་མཐའ་བཀང་ཞིང་། །དེ་དབུས་མཛེས་ལྡན་མདུན་གྱི་ནམ་མཁའ་ལ། །སྐྱབས་གནས་བླ་མ་མཆོག་དང་དཀོན་མཆོག་གསུམ། །ཡི་དམ་ཆོས་སྐྱོང་དམ་ཅན་མཆོད་འོས་ཚོགས། །བརྩེ་བས་འདིར་བྱོན་དགྱེས་པར་བཞུགས་སུ་གསོལ།། ཀྱཻ། སྐྱབས་གནས་དམ་པ་ཁྱེད་

― KMC022_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ། །དེ་རིང་ཕྱག་འཚལ་ཚོགས་མཆོད་འབུལ། །མཆོད་འོས་དམ་པ་ཁྱེད་རྣམས་ལ། །དེ་རིང་དམ་རྫས་མཉེས་མཆོད་འབུལ། །དེ་རིང་གཙང་མའི་བསང་མཆོད་ནི། །འཁོར་འདས་རང་གྲོལ་ཡུམ་ལྔའི་ཀློང་། །རྡོ་རྗེ་དབྱིངས་ཕྱུག་ནམ་མཁའི་དབྱིངས། །རིན་ཆེན་ས་གཞི་སངས་རྒྱས་སྤྱན། །ཐུགས་རྗེའི་ཆུ་རྒྱུན་མཱ་མ་ཀི །བྱམས་པའི་མེ་དཔུང་གོས་དཀར་མོ། །ཡེ་ཤེས་རླུང་བསྐྱོད་དམ་ཚིག་སྒྲོལ། །ཡུམ་ལྔ་འདུས་པའི་རང་བཞིན་ལ། །འབྱུང་བ་དག་པའི་མེ་ཏོག་འཁྲུངས། །བདུད་རྩི་ཤིང་གི་འབྲས་བུ་སྨིན། །དྲི་ཞིམ་སྤོས་ཀྱི་ངད་ལྡན་པའི། །ཨ་གར་ཙན་དན་དུ་རུ་ཀ །རྒྱ་ཤུག་བལ་བུ་མཁན་དཀར་སོགས། །དག་བྱེད་གཙང་མར་གྱུར་པ་ཡི། །ཤིང་སྣ་ཚོགས་པའི་དུད་པ་དང་། །ཕྱེ་མར་ཟས་ཕུད་སྐྱེམས་དང་ནི། །གཡག་ལུག་ར་སོགས་གཟུགས་འགྲོས་དང་། །དཀར་དམར་མདངས་ལྡན་བ་ལིཾ་དང་། །རྩི་སྨན་དར་ཟབ་རོལ་མོའི་ཚོགས། །

― KMC022_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་དང་མཐུན་པའི་དམ་རྫས་དང་། །ཏིང་འཛིན་སྔགས་དང་ཕྱག་རྒྱ་ཡིས། །ཕྱི་ནང་གསང་བའི་མཆོད་པའི་ཚོགས། །དེ་རིང་མཆོད་པ་རབ་ཏུ་འབུལ།། ཀྱཻ། སྤྱི་གཙུག་ཉི་ཟླའི་གདན་སྟེང་ན། །སྐྱབས་མཆོག་དགེ་ལེགས་ཡོན་ཏན་ཞིང་། །དྲིན་ཅན་རྩ་བའི་བླ་མ་བསང་། །འོག་མིན་ཆོས་དབྱིངས་ཕོ་བྲང་ནས། །དྲུག་པ་རྡོ་རྗེ་འཆང་ཆེན་སོགས། །བཀའ་རྒྱུད་བླ་མ་ཐམས་ཅད་བསང་། །རྒྱ་གར་ཤར་ནུབ་གནས་མཆོག་ནས། །ཏེ་ལོ་ནཱ་རོ་ལ་སོགས་པའི། །གྲུབ་ཐོབ་བརྒྱད་ཅུ་རྩ་བཞི་བསང་། །རྒྱ་བོད་དཀའ་བ་སྤྱད་པ་ཡི། །མར་པ་ལོ་ཙཱ་ལ་སོགས་པའི། །ལོ་པཎ་སྐྱེས་མཆོག་ཐམས་ཅད་བསང་། །དབེན་གནས་སྒྲུབ་པའི་སྲོལ་གཏོད་པ། །མི་ལ་རས་པ་ལ་སོགས་པའི། །བོད་ཀྱི་གྲུབ་ཆེན་ཐམས་ཅད་བསང་། །སྟོན་པས་ལུང་བསྟན་འགྲོ་དོན་མཛད། །དྭགས་པོ་ལྷ་རྗེ་ལ་སོགས་པའི། །བསྟན་འཛིན་སྐྱེས་མཆོག་ཐམས་ཅད་བསང་། །བདེ་གཤེགས་འགྲོ་མགོན་

― KMC022_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་མཁྱེན། །ཚུལ་ཁྲིམས་སྙིང་པོ་གཡུ་བྲག་པ། །སྤྲུལ་པའི་བརྒྱུད་འཛིན་ཐམས་ཅད་བསང་། །འཇིག་རྟེན་མགོན་པོ་གླིང་རས་དང་། །ཆོས་རྗེ་འགྲོ་མགོན་ཡབ་སྲས་སོགས། །བཀའ་བརྒྱུད་བླ་མ་ཐམས་ཅད་བསང་། །ཀླུ་སྒྲུབ་སྙིང་པོ་ལ་སོགས་པའི། །རྒྱ་གར་མཁས་གྲུབ་ཐམས་ཅད་བསང་། །ངོ་མཚར་རྨད་བྱུང་སྤྲུལ་པའི་སྐུ། །པདྨ་འབྱུང་གནས་ལ་སོགས་པའི། །རིག་འཛིན་བརྒྱུད་པ་ཐམས་ཅད་བསང་། །དམ་པ་སངས་རྒྱས་ལ་སོགས་པའི། །ཞི་བྱེད་བརྒྱུད་པ་ཐམས་ཅད་བསང་། །དཱི་པཾ་ཀ་ར་ལ་སོགས་པའི། །ལམ་རིམ་བརྒྱུད་པའི་བླ་མ་བསང་། །ཤཱཀྱ་ཤྲཱི་ལ་སོགས་པའི། །བཀའ་གདམས་བརྒྱུད་པའི་བླ་མ་བསང་། །ཡེ་ཤེས་མཁའ་འགྲོ་ལ་སོགས་པའི། །གཅོད་ཡུལ་བརྒྱུད་པའི་བླ་མ་བསང་། །ཁྱུང་པོ་རྣལ་འབྱོར་ལ་སོགས་པའི། །ཆོས་དྲུག་བརྒྱུད་པའི་བླ་མ་བསང་། །ཐབས་མཁས་འགྲོ་དོན་མཛད་པའི་ཕྱིར། །རང་རང་སོ་སོའི་སྐུར་སྟོན་

― KMC022_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

པའི། །རྩ་བརྒྱུད་བླ་མ་ཐམས་ཅད་བསང་།། ཀྱཻ། དག་པ་ལོངས་སྐུའི་གཞལ་ཡས་ནས། །ཡི་དམ་ལྷ་ཚོགས་ཐམས་ཅད་བསང་། །དྲུག་བརྒྱ་སུམ་ཅུ་རྩ་དྲུག་སོགས། །གཉིས་མེད་དུས་འཁོར་ལྷ་ཚོགས་བསང་། །གསང་འདུས་གཤེད་དམར་འཇིག་བྱེད་སོགས། །ཕ་རྒྱུད་ལྷ་ཚོགས་ཐམས་ཅད༴ བདེ་དགྱེས་ཕག་མོ་མཱ་ཡ་སོགས། །མ་རྒྱུད་ལྷ་ཚོགས་ཐམས་ཅད༴ རྡོར་དབྱིངས་དཔལ་མཆོག་ཀུན་རིག་སོགས། །རྣལ་འབྱོར་རྒྱུད་ཀྱི་ལྷ་ཚོགས་བསང་། །རྣམ་རྒྱལ་གདུགས་དཀར་རྣམ་འཇོམས་སོགས། །བྱ་སྤྱོད་སྤྱི་ཡི་ལྷ་ཚོགས༴ རྒྱུད་སྡེ་བཞི་ཡི་ལྷ་ཚོགས་བསང་། །ཡང་དག་ཐུགས་དང་རྟ་མགྲིན་གསུང་། །ཕུར་པ་ཕྲིན་ལས་ལ་སོགས་པའི། །བཀའ་བརྒྱད་བཀའ་གཏེར་ལྷ་ཚོགས་བསང་། །འགྲོ་བའི་གཉེན་གཅིག་སྐྱབས་གནས་མཆོག །བླ་མེད་དཀོན་མཆོག་གསུམ་པོ་བསང་། །བྱམས་མགོན་ཤཱཀ་ཐུབ་མར་མེ་མཛད། །དུས་གསུམ་སངས་རྒྱས་ཐམས་ཅད༴

― KMC022_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་ཐུབ་འོད་སྲུང་ལ་སོགས་པའི། །སངས་རྒྱས་རབ་བདུན་བྱོན་པ༴ རབ་གསལ་ལ་སོགས་སངས་རྒྱས་སྟོང་། །བསྐལ་བཟང་འབྱོན་པ་ཐམས་ཅད་བསང་། །སྨན་བླ་མཚན་ལེགས་ལ་སོགས་པའི། །སྟོན་པ་བདེ་གཤེགས་བརྒྱད་པོ་བསང་། །འཇམ་དཔལ་ཕྱག་རྡོར་སྤྱན་རས་གཟིགས། །རིགས་གསུམ་མགོན་པོའི་ལྷ་ཚོགས་བསང་། །མི་བསྐྱོད་རིན་འབྱུང་རྣམ་སྣང་སོགས། །རྒྱལ་བ་རིགས་ལྔའི་ལྷ་ཚོགས་བསང་། །གོས་དཀར་སྒྲོལ་མ་ལ་སོགས་པའི། །ཡུམ་ཆེན་ལྷ་མོ་ཐམས་ཅད༴ ནམ་མཁའི་སྙིང་པོ་ལ་སོགས་པའི། །བྱང་སེམས་ཉེ་བའི་སྲས་བརྒྱད༴ བྷ་ར་དྷྭ་ཛ་ལ་སོགས་པའི། །སྤྲུལ་པའི་གནས་བརྟན་བཅུ་དྲུག༴ འཕགས་པ་འོད་སྲུང་ལ་སོགས་པའི། །ཉན་ཐོས་ཆེན་པོ་ཐམས་ཅད་བསང་།། ཀྱཻ། སངས་རྒྱས་བསྟན་པ་བསྲུང་བའི་ཕྱིར། །དྲག་པོ་འཇིག་བྱེད་སྐུར་སྟོན་པའི། །ཡེ་ཤེས་མགོན་པོ་འཁོར་བཅས་བསང་། །དུས་གསུམ་སངས་

― KMC022_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་མངའ་གསོལ་ཞིང་། །ཞལ་གཅིག་ཕྱག་བཞིའི་སྐུར་སྟོན་པ། །བླ་མ་མགོན་པོ་དབྱེར་མེད་བསང་། །བྱ་རོག་གདོང་ཅན་ལ་སོགས་པའི། །ནག་པོ་སྟོང་གི་ལྷ་ཚོགས༴ སེངྒེའི་གདོང་ཅན་ལ་སོགས་པའི། །ཤ་ཟ་འབུམ་གྱི་ལྷ་ཚོགས༴ ཡུམ་མཆོག་རྩ་འཇིབ་དམར་མོ་སོགས། །མ་མོ་བྱེ་བའི་ལྷ་ཚོགས་བསང་། །གཞན་ཡང་བདེ་གཤེགས་ཐུགས་སྤྲུལ་པའི། །སངས་རྒྱས་བསྟན་པ་སྐྱོང་མཛད་པ། །མྱུར་མཛད་ཕྱག་དྲུག་ཡེ་ཤེས་ཀྱི། །མགོན་པོ་ལྕམ་དྲལ་འཁོར་བཅས་བསང་། །མགོན་པོ་བིང་དང་བེར་ནག་ཅན། །གུར་མགོན་ཞལ་བཞི་མ་ནིང་སོགས། །དྲག་པོ་ཕོ་རྒྱུད་ཐམས་ཅད༴ འདོད་ཁམས་དབང་ཕྱུག་རེ་མ་ཏི། །རེ་མ་ཛ་དང་རེ་མ་ཛུ། །དུད་སོལ་ཙནྜི་ཀ་ལ་སོགས། །དམ་ཅན་མོ་རྒྱུད་ཐམས་ཅད༴ རྡོ་རྗེ་འཆང་གིས་བཀའ་བསྩལ་བའི། །ཞིང་སྐྱོང་མ་མོ་མཁའ་འགྲོ་སོགས། །གསང་སྔགས་རྒྱུད་ཀྱི་སྲུང་མ་སོགས། །སྟོན་པ་སངས་རྒྱས་སྤྱན་སྔ་རུ། །བསྟན་པ་

― KMC022_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲུང་བར་ཞལ་བཞེས་པའི། །རྣམ་མང་ཐོས་སྲས་སྔགས་ཀྱི་བདག །སྐྱེས་བུ་མཆེད་འཁོར་སུམ་བརྒྱར་བཅས། །སྲིན་མགོན་ཞིང་སྐྱོང་མཁར་ནག་དང་། །དྲེགས་པ་སྐྱ་གསུམ་དབུགས་ལེན་བརྒྱད། །ཕྱོགས་སྐྱོང་བཅུ་དང་རྒྱལ་ཆེན་བཞི། །དྲེགས་པའི་གཙོ་བོ་བདུན་ཅུ་གཉིས། །མ་བདུན་སྲིང་བཞི་འབར་མ་དགུ། །དུས་ལ་འཆར་བའི་ལྷ་མོ་བཞི། །དམག་གི་རྒྱལ་མོ་ཆེན་མོ་བཞི། །དབང་ཕྱུག་ཉེར་བརྒྱད་བརྟན་མར་བཅས། །གནོད་སྦྱིན་ནོར་བདག་ལ་སོགས་བསང་། །འཇིག་རྟེན་ལྷ་ཀླུ་གཟའ་ཆེན་བརྒྱད། །རྒྱུ་སྐར་ལ་སོགས་ཐམས་ཅད་བསང་། ཀྱཻ། ཁ་བ་ཅན་དུ་ཆོས་སྐྱོང་བའི། །བོད་ཀྱི་མགུར་ལྷ་བཅུ་གསུམ་བསང་། །སྲིད་པ་ཆགས་པའི་ལྷ་དགུ་བསང་། །བོད་ཁམས་བརྟན་མ་བཅུ་གཉིས་བསང་། །དྲེགས་པའི་དགེ་བསྙེན་ཐམས་ཅད་བསང་། །རི་བདུན་མཚོ་བདུན་གནས་པ༴ གླིང་བཞི་གླིང་ཕྲན་གནས་པ༴ ཆུ་བོ་རྣམས་ལ་གནས་པ༴ མངའ་རིས་

― KMC022_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

བོད་ཀྱི་ལྷ་དགུ༴ དབུས་གཙང་ཨེ་གཉལ་ས་བདག་བསང་། །ཀོང་ཡུལ་རལ་གསུམ་ས་བདག༴ བྱར་དྭགས་སྤོ་བོའི་ས་བདག༴ འབྲི་སྟག་ཡུལ་གྱི་ས་བདག༴ ཧོར་སོགས་ཡུལ་གྱི་ས་བདག༴ རྒྱ་འཇང་གློ་མོན་ས་བདག༴ མདོ་ཁམས་ཕྱོགས་ཀྱི་ས་བདག༴ ཉི་ཤུ་རྩ་བཞི་ལ་སོགས་པའི། །གནས་ཆེན་ཡོངས་ཀྱི་སྲུང་མ༴ རྡོ་རྗེ་གདན་ལ་སོགས་པ་ཡི། །གཙུག་ལག་ཡོངས་ཀྱི་སྲུང་མ༴ པུཥྤ་ཧ་རི་ལ་སོགས་པའི། །གདན་ས་ཡོངས་ཀྱི་སྲུང་མ༴ ལ་ཕྱི་ཆུ་བར་ལ་སོགས་པའི། །དབེན་གནས་ཡོངས་ཀྱི་སྲུང་མ༴ སྨན་བཙུན་བཀྲ་ཤིས་ཚེ་རིང་མ། །མཆེད་ལྔ་འཁོར་དང་བཅས་པ༴ ལྷ་བཙུན་རྡོ་རྗེ་འབར་བ་སོགས། །ཏེ་སེ་གངས་ཀྱི་ཞིང་སྐྱོང་༴ ཞིང་སྐྱོང་ཐང་སྲིན་འཁོར་བཅས་སོགས། །ལ་ཕྱི་ཕུ་མདའི་གཞི་བདག་བསང་། ཀྱཻ། ཙཱ་རི་ཡེ་ཤེས་འཁོར་ལོ་ནས། །ཀུན་དགའ་གཞོན་ནུ་ལ་སོགས་པའི། །ཞིང་སྐྱོང་རྒྱལ་པོ་འཁོར་བཅས༴ བདུད་མགོན་ནག་པོ་ལ་སོགས་

― KMC022_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

པའི། །དྲེགས་པའི་དམ་ཅན་ཐམས་ཅད་བསང་། །རྡོ་རྗེ་གཡུ་སྒྲོན་ལ་སོགས་པའི། །ཞིང་སྐྱོང་མཁའ་འགྲོ་ཐམས་ཅད༴ དྭགས་ལྷ་སྒམ་པོ་ལ་སོགས་པའི། །གཞི་བདག་གཉུག་མར་གནས་པ་བསང་། །ཡུལ་འདིའི་གཞི་བདག་ལ་སོགས་པའི། །ཡུལ་ཕྱོགས་འདིར་གནས་གཞི་བདག༴ གནས་གསུམ་སྐྱོང་བར་ཞལ་བཞེས་པའི། །གཞི་བདག་གཉུག་མར་གནས་པ༴ རང་ལ་འགོ་བའི་སྲུང་མ༴ ཕ་མེས་རྒྱུད་ཀྱི་སྲུང་མ༴ སློབ་དཔོན་རྒྱུད་ཀྱི་སྲུང་མ༴ དབེན་གནས་རྒྱུད་ཀྱི་སྲུང་མ༴ མཐོ་བ་གནམ་ལ་གནས་པ༴ དམའ་བ་ས་ལ་གནས་པ༴ བར་སྣང་ཁམས་ལ་གནས་པ༴ སྣང་ཞིང་སྲིད་པའི་ལྷ་འདྲེ་བསང་། །རིགས་དྲུག་ལན་ཆགས་ཐམས་ཅད༴ ཉིན་རི་དཀར་ལ་གནས་པ༴ སྲིབ་རི་ནག་ལ་གནས་པ༴ བྲག་རི་དམར་ལ་གནས་པ༴ གཡའ་རི་སྔོ་ལ་གནས་པ༴ སྤང་རི་ལྗོང་ལ་གནས་པ༴ རྫ་རི་ནགས་ལ་གནས་པ༴ ནག་རི་འཐིབས་ལ་གནས་པ༴ འབབ་པ་

― KMC022_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་ལ་གནས་པ༴ སྐྱེ་བ་ཤིང་ལ་གནས་པ༴ སྲ་བ་བྲག་ལ་གནས་པ༴ གཡོ་བ་རླུང་ལ་གནས་པ༴ འགྲོ་བ་ལམ་ལ་གནས་པ༴ སྡོད་པ་གནས་ལ་གནས་པ༴ སྟེང་གི་ལྷ་གཉན་ཐམས་ཅད༴ བར་གྱི་བཙན་གཉན་ཐམས་ཅད༴ འོག་གི་ཀླུ་གཉན་ཐམས་ཅད༴ མཁར་གྱི་རྩེ་ལྷ་ཐམས་ཅད༴ ཕོ་ལྷ་དགྲ་བླ་ཐམས་ཅད༴ སྲོག་ལྷ་ཞང་ལྷ་ཐམས་ཅད༴ མ་ལྷ་བུ་རྫི་ཐམས་ཅད༴ མགོནསྐྱོབས་བྱེད་པའི་ལྷ་རྣམས་བསང་། །ནམ་ཟླ་དུས་བཞིའི་ལྷ་རྣམས་བསང་། །ལོ་སྐོར་བཅུ་གཉིས་ས་བདག༴ སྤར་ཁ་བརྒྱད་ཀྱི་ས་བདག༴ །སྨེ་བ་དགུ་ཡི་ས་བདག༴ ལོ་ཡི་ས་བདག་ཐམས་ཅད༴ ཟླ་བའི་ས་བདག་ཐམས་ཅད་བསང་། །ཞག་གི་ས་བདག་ཐམས་ཅད༴ བཅུ་གཉིས་ཁྱིམ་གྱི་ས་བདག་སོགས། །ཁྱིམ་གྱི་ལྷ་གཉན་ཐམས་ཅད༴ ཞིང་གི་ཞིང་ལྷ་ཐམས་ཅད༴ མདུན་ནས་བསུ་བའི་ལྷ་རྣམས༴ རྒྱབ་ནས་སྐྱེལ་བའི་ལྷ་རྣམས་བསང་། །རྒྱབ་བརྟེན་བྱེད་པའི་ལྷ་རྣམས༴ འཁོར་འདས་

― KMC022_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་གཏོག་སྲུང་མ་བསང་།། ཀྱཻ། བླ་མ་ཡི་དམ་དགོངས་སུ་གསོལ། །བདག་སོགས་མ་རིག་དབང་གྱུར་པས། །དམ་ཚིག་ཉམས་ཆག་ཉེས་པའི་ཚོགས། །བསང་ངོ་ཚངས་སོ་མཐོལ་ལོ་བཤགས། །ཕྱི་ནས་ཉམས་གྲིབ་མི་གཙང་བསང་། །ནང་ནས་མ་རིག་མུན་པ་བསང་། །བར་ནས་ལས་ངན་སྡིག་སྒྲིབ་བསང་། །སྐབས་འདིར་ཚོགས་གཏོར་གསེར་སྐྱེམས་འབུལ་བ་ནི། ཀྱཻ། སྐྱེ་འཆི་མེད་པ་རྡོ་རྗེའི་སྐུ་བརྙེས་ནས། །འཕོ་འགྱུར་མེད་པར་འགྲོ་བའི་དོན་མཛད་པའི། །པདྨ་འབྱུང་གནས་བདག་གིས་སྤྱི་བོར་བཞུགས། །བླ་མ་ཡི་དམ་མཁའ་འགྲོ་དམ་ཅན་ལ། །དངོས་བཤམས་ཡིད་སྤྲུལ་ཕྱི་ནང་གསང་མཆོད་འབུལ། །ཚོགས་དང་གཏོར་མ་དམ་རྫས་གསེར་སྐྱེམས་འབུལ། །མཆོག་དང་ཐུན་མོང་དངོས་གྲུབ་མ་ལུས་སྩོལ། །མི་མཐུན་རྐྱེན་དང་བར་ཆད་འདུད་དཔུང་ཆོམས། །སྡིག་སྒྲིབ་མི་གཙང་ཚོགས་རྣམས་དག་པ་དང་། །ནད་གདོན་བགེགས་སོགས་ཕྱི་ནང་བར་ཆད་

― KMC022_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི། །ཚེ་བསོད་དཔལ་འབྱོར་མཐའ་དག་གོང་འཕེལ་ཞིང་། །དགེ་ལེགས་བཀྲ་ཤིས་འཕེལ་བར་མཛད་དུ་གསོལ། །ཞེས་རྗེ་དགུ་པའི་ཞལ་གསུང་མ་དང་། དེ་ལྟར་མདོ་རྒྱུད་རྣམས་ལས་བདུག་སྤོས་སྣ་ཚོགས་ཀྱི་མཆོད་སྤྲིན་བཟང་པོ་སྤྱོད་པའི་སྟོབས་སུ་གསུངས་པ་དང་། རྗེས་མཐུན་ཀུན་རྫོབ་བསང་གིས་མགྲོན་བཞི་མཉེས་པར་བྱས་ནས། དོན་དམ་གྱི་བསང་མཆོད་ནི། བརྗོད་བྱའི་དོན་ཡིད་ལ་དྲན་བཞིན་པས། སྡོམ་པ་དམ་ཚིག་ཚུལ་ཁྲིམས་དྲི་བསྲུང་གིས། །འཆལ་བའི་དྲི་མ་ཐམས་ཅད་བསང་བྱས་ནས། །འཕགས་པའི་ཚོགས་རྣམས་དགྱེས་པའི་བྱིན་རླབས་ཀྱིས། །འགྲོ་ཀུན་ཚུལ་ཁྲིམས་དྲི་དང་ལྡན་གྱུར་ཅིག །དཀར་པོ་དགེ་བཅུ་སྤྱད་པའི་དྲི་བཟང་གིས། །སྡིག་སྤྱོད་མི་དགེའི་དྲི་མ་བསང་བྱས་ནས། །དཀར་ཕྱོགས་ལྷ་ཀླུ་དགྱེས་པའི་ནུས་པ་ཡིས། །སྣོད་བཅུད་མ་ལུས་བདེ་སྐྱིད་ལྡན་གྱུར་ཅིག །ཡུལ་ལྷ་གཞི་གནས་བདག་པོ་ཐམས་ཅད་ཀྱང་། །ལྷག་བསམ་རྣམ་དག་དྲི་བསྲུང་འདིས་བསང་པས། །ཕྲག་དོག་གདུག་རྩུབ་དྲི་མ་བསང་བྱས་ཏེ། །

― KMC022_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་དང་སྙིང་རྗེའི་དྲི་བཟང་གོས་གྱུར་ཅིག །གཙང་ཞིང་གཙང་མའི་རྒྱུ་ཚེགས་ལས་བྱུང་ཞིང་། །དགའ་དང་སྤྲོ་བའི་རྩོལ་བས་རབ་སྦྱར་བའི། །བསང་མཆོད་གདུག་སྤོས་ཟས་མཆོག་རྒྱ་ཆེན་པོས། །འདིར་ཚོགས་འབྱུང་པོ་མ་ལུས་ཚིམས་གྱུར་ཅིག །དེ་ཡི་མཐུ་ལས་བདག་ཅག་འཁོར་བཅས་ཀྱི། །མི་ནོར་ཕྱུགས་རྣམས་གོད་ཁ་ཡོངས་ལས་གྲོལ། །འབྱོར་པ་ཕུན་སུམ་ཚོགས་པ་འཕེལ་ཞིང་རྒྱས། །བསམ་དོན་ཆོས་བཞིན་འགྲུབ་པའི་དངོས་གྲུབ་སྩོལ། །ཞེས་གར་དབང་རྡོ་རྗེ་འཆང་གི་ངོ་བོ་ཐམས་ཅད་མཁྱེན་པ་དཔལ་དཀོན་མཆོག་ཤཱཀྱ་མཆོག་གི་གཙོ་བོའི་འབངས་རབ་ཏུ་ཚེས་པའི་ཞལ་སྔ་ནས་གསུངས་པའོ། །ཨོཾ་ཨཱཿཧཱུྃ། ཕྱི་སྣོད་ཀྱི་འཇིག་རྟེན་དྲི་མ་བསང་། །ཞིང་པདྨ་འོད་ཀྱི་རྣམ་པར་གྱུར། །ནང་བཅུད་ཀྱི་འགྲོ་བའི་དྲི་མ་བསང་། །ལུས་འཇའ་ལུས་རྡོ་རྗེ་ལྟ་བུར་གྱུར། །རྫས་འདོད་རྒུའི་ལོངས་སྤྱོད་དྲི་མ་བསང་། །ཡིད་བསམ་པ་གང་འདོད་བདུད་རྩིར་གྱུར། །དེ་ཡར་ལྷ་དཀོན་མཆོག་སྐྱབས་

― KMC022_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་མཆོད། །སྐྱབས་ཐུགས་རྗེས་འགྲོ་དྲུག་ཡོངས་ལ་ཁྱབ། །དགོས་འདིར་ཚོགས་བསམ་དོན་ཆོས་བཞིན་འགྲུབ། །དཔལ་བཀྲ་ཤིས་ཟླ་རྒྱས་ཡར་གྱི་ངོ་། །གནས་ཁམས་གསུམ་ཡོངས་ལ་ཁྱབ་པར་ཤོག །ཅེས་པ་འདིའང་རྗེ་དགུ་པས་མཛད་པའོ། །འདིར་གདན་ས་གོང་འོག་གི་ཕྱག་སྲོལ་ལས་འབྱུང་བའི་མགྲོན་ཐབས་ཀྱི་སྲུང་མ། །གཞི་གནས་ཀྱི་བདག་པོ་རྣམས་ཀྱི་བསང་མཆོད་དང་། གཞན་ཡང་རང་རང་གི་ཡུལ་ལྷའི་བསང་མཆོད་དམིགས་བསལ་བ་བགྱི་པར་འདོད་པ་རྣམས་འདིར་སྦྱར་རོ།། །།དེ་ནས་བརྔན་བྱ་བ་ནི། བརྔན་གཏོར་བཅའ་ཐབས་གཞན་ནས་འབྱུང་བ་ལྟར་མཛེས་པར་བྱས་པ་ལ་ཆབ་དང་། བདུད་རྩིས་བྲན། ཕྱེ་མར་སོགས་ཅི་འབྱོར་བའི་མཆོད་པ་བསང་ཁང་ལ་འབུལ་བ་ཞིང་། རྒྱས་པར་སྔགས་དྲུག་ཕྱག་དྲུག་གམ། བསྡུ་ན་གོང་དུ་མཆོད་པ་བྱིན་བརླབ་སོང་བ་དེས་ཆོག་མོད། སྤྲོ་ན་སློབ་དཔོན་པདྨས་མཛད་པའི་བརྔན་བྱིན་བརླབ་ནི། ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་བྷྲུཾ་ཡིག་ཡོངས་སུ་གྱུར། །རིན་ཆེན་རི་རབ་བང་རིམ་བཞི་དང་ལྡན། །ཤར་ཕྱོགས་ཤེལ་ལ་ལྷོ་ཕྱོགས་བཻ་ཌཱུརྱ། །ནུབ་ཕྱོགས་རཱ་ག་བྱང་ཕྱོགས་གསེར་ལས་གྲུབ། །

― KMC022_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡི་དབུས་སུ་ཁཾ་ཡིག་ཡོངས་སུ་གྱུར། །འདོད་ཡོན་ཞལ་ཟས་དྭངས་ཤིང་ཐོགས་པ་མེད། །མཁོ་རྒུའི་ལོངས་སྤྱོད་འདོད་རྒུའི་དཔལ་འབྱོར་ལྡན། །དཔག་བསམ་ཤིང་ལྟར་འདོད་ཡོན་ཆར་འབེབས་གྱུར། །རི་རབ་དེ་ཡི་ཕྱོགས་བཞི་མཚམས་རྣམས་སུ། །ཏི་ཡིག་རེ་རེ་ཡོངས་སུ་གྱུར་པ་ལས། །གཟུགས་འགྲོས་རིན་ཆེན་ལྔ་ལས་གྲུབ་པ་ཡི། །ཁུ་བྱུག་ཤང་ཤང་རྨ་བྱ་ནཻ་ཙོ་དང་། །བྱ་རྒོད་ཁྲུང་ཁྲུང་ངང་པ་དཀར་སེར་སོགས། །བྱ་ནག་གསེར་མིག་ལྕགས་ཀྱི་བྱ་ཁྲ་དང་། །གནམ་ལ་འཕུར་བའི་འདབ་ཆགས་སྣ་ཚོགས་རྣམས། །འཕུར་འཇུམ་ལྡིང་གསུམ་རྩེ་བའི་ཉམས་དང་ལྡན། །སེང་གེ་དར་མ་སྟག་གཟིག་དོམ་དྲེད་དང་། །ཁྱི་ནག་ལྕགས་སྤྱང་ཕག་རྒོད་སྲེ་མོང་དང་། །སྡེར་ཆགས་རྣམས་ཀྱང་ངར་སྐད་ཁྲོ་ལོ་ལོ། །གླང་ཆེན་སྟོབས་ལྡན་གཡག་ལུག་ར་གསུམ་དང་། །མཛོ་འབྲི་བ་གླང་ངུར་གདང་ཆེམས་སེ་ཆེམ། །རྟ་མཆོག་རྒྱལ་པོ་དྲིལ་དང་བོང་བུ་དང་། །

― KMC022_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

རྨིག་ཟླུམ་རྣམས་ཀྱང་མཚེར་སྐད་ལྷངས་སེ་ལྷང་། །གསེར་རྟ་དུང་ལུག་ཤེལ་ར་གཡུ་འབྲི་རྣམས། །མཛེས་སྡུག་ཡིད་འོང་རྫུ་འཕྲུལ་བསམ་མི་ཁྱབ། །ཤ་བ་རྣ་བ་དགོ་བ་འབྲོང་རྐྱང་གཙོད། །བསྭེ་ཉན་སྤྲེའུ་བྱི་བ་སྔོན་པོ་དང་། །རི་དྭགས་རྣམས་ཀྱང་རྩེ་ཀྱུ་སྤྲིངས་སེ་སྤྲིང་། །ཆུ་སྲིན་རྒྱལ་པོ་གསེར་ཉ་དུང་དང་སྦལ། །བིར་སྤྲུལ་ཆུ་གནས་སྣ་ཚོགས་རྐྱལ་དང་འཕྱོ། །གཟུགས་འགྲོ་སྣ་ཚོགས་ཡིད་འོང་དེ་དག་ཀྱང་། །དབང་པོ་དྲུག་གི་སྒོ་རྣམས་ཚང་བ་དང་། །རྭ་ལ་རིན་ཆེན་ལྔ་ཡི་འོད་ཟེར་འཕྲོ། །མིག་གཉིས་ཉི་ཟླ་ཡིད་དུ་འོང་བའི་གཟུགས། །སྤུ་ལས་རིན་ཆེན་སྣ་ཚོགས་ཆར་འབེབས་ཤིང་། །རྨིག་བཞི་རྫུ་འཕྲུལ་རྐང་པ་བཞི་དང་ལྡན། །རྔ་མ་སྤྲིན་ཕུང་བདུད་རྩིའི་ཆར་རྒྱུན་འབེབས། །བརྔན་པའི་ཡོ་བྱད་སོ་སོའི་བཤོས་བུ་དང་། །སྦ་སྨྱུག་ཤིང་རྩི་རྣམས་ཀྱང་ལྡེམས་སེ་ལྡེམ། །བལ་ཚོན་སྣ་ལྔའི་སྤྲིན་ཕུང་ཐིབས་སེ་ཐིབ། །དར་ཚོན་སྣ་ལྔའི་འཇའ་ཚོན་ཁྱུགས་སེ་ཁྱུག །སྨན་

― KMC022_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བདུད་རྩིའི་ངད་པ་ཆི་ལི་ལི། །འདོད་ཡོན་བསང་གི་དུད་པ་སྤྲིན་ལྟར་གཏིབས། །དེ་འདྲའི་དམ་རྫས་མཆོད་སྤྲིན་མང་པོ་ཡིས། །རྩ་གསུམ་དཀྱིལ་འཁོར་ལྷ་ལ་དགྱེས་མཆོད་འབུལ། །ལྷ་བསྲུང་གཉན་པོ་རྣམས་ཀྱང་སོ་སོར་བརྔན། །འབྱུང་པོ་ལན་ཆགས་ཐམས་ཅད་སོ་སོར་འཇལ། །བསྔོས་བཞིན་ཐོབས་ནས་དགའ་མགུ་རངས་པ་དང་། །རྣམ་པ་ཀུན་ཏུ་དགེ་བའ་སྡོང་གྲོགས་མཛོད། །དཀོན་མཆོག་རྣམས་ཀྱིས་བྱིན་རླབས་དངོས་གྲུབ་སྩོལ། །ཅེས་བྱིན་གྱིས་བརླབ་ནས། ཧཱུྃ། བསྟན་པ་འདི་ལ་ངོ་མཚར་རྨད་བྱུང་བའི། །འཇིག་རྟེན་དབང་སྒྱུར་པདྨ་རྒྱལ་པོ་ནི། །རིགས་ནི་ཨོ་རྒྱན་རྒྱལ་པོའི་སྲས་སུ་འཁྲུངས། །ཟ་ཧོར་ཡུལ་དུ་སྒྲོ་འདོགས་ཐམས་ཅད་བཅད། །བསིལ་བ་ཚལ་དུ་དངོས་གྲུབ་རྣམ་གཉིས་བརྙེས། །ཁ་བ་ཅན་དུ་གདུག་པ་ཅན་རྣམས་བཏུལ། །བོད་ཡུལ་དབུས་སུ་བསྟན་པའི་རྒྱལ་མཚན་བཙུགས། །ལྷོ་ནུབ་མཚམས་སུ་སྲིན་པོའི་ཁ་གནོན་

― KMC022_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད། །མྱ་ངན་མི་འདའ་འགྲོ་བའི་གཉེན་གཅིག་པུ། །སྐུ་གསུམ་ཆེ་མཆོག་བཛྲ་ཧེ་རུ་ཀ །མཉམ་མེད་བླ་མ་མཆོག་ནི་དུས་འདིར་དྲན། །པདྨ་རྒྱལ་པོ་ཁྱོད་ལ་ཕྱག་འཚལ་བསྟོད། །ཧཱུྃ། བླ་མ་ཡི་དམ་དཀོན་མཆོག་གསུམ། །སངས་རྒྱས་ཆོས་དང་དགེ་འདུན་དང་། །ཞི་རྒྱས་དབང་དང་མངོན་སྤྱོད་ལྷ། །ཕྱི་ནང་སྲུང་མའི་ཚོགས་རྣམས་དང་། །གསང་སྔགས་རིག་སྔགས་ལྷ་རྣམས་དང་། །འདས་དང་མ་བྱོན་ད་ལྟར་གྱི། །ལྷ་དང་སྲུང་མ་དམ་ཚིག་ཅན། །མ་མོ་མཁའ་འགྲོ་ཤུགས་འགྲོ་དང་། །འཇིག་རྟེན་གནས་འདིར་མཆོག་གྱུར་པའི། །སྒྲུབ་གནས་བྱིན་ཆེན་ཐམས་ཅད་དང་། །དགེ་བསྙེན་ཆེན་པོ་བྱིན་རླབས་ཅན། །འཁོར་དུ་གཏོགས་པའི་སྡེ་བརྒྱད་པོ། །སྟོང་གསུམ་ཁྱབ་པའི་མཐུ་རྩལ་ཅན། །སྟོན་པའི་བསྟན་པ་བསྲུང་བ་དང་། །སྒྲུབ་པའི་སྟོང་གྲོགས་བྱེད་པ་དང་། །མི་མཐུན་བར་ཆད་སེལ་བ་དང་། །དགྲ་དང་བགེགས་རྣམས་གཞོམ་པ་དང་། །རྣལ་འབྱོར་

― KMC022_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་བཅོལ་བ་དང་། །ཡོན་བདག་འགལ་རྐྱེན་བསལ་བའི་ཕྱིར། །བླ་མ་ཡིད་དམ་དཀོན་མཆོག་གསུམ། །ཆོས་སྐྱོང་མཁའ་འགྲོ་མཆོད་པ་དང་། །དགེ་བསྙེན་ཐམས་ཅད་བརྔན་པའི་ཕྱིར། །འདིར་གཤེགས་བཤམས་པའི་མཆོད་པ་བཞེས། །བསྟན་པ་དར་ཞིང་རྒྱས་པར་མཛོད། །ཀུན་ཀྱང་བཤད་པའི་ཆོས་ལ་ཉོན། ཧཱུྃ། མ་ལུས་སེམས་ཅན་ཀུན་གྱི་མགོན། །རྒྱལ་བ་ཤཱཀྱ་ཐུབ་པ་ལ། །ཕྱག་འཚལ་མཆོད་པ་སྣ་ཚོགས་འབུལ། །བཅོམ་ལྡན་རྒྱལ་བ་རིགས་ལྔ་ལ། །ཕྱག་འཚལ་མཆོད་པ་སྣ་ཚོགས་འབུལ། །རིགས་ཀྱི་ཡུམ་ཆེན་ལྔ་པོ་ལ། །ཕྱག་འཚལ་མཆོད་པ་སྣ་ཚོགས་འབུལ། །ཕྱོགས་བཅུའི་སངས་རྒྱས་ཐམས་ཅད་ལ། །དུས་གསུམ་མཆོག་གི་མཆོད་པ་འབུལ། །དཔལ་ཆེན་འཁོར་བཅས་ཚོགས་ཀྱིས་མཆོད། །འཕགས་པ་འོད་སྲུང་ལ་སོགས་པའི། །ཉན་ཐོས་ཆེན་པོ་མཆོག་བརྒྱད་ལ། །ཕྱག་འཚལ་མཆོད་པ་སྣ་ཚོགས་འབུལ། །བྷ་ར་དྷ་

― KMC022_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

ཛ་ལ་སོགས་པའི། །གནས་བརྟན་ཆེན་པོ་བཅུ་དྲུག་ལ། །ཕྱག་འཚལ་མཆོད་པ་སྣ་ཚོགས་འབུལ། །ནམ་མཁའི་སྙིང་པོ་ལ་སོགས་པའི། །བྱང་ཆུབ་སེམས་དཔའ་ཐམས་ཅད་ལ། །ཕྱག་འཚལ་མཆོད་པ་སྣ་ཚོགས་འབུལ། །དྲུག་པ་རྡོ་རྗེ་འཆང་ཆེན་དང་། །རྩ་བ་བརྒྱུད་པའི་བླ་མ་ལ། །ཕྱག་འཚལ་མཆོད་པ་སྣ་ཚོགས་འབུལ། །ཨིནྡྲ་བོ་དྷི་ལ་སོགས་པའི། །རྣལ་འབྱོར་གྲུབ་ཆེན་བརྒྱད་ཅུ་ལ། །ཕྱག་འཚལ་མཆོད་པ་སྣ་ཚོགས་འབུལ། །སློབ་དཔོན་འཕགས་པ་ཀླུ་སྒྲུབ་དང་། །གྲུབ་ཆེན་བརྒྱད་པོ་ཐམས་ཅད་ལ། །ཕྱག་འཚལ་བསང་དང་མཆོད་པ་འབུལ། །བདེ་མཆོག་དགྱེས་རྡོར་གསང་འདུས་དང་། །གདན་བཞི་མ་ཧཱ་མ་ལ་དང་། །གཤིན་རྗེ་གཤེད་དང་དགྲ་ནག་དང་། །འཇིགས་བྱེད་ཕུར་པའི་ལྷ་ཚོགས་སོགས། །རྒྱུད་སྡེ་བཞི་ཡི་ལྷ་ཚོགས་ལ། །ཕྱག་འཚལ་བསང་དང་མཆོད་པ་འབུལ། །ནུབ་ཕྱོགས་ཨོ་རྒྱན་གནས་མཆོག་ནས། །མ་སྲིང་མཁའ་འགྲོ་རྒྱ་མཚོ་ལ། །

― KMC022_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་བསང་དང་མཆོད་པ་འབུལ། །གནས་མཆོག་ཉི་ཤུ་རྩ་བཞི་ཡི། །དཔའ་བོ་དཔའ་མོ་ཐམས་ཅད་ལ། །ཕྱག་འཚལ་བསང་དང་མཆོད་པ་འབུལ། །སློབ་དཔོན་པདྨ་རྒྱལ་པོ་དང་། །རྒྱ་གར་ནུབ་ཕྱོགས་ཐམས་ཅད་ལ། །ཕྱག་འཚལ་བསང་དང་མཆོད་པ་འབུལ། །ན་བཟའ་ལྷབ་ལྷུབ་དར་དང་ནི། །རྒྱན་ཆའི་མཆོད་པ་སྣ་ཚོགས་ཀྱིས། །ལྷ་ཡི་དབང་པོ་བརྒྱ་བྱིན་བརྔན། །ཚངས་པ་གསེར་གྱི་ཕྱེ་མས་བརྔན། །རྒྱལ་ཆེན་སྡེ་བཞི་སྟག་གིས་བརྔན། །ཤེལ་སྒོང་ནག་པོ་སྤྱི་དཀར་དང་། །ཤ་ཁྲག་དམར་གྱི་གཏོར་མ་ཡིས། །ལེགས་ལྡན་མགོན་པོ་ནག་པོ་བརྔན། །བདུད་རྩི་ཤ་ཁྲག་གསེར་སྐྱེམས་དང་། །མཁའ་ལྡིང་ནག་མོ་གསེར་མིག་གིས། །དཔལ་ལྡན་ལྷ་མོ་ནག་མོ་བརྔན། །ལྷ་རྣམས་འདོད་ཡོན་ལྔ་ཡིས་བརྔན། །ལྷ་མིན་མེ་ཏོག་ཕྲེང་བས་བརྔན། །ཀླུ་རྣམས་དཀར་གསུམ་གཏོར་མས་བརྔན། །གཉན་རྣམས་དར་དང་སྟག་གིས་བརྔན། །ས་བདག་

― KMC022_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་དང་དངུལ་གྱིས་བརྔན། །ལྷ་མོ་བརྟན་མ་བུམ་པས་བརྔན། །དྲི་ཟ་དྲི་དང་གསུར་གྱིས་བརྔན། །སྲིན་པོ་ཤ་ཡི་གཏོར་མས་བརྔན། །ལྟོ་འཕྱེ་གྲུལ་བུམ་མིའམ་ཅི། །མཆོད་པ་སྣ་ཚོགས་གཏོར་མས་བརྔན། །པེ་ཧར་སྦ་དང་སྙུག་གིས་བརྔན། །དགེ་བསྙེན་ཤ་དང་ཆང་གིས་བརྔན། །ཡིད་ཀྱི་གཟུགས་ཅན་ཐམས་ཅད་ལ། །ཡིད་དང་མཐུན་པའི་གཏོར་མ་འབུལ། །གོང་ཀའི་བཙན་རྣམས་གོང་ཀར་བརྔན། །དམུ་བདུད་སོ་སོའི་གནས་སུ་བརྔན། །ལན་ཆགས་གཏོར་མས་ལན་ཆགས་བརྔན། །དམ་སྲི་དམ་འདྲེ་དམ་ལ་བཏགས། །རྒྱ་མཚོའི་ནང་གི་ཀླུ་ཆེན་བརྒྱད། །ཀླུ་རྟ་རྒྱན་དང་བཅས་པས་བརྔན། །བར་སྣང་གནས་པའི་གཟའ་ཆེན་བརྒྱད། །ཙ་ར་རོག་པོའི་སྙིང་གིས་བརྔན། །རྒྱུ་སྐར་ཉི་ཤུ་རྩ་བརྒྱད་དང་། །བློན་པོ་སུམ་ཅུ་སོ་བདུན་ནི། །རིན་ཆེན་དངུལ་གྱི་ཕྱེ་མས་བརྔན། །འཕྲོག་མ་མ་བུ་ལྔ་བརྒྱ་ཡང་། །ལྔ་བཅངས་ལན་ཆགས་གཏོར་མས་བརྔན། །རིགས་

― KMC022_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྲུང་མ་ཐམས་ཅད་ལ། །སོ་སོར་མོས་པའི་གཏོར་མས་བརྔན། །སྒོ་བཞིའི་སྲུང་མ་དོང་ཙེས་བརྔན། །ལྷ་སྲུང་གཉན་པོ་ཁྱེད་རྣམས་ཀྱིས། །བསམ་པ་སྒྲུབས་ལ་རེ་བ་སྐོངས། །བར་དུ་གཅོད་པའི་དགྲ་བགེགས་ཐུལ། །བདག་གི་དགེ་བའི་སྟོང་གྲོགས་མཛོད། །ཧཱུྃ། དུས་གསུམ་སངས་རྒྱས་ཐམས་ཅད་ཀྱིས། །བྱང་ཆུབ་ཐུགས་སུ་ཆུད་པའི་ས། །རྡོ་རྗེ་གདན་གྱི་ས་བདག་བརྔན། །རྒྱ་གར་ཤར་ནུབ་རི་བོ་དང་། །མ་མོ་མཁའ་འགྲོ་འདུ་བའི་ས། །རི་བོ་ཆེན་པོ་ཏ་ལ་ན། །གནས་པའི་ས་བདག་ཀླུ་གཉན་བརྔན། །རྡོ་རྗེ་གདན་གྱི་བྱང་ཕྱོགས་ན། །བྱ་རྒོད་སྤུངས་པའི་རི་དང་ནི། །སྤོས་ངད་ལྡན་པའི་རི་བོ་ལ། །གནས་པའི་ས་བདག་ཀླུ་གཉན་བརྔན། །ཙཱ་རི་ཙཱ་གོང་ལ་སོགས་པར། །གནས་པའི་ས་བདག་ཀླུ་གཉན་བརྔན། །རྒྱ་གར་ཤར་ཕྱོགས་ས་བདག་བརྔན། །བསིལ་བ་ཚལ་གྱི་དུར་ཁྲོད་དང་། །རྔམ་པ་ཡི་ནི་སྒྲ་སྒྲོགས་དང་། །ཧ་ཧ་རྒོད་པ་ལ་སོགས་པའི། །

― KMC022_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

དུར་ཁྲོད་བརྒྱད་ལ་གནས་པ་བརྔན། །བདག་གི་དགེ་བའི་སྟོང་གྲོགས་མཛོད། །བལ་ཡུལ་གསེར་ཕུག་ལ་སོགས་པའི། །བལ་པོའི་ས་བདག་ཀླུ་རྣམས་བརྔན། །ཏི་སེ་གངས་ལ་སོགས་པ་ཡི། །རྗེ་ཡི་མགུར་ལྷ་བཅུ་གསུམ་བརྔན། །མ་ཕམ་གཡུ་མཚོ་ལ་སོགས་པའི། །མཚོ་ལ་གནས་པའི་ཀླུ་རྣམས་བརྔན། །རི་བོ་གནྡྷ་ལ་སོགས་པའི། །མངའ་རི་སྐོར་གསུམ་ས་བདག་བརྔན། །ལྕང་ར་སྨག་པོ་ལ་སོགས་པའི། །ལི་ཡུལ་ས་བདག་ཀླུ་གཉན་བརྔན། ཧཱུྃ། །ཡུལ་ནི་རྡོ་རྗེ་བྲག་དམར་གྱི། །སྲིང་གཅིག་ཤ་མེད་གངས་དཀར་མ། །ཆིབས་སུ་དྲེལ་རྟ་རྐང་གསུམ་ཆིབས། །བཤོས་བུ་སྙིང་དང་གཏོར་མས་བརྔན། །ཡུལ་ནི་རྨ་ཆེན་སྤོམ་ར་ཡི། །སྲིང་གཅིག་ཁ་རག་ཁྱུང་བཙུན་མ། །ཆིབས་སུ་གྱི་ལིང་ཁ་དཀར་ཆིབས། །བཤོས་བུ་སྙིང་དང་གཏོར༴ ཡུལ་ནི་མ་ཧཱ་དེ་ཝཱ་ཡི། །སྲིང་གཅིག་རྡོ་རྗེ་ཀུན་གྲགས་མ། །ཆིབས་སུ་ཆུ་གླང་སྔོན་པོ་ཆིབས། །བཤོས་བུ་སྙིང་དང་གཏོར་མས་བརྔན། །

― KMC022_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ནི་དབུ་རུ་སྙིང་ཚལ་གྱི། །སྲིང་གཅིག་རྡོ་རྗེ་གཡུ་སྒྲོན་མ། །ཆིབས་སུ་ཆུ་རྟ་སྔོན་པོ་ཆིབས། །བཤོས་བུ་སྙིང་དང་གཏོར་མས༴ ཡུལ་ནི་ལྷོ་ཕུག་དེ་སྙིང་ན། །སྲིང་གཅིག་སྐྱི་མཐིང་ཡ་མ་སྐྱོང་། །ཆིབས་སུ་གསེར་ཤ་ཡུ་མོ་ཆིབས། །བཤོས་བུ་སྙིང་དང་གཏོར་མས་བརྔན། །ཡུལ་ནི་ཡན་ཤིང་དེ་གྲོངས་ན། །སྲིང་གཅིག་ཨུག་ཆོས་གཡར་མོ་བསིལ། །ཆིབས་སུ་རུས་སྦལ་མགོ་དགུ་ཆིབས། །བཤོས་བུ་སྙིང་དང་༴ ཡུལ་ནི་བལ་ཡུལ་གསེར་ཕུག་ན། །ཨེ་ཀ་ཛཱ་ཌི་རལ་གཅིག་མ། །ཆིབས་སུ་གཡུ་འབྲུག་སྔོན་མོ་བཅིབས། །བཤོས་བུ་སྙིང་དང་༴ ཡུལ་ནི་ན་ལེ་ཤིང་ལེ་ན། །བཙན་ལ་རོལ་པའི་སྨན་གཅིག་མ། །ཆིབས་སུ་གཟིག་ཆེན་ཐིག་ལེ་ཆིབས། །བཤོས་བུ་སྙིང་དང་གཏོར༴ ཡུལ་ནི་ཀོང་ཡུལ་སྒོང་ཕུག་ན། །གངས་ཀྱི་ཡུམ་ཆེན་གཡུ་བུན་མ། །ཆིབས་སུ་སྟག་མོ་རི་བཀྲ་བཅིབས། །བཤོས་བུ་སྙིང་དང་༴ ཡུལ་ནི་མང་ཡུལ་རྐྟི་ན། །ཆེ་ཞེ་གཙུག་འཆང་འོད་

― KMC022_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་མ། །ཆིབས་སུ་འབྲོང་ཆེན་དར་མ་བཅིབས། །བཤོས་བུ་སྙིང་དང་༴ ཡུལ་ནི་དབུ་རུ་སྙིང་པོ་ཡི། །བྱང་གི་སྨན་བཙུན་ཏེང་མོ་བཙུན། །ཆིབས་སུ་འབྲོང་ཆེན་འགྱིང་བ་བཅིབས། །བཤོས་བུ་སྙིང་དང་༴ ཡུལ་ནི་གནུབ་ཡུལ་དགོན་ཚལ་གྱི། །བརྔོ་ལྷ་བཙན་པོ་གདུག་པ་འདུལ། །ཆིབས་སུ་དོམ་བུ་སྙིང་དཀར་བཅིབས། །བཤོས་བུ་སྙིང་དང་གཏོར་མས་བརྔན། །ཁ་རག་ཁྱུང་བཙུན་ལ་སོགས་པའི། །གཙང་གི་ས་བདག་ཀླུ་གཉན་བརྔན། །གཉན་ཆེན་ཐང་ལྷ་ཡར་ཞུར་དང་། །བར་ལྷ་བཙད་པོ་ལ་སོགས་པའི། །དབུ་རུ་ཉིན་སྲིབ་ས་བདག་བརྔན། །ཡར་ལྷ་ཤམ་པོ་ལ་སོགས་པའི། །ཡར་ཀླུང་ས་བདག་ཐམས་ཅད་བརྔན། །ཡར་འབྲོག་གཡུ་མཚོ་ཕྱུག་མོ་བརྔན། །བྱང་གི་གནམ་མཚོ་ཕྱུག་མོ་བརྔན། །གཙང་གི་ལྷ་རྒོད་མདུང་རྩེ་བརྔན། །འོ་དེ་གུང་རྒྱལ་ལ་སོགས་པའི། །མྱང་པོའི་ས་བདག་ཐམས་ཅད་བརྔན། །སྒམ་པོ་དཔལ་རི་ལ་སོགས་པའི། །དྭགས་

― KMC022_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ས་བདག་ཐམས་ཅད་བརྔན། །ཀོང་བཙུན་དེ་མོ་ལ་སོགས་པའི། །ཀོང་ཡུལ་ས་བདག་ཐམས་ཅད་བརྔན། །སོག་གི་དགེ་བསྙེན་ལ་སོགས་པའི། །ནགས་ཤོད་ཆུ་རྒྱུད་དགེ་བསྙེན་བརྔན། །རོང་ལྷ་དེ་ནི་རྒྱལ་མཚན་དང་། །མོ་ནམ་མཆེད་བརྒྱད་འོད་ཕྲོམ་དང་། །རོང་བཙན་ཁ་བ་དཀར་པོ་དང་། །དམག་དཔོན་དགྲ་འདུལ་དབང་ཕྱུག་སོགས། །ཚ་བ་སྒང་གི་ས་བདག་བརྔན། །རྡོ་རྗེ་དཔལ་བརྩེགས་ལ་སོགས་པའི། །སྤོ་འབོར་སྒང་གི་ས་བདག་བརྔན། །གཟེ་ཡི་དམག་དཔོན་གྭ་བ་དང་། །ལྕི་ཡི་བྲག་ལ་མདའ་ཟུག་དང་། །ཟླ་སྙིང་དཀར་ནག་སུམ་མདོ་ཡི། །ས་བདག་ཀླུ་གཉན་ཐམས་ཅད་བརྔན། །རྩི་ཡི་བང་སྒོད་མདུང་རྩེ་དང་། །རྡོ་ཏི་གངས་དཀར་མཆེད་བརྒྱད་དང་། །རྫ་ཡི་ས་བདག་ཀླུ་གཉན་བརྔན། །ཟླ་ཁྲ་ལྡོང་སྙིང་མི་འགྱུར་དང་། །གེར་མཛོ་རི་བོ་དབང་ཞུ་དང་། །མི་མགོན་དཀར་པོ་ལ་སོགས་པའི། །སྨར་ཁམས་སྒང་གི་ས་བདག་བརྔན། །

― KMC022_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཡི་དགེ་བསྙེན་ཆེན་པོ་སྟེ། །སྒྱོགས་ཆེན་གདོང་ར་ལ་སོགས་པའི། །འབྲི་ཀླུང་ཉིན་སྲིབ་ས་བདག་བརྔན། །ཀྱཻ། ཤར་གྱི་རྨ་ཆེན་སྤོམ་ར་ནི། །མཆེད་ཟླ་སུམ་བརྒྱ་དྲུག་ཅུ་དང་། །སྲིང་ལྕམ་བཞི་བཅུ་ཞེ་ལྔ་དང་། །རྨ་ཉིན་སྲིབ་ས་བདག་ཀླུ་གཉན་བརྔན། །བེ་རི་ཡི་ནི་དུག་མཚོ་དང་། །སྟོང་རི་ཡི་ནི་མཚོ་ནག་དང་། །དྭ་འུའི་ཚྭ་མཚོ་དཀར་མོ་དང་། །ཁྲི་ཤོད་རྒྱལ་མོའི་མཚོ་དང་ནི། །ཙོང་ཁ་ཡི་ནི་མཚོ་སྔོན་དང་། །མཚོ་སྨན་ཕྱུག་མོ་སྤུན་ལྔ་བརྔན། །བསྐྱེད་རི་གཉན་པོ་ལ་སོགས་པའི། །ཙོང་ཁ་ཉིན་སྲིབ་ས་བདག་བརྔན། །ཨཱཉྫ་རི་དང་ཧ་ལ་ཤན། །གྷ་དང་བྱང་ངོས་ས་བདག་བརྔན། །རྨ་ལུང་དན་ཏིག་དགོན་པ་ཡི། །གཞོན་ནུ་ཀཱརྟི་ཡཱ་བརྔན། །ཞོ་ཤ་ལྷ་པོ་ཆེ་ལ་སོགས། །དབྱར་མོ་ཐང་གི་ས་བདག་བརྔན། །རྩི་ཡི་བང་རྒོད་མཐོན་པོ་དང་། །པོ་ཏི་བྲག་དམར་སྒང་རྒྱད་བརྔན། །ཡོད་ཤིང་ཤེལ་ལུང་ཕྱུག་མོ་དང་། །ཁྲི་ཁ་གཡག་ལུང་རལ་གསུམ་བརྔན། །རྨ་ཁྲི་རལ་

― KMC022_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ས་བདག་བརྔན། །སྐུ་བེར་ཞང་གསུམ་ས་བདག་བརྔན། །གཉན་གོང་གཉན་དམར་ས་བདག་བརྔན། །བྲག་དམར་བྱ་རྒོད་ལ་སོགས་པའི། །ཐེབ་ཆུ་ཉིན་སྲིབ་ས་བདག་བརྔན། །ལྷ་སྲིན་མ་མོ་བྱེ་བའི་ཡུལ། །འོ་དེ་རལ་གསུམ་ས་བདག་བརྔན། །ཤིན་ཏུ་ཁྲོ་གཏུམ་ཆེ་བའི་ཡུལ། །རྒྱལ་མོ་རོང་གི་ས་བདག་བརྔན། །འཇང་རི་སྨུག་པོ་ལ་སོགས་པའི། །འཇང་ཡུལ་ས་བདག་ཀླུ་གཉན་བརྔན། །ཤར་ཀྱི་ཕྱོགས་ཀྱི་འོ་དེ་ཤན། །རི་བོ་རྩེ་ལྔ་ལ་སོགས་པའི། །རྒྱ་ནག་ས་བདག་ཀླུ་གཉན་བརྔན། །སྐམ་དང་གཤེར་ལ་གནས་པ་ཡི། །ས་བདག་ཀླུ་གཉན་ཐམས་ཅད་བརྔན། །ཤིང་ལ་གནས་པའི་གཉན་རྣམས་བརྔན། །ས་ལ་གནས་པའི་ས་བདག་བརྔན། །ཆུ་ལ་གནས་པའི་ཀླུ་རྣམས་བརྔན། །རྡོ་ལ་གནས་པའི་གཏོད་རྣམས་བརྔན། །ལམ་ལ་གནས་པའི་བཙན་རྣམས་བརྔན། །ཁྱེད་རྣམས་ཁ་རྗེ་དབང་ཐང་ཆེ། །མཐུ་དང་ནུས་པ་སོ་སོར་ཆེ། །བསང་

― KMC022_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཆོད་པ་བྱས་པ་ཡི། །མཉེས་ཤིང་དགྱེས་གྱུར་དགའ་བ་དང་། །མགུ་ཞིང་བསམ་པ་རངས་པ་དང་། །བྱང་ཆུབ་སེམས་མཆོག་རིན་པོ་ཆེ། །གཉིས་མེད་ཡེ་ཤེས་ཐོབ་པར་ཤོག །བསང་དང་མཆོད་བརྔན་བྱས་པའི་མཐུས། །མི་གཙང་ཉམས་གྲིབ་ལ་སོགས་པའི། །མཛེ་གྲིབ་དམེ་གྲིབ་གཤིན་གྲིབ་དང་། །གྲིབ་དང་མི་གཙང་སངས་གྱུར་ཅིག །མི་ལ་ན་ཚ་མ་བཏང་ཞིག །ཕྱུགས་ལ་གོད་ཁ་མ་བཏང་ཞིག །ཞིང་ལ་བཙའ་སད་སེར་གསུམ་མ་བཏང་ཞིག །བདག་ཅག་དཔོན་སློབ་འཁོར་བཅས་རྣམས། །མདུན་ནས་བསུས་ལ་རྒྱབ་ནས་སྐྱོལ། །ལེགས་ཁ་ཟུངས་ལ་རྒྱལ་ཁ་སྟོང་། །མཐུན་པའི་སྟོངས་གྲོགས་རྒྱབ་བརྟེན་མཛོད། །ནད་ཡམས་འཁྲུགས་རྩོད་ཀུན་ཞི་ནས། །འགྲོ་བ་བདེ་ལ་འགོད་པར་ཤོག །ས་ཆུ་མེ་རླུང་ལ་སོགས་པའི། །འབྱུང་བའི་གནོད་པ་ཞི་བར་མཛོད། །ཞི་བ་ཀུ་རུ་སྭཱ་ཧཱ། དེ་ལྟར་སློབ་དཔོན་སངས་རྒྱས་གཉིས་པ་པདྨ་ཀཱ་རས་བསམ་ཡས་ས་འདུལ་གྱི་དོན་དུ་མཛད་པའི་རྒྱགས་བརྔན་

― KMC022_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་མོ་ཕན་ཡོན་བསམ་ལས་འདས་པ་འདི་ཉིད་ཟུར་མཁར་རྡོའི་མཆོད་རྟེན་སོགས་སུ་སྦ་བར་མཛད་པ། རྒྱལ་སྲས་ལེགས་པ་སོགས་ཀྱི་གཏེར་སྙིང་ལས་འབྱུང་བའོ། །དེ་ནས་བརྔན་གཏོར་བཏེགས་ལ་འདི་སྐད་དོ།། ཧཱུྃ། སྔོན་གྱི་བསྐལ་པའི་དང་པོ་ལ། །སློབ་དཔོན་པདྨ་འབྱུང་གནས་ཀྱི། །དམ་ལ་བཏགས་པའི་ལྷ་འདྲེ་རྣམས། །ཐམས་ཅད་འདིར་བྱོན་བདག་ལ་དགོངས། །ང་སློབ་དཔོན་དེ་ཡི་རིག་འཛིན་ཡིན། །ཁྱོད་དམ་ལ་བཏགས་པའི་ལྷ་འདྲེ་ཡིན། །བརྔན་གྱི་དམ་རྫས་འདི་བཞེས་ལ། །བཀའ་དང་དམ་ལས་མ་འདའ་ཞིག །ཀྱཻ། ཤེལ་ཚིག་ཁྲི་དཀར་སྟོང་ནག་འདི། །དཀར་མོ་གཡང་མོའི་ལུག་བརྒྱ་འབུལ། །ཁྲ་བོ་ཅང་ཤེས་རྟ་བརྒྱ་འབུལ། །ཁམ་པ་འགྱིང་པའི་གཡག་བརྒྱ་འབུལ། །དཀར་གཏོར་དམར་གཏོར་ཚོགས་ནི་སྤུངས་སེ་སྤུང་། །འབྲང་རྒྱས་ཞལ་དཀར་རི་ལྟར་ཟངས་སེ་ཟང་། །འབྲི་གཡག་རྣམས་ཀྱང་དུར་སྒྲ་ཆེམས་སེ་ཆེམ། །ར་ལུག་རྣམས་ནི་འབའ་སྒྲ་དི་རི་རི། །སྙན་བྱ་རྣམས་ཀྱང་གསུང་སྙན་ཀྱུ་རུ་

― KMC022_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

རུ། །མཛོ་གཡག་རྣམས་ཀྱང་ངུར་དང་ཟངས་སེ་ཟང་། །ཅང་ཤེས་རྣམས་ཀྱང་རྨིག་བཞི་ཁྲ་ལ་ལ། །བ་གླང་རྣམས་ཀྱང་དུར་སྒྲ་དི་རི་རི། །ལྟོ་འཕྱེ་རྣམས་ཀྱང་གྱད་འགྲོས་ཡ་ལ་ལ། །བོང་དྲེལ་རྣམས་ཀྱང་མདུང་དང་ཟངས་སེ་ཟང་། །སྒོ་ཁྱི་རྣམས་ཀྱང་འཁང་ཟུག་དི་རི་རི། །ཕག་རྒོད་རྣམས་ནི་ངུར་གདང་ཆེམས་སེ་ཆེམ། །འདབ་ཆགས་རྣམས་ཀྱང་འཕུར་དང་ལྷགས་སེ་ལྷག །རི་དྭགས་རྣམས་ཀྱང་རྩེ་ཀྱུ་སྤྲིངས་སེ་སྤྲིང་། །གཅན་གཟན་རྣམས་ཀྱང་ངར་སྐད་ཆེམས་སེ་ཆེམ། །ཉ་སྦལ་རྣམས་ཀྱང་རྐྱལ་དང་ཕྱ་ལ་ལ། །བསང་གི་དུད་པ་སྤྲིན་ལྟར་ཐིབས་སེ་ཐིབ། །བདུད་རྩི་ཇ་ཆང་མཚོ་ལྟར་ཀྱི་ལི་ལི། །རྩི་ཤིང་སྦ་སྨྱུག་རྣམས་ནི་ལྡེམས་སེ་ལྡེམ། །བལ་ཚོན་རྣམས་ནི་སྤྲིན་ལྟར་ཐིབས་སེ་ཐིབ། །འཇའ་ཚོན་དར་ཚོན་རྣམས་ནི་ཁྱུག་སེ་ཁྱུག །སྟག་རས་གཟིག་རས་རྣམས་ནི་ལྷབས་སེ་ལྷབ། །གསེར་དངུལ་རིན་ཆེན་རྣམས་ནི་ཁྲ་ལ་ལ། །སྨན་གྱི་དྲི་ཞིམ་ངད་ནི་ཆི་ལི་ལི། །

― KMC022_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་ལོངས་སྤྱོད་དཀོར་ནོར་བསམ་མི་ཁྱབ། །དེ་འདྲའི་དམ་རྫས་མང་པོ་ཡིས། །སོ་སོར་བརྔན་པའི་ཡོན་ཏན་གྱིས། །བདག་དང་རྒྱུ་སྦྱོར་ཡོན་བདག་ལ། །བུ་ནོར་ལོངས་སྤྱོད་འཕེལ་བར་མཛོད། །ལྷ་སྲུང་གཉན་པོ་ཁྱེད་རྣམས་ཀྱིས། །བདག་གིས་དགེ་བའི་སྟོང་གྲོགས་མཛོད། །བསམ་པ་སྒྲུབས་ལ་རེ་བ་སྐོངས། །བར་དུ་གཅོད་པའི་དགྲ་བགེགས་ཐུལ། །མི་མཐུན་རྐྱེན་དང་བར་ཆད་སོལ། །ལྷ་བསྲུང་བརྔན་པའི་བྱིན་རླབས་ཀྱིས། །ཅི་བསམ་ཐམས་ཅད་འགྲུབ་པར་ཤོག །ཅེས་པས་གཙང་སར་འབུལ་ལོ། །སློབ་དཔོན་པདྨ་འབྱུང་གནས་ཀྱི་མཛད་པ། །མངའ་བདག་ཉང་རལ་གྱིས་བྲག་སྲིན་མོའི་སྦར་རྗེ་ནས་གདན་དྲངས་པའོ། །ལེགས་ལྡན་དགྲ་བླའི་བསང་མཆོད་རྒྱས་བསྡུས་གང་སྤྲོ་བར་འདོད་པ་འདིར་བྱ། །དེ་ནས་ལམ་ལྷའི་གཏོར་མ་བདུད་རྩིས་བྲན། ཨ་ཀཱ་རོ་ལན་གསུམ་གྱིས་བྱིན་བརླབ་ནས། ཧཱུྃ། བླ་མ་ཡི་དམ་མཁའ་འགྲོ་དང་། །ཡེ་ཤེས་ཆོས་སྐྱོང་སྲུང་མའི་ཚོགས། །བདག་ལ་བྱིན་གྱིས་བརླབ་ཏུ་གསོལ། །བདག་ཅག་རྣལ་འབྱོར་

― KMC022_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བཅས་རྣམས། །ཕྱོགས་བཞི་མཚམས་བརྒྱད་གར་འགྲོ་ཡང་། །འཇིག་རྟེན་ལྷ་ཀླུ་གཞི་བདག་ཚོགས། །རྟག་པར་བདག་གི་ལམ་ལྷ་མཛོད།། ཀྱཻ། སྟེང་གི་ལྷ་རྣམས་ལམ་ལྷ་མཛོད། །འོག་གི་ཀླུ་རྣམས་ལམ་ལྷ་མཛོད། །བར་གྱི་གཉན་རྣམས་ལམ་ལྷ་མཛོད། །དམ་ཅན་སྐུ་མཆེད་སུམ་བརྒྱ་དྲུག་ཅུ་སྟེ། །དཀར་པོ་བརྒྱ་དང་ཉི་ཤུས་ལམ་ལྷ་མཛོད། །ཁྲ་བོ་བརྒྱ་དང་ཉི་ཤུས་ལམ་ལྷ་མཛོད། །ནག་པོ་བརྒྱ་དང་ཉི་ཤུས་ལམ་ལྷ་མཛོད། །དམ་ཅན་སྤྲུལ་པ་འགྱེད་ཙ་ན། །མི་སྡུག་སྤྲུལ་པ་ཁྲི་དང་འབུམ། །ལམ་ལྷ་མཛོད་ལ་སྒྲོན་མེ་ཁྱོགས། །རྣལ་འབྱོར་བདག་གི་ལམ་ལྷ་མཛོད། །སྐུ་ཡི་སྤྲུལ་པ་འགྱེད་ཙ་ན། །མི་དཀར་སྤྲུལ་པ་ཁྲི་དང་འབུམ། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །གསུང་གི་སྤྲུལ་པ་འགྱེད་ཙ་ན། །མི་དམར་སྤྲུལ་པ་ཁྲི་དང་འབུམ། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །

― KMC022_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀྱི་སྤྲུལ་པ་འགྱེད་ཙ་ན། །མི་ནག་སྤྲུལ་པ་ཁྲི་དང་འབུམ། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །ཀྱཻ། བསྟེན་ན་དམ་ཅན་རྒྱང་མ་རིང་། །བསྐུལ་ན་དམ་ཅན་ཕྲག་མ་དོག །རྦད་ན་དམ་ཅན་རྩལ་མ་ཞན། །བོས་ན་དམ་ཅན་སྙན་མ་སྲ། །འབོད་དོ་གཡབ་བོ་དེ་རིང་བྱོན། །སྐུ་མདོག་པདྨ་རཱ་ག་འདྲ། །དམར་པོ་ལྕགས་ཀྱི་འོད་ཟེར་འཕྲོ། །དབུ་ལ་ལྕགས་ཀྱི་རྨོག་ཞུ་གསོལ། །འཇའ་ཚོན་སྣ་ལྔའི་འོད་ཟེར་འཕྲོ། །ཕྱག་གཡས་ལྕགས་ཀྱུ་དམར་པོ་ནི། །སྐྱེ་འགྲོ་ཐམས་ཅད་དབང་དུ་སྡུད། །གཡོན་པས་ར་ཡི་རྒྱལ་མཚན་ཕྱར། །སངས་རྒྱས་བསྟན་པ་རྒྱས་པར་མཛད། །ཆིབས་སུ་སེང་གེ་དཀར་མོ་བཅིབས། །རོལ་དུ་ར་སྐྱེས་ཁམ་པ་ཁྲིད། །ཕྱོགས་སྐྱོང་ལ་སོགས་འཁོར་གྱིས་བསྐོར། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །ལྕགས་ཀྱི་བྱ་ཁྲ་འབུམ་ནི་ཀླད་ན་ལྡིང་། །སྟེང་ཕྱོགས་བསྲུང་བའི་

― KMC022_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ལྷ་ཡིན། །ལྕེ་སྤྱང་འབུམ་ནི་གཡས་ན་རྒྱུག །གཡས་ཕྱོགས་སྲུང་བའི་ལམ་ལྷ་ཡིན། །ཟངས་ཀྱི་འཕར་བ་འབུམ་ནི་གཡོན་ན་རྒྱུག །གཡོན་ཕྱོགས་སྲུང་བའི་ལམ་ལྷ་ཡིན། །ཁྱུང་ཆེན་འབུམ་ནི་རྒྱབ་ན་ལྡིང་། །རྒྱབ་ཕྱོགས་སྲུང་བའི་ལམ་ལྷ་ཡིན། །ཁྱོད་ཀྱི་བཀའ་ཡི་འཁོར་དུ་ནི། །བརྟན་མ་བཅུ་གཉིས་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །དབང་ཕྱུག་ཆེན་པོ་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །མ་མོ་བདུད་མོ་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །སྲིན་མོ་ལ་སོགས་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །འབར་མ་ལ་སོགས་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །ལང་ཀ་དུར་

― KMC022_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོད་བདག་པོ་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །བརྟེན་ཕུར་བརྒྱ་དང་བརྒྱད་པོ་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །འབུམ་ཕྲག་བཞི་ཡི་མཁའ་འགྲོ་མ། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །ཁྱེད་ལ་མཆོད་པ་འབུལ་བ་ནི། །མཛེས་པའི་གཟུགས་སྒྲ་སྣ་ཚོགས་དང་། །སྐྱེ་འགྲོ་ར་སྐྱེས་རྒྱན་ཅན་ནི། །ཁྱེད་ཀྱི་སྐུ་ཡི་རྟེན་དུ་འབུལ། །སྐུ་ཡི་རྒྱུད་རྣམས་ཚིམས་གྱུར་ཅིག །ལམ་ལྷ་མཛོད་ལ་སྒྲོན་མེ་ཁྱོགས། །རྣལ་འབྱོར་བདག་གི་ལམ་ལྷ་མཛོད། །དྲི་ཞིམ་སྤོས་ཀྱི་དུད་པ་དང་། །ཤ་ཁྲག་དམར་གྱི་གཏོར་མ་ནི། །ཁྱེད་ཀྱི་གསུང་གི་རྟེན་དུ་འབུལ། །གསུང་གི་རྒྱུད་རྣམས་ཚིམ་གྱུར་ཅིག །ལམ་ལྷ་མཛོད་ལ་སྒྲོན་མེ་ཁྱོགས། །རྣལ་འབྱོར་བདག་གི་ལམ་ལྷ་མཛོད། །ཤ་ཁྲག་དམར་གྱི་གཏོར་མ་དང་། །དར་ཚོན་སྣ་

― KMC022_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔའི་མཆོད་པ་དང་། །དྲི་བཟང་གསུར་གྱི་དུད་པ་འདི། །ཁྱེད་ཀྱི་ཐུགས་ཀྱི་རྟེན་དུ་འབུལ། །ཐུགས་ཀྱི་རྒྱུད་རྣམས་ཚིམ་གྱུར་ཅིག །ལམ་ལྷ་མཛོད་ལ་སྒྲོན་མེ་ཁྱོགས། །རྣལ་འབྱོར་བདག་གི་ལམ་ལྷ་མཛོད། །ཏི་སེ་གངས་ལ་སོགས་པ་ཡི། །སྟོད་ཀྱི་གཞི་བདག་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོགས། །རྣལ་འབྱོར་བདག་གི་ལམ་ལྷ་མཛོད། །བཞག་ར་ལྷ་རྩེ་ལ་སོགས་པའི། །སྨད་ཀྱི་གཞི་བདག་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོགས། །རྣལ་འབྱོར་བདག་གི་ལམ་ལྷ་མཛོད། །རྨ་ཆེན་སྤོམ་ར་ལ་སོགས་ཏེ། །བར་གྱི་གཞི་བདག་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །བོང་བུ་དབུ་དཀར་ལ་སོགས་ཏེ། །འབྲི་ཀླུང་གཞི་བདག་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །ཁ་ཤ་སྙུག་རི་ལ་སོགས་ཏེ། །མྱུར་མགྱོགས་ཅན་གྱི་འཁོར་དང་

― KMC022_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །བོད་ཀྱི་སྤེན་ནེ་རི་བཀྲ་ཡང་། །མགྱོགས་པ་རླུང་ཐིག་བརྒྱན་ནས་འོང་། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །རི་བོ་རྩེ་ལྔ་ལ་སོགས་ཏེ། །རྒྱ་ནག་གཞི་བདག་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །ཅོག་ལ་མཚལ་རྩེ་ལ་སོགས་ཏེ། །ཧོར་གྱི་གཞི་བདག་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །ཡུལ་ལྷ་གཉན་པོ་ལ་སོགས་ཏེ། །ཡུལ་འདིའི་གཞི་བདག་འཁོར་དང་བཅས། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །དགེ་ལ་དཀར་ཞིང་ཆོས་ལ་གྱོགས་པ་ཡི། །སངས་རྒྱས་བསྟན་པ་སྲུང་བའི་དཀར་ཕྱོགས་རྣམས། །ལམ་ལྷ་མཛེད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །དྲི་བཟང་

― KMC022_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

གསུར་གྱི་དུད་པ་དང་། །མཛེས་པའི་གཟུགས་འགྲོས་སྣ་ཚོགས་དང་། །དཀར་དམར་རྒྱན་གྱིས་མཆོད་པ་འདི། །གཞི་བདག་འཁོར་དང་བཅས་ལ་འབུལ། །དད་པའི་ཚུལ་གྱིས་འབུལ་ལགས་ན། །དགྱེས་པའི་ཚུལ་གྱིས་བཞེས་སུ་གསོལ། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །རྣལ་འབྱོར་བདག་ཅག་འཁོར་བཅས་རྣམས། །ཤར་གྱི་ཕྱོགས་སུ་ལམ་བསྟན་ན། །ཡུལ་འཁོར་སྲུང་གིས་ལམ་སྣ་དྲོངས། །ལྷོ་ཡི་ཕྱོགས་སུ་ལམ་བསྟན་ན། །འཕགས་སྐྱེས་པོ་ཡིས་ལམ་སྣ་དྲོངས། །ནུབ་ཀྱི་ཕྱོགས་སུ་ལམ་བསྟན་ན། །སྤྱན་མི་བཟང་གིས་ལམ་སྣ་དྲོངས། །བྱང་གི་ཕྱོགས་སུ་ལམ་བསྟན་ན། །རྣམ་ཐོས་སྲས་ཀྱིས་ལམ་སྣ་དྲོངས། །རྣལ་འབྱོར་བདག་ཅག་འཁོར་བཅས་རྣམས། །ཕྲིན་ལས་རྣམ་བཞིའི་འགྲོ་དོན་གར་མཛད་ཀྱང་། །ལམ་ལྷ་མཛོད་ལ་སྒྲོན་མེ་ཁྱོག །རྣལ་འབྱོར་བདག་གི་ལམ་ལྷ་མཛོད། །རྒྱབ་བརྟེན་སྟོང་གྲོགས་མཐུ་

― KMC022_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་མཛོད། །གལ་ཏེ་ཆུ་ཡི་ནང་དུ་འགྲོ་བའི་ཚེ། །འགྲོ་དྲུག་སྒྲོལ་བའི་གྲུ་ཆེན་མཛོད། །བསྒྲལ་ནས་བར་ཆད་མེད་པར་མཛོད། །བྲག་ཆེན་ངོས་ལ་ལམ་བྱུང་ན། །དཔག་བསམ་ཤིང་གི་སྐས་ཚུགས་ལ། །བསྒྲལ་ནས་བར་ཆད་མེད་པར་མཛོད། །ཅི་བསམ་དོན་ཆེན་འགྲུབ་པར་ཤོག །ཅེས་པའང་བཛྲ་ཤྭ་རས་ཙྭ་རི་ཏྲ་ཡེ་ཤེས་ཀྱི་འཁོར་ལོར་བྲིས་པའོ།། །།དེ་ནས་སླར་ཡང་གཏོར་མ་གསེར་སྐྱེམས་ཕུལ་ནས། ཕྲིན་ལས་འདོད་དོན་གསོལ་བ་བསང་གཞུང་དངོས་གྲུབ་སྤྲིན་ཕུང་གི་མཇུག་ནས་འབྱུང་བ་ནི།། ཀྱཻ། གཞན་ཡང་བསང་དང་མཆོད་འོས་པ། །སོ་སོའི་མཚན་ནས་མ་ཐོན་པའི། །བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཉན་རང་ཚོགས། །ཆོས་སྐྱོང་སྲུང་མ་དམ་ཚིག་ཅན། །ཡུལ་ལྷ་གཞི་བདག་གཉན་པོའི་ཚོགས། །ཆེ་དགུ་གཉན་དགུ་ཐམས་ཅད་དང་། །མཆོག་དམན་བར་མའི་མགྲོན་གྱི་ཚོགས། །ཡུལ་ལྷ་ནོར་ལྷ་རིགས་དྲུག་མགྲོན། །ལན་ཆགས་གློ་བུར་ལྷགས་པའི་མགྲོན། །བསང་དང་མཆོད་

― KMC022_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

བརྔན་བྱེད་འོས་པའི། །བསང་མགྲོན་ཚོགས་རྣམས་ཐམས་ཅད་བསང་།། ཀྱཻ། བསང་དང་མཆོད་པ་འདི་ཕུལ་བས། །དཀོན་མཆོག་མཆོད་པས་མཉེས་གྱུར་ཅིག །དབང་དང་བྱིན་རླབས་དངོས་གྲུབ་སྩོལ། །སྨིན་ཅིང་གྲོལ་བར་མཛད་དུ་གསོལ། །ཡི་དམ་ལྷ་ཚོགས་མཉེས་གྱུར་ཅིག །མཆོག་དང་ཐུན་མོང་དངོས་གྲུབ་སྩོལ། །མི་མཐུན་རྐྱེན་དང་བར་ཆད་ཞི། །བསམ་དོན་ཡིད་བཞིན་བསྒྲུབ་ཏུ་གསོལ། །ཆོས་སྐྱོང་ཐུགས་དམ་བསྐང་གྱུར་ཅིག །དགྲ་བགེགས་མ་ལུས་ཚར་ཆོད་ལ། །མི་དང་མི་མིན་གནོད་པ་སོལ། །ཕྲིན་ལས་རྣམ་བཞི་བསྒྲུབ་ཏུ་གསོལ། །སྣང་སྲིད་གཞི་བདག་ཐུགས་དམ་བསྐང་། །དམ་ཚིགས་ཉམས་ཆག་སོར་ཅུད་ཅིང་། །མི་གཙང་གྲིབ་ཀྱིས་ཕོག་པ་སོལ། །ཕོག་ཐུག་ཉེས་པ་སྦྱང་དུ་གསོལ། །དུད་པ་གནམ་དུ་སོང་བ་ཡིས། །ལྷ་ཡི་རྨུགས་པ་ཐམས་ཅད་སོལ། །མེ་སྟག་བར་སྣང་འཕྲོས་པ་ཡིས། །གྲིབ་ཀྱིས་ཕོག་པ་ཐམས་ཅད་སོལ། །མེ་ལྕེ་ས་ལ་

― KMC022_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱིལ་བ་ཡིས། །བྱིང་འཐིབས་རྨུགས་པ་ཐམས་ཅད་སོལ། །འབགས་བཙོག་གྲིབ་ཀྱིས་ཕོག་པ་སོལ། །ཐབ་དང་གཞོབ་ཀྱིས་ཕོག་པ་སོལ། །དམེ་གྲིབ་ཡུག་གྲིབ་དམ་གྲིབ་སོལ། །བྱད་གཏད་ངན་སྔགས་གནོད་པ་སོལ། །ལྷ་དང་མི་རུ་བྱེ་བ་སོལ། །འགོང་པོ་གྲིབ་གནོན་གྲིབ་གདོན་སོལ། །རྩ་བ་ཡན་ལག་ཆགས་ཉམས་ཀྱིས། །དམ་ཚིག་ཉམས་པའི་གྲིབ་ཀུན་སོལ། །བསང་གིས་མི་བསང་གང་ཡང་མེད། །ཁྲུས་ཀྱིས་མི་དག་གང་ཡང་མེད། །བསང་ངོ་དག་གོ་ལྷ་ཡི་ཡུལ། །བདེའོ་སྐྱིད་དོ་མི་ཡི་ཡུལ། །དར་རོ་རྒྱས་སོ་སངས་རྒྱས་བསྟན། །མཆོག་དམན་མགྲོན་རྣམས་ཐམས་ཅད་ཀྱང་། །པདྨ་ཆུ་ཡིས་བྲན་པ་ལྟར། །ཀུན་ཏུ་མཉེས་པའི་སྐུ་གསུང་ཐུགས། །བདེ་བ་ཆེན་པོས་ཚིམ་གྱུར་ཅིག །གནས་སྐབས་གནས་དང་ལམ་བགྲོད་ཅིང་། །ཚོང་དམག་དགྲ་ཇག་དོན་གཉེར་དང་། །གཞི་བྱེས་བྱ་བ་གང་བརྩམ་པ། །བདག་རྒྱལ་གེགས་མེད་འགྲུབ་གྱུར་

― KMC022_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །བདག་ཅག་དཔོན་སློབ་འཁོར་བཅས་ཀྱི། །མི་ལ་ན་ཚ་མ་བཏང་ཞིག །ཕྱུགས་ལ་གོད་ཁ་མ་བཏང་ཞིག །ཞིང་ལ་བཙའ་སད་སེར་གསུམ་མ་བཏང་ཞིག །འབྲུ་དང་ནོར་རྣམས་འཕེལ་བ་དང་། །བསམ་པ་སྒྲུབས་ལ་རེ་བ་སྐོངས། །གནས་པོ་གྱིས་ལ་མཐུན་རྐྱེན་སྒྲུབས། །ཡོན་བདག་གྱིས་ལ་འཚོ་བ་སྦྱོར། །འགྲོ་བ་མི་ཡི་བསམ་པ་སྒྱུར། །གཡང་ཅན་ནོར་དང་བཅུད་ཅན་ཟས། །བང་མཛོད་འབྲུ་ནོར་ཇ་དར་གོས། །ཐམས་ཅད་བདག་གི་དབང་དུ་སྡུས། །འཁོར་སྲུང་རྐྱེན་ཟློག་བར་ཆད་སོལ། །ཚེ་སྲིང་དཔལ་སྐྱེད་འབྱོར་པ་སྤེལ། །སྙན་དང་གྲགས་པ་ཕྱོགས་བཅུར་སྒྲོགས། །རྟག་ཏུ་འགོ་ཞིང་སྲུང་སྐྱོབ་མཛོད། །དགྲ་བགེགས་གདུག་པ་ཅན་རྣམས་ཀུན། །སྐད་ཅིག་ཉིད་ལ་ཐལ་བར་རློག །མི་མཐུན་ཕྱོགས་ལས་རྟག་རྒྱལ་ཞིང་། །མཐུ་ནུས་ཕུན་སུམ་ཚོགས་པར་མཛོད། །བྱེས་ལ་འགྲོ་ན་བྱེས་དཔོན་མཛོད། །དགྲ་ཇག་ཆོམ་རྐུན་འཇིགས་པ་སྐྱོབ། །ལ་ཆུ་འཕྲང་

― KMC022_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དག་ལས་སྒྲོལ། །མགྲོན་ལམ་བདེ་ཞིང་འཇིགས་པ་མེད། །ལམ་འཕྲང་བདེ་བར་བགྲོད་པ་དང་། །རྙེད་པ་ཆེན་པོ་རྙེད་གྱུར་ནས། །གཞི་བྱེས་ཀུན་ཏུ་ཕྲིན་ལས་མཛོད། །ལེགས་ཁ་རྒྱལ་ཁ་བསྟོད་པ་དང་། །ས་ཕྱོགས་གར་འགྲོ་གར་སྡོད་ཀྱང་། །བཀྲ་ཤིས་བདེ་སྐྱིད་ཕུན་སུམ་ཚོགས། །དོན་གཉིས་ལྷུན་གྱིས་གྲུབ་པར་མཛོད། །ལྷ་དང་སྲུང་མ་ཐམས་ཅད་ཀྱང་། །དགེ་ཞིང་ཞི་བའི་ལས་མཛོད་ལ། །དམ་ཆོས་རིན་ཆེན་སྤྱོད་པ་དང་། །ཀུན་ཀྱང་རྒྱལ་བའི་བཀའ་བཞིན་སྒྲུབས། །དེ་ལྟར་ཆོས་དང་ཟང་ཟིང་གི། །སྦྱིན་པ་རྒྱ་ཆེན་འདི་བྱས་མཐུས། །ཕྲིན་ལས་རྣམ་བཞི་འགྲུབ་པ་དང་། །ཀུན་ཀྱང་མངོན་འཚང་རྒྱ་བར་ཤོག །ཅེས་མི་བསྐྱོད་ཞབས་ཀྱི་མཛད་པ་ལས་མ་གཡོས་ཤིང་ཅུང་ཟད་ཁ་བསྐང་འདོད་གསོལ་སོགས་འདུས་ཆེ་བར་བྱས་ཏེ་བཛྲ་ཤྭ་རས་རྣམ་ཐོས་རི་བོའི་ཡང་དབེན་དུ་བྲིས་པའོ།། །།དེ་ནས་མདའ་དར་གཡབ་ཅིང་ཕྱེ་མར་ཐོགས་ཤིང་། བསང་ཁང་ལ་གཡས་བསྐོར་གྱིས་འདི་སྐད་དོ།། ཀྱཻ། རྒྱ་གར་བྱ་རྒོད་སྤུངས་རི་ནས། །

― KMC022_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཆོས་ཀྱི་དར་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །སངས་རྒྱས་བསྟན་པ་དར་ཞིང་རྒྱས་པར་ཤོག །བཀའ་རྒྱུད་བླ་མའི་བྱིན་རླབས་དེ། །ཁུ་ཡེ་ཕྱྭ་དང་གཡང་དུ་ལེན། །སྒྲུབ་བརྒྱུད་བསྟན་པའི་སྲོག་ཤིང་བརྟན་པར་ཤོག །ཡི་དམ་ལྷ་ཡི་དངོས་གྲུབ་དེ། །ཁུ་ཡེ་ཕྱྭ་དང་གཡང་དུ་ལེན། །མཆོག་དང་ཐུན་མོང་དངོས་གྲུབ་ཐོབ་པར་ཤོག །མ་དང་མཁའ་འགྲོའི་རྟེན་འབྲེལ་དེ། །ཁུ་ཡེ་ཕྱྭ་དང་གཡང་དུ་ལེན། །རྟེན་འབྲེལ་ཕྱོགས་མེད་འཆར་བར་ཤོག །ཆོས་སྐྱོང་སྲུང་མའི་མཐུ་རྩལ་དེ། །ཁུ་ཡེ་ཕྱྭ་དང་གཡང་དུ་ལེན། །བསྟན་སྲུང་ཕྲིན་ལས་འགྲུབ་པར་ཤོག །ནག་པོ་རྒྱ་ཡི་འཕེན་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །མི་ཁྲི་རྟ་འབུམ་འཕེལ་བར་ཤོག །ཨུ་ཝ་ཧོར་གྱི་རྩལ་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །མཐུ་རྩལ་སྟོབས་དང་ལྡན་པར་ཤོག །སྤུ་རྒྱལ་བོད་ཀྱི་ཚེ་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །ཚེ་དཔལ་རི་རབ་བཞིན་དུ་བརྟན་པར་

― KMC022_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག །ཛམ་བྷ་ལ་ནི་གཏེར་གྱི་བདག །ཁུ་ཡེ་ཕྱ་དང་གཡང་དུ་ལེན། །མི་ཟད་རིན་ཆེན་གཏེར་དང་ལྡན་པར་ཤོག །རྣམ་ཐོས་སྲས་ནི་ནོར་གྱི་བདག །ཁུ་ཡེ་ཕྱྭ་དང་གཡང་དུ་ལེན། །དགོས་འདོད་ཡིད་བཞིན་ནོར་བུ་རྙེད་པར་ཤོག །ཀུ་བེ་ར་ནི་རྟ་ཡི་བདག །ཁུ་ཡེ་ཕྱྭ་དང་གཡང་དུ་ལེན། །འདོ་བ་རྟ་རྣམ་འཕེལ་བར་ཤོག །གང་བ་བཟང་པོ་ལུག་གི་བདག །ཁུ་ཡེ་ཕྱྭ་དང་གཡང་དུ་ལེན། །དཀར་མོའི་ལུག་རྣམས་འཕེལ་བར་ཤོག །ནོར་རྒྱུན་མ་ནི་ནོར་གྱི་བདག །ཁུ་ཡི་ཕྱྭ་དང་གཡང་དུ་ལེན། །ཟལ་དཀར་འབྲི་རྣམས་འཕེལ་བར་ཤོག །ཞིང་ལྷ་ཚང་པ་ནས་ཀྱི་བདག །ཁུ་ཡེ་ཕྱྭ་དང་གཡང་དུ་ལེན། །འབྲུ་དང་ནས་རྣམས་འཕེལ་བར་ཤོག །ཀྱཻ། ཕྱུག་པོ་རྣམས་ཀྱི་ཕྱུག་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །ལྷ་མིའི་དཔལ་འབྱོར་ཕུན་སུམ་ཚོགས་པར་ཤོག །འཕེན་པོ་རྣམས་ཀྱི་འཕེན་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །མངའ་རིས་དར་ཞིང་རྒྱས་

― KMC022_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤོག །ཀྱཻ། མི་ཕོ་དཔའ་བའི་དགྲ་བླ་དེ། །ཁུ་ཡེ་ཕྱྭ་དང་གཡང་དུ་ལེན། །མི་མཐུན་ཕྱོགས་ལས་རྒྱལ་བར་ཤོག །གོ་ཁྲབ་བཙན་པོའི་བཙན་གཡང་དེ། །ཁུ་ཡེ་ཕྱ་དང་གཡང་དུ་ལེན། །རྡོ་རྗེའི་རྫོང་ཆེན་ཐོབ་པར་ཤོག །བུ་རྟ་མགྱོགས་པའི་མགྱོགས་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །རྫུ་འཕྲུལ་སྟོབས་དང་ལྡན་པར་ཤོག །ཀྱཻ། མཐོན་པོ་དགུང་གི་ཕ་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །བདག་ཅག་རྣལ་འབྱོར་འཁོར་བཅས་རྣམས། །བསོད་ནམས་རི་བོ་བཞིན་དུ་བརྟན་པ་དང་། །བརྒྱུད་འཛིན་ཉི་ཟླ་བཞིན་དུ་གསལ་བ་དང་། །སྙན་པ་ནམ་མཁའ་བཞིན་དུ་ཁྱབ་པ་དང་། །འཁོར་མང་སྐར་ཕྲན་བཞིན་དུ་བཀྲ་བར་ཤོག །མི་རྒྱུ་གསེར་བས་བཟང་བར་ཤོག །མི་འབྲུ་ནས་བས་འཕེལ་བར་ཤོག །མི་སྲོག་བྲག་བས་སྲ་བར་ཤོག །མི་རྒྱུད་ཆུ་ལས་རིང་བར་ཤོག །ཆོས་བརྒྱུད་ས་གཞི་ལྟ་བུར་བརྟན་པར་ཤོག །དོག་མོ་ས་ཡི་དམའ་གཡང་དེ། །ཁུ་ཡེ་ཕྱྭ་

― KMC022_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཡང་དུ་ལེན། །བདག་ཅག་དཔོན་སློབ་འཁོར་བཅས་རྣམས། །ལྕག་ཡུ་གང་བས་རིང་བར་ཤོག །རྨོག་ཕོར་གང་བས་མཐོ་བར་ཤོག །ཀྱཻ། ཕྱྭ་བསྐོར་དེ་ནི་ཀྱི་ལི་ལི། །ཕྱྭ་ཆ་གཡང་ཆ་སྒར་ར། །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །ཅེས་རྨ་སེ་རྟོགས་ལྡན་གྱིས་མཛད་པའོ། །དེ་ནས་ཕྱེ་མར་དྲངས་ཤིང་། དཔལ་ལྡན་བླ་མའི་ཞབས་བརྟན་གསོལ་འདེབས་ལ་སོགས་པའི་སྨོན་ལམ་གདབ་བོ། །རྗེས་ཆོག་བྱ་བ་ནི། མཆོད་པ་རྣམས་ཁ་གསོལ་ལ། ཨོཾ་ཛྙཱ་ན་སརྦ་ཏ་ཐཱ་ག་ཏ་ཨཱརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། པུཥྤེ་ནས་ ཤཔྟའི་བར་གྱིས་མཆོད། བསྟོད་པར་འོས་པ་སོགས་ཀྱིས་བསྟོད། མ་འབྱོར་པ་སོགས་དང་། ཡིག་བརྒྱས་ནོངས་པ་བཟོད་པར་གསོལ། བསང་མགྲོན་ཡེ་ཤེས་པ་རྣམས་རྟེན་ཡོད་ན། བདག་དང་འགྲོ་ལ་སོགས་ཀྱིས་བརྟན་བཞུགས་དང་། རྟེན་མེད་ན། ཨོཾ། ཁྱེད་ཀྱི་སེམས་ཅན་སོགས་དང་། བཛྲ་མཱུཿས་ཡེ་ཤེས་པ་གཤེགས། གང་ལྟར་ཡང་། ཨོཾ་ཨཱཿཧཱུྃ། གིས་དམ་ཚིག་པ་རང་གི་སྙིང་གར་བསྡུ། མཆོད་སྦྱིན་གནས་འདིར་གང་ལྷག་པ། །སོགས་ཀྱིས་འཇིག་རྟེན་པ་རྣམས་རང་གནས་སུ་གཤེགས། དཀོན་མཆོག་

― KMC022_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་སོགས་ཀྱི་བསྔོ་བ་དང་སྨོན་ལམ་གདབ། །ཤིས་པ་བརྗོད་པ་ནི། ཆེ་བའི་ཆེ་མཆོག་སྟོན་མཆོག་བླ་ན་མེད། །ཆོས་རྗེ་ཉི་མ་རྒྱལ་བའི་བྱིན་རླབས་ཀྱིས། །བདུད་དང་བགེགས་རིགས་གནོད་པའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཆོས་ཉིད་བདེན་པའི་ཆོས་མཆོག་བླ་ན་མེད། །དམ་ཆོས་བདུད་རྩི་བདེན་པའི་བྱིན་རླབས་ཀྱིས། །ཉོན་མོངས་སྡུག་བསྔལ་གདུང་བའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །དགེ་འདུན་ཡོན་ཏན་རིན་ཆེན་དཔལ་འབར་བ། །རྒྱལ་སྲས་ཕན་མཛད་བདེན་པའི་བྱིན་རླབས་ཀྱིས། །ཉེས་པའི་སྐྱོན་བྲལ་དགེ་ཚོགས་རྣམ་པར་འཕེལ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །ཅེས་དཀོན་མཆོག་གསུམ་གྱི་བཀྲ་ཤིས་ཀྱི་ཐོག་དྲངས་ཤིས་པའི་ཚིག་ཇི་ལྟར་འོས་པ་དགེ་ལེགས་སུ་བྱ། རྗེ་བཅུ་པས་དྲུང་ཀུན་དགའ་རྣམ་རྒྱལ་ལ་གནང་བའི་བྱང་སེམས་སྨོན་ལམ་ནི། བྱང་ཆུབ་སེམས་ནི་རྟག་ཏུ་བདེ་བའི་རྒྱུ། །སངས་རྒྱས་ཀུན་གྱིས་བསྟོད་ཅིང་བསྔགས་པ་

― KMC022_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི། །ཞི་བའི་ཆོས་ཀྱི་སྒྲ་ནི་གྲགས་པ་ན། །བདེན་པ་དེ་ཡིས་སྐྱེ་དགུ་བདེ་ལེགས་ཤོག །འབྱུང་པོ་གང་དག་མཚན་མོ་རྒྱུ་བ་དང་། །ལྷ་ཀླུ་གནོད་སྦྱིན་སྲིན་པོ་མིའམ་ཅི། །གཡོག་འཁོར་ཡི་དྭགས་དེ་དག་ཐམས་ཅད་ཀྱང་། །ཞི་བའི་ཆོས་ཀྱི་སྒྲ་ནི་གྲགས་པ་ན། །སྐྱེ་རྒུ་རྣམས་ལ་བྱམས་པའི་སེམས་ལྡན་ཤོག །རྟ་ཕྱུགས་ར་ལུག་མི་ཡིས་བདག་བཟུང་བ། །རི་དྭགས་ཕྲ་མོ་རི་ལ་གནས་པ་རྣམས། །ཞི་བའི་ཆོས་ཀྱི་སྒྲ་ནི་གྲགས་པ་ན། །གཅན་གཟན་འཇིགས་པ་ཀུན་ལས་གྲོལ་བར་ཤོག །ཚོགས་མཆོག་དགེ་འདུན་སྐྱེ་དགུའི་བསོད་ནམས་ཞིང་། །ཞི་བའི་ཆོས་ཀྱི་སྒྲ་འདི་སྒྲོགས་པ་ན། །སྐུ་ལ་སྙུན་མེད་ཆོས་ཟབ་གནས་ལུགས་མཐོང་། །སྤྱན་རས་གཟིགས་བཞིན་འགྲོ་བའི་དོན་བྱེད་ཤོག །ཅེས་དང་། གཞན་ཡང་བདེན་གྲུབ་མ་སོགས་བསྟན་པ་རྒྱས་པའི་སྨོན་ཤིས་སྤྱི་དང་བྱེ་བྲག་ཇི་ལྟར་རིགས་པ་བརྗོད་པས་མཐའ་བརྒྱན་པར་བྱའོ། །མགྲོན་བཞི་མཉེས་མཆོད་བདུད་རྩི་བསང་། །ཆོས་ལུགས་འཇིག་རྟེན་ཀུན་ལ་

― KMC022_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས། །ཕུལ་བྱུང་ཀརྨ་ཀཾ་ཚང་གི །ཕྱག་སྲོལ་རྨ་མེད་འདི་རྨད་བྱུང་། །དེ་ལས་ཐོབ་པའི་དགེ་ཚོགས་སྤྲིན། །ཆོས་དབྱིངས་ཁྱབ་པའི་གྲིབ་བསིལ་གྱིས། །ཉེས་པའི་ཚ་གདུང་ཀུན་བཅིལ་ཏེ། །ཕན་བདེའི་ལང་ཚོམ་གསལ་གྱུར་ཅིག །ཅེས་པའང་དཔལ་ལྡན་དུས་གསུམ་མཁྱེན་པའི་བཀའ་རྒྱུད་གྱི་ཕྱག་བཞེས་ཀྱི་རྒྱུན་ལ་བར་སྐབས་སུ་ཕྲི་བསྣན་སྣ་ཚོགས་ཞིག་བགྱིས་འདུག་ནའང་། །འདིར་སྒར་བསང་ཆེན་མོའི་གཞུང་ཉིད་རྐང་ཐུབ་དུ་བཀོད་ཅིང་། །འཁོར་ལྔ་རྗེས་འབྲངས་དང་བཅས་པའི་མངའ་གསོལ་གོ་རིམ་འགྲིགས་ཆགས་དང་། ལྷ་མགྲོན་གྱི་སྐོར་སོགས་སབ་ཁ་རྣམས་ཡུལ་དུས་དང་བསྟུན་པའི་སྐབས་ཐོབ་འབྱིན་འཇུག་བདེ་བའི་སླད་གུང་དུ་ཕྱེས་ཏེ། །རབ་བྱུང་བཅོ་ལྔ་པའི་བྱེ་བྲག་དོན་གྲུབ་ཅེས་པ་ས་མོ་ལུག་གི་ལོའི་མགོ་ཟླར། ༧སངས་རྒྱས་ཀརྨ་པའི་སྐྱེས་རབས་བཅོ་ལྔ་པའི་མཚན་གྱི་ཅོད་པན་འཛིན་པ་རླངས་ཀྱི་བནྡེ་མཁའ་ཁྱབ་རང་བྱུང་རྟག་པའི་རྡོ་རྗེས་མཚུར་མདོ་བོ་ལུང་གི་དབེན་གནས་པདྨ་ཁྱུང་རྫོང་དང་འདབ་འབྲེལ་བའི་སྒྲུབ་སྡེ་ཆེན་མོ་ལྷུན་གྲུབ་ཕོ་བྲང་ཏུ་སྦྱར་བའི་ཡི་གེ་པ་ནི་འཇམ་དཔལ་ཚུལ་ཁྲིམས་ཀྱིས་བགྱིས་པ་ཤུ་བྷཾ་མསྟུ་སརྦ་ཛ་ག་ཏཾ།། ༈ སྭ་སྟི། རྒྱལ་བ་སྟོང་ལས་པད་དཀར་ལྟར་བསྔགས་པའི། །ཐུབ་བསྟན་རྒྱ་མཚོའི་དབུས་ན་རི་དབང་བཞིན། །གྲགས་པ་དོན་ལྡན་ཀརྨའི་བཀའ་རྒྱུད་

― KMC022_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི། །ཕྱག་སྲོལ་ལས་འོང་སྣང་སྲིད་ཞི་བདེའི་བསང་། །ཀུན་ལ་ཕན་བདེ་སྦྱིན་པའི་ཡིད་བཞིན་ནོར། །དབང་གི་རྒྱལ་པོ་དངོས་གྲུབ་ཆར་འབེབས་གཞུང་། །འཁོར་ལྔ་རྗེས་འབྲངས་བཅས་པའི་མངའ་གསོལ་དང་། །ལྷ་མགྲོན་མཆོད་ཕྲེང་ལེགས་ལྡན་དགྲ་བླའི་བསང་། །བསང་མཁར་བསྟོད་སོགས་ཉེར་མཁོའི་ཡན་ལག་དང་། །བཅས་བཤམས་ཟིན་ཐོ་དང་བཅས་ལེའུ་ཚན། །ཕར་ཕྱིན་དྲུག་གི་གྲངས་ལྡན་སྤར་གྱི་འཕྲུལ། །དཔལ་ལྡན་ཟུར་རིའི་དྲུང་པའི་ཁྲི་འཛིན་པའི། །སྤྲུལ་སྐུ་ཀརྨ་དོན་ཡོད་སྙིང་པོ་ནས། །རྒྱལ་བསྟན་སྤྱི་དང་ཀརྨའི་བཀའ་རྒྱུད་ཀྱི། །བསྟན་པ་འཕེལ་ཞིང་འབྲེལ་བཅས་བདེ་ལྡན་ཕྱིར། །འོག་མིན་མཚུར་མདོའི་ཆོས་གྲྭ་ཆེན་པོ་འདིར། །བཞེངས་དགེས་རྒྱལ་ཁམས་འབྱོར་པ་དྲུག་གིས་ཕྱུག །འབྲེལ་བཅས་སྒྲིབ་པའི་དྲི་སངས་ཡེ་ཤེས་རྒྱས། །ཁྱབ་བདག་དྲུག་པ་རྡོ་རྗེ་འཆང་འགྲུབ་པའི། །བཀྲ་ཤིས་དམ་པ་ཀུན་ཏུ་སྦྱིན་གྱུར་ཅིག །ཅེས་པའང་སྤྲུལ་སྐུ་གང་ནས་བསྐུལ་ངོར། །སངས་རྒྱས་ཀརྨ་པའི་སྐྱེས་རབས་བཅོ་ལྔ་པས་སྨོན་པ་དགེ །སརྦ་དཱ་ཀ་ལྱཱ་ཎཾ་བྷ་ཝནྟུ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་

― KMC022_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

སྒྲུབ་བརྒྱུད་ཀརྨ་ཀཾ་ཚང་གི་བསྟན་སྲུང་འཁོར་ལྔ་རྗེ་འབྲངས་དང་བཅས་པའི་བསང་མཆོད་མངའ་གསོལ་གྱི་རིམ་པ་ཕྱོགས་གཅིག་ཏུ་སྤེལ་བ་ནོར་བུ་ཀརྐེ་ཏའི་སྤྲིན་ཕུང་།

― KMC022_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་བརྒྱུད་ཀརྨ་ཀཾ་ཚང་གི་བསྟན་སྲུང་འཁོར་ལྔ་རྗེ་འབྲངས་དང་བཅས་པའི་བསང་མཆོད་མངའ་གསོལ་གྱི་རིམ་པ་ཕྱོགས་གཅིག་ཏུ་སྤེལ་བ་ནོར་བུ་ཀརྐེ་ཏའི་སྤྲིན་ཕུང་ཞེས་བྱ་བ་བཞུགས་སོ།། །།

― KMC022_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་ར་ཝེ། ལྷན་ཅིག་སྐྱེས་དགའི་བདེ་ཆེན་གར། །ཁྱབ་བདག་སྐུ་གསུམ་སྟོན་པར་བཞེངས། །སངས་རྒྱས་ཀུན་དངོས་ཀརྨ་པར། །བཏུད་ནས་བསྟན་སྲུང་མངའ་གསོལ་བཤད། །དེ་ལ་འདིར་དཔལ་ལྡན་དུས་གསུམ་མཁྱེན་པའི་བཀའ་བརྒྱུད་པ་རྣམས་ཀྱིས། ཐུན་མོང་མ་ཡིན་པའི་ཆོས་སྐྱོང་འཁོར་ལྔ་རྗེས་འབྲངས་དང་བཅས་པའི་བསང་མཆོད་མངའ་གསོལ་འབུལ་བར་འདོད་ན། །བསང་གཞུང་རྒྱས་བསྡུས་གང་ཡིན་དང་འབྲེལ་བའི་བཅས་བཤམས་གཞུང་བཞིན་དུ་བསྟར་བའི་མདུན་དུ། །འཁོར་ལྔ། རྗེས་འབྲང་སོ་སོའི་མངའ་གསོལ་གྱི་འབུལ་གཏོར་དཀར་དམར། བསྐང་གསོལ་བརྔན་ཡོན་གྱི་དཀོར་ཆས་སྤུད་པ་དང་། གསེར་སྐྱེམས་སོགས་གཙང་ཞིང་ཡིད་དུ་འོང་བ་བཤམས་

― KMC022_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། སྒར་བསང་ཆེན་མོ་ཡིད་བཞིན་དབང་རྒྱལ་ལ་སྦྱོར་ན། ཛམ་གླིང་སྤྱི་བསང་གི་གོང་དང་། བསྡུས་པ་བདུད་རྩི་སྤྲིན་ཕུང་དང་འབྲེལ་ན། །གསེར་སྐྱེམས་འབུལ་བའི་མཐར། །ཆོས་སྐྱོང་འཁོར་ལྔའི་བསང་གསོལ་བྱ་བའི་དང་པོ་རྒྱལ་ཆེན་རྣམ་སྲས་མངའ་གསོལ་ནི། ཨོཾ་ཨཱཿབིཾགྷྣཱ་ཏ་ཀྲི་ཏ་ཧཱུྃ་ཕཊ་ཀྱིས་བསང་། ཨོཾ་སྭ་བྷཱ་ཝས་སྦྱངས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་། རྒྱ་ཆེ་བའི་ནང་དུ། གཏོར་མ་དཀར་གསུམ་མངར་གསུམ། །ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་འདོད་པའི་ལོངས་སྤྱོད་ཐམས་ཅད་མ་ཚང་བ་མེད་པ་ནམ་མཁའ་དང་མཉམ་

― KMC022_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྱུར། །ཨོཾ་ཨཱཿཧཱུྃ་གིས་བྱིན་རླབས། བཻ། བྱང་ཕྱོགས་ལྕང་ལོ་ཅན་གྱི་གནས། །རིན་ཆེན་གཏེར་གྱི་གཞལ་ཡས་ནས། །རྒྱལ་ཆེན་རྣམ་སྲས་འཁོར་དང་བཅས། །གནས་འདིར་སྤྱན་འདྲེན་གཤེགས་སུ་གསོལ། །དངོས་འབྱོར་ཡིད་སྤྲུལ་མཆོད་སྤྲིན་བཞེས། །ཛམྦྷ་ལ་དང་གང་བ་བཟང་། །ནོར་བུ་བཟང་དང་ཀུ་བེ་ར། །ཡང་དག་ཤེས་དང་འབྲོག་གནས་ཆེ། །ལྔ་རྩེ་ཙི་བི་ཀུནྜ་ལི། །གནོད་སྦྱིན་ནོར་བདག་བྱེ་བའི་ཚོགས། །འདིར་གཤེགས་མངའ་གསོལ་མཆོད་པ་བཞེས། །རྣལ་འབྱོར་བདག་ཅག་མཆེད་ལྕམ་དང་། །རྒྱུ་སྦྱོར་ཡོན་བདག་འཁོར་བཅས་རྣམས། །ནད་གདོན་ཉེར་འཚེ་ཞི་བ་དང་། །ཚེ་བསོད་དཔལ་དང་འབྱོར་པ་རྒྱས། །ཞི་རྒྱས་དབང་དང་མངོན་སྤྱོད་ཀྱི། །ཕྲིན་ལས་མྱུར་དུ་འགྲུབ་པར་མཛོད། །གཏོར་མ་དང་གསེར་སྐྱེམས་ནམ་མཁར་འདུས་ཞིང་། གསོལ་ལོ་མཆོད་དོ། །རྒྱལ་པོ་ཆེན་པོ་རྣམ་ཐོས་སྲས་བཙུན་མོ་བཞི་དང་། སྲས་མཆོག་བཞི། ནོར་བདག་གནོད་སྦྱིན་བརྒྱད།

― KMC022_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་འདོད་ཆར་འབེབས་ཀླུ་ཆེན་བརྒྱད། སྲིན་པོ་བྱེ་བ། ལྷ་སྲིན་སྡེ་བརྒྱད། གནོད་སྦྱིན་འབུམ་སྡེ་ལ་སོགས་པ་རིན་ཆེན་གཏེར་གྱི་བདག་པོ་ཐམས་ཅད་གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས། རྣལ་འབྱོར་པ་བདག་ཅག་ཡོན་མཆོད་འཁོར་དང་བཅས་པ་རྣམས་ཀྱི་འགལ་རྐྱེན་སོལ། མཐུན་རྐྱེན་སྒྲུབས། ལོངས་སྤྱོད་དང་འབྱོར་པ་རྒྱ་ཆེ་ཟད་མི་ཤེས་པ་ལ་རྟག་ཏུ་ལོངས་སྤྱོད་པ་སོགས་བསམ་དོན་ཐམས་ཅད་གེགས་མེད་དུ་འགྲུབ་ཅིང་། བཀྲ་ཤིས་བདེ་ལེགས་ཕུན་སུམ་ཚོགས་པར་མཛད་དུ་གསོལ། །ཞེས་ཕྲིན་ལས་བཅོལ། གཉིས་པ་ཀླུ་རྒྱལ་སྔགས་ཀྱི་བདག་པོའི་གསང་མཆོད་མངའ་གསོལ་ནི། མཆོད་གཏོར་རྣམས་བསང་ཞིང་སྦྱང་ནས། བྷྲུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་བཅུད་ལྷ་དང་མིའི་ལོངས་སྤྱོད་འདོད་པའི་ཡོན་ཏན་སྣ་ཚོགས་ཀྱིས་གང་བར་གྱུར། །ཨོཾ་ཨ་མྲྀ་ཏེ་ཧཱུྃ། ལན་གསུམ་གྱིས་དམ་ཚིག་བདུད་རྩིའི་རྒྱ་མཚོ་ཆེན་པོར་བསྒོམ། ཨོཾ་ཨཱཿཧཱུྃ། ལན་གསུམ་

― KMC022_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས། ཡེ་ཤེས་ཀྱི་བདུད་རྩི་ཆར་བཞིན་དུ་བབ་ཅིང་། དམ་ཚིག་གི་བདུད་རྩི་དང་འདྲེས་པས། ཟག་པ་མེད་པའི་བདེ་བ་བསྐྱེད་པར་བྱེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། །ཨོཾ་ཨ་ཀཱ་རོ་སོགས་ལན་གསུམ་བརྗོད་པས་བྱིན་གྱིས་བརླབ་ལ། ཧཱུྃ། ལྷོ་ཕྱོགས་རྒྱ་མཚོ་ཆེན་པོ་དང་། །ཆུ་བོ་ཆུ་ཕྲན་ལྟེང་ཀ་སོགས། །གང་དུ་བཞུགས་པའི་གནས་མཆོག་ནས། །ཀླུ་རྒྱལ་ཆེན་པོ་སྔགས་ཀྱི་བདག །བཙུན་མོ་སྲས་དང་བློན་པོར་བཅས། །ཀླུ་ཆེན་ཀླུ་ཕྲན་དཔག་མེད་རྣམས། །གནས་འདིར་སྤྱན་འདྲེན་གཤེགས་སུ་གསོལ། །མཆོད་ཡོན་ཞབས་བསིལ་མེ་ཏོག་སྤོས། །མར་མེ་དྲི་ཆབ་ཞལ་ཟས་དང་། །སྒྲ་སྙན་རོལ་མོ་ན་བཟའ་སོགས། །སྲིད་གསུམ་ལོངས་སྤྱོད་ཅི་མཆིས་པ། །བདག་གི་དང་བས་འབུལ་ལགས་ན། །དགྱེས་པ་ཆེན་པོས་བཞེས་ནས་ཀྱང་། །སངས་རྒྱས་བསྟན་པ་དར་བ་དང་། །རྣལ་འབྱོར་བདག་ཅག་འཁོར་བཅས་ཀྱི། །འདོད་པའི་དོན་རྣམས་འགྲུབ་པར་མཛོད། །

― KMC022_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་དང་གསེར་སྐྱེམས་ནམ་མཁར་འབུལ་ཞིང་། གསོལ་ལོ་མཆོད་དོ། །ཀླུའི་རྒྱལ་པོ་ཆེན་པོ། སྔགས་ཀྱི་བདག་པོ། འཇིག་རྟེན་མཐུ་ཆེན། སྲིད་གསུམ་ཚར་གཅོད། འགྲོ་དྲུག་དབང་སྡུད། ཁམས་གསུམ་བདག་པོ། གསོད་བྱེད་ཆེན་པོ། སྤྲུལ་མགོ་བདུན་པ། །ཟུར་ཕུད་ལྔ་པ། ཁྱེའུ་ཆུང་གཞོན་ནུ། གཞོན་ནུ་མཛེས་པ། གཞོན་ནུ་གཏུམ་པོ། ནག་པོ་ཆེན་པོ། བདུད་པོ་ཆེན་པོ། ཀླུ་རྒྱལ་སོག་མ་མེད། ལས་མཁན་ཆེན་པོ། བྲན་པོ་ཆེན་པོ། གཡོག་པོ་ཆེན་པོ། ཁོལ་པོ་ཆེན་པོ་འཁོར་དང་བཅས་པ་ཐམས་ཅད་ལ་གསོལ་ལོ་མཆོད་དོ། །དངོས་འབྱོར་ཡིད་སྤྲུལ་གྱི་མཆོད་པ་དཔག་ཏུ་མེད་པས་གསོལ་ཞིང་མཆོད་པ་ལ་བརྟེན་ནས། །བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ཐམས་ཅད་ལ་རྟག་ཏུ་སྲུང་སྐྱོབས་སྟོང་གྲོགས་མེལ་ཚེ་མ་གཡེལ་བར་མཛོད་ལ། མཐུན་རྐྱེན་ལེགས་ཚོགས་ཐམས་ཅད་འབད་མེད་ལྷུན་གྱིས་འགྲུབ་པར་མཛད་དུ་གསོལ། །ཞེས་ཕྲིན་

― KMC022_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བཅོལ་ལ། གསུམ་པ་དམ་ཅན་གྱི་བསང་མཆོད་མངའ་གསོལ་ནི། མཆོད་གཏོར་བསང་སྦྱང་། སྭ་བྷཱ་ཝས་སྦྱང་། སྟོང་པ་ཉིད་དུ་གྱུར། སྟོང་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་ཐོད་པའི་སྒྱེད་པུ་གསུམ་གྱི་སྟེང་དུ། ཨ་ལས་པདྨའི་སྣོད་ཡངས་ཤིང་རྒྱ་ཆེ་བའི་ནང་དུ། གོ་ཀུ་ད་ཧ་ན་ལས་ཤ་ལྔ། བི་མུ་མ་ར་ཤུ་ལས་བདུད་རྩི་ལྔ། ཡི་གེ་དེ་དག་གིས་མཚན་པའོ། །རང་གི་ཐུགས་ཀ་ནས་འོད་ཟེར་འཕྲོས་པས་རླུང་གཡོས། མེ་སྦར། ཐོད་པ་དྲོས། རྫས་རྣམས་ཁོལ། ཉེས་པའི་སྐྱོན་རྣམས་ཕྱིར་ལུད། དེའི་སྟེང་དུ་ཨོཾ་ཨཱཿཧཱུྃ་ལས་འོད་ཟེར་འཕྲོས་པས། དེ་བཞིན་གཤེགས་པ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་བཀུག །དམ་ཚིག་གི་བདུད་རྩི་དང་གཉིས་སུ་མེད་པར་འདྲེས། ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར་པ་དང་། གཞན་ཡང་བརྟེན་རྫས། སྒྲུབ་རྫས། བསྐང་རྫས། འདོད་པའི་ཡོན་ཏན་དཔག་ཏུ་མེད་པས་ནམ་མཁའི་ཁམས་གང་བར་གྱུར། །ཨོཾ་ཨཱཿཧཱུྃ་ལན་གསུམ་བརྗོད་པས་

― KMC022_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་གྱིས་བརླབ་ལ། ཧཱུྃ། རྡོ་རྗེ་འཛིན་པའི་དམ་ཚིག་ཅན། །རྡོ་རྗེ་ལེགས་པ་འདིར་གཤེགས་ཤིག །མགར་བ་ནག་པོ་འདིར་གཤེགས་ཤིག །དམག་དཔོན་ཆེན་པོ་འདིར་གཤེགས་ཤིག །ཚོང་དཔོན་ཆེན་པོ་འདིར་གཤེགས་ཤིག །འཁོར་དུ་གནས་པའི་གིང་ཆེན་བཞི། །དམ་ཅན་ཐུགས་ཀྱི་དགྱེས་སྡེ་མོ། །གངས་དཀར་རྡོ་རྗེ་དཔལ་གྱི་ཡུམ། །གཞན་ཡང་ཁ་རག་ཁྱུང་བཙུན་སོགས། །བོད་ཁམས་སྐྱོང་བའི་བརྟན་མ་རྣམས། །ཁྱོད་ཀྱི་འཁོར་དང་གཡོག་ཡིན་པས། །འདིར་གཤེགས་མངའ་གསོལ་མཆོད་པ་བཞེས། །ལྷ་བཙན་བདུད་ཀྱི་དགེ་བསྙེན་སྟེ། །སུམ་བརྒྱ་དྲུག་ཅུར་བཅས་པ་རྣམས། །ཕོ་ཉ་གཅན་གཟན་གདུག་པའི་ཚོགས། །ཟ་བྱེད་མཆེ་བ་ཅན་རྣམས་ཀུན། །འདིར་གཤེགས་མངའ་གསོལ་མཆོད་པ་བཞེས། །ཕྱི་ནང་གསང་བའི་དམ་རྫས་དང་། །འདོད་ཡོན་མཆོད་པ་གཏོར་མ་དང་། །རཀྟ་དམར་གྱི་ཨརྒྷཾ་དང་། །བདུད་རྩི་སྨན་དང་རིན་ཆེན་འབྲུ། །

― KMC022_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ་ལྔ་དང་དར་ཚོན་ལྔ། །གསུར་ཆེན་སྤོས་དང་གསེར་སྐྱེམས་བཅས། །རོལ་མོ་སིལ་སྙན་སྒྲ་དབྱངས་ཀྱིས། །རྡོ་རྗེ་ལེགས་པ་མངའ་གསོལ་ལོ། །གིང་ཆེན་སྡེ་བཞི་མངའ་གསོལ་ལོ། །བརྟན་མ་བཅུ་གཉིས་མངའ་གསོལ་ལོ། །མཆེད་ཟླ་སུམ་བརྒྱ་དྲུག་ཅུ་དང་། །གཞན་ཡང་སྤྲུལ་དང་ཡང་སྤྲུལ་སོགས། །དམ་ཅན་འཁོར་དུ་གནས་པ་ཡི། །ཕོ་ཉ་གཅན་གཟན་བྱ་ཁྲའི་ཚོགས། །ཟ་བྱེད་ཚོགས་རྣམས་མངའ་གསོལ་ལོ། །གསོལ་དང་མཆོད་པ་ལ་བརྟེན་ནས། །སྔོན་གྱི་དམ་ཚིག་གཉན་པོ་ལྟར། །དཀོན་མཆོག་གསུམ་གྱི་བསྟན་པ་སྲུངས། །བདག་ཅག་དཔོན་སློབ་འཁོར་བཅས་ལ། །མི་ལ་ན་ཚ་མ་བཏང་ཞིག །ཕྱུགས་ལ་གོད་ཁ་མ་བཏང་ཞིག །ཞིང་ལ་བཙའ་སད་སེར་གསུམ་མ་བཏང་ཞིག །ཕྱི་མའི་མུ་མཐར་ཐུག་གི་བར། །བསམ་པ་སྒྲུབས་ལ་རེ་བ་སྐོངས། །བར་དུ་གཅོད་པ་མཐའ་དག་སོལ། །དངོས་གྲུབ་མ་ལུས་ཀུན་སྩོལ་ཅིག །ཅེས་པ་འདི་ཀརྨ་པ་ཆོས་གྲགས་རྒྱ་མཚོས་ཉག་

― KMC022_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

རོང་མཚོ་ཁ་ཨཱརྻ་གླིང་དུ་མཛད་པའོ། །དེ་ནས་རོལ་མོ་དང་བཅས་པས་གཏོར་མ་དང་སྐྱེམས་ཕུད་ནམ་མཁར་འབུལ་ཞིང་། གསོལ་ལོ་མཆོད་དོ། །དམ་ཅན་སྐྱེས་བུ་ཆེན་པོ། རྡོ་རྗེ་ལེགས་པ། རྡོ་རྗེ་བདུད་འདུལ། མགར་བ་ནག་པོ། ཨ་ཇོ་ཆེན་པོ། དམག་དཔོན་ཆེན་པོ། ཚོང་དཔོན་ཆེན་པོ། གནམ་རལ་གཅིག་གི་བདག་པོ། ས་གྲུ་གཅིག་གི་རྗེ་བོ། འཁོར་དུ་ལྷའི་གིང་ཆེན་ཚངས་པ་དཀར་པོ། གཤིན་རྗེའི་གིང་ཆེན་མེ་རུ་ཙེ་དམར་པོ། བདུད་ཀྱི་གིང་ཆེན་ཡབ་རྗེ་ནག་པོ། བཙན་གྱི་གིང་ཆེན་ཡམ་ཤུད་དམར་པོ། དཀར་པོ་ལྷའི་དགེ་བསྙེན་བརྒྱ་དང་ཉི་ཤུ། དམར་པོ་བཙན་གྱི་དགེ་བསྙེན་བརྒྱ་དང་ཉི་ཤུ། ནག་པོ་བདུད་ཀྱི་དགེ་བསྙེན་བརྒྱ་དང་ཉི་ཤུ་སྟེ། མཆེད་ཟླ་གསུམ་བརྒྱ་དྲུག་ཅུ། རྡོ་རྗེ་དཔལ་དང་ལྡན་པ་ལ། གསང་བའི་ཡུམ་ཆེན་དགྱེས་སྡེ་མོ་བཅུ་གཉིས། ཀླད་ན་ལྕགས་ཀྱི་བྱ་ཁྲ་ལྡིང་བ། རྒྱབ་ན་ལྕགས་སྤྱང་འུར་བ་འགྲོ་བ། མདུན་ན་ཟངས་ཀྱི་འཕར་བ་རྒྱུག་པ། གཡས་ན་དྲེད་མོ་

― KMC022_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་དཀར་ཐལ་མོ་རྡེབས་པ། གཡོན་ན་དོམ་བུ་སྙིང་དཀར་ངར་སྒྲ་འདོན་པ་ལ་སོགས་པ་ཟ་བྱེད་མཆེ་བ་ཅན་གྱི་ལྷ་ཚོགས། གནས་གཙང་མའི་ལྷའི་འཁོར་ཚོགས་འབུམ་ཕྲག་གཅིག །བཙན་གྱི་འཁོར་ཚོགས་འབུམ་ཕྲག་དགུ། གཤིན་རྗེའི་འཁོར་ཚོགས་འབུམ་ཕྲག་བརྒྱད། བདུད་ཀྱི་འཁོར་ཚོགས་འབུམ་ཕྲག་བཅུ་གཉིས། ཀླུའི་འཁོར་ཚོགས་ས་ཡ་ཕྲག་བདུན། གནོད་སྦྱིན་གྱི་འཁོར་ཚོགས་འབུམ་ཕྲག་བཞི་ལ་སོགས་པ་དམ་ཅན་སྐྱེས་བུ་ཆེན་པོ་འཁོར་དང་བཅས་པ་རྣམས་གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ཀྱི་འགལ་རྐྱེན་སོལ། མཐུན་རྐྱེན་སྦྱོར། བསམ་པ་སྒྲུབས། རེ་བ་སྐོངས། འགྲོ་ན་ལམ་ཆོས། སྡོད་ན་རྟེན་ས་གྱིས། །ཉིན་གྱི་བྱ་ར་དང་། མཚན་གྱི་མེལ་ཚེ་མཛོད། སྔོན་ནས་བསུ་མ་དང་། རྒྱབ་ནས་སྐྱེལ་མ་མཛོད། དམ་ཚིག་གི་གྲོགས་པོ་དང་རྡོ་རྗེའི་བཀའ་སྡོད་

― KMC022_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། རྣལ་འབྱོར་པ་བདག་ཅག་གིས་བྱིན་པའི་ཟས་ཟོ། བཅོལ་བའི་ལས་གྱིས། གདམས་པའི་ངག་ཉོན། དགོས་པའི་དོན་སྒྲུབས། སྡང་བྱེད་ཀྱི་དགྲ་སོད། གནོད་བྱེད་ཀྱི་བགེགས་ཐུལ། བར་ཆད་ཀྱི་རྐྱེན་ཟློག །སྡོད་སའི་གནས་མལ་སྲུངས། །མཁོ་བའི་ཡོ་བྱད་སྲུངས། །བརྒྱུད་འཛིན་གྱི་སློབ་མ་སྲུངས། ལུས་དང་གྲིབ་མ་བཞིན་དུ་མི་འབྲལ་བར་འགྲོགས་ལ། བཅོལ་བའི་ཕྲིན་ལས་འགྲུབ་པར་མཛོད་ཅིག །ཅེས་ཕྲིན་ལས་བཅོལ་ལོ། །བཞི་པ་སྲིན་མགོན་ཐོད་པའི་ཕྲེང་བ་ཅན་གྱི་བསང་མཆོད་མངའ་གསོལ་ནི། མཆོད་གཏོར་བསང་སྦྱང་། སྟོང་པའི་ངང་ལས་ཐོད་པའི་སྣོད་ཡངས་ཤིང་རྒྱ་ཆེ་བའི་ནང་དུ། གཏོར་མ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་འདོད་པའི་ལོངས་སྤྱོད་ཀྱི་དངོས་པོ་ཐམས་ཅད་མ་ཚང་བ་མེད་པ། ཟག་མེད་བདེ་བ་ཆེན་པོ་སྐྱེད་ནུས་པར་གྱུར། ཨོཾ་ཨཱཿཧཱུྃ། ལན་གསུམ་གྱིས་བྱིན་བརླབས་ཏེ། བྷྱོ། ལྷོ་ནུབ་ལངྐ་པུ་རི་ནས། །བསྟན་སྲུང་མཐུ་སྟོབས་རྫུ་འཕྲུལ་ཅན། །སྲིན་མགོན་

― KMC022_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོད་པའི་ཕྲེང་བ་ཅན། །ཡབ་ཡུམ་སྲས་དང་སྤྲུལ་པར་བཅས། །སྲིན་པོ་བྱེ་བའི་འཁོར་ཚོགས་བཅས། །གནས་འདིར་སྤྱན་འདྲེན་གཤེགས་སུ་གསོལ། །འདོད་པའི་ལོངས་སྤྱོད་སྣ་ཚོགས་པ། །ཀུན་ཏུ་བཟང་པོའི་སྨོན་ལམ་ལྟར། །ཏིང་འཛིན་སྔགས་རྒྱས་བྱིན་བརླབས་ནས། །དད་པས་འབུལ་གྱིས་བཞེས་སུ་གསོལ། །འཁོར་ལོ་སྡོམ་དང་སྲོང་བཙན་རྒྱལ། །པདྨ་འབྱུང་དང་ཀརྨ་ཀའི། །སྤྱན་སྔར་ཁས་བླངས་དྲན་མཛོད་ལ། །རྣལ་འབྱོར་ནད་གདོན་ཞི་བར་མཛོད། །ཚེ་དང་དཔལ་འབྱོར་ཡར་ཟླ་བཞིན། །སྣོད་བཅུད་སྣང་སྲིད་དབང་དུ་སྡུས། །སྡང་བྱེད་དགྲ་བོ་ཐལ་བར་རློག །ལས་བཞིའི་ཕྲིན་ལས་མ་ལུས་ཀུན། །ཐོགས་པ་མེད་པར་འགྲུབ་པར་མཛོད། །གཏོར་མ་དང་སྨན་རཀ་ནམ་མཁར་འབུལ་ཞིང་། གསོལ་ལོ་མཆོད་དོ། །བསྟན་སྲུང་ཆེན་པོ་སྲིན་མགོན་ཐོད་པའི་ཕྲེང་བ་ཅན། ཡུམ་འཇིགས་བྱེད་ལྷ་མོ་ནག་མོ་འཁོར་སྲིན་པོ་སྲིན་མོ་ཟ་བྱེད་རྔམས་པའི་ཆ་བྱད་ཅན་བྱེ་བ་

― KMC022_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་གྱི་ཚོགས་དང་བཅས་པ་རྣམས་ལ། ཕྱི་ནང་གསང་བའི་མཆོད་སྤྲིན་རྒྱ་མཚོ་མཆོད་ཅིང་མངའ་གསོལ་ལོ། །གསོལ་ཞིང་མཆོད་པའི་མཐུ་ལ་བརྟེན་ནས། སངས་རྒྱས་ཀྱི་བསྟན་པ་དར་ཞིང་། བསྟན་འཛིན་གྱི་སྐྱེས་བུ་རྣམས་ཀྱི་སྐུ་ཚེ་བསྲིང་ཞིང་། ཕྲིན་ལས་སྤེལ་བ་དང་། རྣལ་འབྱོར་པ་བདག་ཅག་ཡོན་མཆོད་རྣམས་ཀྱིས་ཞི་རྒྱས་དབང་དྲག་གི་ལས་གང་བཅོལ་བ་ཐམས་ཅད་སྐད་ཅིག་གིས་སྒྲུབ་པའི་ཕྲིན་ལས་མཛད་དུ་གསོལ། །དེ་ལྟར་གོང་གི་རྣམ་སྲས་དང་། སྔགས་བདག །སྲིན་མགོན་རྣམས་ཀྱི་མངའ་གསོལ་རྣམས་སྒར་བསང་ཆེན་མོར་སྦྱར་ཆོག་པ་དགོས་ཞེས་ཞི་བ་གྲྭ་ཚང་དཀར་བསྟན་དར་རྒྱས་གླིང་གི་དཔོན་སློབ་ཀརྨ་འབྱོར་རྒྱས་ཀྱིས་བསྐུལ་བའི་ངོར། ཀརྨ་པ་བཅུ་བཞི་པས་མཚུར་ཕུའི་ཡང་དབེན་སྒྲུབ་སྡེ་བསམ་གཏན་གླིང་གི་ཁྱུང་རྫོང་ལྷུན་གྲུབ་ཕོ་བྲང་ནས་བྲིས་པ་དགེ །ལྔ་པ་ཞིང་སྐྱོང་གི་བསང་མཆོད་མངའ་གསོལ་ནི། མཆོད་གཏོར་བསང་སྦྱང་། སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བར་གདུག་པ་ཅན་མཐའ་དག་བསྒྲལ་བ་ལས་བྱུང་བའི་ཤའི་རི་

― KMC022_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

བོ། ཁྲག་གི་རྒྱ་མཚོ། རུས་པའི་ཕུང་པོ། གཞན་ཡང་བཟའ་བཏུང་གི་བྱེ་བྲག་སྣ་ཚོགས་པ་གཙང་ཞིང་བསོད་པ་དང་། ཡིད་དུ་འོང་བས་ཡོངས་སུ་གང་བར་གྱུར། །ཨོཾ་ཨཱཿཧཱུྃ། ཧ་ཧོ་ཧྲཱིཿཞེས་ལན་གསུམ་གྱི་བྱིན་གྱིས་བརླབ། ཨོཾ་མ་ཧཱ་ཀཱ་ལ་སིཾ་ཧ་མུ་ཁ་ཧཱུྃ་ཕཊ༔ཏྲི་ཧྲཱིཾ་ཛཿ ཌཱ་ཀི་ནི་སི་ན་ར་མ་ཧཱུྃ་ཕཊ། ཏྲི་ཧྲཱིཾ་ཛཿ ཡ་མ་ར་ཙ་དུ་དྲི་ཕུ་ཏྲི་ཧཱུྃ་ཕཊ། ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་གྱིས་ཕུལ་ནས། འཁོར་དང་བཅས་པས་དགྱེས་པའི་རྐན་སྒྲ་དང་བཅས་ཏེ་གསོལ་བས་ཚིམ་པར་བལྟས་ཏེ། ཧཱུྃ། འོག་མིན་དུར་ཁྲོད་ཆེན་པོ་ནས། །དཔལ་ལྡན་ཞིང་སྐྱོང་ནག་པོ་ཆེ། །དམ་ཚིག་གཉན་པོ་དྲན་མཛོད་ལ། །མངའ་གསོལ་ཞིང་འདིར་གཤེགས་སུ་གསོལ། །ཤ་ཁྲག་རྒྱན་གྱི་གཏོར་མ་དང་། །བདུད་རྩི་སྨན་གྱི་མཆོད་པ་དང་། །རཀྟ་དམར་གྱི་ཨཱརྒྷཾ་དང་། །དར་ཚོན་སྤྲིན་ལྟར་གཏིབས་པ་འདིས། །གསོལ་ལོ་མཆོད་དོ་མངའ་གསོལ་ལོ། །དཔལ་ལྡན་མགོན་པོ་མངའ་གསོལ་ལོ། །ཞིང་སྐྱོང་ཆེན་པོ་མངའ་གསོལ་ལོ། །རྣལ་

― KMC022_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་དགྲ་བླ་མངའ་གསོལ་ལོ། །དམ་ཉམས་སྲོག་གཅོད་མངའ་གསོལ་ལོ། །ཀུན་དགའ་གཞོན་ནུ་མངའ་གསོལ་ལོ། །སྲོག་བདུད་ཆེན་པོ་མངའ༴ ག་ཡ་དྷ་ར་མངའ༴ ལྷོ་བཙན་ནག་པོ་མངའ༴ བདུད་པོ་ནག་པོ་མངའ་གསོལ་ལོ། བྷྱོ། །ལྷ་མོ་ཆེན་མོ་མངའ་གསོལ་ལོ། །དྲི་ཟའི་གཙོ་མོ་མངའ༴ ཕྲ་མེན་ཆེན་མོ་མངའ༴ སྲོག་བདུད་ཆེན་མོ་མངའ༴ འཁོར་གྱི་སྡེ་བརྒྱད་མངའ༴ ལྷ་ཆེན་བརྒྱད་པོ་མངའ༴ ཀླུ་ཆེན་བརྒྱད་པོ་མངའ༴ གཟའ་ཆེན་བརྒྱད་པོ་མངའ་གསོལ་ལོ། །སྲས་མཆོག་བརྒྱད་པོ་མངའ༴ །ཡུམ་ཆེན་བརྒྱད་པོ་མངའ༴ སྲིན་པོ་བརྒྱད་པོ༴ ཀེང་རུས་མ་བརྒྱད་མངའ༴ བམ་རོ་ཕོ་མོ་མངའ༴ འབྱུང་པོ་བརྒྱད་པོ་མངའ༴ བསྟན་མ་བརྒྱད་པོ་མངའ༴ སྤྲུལ་དང་ཡང་སྤྲུལ་མངའ་གསོལ་ལོ། །གསོལ་དང་མཆོད་པའི་བྱིན་རླབས་ཀྱིས། །མི་ལ་ན་ཚ་མ་བཏང་ཞིག །ཕྱུགས་ལ་གོད་ཁ་མ་བཏང་ཞིག །ཞིང་ལ་བཙའ་སད་སེར་གསུམ་མ་བཏང་ཞིང་། །

― KMC022_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་པའི་དོན་རྣམས་སྒྲུབ་པ་དང་། །བདུད་ཀྱི་ཞགས་པ་ནག་པོ་ཆོད། །གཤིན་རྗེའི་ཁྲམ་ཁ་དགྲ་ལ་སྒྱུར། །མ་མོའི་ཐུན་ཟོར་བཟློག་ཏུ་གསོལ། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །མི་མཐུན་རྐྱེན་དང་བར་ཆད་སོལ། །ཟློག་ཅིག་སྒྱུར་ཅིག་ཞི་བར་མཛོད། །བཅོལ་བའི་འཕྲིན་ལས་གྲུབ་པར་མཛོད། །གཏོར་མ་དང་གསེར་སྐྱེམས་ནམ་མཁར་ཕུལ་ཏེ། གསོལ་ལོ་མཆོད་དོ། །དཔལ་ལྡན་ཞིང་སྐྱོང་དབང་པོ་ཤ་ཟ་ནག་པོ་སེང་གེའི་གདོང་པ་ཅན། ཡུམ་ཆེན་སི་ན་ར་མ། མྱུར་མགྱོགས་ལས་བྱེད་ཕོ་མོ། སྟོབས་ལྡན་ཕོ་ཉ་སྡེ་བརྒྱད། སྲོག་འཕྲོག་བདུད་དམག་སྟོང་སྡེའི་ཚོགས་དང་བཅས་པ་རྣམས་གསོལ་ལོ་མཆོད་དོ། །མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་ཚིམ་ཞིང་དགྱེས་པར་བཞེས་ལ། བསྟན་པ་རིན་པོ་ཆེ་ཕྱོགས་བཅུར་འཕེལ་ཞིང་རྒྱས་པ་དང་། བླ་མ་དམ་པ་རྣམས་འཚོ་ཞིང་བཞེས་ལ་ཡུན་རིང་དུ་ཞབས་

― KMC022_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པ་དང་། བདག་ཅག་སློབ་འབངས་འཁོར་དང་བཅས་པ་ལ་ཆོས་བསྒྲུབ་པའི་ཕྱི་ནང་གི་འགལ་རྐྱེན་མི་དང་། མི་མ་ཡིན་གྱི་འཚེ་བ་ལས་བསྲུང་བ་དང་། བསྐྱབ་པ་དང་། སྦ་བ་དང་། ནད་དང་གདོན་རྣམས་ལས་ཐར་བར་མཛད་དུ་གསོལ། རྦོད་གཏོང་ངན་པ་ཐམས་ཅད་ཕྱིར་བཟློག་པ་དང་། གནོད་པར་བྱེད་པའི་དགྲ་བོ་ཐམས་ཅད་དབང་དུ་སྡུད་པ་དང་། ཚར་གཅོད་པའི་ཕྲིན་ལས་ཐོགས་པ་མེད་པ་ཡིད་བཞིན་དུ་བསྒྲུབ་ཏུ་གསོལ། ཚེ་དང་བསོད་ནམས་དཔལ་དང་འབྱོར་པ་ཐམས་ཅད་ཟླ་བ་ཡར་གྱི་ངོ་ལྟར་གོང་ནས་གོང་དུ་འཕེལ་ཞིང་རྒྱས་པར་མཛད་དུ་གསོལ། །ཞེས་ཕྲིན་ལས་བཅོལ། ཞེས་པ་འདི་ཞྭ་དམར་ལྔ་པས་མཛད་པའོ། །དེ་ནས་དམ་ཚིག་དབང་གིས་ཆོས་རྒྱུད་ཀྱི་རྗེས་འབྲང་ལ་གཞིའི་དང་པོ་བདུད་མགོན་ཏྲག་ཤད་ནི། ན་མོ་མ་ཧཱ་ཀཱ་ལ་ཡ། བསང་མཆོད་ཀྱི་ཞོར་དུ་ཏྲཀྴད་ཀྱི་མངའ་གསོལ་བྱ་བར་འདོད་པས་འདི་ལྟར་བྱའོ། །མཆོད་གཏོར་བསང་སྦྱང་། སྟོང་པ་ཉིད་དུ་གྱུར། སྟོང་པའི་ངང་ལས་རླུང་མེ་ཐོད་སྒྱེད་ཀྱི་སྟེང་དུ་ཀ་པཱ་ལ་

― KMC022_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ཡངས་པའི་ནང་དུ། གཏོར་རྫས་ཤ་ལྔ་བདུད་རྩི་ལྔའི་ངོ་བོར་ཞུ་བ་ལས། ཡེ་ཤེས་ཀྱི་བདུད་རྩི་དང་འདྲེས་པའི་གཙང་ཞིང་བསོད་པ། ཡིད་དུ་འོང་བ་བསམ་གྱིས་མི་ཁྱབ་པར་གྱུར། ཨོཾ་ཨཱཿཧཱུྃ་ཧ་ཧོཿཧྲཱིཿ རང་ཉིད་ཡི་དམ་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་པས། ནག་པོ་ཆེན་པོ་ཏྲཀྴད་འཁོར་དང་བཅས་པ་སྤྱན་དྲངས་པར་གྱུར། ཧཱུྃ། བསྐུལ་ལོ་འབོད་དོ་ཏྲག་ཤད་བདུད། །ནག་པོ་ཐོད་ཕྲེང་འཁོར་བཅས་རྣམས། །མུན་པའི་ཀློང་ནས་འདིར་གཤེགས་ཤིག །དམ་ལས་མ་འདའ་ད་ཚུར་བྱོན། །མ་ཧཱ་ཀཱ་ལ་ས་མ་ཡ་ཏིཥྛ་ལྷན། ཧཱུྃ། ནག་པོ་ཆེན་པོ་འཇིགས་བྱེད་ཁྲོ་བོའི་རྒྱལ། །དུས་མཐའི་མེ་ལྟར་འབར་བའི་གཟི་བརྗིད་ཅན། །འཇིག་རྟེན་མགོན་པོ་ཏྲཀ་ཤད་ནག་པོ་ཁྱོད། །སངས་རྒྱས་བསྟན་པ་བསྲུང་ཕྱིར་མངའ་གསོལ་ལོ། །དམར་ཆེན་རཀྟ་ཁྲག་གི་རྒྱ་མཚོ་དང་། །བདུད་རྩི་ཟག་མེད་རྨད་བྱུང་མཆོད་པའི་སྤྲིན། །ཉེར་སྤྱོད་ཚོགས་དང་འདོད་ཡོན་རྣམ་པ་ལྔ། །

― KMC022_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཡས་མཆོད་པའི་སྤྲིན་གྱི་མངའ་གསོལ་ལོ། །གཟའ་བཅའ་ལྡག་གཞིབ་བཏུང་བ་སྣ་ཚོགས་ཀྱི། །མཉེས་རྫས་གཏོར་མ་བདུད་རྩིའི་ལོངས་སྤྱོད་རྣམས། །གཟི་བྱིན་རབ་ཏུ་འཕྲོ་བའི་འོད་ཟེར་དང་། །འཆི་མེད་བཅུད་ཀྱི་རྣམ་པར་རྒྱས་པ་ཡིས། །ལོ་ཀ་ནཱ་ཐ་འཁོར་བཅས་མངའ་གསོལ་ལོ། །སྲིན་མོ་ཤང་ཁཱ་པཱ་ལ་མངའ་གསོལ་ལོ། །སྦྱོར་སྒྲོལ་གསང་བའི་ཡུམ་རྣམས་མངའ་གསོལ་ལོ། །འཇིགས་བྱེད་བདུད་པོ་བརྒྱད་པོ་མངའ་གསོལ་ལོ། །བདུད་དམག་ས་ཡ་དྲུག་འབུམ་མངའ༴ གཤིན་རྗེ་ས་ཡ་དྲུག་འབུམ་མངའ༴ མ་མོ་ས་ཡ་དྲུག་འབུམ་མངའ༴ བདུད་བྱ་ས་ཡ་དྲུག་འབུམ་མངའ༴ ཁྱི་ནག་དོམ་བུ་དྲུག་འབུམ་མངའ༴ ལས་མཁན་སྲོག་བདག་དྲུག་འབུམ་མངའ༴ སྤྲུལ་པ་ཡང་སྤྲུལ་ཉིད་སྤྲུལ་མངའ་གསོལ་ལོ། །ཁྱེད་རྣམས་ཐུགས་ཀྱི་གཟི་བྱིན་ཆེར་སྐྱེད་ནས། །དགྱེས་པ་ཆེན་པོར་རབ་ཏུ་ཚིམ་པར་མཛོད། །གཏོར་མ་དང་བདུད་རྩིའི་ཕུད་ནམ་མཁར་འབུལ་ཞིང་།

― KMC022_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས་སྒྲུབ་པ་པོ་བདག་ཅག་གིས་བྱིན་པའི་ཟས་ཟོ། བཅོལ་བའི་ལས་གྱིས། གདམས་པའི་ངག་ཉོན། སྡང་བྱེད་ཀྱི་དགྲ་སོད། གནོད་བྱེད་ཀྱི་བགེགས་ཐུལ། བར་ཆད་ཀྱི་རྐྱེན་ཟློག །རྡོ་རྗེ་སློབ་དཔོན་གྱི་སྐུ་ཚེ་སྲིངས། སངས་རྒྱས་ཀྱི་བསྟན་པ་སྲུངས། །དགེ་འདུན་གྱི་སྡེ་སྐྱོངས། །ཁྱད་པར་དུ་དཔལ་ལྡན་ཀརྨ་པའི་བསྟན་པ་འདི་ཉིད་ཟླ་བ་ཡར་གྱི་ངོ་ལྟར་འཕེལ་ཞིང་རྒྱས་ལ་ཡུན་རིང་དུ་གནས་པར་མཛད་དུ་གསོལ། །ཞེས་བདུད་རྒྱལ་ཏྲཀྴད་ཀྱི་མངའ་གསོལ་འདི་བཞིན་དགོས་ཞེས་དགེ་སློང་བསྟན་འཕེལ་གྱིས་བསྐུལ་བ་ལྟར། སི་ཏུའི་མིང་ཅན་ཀརྨཱ་ཀ་རས་རིག་འཛིན་དྲག་པོ་ནུས་ལྡན་རྩལ་གྱི་གཏེང་གཞུང་དང་གུང་སྒྲིགས་ཏེ། སྒར་བསང་ཆེན་མོ་དང་སྦྱར་ཆོག་པར་བགྱིས་པ་དགེ་ལེགས་སུ་གྱུར་ཅིག ༈ །གཉིས་པ་དགེ་བསྙེན་མཁར་ནག་གི་མངའ་གསོལ་ནི། ན་མཿཤྲཱི་གུ་ར་ཝེ། རང་རིག་བདེ་ཆེན་འདུས་མ་བྱས། རྩ་གསུམ་འཁོར་ལོར་སྟོན་པའི་དཔལ། དཔལ་མགོན་བླ་མར་བཏུད་ནས་འདིར། ཉེར་མཁོའི་བསང་མཆོད་ཁ་སྐོང་བཤད། དེ་ལ་ཛམ་བུ་གླིང་ཆེན་པོའི་ཆུ་བདག་ཀརྨའི་

― KMC022_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་རྒྱུད་ཀྱི་གདན་ས་དང་། ཟབ་ཆོས་ཀྱི་རྗེས་འབྲང་མཐུ་ཆེན་བསྟན་སྲུང་ཀླུའི་དགེ་བསྙེན་རྡོ་རྗེ་རྒྱལ་པོ་མཆོད་པར་འདོད་ན། ཡོ་བྱད་འདུ་བྱས་ལ། རཾ་ཡཾ་ཁཾ་གི་བསང་། སྭ་བྷཱ་ཝས་སྦྱང་། སྟོང་ལས་རིན་ཆེན་སྣོད་ཀྱི་ནང་། །འབྲུ་གསུམ་ལས་བྱུང་དགྱེས་སྐོང་རྫས། །ནམ་མཁའ་མཛོད་ཀྱི་ལོངས་སྤྱོད་རྣམས། །རྒྱ་ཆེན་ཟད་མེད་གཏེར་དུ་གྱུར། ཨོཾ་བཛྲ་སྥ་ར་ཎ་ཁཾ། ཞེས་པས་བརླབས་ཏེ། ཀྱཻ། འོག་ཕྱོགས་ཀླུ་གཡང་དངོས་གྲུབ་འཁྱིལ་བའི་གནས། །དགོས་འབྱུང་ནོར་བུས་གཏམས་པའི་ཕོ་བྲང་དབུས། །བསྟན་པའི་སྲུང་མ་དགེ་བསྙེན་རྡོ་རྗེ་རྒྱལ། །བཙུན་མོ་སྲས་བློན་མངགས་གཞུག་འབངས་འཁོར་བཅས། །དམ་ཚིག་དབང་གིས་འབོད་དོ་གནས་འདིར་བྱོན། །བཤམས་པའི་གདན་ལ་དགྱེས་པར་བཞུགས་ནས་ཀྱང་། །བསང་མཆོད་འདོད་ཡོན་མཆོད་སྤྲིན་འདི་བཞེས་ལ། །རྣལ་འབྱོར་བཅོལ་བའི་ལས་རྣམས་སྒྲུབ་ཏུ་གསོལ། །གླིང་བཞི་རྒྱ་མཚོ་ཆུ་ཀླུང་ཡོངས་ཀྱི་བདག །འོག་ཕྱོགས་ཀླུ་ཡུལ་ན་ར་སེང་སྔོན་

― KMC022_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །ཀླུ་རྗེ་ཐོད་དཀར་ཀླུ་བདུད་ཀླུ་བཙན་དཔོན། །དྲག་རྩལ་ཐོགས་མེད་མཐུ་དང་གཟི་བརྗིད་ཅན། །གྲུབ་ཆེན་པཀྴིའི་བཀའ་སྡོད་དམ་ཚིག་ཅན། །རྣལ་འབྱོར་ཕྲིན་ལས་སྒྲུབ་མཛད་མངའ་གསོལ་ལོ། །འཇིག་རྟེན་ཕུན་ཚོགས་དཔལ་ཡོན་སྤེལ་བའི་སླད། །དགྱེས་པ་ཆེན་པོའི་འཛུམ་མདངས་ངོམས་པ་ན། །གཞོན་ནུ་མཐིང་སྔོན་ནོར་བུའི་རྒྱན་དང་ལྡན། །ཉི་མ་སྟོང་ཕྲག་བརྩེགས་པའི་འོད་ཟེར་ཅན། །ཡིད་བཞིན་རེ་སྐོང་དབང་གི་རྒྱལ་པོ་འཛིན། །བཙུན་མོ་སྲས་དང་བློན་འབངས་དུ་མར་བཅས། །རྫོགས་ལྡན་རབ་དགའི་ཆུ་འཛིན་སྟུག་པོ་ལས། །དོན་གྲུབ་ཡིད་བཞིན་ནོར་བུའི་གྲུ་ཆར་གྱིས། །འགྲོ་ལ་སྨན་པ་མཆོག་སྩོལ་མངའ་གསོལ་ལོ། །ལོག་ལྟ་གདུག་ཅན་ཕྱེ་མར་འཇོམ་པའི་སླད། །དྲག་པོ་ཁྲོས་པ་ནག་པོ་དུག་གི་གདོང་། །རྡོ་རྗེ་འབར་བ་གཡས་དང་མི་བཟད་པའི། །ལྟོ་འགྲོ་མཆེ་བ་གཙིགས་པའི་ཞགས་པ་གཡོན། །དགྲ་ལས་རྣམ་རྒྱལ་མེ་ཡི་དབུགས་རླུང་

― KMC022_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོ། །བསྟན་དགྲའི་སྲོག་ལེན་ཆེན་པོར་མངའ་གསོལ་ལོ། །རྟག་ཏུ་དགྱེས་རྒུའི་ཕྲིན་ལས་མཛད་པའི་ཕྱིར། །མིག་སྨན་མདངས་འཛིན་དར་བེར་ནོར་བུས་ཀླུབས། སྒར་ཆེན་འོད་འགྱེད་མགྱོགས་འགྲོ་བྲ་ནག་ཆིབས། །དམ་ཚིག་རྡོ་རྗེ་མི་ནུབ་རུ་མཚོན་གཡས། །གཡོན་པ་སྦྲུལ་ཞགས་ནད་ཀྱི་དུག་རླུང་འཐུལ། །ཆུ་སྲིན་སྦལ་ནག་རྒྱལ་མཚན་གྲུ་ན་ཕྱར། །མངོན་སྤྱོད་དྲག་པོའི་མཐུ་རྩལ་ཐོག་སེར་འབེབས། །དཔའ་བོའི་ཆས་རྫོགས་རྔམ་དྲག་གཏུམ་པའི་གཟུགས། །སྡེ་བརྒྱད་ཀླུ་ཡི་དབང་ཕྱུག་དམ་ཚིག་ཅན། །དགྲ་འདུལ་ཀླུ་གཡང་སྦྱིན་མཛད་མངའ་གསོལ་ལོ། །གཞན་ཡང་གནས་ཡུལ་ཀུན་སྐྱོང་སྣ་ཚོགས་ཀྱིས། །མཚན་དང་ཁ་དོག་རྣམ་གྱུར་བསམ་ཡས་འགྱེད། །དཔལ་ལྡན་བཀའ་ཡི་སྲུང་མ་མཐུ་བོ་ཆེ། །དགེ་བསྙེན་རྡོ་རྗེ་རྒྱལ་པོ་མངའ་གསོལ་ལོ། །ཀླུ་རྗེ་ཐོད་དཀར་ཆེན་མོ་མངའ་གསོལ་ལོ། །གཉན་ཆེན་རྡོ་རྗེ་འབར་བ་མངའ་གསོལ་ལོ། །

― KMC022_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སང་མཐུ་ཆེན་མཁའ་རི་མངའ་གསོལ་ལོ། །བདུད་རྗེ་ཟུ་ར་ར་སྐྱེས་མངའ་གསོལ་ལོ། །བདུད་པོ་ཟླ་བའི་གདོང་ཅན་མངའ་གསོལ་ལོ། །བདུད་རྒྱལ་ཏྲག་ཤད་ནག་པོ་མངའ་གསོལ་ལོ། །ཀླུ་རྗེ་གཙུག་ཕུད་ནོར་བཟང་མངའ་གསོལ་ལོ། །ཀླུ་བདུད་དྲག་པོ་སྨྱོ་ཁ་མངའ་གསོལ་ལོ། །ཀླུ་གཙན་གཉན་ཆེན་མཁར་ནག་མངའ་གསོལ་ལོ། །ལྕམ་སྲིང་ཀླུ་མོ་གཟི་འབར་མངའ་གསོལ་ལོ། །ལས་བྱེད་ཀླུ་རྒྱལ་སྡེ་བརྒྱད་མངའ་གསོལ་ལོ། །ཀླུ་འཁོར་གྲངས་མེད་སྡེ་དཔུང་མངའ་གསོལ་ལོ། །ཡང་འཁོར་རྒྱ་མཚོར་བཅས་པ་མངའ་གསོལ་ལོ། །དམ་རྫས་གཏོར་མ་དཀར་གསུམ་ཟས་སྣའི་ཕུད། །བདུད་རྩི་བསང་མཆོད་འདོད་ཡོན་ནོར་བུའི་གཏེར། །སྤྱན་གཟིགས་དཀོར་ཆ་ལ་སོགས་འབུལ་གྱིས་བཞེས། །ཁྱོད་ལ་ཕྲིན་ལས་དམ་པ་བཅོལ་བ་ནི། །ཁྱབ་བདག་རང་བྱུང་རྡོ་རྗེ་ཀརྨ་པའི། །གདན་ས་གོང་འོག་བར་གསུམ་བསྲུང་བ་དང་། །རྒྱལ་བའི་བསྟན་སྐྱོངས་དེ་འཛིན་

― KMC022_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཚེ་བསྲིངས། །དགེ་འདུན་སྡེ་སྤེལ་ཆོས་མཛད་བར་ཆད་ཟློག །རྒྱལ་ཁམས་ཀུན་བདེ་འབྲུ་འཕེལ་བདེ་སྐྱིད་ལྡན། །བདག་ཅག་ཡིད་ལ་གང་འདོད་ཕྲིན་ལས་སྒྲུབས། །ཆོས་སྲིད་དཔལ་ཀྱི་འབྱོར་པས་རྟག་ཏུ་ཕྱུག །བཀྲ་ཤིས་དགེ་བའི་དབྱར་རྔ་སྒྲོག་པར་མཛོད། །གསོལ་ལོ་མཆོད་དོ། ཀླུའི་དེད་དཔོན་རྡོ་རྗེ་རྒྱལ་པོ་དགེ་བསྙེན་ཆེན་པོ་དུག་གི་གདོང་ཅན་འཁོར་དང་བཅས་པ་ལ་གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས་རྒྱལ་བའི་བསྟན་པ་སྲུངས། དེ་འཛིན་གྱི་ཕྲིན་ལས་སྤེལ། རྣལ་འབྱོར་ཀྱི་བར་ཆད་སོལ། ཆོས་འབྱོར་གྱི་མཐུན་རྐྱེན་སྤེལ། རྣམ་བཞིའི་ཕྲིན་ལས་སྒྲུབས། གདུག་འདྲེ་རྒྱལ་འགོང་ཆོམས། བསྟན་པའི་སྤྱི་དགྲ་ཐུལ། རིག་འཛིན་གྱི་སྒོས་དགྲ་སྒྲོལ། །ཡོན་བདག་གི་བདེ་ལེགས་བསྐྱེད། ནད་དང་གནོད་པ་བཙའ་སད་སེར་གསུམ་ཟློག །ས་བཅུད་འབྲུ་གཡང་སྤེལ། འཇིག་རྟེན་ཐམས་ཅད་བདེ་ལེགས་ཀྱི་སྣང་

― KMC022_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

བས་དུས་རྟག་ཏུ་ཁྱབ་པར་མཛོད་ཅིག །ཅེས་ཕྲིན་ལས་བཅོལ། གསུམ་པ་དབྱིངས་ཕྱུག་སྔགས་སྐྱེས་ཀྱི་ཌཱཀི་ཨ་ཕྱི་ཆོས་ཀྱིས་སྒྲོན་མའི་བསང་མཆོད་མངའ་གསོལ་ནི། མཆོད་རྫས། རཾ་ཡཾ་ཁཾ་གིས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་ཡེ་ཤེས་ཀྱི་ཀ་པཱ་ལར། ཤ་ལྔ་བདུད་རྩི་ལྔའི་རང་བཞིན་མཆོད་གཏོར་ཡེ་ཤེས་བདུད་རྩིའི་བཅུད་ཆེན་མཁའ་དབྱིངས་ཀྱི་འཁོར་ལོར་འཆར་བར་གྱུར། ཨོཾ་ཨཱཿཧཱུྃ་ཧ་ཧོཿཧྲཱི༔ས་བྱིན་བརླབས། ཧྲཱིཿ ཡེ་དག་ཟག་མེད་ཀུན་བཟང་མོ། །བདེ་སྟོང་རོལ་པའི་མཁའ་ཀློང་ལས། །སྲིད་ཞིའི་མཁའ་འགྲོ་དྲྭ་བར་ཤར། །སྣང་ཚུལ་ཡེ་ཤེས་ལས་འཇིག་རྟེན། །དམ་ཚིག་ཤ་ཟའི་ཌཱ་ཀི་མའི། །ཚོགས་ཀྱི་འཁོར་ལོ་དབང་བྱེད་མ། །ཡེ་ཤེས་མཁའ་འགྲོ་ཆོས་ཀྱི་སྒྲོན། །རང་གདངས་ཆོ་འཕྲུལ་བཀོད་པ་ལས། །ཆོས་དང་ཡེ་ཤེས་དམ་ཚིག་དབང་། །ལས་ཀྱི་མཁའ་འགྲོ་ཤ་ཟ་མོ། །ཕྱག་བརྙན་མ་མོ་སྤྲུལ་པའི་ཚུལ། །འཁོར་འདས་ཡོངས་ལ་དབང་བསྒྱུར་བའི། །རྡོ་རྗེའི་མཎྜ་ལར་བཞུགས་རྣམས། །རྣལ་

― KMC022_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་འབོད་པའི་གནས་འདིར་གཤེགས། །ལེགས་བཤམས་གདན་ལ་དགྱེས་པར་བཞུགས། །དངོས་སུ་བཤམས་དང་ཡིད་ཀྱིས་སྤྲུལ། །མཆོད་གཏོར་སྤྱན་གཟིགས་རོལ་མོ་དབྱངས། །ཀུན་ཏུ་བཟང་པོའི་མཆོད་སྤྲིན་གྱིས། །མཁའ་དབྱིངས་རབ་འབྱམས་རྒྱས་བཀང་ཏེ། །གསོལ་ལོ་མཆོད་དོ་འབུལ་ལོ་བསྔོ། །བཞེས་ཤིག་རོལ་ཅིག་ཚིམས་པར་མཛོད། །རྨད་བྱུང་དཀར་དམར་གསེར་གཡུའི་སྐྱེམས། །བསང་མཆོད་རྡོ་རྗེའི་ལོངས་སྤྱོད་ཀྱིས། །ཆོས་ཀྱི་སྒྲོན་མ་མངའ་གསོལ་ལོ། །ཡེ་ཤེས་དམ་ཚིག་ཤ་ཟ་དང་། །ལས་ཀྱི་ཕྱག་བརྙན་མཁའ་འགྲོ་མ། །སྣང་སྲིད་མ་ཚོགས་མངའ་གསོལ་ལོ། །གང་བཞེད་འཆར་བའི་གཏེར་ཆེན་པོས། །མཆོད་དོ་བརྔན་ནོ་མངའ་གསོལ་ལོ། །སྣོད་བཅུད་དུས་ཀྱི་རྒུད་པ་ཞི། །བསམ་པའི་དོན་ཀུན་འགྲུབ་པར་མཛོད། །རིག་འཛིན་བརྒྱུད་པའི་བཀའ་དམ་དང་། །རང་དམ་གཉན་པོ་རྗེས་དགོངས་ལ། །བདག་དང་ཡོན་

― KMC022_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བདག་པོ་ཡི། །བསམ་པ་སྒྲུབས་ལ་རེ་བ་སྐོངས། །ཉེས་པ་བཟློག་ཅིང་ལེགས་པ་སྤེལ། །ཁྱད་པར་སྙིགས་དུས་སྤྱོད་ངན་གྱིས། །ཁྱེད་རྣམས་ཐུགས་འགལ་བཟོད་པར་བཞེས། །འཁོན་འཁྲུག་ཞི་བ་ཆེན་པོར་ཟླུམ། །བསྟན་དང་བླ་མའི་འཕྲིན་ལས་དང་། །ཚེ་འབྱོར་མངའ་ཐང་རྒྱས་པར་མཛོད། །བརྟན་གཡོའི་སྣང་བ་དབང་དུ་སྡུས། །བཟུང་འཛིན་དགྲ་གདོན་འབྱུང་པོ་སྒྲོལ། །སྒྲུབ་བརྒྱུད་བསྟན་པའི་རྒྱལ་མཚན་འཕྱོར། །མི་འབྲལ་རྒྱུན་དུ་འགྲོགས་ནས་ཀྱང་། །གང་བཅོལ་ལས་རྣམས་བསྒྲུབ་ཏུ་གསོལ། །གསོལ་ལོ་མཆོད་དོ། །དཔལ་སྔགས་ལས་སྐྱེས་པའི་དབྱིངས་ཀྱི་ཡུམ་ཆེན་ཡེ་ཤེས་ཀྱི་ཌཱ་ཀི་དབང་ཕྱུག་ཆོས་ཀྱི་སྒྲོན་མ། བསྟན་སྐྱོང་ཨ་ཕྱི་ཆེན་མོ། མཁའ་འགྲོ་ཡོངས་ཀྱི་ཚོགས་དཔོན་ཆེན་མོ། འཁོར་ཡེ་ཤེས་མཁའ་འགྲོ་གཙུག་ན་ནོར་བུ། དམ་ཚིག་མཁའ་འགྲོ་ཡིད་བཞིན་ནོར་བུ། །དབང་གི་མཁའ་འགྲོ་ཁམས་གསུམ་གཟི་འཕྲོག །ཤ་ཟ་ལས་ཀྱི་

― KMC022_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་ཆེན་མོ། ཕྱག་བརྙན་མཁའ་འགྲོ་བྱེ་བ་འབུམ་སྡེ་དང་བཅས་པ་གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས་རྒྱལ་བའི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། འཁོར་དང་གང་ཟག་སྐྱོངས། དཔལ་དང་གྲགས་པ་སྒྲུབས། སྡང་བར་བྱེད་པའི་དགྲ་སོད། གནོད་པར་བྱེད་པའི་བགེགས་ཆོམས། རྣལ་འབྱོར་གྱི་བར་ཆད་སོལ། ཡོན་བདག་གི་མཐུན་རྐྱེན་སྒྲུབས། ནད་དང་གནོད་པ་བཙའ་སད་སེར་གསུམ་ཟློག །འཇིག་རྟེན་ཐམས་ཅད་བདེ་ལེགས་ཀྱི་སྣང་བས་ཁྱབ་ཅིང་། ཅི་བསམ་པའི་དོན་ཐམས་ཅད་ཡིད་བཞིན་དུ་འགྲུབ་པའི་ཕྲིན་ལས་མ་ལུས་པ་བསྒྲུབ་པར་མཛད་དུ་གསོལ། །ཞེས་གྱེར་ཞིང་རོལ་མོ་དང་བཅས་མཆོད་གཏོར་འབུལ་ལོ། །བཞི་པ་ཞིང་སྐྱོང་གི་མཁའ་འགྲོའི་གཙོ་མོ་སྒྲུབ་བརྒྱུད་ཀརྨ་ཀཾ་ཚང་གི་ཐུན་མོང་མ་ཡིན་པའི་བསྟན་སྲུང་ཇོ་མོ་བཀྲ་ཤིས་ཚེ་རིང་མའི་བསང་མཆོད་ནི། མཆོད་གཏོར་རྣམས་བིགྷྣཱ་གྱིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་ཤེས་རབ་ཡེ་ཤེས་ཀྱི་རང་

― KMC022_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཀ་པཱ་ལ་རྒྱ་ཆེ་བ་སྟོང་གསུམ་དང་མཉམ་པའི་ནང་དུ། ཐབས་མཆོག་བདེ་བ་ཆེན་པོའི་བདུད་རྩི་ཟད་མི་ཤེས་པ། འདོད་པའི་ཡོན་ཏན་ཅི་ཡང་འཕྲོ་བ་ནམ་མཁའ་དང་མཉམ་པར་གྱུར། ཨོཾ་ཨཱཿཧཱུྃ། ཨོཾ་བཛྲ་སྥ་ར་ཎ་ཁཾ། བྷྱོ། བོད་ཡུལ་དབུས་ཀྱི་ནུབ་ཕྱོགས་སུ། །གངས་དཀར་ནགས་སྤངས་གཡའ་ཡིས་མཛེས། །བསིལ་བྱེད་བདུད་རྩིའི་ཆུ་རྒྱུན་ཅན། །སྨན་སྤོས་ནེའུ་སེང་ཉམས་དགའ་བ། །ལ་ཕྱི་ཆུ་བར་གནས་ཀྱི་བདག །ལྷ་སྨན་བཀྲ་ཤིས་ཚེ་རིང་མ། །མཆེད་ལྔ་འཁོར་དང་བཅས་པ་རྣམས། །རྣལ་འབྱོར་གདུང་བས་སྤྱན་འདྲེན་ན། །གནས་མཆོག་འདི་རུ་གཤེགས་སུ་གསོལ། །ཀུན་ཏུ་བཟང་པོའི་སྨོན་ལམ་ལས། །བྱུང་བའི་མཆོད་པའི་སྤྲིན་རྒྱ་མཚོ། །དཔག་མེད་ནམ་མཁའི་ཁམས་བཀང་བ། །ཟད་མེད་ལོངས་སྤྱོད་རྒྱ་ཆེན་པོ། །རྣལ་འབྱོར་དྭངས་བས་འབུལ་ལགས་ན། །དགྱེས་བཞེས་དངོས་གྲུབ་རྣམ་གཉིས་སྩོལ། །བདེ་ཆེན་དངོས་སྦྱིན་ཧེ་རུ་ཀ །

― KMC022_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་བཞད་པ་རྡོ་རྗེ་དང་། །རྩ་བརྒྱུད་བླ་མ་ཐམས་ཅད་བསང་། །ལྷ་སྨན་བཀྲ་ཤིས་ཚེ་རིང་མ། །མཆེད་ལྔ་འཁོར་དང་བཅས་པ་བསང་། །ཡབ་ཅིག་ལྷོ་ལྷ་དེ་ཝ་དང་། །ཡུམ་མཆོག་འབྲོག་ཡུལ་སྨན་མོ་བསང་། །མིང་པོ་བདུན་དང་ཞིང་སྐྱོང་གི །མཁའ་འགྲོའི་ཚོགས་རྣམས་ཐམས་ཅད་བསང་། །བོད་སྐྱོང་བརྟན་མ་བཅུ་གཉིས་དང་། །མ་མོ་སྨན་མོ་འབུམ་སྡེ་བསང་། །སྟོང་གསུམ་སྲིད་གསུམ་འཇིག་རྟེན་ཁམས། །སྣང་སྲིད་མ་མོ་མཁའ་འགྲོ་བསང་། །ཕྱི་ནང་གསང་བ་ཡང་གསང་གི །མཆོད་སྤྲིན་མཁའ་དང་མཉམ་པ་འདིས། །ལྷ་སྨན་རྒྱལ་མོ་གཙོ་དང་འཁོར། །སྲིད་པ་རྒྱལ་མོའི་ལྷ་ཚོགས་རྣམས། །ཐུགས་དམ་གཉན་པོ་བསྐང་གྱུར་ནས། །བདག་ཅག་མཆེད་དང་ལྕམ་དྲལ་དང་། །རྒྱུ་སྦྱོར་ཡོན་གྱི་བདག་པོར་བཅས། །དུས་མིན་འཆི་བ་ལས་རྒྱལ་ནས། །འཆི་མེད་ཚེ་ཡི་དངོས་གྲུབ་ཐོབ། །ཟག་བྲལ་ཡེ་ཤེས་སྤྱན་ཐོབ་ཅིང་། །ཆོས་དང་ནོར་གྱི་འབྱོར་པས་

― KMC022_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག །ནད་གདོན་དགྲ་འདྲེ་ཉེར་འཚེ་བྲལ། །ཡིད་བཞིན་ནོར་དང་དཔག་བསམ་ཤིང་། །གཏེར་ཆེན་བུམ་པ་བཟང་པོ་བཞིན། །བདག་གི་ཇི་ལྟར་འདོད་པའི་དོན། །འབད་མེད་ལྷུན་གྱིས་འགྲུབ་པར་མཛོད། །ཅེས་གཏོར་མ་དང་གསེར་སྐྱེམས་ནམ་མཁར་མཆོད་ལ། གསོལ་ལོ་མཆོད་དོ། །ཇོ་མོ་བཀྲ་ཤིས་ཚེ་རིང་མ་དང་། མཐིང་གི་ཞལ་བཟང་། མི་གཡོ་བློ་བཟང་། ཅོད་པན་མགྲིན་བཟང་། གཏད་དཀར་འགྲོ་བཟང་མ་ལ་སོགས་པ། སྨན་བཙུན་མཆེད་ལྔ་འཁོར་དང་བཅས་པ་རྣམས་ལ་མཆོད་སྤྲིན་རྒྱ་མཚོས་གསོལ་ལོ། །མཆོད་དོ། །མངའ་གསོལ་ལོ། །གསོལ་ཞིང་མཆོད་པའི་མཐུས། སྤྱིར་སྒྲུབ་བརྒྱུད་ཀྱི་བསྟན་པ་རིན་པོ་ཆེ་སྤྱི་དང་། ཁྱད་པར་དཔལ་ཀརྨ་པའི་བསྟན་པ་འདི་ཉིད་གོང་དུ་འཕེལ་ཞིང་རྒྱས་ནས། ཡངས་པའི་ས་ཆེན་ཐམས་ཅད་ཁྱབ་ཅིང་ཉམས་མེད་ཡུན་རིང་དུ་གནས་པ་དང་། བསྟན་པ་དེ་ཉིད་འཛིན་པར་མཛད་པའི་སྐྱེས་བུ་དམ་པ་རྣམས་སྐུ་ཚེ་འགྱུར་མེད་རྡོ་

― KMC022_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་རང་བཞིན་དུ་བརྟན་པ་མགོན་པོ་ཚེ་དཔག་མེད་དང་དབྱེར་མེད་ཅིང་། མཁྱེན་རབ་འཇམ་དཔལ་དབྱངས། སྙིང་རྗེ་ཚད་མེད་སྤྱན་རས་གཟིགས། མཐུ་སྟོབས་གསང་བདག་རྡོ་རྗེ་འཛིན་པ་དང་མཚུངས་པ་བསྟན་འགྲོའི་བསོད་ནམས་ཀྱི་དཔལ་དུ་གྲུབ་ཅིང་། དེའི་མཐུ་ལ་བརྟེན་ནས་ཀཾ་ཚང་དགེ་འདུན་གྱི་སྡེ་རྣམས་གོང་ནས་གོང་དུ་འཕེལ་ཞིང་། འཇིག་རྟེན་གྱི་ཁམས་ཀུན་ཏུ་ནད་མཚོན་མུ་གེའི་བསྐལ་པ་ནམ་ཡང་མི་འབྱུང་ཞིང་། བདེ་སྐྱིད་ཕུན་སུམ་ཚོགས་པ་རྫོགས་ལྡན་གྱི་དཔལ་ལ་སྤྱོད་པའི་ཕྲིན་ལས་གཡེལ་བ་མེད་པར་མྱུར་དུ་འགྲུབ་པར་མཛད་དུ་གསོལ། །ཞེས་བརྗོད་དོ། །ཅེས་སྒྲུབ་བརྒྱུད་རིན་པོ་ཆེའི་བསྟན་བསྲུང་བཀྲ་ཤིས་ཚེ་རིང་མའི་བསང་མཆོད་སྒར་བསང་ཆེན་མོར་སྦྱར་རྒྱུ་དང་། སྒེར་གསོལ་དུས་སུ་ཡང་སྦྱར་རུང་བ་འདི་བཞིན་ཆོས་མཛད་རྗེ་བཙུན་མ་ཀརྨ་རྣམ་རྒྱལ་དཔལ་སྒྲོན་གྱིས་བསྐུལ་བའི་ངོར། ཀརྨ་པ་བཅུ་བཞི་པས་ཡང་དབེན་ཁྱུང་རྫོང་ལྷུན་གྲུབ་ཕོ་བྲང་དུ་བྲིས་པ་དགེ་ལེགས་འཕེལ། །དེ་ལྟར་བཀའ་སྲུང་མཆོག་རྣམས་ཀྱི། །མངའ་གསོལ་གཞུང་རྙིང་གསེར་

― KMC022_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཕྲེང་། །ཁ་འགེང་ནོར་བུའི་རྒྱན་བསྟར་བའི། །ལྷ་མིའི་དགའ་སྟོན་དཔྱིད་འདི་རྨད། །ཅེས་འཁོར་ལྔ་དང་རྗེས་འབྲངས་ལས་མཁར་ནག་དང་། ཨ་ཕྱི་གསར་སྦྱོར་བཅས་པའི་བསང་གསོལ་གྱི་རིམ་པ་རྣམས་མཁའ་ཁྱབ་རྡོ་རྗེར་འབོད་པས་ཕྱོགས་གཅིག་ཏུ་བསྡེབས་པའོ།། །།དགེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

དཔལ་ལྡན་ཀརྨ་པའི་གདན་ས་བདེ་མཆོག་ཐུགས་ཀྱི་འཁོར་ལོ་མཚུར་མདོ་བོ་ལུང་གི་ཕྱག་རྒྱུན་ལས་འབྱུང་བའི་མགྲོན་ཐབས་ཀྱི་སྲུང་མ་གདན་ས་གོང་འོག་གཙོ་བོར་གྱུར་པའི་ཡུལ་གཞིའི་བདག་པོ་རྣམས་ཀྱི་བསང་མཆོད་ཕྱོགས་གཅིག་ཏུ་བཀོད་པ་བསམ་འཕེལ་ནོར་བུའི་ཕྲེང་བ།

― KMC022_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་ཀརྨ་པའི་གདན་ས་བདེ་མཆོག་ཐུགས་ཀྱི་འཁོར་ལོ་མཚུར་མདོ་བོ་ལུང་གི་ཕྱག་རྒྱུན་ལས་འབྱུང་བའི་མགྲོན་ཐབས་ཀྱི་སྲུང་མ་གདན་ས་གོང་འོག་གཙོ་བོར་གྱུར་པའི་ཡུལ་གཞིའི་བདག་པོ་རྣམས་ཀྱི་བསང་མཆོད་ཕྱོགས་གཅིག་ཏུ་བཀོད་པ་བསམ་འཕེལ་ནོར་བུའི་ཕྲེང་བ་ཞེས་བྱ་བ་བཞུགས་སོ། །

― KMC022_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་ཀརྨ་ཀ་བཛྲ་སཏྭ་ཡེ། སྒྲུབ་བརྒྱུད་མཚན་སྙན་དགའ་ཚལ་ལྗོན་ཕྲེང་གི །གཙོ་བོར་མངོན་འཕགས་དཔག་བསམ་དབང་པོ་ནི། ཀརྨའི་བཀའ་རྒྱུད་བསྟན་པའི་གཉེར་འཛིན་པའི། མགྲོན་རིགས་རྣམས་ཀྱི་བསང་མཆོད་འདི་ན་སྤེལ། དེ་ལ་ཐོག་མར་གདན་ས་གོང་འོག་བར་གསུམ་དཔལ་སྤུངས་སོགས་ཆོས་འཁོར་སྒྲུབ་གནས་རྣམས་ཀྱི་སྲུང་མ་གཞི་བདག་གི་བསང་མཆོད་དགོས་འདོད་རེ་སྐོང་རྗེ་བཅུ་བཞི་པས་བསྩལ་བ་ལ་ཅུང་ཟད་ཁ་བསྐང་བ་ནི། ན་མོ་པདྨ་སམྦྷ་ཝ་ཀརྨ་ཀ་ན་མོ། གང་ཞིག་གང་གི་ཕུན་ཚོགས་དྲན་ཙམ་གྱིས། སྐད་ཅིག་སྲིད་པའི་གདུང་བ་མཐར་བྱེད་པ། སྐྱབས་གྱུར་རིན་ཆེན་གསུམ་གྱི་ཞབས་པད་མོར། །རྣམ་ཀུན་དད་དང་སྤྲོ་བས་ལན་བརྒྱར་འདུད། འདིར་སྒྲུབ་པ་

― KMC022_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གི་བསྟི་གནས་རྡོ་རྗེ་གདན་མཆོག་གཉིས་པ་འོག་མིན་མཚུར་ཕུ་དང་། ཀརྨ་ཀཾ་པོ་སོགས་སྒྲུབ་གནས་ཆེན་པོ་རྣམས་སྲུང་ཞིང་སྐྱོངས་བའི་དཀར་པོའི་ཕྱོགས་ཀྱི་གཞི་བདག་མཐུ་ཆེན་ལ་བསང་མཆོད་བརྔན་གྱི་མཆོད་སྤྲིན་སྤྲོ་བར་འདོད་པ་དག་གིས། གཙང་མའི་གནས་སུ་གཏོར་མཆོད་གཙང་ཞིང་རྒྱ་ཆེ་བ། འབྲུ་སྨན། དར་ཟབ། ཕྱེ་མར། སྐྱེམས་ཕུད། བཟང་ཤིང་སྣ་ཚོགས་ཀྱི་བསང་དུ་སྡོགས་ཅི་འབྱོར་པའི་མཆོད་རྫས་འདུ་བགྱིས་ལ། དེ་དག་བྱིན་གྱིས་བརླབས་པ་ནི། ཨོཾ་ཨཱཿཧཱུྃ་ཧྲཱིཿ གདོད་ནས་དག་པ་སྤྲོས་བྲལ་ཆོས་དབྱིངས་དང་། །རང་རིག་རང་བྱུང་པདྨ་ཧེ་རུ་ཀར། །གསལ་བའི་ཐུགས་ལས་འོད་འཕྲོས་རྫས་ལ་

― KMC022_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོག །མ་དག་དྲི་སྦྱངས་དག་པ་ཡེ་ཤེས་ཀྱི། །བདུད་རྩིའི་རང་བཞིན་དཔེ་མེད་བརྗོད་བྲལ་གྱུར། ཨོཾ་ཨ་ཀཱ་རོ་སོགས་ལན་གསུམ་བརྗོད། དེ་ནས་རོལ་མོ་སྣ་ཚོགས་ལྡིར་ཞིང་སྙན་པའི་དབྱངས་ཀྱིས་འདི་སྐད་དོ།། ཀྱཻ། ཛམ་གླིང་བྱང་ཕྱོགས་བསིལ་ལྡན་རྡུལ་དཀར་གྱིས། །ཕྲེང་བས་ཡོངས་བསྐོར་བྷོ་ཊའི་ལྗོངས་ཀྱི་དབུས། །སྟོད་ལུང་མཚུར་ཕུ་ཞེས་གྲགས་འོག་མིན་ཞིང་། །ཡ་མཚན་ས་འདིར་མངོན་སུམ་འཕོས་པ་བཞིན། །འཇིག་རྟེན་སྒྲོན་མེ་དམ་པ་མཆོག་རྣམས་ཀྱི། །མཆོག་དངོས་གྲུབ་པའི་བསྟི་གནས་བླ་ན་མེད། །མ་སླད་སྣང་ངོར་རྒྱལ་བ་རྒྱ་མཚོའི་ཚོགས། །དཔའ་བོ་ཌཱ་ཀི་རྟག་འདུ་དགྱེས་རོལ་ཞིང་། །ཡིད་ཅན་ཀུན་གྱི་མིག་དབང་སྤྱོད་ཡུལ་དུ། །འཇིག་རྟེན་ལ་གྲགས་ས་ཡི་དཔྱད་ཀུན་ལྡན། །སྲ་མཛེས་བྲག་དང་གཡའ་སྤང་ལྷུན་ཆགས་པའི། །ས་འཛིན་རབ་མཐོར་ནགས་ཚལ་མེ་ཏོག་ཕྲེང་། །དབྱར་སྐྱེས་གཞོན་ནུས་ཁེབས་པའི་ནེའུ་སིང་ངོས། །འདུ་བ་རྣམ་བཞིའི་བྲོ་ནད་གདུང་སེལ་

― KMC022_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། །བདེ་སྟེར་སྨན་མཆོག་མ་ཚང་མེད་པ་བཞིན། །རབ་གྲགས་ཤུག་དང་སྒྲར་བཅས་གྱ་གྱུར་དུ། །འབབས་པའི་སྐལ་ལྡན་ཤིང་རྟའི་བགྲོད་པ་རྣམས། །ལེ་ལོའི་གཉིད་ལས་སློང་བའི་ཆོས་ཀྱི་སྒྲ། །སྒྲུབ་པོར་ཆེད་དུ་འབོད་བཞིན་ལྷུང་ལྷུང་སྒྲོགས། །སྣ་ཚོགས་རི་དྭགས་བག་ཕེབས་བདེར་གནས་ཤིང་། །སྤུ་སྡུག་མཛེས་པའི་བྱ་རྣམས་སྙན་པར་སྒྲོགས། །ཆོས་བཞིན་སྤྱོད་པའི་མཐུན་རྐྱེན་ཕུན་ཚོགས་ཞིང་། །ངོ་མཚར་སྒྲུབ་གནས་ཡོངས་ཀྱི་མཆོག་གྱུར་དེར། །རྟག་ཏུ་འདུ་ཞིང་དགྱེས་རོལ་བླ་མ་དང་། །ཡི་དམ་དཔའ་བོ་ཌཱ་ཀི་ཆོས་སྐྱོང་ཚོགས། །བླ་མེད་མཆོད་སྤྲིན་རྒྱ་མཚོས་མཉེས་གྱུར་ཅིག །ཁྱད་པར་གསུང་གི་དབང་ཕྱུག་སྙིང་རྗེའི་ལྷ། །རྒྱལ་བ་རྒྱ་མཚོའི་ཡེ་ཤེས་འདུས་པའི་སྐུ། །འཕགས་མཆོག་སྤྱན་རས་གཟིགས་ཀྱི་དཀྱིལ་འཁོར་པ། །ཞི་དང་ཁྲོ་གར་སྣ་ཚོགས་ནོར་བུ་བཞིན། །གདུལ་བྱའི་དོན་དུ་རོལ་པར་ཤར་བ་ནི། །འགྲོ་རྣམས་གཏན་

― KMC022_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དབུལ་བ་སེལ་བའི་ཕྱིར། །ཕྱི་ལྟར་སྙིང་རྗེའི་མཛོད་འཛིན་ཛམ་ལྷ་དཀར། །ནང་ལྟར་ཁམས་གསུམ་འགུགས་བྱེད་མདུང་དམར་ཅན། །གསང་བ་ཧེ་རུ་ཀ་དཔལ་རྟ་མཆོག་རྒྱལ། །ཡང་གསང་ཐུགས་རྗེ་གསང་བའི་མཎྜལ། །མཆོག་གསང་དྲྭ་བ་སྡོམ་པའི་དཀྱིལ་འཁོར་པ། །སངས་རྒྱས་བྱང་སེམས་དཔའ་བོ་ཧེ་རུ་ཀ །རིག་འཛིན་མཁའ་འགྲོ་དམ་ཅན་འདུས་པ་ཡི། །འཁོར་ལོ་ཆེན་པོར་རོལ་པའི་ལྷ་ཚོགས་རྣམས། །བླ་མེད་ཀུན་བཟང་མཆོད་སྤྲིན་རྒྱ་མཚོས་མཆོད། །དབུས་རི་བྱམས་པ་ཆེན་པོའི་ལྟེ་བ་ལ། །མ་ཕམ་རྒྱལ་བ་བྱང་སེམས་ཉན་ཐོས་འཁོར། །ཐེག་ཆེན་ཆོས་ཀྱི་འཁོར་ལོའི་གནྡྷོ་དང་། །གསང་བ་ཡེ་ཤེས་ཌཱ་ཀིའི་དཀྱིལ་འཁོར་སོགས། །རབ་འབྱམས་རྒྱལ་བའི་ཚོམ་བུ་མཐའ་ཡས་རྣམས། །དག་མཉམ་ཡང་པ་ཆེན་པོའི་མཆོད་པ་བཞེས། །ཁྱད་པར་མ་རུངས་ལོག་འདྲེན་འཛོམས་པའི་གཉེན། །མ་ཧཱ་ཀཱ་ལ་རྡོ་རྗེ་བེར་ནག་ཅན། །འདོད་ཁམས་དབང་

― KMC022_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་ལྷ་མོ་རེ་མ་ཏི། །དགྲ་ལྷ་ཆེན་པོ་རྡོ་རྗེ་ལེགས་པ་སོགས། །ཆོས་སྐྱོང་རྒྱ་མཚོའི་ཚོགས་རྣམས་ཐམས་ཅད་བསང་། །ཀླུ་རྒྱལ་ཆེན་པོ་ཐོད་དཀར་ཟླ་བའི་སྲས། །རྡོ་རྗེ་རྒྱལ་ཞེས་མཚན་དུ་རབ་གྲགས་པ། །སྐུ་མདོག་མིག་སྨན་ཉིད་དང་འགྲན་བཟོད་ཅིང་། །ཞི་འཛུམ་ཐལ་སྦྱར་ཚུལ་གྱིས་ནོར་བུ་འཛིན། །སྣ་ཚོགས་རཏྣའི་རྒྱན་དང་ལྷབ་ལྷུབ་གོས། །དུ་མས་རབ་བརྒྱན་སྐུ་སྨད་ལྟོ་འགྲོ་ཡི། །གཟུགས་སུ་བྱས་ནས་གཉིས་འཐུང་དཀར་པོའི་སྟེང་། །རབ་ཏུ་བརྗིད་ཅིང་འགྱིང་བག་ལྡན་པར་གནས། །དྲག་པོར་ཁྲོས་པ་ནག་པོ་དུག་གི་གདོང་། །རབ་ཏུ་དམར་བའི་སྡང་མིག་ཆེར་བགྲད་ཅིང་། །ནག་པོ་བརྩེགས་པའི་ཁ་རླངས་སྟོང་གསུམ་ཁྱབ། །རྡོ་རྗེ་འབར་བ་ལྟོ་འགྲོའི་ཞགས་པ་དང་། །ནད་རྐྱལ་གཡས་གཡོན་ཕྱག་གིས་རབ་འཛིན་ཅིང་། །ཉམས་པའི་ཚོགས་རྣམས་མིང་ཙམ་མེད་པར་བྱེད། །སྟོབས་ལྡན་དེ་སྲས་བཙུན་མོ་བློན་འབངས་བྲན། །ཀུན་ཀྱང་དཔག་

― KMC022_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་མཁའ་མཉམ་མཆོད་པས་མཆོད། །མ་རུངས་འཇོམས་མཛོད་དྲག་རྩལ་ཤུག་ལྡན་པ། །གྱང་ལྷ་བཙན་པོ་མདོག་དམར་ཁྲོས་པའི་ཞལ། །ཁྲབ་རྨོག་དར་མདུང་ཕུབ་དང་རལ་གྲི་སོགས། །དཔའ་བའི་ཆོས་ལྡན་མྱུར་མགྱོགས་ཅང་ཤེས་ལ། །རཏྣའི་སྒ་སྲབ་རྒྱན་གྱིས་མཛེས་པའི་སྟེང་། །གཏུམ་རྔམས་དྲག་རྩལ་ལྡན་པར་འགྱིང་བཞིན་གནས། །སྤྲུལ་དང་ཡང་སྤྲུལ་འཁོར་ཚོགས་བྱེ་བ་བརྒྱར། །འདོད་ཡོན་མཁོ་རྒུའི་ཚོགས་ཀྱིས་མཉེས་མཆོད་འབུལ། །ཁྱད་པར་གཉན་ཆེན་རྒྱ་ལྷ་གང་བ་བཟང་། །རབ་དཀར་ཀཻ་ལ་ཤ་ཡི་ལྷུན་པོ་ལ། །ཉི་འོད་འབུམ་གྱིས་འཁྱུད་ལྟར་གཟི་འབར་ཞིང་། །ཞི་མ་ཁྲོ་འཛུམ་སྒེག་ཅིང་དཔའ་བའི་ཉམས། །གནག་སྣུམ་དབུ་སྐྲ་ལྕང་ལོས་མཛེས་པའི་སྟེང་། །ཞྭ་དཀར་འཕྲུ་ལྡན་ནོར་བུའི་ཏོག་གིས་སྤྲས། །སྐུ་ལ་དར་ལྗང་ན་བཟའ་གསོལ་བའི་སྟེང་། །དར་དཀར་བེར་ཆེན་ལྷབ་ལྷུབ་ཚུལ་གྱིས་མཛེས། །གཡས་གཡོན་ཕྱག་ན་དར་མདུང་དཀར་

― KMC022_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དང་། །དགོས་འདོད་རིན་ཆེན་གཏེར་གྱི་བུམ་པ་འཛིན། །ཅང་ཤེས་ངང་པ་གསེར་གཡུ་ནོར་བུའི་རིགས། །དུ་མའི་རྒྱན་དང་སྒ་སྲབ་གྱིས་མཛེས་སྟེང་། །དཔའ་བརྗིད་རྔམས་པའི་ཚུལ་གྱིས་འགྱིང་བཞིན་གནས། །བཙུན་མོ་སྲས་དང་ཕྱི་ནང་བློན་པོའི་ཚོགས། །ཉམས་འགྱུར་དཔག་མེད་སྒྱུ་མ་སྨིག་སྒྱུ་བཞིན། །གཉན་ཆེན་དྲག་པོར་ཁྲོས་པའི་སྐུར་བཞེངས་ཚེ། །སྐུ་མདོག་པདྨ་རཱ་ག་ལྟར་སྨུག་ཅིང་། །ཁྲོ་གཉེར་སྡང་མིག་རབ་བགྲད་ཁྲོས་པའི་ཞལ། །མཐིང་ནག་བེར་གསོལ་ཕྱག་གཡས་རལ་གྲི་དང་། །གཡོན་པས་བདུད་ཞགས་འཛིན་ཅིང་འཁོར་གསུམ་བསྐོར། །རྟ་ནག་ཤུགས་ལྡན་རླུང་གཤོག་ལྡན་ལ་ཆིབས། །མཐུ་ལྡན་གཉན་ཆེན་འཁོར་དང་བཅས་རྣམས་ལ། །དངོས་འབྱོར་ཡིད་སྤྲུལ་དཔག་མེད་མཆོད་པའི་སྤྲིན། །རིན་ཆེན་འབྲུ་སྨན་དར་ཟབ་གོ་མཚོན་དང་། །ཕྱེ་མར་སྐྱེམས་ཕུད་བཟང་ཤིང་སྣ་ཚོགས་པའི། །དྲི་ཞིམ་བདུག་སྤོས་སྤྱན་

― KMC022_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་དཀོར་ཆས་སོགས། །དཔག་མེད་བློས་བླངས་ནམ་མཁའ་མཉམ་པས་མཆོད། །གཞན་ཡང་འོག་མིན་ཀརྨའི་གནྡྷོ་ལའི། །ཆོས་འཁོར་སྐྱོང་ཞིང་སྲུང་བའི་གཞི་བདག་གཙོ། །དཔལ་ལྡན་ཤེས་རབ་འཁོར་དང་བཅས་རྣམས་དང་། །ཀཾ་པོ་གནས་ནང་ཡུལ་སྐྱོང་དགེ་བསྙེན་ཆེ། །རྡོ་རྗེ་དཔལ་བརྩེགས་སྤྲུལ་འཁོར་བཅས་པ་སོགས། །སྒྲུབ་གནས་ཆེ་རྣམས་སྲུང་ཞིང་སྐྱོང་མཛད་པའི། །གཞི་བདག་ཚོགས་རྣམས་མཆོད་སྤྲིན་རྒྱ་མཚོས་མཆོད། །ཡོན་ཏན་འཁོར་ལོ་དེ་ཝི་ཀོ་ཊ་ཆེར། །དགྱེས་རྒུར་རོལ་པའི་རྩ་གསུམ་རྒྱ་མཚོ་དང་། །ཡུལ་སྐྱོང་ལྷ་གཉན་དབུ་ཆེ་བྲག་དཀར་དང་། །ཟོ་དོར་རྩེ་རྒྱལ་ཞེ་ད་ལ་སོགས་པའི། །ཐུབ་བསྟན་ཆོས་འཁོར་གླིང་སྐྱོང་གཙོར་གྱུར་པའི། །དུས་གསུམ་ཀུན་མཁྱེན་ཡབ་སྲས་བརྒྱུད་བཅས་པའི། །གདན་ས་དབུས་གཙང་མདོ་ཁམས་རྒྱ་འཇང་སོགས། །སྤུ་ཀཱོ་རྨ་ཡི་ཡུལ་དང་རྒྱལ་མོ་རོང་། །མོན་འབྲུག་འབྲས་ལྗོངས་མངའ་རིས་བྱང་

― KMC022_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་ཡུལ། །གང་དུ་ཆགས་པའི་ཡུལ་གཞི་གནས་ཀྱི་བདག །སྡེ་རིས་དཔུང་དང་གཉེན་སྡེ་བཅས་པ་རྣམས། །འབོད་པའི་གནས་འདིར་བྱོན་ལ་དགྱེས་པར་བཞུགས། །བསང་ངོ་གསོལ་ལོ་མཆོད་དོ་མངའ་གསོལ་ལོ། །མཆོད་ཡུལ་ཚོགས་རྣམས་རབ་ཏུ་མཉེས་གྱུར་ནས། །རྒྱལ་བསྟན་རིན་ཆེན་ཕྱོགས་བརྒྱར་འཕེལ་བ་དང་། །ཁྱད་པར་བསྟན་པའི་སྙིང་པོ་སྒྲུབ་བརྒྱུད་ཀྱི། །རིང་ལུགས་དྲི་མེད་ས་ཆེན་ཡོངས་ཁྱབ་ཅིང་། །བསྟན་པ་འཛིན་པའི་སྐྱེས་བུ་མཆོག་རྣམས་ཀྱི། །སྐུ་ཚེ་འཆི་མེད་རྡོ་རྗེ་ལྟར་བརྟན་ཅིང་། །འཇིག་རྟེན་ཀུན་ཏུ་བདེ་ལེགས་ཕུན་ཚོགས་མཛོད། །ཁྱད་པར་འོག་མིན་ས་ལ་སྤྱོད་པའི་ཞིང་། །དཔལ་གྱི་སྟོད་ལུང་མཚུར་ཕུའི་ཆོས་གྲ་ཡིས། །གཙོར་བྱས་གདན་ས་ཆོས་འཁོར་སྒྲུབ་པའི་སྡེ། །ས་སྟེང་ལྷ་མིའི་མཆོད་སྡོང་ཆེ་རྣམས་ཀྱི། །ཆོས་སྲིད་མངའ་ཐང་དགུང་དུ་རེགས་པ་དང་། །དགེ་འདུན་སྡེ་རྒྱས་ཐོས་བསམ་སྒོམ་སྒྲུབ་འཕེལ། །

― KMC022_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་ལ་རི་མོར་བགྱི་བའི་ལྷག་བསམ་བློ། །རྣམ་པར་དཀར་བའི་ལས་འཛིན་ཡོན་བདག་སོགས། །ཀུན་ཀྱང་ཚེ་བསོད་དཔལ་འབྱོར་རྒྱས་པ་དང་། །ཅི་བསམ་དོན་ཆེན་བདེ་བླག་ཉིད་འགྲུབ་མཛོད། །བསྟན་དང་བསྟན་འཛིན་བརྒྱུད་པར་བཅས་རྣམས་ལ། །བསམ་ངན་སྦྱོར་རྩུབ་མུན་ལྟར་གནག་པའི་བློས། །སྔ་དགྲ་ལག་བསྔར་ཕྱི་དགྲ་ཡིད་ལ་སེམས། །ད་དགྲ་ཐད་དུ་བཙུག་པའི་དགྲ་བོ་རྣམས། །སྐད་ཅིག་ཡུད་ཙམ་ཉིད་ལ་སྲོག་རྩ་ཆོད། །མིང་གི་ལྷག་མའི་ཆ་ཙམ་མེད་པར་མཛོད། །འཇིག་རྟེན་སྤྱི་དང་ཁྱད་པར་ཡུལ་ཕྱོགས་འདིར། །ནད་མཚོན་མུ་གེའི་སྒྲ་ཙམ་མི་གྲགས་ཅིང་། །བདེ་སྐྱིད་སྐབས་གསུམ་གནས་ལ་ཅོར་འདྲི་བའི། །ཕུན་ཚོགས་ཡར་ཟླའི་ཆ་ཤས་རབ་གང་ནས། །བཀྲ་ཤིས་སྣང་བ་དཀར་པོས་ཁྱབ་གྱུར་ཅིག །གསོལ་ལོ། མཆོད་དོ། བསང་ངོ་། བརྔན་ནོ། ཀྱཻ། །བསླུ་བ་མེད་པའི་སྐྱབས་གནས་རིན་པོ་ཆེ་རྣམ་པ་གསུམ། ཡི་དམ་རྒྱུད་སྡེ་

― KMC022_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་ལྷ་ཚོགས། དཔལ་མ་ཧཱ་ཀཱ་ལ་རྡོ་རྗེ་བེར་ནག་ཅན་སོགས་བསྟན་སྲུང་རྒྱ་མཚོའི་ཚོགས་དང་། ཡུལ་སྐྱོང་གཉན་ཆེན་རྒྱ་ལྷ་གང་བ་བཟང་པོ། དགེ་བསྙེན་དཔལ་ལྡན་ཤེས་རབ། ཀཾ་པོ་རྡོ་རྗེ་དཔལ་བརྩེགས། དབུ་ཆེན་རྡོ་རྗེ་བྲག་དཀར་སོགས། འཁོར་ལོ་གསུམ་གྱི་དཀྱིལ་འཁོར་ཆེན་པོ་གདན་ས་གོང་འོག་བར་གསུམ་དང་། ཡོན་ཏན་འཁོར་ལོ་དེ་ཝཱི་ཀོ་ཊ་དཔལ་ཀུན་སྤུངས་པའི་ཆོས་གྲ་གཙོར་གྱུར་པའི་དཔལ་ལྡན་དུས་གསུམ་མཁྱེན་པའི་རྒྱུད་འཛིན་གྱི། ཆོས་འཁོར་རི་ཁྲོད་རྣམས་དང་། ལྷག་པར་འོག་མིན་སྐུ་གསུང་ཐུགས་ཡོན་ཏན་ཕྲིན་ལས་ཀྱིས་བྱིན་གྱི་བརླབས་པའི་གནས་མཆོག་འབྲས་འབྲུག་བལ་ཡུལ་བཅས་ཀྱིས་གདན་ས་གོང་འོག་བར་གསུམ་གྱི་བསྲུང་མཐུ་བོ་ཆེ་རྣམས་དང་གཞི་བདག་ས་བདག་རྣམས་གསོལ་ལོ་མཆོད་དོ། །གཞན་ཡང་སྒྲུབ་གནས་བྱིན་རླབས་ཅན་རྣམས་བསྲུང་ཞིང་སྐྱོང་བར་བྱེད་པའི་གཞི་བདག་མཐུ་བོ་ཆེ་རྣམས་

― KMC022_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་ལོ། །མཆོད་དོ། གསོལ་ཞིང་མཆོད་པ་ལ་བརྟེན་ནས། སངས་རྒྱས་ཀྱི་བསྟན་པ་སྲུངས། དཔལ་ལྡན་བླ་མའི་སྐུ་ཚེ་བསྲིང་། དགེ་འདུན་གྱི་སྡེ་སྐྱོངས། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ཐམས་ཅད་གཞི་བྱེས་ལམ་གསུམ་གར་འགྲོ་གར་སྡོད་ཀྱང་ལེགས་དང་སྤྲོད། ཉེས་དང་བསྣོལ། བསམ་དོན་ཐམས་ཅད་ཡིད་བཞིན་དུ་འབད་མེད་ཉིད་དུ་འགྲུབ་པའི་ཕྲིན་ལས་དང་། སྟོངས་གྲོགས་རྒྱ་ཆེན་པོ་མཛོད་ཅིག །ཅེས་བརྗོད་ལ་གཏོར་མ་གསེར་སྐྱེམས་ནམ་མཁར་མཆོད་དོ། །ཅེས་པ་འདིའང་ལྕམ་སྲིང་ཆོས་མཛད་མ་དྷརྨ་ཏཱ་རས་བསྐུལ་བའི་ངོར། ཀརྨ་པ་བཅུ་བཞི་པས་སྨིན་ཟླའི་ཡར་ཚེས་བདུན་ཟླ་བ་གྲོ་བཞིན་འགྲུབ་སྦྱོར་དང་ལྡན་པའི་སྔ་དྲོའི་ཆར་བྲིས་པ་སརྦ་མངྒ་ལཾ། །བྱང་ཆུབ་སེམས་དཔའ་ཉི་མའི་སྙིང་པོ་ཉིད་འགྲོ་བ་སྤྱི་དང་། ཁྱད་པར་རྔོག་ཆགས་རྣམས་ཀྱི་དཔལ་མགོན་དུ་བཞེངས་ཤིང་། རྒྱལ་བའི་བསྟན་པ་བསྲུང་བའི་ཕྲིན་ལས་ཀྱི་གཉེར་ཁ་འཛིན་པ་འཕགས་པ་རེ་མནྟའི་བསང་མཆོད་ནི། ཀྱཻ། སྙིང་པོ་བྱང་ཆུབ་ཤིང་དྲུང་ན། །བཅོམ་ལྡན་ཤཱཀྱ་ཐུབ་པ་ལ། །ཅང་ཤེས་ཉི་མའི་

― KMC022_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ་དང་། །བྱང་ཆུབ་སེམས་དཔའ་བརྒྱད་ཀྱིས་བསྐོར། །མཆོད་དོ་རྟ་ལྷའི་རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །མེ་དཔུང་འབར་བའི་གཞལ་ཡས་ན། །རྟ་མགྲིན་པདྨ་ཧེ་རུ་ཀ །སྐུ་མདོག་དམར་ལ་མེ་འོད་འཕྲོ། །ཞལ་གཅིག་ཕྱག་གཉིས་ཞབས་གཉིས་བགྲད། །རྡོ་རྗེ་དབྱུག་ཐོ་ལྕག་སྒྲོག་བསྣམས། །ཞལ་གདངས་ལྗགས་འདྲིལ་མཆེ་བ་གཙིགས། །ཁྲོ་གཉེར་སྤྱན་གསུམ་འཕྲོ་ཞིང་གཟིགས། །སྤྱི་གཙུག་རྟ་ཞལ་རྟ་སྐད་འཚེར། །མཆོད་དོ་རྟ་ལྷའི་རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །རྟ་ལྷའི་རྒྱལ་པོ་རེ་མཱནྟ། །ཆིབས་སུ་སྔོན་པོ་ཉྭ་ནག་ཆིབས། །སྐུ་ལ་གསེར་ཁྲབ་སེར་པོ་གསོལ། །ལྕག་ཁྲ་ཟུང་རེ་ཕྲག་ལ་ལྡིང་། །སྟག་གཉིས་སྔོན་འཕྱོ་སེང་གཉིས་རྒྱབ། །སྤྱི་གཙུག་ཁྱུང་ཆེན་ཟུང་རེ་ལྡིང་། །མདའ་གཞུ་མདུང་དང་རལ་གྲི་དང་། །བ་དན་རྡོ་རྗེ་རྩེ་ལྔ་དང་། །སྣ་ཚོགས་མཚོན་བསྣམས་འཁོར་ལྔ་བརྒྱ། །མཆོད་དོ་རྟ་ལྷའི་

― KMC022_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །དཔལ་ལྡན་མགོན་པོ་ནག་པོ་ནི། །ཆིབས་སུ་བྲ་ནག་རྟིང་དཀར་ཆིབས། །རྟ་དང་མི་ཡི་སྐར་ངན་སེལ། །མཆོད་དོ་རྟ་ལྷའི་རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །རྟ་ནད་དྲག་པོ་འདུལ་མཛད་པ། །བྱང་སེམས་གང་བ་བཟང་པོ་ལ། །མཆོད་དོ་རྟ་ལྷའི་རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །རྒྱལ་ཆེན་མགོན་པོ་རྣམ་ཐོས་སྲས། །བྱང་ཆུབ་གསེར་འདྲ་སེངྒེ་ཞོན། །མི་འཇིགས་སྐྱོབ་ཕྱིར་ནེའུ་ལེ་འཛིན། །རྟ་ནོར་འཕེལ་མཛད་གནོད་སྦྱིན་འཁོར། །མཆོད་དོ་རྟ་ལྷའི་རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །མགོན་པོ་མི་དཀར་རྟ་དམར་ཆིབས། །དར་དཀར་གོས་གསོལ་ཅོད་པན་དམར། །མཆོད་དོ་རྟ་ལྷའི་རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །ནོར་ལྷ་རྟ་བདག་ཀུ་བེ་ར། །བསྭེ་ཡི་གོ་གསོལ་རྟ་སྔོན་ཆིབས། །ཕྱག་ན་རལ་གྲི་བ་དན་བསྣམས། །འཁོར་དུ་ལྷ་ཆེན་བརྒྱད་

― KMC022_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསྐོར། །མཆོད་དོ་རྟ་ལྷའི་རྒྱལ་པོ་མཆོད། །བསང་ངོ་རྟ་ལྷའི་རྒྱལ་པོ་བསང་། །ལྷ་སྲུང་གཉན་པོ་ཁྱེད་རྣམས་ཀྱིས། །རྔོ་དང་འབྲས་དང་མཚེར་ལངས་དང་། །གློ་དང་ལྷེད་དང་འཐིང་གྲུམ་སོགས། །རྟ་ནད་ཐམས་ཅད་ཞི་བར་མཛོད། །དགྲ་ཇག་གཅན་གཟན་གནོད་པ་ཟློག །གདོན་བགེགས་སྲི་ལ་མ་སྐུར་ཅིག །རྟ་ཕོ་བཟང་པོ་རྩལ་བསྐྱེད་ལ། །ཡོ་མ་རྣམས་ཀྱི་ཁྱུ་སྤེལ་ཅིག །རྟེའུའི་རྫི་བོ་ཁྱོད་ཀྱིས་མཛོད། །རྟ་ཡི་ཚེ་སྲོག་བརྟན་པར་མཛོད། །ཨོཾ་ཀུ་བེ་ར་ཡ་སྭཱ་ཧཱ། ཞེས་རྟ་གཟུངས་སྡེ་ལྔ་ནས་བཏུས་ཏེ་ཀརྨ་ཨ་ར་གས་སྤེལ་བའོ། དྲང་སྲོང་གཟའི་བསང་མཆོད་ནི། རཾ་ཡཾ་ཁཾ་གིས་བསང་། སྭ་བྷཱ་ཝས་སྦྱང་། ཨོཾ་ཨཱཿཧཱུྃ་ཧ་ཧོཿཧྲཱིཿས་བྱིན་གྱིས་བརླབས་ཤིང་སྤེལ་ལ། ཀྱཻ། ཞི་དབྱིངས་བདེ་བ་ཆེན་པོ་ལས། །རང་བྱུང་ལྷུན་གྲུབ་རིག་པར་བཞེངས། །གཞན་སྣང་ཡེ་ཤེས་ལས་འཇིག་རྟེན། །རྣམ་འགྱུར་སྣ་ཚོགས་ཆུ་ཟླའི་གར། །སྲིད་ཞི་ཡོངས་ལ་དབང་བསྒྱུར་ཞིང་། །ལེགས་ཉེས་སྟངས་འཛིན་མཐུ་རྩལ་ཅན། །

― KMC022_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

དྲག་པོ་འཁོར་བཅས་འདིར་གཤེགས་ཤིག །བཤམས་པའི་གདན་ལ་ཞུགས་ནས་ཀྱང་། །དམ་ཚིག་གཉན་པོ་རྗེས་དགོངས་ལ། །ཐུགས་དམ་བསྐང་བའི་མཆོད་སྤྲིན་བཞེས། །ལས་བཞི་རོལ་པའི་ཉེར་སྤྱོད་བདུན། །རོལ་མོའི་སྒྲ་དང་མཐུན་རྫས་ཚོགས། །སྤྱན་གཟིགས་དཀོར་ནོར་ལོངས་སྤྱོད་རྒྱན། །གསེར་སྐྱེམས་ཇ་ཕུད་གཡུ་སྔོན་བསང་། །ཕོ་བྲང་སྐྱེད་ཚལ་གླུ་གར་སོགས། །ནམ་མཁའི་མཛོད་དུ་སྤེལ་བ་འདིས། །ཐུགས་ཀྱི་དབང་ཕྱུག་རིག་སྔགས་རྒྱལ། །ཕྱག་ན་རྡོ་རྗེ་མངའ་གསོལ་ལོ། །ཡེ་ཤེས་གཟའ་མཆོག་མངའ་གསོལ་ལོ། །ལས་ཀྱི་གཟའ་བདུད་མངའ་གསོལ་ལོ། །ལྗང་སྔོན་དྲག་པོ་མངའ་གསོལ་ལོ། །དྲང་སྲོང་དཀར་སེར་མངའ་གསོལ་ལོ། །བདུད་པོ་རོག་ཏི་མངའ་གསོལ་ལོ། །བི་ཏྲི་པ་ཏྲ་མངའ་གསོལ་ལོ། །ཧ་ལིང་ཀ་ཡ་མངའ་གསོལ་ལོ། །དུ་བ་མཇུག་རིང་མངའ་གསོལ་ལོ། །ཁྱབ་འཇུག་ཆེན་པོ་མངའ་གསོལ་ལོ། །གཟའ་བདུད་སྒྲ་གཅན་མངའ་

― KMC022_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་ལོ། །དགྱེས་སྡེ་མཆེད་བཞི་མངའ་གསོལ་ལོ། །སྤྲུལ་པའི་གཟའ་བརྒྱད་མངའ་གསོལ་ལོ། །རྒྱུ་སྐར་ཉེར་བརྒྱད་མངའ་གསོལ་ལོ། །ལྷ་སྲིན་སྡེ་བརྒྱད་མངའ་གསོལ་ལོ། །ཡང་འཁོར་དམག་ཚོགས་མངའ་གསོལ་ལོ། །གསོལ་ཞིང་མཆོད་པ་ལ་བརྟེན་ནས། །བདག་ཅག་ཡོན་མཆོད་འཁོར་བཅས་ལ། །བུ་དང་སྤུན་ཟླར་དགོངས་ནས་ཀྱང་། །ཞི་ཞིང་མཉེས་པའི་འཛུམ་མདངས་ཕྱུངས། །གདུག་རྩུབ་ཁ་རླངས་དུག་ཟེར་སྡུས། །ཚེ་བསྲིངས་དཔལ་དང་གཟི་བྱིན་བསྐྱེད། །དཔལ་འབྱོར་སྙན་གྲགས་མངའ་ཐང་སྤེལ། །ཁྱད་པར་རྒྱལ་བའི་བསྟན་པ་སྲུངས། །དེ་འཛིན་སྐྱེས་བུའི་སྐུ་ཚེ་སྲིངས། །རྒྱལ་ཁམས་ཐམས་ཅད་བདེ་བར་མཛོད། །ཀོ་ལོང་ཐན་ལྟས་རྩུབ་རིམས་དུག །ཐམས་ཅད་སྡང་བའི་དགྲ་ལ་ཕོབས། །བྱུར་ཁ་བྱད་ཟོར་བགེགས་ལ་སྒྱུར། །དམ་ཚིག་གཉན་པོ་རྗེས་དགོངས་ལ། །བསམ་པ་སྒྲུབ་ལ་རེ་བ་སྐོངས། །རྣལ་འབྱོར་

― KMC022_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོལ་བའི་ཕྲིན་ལས་མཛོད། །ཅེས་བརྗོད་གཏོར་མ་དང་གསེར་སྐྱེམས་གཙང་སར་འབུལ་ལོ། །རྨ་རྒྱལ་སྦོམ་རའི་གཡང་བསང་ནི། ན་མོ་གུ་རུ་པདྨ་ཀཱ་ར་ཡེ། །ལྷ་ཆེན་རྡོ་རྗེ་བདུད་འཇོམས་ལས། །གཡང་གི་དངོས་གྲུབ་ཞུ་བ་ལ། །བསང་རྫས་མཆོད་པ་ཅི་འབྱོར་ལྟར། །བྱིན་གྱིས་བརླབ་ལ་འདི་སྐད་དོ།། ཀྱཻ། ཕ་གི་ཉི་མ་ཤར་གྱི་ཕྱོགས། །གངས་དཀར་གཉན་པོ་གུང་ལ་རེག །ཤེལ་གུར་དཀར་པོའི་ལྡིང་ཁང་ན། །རྟ་མཆོག་ངང་པ་རྒྱན་ལྡན་སྟེང་། །ལྷ་ཆེན་རྨ་རྒྱལ་སྦོམ་ར་ནི། །སྐུ་མདོག་སེར་པོ་གསེར་གྱི་མདོག །གསེར་ཁྲབ་གསེར་རྨོག་སྐུ་ལ་གསོལ། །དེ་སྟེང་ཟབ་ཆེན་དཀར་པོའི་བེར། །བརྗིད་ཅིང་རིན་ཆེན་དུ་མས་བརྒྱན། །ཕྱག་གཡས་མདུང་དར་སྦ་ལྕག་ཕྱར། །གཡོན་པས་གཏེར་བུམ་ནོར་བུ་འཛིན། །ནེའུ་ལེའི་རྐྱལ་པ་མཆན་དུ་བཅུག །རྡོ་རྗེ་དྲག་མོ་རྒྱལ་དང་ནི། །གཉན་ཆེན་སྡེ་བཞི་རི་དབང་དགུ། །སྡེ་བརྒྱད་ལྷ་ཀླུ་དཔག་མེད་བཅས། །དད་དང་དམ་ཚིག་དབང་གིས་ནི། །འདིར་གཤེགས་པད་ཟླའི་གདན་ལ་བཞུགས། །བདུད་རྩི་ཅན་

― KMC022_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་བསང་དུད་དང་། །ཉེར་སྤྱོད་བདུན་དང་བཀྲ་ཤིས་ཀྱི། །རྫས་རྟག་འདོད་པའི་ཡོན་ཏན་ལྔ། །རྒྱལ་སྲིད་རིན་ཆེན་སྣ་བདུན་དང་། །དར་ཟབ་རིན་ཆེན་འབྲུ་ཡི་མཛོད། །རྣོ་མཚོན་རྟ་ནོར་ཕྱུགས་ཀྱི་ཁྱུ། །དཀར་མདར་ཕྱེ་མར་ཆང་ཕུད་དང་། །སྤྱན་གཟིགས་མཆོད་སྤྲིན་རྒྱ་མཚོ་འབུལ། །དམ་རྫས་གཏོར་མ་རྒྱན་དང་ལྡན། །ཨོཾ་ཨཱཿཧཱུྃ་གིས་བྱིན་བརླབ་པས། །ཁ་དོག་དྲི་རོ་ཕུན་ཚོགས་པ། །ལྷ་ཆེན་འཁོར་བཅས་དགྱེས་པར་གསོལ། །ཨོཾ་བཛྲ་ཀུ་མ་རི་ཕུ་ཏྲི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི།། ཀྱཻ། ཕྱི་ལྟར་ལྷ་ཡི་དགེ་བསྙེན་སྟེ། །བོད་ཁམས་གཞི་བདག་སྐྱོང་བའི་གཙོ། །ནང་ལྟར་ཡུལ་སྐྱོང་དྲི་ཟའི་རྗེ། །གསང་བ་རྒྱལ་པོ་རྣམ་ཐོས་སྲས། །འཁོར་དང་བཅས་ལ་བསྟོད་པར་བགྱི། །བདག་དང་བསྲུང་བྱར་གྱུར་པ་ལ། །འགལ་རྐྱེན་སོལ་ལ་མཐུན་རྐྱེན་སྤེལ། །ཅི་འདོད་དངོས་གྲུབ་ཆར་ལྟར་ཕོབ། །ཕྱོགས་དུས་རྒྱལ་བ་སྲས་བཅས་དང་། །བླ་མ་ཡི་

― KMC022_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་མཁའ་འགྲོ་ཡི། །ཐུགས་རྗེ་བྱིན་རླབས་དངོས་གྲུབ་གཡང་། །ཁུ་ཡེ་ཕྱྭ་དང་གཡང་དུ་ལེན། །སྲིད་པའི་རྩེ་མོ་མན་ཆད་ནས། །མནར་མེད་ཡན་གྱི་ཁམས་གསུམ་གྱི། །འབྱུང་ལྔ་སྣོད་བཅུད་དཔལ་དང་གཡང་། །ཁུ་ཡེ་ཕྱྭ་དང་གཡང་དུ་ལེན། །ལྷ་གནས་མི་ཡུལ་གདེངས་ཅན་གྱི། །རྨ་གཡང་ཟས་དང་རྐང་བཞི་འཕེལ། །མི་འཕེལ་རྟ་ཧྲག་བང་མཛོད་འབྲུ། །ཁུ་ཡེ་ཕྱྭ་དང་གཡང་དུ་ལེན། །མདོར་ན་སྲིད་དང་ཞི་བ་ཡི། །ཕུན་སུམ་ཚོགས་པའི་དཔལ་འབྱོར་པ། །ས་ལམ་ཡོན་ཏན་བདེ་སྐྱིད་གཡང་། །ཁུ་ཡེ་ཕྱྭ་དང་གཡང་དུ་ལེན། །ཞེས་བརྗོད་རྟེན་ཡོད་ན་རྟེན་ལ་བསྟིམ། མེད་ན་རང་བཞིན་གྱི་གནས་སུ་གཤེགས་པར་བསམ་མོ། །དེ་ལྟར་སྦོམ་རའི་རྒྱུན་བསང་གཡང་སྐྱབས་དང་འབྲེལ་བ་འདིའང་ཚེ་རིང་བཀྲ་ཤིས་ནས་བསྐུལ་བ་ལྟར། རྡོ་རྗེ་དྲག་པོ་ཕྲིན་ལས་འདུས་པ་རྩལ་གྱིས་འཕྲལ་དུ་སྤེལ་བ་དགེ །བྲག་བཙན་བསང་མཆོད་ནི། རཾ་ཡཾ་ཁཾ་གི་བསང་། སྭ་བྷཱ་ཝས་སྦྱངས། ཨོཾ་ཨཱཿཧཱུྃ་ཧ་ཧོཿཧྲཱིཿས་བརླབས་ཤིང་སྤེལ་ལ། བྷྱོ། དབང་ཆེན་ཁྲག་འཐུང་བཀའ་ཡི་དཀྱིལ་འཁོར་དུ། །

― KMC022_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུམ་དྲག་མེ་རླུང་ཐོག་སེར་འཁྲུགས་པའི་ཀློང་། །ཁྲག་གི་རྒྱ་མཚོ་འཕྱོ་བའི་གཞལ་ཡས་ནས། །ལས་ཀྱི་མཐའ་སྡུད་འཆི་བདག་མུན་པའི་སྐྱེས། །རྡོ་རྗེ་བྲག་བཙན་རྡོ་རྗེ་དབང་དྲག་རྩལ། །སྲིན་མགོན་ནག་པོ་སྤྲིན་འཛིན་ཀླུ་བཙན་ནག །དོང་བདག་ཤན་པ་དགའ་ཚལ་བདུད་ཀྱི་མགོན། །ལྗོན་ལུང་བྲག་བཙན་ཞིང་སྐྱོང་དགྲ་འདུལ་ཆེ། །སྒྲོ་བྲག་ལྷ་བཙན་རི་བཀྲ་མཆེད་གསུམ་སོགས། །སྣ་ཚོགས་མཚན་དང་སྣ་ཚོགས་སྐུར་སྣང་བ། །རིགས་ཆོས་མཛའ་སྡེའི་སྲུང་མ་མཐུ་རྩལ་ཅན། །ཡབ་ཡུམ་སྲས་བཅས་དགྱེས་པའི་མཆོད་སྤྲིན་ནི། །དཀར་དམར་སྐྱེམས་ཕུད་ཤ་ཁྲག་བ་ལིཾ་ཏ། །འབོད་བརྟེན་སྒྲུབ་རྫས་རྒྱལ་སྲིད་བཀྲ་ཤིས་རྫས། །ལྷ་ཀླུ་མི་ཡི་དཔལ་འབྱོར་ལོངས་སྤྱོད་དང་། །འདབ་ཆགས་སྡེར་ཆགས་རྐང་བཞི་རྐང་མང་སོགས། །མཚར་རྒུའི་དཀོར་ཆ་སྤྱན་གཟིགས་འབྱུང་བའི་གཏེར། །བདུད་རྩི་བསང་གི་མཆོད་སྤྲིན་བསམ་མི་ཁྱབ། །དགྲ་བགེགས་

― KMC022_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲལ་བསད་བཅོམ་པའི་མངོན་སྤྱོད་ལས། །དཔའ་བོ་རྣམ་པར་རོལ་པའི་དགའ་སྟོན་དང་། །ཤ་ཁྲག་ནང་ཁྲོལ་སྲོག་དབུགས་བླ་ཚེ་དྲོད། །ཀླད་རྐང་ཁུ་ཁྲག་ཞག་ཚིལ་དྲག་པོའི་རྫས། །འབུལ་ལོ་དགྱེས་བཞེས་རྒྱལ་བའི་བསྟན་པ་སྲུངས། །བསྟན་འཛིན་ཚེ་སྲིངས་སྒྲུབ་མཆོག་འདོད་འབྲས་སྤེལ། །སྡང་བྱེད་དགྲ་དང་གནོད་པའི་བགེགས་དཔུང་ཆོམས། །གང་བཅོལ་ལས་ཀྱི་འབྲས་བུ་མཆིས་པར་མཛོད། །གསོལ་ལོ་མཆོད་དོ། །དཔལ་ལྡན་བཀའི་སྲུང་མ་དམ་ཅན་ཆེན་པོ་སྲོག་བདུད་མུན་པའི་སྐྱེས་བུ། འཆི་བདག་ནག་པོ། རྡོ་རྗེ་བྲག་བཙན་ཡབ་ཡུམ་འཁོར་དང་བཅས་པ་གསོལ་ལོ་མཆོད་དོ། །གསོལ་ཞིང་མཆོད་པ་ལ་བརྟེན་ནས་རྒྱལ་བའི་བསྟན་པ་དང་། དེ་འཛིན་གྱི་ཕྲིན་ལས་སྤེལ། རྣལ་འབྱོར་གྱི་བར་ཆད་སོལ། ཡོན་བདག་གི་མཐུན་རྐྱེན་སྒྲུབ། ནད་དང་གནོད་པ་བཙའ་སད་སེར་གསུམ་ཟློག །འཇིག་རྟེན་ཐམས་ཅད་བདེ་ལེགས་ཀྱི་སྣང་བས་དུས་

― KMC022_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

རྟགས་ཏུ་ཁྱབ་པར་མཛོད་ཅིག །ཅེས་ཕྲིན་ལས་བཅོལ་ལོ། །དེ་ནས་གཉན་ཆེན་ཐང་ལྷའི་གསོལ་མཆོད་ནི། །གཏོར་མ་བྲན། དྲི་ཟའི་རྒྱལ་པོ་ཟུར་ཕུད་ལྔ་ལྡན་པ། །གངས་ཅན་ལྗོངས་སུ་གཉན་ཆེན་ཐང་ལྷར་གྲགས། །མཐུ་སྟོབས་དང་ལྡན་མི་སྐྱེའི་བཟོད་ཐོབ་པ། །བསྟན་པ་བསྲུང་ཕྱིར་གནས་འདིར་གཤེགས་སུ་གསོལ། །སློབ་དཔོན་ཆེན་པོ་པདྨ་འབྱུང་གནས་དྲུང་། །ཇི་ལྟར་ཁས་བླངས་དམ་བཅའ་ཕུལ་བ་ལྟར། །སྒྲུབ་པའི་དཔུང་གཉེན་དམ་པ་མཛད་སླད་དུ། །བརྩེ་བས་དགོངས་ཏེ་གནས་འདིར་གཤེགས་སུ་གསོལ། །གངས་དཀར་རིན་ཆེན་སྤུངས་པའི་གཞལ་ཡས་ཁང་། །ཁྲི་མཆོག་པདྨ་བརྩེགས་པའི་གདན་སྟེང་ནས། །རྡོ་རྗེ་དབྱིངས་ཕྱུག་འབར་བ་འཁོར་དང་བཅས། །མཆོད་ཚོགས་གཏོར་མ་འབུལ་གྱི་མྱུར་དུ་བྱོན། །ཞེས་པས་སྤྱན་དྲངས། ལྷ་ཆེན་ཐང་ལྷ་གཉན་པོ་དུང་གི་མདོག་ཅན། སྐུ་ལ་དར་དཀར་གྱི་རལ་ག་གསོལ་བ། གཡས་སྦ་ལྕག་དཀར་པོ་གཡུའི་ལྕག་འབྲས་

― KMC022_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་བསྣམས་པ། གཡོན་ལྷའི་བ་དན་དཀར་པོ་ཕྱར་བ། རིན་པོ་ཆེ་སྣ་ཚོགས་ཀྱི་ཟེ་པྲོག་གི་དབུ་རྒྱན་སྙན་ཆ་དོ་ཤལ་སྐ་རགས་ཀྱིས་སྤྲས་པ། ཆིབས་སུ་རྟ་ཕོ་ངང་ཞུར་གཡུའི་རྔ་རྡོག་ཅན། ཤེལ་སྒ། གཡུ་མཐུར། ནོར་བུ་དུ་མས་ཐག་ཆས་བྱས་པ། རྫུ་འཕྲུལ་གྱི་ཤུགས་དང་ལྡན་པ་ཆིབས་པ་ལ། བཙུན་མོ། སྲས་པོ། བློན་ཆེན་རྣམས་ཀྱིས་ཐོག་དྲངས་ལྷ་དམག་འབུམ་གྱི་ཚོགས། །རུ་མཚོན་ཕྱར་བ། རྒྱན་ཆ་འབར་བ། མཐུ་དང་གཟི་བརྗིད་ཆེ་བ། སྤྲིན་ཕུང་གཏིབས་པ་ལྟར་བསྐོར་བ་མདུན་དུ་བཞུགས་པར་གྱུར། །ཨོཾ་བཛྲ་སྥ་ར་ཎ་ཁཾ། །ལན་གསུམ། ནམ་མཁའ་གང་བའི་མཆོད་རྫས། ས་གཞི་གང་བའི་སྤྱན་གཟིགས། རོ་བརྒྱ་ལྡན་པའི་གཏོར་མ། གསེར་སྐྱེམས། དཀར་ཕུད་གཙང་མ། རྟ་ཕྱུག་རྐང་འགྲོས་དུ་མ་དང་བཅས་པ། མཐུན་པའི་ཡོ་བྱད་ལྷ་ཆེན་འཁོར་བཅས་དགྱེས་པ་སྐྱོད་པ་རྣམས་འབུལ་ལོ། །དངོས་སུ་འབྱོར་དང་ཡིད་ཀྱིས་དམིགས། །ལྷ་རྫས་མེ་ཏོག་བར་

― KMC022_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་གང་། །སིཧླ་ག་བུར་ཙནྡན་སོགས། །སྤོས་ཀྱི་དུད་པའི་ན་བུན་འཁྲིགས། །སྣང་གསལ་ཏིང་ལོ་མར་མེ་འབར། །དྲི་ཞིམ་བྱུག་པ་ངད་བཟང་དང་། །རྣམ་པ་མང་པོའི་ཞལ་ཟས་སྐྱེམས། །རོལ་མོའི་སྒྲ་དང་བཅས་པས་མཆོད། །ཅེས་དང་། ནོར་སྣ་གོས་དར་རི་ལྟར་དཔང་རེ་མཐོ། །སྨན་དང་འབྲུ་སྣ་གོ་མཚོན་བཀོད་རེ་བཟང་། །བདུད་རྩིའི་བཏུང་བ་མཚོ་ལྟར་རྒྱ་རེ་ཆེ། །རྟ་ཕྱུགས་གནག་ལུག་ཁྱུ་ཆེན་མེ་རེ་རེ། །དེ་ལ་སོགས་པའི་མཆོད་གཏོར་ཚོགས་རྣམས་ནི། །མ་ཚང་མེད་པར་བཤམས་ཏེ་འབུལ་ལགས་ན། །ཐང་ལྷ་འཁོར་དང་བཅས་པས་མཆོད་པ་བཞེས། །བདག་ཅག་དཔོན་སློབ་འཁོར་དང་བཅས་པ་ཡི། །ཚེ་དང་དཔལ་དང་འབྱོར་པ་མཐུ་སྟོབས་སྤེལ། །ནད་དང་དགྲ་བགེགས་བསམ་ངན་སྦྱོར་རྩུབ་ཟློག །འཁོར་རྣམས་སྲུངས་སྐྱོབ་མཐུན་པའི་གྲོགས་རྣམས་ལ། །གཡེལ་བ་མེད་པར་མགོན་དང་སྐྱབས་མཛོད་ཅིག །སྐལ་བཟང་སངས་རྒྱས་བརྒྱ་ཕྲག་

― KMC022_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ། །མངོན་པར་བྱང་ཆུབ་བརྙེས་པའི་གནས། །རྡོ་རྗེ་གདན་གྱི་བྱང་གི་ཕྱོགས། །ཁ་བ་ཅན་ལྗོངས་དབུས་ཀྱི་ས། །དེ་ན་ཐང་ལྷའི་གངས་རི་རྣམས། །ཤེལ་གྱི་མཆོད་སྡོང་བསྒྲིགས་པ་འདྲ། །མཐོ་ལ་བརྗིད་ཅིང་འོད་ཀྱང་འཕྲོ། །རྫ་དང་བྲག་རི་མང་པོ་ཡང་། །བཀྲ་ཤིས་རི་མོ་དུ་མར་འཆར། །གཡུ་དང་གསེར་གྱི་ཐང་ཆེན་ལ། །སྨན་དང་མེ་ཏོག་ཅི་ཡང་སྐྱེས། །མི་རྣམས་ཀྱིས་ནི་དེ་ལྟར་མཐོང་། །ཁྱོད་ཀྱིས་གཞལ་ཡས་ཁང་དང་གྲོང་། །རིས་མཐུན་དགའ་བའི་བཀོད་པ་ཅན། །འདོད་ཁམས་ལྷ་ཡི་རིན་ཆེན་དང་། །ཀླུ་ཡི་ནོར་བུའི་ཚོགས་ལས་གྲུབ། །རྟ་བབས་ར་བ་སྒོ་ཁང་དང་། །ལྕོག་ལ་སོགས་པ་བསམ་མི་ཁྱབ། །འདོད་པའི་ཡོན་ཏན་དུ་མར་ལྡན། །གནས་མཆོག་དེ་ན་བཞུགས་པ་ནི། །བོད་ཀྱི་རྒྱལ་བློན་མགུར་གྱི་ལྷ། །བཅུ་གསུམ་ནང་ནས་སྟོབས་པོ་ཆེ། །འོད་དེ་གུང་རྒྱལ་གཉན་པོ་དང་། །གཡུ་བྱ་གཤོག་གཅིག་ཡབ་དང་ཡུམ། །ལྷ་ཀླུའི་རིགས་སུ་གྱུར་པར་

― KMC022_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས། །དེ་ལ་པདྨ་སམྦྷ་ཝས། །སངས་རྒྱས་བསྟན་པ་བསྲུང་བ་དང་། །འབངས་རྣམས་བདེ་སྐྱིད་ལྡན་པ་ཡི། །བཀའ་བསྒོས་དམ་ལ་བཞག་པར་མཛད། །འཇིག་རྟེན་མགོན་པོ་ལ་སོགས་པ། །དྭགས་པོ་བཀའ་རྒྱུད་བླ་མ་རྣམས། །ཁྱོད་ནི་དྲི་ཟ་རྣམས་ཀྱི་རྒྱལ། །ཟུར་ཕུད་ལྔ་པ་ཞེས་བྱ་བ། །ལྷ་དབང་འཆི་ལྟས་འབྱུང་བའི་ཚེ། །བཅོམ་ལྡན་ཏིང་ངེ་འཛིན་ལ་ནི། །ལུས་འཕགས་བྲག་ཕུག་བཞུགས་པ་དེ། །ཁྱོད་ཀྱིས་བཞེས་སུ་གསོལ་ཞེས་བསྒྲོས། །དེ་དུས་སིལ་སྙན་ལྔ་བརྒྱ་དང་། །པི་ཝཾ་གླུ་དབྱངས་རྒྱ་ཆེན་གྱིས། །བསྟོད་པས་བཅོམ་ལྡན་འདས་བཞེངས་ཏེ། །བརྒྱ་བྱིན་སླར་ཡང་ཚེ་ཐོབ་ཅིང་། །ཆོས་བསྟན་ཁྱོད་ནི་མི་སྐྱེ་བའི། །ཆོས་ལ་བཟོད་པ་ཐོབ་པ་དང་། །དབང་པོས་རང་གི་སྲས་མོ་མཆོག །བྱ་དགའི་ཆེད་དུ་བྱིན་པ་ནི། །མཚོ་སྨན་ཕྱུག་མོ་གནམ་མཚོར་གྲགས། །དེ་སྐད་བསྔགས་པ་བརྗོད་མཛད་པས། །བྱང་སེམས་འཕགས་པར་ཡིད་ཆེས་

― KMC022_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །དགེ་འདུན་དཀོན་མཆོག་ཁྱོད་ལ་བསྟོད། །ཀྱཻ། ལྷ་ཁྱོད་ཀྱི་སྐུ་མདོག་ཆ་ལུགས་དབྱིབས། །མཐའ་གཅིག་ཏུ་མ་ངེས་སྣ་ཚོགས་སུ་སྟོན། །གཡས་ཆིབས་ལྕག་གིས་དགྲ་ཡི་གཉའ་བ་གཅོག །གཡོན་བ་དན་གྱིས་བསྟན་པ་དར་རྒྱས་སྤེལ། །ཁྱོད་སྲིའུ་གསོ་བའི་ལྷ། །ཆུང་སྲི་གཉའ་ནས་བཟུངས། །ཁྱོད་ནད་པ་གསོ་བའི་ལྷ། །ནད་འདྲེ་ཡུལ་ནས་ཕུད། །ཁྱོད་དགྲ་བོ་འདུལ་བའི་ལྷ། །དགྲ་བགེགས་ཀྱི་སྙིང་ནས་དྲོངས། །ཁྱོད་ཕྱུགས་ལུག་སྐྱོང་བའི་ལྷ། །རྐང་ཕྲན་མཐའ་ནས་སྐྱོང་། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །ལྷ་ཆེན་ཐང་ལྷ་གཉན་པོ་ལ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། གཡས་ཀྱི་མདའ་ར་བ། །ཟར་མ་སྐྱེས་བུ་དྲུག །མི་ལྕགས་རྟ་ཡང་ལྕགས། །ལྕགས་ཀྱི་རྨོག་ཞུ་གསོལ། མཚོན་ཆ་ངར་མ་ཐོགས། །དཔའ་བོའི་མདའ་ཆར་འབེབས། །ན་ཆུང་གཞོན་གྱི་དཔལ། །གཏོར་མ་སྤྱན་

― KMC022_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་བཞེས། །བཅོལ་བའི་ཕྲིན་ལས་མཛོད། །གཡས་ཀྱི་མདའ་ར་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆ་འོ་ལྷ་རྒྱལ་ལོ། །ཀྱཻ། གཡོན་གྱི་མདུང་འཛིན་པ། །སྤྲིད་ལ་སྨུག་པོ་ནི། །མི་སྨུག་རྟ་ཡང་སྨུག །སྨུག་པོ་བསྭེ་མདུང་ཅན། །བསྭེ་ཡི་རྨོག་ཞུ་གསོལ། །དར་མ་སྐྱེས་པའི་དཔལ། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །གཡོན་གྱི་མདུང་འཛིན་པ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། ཀྱཻ། སྔོན་གྱི་ཤུལ་མཚོན་པ། །གཞལ་གཡག་དཀར་པོ་ནི། །དམག་གི་དཔུང་ཚོགས་ཧྲག །རྟ་ནག་ཞུར་པོ་ཆིབས། །རྨིག་བཞི་ཚུལ་པ་དཀར། །རྒན་པོ་རྣམས་ཀྱི་དཔལ། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །སྔོན་གྱི་ཤུལ་མཚོན་པ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། སླད་ཀྱི་རྗེས་འབྲང་བ། །ནམ་ར་གཡའ་

― KMC022_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་ནི། །ལྷ་ཡི་གུར་ཆེན་ཕུབ། །གངས་དཀར་གཉན་སྡེས་བསྐོར། །ལས་སུ་དགྲ་བགེགས་འདུལ། །བྱིས་པ་ཡོངས་ཀྱི་དཔལ། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །སླད་ཀྱི་རྗེས་འབྲང་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། སྐུ་ཡི་གཅུང་པོ་བ། །ཐང་འབྲིང་དུར་པོ་ནི། །མཚལ་བུ་རྟིང་དཀར་ཆིབས། །རུ་དར་རྩེ་བརྒྱད་འཕྱར། །ལྷ་རྣམས་མཐུན་པའི་གྲོགས། །མི་ཆེན་ཚོགས་པའི་དཔལ། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །སྐུ་ཡི་གཅུང་པོ་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། ཁབས་ཀྱི་སྔ་ཤོས་མ། །ལྷ་མོ་མཚོ་དར་ནི། །དཀར་མོ་གཡུ་ཆས་ཅན། །མོ་བཙུན་འཁོར་གྱིས་བསྐོར། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །ཁབས་ཀྱི་སྔ་ཤོས་མ་གསོལ་ལོ་མཆོད་དོ། །མངའ་གསོལ་ལོ། །ཀི་

― KMC022_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

བསྭོ་ཆའོ་ལྷ་རྒྱལ་ལོ། །ཀྱཻ། ཁབས་ཀྱི་ཕྱི་ཤོས་མ། །གནམ་མཚོ་ཕྱུག་མོ་ནི། །ལྷ་ཡི་གུར་ཆེན་ཕུབ། །གངས་དཀར་གཉན་སྡེས་བསྐོར། །ལས་སུ་དགྲ་བགེགས་འདུལ། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །ཁབས་ཀྱི་ཕྱི་ཤོས་མ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། སྐུ་ཡི་རིགས་འཁྲུངས་སྲས། །ཐང་སྲས་འཕྱོར་བ་ནི། །དཀར་པོ་ཤེལ་སྒོང་ཆིབས། །འཁོར་མང་དབུས་ན་འགྱིངས། །བཀའ་ཡི་བྱ་ར་བ། །ཆོས་མཛད་ཀུན་གྱི་དཔལ། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །སྐུ་ཡི་རིགས་འཁྲུངས་སྲས་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། སྐུ་ཡི་ཞང་པོ་བ། །འབྲོང་གཉན་ཐང་པོ་ནི། །རྟ་དཀར་གཡུ་རྔོག་ཆིབས། །དམག་ཚོགས་མང་པོ་ལྡན། །རང་ཕྱོགས་རྒྱལ་བར་བྱེད། །ཕས་རྒོལ་འཇོམས་པའི་ལྷ། །གཏོར་མ་སྤྱན་

― KMC022_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་བཞེས། །བཅོལ་བའི་ཕྲིན་ལས་མཛོད། །སྐུ་ཡི་ཞང་པོ་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། ཕྱི་ཡི་བློན་པོ་བ། །སྤོམ་ཆེན་ཡོར་བ་ནི། །དཀར་པོ་ཕུན་དམར་ཆིབས། །དཔུང་གི་འཁོར་དང་བཅས། །རང་ཕྱོགས་སྲུང་བ་དང་། །གཞན་ཕྱོགས་འཇོམས་པར་ནུས། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །ཕྱི་ཡི་བློན་པོ་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། ནང་གི་བློན་པོ་བ། །མགུལ་རིང་ཕྲག་ཐག་ནི། །སྔོན་པོ་གཡུ་རྔོག་ཆིབས། །དཔུང་གི་ཚོགས་དང་བཅས། །རང་ཕྱོགས་སྲུང་བ་དང་། །གཞན་ཕྱོགས་འཇོམས་པར་ནུས། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །ནང་གི་བློན་པོ་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། གཡས་ཀྱི་སྒོ་དཔོན་པ། །རྩམ་ཆེན་ལྷ་སྒོ་ནི། །དཀར་པོ་བསྭེ་ཁྲབ་

― KMC022_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །གང་བ་བཟང་པོར་གྲགས། །རང་ཕྱོགས་བསྲུང་བ་དང་། །གཞན་ཕྱོགས་འཇོམས་པར་ནུས། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །གཡས་ཀྱི་སྒོ་དཔོན་པ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། གཡོན་གྱི་སྒོ་དཔོན་པ། །བལ་ཡུལ་གསེར་ལྡིང་ནི། །སྨུག་པོ་བསྲེ་ཁྲབ་གསོལ། །ལྷ་འཁོར་མང་པོ་བཅས། །རང་ཕྱོགས་བསྲུང་བ་དང་། །གཞན་ཕྱོགས་འཇོམས་པར་ནུས། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །གཡོན་གྱི་སྒོ་དཔོན་པ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། ལྷ་ཡི་ལྕམ་སྲིང་མ། །འབྲི་ལམ་གངས་བཟང་ནི། །དཀར་མོ་འོད་དུ་འབར། །གོས་དང་རྒྱན་གྱིས་ཀླུབས། །མོ་བཙུན་འཁོར་གྱིས་བསྐོར། །རང་ཕྱོགས་བསྲུང་བ་དང་། །གཞན་ཕྱོགས་འཇོམས་པར་ནུས། །གཏོར་མ་སྤྱན་གཟིགས་བཞེས། །

― KMC022_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོལ་བའི་ཕྲིན་ལས་མཛོད། །ལྷ་ཡི་ལྕམ་སྲིང་མ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། འཕྲུལ་ལྡན་རྟ་ཁྱུའི་རྫི། །གྱང་ལྷ་བཙན་པོ་ནི། །གོ་ཆ་དམག་ཆས་ཅན། །འཁོར་གྱི་དཔུང་དང་བཅས། །མྱུར་འགྱོགས་རྟ་ལ་ཞོན། །ཕོ་ཉ་ཡང་རྩལ་ཆེ། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །འཕྲུལ་ལྡན་རྟ་ཁྱུའི་རྫི་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། ལུག་རྫི་གཡང་གི་ལྷ། །ཁུ་ཁྱིམ་ཞལ་དཀར་ནི། །གོ་ཆ་རུ་མཚོན་འཕྱོར། །འཁོར་གྱི་དཔུང་དང་བཅས། །འགྲོས་བཟང་ལུག་ལ་ཞོན། །འཕེལ་ཆེ་སྐྱོང་ལ་མཁས། །གཏོར་མ་སྐྱེམས་ཕུད་བཞེས། །བཅོལ་བའི་ཕྲིན་ལས་མཛོད། །ལུག་རྫི་གཡང་གི་ལྷ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། ཁ་དོག་སྣ་ཚོགས་ཀྱི། །ར་སྐྱེས་ཁྱུ་འཚོ་བ། །འཁྱོར་པ་རྩ་གསུམ་ནི། །གོ་ཆ་མདུང་དར་བཀྲ། །

― KMC022_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་གྱི་དཔུང་དང་བཅས། །ཤུགས་ཆེན་ར་ལ་ཞོན། །གཏོར་མ་སྐྱེམས་ཕུད་བཞེས། །བཅོལ་བའི་ཕྲིན་ལས་མཛོད། །ར་སྐྱེས་ཁྱུ་འཚོ་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། འདོད་འཇོའི་འོ་མཚོ་འཁྱིལ། །འབྲི་ཁྱུའི་མཚོ་རྫི་བ། །ལག་སོར་ཕྱུག་མོ་ནི། །གོ་ཆ་འོད་འཕྲོ་ཞིང་། །མཚོན་ཆ་རབ་ཏུ་རྣོ། །འཁོར་གྱི་དཔུང་དང་བཅས། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །ལག་སོར་ཕྱུག་མོ་བ་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །ཀྱཻ། གཏུམ་པོའི་ནོར་སྐྱོང་ཚོགས། །ལས་ལ་འགྱེད་པ་དང་། །སྲུང་བའི་བྱ་ར་བ། །གཡའ་དམར་སྟག་ལག་ནི། །གོ་ཆ་མཚོན་དང་ལྡན། །གྱད་ཀྱི་སྟོབས་ཀྱི་གནས། །གཏོར་མ་སྤྱན་གཟིགས་བཞེས། །བཅོལ་བའི་ཕྲིན་ལས་མཛོད། །གཡའ་དམར་སྟག་ལག་གསོལ་ལོ་མཆོད་དོ། །མངའ་གསོལ་ལོ། །ཀི་བསྭོ་ཆའོ་ལྷ་རྒྱལ་ལོ། །

― KMC022_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱཻ། ཤར་གྱི་ལ་བདུན་ལ་གནས་པའི་གཞི་བདག་ཚོགས། ལྷའི་ལུང་བདུན་ལ་གནས་པའི་གཞི་བདག་ཚོགས། ནུབ་ཀྱི་རི་བདུན་ལ་གནས་པའི་གཞི་བདག་ཚོགས། བྱང་གི་མཚོ་བདུན་ལ་གནས་པའི་གཞི་བདག་ཚོགས། ཐང་ལྷའི་བཀའ་ཉན་ལེགས་པའི་སྟངས་འཛིན་ཅིང་། །ཉེས་བྱེད་ཆམས་ལ་འབེབས་པའི་མཐུ་ལྡན་པ། །ལྷ་སྲིན་ཀླུ་སོགས་སྡེ་བརྒྱད་དམག་ཚོགས་འབུམ། །འཁོར་དང་ཡང་འཁོར་བསམ་གྱིས་མི་ཁྱབ་པ། །ས་དང་བར་སྣང་མ་ལུས་ཁྱབ་པ་རྣམས། །སོ་སོའི་མཆོད་གཏོར་མཐུན་རྫས་རིམ་པར་ལོངས། །ཞི་རྒྱས་དབང་དང་དྲག་པོའི་ཕྲིན་ལས་རྣམས། །སྐབས་སུ་གང་བབས་ཡིད་བཞིན་བསྒྲུབ་པར་མཛོད། །ཅེས་གཙོ་འཁོར་རེ་རེའི་བསྐུལ་གྱི་མཐར་དཀར་ཕུད་དང་། གསེར་སྐྱེམས་འཐོར། མཆོད་གཏོར་ཕལ་ཆེར་ལྷ་ཐོའི་སྟེང་དུ་སྤུངས། ཞེས་པ་འདིའང་ཞྭ་དམར་ཅོད་པན་འཛིན་པ་བཞི་པས་མཛད་པའོ། །འཛམ་གླིང་བོད་ཀྱི་དགྲ་བླ་གེ་སར་ནོར་བུ་དགྲ་འདུལ་གྱི་བསང་མཆོད་བདུད་རྩིའི་ཆར་རྒྱུན་ཞེས་བྱ་བ་ནི། སྭ་སྟི། རྒྱལ་བའི་སྤྱི་གཟུགས་

― KMC022_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་འབྱུང་གནས་ལ། །སྒོ་གསུམ་གུས་པའི་བློ་ཡིས་རབ་བཏུད་ནས། །འདི་ན་ཛམ(འཛམ)་གླིང་སྐྱེས་བུ་མཆོད་པ་དང་། །བསང་གི་རིམ་པ་འདོད་རྒུའི་ཆར་འབེབས་འབྲི། །འདིར་ཛམ་གླིང་སྐྱེས་བུའི་བསང་མཆོད་བྱེད་པར་སྤྲོ་ན། མཆོད་རྫས་དཀར་གསུམ་འབྲུ་སྨན་དར་ཟབ་སྨན་སྣ་ཕྱེ་མར་ཆང་ཕུད་སོགས་ཅི་འབྱོར་བཤམས་ཤིང་། གོ་མཚོན། མདའ་དར། མདུང་དར་སོགས་མ་ཚང་བ་མེད་པར་ལེགས་པ་འཛོམ་པར་བྱ་ཞིང་། རིན་པོ་ཆེ་གང་རུང་གི་སྣོད་དུ་དཀར་གཏོར་ཟླུམ་པོ་གཡག་ལུག་ར་གསུམ་སོགས་ཀྱིས་བསྐོར་བ་བཤམས་ལ། རང་ཉིད་ཡི་དམ་གང་རུང་གི་བདག་བསྐྱེད་སྔོན་དུ་འགྲོ་བས། ཨོཾ་བཛྲ་ཨ་མྲྀ་ཏ་དང་། ཨོཾ་སྭ་བྷཱ་ཝས་བསང་སྦྱང་། སྟོང་པའི་ངང་ལས་བྷྲཱུཾ་ལས་རིན་པོ་ཆེའི་སྣོད་དུ་གཏོར་མཆོད་འདོད་པའི་ཡོན་ཏན་ལྔ་དང་ལྡན་པ་ནམ་མཁའ་དང་མཉམ་པར་གྱུར། །ན་མཿསརྦ་ཏ་ཐཱ་ག་ཏེ་བྷྱོ་སོགས་ཀྱིས་བརླབ་ཅིང་སྤེལ། རང་ཉིད་སྐད་ཅིག་གི་ཡི་དམ་ལྷར་གསལ་བའི་མདུན་དུ། དགྲ་བླ་ཆེན་པོ་སེང་ཆེན་ནོར་བུ་དགྲ་འདུལ་སྐུ་མདོག་དཀར་ལ་འཛུམ་མདངས་ཆགས་པའི་བཞིན་རས་ཅན། དབུ་ལ་རྨོག་ཆེན་རྒྱལ་བའི་ཐོད་དཀར་དར་འཕྲུ་ཨང་

― KMC022_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

སེས་སྤྲས་པ་གསོལ་ཞིང་། གནམ་ལྕགས་ཕ་ལམ་ལྟ་བུའི་ཁྲབ་ནག་ཟིལ་པའི་ཐོག་སྡུག་དང་། དགྲ་ལྷའི་ཚེ་མདུད། ཚེ་གོས་སོགས་ཀྱིས་ཀླུབས་པ། ཕྱག་གཡས་རིན་པོ་ཆེའི་ཕྱག་ལྕག་བསམ་པའི་དོན་འགྲུབ་ཕྱར་ཞིང་། གཡོན་པས་མདུང་དམར་ཁམས་གསུམ་དགྲ་འདུལ་སྲིད་རྩེར་བསྒྲེང་བ། ལྷ་རྟ་རྐྱང་རྒོད་འཕེལ་པོ་རླུང་ལྟར་འཕྱོ་བ་ལ་རྟ་གཟར་སྨེ་བ་དགུ་ལིང་དང་། གསེར་སྒ་ཉི་མ་རང་ཤར། གསེར་སྲབ། གཡུ་མཐུར་ནོར་བུ་དུ་མའི་རྒྱན་གྱིས་སྤྲས་པ་ལ་ཆིབས་པ། འཁོར་དུ་ཕུ་ནུ་སུམ་ཅུའི་དམག་ཚོགས་རྣམས་དང་། མོ་སྨན་སུམ་བཅུ་ལ་སོགས་པས་བསྐོར་བ། ཝེར་མ་དགྲ་ལྷའི་དམག་དཔུང་ཉི་ཟེར་གྱི་རྡུལ་ལྟར་འཚུབས་ཤིང་། བྱ་ཁྲ་བྱ་རོག་ལ་སོགས་པ་འཕུར་ཞིང་འཇུམ་པ་དང་། སྟག་གཟིག་གཅན་གཟན་གྱི་ཚོགས་ངར་སྒྲ་སྒྲོག་པ། གཞན་ཡང་ལྷ་དམག །ཀླུ་དམག །གཉན་དམག །བཙན་དམག །བདུད་དམག་ལ་སོགས་པ་འཁོར་ཚོགས་བསམ་གྱིས་མི་

― KMC022_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་པས་བསྐོར་བ་གསལ་ཞིང་། རང་ཡི་དམ་དུ་གསལ་བའི་སྙིང་གའི་འོད་ཟེར་གྱིས་རང་བཞིན་གྱི་གནས་ནས། དགྲ་བླ་ཆེན་པོ་སེང་ཆེན་ནོར་བུ་དགྲ་འདུལ་འཁོར་དང་བཅས་པ་སྐད་ཅིག་གིས་གནས་འདིར་སྤྱན་དྲངས་པར་གྱུར། །དེ་ནས་རོལ་མོ་དབྱངས་དང་བཅས་པས་འདི་སྐད་དོ།། ཀྱཻ། ཛམ་གླིང་ལྷོ་ཕྱོགས་ཁ་བ་ཅན། །གདོང་དམར་བོད་ཡུལ་ཤར་གྱི་ཕྱོགས། །གསེར་ལྡན་ཆུ་བོའི་གཡས་ཕྱོགས་ན། །མཐོང་བ་ཀུན་སྨོན་ཞེས་གྲགས་པའི། །ངོ་མཚར་ཡུལ་ལྗོངས་ཉམས་དགའ་བ། །དེ་ན་ཛམ་གླིང་བོད་ཀྱི་ལྷ། །རྒྱ་བོད་ཡོངས་ཀྱི་དགྲ་ལྷ་ཆེ། །སེང་ཆེན་ནོར་བུ་དགྲ་འདུལ་ནི། །སྐུ་མདོག་དཀར་སྨུག་མཛེས་པའི་གཟུགས། །དབུ་རྨོག་རྒྱལ་བའི་ཐོད་དཀར་ལ། །དར་འཕྲུ་རྒོད་སྒྲོ་རླུང་ལྟར་འཚུབས། །མི་ཤིགས་རྡོ་རྗེའི་གོ་ཁྲབ་ནི། །ཟིལ་པའི་ཐོག་རྡུག་སྐུ་ལ་གསོལ། །ཕྱག་གཡས་ཡིད་བཞིན་ནོར་བུ་ཡི། །ཕྱག་ལྕག་བསམ་པའི་དོན་འགྲུབ་ཕྱར། །གཡོན་པར་

― KMC022_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་གསུམ་དགྲ་འདུལ་གྱི། །མདུང་དར་སྲིད་པའི་རྩེ་མོར་སྒྲེངས། །གཡས་ཀྱི་སྟག་གདོང་ཁྲ་བོའི་ནང་། །ཨ་གར་དུང་གི་ལེབ་ཆེན་སོགས། །མདའ་མོ་རྐན་སྒྲ་ཐགས་སེ་ཐག །གཡོན་གྱི་གཞུ་ཤུབ་ཐིག་ལེའི་ནང་། །གཞུ་མོ་རྭ་རྒོད་འཁྱིལ་པ་མཛེས། །གནམ་ལྕགས་རལ་གྲི་རྣོ་ངར་ཅན། །བཏབ་པ་ལན་མེད་ཤུབ་ནས་དཔག །ལྷ་རྟ་རྡོ་རྗེ་རྐྱང་སྐྱེད་ལ། །གསེར་སྒ་གཡུ་མཐུར་ལ་སོགས་པ། །རྒྱན་གྱིས་སྤྲས་པ་དག་ལ་ཆིབས། །དགྲ་ལྷའི་ཚོགས་རྣམས་སྤྲིན་ལྟར་གཏིབས། །ཝེར་མའི་དམག་དཔུང་རླུང་ལྟར་འཚུབས། །གནས་འདིར་མཆོད་ཕྱིར་སྤྱན་འདྲེན་ན། །སྐད་ཅིག་ཉིད་ལ་འདིར་བྱོན་ཅིག །སྟེང་ཕྱོགས་ལྷ་དང་བར་ཕྱོགས་གཉན། །འོག་ཕྱོགས་ཀླུ་ཡི་དམག་དཔུང་དང་། །གེར་མཛོ་གཉན་པོ་ལ་སོགས་པ། །གནས་འདིར་སྤྱན་འདྲེན་གཤེགས་སུ་གསོལ། །ནག་ཕྱོགས་བདུད་སྡེའི་དཔུང་འཇོམས་ཞིང་། །སྡང་དགྲ་བརླག་པའི་གཤེད་མ་ཆེ། །ཕུ་ནུ་

― KMC022_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་བཅུའི་དམག་དཔུང་རྣམས། །གནས་འདིར་སྤྱན་འདྲེན་གཤེགས་སུ་གསོལ། །མཁའ་འགྲོ་ཡོངས་ཀྱི་དབང་མོ་ཆེ། །ནེ་ནེ་གནམ་སྨན་དཀར་མོ་དང་། །མོ་སྨན་སུམ་ཅུ་ལ་སོགས་པ། །གནས་འདིར་སྤྱན་འདྲེན་གཤེགས་སུ་གསོལ། །གཞན་ཡང་དགྲ་ལྷ་ཡོངས་ཀྱི་གཙོ། །རྡོ་རྗེ་ལེགས་པ་ལ་སོགས་པ། །བོད་ཀྱི་གཞི་བདག་ཐམས་ཅད་ཀུན། །གནས་འདིར་སྤྱན་འདྲེན་གཤེགས་སུ་གསོལ། །འདིར་གཤེགས་དགྱེས་པའི་གདན་ལ་བཞུགས། །ཉེར་སྤྱོད་ཕྱི་ནང་མཆོད་རྫས་སོགས། །བསམ་གྱིས་མི་ཁྱབ་འབུལ་ལགས་ན། །དགྱེས་བཞེས་བཅོལ་བའི་ཕྲིན་ལས་མཛོད། །ཀྱཻ། ཁྱེད་རྣམས་མཆོད་པའི་དམ་རྫས་ནི། །མཛེས་པའི་གཟུགས་དང་སྙན་པའི་སྒྲ། །རྩི་སྨན་འབྲུ་སྣ་དར་ཟབ་གོས། །དྲི་ཞིམ་སྤོས་ཀྱི་དུད་པ་དང་། །ཕྱེ་མར་ཟས་ཕུད་སྐྱེམས་ཀྱིས་མཆོད། །སྲ་བའི་གོ་དང་རྣོ་བའི་མཚོན། །རྟ་ནོར་རྐང་བཞིའི་ཚོགས་རྣམས་དང་། །སྟག་གཟིག་

― KMC022_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

གཅན་གཟན་བྱ་རོག་སོགས། །སྲིད་ན་ཡོད་དགུའི་ཚོགས་རྣམས་འབུལ། །གཞན་ཡང་བསང་ཞིང་མཆོད་པའི་རྫས། །ཀུན་བཟང་སྨོན་ལམ་ལྷ་བུ་ཡི། །ཛམ་གླིང་དགྲ་ལྷའི་དམག་ཚོགས་མཆོད། །ཐུགས་དམ་གཉན་པོ་སྐོང་གྱུར་ཅིག །ཀྱཻ། སེང་ཆེན་ནོར་བུ་དགྲ་འདུལ་ནི། །མཛེས་པའི་མི་ཕོ་གཟི་མདངས་ཅན། །ཁྲབ་རྨོག་དཔའ་བའི་ཆས་ལྡན་ཞིང་། །དགྲ་ལྷའི་ཚེ་མདུད་སྤུངས་སེ་སྤུངས། །ལྷ་རྟ་རྐྱང་རྒོད་འཕེལ་པོ་ནི། །མགྱོགས་པའི་བང་འགྲོས་རླུང་ལྟར་འཕྱོ། །ཝེར་མའི་ཚོགས་རྣམས་སྤྲིན་ལྟར་གཏིབས། །ཕུ་ནུ་སུམ་ཅུའི་དམག་དཔུང་དང་། །གཞན་ཡང་གདོང་འབྲུ་ལྒ་སོགས་ཀྱི། །དགྲ་ལྷའི་ཚོགས་རྣམས་ཐམས་ཅད་ལ། །དངོས་འབྱོར་ཡིད་སྤྲུལ་མཆོད་རྫས་དང་། །བསང་མཆོད་གསེར་སྐྱེམས་དམ་པ་འབུལ། །མ་ཚང་མེད་པའི་མཆོད་པ་འདི། །དགྱེས་བཞེས་ཐུགས་དམ་གཉན་བསྐང་སྟེ། །བཅོལ་བའི་ཕྲིན་ལས་སྒྲུབ་པར་མཛོད། །ཀྱཻ། རྨོག་དཀར་

― KMC022_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

དར་འཕྲུས་བརྒྱན་པ་དང་། །སྲ་ཞིང་བཙན་པ་རྡོ་རྗེའི་ཁྲབ། །ལྷ་མདའ་དར་དཀར་བརྒྱན་པ་འདི། །ཛམ་གླིང་དགྲ་ལྷའི་རྟེན་དུ་འཛུག །རྣོ་ངར་ཕུན་སུམ་ཚོགས་པའི་གྲི། །རབ་ཏུ་འབིག་བྱེད་མདུང་དར་དང་། །གནམ་ལྕགས་འཕྲུལ་གྱི་ཐོག་མདའ་འདི། །ཛམ་གླིང་དགྲ་ལྷའི་རྟེན་དུ་འཛུག །འཇའ་རིས་ཕུབ་ཆུང་དགྲ་སྟ་དང་། །བདུད་ཞགས་དགྲ་ཟོར་ཆུ་གྲི་སོགས། །མཚོན་ཆའི་རིགས་གྱུར་ཐམས་ཅད་ཀུན། །ཛམ་གླིང་དགྲ་ལྷའི་རྟེན་དུ་འཛུག །ཅང་ཤེས་རླུང་གི་འཁོར་ལོ་ཅན། །སྤུ་ཞོལ་རབ་བརྗིད་གཡག་ཆེན་དང་། །ར་སྐྱེས་གཡང་དཀར་ལ་སོགས་པ། །ཛམ་གླིང་དགྲ་ལྷའི་རྟེན་དུ་འཛུག །རྟེན་རྫས་རྣམས་ལ་རྟག་བཞུགས་ལ། །མགོན་སྐྱབས་རྒྱབ་རྟེན་དཔུང་རོགས་མཛོད། །ཕ་རོལ་དམག་དང་ཇག་རྐུན་སོགས། །ཐམས་ཅད་གཞོམས་པའི་ཕྲིན་ལས་མཛོད།། ཀྱཻ། ལྷ་ལམ་ཡངས་པོར་སྣང་བྱེད་སྒྲོན་མེ་ཟུང་། །འོད་ཟེར་སྟོང་གི་ཕྲེང་བ་ཆེར་སྤྲོས་

― KMC022_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

པས། །སྨག་རུམ་རིང་དུ་བསྲིང་བ་ཇི་བཞིན་དུ། །ཛམ་གླིང་དགྲ་ལྷའི་དབུ་འཕང་དགུང་དུ་བསྟོད། །འདོད་རྒུའི་ཆར་འབེབས་དཔག་བསམ་ལྗོན་ཤིང་ལ། །ལོ་འདབ་ཆེར་རྒྱས་འབྲས་བཟང་རབ་སྨིན་ནས། །སྐྱེ་རྒུ་རྣམས་ལ་ལོངས་སྤྱོད་སྟེར་བ་བཞིན། །ཛམ་གླིང་དགྲ་ལྷའི་དབུ་འཕང་དགུང་དུ་བསྟོད། །གཏིང་བྲལ་ཆུ་སྲིན་འབྱུང་གནས་ཡངས་པ་ལས། །དགོས་འདོད་ནོར་བུའི་ཚོགས་རྣམས་ཡོངས་སྤེལ་བས། །འགྲོ་བ་དབུལ་བའི་དགྲ་ལས་རྒྱལ་བ་ལྟར། །ཛམ་གླིང་དགྲ་ལྷའི་དབུ་འཕང་དགུང་དུ་བསྟོད། །བསིལ་བ་ལྡན་པ་གངས་ཀྱི་ལྷུན་པོ་ལ། །རབ་བརྗིད་གདོང་ལྔའི་དབང་པོ་འགྱིང་ནས་སུ། །ལོག་རྟོག་རི་དྭགས་ཟིལ་གྱིས་གནོན་པ་ལྟར། །ཛམ་གླིང་དགྲ་ལྷའི་དབུ་འཕང་དགུང་དུ་བསྟོད། །ཕྱོགས་ལས་རྣམ་པར་རྒྱལ་བའི་རྒྱལ་མཚན་རྩེར། །ཡིད་བཞིན་ནོར་བུས་སྤྲས་པ་སྲིད་རྩེའི་བླར། །མངོན་པར་འཕགས་པའི་དགེ་ལེགས་དམ་པ་འདི། །ཛམ་གླིང་

― KMC022_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ལྷའི་ངོ་སོ་དགུང་དུ་བསྟོད། །དེ་ནས་གཏོར་མ་འབུལ་བ་ནི། ཀྱཻ། དཔལ་གྱི་གཏོར་མ་བརྗིད་ལྡན་འདི། །རི་རབ་ལྟ་བུར་དཔང་མཐོ་ཞིང་། །སྣང་བྱེད་ཟུང་ལྟར་བཀྲག་མདངས་ལྡན། །རྒྱ་ཆེན་ལྷུན་སྡུག་མཆོད་གཏོར་འདིས། །ཛམ་གླིང་དགྲ་ལྷའི་དམག་ཚོགས་རྣམས། །ཐུགས་དམ་གཉན་པོ་དགྱེས་བསྐང་སྟེ། །དཀོན་མཆོག་གསུམ་གྱི་དབུ་འཕང་བསྟོད། །སངས་རྒྱས་བསྟན་དང་ཁྱད་པར་དུ། །བསྒྲུབ་བརྒྱུད་བསྟན་པ་རིན་ཆེན་འདི། །རྒྱ་མཚོའི་གོས་ཅན་མཐར་ཁྱབ་ཅིང་། །བསྟན་འཛིན་སྐྱེས་བུ་དམ་པ་རྣམས། །སྐུ་ཚེ་བརྟན་ཅིང་མཛད་ཕྲིན་རྒྱས། །དགེ་འདུན་འདུས་པའི་སྡེ་རྣམས་དར། །ཁྲིམས་གཙང་ཐོས་བསམ་སྒོམ་པ་འཕེལ། །བདག་ཅག་ཡོན་མཆོད་འཁོར་བཅས་རྣམས། །ཚེ་བསོད་དཔལ་དང་འབྱོར་བ་རྒྱས། །དགྲ་ཇག་ཆོམ་རྐུན་འཇིགས་ལས་སྐྱོབས། །མི་རྣམས་དཔའ་ཞིང་རྟ་རྣམས་མགྱོགས། །ཕ་རོལ་དགྲ་ཡི་གཡུལ་ངོ་ལས། །རྣམ་པར་རྒྱལ་

― KMC022_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་བསམ་དོན་འགྲུབ། །སྙིང་པོའི་བསྟན་དང་དམ་ཆོས་ལ། །ལོག་པར་འཁུ་བའི་བདུད་སྡེའི་དཔུང་། །སྐད་ཅིག་ཕྱེ་མར་བརླག་པར་མཛོད། །དམ་ཉམས་ཆོས་མིན་སྤྱོད་བྱེད་ཅིང་། །དམ་སྲི་འགོང་པོས་རྒྱུད་བརླམ་པའི། །བསྟན་བཤིགས་རྣམས་ཀྱི་བླ་ཚེ་བསྐུམ། །རྒྱལ་ཁམས་ཀུན་ཏུ་ལོ་ལེགས་ཤིང་། །མཐའ་དམག་དུས་འཁྲུགས་ཐམས་ཅད་བཟློག །ཆར་ཆུ་དུས་འབབ་འབྲས་བཟང་སྨིན། །བཙའ་སད་སེར་གསུམ་ལ་སོགས་པ། །ཐམས་ཅད་ཀུན་ཞི་བདེ་སྐྱིད་ལྡན། །རྐང་བཞིའི་ཕྱུགས་རྣམས་གོད་ལས་གྲོལ། །རྫོགས་ལྡན་ལང་ཚོ་གསར་དུ་ངོམས། །བདེ་ལེགས་ཕུན་སུམ་ཚོགས་གྱུར་ཅིག །ཅེས་གཏོར་མ་གསེར་སྐྱེམས་ནམ་མཁར་མཆོད། དེ་ནས་གཡང་ལེན་བྱ་བ་ནི། ཀྱཻ། བཀའ་བརྒྱུད་བླ་མའི་བྱིན་བརླབས་དེ། །ཁུ་ཡེ་ཕྱྭ་དང་གཡང་དུ་ལེན། །ཡི་དམ་ལྷ་ཡི་དངོས་གྲུབ་དེ། །ཁུ་ཡེ་ཕྱྭ་དང་གཡང་དུ་ལེན། །ཆོས་སྐྱོང་སྲུང་མའི་དྲག་རྩལ་དེ། །ཁུ་ཡེ་ཕྱྭ་དང་གཡང་དུ་ལེན། །

― KMC022_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་སྦྱིན་ལྷ་ཡི་ནོར་གཡང་དེ། །ཁུ་ཡེ་ཕྱྭ་དང་གཡང་དུ་ལེན། །གླིང་བཞིའི་བདེ་སྐྱིད་ཟས་ནོར་ཀུན། །ཁུ་ཡེ་ཕྱྭ་དང་གཡང་དུ་ལེན། །བདག་ཅག་ཡོན་མཆོད་འཁོར་བཅས་རྣམས། །ཚེ་རིང་ནད་མེད་ལོངས་སྤྱོད་འཕེལ། །སྙན་གྲགས་ནམ་མཁའི་མཐར་ཁྱབ་ཅིང་། །བཀྲ་ཤིས་བདེ་ལེགས་ཉིད་གྱུར་ཅིག །དེ་ལྟར་ཛམ་གླིང་རྒྱལ་པོའི་བསང་མཆོད་དགྲ་ལྷའི་དཔང་བསྟོད་དང་བཅས་པ་འདིའང་སྒྲུབ་བརྒྱུད་བསྟན་པའི་ཉི་མ་ཆགས་མེད་མཆོག་སྤྲུལ་རིན་པོ་ཆེའི་གསུང་གི་བསྐུལ་བ་དང་། རང་ཉིད་ཀྱི་དབོན་མགྲོན་གཉེར་ཀརྨ་ཆོས་འཕགས་ནས་ཀྱང་འདི་ལྟར་བགྱི་དགོས་ཞེས་བསྐུལ་བར་བསྟེན། ཀརྨ་པ་བཅུ་བཞི་པས་ཛམ་གླིང་སྐྱེས་བུ་འཁྲུངས་པའི་ཡུལ། ཚབ་ཚ་ཆོས་འཁོར་རྣམ་རྒྱལ་གླིང་གི་ཉེ་ཆར་བྲིས་པ་བཀྲ་ཤིས། འཁྲུངས་ལྷའི་བསང་གསོལ་ནི། ཨོཾ་སྭ་སྟི། །འཇིག་རྟེན་རྣམ་པར་འདྲེན་མཆོག །རྒྱལ་དབང་སྐྱེས་རབ་རིམ་པར་བྱོན་པའི་ཡབ་མེས་ཀྱི་སྐུ་ལྷ་རྣམས་དགྱེས་པ་བསྐྱེད་པའི་མཆོད་སྤྲིན་མདོར་བསྡུས་སྤྲོ་ན། རིན་ཆེན་སྣོད་དུ་གཏོར་མཆོད་གསེར་སྐྱེམས་དྲི་བཟང་ཤིང་གི་སྤོས་དུད་སོགས་མཁོ་བའི་ཡོ་བྱད་འདུ་བྱས་ལ། ཆོས་སྐྱོང་གཞན་རྣམས་ཀྱི་བསང་མཆོད་དང་འབྲེལ་བའམ། འདི་ཉིད་སྒེར་དུ་སྤྲོ་

― KMC022_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

ནའང་ཆོག་ལ། གང་ལྟར་ཡང་བདག་ཉིད་གུ་རུ་པདྨ་སྣང་སྲིད་ཟིལ་གནོན་གྱི་ང་རྒྱལ་དང་ལྡན་པས། མཆོད་རྫས་རྣམས་རཾ་ཡཾ་ཁཾ་གིས་བསང་། སྭ་བྷཱ་ཝས་སྦྱངས། སྟོང་ལས་རིན་ཆེན་སྣོད་ཡངས་པར། །མཁོ་རྒུ་འཇོ་བའི་འདོད་ཡོན་གྱི། །གཏོར་མཆོད་སྤྱན་གཟིགས་ནམ་མཁའི་མཛོད། །སོ་སོར་དགྱེས་པ་བསྐྱེད་ནུས་གྱུར། །ཨོཾ་བཛྲ་སྥ་ར་ཎ་ཁཾ་གིས་བརླབ། རྔ་རོལ་དབྱངས་དང་བཅས་པས་གྱེར་སྒོམ་ལྷན་ཅིག་པར། ཀྱཻ། ཡེ་གྲོལ་ཀ་དག་གདོད་མའི་ཀློང་ཡངས་ནས། །སྐུ་གསུམ་བརྒྱུད་པ་དྲུག་ལྡན་རྩ་བརྒྱུད་ཀྱི། །དཔལ་ལྡན་བླ་མ་རྒྱལ་བ་སྲས་དང་བཅས། །དད་གུས་མོས་པས་སྤྱན་འདྲེན་གནས་འདིར་གཤེགས། །ཞི་ཆགས་སྒྱུ་འཕྲུལ་ཉམས་བརྒྱའི་འཇོ་སྒེག་ལས། །དངོས་གྲུབ་མཆོག་སྩོལ་ཐེག་དགུའི་ཡི་དམ་ལྷ། །དཔའ་བོ་རྣལ་འབྱོར་མ་སྲིང་མཁའ་འགྲོའི་ཚོགས། །དམ་ཚིག་གཙང་མའི་གནས་འདིར་སྤྱན་འདྲེན་གཤེགས། །རྒྱལ་བའི་བསྟན་སྲུང་རྣལ་འབྱོར་སྲོག་གི་ལྷ། །མ་ཧཱ་ཀཱ་ལ་ལྕམ་དྲལ་བཀའ་འཁོར་བཅས། །དབང་ཕྱུག་

― KMC022_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་དུད་པའི་སོལ་བ་མ། །འཁོར་བཅས་མཆོད་པའི་གནས་འདིར་སྤྱན་འདྲེན་གཤེགས། །ཁྱད་པར་འཇིག་རྟེན་དབང་ཕྱུག་སྤྱན་རས་གཟིགས། །རྒྱལ་བ་རྣམས་ཀྱི་ཕྲིན་ལས་གཅིག་བསྡུས་མགོན། །བསྟན་པ་མཆོག་དང་འགྲོ་བའི་དཔལ་མགོན་དུ། །བསམ་བཞིན་མཆོག་གི་སྤྲུལ་པའི་ཟློས་གར་གྱི། །རོལ་པའི་སྐྱེས་རབས་རིམ་པར་བྱོན་པ་ཡི། །སྐུ་ལྷ་རིགས་ཆོས་དམ་ཚིག་གིས་འབྲེལ་བའི། །ཡེ་ཤེས་ལས་དང་འཇིག་རྟེན་ཚུལ་སྟོན་པའི། །བརྒྱུད་གསུམ་ཆོས་སྐྱོང་ཡུལ་གཞིའི་གནས་ཀྱི་བདག །སྲིད་པ་རྒྱུད་ལས་གྲོལ་བའི་ལྷ་རབ་དང་། །མིའུ་གདུང་དྲུག་ཕ་ཚུན་དགྲ་བླའི་ཚོགས། །འགོ་བའི་ལྷ་ལྔ་སྐྱོབ་པའི་ལྷ་དགུ་དང་། །ལས་ལས་གྲུབ་པའི་འབྱུང་པོ་མཐུ་བོ་ཆེ། །རྒྱལ་བློན་བྲན་གཡོག་ཡང་འཁོལ་གཉེན་སྡེར་བཅས། །འབོད་པའི་གནས་འདིར་བྱོན་ལ་དགྱེས་མཆོད་བཞེས། །ཕྲིན་ལས་རྒྱ་མཚོ་མ་ལུས་བསྒྲུབ་ཏུ་གསོལ། །དབང་ཆེན་གསུང་

― KMC022_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་ཐེག་མཆོག་རྡོ་རྗེ་ཡི། །མགུལ་ལྷ་དགྲ་སྡེ་འཇོམས་པའི་མཐུ་རྩལ་ཅན། །སྦྲག་བཙན་དབྱི་རྒྱལ་དཔལ་ལྡན་ཤེས་རབ་དང་། །རྡོ་རྗེ་སྨན་དཔལ་གཙང་སྨེ་ནག་ཕྱི་སོགས། །རྣལ་འབྱོར་མཆོད་པའི་གནས་འདིར་སྤྱན་འདྲེན་གཤེགས། །དཔལ་ལྡན་མཁའ་ཁྱབ་རྟག་པའི་རྡོ་རྗེ་ཆེའི། །རྒྱུད་བསྲུང་མ་ཅིག་རྡོ་རྗེ་རབ་བརྟན་མ། །སྐུ་ལྷ་ཧ་བོ་གངས་བཟང་སྲས་བློན་འཁོར། །ཤེལ་གིང་དཀར་པོ་ཙིའུ་དམར་པོར་བཅས། །མཆོད་པའི་གནས་འདིར་དགྱེས་པར་གཤེགས་སུ་གསོལ། །སླད་མར་ཁ་འགེངས་དགོས་རིགས་འདིར་འཛུག རང་བྱུང་ལྷན་སྐྱེས་རིག་པའི་རྡོ་རྗེ་ཡི། །མགུར་ལྷ་གནས་མཆོག་རྩེ་མཐོ་པདྨ་རི། །ཡུལ་སྐྱོངས་དགེ་བསྙེན་པདྨ་མཆོག་རབ་རྩལ། །མདུན་འཁོར་དཔལ་གྱི་བཀོད་ལྡན་སེང་གེ་གྲགས། །གནས་བདག་ཞོ་རོ་བོན་ཆུང་འཁོར་དང་བཅས། །མ་གཟའ་དམ་ཅན་གནོད་སྦྱིན་འཁོལ་པོ་དང་། །ཁྱད་པར་ལྷ་བཙན་རྡོ་རྗེ་ཐོགས་རྒོད་བཅས། །མཆོད་པའི་

― KMC022_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་འདིར་དགྱེས་པར་གཤེགས་སུ་གསོལ། །ཨོ་རྒྱན་འགྲོ་འདུལ་འཕྲིན་ལས་རྡོ་རྗེ་ཡི། །རྣལ་འབྱོར་དགྲ་ལྷ་རྡོ་རྗེ་འབར་བ་རྩལ། །བདུད་འདུལ་དམ་ཅན་ཡེ་བརྫུ་ཆེད་སྡེ་སྔ། །མཐུ་ལྡན་འཁོར་ཚོགས་སུམ་རྒྱ་དྲུག་ཅུ་དང་། །གདོང་སྨུག་སྤུན་དགུ་བཀའ་སྡོད་ཕོ་ཉ་ཞི། །ཀླུ་རྒྱལ་རྡོ་རྗེ་གུར་དང་ངལ་སོས་པོ། །གངས་དཀར་མཆེ་བརྒྱེད་འཇོག་རྩན་ལྷ་བྲག་དཀར། །ཞི་བ་རྒྱལ་མཚན་འཁོར་བཅས་གཤེགས་སུ་གསོལ། །སོ་སོར་མཐུན་པའི་གཞལ་མེད་ཁང་བཟང་དང་། རིན་ཆེན་ཁྲི་གདན་བཀོད་ལེགས་མཛེས་པའི་དབུས། །དགྱེས་པའི་ཞལ་འཛུམ་ཟླ་བ་ཚེས་པ་བཞིན། །རྣལ་འབྱོར་ཕྲིན་ལས་སྒྲུབ་ཕྱིར་བཞུགས་སུ་གསོལ། །མཆོད་པ་ནི། ཀྱཻ། ཡིད་འོང་དྭངས་བསིལ་མཆོད་ཡོན་ཡན་ལག་བརྒྱད། །ག་བུར་དྲི་བསུང་བཟང་འཕྲོའི་བདུག་པའི་སྤྲིན། །སྣ་ཚོགས་བཀོད་མཛེས་འདབ་བརྒྱའི་མཚར་སྡུག་བཀྲ། །མེ་ཤེལ་ཆུ་ཤེལ་མདངས་གསལ་མར་མེའི་

― KMC022_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲེང་། །གུར་གུམ་ཙན་དན་དང་སྦྱར་དྲི་ཡི་ཆབ། །བདའ་དགུའི་ཞལ་ཟས་ལྗགས་ཀྱི་བདུད་རྩིར་བྱེད། །ཆ་ལང་རྔ་ཤང་རོལ་མོའི་སྙན་འཇེབ་བཅས། །ཁྱད་པར་རྨད་བྱུང་རྩ་བརྒྱད་ཡན་ལག་སྟོང་། །འབྲུ་བཅུད་ཉིད་ཁུར་སྦྱར་བའི་གསེར་གཡུའི་སྐྱེམས། །རིན་ཆེན་སྣོད་བཟང་དུ་མ་གཏམས་པའི་མཚོར། །ནད་བརྒྱ་སེལ་བའི་ལྦུ་ཕྲེང་གཡོ་བས་མཆོད། །སྣང་བ་སྣོད་ཀྱི་འཇིག་རྟེན་གཏོར་གཞོང་དུ། །སྲིད་གསུམ་བཀོད་པའི་གཏེར་ཆེན་རྔམས་བརྗིད་ལྡན། །བཟའ་བཅའི་བྱེ་བྲག་ཤ་སྣ་སྙིང་སྣ་དང་། །ལ་ཕུག་སྒོག་ཙོང་ཤིང་ཏོག་སྣ་ཚོགས་སྤུངས། །བཅུད་ལྡན་དཀར་དམར་ཐབས་ཤེས་རོལ་པའི་རྫས། །མྱང་བས་ཟག་མེད་བདེ་སྐྱེད་འབྱོར་དགུའི་དཔྱིད། །ཆགས་མེད་ཆགས་བྲལ་ཁམས་གསུམ་ཆགས་པའི་ཁྲག །དམར་གྱི་ཨཱརྒྷཾ་མཉེས་པའི་རྫས་སུ་འབུལ། །མཚར་སྡུག་འཇོ་སྒེག་ཉམས་འགྱུར་བྱེ་བ་ཡིས། །སྲིད་གསུམ་ཡི་ག་འགུགས་པའི་ལུས་ཕྲ་མ། །རིན་

― KMC022_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་དར་ཟབ་རྒྱན་མཛེས་སྒྱུ་རྩལ་མཁན། །མགྲིན་པའི་དབྱངས་བདུན་སྙན་འགྱུར་ལྡན་པ་དང་། །དཔའ་བའི་གོ་ལྡན་གསེར་གྱི་ཡ་ལད་ཅན། །རལ་གྲི་མདའ་གཞུ་དགྲ་སྟྭ་མདུང་རིང་སོགས། །དཔའ་རྟགས་སྣ་དགུས་དགྲ་དཔུང་འཇོམས་བྱེད་པའི། །དཔའ་བོ་འབུམ་ཕྲག་བསྭོ་སྒྲ་སྒྲོགས་པས་མཆོད། །སྣ་ཚོགས་སྤུ་སྡུག་ལྡན་པའི་ཅང་ཤེས་ཁྱུ། །རིན་ཆེན་སྒ་སྲབ་བརྒྱན་པ་ཁྲི་ཕྲག་དང་། །ཐེག་ཆེན་དྲེའུ་རྟ་ནོར་བུའི་ཐག་ཆས་ཅན། །སྲིད་གསུམ་སྐད་ཅིག་ཉུལ་བའི་ཤུག་ལྡན་འབུམ། །མར་རྒད་རུ་རྣོན་ཟུང་གིས་མཛེས་པ་ལ། །ཆུ་འཛིན་སྟུག་པོ་སྤུངས་འདྲའི་ཞོལ་ལྡན་པ། །གནམ་ལྕགས་རྨིག་བཞིས་ས་གསུམ་གཡོ་བྱེད་པའི། །འབྲོང་གཡག་བྱེ་བ་འབུམ་ནི་ངུར་སྒྲ་ལྡིར། །ཤེལ་དུམ་རྒྱུ་བ་དང་འདྲའི་གཡང་དཀར་ཁྱུ། །གཡས་སུ་འཁྱིལ་བའི་གཡུ་ཡི་རྭ་ལྡན་པའི། །ཤུགས་རྩལ་སྟོབས་ལྡན་རྭ་སྐྱེས་སྣ་ཚོགས་དང་། །ནོར་སྲུང་གཏུམ་པོའི་ཚོགས་ཀྱང་ངར་

― KMC022_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

སྐད་སྒྲོག །གཞན་ཡང་ལྷ་ཀླུ་མི་ཡི་ནོར་བུའི་རིགས། །དབང་གཞུ་ཐགས་སུ་བྲན་འདྲའི་གོས་བཟང་དང་། །རིན་ཆེན་སྣ་ཚོགས་རྒྱན་ཕྲེང་ཚར་དུ་དངར། །མཁོ་རྒུའི་འདོད་འཇོ་གཏེར་གྱི་བུམ་པ་བཟང་། །སྲིད་ན་མཚར་རྒུའི་བདོགས་པ་མ་ཚང་མེད། །ནམ་མཁའ་མཛོད་བཞིན་ཡུལ་འདིས་སྐུ་ལྷ་རྣམས། །དགྱེས་པའི་དཔལ་བསྐྱེད་སྔར་མཛད་ལེགས་པའི་སྐྱེས། །ཕྱི་བཅོལ་ཕྲིན་ལས་སྒྲུབ་པའི་རྟེན་དུ་འབུལ། །ཨོཾ་ཤྲཱི་མཱ་ན་གུ་རུ་དེ་ཝ་ཌཱ་ཀི་ནི་མ་ཧཱ་ཀཱ་ལ་ཀཱ་ལི་མ་ཧཱ་དེ་ཝ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཞེས་ལན་བདུན་ནམ། །གསུམ་བརྗོད། སླར་ཡང་མངའ་གསོལ་ཞིང་ཕྲིན་ལས་བཅོལ་བ་ནི། ཀྱཻ། སྲིད་པ་གསུམ་ན་ཆེ་བའི་ལྷ་ཀླུ་མིའི། །དབང་པོ་སྟོང་གི་ནོར་བུའི་དོ་ཀེར་གྱིས། །ཞབས་མཐིལ་པདྨའི་འདབ་བརྒྱ་གཙང་བྱས་པ། །རྩ་གསུམ་རྒྱལ་བའི་དབུ་འཕང་དགུང་དུ་བསྟོད། །དད་གསུམ་བློ་གྲོས་འཛིན་མར་བྱང་ཆུབ་ཀྱི། །དཔག་བསམ་ཆེར་རྒྱས་སོ་བདུན་ཡལ་གས་ཕྱུག །

― KMC022_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་སྨིན་བྱེ་བའི་མེ་ཏོག་བཞད་པའི་རྩེར། །ས་ལམ་འབྲས་བཟང་སྨིན་འདིས་མངའ་གསོལ་ལོ། །རྒྱལ་བའི་བཀའ་ཉན་སངས་རྒྱས་བསྟན་པ་བསྲུངས། །ལུང་རྟོག་མཛོད་སྒོ་བྱེ་བའི་གཉེར་ཁ་འཛིན། །ཆོས་སྤྱོད་རྣལ་འབྱོར་སྲོག་ལྷ་དམ་ཚིག་ཅན། །བཀའ་འཁོར་རྒྱ་མཚོའི་དབུ་འཕང་སྲིད་རྩེར་བསྟོད། །འགྱུར་མེད་དམ་ཚིག་གཙང་མའི་ས་གཞིའི་དབུས། །ཚད་མེད་བང་རིམ་བཞི་ལྡན་སྐུ་བཞི་ཡི། །རིན་ཆེན་ལྷུན་པོ་ཐབས་ཤེས་ཉི་ཟླའི་རྒྱན། །སྲིད་ཞིའི་ཡོན་ཏན་མཛད་མེད་དཀོར་ཆས་བརྗིད། །དངོས་འབྱོར་ཡིད་སྤྲུལ་འདོད་ཡོན་རྒྱ་མཚོ་ཡིས། །དཀོན་མཆོག་རྩ་གསུམ་རྒྱ་མཚོ་མངའ་གསོལ་ལོ། །དཔལ་ཆེན་ནག་པོ་ལྕམ་དྲལ་མངའ་གསོལ་ལོ། །མ་སྲིང་མཁའ་འགྲོའི་དབང་མོ་མངའ་གསོལ་ལོ། །དཔལ་ལྡན་བླ་མའི་ཆོ་རིགས་རྒྱུད་བསྲུང་བའི། །སྲིད་པ་རྒྱུད་ཀྱི་ལྷ་རྣམས་མངའ་གསོལ་ལོ། །དྲེགས་པ་སྡེ་བརྒྱད་ཐམས་ཅད་མངའ་གསོལ་ལོ། །

― KMC022_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་པོ་མཐུ་ཆེན་ཚོགས་རྣམས་མངའ་གསོལ་ལོ། །ཕ་ལྷ་མ་ལྷ་སྲོག་ལྷ་མངའ་གསོལ་ལོ། །ཞང་ལྷ་མགྲོན་ལྷ་ལམ་ལྷ་མངའ་གསོལ་ལོ། །ཕན་ཚུན་དགྲ་ལྷ་ཝེར་མ་མངའ་གསོལ་ལོ། །མཆོད་འོས་མགྲོན་ཀུན་མཉེས་ཤིང་ཚིམས་གྱུར་ཅིག །དེ་ལྟར་མཆོད་ཅིང་བསྟོད་ནས་འདོད་པའི་དོན། །ལས་སུ་བཅོལ་བའི་ཐ་ཚིག་འདི་དགོངས་ཤིག །ངེས་གསང་བསྟན་པ་སྤྱི་དང་སྒྲུབ་བརྒྱུད་བསྟན། །བསྟན་འཛིན་སྐྱེས་བུ་ཀུན་དང་ཁྱད་པར་དུ། །རྒྱལ་དབང་ཀརྨ་པ་ཡི་སྐུ་ཚེ་དང་། །མཛད་ཕྲིན་ཆོས་སྲིད་དབྱར་གྱི་དཔལ་འབྱོར་འཕེལ། །འགལ་རྐྱེན་བར་ཆད་མི་མཐུན་ཕྱོགས་ཀུན་ཞི། །ལོངས་སྤྱོད་མངའ་ཐང་དགེ་འདུན་འདུས་པ་རྒྱས། །ཀུན་ཀྱང་ཐོས་བསམ་སྒོམས་པས་རྒྱུད་ཕྱུགས་ཤིང་། །འགྲོ་ཁམས་བདེ་སྐྱིད་སྣང་བ་རྫོགས་ལྡན་བཞིན། །མི་ཉམས་སྲིད་མཐའི་བར་དུ་རྒྱས་པར་མཛོད། །བསྟན་པའི་སྦྱིན་བདག་རྒྱལ་རིགས་བློན་འབངས་བྲན། །ཁྱེའུ་ཕོ་མོ་འབྲུ་ནོར་

― KMC022_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་ཕྱུགས་སོགས། །ཆོས་མཐུན་ལེགས་བྱས་དགའ་སྟོན་འཕེལ་བའི་ཕྱིར། །མོས་པ་རྣམ་བཞི་དབང་དུ་འདུ་བར་མཛོད། །བྱད་ཕུར་རྦོད་གཏོང་མི་དང་མི་མིན་དཔུང་། །བསམ་ངན་སྦྱོར་རྩུབ་བསྟན་ལ་གནོད་ཅིང་འཚེ། །ཕྲིན་ལས་སྤེལ་བའི་བར་ཆད་བདུད་བགེགས་རྣམས། །མངོན་སྤྱོད་རོལ་པས་མྱུར་དུ་ཚར་ཆོད་ཅིག །གཞན་ཡང་ཡུལ་གྱི་དགེ་བཅུ་རབ་རྒྱས་ཤིང་། །མི་ནོར་ཕྱུགས་འཕེལ་ས་བཅུད་དཔལ་འབྱོར་བསྐྱེད། །བཀྲ་ཤིས་སྣང་བ་གོང་ནས་གོང་དུ་འཕེལ། །བསམ་དོན་ཅི་མཆིས་བདེ་བླག་མྱུར་འགྲུབ་མཛོད། །མཆོད་གཏོར་དམན་དང་ཆགས་ཉམས་འགལ་འཁྲུལ་སོགས། །ཕོག་ཐུག་འཁོན་གྲིབ་མ་ཤེས་རྨོངས་དབང་གིས། །ནོངས་གྱུར་མཐའ་དག་ཀུན་བཟང་ཀློང་དུ་བཤགས། །བདག་ནི་རིག་འཛིན་པདྨའི་གདུང་འཚོབ་སྟེ། །ཁྱེད་རྣམས་དེ་ཡི་བསྟན་པའི་གཉེར་ཁ་བ། །གནས་མགྲོན་གཉིས་ཀྱིས་ཆད་ཐོ་མ་བོར་བར། །གང་བཅོལ་རྟག་

― KMC022_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་སྒྲུབ་པའི་གྲོགས་མཛོད་ཅིག །ཅེས་མཆོད་གཏོར་དང་གསེར་སྐྱེམས་འབུལ། །གཙྪས་མགྲོན་གཤེགས། །ཞེས་པའང་རླངས་ལྷ་གཟིགས་རས་པའི་གདུང་བརྒྱུད་མ་ཆད་པ་ལས། །རྒྱས་དབང་མཆོག་ཉིད་བལྟམས་པའི་ཆོ་རིག(རིགས)་ཀྱི་ལྷ་ལྷ་རྣམས་དགྱེས་པ་བསྐྱེད་པའི་མཆོད་ཆོག་འདི་བཞིན། རྒྱལ་དབང་མཆོག་གི་བཀའ་གནང་ནས། རིག་འཛིན་གྱི་བཙུན་པ་ཀརྨ་ཆོས་དབང་ཀུན་ཏུ་བཟང་པོས་སྐྱེད་ཚལ་བསམ་འགྲུབ་ཆོས་གླིང་གི་དགྱེས་སྤྲོའི་གཟིམ་གུར་དུ། ཤིང་བྱ་སྣྲོན་ཟླའི་གྲལ་ཚེས་ཉེར་དྲུག་དགེ་བར་སྟབས་འཕྲལ་དུ་བྲིས་པ་ཞེས་བྱ་བ་ལ། སྔོན་དང་ད་ལྟར་གྱི་འཁྲུངས་ལྷ་རྣམས་ཕྱོགས་སུ་བསྡུས། མ་འོངས་པ་རྣམས་ཅུང་ཟད་ཀྱི་སབ་ཁ་རེ་བགྱིས་པས་མཐུས་པར་བྱས་ཏེ། ཡི་གེ་དང་། འདོན་བྱ་མང་བའི་ངལ་བ་དང་། སྲུང་མ་སྤོང་ལེན་གྱི་ལས་བསག་མ་དགོས་པའི་ཆེད། སྐྱེས་རབས་བཅོ་ལྔ་པར་འབོད་པས། རྗེ་དཔོན་དམ་པས་མཛད་པ་ལ་ཕྲི་བསྣན་ཕྲན་བུ་བགྱིས་པ་དགེ་ལེགས་འཕེལ་བར་གྱུར་ཅིག །བཙན་རྒོད་དྲག་པོ་ཕྱྭ་རྒྱལ་མེ་ཏྲིའི་བསང་མཆོད་ནི། རྫས་རྣམས་རཾ་ཡཾ་ཁཾ་དང་། སྭ་བྷ་ཝ། ཨོཾ་ཨཱཿཧཱུྃ་ཧ་ཧོ་ཧྲཱིཿརྣམས་ཀྱིས་བསང་སྦྱང་བརླབ་སྤེལ་བྱས་ལ། ཀྱཻ། ཀ་དག་བདེ་ཆེན་ཀློང་ཡངས་ལ། །འཁྲུལ་པའི་མཚན་མ་མ་མཆིས་ཀྱང་། །རྒྱུད་ལྔའི་འགྲོ་བ་བསྒྲལ་

― KMC022_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཕྱིར། །ཐུགས་རྗེ་ཆེན་པོའི་ཕྲིན་ལས་རྩལ། །སྐུ་གསུམ་རྒྱལ་བའི་བསྟན་པ་བྱོན། །དུག་ལྔ་བརྟས་པའི་ལོག་ལྟ་ཅན། །མུ་སྟེགས་བསྟན་དགྲའི་གཤེད་མ་ལ། །ཡེ་ཤེས་ལས་དང་འཇིག་རྟེན་གྱི། །སྤྲུལ་པའི་སྡེ་བརྒྱད་ཚོམ་བུར་ཤར། །རིག་པ་ལས་གྲུབ་ཡེ་ཤེས་དབྱིངས། །མ་རིག་ཕྲག་དོག་འདུལ་བའི་ཕྱིར། །འཇིག་རྟེན་སྲིད་པ་བཙན་གྱི་རྗེ། །བཙན་ཡུལ་ཟང་ཐང་དམར་པོ་ནས། །ཕྱ་རྒྱལ་མཻ་ཏྲི་དྲག་པོ་རྩལ། །འཁོར་བཅས་འབོད་པའི་གནས་འདིར་གཤེགས། །བཤམས་པའི་གདན་ལ་བཞུགས་ནས་ཀྱང་། །བཀྲམ་པའི་སྤྱན་གཟིགས་རྣམས་ལ་གཟིགས། །བསྔོས་པའི་མཐུན་རྫས་བསང་མཆོད་བཞེས། །དགྲ་བགེགས་བསྒྲལ་བའི་ཉེར་སྤྱོད་དང་། །དྲག་པོ་རྐང་གླིང་རོལ་མོའི་སྒྲ། །འདོད་ཡོན་ལྔ་དང་རིན་ཆེན་བདུན། །ཤ་ཁྲག་བ་ལིཾ་རཀྟའི་མཚོ། །དཔའ་བོའི་ངར་ཆུ་མྱོས་བྱེད་ཆང་། །ཇ་ཆང་ཤ་སྣ་ནང་ཁྲོལ་སྙིང་། །མཆོད་པའི་བྱེ་བྲག་མཐའ་ཡས་དང་། །

― KMC022_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་བྲང་གོ་མཚོན་རྟ་དམར་ཁྱི། །གཡག་ལུག་རྭ་སྐྱེས་རི་དྭགས་བྱ། །གཏུམ་པོ་གཅན་གཟན་ལ་སོགས་པ། །ཐུགས་དང་མཐུན་པའི་དམ་རྫས་རྣམས། །དངོས་སུ་བཤམས་དང་ཡིད་ལས་བྱུང་། །ཏིང་འཛིན་སྔགས་རྒྱས་སྤེལ་བ་འདིས། །ཤུ་བ་སྲོག་ལེན་བཙན་གྱི་རྗེ། །ཡམ་ཤུད་དམར་པོ་མངའ་གསོལ་ལོ། །རྡོ་རྗེ་དྲག་པོ་མངའ་གསོལ་ལོ། །གཏེར་སྲུང་ཆེན་མོ་མངའ་གསོལ་ལོ། །ཤེལ་གིང་སྨུག་ནག་མངའ་གསོལ་ལོ། །གནོད་སྦྱིན་ཆེན་པོ་མངའ་གསོལ་ལོ། །འབར་བ་སྤུན་བདུན་མངའ་གསོལ་ལོ། །ཕྱྭ་རྒྱལ་མེ་ཏྲི་མངའ་གསོལ་ལོ། །དགྱེས་ཡུམ་ཀླུ་མོ་མངའ་གསོལ་ལོ། །བདུད་བཙན་ཀླུ་བཙན་ལྷ་བཙན་སོགས། །སྡེ་བརྒྱད་བཙན་རྗེ་མངའ་གསོལ་ལོ། །བཙན་དམག་འབུམ་སྡེ་མངའ་གསོལ་ལོ། །ཡང་འཁོར་བསམ་འདས་མངའ་གསོལ་ལོ། །གསོལ་ཞིང་མཆོད་པ་ལ་བརྟེན་ནས། །དགྱེས་ཤིང་མཉེས་པའི་འཛུམ་མདངས་སྟོན། །དྲག་རྩལ་རྔམས་པའི་སྟོབས་རྩལ་

― KMC022_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུངས། །ཐུབ་བསྟན་སྤྱི་དང་ཁྱད་པར་དུ། །པདྨ་འབྱུང་གནས་ཀརྨ་པའི། །བསྟན་པའི་དབུ་འཕང་དགུང་དུ་བསྟོད། །བསྟན་འཛིན་མཆོག་དང་དགེ་འདུན་སྡེ། །སློབ་བརྒྱུད་ཡོན་བདག་བཅས་པ་རྣམས། །མེལ་ཚེ་སྲུང་སྐྱོང་བྱ་ར་མཛོད། །ལེགས་པའི་ཚོགས་རྣམས་འདུ་བ་དང་། །མི་འདོད་ཉེར་འཚེ་མེད་པར་མཛོད། །བསྟན་དགྲ་གཟུགས་ཅན་གཟུགས་མེད་སྡེ། །གང་དུ་འདུག་ཀྱང་མྱུར་དུ་རྒྱུག །སྲོག་ཆོད་དབུགས་ལོངས་སྙིང་ཁྲག་འཐུང་། །བསད་རྟགས་དོན་སྙིང་ཁྱེར་ལ་ཤོག །ལས་ལ་མ་གཡེལ་དྲག་པོ་བཙན། །པདྨ་ཐོད་ཕྲེང་ཀརྨ་ཀའི། །དམ་ཚིག་གཉན་པོ་དྲན་མཛོད་ལ། །རྣལ་འབྱོར་བཅོལ་བའི་ཕྲིན་ལས་སྒྲུབས། །ཞེས་བརྗོད་གཏོར་མ་གསེར་སྐྱེམས་འབུལ། །བཀའ་སྲུང་ཀྱང་རྗེའི་བསང་མཆོད་ནི། གཏོར་མ་སོགས་བཤམས་ལ་བདུད་རྩིས་ཆབ་བྲན་ཏེ་འདི་སྐད་དོ། །ཨོཾ་བཛྲ་ཡཀྵ་ཧཱུྃ་གིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་ཨོཾ་ལས་མཆོད་པའི་སྤྲིན་བསམ་གྱིས་མི་ཁྱབ་པ་

― KMC022_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པའི་རྫས། །བསྟེན་པའི་རྫས། །བསྐང་བའི་རྫས། གསོལ་ཞིང་མཆོད་པའི་རྫས། གསང་བའི་རྫས་ལ་སོགས་པ། ས་དང་བར་སྣང་ཁྱབ་པ་ནམ་མཁའ་དང་མཉམ་པ་རྣམས་སུ་གྱུར། །ཨོཾ་བཛྲ་སྥ་ར་ཎ་ཁཾ་གིས་བྱིན་གྱིས་བརླབ། ཨོཾ། ཀླུ་ཡི་དགེ་བསྙེན་ཆེན་པོ་རྡོ་རྗེ་རྒྱལ། །དེ་ཡི་ཡུམ་ཆེན་གཟི་ལྡན་ཀླུ་ཡི་ལྕམ། །ཀླུ་བཙན་མིང་སྲིད་བར་བློན་ཆེན་པོ་སོགས། །ས་བདག་ཀླུ་གཉན་འཁོར་བཅས་གནས་འདིར་གཤེགས། །ཁྱད་པར་གནས་འདིའི་སྲུང་མ་བཙན་རྒོད་ཆེ། །གྱང་རྗེ་བཙན་པོ་ཡབ་ཡུམ་སྲས་འཁོར་སོགས། །མཐུ་སྟོབས་དྲག་རྩལ་ལྡན་པའི་སྲུང་མ་རྣམས། །གནས་འདིར་སྤྱན་འདྲེན་མཆོད་ཕྱིར་གཤེགས་སུ་གསོལ། །ཁྱེད་རྣམས་མཆོད་ཅིང་བསྟེན་པའི་དངོས་པོ་ནི། །ཉེར་སྤྱོད་ཚོགས་དང་གཟུགས་སྒྲ་དྲི་རོ་དང་། །རེག་བྱ་ཁྱད་འཕགས་ཇི་སྙེད་མཆིས་པ་ཀུན། །དངོས་བཤམས་ཡིད་སྤྲུལ་མཆོད་སྤྲིན་རྒྱ་མཚོ་འབུལ། །འཁོར་ལོ་ནོར་བུ་བཙུན་མོ་བློན་པོ་དང་། །

― KMC022_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

གླང་ཆེན་རྟ་དམར་རྟིང་དཀར་རྒྱན་སྤྲས་པ། །མ་ཧེ་ནོར་ལུག་གཅན་གཟན་རི་དྭགས་དང་། །འདབ་ཆགས་དམག་མི་བློན་འབངས་བྲན་སོགས་འབུལ། །ལྕགས་བསེའི་གོ་ཁྲབ་རྨོག་བཅས་མདའ་མདུང་དང་། །དཔའ་བོའི་རལ་གྲི་ཕུབ་དང་བ་དན་ཚོགས། །ལྷ་དང་ལྷ་མིན་གཡུལ་དུ་བཤམས་པ་ལྟར། །དཔུང་ཚོགས་ཡན་ལག་བཞི་ལྡན་བཀོད་པ་འབུལ། །སྨྱུག་རྒོད་ཚིག་གསུམ་དར་གྱིས་བརྒྱན་པ་དང་། །ཐོད་པའི་སྐུ་མཁར་ཤ་རུས་ཟུར་བརྒྱན་པ། །འདོད་ཡོན་མཁོ་རྒུའི་ཚོགས་ཀྱིས་ཡོངས་བསྐོར་བ། །བཞུགས་གནས་ཕོ་བྲང་རྒྱན་ལྡན་བཀོད་པ་འབུལ། །ཁྱད་པར་འཆི་མེད་ཟས་ཀྱི་བཅུད་གཅིག་པོ། །འབྲུ་བཅུད་སྨན་དང་རཀྟ་ཛ་གད་དང་། །ཤ་སྣ་སྙིང་སྣ་ཁྲག་སྣ་མྱོས་བྱེད་ཚོགས། །ཕྱི་ནང་གསང་བའི་མཆོད་པ་དུ་མ་འབུལ། །ཤ་ཁྲག་དམར་གྱིས་བརྒྱན་པའི་གཏོར་མ་དང་། །དགྲ་བགེགས་བསྒྲལ་བའི་ཤ་ཁྲག་ནང་ཁྲོལ་བཅས། །དཀར་གསུམ་

― KMC022_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

མངར་གསུམ་ཀླུ་སྨན་རྩི་བཅུད་སོགས། །རང་རང་ལ་འོས་མཆོད་རྫས་དུ་མ་འབུལ། །ཤིང་སྣ་དགུ་དང་སྨན་སྣ་ལ་སོགས་པའི། །དྲི་བཟང་བསང་དུད་ལྷོ་སྤྲིན་ལྟ་བུ་དང་། །ཕྱེ་མར་ཟས་ཕུད་སྐྱེམས་དང་གཟུགས་འགྲོས་བཅས། །མི་གཙང་ཉམས་གྲིབ་བསང་ཕྱིར་མཆོད་པ་འབུལ། །ཨོཾ་བཛྲ་ཨཱརྒྷཾ། པཱདྱཾ་ནས། ཤཔྟ་ཨཱཿཧཱུྃ་བར་དང་། ཨོཾ་རཱུ་པ་ ཤཔྟ་གྷནྡྷེ་ར་ས་སྤཪྴེ་པྲ་ཏཱིཙྪ་སྭཱ་ཧཱས་མཆོད། ཨོཾ་ནཱ་ག་རཱ་ཛ་བཛྲ་རཱ་ཛ་ཤུ་ལ་ཏྲི་ཛཿ ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་གྱིས་བསྔོས་ནས། ཧཱུྃ། ལྷ་ཆེན་འཁོར་བཅས་བསང་ཞིང་མཆོད་པའི་དགེས། །བདག་ཅག་ཡུལ་མི་ཁྱིམ་མཚེས་མཆོད་ཡོན་ཀུན། །ཉམས་ཆག་སྡིག་སྒྲིབ་ནད་གདོན་ཀུན་བསང་ནས། །བསམ་དོན་མ་ལུས་འགྲུབ་པའི་སྟོང་གྲོགས་མཛོད། །དགེ་འདུན་སྡེ་རྒྱས་ཐོས་བསམ་བསྒོམ་པ་འཕེལ། །མི་ལ་ནད་མེད་ཕྱུགས་ལ་གོད་ཁ་མེད། །ཆར་ཆུ་དུས་འབབས་ལོ་འབྲས་རྟག་ཏུ་ལེགས། །བསྟན་པ་དར་ཞིང་

― KMC022_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པའི་བཀྲ་ཤིས་ཤོག །བདག་སོགས་མ་རིག་དབང་གྱུར་ནོངས་པའི་ཚོགས། །གཙང་སྦྲ་ཆུང་དང་ཕུད་ཉམས་མཆོད་གཏོར་གཡེལ། །ས་བརྐོ་རྡོ་སློག་ཕོག་ཐུག་གྱུར་སྲིད་ནའང་། །བྱམས་པའི་སེམས་ཀྱིས་བཟོད་པར་མཛད་དུ་གསོལ། །དགེ་འདུན་གཙུག་ལག་ཁང་སོགས་འཕེལ་རྒྱས་ཆེད། །སླར་ཡང་བྱ་བ་ཅི་དང་ཅི་བགྱིས་ལ། །རུ་ང་ཕྲག་དོག་གནོད་འཚེ་ཀུན་སྤོངས་ཤིང་། །མྱུར་དུ་གང་བརྩམས་འགྲུབ་པའི་སྟོང་གྲོགས་མཛོད། །གནས་འདིའི་རྟེན་དང་རྟེན་པར་བཅས་རྣམས་ཀྱི། །སྲུང་མ་གནས་བདག་ལས་མཁན་ཁྱོད་ཀྱིས་མཛོད། །བསྟན་ལ་ཕན་པའི་སྟོང་གྲོགས་བྱེད་རྣམས་སྲུངས། །གནོད་པར་བྱེད་རྣམས་ཐལ་བར་རློག་པར་མཛོད། །སྤྱིར་དུ་ཀརྨ་ཀཾ་ཚང་བསྟན་པ་སྲུངས། །སྒོས་སུ་གདན་ས་མཚུར་ཕུའི་སྲུང་མ་མཛོད། །དཔལ་ལྡན་བླ་མའི་སྐུ་ཚེ་བསྲིང་བ་དང་། །རྣལ་འབྱོར་བདག་ཅག་བུ་བཞིན་སྐྱོང་བར་མཛོད། །དཔལ་ལྡན་དུས་

― KMC022_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མཁྱེན་པ་ནས་བཟུང་སྟེ། །རྒྱལ་དབང་རིག་པའི་རྡོ་རྗེ་ཡན་ཆད་ཀྱི། །བཀའ་དང་དམ་ལ་བཞག་པ་དྲན་མཛོད་ལ། །ཅི་བཅོལ་ཕྲིན་ལས་རྣམ་བཞི་སྒྲུབ་པར་མཛོད། །ཁྱེད་རྣམས་མཆོད་ཅིང་ཕྲིན་ལས་བསྐུལ་བའི་མཐུས། །གནས་འདིའི་ཡུལ་དགོན་རྟེན་དང་བརྟེན་པར་བཅས། །འགལ་རྐྱེན་ཀུན་ཞི་མཐུན་རྐྱེན་ཕུན་སུམ་ཚོགས། །བསྟན་པ་དར་ཞིང་རྒྱས་པའི་བཀྲ་ཤིས་ཤོག །ཅེས་གཏོར་མ་གཙང་སར་འབུལ་ཞིང་འདོད་དོན་གསོལ་ལོ། །ཞེས་པའང་བཛྲ་ཤྭ་རས་མཛད་པའོ། །རྫིང་བཙན་གྱི་བསང་མཆོད་ནི། །མཆོད་གཏོར་ཡི་གེ་གསུམ་དང་། ཆོས་ཉིད་རྣམ་དག་སྔགས་དང་། འབྲུ་གསུམ་ལ་ཧ་ཧོ་ཧྲཱིཿབཏགས་པ་རྣམས་ཀྱིས་བསང་སྦྱང་བརླབ་སྤེལ་བྱས་ལ། ཀྱཻ། རང་བྱུང་བདེ་བ་ཆེན་པོ་ལ། །མཚན་མའི་རྟོག་པ་མ་མཆིས་ཀྱང་། །འཛིན་སེམས་ཡུལ་ལ་ཞུགས་པ་ལས། །རྟོག་པའི་དྲ་བ་མཐའ་ཡས་ཤར། །དེ་ལས་སྲིད་པ་ལས་ཀྱི་བཙན། །དྲག་པོ་མཆེད་དང་དགྱེས་སྡེ་མོ། །བློན་པོ་མངགས་གཞུག་བྲན་དང་འབངས། །དྲག་ཤུལ་ཅན་གྱི་དཔུང་ཚོགས་

― KMC022_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །འདིར་གཤེགས་གདན་བཞུགས་བསང་མཆོད་བཞེས། །ཁྱེད་རྣམས་དགྱེས་སྐོང་མཆོད་པ་ནི། །ཉེར་སྤྱོད་འདོད་ཡོན་དགེ་ལེགས་རྫས། །དཔག་མེད་ཕྱོགས་ཀྱི་འཁོར་ལོ་བཀང་། །ལྷ་ཀླུ་མི་ཡི་འབྱོར་པའི་ཕུལ། །མ་ལུས་ནམ་མཁའི་མཛོད་དུ་སྤུངས། །མཐུན་རྫས་འབོད་བརྟེན་བསྐང་བ་དང་། །རྦད་བསད་ལས་ཀྱི་སྦྱོར་བ་ཡི། །ཡོ་བྱད་མ་ཚང་མེད་སྤྲུལ་པས། །དགེ་བསྙེན་ཆེན་པོ་མངའ་གསོལ་ལོ། །དམར་པོ་བཙན་རྒྱལ་མངའ་གསོལ་ལོ། །རྡོ་རྗེ་རྫིང་བཙན་མངའ་གསོལ་ལོ། །མཐུ་ཆེན་གྲིབ་བཙན་མངའ་གསོལ་ལོ། །རྫོང་དམར་བཙན་རྒོད་མངའ་གསོལ་ལོ། །དགྱེས་སྡེ་བློན་པོ་མངའ་གསོལ་ལོ། །ཡང་འཁོར་དམག་ཚོགས་མངའ་གསོལ་ལོ། །གསོལ་ཞིང་མཆོད་པའི་ངོ་སོ་བསྐྱེད། །དགའ་དང་མགུ་བའི་མདངས་ཕྱུངས་ཤིག །རིག་འཛིན་བརྒྱུད་པའི་སྤྱན་སྔ་རུ། །རང་དམ་བཅས་པ་དྲན་གྱིས་ལ། །བསྟན་དང་བསྟན་འཛིན་ཕྲིན་ལས་

― KMC022_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབས། །བདག་དང་ཡོན་བདག་ཁ་འཛིན་མཛོད། །སྡང་བའི་དགྲ་ལ་དཔའ་རྟགས་ཕྱུངས། །གནོད་པའི་བགེགས་དཔུང་ཕྱིར་ལ་ཟློག །བྱད་ཕུར་རྦོད་གཏོང་རང་གཤེད་ཕོབས། །རྒྱལ་ཁམས་བདེ་ཞིང་དགེ་བཅུར་སྤྱོད། །འབྲུ་ནོར་ལེགས་པའི་འབྱོར་པ་སྤེལ། །ཅི་བསམ་སྒྲུབ་ལ་རེ་བ་སྐོང་། །རྣལ་འབྱོར་བཅོལ་བའི་ཕྲིན་ལས་མཛོད། །ཅེས་གྱེར་ཞིང་གཏོར་མ་གསེར་སྐྱེམས་ནམ་མཁར་འཐོར། །བདེ་ཆེན་བརྟན་མའི་གསོལ་མཆོད་ནི། །ཨོཾ་ཨ་ཀཱ་རོ་ལན་གསུམ་གྱིས་བརླབ། ཀྱཻ། སྨན་བཙུན་བརྟན་མ་ཆེན་མོ་ནི། །སྐུ་མདོག་དཀར་མོ་ཕྱག་གཉིས་ཀྱི། །མདའ་དར་བུམ་པ་རིན་ཆེན་འཛིན། །ན་བཟའ་དཀར་བཀླུབས་བརྒྱན་གྱིས་སྤྲས། །སྨུག་ཆུང་ཡིད་འོང་མཆོག་ལ་ཆིབས། །འདིར་བྱོན་དམ་རྫས་མཆོད་གཏོར་བཞེས། །སངས་རྒྱས་བསྟན་པ་བསྲུང་བ་དང་། །ཁྱད་པར་གནས་འདིའི་སྲུང་མར་ནི། །རྡོ་རྗེ་བཀའ་ཡི་དམ་བོར་བས། །དུས་ཀུན་སྲུང་སྐྱོབ་བགྱིད་པ་དང་། །འདིར་གནས་ཆོས་བྱེད་

― KMC022_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་བུ་རྣམས། །མཐུན་རྐྱེན་སྒྲུབ་ཅིང་འགལ་རྐྱེན་སོལ། །དངོས་གྲུབ་མ་ལུས་སྩལ་ཏུ་གསོལ། །བརྟན་མ་འཁོར་དང་བཅས་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་སོགས་ཀྱིས་ཕྲིན་ལས་བཅོལ། །ཞེས་པའང་རྒྱལ་ཚབ་ལྔ་པས་མཛད་པའོ། །དེ་ལྟར་ཡུལ་གཞིའི་གནས་བདག་རྣམས། །བསང་མཆོད་བརྔན་པའི་ཡོན་ཏན་གྱིས། །སྙིགས་ལྔའི་རྒུད་པ་རིང་བཅིལ་ཏེ། །མཐུན་ཕྱོགས་ལྔ་རྣམས་ཆེར་རྒྱས་ཤོག །ཅེས་པའང་འོག་མིན་མཚུར་མདོའི་ཆོས་གྲྭ་ཆེན་པོའི་རྒྱུན་བསང་ཕྱག་ལེན་དུ་བསྟར་བདེ་བའི་ཆེད། དྲང་སྲོང་ཆེན་པོ་རྡོ་རྗེ་དྲག་བཙན། ཕྱྭ་རྒྱལ་མཻ་ཏྲི། ལྡིང་བཙན་རྣམས་ཀྱི་མཆོད་ཕྲིན་གསར་དུ་སྤེལ་ནས། །ལྷ་མགྲོན་རྣམས་གོ་རིམ་བཞིན། ཕྱོགས་གཅིག་ཏུ་བསྡེབས་པ་པོ་ནི་བླངས་ཀྱི་བནྡེ་རང་བྱུང་རྡོ་རྗེའམ། །མིང་གཞན་མཁའ་ཁྱབ་རྡོ་རྗེས་སོ། །ཨོཾ་སྭ་བྷ་ཝས་སྦྱངས། སྟོང་པའི་ངང་ལས་བསང་རྫས་འདོད་པའི་ཡོན་ཏན་ལྔ་དང་ལྡན་པ་ཟད་མི་ཤེས་པའི་གཏེར་དུ་གྱུར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས། ཀྱཻ། གནས་ཀྱི་མཆོག་གྱུར་རྩེ་མཐོ་པདྨ་རི། །ཕྱི་ལྟར་གྲུ་འཛིན་

― KMC022_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་གི་བཀོད་པ་རྫོགས། །ནང་ན་རྩ་གསུམ་རྒྱལ་བའི་དཀྱིལ་འཁོར་གྲུབ། །དེ་ན་བཞུགས་པའི་སངས་རྒྱས་བྱང་སེམས་དང་། །ཁྱད་པར་རྗེ་བཙུན་སྒྲོལ་མ་སྤྲུལ་འཁོར་བཅས། །བླ་མ་ཡི་དམ་མཁའ་འགྲོ་ཆོས་སྐྱོང་བསང་། །ཡུལ་སྐྱོང་དགེ་བསྙེན་པདྨ་མཆོག་རབ་རྩལ། །བཙུན་མོ་སྲས་དང་བློན་འཁོར་གྲངས་མེད་བསང་། །མདུན་འཁོད་དཔལ་གྱི་བཀའ་སྡོད་སེངྒེ་བྲག །གནས་པའི་རྩ་གསུམ་རྒྱལ་བ་རབ་འབྱམས་དང་། །ཁྱད་པར་གནས་བརྟན་ཆེན་པོ་འཁོར་བཅས་བསང་། །གནས་བདག་ཞོལ་རོལ་བོན་ཆུང་འཁོར་བཅས་དང་། །མ་གཟའ་དམ་ཅན་གནོད་སྦྱིན་ཁོལ་པོ་ཁ། །ཁྱད་པར་ལྷ་བཙན་རྡོ་རྗེ་ཐོག་རྒོད་བཅས། །ཕྱོགས་དེར་གནས་པའི་ལྷ་ཀླུ་གཞི་བདག་བསང་། །འདན་ལུང་ཉིན་སྲིབ་གནས་གཞི་གཏེར་གྱི་བདག །སྤྲུལ་པ་ཡང་སྤྲུལ་སྲས་བློན་བཙུན་མོ་བཅས། །འདིར་གཤེགས་འདོད་ཡོན་ལྔ་ལྡན་བསང་མཆོད་བཞེས། །ཀུན་ཏུ་བཟང་པོའི་རྣམ་

― KMC022_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་ལས་བྱུང་བའི། །ཕྱི་ནང་གསང་བའི་མཆོད་པའི་སྤྲིན་ཆེན་པོ། །རང་རང་ཡིད་ལ་གང་དགོས་འདོད་དགུའི་ཆར། །ཟག་མེད་བདེ་བས་ནམ་ཡང་ཚིམ་གྱུར་ཅིག །སྔོན་ཚེ་པདྨ་ཐོད་ཕྲེང་སྤྱན་སྔ་རུ། །ཁས་བླངས་བཞིན་དུ་སངས་རྒྱས་བསྟན་པ་བསྲུང་། །དཔལ་ལྡན་བླ་མའི་ཞབས་པད་བརྟན་པ་དང་། །ཆར་ཆུ་དུས་འབབས་ལོ་ཕྱུགས་རྟག་ཏུ་ལེགས། །རྒྱལ་ཁམས་མཐའ་དབུས་བདེ་བའི་ཕྲིན་ལས་མཛོད།། །།ཅེས་རྒྱལ་མཆོག་བཅུ་དྲུག་པ་རང་བྱུང་ཡེ་ཤེས་རིག་པའི་རྡོ་རྗེའི་ཤར་མར་གསུང་པ་ཇི་བཞིན་བཀོད་པའི་བྱིན་རླབས་ཅན་ནོ།། །།ཨོཾ་སྭ་སྟི། འབྲས་ལྗོངས་སྦས་གནས་སྤྱི་དང་བྱེ་བྲག་འོག་མིན་ཀརྨའི་གདན་ས་ངེས་དོན་བཤད་སྒྲུབ་ཆོས་འཁོར་སྒང་གི་གནས་སྲུང་རྣམས་ཀྱི་བསང་མཆོད་བྱིན་རླབས་སྤྲིན་ཕུང་། བརྔན་གཏོར་རི་རབ་བང་རིམ་བཞི་པ་ཉི་ཟླས་མཚན་པའི་ཁ་ཁྱེར་གྱི་སྟེང་། མཛོད་ལྔ་ལ། དཀར་ཟླུམ་ལྔ། བང་རིམ་དང་པོ་བཙན་རྒོད་རྡོ་རྗེ་གྲགས་རྒྱལ། བདུད་བཙན་ར་ཐོད་ཅན། ལྷ་བཙན་དགེ་བསྙེན་རབ་འབར་བཅས་ལ་དམར་གཏོར་རྩེ་རྒྱན་གསུམ། བང་རིམ་གཉིས་པ་བདུད་རྒྱལ་ཐོག་རྒོད་ཁྲག་འཐུང་ལ། དམར་གཏོར་

― KMC022_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་རིའི་རྒྱན་ཅན་བང་རིམ་གཞན་གཉིས་ལ་རྟ་ནོར་སོགས་གཟུགས་འགྲོས་སྣ་ཚོགས་པས་སྐོར། དར་སྣ་སྨན་སྣ་ཤིང་རྩི་སོགས་ཀྱིས་བརྒྱན། ཕྱེ་མར་གསེར་སྐྱེམས་ཀྱང་བཤམ་ལ། རང་ཡི་དམ་དུ་གསལ་བས། སྔགས་དྲུག་ཕྱག་དྲུག་གི་བྱིན་གྱིས་བརླབ། སྟོང་པའི་ངང་ལས་ཧཱུྃ་མཐིང་ག་ཡོངས་སུ་གྱུར་པ་ལས། རང་ཉིད་བླ་མ་ཡེ་ཤེས་མགོན་པོ་དབྱེར་མེད་ཀྱི་སྐུར་གྱུར་པའི་གནས་གསུམ་འབྲུ་གསུམ་དང་ཁྱད་པར་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་གནས་ནས་ཡེ་ཤེས་སེམས་དཔའི་ཚོགས་དཔག་ཏུ་མེད་པ་མདུན་གྱི་ནམ་མཁར་སྤྱན་དྲངས། སྣང་སྲིད་ཟིལ་གནོན་གུ་རུ་པདྨ་ཐོད་ཕྲེང་རྩལ་དུ་གསལ་བའི་སྐུ་ཡི་གནས་ཐམས་ཅད་ནས་འོད་ཟེར་གྱི་ཚོགས་དཔག་ཏུ་མེད་པ་བྱུང་བ་བླ་མ་ཡེ་ཤེས་མགོན་པོའི་ཐུགས་ཀའི་ཧཱུྃ་ལ་ཐ་མ་དེ་ལས་འོད་ཟེར་གྱི་ཚོགས་སྤྲོས་ཤིང་སྦས་པའི་གནས་འདིར་འཁོད་པའི་གཞི་བདག་གཉུག་གནས་གློ་བུར་དུ་ལྷགས་པ་རྣམས་དང་། ཁྱད་པར་འོག་མིན་ཕྲིན་ལས་ཀྱི་གནས་སུ་བྱིན་གྱིས་བརླབས་པའི་

― KMC022_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་མཆོག་དཔལ་ཀརྨ་པའི་གདན་ས་བཤད་སྒྲུབ་ཆོས་འཁོར་སྒང་གི་ཡུལ་གནས་གཞི་བདག་གི་ཚོགས་རྣམས་མདུན་དུ་སྐད་ཅིག་གིས་ལྷགས་པར་གྱུར། ཧཱུྃ། ཡུལ་ཕྱོགས་པདྨ་འོད་ཀྱི་གཞལ་ཡས་སུ། །སྐུ་གསུམ་བདག་ཉིད་སྣང་སྲིད་ཟིལ་གནོན་རྩལ། །ཡེ་རྫོགས་ཀློང་ཡངས་གཞིར་བཞེངས་མཆོད་པའི་ཚོགས། །མཐའ་ཡས་སྤྲོས་མེད་བློ་འདས་ཡིད་ཀྱིས་སྤྲུལ། །ཟག་མེད་བདེ་བ་ཆེན་པོ་དགྱེས་དགུའི་སྤྲིན། །མཁའ་མཉམ་འགྲོ་ཀུན་སྒྲིབ་གཉིས་བསལ་བའི་ཕྱིར། །ཚོགས་གཉིས་དག་ཕྱིར་ཡིད་སྤྲུལ་མཆོད་པ་བཞེས། །གྲུབ་བརྒྱའི་མཆོག་གྱུར་བཞད་པ་རྡོ་རྗེའི་གནས། །རྫོང་དྲུག་ཚེ་རིང་མཆེད་ལྔ་རྒྱུ་བའི་ཞིང་། །བརྟན་མ་བཅུ་གཉིས་མགུར་ལྷ་བཅུ་གསུམ་དང་། །དགེ་བསྙེན་ཉེར་གཅིག་སྒྲུབ་པའི་གནས་རྣམས་དང་། །རྒྱ་དང་ལི་ཡུལ་འཕགས་བོད་གཏེར་གནས་སྐྱོང་། །སྲིད་པ་ཆགས་པའི་གཞི་ཡི་བདག་པོ་དང་། །མཛོད་ལྔ་སྟག་རྩེ་ལ་

― KMC022_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སྦས་གནས་འདིར། །དབུས་ཀྱི་བཀྲ་ཤིས་ལྡིང་དང་ཕུག་ཆེན་བཞི། །སྒོ་བཞི་འཕྲང་བཞི་འགག་བཞིའི་གནས་སྲུང་དང་། །སྒྲུབ་སྡེ་བརྒྱད་ཀྱི་བླ་མཚོ་བརྒྱད་ལ་སོགས། །གངས་བྲག་རི་མཚོ་ནགས་ཀྱི་ཚལ་རྣམས་ལ། །འཁོད་པའི་གཞི་བདག་གཉུག་གནས་གློ་བུར་ཚོགས། གསང་མཆོད་དགྱེས་པར་བཞེས་ལ་འདོད་དོན་སྒྲུབས། །གནོད་འཚེ་གདུག་རྩུབ་ཞི་ཞིང་ཆོས་ལ་སྤྱོད། །ཆོས་རྒྱལ་སྡེ་འབངས་ཕུན་ཚོགས་འདོད་དགུར་བརྩོན། །ནད་མུག་འཁྲུག་རྩོད་རྩ་སད་སེར་གསུམ་སོགས། །རབ་ཏུ་ཞི་ནས་དཔལ་དང་ལྡན་པར་སྐྱོངས། ཧཱུྃ། འཇམ་དབྱངས་ཕྱག་རྡོར་སྤྱན་རས་གཟིགས་ཀྱི་གནས། །འོག་མིན་ཕྲིན་ལས་གདན་ས་སྐྱོང་བའི་ལྷ། །བཙན་རྒོད་རྡོ་རྗེ་གྲགས་རྒྱལ་འཁོར་ཚོགས་དང་། །བདུད་བཙན་ར་མགོ་ར་ཐོད་ཅན་ཚོགས་བཅས། །མཁོ་དགུ་བཞེས་ལ་འདོད་དགུ་སྒྲུབས་པར་མཛོད། ལྷ་བཙན་དགེ་བསྙེན་རབ་འབར་འདིར་འབོད་བྱོན། །སྐུ་

― KMC022_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

མདོག་པདྨ་ར་གའི་མདངས་མཚུངས་ཤིང་། །ལག་གཡས་དབྱུག་ཏོ་གཡོན་པས་འགྱིངས་རྔམ་གྱི། །གནས་འདིར་སྲུང་བའི་བྱ་ར་མ་གཡེལ་མཛོད། །ཁྱད་པར་དམ་ཚིག་བཤད་སྒྲུབ་ཆོས་འཁོར་སྐྱོངས། །མཁོ་དགུའི་འདོད་པའི་མཆོད་པ་འདི་བཞེས་ལ། །ཐ་ཚིག་གཉན་པོ་འདའ་མེད་བྱ་ར་མཛོད། །བདུད་རྒྱལ་ཐོ་རྒོད་ཁྲག་འཐུང་རོལ་པ་གང་། །མདོག་སྨུག་རལ་སྣུམ་གདུག་པའི་གཟི་འབར་ཞིང་། །ལག་གཡས་རལ་གྲི་གཡོན་པས་སྦྲུལ་ཞགས་ཅན། །སྔོན་གྱི་བཀའ་བསྒོ་དམ་ཚིག་མ་གཡེལ་བར། །བཤད་སྒྲུབ་བརྒྱུད་འཛིན་བུ་སློབ་ཚོགས་སྐྱོངས་ནས། །ཁྱོད་ལ་འདོད་པའི་ཤ་ཁྲག་དམར་རྗེན་སོགས། །འདོད་ཡོན་ལྔ་ཡིས་ཚིམ་པར་བགྱིད་བྱེད་པས། །བདག་གིས་བཅོལ་བའི་ལས་ཀུན་དུས་དྲུག་ལ། །གཡེལ་བ་མེད་པར་ཁྱོད་ཀྱིས་སྡོང་གྲོགས་གྱིས། ཧཱུྃ། ཡུལ་འདིའི་གཞི་བདག་གཉུག་མར་གནས་པའི་ཚོགས། །བསང་ངོ་འདོད་ཡོན་ནམ་མཁའ་

― KMC022_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་ཀྱི་སྤྲིན། །ཤ་ཆང་འབྲུ་རིགས་གང་བཟང་རྟ་ནོར་དང་། །ཁང་ཁྱིམ་ལ་སོགས་ཟད་མེད་ཕུན་ཚོགས་གཏེར། །དགྱེས་པར་རོལ་ལ་རྒྱལ་བསྟན་འདི་ཉིད་ཀྱི། །བསྟན་འཛིན་སྐྱེས་ཆེན་མཛད་ཕྲིན་འཕེལ་བ་དང་། །དགེ་འདུན་ཐུགས་མཐུན་ཆོས་སྤྱོད་བཅུ་ལ་གཞོལ། །སྐྱེ་བོ་ཚོགས་རྣམས་འཕྲལ་ཡུན་འཇིགས་ལས་སྐྱོབས། །ཁྱེད་རྣམས་བཅོལ་བའི་ལས་འདི་མ་གཡེལ་བར། དུས་སུ་མཆོད་པའི་དགའ་སྟོན་ཅི་ཡང་སྦྱིན། །གལ་ཏེ་ཆོས་མཐུན་བྱ་བ་བཤོལ་གྱུར་ན། །བདག་ཉིད་ཁྲག་འཐུང་དྲག་པོའི་རོལ་པར་བཞེངས། །ཁམས་གསུམ་ཟིལ་གྱིས་གནོན་པའི་རང་རྟགས་ཀྱིས། །ལུས་ངག་ཡིད་གསུམ་འདའ་དཀའི་རྒྱ་ཡིས་འདེབས། །དགེ་ལ་སྤྱོད་ཅིང་བྱམས་པའི་སེམས་ལྡན་ནས། །ཇི་ལྟར་བཅོལ་བའི་ཕྲིན་ལས་མ་གཡེལ་བར། །རང་གི་གནས་སམ་དམིགས་པའི་རྟེན་ལ་བཞུགས། །དུས་ཀྱི་མཆོད་སྦྱིན་རོལ་ཕྱིར་སླར་ཡང་བྱོན། །ཀུན་ཀྱང་དགེ་བཅུའི་

― KMC022_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ལམ་གོང་དུ་འཕེལ། །ཕུན་ཚོགས་ཤིས་པའི་མཚན་མ་འབར་གྱུར་ཅིག །ཅེས་པ་འདིའང་རུམ་བཏེག་དཔལ་ཀརྨ་པའི་ཆོས་སྒར་བཤད་སྒྲུབ་ཆོས་འཁོར་སྒང་དུ་གནས་ཆེན་བྱིན་འབེབས་དང་འབྲེལ་བོད་སྐྱོང་བརྟན་མ་བཅུ་གཉིས་སོགས་གངས་ལྗོངས་ཡུལ་གནས་གཞི་བདག་རྣམས་གཅིག་ཏུ་གནས་འཆའ་བའི་རྟེན་བཀོལ་གསར་དུ་སྒྲུབས་སྐབས་སྔ་འགྱུར་བསྟན་པའི་གསལ་བྱེད་མཁྱེན་སྤྲུལ་རིན་པོ་ཆེ་འཇིགས་མེད་མཁྱེན་བརྩེའི་འོད་ཟེར་ནས་གསུངས་བསྐུལ་གནང་བ་ལྟར། ཀརྨ་པ་རིག་པའི་རྡོ་རྗེས་ས་ཟླའི་ཡར་ཚེས་དགེ་བའི་ཉིན་སྦྱར་བའོ། །སླར་སྨྲས་པ། འདི་བཞིན་སྒྲུབ་པའི་གང་ཟག་སུ་མཆིས་ཀུན། དར་ཆེན་བཙུག་དང་དར་མཐིང་སྒྲོན་པ་སོགས། རྟེན་གནས་འདིའི་མདུན་གསོལ་མཆོད་འདི་འབུལ་ཚེ། ཚེ་ཡི་འགལ་རྐྱེན་ཞི་དང་རླུང་རྟ་བསྐྱེད། ལེགས་པའི་དཔལ་ཀུན་ཡར་ཟླ་འཕེལ་བར་འགྱུར། རྒྱལ་འགོང་དམ་སྲིའི་གནོད་འཚེ་གདུག་པའི་ཚོགས། གློ་བུར་བ་དང་ཡིད་སེམས་འཁྲུགས་པ་སོགས། གདུག་རྩུབ་ཞི་ཞིང་བྱམས་པའི་སེམས་དང་ལྡན། གནོད་པའི་ཚོགས་རྣམས་འཇོམ་པར་གདོན་མི་ཟ། སརྦ་མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་

― KMC022_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

མགོན་པོ་ལེགས་ལྡན་གྱི་དགྲ་ཆོས་དགྲ་བླ་བཅུ་གསུམ་གྱི་བསང་མཆོད་རྒྱས་བསྡུས་དང་འདོད་གསོལ་དགྲ་བླ་དཔང་བསྟོད་བཅས་ཕྱོགས་གཅིག་ཏུ་བཀོད་པ་ཕྱོགས་ལས་རྣམ་པར་རྒྱལ་བའི་རུ་མཚོན།

― KMC022_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོ་ལེགས་ལྡན་གྱི་དགྲ་ཆོས་དགྲ་བླ་བཅུ་གསུམ་གྱི་བསང་མཆོད་རྒྱས་བསྡུས་དང་འདོད་གསོལ་དགྲ་བླ་དཔང་བསྟོད་བཅས་ཕྱོགས་གཅིག་ཏུ་བཀོད་པ་ཕྱོགས་ལས་རྣམ་པར་རྒྱལ་བའི་རུ་མཚོན་ཞེས་བྱ་བ་བཞུགས་སོ། །

― KMC022_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་མ་ཧཱ་ཀཱ་ལ་ཡེ། ཡང་དག་ཡེ་ཤེས་རྡོ་རྗེ་ཡིས། བདག་ལྟའི་དགྲ་བགེགས་བརླག་པའི་ཕྱིར། དཔལ་ཆེན་རོལ་པའི་ཕྲིན་ལས་གར། ལེགས་ལྡན་དགྲ་ལྷའི་མཆོད་ཕྲེང་བཤད། དེ་ལ་ལེགས་ལྡན་དགྲ་ལྷའི་ཚོགས་ཐམས་ཅད་མཆོད་པར་འདོད་ན། བསང་དཀར་བྱ་ལ་ལྷ་ཤིང་སྣ་དགུ་དང་། ཕྱེ་མར། སྤོས་དང་། ཤ་སྣ་ཚོགས་བསྲེག་གཏོར་མ་གཞན་ནས་འབྱུང་བ་ལྟར་རྒྱན་སྤྲས་བཤམས་ལ། སྔགས་དྲུག་ཕྱག་དྲུག་གིས་བྱིན་གྱིས་བརླབས་ནི། ཕྱག་རྒྱ་དང་ཏིང་འཛིན་ཞལ་ལས་འབྱུང་བ་དང་ལྡན་པས། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ་ཧཾ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུརྒ་ཏ་སྥ་ར་ཎ་ཨི་མཾ་ག་ག་

― KMC022_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཁཾ་སྭཱ་ཧཱ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ན་མཿསརྦ་ཏ་ཐཱ་ག་ཏེ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ཨོཾ་ཛྙཱ་ན་ཨ་ཝ་ལོ་ཀི་ཏེ་ས་མནྟ་སྥ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲཱྀ་ད་ཡ་ཛྭ་ལ་ནི་ཧཱུྃ། ན་མཿས་མནྟ་བུདྡྷ་ནཱཾ་གྲ་ཧེ་ཤྭ་ར་པྲ་བྷ་ཛྱོ་ཏི་ནི་མ་ཧཱ་ས་མ་ཡ་སྭཱ་ཧཱ། ཞེས་སྔགས་རྣམས་སོ་སོར་ལན་བདུན་ནམ་གསུམ་བརྗོད་པས་སྦྱངས་ཤིང་སྤེལ་བ་སོགས་བྱ། དེ་ནས་དར་ཕྱར་དུང་འབུད་རྔ་བརྡུང་ཞིང་རོལ་མོ་དབྱངས་དང་བཅས་པས། བསྭོ། མགོན་པོ་ལེགས་ལྡན་དམག་ཚོགས་བསྭོ། །དེ་རིང་ལེགས་ལྡན་

― KMC022_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

དམག་ཚོགས་རྣམས། །སྲུང་མ་གཉན་པོར་བསྐོ་བ་ལ། །སྔོན་ལྷ་ཡི་དབང་པོ་བརྒྱ་བྱིན་དང་། །ལྷ་མོ་བདེ་སྐྱིད་ལྡན་མ་ཡི། །སྐུ་གསུང་ཐུགས་ཀྱི་སྤྲུལ་པ་ལས། །ལེགས་ལྡན་དམག་ཚོགས་མང་དུ་སྲིད། །ནོར་ལྷ་ཚོང་ལྷ་ཟས་ལྷ་དང་། །ཇག་ལྷ་མགྲོན་ལྷ་ལམ་ལྷ་དང་། །ལེགས་ལྡན་དགྲ་བླའི་དམག་ཚོགས་རྣམས། །བཙན་པའི་གོ་ཁྲབ་ལུས་ལ་གྱོན། །རྣོ་བའི་མཚོན་ཆ་ལག་ན་ཐོགས། །མགྱོགས་པའི་རྟ་ཕོ་འོག་ཏུ་ཞོན། །དར་མདུང་ཕྱར་ཞིང་དུང་སྐད་སྒྲོགས། །ལྷ་དམག་མགོན་དམག་གཉན་དམག་གསུམ། །ལྷ་མགོན་དགྲ་བླ་དྲང་མཁན་དྲུག །ནོར་ལྷ་ཟས་ལྷ་གྲོགས་ལྷ་དགུ། །ཚོང་ལྷ་མགྲོན་ལྷ་ལམ་ལྷ་དང་། །སྲོག་ལྷ་དཀར་དང་བཅུ་གསུམ་སྟེ། །དེ་རིང་སྤྱན་འདྲེན་གནས་འདིར་བྱོན། །གནས་ལུང་འདི་ལ་བྱིན་ཅིག་ཕོབ། །མཆོད་རྫས་འདི་རྣམས་བཞེས་སུ་གསོལ། །ཟས་ནོར་འདི་ལ་གཡང་ཞིག་ཕོབ། །བདག་ཅག་རྣལ་འབྱོར་འཁོར་བཅས་ཀྱི། །

― KMC022_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་ནོར་འཕེལ་བའི་དགྲ་ལྷ་མཛོད། །མི་ནོར་ཟས་གསུམ་འཕེལ་བར་མཛོད། །དགྲ་འདྲེ་གདོན་གསུམ་མེད་པར་མཛོད། །རྨོངས་སྡུག་དབུས་གསུམ་ཞི་བར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། ནོར་ལྷ་མགོན་པོའི་དམག་ཚོགས་རྣམས། །མཆོད་པའི་གནས་འདིར་ཚུར་བྱོན་ལ། །ཟ་ཁ་ཕྱེས་ལ་འཐུང་ཁ་ཕྱེས། །གྲོགས་ཁ་ཕྱེས་ལ་ནོར་ཁ་ཕྱེས། །ཅི་བསམ་དོན་རྣམས་འགྲུབ་པར་མཛོད། །བདག་དང་ཡོན་བདག་དོན་རྣམས་སྒྲུབས། །ཐེའུ་རང་རྐྱལ་ཁ་མ་བྱེད་ཅིག །བྱུར་འདྲེ་དབུལ་འདྲེ་དགྲ་ལ་བཟོར། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། །སྐྱེས་བུ་ཕྲག་ལྷ་བྱ་བ་ནི། །མི་དཀར་དུང་གི་གོ་མཚོན་ཅན། །ཕྱག་ན་རྒྱལ་མཚན་མདུང་དར་སྣམས། །བྱ་རྒྱལ་ཁྱུང་ཆེན་རྟ་ལ་ཞོན། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི །སྐྱེས་པ་

― KMC022_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་ཡི་སྲོག་རྫི་མཛོད། །ན་ཆུང་སྨན་གྱི་རྩ་དཀར་ཁྲོལ། །མཐོ་བའི་རྩེ་ནས་བྱ་ར་མཛོད། །དམའ་བའི་ཐང་ནས་མེལ་ཚེ་མཛོད། །བཅོལ་བའི་འཕྲིན་ལས་འགྲུབ་པར་མཛོད། །བསྭོ། དགྲ་བླ་མ་ལྷ་བུ་རྫི་ནི། །བུད་མེད་ལུས་ལ་གསེར་མདོག་ཅན། །དར་དཀར་ན་བཟའ་ལུས་ལ་མནབས། །ཕྱག་ན་དྲུ་གུ་འཕང་ལོ་བསྣམས། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི། །བུད་མེད་རྣམས་ཀྱི་མ་ལྷ་མཛོད། །བུ་ཆུང་སྐྱེས་པའི་རྫིའུ་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། དགྲ་བླ་ཐབ་ལྷ་ཡུ་མོ་ནི། །བུད་མེད་ལུས་ལ་གཡུ་ཆས་ཅན། །དར་དཀར་ན་བཟའ་སྐུ་ལ་གསོལ། །ཕྱག་ན་གསེར་གྱི་གཟར་བུ་བསྣམས། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི །ཐབ་ཀ་སྒྱེད་གསུམ་རྩེ་མོ་ནས། །

― KMC022_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

མར་ཁུའི་མཚོ་མོ་འཁྱིལ་པའི་དགྲ་བླ་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། །དགྲ་བླ་ཁྱིམ་ལྷ་གེའུ་ཐུང་ནི། །སྐུ་མདོག་སྔོན་པོ་གཡུ་ཡི་རྒྱན་ཆ་ཅན། །ཕྱག་ན་དུང་གི་ཀ་བ་བསྣམས། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི །གནས་ཁང་འདི་ལ་སྲུང་སྐྱོབ་མཛོད། །ཀ་བ་མ་འགྱེལ་ཁང་པ་མ་བསྲེག་ཅིག །དགྲ་འདྲེ་གདོན་གསུམ་རྡུལ་དུ་རློག །ཆུ་ཆེན་རབ་སོ་འབོགས་དུས་སུ། །རྐང་གཉིས་ཤུགས་བསྐྱེད་བརྟན་པར་མཛོད། །བྲག་ལམ་ངོས་བཞི་བགྲོད་པའི་ཚེ། །བརྟེན་ས་འཇུ་ས་མ་ཞིག་ལ། །མི་རྟ་ཕྱམ་ལ་མ་བསྐུར་ཅིག །དགྲ་ཟུན་ས་བར་འགྲོ་དུས་སུ། །དགྲ་རྐུན་ཇག་གསུམ་མེད་པར་མཛོད། །ཕར་འགྲོ་བྱེས་ལམ་སྙེགས་པའི་ཚེ། །ཞག་ཡུལ་བདེ་བར་ཕྱིན་པར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། །དགྲ་བླ་རྒྱལ་ཆེན་

― KMC022_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ཐོས་སྲས། །སྐུ་མདོག་གསེར་གྱི་མདོག་ཅན་ལ། །རིན་ཆེན་སྣ་ཚོགས་རྒྱན་ཆ་ཅན། །དབུ་ལ་དར་གྱི་ཅོད་པན་གསོལ། །ཕྱག་གཡས་རིན་ཆེན་དབྱུག་ཏོ་འཛིན། །ཕྱག་གཡོན་ནེའུ་ལེའི་རྐྱལ་པ་ཐོགས། །དབུ་ལ་ནོར་བུ་རིན་ཆེན་འབར། །སེང་གེ་དཀར་མོའི་རྟ་ལ་ཆིབས། །ནོར་ལྷ་ཁྲི་དང་འབུམ་གྱིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི །མི་ནོར་ཚེ་གསུམ་འཕེལ་བར་མཛོད། །ཁ་རྗེ་བསོད་ནམས་ནོར་ལྷ་མཛོད། །ཟས་ལྷ་བཏུང་ལྷ་གྲོགས་ལྷ་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། ནོར་ལྷ་ཨཱརྻ་ཛམྦྷ་ལ། །སྐུ་མདོག་གསེར་གྱི་སྙིང་པོ་ལ། །རིན་ཆེན་སྣ་ཚོགས་སྐུ་ལ་བརྒྱན། །ཞལ་གཅིག་ཕྱག་གཉིས་སྤྱན་གསུམ་པ། །ཕྱག་གཡས་སྙེ་མ་འབྲས་བུ་འཛིན། །ཕྱག་གཡོན་ནེའུ་ལེའི་རྐྱལ་པ་ཐོགས། །གསེར་གྱི་བུམ་པའི་ཁྲི་ལ་བཞུགས། །ནོར་

― KMC022_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་སྟོང་དང་ཁྲི་ཡིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི །བང་མཛོད་ནོར་གྱི་གང་བར་མཛོད། །འཇིག་རྟེན་ཟས་ནོར་དབང་དུ་བསྡུས། །བསོད་ནམས་གདུལ་བྱའི་སྟོང་གྲོགས་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། ཚོང་ལྷ་ཚོགས་བདག་གླང་སྣ་ནི། །སྐུ་མདོག་དཀར་པོ་དུང་གི་མདོག །དར་སྣ་རིན་ཆེན་སྐུ་ལ་གསོལ། །གླང་པོའི་མགོ་ལ་སྤྱན་གསུམ་པ། །ཕྱག་གཡས་ནོར་བུའི་དབྱུག་ཏོ་ཐོགས། །གཡོན་པས་ནེའུ་ལེའི་རྐྱལ་པ་འཛིན། །གསེར་གྱི་འཁོར་ལོའི་ཁྲི་ལ་བཞུགས། །ལྷ་དམག་བརྒྱ་དང་སྟོང་གིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི། ཚོང་པ་རྣམས་ཀྱི་བསམ་པ་འཕོག །ཚོང་པའི་ཟས་ནོར་བདག་ལ་སྤྲོད། །ནོར་གྱི་སྙིང་པོ་ཐོབ་

― KMC022_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྱིས། །ཟས་ནོར་རྙེད་པའི་ཚོང་ལྷ་མཛོད། །ཚོང་དུས་རུ་བཞི་འགྲིམས་པའི་ཚེ། །སྤྲོད་ཁ་ཡག་པའི་དགྲ་བླ་མཛོད། །ཚོང་ལྷ་ནོར་ལྷ་གྲོགས་ལྷ་རྣམས། །ཁེ་བསྐྱེད་ཡག་པའི་དགྲ་བླ་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། མགོན་པོ་མགྲོན་ལྷ་དཀར་པོ་ནི། །སྐུ་མདོག་དཀར་པོ་ཤེལ་འོད་འབར། །སྤྱན་གསུམ་དབུ་ལ་དུང་རྨོག་གསོལ། །གསེར་གྱི་གོ་ཁྲབ་སྐུ་ལ་མནབས། །ཕྱག་གཡས་དར་མདུང་དཀར་པོ་འཛིན། །ཕྱག་གཡོན་ནོར་གྱི་རྐྱལ་པ་ཐོགས། །ཆིབས་སུ་དུང་རྟ་དཀར་པོ་ཆིབས། །མགྲོན་ལྷ་ཁྲི་དང་འབུམ་གྱིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་རྣམས། །ཕྱོགས་བཞི་འཚམས་བརྒྱད་གར་འགྲོ་ཡང་། །མཐོ་བའི་རྩེ་ནས་བྱ་ར་མཛོད། །དམའ་བའི་ཐང་ནས་མེལ་ཚེ་མཛོད། །དགྲ་རྐུན་ཇག་གསུམ་ཕྱིར་ལ་ཟློག །སྐྱེས་བུ་མགྲོན་ལྷ་

― KMC022_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོ་ཡིས། །མགྲོན་ཁ་ཡག་པའི་དགྲ་བླ་མཛོད། །བདེ་སྐྱིད་ཕུན་སུམ་ཚོགས་པར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། མགོན་པོ་འཐབ་སྐྱེན་སྣ་ནག་ནི། །སྐྱེས་མཆོག་མི་ཡི་ལུས་པོ་ལ། །དཔའ་རྔམ་སེང་གེའི་མགོ་བོ་ཅན། །གཡུ་འབྲུག་སྔོན་པོའི་རྒྱན་ཆ་ཅན། །དབུ་ལ་བྱ་རྒྱལ་ཐོར་ཚུགས་ཅན། །དགྲ་སྟྭ་ངར་མའི་དབུ་རྒྱན་ཅན། །རལ་པ་ཁམ་སེར་མེ་དཔུང་འབར། །རལ་པའི་ནང་ནས་ཚྭ་ཚྭ་འཕྲོ། །ཚྭ་ཚྭའི་ཐོག་མདའ་དགྲ་ལ་རྒྱོབ། །སྤྱན་མིག་ཉི་ཟླ་ཤར་བ་འདྲ། །བདག་ཅག་རྣམས་ལ་བྱ་ར་མཛོད། །ཤངས་ནས་ན་བུན་རླུང་ལྟར་འཚུབས། །དགྲ་བགེགས་མ་ལུས་གཏོར་བར་མཛོད། །གློག་དམར་འགྱུ་བའི་ལྗགས་ཀྱང་འཁྱུག །ཐོག་རྒོད་འབར་བའི་མཆེ་བ་ཅན། །ལག་པ་ཆུ་སྲིན་སྡེར་མོ་ཅན། །དགྲ་བཟུང་སྡིག་པ་ནག་པོ་འདྲ། །བ་སྤུ་ཐོག་གི་ཚྭ་ཚྭ་འཕྲོ། །རལ་གྲི་ངར་མའི་རྐང་པ་ཅན། །ཆུ་སྲིན་རྔམས་པའི་པུས་མོ་ཅན། །

― KMC022_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་ཟུང་ངར་མའི་སྡེར་མོ་ཅན། །ཆུ་གྲི་ངར་མའི་གཤོག་པ་ཅན། །རྐེད་པ་རླུང་གི་འཁོར་ལོ་ཅན། །རེ་འབྱམས་རྒྱུག་པའི་རྔམས་སྟབས་ཅན། །སྟག་གི་པགས་པའི་ཤམ་ཐབ་ཅན། །རིན་ཆེན་སྣ་ཚོགས་རྒྱན་ཆ་ཅན། །བསྭེ་ཁྲབ་འབར་བ་སྐུ་ལ་མནབས། །ཕྱག་གཡས་གནམ་ལྕགས་རལ་གྲི་ཕྱར། །ཕྱག་གཡོན་དགྲ་བླའི་རུ་མཚོན་འཛིན། །ཆིབས་སུ་སྟག་མོ་གྲུས་མ་བཅིབས། །རྩལ་དྲག་བྱ་རྒྱལ་ཁྱུང་ཆེན་འདྲ། །དཔའ་གཏུམ་སེང་གེ་རྔམ་པ་འདྲ། །ངར་སྐད་ཐོག་འབྲུག་ལྡིར་བ་འདྲ། །འཇིགས་སྒྲ་མེ་དཔུང་འབར་བ་འདྲ། །ཐོག་རྒོད་གློག་དམར་འགྱུ་བ་འདྲ། །རྐང་ལག་ཐོག་སེར་འཚུབས་པ་འདྲ། །ལྷ་དམག་ཁྲི་དང་འབུམ་གྱིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི། མི་ནོར་འདི་ལ་ཚེ་གཡང་ཕོབས། །དམག་མི་རྣམས་ཀྱི་ཚེ་སྲོག་སྐྱོབས། །གོ་ཁྲབ་མཚོན་གྱི་

― KMC022_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲག་མདངས་ཕྱུངས། །དགྲ་བོའི་གོ་མཚོན་ཐོབ་པར་མཛོད། །དམག་དཔུང་ཕར་ལ་ཆས་པའི་ཚེ། །བུ་རྟ་གོ་མཚོན་སྲུང་བར་མཛོད། །དགྲ་བོའི་དམག་དཔུང་བཤིག་པའི་དགྲ་བླ་མཛོད། །དགྲ་བོའི་གོ་ཁྲབ་ཐོབ་པའི་དགྲ་བླ་མཛོད། །དགྲ་བོའི་ངར་འཕྲུ་ཐོབ་པའི་དགྲ་བླ་མཛོད། །དགྲ་བོའི་ཡུལ་མཁར་བཤིག་པའི་དགྲ་བླ་མཛོད། །དགྲ་བོའི་ནོར་ཕྱུགས་ཐོབ་པའི་དགྲ་བླ་མཛོད། །དགྲ་བོའི་ཚེ་སྲོག་གཅོད་པའི་དགྲ་བླ་མཛོད། །དགྲ་བོའི་འདུན་འགྲོས་བཤིག་པའི་དགྲ་བླ་མཛོད། །དགྲ་བོའི་གཡུལ་ངོ་ཐོབ་པའི་དགྲ་བླ་མཛོད། །དགྲ་བོ་ཕོ་རྣམས་སྦུབ་སྟེ་སོད། །དགྲ་བོ་མོ་རྣམས་བཀན་ཏེ་སོད། །དགྲ་བོའི་བུ་ཚ་དམྱལ་ཐག་ཆོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། །མགོན་པོ་ཇག་ལྷ་བྱ་བ་སྟེ། །དགྲ་བླ་དར་མ་སྐྱེས་གཅིག་ནི། །སྐུ་མདོག་དཀར་པོ་དུང་འོད་འབར། །ཞལ་གཅིག་ཕྱག་གཉིས་སྤྱན་གསུམ་པ། །དུང་རྨོག་དཀར་པོ་

― KMC022_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་ལ་གསོལ། །བསྭེ་ཁྲབ་འབར་བ་སྐུ་ལ་མནབས། །རྫུ་འཕྲུལ་མདའ་གཞུ་སྐེད་ལ་བསྐོར། །ཕྱག་གཡས་ཡ་ཚ་དཀར་པོ་ཕྱར། །གཡོན་པས་མདུང་དར་དམར་པོ་འཛིན། །ཆིབས་སུ་དུང་རྟ་དཀར་པོ་ཆིབས། །ཇག་ལྷ་ཁྲི་དང་འབུམ་གྱིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི། ཇག་སྣ་དགྲ་ལ་བསྟན་པའི་ཚེ། །དགྲ་བའི་མི་རྟ་གྲུམ་ཆིངས་གྱིས། །རང་གི་མི་རྟའི་ཁ་འཛིན་མཛོད། །དགྲ་བསད་ཤ་ལོན་དགྲ་བླ་མཛོད། །མི་བསད་ནོར་ཐོབ་དགྲ་བླ་མཛོད། །དགྲ་བོའི་ནང་འཁྲུགས་བྱེད་པའི་དགྲ་བླ་མཛོད། །དགྲ་བོའི་སྐྱེས་པ་བྲང་བརྡུང་བྱེད་པའི་དགྲ་བླ་མཛོད། །དགྲ་བོའི་བུད་མེད་ངུ་འབོད་བྱེད་པའི་དགྲ་བླ་མཛོད། །དགྲ་བོའི་ར་མདའ་གཡུལ་ཉེས་ཕམ་པའི་དགྲ་བླ་མཛོད། །རང་གི་ཇག་པ་བྲོས་ན་ཐར་བའི་དགྲ་བླ་མཛོད། །རང་གི་བུ་རྟ་དཔའ་བའི་དགྲ་བླ་མཛོད། །རྒྱལ་

― KMC022_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ཐོབ་པའི་དགྲ་བླ་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། དགྲ་བླ་ལྷ་མགོན་དམར་པོ་ནི། །ཟངས་མི་ལྕགས་ཀྱི་གོ་མཚོན་ཅན། །རྫུ་འཕྲུལ་མདའ་གཞུ་ལག་ན་ཐོགས། །ངང་པ་རྡོག་སེར་རྟ་ལ་ཆིབས། །ཕོ་ཉ་མགྱོགས་བྱེད་སྡུན་ན་རྒྱུག །ལྷ་དམག་ཁྲི་དང་འབུམ་གྱིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་རྣམས། །སྡང་བའི་དགྲ་ལ་ཆས་ཙམ་ན། །དགྲ་བོ་ཐུལ་བའི་དགྲ་བླ་མཛོད། །དགྲ་ཕམ་བདག་རྒྱལ་དགྲ་བླ་མཛོད། །དགྲ་མཁར་བཤིག་པའི་དགྲ་བླ་མཛོད། །དགྲ་ནོར་ཐོབ་པའི་དགྲ་བླ་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། མགོན་པོ་ཟས་ལྷ་དམར་པོ་ནི། །སྐུ་མདོག་ཟངས་ཀྱི་འོད་དང་ལྡན། །རིན་ཆེན་གསེར་གྱི་གོ་མཚོན་ཅན། །ཕྱག་ན་གསེར་གྱི་ནོར་བུ་བསྣམས། །ཆིབས་སུ་དུང་རྟ་དཀར་པོ་ཆིབས། །རྫུ་

― KMC022_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་མདའ་གཞུ་སྐེད་ལ་ཐོགས། །ཟས་ལྷ་ཁྲི་དང་འབུམ་གྱིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམས་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་རྣམས། །ཕྱོགས་བཅུ་གང་དུ་འགྲོ་བའི་སར། །ཟ་ཁ་དང་ནི་འཐུང་ཁ་ཕྱེས། །ནོར་ཁ་གྲོགས་ཁ་གར་ཚོལ་ཡང་། །ཁ་ནི་ཟས་འདོད་ཟས་དང་སྤྲོད། །ལག་པ་ནོར་འདོད་ནོར་དང་སྤྲོད། །ཟས་སྣ་འདུ་བའི་དགྲ་བླ་མཛོད། །བཏུང་སྣ་འདུ་བའི་དགྲ་བླ་མཛོད། །ཕུན་ཚོགས་བཟའ་བཏུང་དངོས་གྲུབ་སྩོལ། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། མགོན་པོ་སྲོག་ལྷ་དཀར་པོ་ནི། །དུང་མི་ཤེལ་གྱི་གོ་མཚོན་ཅན། །ཕྱག་ན་ཤེལ་གྱི་ཚེ་བུམ་བསྣམས། །ཆིབས་སུ་ངང་པ་གསེར་མདོག་ཆིབས། །སྲོག་ལྷ་ཁྲི་དང་འབུམ་གྱིས་བསྐོར། །མཆོད་པའི་གནས་འདིར་སྤྱན་འདྲེན་ན། །བཤམ་པའི་མཆོད་པ་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི། །འབྱུང་བཞི་མི་

― KMC022_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུགས་པ་ཡི་དགྲ་བླ་མཛོད། །ནད་རིགས་སུམ་བརྒྱ་དྲུག་ཅུས་མི་ཚུགས་པ་ཡི་དགྲ་བླ་མཛོད། །བགེགས་རིགས་སྟོང་ཕྲག་བརྒྱད་ཅུས་མི་ཚུགས་པ་ཡི་དགྲ་བླ་མཛོད། །གློ་བུར་ཉིས་ཁྲི་ཚིག་སྟོང་ཞི་བའི་དགྲ་བླ་མཛོད། །ཡེ་འགྲོགས་བདུན་བརྒྱ་ཉི་ཤུ་ཞི་བའི་དགྲ་བླ་མཛོད། །ནད་པ་ཡོ་ནས་སློང་བའི་དགྲ་བླ་མཛོད། །སྲིའུ་ཚང་ནས་སྐྱེད་པའི་དགྲ་བླ་མཛོད། །ཚེ་སྲིང་སྲོག་སྐྱོབ་སྟོང་གྲོགས་མཛོད། །བཅོལ་བའི་ཕྲིན་ལས་འགྲུབ་པར་མཛོད། །བསྭོ། མ་གཡེལ་སྲུང་མ་མཐུ་རྩལ་ཅན། །བཀའ་ཡི་གཏོར་མ་རྒྱན་དང་བཅས། །མཐུན་པའི་དམ་རྫས་སྣ་ཚོགས་འབུལ། །གནོད་བྱེད་འབྱུང་པོ་རྡུལ་དུ་རློག །རྩ་ནག་རྨོངས་འདྲེའི་ཁོ་ཐག་ཆོད། །ཆུང་སྲི་བྱུར་ངན་ཁ་སྦུབ་ཆུག །རེམས་ཤིག་སྲུང་མ་མཐུ་རྩལ་ཅན། །སྲེའུ་ཀག་ལས་ཐར་བར་མཛོད། །སྲུང་མ་ལྷ་ལྔའི་སྐྱབས་ལ་ཚུད། །སྲོག་སྐྱོབ་ཚེ་ཡི་མགོན་དང་སྤྲོད། །མི་འཆི་ཚེ་ཡི་རྫིའུ་མཛོད། །གྲི་ཁ་མཚོན་

― KMC022_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཐར་བར་མཛོད། །ནད་རིགས་རྐྱེན་ལས་ཐར་བར་མཛོད། །བྱད་ཟོར་གཏད་ལས་ཐར་བར་མཛོད། །བདུད་ཀྱི་རྩིས་ལས་ཐར་བར་མཛོད། །གཤིན་རྗེའི་ཁྲམ་ལས་ཐར་བར་མཛོད། །ལྷ་ཡི་ཆད་ལས་ཐར་བར་མཛོད། །ཀླུ་ཡི་གདོན་ལས་ཐར་བར་མཛོད། །བཟའ་ཡི་གཟེར་ལས་ཐར་བར་མཛོད། །མ་མོའི་ཁྲག་ལས་ཐར་བར་མཛོད། །བཙན་གྱི་མདའ་ལས་ཐར་བར་མཛོད། །གནོད་སྦྱིན་ཐུན་ལས་ཐར་བར་མཛོད། །བར་ཆད་རྐྱེན་ལས་ཐར་བར་མཛོད། །དགྲ་དང་བགེགས་ལས་ཐར་བར་མཛོད། །མི་མཐུན་ཕྱོགས་ལས་ཐར་བར་མཛོད། །མི་དང་ནོར་གྱི་རྫིའུ་མཛོད། །མ་གཡེལ་ལྷ་དང་སྲུང་མ་རྣམས། །བཅོལ་བའི་ཕྲིན་ལས་འགྲུབ་པར་མཛོད། །ཅེས་པ་འདི་ནི་དམག་ལ་འགྲོ་བའམ། །ཚོང་ལ་འགྲོ་བའམ། རྐུན་མར་ནོར་ཤོར་བའམ། ནད་པ་གསོ་བའམ། སྲིའུ་གསོ་བའམ། མོ་རྩིས་འཁྲུགས་པའམ། །མགྲོན་ལ་འགྲོ་བ་སོགས་ཐམས་ཅད་ལ་འདི་ལྟར་བྱས་ན་ཕྲིན་ལས་འགྲུབ་པར་འགྱུར་རོ། །ཚིག་ཉུང་དོན་འདུས་པའི་དགྲ་ཆོས་འདི་བདག་བཻ་རོ་

― KMC022_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ཙ་ནས་ལེགས་ལྡན་འབུམ་གྱི་ཏི་ཀ་ནས་བཏུས་ཏེ་གསུམ་དུ་ཕྱེས་ནས་གཅིག་བཙན་རྒོད་ཀྱི་གནས་སུ་སྦས། གཅིག་རྒྱལ་མོ་དམུ་རྡོ་ལྷ་གཉན་གྱི་ཐུགས་ཀར་སྦས། གཅིག་མགོན་པོ་ལེགས་ལྡན་གྱི་ལག་ཏུ་གཏད་ནས་སྦས་སོ། །ཤིན་ཏུ་ཟབ་བོ།། ༈ །།ལེགས་ལྡན་དགྲ་བླའི་བསང་མཆོད་བསྡུས་པ་ནི། དཔལ་ཆེན་ཧེ་རུ་ཀ་ལ་ཕྱག་འཚལ་ལོ། །དགྲ་བླའི་དམག་ཚོགས་འགྲན་ཟླ་ཀུན་བྲལ་ཞིང་། །བསྟན་འཛིན་སྲུང་ཞིང་མི་བསྲུན་འདུལ་བའི་ཕྱིར། །ཐུགས་རྗེའི་དབང་གིས་བསྟན་བསྲུང་སྐུར་སྤྲུལ་པའི། །དགྲ་བླ་འཁོར་དང་བཅས་ལ་གུས་པས་འདུད། །འདིར་དཔལ་ལྡན་མགོན་པོ་དགྲ་བླ་བཅུ་གསུམ་གྱི་ཐུགས་དམ་བསྐུལ་བའི་བསང་མཆོད་འབུལ་བ་ནི། དམར་གཏོར་ཟུར་གསུམ་རྩེ་མོ་བཅུ་གསུམ་ཡོད་པ། རྒྱལ་སྲིད་བདུན་དང་། རྫས་རྟགས་བརྒྱད། གོ་མཚན། གཡག་ལུག་ར་གསུམ་གྱིས་བསྐོར། དར་ཚོན་སྟག་རས་གཟིག་རས་ཀྱིས་བརྒྱན་པར་བྱའོ།། བསྭོ། །མགོན་པོ་ལེགས་ལྡན་དམག་ཚོགས་བསྭོ། །དེ་རིང་དགྲ་བླའི་དམག་ཚོགས་བསྭོ། །དེ་རིང་སྲུང་མའི་དམག་ཚོགས་བསྭོ། །དེ་རིང་ལམ་ལྷའི་དམག་ཚོགས་བསྭོ། །དགྲ་བླ་མགོན་པོའི་དམག་ཚོགས་རྣམས། །བཙན་པའི་གོ་ཁྲབ་ལུས་ལ་གྱོན། །རྣོ་བའི་མཚོན་ཆ་

― KMC022_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་ན་བསྣམས། །མགྱོགས་པའི་རྟ་ཕོ་རྟ་རུ་ཞོན། །དར་མདུང་ཕྱར་ལ་དུང་སྐད་སྒྲོག །ལྷ་དམག་མགོན་དམག་གཉན་དམག་གསུམ། །ལྷ་མགོན་དགྲ་ལྷ་དྲང་མཁན་དྲུག །ནོར་ལྷ་ཟས་ལྷ་གྲོགས་ལྷ་དགུ། །ཚོང་ལྷ་མགྲོན་ལྷ་ལམ་ལྷ་དང་། །སྲོག་ལྷ་དཀར་དང་བཅུ་གསུམ་པོ། །མཐུན་པའི་རྫས་ལ་སྤྱན་འདྲེན་གྱི། །དེ་རིང་སྤྱན་འདྲེན་འདི་རུ་བྱོན། །གནས་ཁང་འདི་ལ་བྱིན་གྱིས་རློབས། །མཆོད་རྫས་འདི་རྣམས་བཞེས་སུ་གསོལ། །བདག་དང་རྒྱུ་སྦྱོར་ཡོན་བདག་གི། ཟ་ཁ་ཕྱེས་ལ་འཐུང་ཁ་ཕྱེས། །གྲོགས་ཁ་ཕྱེས་ལ་ནོར་ཁ་ཕྱེས། །ཅི་བསམ་དོན་རྣམས་བདག་ལ་བྱིན། །བདག་དང་ཡོན་བདག་དོན་རྣམས་སྒྲུབས། །ཐེའུ་རང་ཀྱལ་ཀ་མ་བྱེད་ཅིག །དགྲ་བླའི་དམག་ཚོགས་ཁྱེད་རྣམས་ལ། །ཡིད་དང་མཐུན་པའི་དམ་རྫས་འབུལ། །འབྱོར་པ་བསང་གི་མཆོད་རྫས་ནི། །འཆི་མེད་བདུད་རྩི་ཤིང་གསུམ་དང་། །དཀར་གསུམ་མངར་གསུམ་གཏོར་མ་དང་། །འབྲས་ཀྱི་

― KMC022_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

གཡག་ལུག་ར་གསུམ་དང་། །སྟག་རས་གཟིག་རས་དར་སྣ་དང་། །འབྲང་རྒྱས་ཞལ་དཀར་ཕྱེ་མར་དང་། །ཞལ་ཟས་འདོད་རྒུ་སྣ་ཚོགས་དང་། །དྲི་ཞིམ་སྤོས་ཀྱི་དུད་པ་ཡིས། །བསང་ངོ་དགྲ་བླའི་དམག་ཚོགས་བསང་། །མགོན་པོ་ཚོགས་བདག་ཡབ་ཡུམ་བསང་། །མགོན་པོ་ལེགས་ལྡན་དམག་ཚོགས་བསང་། །སྐྱེས་བུ་ཕྲག་ལྷ་བྱ་བ་བསང་། །དགྲ་བླ་མ་ལྷ་བུ་རྫི་བསང་། །དགྲ་བླ་ཐབ་ལྷ་ཡུ་མོ་བསང་། །དགྲ་བླ་ཁྱིམ་ལྷ་གེའུ་ཐུང་བསང་། །དགྲ་བླ་རྒྱལ་ཆེན་རྣམ་སྲས་བསང་། །ནོར་ལྷ་ཨཱརྻ་ཛམ་ལྷ་བསང་། །མགོན་པོ་ཚོགས་བདག་གླང་སྣ་བསང་། །མགོན་པོ་མགྲོན་ལྷ་དཀར་པོ་བསང་། །མགོན་པོ་འཐབ་སྐྱེན་སྣ་ནག་བསང་། །མགོན་པོ་ཇག་ལྷ་བྱ་བ་བསང་། །མགོན་པོ་ལྷ་མགོན་དམར་པོ་བསང་། །མགོན་པོ་ཟས་ལྷ་དམར་པོ་བསང་། །མགོན་པོ་སྲོག་ལྷ་དཀར་པོ་བསང་། །རེམས་ཤིག་སྲུང་མ་མཐུ་རྩལ་ཅན། །བསྐུལ་ལོ་ཐུགས་དམ་

― KMC022_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

གནད་ནས་བསྐུལ། །དུས་ལ་བབ་པོ་ས་མ་ཡ། །འབོད་པའི་དུས་སུ་སྙན་མ་སྲ། །བརྟེན་པའི་དུས་སུ་རྒྱང་མ་རིང་། །སྒྲུབ་པའི་དུས་སུ་མཐུ་མ་ཆུང་། །བསྒྲལ་བའི་ལས་ལ་རྩལ་མ་ཞན། །བཅོམ་ལྡན་འདས་ཀྱི་སྤྱན་སྔ་རུ། །ཇི་ལྟར་ཞལ་བཞེས་དམ་བཅས་བཞིན། །སངས་རྒྱས་བསྟན་པ་ཁྱོད་ཀྱིས་སྲུངས། །དཀོན་མཆོག་དབུ་འཕང་ཁྱེད་ཀྱིས་བསྟོད། །བླ་མའི་སྐུ་ཚེ་ཁྱེད་ཀྱིས་སྲིངས། །རྣལ་འབྱོར་སྐུ་དགྲ་ཆམ་ལ་ཕོབས། །མི་མཐུན་གནོད་པའི་རྐྱེན་རྣམས་ཟློག །མཐུན་པའི་དངོས་གྲུབ་མ་ལུས་སྩོལ། །བཅོལ་བའི་ཕྲིན་ལས་འགྲུབ་པར་མཛོད། །ཅེས་རིག་འཛིན་ཀློང་གསལ་སྙིང་པོས་ཀཿཐོག་རྡོ་རྗེ་གདན་དུ་སྦྱར་བས་བསྟན་དགྲ་བརླག་པར་གྱུར་ཅིག །འདོད་དོན་གསོལ་ཞིང་ཕྲིན་ལས་བཅོལ་བ་ནི། གཏོར་མ་ཁ་གསོས་ལ་བདུད་རྩི་བྲན་ཏེ། ཨོཾ་ཨཱཿཧཱུྃ། མཆོད་སྦྱིན་གྱི་གཏོར་མ་དང་གསེར་སྐྱེམས་རྒྱ་ཆེན་པོ་འདི། །མཆོད་ཅིང་འབུལ་བའི་གནས་ནི། དཔལ་མགོན་པོ་ཤྲཱི་མ་ཧཱ་ཀཱ་ལ། བདུད་འདུལ་ལས་ཀྱི་དབང་ཕྱུག །

― KMC022_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་ཡོངས་ཀྱི་སྲོག་ཤིང་། རྣལ་འབྱོར་ཡོངས་ཀྱི་དགྲ་བླ། དབུས་ཀྱི་དེ་ཝ་མགོན་པོ། ཕྱི་ནང་གཉིས་ཀྱི་ཚོགས་བདག །ཡུམ་ཡཀྴ་བཻ་ཏཱ་ལི། སྐུ་གསུང་ཐུགས་ཀྱི་མགོན་པོ། ཕྱོགས་བཅུའི་མགོན་པོ། སྡེ་བརྒྱད་ཀྱི་མགོན་པོ། གཞན་ཡང་ལེགས་ལྡན་མགོན་པོའི་དམག་ཚོགས། ཕྲག་ལྷ་དང་། མ་ལྷ་བུ་རྫི། ཐབ་ལྷ་ཡུ་མོ། ཁྱིམ་ལྷ་རྐེའུ་ཐུང་། རྒྱལ་ཆེན་རྣམ་སྲས། ནོར་ལྷ་ཨཱརྱ་ཛམྦྷ་ལ། ཚོང་ལྷ་ཚོགས་བདག་གླང་སྣ། མགྲོན་ལྷ་དཀར་པོ། འཐབ་སྐྱེན་སྣ་ནག །ཇག་ལྷ་དར་མ་སྐྱེས་གཅིག །དགྲ་བླ་ལྷ་མགོན་དམར་པོ། མགོན་པོ་ཟས་ལྷ་དམར་པོ། སྲོག་ལྷ་དཀར་པོ་ལ་སོགས་པ་ལྷ་དམག་བྱེ་བ་དུང་ཕྱུར་དང་བཅས་པ། མཆོད་ཅིང་བསྟེན་པ། བསྒྲུབས་ཤིང་གཡབས་པོ། མ་བསྒྲུབས་རང་ལ་འཁོར་བའི་སྲུང་མ་དམ་ཚིག་ཅན་ཁྱེད་རྣམས་ལ། ཕྱི་ནང་གསང་གསུམ་གྱི་སྤྱན་གཟིགས་ལོངས་སྤྱོད་དགྱེས་པའི་ཚོགས་ནམ་མཁའ་བར་སྣང་། ས་གཞི་གང་

― KMC022_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བཤམས་པ་འདིས་མཆོད་དོ། །འབུལ་ལོ། གསོལ་ལོ། བསྟོད་དོ། མཉེས་རབ་ཀྱི་མཆོག །དགྱེས་རབ་ཀྱི་ཕུལ། །འདོད་པའི་ཡོན་ཏན་ལྔའི་ཚོགས་ཀྱི་མཉེས་པར་མཛད་དུ་གསོལ། །བདག་མི་ནོར་འཁོར་དང་བཅས་པ་ལ་སྲུང་ཞིང་སྐྱོབ་པ་དང་། བསམ་པ་དང་། སྨོན་ལམ་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། །འོ། ཁྱེད་རྣམས་ལ་ཕྲིན་ལས་སུ་བཅོལ་བའི་མདོ་ནི། བདག་ཅག་དཔོན་སློབ་འཁོར་དང་བཅས་པ་རྣམས་ཀྱི་དཀར་པོ་དགེ་བའི་ལས་སྒྲུབ་ཅིང་། སངས་རྒྱས་ཀྱི་བསྟན་པ་སྲུང་བ་ལ་བར་དུ་གཅོད་པའི་དགྲ་བགེགས་གནོད་བྱེད་ཐམས་ཅད་ཕྱིར་ཟློག་ཅིག །མཐོ་ལ་ཁ། དམའ་ལུང་ཁུང་། ཆུ་ཁ་རབ་སོ། འབྲོག་ཡུལ་དགོན་གསུམ་ཕྱོགས་བཞི་མཚམས་བརྒྱད་གར་འགྲོ་གར་འདུག་ཀྱང་། སྔོན་ནས་སུས། རྒྱབ་ནས་སྐྱོལ། ཆུ་རབ་མེད་ལ་རབ་སྟོན། བྲག་ཐེམ་མེད་ལ་ཐེམ་ཚུགས། མཐོ་ལ་ཁ་ནས་བྱ་ར་གྱིས། དམའ་ལུང་ཁུང་

― KMC022_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མེལ་ཚེ་གྱིས། བདུད་བྱུང་ན་ཤོལ་ཐོབ། དགྲ་བྱུང་ན་བྱ་ཐོངས། དུག་བྱུང་ན་སྨན་ཐོངས། དཔའ་བའི་དཔུང་སྐྱེད། བཙན་པའི་མཁར་བརྩིགས། སྲ་བའི་གོ་གྱོན། རྣོ་བའི་ངར་གྱིས། རིངས་ན་རྟ་སྟོད། བྲེལ་ན་གཞུ་རྡུངས། བཟང་དང་ལ་ཁར་སྤྲོད། ངན་དང་ལུང་དུ་བསྣོལ། མི་ནོར་ལ་མིག་མ་ཕྲ། ཁ་ཟས་འདོད་ཟོས་དང་སྤྲོད། ལག་པ་ནོར་འདོད་ནོར་དང་སྤྲོད། མི་ཟས་ལ་ཁམ་མ་ཆུང་། མི་ནོར་ཆོད་ལ་རང་ལ་སྣོན། དགྲ་ནོར་རང་ནོར་གྱིས། སུ་ལ་མི་རེ་ཁྱོད་ལ་རེ། སུ་ལ་མི་ལྟོས་ཁྱོད་ལ་ལྟོས། རྒྱལ་མཚན་བཞིན་དུ་ཁྱོད་ཕྱར། སྡང་བའི་དགྲ་ལ་ཁྱོད་བསྡིགས། སྔ་རྗེ་རྙིང་པ་ཁྱོད་མི་སྤངས། ད་རྗེས་གསར་པ་གཞན་མི་བཙལ། རྗེ་མི་འགྱུར་བ་གསེར་གྱི་ཕ་བོང་ཁྱོད་ཡིན། འབངས་མི་འགྱུར་བ་གཡུ་ཡི་བཀྲག་མདངས་ངེད་ཡིན། ལུས་དང་གྲིབ་མ་བཞིན་དུ་འགྲོགས་ཤིག །བདག་གིས་ཅི་བསམ་པ་དང་སྨོན་པ་ཐམས་ཅད་ཡིད་བཞིན་དུ་སྒྲུབས་

― KMC022_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིག །བདག་ཅག་དཔོན་སློབ་འཁོར་དང་བཅས་པ་ལ་ཁ་ངན་དུ་སྨྲ་བ། ལག་པ་ཚིག་ཏུ་རྡོད་པ། རྟ་ཁ་བསྟན་པ། ཡོབ་ཆེན་དགྲོལ་བ། མདའ་ཁ་འཕེན་པ། མདུང་ཁ་བཙུགས་པ། རྐུ་འཕྲོག་བཅོམ་གསུམ་ཚད་པ། ཕོད་བཙུགས་པ། དོ་བསྡོ་བ། ཡ་འདྲེན་པ། སྔ་དགྲ་བྱས་པ། ཕྱི་དགྲ་བྱེད་པ། ད་དགྲ་རྩོམ་པའི་དགྲ་བོ་འདི་རྣམས་བསད་པ་དང་། བཅད་པ་དང་། བཅིངས་པ་དང་། རེངས་པ་དང་། སྨྱོས་པ་དང་། དཔའ་བསྐུམ་པ་དང་། རྡུལ་དུ་བརླག་པ་དང་། ཚར་གཅོད་པའི་ཕྲིན་ལས་མཛོད་ཅིག །ཁྱད་པར་དུ་ཡིད་ལ་བརྣག་པའི་དགྲ་སོད། །གནོད་པར་བྱེད་པའི་བགེགས་ཐུལ། བར་དུ་གཅོད་པའི་རྐྱེན་ཟློག །ཕ་རོལ་ཀྱི་གནོད་པའི་བན་བྱད་བོན་བྱད་བསམ་ངན་སྦྱོར་རྩུབ་ཐམས་ཅད་ཕྱིར་བཟློག་པའི་ཕྲིན་ལས་རྒྱ་ཆེན་པོ་མཛོད་ཅིག །དེ་ལྟར་མཛད་ན། ལས་གྲུབ་དུས་སུ་ཁྱེད་རྣམས་ལ་བརྔན་པའི་གཏང་རག་ཆེན་པོ་གཏོང་ངོ་། །ཞེས་གྱེར་ཞིང་། མེ་ཏོག་དང་། ཕྱེ་

― KMC022_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

མར་གསེར་སྐྱེམས་རྣམས་ནམ་མཁར་འཐོར། དེ་ནས་ལྷ་ངོ་བསྟོད་ཅིང་སྨོན་ལམ་བཏབ་པ་ནི། ཀྱཻ། གུང་ལ་ཉི་ཟླ་ཤར་བ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །བྲག་དང་ཐང་དཀར་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །རྨོག་ལ་ཁྱུང་ཐོར་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །ནགས་ལ་རྒྱ་སྟག་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །རྟ་མཆོག་དར་སྣས་བརྒྱན་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །གངས་ལ་སེང་གེ་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །མཁར་ལ་བ་གམ་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །གཞུ་མོ་གཞུ་

― KMC022_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །ཉ་མོ་ཆུ་དང་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །མདའ་མོ་སྒྲོ་གསུམ་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །ཁྲབ་ལ་ཁྲབ་ཤམ་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །ལུས་དང་གྲིབ་མ་འགྲོགས་པ་བཞིན། །དགྲ་བླ་གཉན་པོའི་དཔང་བསྟོད་དོ། །དགྲ་བླ་མི་དང་མ་འབྲལ་ཅིག །བཀའ་རྒྱུད་བླ་མ་རྣམས་ཀྱི་དབུ་འཕང་བསྟོད། །ཡི་དམ་ལྷ་ཚོགས་རྣམས་ཀྱི་དབུ་འཕང་བསྟོད། །མཁའ་འགྲོ་ཆོས་སྐྱོང་རྣམས་ཀྱི་དབུ་འཕང་བསྟོད། །ནོར་ལྷ་གཏེར་བདག་རྣམས་ཀྱི་དབུ་འཕང་བསྟོད། །ཡུལ་ལྷ་གཞི་བདག་རྣམས་ཀྱི་དབུ་འཕང་བསྟོད། །གནས་བདག་དཀོར་བདག་རྣམས་ཀྱི་དབུ་འཕང་བསྟོད། །བསམ་དོན་

― KMC022_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བཞིན་འགྲུབ་པའི་བཀྲ་ཤིས་ཤོག །ཆོས་སྐྱོང་ཁྱེད་ལ་ཕྲིན་ལས་ཞུས་པའི་དགེས། །ནད་དང་འཐབ་རྩོད་ཞི་བ་དང་། །འཇིག་རྟེན་བདེ་ཞིང་ལོ་ལེགས་ཤིང་། །བསམ་པ་འགྲུབ་པའི་བཀྲ་ཤིས་ཤོག །ཅེས་བརྗོད་མཆོད་གཏོར་གསེར་སྐྱེམས་རྟེན་གྱི་དྲུང་ངམ། བསང་ཁང་དུ་འབུལ། སྦྱིན་བདག་རྣམ་གཡུལ་དང་། ལམ་དུ་འཇུག་པ་སོགས་ཡིན་ན། དཔའ་བོ་དང་མགྲོན་པོ་རྣམས་ཀྱི་གྲི་མཚོན་བསང་ཁར་ཕྱུང་། བསང་ཁང་དང་། དགྲ་བླའི་རྟེན་ལ་སྐོར་བ་རབ་ལོ་གྲང་། འབྲིང་བདུན། ཐ་མ་གསུམ་སོགས་བསྐོར་ཞིང་། ཀི་བསྭོ་ལྷ་རྒྱལ་འཐེན་པ་སོགས་བྱ་ཞིང་། ཕྱེ་མར་གྱི་ཞལ་བསྭོ་བཀྲ་ཤིས་བརྗོད་པ་སོགས་བྱའོ། །བརྒྱ་བྱིན་མཚོན་གྱིས་རི་བོ་བཞིན། །དགྲ་བླའི་མཐུ་སྟོབས་ཐོག་སེར་གྱིས། །བདུད་དགྲའི་གཡུལ་ངོ་ཕྱེ་མར་བརླག །གྲགས་སྙན་དབྱར་རྔ་སྒྲོགས་གྱུར་ཅིག །དེ་ལྟར་དགྲ་བླའི་བསང་མཆོད་སོགས་སྔར་གྱི་གསུང་རྒྱུན་ཉིད། སྒར་བསང་ཆེན་མོའི་ཆ་ལག་ཏུ་བསྡེབས་པ་པོ་ནི། བརླངས་ཀྱི་བནྡེ་མཁའ་ཁྱབ་རྡོ་རྗེས་སོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །

― KMC022_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

རྩ་གསུམ་སྲུང་མ་ཡུལ་གཞིའི་བདག་པོ་རྣམས་ཀྱི་རྟེན་གནས་གསས་མཁར་བསྟོད་པ་དང་། རྡོ་རྗེའི་ཆོས་སྐྱོང་རྣམས་ལ་ཕྱི་རྟེན་རིགས་འབུལ་བའི་ཆོ་ག་དགྱེས་སྐོང་ནོར་བུའི་དྲ་བ་རྣམ་པར་སྤེལ་བའི་སྤྲིན་ཕྲེང་།

― KMC022_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་གསུམ་སྲུང་མ་ཡུལ་གཞིའི་བདག་པོ་རྣམས་ཀྱི་རྟེན་གནས་གསས་མཁར་བསྟོད་པ་དང་། རྡོ་རྗེའི་ཆོས་སྐྱོང་རྣམས་ལ་ཕྱི་རྟེན་རིགས་འབུལ་བའི་ཆོ་ག་དགྱེས་སྐོང་ནོར་བུའི་དྲ་བ་རྣམ་པར་སྤེལ་བའི་སྤྲིན་ཕྲེང་ཞེས་བྱ་བ་བཞུགས་སོ། །

― KMC022_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་རཏྣ་ཏྲི་མཱུ་ལ་དེ་ཝ་རཀྟ་ཡེ་ན་མོ། །མཁའ་ཁྱབ་ཡེ་ཤེས་སྒྱུ་མའི་གར། །འདས་དང་མ་འདས་འཁོར་ལོ་རྣམས། །དགྱེས་བསྐྱེད་གསས་མཁར་བསྟོད་པ་དང་། །ཕྱི་རྟེན་བཙན་པའི་ཆོ་ག་སྤེལ། །དེ་ལ་ཐོག་མར་ཁྱིམ་གྱི་རྩེ་དང་། ཡུལ་གྱི་ལྟེ་བ། རིའི་སྙིང་པོ་རྣམས་ལ། རྩ་གསུམ་སྲུང་མ་ཡུལ་གཞིའི་བདག་པོ་ཐམས་ཅད་ཀྱི་རྟེན་གནས། གསས་མཁར་དུ་གྲགས་པ་ཉིད་དུས་དུས་སུ་གསོ་ཞིང་བསྟོད་པའི་ཆོ་ག་ལ། གསས་མཁར་བསྟོད་པའི་རིམ་པ་དགྲ་ལྷ་དགྱེས་པའི་རིན་པོ་ཆེའི་དོ་ཤལ་ཞེས་བྱ་བ་ནི། །ན་མོ་གུ་ར་ཝེ། །རྡོ་རྗེ་སློབ་དཔོན་པདྨ་འབྱུང་གནས་ལ་ཕྱག་འཚལ་ལོ། །དེ་ཡང་གསས་མཁར་བསྟོད་པའི་རིམ་པ་ལ། དང་པོ་གོ་ཆ་སྲ་མཁྲེག་སྙིང་པོ་ལས་གྲུབ་པའི་གསས་མཁར་མཐོ་

― KMC022_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗིད་དབྱིབས་ལེགས་ཕྱོགས་བཞི་དབུས་དང་ལྔར་བྱ། དེ་ནས་ཤིང་སྣ་དར་ཚོན་མདའ་དར་རང་མདོག་དང་མཚུངས་པར་དམུ་ཐག་བསྐྱང་། གཏར་སྐུ་རྡོ་དཀར་པོ། གཟུགས་འགྲོས་སོགས་དར་ཆེན་བཀྱགས། ཕྱེ་མར་རྣམ་ལྔ། གཏོར་མ་སོགས་མཁོ་རྒུ་ཚང་བར་བྱས་ལ། བདེ་བའི་སྟན་ལ་འདུག་སྟེ་འདི་སྐད་དོ།། ཀྱཻ། དེ་རིང་བཀྲ་ཤིས་ཉི་མ་འདིར། །བཀྲ་ཤིས་ཚེས་གྲངས་ཡར་ངོར་ཕྱོགས། །བཀྲ་ཤིས་གཟའ་སྐར་བཟང་པོ་འཛོམས། །བཀྲ་ཤིས་དགེ་བའི་ཡུལ་ཕྱོགས་འདིར། །རྡོ་རྗེ་སློབ་དཔོན་འཁོར་བཅས་ཀྱི། །གསས་མཁར་གཉན་པོ་དཔང་བསྟོད་དོ། །སྲ་བརྟན་

― KMC022_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

གཞོམ་མེད་རྡོ་རྗེའི་མཐུ། །མངོན་གྱུར་རི་བོའི་སྤོ་ལ་བརྟེན། །རྒྱུ་ནི་ས་ཟླའི་སྙིང་པོར་གྲུབ། །བཙོ་མདངས་གཟི་འོད་འབར་བ་ལ། །དབང་སྔོན་བྱ་འདབ་མར་རྒད་ཀྱི། །རྒྱ་ཕུབ་ནོར་བུའི་ཏོག་གིས་མཛེས། །ཕྱོགས་བཞི་གཡུ་ཡི་སྒོ་བར་བྱེ། །ནང་དུ་གསེར་གདུང་བཞི་བྲེས་པར། །པདྨ་རཱ་གའི་ཀ་བ་བཙུག །མན་ཤེལ་སྦུག་དང་ཀ་ན་ཀའི། །དྲྭ་བ་མུ་ཏིག་ཀའི་ཕྲེང་བ། །རབ་བཀྲ་དར་དཔྱངས་ལྷབ་ལྷུབ་གཡོ། །སྟེང་དུ་ཟ་འོག་བླ་བྲེ་བྲེས། །རཏྣ་ཀ་ཡི་ཁྲི་འཕང་སྟེང་། །རྩ་བརྒྱུད་བླ་མ་རྒྱ་མཚོ་དང་། །གསང་སྔགས་གསར་སྙིང་རྒྱུད་སྡེ་བཞིའི། །དཀྱིལ་འཁོར་ལྷ་དང་ཌཱ་ཀིའི་ཚོགས། །ཆོས་སྐྱོང་སྣང་སྲིད་ཡུལ་གྱི་བདག །གཞན་ཡང་སྲུང་སྐྱོབས་འགོ་བའི་ལྷ། །ཐམས་ཅད་རྟེན་འདིར་བརྟན་བར་བཞུགས། །ཀྱཻ། ཤར་ཕྱོགས་ཤེལ་དང་ཀརྐེ་ཏའི། །རང་བཞིན་ལས་གྲུབ་གསས་མཁར་ནི། །མཐོ་བརྗིད་རྩེ་ལ་ལྗོན་ཤིང་བཀྲ། །སྒྲོ་སྨྱུག་ལྕགས་ཀྱི་མདེའུ་ཅན། །དར་སྣས་

― KMC022_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱན་པ་མཛེས་པར་བཙུག །དུང་གི་མུ་ཐག་ཚེ་ལྷས་སྐྱོབས། །དེ་རིང་གསས་མཁར་འདི་བསྟོད་པས། །དབང་ཕྱོགས་ས་བདག་ཀླུ་གཉན་དང་། །ཡུལ་ལྷ་གཞི་བདག་ཐམས་ཅད་དང་། །མཚུན་དང་དགྲ་ལྷ་དགྱེས་བསྐྱེད་ཅིང་། །སྐུ་མཁར་འདི་ལ་བརྟན་པར་བཞུགས། །ཞི་བའི་ཕྲིན་ལས་མཛད་དུ་གསོལ། །ཀྱཻ། ལྷོ་ཕྱོགས་གཡུ་དང་ཨིནྡྲ་ནིའི། །རང་བཞིན་ལས་གྲུབ་གསས་མཁར་ནི། །མཐོ་བརྗིད་རྩེ་ལ་ལྗོན་ཤིང་བཀྲ། །སྒྲོ་སྨྱུག་ལྕགས་ཀྱི་མདེའུ་ཅན། །དར་སྣ་རིན་ཆེན་རྒྱན་ལྡན་བཙུག །མཐིང་གི་དམུ་ཐག་ནོར་ལྷས་སྐྱོབས། །དེ་རིང་གསས་མཁར་འདི་བསྟོད་པས། །ལྷོ་ཕྱོགས་ས་བདག་ཀླུ་གཉན་དང་། །ཡུལ་ལྷ་ནོར་ལྷ་ཐམས་ཅད་དང་། །མཚུན་དང་དགྲ་ལྷ་དགྱེས་བསྐྱེད་ཅིང་། །སྐུ་མཁར་འདི་ལ་རྟག་བཞུགས་ནས། །རྒྱས་པའི་ཕྲིན་ལས་མཛད་དུ་གསོལ། །ཀྱཻ། ནུབ་ཕྱོགས་ཟངས་དང་པདྨ་རཱའི། །རང་བཞིན་ལས་གྲུབ་གསས་མཁར་ནི། །

― KMC022_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོ་བརྗིད་རྩེ་ལ་ལྗོན་ཤིང་བཀྲ། །སྒྲོ་སྨྱུག་ལྕགས་ཀྱི་མདེའུ་ཅན། །དར་སྣས་མཛེས་པར་རྒྱན་པ་བཙུག །མཚལ་ཀྱི་དམུ་ཐག་མ་ལྷས་སྐྱོབས། །དེ་རིང་གསས་མཁར་འདི་བསྟོད་པས། །ནུབ་ཕྱོགས་ས་བདག་ཀླུ་གཉན་དང་། །ཡུལ་ལྷ་ཟོ་དོར་ཐམས་ཅད་དང་། །མཚུན་དང་དགྲ་ལྷ་དགྱེས་བསྐྱེད་ཅིང་། །སྐུ་མཁར་འདི་ལ་རྟག་བཞུགས་ནས། །ཁམས་གསུམ་དབང་སྡུད་ཕྲིན་ལས་མཛོད། །ཀྱཻ། བྱང་ཕྱོགས་ལྕགས་དང་བཻ་ཌཱུརྱའི། །རང་བཞིན་ལས་གྲུབ་གསས་མཁར་ནི། །མཐོ་བརྗིད་རྩེ་ལ་ལྗོན་ཤིང་བཀྲ། །སྒྲོ་སྨྱུག་ལྕགས་ཀྱི་མདེའུ་ཅན། །དར་ནག་མགུལ་དུ་བཅིངས་པ་བཙུག །གཡུ་ཡི་དམུ་ཐག་དགྲ་ལྷས་སྐྱོབས། །དེ་རིང་གསས་མཁར་འདི་བསྟོད་པས། །བྱང་ཕྱོགས་ས་བདག་ཀླུ་གཉན་དང་། །ཡུལ་ལྷ་ཟོ་དོར་ཐམས་ཅད་དང་། །མཚུན་དང་དགྲ་ལྷ་དགྱེས་བསྐྱེད་ཅིང་། །སྐུ་མཁར་འདི་ལ་རྟག་བཞུགས་ནས། །དྲག་པོས་དགྲ་བགེགས་བརླག་པར་

― KMC022_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །ཀྱཻ། ཚེ་ལ་དབང་བའི་རིག་འཛིན་གྱིས། །ཚེ་བསོད་མཐོ་བའི་གསས་མཁར་བརྩེགས། །ཚེ་རིང་དབང་ཕྱོགས་རྒྱལ་ཁབ་ཀྱིས། །ཚེ་ལྡན་ན་ཆུང་ལག་འཕྲུལ་ལས། །གྲུབ་པའི་དར་དཀར་དམུ་ཐག་འཐེན། །འཇུ་ཐག་དཀར་པོ་ཡར་ལ་འཐེན། །ཚེ་སྲོག་སྲ་ཞིང་རིང་བ་དང་། །བཙན་འཕེལ་ལོངས་སྤྱོད་འཛོམས་པ་ཡི། །དམུ་ཐག་དཀར་པོ་ཡར་ལ་འཐེན། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་དགྲ་ལྷའི་མགོན་སྐྱོབས་ཀྱི། །ལྷ་ཡི་དམུ་ཐག་ཡར་ལ་འཐེན། །ཁ་འཛིན་ལུས་དང་གྲིབ་མ་བཞིན། །གཞི་བྱེས་ལམ་གསུམ་འགྲོགས་པ་དང་། །མི་འདོད་འབྲས་ཞི་བདེ་སྐྱིད་རྒྱས། །ཁམས་གསུམ་ཀུན་འདུས་མངོན་སྤྱོད་ཀྱིས། །ནག་པོའི་ཕྱོགས་རྣམས་ཚར་ཆོད་ཅིག །ཀྱཻ། དེང་འདིར་ཚེ་རིང་གཏོར་སྐུ་བཙུག །རིན་ཆེན་བརྩེགས་པའི་གསས་མཁར་ལ། །དགྲ་ལྷའི་རྒྱལ་པོའི་རྟེན་འཛུག་པ། །ས་ལ་སྤོས་ཀྱི་འཁྲི་ཤིང་དང་། །སྣ་ཚོགས་མཚོན་གྱི་རེ་

― KMC022_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་བཀྲ། །དཔའ་སྟོབས་བརྟུལ་ཕོད་བརྗིད་པའི་ལུས། །སྲ་འཐས་རྡོ་རྗེའི་གོ་ཁྲབ་ཅན། །མདུང་དམར་རུ་མཚོན་མཐིང་འོད་གྲི། །འཆིངས་ལེན་ཞགས་པ་ལག་ཏུ་ཐོགས། །ཕུབ་ཆེན་སྟག་དོང་གཟིག་ཤུབ་བཀྲ། །མགྱོགས་པ་ཤུགས་ལྡན་རྟ་ལ་གནས། །སྡེར་ཆག་རྒྱལ་པོ་གཡུ་རལ་ཅན། །ལུས་གྲིམ་རྩལ་ལྡན་ཤ་ར་བྷ། །རྒྱ་སྟག་འཛུམ་དྲུག་འཁྱིལ་བ་དང་། །དོམ་ནག་སྙིང་དཀར་ཐིག་ལེའི་ལུས། །ཁྱི་ནག་དྲེད་མོང་མི་ཟན་དང་། །སྤྱང་སྔོན་གཅན་གཟན་གཏུམ་དགུ་དང་། །ཅང་ཤེས་རྟ་དང་འགྱིང་བའི་གཡག །ཐིག་ཆེན་དྲེའུ་དང་ཙ་ར་ལུག །མ་ཧེ་བཞོན་ཕྱུག་བགྲངས་ཡས་པ། །འདབ་ཆགས་དཀར་མིག་བུ་དང་ནི། །དཔྱིད་ཀྱི་ཕོ་ཉ་ཚེ་རིང་བྱ། །ནེའུ་ཙོ་གར་མཁན་མདོངས་མཐའ་ཅན། །བཞད་དང་དུར་པ་ཀ་དམ་པ། །གསེར་མིག་བྱ་གག་ཙ་ཀོ་ར། །མགྲིན་པའི་རྫ་རྔ་ལ་སོགས་པའི། །མཁའ་འགྲོ་དབྱངས་ཅན་སྤུ་སྡུག་ཁྱུ། །རི་སྐྱེས་ཀྲྀ་ཎ་ས་ར་དང་། །རྭ་གཅིག་པ་

― KMC022_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཤ་བ་རྐྱང་། །འབྲོང་རྒོད་གཉན་དང་མཆེ་ཅན་དང་། །གཞན་ཡང་ནག་དང་བས་མཐའ་ལ། །ཡོངས་གནས་རི་དྭགས་ཐམས་ཅད་ཚོགས། །དེ་རིང་དགྲ་ལྷའི་རྟེན་དུ་འབུལ། །བཅོལ་བའི་ཕྲིན་ལས་མཛད་དུ་གསོལ། །ཀྱཻ། རིན་ཆེན་དངུལ་དཀར་ཕུད་སྐྱོགས་ནང་། །འཆི་མེད་བཏུང་བ་བདུད་རྩིའི་བཅུད། །ཡེ་ཤེས་ལས་སྤྲུལ་ཨ་མྲྀ་ཏ། །དགྲ་ལྷ་དགྱེས་པའི་ཞལ་དུ་འབུལ། །འདབ་སྟོང་བཞད་དང་དྲི་བསུང་ཅན། །མལླི་ཀ་ཡི་ཕྲེང་བ་བྲེས། །ངད་བཟང་སྣ་ཚོགས་སྤོས་ཀྱི་རིགས། །བསྲེགས་པའི་དུད་པ་ཁྱབ་ཅིང་འཐུལ། །སྣང་གསལ་སྒྲོན་མེའི་གཟི་འོད་ཀྱིས། །ཕྱོགས་ཀྱི་འཁོར་ལོའི་དཔལ་དུ་འབར། །ཧ་རི་ཙན་དན་དྲི་ཆབ་ཀྱིས། །ཟག་མེད་ཐུགས་ལ་སིམ་པར་བསྐྱེད། །ཕུན་ཚོགས་དཀར་མངར་རོ་བརྒྱའི་ཟས། །མི་ཟད་ནམ་མཁའི་མཛོད་དུ་འབུལ། །སྙན་པའི་དབྱངས་དང་རོལ་མོའི་སྒྲས། །སྙན་གྱི་དབང་པོ་ཚིམ་པར་བྱས། །གཞན་ཡང་ལྷ་

― KMC022_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

མིའི་འབྱོར་བའི་ནོར། །དེ་རིང་དགྲ་ལྷའི་རྟེན་དུ་འབུལ། །སྐུ་མཁར་འདི་ལ་རྟག་པར་བཞུགས། །ལས་རྣམས་ཐོགས་མེད་ཉིད་དུ་སྒྲུབས། །ཧཱུྃ། རིག་འཛིན་པདྨ་ཐོད་ཕྲེང་བཀས། །ཟིལ་མནན་དམ་ལ་ཕབ་པ་ཡི། །བསྟན་སྲུང་ཡུལ་ལྷ་ཁྱེད་རྣམས་ལ། །བསྟོད་དོ་དམ་ལྡན་དགྲ་ལྷ་མཛོད། །ལས་བཞིའི་མཐུ་ལ་མངའ་བརྙེས་པའི། །མགོན་སྐྱབས་བྱེད་པ་ཐམས་ཅད་དང་། །ཁྱད་པར་ལེགས་ལྡན་ཕྱག་བཞི་པ། །འདོད་ཁམས་དབང་ཕྱུག་དུད་སོལ་མ། །ཐུགས་གསུང་སྐུ་ཡི་འཁོར་ལོའི་ལྷ། །སྦོམ་ར་སྤྲག་ཇག་ཡུལ་ལྷ་དང་། །ནོར་ལྷ་ཆེན་པོ་མཆེད་བརྒྱད་དང་། །དཔའ་བྱེད་དགྲ་ལྷ་དར་མ་དང་། །འཕེལ་བྱེད་དགྲ་ལྷ་བུ་རྫི་དང་། །ཕྱུག་བྱེད་དགྲ་ལྷ་རྨ་གཡང་ཏེ། །སྐུ་གསུང་ཐུགས་ཀྱི་དགྲ་ལྷ་རྣམས། །གསས་མཁར་འདིར་བཞུགས་མངའ་གསོལ་ལོ། །བཞུགས་ནས་སངས་རྒྱས་བསྟན་སྲུང་ལ། །དེ་འཛིན་ཞབས་བརྟན་བཞེད་པ་སྒྲུབས། །དམ་པའི་ཆོས་ཀྱི་རྒྱལ་

― KMC022_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཚུགས། །ནག་པོའི་ཕྱོགས་རྣམས་གཞོམ་པ་དང་། །ཡུལ་འདིར་བཀྲ་ཤིས་དགེ་བའི་ཆར། །རྟག་འབབ་ལོངས་སྤྱོད་མི་ཟད་པའི། །དབྱར་མཚོ་བཞིན་དུ་འཕེལ་ཞིང་རྒྱས། །བདག་ཅག་རྒྱུ་སྦྱོར་འཁོར་བཅས་ལ། །མི་མཐུན་ལས་རྒྱལ་ཚེ་དབང་སྟོབས། །མི་འཕེན་རྟ་ཧྲག་འཛོམས་པ་དང་། །ཆོས་བཞིན་སྨོན་པའི་དོན་རྣམས་ཀུན། །འགྲུབ་ལ་བུམ་པ་བཟང་པོ་ལས། །ལྷག་པའི་མཐུ་ལྡན་ཁྱེད་རྣམས་ཀྱིས། །བཅོལ་བའི་ཕྲིན་ལས་དེ་དག་ཀུན། །འབད་མེད་ལྷུན་གྱིས་གྲུབ་པར་མཛོད། །བཀྲ་ཤིས་སྨོན་ལམ་གྱིས་མཐའ་བརྒྱན་པར་བྱའོ། །དེ་ལྟར་གསས་མཁར་བསྟོད་པའི་རིམ་པ་གོ་བདེ་ཉུང་ལ་འཐུས་པ་འདིའང་སློབ་དཔོན་པདྨས་མཛད་པའི་གསས་མཁར་ཁ་བསྟོད་ལ་གཞི་བྱས་ཏེ། །མདོ་སྟོད་ཀྱི་སའི་ཆར་སྐྱེས་པའི་བནྡེ་མི་ཕམ་རྒྱ་མཚོའི་སྡེས་ལྷག་པའི་བསམ་པས། འཛི་བཀྲ་ཤིས་ཆོས་འཁོར་གླིང་དུ་མགྱོག་པར་བྲིས་སོ། །དེ་ནས་དཔལ་མགོན་ལྕམ་དྲལ་གཙོ་བོར་གྱུར་བའི་སྲུང་མ་རྣམས་ལ། ཕྱི་རྟེན་སྤྱན་གཟིགས་རིགས་དམིགས་བསལ་སྤྲོས་བཅས་ཀྱིས་འབུལ་བར་འདོད་པས། འོག་གི་ཚིག་རིས་དང་

― KMC022_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་པའི་སྲོག་ཆགས་རྣམས་གསར་དུ་འཛུག་ན། འཁོན་སེལ་ཅན་གྱི་ལག་ནས་བྱུང་བ་དང་། རྒན་པོ། ནད་པ་སོགས་སྐྱོན་ཅན་མ་ཡིན་པ། ཁ་དོག་དང་། མཚན་མ་སོགས་སྲུང་མ་སོ་སོར་མཐུན་པ་རྣམས་ལ་བགེགས་ཕྲལ་ཞིང་། བསང་ཁྲུས་ཀྱི་ཆོ་ག་ནན་ཏན་ཏུ(དུ)་བསྒྲུབ་ནས། དར་ཚོན་སོགས་སོ་སོར་འོས་པའི་རྒྱན་གྱིས་བསྟར་བ་འདུ་བྱ། འདོན་ཆ་བྱིན་བརླབས་ནས་བཟུང་། འབུལ་ཚིག་བཅས་རྟེན་འབུལ་རྒྱུ་གང་ཡིན་དང་མཐུན་པའི་འདོར་ལེན་རིག་པས་འཕྲུལ་དགོས་ཤིང་། ཕྱི་རྟེན་སོགས་རྙིང་པ་སླར་ཡང་ཁ་གསོ་བ་ཡིན་ནའང་། བསང་ཁྲུས་རྒྱན་གྱིས་བསྟར་བ་སོགས་བྱ། གང་ལྟར་ཡང་། དང་པོ་བྱིན་གྱིས་བརླབ་པ་ནི། བདུད་རྩི་གཏོར་ཞིང་། བསང་སྦྱང་། སྟོང་པའི་ངང་ལས་ཙཾ་ལ་སོགས་པ་སོ་སོའི་མིང་ཡིག་དང་པོ་ཐིག་ལེས་བརྒྱན་པ་ལས་བྱུང་བའི་རྒྱལ་སྲིད་རིན་ཆེན་སྣ་བདུན། །ཨིཾ་ལས་རྟ་ནག །ཙཾ་ལས་གཡག་ནག་དང་ར་སྐྱེས། ཀཾ་ལས་གོ་ཁྲབ། ཤིཾ་ལས་རྨོག །ཤཾ་ལས་མཚོན་ཆ། ཀུཾ་ལས་མདུང་། ཨཾ་ལས་རུ་མཚོན། མེཾ་ལས་ལུག་ནག །ཤཾ་ལས་ཁྱི་ནག །ནེཾ་ལས་དར་ལྷབ་ལྷུབ། བཾ་ལས་བ་དན་སྣ་ཚོགས་པའི་སྤྱན་གཟིགས་བཟང་ཞིང་རྒྱ་ཆེ་བ་གྲངས་

― KMC022_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ། ནམ་མཁའ་གང་བ་རྣམས་སུ་གྱུར། །ཨོཾ་བཛྲ་སྥ་ར་ཎ་ཁཾ། ལན་གསུམ་བརྗོད་གཉིས་པ་འབུལ་ཞིང་ཕྲིན་ལས་བཅོལ་བའི་སྔགས་ཚིག་ནི། རྟ་ཕོ་བཙན་ན། དཔལ་ཆེན་མ་ཧཱ་ཀཱ་ལ་ལྕམ་དྲལ་ལ། །ཕྱི་ནང་གསང་བས་བསྡུས་པའི་མཆོད་པ་དང་། །ཁྱད་པར་མི་འབྲལ་འགྲོགས་པའི་རྟེན་རྫས་སུ། །རྒྱལ་སྲིད་མཛེས་བྱེད་རིན་ཆེན་སྣ་བདུན་ལས། །ཡོན་ཏན་ཕུལ་དུ་གྱུར་པའི་ཅང་ཤེས་རྟ། །ལྟ་ན་སྡུག་པའི་བྱད་དང་གློག་ཕྲེང་གི །སྒྱུ་རྩལ་རང་གིར་བྱས་པའི་ཡན་ལག་ཅན། །གྲུང་པོར་འདུག་པའི་མིག་གཉིས་ཙན་དན་ཆུས། །ཨུཏྤལ་སྔོན་པོར་བྲན་བཞིན་གསར་པའི་དཔལ། །རྔ་རྔོག་མཆོག་ཏུ་བཟང་སྟེ་གདེང་ལྔ་པ། །འགྱིང་ཞིང་ཆས་པ་ལྟ་བུར་རྣམ་པར་བརྗིད། །རླུང་གིས་དལ་བུར་བསྐྱོད་པའི་སྤུ་སྡུག་ནི། །རྩེ་མོ་སྣ་ཚོགས་འོད་དང་འགྲོགས་པའི་གྲ། །ཡ་མཚན་ལྟད་མོ་སྦྱིན་དེས་ཆེན་པོ་ཡི། །མདུན་ས་མཛེས་པར་བྱེད་པ་ས་སྲུང་བཞིན། །གླང་པོ་བཟུང་བ་ལྟ་བུའི་དཔུང་པ་གཉིས། །

― KMC022_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

དར་སྣ་སྟག་གཟིག་རྒྱན་གྱིས་སྤྲས་པ་ཡི། །མྱུར་མགྱོག་རླུང་གི་ཤུགས་དང་ལྡན་པ་འདི། །ལྷ་ཡི་རྟེན་དུ་འཛུག་གོ་དགྱེས་རྒུར་བཞེས། །ཁྱེད་ཀྱི་ཐུགས་དམ་གཉན་པོ་འདིས་བསྐང་ངོ་། །སྐུ་གསུང་ཐུགས་ཀྱི་དམ་ཚིག་ཉམས་པ་དང་། །དམ་རྫས་མ་ཚང་མཆོད་གཏོར་གཡེལ་བ་དང་། །ཉེས་པར་གྱུར་པ་ཐམས་ཅད་འདིས་འཆགས་སོ། །འཁོར་དང་བཅས་པས་ཚངས་པར་སྩལ་ནས་ཀྱང་། །བདག་ཅག་དགྲ་ཡི་གཡུལ་ལས་རྒྱལ་བ་དང་། །ཚེ་དང་དཔལ་དང་མངའ་ཐང་སྤེལ་བ་དང་། །བསམ་པ་ཆོས་བཞིན་འགྲུབ་པར་མཛད་དུ་གསོལ། །ཞེས་དང་། དམ་ཅན་ལ་བཙན་ན། དམ་ཅན་སྐྱེས་བུ་ཆེན་པོ་འཁོར་བཅས་ལ། །ཞེས་དང་། ཞིང་སྐྱོང་ལ། ཞིང་སྐྱོང་ཀུན་དགའ་གཞོན་ནུ་འཁོར་བཅས་ལ། །ཞེས་དང་། ཐང་ལྷ་ལ། གཉན་ཆེན་ཐང་ལྷ་གཉན་པོ་འཁོར་བཅས་ལ། །ཞེས་དང་། བདུད་ཀྱི་མགོན་པོ་ལ། བདུད་ཀྱི་མགོན་པོ་ཆེན་པོ་འཁོར་བཅས་ལ། །ཞེས་དང་། བཙན་གྱི་མགོན་པོ་ལ། བཙན་གྱི་མགོན་པོ་ཆེན་པོ་

― KMC022_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བཅས་ལ། །ཞེས་དང་། ཀླུའི་མགོན་པོ་ལ། ཀླུ་ཡི་མགོན་པོ་ཆེན་པོ་འཁོར་བཅས་ལ། །ཞེས་སོགས་སྦྱར་རོ། དེ་ནས་གཏོར་མ་མགོ་བོར་བཞག་ནས་སྤྱན་འདྲེན་གྱི་སྔགས་དང་། བསྟན་སྲུང་མ་ཧཱ་ཀཱ་ལ་ལྕམ་དྲལ་ཁྱེད་རྣམས་ལ། །རྟེན་རྫས་འདི་འཛུགས་པ་ལགས་པས། སྐུ་གསུང་ཐུགས་ཀྱི་བྱིན་གྱིས་རློབས་ཤིག །སྲུངས་ཤིག །སྐྱོབས་ཤིག །བདག་གིར་མཛོད་ཅིག །ཅེས་བརྗོད། །མར་གྱི་ཞུར་འཐེན། ནས་འཐོར། ལྷ་གཞན་རྣམས་ཀྱང་སོ་སོའི་སྔགས་ཀྱི་མཇུག་ཏུ། དམ་ཅན་སྐྱེས་བུ་ཆེན་པོ་འཁོར་དང་བཅས་པ་ཁྱེད་རྣམས་ལ་སོགས་པ་བསྒྱུར་བ་སྦྱར། སྔགས་ཟུར་གསལ་མེད་པ་ལ་བོད་སྐད་བཀའ་སྒོ་འདི་གས། གཏོར་མ་མགོ་ཐོག་ཏུ་བཞག་པ་སོགས་བྱའོ། །འབྲི་གཡག་བཙན་ན། དཔལ་ཆེན་མ་ཧཱ་ཀཱ་ལ་ལྕམ་དྲལ་ལ། །ཕྱི་ནང་གསང་བས་བསྡུས་པའི་མཆོད་པ་དང་། །ཁྱད་པར་མི་འབྲལ་འགྲོགས་པའི་རྟེན་རྫས་སུ། །རྩེ་མོ་རྣམ་པར་འབིག་པའི་རུ་རྣོན་ཟུང་། །ཨིནྡྲ་ནཱི་ལས་བྱུགས་བཞིན་སྔོ་བསང་དང་། །ཆར་སྤྲིན་འཁྲུགས་པ་དང་མཚུངས་སྤུ་ཞོལ་གྱི། །ཕག་

― KMC022_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ལྕགས་རྨིག་ལྡན་པའི་ཡན་ལག་གིས། །བཟང་པོའི་སྟོབས་ཀྱིས་གོམས་པ་འདོར་བཞིན་དུ། །རབ་ཏུ་འགྱིང་དང་ལྷན་ཅིག་དུད་པ་ལ། །འགྲན་བཟོད་རྔ་ཆས་གྱེན་དུ་གཟིང་པ་ཡིས། །གནག་ཕྱུག་ཁྱུ་མཆོག་རྒྱན་གྱིས་སྤྲས་པ་འདི། །ཁྱེད་ཀྱི་རྟེན་དུ་འཛུག་གོ་དགྱེས་རྒུར་བཞེས། །སོགས་སྔར་ལྟར་འདི་གྱིད(བགྱིས)་ཀུན་ལ་སྦྱོར་བ་འགྲོའོ། །ལུག་བཙན་ན། ལྷ་རྫས་ཀ་ཤི་ཀ་ཡི་རེག་བྱ་ལ། །ངེས་པར་དོ་ཟླ་བྱེད་པའི་སྤུ་ཚོགས་འཐུག །བརྡུང་བྱེད་ཐོ་བའི་སྟོབས་འཆང་ཐོད་པ་ལས། །ལེགས་པར་སྐྱེས་པའི་ཐབས་དང་ཤེས་རབ་རྭ། །དཔལ་མོའི་ལག་པ་མཛེས་བྱེད་གདུབ་སྐོར་ལ། །འཁུ་བ་བཞིན་དུ་རྣམ་པར་འཁྱིལ་དེ་དང་། །དགའ་བས་མཁུན་པའི་སྒྲ་ལྡན་བག་ཕེབས་པའི། །གཡང་མོ་ཀུན་གྱི་ཁྱུ་མཆོག་རྒྱན་སྤྲས་འདི། །ཁྱེད་ཀྱི་རྟེན་དུ་འཛུག་གོ་དགྱེས་རྒུར་བཞེས། །སོགས་འགྲེའོ། །ར་བཙན་ནི། གསེར་གྱི་པདྨོ་ཨཱནྡ་རྙིལ་གྱིས་སྤྲས། །བརྒྱན་པ་དང་མཚུངས་མཛེས་པའི་ལྟ་བྱེད་དང་། །

― KMC022_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

གྱེན་དུ་བསྒྲེངས་ཏེ་བསྣུན་པའི་རྭ་གཉིས་པོ། །འཁྲི་ཤིང་གཞོན་ནུ་ལྟར་མཉེན་སུམ་འཁྱོག་ཅན། །གྲྭ་རྒོད་རྒྱས་པའི་སྤུ་ཞོལ་རྒྱང་རིང་ནས། །དྲག་པོའི་སེར་བ་འབབ་དང་མཚུངས་པའི་དབྱིབས། །ཐོགས་མེད་རྩལ་གྱིས་འགྲོ་བའི་ཤུགས་ཆེན་པོ། ར་སྐྱེས་གཙོ་བོ་རྒྱན་གྱིས་སྤྲས་པ་འདི། །ཁྱོད་ཀྱི་རྟེན་དུ་འཛུག་གོ་སོགས་འགྲེའོ། །ཁྱི་ནག་བཙན་ན། ཟླ་བ་ཕྱེད་པ་ཐུན་མཚམས་འོད་ཟེར་དང་། །འགྲོགས་པ་ལྟ་བུའི་མཆེ་བ་རཀྟ་ཡིས། །བྱུག་པའི་བར་ན་གློག་ཕྲེང་དང་མཚུངས་ལྕེ། །རྣམ་པར་བསྐྱེད་དེས་དགྲ་རྣམས་འཇིག་བྱེད་ལ། །དྲག་པོའི་ང་རོ་འབྱིན་དང་ཞེ་སྡང་གི །སྡེར་མོ་གནམ་ལྕགས་ངར་ལས་བཏུས་པའི་རྣོས། །ས་རྣམས་རློག་བྱེད་དོམ་བུ་མིག་སྨན་མདོག །ནོར་སྐྱོང་གཏུམ་པོ་རྒྱན་གྱིས་སྤྲས་པ་འདི། །ཁྱེད་ཀྱི་རྟེན་དུ་འཛུག་གོ་སོགས་འགྲེའོ། །ཞེས་དབོན་པོ་ཀརྨ་ཆོས་སྲིད་ཀྱིས་བསྐུལ་བ་དོན་ཡོད་པར་བྱ་ཕྱིར་ཤཱཀྱའི་དགེ་སློང་དྷརྨ་ཤྭ་རས་བྲིས་པའོ། །སྲིད་པའི་དཔལ་འབྱོར་ཕུལ་རྣམས་ཀྱིས། ལྷ་རྣམས་

― KMC022_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་བྱེད་སྤྲིན་གཏིབས་པ། བཀྲ་ཤིས་དོན་ཀུན་གྲུབ་པའི་ཆར། ནོར་བུའི་སྙིང་པོ་དགེ་གྱུར་ཅིག །ཅེས་པའང་སྒར་བསང་ཆེན་མོའི་ཆ་ལག་ཏུ་འདུ་བ་གྱིད་པ་པོ་ནི་ཀརྨ་པའི་མཚན་འཛིན་མཁའ་ཁྱབ་རྡོ་རྗེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

བསངས་མཆོད་བདུད་རྩི་སྤྲིན་ཕུང་བཀྲ་ཤིས་ཆར་འབེབས།

― KMC022_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

བསངས་མཆོད་བདུད་རྩི་སྤྲིན་ཕུང་བཀྲ་ཤིས་ཆར་འབེབས་ཞེས་བྱ་བ་བཞུགས་སོ།། །།

― KMC022_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་བྲལ་ཆོས་དབྱིངས་གདོད་ནས་དག་པའི་ཐུགས། །བདེ་ཆེན་མ་འགགས་ལོངས་སྤྱོད་ཡོངས་རྫོགས་པ། །དུ་མའི་གར་མཁན་བླ་མེད་སྤྲུལ་པའི་སྐུ། །རིག་འཛིན་པདྨ་ཀ་རས་རྟག་སྐྱོངས་ཤིག །གང་ཞིག་ཆོས་ཀུན་གདོད་ནས་དྲི་བྲལ་ཡང་། །གློ་བུར་རབ་རིབ་དྲི་མ་བསལ་བའི་ཕྱིར། །སྣ་ཚོགས་ཆོས་ཚུལ་དཔག་མེད་སྟོན་པ་ལས། །ཕྲིན་ལས་བསངས་མཆོད་རིམ་པ་བརྩམ་པར་བྱ། །དེ་ཡང་བདག་གཞན་བྱང་ཆུབ་སྒྲུབ་པ་ཡི། །མི་མཐུན་རྐྱེན་རྣམས་ཡོངས་སུ་ཞི་ཕྱིར་དང་། །གྲིབ་དང་མི་གཙང་ནད་གདོན་སེལ་བ་དང་། །འཛམ་གླིང་བདེ་དང་ཚེ་བསོད་སྤེལ་བ་དང་། །དབང་དུ་བྱེད་དང་བྱེས་སུ་འགྲོ་བ་དང་། །ལྷ་ངོ་བསྟོད་དང་ཉམ་ང་ཞི་ཕྱིར་སོགས། །མདོར་ན་ཕྲིན་ལས་རྣམ་བཞི་ཅི་སྒྲུབ་

― KMC022_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །བསངས་མཆོད་བརྔན་གྱི་རིམ་པ་བགྱིད་པར་བཤད། །དེ་ལ་དང་པོ་གཙང་མའི་ས་ཕྱོགས་སུ། །བླ་མ་དཀོན་མཆོག་ཆོས་སྐྱོང་རྟེན་བཀྲམ་པའི། །དྲུང་དུ་གཞི་དཀར་སྟེང་དུ་སྣོད་གཙང་མར། །བླ་མ་ཡི་དམ་ཆོས་སྐྱོང་གཏོར་མ་དང་། །བརྔན་དང་གཞི་བདག་ལ་སོགས་ཅི་དགོས་པའི། །མཆོད་གཏོར་ཀུན་དང་རིན་ཆེན་འབྲུ་སྨན་སྤོས། །དར་ཟབ་ཕྱེ་མར་ཆང་དང་ཟས་སྣའི་ཚོགས། །སྤྱན་གཟིགས་ཅི་འབྱོར་མ་ལུས་ཀུན་ཏུ་བཤམ། །བསང་ཁང་ཟླུམ་པོ་ཡིད་འོང་མེ་སྒོ་ཅན། །དུག་ཤིང་ལ་སོགས་མི་གཙང་མ་ཡིན་པའི། །ཤིང་སྣ་ཚོགས་ཚད་སྤུངས་པའི་ཕུང་པོར་བཅས། །རོལ་མོའི་བྱེ་བྲག་རྣམས་ཀྱང་ལེགས་པར་བཤམས། །དེ་ལྟར་བཅས་རྣམས་ཚོགས་པར་བྱས་ནས། ཆོ་གའི་རིམ་པ་

― KMC022_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། བླ་མེད་བླ་མ་ཕྱོགས་བཅུ་དུས་གསུམ་གྱི། །བདེ་གཤེགས་རྒྱལ་བ་དམ་ཆོས་དགེ་འདུན་དང་། །ཡི་དམ་ཌཱ་ཀི་ཆོས་སྐྱོང་ཚོགས་བཅས་ལ། །བདག་གཞན་བྱང་ཆུབ་བར་དུ་སྐྱབས་སུ་མཆི། །ནམ་མཁའི་མཐའ་མཉམ་སེམས་ཅན་མ་ལུས་པ། །གློ་བུར་འཁྲུལ་རྟོག་མ་རིག་གིས་ལྡོངས་པའི། །ཉམ་ཐག་འགྲོ་ཀུན་སྒྲོལ་ཞེས་དེང་ཉིད་ནས། །རབ་བརྟན་བྱང་ཆུབ་སེམས་ནི་བསྐྱེད་པར་བགྱི། །སེམས་ཅན་ཐམས་ཅད་བདེ་ལྡན་སྡུག་བསྔལ་བྲལ། །དགའ་དང་ལྡན་ཞིང་བཏང་སྙོམས་ཆེར་གནས་ཤོག །ཞེས་སྐྱབས་སེམས་དང་ཚད་མེད་བཞི་བསྒོམས་པ་སྔོན་དུ་འགྲོ་བས། མཆོད་གཏོར་ལ་སོགས་པ་བསངས་སྦྱངས། ཨོཾ་བཛྲ་ཨ་མྲྀ་ཏ༴ ཨོཾ་སྭ་བྷ་ཝ༴ སྟོང་པའི་ངང་ལས་རིན་ཆེན་སྣོད་ཀྱི་ནང་། །ལྷ་རྫས་དམ་པའི་མཆོད་ཡོན་ཞབས་བསིལ་བ། །མེ་ཏོག་བདུག་སྤོས་སྣང་གསལ་མར་མེ་དྲི། །ཞལ་ཟས་རོལ་མོ་ཛ་གད་བདུད་རྩིའི་མཚོ། །དམར་ཆེན་རཀྟ་དཀར་དམར་བ་ལིཾ་ཚོགས། །འདོད་ཡོན་རྒྱལ་སྲིད་

― KMC022_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་མང་སྤྱན་གཟིགས་དང་། །བསངས་མཆོད་བརྔན་གྱི་ཡོ་བྱད་ལ་སོགས་པ། །རྒྱ་ཆེན་ཟད་མེད་ཀུན་བཟང་མཆོད་པའི་སྤྲིན། །སོ་སོའི་ཡིད་བཞིན་བདེ་སྐྱིད་མཐུན་རྫས་ཚོགས། །དཔག་མེད་ཏིང་འཛིན་སྔགས་དང་ཕྱག་རྒྱ་ཡིས། །རྣམ་པར་འཕྲུལ་པའི་ལོངས་སྤྱོད་རྨད་བྱུང་བ། །མཁའ་མཉམ་རྒྱུན་མི་ཆད་པ་ཉིད་དུ་གྱུར། ཨོཾ་ཨཱཿཧཱུྃ། ཨ་ཀཱ་རོས་བྱིན་གྱིས་བརླབ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་རང་ཉིད་ཡི་དམ་ལྷར་གསལ་བའི་མདུན་གྱི་ནམ་མཁར་རིན་ཆེན་སེང་ཁྲི་པད་ཟླའི་གདན་གྱི་སྟེང་དུ་རྒྱལ་བ་ཁྱབ་བདག་རྡོ་རྗེ་འཆང་ཆེན་པོ་ནམ་མཁའི་སྐུ་ཅན། ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་སྟབས་སུ་འཛིན་པ་རྡོ་རྗེ་སྐྱིལ་ཀྲུང་གིས་བཞུགས་པ་དར་དང་རིན་པོ་ཆེའི་རྒྱན་ཐམས་ཅད་ཀྱིས་ཡོངས་སུ་སྤྲས་པ། མཚན་དང་དཔེ་བྱད་མཆོག་ཏུ་འབར་བ། དེའི་སྟེང་དང་འོག་དང་བར་གྱི་ཆ་ལ་རྩ་བ་དང་བརྒྱུད་པར་བཅས་པའི་བཀའ་བརྒྱུད་

― KMC022_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བླ་མ། རྒྱལ་བ་ཤཱཀྱའི་དབང་པོ་ལ་སོགས་པ་ཕྱོགས་བཅུའི་དེ་བཞིན་གཤེགས་པ། ཆོས་སྐུ་ཡུམ་ཆེན་མོ་ལ་སོགས་པ་དམ་ཆོས། ཉེ་བའི་སྲས་ཆེན་བརྒྱད། མཆོག་ཟུང་ལ་སོགས་པ་དགེ་འདུན་གྱི་ཚོགས་རྣམས་དང་། དཔལ་དུས་ཀྱི་འཁོར་ལོ་ལ་སོགས་པ་རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་གྱི་ལྷ་རབ་འབྱམས། དཔལ་ཡེ་ཤེས་ཀྱི་མགོན་པོ་ཕྱག་བཞི་པ། རྡོ་རྗེ་བེར་ཅན་ཀུན་དགའ་གཞོན་ནུ་ལ་སོགས་པ་དཔལ་མགོན་ཆོས་སྐྱོང་བའི་སྲུང་མའི་ཚོགས་རྣམས་དང་། གཞན་ཡང་ཡེ་ཤེས་དང་ལས་ལས་གྲུབ་པའི་དཔའ་བོ་དང་རྣལ་འབྱོར་མ། དམ་ཅན་རྒྱ་མཚོ་ལྷ་སྲིན་སྡེ་བརྒྱད། གློ་བུར་བ་དང་གཉུག་མར་གནས་པའི་ཡུལ་ལྷ་གཞི་བདག་ལ་སོགས་པའི་བསངས་མགྲོན་གྱི་ཚོགས་རབ་འབྱམས་རྒྱ་མཚོའི་རྡུལ་སྙེད་སྤྲིན་ཕུང་གཏིབས་པ་ལྟ་བུས་བསྐོར་བ་མདུན་གྱི་ནམ་མཁའི་གནས་སུ་བཛྲ་ས་མཱ་ཛཿ ༈ བདེ་ཆེན་ཆོས་དབྱིངས་རབ་འབྱམས་ཀློང་ཡངས་

― KMC022_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །འགགས་མེད་ཐུགས་རྗེའི་སྒྱུ་འཕྲུལ་གར་རོལ་བ། །རྩ་གསུམ་ཞི་ཁྲོའི་ལྷ་ཚོགས་འཁོར་དང་བཅས། །ཞི་བ་བསངས་མཆོད་འབུལ་གྱི་གཤེགས་སུ་གསོལ། །ཨོཾ་སརྦ་ཏ་ཐཱ་ག་ཏ་གུ་རུ་དེ་ཝ་ཌཱ་ཀི་ནི་དྷརྨ་པཱ་ལ་ས་པ་རི་ཝཱ་ར་ཨེ་ཧྱེ་ཧི་བཛྲ་ས་མཱ་ཛཿ ༈ རིན་ཆེན་རབ་བཀོད་ཡིད་འོང་ཁྲིར། །པད་ཟླ་ཉི་གདན་རབ་བརྗིད་པ། །བམ་ཆེན་མེ་རི་འབར་བའི་ཀློང་། །ཅི་བདེའི་གདན་ལ་བཞུགས་སུ་གསོལ། །ཨོཾ་བཛྲ་ཨཱ་ས་ན་པདྨ་ཀ་མ་ལཱ་ཡ་སྟྭཾ། ཛཿཧཱུྃ་བཾ་ཧོཿགཉིས་སུ་མེད་པར་གྱུར། །དངོས་འབྱོར་ཡིད་སྤྲུལ་ཀུན་བཟང་མཆོད་པའི་སྤྲིན། །ལྷ་རྫས་ཟག་མེད་བདུད་རྩིའི་རྒྱ་མཚོ་ཆེ། །དག་ཅིང་དྲི་མེད་མཆོད་ཡོན་ཞབས་བསིལ་དང་། །ཡིད་འོང་མེ་ཏོག་རྨད་བྱུང་དྲི་ངད་བཟང་། །རབ་གསལ་སྒྲོན་མེ་ཚིམ་བྱེད་བྱུག་པའི་ཚོགས། །ཕུན་ཚོགས་རོ་ལྡན་བཟའ་བཅའ་རབ་སྙན་སྒྲ། །འདོད་ཡོན་རྣམ་མང་རིན་ཆེན་མཆོད་པའི་སྤྲིན། །ས་དང་བར་སྣང་མ་ལུས་

― KMC022_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་ཁྱབ་པ། །བློ་ཡིས་བླངས་ཏེ་རྒྱལ་བ་སྲས་བཅས་ལ། །ཀུན་ཏུ་གུས་པའི་སྒོ་ནས་མཆོད་པར་བགྱི། །བརྩེ་བ་ཆེན་པོས་དགོངས་ཏེ་བཞེས་ནས་ཀྱང་། །བྱིན་རླབས་དངོས་གྲུབ་མ་ལུས་སྩལ་དུ་གསོལ། །ཨོཾ་བཛྲ་ཨཱརྒྷཾ་ཨཱཿཧཱུྃ། སོགས་ཀྱིས་མཆོད། དཀོན་མཆོག་རྒྱལ་བ་རྒྱ་མཚོའི་ངོ་བོ་ཉིད། །གསང་གསུམ་མི་ཟད་རྒྱན་གྱི་འཁོར་ལོའི་གཏེར། །བྱིན་རླབས་རྨད་བྱུང་རྡོ་རྗེ་འཛིན་རྒྱལ་པོ། །དཔལ་ལྡན་བླ་མ་རྣམས་ལ་ཕྱག་འཚལ་བསྟོད། །ཀུན་རྟོག་མ་རིག་འཁྲུལ་པས་བསླད་པ་རྣམས། །ཡོངས་སུ་འདུལ་ཕྱིར་ཁྲོ་ཆགས་ཞི་བའི་ཉམས། །དཔག་མེད་རྣམ་རོལ་དངོས་གྲུབ་ཀུན་སྩོལ་བའི། །ཡི་དམ་ལྷ་ཚོགས་རྣམས་ལ་ཕྱག་འཚལ་བསྟོད། །རྡོ་རྗེ་ཞེ་སྡང་སྙིང་རྗེ་ཆེར་ཁྲོས་པའི། །གར་གྱི་ཉམས་ལྡན་བསྟན་སྲུང་རྣལ་འབྱོར་སྐྱོང་། །ཕྲིན་ལས་ཀུན་སྒྲུབ་མ་ཧཱ་ཀཱ་ལའི་ཚོགས། །ཆོས་སྐྱོང་སྲུང་མ་རྣམས་ལ་ཕྱག་འཚལ་བསྟོད། །བསྟོད་པར་འོས་པ་ཐམས་ཅད་ལ། །སོགས་ཀྱིས་

― KMC022_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད། ཧཱུྃ། རབ་འབྱམས་ཕྱོགས་བཅུའི་ཞིང་ཁམས་ནས། །བླ་མ་དཀོན་མཆོག་སྤྱན་འདྲེན་གཤེགས། །མངའ་གསོལ་མཆོད་པ་འདི་བཞེས་ཤིག །བྱིན་རླབས་དངོས་གྲུབ་སྩལ་དུ་གསོལ། །དག་པ་རབ་འབྱམས་གཞལ་ཡས་ནས། །ཡི་དམ་ལྷ་ཚོགས་སྤྱན་འདྲེན་གཤེགས། །མངའ་གསོལ་མཆོད་པ་འདི་བཞེས་ཤིག །བྱིན་རླབས་དངོས་གྲུབ་སྩལ་དུ་གསོལ། །གནས་མཆོག་ཉི་ཤུ་རྩ་བཞི་ནས། །དཔའ་བོ་མཁའ་འགྲོ་སྤྱན་འདྲེན་གཤེགས། །མངའ་གསོལ༴ བྱིན་རླབས་དངོས་གྲུབ་སྩལ་དུ་གསོལ། །དམ་ཚིག་གཉན་པོའི་ཕོ་བྲང་ནས། །ཆོས་སྐྱོང་སྲུང་མ་སྤྱན་འདྲེན༴ མངའ་གསོལ༴ ཕྲིན་ལས་རྣམ་བཞི་བསྒྲུབ་ཏུ་གསོལ། །བསིལ་བ་ཚལ་གྱི་དུར་ཁྲོད་ནས། །བྱ་རོག་མཚན་ཅན་སྤྱན་འདྲེན་གཤེགས། །མངའ་གསོལ༴ ཕྲིན་ལས་རྣམ་བཞི་བསྒྲུབ་ཏུ་གསོལ། །རབ་འཇིགས་དུར་ཁྲོད་གནས་མཆོག་ནས། །ཀུན་དགའ་གཞོན་ནུ་སྤྱན་འདྲེན་གཤེགས། །མངའ་

― KMC022_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ༴ ཕྲིན་ལས་རྣམ་བཞི་བསྒྲུབ་ཏུ་གསོལ། །རང་རང་སོ་སོའི་གནས་མཆོག་ནས། །ཡུལ་ལྷ་གཞི་བདག་སྤྱན་འདྲེན་གཤེགས། །མངའ་གསོལ༴ རྣལ་འབྱོར་འདོད་དོན་བསྒྲུབ་པར་མཛོད། །ཀུན་བཟང་མཆོད་སྤྲིན་རྒྱ་མཚོ་དང་། །དམར་ཆེན་རཀྟ་གཏོར་མ་དང་། །བདུད་རྩི་སྨན་དང་རྩི་བཅུད་དང་། །རིན་ཆེན་སྨན་སྣ་མཐུན་རྫས་སོགས། །དངོས་འབྱོར་ཡིད་ཀྱིས་སྤྲུལ་པ་ཡིས། །རྩ་བརྒྱུད་བླ་མ་མངའ་གསོལ་ལོ། །ཡི་དམ་ལྷ་ཚོགས་མངའ་གསོལ་ལོ། །དཔའ་བོ་མཁའ་འགྲོ་མངའ་གསོལ་ལོ། །ཆོས་སྐྱོང་སྲུང་མ་མངའ༴ དཔལ་ལྡན་མགོན་པོ༴ མ་ཧཱ་ཀཱ་ལ༴ བྱ་རོག་མཚན་ཅན༴ སེང་གེའི་གདོང་ཅན༴ དཔལ་ལྡན་ལྷ་མོ༴ དྲེགས་པའི་གཙོ་བོ༴ སྡེ་བརྒྱད་མཐུ་ཆེན༴ ཡུལ་ལྷ་གཞི་བདག༴ མཆོད་འོས་རྒྱ་མཚོ་མངའ་གསོལ་ལོ། །གསོལ་ཞིང་མཆོད་པའི་བྱིན་རླབས་ཀྱིས། །སངས་རྒྱས་བསྟན་པ་རྒྱས་པར་མཛོད། །དཀོན་མཆོག་གསུམ་གྱི་དབུ་འཕང་

― KMC022_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད། །རྣལ་འབྱོར་བདག་ཅག་འཁོར་བཅས་ཀྱི། །མི་མཐུན་རྐྱེན་རྣམས་ཞི་བ་དང་། །འདོད་པའི་དོན་ཀུན་འགྲུབ་པར་མཛོད། །ཕྲིན་ལས་རྣམ་བཞིའི་དངོས་གྲུབ་སྩོལ། །ཞེས་མངའ་གསོལ་བྱ་ཞིང་འདིར་ཆོས་སྐྱོང་སོགས་ཀྱི་གསོལ་མཆོད་དང་རྟེན་འཛུགས་སོགས་སྤྲོ་ན་བྱའོ། ༈ །དེ་ནས་ཕྱེ་མར་གྱི་སུམ་ཆ་དར་ཚོན་འབྲུ་སྨན་སོགས་བསངས་ཁང་ཐོག་ཏུ་ཕུལ་ཞིང་མེ་སྦར། ཆང་ཕུད་སོགས་བྲན་ནས་འདི་སྐད་དོ།། ཀྱཻ། ཆོས་དབྱིངས་བདེ་ཆེན་ལྷུན་གྲུབ་གཞལ་ཡས་ཁང་། །གདོད་ནས་སྤྲོས་བྲལ་བྱང་ཆུབ་ཕྱོགས་ཀྱིས་མཛེས། །རྣམ་དག་ཞིང་འདིར་བྱིན་གྱིས་རླབས་པ་ཡི། །རྩ་བརྒྱུད་བླ་མ་དངོས་གྲུབ་ཀུན་སྩོལ་བའི། །ཡི་དམ་ལྷ་ཚོགས་ཕྲིན་ལས་སྟང་འཛིན་པ། །དམ་ཅན་རྒྱ་མཚོའི་ཚོགས་དང་བཅས་པ་རྣམས། །བརྩེ་བས་འདིར་བྱོན་དགྱེས་པར་བཞུགས་ནས་ཀྱང་། །དེ་རིང་གཙང་མའི་བསངས་མཆོད་འདི་བཞེས་ཤིག །དཔག་མེད་བསྐལ་པ་དང་པོ་ཤར་བའི་ཚེ། །སྐབས་གསུམ་པ་དང་ཕ་རོལ་འཁྲུགས་པ་ན། །

― KMC022_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་བསམ་རྐང་འཐུང་དྲི་བཟང་སྤྲོས་པ་ཡིས། །གདུག་པའི་སེམས་བྲལ་བདེ་བ་ལྡན་པར་བྱས། །བར་དུ་རིག་འཛིན་མཚོ་སྐྱེས་རྒྱལ་པོ་ཡིས། །གངས་ཅན་སྐྱེ་དགུ་རྣམ་གྲོལ་ལམ་བཟང་པོར། །འགོད་ཚེ་རྡོ་རྗེའི་ཚུལ་ཁྲིམས་དྲི་བསུང་གིས། །མ་རིག་དུག་ལྔའི་དྲི་མ་བཅོམ་པར་མཛོད། །ད་ལྟ་རྣལ་འབྱོར་རིག་འཛིན་བདག་ཅག་གིས། །དངོས་གྲུབ་ཕྲིན་ལས་མ་ལུས་བསྒྲུབ་པའི་ཕྱིར། །ཞི་བ་བསངས་ཀྱི་མཆོད་པ་འདི་འབུལ་བས། །བདེ་ལེགས་ཡིད་བཞིན་འདོད་དོན་ཀུན་འགྲུབ་མཛོད། །ཀྱཻ། སྐྱབས་གནས་དམ་པ་ཁྱེད་རྣམས་ལ། །དེ་རིང་ཕྱག་འཚལ་མཆོད་པ་འབུལ། །མཆོད་འོས་རྒྱ་མཚོ་ཁྱེད་རྣམས་ལ། །དེ་རིང་དམ་རྫས་མཉེས་མཆོད་འབུལ། །དེ་རིང་གཙང་མའི་བསངས་མཆོད་ནི། །སྐྱེ་འགགས་སྤྲོས་བྲལ་འབྱུང་བ་ལྔ། །རྣམ་དག་བདེ་ཆེན་ཡུམ་ལྔའི་ཀློང་། །ཁམས་ལྔ་འདུས་པའི་རང་བཞིན་ལས། །ཕྱི་སྣོད་འཇིག་རྟེན་སྣོད་ཀྱི་ཚུལ། །ནང་ཅུད་སེམས་ཅན་

― KMC022_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་སུ་འཁྲུངས། །འཁོར་འདས་རབ་འབྱམས་ཀློང་ཡངས་ཤར། །སྤོས་དྲི་ངད་ལྡན་འཛམ་གླིང་རིར། །འབྱུང་ལྔ་དག་པའི་མེ་ཏོག་འཁྲུངས། །བདུད་རྩི་ཤིང་གི་འབྲས་བུ་སྨིན། །དྲི་ཞིམ་སྤོས་ཀྱི་ངད་ལྡན་པའི། །བལ་བུ་གསེར་སྟག་ཙནྡན་དང་། །ལོ་བཟང་མུ་ལེ་གྲམ་ཤིང་དང་། །སྦ་སྨྱུག་དེ་བ་དཱ་རུ་དང་། །མཁན་དཀར་དཔག་བསམ་ལྗོན་ཤིང་སོགས། །དག་བྱེད་གཙང་མར་གྱུར་པ་ཡི། །ཤིང་སྣ་ཚོགས་པའི་དུད་པ་དང་། །ཕྱེ་མར་ཟས་ཕུད་སྐྱེམས་དང་ནི། །གཡག་ལུག་ར་གསུམ་གཟུགས་འགྲོས་དང་། །དཀར་དམར་མདངས་ལྡན་བ་ལིཾ་ཏ། །རིན་ཆེན་དར་ཟབ་འབྲུ་སྨན་དང་། །རོལ་མོ་སིལ་སྙན་སྒྲ་དབྱངས་སོགས། །ས་གཞི་བར་སྣང་ཀུན་གང་བའི། །དགེ་དང་མཐུན་པའི་དམ་རྫས་དང་། །ཏིང་འཛིན་སྔགས་དང་ཕྱག་རྒྱ་ཡི། །ཕྱི་ནང་གསང་བའི་འདོད་ཡོན་ཚོགས། །བསངས་ཀྱི་མཆོད་སྤྲིན་རྒྱ་མཚོ་འདིས། །དེ་རིང་མཆོད་པ་རབ་ཏུ་འབུལ། །ཀྱཻ།

― KMC022_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་གཙུག་ཉི་ཟླའི་གདན་སྟེང་ན། །དཀོན་མཆོག་ཀུན་འདུས་ངོ་བོ་ཉིད། །སྐྱབས་གནས་དགེ་ལེགས་ཡོན་ཏན་ཞིང་། །དྲིན་ཆེན་རྩ་བའི་བླ་མ་བསངས། །ཤཱཀྱ་ཐུབ་པ་ལ་སོགས་པའི། །དུས་གསུམ་སངས་རྒྱས་ཐམས་ཅད་བསངས། །སྡེ་སྣོད་རྒྱུད་སྡེ་ལ་སོགས་པའི། །ལུང་རྟོག་དམ་ཆོས་ཐམས་ཅད་བསངས། །ཉན་ཐོས་བྱང་སེམས་ལ་སོགས་པའི། །འཕགས་པའི་དགེ་འདུན་ཐམས་ཅད༴ རྡོ་རྗེ་འཆང་ཆེན་ལ་སོགས་པའི། །བཀའ་བརྒྱུད་བླ་མ་ཐམས་ཅད༴ ཀུན་ཏུ་བཟང་པོ་ལ་སོགས་པའི། །བླ་མ་སྐུ་གསུམ་ཐམས་ཅད༴ དཔལ་མཆོག་ལཱུ་ཧི་པ་ལ་སོགས། །གྲུབ་ཐོབ་བརྒྱད་ཅུ་རྩ་བཞི༴ ཨིནྡྲ་བོ་དྷི་ལ་སོགས་པའི། །རྣལ་འབྱོར་གྲུབ་ཆེན་བརྒྱད་པོ༴ འཕགས་པ་ཀླུ་སྒྲུབ་ལ་སོགས་པའི། །འཛམ་གླིང་རྒྱན་དྲུག་མཆོག་གཉིས༴ མར་པ་ལོ་ཙཱ་ལ་སོགས་པའི། །ལོ་པཎ་སྐྱེས་མཆོག་ཐམས་ཅད༴ ས་ར་ཧ་ལ་སོགས་པ་ཡི། །རྒྱ་གར་པཎ་གྲུབ་ཐམས་ཅད༴ མི་ལ་རས་

― KMC022_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་སོགས་པའི། །བོད་ཀྱི་གྲུབ་ཆེན་ཐམས་ཅད༴ དྭགས་པོ་ལྷ་རྗེ་ལ་སོགས༴ བསྟན་འཛིན་སྐྱེས་མཆོག་ཐམས་ཅད༴ དུས་གསུམ་མཁྱེན་པ་ལ་སོགས༴ སྤྲུལ་པའི་བརྒྱུད་འཛིན་ཐམས་ཅད༴ པདྨ་འབྱུང་གནས་ལ༴ རིག་འཛིན་བརྒྱུད་པའི་བླ་མ༴ དམ་པ་སངས་རྒྱས་ལ༴ ཞི་བྱེད་བརྒྱུད་པ་ཐམས་ཅད༴ དཱི་པཾ་ཀཱ་ར་ལ༴ ལམ་རིམ་བརྒྱུད་པའི་བླ་མ་བསངས། །ཤཱཀྱ་ཤྲཱི་ལ་སོགས་པའི། །བཀའ་གདམས་བརྒྱུད་པའི་བླ་མ༴ ཡེ་ཤེས་མཁའ་འགྲོ་ལ་སོགས༴ གཅོད་ཡུལ་བརྒྱུད་པའི་བླ་མ༴ ནཱ་རོ་པཎ་ཆེན་ལ་སོགས་པའི། །ཆོས་དྲུག་བརྒྱུད་པའི་བླ་མ་བསངས། །ཕྱག་ཆེན་བརྒྱུད་པའི་བླ་མ༴ རྫོགས་ཆེན་བརྒྱུད་པའི་བླ་མ༴ དབུ་མ་བརྒྱུད་པའི་བླ་མ༴ ལམ་འབྲས་བརྒྱུད་པའི་བླ་མ༴ མན་ངག་བརྒྱུད་པའི་བླ་མ༴ བྱང་སྡོམ་བརྒྱུད་པའི་བླ་མ༴ སོ་ཐར་བརྒྱུད་པའི་བླ་མ༴ བློ་སྦྱོང་བརྒྱུད་པའི་བླ་མ༴ མཚན་ཉིད་བརྒྱུད་པའི་བླ་མ༴ བསྟན་སྲུང་བརྒྱུད་པའི་བླ་མ༴

― KMC022_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་པ་སོ་སོའི་བླ་མ༴ ཀཾ་ཚང་བརྒྱུད་པའི་བླ་མ༴ སངས་རྒྱས་བྱང་སེམས་སྤྲུལ་པའི་སྐུ། །ཐབས་མཁས་འགྲོ་དོན་མཛད་པའི་ཕྱིར། །རང་རང་སོ་སོའི་སྐུར་སྟོན་པའི། །རྩ་བརྒྱུད་བླ་མ་ཐམས་ཅད་བསངས། །ཞི་བ་བསངས་ཀྱི་མཆོད་པ་འདིས། །ནད་གདོན་བར་ཆད་ཞི་གྱུར་ཅིག །གྲིབ་དང་མི་གཙང་བསངས་གྱུར་ཅིག །འདོད་པའི་དོན་ཀུན་འགྲུབ་པར་མཛོད། །ཀྱཻ། དག་པ་ལོངས་སྐུའི་གཞལ་ཡས་ནས། །གར་དགུའི་ཉམས་ཀྱིས་རབ་དཔའ་བ། །ཞི་ཁྲོ་རབ་འབྱམས་རྒྱ་མཚོ་ཡི། །ཡི་དམ་ལྷ་ཚོགས་ཐམས་ཅད་བསངས། །དང་པོའི་སངས་རྒྱས་ལ་སོགས་པའི། །གཉིས་མེད་དུས་འཁོར་ལྷ་ཚོགས༴ བདེ་དགྱེས་ཕག་མོ་ལ་སོགས༴ མ་རྒྱུད་ལྷ་ཚོགས་ཐམས་ཅད༴ གསང་འདུས་གཤེད་དམར་ལ་སོགས༴ ཕ་རྒྱུད་ལྷ་ཚོགས་ཐམས་ཅད༴ རྡོར་དབྱིངས་དཔལ་རྩེ་ཀུན་རིག་སོགས། །རྣལ་འབྱོར་རྒྱུད་ཀྱི་ལྷ་ཚོགས༴ རྣམ་སྣང་མངོན་བྱང་ལ༴ སྤྱོད་རྒྱུད་ལྷ་

― KMC022_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཐམས་ཅད༴ དམ་ཚིག་གསུམ་བཀོད་ལ་སོགས་པའི། །བྱ་རྒྱུད་ལྷ་ཚོགས་ཐམས་ཅད༴ རྡོ་རྗེ་སེམས་དཔའ་ལ་སོགས༴ ཞི་བའི་ལྷ་ཚོགས་ཐམས་ཅད༴ ཆེ་མཆོག་ཁྲག་འཐུང་ལ་སོགས༴ ཁྲོ་བོའི་ལྷ་ཚོགས་ཐམས་ཅད༴ ཡང་དག་རྟ་མགྲིན་ལ་སོགས༴ བཀའ་བརྒྱད་བཀའ་གཏེར་ལྷ་ཚོགས༴ རྣམ་སྣང་མི་བསྐྱོད་ལ༴ རྒྱལ་བ་རིགས་ལྔའི་ལྷ་ཚོགས༴ རྡོ་རྗེ་དབྱིངས་ཕྱུག་ལ་སོགས་པའི། །ཡུམ་ལྔའི་ལྷ་ཚོགས་ཐམས་ཅད༴ འཕགས་པ་འཇམ་དབྱངས་ལ༴ བདེ་གཤེགས་རིགས་ཀྱི་ལྷ་ཚོགས༴ སྤྱན་རས་གཟིགས་དབང་ལ་སོགས་པའི། །པདྨ་རིགས་ཀྱི་ལྷ་ཚོགས༴ ཕྱག་ན་རྡོ་རྗེ་ལ་སོགས༴ རྡོ་རྗེ་རིགས་ཀྱི་ལྷ་ཚོགས༴ འཕགས་མ་སྒྲོལ་མ་ལ༴ རིགས་ཀྱི་ཡུམ་ཆེན་ལྷ་ཚོགས༴ ནམ་མཁའི་སྙིང་པོ་ལ་སོགས༴ བྱང་སེམས་ཉེ་སྲས་བརྒྱད་པོ༴ བྷ་ར་དྷྭ་ཛ་ལ་སོགས༴ ཉན་ཐོས་གནས་བརྟན་ཐམས་ཅད༴ རྡོ་རྗེ་རིན་ཆེན་པདྨ་སོགས། །རིགས་

― KMC022_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔའི་དཔའ་བོ་མཁའ་འགྲོ༴ གནས་མཆོག་ཉེར་བཞི་ལ༴ དཔའ་བོ་མཁའ་འགྲོ་ཐམས་ཅད༴ རི་རབ་རྡུལ་ཕྲན་མཉམ་པ་ཡི། །མཁའ་འགྲོའི་ལྷ་ཚོགས་ཐམས་ཅད༴ མདོར་ན་རྒྱུད་སྡེ་བཞི་ལ་སོགས། །དག་པ་རབ་འབྱམས་ལོངས་སྐུ་ཡི། །ཡི་དམ་ཞི་ཁྲོ་དཔག་མེད་དང་། །དཔའ་བོ་མཁའ་འགྲོ་ཐམས་ཅད་བསངས། །ཞི་བ་བསངས་ཀྱི་མཆོད་པ་འདིས། །ནད་གདོན་བར་ཆད་ཞི་གྱུར་ཅིག །གྲིབ་དང་མི་གཙང་སངས་གྱུར་ཅིག །འདོད་པའི་དོན་ཀུན་འགྲུབ་པར་མཛོད། །ཀྱཻ། སངས་རྒྱས་བསྟན་པ་བསྲུང་བའི་ཕྱིར། །རྡོ་རྗེ་ཞེ་སྡང་རབ་ཁྲོས་པས། །དྲག་པོ་འཇིགས་བྱེད་སྐུར་སྟོན་པའི། །ཡེ་ཤེས་མགོན་པོ་འཁོར་བཅས་བསངས། །དཔལ་ཆེན་སྡོམ་པ་ཆེར་ཁྲོས་པ། །དུས་གསུམ་སངས་རྒྱས་མངའ་གསོལ་ཞིང་། །ཞལ་གཅིག་ཕྱག་བཞིའི་སྐུར་བསྟན་པའི། །བླ་མ་མགོན་པོ་དབྱེར་མེད་བསངས། །བྱ་རོག་གདོང་ཅན་ལ་སོགས༴ ནག་པོ་སྟོང་གི་ལྷ་ཚོགས༴ སེང་གེའི་

― KMC022_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

གདོང་ཅན་ལ༴ ཤ་ཟ་འབུམ་གྱི་ལྷ་ཚོགས༴ ཡུམ་ཆེན་རྩ་འཇིབས་དམར་མོ་སོགས། །མ་མོ་བྱེ་བའི་ལྷ་ཚོགས༴ མཁའ་འགྲོ་བརྒྱད་དྲུག་ལ་སོགས༴ སྤྲུལ་པའི་ཕོ་ཉ་ཐམས་ཅད༴ དྲག་ཤུལ་གཏུམ་རྔམ་འཇིགས་རུང་བའི། །ལས་བྱེད་འཁོར་ཚོགས་ཐམས་ཅད༴ དཔལ་ཆེན་ཐུགས་སྤྲུལ་བཀའ་ཉན་པ། །ཉི་ཤུ་རྩ་བཞིའི་ཞིང་སྐྱོང་ཞིང་། །ཤ་ཟ་ཁྲག་འཐུང་ཟ་བྱེད་ཆེ། །བདུད་མགོན་ག་ཡ་དྷ་ར༴ སི་ན་ར་མ་ལ་སོགས༴ ཡུམ་ཆེན་བདུད་མོ་ཐམས་ཅད༴ བམ་རོ་ཕོ་མོ་ལ་སོགས༴ ལས་བྱེད་སྤྲུལ་པ་ཐམས་ཅད༴ རྡོ་རྗེ་ལེགས་པ་ལ་སོགས༴ བཀའ་ཉན་སྡེ་བརྒྱད་ཐམས་ཅད༴ བདུད་དམག་སྟོང་སྡེ་ལ༴ ཡང་འཁོར་དམག་ཚོགས་ཐམས་ཅད༴ མྱུར་མཛད་ཕྱག་དྲུག་ཡེ་ཤེས་མགོན། །ལེགས་ལྡན་བེང་དང་བེར་ནག་ཅན། །གུར་མགོན་ཞལ་བཞི་མ་ནིང་སོགས། །དཔལ་མགོན་དྲག་པོ་ཐམས་ཅད༴ འདོད་ཁམས་དབང་ཕྱུག་རེ་མ་ཏི། །རེ་མ་ཛ་དང་རེ་མ་ཛུ། །

― KMC022_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

དུད་སོལ་ཙཎྜི་ཀ་ལ་སོགས། །དམ་ཅན་མོ་རྒྱུད་ཐམས་ཅད༴ ཞིང་སྐྱོང་མ་མོ་མཁའ་འགྲོ་སོགས། །གསང་སྔགས་རྒྱུད་ཀྱི་སྲུང་མ་བསངས། །རྣམ་མང་ཐོས་སྲས་སྔགས་ཀྱི་བདག །རྡོ་རྗེ་ལེགས་པ་སྲིན་མགོན་དང་། །ཞིང་སྐྱོང་ཆེན་པོ་ལ་སོགས་པའི། །བཀའ་སྲུང་མགོན་པོ་འཁོར་བཅས༴ ཇོ་མོ་བཀྲ་ཤིས་ཚེ་རིང་སོགས། །ཡུམ་ཆེན་མ་མོ་ཐམས་ཅད༴ རྨུགས་འཛིན་དབང་པོ་ལ༴ ནོར་ལྷ་གཏེར་སྲུང་ཐམས་ཅད༴ ཚངས་པ་བརྒྱ་བྱིན་ལ༴ གཙང་རིགས་མགོན་པོ་ཐམས་ཅད༴ སྟོན་པ་སངས་རྒྱས་སྤྱན་སྔ་རུ། །བསྟན་པ་སྲུང་བར་ཞལ་བཞེས་པའི། །བཀའ་སྡོད་དམ་ཅན་རྒྱ་མཚོའི་ཚོགས། །ཆོས་སྐྱོང་སྲུང་མ་ཐམས་ཅད་བསངས། །ཞི་བ་བསངས་ཀྱི་མཆོད་པ་འདིས། །ནད་གདོན་བར་ཆད་ཞི་གྱུར་ཅིག །གྲིབ་དང་མི་གཙང་སངས་གྱུར་ཅིག །འདོད་པའི་དོན་ཀུན་འགྲུབ་པར་མཛོད། །ཀྱཻ། རང་རང་ཕྱོགས་སུ་ལེགས་བཞུགས་ཤིང་། །ཕས་རྒོལ་འཇོམས་པའི་ནུས་པ་

― KMC022_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། །རྣལ་འབྱོར་སྟོང་གྲོགས་མཛད་པ་ཡི། །དཀར་ཕྱོགས་གཞི་བདག་ཐམས་ཅད༴ སྟོང་གསུམ་ཁམས་ན་གནས་པ་ཡི། །གཞི་བདག་མ་ལུས་ཐམས་ཅད༴ །རི་རབ་ལྷུན་པོའི་གཞི་བདག༴ གསེར་རི་བདུན་གྱི་གཞི་བདག༴ རོལ་པའི་མཚོ་བདུན་གཞི་བདག༴ གླིང་བཞི་གླིང་ཕྲན་ས་བདག༴ འཛམ་བུའི་གླིང་གི་ས་བདག༴ རྒྱ་གར་ཡུལ་གྱི་ས་བདག༴ ཤམ་བྷ་ལ་ཡི་ས་བདག༴ རྒྱ་ནག་ཡུལ་གྱི་ས་བདག༴ གངས་ཅན་ལྗོངས་ཀྱི་ས་བདག༴ ལི་དང་བལ་པོའི་ས་བདག༴ ཀློ་དང་མོན་གྱི་ས་བདག༴ མངའ་རིས་སྐོར་གསུམ་ས་བདག༴ དབུས་གཙང་རུ་བཞིའི་ས་བདག༴ མདོ་ཁམས་སྒང་དྲུག་ས་བདག༴ བོད་ཀྱི་མགུར་ལྷ་བཅུ་གསུམ༴ སྲིད་པ་ཆགས་པའི་ལྷ་དགུ༴ བོད་ཁམས་བརྟན་མ་བཅུ་གཉིས༴ ཉི་ཤུ་རྩ་བཞི་ལ་སོགས༴ གནས་ཆེན་ཡོངས་ཀྱི་སྲུང་མ༴ རྡོ་རྗེ་གདན་ལ་སོགས་པ་ཡི། །གཙུག་ལག་ཡོངས་ཀྱི་སྲུང་མ༴ པུཥྤ་ཧ་རི་ལ་སོགས༴ གདན་

― KMC022_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཡོངས་ཀྱི་སྲུང་མ༴ ལ་ཕྱི་ཆུ་བར་ལ་སོགས༴ དབེན་གནས་ཡོངས་ཀྱི་སྲུང་མ༴ གནས་གསུམ་སྐྱོང་བར་ཞལ་བཞེས་པའི། གཞི་བདག་གཉུག་མར་གནས་པ༴ རྡོ་རྗེ་གཡུ་སྒྲོན་ལ་སོགས༴ ཞིང་སྐྱོང་མཁའ་འགྲོ་ཐམས་ཅད༴ ཁྱད་པར་ཡུལ་འདིར་གནས་པ་ཡི། །ཕྱོགས་སྐྱོང་གཞི་བདག་ཐམས་ཅད༴ རང་ལ་འགོ་བའི་ལྷ་སྲུང་བསངས། །ཕ་མས་བརྒྱུད་ཀྱི་སྲུང་མ༴ སློབ་དཔོན་བརྒྱུད་ཀྱི་སྲུང་མ༴ བཀའ་བརྒྱུད་ཡོངས་ཀྱི༴ ས་གཞི་ཡུལ་མཁར་ཁྱིམ་ལྷ༴ མཐོ་བ་གནམ་ལ་གནས་པ༴ དམའ་བ་ས་ལ་གནས་པ༴ བར་སྣང་ཁམས་ལ་གནས་པ༴ ཉིན་རི་དཀར་ལ་གནས་པ༴ སྲིབ་རི་ནགས་ལ་གནས་པ༴ སྲ་བ་བྲག་ལ་གནས་པ༴ བརྟན་པ་ས་ལ་གནས་པ༴ གཤེར་བ་ཆུ་ལ་གནས་པ༴ ཚ་བ་མེ་ལ་གནས་པ༴ གཡོ་བ་རླུང་ལ་གནས་པ༴ སྐྱེ་བ་ཤིང་ལ་གནས་པ༴ འགྲོ་བ་ལམ་ལ་གནས་པ༴ སྡོད་པ་གཞི་ལ་གནས་པ༴ སྟེང་གི་ལྷ་གཉན་ཐམས་ཅད༴ བར་གྱི་བཙན་

― KMC022_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

གཉན་ཐམས་ཅད༴ འོག་གི་ཀླུ་གཉན་ཐམས་ཅད༴ ཕོ་ལྷ་དགྲ་ལྷ་ཐམས་ཅད༴ མགོན་སྐྱབས་བྱེད་པའི་ལྷ་རྣམས༴ ནམ་ཟླ་དུས་བཞིའི་ལྷ་རྣམས༴ ལོ་ཟླ་ཞག་དུས་ས་བདག༴ སྤར་ཁ་སྨེ་བའི་ས་བདག༴ གཟའ་སྐར་དུས་སྦྱོར་ཐམས་ཅད༴ མདུན་ནས་བསུ་བའི་ལྷ་རྣམས༴ རྒྱབ་ནས་སྐྱེལ་བའི་ལྷ་རྣམས༴ རྒྱབ་བརྟེན་བྱེད་པའི་ལྷ་རྣམས༴ འཁོར་འདས་གཉིས་ལ་གཏོགས་པ་ཡི། །ས་འོག་ས་སྟེང་ས་བླ་ལ། །གནས་པའི་འབྱུང་ཚོགས་ཅི་མཆིས་པའི། །གཞི་བདག་སྲུང་མ་ཐམས་ཅད༴ ཞི་བ་བསངས་ཀྱི་མཆོད་པ་འདིས། །ནད་གདོན་བར་ཆད་ཞི་བར་མཛོད། །གྲིབ་དང་མི་གཙང་སངས་གྱུར་ཅིག །འདོད་པའི་དོན་ཀུན་འགྲུབ་པར་མཛོད། །དེ་ནས་ཚོགས་གཏོར་གསེར་སྐྱེམས་འབུལ་བ་ནི། ཀྱཻ། བླ་མ་ཡི་དམ་མཁའ་འགྲོ་དམ་ཅན་ཚོགས། །རྩ་གསུམ་རིག་འཛིན་བླ་མེད་སྤྲུལ་པའི་སྐུ། །མཉམ་མེད་ཐུགས་རྗེའི་སྤྱན་ལྡན་རིན་པོ་ཆེ། །མཆོད་འོས་རྒྱ་མཚོའི་ཚོགས་

― KMC022_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དགོངས་སུ་གསོལ། །ཕྱི་ནང་གསང་བའི་དམ་རྫས་རྨད་བྱུང་བ། །དངོས་འབྱོར་ཡིད་སྤྲུལ་ཚོགས་གཏོར་བདུད་རྩི་དང་། །རིན་ཆེན་འབྲུ་སྨན་གསེར་སྐྱེམས་རྒྱ་མཚོའི་ཚོགས། །བློ་ཡིས་ལེགས་པར་བླངས་ཏེ་འཕུལ་བར་བགྱི། །དམ་ཚིག་ཉམས་ཆག་སྡིག་སྒྲིབ་མ་ལུས་བཤགས། །བསངས་སོ་དག་གོ་ཚངས་པའི་དངོས་གྲུབ་སྩོལ། །མི་མཐུན་རྐྱེན་ཞི་བདེ་ལེགས་དཔལ་འབྱོར་རྒྱས། །ཕྲིན་ལས་རྣམ་བཞི་ལྷུན་གྲུབ་བཀྲ་ཤིས་སྩོལ། །ཞེས་དང་། གཞན་ཡང་བསངས་མཆོད་དམིགས་གསལ་གང་འོས་ཡོད་ཚེ་འདིར་སྦྱར་བར་བྱས་ལ། ཀྱཻ། གཞན་ཡང་བསངས་དང་མཆོད་འོས་པ། །སོ་སོའི་མཚན་ནས་མ་ཐོན་པའི། །བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཉན་རང་ཚོགས། །ཆོས་སྐྱོང་སྲུང་མ་དམ་ཚིག་ཅན། །ཡུལ་ལྷ་གཞི་བདག་གཉན་པོའི་ཚོགས། །ཆེ་དགུ་གཉན་དགུ་ཐམས་ཅད་དང་། །མཆོག་དམན་བར་མའི་མགྲོན་གྱི་ཚོགས། །ཡུལ་ལྷ་ནོར་ལྷ་རིགས་དྲུག་

― KMC022_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲོན། །ལན་ཆགས་གློ་བུར་ལྷགས་པའི་མགྲོན། །བསངས་དང་མཆོད་བརྔན་བྱེད་འོས་པའི། །བསངས་མགྲོན་ཚོགས་རྣམས་ཐམས་ཅད་བསངས། །དྲི་ཞིམ་སྤོས་ཀྱི་ངད་ལྡན་པའི། །བསངས་དུད་ལྷོ་སྤྲིན་ལྟ་བུ་དང་། །སྡོམ་པ་དམ་ཚིག་མ་རྨས་པ། །འཕོ་མེད་ཚུལ་ཁྲིམས་དྲི་བསུང་གིས། །སྣོད་ཀྱི་འཇིག་རྟེན་དྲི་མ་བསངས། །རྣམ་དག་བདེ་ཆེན་ཞིང་དུ་གྱུར། །བཅུད་ཀྱི་སེམས་ཅན་དྲི་མ་བསངས། །དྲི་མེད་སྐུ་གསུམ་མངོན་གྱུར་ཤོག །སྡིག་སྤྱོད་མི་དགེའི་དྲི་མ་བསངས། །དཀར་ཕྱོགས་ཡོན་ཏན་རྒྱས་གྱུར་ཅིག །འཆལ་བའི་དྲི་མ་ཐམས་ཅད་བསངས། །ཀུན་ཀྱང་ཚུལ་ཁྲིམས་དྲི་ལྡན་ཤོག །བསངས་དང་མཆོད་པ་འདི་ཕུལ་བས། །དཀོན་མཆོག་མཆོད་པས་མཉེས་གྱུར་ཅིག །དབང་དང་བྱིན་རླབས་དངོས་གྲུབ་སྩོལ། །སྨིན་ཅིང་གྲོལ་བར་མཛད་དུ་གསོལ། །ཡི་དམ་ལྷ་ཚོགས་དགྱེས་གྱུར་ཅིག །མཆོག་ཐུན་དངོས་གྲུབ་སྩལ་དུ་གསོལ། །ཆོས་སྐྱོང་

― KMC022_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་དམ་བསྐངས་གྱུར་ཅིག །ཕྲིན་ལས་རྣམ་བཞི་བསྒྲུབ་པར་མཛོད། །སྣང་སྲིད་གཞི་བདག་མགུ་གྱུར་ཅིག །རྣལ་འབྱོར་སྟོང་གྲོགས་མ་ལུས་མཛོད། །རིགས་དྲུག་འདོད་པ་ཚིམ་གྱུར་ཅིག །སྡུག་བསྔལ་ཀུན་ཞི་བདེ་ལྡན་ཤོག །དྲི་ཞིམ་ངད་བཟང་བདུག་པའི་ཚོགས། །ཆར་སྤྲིན་འཁྲིགས་པ་ལྟ་བུ་དང་། །བསྐལ་པའི་མེ་ཆེན་འབར་བ་ལྟར། །ནམ་མཁའ་ས་གཞི་ཀུན་ཁྱབ་པས། །ནད་གདོན་སྡིག་སྒྲིབ་འགལ་རྐྱེན་སྲེགས། །ཉམས་གྲིབ་བྱིང་རྨུག་ཐམས་ཅད་སོལ། །བསངས་ཀྱིས་མི་ཚངས་གང་ཡང་མེད། །མཆོག་ཏུ་དག་པ་ཉིད་གྱུར་ཅིག །འགལ་རྐྱེན་བར་ཆད་མ་ལུས་ཞི། །མཐུན་རྐྱེན་ཡིད་ལ་ཅི་མཆིས་པའི། །འདོད་པའི་དོན་ཀུན་འགྲུབ་པ་དང་། །བཀྲ་ཤིས་དཔལ་འབྱོར་ཆེར་རྒྱས་མཛོད། །ཅེས་བརྗོད་དོ། །དེ་ནས་མཆོད་ཅིང་བརྔན་བྱ་བ་ལ། ཕྱེ་མར་ལ་སོགས་བྲན་ཅིང་། ཧཱུྃ། དཀོན་མཆོག་རྩ་བ་གསུམ་གྱི་ལྷ་ཚོགས་དང་། །གཞི་བདག་ལ་སོགས་མགྲོན་རྣམས་ཐམས་ཅད་ལ། །ཅི་

― KMC022_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོལ་ཕྲིན་ལས་དཔག་མེད་བསྒྲུབ་པའི་ཕྱིར། །འདིར་གཤེགས་མཆོད་སྤྲིན་རྒྱ་མཚོ་དམ་པ་བཞེས། །དཔལ་ལྡན་རྩ་བརྒྱུད་བླ་མ་ཐམས་ཅད་ལ། །ཕྱག་འཚལ་སྣ་ཚོགས་མཆོད་སྤྲིན་རྒྱ་མཚོས་མཆོད། །བསླུ་མེད་དཀོན་མཆོག་རིན་ཆེན་རྣམ་གསུམ་ལ། །ཕྱག་འཚལ་སྣ་ཚོགས་མཆོད་སྤྲིན་རྒྱ་མཚོས་མཆོད། །ཡི་དམ་རྒྱུད་སྡེ་བཞི་ཡི་ལྷ་ཚོགས་ལ། །ཕྱག་འཚལ་སྣ་ཚོགས་མཆོད་སྤྲིན་རྒྱ་མཚོས་མཆོད། །དཔའ་བོ་དཔའ་མོ་མཁའ་འགྲོ་ཐམས་ཅད་ལ། །ཕྱག་འཚལ་སྣ་ཚོགས་མཆོད་སྤྲིན་རྒྱ་མཚོས་མཆོད། །ཤ་ཁྲག་དམར་གྱི་གཏོར་མ་ཆེན་པོ་དང་། །མྱུར་འགྲོ་གཡག་ལུག་རྟ་ཁྱི་བྱ་ནག་སོགས། །མཉེས་རྫས་མཆོད་སྤྲིན་དཔག་ཏུ་མེད་པ་ཡིས། །དཔལ་ལྡན་ཡེ་ཤེས་མགོན་པོ་ཐམས་ཅད་བརྔན། །བདུད་རྩི་གསེར་སྐྱེམས་མཁའ་ལྡིང་ལ་སོགས་པས། །དཔལ་ལྡན་ལྷ་མོ་ཡུམ་ཆེན་ཐམས་ཅད༴ འདོད་ཡོན་མེ་ཏོག་སྟག་གཟིག་གསེར་དངུལ་གྱིས། །ལྷ་དང་ལྷ་

― KMC022_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་ཚོགས་རྣམས་ཐམས་ཅད༴ རིན་ཆེན་གཏེར་བུམ་འབྲུ་སྨན་དཀར་གཏོར་གྱིས། །ས་བདག་ཀླུ་གཉན་མ་ལུས་ཐམས་ཅད༴ ཤ་ཆང་སྦ་སྨྱུག་ར་ཡི་རྣམ་ལྔ་སོགས། །ལྷ་སྲིན་སྡེ་བརྒྱད་ཚོགས་རྣམས་ཐམས་ཅད༴ མཐུན་རྫས་བཤོས་བུ་སྙིང་དང་གཏོར་མ་ཡིས། །བོད་སྐྱོང་བརྟན་མ་བཅུ་གཉིས་ཐམས་ཅད༴ དྲི་གསུར་ཆངས་བུ་བགེགས་གཏོར་ལ་སོགས་པས། །དྲི་ཟ་ལན་ཆགས་བགེགས་ཚོགས་ཐམས་ཅད༴ མདོར་ན་སོ་སོའི་ཡིད་དང་མཐུན་པ་ཡི། །མཁོ་དགུའི་ལོངས་སྤྱོད་མཐུན་རྫས་དཔག་མེད་ཀྱིས། །ས་ཕྱོགས་འདི་སོགས་ཀུན་ལ་གནས་པ་ཡི། །གཞི་བདག་མགྲོན་རྣམས་ཐམས་ཅད་བརྔན་པར་བགྱི། །དེ་ལྟར་མཆོད་བརྔན་རྒྱ་ཆེན་བགྱིས་པ་ཡིས། །མཆོད་སྦྱིན་ཡུལ་རྣམས་དགའ་ཞིང་མགུ་བ་དང་། །རྣལ་འབྱོར་བདག་ཅག་བར་ཆད་ཀུན་སེལ་ཞིང་། །ཕྲིན་ལས་རྒྱ་ཆེན་འགྲུབ་པའི་སྟོང་གྲོགས་མཛོད། །ཞེས་འབུལ། ༈ དེ་ནས་ལམ་ལྷ་གསོལ་བ་ནི། ཕྱེ་མར་གསེར་སྐྱེམས་

― KMC022_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཕུལ་ནས། ཀྱཻ། རྩ་བརྒྱུད་བླ་མ་ཡི་དམ་ལྷ། །དཔའ་བོ་མཁའ་འགྲོ་ཆོས་སྐྱོང་ཚོགས། །བསླུ་མེད་སྐྱབས་གནས་དཀོན་མཆོག་གསུམ། །ཡུལ་ལྷ་གཞི་བདག་ཚོགས་བཅས་ལ། །ཞི་བ་བསངས་ཀྱི་མཆོད་པ་འབུལ། །ཁྱེད་རྣམས་ཡེ་ཤེས་སྤྱན་དང་ལྡན། །བྱིན་རླབས་དངོས་གྲུབ་ཕྲིན་ལས་ཀུན། །བསླུ་མེད་སྩོལ་བའི་ལམ་ལྷ་ཡིན། །ལམ་ལྷ་མཛོད་ལ་འགལ་རྐྱེན་སོལ། །ཀུན་ཏུ་དགེ་བའི་སྟོང་གྲོགས་མཛོད། །ལམ་ལྷ་གཉན་པོ་ཁྱེད་རྣམས་ལ། །དྲི་ཞིམ་བསངས་མཆོད་བདུད་རྩི་འབུལ། །བདག་ཅག་འཁོར་བཅས་གར་འགྲོ་ཡང་། །ལ་ཆུ་འཕྲང་གསུམ་དག་ལས་སྒྲོལ། །འཇིགས་སར་དགྲ་ཇག་ཆོམ་རྐུན་སྐྱོབས། །མྱ་ངན་ལམ་གོལ་ལམ་ལོག་ཏུ། །སྐད་ཅིག་ཙམ་ཡང་མི་འཁྱམས་ཤིང་། །བདེ་ལྡན་བདེ་བའི་ལམ་བགྲོད་ནས། །ཉམ་ངའི་བར་ཆད་གཡུལ་ལས་རྒྱལ། །གནས་གྲོགས་ལོངས་སྤྱོད་ཕུན་ཚོགས་པའི། །མཐུན་རྐྱེན་བཀྲ་ཤིས་འདོད་དོན་ཀུན། །བདེ་

― KMC022_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

བླག་ཉིད་དུ་འགྲུབ་པར་མཛོད། །ཞེས་བརྗོད། དེ་ནས་སླར་ཡང་འདོད་དོན་གསོལ་བ་ནི། ཀྱཻ། གསོལ་ལོ་མཆོད་དོ་བསྟོད་དོ། །བསངས་སོ་བརྔན་ནོ། །བསྒྲུབ་བོ་བརྟེན་ནོ། །ཀྱཻ། བསླུ་བ་མེད་པའི་སྐྱབས་གནས་དཀོན་མཆོག་རིན་པོ་ཆེ་རྣམ་པ་གསུམ་དང་། རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། རྒྱུད་སྡེ་རབ་འབྱམས་དང་འབྲེལ་བའི་ཡི་དམ་ཞི་ཁྲོའི་ལྷ་ཚོགས་དང་། དཔའ་བོ་མཁའ་འགྲོ་དམ་ཅན་ཆོས་སྲུང་རྒྱ་མཚོའི་ཚོགས་དང་བཅས་པ་རྣམས་དང་། ལྷ་ཀླུ་འབྱུང་པོ་སྡེ་བརྒྱད་མཐུ་བོ་ཆེ་ཁྱེད་རྣམས་དགོངས་སུ་གསོལ། སྤྱིར་སངས་རྒྱས་ཀྱི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཀུན་ཏུ་དར་ཞིང་རྒྱས་པ་དང་། བསྟན་འཛིན་གྱི་སྐྱེས་བུ་ཀུན་དང་། ཁྱད་པར་དུ་རྒྱལ་དབང་དམ་པ་དཔལ་ལྡན་ཀརྨ་པ་ཡབ་སྲས་བརྒྱུད་པར་བཅས་པའི་ཐུགས་ཀྱི་བཞེད་པའི་དོན་ཀུན་བདེ་བླག་ཏུ་འགྲུབ་ཅིང་། ཞབས་པད་བརྟན་པ་དང་ཕྲིན་ལས་གཡེལ་

― KMC022_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

བ་མེད་པའི་སྡོང་གྲོགས་མཛད་དུ་གསོལ། །རྣལ་འབྱོར་པ་བདག་ཅག་རྣམས་ཀྱི་ནད་གདོན་བར་ཆད་ཀྱི་རྐྱེན་རྣམས་ཞི་ཞིང་། །ཚེ་བསོད་དཔལ་འབྱོར་སྙན་གྲགས་ཡོན་ཏན་ཐམས་ཅད་རྒྱས་པ་དང་། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་དབང་དུ་སྡུད་པ་དང་། གནོད་པར་བྱེད་པའི་དགྲ་བོ་ཅི་མཆིས་པ་ཚར་གཅོད་པའི་ཕྲིན་ལས་མཛད་དུ་གསོལ། དུས་ཀུན་ཏུ་ཡང་སྲུང་ཞིང་སྐྱོབ་པ་དང་། སྦེད་པ་དང་། གཞི་བྱེས་ལ་སོགས་པའི་བྱ་བ་གང་བརྩམས་པ་ཐམས་ཅད་ཀྱང་སྐད་ཅིག་གིས་འགྲུབ་ཅིང་། འཇིག་རྟེན་གྱི་ཁམས་རྣམས་སུ་ཡང་། ཉམ་ང་བའི་ནད་མཚོན་མུ་གེ་ལ་སོགས་པའི་རྐྱེན་དང་བྲལ་ནས་དུས་རྟག་ཏུ་རྫོགས་ལྡན་གྱི་དཔལ་ལ་སྤྱོད་པའི་བཀྲ་ཤིས་བདེ་ལེགས་ཀྱི་དཔལ་འབྱོར་ཆེན་པོས་ཁྱབ་པར་མཛད་དུ་གསོལ། ཞེས་བརྗོད། ༈ །དེ་ནས་གཡང་ལེན་ནི། ཕྱེ་མར་གྱི་ལྷག་མ་བསངས་ཁང་གི་སྟེང་དུ་བསྐོར་ཞིང་མདའ་དར་གཡབས་ནས་འདི་སྐད་དོ། །ཀྱཻ།

― KMC022_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

བསླུ་མེད་དཀོན་མཆོག་རིན་ཆེན་རྣམ་གསུམ་གྱི། །ཡོན་ཏན་སྨིན་གྲོལ་བྱིན་རླབས་མ་ལུས་པ། །ཁུ་ཡེ་དེ་རིང་ཕྱྭ་དཔལ་གཡང་དུ་ལེན། །སངས་རྒྱས་བསྟན་པ་དར་རྒྱས་དཔལ་འབར་ཤོག །རྩ་བརྒྱུད་དཔལ་ལྡན་བླ་མ་ཐམས་ཅད་ཀྱི། །རྡོ་རྗེ་བཞི་ཡི་བྱིན་རླབས་རྨད་བྱུང་བ། །ཁུ་ཡེ་དེ་རིང་ཕྱྭ་དཔལ་གཡང་དུ་ལེན། །ཉམས་དང་རྟོགས་པའི་མཛོད་སྒོ་དར་བར་ཤོག །ཡི་དམ་ཞི་ཁྲོའི་ལྷ་ཚོགས་ཐམས་ཅད་ཀྱི། །དངོས་གྲུབ་དཔལ་འབྱོར་རྟེན་འབྲེལ་དམ་པ་རྣམས། །ཁུ་ཡེ་དེ་རིང་ཕྱྭ་དཔལ་གཡང་དུ་ལེན། །མཆོག་ཐུན་དངོས་གྲུབ་མ་ལུས་ཐོབ་པར་ཤོག །བཀའ་སྲུང་ཆོས་སྐྱོང་དམ་ཅན་རྒྱ་མཚོ་ཡི། །ཕྲིན་ལས་ཐོགས་མེད་མཐུ་རྩལ་ནུས་པ་ཀུན། །ཁུ་ཡེ་དེ་རིང་ཕྱྭ་དཔལ་གཡང་དུ་ལེན། །ཕྲིན་ལས་རྣམ་བཞི་ལྷུན་གྱིས་གྲུབ་པར་ཤོག །གཏེར་བདག་ནོར་འཛིན་ལྷ་ཚོགས་ཐམས་ཅད་ཀྱི། །རིན་ཆེན་མི་ཟད་མཛོད་སྒོ་མ་ལུས་པ། །ཁུ་ཡེ་དེ་རིང་ཕྱྭ་དཔལ་གཡང་དུ་

― KMC022_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན། །ལོངས་སྤྱོད་མངའ་ཐང་དཔལ་འབྱོར་ཆེར་རྒྱས་ཤོག །མདོར་ན་སྲིད་ཞི་བརྟན་གཡོ་སྣོད་བཅུད་ཀྱི། །བཀྲ་ཤིས་དཔལ་འབྱོར་ཀུན་ཚོགས་རྒྱ་མཚོ་ཀུན། །ཁུ་ཡེ་དེ་རིང་ཕྱྭ་དཔལ་གཡང་དུ་ལེན། །བསམ་དོན་ཀུན་འགྲུབ་བཀྲ་ཤིས་དཔལ་འབར་ཤོག །དེ་ནས་ཕྱེ་མར་དྲངས་ལ། རྗེས་ཀྱི་ཆོ་ག་ནི། ཨོཾ་སརྦ་ཏ་ཐ་ག་ཏ་ཨརྒྷཾ་སོགས་ཀྱིས་མཆོད་ཅིང་། བསྟོད་པར་འོས་པ་ཐམས་ཅད་ལ། །སོགས་ཀྱིས་བསྟོད། བདག་ཅག་མ་རིག་དབང་གྱུར་པས། །ཆོ་ག་ཏིང་འཛིན་འཆོལ་བ་དང་། །མཆོད་གཏོར་གཡེལ་སོགས་མ་དག་པའི། །ཚོགས་རྣམས་མགོན་པོས་བཟོད་པར་གསོལ། །ཡིག་བརྒྱ་བརྗོད་དེ་བཟོད་པར་གསོལ། ཡེ་ཤེས་འཇིག་རྟེན་ལྷ་ཚོགས་ཀུན། །རང་རང་གནས་སུ་གཤེགས་ནས་ཀྱང་། །བདག་སོགས་སེམས་ཅན་དོན་སླད་དུ། །སླར་ཡང་འབྱོན་པར་མཛད་དུ་གསོལ། །བཛྲ་མུཿ སརྦ་བྷཱུ་ཏ་གཙྪཿ ཞེས་གཤེགས་སུ་གསོལ། ཆོས་དབྱིངས་མཆོག་གི་དཀྱིལ་འཁོར་དུ། །མཆོད་སྤྲིན་རྒྱ་

― KMC022_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་འདི་ཕུལ་དགེས། །བདག་དང་མཁའ་ཉམས་སེམས་ཅན་ཀུན། །སྲིད་ཞི་ཀུན་གྲོལ་བྱང་ཆུབ་ཤོག །བཀྲ་ཤིས་རབ་རྒྱས་རྩ་གསུམ་ལྷ་ཚོགས་ཀྱི། །བཀྲ་ཤིས་དཔལ་འབར་མི་མཐུན་གཡུལ་ལས་རྒྱལ། །བཀྲ་ཤིས་ཡིད་བཞིན་དགོས་འདོད་ཀུན་སྩོལ་བའི། །བཀྲ་ཤིས་མཆོག་གིས་ཀུན་ཁྱབ་བཀྲ་ཤིས་ཤོག །ཞེས་སོགས་བསྔོ་སྨོན་བཀྲ་ཤིས་རྒྱས་པར་བྱའོ། །ཞེས་བསངས་མཆོད་བཀྲ་ཤིས་བདུད་རྩི་ཆར་འབེབས་འདི་ཡང་དྷཱི་ཚ་དབོན་པོའི་སྤྲུལ་སྐུ་རྗེ་བཙུན་བླ་མ་ཀརྨ་བསྟན་འཛིན་གྱི་དགོངས་དོན་ལྟར། གར་དབང་བྱང་ཆུབ་སྐུ་བཞིའི་དབང་ཕྱུག་གིས་རང་གཞན་ཀུན་ལ་ཕན་པའི་བློས་འོག་མིན་དཔལ་གྱི་མཚུར་ཕུར། རྒྱལ་བ་ཞེས་པ་ཤིང་ཕོ་རྟ་ལོའི་རང་ཞལ་ཐོག་མར་ཚེས་པའི་དུས་དག་པར་བྲིས་པ་བཀྲ་ཤིས་དཔལ་འབར་མི་མཐུན་གཡུལ་ལས་རྒྱལ་བའི་ཕུན་ཚོགས་མཆོག་གིས་ཁྱབ་པར་གྱུར་ཅིག ༈ །གསུར་བསྔོ་ཤིན་ཏུ་བསྡུས་པ་བཞུགས། ༈ །སྐྱབས་སེམས་བསངས་སྦྱངས་སྔོན་སོང་ནས། སྟོང་པར་གྱུར་པ་དེ་ཡི་ངང་། །བྷཱུཾ་ལས་གསུར་སྣོད་རྒྱ་ཆེའི་ནང་། །འདོད་ཡོན་ལྔ་ལྡན་རང་བཞིན་གྱུར། །ཨོཾ་ཨཱཿཧཱུྃ། ལན་གསུམ་དང་། ཨོཾ་ཨ་པྲ་ཏི་

― KMC022_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་རུ་ཕུ་པ་ཡེ་སྭཱ་ཧཱ། ལན་བདུན་བརྗོད། འདོད་ཡོན་ལྔ་ལྡན་གསུར་མཆོད་འདི། །དྲི་ཟའི་རྒྱལ་པོ་རབ་ཏུ་དགའ། །མིའམ་ཅི་ཡི་རྒྱལ་པོ་དང་། །ཟུར་ཕུད་ལྔ་སོགས་དྲི་ཟ་ཀུན། །ཁྱད་པར་སྐྱེ་འགྲོ་ཇི་སྙེད་པ། །སྔ་ལུས་བོར་ཞིང་ཕྱི་མའི་ལུས། །མ་ཐོབ་སྲིད་པ་བར་མ་དོར། །གནས་པའི་ཉམ་ཐག་ཚོགས་རྣམས་ལ། །འདོད་ཡོན་ཕུན་ཚོགས་ཐོབ་གྱུར་ཅིག །བར་དོ་ཡིན་པར་ངོ་ཤེས་ནས། །འཇིགས་སྐྲག་སྡུག་བསྔལ་ལས་གྲོལ་ཏེ། །རྒྱལ་བ་ལོངས་སྤྱོད་རྫོགས་པའི་སྐུར། །མངོན་པར་མྱུར་དུ་འཚང་རྒྱ་ཤོག །དེ་མ་ནུས་ཀྱང་མི་ཁོམ་གནས། །སྤངས་ཏེ་མཐོ་རིས་ལུས་ལེན་ཏེ། །དམ་པའི་ཆོས་ལ་སྤྱོད་པར་ཤོག །ཅེས་པ་འདི་རྗེ་བཙུན་བདུད་འདུལ་རྡོ་རྗེས་གྲུབ་ཆེན་རང་རིག་ཡེ་ཤེས་ཀྱི་ངོར་བྲིས་པ་དགེ། །།ལྷག་བསམ་གཏོང་བ་བདུད་རྩིའི་སྤྲིན་ཕུང་ལས། །བཀྲ་ཤིས་འདོད་དགུའི་ཆར་འབེབས་པར་གྱི་འཕྲུལ། །མཚུར་ཕུ་བླ་བྲང་གོང་དུ་བསྒྲུབས་པའི་དགེས། །བསྟན་འགྲོར་བདེ་ལེགས་དཔྱིད་ཀྱི་དཔལ་རྒྱས་ཤོག། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །

― KMC022_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

རྒྱུན་གྱི་བསངས་མཆོད་དགེ་ལེགས་སྤྲིན་ཕུང་།

― KMC022_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་གྱི་བསངས་མཆོད་དགེ་ལེགས་སྤྲིན་ཕུང་ཞེས་བྱ་བ་བཞུགས་སོ། །

― KMC022_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། །བདེ་ཆེན་དགྱེས་པའི་གར་གྱིས་ནི། །ས་གསུམ་འགྲོ་ལ་ཀུན་དགའ་སྟེར། །སངས་རྒྱས་ཀུན་དངོས་ཐོད་ཕྲེང་རྩལ། །དབྱེར་མེད་བླ་མ་ལ་བཏུད་ནས། །རྩ་གསུམ་དགྱེས་ཤིང་མགྲོན་རིགས་སྐོང་། །མི་མཐུན་གདུག་རྩུབ་ཞི་བ་དང་། །སྣང་སྲིད་ཞི་བདེ་སྒྲུབ་པའི་མཆོག །རྒྱུན་གྱི་བསངས་མཆོད་ཁྱེར་བདེ་སྤེལ། །ལེགས་པའི་དོན་མྱུར་དུ་བསྒྲུབ་པར་འདོད་པ་དག་གིས་རྒྱུན་གྱི་བསངས་མཆོད་བགྱིད་པ་ན། དུས་ཀྱི་དང་པོ་ནམ་ལངས་སམ་སྔ་དྲོའི་ཆར་གཙང་སྦྲ་དང་ལྡན་པས་མཁན་ཤུག་བལ་བུ་སོགས་དྲི་བཟང་པོ་ཅན་གྱི་ཤིང་དང་། བཙོག་ནལ་དམར་གྱིས་མ་སྦགས་པའི་བཟའ་བཏུང་གི་བྱེ་བྲག་སྣ་ཚོགས་བསྲེགས་ཤིང་གཙང་མའི་ཆབ་ཀྱིས་བྲན། དཀར་མཆོད་སྐྱེམས་ཕུད་

― KMC022_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་པོ་ཆེ་དང་འབྲུའི་རྔོན་ཆ་ལྡན་པ་བཤམས་ལ། སྐྱབས་སུ་འགྲོ་ཞིང་སེམས་བསྐྱེད་པ་ནི། བླ་མ་དཀོན་མཆོག་ཡི་དམ་མཁའ་འགྲོ་དང་། །ཆོས་སྐྱོང་དམ་ཅན་རྒྱ་མཚོར་སྐྱབས་སུ་མཆི། །མཁའ་མཉམ་འགྲོ་ཀུན་བྱང་ཆུབ་འཐོབ་བྱའི་ཕྱིར། །བདག་གིས་སྒོ་གསུམ་དགེ་ལ་བཀོལ་བར་བྱ། །སེམས་ཅན་ཐམས་ཅད་བདེ་ལྡན་སྡུག་བསྔལ་བྲལ། །བདེ་ལས་མི་ཉམས་བཏང་སྙོམས་ངང་གནས་ཤོག །བདག་བྱིན་གྱིས་བརླབས་པ་ནི། ཧྲཱིཿཆོས་དབྱིངས་ངང་ལས་སྙིང་རྗེ་སྒྱུ་མའི་རྩལ། །རང་སེམས་ཧྲཱིཿཡིག་

― KMC022_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་གྱུར་སྐད་ཅིག་གིས། །རང་སྣང་རྣམ་དག་པདྨ་བཀོད་པའི་ཞིང་། །འཇའ་ཟེར་ཐིག་ལེའི་དྲྭ་བ་འཁྲུགས་པའི་ཀློང་། །བདག་ཉིད་རྒྱལ་ཀུན་སྤྱི་གཟུགས་ཐོད་ཕྲེང་རྩལ། །དཀར་དམར་མདངས་ལྡན་ཁྲོ་འཛུམ་བརྗིད་པའི་ཉམས། །པད་ཞུ་བེར་ཕོད་ཆོས་གོས་རིན་ཆེན་བརྒྱན། །གྲུ་མོར་ཁ་ཊྭཱཾ་གས་མཚན་གཡས་གཡོན་ཕྱག །རྡོ་རྗེ་བནྡྷ་ཚེ་བུམ་བདུད་རྩིས་བཀང་། །པད་དཀར་ཟླ་བ་རྒྱས་པའི་གདན་སྟེང་དུ། །སྣང་སྲིད་ཟིལ་གྱིས་གནོན་པའི་སྐུ་རུ་གསལ། །གདོད་ནས་དམ་ཡེ་དབྱེར་མེད་ལྷུན་གྱིས་རྫོགས། །ཐུགས་དཀར་ཟླ་སྟེང་ཧྲཱིཿམཐར་སྔགས་ཕྲེང་ལས། །འོད་འཕྲོས་སངས་རྒྱས་མཛད་པ་ལྷུན་གྲུབ་གྱུར། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཞེས་བཟླ། དེ་ནས་བསང་རྫས་བྱིན་གྱིས་བརླབས་པ་ནི། རཾ་ཡཾ་ཁཾ་གིས་མི་གཙང་འབགས་བཙོགས་སྦྱངས། །སྟོང་པའི་ངང་ལས་དྷཾ་ཡིག་ལས་སྐྱེས་པའི། །བདུག་སྤོས་ལྷ་མོ་སྔོན་མོ་ཤིན་ཏུ་མཛེས། །སངས་རྒྱས་ཞིང་ཀུན་ཁྱབ་པའི་

― KMC022_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་སྤྲིན་དང་། །སྣང་སྲིད་ཚིམས་བྱེད་བརྔན་ཡོན་ཟད་མེད་སྤྲོ། །ཟེགས་མའི་ཁྲུས་ཀྱིས་ཉམས་གྲིབ་མི་གཙང་འཁྲུད། །དངོས་བཤམས་མཆོད་རྫས་རྒྱ་ཆེན་ཟད་མེད་འཕེལ། །ཡིད་སྤྲུལ་ནམ་མཁའ་མཛོད་ཀྱི་ཆར་འབེབས་གྱུར། ཨོཾ་བཛྲ་སྥ་ར་ཎ་ཁཾ། མཆོད་མགྲོན་སྤྱན་དྲངས་ཤིང་བསངས་བརྔན་འབུལ་བ་ནི། ཀྱེ། །ཀ་དག་སྤྲོས་བྲལ་དབྱིངས་ཀྱི་ངང་། །ལྷུན་གྲུབ་རིག་རྩལ་འགག་མེད་ཤར། །འཁོར་འདས་བཀོད་པ་ཅི་ཡང་སྣང་། །དབྱིངས་ལ་བཟང་ངན་དབྱེར་མེད་ཀྱང་། །རིག་དང་མ་རིག་ལས་བྱུང་བ། །དཀོན་མཆོག་སྲི་ཞུའི་མགྲོན་རྣམས་དང་། །མགོན་པོ་ཡོན་ཏན་ལན་ཆགས་མགྲོན། །རིགས་དྲུག་སྙིང་རྗེའི་མགྲོན་གྱི་ཚོགས། །སྟོང་གསུམ་ཛམ་གླིང་བོད་ཀྱི་ཡུལ། །ཁྱད་པར་ཡུལ་རིས་གཞི་གནས་བདག །འཁོར་བཅས་གནས་འདིར་གཤེགས་སུ་གསོལ། །མཆོད་པའི་རྫས་ལ་སྤྱན་གྱིས་གཟིགས། །གདུང་བའི་དབྱངས་ལ་སྙན་གྱིས་གསན། །རང་

― KMC022_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་དགྱེས་པའི་གདན་ལ་བཞུགས། །བསངས་དང་ཞི་བའི་མཆོད་པ་བཞེས། །བྱམས་པའི་ཐུགས་ཀྱིས་རྗེས་སུ་དགོངས། །འདོད་པའི་དོན་ཀུན་འགྲུབ་པར་མཛོད། ཀྱེ། འཛམ་གླིང་བྱང་ཕྱོགས་ཁ་བ་ཅན། །རི་མཐོ་ས་གཙང་ཉམས་དགའི་ཡུལ། །སྔོན་བྱོན་རྩ་བརྒྱུད་བླ་མ་ཡིས། །དོན་གཉིས་བསྒྲུབ་ཕྱིར་མགྲོན་རིགས་བཞི། །ཇི་ལྟར་བསངས་ཤིང་བརྔན་པ་ལྟར། །དེ་རིང་རྣལ་འབྱོར་བདག་ཅག་གིས། །གཙང་ཞིང་དག་པར་སྦྱར་བ་ཡི། །བཟང་ཤིང་བདུད་རྩི་ཅན་གྱི་ཚོགས། །གཙང་བྱེད་འབར་བའི་མེ་ལ་བསྲེགས། །དྲི་ཞིམ་དུད་པས་བར་སྣང་ཁེངས། །ཉེར་སྤྱོད་འདོད་ཡོན་ཆར་དུ་འབེབས། །བཀྲ་ཤིས་རྫས་རྟགས་རྒྱལ་སྲིད་བདུན། །ཀུན་བཟང་མཆོད་སྤྲིན་ནམ་མཁའ་གང་། །གོས་རྒྱན་ནོར་དབྱིག་བཟའ་བཏུང་དང་། །འབྲུ་སྨན་དཀོར་ནོར་ས་གཞི་ཁྱབ། །མདོར་ན་དངོས་འབྱོར་ཡིད་སྤྲུལ་གྱི། །བསངས་མཆོད་བརྔན་ཡོན་རྒྱ་ཆེན་འདིས། །

― KMC022_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲོན་བཞི་བསང་ཞིང་བརྔན་བགྱིད་ན། །དཀོན་མཆོག་རྩ་གསུམ་བདེན་པ་དང་། །སྔགས་རྒྱ་ཏིང་འཛིན་ལྷག་བསམ་མཐུས། །དགྱེས་རྒུ་ཟད་མི་ཤེས་པའི་སྤྲིན། །ཐུགས་ལ་གང་བཞེད་འཆར་གྱུར་ཅིག །ཀྱེ། །ཀུན་བཟང་རྡོ་རྗེ་འཆང་ཆེན་ནས། །དྲིན་ཅན་རྩ་བའི་བླ་མའི་བར། །དགོངས་བརྡ་སྙན་ནས་བརྒྱུད་པ་ཡི། །རྩ་བརྒྱུད་བླ་མ་རིག་འཛིན་བསངས། །ཕྱོགས་བཅུ་དུས་གསུམ་སངས་རྒྱས་དང་། །ལུང་རྟོགས་གཉིས་བསྡུས་དམ་པའི་ཆོས། །བྱང་སེམས་ཉན་ཐོས་འཕགས་པའི་ཚོགས། །སྐྱབས་གནས་དཀོན་མཆོག་གསུམ་པོ་བསངས། །སྐུ་གསུམ་སྐུ་ལྔ་མཚན་མཆོག་བརྒྱད། །འཕྲུལ་མཚན་བཞི་བཅུ་མདོ་སྔགས་ཀྱི། །སྟོན་པ་རིགས་བརྒྱ་ལ་སོགས་པ། །བླ་མ་དགོངས་འདུས་ལྷ་ཚོགས་བསངས། །རྒྱན་དྲུག་གྲུབ་ཆེན་བརྒྱད་ཅུ་བཞི། །མར་མི་དྭགས་པོ་དུས་མཁྱེན་སོགས། །བཤད་བརྒྱུད་སྒྲུབ་བརྒྱུད་འཛིན་པ་ཡི། །འཕགས་བོད་

― KMC022_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

པཎ་གྲུབ་ལོ་ཙཱ་བསངས། །འདུས་པ་མདོ་དང་སྒྱུ་འཕྲུལ་རྒྱན། །སྒྲུབ་སྡེ་ཆེན་པོ་བརྒྱད་ལ་སོགས། །གསང་སྔགས་རྒྱུད་ལུང་མན་ངག་གི །ཡི་དམ་དགོངས་འདུས་ལྷ་ཚོགས་བསངས། །དུས་འཁོར་བདེ་དགྱེས་སྒྱུ་ཐོད་གདན། །གསང་འདུས་དགྲ་གདོང་འཇིགས་བྱེད་སོགས། །རིགས་དྲུག་རིགས་གསུམ་རིགས་བརྒྱ་ཡི། །ཕ་མ་གཉིས་མེད་ལྷ་ཚོགས་བསངས། །དཔལ་རྩེ་རིགས་བསྡུས་རྡོ་རྗེ་དབྱིངས། །རྣམ་སྣང་མངོན་བྱང་ཚེ་དཔག་མེད། །འདས་དང་མ་འདས་རིགས་དྲུག་སོགས། །བྱ་སྤྱོད་རྣལ་འབྱོར་ལྷ་ཚོགས་བསངས། །དབྱིངས་ཕྱུག་ཕག་མོ་ཁྲོས་མ་ནག །གསང་ཡེ་སྒྲོལ་མ་རིག་བྱེད་མ། །འབུམ་ཕྲག་ཡངས་པའི་མ་མོ་སོགས། །མཁའ་འགྲོ་དགོངས་འདུས་ལྷ་ཚོགས་བསངས། །ལེགས་ལྡན་ཚོགས་བདག་མ་ནིང་ནག །ཕྱག་བཞི་ཕྱག་དྲུག་གུར་གྱི་མགོན། །རྡོ་རྗེ་བེར་ཅན་ཞལ་བཞི་པ། །མགོན་པོ་ཕོ་རྒྱུད་ལྷ་ཚོགས་བསངས། །སྨུག་ནག་རལ་གཅིག་

― KMC022_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

དུད་སོལ་མ། །རང་བྱུང་སྲིད་རྒྱལ་དཔལ་ལྷ་མོ། །རེ་ཏི་དུས་བཞིའི་སྐྱོང་མ་སོགས། །མོ་རྒྱུད་མ་མོའི་ལྷ་ཚོགས་བསངས། །སྐུ་གསུང་ཐུགས་ཡོན་ཕྲིན་ལས་མགོན། །དུར་ཁྲོད་བདག་པོ་ཡབ་དང་ཡུམ། །ཞང་བློན་ཁྱབ་འཇུག་ཞིང་སྐྱོང་སོགས། །ཆོས་སྐྱོང་དགོངས་འདུས་འཁོར་བཅས་བསངས། །དམ་ཅན་སྐྱེས་བུ་རྡོ་རྗེ་ལེགས། །མཆེད་འཁོར་སུམ་བརྒྱ་དྲུག་ཅུ་དང་། །ལྷ་སྨན་བཀྲ་ཤིས་ཚེ་རིང་མ། །མཆེད་ལྔ་སྤྲུལ་འཁོར་བཅས་པ་བསངས། །སྨན་གྱི་དྲང་སྲོང་ལྷ་མོའི་ཚོགས། །སྡེ་དཔོན་སུམ་ཅུ་སྤུ་གྲི་མཆེད། །སྔགས་བདག་དྲེགས་པ་བཅོ་བརྒྱད་སོགས། །བཀའ་བརྒྱད་བཀའ་གཏེར་སྲུང་མ་བསངས། །ཚངས་པ་དབང་ཕྱུག་འབྱུང་བའི་ལྷ། །ཕྱོགས་སྐྱོང་བཅུ་དང་རྒྱལ་ཆེན་བཞི། །ལྷ་ཀླུ་ས་བདག་གཟའ་རྒྱུ་སྐར། །དཔལ་མགོན་བདུན་ཅུ་རྩ་ལྔ་བསངས། །རྣམ་མང་ཐོས་སྲས་རྟ་བདག་བརྒྱད། །དཔལ་ཆེན་མ་སོགས་ལྷ་མོ་དགུ། །ཛམ་ལ་

― KMC022_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྔ་ཀུན་འཁྱིལ་མཆེད། །གནོད་སྦྱིན་ནོར་ལྷའི་ཚོགས་རྣམས་བསངས། །ལོ་ཟླ་ཞག་དུས་ས་ཡི་བདག །སྤར་སྨེ་ཚེས་དང་དབྱུ་གུའི་ལྷ། །སྤྱན་རྣོ་དྲང་མཁན་རྫིའུ་སོགས། །མོ་བོན་རྩིས་ཀྱི་ལྷ་རྣམས་བསངས། །ཕྱི་ནང་གསང་གསུམ་གབ་ཅིང་སྦས། །བསྟན་སྐྱོང་བཏགས་ཆགས་ལས་མྱུར་བའི། །ཕན་གནོད་མཐུ་ལྡན་ལྷ་མ་སྲིན། །སྡེ་བརྒྱད་མཐུ་བོ་ཆེ་རྣམས་བསངས། །སྟོང་གསུམ་འཇིག་རྟེན་འཛམ་བུའི་གླིང་། །རྒྱ་དཀར་རྒྱ་ནག་སྟག་གཟིག་ཕྲོམ། །ཨོ་རྒྱན་མོན་བལ་ལི་ཧོར་གྱི། །ཆེ་གཉན་གཞི་བདག་ཐམས་ཅད་བསངས། །ཏི་སེའི་ལྷ་བཙན་ཐང་ལྷ་གཉན། །རྨ་རྒྱལ་སྤོམ་ར་མཆེད་འཁོར་སོགས། །མངའ་རིས་དབུས་གཙང་མདོ་ཁམས་ཀྱི། །གཞི་གནས་ཡུལ་བདག་ཐམས་ཅད་བསངས། །བརྟན་སྐྱོང་ཡ་མ་བཅུ་གཉིས་དང་། །མགུལ་ལྷ་བཅུ་གསུམ་སྲིད་ལྷ་དགུ། །དགེ་བསྙེན་ཉི་ཤུ་རྩ་གཅིག་དང་། །གཉན་ཆེན་སྡེ་བཞི་ལ་སོགས་བསངས། །

― KMC022_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

རྟགས་གཉིས་བར་འདི་ཀར་ལུགས་པ་མ་གཏོགས་གཞན་ནས་བསྐྱུར་ཆོག །ཀྱེ་མཁའ་སྤྱོད་ཐུགས་ཀྱི་འཁོར་ལོ་ཆེ། །འོག་མིན་མཚུར་ཕུའི་གནས་མཆོག་ན། །བཞུགས་པའི་རྩ་གསུམ་ཆོས་སྐྱོང་དང་། །གཞི་གནས་ཡུལ་གྱི་བདག་པོ་བསངས། །མ་ཧཱ་ཀཱ་ལ་རྣམ་ཐོས་སྲས། །རྒྱ་ལྷ་གངས་བཟང་བྱང་ལྷ་བཙན། །ཕྱ་རྒྱལ་མེ་ཏྲི་ལ་སོགས་པ། །འགོ་ཞིང་གྲོགས་མཛད་ལྷ་རྣམས་བསངས། ཀྱེ་ས་སྤྱོད་གསུང་གི་འཁོར་ལོ་ཆེ། །འོག་མིན་ཀརྨའི་གནས་མཆོག་ན། །བཞུགས་པའི་རྩ་གསུམ་ཆོས་སྐྱོང་དང་། །གཞི་གནས་ཡུལ་གྱི་བདག་པོ་བསངས། །དཔལ་ལྡན་ཤེས་རབ་བློན་འཁོར་བཅས། །དམགས་དཔོན་དབྱི་རྒྱལ་སྤྲག་གི་བཙན། །རྡོ་རྗེ་སྨན་དཔལ་ནག་ཕྱི་སོགས། །རྒྱུད་སྲུང་མགོན་བྱེད་ལྷ་རྣམས་བསངས། ཀྱེ། རྡོ་རྗེ་དེ་བཱི་ཀོ་ཊི་ཞེས། །ཡོན་ཏན་ཐུགས་ཀྱི་གནས་མཆོག་ན། །བཞུགས་པའི་རྩ་གསུམ་ཆོས་སྐྱོང་དང་། །གཞི་གནས་ཡུལ་གྱི་བདག་པོ་བསངས། །ཐུགས་

― KMC022_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཆེན་པོ་ཞི་ཁྲོ་སོགས། །དབུས་ཕྱོགས་གནས་ལ་བཞུགས་པ་བསངས། །བཛྲ་ཧེ་རུ་ཀ་ལ་སོགས། །ཤར་ཕྱོགས་གནས་ལ་བཞུགས་པ་བསངས། །ཆོས་འཁོར་རྟེན་བཅས་སྐྱོང་ལ་སོགས། །ལྷོ་ཕྱོགས་གནས་ལ་བཞུགས་པ་བསངས། །ཚེ་དཔག་མེད་མགོན་སྒྲོལ་མ་སོགས། །ནུབ་ཕྱོགས་གནས་ལ་བཞུགས་པ་བསངས། །རྣམ་སྲས་རྟ་བདག་བརྒྱད་ལ་སོགས། །བྱང་ཕྱོགས་གནས་ལ་བཞུགས་པ་བསངས། །བདུད་མགོན་ག་ཡ་དྷ་ར་སོགས། །མཚམས་ཀྱི་གནས་ལ་བཞུགས་པ་བསངས། །རྡོ་རྗེ་འོད་ལྡན་ཡབ་དང་ཡུམ། །ལྷན་ཅིག་སྐྱེས་མ་མཁའ་འགྲོའི་ཚོགས། །མགར་བ་དམར་ནག་ཕྱོགས་བཞི་ཡི། །སྲུང་མ་བཀའ་འཁོར་བཅས་པ་བསངས། །མྱུར་མཛད་མགོན་པོ་སྔགས་སྲུང་མ། །ཕྱག་བཞི་པ་དང་བྱ་རོག་གདོང་། །དགེ་བསྙེན་རྡོ་རྗེ་དཔལ་འབར་སོགས། །གནས་སྲུང་གཏེར་བདག་འཁོར་བཅས་བསངས། །ཁྱད་པར་ཡུལ་ཕྱོགས་འདིར་གནས་པའི། །

― KMC022_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཀླུ་ས་བདག་བཙན་དང་བདུད། །དམུ་སྨན་གཏོད་ལ་སོགས་པ་ཡི། །འབྱུང་པོ་ཡིད་ཀྱི་གཟུགས་ཅན་བསངས། །ཀྱེ། འོད་གསལ་ལྷ་ཡི་ཕོ་བྲང་ནས། །སྲིད་པ་རྒྱུད་ལས་གྲོལ་བའི་ལྷ། །ལེགས་ལྡན་མགོན་པོའི་དམག་ཚོགས་བསངས། །ཕྲག་ལྷ་མ་ལྷ་ཁྱིམ་གྱི་ལྷ། །ཐབ་ལྷ་ཟས་ལྷ་ཛམྦྷ་ལ། །རྣམ་སྲས་ཚོང་ལྷ་མགྲོན་གྱི་ལྷ། །དགྲ་ལྷ་ཇག་ལྷ་ལམ་གྱི་ལྷ། །སྲོག་ལྷ་རང་འཁོར་འབུམ་བཅས་བསངས། །ཆེ་བ་དཔལ་བརྟན་ཟློག་མེད་དང་། །འབྲིང་བ་དོམ་མགོ་གླང་གི་སྙིང་། །ཆུང་བ་རྣོ་གཅོད་སྙིང་འབྱིན་དང་། །སྲིང་མོ་ན་ཆུང་གཟི་བྱིན་ཏེ། །མཐུ་ཆེན་དགྲ་ལྷ་ལྕམ་དྲལ་བསངས། །འགོ་བའི་ལྷ་ལྔ་སྐྱོབ་བྱེད་དགུ། །ཕ་དང་མེས་པོ་ཡང་མེས་མཚུན། །རང་ཕྱོགས་སྲུང་ཞིང་རྒྱལ་བྱེད་པའི། །དགྲ་ལྷ་གཉན་པོ་ཐམས་ཅད་བསངས། །ཀྱེ། འཛམ་བུའི་གླིང་གི་སྐྱེས་གཅིག་པུ། །རྒྱ་བོད་གཉིས་ཀྱི་དགྲ་ལྷ་ཆེ། །སེང་ཆེན་ནོར་བུ་དགྲ་འདུལ་ནི། །མགྲོན་

― KMC022_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

ཡག་དར་མ་བཅུ་གསུམ་དང་། །དགྲ་ལྷ་ཝེར་མའི་ཚོགས་བཅས་བསངས། །དཔའ་བརྟུལ་ཕུ་ནུ་སུམ་ཅུ་སོགས། །རུས་ཆེན་སྡེ་ལྔའི་མི་མཆོག་དང་། །འཛང་མ་མོ་སྨན་རྐང་མགྱོགས་སོགས། །གླིང་རྗེའི་གྲོགས་དང་འཁོར་གྱུར་བ། །མཆོད་འོས་དགྲ་ལྷ་ཐམས་ཅད་བསངས། ཀྱེ། བསང་ངོ་ལམ་ལྷ་གཉན་པོ་བསངས། །མཆོད་དོ་ལམ་ལྷའི་རྒྱལ་པོ་མཆོད། །ཕྱོགས་བཅུའི་མུན་པ་སེལ་མཛད་པའི། །ཕྱོགས་བཅུའི་སངས་རྒྱས་ཐམས་ཅད་ལ། །ཕྱག་འཚལ་བསངས་དང་མཆོད་པ་འབུལ། །ཐུགས་རྗེའི་སྟོབས་ཀྱིས་བསྐྱབ་ཏུ་གསོལ། །བདེ་གཤེགས་རིགས་ལྔ་ཡབ་ཡུམ་དང་། །པད་འབྱུང་རིགས་ལྔའི་དྷཱ་ཀི་མ། །དབང་བྱེད་ཀུ་རུ་ཀུ་ལླེ་བསངས། །མཐུན་རྐྱེན་སྒྲུབ་པའི་ལམ་ལྷ་མཛོད། །སྤྱན་རས་གཟིགས་དབང་སྒྲོལ་མ་ཡུམ། །སྣ་ཚོགས་ཡུམ་དང་འོད་ཟེར་ཅན། །དུར་ཁྲོད་བདག་པོ་ཡབ་ཡུམ་བསངས། །འཇིགས་པ་སྐྱོབ་པའི་ལམ་ལྷ་མཛོད། །ལམ་ལྷའི་

― KMC022_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་བདེ་མཛད་པ། །དཔལ་ལྡན་ཨཱརྱ་རེ་མནྟ། །འཁོར་ཚོགས་ལྔ་བརྒྱ་བཅས་པ་བསངས། །རྔོག་ཆགས་སྲུང་པའི་ལམ་ལྷ་མཛོད། །མགར་བ་དམར་ནག་མཆེད་འཁོར་བཅས། །སྲིང་ལྕམ་བརྟན་མ་བཅུ་གཉིས་དང་། །སྐུ་རྗེ་གེ་སར་དགྲ་བླའི་དམག །འཁོར་དང་བཅས་ལ་བསངས་མཆོད་འབུལ། །ལམ་ལྷ་མཛོད་ལ་སྒྲོན་མེ་ཁྱོགས། །སྟེང་གི་ལྷ་དང་འོག་གི་ཀླུ། །བར་གྱི་གཉན་དང་བོད་ཡུལ་གྱི། །སྟོད་སྨད་བར་གྱི་གཞི་བདག་ཚོགས། །འཁོར་དང་བཅས་ལ་བསངས་མཆོད་འབུལ། །ལམ་ལྷ་མཛོད་ལ་སྒྲོན་མེད་ཁྱོགས། །བདག་ཅག་དཔོན་སློབ་འཁོར་གཡོག་བཅས། །ཕྱོགས་བཞི་མཚམས་བརྒྱད་རང་གནས་སུ། །འདུག་པའི་ཚེ་ན་སྲུང་སྐྱོབ་མཛོད། །ལེགས་ལམ་བློ་ཡི་རྩ་སྒོ་ཕྱེས། །འགྲོ་བའི་ཚེ་ན་སྡོང་གྲོགས་མཛོད། །འཇིགས་དང་ལམ་དགྲ་ཀུན་ལས་སྐྱོབས། །ལེགས་དང་སྤྲོད་ལ་ཉེས་དང་བསྣོལ། །གནས་སྐབས་མཐར་ཐུག་

― KMC022_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་དུ། །བསམ་དགུ་ཡིད་བཞིན་འགྲུབ་པར་མཛོད། ཀྱེ། །བདུད་རྩི་བསང་གི་མཆོད་སྤྲིན་གྱི། །དུ་བས་ནམ་མཁའི་ལྷ་རྣམས་བསངས། །ངད་པས་བར་གྱི་གཉན་རྣམས་བསངས། །ཟེགས་མས་འོག་གི་ཀླུ་རྣམས་བསངས། །རི་མཚོ་རིན་ཆེན་གླིང་གནས་པའི། །དྲང་སྲོང་གནོད་སྦྱིན་བདེན་ཚིག་གྲུབ། །ཕན་གནོད་ལེགས་ཉེས་བྱེད་རྣམས་བསངས། །དྲི་ཟ་བར་དོའི་ཡིད་ལུས་སོགས། །སྐྱེ་བཞི་རྒྱུད་ལྔའི་འཁོར་བ་པ། །རིགས་དྲུག་སྙིང་རྗེའི་མགྲོན་རྣམས་བསངས། །སྡུག་བསྔལ་ཀུན་ཞི་བདེ་ལྡན་ཤོག །བདག་གི་ཚེ་སྲོག་ལོངས་སྤྱོད་འཁོར། །རྐུ་འཕྲོག་བར་དུ་གཅོད་བྱེད་ཅིང་། །དུས་འཁྲུགས་དལ་ཡམས་བདག་པོ་སོགས། །ཐོགས་མེད་དུས་ནས་ལན་ཆགས་པའི། །གནོད་བྱེད་བགེགས་ཀྱི་ཚོགས་རྣམས་བསངས། །ཕྱིན་ཆད་བྱང་ཆུབ་སེམས་ལྡན་ཤོག །ཀྱེ། དག་བྱེད་བདུད་རྩིའི་བསངས་མཆོད་འདིས། །བདག་ཅག་མི་ཤེས་བག་མེད་པས། །

― KMC022_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་གསུམ་འགལ་ཞིང་ཉམས་པའི་གྲིབ། །རྩ་གསུམ་ཆོས་སྲུང་དཀར་ཕྱོགས་ཀྱི། །ལྷ་ལ་ཕོག་རྣམས་དག་ནས་ཀྱང་། །རྨུ་གབ་མནོལ་འཐིབས་སངས་གྱུར་ཅིག །ཟས་ངན་ཟོས་ཤིང་གོས་ངན་གྱོན། །རོ་བག་རྨེ་མནོལ་བཙོགས་དང་མཁོན། །ཐབ་གཞོབ་མཛེ་ཡུག་གྲིབ་གོས་པ། །ཐམས་ཅད་བསངས་ཤིང་དག་གྱུར་ཅིག །སྣོད་བཅུད་འཇིག་རྟེན་དྲི་མ་སངས། །རྣམ་དག་སྐུ་དང་ཞིང་ཁམས་གྱུར། །འཁྲུལ་རྟོག་ཉོན་མོངས་དྲི་མ་དག །རང་བྱུང་ཡེ་ཤེས་ཀློང་དུ་གྱུར། །ཀུན་ཀྱང་མཉམ་ཉིད་བདེ་ཆེན་ཞིང་། །ཕུན་ཚོགས་བཀྲ་ཤིས་དཔལ་འབར་ཤོག །དེ་ནས་གསེར་སྐྱེམས་འབུལ་བར་སྤྲོ་ན། ཨོཾ་ཨཱཿཧཱུྃ། བརྒྱུད་པ་དྲུག་ལྡན་རྩ་བརྒྱུད་བླ་མ་དང་། །སྐྱབས་ཀྱི་མཆོག་གྱུར་ཕྱོགས་དུས་དཀོན་མཆོག་གསུམ། །རྒྱུད་སྡེ་བཞི་དྲུག་ཡི་དམ་ལྷ་ཚོགས་ལ། །གསེར་སྐྱེམས་མཆོད་པ་འབུལ་ལོ་བྱིན་གྱིས་རློབས། །ཡུལ་ཆེན་ཉེར་བཞིའི་ཞིང་སྐྱོང་ཡབ་དང་ཡུམ། །

― KMC022_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་མཆོག་སོ་གཉིས་དཔའ་བོ་མཁའ་འགྲོ་མ། །རི་རབ་སུམ་ཅུ་རྩ་གཉིས་རྡུལ་མཉམ་ལ། །གསེར་སྐྱེམས་མཆོད་པ་འབུལ་ལོ་ཉམས་རྟོགས་སྤོར། །མ་ཧཱ་ཀཱ་ལ་ཡབ་ཡུམ་ལྕམ་དྲལ་དང་། །སྔགས་སྲུང་མགར་བ་དམར་ནག་ཞིང་སྐྱོང་སོགས། །ཡེ་ཤེས་ལས་དང་འཇིག་རྟེན་ཆོས་སྐྱོང་ལ། །གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད། །རྒྱལ་ཆེན་རྣམ་མང་ཐོས་སྲས་རིགས་ཆེན་བརྒྱད། །ཛཾ་ལྷ་དཀར་སེར་དམར་ནག་ལྷ་མོ་དཔལ། །གནོད་སྦྱིན་ནོར་ལྷ་གཏེར་བདག་ཐམས་ཅད་ལ། །གསེར་སྐྱེམས་མཆོད་པ་འབུལ་ལོ་དངོས་གྲུབ་སྩོལ། །སྡེ་དཔོན་སུམ་ཅུ་དྲེགས་ཆེན་བཅོ་བརྒྱད་དང་། །ཕྱི་ནང་གསང་བའི་སྡེ་བརྒྱད་འཁོར་དང་བཅས། །ཕྱོགས་སྐྱོང་བཅུ་དང་དཔལ་མགོན་བདུན་ཅུ་ལྔར། །གསེར་སྐྱེམས་མཆོད་པ་འབུལ་ལོ་མཐུ་དཔུང་སྐྱེད། །སྲིད་པའི་ས་བདག་དབང་ཆེན་ཡབ་ཡུམ་སྲས། །འབྱུང་བ་ལོ་ཟླ་ཞག་དུས་སྤར་སྨེའི་བདག །སྟོང་གསུམ་

― KMC022_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

འཛམ་གླིང་ཡུལ་དྲུག་གཞི་བདག་ལ། །གསེར་སྐྱེམས་མཆོད་པ་འབུལ་ལོ་འགལ་རྐྱེན་སོལ། །གངས་བྲག་སྒྲུབ་གནས་གྲགས་པའི་མཚོ་ཆེན་དང་། །ལུང་ལྔ་ལྗོངས་གསུམ་གླིང་དང་སྦས་པའི་ཡུལ། །གནས་ཆེན་ཉེར་ལྔའི་གཞི་གནས་གཏེར་བདག་ལ། །གསེར་སྐྱེམས་མཆོད་པ་འབུལ་ལོ་མཐུན་རྐྱེན་སྒྲུབས། །མགུལ་ལྷ་བཅུ་གསུམ་སྲིད་པའི་ལྷ་ཆེན་དགུ། །བརྟན་སྐྱོང་ཡ་མ་ཁྱད་པར་ཡུལ་འདི་ཡི། །ཕུ་མདའ་ཉིན་སྲིབ་གཉུག་མར་གནས་རྣམས་ལ། །གསེར་སྐྱེམས་མཆོད་པ་འབུལ་ལོ་འདོད་དོན་སྒྲུབས། །ཁྱད་པར་གདན་ས་གོང་འོག་བར་གསུམ་གྱི། །སྲིད་པ་རྒྱུད་ནས་ཆགས་པ་ཡི། །ཆོས་སྐྱོང་གནས་སྲུང་འགོ་ཞིང་གྲོགས་མཛད་དང་། །ནོར་བུ་དགྲ་འདུལ་ཝེར་མའི་ཚོགས་བཅས་ལ། །གསེར་སྐྱེམས་མཆོད་པ་འབུལ་ལོ་སྡོང་གྲོགས་མཛོད། །འགོ་བའི་ལྷ་ལྔ་སྐྱོབ་པའི་ལྷ་དགུ་དང་། །ཕ་མྱེས་རྒྱུད་སྲུང་རིགས་མཚུན་དགྲ་བླ་སོགས། །

― KMC022_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་སྐྱོབ་སྡོང་གྲོགས་བྱེད་པའི་ལྷ་རྣམས་ལ། །གསེར་སྐྱེམས་མཆོད་པ་འབུལ་ལོ་ཁ་འཛིན་མཛོད། །འཇིགས་བརྒྱད་ཞི་ཞིང་འབྱོར་དྲུག་ལེགས་ཚོགས་རྒྱས། །སྣང་སེམས་དབང་འདུས་དགྲ་བགེགས་ཚར་ཆོད་ཅིང་། །གཞི་བྱེས་ལམ་གསུམ་གནས་སྐབས་མཐར་ཐུག་ཀུན། །བསམ་དོན་ལྷུན་གྱིས་འགྲུབ་པར་མཛད་དུ་གསོལ། །དེ་ནས་བརྔན་བྱ་བར་སྤྲོ་ན། ཧཱུྃ། །བླ་མ་ཡི་དམ་སངས་རྒྱས་བྱང་ཆུབ་སེམས། །རྩ་གསུམ་དཀོན་མཆོག་སྲིད་ཞུའི་མགྲོན་རིགས་རྣམས། །དད་པ་དམ་ཚིག་ཀུན་བཟང་མཆོད་པས་བརྔན། །ཚོགས་རྫོགས་སྒྲིབ་བྱང་བྱིན་རླབས་དབང་བསྐུར་སྩོལ། །ཆོས་སྐྱོང་དམ་ཅན་ནོར་ལྷ་གཏེར་གྱི་བདག །དཔལ་མགོན་ཕྱོགས་སྐྱོང་ཡོན་ཏན་མགྲོན་རིགས་རྣམས། །དངོས་འབྱོར་ཡིད་སྤྲུལ་མཆོད་སྤྲིན་རྒྱ་མཚོས་བརྔན། །ཆོས་འཁོར་བསྟན་སྐྱོངས་ཕྲིན་ལས་རྣམས་བཞི་སྒྲུབས། །སྟོང་གསུམ་ཛམ་གླིང་བོད་ཡུལ་གཞི་གནས་བདག །དགྲ་བླ་ཝེར་མ་འགོ་

― KMC022_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་གྲོགས་མཛད་རྣམས། །གསེར་སྐྱེམས་ཤེལ་ཚིག་ཟས་ཕུད་འབྲུ་སྣས་བརྔན། །རྒྱལ་ཁམས་བདེ་སྐྱིད་ཁ་འཛིན་སྡོང་གྲོགས་མཛོད། །སྡེ་བརྒྱད་འབྱུང་པོ་དྲེགས་པ་མཐུ་བོ་ཆེ། །ཚེ་རབས་མང་པོའི་ལན་ཆགས་མགྲོན་རིགས་རྣམས། །རང་རང་ཡིད་ལ་འདོད་རྒུའི་སྦྱིན་པས་བརྔན། །གནོད་སེམས་གདུག་རྩུ་བཞི་ཞིང་ཕན་བདེ་སྤེལ། །སྐྱེ་བཞི་ལམ་རྒྱུད་ལྔས་བསྡུས་མཁའ་ཁྱབ་ཀྱི། །མར་གྱུར་འགྲོ་བ་སྙིང་རྗེའི་མགྲོན་རིགས་རྣམས། །དོན་དམ་ཀུན་རྫོབ་བྱང་ཆུབ་སེམས་ཀྱིས་བརྔན། །སྡུག་བསྔལ་ཀུན་ཞི་མྱུར་དུ་འཚང་རྒྱ་ཤོག །མཐར་ཕྲིན་ལས་བཅོལ་བ་ནི། ཀྱེ། དེ་ལྟར་བསངས་མཆོད་བརྔན་པའི་མཐུས། །མགྲོན་རིགས་མ་ལུས་མཉེས་ཚིམས་ཏེ། །སྐྱབས་གནས་རྣམས་ཀྱིས་བྱིན་གྱིས་རློབས། །མཆོད་འོས་རྣམས་ཀྱིས་དངོས་གྲུབ་སྩོལ། །ལྷ་དང་སྲུང་མས་ཕྲིན་ལས་སྒྲུབས། །གཞི་གནས་བདག་པོས་ཁ་འཛིན་མཛོད། །འཇིགས་བརྒྱད་ལ་སོགས་

― KMC022_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མཐུན་ཞི། །འབྱོར་པ་དྲུག་སོགས་མཐུན་རྐྱེན་རྒྱས། །རླུང་སེམས་སྣང་བ་དབང་དུ་འདུས། །འགལ་རྐྱེན་དགྲ་བགེགས་ཚར་ཆོད་མཛོད། །སངས་རྒྱས་བསྟན་པ་དར་བ་དང་། །བསྟན་འཛིན་ཐུགས་མཐུན་སྐུ་ཚེ་བརྟན། །འདུས་པའི་སྡེ་རྒྱས་བསླབ་གསུམ་དང་། །ཐོས་བསམ་སྒོམ་པ་འཕེལ་བར་མཛོད། །དུས་ཀྱི་རྒུད་པ་མཐའ་དག་ཞི། །བདེ་སྐྱིད་རྫོགས་ལྡན་དཔལ་འབྱོར་རྒྱས། །ཕྱོགས་དུས་ཀུན་ཏུ་དགེ་ལེགས་ཀྱི། །སྣང་བས་རྟག་ཏུ་ཁྱབ་པར་མཛོད། །བདག་ཅག་གར་འགྲོ་གར་འདུག་ཀྱང་། །ལེགས་དང་སྤྲོད་ལ་ཉེས་དང་བསྣོལ། །ཡིད་ལ་ཇི་ལྟར་འདོད་པའི་དོན། །བདེ་བླག་ཉིད་དུ་འགྲུབ་པར་མཛོད། །གཡང་ལེན་སོགས་རྗེས་ཀྱི་རིམ་པ་ནི། ཀྱེ། འཁོར་འདས་ཕྱོགས་བཅུའི་ཞིང་ཁམས་དང་། །ལྷ་གནས་གླིང་བཞི་བོད་ཁམས་ཀྱི། །ཚེ་བསོད་སྙན་གྲགས་འབྲུ་ནོར་བཅུད། །བཙན་ཕྱུག་འཕན་དར་མངའ་ཐང་སོགས། །མི་ཡི་གཡང་དང་ཕྱུགས་ཀྱི་རྩི། །སྣོད་

― KMC022_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུད་དཔལ་འབྱོར་བདེ་ལེགས་ཀུན། །ཁུ་ཡེ་ཕྱ་དང་གཡང་དུ་ལེན། །དགོས་འདོད་ཕུན་སུམ་ཚོགས་པར་ཤོག །མ་འབྱོར་མ་དག་ཉམས་པ་སོགས། །ནོངས་པ་གང་མཆིས་བཟོད་བཞེས་ལ། །ལས་དང་དངོས་གྲུབ་ཐོགས་མེད་ཅིང་། །དགྱེས་པས་རྟག་ཏུ་དགོངས་པར་མཛོད། །ཡེ་ཤེས་ལྷ་རྣམས་དབྱིངས་སུ་མུཿ །འཇིག་རྟེན་པ་རྣམས་རང་གནས་གཤེགས། །དུས་སུ་མཆོད་པའི་ཡུལ་དུ་བྱོན། །གནས་སྐབས་མཐར་ཐུག་འདོད་པའི་དོན། །བུམ་བཟང་ནོར་བུ་དཔག་བསམ་བཞིན། །འབད་མེད་ལྷུན་གྱིས་འགྲུབ་པ་ཡི། །དགེ་ལེགས་བཀྲ་ཤིས་དཔལ་འབར་ཤོག །མདོ་རྒྱུད་ཁུངས་དང་མི་འགལ་ཞིང་། །ལྷ་སྲུང་དགྱེས་སྐྱེད་ཡུལ་གྱི་ཆོས། །བྱ་སླ་ཕན་བདེ་འཕྲལ་སྟོན་པ། །འདུས་གསལ་བསང་གི་རིམ་པ་བཤད། །སྣང་སྲིད་གདུག་རྩུབ་ཀུན་ཞི་ཞིང་། །གནས་སྐབས་མཐར་ཐུག་བདེ་སྐྱིད་ཀྱི། །དཔལ་དང་ཕུན་སུམ་ཚོགས་པས་འབྱོར། །འཇིག་རྟེན་གསུམ་པོ་དགེ་ལེགས་ཤོག །ཅེས་པ་འདིའང་ལུགས་ཟུང་གི་མཁྱེན་པའི་སྒོ་བརྒྱ་ཡངས་པ་རྗེ་དབོན་མཛོད་པ་རིན་པོ་ཆེ་ཚེ་རིང་བསམ་

― KMC022_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་ནས་བཀྲ་ཤིས་པའི་རྟེན་དང་བཅས་ཆེད་དུ་བསྐུལ་མ་གནང་བས། ཀརྨ་ངག་དབང་ཡོན་ཏན་རྒྱ་མཚོས་གདན་ས་ཆེན་པོ་དཔལ་སྤུངས་ཀྱི་གཙུག་ལག་ཁང་དུ་བགྱིས་པ་དགེ་ལེགས་འཕེལ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

རི་བོ་བསང་མཆོད།

― KMC022_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་སྲོག་སྒྲུབ་ལས་རི་བོ་བསང་མཆོད་བཞུགས་སོ། །

― KMC022_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། ལྷ་བཙུན་རིག་འཛིན་སྲོག་སྒྲུབ་ཀྱི་མན་ངག་རི་བོ་བསང་མཆོད་ལག་ཏུ་ལེན་པ་ལ། གཙང་མའི་སྣོད་དམ་ཐབ་ཏུ་བཟང་ཤིང་སྤོས་སྨན་དཀར་མ་དང་བསང་སྣ་ཕྱེ་མར་སོགས་གང་འབྱོར་བཀྲ་ཤིས་པའི་མེར་བསྲེགས་ཤིང་ཆུ་གཙང་བྲན། ཐོག་མར་སྐྱབས་འགྲོ་ནི། ཨོཾ་ཨཱཿཧཱུྃ༔ མཁའ་མཉམ་སྲིད་ཞིའི་སྐྱབས་ཀུན་སྙིང་པོའི་བཅུད༔ དབང་དྲག་རིག་འཛིན་པདྨ་ཐོད་ཕྲེང་རྩལ༔ ཁྱེད་སྐུར་སྣང་སྲིད་རྒྱལ་བའི་དཀྱིལ་འཁོར་རྫོགས༔ འགྲོ་ཀུན་སྲིད་ལས་བསྒྲལ་ཕྱིར་སྐྱབས་སུ་མཆི༔ ལན་གསུམ། སེམས་བསྐྱེད་ནི། གསང་མཆོག་ཡེ་ཤེས་འོད་གསལ་ཐིག་ལེའི་

― KMC022_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིར༔ འགྲོ་ཀུན་སྒྲིབ་གསུམ་དག་ནས་སྐུ་དང་གསུང་༔ ཐུགས་ཀྱི་ཐིག་ལེར་ལྷུན་གྲུབ་སྣང་བཞིའི་ངང་༔ གཞོན་ནུ་བུམ་སྐུར་གྲོལ་བར་སེམས་བསྐྱེད་དོ༔ ལན་གསུམ། ཡན་ལག་བདུན་ནི། གཤིས་རིག་མ་བཅོས་གཉུག་མར་ཕྱག་འཚལ་ཞིང་༔ གཏིང་མཐའ་བྲལ་བའི་འོད་གསལ་མཆོད་པ་འབུལ༔ འཁོར་བ་མྱང་འདས་མཉམ་ཉིད་ཀློང་དུ་གཤགས༔ བློ་བྲལ་ཆོས་ཟད་ཆེན་པོར་རྗེས་ཡི་རང་༔ ལྷུན་གྲུབ་རྫོགས་པ་ཆེན་པོའི་ཆོས་འཁོར་བསྐོར༔ འཁོར་བ་དོང་ནས་སྤྲུག་པར་

― KMC022_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་བ་འདེབས༔ འཁོར་གསུམ་དམིགས་མཐའ་བྲལ་བའི་ཕ་མཐར་བསྔོ༔ བདག་བསྐྱེད་ནི། ཀ་དག་ཆོས་སྐུའི་དབྱིངས་ལས་འགག་མེད་རྩལ། །པདྨ་ཐོད་ཕྲེང་དཀར་དམར་གཞོན་ཚུལ་མཛེས། །མཚན་དཔེའི་གཟི་འབར་རྡོ་རྗེ་ཐོད་པ་བསྣམས། །མཛེས་བརྗིད་རྒྱན་དང་ཆ་བྱད་ཡོངས་སུ་རྫོགས། །དམ་ཡེ་གཉིས་མེད་རྒྱལ་ཀུན་འདུས་པའི་གཟུགས། །འཁོར་འདས་ཀུན་གྱི་སྤྱི་དཔལ་ཆེན་པོ་གྱུར། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཞེས་བརྒྱ་རྩ་ཙམ་བཟླ། དེ་ནས་བསང་རྫས་རྣམས་རཾ་ཡཾ་ཁཾ་གིས་བསང་སྦྱང་། སྟོང་པའི་ངང་ལས་བསང་རྫས་ཟག་པ་མེད་པའི་ཡེ་ཤེས་ཀྱི་བདུད་རྩི་འདོད་ཡོན་རྒྱ་མཚོའི་སྤྲིན་ཕུང་མཁའ་ཁྱབ་ཏུ་འཕྲོ་བར་གྱུར། འབྲུ་གསུམ་དང་ནམ་མཁའ་མཛོད་སྔགས་ལན་གསུམ་སོགས་ཀྱིས་བྱིན་བརླབ་ལ། བྷྲཱུྃ༔ རིན་ཆེན་སྣ་ཚོགས་དྭངས་མའི་སྣོད་ཡངས་སུ༔ འཇིག་རྟེན་སྲིད་པའི་འདོད་རྒུ་དམ་ཚིག་རྫས༔ འབྲུ་གསུམ་ཡེ་ཤེས་བདུད་རྩིར་བྱིན་བརླབས་པས༔ སྣང་སྲིད་མཆོད་པའི་

― KMC022_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་རྒུར་འཁྲུགས་པ་འདི༔ བླ་མ་ཡི་དམ་ཌཱ་ཀི་ཆོས་སྲུང་དང་༔ ཕྱོགས་བཅུ་རྒྱལ་བའི་དཀྱིལ་འཁོར་ཇི་སྙེད་དང་༔ འཛམ་གླིང་གཞི་བདག་རིགས་དྲུག་ལན་ཆགས་མགྲོན༔ ཁྱད་པར་བདག་གི་ཚེ་འཕྲོག་སྲོག་རྐུ་ཞིང་༔ ནད་གཏོང་བར་ཆད་རྩོམ་པའི་འབྱུང་པོ་དང་༔ རྨི་ལམ་རྟགས་མཚན་ངན་དང་ལྟས་ངན་རིགས༔ སྡེ་བརྒྱད་མ་རུང་ཆོ་འཕྲུལ་བདག་པོ་དང་༔ ཟས་དང་གནས་དང་ནོར་གྱི་ལན་ཆགས་ཅན༔ གྲིབ་བདག་སྨྱོ་འདྲེ་ཕོ་གཤིན་མོ་གཤིན་དང་༔ གྲི་བོ་ཐེ་རང་གྲོར་སྲིན་འདྲེ་མོ་རྣམས༔ ལན་ཆགས་དམར་པོའི་མེ་ལ་མཇལ་ཏེ་བསྲེག༔ རང་རང་ཡིད་ལ་གང་འདོད་འདོད་རྒུའི་ཆར༔ ཇི་སྲིད་ནམ་མཁའ་གནས་ཀྱི་བར་ཉིད་དུ༔ འདོད་པའི་ཡོན་ཏན་ཟད་པ་མེད་པར་བསྔོོ༔ བདག་གི་དུས་གསུམ་བསགས་པའི་སྡིག་སྒྲུབ་དང་༔ དཀོན་མཆོག་དད་གཤིན་དཀོར་ལ་སྤྱད་པ་རྣམས༔ སྦྱིན་སྲེག་མེ་མཆོད་འདི་ཡིས་དག་གྱུར་ཅིག༔ མེ་ལྕེ་སྣང་

― KMC022_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་གང་བའི་རྡུལ་ཕྲན་རེས༔ ཀུན་བཟང་མཆོད་པའི་སྤྲིན་ཕུང་མི་ཟད་པ༔ རྒྱལ་བའི་ཞིང་ཁམས་ཡོངས་ལ་ཁྱབ་གྱུར་ཅིག༔ མེ་ལྕེ་ཡེ་ཤེས་འོད་ལྔའི་མཆོད་སྦྱིན་ཟེར༔ རིགས་དྲུག་མནར་མེད་གནས་སུ་ཁྱབ་གྱུར་པས༔ ཁམས་གསུམ་འཁོར་བ་འཇའ་ལུས་འོད་སྐུར་གྲོལ༔ འགྲོ་ཀུན་བྱང་ཆུབ་སྙིང་པོར་སངས་རྒྱས་ཤོག༔ ཨོཾཨཱཿཧཱུྃ༔ ཞེས་འབྲུ་གསུམ་བརྒྱ་སྟོང་སོགས་གང་འགྲུབ་མཐར། སྐུ་གསུམ་དག་པ་སྣོད་ཀྱི་གཞལ་ཡས་སུ༔ ཆོས་ལོངས་སྤྲུལ་གསུམ་སྣང་སྲིད་གཟུགས་ཕུང་རྣམས༔ བདུད་རྩིར་ཞུ་བས་འཇའ་འོད་བར་སྣང་གང་༔ འཁོར་བ་མྱང་འདས་ཟག་མེད་བདུད་རྩིའི་བཅུད༔ ཐོག་མེད་དུས་ནས་ད་ལྟ་ཡན་ཆད་དུ༔ སྣང་སྲིད་མགྲོན་དུ་གྱུར་པ་ཡོངས་ལ་བསྔོ༔ ས་ལམ་འབྲས་བུའི་ཡོན་ཏན་མཐར་ཕྱིན་ཞིང་༔ ལྟ་སྒོམ་སྦྱོད་པའི་བར་ཆད་ཀུན་བསལ་ནས༔ རྨད་བྱུང་ཀུན་བཟང་ཐུགས་ཀྱི་མཁའ་དབྱིངས་སུ༔ གཞོན་ནུ་བུམ་སྐུར་གཏན་སྲིད་ཟིན་པར་ཤོག༔ འཁོར་

― KMC022_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྒྱ་མཚོ་ཆེན་པོ་སྟོངས་པའི་མཐར༔ འོག་མིན་པདྨ་དྲྭ་བར་སངས་རྒྱས་ཤོག༔ ཕུང་ཁམས་བསྲེག་རྫས་བཀྲག་མདངས་གཟི་བརྗིད་འབར༔ དཀར་དམར་བྱང་སེམས་བསྲེག་རྫས་བདེ་སྟོང་འབར༔ སྟོང་ཉིད་སྙིང་རྗེའི་བསྲེག་རྫས་ཆོས་དབྱིངས་གང་༔ སྣང་སྲིད་འཁོར་འདས་རྡོ་རྗེའི་འོད་ལྔའི་གཞིར༔ ལྷུན་གྲུབ་རྫོགས་སངས་རྒྱས་པའི་བསྲེག་རྫས་འབུལ༔ སྔོན་གྱི་ལན་ཆགས་ཐམས་ཅད་བྱང་གྱུར་ཅིག༔ ད་ལྟ་རྒྱུད་ལ་མི་གནས་མཐོལ་ལོ་བཤགས༔ མ་འོངས་སྒྲིབ་པའི་འཁོར་ལོར་མ་གྱུར་ཅིག༔ སོ་ཐར་བྱང་སེམས་རིག་པ་འཛིན་པ་ཡི༔ སྡོམ་བཅས་བསླབ་པ་གསང་སྔགས་དམ་ཚིག་རིགས༔ ཚོར་དང་མ་ཚོར་ཉམས་པ་མཐོལ་ལོ་བཤགས༔ ནད་གདོན་གྲིབ་དང་མི་གཙང་དག་གྱུར་ཅིག༔ ནད་མུག་མཚོན་གྱི་བསྐལ་པ་ཞིག་གྱུར་ཅིག༔ མཐར་མི་དབུས་སུ་འོང་བའི་བསུན་མ་ཟློག༔ ཆོས་མཛད་བླ་མ་གདན་འདྲེན་བར་ཆད་ཟློག༔ བོད་ཡུལ་

― KMC022_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་མི་ཤིས་པའི་ལྟས་ངན་ཟློག༔ གཟའ་ཀླུ་རྒྱལ་པོས་སྲོག་དབུགས་བསྡུད་པ་ཟློག༔ འཇིགས་པ་ཆེན་པོ་བརྒྱད་དང་བཅུ་དྲུག་ཟློག༔ བདག་ཅག་འཁོར་བཅས་བཀྲ་མི་ཤིས་པ་ཟློག༔ དམ་སྲི་འགོང་པོའི་མཐུ་སྟོབས་ནུས་པ་ཟློག༔ སམ་ཡ༔ གྲངས་གསོག་ཚེ་སླར་ཡང་། བྷྲུྃ༔ རིན་ཆེན་སྣ་ཚོགས་སོགས་ནས། འབྲུ་གསུམ་གང་མང་དང་། སྐུ་གསུམ་སོགས་ཅི་རིགས་མཐར། རྗེས་ནི། རྒྱལ་བ་མཆོད་པས་མཉེས་གྱུར་ཅིག །དམ་ཅན་ཐུགས་དམ་སྐོང་གྱུར་ཅིག༔ རིགས་དྲུག་འདོད་པ་ཚིམས་གྱུར་ཅིག །ལན་ཆགས་ཤ་འཁོན་སྦྱང་གྱུར་ཅིག །ཚོགས་གཉིས་ཡོངས་སུ་རྫོགས་གྱུར་ཅིག །སྒྲིབ་གཉིས་བག་ཆགས་དག་གྱུར་ཅིག །དམ་པ་སྐུ་གཉིས་ཐོབ་གྱུར་ཅིག །སྦྱིན་པ་རྒྱ་ཆེན་གྱུར་པ་འདི་ཡིས་མཐུས། །འགྲོ་བའི་དོན་དུ་རང་བྱུང་སངས་རྒྱས་ཤོག །སྔོོན་གྱི་རྒྱལ་བ་རྣམས་ཀྱི་མ་གྲོལ་བའི། །སྐྱེ་བོའི་ཚོགས་རྣམས་སྦྱིན་པས་གྲོལ་གྱུར་ཅིག །འབྱུང་པོ་གང་དག་འདིར་ནི་ལྷག་གྱུར་ཏམ། །ས་འམ་འོན་ཏེ་

― KMC022_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

བར་སྣང་འཁོད་ཀྱང་རུང་། །སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ལ་སྤྱོད་པར་ཤོག །དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་པའི། །དམ་པ་སྐུ་ཉིད་ཐོས་པར་ཤོག །འབད་དང་སྩོལ་བས་མ་གོས་པ། །ཡིད་བཞིན་ནོར་བུ་དཔག་བསམ་ཤིང་། །སེམས་ཅན་རེ་བ་སྐོང་མཛད་པ། བསམ་པ་འགྲུབ་པའི་བཀྲ་ཤིས་ཤོག །ཅེས་སོགས་ཤིས་པ་བརྗོད་པས་དགེ་ལེགས་སུ་བྱའོ། །འདི་ལ་ཕྱག་ལེན་རྒྱས་བསྡུས་སྣ་ཚོགས་ཤིག་སྣང་བ་ལས། འདིར་ནི་རང་གི་བློ་འདོད་ལྟར་སྤྲོས་པ་བསྡུ་བའི་ངག་འདོན་རྒྱུན་ཁྱེར་དུ་བྲིས་པ་སྟེ་གྲོང་སྔགས་པའི་ཕ་ཇོ་རྒས་གཅོང་ཛྙཱ་ནས་སོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོ་གུ་རུ་ཞི་བའི་སྐོར་ལས་རྩ་གསུམ་སྤྱི་ཡི་སྔོན་འགྲོ།

― KMC022_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོ་གུ་རུ་ཞི་བའི་སྐོར་ལས་རྩ་གསུམ་སྤྱི་ཡི་སྔོན་འགྲོ་བཞུགས༔ ༔མདྷ།ལ༔ གུ་རུ་དྷེ་ཝ་ཌཱཀྐི་ཧཱུྃ༔ ན་མོ་དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ བདག་ཉིད་སྤྱན་རས་གཟིགས་གསལ་བའི༔ ཐུགས་ཀའི་འོད་ཀྱི་འཕྲོ་འདུ་ལས༔ ཕྱོགས་སྐྱོང་གཞི་བདག་འབྱུང་པོའི་ཚོགས༔ སྤྱན་དྲངས་མདུན་དུ་འཁོད་པར་གྱུར༔ རིན་ཆེན་སྣོད་དུ་གཏོར་མ་ནི༔ བདུད་རྩིར་གྱུར་ཅིག་ཨོཾ་ཨཱཿཧཱུྃ༔ གཉུག་གནས་གློ་བུར་ལྷག་པ་ཡི༔ གནས་བདག་གཞི་བདག་འབྱུང་པོའི་ཚོགས༔ འདིར་འདུས་མཆོད་སྦྱིན་གཏོར་མ་བཞེས༔ གནས་འདིར་གསང་སྔགས་སྒྲུབ་པ་ལ༔ རུ་ང་ཕྲག་དོག་མ་བྱེད་པར༔ དཀར་ཕྱོགས་སྡོང་གྲོགས་མཐུན་རྐྱེན་སྒྲུབས༔ ནག་ཕྱོགས་བགེགས་རིགས་གཞན་དུ་དེངས༔ གལ་ཏེ་མི་ཉན་འཚེ་བྱེད་ན༔ ཡེ་ཤེས་ཁྲོ་བོས་བརླག་

― KMC022_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར༔ དེ་བས་བསྒོ་བའི་བཀའ་ལ་ཉོན༔ ཨོཾ་སརྦ་ལོ་ཀ་པཱ་ལ་བ་ལིང་ཏ་ཁཱ་ཧི་ཁཱ་ཧི༔ སརྦ་བིགྷ་ནན་གཙྪ་གཙྪ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུཧྱ༔ རྒ་བམརྷ༔ ཞེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ཆུ་སྟོད་ཟླ་བའི་ཚེས་གསུམ་ལ་བློ་ལྡན་མཆོག་སྲེད་ཀྱིས་དངོས་སུ་གསུངས་པའོ༔ སྐུ་ལས་མེ་དཔུང་ཁྲོ་ཚོགས་འཕྲོས༔ གདོན་བགེགས་ཐམས་ཅད་ཚར་བཅད་ནས༔ ཕྱི་རོལ་རྡོ་རྗེའི་གུར་ཁང་ལ༔ ཡེ་ཤེས་ལྔ་ལྡན་མེ་དཔུང་འབར༔ བཛྲ་རཀྵ༔ རཀྵ་བྷྲཱུཾ༔ མངྒ་ལཾ༔ ༈ མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་བསྙན་བརྒྱུད་ཟབ་མོའི་སྐོར་ལས་བདེ་ཆེན་ཞིང་གི་སྒྲུབ་ཐབས་འདོན་ཆ།

― KMC022_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་བསྙན་བརྒྱུད་ཟབ་མོའི་སྐོར་ལས་བདེ་ཆེན་ཞིང་གི་སྒྲུབ་ཐབས་འདོན་ཆ་བཞུགས་སོ། །

― KMC022_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

ཧ་མ༔ གུ་རུ་དྷེ་ཝ་དྡྷཀྐི་ནི༔ འོད་དཔག་མེད་པ་བསྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ ན་མོ་དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ཀ་དག་ཀློང་ནས་སྤྲུལ་པ་ཡི༔ གནམ་ས་གང་བའི་མཆོད་པའི་སྤྲིན༔ སྨན་གཏོར་རཀྟ་ལྷ་མོར་བཅས༔ ཟད་མེད་གྱུར་ཅིག་པཱུ་ཛ་ཧོ༔ མེ་ཏོག་ཆུ་སྐྱེས་པདྨའི་སྟེང་༔ དེ་ནང་རང་ཉིད་སེམས་དཔའ་དཀར༔ མདུན་དུ་པདྨ་ཟླ་གདན་

― KMC022_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

ལ༔ འོད་དཔག་མེད་མགོན་སྐུ་མདོག་དམར༔ ཞལ་གཅིག་ཕྱག་གཉིས་མཉམ་བཞག་སྟེང་༔ ལྷུང་བཟེད་འཛིན་ཅིང་ཆོས་གོས་གསོལ༔ སྐྱིལ་མོ་ཀྲུང་གིས་བཞུགས་པ་ལ༔ གཡས་སུ་འཇིག་རྟེན་དབང་ཕྱུག་དཀར༔ ཞལ་གཅིག་ཕྱག་བཞི་ཐལ་སྦྱར་དང་༔ གཡས་གཡོན་འཕྲེང་བ་པདྨ་འཛིན༔ བཞེངས་པའི་སྟབས་ཀྱིས་པད་ཟླར་བཞུགས༔ གཡོན་དུ་ཕྱག་རྡོར་མཐུ་ཆེན་ཐོབ༔ ཞལ་གཅིག་ཕྱག་གཉིས་སྐུ་མདོག་སྔོ༔ གཡས་གཡོན་རྡོ་རྗེ་དྲིལ་བུ་འཛིན༔ བཞེངས་པའི་

― KMC022_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

སྟབས་ཀྱིས་པད་ཟླར་བཞུགས༔ སངས་རྒྱས་བྱང་ཆུབ་སེམས་དཔའ་དང་༔ ཉན་ཐོས་དགྲ་བཅོམ་དཔག་མེད་བསྐོར༔ གཙོ་བོ་གསུམ་གྱི་གནས་གསུམ་གྱི༔ འབྲུ་གསུམ་ལས་ནི་འོད་འཕྲོས་པས༔ བདེ་བ་ཅན་ནས་སྤྱན་དྲངས་གྱུར༔ ཧཱུྃ་འོད་དཔག་མེད་ཀྱི་ལྷ་ཚོགས་མ་ལུས་རྣམས༔ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་བདག་ལ་དབང་མཆོག་བསྐུར༔ ལོག་འདྲེན་ཚེ་ཡི་བར་ཆད་བསལ་དུ་གསོལ༔ སྣ་ཚོགས་པདྨ་ཟླ་བའི་གདན་སྟེང་དུ༔ འོད་དཔག་མེད་ཀྱི་ལྷ་ཚོགས་བཞུགས་སུ་གསོལ༔ ཧཱུྃ་བདེ་ཆེན་ཞིང་དུ་ཆོས་ཀྱི་འཁོར་ལོ་བསྐོར༔ སེམས་ཅན་རྣམས་ལ་རྟག་ཏུ་ཐུགས་རྗེས་གཟིགས༔ དམ་བཅའ་ཞལ་བཞེས་འགྲོ་བའི་སྐྱབས་མཛད་པ༔ སྣང་མཐའ་མཉམ་བཞག་མཛད་ལ་ཕྱག་འཚལ་ལོ༔ ཨོཾ་ཨ་མི་དྷེ་ཝ་ཧྲཱི༔ བཛྲ་ས་མ་ཡ་ཛཿ ཛཿཧཱུྃ་བཾ་ཧོཿ ཏིཥྛ་ལྷན༔ ཨ་ཏི་པུ་ཧོ༔ ཐུགས་ཀའི་ཧྲཱིཿལས་འོད་འཕྲོས་པས༔ རྒྱལ་བ་

― KMC022_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྔ་སྤྱན་དྲངས་ནས༔ དབང་བསྐུར་ཚེ་དཔག་དབུ་བརྒྱན་གྱུར༔ ཧཱུྃ་བདག་གིས་དྲི་ལྡན་དྲི་ཆབ་ཀྱིས༔ འོད་དཔག་སྐུ་ལ་ཁྲུས་གསོལ་ལོ༔ ལྷ་ལ་དྲི་མ་མི་མངའ་ཡང་༔ སྡིག་སྒྲིབ་དག་པའི་རྟེན་འབྲེལ་བགྱི༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཧཱུྃ་རས་དཀར་འཇམ་དྲི་ལྡན་པ་ཡིས༔ འོད་དཔག་སྐུ་ཉིད་ཕྱི་བར་བགྱི༔ སྐུ་ལ་དྲི་མ་མི་མངའ་ཡང་༔ སྡུག་བསྔལ་བྲལ་བའི་རྟེན་འབྲེལ་བགྱི༔ ཧཱུྃ་ན་བཟའ་མཛེས་ལྡན་ངུར་སྨིག་འདི༔ རྒྱལ་བའི་སྐུ་ལ་གསོལ་བར་བགྱི༔ སྐུ་ལ་བསིལ་བ་མི་མངའ་ཡང་༔ བཀྲག་མདངས་འཕེལ་བའི་རྟེན་འབྲེལ་བགྱི༔ ཧཱུྃ་རིན་ཆེན་རྒྱན་ཆ་མཛེས་པ་འདི༔ རྒྱལ་སྲས་གཉིས་ཀྱི་སྐུ་ལ་གསོལ༔ སྐུ་ལ་རྒྱན་གསོལ་མི་མངའ་ཡང་༔ གཟི་བརྗིད་ཆེ་བའི་རྟེན་འབྲེལ་བགྱི༔ ཧཱུྃ་ཡན་ལག་བརྒྱད་ལྡན་ཞལ་བསིལ་འདི༔ རྒྱལ་བ་སྲས་བཅས་ཞལ་དུ་འབུལ༔ ཞལ་ལ་སྐྱེམས་པ་མི་མངའ་ཡང་༔ སྡུག་བསྔལ་བྲལ་བའི་

― KMC022_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་བགྱི༔ ཧཱུྃ་འོད་དཔག་ཞབས་དྲི་དག་བྱའི་ཕྱིར༔ ཞབས་བསིལ་དྲི་ལྡན་འདི་འབུལ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་ཞབས་བསིལ་སེར་མོར་བསྐྱེད༔ ཞབས་ལ་མཆོད་པ་འབུལ་བར་བགྱི༔ ཧཱུྃ་འོད་དཔག་སྤྱན་གཟིགས་དགྱེས་པའི་ཕྱིར༔ མེ་ཏོག་མཛེས་པ་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་པུཥྤེ་དཀར་མོར་བསྐྱེད༔ སྤྱན་ལ་མཆོད་པ་འབུལ་བར་བགྱི༔ ཧཱུྃ་འོད་དཔག་ཤངས་མཆོག་དགྱེས་པའི་ཕྱིར༔ དྲི་ཞིམ་བདུག་སྤོས་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་དྷཱུ་པེ་སྔོན་མོར་བསྐྱེད༔ ཤངས་ལ་མཆོད་པ་འབུལ་བར་བགྱི༔ ཧཱུྃ་འོད་དཔག་ཕྱག་མཆོག་དགྱེས་པའི་ཕྱིར༔ མར་མེ་གསལ་བ་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་དྷཱི་པཾ་དམར་མོར་བསྐྱེད༔ ཕྱག་ལ་མཆོད་པ་འབུལ་བར་བགྱི༔ ཧཱུྃ་འོད་དཔག་སྐུ་ལུས་བཀྲག་རྒྱས་ཕྱིར༔ དྲི་ཆབ་དྲི་ལྡན་འབུལ་བ་ན༔

― KMC022_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ནི་ཐ་མལ་ལུས་པོ་ཡང་༔ སེམས་ཀྱིས་གནྡྷེ་ལྗང་མོར་བསྐྱེད༔ སྐུ་ལ་མཆོད་པ་འབུལ་བར་བགྱི༔ ཧཱུྃ་འོད་དཔག་སྐུ་བཀྲག་འདོན་པའི་ཕྱིར༔ ཞལ་ཟས་རོ་མཆོག་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་ནཻ་ཝིདྱ་སེར་མོར་བསྐྱེད༔ ལྗགས་ལ་མཆོད་པ་འབུལ་བར་བགྱི༔ ཧཱུྃ་འོད་དཔག་སྙན་མཆོག་དགྱེས་པའི་ཕྱིར༔ རོལ་མོ་སྙན་ལ་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་ཤཔྡ་སེར་མོར་བསྐྱེད༔ སྙན་ལ་མཆོད་པ་འབུལ་བར་བགྱི༔ ཧཱུྃ་ཚེ་དཔག་སྐུ་ཉིད་དགྱེས་པའི་ཕྱིར༔ རིག་མ་རྒྱན་ལྡན་འདི་འབུལ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་རིག་མ་མཛེས་པར་བསྐྱེད༔ སྐུ་ལ་མཆོད་པ་འབུལ་བར་བགྱི༔ ཨོཾ་བཛྲ་ཨཱརྒྷཾཿ པཱདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱེ་ཤཔྟ་མུ་དྲ་ཨཱཿཧཱུྃ༔ ཧཱུྃ་བཀྲ་ཤིས་གཙོ་བོ་རྫས་བརྒྱད་ནི༔ ཡུངས་དཀར་དུར་བ་བིལ་བ་དང་༔ གི་ཝཾ་ལི་ཁྲི་ཞོ་མཆོག་དང་༔ མེ་ལོང་རྣམ་

― KMC022_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

དག་དུང་དཀར་སོགསཿ བདག་གིས་ལྷ་ལ་མཆོད་པ་འབུལ༔ སེམས་ཅན་ཚོགས་གཉིས་རྫོགས་པར་ཤོག༔ ཨཱཥྚ་མངྒ་ལཾ་དྲ་བྱ་སྭཱ་ཧཱ༔ ཧཱུྃ་བཀྲ་ཤིས་གཙོ་བོ་རྟགས་བརྒྱད་ནི༔ རིན་ཆེན་གདུགས་དང་གསེར་ཉ་དང་༔ གཏེར་ཆེན་བུམ་པ་པདྨ་བཟང་༔ དུང་དཀར་གཡས་འཁྱིལ་དཔལ་བེའུ༔ མཆོག་གི་རྒྱལ་མཚན་འཁོར་ལོ་སོགས༔ བདག་གིས་ལྷ་ལ་མཆོད་པ་འབུལ༔ སེམས་ཅན་ཚོགས་གཉིས་རྫོགས་པར་ཤོགཿ ཨཱཥྚ་མངྒལཾ་ཧེ་ཏུ་སྭཱ་ཧཱ༔ ཧཱུྃ་འདོད་ཡོན་རྩ་བ་རིན་ཆེན་བདུན༔ འཁོར་ལོ་ཡིད་བཞིན་ནོར་བུ་དང་༔ རབ་མཛེས་བཙུན་མོ་མི་བདག་དང་༔ དཔལ་གྱི་གླང་པོ་ཅང་ཤེས་རྟ༔ དམག་དཔོན་ལ་སོགས་རིན་ཆེན་བདུན༔ བདག་གིས་ལྷ་ལ་མཆོད་པ་འབུལ༔ བདག་ནི་ཚོགས་གཉིས་རྫོགས་པར་ཤོག༔ ཨོཾ་སཔྟ་རཏྣ་པྲ་ཏིཙྪ་སྭཱ་ཧཱ༔ ཧཱུྃ་བཀྲ་ཤིས་གཙོ་བོ་རྫས་བརྒྱད་དེ༔ གཙོ་མཆོག་རྒྱལ་པོ་ཡུངས་ཀར་སོགས༔ བདག་གིས་ལྷ་ལ་མཆོད་པ་འབུལ༔ ཚོགས་

― KMC022_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཡོངས་སུ་རྫོགས་པར་ཤོག༔ མངྒ་ལཾ་ཨཱརྠ་སིདྡྷི་ཧཱུྃ༔ ཧཱུྃ་བཀྲ་ཤིས་གཙོ་བོ་རྟགས་བརྒྱུད་དེ༔ གཙོ་མཆོག་རྒྱལ་པོ་བུམ་པ་སོགསཿ བདག་གིས་ལྷ་ལ་མཆོད་པ་འབུལ༔ སེམས་ཅན་ཚོགས་གཉིས་རྫོགས་པར་ཤོག༔ མངྒ་ལཾ་ཀུམྦྷ་ཧཱུྃ༔ ཧཱུྃ་འདོད་ཡོན་རྩ་བ་རིན་ཆེན་བདུན༔ གཙོ་མཆོག་རྒྱལ་པོ་ནོར་བུ་སོགས༔ བདག་གིས་ལྷ་ལ་མཆོད་པ་འབུལ༔ བདག་ནི་ཚོགས་གཉིས་རྫོགས་པར་ཤོག༔ ཨོཾ་མ་ཎི་རཏྣ་ཧཱུྃཿ ཧཱུྃ་ཀུན་གྱི་གཙོ་བོ་རི་རབ་གླིང་༔ རི་རབ་གླིང་བཞི་གླིང་ཕྲན་བཅས༔ བདག་གིས་ལྷ་ལ་མཆོད་པ་འབུལ༔ ཚོགས་གཉིས་ཡོངས་སུ་རྫོགས་པར་ཤོག༔ ཨོཾ་རཏྣ་མཎྜལ་ཧཱུྃ༔ ཧཱུྃ་བདག་གིས་སྐྱབས་གནས་ཚེ་དཔག་ལ༔ བདུད་རྩིའི་མཆོད་པ་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་བདུད་རྩིའི་ལྷ་མོར་བསྐྱེད༔ ཚེ་དཔག་ཁྱེད་ལ་འབུལ་བ་ན༔ ཐུགས་རྗེས་བདག་གཞན་ཐམས་ཅད་ལ༔ མཆོག་མཐུན་དངོས་གྲུབ་སྩལ་དུ་གསོལཿ

― KMC022_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ་བདག་གིས་སྐྱབས་གནས་འོད་དཔག་ལ༔ གཏོར་མའི་མཆོད་པ་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་འདོད་ཡོན་ལྷ་མོར་བསྐྱེད༔ འོད་དཔག་ཁྱེད་ལ་འབུལ་བ་ན༔ ཐུགས་རྗེས་བདག་གཞན་ཐམས་ཅད་ལ༔ མཆོག་ཐུན་དངོས་གྲུབ་སྩལ་དུ་གསོལ༔ ཧཱུྃ་བདག་གིས་སྐྱབས་གནས་འོད་དཔག་ལ༔ རཀྟའི་མཆོད་པ་འབུལ་བ་ན༔ བདག་ནི་ཐ་མལ་ལུས་པོ་ཡང་༔ སེམས་ཀྱིས་མཆོད་པའི་ལྷ་མོར་བསྐྱེད༔ འོད་དཔག་ཁྱེད་ལ་འབུལ་བ་ན༔ ཐུགས་རྗེས་བདག་གཞན་ཐམས་ཅད་ལ༔ མཆོག་ཐུན་དངོས་གྲུབ་སྩལ་དུ་གསོལ༔ ཨོཾ་བཛྲ་པཉྩ་ཨ་མྲྀ་ཏ་བ་ལིང་ཏ་རཀྟ་ཁ་རཾ་ཁཱ་ཧི༔ ཨོཾ་རྡོ་རྗེའི་སྐུ་ནི་སྐུ་ཡི་མཆོགཿ ཚངས་དང་བརྒྱ་བྱིན་འགྲན་དུ་མེད༔ ནམ་མཁའ་ལྟ་བུའི་སྐུ་མངའ་བའི༔ ཆོས་ཀྱི་སྐུ་ལ་ཕྱག་འཚལ་བསྟོད༔ ཨཱཿརྡོ་རྗེའི་གསུང་ནི་གསུང་གི་མཆོག༔ ཆེ་བ་འབྲུག་གིས་དོ་ཟླ་མེད༔ སྙན་པ་གླུ་མས་དོ་ཟླ་མེད༔ ཐུགས་རྗེའི་སྤྱན་གྱིས་

― KMC022_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་པ་ཡི༔ ལོངས་སྤྱོད་རྫོགས་སྐུར་ཕྱག་འཚལ་བསྟོད༔ ཧཱུྃ་རྡོ་རྗེའི་ཐུགས་ནི་ཐུགས་ཀྱི་མཆོག༔ འགྲོ་བའི་དོན་ལ་ངེས་པར་གཟིགས༔ ཚངས་པ་བརྒྱ་བྱིན་ཐུགས་ཀྱིས་ཀྱང་༔ དོ་ཟླ་མེད་པའི་བཀའ་དྲིན་ཅན༔ སྤྲུལ་པའི་སྐུ་ལ་ཕྱག་འཚལ་བསྟོད༔ ཨོཾ་བདག་ནི་མ་རིག་དབང་གྱུར་པས༔ འོད་དཔག་ཐུགས་དང་གང་འགལ་བ༔ བཤགས་བགྱི་བཛྲ་སཏྭ་ཧཱུྃཿ ཨོཾ་སྐུ་ཡི་དམ་ཚིག་ཉམས་པ་བཤགས༔ ཁྱེད་ཀྱི་སྐུ་ལ་ཕྱག་འཚལ་བསྟོད༔ ཨཱ༔གསུང་གི་དམ་ཚིག་ཉམས་པ་བཤགས༔ ཁྱེད་ཀྱི་གསུང་ལ་ཕྱག་འཚལ་བསྟོད༔ ཧཱུྃ་ཐུགས་ཀྱི་དམ་ཚིག་ཉམས་པ་བཤགས༔ ཁྱེད་ཀྱི་ཐུགས་ལ་ཕྱག་འཚལ་བསྟོད༔ ཨོཾ་ཧྲཱིཿསྭཱ་ཧཱ༔ བཛྲ་སཏྭ་ཨོཾ༔ བཛྲ་སཏྭ་ཨཱ༔ བཛྲ་སཏྭ་ཧཱུྃ༔ ཨེ་མ་ཧོ༔ ངོ་མཚར་སངས་རྒྱས་སྣང་བ་མཐའ་ཡས་དང་༔ ཐུགས་རྗེ་ཆེན་པོ་མཐུ་ཆེན་ཐོབ་ལ་སོགས༔ སངས་རྒྱས་བྱང་སེམས་དཔག་མེད་ཐམས་ཅད་ལ༔ རྩེ་གཅིག་གུས་པའི་སེམས་

― KMC022_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གསོལ་བ་འདེབས༔ བདག་ལ་མཆོག་གི་དངོས་གྲུབ་སྩལ་དུ་གསོལ༔ སྣང་བ་མཐའ་ཡས་འགྲུབ་པར་བྱིན་གྱིས་རློབས༔ དེ་ནས་རྩ་སྔགས་འབྲིང་པོ་ནི༔ ཨོཾ་ཨ་མི་དྷེ་ཝ་ཧྲཱི༔ ཡང་བསྡུས་ཧྲཱི༔ བསྒྲང་ཆོག་པ་ཡིན༔ དེ་ནས་ཚེ་འགུགས་ཚེ་སྒྲུབ་ནི༔ ཧཱུྃ་བཅོམ་ལྡན་འོད་དཔག་མེད་མགོན་ནི༔ ཞལ་གཅིག་ཕྱག་གཉིས་སྐུ་མདོག་དམར༔ ཕྱག་གཉིས་མཉམ་བཞག་ལྷུང་བཟེད་བསྣམས༔ ཞབས་གཉིས་རྡོ་རྗེ་སྐྱིལ་ཀྲུང་བཞུགས༔ སྤྲུལ་པའི་ལྷ་མོ་མགྱོགས་མ་ལྔས༔ ཚེ་བུམ་འཛིན་ཅིང་མདའ་དར་གཡབ༔ འབྱུང་བའི་བཅུད་བསྡུས་ལྷུང་བཟེད་ཐིམ༔ ལྷུང་བཟེད་ཚེ་ཡི་བདུད་རྩིས་གང་༔ དེ་ནས་རང་ལ་ཐིམ་པར་གྱུར༔ ཧཱུྃ་མདའ་དར་ཤར་དུ་གཡུག་པའི་ཚེ༔ རླུང་གི་བཅུད་རྣམས་འདུས་པ་ལས༔ འཇའ་ཚོན་ལྗང་གུ་འོད་དུ་འབར༔ དེ་དབུས་རླུང་གི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་ལྗང་༔ བུམ་པ་འཛིན་ཏེ་གར་ཁྱུག་ཁྱུག༔ ལྗང་འོད་འབར་བའི་བྲོ་ཁྲིག་ཁྲིག༔ མདའ་དར་ལྷོ་རུ་གཡུག་པའི་ཚེ༔

― KMC022_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཡི་བཅུད་རྣམས་འདུས་པ་ལས༔ འཇའ་མཚོན་དམར་པོ་འོད་དུ་འབར༔ དེ་དབུས་མེ་ཡི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་དམར༔ བུམ་པ་འཛིན་ཏེ་གར་ཁྱུག་ཁྱུག༔ དམར་འོད་འབར་བའི་བྲོ་ཁྲིག་ཁྲིག༔ མདའ་དར་ནུབ་ཏུ་གཡུག་པའི་ཚེ༔ ལྕགས་ཀྱི་བཅུད་རྣམས་འདུས་པ་ལས༔ འཇའ་ཚོན་དཀར་པོ་འོད་དུ་འབར༔ དེ་དབུས་ལྕགས་ཀྱི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་དཀར༔ བུམ་པ་འཛིན་ཏེ་གར་ཁྱུག་ཁྱུག༔ དཀར་འོད་འབར་བའི་བྲོ་ཁྲིག་ཁྲིག༔ མདའ་དར་བྱང་དུ་གཡུག་པའི་ཚེ༔ ཆུ་ཡི་བཅུད་རྣམས་འདུས་པ་ལས༔ འཇའ་ཚོན་སྔོན་པོ་འོད་དུ་འབར༔ དེ་དབུས་ཆུ་ཡི་ལྷ་མོ་ནི༔ ཞལ་གཅིག་ཕྱག་གཉིས་མདའ་དར་སྔོ༔ བུམ་པ་འཛིན་ཏེ་གར་ཁྱུག་ཁྱུག༔ སྔོ་འོད་འབར་བའི་བྲོ་ཁྲིག་ཁྲིག༔ མདའ་དར་སྟེང་དུ་གཡུག་པའི་ཚེ༔ ས་ཡི་བཅུད་རྣམས་འདུས་པ་ལས༔ འཇའ་ཚོན་སེར་པོ་འོད་དུ་འབར༔ དེ་དབུས་ས་ཡི་ལྷ་

― KMC022_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་ནི༔ ཞལ་གཅིག་ཕྱག་གཉིས་མདའ་དར་སེར༔ བུམ་པ་འཛིན་ཏེ་གར་ཁྱུག་ཁྱུག༔ སེར་འོད་འབར་བའི་བྲོ་ཁྲིག་ཁྲིག༔ ཕྱོགས་བཞི་སྟེང་གི་ལྷ་མོ་ལྔས༔ འབྱུང་བ་ལྔ་ཡི་བཀྲག་འདུས་ལ༔ བདག་གི་བཀྲག་མདངས་རྒྱས་པར་མཛོད༔ ཕྱོགས་བཞི་སྟེང་གི་ལྷ་མོ་ལྔས༔ འབྱུང་བ་ལྔ་ཡི་ཚེ་སྡུས་ལ༔ བདག་གི་ཚེ་འདི་བརྟན་པར་མཛོད༔ ཕྱོགས་བཞི་སྟེང་གི་ལྷ་མོ་ལྔས༔ འབྱུང་བ་ལྔ་ཡི་བཅུད་སྡུས་ལ༔ བདག་གི་ཚེ་བཅུད་རྒྱས་པར་མཛོད༔ ཕྱོགས་བཞི་སྟེང་གི་ལྷ་མོ་ལྔའི༔ འབྱུང་བ་ལྔ་ཡི་འོད་སྡུས་ལ༔ བདག་གི་འོད་ནི་རྒྱས་པར་མཛོད༔ ཏདྱ་ཐཱ༔ ཌཱ་ཀི་ནཱི་ཧ་རི་ནི་ས༔ མ་མ་ཨཱ་ཡུཿ སིདྡྷི་ཕ་ལ་པུཥྚིཾ་ཀུ་རུ་ཡེ་སྭཱ་ཧཱ༔ ཨེ་མ་ཧོ༔ རྫོགས་པའི་སངས་རྒྱས་སྣང་བ་མཐའ་ཡས་དང་། ཐུགས་རྗེ་ཆེན་པོ་མཐུ་ཆེན་ཐོབ་དང་ནི༔ སངས་རྒྱས་བྱང་སེམས་དཔག་ཏུ་མེད་རྣམས་ལ༔ བདག་གིས་གུས་པའི་སེམས་ཀྱིས་ཕྱག་འཚལ་བསྟོད༔ གསོལ་བ་འདེབས་སོ་ཚེ་ཡི་དངོས་གྲུབ་

― KMC022_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

སྩོལ༔ དང་པོ་རྩ་སྔགས་རྒྱས་པ་ནི༔ ཨོཾ་ཨཱཿཧཱུྃ་ཨ་མིདྷེ་ཝ་ཨཱ་ཡུ༔ སིདྡྷི་ཧཱུྃ༔ ཨོཾ་བྷྲཱུཾ་སྭཱ་ཧཱ༔ བྷྲཱུཾ་གཉིས་ནི༔ གང་འདོད་གཅིག་ནི་བཟླས་པས་ཆོག༔ དེ་ནས་མདུན་གྱི་བཅོམ་ལྡན་འདས༔ འོད་དུ་ཞུ་ནས་རང་ལ་ཐིམ༔ རང་ལུས་ནམ་མཁའི་འཇའ་ཚོན་ལྟར༔ བཅོམ་ལྡན་འདས་ཀྱི་སྐུར་སྣང་བ༔ གསལ་སྟོང་ཟུང་དུ་འཇུག་པར་གྱུར༔ ཨེ་མ་ཧོ༔ ངོ་མཚར་སངས་རྒྱས་སྣང་བ་མཐའ་ཡས་དང་༔ གཡས་སུ་ཇོ་བོ་ཐུགས་རྗེ་ཆེན་པོ་དང་༔ གཡོན་དུ་སེམས་དཔའ་མཐུ་ཆེན་ཐོབ་རྣམས་ལ༔ སངས་རྒྱས་བྱང་སེམས་དཔག་མེད་འཁོར་གྱིས་བསྐོར༔ བདེ་སྐྱིད་ངོ་མཚར་དཔག་ཏུ་མེད་པ་ཡི༔ བདེ་བ་ཅན་ཞེས་བྱ་བའི་ཞིང་ཁམས་དེར༔ བདག་ནི་འདི་ནས་ཚེ་འཕོས་གྱུར་མ་ཐག༔ སྐྱེ་བ་གཞན་གྱིས་བར་མ་ཆོད་པ་རུ༔ དེ་རུ་སྐྱེས་ནས་སྣང་མཐའ་ཞལ་མཐོང་ཤོག༔ དེ་སྐད་བདག་གིས་སྨོན་ལམ་བཏབ་པ་འདི༔ ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱིས༔ གེགས་མེད་འགྲུབ་པར་བྱིན་གྱིས་

― KMC022_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབ་ཏུ་གསོལ༔ ཏདྱ་ཐཱ༔ པཉྩ་དྲི་ཡ་ཨ་ཝ་བོ་དྷ་ནཱ་ཡ་སྭཱ་ཧཱ༔ བདེ་ཆེན་ཞིང་སྒྲུབ་འདོན་ཆ་འདི༔ གཏེར་བློན་རཱ་ག་ཨ་སྱེ་ཡིས༔ གཏེར་སྟོན་དགོངས་པ་རྫོགས་པའི་ཕྱིར༔ གནམ་ཆོས་གཞུང་ནས་བཏུས་ཏེ་བསྒྲིགས༔ ཉེ་གནས་ཀུན་དགས་ཡི་གེར་བཀོད༔ ཉེས་འགལ་མཆིས་ན་ལྷ་ལ་བཤགས༔ དགེ་བས་འབྲེལ་ཐོགས་འགྲོ་བ་ཀུན༔ བདེ་ཆེན་ཞིང་དུ་སྐྱེ་ཕྱིར་བསྔོ༔ ༁ྃ༔ གནམ་ཆོས་འོད་ཆོག་བསྔོ་བ་ནི༔ ཕྱོགས་དུས་རྒྱལ་བ་སྲས་བཅས་དགོངས༔ ཚོགས་གཉིས་རྫོགས་ལ་རྗེས་ཡི་རང་༔ བདག་གིས་དུས་གསུམ་དགེ་བསགས་པ༔ དཀོན་མཆོག་གསུམ་ལ་མཆོད་པ་འབུལ༔ རྒྱལ་བའི་བསྟན་པ་འཕེལ་གྱུར་ཅིག༔ དགེ་བ་སེམས་ཅན་ཀུན་ལ་བསྔོ༔ འགྲོ་ཀུན་སངས་རྒྱས་ཐོབ་གྱུར་ཅིག༔ དགེ་རྩ་ཐམས་ཅད་གཅིག་བསྡུས་ཏེ༔ བདག་གི་རྒྱུད་ལ་སྨིན་གྱུར་ཅིག༔ སྒྲིབ་གཉིས་དག་ནས་ཚོགས་རྫོགས་ཏེ༔ ཚེ་རིང་ནད་མེད་ཉམས་རྟོགས་འཕེལ༔ ཚེ་འདིར་ས་བཅུ་ནོན་གྱུར་ཅིག༔ ནམ་ཞིག་ཚེ་འཕོས་གྱུར་མ་ཐག༔ བདེ་བ་ཅན་དུ་སྐྱེ་གྱུར་ཅིག༔ སྐྱེས་ནས་པདྨའི་ཁ་ཕྱེ་སྟེ༔ ལུས་རྟེན་དེ་ལ་སངས་

― KMC022_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཤོག༔ བྱང་ཆུབ་ཐོབ་ནས་ཇི་སྲིད་དུ༔ སྤྲུལ་པས་འགྲོ་བ་འདྲེན་པར་ཤོག༔ ས་མ་ཡ་རྒྱ་རྒྱ་རྒྱ༔ ཅེས་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་ཆུ་སྟོད་ཟླ་བའི་ཚེས་གཅིག་ལ་སྣང་བ་མཐའ་ཡས་ཀྱི་བཀའ་སྩལ་པའོ༔ ༈ སྨོན་ལམ་སོགས་ཇི་ཙམ་བཏོན་རྗེས་སུ། ཐལ་མོ་སྦྱར་ལ༔ ཨོཾ་འགྲུབ་པར་གྱུར་ཅིག་རྡོ་རྗེའི་སྐུ་ནི་སྐྱེ་འཆི་བྲལ༔ ཚངས་པའི་གསུང་ནི་སྐྱེ་མེད་རྟག་པ་རྡོ་རྗེའི་གསུང་༔ སྤྲོས་བྲལ་ཐུགས་ནི་དུས་གསུམ་འགྱུར་མེད་རྡོ་རྗེའི་ཐུགས༔ འཆི་མེད་སྐུ་གསུང་ཐུགས་དང་ཡོང་དག་ལྡན་པ་ཡི༔ རྔ་སྒྲའི་རྒྱལ་པོ་འདྲེན་པ་འོད་དཔག་མེད༔ སྐུ་གསུང་ཐུགས་ཡོན་ཕྲིན་ལས་འགྲུབ་གྱུར་ཏེ༔ བདག་ཅག་ཚེ་དང་བསྒྲུབས་པ་མཐར་ཕྱིན་ནས༔ རླབས་ཆེན་འགྲོ་བའི་དོན་ལ་སྤྱོད་པར་ཤོག༔ ཞེས་ལན་གསུམ་བརྗོད་པར་བྱ་སྟེ་རྡོ་རྗེའི་ཚིག་གོ །དེ་ནས་བཟོད་གསོལ། མ་འབྱོར་པ་དང་སོགས་ཡིག་བརྒྱ་བརྗོད་ནས་གཞུང་གི །དེ་ནས་མདུན་གྱི་སོགས་བསྡུ་རིམ་དང་༔ ཤིས་བརྗོད་དགེ་བསྔོ་སོགས་བྱའོ། །དགེ་ལེགས་འཕེལ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་

― KMC022_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཞིང་སྒྲུབ་ཟིན་བྲིས་ཀྱི་ལྷན་ཐབས་ཉུང་བསྡུས།

― KMC022_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་སྒྲུབ་ཟིན་བྲིས་ཀྱི་ལྷན་ཐབས་ཉུང་བསྡུས་བཞུགས་སོ། །

― KMC022_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཨ་མི་ཏ་བྷ་ཡ༔ ཞིང་སྒྲུབ་བསྙེན་པ་སོགས་ཀྱི་སྟ་གོན་རྒྱས་འབྲིང་བསྡུས་གསུམ་སོགས་ནི་ཟིན་བྲིས་ལྟར་ལ། རང་གཞན་གཤིན་དོན་སྟ་གོན་རྒྱས་འབྲིང་བསྡུས་གསུམ་ལ། རྒྱས་པ་ནི་ཞིང་བཀོད་ཞལ་ཐང་བཤམ་པའི་མདུན། མཆོད་སྟེགས་སྟེང་དུ་འབྲུའི་ཚོམ་བུ་འདབ་བརྒྱད་ཀྱི་དབུས་སུ་སྐུ་གཟུགས་བཞག །གཡས་སུ་རྣམ་རྒྱལ་བུམ་པ་རྫས་ལྡན་རྒྱན་འཛོམ། གཡོན་དུ་ལས་བུམ་མདུན་དུ་ཟླུམ་གཏོར་རྒྱན་ལྡན། དེའི་མདུན་སྨན་རག་གཏོར་གསུམ་དང་ཞིང་སྐྱོང་གཏོར་མ། བཀྲ་ཤིས་རྫས་རྟགས་རྒྱལ་སྲིད་སྣ་བདུན་འབུར་མའམ་ནི་ཙཀ་ལི། ཉེར་སྤྱོད་གོང་ནས་འཕྲེང་བཀྲམ་མམ་བཙུགས་པ་གང་བདེ་མཛེས་པར་བརྒྱན། དེ་མཐར་མཆོད་པ་སྣ་བདུན་བཤམ༔

― KMC022_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

༈ འབྲིང་པོ་ཟླུམ་གཏོར་རྩེ་ལ་འོད་དཔག་ཙཀ་ལི་བཙུག །བུམ་པ་གཉིས་དང་སྨན་རག་གཏོར་གསུམ་མཆོད་པ་སྣ་བདུན་བཤམ་པས་འཐུས། ༈ བསྡུས་པ་མདུན་བསྐྱེད་རྟེན་རིན་པོ་ཆེའི་སྣོད་འབྲུས་བཀང་སྟེ་རྡོ་རྗེ་བཞག །བུམ་པ་གཏོར་མ་གང་འཛོམ་བཤམ། ཐོག་མར་སྔོན་འགྲོ་ནི་ཅོག་རྡོག་བཤམ་ལ། རིན་ཆེན་སྣོད་དུ་སོགས་ནས་ཁཱ་ཧི་གསུམ་དང་གཙྪ་གཙྪ་ཅེས་ཕྱི་རོལ་དོར། ན་མོ་དཀོན་མཆོག་གསུམ་སོགས་འོད་དཔག་ལས་བྱང་ཚང་བར་བསྙེན་པའི་མཚམས་པར་འདོན་ནས། རང་ཉིད་སེམས་དཔའ་འཇིག་རྟེན་དབང་ཕྱུག་དཀར། །ཞལ་གཅིག་ཕྱག་བཞི་དང་པོ་ཐལ་སྦྱར་དང་། །འོག་མས་ཤེལ་ཕྲེང་དང་ནི་

― KMC022_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

པད་དཀར་འཛིན། །ཐོར་ཚུགས་དར་དང་རིན་ཆེན་རྒྱན་གྱིས་བརྒྱན། །སྐུ་སྨད་པདྨའི་རང་ནུབ་སྐྱིལ་ཀྲུང་བཞུགས། །ཐུགས་ཀར་མདུན་དུ་བསྐྱེད་པ་ལྟ་བུ་ཡི། །འོད་དཔག་མེད་པ་གཙོ་འཁོར་གསུམ་པོ་དང་། །བདེ་ཆེན་ཞིང་བཀོད་ཡོངས་སུ་རྫོགས་པར་གསལ། །གཙོ་བོའི་ཐུགས་ཀར་ཟླ་སྟེང་ཧྲཱིཿཡིག་མཐར། །ཨ་མི་དྷེ་ཝའི་སྔགས་འཕྲེང་གཡས་སུ་འཁོར། །དེ་ལས་འོད་ཟེར་ཁ་དོག་སྣ་ཚོགས་པ། །མཛོད་སྤུ་ནས་ཐོན་ནམ་མཁའ་ཁྱབ་པར་འཕྲོས། །ཕྱོགས་བཅུའི་རྒྱལ་བ་སྲས་བཅས་ཐམས་ཅད་མཆོད། །རྒྱལ་བའི་བྱིན་རླབས་བསྡུས་ནས་རང་ལ་ཐིམ། །འགྲོ་བ་སེམས་ཅན་ཀུན་གྱི་སྡིག་སྒྲིབ་སྦྱངས། །བདེ་བ་ཅན་དུ་སྐྱེ་བའི་སྐལ་ལྡན་གྱུར། །ཡུལ་ཕྱོགས་ཕྱི་སྣོད་བདེ་ཆེན་ཞིང་དུ་གྱུར། །ནང་བཅུད་སེམས་ཅན་འོད་དཔག་མེད་པའི་སྐུ། །ཡབ་ཡུམ་སྲས་དང་སེམས་དཔའ་སེམས་མ་དང་། །སངས་རྒྱས་བྱང་སེམས་འཕགས་པའི་དགེ་འདུན་གྱུར། །

― KMC022_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་སྒྲ་སྒྲོགས་པས་འཁོར་བ་དོང་ནས་སྤྲུགས། །གཟུགས་ཅན་གཟུགས་མེད་སེམས་ཅན་ཐམས་ཅད་ཀུན། །འོད་དཔག་མེད་པའི་གོ་འཕང་ཐོབ་པར་གྱུར། །ཨོཾ་ཨ་མི་དྷེ་ཝ་ཧྲཱིཿ བརྒྱའམ་ཅི་མང་བཟླས་སོ། །རང་གི་ཐུགས་ཀའི་སྔགས་ཕྲེང་འོད་ཟེར་ལས། །ཧྲཱི༔ཡིག་དམར་པོ་བྱེ་རུའི་ཕྲེང་བ་ལྟར། །ཞལ་ནས་ཐོན་ཅིང་མདུན་བསྐྱེད་ཞལ་དུ་བཞུགས། །ཐུགས་ཀའི་སྔགས་ཕྲེང་ལ་ཐིམ་ཐུགས་རྒྱུད་བསྐུལ། །དེ་ལས་ཧྲཱིཿཡིག་དམར་པོའི་ཕྲེང་བ་བྱོན། །ལྟེ་བ་ནས་ཐོན་རང་གི་ལྟེ་བར་ཐིམ། །ཐུགས་ཀར་ཐིམ་པས་བྱིན་རླབས་དངོས་གྲུབ་ཐོབ། །མགལ་མེའི་འཁོར་ལོ་བཞིན་དུ་འཁོར་བ་ལས། །བར་དུ་འཁོར་ཚེ་འོད་ཟེར་སྣ་ཚོགས་པ། །ནུབ་ཕྱོགས་བདེ་བ་ཅན་གྱི་ཞིང་དུ་འཕྲོས། །སངས་རྒྱས་འོད་དཔག་མེད་པའི་སྐུ་ལ་ཐིམ། །སྐུ་གསུང་ཐུགས་རྒྱུད་མཉེས་པའི་མཆོད་པར་གྱུར། །སྐུ་ལས་འོད་དཔག་མེད་པའི་སྐུ་ཆེ་ཕྲ། །གསུང་ལས་སྔགས་ཕྲེང་ཧྲཱིཿཡིག་

― KMC022_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་པོ་དང་། །ཐུགས་ལས་རྡོ་རྗེ་དམར་པོ་རྩེ་ལྔ་པ། །ཁ་བ་བུ་ཡུག་འཚུབས་པ་ཞིན་དུ་བྱོན། །བདག་མདུན་རྣམས་ལ་སིབ་སིབ་ཐིམ་པར་གྱུར། །ཧྲཱིཿ བརྒྱ་རྩའམ་ཅི་མང་བཟླས་སོ། །དེ་ནས་བདག་མདུན་བུམ་པ་ལ། མདུན་བསྐྱེད་བུམ་བསྐྱེད་ཐུགས་ཀ་རུ། །ཟླ་སྟེང་ཧྲཱིཿདམར་གཟུངས་ཀྱིས་བསྐོར། །རང་གི་ཐུགས་ཀའི་སྔགས་ཕྲེང་འཕྲོས། །མདུན་བསྐྱེད་ཞལ་ཞུགས་ཐུགས་རྒྱུད་བསྐུལ། །གཟུངས་སྔགས་གཡས་སུ་འཁོར་བ་ལས། །འོད་ཟེར་སྣ་ཚོགས་སོགས་ནས་བུམ་པ་གང་བར་གྱུར། །གཟུངས་རིང་ཅི་མང་བཟླས། ལས་བུམ་ལ། ལས་བུམ་ནང་དུ་རྟ་མགྲིན་དམར། །ཐོད་དབྱུག་ཞགས་འཛིན་འདོར་ཐབས་བཞུགས། །སྐུ་ལས་བདུད་རྩིའི་རྒྱུན་བབས་པས། །བུམ་པ་བདུད་རྩིས་གང་བར་གྱུར། །ཨོཾ་ཧ་ཡ་གྲཱི་ཝ་ཧཱུྃ་ཕཊ། ཉེར་གཅིག་བདུན་སོགས་བཟླས་སོ། །དེ་ནས་བདེ་སྨོན་རྒྱས་པའམ། ཤེས་བྱ་མའམ། ཕྱོགས་དུས་རྒྱལ་བའམ། བཟང་སྤྱོད་དམ་ཐམས་ཅད་ཚང་ན་དང་། མ་ཚང་ན་འདོན་རེས་བྱ། དེ་ལྟ་བུའི་ཆོ་ག་བསྡུས་པ་ཚར་གཅིག་ལ་རུང་ཙམ་ལས།

― KMC022_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་རྐྱང་ནི་རང་དོན་ཐུགས་དམ་ཡིན། གཞན་དོན་བདག་མདུན་བུམ་གསུམ་ཚང་མ་དང་། བདེ་སྨོན་རྣམས་མ་ཚར་ན་མི་རུང་། གཞུང་ཚེ་འགུགས་དང་སྔགས་སོགས་དོ་ནུབ་ཚར་གཅིག །བཤིན་དོན་ལ་མི་དགོས། དེ་ཡང་གསོན་པོའི་རིམ་གྲོ་ལ་ཚེ་ཆོག་བྱེད་ན་ཚེ་གཟུངས་དང་དབང་རྫས་དབང་ལྟར་ལས་བདེ་སྨོན་མ་ཐོན་ན་མི་དགོས་སོ། །ཞེས་གནས་མདོ་བདེ་ཆེན་གྱིས་མཛད་པའོ། །གནམ་ཆོས་བདེ་ཆེན་ཞིང་སྒྲུབ་ཀྱི་ཆོ་གའི་ལྷན་ཐབས་ཕན་ཡོན་བསྔགས་པ་མཐའ་ཡས་པའི་གཟུངས་ཡང་། གནམ་ཆོས་བདེ་ཆེན་ཞིང་སྒྲུབ་ཀྱི། བྱང་ཆོག་བསྡུས་པ་གཞུང་ལྟར་ཏེ། ཅུང་ཞིག་རྒྱས་པར་བྱ་འདོད་ན། །མདུན་བསྐྱེད་བུམ་བསྐྱེད་ཐུགས་ཀ་རུ༔ ཟླ་སྟེང་ཧྲཱིཿཡིག་དམར་པོའི་མཐར༔ གཟུངས་སྔགས་གཡས་སུ་འཁོར་བ་ལས༔ འོད་ཟེར་སྣ་ཚོགས་ཕྱོགས་བཅུར་འཕྲོས༔ ཚེ་འདས་ཐོག་དྲངས་འགྲོ་ཀུན་གྱི༔ སྡིག་སྒྲིབ་ཉེས་ལྟུང་བག་ཆགས་ཀུན༔ བ་མོར་ཉི་ཟེར་ཕོག་ལྟར་དག༔ བུམ་ལྷའི་སྐུ་ལས་བདུད་རྩི་བབས༔ བུམ་པ་བདུད་རྩིས་གང་དམིགས་ཤིང་༔ མཐུན་མཚམས་བཟུངས་འདི་བདུན་ཉེར་གཅིག༔ བརྒྱ་རྩ་ལ་སོགས་ཅི་འགྲུབ་བཟླས༔ བྱེ་མ་ལ་ཡང་སྔགས་ན་ལེགས། ན་མོ་རཏྣ་

― KMC022_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ཏྲ་ཡཱ་ཡ༔ ན་མོ་བྷ་ག་ཝ་ཏེ༔ ཨ་མི་ཏ་བྷཱ་ཡ༔ ཏ་ཐཱ་ག་ཏཱ་ཡཿ ཨཱརྷ་ཏེ་སཾ་མྱཀྶཾ་བུདྡྷ་ཡ༔ ཏ་དྱ་ཐཱ༔ ཨོཾ་ཨ་མི་ཏེ༔ ཨ་མི་ཏོདྦྷ་ཝེཿ ཨ་མི་ཏ་སཾ་བྷ་ཝེ༔ ཨ་མི་ཏ་བིཀྲཱནྟེ༔ ཨ་མི་ཏ་གཱ་མི་ནཱི༔ ག་ག་ན་ཀཱིརྟི་ཀ་རེ་སརྦ་ཀླེ་ཤ་ཀྵ་ཡཾ་ཀ་རི་སྭཱ་ཧཱ༔ གཟུངས་འདི་ལན་གཅིག་བརྗོད་པས་ཀྱང་། །བསྐལ་པ་འབུམ་དུ་བསགས་པ་ཡི། །ལས་ཀྱི་སྒྲིབ་པ་བྱང་བར་འགྱུར། །གཞན་ཡང་ཕན་ཡོན་དཔག་མེད་པ། །བཅོམ་ལྡན་ཐུབ་པའི་ཞལ་ནས་གསུངས། །འོད་དཔག་མེད་པའི་གཟུངས་འདི་ནི། །རྒྱུད་འབུམ་ནང་ན་བཞུགས་པ་ཡིན། །བྱ་བའི་རྒྱུད་དུ་གཏོགས་ལགས་ཀྱང་། །བྱ་རྒྱུད་བླ་མེད་ཉམས་ལེན་ལུགས། །འདི་ལ་སྦྱར་བས་འགལ་བ་མེད། །ཚེ་གཟུངས་བྱ་རྒྱུད་ཡིན་མོད་ཀྱང་། །བླ་མེད་ལུགས་ལ་སྦྱར་དང་མཚུངས། །ཞེས་པ་བདེ་ཆེན་ཞིང་སྒྲུབ་ཀྱི། །ལྷན་ཐབས་རཱ་ག་ཨ་སྱས་སྦྱར། །ལས་བུམ་ནི། ལས་བུམ་ནང་དུ་རྟ་མགྲིན་དམར༔ ཐོད་དབྱུག་ཞགས་འཛིན་དོར་སྟབས་བཞུགས༔ སྐུ་ལས་བདུད་རྩིའི་རྒྱུན་བབས་པས༔ བུམ་པ་བདུད་རྩིས་གང་བར་གྱུར། །ཨོཾ་ཧ་ཡ་གྲཱི་ཝ་ཧཱུྃ་ཕཊ༔ བདུན་ནམ་ཉེར་གཅིག་བཟླས་སོ། །ཨཱརྒྷཾ་སོགས་ཀྱིས་མཆོད། ཧྲཱི༔ལས་བྱུང་

― KMC022_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྟ་མཆོག་སྐུ༔ ཉི་མའི་མདོག་མཚུངས་དགྲ་བགེགས་བསྲེགས༔ བདུད་བཞིའི་དཔུང་རྣམས་འཇོམས་མཛད་པ༔ དཔའ་བོ་རྟ་མགྲིན་ཕྱག་འཚལ་བསྟོད༔ ལས་བུམ་གྱི་ཁྲོ་བོས་གེགས་རྣམས་བཟློག་པའི་འཕྲིན་ལས་མཛོད་ཅིག །ཅེས་གནས་མདོ་སངས་རྒྱས་ཀྱིས་ལྷན་ཐབས་སུ་སྦྱར་བའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

མཁས་གྲུབ་རཱ་ག་ཨ་སྱས་མཛད་པའི་རྣམ་དག་བདེ་ཆེན་ཞིང་གི་སྨོན་ལམ།

― KMC022_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་གྲུབ་རཱ་ག་ཨ་སྱས་མཛད་པའི་རྣམ་དག་བདེ་ཆེན་ཞིང་གི་སྨོན་ལམ་བཞུགས་སོ། །

― KMC022_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ཉིད་ཆག་མེད་ཐུགས་དམ་མཛོད། །ལག་པ་ན་ཡང་འབད་ནས་བྲིས། །མང་པོ་འགའ་ལ་ཨེ་ཕན་བསམས། །དཔེ་གཅོད་འདོད་མི་གདའ་ན་གཡོར། །འདི་ལས་ཕན་ཡོན་ཆེ་བ་མེད། །འདི་བས་ཟབ་པའི་གདམས་ངག་མེད། །ང་ཡི་ཆོས་ཀྱི་རྩ་བ་ཡིན། །རང་གར་མ་བསྐྱུར་ཉམས་ལེན་འབུངས། །འདི་ནི་མདོ་ལུགས་ཡིན་པའི་ཕྱིར། །ལུང་མ་ཐོབ་ཀྱང་འདོན་ནི་རུང་། །ཨེ་མ་ཧོ༔ འདི་ནས་ཉི་མ་ནུབ་ཀྱི་ཕྱོགས་རོལ་ན། །གྲངས་མེད་འཇིག་རྟེན་མང་པོའི་ཕ་རོལ་ན། །ཅུང་ཟད་སྟེང་དུ་འཕགས་པའི་ཡུལ་ས་ན། །རྣམ་པར་དག་པའི་ཞིང་ཁམས་བདེ་བ་ཅན། །བདག་གི་ཆུ་བུར་མིག་གིས་མ་མཐོང་ཡང་། །རང་སེམས་གསལ་བའི་ཡུལ་ལ་

― KMC022_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་མེར་གསལ། །དེ་ན་བཅོམ་ལྡན་རྒྱལ་བ་འོད་དཔག་མེད། །པདྨ་རཱ་གའི་མདོག་ཅན་གཟི་བརྗིད་འབར། །དབུ་ལ་གཙུག་ཏོར་ཞབས་ལ་འཁོར་ལོ་སོགས། །མཚན་བཟང་སོ་གཉིས་དཔེ་བྱད་བརྒྱད་ཅུས་སྤྲས། །ཞལ་གཅིག་ཕྱག་གཉིས་མཉམ་གཞག་ལྷུང་བཟེད་འཛིན། །ཆོས་གོས་རྣམ་གསུམ་གསོལ་ཞིང་སྐྱིལ་ཀྲུང་གིས། །པདྨ་སྟོང་ལྡན་ཟླ་བའི་གདན་སྟེང་དུ། །བྱང་ཆུབ་ཤིང་ལ་སྐུ་རྒྱབ་བརྟེན་མཛད་དེ། །ཐུགས་རྗེའི་སྤྱན་གྱིས་རྒྱང་ནས་བདག་ལ་གཟིགས། །གཡས་སུ་བྱང་ཆུབ་

― KMC022_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དཔའ་སྤྱན་རས་གཟིགས། །སྐུ་མདོག་དཀར་པོ་ཕྱག་གཡོན་པད་དཀར་འཛིན། །གཡོན་དུ་བྱང་ཆུབ་སེམས་དཔའ་མཐུ་ཆེན་ཐོབ། །སྔོན་པོ་རྡོ་རྗེས་མཚན་པའི་པདྨ་གཡོན། །གཡས་གཉིས་སྐྱབས་སྦྱིན་ཕྱག་རྒྱ་བདག་ལ་བསྟན། །གཙོ་བོ་གསུམ་པོ་རི་རྒྱལ་ལྷུན་པོ་བཞིན། །ལྷང་ངེ་ལྷན་ནེ་ལྷམ་མེར་བཞུགས་པའི་འཁོར། །བྱང་ཆུབ་སེམས་དཔའི་དགེ་སློང་བྱེ་བ་འབུམ། །ཀུན་ཀྱང་གསེར་མདོག་མཚན་དང་དཔེ་བྱད་བརྒྱན། །ཆོས་གོས་རྣམ་གསུམ་གསོལ་ཞིང་སེར་ལྟེམ་མེ། །མོས་གུས་ཕྱག་ལ་ཉེ་རིང་ཁྱད་མེད་ཕྱིར། །བདག་གིས་སྒོ་གསུམ་གུས་པས་ཕྱག་འཚལ་ལོ། །ཆོས་སྐུ་སྣང་བ་མཐའ་ཡས་རིགས་ཀྱི་བདག །ཕྱག་གཡས་འོད་ཟེར་ལས་སྤྲུལ་སྤྱན་རས་གཟིགས། །ཡང་སྤྲུལ་སྤྱན་རས་གཟིགས་དབང་བྱེ་བ་བརྒྱ། །ཕྱག་གཡོན་འོད་ཟེར་ལས་སྤྲུལ་སྒྲོལ་མ་སྟེ། །ཡང་སྤྲུལ་སྒྲོལ་མ་བྱེ་བ་ཕྲག་བརྒྱ་འགྱེད། །ཐུགས་ཀྱི་འོད་ཟེར་ལས་སྤྲུལ་པདྨ་འབྱུང་། །ཡང་སྤྲུལ་ཨུ་རྒྱན་བྱེ་བ་ཕྲག་བརྒྱ་འགྱེད། །ཆོས་སྐུ་

― KMC022_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་དཔག་མེད་ལ་ཕྱག་འཚལ་ལོ། །སངས་རྒྱས་སྤྱན་གྱིས་ཉིན་མཚན་དུས་དྲུག་ཏུ། །སེམས་ཅན་ཀུན་ལ་བརྩེ་བས་རྟག་ཏུ་གཟིགས། །སེམས་ཅན་ཀུན་གྱི་ཡིད་ལ་གང་དྲན་པའི། །རྣམ་རྟོག་གང་འགྱུས་རྟག་ཏུ་ཐུགས་ཀྱིས་མཁྱེན། །སེམས་ཅན་ཀུན་གྱིས་རྟག་ཏུ་གང་སྨྲས་ཚིག །རྟག་ཏུ་མ་འདྲེས་སོ་སོར་སྙན་ལ་གསན། །ཀུན་མཁྱེན་འོད་དཔག་མེད་ལ་ཕྱག་འཚལ་ལོ། །ཆོས་སྤངས་མཚམས་མེད་བྱས་པ་མ་གཏོགས་པ། །ཁྱེད་ལ་དད་ཅིང་སྨོན་ལམ་བཏབ་ཚད་ཀུན། །བདེ་བ་ཅན་དེར་སྐྱེ་བའི་སྨོན་ལམ་གྲུབ། །བར་དོར་བྱོན་ནས་ཞིང་དེར་འདྲེན་པར་གསུངས། །འདྲེན་པ་འོད་དཔག་མེད་ལ་ཕྱག་འཚལ་ལོ། །ཁྱེད་ཀྱི་སྐུ་ཚེ་བསྐལ་པ་གྲངས་མེད་དུ། །མྱ་ངན་མི་འདའ་ད་ལྟ་མངོན་སུམ་བཞུགས། །ཁྱེད་ལ་རྩེ་གཅིག་གུས་པས་གསོལ་བཏབ་ན། །ལས་ཀྱི་རྣམ་པར་སྨིན་པ་མ་གཏོགས་པའི། །ཚེ་ཟད་པ་ཡང་ལོ་བརྒྱ་ཐུབ་པ་དང་། །དུས་མིན་འཆི་བ་མ་ལུས་བཟློག་པར་གསུངས། །མགོན་པོ་ཚེ་དཔག་

― KMC022_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ལ་ཕྱག་འཚལ་ལོ། །སྟོང་གསུམ་འཇིག་རྟེན་རབ་འབྱམས་གྲངས་མེད་པ། །རིན་ཆེན་གྱིས་བཀང་སྦྱིན་པ་བྱིན་པ་བས། །འོད་དཔག་མེད་པའི་མཚན་དང་བདེ་བ་ཅན། །ཐོས་ནས་དད་པས་ཐལ་མོ་སྦྱར་བྱས་ན། །དེ་ནི་དེ་བས་བསོད་ནམས་ཆེ་བར་གསུངས། །དེ་ཕྱིར་འོད་དཔག་མེད་ལ་གུས་ཕྱག་འཚལ། །གང་ཞིག་འོད་དཔག་མེད་པའི་མཚན་ཐོས་ནས། ཁ་ཞེ་མེད་པར་སྙིང་ཁོང་རུས་པའི་གཏིང་། །ལན་གཅིག་ཙམ་ཞིག་དད་པ་སྐྱེས་པ་ན། །དེ་ནི་བྱང་ཆུབ་ལམ་ལས་ཕྱིར་མི་ལྡོག །མགོན་པོ་འོད་དཔག་མེད་ལ་ཕྱག་འཚལ་ལོ། །སངས་རྒྱས་འོད་དཔག་མེད་པའི་མཚན་ཐོས་ནས། །དེ་ནི་བྱང་ཆུབ་སྙིང་པོ་མ་ཐོབ་བར། །བུད་མེད་མི་སྐྱེ་རིགས་ནི་བཟང་པོར་སྐྱེ། །ཚེ་རབས་ཀུན་ཏུ་ཚུལ་ཁྲིམས་རྣམ་དག་འགྱུར། །བདེ་གཤེགས་འོད་དཔག་མེད་ལ་ཕྱག་འཚལ་ལོ། །བདག་གི་ལུས་དང་ལོངས་སྤྱོད་དགེ་རྩར་བཅས། །དངོས་སུ་འབྱོར་བའི་མཆོད་པ་ཅི་མཆིས་པ། །ཡིད་སྤྲུལ་བཀྲ་ཤིས་རྫས་རྟགས་རིན་

― KMC022_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་བདུན། །གདོད་ནས་གྲུབ་པ་སྟོང་གསུམ་འཇིག་རྟེན་གྱི། །གླིང་བཞི་རི་རབ་ཉི་ཟླ་བྱེ་བ་བརྒྱ། །ལྷ་ཀླུ་མི་ཡི་ལོངས་སྤྱོད་ཐམས་ཅད་ཀུན། །བློ་ཡིས་བླངས་ཏེ་འོད་དཔག་མེད་ལ་འབུལ། །བདག་ལ་ཕན་ཕྱིར་ཐུགས་རྗེའི་སྟོབས་ཀྱིས་བཞེས། །ཕ་མས་ཐོག་དྲངས་བདག་སོགས་འགྲོ་ཀུན་གྱི། །ཐོག་མ་མེད་པའི་དུས་ནས་ད་ལྟའི་བར། །སྲོག་བཅད་མ་བྱིན་ལེན་དང་མི་ཚངས་སྤྱོད། །ལུས་ཀྱི་མི་དགེ་གསུམ་པོ་མཐོལ་ལོ་བཤགས། །རྫུན་དང་ཕྲམ་ཚིག་རྩུབ་ངག་འཁྱལ་བ། །ངག་གི་མི་དགེ་བཞི་པོ་མཐོལ་ལོ་བཤགས། །བརྣབ་སེམས་གནོད་སེམས་ལོག་པར་ལྟ་བ་སྟེ། །ཡིད་ཀྱི་མི་དགེ་གསུམ་པོ་མཐོལ་ལོ་བཤགས། །ཕ་མ་སློབ་དཔོན་དགྲ་བཅོམ་བསད་པ་དང་། །རྒྱལ་བའི་སྐུ་ལ་ངན་སེམས་སྐྱེས་པ་དང་། །མཚམས་མེད་ལྔ་ཡི་ལས་བསགས་མཐོལ་ལོ་བཤགས། །དགེ་སློང་དགེ་ཚུལ་བསད་དང་བཙུན་མ་ཕབ། །སྐུ་གཟུགས་མཆོད་རྟེན་ལྷ་ཁང་བཤིགས་པ་སོགས། །ཉེ་བའི་མཚམས་མེད་

― KMC022_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་བྱས་མཐོལ་ལོ་བཤགས། །དཀོན་མཆོག་ལྷ་ཁང་གསུང་རབ་རྟེན་གསུམ་སོགས། །དཔང་ཞེས་ཚད་བཙུགས་མནའ་ཟོས་ལ་སོགས་པ། །ཆོས་སྤངས་ལས་ངན་བསགས་པ་མཐོལ་ལོ་བཤགས། །ཁམས་གསུམ་སེམས་ཅན་བསད་ལས་སྡིག་ཆེ་བ། །བྱང་ཆུབ་སེམས་དཔའ་རྣམས་ལ་སྐུར་པ་བཏབ། །དོན་མེད་སྡིག་ཆེན་བསགས་པ་མཐོལ་ལོ་བཤགས། །དགེ་བའི་ཕན་ཡོན་སྡིག་པའི་ཉེས་དམིགས་དང་། །དམྱལ་བའི་སྡུག་བསྔལ་ཚེ་ཚད་ལ་སོགས་པ། །ཐོས་ཀྱང་མི་བདེན་བཤད་ཆོད་ཡིན་བསམས་པ། །མཚམས་མེད་ལྔ་བས་ཐུ་བའི་ལས་ངན་པ། །ཐར་མེད་ལས་ངན་བསགས་པ་མཐོལ་ལོ་བཤགས། །ཕམ་པ་བཞི་དང་ལྷག་མ་བཅུ་གསུམ་དང་། །སྤང་ལྟུང་སོར་བཤགས་ཉེས་བྱས་སྡེ་ཚན་ལྔ། །སོ་ཐར་ཚུལ་ཁྲིམས་འཆལ་བ་མཐོལ་ལོ་བཤགས། །ནག་པོའི་ཆོས་བཞི་ལྟུང་བ་ལྔ་ལྔ་བརྒྱད། །བྱང་སེམས་བསླབ་པ་ཉམས་པ་མཐོལ་ལོ་བཤགས། །རྩ་ལྟུང་བཅུ་བཞི་ཡན་ལག་སྦོམ་པོ་བརྒྱད། །གསང་སྔགས་

― KMC022_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ཉམས་པ་མཐོལ་ལོ་བཤགས། །སྡོམ་པ་མ་ཞུས་མི་དགེའི་ལས་བྱས་པ། །མི་ཚངས་སྤྱོད་དང་ཆང་འཐུང་ལ་སོགས་པ། །རང་བཞིན་ཁ་ན་མཐོའི་སྡིག་པ་སྟེ། །སྡིག་པ་སྡིག་ཏུ་མ་ཤེས་མཐོལ་ལོ་བཤགས། །སྐྱབས་སྡོམ་དབང་སྐུར་ལ་སོགས་ཐོབ་ན་ཡང་། །དེ་ཡི་སྡོམ་པ་དམ་ཚིག་སྲུང་མ་ཤེས། །བཅས་པའི་ལྟུང་བ་ཕོག་པ་མཐོལ་ལོ་བཤགས། །འགྱོད་པ་མེད་ན་བཤགས་པས་མི་འདག་པས། །སྔར་བྱས་སྡིག་པ་ཁོང་དུ་དུག་སོང་ལྟར། །ངོ་ཚ་འཇིགས་སྐྲག་འགྱོད་པ་ཆེན་པོས་བཤགས། །ཕྱིན་ཆད་སྡོམ་སེམས་མེད་ན་མི་འདག་པས། །ཕྱིན་ཆད་སྲོག་ལ་བབ་ཀྱང་མི་དགེའི་ལས། །ད་ནས་མི་བགྱིད་སེམས་ལ་དམ་བཅའ་བཟུང་། །བདེ་གཤེགས་འོད་དཔག་མེད་པ་སྲས་བཅས་ཀྱིས། །བདག་རྒྱུད་ཡོངས་སུ་དག་པར་བྱིན་གྱིས་རློབས། །གཞན་གྱིས་དགེ་བ་བྱེད་པ་ཐོས་པའི་ཚེ། །དེ་ལ་ཕྲག་དོག་མི་དགེའི་སེམས་སྤངས་ནས། །སྙིང་ནས་དགའ་བས་རྗེས་སུ་ཡི་རངས་ན། །དེ་ཡི་

― KMC022_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་ནམས་མཉམ་དུ་ཐོབ་པར་གསུངས། །དེ་ཕྱིར་འཕགས་པ་རྣམས་དང་སོ་སྐྱེ་ཡིས། །དགེ་བ་གང་བསྒྲུབས་ཀུན་ལ་ཡི་རང་ངོ་། །བླ་མེད་བྱང་ཆུབ་མཆོག་ཏུ་སེམས་བསྐྱེད་ནས། །འགྲོ་དོན་རྒྱ་ཆེན་མཛད་ལ་ཡི་རང་ངོ་། །མི་དགེ་བཅུ་པོ་སྤངས་པ་དགེ་བ་བཅུ། །གཞན་གྱི་སྲོག་བསྐྱབ་སྦྱིན་པ་གཏོང་བ་དང་། །སྡོམ་པ་སྲུང་ཞིང་བདེན་པར་སྨྲ་བ་དང་། །འཁོན་པ་སྡུམ་དང་ཞི་དལ་དྲང་པོར་སྨྲ། །དོན་དང་ལྡན་པའི་གཏམ་བརྗོད་འདོད་པ་ཆུང་། །བྱམས་དང་སྙིང་རྗེ་སྒོམ་ཞིང་ཆོས་ལ་སྤྱོད། །དགེ་བ་དེ་རྣམས་ཀུན་ལ་ཡི་རང་ངོ་། །ཕྱོགས་བཅུའི་འཇིག་རྟེན་རབ་འབྱམས་ཐམས་ཅད་ན། །རྫོགས་སངས་རྒྱས་ནས་རིང་པོར་མ་ལོན་པར། །དེ་དག་རྣམས་ལ་ཆོས་ཀྱི་འཁོར་ལོ་ནི། །རྒྱ་ཆེན་མྱུར་དུ་བསྐོར་བར་བདག་གིས་བསྐུལ། །མངོན་ཤེས་ཐུགས་ཀྱིས་དེ་དོན་མཁྱེན་པར་གསོལ། །སངས་རྒྱས་བྱང་སེམས་བསྟན་འཛིན་དགེ་བའི་བཤེས། །མྱ་ངན་འདའ་བར་བཞེད་ཀུན་དེ་དག་ལ། །མྱ་ངན་མི་འདའ་བཞུགས་

― KMC022_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གསོལ་བ་འདེབས། །འདིས་མཚོན་བདག་གི་དུས་གསུམ་དགེ་བ་རྣམས། །འགྲོ་བ་སེམས་ཅན་ཀུན་གྱི་དོན་དུ་་བསྔོ། །ཀུན་ཀྱང་བླ་མེད་བྱང་ཆུབ་མྱུར་ཐོབ་ནས། །ཁམས་གསུམ་འཁོར་བ་དོང་ནས་སྤྲུགས་གྱུར་ཅིག །དེ་ཡི་དགེ་བ་བདག་ལ་མྱུར་སྨིན་ནས། །ཚེ་འདིར་དུས་མིན་འཆི་བ་བཅོ་བརྒྱད་ཞི། །ནད་མེད་ལང་ཚོ་རྒྱས་པའི་ལུས་སྟོབས་ལྡན། །དཔལ་འབྱོར་འཛད་མེད་དབྱར་གྱི་གངྒཱ་ལྟར། །བདུད་དགྲའི་འཚེ་བ་མེད་ཅིང་དམ་ཆོས་སྤྱོད། །བསམ་པའི་དོན་ཀུན་ཆོས་ལྡན་ཡིད་བཞིན་འགྲུབ། །བསྟན་དང་འགྲོ་ལ་ཕན་ཐོགས་རྒྱ་ཆེན་འགྲུབ། །མི་ལུས་དོན་དང་ལྡན་པ་འགྲུབ་པར་ཤོག །བདག་དང་བདག་ལ་འབྲེལ་ཐོགས་ཀུན། །འདི་ནས་ཚེ་འཕོས་གྱུར་མ་ཐག །སྤྲུལ་པའི་སངས་རྒྱས་འོད་དཔག་མེད། །དགེ་སློང་དགེ་འདུན་འཁོར་གྱིས་བསྐོར། །མདུན་དུ་མངོན་སུམ་འབྱོན་པར་ཤོག །དེ་མཐོང་ཡིད་དགའ་སྣང་བ་སྐྱིད། །ཤི་བའི་སྡུག་བསྔལ་མེད་པར་ཤོག །བྱང་ཆུབ་སེམས་དཔའ་མཆེད་

― KMC022_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ནི། །རྫུ་འཕྲུལ་སྟོབས་ཀྱིས་ནམ་མཁར་བྱོན། །བདེ་བ་ཅན་དུ་འགྲོ་བ་ཡི། །ལམ་སྟོན་ལམ་སྣ་འདྲེན་པར་ཤོག །ངན་སོང་སྡུག་བསྔལ་བཟོད་བླག་མེད། །ལྷ་མིའི་བདེ་སྐྱིད་མི་རྟག་འགྱུར། །དེ་ལ་སྐྲགས་སེམས་སྐྱེ་བར་ཤོག །ཐོག་མ་མེད་ནས་ད་ལྟའི་བར། །འཁོར་བ་འདི་ན་ཡུན་རེ་རིང་། །དེ་ལ་སྐྱོ་བ་སྐྱེ་བར་ཤོག །མི་ནས་མི་རུ་སྐྱེ་ཆོག་ཀྱང་། །སྐྱེ་རྒ་ན་འཆི་གྲངས་མེད་མྱོང་། །དུས་ངན་སྙིགས་མར་བར་ཆད་མང་། །མི་དང་ལྷ་ཡི་བདེ་སྐྱིད་འདི། །དུག་དང་འདྲེས་པའི་ཟས་བཞིན་དུ། །འདོད་པ་སྤུ་ཙམ་མེད་པར་ཤོག །ཉེ་དུ་ཟས་ནོར་མཐུན་གྲོགས་རྣམས། །མི་རྟག་སྒྱུ་མ་རྨི་ལམ་བཞིན། །ཆགས་ཞེན་སྤུ་ཙམ་མེད་པར་ཤོག །ས་ཆ་ཡུལ་རིས་ཁང་ཁྱིམ་རྣམས། །རྨི་ལམ་ཡུལ་གྱི་ཁང་ཁྱིམ་ལྟར། །བདེན་པར་མ་གྲུབ་ཤེས་པར་ཤོག །ཐར་མེད་འཁོར་བའི་རྒྱ་མཚོ་ནས། །ཉེས་ཆེན་བཙོན་ནས་ཐར་བ་བཞིན། །བདེ་བ་ཅན་གྱི་ཞིང་ཁམས་སུ། །ཕྱི་ལྟས་མེད་པར་འབྲོས་པར་ཤོག །ཆགས་ཞེན་འཁྲི་བ་ཀུན་

― KMC022_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

བཅད་ནས། །བྱ་རྒོད་རྙི་ནས་ཐར་བ་བཞིན། །ནུབ་ཀྱི་ཕྱོགས་ཀྱི་ནམ་མཁའ་ལ། །འཇིག་རྟེན་ཁམས་ནི་གྲངས་མེད་པ། །སྐད་ཅིག་ཡུད་ལ་བགྲོད་བྱས་ནས། །བདེ་བ་ཅན་དུ་ཕྱིན་པར་ཤོག །དེ་རུ་སངས་རྒྱས་འོད་དཔག་མེད། །མངོན་སུམ་བཞུགས་པའི་ཞལ་མཐོང་ནས། །སྒྲིབ་པ་ཐམས་ཅད་དག་པར་ཤོག །སྐྱེ་གནས་བཞི་ཡི་མཆོག་གྱུར་པ། །མེ་ཏོག་པདྨའི་སྙིང་པོ་ལ། །བརྫུས་ཏེ་སྐྱེ་བ་ལེན་པར་ཤོག །སྐད་ཅིག་ཉིད་ལ་ལུས་རྫོགས་ནས། །མཚན་དཔེ་ལྡན་པའི་ལུས་ཐོབ་ཤོག །མི་སྐྱེ་དོགས་པའི་ཐེ་ཚོམ་གྱིས། །ལོ་གྲངས་ལྔ་བརྒྱའི་བར་དག་ཏུ། །ནང་དེར་བདེ་སྐྱིད་ལོངས་སྤྱོད་ལྡན། །སངས་རྒྱས་གསུང་ནི་ཐོས་ན་ཡང་། །མེ་ཏོག་ཁ་ནི་མི་བྱེ་བར། །སངས་རྒྱས་ཞལ་མཇལ་ཕྱི་བའི་སྐྱོན། །དེ་འདྲ་བདག་ལ་མི་འབྱུང་ཤོག །སྐྱེས་མ་ཐག་ཏུ་མེ་ཏོག་བྱེ། །འོད་དཔག་མེད་ཀྱི་ཞལ་མཐོང་ཤོག །བསོད་ནམས་སྟོབས་དང་རྫུ་འཕྲུལ་གྱིས། །ལག་པའི་མཐིལ་ནས་མཆོད་པའི་སྤྲིན། །བསམ་མི་

― KMC022_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་པར་སྤྲོས་བྱས་ནས། །སངས་རྒྱས་འཁོར་བཅས་མཆོད་པར་ཤོག །དེ་ཚེ་དེ་བཞིན་གཤེགས་པ་དེས། །ཕྱག་གཡས་བརྐྱངས་ནས་མགོ་ལ་བཞག །བྱང་ཆུབ་ལུང་བསྟན་ཐོབ་པར་ཤོག །ཟབ་དང་རྒྱ་ཆེའི་ཆོས་ཐོས་ནས། །རང་རྒྱུད་སྨིན་ཅིང་གྲོལ་བར་ཤོག །སྤྱན་རས་གཟིགས་དང་མཐུ་ཆེན་ཐོབ། །རྒྱལ་སྲས་ཐུ་བོ་རྣམ་གཉིས་ཀྱིས། །བྱིན་གྱིས་བརླབས་ཤིང་རྗེས་བཟུང་ཤོག །ཉིན་རེ་བཞིན་དུ་ཕྱོགས་བཅུ་ཡི། །སངས་རྒྱས་བྱང་སེམས་དཔག་མེད་པ། །འོད་དཔག་མེད་པ་མཆོད་པ་དང་། །ཞིང་དེར་བལྟ་ཕྱིར་འབྱོན་པའི་ཚེ། །དེ་དག་ཀུན་ལ་བསྙེན་བཀུར་ཞིང་། །ཆོས་ཀྱི་བདུད་རྩི་ཐོབ་པར་ཤོག །རྫུ་འཕྲུལ་ཐོགས་པ་མེད་པ་ཡིས། །མངོན་དགའི་ཞིང་དང་དཔལ་ལྡན་ཞིང་། །ལས་རབ་རྫོགས་དང་སྟུག་པོ་བཀོད། །སྔ་དྲོ་དེ་དག་རྣམས་སུ་འགྲོ། །མི་བསྐྱོད་རིན་འབྱུང་དོན་ཡོད་གྲུབ། །རྣམ་སྣང་ལ་སོགས་སངས་རྒྱས་ལ། །དབང་དང་བྱིན་རླབས་སྡོམ་པ་ཞུ། །མཆོད་པ་དུ་མས་མཆོད་བྱས་ནས། །དགོང་མོ་

― KMC022_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ་ཅན་ཉིད་དུ། །དཀའ་ཚེགས་མེད་པར་སླེབ་པར་ཤོག །པོ་ཊ་ལ་དང་ལྕང་ལོ་ཅན། །རྔ་ཡབ་གླིང་དང་ཨུ་རྒྱན་ཡུལ། །སྤྲུལ་སྐུའི་ཞིང་ཁམས་བྱེ་བ་བརྒྱར། །སྤྱན་རས་གཟིགས་དང་སྒྲོལ་མ་དང་། །ཕྱག་རྡོར་པད་འབྱུང་བྱེ་བ་བརྒྱ། །མཇལ་ཞིང་མཆོད་པ་རྒྱ་མཚོས་མཆོད། །དབང་དང་གདམས་ངག་ཟབ་མོ་ཞུ། །མྱུར་དུ་རང་གནས་བདེ་ཆེན་ཞིང་། །ཐོགས་པ་མེད་པར་ཕྱིན་པར་ཤོག །ཤུལ་གྱི་ཉེ་དུ་གྲྭ་སློབ་སོགས། །ལྷ་ཡི་མིག་གིས་གསལ་བར་མཐོང་། །སྲུང་སྐྱོབ་བྱིན་གྱིས་རློབ་བྱེད་ཅིང་། །འཆི་དུས་ཞིང་དེར་ཁྲིད་པར་ཤོག །བསྐལ་བཟང་འདི་ཡི་བསྐལ་པའི་ཡུན། །བདེ་བ་ཅན་གྱི་ཞག་གཅིག་སྟེ། །བསྐལ་པ་གྲངས་མེད་འཆི་བ་མེད། །རྟག་ཏུ་ཞིང་དེ་འཛིན་པར་ཤོག །བྱམས་པ་ནས་བཟུང་མོས་པའི་བར། །བསྐལ་བཟང་འདི་ཡི་སངས་རྒྱས་རྣམས། །འཇིག་རྟེན་འདི་ན་ནམ་འབྱོན་ཚེ། །རྫུ་འཕྲུལ་སྟོབས་ཀྱིས་འདིར་འོངས་ནས། །སངས་རྒྱས་མཆོད་ཅིང་དམ་ཆོས་ཉན། །སླར་ཡང་བདེ་ཆེན་

― KMC022_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཁམས་སུ། །ཐོགས་པ་མེད་པར་འགྲོ་བར་ཤོག །སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག །བརྒྱད་ཅུ་རྩ་གཅིག་སངས་རྒྱས་ཞིང་ཀུན་གྱི། །ཡོན་ཏན་བཀོད་པ་ཐམས་ཅད་གཅིག་བསྡོམས་པ། །ཞིང་ཁམས་ཀུན་ལས་ཁྱད་འཕགས་བླ་ན་མེད། །བདེ་བ་ཅན་གྱི་ཞིང་དེར་སྐྱེ་བར་ཤོག །རིན་ཆེན་ས་གཞི་ཁོད་སྙོམས་ལག་མཐིལ་ལྟར། །ཡངས་ཤིང་རྒྱ་ཆེ་གསལ་ཞིང་འོད་ཟེར་འབར། །མནན་ན་ནེམ་ཞིང་བཏེགས་ན་འཕར་བྱེད་པ། །བདེ་འཇམ་ཡངས་པའི་ཞིང་དེར་སྐྱེ་བར་ཤོག །རིན་ཆེན་དུ་མ་ལས་གྲུབ་དཔག་བསམ་ཤིང་། །ལོ་མ་དར་ཟབ་འབྲས་བུ་རིན་ཆེན་བརྒྱན། །དེ་སྟེང་སྤྲུལ་པའི་བྱ་ཚོགས་སྐད་སྙན་སྒྲས། །ཟབ་དང་རྒྱ་ཆེའི་ཆོས་ཀྱི་སྒྲ་རྣམས་སྒྲོག །ངོ་མཚར་ཆེན་པོའི་ཞིང་དེར་སྐྱེ་བར་ཤོག །སྤོས་ཆུའི་ཆུ་ཀླུང་ཡན་ལག་བརྒྱད་ལྡན་མང་། །དེ་བཞིན་བདུད་རྩིའི་ཁྲུས་ཀྱི་རྫིང་བུ་རྣམས། །རིན་ཆེན་སྣ་བདུན་ཐེམ་སྐས་ཕ་གུས་བསྐོར། །མེ་ཏོག་པདྨ་དྲི་ཞིམ་འབྲས་བུར་ལྡན། །པདྨའི་འོད་ཟེར་དཔག་ཏུ་

― KMC022_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ་འཕྲོ། །འོད་ཟེར་རྩེ་ལ་སྤྲུལ་པའི་སངས་རྒྱས་བརྒྱན། །ཡ་མཚན་ཆེན་པོའི་ཞིང་དེར་སྐྱེ་བར་ཤོག །མི་ཁོམ་བརྒྱད་དང་ངན་སོང་སྒྲ་མི་གྲགས། །ཉོན་མོངས་དུག་ལྔ་དུག་གསུམ་ནད་དང་གདོན། །དགྲ་དང་དབུལ་ཕོངས་འཐབ་རྩོད་ལ་སོགས་པ། །སྡུག་བསྔལ་ཐམས་ཅད་ཞིང་དེར་ཐོས་མ་མྱོང་། །བདེ་བ་ཆེན་པོའི་ཞིང་དེར་སྐྱེ་བར་ཤོག །བུད་མེད་མེད་ཅིང་མངལ་ནས་སྐྱེ་བ་མེད། །ཀུན་ཀྱང་མེ་ཏོག་པདྨའི་སྦུབས་ནས་འཁྲུངས། །ཐམས་ཅད་སྐུ་ལུས་ཁྱད་མེད་གསེར་གྱི་མདོག །དབུ་ལ་གཙུག་ཏོར་ལ་སོགས་མཚན་དཔེས་བརྒྱན། །མངོན་ཤེས་ལྔ་དང་སྤྱན་ལྔ་ཀུན་ལ་མངའ། །ཡོན་ཏན་དཔག་མེད་ཞིང་དེར་སྐྱེ་བར་ཤོག །རང་བྱུང་རིན་ཆེན་སྣ་ཚོགས་གཞལ་ཡས་ཁང་། །ཅི་འདོད་ལོངས་སྤྱོད་ཡིད་ལ་དྲན་པས་འབྱུང་། །རྩོལ་སྒྲུབ་མི་དགོས་དགོས་འདོད་ལྷུན་གྱིས་གྲུབ། །ང་ཁྱོད་མེད་ཅིང་བདག་ཏུ་འཛིན་པ་མེད། །གང་འདོད་མཆོད་སྤྲིན་ལག་པའི་མཐིལ་ནས་འབྱུང་། །ཐམས་ཅད་བླ་

― KMC022_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཐེག་ཆེན་ཆོས་ལ་སྤྱོད། །བདེ་སྐྱིད་ཀུན་འབྱུང་ཞིང་དེར་སྐྱེ་བར་ཤོག །དྲི་ཞིམ་རླུང་གིས་མེ་ཏོག་ཆར་ཆེན་འབེབས། །ཤིང་དང་པདྨོ་ཆུ་ཀླུང་ཐམས་ཅད་ལས། །ཡིད་དུ་འོང་བའི་གཟུགས་སྒྲ་དྲི་རོ་རེག །ལོངས་སྤྱོད་མཆོད་པའི་སྤྲིན་ཕུང་རྟག་ཏུ་འབྱུང་། །བུད་མེད་མེད་ཀྱང་སྤྲུལ་པའི་ལྷ་མོའི་ཚོགས། །མཆོད་པའི་ལྷ་མོ་དུ་མས་རྟག་ཏུ་མཆོད། །འདུག་པར་འདོད་ཚེ་རིན་ཆེན་གཞལ་ཡས་ཁང་། །ཉལ་བར་འདོད་ཚེ་རིན་ཆེན་ཁྲི་བཟང་སྟེང་། །དར་ཟབ་དུ་མའི་མལ་སྟན་སྔས་དང་བཅས། །བྱ་དང་ལྗོན་ཤིང་ཆུ་ཀླུང་རོལ་མོ་སོགས། །ཐོས་པར་འདོད་ན་སྙན་པའི་ཆོས་སྒྲ་སྒྲོགས། །མི་འདོད་ཚེ་ན་རྣ་བར་སྒྲ་མི་གྲགས། །བདུད་རྩིའི་རྫིང་དང་ཆུ་ཀླུང་དེ་རྣམས་ཀྱང་། །དྲོ་གྲང་གང་འདོད་དེ་ལ་དེ་ལྟར་འབྱུང་། །ཡིད་བཞིན་འགྲུབ་པའི་ཞིང་དེར་སྐྱེ་བར་ཤོག །ཞིང་དེར་རྫོགས་པའི་སངས་རྒྱས་འོད་དཔག་མེད། །བསྐལ་པ་གྲངས་མེད་མྱ་ངན་མི་འདའ་བཞུགས། །དེ་སྲིད་དེ་ཡི་ཞབས་འབྲིང་བྱེད་པར་ཤོག །ནམ་

― KMC022_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་འོད་དཔག་མེད་དེ་ཞི་བར་གཤེགས། །བསྐལ་པ་གངྒཱའི་ཀླུང་གི་བྱེ་མ་སྙེད། །གཉིས་ཀྱི་བར་དུ་བསྟན་པ་གནས་པའི་ཚེ། །རྒྱལ་ཚབ་སྤྱན་རས་གཟིགས་དང་མི་འབྲལ་ཞིང་། །དེ་ཡི་ཡུན་ལ་དམ་ཆོས་འཛིན་པར་ཤོག །སྲོད་ལ་དམ་ཆོས་ནུབ་པའི་ཐོ་རངས་ལ། །སྤྱན་རས་གཟིགས་དེ་མངོན་པར་སངས་རྒྱས་ནས། །སངས་རྒྱས་འོད་ཟེར་ཀུན་ནས་འཕགས་པ་ཡི། །དཔལ་བརྩེགས་རྒྱལ་པོ་ཞེས་བྱར་གྱུར་པའི་ཚེ། །ཞལ་ལྟ་མཆོད་ཅིང་དམ་ཆོས་ཉན་པར་ཤོག །སྐུ་ཚེ་བསྐལ་པ་བྱེ་བ་ཁྲག་ཁྲིག་ནི། །འབུམ་ཕྲག་དགུ་བཅུ་རྩ་དྲུག་བཞུགས་པའི་ཚེ། །རྟག་དུ་ཞབས་འབྲིང་བསྙེན་བཀུར་བྱེད་པ་དང་། །མི་བརྗེད་གཟུངས་ཀྱིས་དམ་ཆོས་འཛིན་པར་ཤོག །མྱ་ངན་འདས་ནས་དེ་ཡི་བསྟན་པ་ནི། །བསྐལ་པ་དུང་ཕྱུར་དྲུག་དང་བྱེ་བ་ཕྲག །འབུམ་ཕྲག་གསུམ་གནས་དེ་ཚེ་ཆོས་འཛིན་ཅིང་། །མཐུ་ཆེན་ཐོབ་དང་རྟག་ཏུ་མི་འབྲལ་ཤོག །དེ་ནས་མཐུ་ཆེན་ཐོབ་དེ་སངས་རྒྱས་ཏེ། །དེ་བཞིན་གཤེགས་པ་

― KMC022_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཏུ་བརྟན་པ་ནི། །ཡོན་ཏན་ནོར་བུ་བརྩེགས་པའི་རྒྱལ་པོར་གྱུར། །སྐུ་ཚེ་བསྟན་པ་སྤྱན་རས་གཟིགས་དང་མཉམ། །སངས་རྒྱས་དེ་ཡི་རྟག་ཏུ་ཞབས་འབྲིང་བྱེད། །མཆོད་པས་མཆོད་ཅིང་དམ་ཆོས་ཀུན་འཛིན་ཤོག །དེ་ནས་བདག་གི་ཚེ་དེ་བརྗེས་མ་ཐག །ཞིང་ཁམས་དེའམ་དག་པའི་ཞིང་གཞན་དུ། །བླ་མེད་རྫོགས་པའི་སངས་རྒྱས་ཐོབ་པར་ཤོག །རྫོགས་སངས་རྒྱས་ནས་ཚེ་དཔག་མེད་པ་ལྟར། །མཚན་ཐོས་ཙམ་ཀྱིས་འགྲོ་ཀུན་སྨིན་ཅིང་གྲོལ། །སྤྲུལ་པ་གྲངས་མེད་འགྲོ་བ་འདྲེན་པ་སོགས། །འབད་མེད་ལྷུན་གྲུབ་འགྲོ་དོན་དཔག་མེད་ཤོག །དེ་བཞིན་གཤེགས་པའི་ཚེ་དང་བསོད་ནམས་དང་། །ཡོན་ཏན་ཡེ་ཤེས་གཟི་བརྗིད་ཚད་མེད་པ། །ཆོས་སྐུ་སྣང་བ་མཐའ་ཡས་འོད་དཔག་མེད། །ཚེ་དང་ཡེ་ཤེས་དཔག་མེད་བཅོམ་ལྡན་འདས། །གང་ཞིག་ཁྱེད་ཀྱི་མཚན་ནི་སུས་འཛིན་པ། །སྔོན་གྱི་ལས་ཀྱི་རྣམ་སྨིན་མ་གཏོགས་པ། །མེ་ཆུ་དུག་མཚོན་གནོད་སྦྱིན་སྲིན་པོ་སོགས། །འཇིགས་པ་ཀུན་ལས་སྐྱོབ་

― KMC022_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཐུབ་པས་གསུངས། །བདག་ནི་ཁྱེད་ཀྱི་མཚན་འཛིན་ཕྱག་འཚལ་བས། །འཇིགས་དང་སྡུག་བསྔལ་ཀུན་ལས་བསྐྱབ་མཛད་གསོལ། །བཀྲ་ཤིས་ཕུན་སུམ་ཚོགས་པར་བྱིན་གྱིས་རློབས། །སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུས་པའི་བྱིན་རླབས་ཀྱིས། །ཇི་ལྟར་སྨོན་ལམ་བཏབ་བཞིན་འགྲུབ་པར་ཤོག །དཀོན་མཆོག་གསུམ་ལ་ཕྱག་འཚལ་ལོ། །ཏདྱ་ཐཱ། པཉྩ་ནྡྲི་ཡ་ཨཱ་ཝ་འོ་དྷ་ནཱ་ཡེ་སྭཱ་ཧཱ། སྨོན་ལམ་འགྲུབ་པའི་གཟུངས་སོ།། །།དཀོན་མཆོག་གསུམ་ལ་ཕྱག་འཚལ་ལོ། །ན་མོ་མཉྫུ་ཤྲི་ཡེ། ན་མོ་སུ་ཤྲི་ཡེ། ན་མོ་ཨུཏྟ་མ་ཤྲི་ཡེ་སྭཱ་ཧཱ། ཞེས་བརྗོད་ནས་ཕྱག་གསུམ་འཚལ་ན་འབུམ་ཐེར་དུ་འགྱུར་བར་གསུངས། དེ་ནས་རབ་བརྒྱ་ཕྲག །འབྲིང་ཅི་ནུས། ཐ་མ་ཡང་ཕྱག་བདུན་ཡན་འཚལ། རབ་འདི་མ་ཆག་པ། འབྲིང་ལོ་ཟླ་ཙམ་མ་ཆག་པ། ཐ་མ་ནམ་སྐབས་སུ་ཁ་ནུབ་ཏུ་འགྱུར་ནས། བདེ་བ་ཅན་གྱི་ཞིང་ཁམས་ཡིད་ལ་དྲན་ཅིང་འོད་དཔག་མེད་ལ་ཐལ་མོ་སྦྱར་ཏེ་དད་པ་རྩེ་གཅིག་གིས་བཏོན་ན། ཚེ་འདིར་ཚེའི་བར་ཆད་སེལ། ཕྱི་མ་བདེ་བ་ཅན་དུ་སྐྱེ་བར་ཐེ་ཚོམ་མེད་དོ། །འོད་མདོ་ཞིང་བཀོད་མདོ་

― KMC022_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། པདྨ་དཀར་པོ་འཆི་མེད་རྔ་སྒྲ་སོགས་ཀྱི་དགོངས་པ་ཡིན། ཞེས་དགེ་སློང་རཱ་ག་ཨ་སྱས་སྦྱར་བས་འགྲོ་བ་སེམས་ཅན་མང་པོ་བདེ་བ་ཅན་དུ་སྐྱེ་བའི་རྒྱུར་གྱུར་ཅིག། ༈ སྨོན་ལམ་བསྡུས་པ་ནི། ཨེ་མ་ཧོཿ ངོ་མཚར་སངས་རྒྱས་སྣང་བ་མཐའ་ཡས་དང་༔ གཡས་སུ་ཇོ་བོ་ཐུགས་རྗེ་ཆེན་པོ་དང་༔ གཡོན་དུ་སེམས་དཔའ་མཐུ་ཆེན་ཐོབ་རྣམས་ལ༔ སངས་རྒྱས་བྱང་སེམས་དཔག་མེད་འཁོར་གྱིས་བསྐོར༔བདེ་སྐྱིད་ངོ་མཚར་དཔག་ཏུ་མེད་པ་ཡི༔ བདེ་བ་ཅན་ཞེས་བྱ་བའི་ཞིང་ཁམས་དེར༔ བདག་ནི་འདི་ནས་ཚེ་འཕོས་གྱུར་མ་ཐག༔ སྐྱེ་བ་གཞན་གྱིས་བར་མ་ཆོད་པ་རུ༔ དེ་རུ་སྐྱེས་ནས་སྣང་མཐའི་ཞལ་མཐོང་ཤོག༔ དེ་སྐད་བདག་གིས་སྨོན་ལམ་བཏབ་པ་འདི༔ ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱིས༔ གེགས་མེད་འགྲུབ་པར་བྱིན་གྱིས་བརླབ་ཏུ་གསོལ༔ ཏདྱ་ཐཱ༔ པཉྩ་ནྡྲི་ཡ་ཨ་ཝ་བོ་དྷ་ནཱ་ཡེ་སྭཱ་ཧཱ༔ ༈ གནམ་ཆོས་འོད་ཆོག་བསྔོ་བ་ནི༔ ཕྱོགས་དུས་རྒྱལ་བ་སྲས་བཅས་དགོངས༔ ཚོགས་གཉིས་རྫོགས་ལ་རྗེས་ཡི་རང་༔ བདག་གིས་དུས་གསུམ་དགེ་བསགས་པ༔ དཀོན་

― KMC022_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གསུམ་ལ་མཆོད་པ་འབུལ༔ རྒྱལ་བའི་བསྟན་པ་འཕེལ་གྱུར་ཅིག༔ དགེ་བ་སེམས་ཅན་ཀུན་ལ་བསྔོ༔ འགྲོ་ཀུན་སངས་རྒྱས་ཐོབ་གྱུར་ཅིག༔ དགེ་རྩ་ཐམས་ཅད་གཅིག་བསྡུས་ཏེ༔ བདག་གི་རྒྱུད་ལ་སྨིན་གྱུར་ཅིག༔ སྒྲིབ་གཉིས་དག་ནས་ཚོགས་རྫོགས་ཏེ༔ ཚེ་རིང་ནད་མེད་ཉམས་རྟོགས་འཕེལ༔ ཚེ་འདིར་ས་བཅུ་ནོན་གྱུར་ཅིག༔ ནམ་ཞིག་ཚེ་འཕོས་གྱུར་མ་ཐག༔ བདེ་བ་ཅན་དུ་སྐྱེ་གྱུར་ཅིག༔ སྐྱེས་ནས་པདྨའི་ཁ་ཕྱེ་སྟེ༔ ལུས་རྟེན་དེ་ལ་སངས་རྒྱས་ཤོག༔ བྱང་ཆུབ་ཐོབ་ནས་ཇི་སྲིད་དུ༔ སྤྲུལ་པས་འགྲོ་བ་འདྲེན་པར་ཤོག༔ ས་མ་ཡ་རྒྱ་རྒྱ་རྒྱ༔ ཅེས་སྤྲུལ་སྐུ་མི་འགྱུར་རྡོ་རྗེས་དགུང་ལོ་བཅུ་གསུམ་བྱ་ལོ་ཆུ་སྟོད་ཟླ་བའི་ཆོས་གཅིག་ལ་སྣང་བ་མཐའ་ཡས་ཀྱི་བཀའ་སྩལ་པའོ༔ ༈ མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ལྟུང་བཤགས་དང་སྨོན་ལམ་གྱི་དོན་བསྡུས།

― KMC022_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟུང་བཤགས་དང་སྨོན་ལམ་གྱི་དོན་བསྡུས་བཞུགས་སོ། །ཤྲི་ཡནྟུ། རྒྱལ་བ་སྲས་བཅས་ཀུན་ལ་ཕྱག་འཚལ་ཞིང་། །རང་གཞན་སྡིག་བཤགས་དགེ་བ་གཅིག་བསྡུས་ནས། །མཁའ་མཉམ་འགྲོ་བའི་དོན་དུ་བསྔོས་པའི་མཐུས། །མི་ཁོམ་བརྒྱད་སྤངས་འཕགས་ལམ་མངོན་འགྱུར་ཤོག །གང་འདིར་གནས་པའི་སྲིད་གསུམ་འགྲོ་བའི་ཚོགས། །ཚོགས་བསགས་ཞིང་སྦྱངས་བདེ་བ་ཅན་གྱི་གནས། །གནས་མཆོག་པདྨའི་སྦུབས་སུ་ལུས་རབ་རྫོགས། །རྫོགས་སངས་རྒྱས་ལས་ཐེག་མཆོག་ཐོབ་པར་ཤོག །ཅེས་དང་། ན་མོ་རཏྣ་ཏྲ་ཡཱ་ཡ། རྩ་བརྒྱུད་བླ་མ་ཡི་དམ་ལྷ་ཚོགས་དང་། །དཀོན་མཆོག་གསུམ་དང་ཌཱ་ཀི་ཆོས་སྐྱོང་ཚོགས། །ཆོས་ཉིད་ཆོས་ཅན་འགོག་དང་ལམ་གྱི་བདེན། །བདེན་ལྡན་ཇི་སྙེད་མཆིས་པའི་བདེན་སྟོབས་ཀྱིས། །འདི་ལྟར་བགྱིས་པའི་དགེ་བས་མཚོན་བྱས་ཏེ། །བདག་གཞན་དུས་གསུམ་དགེ་བ་ཅི་བསགས་མཐུས། །བདག་དང་བདག་གི་ཕ་མ་སློབ་

― KMC022_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་དང་། །སློབ་མ་བྲན་གཡོག་ཡོན་བདག་སྒོ་ནོར་བཅས། །སྒོ་ཁའི་བཤས་དང་ཤ་ཟོས་སེམས་ཅན་རིགས། །ཟས་ནོར་ཆོས་ཀྱིས་འབྲེལ་བའི་ཚེ་འདས་དང་། །བཟང་ངན་ལས་ཀྱིས་འབྲེལ་བའི་འགྲོ་བ་ཀུན། །ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །མི་གཙང་ལུས་འདི་བོར་བར་གྱུར་མ་ཐག །བདེ་བ་ཅན་དུ་རྫུས་ཏེ་སྐྱེ་བར་ཤོག །སྐྱེས་མ་ཐག་ཏུ་ས་བཅུ་རབ་བགྲོད་དེ། །སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག །ཏདྱ་ཐཱ། པཉྩ་ནྡྲི་ཡ་ཨ་ཝ་བོ་དྷ་ནཱ་ཡེ་སྭཱ་ཧཱ། །ཞེས་པའི་སྨོན་ལམ་འདིའི་མཇུག་ཏུ་བྱེད་པར་ཤོག་བྱས་ན་སྨོན་ལམ་དུ་འགྲོ་ཞིང་། བྱེད་ཕྱིར་བསྔོ་བྱས་ན་བསྔོ་བར་འགྲོ་སྟེ། འདི་ནི་རང་གཞན་ཤི་གསོན་མང་པོ་ལ་བསྔོ་བ་མ་ཆག་པར་མ་བརྗོད་ཟེར་བ་མང་བར་བརྟེན་ནས། རང་གི་ཐུགས་དམ་བྱ་ཕྱིར་རཱ་ག་ཨ་སྱས་བྲིས་པའོ། །

བདེ་ཆེན་ཞིང་སྒྲུབ་ཀྱི་བཀའ་སྲུང་གསོལ་མཆོད་དཀྲིགས་ཆགས་སུ་བྲིས་པ།

― KMC022_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་ཆེན་ཞིང་སྒྲུབ་ཀྱི་བཀའ་སྲུང་གསོལ་མཆོད་དཀྲིགས་ཆགས་སུ་བྲིས་པ་བཞུགས་སོ༔

― KMC022_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་རིན་པོ་ཆེ་ལ་ཕྱག་འཚལ་ལོ༔ ཟངས་ལྕགས་སྣོད་དུ་གཏོར་མ་ནི༔ ཟུར་གསུམ་མཐོ་གང་ཙམ་གཅིག་ལ༔ མདུན་དུ་ཟུར་གསུམ་འཁྱུད་གང་བཅས༔ གཡས་གཡོན་སོར་བཞི་ཙམ་པ་གཉིས༔ དཀར་དམར་རྒྱན་དང་ལྡན་པ་བཤམ༔ ཧཱུྃ་སྣང་བ་མཐའ་ཡས་བཀའ་སྲུང་བ༔ བདུད་པོ་ནག་པོ་སེང་གེའི་གདོང་༔ ནག་པོ་ཞལ་གཅིག་ཕྱག་གཉིས་པ༔ བེར་གསོལ་གཡས་པས་ཕྱར་དར་ལ༔ གཡོན་པས་དམར་གཏོར་དགྲ་ལ་འཕེན༔ ཆིབས་སུ་རྟ་ནག་རྐང་གསུམ་ཆིབས༔ ཡུམ་ནི་དམར་མོ་སེང་གདོང་མ༔ ཁ་ཊྭཱཾ་ཙིཏྟ་ཕྱག་ན་འཛིན༔ རྟ་དམར་ཆིབས་པའི་གཡས་གཡོན་

― KMC022_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

དུ༔ བམ་རོ་ཕོ་མོ་དང་བཅས་གསལ༔ ཧཱུྃ་འོག་མིན་དུར་ཁྲོད་ཆེན་པོ་དང་༔ རྩུབ་འགྱུར་ཚལ་དང་བསིལ་བའི་ཚལ༔ དུར་ཁྲོད་བརྒྱད་དང་ཉེར་བཞིའི་གནས༔ གཙུག་ལག་ཆོས་འཁོར་བཞུགས་གནས་ནས༔ ཞིང་སྐྱོང་འཁོར་བཅས་སྤྱན་འདྲེན་ནོ༔ གཙོ་འཁོར་འཚམས་པའི་གདན་ལ་བཞུགས༔ ཕྱི་ནང་གསང་བའི་མཆོད་སྤྲིན་དང་༔ རང་རང་མཐུན་པའི་རྫས་ཀྱིས་བསྐང་༔ སྨན་རག་གཏོར་མ་འབུལ་གྱིས་བཞེས༔ ཨོཾ་སི་ཧཾ་མུ་ཁ་ཧཱུྃ་ཕཊ༔ ཨོཾ་སི་ན་ར་མ་ཧཱུྃ་ཕཊ༔ ཏྲི་ཧྲིང་

― KMC022_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

ཛ༔ཧཱུྃ་ཕཊ༔ ཏྲི་ཧྲིང་ཛཿརྦད་རྦད༔ བ་ལིང་ཏ་ཁཱ་ཧི་ཁཱ་ཧི༔ ཧཱུྃ་སྔོན་ཚེ་རྒྱལ་བའི་སྤྱན་སྔ་རུ༔ ཁས་བླངས་སངས་རྒྱས་བསྟན་པ་བསྲུངས༔ མཐུ་སྟོབས་ནམ་མཁའི་མཐའ་དང་མཉམ༔ ཞིང་སྐྱོང་འཁོར་བཅས་བདག་གིས་བསྟོད༔ དམ་རྫས་བརྒྱན་པའི་གཏོར་མ་བཞེས༔ ཕྲིན་ལས་རྣམ་བཞི་འགྲུབ་པ་དང་༔ གང་བཅོལ་ལས་རྣམས་གྲུབ་པར་མཛོད༔ ཞིང་སྐྱོང་ཐུགས་ཀར་ཟླ་བའི་སྟེང་༔ ཧཱུྃ་མཐར་ཡ་བསྔགས་གཡས་སུ་འཁོར༔ ཡུམ་གྱི་ཐུགས་ཀར་ཉི་མའི་སྟེང་༔ བྷྱོ་མཐར་ཡུམ་སྔགས་གཡོན་དུ་འཁོར༔ བམ་རོ་ཕོ་མོའི་སྙིང་ཁར་ཏྲི༔ དེ་མཐར་རང་སྔགས་གཡས་གཡོན་འཁོར༔ དེ་གཉིས་ཡིག་མགོ་ཐུར་བསྟན་ནོ༔ བདག་གི་ཞལ་ནས་བཀའ་བསྒོའི་ཚུལ༔ ཡབ་སྔགས་འབྲུ་བདུན་བཟླས་པ་ཡིས༔ ཡབ་ཡུམ་སྔོན་གྱི་དམ་ཚིག་དྲན༔ རྣལ་འབྱོར་ཁྱེད་ཅག་འཁོར་བཅས་ཀྱི༔ བར་ཆད་ཐམས་ཅད་སེལ་བ་དང་༔ ཆོས་མཐུན་བསམ་པ་བདག་གིས་སྒྲུབ༔

― KMC022_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་ཞིག་དུས་ལ་འཕོ་བའི་ཚེ༔ བདེ་བ་ཅན་གྱི་ཞིང་ཁམས་སུ༔ སྔོན་ནས་བསུ་ཞིང་རྒྱབ་ནས་སྐྱོལ༔ ཞེས་གསུངས་ཁས་བླངས་དམ་བཅས་བསྒོམ༔ ཡབ་སྔགས་ཕྲེང་བསྐོར་ཡ་ཟུང་བསྙེན༔ དེ་ནས་གཏོར་འབུལ་བྱེད་འདོད་ན༔ དམར་གཏོར་ཆུང་ངུ་གཅིག་བྲན་ལ༔ ན་མོ་དཀོན་མཆོག་གསུམ་དང་རྩ་བ་གསུམ༔ བདེ་ཆེན་ཞིང་དུ་བཞུགས་པ་ཡི༔ ལྷ་ཚོགས་ཀུན་གྱི་བདེན་པ་དང་༔ ཞིང་སྐྱོང་ཡབ་ཡུམ་མཐུ་སྟོབས་ཀྱིས༔ བདག་ཅག་དཔོན་སློབ་འཁོར་བཅས་ཀྱི༔ ཚེ་སྲོག་བསོད་ནམས་ལ་གནོད་ཞིང་༔ ཕྱི་མ་བདེ་ཆེན་ཞིང་ཁམས་སུ༔ འགྲོ་ལ་བར་དུ་གཅོད་བྱེད་པའི༔ དགྲ་བགེགས་བདུད་དང་འབྱུང་པོའི་ཚོགས༔ དམར་ཆེན་གཏོར་མ་འདི་ཉིད་ལ༔ ཁུག་ཅིག་ཛ༔ཧཱུྃ་བཾ་ཧོ་ཕཊ༔ ཞིང་སྐྱོང་ཡབ་ཡུམ་འཁོར་བཅས་ཀྱི༔ ཞལ་དུ་བཏབ་བོ་ཁཱ་རཾ་ཁཱ་ཧི༔ ཧཱུྃ་དཔལ་ལྡན་ཞིང་སྐྱོང་སྐུ་མདོག་ནག༔ དབུ་ནི་སེངྒེའི་དབུ་ཅན་ལ༔ ཕྱག་གཡས་རུ་མཚོན་དགྲ་ལ་འདེབས༔ གཡོན་པས་བནྡྷ་དགྲ་སྙིང་འཛིན༔

― KMC022_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

བེར་ཆེན་ནག་པོ་སྐུ་ལ་གསོལ༔ བདུད་རྟ་ནག་པོའི་སྟེང་ན་བཞུགས༔ དེ་ཡི་གཡས་སུ་བམ་རོ་ཕོ༔ སྐུ་མདོག་ནག་པོ་སྤྲེའུའི་མགོ༔ ལག་པ་བྱ་སྡེར་སར་བརྫིས་པས༔ རི་རབ་ལྡིག་ལྡིག་འབྱུང་བར་ནུས༔ རྐང་པ་སྤྲེའུའི་རྐང་པ་དེ༔ ནམ་མཁར་བཀྱགས་པས་ལྷ་རྣམས་སྡངས༔ རྐང་པའི་སྟེང་དུ་དམར་གཏོར་ཁྱེར༔ དགྲ་ལ་འཕང་པས་བདུན་བརྒྱུད་གཅོད༔ ཞལ་ནས་མེ་ལྕེ་འབར་བ་ཡིས༔ དགྲ་བོའི་མི་མཁར་འུར་གྱིས་བསྲེགས༔ སེང་གདོང་གཡོན་དུ་ཛ་ཀ་ཛ༔ སྐུ་མདོག་དམར་མོ་མི་ཡི་མདོག༔ གཡས་པས་རུ་མཚོན་འཚུབས་པ་ཡིས༔ སྣང་སྲིད་ཐམས་ཅད་དབང་དུ་སྡུད༔ གཡོན་པས་ཙིཏྟ་འཛིན་པ་ཡིས༔ དགྲ་བརྒྱུད་གཏན་ནས་རླག་པར་ནུས༔ དེ་ཡི་གཡོན་དུ་བམ་རོ་མོ༔ སྐུ་མདོག་དེ་ནི་དམར་མོ་ལ༔ མགོ་ནི་སྤྲེའུའི་གདོང་ཅན་ནོ༔ ལག་པ་བྱ་སྡེར་སར་བརྫིས་པས༔ རི་རབ་ལྡིག་ལྡིག་འབྱུང་བར་ནུས༔ རྐང་པ་སྤྲེའུའི་རྐང་པ་དེ༔ ནམ་མཁར་བཀྱགས་པས་ལྷ་

― KMC022_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སྡངས༔ རྐང་པའི་སྟེང་དུ་དམར་གཏོར་ཁྱེར༔ དགྲ་ལ་འཕང་པས་བདུན་བརྒྱུད་གཅོད༔ ཞལ་ནས་མེ་ལྕེ་འབར་བ་ཡིས༔ དགྲ་ཡི་མེ་མཁར་འུར་འུར་སྲེགས༔ སེང་གདོང་ཡབ་ཡུམ་འཁོར་དང་བཅས༔ འདིར་གཤེགས་བརྒྱན་པའི་གཏོར་མ་བཞེས༔ སྒྲུབ་པའི་བར་ཆད་ཐམས་ཅད་སོལ༔ དགྲ་ཇག་ཚོམ་རྐུན་འཚེ་བ་ཟློག༔ དམ་སྲི་བགེགས་ཀྱི་གནོད་པ་ཟློག༔ ཕ་རོལ་བྱད་དང་རྦོད་གཏོང་ཟློག༔ ཡམས་ནད་རིམས་ནད་དལ་ཁ་ཟློག༔ བཅོལ་བའི་འཕྲིན་ལས་སྒྲུབ་པར་མཛོད༔ གོང་གི་སྔགས་རིང་ཡོངས་རྫོགས་ནི༔ བདུན་ནམ་ཉེར་གཅིག་བརྗོད་ལ་ཕུལ༔ གཙོ་འཁོར་བཞི་པོ་སྐད་ཅིག་ལ༔ སྟོང་གསུམ་སྲིད་གསུམ་ལན་གསུམ་བསྐོར༔ གནོད་བྱེད་ཐམས་ཅད་ཚར་བཅད་ནས༔ རང་གི་སྒྲུབ་ཁང་དེ་ཉིད་ལ༔ ལན་གསུམ་བསྐོར་བ་བྱས་ནས་ཀྱང་༔ རང་གི་རྒྱབ་ཀྱི་ཕྱོགས་བཞུགས་ནས༔ སྒྲུབ་པའི་རྒྱབ་བརྟེན་བྱེད་པར་བསྒོམ༔ བདེ་ཆེན་ཞིང་བསྒྲུབ་བཀའ་སྲུང་འདི༔ སྒྲུབ་པའི་ཆ་ལག་ཚང་པའི་ཕྱིར༔ དགེ་སློང་རཱ་ག་ཨ་སྱ་ཡིས༔ བྱ་ལོ་ལོ་གསར་ཚེས་གཅིག་གི༔ ཕྱི་དྲོའི་ཆ་ལ་བསྒྲིགས་པ་སྟེ༔ ཡིག་མཁན་དགེ་སློང་

― KMC022_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་པས་བྱས༔ ཉེས་འགལ་ཆོས་སྐྱོང་ཉིད་ལ་བཤགས༔ དགེ་བས་གནམ་ཆོས་བསྟན་པ་ནི༔ གངྒའི་རྒྱུན་བཞིན་འཕེལ་རྒྱས་ཤོག༔ སརྦ་མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

ཚོགས་མཆོད་བྱིན་རླབས་ཆར་འབེབས།

― KMC022_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་མཆོད་བྱིན་རླབས་ཆར་འབེབས་ཞེས་བྱ་བ་བཞུགས་སོ། །

― KMC022_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་ཆེན་ཞིང་གི་ལྷ་ལ་ཕྱག་འཚལ་ལོ། །འདིར་གནམ་ཆོས་བདེ་ཆེན་ཞིང་སྒྲུབ་ཀྱི་སྒོ་ནས་ཚོགས་མཆོད་བྱ་བར་འདོད་པའི་རྣལ་འབྱོར་པས་ཚོགས་ཀྱི་ཡོ་བྱད་ཅི་འབྱོར་བཤམས་ལ། བདག་ཉིད་སེམས་དཔའི་ཐུགས་ཀ་ནས། །རཾ་ཡཾ་ཁཾ་འཕྲོས་བསྲེགས་གཏོར་བཀྲུས། །མ་དག་ཚོགས་རྣམས་ཀུན་སྦྱངས་ནས། །ཡེ་ཤེས་བདུད་རྩིའི་རང་བཞིན་གྱུར། །ཨོཾ་ཨཱཿཧཱུྃ། སྤྱན་འདྲེན་པ་ནི། གནས་འོག་མིན་ཆོས་དབྱིངས་ཕོ་བྲང་ནས། །ཆོས་སྐུ་རྡོ་རྗེ་འཆང་ཆེན་གནས་འདིར་བྱོན། །གནས་ནུབ་ཕྱོགས་བདེ་ཆེན་ཞིང་ཁམས་ནས། །བཅོམ་ལྡན་འོད་དཔག་མེད་

― KMC022_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་གནས་འདིར་བྱོན། །གནས་རི་བོ་ཏ་ལའི་ཞིང་ཁམས་ནས། །འཕགས་མཆོག་སྤྱན་རས་གཟིགས་དབང་གནས་འདིར་བྱོན། །གནས་ལྕང་ལོ་ཅན་གྱི་ཕོ་བྲང་ནས། །གསང་བདག་ཕྱག་ན་རྡོ་རྗེ་གནས་འདིར་བྱོན། །གནས་ཕྱིར་མི་ལྡོག་པའི་ཞིང་ཁམས་ནས། །བྱང་སེམས་ཉན་ཐོས་དགྲ་བཅོམ་གནས་འདིར་བྱོན། །གནས་ལྷོ་ནུབ་དཔལ་རིའི་ཕོ་བྲང་ནས། །རྗེ་པདྨ་འབྱུང་གནས་གནས་འདིར་བྱོན། །གནས་ཆོས་ཉིད་བདེ་ཆེན་ཀློང་ཡངས་ནས། །སྤྲུལ་སྐུ་མི་

― KMC022_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་རྡོ་རྗེ་གནས་འདིར་བྱོན། །གནས་ཟབ་ཞི་སྤྲོས་བྲལ་ཕོ་བྲང་ནས། །གྲུབ་ཐོབ་ཀརྨ་ཆགས་མེད་གནས་འདིར་བྱོན། །གནས་སྤྱི་གཙུག་ཉི་ཟླའི་གདན་སྟེང་ནས། །དྲིན་ཅན་རྩ་བའི་བླ་མ་གནས་འདིར་བྱོན། །གནས་མཁའ་སྤྱོད་དག་པའི་གཞལ་ཡས་ནས། །ཡི་དམ་རྡོ་རྗེ་ཕག་མོ་གནས་འདིར་བྱོན། །གནས་ཉི་ཤུ་རྩ་བཞིའི་གནས་མཆོག་ནས། །དཔའ་བོ་མཁའ་འགྲོའི་ལྷ་ཚོགས་གནས་འདིར་བྱོན། །གནས་བསིལ་བཚལ་གྱི་དུར་ཁྲོད་ནས། །ཆོས་སྐྱོང་མ་མགོན་ལྕམ་དྲལ་གནས་འདིར་བྱོན། །གནས་ཉེ་བའི་འཐུང་སྤྱོད་ཕོ་བྲང་ནས། །བདུད་མགོན་སེང་གདོང་ཡབ་ཡུམ་གནས་འདིར་བྱོན། །བྱིན་རླབས་དང་དངོས་གྲུབ་སྩལ་དུ་གསོལ། །འདིར་ཚོགས་ཀྱི་རྣལ་འབྱོར་དམ་ཚིག་གཙང་། །འདོད་ཡོན་གྱི་ཚོགས་མཆོད་དང་རེ་སྤྲོ། །སྤྲོ་དགའ་དང་ལྡན་པའི་མཆོད་པ་འབུལ། །ཚོགས་དང་པོ་འབུལ་བ་ནི། ཧཱུྃ། བླ་མ་ཡི་དམ་ཆོས་སྐྱོང་ལ། །ག་ཎ་ཙ་ཀྲའི་མཆོད་པ་

― KMC022_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ། །དགྱེས་པར་བཞེས་ལ་བདག་ཅག་ལ། །མཆོག་དང་ཐུན་མོངས་དངོས་གྲུབ་སྩོལ། །ཚོགས་པར་པ་བསྐང་བཤགས་བྱ་བ་ནི། བསྐང་རྫས་མཆོད་པའི་དངོས་པོ་རྣམས། །རཾ་ཡཾ་ཁཾ་གིས་བསྲེགས་གཏོར་བཀྲུས། །དངོས་འཛིན་མ་དག་ཀུན་སྦྱངས་ནས། །ཡེ་ཤེས་མཆོག་གི་བདུད་རྩིར་གྱུར། །ཧཱུྃ་སྤྲོས་བྲལ་ཀུན་བཟང་ཀློང་ཡངས་སུ། །འགྱུར་མེད་རང་རྩལ་འཕྲོ་འདུ་ལས། །སྣ་ཚོགས་མཆོད་པའི་སྤྲིན་རྒྱ་མཚོ། །དཔག་མེད་ནམ་མཁའི་མཐའ་ཀླས་པས། །བདེ་ཆེན་ཞིང་གི་མགོན་པོ་མཆོག །སྣང་བ་མཐའ་ཡས་ཐུགས་དམ་བསྐང་། སྙིང་རྗེའི་དབང་ཕྱུག་འགྲོ་བའི་མགོན། །བྱང་ཆུབ་སེམས་དཔའ་སྤྱན་རས་གཟིགས། །རྡོ་རྗེ་འཛིན་རྒྱལ་མཐུ་ཆེན་ཐོབ། །སེམས་དཔའ་རྣམ་གཉིས་ཐུགས་དམ་བསྐང་། །ཡབ་ཡུམ་སྲས་དང་བཙུན་མོར་བཅས། །སངས་རྒྱས་བྱང་སེམས་དཔག་མེད་ཚོགས། །ཉན་ཐོས་རང་རྒྱལ་དགྲ་བཅོམ་པ། །འཁོར་ཚོགས་རྒྱ་མཚོའི་ཐུགས་དམ་

― KMC022_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་། །བདུད་མགོན་ནག་པོ་སེངྒེའི་གདོང་། །ཡུམ་ཆེན་སི་ནཱ་ར་མ་དང་། །ལས་མཁན་བམ་རོ་ཕོ་མོ་སོགས། །བཀའ་སྡོད་རྒྱ་མཚོའི་ཐུགས་དམ་བསྐང་། །ཐུགས་དམ་གཉན་པོ་དགྱེས་བསྐངས་ནས། །བདག་ཅག་ཡོན་མཆོད་འཁོར་བཅས་ཀྱིས། །ཚེ་དཔལ་ཡེ་ཤེས་རྒྱས་པ་དང་། །ནད་གདོན་ཉེར་འཚེ་ཞི་བར་མཛོད། །བསྐང་བྱ་སྐོང་བྱེད་བསྐང་ཡུལ་རྣམས། །གཉིས་སུ་མེད་པའི་ཀློང་དུ་བསྐང་། །བཤགས་པ་ནི། ཧོཿབདག་ཅག་མ་རིག་རྨོངས་པ་ཡིས། རྩ་བ་ཡན་ལག་དམ་ཚིག་ལས། །འགལ་ཞིང་ཉམས་ཆགས་གྱུར་པ་ཀུན། །མི་འཆབ་མི་སྦེད་མཐོལ་ཞིང་བཤགས། །དག་ཚང་མཆོག་གིས་དབུགས་དབྱུངས་ནས། །མི་སྒྲིབ་ཚངས་པའི་དངོས་གྲུབ་སྩོལ། །བཤགས་བྱ་བཤགས་བྱེད་ཡུལ་ལས་འདས། །རྟེན་འབྲེལ་ཙམ་དུ་བཤགས་པར་བགྱི། །ཨོཾ་བཛྲ་ས་ཏྭ་སོགས་ཡིག་བརྒྱ་བརྗོད། རྗེས་སུ་མཆེད་ལྕམ་རྣམས་ཀྱི་མར་མེ་ཐོགས་སྨོན་ལམ་འདི་མགྲིན་གཅིག་ཏུ་བཏབ་བོ། །ཨོཾ་ཨཱཿཧཱུྃ། བདེ་ཆེན་བདེ་

― KMC022_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དཀྱིལ་འཁོར་དམ་པ་འདི། །བདག་སོགས་སྔོན་སྨོན་བཟང་པོས་ལས་འབྲེལ་བའི། །རྡོ་རྗེ་མཆེད་ལྕམ་འདིར་ཚོགས་ཐམས་ཅད་ཀྱིས། །དངོས་འབྱོར་མཆོད་སྤྲིན་བཟང་པོ་ལེགས་བཤམས་ཤིང་། །ལྷག་བསམ་མོས་བློས་རྒྱ་ཆེར་སྤེལ་བྱས་ནས། །བསོད་ནམས་ཡེ་ཤེས་ཚོགས་ཆེན་རབ་བསགས་སྟེ། །སྨོན་ལམ་འདི་མཐུས་མ་འོངས་ཕྱི་མའི་དུས། །བར་དོའི་འཁྲུལ་སྣང་བསམ་འདས་མཐོང་བའི་ཚེ། །དབྱིངས་རིག་འོད་གསལ་མ་བུ་ངོ་འཕྲོད་ནས། །དངངས་སྐྲག་འཇིགས་པ་བྲལ་བའི་འོད་ལམ་ལ། །བཅོམ་ལྡན་འོད་དཔག་མེད་ཀྱིས་མདུན་ནས་བསུས། །བྱང་སེམས་འཁོར་ཚོགས་རྒྱ་མཚོས་རྒྱབ་ནས་སྐྱོར། །འཇིགས་རུང་འཁོར་བའི་གཡང་ས་ལས་གྲོལ་ནས། །བདེ་ཆེན་པདྨོ་བཀོད་པའི་ཞིང་ཁམས་སུ། །པདྨའི་སྙིང་པོར་འཁྲུངས་ཤིང་སངས་རྒྱས་མཇལ། །དམ་པའི་ཆོས་ཐོབ་ས་ལམ་མཐར་ཕྱིན་ནས། །རྫོགས་སངས་རྒྱས་ཐོབ་

― KMC022_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་མཉམ་སེམས་ཅན་ཀུན། །རིང་མིན་བདེ་ནས་བདེ་བར་འགོད་ནུས་པའི། །དེད་དཔོན་ཆེན་པོར་བདག་ཉིད་འགྱུར་བར་ཤོག །ཤེས་རབ་ཡེ་ཤེས་གསལ་བའི་སྒྲོན་མེ་འདིས། །ལས་ཉོན་སྒྲིབ་གཉིས་མུན་པ་རབ་གསལ་ཞིང་། །ཡང་དག་ལམ་གྱི་སྣང་བ་ཆེར་རྒྱས་ནས། །གཏན་བདེའི་རྒྱལ་སར་འགོད་པའི་སྒྲོན་མེར་ཤོག །ཅེས་སྨོན་ལམ་བཏབ་ནས་མར་མེ་རྣམས་མཆོད་ཡུལ་གྱི་མདུན་དུ་འབུལ་བར་བྱའོ། །ལས་ཀྱི་རྡོ་རྗེས་ཐབས་ཤེས་ཀྱི་རྫས་ལག་ཏུ་ཐོག་སྟེ། ཀྱཻ། གཟིགས་ཤིག་མཛེས་ལྡན་དམ་པའི་ཆོས། །འདི་ལ་ཐེ་ཚོམ་བྱ་མི་རུང་། །བྲམ་ཟེ་ཁྱི་དང་གདོལ་པ་ཕག །རང་བཞིན་གཅིག་ཏུ་དགོངས་ཏེ་རོལ། །མཆེད་ལྕམ་རྣམས་ཀྱི་མགྲིན་གཅིག་ཏུ། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་དྲི་མ་དང་བྲལ་བ། །གཟུང་དང་འཛིན་པ་ཀུན་སྤངས་པའི། །དེ་བཞིན་ཉིད་ལ་བདག་ཕྱག་འཚལ། །ཚོགས་ལ་རོལ། ༈ ལྷག་མ་བྲན་ལ། ལྷག་ལ་དབང་བ་དྲེགས་པའི་ཚོགས། །ལྷག་གཏོར་འདི་ལོངས་འཕྲིན་ལས་

― KMC022_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །མི་མཐུན་གནོད་པའི་ཚོགས་ཀུན་བཟློག །བཅོལ་བའི་ཕྲིན་ལས་འགྲུབ་པར་མཛོད། །ཅེས་ལྷག་གཏོར་བསྐྱལ། ཆད་མདོ་ནི། ཧཱུྃ། སྣང་སྲིད་ལྷ་སྲིན་མ་མོ་མཁའ་འགྲོའི་ཚོགས། །སྔོན་གྱིས་དམ་བཅའ་གཉན་ལས་མ་འདའ་བར། །དམ་རྫས་རྒྱན་གྱི་གཏོར་མ་འདི་བཞེས་ལ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །བསྟན་སྐྱོངས་ནི། བྷྱོ། བོད་ཁམས་སྐྱོང་བའི་བརྟན་མ་ཆེན་མོ་རྣམས། །འདིར་གཤེགས་བཀའ་ཡི་གཏོར་མའི་བཤལ་ཆུ་བཞེས། །བོད་ཁམས་བདེ་ཞིང་ལོ་ལེགས་སྲིད་རྣམས་འཕེལ། །ཆོས་འདི་དར་རྒྱས་མཐོང་ཐོས་སྨིན་གྲོལ་མཛོད། །གཏོར་བྲོ་ནི། ཧཱུྃ། སྐྱེ་འགགས་གཉིས་སུ་མེད་པའི་ཀློང་། །ཡེ་ཤེས་ཆེན་པོའི་བྲོ་བརྡུང་པས། །གཉིས་འཛིན་དགྲ་བགེགས་རང་སར་དག །ཆོས་ཀྱི་དབྱིངས་སུ་རྣམ་པར་རྒྱལ། །བཀྲ་ཤིས་སྨོན་ལམ་གྱིས་མཐའ་བརྒྱན་པར་བྱའོ། །ཞེས་ཚོགས་མཆོད་ཉུང་ངུ་འདི་བཞིན་དགོས་བཞེས་ལྷ་བྲིས་པ་ཀརྨ་ཆོས་འབྱོར་ནས་ཡང་ཡང་བསྐུལ་བའི་ངོར། །༧ཀརྨ་པ་བཅུ་

― KMC022_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པས་འོག་མིན་མཚུར་ཕུའི་གདན་ས་ཆེན་པོར་སྦྱར་བ་དགེ་ལེགས་སུ་གྱུར་ཅིག། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་བདེ་ཆེན་ཞིང་སྒྲུབ་གི་བྱང་ཆོག་ཐར་ལམ་དཀར་པོ།

― KMC022_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ བདེ་ཆེན་ཞིང་སྒྲུབ་གི་བྱང་ཆོག་ཐར་ལམ་དཀར་པོ་བཞུགས་སོ༔

― KMC022_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

ཧ་ཏ་ར༔ བཅོམ་ལྡན་འདས་འོད་དཔག་ཏུ་མེད་པའི་ལྷ་ཚོགས་ལ་ཕྱག་འཚལ་ལོ༔ འདིའི་སྒོ་ནས་བྱང་བུ་ནི༔ དང་པོ་མདུན་དུ་ཚེ་འདས་ཀྱི༔ རོའམ་རུས་དུམ་སྐྲ་ཆུན་ནམ༔ གཟུགས་བརྙན་མིང་རུས་བྲིས་པའམ༔ བསྡུ་ན་ནྲྀ་ཡིག་ཙམ་གྱིས་ཆོག༔ ཐེབ་ཙོ་གཅིག་ཏུ་ལྕོག་རྡོག་ནི༔ གསུམ་མམ་ཡང་ན་གཅིག་ཀྱང་རུང་༔ ཆངས་བུ་ཏིང་ལོ་གཅིག་གམ་གསུམ༔ ཏིལ་ནག་གམ་ནི་ཡུངས་གཞི་དང་༔ བྱེ་མ་འདོད་ཡོན་བཅས་པ་བཤམ༔ ཞིང་སྒྲུབ་ཆོ་ག་སྔོན་སོང་ཚེ༔ བུམ་ནང་ལྷ་ཚོགས་གསལ་བ་ལ༔ དམིགས་པ་གཏད་ལ་མང་དུ་བསྙེན༔ དམིགས་རྟེན་བྲན་ལ་འདི་སྐད་དོ༔ ཨོཾ་ཀ་ཏི་མ་ནཱ་ཡ་ཧཱུྃ་ཕཊ༔ ཨོཾ་སྭ་བྷ་ཝ་སོགས༔ མདུན་དུ་ཚེ་ལས་འདས་པ་ནི༔ ཆེ་གེ་

― KMC022_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

གསོན་པོའི་གཟུགས་ལྟར་གྱུར༔ ན་མོ་དཀོན་མཆོག་གསུམ་དང་རྩ་བ་གསུམ༔ ཡི་དམ་ལྷ་ཡི་བདེན་པ་ཡིས༔ ཆེ་གེའི་རྣམ་པར་ཤེས་པ་དེ༔ སྟེང་འོག་བར་གསུམ་གར་གནས་པའི༔ གནས་ནས་གཟུགས་དང་མིང་རུས་འདིར༔ ཁུག་ཅིག་བཛྲ་ཨཾ་ཀུ་ཤ་ཛ༔ དེ་ནི་ལན་གསུམ་བརྗོད་པའོ༔ དེ་ནས་ལྕོག་རྡོག་ཆངས་བུ་དང་༔ ཏིང་ལོ་བཤམ་ལ་བྲན་བྱས་ཏེ༔ བྷྲཱུཾ་ལས་རིན་ཆེན་སྣོད་ནང་དུ༔ གཏོར་མ་སོ་སོའི་ཡིད་མཐུན་པའི༔ ལོངས་སྤྱོད་དཔག་ཏུ་མེད་པར་གྱུར༔ ཨོཾ་ཨཱཿཧཱུྃ༔ ཧཱུྃ་ཚེ་ལས་འདས་པ་འདི་ཉིད་

― KMC022_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

ལ༔ གསོན་པོའི་བདུད་དང་ཤི་བའི་གཤེད༔ ཁྱེད་རྣམས་གཏོར་མ་འདི་ཁྱེར་ལ༔ ཚེ་ལས་འདས་པ་འདི་ཉིད་ལ༔ ཐར་པའི་བགེགས་ནི་ཁྱོད་མ་བྱེད༔ གལ་ཏེ་མི་ཉན་བྱས་གྱུར་ན༔ ང་ཉིད་ལྷ་ཡི་ང་རྒྱལ་བསྐྱེད༔ ཁྱོད་ཀྱི་མགོ་བོ་དུམ་བུར་འགེམས༔ དེ་བས་མ་འདུག་ཕྱིར་དེངས་ཤིག༔ ལྕོག་རྡོག་རྟེན་ལ་གཡས་བསྐོར་ཞིང་༔ ན་མཿ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷར་སཾ་བྷར་ཧཱུྃ༔ ཞེས་བརྗོད་ལྕོག་རྡོག་སྡེར་དུ་བླུགས༔ དེ་འདྲ་ལན་གསུམ་བྱ་བ་ཞི་སྦྱོང་ཡིན༔ དེ་ནས་ཐེབ་ཀྱུའམ་ཏིང་ལོ་དང་༔ ཆངས་བུ་བྲན་ལ་བཟུང་བྱས་ཏེ༔ ཧཱུྃ་ཚེ་ལས་འདས་པ་འདི་ལ་ནི༔ བར་དུ་གཅོད་དང་འཁྲི་བ་དང་༔ ཐོས་དང་རིག་དང་རྟོག་པ་ཡི༔ གདོན་བགེགས་གསོན་བདུད་གཤིན་ལྕགས་ཀྱིས༔ ཆངས་བུ་ཏིང་ལོ་འདི་བཞེས་ལ༔ མ་གནས་གཞན་དུ་འགྲོ་བར་གྱིས༔ གལ་ཏེ་འགྲོ་བར་མི་བྱེད་ན༔ བདག་ནི་ཁྲོ་རྒྱལ་དབང་ཆེན་ཏེ༔ རྡུལ་ཕྲན་བཞིན་དུ་རླག་པར་བྱེད༔ རྡོ་རྗེ་དམྱལ་བར་ཤི་ཀ་རེ༔ དེ་བས་ད་ལྟ་ཕྱིར་དེངས་ཤིག༔ ཆངས་བུ་

― KMC022_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

ཏིང་ལོ་གཡོན་དུ་བསྐོར་ཞིང་༔ ཨོཾ་སུམ་བྷ་ནི་སུམ་བྷ་ཧཱུྃ༔ སོགས་ལན་གསུམ་བརྗོད་ཅིང་སྔར་དུ་ཕུལ། ༔ཞི་དྲག་ཕྱེད་མར་སྦྱོང་བའོ། །༔དེ་ནས་དྲག་པོར་སྦྱོང་བ་ནི༔ ཧཱུྃ་ང་ནི་ལྷ་ཡི་ཏིང་འཛིན་གྱིས༔ འོད་ཀྱིས་ཕྱོགས་བཅུ་ཐམས་ཅད་གང་༔ ཕྱོགས་རྣམས་ཐམས་ཅད་བདེ་ཆེན་ཞིང་༔ གང་བ་དེ་ལས་འོད་འཕྲོས་པས༔ ཚེ་འདས་འདི་ལ་གནོད་བྱེད་པའི༔ སྲོག་གཅོད་མདངས་འཕྲོག་བྱེད་པ་རྣམས༔ འདི་རུ་མ་འདུག་གཞན་དུ་དེངས༔ ཧཱུྃ་ཧཱུྃ་སུཾ་བྷ་ནི་སུཾ་བྷ་ཧཱུྃ་ཞེས་སོགས་གསུམ་བརྗོད་ནས་ལྕགས་ཀྱིས་བྲབས༔ དེ་ནས་མཚམས་གཅོད་སྲུང་འཁོར་ནི༔ ཧཱུྃ་སྟེང་ཡང་རྡོ་རྗེའི་གུར་ཁང་ལ༔ འོག་ཀྱང་རྡོ་རྗེའི་ས་གཞིར་གྱུར༔ བར་མཚམས་རྡོ་རྗེའི་རྭ་བར་གྱུར༔ མེ་དཔུང་ཆེན་པོས་མཚམས་གཅོད་ནས༔ གཤེད་ཀྱིས་ཚུགས་པ་མེད་པར་གྱུར༔ ཨོཾ་བཛྲ་ན་མི་རྐྵ་ཧཱུྃ༔ མདུན་དུ་མེ་ཆུ་ཏིལ་གསུམ་བཤམས༔ ཚེ་འདས་སྙིང་གར་པཾ་ནག་པོ༔ དེ་ལ་སྡིག་སྒྲིབ་ཐམས་ཅད་ཐིམ༔ སྡིག་པ་རྭ་ཙའི་གཟུགས་གྱུར་པ༔ རྐང་མཐིལ་ཡཾ་ལས་རླུང་གཡོས་

― KMC022_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

པས༔ ལྟེ་བའི་རཾ་ལས་གཏུམ་མོ་འབར༔ སྣ་བུག་གཡས་ནས་སྡིག་པ་དེ༔ མདུན་གྱི་ཏིལ་ལ་ཐིམ་པར་གྱུར༔ མེ་ནི་ཞི་བའི་ཐབ་ཁུང་དབུས༔ ཟ་བྱེད་རྡོ་རྗེ་མཁའ་འགྲོ་མཐིང་༔ རྡོར་དྲིལ་འཛིན་ཅིང་ཁྲོ་ཆས་རྫོགས༔ ཞལ་དུ་སྡིག་པ་ཕུལ་བས་བསྲེགས༔ ལག་པ་གཡས་གཡོན་ཏིལ་བླངས་ལ༔ ལན་དགུར་བསྐོར་ཞིང་མེ་ཆུར་དོར༔ ཨོཾ་བཛྲ་ཌཱ་ཀི་ཁ་ཁ་ཁཱ་ཧི་ཁཱ་ཧི༔ སརྦ་པཱ་པཾ་ད་ཧ་ན་བྷ་སྨིན་ཀུ་རུ་ཡེ་སྭཱ་ཧཱ༔ རྡོ་རྗེ་མཁའ་འགྲོ་དབྱིངས་སུ་གཤེགས༔ བཛྲ་མུ༔ སའམ་བྱེ་མ་སྔགས་ལ་འདེབས༔ ཨོཾ་པདྨོ་ཨུཥྞི་ཥ་བི་མ་ལེ་ཧཱུྃ་ཕཊ༔ ཨོཾ་ད་ཧ་ད་ཧ་སརྦ་ན་ར་ཀ་ག་ཏི་ཧེ་ཏུཾ་ཧཱུྃ་ཕཊ༔ ཨོཾ་པ་ཙ་པ་ཙ་སརྦ་པྲེ་ཏན་ག་ཏི་ཧེ་ཏུཾ་ཧཱུྃ་ཕཊ༔ ཨོཾ་མ་ཐ་མ་ཐ་སརྦ་ཏིརྱ་ག་ག་ཏི་ཧེ་ཏུཾ་ཧཱུྃ་ཕཊ༔ ཨོཾ་ཨཱཿཧྲཱིཿ སྭཱ་ཧཱ༔ ཚེ་ལས་འདས་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ དེ་ནས་ལྷ་ཁྲུས་གསོལ་བ་ནི༔ བུམ་པ་ལག་ཏུ་ཐོག་བྱས་ཏེ༔ མཆོད་གཞིའི་དངོས་ལ་མེ་ལོང་བསྟནཿ ཧཱུྃ་བདག་གིས་དྲི་ལྡན་དྲི་ཆབ་ཀྱིས༔ འོད་དཔག་སྐུ་ལ་ཁྲུས་

― KMC022_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་ལ༔ ལྷ་ལ་དྲི་མ་མི་མངའ་ཡང་༔ སྡིག་སྒྲིབ་དག་པའི་རྟེན་འབྲེལ་བགྱི༔ འདི་ནི་ཁྲུས་མཆོག་དཔལ་དང་ལྡན༔ ཐུགས་རྗེའི་ཆུ་ནི་བླ་ན་མེད༔ བྱིན་རླབས་ཡེ་ཤེས་ཆུ་ཡིན་ཏེ༔ ཅི་འདོད་དངོས་གྲུབ་སྩོལ་བར་མཛོད༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཧཱུྃ༔ དེ་ནས་རས་ཀྱིས་ཕྱི་ཚུལ་དང་༔ ན་བཟའ་གསོལ་བའི་ཚུལ་བྱ་ཞིང་༔ ཧཱུྃ་རས་དཀར་འཇམ་དྲི་ལྡན་པ་ཡིས༔ འོད་དཔག་སྐུ་ཉིད་ཕྱི་བར་བགྱི༔ སྐུ་ལ་དྲི་མ་མི་མངའ་ཡང་༔ སྡུག་བསྔལ་བྲལ་བའི་རྟེན་འབྲེལ་བགྱི༔ ཧཱུྃ་ན་བཟའ་མཛེས་ལྡན་ངུར་སྨྲིག་འདི༔ རྒྱལ་བའི་སྐུ་ལ་གསོལ་བར་བགྱི༔ སྐུ་ལ་བསིལ་བ་མི་མངའ་ཡང་༔ བཀྲག་མདངས་འཕེལ་བའི་རྟེན་འབྲེལ་བགྱི༔ ཨོཾ་བཛྲ་ཝསྟྲ་ཨཱཿཧཱུྃཿ ཁྲུས་ཆུ་བུམ་པ་གཞན་དུ་བླུགས༔ མེད་ན་བུམ་པ་དེ་གས་རུང་༔ ཚེ་འདས་ལ་ནི་མེ་ལོང་བསྟན༔ ཧཱུྃ་བུམ་པ་འདི་ནི་གཞལ་ཡས་ཁང་༔ འོད་དཔག་མེད་པའི་ལྷ་ཚོགས་བཞུགས༔ ཁྱོད་ཀྱི་སྒྲིབ་པ་སྦྱོང་བར་གྱུར༔ དུག་གསུམ་གཏན་ནས་དག་

― KMC022_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ཅིག༔ འདི་ནི་ཕ་རོལ་ཕྱིན་དྲུག་ཆུ༔ དྲི་མ་རྣམ་དྲུག་སྦྱོང་མཛད་ཅིང་༔ ཕར་ཕྱིན་དྲུག་ལ་ལགས་འགོད་ཆུ༔ ཁྲུས་ལེགས་མཛད་ཅིང་ཁྲུས་བགྱིའོ༔ ཆུ་བོ་དྲུག་གི་ཁྲུས་བྱས་པས༔ བག་ཆགས་རྣམ་དྲུག་སྦྱངས་ནས་ནི༔ གང་ལ་ཉེས་པ་མི་མངའ་བའི༔ ཁྲུས་ལེགས་མཛད་ལ་ཕྱག་འཚལ་ལོ༔ དྲི་ཆུ་དྲུག་གི་ཁྲུས་བྱས་པས༔ དྲི་མ་རྣམ་དྲུག་སྦྱོང་མཛད་ཅིང་༔ རྒྱ་ཆེན་ཡོན་ཏན་དྲུག་ལྡན་པ༔ ཁྲུས་ལེགས་མཛད་ལ་ཉེས་མི་མངའ༔ དྲི་མ་རྣམ་དྲུག་དག་པ་ཡི༔ ཡོན་ཏན་ཐམས་ཅད་དང་ལྡན་པ༔ སངས་རྒྱས་ཐམས་ཅད་མཆོད་དོན་དུ༔ དད་པས་བདག་གིས་ཁྲུས་བགྱིའོ༔ ཨོཾ་ཨ་མི་དྷེ་ཝ་ཧྲཱི༔ ཚེ་འདས་ཀྱི་སྡིག་སྒྲིབ་ཐམས་ཅད་ཤུདྡྷེ་ཤུདྡྷེ་བི་ཤུདྡྷེ་སྭཱ་ཧཱ༔ ཚིགས་མཚམས་ཀུན་ཏུ་སྔགས་དེ་ཉིད༔ བརྗོད་ཅིང་མེ་ལོང་གཟུགས་བརྙན་བཀྲུ༔ དེ་ནས་དུག་སྦྱོང་དུག་བཅོམ་ནི༔ བྱེ་མ་ཐོགས་ལ་འདི་སྐད་བརྗོད༔ ཧཱུྃ་ཚེ་འདས་ཁྱོད་ཀྱི་དུག་གསུམ་དང་༔ དུག་ལྔ་དུག་བརྒྱད་སྒྲིབ་པ་རྣམས༔ འོད་དཔག་མེད་ཀྱི་ལྷ་ཚོགས་ཀྱིས༔

― KMC022_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཞིང་དག་པར་མཛད་དུ་གསོལ༔ འདོད་ཆགས་ཞེ་སྡང་གཏི་མུག་གསུམ༔ འདི་དག་འཇིག་རྟེན་དུག་གསུམ་སྟེ༔ དཀོན་མཆོག་གསུམ་པོ་དུག་མི་མངའ༔ དཀོན་མཆོག་བདེན་པས་དུག་བཅོམ་མོ༔ ཨོཾ་ཨ་མི་དྷེ་ཝ་ཧྲཱི༔ ཚེ་འདས་ཀྱི་དུག་གསུམ་གྱི་སྒྲིང་པ་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཅེས་བརྗོད་བྱེ་མ་བཏབ་པར་བྱ༔ ཐེབ་ཙེ་གཅིག་ཏུ་ས་ཆུ་མེ་རླུང་༔ བུམ་པའི་ཀུ་ཤ་དང་བཅས་པ་བཟུང་༔ འབྱུང་བཞི་དུག་གི་ཕ་ཡིན་ཏེ༔ འབྱུང་བཞི་དུག་གི་མ་ཡང་ཡིན༔ བདེན་པའི་བདེན་ཚིག་འདི་དག་གིས༔ ཚེ་འདས་དུག་ནི་དུག་མེད་ཤོག༔ རྟེན་ལ་བསྐོར་ཞིང་རླུང་གཡབ་སྟེ༔ ཨོཾ་ཨ་མི་དྷེ་ཝ་ཧྲཱི༔ ཚེ་འདས་ཀྱི་འབྱུང་བ་དང་འབྱུང་བ་ལས་གྱུར་བའི་དུག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཞེས་བརྗོད་ཁྲུས་སྡེར་ནང་དུ་བླུགས༔ སངས་རྒྱས་བསོད་ནམས་མཐུ་དག་དང་༔ ལྷ་རྣམས་ཀུན་གྱི་བསམ་པ་ཡིས༔ ཁྱོད་ཀྱི་འདོད་དོན་གང་ཡིན་པ༔ དོན་དེ་དེ་རིང་འགྲུབ་གྱུར་ཅིག༔ རྐང་གཉིས་ཁྱེད་ཅག་བདེ་

― KMC022_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་ཤོགཿ རྐང་བཞི་ཁྱེད་ཅག་བདེ་ལེགས་ཤོག༔ ཁྱེད་ཅག་ལམ་འགྲོ་བདེ་ལེགས་ཤོག༔ ཕྱིར་འོང་དག་ཀྱང་བདེ་ལེགས་ཤོག༔ ཉིན་མོ་བདེ་ལེགས་མཚན་བདེ་ལེགས༔ ཉིན་མའི་གུང་ཡང་བདེ་ལེགས་ཤིང་༔ ཉིན་མཚན་རྟག་ཏུ་བདེ་ལེགས་ཤོག༔ ཁྱོད་ལ་སྡིག་པར་མ་གྱུར་ཅིག༔ མེ་ཏོག་ནས་ནི་གཏོར་བྱ་ཞིང་༔ ཚེ་འདས་མི་མཐུན་པའི་ཕྱོགས་ཐམས་ཅད་ལས་རྒྱལ་བར་གྱུར་ཅིག༔ ཆོས་བཤད་གདམས་ངག་སྟོན་པ་ནི༔ ཧཱུྃ་ཚེ་ལས་འདས་པ་ཆེ་གེ་ཁྱོད༔ རིགས་དྲུག་གནས་སུ་འཁྱམས་སྲིད་པས༔ རིགས་དྲུག་མགོན་པོ་ཐུབ་ཆེན་དྲུག༔ གསོལ་བ་ཐོབ་དང་གྲོལ་བར་འགྱུར༔ ཨོཾ་མ་ཎི་པདྨེ་ཧཱུྃ༔ ཉེ་དུ་ཡོད་ན་ཕྱག་འཚལ་བཅུག༔ ཚེ་འདས་ཉིད་ཀྱིས་འཚལ་བར་དམིགས༔ ཨེ་མ་ཧོ༔ རྫོགས་པའི་སངས་རྒྱས་སྣང་བ་མཐའ་ཡས་དང་༔ ཐུགས་རྗེ་ཆེན་པོ་མཐུ་ཆེན་ཐོབ་དང་ནི༔ སངས་རྒྱས་བྱང་སེམས་དཔག་ཏུ་མེད་རྣམས་ལ༔ ཚེ་འདས་གུས་པའི་སེམས་ཀྱིས་ཕྱག་འཚལ་ལོ༔ བདེ་བ་ཅན་གྱི་ཞིང་དུ་ལམ་སྣ་

― KMC022_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

དྲོངས༔ ཉོན་དྲུག་གཟུངས་འཛིན་ཀུན་སྤངས་བདེ་བར་གཤེགསཿ ཕྱིན་དྲུག་ཆོས་སྟོན་ཉོན་དྲུག་རྣམ་པར་དག༔ རིགས་དྲུག་ཐུབ་པ་སྤྲུལ་སྐུའི་ཆ་ལུགས་ཅན༔ རྒྱལ་བ་ཐུབ་པ་དྲུག་ལ་ཕྱག་འཚལ་ལོ༔ འགྲོ་བ་རིགས་དྲུག་སྐྱེ་སྒོ་བཅད་དུ་གསོལ༔ རྗེས་ཟློས་བྱ་ཞིང་ཕྱག་ནི་ཅི་མང་འཚལ༔ ཚེ་འདས་ཉིད་ཀྱིས་ཟེར་བར་བསྒོམ་བྱ་ཞིང་༔ ཀྱེ་མ་འོད་དཔག་མེད་མགོན་གསོནཿ བདག་འདྲའི་ཚེ་འདས་སྡིག་ཅན་འདི༔ འཁོར་བའི་སྐྱོན་གྱིས་ནོན་ལགས་པས༔ བདག་ནི་ཁྱེད་ལ་སྐྱབས་སུ་མཆི༔ ཁྱེད་ཀྱི་ཐུགས་རྗེས་བཟུང་ནས་ཀྱང་༔ བདག་ལ་དབང་བསྐུར་སྩལ་དུ་གསོལ༔ རྗེས་ཟློས་ཚུལ་དུ་ལན་གསུམ་བརྗོད༔ སྐྱབས་འགྲོ་སེམས་བསྐྱེད་གདམས་པ་ནི༔ ཚེ་འདས་དེ་ཡིས་ལེན་པར་དམིགས༔ ན་མོ་དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ རྗེས་ཟློས་བྱས་དམིགས་ལན་གསུམ་བརྗོད༔ མེ་ཏོག་ཆུ་སྐྱེས་པདྨའི་

― KMC022_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་༔ དེ་ནང་ཚེ་འདས་སེམས་དཔའ་དཀར༔ གནས་གསུམ་ཨོཾ་ཨཱཿཧཱུྃ་གིས་མཚན༔ འབྲུ་གསུམ་ལས་ནི་འོད་འཕྲོས་པས༔ བདེ་བ་ཅན་ནས་འོད་དཔག་གི༔ སྐུ་དང་སྔགས་ཕྲེང་ཕྱག་མཚན་ཚོགས༔ ཁ་བ་བུ་ཡུག་འཚུབས་བཞིན་བྱོན༔ ཚེ་འདས་ཉིད་ལ་སིབ་སིབ་ཐིམ༔ ཧཱུྃ་བདེ་ཆེན་ཞིང་གི་ལྷ་ཚོགས་མ་ལུས་རྣམསཿ གནས་འདིར་སྤྱན་འདྲེན་བྱིན་ཆེན་དབབ་ཏུ་གསོལ༔ སྐལ་ལྡན་དད་ལྡན་འདི་ལ་དབང་མཆོག་བསྐུརཿ ལོག་འདྲེན་ཐར་པའི་བར་ཆད་གསལ་དུ་གསོལ༔ དྲིལ་བུ་འཁྲོལ་ཞིང་སྔགས་འདི་གསུམ་བདུན་བརྗོད༔ ཨོཾ་ཨ་མི་དྷེ་ཝ་ཧྲཱི༔ བཛྲ་ཨ་བེ་ཤ་ཡ་ཨ་ཨ༔ རྡོ་རྗེ་མགོ་ལ་བཞག་ཚུལ་གྱིས༔ ཏིཥྛ་བཛྲཿ དེ་ནས་བུམ་པ་ལག་ཏུ་ཐོགས་ལ༔ ཧཱུྃ་སློབ་མ་ཚེ་ལས་འདས་པ་ཉོན༔ བུམ་པ་འདི་ནི་ཕྱི་ལྟར་ན༔ རིན་ཆེན་བུམ་པ་ཡིན་མོད་ཀྱང་༔ ནང་ནི་རིན་ཆེན་གཞལ་ཡས་ཁང་༔ དེ་ཡི་ནང་ན་འོད་དཔག་མེད༔ བདེ་བ་ཅན་གྱི་ལྷ་ཚོགས་བཞུགས༔ དེ་ལས་བྱིན་རླབས་ཆར་ལྟར་བབས༔

― KMC022_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་ཀྱི་ལུས་ལ་ཐིམ་ནས་ཀྱང་༔ དབང་བཞི་ཡོངས་སུ་རྫོགས་ཐོབ་ཤོག༔ ཨོཾ་ཨ་མི་དྷེ་ཝ་ཧྲཱི༔ ཀཱ་ཡ་ཝཱ་ཀཱ་ཙིཏྟ་སརྦ་ཨ་བྷི་ཥིཉྩ་ཧྲཱི༔ འདི་ཡི་མཚམས་སུ་ཟས་བསྔོ་འདོན༔ ༁ྃ༔ ན་ཐ་དང་༔ ན་མོ་དྷེ་ཝ་པཉྩ་ཡེ༔ ཟས་གཏད་ནི༔ ཙཀ་ལིའི་རྒྱབ་ཡིག་ཏུ་བྱས་ནས༔ འདི་སྐད་དུ་ནི་བརྗོད་པར་བྱ༔ ཡིད་མཐུན་སྣོད་ཀྱི་ནང་དུ་ནི༔ ཤ་ཐུད་མར་ཆང་ཇ་རྣམས་ནི༔ ཟག་མེད་བདེ་བ་སྐྱེད་བྱེད་པའི༔ ཡེ་ཤེས་བདུད་རྩིའི་ངོ་བོར་གྱུར༔ ཨོཾ་བཛྲ་སྥར་ཎ་ཁཾ༔ བར་དོའི་སེམས་ཅན་དྲི་ཡིས་ཆིམ༔ ཟས་སྣའི་བསུར་བྱས་བྲན་ནས་ཀྱང་༔ འདི་སྐད་དུ་ནི་བརྗོད་པར་བྱ༔ ཀྱེ་མ་ཚེ་འདས་རིགས་ཀྱི་བུ༔ ཟས་སྐོམ་ཐབས་ཀྱི་ཆགས་ཡོད་དང་༔ སྐྱེ་བ་སྔོན་གྱི་བུ་ལོན་དང་༔ ཡི་དྭགས་གནས་སུ་སྐྱེ་ཤོམ་ན༔ བདག་གིས་འདི་ཉིད་བསྔོས་པ་འདི༔ རྩ་གསུམ་ལྷ་ཡི་བདེན་པ་ཡིས༔ བསྔོས་བཞིན་ཁྱོད་ཀྱིས་ཐོབ་པར་ཤོག༔ སརྦ་ཏ་ཐཱ་ག་ཏ་ཧཱུྃ༔ ཙཀ་ལི་རྒྱབ་ཡིག་བྱས་ནས་ནི༔ བཀྲ་ཤིས་རྟགས་བརྒྱད་ལག་ཏུ་ཐོགས༔ དེ་ནས་འདི་ལྟར་བརྗོད་པར་བྱ༔ འོ་ཚེ་འདས་ཆེ་གེ་ཁྱོད་ཉོན་དང་༔ བདག་གི་

― KMC022_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་རྟགས་བརྒྱད་འདི༔ བྱིན་པ་བཞིན་དུ་ཐོབ་ནས་ཀྱང་༔ བཀྲ་ཤིས་བདེ་ལེགས་འགྲུབ་པར་ཤོག༔ ཨཱཥྚ་མཾ་ག་ལཾ་ཧཱུྃ༔ ཙཀ་ལི་རྒྱབ་ཡིག་བྱས་ནས་ནི༔ རྒྱལ་སྲིད་སྣ་བདུན་ཐོགས་བྱས་ནས། *ཤོག་ལྷེ་༩༩*འདི་སྐད་དུ་ནི་བརྗོད་པར་བྱ༔ ཨེ་མ་རིགས་ཀྱི་བུ་ཁྱོད་ཉོན༔ བདག་གིས་རིན་ཆེན་སྣ་བདུན་འདི༔ བསྔོས་པ་བཞིན་དུ་ཐོབ་ནས་ཀྱང་༔ འཁོར་ལོས་བསྒྱུར་རྒྱལ་ལྟ་བུར་ཤོག༔ རཏྣ་དྲ་བྱ་མཾ་ག་ལཾ་ཧཱུྃ༔ ཙཀ་ལི་རྒྱབ་ཡིག་བྱས་ནས་ནི༔ མཁའ་འགྲོ་སྡེ་བཞིའི་སྐུ་ཐོགས་ལ༔ འདི་སྐད་དུ་ནི་བརྗོད་པར་བྱ༔ འོ་ཁྱོད་ནི་དཔའ་བོ་ཡབ་ཡུམ་ལྟར༔ དགའ་བ་རྣམ་བཞི་ངོས་བཟུང་ནས༔ རྡོ་རྗེ་འཛིན་པའི་སར་གནས་ཤོག༔ ཨོཾ་བུདྡྷ་བཛྲ་རཏྣ་པདྨ་ཀརྨ་ཧ་རི་ནི་ས་མཾ་ག་ལཾ་ཧཱུྃ༔ ཀྱེ་མ་ཚེ་འདས་རིགས་ཀྱི་བུ༔ ལོངས་སྤྱོད་ཚོགས་འདི་རབ་ཏུ་ལོངས༔ ཟས་ཀྱི་ཐ་མ་འདི་ཡིན་པས༔ སྐྱེ་བ་གཏན་གྱི་ལོངས་སྤྱོད་ཟས༔ མི་ཟད་ནམ་མཁའི་མཛོད་ལ་སྤྱོད༔ སྦྱིན་པའི་ཕ་རོལ་ཡོངས་རྫོགས་པའི༔ ཟས་གཏད་འདི་ནི་དགའ་བས་ལོངས༔

― KMC022_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

གསོན་ཡང་གཤིན་ལ་མི་འཕྲེང་ངོ༔ གཤིན་ཡང་གསོན་ལ་མ་ཆགས་པར༔ བདེ་ཆེན་དག་པའི་ཞིང་དུ་གཤེགས༔ ཨོཾ་ཨཱཿཧཱུྃ་སྭཱ་ཧཱ༔ ལཾ་བྷ་ཏ༔ བྷ་དུ་ཡ་ཡ༔ ཨ་ལི་ཨུ་ལི༔ ཏ་ལི་ཏ་ལི་ཨཱརྒྷཾ་པྲ་ཏཱིཙྪ་་ཧོ༔ དེ་ནས་མར་མེ་བདུན་དུ་བཞག༔ མེ་སྦར་བ་ཡི་དམིགས་པ་ནི༔ ཀོང་བུ་པདྨ་ཟླ་བའི་སྟེང་༔ མར་ཁུ་སྔགས་ཕྲེང་གཡས་སུ་འཁོར༔ སྡོང་བུ་ཧྲཱིཿཡིག་དམར་པོ་ལ༔ ཡེ་ཤེས་ལྔ་ཡི་མེ་སྦར་བས༔ ཚེ་འདས་དུག་ལྔའི་སྡིག་སྒྲིབ་དང་༔ མ་དག་ཕུང་པོ་ལྔ་བསྲེགས་ནས༔ དག་པ་འོད་དཔག་མེད་པའི་སྐུ༔ མཚན་དང་དཔེ་བྱད་ལྡན་པར་གྱུར༔ ཧཱུྃ་མེ་འདིའི་རྩ་བ་སྔོ་བ་དེ༔ རྡོ་རྗེ་སེམས་དཔའི་ཡེ་ཤེས་མེ༔ དེ་སྟེང་མེ་མདོག་དམར་བ་དེ༔ སྣང་བ་མཐའ་ཡས་ཡེ་ཤེས་མེ༔ མེ་འདིའི་སྐེད་པ་སེར་བ་དེ༔ རིན་ཆེན་འབྱུང་ལྡན་ཡེ་ཤེས་མེ༔ དེ་སྟེང་མེ་མདོག་དཀར་བ་དེ༔ རྣམ་པར་སྣང་མཛད་ཡེ་ཤེས་མེ༔ མེ་ཡི་རྩེ་མོ་ནག་བ་དེ༔ དོན་ཡོད་གྲུབ་པའི་ཡེ་ཤེས་མེ༔ རྒྱལ་བ་

― KMC022_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལྔའི་མེ་ཡིན་ནོ༔ ཡེ་ཤེས་ལྔ་ཡི་མེ་དཔུང་གིས༔ ཁྱོད་ཀྱི་ཕུང་པོ་ལྔ་བསྲེགས་པས༔ དུག་ལྔ་གཏན་ནས་དག་ནས་ཀྱང་༔ ཡེ་ཤེས་སྐུ་ལྔ་ཐོབ་པར་ཤོག༔ ཨོཾ་ཧཱུྃ་ཏྲཱཾ་ཧྲཱི༔ཨཱ༔ འཕྲལ་དེར་མིང་ཡིག་མི་བཞུར༔ མར་མེ་ལ་ནི་བསྟན་ཙམ་བྱ༔ རིག་པ་ཚེ་འདས་ཁོ་ལ་གཏད༔ བཞུ་ན་བླ་མ་རྒྱང་འབོད་དང་༔ གཟུགས་མེད་སྒྲ་མེད་དྲི་མེད་རོ་མེད་རེག་བྱ་མེད་ཆོས་མེད་དོ༔ ཞེས་དང་གཟུངས་སྔགས་འདོན་བཞིན་དུ༔ རིག་པ་ཚེ་འདས་ཁོ་ལ་གཏད༔ ཉམས་ལེན་ལྟ་བའི་ངང་ནས་བཞུ༔ དེ་ནས་ལམ་བསྟན་བྱ་བ་ནི༔ ཚེ་འདས་འོད་དཔག་མེད་པའི་སྐུ༔ ནུབ་ཀྱི་ཕྱོགས་སུ་ཞལ་གཟིགས་ནས༔ མདུན་གྱི་བར་སྣང་ཁམས་སུ་ནི༔ ཟླ་བའི་གདན་ལ་བཞུགས་པར་དམིགས༔ ཧཱུྃ་ཚེ་ལས་འདས་པ་ཁྱོད་ཉིད་ནི༔ ནུབ་ཕྱོགས་བདེ་བ་ཅན་གྱི་ཞིང་༔ ཕན་ཡོན་ཆེ་བའི་ཞིང་ཡོད་པས༔ དག་པའི་གནས་གཅིག་དེ་ཡིན་ནོ༔ ལྷོ་ནུབ་ཟ་བྱེད་སྲིན་པོའི་ཡུལ༔ གུ་རུ་པདྨ་འབྱུང་གནས་བཞུགས༔ སྐྱེ་ཡང་སླ་སྟེ་ཕན་ཡོན་ཆུང་༔ དེ་མིན་སངས་རྒྱས་ཞིང་གཞན་རྣམས༔ རྒྱལ་བ་

― KMC022_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་བཞིའི་ཞིང་ཁམས་ཡིན༔ སྐྱེ་བར་དཀའ་བས་དེ་སྐྱུར་ལ༔ བདེ་བ་ཅན་དུ་འགྲོ་བར་གྱིས༔ རང་གི་སྣ་བུག་ནས་རླུང་ཤུགས་དྲག་པོ་ཞིག་འཕྲོས་ནས༔ བར་སྣང་ཟླ་བའི་དཀྱིལ་འཁོར་ལ་ཕོག་པས༔ ཟླ་བའི་སྟེང་དུ་ཚེ་འདས་ཀྱི་རྣམ་པར་ཤེས་པ་འོད་དཔག་མེད་ཀྱི་སྐུར་གསལ་བ་དེ༔ མདའ་འཕངས་པ་བཞིན་དུ་བདེ་བ་ཅན་དུ་གཤེགས་པར་གྱུར༔ ཕཊ༔ གལ་ཏེ་གསོན་ཤོག་ཡིན་ན་ན༔ ཚེ་འདས་ཞེས་པར་ཚེ་ལྡན་སྦྱར༔ ཟས་བསྔོ་ལམ་བསྟན་གཉིས་པོ་སྐྱུར༔ ཟླ་བའི་སྟེང་དུ་མེ་དཔུང་ནང་༔ སྦྱིན་བདག་འོད་དཔག་མེད་པའི་སྐུ༔ གནས་གསུམ་འབྲུ་གསུམ་དཀར་དམར་མཐིང་༔ ལྟེ་བ་གསང་བ་གཙུག་གཏོར་དུ༔ ཧོ་སེར་ཧཾ་ལྗང་ཀྵ་དུད་ཁ༔ རང་གི་ཐུགས་ཀའི་འོད་ཟེར་གྱིས༔ ཕྱོགས་བཅུའི་རྒྱལ་བ་སྲས་བཅས་ཀུན༔ མཐིང་དཀར་སེར་དང་དམར་པོ་ཡི༔ རྣམ་པར་སྤྱན་དྲངས་ལུས་ལ་ཐིམ༔ རྡོ་རྗེའི་གོ་ཁྲབ་གྱོན་པར་གྱུར༔ ཨོཾ་ཧྲཱིཿམཱཾ་ན་མཿཀཱ་ཡ་ཝཱ་ཀ་ཙིཏྟ་རཀྵ་རཀྵ་སྭཱ་ཧཱ༔

― KMC022_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་ནམས་རི་བོ་བཞིན་དུ་སོགས། ལོ་བརྒྱ་ཐུབ་ཅིང་སོགས། དེ་ནས་བསྔོ་བ་རྒྱས་པའམ༔ ཡང་ན་ཆོ་ག་ཉིད་ཀྱི་མཇུག༔ ཨེ་མ་ཧོ༔ ངོ་མཚར་སངས་རྒྱས་ཞེས་སོགས་ནས་བོ་དྷ་ནཱ་ཡེ་སྭཱ་ཧཱ༔ འདི་བར་བརྗོད༔ བདག་ནི་ཚེ་འཕོས་ཞེས་པའི་མལ༔ གང་ཡིན་དེ་ཡི་མིང་བཅུག་གོ༔ བྱང་ཐལ་སཱཙྪ་འགྲུབ་ན་ལེགས༔ མ་འགྲུབ་གཞུང་ཆུའི་ནང་དུ་བླུགསཿ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཉིད་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ་མེ་སྤྲེལ་གྱི་ལོ་ཁྲུམ་སྟོད་ཟླ་བའི་ཚེས་དགུའི་ཉིན༔ དཔལ་རྣོ་བཀྲའི་གཞུང་ནས་གསུངས་པ་དང་མཐུན་པའི་ཐུགས་རྗེ་ཆེན་པོ་སྔོ་སྐྱ་ཞལ་གསུམ་ཕྱག་དྲུག་པ་ཞིག་གིས་དངོས་སུ་བཀའ་སྩལ་ཏོ༔ ཞེས་གནམ་ཆོས་བྱང་ཆོག་གཞུང་དང་༔ དེ་ཡིས་བསྔོས་བཞིན་ཐོབ་པར་འགྱུར༔ ས་མ་ཡ༔ རྒྱ་རྒྱ་རྒྱ༔ ཞེས་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་པ༔ མེ་སྤྲེལ་ཁྲུམ་སྟོད་ཟླ་བའི་ཚེས་བརྒྱད་ནུབ༔ རྒྱལ་བ་རྒྱ་མཚོའི་གཞུང་ཉིད་ནས་གསུངས་པ་ལྟར་ཞལ་གཟིགས་ཏེ༔ ཐུགས་རྗེ་ཆེན་པོ་དང་འོད་དཔག་མེད་གཉིས་མགྲིན་གཅིག་ཏུ་འདི་ལྟར་བཀའ་སྩལ་ཏོ༔ ཞེས་པ་གནམ་ཆོས་ཟས་གཏད་དང་༔ མ་ཡིག་བུ་ཡིག་གཉིས་གབ་སྤྲད༔ གནམ་ཆོས་རང་གཞུང་དང་གཞན་ནས་ཁ་བསྐང་འོས་ཅུང་ཟད་ཀྱིས་ཁ་བསྐངས་ཏེ༔ རྟོགས་ལྡན་ཀརྨ་སོགས་གསར་བུ་འགའ་ལ་ཕན་

― KMC022_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར༔ བྱ་ལོ་འབྲུག་ཟླའི་ཉེར་བཞིའི་ཉིན་དགེ་སློང་བརྩོན་འགྲུས་ཀྱིས་ཡི་གེ་ཕ་བྱས་ཏེ༔ གཏེར་བློན་རཱ་ག་ཨ་སྱས་བསྒྲིགས་པ་ལ༔ ཉེས་འགལ་མཆིས་ན་ཆོས་བདག་སྲུང་མའི་ཚོགས་ལ་བཤགས་ཤིང་༔ དགེ་བས་འདི་དང་འབྲེལ་ཚད་ནུབ་ཕྱོགས་བདེ་བ་ཅན་གྱི་ཞིང་དུ་ངེས་པར་སྐྱེ་བར་གྱུར་ཅིག༔ མངྒ་ལཾ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

བདེ་ཆེན་ཞིང་གི་རོ་སྲེག་ཆོ་ག་ངན་སོང་གནས་འདྲེན་སྡུག་བསྔལ་མཚོ་སྐེམ་གཏན་བདེ་རབ་འབར།

― KMC022_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་ཆེན་ཞིང་གི་རོ་སྲེག་ཆོ་ག་ངན་སོང་གནས་འདྲེན་སྡུག་བསྔལ་མཚོ་སྐེམ་གཏན་བདེ་རབ་འབར་ཞེས་བྱ་བ་བཞུགས་སོ། །

― KMC022_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཨ་མི་ཏ་བྷཱ་ཡ། དབང་མེད་བར་དོའི་སེམས་ཅན་རྣམས། །རིགས་དྲུག་སྐྱེ་སྒོ་གཅོད་པའི་ཕྱིར། །བྱང་ཆོག་ལྟར་དུ་ཕྱིར་ལྡོག་བྱ། །འོད་དཔག་མེད་པའི་གཟུངས་རིང་དེ། །ཕྲེང་རེ་བྱས་པ་ཚར་གསུམ་བྲི། །དེ་གསུམ་མཇུག་ཏུ་ཤམ་བུ་གསུམ། །ཨོཾ་ཨ་མི་དྷེ་ཝ་ཧྲཱིཿ བྲིས་པ་ཕུང་པོའི་སྤྱི་བོར་བཏགས། ཨོཾ་མ་ཎི་པདྨེ་ཧཱུྃ་ཧྲཱིཿ ཡིག་དྲུག་བྲིས་པ་དཔུང་པ་གཡས། ཨོཾ་བཛྲ་པཱ་ཎི་ཧཱུྃ༔ ཞེས་པ་བྲིས་པ་དཔུང་པ་གཡོན། །དེ་ཡིས་གནས་ཡིག་མདོར་བསྡུས་ཚང་། །དེ་ཡང་གསང་བ་སྤྱི་རྒྱུད་ལས། །ས་སེལ་ཉེས་པ་ཐམས་ཅད་ནི། །གལ་ཏེ་དབྱུང་བར་མི་ནུས་ན། །ལག་པས་རེག་ལ་སྔགས་བཟླས་བྱ། །དེ་ཉིད་དག་པ་མཆོག་ཏུ་འགྱུར། །གསུངས་ཕྱིར་དེ་རུ་ས་མི་

― KMC022_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

རྐོ། །རྡོ་ལེབ་ཤིང་ལོ་རྩ་སྔོ་སོགས། །བཀོད་སྟེང་གཞན་ནས་ས་བླང་བཅག །ཨོཾ་ཨ་མྲྀ་ཏེ་ཧཱུྃ་ཕཊ། བརྒྱ་རྩ་བཟླས་ཤིང་ལག་པས་བཅག །དེ་སྟེང་དཀར་གཏོར་གཅིག་བཤམས་ཏེ། །ཨ་ཀཱ་རོ་ཡིས་བྱིན་གྱིས་བརླབ། །རང་ཉིད་སྐད་ཅིག་དྲན་རྫོགས་ཀྱིས། །འོད་དཔག་མེད་པའི་སྐུར་གསལ་བའི། །ཕྱག་གཡས་ས་ལ་གདབ་པ་ཡིས། །ས་ཡང་རྣམ་པ་དྲུག་ཏུ་གཡོས། །ས་དེའི་དཀྱིལ་ནས་ལྷ་མོ་ནི། །གསེར་མདོག་དར་དང་རཏྣས་བརྒྱན། །ཁས་ལེན་ཕྱག་རྒྱ་གཏེར་བུམ་འཛིན། །ས་བདག་ཚོགས་ཀྱིས་བསྐོར་བར་གྱུར། །ས་ཡི་ལྷ་

― KMC022_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་འཇིག་རྟེན་ཡུམ། །དུས་གསུམ་སངས་རྒྱས་ཐམས་ཅད་ཀྱི། །ས་ལམ་བགྲོད་པའི་དབང་པོ་མོ། །སྣང་ཞིང་སྲིད་པའི་ས་བདག་དང་། །འདིར་གནས་ས་ཡི་བདག་པོ་རྣམས། །འདིར་གཤེགས་ས་གླུད་གཏོར་མ་བཞེས། །ས་འདི་བདག་ལ་གནང་མཛོད་ལ། །འདི་རུ་མ་གནས་གཞན་དུ་བཟུར། །ཨོཾ་པྲྀ་ཐི་ཝི་དེ་ཝཱི་བྷཱུ་མི་པ་ཏི་ས་པ་རི་ཝཱ་ར་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི། ཨཱརྒྷཾ་སོགས། ས་ཡི་ལྷ་མོ་དགའ་ཞིང་འཛུམ། །ས་འདི་གནང་གིས་འགྲོ་དོན་སྤྱོད། །ཅེས་གསུངས་ས་ལ་ཐིམ་གྱུར་པས། །ས་ཡང་གསེར་གྱི་ཕུང་པོར་གྱུར། །ས་བདག་གཞན་རྣམས་རང་གནས་བྱེར། །སརྦ་བྷཱུ་མི་པ་ཏི་གཙྪ། དེ་ནས་ཐིག་ཚོན་སོ་སོར་བཤམ། །རིན་ཆེན་སྣོད་དུ་ཐིག་ཚོན་རྣམས། །ཨོཾ་ཧཱུྃ་ཏྲཱཾ་ཧྲཱིཿཨཱཿརྣམས་ལས། །རང་མདོག་རིགས་ལྔའི་སྐུར་གྱུར་ཅིང་། །ཡེ་ཤེས་ས་ཐིམ་འོད་དུ་ཞུ། །ཨོཾ་བཛྲ་ས་མ་ཡ་སཱུ་ཏྲཾ་མ་ཏི་ཀྲམ་ཧཱུྃ། ཨོཾ་བཛྲ་ཙི་ཏྲ་ས་མ་ཡ་ཧཱུྃ། བདུན་རེ་བརྗོད་པས་བྱིན་བརླབས་ཏེ། །དེ་ནས་ཐིག་ཆེན་བརྒྱད་

― KMC022_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་ལ། །ཐེབ་སྲིན་སྦྱར་བས་སྐུད་སྣེ་འཛིན། །གྲུ་མོའི་རྩེ་རུ་ཚད་བྱས་ལ། །དེ་ཉིད་བལྟེ་བ་ནས་དབུས་སུ་བཟུང་། །ཟླུམ་པོར་བསྐོར་བ་ཐབ་ཀྱི་རྒྱ། །དེ་ཡི་ཕྱི་རིམ་སོར་བཞི་པ། །གཉིས་དང་སོར་དོ་པ་གཉིས་བསྐོར། །མཆུ་དང་ཁ་ཁྱེར་ཁ་བད་དང་། ཁ་འཕྱང་བཞི་རུ་འབྱུང་བ་ཡིན། །བསྡུ་ན་གཉིས་སམ་གཅིག་གིས་ཆོག །དབུས་སུ་པདྨ་འདབ་བརྒྱད་ཀྱི། །ལྟེ་བར་རྡོ་རྗེ་དཀར་པོ་བྲི། །འདབ་བརྒྱད་ཕྱོགས་མདོག་མཛེས་ཚོན་ཏེ། །ཕྱི་རོལ་ཁ་ཁྱེར་རྡོ་རྗེ་དཀར། །དེ་རྒྱབ་གཞི་ནི་དཀར་པོ་ལ། །སྣ་ཚོགས་རྡོ་རྗེ་ལྗང་གུ་བྲི། །དེ་རྒྱབ་ལྗང་གུ་རིན་ཆེན་སེར། །དེ་རྒྱབ་སེར་པོ་པདྨ་དམར། །ཟུར་བཞི་ཟླ་ཕྱེད་རྡོ་རྗེ་བཞི། །དྲིལ་བུ་འཁྲོལ་ཞིང་སྤྱན་གྱིས་གཟིགས། །བསྐོར་བ་བྱས་ཏེ་ཞལ་ཁེབས་རྒྱབ། །དེ་སྟེང་གདུང་ཁང་བརྩེགས་པའམ། །ཕལ་པར་ཤིང་སྡོང་གྲུ་བཞིར་བརྩེགས། །སྤུར་གདན་ཤོག་བུར་འདབ་བརྒྱད་བྲི། །སྤུར་བཞག་སྤུར་ཁེབས་ཤོག་བུ་ལ། །འཁོར་ལོ་རྩིབས་བརྒྱད་བྲིས་པས་བཀའ། །ཉེ་ལོགས་སམ་ནི་གཞན་དུའང་རུངས། །སྲེག་གདན་གཞི་ནི་དཀར་པོའི་སྟེང་། །གཡས་སུ་བསྲེག་རྫས་ཐམས་ཅད་དང་། །གཡོན་དུ་མཆོད་པ་སྣ་བདུན་དང་། །མེ་ལྷའི་གཏོར་མ་ཆེ་ཆུང་གཉིས། །ཟླུམ་པོ་རྒྱན་ཅན་ལི་སྡེར་གང་། །ཆོས་སྐྱོང་གཏོར་མ་ཟུར་གསུམ་གཅིག །མདུན་དུ་མེ་ལྷ་མཆོད་པ་ཡི། །མཆོད་པ་སྣ་བདུན་ཆ་ཚང་དང་། །མར་ཁུ་

― KMC022_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

དགང་གཟར་ཁ་སྦྱར་བཤམ། །ལས་བུམ་ནང་དུ་དྲན་རྫོགས་སུ། །རྟ་མགྲིན་བསྒོམ་ལ་སྔགས་བཟླས་བཞག །ཡམ་ཤིང་སོར་མོ་བཅུ་གཉིས་པ། །ཀུ་ཤ་དཔལ་འབར་ལ་སོགས་པ། །ཉེར་མཁོའི་ཡོ་བྱད་ཚང་བར་བྱས། །ཞིང་སྒྲུབ་ལས་བྱང་སྔོན་སོང་རྗེས། །རང་ཉིད་འོད་དཔག་མེད་དུ་བསྒོམ། །མཆོད་པ་སྤུར་ཁང་བཅས་པ་བྲན། །ཨོཾ་ཨ་མྲྀ་ཏེ་ཧཱུྃ་ཕཊ༔ ཨོཾ་སྭ་བྷཱ་ཝ་སོགས། ཀ་དག་ཀློང་ནས་སྤྲུལ་པ་ཡི། །གནམ་ས་གང་བའི་མཆོད་པའི་སྤྲིན། །སྨན་གཏོར་བསྲེག་རྫས་སྣ་ཚོགས་པ། །ཟད་མེད་གྱུར་ཅིག་པཱུ་ཛཿཧོཿ རྡོར་དྲིལ་དང་བཅས་དགང་བླུགས་སྦྱར། །རྫས་རྣམས་ཀུན་ལ་རེག་བྱ་ཞིང་། །ཨོཾ་ཨཱཿཧཱུྃ། ཨོཾ་ཋཿཋཿཋཿཋཿཋཿཋཿཋ༔ དེ་ནས་རྫས་རྣམས་བཀྲུ་བསམ་ཞིང་། ཨོཾ་སྭཱ་ཧཱ། ཡམ་ཤིང་ལ་རེག །ཨོཾ་ཤྲིཾ་སྭཱ་ཧཱ། མར་ཁུ་ལ་རེག །ཨོཾ་ཨཱཿསྭཱ་ཧཱ། འབྲུ་ཐམས་ཅད་ལ་རེག །ཨོཾ་ཛྲིཾ་སྭཱ་ཧཱ། ཐམས་ཅད་ལ་རེག །ཨོཾ་ཀུ་རུ་ཀུ་རུ་སྭཱ་ཧཱ། ལས་བུམ་ཀུ་ཤ་དཔལ་འབར་གསུམ། །རླུང་གཡབ་མེ་དར་དང་བཅས་བཟུང་། །རྒྱན་གོས་དང་བཅས་སྤུང་ཁང་སྐོར། །ཀུ་ཤ་བསངས་སྦྱངས་བྱས་ནས་ཀྱང་། །ཨོཾ་ལས་ཀུ་ཤ་སྔོ་ལྗང་ནི། །སྲུང་བའི་ནུས་པ་ཕུན་ཚོགས་གྱུར། །ཨོཾ་བཛྲ་ས་ཏྭ་ཨཱ༔ པད་སྐོར་དང་

― KMC022_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས། གཉིས་རེ་བླང་། ཨོཾ་ཀུ་ཤ་འདི་ནི་གཙང་ཞིང་དགེ། །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པའི་འདབ་མའི་སྙིང་། །བདག་གི་བགེགས་རྣམས་ཐམས་ཅད་ནི། །ཞི་ཞང་བདེ་ལེགས་མཛད་དུ་གསོལ། །ཨོཾ་བཛྲ་ས་ཏྭ་ཨཱཿ ཐབ་ཀྱི་ཁ་ཁྱེར་གཡས་བསྐོར་བཀོད། །ཆུན་པོ་གཉིས་ནི་རྒྱ་གྲམས་བཅིངས། །རྩེ་མོ་ཚུར་བསྟན་དབུས་སུ་བཞག །ལས་བུམ་གྱིས་བྲན་བསངས་སྦྱངས་ཏེ། །སྟོང་པའི་ངང་ལས་ཧཱུྃ་ཡིག་ལས༔ ཞི་བའི་ཐབ་ཁུང་མཚན་ཉིད་ལྡན། །བུད་ཤིང་རྣམས་ཀྱིས་གང་བའི་དབུས། །པདྨ་དང་ནི་ཟླ་བའི་སྟེང་༔ རཾ་ལས་མེ་ལྷ་སྐུ་མདོག་དཀར། །ཞལ་གཅིག་ཕྱག་བཞི་དྲང་སྲོང་གཟུགས། །སྤྱན་གསུམ་རལ་པའི་ཐོར་ཚུགས་ཅན། །གཡས་གཉིས་དབྱུ་གུ་སྐྱབས་སྦྱིན་ཕྱག །གཡོན་གཉིས་ཕྲེང་བ་རིལ་བ་འཛིན། །ར་སྐྱེས་གདན་ལ་ཕྱེད་སྐྱིལ་བཞུགས། །འོད་འབར་མེ་ལྕེ་སྟོང་གིས་དཀྲིས། །དེ་ཡི་གནས་གསུམ་ཨོཾ་ཨཱཿཧཱུྃ། །ཐུགས་དབུས་རཾ་གྱིས་

― KMC022_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་པར་གྱུར། །སྟོང་པའི་དང་ལས་རྫས་འདི་རྣམས། །ཨོཾ་ཧཱུྃ་ཧྲཱཾ་ཧྲཱིཿཨཿརྣམས་ལས། །རིགས་ལྔའི་ངོ་བོ་ཡེ་ཤེས་ཀྱི། །ཁ་དོག་ལྔ་ལྡན་མེ་འབར་གྱུར། །དྲིལ་བུ་འཁྲོལ་ཞིང་དབྱངས་དང་བཅས། །དེ་ནས་མེ་སྦར་བ་ནི། ཧཱུྃ། མེ་འདིའི་རྩ་བ་སྔོ་བ་དེ། །རྡོ་རྗེ་སེམས་དཔའི་ཡེ་ཤེས་མེ། །དེ་སྟེང་མེ་མདོག་དམར་བ་དེ། །སྣང་བ་མཐའ་ཡས་ཡེ་ཤེས་མེ། །མེ་འདིའི་སྐེར་པ་སེར་པ་དེ། །རིན་ཆེན་འབྱུང་ལྡན་ཡེ་ཤེས་མེ། །དེ་སྟེང་མེ་མདོག་དཀར་བ་དེ། །རྣམ་པར་སྣང་མཛད་ཡེ་ཤེས་མེ། །མེ་འདིའི་རྩེ་མོ་ནག་པ་དེ། །དོན་ཡོད་གྲུབ་པའི་ཡེ་ཤེས་མེ། །རྒྱལ་བ་རིགས་ལྔའི་མེ་ཡིན་ནོ། །ཡེ་ཤེས་ལྔ་ཡི་མེ་དཔུང་གིས། །ཁྱོད་ཀྱི་ཕུང་པོ་ལྔ་སྦྱངས་པས། །དུག་ལྔ་གཏན་ནས་དག་ནས་ཀྱང་། །ཡེ་ཤེས་སྐུ་ལྔ་ཐོབ་པར་ཤོག །ཨོཾ་ཧཱཾ་ཏྲཱཾ་ཧྲཱིཿཨཱཿ མེ་སྦར་གྱེར་ལ་མེ་རུ་བཙུག །ཨོཾ་བཛྲ་ཛྭ་ལ་ཛྭ་ལ་ཧཱུྃ༔ ཧཱུྃ་ཡེ་ཤེས་མེ་དཔུང་འབར་བ་འདི། །ཕྱོགས་བཞི་མཚམས་བརྒྱད་སྟེང་འོག་ཏུ། །མ་འཕྲོ་མ་མཆེད་མ་འཁྱིལ་

― KMC022_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །ལྷ་སྲིན་ཀུན་ལ་གནོད་དོགས་པས། །མེ་མགོ་དར་གྱིས་མནན་པར་བྱ། །ཨོཾ་མེ་དཔལ་ཤིནྟིང་ཀུ་རུ་ཡེ་སྭཱ་ཧཱཿ ཞེས་བརྗོད་མེ་དར་གཡབ་བྱས་ལ། །མགྱོགས་པར་གཞི་འགྲམ་འོང་ནས་འདུག །ཕྱོགས་གཙང་ལྔ་སེར་མེད་ཕྱོགས་སུ། །ཁ་གྱུས་བསྲེག་རྫས་ཐམས་ཅད་ནི། །མཆོད་གཡོག་པ་ལ་བསྐུར་བས་ཆོག །ཐབ་ཏུ་གནས་པའི་མེ་ལྷ་ཡི། །ཐུགས་ལས་འོད་ཟེར་འཕྲོས་པ་ཡིས། །ཤར་ལྷོ་ཕྱོགས་ལས་མེ་ཡི་ལྷ། །དྲང་སྲོང་ཚོགས་བཅས་སྤྱན་དྲངས་གྱུར། །ལག་གཡས་མི་འཇིགས་ཕྱག་རྒྱ་ཡི། །མཐེ་བོང་སྲིན་ལག་རྩར་གཡབ་ཅིང་། །རྣ་བ་གཡོན་ནས་གཡས་ངོས་ཁྱེར། །གཡོན་པས་དྲིལ་བུ་བསིལ་བྱ་ཞིང་། །ཨོཾ་ཚུར་སྤྱོན་ཚུར་སྤྱོན་འབྱུང་པོ་ཆེ། །ལྷ་ཡི་དྲང་སྲོང་གཉིས་སྐྱེས་མཆོག །སྲེག་བླུགས་ཞལ་ཟས་བཞེས་སླད་དུ། །འདིར་ནི་ཡང་དག་བསྙེན་པར་མཛོད། །ཨོཾ་ཊཀྐི་ཧཱུྃ་ཛ༔ ཧཱུྃ་གཟི་བརྗིད་འབར་བ་མེ་ཡི་ལྷ། །འདོད་པ་ཐམས་ཅད་རབ་བསྒྲུབ་པ། །ཐུགས་རྗེས་སེམས་ཅན་དོན་གྱི་ཕྱིར། །འབར་བའི་གནས་འདིར་བཞུགས་སུ་གསོལ། །ཨོཾ་ཨཱགྣི་དེ་

― KMC022_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

ཝ་ས་མ་ཡ་ཏིཥྛ་ལྷན། །ཐབ་ཀྱི་ཤར་ལྷོར་ཀུ་ཤའི་གདན། །ཡེ་ཤེས་མེ་ལྷ་འཁོར་བཅས་འཁོད། །ཨོཾ་ཨཱགྣ་ཡེ་ས་པ་རི་ཝཱ་ར་ཨཱརྒྷཾ་པྲ་ཏཱིཙྪ་སྭཱ་ཧཱ། པཱ་དྱཾ་པྲ་ཏིཙྪ་སྭཱ་ཧཱ། ཞེས་པས་ཆུ་གཉིས་འབུལ་བྱས་ཏེ། །ལག་གཡས་རྡོ་རྗེ་དང་བཅས་པའི། །མཐེ་བོང་གིས་ནི་མཐེའུ་ཆུང་མནན། །དམ་ཚིག་ཕྱག་རྒྱ་དེ་ཕྱར་ཞིང་། །ཧཱུྃ་རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱི་བྱིན་རླབས་ཀྱི། །དམ་ཚིག་ལ་ནི་གནས་ན་ནི། །རིགས་རྣམས་མྱུར་དུ་ཐལ་བར་བྱེད། །ཨོཾ་ཧ་ན་ས་མ་ཡ་ཧཱུྃ་ཕཊ༔ ཡེ་ཤེས་མེ་ལྷ་དམ་ཚིག་པ། །དབྱེར་མེད་གཅིག་ཏུ་འདྲེས་པར་གྱུར། །ཛཿཧཱུྃ་བཾ་ཧོ༔ སླར་ཡང་ཐུགས་ཀའི་འོད་ཟེར་གྱིས། །རིགས་ལྔ་སྤྱན་དྲངས་དབང་བསྐུར་ཏེ། །སྐུ་གང་ཆུ་ལྷག་ཡར་ལུད་པས། །རྣམ་པར་སྣང་མཛད་དབུ་རྒྱན་གྱུར། །ཨོཾ་ཨཱགྣ་ཡེ་ས་པ་རི་ཝཱ་ར་པུཥྤེ་ནས་ཤབྟའི་བར། ཨོཾ་གཟི་བརྗིད་ལྡན་པ་མེ་ཡི་ལྷ། །འབར་བཅས་སྐུ་ཡི་རྒྱན་གྱིས་བརྒྱན། །རྔམ་པའི་བྱིན་ཅན་ལས་ལ་བརྩོན། །སྲེག་བླུགས་འབུལ་ལོ་ལས་ཀུན་སྒྲུབས། །

― KMC022_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

ཚངས་པ་འཇིག་རྟེན་མགོན་གྱི་སྲས། །ཞི་ལ་སོགས་པའི་ལྷ་དཔལ་ཏེ། །ཇི་ལྟར་འདོད་པའི་དོན་སྒྲུབ་པའི། །གཟི་བརྗིད་རྒྱལ་པོར་ཕྱག་འཚལ་བསྟོད། །དགང་བླུགས་ཁ་ལ་ཧྲཱི༔ཡིག་དང་། །མེ་ལྷ་ཅུང་ཟད་ཞལ་གདངས་པའི། །ལྗགས་ལ་རཾ་ཡིག་གིས་མཚན་པས། །བསྲེག་རྫས་བདུད་རྩིར་བཞེས་པར་གྱུར། །ལག་གཉིས་རྡོར་དྲིལ་དང་བཅས་པའི། །ཁུ་ཚུར་མཛུབ་མོ་གཉིས་བརྐྱང་པས། །དགང་བླུགས་བཟུང་སྟེ་དགང་གཟར་གྱིས། །བླུགས་གཟར་ནང་དུ་མར་ཁུ་ནི། །སྔགས་རེ་བརྗོད་ཅིང་ལན་བདུན་བླུག །ཨོཾ་ཨཱགྣ་ཡེ་སྭཱ་ཧཱ། །གྲུ་མོ་གཉིས་པོ་པུས་མོ་ལས། །ཕྱིར་མི་འདའ་བར་དགང་བླུགས་སྦྱོར། །ཐབ་ཀྱི་ཁ་ལ་གཡས་བསྐོར་ནི། །ལན་གསུམ་བྱས་པར་བསྒོམ་བྱ་ཞིང་། །ཨོཾ་ཨཱགྣ་ཡེ་ཧ་བྱ་ཀ་བྱ་ཝཱ་ཧ་ནཱ་ཡ་ཨཱ་དི་བྱ་སྭཱ་ཧཱ། ཞེས་པས་མར་ཁུ་སྐྱོགས་སུ་བླུག །དེ་འདྲ་གསུམ་མམ་བདུན་གྱིས་བསྐུར། །དུད་པ་སྔོན་པོ་གྱེན་འགྲེང་དང་། །མེ་ལྕེ་དཀར་དང་གྱེན་དུ་འབར། །དྲི་ངན་མེད་སོགས་བཟང་རྟགས་ཏེ། །མེ་ལྕེ་ནག་དང་དུ་བ་ཚུབ། །ངན་པའི་རྟགས་མཚན་བྱུང་གྱུར་ན། །རྟ་མགྲིན་སྔགས་ནི་མང་དུ་བཟླས། །ལས་བུམ་ཆུ་ཡིས་བྲན་བཅུག་གོ །མེ་ལྷའི་

― KMC022_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀའི་འོད་ཟེར་གྱིས། །ཚེ་འདས་བཀུག་ནས་སྡིག་སྒྲིབ་རྣམས། །འོད་ཟེར་གྱིས་དྲངས་བསྲེག་རྫས་ལ། །ཐིམ་སྟེ་མེ་ལྷས་གསོལ་བར་གྱུར། །གང་ཟག་བཟང་པོ་ཡིན་ན་ནི། །སེམས་ཅན་ཀུན་གྱི་སྡིག་སྒྲིབ་བསྟིམ། །བསྲེག་རྫས་གུང་མཐེབ་སྦྱར་བས་འབུལ། །བསྲེག་རྫས་ཀུན་གྱི་སྔགས་མགོ་ལ། །ཨོཾ་ཨཱགྣ་ཡེ་དྷེ་ཝ་ཞེས་སྦྱར་ཡམ་ཤིང་བྱང་ཆུབ་ཤིང་། །བསམ་ལ་རྩེ་མོ་སྟེང་བསྟན་འབུལ། །ཨོཾ་བོ་དྷི་བིཀྵ་ཡ་སྭཱ་ཧཱ། ཚེ་ལས་འདས་པའི་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་ཤནྟིཾ་ཀུ་རུ་སྭཱ་ཧཱ། མར་ཁུ་ལ། ཨོཾ་ཨཱགྣ་ཡེ་སྭཱ་ཧཱ། ཚེ་ལས་འདས་བདག་གཞན་སེམས་ཅན་གྱི་སྡིག་སྒྲིབ་ཐམས་ཅད་ཤནྟིཾ་ཀུ་རུ་སྭཱ་ཧཱ། །ཐམས་ཅད་ལ་འགྲེ། པའི་སྐྱེ་བ་གཞན་དུ་འབྱོར་པ་ཕུན་སུམ་ཚོགས་པ་ལ་བར་དུ་གཅོད་པ་སོགས། ཏིལ་ནག་ལ། ཨོཾ་སརྦ་པཱ་པཾ་ད་ཧ་ན་བཛྲ་ཡེ་སྭཱ་ཧཱ། ཚེ་ལས་འདས་པའི་སྡིག་སྒྲིབ་ཐམས་ཅད་སོགས། ཡུངས་དཀར་ལ། ཨོཾ་སརྦ་ཨཱརྠ་སིད་དྷ་ཡེ་སྭཱ་ཧཱ། ཚེ་ལས་འདས་པའི་བར་དོའི་འཇིགས་སྐྲག་ཐམས་

― KMC022_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་སོགས། ཟས་མཆོག་ནི་སྐྱ་ཚུལ་མར་སོགས་ཟས་སྣ་བསྲེག །ཨོཾ་སརྦ་སམྦ་དེ་སྭཱ་ཧཱ། ཚེ་ལས་འདས་པའི་བདེ་བ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་སོགས། དུཪྺ་ནིརམ་རྩི་ཡིན་ཏེ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་ལས་འདས་པ་སྐྱེ་བ་གཞན་དུ་ཚེ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་སོགས། ནས་ལ། ཨོཾ་མ་ཧཱ་བེ་གཱ་ཡ་སྭཱ་ཧཱ། ཚེ་ལས་འདས་པའི་ཞིང་ཁམས་བགྲོད་པ་ལ་མྱུར་བའི་ཤུགས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་སོགས། གྲོ་ལ། ཨོཾ་བཛྲ་གྷསྨ་རེ་སྭཱ་ཧཱ། ཚེ་ལས་འདས་པ་སྐྱེ་བ་གཞན་དུ་ནད་མེད་པ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད་སོགས། སོ་བ་ལ། ཨོཾ་བཛྲ་བཱི་ཛ་ཡ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་ནོར་དང་འབྲུ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༴ སྲན་མ་ལ། ཨོཾ་བཛྲ་མ་ཧཱ་བ་ལཱ་ཡ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་སྟོབས་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༴ འབྲས་ལ། ཨོཾ་བཛྲ་པུཥྚ་ཡེ་སྭཱ་ཧཱ། ཚེ་ལས་འདས་པའི་བསོད་ནམས་ཕུན་

― KMC022_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༴ ཀུ་ཤ་ལ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། ཚེ་ལས་འདས་པའི་སྲུང་བ་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲིབ་ཐམས་ཅད༴ བིལ་བ་ལྟར་ཁའམ་མ་རྙེད་ན་སེ་ཐག་ཤུག་ཐོག་གང་རུང་ལ། ཨོཾ་བཛྲ་ཥཱི་བཱ་ཡ་སྭཱ་ཧཱ། ཚེ་ལས་འདས་པའི་རིགས་རྒྱུད་ཕུན་སུམ་ཚོགས་པ་ལ་བར་དུ་གཅོད་པར་བྱེད་པའི་སྡིག་སྒྲིབ་ཐམས་ཅད༴ དཀར་གསུམ་མངར་གསུམ་གང་འབྱོར་ལ། ཨོཾ་བཛྲ་མཱ་ལེ་པུཥྚ་ཡེ་སྭཱ་ཧཱ། ཚེ་ལས་འདས་པའི་ཤེས་རབ་ཕུན་སུམ་ཚོགས་པ་ལ་བར་དུ་གཅོད་པར་བྱེད་པའི་སྡིག་སྒྲིབ་ཐམས་ཅད༴ མེ་ཏོག་དཀར་པོ་མེད་ན་ནས་ལ། ཨོཾ་བཛྲ་པུཥྤེ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་ཁ་དོག་དང་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པའི་སྡིག་སྒྲུབ་ཐམས་ཅད༴ དྲི་དངོས་རྩི་ཇ་སོགས་བཏུང་བའི་རིགས་ལ།

― KMC022_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་བཛྲ་ཏཾ་བུ་ལཱ་ཡ་སྭཱ་ཧཱ། ཚེ་ལས་འདས་པའི་བཀྲ་ཤིས་ཕུན་སུམ་ཚོགས་པ་ལ་བར་དུ་གཅོད་པའི༴ སྨན་སྣ་ཚོགས་ལ། ཨོཾ་ཨོ་ཥ་དྷི་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་ནད་མེད་པ་ཕུན་སུམ་ཚོགས་པ་ལ་བར་དུ་གཅོད་པའི༴ དར་རས་གོས་སྣ་དུམ་བུ་ལ། ཨོཾ་བཛྲ་ཝ་སྟྲ་ཡ་སྭཱ་ཧཱ། ཚེ་ལས་འདས་པའི་སྐྱེ་བ་གཞན་དུ་རྒྱན་དང་གོས་ཕུན་སུམ་ཚོགས་པ་ལ་བར་དུ་གཅོད་པའི༴ འདིར་མ་འཐུས་པའི་འབྲུའི་རིགས། །བཟའ་བཏུང་ལ་སོགས་འབུལ་འདོད་ན། །ཨོཾ་ཨཱགྣ་ཡེ་སོགས་ལྷ་སྔགས་མཇུག་ཏུ། ཨོཾ་ཨཱཿཧཱུྃ་ཚེ་ལས་འདས་པའི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་སྭཱ་ཧཱ། དེ་ལྟར་ཏིལ་ནི་ཉེར་གཅིག་ཙམ། །གཞན་རྣམས་བདུན་ནམ་གསུམ་རེས་ཆོག །དེ་ནས་རང་མདུན་མཆོད་པ་རྣམས། །རེ་རེ་བཞིན་དུ་འབུལ་བར་བྱ། །འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཱགྣ་ཡ་ས་པ་རི་ཝཱ་ར་ཨཱརྒྷཾ་

― KMC022_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥར་ཎ་ས་མ་ཡེ་ཨཿཧཱུྃ། འཇིག་རྟེན་ཁམས་ནི་དཔག་མེད་ན། །ཞབས་བསིལ་ཇི་སྙེད་ཡོད་པ་དང་། བདག་གིས་གུས་པས་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཱགྣ་ཡེ་ས་པ་རི་ཝཱ་ར་པཱ་དྱཾ་པྲ་ཏིཙྪ་པཱུ་ཛཿ མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། འཇིག་རྟེན་ཁམས་ནི་དཔག་མེད་ན། །མེ་ཏོག་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཱགྣ་ཡེ་ས་པ་རི་ཝཱ་ར་པུཥྤེ་སོགས་ནས། ཨཱཿཧཱུྃ། འཇིག་རྟེན་ཁམས་ནི་དཔག་མེད་ན། །བདུག་སྤོས་ཇི་སྙེད༴ བདག་གིས་གུས་པས༴ དྲང་སྲོང་མེ་ལྷའི༴ བཞེས་ནས་ཞི་བའི༴ ཨོཾ་ཨཱགྣ་ཡེ་ས་པ་རི་ཝཱ་ར་དྷཱུ་བེ་ནས་ཨཱཿཧཱུྃ། འཇིག་རྟེན་ཁམས་ནི་དཔག་མེད་ན། །སྣང་གསལ་ཇི་སྙེད༴ བདག་གིས་གུས་པས༴ དྲང་སྲོང་མེ་ལྷའི༴ བཞེས་ནས་

― KMC022_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་བའི༴ ཨོཾ་ཨཱགྣ་ཡེ་ས་པ་རི་ཝཱ་ར་ཨ་ལོ་ཀེ་ནས་ཨཱཿཧཱུྃ། འཇིག་རྟེན་ཁམས་ནི་དཔག་མེད་ན། །དྲི་ཆབ་ཇི་སྙེད༴ བདག་གིས་གུས་པས༴ དྲང་སྲོང་མེ་ལྷའི༴ བཞེས་ནས་ཞི་བའི༴ ཨོཾ་ཨཱགྣ་ཡེ་ས་པ་རི་ཝཱ་ར་གནྡྷེ་ནས་ཨཱཿཧཱུྃ། འཇིག་རྟེན་ཁམས་ནི་དཔག་མེད་ན། །ཞལ་ཟས་ཇི་སྙེད༴ བདག་གིས་གུས་པས༴ དྲང་སྲོང་མེ་ལྷའི༴ བཞེས་ནས་ཞི་བའི༴ ཨོཾ་ཨཱགྣ་ཡེ་ས་པ་རི་ཝཱ་ར་ནི་ཝི་དྱ་པྲ་ཏིཙྪ་སོགས་ནས་ཨཱཿཧཱུྃ། འཇིག་རྟེན་ཁམས་ནི་དཔག་མེད་ན། །རོལ་མོ་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །དྲང་སྲོང་མེ་ལྷའི་ཚོགས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨཱགྣ་ཡེ་ས་པ་རི་ཝཱ་ར་ཤཔྟ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥར་ཎ་ས་མ་ཡེ་ཨཱཿཧཱུྃ། མཆོད་པ་རྣམས་དང་མར་མེ་དང་། །ལྷ་བཤོས་ལ་སོགས་འབུལ་བྱ་ཞིང་། །རོལ་མོའི་སྐབས་སུ་མཚམས་འཛིན་གྱི། །མེ་ཏོག་འཐོར་ཞིང་དྲིལ་བུ་བསིལ། །སྤྲོ་ན་རོལ་ཆེན་འུར་བརྡུང་བྱ། །ཨོཾ་ཚངས་པ་འཇིག་རྟེན་མགོན་གྱི་སྲས། །མེ་ལྷའི་

― KMC022_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་དྲང་སྲོང་མཆོག །འབྱུང་པོ་ཡོངས་ལ་བསྐྱབས་པའི་ཕྱིར། །ཐུགས་རྗེའི་དབང་གིས་སྐུ་སྤྲུལ་པའི། །རིག་སྔགས་གྲུབ་པའི་དྲང་སྲོང་མཆོག །ཕྲིན་ལས་གྲུབ་པའི་མངའ་བདག་ཆེ། །བསྐལ་པའི་མེ་ལྟར་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱི་ཐེག་མཆོག་ར་སྐྱེས་ཆིབས། །བགྲང་ཕྲེང་འཛིན་ཅིང་རིག་སྔགས་གསུང་། །བདུད་རྩིའི་བཅུད་བཀང་གུནྡྷེ་བསྣམས། །ཆོས་ཀྱི་བདུད་རྩིས་ཡོངས་ལ་བསིལ། །ཉེས་པའི་སྐྱོན་བྲལ་ཚངས་པར་སྤྱོད། །འཇིག་རྟེན་གནས་ཀྱང་མྱ་ངན་འདས། །ཞི་བ་བརྙེས་ཀྱང་ཐུགས་རྗེ་ཆེ། །དེ་ལ་བསྟོད་དེ་ཕྱག་ཀྱང་འཚལ། །ཞི་བའི་ཕྲིན་ལས་བསྒྲུབ་པ་དང་། །ས་ལམ་བར་ཆད་ཞི་བར་མཛོད། །དྲང་སྲོང་ཆེན་པོ་མེ་ལྷ་ཡིས། །སྔོན་གྱི་དམ་བཅས་མནའ་དོར་བ། །ལྷ་རྣམས་ཞལ་ནི་མེ་ཡིན་ཏེ། །སྦྱིན་སྲེག་གི་ནི་མེ་ལ་གནས། །མེ་ལྷ་ཁྱེད་ཉིད་མེ་དཔུང་དང་། །གཉིས་སུ་མེད་པར་བཞུགས་

― KMC022_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་ལ། །སྦྱིན་སྲེག་མཆོད་པ་འདི་རྣམས་ཀུན། །བདེ་ཆེན་ཞིང་གི་ལྷ་ཚོགས་ཀྱི། །ཞལ་དུ་བསྟབ་པའི་ལས་མཛོད་ཅིག །མེ་ལྷའི་ཐུགས་ལས་སྤྲུལ་པ་ཡི། །མེ་ལྷ་དྲང་སྲོང་ཡིད་ལས་སྐྱེས། །རང་འདྲ་ཞིག་གིས་ལྷ་ཚོགས་ལ། །མཆོད་པའི་ཕྱག་གཙང་མཛད་པར་གྱུར། །མེ་ལྷའི་ལྟོ་བ་རྒྱ་ཆེ་བ། །འོད་ལས་གྲུབ་པའི་གཞལ་ཡས་ཁང་། །དེ་དབུས་པདྨ་ཟླ་གདན་ལ། །འོད་དཔག་མེད་མགོན་སྐུ་མདོག་དམར། །ཞེས་པ་ནས། བ་ལིང་ཏ་རཀྟ་ཁཱ་ཧིའི་བར། ཞིང་སྒྲུབ་ཆོ་ག་བཞིན་དུ་འདོན། །ཕལ་པ་ཡིན་ན་བསྲེག་རྫས་རྣམས། །ཚེ་འདས་ཤ་རུས་དབྱེར་མེད་བསྒོམ། །ལྷ་ཚོགས་རྣམས་ལ་མཆོད་པ་ཡིན། །གང་ཟག་དམ་པའི་གདུང་ཡིན་ན། །གདུང་དང་ལྷ་ཚོགས་དབྱེར་མེད་བསྒོམ། །བསྲེག་རྫས་མཆོད་པ་འབུལ་བ་ནི། །ཨོཾ་ཨ་མི་དྷེ་ཝ་ཧྲཱི༔ དེ་ལ་གོང་གི་བསྲེག་རྫས་སྔགས། །བཏགས་ཏེ་རིམ་པར་འབུལ་བ་སྟེ། །ལྷ་སྔགས་རྫས་སྔགས་འདོད་གསོལ་གསུམ། །གཅིག་ཏུ་བརྩི་བ་གྲངས་སུ་འཛིན། །གཙོ་བོ་ལ་ནི་བརྒྱ་རེ་འབུལ། ཨོཾ་མ་ཎི་པདྨེ་ཧཱུྃ། དེ་ལ་རྫས་སྔགས་བཏགས་བྱས་ཏེ། །ཐུགས་རྗེ་ཆེན་པོར་ཉེར་གཅིག་འབུལ། །ཨོཾ་བཛྲ་

― KMC022_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

པཱ་ཎི་ཧཱུྃ། མཐུ་ཆེན་ཐོབ་ལ་ཉེར་གཅིག་འབུལ། །ཨོཾ་སརྦ་བུདྡྷ་བྷོ་དྷི་སཏྭ་ས་པ་རི་ཝ་ར་ལ་བདེ་ཆེན་ཞིང་གི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ། །བདུན་ནམ་ཉི་ཤུ་རྩ་གཅིག་འབུལ། །འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨ་མི་དྷེ་ཝ་ཧྲཱིཿ ས་པ་རི་ཝཱ་ར་ཨཱརྒྷཾ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥར་ཎ་ས་མ་ཡེ་ཨཿཧཱུྃ། འཇིག་རྟེན་ཁམས་ནི༴ ཞབས་བསིལ་ཇི་སྙེད༴ བདག་གིས་གུས་པས༴ བཅོམ་ལྡན་འཁོར་དང་༴ བཞེས་ནས་ཞི་བའི༴ ཨོཾ་ཨ་མི་དྷེ་ཝ་ཧྲཱིཿ ས་པ་རི་ཝཱ་ར་པཱ་དྱཾ་པྲ་ཏིཙྪ༴ ལ་སོགས་འགྲོའོ། །འཇིག་རྟེན་ཁམས་ནི༴ མེ་ཏོག་ཇི་སྙེད༴ བདག་གིས་གུས་པས༴ བཅོམ་ལྡན་འཁོར་དང་༴ བཞེས་ནས་ཞི་བའི༴ ཨོཾ་ཨ་མི་དྷེ་ཝ་ཧྲཱི༔ ས་པ་རི་ཝཱ་ར་པུཥྤེ༴ འཇིག་རྟེན་ཁམས་ནི༴ བདུག་སྤོས་ཇི་སྙེད༴ བདག་གིས་གུས་པས༴ བཅོམ་

― KMC022_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་འཁོར་དང་༴ བཞེས་ནས་ཞི་བའི༴ ཨོཾ་ཨ་མི་དྷེ་ཝ་ཧྲཱི༔ ས་པ་རི་ཝཱ་དྷུ་པེ༴ འཇིག་རྟེན་ཁམས་ནི༴ སྣང་གསལ་ཇི་སྙེད༴ བདག་གིས་གུས་པས༴ བཅོམ་ལྡན་འཁོར་དང་༴ བཞེས་ནས་ཞི་བའི༴ ཨོཾ་ཨ་མི་དྷེ་ཝ་ཧྲཱིཿ ས་པ་རི་ཝཱ་ར་ཨཱ་ལོ་ཀེ༴ འཇིག་རྟེན་ཁམས་ནི༴ དྲི་ཆབ་ཇི་སྙེད༴ བདག་གིས་གུས་པས༴ བཅོམ་ལྡན་འཁོར་དང་༴ བཞེས་ནས་ཞི་བའི༴ ཨོཾ་ཨ་མི་དྷེ་ཝ་ཧྲཱི༔ ས་པ་རི་ཝ་ར་གནྡྷེ༴ འཇིག་རྟེན་ཁམས་ནི༴ ཞལ་ཟས་ཇི་སྙེད༴ བདག་གིས་གུས་པས༴ བཅོམ་ལྡན་འཁོར་དང་༴ བཞེས་ནས་ཞི་བའི༴ ཨོཾ་ཨ་མི་དྷེ་ཝ་ཧྲཱིཿ ས་པ་རི་ཝཱ་ར་ནཻ་ཝི་དྱ་པྲ་ཏིཙྪ༴ འཇིག་རྟེན་ཁམས་ནི་དཔག་མེད་ན། །རོལ་མོ་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་ཞི་བའི་ཕྲིན་ལས་མཛོད། །ཨོཾ་ཨ་མི་དྷེ་ཝ་ཧྲཱི༔ ས་པ་རི་ཝཱ་ར་ཤཔྡ་པྲ་ཏིཙྪ་པཱུ་ཛ་མེ་གྷ་ས་མུ་དྲ་སྥར་ཎ་ས་མ་ཡེ་ཨཱཿཧཱུྃ།

― KMC022_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

བར་གྱིས་རྒྱས་པར་མཆོད། །མེ་ལྷའི་གཏོར་མ་ཆེ་བ་དེ། །མར་ཁུ་དྲན་ལ་བཀྱགས་བཅུག་ལ། །ཨ་ཀཱ་རོས་བྱིན་བརླབས་ལ། །ཨོཾ་ཨ་མི་དྷེ་ཝ་ཧྲཱིཿ ས་པ་རི་ཝཱ་ར་ཨི་དཾ་བ་ལིང་ཏ་ཁ་ཁ་ཁཱ་ཧི་ཁཱ་ཧི། ཞེས་པ་བདུན་གྱིས་ཕུལ་བྱས་ནས། །བཅོམ་ལྡན་འཁོར་དང་བཅས་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཕྱུག་འཕེལ་དང་། །བདེ་ལེགས་ཕུན་སུམ་ཚོགས་པ་ཡི། །ཡིད་ལ་འདོད་པ་ཀུན་འགྲུབ་མཛོད། །ཚིག་མཇུག་དེར་ཡོད་ཐམས་ཅད་ཀྱིས། །རྗེས་ཟློས་ཕན་གསུམ་བྱེད་བཅུག་ལ། །གདུང་ཁང་ནང་དུ་ཕུལ་བཅུག་གོ །ཨོཾ་རྡོ་རྗེའི་སྐུ་ནི་སྐུ་ཞེས་སོགས་ནས། །བཛྲ་སཏྭ་ཧཱུྃ་

― KMC022_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

གི་བར། ཆོ་གའི་ནང་ལྟར་བརྗོད་པར་བྱ། །དེ་ནས་ཆོས་སྐྱོང་གཏོར་མ་བྲན། །རང་གི་ཐུགས་ཀའི་འོད་ཟེར་གྱིས། །ཞིང་སྐྱོང་ཡབ་ཡུམ་སྤྱན་དྲངས་ལ། །མེ་ལྷའི་ལྟོ་བ་བདེ་ཆེན་ཞིང་། །ཕྱག་རྡོར་དྲུང་དེར་བཞུགས་པར་བསྒོམ། །སྣང་བ་མཐའ་ཡས་བཀའ་སྲུང་བ། །ཞེས་པ་ནས། རང་རང་མཐུན་པའི་རྫས་ཀྱིས་བཀང་། །སྦྱིན་བསྲེག་མཆོད་པ་འབུལ་གྱི་བཞེས། །ཨཱརྒྷཾ་ལ་སོགས་སྔགས་ཀྱིས་མཆོད། །ཨོཾ་སི་ཧཾ་མུ་ཁ་ཧཱུྃ་ཕཊ། ཨོཾ་སི་ན་ར་མ་ཧཱུྃ་ཕཊ། ཏྲི་ཧྲིང་ཛཿཧཱུྃ་ཕཊ། ཏྲི་ཧྲིང་ཛཿ དེ་ལ་རྫས་སྤགས་བཏགས་ནས་ཀྱང་། །བསྲེག་རྫས་ཐམས་ཅད་བདུན་རེ་འབུལ། །ཧཱུྃ་སྔོན་ཚེ་རྒྱལ་བའི་སྤྱན་སྔ་རུ། །ཁས་བླངས་སངས་རྒྱས་བསྟན་པ་སྲུང་། །མཐུ་སྟོབས་ནམ་མཁའི་མཐའ་དང་མཉམ། །ཞིང་སྐྱོང་འཁོར་བཅས་བདག་གིས་བསྟོད། །དམ་རྫས་སྦྱིན་སྲེག་མཆོད་པ་བཞེས། །ཕྲིན་ལས་རྣམ་བཞི་འགྲུབ་པ་དང་། །གང་བཅོལ་ལས་རྣམས་གྲུབ་པར་མཛོད། །དེ་ནས་གཏོར་མར་མར་ཁུ་བྲན། ན་མོ་དཀོན་མཆོག་གསུམ་གྱི་སོགས་བདེན་

― KMC022_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་དུས། བདག་ཅག་ཡོན་མཆོད་ཞེས་པ་དང་། །ཚེ་འདས་བདེ་ཆེན་ཞིང་ཁམས་སུ། །ཞེས་སོགས་འགུག་གཞུག་ཚིག་ཟུར་བསྒྱུར། །ཧཱུྃ་དཔལ་ལྡན་ཞིང་སྐྱོང་གཏོར་མ་བཞེས། །ཚེ་འདས་བདེ་ཆེན་ཞིང་ཁམས་སུ། །སྔོན་ནས་གསུས་ལ་ཕྱི་ནས་སྐྱོལ། །ས་དང་ལམ་གྱི་བར་ཆད་ཟློག །གསོན་པོ་ཚེ་དང་ལྡན་རྣམས་ཀྱིས། །ནད་གདོན་བར་ཆད་ཐམས་ཅད་སོལ། །བཀྲ་ཤིས་བདེ་ལེགས་འགྲུབ་པར་མཛོད། །གཏོར་མ་ཐབ་ཏུ་འབུལ་རྒྱུ་བསྐུར། །དེ་ནས་རྒྱས་པར་སྤྲོ་ན་ནི། །མེ་ལྷའི་ཐུགས་ཀར་བདེ་ཆེན་ཞིང་། །དེ་མཐར་ཚེ་འདས་བསྐྱེད་བྱས་ལ། །བྱང་ཆོག་བཞིན་དུ་ཕྱིར་ལྡོག་བྱ། །བསྡུ་ན་ལྷ་བསྐྱེད་ནས་བཟུང་སྟེ། །བུམ་དབང་བར་དུ་བྱང་ཆོག་ལྟར། །དེ་ནས་ཟས་བསྔོ་བྱང་ཆོག་ལྟར། །ཟས་རྣམས་ཐབ་ཀྱི་ནང་དུ་འབུལ། །མེ་སྦར་མི་དགོས་སྔར་བྱས་ཆོག །ལམ་བསྟན་བསྔོ་བ་བྱང་ཆོག་ལྟར། །དེ་ཡིས་སྦྱིན་སྲེག་དངོས་གཞི་རྫོགས། །ཨོཾ་ཨ་མི་དྷེ་ཝ་ཧྲཱིཿས་པ་རི་ཝཱ་ར་དེ་ལ་བསྲེག་རྫས་སྔགས་སྦྱར་བ། །བདུན་རེ་གོང་ལྟར་ཕུལ་བར་བྱ། །དེ་ལ་ཨཱརྒྷཾ་སོགས་བཏགས་ལ། །མཆོད་པ་རྣམས་ཀྱང་ཆ་རེ་འབུལ། །ཧཱུྃ་བདེ་ཆེན་ཞིང་དུ་ཆོས་ཀྱི་འཁོར་ལོ་བསྐོར། །

― KMC022_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་རྣམས་ལ་རྟག་ཏུ་ཐུགས་རྗེས་གཟིགས། །དམ་བཅའ་ཞལ་བཞེས་འགྲོ་བའི་སྐྱབས་མཛད་པ། །སྣང་མཐའ་མཉམ་བཞག་མཛད་ལ་ཕྱག་འཚལ་བསྟོད། །ཅེས་བསྟོད་དོ། །མ་འབྱོར་བ་དང་ཉམས་པ་དང་། །གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་བྱས་གང་། །དེ་དག་མ་ལུས་བཟོད་པར་གསོལ། །ཞེས་སོགས་ཡིག་བརྒྱ་ཚར་རེ་བཟླས། །ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཡེ་ཤེས་པ་རྣམས་རང་གནས་གཤེགས། །དམ་ཚིག་པ་རྣམས་རང་ལ་ཐིམ། །དེ་ནས་སྲེག་རྫས་ལྷག་མ་རྣམས། །གྲངས་ཀ་མི་བཟུར་ལྷག་མེད་དུ། །གོང་ལྟར་འཇིག་རྟེན་མེ་ལྟར་འབུལ། །མེ་ལྷའི་གཏོར་མར་མར་ཁུས་བྲན། །གཡོན་ངོས་སྦྱིན་བདག་དེ་ཡིས་བཀྱགས། །ཨ་ཀཱ་རོ་ཡིས་བྱིན་གྱིས་བརླབས། །ཨོཾ་ཨཱགྣ་ཡེ་ས་པ་རི་ཝཱ་ར་ཨི་དཾ་བ་ལིང་ཏ་ཁ་

― KMC022_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ཁཱ་ཧི་ཁཱ་ཧི། གསུམ་མམ་བདུན་གྱིས་བསྔོ་བྱས་ཏེ། །མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་འདི་བཞེས་ལ། །ཞི་དང་རྒྱས་ལ་སོགས་པ་ཡི། །སོགས་ནས། ཡིད་ལ་འདོད་པ་ཀུན་འགྲུབ་མཛོད། །འདོད་གསོལ་ཡོན་བདག་རྗེས་ཟློས་བཅུག །མེ་ལྷའི་སྔགས་དང་ཨཱརྒྷཾ་སོགས། །བཏགས་ལ་མཆོད་པ་ལྷག་མེད་འབུལ། །འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཊཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཨོཾ་མ་འབྱོར་བ་དང་ཉམས་པ་དང་། །ནས། དེ་ཀུན་དྲང་སྲོང་བཟོད་པར་མཛོད། །ཡིག་བརྒྱ་བཟླས། བདག་གི་དོན་དང་གཞན་གྱི་དོན། །བྱིན་ཟ་ཁྱོད་ཀྱིས་བསྒྲུབས་ཀྱི་གཤེགས། །ཇི་བཞིན་དུས་སུ་སླར་བྱོན་ཏེ། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་ཨཱགྣ་ཡེ་ས་པ་རི་ཝཱ་ར་

― KMC022_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

བཛྲ་མུཿ ཡེ་ཤེས་མེ་ལྷ་ཤར་ལྷོར་གཤེགས། །དམ་ཚིག་འབར་བའི་རྣམ་པར་གྱུར། །སྤྱན་དྲངས་པ་ཡི་ཕྱག་རྒྱ་ཡི། །མཐེ་བོང་ཕྱིར་ལ་བསྐྱེད་པར་བྱ། །བསྔོ་བ་སྨོན་ལམ་བྱ་བ་དང་། །ཡི་གེ་བརྒྱ་བ་ཚར་གསུམ་འདོན། །དབྱངས་གསལ་རྟེན་འབྲེལ་སྙིང་པོ་བརྗོད། །དེ་ནས་ངག་བཏང་རྡོར་དྲིལ་བཞག །ཨོཾ་བཛྲ་ས་མ་ཡ་ཛཿཛཿཧཱུྃ་བཾ་ཧོཿ ཞེས་བརྗོད་རུས་པ་ཐལ་སོལ་བསྡུ། །གང་ཟག་བཟང་པོའི་ཐལ་སོལ་ནི། །ཆུ་ཆེན་གཞུང་དུ་བཏབ་བྱས་པས། །ཆུ་འཐུང་སེམས་ཅན་སྒྲིབ་པ་སྦྱོང་། །ཕལ་བའི་ཐལ་སོལ་ཀླུ་མེད་ཅིང་། །ས་དཔལ་བཟང་སར་བླུག་ཏུ་བཅུག །རུས་པ་སྣོད་གཙང་ནང་དུ་བཞག །དེ་ལ་ཁྲུས་དང་ཕྱིར་ལྡོག་བྱ། །དེ་ནི་རུས་ཆོག་ཞེས་བྱའོ། །མདུན་དུ་དཀར་གཏོར་གཅིག་བཤམས་ལ། །ས་སློང་སྐབས་སུ་བཤད་པ་ཡི། །དམིགས་པ་དང་བཅས་ས་ལྷ་ལ། །གཏོར་མ་བསྔོས་ལ་འབུལ་རྒྱུ་བསྐུར། །ས་སྐྱིན་བླང་བཅུག་མདུན་དུ་སྤུངས། །ཨ་རང་ཉིད་སྐད་ཅིག་དྲན་རྫོགས་སུ། །འོད་དཔག་མེད་པའི་སྐུར་གསལ་བའི། །ཐུགས་ལས་འོད་ཟེར་ཕྱོགས་བཅུར་འཕྲོས། །རྒྱལ་བ་ཀུན་གྱི་ཐུགས་རྒྱུད་བསྐུལ། །སྐུ་ལས་འོད་འཕྲོས་ས་ལ་ཐིམ། །ཡེ་ཤེས་ལྔ་ཡི་རང་བཞིན་གྱུར། །

― KMC022_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་བྷྲཱུཾ་སྭཱ་ཧཱ། ཉེར་གཅིག་བརྗོད། ལག་མཐིལ་གཉིས་སུ་ཨ་ཡིག་ལས། ཟླ་བའི་སྟེང་དུ་ཧཱུྃ་ཡིག་ལས། །རྡོ་རྗེ་དཀར་པོ་རྩེ་ལྔ་པ། །དེ་ཞུ་ལག་པར་ཐིམ་པ་ཡིས། །ལག་པ་རྡོ་རྗེའི་རང་བཞིན་དང་། །སོར་མོ་རྡོ་རྗེ་རྩེ་གཅིག་གྱུར། །ཨོཾ་བཛྲ་སཏྭ་ཧཱུྃ། ཚེ་འདས་དེ་ཡི་སློབ་མ་དང་། །ཉེ་འབྲེལ་མིན་ཅིང་སྡིག་ཆེན་མིན། །དེ་འདྲ་ཞིག་གིས་རུས་པ་བཏུལ། །ཆུས་སྤྱོད་ཕུག་རོན་དྭངས་རུ་ཙམ། །དེ་ཡིས་ས་སྦྲུས་འཇིམ་པ་བྱ། །ལས་བུམ་ཆུ་ཡིས་བྲན་བྱ་ཞིང་། །རྟ་མགྲིན་སྔགས་བཟླས་མི་གཙང་བསངས། །སྭ་བྷཱ་ཝས་སྟོང་པར་སྦྱངས། །བྷྲཱུཾ་ལས་རིན་ཆེན་ཕུང་པོར་གྱུར། །མཐེ་བོང་གཉིས་ཀྱིས་མཛུབ་ཆུང་མནན། །ལག་གཉིས་ཁ་སྤྲོད་ཚུལ་བྱས་ལ། །ལན་གྲངས་ཉེར་གཅིག་འཇིམ་པར་རེག །འོད་དཔག་གཟུངས་རིང་ཉེར་གཅིག་བརྗོད། །ལག་པས་འཇིམ་པ་སྐུང་ཕོར་རེག །ཆོས་སྐུ་སྟོང་པའི་ངང་ཉིད་ལས། །གཟུགས་སྐུ་སྣ་ཚོགས་བྱོན་པར་གྱུར། །ཨོཾ་དྷརྨ་དྷཱ་ཏུ་གརྦྷེ་སྭཱ་ཧཱ། དེ་ཡིས་རུས་ཆོག་ཆོ་ག་ཚར། །དེ་ནས་མི་མང་ཐམས་ཅད་ཀྱིས། །ཨོཾ་བྷྲཱུཾ་སྭཱ་ཧཱ། ཡིག་དྲུག་གཉིས། །གང་འདོད་བཟླས་ཤིང་བཏབ་པས་ཆོག །སྐམ་ནས་དཀར་རྩི་གསོལ་གྲུབ་ལེགས། །དཀར་རྩི་མེད་ཀྱང་འགལ་

― KMC022_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

བ་མེད། །དེ་ནས་སཙྪ་ཐམས་ཅད་བསྒྲིགས། །མར་མེ་མཆོད་པ་བཤམས་བྱས་ལ། །སྭ་བྷཱ་ཝ་ཡི་སྔགས་བརྗོད་ནས། །སྟོང་པའི་ངང་ལས་མཆོད་རྟེན་ནི། །ཆེན་པོ་མང་པོར་གྱུར་པ་ཡི། །བུམ་པའི་ནང་དུ་རིན་ཆེན་གྱི། །གཞལ་ཡས་ཁང་པ་རྒྱ་ཆེན་གྱི། །དབུས་སུ་པདྨ་ཟླ་གདན་ལ། །འོད་དཔག་མེད་མགོན་སྐུ་མདོག་དམར། །ཞེས་པ་ནས་བཟུང་འོད་ཆོག་ནི། །ཚེ་འགུགས་མ་གཏོགས་ཐམས་ཅད་འདོན། །དེ་ནས་མདུན་གྱི་བཅོམ་ལྡན་འདས། །འོད་ཞུ་མཆོད་རྟེན་རྣམ་པར་གྱུར། །རྟེན་འབྲེལ་སྙིང་པོ་ཉེར་གཅིག་ནི། །བརྗོད་ཅིང་ནས་འཐོར་རབ་གནས་སོ། །གང་ཟག་ཕལ་པའི་རུས་ཚ་ནི། །ཆུ་ཐུབ་བསྐོར་བ་མི་འགྲོ་ཞིང་། །ས་དགྲ་མེད་པའི་ཕུག་པར་བསྐྱལ། །གནས་བདག་དེ་ལ་དཀར་གཏོར་བསྔོ། །རང་གིས་ཆོས་འབྲེལ་ཞུས་པའམ། །རང་གི་ཉེ་དུ་ཡིན་ན་ནི། །རང་གི་མེ་ནི་མི་སྦར་བ། །གྲྭ་པ་ཞིག་ལ་སྦར་དུ་བཅུག །ཐ་མལ་ཕུང་པོ་མེ་སྦར་བ། །ཉེས་པ་ཡོད་ཅེས་ལ་ལས་སྨྲ། །མེ་སྦར་མཁན་ཅིག་གླ་སྦྱིན་ཚོལ། །ཚེ་འདས་དེ་ཡི་མིང་ནས་འབོད། །མེ་ཐལ་བྲོས་ཞེས་བརྗོད་པ་ནི། །བླ་དེ་རོལ་གནས་པའི་ཕྱིར། །དེ་ལ་སྐྲག་སྣང་འབྱུང་དོགས་ཟེར། །དེ་འདྲ་ལོག་པ་ཡིན་པའི་ཕྱིར། །དེ་

― KMC022_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲའི་མིག་ལྟོས་མི་བྱ་བར། །མེ་ནི་སློབ་དཔོན་རང་གིས་སྦར། །གང་ཟག་བཟང་པོའི་གདུང་ལ་ནི། །དེ་ཡི་ཡི་དམ་གང་ཡིན་བསྐྱེད། །མཆོད་བསྟོད་བྱས་ལ་གཤེགས་སུ་གསོལ། །གདུང་དེ་དམ་ཚིག་སེམས་དཔར་བསྐྱེད། །དེ་ལ་མཆོད་བསྟོད་བྱས་ལ་བཞུ། །དེ་མ་བྱས་ན་བླ་མའི་གདུང་། །གསེར་སྐུ་བཤིག་དང་འདྲའོ་ཟེར། །འོན་ཀྱང་དེ་བྱས་རྟེན་མི་འབྱོན། །གདུང་དང་ཡི་དམ་དབྱེར་མེད་ལ། །སྦྱིན་སྲེག་མཆོད་པ་འབུལ་བ་ཡིན། །དེ་ལ་ཉེས་པ་འབྱུང་མི་སྲིད། །གང་དག་བཟང་པོའི་གདུང་ལ་ནི། །གདུང་ཁང་སྟེང་དུ་ཨམ་བཅིངས་ཁར། །བྱིན་རླབས་ཅན་གྱི་རྟེན་གཅིག་བཞག །དེ་མ་བྱས་ན་རིང་བསྲེལ་སོགས། །རྟེན་རྣམས་མཁའ་འགྲོས་གདན་འདྲེན་སྲིད། །དེ་དག་ཞལ་གདམས་ཉེ་མཁོ་ཡིན། །འོད་ཆོག་རོ་སྲེག་རུང་བའི་དོན། །འོད་དཔག་ཚེ་དཔག་དོན་གཅིག་ཅིང་། །སྤྱོད་རྒྱུད་ཚེ་དཔག་གསུང་དཀྱིལ་སྐབས། །ལྷ་ཡི་བུ་རྣམས་ཞི་བ་ཡི། །ཧོམ་ཁུང་ཐ་མ་བར་མ་མཆོག །ཁྲུ་གང་ཁྲུ་དོ་ཁྲུ་བཞི་པའི། །ཟླུམ་པོ་ཉིད་དུ་བྱས་ན་ནི། །དེ་ཡི་མིང་ལ་ཡུང་ཀར་གྱི། །བརྒྱ་ཕྲག་སྟོང་དུ་བསྲེགས་བྱས་ན། །ངན་སོང་ཀུན་ལས་ཐལ་བར་འགྱུར། །དེ་ཡི་ཤ་དང་རུས་པ་དང་། །སྐྲ་དང་ཐལ་བ་ལ་སོགས་པས། །ཆོ་ག་དེ་དང་འདྲ་བར་ནི། །སྦྱིན་སྲེག་བྱས་ན་ངན་སོང་ཡང་། །ཀུན་ལས་རྣམ་པར་ཐར་བར་འགྱུར། །ཞེས་

― KMC022_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་གསང་འདུས་རྒྱུད་ལས་ཀྱང་། །རྣམ་ཤེས་ལྔ་བྲལ་བེམ་པོའི་ལུས། །བག་ཆགས་སྦྱངས་པས་ཐར་པ་ཐོབ། །སྦྱོང་གཞི་ཕྱི་དང་ནང་གི་རོ། །སྦྱོང་བྱེད་འབྱུང་བ་ཡེ་ཤེས་མེ། །འབྱུང་བའི་མེ་ཡིས་བག་ཆགས་སྦྱོང་། །ཡེ་ཤེས་མེ་ཡིས་ཉོན་མོངས་སྲེག །ཞེས་གསུངས་ཕྱིར་ན་ཕན་ཡོན་ཆེ། །རང་ངམ་སྦྱིན་བདག་སོན་པོ་ཡིས། །སོ་སེན་སྐྲ་དང་གོས་རྙིང་ལ། །སྒྲིབ་སྦྱོང་སྦྱིན་སྲེག་བླུགས་འདོད་ན། །བྱ་ཚུལ་ཐམས་ཅད་གོང་དང་འདྲ། །ཚེ་འདས་ཞེས་པར་ཚེ་ལྡན་བསྒྱུར། །ཕྱིར་ལྡོག་འདོད་ཡོན་བསྔོ་བ་བསྒྱུར། །དེ་ཡི་ཚབ་ལ་ཚེ་འགུགས་སྦྱོར། །ཞིང་སྐྱོང་འགུག་བཞུག་གཏོར་འབུལ་མཇུག །ལས་བྱང་གཞུང་གི་དེ་ལྟར་འདོན། །སཙྪ་སོགས་ཀྱང་གྲུབ་ན་ལེགས། །བླ་མ་སྨན་བླ་ཁུ་དཔོན་གྱིས། །རིང་ནས་བསྐུལ་བ་དོན་ཡོད་ཕྱིར། །དགེ་སློང་རཱ་ག་ཨ་སྱ་ཡིས། །ལྕགས་མོ་ཕག་ལོའི་དབོ་ཟླ་ཡི། །ཚེས་པ་བཅུ་གཉིས་བཅུ་གསུམ་གྱི། །ཐུན་སྐབས་འགའ་ལ་སྨྲས་པ་ལྟར། །ནམ་མཁའ་ཀུན་དགའ་གཉིས་པོ་ཡིས། །རེས་མོས་བྱས་ཤིང་བྲིས་པ་ལ། །ཉེས་འགལ་གང་མཆིས་ལྷ་ལ་བཤགས། །དགེ་བས་སྐྱེ་འགྲོ་མང་པོ་ཞིག །རིགས་དྲུག་སྐྱེ་སྒོ་ཆོད་ནས་ཀྱང་། །བདེ་ཆེན་ཞིང་དུ་སྐྱེ་བར་ཤོག། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་

― KMC022_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་ལས་བདེ་ཆེན་ཞིང་སྒྲུབ་ཀྱི་ཟིན་བྲིས།

― KMC022_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་ལས་བདེ་ཆེན་ཞིང་སྒྲུབ་ཀྱི་ཟིན་བྲིས་བཞུགས་སོ། །

― KMC022_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཨ་མི་ཏ་བྷཱ་ཡ། གནམ་ཆོས་བདེ་ཆེན་ཞིང་སྒྲུབ་ཟིན་བྲིས་ནི། །སྟ་གན་རྒྱས་འབྲིང་བསྡུས་གསུམ་སྤྲོས་མེད་བཞི། །རྒྱས་པ་ཞིང་བཀོད་ཐང་སྐུ་བཤམས་པའི་མདུན། །གཞི་སྟེང་འབྲུ་ཡི་ཚོམ་བུ་འདབ་བརྒྱད་བཀོད། །དབུས་སུ་མཉྫིའི་སྟེང་དུ་སྐུ་གཟུགས་བཤམ། །གཡས་སུ་བུམ་པ་རྫས་ལྡན་སྤྱི་ལྟར་ཏེ། །རྒྱབ་ཀྱི་འདབ་མར་ཕྱག་མཚན་རྡོ་རྗེ་བཞག །གཡོན་དུ་ལྷུང་བཟེད་འབྲུ་ཡིས་བཀང་པའི་ནང་། །ཚེ་ཡི་རིལ་བུ་ཅུང་ཟད་བཞག་པའམ། །ཚེ་སྒྲུབ་གཙོ་བོ་ཡིན་ན་ཚེ་རིལ་ལམ། །ཡང་ན་ཚེ་ཟན་

― KMC022_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་སྣས་བཀང་ཡང་རུང་། །མདུན་དུ་ཚེ་གཏོར་བུམ་གཟུགས་སྤྱི་ལྟར་བཞག །རྒྱབ་ཟུར་གཡས་སུ་བདུད་རྩི་གཡོན་རཀྟ། །མདུན་ཟུར་གཡས་སུ་ཟླུམ་གཏོར་གཙོ་འཁོར་གསུམ། །གཡོན་དུ་ཞིང་སྐྱོང་གཏོར་མ་གཙོ་འཁོར་བཞི། །དེ་མཐར་མཆོད་པ་སྣ་བདུན་བསྐོར་བཤམ་བྱ། །དེ་རྣམས་ཁ་གསོ་མ་གཏོགས་བརྗེ་མི་དགོས། །ཚེ་མདའ་དར་སྣ་ལྔ་བཏགས་རང་དྲུང་བཞག །དཀྱིལ་འཁོར་དེ་མདུན་མཆོད་སྟེགས་གཅིག་གི་སྟེང་། །བརྗེ་རྒྱུའི་མཆོད་པ་རྣམ་ལྔ་མཎྜལ་བཤམ། ༈ འབྲིང་གི་

― KMC022_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་བཀོད་མདུན་དུ་མཆོད་སྟེགས་སྟེང་། །སྐུ་གཟུགས་བུམ་པ་ཚེ་གཏོར་ཕྲེད་དུ་བཤམ། །གཡོན་དུ་ལྷུང་བཟེད་སྟེང་དུ་རྡོ་རྗེ་བཞག །དེ་རྩར་ཞིང་སྐྱོང་གཏོར་མ་ཟུར་གསུམ་གཅིག །མདུན་དུ་མཆོད་པ་རྣམ་ལྔ་བཤམས་པ་ཡིན། ༈ །བསྡུས་པ་ཚེ་གཏོར་སྟེང་དུ་ཙཀླི་བཙུག །ཙ་ཀླིའི་རྒྱབ་ཏུ་ལྷུང་བཟེད་རྡོ་རྗེ་བྲི། །ཙཀླིས་སྐུ་དང་ཞིང་བཀོད་གཉིས་ཀ་ཚང་། །གཏོར་མ་བུམ་གཟུགས་བུམ་པ་དེ་ལ་ཚང་། །ཞིང་སྐྱོང་གཏོར་མ་ཟུར་གསུམ་གཅིག་དང་ནི། །མདུན་དུ་མཆོད་པ་རྣམ་ལྔ་བཤམ་པར་བྱ། ༈ །ཤིན་ཏུ་སྤྲོས་མེད་རྒྱུན་ཁྱེར་ལ་སོགས་ལ། །དཀྱིལ་འཁོར་མཆོད་གཏོར་ལ་སོགས་ཡིད་ཀྱིས་སྤྲུལ། །དེ་ལ་ཞིང་སྐྱོང་འདོན་པར་མི་བྱའོ། །བསྒྲུབ་ཚེ་ཐུན་བཞི་ཐུན་དྲུག་གང་འདོད་དོ། །དང་པོ་ཉིན་པར་སྔོན་འགྲོ་བགེགས་གཏོར་བཏང་། །དེ་ནས་རྒྱུན་དུ་སྔོན་འགྲོ་མི་དགོས་སོ། །འདོན་འགྲིག་ལྟར་དུ་བསྙེན་པ་མཚམས་པར་འདོན། །དེ་ནས་བསྙེན་པ་བྱ་ཞིང་དམིགས་པ་བསྒོམ། ༈ །མདུན་དུ་རིན་ཆེན་ཁྲི་ནི་རྒྱ་

― KMC022_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་བ། །ཁྲི་མིག་རྣམས་སུ་རྨ་བྱ་བརྒྱད་ཀྱིས་བཏེག །དེ་ལྟར་པདྨ་འདབ་མ་འབུམ་ལྡན་སྟེང་། །ཉ་རྒྱས་ཟླ་བའི་སྟེང་དུ་འོད་དཔག་མེད། །པདྨ་རཱ་གའམ་བྱེ་རུའི་མདོག་ལྟ་བུ། །ཆོས་གོས་ངུར་སྨིག་རྣམ་གསུམ་སྐུ་ལ་གསོལ། །རང་ཉིད་བྱ་སྤྲེལ་ལོ་པ་ཡིན་ན་ནི། །སྐུ་མདོག་དམར་སེར་ལི་ཁྲིའི་མདོག་ལྟ་བུ། །ཆོས་གོས་རྣམ་གསུམ་གསེར་གྱི་མདོག་ཏུ་བསྒོམ། །གཡས་གཡོན་སེམས་དཔའ་གཉིས་དང་འཁོར་གྱི་ཚོགས། །སངས་རྒྱས་བྱང་སེམས་དཔག་མེད་ཁྲོམ་ཚོགས་བཞིན། །གཙོ་བོ་ཀུན་ལས་ཆེ་ཞིང་མ་ཐོབ་ལ། །བྱང་ཆུབ་ཤིང་མཆོག་དཔག་ཚད་སྟོང་དྲུག་བརྒྱ། །འདབ་རྒྱས་མེ་ཏོག་འབྲས་བུ་དྲི་བཟང་ཅན། །དེ་ལ་སྐུ་རྒྱབ་བརྟེན་ནས་བཞུགས་པའི་མདུན། །ཡན་ལག་བརྒྱད་ལྡན་བདུད་རྩིའི་མཚོ་ཆུང་དཀྱིལ། །པདྨ་དཀར་པོ་འདབ་བརྒྱད་ཆེན་པོ་ནི། །ཅུང་ཟད་ཁ་ནི་ཕྱེ་མ་ཐག་པའི་ནང་། །རང་ཉིད་བྱང་ཆུབ་སེམས་དཔའ་སྐུ་མདོག་དཀར། །ཐོར་ཚུགས་དར་དང་རིན་ཆེན་རྒྱན་གྱིས་སྤྲས། །སྐུ་

― KMC022_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

སྨད་པདྨའི་ནང་དུ་ནུབ་པ་ལ། །སྐུ་སྟོད་ཐལ་སྦྱར་ཞལ་ལྟ་ཆོས་ཉན་བསྒོམ། །བདག་གིས་གསོལ་བ་བཏབ་དང་སྔགས་བཟླས་པས། །མདུན་བསྐྱེད་དེ་ལས་འོད་ཟེར་སྣ་ཚོགས་ནི། །ནམ་མཁའ་ས་གཞི་བར་སྣང་ཁྱབ་པར་འཕྲོས། །ཡུལ་ཕྱོགས་ཐམས་ཅད་བདེ་ཆེན་ཞིང་དུ་གྱུར། །ས་གཞི་བཻ་ཌཱུའི་ས་གཞི་ཁོད་སྙོམས་པ། །འཇམ་ཞིང་བདེ་ལ་གསེར་གྱི་མིག་མང་རིས། །མེ་ཏོག་མཛེས་པ་སྣ་ཚོགས་ཀུན་ནས་བཀྲ། །ཤིང་ཀུན་རིན་ཆེན་སྣ་ཚོགས་ལྗོན་ཤིང་ལ། །ལོ་མ་དར་ཟབ་འབྲས་བུ་བཀྲ་ཤིས་རྟགས། །གཡུང་དྲུང་དགའ་འཁྱིལ་ལ་སོགས་འབྲས་བུ་སྨིན། །ནམ་མཁར་འཇའ་སྤྲིན་བར་སྣང་མེ་ཏོག་ཆར། །ས་གཞིར་ཅི་འདོད་ལོངས་སྤྱོད་བཅལ་དུ་བཀྲམ། །སྲོག་ཆགས་ཐམས་ཅད་བྱང་ཆུབ་སེམས་དཔའི་ཚོགས། །ཀུན་ཀྱང་གསེར་མདོག་མཚན་དང་དཔེ་བྱད་ལྡན། །དགེ་སློང་ཆ་ལུགས་ཆོས་གོས་རྣམ་གསུམ་བཀླུབས། །ཀུན་ཀྱང་སྡུག་བསྔལ་མིང་མེད་བདེ་སྐྱིད་ལྡན། །དེ་ནི་ཞིང་ཁམས་སྦྱོང་བའི་

― KMC022_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པའོ། ༈ །རང་གི་ལུས་ལས་རང་འདྲའི་སེམས་དཔའི་ཚོགས། །བྱེ་བ་དུང་ཕྱུར་གྲངས་མེད་སྤྲུལ་བྱས་ནས། །བདག་དང་འགྲོ་བ་ཀུན་གྱིས་ཐོག་མེད་ནས། །ད་ལྟ་ཡན་གྱི་སྡིག་སྒྲིབ་བཤགས་པའི་ཕྱིར། །ཕྱག་ནི་འབུམ་ཐེར་དུང་ཕྱུར་གྲངས་མེད་འཚལ། །དེ་བཞིན་བསྐོར་བ་འབུམ་ཐེར་གྲངས་མེད་ཀྱང་། །རྫུ་འཕྲུལ་སྟོབས་ཀྱིས་སྐད་ཅིག་ཉིད་ལ་འགྲུབ། །དེ་ནས་བྱང་ཆུབ་སེམས་དཔའ་དེ་རྣམས་ཀྱིས། །རྒྱལ་བ་སྲས་བཅས་རྣམས་ལ་སྐུ་ཁྲུས་གསོལ། །ཀཱ་ཤི་ཀཱ་ཡི་རས་ཀྱིས་སྐུ་ཕྱིས་ནས། །སྤྲུལ་སྐུ་རྣམས་ལ་ཆོས་གོས་རྣམ་གསུམ་དང་། །སེམས་དཔའ་གཉིས་ལ་དར་དང་རིན་ཆེན་གསོལ། །ཡན་ལག་བརྒྱད་ལྡན་ཆུ་ཡི་ཞབས་བསིལ་དྲངས། །དེ་ནས་སྤྲུལ་པའི་སེམས་དཔའ་བདག་ལ་ཐིམ། །བདག་ལས་སྤྲུལ་པའི་མཆོད་པའི་ལྷ་མོའི་ཚོགས། །མཆོད་རྫས་འཛིན་པ་བྱེ་བ་གྲངས་མེད་སྤྲོས། །ཞབས་བསིལ་མ་ཡིས་ཞབས་ནས་བཀྲུ་བ་སོགས། །སོ་སོས་མཆོད་པའི་བྱ་བས་མཆོད་བྱས་

― KMC022_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །མེ་ཏོག་མ་ནི་སྤྱན་ལ་ཐིམ་པ་སོགས། །སྐུ་ཡི་གནས་རྣམས་སུ་ཐིམ་ཐུགས་དགྱེས་གྱུར། །དེ་ནས་རང་གི་ལ་གནས་སྤྲུལ་པ་ཡི། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །གླིང་བཞི་རི་རབ་ལྷ་མིའི་ལོངས་སྤྱོད་ཚོགས། །དཔག་མེད་སྤྲུལ་ནས་མདུན་དུ་ཕུལ་བར་བསྒོམ། །སླར་ཡང་མཆོད་པའི་ལྷ་མོ་མང་སྤྲོས་ཏེ། །འཆི་མེད་བདུད་རྩི་རོ་བརྒྱ་ལྡན་པའི་ཟས། །བདུད་རྩི་དམར་པོ་སོགས་ཀྱིས་མཆོད་བྱས་ནས། །ཤིན་ཏུ་སྙན་པའི་དབྱངས་ཀྱིས་བསྟོད་སྔགས་བརྗོད། །ལྷ་མོ་ཐམས་ཅད་རང་ལ་ཐིམ་པར་བསམ། །དེ་ནི་བསོད་ནམས་ཚོགས་བསགས་དམིགས་པའོ། ༈ །དེ་ནས་མདུན་དུ་བཞུགས་པའི་སངས་རྒྱས་ལ། །དད་གུས་དྲག་པོས་རིག་པ་རྩེ་གཅིག་གཏད། །གཙུག་གཏོར་དྲང་ཞིང་དབུ་སྐྲ་བུང་བའི་མདོག །སྤྱན་དཀྱུས་རིང་ཞིང་མཛོད་སྤུ་དུང་ལྟར་དཀར། །སྙན་ཤལ་རིང་དང་ཐུགས་ཀར་དཔལ་བེའུས་མཚན། །སྐུ་ནི་ཆུ་ཞིང་གབ་ཅིང་ལྷང་ངེར་བཞུགས། །ཕྱག་ཞབས་བཞི་པོར་

― KMC022_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་གྱི་འཁོར་ལོ་བཀྲ། །རྡོ་རྗེའི་སྐྱིལ་ཀྲུང་མཉམ་བཞག་ལྷུང་བཟེད་འཛིན། །པདྨའི་འདབ་འདྲའི་ཞལ་འཛུམ་སྤྱན་གཉིས་ཀྱིས། །བདག་ལ་གཟིགས་ཤིང་ཞལ་ནས་གསུང་བྱོན་ཏེ། །སངས་རྒྱས་ཡིད་ལ་བྱེད་པའི་ཏིང་འཛིན་ནི། །འདི་བསྒོམས་མཐུ་ཡིས་ཁྱོད་དང་འབྲེལ་ཐོགས་ཀུན། །མ་འོངས་ང་ཡི་ཞིང་དུ་སྐྱེ་གསུངས་ནས། །ཕྱག་གཡས་མགོ་ལ་ལན་གསུམ་བྱུགས་མཛད་པས། །ཕྱིར་མི་ལྡོག་པའི་གོ་འཕང་ཐོབ་པར་བསྒོམ། །དེ་ནི་མདོ་ཡི་ལུགས་ཀྱི་དམིགས་པ་ཡིན། །སངས་རྒྱས་སྐུ་ལ་རྩེ་གཅིག་སེམས་ཟིན་ན། །ཞི་གནས་བསྒོམ་པའི་མཆོག་ཀྱང་དེ་ཡིན་ནོ། ༈ །དེ་ནས་འོད་དཔག་མེད་པའི་ཐུགས་ཀ་རུ། །ཟླ་བའི་དཀྱིལ་འཁོར་སྟེང་དུ་ཧྲཱིཿདམར་པོ། །དེ་ལྟར་སྔགས་ཕྲེང་བྱེ་རུའི་ཕྲེང་བ་བཞིན། །སྔགས་ངོ་ཕྱིར་བསྟན་གཡས་སུ་འཁོར་བ་ལས། །སྔགས་ཀྱི་རང་སྒྲ་དེ་ཉིད་གྲགས་བཞིན་བསྒོམ། །དེ་ལ་རིག་པ་རྩེ་གཅིག་གཏད་བྱས་ནས། །སེམས་ནི་གཞན་དུ་མ་འཕྲོ་བར་བྱ་སྟེ། །བསྒོམ་

― KMC022_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གཞི་ནི་སངས་རྒྱས་ཐུགས་ཀ་རུ། །ཟླ་བའི་དཀྱིལ་འཁོར་དེ་ཉིད་ཙིཏྟ་སྟེ། །ཧྲཱི༔ཡིག་འགྲེངས་པ་དེ་ནི་ཐུགས་ཀྱི་སྲོག །སྔགས་སྒྲ་སྒྲོགས་བཞིན་ཡི་གེའི་འཕྲེང་བ་འཁོར། །དེ་ཡང་མེ་ལོང་ནང་གི་གཟུགས་བརྙན་ལྟར། །ནང་དུ་ཡོད་ཀྱང་སྐུ་ཡིས་མི་སྒྲིབ་པ། །དེ་ནི་བྱ་རྒྱུད་ལུགས་ཀྱི་དམིགས་པ་ཡིན། ༈ །དེ་ནས་རླུང་རོ་བུས་ནས་རླུང་བཟུང་སྟེ། །རླུང་དེ་ནང་དུ་རྔུབས་པའི་དུས་ཀྱི་ཚེ། །སངས་རྒྱས་ཐུགས་ཀའི་ཟླ་བ་སྔགས་དང་བཅས། །ཚུར་བྱོན་རང་གི་སྙིང་དབུས་ཐིམ་པར་བསྒོམ། །རླུང་ནི་ཕར་ལ་བཏང་བའི་དུས་ཀྱི་ཚེ། །སངས་རྒྱས་ཐུགས་ཀར་ཟླ་བ་སྔགས་ཕྲེང་རྣམས། །དང་པོ་དུས་ལྟར་གསར་དུ་གཅིག་བསྒོམ་སྟེ། །དེ་ལྟར་དམིགས་པ་ཅི་ཙམ་སྒོམ་གྱི་བར། །རླུང་ཡང་ཧ་ཅང་མི་བསྡམ་འཇམ་རླུང་སྟེ། །སྔགས་ཀྱང་གོང་པས་ཐོས་པ་ཙམ་དུ་བཟླ། །དེ་ནི་སྤྱོད་རྒྱུད་ལུགས་ཀྱི་དམིགས་པ་ཡིན། ༈ །དེ་ནས་རང་ཉིད་འཇིག་རྟེན་དབང་ཕྱུག་དཀར། །ཞལ་གཅིག་ཕྱག་བཞི་དང་པོ་ཐལ་སྦྱར་དང་། །

― KMC022_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་མས་ཤེལ་ཕྲེང་དང་ནི་པད་དཀར་འཛིན། །ཐུགས་ཀར་ཟླ་སྟེང་ཧྲཱིཿདཀར་ཡིག་དྲུག་བསྐོར། །ཡིག་དྲུག་གཡས་སུ་འཁོར་བའི་འོད་ཟེར་ལས། །ཡིག་འབྲུ་སྔགས་ཕྲེང་དཀར་པོ་ཤེལ་ལྟ་བུ། །རང་གི་ཐུགས་ཀ་ནས་ཐོན་སངས་རྒྱས་ཀྱི། །ཐུགས་ཀར་ཐིམ་པས་ཐུགས་རྗེ་ཐུགས་དམ་བསྐུལ། །ཐུགས་ཀའི་སྔགས་ཕྲེང་རྩེ་ནས་འོད་ཟེར་ལས། །ཨོཾ་ཨ་མི་དྷེ་ཝ་ཧྲཱི༔ཞེས་པའི་སྔགས་ཕྲེང་བྱེ་རུའི་ཕྲེང་བ་ལྟར། །ཞལ་ནས་ཐོན་ཏེ་རང་གི་ཞལ་དུ་ཞུགས། །སྙིང་གའི་ཧྲཱིཿར་ཐིམ་ཐུགས་རྗེ་བྱིན་རླབས་ཞུགས། །དེ་ལྟར་ཕར་ལ་སྔགས་ཕྲེང་དཀར་པོ་དང་། །ཚུར་ལ་དམར་པོ་རྒྱུན་དུ་འཁོར་བསྒོམ་ཞིང་། །སྔགས་བཟླས་པ་ནི་རྣལ་འབྱོར་རྒྱུད་ཀྱི་ལུགས། །དེ་ཡན་བཟླ་བྱའི་སྔགས་ནི་དེ་ཉིད་དང་། །ཨོཾ་ཨཱཿཧྲཱིཿསྭཱ་ཧཱ། ཨོཾ་ཧྲཱིཿསྭཱ་ཧཱ། ཧྲཱིཿསྭཱ་ཧཱ། དེ་རྣམས་གང་འདོད་བཟླས་པས་ཆོག་གསུངས་ཀྱང་། །ཨ་མི་དྷེ་ཝ་འབྲུ་དྲུག་དེ་རང་ཟབ། །དེ་ནས་རང་ཉིད་ཐུགས་རྗེ་ཆེན་པོ་ཡི། །ཐུགས་ཀར་མདུན་དུ་བསྐྱེད་པ་ལྟ་བུ་ཡི། །

― KMC022_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་དཔག་མེད་པ་གཙོ་འཁོར་གསུམ་པོ་དང་། །བདེ་ཆེན་ཞིང་བཀོད་ཡོངས་སུ་རྫོགས་པར་བསྒོམ། །གཙོ་བོའི་ཐུགས་ཀར་ཟླ་སྟེང་ཧྲཱིཿཡིག་མཐར། །ཨ་མི་དྷེ་ཝའི་སྔགས་ཕྲེང་གཡས་སུ་འཁོར། །དེ་ལས་འོད་ཟེར་ཁ་དོག་སྣ་ཚོགས་པ། །མཛོད་སྤུ་ནས་ཐོན་ནམ་མཁའ་ཁྱབ་པར་འཕྲོས། །འགྲོ་བ་སེམས་ཅན་ཀུན་གྱི་སྡིག་སྒྲིབ་ཀུན། །ཐམས་ཅད་བ་མོར་ཉི་ཟེར་ཕོག་ལྟར་དག །བདེ་བ་ཅན་དུ་སྐྱེ་བའི་སྐལ་ལྡན་གྱུར། །བདག་ལས་འོད་འཕྲོས་མདུན་བསྐྱེད་ཐུགས་དམ་བསྐུལ། །མདུན་བསྐྱེད་སྐུ་ལས་འོད་དཔག་མེད་པའི་སྐུ། །གྲངས་མེད་འཕྲོས་པས་འཇིག་རྟེན་ཐམས་ཅད་གང་། །སྔགས་སྒྲ་སྒྲོགས་པས་འཁོར་བ་དོང་ནས་སྤྲུགས། །གཟུགས་ཅན་གཟུགས་མེད་སེམས་ཅན་མ་ལུས་པ། །འོད་དཔག་མེད་པའི་གོ་འཕང་ཐོབ་བྱས་ནས། །སྤྲུལ་པ་ཚུར་འདུས་མདུན་གྱི་གཙོ་བོར་ཐིམ། །དེ་ནི་ཕ་རྒྱུད་ལུགས་ཀྱི་དམིགས་པ་ཡིན། ༈ །བདག་མདུན་ཐུགས་ཀར་སྔགས་ཕྲེང་སྔར་བཞིན་ལས། །རང་གི་ཐུགས་ཀའི་

― KMC022_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཕྲེང་འོད་ཟེར་ལས། །ཧྲཱིཿདམར་ཕྲེང་བ་བྱེ་རུའི་ཕྲེང་བ་ལྟར། །ཞལ་ནས་ཐོན་ཅིང་མདུན་བསྐྱེད་ཞལ་དུ་ཞུགས། །ཐུགས་ཀའི་སྔགས་ཕྲེང་ལ་ཐིམ་ཐུགས་རྒྱུད་བསྐུལ། །དེ་ལས་ཧྲཱིཿཡིག་དམར་པོའི་ཕྲེང་བ་བྱོན། །ལྟེ་བ་ནས་ཐོན་རང་གི་ལྟེ་བར་ཞུགས། །ཐུགས་ཀར་ཐིམ་པས་བྱིན་རླབས་དངོས་གྲུབ་ཐོབ། །འགལ་མེའི་འཁོར་ལོ་བཞིན་དུ་འཁོར་བ་ལས། །བར་དུ་འཁོར་ཚེ་འོད་ཟེར་སྣ་ཚོགས་པ། །ནུབ་ཕྱོགས་བདེ་བ་ཅན་གྱི་ཞིང་ཁམས་འཕྲོས། །སངས་རྒྱས་འོད་དཔག་མེད་ཀྱི་སྐུ་ལ་ཐིམ། །སྐུ་གསུང་ཐུགས་རྒྱུད་མཉེས་པའི་མཆོད་པ་འབུལ། །སྐུ་ལས་འོད་དཔག་མེད་པའི་སྐུ་ཆེ་ཕྲ། །གསུང་ལས་སྔགས་ཕྲེང་ཧྲཱིཿཡིག་དམར་པོ་དང་། །ཐུགས་ལས་རྡོ་རྗེ་དམར་པོ་རྩེ་ལྔ་པ། །ཁ་བ་བུ་ཡུག་འཚུབས་པ་བཞིན་དུ་བྱོན། །བདག་མདུན་རྣམས་ལ་སིབ་སིབ་ཐིམ་བསྒོམ་ཞིང་། །ཧྲཱིཿཡིག་ཁོ་ན་བགྲང་བར་བྱ་བ་སྟེ། །དེ་ནི་མ་རྒྱུད་ལུགས་ཀྱི་དམིགས་པ་ཡིན། ༈ །དེ་ནས་མདའ་དར་ཡོད་ན་

― KMC022_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

གཡབ་བྱ་ཞིང་། །མེད་ན་དམིགས་པ་ཁོ་ནས་ཆོག་པ་ཡིན། །མདུན་བསྐྱེད་འོད་དཔག་མེད་པའི་སྐུ་ལས་ནི། །འཕྲོས་པའི་ཡུམ་ཆེན་འབྱུང་ལྔའི་ལྷ་མོ་ལྔ། །སྒྲོལ་མ་ལྗང་མོ་ཤིང་རླུང་ལྷ་མོ་སྟེ། །མདའ་དར་ལྗང་གུ་ཤར་དུ་གཡུག་པ་ཡིས། །ཤར་ཕྱོགས་ཤིང་ཁམས་འབྱུང་བ་རླུང་གི་བཅུད། །འོད་ཀྱི་ཐིག་ལེ་ལྗང་གུའི་རྣམ་པ་རུ། །བསྡུས་ནས་མདུན་བསྐྱེད་གཙོ་བོའི་ལྷུང་བཟེད་བསྟིམས། །གོས་དཀར་མོ་ཞེས་མེ་ཡི་ལྷ་མོ་དམར། །དར་དམར་ལྷོར་གཡུག་མེ་ཡི་བཅུད་བསྡུས་བསྟིམ། །ནམ་མཁའི་དབྱིངས་ཕྱུག་ལྕགས་ཀྱི་ལྷ་མོ་དཀར། །དར་དཀར་ནུབ་གཡུག་ནུབ་ཕྱོགས་ལྕགས་ཁམས་དང་། །ནམ་མཁའི་བཅུད་བསྡུས་གཙོ་བོའི་ལྷུང་བཟེད་བསྟིམས། །མཱ་མ་ཀཱི་སྟེ་ཆུ་ཡི་ལྷ་མོ་སྔོ། །དར་སྔོན་བྱང་གཡུག་ཆུ་བཅུད་བསྡུས་ཏེ་བསྟིམས། །ས་ཡི་ལྷ་མོ་སངས་རྒྱས་སྤྱན་མ་སེར། །མདའ་དར་སེར་པོ་མཚམས་བཞི་སྟེང་དུ་གཡུག །ས་ཡི་བཅུད་བསྡུས་གཙོ་བོའི་ལྷུང་བཟེད་བསྟིམས། །དེ་བཞིན་ལྷ་མོ་ལྔ་ཡི་འོད་ཟེར་གྱིས། །

― KMC022_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད་ཀྱི་འཇིག་རྟེན་ས་ཆུ་མེ་རླུང་མཁའ། །ནང་བཅུད་འགྲོ་བའི་ཤ་ཁྲག་དྲོད་དབུགས་སེམས། །འཕགས་པ་རྣམས་ཀྱི་སྐུ་ལྔ་ཡེ་ཤེས་ལྔ། །བྱིན་རླབས་ཐུགས་བཅུད་བཀྲག་དང་གཟི་མདངས་ཀུན། །སིབ་སིབ་བསྡུས་ནས་ལྷ་མོ་ལྔ་ལ་ཐིམ། །ལྷ་མོ་ལྔ་པོ་གཙོ་བོའི་ཕྱག་གི་ནི། །ལྷུང་བཟེད་ཁར་བྱོན་འོད་དུ་སྟིམ་གྱིས་ཞུ། །འཆི་མེད་ཡེ་ཤེས་བདུད་རྩིས་ལྷུང་བཟེད་གང་། །ཕྱུར་ཞིང་ལུད་པ་ཝ་ཆུ་ལྟ་བུར་བྱོན། །རང་གི་ཁ་དང་ཚངས་བུག་ནས་ཞུགས་པས། །སྡིག་སྒྲིབ་ནད་གདོད་ཚེ་ཡི་བར་ཆད་ཀུན། །དུད་ཁུ་སོལ་ཁུའི་རྣམ་པར་འོག་སྒོ་དང་། །རྐང་མཐིལ་ནས་ཐོན་བདག་ལུས་ཤེལ་ལྟར་དག །ཤེལ་གྱི་བུམ་པ་འོ་མས་གང་བ་ལྟར། །བདག་ལུས་ཚེ་ཡི་བདུད་རྩིས་གང་བ་ཡིས། །ནད་མེད་བགྲེས་རྒུད་བྲལ་བའི་ལང་འཚོ་དང་། །འཆི་མེད་ཚེ་ཡི་རིག་འཛིན་ཐོབ་པར་བསྒོམ། །ཨཱ་ཡུཿསིདྡྷི་ཞེས་པའི་སྔགས་རིང་དང་། །ཨོཾ་བྷྲཱུཾ་སྭཱ་ཧཱ་གཉིས་པོ་གང་འགྲུབ་བཟླས། །བྷྲཱུཾ་ཡིག་ཁོ་ན་མང་དུ་བགྲང་བར་བྱ། །དེ་

― KMC022_Page_0666 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་ཚེ་སྒྲུབ་དམིགས་པའི་རིམ་པའོ། ༈ །དེ་ནས་མདུན་བསྐྱེད་ལྷ་རྣམས་བདག་ལ་ཐིམ། །བདག་ལུས་བཅོམ་ལྡན་འོད་དཔག་མེད་པའི་སྐུ། །ཕྱི་ནི་སྟོང་གསལ་ནམ་མཁའི་འཇའ་ཚོན་བཞིན། །ནང་ནི་སྟོང་པ་ཕྲུ་མ་ཕུས་བཏབ་ལྟར། །རང་གི་སྙིང་ཁར་པདྨ་དམར་པོ་ནི། །འདབ་མ་བརྒྱད་པ་ཅུང་ཟད་ཁ་བྱེ་བ། །ཟེའུ་འབྲུའི་སྟེང་དུ་བདེ་བ་ཅན་གྱི་ཞིང་། །འོད་དཔག་མེད་པ་གཙོ་འཁོར་གསུམ་དང་བཅས། །ཤིན་ཏུ་གསལ་བ་མངོན་སུམ་ལྟ་བུར་དམིགས། །རང་གི་མགྲིན་པར་པདྨ་དམར་པོ་ནི། །འདབ་མ་བཞི་པའི་ལྟེ་བར་ཧྲཱིཿདཀར་པོ། །ཤར་དུ་ཨོཾ་དཀར་ལྷོ་རུ་ཨཱཿསེར་པོ། །ནུབ་ཏུ་སྭཱ་དམར་བྱང་དུ་ཧཱ་ལྗང་གུ། དེ་དག་ཡིག་འབྲུ་ལངས་ཏེ་གནས་པར་བསྒོམ། །ཉིན་གྱི་ཐུན་མཚམས་བར་སྐབས་ཐམས་ཅད་དུ། །འདི་སྐབས་རྨི་ལམ་ཡིན་པར་ཡང་ཡང་དྲན། །སྙིང་གའི་ལྷ་ལ་དམིགས་པ་གཏད་བཞིན་དུ། །ཨོཾ་ཨཱཿཧྲཱིཿསྭཱ་ཧཱ། ཞེས་པ་དེ་ཉིད་ཅི་འགྲུབ་བཟླ་བྱ་ཞིང་། །སྟོང་ཉིད་ཉམས་ལེན་གཤིས་དང་མ་བྲལ་བར། །

― KMC022_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པ་དེ་ཉིད་གསལ་བར་སྒོམ་པ་ནི། །རྫོགས་རིམ་གཉིས་མེད་ལུགས་ཀྱི་ཉམས་ལེན་ཡིན། །དེ་ལྟར་དམིགས་ཤིང་ཉལ་བས་རྨི་ལམ་ཟིན། །རྨི་ལམ་ཡིན་པར་ཤེས་ཚེ་འཕུར་བྱས་ཏེ། །བདེ་ཆེན་ཞིང་སོགས་མཇལ་དུ་འགྲོ་བ་ནི། །རྫོགས་རིམ་རྨི་ལམ་བཟུང་བའི་ཉམས་ལེན་ཡིན། །ཉལ་ཚེ་སྙིང་གའི་འོད་དཔག་མེད་པ་ཡི། །སྐུ་ཡི་འོད་ཀྱིས་ལུས་ཀྱི་ནང་ཐམས་ཅད། །ཉི་མ་ཤར་ལྟར་གསལ་བསྒོམས་ཉལ་བ་ཡིས། །གཉིད་ཚེ་སེམས་ངོ་ཟིན་པའི་འོད་གསལ་ཡིན། །འཆི་ཁའང་དེ་ལྟར་བསྒོམས་པས་ཐུགས་དམ་ཟིན། །ཐུན་མཚམས་གཞུང་ལྟར་བསྔོ་སྨོན་རྒྱས་འདེབས་བྱ། །དེ་ལྟར་ཐུན་བཞིའམ་ཐུན་དྲུག་ཉམས་ལེན་ཏེ། །ཐུན་རེར་དམིགས་པ་ཐམས་ཅད་རྫོགས་པའམ། །དམིགས་པ་ཟིན་པར་དཀའ་ན་ཐུན་རེ་ལ། །དམིགས་པ་གཉིས་རེ་གཉིས་རེ་བསྒོ་ནས་བསྒོམ། །དགོངས་མོ་ཐུན་མཇུག་ཞིང་སྐྱོང་གཏོར་ཆོག་འདོན། །དེ་ཡི་སྔགས་དམིགས་ཅུང་ཟད་བྱ་བ་དེས། །ཐུན་གཅིག་གོ་

― KMC022_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

བཅད་ཐུན་དྲུག་དམིགས་པ་ཚང་། །ནུབ་མོའམ་ནི་ཐུན་མཚམས་ནམ་དགའ་རུ། །ཆག་མི་རུང་བའི་ཐུགས་དམ་གཞན་ཀུན་བྱ། །བསྙེན་པའི་གྲངས་ཚད་ཞག་བཅུ་མདོ་ལས་གསུངས། །འོན་ཀྱང་བདུན་གཉིས་བདུན་གསུམ་ཟླ་བསྒྲུབ་དང་། །ལོ་བསྒྲུབ་ལ་སོགས་ནན་ཏན་བསྐྱེད་བྱ་སྟེ། །ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །ཕྱི་མ་དག་པའི་ཞིང་ནས་ཕྱིར་མི་ལྡོག །དེ་བས་ལྷག་པའི་བསྒྲུབ་རྒྱུ་གཞན་ནི་མེད། །རྟག་ཏུ་ཁམས་བདེ་ཉམས་དགའ་རིག་པ་དྭངས། །མར་མེ་ཚེ་རིང་མར་མེའི་རྩེ་མོ་འཕེལ། །མར་མེ་ཡོན་ཆབ་གཏོར་མ་འཛིན་པ་དང་། །རོལ་མོའི་སྒྲ་ཐོས་འཇའ་ཟུག་དྲི་བཟང་འཐུལ། །རྨི་ལམ་རབ་ལ་བདེ་ཆེན་ཞིང་ཁམས་མཇལ། །སངས་རྒྱས་བྱང་སེམས་མཇལ་ལམ་ལུང་བསྟན་ཐོབ། །མེ་ཏོག་ཆེན་པོའི་ཟེའུ་འབྲུར་རང་ཉིད་འདུག །མེ་ཏོག་གླིང་དུ་ཕྱིན་སོགས་དག་སྣང་འཆར། །གྲངས་ཀྱི་ཚད་མེད་ཆུ་བོའི་རྒྱུན་ལྟར་བཟླས། ༈ །དེ་ཡང་སྒྲུབ་པ་བྱེད་པའི་དུས་སུ་ནི། །ཚོམ་བུ་ཐང་སྐུ་ལྷུང་

― KMC022_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

བཟེད་བུམ་པ་དང་། །གཏོར་སྣོད་དབྱེར་མེད་བདེ་ཆེན་ཞིང་ཁམས་བསྐྱེད། །སྐུ་གཟུགས་བུམ་ཆུ་ཚེ་རིལ་ཚོ་ནས་དང་། །གཏོར་མའི་རྩེ་མོ་རྡོ་རྗེའི་ལྟེ་བའི་ནང་། །ཐམས་ཅད་དབྱེར་མེད་འོད་དཔག་གཅིག་ཡིན་ནོ། །གྲོལ་ཁར་སོ་སོར་གཙོ་འཁོར་ཆེ་བར་བསྒོམ། །རྒྱས་པར་སྤྲོ་ན་དབང་བསྒྲུབས་བྱས་ནས་ཀྱང་། །བདག་འཇུག་རྒྱས་པར་རང་གིས་བླང་བར་བྱ། །དེ་ཚེ་མདུན་བསྐྱེད་བླ་མ་དབྱེར་མེད་པས། །དབང་དོན་གསུང་བཞིན་རང་ལ་དབང་བསྐུར་བསྒོམ། ༈ །བསྡུ་ན་དབང་རྫས་དེ་དག་རང་ཉིད་ཀྱི། །མགོ་བོར་བཞག་ཅིང་རང་ལ་ཐིམ་པར་བསྒོམ། །རྩ་སྔགས་རྒྱས་འབྲིང་གཉིས་པོ་གང་རུང་མཇུག །ཀཱ་ཡ་ཝཱ་ཀ་ཙིཏྟ་ཨ་བྷི་ཥིཉྩ་ཧཱུྃ། བུམ་ཆུས་ཁྲུས་བྱ་བཏུང་ཞིང་གཏོར་མ་དང་། །ཚེ་རིལ་ཚེ་ནས་ཅུང་ཟད་ལྕེ་ལ་བཞག །མདུན་བསྐྱེད་ཐམས་ཅད་བདག་ལ་ཐིམ་བསྒོམ་ཞིང་། །ཞིང་སྐྱོང་རྟེན་ལ་བསྟིམ་མམ་རང་གནས་གཤེགས། །རང་ཉིད་འོད་ཞུ་ཐུགས་ཀའི་ཧྲཱིཿར་ཐིམ་ཞིང་། །ཧྲཱིཿཡང་མི་

― KMC022_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་སྟོང་པའི་ངང་ལ་བཞག །བཀྲ་ཤིས་གང་ཤེས་བརྗོད་རྗེས་མཚམས་གྲོལ་ལོ། །དེ་ལྟར་བདེ་ཆེན་ཞིང་སྒྲུབ་ཟིན་བྲིས་འདི། །དགེ་སློང་པདྨ་སྦྱིན་པ་ཞེས་བྱ་བས། །ཡུན་རིང་ཞིག་ནས་ནན་དུ་བསྐུལ་བའི་ངོར། །མཁའ་ལྡིང་རྒྱལ་པོའི་ལོ་གསར་ཚེས་གཅིག་ཉིན། །རཱ་ག་ཨ་སྱས་ཇི་ལྟར་སྨྲས་པ་ལྟར། །བསྐུལ་བ་པོ་དེས་ཡི་གེར་བཀོད་པ་ལ། །ཉེས་འགལ་མཆིས་ན་སྲུང་མ་རྣམས་ལ་བཤགས། །དགེ་བས་འདི་ཉིད་དར་ཞིང་ཆེར་འཕེལ་ནས། །འགྲོ་ཀུན་བདེ་ཆེན་ཞིང་དུ་རྫུས་སྐྱེས་ཏེ། །རིགས་དྲུག་འཁོར་བའི་བཙོན་ར་སྟོང་པར་ཤོག། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།

གནམ་ཆོས་ཐུགས་ཀྱི་གཏེར་ཁ་ལས་བདེ་ཆེན་ཞིང་དུ་འཕོ་བའི་གདམས་པ་རྒྱས་པར་བསྒྲིགས་པ།

― KMC022_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ཆོས་ཐུགས་ཀྱི་གཏེར་ཁ་ལས༔ བདེ་ཆེན་ཞིང་དུ་འཕོ་བའི་གདམས་པ་རྒྱས་པར་བསྒྲིགས་པ་བཞུགས་སོ༔ ༔

― KMC022_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་དེ་ཝ་དྷཱ་ཀི་ནི་ཧཱུྃ༔ འདིར་གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས༔ བདེ་ཆེན་ཞིང་གི་སྒྲུབ་ཐབས་ཀྱི་ཆ་ལག༔ བདེ་ཆེན་ཞིང་དུ་འཕོ་བའི་ལུང་བྱེད་པ་ཡིན་ལ༔ དེ་ཡང་ཆོས་འདིའི་ལོ་རྒྱུས་ཟུར་ཙམ་ཞུ་ན༔ བཀའ་ཐང་སྡེ་ལྔའི་ནང་ཚན་རྒྱལ་པོ་བཀའི་ཐང་ཡིག་ལས༔ དུས་ཀྱི་མཐའ་ལ་གསང་སྔགས་ཀྱི་བདག་པོ་རིག་འཛིན་སུམ་ཅུ་རྩ་གསུམ་འབྱོན་པར་གསུངས་ནས༔ དེ་དག་ཀྱང་བྱང་ཆུབ་མཆོག་ཏུ་ལུང་བསྟན་པའི་སྐབས༔

― KMC022_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཱཀྱའི་ཞིང་ཁམས་མདོ་ཁམས་ཞེས་བྱ་ན༔ གསང་སྔགས་ཐེག་ཆེན་སྤྱོད་པའི་རྣལ་འབྱོར་པ༔ སྔགས་ཀྱི་བདག་པོ་རྡོ་རྗེ་དྲག་པོ་འབྱུང་༔ དེ་ནས་འཕོས་ཏེ་སྤྱོད་པ་རླབས་ཆེན་མཛད༔ སྟོང་གསུམ་འཇིག་རྟེན་འདི་ཡི་བྱང་ཕྱོགས་སུ༔ ཞིང་ཁམས་རྣམ་དག་ཙནྡན་ནགས་ཞེས་སུ༔ དེ་བཞིན་གཤེགས་པ་སྐྱེས་པུ་ཁ་ལོ་སྒྱུར༔ བླ་མེད་སྟོན་པ་སུམ་སྟོང་འདུས་པ་སྐྱོང་༔ རྒྱལ་བ་ཡེ་ཤེས་ཀུན་བཟང་ཞེས་པ་འབྱུང་༔ ཞེས་ལུང་བསྟན་པ་ལ་སོགས་པ་གཏེར་ཁ་དུ་མ་

― KMC022_Page_0674 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ལུང་བསྟན་པའི་སྤྲུལ་སྐུ་མི་འགྱུར་རྡོ་རྗེ་ཞེས༔ ལོ་ཆེན་བཻ་རོ་ཙ་ན་དང་ཤུད་བུ་དཔལ་སེང་གཉིས་ཀའི་སྤྲུལ་པ་གཅིག་ཏུ་འདུས་པའི་ངོ་བོ༔ མ་འོངས་པའི་སངས་རྒྱས་ཡེ་ཤེས་ཀུན་བཟང་ཞེས་བྱ་བ་བྱང་ཆུབ་ཀྱི་སྤྱོད་པ་སྤྱད་བཞིན་པ་དེ༔ དགུང་ལོ་བཅུ་གསུམ་པ་གསེར་འཕྱང་གི་ལོ་ས་ག་ཟླ་བའི་ཚེས་བདུན་ཉིན་སངས་རྒྱས་འོད་དཔག་ཏུ་མེད་པ་གཙོ་འཁོར་གསུམ་སྐུ་ཤིན་ཏུ་ཆེ་བ་རི་བོ་ཙམ་གཟི་བརྗིད་དཔག་ཏུ་མེད་པ་དངོས་སུ་ཞལ་གཟིགས་ཏེ༔ བདེ་ཆེན་ཞིང་གི་སྒྲུབ་ཐབས༔ རྨི་ལམ་དུ་བདེ་ཆེན་ཞིང་མཇལ་ཐབས༔ སྣང་བ་མཐའ་ཡས་ཀྱི་ཚེ་སྒྲུབ༔ བདེ་ཆེན་ཞིང་གི་འཕོ་བ༔ བདེ་ཆེན་ཞིང་གི་གསོལ་འདེབས༔ བདེ་ཆེན་ཞིང་གི་སྨོན་ལམ༔ བདེ་ཆེན་ཞིང་གི་དབང་དེ་རྣམས་དངོས་སུ་གནང་ངོ་༔ སླར་ཡང་དེའི་དགོང་མོ་སངས་རྒྱས་འོད་དཔག་མེད་འཁོར་དང་བཅས་པ་ཞལ་གཟིགས་ནས༔ རྨི་ལམ་བཟུང་བའི་གསོལ་འདེབས་དང་

― KMC022_Page_0675 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གདམས་གཉིས་གནང་བའོ༔ དེ་ཡང་བྱང་ཆུབ་སེམས་དཔའི་སྡེ་སྣོད་ལས༔ དེ་ལྟར་དད་པ་ལ་གནས་པའི་བྱང་ཆུབ་སེམས་དཔའ་ནི༔ སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཀྱི་སྣོད་དུ་རིག་ནས༔ དེའི་དྲུང་དུ་གཤེགས་ནས་བྱང་ཆུབ་སེམས་དཔའི་ལམ་ཡང་དག་པར་སྟོན་ཏོ༔ ཞེས་གསུངས་པ་དང་དོན་མཚུངས་པའོ༔ དེ་ལ་འཕོ་བ་གསར་རྙིང་གི་ལུགས་མང་ཡང་༔ འདི་ནི་བརྒྱུད་པ་ཉེ་ཞིང་སངས་རྒྱས་སྣང་བ་མཐའ་ཡས་ཀྱི་གསུང་དྲོན་མོ་ཡིན་པས་བྱིན་རླབས་ཆེ་བ་ཡིན་ནོ༔ དེ་ཡང་ཨོ་རྒྱན་རིན་པོ་ཆེའི་ཞལ་ནས༔ བདག་འདྲ་པདྨ་འབྱུང་གནས་ཀྱིས༔ རྣལ་འབྱོར་ལེ་ལོ་ཅན་དོན་དུ༔ འཕོ་བའི་གདམས་པ་བསྟན་པར་བྱ༔ ཞེས་གསུངས་སོ༔ དེ་ཡང་རྫོགས་པ་ཆེན་པོ་སོགས་ཆོས་ཟབ་མོ་ཐོས་ཀྱང་བསྒོམ་ལོང་མེད་པའི་གཡེང་བ་ཅན་དང་༔ ཉོན་མོངས་ལེ་ལོ་བྱས་པས་གྲོལ་བའི་གདིང་མ་ཐོབ་པ་རྣམས་ལ་བསྒོམ་

― KMC022_Page_0676 ―

^{[མ་དཔེ་གཟིགས་ན་འདིར་གནོན།]}

[Full Size]

མི་དགོས་པར་འཆི་ཁར་སངས་རྒྱས་པའི་གདམས་ངག༔ སྡིག་པོ་ཆེ་བཙན་ཐབས་སུ་སངས་རྒྱས་པའི་གདམས་ངག་འདི་གལ་ཆེའོ༔ དེ་ཡང་ད་ལྟ་ནས་སྦྱངས་ནས་རང་འཆི་ངེས་པའི་ཚེ༔ རང་གིས་འཕོ་ཐུབ་ན་རབ་ཡིན༔ དེ་མ་ཐུབ་ཀྱང་ད་ལྟ་འཕོ་ལུང་ཞུས་པས༔ འཆི་དུས་བླ་མས་འཕོ་བ་འདེབས་པ་དེས་ཐེབས་སླ་བ་ཡིན་ཏེ༔ འཕོ་བ་ཐེབས་པའི་ཕན་ཡོན་ནི༔ རྡོ་རྗེ་གདན་བཞི་ལས༔ སྡིག་གིས་ཀུན་ནས་མི་གོས་ཏེ༔ འཁོར་བའི་ཕ་རོལ་མཆོག་ཏུ་འགྲོ༔ ཞེས་དང་༔ སྟེང་དུ་ཚངས་པའི་སྒོ་འདི་ནི༔ མདོ་ལས་འཕོ་བའི་མིང་དུ་བཤད༔ ཨེ་མའོ་ཆོས་ནི་མཆོག་གི་ལམ༔ ཨེ་མའོ་འཁོར་བ་གཅོད་བྱེད་པ༔ ཨེ་མའོ་གྲོལ་མའི་གོ་འཕང་གནས༔ ཨེ་མའོ་ཡེ་ཤེས་ངོ་མཚར་ཆེ༔ ཞེས་ཉེས་པ་ཀུན་གྱི་གོས་པ་ནི༔ འཕོ་བའི་སྦྱོར་བ་སྦྱར་བས་གྲོལ༔ ཞེས་དང་༔ ཨོ་རྒྱན་རིན་པོ་ཆེའི་ཞལ་ནས་དུས་ལ་བབ་པའི་འཕོ་བ་ནི༔ མཚམས་མེད་པ་ལྔ་

― KMC022_Page_0677 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པའི་གང་ཟག་ཡིན་ཡང་མཐོ་རིས་སམ༔ ཐར་པ་ཐོབ་པར་གསུངས་པས་ཕན་ཡོན་ཤིན་ཏུ་ཆེའོ༔ ཞེས་དང་༔ འཕོ་བ་དེ་ལྟར་ཐེབས་ན་ཇི་ལྟར་སྡིག་པོ་ཆེ་ཡིན་ཀྱང་དམིགས་པའི་བྱིན་རླབས་ཀྱིས༔ སངས་རྒྱས་གཅིག་གི་བསྟན་པ་མ་རྫོགས་ཀྱི་བར་དུ་ལྷ་མི་ལ་སོགས་པའི་ལུས་ཁྱད་པར་ཅན་ལེན་ཅིང་༔ དེ་ནས་ལས་ཀྱི་འཕྲོ་མྱུར་དུ་ཟད་ནས་སངས་རྒྱས་པར་འགྱུར་ཞིང་༔ གང་ཟག་ཅི་རིགས་པ་ནི་མངོན་རྫོགས་སུ་ཞིང་ཁམས་ཁྱད་པར་ཅན་དུ་རིག་འཛིན་ཐོབ་པར་འགྱུར༔ ཞེས་གསུངས་སོ༔ དེ་ལྟར་འཕོ་བ་ལ་ཡང་ཆོས་སྐུའི་འཕོ་བ༔ ལོངས་སྐུའི་འཕོ་བ༔ སྤྲུལ་སྐུའི་འཕོ་བ༔ ཐ་མལ་པའི་འཕོ་བ༔ བཙན་ཐབས་ཀྱི་འཕོ་བ༔ གྲོང་དུ་འཇུག་པ་སོགས་མང་དུ་ཡོད་པ་སྟེ༔ ཆོས་སྐུའི་འཕོ་བ་ནི༔ ཚེ་འདིར་ཕྱག་ཆེན་དང་རྫོགས་ཆེན་ཁྲེགས་ཆོད་ལ་ཉམས་ལེན་བཟང་པོ་ཡོད་པས་འཆི་དུས་འོད་གསལ་མ་བུ་འཕྲད་དེ༔ དེ་ལ་ཞག་

― KMC022_Page_0678 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་ལ་སོགས་གནས་པ་སྟེ༔ འཕོ་བྱ་འཕོ་བྱེད་བྲལ་བ་དོན་དམ་པའི་འཕོ་བ་ཡིན་པས༔ དེ་ལ་སྒོ་བཟང་ངན་ཡང་མེད་པར་གསུངས༔ དེ་ལྟར་ཆོས་སྐུའི་འཕོ་བ་ཐེབས་ན་ཕྱི་རྟགས་ནམ་མཁའ་གཡའ་དག་པ་དང་༔ ནང་རྟགས་ཕུང་པོ་བཀྲག་མདངས་ཡུན་རིང་མི་ཡལ་བ་དང་༔ གསང་བའི་རྟགས་སུ་ཨཱ༔ དཀར་པོ་ཧཱུྃ་མཐིང་ག་སོགས་འབྱོན་ནོ༔ ལོངས་སྐུའི་འཕོ་བ་ནི༔ ད་རེས་ཀྱི་འཕོ་བ་བཤད་བྱ་འདི་ཡིན༔ ཐེབས་པའི་རྟགས་སུ་ནམ་མཁའ་འཇའ་དང་འོད་ཀྱི་གང་བ་དང་༔ ནང་རྟགས་སུ་སྤྱི་བོ་ཚངས་བུག་ཏུ་ཁྲག་གམ་ཆུ་སེར་འཐོན་པ༔ ཟིལ་པ་འཕྲོ་བ་དང་སྐྲངས་པ་དང་རླངས་པ་འཐུལ་བ་དང་། སྐྲ་ཁོལ་ཐུར་བྱི་བ་དྲོད་ཚ་ཆིལ་གྱི་འདུ་བ་སོགས་འབྱུང་༔ གསང་བའི་རྟགས་སུ་གདུང་རིགས་ལྔའམ་གང་རུང་རེ་རེའམ༔ ལྷའི་སྐུ་གཟུགས་ཕྱག་མཚན་འབྱོན་ནོ༔ སྤྲུལ་སྐུའི་འཕོ་བ་ནི༔ གཞོག་གཡས་པ་ས་ལ་ཕབ༔ རླུང་སྣ་བུག་

― KMC022_Page_0679 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་ནས་རྒྱུ་བར་བྱས་ཏེ༔ མདུན་དུ་ཐུབ་པ་དང་པད་འབྱུང་སོགས་ཀྱི་སྐུ་བཤམས་པའམ༔ བསྒོམས་ཏེ་དེ་ལ་རྣམ་ཤེས་སྣ་བུག་གཡོན་ནས་འཕོས་ཏེ༔ སེམས་ཅན་གྱི་དོན་ལ་སྤྲུལ་སྐུ་འབྱུང་བའི་སེམས་བསྐྱེད་དང་སྨོན་ལམ་བྱའོ༔ དེ་ཐེབས་ན་ཕྱི་རྟགས་སུ་སྤྲིན་ནམ་འཇའ་དཔག་བསམ་གྱི་ལྗོན་ཤིང་ལྟ་བུ་དང་༔ མེ་ཏོག་གི་ཆར་འབེབས་སོ༔ ནང་རྟགས་སུ་སྣ་བུག་གཡོན་ནས་ཁྲག་གམ་ཆུ་སེར་རམ་བྱང་སེམས་ཐོན་ནམ་ཟིལ་པ་ཕྲོམ་པ་འབྱུང་༔ གསང་རྟགས་སུ་དབུ་བུམ་རིལ་ལམ་ལྷའི་ཕྱག་མཚན་དང་རིང་བསྲེལ་ཕྲ་མོ་མང་དུ་འབྱུང་ངོ་༔ བཙན་ཐབས་ཀྱི་འཕོ་བ་ནི་བྱ་མི་རུང་སྟེ༔ འཆི་རྟགས་ཐམས་ཅད་ཚང་ཡང་འཆི་བསླུ་ལན་གསུམ་བྱ༔ དེ་མ་བྱས་པར་འཕོས་ན་ལྷ་བསད་པའི་ཉེས་པ་འབྱུང་གསུངས༔ ཡང་རྒྱལ་པོའི་ཆད་པ་དང་ན་ཚ་སྡུག་བསྔལ་ཅི་བྱུང་ཡང་འཕོ་བར་བྱ་མི་རུང་སྟེ༔ ད་རུང་འཆི་བའི་དུས་ལ་མ་བབ་པ་ཡིན་

― KMC022_Page_0680 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ལྷ་བསད་པའི་ཉེས་པ་འབྱུང་བསཿ ཚེ་འདས་ཀྱང་རྐེ་རྩ་ཆད་ངེས་མ་རེད་བར་འཕོ་བ་འདེབས་མི་རུང་༔ ད་རུང་ཚེ་མ་ཟད་པར་སོས་རྒྱུ་ཡོད་ན་ལྷ་བསད་པའི་ཉེས་པ་འབྱུང་༔ ལྷ་ཞེས་པ་ནི་ལུས་ལ་དམ་པ་རིགས་བརྒྱའི་ལྷ་ཚོགས་བཞུགས་པས་ཐམས་ཅད་བསད་པ་དང་འདྲ༔ དེས་ན་ཚེ་ཟད་ངེས་མ་གཏོགས་འཕོ་བ་བཏབ་ན་ཕན་ཡོན་མེད་པའི་སྟེང་ལ་ངན་སོང་དུ་འགྲོའོ༔ དེའི་གནད་ཀྱིས་བཙན་ཐབས་སུ་འཕོ་མི་རུང་སྟེ༔ རྡོ་རྗེ་གདན་བཞི་ལས༔ དུས་ལ་བབ་ན་འཕོ་བྱ་སྟེ༔ དུས་མིན་ལྷ་རྣམས་བསོད་པ་ཉིད༔ ཅེས་དང་༔ དུས་མིན་འཕོས་ན་ལྷ་རྣམས་གསོད་པར་འགྱུར༔ ཇི་སྲིད་ཡུན་རིང་འཚོ་དང་ཆོས་སྤྱོད་པ༔ དེ་སྲིད་དགེ་བའི་རྒྱུན་ནི་འཕེལ་བའོ༔ ཞེས་ལུང་ཡང་དག་པར་འཕོ་བའི་ལེའུ་ལས་གསུངས་སོ༔ དེ་དང་མཚུངས་པར་ཨོ་རྒྱན་རིན་པོ་ཆེས༔ དེ་ཡང་འཆི་ལྟས་དང་མཚུངས་པའི་འཆི་བསླུ་ནན་ཏན་བྱ་ཞིང་༔ འཆི་ལྟས་

― KMC022_Page_0681 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་མ་ཚང་ཡང་འཆི་བསླུ་མ་བྱས་པར་འཕོས་ན་ནི༔ ལྷ་བསད་པའི་ཉེས་པ་འབྱུང་བ་དང་༔ རང་གིས་རང་ལྕེབ་པའི་ཉེས་པ་ཕོག་པས༔ མཚམས་མེད་པ་ལྔ་ལས་ཀྱང་ཉེས་པ་ཆེ་བ་འབྱུང་བའི་ཕྱིར༔ འཆི་བསླུ་སྤྱི་དང་བྱེ་བྲག་གང་འོས་ཅི་རིགས་པར་བྱ༔ ཞེས་གསུངས་སོ༔ གྲོང་དུ་འཇུག་པ་ནི༔ རྟེན་འབྲེལ་གྱིས་བོད་དུ་བཀའ་མ་བབས་པར་གྲགས་པས་དེ་ལྟར་དཔེ་རྒྱུན་ཡོད་ཀྱང་ཕྱག་ལེན་བརྒྱུད་པ་མེད་པའོ༔ དེ་ནས་ཐ་མལ་གྱི་འཕོ་བ་ནི་བཙན་ཐབས་འཕོ་བ་དངོས་མིན་ཀྱང་༔ དེའི་མིང་ཅན་གྱི་འཕོ་བ་ནི༔ སྐད་ཅིག་མའི་འཕོ་བ་ཞེས་བྱ་སྟེ༔ གཡང་ས་དང་ཆུ་དང་མདའ་དང་མཚོན་རྣོན་པོ་དང་གཟའ་ལ་སོགས་པ་འཆི་རྐྱེན་ཅི་འོང་ཆ་མེད་པས༔ དུས་རྒྱུན་དུ་སྐྲག་སྔངས་ནམ་བྱུང་སྤྱི་བོར་སྣང་བ་མཐའ་ཡས་སམ་ཨོ་རྒྱན་ལ་རིག་པ་གཏད་པ་བསླབས་པས་འཆི་རྐྱེན་དྲག་པོ་གློ་བུར་དུ་བྱུང་ན་ཡང་གོམས་པའི་ཤུགས་ཀྱིས་སྤྱི་

― KMC022_Page_0682 ―

^{[མ་དཔེ་གཟིགས་ན་འདིར་གནོན།]}

[Full Size]

བོར་རྣམ་ཤེས་གཏད་རྒྱུ་འོང་བ་དེར་རྣམ་ཤེས་འཕོས་ཏེ་ཨོ་རྒྱན་ཆེན་པོས་འདུན་པ་སྤྱི་བོར་བླ་མ་ལ་གཏད་པ་ནི་ཡོན་ཏན་བསམ་གྱིས་མི་ཁྱབ་བོ༔ ཞེས་གསུངས་སོ༔ ཐ་མལ་པའི་འཕོ་བ་ནི༔ མགོ་བྱང་དུ་བསྟན་གཞོག་གཡས་ས་ལ་ཕབ་ལ་སྤྱི་བོའི་ཕྱོགས་ནས་དེ་བཞིན་གཤེགས་པ་རྒྱལ་བ་རིན་ཆེན་གཙུག་ཏོར་ཅན་དང་༔ སངས་རྒྱས་སྨན་གྱི་བླ་བཻ་ཌཱུརྻ་འོད་ཀྱི་རྒྱལ་པོ་སོགས༔ དཀོན་མཆོག་གསུམ་གྱི་མཚན་གང་ཤེས་དང་གཟུངས་སྔགས་བྱིན་རླབས་ཅན་རྣམས་བསྒྲགས་ཤིང་སྨོན་ལམ་བཏབ་ན་ཡང་ངན་སོང་དུ་མི་སྐྱེ་བར་གསུངས་སོ༔ དེ་ཡང་ཆོས་དྲུག་དྲིལ་བ་རྡོ་རྗེའི་གླུ་ལས༔ སྒོ་བརྒྱད་འཁོར་བའི་སྐར་ཁུང་ཅན༔ སྒོ་གཅིག་ཕྱག་རྒྱ་ཆེན་པོའི་ལམ༔ ཞེས་དང་༔ བླ་མེད་ཀྱི་རྒྱུད་སྡེ་མང་པོ་ནས་བཏུས་པ་ཟབ་མོ་ནང་དོན་ལས༔ དེ་ནས་རྣམ་ཤེས་ཀུན་གཞི་ནི༔ ཚངས་བུ་གནས་ནི་གཟུགས་མེད་དོ༔ ཐིག་ལེ་ལས་ནི་ལྷ་མོ་ཆེ༔ ལྟེ་བ་ལས་

― KMC022_Page_0683 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་འདོད་ཁམས་ལྷ༔ མིག་ལས་འདོད་པའི་མི་དབང་པོ༔ སྣ་ལས་གནོད་སྦྱིན་གནས་སུ་སྟེ༔ རྣ་བ་ལས་ནི་གྲུབ་པའི་ལྷ༔ སྲིད་པའི་སྒོ་ནས་ཡི་དྭགས་བཤད༔ ཆུ་ཡི་ལམ་ལས་དུད་འགྲོར་འགྱུར༔ འོག་སྒོ་ལས་ནི་དམྱལ་བ་བརྒྱད༔ ཅེས་གསུངས་པའི་དོན་གྱི་འཕོ་བའི་གདམས་ངག་མ་བསྒོམས་པར་ལས་དབང་གིས་ཚངས་བུག་ནས་འཕོས་ན་གཟུགས་མེད་ཁམས་སུ་སྐྱེ་ལ༔ འཕོ་བའི་གདམས་པས་ཚངས་བུག་ཏུ་འཕོས་ན་དག་པ་མཁའ་སྤྱོད་དུ་སྐྱེ་བ་ཡིན་པར་བཞེད་པའི་ལུགས་གཅིག་དང་༔ སྙན་རྒྱུད་རྡོ་རྗེའི་ཚིག་རྐང་ལས༔ འཆི་ལྟས་ཤར་ཚེ་སྐོལ་ཞིང་ཞེན་པ་བཏང་༔ སྒོ་དགུ་བཀག་ལ་རྫས་དང་སྨོན་ལམ་བརྒྱན༔ ཞེས་གསུངས་པའི་དོན་ཚངས་མ་དང་ཚངས་བུག་མི་གཅིག་སྟེ༔ ཚངས་མ་ནི་སྐྲ་མཚམས་ནས་ཁུག་སོར་བཞིའི་སོ་ནས་རྣམ་ཤེས་འཕོས་ན་གཟུགས་མེད་ཁམས་སུ་སྐྱེ་ལ༔ སྐྲ་མཚམས་ནས་ཁུག་སོར་བརྒྱད་ཀྱི་

― KMC022_Page_0684 ―

^{[མ་དཔེ་གཟིགས་ན་འདིར་གནོན།]}

[Full Size]

ས་མདོར་ན་སྐྲ་འཁྱིལ་གྱི་དབུས་དེར་ཚངས་པའི་བུ་ག་ཡོད་པ་དེར་འཕོས་ན་མཁའ་སྤྱོད་དུ་སྐྱེ་བའོ༔ ཞེས་གསུངས་པའི་ལུགས་གཉིས་ཡོད་ཀྱང་༔ ཨོ་རྒྱན་རིན་པོ་ཆེའི་ཞལ་ནས༔ དེ་ཡང་རྣམ་ཤེས་འཕོ་བའི་ལམ་ལ་ཁྱད་པར་ཆེ་སྟེ༔ དེ་ལ་རབ་འབྲིང་ཐ་མ་གསུམ་སྟེ་དགུའོ༔ སྤྱི་བོ་ཚངས་པའི་བུ་ག་ནི་དག་པ་མཁའ་སྤྱོད་དུ་འགྲོ་བའི་ལམ་ཡིན་པས༔ དེར་རིག་པ་ཐོན་ན་ཐར་པ་ཐོབ་པར་འགྱུར་བས༔ ལམ་མཆོག་ཏུ་གྱུར་པ་ཡིན་པས་དེར་འདུན་པ་གཏད་པ་ལ་བྱང་བ་གལ་ཆེའོ༔ མིག་ལས་རྣམ་ཤེས་ཐོན་ན་འཁོར་ལོས་སྒྱུར་བའི་རྒྱལ་པོར་སྐྱེ༔ སྣ་བུག་གཡོན་ནས་མི་ལུས་གཙང་མ་སྟེ་སྒོ་རབ་གསུམ་མོ༔ སྣ་བུག་གཡས་ནས་གནོད་སྦྱིན༔ རྣ་བ་གཉིས་ལས་གཟུགས་ཁམས་ཀྱི་ལྷ༔ ལྟེ་བ་ནས་འདོད་པའི་ལྷར་སྐྱེ་སྟེ་སྒོ་འབྲིང་གསུམ་མོ༔ ཆུ་ལམ་ནས་དུད་འགྲོ༔ སྲིད་པའི་སྒོ་ཞེས་བྱ་བ་ཁམས་དང་ཐིག་ལེ་དཀར་དམར་རྒྱུ་བའི་ལམ་ནས་ཡི་

― KMC022_Page_0685 ―

^{[མ་དཔེ་གཟིགས་ན་འདིར་གནོན།]}

[Full Size]

དྭགས་སུ་སྐྱེ༔ གཤང་ལམ་ནས་དམྱལ་བར་སྐྱེ་སྟེ་སྒོ་ཐ་མ་གསུམ་མོ༔ ཞེས་གསུངས་སོ༔ དེ་ནས་འཕོ་བའི་གདམས་པ་དངོས་ནི༔ རྡོ་རྗེ་གདན་བཞི་ལས༔ སྦྱང་བྱ་ཡི་གེ་ཕྱེད་དང་གཉིས༔ བརྒྱད་ཀྱི་མཐའ་ལ་གསུམ་པས་དྲངས༔ ས་བོན་འདི་ནི་དྲག་པོའི་མེ༔ རླུང་གི་དཀྱིལ་འཁོར་ལ་བརྟེན་པ༔ སེམས་འདི་ཡིས་ནི་དམིགས་པ་བྱ༔ སྟེང་དུ་ཚངས་པའི་སྒོ་འདི་ནི༔ ཚིག་དགུ་ཡིས་ནི་མཆོག་གི་ལྡན༔ ལུས་མེད་སེམས་ཀྱི་ངོ་བོ་ཡི༔ དངོས་པོས་དངོས་པོ་བསྒོམ་པར་བྱ༔ ཞེས་གསུངས་པ་དང་༔ སྙན་རྒྱུད་རྡོ་རྗེའི་ཚིག་རྐང་ལས༔ འཕོ་བ་གསེར་འགྱུར་མ་བསྒོམ་སངས་རྒྱས་ནི༔ ཞེས་སོགས་ནས༔ ཧཱུྃ་དང་རླུང་སེམས་དབྱེར་མེད་དྷཱུ་ཏིར་དྲངས༔ ཀྵ་ཡི་ཡིག་གསལ་ཚངས་པའི་ལམ་ནས་འཕངས༔ ཆོས་སྐུ་བླ་མ་རྒྱལ་བའི་ཞིང་དུ་འཕོ༔ ཞེས་དང་༔ ཨོ་རྒྱན་རིན་པོ་ཆེས༔ ཚེ་འདིར་ལྷག་མེད་མ་འགྲུབ་

― KMC022_Page_0686 ―

^{[མ་དཔེ་གཟིགས་ན་འདིར་གནོན།]}

[Full Size]

ན༔ འཕོ་ཚེ་མཁའ་སྤྱོད་འགྲུབ་འདོད་པས༔ སྦྱང་དང་ལས་ལ་སྦྱར་བའོ༔ ཞེས་དང་༔ སྡིག་པོ་ཆེ་བཙན་ཐབས་སུ་སངས་རྒྱས་པར་བྱེད་པའི་གདམས་ངག༔ རྣལ་འབྱོར་པ་ལུས་རྒྱ་གྲོལ་བ་དང་སངས་རྒྱས་པ་དུས་མཚུངས་པའི་གསང་ཆོས་འཕྲུལ་ཞུན་དུ་གདམས་པ་འདི་སྟོན་པར་བྱེད༔ ཅེས་གསུངས་པ་ལྟར་སྟོན་ཏེ༔ དེ་ཡང་འཕོ་བ་སྦྱང་བ་དང་༔ ལས་ལ་སྦྱར་བ་གཉིས་ལས༔ དང་པོ་འཕོ་བ་སྦྱང་བའི་དམིགས་ཐུན་ཞུ་བའི་ཕྱིར་མཎྜལ་འབུལ་བ་འདི་ཡི་རྗེས་ཟློས་མཛོད་ཅིག༔ ལི་ཡི་མཎྜལ་རིན་ཆེན་བསྒྱུར་བྱས་ནས༔ ནས་རྣམས་ཀུན་ཀྱང་གསེར་གཡུར་བསྒྱུར་ནས་ཀྱང་༔ བླ་མ་ཐུགས་རྗེ་སྤྲུལ་པའི་སྐུ་གཅིག་ལ༔ དད་པས་འབུལ་ལོ་ཐུགས་རྗེས་བདག་ལ་གཟིགས༔ དེ་ནས་སྐྱབས་འགྲོ་སེམས་བསྐྱེད་འདི་ཡི་རྗེས་ཟློས་མཛོད༔ ན་མོ་དཀོན་མཆོག་གསུམ་དང་རྩ་བ་གསུམ༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་ཀུན་སངས་རྒྱས་ལ་

― KMC022_Page_0687 ―

^{[མ་དཔེ་གཟིགས་ན་འདིར་གནོན།]}

[Full Size]

འགོད་ཕྱིར༔ བྱང་ཆུབ་མཆོག་ཏུ་སེམས་བསྐྱེད་དོ༔ ལན་གསུམ༔ ད་ཁྱེད་རང་རྣམས་སྐད་ཅིག་གིས་ཇོ་བོ་ཐུགས་རྗེ་ཆེན་པོ་སྐུ་མདོག་དཀར་པོ་ཞི་ཞིང་འཛུམ་པ་ཞལ་གཅིག་པ༔ ཕྱག་བཞི་དང་པོ་གཉིས་ཐུགས་ཀར་ཐལ་མོ་སྦྱར་བ༔ འོག་མ་གཉིས་ཤེལ་དཀར་གྱི་ཕྲེང་བ་དང་མེ་ཏོག་པདྨ་དཀར་པོ་བསྣམས་པ༔ ཞབས་རྡོ་རྗེའི་སྐྱིལ་ཀྲུང་གིས་པདྨ་དང་ཟླ་བའི་གདན་ལ་བཞུགས་པ༔ དབུ་སྐྲ་ཐོར་ཚུགས་ལ་རིན་པོ་ཆེའི་རྩེ་ཕྲན་ལྔས་བརྒྱན་པ་དར་དང་རིན་པོ་ཆེས་བརྒྱན་ཅིང་མཚན་དང་དཔེ་བྱད་འོད་དུ་འབར་བ་ཞིག་ལམ་གྱིས་སྒོམས་ཤིག༔ དེའང་ཐུགས་རྗེ་ཆེན་པོའི་སྐུ་དེ་ཕྱི་དར་དཀར་གྱི་གུར་ཕུབ་པ་ལྟ་བུ་ལ་ནང་སྟོང་པ་ཕྲུ་མ་ཕུས་བཏབ་པ་ལྟ་བུ་སྟོང་སང་ངེ་བའི་དབུས་སུ༔ རྩ་དབུ་མ་མཚན་ཉིད་བཞི་དང་ལྡན་པ༔ བདེ་བ་མཚོན་པའི་ཕྱིར་ཕྱི་དཀར་བ༔ གསལ་བ་མཚོན་པའི་ཕྱིར་ནང་དམར་བ༔ བྱང་ཆུབ་ཀྱི་ལམ་མཚོན་པའི་

― KMC022_Page_0688 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་ཤིན་ཏུ་དྲང་བ༔ ངན་སོང་གི་སྒོ་བཅད་པའི་ཕྱིར་མར་སྣེ་ལྟེ་འོག་ཏུ་ཕུག་རྡུགས་སུ་ཡོད་པ༔ མཐོ་རིས་ཀྱི་ལམ་བགྲོད་པའི་ཕྱིར་ཡར་སྣེ་སྤྱི་བོ་ཚངས་པའི་བུ་གར་ཧད་པོར་ཡོད་པ༔ དེ་ལྟ་བུ་ཞིག་སྒོམས་ཤིག༔ ཁྱེད་རང་རྣམས་ཀྱི་སྤྱི་བོ་རུ༔ སེང་ཁྲི་པདྨ་ཟླ་གདན་ལ༔ འོད་དཔག་མེད་མགོན་སྐུ་མདོག་དམར༔ ཞལ་གཅིག་ཕྱག་གཉིས་མཉམ་བཞག་སྟེང་༔ ལྷུང་བཟེད་འཛིན་ཅིང་ཆོས་གོས་གསོལ༔ ཞབས་གཉིས་བྱམས་བཞུགས་མཛད་པ་ཡི༔ ཞབས་ཀྱི་མཐེ་བོང་གཉིས་པོ་ཡིས༔ དབུ་མའི་ཡར་སྣེ་ཆར་བར་སྒོམས༔ གཡས་སུ་འཇིག་རྟེན་དབང་ཕྱུག་དཀར༔ ཞལ་གཅིག་ཕྱག་བཞི་ཐལ་སྦྱར་དང་༔ གཡས་གཡོན་ཕྲེང་བ་པདྨ་འཛིན༔ བཞེངས་པའི་སྟབས་ཀྱིས་པད་ཟླར་བཞུགས༔ གཡོན་དུ་ཕྱག་རྡོར་མཐུ་ཆེན་ཐོབ༔ ཞལ་གཅིག་ཕྱག་གཉིས་སྐུ་མདོག་སྔོ༔ གཡས་གཡོན་རྡོ་རྗེ་དྲིལ་བུ་འཛིན༔ བཞེངས་པའི་སྟབས་ཀྱིས་

― KMC022_Page_0689 ―

^{[མ་དཔེ་གཟིགས་ན་འདིར་གནོན།]}

[Full Size]

པད་ཟླར་བཞུགས༔ སངས་རྒྱས་བྱང་ཆུབ་སེམས་དཔའ་དང་༔ ཉན་ཐོས་དགྲ་བཅོམ་དཔག་མེད་བསྐོར༔ གཙོ་བོ་གསུམ་གྱི་གནས་གསུམ་གྱི༔ འབྲུ་གསུམ་ལས་ནི་འོད་འཕྲོས་པས༔ བདེ་བ་ཅན་ནས་སྤྱན་དྲངས་བསྟིམ༔ དེ་ནས་འཕོ་བའི་གསོལ་འདེབས་ནི༔ ཨེ་མ་ཧོ༔ ཤིན་ཏུ་ངོ་མཚར་འོད་དཔག་མེད་མགོན་དང་༔ ཐུགས་རྗེ་ཆེན་པོ་ཕྱག་རྡོར་མཐུ་ཆེན་ཐོབ༔ བདག་གིས་རྩེ་གཅིག་ཡིད་ཀྱིས་གསོལ་བ་འདེབས༔ ཟབ་ལམ་འཕོ་བ་འབྱོངས་པར་བྱིན་གྱིས་རློབས༔ བདག་སོགས་ནམ་ཞིག་འཆི་བའི་དུས་བྱུང་ཚེ༔ རྣམ་ཤེས་བདེ་ཆེན་འཕོ་བར་བྱིན་གྱིས་རློབས༔ ཞེས་པའི་གསོལ་འདེབས་ཅི་མང་བྱས་ནས༔ རང་གི་སྙིང་ག་དབུ་མའི་ནང་དུ་སྨྱུག་མའི་ཚིགས་པ་འགག་པ་ལྟར་དུ་པདྨ་དམར་པོ་འདབ་མ་བརྒྱད་པ༔ དེའི་སྟེང་དུ་ཟླ་བའི་དཀྱིལ་འཁོར་སྲན་མ་ཕྱེད་བཀས་པ་ཙམ༔ དེའི་སྟེང་དུ་རླུང་སེམས་རྣམ་པར་ཤེས་པ་འདུས་པའི་ངོ་བོ་ཐིག་ལེ་དཀར་པོ་

― KMC022_Page_0690 ―

^{[མ་དཔེ་གཟིགས་ན་འདིར་གནོན།]}

[Full Size]

ཧྲཱིཿཡིག་དམར་པོ་རིང་ཆ་ཚེག་དྲག་དང་བཅས་པ་བཀྲག་མདངས་ལྡན་པས་མཚན་པ༔ འཕར་ལ་ཁད་པ་ཡར་ལ་ཁད་པ་ཞིག་བསྒོམ༔ ཧྲཱིཿདེ་ལས་འོད་ཟེར་ཧྲཱིཿཡིག་གི་རྣམ་པ་གཅིག་འཕྲོས་པས་འོག་སྒོ་དམྱལ་བའི་སྒོ་ཁྲིག་གིས་བཅད༔ ཡང་ཧྲཱིཿགཅིག་འཕྲོས་དུད་འགྲོའི་སྐྱེ་སྒོ་ཆུའི་ལམ་ཁྲིག་གིས་བཅད༔ དེ་ནས་ཧྲཱིཿགཉིས་འཕྲོས་ཏེ་གསང་གནས་དང་ཁའི་སྒོ་ཡི་དྭགས་ཀྱི་སྐྱེ་སྒོ་བཅདཿ དེ་ནས་ཧྲཱིཿགཅིག་འཕྲོས་པས་ལྟེ་བ་འདོད་ལྷའི་སྒོ་བཅད༔ ཡང་ཧྲཱིཿགཉིས་འཕྲོས་ལྷ་མིན་དང་གཟུགས་ཁམས་དང་གྲུལ་བུམ་གྱི་སྐྱེ་སྒོ་རྣ་བ་གཉིས་བཀག༔ དེ་ནས་ཧྲཱིཿ གཉིས་འཕྲོས་གནོད་སྦྱིན་དང་མི་སྐྱེ་རྒ་ན་འཆིའི་སྐྱེ་སྒོ་སྣ་བུག་གཉིས་བཅད༔ དེ་ནས་ཧྲཱི ཡིག་གསུམ་འཕྲོས་གཟུགས་ཁམས་ཀྱི་སྐྱེ་སྒོ་སྨིན་མཚམས་དང་༔ མིག་གཡས་མིའི་རྒྱལ་པོར་སྐྱེ་བའི་སྒོ་དང་མིག་གཡོན་རྣམས་བཀག༔ ཡང་ཧྲཱིཿགཅིག་འཕྲོས་ཚངས་མ་གཟུགས་མེད་ཁམས་ཀྱི་སྐྱེ་སྒོ་རྣམས་

― KMC022_Page_0691 ―

^{[མ་དཔེ་གཟིགས་ན་འདིར་གནོན།]}

[Full Size]

བཀག་པར་བསྒོམས་ལ༔ ངག་ཏུ་ཧྲཱིཿབགྲང་ཡང་རུང་༔ དེ་ནས་ཧིཀ་ཞེས་བརྗོད་པས་རང་སེམས་ཐིག་ལེ་དཀར་པོ་ཧྲཱིཿཡིག་གིས་མཚན་པ་དེ་དབུ་མའི་ལམ་ནས་གྱེན་དུ་འཕར་ནས༔ སྤྱི་བོའི་འོད་དཔག་མེད་པའི་ཞབས་ཀྱི་མཐེ་བོང་ལ་རེག་ཙམ་བྱས༔ ཀ་ཞེས་བརྗོད་པས་མར་བབས་སྙིང་གའི་ཟླ་བའི་གདན་ལ་འདུག་པར་བསྒོམ༔ དེ་ཡང་རླུང་རོ་ལན་གསུམ་བུས་ལ་རླུང་བཟུང་བ་དང་སྦྲག་སྟེ༔ རླུང་བཟུང་ནས་ཡུན་རིང་དུ་བསྡམས་ཏེ་ཡིད་ཀྱིས་ཧིཀ་བརྗོད་པས་རོ་རྐྱང་གི་རླུང་དབུ་མ་ནས་སྤྱི་བོར་སྔོ་ཐལ་གྱིས་ཐོན་པ་དང་མཉམ་དུ་ཐིག་ལེ་ཞབས་ཀྱི་མཐེ་བོང་ལ་རེག་པ་དང་༔ ཀ་ཞེས་ཡིད་ཀྱིས་བརྗོད་པས་མར་བབས་སྙིང་གར་གནས་པར་བསྒོམ་ཞིང་སྤར༔ སྤར་དུས་རྡོ་རྗེ་ཁུ་ཚུར་སྤྱི་ཟུར་དུ་བཅང་ལ་རླུང་སེམས་སྣང་བ་ཐམས་ཅད་སྟོང་དུ་སྤུང་བར་བྱའོ༔ གལ་ཏེ་དེ་ལྟར་རླུང་བཟུང་མི་ཤེས་པ་རྣམས་ཀྱང་ཧིཀ་ཅེས་ཐིག་ལེ་དབུ་མ་ནས་ཡར་

― KMC022_Page_0692 ―

^{[མ་དཔེ་གཟིགས་ན་འདིར་གནོན།]}

[Full Size]

འབར༔ སངས་རྒྱས་ཀྱི་ཞབས་ཀྱི་མཐེ་བོང་ལ་རེག༔ ཀ་ཞེས་མར་ཕབ་སྙིང་གར་བབས་པར་བསྒོམ་སྟེ༔ དེ་ལྟར་ཡར་སྤར་བ་དང་༔ མར་དབབ་པའི་དམིགས་པ་གསལ་པོ་ཉེར་གཅིག་ཙམ་བྱ༔ དེ་ནས་སྨོན་ལམ་བྱ་བ་ནི༔ འདི་སྐད་དུ་ནི་བརྗོད་པར་བྱ༔ འདི་ཡི་རྗེས་བཟློས་བྱའོ༔ ཨེ་མ་ཧོཿ ངོ་མཚར་སངས་རྒྱས་སྣང་བ་མཐའ་ཡས་དང་༔ གཡས་སུ་ཇོ་བོ་ཐུགས་རྗེ་ཆེན་པོ་དང་༔ གཡོན་དུ་སེམས་དཔའ་མཐུ་ཆེན་ཐོབ་རྣམས་ལ༔ སངས་རྒྱས་བྱང་སེམས་དཔག་མེད་འཁོར་གྱིས་བསྐོར༔ བདེ་སྐྱིད་ངོ་མཚར་དཔག་ཏུ་མེད་པ་ཡི༔ བདེ་བ་ཅན་ཞེས་བྱ་བའི་ཞིང་ཁམས་དེར༔ བདག་ནི་འདི་ནས་ཚེ་འཕོས་གྱུར་མ་ཐག༔ སྐྱེ་བ་གཞན་གྱིས་བར་མ་ཆོད་པ་རུ༔ དེ་རུ་སྐྱེས་ནས་སྣང་མཐའི་ཞལ་མཐོང་ཤོག༔ དེ་སྐད་བདག་གིས་སྨོན་ལམ་བཏབ་པ་འདི༔ ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱིས༔ གེགས་མེད་འགྲུབ་པར་བྱིན་གྱིས་བརླབ་ཏུ་

― KMC022_Page_0693 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ༔ ཏདྱ་ཐཱ༔ པཉྩ་དྲི་ཡ་ཨ་ཝ་བོ་དྷ་ནཱ་ཡ་སྭཱ་ཧཱ༔ ཞེས་སྨོན་ལམ་བཏབ་པས་འོད་དཔག་མེད་ཀྱི་ཕྱག་གི་ལྷུང་བཟེད་ནས་འཆི་མེད་བདུད་རྩིའི་རྒྱུན་བབས་པས་རང་ལུས་ལྟེམ་གྱིས་གང་བར་བསྒོམས་ལ༔ དེ་ནས་ཚེ་ཡི་གསོལ་འདེབས་ནི༔ རྗེས་ཟློས་བྱའོ༔ ཨེ་མ་ཧོ༔ རྫོགས་པའི་སངས་རྒྱས་སྣང་བ་མཐའ་ཡས་དང་༔ ཐུགས་རྗེ་ཆེན་པོ་མཐུ་ཆེན་ཐོབ་དང་ནི༔ སངས་རྒྱས་བྱང་སེམས་དཔག་ཏུ་མེད་རྣམས་ལ༔ བདག་གིས་གུས་པའི་སེམས་ཀྱིས་ཕྱག་འཚལ་བསྟོད༔ གསོལ་བ་འདེབས་སོ་ཚེ་ཡི་དངོས་གྲུབ་སྩོལ༔ ཨོཾ་ཨ་མི་དྷེ་ཝ་ཨཱ་ཡུ་སིདྡྷི་ཧཱུྃ༔ ཕྲེང་བསྐོར་རེའམ་ཅི་ལྕོག་བཟླས་ལ༔ འོད་དཔག་མེད་གཙོ་འཁོར་གསུམ་འོད་དུ་ཞུ་ནས་རང་ལ་ཐིམ་ཞིང་ཚངས་བུག་ཧཾ་དང་སྣ་ཚོགས་རྡོ་རྗེས་བཀག་པར་བསྒོམ་མོ༔ དེ་ལྟར་ཐུན་དྲུག་གམ་བཞི་ལ་སོགས་པར་ཉམས་སུ་བླངས་པས་འཕོ་བ་འབྱོངས་རྟགས་ཚངས་བུག་ཏུ་དྲོད་ཚ་ཆིལ་གྱིས་འོང་བ་དང་། གཡའ་བ་དང་ཟ་བ་དང་སྦྲིད་པ་དང་སྐྲངས་པ་དང་༔

― KMC022_Page_0694 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་བོའི་གཙུག་ཉོལ་མོར་སོང་བ་དང་བེམས་པ་དང་༔ ཚངས་བུག་ཏུ་ཁྲག་གམ་ཆུ་སེར་ཐོན་པ་འབྱུང་བས༔ དེ་ལྟར་བྱུང་བ་དང་སྐྲ་མཚམས་ཁུག་སོར་བརྒྱད་ཀྱི་སར་ལེགས་པར་བལྟས་ཏེ་ཀུ་ཤ་བཙུགས་པས་ལྟེམ་མེ་ཟུག་གོཿ དེ་བྱུང་ན་དེ་ཙམ་གྱིས་ཚོད་མ་བཟུང་ན་ཚེའི་བར་ཆད་དུ་འགྱུར་བས་དམིགས་པའི་འཕྲོ་བཅད༔ དབུ་མར་ཐིག་ལེ་འགྲིམ་འགྲུལ་མི་བྱ་ཞིང་༔ ཧིཀ་ཀ་མི་འགྲང་ངོ་༔ ཡང་ཚངས་བུག་མེད་པའི་རིགས་སམ་ཚངས་བུག་མ་རྙེད་ན་མགོ་ན་བ་དང་༔ མགོ་ཡུ་འཁོར་བ་འབྱུང་བས༔ འོད་དཔག་མེད་ཁྲུ་གང་སོར་བསྐྱེད་ལ༔ ཐིག་ལེ་ཧྲཱིཿཡིག་དང་བཅས་པ་ནམ་མཁའ་ལ་འོད་དཔག་མེད་ཀྱི་པད་གདན་ལ་མ་ཐུག་བར་དུ་སྤར༔ ཡང་ཕྱིར་དབུ་མའི་ནང་སྙིང་གར་གནས་པར་བསྒོམ་མོ༔ དེ་འདྲ་བ་ཐུན་འགའ་ལ་བསྒོམས་པས་ཚངས་བུག་བྱེ་སྟེ་ཁྲག་གམ་ཆུ་སེར་ཐོན་པར་འགྱུར་རོ༔ དེས་འཕོ་བ་སྤྱོད་ལུགས་བཤད་ཟིན་ནས༔ རང་ཉིད་འཕོ་བ་ནི་འཆི་རྟགས་ཐམས་ཅད་ཚང་ཡང་འཆི་བསླུ་ལན་གསུམ་བྱས་ལ་དེས་ཀྱང་མ་བསླུས་ན༔ ཀྱེ་མ་བདག་ལ་འཆི་ཁ་བར་དོ་འཆར་དུས་འདིར༔ ཀུན་ལ་ཆགས་སེམས་ཞེན་འཛིན་སྤངས་བྱས་ནས༔ གདམས་ངག་གསལ་བའི་ངང་ལ་མ་ཡེངས་འཇུག༔ རང་རིག་སྐྱེ་མེད་ནམ་མཁའི་

― KMC022_Page_0695 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིངས་སུ་འཕོ༔ འདུས་བྱས་ཤ་ཁྲག་ལུས་དང་བྲལ་ལ་ཁད༔ མི་རྟག་སྒྱུ་མ་ཡིན་པར་ཤེས་པར་བྱ༔ ཞེས་གསུངས་པ་ལྟར་ལུས་ལོངས་སྤྱོད་གཉེན་འདུན་ཐམས་ཅད་སངས་རྒྱས་འོད་དཔག་མེད་ལ་མཎྜལ་འབུལ་ཏེ༔ ཕུལ་ཚར་ནས་ཆགས་སེམས་སྤང་༔ འཕོ་བའི་དམིགས་པ་སྦྱོང་དུས་ལྟར་སྒོ་དགུ་ཧྲཱིཿཡིག་གིས་བཀག་ལ༔ འོད་དཔག་མེད་གཙོ་འཁོར་ཁྲུ་གང་ཙམ་གྱི་ནམ་མཁར་བསྒོམ་ལ་རྣམ་ཤེས་ཐིག་ལེ་ཧྲཱིཿས་མཚན་པ་རྒྱངས་ཀྱིས་འཕངས་ལ་འོད་དཔག་མེད་ཀྱི་ཐུགས་ཀར་བསྟིམ་པའི་དམིགས་པ་དབུགས་མ་ཆད་བར་དུ་ཡང་ཡང་བྱའོ༔ འཕོ་བའི་གསོལ་འདེབས་དང་སྨོན་ལམ་རང་གིས་ནུས་ཚད་རང་གིས་བྱ༔ མཆེད་གྲོགས་སོགས་ལ་ཡང་འདོན་བཅུག་གོ །དེས་རྣམ་ཤེས་སྤྱི་བོར་ཐོན་ནས་ཕྱི་མ་བདེ་བ་ཅན་དུ་སྐྱེ་ངེས་སོ༔ དེ་ནས་གཞན་ལ་འདེབས་པ་ནིཿ འཆི་ངེས་པའི་ནད་པ་ཕྱི་དབུགས་ཆད་ཙམ་ན་རོ་དེའི་མགོ་མཐོ་བཙོག་པུའི་རྣམ་པར་བཞག་ལ༔ དང་པོ་སྐྱབས་འགྲོ་དང་སེམས་བསྐྱེད་སངས་རྒྱས་ཀྱི་མཚན་གང་ཤེས་མང་བར་བསྒྲགས༔ དེ་ནས་སྐེ་རྩ་ཆད་ངེས་རེད་པ་དང་ཡིད་ཀྱིས་འཕོ་བའི་དམིགས་པ་ཡང་སྤར་ཞིང་༔ ངག་ཏུ་ཚིག་འདི་རྣམས་དབྱངས་སྙན་པོས་བརྗོད་དོ༔ ཀྱེ་མ་ཚེ་འདས་རིགས་ཀྱི་བུ༔ ཁྱོད་ལུས་ཡི་དམ་

― KMC022_Page_0696 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དཔའ་དཀར༔ ལུས་ནང་དབུ་མ་མདའ་སྨྱུག་ཙམ༔ རང་གི་ཐུགས་ཀར་ཧྲཱིཿདམར་ནི༔ རིང་ཆ་ཚེག་དྲག་བཅས་པ་བསྒོམ༔ དེ་ནས་ཧྲཱིཿདྲུག་འཕྲོས་པ་ཡིས༔ འགྲོ་དྲུག་སྐྱེ་བའི་སྒོ་བཅད་ནས༔ སྤྱི་བོར་ཚངས་བུག་ཧ་རེ་བསྒོམ༔ སྤྱི་བོར་པདྨ་ཟླ་གདན་ལ༔ འོད་དཔག་མེད་མགོན་སྐུ་མདོག་དམར༔ ཞལ་གཅིག་ཕྱག་གཉིས་མཉམ་བཞག་སྟེང་༔ ལྷུང་བཟེད་འཛིན་ཅིང་ཆོས་གོས་གསོལ༔ སྐྱིལ་མོ་ཀྲུང་གིས་བཞུགས་པ་ལ༔ གཡས་སུ་འཇིག་རྟེན་དབང་ཕྱུག་དཀར༔ ཞལ་གཅིག་ཕྱག་བཞི་ཐལ་སྦྱར་དང་༔ གཡས་གཡོན་ཕྲེང་བ་པདྨ་འཛིན༔ བཞེངས་པའི་སྟབས་ཀྱིས་པད་ཟླར་བཞུགས༔ གཡོན་དུ་ཕྱག་རྡོར་མཐུ་ཆེན་ཐོབ༔ ཞལ་གཅིག་ཕྱག་གཉིས་སྐུ་མདོག་སྔོ༔ གཡས་གཡོན་རྡོ་རྗེ་དྲིལ་བུ་འཛིན༔ བཞེངས་པའི་སྟབས་ཀྱིས་པད་ཟླར་བཞུགས༔ སངས་རྒྱས་བྱང་ཆུབ་སེམས་དཔའ་དང་༔ ཉན་ཐོས་དགྲ་བཅོམ་

― KMC022_Page_0697 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་མེད་བསྐོར༔ གཙོ་བོ་གསུམ་གྱི་གནས་གསུམ་གྱི༔ འབྲུ་གསུམ་ལས་ནི་འོད་འཕྲོས་པས༔ བདེ་བ་ཅན་ནས་སྤྱན་དྲངས་བསྟིམས༔ དེ་ནས་ཁྱོད་ཀྱི་རྣམ་ཤེས་ནི༔ ཐིག་ལེ་དཀར་པོ་ཧྲཱིཿཡིག་མཚན༔ སྣང་མཐའི་ཐུགས་ཀར་འཕོས་པར་བསྒོམཿ ཨེ་མ་ཧོ༔ ཤིན་ཏུ་ངོ་མཚར་འོད་དཔག་མེད་མགོན་དང་༔ ཐུགས་རྗེ་ཆེན་པོ་ཕྱག་རྡོར་མཐུ་ཆེན་ཐོབ༔ ཚེ་འདས་རྩེ་གཅིག་ཡིད་ཀྱིས་གསོལ་བ་འདེབས༔ རྣམ་ཤེས་བདེ་ཆེན་འཕོ་བར་བྱིན་གྱིས་རློབས༔ ཞེས་དམིགས་པ་གསོལ་འདེབས་དང་བཅས་པ་ཚར་བདུན་ནམ་ཉེར་གཅིག་ཙམ་བྱས་ལ༔ ཀ་ཧིཀ་གང་མང་བརྗོད། ཕཊ་དྲག་པོ་དང་བཅས་སྐྲ་མཚམས་ནས་ཁུག་སོར་བརྒྱད་ཀྱི་སར་སྤྱི་གཙུག་དྲང་པོ་ནས་སྐྲ་ཉག་འཐེན་པས༔ སྐྲ་རུལ་བ་ལྟར་བྱེ་བ་དང་༔ ཀག་སྒྲ་དང་རླངས་པ་ཐོན་པ་དང་༔ སྐྲངས་པ་དང་༔ ཆུ་སེར་ཟིལ་པ་ཐོན་ནམ༔ དྲོད་ལྷུག་པ་དང་༔ དྲོད་ཚ་ཆིལ་གྱི་འདུ་བ་འོང་༔ སྐྲ་མེད་པ་ལ་མཛུབ་མོས་མནན་པས་སྐྲངས་པ་དང་ཆུ་སེར་འཁྱིལ་བ་དང་༔ རྟགས་མ་བྱུང་བར་དུ་བསྐྱར་རོ༔ དེ་ནས་འོད་དཔག་མེད་ཀྱི་ཐུགས་ཀ་ནས་འོད་ཟེར་འཕྲོས་པས་འཁོར་ཐམས་ཅད་དང་༔ ཚེ་འདས་ཀྱི་ཕུང་པོ་དང་བཅས་པ་འོད་དུ་

― KMC022_Page_0698 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟེམ་གྱིས་ཞུ་ནས་འོད་དཔག་མེད་ཀྱི་ཐུགས་ཀར་ཐིམ་པར་བསྒོམ་ཞིང་༔ ཨེ་མ་ཧོ༔ ངོ་མཚར་སངས་རྒྱས་སྣང་བ་མཐའ་ཡས་དང་༔ གཡས་སུ་ཇོ་བོ་ཐུགས་རྗེ་ཆེན་པོ་དང་༔ གཡོན་དུ་སེམས་དཔའ་མཐུ་ཆེན་ཐོབ་རྣམས་ལ༔ སངས་རྒྱས་བྱང་སེམས་དཔག་མེད་འཁོར་ཀྱིས་བསྐོར༔ བདེ་སྐྱིད་ངོ་མཚར་དཔག་ཏུ་མེད་པ་ཡི༔ བདེ་བ་ཅན་ཞེས་བྱ་བའི་ཞིང་ཁམས་དེར༔ ཚེ་འདས་འདི་ནས་ཚེ་འཕོས་གྱུར་མ་ཐག༔ སྐྱེ་བ་གཞན་གྱིས་བར་མ་ཆོད་པ་རུ༔ དེ་རུ་སྐྱེས་ནས་སྣང་མཐའི་ཞལ་མཐོང་ཤོག༔ དེ་སྐད་བདག་གིས་སྨོན་ལམ་བཏབ་པ་འདི༔ ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱིས༔ གེགས་མེད་འགྲུབ་པར་བྱིན་གྱིས་བརླབ་ཏུ་གསོལ༔ ཏདྱ་ཐཱ༔ པཉྩ་དྲི་ཡ་ཨ་ཝ་བོ་དྷ་ནཱ་ཡ་སྭཱ་ཧཱ༔ ཞེས་པའི་སྨོན་ལམ་གསུམ་ལྔ་བདུན་ལ་སོགས་པ་བཏབ་ནས༔ ལམ་བསྟན་པ་ནི་དབྱངས་དང་བཅས༔ ཨེ་མ་ཧོ༔ ཤིན་ཏུ་ངོ་མཚར་འོད་དཔག་མེད་མགོན་དང་༔ ཐུགས་རྗེ་ཆེན་པོ་ཕྱག་རྡོར་མཐུ་ཆེན་ཐོབ༔ ཚེ་

― KMC022_Page_0699 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་རྩེ་གཅིག་ཡིད་ཀྱིས་གསོལ་བ་འདེབས༔ རྣམ་ཤེས་བདེ་ཆེན་འཕོ་བར་བྱིན་གྱིས་རློབས༔ ཀྱེ་མ་ཚེ་འདས་རིགས་ཀྱི་བུ༔ འཁོར་བ་འདི་ལ་མ་ཆགས་པར༔ ཐེ་ཚོམ་ཅུང་ཟད་མེད་པ་རུ༔ བདེ་ཆེན་ཞིང་དུ་འགྲོ་བར་གྱིས༔ ཕཊ་ཕཊ་ཕཊ༔ ཅེས་བརྗོད་པས་འོད་དཔག་མེད་དེ་མདའ་འཕངས་པ་ལྟར༔ བདེ་བ་ཅན་གྱི་ཞིང་ཁམས་སུ་གཤེགས་པར་བསྒོམ༔ ངན་སོང་སྡུག་བསྔལ་མི་མྱོང་ཞིང་༔ སོགས། པདྨ་འདམ་གྱིས་མ་གོས་ལྟར༔ ཞེས་སོགས་བརྗོད་པར་བྱའོ༔ དེས་གཞན་ལ་འདེབས་པ་ལྟར༔ ནོར་དོན་དུ་གཉེར་བའི་ཁོང་སྲན་མེད་པར་བྱམས་སྙིང་རྗེས་རོ་ཐམས་ཅད་ལ་བཏབ་ན་ཕན་ཡོན་བསམ་ལས་འདས་སོ༔ དེ་ཡང་ཐེབས་རྟགས་ཡེ་ནས་མེད་ན་རྣམ་ཤེས་འཕོ་ཚར་བ་ཡིན་སྲིད་དེ༔ སྐད་ཅིག་མ་དང་ཟན་ཟ་ཡུན་གཅིག་ལས་མ་གནས་པ་ཡང་ཡོད་པས༔ ཕྱི་དབུགས་མ་ཆད་དུས་ནས་འཕོ་བ་འདེབས་པོ་སླེབ་ན་ཡིད་ཀྱིས་དམིགས་པས་སྒོ་དགུ་བཀག་པ་སོགས་བྱ༔ སྤར་བ་སོགས་མི་བྱ་བར་མཚན་དང་སྨོན་ལམ་ཡུན་རིང་འདོན་པ་སོགས་བྱས་ན་ཐེབས་ངེས་སོ༔ ཡོངས་གྲགས་ལ་ཞག་གསུམ་ཉི་མ་དྲོས་བཞི་ཚུན་ལ་རྣམ་ཤེས་ཕུང་པོ་ལ་གནས་པས་འཕོ་བ་འདེབས་པ་གལ་ཆེའོ༔ དེ་ནས་ཚང་པར་བྱེད་དོ༔ བཀའ་གདམས་གླེགས་བམ་

― KMC022_Page_0700 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཞག་གསུམ་བདུན་གནས་པར་ཡང་བཤད་པས་ཞག་བདུན་ཚུར་ཡང་འདེབས་རུང་ངོ་༔ གྲོང་ཆོག་པ་ལ་ལ་དག་བྱང་བུའི་རྣམ་ཤེས་སྤར་བའི་རིགས་པས་ཡིན་གསུངས་ནས༔ རོ་ཞག་མང་ལོན་པར་རྣམ་ཤེས་ཕུང་པོ་ལ་འགུགས་བཞུགས་བྱས་ནས་སླར་འཕོ་བ་འདེབས་སྲོལ་ཡོད་འདུག་པ་ནི༔ དེ་རྒྱུད་གཞུང་ནས་མ་གསུངས་ཀྱང་༔ འགལ་བ་ཡང་མེད་པར་སེམས། འདི་ཡན་ནི་འགྲེལ་བ་ཡིན་ལ༔ གནམ་ཆོས་ཐུགས་གཏེར་ནས་བྱུང་བའི་རྩ་ཚིག་བཅོས་སླད་མེད་པ་དེ་ཡི་ལུང་ཡང་བྱས་ན་ཕན་ཡོན་ཆེ་བས་འདི་ལྟར་རོ༔ ༁ྃ༔ དེ་ནས་འཕོ་བའི་རིམ་པ་ནི༔ རང་གི་ཐུགས་ཀར་ཧྲཱིཿདམར་ནི༔ རིང་ཆ་ཚིག་དྲག་དང་བཅས་བསམ༔ དེ་ལས་ཧྲཱིཿདྲུག་འཕྲོས་པ་ཡིས༔ འགྲོ་དྲུག་སྐྱེ་བའི་སྒོ་བཅད་ནས༔ སྤྱི་བོའི་ཚངས་བུག་ཧ་རེ་བསམ༔ དེ་ནས་སྤྱི་བོར་འོད་དཔག་མེད༔ གོང་ལྟར་གཙོ་འཁོར་གསུམ་པོ་བསྒོམ༔ དེ་ནས་རང་གི་རྣམ་ཤེས་ནི༔ ཐིག་ལེ་དཀར་པོ་ཧྲཱིཿཡིག་མཚན༔ སྣང་མཐའི་ཐུགས་ཀར་འཕོས་པར་བསམ༔ ཐེ་ཚོམ་ཅུང་ཟད་མེད་པ་རུ༔ བདེ་ཆེན་སྐྱེ་བའི་སྨོན་ལམ་བཏབ༔ ས་མ་ཡ་རྒྱ་རྒྱ་རྒྱ༔ དེ་ནས་འཕོ་བའི་གསོལ་འདེབས་ནི༔ ཨེ་མ་ཧོ༔ ཤིན་ཏུ་ངོ་མཚར་

― KMC022_Page_0701 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་དཔག་མེད་མགོན་དང་༔ ཐུགས་རྗེ་ཆེན་པོ་ཕྱག་རྡོར་མཐུ་ཆེན་ཐོབ༔ བདག་གིས་རྩེ་གཅིག་ཡིད་ཀྱིས་གསོལ་བ་འདེབས༔ རྣམ་ཤེས་བདེ་ཆེན་འཕོ་བར་བྱིན་གྱིས་རློབས༔ ས་མ་ཡ༔ རྒྱ་རྒྱ་རྒྱ༔ ཞེས་དང་སྨོན་ལམ་ནི་གོང་ལྟར་རོ༔ ཞེས་བདེ་ཆེན་ཞིང་གི་འཕོ་བའི་རྒྱས་བཤད་འདི་ནི་སྤྲུལ་སྐུ་ཉིད་ཀྱི་གསུང་གིས་བསྐུལ་བ་ནས་བདག་རཱ་ག་ཨ་སྱས་སྦྱར་བ་ལ༔ འགལ་འཁྲུལ་ཉེས་པ་ཅི་མཆིས་བཤགས་ཤིང་དགེ་བས་འདི་ཉིད་མཐོང་ཐོས་ཀྱི་སེམས་ཅན་ཐམས་ཅད་བདེ་ཆེན་དག་པའི་ཞིང་ཁམས་སུ་སྐྱེ་བར་གྱུར་ཅིག༔ ༈ ཨོཾ་སྭ་སྟི་སིདྡྷི། ཚེ་མཐའ་ཡས་པའི་ཞལ་གྱི་བདུད་རྩིའི་ཀླུང་། །སྒྲིབ་གཉིས་དག་བྱེད་ཚད་མར་གྱུར་པའི་གཞུང་། །གནམ་ཆོས་འོད་ཆོག་ཆོས་ཚན་ཡོངས་རྫོགས་པ། །དད་ལྡན་ཀརྨ་བསོད་ནམས་བདེ་སྐྱིད་ཀྱིས། །དང་འདོད་ཡིད་ཆེས་དད་པས་ཡོན་སྦྱར་ནས། །གཅིག་ལས་དུ་མར་འཆར་བའི་པར་གྱི་འཕྲུལ། །གསར་བསྐྲུན་འདི་ཡི་ལེགས་བྱས་བསོད་ནམས་དང་། །དུས་གསུམ་དགེ་བའི་ཚོགས་ཀུན་ཡོངས་བཟླུམས་ཏེ། །ཕྱོགས་དང་དུས་དང་གནས་སྐབས་ཐམས་ཅད་དུ། །ལུང་རྟོགས་རྒྱལ་བའི་བསྟན་པ་དར་ཞིང་རྒྱས། །དེ་འཛིན་ཚོགས་རྣམས་ཞབས་པད་ཡུན་བརྟན་ནས། །བཞེད་པའི་དོན་ཀུན་འབད་མེད་འགྲུབ་གྱུར་ཅིག །འཇིག་རྟེན་འདིར་ཡང་ཉེས་ཚོགས་ཀུན་ཞི་ནས། །བདེ་སྐྱིད་རྫོགས་ལྡན་དཔལ་ལ་སྤྱོད་པ་དང་། །རྒྱུ་སྦྱོར་

― KMC022_Page_0702 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་བཅས་གནས་སྐབས་མཐར་ཐུག་གི །འགལ་རྐྱེན་ཉེར་འཚེ་མཐའ་དག་ཞི་གྱུར་ཅིག །ཚེ་རབས་ཀུན་ཏུ་བྱང་ཆུབ་སེམས་སྦྱོང་ཞིང་། །ཚེ་བསོད་འདོད་རྒུའི་འབྱོར་པས་འཚོ་བ་དང་། །ནམ་ཞིག་ཚེ་ཡི་འདུ་བྱེད་གཏོང་བ་ན། །བདེ་ཆེན་དག་པའི་ཞིང་དེར་སྐྱེ་བར་ཤོག །གང་སྔོན་དགེ་སློང་ཆོས་ཀྱི་འབྱུང་གནས་ཀྱིས། །སངས་རྒྱས་འཇིག་རྟེན་དབང་ཕྱུག་རྒྱལ་པོའི་དྲུང་། །ཐུགས་བསྐྱེད་སྨོན་ལམ་ཇི་ལྟར་མཛད་པ་བཞིན། །བདག་ཅག་རྣམས་ཀྱིས་དེ་བཞིན་འགྲུབ་གྱུར་ཅིག །ས་བཅུ་ལམ་ལྔ་གཅིག་ཅར་རབ་བགྲོད་དེ། །འདྲེན་པ་འོད་དཔག་མེད་ཀྱི་གསང་གསུམ་དང་། །དབྱེར་མེད་ཕྱམ་ཅིག་མངོན་པར་སངས་རྒྱས་ནས། །ཁམས་གསུམ་འཁོར་བ་དོང་ནས་སྤྲུགས་གྱུར་ཅིག །རྒྱལ་བ་སྲས་བཅས་བདེན་པའི་བྱིན་རླབས་དང་། །རྒྱུ་འབྲས་བསླུ་བ་མེད་པའི་བདེན་པ་དང་། །བདག་གི་ལྷག་བསམ་དག་པའི་བདེན་མཐུ་ཡིས། །ཇི་ལྟར་སྨོན་པའི་དོན་རྣམས་འགྲུབ་གྱུར་ཅིག །དགེའོ།། །།པར་འདི་འབར་ཉག་དུ་བཞུགས།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །