འགྲེས་བྱང་།
༈ འགྲེས་བྱང་ནི། སྔགས་འཆང་ཀུན་གྱི་དགྲ་འདུལ་མ། །རྣལ་འབྱོར་ཀུན་གྱི་སྐུ་བསྲུང་མ། །བདག་གིས་གདུང་ནས་བོས་པའི་ཚེ། །དེ་ཚེ་ཁྱོད་ཀྱིས་ཐུན་ཕོབ་ལ། །ཐུན་ཁྲག་རིམས་སུ་བསྒྱུར་དུ་གསོལ། །རིམས་ནད་དགྲ་ལ་དབབ་ཏུ་གསོལ། །སྡང་སེམས་གནོད་སེམས་ལྡན་པ་ཡི། །མིང་དང་གཟུགས་སུ་བྲིས་པ་ལ། །ཐུན་ཐོགས་མ་མོས་ཐུན་ཕོབ་ལ། །ཁྲམ་ཐོགས་མ་མོའི་ཁྲམ་ལ་ཐོབ། །ཤྭ་རྡེའུ་ནག་པོའི་རྩིས་སུ་ཆུགས། །བྱང་དམར་བེམ་པོའི་དཀྱུས་ལ་ཐོབས། །ནད་ཀྱི་རྐྱལ་པ་ཁ་ཕྱེས་ལ། །དགྲ་བོའི་ཡུལ་ཁམས་ནད་ཀྱི་ཁོངས། །ཚོན་གྱི་གྲུ་གུ་དམ་དུ་ཆིངས། །སྨྱོ་རུ་ཆུགས་ལ་འབོགས་སུ་ཆུགས། །བརྒྱལ་དུ་ཆུགས་ལ་རིང་དུ་ཆུགས། །རྟགས་དང་མཚན་མ་མྱུར་དུ་སྟོན། །བཅོལ་པའི་འཕྲིན་ལས་གྲུབ་པར་མཛོད། །