སྔ་འགྱུར་བཀའ་མའི་ཆོས་སྡེའི་གླེགས་བམ་བརྒྱ་གསུམ་པ།

གླེགས་བམ། པེ༽

སེའི་བནྡྷེ་འབྱུང་ལྡན། གནོད་སྦྱིན་མོ་བྱང་ཆུབ། ཟླ་བའི་པར་ཁབ་ཨོ་ཌི།

གངས་ཅན་རིག་གཞུང་དཔེ་རྙིང་མྱུར་སྐྱོབ་ལྷན་ཚོགས།

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ནང་དོན་གནད་བསྡུས།

སྔ་འགྱུར་བཀའ་མ་ནི། སྤྱིར་བཏང་རིག་པའི་གནས་ལྔ་ལས་ནང་དོན་རིག་པའི་ཁོངས་སུ་གཏོགས། དེ་ལ་ཐེག་པ་རིམ་དགུའི་དོན་ཡོངས་སུ་ཚང་ཞིང་། རྫོགས་པ་ཆེན་པོའི་ཟབ་ཆོས་བཀའ་མ་མདོ་སྒྱུ་སེམས་གསུམ་ཞེས་སྤྱི་མདོ་དགོངས་པ་འདུས་པ་དང་། སྒྱུ་འཕྲུལ་གསང་བ་སྙིང་བོ། སེམས་སྡེ་མ་བུ་བཅོ་བརྒྱད་བཅས་རྩ་བའི་རྒྱུད་ཡིན། དེ་ལས་འཕྲོས་པའི་རྒྱུད་གཞུང་དང་། ཆོག་ཁྲིགས་འདོན་ཆོག་ཏུ་བཀོད་པ། རྒྱབ་ཆོས་རྒྱུད་འགྲེལ་ཉེར་མཁོ་བཅས་ཏེ་ཁག་གསུམ་དབྱེར་ཡོད།
དུས་ཡུན་ལོ་ངོ་སྟོང་ཕྲག་ཙམ་གྱི་རིང་ལ་སྔོན་བྱོན་མཁས་གྲུབ་དུ་མས་རིམ་བཞིན་བཀའ་བསྡུ་མཛད་དེ་ད་ལྟ་པོད་བརྒྱ་དང་སུམ་ཅུ་སོ་གསུམ་ཙམ་འདུས་ཡོད། དེའི་ནང་ཆོས་ཚན་བདུན་བརྒྱ་བརྒྱད་ཅུ་(784篇章)ཙམ་དང་། ལྡེབ་གྲངས་ལྔ་སྟོང་(4896页)ཙམ། ཡིག་འབྲུ་ཁྲི་སྟོང་ཕྲག་བདུན་དང་ལྔ་བརྒྱ་(7500万字)ཙམ་ཡོད་པའི་ནང་དོན་ཕུན་སུམ་ཚོགས་ལ་རིན་ཐང་གཞལ་དུ་མེད་པའི་ནོར་བུའི་དབྱིག་མཛོད་དཔེ་ཚོགས་རླབས་ཆེ་བ་ཞིག་ཏུ་གྲུབ་པ་འདིའོ།།
བོད་རབ་ལོ ༩༧༦པའི་ཟླ༦ ཚེས༡༠ལ་སྒྲིག་པ་པོས།
བྱང༷་ཆུབ༷་སེམས་ཀྱི་གཞི༷་རྩར་ལེགས་བཟུང་ནས། །
བྱང༷་ཆུབ༷་སྤྱོད་པའི་ཟབ་ལམ༷་གཅིག་པུ་ཞིག །
བྱང༷་ཆུབ༷་མཆོག་གི་འབྲས༷་བུ་ལ་གཞོལ་ཕྱིར། །
བྱང༷་ཆུབ༷་རྒྱ་མཚོས་པར་བསྐྲུན་ཞུས་པ་དགེ། །།

དབང་གི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

ཨ བྷི ཥི ཉྩ སྱ དྷཱ ཏུ ཏི སྨ། །
དབང་གི་ཀློང་བཞུགས།
རྒྱ་གར་སྐད་དུ། སརྦ་དྷརྨ་ཙིཏྟ་ཛྙཱ་ན་རཱ་ཛ་སིདྡྷི་བྷ་ཀྵཾ་ཙཪྻ་ཨ་བྷྱི་ཥིཉྩ་ཡ། བོད་སྐད་དུ། གཞི་ལམ་གྱི་ཆོས་བརྗོད་བྱ་ཐམས་ཅད་ངོ་བོ་ཐ་དད་མིན་ཐབས་ཀྱིས་དེར་སྟོན་འབྲས་བུ་ལྷུན་གྱིས་གྲུབ་པའི་སེམས་ཉིད་རང་བྱུང་གི་ཡེ་ཤེས་ཀྱི་གཞི་ལམ་འབྲས་བུ་གསུམ་འཕགས་པས་རྒྱལ་པོ་རྗོད་པར་བྱེད་པའི་ཚུལ་དངོས་གྲུབ་གཉིས་འོག་མ་ལྟར་ཐབས་གཞན་ལས་མ་བྱུང་བས་རང་བྱུང་དུ་བདག་དང་དབྱེར་མེད་དུ་རྟོགས་ནས་ཉམས་སུ་ལེན་པས་སྤྱོད་པར་བཅོས་མའམ་རྣལ་མའི་སྒོ་ནས་སམ་འཕྲུལ་གྱི་ལུང་བཅུ་དབང་བསྐུར་བ། ༈ ཆོས་ཐམས་ཅད་བྱང་ཆུབ་ཀྱི་སེམས་རང་རིག་པའི་ཁྱད་པར་འཕགས་པས་རྒྱལ་པོ་ཉིད་ཐམས་ཅད་ཀྱི་ངོ་བོར་ཤར་བས་ཀུན་གསལ་བའི། །དོན་དེ་བླ་མའི་ཐབས་ཀྱིས་རིག་ནས་སྣོད་དུ་དྲན་ཞིང་རིག་པ་ཐམས་ཅད་ཏིང་ངེ་འཛིན་གྱི་རོར་མ་གྱུར་པ་མེད་ཅིང་རྙོག་པ་དང་བྲལ་བས་མཆོག །བདག་དོན་གྱི་མཛད་པ། དེས་ན་བསྒོམ་བྱ་དང་སྒོམ་བྱེད་གཉིས་བདག་ཉིད་དུ་རྟོགས་པ་ཉིད་རང་བྱུང་གི་ཡེ་ཤེས་ཆོས་ཀྱི་སྐུར་གསལ་བའི་གཞན་དོན། །དེ་ལྟར་ཆོས་མ་ལུས་པ་བདག་ཉིད་སྐྱེ་མེད་དུ་གསལ་བས་འགྲོ་དོན་བྱ་མི་དགོས་ཏེ་རྡོ་རྗེ་གསུམ་གྱིས་འབད་རྩོལ་མེད་པར་ཤུགས་ཀྱིས་འགྲུབ་བོ། །དཔེ་སྐལ་ལྡན་རྣམས་ཀྱི་འདོད་པ་སྐོང་བའི་ཡིད་སྦྱིན་གྱི་ནོར་བུ་དམ་པ་རྣམས་ཀྱི་གཙུག་གི་རྒྱན་ཉིད། །རང་གི་རིག་པ་ལ་ཆེ་བའི་ཡོན་ཏན་གྱི་གཏེར་ཆེན་རོ་གསུམ་དུས་གཅིག་ཏུ་མྱོང་བས་མུ་ཁའི་གདོང་། །མཐར་ཕྱིན་པ་དེའི་ཚད་ནི་གཟུང་བ་ལས་འདས་པའི་སྐུ་གསུང་ཐུགས་ཏེ་ནམ་མཁའ་ལྟ་བུའོ། །སྐབས་འདིར་དོན་ཇི་ལྟར་མཛད་ན་ཐུན་མོང་གི་ཐེག་པ་རྣམས་ཐབས་ཡིན་ཀྱང་རྒྱལ་པོ་མིན་ལ་འདིར། ཐབས་ཀྱི་རྒྱལ་པོར་ཡིན་ཏེ་ཟིལ་གྱིས་གནོན་པ་དང་། རྩོལ་བ་མེད་པས་ཀུན་གྲུབ་པ་དང་། བཅོས་མ་ཐམས་ཅད་རྣལ་མའི་ཁོངས་སུ་གནས་པའི་ཕྱིར་རོ། །དབང་བསྐུར་བ། །ནི་ཆེ་ཆུང་གིས་གཉིས་ཡིན་ཏེ་དེ་ཉིད་བསྟན་པའི་ཡང་ཡིན་ལ་བཅུད་ཀྱང་ཡིན་པས་དེ་མངའ་བས་དུ་རྫོགས་པ་ཡི། །གསང་བའི་བདག་པོ་སེམས་དཔའ་རྡོ་རྗེ་འགྲོ་བ་ཐམས་ཅད་ཀྱི་ཡིད་ཀྱི་གཅིག་ཏུ་མཛད་ནས་དེ་ཉིད་ཀྱང་སྐྱེ་མེད་དུ་རྟོགས་པའི་བདག་ཉིད་དེས་དབང་ལ་བརྟེན་ནས་ཅི་མཛད་ན། །འགྲོ་བ་དབང་གཉིས་ཀྱིས་ཉིད་ཀྱི་ཐུགས་སུ་དབྱེར་མེད་པར་སྨིན་པར་བྱེད་དེ། །གང་ལ་དགོངས་ན་དུས་༼འགྲེལ་པ་ན་གཅིག་པོ་འདི་མེད་༽ཐ་མའི་སྙིགས་མ་ལྔ་བདོ་བའི་སེམས་ཅན་ལ་དགོངས་པ། །གསང་བ་གསུམ་ལས་བྱུང་ཞིང་གནས་པས་གསང་བའི་རྡོ་རྗེ་མཐའ་དག་གི་གཏེར་འཆད་བར་སོ་སོར་དབང་བསྐུར་ཐོབ་པ་སྟེ་ཡོན་ཏན་དུ་མའི་བདག་ཉིད་དེ་ལ་མོས། ༈ །སངས་རྒྱས་ཀྱི་བསྟན་པ་གསུམ་དང་གཉིས་ལ་ལྔ་སྟེ། སྐུ་བཞུགས་པའི་ཞལ་དཀོན་པའི། ཚིག་ཏུ་བསྡུས་ཏེ་གནས་པའི། མངོན་པར་རྟོགས་ཤིང་སྒྲུབ་པའི། སྙིགས་མ་དང་འབྲེལ་བའི་དུས་སོ། །མཐའ་མ་ཅན་གྱི། །དུས་སུ་རྒྱུད་ཉོན་མོངས་པ་དྲག་པས་གདུལ་དཀའ་བ་དང་། ཚེ་ཐུང་ལ་མོས་ཆུང་ཚེགས་ཆུང་བས་དོན་མཐའ་དག་རྟོགས་པར་འདོད་པ་དེ་གང་གིས་འདུལ་ན་བས། །འདིའི་དབང་ཐབས་ནི་འཕྲུལ་ཚིག་གི་སྒྲ་སྟེ་གཅིག །རྟོགས་པས་ཐེག་པའི་དོན་ཀུན་གྱི་ལམ་འབྲས་རྫོགས་པར་རྟོགས་པའི་བདག །ལུང་གསུམ་པོ་ཐམས་ཅད་བྱ་བྲལ་རྫོགས་པ་གཅིག་པུར་འདུས་པར་རྟོགས་ཏེ་དགོངས་པ་རིམ་པར་བརྒྱུད་པ་ཡི། །དགུ་རུམ་རྒྱལ་བ་ཀུན་གྱི་ཐུགས་ལ་བརྣག་ཅིང་སྦས་པ་སེམས་ཀྱི་གཏེར། །འདི་མ་རྟོགས་ན་ཐེག་པ་གཞན་གྱིས་མི་རྟོགས་པ་ནི། ལོང་བ་ཨུ་ལུ་པྲ་ཤ་ཀས། །ཡན་ལག་མེད་པས་ལམ་དུ་འཇུག་ཅིང་སྤྱོད་ལམ་ཡངས་པར་སྤྱད་པའི་ཉམས་མེད་པ་ལྟར་དུ་འདི་མ་རྟོགས་པས། །ཡིད་སྨོན་ལམ་ཅན་གྱི་ཐེག་པ་བརྒྱད་ལམ་འབྲས་ཀྱིས་རྗེས་སུ་ཞེན་ཅིང་ཆགས་པའི་རྣལ་འབྱོར་པ་ལ། །དོན་ཕྱོགས་མེད་ཚིག་དང་བྲལ་བ་ནི་ཚིག་མཐའ་ཅན་གྱི་རྐྱེན་གྱིས་བརྗོད་པའི་ཡུལ་མིན་པས་མི་རྟོགས་ཀྱང་། །རྒྱལ་པོ་མེ་ལོང་གི་གདོང་པ་ཅན། འཕྲུལ་གྱི་ཁང་པ་ན་མེ་ལོང་སྒོ་དགུ་ལ་བལྟས་པ་བཞིན། །དོན་ཇི་ལྟར་བལྟས་ཀྱང་རྟོག་མེད་རང་བྱུང་སྙིང་པོ་མཐོང་བའི་ལམ་དང་ལས་གཞན་མེད་པར་ངོ་སྤྲད། །དེ་རྟོགས་པའི་དོན་སྒོམ་པ་ལ་ཡེངས་མ་ཡེངས་ཀྱི་རེ་དོགས་མེད་པས་སྒོམ། མེད་དོན་གྱི་གཟེར་ཆེན་གདབ། །སངས་རྒྱས་གཞན་ན་མེད་པས་བགྲོད་པའི་ཡུལ་མེད་རྟོག་པ་ཉིད་ཡེ་ཤེས་གསལ་བས་རྟོག་པའི་འཇིམ་རྫབ་ལས་བསྒྲལ། །ཚིག་གི་བརྗོད་པའི་ལམ་ཆད་དེ་གཏན་ལ་མི་ཕེབས་ཀྱང་ཡེ་ཤེས་སྒྲོན་མའི་ཐབས་དང་མན་ངག་འདི་ས་སྟོན་ཏོ། །མ་ཧཱ་དེ་ཝས་བིཥྞུ་ཙཀྲ་ལ་དྲག་པོ་ཨེའི་ལིངྒའི་ནང་དུ་སྔགས། བྱུག་པ། ཕྱག་མཚན་གྱི་དབང་བསྐུར་བས། མི་མཐུན་པ་དུས་གཅིག་ལ་བཅོམ་ནས་རང་གི་རིགས་སུ་བལྟས་པ་བཞིན་ཏེ། །དོན་རྡོ་རྗེ་དེ་ཚིག་ལམ་གྱི་ཐབས་ཀྱིས་སེམས་ཀྱི་སྒོ་འབྱེད་པ་ལྡེ་མིག་སྟེ་ལྷུན་གྲུབ་གསུམ་འབྱེད་པའོ། །འཕྲུལ་མིག་མན་ངག་འདི་གཅིག་ནས་གཅིག་ཏུ་བརྒྱུད་པའི་ཟམ་པ་མ་ཆད་པའི་ལོ་རྒྱུས་ནི་པར། །བཀའ་ཇི་ལྟར་ཐོབ་ན་དབང་པོ་ལྷ་ཡི་དྲིན་གྱིས་སུམ་ཅུ་རྩ་གསུམ་གྱི་གནས། །དེ་རུ་ལྷུངས་ནས་འཛམ་བུ་གླིང་དུ་སྣོད་ལྡན་གྱི་དོན་དུ་བབས། །ལག་ན་རྡོ་རྗེ་ཉིད་ཀྱིས་མངོན་སུམ་དུ་དགའ་རབ་ལ་དབང་བསྐུར་ཏེ། །ཡུན་དུས་མཐའ་འི་སྐད་ཅིག་ཉིད་ཀྱིས་འབྲས་བུ་རྒྱལ་བའི་ས་ལ་བཀོད། །མན་ངག་གི་མཚན་འཕྲུལ་མིག་བརྒྱུད་པའི་རྡོ་རྗེ་ཟམ་པ་ཡིན་ནོ། ༈ །གནས་ཚུལ་རང་བྱུང་ལྷུན་གྲུབ་དེ་རྣལ་མའི་དབང་གིས་བདེ་བ་ཆེན་པོའི་དོན་ཉམས་སུ་མྱོང་པའི་ངང་། །འདོད་པའི་དོན་ཀུན་གཞན་ནས་ཐོབ་པར་རེ་བ་མེད། །དེ་ཚུལ་གང་གིས་ཤེ་ན། ཡོན་ཏན་ཐམས་ཅད་ཀྱི་རྩ་བ་རང་སེམས་དག་པར་རྟོག་པ་ལ། །སྔགས་ཀྱི་ཐེག་པ་ལྟར་ལྷའི་བཞུགས་གནས་ཀྱི་མཎྜལ་དཀྱིལ་འཁོར་བསྐྱེད་པ་མེད་དོ། །ཆོས་ཐམས་ཅད་རང་བྱུང་ཡེ་ཤེས་སྐྱེ་མེད་ཀྱི་འོད་རང་གསལ་བ་དེ་ལ། །རྩོལ་བས་ལྟ་བའི་ཐེག་པ་བརྒྱད་པོ་རྟོག་པ་ལས་འདས་ཏེ་མི་གནས་པའོ། །རང་གི་སེམས་ཉིད་དུ་ཐམས་ཅད་གཅིག་པས་ཕྱོགས་རིས་མེད་པའི་ཕྱག་རྒྱར་འདུས་ཤིང་གསལ་བ་ནི། །འོག་མ་ལྟར་ཕྱོགས་འཛིན་གྱི་བསམ་བརྗོད་དང་བྲལ་བའི་ཏིང་ངེ་འཛིན་ནི་མཆོག་ཅེས་བྱའོ། །ཐམས་ཅད་དུ་སྣང་ཡང་རིག་པ་ལས་མི་འགྱུར་བས་བསྐྱེད་དུ་བྱར་མེད་པས་ནི་མཆོག་གི་དངོས་གྲུབ་སྟེ། །དེ་ཅིས་ཤེ་ན་འཇིག་རྟེན་ལས་འདས་པ་ཀུན་མཁྱེན་གྱི་གོ་འཕང་དང་འཇིག་རྟེན་པའི། །མིག་རྣོན་ལ་སོགས་པ་ཐུན་མོང་གི་དངོས་གྲུབ་ཇི་སྙེད་པ་ཆོས་རྣམས་མ་ལུས་ཐམས་ཅད་ཀུན། །སེམས་ཉིད་ཇི་ལྟ་བར་རྟོགས་པ་ལ་རྫོགས་ཏེ་རང་བཞིན་གྱིས་ལྷུན་གྱིས་གྲུབ་བོ། ༈ །རྟོགས་པ་དབང་དུ་བསྟན་པ། དངོས་པོའི་ཆོས་ཐམས་ཅད་རང་བྱུང་རྒྱལ་པོར་བདག་ཉིད་ཡེ་དབང་ཐོབ་ཅིང་སྣང་སྲིད་རང་དབང་དུ་ཤར་ཅིང་གནས་པས། །ཐུན་མོང་དབང་བསྐུར་བ་ལ་ཞེན་པའི་ཆ་གཉིས་ལས་གྲོལ་བས་མི་རྟོག་ཀྱང་། །ཐབས་བསྟན་པ་ནི། སྣང་སྲིད་དྲན་རྟོག་བརྡ་ལ་དོན་ནི་ལྷུན་གྲུབ་གསུམ་སྟེ་དེ་ཉིད་ཀྱང་དགྲོལ་བའི་དོན་བརྡ་ཚིག་དབང་གི་མན་ངག་བསྟན་པ་ནི་སྦྱིན་པའོ། །དེ་ལྟར་གྱུར་ཅིང་ཉམས་སུ་མྱོངས་པས་རེ་དོགས་མེད་པའི་སེམས་གང་ལ་ན་འོག་ནས་སྟོན་པའི་རིགས་ཅན་ལ་བསྟན། །དབང་དེས་རྟོགས་ན་སྤྱོད་ཡུལ་རང་གྲོལ་བའི་ཏིང་ངེ་འཛིན་ལ་འབྱུང་འཇུག་མེད་པའི་དབྱིངས་ལ་རྟོག་པ་རང་སར་གྲོལ་བས་ཐིམ་མོ། །དབང་པོ་འབྲིང་གིས་ཡན་མི་ཐུབ་པས་དོན་རྟག་ཏུ་དྲན་པ་རྐྱེན་གྱི་དུས་གསུམ་བར་མ་ལ་གནས་པའི་མན་ངག་སྦྱིན། །རིག་པ་དྲན་རྟོག་ནི་སྙིགས་མའི་རླུང་གི་གཡོ་བས་སྤར་ནས། །འཛིན་མེད་རྫོགས་ཆེན་གྱི་ངང་ལ་མི་གནས་ལ། །གཡོ་འཛིན་རླུང་གི་མན་ངག་འོག་ནས་འབྱུང་བ་ལྟར་སྦྱིན་པར་བྱའོ། །རྟོག་པའི་རླུང་གིས་ཏིང་ངེ་འཛིན་དྲན་པ་ལ་བསྐྱོད་ཅིང་། །མཚན་མ་ཡུལ་སྟུག་པའི་སྤྲོས་པས་འཆེལ་བ་ལ། །ཐུན་མོང་མ་ཡིན་པ་བདེ་བ་ཆེན་པོ་ཐིག་ལེའི་མན་ངག་ཇི་ལྟར་འཚམ་པར་སྦྱིན། ༈ །སེམས་ཀྱི་རྣམ་གྲངས་རྟོག་པ་ཅན་དང་མཚན་མ་ཅན་ལ་སོགས་པ་གང་དང་གང་། །བཅོས་མའི་ཐབས་མཐའ་ཡས་པ་དེ་དང་དེ་ཡི་རྗེས་སུ་མཐུན་པར། །རྡོ་རྗེ་ཟམ་པའི་བརྒྱུད་པ་མ་ཆད་པའི། །བླ་མ་རིན་ཆེན་སྲོག་འགྱུར་དེས། །བློ་དང་འཚལ་ཚད་དེ་བསྟན་པ་དེའི་སྒོ་ནས་གཏེར་ཁ་དབྱེ། །དེ་ཉིད་འདིར་འཇུག་པའི་སྒོ་ཀུན་ཕྱེ་བ་ཡིན། །དབྱིག་གི་རྫས་དང་ཕྲད་པ་ཡིན། །དཔེར་ན་ལྷ་སྤྲུལ་པ་བརྒྱ་བྱིན་གྱི་སྤྱི་བོ་ཡི་གཙུག་གི་ནོར་བུ་མིས་མ་མཐོང་བར་ཡོད་པ་དེ་ལ། །མཎྜལ་བརྩེགས་པའི་སྒོ་བཞི་ཡོད་དེ། །དེ་གང་ཕྱེའང་ནོར་བུ་དེ་ཉིད་ཡོད་པས་མཆོད་ན་ཡོན་ཏན་ཆེ་ཆུང་དུ་ཐོབ་པར་འགྱུར། ༈ །སྤྱི་བླུགས་ཀྱི་དབང་འདི་ནི་ཐབས་རྒྱལ་རིན་ཆེན་དེ། །རྟོགས་པའི་དུས་ན་འབད་རྩོལ་དང་བྲལ་བའི་དངོས་གྲུབ་ཐོབ་པ་ཡིན། །རྒྱུ་འབྲས་མེད་པའི་མཐར་ཕྱིན་ལྷུན་གྲུབ་ཡིན། །སྔགས་བཟླས་པ་དང་ཚིག་བརྗོད་པ་དང་བྲལ་བའི་ནུས་མཐུ་ཡིན། །ཉམས་ཐ་སྙད་བྲལ་བའི་དོན་རིག་པས་མཚོན་པ་ཡིན། །ལས་བཞིའི་རྩོལ་བ་དང་བྲལ་བའི་དངོས་གྲུབ་ཡིན། །ཉམས་ཀྱི་སྣང་སྲིད་འཆིང་བ་དང་བྲལ་ཏེ་བདེ་ཆེན་སྟོན་པས་ལྟ་བ་ཡིན། །གང་སྤྱད་ཀྱང་ཚངས་པ་ཆེན་པོ་ལས་འདའ་བ་མེད་པས་དམ་ཚིག་ཡིན། །ཐ་མལ་གྱི་རྟོག་པ་དང་ཕྱོགས་འཛིན་སྤངས་པས་སངས་རྒྱས་ཡིན། །ཐབས་ཀྱིས་ཐམས་ཅད་ལ་སྤོང་ལེན་མེད་པར་རོལ་པས་འཁོར་བའང་མ་སྤངས་ཏེ་རེ་དོགས་ཆོད་པ་ཡིན། །ཕྱོགས་གཅིག་པ་མིན་པས་ཐེག་པའི་རིམ་པ་མ་ལུས་དང་། །བསྐྱེད་དུ་བྱར་མེད་པས་རྒྱལ་བའི་ཐུགས་བཅུད་དངོས་གང་ཡིན། །ཇི་ལྟར་སྣང་བ་ཐམས་ཅད་རོ་གཅིག་པས་དངོས་པོ་ཀུན་གྱི་བདག་ཉིད་དོ། ༈ །དེའི་ཚེ་ན་བསྟན་པའི་ཕྱིར། འདི་ནི་རྒྱལ་བ་ཐམས་ཅད་ཀྱི། །ཐུགས་ཀྱི་བརྣག་པ་དམ་པའི་ཐབས། །གཅིག་ཏུ་འདུས་པའི་བདེ་ཆེན་ཡིན། །འདི་ལ་ངོས་བཟུང་གང་ཡང་མེད་དོ། །ཚངས་པ་ཆེན་པོ་རྟོགས་ནས་ཏིང་ངེ་འཛིན་སེམས་ཀྱི་རིམ་བཙལ་མེད། །ལུས་དང་ངག་གི་བྱ་བཙལ་མེད། །གང་ལ་དམིགས་ཀྱང་རྣམ་བྲལ་མེད། །བདག་གཞན་དུ་སྣང་ཡང་གཉིས་སྣང་བྲལ། །སྐྱེ་འཇིག་བྱུང་ཡང་འགག་བྲལ་མེད། །གནས་དང་ལྡན་ཡང་རྟེན་པ་མེད། །ཡུལ་དུ་སྣང་ཡང་འགག་པ་མེད། །ལོངས་སྤྱོད་ལྡན་ཡང་ཆགས་མེད་ཅིང་། །རིག་པ་དང་དྲན་རྟོག་ཅི་སྐྱེས་པ་ཚངས་པ་ཆེན་པོར་གསལ་བས་མ་སྤངས་པར་བྲལ་བས་བདེ་བ་མཆོག་དང་ལྡན། །དེ་ཉིད་ཀྱི་ཕྱིར་འདི་ནི་རྡོ་རྗེ་ལམ་མཆོག་སྟེ། །སྐལ་ལྡན་འབད་པ་མེད་པས་གྲོལ། །རྒྱལ་བུ་རྒྱལ་ཐབས་ཐོབ་པ་དང་འདྲ་བ་ནི་དཔེའོ། །དོན་སེམས་ཀྱི་རིན་ཆེན་དབང་། །སྤྱི་བོའི་བཅུད་ཀྱིས་ལུས་ཀུན་ལ་ཁྱབ་པ་ལྟར་རིག་པ་སྤྱི་བླུགས་སུ་ཤར་བས་སྤྱི་བླུགས་ཚངས་པའི་དབང་ཞེས་བྱ། ༈ །བསྐུར་ཚུལ་འབྲས་བུ་དང་བཅས་པ་སེམས་ཉིད་རིན་ཆེན་དབང་གིས་དངོས་པོ་གཅིག་གིས་རྟོགས་ན། །ཐེག་པ་ཐམས་ཅད་ཀྱི་དབང་བསྐུར་བ་མེད་པར་རྫོགས་པར་སྦྱིན་པར་བྱས་པས། །སྣང་སྲིད་བདེ་བར་ཤར་བས་ཕྲག་བརྒྱའི་དབང་ཐོབ་སྟེ། །ཞིང་ཁམས་བདེ་བ་དང་སྟོང་པ་གཉི་གའང་བདེ་བར་མ་བཙལ་བར་ལོངས་སྤྱོད། །བརྐམ་ཆགས་ཉོན་མོངས་པ་ལྔ་སྙིང་གི་པདྨ་ཡི་མན་ངག་གི་སྦྱོར་བ་ཡིས། །རང་འདོད་པ་ཇི་ལྟར་མོས་པ་ལྟར་འི་དངོས་གྲུབ་སྩོལ་ཏེ་འབྱུང་ངོ་། ༈ །འོག་མའི་གདམས་ངག་སྤོང་ལེན་དང་བཅས་པའི་ཏིང་ངེ་འཛིན་གྱིས། །ཐོབ་ཏུ་རེ་མ་ཐོབ་ཏུ་དོགས་འབྲས་བུ་དངོས་དང་བཅས་པ་དེས་ནར་མི་སོན་ཏེ། །ཐོབ་པའི་འབྲས་བུ་རང་ལ་གནས་པ་ལས་མ་ཡིན་ཏེ་གཞན་དུ་བཙལ་ཡང་ན། །རྟོགས་ནས་གྲོལ་བའི་འབྲས་བུ་རང་ལས་བྱུང་གི་གཞན་ལས་འབྱུང་བ་མིན་ནོ། ༈ །སྤྱིར་གང་འདོད་པ་ལ་མོས་པའི་འབྲས་བུ་རྒྱུ་རྐྱེན་ལས་བྱུང་བ་ཅན། །རང་རང་གི་སྟོན་པའི་བཀའ་དང་རང་རང་གི་རྟགས་དང་གདམས་པ་དང་བདེན་པའི་ཚིག་གི་དབང་བསྐུར་བ་ན་ཀ༽སྟེ་བཅོས་མ་སྤྱིར་བསྟན་ནོ། །ནུབ་པ་བརྟན་པས་ང་ག༽རྒྱལ་དུ་འཛིན་པའི་དབང་ཐོབ་སྟེ་གོམས་ཤིང་བརྟན་པས། །དེ་ལྟར་བརྟན་པའི་འབྲས་བུ་དགྲ་ཅ༽བཅོམ་པའི་ས་ལའང་འཇུག་པར་ནུས་སོ། །ཡུལ་འཛིན་ང༽ པའི་དབང་ཤེས་དྲུག་དང་བྲལ་བའི་ཡེ་ཤེས་ལ། །བདེན་བཞི་ལ་ཀུན་འབྱུང་སྡུག་བསྔལ་ཇེ་ཕྲ་ལ་ལམ་གོམས་པས་འཁོར་བའི་རྒྱུ་འབྲས་འགོག་པར་གསལ་བའི་དབང་སྦྱིན་ཞིང་། །སྲོག་རྟོག་པ་ཁ༽ཕྱི་ནང་དུ་རྒྱུ་ཞིང་རྟོག་པ་འཕེལ་བའི་ལས་ཀྱི་བྱེད་པ་སྙིགས་མའི་རླུང་ནང་དུ་བཟུང་བ་སྟེ། །དཔེར་ན་ཆུ་གཟར་འབབ་པའི་ཐིགས་པ་མྱུར་བ་སྟེ་བགྲང་བའི་གྲངས་ཀྱིས་གཟུང་བའམ། །དེ་ལས་སུ་རུང་བས་རྒྱུ་བ་དང་རྟོག་པ་ཆད་པ་ནི་རླུང་གིས་བསྐྱོོད་པའི་སྨིག་རྒྱུ་ལྟ་བུའམ། །རླུང་ཡིད་ལ་ཐིམ་རྟོག་པ་མི་རྟོག་པ་ལ་ཐིམ་པ་ནི་རྒྱ་མཚོའི་ཆུ་ལ་ཆུ་ཡི་ཚྭས། །བསྐུས་ཤིང་ཐིམ་པའི་དཔེ་དེའོ། །དོན་ཞི་གནས་ལྷག་མཐོང་འབྲེལ་པར་སྦྱར་བ་ལ། །ཞག་༼རབ་༽ ནི་ཟབ་སྟེ་དྲུག་དང་ཉིས་འགྱུར་༼འབྲིང་༽བཅུ་གཉིས་དང་སུམ་འགྱུར་༼ཐ་མ་༽བཅོ་བརྒྱད་གྱིས། །ཐབས་དེ་དག་གིས་བདེན་པ་ཆ༽གཏན་ལ་ཕེབས་པར་འགྱུར་ཏེ། །དང་པོ་ནས་བཟུང་སྟེ་བདེན་པ་བཞི་ལ་ལམ་རིམ་གྱིས་འཇུག་པར་སྦྱར་བར་བྱའོ། །གཞན་སྣོད་བཅུད་ཉ༽ཡུལ་དང་བཅས་པའང་དེ་བཞིན་དུ་གསལ་བར་བྱ། །ཚོར་བ་ཇ༽སྡུག་བསྔལ་ན་བའི་རྒྱུན་ལ་བསྒོམ་པར་བྱ་རང་ལ་གོམས་ནས། །རང་རྒྱལ་རྟེན་འབྲེལ་ལུགས་འབྱུང་ལ་ཡིད་མུ་སྟེགས་ཐ་མལ་འཁོར་བ་ལ་བརྟན་པར་འཛིན་པ་དེའང་ལུགས་ཟློག་གིས་བཟློག་པ་ཡིན། །མུ་སྟེགས་ཀྱི་བདག་འཛིན་གྱིས་སྟོང་པར་འཛིན་པ་ཉིད་དམིགས་པ་དངོས་པོ་ཡིན་ནོ། །ང་རྒྱལ་མ་རིག་པ་ཁོང་སྟོང་ལ་ཆེད་དུ་འཛིན་པའང་དེ་ཉིད་དང་འདྲ་བ་ཡིན་ཏེ། །བདག་མེད་པ་ནི་དམིགས་པ་དང་བྲལ་བ་ཡིན་བས་སོ། །དེ་དག་ལས་སུ་རུང་ནས་ནས་ཕུལ་རེ་རིམ་གྱིས་རེ་རེ་ཕྲི་སྟེ་འབྲུ་ཟད་ནས་འོ་མ་ལ་བརྟེན་ཐ་མ་ཁ་ཟས་དང་ཟག་པ་བྲལ་བར་བྱས་ཏེ། །དེ་གྲུབ་པའི་ཚད་ནི་ཟླ་བ་གོང་བཞིན་སུམ་འགྱུར་ཚུན་ཆད་དོ། །ཁམ་གྱི་ཟས་དང་བྲལ་ཏེ་ཟག་པ་ཟད་ནས་སེམས་ཡུལ་ལ་མི་འཕྲོ་བར་དབུགས་ཀྱི་དགང་སྟེ་ནང་དུ་འཇུག་པས་འཚོའོ། །དེའི་ཚད་དབུགས་ནང་དུ་གཟུང་བ་དང་དེ་ལྟེ་བའི་ཐད་ཀར་གཟུང་སེམས་སུ་རྩེ་གཅིག་ཏུ་གཟུང་བ་དང་བཅས། །ལོ་གཅིག་བར་གྱིས་འདྲེས་པར་དགང་། །བ་ལ་གོམས་པ་བརྟན་ནས་དབུགས་ཀྱི་རྒྱུ་བའང་དེ་ནས་ཟད། །དེ་ཆད་པར་གྱུར་པས་སེམས་ཀྱི་འཛིན་པ་དང་རྟོག་པའང་དེ་ནས་མི་གནས་པར་ཉམས། །པར་གྱུར་དེ་ནས་འབྲས་བུ་བཞི་ལ་གནས་སོ། །བློ་ཆེ་བས་དུས་རིང་ཞིག་དང་བྲལ་ན་གང་རུང་ལ་རྐྱེན་གྱིས་རྒྱལ་ཐབས་ཀྱི་དབང་བསྐུར་དུ་རུང་བའོ། ༈ །གང་ཟག་གང་གིས་ན་བྱང་འབྲས་བུ། ཆུབ་ཀྱི་མིང་རྒྱུ་ལ་བཏགས་པ་སྟེ་གཞན་གྱི་དོན་བྱ་བར་སེམས་དཔའ་འི་བློ་ལྡན་གྱིས་འཇུག །དམ་ཚིག་རང་རྒྱུད་པའི་སྒོ་གསུམ་འདུལ་ཞིང་བྱ་བ་མ་ཡིན་བའི་ཆ་སྡོམ་ཞིང་འདའ་བར་དཀའ་བ་ལ་གནས་པའི་དམ་ཚིག་ནོས་ཏེ། །མཐུན་སྣང་ཀུན་རྫོབ་རང་གི་འདོད་པ་སྐྱོན་མེད་པ་དོན་དམ་སྟེ་བདེན་གཉིས་ངོས་བཟུང་མེད་ཅིང་མི་རྟོག་པར་རྟོགས་པས་དོན་ལ་འཇུག་པའི་ལམ་བརྟན་ཏེ། །ལྟ་བ་སེམས་ཅན་གྱི་རྒྱུད་ཀྱི་ཆོས་ཐམས་ཅད་ཀྱི་རང་སྤྱིའི་མཚན་ཉིད་རྟོགས་ནས། །ཏིང་ངེ་འཛིན་ལས་སུ་རུང་བས་ཞི་གནས་རྩེ་གཅིག་པས་ཤེས་པ་དང་འབྲེལ་བའི་གནས་ཡུལ་དྲུག་སྦྱར། །ཏེ་ཤེས་པ་མི་འཇུག་པའོ། །ལྷག་མཐོང་གསལ་ཡང་ན་རྒྱན་ལས། ལམ་ལྔར་ཚོགས་སྦྱོར་ཞི་གནས་སྦྱོར། །ལྷག་མཐོང་གསལ་བས་མཐོང་བསྒོམ་མཐར། །ཞེས་པ་བཞིན་ནོ། །བའི་ཚོགས་སྦྱོར་དང་མཐོང་ལམ་དང་ས་བཅུའི་བར་དུ་འཕེལ་བའི་སྐབས་ནི་བསྐལ་པ་གྲངས་མེད་གསུམ་དུ་འཕེལ་བར་འདོད། །ཞི་གནས་ལ་གོང་བཞིན་བརྟན་པའི་ཉམས་རྙེད་ནས། །ཏིང་ངེ་འཛིན་རྣམ་པ་དེ་གཉིས་ཟུང་དུ་འབྲེལ་བ་ནི་ལམ་གྱི་ངོ་བོའོ། །བརྟགས་པས་སྟོང་པ་ནི་མཉམ་བཞག་ནམ་མཁའ་ལྟ་བུའོ། །དེ་ཉིད་ལས་ལངས་པའི་ཚེ་ཕར་ཕྱིན་དྲུག་ལ་སྤྱད་པར་བྱ། །ཞི་གནས་ཟླ་བ་གཅིག་གིས་ནི་ཐོབ་སྟེ་བརྟན་པར་གྱུར་ནས། །ཞི་གནས་དེ་ཉིད་ཐོབ་ནས་ལྷག་མཐོང་བརྟགས་པས་སྟོང་ཐུན་སྐྱོང་ནུས་ཏེ་ཞག་ལ་སོགས་པར་བརྟན་པ་གསལ་བར་བྱ། །སྒོམ་པ་དེ་ཉིད་སྤྱོད་པ་སྟོང་པ་ཆེན་པོའི་ཀློང་ཆེན་པོར་དབྱེར་མེད་པ་ལ། །ཕལ་ཆེར་དབུགས་ཆེན་འབྱིན་པ་ཡི། །དེའི་དུས་ནི་ཤེས་རབ་ཏིང་ངེ་ལ་སོགས་ཀྱི་རྩལ་ཆུང་ན་བསྐལ་པ་དུ་མའང་གནས་པ་སྲིད་ལ་དེ་དག་དང་། །སྨོན་ལམ་གྱི་སྟོབས་དྲག་ན་མྱུར་དུ་བསྐལ་པ་གསུམ་གྱིས་འགྲུབ། །སངས་རྒྱས་ཀྱི་ས་ལ་དབང་གིས་འགྲོ་བས་ལོངས་སྤྱོད་རྫོགས་པའི་སྐུ་བྱིན་དང་ལྡན་པས་ཕྱག་གཡས་པ་བརྐྱངས་ནས། །བྱང་སེམས་ཀྱི་མགོ་བོ་ལ་ཕྱག་གསེར་གི་འཁོར་ལོ་ཅན་གྱི་ཡིད་ལ་ཞེན་པའི་གདུང་བ་བསལ་བའི་ཕྱིར་གདུགས་ཀྱིས་བཀབ་ནས་ནི། །ཅི་མ ཛད་ན་ཞི་གནས་བརྟན་པའི་ཟབ་མོ་སྟོང་རྟོག་གི་དབྱིངས་དེ་ནས་འགྲོ་དོན་ལ་བསླང་བའི་ཕྱིར་བཛྲ་ཨུ་ཏིཥྚ་ཞེས་བྱའོ། །མཚན་མ་ཐབས་ཀྱིས་ཞིང་ཁམས་ཀྱི་བྱ་བ་མང་པོ་ལ་བསླབས་ཤིང་དེ་བརྟན་པར་བྱས་ཏེ། །མཚོན་པ་ཐུན་མོང་ལོངས་སྐུ་ཡི་ཆ་བྱད་རྒྱན་དང་མཚན་དཔེ་བྱད་ལྡན་པར་བྱས་ཏེ། །བདེ་གཤེགས་ཀྱི་ཞིང་ཁམས་ཀུན་ཏུ་སྒྲོན་མ་ཉིད་དུ་བསྒྲགས་ཏེ་ལུང་བསྟན་ནོ། །དབར་བསྐུར་བའི་རྫས་ནི་རྡོ་རྗེས་སྤྱི་བོར་བུམ་པས་ཕྱག་ལ་ན་བཟའ་ས་ལུས་ཀུན་དང་། །རང་རྟགས་ཕྱག་རྒྱའི་སྙིང་ག་དང་བཞི་རུ་སྨོན་ལམ་བྱིན་རླབས་དགོངས་པས་དབང་བསྐུར་ནས། །རྣམ་པ་ཐམས་ཅད་རིག་པ་འཆར་བ་ནི་མཆོག་གི་དབང་རྣམས་ཏེ་སྐབས་ཀྱིས་བོགས་དབྱུང་དུ་མེད་པར་བསྐུར་བས་ཕྱིན་ནོ། ༈ །ཞེ་འདོད་ཅན་ལ་མོས་པའི་དོན་དུ་མཚོན་པའི་ཚིག་གསུངས་པ་ཡིན་པས། །ལྷ་རིགས་གསུམ་གྱི་ང་རྒྱལ་ཉིད་རྣམ་པའི་མཚན་མའི་བདེ་བ་ལ་མངོན་པར་ཞེན་ཅིང་ཐོབ་པར་འདོད་པས། །རྡོ་རྗེ་རྒྱལ་པོ་བྱ་བ་ལ་མཁས་པ་དབང་དམ་ཐོབ་པ་བྱིན་རླབས་དང་ལྡན་པ་ནི་ཕྱི་ཡི་བཀའ་རྟགས་ཅན་ནོ། །ལྷའི་སྐུ་གསུང་ཐུགས་དང་ཡི་གེ་མངོན་སུམ་དུ་ཐོབ་པར་འདོད་པའི། །དོན་དམ་པར་ལྟ་བ་སྟོང་པ་༡ཉིད་དང་རྣལ་འབྱོར་ཆོ་ག་ཡན་ལག་བཅུ་གཅིག་གིས་མཚན་༡མ་ལྷ་སྒོམ་ཅན། །དངོས་པོའི་གནས་ལུགས་ལ་བདེན་པ་༡༡གཉིས་ཀྱི་ལྟ་བས་བཅིངས་པས། །དངོས་པོ་གསུམ་ལ་བདེ་བ་ཆེན་པོ་ཉམས་སུ་མྱོང་བའི་སྲོག་དང་བྲལ་ལོ། །རིགས་གསུམ་རེ་རེ་ལ་སྐུ་གསུང་ཐུགས་ཀྱིས་ཕྱེ་བས་བཀའ་རྟགས་དགུ་དང་བདག་པོ་གཙོ་བོ་ཡུམ་ཁྲོ་བོ་ཕོ་ཉ་གསུམ་གསུམ་སྟེ་བཅོ་ལྔ་ཡིས། །རྣལ་འབྱོར་པའི་ལུས་ངག་སེམས་གསུམ་གྱིས་རྟོག་པའི་སྦྱངས་ནས་ཆོ་ག་ལྔ་དང་བྱིན་བརླབས་དྲུག་གིས་ལྷ་རིགས་གསུམ་ང་རྒྱལ་བསྐྱེད་པའོ། །མཚན་བཅས་མཚན་མེད་ཀྱི་ཏིང་འཛིན་གྱིས་རྡོ་རྗེ་འཛིན་པའི་ས་ལ་སེམས་ཀྱི་སྨོན་པ་འདིངས། །མཆོད་རྫས་སྒྲུབ་རྫས་ཀྱི་དངོས་པོའི་སྨན་དང་ལྷ་སྔགས་དང་སྒྲུབ་པའི་སྔགས་སྦྱོར་གྱིས། །བསྒྲུབས་པའི་མིག་རྣོན་རྐང་མགྱོགས་ལ་སོགས་པའི་འཇིག་རྟེན་གསུམ་གྱི་བྱ་བ་བྱེད་པར་བསྟན། །དོན་བཟང་ངན་གཙང་སྨེ་མེད་པ་དང་ལྷ་བཟང་ངན་སྤྱོད་པ་ལ་གཙང་སྨེར་འདོད་པས་མ་མཐུན་ཡང་ཕྱག་རྡོར་གསུམ་གྱི་བསྟན་པ་སོ་སོར་སྣང་བ་ནི། །བློ་ཆེ་ཆུང་ཡི་རིམ་པ་བཞིན་དྲང་བ་དང་། །ཐབས་མི་མཐུན་པ་ཀུན་ཀྱི་བདག་པོར་དབང་བསྐུར་བས་རིམ་པར་བྱུང་བ་ནི། །ཁྲུས་དང་གཙང་སྦྲ་ཆོ་གས་འགྲུབ་པའི་གཙང་མའི་ལག་ན་རྡོ་རྗེ་དང་། །རྣལ་འབྱོར་གྱི་སྒོ་ནས་རིགས་བཞིའི་སེམས་དཔའ་དང་མོ་བཞིར་གྱུར་པས་དཔལ་འབྱུང་ལག་ན་རྡོ་རྗེ་དང་། །གདུག་པ་འདུལ་བས་དཔའ་དམ་རྫས་ལ་བརྟུལ་ཞུགས་དང་ལྡན་པ་སྟོབས་ཀྱི་རྡོ་རྗེར་དང་གསུམ་དུ་སྤྲུལ་ལོ། །ཀྲི་ཡ་རིགས་གསུམ་ཨུ་པ་ཡ་རིགས་བཞི་ཡོ་ག་རིགས་ལྔ་དང་། །དེ་བཞིན་རིགས་དང་གཅིག་རིགས་སྟོང་ལ་སོགས་པ་མཐའ་ཡས་པ་རྣལ་འབྱོར་ཆེན་པོ་དང་། །རང་གང་འདོད་པའི་ལྷ་ཕྱག་ན་རྡོ་རྗེ་དང་བཞི་རུ་ང་སྤྲུལ་ཏེ། །ཅི་མཛད་ན་བློ་ཆེ་ཆུང་དང་མཐུན་པའི་བསྟན་པ་སྔགས་ཀྱི་ཐེག་པ་བཞི་བྱིན་ནོ། །དེ་ཡང་རྒྱལ་པོའི་བཀའ་བསྒོ་བ་ཁ་བློན་ཆེན་པོས་བསྒྱུར་བའི་ཚིག་གམ། །ཝཱ་ར་ཎ་སཱིའི་ཚོས་མ་ཡིས་ཁ་དོག་ཇི་ལྟར་བསྒྱུར་བ་ལྟར་འགྱུར་བ་དཔེ་དེ་བཞིན་དུ། །སྙིགས་མའི་འདུལ་ཞིང་འགྲོ་བ་རྣམས་སྔགས་ཀྱི་ཐེག་པ་སྣ་ཚོགས་ཀྱིས་འདུལ་བའང་དེ་བཞིན་ནོ། །འདི་ནི་དངོས་སུ་མི་སྟོན་པས་བརྒྱུད་པའི་སྦྱོར་བ་སྟེ། །བཅོས་མ་དངོས་འཛིན་རྟོག་པ་དེ་མ་བཅོས་པས་སྤང་བར་བྱའོ། ༈ །གནས་ཝཱ་ར་ཎ་སཱིའི་བསིལ་ཁང་དུ། །སྟོན་པ་གཙང་མའི་ལག་ན་རྡོ་རྗེ་ཡིས། །དཀྱིལ་འཁོར། ཕལ་པ་དང་མི་མཉམ་སྟེ། རྐང་མཐེབ་སེན་མོའི༴ ཞེས་པ་གཉིས་དྲང་། ཕྱག་ན་རྡོ་རྗེ་དེ་ཉིད་ཀྱི་ལག་མཐིལ་གཙང་མའི་དྲིས་བྱུགས་ཏེ། །རིགས་གསུམ་སྟོབས་ཀྱིས་དཀྱིལ་འཁོར་བྲིས་པའོ། །འཁོར་དམ་པ་གསུམ་བྲམ་ཟེ་གཙང་མ། ཁྱིམ་བདག་དམ་པ། ཀུ་ཀུ་རཱ་ཛ། ལ་དམ་ཕོག་དལ་དུ་བཅུག་ཅིང་ངེས་པར་བསྟན་པའོ། །འཕྲུལ་ཐབས་གྱི་མེ་ལོང་རིགས་གསུམ་ལ་དགུར་ཕྱེ་བ་སྟེ་དེ་དལ་དུ་བཀྲམ་སྟེ་བཀོད་པའོ། །ལྷའི་ཀཱ་ཝཱ་ཙིར་དམིགས་པས་ཉན་རང་བྱང་སེམས་ཐ་མལ་གྱི་དངོས་པོའི་རྟོག་པ་སྦྱངས། །ལྷ་བཅོ་ལྔ་དང་ཉེར་གཅིག་ཡི་མངོན་རྟགས་དལ་དུ་བཅུག་སྡོམ་པ་ཕོག་དབང་བསྐུར་བ་ནི་ལག་ཏུ་གཏད་པའོ། །འབྲས་བུ་གཙང་མ་རྡོ་རྗེ་འཛིན་པའི་ས་ལ་སྦྱར་ནས་ངེས་པར་བཀོད་དེ། །དེ་ཡང་རྣལ་མའི་དབང་མིན་པས་བཅོས་མའི་སྦྱོར་བ་ཡིན། ༈ །གནས་རིན་ཆེན་ལྷུན་སྟུག་བྱེ་བྲག་པར་བརྩེགས་པའི་གཞལ་ཡས་ཁང་། །སྤྱིའི་རི་བོ་འབར་བའི་རི་རབ་རིའི་རྩེ་མོ་ལ་བྱའོ། །སྟོན་པ་དཔལ་འབྱུང་ལག་ན་རྡོ་རྗེ་ཡིས། །རྡོ་རྗེ་དབྱིངས་ནི་རྡོ་རྗེ་ལ་སྐུ་གསུང་ཐུགས་རྡོ་རྗེ་ཕྲ་མོ་དེར་ཞུགས་པ་ལ་བཏགས་པའོ། །ཀྱི་དཀྱིལ་འཁོར་ནི་གསུམ་མོ། །འབར་བ་ནི་ཡོན་ཏན་འོད་དང་བཅས་པའོ། །རང་བཞིན་ཡེ་ཤེས་ཀྱི་དཀྱིལ་འཁོར་མངོན་དུ་ཕྱུང་སྟེ་བསྟན། །གང་ལ་ན་དམ་པ་ཀུ་ཀུ་རཱ་ཛ། ཨིནྡྲ་བྷུ་ཏི། ལྕམ་གོ་མ་ལ་མཚན་ཅན། ཏཀྵ་ནཀྵ་ཨཀྵ་བྱ་བ་དང་ཨ་ཏི་ཀ་ཙནྡྲ་ལྔ་ལ་མངོན་དུ་བསྟན། །སྟུག་པོ་བཀོད་པའི་གནས་ལྷ་བྲག་རྡོ་རྗེའི་རྫོང་ཕུག་ཏུ། །གཙང་མའི་རིགས་འཛིན་ཏེ་དབང་གི་གྲལ་དུ་བཀོད་པའོ། །དེ་ཡང་བཅོས་མའི་དཀྱིལ་འཁོར་ཡིན། །མ་ཡིན་པ་ལ་ཡིན་པར་བསྒོམས་པའི་ཏིང་འཛིན་ནི་ཡིད་སྨོན་པའི་སྦྱོར་བ་སྟེ། །དབུ་རྒྱན་བུམ་པ་ཅོད་པན་ལ་སོགས་པའི་དབང་རྟགས་སྦྱོར་བས་བློའི་ཞེན་པས་ང་རྒྱལ་སྨིན། །སྒོ་གསུམ་ལྷའི་ངོ་བོར་མཉམ་པ་ཉིད་ཀྱི་ལྟ་བའི་ཚིག་འཛིན་ཅིང་། །སྤྱོད་པ་དེའང་དོན་སྤྲོས་པ་མེད་པ་མཉམ་པའི་ཚིག་ཙམ་ལས་ཀྱང་འདས། །དལ་དུ་ཞུགས་པ་ལ་རིགས་ལྔའི་དམ་ཚིག་ཕོག་པའང་ཡིན་ལ་བསྟེན་པའི་ལམ་གཞི་ཅན། །ལྟ་བ་དང་རྒོད་པ་དང་ཡན་ལག་བཞི་འཁྱུད་པ་ཡིན། །སྦྱོར་བའི་དམ་ཚིག་བསྟན་པ་ཡིན་གྱི་དངོས་སུ་དབང་པོ་གཉིས་སྦྱོར་བ་མིན་ནོ། །རྡོ་རྗེ་སེམས་དཔའི་གནས་འདུག་ན། །ཁམས་གསུམ་བསད་ཀྱང་སྡིག་པ་མེད། །ཅེས་པས་ཞིང་བཅས་བསྒྲལ་བའི་གནས་རྣམས་ནི། །བསྒྲལ་བྱའི་རྟོག་པ་ལྷ་རུ་བསྒྱུར་ཏེ་བསྐྱེད་པ་དང་གཙོ་བོས་བསྒྲལ། །བདག་གི་ཏིང་ངེ་འཛིན་གྱི་སྦྱོར་བ་ཡིས། །བསྒྲལ་བས་སྤྱོད་པའི་དམ་པར་འདོད་དོ། །ལྷ་ཕྱིར་འཇོག་ཅིང་གྲུབ་པ་ཕྱི་ནས་འདོད་པས་ཕྱི་པ་དེའི་དོན་ལ་རྣལ་འབྱོར་བསྒོམས་ལ་ཏིང་འཛིན་རྣམས། །ཆོ་གའི་རིམ་པ་ཡང་ན་ལམ་ལྔའི་ཇི་བཞིན་ནམ། སྦྱར་བས་མངོན་དུ་ཐོབ་བྱར་འདོད་པ་དེ། །ལྷ་ལ་སོགས་པའི་ཆོ་གའི་ཡན་ལག་རྣམས། །ཏིང་ངེ་འཛིན་དང་རང་རང་གི་སེམས་ཀྱི་ཡིད་སྨོན་དུ་བལྟས་པ་ལ་འདོད་པ་འབྱུང་སྟེ། ༈ །བཅོས་མའི་དཀྱིལ་འཁོར་ལ་བརྟེན་ནས། །ཕྱི་རྟགས་ཡིད་སྨོན་དབང་བསྐུར་ཡང་། །རང་བཞིན་ལམ་དང་འཕྲད་མི་འགྱུར། །བཅོས་མའི་སྦྱོར་བའི་ཡན་ལག་གོ། ༈ །རྣལ་འབྱོར་འདོད་པ་རང་ལས་འབྱུང་བས་ཕྱི་རོལ་དུ་རག་མ་ལུས་པས་ནང་གི་རྟགས་བཏབ་པས། །སྤྱོད་པ་ལྔ། མི་སྤང་བ། དང་དུ་བླང་བའི་བརྟུལ་ཞུགས་སྤྱོད་པ་ལྷུར་བླངས་ནས། །ཕྱི་པ་གཙང་སྨེ་ཅན་གྱི་གཉེན་པོའི་སྦྱོར་བ་གཙོར་བཞག་སྟེ་བསྟན། །དམ་རྫས་གཙང་སྨེ་ལ་བླང་དོར་འཛིན་པའི་སེམས་ཀྱིས་སུ། །མཉམ་པ་ཉིད་རྡོ་རྗེའི་དོན་དུ་མ་སོན་ཏེ་ཚིག་ལ་གནས། །གང་གིས་ན་ལག་ན་རྡོ་རྗེ་གསང་བའི་བརྟུལ་ཞུགས་ཅན་ཀྱིས། །གང་ལ་བསྐུར་བའི་ཡུལ་ནི་སེམས་དཔའ་རྡོ་རྗེའི་ཏིང་འཛིན་རིག་པའི་འོག་མིན་གྱི་གནས། །ཆགས་བྲལ་གྱི་བློ་ཆགས་ཅན་གྱི་དང་མཐུན་པར་བུམ་པའི་དབང་བྱིན་ནས་གྲོལ་ལམ་གྱི། དབང་གསུམ་གྱི་དོན་བསྒྲགས་ཏེ་ཐར་བར་བྱེད། གྲོལ་བར་བྱེད། །སྤྱིའི་གནས་སུམ་ཅུ་རྩ་གསུམ་ལྷ་ཡི་གནས་ཡིན་ལ། །ཁྱད་པར་གྱི་ཆོས་བཟང་ལྷ་ཡི་འདུན་ས་རུ། །མཆོད་སྡོང་ཐབས་དང་ཤེས་རབ་ཀྱི་བདེ་བ་གཙུག་གི་མེ་ཏོག་ཐབས་ཀྱི་བྱང་སེམས་དང་། །རྡོ་རྗེ་གསང་བའི་མེ་ཏོག་ཉི་མའི་ངོ་བོ་དང་། །ལྷ་མོ་བརྒྱད་ཉིད་མཛེས་པས་ཀྱི་མེ་ཏོག་གིས། །བརྟུལ་ཞུགས། གང་ལ་ན་རྡོ་རྗེ་འཛིན་པ་ལ་མངོན་སུམ་གཏོར་ཏེ། །གཙོ་བོ་ཉིད་དགྱེས་པའི་རང་གི་ལྷག་པའི་ལྷ་ལ་ཕོག་སྟེ་ཡབ་ཡུམ་སྤྱན་འཛུམ་པ་དང་བཅས་པ་ཡིས། །མདངས་ཀྱིས་གཅིག་ལ་གཅིག་གིས་བལྟས་ཏེ་བཞུགས་པའི་དཀྱིལ་འཁོར་དུ་སེམས་དཔའ་རྡོ་རྗེ་བཅུག་སྟེ་གནས་པའོ། །པྲའི་རིམ་པས་སྣོད་བརྟགས་པ་དང་འཚམ་པར་རིམ་པར་སྦྱར་ལ་བསྟན་ཏོ། ༈ །དད་པ་དང་དམ་ཚིག་བརྩོན་འགྲུས་ལྡན་པའི་སྐུ་གསུང་ཐུགས་ལ་མོས་པ་ཅན། །སྨོན་པའི་སྦྱོར་བས་ངེས་འཕངས་ནས། །དངོས་སུ་མ་ཧཱ་དེ་ཝའི་བུ་མིང་མ་ཧཱ་ཤྲཱི་ཅན་ནོ། །བརྒྱ་བྱིན་འཁོར་གྱི་བུ་དེ་ཝ་ཙནྡྲ་ཞེས་བྱ་སྟེ་དེའི་བུ་ཐུ་བོ། །ལྷ་ལྔ་ནི་དེ་ཝ་རཱ་ཛ། བདེ་བྱེད་ཨིནྡྲ། བོ་དྷི་ཨུ་པ་ར་དང་བོ་དྷི་རཀྵ་དང་། དེ་ཝ་ཨ་ཏི་ཀ་ཙནྡྲ་སྟེ་རིགས་ལྔ་ཕོག་ཅིང་དང་མཉམ་པར་སྦྱར་བས་གྲུབ་པའོ། །གཟུགས་བརྙན་ཟག་མེད་ཡེ་ཤེས་ཀྱི་དཀྱིལ་འཁོར་ཉིད་མཐོང་ཞིང་ཐོས་པས་མངོན་པར་དགའ་བའི། །གང་གིས་ན་ཡེ་ཤེས་གཟུགས་བརྙན་བསྐྱེད་པ་དང་བྲིས་པ་མིན་ཏེ་རང་ལ་མ་བསྒྲིབས་ཏེ་མངོན་དུ་ཤར་བས། །དབང་གང་བྱིན་ན་བུམ་པའི་དབང་བྱིན་པས་སྣོད་དུ་རུང་བ་དང་རིགས་ངེས་པའི་སྲས་སུ་བྱས། །འབྲས་བུ་འཁོར་བར་མི་ལྡོག་པ་མཐོང་ལམ་གྱི་ས་ལ་དེ་ནས་བཀོད། །དབང་ཐོབ་པ་དེ་ལམ་སྟོན་ནས་འཁོར་གྱི་གཅོ་བོ་སེམས་དཔའ་རྡོ་རྗེ་ཡིས། །ཞུས་པས་སྟོན་པས་གནང་བ་བྱིན་ཏེ་ལམ་གྱི་ངོ་བོ་བཀའ་བཞིན་དུ་བསྒྲུབས་ཏེ། །སྣོད་བཅུད་བརྟགས་པའི་ཐོས་བསམ་གྱིས། །གྲོལ་བའི་ལམ་མཚན་བཅས་མཚན་མེད་ཀྱི་ཏིང་ངེ་འཛིན་གྱི་སྦྱོར་བ་སྟེ་ཤེས་རབ་གསུམ་སྐྱེད་དོ། ༈ །བདེ་བ་ལྡང་བའི་སེམས་ཀྱིས་འདུ་ཤེས་ངེས་པར་བསྐྱེད་ནས། །ཟབ་མོའི་དབང་དང་བྲལ་བའི་ཡུལ་མིན་པས་གསང་བའི་བདེ་གསལ་མི་རྟོག་པའི་ཡེ་ཤེས་དེ་འཁོར་གྱིས་གུས་པ་དང་བཅས་པས་བསྟོད་ཅིང་ཞུས་པས་གནང་། །དེ་ནས་གསང་བའི་རྡོ་རྗེ་འཆང་ཡབ་ཡུམ་དབང་པོ་ཐུན་མོང་ཐུན་མིན་གྱི་ཁྲི་གཉིས་ཀ་ལ་འཛེགས། །ཐབས་ཀྱི་ཚུལ་དང་མཐུན་པ་སྦྱོར་པའི་ཡོན་ཏན་བརྗོད་པས་འཁོར་མོས་པ་བསྐྱེད། །གསང་བའི་བྱང་སེམས་འདྲེས་པ་མེ་ཏོག་འཐོར་བ་འཐུང་བ་ནི་བླངས་པ་སྟེ་བླ་མས་བདེ་གསལ་མི་རྟོག་པའི་ཡེ་ཤེས་བསྐྱེད་དོ་མཆོད། །རྡོ་རྗེ་འཆང་ཡབ་ཡུམ་གྱི་གསང་བའི་གཟུགས་བརྙན་ལུས་ངག་དང་སྐྱེ་མཆེད་དཀྱིལ་འཁོར་དུ་བརླབས་ཏེ། །མཚོན་པའི་གཟུགས་བརྙན་སོར་བཞི་མ་མཛུབ་གང་བ་འཁྲིལ་བའི་པང་དེར་བཞག་སྟེ་རབ་གནས་དང་འཇུག་པ་རྣམས་བྱའོ། །གསང་བ་བདེ་ཆེན་གྱི་དགོངས་པ་ནང་གི་རྩ་དང་བདེ་བའི་རིགས་འཛིན་དུ། །ངེས་པར་ལུང་བསྟན་ཅིང་རྡོ་རྗེ་ཆེ་གེ་མོ་ཞེས་མིང་ཕོག་སྟེ། །དབང་ཐོབ་པའི་རྗེས་ལ་བདུད་རྩིའི་བཅུད་བླངས་ལ་རོལ་པའི་སྤྱོད་པ་འཁྱུད་པ་དང་བརྩེ་བ་ལ་སོགས་པ་ཐམས་ཅད་བྱས། །མདོག་པདྨ་དམར་པོ་ལྟར་འགྱུར་ཏེ་རླུང་དང་རྩའི་ནུས་པའི་སྟོབས་རྙེད་ནས། །སྦྱོར་བ་བརྩམ་མོ། ༈ །རྡོ་རྗེ་ཁྲི་ཆེན་པདྨ་མཚན་ལྡན་གྱི་ཐོག་ཏུ་བསྐྱོན། །ལྷ་མོ་རུ་བྱིན་བརླབས་འབར་བའི་མཁའ་ལྔ་ལ་སྦྱོར་བའི་ཚེ་སློབ་མ་གཞག །ཐབས་ཤེས་རོལ་པའི་རྩེད་མོ་དགུའི་སྤྱོད་པ་ནི་ཁབ་རྩེའི་རོལ་པ་དང་། འགྲེང་རྡེབ་ཀྱི། བྱ་འདབ་རྩེ་སྤྲོད་ཀྱི། པདྨ་ཁ་སྦྱོར། གྱི་ཨུཏྤལ་འབྱེད་འཛུལ་གྱི། དཀར་འཛིན་འབུར་ལ་རྩེ་བའི། སྐད་སྙན་གྱི། ཕྱག་རྒྱའི། ཉམ་ང་བ་མེད་པའི་རོལ་པའོ། །མཛད། །ཉོན་མོངས་མཚམས་མེད་མི་དགེ་བ་ཁ་ན་མ་ཐོའི་ལས་རྣམས་ལ། །ཐབས་ཀྱིས་ཟིན་ནས་བག་མེད་སེམས་ཀྱིས་དུག་ལ་སྔགས་ཀྱིས་བཏབ་པ་ལྟར་རོལ་བར་བྱ། །དང་པོ་བདེ་བའི་ངོ་བོ་མ་རྫོགས་པའི་མྱུ་གུའི་བར་མ་ཆད་པར་བསྒོམས་པས་རིགས་འཛིན་སེང་འཕྲུག་འདྲ་ཏེ། །ལྷག་པའི་དོན་དམ་པའི་བདེན་པ་མན་ངག་གི་རིམ་པས་རྟོགས་པ་ཡིན། །དབང་གི་ཉམས་ཀྱིས་སྟོང་ཉིད་དང་བདེ་བ་མི་ཕྱེད་པའི་མན་ངག་སྦྱིན་ཅིང་ལམ་དུ་འཇུག ༈ །རོལ་པའི་ཀ་ར་བཅུ་གཉིས་དབང་གིས་དུས་སུ་བླ་མས་བསྟན། །བརྟག་པའི་ཀ་ར་དང་། ཐབས་ཀྱི། ལྷས་བསྟན་པའི། སྔོན་དུ་འགྲོ་བའི། བྱིན་བརླབས་སྟོངས་ཀྱི། ཡིད་འཇུག་སྤྲོ་བའི། བདེ་སྐྱེད་བཅུད་ཀྱི། ཆགས་འཛིན་རྟགས་ཀྱི། རྟེན་འབྲེལ་མངོན་འབྱིན་གྱི། རོལ་པ་ཕྱག་རྒྱའི། གོལ་ས་སེལ་བྱེད་ཀྱི། བདེ་ཆེན་ལྷུན་གྲུབ་ཀྱི་ཀ་རའོ། །བསྒྱུར་བའི་མན་ངག་གི་བཟློག་པའི་རིམ་པས་ས་བཅུ་གསུམ་པ་རྡོ་རྗེ་འཛིན་པ་མྱོང་བར་བསྟན། །ལུས་དང་རླུང་བཀུག་དང་མཉེས་དང་ལུས་སྟོད་སྨད་དང་ལུང་བསྡམ་པ་དང་། །རླུང་ཐིག་ལ་སེམས་གཟུང་དང་གསང་གནས་བདེ་སྟོང་སྤྲད་དང་ཕྱག་རྒྱ་བཞིས་བཅིང་བ་དང་། །ཐབས་ཤེས་རབ་ཏུ། ཤེས་རབ་ཐབས་སུ། གཉིས་མེད་དུ་སྤྲད་དང་གར་གྱི་འཕོ་བ་ཐིག་ལེའི་གར། འཛིན་བཟློག་ཨུ་ཐའི། བསྐྱོད་པ་ཕྱག་རྒྱའི་གར་དང་གསུམ། །གཉིས་བཞི་བསྒྱུར་བ་གསུམ། དགུག་བ་གསུམ། ཐབས་ཤེས་འབྲེལ་བ་བརྒྱད་དམ། ཡབ་ཡུམ་གྱི་དགའ་བ་བཞི་བཞི་སྟེ་བརྒྱད་ལྡན་པའི་ཐབས་ཆེན་གྱིས། །དོན་དམ་པའི་བདེ་བ་ལྷན་ཅིག་སྐྱེས་པའི་ཡེ་ཤེས་མངོན་དུ་བསྟན། །སྟོང་པ་རྟོགས་པའི་དོན་དེ་ཉིད་ཚུལ་ལ་ཉམས་སུ་བླང་ཞིང་གནས། །བྱིན་བརླབས་བདེ་བ་སྐྱེད་པའི་སྔགས་ཀྱི་སྤྱོད་པས་བྱིན་གྱིས་བརླབ། །བདེ་གསལ་མི་རྟོག་པ་ལ་གོམས་པས་ཚེ་ཡི་རིགས་འཛིན་དབང་ཐོབ་སྟེ། །དུས་དང་དུས་མ་ཡིན་པར་འཆི་བ་གཉིས་ཀ་མེད་པའི་ཚེ་དང་སྦྱར། །སུ་ལ་བསྐུར་ན་སྲས་ཀྱི་ཐུ་བོ་ཉེར་བཞག་གོང་གི་ལྔ། །ཁྱད་པར་གྱི་གནས་རྡོ་ཨར་མོ་ལི་གའི་སྟེང་ན་མཆོད་རྟེན་ཡོད་པའི་བུམ་པ་ཁ་དོག་འཁོར་ལོ་རྩིབས་བརྒྱད་སུལ་དང་བཅས་པར་འབར་བར་བསྐུར། །སྤྱིའི་གནས་སུམ་ཅུ་རྩ་གསུམ་གནས་ཆེན་པོ། །རང་རྒྱུད་པ་མིན་ཏེ་སྤྲུལ་པ་བརྒྱ་བྱིན་སྦྱོར་བའི་དབང་ལྷ་མོར་བསྒྱུར་ཏེ། །གང་དུ་སྣང་ན་བརྒྱ་བྱིན་ཉིད་ཀྱི་བུ་མོ་གྲགས་ཆེན་མོ། །འཕྲུལ་གྱི་མེ་ལོང་ལ་བལྟས་པས་ལྷ་རྒྱལ་ཀུན་གྱི་ཆགས་པ་ཆེ་ཆུང་རྟོགས་ནས། འཛུམ་བསྟན་པ་དང་། ལག་པ་སྤྲད་པ་ལ་སོགས་པས་གྲོལ་བས་གཟུངས་ཆེན་ཏེ། །དེ་ལ་བརྟེན་ནས་བདེ་བ་ཆེན་པོར་མཚོན་ནས་རྒྱལ་བའི་སྲས་སུ་ཉེ་བར་གཞག །ཡེ་ཤེས་ཀྱི་ལྷ་མོའི་གཟུགས་བརྙན་ཏེ་གཟུངས་མའོ། །གསང་བའི་དབང་གི་ཁྱད་པར་གྱིས་དཀྱིལ་འཁོར་གསུམ་ཏེ་པྲ་ལས་ཤེས་པ་དང་། །དེའི་ཆོས་ཀྱི་གནས་དང་། ཡོན་ཏན་འབྱུང་བའི་གནས་སོ། །ཡབ་ཡུམ་གཉིས་ཆགས་པ་བྱང་སེམས་བདེ་བ་བསྐྱོད་པ་ལས་རྡོ་རྗེའི་རྭ་བཞིའི་ས་བོན་ཆོས་ཀྱི་དབྱིངས་སུ་འདུས་པ་འབྱུང་ཞིང་། །འདོད་པའི་ཡུལ་ལ་བཟློག་པའི་ཐབས་ཀྱིས་གདབ་པར་བྱ། །ཉི་ཟླ་གཉིས་མེད་རིག་པ་ཡེ་ཤེས་ཀྱི་ཀློང་དུ་ཉམས་འཆར། །དེ་ལ་གོམས་པས་ཐ་མལ་གྱི་འདོད་ཆགས་ལ་སོགས་པའི་རྟོག་པ་སྲེག་ཅིང་མི་གནས་པའི་མེ་ཡིན་ཏེ། ༈ །བདེ་སྟོང་མི་ཕྱེད་པས་རྡོ་རྗེ་ཐབས་རླུང་གིས་འབྱེད་འཛུམ་གྱིས་སྟེང་གི་སྙིང་པོ་རཾ་བསྐུལ་བས་འབར་ཏེ། །མཚན་ནས་སོར་བཞིའམ་ལྟེ་བ་ནས་ཐུར་དུ་གཅལ་བ་ན་དབྱིངས་ཕྱུག་འཁོར་ལོ་གནས་པ་དེ་མེ་ཡིས་བསྲོ། །བས་ཐིག་ལེ་ལུས་ཁྱབ་པར་རྫོགས་པ་དེའི་སྟེང་ལམ་ནས་འབར་ནས་རྩ་སྒོ་ཕྱེད་ནས་ཐིག་ལེ་ཞུ་བ་དེ་གོང་ནས་འོག་ཏུ་བསྐུལ། །བ་ལ་ཡང་དང་ཡང་འབད་པས་སྙིང་གི་ཐིག་ལེའི་གནས་ཀྱི་རྩ་མདུད་ཁ་ཕྱེ་ནས་རླུང་གིས་བསྐྱོད་པས་བདེ་བའི་རླུང་གིས་ཤེས་པའི་དྭངས་མ་གསུམ་འདྲེས་པ་རྩས་རྒྱས་གྱུར་ན། །དེའི་ཚེ་མངོན་ཤེས་རྫུ་འཕྲུལ་རྐང་མགྱོགས་ལ་སོགས་པ་ཇི་ལྟར་འདོད་པའི་བདེ་བ་འབྱུང་མ་ཆགས་པས་མཆོག་གི་དངོས་གྲུབ་ཏུ་འགྱུར། བདེ་བ་ཡང་རླུང་གི་མན་ངག་ལ་བརྟེན་དགོས་པས་རིག་པ་ཡེ་ཤེས་ཀྱི་རླུང་དང་འདྲེས་ཏེ་དབྱེར་མེད་པའི་ཐིག་ལེ་ཅན། །དབུགས་རྔུབ་པ་དང་བསྡུ་བའི་མན་ངག་སྦྱིན་ནོ། ༈ །དེས་བདེན་པ་མཐོང་ཞིང་ས་ཐོབ་ནས་རྡོ་རྗེ་འཛིན་པའི་རིགས་འཛིན་གྱི་ས་ཐོབ་ནས་གོང་དུ་བསྒྱུར་བ་ཡིན་པའི་ཕྱིར་ས་དང་པོ་ནས་བརྒྱད་པའི་བར་དུ་ཏིང་འཛིན་འབར་བའི་དཀྱིལ་འཁོར་དུ་འཇུག་ཅིང་། །སེམས་དཔའ་བརྟན་པའི་ལུང་རིག་པའི་དམ་ཕོག་སྟེ། །ས་རིམ་པར་འབར་བ་ནི། ཏིང་ངེའི་ལྷ་མོ་ལ་བརྟེན་ནས་ཏིང་ངེས་གནས་མེད་དཀྱིལ་འཁོར་དམ་པར་གཞུག་སྟེ་ཏིང་ངེས་དབང་བསྐུར་བས། །གོང་གི་མཚམས་སྦྱོར་དེ་ཉིད་དཀྱིལ་འཁོར་དེར་ཞུགས་ཏེ། །ས་བརྒྱད་པ་ལ་དབང་ཐོབ་ནས་ས་བཅུ་པར་འགྱུར་བ་ལ་ལོངས་སྐུས་རང་བཞིན་ལྷུན་གྲུབ་ཀྱི་དཀྱིལ་འཁོར་མངོན་དུ་གསལ། །ཡེ་ཤེས་ཀྱི་ལྷ་མོ་ལ་བརྟེན་ནས་བདག་གཞན་གྱི་དོན་གྲུབ་བར་འགྱུར་བའི་ལས་ཀྱི་དབང་བསྐུར་ཏེ། །ལོངས་སྐུའི་རྒྱལ་དབང་གི་འབྲས་བུ་ཚབ་བྱེད་པའི་སྐྱེས་བུའི་སར་བཞག་ནས། །འོག་མ་ལ་གསང་སྔགས་ཀྱི་ཐེག་པ་འབུམ་ཕྲག་གསུམ་གྱི་བསྟན་པ་ཏིང་ངེས་བསྒྲགས། །ཕྱི་དལ་གྱི། ནང་ཐིག་ལེའི། གསང་བ་བསམ་གྱིས་མི་ཁྱབ་པའི་ཆོས་ཀྱི་འཁོར་ལོ་དང་གསུམ་གསུངས་ཏེ། ༈ །དེ་ལྟར་བཅོས་མའི་སྦྱོར་བ་འདི་ཡིས་ནི། །འབྲས་བུ་ཐོབ་ཀྱང་བཅོས་མ་ཡིན་པས། རྣལ་མའི་དངོས་གྲུབ་རྙེད་པ་མ་ཡིན་པས། །བརྟུལ་ཞུགས་སྤོང་ལེན་སྤྱོད་པ་བཅོས་མའི་དབང་། །འདི་ཡིས་མ་བཅོས་པ་དེ་ཉིད་མི་ཐོབ་སྟེ། །དཔེར་ན་སྤྲེའུ་དང་རྒྱལ་པོ་བཞིན། །སྤྱོར་བ་གཞན་གྱི་དངོས་མི་གྲུབ། ༈ །འདི་དག་བཅོས་མའི་སྦྱོར་བ་སྟེ། །རང་ལ་སྨིན་ཀྱང་མ་བཅོས་པའི་འབྲས་བུ་མི་འགྲུབ་སྟེ། །འདུས་བྱས་ཡིན་པས་བིམྦ་ར་ཡི་འབྲས་བུ་བཞིན་ནོ། ༈ །གནས་ཝ་ར་ཎ་སཱིའི་ཀློང་ཕུག་ཏུ། །ཤ་རིའི་བུ་ཡི་སྟོན་པ་ཡིས། །བྲམ་ཟེ་བ་ཏ་ཀའི་འཁོར་བུ་དེ་ཝ་པ། ཙནྡྲ་པ། མོའུ་པ་གསུམ་ལ་དབང་བསྐུར་ལུགས་གོང་དུ་བསྟན་པ་བཞིན་ཏེ། །འབྲས་བུ་ཚེ་སྟོད་དགྲ་བཅོམ་ཟག་པ་ཟད། །རྣལ་མ་མ་རྟོགས་པའི་སྐྱོན་ཚེ་སྨད་ངན་སོང་གསུམ་དུ་བརྒྱུད། ༈ །གནས་བྱ་རྒོད་ཕུང་པོའི་འགྲམ་ལོགས་སུ། །དགོན་ཕུག་བྱེ་མའི་འདབས་སྣ་རུ། །ཐོབ་པར་འདོད་པའི་གང་ཟག་དངོས་པོར་ལྟ་བའི་རིགས་ཅན་ཏེ། །བྲམ་ཟེ་ལ་ཟ་རྒན་མོའི་བུ། །དགེ་སློང་ས་རི་བྱ་བ་དེ། །དུས་ནི་ང་རྒྱལ་སྐྱེས་ཤིང་སྨིན་པའི་དུས་ང་ནི་སྡུག་བསྔལ་ཟག་པ་ཟད། །རྒྱལ་ཚབ་སྐྱེས་བུའི་ས་འཛིན་ཟེར། །གང་གིས་བསྐུར་ན། དགྲ་བཅོམ་ཤ་རིའི་བུ་ལ་སོགས་པ་ལྔ་བརྒྱ་སྟོང་གཅིག་འདུས་ནས། །དབང་གི་ངོ་བོ་སྐྱེས་བུ་ཆེན་པོར་དབང་ལྔ་བསྐུར་བ་གོང་དུ་བཤད་ནས། །དེས་ཀྱང་རྣལ་མའི་འབྲས་བུ་མ་ཐོབ་པས་འཁོར་བའི་གནས་རབ་དགུ་རུ་བརྒྱུད། །རྟེན་པ་ཚིག་གི་དབང་འདི་ནི། །ཞེ་འདོད་ལ་མོས་པའི་བརྐམ་ཆགས་ཅན། །རང་རྒྱལ་མཚན་མའི་བདེ་ཐོབ་པའོ། ༈ །གནས་གདྒཱའི་རྒྱ་མཚོ་དེ་གླིང་ན། །དེད་དཔོན་སློབ་དཔོན་བློན་གྱི་བུ་ཐུ་བོ། །བྲམ་ཟེ་ནོར་གྱི་རྒྱལ་མཚན་འཛིན། །ཕྱི་ཡི་རྡོ་རྗེ་རྟགས་བསྐུར་ཐབས་འཛིན་པ། །བཀའ་ལྷའི་དལ་བཀའ་རྟགས་བུམ་པ་གཞལ་ཡས་ཁང་གི། སྙིང་པོ་གསུང་གི། ཕྱག་མཚན་ཐུགས་ཀྱི། དབུ་རྒྱན་ཡེ་ཤེས་ཀྱི། དྲིལ་བུ་ཡུམ་གྱི་རྟགས་དེ་བརྗོད་པའི་དང་སྔགས་ཀྱི་ཚིག་གི་དབང་བསྐུར་ཏེ། །བདེན་པའི་སྨོན་ལམ་གྱི་ཚིག་གིས་ནུས་པ་ས་བོན་ཙམ་དུ་གཞག །དེས་ཀྱང་གྲོལ་བ་མིན་པས་འཁོར་བའི་རྒྱ་མཚོ་བརྒལ་མ་ནུས། །དེ་ཅིས་ན་བསྐུར་བས་ཐོབ་པའི་དབང་རྣམས་ནི། །ཟག་བཅས་ནུས་མཐུ་འཁོར་བའི་ཆོས་ཡིན་པས་སོ། ༈ །ཤར་ཕྱོགས་སྤྱིའི་གནས་ཨིནྡྲའི་ལུང་པ་ན། །ཁྱད་པར་གྱི་རྒྱ་ལུང་རྡོ་རྗེ་བརྩེགས་པ་གང་རུང་རུ། །ཕྱག་ན་རྡོ་རྗེས་དབང་བསྐུར་བས་དམ་པའི་རིགས་ཅན་དུ་གྱུར་པ་གང་གིས་ཨིནྡྲ་བྷུ་ཏི་ཡིས་དང་། །ས་གང་ལ་ན་ག་ཡུལ་གསེར་པའི་རྒྱལ་བའི་སྲས་དང་པོ་རྒྱལ་པོ་སྙིང་སྟོབས་ཅན་ཞེས་བྱ་བ་བུ་ཐུ་བོ། །ཀླུ་ཡི་བུ་མོ་རྒྱ་མཚོ་དང་། །སིངྷའི་ཨུ་པ་རཱ་ཛ་དང་། །ལྷ་ཡི་བུ་ནི་དགེ་བ་ཅན། །དྲི་མ་མེད་པའི་འོད་ལ་སོགས། །ཚོམ་བུའི་གྲངས་ལྔ་བཅུ་སྟོང་དང་བཅས། །དལ་དང་ལྷ་གང་བསྒྲུབས་ན་ཕྱག་ན་རྡོ་རྗེ་མངོན་བསྒྲུབས་ཏེ། །གང་དུ་བསྐུར་ན། ཐུན་མོང་གི་སྤོང་བ་དེ་འདིར་ལེན་བརྟུལ་ཞུགས་སྤྱོད་པ་གྲུབ་པ་ཐོབ་པའི་དབང་། །གི་ཚུལ་མངའ་བས་དགེ་བར་བསྐུར་ན་སྡིག་པ་ཁྱོད་ཀྱིས་སྲོག་ཆགས་གསད་པར་བྱ། །ཞེས་པ་དང་། མཚམས་མེད་བྱས་པས་ཕ་རོལ་ཕྱིན། །ཞེའོ། །མེད། །ཕྱག་ན་རྡོ་རྗེ་ལ་སོགས་པ་ལྷས་གནང་བ་བྱིན་པས་གྲུབ་ཅིང་རྒྱུད་དང་ལུང་ལ་འབྱུང་བ་ལྟར་བརྟེན། །དེས་ཀྱང་མི་གྲོལ་བས་དེ་ཡང་སྤྱོད་ལོག་དངོས་གོལ་ཏེ། །མཚན་མ་གཡོན་གྱི་ལམ་ལ་བཞུགས། །མདོ་ལས་ཀྱང་། གང་གཡོན་ཕྱོགས་པ་ནི་ཆགས་པའོ། །ཆགས་པ་ནི་བཅིངས་པའོ། །བཅིངས་པ་ནི་འཁྱམས་པའོ། །ཞེས་སོ། །བརྐམ་ཆགས་རང་ཀ་སྲེད་མ་སྤངས། །ཆགས་པ་གཡོན་གྱི་ལམ་གྱིས་ཁྲིད། །དེ་བཅོས་མའི་ལམ་ཡིན་པས་བདེ་ཆེན་ལམ་དང་དེ་དག་བྲལ་བས་དེ་ཁོ་ན་ཉིད་མི་མཐོང་ངོ་། །ལོ། ༈ །རྒྱ་ཕུག་གནས། དཔལ་ཨོ་རྒྱན་ཐོར་ཅོག་ཅན་གྱི་གླིང་འཁོར་ལོ་བརྩེགས་པའི་ཁང་། །དྷ་ན་ཀོ་ཤའི་གླིང་ཕུག་ཏུ། །གསེར་གྱི་བྲག་ཕུག་ཡུ་བ་ཅན། །དེའི་ནང་རྡོ་རྗེའི་རིན་ཆེན་སྣ་བདུན་གྱི་གདན་བཏིང་སྟེ། །རིག་པ་ལྷུན་གྱིས་རྫོགས་པས་རིན་ཆེན་འབར་བ་གསལ་བྱེད་བླ་མའི་མན་ངག་ཀྱིས། །བརྡ་སྤྲད་པས་སྣང་བ་ལྷུན་གྱིས་གྲུབ་པར་ཕྱོགས་མཚམས་ཐམས་ཅད་རྒྱས་པ་གསལ་བའི་ཆོས་ཐམས་ཅད་སྙིང་པོ་གཅིག་ཏུ་འཁྱིལ་བས་གུར་ཕུབ་སྟེ། །རྣམ་གྲངས་མེད་པས་ཡི་གེ་མེད་པའི་འབྲུ་ཀཱ་ཝཱ་ཙིའི་དལ་གསུམ་ཉམས་སུ་མྱོངས་པས་བསྟིམས། །རྣ་བརྒྱུད་པ་གསུམ་བར་མ་ཆད་པའི་གདམས་ངག་གི་ལུང་གི་གཏེར་ཆེན་པོ་སེམས་ཉིད་རྣམ་རྟོག་གིས་བཅིངས་པ་ལས་བཀྲོལ། །རང་རྒྱུད་པ་དང་ལྟོས་པའི་རྟོག་པའི་ཕྱོགས་རིས་དང་མཚམས་གཅོད་པས་ཕྱོགས་མེད་དུ་རྒྱས་པའི་འཁོར་ལོ་བསྐོར། །སེམས་ཉིད་ལ་ཡོན་ཏན་རྫོགས་པས་རིན་ཆེན་གཅིག་བལྟས་པས་སྣང་སྲིད་ཀུན་མཐོང་བས་འཕྲུལ་གྱི་མེ་ལོང་ཚིག་གཅིག་ལ་དོན་རྫོགས་པར་བསྟན། །རྣམ་རྟོག་ཅི་སྐྱེས་ཀྱང་རང་རྒྱུད་པའི་རྒྱུ་བ་མེད་པའི་དོན་རིག་པ་ཕྱོགས་མེད་དུ་གསལ་བར་བསྐྱེད། །ཐམས་ཅད་རང་བྱུང་ཡེ་ཤེས་སྟོང་པ་དང་སྣང་བའི་རང་བཞིན་རིག་པ་ཕྱོགས་མེད་དུ་གསལ་བའི་འོད་ལ་བཞུགས། །ལོངས་སྤྱོད་རྫོགས་པའི་རྒྱན་མཚན་དཔེ་དང་ལྡན། །རྣ་བརྒྱུད་སྤྱི་བླུགས་ཚངས་པ་ཆེན་པོའི་དབང་བསྐུར་ཏེ། །ཐོབ་ནས་གང་ཡང་སྐྱོན་དུ་མི་ལྟ་སྟེ། །རང་བྱུང་དངོས་གྲུབ་ཤར་བར་རྟོགས་པ་དེ་ཉིད་བདེ་བ་ཆེན་པོའི་ས་ལ་བཀོད་པའོ། ༈ །ཇི་ལྟར་རྟོགས་པར་བྱ་ན་བཅོས་མའི་སྦྱོར་བ་ལ་བརྟེན་ནས། །རྣལ་མའི་སྦྱོར་བ་རྟོགས་པར་བྱ། །འདྲ་འབག་རི་མོ་ལྷ་འདྲ་ཡང་ལྷ་ཡི་ལུས་མིན་པ་བཞིན་དུ། །མཚན་མ་རྟགས་ཀྱིས་དེ་ཁོ་ན་ཉིད་ཀྱི་དོན་མཚོན་པར་བྱ། །བཅོས་མའི་དབང་བསྐུར་རྟགས་ཀྱི་བརྡ་དེས། །དོན་མཚོན་ཏེ་རྟོགས་ནས་རྟགས་ཕྱིས་རྟགས་ལ་མི་རྟེན་པས། ནི་སྤང་བར་བྱའོ། །རྣལ་མའི་དབང་བསྐུར་ཐབས་ཆེན་པོ་འདི་དང་། །བྲལ་བའི་རྣལ་འབྱོར་གང་དག་ནི། །གང་གིས་ཇི་ལྟར་བཙལ་ཀྱང་དོན་མི་མཐོང་བས། ཞིག་མིག་དང་བྲལ་བ་ཡིན། །འདི་ཉམས་པའི་རྣལ་འབྱོར་ལམ་ཚོལ་བ། །ནི་དཔེར་ན་རྒྱ་མཚོ་འཇིངས་ལས་སྟེགས་བཅས་ནས། །ནམ་མཁའི་དངོས་པོ་སྙོག་པ་དང་འདྲའོ། ༈ །བདེ་བ་ཆེན་པོའི་མན་ངག་འདི། །དམུས་ལོང་གི་མདུན་ན་གཟུགས་བསྟན་ཀྱང་མི་སྣང་བཞིན། །རིགས་ཆད་དང་དབང་གི་ཆུ་བོ་དང་བྲལ་ཞིང་སྐལ་བ་ངན་པ་དང་ལས་ཀྱིས་བསྒྲིབས་པ་རྣམས་ལ། །སྲོག་ལུས་བྲལ་ཡང་ཟུར་ཡང་མི་བརྗོད་དེ་ཁར་དབྱུང་བ་མིན་ནོ། །ཁྱད་པར་དུ་མི་བསྟན་པའི་དམིགས་བཟུང་བ་བློ་ངན་དད་པ་ཆུང་བ་དང་། །ངང་གིས་བློ་འཕང་དམའ་བ་དང་། །ཐོས་པ་ཆུང་བའི་བློ་སྦྲམ་དང་། །ཐེག་པ་དམན་ལ་ཞུགས་པ་དང་། །རང་རྐྱེན་ངན་པས་དྲེགས་པ་དང་། །ངར་འཛིན་དྲགས་པས་གཙོར་འཆེལ་དང་། །འཇིག་རྟེན་བྱ་བའི་རྒྱུད་བསྒྲུབས་དང་། །ཐབས་ཀྱི་བཅུད་ཆེན་འཛག་པ་དང་། །བརྐམ་ཆགས་ངན་པས་ཟིན་པ་དང་། །སྣོད་ཀྱི་དྲི་མ་མ་དག་པས། །བསྒྲུབ་བྱ་དམ་པར་མི་སེམས་དང་། །བླ་མ་སྲོག་ཏུ་མི་འཛིན་དང་། །ཐ་མའི་སྤྱོད་པ་ཉམས་པ་རྣམས། །གྲིབ་བཞིན་འཁོར་ཡང་སྤང་བར་བྱ། །ལུས་སྲོག་བྲལ་ཡང་ལས་ཀྱིས་བྲལ་བས་གསང་གཉེར་ཐུབ་པར་བྱའོ། །མཚོ་ཆེན་གསེར་གྱི་འོག་གཞི་ལྟར། །བླ་མའི་མན་ངག་ཐོབ་ནས་དད་པ་དང་བསམ་པ་དང་གྲུབ་མཐའ། མི་འགྱུར་བར་བརྟན་པའི་སེམས་ཀྱིས་བཟུང་། །གལ་ཏེ་སྣོད་ངན་ལ་བཅས་པའི་རྒྱ་རལ་ཏེ་དབང་དང་གདམས་ངག་བྱིན་ན། །ན་རག་རྡོ་རྗེ་གཏན་གཞི་སྟེ། །ཆད་པའི་རིས་སུ་ངེས་པ་ཡིན། །རྣམ་སྨིན་འཇིག་རྟེན་འདི་ལས་འབྱུང་། །དམ་ཅན་རྡོ་རྗེ་མཁའ་འགྲོའི་ཚོགས། །བོས་པ་བཞིན་དུ་འདུས་གྱུར་ནས། །ཤ་ཁྲག་ལ་སོགས་དངོས་སུ་ཟ། །དམ་ཤོད་གླིང་གི་དུར་ཁྲོད་བཞིན། །མཁའ་འགྲོ་རྣ་ཉན་ཀུན་གྱིས་སྡུད། །དེ་དག་ལ་བརྟན་ན་སྐྱོན་མཐའ་ཡས་ཤིང་ཡོན་ཏན་མེད་དེས་ན་ཐབས་ཆེན་མན་ངག་འདི། །རྗེས་སུ་མཐུན་པའི་ལོ་ཚིགས་སུ་དམ་བཅས་ལ་དེས་མི་སྤྲོ་བར་གཟུང་ངོ་། ༈ །རིན་ཆེན་གཏེར་གྱི་དབང་དང་བཀའ་ཐམས་ཅད་ཀྱི་བཅུད་འདུས་པས་སྙིང་པོ་འདི་དང་པོ་གང་ནས་བྱུང་ཞེ་ན། །ཀུན་བཟང་རྒྱལ་བ་ཐམས་ཅད་ཀྱིས། །གསང་བའི་བདག་པོར་བཀའ་བསྒོ་བ། །གསང་མཛོད་རྡོ་རྗེ་སེམས་དཔའ་ནི། །སུམ་ཅུ་རྩ་གསུམ་བུམ་ཐོགས་སྟེང་། །སྲོག་ཤིང་རྡོ་རྗེ་རྩེ་དགུ་པར། །གསེར་གྱི་འཁོར་ལོ་འབར་བར་གཞག །གསང་བ་གཏེར་འཛིན་བདག་པོར་གྲགས། །དགའ་རབ་རྡོ་རྗེ་བདག་ཉིད་ཀྱང་། །དེ་ཝ་བཟང་སྐྱོང་བུ་ཐུ་བོ། །ཀུན་དགའ་སྙིང་པོ་བྱ་བ་ཡིན། །ལག་ན་རྡོ་རྗེ་གསང་བདག་གིས། །འཁོར་ལོ་འབར་བའི་ལྟེ་བར་གཞག །ནམ་མཁའི་མཐའ་དང་མཉམ་པའི་རྒྱུད། །ལྟ་བའི་ཀློང་དང་། སྤྱོད་པའི། དལ་གྱི། དབང་གི། དམ་ཚིག་གི། ཕྲིན་ལས་ཀྱི། ས་ལམ་གྱི། དགོངས་པའི། འབྲས་བུའི་ཀློང་དགུ་བཛྲ་སོའུ་མ་ཁ་ཞེས་བྱ་བ་རྩ་བའི་རྒྱུད་དང་། བཤད་པའི་རྒྱུད་ལས་གསལ་ལོ། །བམ་པོ་ཉི་ཁྲི་གསུངས། །སྤྱི་བླུགས་ཚངས་པའི་དབང་བསྐུར་ནས། །དུས་མཐའ་ཉིད་ཀྱིས་ས་ལ་བཀོད། །འཛམ་གླིང་འཇིང་དུ་རྒྱལ་འཐེབ་བྱས། །སེམས་རྒྱུད་རིག་པའི་ཐོར་ཅོག་ཅན། །རྒྱལ་གྱི་རིགས་ཅན་དྲྭ་མའི་ཡུལ། །རྒྱ་ཕུག་དྷ་ན་ཀོ་ཤའི་གླིང་། །ཕུག་ཏུ་གསལ་བའི་གནས་རབ་བཅས། །གོང་དུ་བཤད་ལུང་གསུམ་བརྒྱུད་པའི་རྩ་བའི་དོན། །དགུ་རུམ་སེམས་ཀྱི་དཀྱིལ་དུ་སྦས་པའི་མན་ངག་འདི། །སེམས་ལ་གླན་ཅིང་བདེ་ལ་བཀོད། །ཡིད་ལ་བརྣག་ཅིང་ལུས་ལ་བཅང་། །བཀའ་ཡི་བདེ་བ་ཚངས་པ་ཆེན་པོའི་དབང་མ་ཐོབ་ཅིང་དོན་མ་མཐོང་ན། །ཐུན་མོང་གི་བཀའ་ཕྱི་ནང་བརྒྱུད་པའི་ལུང་ལ་བརྟེན་ནས། །ལུས་ངག་སེམས་སྒོ་གསུམ་གྱི་བྱ་བཙལ་གྱིས། །ཅི་བཙལ་ཀྱང་བརྐམ་ཆགས་འདོད་པ་སྟེ་རྩོལ་བའི་ཆུ་བོ་བསྐྱེད། །བདེ་ཆེན་སྲོག་དང་བྲལ་བའི་གང་ཟག་སློབ་དཔོན་གྱིས་མཐོང་ནས། །དེ་དག་བསྒྲལ་བའི་ཆེད་དུ་གསལ་རབ་གནས་སུ་དབུགས་ཆེན་ཕྱུང་། །རྣ་བརྒྱུད་འཕྲུལ་མིག་རྡོ་རྗེ་ཟམ་པ་འདི་གསུངས། །བཀའ་ཡི་ཐུགས་ཀྱི་ཉིང་ཁུ་སྟེ། །ངང་པའི་མཆུ་ཡིས་འོ་མ་བསྡུས་པའམ། །ལྷ་དང་ལྷ་མིན་གྱིས་རི་རབ་ལ་ནཱ་ག་ཀླུ་འཇོག་པོས་བསྲུབས་པས་བདུད་རྩི་འབྱུང་བ་ལྟར་རིན་ཆེན་སྒྲོམ་ཕྱུང་སྟེ། །རྒྱ་མཚོ་རླུང་གིས་ཁ་བྱམས་བཞིན། །དུ་སློབ་དཔོན་གྱིས། བཀའ་ཡི་ཀློང་དགུ་བམ་པོ་ཉི་ཁྲི་བདུད་རྩི་བཅུད་བསྡུས་པའི་མན་ངག་ཡིན་གང་ཡིན་ན། ༈ །རྒྱལ་པོའི་ས་ཐོབ་པས་ཕལ་པ་རང་ཤུགས་ཀྱིས་འདུ་བ་ལྟར་སྤྱི་བླུགས་ཚངས་པའི་དབང་ཆེན་འདི་ཐོབ་ན་ཐེག་པ་ཀུན་གྱི་དབང་ཐོབ་པ་ཡིན་ནོ། །ནི། །ཐབས་ཀྱི་རྒྱལ་པོ་དེ་ཡང་གང་ཟག་བློ་ཆེ་ཆུང་གི་རིམ་པ་དང་འཚམ་པར་བཅོས་མ་དང་རྣལ་མའི་དོན་བསྟན། །སློབ་མའི་རྒྱུད་བརྟགས་ལ་ཆེ་ཆུང་གི་རྗེས་སུ་མཐུན་པའི་གཞི་ལྟར་ཐབས་དང་རྒྱུད་བརྟག་པའི་ཆོ་ག་དང་བཅས། །གསོལ་བ་གདབ་གནང་བ་སྦྱིན་འཇུག་པའི་རྒྱུ་སྔོན་དུ་འགྲོ་བ་ཡི་རིམ་པ་དང་། །དམན་པ་ཐེག་པ་བརྒྱད་ཀྱི་ལྷ་སྒོམ་ལ་སོགས་པའི་ཁྱད་པར་ཀུན་རྟོགས་ནས་དེ་ལ་མི་གནས་པར་སྤངས་པའི། །བཅོས་མའི་དབང་ཀུན་རྫོགས་ཚངས་པའི་དབང་བརྡ་དང་ཉམས་ཀྱིས་བསྟན་ནས་མ་རྟོགས་ན་ཚིག་དབང་བསྐུར་བས་རིག་པ་ཕྱོགས་མེད་དུ་དགྲོལ་བའི་ཕྱིར་འདིར་ཐམས་ཅད་བརྡ་སྟེ། །རྒྱུད་ལས། སྣང་སྲིད་ཡེ་ཤེས་མཚོན་པའི་བརྡ། །ཞེས་ཏེ་སྣང་བ་དང་པོའི་བརྡ་དོན་ལྷུན་གྲུབ་གསུམ་དུ་དགྲོལ་བའི་རིམ་པ་ཡིས། །ཐུགས་ཀྱི་ཀློང་བརྟོལ་ནས་རྣ་བརྒྱུད་ཀྱི་མན་ངག་བརྡ་སྤྲད་པ་དང་དགྲོལ་བ་ལ་སོགས་པ་དབང་གི་དུས་སུ་སྦྱིན། །འཕྲུལ་གྱི་མེ་ལོང་སྒོ་དགུ་ཐམས་ཅད་གསལ་བ་བཞིན་དུ་རྟོགས་ན་རིག་པ་སྣ་ཚོགས་སུ་འཆར་བའོ། །རྒྱལ་པོ་མངོན་དུ་གྲུབ་པས་སྒྲུབ་མི་དགོས་པ་ལྟ་བུ་རྟོགས་ན་བཙལ་མི་དགོས་པའི་མན་ངག་སྦྱིན། །གསལ་བར་བྱེད་པའི་ཚིག་གིས་དོན་རིན་ཆེན་རང་འབར་བ་སེམས་ཉིད་བསྟན། །རྟོགས་ནས་གྲུབ་མཐའ་ངན་པའི་དབང་དུ་མི་འགྱུར་བར་བརྟན་པའི་དབང་བསྐུར་ལ། །རབ་ལ་རེ་དོགས་མེད་ཀྱང་འབྲིང་ལ་ཡེངས་པ་འབྱུང་བས་དྲན་པ་རྐྱེན་གྱི་གསལ་བ་དང་བར་མ་ཆད་པའི་མན་ངག་སྦྱིན། །དབང་པོ་ཐ་མ་ལ་བཅོས་མ་བསྟན་པས་དྲན་རྟོག་ལུང་གིས་སྐྱོད་བྱེད་པས། །གཡོ་འཛིན་རླུང་གི་མན་ངག་འོག་ནས་འཆད་པ་ལྟར་དུ་སྦྱིན། །སེམས་ཉིད་འགྱུར་ཞིང་མི་བརྟན་ཆགས་པའི་སྤྲོས་པ་ལ་འཆེལ་བས། །དེ་ལ་བདེ་བ་ཐིག་ལེའི་ཐབས་ལམ་གྱི་མན་ངག་ཇི་ལྟར་འཚམ་པར་སྦྱིན། །རིན་ཆེན་རང་བྱུང་རྟོགས་ནས་གོམས་པའི་བྱིན་གྱིས་བརླབས་པས། །དུས་ཐམས་ཅད་དུ་དོན་ཉིད་ལས་མི་འགྱུར་བར་བརྟན་པའི་སྤྱོད་པ་ཤུགས་ཀྱིས་འབྱུང་བ་ཅན། །བརྟན་ན་མི་འགྱུར་ཡུལ་ཤེས་པ་ལ་འདུས་ཏེ་དེ་ཁོ་ན་ཉིད་ལྷུན་གྲུབ་གྱི་ཚེ། །མཉམ་རྗེས་མེད་པར་བདེ་བ་ཆེན་པོ་དུས་ཐམས་ཅད་དུ་རིག་པས་བསྒྲུབ་སྟེ་འབྱུང་པར་བྱའོ། ༈ །དང་པོའི་ཡན་ལག་བདུན་བསྟན་པར་བྱ་བ་ནི། །གནས་དང་དཀྱིལ་འཁོར་དང་སློབ་དཔོན་དང་། །སློབ་མ་དག་དང་འཇུག་རིམ་དང་། །དུས་དང་འཇུག་པའི་ཡོན་ཏན་ནོ། ༈ །དང་པོ་རྣམ་པ་གཉིས་གསུངས་ཏེ། །གཞི་ཡི་གནས་དང་རྟེན་གྱི་གནས། ༈ །ཐམས་ཅད་ཀྱི་གནས་རང་རིག་སེམས་ཉིད་ཡིན་དེ། །རྒྱུ་དང་བྲལ་བའི་དངོས་གཞི་ཉིད། །བདེ་གཤེགས་རྒྱལ་བ་མ་ལུས་དང་། །རྒྱུད་དྲུག་སེམས་ཅན་ཐམས་ཅད་ཀྱི། །བཞུགས་གནས་རྨད་བྱུང་ཁྱད་པར་ཅན། །ཚད་དང་བྲལ་བའི་རིན་ཆེན་ཁང་། །མི་འགྱུར་རྡོ་རྗེ་རྒྱུ་ལས་བྱུང་། །རང་བྱུང་ཡེ་ཤེས་གཞལ་ཡས་ཁང་། །གི་ངོ་བོ་དང་། གནས་ཚུལ་ཉིད་གནས་ལ་གནས་པ་མེད། །དེ་ལས་བྱུང་ཞིང་གནས་དེ་རུ་ཀུན་འདུས་ཤིང་། ། དེ་ཉིད་ཀྱིས་ཁྱབ་པས་དེ་ཡི་རང་བཞིན་དུ་གནས། །དེའི་མིང་ནི་བྱང་ཆུབ་སེམས་ཉིད་བདེ་ཆེན་པོ། །རྨད་བྱུང་ཐིག་ལེའི་གནས་ཞེས་བྱའོ། ༈ །རྣལ་འབྱོར་པ་རྟེན་པའི་གནས་ངོ་བོ་ཁྱད་པར་ཅན་བསྟན་པར་བྱ་བ་སྟེ་གང་ཞེ་ན། །དོན་གྲུབ་རྡོ་རྗེའི་རིགས་ཅན་འདི། །དང་པོ་བདེ་བའི་གཞི་ཡིན་པས། །ཡེ་ཤེས་རྒྱུ་ལས་འབྱུང་བ་ཡི། །ཟ་མ་ཏོག་གི་རྒྱལ་མཚན་ནམ། །དཔག་ཕུག་རྡོ་རྗེའི་གདན་སྟེངས་སམ། །ཝཱ་ར་ཎ་སཱིའི་བསིལ་ཁང་ངམ། །དོན་གྲུབ་རིན་ཆེན་སུལ་མངས་སམ། །རྒྱ་ཕུག་ཀོ་ཤ་གླིང་ཕུག་གམ། །དོན་གྲུབ་བཀྲ་ཤིས་ཁང་བུ་རུ། །ཡེ་ཤེས་དགོས་ཆེད་དང་ཡོན་ཏན་བསྟན་པའི་ཕྱིར། སྟོབས་དང་རིག་པའི་བྱིན་རླབས་དང་། །བདེ་བའི་གནས་སུ་བདུད་རྩི་བཅུད་སྤེལ་བ། །རྣལ་འབྱོར་ཚེ་འཛིན་རིག་པའི་བྱིན་རླབས་སྟོང་། །དེས་ན་སྙིགས་མའི་རྒྱུ་ཅན་དང་པོ་དེ། །དགེ་ལྡན་རྣལ་འབྱོར་ཡིན་ན་རྟེན་གཞིར་གཟུང་། ༈ །ངོ་བོ་དཀྱིལ་འཁོར་རང་བྱུང་ཡེ་ཤེས་ཏེ། །མ་བཅོས་དངོས་གཞི་དཀྱིལ་འཁོར་ཉིད། །འབྲི་ཚུལ་ཐབས་ཆེན་ཡེ་ཤེས་རང་རིག་གསལ། །ཚད་མཁའ་ལྟར་ཁྱབ་པའི་བདེ་ཆེན་པོ། །ཡེ་ཤེས་དཔག་མེད་ཡོན་ཏན་གསལ། །ངེས་ཚིག་སྙིང་པོ་ལེན་པས་མཎྜ་ལ། །རང་ལ་རྫོགས་པས་ལྷུན་གྱིས་གྲུབ། ༈ །དེའི་ཡོན་ཏན་མ་སྤྲོས་པར་ཡོངས་སུ་རྒྱས་པས་ཁྱབ་ལ་ཡོན་ཏན་མ་བསྡུས་པར་རྫོགས་པར་ཆུབ། །ཇི་ལྟར་སྣང་བའི་ཆོས་ཐམས་ཅད་མ་བཅོས་པའི་ཐིག་ལེའི་འཁོར་དུ་བསྡུས་པས་སྙིང་པོའམ་གཙོ་བོའི་རྒྱན་ཏེ། །སྣོད་བཅུད་བསམ་བརྗོད་ལས་འདས་པས་ཐིག་ལེ་ཆེན་པོ་དེའི་ངོ་བོའོ། །དེ་ལས་མཚན་མ་དང་རྟོག་པ་ཅི་སྐྱེས་པ་སྐུ་གཟུགས་འབར་བ་དཔག་ཏུ་མེད་པར་སྣང་བའི་ལྷ་ཕྱོགས་མེད་པའི་གཞལ་ཡས་ཁང་མངའ་བ། །གདོད་ནས་ཆེ་བའི་བྱིན་རླབས་རྫོགས་པར་གྲུབ་པས་རབ་གནས་མི་དགོས་ཏེ་རྒྱས་སོ། །བདག་གཞན་ཐམས་ཅད་རང་བྱུང་ཡེ་ཤེས་ཀྱི་ངོ་བོར་གསལ་བ་ལས་མ་གཡོས་པས་དལ་དུ་མི་འཇུག་སྟེ་འབྱུང་བ་དང་འཇུག་པ་མེད། །སྣང་སྲིད་དལ་དུ་ཤར་བ་དེ་ཉིད་བདག་ཉིད་ཆེན་པོར་གསལ་བས་ཀཱ་ཝཱ་ཙིའི་དལ་བསྐྱེད་པ་མེད། །ངོ་བོ་ལ་རྒྱ་དང་དབྱིབས་དང་བྲལ་ཀྱང་རོལ་པའི་ངོ་བོ་རྒྱ་དབྱིབས་སུ་ཤར་བས་འདིར་ཡོངས་སུ་རྫོགས། ༈ །སྙིང་པོ་རང་བྱུང་གི་དལ་འདིར་ཕྲིན་ལས་བཞིའི་ངོ་བོ་རྫོགས་པར་བསྟན་པ་ཡོན་ཏན་ཐམས་ཅད་ལྷུན་གྱིས་གྲུབ་པས་གྲུ་བཞི་རྒྱས་པའི་ཡིན། །རང་རིག་ཡེ་ཤེས་ཆེན་པོ་ལ། །འཁོར་འདས་མ་ལུས་ཀུན་འདུས་པས་ཟླ་གམ་དབང་གི་དལ་རྫོགས་པ་ཡིན། །མཚན་མའི་རྟོག་པ་དང་བརྐམ་ཆགས་ཉོན་མོངས་པ་མ་ལུས་པ་འཇོམས་པས། །གྲུ་གསུམ་དྲག་པོའི་གཞལ་ཡས་རྫོགས་པ་ཡིན། །གནས་ལུགས་རྟོགས་པ་ལ་རང་བྱུང་དང་ཞེན་པའི་འཛིན་རྟོགས་སྤྲོས་པ་ངང་གིས་ཞི་བས། །ཞི་བ་ཆེན་པོའི་གཞལ་ཡས་རྫོགས་པ་ཡིན་ནོ། །ཡེ་ཤེས་འབར་བའི་ལམ་མེ་བ། །འི་ངོ་བོ་དང་རྟོགས་པའི་དུས་ན་དངོས་པོ་རང་རྒྱུད་པ་གསུམ་འཇོམས་པའི་ཁྲོ་བོ་ཆེན་པོའང་འདིར་རྫོགས་པ་ཡིན། །བཤད་ཅིང་ཤར་བའི་དལ་དེ་དག་ལྷང་ངེ་ལྷན་ནེ་འོད་དུ་ཞི། །བ་ཆེན་པོའང་རྫོགས་ལ་གཉིས་སུ་མེད་པར་ཐིམ་ཞིང་འདུས་པས་ཐིག་ལེའི་རང་བཞིན་ཅན། ༈ །རྡོ་རྗེ་ཉི་མའི་ལྷ་ཆེན་པོ། །འདི་ནི་རང་བཞིན་རྣལ་མ་ཡི། །དཀྱིལ་འཁོར་ཆེན་པོ་ཉིད་ཡིན་ཏེ། །དེ་ཉིད་ཁྲོ་དང་ཞི་བ་ལ་སོགས་པའི། །བཅོས་མར་གནས་པའི་དཀྱིལ་འཁོར་མཐའ་ཡས་མ་ལུས་པའི་དངོས་གཞིའམ་བདག་ཉིད་ཡིན་ནོ། །ཐེག་པ་མཐའ་ཡས་པའི་ལས་རྣམས་མ་ལུས་ཀུན་གྲུབ་པའི། །རྣལ་མའི་དཀྱིལ་འཁོར་ཆེན་པོ་རུ། །རྟོགས་ཤིང་དེ་རུ་ཞུགས་པ་མེད་པར་མངོན་གྲུབ་པའི། །རྣལ་མའི་སྦྱོར་བ་དམ་པ་བརྩམས་པ་ནི་དལ་ཐམས་ཅད་དུ་ཞུགས་པའོ། ༈ །དེ་ལྟར་དལ་ཆེན་པོའི་ངོ་བོར་ཐམས་ཅད་གནས་ཀྱང་དང་པོར་སེམས་དཔའི་རྣལ་འབྱོར་པས། །དངོས་བདེའི་བླ་མ་དམ་པའི་ཐབས་ཁྱད་པར་ཅན་ཀྱིས་མ་མཚོན་ན་མི་གྲོལ་ཏེ། །པེར་ན་རྒྱལ་པོ་ཕྲུ་གུ་དམངས་སུ་འཁྱམས་པ་བཞིན། །དུ་ཆོས་ཉིད་རང་གི་མཚན་ཉིད་མི་རྟོགས་སོ། །དེ་ཉིད་རྟོགས་པར་བྱ་ན་བདག་ཉིད་ནི་ཁམས་གསུམ་སྣང་སྲིད་འཁོར་བའི་རང་བཞིན་ཅན་དང་། །མྱ་ངན་འདས་པའི་བདག་ཉིད་ཡིན་དེ། །དེས་ན་འཁོར་འདས་མ་ལུས་པ་རྣལ་འབྱོར་པའི་ཤེས་པ་གཅིག་ཏུ་རྫོགས་པའི་འཁོར་ལོ་ཡིན་པར་དབང་གི་དུས་སུ་བསྟན་པའོ། །སྣང་སྲིད་ཐམས་ཅད་ཐུག་ཕྲད་གསུམ་གྱིས་བདག་ཉིད་ཀྱི་རིག་པ་ལ་སྐུ་གསུམ་རྫོགས་པའི་དཀྱིལ་འཁོར་བསྟན་པ་ནི། །ཀུན་གཞི་ནི་ཆོས་སྐུ་ཆེན་པོ་ཡིན། །ལོངས་སྤྱོད་རྫོགས་པ་ནི་གཞན་དང་མ་འདྲེས་པའི་མ་རིག་པ་ཉོན་ཡིད་དོ། །ཚོགས་དྲུག་ནི་སྤྲུལ་པའི་སྐུ་རྒྱ་ཆེན་པོའི། །ཐུན་མོང་ཐེག་པ་དང་ཐ་མལ་གྱི་བརྐམ་ཆགས་ཉོན་མོངས་པ་ལྔ་ཉིད་རིགས་ལྔ་ཡིན་ཏེ་དེ་ཡང་དབང་གི་དུས་སུ། །སྙིང་གི་པདྨ་རྣམ་ཤེས་ཆོས་སྐུའི་སྙིང་པོ་གཅིག་ཉིད་དུ་བསྟིམས་པས་བདག་ཉིད་ཀྱི་རྟོགས་པ་ཡང་ཐིག་ལེ་ཉག་གཅིག་ཏུ་འཆར། །མདོར་ན་ཤེས་པའི་བྱེ་བྲག་དྲན་རྟོག་ཅི་སྐྱེས་ནམ་མཁའ་ལྟར་མཐའ་ཡས་པ་ཐམས་ཅད་འཁོར་བ་དོང་སྤྲུགས་ཀྱི་མན་ངག་ཆུའི་ཆུ་བུར་ལྟར་བསྟན། །རྒྱལ་བའི་རྡུལ་སྙེད་འཇིག་རྟེན་སྒྲོན། །ཙིཏྟ་དེ་ཉིད་རྟོགས་པའི་སེམས་ཉིད་རིན་ཆེན་དཀྱིལ་འཁོར་མཐའ་དབུས་དང་བྲལ་བ་ནི། །འོག་མིན་གནས་ཆེན་མུ་མཐའ་ཡས། པ་ཡིན། རྟོགས་ན་སྒྲ་སྐད་མ་ལུས་པའི་རྣམ་པ་ཡང་། །མི་ཟད་རྒྱན་གྱི་འཁོར་ལོའི་གསུང་དུ་གསལ་ལ། །གཟུགས་མཆོག་ཐམས་ཅད་སྐུ་ཡི་དཀྱིལ་འཁོར་དུ་གསལ་བར་རྫོགས། །དྲན་རྟོག་སེམས་ཀྱི་རྒྱུ་བ་ཀུན། །མི་ཟད་རྒྱན་གྱི་འཁོར་ལོའི་ཐུགས་སུ་གསལ་བ་ཡིན་ལ་མ་རྟོགས་པ་ལ་ཚིག་གིས་དེ་ལྟར་དུ་བསྟན་པའོ། །དེ་ལྟར་རྟོགས་པས་སྣོད་བཅུད་དྲན་རིག་ཐམས་ཅད་ཡེ་ཤེས་དཀྱིལ་འཁོར་ཡིན། །རབ་འབྱམས་རྨད་བྱུང་དཀྱིལ་འཁོར་མཆོག །དུས་གསུམ་ཁམས་གསུམ་འཁོར་བའི་རང་བཞིན་ནམ་མཚན་ཉིད་ཅན་ཡིན་ཏེ་བཤད་པ་བཞིན་མ་རྟོགས་པས། །བརྐམ་ཆགས་ཉོན་མོངས་པ་དྲུག་གི་མཚན་ཉིད་དུ་ཞེན་པ་ནི། །རྒྱུད་དྲུག་འཁོར་བར་གནས་པའི་སེམས་ཅན་ཡིན་ཏེ། །སྙིང་ཆོས་ཀྱི་འཁོར་ལོའི་རྩ་ནི་རིགས་དྲུག་གི་ས་བོན་དྲུག་གི་བདག་ཉིད་ཅན་དུ་གནས་སོ། །ཙིཏྟའི་འཁོར་ལོ་རིན་པོ་ཆེ་དེ་རང་བཞིན་གྱིས། །ཟག་པ་ཟད་པས་མྱ་ངན་ལས་འདས་པའི་མཚན་ཉིད་དེ། །སྤྱི་བོ་ནས་རྩ་གཡས། གཡོན། དབུས་གསུམ་དུ་འདུས་པའི་དྷརྨ་ཙཀྲའི་ལྟེ་བར་འདུས་པ་ནི་མི་ཤིགས་པའི་ཐིག་ལེ་དྭངས་མ་ལྔ་འདུས་སུ་གཅིག །ཆོས་ཉིད། ཡོན་ཏན། ཡེ་ཤེས། རང་རྒྱུད་རྩ་བཞི་ཐིག་ལེ་དྭངས་སྙིགས་གཉིས་གར་བཅས་པ་ནི། །དྭངས་མ་ལྔའི་ཐིག་ལེ་དག་ཡེ་ཤེས་ལྔ་ཡི་ཐིག་ལེ་སེམས། །ཡན་ལག་གི་རྩ་བརྒྱད་ཀྱི་གོང་མ་ལས་གྱེས་པའི་ཐིག་ལེ་ཟག་བཅས་ཟག་མེད་གཉིས་ཀྱི་རང་བཞིན་ཏེ་ཐུན་མོང་ཁྱད་པར་གྱི་མངོན་ཤེས་སུ་འགྱུར་མ་རྟོགས་ན་དྭངས་སྙིགས་འདྲེས་པས། །ཁྱད་པར་ཐ་མལ་པའི་དབང་པོ་དྲུག་པོའི་ལམ་དང་འབྲེལ་དྭངས་མ་དང་བྲལ་ན་དབང་པོ་མ་ཚང་བར་འགྱུར། །ཡུལ་སྣ་ཚོགས་འདི་རྣམས་ཀྱང་ཐབས་ཀྱི་ཟིན་ན་རང་གི་བདེ་བའི་ཐེག་ལེ་ལས། །འདུ་མ་ཟིན་ན་དྭངས་མ་ཡུལ་ཕྱི་ཤེས་པ་ནང་གི་མཚན་ཉིད་ཐ་དད་ཅན་དུ་སྣང་ཡང་། །ནམ་མཁའི་ཁམས་ལྟ་བུ་འཆར་བ་དེ་ཉིད་ཀྱིས་ཕྱེ་བ་ཡིན། །ཏེ་དེ་ཡང་ཡེ་ཤེས་གཉིས་མེད་བདེ་བའི་ཐིག་ལེའི་ངང་དུ་འདུས། །སྙིང་གི་དབུས་ཀྱི་རྩ་མདུད་ཀྱི་ཐིག་ལེ་དབྱིབས་ཟླུམ་པོར་གནས་པ་ཡི། །འདབ་མ་ཕྱོགས་མཚམས་བརྒྱད་དུ་གྱེས་པའི། ཀྱི་བདུད་སྒོ་ཁ་ཅིག་ན། །འཁོར་བའི་ས་བོན་དྲུག་དང་ཐུགས་ཧཱུྃ་ཨཱཿགསུང་ཨཱོཾ་སྐུ། །འདས་པ་སྐྱེད་པར་བྱེད་དེ་ཁ་ཅིག་ལ་གཉིད་གནས། ཐིག་ལེ་དེ་གཉིས་ཀྱིས་ཁྱབ་པས་སོ་སོའི་ནུས་པ་མི་བསླུ་བ་ཅན། །དབུས་ཀྱི་ཐིག་ལེ་ན་ཀུན་གཞི་དང་མི་གཡོ་བའི་རླུང་གནས་ཏེ་གཞན་དུ་མི་རྒྱུ་བས་མི་འགྱུར་བ་སྟེ་གལ་ཏེ་འགྱུར་ན་ཚེའི་དུས་བྱེད་པར་འགྱུར་རོ། །དེ་ནི་ཡི་གེ་ཐུང་ངུ་ཨ་མི་གཡོ་བ་ཡི་རང་བཞིན་དུ་གནས་པ་ལ་འཕོ་བའི་ཚེ་ཕྱིར་འབྱུང་བ་ཡིན་ནོ། །རྩ་བཅུད་དུ་བཅས་པ་དེ་དང་འབྲེལ་ཏེ་འཕྲོས་བའི་ཐིག་ལེ་བརྒྱད། །དབུས་སུ་ཐབས་ཀྱིས་བསྡུས་ཤིང་བལྟས་པས་རང་བྱུང་གི་ཡེ་ཤེས་ནམ་མཁའི་གཟུགས་སུ་ཐམས་ཅད་སྐྱེ་བས་བདེ་བའི་བཅུད། །དེ་ཉིད་སྤྲོས་པ་མེད་པའི་ཐིག་ལེ་རུ་འཁྱིལ་ཅིང་འདུས་བའི་ཚུལ་དུ་གནས། །སྙིང་གི་རྩ་བརྒྱད་འདུས་པའི་རྩེ་མོ་ནི་འཁོར་ལོ། །ལྟར་ཟླུམ་པོར་གནས་ཏེ་དབྱིབས་ཀྱི་དཔེ་གཉེ་མ་འཁྱིལ་བའི་ཚུལ་བཞིན་དུ་རིམ་པར་འཁྱིལ་ཏེ། །མངོན་ཤེས་ལྔ་དང་དབང་པོ་དྭངས་མ་ལྔ་དང་འབྲེལ་ཐོབ་བྱ་འབྲས་བུའི་དུས་སུ་དྭངས་མའི་བཅུད་དང་འབྲེལ་བ་ཆོས་སྐུ། །རྟོགས་ན་བདེ་གཤེགས་འབྲས་བུ་ལྷུན་གྲུབ་ཀྱི་དཀྱིལ་འཁོར་བརྗོད་པ་ལས་འདས་པ་སྤྲུལ་སྐུ། །བདེ་ཆེན་གྱི་རྩ་སོ་གཉིས་གནས་པ་མཚན་དང་ལྷག་མ་རྣམས་ལ་གྱ་བརྒྱད་དཔེ་བྱད་རང་བཞིན་རྫོགས་པ་ལོངས་སྐུའོ། ༈ །ལྟེེ་བ་སྤྲུལ་པའི་འཁོར་བ་གནས་ཚུལ་འཁོར་ལོ་གཟུགས་ཁམས་ཏེ། །མཐའ་ནས་འདུས་པའི་དབུས་ཀྱི་ཐིག་ལེའི་མིང་རྒོད་མའི་ཁའོ། །སྙིང་ག་ལ་སྤྱི་བོ་གཏད་ནས་སྦྲུལ་ལམ་གཉེ་མ་ལྟ་བུ་འཁྱིལ་བའི་གཟུགས། །སྤྱིར་འཁོར་ལོ་རེ་རེ་ལ་ཐིག་ལེ་ཨ་ཝ་དྷུ་ཏི་ལ་བརྒྱུས་པའི་ཚུལ་དུ་ཐིག་ལེ་བཞི་བཞི་བཅུ་དྲུག་གནས་པས་དགའ་བ་བཅུ་དྲུག་གནས་ཏེ་འོག་འོག་སྡུད་ཅིང་འདྲེན་པས་དང་ཡང་དག་འབྲེལ། །ཏེ་ཆེ་ལོང་དུ་བཞིའོ། །ཐབས་ཀྱིས་ཟིན་ན། དངོས་འཛིན་འདི་དག་སྒྱུ་མ་ཟག་པ་མེད་པའི་བདེ་བའི་རོས་གང་བར་སྣང་ངོ་། །དེས་ན་ཐབས་མཁས་པས་ཡང་དག་པའི་བདེ་བར་འཆར་བས་སྤྱད་པར་བྱའོ། །ཐབས་ལ་མི་མཁས་ན་མུ་སྟེགས་དང་མངལ་གྱི་གྲོང་ཁྱེར་དུ་འགྱུར་རོ། །སྙིང་ཁའི་རྩ་བཞི་འབྲེལ་པའི་དབུས་མི་ཤིགས་པའི་ཐིག་ལེ་དྭངས་མ་ལྔའི་བཅུད་དང་འབྲེལ་ཏེ། །ཐབས་ཀྱིས་མ་ཟིན་པར་བསྒོམས་ན་འབྲས་བུ་བསམ་གཏན་བཞི་ཡི་དགའ་བདེ་བར་འགྱུར་རྟོགས་ན་ཡེ་ཤེས་ཀྱི་ཟག་མེད་འཆར་བ་ཅན། །ཐིག་ལེའི་ཕྱི་རོལ་གོང་ལྟར་འཁོར་ལོ་རྩིབས་བརྒྱད་ཅན། །ཐིག་ལེ་ཐབས་ཀྱིས་མངོན་དུ་བྱས་ན་དགའ་བ་བཅུ་དྲུག་དེ་དང་འབྲེལ་ཅིང་ཉམས་སུ་མྱོང་བའོ། །འཇུག་པའི་དང་པོ་མེ་རླུང་གཉིས་ནི་རྟེན་མ་ཡིན། ། བཞི་པ་དང་བཞི་སྟེ་བཅུ་དྲུག་ནི་ལོངས་སྤྱོད་ཀྱི་འཁོར་ལོ་འདོད་པ་ཡི་ལོངས་སྤྱོད། །ཐུན་མོང་གི་བདེ་བ་ཉིད་ལ་སྤྱོད་པའི་རྟེན་ཡིན་ནོ། །ཆོས་སྤྲུལ་གཉིས་ནི་ཟག་མེད་ཀྱི་བདེ་བ་སྐྱེད་པས་རིན་ཆེན་འཛེད་འགེངས་སྒྱིལ་བས་རྫིང་གི་འགྲམ་ནི་རྩ་གཡས་གཡོན། །རྩ་གསུམ་གཅིག་ཏུ་འདུས་ནས་བརྒྱུད་པའི་མདུད་པའི་མཚན་ཏེ་མེ་ཡི་འཁོར་ལོ་ལ་རེག་པས་འགྲམ། །ཐིག་ལེ་གཡས་གཡོན་གཉིས་ནི་དབུས་ཀྱི་རྩ་ལ་འདུས་པས་རྩ་གཉིས་ལ་སྒོ་མེད་པ་ཡིན། །འགྲོ་བའི་རྒྱུད་རྣམས་ཀུན་གྱི་ཐུན་མོང་གི་བདེ་བ་དང་ཐུན་མིན་གྱི། ། བདེ་བ་ཐམས་ཅད་མྱོང་བར་བྱ་བ་ཡིན། །ཐབས་ཤེས་གཉིས་ཀ་ལ་གཡས་གཡོན་དབུས་ཀྱི་རྩ་ལ་འདུས་པའི་ཐིག་ལེ་བདེ་བའི་མཆོག །མགྲིན་པ་ལོངས་སྤྱོད་འདབ་མ་བཅུ་དྲུག་གི་གཅིག་ལྕེ་སྟེ་དེས་རོ་ལ་ལོངས་སྤྱོད་པར་བྱེད། དེ་ཡང་དབུས་སུ་འདུས་པའི་བདེ་བ་རྩེ་ཡིས་ཟིན། །སྙིང་ཆོས་ཀྱི་འཁོར་ལོའི་ཐིག་ལེ་བརྒྱད་དྭངས་མ་བཞིར་འདུས་ཏེ་དང་པོ་བདེ་བ་ཆེན་པོར་བཅུད། །དུ་འབྲེལ་ཏེ་དེ་ཉིད་རྩ་གཡས་གཡོན་གཉིས་སུ་འཁྱིལ་ཅིང་དབུ་མ་ལ་ཐིམ་ནས་འོག་ཏུ་འཛག་པའི་རྩའོ། །ཐིག་ལེ་འཁྱིལ་པ་ནི་འཁོར་ལོ་བཞི་རུ་དགའ་བཞི་རོལ་ཅིང་གནས་ཏེ། །སྤྱི་བོ་བདེ་བ་ཆེན་གྱི་པོ་འཁོར་ལོ་བདེ་བས། གང་ནས་འཛག་པ་ལྟར་འོག་མ་ཡང་གང་ཞིག་འཛག །བདེ་བ་འཁོར་ལོ་ཁྱབ་པ་དང་གྱེན་དུ་བཟློག་སྟེ་སྒོར་ཕྱིན་པ་དང་རྩ་གསུམ་དང་ལུས་བདེ་བས་རྒྱས། །བདེ་བའི་རྩའི་རླུང་གི་ཤེས་པའི་དྭངས་མ་རྣམས་མི་ཕྱེད་པས་རང་བྱུང་བདེ་བས་རྒྱས་བཏབ་སྟེ། །རླུང་དང་རིམ་པར་ཡེ་ཤེས་ལ་ཐིམ་ཟག་པ་མེད་པས་དྭངས་མའི་བཅུད་དེ། །འདྲེས་པས་ཉམས་སུ་མྱོང་བ་ནི་རྡོ་རྗེ་གཉེ་མའི་ཚུལ། །དུ་ཐིག་ལེར་འཁྱིལ་ནས་རྒྱུ་བ་མེད་པའི་ཐིག་ལེ་བདེ་བ་སྐྱེ་འགག་མེད་པའི་རོས་གང་ནས་རྒྱུན་དུ་གནས་པ་ན། །ཁམས་གསུམ་ཡེ་ཤེས་ཆེན་པོར་འཆར་སྟེ། །རླུང་ཁྲག་གི་ནད་ཀྱིས་ཟིན་པའི་ཤེས་པའི་ཕྱི་རོལ་ཚུལ་བཞིན་དུ་ངེས་པར་འགྲེལ་པའི་གཅིག་འགྱུར། །མཉམ་རྗེས་མེད་པར་ཇི་བཞིན་གསལ་བའི་ཀླུངས་སུ་ཡན་ཐུབ་པས་ཕེབས་པ་ཡིན། །ཏིང་ངེ་ལས་སུ་རུང་བ་ལ་བར་ཆོད་རྐྱེན་རྣམས་དང་བྲལ་བ་ཡིན་ནོ། །མགྲིན་པ་ལོངས་སྤྱོད་འཁོར་ལོ་འདོད་པའི་རོ་ལ་རྒྱུན་དུ་སྤྱོད་པས་འདོད་པའི་ཁམས། །ཀླད་པ་བདེ་བ་ཆེན་པོ་ནི་གཟུགས་མེད་པའི་ཁམས་ཏེ། །ཅིས་ན་ལུས་བདེ་བས་ཁྱབ་ཅིང་བདེ་བའི་དངོས་པོ་མེད་པའི་སྙིང་པོ་ཅན། །དེས་ན་ཐུན་མོང་དང་ཁྱད་པར་གྱི་བདེ་བ་འབྱུང་བའི་རྒྱུ་ཡི་མཆོག་སྟེ་སྐྱེད་པ་དང་ཁྱབ་པ་དང་མི་རྟོག་པའོ། །ལོངས་སྤྱོད་བདེ་བའི་ནམ་མཁའ་ལྟར་ཁྱབ་ཅིང་དེར་འདུས་པས་ཐིག་ལེ་ཅན། །རྣམ་དག་ཆོས་སྐུ་འདུས་མ་བྱས་པའི་རང་བཞིན་ཡིན། །འཁོར་འདས་གཉིས་ཀ་རང་རིག་བདེ་བ་ཆེན་པོར་སྣང་ལ། །གསང་བའི་ཐབས་ཀྱི་ངེས་པ་ལ་རྒྱུད་དྲུག་གི་གནས་དང་ལོངས་སྤྱོད་གནས་ལ་སོགས་པ་དོར་དུ་མེད་པར་རྟོགས་པས། །མྱ་ངན་འདས་པའི་སྐུ་གསུང་ཐུགས། །གཞན་དུ་རེ་བ་མེད་དེ་སྣང་སྲིད་མ་ལུས་རྫོགས་པ་བདེ་བ་ཆེན་པོའི་དཀྱིལ་འཁོར་ཡིན་པའི་ཕྱིར་རོ་ཏེ། ༈ །ཡུལ་མ་གྲུབ་བ་ལ་རང་གིས་བསམ་པའི་སྦྱོར་བའི་ཏིང་འཛིན་ཏེ་རྟོགས་པའི་ཡུལ། །བསྐྱེད་པ་དང་མཐུན་པར་ཡེ་ཤེས་ཀྱི་དལ་སྤྱན་དྲང་མོས་པའི་ནི་མངོན་དུ་སྣང་བ་མེད་པས་ཡིད་སྨོན་ཡིན། །རང་གི་རྟོག་པའི་བློ་ཡིས་དེ་དག་འདྲེས་པར་བརྟགས་པས་སྦྱོར་བ་རྟོག་པ་ཡིན་སྟེ། །དེས་ན་བཅོས་མའི་ཐབས་ཀྱིས་སྦྱོར་བ་ཡིན། །ཏེ་རྣལ་མ་དང་མི་མཐུན་པས་ཇི་བཞིན་དངོས་ལ་མི་འཇུག་པར། །བཅོས་མའི་བརྙན་མ་མངོན་དུ་བྱེད་པ་ལ། །ཡང་དག་པའི་ལམ་གྱི་དོན་ལ་དམིགས་ནས་འཇུག་བྱེད་དང་། །དཔེར་ན་སྤྲེའུ་རྣལ་མ་དང་སྤྲེ་འབག་བཅོས་མ་བཞིན། །རྟོག་པ་དེ་ཡིས་དངོས་པོ་རྣལ་མ་དེ་ཡི་དོན་མི་འགྲུབ། །དེས་ན་བཅོས་མའི་དཀྱིལ་འཁོར་དེ་ཤེས་ནས་མི་འཇུག་པར་སྤང་བར་བྱའོ། ༈ །བསྟན་པའི་རྗེས་ཐོག་དེ་ནས་རང་གི་སེམས་ཉིད་ཡུལ་དྲུག་ཏུ་བྱུང་རྫོགས་ཆེན་གྱི་དཀྱིལ་འཁོར་འདི། །མ་བཅོས་པ་ཇི་བཞིན་མངོན་སུམ་དུ་ཤར་བ་ཁོ་ན་བས། །ཀྱང་མི་གྲོལ་བས་རྣ་བརྒྱུད་ཀྱི་མན་ངག་འདི་ལ་སྔར་གཤེགས་པའི་རྣལ་འབྱོར་པས་དེ་བཞིན་དུ་ཤིན་ཏུའང་ནན་ཏན་བྱའོ། །གང་ལ་བྱ་ན་ཁ་དོག་བཀྲ་ཞིང་དབྱིབས་གསལ་བའི་གཟུགས་༡དང་བརྗོད་པ་དང་བྲལ་བ་ཉིད་ཟིན་མ་ཟིན་གཉིས་ཀའི་སྒྲར་༢སྣང་། །དངོས་པོ་བྲལ་ཏེ་རང་བཞིན་མེད་པ་ཉིད་ཞིམ་པ་དང་ང་བ་དང་དེ་ལས་གཞན་པའི་༣དྲི། །མུ་ཁའི་ལྕེ་སྟེ་རོ་དྲུག་མ་བཅོས་པའི་ཐིག་ལེ་དབྱིངས་ལས་ཤར་ཀྱང་དེ་ཉིད་ཀྱི་༤ངང་། །རེག་བྱ་འཇམ་རྩུབ་ལ་སོགས་པ་སྣ་ཚོགས་ཐིག་ལེ་ལས་ཤར་བས་དབྱིངས་ཉིད་འདུས་པས་བྷ་གའི་སེལ་མེད་པས་༥ཀློང་། །དྲན་རིག་སྣ་ཚོགས་དེ་ཉིད་ལ་འཆར་ཞིང་དེ་ཉིད་ལ་ཀུན་འདུས་༦པའི་ཆོས་སོ་ཅོག་དེ་དག་བདེ་བ་ཆེན་པོའི་དཀྱིལ་འཁོར་ཏེ་གྲངས་ནི་རྩ་བ་དྲུག །དྲུག་ཏུ་སྣང་ཡང་བདེ་བ་ཆེན་པོ་ཕྱོགས་རིས་མེད་པ་གཅིག་གི་ངང་། །དེ་དག་ཏུ་ཞུགས་ཤིང་རྟོགས་ན་རང་བྱུང་གི་ཡེ་ཤེས་མུ་མཐའ་མེད་པར་འཇུག །དལ་དེ་ཡང་ཁ་ཅིག་ལྟར་བྲིས་པའམ་བསྐྱེད་པ་མིན་པས་འདི་ནི་རང་བཞིན་མ་བཅོས་པའི་དཀྱིལ་འཁོར་རང་གཞག་ཡིན་པའོ། ༈ །འདི་ལ་ཕྱི་ནང་གི་འམ། བརྡ་དོན་འབྲེལ་བ་དང་། རང་རིག་མཆོག་གི་སློབ་དཔོན་རྣམ་པ་གཉིས་ཏེ། ༈ །སྣང་སྲིད་བརྡ་རུ་གནས་པ་ནི་དོན་དེ་ཁོ་ན་ཉིད་དུ་རང་གྲོལ་ནས་གཞན་འགྲོལ་བར་བྱེད་བའི་སློབ་དཔོན་ནི། །ཟབ་མོ་རྟོགས་པའི་ཤེས་རབ་མཆོག་དང་ལྡན་ཐུན་མིན་གྱི་ཏིང་ངེ་འཛིན་ཐོབ་པ། །ཉན་རང་ལ་སོགས་པའི་ལྟ་སྤྱོད་དམན་པའི་བློ་སྤངས་ཁྱད་པར་འདིའི་ལྟ་སྒོམ་ཀུན་ཤེས་པའི་བློ་ཅན། །བསྟན་པ་མ་ལུས་པའི་བཅུད་ཕྱུང་བས་རྩོལ་བའི་ཐེག་པ ས་མ་རེག་པས་ཐེག་པའི་ཡང་ཐོག་ལ། །བདེ་གཤེགས་སྲས་བྱང་སེམས་རིག་འཛིན་དང་བཅས་པ་དང་འབྲས་བུ་དམན་པའི་སངས་རྒྱས་ཀྱང་། །སྤྱི་བླུགས་ཀྱི་དབང་འདི་ལ་རེ་ཐག་ལས་ཤིང་ཡོན་ཏན་ལྡན་ཡང་མི་རྟོག་ཅིང་འགྲོ་བ་ལ་ཐུགས་བརྩེ་བ། །ནང་གི་ཉོན་མོངས་པ་དང་ལྷ་མིའི་དྲི་མ་ཐམས་ཅད་སྤངས་ཏེ་གཉིས་འཛིན་བྲལ་པས་འཇིག་རྟེན་གྲགས་པའི་ཆོས་བརྒྱད་སྤངས། །སྔོན་ཐེག་པ་ཀུན་ལ་སྦྱངས་པ་དང་སྨོན་ལམ་བཏབ་པ་དང་ལམ་མ་ནོར་བར་དག་པས་བཀའ་མཐའ་དག་གི་མངའ་བདག་ཅན། །ཤེས་རབ་༡དང་དད་༢པ་དང་ལྡན་ཞིང་ཐུན་མོང་ཁྱད་པར་གྱི་བརྩོན་འགྲུས་ཁྱད་པར་དུ་འཕགས། །མ་ནོར་དོན་རྟོགས་བརྒྱུད་པ་གསུམ་གྱི་གདུང་རྒྱུད་རྡོ་རྗེ་ཟམ་པ་མ་ཆད་པ། །སྣོད་གང་དང་ལྡན་རྟོག་ཅིང་གཞན་གང་གིས་འདུལ་གྱི་སེམས་དེའི་ཚོད་ཤེས་པ། །རབ་འབྲིང་ཐ་མའི་བློ་ཅན་ལ། །མཐུན་པར་གསང་བསྒྲགས་གཞན་དུ་མིན། །ཞེའོ། །སྣོད་ལྡན་ལ་བཅུད་མཆོག་ཏུ་སྦྱིན་པར་བྱེད་པ་ཐུགས་རྗེའི་མངའ་བདག །ཡོན་ཏན་འདི་འདྲའི་བླ་མ་ཁྱད་པར་ཅན་དད་པ་ལ་སོགས་པས་རྗེས་སུ་བཟུང་བར་བྱས་ཏེ། །དཀའ་བར་གྱུར་ཀྱང་གཟུང་བའི་ཚད་སྲོག་ལུས་བྲལ་ཡང་བླ་མ་ཡིད་ཀྱིས་གཟུང་། །ཅིས་ན། དེ་ལྟར་འཛིན་པའི་སློབ་བུ་ནི་རྒྱལ་བའི་སྲས་ཆེན་ཆོས་ཀྱི་རྒྱལ་ཚབ་ཡིན་པའི་ཕྱིར་རོ། །མ་ནོར་དོན་གྱི་བླ་མ་ནི། །རང་གི་སེམས་ཉིད་ནི་དུས་གསུམ་གྱི་སངས་རྒྱས་དང་སློབ་དཔོན་དུ་འཆར་ཞིང་རྟོགས་པ་ལ་རག་ལུས་པས་ཀུན་གྱི་བདག་ཉིད་དོ། །དེས་ན་ཐམས་ཅད་རང་རིག་ཏུ་སྣང་ཞིང་འདུས་པས་རྒྱལ་པོ་བས། །དེ་ཉིད་རྟོགས་ན་སངས་རྒྱས་མ་རྟོགས་ན་སེམས་ཅན་ཀུན་གྱི་དངོས། །རྟོག་པ་སྔ་མའི་རྗེས་སུ་ཕྱི་མ་འཇུག་པས་རྡོ་རྗེ་སློབ་དཔོན་འབད་རྩོལ་མེད་པར་ཆེ་བའི་ཡོན་ཏན་རྫོགས་པས་རིན་ཆེན་བདག །སེམས་ཉིད་མ་རྟོགས་ན་འཚང་མི་རྒྱ་བས་རྒྱལ་བ་ཀུན་གྱི་བླ་མ་ནི། །དེ་ཉིད་ཐམས་ཅད་དུ་སྣང་བས་ཀུན་བྱེད་རྒྱལ་པོ་ཞེས་གྲགས་པས་རང་རིག་ཡེ་ཤེས་ཆེན་པོ་ཡིན། །རང་སེམས་འདི་ནི་དུས་གསུམ་གྱི་སངས་རྒྱས་ཐམས་ཅད་ཀྱིས། །ཐོག་མཐའ་མེད་པར་མཆོག་ཏུ་བཀུར་ཞིང་མ་ཡེངས་པར་རྗེས་སུ་གཟུང་། །རང་རིག་ཡེ་ཤེས་ཀྱི་དབང་དུ་མ་གྱུར་པ་མེད་པས་རྒྱལ་པོ་འདི། །ཆོས་ཐམས་ཅད་གསང་སྔགས་ཡིན་ཏེ་མེད་ལ་མི་ཟད་པ་མངའ་བས་གཏེར་གྱི་མཛོད་འཛིན་ཅིང་། །བསྟན་པ་རྒྱ་མཚོ་ཆོས་ཀྱི་ཕུང་པོ་སྒྲ་དང་བྲལ་བར་ཉམས་ཀྱིས་སྒྲོགས་པའི་བདག །གཅིག་རྟོགས་པས་ཀུན་རྟོགས་པས་མན་ངག་རིན་ཆེན་གཏེར་གྱི་བདག །རང་བཞིན་ཆེད་དུ་བྱས་པ་ལྟོས་པའི་མུན་པ་སེལ་བས་ཡེ་ཤེས་སྒྲོན་མ་ལྷམ་མེ་བ། །དེའི་ཕྱིར་འཇིག་རྟེན་ཐེག་བརྒྱད་དང་དྲན་རྟོག་ཀུན་གྱི་བཅོས་མ་དང་རྣལ་མས་ཇི་ལྟ་བར་སྟོན་པ་པོ། །བླ་མ་རྡོ་རྗེ་རིན་ཆེན་སེམས། །ཡིན་པས་མ་བཅོས་པའི་སློབ་མ་ལ་མ་བཅོས་དོན་ཉིད་སྟོན་པ་ཡི། །བླ་མ་རང་ཉིད་སངས་རྒྱས་དེར་ཤར་བས་ཀུན་གྱི་དངོས། །དེ་དང་མ་ལྡན་ན་ཕྱིའི་སློབ་དཔོན་གྱི་ཇི་ལྟ་བར་བསྟན་ཀྱང་མི་གྲོལ་བས་རྡོ་རྗེ་སློབ་དཔོན་དམ་པ་ཡིན། ༈ །སློབ་མ་ཇི་ལྟར་འདོད་པ་ལྟར་སྨིན་པས་རིན་ཆེན་སེམས་ཀྱི་རང་བཞིན་རྟོགས་པས། །ཆོས་ཀུན་གྱི་རང་བཞིན་ཕྱོགས་མེད་པར་འཆར་ལ་དངོས་པོའི་དེ་ཁོ་ན་ཉིད། །ཕྱིན་ཅི་ལོག་དེ་ཉིད་རང་བྱུང་རྒྱལ་པོ་དེ་ཡི་ཕྱག་རྒྱ་ཅན་ནོ། །རྡོ་རྗེ་ཟམ་པ་མ་ཆད་པ་དེ་ཡི་བཅོས་མ་དང་རྣལ་མ་དབང་གིས་བརྡ་བྲལ་གྱི་དོན་དེ་ཐོབ་ཅིང་། །འཁོར་འདས་ཐམས་ཅད་དེར་འདུས་སངས་རྒྱས་ཀྱི་ཡོན་ཏན་དེ་ལ་རག་ལས་པས། །ཇི་སྙེད་པའི་རྣམ་རིག་དེ་དག་ཐིག་ལེ་ཆེན་པོ་དེ་ཡི་རིགས་ལས་བྱུང་། །དབང་འདིས་ཟིན་ན་བརྐམ་ཆགས་ཉོན་མོངས་པ་དྲུག་ལྡན་མངལ་སོགས་སྐྱེ་བ་བཞི་པོ་དེ་དག་ཡེ་ཤེས་ཆེན་པོའི་བདག་ཉིད། །དེ་ལྟར་རྟོགས་ན་སྤྱོད་ཡུལ་རྣམ་པར་དག་པ་བདེ་བ་ཆེན་པོ་ལམ་འབྲས་བུ་ཐོབ་པ་དང་གཞན་དོན་བཅས། །རྟོགས་པའི་དུས་ན་ཐམས་ཅད་སེམས་ཉིད་བདེ་ཆེན་དེ་བདག་ཉིད། །ཐུན་མོང་གི་སྤྱོད་ཡུལ་ཡང་སེམས་ཀྱི་རང་བཞིན་ཅན། །སློབ་དཔོན་དང་སློབ་མ་དོན་གཅིག་པ་ལས་སྐྱེ་མེད་རྡོ་རྗེའི་ཐེག་པ་ལ་འཇུག་པ་ལ་གེགས་མེད་པས་རིགས་ཅན་དེ། །རིག་པ་གདོད་ནས་ལྷུན་གྲུབ་གསུམ་དུ་རང་སྣང་ཞིང་གཞན་ལའང་སྟོན་པའི་བླ་མའི་རང་བཞིན་ཏེ། །སློབ་དཔོན་དེ་ཡི་བཀའ་རྟགས་སྐུ་གསུང་ཐུགས་རྡོ་རྗེའི་རང་བཞིན་ཅན། །རྟོག་པ་ཐམས་ཅད་རྟོགས་པ་ལས་མ་འདས་ཤིང་མི་གཏོང་བས་མི་འགྱུར་རྡོ་རྗེ་དབྱིངས། །དེ་ལྟར་བསྟན་པ་དེས་ན་སློབ་མ་བར་ཆད་མེད་ཅིང་འཇིགས་པ་དང་བྲལ་བས་རྡོ་རྗེའི་བུ། །རིགས་སུ་ངེས་པའི་བཀའ་རྟགས་ཡིན། །འཁོར་འདས་ཐམས་ཅད་སློབ་མ་རྟོག་པའི་རྗེས་སུ་འབྲང་བས་རྡོ་རྗེ་ཉིད། །ཇི་ལྟར་བསྟན་པ་དེ་ཉིད་བླ་མ་དང་ཐ་མི་དད་པས་རྡོ་རྗེའི་སྟོབས། །དཔོན་སློབ་གཉིས་ཀའི་ངོ་བོ་རྡོ་རྗེ་ངང་ཉིད་རྟོགས་པ་སྐྱེ་མེད་རྡོ་རྗེ་ཉིད་གཅིག །དེ་ལྟ་བུའི་རང་བཞིན་རྡོ་རྗེ་ཡེ་ཤེས་དེ་ནམ་མཁའ་ལྟར་ཁྱབ་ཅིང་གདལ་བས། །དེས་ན་རྡོ་རྗེ་ལྷུན་གྲུབ་པའོ། ༈ །ཐབས་རྣམས་ཀྱིས་བརྟགས་པས་བློ་ཆེ་ཆུང་ཡི་རིམ་པའི་རྣལ་འབྱོར་རིག་ཅིང་རྟོགས་པ་ཅན། །དེ་ཉིད་མ་བཅོས་པའི་མན་ངག་ཏུ་སྡུད་དང་ཐེག་པ་སོ་སོར་འཐོར་བའི་ལུང་ལ་བློ་སྦྱངས་པ་ཡི། །སྒྲ་ཙམ་མིན་པའི་དོན་རིག་པས་ཉམས་སུ་མྱོང་བའི་བདེ་བར་འཆར་བ་ལ་བཞག་ན། །བསྐལ་པ་དུ་མར་ཐེག་པ་ཐུན་མོང་ལ་སྦྱངས་པའི་སྦྱོར་བ་མ་ནོར་བས་བློ་བོགས་སུ་འགྱུར་བའི་རིགས་ཅན་ནམ། །ཆོས་ཉིད་ཀྱི་རིགས་ཅན་རང་བཞིན་གྱིས་རྒྱུད་དག་པས་སྔར་གང་ལ་ཡང་མ་སྦྱངས་པར་འདིར་འཇུག་པའི་རྣལ་འབྱོར་པ། །མན་ངག་དང་ལམ་མྱུར་དུ་འཇུག་ཅིང་རིན་ཆེན་ཐོབ་ནས་གཏེར་ལྟར་དུ་འཆང་བས་སོ། །མན་ངག་ཐོབ་ནས་ཀྱང་བླ་མ་རྡོ་རྗེ་སྲོག་ལྟར་ཏུ་གཅེས་པར་འཛིན། །རྟོགས་ནས་སྒོམ་པ་ཏིང་འཛིན་དང་ལྟ་བ་ཤེས་རབ་ཀྱིས་སྣང་སྲིད་རྩལ་དུ་གྱུར་ཅིང་ཐམས་ཅད་རྫོགས། །རྟོགས་གོམས་ལྷག་པའི་ཡེ་ཤེས་ཀྱིས་ཉམས་ལ་ཕྱོགས་རིས་དང་འཕེལ་འགྲིབ་མེད་པས་ཉི་མ་འཆར། །དད་པ་དང་གཞི་བྱེད་པས་བརྩོན་འགྲུས་ནི་རྒྱུ་འབྲས་བུ་སློབ་བུ་ལ་རྫོགས། །བླ་མ་དང་གདམས་ངག་འདོད་པའི་རྩོལ་བས་ལུས་ངག་རླག་པར་ལོ་ཟླ་དང་ཚེ་དང་བསྐལ་པ་སྟོང་དུ། །གྱུར་ཀྱང་དོན་གྱི་འདོད་པ་མི་གཏོང་། །བ་ནི་མི་འགྱུར་བའི་རིགས་སུ་ངེས་པའོ། །དེས་བླ་མའི་ཐུགས་ལས་བདེ་བ་འབེབས་པའི་ཡན་ལག་ཡིན་ནོ། །དེ་ཅིར་འགྱུར་ན་བདག་ཉིད་བླ་མ་རྡོ་རྗེའི་སྲོག་ཏུ་གྲུབ་ཅིང་དབྱེར་མེད་དུ་འགྱུར་ཏེ། །ཐ་མལ་གྱི་ལུས་ངག་སེམས་གསུམ་ཀྱི་རྒྱུ་བ་མེད་པར། །གནས་ཏེ་རེ་དོགས་ཆོད་པ ས་དེ་ཕན་ཆད་རྡོ་རྗེ་ལུས་སུ་འགྱུར་ཏེ་དེ་ཁོ་ན་མངོན་དུ་འགྲུབ་པའོ། ༈ །ཐེག་པའི་དོན་སྟོན་པའི་རྡོ་རྗེ་བླ་མ་གཞན་ལ་ཕན་པའི་སེམས་ཅན། །དེ་ཁོ་ན་ཉིད་རྟོགས་པས་རྒྱལ་བའི་སྲས་སུ་གྱུར་པ་བདག་གཞན་ལ་ཕན་པའི་ཡིད་ཀྱི་བློ་ཅན་དེས། །ཀྱང་སློབ་མ་རིགས་ངན་པ་དང་དད་པ་དང་དམ་ཚིག་ལ་སོགས་པ་མེད་པ་ཁེངས་སེམས་ཀྱིས་ཐ་མལ་པའི་འཇིག་རྟེན་དང་ཁྱད་མེད་པའི་སྤྱོད་པས་ལུས་དང་ངག །ཀྱང་རྟོགས་སམ་དལ་བུས་བགས་ཀྱིས་མཐོང་ནས་དེ་མ་ཐག་ཏུ་བླ་མ་དེས། །ཀྱང་གསང་བ་དམ་པའི་གཏེར་ཁྱིམ་རིག་པའི་སྒོ་བསྡམས་ཏེ་ཐབས་དང་དྲག་པོས་བསྐྲད། བདག་ཉིད་ཀྱང་འབྱོལ་ཞིང་འབྲོས་སོ། །དེ་ཅིས་ན་མན་ངག་ཉམས་པའི་རྒྱུ་ཡིན་པས་གསང་བ་མ་བསྲུངས་ན་ཉེས་པ་ཤིན་ཏུ་ཆེ་སྟེ། །དཔེར་ན་ལུས་དང་བྲལ་བའི་ཡན་ལག་རྒྱུས། །ལོང་བ་ལྔ་བརྒྱ་ལ་གླང་ཆེན་བསྟན་པས་གླང་པོའི་ལུས་སུ་ངོ་ཤེས་པ་མི་ཐོབ་པ་ལྟར། །དེ་ཁོ་ན་ཉིད་ཀྱི་མན་ངག་ཉམས་པའི་ཐབས་ཞི་གནས་ཐིག་ལེ་རླུང་རྣམས་ཀྱིས། །འབྲས་བུ་བྱང་ཆུབ་ཀྱི་ལུས་སུ་ཐོབ་པར་མི་འགྱུར་རོ། ༈ །དེས་ན་ནང་གི་བླ་མ་ནི་ཐུན་མོང་དང་ཁྱད་པར་གྱི་སྲོག་ཡིན་ཏེ་དེ་དང་བྲལ་ན་དུཿཁ་སྐྱེ་པས། །ལུས་ངག་སེམས་ཀྱིས་དུས་གསུམ་དུ། །རང་གི་སྲོག་དང་འབྲལ་བའི་ལས་མི་བྱེད་པ་ནི་མཆོག་གོ། །འཇིག་རྟེན་གྲགས་པ་དང་ཁེ་རྙེད་པ་འདོད་ཅིང་ཐར་པ་ལས་ལྡོག་པའི་སེམས་ལོག་གིས། །དམ་ཚིག་དང་དོན་དེ་ཉིད་ལས་ཉམས་པར་གྱུར་པའི་རྒྱུ་ཤེས་པས་ནི། །ནང་རང་དང་ཕྱི་གཞན་གྱི་དོན་ལ་རྒྱུད་སེམས་སྦྱངས་ཏེ་མཁས་པ། །འཁྲུལ་པའི་སེམས་གྲགས་པའི་བརྒྱད་རྣམ་པར་སྤངས་ནས་མི་གནས་པ། །གལ་ཏེ་རིགས་ངན་ཡང་དོན་མཐར་ཕྱིན་པར་འདོད་པའི་བརྩོན་འགྲུས་ཀྱིས། །གོ་བགོས་ཏེ་དད་པ་ལ་སོགས་པ་མི་ལྡོག་པར་ངེས་པའི་རིགས་རྒྱུད་ཅན། །བརྟན་པ་དང་མི་འགྱུར་བ་ནི་རྡོ་རྗེའི་ལུས་ཏེ་དེ་ལ་ཤེས་རབ་བརྩོན་འགྲུས་ལ་སོགས་པ་རྒྱན་པར་མཐོང་ན། །བདག་གི་སེམས་དུས་གསུམ་དུ་དགའ་བའི་ཚོར་བ་སྐྱེའོ། །ལུང་མན་ངག་ལས་གྲགས་པའི་ཡོན་ཏན་གྱིས་སེམས་མཁའ་ལྟར་རྒྱས་པའི་ཆོས་བདག་གིས་ཐོས་ན། །བླ་མའི་རྗེས་སུ་མཐུན་པའི་དགའ་དད་འདུན་པའི་ཡིད་ཀྱིས་མོས། ༈ །ཁྱད་པར་དུ་བཟུང་བ་བླ་མ་རྡོ་རྗེ་སྐལ་ལྡན་དེས་ཀྱང་། །ལུས་ངག་སྤྱོད་པ་ཅི་བྱེད་ཀྱང་། །གཡོ་སྒྱུ་དང་ཁ་གསག་མེད་པའི་དགེ་བྱེད་ཅིང་། །ཞལ་མཐོང་བ་དང་དེའི་རྣམ་པ་དྲན་པའི་འདུ་ཤེས་ཙམ་གྱི་རྒྱུད་ཀྱིས། །མཚམས་མེད་མི་དགེ་བཅུ་ལ་སོགས་ཐུན་མོང་དྲི་མ་ཀུན་འཇོམས་ཤིང་། །ཉི་མའི་འོད་བཞིན་དུཿཁ་ཞི་བྱེད་པ་ནི་དུས་གསུམ་གྱི་རྒྱལ་བ་ཉིད་དེར་ངེས་པས། །བླ་མའི་སྐུ་གསུང་རྡོ་རྗེ་ཡོན་ཏན་དེ་ལྟ་བུ་དང་ལྡན་པ་ལ། །སློབ་བུས་ཀྱང་དེ་ལྟར་ཤེས་ནས་རྟག་ཏུ་མ་ཡེངས་པར་རང་གིས་ཡིད་འདོགས་ཤིང་། །བླ་མའི་དགོངས་པ་ཐུགས་ཀྱིས་ཇི་ལྟར་མོས་པ་བཞིན། །སྒོ་གསུམ་ཉིད་གུས་པའི་སེམས་ཀྱིས་ཀུན་ནས་མཉེས་པར་བྱེད་ཅིང་། །དུས་རྟག་ཏུ་ལུས་དང་ལོངས་སྤྱོད་ལ་མ་ཆགས་པའི་མཆོད་པ་འབུལ་བར་བྱེད་པའི་གང་ཟག །དེ་ནི་རིགས་ཀྱི་བུ་ཡིན་ཏེ། །གཟུང་བར་བྱའོ། །བདེ་བའི་ཞིང་འགྱུར་སྐལ་ལྡན་དེ། །ཞིང་ས་གཤིན་པོ་ལ་ས་བོན་བཏབ་པས་མི་སླུ་བ་ལྟར་རོ། །མི་ཕྱེད་པས་རྡོ་རྗེ་ཐབས་ཀྱིས་རྟོགས་པའི་ཁྲི་ཆེན་དག་ལ་བསྐྱོན། །སྐད་ཅིག་ལ་ངེས་པ་རྙེད་ཅིང་རེ་དོགས་ཆོད་པས་བདེ་གཤེགས་ཉིད་དུ་རང་རིག་མངོན་སུམ་དུ་ངེས་པར་ལུང་བསྟན་པ་ཐོབ། །ཡུན་དུས་མཐའ་ཉིད་ཀྱིས་རྟོག་པ་ཅི་སྐྱེས་དེ་མ་ཐག་ཏུ་གྲོལ་བས་འབྲས་བུའི་ས་ལ་བཀོད་པ་ཡིན་ནོ། ༈ །དེ་ནས་དེ་ཚུལ་ཇི་ལྟར་བརྟག་ན་རྡོ་རྗེ་བླ་མ་མཚན་ཉིད་བསྟན་པ་དེས། །སློབ་བུའི་དོན་དད་པ་སོགས་རྟོགས་པ་ནི་བདག་གིས་གསལ་བའི་མངོན་སུམ་དུ་ཕྲད་པའི་དུས་མམ། །ལུས་ངག་སེམས་ཀྱི་གཞན་ལ་ཆོས་དང་ལྡན་མི་ལྡན་གྱི་གཏམ་གྱི་བརྡ་རྟགས་ཀྱིས་ཤེས་སམ། །པྲའམ་རྨི་ལྟས་ལ་སོགས་པ་ཆོས་སྐྱོང་མཁའ་འགྲོའི་ལུང་བསྟན་ནམ། གཉིས་ཀའི་སེམས་དགའ་མི་དགའི་པྲ་ཡིས་བརྟག་པར་བྱའོ། །དེ་ལྟར་སྣོད་དུ་རུང་ན་ཐབས་ཀྱིས་མན་ངག་གཏིམ་པའི་གནས་སམ་དེ་ཐོབ་ཅིང་རྟོགས་ན་བླ་མ་རྡོ་རྗེ་འཛིན་པའི་གདན་ས་ནོན་པ་རུ། །བླ་མས་དེའི་རྒྱུད་རིག་ནས་ལས་དང་སྐལ་ལྡན་ནི་བདེ་བ་ཆེན་པོ་དེ་ཡི་སར། །སྨིན་པར་བྱ་ཕྱིར་གདམས་ངག་བློའི་རིམ་པ་ལྟར་སྦྱིན་པར་བྱ། །འདི་ལ་བྱ་བཙལ་སྔོན་དུ་ཚོགས་འཁོར་གསོལ་བ་གདབ་གནང་བ་སྦྱིན་པའི་རིམ་པ་དང་། །མངོན་རྟོགས་ཀྱི་ཐབས་ཀྱི་རིམ་ཐྲ་ཀྵ་ནི་པྲ་མ་སྟེ་རིམ་པ་ཀྵྱིད་ནི་ཕྲད་ཅིང་མཐོང་བ་ཀརྨ་ནི་ལས་ཟིན་པ་སྟེ། ༈ །དེ་ནི་རྩོལ་སྒྲུབ་ལུས་དང་སེམས་ཀྱི་ལས། །སྣོད་ལྡན་ལ་དངོས་ངག་གིས་མཚོན་ཏེ་ཐིག་ལེའི་མཚན་ཉིད་དང་མི་འབྲལ་བར་གནས་པ་ལ། །ཐ་མལ་དང་ཆེད་དུ་བྱས་པའི་སྒོ་གསུམ་གྱི་འདོད་རྩོལ་དང་སྤྲོས་པ་ཐམས་ཅད་འགགས། །བརྗོད་པར་བྱ་བའི་ལུང་བསྟན་མིན་ཏེ་སྒྲ་བརྗོད་པས་ཐོག་ཏུ་མི་འབབ་བོ། །ཐམས་ཅད་ཏིང་ངེར་གྱུར་པ་ནི་སྐལ་ལྡན་སློབ་མའི་སེམས་ཀྱི་དཀྱིལ་འཁོར་དུ། །རྟོགས་པའི་རྒྱུན་གྱིས་བདེ་ཆེན་རང་ཤར་བའི་རྣལ་འབྱོར་པ་ལ་ཕྱོགས་རིས་མེད་པའི་ཕྱིར་རམ། །དེ་ལྟར་རྟོགས་ཀྱང་མ་བསྒོམས་ན་སེང་གེ་དོང་ཐག་བཀྱིགས་པ་ལྟར་འགྱུར་བས་ཀླུངས་སུ་ཕེབས་པར་འདོད་པས། །གསང་སྔགས་འཕྲུལ་གྱི་སྤྱི་བླུགས་ཚངས་པ་རྟོགས་པའི་ལམ་ཆེན་ནམ། །བསྟན་པ་ཐེག་པ་སོ་སོའི་བྱེ་བྲག་བློ་ཡི་རིམ་པ་ཇི་ལྟར་འཚམ་པས་སམ། །རང་ཉིད་གང་འདོད་ཐ་མལ་གྱི་སྒོ་ནས་སྨད་ལས་ཀྱིས། །རིམ་པ་གང་ཅི་འདོད་པ་དེ་བཞིན་དུ། །བསྟན་ནས་ཐ་མ་ཚངས་པ་ཆེན་པོའི་དབང་ཐབས་ཀྱི་རྒྱལ་པོས་ལ་བཟླས་ཏེ་མཐར་ཕྱིན་པར་བྱ། །དེ་ལྟར་རྟོགས་ན་སྣང་གྲགས་ཐམས་ཅད་རིག་པ་རང་དབང་དུ་གྲོལ་བའི་དཔེ་གསལ་འབར་རིན་ཆེན་འཕྲུལ་སྣང་ངམ། །བཅུད་ལེན་སྨན་དང་མ་ཀི་ཏ། །གང་ཞིག་ཐབས་དང་ལྡན་པའི་རྣལ་འབྱོར་པ་ལ་སྤང་བྱ་དེ་ཉིད་རིག་པ་སྐྱེ་མེད་ཀྱི་ཀློང་དེར་འགྱུར་བར་བྱེད། །བདེ་ཆེན་དུ་རྟོགས་པ་ཆེན་པོའི་ཐབས་ཏེ་ལྟ་སྤྱོད་ཏིང་ངེ་དང་ལྡན་པར་གྱུར་ན། །སྤྱོད་པ་དང་བྱ་བའི་ཆོས་མ་ལུས་པ་གང་གིས་གང་དེ་ཐམས་ཅད་ལ། །བདག་གཞན་གྱི་བསམ་པ་གང་འདོད་པ་དང་མཐུན་པའི་སྒོ་དེ་ནས་སྤྱད་པར་བྱ། །དེ་ལྟར་བཙལ་བྱ་ཐབས་ཀྱི་སྒོ་ནས་ཇི་ལྟར་འདོད་པ་ཅི་བཙལ་བ། །དེ་ཐུན་མོང་ལ་འབད་རྩོལ་དུ་སྣང་ཡང་རྟོགས་པ་ལ་དེ་ཡིས་འབད་རྩོལ་མེད་པའི་ལས་ཏེ། །དེས་བདག་གཞན་གྱི་དོན་དུ་རྩོལ་སྒྲུབ་དང་འབད་རྩོལ་ཅི་བྱེད་ཀྱང་། །རྣལ་འབྱོར་པ་དེའི་དགོངས་པ་ནི་བྱ་བཙལ་མེད་པ་ཡིན། །པས་ཉམ་དང་རྩོལ་སྒྲུབ་མེད་པའི་ལམ་མོ། ༈ །ཨཱོཾ་བཛྲ་སུ་ལྃ་མ་ལྃ། བཤད་པའི་མཁའ་འགྲོའི་ལྟས་སམ་མངོན་ཤེས་ལུང་བསྟན་དང་སྦྱར་མ་མ་རུ་རུ་ཙིཏྟ་ཨ་བྷི་པྲ་ས་ལ་སྭཱ་ཧཱ། སྔགས་འདིས་ནི་མཁའ་འགྲོས་སློབ་བུའི་རྒྱུད་དག་མ་དག་རྨི་ལམ་དུ་སྟོན་པ་ཡི། །དང་པོ་སློབ་མས་དངོས་གྲུབ་ཇི་ཙམ་ན་ཐོབ་ཀྱི་རྟགས་ཀྱི་མངོན་ཤེས་སྒྲུབ་པ་དང་འབྲེལ་བ་ཡིན། །དོན་དང་ལྡན་པའི་སྣོད་ཀྱི་ཚུལ་དུ་རིག་ནས། །ཐབས་ཆེན་གྱི་སྦྱོར་བ་ལས་རིམ་བརྩམ་པར་བྱ། ༈ །སློབ་མ་སྐལ་ལྡན་གྱི་བློ་ཆེ་ཆུང་མཐའ་ཡས་པ་ཡི་ཁྱད་པར་གྱིས། །ཐེག་པ་སོ་སོར་བསྟན་པའི་རིམ་པ་བཞིན། །དུ་རང་གང་འདོད་པའི་སྨོན་ལམ་གྱི་རྗེས་སུ་འཇུག་ན། །སོ་སོའི་གྲུབ་མཐའ་གོང་དུ་བཤད་པའི་རིམ་པ་བཞིན་ནོ། །བཅོས་མའི་དབང་བསྐུར་གོང་དུ་བཤད་པ་དེ་དག་ཤེས་རབ་རིམ་པ་གོང་ནས་གོང་དུ་བསྐྱེད། །ནས་བརྡ་དོན་བྲལ་བས་རྣམ་རྟོག་གི་སྤྲོས་པ་དང་ཐ་མལ་གྱི་རེ་དོགས་བཅད་ལ་གང་བདེ་བར་བཏང་ཡང་ཐམས་ཅད་དེ་ཁོ་ན་ཉིད་དུ་གསལ་བས། །སེམས་ཀྱི་དམིགས་པ་ཟིན་པར་འགྱུར་ཏེ་རིམ་པར་གནས་ན། །རྣམ་པར་རྟོག་པ་ཉིད་བདེ་ཆེན་དུ་སྨིན་ནས་རིག་པ་དེ་ཁོ་ན་ཉིད་མ་བཅོས་པའི་དངོས་པོར་འགྱུར་རོ། ༈ །ཡང་ན་དུས་གཅིག་ལ་གྲོལ་བའི་ཐབས་བསྟན་པར་བྱའོ། །དངོས་པོ་དོན་ཅིག་ལ། །སེམས་ཀྱི་རྟོག་པའི་བྱེ་བྲག་ཆ་ཕྲ་བའམ་ཆ་མཉམ་པར་འཇུག་པ་ཀུན་སྐྱེ་ན། །དེའི་སྒོ་ནས་སེམས་དཔའ་སློབ་མ་དམ་པའི་ལུས་སུ་ཕྱོགས་མ་རེད་པར་འཇུག་པ་སྟེ། །སྔོན་དུ་བྱ་བ་ཟིན་པ་དེ་ནས་ཚངས་པ་ཆེན་པོའི་དབང་། །རྒྱལ་བའི་དགོངས་པ་དམ་པ་འདི་ནི་སྐལ་བ་ཅན་འགའ་ལ་བསྐུར་བར་གྱུར་ན། །སྐལ་ལྡན་དེ་ནི་སྐད་ཅིག་དུས་མཐའ་མྱུར་བ་ཡིས། །ཉིད་ལ་སེམས་དཔའམ་སེམས་ཉིད་དཔའ་བོ་ཆེན་པོ་རྒྱལ་བ་དང་དགོངས་པ་མཉམ་པ་ཉིད་དུ་འགྱུར། །ཐ་མལ་པའི་དངོས་པོར་གནས་པ་ལ་སུ་ཡེ་ཤེས་ཆེན་པོས་ཀུན་ཏུ་ཁྱབ་པ་ཅན། །ཟག་པ་མེད་པའི་ཕ་རོལ་ཏུ་ཕྱིན་པས་རྩེ་མོར་རྩ་བ་ལས་བྱུང་ཞིང་དེས་མ་རེག་པ་དེར་ཕྱིན་པའོ། །ཡོན་ཏན་མང་པོ་མ་ལུས་པའི་རྩལ་རིག་པ་ཕྱོགས་བྲལ་ཏེ་ཐབས་ཀྱིས་དུས་གཅིག་ལ་རྫོགས་པའོ། ༈ །རྣམ་རྟོག་ཐེག་བརྒྱད་ཀྱི་གྲུབ་མཐས་བསྒྱུར་བ་ཡི། །གྲུབ་མཐའ་ལ་མ་སྦྱངས་པའི་ཐ་མལ་དངོས་འཛིན་རྟོག་པ་ཅན་གྱི་གང་ཟག་གཉུག་མའོ། །རྫུ་འཕྲུལ་དང་ལྡན་པའི་ལྷ་ཀླུ་གནོད་སྦྱིན་ལ་སོགས་པ་རྣམས་ཉན་ཅིང་དད་པར་འགྱུར་རོ། །རང་གང་འདོད་པའི་སྨོན་པས་རྗེས་སུ་སྒྲུབ་པར་འདོད་ན། །དང་པོ་ཐུན་མོང་མཎྜ་ལར། །བཅོ་བརྒྱད་ཀྱིས་སྦྱང་དང་ཞག་བཅུ་གཅིག་ཏུ་བར་ཆད་བསྲུང་བ་ལ་སོགས་པའི་འོག་ནས་བཤད་པ་བཞིན་བྱ། །དྲག་པོ་འཇིག་རྟེན་བཏང་ནས་དགོན་པར་འཇུག་ནུས་མི་ནུས་བརྟག་པའི་རྩོལ་བས་སེམས་སྟོབས་བསྒྱུར། །སློབ་མ་རང་གི་སེམས་འཇིག་རྟེན་གྱི་ཞེན་རྟོག་གང་ལ་ཡང་སྤྲོས་པ་མེད་ན། །དེ་ནས་བདེ་བ་ཆེན་པོའི་མན་ངག་སྦྱིན། ༈ །ཉམས་མྱོང་སྐྱེ་ཞིང་འཆར་བའི་དུས་དེ་ནི་རིག་པའི་དུས་མཐའ་ཡིས། །རྒྱལ་བའི་སྲས་སུ་ངེས་པ་ཡིན། །རེ་དོགས་ཆད་དེ་གྲོལ་བར་མི་འདོད་པས་བདེ་གཤེགས་ཉིད་དང་སྐལ་བ་མཉམ། །རྟོགས་གོམས་ཀྱི་ཡེ་ཤེས་ལ་ཚད་མེད་པས་ནམ་མཁའི་མཐའ་དང་མཉམ། །རྟོགས་པའི་རིག་པའི་ཡེ་ཤེས་ཉིད་རྒྱ་མཚོའི་ཀླུང་ལྟར་ཟབ་པ་དང་རྒྱ་ཆེ་བར་རོ་གཅིག་པ་རླབས་ལ་ཉམ་ང་བ་མེད་པའོ། །མངོན་དུ་འཇུག་པའི་སྟོབས་གྲུབ་པ་མེད་ཀྱང་། །རྟོགས་པའི་ཡོན་ཏན་རྩལ་ཆེན་པོ་རིག་པའི་ངང་ལ་རྫོགས་ཏེ་ཀ་ལ་པིངྐ་སེང་གེ་ཕྲུ་གུ་ལྟ་བུའོ། ༈ །འོ་ན་རྟོགས་ན་བདག་གཞན་གྱི་དོན་ཐམས་ཅད་མི་ནུས་པ་ཅི་ཞེ་ན། དཔེར་ན་སེང་གེ་ལྕགས་སྒྲོམ་མིག་མང་སུ་བཅུག་སྟེ་དོང་ཐག་བཀྱིགས་པས་མཆོང་མི་ནུས་པའམ། ཁ་གདོང་ལྕགས་ཀྱི་ཐ་རམ་དུ་བཅུག་པས་སྒྲ་འབྱིན་མི་ནུས་པ་དང་འདྲའོ། །པའམ། །བྱ་རྒོད་ཀྱི་གཤོག་རུ་བཀྱིགས་ཏེ་བཅུམ་པས་འཕུར་མི་ནུས་པ་བཞིན། །རིག་པ་རྣལ་དུ་སེམས་ལ་ཤར་ཡང་བདག་གཞན་གྱི་དོན་མཐའ་ཡས་ཀྱི་ནུས་པ་མ་རྫོགས་པའི་ཕྱིར། །འཛིན་སེམས་དག་གི་ལྕགས་བཀྲོལ་ཡང་། །གོམས་པའི་བག་ཆགས་བཅིངས་དང་འདྲ། །ཞེས་རྫོགས་པ་ལས་སོ། །གཡོ་བ་རྣམ་པར་རྟོག་པའི་རླུང་གི་རྐྱེན་གྱིས་སྤར་ཏེ་དཀྲུགས་བ་ཡིས། །སེམས་ཀྱི་དྭངས་མའི་རྒྱུ་བ་མ་ཟིན་ཏེ། །རིག་པའི་དངོས་པོ་དེ་བཞིན་ཉིད་ཀྱི་ཀླུངས་སུ་མ་ཕེབས་པར་ཕྱོགས་སུ་ལྷུང་ཤིང་། །རིག་པ་ཕྱོགས་བྲལ་རྟོགས་པའི་རྩལ་ཆེན་མ་བྱང་སྟེ་ལྷུན་གྱིས་མ་གྲུབ་པའོ། ༈ །འདི་ལ་རྟོགས་པ་དང་ཏིང་ངེའི་ཆོ་གའི་རིམ་པ་མེད་པ་སྟེ་རྩོལ་བའི་ཆུ་བོ་དང་བྲལ་བས་སོ། །དང་པོར་གདུལ་བྱ་མ་རྨོངས་པ་ལ་སྣང་སྲིད་ཀྱི་དངོས་གཞིའི་སྐུ་གསུམ་དང་ལྷུན་གྲུབ་ཀྱི་དཀྱིལ་འཁོར་དུ་བླ་མ་ཐབས་ལྡན་གྱིས་བསྟན། །རང་རིག་པ་ཀུན་རྫོགས་ཡུལ་དྲུག་གི་དཀྱིལ་འཁོར་དུ་ཤར་བས་ཡེ་ཤེས་ཀྱི་ལུས་ལ་མ་འདྲེས་པ་མྱོང་བས་དགོད། །ཉམས་སུ་མྱོང་བའི་འཕྲུལ་ཚིག་རྣ་བརྒྱུད་གྱི་མན་ངག་རྣ་བར་བྱིན་པས་གཞུག །སེམས་ཉིད་ཕྱོགས་མེད་ཀྱི་ལུང་ལ་གཏང་གཞག་མེད་པར་བསྒོམ་པའི་མན་ངག་ཁྱབ་གདལ་གྱི་ཉམས་དང་བཅས་པ་བསྟན། །སྣོད་མེད་ལ་རྒྱ་རྟགས་གདབ་པའི་ཆོ་ག་བྱ་སྟེ་རལ་བའི་ཉེས་དམིགས་འདི་ཉིད་ལས་བསྟན་པའོ། ༈ །རང་བཞིན། བྱིན་བརླབས། ལོ་རྒྱུས། ཉམས་ཀྱིས་མི་བསླུ་བར་བཀྲ་ཤིས་ཡོ་བྱད། སེམས་དགའ་བ། ཉམས་འཕེལ་བའི་ཡན་ལག་ཀུན་ལྡན་པའི་མི་ལྡན་ན་སྐྱོ་བ་སྐྱེ་བས་བར་ཆད་འབྱུང་བས། །རང་གི་སེམས་དང་མཐུན་ཏེ་ཉམས་དགའ་པའི་གནས་སྔར་བཤད་པ་དེ་རུ། །གསལ་བྱེད་ཀྱི་མཎྜལ་ཁོར་ཡུག་ཏུ་རིན་ཆེན་ལས་བྱས་པའི་འོད་འབར་བ་དེའི། །རྩི་སྟན་བྱང་སེམས་གཞུངས་ས་ཀླད་པ་ར་དཀར་མོ་ཡི་འོ་མས་སྤྲིན་བྲག་དཀར་པོ་ས་ཞག ། ཐང་ཆུང་བསྲེས་པ་བྱུགས་ལ་ཐག་གཅད་པར་བྱ། །ཡང་ན་དྭངས་སྙིགས་ཕྱེ་བའི་དྲི་ཆེན་གྱིས་ནག་མཚུར་དུ་བཙོས་པའི་གསེར་ཆུ་ཞུན་མས་རྩི་བཏབ་སྟེ། །རྒྱ་ཆུ་མདོག་གི་གླིང་ལ་ཡོད་པ་བླངས་པའི་བེ་དུར་དང་སོ་མ་ཏ་ལེགས་པར་བཞུར་བ་ཡི་རྩིས། །ཡང་ན་ཤ་ཆེན་དང་རཀྟས་བྱུག་ཁ་བྱུག་དྲི་མ་བྲལ་བར་བྱ། །ཙན་དན་ཤིང་དཀར་པོ་བསད་པའི་སོལ་བ་ཡིས། །ཡང་ན་བཅུད་ཐ་མའི་ཐིག་ལེ་དང་དྲི་ཆུས་སྐྱོང་ནུལ་བྱའོ། །བཞུ་བའི་དངུལ་ཆུ་ཞུན་མའི་དྭངས་བྱུག ༈ །སྐྲ་རྩུབ་ལ་འཁྱིལ་བ། སྨིན་མཚམས་ན་སྨེ་བ་དམར་པོ་བདུན་ཡོད་པ། གྲིབ་མ་བདུན་ཆགས་པ། མིག་མས་འགེབས་པ། སོ་དུང་སོ་ཁོར་བ་ལ་ཤེལ་ཆགས་པ། སྐད་བོད་སྐད། མིག་ལ་ཤེལ་ཆགས་པ་སྐྱེ་བ་བདུན་པ་ཚངས་པའི་སྟེ། ཕོའི་ཤ་ཚིལ་ཟོས་པ་དང་། མོ་ལ་སྦྱར་བས་ཅི་བསྒྲུབས་པ་འགྲུབ། ཚིལ་ཁྲོ་ཆུའི་ཐེར་སོར་ཙནྡན་དཀར་པོས་བཞུ་བ་ཞག །སྐྱེ་བདུན་མ་བུ་བཙས་པའི་འཕྲུལ་གྱི་འོ་མ་བསྲུབས་པའི་མར་དང་བསྲེས་པའི་མར་སྐྱེ་བདུན་གྱི་རས་གོས་སམ་རྒྱུས་པའི་སྡོང་བུའི་མེ་ཡི། །དུད་པ་ཐོད་པ་དུམ་བུ་གཅིག་པར་བཏང་བ་ལ་མཁའ་འགྲོའི་པྲ་སྔགས་ཞག་བདུན་བཟླས་པས་མིག་ལ་བྱུགས་གྱུར་ན། །མིག་སྤྲིན་བཏེག་སྟེ་བལྟས་ན་སྟོང་ཆེན་འཇིག་རྟེན་རྒྱུ་གཅིག་པ་མ་ལུས་པའི། །གང་གི་ཕྱོགས་སུ་བལྟས་པ་དེ་ཐམས་ཅད་ནི་གསལ་བར་འགྱུར་ཏེ་སློབ་མའི་སྣོད་དང་རང་གི་གྲུབ་ཚད་བརྟག ༈ །དེ་ནས་སྒོ་ཕྱོགས་མཚམས་བརྒྱད་དང་ལྡན་པ་རཏྣའི་ཁྲི། །ཡིད་དང་མཐུན་པ་ལ་བཤད་པའི་བྱུག་པ་ཀུན་བྱས་ཏེ། །སློབ་དཔོན་ལག་ན་རྡོ་རྗེར་གསལ་བས་གསེར་གྱི་འཁོར་ལོར་བྱིན་གྱིས་བརླབས་བསྲུངས་བྱས་པའི། །དེ་ཡང་ལྷ་གནས་བུམ་པ་རྩིབས་བརྒྱད་པའི་འཁོར་ལོ་དབྱིབས་གྲུ་བཞི་སྒོ་དང་བཅས་པར་མཎྜལ་བྱ། །དེ་དག་སྒོ་དབྱེ་བ་དང་གཞལ་ཡས་སུ་བརླབ་པ་དང་ནང་དུ་འཇུག་པའི་ལས་རྣམས་ཐོབ་པར་བྱ། ༈ །གནས་སྐབས་ཀྱི་དང་པོ་གདམས་ངག་ཐོབ་པར་བྱ་བའི་སེམས་བསྐྱེད་ནས་དབང་གི་སྔོན་འགྲོ་ལ་འཇུག་གི་བར། །སེམས་ལ་ལྟ་བ་དང་ཏིང་ངེ་མི་འཇིགས་བསྲུང་བའི་ལུང་ཞེས་ཀྱང་བྱ། བརྟན་པའི་ལུས་སུ་མ་རེད་པ་ལ། །བར་ཆད་འབྱུང་བས་དེ་སྔོན་ལག་ན་རྡོ་རྗེས་བྱིན་བརླབས་པའི་ནུས་ལྡན་དུ་གྱུར་པས། ག༽བསྲུང་བ་དང་བར་ཆད་ཀ༽བསྐྲད་པའི་རིགས་པ་སྔགས་ཏེ་བུའི་མགུལ་དུ་གདགས། །འདོད་པ་ལྔའི་ལོངས་སྤྱོད་ཀུན་ལའང་འབྱོར་པས་འདི་གདབ། །མཆོག་ཕུར་དང་། ཡུངས་དཀར་དང་། གུ་གུལ་བཟླས་པ་བྱས་ལ་བརྡེག་ཅིང་བྲབ་བོ། །གནས་དང་ལོངས་སྤྱོད་འགྲོ་ཉལ་དུས་སུ་དེ་བཞིན་བྱ་བ་ནི་མན་ངག་གོ། །ཨཱོཾ་བཛྲ་ཁ༽ཡཀྵ་ཀྲོ་ཏ་ཛྭ་ལ་ཧ་ལ་ཧ་ལ་ཧཱུྃ་ཕཊ། ཡུངས་དཀར་རྒྱལ་པོ་ལ་ཨཱོཾ་མཆོག་ཕུར་ལ་བཟླས་པ་བྱས་ལ་བསྲུང་པའམ་བཛྲ་ཙཀྲ་རཀྵ་རཀྵ་མུ་ལུ་ཙུ་ལེ་རཀྵ་རཀྵ་ཧཱུྃ་ཧཱུྃ་ཧཱུྃ། ཞེས་བརྒྱ་རྩའམ་སྟོང་རྩ་བརྒྱད་བཟླས་ལ་བསྲུང་བར་བྱའོ། ༈ །དེ་ནས་ཐུན་མོང་མ་ཡིན་པའི་ཟས་ཀྱིས་ཏུན་ཏུ་འཚོ་བས། ཡང་ན་རྒྱུས་ཆེན་ལ་སྲུང་སྐུད་བྱས་ལ་བསྲུང་ངོ་། །སྲོག་འཛིན་བླ་མ་ལ། །རང་གི་ལུས་དང་བཅས་ཏེ་ལོངས་སྤྱོད་དབུལ་ཏེ། །རིན་ཆེན་རྒྱ་མཚོའི་རྒྱུད་ལས། རྒྱལ་སྲིད ༴ ཅེས་དྲང་། བླ་མ་ལ་ཡོན་ཕུལ་བས་ང་དབང་ཆེ་བ་དངོས་ཡིན་སྙམ་པ་དང་བསྙེན་བཀུར་མ་བྱས་པར་བཙན་ཐབས་སུ་འདོད་པའི་སེམས་དེ་དག་ཏུ་འཛིན་པ་གཏང་། །སྒོ་གསུམ་མོས་པ་དང་དྲུང་དུ་འགྲོ་བར་འདོད་པའི་བདེ་བ་བསྐྱེད། ༈ །སྐལ་ལྡན་ཐེག་ཆེན་གྱི་རིགས་ཀྱི་བུ་དེ་ནི། །སློབ་བུ་དམ་པ་ཡིན་ཏེ་དཀོན་བས་གཅིག་ཅིག་ལ་བསྟན་པར་བྱ། །བཙལ་བའི་གནས་འཇིག་རྟེན་ཁམས་ནི་མ་ལུས་ལས། །རབ་འབྱམས་ཀུན་ཏུ་དཀྲུགས་ཏེ་བཙལ་གྱུར་ནས། །སྣོད་དང་ལྡན་པ་གལ་ཏེ་ཕྲལ་གྱི་རྐྱེན་དང་སྔ་མའི་ལས་ཀྱིས་ཕྲད་གྱུར་ནས། །གཞུང་མི་མཐུན་པས་ཐེ་ཚོམ་ཟ་བས་རྩོད་པར་འགྱུར་བས་མང་ཡང་གསུམ་ལས་འདའ་མི་བྱ། །ལམ་མྱུར་དུ་སྐྱེ་ཞིང་ཚེགས་ཆུང་བས་གདམས་ངག་བཅོས་རྣལ་རིམ་གྱིས་ཐབས་སོ་སོར་སྦྱིན། །རྡོ་རྗེ་རྒྱལ་པོ་མི་བཞུགས་ན་དེའི་ལྟ་སྤྱོད་མ་ནོར་བར་སྲོང་ནུས་པ་རྒྱལ་འཐེབ་ཐུ་བོ་དེ་ལ་བསྐུར་གྱི་གཞན་ལ་མི་སྦྱིན་ནོ། ༈ །དང་པོ་ཏིང་ངེ་ལ་གནས་པའི་དུས་དང་བྲལ་བ་ཐ་མལ་པ་ནས། །མཐར་ཕྱིན་ཐུན་མཚམས་བཅུ་ཕྲག་བདུན། །དུ་བླ་མའི་གདམས་ངག་དང་རང་གི་བསམ་པ་གཉིས་དང་ལྡན་པས་དོན་ལ་ཐེ་ཚོམ་མེད་པའི་ཉམས་འབྱུང་བས་མཐར་ཕྱིན་འགྱུར། །ཞག་བཅོ་ལྔ་ཟླ་ཕྱེད་ནི་དབང་པོ་འབྲིང་གི་ཐུན་མཚམས་ནི་ཉམས་ཐོབ་པའི་དུས་ཏེ། །དེ་ལས་གཞན་དུ་རབ་ཀྱི་འང་གྲངས་བཅོ་ལྔ་དེ་ཉིད་ཀྱིས་རྫོགས་འབྲིང་གིས་ཐུན་མོང་གི་ཉམས་རྙེད་ཀྱང་མ་བཅོས་པ་མ་ཐོབ་པས་ཁྱད་མེད་དུ་མི་འགྱུར་རོ། །རབ་ཀྱི་དེ་ལས་གཞན་པར་ཡང་ན་སྐད་ཅིག་ལ་སྟེ། །ཐ་མལ་གྱི་སྒོ་གསུམ་གྱི་སྤྱོད་པའི་ཡན་ལག་བདེ་ཆེན་དུ་ཉམས་པའོ། ༈ །དབང་མ་བསྐུར་བའི་དང་པོ་བཅུ་གཅིག་ཞག་གི་དུས། །རྣལ་འབྱོར་པས་ཅི་ནུས་པའི་ཚོགས་བསགས་དབང་གདམས་ངག་ལུས་སྲོག་ཏིང་ངེ་ལ་བར་གཅོད་བསྲུང་། །གོང་གི་སྔགས་ནི་རྡོ་རྗེ་གོ་ཆ་སྟེ་དེས་ལུས་བསྲུང་ངོ་། ༈ །ཁམས་བཟང་ན་འཕོ་བའི་ཐུན་མཚམས་ཉི་ཤུ་དྲུག་ལ། །ཐུན་མཚམས་བརྒྱད་དུ་བསྒོམ་པར་བྱ་བའི་ཚུལ་ནི། །དངོས་པོ་ཕྱི་ནང་སྣོད་བཅུད་དུ་སྣང་བ་ཐམས་ཅད་ན། །བུ་དེས་ཇི་ལྟར་བརྟགས་ཤིང་ཡང་དག་ཏུ་ཞེན་པས་བཟུང་བ་ཡི། །འཁྲུལ་པས་ཐ་དད་སྣང་བའི་རྣམ་རྟོག་ཞེན་པའི་ཡུལ་དེ་ལ། །བརྟགས་པས་དེ་ཁོ་ན་ཉིད་ངོས་གཟུང་སྟེ་ཤེས་པར་བྱ། །གོང་དུ་བསྟན་པ་དེ་བཞིན་དུ་ཐུན་མཚམས་བརྒྱད་ལ་ནི་ཁམས་ངན་ཞིང་འཁྲུག་པར་ལྟ་ན་ཐུན་ཆུང་ལ་གྲངས་མང་བར་བསླབ། །ཉིན་མཚན་ཐུན་བརྒྱད་བརྒྱད་བཅུ་དྲུག་དག་ཏུ་ཐུན་ཚོད་གྲིབ་མ་འཕོ་བ་གང་རུང་གིས་རྣམ་ཕྱེ་སྟེ་བཞི་ལ་གསོ་ཞིང་བཞི་བསྒོམ། །རྣལ་འབྱོར་པ་བདག་ཉིད་རྒྱན་དང་བཅས་པའི་ལུས། །ནི་བསྒོམ་བྱའི་ཡུལ་གསལ་བའི་ཡུལ་ལ་རྐྱེན་གྱིས་མི་འཕྲོགས་པར་བློས་བརྟག་བྱ་སྟེ། །རྐྱེན་གང་གིས་ཀྱང་ཏིང་ངེ་མི་གཡོ་སེམས་སྔ་ཕྱི་ལ་མི་ལྟ་བར་ཐད་དུ་གཟུང་། །བར་བྱ་བ་ནི་དམིགས་པ་རྩེ་གཅིག་པས་གཞན་ལ་མི་ཡེངས་པར་བརྟག་པའི་དངོས་པོར་དམིགས། །དེ་དག་ལ་ཉམས་བརྟན་ནས་ཐུན་བཅུ་དྲུག་གི་ཕྱེད་བརྒྱད་པོ་ལ་འབད། །གྲངས་ཉུང་ལ་ཐུན་ཆེ་བར། དུས་གསུམ་ཐད་ཀའམ་བདག་བརྟག་པའི་ཤེས་པས་སྟོང་པ་ནམ་མཁའི་འདུ་ཤེས་དངོས། །སྤྱོད་ཡུལ་ཐམས་ཅད་ཆད་པའི་སྟོང་པ་ཉི་ཚེ་བ་དེ། །རྟོགས་ན་སྤྱོད་ལམ་ཀུན་ཏུ་ཉམས་ལེགས་པར་བརྟག་ཅིང་དེ་ནི་ངོས་གཟུང་བྱ། ༈ །དེ་དག་བསྟན་ཚུལ་གྱི་རིམ་པའི་ཉམས་ཀྱི་དོན་རྣམས་ནི། །ཐུན་མོང་ཕྱོགས་སུ་མ་ལྷུངས་པའི་བློ་ཡིས་ངོས་ཟིན་ནས་ཕྱིས་ལྷུང་བའི་རེ་དོགས་མེད་པས། །རྟོགས་པ་རྡོ་རྗེ་ཐེག་དམན་དུ་མི་ལྡོག་པའི་གོ་བསྐོན་ཏེ། །བུ་རིགས་ངེས་དབང་ཐོབ་པ་ཁྱོད་རྣ་བརྒྱུད་དང་བྲལ་བས་རྨོངས་པའི་དྲི་མ་ཅན། །དུས་བསྐལ་པར་སྦྱོང་བའི་སྤོང་འགེགས་སྦྱོང་སྒྱུར་སྒྲུབ་པས་ཚི་ཆད་པའི་སྡུག་བསྔལ་ཉིད། །དུས་དིང་ནས་དེ་ཉིད་བདེ་བ་ཆེན་པོར་གསལ་བར་གནས། །གཅོང་རོང་འཁོར་བའི་སྒྲིབ་པ་དང་འཐོམས་པའི་མུན་པ་ཉིད། །དེ་ཉིད་དེ་འདིར་རང་བྱུང་གི་ཡེ་ཤེས་ཕྱོགས་མེད་དུ་གསལ་བའི་སྒྲོན་མར་སྤར། །སྙིགས་མ་ལྔ་ལ་གནས་ཤིང་བརྟེན་པའི་གནས་ངན་ཁམས་གསུམ་པོ་དུས་ད་ལྟ་ཉིད་དུ། །རྒྱལ་བའི་སྐུ་གསུམ་ཞིང་ཁམས་བདེ་བའི་ཀློང་གདལ་བར་བསྒྱུར། །དེས་ན་ང་ཡི་དོན་དང་འབྲེལ་བའི་ཚིག་འདི་ཐུན་མོང་དང་ཁྱད་པར་གྱི་ནད་འཚོ་བས་བདུད་རྩིའི་བཅུད། །སྣང་སྲིད་ཡེ་ཤེས་སུ་སྟོན་པས་སྒྲོན་མའི་འོད་གསལ་བར་བྱེད་པས་འབར་ཅན། །རྟོགས་ནས་སྐལ་ངན་ལ་མེ་བརྗོད་པར་རིག་པའི་སྟེང་དུ་ནན་ཏན་བྱའོ། ༈ །བཤད་པ་རྣམས་རྟོགས་ཤིང་གོམས་པ་དེ་ནས་གོམས་པ་ཉིད་ཀྱང་བརྟན་ཞིང་མཐར་ཕྱིན་པར་འགྱུར་བའི་ཐུན་མཚམས་ནི་ཟླ་བ་སྟེ། །བློ་ཆུང་བས་ཉི་ཤུ་རྩ་བཞི་སྟེ་ལོ་གཉིས་ཀྱིས་མཐར་ཕྱིན། བློ་ཆེ་བ་བཅུ་གཉིས་ལོ་གཅིག་གིས་ལམ་དམ་པ། །འཇུག་པའོ། །དེས་མཐར་ཕྱིན་ནོ། །ཅིང་ཞུགས་གང་ལ་ཡང་ཉམ་ང་བ་མེད་པར། པའི་ཡོན་ཏན་ནི། །རེ་དོགས་དང་འཇིགས་པ་དང་བྲལ་བའི་ཚེ་མཐོང་བའི་ལམ་ཞེས་བྱའོ། །དེ་ཡོན་ཏན་ཇི་ཙམ་དང་ལྡན་པར་བསྟན་པར་བྱ་བ་ནི། །དབུགས་ཆེན་ཕྱིན་ནས་རྨི་སངས་བཞིན། །ཞེའོ། །ཐ་མལ་དང་གྲུབ་མཐའི་ཕྱི་རོལ་དང་ནང་ན་གནས་པ་ཡི། །དངོས་པོ་ལ་ཞེན་པའི་དོན་རྣམས་མ་ལུས་སྐྱེ་ལུགས་གསུམ་དུ་བསྡུས་པས་དེ་ཉིད་སྐུ་གསུམ་དུ་མན་ངག་གིས་ལྡན་པར་བྱ། །སྣང་གྲགས་ཀྱི་ཆོས་ཐམས་ཅད་རང་རྒྱུད་པ་དང་སྤང་བའི་གཞི་མེད་དེ། །བརྟགས་ཤིང་སྣང་བ་དེ་ཉིད་དོན་རང་རིག་ཉིད་དུ་གསལ་བ་དེ་མཐོང་བ་ཡིན་པའི་ཕྱིར་རོ། །སེམས་ཉིད་ལས་ཕྱི་རོལ་ཡུལ་དང་འདོད་ཡོན་དྲུག །ལ་སོགས་པ་ཡི། །བླ་མས་སྣང་བ་སེམས་སུ་བསྟན་པའི་དུས་སུ་གཉིས་པའི་ཆོས་དངོས་པོ་མཐོང་བར་མི་དམིགས་ཏེ། །སྣང་བ་ཐམས་ཅད་རང་གི་སེམས་ཉིད་རང་སྣང་མ་བཅོས་པ་ཁོ་ན་ཡིན་བས་སོ། །རིག་པར་མཐོང་བ་དེ་ཡང་ཕྱོགས་འཛིན་གྱི་དངོས་པོར་གྲུབ་པ་ཡོད་མ་ཡིན། །དང་པོར་སྣང་བ་སེམས་སུ་བསྟན་པར་ཡུལ་སེམས་གཉིས་པ་མེད་པར་མཐོང་པས་ན། །དེ་ནི་རིག་པ་གཉིས་མེད་ཀྱང་བརྟགས་པ་ཡིན། །སེམས་དེ་གཉིས་པ་ཆོས་ཉིད་སྐྱེ་མེད་དུ་བསྟན་པས་ཡུལ་ཤེས་གཉི་ག་མེད་པར་མཐོང་པས་ན། །གཉིས་མེད་ཀྱི་ཕྱོགས་ལ་རུང་བའི་ཞེན་པའང་། དག་པ་ཡིན། །འོ་ན་སྟོང་པ་འབའ་ཞིག་གོ་ཞེ་ན་གསུམ་པ་སྐྱེ་མེད་དེ་ཉིད་བདེ་ཆེན་དུ་བསྟན་པས་དེ་ཉིད་ཆོས་ཐམས་ཅད་དུ་ཤར་བས་སྤོང་སྒྲུབ་ཀུན་བྱེད་དེ་མ་ཡིན་པ་མེད་པས་ཐམས་ཅད་ཡིན། །བདེ་བ་ཆེན་པོའི་ཡེ་ཤེས་སུ་སྣང་ཡང་རང་རིག་སྐྱེ་མེད། ལས་མ་འདས་པས། །ཐེག་པ་རང་རང་གི་འདོད་པ་ཀུན་སྤངས་ཕྱོགས་མེད་ཆེན་པོར་ཤེས་པས་ཆགས་ཆེན་པོ། །འབད་རྩོལ་མེད་པར་ཡེ་ཤེས་སུ་ཀུན་སྒྲུབ་པས་བདེ་བའི་ཀློང་ལས་སེལ་མེད་པའོ། །དེ་ཡང་རང་རྒྱུད་པ་མེད་པས་སྒྱུ་མ་འབད་རྩོལ་མེད་པས་ལྷུན་གྲུབ་གང་དུ་ཡང་མ་བཀག་པར་ལོངས་སྤྱོད་པས་ཡུལ་ལ་རོལ། །འོ་ན་རྫོགས་གཞི་དེ་ཉིད་ཡོད་དོ་ཞེ་ན་དེ་ནི་སྟོང་ལ་ཐམས་ཅད་འབྱུང་བས་གཅིག་མེད་ཀུན་རྫོགས་པའོ། ༈ །གོམས་པའི་གང་ཟག་དེ་ནི་མཐུན་སྣང་གི་རྣམ་པ་དེ་ཉིད་སྡུག་བསྔལ་ཉེར་ཞི་དང་འདོད་པ་ཉེར་བསྟེན་མ་ཡིན་གྱི་དགྱེས་པ་ཆེན་པོ་རྒྱལ་བ་ཀུན་གྱི་བདེ་བ་དེ་སྒྲུབ་ན། །ཀུན་ལ་སྣང་བའི་ཡུལ་གྱི་རྣམ་པ་རང་བཞིན་ཐབས་ཉམས་ཀྱིས་སེམས་ཉིད་༠༽ ཡིན་དེ། །དེ་༠༽ཉིད་རིག་པ་ཁོང་སྟོང་དེ་ལས་གསལ་བ་མངོན་སུམ་དུ་བྱུང་བ་དང་། །འབྱུང་གཞིའི་རིག་པ་དེ་ཉིད་མ་གྲུབ་པར་མཐོང་པས་སྣ་ཚོགས་ཀྱི་ངོ་བོ་དེ་ལྡོག་པས། །སྤང་བྱ་དེ་ཉིད་རང་བྱུང་ཡེ་ཤེས་སྟོང་པ་ཉིད་དེ་ཡི་རང་བཞིན་ཏེ། །སྣང་རིག་སྟོང་པར་སྣང་བ་དེ་ཉིད་རིག་པ་དེ་སྣང་ཞིང་དེ་ཁོ་ན། །ཉིད་ལས་མི་འདའ་སྟེ་དཔེར་ན་ཉི་མའམ་རིན་པོ་ཆེན་འོད་འབར་བའི་རང་བཞིན་ཡིན་པ་བཞིན་དུ། །ཡེ་ཤེས་ཀྱི་རང་འོད་དང་ངོ་བོ་དེ་ཉིད་དུ་སྣང་བ་ལས། །ཡུལ་དང་རྒྱུ་རྐྱེན་དང་བྱེད་པ་པོ་གཞན་གྱིས་བྱས་པ་མིན་པས་རང་སྣང་འབའ་ཞིག་གོ། །རིག་པའི་རང་བྱུང་གི་ཡེ་ཤེས་ཆོས་སྐུར་གནས་པ་དེ་མངོན་དུ་གསལ་བའི་ཚེ་རྣལ་འབྱོར་པའི། །སེམས་ཉིད་ལ་རྙོག་མའི་དྲི་མ་མེད་པ་ལ། །དུས་གསུམ་དུ་བཞུགས་པ་ནི་ཕྱོགས་རིས་མེད་པར་མཉམ་པས་ནམ་མཁའི་ཁམས་དང་མཉམ་པར་སྦྱོར་བའི་སེམས་རྒྱལ་བའི་དགོངས་པ་ལྷུན་གྱིས་གྲུབ་བོ། །འཛིན་པ་རང་རིག་པའི་རླུང་གིས་སྙིགས་མ་ཚོགས་བདུན་དང་དྭངས་མ་དེ་ཁོ་ན་ཉིད་ཆོས་ཉིད་ཀྱི་རླུང་། །ལས་བེམས་པོའི་རླུང་དྭངས་མ་སྲོག་ལ་རྟེན་སྙིགས་མ་རྩ་བ་དང་ཡན་ལག་ཏུ་བཅས་པས་སྤར་བ་ཡིན། །རླུང་ལམ་དུ་ཤེས་ན་ཡོན་ཏན་འཆར་བ་དེས་ན་སྣང་སྲིད་ཐམས་ཅད་དེ་བཞིན་བཤད་པ་དེ་ལྟར་དུས་ཀུན་ཏུ་སྣང་། །ཅིར་སྣང་ཡང་དེ་ཁོ་ན་ཉིད་མི་གཡོ་བས་དོར་བ་མེད་པ་ཡི། །ཡུལ་སེམས་གཉིས་མེད་དེ་རིག་པ་བདེ་བའི་མཆོག་ཀུན་ཏུ་གསལ་བའི་ཡེ་ཤེས་ཡིན། །རྒྱུ་རྐྱེན་ལས་འདས་པས་རང་བྱུང་ཕྱོགས་འཛིན་གྱིས་མ་བསྒྲིབས་པར་ཡེ་ནས་གནས་པའི་དོན་མ་བསྒྲིབས་པར་ཤེས་པ་དེ་འོག་མ་ལྟར་བཙལ་བ་རྣམས་འདི་ལ་མེད་པས། །རྩོལ་བའི་སྡུག་བསྔལ་དང་བྲལ་བས་བདེ་བ་ཆེན་པོའི་བར་མ་ཆད་པས་ངང་དུ་ཤར། །རྣམ་སྨིན། ཡིད། ཏིང་ངེ་། ཡེ་ཤེས་ཀྱི་ལུས་ཏེ་རྟེན་པ་དང་རྟོགས་དགོས་ལ་མེད་ན་བེམས་པོར་འགྱུར་བས་དེ་དང་བྲལ་བའི་ཡེ་ཤེས་ནི། །དུས་གསུམ་དུ་ནམ་མཁའི་མཐར་གཏུགས་ཀྱང་འབྱུང་བར་མི་འགྱུར་ཏེ་མེ་དང་ཚ་བ་ལྟ་བུའི་ཕྱིར་རོ། །ལུས་དེ་དང་བྲལ་བའི་ཡེ་ཤེས་དེ་ཁོ་ན་ཉིད་དེ་མི་སྲིད་དེ་ནམ་མཁའ་ལ་བགོས་བྱས་པའི་བླུན་པོ་བཞིན་ནོ། །ཆོས་ཐམས་ཅད་ཀྱི་ངོ་བོ་ཕྱོགས་མེད་དུ་གཅིག་པས་དེའི་ངང་དུ་མཉམ་ཞིང་རྫོགས་པ་ཡིན། །སྐྱེད་བྱེད་ཀྱི་རྒྱུ་རྐྱེན་༼ཁ་ཅིག་སྟོང་པ་འབའ་ཞིག་ལ་ཡེ་ཤེས་སུ་འདོད་པ་ནི་ནོར་ཏེ།༽འདུ་བ་དང་འབྲལ་བ་སྟེ་མེད་པའི་ཕྱོགས་མེད་ཀྱི་ཡེ་ཤེས་ནི། །སྐྱེད་བྱེད་རང་རྒྱུད་པའི་རྒྱུ་དང་བྲལ་བར་རྩོལ་བས་མ་བསྐྱེད་པར་རང་བཞིན་འབྱུང་ངོ་། །ཞེས་བྱ་བའི་དོན་ཏེ་དེས་ན་སྟོང་པར་ལྟ་མཁན་དམྱལ་བར་འགྲོ་བར་གསུངས་པ་བདེན་པ་ཁོ་ནའོ། །ཇི་སྐད་དུ་མཚན་ཉིད་དང་བྲལ་བའི་མཚན་གཞི་ཅན། །དེ་ནི་སྲིད་པར་མི་རུང་སྟེ། །ཞེས་ཤེ་ན་བདག་ཉིད་ལ་ཡོན་ཏན་གང་རྫོགས་པ་དེ་ཉིད་མྱོང་བ་དང་གདགས་སུ་རུང་གི། །མིན་ན་མེ་ཞེས་པའི་མིང་དང་ཚ་བར་དང་བྲལ་ན་མི་ཐོབ་བ་ལོང་བ་ལ་མིག་ཅན། རིགས་ངན་ལ་རྒྱལ་པོ། ཞེས་གདགས་སུ་མི་རུང་བ་བཞིན་ནོ། །དེས་ན་དོན་དམ་ཚངས་པའི་དབང་གིས་མངོན་སུམ་དུ་བསྟན་པ་བདེ་བ་ཆེན་པོར་ཉམས་སུ་མྱོང་ཞིང་གསལ་ལོ། །རྟོགས་གོམས་ཀྱིས་བདེ་ཆེན་གྱི་ངོ་བོར་རང་གི་མཚན་ཉིད་མྱོངས་པས་བདེ་བར་སྣང་སྲིད་ཐམས་ཅད་རྒྱས་འགྱུར་ན། །ཡུལ་དྲུག་དུ་སྣང་ཡང་བདེ་ཆེན་མ་བཅོས་པའི་ཐིག་ལེ་ཡིན་པས་ཐམས་ཅད་དུ་རེ་དོགས་མེད་པར་ཅི་བདེ་བར་ནོས་ཤིག་པའོ། ༈ །རང་མཚན་མ་རྟོགས་པའི་སྐྱོན་ཐིག་ལེ་ཁོང་སྟོང་འམ་མ་བཅོས་པའི་བདེ་ཆེན་མ་རྒྱས་ཏེ་ཐབས་ཀྱིས་མ་ཟིན་པའི། །རིག་པར་སྣང་བར་བསྟན་ཡང་ཆེད་དུ་བྱས་པའི་རྟོག་པ་སྟེ། །ཞེན་འཛིན་གྱི་ཡུལ་དང་བྲལ་ཡང་རྟོག་པ་འགགས་པ་ཡིན་ཏེ་ཡེ་ཤེས་སྐྱེ་བ་མིན་ནོ། །གཉིས་སུ་སྣང་ཡང་གཟུང་འཛིན་གྱི་མཚན་མ་ཡིན། །ཡུལ་ཤེས་ཀྱི་སྤྲོས་པ་བཀག་ཀྱང་ཕྱོགས་མེད་ཀྱི་དོན་མི་གསལ་བས་རྨུགས་པ་ཡིན། །ཡོན་ཏན་རང་ལ་རྫོགས་པར་གནས་ཀྱང་སྒྲ་ཙམ་ཡིད་ལ་བྱེད་པ་ནི་ལོག་པའི་ང་རྒྱལ་ཡིན། །ཚིག་ཏུ་ཡོན་ཏན་བརྗོད་ཀྱང་བརྐམ་ཆགས་སྐྱེ་སྟེ་དོན་དང་བྲལ་ན་བཤད་པས་འགྲོ་བ་ལམ་མི་ལྡོག་པ། །དེས་ན་བདེ་བ་ལ་རོལ་པའི་རྒྱས། །ཐིག་ལེའི་དབྱིངས་སུ་བླ་མའི་ཐབས་ཀྱིས་གདབ་པར་བྱའོ། ༈ །ཅིག་སྟེ་རྣམ་པ་ཡོངས་ཀྱིས་མེད། ཅེའོ། །དེས་ན་སྣང་བའི་ཡུལ་འདི་དག་བསམ་གྱིས་མི་ཁྱབ་པའི་དུས་ན་མེད་པ་རང་གི་སེམས་སུ་རླབས་ཏེ་ཐ་དད་པ་མེད་པ་ཡིན་པས། །ཡུལ་དྲུག་གིས་བསྡུས་པ་རིལ་གྱི་མཚན་ཉིད་མན་ངག་གིས་སེམས་སུ་མངོན་སུམ་དུ་བསྟན་པར་བྱ། །སྒྲོ་བཏགས་ཀྱི་རྟོག་མེད་སྟོང་པའི་ངང་ཉིད་ལ་རོལ་པ་སྣ་ཚོགས་ཤར་བ་ཡི། །ཚིག་༢མ་བྱུང་མ་སྐྱེས་པ་ལ་སོགས་གི་སྒྲོ་༡བཏགས་ཐ་༣སྙད་པ་ཡིན། །བསྟན་བྱ་དངོས་པོ་སྣ་ཚོགས་འདི་རྣམ་པར་རྟོག་པ་རྦ་རླབས་ཡིན་པས་དེ་ལས་གྲོལ་བའི། །རང་བྱུང་ཡེ་ཤེས་ཆེན་པོ་ཕྱོགས་འཛིན་ལས་གྲོལ་བའི་ངོ་བོ་རྣམ་པ་མཐའ་ཡས་པའི་མཚན་ཉིད་ཅན། །ཡུལ་དུ་སྣང་བ་དང་འཛིན་པར་རྟོག་པ་དེ་ཉིད་ཀྱིས་དེ་ཉིད་དག་པར་བྱེད་པའི་བརྡ་དོན་བཀྲོལ་ཏེ་ཅི་སྐྱེས་པ་ཉིད། །མ་བཅོས་ངང་གིས་ཡེ་ཤེས་སུ་གསལ་ལོ། །གང་རིག་པའམ་དྲན་པ་དེ་ཉིད་ཀྱིས་སྤོང་ལེན་གྱི་རྟོག་པ་ཐམས་ཅད་རྣམ་པར་སྤངས་ཏེ། །སེམས་སྐྱེ་མེད་ཉིད་ཕྱོགས་ཐམས་ཅད་དུ་གསལ་བར་རང་ཤར་བས་ཡུལ་ཡུལ་ཅན་དང་བྲལ། །ཐག་པ་སྦྲུལ་དུ་མཐོང་བ་དེ་ལ་བཅད་བཏུབ་མི་དགོས་ཀྱི་ཐག་པར་མངོན་སུམ་གསལ་བའི་ལོག་རྟོག་བྲལ་ཏེ་ཞེན་པ་ལྡོག་པ་ལྟར་སྣ་ཚོགས་ཀྱི་སྣང་བ་སྤང་མི་དགོས་སོ། །ཆོས་ཐམས་ཅད་ཀྱི་ངོ་བོ་དེ་ཉིད་མཐོང་བས་འཁྲུལ་མ་འཁྲུལ་གྱི་ཐེ་ཚོམ་མེད། །ཡུལ་ལ་ཤེས་པ་རྒྱུ་བ་མེད་པས་ཡེངས་པ་མེད་པ་ནི་ཡེ་ཤེས་རྒྱ་མཚོ་ཕྱོགས་མེད་ཀྱི་ཀླུང་སུ་ཕེབས་པའོ། །བསྒོམ་བྱ་སྒོམ་བྱེད་མེད་པར་ངང་གིས་གསལ་བས་ཇི་ལྟར་བརྟགས་ཀྱང་རྟོག་སྒྲིབ་ངང་གིས་མེད། །གཅིག་ཏུ་མ་ངེས་པར་རྫོགས་ཆེན་ཐམས་ཅད་དུ་ཤར་ཏེ་གང་ཡང་ཡིན་པས་རེ་དོགས་ཀྱི་གོལ་ས་མེད་དོ། །ཕྱོགས་འཛིན་རྣམ་དག་གི་རང་བཞིན་རྟོགས་པའི་སེམས་ཀྱི་ཡེ་ཤེས་ཀྱི་ཡུལ་དུ་མ་གྱུར་པ་རྡུལ་ཙམ་མེད་པས་སོ། །སྣང་རིག་སྟོང་གསུམ་གྱི་རོ་བདེ་བར་ཤར་བའི་ཡེ་ཤེས་སུ་མྱོང་བ་ཡིན། །ཆེད་དུ་བྱས་པའི་སྒོ་གསུམ་གྱི་རྩོལ་བ་མེད་པས་ན་རང་བྱུང་ཡིན་ཏེ་གཞན་ལ་རྟེན་མི་འཆའ་བས་སོ། །དེ་ལ་ནི་ཇི་སྐད་བྱ་ན་ཡུལ་ཡུལ་ཅན་དང་བྲལ་བའི་ཡེ་ཤེས་ཡིན་ཞེས་བྱའོ། །རང་བྱུང་ཡེ་ཤེས་དེ་ནི་འཁོར་འདས་ཀྱི་ཆོས་ཀུན་གྱི་བདག་སྟེ་ཐམས་ཅད་དུ་འཆར་བས་སོ། །མཁའ་ཁྱབ་ཀྱི་ལུང་ངམ་དོན་དམ་བཅུད་ཀྱི་ལུང་ངམ་བསྟན་པ་རྫོགས་པའི་ལུང་སྟེ་འདིར་འདུས་པའམ་བཟླུམས་པས་ཐིག་ལེ་ཅན་ཞེས་བྱའོ། །རང་གི་རིག་པ་ཉིད་ཡུལ་དང་ཡུལ་ཅན་དུ་རྟོགས་པའི་དུས་ཉིད་ན་ཡེ་ཤེས་ཏེ་དེ་ལས་སེལ་མེད་པའོ། །མ་བཅོས་པས་དེ་བཞིན་དང་མ་བསྒྲིབས་པས་ཡེ་ཤེས་ལ་སོགས་པ་ཡོན་ཏན་དུ་མའི་གདགས་གཞི་དང་ལྡན་པས་ཅན། །ཆེད་དུ་གཉེར་བའི་ཐབས་དང་རྒྱུ་རྐྱེན་བྲལ་བས་ན་དེ་ལས་བྱུང་བའི་དངོས་གྲུབ་གཉིས་དོན་དུ་གཉེར་བ་མེད། །དེས་ན་ཆོས་ཀུན་མི་འགྱུར་བར་ཐམས་ཅད་ལ་ཁྱབ་པས་ནམ་མཁའི་རང་བཞིན་ཅན། །རྣམ་སྨིན་གྱི་ལུས་དང་བྲལ་བས་རྣམ་རྟོག་རང་རྒྱུད་པའི་ཡན་ལག་མེད། །ཐམས་ཅད་ཀྱི་རང་བཞིན་ནམ་དངོས་གཞི་ཐེ་ཚོམ་བཅད་པས་རང་རྒྱུད་པའི་བརྟགས་པ་བྲལ། །འཛིན་པ་ཀུན་སྤངས་རོལ་པ་སྣ་ཚོགས་འབྱུང་བས་འཛིན་པ་ཀུན་གྱི་དངོས་གཞི་ཅན། །དྲན་ཞིང་རྟོག་པ་མི་ཤིགས་པའི་གསལ་བའི་རླུང་ཐམས་ཅད་ལ་ཁྱབ་པས་ཡེ་ཤེས་རྒྱུས་ཞེས་བྱའོ། །བདེ་བ་ཆེན་པོ་ཉིད་དབྱེར་མེད་པར་ཤར་བའི་ཐོགས་པ་མེད་པའི་ཡེ་ཤེས་རླུང་ཞེས་བྱའོ། །ཁོ་ན་དེ་ཉིད་མ་བཅོས་པ་ནམ་མཁའ་ལྟར་ཁྱབ་པའི་ཡེ་ཤེས་དེས་གང་ལ་ལྡན་པ་དེ་འགྲུབ་སྟེ། །རྣམ་རྟོག་གིས་དུས་ཀུན་ཏུ་གཡོ་བ་མེད་པར་ཀུན་ཏུ་བདེ་བ་ཆེན་པོས་ཀྱང་ཁྱབ་པ་ཅན། །ཕྱོགས་སུ་ཤར་བ་མེད་པར་ཀུན་ཏུ་རང་བཞིན་ཅིར་ཡང་གསལ་བའོ། །ཡེ་ཤེས་འདི་ནི་རྨི་ལམ་ཉམས་མྱོང་མ་བཀག་ཀྱང་རང་རྒྱུད་པའི་ཤེས་པ་མི་སྐྱེ་བཞིན་དུ་དོན་ལ་ཡང་སྦྱར་རོ། །ཐུན་མོང་དང་མཚན་བཅས་དང་མཚན་མེད་དང་ཞེན་པའི་རྒྱུད་དང་བཞི་བྲལ་བ་ཏེ་མི་གནས་པའི་རང་རིག་སྟེ། །སྤྲོས་བྲལ་གྱི་སྒྱུ་མ་དེའི་རྩལ་ཇི་ལྟར་ཤར་ཡང་ངོ་བོ་ལས་མ་གཡོས་པས་འཛིན་མ་འགགས་པས་ཐབས་སྣ་ཚོགས་སུ་འཕྲོ་བའོ། །ཐ་དད་མེད་པའི་རིག་པ་སྟོང་པ་ཆེན་པོའི་ངང་དུ་ཕྱོགས་རིས་མེད་པར་གསལ་ཏེ་བདེ་བ་ཆེན་པོའི་ཀློང་དུ་འཁྱིལ། །རོལ་པའི་སྤྲོས་པ་མ་བཀག་པར་རྣམ་འཕྲུལ་སྣ་ཚོགས་སུ་ཤར་ཡང་རིག་པའི་ཐིག་ལེར་བསྡུས་ཏེ་རླབས་རྒྱ་མཚོར་གྲོལ་བ་ལྟ་བུ། ༈ །ཤེས་པ་གསུམ་གྱིས་མ་བཅོས་ལྷུན་གྲུབ་གསུམ་ཀྱར་རང་རིག་པའི་ངང་ལ་ཤར། །ངོ་བོ་དང་རྟོགས་པའི་མ་སྐྱེས་པ་དབྱེར་མེད་པའི་སེམས་ཉིད་ཕྱོགས་མེད་ཀྱི་ཐིག་ལེ་ལ། །ཐམས་ཅད་ཐིག་ལེའི་ཀློང་དུ་རྫོགས་པས་རེ་དོགས་དང་རྩོལ་སྒྲུབ་བྲལ་བའི་སྒོམ་མེད་ཀྱི་ཏིང་འཛིན་གྱི་རང་བཞིན་གསལ་པའོ། །རྩོལ་སྒྲུབ་ཀྱི་བྱ་བ་མེད་པའི་དོན་ལ་ཡོན་ཏན་ཀུན་ལྷུན་གྱིས་རྫོགས་ཏེ་ཉི་མ་དང་འོད་ལྟ་བུའོ། །ཡོངས་སུ་རྫོགས་པའི་རྒྱུ་དང་ལྷུན་གྱིས་གྲུབ་པའི་འབྲས་བུ་གཉིས་ལྡོག་ཆ་ཐ་དད་ཀྱང་རྒྱུ་རྐྱེན་མེད་པས་རྡོ་རྗེའི་ངོ་བོར་གཅིག་པའི་ངང་ལ་བསྡུས། །གཞི་ལམ་འབྲས་བུའི་ཆོས་ཐམས་ཅད་རང་སེམས་ངོ་བོའི་ཡིན་པའི་ཕྱིར། །རང་བཞིན་ཆེད་དུ་བྱས་པ་ལྟོས་པའི་འཛིན་རྟོག་སྤྲོས་པ་ཐམས་ཅད་དེ་ལས་བྱུང་ཞིང་དེར་གྲོལ་བས་རང་ཞི། །ཆེད་དུ་བྱེད་པ་དང་ཐིག་པའི་རྩོལ་བ་ཐམས་ཅད་ཀྱི་རིག་པའི་ཡོན་ཏན་གྱིས་སོ་སོ་ངང་གིས་གྲུབ། །ཐེག་པ་གཞན་གྱི་རྩོལ་བའི་ཆུ་བོ་ཉེར་བཞི་དང་བསྙེན་སྒྲུབ་གྱི་ཡན་ལག་ལ་རག་མ་ལུས་ཏེ་བྲལ་བའི་ལམ་ནི་མཆོག་ཡིན་ཏེ་བགྲོད་པ་དང་བྲལ་བའི་ལམ་མོ། །ཐམས་ཅད་ཉམས་སུ་མྱོང་བ་ནི་དགྱེས་པ་ཆེན་པོ་སྟེ་བཤད་པ་རིལ་འདིར་བསྡུས་པའི་ཐེག་ལེ་ཡིན། །དམྱལ་བ་ལ་སོགས་པ་རྒྱུད་དྲུག་རེ་རེ་ལ་ཡང་ལས་མཚན་མ་ངོ་བོ་ཡུལ་གྱི་རྟོག་པ་བསམ་གྱིས་མི་ཁྱབ་པ་ཐམས་ཅད་དང་། །ཕྱོགས་འཛིན་གྱི་མྱ་ངན་ལས་འདས་པ་ནི་མྱང་འདས་ཏེ་རྒྱལ་བའི་སྐུ་གསུང་ཐུགས་ལ་སོགས་པ། །ཆེ་བའི་ཡོན་ཏན་མ་ལུས་པ་ཀུན་ཁ་ན་མ་ཐོ་བ་མེད་པའི་བདེ་ཆེན་རིག་པ་ཕྱོགས་མེད་པའི་ངང་། །སྟེ་འདི་ལྟར་རྟོགས་པའི་དུས་ན་ཇི་བཞིན་པ་དང་མ་བཅོས་པའི་ངང་དུ་གསལ། །ཇི་སྙེད་པའི་ཆོས་ཀུན་འདིར་རྫོགས་ལ་ཡུལ་དང་ངོ་བོ་མཚན་མའི་སྤྲོས་པ་མེད་པའི་ངང་དུ་གསལ། །ཆོས་ཐམས་ཅད་རོ་གཅིག་པར་འདུས་པས་ཆོས་མ་ལུས་པ་འབྱུང་། འདུ། དབང་སྒྱུར་བས་ཀུན་གྱི་བདག་པོའོ། །ཕྱོགས་མེད་གདེང་དུ་གྱུར་པས་རྣམ་པར་རྟོག་པ་མ་མཐོང་བས་རྟོག་པའི་ངོ་བོའི་རྒྱུ་བ་བྲལ། །དེའི་ནུས་པ་དང་རྟོགས་པའི་སྟོབས་ཀྱིས་དུས་གསུམ་བྲལ་བའི་རང་རིག་ཉིད། །སྒོམ་པའི་རྩོལ་བ་དང་བྲལ་བས་རྟོགས་པའི་ཡེ་ཤེས་རྒྱུན་མི་འཆད། །ཐུན་མོང་དང་ཐུན་མིན་གྱི་རྣམ་རྟོག་རང་རང་གི་ལྟ་སྒོམ་འབྲས་བུ་ལ་ཞེན་པའི་མཚན་མ་ཇི་སྙེད་པའང་རྩ་བ་རང་བྱུང་ཇི་བཞིན་པ་ཐིག་ལེ་ལས་མི་འགྱུར་བར་དེ་ཁོ་ན་ཉིད་དུ་གསལ་བའོ། །ཞེན་བརྟགས་ཡེ་ཤེས་སུ་གནས་འགྱུར་བ་ནི་དུས་གསུམ་གྱི་རྒྱལ་བའི་དགོངས་པ་བདག་ལ་གསལ་བའི་ལུང་ཆེན་ཡིན། །ཐེག་པ་འོག་མའི་བྱེད་རྩོལ་རྣམས་འདིར་ཐམས་ཅད་རོལ་པ་རང་སྣང་ལ་མ་སྤངས་པས། །འཇིག་རྟེན་འདས་པའི་ལམ་འབྲས་ཀྱི་ཡོན་ཏན་དང་འཇིག་རྟེན་མཐོང་ལམ་མ་ཐོབ་པ་ཚེ་དང་ལོངས་སྤྱོད་ལ་སོགས་པའི། །སེམས་ཀྱི་རོལ་པ་མ་ལུས་པ་རང་ལས་བྱུང་ཞིང་གནས་པས་འདུས། །ཤེས་བྱ་མ་ལུས་པ་ཐམས་ཅད་སྒྲུབ་པའི་ལམ་མཆོག་དང་ཏིང་ངེ་དང་ཡེ་ཤེས་ཀྱི་ངོ་བོར་གྱུར་པས་ཀུན་གྱི་བདག་ཉིད་ཡིན་ནོ། ༈ །ཐེག་པ་རང་རང་གི་འདོད་པ་སྨིན་པའི་འབྲས་བུ་འདིར་མ་བཙལ་བར་རྫོགས་པས་ཀུན་གྱི་དངོས་གཞི་ཅན། །ཐེག་བརྒྱད་ཀྱི་རྩོལ་སྒྲུབ་ཀྱིས་མཐུན་པ་བླང་མི་མཐུན་པ་དོར་སྐྱེད་བྱེད་ཀྱི་རྒྱུ་ཡིས་འདོད་པའི་འབྲས་བུ་འགྲུབ་ཀྱི། །ལུས་ཅན་མ་ལུས་པ་རྩོལ་བས་སོ་སོར་མ་བསྒྲུབས་ཀྱང་ཐམས་ཅད་འདུས། །རང་རང་གི་འདོད་པ་རྩོལ་བས་ཐོབ་པར་བྱེད་པས་བསྙེན་སྒྲུབ་དོན་དུ་གཉེར་བའི་རྒྱུ་རྐྱེན་ཀུན་དང་བྲལ་བའོ། ༈ །ལུང་རིགས་ཀྱིས་གང་འཐད་བླང་འགལ་བ་དོར་འབྲས་བུ་ལ་མོས་ཤིང་འདོད་པའི་ཕྱོགས་འཛིན་གྱི་རྩོལ་བ་ལ་དགའ་བའི། །ལམ་མཐར་ཕྱིན་པས་བོགས་དབྱུང་དུ་མེད་པར་ཆེ་བའི་འབྲས་བུ་ཕྱོགས་འཛིན་གྱིས་ཐོབ་པར་འདོད་ན། །དཔེ་བློ་ཆུང་བས་རྨོངས་པའི་རྨུ་ལོང་རྒོད་དེ་བྱ་བ་མང་བས་ནམ་མཁའ་ལ། །གསེར་གྱི་ཐེམ་སྐས་ཚོལ་ཀྱང་མི་འགྲུབ་བ་འདྲ། །འཁོར་བའི་སྡུག་བསྔལ་གྱི་ངོ་བོར་མཐོང་བ་ལས་ཐབས་སྣ་ཚོགས་ཀྱིས་གྲོལ་བར་འདོད་པའི་སེམས་ཀྱིས། །ཐར་པའི་གོ་འཕང་བླང་བ་དང་འཁོར་བའི་རྒྱུ་འབྲས་དོར་བའི་སྡུག་བསྔལ་སྤོང་འགེགས་ལ་སོགས་པ་བྱེད་ཅིང་རྩོལ་བ་ཡིས། །འབྲས་བུ་འདོད་པའི་དབང་གིས་རྡོ་ལ་གསེར་བཞིན་ལོག་པར་ལྟ་བ་ནི་འཁོར་བར་སྤྱི་འགྲེང་རྡེག་པས་སྒོ་འདིར་ཞུགས་པ་མཆོག་གོ། །དོན་དམ་ཚངས་པའི་དབང་འདི་ནི་དགོས་པ་འབྱུང་བས་རིན་ཆེན་མི་ཟད་པས་གཏེར་གྱི་དངོས། །ཡིན་ལ་ཆོས་ཀུན་རིག་པ་ཕྱོགས་མེད་དུ་མི་ཕྱེད་པས་དོན་གཅིག་འཁོར་འདས་ཀྱི་རྣམ་པ་ཀུན་གྱི་སེམས་བདག །ཉིད་དུ་རྟོགས་པས་ལམ་བགྲོད་དུ་མེད་དེ་ལྷུན་གྲུབ་གསུམ་ཉིད་སྐུ་གསུམ་དུ་རང་བཞིན་གྱིས་རྣམ་པར་གྲོལ་བའི་ལམ། །ཆེ་བའི་ཁྱད་པར་ཀུན་འདིར་རྫོགས་པའི་ཇི་བཞིན་པ་ཉིད་འབྲས་བུའི་མཆོག །ཏུ་ཤར་བ་ནི་རྩོལ་བ་ལ་མི་ལྟོས་པས་རྒྱུ་འབྲས་དུས་གཅིག་ཏུ་དབྱེར་མེད་པས་ཐིག་ལེའི་ངང་། །ལས་མ་འདས་པས་བྱ་མེད་ལྷུན་སྔར་བཤད་རྫོགས་སེམས་ཀྱི་གཏེར། །སྣང་སྲིད་སྐུར་གསལ་བའི་དུས་ན་སྤྱོད་ཡུལ་རིལ་རྒྱན་དུ་མ་གྱུར་པ་མེད་པས་ཐུན་མིན་གྱི་དཔེ་བྱད་དང་མཚན་ཆེན་པོའི་རྒྱན་རྫོགས་ཏེ། །སྣང་སྲིད་ཐམས་ཅད་ཡེ་ཤེས་མཚོན་པའི་ཐབས་སུ་མ་གྱུར་པ་མེད་པས་ཕྱག་རྒྱ་དྲི་མ་མེད། ༈ །རྣམ་པར་རྟོག་པ་ཐམས་ཅད་དབང་ཐོབ་དུས་ན་རིག་པ་དེ་བཞིན་ཉིད་ལས་མི་འགྱུར་བ་དྲི་མ་མེད་པར་གསལ་བའི་ཐུགས་ཡིན་པའི་ཕྱིར། །སྣང་སྲིད་སྐུ་གསུང་ཐུགས་ཀྱི་རྒྱས་བཏབ་ཅིང་དེའི་ངོ་བོར་གསལ་བས་ཕྱག་རྒྱ་ཅན། །འདོད་ཡོན་ལྔ་ལས། ཉོན་མོངས་པ་སོགས་པར་སྣང་ཡང་མ་ངེས་པའི་ཏིང་འཛིན་ཐུན་མོང་མ་ཡིན་པའི་བདེ་བ་ཆེན་པོའི་རོར་མ་གྱུར་བ་མེད་པའོ། །དྲན་རྟོག་ཅི་སྐྱེས་ཀྱང་ཏིང་ངེའི་ཡན་ལག་སེང་གེ་རྣམ་པར་བསྒྱིངས་པ་ལ་སོགས་པའི་ཏིང་འཛིན་སྟོང་དང་རྟོག་པ་གང་སྐྱེས་ཏིང་ངེར་བཅས། །རྟོག་པ་ཐམས་ཅད་ཀྱི་ངོ་བོ་མི་རྟོག་པའི་བདེ་བ་ལས་གཞན་མེད་པར་གཅིག་ཏུ་འཁྱིལ་བའོ། །ལོ་ཀ་དང་རྩོལ་བརྒྱད་ཀྱི་བདེ་བ་མ་ལུས་པ་ཀུན་རང་གྲོལ་ཆེན་པོར་གྲུབ་པའི་བདེ་བ་ཅན། །རང་གཞན་གང་དུའང་མི་རྟོག་སྟེ་རང་བྱུང་ཡེ་ཤེས་བདེ་བ་ཆེན་པོའི་ཐུགས་སོ། །རང་བྱུང་ཡེ་ཤེས་བློས་དཔག་ཏུ་མེད་ཀྱང་ཏིང་འཛིན་འབུམ་ཕྲག་གི་སྒོ། །ནི་ཐེག་པ་གཞན་གྱིས་བསྐལ་པ་མང་པོས་ཐོབ་ལ་ཐེག་པ་འདིས་ནི་གང་ཟག་སྐལ་ལྡན་ལ་དང་པོ་རྟོགས་པའི་དུས་ཉིད་ནས་རྫོགས་པའོ། ༈ །རྒྱུད་དྲུག་བཤད་ཟིན་འཁོར་བ་མ་ལུས་པའི། །ལུས་ནི་མེད་པ། རགས་པ། ཕྲ་བ། འོད། ཡིད། དྭངས་མ། སྙིགས་མ་ལ་སོགས་པར་སྣང་བའི་རྣམ་པ་ཇི་སྙེད་བསམ་གྱིས་མི་ཁྱབ་པ། །གཟུགས་སྤྱིའི་རྣམ་པར་སྣང་བ་རགས་བཤད་ཟིན་པས་བསྡུས་པ་ཀུན། །ཇི་སྙེད་པའི་ལུས་དེ་དག་ཐམས་ཅད་རང་ལས་བྱུང་ཞིང་འདུ་བས་འཁྱིལ་པའི་དེ་ཉིད་ཡེ་ཤེས་ཀྱི་ལུས་སམ་སྐུ་ཞེའོ། །ནམ་མཁའ་ལྟར་ཚད་བཟུང་བ་ལས་འདས་པའི་སྐུ་སྟེ་རང་ལ་གནས་པས་རྫོགས་ཏེ། །ཟག་མེད་ཀྱི་ཡེ་ཤེས་མ་ལུས་པ་འདུས་པའི་གང་གིས་ཀྱང་མཛེས་པའི་རྒྱན་མངའ་བ། །དེས་ན་སྐུ་ལྔ་བཞི་གསུམ་ལ་སོགས་པ་མ་ལུས་འདུས་པ་སྐུ་ཡི་བཅུད་དེ་རིག་པའི་སྐུ་ཡིན་པས་སོ། ༈ །གང་ལ་གྲགས་ཀྱང་ངོ་བོས་སྟོང་པས་ཡུལ་ཤེས་སུ་འཛིན་ཅིང་པ་ཆགས་པ་དང་བྲལ་བ་ནི་བསམ་གྱིས་མི་ཁྱབ་པའི་གསུང་སྟེ་གསུང་གི་རྩ་བའི། །རྒྱུད་དྲུག་གི་བརྡ་དང་སྒྲ་སྐད་མཐའ་ཡས་པ། རང་བཞིན་གྱི། ཆོ་འཕྲུལ། མཚན་མ་བརྡའི། རིག་པ་རང་སྣང་གི་ལ་སོགས་ཏེ། །རབ་འབྲིང་ལ་སོགས་ཡི་གེ་པ་བརྗོད་པ་རྣམས། །མ་ལུས་པ་སྐྱེ་མེད་རྡོ་རྗེའི་གསུང་། །དུ་མཇལ་ཞིང་སྣང་བར་མཛད་པས་རྨད་བྱུང་གཅིག་གོ་བས་ཀུན་གོ་བ་ལྷུན་གྱིས་གྲུབ་པའི་གསུང་དབྱངས་ཉིད། །ཅིར་ཡང་མི་རྟོག་པའི་ཡེ་ཤེས་སུ་བརྡ་མཇལ་ཞིང་ཐམས་ཅད་གོ། །བར་སྟོན་བས་དེ་དག་ཐམས་ཅད་མ་བཅོས་པའི་དོན་སྟོན་པའི་རིག་པའི་དལ་དུ་འཇུག་པའི་སྒོ། །ཡང་ཡིན་ལ། ལྷུན་གྲུབ་ཏུ་དབུགས་ཕྱུང་བའི་བདེ་ཆེན་དྲི་མ་མེད་པར་སྟོན་པས་ཚངས་པའི་གསུང་། ༈ །སྐུ་གསུང་ཐུགས་ཐམས་ཅད་ཀྱང་སེམས་ཉིད་ལ་རྫོགས་པས་འབད་རྩོལ་མེད་པའི་བདེ་བ་ཆེན་པོ། །རྒྱུ་རྐྱེན་གཞན་བཅད་པས་རང་བྱུང་འབད་རྩོལ་མེད་པས་ལྷུན་གྲུབ་གང་དང་ཡང་དབྱེར་མེད་པས་རྡོ་རྗེ་སྟེ། །སྐུ་གསུང་ཐུགས་རྡོ་རྗེ་གསུམ་འདུས་པས་ཡོན་ཏན་ཀུན་གྱི་དངོས་གཞིར་གྱུར། །ཤེས་པ་བརྒྱད་འདུས་པའི་རང་བཞིན་ཐིག་ལེ་རྣམ་ཤེས་དགུ་པ་དེ་ལས་ཚོགས་བརྒྱད་འབྱུང་ཞིང་ཐིམ་པ་ཡི་བདག །རྣམ་ཤེས་བརྒྱད་ཀྱི་སྙིང་པོ་ཡེ་ཤེས་ལྔ་ཡིན་ལ་དེ་ཡང་རྟོགས་པའི་ཤེས་པ་ལ་འདུས་པས་རྡོ་རྗེ་མངའ་མཛད་པས་རྒྱལ། །སྣང་སྲིད་བདེ་བ་ཆེན་པོའི་དལ་དུ་རིག་པའི་སྡུག་བསྔལ་ལ་རིག་པའི་རྒྱ། །བཏབ་པ་ལས་མི་འདའ་ལ་དེ་སུས་རྟོགས་པ་ཀུན་གྲོལ་ཞིང་བདེ་བའི་ལམ་ཉིད་ལ་གཟུད་དེ་སྒྲ་དང་བྲལ་བའི་ཙིཏྟའི་དཀྱིལ་དུ་བསྟིམ་མོ། ༈ །དེ་ཝ་ར་ཙ། བདེ་བྱེད་བཟང་པོ། ཕྱག་ན་རྡོ་རྗེ་ལུང་གསུམ་གྱིས་རྒྱལ་བྱེད་ཀུན་དགའ་ལ་བརྒྱུད་པའི་མདོ་ཆེན་འདི་ཉིད་ཡིན་ནོ། །བྱ་བ་དང་ཡོ་ག་བཞི་སྟེ་ལྔ་དང་སྤྱིར་ཐེག་པའམ་མ་ཁྱད་པར་ཀློང་དགུའི་བདག་ཉིད་གསུམ་སྐུ་གསུང་ཐུགས་ཏེ་དེ་དག་རིལ་གྱི་མདོ་ནི་དབང་འདིའོ། །ཆོས་མ་ལུས་པའི་གཞིར་གྱུར་པ་ནི་བདག་གི་རིག་པ་དངོས་པོ་མེད་པ། །བརྗོད་པ་ཀུན་གྱི་གཞི་ཐ་སྙད་ཀུན་ཏུ་སྣང་བས་བདག་ཉིད་དོ། །དེ་དག་ཏུ་སྣང་ཞིང་བྱ་བ་བྱེད་ཀྱང་ཡི་གེ་ལ་སོགས་པ་གང་དུ་སྣང་བ་དེ་དག་ཏུ་འཛིན་པའི་རྣམ་རྟོག་རྒྱུ་བ་བྲལ་བའོ། །ནམ་མཁའི་དངོས་པོས་སྟོང་སྟེ་མི་སྣང་པ་བཞིན། །དུ་གནས་ལུགས་བསྟན་པ་དང་བྲལ་ཡང་མ་ལུས་པ་ཐམས་ཅད་ཀྱི་ངོ་བོར་ཤར་བས་སེམས་ཀྱི་གཏེར་ཏེ་གཞན་ལ་སྣང་བ་མེད་པའོ། །འདོད་པའི་ཡོན་ཏན་ལྔ་ཉིད་དབང་པོ་ལྔའི་ལོངས་སྤྱོད་དེ་དེ་ཉིད་རྒྱལ་བ་རྣམས་ཀྱིས་ཀྱང་སྤྱད་པར་བྱ་བའི་ཡུལ་ལོ། །དེ་ཅིས་ན་དབང་ཡུལ་དྲུག་པོ་དེ་ཉིད་ནི་ཡེ་ཤེས་ཆེན་པོ་ཐུག་པ་མེད་པའི་ལོངས་སྤྱོད་གཏེར་གྱི་བཅུད། །དེ་རྟོགས་ཏེ་གོམས་ནས་བདེ་བ་ཆེན་པོའི་ལོངས་སྤྱོད་ནམ་མཁའ་ལྟར་རྒྱ་ཆད་མེད་པ་རང་རིག་མཆོག །ཏུ་གྱུར་པ་མཐོང་ནས་སངས་རྒྱས་ཀྱི་ཞིང་ཁམས་རང་གསལ་བའི་གཞལ་ཡས་དེ་ཚོམ་ཞིང་བདེ་བར་བྱེད་པའི་གནས། །དེ་ནི་ཐུན་མོང་གི་སྤྱོད་ཡུལ་དུ་མ་གྱུར་པས་གསང་བའི་གནས་ཆེན་ཞེས་བྱ་ལ་ཕྱོགས་འཛིན་གྱི་དྲི་རྙོག་དག་པའི་གནས་སོ། །དང་པོ་སྐྱེད་པའི་རྒྱུ་དང་བྲལ་བའི་ར་ཀུན་གྱི་དངོས་གཞིར་ཤར་བས་ཐ་མ་གང་དུ་ཡང་འགག་མེད་དུ་རང་གསལ་བ་ཅན། །རྒྱལ་བ་ཀུན་གྱི་སྐུ་གསུང་ཐུགས་ཉིད་ངོ་མཚར་རྨད་དུ་བྱུང་བའི་ངོ་བོ་ཡང་སེམས་ཀྱི། དེ་ཁོ་ན་ཉིད་ཀྱི་བཅུད་དོ། །ཆེ་བའི་ཡོན་ཏན་མ་ལུས་པ་འདུས་པའི་རིན་པོ་ཆེ། །བརྗོད་བྱ་ཆོས་ཀྱི་ཕུང་པོ་ནམ་མཁའ་ལྟར་རྒྱ་མཉམ་ཞིང་མཐའ་ཐུག་པ་མ་ལུས་ཀུན་ངོ་བོ་གཅིག་ཏུ་འདུས་པའི་བདག་ཉིད་ནི་ཕྱོགས་བཅུ་ན་བཞུགས་པའི། །རྒྱལ་བ་མ་ལུས་པས་གསུངས་པའི་བསྟན་པ་ཀུན་གྱི་གཙོ་བོར་གྱུར་པའོ། །དེ་ནི་རྒྱལ་བ་ཀུན་གྱི་ཐུགས་ཀྱི་བཅུད་འདུས་པ་རྟོགས་ནས་དེ་ཉིད་ལམ་དུ་གྱུར་པའོ། །བདག་གཞན་མེད་པས་སྤྱོད་ཡུལ་དང་བྲལ་ཏེ་གང་ཡང་མ་ཡིན་བའི་རང་རིག་དེ་ཉིད་ནི། །བདེ་གཤེགས་རྒྱལ་བ་ཀུན་གྱི་ཐུགས་ཡིན་པར་བསྟན་ཏོ། །དངོས་གཞི་བྲལ་བའི་ཡེ་ཤེས་དེ་ཉིད། །ཀྱི་རང་བཞིན་དང་རྟོགས་པ་ལས་བདེ་གཤེགས་དང་རྒྱལ་བ་སྟེ་དེ་དག་འདི་ལས་བྱུང་བས་ཀུན་གྱི་ཡུམ་མོ། །འདི་ལས་ཆོས་མ་ལུས་པ་སྤྲོས་པས་འཁོར་འདས་ཀུན་གྱི་རྒྱུའོ། །རང་བཞིན། ཁམས། འབྱུང་བ། ངོ་བོ་ཉིད་ཀྱི་ཟག་པ་ཟད་པ་ནི་རྒྱུ་རྐྱེན་གྱིས་འདུས་མ་བྱས་སོ། །བསྟན་པའི་ཆོས་ཀུན་འདུས་ཤིང་དེ་ཉིད་ཀྱི་ཐིག་ལེ་ཆེན་པོའི་བཅུད་དུ་གྱུར་པའོ། །རང་རིག་པའི་ངང་དུ་གསལ་ལ་དེ་ཉིད་རང་བྱུང་གི་ཡེ་ཤེས་ཀྱི་སྒྲོན་མ་སྟེ་དེ་ལ། །འཕེལ་འགྲིབ་མེད་པས་ནམ་མཁའི་དབྱིངས་ཤེའོ། །རྟོགས་ནི་ཇི་སྙེད་པའི་སྡུག་བསྔལ་ཇི་ལྟར་རྒྱུ་མ་སྤངས་རང་བྱུང་ཡེ་ཤེས་སུ་དག་པས་བདེ་བའི་ཀློང་དུ་འཁྱིལ་བ་ཡིན་ནོ། །འཁོར་བ་དང་ཉོན་མོངས་པ་སྤང་དུ་མེད་པས་ཡེ་ཤེས་བསྒྲུབ་པ་དང་བྲལ་ལོ། །འབྲས་བུ་ལ་རེ་བ་མེད་པས་འཁོར་བ་ལ་དོགས་པ་བཅོམ་པའོ། །ཤེས་བྱ་ཤེས་བྱེད་ཀྱི་རྒྱུན་བཅད་པས་ཡུལ་ཡུལ་ཅན་དང་བྲལ་བའོ། །ཐ་མལ་དང་ཆེད་དུ་བྱས་པའི་བརྐམ་ཆགས་ལྔ་དང་བྲལ་ཏེ་རང་བྱུང་གི་ཡེ་ཤེས་སུ་གསལ་བས། །འཁོར་བའི་རྣམ་རྟོག་ཅི་སྐྱེས་པ་ཉིད་ཡེ་ཤེས་ཆེན་པོའི་ཀློང་དུ་སྣང་ངོ་། །ཆེད་དུ་བྱེད་པ་དང་ཐེག་པ་སོ་སོའི་རྩལ་བ་དང་ཏིང་འཛིན་གྱི་རིམ་པ་སྤངས་ནས། །རང་རང་གི་འབྲས་བུ་གཞན་ནས་ཐོབ་པར་འདོད་པའི་ཡུལ་དང་བྲལ་ལོ། །ལས་དགེ་དང་མི་དགེ་གང་ལ་ཡང་ཁུར་དུ་ལྟ་བའི་རྣམ་རྟོག་བྲལ། །ཆོས་ཐམས་ཅད་འདིར་མཉམ་ཞིང་རྫོགས་པ་ཆེན་པོའི་ཡིན་ལ་དེ་ཉིད་ཐིག་ལེ་ཆེན་པོ་ཡིན་བས། །དཀར་གསུམ་མངར་གསུམ་གཙང་དང་ཤ་ལྔ་བདུད་རྩི་ལྔ་སྨེ་བར་འཛིན་བའི་བློ་རྟོག་དོར་ཞེས་གདམས། །ཕྱི་ནང་གི་ཆོས་ཐམས་ཅད་མ་ལུས་རང་བྱུང་ཡེ་ཤེས་སུ་གསལ་ལ། །ཇི་ལྟར་སྤྱོད་པ་ཐམས་ཅད་རྣམ་པར་དག་དལ་གང་དུ་ཡང་རྟོག་པ་མེད་པས་གནང་བ་དང་བཀག་པ་མེད་དེ། །ཇི་ལྟར་འདོད་དགུ་བདེ་བར་སྤྱོད་ཅེས་བྱའོ། །རྟོགས་ནས་གང་དུའང་མི་རྟོག་བདེ་ཆེན་ཕྱོགས་མེད་དུ་ཤར་བ་ཉིད། །དེ་ཉིད་ནི་སྤྱོད་པའི་རྒྱལ་པོ་ཡིན་པས་རྒྱ་མཚོ་ཞེས་སྟེ། །མ་རྟོགས་པར་ལུས་ངག་ཡིད་གསུམ་གྱི་སྤྱོད་པ་གཙོ་བོ་རུ་འཇོག་པར་བྱེད་པ། །དེ་ཡང་ཞེས་པའི་སྤྱོད་པ་ཉིད་ཡིན་ཏེ་རང་བྱུང་དང་དམ་པའི་སྤྱོད་པ་མིན་ནོ། ༈ །རང་བྱུང་ལྷུན་གྲུབ་ཀྱི་དོན་ལ་གནས་པ་དེ་ཉིད་ལ། །ལམ་གྱི་ཡན་ལག་ཀུན་དེ་ཉིད་ཀྱི་ཡོན་ཏན་གྱི་ཆ་ལ་རྫོགས་པས་འོག་མ་ལས་ཁྱད་པར་ཆེ་དེའི་དོན་བསྟན་པའི་ཕྱིར། །མི་དམིགས་སྒྱུ་མའི་བརྐམ་ཆགས་ཀྱི་དུཿཁ་དང་བྲལ་བས་བདེ་མཆོག་ནི། །དུས་རྟགས་ཏུ་སྣང་རིག་སྟོང་གསུམ་དབྱེར་མེད་པར་གསལ་ན་ལྟ་བ་ཡིན་ནོ། །དེ་ཉིད་མ་བསྒོམས་ཀྱང་གསལ་བར་གདེང་དུ་ཕེབས་ན་སྒོམ་པའི་མཆོག་གོ། །སྐུ་གསུང་ཐུགས་ཀྱི་སྙིང་པོ་ཆུབ་པར་རྟོགས་པས་དཀྱིལ་འཁོར་ཡིན་ནོ། །ཐབས་ཀྱིས་བསྟན་ཡང་གདོད་ནས་རང་ལ་རྫོགས་པས་དབང་བསྐུར་ཡང་རྫོགས་པ་ཡིན་ནོ། །རྟོགས་པའི་དོན་དེ་ཉིད་སྒོ་གསུམ་གྱིས་ཉམས་སུ་ལེན་པར་ནི་སྤྱོད་པའི་མཆོག་གོ། །ནམ་ཡང་བདེ་མཆོག་ལས་སྐད་ཅིག་ཀྱང་མི་གཡོ་བ་ནི་ཡེ་ཤེས་འབར་བའི་ཀློང་། །ས་ལམ་ཇི་ལྟར་སྤྱད་ཀྱང་དེའི་ངང་ལས་མི་ལྡོག་ཅིང་བདེ་བ་ཆེན་པོའི་ཀློང་དུ་གྱུར་པ། །དེ་ནི་དོན་གྱི་སྙིང་པོ་སྒྱུབ་པའི་དངོས་གྲུབ་ཁྱད་པར་ཅན་འགྲུབ་པའི་མཆོག་འབྲས་བུ། །ཡེ་ནས་ངོ་བོ་ཉིད་ཀྱིས་མི་འདའ་བ་ཡི་རྟོགས་ནས་བསྲུང་མི་དགོས་པ་དམ་ཚིག་ཡིན་སྟེ། །རང་བྱུང་རྟོགས་པའི་ཕྱག་རྒྱས་བཏབ་ཅིང་དེའི་དོན་ལ་བྱ་བྱེད་མེད་པའི་བརྩོན་འགྲུས་ཀྱིས་སྒྲུབ་པའི་སྒྲོ་སྐུར་མེད་པའི་ལུང་ཆེན་ཡིན་ནོ། །འདོད་ཡོན་མ་ལུས་པ་བདེ་བ་ཆེན་པོའི་ཀློང་དུ་ཐིམ་ཞིང་རྣམ་རྟོག་སྐྱེ་མེད་ཀྱི་ཞལ་དུ་ཞུམ་པར་གྱུར་པ་ཡིས། །བདེ་བ་ཆེན་པོའི་མཆོད་པ་ཡིན། །མཆོད་པ་དང་ཡུལ་ཀྱང་རང་ལ་གསལ་བར་རྫོགས་པས་ཕུལ་བ་ཡིན། །སྣང་སྲིད་སྐུ་གསུམ་དུ་བྱིན་གྱིས་བརླབས་པས་ཕྱོགས་འཛིན་ཡེ་ནས་དག །དུས་རྟག་ཏུ་རང་ལས་བྱུང་བས་མཆོད་པས་རོལ་ཞིང་སྙིང་པོའི་དོན་དུ་བསྟབ་ན་མཆོད་པའི་གནས་སུ་སྟོབ་པ་ཡིན། །རྟོགས་པས་གཉིས་སུ་མེད་པར་གྱུར་པས་བདེ་བ་ཆེན་པོ་མཛེས་པའི་རྒྱན་དུ་མ་གྱུར་པ་མེད་པའོ། །གདུལ་བྱའི་དོན་མ་ལུས་པ་ཇི་ལྟར་བསམ་པ་ལྟར་རྫོགས་ཤིང་འབྱུང་པས་རིན་པོ་ཆེ་ཞེས་བྱའོ། །དེ་བས་ན་རང་རིག་འཕོ་འགྱུར་མེད་པ་ནི་རྨད་བྱུང་ངོ་མཚར་གྱི་ཕོ་བྲང་སྙིང་པོ་ཡོངས་སུ་རྫོགས་པའི་དཀྱིལ་འཁོར་ཆེ། །ཆེ་བའི་ཡོན་ཏན་ཀུན་རྫོགས་རྒྱལ་བ་བཞུགས་པའི་ཕོ་བྲང་སྟེ་དལ་གྱི་སྙིང་པོ་དེར། །འགྲོ་བའི་བླ་མ་ཡོན་ཏན་རིན་ཆེན་དང་འདྲ་ཞིང་སྲོག་གསུམ་དུ་འགྱུར་བ་རྟོགས་གོམས་དང་ལྡན་པ་དེས། །ཕྱིན་ཅི་ལོག་ཐམས་ཅད་བདག་ཉིད་དུ་རྟོགས་ཏེ་ལྟ་དགོངས་ཟབ་པའི་གདེང་དང་ལྡན་ན། །ཆོས་ཐམས་ཅད་ལ་ཉམ་ང་བ་མེད་པར་དབང་བསྒྱུར་བ་ནི་དབང་ཕྱུག་རྒྱལ་པོ་སྟེ་ཕྱོགས་རིས་མེད་པའི་དོན་ལ་ཞུགས་པ་ཡིན། །རྟོགས་པའི་ཐབས་དང་ལྡན་ན་ལྷུན་གྲུབ་ཀྱི་རང་གནས་ཡིན། །ལྷུན་གྲུབ་གསུམ་རང་ཉིད་སྐུ་གསུམ་དུ་གསལ་ན་སྤྱན་དྲངས་པ་ཡིན། །པས་གཞན་ནས་བསྟིམ་མི་དགོས། བདག་གཞན་དུ་འཛིན་པ་དང་བྲལ་ན་དྲི་མ་དུས་གཅིག་ལ་དག་པ་ཞེས་བྱའོ། །རྟོགས་པའི་དོན་དང་མི་འབྲལ་བའི་མོས་པ་དང་ལྡན་ན་རྩོལ་བ་དང་བྲལ་བ་ནི་སྨོན་པས་འཕགས་པའོ། །ཕྱོགས་འཛིན་གྱི་དོན་ལ་ཆགས་པ་དང་བྲལ་རང་རིག་དོན་གྱི་ན་བླ་མ་མཉེས་ཏེ་རྒྱལ་བ་རིག་འཛིན་བླ་མ་ཀུན་དུས་གཅིག་ལ་མཉེས་པར་འགྱུར་རོ། །རྒྱལ་བ་ཀུན་གྱི་དགོངས་པའི་ཞེ་ཕུགས་ནི་དགུ་རུམ་དུ་སྦས་པའི་ཐིག་ལེ་ཐབས་དང་བཅས་པའི་མན་ངག་དེ། །བདེ་ཆེན་གྱི་གདེང་དུ་དབང་གི་སྒོ་ནས་བསྟན་ན་དེ་ཁོ་ན་ཉིད་ཀྱི་དམ་ཚིག་ཕོག་པའོ། །ཐུན་མོང་གི་འདུལ་སྡོམ་དམ་ཚིག་ལྟར་བསྲུང་མཚམས་དང་བཅས་པ་ནི། མ་ཡིན་ནོ། །རྟོགས་པའི་གདེངས་ལས་མི་གཡོ་བར་རྟེན་པར་མཚམས་ཀྱི། །དམ་ཚིག་འདི་ཡང་གསང་བ་བས་ཀྱང་ཆེས་གསང་བ། ཡང་གསང་རྨད་བྱུང་གི་དམ་ཚིག་སྟེ། །ཐུན་མོང་གི་འདུལ་སྡོམ་དང་ཕྱི་ནང་གི་དམ་ཚིག་ལས་འཕགས་པས་ཁྱད་པར་ཅན་ཏེ། །སྒོ་གསུམ་གྱིས་ཆེད་དུ་བསྲུང་བྱ་མེད་དེ་མ་བསྲུངས་ཀྱང་འགལ་བ་མེད། པའི་སྡོམ་པ་ཅན། །ཐབས་ཁྱད་པར་ཅན་ནམ་འཕྲུལ་གྱི་ལུང་བཅུས་བཅོས་མ་རྣལ་མར་རྟོག་པ་དང་ལྡན་དོན་ལས་མ་ཡེངས་པའི་རྣལ་འབྱོར་པ་ལ། །བསྙེན་སྒྲུབ་ལ་སོགས་པའི་རྩོལ་བས་མངོན་དུ་སྒྲུབ་པ་མི་དགོས་ཏེ། །དེའི་དོན་དབང་གི་དུས་སུ་རྡོ་རྗེའི་ཉིད་མཚོན་པའི་ཚིག་གིས་བརྒྱུད་པ་དང་ཉམས་སུ་ལྡན་པས་བརྗོད་པར་བྱའོ། ༈ །འཁོར་ལོ་སྒྱུར་བའི་རྒྱལ་པོ་འོད་སྣང་བའི་གནས་ངང་ཕུག་རིན་པོ་ཆེའི་གླིང་བྱ་བ་ཡོད་གི་རིན་ཆེན་སོ་སོ་ལས་བྱས་པའི་སྒོ། །བཞི་ཡང་རིན་པོ་ཆེ་འཕྲུལ་གྱི་རྒྱ་མདུད་སྣ་བཞིའི་སྒོ་དང་བཅས། །པའི་རྒྱལ་པོ་ལ་མངའ་བའི་ལྡེ་མིག་གིས་ཁྲོལ་ན་རིན་པོ་ཆེའི་གཏེར་ཁྱིམ་ལ་གཞན་ལ་རག་མ་ལུས་པར་དབང་བསྒྱུར་བའི་བདག་པོ་མཛོད། །རིན་པོ་ཆེ་དང་འབྲུ་ལ་སོགས་པའི་ལོངས་སྤྱོད་ཀྱི་གཏེར་ལ་མངའ་མཛད་ཅིང་རོལ་བ་བཞིན་དུ། །བླ་མའི་མན་ངག་ལྡེ་མིག་ལྟ་བུ་རྡོ་རྗེ་ཚིག་གིས་མི་ཤེས་པའི་རྒྱ་མདུད་བཀྲོལ་ན། །བྱང་ཆུབ་ཀྱི་དཀར་པོ་ཆེ་བའི་ཡོན་ཏན་མ་ལུས་པའི་གཏེར་ལ་རྩོལ་མེད་ཉིད་གྱིས་དབང་སྒྱུར་བའི་མངའ་བདག་མཛོད། །རྫོགས་ཆེན་གྱི་རང་བཞིན་དེ་ཉིད་ལུང་དམ་པས་བཀྲོལ་ན་ཤེས་རབ་ཀྱི་མིག་ཕྱེ་བས། །གང་མཐོང་ན་བདེ་བ་ཆེན་པོ་ཕྱོགས་རིས་མེད་པ་རྟོགས་ན་རང་གནས་ཀྱི་དཀྱིལ་འཁོར་ཉིད་མཐོང་སྟེ། །དབང་གིས་ཐབས་ཀྱིས་ཟིན་ན་ཡོན་ཏན་བསམ་ཡས་པའི་མངའ་བདག་ཡིན་སྟེ། །རྡོ་རྗེ་རྒྱལ་པོ་སློབ་དཔོན་དུ་གྱུར་པ་ཐོབ་པ་ནི་འབྲས་བུ་ཡིན། །ལྟ་དགོངས་ལ་རེ་དོགས་མེད་ཅིང་བདག་གཞན་གྱི་དོན་གྲུབ་པས་བདེ་གཤེགས་ཉིད་དང་སྐལ་བ་མཉམ། །རྡོ་རྗེའི་ཐེག་པ་ལ་ཞུགས་པས་བྱང་ཆུབ་རྡོ་རྗེའི་རིགས་སུ་ངེས་དེ་གང་ཟག་གང་ལ་བསྟན་ན། ༈ །ཐེག་པ་མཐར་ཕྱིན་པའི་ཏིང་ངེ་འཛིན་གྱི་རིམ་པ་ཡི་ལམ་དེས། །མ་བགྲོད་པར་ཐེག་པ་དམན་པ་རྩོལ་བརྒྱད་ལ་ཞུགས་པའམ། །རིགས་རྒྱུད་དབང་པོ་ཆིག་ཆོད་དམ། །སྦྱངས་པའི་འཕྲོ་ཅན་གང་ཡང་རུང་། །ཞེའོ། །ཐེག་པ་རང་རང་གི་གྲུབ་མཐས་ཤེས་པ་མ་བསྒྱུར་བའི་སྣམ་བུ་ཚོས་མེད་ལྟ་བུ། །དེ་གཉིས་ཀ་ཐུན་མོང་གི་བློ་ཅན་གྱི་གང་ཟག་སྟེ་བ་ཏ་རྟའི་གཟེབ། །ལྕགས་སུ་བཅུག་པ་འགྲོལ་བ་དང་༡༽འདྲ་༢༽བར་རྣམ་རྟོག་ཡེ་ཤེས་སུ་དགྲོལ་བའི་ཐབས་རྣ་བརྒྱུད་ཀྱི་ཆུ་བོ་དང་བསྲུང་བྲལ་གྱི་དམ་ཚིག་བསྟན། །རང་བཞིན་གྱི་ཕྱག་རྒྱ་ཆེན་པོ་བསྟན་པ་ཙམ་གྱིས་བཙལ་མེད་དུ་རྫོགས་པར་བསྐྱེད། །ཡོད་མེད་རྟག་ཆད་ཀུན་ལ་ཁྱབ་པའི་ཡེ་ཤེས་ཕྱོགས་མེད་དུ་གསལ་ཞིང་འབར་བའི་སྐུ་ནི། །ཆོས་ཀྱི་དང་ལོངས་སྤྱོད་རྫོགས་པའི་སྐུ་དང་སྤྲུལ་པའི་སྐུ་མཐའ་དག་དང་། །ཁྲོ་བོ་ཁྲག་འཐུང་དང་ཞི་བ་རྒྱས་འབྲིང་བསྡུས་པ་ལ་སོགས་པའི་དཀྱིལ་འཁོར་མཐའ་ཡས་ཀུན། །རོལ་པའི་སྣང་བ་མཐའ་ཡས་པ་འདིར་འདུས་པའི་ཡེ་ཤེས་ཀྱི་ལུས་ཡིན་པས་ཆེན་པོ་སྒྲིབ་བྱེད་མེད་པར། །གསལ་ཞིང་ཉམས་སུ་མྱོང་འབར་བསྐྱེད་པ་ཡིད་ཆེས་པར་མངོན་སུམ་དུ་མཐོང་བར་བྱ། །བདུད་རྩི་ལྔ་བཟའ་བ་དང་རིག་པའི་སྤྱོད་པ་ལས་སྤྱོད་ལམ་ཐམས་ཅད་དུ་མི་འདའ་བའི་དམ་ཚིག་སྦྱིན། །འདིར་མན་ངག་རྟོགས་པའི་སྐབས་ཏེ་བདེ་ཐོབ་ཐུན་མཚམས་བར་པ་རེ་དོགས་བཅད་པ་ཡི་དུས། །སྐུ་གསུམ་མངོན་སུམ་དུ་འཇུག་པའི་མན་ངག་གི་དབང་རྣམས་དུས་གཅིག་ཏུ་རྫོགས། །རང་བཞིན་དང་ལྟོས་པའི་དགེ་བ་དང་སྡིག་པའི་ལས་ཀྱི་རྣམ་རྟོག་སྐབས་འདིར་མེད། །ཅེས་མེད་ན་རྣམ་སྨིན་གྱི་རྒྱུ་འབྲས་ངན་པ་ཟད་པས་པདྨ་དང་འདམ་ལྟར་མི་གོས་པར། །རང་གི་རིག་པར་རྟོགས་ལ་གང་ལ་ཡང་ཆགས་པ་དང་ཐོགས་པ་མེད་པ་བདེ་བ་ཆེན་པོར་ཐོབ་པས་ན། །ཆོས་ཐམས་ཅད་ལྷུན་གྲུབ་གསུམ་དུ་མཉམ་པར་རྫོགས་ཏེ་རང་བྱུང་གི་ལོངས་སྤྱོད་ཉིད་ལ་རང་བྱུང་ཡེ་ཤེས་ཉིད་རོལ། །རིག་པ་རང་གསལ་ཕྱོགས་རིས་མེད་པའི་བདེ་བ་ཟག་པ་མེད་པའི་ལོངས་སྤྱོད་སྒྲུབ། །དེ་ལྟར་མ་ཆགས་པ་ཁོང་དུ་ཆུད་པས་ཀུན་ལ་སྤྱོད་ཀྱང་རང་བྱུང་པའི་ཡེ་ཤེས་སུ་རང་སྣང་བར་རྟོགས་པའོ། །དེ་ལྟར་རྟོགས་པ་ལ་རང་སེམས་ནུས་པ་བརྟས་པའི་དགོངས་པའི་སྟོབས་དང་ཡུལ་ཤེས་པ་ལ་ཐིམ་པས་ནི། །བཤད་པའི་རྣམ་རྟོག་ཕྱོགས་རིས་སུ་བཅད་པ་དང་བྲལ་བའི་བྱང་ཆུབ་ཀྱི་སེམས། །ཉིད་རང་བྱུང་གི་ཡེ་ཤེས་སུ་འགྱུར་ཏེ་བདེ་བ་ཆེན་པོའི་ལོངས་སྤྱོད་དུ་གྱུར་པས་ནུས་པ་བརྟན་པར་བྱོས་ཤིག་པའོ། །ཐམས་ཅད་དུ་འབྱུང་བ་ས་ཆུ་མེ་རླུང་བཞི་ལས་སྨིན་ཅིང་འགྲུབ་པས་སྐྱེད་པའི་རྫས་ཐམས་ཅད་རང་གི་སེམས། །ནམ་མཁའ་ལྟར་རྟོགས་ཤིང་ལུས་རྡོ་རྗེ་ལྟ་བུར་འགྱུར་ཞིང་གསལ་ལ་བརྟན་པའི་ཟས་སུ་འགྱུར། །འདི་ནི་རྒྱལ་བ་དང་དབྱེར་མེད་པས་རྡོ་རྗེ་རྒྱལ་པོ་སྟེ་དེ་ཡི་སྣང་སྲིད། །གཉིས་སུ་མེད་པའི་ཡེ་ཤེས་རྡོ་རྗེའི་ངང་དུ་ཚིམ་པར་བྱའོ། ༈ །རྟོགས་པ་སྒོ་གསུམ་རྡོ་རྗེ་དེས་གང་བརྗོད་པ་ནི་ཚིག་སྟེ་དེ་དག་གི་ལམ་ནས་དེ་ཁོ་ན་ཉིད་སྨྲ་བས། །བདག་དོན་བཤད་པའི་དོན་རྟོགས་ནས་གཞན་དོན་སྐལ་ལྡན་འགའ་ལ་དོན་དང་འབྲེལ་བའི་ཕྲ་བའི་ཚིག་གིས་སྟོན་ཅིང་སྨྲས། །བཤང་བ་དྲི་ཆེན་གཅི་བ་དྲི་ཆུ་ཁུ་བ་བྱང་སེམས་ལ་སོགས་ཤ་ཆེན་དང་རཀྟ་བསྡུ་ཏེ། །དེ་དག་ལ་བླང་དོར་དུ་རྟོག་པ་དང་འཇིག་རྟེན་པས་སྨད་ཅིང་དོར་བའི་ཁ་ན་མ་ཐོ་བའི་ཟས་བཟའ་བ་སྟེ་གོང་དུ་བཤད་དོ། །ས་ལ་སོགས་ཏེ་འབྱུང་བ་བཞི། །དངོས་པོའི་རྫས་སུ་འགྱུར་བས་མཐུན་མི་མཐུན་ཐམས་ཅད་ལ་དངོས་སུ་བཟའོ། །སྦྲང་རྩི་རྒོད་དང་བ་དམར་ཟལ་ཡི་འོ་མ་སྟེ་ཚེ་རིང་བའི་རྫས་དང་། །བཟང་སྡུག་ནི་ཤ་ལྔ་བདུད་རྩི་ལྔ་ལྕེ་པོག་གུ་གུལ་དཀར་པོ་དང་། །ཚ་ལྔ་དང་རྡོ་ཆུ་ཡི་ཁུ་བར་བྲག་ཞུན་ཅོང་ཞི་དཀར་པོ་མུ་ཟི་དང་བཅས། །རང་གི་ཆུ་ཡིས་གཏོར་ཏེ་ཟོས་པར་གྱུར་ན། །ལུས་རྡོ་རྗེར་འགྱུར་བ་དང་ཟས་བདུད་རྩི་རུ་ལུས་ཀྱི་བཅུད་དུ་ཆགས་ཤིང་ན་བ་དང་འཆི་བའི་གནོད་པ་མི་ནུས་ཏེ། །བོང་ང་ནག་པོ་ལ་སོགས་པའི་དུག་མཐའ་དག་ལའང་མཐུ་གསད་པ་དང་བྱིན་གྱིས་རློབ་པའི་སྔགས་ཀྱིས་བཏབ་ལ་བཟའ་འོ། །ཐུན་མོང་གི་དངོས་གྲུབ་དེ་ཡི་རྗེས་སུ་ང་རྒྱལ་ལ་སོགས་པའི་སེམས་འཇུག་པ་ནི་མཆོག་གི་གེགས་སུ་འགྱུར་པས། །ཐབས་ཀྱིས་བཅོས་ལ་སེམས་ཉིད་རྣམ་པར་རྟོག་པ་དེ་དག་དང་བྲལ་བར་བྱའོ། །དུས་གསུམ་དུ་རང་གི་བདེ་བ་ཆེན་པོ་ལ་ལུས་ངག་ཡིད་གསུམ་མི་གཡོ་བར་འཇུག་སྟེ། །རབ་འབྲིང་ཐ་མ་འཇུག་པའི་ཐུན་མཚམས་སུ་དུས་ཀྱིས་གོང་དུ་བསྟན་པ་ལྟར་བྱའོ། ༈ །གང་དང་གང་རྗེས་སུ་མཐུན་པར་རང་རང་གི་ནུས་པ་དང་གདུལ་བྱ་ཕ་རོལ་འདུལ་པའི་བསམ་པ་དང་ལས་སྦྱང་བར་བྱས་ཏེ། །རང་གི་རིག་པ་ཉིད་སྒྲ་དང་གསུང་དུ་ལྷུན་གྱིས་གྲུབ་སྟེ་དེ་ཉིད་དོན་དང་འབྲེལ་ཅིང་མི་ཕྱེད་བས་རྡོ་རྗེའི་ངག །སྟེ་དེ་དང་ལྡན་པའི་རྣལ་འབྱོར་པས་ན་ཐབས་སུ་སྨྲ་བ་དང་བརྗོད་པ་ནི་ངག་གི་ཁ་ན་མ་ཐོའི་ལས་ཐབས་དང་ལྡན་པས་ཐ་མལ་དང་། དགེ་བ་ཏ་ཧ་ཅང་ཆེས་ཀྱི། འདོད་པ་ལ་རྟོག་པ་དང་ངན་པ་ཐུན་མོང་དུ་འགལ་པའི་ཚིག་སྨྲས་ཀྱང་། །ཉེས་པར་མི་འགྱུར་ཏེ་ཇི་སྐད་བརྗོད་པ་མ་ལུས་པ་ནི་རང་བྱུང་གི་ཡེ་ཤེས་སྙིང་པོ་བྱང་ཆུབ་རྡོ་རྗེའི་སྒྲ། །ཡིན་ལ་སྒྲ་ཇི་སྙེད་མ་ལུས་པའི་སྒྲ་བསྒྲགས་ཤིང་སྒྲ་ལ་ཐུན་མོང་གི་ཚིག་གི་དོན་མེད་དོ། །རྟོགས་པ་ཅན་གྱིས་ཚིག་དེ་སྐད་སྐལ་བ་ཅན་ལ་བརྗོད་དེ་སྒོ་གསུམ་མ་བཅོས་བག་ཡངས་ཀྱིས་གནས་པའོ། །སྐྱེ་མེད་རྡོ་རྗེ་དང་འབྲེལ་བའི་ངག་གི་སྤྱོད་པ་བྱའོ། །ཞེས་བསྟན་ཏོ། ༈ །རྡོ་རྗེ་ལུས་ཀྱི་འདི་ལ། འདིས། འདི་ལྟར་སྤྱོད་པ་ནི། །གཞན་གྱིས་རྟོགས་པར་དཀའ་བའི་དོན་ལ་ངམ་པས་ཨེ་མའོ། །ཆོས་ཐམས་ཅད་སྙིང་པོ་བྱང་ཆུབ་ཀྱི་ངོ་བོར་མཉམ་ཞིང་དེའི་ངང་དུ་རྫོགས་པ་ནི་ཐིག་ལེ་ཆོས་སྐུ་སྟེ་སྐུ་ཡི་བཅུད་དོ། །ནམ་མཁའི་བྱ་ལྟར་ཐོགས་ཆགས་མེད་དེ་མ་ལུས་པ་རྡོ་རྗེ་རུ་གསལ་བ་དེས་ཇི་ལྟར་སྤྱད་པ་ནི་ལུས་ཀྱི་ལས་སོ། །སྤྱོད་པར་བྱེད་པའི་ལས་དང་བྱ་བའི་ཡུལ་གཉིས་ཕྱོགས་མེད་ཀྱི་ཀློང་དུ་གཉིས་མེད་དེ། །དེ་ལྟར་སྣང་བ་ཐམས་ཅད་ཕྱོགས་མེད་ཀྱི་ཡེ་ཤེས་རང་རིག་ལས་དེ་དག་ཐམས་ཅད་དུ་ཤར་ཅིང་ལས། །གང་བྱེད་ཀྱང་དེ་དག་ཏུ་ཞེན་པའི་རྟོག་པ་མེད་དེ་རང་བྱུང་ཡེ་ཤེས་ཉིད་ལས་སུ་ཤར་བའི་ཕྱིར་རོ། །ཅི་སྤྱད་ཐམས་ཅད་ཐུན་མིན་གྱི་སྒྱུ་མ་ཆེན་པོ་སྟེ་དངོས་སུ་ལྷུན་གྲུབ་གསུམ་དང་སྐུ་གསུམ་དུ་གསལ་ལ། །ཆོས་གང་ལ་ཡང་མ་ཆགས་པར་ཞེན་པ་འཛིན་པ་མེད་པ་ངང་ཤུགས་གིས་སྤྱད་པར་བྱའོ་ཞེས་གདམས་སོ། །རང་རྒྱུད་པ་མེད་པའི་དཔེ་དཔེར་ན་མིག་འཕྲུལ་མཁན་གྱི་སྒྱུ་མ་བྱས་ཀྱང་རང་རྒྱུད་པ་མེད་པ་བཞིན་ནོ། །རྟོགས་ལྡན་གྱི་གང་ཟག་དེ་ཡིས་ལས་ཅི་སྤྱད་པ་དེ་ལ་ཤེས་པ་ཡུལ་ལ་འཕྲོ་ཞིང་རྒོད་པ་མེད། །རང་གི་རིག་པ་དེ་ཉིད་ལ་རྒྱུད་དྲུག་གི་རྒྱུ་འབྲས་ཐམས་ཅད་བསྡུས། །པ་སྟེ་རིག་པ་ལས་གཞན་པ་མེད་པས་སོ། །རྣམ་རྟོག་ཏུ་འཛིན་པའང་དངོས་སུ་བདེ་ཆེན་སྐྱེ་མེད་ཀྱི་ཀློང་དུ་བསྒྲལ་བའོ། །དེ་ལྟའི་རྣལ་འབྱོར་པས་སྲོག་གཅོད་མ་བྱིན་ལེན་པ་དང་། །འདོད་ལོགས་ལ་སོགས་ལུས་ཀྱི་ལས། །དེ་དག་ནི་གང་ཟག་ཐ་མལ་དང་ཐེག་པ་ཐུན་མོང་རྣམས་བག་ཚ་ཞིང་ཉམ་ང་བ་དེ་ཁ་ན་མ་ཐོ་བས་ཕོག་པའི་སྤྱོད་པ། །ཐམས་ཅད་ཚུལ་དེར་ནི་སྤྱོད་ཅིང་ཉམས་སུ་བླང་ཞེས་བསྟན་ཏོ། །དེ་ལྟར་མི་དགེ་བའི་ཆོས་མངོན་སུམ་དུ་སྤྱད་པའི་ལས་རྣམས་ཀྱིས། །ཅིའི་ཕྱིར་མི་གོས་ཤེ་ན་ལྟ་བ་དང་སྤྱོད་པ་ལ་༡ཐག་༡ཆོད་༡༡ཅིང་ཡེངས་པ་མེད་པ་དང་དགོངས་པའི་ཐེ་ཚོམ་བྲལ་བའི། །ཉམས་མྱོང་སྣང་རིག་སྟོང་གསུམ་རྒྱ་མ་ཆད་དེ་གསལ་བ་ཉིད་བདེ་བའི་རྒྱལ་པོའོ། ༈ །དེ་ལྟ་བུའི་གང་ཟག་དེ་ནི་རྣལ་མའི་དོན་ཐོབ་པ་ཡིན་པས། །འདོད་པའི་ཡོན་ཏན་ལྔ་དང་ལྡན་པའི་ཐབས་ཆེན་གྱིས། །བདེ་བ་ཆེན་པོ་མཐར་ཕྱིན་པ་བྱང་ཆུབ་ཚོལ་ཞིང་མཚོན་པར་བྱེད་པ་ལས་ཐབས་དང་ཐེག་པ་གཞན་གྱིས་བསྐལ་པ་བྱེ་བར་ཀྱང་འབྲས་བུ་ཐོབ་པ་མིན་མོ། །དེ་ཉིད་ཀྱི་དབང་དང་ཐབས་ཀྱི་བྱ་ཡི་སྒྲ་ཚད་དང་ཚིག་གིས་མཚོན་པ་མིན་ནོ། །རྣམ་རྟོག་ཞི་དང་རང་བྱུང་སྙིང་པོས་ཐམས་ཅད་དུ་རྒྱས་པའི་རང་བཞིན་ཅན་དུ་བཞུགས་སོ། ༈ །དབྱིབས་༼ལུས་ཀྱི་ཡོན་ཏན་༽ལེགས་མདངས་གསལ། བཞིན་བཟང་། ཆེ་ཆུང་རན། ལུས་འཇམ། རྐེད་པ་ཕྲ་བའོ། །ངག་འཇམ། རྫུན་སྤངས། ངག་སྙན། ཤིས་ཤིང་འཐད་པར་སྨྲ་བའོ། ། ༼སེམས་ཀྱི་༽བློ་རྣོ། དད་པ་ཆེ། སེམས་དལ། ཉོན་མོངས་པ་ཆུང་བའོ། ། ༼སྤྱོད་ལམ་༽འགྲོགས་ན་དྭང་ཆེ། གང་གི་སྒོ་ནས་ཀྱང་ཡིད་དུ་འོང་། ཕྲད་པར་འདོད་ཅིང་མི་སྐྱོ་ཡིད་འཕྲོག་ཅིང་བདེ་བ་སྐྱེ་བས་འགྲོགས་འདོད་པའོ། །༼གསང་བའི་༽ཆགས་ཆེ་པདྨ་རྒྱས། བཀའ་བློ་བདེ། ཐབས་ལ་མཁའ་པའི་ཡོན་ཏན་ཀུན་ལྡན་བུ་མོ་དེ། །རང་བཞིན། བྱིན་བརླབས་སྦྱོར་བའི་ཐབས་ཀྱིས་ཡང་ན་དབང་བསྐུར། གདམས་ངག་དབོག །ཆོས་གསུམ་བཤད་པའམ། ཟས་བསྲུང་། གོས་བརྗེ། དམ་རྫས་སྦྱིན་པའི་བསྙེན་པ་གསུམ་རྫོགས་པའི། །བདེ་བ་ཆེན་པོས་ཀུན་ལ་རྒྱས་འདེབས་པས་ཕྱག་རྒྱ་མཚོན་པའི་རྒྱུ། །ཕྱག་རྒྱ་བཞིས་དབང་པོ་གཉིས་བསྲུངས་པས་བདེ་བ་ཆེན་པོ་མངོན་དུ་གསལ་བར་བྱའོ། །ཡབ་ཡུམ་གཉིས་ཀས་བདེ་བ་ཆེན་པོ་རང་རིག་ཏུ་བརྟག་པར་བྱ་སྟེ། །རིན་ཆེན་གཏེར་གྱི་མན་ངག་ཀུན་རྫོགས་ཚངས་པའི་དབང་སྦྱིན། །བུས་པ། མ་ནིང་། རྒན་པོ། དཀའ་ཐུབ་ཅན་བཅད་པའི་སྐལ་ལྡན་བདེ་བ་སྐྱེ་བའི་རྒྱུ་ཅན་གྱི་བུ་དེ། །རྒྱུ་འབྲས་ཀྱི་ངན་རྟོག་སྟེ་འདོད་ཡོན་ལ་ཞེན་པའི་བརྐམ་ཆགས་ནི། ༈ །དགག་སྤངས་མ་བསྒྱུར་བར་རང་བྱུང་གི་ཡེ་ཤེས་བདེ་བ་ཆེན་པོར་འབྱུང་ཞིང་མྱོང་བ་ལ་ཐེ་ཚོམ་མེད། །ཀུན་ལ་སྤྱོད་ནུས་པའི་རང་ལུས་ཉིད་གང་ལྟར་འདོད་པ་ལ་དབང་སྒྱུར་བས་རྒྱལ་པོ་ཆེན་པོའི་སྐུ། །ཆགས་སྡང་གི་རྣམ་རྟོག་མ་སྤངས་པར་ངོ་བོ་ཉིད་ཐབས་ཀྱིས་ཡེ་ཤེས་སུ་སྒྱུར་བར་བྱེད་ལ། །རིག་པ་མཐར་ཕྱིན་ནས་མ་བཅོས་བདེ་བ་ཆེན་པོའི་ཐིག་ལེ་ཕྱོགས་མེད་པར་ཤར་ཅིང་ཐ་མ་ཡང་དེར་འཁྱིལ། །རིག་པ་མ་སྐྱེས་པ་ཉིད་མི་འཇིག་པས་རྡོ་རྗེ་དེ་ཉིད་རིག་པའི་མེ་ཏོག་དབང་གི་མན་ངག་ནི་ཐབས་ཆེན་གྱི་རྩི་སྟེ་དེའི་ལས། །སྒྱུར་ཞིང་ནད་གསོ་བར་བྱེད་པ་ནི་དཔེ་མེ་ཏོག་ཨེ་ཀ་ཏ་ཡིས་བསྒྱུར་བ་བཞིན་ནོ། །རྒྱུ་རྐྱེན་མེད་པས་རང་བྱུང་ཞིང་རྫོགས་པའི་དཀྱིལ་འཁོར་བཞིའམ་དྲུག་ལུས་ལ་གནས་པར་རྟོགས་པར་དགོད། །བཤང་ཁ་ན་ཕྱི་ནང་དུ་རྒྱུ་བའི་བེམས་པོའི་རླུང་དང་དེའི་སྟེང་ན་དྲོད་ཅན་མེ་གྲུ་གསུམ་དང་འཁོར་ལོ་བཞིའི་ཐིག་ལེ་བདེ་བའི་ཁམས། །མི་གཡོ་བར་རྩ་སོ་སོ་ན་གནས་པ་དེ་འཁོར་ལོ་རྐྱེན་གཉིས་གཅིག་ཏུ་བརྩིས་པས་ལྔ་ནི་གྱེན་དུ་འབར་བས་རིམ་པ་དང་སྤྱི་བོ་ནས་གསང་གནས་སུ་འཛག་རིམ་པས་འགེངས་ཏེ། །རླུང་གི་སྟོབས་དང་ས་བོན་སྲེག་ཅིང་བདེ་བའི་སྟོབས་དྲག་པོའི་ནི་མ་སྟེ་རིམ་པར་སྤར་དང་གང་བར་བྱེད་པའི་ཐབས་ཉིད་དོ། །བདེ་བའི་ཡན་ལག་དང་ཐབས་ཀྱི། ཏིང་ངེའི། དྲན་པ་ལྟ་བའི་ཡན་ལག་གང་རུང་གིས་སེམས་མངོན་པར་འདུ་བྱེད་ཀྱིས། །ལུས་དེ་ལས་ནི་འཁོར་ལོ་བཔ་ཞིའི་རིམ་བཞིན་དུ་ལུས་སེམས་ཀྱི་བདེ་བ་དབབ། །ལྟེ་བ་ན་རྩ་རྒོད་མའི་ཁ་གཉེ་མ་འཁྱིལ་པ་ལྟ་བུ། རྡོ་རྗེ་དང་པདྨའི་གེ་སར་དང་འབྲེལ་པ་དང་རིན་ཆེན་ཁ་ཐུར་དུ་བལྟས་པའི་རྫིང་། །ཏིང་ངེས་རྩ་བཞི་སྤྲད་པར་སྦྱར་ཞིང་ཐབས་དང་ཤེས་རབ་གཉིས་ཀའི་རྩ་གསུམ་གྱི་ཐིག་ལེ་གྱེན་དུ་དྲང་བས་བརླབ། །རླུང་གིས་མེ་འབར་བས་བདེ་བ་སྐྱེ་བའི་མྱུ་གུ་ཐིག་ལེ་རང་བཞིན་ལྷན་ཅིག་སྐྱེ་པ་བཞིབས། །ལུས་ཀྱི་བཅུད་རྩ་དེའི་བཅུད་ཐིག་ལེ་དེའི་བཅུད་ཉིང་ཁུའི་ཉམས་སུ་མྱོང་བའི་བདེ་བ་དེ་རྫིང་དུ་དབབ་བོ། །ཡབ་ཡུམ་གྱི་བདེ་བ་ཆེན་པོའི་བཅུད་ཐིག་ལེ་ཐབས་ཀྱིས་གྱེན་དུ་བརླབས་པས། །ཙིཏྟ་སེམས་བདེ་བས་རྒྱས་ཤིང་འཁོར་ལོ་དགང་། །དེའི་སྟོབས་ཀྱིས་རིན་ཆེན་ནི་སེམས་ཏེ་བདེ་ཆེན་གྱི་རྫིང་གི་པདྨ་བཞི་གང་བའོ། །དེའི་བཅུད་ཀྱིས་ལུས་སེམས་རྒྱས། །བདེ་བ་དེ་ཉིད་རྒྱུ་རྐྱེན་བྲལ་ཞིང་སྐྱེ་བ་མེད་པར་སེམས་པས་ཐུང་ངུ་ཨ་ལ་ཅུང་ཙམ་ཕོག །བདེ་བའི་རྟགས་ལུས་འདར་ཀུན་རྡར་དུ་ཕབ་པས་འཕར་རྗིང་དུ་ཕབ་པས་མིག་མི་འཚུམ་ཞིང་མདོག་དམར་བའོ། །སེམས་ཀྱི་བདེ་བའི་དམིགས་པ་རྩེ་གཅིག་ཏུ་བསྡུས་པར་འགྱུར་ན། །སེམས་ཉིད་བདེ་བ་ཆེན་པོའི་ཏིང་ངེ་ཐོབ་བར་ཚོར་བ་སྟེ། །དེ་ལ་བརྟེན་ནས་རྟེན་དང་བྲལ་བའི་བདེ་བ་རིག་པ་རང་བྱུང་ཕྱོགས་རིས་མེད་པའི་ཀློང་དུ་གསལ་བར་ཉམས་ཀྱིས་དབབ་པའོ། ༈ །སྔོན་གང་ལ་བསྐུར་བའི་ལོ་རྒྱུས་གཙུག་ཏོར་བསྒྱུར་བའི་གསང་བདག་གི་སྤྲུལ་པ་དབང་རྟགས་དབུ་རྒྱན་དང་རྡོ་རྗེ་ལྡན་པ་ཡིས། །དེ་ཝ་རཱ་ཛ་ལྷའི་རྒྱལ་པོ་འཇམ་དཔལ་མུ་ཏྲ་རྡོ་རྗེ་སེམས་དཔའ་དང་། །མིའི་རྒྱལ་པོ་བདེ་བྱེད་ཨིནྡྲ་བྷོ་དྷི་རིན་འབྱུང་དང་། །གནོད་སྦྱིན་རྒྱལ་པོ་ཨུ་པར་བྷོ་དྷི་རྣམ་སྣང་ཀླུ་རྒྱལ་དག་ཀྵ་ག་དོན་གྲུབ། །ལྷ་མིན་གྱི་རྒྱལ་པོ་དེ་ཝ་ཨ་མི་ཙནྡྲ་མཐའ་ཡས་སྟེ་དེ་ལྔས། །ཚིག་དབང་རིན་པོ་ཆེ་ནོས་ནས་ཐ་མའི་ལུས། །འདི་ཉིད་མ་སྤངས་པར་རྒྱལ་བ་ལྔ་ཡི་རིགས་སུ་བྱས་པ་དེས་ན་ཐབས་ཀྱི་ཐེག་པའོ། །མ་བརྒྱུད་པར་ད་ལྟ་ཉིད་མངོན་སུམ་དུ་བདེ་བ་མྱོང་བའི་ཉམས་ཁྱད་པར་ཅན་ལ་དབང་བྱེད་ནུས་པ་འདི་ནོས། །རྒྱལ་བ་ལྔའི་སྐུ་གསུང་ཐུགས་ཕྱག་རྒྱ་སྟེ་རྒྱས་འདེབས་པས་སོ། །དེས་བསྒོམ། བཅིང་། བཅྭ་བ་མངོན་དུ་བཏབ་པར་ནུས་པའོ། །ཐ་མལ་ཕྱི་རྒྱུད་པ་ལས་ཁྱད་པར་དུ་སྟོན་ཏེ་རྒྱལ་བར་གསལ་བ་ཉིད་ཀྱིས་རོལ་པ་མཛད་པའི་ཕྱིར་རོ། ༈ །སྔོན་གྱི་ཚུལ་དེ་བཞིན་དུས་ཐ་མ་ད་ལྟའི་གང་ཟག་སྤྱོད་ཅིང་ཐོབ་པའི་སྐལ་ལྡན་ཕོ་མོའི་རིགས་གང་རུང་ལ། །གདམས་ངག་རྒྱུན་མ་ཆད་པས་ཐོག་མའི་རིན་ཆེན་ཇི་ལྟར་འདོད་པ་ལྟར་ཚིག་གིས་དབང་གང་རུང་བསྐུར་རོ། །དེའི་ནུས་སྟོབས་ཀྱིས་སྣང་གྲགས་ཀྱི་ཆོས་ཐམས་ཅད་རང་བྱུང་ཡེ་ཤེས་བདེ་བ་ཆེན་པོའི་ལུས་སུ་གཏན་ལ་དབབ་བོ། །རྟོགས་པ་དེ་མ་ཐག་དེ་ནས་བདེ་བ་སྦྱོར་བའི་ཐབས་ཡན་ལག་ཏུ་བཅས་པ་བསླབ་ཅིང་སྦྱིན་ཏེ། །ཡེ་ཤེས་བདེ་བའི་འཁོར་ལོ་བཞི་བཤད་ཟིན་དེ། །བདེ་བ་དབབ། གཟུང་། བཟློག །བདེ་བ་ཆེན་པོར་བསྐྱེད་པའི་རིམ་པ་སྟེ་འཇུ་འདུལ་རླུང་ལ་སོགས་པ་ཐབས་སོ་སོའི་ནས་རིམ་པ་བཞིན་གྱིས་ལས་སྤྱོད་ཅིང་བསླབ་པར་བྱའོ། །ཀ་མ་ལ་ཤཱསྟྲ་འདོད་པ་ར་ན་ཉིད་བསྟན་བཅོས་ཏེ་དེ་ཡི་བསྟན་བཅོས་ལས། །གསུངས་པས་འམ་རྨོངས་བྱེད་ཐིག་ལེའམ། ཆགས་པའི་ཕྲེང་བ་ནས་བྱུང་བ་ལྟར་བདེ་བ་རྒྱས་པའི་ཆོས་ལ་འབད་པར་བྱའོ། །བདེ་བ་རྒྱས་པར་བྱ་བའི་ཕྱིར། །དེ་ནས་ཨ་ལི་ཀ་བརྒྱ་དང་པྲ་ཧ་ར་བརྒྱ་སྟེ་ཕྲག་གཉིས་བསྣོལ་མར་དང་འདོད་སྦྱོར་གྱི། རོལ་ཐབས་ཀྱི། སྦྱིན་བྱེད་ཀྱི། ཙིམྤ་ཀ་བཅུ་བཅུ་སྟེ་བཅུ་ཕྲག་གསུམ་མོ། །དེ་དག་ལ་སོགས་པ་གཞན་མ་ལུས་པར་འདོད་པའི་བསྟན་ཆོས་ཀྱང་དུ་མས་བསྟན་པ་ལྟར་བྱ། ཆགས་པ་བསྐྱེད་པའི་གནས་ཀྱང་། མགོ་བོ་དང་ལུས་སྟོད་སྨད་དང་ཡན་ལག་རྣམས་ལ་ཇི་ལྟར་མཐུན་པའི་ཐབས་དང་སྦྱར་བར་བྱའོ། །བདེ་བའི་འཁོར་ལོ་རིམ་པས་དབབ་ཅིང་རིམ་པར་འཁྱིལ་ལོ། །ཐིག་ལེའི་གནས་ཀུན་རྡར་ཞུགས་པས་འདར་སྙིང་ལ་སྐད་འབྱིན་དང་ལུས་ལ་ཁྱབ་པར་རྒྱས་པས་མཆོང་ཞིང་རྒྱུག་དྭངས་མ་ཐིག་ལེ་ལ་ཐིམ་པས་མཐུན་བྱ་བ་ཐམས་ཅད་ནུས་པའི་སྤྱོད་པ་བྱ་བ་ཁོ་ནའོ། །ཐམས་ཅད་ཉམས་པ་མེད་པར་བདེ་བ་ཆེན་པོ་གསལ་བའི་སྔར་གྱི་ཟུག་རྔུ་ལས་དབུགས་ཕྱུང་ནས་ཉམ་ང་བ་མེད་པར་ངལ་བསོ་བའོ། །དེ་ལྟ་བུའི་ཉམས་དེ་དུས་གསུམ་གྱི་བདེ་གཤེགས་རྒྱལ་བ་ཐམས་ཅད་ཀྱི། །ས་བསྔགས་ཤིང་དགོངས་པ་རྩེ་གཅིག་ཏུ་མཛད་པ་རང་བཞིན་གྱིས་བདེ་བའི་རྒྱུད་དུ་གནས་པས་འཁོར་ལོ་ཉིད། །ཅེས་བསྟན་ཅིང་དེ་ལས་གཞན་པའི་རྒྱལ་བ་དང་བྲལ་བའི་ཕྱིར་རང་ཉིད་རྒྱལ་བ་མངོན་སུམ་པ་ཡིན་པས། །ཇི་སྲིད་པའི་ཆོས་ཐམས་ཅད་དེ་ལྟར་འགྱུར་བས་ཡེ་ཤེས་བདེ་བར་འབར་བའོ། །བདེ་བ་གཞན་ལས་འཕགས་པས་བདེ་མཆོག་ཞལ་གདོང་པ་ངོ་བསྟན་པའོ། །མུ་ཁའི་ཚེགས་ཆུང་ངུས་ཐོབ་པས་མན་ངག་སྦྱིན། །ཕོ་མོ་གཉིས་ཀ་མཚན་དང་ལྡན་པ་རིགས་རུས་ལམ་གང་ཡང་རུང་སྟེ་རྒྱལ་བར་ང་རྒྱལ་བྱས་པ་དེས། །དང་པོར་མགོ་ལ་བདེ་བའི་རོལ་པ་སྣ་ཚོགས་བྱའོ། །ཐབས་དེ་དག་དང་ཕྱག་རྒྱ་བཞིས་སྦྱར་བས་རྩ་མདུད་དགྲོལ་བ་དང་དབབ་ཐབས་ཀྱིས་བདེ་བ་བཀུག །བྲང་དུ་འགྲེལ་པ་ན་མེད། ཀོས་ཀོ་སྦྱར་བྱས་ཏེ། །དགོས་པ་བདེ་བ་འདོད་པ་པ་རྩ་གསུམ་པོ་དེ་འཛིན་པ་དང་འབེབས་པས་ཡན་ལག་གིས། །ཡེ་ཤེས་འབད་རྩོལ་མེད་པར་ས་ནོན་པས་རྒྱལ་པོར་རིག་པར་བྱ། །བདེ་བ་མྱོངས་པའི་རྟགས་མགོ་བོ་སྤྲུག་ཅིང་གཡའ་བ་དང་སྨིན་མ་ལངས། །ལུས་རྒྱས་ཤིང་བདེ་བ་བརྟེན་པའི་རྟགས་མིག་དམར་བ་དང་དེ་བཞིན་དུ་མདོག་ཀྱང་དམར་ཏེ་མདོག་འགྱུར་ཐིག་ལེ་མི་འཛག །བདེ་བས་མྱོས་ཤིང་བརྒྱལ། བརྟན་པའི་ཡེ་ཤེས་རིམ་པར་ཕྱི་ནང་ཀུན་ཏུ་སྤྲོ་བར་བྱ། །སྦྱོར་བའི་ཡན་ལག་སྔ་མར་བསྟན་པ་བཞིན། །རྩ་མདུད་གཅིག་མེད། ལག་གིས་བཟུང་བྱས་ཏེ། །ཀ་རའི་བསྟན་ཆོས་ཀྱང་སྔར་བཞིན་རིམ་པར་བྱ། །ཐིག་ལེ་རྒྱས་ནས་འཛག་དུས་སུ་རྩ་མགོ་སྣ་ཚོགས་འདུས་པའི་རྫིང་འོག་ལག་གིས་མནན་པར་བྱས་ཏེ་བཟློག་པ་དང་གཟུང་བའི་ཐབས་ལ་འབད། །རྡོ་རྗེ་སྐམ་པའི་ཕྱག་རྒྱ་ཡིས། །ཐབས་དང་ཤེས་རབ་འཕར་བ་བཅང་། །ཞེས་པས་འཕར་བ་གཅད་ཅིང་མཚན་མ་ཕྱི་ནང་དུ་རྒྱུ་བ་ཐབས་ཀྱིས་དབྲལ། །དྭངས་མའི་རྩ་མུ་ཁ་སྒོའི་ཁ་ནི་བདེ་བའི་དྭངས་མ་དང་བཅས་པའི་རླུང་གིས་ཤིན་ཏུ་དབྱེ། །དེའི་རྟགས་ནི་གཉིད་ལོག་དུས་སུ་དངངས་འདར་སྤྲུག་པ་དང་བ་སྤུ་ལྡང་བ་དང་། །རྔུལ་ཆུ་ཡི་ཟིལ་པ་ཕྲོམ་མེ་གནས་པ་སྤྱོད་ཡུལ་ཀུན་ཏུ་མདོག་བདེ་བར་འགྱུར་ཏེ་རེས་དཀར་རེས་དམར་བ་ལ་སོགས་པ། །རང་ལུས་མཆོག་གི་མིག་གིས་གང་བལྟས་པའི་ཐད་ཀར་སྣང་བ་ཀུན་འབྱུང་། །དེ་ནས་བདེ་བ་རང་རྒྱུད་པ་ལ་བརྟགས་པས་གང་དུ་ཡང་མ་མཐོང་ཞིང་སྒྱུ་མ་ཙམ་དུ་གསལ་བའི་བདེ་བའི་རིམ་པ་གཞག །བདེ་བའི་གོལ་ས་དང་བྲལ་བས་ལེགས་པ་ལ་སེམས་ཀྱིས་དུས་གསུམ་དུ་མ་ཡེངས་པར་བཅང་བར་བྱ། །སྙིང་ལ་པདྨ་འདབ་མ་བཞིའི་དབུས་ན་ལྟེ་བའི་གནས་འདབ་མ་བཞི་ལ་ཡེ་ཤེས་བཞིའི་ངོ་བོ་རང་བཞིན་གྱིས་གནས། །རང་ལ་གནས་པས་གཞན་དུ་འདབ་མ་མ་ཕྱིན་འདབ་མ་བཞི་དང་སྙིང་པོ་ལ་གནས་པའི་དྭངས་མའི་བདེ་བ་མ་འདྲེས་པས་ཡེ་ཤེས་ལྔས་གང་བར་འགྱུར་ཞིང་། །ཉོན་མོངས་པས་མི་འཁྲུག་སྟེ་དྲན་རྟོག་ཅི་སྐྱེས་བདེ་བ་འཕེལ་ཞིང་གཡོས་པར་འགྱུར་ཏེ། །སྙིང་རྩའི་དྭངས་མར་ཞུགས་ནས་གནས་པས་རིན་ཆེན་རྩ་ཐུན་མོང་བ་ཀུན་གྱི་ཡེ་ཤེས་རྫིང་གང་ཞིང་རྒྱས་ཏེ། །ན་ཚ་མེད་པ་ལ་སོགས་པ་འདོད་ཁམས་ཀྱི་དང་བསམ་གཏན་བཞིའི་བདེ་བ་དང་མངོན་ཤེས་དང་ཆོ་འཕྲུལ་བ་སོགས་བའང་འབྱུང་། །དགའ་བཞིའི་སྐྱེ་ཚུལ་མི་འཇིག་པར་འཁྱིལ་པའི་ཐིག་ལེ་འཁོར་ལོ་དང་རྡོ་རྗེའི་གནས་བཞི་ཐབས་ཀྱི་སྒོ་ནས། །འཇིག་རྟེན་པའི་ཆགས་པ་སྤོང་བའི་འདས་པའི་བདེ་བ་འབྱུང་། །གསང་བའི་རྡོ་རྗེའི་སྒོ་ནི་རྩ་དང་འབྲེལ་བའི་མཁལ་མའི་བཅུད་ཐིག་ལེ་ལ་བརྟེན་ནས། །བདེ་བ་ཡིན་མ་ནུའི་རྩ་སྒོ་རོ་རྐྱང་ཀུན་རྡར་གསུམ། །བདེ་བ་འཕེལ་བའི་དང་པོ་ཟླ་བ་ཚེས་པ་ལྟ་བུ་དང་ཐམས་ཅད་དུ་ཁྱབ་པའི་བདེ་བ་བཅོ་ལྔའི་ཟླ་བའི་གཟུགས་ཅན་དང་གཉིས། །ཐབས་ཤེས་ཁ་སྦྱར་ཆོས་ཉིད་ཀྱི་བདེ་བས་རྒྱས་པར་བྱ། །འགུགས་པ་དང་འཛིན་པས་ལག་པ་སྟེ་མེ་རླུང་གཉིས་དང་ཐབས་ཤེས་རབ་ཀྱི་རྩ་སྟེ་འཁྲིག་སྒོར་གཞུག་པ་ནི་ཨ་ཝ་དྷུ་ཏིར་གཞུག་པའོ། །ཉི་ཟླའི་ཐིག་ལེ་མ་ནུ་ནི་དེའི་སྣོད་དོ་རྩ་སྒོ་གསུམ། །བདེ་བ་འཕེལ་བའི་གནས་ནི་ནུ་མ་ལྟེ་བ། སྨིན་ཕྲག །སྣ་རྩེ་མཆན་ཁུང་སྟེ། །ཙ་ན་ཀྲ་ནི་འཁོར་ལོ་བཞི་དང་དྲུག་གོ། །དང་སུ་ཀའི་ནི་བདེ་བ་སྟེ་ལུས་ལ་ཁྱབ་པས་གླིང་ངོ་། །དབབ་གཟུང་བཟློག་སྦྱང་བའི་འདུ་བྱེད་ལས་དང་སྟེང་འོག་གི་དབང་པོ་སྦྱོར་བ་ཡིས། །འབྲས་བུ་བདེ་བ་ཡུན་ཇེ་རིང་ཇེ་རིང་ལ་མཉམ་རྗེས་མེད་པར། འཕེལ་བ་དང་རྩ་ལ་ཐིག་ལེ་རྒྱས། །ཆུ་སྐྱེས་མུ་ཁ་གདོང་པ་རྐྱེན་གྱིས་ཕོག་པ་བཞིན་དུ་ཐིག་ལེ་འཛག་པར་འགྱུར་རོ། །ཐབས་ཤེས་ཁྱད་པར་གྱི་འཁོར་ལོ་ཁ་སྦྱར་བཟློག་པ་ནི་བཀུག་པ་དང་དབབ་པ་ནི། བདེ་བ་དགུག །ལྷར་སྦྱོར་བས་ཐུན་མོང་གི་འདོད་ཆགས་ཀུན་དང་བྲལ་བའི་ཚུལ་གྱི་སྦྱར་བ་སྟེ་ཕྱག་རྒྱ་བཞིས་ཡན་ལག་འཁྱུད་པར་བྱ། །བཤད་པའི་ཀ་རའི་སྦྱོར་བ་བདེ་སྟོང་ཕན་ཚུན་ལྟ་བའི་མིག་སྤྲོས་ཀྱིས། །སུ་ཀ་བདེ་བ་བྷོ་དྡྷི་བྱང་ཆུབ་ནི་ཀ་སེམས་ཏེ་དེའི་སྒོ་བླ་མའི་མན་ངག་གིས་དབྱེ། །ཐེག་ལེ་ཁུ་བ་མི་རྒྱུ་བར་གཟུང་བས་འཁྱིལ་པ་སྟེ་ཐབས་ཀྱིས་ཉམས་སུ་མྱོང་བའི་སྒོ་ཕྱེ་ནས། །དང་པོ་ཐ་མལ་གྱི་ཞེན་རྟོག་མི་སྲིད་དེ་ནས་ལུས་ལ་དྲི་མའང་མི་འཆགས་པར་འཆོར་བས། །ལུས་ཀྱང་ཁ་དོག་དམར་པོར་འགྱུར་བའོ། །བདེ་བས་བརྒྱལ་བས་ལུས་གཡོ་བ་དང་འཕར་བ་སྒྲ་འབྱུང་སྤྲུག་པ་ལ་སོགས་པ་འབྱུང་། །ཐུན་མོང་གི་ཤེས་པ་ལས་ལྷག་བདེ་ལ་མི་རྟོག་པའང་རྒྱུན་དུ་སྐྱེ་བར་འགྱུར། །དེས་ཀུན་ཏུ་རྟོག་པ་ཐམས་ཅད་ཉམས་པར་འགྱུར། །གང་ལ་གཏད་པའི་དམིགས་པའི་ཡུལ་དེ་ཟིན། །བར་འགྱུར། ལུས་ལ་སྟེང་འོག་གི་རླུང་གཟུང་ཐབས་གིས་འཕེན་པ་ཕྱི་རླུང་ནང་རླུང་དུ་འཇུག །བཟུང་ན་ཟིན་བཏང་ན་ཐོངས་མི་རྒྱུ་བ་ལ་སོགས་པ་རླུང་གི་ལས་རྣམས་ཀྱིས་མཆོག་ཐུན་མོང་གི་འདོད་པ་འགྲུབ། ༈ །བདེ་བ་ཉམས་སུ་ལེན་པའི་སྐབས་དེར་ནི་རྡོ་རྗེ་ཆུ་འཛག་པའི་ལམ་ནས། །ཡེ་ཤེས་ཆེན་པོའི་རྒྱུ་རྐྱེན་ཐིག་ལེའི་ཕྱིར་འབྱུང་བ་མིན། །གལ་ཏེ་ཤོར་ན་བདེ་བ་མི་འབྱུང་ལ་དམ་ཉམས་པར་འགྱུར་བས་ལྕེས་བླང་ངོ་། །ཚུལ་དེ་བས་ན་ཐིག་ལེ་རང་གི་ལུས་ལས་བསྐྱེད་ཅིང་མི་རྟོག་པ་ཡེ་ཤེས་སུ་སྨིན་པར་བྱ། །རྩ་སོ་སོ་ནས་ཐིག་ལེའི་རྡུལ་ཕྲན་ཟིལ་པ་མང་པོ་གནས་པ་དེ། རླུང་གིས་བསྐྱོད་པ་ལྟར་ག ཅིག་ལ་ཐིམ་སྟེ་ལུས་བདེ་བས་གང་། མགྲིན་སྙིང་ལྟེ་བ་གནས་གསུམ་བདེ་བའི་བསྟི་གནས་རྒྱུ་ཞབས་ནས་རྡོ་རྗེའི་བུམ་པ་ཡན་ཆད་རྒྱས་པས་སུ། །ཁུ་བའི་ཐིག་ལེ་དང་བདེ་བ་དང་མི་རྟོག་པར་མི་འབྱེད་འབྲེལ་ཅིང་འགྲོགས་པས་རྡོ་རྗེའི་གཟུགས་སུ་མི་འཕྲོ་ཞིང་མི་འཆོར་བར་ཆགས། །རང་གི་རྩ་བྱེ་བ་ཕྲག་ས་ཡ་བཅུ་གསུམ་ཁྱབ་པར་སྤྲོས་ཀྱང་མི་ཤོར་བར་ལུས་ཐིག་ལེས་ཁྱབ་པས་བདེ་བའི་གཟུགས་སུ་མྱོང་བར་བསྡུ། །མན་ངག་དང་ལྡན་པའི་རྡོ་རྗེ་རྒྱལ་པོ་རུའི་ཐབས་ཆེན་པོ་ཡིན་ནོ། །རྡོ་རྗེ་རྩེའི་ཐིག་ལེ་ཁ་ཡིས་བཞིབ་པར་བྱ་ཞིང་། །ཆགས་པ་དང་དྲོད་འབར་བའི་རྡོ་རྗེ་དང་པདྨ་བསྲུབ་ཅིང་རྩེ་མོ་ལ་བཟུང་བས་དྲིལ་ཞིང་ཕྱི་བརྟན་པར་བྱ། །བདེ་བ་སྐྱེས་ནས་མི་ཐུབ་ན་ལག་གི་གོང་འོག་གནན་པའི་སྦྱོར་བས་ཁུ་བ་ཐིག་ལེ་དྭངས་སྙིགས་དབྱེ། །མཚན་ལྡན་གྱི་རིག་མ་ཉིད་ལྷ་མོ་རུ་བརླབས་ཏེ་སྒོ་གསུམ་རྡོ་རྗེ་གསུམ་དུ་བསྒོམ་སྟེ་བྱིན་གྱིས་བརླབས་བོ། །དེ་ཡང་མཛེས་ཤིང་ཡིད་དུ་འོང་བ་ནི་དཔེར་ན་པདྨ་ཁ་བྱེ་ལ་བལྟས་པ་དང་རྗེས་སུ་མཐུན་པར་བལྟ་བས་ཆོག་མི་ཤེས། །ལུས་ལ་དྲི་ཞིམ་པོས་བྱུག་པའི་ཕྲད་སྦྱོར་ནི་ཨུ་པ་མ་ཙནྡན་དཀར་དམར། གོས་བྱ། །ཨ་ཀར་རུ་ནག་པོ་དང་རྒྱ་སྤོས་དང་དུ་རུ་སྐ་དང་། །གླ་རྩིའམ་འབྲུག་རྩི་བོ་ཆེ་ཞེས་ཀྱང་བྱ་བུ་ཡི་སྨན་གྱི་སྙིང་པོ་ག་བུར་དང་། །ར་ཡི་མར་དང་དེ་བཞིན་དུ་བྱ། །གག་དང་ཀ་ལནྟ་ཀའི་སྒོ་ང་གཉིས་ཀྱིས་སྦྲུས་ཤིང་མཉམ་པར་སྦྱར་བ་རྒྱ་ཤུག་གི་འབྲས་བུ་ཙམ་བྱས་ཏེ། །གསང་བ་རྡོ་རྗེ་ལ་བསྐུས་ལ་ལག་གི་སྦྱོར་བས་རྣེ་ཕུར་བྱ། །ཡང་ན་ཤིང་འཇམ་པོའམ་སྲིན་ལག་ལ་བསྐུས་ལ་རྩ་གསུམ་འདོམ་པའི་དབུས་སུ་ཁ་ཁ་མུ་ཁའམ། གླང་པོ་སྣའམ། དྲང་སྲོང་ཅན་ལ། དྲུད་པར་བྱའོ། །དེ་བཞིན་གཡས་གཡོན་བརླབ་པར་བྱ། །ཤེས་པ་དང་ན་སོ་གཞོན་པ་ལ་ལེགས་པར་བསླབས་ལ་འབར་བས་བྱ། །སྨན་ནམ་བཞིབས་པས་མནུ་བར་བྱ། །གལ་ཏེའམ་བརྒྱ་ལ་བདེ་བ་ཐིག་ལེའམ་རྩ་མངོན་དུ་བྱུང་གྱུར་ན། །པདྨ་ནི་ཡོན་ཏན་མང་དུ་སྐྱེད་པས་རིན་ཆེན་ཏེ་འཛེད་འགེངས་སྒྱིལ་བས་རྫིང་དུ་གསང་བ་རྡོ་རྗེའི་མཆུ་ཉིད་བཙུགས་ཏེ། །བཞིབས། རླུང་གིས་ནང་དུ་རྡུབ་ཅིང་མེ་འབར་བས་ལུས་ལ་དྲོད་འབྱུང་རླུང་གཟུང་པ་དང་གཏང་བས་བརླབས་བྱས་ནས། །ཐབས་དེས་ནི་བདེ་བ་རྒྱས་པ་དེ་ཙམ་འགྲུབ་པར་འགྱུར་ཞེས་བསྟན་ཏོ། །དེ་ལྟར་འབད་པས་རྟགས་དབུགས་རྒོད་པ་དང་འདར་བ་དང་བརྒྱལ་བ་ངོ་ཚ་མེད། སྦྲིད་ཅིང་བེར། མྱོང་པ་ལ་སོགས་ཏེ། །མཐུན་པའི་རྟགས་ནི་བྱུང་བར་གྱུར་ན་སྐབས་དེར་གཅིག་ལ་གཅིག །འཁྲིལ་བ་དང་འདོད་པའི་པྲ་ཁྲིད་བསྟན་བཅོས་ཏེ་བཤད་པ་ལྟར་བྱ། །ལྷན་ཅིག་སྐྱེས་པའི་ཡེ་ཤེས་རང་བྱུང་བདེ་བ་མངོན་སུམ་དུ་བྱའོ། །བྱེད་པ་སྡོམ་པའི་ཐབས་ཉོན་མོངས་ཀྱི་མྱ་ངན་གྱི་ཕ་རོལ་ཏུ་ཕྱིན་ཏེ་འདས་པར་འགྱུར་བར་བྱ། །དབང་གི་ཐབས་ཀྱིས་བསྟན་པ་ཕྱག་རྒྱ་ཆེན་པོ་བསྟེན་པར་བྱ། །ཐིག་ལེ་གཉིས་བཅུད་ཆེན་འདྲེས་པའི་ཐབས་ནི་ཕྱི་རླུང་བཅད་དེ་ནང་རླུང་གིས་བསྡུ་བའོ། །རྒྱུ་རྐྱེན་གྱི་ཐིག་ལེ་འཁྱིལ་ཏེ་མི་འཕྲོ་བར་གནས་པ་དྭངས་མའི་རྩ་སྒོ་ཕྱེ་ན། །གྱེན་རྒྱུ་སྟོད་ཐུར་སེལ་སྨད་རྒྱུས་པ་དེ་ནང་དུ་བསྡམ་པ་དང་བཅས་པས་རླུང་བསྡུས་ཏེ། །རིག་པ་བཅད་དེ་བེམས་པོ་ཕྱི་ནང་རྒྱུ་བའི་སྟེང་འོག་ཅན་གྱི་རླུང་གིས་ཕྱི་རྒྱུ་གྱེན་ཐུར་དུ་འཕེན་པ་དང་སླར་ནང་དུ་སྡུད་པ་བྱ། །དེའི་རྐྱེན་གྱིས་ཐིག་ལེ་གཡོ་བ་ཉམས་སུ་མྱོངས་ཏེ་ཐིག་ལེ་འཆོར་བ་སྙམ་བྱེད་པར་གྱུར་ནས། །རིན་ཆེན་རྫིང་གིས་བདེ་བ་ཐིག་ལེ་དེ་བརྔུབ་པར་བྱའོ། །ཉི་མའི་བཅུད་དེ་ཡང་གསང་བ་རྡོ་རྗེའི་རྫིང་སྟེ་བུམ་པ་ཡན་ཆད་ལ་ཐུག་པར་རྔུབ། །ཅིང་མི་གཏང་བར་བྱས་ན་སྟེང་འོག་གི་རླུང་རླུང་ཕྱི་རུ་རྒྱུ་བ་རྣམས་བསྡམས་ཏེ་རྒྱུ་རྐྱེན་གྱི་ཡེ་ཤེས་བདེ་བ་སྡུད་པའི་རླུང་གིས་དྲང་ངོ་། །དེ་ལྟར་བྱས་པའི་ཐབས་ཀྱིས་བུ་ག །རྩ་གསུམ་རྡོ་རྗེའི་ནང་ལ་ཟུག་པ་ནས་བབས་ཐིག་ལེ་ལ་བརྟེན་པ་ཡི། །བདེ་བ་དང་བཅས་པས་དཔེར་ན་རིན་ཆེན་གྱི་སྐུད་པ་ལ་དངུལ་གྱི་ཕྲེང་བ་བརྒྱུས་པ་བཞིན་ནོ། །རྣམ་རྟོག་སྡུག་བསྔལ་སྲེག་པས་རྡོ་རྗེ་མེ་ཡི་གཟུགས་སུ་འབར་ཞེས་བསྟན། །དེ་དག་བསྲེགས་པས་ཅིར་འགྱུར་ཞེ་ན་བདེ་བ་ཆེན་པོའི་ཡེ་ཤེས་རྒྱུ་རྐྱེན་ལས་འདས་པས་རང་འབར་ཉིད་སྐྱེ་བས་བཅུད་ཐིག་ལེ་རྡོ་རྗེའི་ཁར་དབྱུང་བ་མིན་ཏེ་གཏང་བར་མི་བྱའོ། ༈ །རིག་པའི་ཡེ་ཤེས་ཕྱོགས་རིས་མེད་པའི་ལུས་ཅན་སྐྱེ་མེད་རྡོ་རྗེའི་གཟུགས་སོ། །སྣང་གྲགས་དྲན་རྟོག་ཐམས་ཅད་དེ་ལྟར་གསལ་བས་ཡེ་ཤེས་ལུས་ཅན་ཡིན་ལ་དེས་ན་བདེ་བ་ཆེན་པོ་འབད་རྩོལ་མེད་པར་ལྷུན་གྱིས་གྲུབ་པའོ། །བདེ་བའི་མཚན་ཉིད་འདོད་རྒྱལ་ལས་བྱུང་བའི་ཐབས་ཀྱི་རིམ་པ་བཅོས་མའི་མཚན་ཉིད་དེ་དག་ཡང་། །ཐབས་འདིས་ཐམས་ཅད་རང་བྱུང་ཡེ་ཤེས་ཕྱོགས་མེད་དུ་གསལ་པས། །འདོད་རྒྱལ་ཏེ་དེ་ཉིད་ཡུལ་དང་ཤེས་པ་གང་ཤར་བ་བདེ་ཆེན་གྱི་ངོ་བོར་སྒོ་གསུམ་གྱི་རྒྱས་བཏབ་པས་ཐབས་ཀྱི་རིམ་པའི་ནས། །དོན་དམ་ཚངས་པ་ཆེན་པོ་སྣང་སྲིད་རྡོ་རྗེའི་ངོ་བོར་གསལ་བའི་དབང་བསྐུར་བར་བྱའོ། །དེ་ཉིད་ཀྱང་གཞན་ལ་རག་མ་ལུས་པས་རང་ལ་རྫོགས་པའི་དེ་ཐབས་ཀྱིས་ལྷུན་གྱིས་གྲུབ་པ་དེ་སྦྱིན་ནོ། །འདིས་ཟིན་ཅིང་རྟོགས་ན་བརྐམ་ཆགས་ནི་འདོད་པ་ལྔ་སྟེ་ཡུལ་ལྔ་ལ་འདོད་ཅིང་མོས་པ་ཡང་། །དེ་ཉིད་བརྡར་ཤར་ཅིང་དེ་ལྟར་སྣང་བའི་སྤྱོད་ཡུལ་དྲུག་གིས་བསྡུས་པ་ཐམས་ཅད་ཀྱང་སེམས་ཉིད་ལས་མི་གཞན་པས། །བརྡ་དང་ཐབས་ཀྱིས་བཤད་པའི་ཆོས་ཐམས་ཅད་སེམས་ཉིད་དུ་རིག་པར་བྱའོ། །རིག་མའི་རེག་བྱ་དེ་ཉིད་མ་བཅོས་པའི་བདེ་བ་ཆེན་པོ་ཡིན་ཏེ། །བདེ་བ་ཉིད་རང་གི་རིག་པ་ཆེན་པོ་ཉིད་སྣང་བ་སྟེ། །མ་བཅོས་པའི་ཡེ་ཤེས་དེ་ཉིད་ནི་ཇི་སྙེད་པའི་ཆོས་མ་ལུས་པ་ཀུན་གྱི་དངོས་གཞི་ཅན་ཉིད་ཡིན་པས་སོ། །དེའི་ཕྱིར་འཁོར་བ་ཆོས་ཉིད་དུ་ཤེས་པས་སྤོང་ལེན་མེད་པའི་ཡེ་ཤེས་ཆེན་པོ་ཏེ། །དེ་ལྟར་རྟོགས་པ་ལ་སྤྱོད་ལམ་མ་བཅོས་པར་བཞག་ཀྱང་འབད་རྩོལ་མེད་པར་ལྷུན་གྱིས་གྲུབ་པ་ཉིད་དུ་ཤར་བའོ། །དུས་ཀྱི་མཐའི་སྐད་ཅིག་ཙམ་ལས་མ་འགྱངས་པར་གང་སྣང་ཞིང་དྲན་པ་དེ་ཉིད་ཀྱིས། །འཇིག་རྟེན་པ་དང་འཇིག་རྟེན་འདས་པའི། །བདེ་བ་དང་ཏིང་འཛིན་ཐམས་ཅད་འཐོབ་པར་འགྱུར་གྱི་བརྒྱུད་ནས་ཐོབ་པ་ནི་མ་ཡིན་ནོ། །སྔགས་ཕྱི་ནང་གི་རྒྱུད་རྣམས་དང་ཉན་རང་བྱང་སེམས་ཀྱི་བསྟན་པ་མ་ལུས་པའི། །ཆོས་ཀུན་མ་ལུས་དུས་གཅིག་ཏུ་རྫོགས་ཏེ་དེའི་ཕྱིར། །དེ་ནི་རྒྱལ་ཐབས་སྤྱི་བླུགས་ཚངས་པའི་དབང་ཞེས་བྱ་སྟེ་རྒྱལ་པོ་རྒྱལ་ཐབས་ཐོབ་པ་ལྟ་བུའོ། ༈ །ཨེ་མ་ཧོ་རྡོ་རྗེ་རིགས་ཀྱི་བུ་ཞེས་དབང་ཐོབ་པའི་སྒོ་ནས་བོས་པའོ། །སྐལ་ལྡན་རྡོ་རྗེ་རིགས་ཀུན་བདག་ཅེས་ཡོན་ཏན་གྱི་སྒོ་ནས་བོས་པའོ། །ང་རྒྱལ་དང་དྲེགས་པ་སྤངས་པའི་གུས་པའི་སེམས་ཀྱིས་བླ་མ་བཀུར་བས་ཟུང་། །རྙོག་མའི་དྲི་མ་དག་པས་ཚངས་པ་ཆེན་པོའི་ཡེ་ཤེས་ཀྱི། །རྒྱུ་རྐྱེན་མེད་རང་བྱུང་གི་ཡེ་ཤེས་ཕྱོགས་མེད་ཀྱི་ཀློང་གདལ་བའི། །ངང་འབད་རྩོལ་མེད་པའི་མ་བཅོས་པ་བདེ་བ་ཆེན་པོའི་དཀྱིལ་འཁོར་འདི། །རྟོགས་ནས་ཆེད་དུ་བྱས་པའི་རྒྱུ་རྐྱེན་གྱིས་སྤྲོས་པ་མེད་པའི་རིག་པའི་མཁའ་ལ་ཡེངས་པ་མེད་པར་ཞོག་ཅིག །སྣང་སྲིད་དྲན་རྟོག་མ་ལུས་པ་བདེ་བ་ཆེན་པོའི་ཡེ་ཤེས་སུ་ལྟོས་ཤིག །དེ་ལས་རྒྱལ་བ་ཀུན་འབྱུང་བས་ཀུན་གྱི་གསང་བའི་ཡུམ་སྟེ་རོ་མྱོང་བ་དང་རྟོགས་པར་དཀའ་བས་སོ། །རྡོ་རྗེའི་ཚིག་གཅིག་རྟོགས་པས་ཀུན་རྟོགས་པས་འཕྲུལ་གྱི་ཐབས་ཆེན་རྟོགས་པའི་ནད་ཐམས་ཅད་ལ་བདུད་རྩིར། །གྱུར་པ་འདི་ནི་མི་བསྟན་པར་སྦ་ཞིང་སེམས་ལ་བརྣག་པས་ཟུང་ཞིག་པའོ། །དེ་བས་ན་སངས་རྒྱས་མ་ལུས་པ་བསྐྱེད་ཅིང་བཞུགས་པའི་གནས་ཡིན་པས་འདུས་པའི་མཁའ། །བྷ་ག་ཡངས་པའི་ཐིག་ལེ་ཀློང་། །དེ་ལ་དུས་གསུམ་རྒྱལ་བའི་སྤྱོད་ཅིང་རོ་མྱོང་བའི་ཡུལ་ཡིན་པས་གསང་མཆོག་དབྱིངས། །དོན་འདི་རྟོགས་ན་ཁམས་གསུམ་མ་ལུས་པ་ཉིད་བདེ་བ་ཆེན་པོའི་ཞིང་། །ཡེ་ཤེས་ཀྱི་རོལ་པ་ཡིན་པས་མཁའ་དབྱིངས་འདི་ལས། །མི་འགྱུར་བ་བརྟན་པའི་སེམས་ཀྱིས་དྲན་པ་བཟུང་ཞིག །དེ་ལྟར་སྙིགས་མའི་གནས་ཁམས་གསུམ་ཉིད་བདེ་བ་ཆེན་པོའི་མཛད་པར་སྤྱོད་དེ། །ཅིར་སྣང་བ་ཐམས་ཅད་རང་བྱུང་ཡེ་ཤེས་རོལ་པ་ཡི། །བདེ་བ་ཆེན་པོར་ཕྱོགས་མེད་དུ་སྒྱུར་བར་བྱེད་པས། །ཡེ་ཤེས་རོལ་པའི་ཐིག་ལེར་གྲོལ་བས་ཐིམ། ༈ །ཧོ། དེ་ཁོ་ན་ཉིད་དེ་ཐབས་ཀྱི་རྒྱལ་པོ་དབང་འདིས་ཚེགས་མེད་པར་རྟོགས་པ་ཡིས། །གང་གི་ཡང་ཡུལ་མིན་པས་སྒྲོ་སྐུར་ཟད་པའི་ཡེ་ཤེས་དཀྱིལ་འཁོར་ཉིད་ལམ་ཡིན་པས་དེ་ཉིད་དུ་གཞུག་ལ། །མ་ལུས་པ་བདེ་བ་ཆེན་པོའི་རོལ་པ་ཞེས་བྱའོ། །ཆོས་ཐམས་ཅད་རང་བྱུང་ཡེ་ཤེས་ཉིད་རྫོགས་པའི་དཀྱིལ་འཁོར་དྲུག་དུ། །གསལ་བས་སྤྱོད་ཡུལ་བདེ་བའི་ཡེ་ཤེས་སུ་མངོན་སུམ་དུ་ཞུགས་པས། སྣང་སྲིད་རིག་པའི་རྒྱལ་པོ་སྐྱེ་མེད་དེ་ཉིད་བདེ་བ་ཆེན་པོར་ཤར་ཏེ་དེ་ཉིད་སྐྱེ་མེད་ཀྱ ི་ཡེ་ཤེས་ཀྱི་ཀློང་དུ་གང་དམིགས་པ་ཐམས་ཅད་དགྲོལ་ལོ། །སྣང་བ་མ་ལུས་པ་མ་བཅོས་རང་སྣང་ལྷུན་གྲུབ་པའི། །བཀྲ་གསལ་སྐུ་ཡི་དཀྱིལ་འཁོར་དུ། །རང་རིག་བདེ་བ་ཆེན་པོར་གསལ་བས་འཁྱིལ། །ཆགས་མེད་ཡེ་ཤེས་བརྗོད་དང་བྲལ། །ཚིག་གི་ལམ་ཆད་སྒྲ་བརྙན་ཚུལ། །རྟོག་བྲལ་མ་ཆགས་པ་ཉིད་བརྗོད་པའི་ཕྱག་རྒྱར་ཤར་བས་རྡོ་རྗེའི་གསུང་སྟེ་དེ་ཉིད། །རྣམ་པར་དག་པ་ཡེ་ཤེས་ཀྱི་དཀྱིལ་འཁོར་གྱི་ངང་དུ། །ཡེ་ཤེས་རྣམ་དག་གསུང་དུ་གསལ་བར་འཇུག་པས་འཁྱིལ། །དྲི་ངད་མ་ལུས་པ་ཡང་དངོས་བྲལ་རང་བཞིན་མེད་པའི་ཐིག་ལེ་ལས་བྱུང་ཞིང་དྲི་ཐམས་ཅད་དེ་ཉིད་དུ་གྲོལ་བས། རྟོག་འཛིན་བྲལ་བའི་ཆགས་མེད་པ། །ཡོན་ཏན་དཀྱིལ་འཁོར་མཁའ་འདྲ་བར། །འཛིན་མེད་ཡེ་ཤེས་ཀློང་དུ་འཁྱིལ། །བདག་ཉིད་ཀྱི་ལྕེ་ལ་མུ་ཁ་རོ་ཇི་སྙེད་མྱོང་བ་ཐམས་ཅད་དེ་ཉིད་ཀྱི་སྒོ་ནས་བདེ་བ་ཆེན་པོའི་དབྱིངས། །འཛིན་མེད་ལོངས་སྤྱོད་རྣམ་དག་པའི། །མ་ལུས་སྒྲུབ་བྱེད་ཐིག་ལེ་ཅན། །ཡོན་ཏན་རྫོགས་པའི་ཆོས་ཉིད་ཀྱི་དཀྱིལ་འཁོར་དུ་སྟོན་པ། །རོལ་པའི་ཡེ་ཤེས་ཐིག་ལེར་འཁྱིལ། །རེག་བྱ་འཇམ་རྩུབ་བདེ་སྡུག་ཇི་ལྟར་སྣང་བ་རིལ་དབྱིངས་ཕྱུག་བྷ་གའི་ཀློང་དཀྱིལ་དུ། །ལུས་ཀྱི་དཀྱིལ་འཁོར་ཡེ་ཤེས་སྒྲོན་མར་གསལ་བར་འབར། །བདེ་མཆོག་དབྱིངས་སུ་སྡུད་པའི་ཐིག་ལེར་ཐིམ། །མ་ལུས་རྫོགས་པའི་དཀྱིལ་འཁོར་མཆོག །མི་རྟོག་བདེ་བའི་དཀྱིལ་འཁོར་དུ། །གྲོལ་བས་མ་ལུས་དཀྱིལ་འཁོར་ཐིག་ལེར་ཐིམ། །དྲན་རིག་གང་སྣང་བ་ལ་ཡང་རང་རིག་ཡེ་ཤེས་ཉིད། །མ་བཅོས་མཁའ་མཉམ་དཀྱིལ་འཁོར་དུ། །འཛིན་ཆགས་མེད་པ་ཐིག་ལེ་དབང་བསྐུར་ཏེ། །གསང་བའི་ཡེ་ཤེས་རྨད་པོ་ཆེ། །སྤྱོད་ཡུལ་མ་ལུས་ཐམས་ཅད་ཀུན། །ཡེ་ཤེས་ཆེན་པོའི་རོས་གང་བ། །རྣམ་པ་སྣ་ཚོགས་ཤེས་པ་ཉིད། །ཀུན་འདུས་ཆོས་ཀྱི་དལ་དུ་ཡེ་ཤེས་ལྔ་ཡི་བདེ་བས་རྒྱས་བཏབ་པས་གྲོལ་ལོ། །དེ་ལྟར་སྣང་སྲིད་ཐམས་ཅད་ཡེ་ཤེས་མཉམ་ཉིད་བདེ་བ་ཆེན་པོ་ཡིན་པ་ལ། །དེ་ལྟར་མ་རྟོགས་ན་ཕྱོགས་གཅིག་ཁུ་བ་རིག་མའི་བདེ་བ་ལས་བདེ་ཆེན་གྲུབ་པར་འདོད་པ་ནི། །ཕྱོགས་སུ་བལྟས་པས་བདེ་ཆེན་གྲུབ་པ་མེད་དོ། ༈ །རྣམ་པ་དང་མཚན་ཉིད་དང་རང་བཞིན་གསུམ་སྐུ་གསུམ་དུ་རྒྱས་པའི་ཀླུངས། །བདེ་བ་ཆེན་པོར་ལྷུན་གྲུབ་པ། །ཐམས་ཅད་རྒྱས་བཏབ་དབང་ཆེན་ཏེ། །ཡེ་ཤེས་རོལ་པའི་ཕྱག་རྒྱ་ཅན། །ཉིད་སྣང་བའི། ཕྲ་རག་ཆེ་ཆུང་མ་ལུས་པ་མ་བཅོས་དེ་བཞིན་ཉིད། །རྒྱལ་བའི་སྐུ་རུ་ལྷུན་གྲུབ་པ། །ཕྱག་རྒྱའི་སྐུ་རུ་དབང་ཆེན་ཡིན། །དེ་བས་ན་རྒྱུད་འགྲོ་བ་དྲུག་འཁོར་བའི་རྟེན་ལུས་སུ་བཅས་པ་རྣམས་ནི། །ཡེ་ཤེས་སྤྲུལ་པ་རྒྱ་མཚོ་སྣ་ཚོགས་སུ་སྣང་བའི་སྐུ། །མ་ལུས་པ་རིལ་རང་བཞིན་ལྷུན་གྲུབ་པ། །སྐུ་མཆོག་མི་ཟད་པ་རྒྱན་གྱི་འཁོར་ལོའི་དབང་བསྐུར་ཐབས་སྟོན་ཏོ། །ཐར་པ་མྱ་ངན་ལས་འདས་པའི་གསུང་དང་འཁོར་བ་ཡི། །སྒྲ་སྐད་རབ་འབྲིང་ཐ་མ་གསུམ་མ་ལུས་པ་ཡིས། །མ་ལུས་ལྷུན་གྲུབ་རྡོ་རྗེའི་གསུང་དུ་གྲོལ་བས། །གསུང་གི་ཕྱག་རྒྱ་ཆེན་པོའི་དབང་བསྐུར་བའི་ཐབས་བསྟན་ཏོ། །བདག་དང་གཞན་དུ་སྣང་བའི་དྲན་རྟོག་སྣ་ཚོགས་མ་ལུས་པ་རྡོ་རྗེའི་སེམས། །ཐུགས་ཀྱི་ཡེ་ཤེས་མཁའ་མཉམ་པ། །ལྷུན་གྲུབ་བདེ་བ་ཆེན་པོའི་ཐུགས་རྒྱན་གྱི་འཁོར་ལོའི་སྒོ་ནས་དབང་བསྐུར་བས་གྲོལ་ཐབས་བསྟན་པའོ། ༈ །ཇི་སྐད་བཤད་པའི་དབང་དེ་ནི་སྤྱི་བླུགས་ཡེ་ཤེས་རྒྱལ་བའི་དབང་ཞེས་བྱ་སྟེ། །དེ་ཐོབ་ཅིང་རྟོགས་ན་དུས་ཐམས་ཅད་དུ་རང་རིག་ཡེ་ཤེས་རྒྱུན་མི་འཆད་པ་ཡིན་ནོ། །དེ་དག་བདེ་བ་ཆེན་པོ་མ་བཅོས་པའི་དོན་དང་ནམ་ཡང་མི་འབྲལ་བས་གཟུངས་ཞེས་བྱའོ། །རང་ལུས་ལ་ཡེ་ཤེས་ཀྱི་རིན་པོ་ཆེ། །སྣང་སྲིད་མ་ལུས་པ་རིག་པའི་བདེ་བ་ཆེན་པོ་ཡོན་ཏན་ཚང་ཞིང་རྫོགས་པའི་ལྔའི་རྒྱས་བཏབ་པའོ། །རྣམ་པ་མ་ལུས་པའི་མཆོག་ཐམས་ཅད་དང་ལྡན་པའི། །ཡེ་ཤེས་སྟོང་པ་ཆེན་པོའི་གོ་ཆས་བར་ཆད་མི་འབྱུང་བར་བསྲུང་བའོ། །ཚངས་པའི་དབང་རྟོགས་ན་ཡེ་ཤེས་འཁྱིལ་པ་རྡོ་རྗེའི་བུམ་པའི་དབང་ཡིན་ཏེ། །བདེ་བ་ཆེན་པོའི་རོས་གང་བ་ཡིས། །རྣམ་རྟོག་མ་ལུས་དག་པར་འཁྲུད་པས་བུམ་ཆུ་ཡི་མཆོག་ཡིན། །དོན་དམ་ཚངས་པ་ཉིད་གང་གིས་ཀྱང་མི་རྟོགས་པས་གསང་བའི་ཡེ་ཤེས་དཀྱིལ་འཁོར་ཆེན་པོ་སྟེ་དེ་ལྟར་རྟོགས་པས་གསང་བའི་དབང་ཡིན་ནོ། །བདེ་བ་མ་ལུས་པ་ཐམས་ཅད་ཀྱང་དབང་འདིར་འདུས་པ་བཅུད་ཀྱི་བདག་ཉིད་ཡིན་པས། །གསལ་བའི་ཤེས་རབ་ཡེ་ཤེས་ཀྱི་དབང་ཡང་ཡིན་བདེ་ཆེན་པོ། །དེ་བས་ན་དབང་མ་ལུས་པ་ཐམས་ཅད་ཀུན་འདུས་པ་ནི་རིག་པའི་སྤྱི་བླུགས་ཀྱི་དབང་ཡིན། །རིག་པ་རང་བྱུང་གི་རྒྱལ་པོ་ཞེས་བྱ་བའི་མིང་གིས་མཚོན་པས་མིང་གི་དབང་ཐོབ་ཅིང་རྫོགས་པའོ། །དབང་འདི་དག་ཐམས་ཅད་ཀྱང་རྩོལ་བས་བསྐུར་བ་མིན་ཏེ་རང་བྱུང་རྟོགས་པའི་རྩལ་གྱིས་ཐོབ་པའོ། །དོན་དམ་ཚངས་པའི་དབང་ལ་བསྐུར་བས་ཐོབ་པའི་དབང་རྣམས་རྫོགས་པར་བསྟན་ནོ། །འདིར་བསྐུར་དུ་མེད་མེད་པ་ཅིས་ཤེ་ན། དབང་བསྐུར་བའི་འབྲས་བུ་རང་བྱུང་ཇི་བཞིན་པར་ཐུག་ལ་དེ་གཞན་ནས་འབྱུང་བ་མ་ཡིན་ཏེ། །འབྲས་བུ་ཐོབ་ཏུ་མེད་པའི་ཕྱིར་རོ། །དེས་ན་མ་ལུས་པ་རང་ལ་ཡོད་པ་མངོན་དུ་གསལ་བར་ཐོབ་བོ། །དངོས་པོ་མི་འགྱུར་བར་བསྟན་པས་རྟོགས་པ་མི་འགྱུར་བར་རྡོ་རྗེ་ཚངས་པའི་དབང་འཆར་ལ་དེ་རྟོགས་གོམས ། །ཀུན་རྫོགས་པས་བདེ་བ་ཆེན་པོར་ཐིམ་ཞེའོ། །ཧོ། དེ་བས་ན་དུས་གསུམ་རྒྱལ་བ་ཐམས་ཅད་ཀྱི། །ཐུགས་ལ་བརྣག་པའི་ཞེ་ཕུགས་མན་ངག་གི་བཅུད་ཐོབ་བྱ་དེ་ཉིད། །དེ་ཐབས་ཁ༽ཆེན་འདིས་བསྟན་པ་ཡིན་པས་རང་ཀ༽ལ་རྫོགས་ལ། ༈ །ༀ་རིག་པ་ཡེ་ཤེས་ལྔར་བསྟན་པའི་བརྡ་སྟེ་སྐུའམ་ཡིན་ནོ། །སྣང་སྲིད་ལྷུན་ག༽གྲུབ་བདེ་ཆེན་མི་རྟོག་པ། །མ་བཅོས་དེ་ཉིད་བདེ་བའི་ཀློང་སྟེ། །ལྷུན་གྲུབ་གསུམ་དུ་གསལ་བས་རང་བྱུང་ཀློང་དུ་ཤར། །རང་བྱུང་གི་ཡེ་ཤེས་མཁའ་ཁྱབ་པ་ཉིད་རྩལ་གང་དུ་ཡང་། །མ་བཀག་རིག་པའི་མཁའ་ལ་རྫོགས། །རང་བྱུང་རིག་པ་བདེ་ཆེན་པོ། །ཡོན་ཏན་ལྷུན་གྲུབ་ཏུ་རྫོགས་པ་རིག་པའི་ཀློང་གདལ་བ། །སྤྲོས་མེད་ཀྱི་ཐིག་ལེ་ཆེན་པོར་ཉིད་ཆོས་ཐམས་ཅད་དུ་ཤར་བའོ། །ཧཱུྃ་ཐུགས་རྩ་བ་གཅིག་ཏུ་གསལ་བའོ། །མི་རྟོག་པའི་ཡེ་ཤེས་བྱང་ཆུབ་སེམས་སུ་ཆོས་མ་ལུས་པ་ཐམས་ཅད་གསལ་བས། །འཛིན་རྟོག་བྲལ་བའི་ཆགས་མེད་ཡུལ། །རང་རིག་ཅིར་ཡང་མི་རྟོག་པ། །ཡེ་ཤེས་རྒྱལ་པོ་མ་ལུས་པ་དེ་ལྟར་གསལ། །ཅིར་ཡང་མི་རྟོག་བདེ་བ་ཆེན་པོར་སྨིན། །ཡང་དེ་ཉིད་སྟོང་པ་ཆེན་པོ་ཕྱོགས་ཅིར་ཡང་མ་ཡིན་མི་རྟོག་དམིགས་སུ་མེད། །ཡི་གེ་རྣམ་རྟོག་སེམས་ཀྱི་རྒྱུ་བ་དུས་གཅིག་ཏུ་ཟད་དེ་བྲལ་བ། །ཡེ་ཤེས་རང་རིག་མ་ལུས་ཀུན་བྲལ་བའི་ཆོས་ཉིད་དུ་བསྟན་པའོ། །ཨ་མ་སྐྱེས་པའི་བརྡ། རང་རིག་རྣམ་པ་ཡེ་ཤེས་སྐུ། །བདེ་ཀློང་མངོན་དུ་གསལ་བའི་རིག་པ་སྟོང་ཉིད་ཀྱི་ཐིག་ལེ། །རང་རྒྱུད་པའི་ཕྱོགས་ཐམས་ཅད་དང་བྲལ་བས་རྟོག་མེད་ཐུན་མོང་མ་ཡིན་པའི་སྒྱུ་ཆེན་པོ་ཡེ་ཤེས་ཀྱི་རོལ་པ་འཆར་བ་སྟེ། །རྣམ་དག་སྒྱུ་མའི་ཡེ་ཤེས་ཀློང་། །རང་རིག་ཡེ་ཤེས་སྒྱུ་མའི་ངང་། །རང་བྱུང་སྒྱུ་མར་མངོན་སུམ་གསལ། །ལྷུན་གྲུབ་སྒྱུ་མ་མ་བཅོས་པ། །བདེ་ཆེན་སྒྱུ་མའི་རང་རིག་གསལ། །སྒྱུ་མ་དེ་ཡང་རང་གི་སེམས་ལྷུན་གྲུབ་ཆེ་བའི་ཡོན་ཏན་རིན་པོ་ཆེ། །རང་རིག་ནམ་མཁའི་མཐའ་དང་མཉམ་པར་ཁྱབ་པ་རྡོ་རྗེའི་སྐུ། །སྒྱུ་མའི་ཡེ་ཤེས་སྤྲུལ་པའི་ཚུལ། །གསལ་བས་ཀུན་གྱི་དོན་བྱེད་ནུས་པར་ཁམས་གསུམ་གྱི་གཟུགས་བརྙན་དུ་འཆར་བའོ། ༈ །མ་༢ཧཱ་ཆེན་པོ་དྷ་ཀྵེ་དག་པའི་གཤེད་པོ་ཨ་༡ ཏི་རྫོགས་པ་ཤིན་ཏུ་རྣལ་འབྱོར་གྱི་དོན་ཨ་བི་ཀྵ་ཨ་༣དོན་དེ་བསྟིམ་པའོ། །གོང་དུ་བསྟན་པའི་སྐུ་གསུང་ཐུགས་འབྲུ་གསུམ་སྟེ་བརྡ་དེ་དང་ལྡན་པས་བསྟན་པ་འཁོར་པའི་རེ་དོགས་ལས་སྐྱོབ་པས་སྔགས་དང་བཅས་ཤེའོ། །རྡོ་རྗེ་ནི་སྐྱེ་མེད་ཀྱི་དོན་ཏེ་སེམས་ཉིད་རིན་ཆེན་སྙིང་གི་སྦུབས་སུ་གཞུག་ཅིང་བཙལ་བའོ། །རྟོག་པའི་བར་ཆོད་ཀྱི་རླུང་ངམ་སྙིགས་མ་ཕྱིར་འཕྲོ་བའི་རླུང་དང་ཡང་བྲལ་བར་བྱ་སྟེ་བརྡ་ངག་དང་རིག་པ་སྐྱེ་མེད་དུ་ཐིམ་པས་རྒྱུ་བ་རང་ཆད་པའོ། །དབང་དེ་དག་ཀྱང་དུས་གང་དུ་བསྟན་ན་བཅོ་རིག་པ་འཆར་བ་དང་བྱིན་གྱིས་རློབས་པའི་དུས་ཡིན་པས་ལྔའི་ཐོ་རེངས་དུས་སུ་བསྟན། །ཚུལ་ཇི་ལྟར་སྒྲུབ་ན་སྔོན་འགྲོ་བཅོས་མ་དང་རྣལ་བའི་དབང་བསྐུར་བ་དེ་ཉམས་སུ་བླང་ཚུལ་གྱིས་འཕྲུལ་ཚིག་གོང་དུ་བཤད་པ་རྣམས་རིག་པའི་ངང་གིས་བསྡེབས་ལ་བསྟན་པའོ། ༈ །བརྡ་དོན་བྲལ་འདི་ཉིད་ལས། རྒྱལ་བུ་ཕྲུ་གུ་འཁྱམས་པ་ལྟར། །ཞེའོ། །བའི་རྒྱལ་བུ་བཞིན། །རྒྱལ་བུ་འཁྱམས་པ་དེ་ནོང་བུའི་ས་ནས་འཁོར་གྱིས་ཁྱོད་རྒྱལ་པོ་ཡིན་ཞེས་བརྡ་བཀྲོལ་ཏེ་འཁོར་སྐྱོངས་ཤིག་པར་དབང་བསྐུར་བའོ། །གསེར་དངུལ་ཟངས་ལྕགས་ཀྱི་འཁོར་ལོ་སྒྱུར་བ་བཞི་གླིང་བཞི་གསུམ་གཉིས་གཅིག་ལ་རིམ་པར་དབང་བྱེད་ཅིང་། །སྟོབས་བརྒྱད་ཀྱིས་གླིང་བཞི་འདུལ་ཞིང་དཔུང་བཞི་འཁོར་བས་ཀུན་གྱི་མཐུ་ཡི་བདག་པོར་གྱུར་པ་དབང་བསྐུར་བའོ། །དཔེ་དེ་བཞིན་དུ་དོན་སྐལ་ལྡན་རིགས་ཀྱི་བུ། །རིག་པ་རང་སྣང་ཡིན་པར་བརྡ་ཡིས་དོན་ལྷུན་གྲུབ་ཏུ་གྲོལ་བ་ཐོབ་ནས། །དོན་རང་བཞིན་མཚན་ཉིད་མ་བཅོས་པ་བརྡ་དོན་དབྲལ་བའི་རིམ་པར་བརྒྱུད་ནས་མངོན་སུམ་བསྟན་པའི་མན་ངག་སྦྱིན་ནོ། །ཁམས་གསུམ་མངོན་དུ་གསལ་བ་ཡི་ལྷུན་གྲུབ་སྐུ་གསུམ་དུ་སྣང་བས། །སྒྱུ་མའི་ཡེ་ཤེས་ལྷུན་གྲུབ་པ། །གཅིག་གྲོལ་བས་ཀུན་གྲོལ་བ་འཕྲུལ་གྱི་མན་ངག་གི་ཐབས་བསྟན་པར་བྱ་ཞིང་། །གང་ལའང་ཆགས་པ་མེད་པ་ནི་ཡེ་ཤེས་ཀྱི་ཀློང་སྟེ་དེ་ཉིད་དུ་བློ་གཞུག་གོ། །བླ་མའི་ཐབས་ཀྱིས་ཡེ་ཤེས་མངོན་སུམ་དུ་གསལ་ཏེ། །དུས་ནི་སྐད་ཅིག་དུས་མཐའ་ལྷུན་གྱིས་གྲུབ་ཅེས་བསྟན་ཏོ། །ཆོས་ཐམས་ཅད་རྩ་བ་ནས་མ་གྲུབ་པའི་དོན་ལ་ཅི་སྣང་ཅི་སྲིད་ནི་སྒྱུ་མ་དང་ཆུ་ཟླ་དང་སྨིག་རྒྱུ་ལྟར་ཉམས་ཐོབ་པས་ཉམ་ང་བ་མེད་པས་བདེ་བ་ཆེན་པོའི་ཀློང་དུ་གསལ་ལོ། །དེའི་ཉམས་ནི་མི་རྟོག་ཐབས་ཀྱི་ཡེ་ཤེས་འདི། །མ་བཅོས་རང་བྱུང་ཇི་བཞིན་ལ། །རྣམ་པའི་ཡེ་ཤེས་ཐབས་ཀྱིས་རོལ། །རྒྱལ་བའི་དགོངས་པ་ཀློང་བརྡོལ་བ། །རྣམ་པའི་ཡེ་ཤེས་བདེ་ཆེན་འདི། །མངོན་དུ་སྣང་ཡང་ཀུན་གྱིས་རྟོགས་པར་དཀའ་ལ་ཡུལ་མ་ཡིན་པས་མཐོང་བ་མེད་དོ། །རང་ལ་རྫོགས་ལ་གྲུབ་པ་མེད། །དབང་འདི་དང་བྲལ་ན་སྐྱོན་དང་ཉེས་པ་ནི་རྟོག་པའི་བདག །མཚན་མའི་མདུད་པ་གྲོལ་མི་འགྱུར་ཞེས་བསྟན། ༈ །དེས་ན་བདེ་བ་ཆེན་པོ་སྤྱོད་པའི་སྐལ་ལྡན་ནམ་དེའི་རིགས་ཅན་གང་ཡིན་པ་དེས། །རླུང་དང་གཡོ་བ་སྤྲད་པའི་ལམ་མཚོན་པའི་བདེ་བ་ཆེན་པོའི་རྒྱས་བཏབ་པ་ནི་གང་ལ་གང་གིས་བཏབ་པས་དེ་ཉིད་དེའི་ངོ་བོར་གསལ་བ་སྟེ་དེས་བསྐྱེད་པའི། །མི་རྟོག་པའི་ཡེ་ཤེས་སུ་ཐམས་ཅད་ལྷུན་གྱིས་གྲུབ་པའི། །བདེ་བ་ཆེན་པོར་རང་སྣང་བའི་རོལ་པས་བསྒྲུབ་པར་བྱ་ཞེས་སྤྱི་དོན་དུ་བསྟན་ཏོ། །གཡོ་བ་དང་མི་གཡོ་བ་ལས་གཡོ་བའི་རླུང་ངོ་། །དེ་དང་མཉམ་དུ་གནས་ཀྱང་རྟོག་པས་བསླད་པས་མི་གཡོ་བ་མི་མཐོང་བ་ཡི། །སྟོང་པ་དང་བདེ་བ་བར་མ་ཆད་པས་རྒྱུན་དང་བཅས་པར་གསལ་བའི་ཡེ་ཤེས་ཏེ། །དེ་ཉིད་བདེ་བ་ཆེན་པོའི་ངོ་བོ་ལས་མི་གཡོའི་ཀླུངས་སུ་དབབ་ཅེའོ། ༈ །དེ་ཡང་རླུང་གི་ཁྱད་པར་ནི་རླུང་ནི་རྣམ་པ་གཉིས་ཡིན་ཏེ། །དེ་ཉིད་གང་ཞེ་ན་རིག་པའི་སེམས་ཀྱི་རླུང་དང་བེམས་པོ་རྒྱུ་བའི་རླུང་། །བེམས་པོ་ལ་ནི་རྣམ་གསུམ་སྟེ། །སྲོག་འཛིན་པ་ནི་གནས་པ་དོན་གྱི་རླུང་སྟེ། སྙིང་གི་དྭངས་མའི་དྭངས་མ་ཨ་ཐུང་ལ་བརྟེན་ནས་མི་རྒྱུ་བ་སྲོག་དབང་དང་མཉམ་དུ་གནས་ཤེས་པའི་རྟེན་བྱེད་པ་ཉིད་དང་། །ཚེའི་དུས་བྱེད་ཙམ་ན་དྭངས་མ་དང་བཅས་ནས་རྒྱུ་བ་དེ་རྣམ་པར་ལུས་ཀྱི་གཟུངས་འཛིན་པར་བྱེད་ཅིང་དེར་བཅུད་དང་འདྲེས་པར་བྱེད་པ་ནི་དྭངས་མའི་རླུང་ཀུན་དྷར་ན་གནས་ཤིང་དལ་བར་རྒྱུ་བ་དང་། །སྙིགས་མ་ནི་ཕྱིར་རྒྱུ་ཞིང་ནང་དུ་འཇུག་ལུས་ཀྱི་དྭངས་སྙིགས་འབྱེད་ཅིང་འབྱུང་བའི་ལས་བྱེད་པ། །ལྟེ་བ་ནས་གྱེན་དུ་སྙིང་མགྲིན་དབང་པོ་ཀུན་རྒྱུ་བར་བྱེད། དེས་ཕྱེ་བའི་སྙིགས་མ་མཆིས་སྣབས་ལ་སོགས་པ་དང་། དྭངས་མ་དབང་པོར་གྱུར་ནས་མཐོང་བ་ལ་སོགས་པར་བྱེད་པ་དང་ལྟེ་བ་ནས་ཐུར་དུ་རྒྱུ་བའི་དྭངས་མས་བདེ་བ་སྐྱེད་སྙིགས་མ་གཤང་གཅི་ཁུ་བ་འབྱིན་པའོ། །རིག་པའི་རླུང་ཆོས་ཉིད་གསལ་ལ་རྟོག་པ་མེད་པས་གཅིག་ཡིན་ཏེ། །དེ་ལ་བརྟེན་པའི་བྱེ་བྲག་རྣམ་ཤེས་བརྒྱད་དམ་དྲན་རྟོག་དཔག་ཏུ་མེད་པ་ཉིད་དུ་སྣང་བའོ། །དྭངས་མའི་རླུང་ནི་འཕོ་བ་གཅིག་གིས་ཀུན་དྷར་མའི་ནང་དུ་རྒྱུའོ། །འཕེན་པ་གཅིག་ནི་རྩའི་ཕྱི་རོལ་དང་རླུང་ཕྱིར་རྒྱུའོ། ༈ །ཤེས་པ་རྟེན་པ་སྟེ་ཕྱི་ནང་གི་ལས་རླུང་ཟིན་པར་གྱུར་པའི་དུས་ན། །ཕྱིར་རྒྱུ་བའི་དྲན་རིག་ཀུན་ཀྱང་ནང་དུ་ཐིམ་པས་རིག་པ་ཟིན་པ་ཡིན། །རླུང་ཟིན་ཅིང་ཐིམ་པའི་ཐབས་ཀྱི་བྱིན་རླབས་རང་རྒྱུད་པའི་ཤེས་པ་འགགས་ནས་ཡེ་ཤེས་རང་འབར་སྐྱེ་བས་རྨད་པོ་ཆེ། །དྲན་རིག་བདེ་བ་ཆེན་པོའི་ཡེ་ཤེས་རང་སྣང་གི་རོལ་པའི་སྐུ་རུ་སྣང་ངོ་། །རང་སྣང་ལ་འབད་རྩོལ་དང་བྲལ་བའི་བདེ་ཆེན་ལས། །ལྷུན་གྲུབ་ཀྱི་ཐབས་ཏེ་དེ་ལ་མ་ཡེངས་པར་བརྟེན་ནས་འགྲུབ། །པའི་ཡེ་ཤེས་རང་རིག་དེ་ཕྱོགས་འཛིན་ལས་འཕགས་པས་ཆེན་པོ་ཆེ། །དེ་རྟོགས་ན་ངང་གིས་མི་ལྡོག་པ་ནི་ཐབས་ཀྱི་མཆོག་གོ། ༈ །སྐལ་ལྡན་ཚེ་འདི་ཉིད་ལ་ཡེ་ཤེས་རྒྱལ་པོ་ཐོབ་པར་འདོད་པ་དེས། །ཟླ་ཕྱེད་དམ་ཉིན་མཚན་གཅིག་གི་བར་ལས་འཕོ་བ་བརྩིས་པའི་ཐུན་མཚམས་ཐུང་ངུ་བཅུ་གཉིས་ཀྱིས། །བཅད་ལ་བསྒོམས་ལ་བརྩོན་པས་དང་དུ་བླངས་ན་ཡེ་ཤེས་རིག་པ་བརྟན་པའི་ཕུར་པ་ཐེབས། །རྟོག་པ་གཞོམ་སྟེ་ཞི་པའི་རླུང་དང་བྲལ་བ་ཉིད་ཀྱིས་རང་ལོག་པར་འགྱུར་རོ། །འདོད་པ་ལྔ་ལ་དམིགས་པའི་ཡུལ་ཐམས་ཅད་དང་བྲལ། །བདེ་བ་མཐར་ཕྱིན་པའི་དུས་ཀྱི་ཐུན་མཚམས་ནི་ཉིན་མཚན་གཅིག་གིས་ཀྱང་འགྲུབ་ཏུ་རུང་། །བདེ་བའི་ཡེ་ཤེས་འཕྲོ་འདུ་མེད་པས་ཐིག་ལེའི་དངོས་གྲུབ་ཟག་མེད་ཐོབ་པར་འགྱུར། །སྣང་སྲིད་བདེ་བ་ཆེན་པོར་ཇི་ལྟར་བསྒྱུར་བའང་འཐོབ། །ཐབས་འདི་ནི་ཐར་པའི་བདེ་གཞན་ལས་འཕགས་པས་ལམ་མཆོག་སྟེ། །རྒྱུ་ཉིད་འབྲས་བུར་ངེས་པས་རྒྱུ་འབྲས་རིམ་པ་མེད་པའི་མཐར་ཕྱིན་ཡིན་ནོ། ༈ །དང་པོ་རླུང་ལ་བསླབ་པ་ནི་ཕྱི་ནང་དུ་རྒྱུ་བ་རགས་པའི་རླུང་འདི་ཉིད་ཐབས་ཀྱིས་བཟུང་སྟེ། །ཉིན་མོ་དང་མཚན་གྱི་དུས་གཉིས་ལ། །ཉི་ཁྲི་ཆིག་སྟོང་དྲུག་བརྒྱ་རྒྱུ་འབྱུང་བཞིའི་རླུང་སྟེ་གཡས་གཡོན་གཉིས་ཀ་ནས་རྒྱུ་བའི་གྲངས་ཀྱང་དབྱེའོ། །འཕོ་བའི་ཐུན་མཚམས་བཅུ་གཉིས་ཡིན་ཏེ། །དྭངས་མའི་བདེ་བ་ཆོས་ཉིད་ཀྱི་རླུང་ཀུན་དྷར་འཕོ་བ་ནི་རྒྱུ་བ་ལན་གཅིག་ཡིན་ཏེ། །རྣམ་རྟོག་འཁོར་བའི་རླུང་སྙིགས་མ་བཅུ་གཅིག་ཕལ་ཆེར་འཚོ་བར་རྒྱུ། འཕོ་བ་ཡིན་ཏེ་བཅུ་གཉིས་སོ། །སྙིགས་མ་དེ་ཐབས་ཀྱིས་དྭངས་མ་ཀུནྡྷ་མའི་འཕོ་བར་ཐིམ་ཞིང་ཕྱིར་མི་སྤྲོ་པར་བྱ། །རླུང་དེ་ནི་བསྒོམ་པའི་རིམ་པ་འདི་ཡིན་ཏེ། །ཡེ་ཤེས་ཉིད་མཚོན་པས་གཞའ་ཚོན་ལྟ་བུའི་དབྱིབས་རེང་བུའམ་གོང་བུ་འོད་སྣ་ལྔས་འཁྲིགས་པའོ། །རང་རིག་བདེ་བ་ཆེན་པོའི་ཡེ་ཤེས་རྩ་མདུད་རླུང་དང་བདེ་བས་བཀྲོལ་ཏེ་རླུང་དང་བདེ་བའི་དྭངས་མ་རྒྱས་པ་དེས། །ཁམས་གསུམ་མ་ལུས་ཡེ་ཤེས་ཆེན་པོའི་སྐུ། །ར་འགྱུར་བའི་ཕྱིར་དང་དུ་བླང་། མི་གཡོ་བ་ཡེ་ཤེས་ཀྱི་རྟགས་ཐིག་ལེ་ཁ་དོག་ལྔ་པ་ནོར་བུའམ་སྲན་མ་ལྟ་བུ་དགུའི་རྒྱུ་བར་བྱས་ཏེ་ནང་དུ་ཐིམ་ན་འཇའ་ཡལ་བ་ལྟར་སྟོང་ཕྱིར་རྒྱུ་ན་ཚོན་སྐུད་འཇའ་བརྐྱང་བ་ལྟར་བསམ་མོ། །ནང་དུ་བརྡུབས་པས་རྐྱལ་པ་བུས་པ་ལྟར། །ཕྱིར་སྤྲོས་པས་དེ་ཉིད་གཤོབས་པ་ལྟར། །ཡེ་ཤེས་ཀྱི་རླུང་གིས་དྲན་རྟོག་དང་རླུང་སྟོང་པར་བྱའོ། །ཨ་ནི་རླུང་སྟོང་པར་ཐིམ་པའོ། །མགྲིན་པའི་པད་འདས་ནས་ལྡང་གི་བར། །ཀུན་དྷར་མར་ཞུགས་ནས་གཡོ་མེད་ཆོས་ཉིད་རང་བྱུང་མི་ཤིག་པའི་ཐིག་ལེར་ཐིམ་པར་གཟུང་བར་བྱ། །རླུང་ཟིན་པ་དེ་ནས་རླུང་དང་བདེ་བར་འདྲེས་པ་ཐིག་ལེས་གང་བའི་རྟགས་འབྱུང་སྟེ། །འདུ་བ་བཞི་དང་བྲལ་ཞིང་ཁམས་སྙོམས་རང་ལུས་བདེ་བས་གང་ཞིང་རྒྱས་པ་དང་། །ཉམས་ཟག་པ་དང་ལྕི་བ་དང་བྲལ་ནས་ལུས་ཡང་བས་མཁའ་ལ་འདུག་པའོ། །ལུས་ལ་ཚོར་བ་ཐམས་ཅད་བདེ་བ་ཆེན་པོར་སྐྱེ། །དྲན་རྟོག་གི་རྒྱུ་བ་ཐམས་ཅད་ཡེ་ཤེས་སུ་གསལ་ཞིང་བྱེ་བྲག་མ་ནོར་བར་ཤེས་པའོ། ༈ །རགས་པ་དེ་ལས་སུ་རུང་ནས་བདེ་བ་འཕོ་བ་ཡི། །ཕྲ་བའི་ཡེ་ཤེས་རླུང་ལ་འཇུག་ལ་བསླབ་པར་བྱ་སྟེ། །འདིར་ཕྲ་བའམ་དལ་བའི་རླུང་ཅིག་འབྱུང་བ་དེ་ཉིད་ནང་དུ་བསྲིང་བ་དང་བརྟག་པའི་ཐབས་ཀྱིས་ཡེ་ཤེས་གནས་པ་དགུག་པའོ། །དཔེར་ན་རགས་པ་སྨད་ནས་གྱེན་དུ་རྒྱུ་བའི་རླུང་། །དེ་ཡང་རིག་བྱ་དང་བཅས་པར་རྩ་ཀུན་དྷར་མ་ཆ་ཕྲ་བའི་རླུང་སྔར་རྒྱུ་བ་བཞིན་དུ་དལ་བར། །གསང་བའི་པདྨ་ནི་ལྟེ་བ་ཉིད་དེ་དེ་ནས་ཀུན་དྷར་མར་ཞུགས་ནས་ཐིག་ལེ་སྙིང་པོ་ལ་ཐིམ་པར་བྱའོ། །གྱེན་རྒྱུའི་རླུང་ཕྱིར་འཕྲོ་བ་ནི་ན་ས་སྣ་སྟེ་འདུས་པའི་ལྟེ་བ་སྣ་རྩེ་ལ། སྣ་སྒོར་ཐིག་ལེ་ཤིན་ཏུ་ཕྲ་བ་ཉུངས་འབྲུ་ཙམ་དལ་ཞིང་འཇམ་པས་དལ་བ་དེ་ཉིད་རིག་པ་མི་གཡོ་བ་ཡི། །རང་བྱུང་ཡེ་ཤེས་རླུང་གིས་ནི་ལྷུན་གྲུབ་ངོ་བོ་སྐྱེད་པའི་ཕྱིར། །རླུང་དང་ཐིག་ལེར་བཅས་པ་བདེ་བ་ཆེན་པོའི་ཀུན་དྷར་མར་འཇུག་ཅིང་རྒྱུ་བ་བྱ། །རླུང་གི་ཐུན་ཉིན་མཚན་གྱི་ཕྱེད་ཕྱེད་ཀྱི་བར་དག་ཏུ། །སྟོབས་ཀྱིས་མི་འཕོ་བར་ཐབས་དང་ཏིང་ངེའི་སྟོབས་ཀྱིས་བསྡམ་བར་ནུས་འགྱུར་ན། ༈ །ཡུན་ཇེ་རིང་ཇེ་རིང་དེ་ནས་རྒྱུ་བ་མེད་པར་བསླབ། །སྟེ་དེའི་ཐབས་ནི་ལུས་བསྲང་ལུས་སེམས་བདེ་བའི་བག་ཡངས་ཀྱིས་འདུག་ལ། །ལྕེ་རྩེ་ལ་ༀ་དང་རྐན་ལ་ཧཱུྃ་དུ་བསམས་ལ་དེ་གཉིས་མཚམས་སྦྱར་བར་བྱ་སྟེ། །གསང་བའི་ལྟེ་བར་ནི་ལྟེ་བའི་ནང་བུམ་པ་ལྟ་བུ་ལ་ཏིང་ངེས་དམིགས་པར་བྱས་ཏེ། །དབུགས་ནང་དུ་རྔུབ་པ་དང་ཕྱིར་འབྱུང་བ་ཡུན་རིང་དུ་བཞག་པ་དང་མ་ཐུབ་ནའང་རིམ་གྱིས་མགྲིན་པར། དེ་མ་ཐུབ་ན་སྣའི་ནང་དུ། སྣ་རྩེར་གཟུང་བར་བྱ་ཏེ། །དེས་ཀྱང་མ་ཐུབ་ན་དལ་བར་ཕྱིར་གཏང་བར་བྱའོ། །བྷ་ག་བདེ་བ་རྒྱས་པར་དེ་ནས་ཕྱི་མ་ལ་ཡང་དེ་བཞིན་དུ་གཟུང་བར་བྱའོ། །ལུས་གཟུངས་ནི་རླུང་ཕྱི་ནང་དུ་རྒྱུ་བ་ཅན་ནོ། །དབུགས་དང་བཅུད་དུ་བསྲེ་བ་གོང་དུ་བཤད་ཟིན་འདྲེས། །བཟུང་བས་ཟིན་ཏེ་ལས་སུ་རུང་ན་དེ་ལ་མཐུན་པའི་རྟགས་འབྱུང་སྟེ། །ཇི་ལྟར་རྒྱུ་བ་དལ་བའི་རེག་པས་བདེ་བ་སྐྱེད་དེ་དེས་ལུས་ཀྱི་ཟུངས་རྒྱས་པར་གྱུར་ཏེ། །དེ་ལུས་དང་སྤྱོད་ཡུལ་མ་ལུས་པ་བདེ་བ་ཆེན་པོའི་ཡེ་ཤེས་སུ་སྐྱེའོ། །དེ་ནས་ན་ས་སྣའི་སྒོ་ན་རྒྱུ་བ་དང་མིག་དང་རྣ་བའི་དབང་པོའི་ལམ་ནས་རྒྱུ་བ་ན་བ་སྤུ་བུ་ག་ནས་རྒྱུ་བ་ལ་བསླབ་བོ། །དེ་ཉིད་གང་དུ་ཡང་གཏང་ནུས་པ་ནི་རླུང་ཀུན་དུ་སྤྲོ་ནུས་པ་ནང་དུ་འཇུག་པའོ། །ལོ་ཟླ་བ། ཟླ་ཕྱེད་དུ་ནང་དུ་མ་བསྡམས་ཀྱང་འདུ་བ་ལྡང་མེད་ཅིང་ཁམས་ལ་མི་གནོད་པར། །འཕོ་བ་མེད་པའི་དགག་པའང་འགྲུབ། །ཅེས་བྱ་བར་ངེས་སོ། །རླུང་དང་ཐིག་ལེ་ཆེན་པོ་ལས་བྱུང་བའི་བཅུད་ཀྱིས་ལུས་ཀྱི་དབང་པོའི་སྒོའི་ལམ་ནས་དྲངས་ཀྱང་འདྲོངས་ལ་དེ་དག་ཀྱང་རང་རིག་པའི་ངང་ཏུ། །ཡེ་ཤེས་ཆེན་པོ་རུ་འདྲེས་ནས་བདེ་བ་འབར་བར་འགྱུར་རོ། །དེ་ལྟར་དེ་ཉིད་ནུས་པ་བརྟན་པའི་སྟོབས་ཀྱིས་ཐིག་ལེ་མ་ལུས་འདྲེན། །ཡུལ་སེམས་ཀུན་རླུང་དང་ཐིག་ལེར་ཐིམ་པ་ལ་བསྐལ་པ་དུ་མའི་ཡུན་དུ་དབུགས་གནས་པ་དང་དེ་ལྟར་ནང་དུ་སྡུད། །ཀྱང་སྣང་བ་དང་རླུང་དུ་འདྲེས། རླུང་བདེ་བའི་ཐིག་ལེར་འདྲེས་དེ་ནི་རིག་པ་སྐྱེ་མེད་དུ་འདྲེས་པས་བདག་གི་ལུས་དང་ཁམས་ལ་གནོད་པ་མེད་པར་བསྡམ་པའང་འགྲུབ་བོ། །རླུང་སྒོམ་པ་འདི་ནི་ཐབས་ཆེན་གསང་བའི་ལམ། །བདེ་བ་ཆེན་པོས་རྒྱས་འདེབས་པས། །རོལ་པའི་ཀླུངས་སུ་ཕེབས་པ་ཡིན། ༈ །ཐུན་མོང་གི་རླུང་ལས་སུ་རུང་བ་དེ་ནས་ཕྱིའི་བདེ་བའི་རིག་པའི་རླུང་གསུམ་དབྱེར་མེད་པའི་བདག་ཉིད་ཀྱང་ལུས་ཀྱི་རྩོལ་བའི་རྒྱུ་རྐྱེན་བྲལ་བས་རང་བྱུང་གི། །བདེ་བ་ཆེན་པོར་རང་སྣང་ཡང་གཞན་དུ་མ་སྤྲོས་པ་ཉིད་འི་ཐིག་ལེར་གསལ། །ཇི་སྙེད་པའི་ཆོས་སེམས་ཉིད་དུ་འདུས་ཏེ་དེའི་རང་གི་མཚན་ཉིད་མ་བཅོས་པའི་ཆོས་ཉིད་དེ། །དེ་ནི་བདེ་བ་ལ་ཕྱོགས་རིས་མེད་པའི་འོད་ཀྱིས་རང་ལུས་གསལ། །བས་བསྒོམ་ཞིང་བསྒྲུབ་ཏུ་མེད་དེ་རང་བྱུང་གི་ཡེ་ཤེས་བདེ་བའི་ཕུར་པ་ཐེབས་པས་དུས་གསུམ་དུ་འགྱུར་བ་མེད་དོ། །དེའི་ཡོན་ཏན་འབྲས་བུ་ཕྱོགས་བཅུ་མ་ལུས་ཐམས་ཅད་ཀུན། །ཡེ་ཤེས་ཆེན་པོའི་འོད་ཀྱིས་ཁྱབ། །ཡེ་ཤེས་སྐུ་ཡི་འོད་ལ་བཞུགས། །རང་བྱུང་གསུང་གི་གཟེར་ལ་རོལ། །ལྷུན་གྲུབ་བདེ་བ་ཆེན་པོའི་ཐུགས། །མི་འགྱུར་ཡེ་ཤེས་ཀླུངས་སུ་བབས། །དེ་ནས་བདེ་ཆེན་འཁོར་ལོ་བསྐོར། །རང་བྱུང་ཡེ་ཤེས་རྣལ་མའི་ལུས། །རང་གི་མཚན་ཉིད་མ་བཅོས་པ། །བདེ་བ་མངོན་སུམ་ཐིག་ལེར་ཤར། །བདེ་བ་ཆེན་པོ་རང་ཉིད་གྲུབ། །མ་བཙལ་རྫོགས་པའི་ཡེ་ཤེས་སྐུ། །དེ་བས་ན་ཆེ་བའི་ཡོན་ཏན་རྒྱ་མཚོ་དང་རླབས་ལྟར་རྫོགས་པས་འབད་རྩོལ་མེད་པར་གནས་པ། དེ་ལྟར་འགྱུར་བ་མེད་པ་ལ་བསྒོམ་དུ་མེད་ཀྱང་མ་ཡེངས་པའི་ཉམས་བཀྲ་གསལ་བདེ་བ་ཆེན་པོའི་གཟུགས། །རང་རིག་སྒྱུ་མ་ཡེ་ཤེས་གསལ། །ཆགས་མེད་ཅིར་ཡང་མི་རྟོག་པ། །ཐམས་ཅད་རང་བྱུང་ཡེ་ཤེས་སྐུ། །འགྱུར་མེད་མ་བཀག་ཀློང་དུ་ཤར། ༈ །ལས་དང་པོ་པས་རང་གང་འཐད་པའི་དོན་དེ་ཉིད་དང་མཐུན་པའི་ཡུལ་གཅིག་ལ། །སེམས་རྩེ་གཅིག་པའི་དམིགས་པ་ཐོབ་པར་བསྒོམ་པར་བྱ། །སྟེ་གང་ལ་གོམས་ཤིང་ལས་སུ་རུང་བ་དེ་བཞིན་དུ་དངོས་པོ་མ་ལུས་པ་ལ། །མ་ཡེངས་པའི་དྲན་པའི་ཐག་པས་གདགས་བྱས་ཏེ་ཞེའོ། །དེ་ནས་རིམ་པ་ནས་རིམ་པར་འཕར་བའི་མན་ངག་རང་བྱུང་བདེན་པའི་ལུང་ཕོག་སྟེ། །སྤྱོད་ཡུལ་ཞི་བའི་ཕྱག་རྒྱས་གདབ། །གང་འདོད་དེ་ཡི་ལུང་གསལ་བྱ། ༈ །ལས་དང་པོ་པའི་གང་ཟག་གང་ཞིག་ཉོན་མོངས་པ་ལྔ་དང་དབང་པོ་ཆེ་འབྲིང་གང་དང་ལྡན་པར་གྱུར་པ་ཡིས་བསྟན་ཏེ། །གང་ཟག་དེ་ལ་ཡང་དེ་དང་མཐུན་པའི་དེས་བསྟན་ན་འབྲས་བུ་འགྲུབ་ཅིང་སྨིན་པར་འགྱུར་བའང་། །དེ་ཉིད་དང་མཐུན་པས་དེ་ཡི་ཕྱག་རྒྱ་ཅན། །གང་ཟག་དེ་ནི་མཐུན་པའི་ཐབས་དེ་མེད་ན་གྲོལ་བར་མི་འགྱུར། །ཐབས་གང་གིས་བསྟན་པ་འདི་ནི་རིག་པ་དེ་ཡི་ཐབས་ཆེན་ཡིན་ཏེ། །དཔེར་ན་པདྨ་ཅན་གྱི་གསེར་གླིང་ན་གནས་པའི་སྲིན་མོ་པདྨ་ཅན། འབར་བ་མོ། གསེར་འོད་ཅན། འོད་ལྡན་མ་ལ་སོགས་པའམ་ངམ། །ཤ་ཟའི་གླིང་ཤ་ཟ་མོ་དུར་ལོང་འཁྲིགས་པ་ཅན་ཡོད་དེའི་གཟུགས་བརྙན་མཐོང་ཡང་འགྲོ་བ་ཕལ་པ་སྐྲག་ཅིང་འབྲོས་པར་འགྱུར་ཞིང་བརྒྱལ་བར་འགྱུར་ལ་ཕྱིས་དེའི་རྣམ་པ་དྲན་པས་ཀྱང་སྡུག་བསྔལ་དྲག་པོ་སྐྱེའོ། །དེ་བཞིན་དུ་དགའ་བའི་གླིང་༼༠༽དུ་ཕྱིན་ཏེ་དང་འཁྲུག་པའི་གླིང་༠༽དུ་ཕྱིན་ཏེ། །གནས་པས་ཡིད་བདེ་བ་༼༠༽དང་ཞེ་སྡང་༠༽སྐྱེ་བ་ལྟར། །འགྲོ་བ་སེམས་ཅན་ལས་དང་པོ་པའི་སྐལ་ལྡན་ལ་ཐབས་གང་གིས་བསྟན་པ་དེ་ལྟར་སྨིན་པར་འགྱུར་བར་བྱའོ་ཞེས་གདམས་པའོ། །དྲུག་གམ་ཐུན་མཚམས་བཅུ་གཉིས་གང་འཚམ་པར་སུ། །ཐབས་དང་མན་ངག་ཐོབ་ནས་འབད་པའི་རྩོལ་བས་སྒྲུབ་པར་བྱའོ། ༈ །དེ་ལྟར་བསྒྲུབས་པ་དེ་ནས་རང་བྱུང་བདེ་འདི་དག་ནི་སྙིང་པོ་དེ་ཁོ་ནའི་དོན་རྟོགས་པ་ལ་གོ་སླ་བས་བཤད་པ་མ་བྱས་སོ། །ཞེས་པའོ། །ཆེན་དེས། །སྤྱོད་ཡུལ་ཐམས་ཅད་མཎྜ་ལ། །ཐམས་ཅད་ཡེ་ཤེས་རྣམ་པར་གསལ། །ཁྱབ་གདལ་ཆེན་པོའི་ངང་ལ་རྫོགས། །ཡེ་ཤེས་རིག་པའི་ཀློང་དུ་ཆུབ། །མཁའ་ལྟར་ཁྱབ་པས་མུ་མཐའ་མེད། །སྐྱེ་འགྲོ་རྡོ་རྗེའི་ས་རུ་ཆུབ། །མ་བཅོས་ཐིག་ལེ་མངོན་སངས་རྒྱས། །རང་བྱུང་སྙིང་པོ་རྡོ་རྗེའི་སྐུ། །ཡོན་ཏན་ལྷུན་གྲུབ་རྡོ་རྗེའི་རྒྱན། །བཀོད་པ་མེད་པར་རང་ལ་རྫོགས། །ཁམས་གསུམ་བདེ་བའི་ལོངས་སྤྱོད་ཞིང་། །རིན་ཆེན་ལྷུན་གྲུབ་བྱང་ཆུབ་ཞིང་། །རྒྱལ་བའི་དགོངས་པ་སེམས་ཀྱི་གཏེར། །མ་ལུས་འདུས་པའི་ཐིག་ལེ་ཅན། །བདག་ཉིད་སངས་རྒྱས་ཀུན་གྱི་དངོས། །རྡོ་རྗེ་རྒྱལ་པོ་ཀུན་གྱི་མེས། །ཐམས་ཅད་རྫོགས་པའི་བདེ་ཆེན་པོ། །ལོག་རྟོགས་སེམས་ཀྱི་རྣམ་གྲངས་དང་། །རྣམ་བརྟགས་དངོས་པོ་ཐ་དད་པ། །ལྷུན་གྲུབ་བདེ་བའི་ཀློང་ན་གསལ། །མ་འདྲེས་གསལ་བའི་བདེ་ཆེན་པོ། །གང་སྔ་མ་སྣང་བའི་དྲན་རྟོག་ཉོན་མོངས་པ་ཐམས་ཅད་དེ་དང་གང་ད་ལྟར་གི་གང་མ་འོངས་པའི་ཆོས་རྣམས་ནི། །ཡུལ་དེ་དང་ཤེས་པ་དེ་ཉིད་གཉིས་ཀའི་ངོ་བོ་དེ་རིག་པ་ཕྱོགས་རིས་མེད་པ་དེ་རུ། །ཐུན་མོང་གི་སྤང་བྱའི་ཆོས་དེ་ཉིད་གང་ཟག་དབང་པོ་ཡང་རབ་དེ་ལ་ཇི་སྙེད་པའི་ཆོས་དེ་དེར་སྣང་། །ཆོས་ཉིད་མ་བཅོས་དེ་ཉིད་ལ་གདོད་ནས་དྲན་རྟོག་དང་རིག་པ་དེ་སྣང་བའི་དུས་དེ་ན་མ་བཅོས་པའི་དེ་བཞིན་ཉིད་དེ་ཡི་རང་བཞིན་པས། །དེ་ཁོ་ན་ཉིད་རྟོགས་པའི་གང་ཟག་དེ་ལ་ནི་ཆོས་ཐམས་ཅད་མ་བཙལ་བར་ལྷུན་གྱིས་གྲུབ་པའོ། །ཕྱོགས་འཛིན་མ་ལུས་པ་ཐམས་ཅད་རྣམ་པར་དག་པ་མངོན་སུམ་དུ་གསལ་པའི། །རིག་པ་རང་བྱུང་གི་ཡེ་ཤེས་ལ་འདོད་པ་རྫོགས་པས། །མཚོན་ཏེ་རླུང་ལ་གོམས་ནས། ༈ དང་པོའི་ཐུན་མཚམས་ལོ་གཅིག་ཟླ་བ་བཅུ་གཉིས་སམ། །གདོན་མི་ཟ་བར་ཟླ་བ་བཅུ་ཡིས་འགྲུབ། །ཟླ་༡བ་ལ་ཟླ་ཕྱེད་༼༠༽ལ་ཟླ་བ་ལྔ་ཡི་ཞག །རྣམ་༡པ་མཚན་༼༠༽ཉིད་དེས་བརྩིས་པ་འདོད་རྣམས་ལ། །རྒྱུ་དང་བྲལ་བའི་རིག་པ་ནམ་མཁའ་དང་མཉམ་པ་མངོན་སུམ་པར་གསལ་པའོ། །བདེ་བ་ཆེན་པོ་ལ་བསླབ་ཚུལ་ནི་རིམ་གྱིས་ཅིག་ཅར་གོམས་པར་བྱ། ༈ །སྤོང་ལེན་འཛིན་རྟོག་རེ་དོགས་དང་། །བག་མེད་གཙང་སྨེ་ལོག་སྲེད་པ། །གྲུབ་མཐའ་ལོག་རྟོག་འདོད་རྩོལ་དང་། །གྲགས་པའི་ཐ་སྙད་གཡོ་འཕན་པ། །རང་བྱུང་རྟོགས་པའི་རྒྱལ་པོས་ཐོགས་མེད་པར། །སྤྱོད་པ་རྒྱ་མཚོ་གང་ཡང་མ་སྤངས་པར་ཅི་བདེར་སྤྱོད། །གང་ལྟར་སྤྱོད་ཀྱང་རྫོགས་ལོངས་སྤྱོད། །ལུས་ངག་བྱ་བ་སྒོ་གསུམ་གྱི་སྤྱོད་པ་མ་ལུས་པ། །རང་གི་ནུས་པ་ལུས་དང་གདུལ་བྱ་བློ་ངོ་གང་ལ་དགའ་བ་ཡི་རིམ་པ་ལྟར། །ཉམས་པར་མི་འགྱུར་ཐབས་ཀྱིས་སྤྱད། །རང་བྱུང་སྤྱོད་པའི་རྒྱལ་པོར་བྱ། །ཁྱུང་ཆེན་ནམ་མཁར་འཕུར་བ་བཞིན། །ཐབས་ཀྱིས་ཟིན་ནས་གོམས་ན་ལུས་གང་ལ་ཡང་ཆགས་མེད་ཉམ་ངའི་སེམས་མེད་ཅིང་། །གནས་མེད་གནས་ལ་གནས་པར་བྱ། །རིག་པ་རང་བྱུང་མཁའ་ལྟར་ཁྱབ་པར་འགྱུར་བས། །སྐྱེ་མེད་ལུས་ནི་རྡོ་རྗེའི་སྐུ། །བདེ་བའི་ཐབས་ནི་བསྒྲུབ་པར་བྱ་ཞེས་གདམས་པའོ། ༈ །བེམས་པོའི་རླུང་ཉིད་ལུང་བསྟན་ན། །སྙིགས་མའི་རླུང་བསྡུས་ནས་དྭངས་མའི་རླུང་རྩ་ཀུན་དྷར་ན་གནས་པ་ལ་བསྟིམ། དྭངས་མའི་རླུང་དེ་ཉིད། །ལུས་ཟུངས་ཀྱི་རླུང་སྟེ་སྲོག་མི་ཤིགས་པའི་ཐིག་ལེ་ལ་གཏིམ་པར་བྱ། །དེ་ལྟར་སྙིགས་མ་དང་དྭངས་མའི་ལུས་ཟུངས་དང་དྭངས་མ་ལྔའི་བདེ་བའི་བཅུད་དུ་འདྲེས་ནས་མི་གཡོ་བ་ཆོས་ཉིད་ཀྱི་རླུང་། །སྙིང་གི་སྲོག་མི་ཤིགས་པའི་ཐིག་ལེ་ལས་མི་གཡོ་བའི་རླུང་དང་གཅིག་ཏུ་འགྱུར་ནས་ཕྱིར་མི་རྒྱུ་བར་སྟོང་པར་དྭངས། །འདུ་བ་བཞི་དང་བྲལ་ཟ་བའི་ཁམ་དང་བྲལ་གྱུར་ནས་འཆི་མེད་རྡོ་རྗེའི་ལུས་སུ་འགྱུར་རོ། །བསླབ་པའི་རིམ་པ་ཐུན་མོང་བདུད་རྩི་ལྔའི་ཆོ་གའི་སྦྱོར་བས་རླུང་གཅད་ཅིང་བདེ་བ་སྐྱེད་པ་དང་འོ་མ་ཀ་ར་ཉེ་ཤིང་ལ་སོགས་པའི་ཟས་ལ་རྟེན་ཏེ་ཟས་དང་རླུང་དུ་བཅས་པ་ཇེ་ཕྲ་ལ་བསླབ་བོ། །སྙིང་ལ་གནས་པའི་ཐིག་ལེ་འཁྱིལ་པ་དང་མངོན་ཤེས་རིག་པའི་སྒོ་ཕྱེ་ནས། །སྲོག་གཟུངས་ཀྱི་རླུང་དང་འབྲེལ་པ་ནང་ན་གནས་ཤིང་རྒྱུ་བ་ལ་ཐིམ་ནས་བཅུ་དང་འདྲེས་པར་གྱུར་ཏེ་བཅུད་དེས་ལུས་སྤྱིར་རྒྱས་ཤིང་ཁྱབ་པར་གྱུར་ཏེ། །རིན་ཆེན་རྫིང་ནི་ལྟེ་བའི་འོག་སོར་བཞིའོ། །དེའི་འོག་གི་ངན་རྒྱུའི་ལམ་སྟེ་རྒྱུ་ཞིང་འཇུག་པས་ལམ་མོ། །བུ་ག་བཤང་གཅི་གཉིས་ཀྱི་སྒོ་ཡན་ཆད་དུའོ། །རྡོ་རྗེ་ནི་སྟོང་པ་བདེ་བའི་ཐིག་ལེ་ཏིལ་འབྲུའི་གཟུགས་སུ་དབྱེར་མེད་པར་འདྲེས་པས་འཁྱིལ་པའོ། །ཡེ་ཤེས་རིག་པ་རླུང་གནས་པ་རྒྱུ་བ་དང་ཁུ་བ་ཀུན་དྷ་ཁྲག་ཉི་མའོ། །དེ་རྣམས་ཀྱི་བཅུད་ནི་དྭངས་མ་འཁྱིལ་པ་བདེ་བའི་བཅུད། །ཡོངས་སུ་འཁྱིལ་ཏེ་འདྲེས་ནས་རང་གི་ཉམས་བདེ་བ་ཆེན་པོས་གང་ནས་རང་འབར་བའི་གཟུགས་སོ། །དེ་ཉིད་པས་ན་སྙིགས་མ་བྲལ་བ་དང་རྒྱུ་བ་ཆད་པ་དང་ཟག་པ་བཞི་ཟད་པ་དང་མི་འཆི་བ་ཐོབ་པ་དུས་གཅིག་གོ། །ནས་ཟག་པ་མེད་པའི་སྟོབས་དང་ལྡན་པའོ། །དེ་ཡན་ཆད་ཁམས་ཀྱི་ཟས་ལ་མི་རྟེན་པས་རང་བྱུང་བདེ་བ་ཆེན་པོའི་ཟས། །འཆི་བ་མེད་པའི་མི་འགྱུར་བདེ་བ་ལྷུན་གྲུབ་ཆེ། །ཐོབ་ནས་རང་བྱུང་ལྷུན་གྲུབ་སངས་རྒྱས་ཉིད་ཏུ། །དུས་སྐད་ཅིག་དེ་ལ་མྱུར་དུ་བསྒྲུབ་པར་བྱའོ། །འདི་ནི་འགྲུབ་པའི་དུས་རབ་འབྲིང་ཐུན་མཚམས་ཀྱིས། །ངེས་པར་གྲུབ་སྟེ་གཞན་དུ་ན། །ཟླ་བ་བཞི་ཡིས་གདོན་མི་ཟའོ། ༈ །འདི་ནི་ངོ་མཚར་ཡ་མཚན་གྱི། །རྨད་བྱུང་ཐབས་ཀྱི་འཕྲུལ་ཆེན་ཡིན། །བདེ་གཤེགས་མ་ལུས་དགོངས་པ་ཡི། །རྒྱལ་བ་རྣམས་ཀྱི་ཐུགས་ཀྱི་བཅུད། །རྡོ་རྗེ་ཟམ་པའི་རྣ་བརྒྱུད་འདི། །བསྟན་པ་ཀུན་གྱི་ཉིང་ཁུ་ཡི། །བཀའ་ཡི་རྒྱལ་པོར་ཕྱུང་བ་སྟེ། །རྒྱུད་ཀྱི་རྒྱལ་པོ་ལུང་གི་མདོ། །མན་ངག་སེམས་ཀྱི་མདོ་འཛིན་པ། །བསྟན་པའི་འཁོར་ལོ་འདུས་པའི་རྩེ། །རྒྱལ་པོ་མངོན་དུ་སྟོན་པ་ཡི། །ངོ་མཚར་འཕྲུལ་གྱི་ལྡེ་མིག་ཡིན། ༈ །ཐབས་རྒྱལ་འདི་དང་བྲལ་བ་ཡི། །སྐལ་ངན་རྣམས་ནི་མུན་པར་ལྟུང་། །བསྐལ་པ་བྱེ་བ་མཐའ་ཀླས་པར། །བཙལ་ཡང་འགྲུབ་པར་མི་འགྱུར་རོ། ༈ །འདི་ནི་དངོས་གྲུབ་ཡ་མཚན་གྱི། །མངོན་སུམ་འཕྲུལ་གྱི་ལྡེ་མིག་སྟེ། །དུས་མཐའི་སྐད་ཅིག་དེ་ཉིད་ལ། །གང་ཡིན་དེ་ཉིད་མངོན་དུ་སྟོན། །རང་བྱུང་ཉག་གཅིག་མངོན་སུམ་ལས། །འདི་ལས་གཞན་པའི་ཤེས་པ་མེད། །མན་ངག་བསྟན་པས་རྒྱལ་བའི་གྲལ་དུ་འཇོག །འདི་ནི་ཚེགས་དང་བྲལ་བ་སྟེ། །ཐུན་མཚམས་གསུམ་དང་ལྡན་པ་ཡིས། །རྡོ་རྗེ་འཛིན་པ་ཉིད་དུ་གྲུབ། །གཞན་དུ་བསྟན་པའི་མཚན་ཉིད་ཀྱིས། །ངེས་པར་གདོན་མི་ཟ་བར་འགྲུབ། ༈ །རྒྱལ་ཐབས་སྤྱི་བླུགས་ཚངས་པའི་དབང་འདི་ཀུན་གྱི་ཡུལ་མིན་པས། ཏ་ལོག་གི་རྫས་དང་། སྐུ་དྲང་སིལ་བུ་དང་། ལྕེ་པོག་དཀར་པོ་དང་། འབའ་ཏ་ན་ག་ཆེན་དང་། སྤོས་ཆེན་པོ་དགུ་རིམ་གྱིས་བྱུགས་ལ་དར་དང་ཟ་འོག་གིས་བཏུམས་ཏེ་རིན་པོ་ཆེའི་ཟ་མ་ཏོག་ཏུ་བཅུག་ལ་རྒྱ་བདུན་གྱིས་བཏབ་ལ་སྦ་བའི་གནས་ནི་བྲག་དང་ཆུ་ལ་གཞག །སྲོག་དང་བྲལ་བའི་ཁ་བཞིན་བསྡམ། །འདི་རྣམས་ལྡན་པའི་སེམས་ཅན་ནི། །ཁམས་གསུམ་བྱུགས་ཀྱང་གཅིག་འགའ་ལྡན། །འདི་ནི་སྲོག་བཞིན་བྲལ་བ་ཡིན། ༈ །གྲགས་པའི་ཆོས་བརྒྱད་གཙོར་བཞག་ནས། །ཉམས་པའི་སེམས་ཀྱིས་འཕེལ་གྱུར་ན། །འདི་ལ་རྡོ་རྗེ་དམྱལ་བའི་གནས། །ངེས་འགྱུར་ཐེ་ཙོམ་མེད་པར་ངེས། །དེས་ན་བསྟན་པའི་བཀའ་དང་བསྟུན། ༈ །བཀའ་ཡི་བཅུད་བསྡུས་ཐུགས་ཀྱི་ཉིང་ཁུ་འདི། །ལག་ན་རྡོ་རྗེས་རྣ་བརྒྱུད་སེམས་ལ་གཏིམ། །རྡོ་རྗེ་ཟམ་ནས་འཕྲུལ་གྱི་ལུང་བཅུ་ཕོག །ཐབས་སྦྱོར་བཅོས་མའི་ལུང་། གཡོ་འཛིན་རླུང་གི། མཚོན་པ་ཐམས་ཅད་ཀྱི། མངོན་ཤེས་པྲའི། འཕོ་བ་དུས་མཚམས་ཀྱི། སྤྱོད་པ་ཐབས་ཀྱི། མ་བཅོས་དགོངས་པའི། བདེ་བ་ཆེན་པོའི། གྲུབ་པའི་རྟགས་ཀྱི། ལྷུན་གྲུབ་འབྲས་བུའི་ལུང་ངོ་། །ཁ་ཅིག་འབྲུ་དགུ་ཐབས་ཀྱི་ལུང་ཡང་ཟེར་རོ། །ལུང་བསྟན་ཐོབ་ཅིང་སྐལ་བ་དང་ལྡན་པའི་གང་ཟག་རྣམས་ཀྱི་སེམས་ལ་ཐུམས་ཞེས་གདམས་པའོ། །རྣ་བརྒྱུད་སྤྱི་བླུགས་ཚངས་པའི་དབང་། །རྫོགས་སོ།། །།རྒྱ་གར་གྱི་མཁན་པོ་དཔལ་སེང་གེ་འོད་ཅན་དང་། དགེ་སློང་ག་འཇག་སྟང་རྣམ་པར་སྣང་མཛད་ཀྱི་ཞལ་གཟིགས་པ་དེས་ཡུལ་དྷ་ཧེ་ནའི་འདུ་ཁང་དུ་བསྒྱུར་བའོ། ༈ །སེའི་བནྡྷེ་འབྱུང་ལྡན་གྱིས། སློབ་དཔོན་བི་མ་ལའི་འགྲེལ་པ་ལྟར་མཆན་བུ་བཏབ་པའི་དགེ་བ་སངས་རྒྱས་སུ་བསྔོའོ།། །།

དཀྱིལ་འཁོར་གྱི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

མ ཎྜ ལ སྱ དྷཱ ཏུ ཏི སྨ། །
དཀྱིལ་འཁོར་གྱི་ཀློང་བཞུགས། །
རྒྱ་གར་སྐད་དུ། སརྦ་དྷརྨ་མཎྜ་ལ་བྱཱ་ཀ་ར་ཎ་ནཱ་མ། བོད་སྐད་དུ། གཞི་ལམ་འབྲས་བུའི་ཆོས་ཐམས་ཅད་ཡེ་རྫོགས་གཞི་ལ་སོགས་པ་དཀྱིལ་འཁོར་བདུན་དུ་སྒྲོ་སྐུར་མེད་པར་ལུང་བསྟན་པ་ཞེས་བྱ་བ། ༈ །ལེགས་པའི་བདག་ཉིད་པས་དཔལ་སྤྱོད་ཡུལ་ཡོངས་སུ་དག་པས་ཀུན་ཏུ་བཟང་པོ་ལ་ཕྱག་འཚལ་ལོ། །དུས་གདོད་མ་ནས་བྱང་ཆུབ་སྙིང་པོའི་དལ་དུ་གནས་པ་ལ། །དེ་ཉིད་མ་རིག་ཅིང་བདག་གཞན་དུ་ཁ༽འཁྲུལ་རྟེན་འབྲེལ་བཅུ་ག ཉིས་སུ་འཁོར་རྣམ་ཀ༽པར་རྟོག་པས་སྣོད་བཅུད་དུ་རིགས་དྲུག་ཏུ་ག༽འཁྱམས། །གཏན་ཚིགས་དཔེ་ལུང་གིས་བརྒྱུད་པ་དང་མན་ངག་གིས་དངོས་སུ་རྒྱལ་བའི་ཐུགས་རྗེས་སྤྲད། །བས་ངེས་དོན་གྱི་སྙིང་པོ་རང་ལ་ཤར་བས་འདུད། ༈ །བཅོས་མའམ་རྣལ་མའི་སྒོ་ནས་དོན་གྱི་དབང་བསྐུར་བར་བྱེད་ལ། །དེ་ཡི་རྟེན་དུ་དཀྱིལ་འཁོར་ཡེ་ནས་རང་ལ་གནས་སོ། །མཚོན་བྱེད་རྟགས་སུ་བཀོད་པས་དོན་རང་ལ་གནས་པ་མཚོན། །པའི་ཐབས་བཀའ་ཀློང་དགུ་བམ་པོ་ཉི་ཁྲི་ལ་བརྟེན་ཏེ་དེ་དག་དོན་བསྡུས་ལ་ཚིག་ཏུ་དགོད་དོ། ༈ །ཆོས་ཀུན་གྱི་ངོ་བོ་རང་བཞིན་བྱང་རྣམ་པ་ཆུབ་སེམས། །མཚན་ཉིད་དོན་གྱི་སྙིང་པོ་མ་བཅོས་པའི་དལ་རང་གསལ་བའི། །ལྷུན་གྲུབ་གསུམ་དབྱེར་མེད་པར་ཡེ་ནས་དོན་གྱིས་འཁོར་འདས་ཀུན་རྫོགས་པས། །ཀུན་ནས་བཟླུམས་པར་གནས་པའི་དལ་ཞེས་བྱ་བ་ཡིན་ནོ། ༈ །འགྲོ་འདུས་རྡོ་རྗེ་དབྱིངས་ཀྱི་དལ་ཉིད་ལ། །ཕྱི་ནང་གསང་བར་གསུམ་དུ་རྒྱུད་ལས་གསུངས་པ་སྟེ། ༈ །ཕྱི་ཡི་དལ་འབྱུང་བ་འགྲོ་བ་ཀུན་ལ་རང་བཞིན་གྱིས་གནས་པ་ནི། །རང་རིག་པའི་ཡོན་ཏན་ལྷུན་གྱིས་གྲུབ་པས་མ་འགགས་པ་ལས། །དེའི་གཟུགས་བརྙན་དོན་མཚོན་པ་ཅིར་ཡང་ཤར། །དངོས་པོ་ཀུན་འབྱུང་ཡང་ཀུན་བྱང་ཆུབ་སྙིང་པོར་རྫོགས་དེས་ན་ཆོས་ཀུན་དེ་ཉིད་ཏུ་གྲོལ། །བརྒྱུད་ནས་མཚོན་པས་ལྷག་པའི་ལས་སོ་སོ་ལ་སྦྱོར་བ་ནི། །ཚོན་ལྔ་རེ་རེ་ཡང་ལྔ་ལྔ་ཉི་ཤུ་རྩ་ལྔ་ཡིས། །ཐེག་པ་སོ་སོའི་བཀའ་བཞིན་དུ་དགོད་པ་ལྷག་པ་གཟུགས་བརྙན་གྱི་དལ་དགོད། །པ་ཡང་རྡོ་རྗེ་དབྱིངས་ཀྱི་ལྷ་བཅུ་ཕྲག་གསུམ་དང་བདུན་ནི་རིགས་ལྔ། ཡུལ་བཞི། བསྐལ་བཟང་གི་སེམས་དཔའ་ཆེན་པོ་བཅུ་དྲུག །མཆོད་པའི་ལྷ་མོ་བརྒྱད། སྒོ་བ་བཞི་ལས་བཞི་བླངས་པ་ནི། །འོག་མིན་གྱི་ལོངས་སྤྱོད་རྫོགས་པའི་དལ་འདྲ་བའི་ཚུལ། །དུ་སྟེ་མཚོན་པའི་བརྡ་ཡིས་སྦྱར་བ་སྔགས་ཕྱི་ནང་གི་དལ་གང་ཡང་རུང་བ། །ཐུན་མོང་དང་ཁྱད་པར་འཇུག་པའི་རྟེན། །དལ་གཙོ་བོ་དབུས་སུ་བཀོད་ཅིང་འཁོར་མཐའ་ནས་བསྐོར་བར་བསྟན་པའོ། ༈ །ནང་ལུས་ལ་གནས་པའི་སྣོད་རྩ་བཅུད་ཐིག་ལེ་རྣམས། །རླུང་གི་ནུས་པས་སོ་སོར་བཞག་པ་ཡང་། ༈ །ཕྱི་ལྟེ་བ་སྤྲུལ་པ་རྩ་འདབ་དྲུག་ཅུའམ་རྩ་བཞི། ཐིག་ལེ་ཡི་གེའི་དབྱིབས་ཀྱང་དེ་དང་མཉམ་པར་ལྡན། །ནང་ན་བཞི་བར་ན་བརྒྱད་ཀྱི་ཤི་ར་རྩ་ལྡན། །དེ་དག་གི་དབུས་ན་ཐུང་ངུའི་ཨ་གནས་པ། །དེ་ལུས་ཟུངས་བཅུད་ཀྱི་རླུང་དང་འབྲེལ་ཅིང་བདེ་བ་སྐྱེད་པའི་རྟེན་གཞིར་གནས་སོ། ༈ །སྙིང་ག་ཆོས་ཀྱི་འཁོར་ལོ་དག་ལ་རྩ་བརྒྱད་དེ། །ཆོས་ཉིད་ཀྱི་གསུམ་ཡོན་ཏན་དང་ཡེ་ཤེས་ཀྱི་རེ་རེ་དང་། །རང་རྒྱུད་ཀྱི་རྩ་གསུམ་པོ་དག་ལ་འགྲོ་བ་རིགས་དྲུག་གི་༼ཆོས་༽སུ་ཏྲི། ༼ཡེ་༽ཨ་ནྲྀ། ༼རང་༽པྲེ་དུ། །ས་བོན་དྲུག་དང་༼ཆོས་༽ༀ་སྐུ། ༼རང་༽ཨཱཿགསུངས། ༼ཡེ་༽ཧཱུྃ་ཐུགས། །དབུས་ན་འཁོར་འདས་དབྱེར་མེད་དུ་ལྷུན་གྱིས་གྲུབ་པའི་སྙིང་པོ་ཧཱུྃ། །ཡོན་ཏན་གྱི་གཅིག་ནི་བློ་རྨུགས་གཉིད་དང་བག་ཆགས་ཀྱི་རྟེན། །དབུས་དངས་མ་ལྔ་འདུས་ནི་སྲོག་འཛིན་དོན་གྱི་རླུང་སྟེ་སྙིང་གི་དྭངས་མའི་དྭངས་མ་ཨ་ཐུང་ལ་བརྟེན་ནས་མི་རྒྱུ་བ་སྲོག་དབང་དང་མཉམ་དུ་གནས། ཚེའི་དུས་བྱེད་ཙམ་ན་དྭངས་མ་དང་བཅས་ནས་རྒྱུ་བ་དེ་རྣམ་པར་ཤེས་པ་རྟེན། །ཡིན་པས་ཆོས་སྐུ། ༈ །གསལ་ལ་མི་རྟོག་གནས་པའི་གཞི་ཡིན་པས་ཆོས་སྐུ་དང་སྦྱར་རོ། ༈ །མགྲིན་པ་ལོངས་སྤྱོད་འཁོར་ལོ་རྩ་འདབ་ལྔ་ཕྲག་གཉིས་དང་དྲུག་ཡོད། །དེའི་རྩ་མདུད་འཁྱིལ་པ་གསུང་གི་ས་བོན་ཨྃ་དང་རྩ་འདབ་ལ་དབྱངས་ཡིག་བཅུ་དྲུག་དང་བཅས། །འདོད་ཡོན་ལྔ་ལ་ལོངས་སྤྱོད་པ་ཡི་རྟེན་གྱི་རྩར་འབྲེལ་ཏེ་དེའི་རང་བཞིན་འོད་གསལ་གནས་པའི་རྟེན་ནམ་སྙིང་པོར་བསྡུས་པས་ལོངས་སྤྱོད་དུ་སྦྱར་རོ། ༈ །ཀླད་པ་བདེ་ཆེན་རྩ་འདབ་བཅུ་ཕྲག་གསུམ་དང་གཉིས་ཏེ་སོ་གཉིས་སྒྲ་ཡིག་སོ་གཉིས་དང་ལྡན། །དབུས་ན་རྩ་མདུད་སྤྱིའུ་ཚུགས་བདེ་བ་སྐྱེད་པས་མ་ཡིག་སྟེ་ཧྃ་མགོ་ཐུར་དུ་བསྟན་པས་མཚོན་པ། །ལུས་བདེ་བས་ཁྱབ་པའི་བཅུད་ཐིག་ལེ་ཅན་གྱིས་ལུས་ཀུན་བདེ་བ་སྐྱེད། །པས་བདེ་ཆེན་ནོ། །སྐུ་སྙིང་ག་ཆོས། མགྲིན་པ་ལོངས། ལྟེ་བ་སྤྲུལ་པའི་གསུམ་རྩ་དབུ་མས་འབྲེལ་པའི་གཞི་མའོ། ༈ །ལྟེ་བའི་སོར་བཞིའི་འོག་གསང་བའི་མཚམས་ནས་མེ་ཡི་གཞི། །གྲུ་གསུམ་དཀྱིལ་ན་གཏུམ་མོའམ་དྲག་མོའི་གཟུགས། །དེའི་ཁ་དོག་དམར་སེར་རྃ་ཡིག་ངད་ཚ་བ། །སྨིག་སྲེག་འབར་འཕྲོའི་ལས་བྱེད་པ་ཡིན། ༈ །སྒྲོམ་མདོ་མནམ་ཁ་རླུང་གི་གཞི་ནི། །གཞུའི་དབྱིབས་ཏེ་ལ་ཟླ་གམ་ཡང་ན་འོག་རླུང་དྭངས་སྙིགས་འབྱེད་པ་དང་འོག་རླུང་འཆིང་བ་སྟེ་སྡོམ་བའི་རྭ། །རླུང་གི་པ་དན་དང་བཅས་པ་ནི་བདེ་བ་བསྐུལ་བའི་རྐྱེན་གྱིས། །བདེ་བ་གསལ་དབུགས་ཕྱིར་འདེད་ནང་དུ་སྡུད་ཅིང་བཤང་གཅི་འཐོར་བ་ཡིན། ༈ །རྩ་བའི་འཁོར་ལོ་བཞི་ལ་མེ་རླུང་གི་རྐྱེན་གཉིས་ཀྱིས། །བསྐུལ་ཞིང་ལུས་ཀྱི་བཅུད་སྨིན་པར་བྱེད་པ། །ནང་ན་ཕུང་པོ་ཡེ་གནས་གྲུབ། །པས་ནང་གི་དལ་ཏེ་སྟེང་སྒོ་ཡེ་ཤེས་དགུག་པའི་སྐལ་བ་དང་ལྡན་པ་འཇུག་པའི་རྟེན་དུ་རུང་བའོ། །གསང་བའི་དལ་ནི་དབང་པོ་རྡོ་རྗེའི་ཡུལ་པདྨ་དང་། །རྣམ་པར་ཤེས་པ་སྟེ་འོག་སྒོ་ཁམས་གསུམ་རོལ་པ་ལས། །འདོད་ཆགས་ཅན་ལ་ལྷུན་གནས་ཀྱི་དོན་མཚོན་པ་ནི། །སྣ་ཚོགས་མདུད་པ་ཟླུམ་པོ་སྒོ་གྲུ་བཞི། སྐྱེ་གནས་ཟླ་གམ། ཕྱི་ཁྱམས་གྲུ་གསུམ་སྟེ་ལས་བཞི་དབྱིབས་དང་ལྡན་པའི་པདྨ་དེ། །དུང་ཅན། བ་གླང་ཅན། པདྨ་ཅན། རི་མོ་ཅན། རིགས་བཞིའི་དྷེ་ཝ་ལྷ་མོ་ཡུམ་མཚན་ལྡན་ལ། །བརྡབ། དྲུད། རྩེ་བ། གཞིབ་པ་ལ་སོགས་པ་རོལ་པའི་ཀ་ར་ན་ཡི་བསྟན་བཅོས་ཀྱིས་བརྒྱན། །རྒན་པོ་བྱིས་པ་མ་ནིང་དགེ་སློང་མིན་ཡུལ་གྱི་རྟེན་ལ་གསང་བ་དང་བརྡ་ཡི་ངག་གིས་མིང་། །གསང་བ་སྟེ་དེས་སྙིང་པོའི་དལ་གྱི་དོན་ལ་གནས་པར་ནུས་སོ། ༈ །གཉིས་པ་རང་བཞིན་རྣམ་པར་དག་པའི་དལ་ནི། །ཐམས་ཅད་ལ་རྒྱས་འདེབས་པས་ཕྱག་རྒྱ་ཆེན་པོ་རྩོལ་བ་མེད་པར་ལྷུན་གྱིས་གྲུབ་སྟེ། །དེ་ལ་འཁོར་མཐའ་དང་གཙོ་བོ་དབུས་ན་གནས་པ་མེད་པ་ཡངས་པའི་རང་བཞིན་ལ། ༈ །རྣམ་ཤེས་ཚོགས་དྲུག་དང་དེའི་ཡུལ་དྲུག་ནི་མ་བཅོས་པ་ཡེ་ཤེས་ཀྱི་རོལ་པར་ཤར་བ་ནི། །ཁ་དོག་བཀྲ་ཞིང་དབྱིབས་གསལ་བའི་གཟུགས་༡དང་བརྗོད་པ་དང་བྲལ་བ་ཉིད་ཟིན་མ་ཟིན་གཉིས་ཀའི་སྒྲ་༡རང་སྣང་། །དངོས་པོ་བྲལ་ཏེ་རང་བཞིན་མེད་པ་ཉིད་ཞིམ་པ་དང་མི་ཞིམ་པ་དང་དེ་ལས་གཞན་པའི་དྲི། །མུ་ཁ་རོ་དྲུག་མ་བཅོས་པའི་ཐིག་ལེ་དབྱིངས་ལས་ཤར་ཀྱང་དེ་ཉིད་ཀྱི་ངང་༡། །རེག་བྱ་སྣ་ཚོགས་ཐིག་ལེ་ལས་ཤར་བས་དབྱིངས་ཉིད་འདུས་པ་བྷ་གའི་ཀློང་༡། །དྲན་རིག་སྣ་ཚོགས་དེ་ཉིད་ལས་ཤར་ཅིང་དེ་ཉིད་ལ་ཀུན་འདུས་༡༡པའི་ཆོས་སོ། །བདེ་༡༡ ཆེན་༡༡དཀྱིལ་འཁོར་ཏེ་གྲངས་ནི་རྩ་བ་དྲུག་གོ། ༈ །མ་བཅོས་པ་ཇི་བཞིན་མངོན་སུམ་དུ་ཤར་བ་ཁོ་ན་བས། །དྲུག་ཏུ་སྣང་ཡང་བདེ་བ་ཆེན་དེ་དག་པོ་ཕྱོགས་རིས་མེད་པ་གཅིག་གི་ངང་། །དེ་དག་ཏུ་ཞུགས་ཤིང་རྟོགས་ན་ཡེ་ཤེས་མུ་མཐའ་མེད་པར་འཇུག །བསྐྱེད་པའམ་བྲིས་པ་མིན་པས་འདི་ནི་རང་བཞིན་གྱིས་མ་བཅོས་པའི་དཀྱིལ་འཁོར་ཡིན། །ཀྱང་མ་རྟོགས་ན་མི་གྲོལ་བས་རྣ་བརྒྱུད་ཀྱི་མན་ངག་འདི་ལ་དེ་བཞིན་ནན་ཏན་བྱའོ། ༈ །རང་བཞིན་རྣམ་དག་དེ་ནི་མཎྜའི་སྒྲས་སྙིང་པོ་འམ་ཉིང་ཁུའམ་དཀྱིལ་ལྟ་བུའི་དོན་ཉིད་དེ། །དོན་ལ་འབྱུང་འཇུག་མེད་པའི་ངང་ལ་གནས་པས། །ངོ་བོ་ཉིད་ཀྱིས་འབྲེལ་ཕྱིར་སྙིང་པོ་དེ་ངེས་པར་ལོངས་ཏེ་ལའི་སྒྲ་ནི་ལེན་ཅིང་འཛིན་པ་ལ་འཇུག །ཆོས་ཐམས་ཅད་ཀུན་ནས་བྱང་ཆུབ་སེམས་སུ་བཟླུམས་པའི་ཕྱིར་ན་དཀྱིལ་འཁོར་རོ། ༈ །དོན་དེ་ལ་གཙོ་བོ་བཟང་པོ་དབུས་ན་གནས་པ་དང་། །མཐའ་ན་འཁོར་ངན་པ་གནས་པའི་བཟང་ངན་མེད་ལ། །སྙིང་པོ་སྤྲོས་བྲལ་དབུས་གནས་པའི་དཀྱིལ་དང་། །སྤྲོས་པའི་ཆོས་ཀྱིས་མཐའ་ནས་བསྐོར་བ་དང་བྲལ་བ་ནི་སྲོག་གོ། ༈ །འཁོར་བ་དང་འདས་པ་དང་ཕྱི་སྣོད་དང་ནང་བཅུད་ལ་སོགས་པ་ཆོས་ཐམས་ཅད། །རང་བཞིན་སྤྲོས་བྲལ་མཚན་ཉིད་རང་རིག་རྣམ་པ་སྒྱུ་མར་གདོད་ནས་དག །པས་དེ་གསུམ་མཚོན་ཚུལ་ནས་མ་འདྲེས་ལ་ངོ་བོ་ཐ་དད་མེད་པར་ཡོངས་སུ་རྫོགས་པ་ལྷུན་གྱིས་གྲུབ་པའི། །བདེ་བ་ཆེན་པོའི་ངང་དུ་དེ་དག་ཐམས་ཅད་མཉམ་པས་གདེང་ངོ་། ༈ །འགྲོ་འདུལ་རྡོ་རྗེ་དབྱིངས་ཀྱི་དལ་ལ་ཕྱི་གཟུགས་བརྙན་ནང་རྩ་གནས་གསང་བ་ཡུམ་གྱི་མཁའ། །རང་རང་གི་ངེས་པའི་ཚིག་ནི་དེ་དག་ཐུན་མོང་དུ། །ཐབས་སྣ་ཚོགས་ཀྱིས་བརྒྱུད་ནས་སྟོན་པའི་ལུང་རྣམས་སུ། དུ་གསུངས། །པ་དེས་ནི་དལ་དེ་ཡི་བྱ་བའི་ཐབས་ཀྱི་ཡན་ལག་བཅུ་རྫོགས། ༈ །རྡོ་རྗེ་ལས་རིམ་ལས། ས་གཞི་སྙོམས་དང་ཚད་ཐིག་དང་། །ཚོན་དང་བྲི་བ་རྣམ་པ་དང་། །རབ་གནས་སྦྱིན་སྲེག་འཇུག་པ་དང་། །ཡོན་ཏན་རྣམ་བཅུས་རྒྱས་ཤེས་བྱ། །ཞེས་པས་རང་བཞིན་རྣམ་དག་དཀྱིལ་འཁོར་གྱི། །ཡན་ལག་བཅུ་ངེས་པར་རྫོགས་པར་བསྟན་པ་ཡང་གང་ཞེ་ན། །ཡང་། གཞི་དང་རང་མཚན་བསླང་དབང་དང་། །སྦྱང་སྦྱིན་བསྲུང་དང་གཟུང་བར་ནི། །དང་པོའི་ཉིང་ལག་ཉིད་དུ་བཤད། །ཅེས་པས། ༈ ཆོས་ཐམས་ཅད་ཡེ་ནས་ཆོས་ཉིད་མཉམ་པ་ཉིད་ཀྱིས་གཞི་ཆེན་པོ་དེ་ལ། །སྤྱིར་ནི་འཁོར་འདས་ཐམས་ཅད་བཟང་ངན་བླང་དོར་མེད་པར་མཉམ། ༈ །རང་མཚན་ནི། ཤེས་པའི་རྒྱུད་སྣང་བ་དང་མྱོང་བ་དང་རིག་པས་གསུམ་བྱང་ཆུབ་སེམས་སུ་གྲོལ། །ཆོས་ཐམས་ཅད་རང་དབང་དུ་གནས་པས་གདོད་ནས་ཡོན་ཏན་ཐོབ་པས་བསླང་བ། །ཆོས་ཐམས་ཅད་བྱང་ཆུབ་ཀྱི་སེམས་ལས་གཞན་མེད་པར་གྲོལ་བས་ཕྱོགས་མེད་ཀྱི་རང་དབང་དུ་འདུས། །པ་ནི་དབང་དུ་བྱ་བ། ཕྱོགས་འཛིན་གྱི་རྟོག་པ་རྣམ་པར་དག་པ་ནི་སྦྱང་བའོ། །ཆེ་བའི་ཡོན་ཏན་ཀུན་གྱི་དངོས་གཞིའི་བདག་ཉིད་བྱིན་གྱིས་བརླབ་པའོ། །འཁྲུལ་པའི་མཚན་མ་གྲོལ་བར་རང་ལ་ལྷུན་གྲུབ་ཏུ་གནས་པས་ཕྱི་ནང་དོན་གྱི་བར་ཆོད་དང་བྲལ་བ་ནི་བསྲུང་བའོ། །ཕྱོགས་རིས་མེད་པའི་བདེ་བ་དང་དུས་གསུམ་དུ་མི་འབྲལ་བའི་གཟུངས་སུ་ཡེ་ནས་གནས་པ་ནི་གཟུང་བའོ། ༈ །ཆོས་དབྱིངས་རྒྱ་ཆད་ཕྱོགས་ལྷུང་དང་བྲལ་བ་ཉིད་ནམ་མཁའི་མཐའ་དང་མཉམ་པའི། །དོན་ལ་དུས་གསུམ་དུ་འགྱུར་བ་མེད་ཅིང་ཕྱོགས་སུ་མ་ལྷུངས་པས་དྲང་པོར་གནས་པ་ནི་ཚད་དོ། ༈ །ནམ་མཁའ་རང་བཞིན་སྤྲོས་པ་དང་བྲལ་བའི་ངང་དུ་བརྟན་པ་ནི་གནས་ཐིགས་གཞི་ཡེ་ཤེས་ཀྱི་རང་འོད་རྣམ་པ་སྒྱུ་མ་རྡོ་རྗེ་བཙན་པོའི་མཆོག་ས་ཐིག །བར་ཐིག་ནི་མཚན་ཉིད་རང་རིག་ཡེ་ཤེས་ལ། །ཅིར་ཡང་མ་གྲུབ་པས་སྒྲོ་འདོགས་དང་༡ཐམས་ཅད་དུ་འཆར་བས་སྐུར་འདེབས་དང་བྲལ་༡༡བས་ལྷུན་གྲུབ་གསུམ་དུ་དྲང་པོར་ངེས་པས་ཐིག་གོ། ༈ །སྣང་སྲིད་ཐམས་ཅད་རང་བྱུང་གི་ཡེ་ཤེས་མཚོན་པར་བྱེད་པའི་ཐབས་སུ་མུ་མཐའ་ཅིར་ཡང་གསལ་བ་ནི་ཚོན་ནོ། ༈ །སྤྲོས་པ་ཐམས་ཅད་དང་བྲལ་བས་ཟླུམ་པོ་ཆོས་ཀུན་ཁྱབ་པས་གྲུ་བཞི་རྣམ་རྟོག་རང་དབང་དུ་འདུས་པས་ཟླ་གམ། །མུ་མཐའི་ཕྱོགས་རིས་ལྷུན་གྲུབ་ཕྱོགས་མེད་དུ་འཇོམས་པར་མཛད་པ་གྲུ་གསུམ་དང་བཞི་རུ་མཛེས། །ཡུལ་མེད་རང་གསལ་དེ་རྟོགས་བས་སྐུ་གསུམ་མ་འདྲེས་ལ་ཡོངས་སུ་རྫོགས་པར་རྟོགས་པས་བཀྲ་གསལ་ཆེ། །སྟེ་རང་བཞིན་རྣམ་དག་གི་དཀྱིལ་འཁོར་ཆེན་པོར་བྲིས་པའོ། ༈ །སྣང་བ་གཟུགས་གྲག་པ་སྒྲ་ཚོར་བ་དྲི་མྱོང་བ་རོ་རེག་པ་རེག་བྱ་རྣམས་ནི། །རྣམ་ཤེས་རྟེན་པས་སྐུ་ཡི་དཀྱིལ་འཁོར་དགོད་པ་ཡིན། །ཟིན་མ་ཟིན་གཉིས་ཀ་ལས་བྱུང་བའི་སྒྲ་སྐད་རབ་འབྲིང་ནི་དོན་མཚོན་ཅིང་བརྡ་སྤྲོད་པ་གསུང་གི་དལ་ཡིན། །ཤེས་བྱ་ཀུན་འདུས་པའི་ཕྱོགས་མེད་ནི་བདེ་བ་ཆེན་པོ་ཡིན་པས་ཐུགས་ཀྱི་དཀྱིལ་འཁོར་ཏེ་རྣམ་པ་དགོད་པའོ། ༈ །ཆོས་ཐམས་ཅད་ཡེ་ནས་རང་བྱུང་གི་ཡེ་ཤེས་བྱང་ཆུབ་ཀྱི་སེམས། །སུ་གནས་པ་ལ་ལྷ་ཡེ་ཤེས་པ་ཆེ་བའི་ཡོན་ཏན་ཐམས་ཅད་རྫོགས་པར་གྲུབ་པ་ནི་རབ་ཏུ་གནས། །པ་ལ་འཁོར་འདས་མ་ལུས་པའི་མངའ་ཐང་ཐིག་ལེ་ཆེན་པོའི་ཀློང་དུ་འུབ་པས་ཕུལ་བ་ཡིན། །རྟོགས་པའི་ཡེ་ཤེས་རང་གསལ་བའི་རྃ་ཡིག་གི་མེས། །མུན་པ་མ་རིག་པ་དང་འཁྲུལ་པའི་རྣམ་རྟོག་གི་བུད་ཤིང་བསྲེགས། །དངོས་པོ་དང་སྟོང་པའི་བསྲེག་རྫས་དང་ཡམ་ཤིང་གིས། །སྟོང་པ་ཉིད་ཀྱི་བདེ་ཁ༽བ་ཆེན་པོའི་མཆོད་པས་ཀ༽མེ་ལྷ་ནི་ག༽མཉེས་པ་ནི་སྦྱིན་སྲེག་གོ། ༈ །རྡོ་རྗེ་ལས་རིམ་ལས། དབང་ཕྱུག་འཇུག་དང་བཟོད་པར་གསོལ། །ཁྲུས་དགབ་དྲི་དང་ལུས་དབུལ་དང་། །བགེགས་བསྐྲད་ལྷར་བརླབ་དམ་ཚིག་སྦྱིན། །དེ་ཉིད་དབོག་དང་ཆུ་ནན་བྱ། །བསྒྲག་དང་རིན་ཆེན་དོར་བ་དང་། །ལྷ་དབབ་པ་དང་ནན་ཏན་དང་། །མིག་དབྱེ་ད་ལ་ལེགས་བསྟན་དང་། །ཚོགས་མཆོག་ཡོན་དང་རྣམ་བཅོ་བརྒྱད། །ཅེས་པས་ཆེ་བའི་ཡོན་ཏན་གྱི་མངའ་དབང་རྫོགས་ཏེ་རྒྱལ་བ་དང་དབྱེར་མེད་དུ་གྱུར་པས་བདག་ཉིད་ཞུགས། །པ་སྟེ་དབང་ཕྱུག་འཇུག་པའོ། །ཕྱོགས་མེད་ཀྱི་དོན་གྱིས་གང་དང་མི་འགལ་བ་ནི་བཟོད་པར་གསོལ་བ་ཆེན་པོའོ། །རིག་པ་ཉིད་ཡེ་ནས་འཁྲུལ་པ་རྣམ་པར་དག་པ་ནི་ཡེ་ཤེས་ཆེན་པོའི་ཁྲུས་སོ། །བག་ཆགས་སྣ་ཚོགས་ཀྱི་མིག་དར་རང་ཀ་མར་ཆགས་པས་གཡོགས། །ཐོས་བསམ་ཤེས་རབ་གཉིས་ཀྱིས་དོན་ལ་འཇུག་པའི་སྒོར་དྲངས་ཏེ། །ལྷུན་གནས་ཀྱི་དོན་ལ་རྟོགས་གོམས་ཀྱིས་གནས་པར་སྤྲོ་བ་བསྐྱེད་དམ་མི་བསྐྱེད་དྲི་བའོ། །བུ་ཡིས་འཇུག་ཅིང་སྤྲོ་པར་ཁས་བླངས་པ་ནི་ལན། །ཐ་མལ་པའི་སྒོ་གསུམ་བྱང་སེམས་ཀྱི་ངང་དུ་སྟོབ། །པ་ནི་ལུས་དབུལ་བ་རྣམ་རྟོག་རང་བྱུང་ཡེ་ཤེས་ཀྱི་ངང་དུ་བསྒྲལ། །བ་ནི་བགེགས་བསྐྲད་པ་རང་རིག་སྐྱེ་བ་མེད་པ་ནི་ངང་གི་ལྷ། །ཡིན་པས་ཡེ་བསྐྱེད་དོ། །སྒོ་གསུམ་མཉམ་གྲོལ་རྟོགས་པའི་དོན་ལས་མི་འདའ་བའི་དམ་ཚིག་སྦྱིན་ཅིང་དབོག་པའོ། །གནས་ལུགས་ཀྱི་དོན་རིག་པའི་ངང་དུ་རྒྱུན་ཆགས་པ་ནི་ཆུ་ནན་དུ་གནས་སོ། །མཁྱེན་པའི་ཡེ་ཤེས་ཡུལ་མེད་རང་གསལ་གྱི་ངང་དུ་བསྒྲགས། །གཞི་དད་པ་གྲོགས་བརྩོན་འགྲུས་བརྩེ་གདུང་དམ་ཚིག་དང་ལྡན་པ་ནི་རིན་ཆེན་དོར་བ། །ཆུ་བོ་བཞི་རྫོགས་བླ་མས་ཡུལ་མེད་རང་གསལ་མངོན་དུ་ཕབ་པ་ནི་ལྷ་དབབ་པ་སྟེ་ནན་ཏན་དུ་གནས། །ཤེས་བྱ་ཀུན་མཁྱེན་ཡུལ་མེད་རང་གསལ་དུ་ཤེས་པའི་ཤེས་རབ་ནི་མིག་ཕྱེ་བ། །བྱང་ཆུབ་སྙིང་པོས་འི་བཅུད་ལོངས་པས་མཎྜལ་མཐོང་བ་ནི་དལ་བསྟན་པའོ། །སྐྱོན་ཡོན་ཐམས་ཅད་བྲལ་བས་ཡོན་གྱི་མཆོག་གིས་མཉེས་པར་ཕུལ་བའོ། ༈ །དལ་དུ་འཇུག་པའི་ཡན་ལག་བཅོ་བརྒྱད་དང་བཀོད་པ་དལ་གྱི་ཆོ་གའི་ཡན་ལག་བཅུ་པོ་དག །ཨ་ཏིའི་ཐབས་ཆེན་གཅིག་གིས་ཡོན་ཏན་ཐམས་ཅད་རྫོགས་པར་གནས་པ། །དེས་ན་ལྷག་མ་མེད་པར་རང་ལ་གནས་པས་ནི་རྫོགས་པ་ཆེ་ཞེའོ། ༈ །རྣལ་འབྱོར་རྟོགས་གོམས་ཀྱི་ཉམས་ལ་བདེ་བར་གནས་པར་འདོད་ན། །དེ་ལ་གསལ་བྱེད་རིན་ཆེན་འབར་བའི་དལ་དགོད་དེ། །ཡུལ་ཤེས་རྟེན་ཅིང་འབྲེལ་བར་འབྱུང་བས་འཁྲུལ་གཞི་འཁོར་བ་ནུས་པ་ཅན་འདི་རང་རིག་པ་ལ། །ཀུན་རྫོགས་པར་ཡུལ་དྲུག་བདེ་ཆེན་གྱི་དཀྱིལ་འཁོར་དྲུག་ལུས་ལ་ཡོད་པ་ལ་དགོད་ཅེས་བྱ། །རྩོལ་བརྒྱད་ཞེན་དྲུག་རྟག་ཆད་གཉིས་ཀྱིས་འགྲོ་འཕྲང་གནས་ཀྱིས་དེད་ལ་གཅད་དོ། །ཉམས་སུ་མྱོང་བའི་འཕྲུལ་ཚིག་རྣ་བརྒྱུད་ཀྱི་མན་ངག་བྱིན་པས་རྣ་བར་གཞུག །སྣོད་མེད་ལ་རྒྱ་རྟགས་གདབ་པའི་ཆོ་ག་བྱ་སྟེ་རྒྱ་རལ་བའི་ཉེས་དམིགས་རྒྱུད་ལས་གསུངས་སོ། །ཚོགས་བརྒྱད་རང་གྲོལ་རང་བྱུང་ཡེ་ཤེས་ཀྱི་དཀྱིལ་འཁོར་དེར། །བརྡ་དོན་བྲལ་བ་ཡུལ་མེད་རང་གསལ་རྟོགས་པ་དོན་གྱི་སྙིང་པོ་བླང་། །དེ་ཉིད་གདོད་ནས་གནས་པས་ད་གཟོད་འབྱུང་འཇུག་མེད་དོ། ༈ །དལ་དེ་དག་གི་དོན་བདུན་དུ་ངེས་པར་མཇུག་བསྡུ་བར་བྱ་བ་ཡང་། །གཤིས་སམ་གནས་ལུགས་རང་བྱུང་ཡེ་ཤེས་ཡིན་ཏེ། །རང་འོད་ཀྱི་རྣམ་པ་སྒྱུ་མས་བདག་གཞན་གྱི་དོན་རྫོགས་ཏེ་རོལ་པ་ཅིར་ཡང་མི་འགག་པའི་རྒྱན། །རང་བཞིན་སྟོང་ཉིད་དངོས་པོའི་མཐའ་དང་བྲལ་ཏེ་མུ་བཞིའི་སྤྲོས་པ་རང་གྲོལ་བའི་རྒྱན། །གོང་མ་དེ་གཉིས་མཁྱེན་པའི་མཚན་ཉིད་རང་གསལ་མུ་མཐའི་སྐྱོན་ལས་གྲོལ་བ་ནི། །ཡེ་ནས་ཀུན་ལ་རྫོགས་པ་གཞི་ཡི་དཀྱིལ་འཁོར་ཡིན་ནོ། ༈ །རང་སྣང་ཡིན་པས་ཡུལ་ན་མི་གནས་ཤིང་རྟོགས་པའི་རྐྱེན་བཞི་དང་བྲལ། །བས་ངོ་མ་ཤེས་ཤིང་བདག་གཞན་དུ་བརྟགས་པས་རིགས་དྲུག་ཏུ་འཁྲུལ་ཞིང་འཁོར་བས་རྒྱུད་བཅིངས། །སེམས་ཅན་ཚད་ལས་འདས་པས་དུས་རྒྱུན་དུ་མི་སྟོངས་པར་འཁོར། །བ་ནི་ཐུགས་རྗེ་སྤྲུལ་པའི་དཀྱིལ་འཁོར་ཡིན་ནོ། ༈ །ལྷུན་གནས་བདེ་ཆེན་ནི་རྒྱུའི་རྐྱེན་དང་བཞི་རྫོགས་ཀྱི་བཤེས་གཉེན་ནི་བདག་པོའི་རྐྱེན། །སེམས་སྐྱེ་བ་གོང་འོག་གི་རིམ་པས་ཕྱི་མ་ཕྱི་མའི་གོ་ཕྱེ་བ་ནི་དེ་མ་ཐག་རྐྱེན་སྟེ། །བྱ་བྲལ་རྫོགས་པའི་ལུང་ནི་དམིགས་པའི་རྐྱེན་ཡིན་པས་རྐྱེན་བཞིས་དོན་རིག་པ་ནི། །འབྲེལ་པ་ཐབས་ཀྱི་དཀྱིལ་འཁོར་ཡིན་ནོ། ༈ །ཐོས་པའི་པྲཛྙཱས་དང་པོ་མིང་དུ་ཐོས་ནས་ཚིག་ཏུ་བཟུང་། །བསམ་པའི་ཤེས་རབ་ཀྱིས་དོན་སྤྱིའི་རྣམ་པ་ཙམ་གོ་ནས། །བསྒོམ་པའི་ཤེས་རབ་ཀྱིས་རིག་པའི་སྟེང་དུ་ཁྱེལ་བ་ལས། །མཐར་ཕྱིན་ཏེ་ཡང་རབ་མཐོང་བའི་ཆོས་ལས་གྲོལ་བ་ནི་རྟོགས་པའི་དཀྱིལ་འཁོར་ཡིན་ནོ། ༈ །ཅིག་ཅར་བ་དེ་ལྟར་མིན་ཏེ་བློ་གྲོས་ཞན་ན། །དང་པོ་གནས་པ་གོམས་པ་ལས་མི་གཡོ་བ་དེ་ལས་མཉམ་པར་ཉིད་ཀྱི་ཉམས་སུ་སྦྱར། །དེ་ནས་ཡེ་ཤེས་ལྷུན་གྱིས་གྲུབ་པར་གནས་པར་གོམས་པར་བྱེད་པ་ནི། །བསམ་གཏན་གོམས་པའི་དཀྱིལ་འཁོར་ཡིན་ནོ། ༈ །དོན་དེ་ལྟ་བུའི་ངང་ལ་གནས་པའི་རྣལ་འབྱོར་པས། །མ་བཅོས་པའི་ངང་དུ་གོམས་པས་གནས་པ་ནམ་མཁའ་རྡོ་རྗེའི་སྤྱོད་པ་དང་། །མཐུན་འཇུག་ལྷག་པའི་སྤྱོད་པས་འགྲོ་འདུལ་ཐུགས་རྗེའི་སྤྱོད་པ་ཅིར་ཡང་རོལ་པ་ནི། །རོལ་པས་སྤྱོད་པའི་དཀྱིལ་འཁོར་ལྷུན་གྱིས་གྲུབ་པ་ཡིན་ནོ། ༈ །དོན་དེ་ཉིད་ཀློང་དུ་གྱུར་ཅིང་བསྐྱེད་དུ་བྱར་མེད་པར་མཐར་ཕྱིན་པས། །རང་གྲོལ་ནས་རྩོལ་བ་མེད་པར་འགྲོ་བ་སྒྲོལ། །བསྟན་པའི་ཆོས་བྱིན་གྱིས་རླབས་ལས་ཉི་མ་ལྟར་གདལ། །བ་ནི་ཐེག་པ་ཀུན་གྱི་འབྲས་བུ་ཀུན་རྫོགས་པ་བདེ་ཆེན་གྱི་དཀྱིལ་འཁོར་ཡིན་ནོ། ༈ །ནམ་མཁའི་མཐའ་དང་མཉམ་པའི་རྒྱུད་ཆེ་པོ། །བརྗོད་བྱ་ཀློང་དགུ་རྗོད་བྱེད་བམ་པོ་ཉི་ཁྲི་ནས་དང་། །དཀྱིལ་འཁོར་ཀུན་ནས་དོན་བསྡུས་ནས། །འཇམ་དབྱངས་བྱིན་བརླབས་བུ་ལ་གཏད། །ཆོས་ཐམས་ཅད་དཀྱིལ་འཁོར་དུ་ལུང་བསྟན་པ་ཞེས་བྱ་བ། སློབ་དཔོན་དགའ་རབ་རྡོ་རྗེས་མཛད་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས། ཡུལ་དྷ་ཧེ་ནའི་འདུ་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། ༈ །མཆན་བུ་སེའི་བནྡྷེ་འབྱུང་ལྡན་གྱིས་གཞུང་དང་མི་འགལ་ཙམ་དུ་བྲིས་པའོ།། །།

དམ་ཚིག་གི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

ས མ ཡ སྱ དྷཱ ཏུ ཏི སྨ། །
དམ་ཚིག་གི་ཀློང་བཞུགས། །
རྒྱ་གར་སྐད་དུ། ས་མ་ཡ༈རཏྣ༈ ཏཏྟྭ༈སརྦ་དྷརྨ༈ཡ་ཧིན྄༈ནཱ་མ། བོད་སྐད་དུ། གནས་ལུགས་སྐྱོན་གྲོལ་དམ་པའི་དོན་ལ་གནས་ན་ཀུན་བརྟགས་འགལ་ན་རང་རྒྱུད་ཚིག༈དགོས་འདོད་འབྱུང་བས་རིན་པོ་ཆེ༈མ་ནོར་བས་དེ་ཁོ་ན་ཉིད་དུ༈འཁོར་འདས་ཀྱི་ཆོས་ཐམས་ཅད༈རང་གི་ངོ་བོས་ངེས་པ༈ཞེས་བྱ་བ། ༈ །རང་བཞིན་བཅོམ་རྣམ་པར་ལྡན་མཚན་ཉིད་འདས་གཞི་ཇི་བཞིན་ཉིད་ལ་ཉེས་སྐྱོན་ཡེ་ནས་རྣམ་པར་དག་པར་ལྷུན་གྱིས་གྲུབ་པའི་ངང་ལ་ཕྱག་འཚལ་ལོ། །བྱེད་པ་པོ་མེད་པས་རང་བཞིན་གྱིས་ཡེ་ནས་ལྷུན་གྱིས་གྲུབ་པས་རྩོལ་བའི་སྡུག་བསྔལ་མེད་པས་བདེ་ཆེན་ཡུལ་མེད་རང་གསལ་དུ་གནས་པ་ལས། །དེ་ལྟར་མི་ཤེས་པ་སྒྱུ་མ་འཁྲུལ་པའི་བློ་ཡིས་རང་གི་རྒྱུད་བཅིངས་པ། །དེ་ལས་གྲོལ་བར་མཛད་པའི་སྟོན་པ་བཅོམ་ལྡན་འདས་གསང་སྔགས་ཀྱི་མངའ་བདག་རྡོ་རྗེ་འཆང་ལ། །རང་ལ་གནས་པ་གཞི་དང་དེ་རྟོགས་པ་ལྟ་བ་དང་གོམས་པ་ཏིང་ངེ་དང་མཐར་ཕྱིན་འབྲས་བུ་དང་བཞིའི་ངང་དུ་ཕྱག་འཚལ། ༈ །བྱང་ཆུབ་སེམས་ལྷུན་གྲུབ་གསུམ་པོ་ཉིད་ཉེས་སྐྱོན་རྣམ་པར་དག་པར་ཡེ་ནས་གནས་པ་ལས་རྟོགས་པའི་རྐྱེན་བཞི་དང་བྲལ། །བས་གནས་ལུགས་མ་རྟོགས་པ་ལྷན་སྐྱེས་ང་མེད་པ་ལ་ང་བདག་ཏུ་བརྟགས་པས་ཀུན་བརྟགས། དེས་གཞན་དུ་སྣང་བ་ལས་གཟུང་འཛིན་དུག་ལྔ་རྒྱས། །དེ་ལྟར་འཁྲུལ་ཞིང་ཁམས་གསུམ་དུ་འཁོར་དེ་སྡུག་བསྔལ་གསུམ་སོགས་ཉམས་སུ་མྱོང་བ་དེ་བསལ་བའི་ཐབས་ལམ་ལ་བརྟེན་ནས་བསོད་ནམས་ལ་འབད་བཙལ་བྱས་ཀྱང་། །སེམས་ཉིད་རྣམ་པར་དག་པ་དམ་པའི་དོན་དེ་ལས་འདས་ན་འབྲས་བུའི་གཞི་རྟེན་མེད་པར་འགྱུར་བས་དེ་བསྲུང་བའི་ཐབས་རྣམ་པར་དག་པ་བཤད་པར་བྱའོ། ༈ །དམ་ཚིག་བསྲུངས་ན་ཆེ་བའི་ཡོན་ཏན་འབྱུང་བས་ཡིད་བཞིན་རིན་པོ་ཆེ་དང་འདྲ། །འཁོར་བའི་རྒྱ་མཚོ་ཕ་རོལ་ཏུ་སྒྲོལ་བའི་ཕྱིར་གྲུ་དང་འདྲ། །ཐུབ་མ་ཐུབ་ལ་ཉེས་ལེགས་ཆེན་པོ་འབྱུང་བས་སོ་མཚམས་ཀྱི་མཁར་ཆེན་དང་འདྲ་ངན་སོང་གི་འཇིགས་པའི་སྐྱབས་དང་འདྲ ། །ནད་༡ལས་དང་མུ་གེ་༡ ལས་མཚོན་༡ལས་སྐྱོབ་༡༡༡པའི། །བདུད་༡ རྩི་རིན་༡ཆེན་རྡོ་༡རྗེའི་གོ། །ངན་འགྲོའི་སྡུག་བསྔལ་ལས་འདྲེན་པ་ལྕགས་ཀྱུའི་མཆོག །འཁོར་བ་ལས་ཐར་པ་དང་མཐར་ཐུག་བདེ་བ་ཆེན་པའི་སྲོག་ཆེན་པོ་ཡིན་པས། །གཞི་དད་པ་གྲོགས་བརྩོན་འགྲུས་བརྩེ་གདུང་དམ་ཚིག་དང་ལྡན་པས་ནན་ཏན་བྱའོ། ༈ །དམ་ཚིག་འདི་དང་བྲན་ན་རྣལ་ཆོས་ཅན་འབྱོར་བཀའ་རྒྱུད་མཁས་བརྩོན་ཀྱང་། །ཐར་པ་དང་བདེ་བ་ཆེན་པོ་ཐོབ་པའི་གནས་མིན་དམ་བཅའ་ཏེ། །གཞི་ཧེ་ཏུཿ འགྲམ་རྟེན་དང་བྲལ་བའི་ཕྱིར། །དཔེར་ན་མཁའ་ལ་རི་མོར་བྲིར་སེམས་ཀྱང་མི་བཏུབ་པ་བཞིན་ནོ། ༈ །གཞི་རྣམ་དག་ལྷུན་གྲུབ་གང་ཡིན་དམ་ཚིག་རྣམ་གཉིས་ཀྱི་ངོ་བོ་ཇི་ལྟ་བུ། །ཚིག་དོན་འབྲེལ་ལེགས་ཀྱི་ངེས་ཚིག་དང་བློ་དང་འཚམ་པའི་དབྱེ་བ་དང་ཉམས་པ་མི་འབྱུང་བའི་གདེང་དང་། བསྲུང་དུ་མེད་པའི་སྲོག་དང་། །ཐུན་མོང་ཁྱད་པར་གྱི་ཡོན་ཏན་དང་མཐར་མི་ཕྱིན་པའི། སྐྱོན་དང་རྟོགས་ལ་གོམས་པས་བསྲུང་བའི་ཐབས་དང་། །དེ་ལྟར་བསྲུངས་པ་ཡི་འབྲས་བུ་གང་དུ་ངེས་པའོ། ༈ །རང་བཞིན་བྱང་རྣམ་པ་ཆུབ་སེམས་མཚན་ཉིད་ཉིད་རྣམ་པར་དག །དུས་ཡེ་ནས་རང་ལ་ལྷུན་གྱིས་གྲུབ་ཅིང་རྫོགས་པས་ན། །རང་བཞིན་གྱིས་དག་པ་དེའི་ངང་ལ་གནས་པའང་རྣམ་པར་དག་པ་ཡིན། །དེ་ལྟ་མིན་ན་གཞི་ཉིད་དྲི་མར་བཅས་པར་འགྱུར་བས་སོ། །དམ་ཚིག་ཅེས་སུ་ངག་ཏུ་རྗོད་པ་དེ་ཡང་། །དངོས་པོ་ཡོད་པར་ཀུན་ཏུ་བརྟགས་རྩོལ་བྲལ་པའི་ཆོས་ཀྱི་བློ་ལུང་མན་ངག་གིས་བཀྲོལ་ནས། །རྟོགས་པའི་དོན་ལ་གནས་པ་དང་རང་འདོད་དང་མཐུན་ལྷག་སྤྱོད་པའི་ཕྱོགས་སུ། །སྒོ་གསུམ་༡ ལུས་ངག་ཡིད་གསུམ། འོག་མའི་གཞུང་གི་འདུལ་སྡོམ་དམ་གྱི་རྩ་བ་དང་ཡན་ལག་༡བསྡམ་མོ། ༈ །གནས་ལུགས་འཁོར་བའི་སྐྱོན་ཐམས་ཅད་ལས་གྲོལ་བ་དམ་པའི་དོན། ། དེ་རྟོགས་པའི་ངང་ལ་གནས་པས་ཀུན་བརྟགས་འཁྲུལ་པ་འཚིག །དེ་ལས་ལོག་སྟེ་མི་གནས་པས་རང་གི་རྒྱུད་དུཿཁས་འཚིག །དེས་ན་ཚིག་དོན་འབྲེལ་ལེགས་པ་ནི་ངེས་པའི་ཚིག་ཏུ་བརྗོད་དོ། ༈ །དམ་ཚིག་དེ་ཡང་གང་ཟག་བློའི་རིམ་པ་ཡིས་ཐ་དད་དེ། །རྟོགས་པའི་གདེང་དང་ལྡན་པས་ལྷག་པའི་སྤྱོད་པར་འོག་མའི་འདུལ་སྡོམ་དམ་ཚིག་གྲངས་ལ་བཏབ་སྟེ་བསྲུང་བ་དང་། །བསྲུང་བྱ་སྲུང་བྱེད་ཀྱི་རྩོལ་བ་དང་བྲལ་བ་རང་རིག་པའི་དམ་ཚིག་དང་། །རྣམ་གྲངས་གཉིས་སུ་གསང་བདག་རྒྱལ་བས་རྒྱུད་དུ་གསུང་སོ། ༈ །ལྷག་སྤྱོད་དེ་ཡང་དོན་ལ་ཤེད་མ་བྱེ་བས་བྱིས་པ་ཉན་ཐོས་པའི་འདུལ་བ་དང་། །ལྟ་སྤྱོད་ནར་རུ་སོན་པ་བྱང་ཆུབ་སེམས་དཔའ་ཡི་སྡོམ་པ་དང་། །རིག་པ་འཛིན་པས་སྔགས་ཕྱི་ནང་གི་དམ་ཚིག་ལ་གནས། །འཇིག་རྟེན་པ་སོ་སོ་སྐྱེ་བོ་ལ་ཐ་༡ མི་ཆོས་ཀྱི་ཚིག་༡ཆད་པ་ལ་བཙན་༡༡པར་བྱ་བ། ༈ །དེ་ཡང་འཇིག་རྟེན་འདིར་འཚོ་བར་བྱེད་པས། །ཕྱི་མར་རྣམ་པར་སྨིན་པའི་འབྲས་བུ་དུཿཁ་དྲག་པོ་འབྱུང་བའི་ལོག་པའི་འཚོ་བ་བསྲུང་། །འཇིག་རྟེན་པའི་བྱ་བ་མ་ཡིན་པའི་ཡུལ་ཆོས་ཐམས་ཅད་སྤང་། །དུག་དང་འདྲེས་པའི་ཁ་ཟས་དང་སྤྱོད་ལམ་སྤང་། །གནའི་གལ་ཆེན་པོ་དོར་ནས་སླར་མི་བཟའ་མི་ཟློག །ལས་མཐའ་ལུས་ཀྱི་གསུམ། ངག་བཞི། ཡིད་གསུམ་གྱི་དགེ་བ་བཅུ་སྤྱད་པ་དང་སྡིག་པ་བཅུ་སྤང་པ་༡༽ལ། །ཕྲལ་ཚེ་འདིར་བདེ་ཞིང་དུས་ཡུན་དུ་ཕན་པས་དམ་༡༽པར་བསྲུང་། །ལྔ་ཚན་གཉིས་ལ་བཅུ་དང་དྲུག་གིས་མི་ཆོས་ཀྱི་གཞུང་བསྲང་བར་བྱའོ། ༈ །རང་གཅིག་པུའི་དོན་བྱ་བའི་སེམས་སྐྱེས་ནས་དལ་བ་བརྒྱད་འབྱོར་པ་བཅུ་དང་ལྡན་པའི་རྟེན། །ལྷ་མིའི་གནས་མཐོ་དམན་གྱི་ཁྱད་པར་བསྒྲུབ་པའི་ཕྱིར། ༈ །དགེ་བ་གསོ་ཞིང་སྡིག་པ་སྦྱོང་བར་བྱེད་པ་ནི་བསྙེན་གནས་ཡན་ལག་བརྒྱད་པ་སྟེ། རྩ་བ་བཞི། ཆང་། གར་སོགས་ཕྲེང་སོགས། མལ་ཆེ་མཐོ། ཕྱི་དྲིའི་ཁ་ཟས་སོ། །དང་དགེ་བསྙེན་གྱི་གཏན་ཁྲིམས་རྩ་བ་བཞི་ཆང་དང་ལྔ། །དགེ་ཚུལ་གྱི་སློབ་དཔོན་ལས་ཐོབ་པ་བཅུ་ནི་གར་སོགས་ཕྲེང་སོགས་སོ་སོར་བགྲངས་གསེར་དངུལ་ལ་མི་རེག་པའོ། །མཁན་པོ་ལས་ཐོབ་པ་གསུམ་ནི་ཁྱིམ་པའི་རྟགས་སྤོང་བ། རབ་ཏུ་བྱུང་བའི་རྟགས་ལེན་པ། མཁན པོ་ལ་མཁན་པོར་གསོལ་བ་གདབ་པ་སྟེ། དེ་དག་གི་ངང་ལ་གནས་ཤིང་། །དགེ་སློང་གི་བསྙེན་པ་རྫོགས་ནས་ཁྲིམས་ཉིས་བརྒྱ་དང་། །ལྔ་བཅུ་རྩ་གསུམ་ནི། ཕམ་པ་བཞི། ལྷག་མ་བཅུ་གསུམ། སྤང་ལྟུང་སུམ་ཅུ། ལྟུང་བྱེད་འབའ་ཞིག་པ་དགུ་བཅུ། སོ་སོར་བཤགས་པ་བཞི། བསླབ་བྱ་བརྒྱ་དང་བཅུ་གཉིས་དེ་དག་དམ་པར་བསྲུང་བ་སྒོ་གསུམ་འདུལ་བའི་གཞུང་ཡིན། །མ་ཡིས་ཕམ་པ་བརྒྱད། ལྷག་མ་ཉི་ཤུ། སྤང་ལྟུང་སུམ་ཅུ་རྩ་གསུམ། ལྟུང་བྱེད་འབའ་ཞིག་པ་བརྒྱ་དང་བརྒྱད་ཅུ། སོ་སོར་བཤགས་པ་བཅུ་གཅིག །བསླབ་བྱ་བརྒྱ་དང་བཅུ་གཉིས་ཏེ་སུམ་བརྒྱ་དྲུག་ཅུ་རྩ་བཞི་དང་། །བསླབ་པ་བར་དགེ་སློབ་མས་མཐུན་པའི་ཆོས་དྲུག །རྗེས་སུ་མཐུན་པའི་ཆོས་དྲུག་སྟེ་ཉེར་ལྔ་བསྲུང་བས་བསྡུས་ཏེ་ཁྲིམས་ལ་གནས་པར་བྱ། ༈ །གྲངས་དེ་དག་ཀུན་ཡང་རྩ་བ་བཞི་སྲོག་གཅོད། མ་བྱིན་ལེན། མི་ཚངས་སྤྱོད། རྫུན་ལས་༼༠༽ ནི། །རིགས་བརྒྱད་པོའི་བྱེ་བྲག་ཀུན་ཀྱང་འདའ་བར་བྱ་བ་ནི་མིན་ལ། ༈ །༼༠༽དེ་ཡི་བསྲུང་ཐབས་རྩ་བ་ནི། །གང་ཞེ་ན། དངོས་གཞི་དང་སྦྱོར་བའི་ལྟུང་བ་གང་ཡིན་གང་ལས་སྐྱེ། །གང་ལྟར་བཅས་པ་ཇི་ལྟར་འབྱུང་། ༈ །རྟེན་གྱི་གང་ཟག་དེ་བསླབ་པ་ཐོབ་པ་ལ་མ་ཉམས་པར་གནས་པས། །ཤེས་པ་གདོན་ལ་སོགས་པའི་རྐྱེན་གྱིས་མ་བསླད་པ་སྲོག་གཅོད་པ་ལྟ་བུ་གཅིག་ལ་སྦྱར་ན། །གསད་གཞིའི་བྱེ་བྲག་ལ་༡༽མ་འཁྲུལ་ཅིང་སྤྱིར་མི་ཙམ་དུ་འདུ་ཤེས་པ། །ཀུན་སློང་གསད་པའི་བསམ་པས་དགྲ་གང་ཡང་རུང་བ་ལ་དུས་ཉེ་བར་བརྩམས་ནས། །སྦྱོར་བས་དེ་ལ་༡༽མཚོན་པ་ལ་སོགས་པ་མྱུར་བས་བསྣུན་པའི་རྐྱེན་གྱིས། །མཐར་ཐུག་ནི་སྲོག་གི་དབང་པོ་འགགས་ཏེ་འདུ་ཤེས་མ་ལོག་ན། །ལྟུང་བའི་དངོས་གཞི་དེ་ལ་བབས་པ་ཡིན་ཏེ། ༈ །དེ་ཡི་ཡན་ལག་ཚོགས་ན་སྡོམ་པ་བཏང་བར་འགྱུར་ཏེ། དངོས་གཞི་ལྟུང་བའོ། །མ་ཚོགས་ན་སྦྱོར་བའི་ལྟུང་བ་སྟེ། །མི་མ་ཡིན་པ་བསད་པ་དང་། རང་བསད་པ། འདུ་ཤེས་འཁྲུལ་པ། སྦྱོར་བ་བྱས་ནས་མ་ཤི་བ་ལ་འགྱོད་པ་སྐྱེས་པ་རྣམས། བཤགས་པ་བྱ་བའི་ཉེས་བྱས་དང་ཡིད་ཀྱིས་གསད་པར་འདོད་པ་ནི་བསྡམ་བྱ་སྟེ་གཉིས་ཡོད། །དེ་ཡང་རྒྱུ་དུས་སུ་ཉེས་པའི་སྤྱོད་པ་བཤད་པ་ལྟར་སོ་སོར་བསྡམས་པ་དེ་ཡིས། །འབྲས་བུའི་དུས་ན་རྣམ་ངེས་ཚིག་སྨིན་སོ་སོ་ལས་ཐར་༡པའོ། །༡དེ་ཡི་དབྱེ་བ་བསྙེན་གནས་བོར་བས་རིགས་བདུན་དུ་གནས་རྫས་སུ་རྣམ་པ་བཞི་ཡིན་ནོ། ༈ །གང་ལྟར་བཅས་པ་ནི་རྣམ་པར་སྨིན་པ་གླེང་གཞི་སོ་སོ་ལས་གྲགས་པ་དང་། །ཁྲིམས་དང་ལྡན་པ་ལས་ཆོ་ག་བླངས་ཏེ་བསྲུང་བའི་ཐབས་དང་གཏོང་བའི་རྒྱུ་དང་གཏོང་བའི་དུས་དང་། །གཏོང་རྒྱུས་བཏང་བའི་ཉེས་པ་དང་མ་བཏང་བར་གནས་པའི་ཕན་ཡོན་ནོ། ༈ །གནས་འདིར་གང་ཟག་འདི་ལ་ཉེས་པ་འདི་བྱུང་བ་ལ་བརྟེན་ནས་བསླབ་པའི་གཞི་འདི་བཅས་པའི་གླེང་གཞི་རྩ་བ་བཞི་ལ་སོགས་པ་སོ་སོར་འདུལ་བ་ལུང་ལས་གྲགས་པ་བཞིན་སྟེ། ༈ །ཚུལ་ཁྲིམས་དང་ལྡན་པའི་མཁན་པོ་ཆོས་ཚང་བས་དམ་པ་ལས། །བླང་སྟེ་དེ་ཡང་སྔོན་འགྲོ་སྦྱོར་བའི་ཆོ་ག་རྫོགས་ཤིང་དངོས་གཞི་སྡོམ་པ་ཐོབ་པར་འདོད་པའི་མཁན་བུས། །ཆོ་གའི་མཇུག་ཚང་ཞིང་རྫོགས་པ་ནི་སྡོམ་པ་ཐོབ་པའི་རྒྱུ། །ཡིན་ཏེ་ལན་གསུམ་རྗེས་སུ་བརྗོད་པའི་ཆ་མཐའ་མ་ལས་ཐོབ་པར་ངེས་པ་ཡིན་ནོ། ༈ །ཐོབ་པ་དེ་རྩ་བ་ནས་གཏོང་བ་དང་ཉེས་པས་ཉམས་༡པའི་༡རྒྱུ་༡བསྲུང་བ་ནི། །རང་བཞིན་དང་བཅས་པའི་ཁ་ན་མ་ཐོ་བ་རྣམ་པ་གཉིས་བསྲུང་སྟེ། །ཡིད་དང་ལྷན་ཅིག་སྐྱེས་པ་སྔོན་དུ་འགྲོ་བ་ཤེས་བཞིན་གྱི་བྱ་ར་བ་དང་། །དྲན་པའི་ཐག་པའི་སྒོ་ནས་ཅི་ནུས་པས་བསྲུང་ངོ་། ༈ །གཏོང་བའི་རྒྱུ་ནི་རང་བཞིན་གྱིས་བསྲུང་བར་མ་ནུས་པ་དང་། །འདི་བསྲུངས་ཀྱང་འབྲས་བུ་མེད་སྙམ་སྟེ་ལོག་ལྟ་སྐྱེས་བ་དང་ལྟུང་བ་བྱུང་བའོ། ༈ །གཏོང་དུས་ནི་མཚན་མོ་འདས་པའི་ཚེ་གཏོང་སྟེ་བླངས་པའི་དུས་ཆད་པས་སོ། །དང་རྟེན་བོར་བས་ཤི་འཕོས་༡པའི་དང་། །སྡོམ་པ་དང་འགལ་བའི་རིག་བྱེད་སྐྱེད་པས ། མི་བརྡའ་འཕྲོད་པའི་དྲུང་དུ་བསླབ་པ་ཕུལ་༡བའི་དང་དགེ་བའི་གཞི་ཆད་པས་ལོག་ལྟ་གཉིས་བཤད་ཀྱང་རྒྱུ་དུས་གཉིས་སུ་ཕྱེ་བས་ཟློས་སྐྱོན་མེད་དོ། །སྐྱེས་པའི་རྟེན་ཉམས་པས་མཚན་གཉིས་༡༽གཅིག་ཆར་དུ་བྱུང་བའི་༼༡༡༡༡༽ཚེ་སོ་སོ་ཐར་པའི་སྡོམ་པ་གཏོང་བ་རྫོགས་སོ། ༈ །རྒྱུས་བཏང་བའི་ཉེས་པ་ནི་རང་བཞིན་གྱིས་མ་ནུས་པས་བཏང་ན། །བསྲུངས་ཀྱང་ཕན་ཡོན་མི་འབྱུང་སྟེ་ཉེས་པ་ཆུང་ལོག་ལྟ་དང་། །ཕམ་པ་བྱུང་བས་བཏང་ན་ངན་སོང་གི་འགྲོ་བར་འགྲོའོ། ༈ །སྡོམ་པ་ལ་གནས་ན་ཕན་ཡོན་ནི་དཀར་པོའི་ལས་ཐམས་ཅད་ཀྱི་རྒྱུར་གནས་པས། །མུ་སྟེགས་ལ་སོགས་པ་གཞན་གྱི་སྦྱོར་བ་ངན་པས་མི་ཚུགས་སླར་ཁོ་རང་ལ་ལྡོག་པ་དང་། །ཉེས་སྤྱོད་མི་དགེ་བ་དག་པས་ངན་སོང་གི་འགྲོ་བ་གསུམ་སྤངས། །རྒྱལ་བ་སྲས་བྱང་སེམས་དང་བཅས་པས་སྲས་ལྟར་དུ་དགོངས་པའོ། ༈ །འབྲས་བུར་གནས་པས་མི་ཁོམ་པའི་གནས་བརྒྱད་ནི། དམྱལ་བ་ཡི་དྭགས་དུད་འགྲོ་དང་། །ཀླ་ཀློ་ཚེ་རིང་ལྷ་དང་ནི། །ལོག་ལྟ་སངས་རྒྱས་ཀྱིས་སྟོང་པ། །ལྐུགས་པ་འདི་ནི་མི་ཁོམ་བརྒྱད། །ཅེས་པ་སྤངས་པ་དང་། །ངེས་པར་ལེགས་པའི་འབྲས་བུ་ཐར་པ་དང་ཐམས་ཅད་མཁྱེན་པའི་གཞིར་ངེས་པའོ། ༈ །དེ་ལྟར་བཅས་པ་ལས་ཇི་ལྟར་མཐར་དབྱུང་བ་ནི་སྔར་བཤད་པ་བཞིན་བག་ཡོད་པས་བསླབ་པའི་གཞི་བཅའ་སྟེ། །ལེན་དུས་སུ་སྔར་གྱི་ལས་ངན་བཤགས་པར་བྱ་ལ་ཁྲིམས་ལྡན་གྱི་མཁན་སློབ་དམ་པ་དེ་ལ་བསླབ་པ་བླང་། །དགེ་བ་གསོ་བ་དང་སྡིག་པ་སྦྱོང་བའི་ཐབས་ལ་སྒོ་གསུམ་འབད་པ་དང་། །གཉེན་པོའི་སྟོབས་བཟང་ན་ཐེག་ཆེན་གྱེན་དུ་སྤར། །ཨ་ཏིས་འདུལ་བའི་དུས་ལ་བབ་ན་རྩོལ་བའི་དུཿཁ་ལས་དབུགས་ཆེན་པོ་དབྱུང་ངོ་། ༈ །ཐེག་པ་ནར་སོན་པ་ཆེན་པོ་བྱང་ཆུབ་སེམས་དཔའ་ཡི་སྡོམ་པ་ནི། །སླང་བླང་དམིགས་པའི་ངོ་བོ་དང་མིང་དོན་ངེས་པའི་ཚིག་དང་གྲངས་ཀྱི་དབྱེ་བ་དང་ཐོབ་པའི་རྒྱུ་དང་། །མི་ཉམས་པར་བསྲུང་བའི་ཐབས་དང་སྡོམ་པ་མི་གནས་པར་གཏོང་བའི་རྒྱུ་དང་བསྲུངས་པའི་ཕན་ཡོན་དང་མ་བསྲུངས་པའི་སྐྱོན་ནོ། ༈ །སྤང་བྱའི་ངོ་བོ་ནི་སྡོམ་པ་དང་མི་མཐུན་བའི་ཕྱོགས་ཆེན་པོ་སྡོམ་པ་ཉི་ཤུ་ནས་འབྱུང་བ་བཞིན་བཟློག་གོ། །པ་ནི་སེམས་ཅན་ལ་བླང་བྱ་གནོད་པ་སེལ་དྭང་དུ་བླང་བྱ་ནི་ཕན་པ་རྒྱ་ཆེན་པོ་སྒྲུབ། །པ་ཡང་སྨོན་པ་ནི་འབྲས་བུ་བྱང་ཆུབ་ལ་དམིགས་ནས་འཇུག་པ་ནི་འགྲོ་བའི་དོན་ལ་དམིགས་པའོ། ༈ །འབྲས་བུ་བྱང་ཆུབ་ཡོངས་སུ་ཚོལ་བ་དང་ནི་སེམས་ཅན་ཡོངས་སུ་སྨིན་པ་ལ། །དམིགས་ནས་ཉེས་པ་མི་མཐུན་པ་སྡོམ་ཞིང་ཕན་པ་སྒྲུབ་པ་ལ་ལེགས་པར་གནས་པས་སྡོམ་པའོ། ༈ །ཉེས་སྤྱོད་སྡོམ་༡པའི་དགེ་བའི་ཆོས་སྡུད་༡ཀྱི་དང་། །རང་བརྟན་པ་ཐོབ་ནས་དངོས་དང་བརྒྱུད་པའི་སྒོ་ནས་སེམས་ཅན་དོན་བྱེད་ཀྱི་༡༡ཚུལ་ཁྲིམས་དང་རྣམ་པ་གསུམ་མོ། ༈ །བདག་མེད་གཉིས་རྟོགས་ཀྱི་ཤེས་རབ་ཆེན་པོས་སེམས་ཅན་གཞན་གྱི་དོན་དུ་སེམས་བསྐྱེད་ནས། །གཟུང་བ་རྡུལ་ཕྲན་དང་འཛིན་པ་སྐད་ཅིག་དང་བྲལ་བས་སེམས་ཅན་གཞན་ལ་ཐུགས་རྗེ་ཆེ། །བས་སེམས་བསྐྱེད་ཀྱི་གཙོ་བོ་རུ་གཞན་དོན་ལ་མོས་པའི་དཀོན་མཆོག་གསུམ་ལ་སྐྱབས་སུ་འགྲོ་བ་དང་། བླང་བའི་ཡུལ་ལམ་རྟེན་བླ་མ་བཟང་པོས་ཆོ་གའི་སྦྱོར་དངོས་རྗེས་གསུམ་རྫོགས་པའི་ཚེ་སྡོམ་པ་ཐོབ་པའི་རྒྱུའོ། ༈ །སྡོམ་པ་དེ་དག་མི་ཉམས་པར་བསྲུང་བར་བྱ་བའི་ཐབས་བསྟན་པ་ནི། །སྡོམ་པ་ཉི་ཤུ་པ་ལས། རྙེད་དང་བཀུར་སྟི་ཆགས་པ་ཡིས། །བདག་བསྟོད་གཞན་ལ་སྨོད་པ་དང་། །སྡུག་བསྔལ་མགོན་མེད་གྱུར་པ་ལ། །སེར་སྣས་ཆོས་ནོར་མི་སྟེར་དང་། །གཞན་གྱིས་བཤགས་ཀྱང་མི་ཉན་པར། །ཁྲོས་པས་གཞན་ལ་འཚོག་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲ་སྣང་སྟོན་པའོ། །ཞེས་པ་བཞི་པོའི་ཀུན་ནས་དཀྲིས་པ་ཆེན་པོ་ནི་ཕམ་པ་དང་། འབྲིང་པོ་ནི་སྦོམ་པོ་དང་། ཀུན་ནས་དཀྲིས་པ་ཆུང་ངུ་ནི་ཉེས་༼༠༽བྱས་དང་གསུམ་ལས། །བརྟགས་ཏེ་འདྲིས་པའི་དངོས་པོ་ཉིད་མི་བརྗོད་པའི་དྲན་པ་དང་སྒོ་གསུམ་གྱི་སྤྱོད་པ་ལ་ཤེས་བཞིན་གྱི། །ཟིན་པས་སྤང་བྱ་དང་གཉེན་པོའི་ཆོས་རྣམས་ལ་བག་ཡོད་པར་ནི་གསུམ་བསྡམ་༼༠༽ པར་བྱའོ། ༈ །རྫོགས་པའི་བྱང་ཆུབ་ཏུ་སྨོན་པའི་སེམས་ཡོངས་སུ་བཏང་སྟེ་ཐུགས་རྗེའི་ཐག་པ་ཆད་པ་དང་། །ཉི་ཤུ་པའི་འགྲེལ་པ་ལས། མདོར་བསྡུ་ན་གཉིས་ཁོ་ནས་བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་ཡང་དག་པར་བླངས་པ་བཏང་བར་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་པ་ཡོངས་སུ་བཏང་བ་དང་། ཕམ་པའི་གནས་ལྟ་བའི་ཆོས་ཀྱི་ཀུན་ནས་དཀྲིས་པ་ཆེན་པོ་ཀུན་དུ་སྤྱོད་པའོ། །ཕས་ཕམ་པ་ལྟ་བུ་སྤྱད་པས་ནི་སྡོམ་པ་གཏོང་བའི་རྒྱུ་གཉིས་ཡིན་ལ། དུས་ཆད་པས་མི་གཏོང་སྟེ། །ཅིས་ན་ལེན་པའི་ཚེ་སྙིང་པོ་བྱང་ཆུབ་སངས་རྒྱས་ལས། །སེམས་ཅན་ཀུན་ཀྱང་མཆིས་ཀྱི་བར་དུ་སྡོམ་པ་ལེན་པའོ། ༈ །བསྲུངས་པའི་ཕན་ཡོན་སོ་སོ་ཐར་པའི་རྗེས་སུ་རྒྱུ་དང་འབྲས་བུ་ལ་གནས་པ་མཐུན་པ་ལས། །གཞན་ཡང་བྱང་ཆུབ་མཆོག་ཏུ་སེམས་གཙོ་རུ་གཞན་དོན་དུ་བསྐྱེད་པ་དང་དཀོན་མཆོག་གསུམ་ལ་སྐྱབས་འགྲོ་དང་བཅས་པ་ནི། །སངས་རྒྱས་ཀྱི་བསྟན་པ་རྒྱ་མཚོ་ཟབ་ཅིང་རྒྱ་ཆེ་བའི་གཞིར་གྱུར་པའི་ཡོན་ཏན་ཡོད་པས་ན། །བྱང་ཆུབ་ཀྱི་སེམས་སྨོན་འཇུག་རྣམ་པ་གཉིས་ལ་གནས་པར་བྱ་ཞེས་གདམས་པའོ། །མ་བསྲུངས་པའི་ཉེས་པའང་སོ་སོ་ཐར་པའི་འདུལ་བ་དེ་བཞིན་དུ་ངན་སོང་དུ་འགྲོ་བ་དང་ཡོན་ཏན་དེ་ལས་ཀྱང་བཟློག་པ་དང་། །བྱང་ཆུབ་ཀྱི་ས་བོན་སེམས་བསྐྱེད་དང་བྲལ་བ་ལས་རྐྱེན་བསོད་ནམས་གཞན་རྫོགས་ཀྱང་། །མྱུ་གུ་ལམ་གྱིས་རྟོགས་པ་དང་འབྲས་བུ་སངས་རྒྱས་རྒྱུན་ཆད་དུ་འགྱུར་བའི་སྐྱོན་ཡོད་པས་ན། །ཚུལ་ལམ་ཐབས་ཅི་ནས་ཀྱང་སྡོམ་པ་གསུམ་ལ་གནས་པར་བྱའོ་ཞེས་གདམས་སོ། ༈ །རིག་པ་སངས་རྒྱས་ཀྱི་གདུང་འཛིན་པ་སྔགས་ལ་ཕྱི་རྒྱུད་གསུམ་ནང་པ་མ་ཧཱ་གསང་བ་ཨ་ཏིའོ། ༈ །ལུས་ངག་གི་བྱ་བ་གཙོར་བྱེད་པ་དང་ནང་རྣལ་འབྱོར་གཙོར་བྱེད་པ་དང་། བྱ་བ་ཏིང་ངེ་འཛིན་གཉིས་ཀྱིས་འགྲུབ་པར་སུ་འདོད་པའོ། ༈ །བྱེད་པས་བསྲུང་བྱའི་ངོ་བོ་སྒྲ་བཤད་ཀྱི་ངེས་ཚིག་རྣམ་གྲངས་ཀྱི་དབྱེ་བ། མི་ཉམས་པར་བསྲུང་བའི་ཐབས་མ་བསྲུངས་པའི་སྐྱོན་བསྲུངས་པའི་ཡོན་ཏན་རྣམས་མང་པོའི་སྒྲ་སུ་ལུས་གནས་སོ། ༈ །དོན་དམ་དག་པའི་ཡེ་ཤེས་ཀུན་རྫོབ་ཏུ་སྐུ་བདེར་གཤེགས་གསུང་པདྨ་ཐུགས་རྡོ་རྗེ་གསུམ་དུ་མཐོ་འཇམ་རྩུབ་སྒོ་གསུམ་དུག་གསུམ་རྣམས་གནས་པ་ལ། །དམ་པར་བཟུང་སྟེ་དེ་རིགས་གསུམ་དུ་ཤེས་རབ་ཀྱི་བརྟགས་པ་ལ། །བྱང་སེམས་གཉིས་པོ་དེ་ལས་འགལ་བར་གྱུར་ཅིང་དམ་ཚིག་ཉམས་པར་འགྱུར་བ་ལས། །སྒོ་གསུམ་གྱིས་བསྲུང་བྱར་རྒྱུད་ལས་གང་གསུངས་པ་དེའོ། ༈ །དོན་དམ་ཀུན་རྫོབ་བྱང་ཆུབ་སེམས་རྣམ་པ་གཉིས་ནི་དམ་པའི་༠༽དོན། །ཡིན་ནོ། །དེ་ལ་བློ་༼༠༽གནས་༼༡ན་དེ་ལས་འགལ་༡༽ན་རྣམ་༼༡པར་རྟོག་༡པ་རང་༡༽གི་རྒྱུད་༡སྲེག་༡༡པས་ན་ཚིག་སྟེ། །ངོ་བོ་༼༠༽ སྐྱོན་༡༽དང་༢ཡོན་༼༡ཏན་༢༢གྱི་༢། །སྒོ་ནས་ངེས་པའི་ཚིག་ཏུ་བརྗོད་དོ། ༈ །སངས་རྒྱས་པ་སྤྱིའི་དམ་ཚིག་དང་ཀྲི་ཡ་བ་ཁྱད་པར་གྱི་དང་ལྷག་པ་ལྷའི་དམ་ཚིག་དང་གསུམ་སྟེ། ༈ །རང་བཞིན་དང་བཅས་པའི་ཁ་ན་མ་ཐོ་བ་རྣམ་པ་གཉིས་ལས། །སངས་རྒྱས་ཀྱི་བསྟན་པའི་སྒོར་ཞུགས་པ་སྤྱི་ཡིས་ལྡོག་པར་བྱའོ། ༈ །ཁྱད་པར་གྱི་དམ་ཚིག་ལྔ་ཚན་གཉིས་བཅུ་དང་གསུམ་དུ་གསང་བ་སྤྱི་རྒྱུད་ལས་རྩ་བའི་དམ་ཚིག་བཅུ་གསུམ་གསུངས་པ་སྟེ། །གསུམ་པོ་དཀོན་མཆོག་རིན་ཆེན་ལ་དད་པ་བརྟན་པ་བྱ་བ་དང་གཅིག །རྟག་ཏུ་ཕྱག་རྒྱ་ཆེན་པོ་ཡི་དམ་གྱི་རིག་སྔགས་གསང་སྔགས་དཀྱིལ་འཁོར་གྱི་ལྷ་༡ལ་ལྷག་པར་ལ་མོས་པ་དང་གཉིས་དད་༡པར་བྱ་བ་དང་གསུམ། །བླ་མ་༼ཿ༽དམ་ཚིག་ཅན་དང་མཛའ་བོའི་མཆེད་༼ཿ༽ལ་༼༔༽གུས་༼ཿ༽པར་བྱ་བ་དང་བཞི་ཤིང་༼༔༽བྱམས་པར་བྱ་བ་དང་ལྔ། །ལྷ་རྣམས་ལ་མི་སྡང་བར་གུས་པར་བྱ་བའི་ཕྱིར་སྨེ་བ་མི་གཙང་བ་སྤང་བར་བྱ་བ་དང་དྲུག །ལྷ་ཡེ་ཤེས་སེམས་དཔའ་རྗེ་བོར་དམིགས་ལ་འབགས་བརྩོག་མེད་པར་གཙང་མས་དུས་མཚམས་སུ་མཆོད་པར་བྱ་བ་དང་བདུན། །ལོག་ལྟའི་སྡིག་ཅན་མུ་སྟེགས་ཀྱི་སྟོན་པ་གཞན་གྱི་གཞུང་མི་བསྟེན་པ་དང་བརྒྱད། །སྲོག་ཆགས་རྣམས་ལ་སྙིང་རྗེའི་ཐག་པ་རྟག་ཏུ་རྒྱུན་མི་གཅོད་པ་དང་དགུ། །ཡང་ན་གོང་ལ་སྦྱར་བ། གཙང་། བཟའ། བགོ། དུས། རྟེན། སྔགས། བྱ་བ་དྲུག་ལ་གནས་ཏེ་ཐེག་པ་ལ་དགའ་བ། ཏེ་བཟླས་བརྗོད་ལ་འབད་པ་ཡིས་བསོད་ནམས་ལ་ནན་ཏན་བསྐྱེད་པ་དང་བཅུ། །གཙོ་རུ་གསང་སྔགས་ཀྱི་བཟླས་བརྗོད་ཀྱི་སྤྱོད་པ་ལ་བརྩོན་པར་གནས་པ་དང་བཅུ་གཅིག་པ་དང་། དམ་ཚིག་མེད་པ་རྣམས་སྤང་ཞིང་སྔགས་རྒྱ་མི་སྦྱིན་པ་དང་བཅུ་གཉིས་བཀའ་རྒྱུད་ཀྱི་དོན་བསྲུང་ཞིང་བརྟག་པ་ལ་བདག་གིས་རྟོགས་པར་བྱ་བ་དང་བཅུ་གསུམ་མོ། ༈ །ལྷག་པརའི་དམ་ཚིག་ནི་དངོས་པོའི་གནས་ལུགས་རིགས་གསུམ་གཙོ་བོར་བཞག་སྟེ། །བྱང་ཆུབ་སེམས་གང་རྡོ་རྗེ་སྟེ། ཤེས་རབ་དྲིལ་བུའི་ཞེས་སུ་བརྗོད། ཅེས་པ་དེ་གཉིས་ཀྱི་ཕྱག་རྒྱ་དང་། །སངས་རྒྱས་ཀུན་དང་མཉམ་པའི་བླ་མ་དང་གཉིས་ཐུགས་རྡོ་རྗེའི་རིགས་ལ་བསྟེན་ཅིང་གནས་སོ། །ཕྱི་ནང་གསང་བའི་ཐེག་པ་གསུམ་གསུང་བསྒྲགས་པ། །སྟེ་ཕྱི་ནང་གི་ཡན་ལག་གཉིས། གསུང་པདྨ་ཅན་གྱི་རིགས་ལ་གནས་པས་དམ་ཆོས་བསྟེན་ནོ། །དཀོན་མཆོག་རིན་ཆེན་གསུམ་གཟུང་བ་དང་། སྡོམ་པ་གསུམ་ལ་གནས་པ་དང་བཞི་ནི། །སྐུ་ཡི་བདེ་གཤེགས་ཀྱི་རིགས་སྒྲུབ་པ་ཡིན་ནོ། །གང་རིགས་གསུམ་དུ་གནས་ན་མཐོ་བ་སྐུ་འཇམ་པ་གསུང་རྩུབ་པ་ཐུགས་དང་ནང་གི་དངོས་པོ་སྒོ་ལུས་༼ཀཱ་༽ངག་༼ཝཱ་༽ཡིད་༼ཙི་༽གསུམ་དང་། །ཉོན་མོངས་པ་དུག་གསུམ་གྱི་སྐུ་གཏི་གསུང་འདོད་ཐུགས་ཞེ་ཀྱི་རིགས་སུ་གནས་པར་ཤེས་པར་བྱའོ། ༈ །དམ་ཚིག་དེའི་བསྲུང་ཐབས་དོན་ལ་མི་འགལ་བར་གནས་པར་བྱ་བ་སྟེ། །འདིར་ལུས་མདོ་ཙམ་སྨོས་ཀྱི་བསྲུང་ཐབས་ཡན་ལག་རྒྱས་པ་དང་། །བཅས་པར་ང་ཡ་རང་གི་གཞུང་བཞིན་དུ་བསྲུངས་ཏེ་དམ་ལ་གནས་པར་བྱའོ། ༈ །མ་བསྲུངས་པའི་སྐྱོན་དང་བསྲུངས་པའི་ཡོན་ཏན་རྒྱུ་ཡི་ཐེག་པའི་འདུལ་སྡོམ་གྱི་རྗེས་སུ་མཐུན་པ་ལས། །གཞན་ཡང་། རྒྱལ་བའི་བཀའ་སྤངས་པ་ཡིན་པས་རྡོ་རྗེ་དམྱལ་བའི་ཁབ། །ཏུ་ལྷུང་ནས་སྡུག་བསྔལ་བཟོད་པར་དཀའ་བའི་རྣམ་པར་སྨིན་པའི་འབྲས་བུ་མྱོང་ངོ་། ༈ །སྐྱོན་དེ་ལས་བཟློག་པའི་ཡོན་ཏན་འོག་མ་བས་ཁྱད་པར་དུ་འཕགས། །པ་ནི་བདེ་བར་གཤེགས་པའི་དགོངས་པ་དང་སྤྱོད་པ་དམ་ལ་གནས་ན་འབད་རྩོལ་མེད་པས་ལྷུན་གྲུབ་པ། །ཡོན་ཏན་གྱི་གྲངས་མཐའ་རྒྱལ་བས་ཀྱང་བརྗོད་ལས་འདས་པར་རྒྱུད་ལས་གསུངས་སོ། ༈ །བྱ་བ་ཏིང་འཛིན་གཉིས་ཀྱི་དབང་གིས་འབྲས་བུ་བསྒྲུབ་པའི་དམ་ཚིག་ཀྱང་། །ངོ་བོ་ལ་སོགས་པ་ལྔ་དང་དབྱེ་བའང་སྤྱི་དང་ཁྱད་པར་གྱི་དམ་ཚིག་བྱ་བའི་རྗེས་སུ་མཐུན་པ་ལས། ༈ །ལྷག་པའི་དམ་ཚིག་ནི་ལྷར་རིགས་བཞིར་དངོས་པོ་རྣམས་གནས་པ་སྟེ། །དེ་ཡང་རིགས་ལྔ་ལ་ཡུལ་སྐུ་དང་ཉིད་ཡུལ་ཅན་ཐུགས་སམ་བྱ་བ་ཡོན་ཏན་ཉིད་དང་བྱེད་པ་ལས་སམ། །གང་ཡང་རུང་བ་གཅིག་ཏུ་བསྡུས་པ་ལས། །ལྷ་རིགས་བཞི་བསྒྲུབ་པ་ནི་རྣལ་འབྱོར་གྱི་གཞུང་ཡིན་ནོ། ༈ །རྣལ་འབྱོར་གཞུང་གི་སྲུང་བྱེད་དམ་ཚིག་གི་ངོ་བོ་ཡང་། །བྱ་བའི་རྗེས་སུ་མཐུན་པ་ལས་ལྷ་རིགས་ལྔའི་ངོ་བོར་འབྲེལ་པ་ལ་དམ་པར་བཟུང་བ་ཡིན་ནོ། ༈ །དམ་ཚིག་གི་མིང་དོན་ངེས་པའི་ཚིག་ཀྱང་རྗེས་སུ་མཐུན་པ་ནི་ངོ་བོ་དེ་བཞིན་ནོ། ༈ །སྤྱི་ཡི་དམ་ཚིག་ནི་སངས་རྒྱས་པ་ཀུན་གྱི་བསྲུང་བྱའི་དོན་ནོ། ༈ །ཁྱད་པར་གྱི་དམ་ཚིག་བདུན་དུ་གསུངས་པར་མངོན་ཏེ། དེ་ཡང་། དཀོན་མཆོག་གསུམ་ནི་ཡོང་མི་སྤང་། །དུས་ཀུན་ཏུ་ནི་བྱང་ཆུབ་སེམས། །སྙིང་པོ་སྔགས་དང་ཕྱག་རྒྱ་དང་། །ལྷ་དང་བླ་མ་དེ་བཞིན་ནོ། །རྡོ་རྗེ་མཆེད་དང་གསང་བ་མི་བསྒྲག་པའི་དམ་ཚིག་ཀྱང་ལོགས་སུ་བསྟན་གསུང་ངོ་། །གསུམ་དང་བྱང་ཆུབ་ཀྱི་སེམས་མི་སྤང་བ་དང་སྔགས་དང་། །སྙིང་པོ་དང་ཕྱག་རྒྱ་ཆེན་པོ་ཡིད་དམ་པའི་ལྷ་དང་། །བླ་མ་༡མཆེད་༢ ལ་༡༢གུས་ཤིང་༢གདུང་། །གསང་བའི་དོན་གཞན་ལ་བསྒྲགས་པ་མིན་པའོ། ༈ །ལྷག་པའི་དམ་ཚིག་ནི་གནས་ལུགས་ཀྱི་དོན་ལ་གནས་དེ་ལྷ་རིགས་ལྔ་ལ་དཔལ་རྡོ་རྗེ་རྩེ་མོ་ལས་རྩ་ལྟུང་བཅུ་བཞི་གསུངས་སྟེ། །བྱ་བ་དང་རྡོ་རྗེ་པདྨ་དེ་བཞིན་གསུམ་རྗེས་རིན་ཆེན་རིགས་ལ། །ཟང་ཟིང་། བྱམས་དང་། མི་འཇིགས། ཆོས་སྦྱིན་པ་རྣམ་བཞི་རབ་ཏུ་སྦྱིན་ཚིམ་པར་བྱ་སྟེ་ཉིན་རེ་རེ་ལ་དུས་གསུམ་མམ་ལན་དྲུག་ཏུ་དུ་སྦྱིན་ཏེ་ཡན་ལག་བཞིས་སོ། །ལས་ཀྱི་རིགས་ལ་སྡོམ་པ་ཐམས་ཅད་ཀུན་ལྡན་ཅིང་རྫོགས་པ་ནི། སེམས་ཅན་ཀུན་དོན་བྱ་བ་དང་། །མཆོད་པའི་ལས་རྣམས་ཅི་ནུས་བྱ། །ཞེས་པས་ཡན་ལག་གཉིས་སོ། །ལྷག་པར་མཆོད་པའི་ལས་བྱའོ། །ཕུང་པོ་ལྔ་འབྱུང་བ་ལྔ་ཉོན་མོངས་ལྔ། །ཡུལ་ལྔ་དབང་པོ་ལྔ་ཁ་དོག་ལྔ་ཕྱོགས་ལྔ་རིགས་ཤེས། །དེ་དག་ཀུན་ཀྱང་ལྷག་པར་རིགས་ལྔ་དང་འབྲེལ་པས་དེ་ལས་འདའ་བར་དཀའོ། ༈ །བསྲུང་བའི་ཐབས་དང་སྐྱོན་དང་ཡོན་ཏན་དང་བྱ་བའི་རྗེས་བཞིན་དུ་གནས་སོ། ༈ །རྣལ་འབྱོར་ནང་གི་རྟགས་ལྟ་སྤྱོད་ལ་སོགས་པ་བཏབ་པས། །དམ་ཚིག་ཅེས་སུ་རྗོད་པའི་སྒྲ་དེ་ཡང་། །སེམས་ཉིད་ཡིན་ལུགས་ཀྱི་དོན་ལ་སྒྲ་ཞུགས་པ་ཡིན་སྟེ། །བསྲུང་བྱའི་ངོ་བོ་རྩ་བ་ལྔ་དང་འོག་མ་དང་ཐུན་མོང་བདག་དོན་དང་གཞན་དོན་དང་ཐུན་མོང་མིན་བ་ཉེར་ལྔ་སྟེ་ཡན་ལག་གཉིས། རྩ་བ་མཉམ་པ་ཆེན་པོར་བསྲུང་སྡོམ་ཐམས་ཅད་མདོ་འབྲེལ་བར་གནས་སོ། ༈ །སྣང་སྟོང་གཉིས་སུ་མེད་པའི་རང་བྱུང་གི་ཡེ་ཤེས་ནི་དམ་པའི་དོན། །ཡིན་ལ་རྟོགས་ཏེ་དེའི་ངང་ལ་གནས་༡པའི་དང་མི་གནས་པའི་སྐྱོན་༡ཡོན་༡ཏན་༡༡ལས། །རྣམ་༡པར་རྟོག་པ་༡དང་རང་༡གི་རྒྱུད་༠དུཿཁས་སྲེག་༡༠ པས་ན། །དམ་ཚིག་ཅེས་ནི་ངག་ཏུ་རྗོད་པ་ཡིན་ནོ། ༈ །སྤྱིར་དམ་ཚིག་ནི་བསྲུང་བར་བྱ་བའི་དོན་དང་འགལ་བས་ན། །སངས་རྒྱས་བསྟན་པའི་བྱ་བ་མིན་ཅིང་རང་གཞན་གྱི་དོན་དུ་མི་འགྱུར་བའི་ལས་རྣམས་ལ། །རྣལ་འབྱོར་ཆེན་པོས་སྒོ་གསུམ་བསྡམ་མོ། ༈ །མ་ཧཱ་ཁྱད་པར་གྱི་དམ་ཚིག་རྩ་བ་ལྔ་དང་ནི། །ཡན་ལག་བཅུ་ཚན་གཉིས་ལ་ཉི་ཤུ་རྩ་ལྔ་རྣམས་ལ། ༈ །བླ་མ་ལྔ་སྒོ་གསུམ་གྱིས་བཀུར་ཞིང་བསྐྱེད་རྫོགས་གཉིས་ལ་ཞུགས་པའི་མཆེད་གྲོགས་ལ་གདུང་བ་གཉིས་ནི། །སྐུ་ཡི་དམ་ཚིག་ལ་གནས་པ་ཡིན་ནོ། །ཡི་དམ་ལྷ་ཡི་ཕྱག་རྒྱ་བཞི་དམ་ཚིག་ལས་ཆོས་སྐུ་སྙིང་པོར་རྩ་བ་བསྐྱེད་པ་ལས་ཀྱི་སྔགས་དང་། བཅས། །པ་རྒྱུན་མི་གཅད་པ་ནི། གསུང་གི་དམ་ཚིག་ལྷ་སྒྲུབ་པ་ཡིན་ནོ། །བླ་ན་མེད་པ་བྱང་ཆུབ་ཀྱི་སེམས་མི་སྤང་བ་དང་གསང་བཅུ་སྣོད་མིན་ལ་སྦ་བ་གཉིས་ནི། ཐུགས་ཀྱི་དམ་ཚིག་བསྲུང་བའོ། ༈ །བྱང་སེམས་དང་པདྨ་རཀྟ་དང་། །དྲི་ཆེན་དང་དྲི་ཆུ་དང་མཾ་ས་དང་ལྔ་དང་དུ་བླང་སྟེ་ཅིས་ན། །ནད་ལྔ་སེལ་བ། རིགས་ལྔའི་དངོས་གྲུབ་ཐོབ། ཐུན་མོང་གི་དགོས་པ་ལྔ་གྲུབ་པ་ཡིན་༼༠ྃ༽དང་༼༔༽ཆོས་ཉིད་རང་གི་རང་བཞིན། ཆོས་ཅན་རང་ངོ་བོ། བྱིན་གྱིས་རླབས། མཐུས་གྲུབ་པ་༼༠ྃ༽གསུམ་༼༔༽བཞིས་སོ། ༈ །འདོད་ཆགས་དང་ཞེ་སྡང་དང་ང་རྒྱལ་དང་ཕྲག་དོག་དང་རྨོངས་པ་གཏི་མུག་རྣམས་སུ། །རང་རིག་པ་ཉིད་རང་ཤར་བའི་ཕྱིར་དོན་ལ་སྤང་བྱ་མེད་པས་མི་སྤང་བ་ལྔའོ། ༈ །སྟ་ན་སྒྲོལ་བ་དང་གྷ་ན་སྦྱོར་བ་མ་བྱིན་ལེན་པ་དང་བརྫུན་དང་། །ངག་བརླང་པོའི་ཚིག་དང་ལྔ་དོན་བཞིར་འགྱུར་ན་གཞུང་བཞིན་དུ་སྤྱད་པར་བྱའོ། ༈ །ཕུང་པོ་༡ལྔ་འབྱུང་བ་༢ལྔ་རྣམ་ཤེས་༣ལྔ་དབང་༤པོ་ལྔ། །ཡུལ་༥ལྔ་ཕྱོགས་༦དང་༧ཁ་དོག་འདས་པ་སོགས་བསྡུ། རིགས་༡ལྔ་དང་ཡུམ་༢དང་ཡེ་ཤེས་༣དང་། །སེམས་༤དཔའ་སེམས་༥མ་གཞལ་༦ཡས་ཁང་ཞིང་༧ཁམས། །རང་རྒྱུད་པ་ལས་ཁྱད་པར་དུ་འཕགས་པ་རིགས་ལ་སོགས་པར་ཤེས་པར་བྱ་བ་ལྔའོ། ༈ །རྡོ་རྗེའི་༡དེ་བཞིན་གཤེགས་༡པའི་དང་། །ནོར་བུའི་༡པདྨའི་༡ ལས་༡ཀྱི་རིགས་༡༡༡༡༡ལྔ་བསྒྲུབ་པར་བྱའོ། །ཁྱད་པར་གྱི་དམ་ཚིག་དེ་དག་དགོངས་པ་དང་སྤྱོད་པ་ལ་གནས་པ་དང་དེའི་ངང་དུ་ཤིང་རྫོགས་པའོ། ༈ །ལྷག་པའི་དམ་ཚིག་ནི་དོན་རྟོགས་པའི་ངང་ལ་རྒྱུན་དུ་སྤྱོད་སྒོམ་མི་འབྲལ་བར་གནས་པའོ། ༈ །དེ་དག་བསྲུང་བའི་ཐབས་ནི་གྲངས་ཀྱི་རྗེས་སུ་མཐུན་པར་སྤྱི་དང་ཁྱད་པར་ལྷག་པ་རྣམས། སོ་སོ་ཉམས་པའི་ཆད་པ་ཉེས་པ་བློ་ལ་བཞག་སྟེ། །རྟོགས་པའི་ཁ་འབྱམས་ཙམ་ལས་གདེང་མེད་པའི་བར་དུ། །ཡན་ལག་ཕྲ་མོའི་ཕྲ་མོའང་ཉིང་ལག་བསྒྲིམས་ལ་དྲན་པ་དག་ཤེས་བཞིན་གྱིས་བསྲུང་ངོ་། ༈ །དམ་ཚིག་ལ་མི་གནས་པའི་སྔགས་པ་དེ། །ན་རག་དམྱལ་བ་རྡོ་རྗེའི་ལས་ཐར་པའི་དུས་མེད་པས་གཏན་གཞི་སྟེ། །རྟོགས་པ་དོན་སྤྱི་ཡིས་དམ་ཉམས་དེ་མི་སྐྱོབ། །སེམས་འཛིན་ཏིང་ངེ་གནས་པས་དུཿཁ་ཆུ་བོ་ལོན་མིན་ཏེ་མི་ལོག་གོ། ༈ །བསྲུངས་པའི་ཡོན་ཏན་ཚད་མེད་པ་རྒྱལ་བས་ཀྱང་བརྗོད་པར་དཀའ་སྟེ། །དཀར་པོའི་ཆོས་ཐམས་ཅད་ཀྱི་རྩ་བ་ཤེས་སྒྲུབ་ཀྱི་དོན་གྱི་བཅུད། །ལས་བརྩམས་སོ་ཙམ་གྱི་གཞི་མར་གནས། །མཆོག་ཐུན་མོང་གི་དགོས་པ་ཐམས་ཅད་འབྱུང་ཞིང་ལྡན་པས་ཕུན་སུམ་ཚོགས་ཞེས་བྱའོ། ༈ །ལྷག་པར་ཤིན་ཏུ་རྣལ་མར་འབྱོར། །བདག་གཞན་གཉིས་ཀ་ཆོས་ཀྱི་དོན་བཞིར་སྔར་བསྟན་པ་ལམ་འབྲས་ཀྱི་རྩ་བ་རྣམས་གྲངས་སུ་བཏབ་ལ། །ཚུལ་བཞིན་དུ་བདེན་ངེས་པར་དང་དུ་བླང་། །ཕྲ་མོའི་ཕྲ་མོ་ཡན་ཆད་བསྡམ་པ་ལ་བསྲུང་། །རྩོལ་བས་མ་བཙལ་བར་འགྲོ་བའི་དོན་བྱེད་པ་ལ། །འདུལ་བྱེད་ཀུན་ཀྱང་གདུལ་བྱ་ཀུན་གྱི་ཕྱོགས་འཛིན་ལས་གྲོལ་བར་འདུལ་བའོ། ༈ །རྩོལ་བྲལ་རིག་པའི་དམ་ཚིག་ནི། །གཅིག་ཅེས་པ་དང་འདི་ཞེས་པའི་གྲངས་སུ་བཏབ་པར། །དོན་གནས་པ་མིན་ལ་གནས་སྐབས་སུ་གྲངས་ལ། །དགོས་པ་ཡོད་པས་བསྲུང་བྱ་མེད་པ་ལ་ཕྱོགས་འཛིན་ཕྱལ་བ་དང་། །ཐ་དད་དུ་དབྱེར་མེད་གཅིག་པུ་མ་བཙལ་བར་ལྷུན་གྲུབ་རྣམ་པ་བཞིའོ། ༈ །སྤང་བླང་གི་ཕྱོགས་དང་གྲངས་ཀྱིས་བཏབ་ནས་བསྲུང་བར་བྱ་བ་དང་། །བྲལ་བས་མེད་པའི་དམ་ཚིག་ཡིན་ནོ། ༈ །དོན་ཕྱོགས་མེད་པ་ཡིན་མིན་དང་ཡོད་མེད་དང་བདེན་བརྫུན་གྱི། །འཛིན་པ་དང་ཡེ་ནས་བྲལ་བས་ཕྱལ་བའི་དམ་ཚིག་ཡིན་ནོ། ༈ །ཐིག་ལེ་ཉག་གཅིག་ལ་འཁོར་༡འདས་༡དང་བདག་གཞན་དང་བཟང་༡ ངན་༡དུ། །དབྱེར་མེད་པས་གཅིག་པུའི་དམ་ཚིག་ཡིན་ནོ། ༈ །རང་མཚན་རྟོགས་པའི་ངང་ལ་གནས་པས་ཉམས་པ་ལས་གྲོལ་བ་ཡིན་པས། །རྩོལ་བས་བཙལ་དུ་མེད་ཡོན་ཏན་ལྷུན་རྫོགས་སུ་ཡེ་ནས་གྲུབ་པའོ། ༈ །འདུལ་སྡོམ་དམ་ཚིག་གསུམ་གྱི་ཁྱད་པར་སྔར་བསྟན་པ་ལས་གཞན་ཡང་མདོར་བསྡུ་ན། ༈ །དགེ་བ་དང་སྡིག་པའི་ལས་དངོས་གཞི་གཙོ་བོའི་ཁྱད་པར་ལ་གཙོ་བོར་བསྟན་ཅིང་། །སེམས་ཅན་གཞན་ལ་གནོད་པའི་སྦྱོར་བ་རྣམ་པ་ཀུན་ཏུ་སྤངས་ནས། །སྤང་བྱ་བརྒྱད་ལྔ་ལ་སོགས་པ་ཐ་དད་སྤངས་པས་རྣམ་སྨིན་སོ་སོ་ཐར་པའོ། །རང་གི་དོན་དོན་དུ་བྱ་བའི་གཙོ་བོ་རུ་བྱེད་པས་རང་གི་སྒོ་གསུམ་འདུལ། །སྔོན་གྱི་འཕགས་པ་རྗེས་སུ་སློབ་པའི་དགྲ་བཅོམ་པའི་རྗེས་སུ་སློབ་པ་ནི། །སོ་སོར་ཐར་པའི་རིགས་བདུན་ནམ་བརྒྱད་འདུལ་བའི་གཞུང་ཡིན་ནོ། ༈ །དུཿ ཁ་དང་བྲལ་བར་འདོད་པའི་སྙིང་རྗེ་དངོས་ཆེན་པོ་གཙོ་བོར་བསྟན་ཅིང་། །སེམས་ཅན་ལ་གནོད་པ་སྤངས་ནས་དེའི་སྟེང་དུ་གཞན་ལ་ཕན་པ་རྒྱ་ཆེན་པོ་སྒྲུབ། །འབྲས་བུ་བྱང་ཆུབ་དང་སེམས་ཅན་གཞན་གྱི་དོན་དུ་སྡོམ་པའོ། །དོན་དུ་གཞན་དོན་གཙོ་རུ་བྱེད་ཅིང་ཕན་སེམས་ལ་བརྩོན། །རྗེས་སུ་ས་ལ་གནས་པའི་བྱང་ཆུབ་སེམས་དཔའ་འཇམ་དཔལ་ལ་སོགས་པའི་རྗེས་སུ་སློབ་པ་ནི། །བྱང་ཆུབ་སེམས་དཔའི་སྡོམ་པ་ཡིན་ནོ། ༈ །རང་གི་སྒོ་དངོས་གཞི་གསུམ་ལྷའི་ཀཱ་བཱ་ཙི་རྡོ་རྗེ་དབྱེར་མེད་གཙོ་བོ་རུ་བསྟན། །གནོད་སྤངས་ཕན་པ་སྒྲུབ་པ་ལས། །སྔོན་བྱུང་རྒྱལ་བའི་མཛད་པ་ལྟར་རྗེས་འཇུག་གང་ཟག་ཀྱང་ཉམས་སུ་ལེན། །དོན་རྟོགས་པའི་ངང་ལ་གནས་པས་བསྲུང་བྱ་ཐམས་ཅད་རྫོགས། །དོན་དུ་བདག་གཞན་གཉི་ག་ཆོས་ཀྱི་དོན་རྣམས། །གྲུབ་པར་བྱ་བའི་དོན་ཆེད་དུ་རྟོགས་པའི་དོན་ལ་བློ་གནས། །རྗེས་སུ་རྒྱལ་བ་ཉིད་ཀྱི་རྗེས་སུ་མངོན་བྱང་ལྔ་དང་ཏིང་ངེ་གསུམ་གྱིས་སློབ་པ་ནི། །རིག་པ་འཛིན་པ་གསང་སྔགས་པའི་དམ་ཚིག་ཡིན་ནོ། ༈ །གནས་ལུགས་བྱང་ཆུབ་ཀྱི་སེམས་ལྷུན་གྱིས་གནས་པའི་བདེ་ཆེན་ལས་མི་འདའ་བས་དམ་པའི་ངང་དུ། །རྩོལ་བ་དང་བྲལ་བར་ཡེ་ནས་གནས་པ་དེ་ལ་ཉམས་པ་ཡི། །འཇིགས་དོགས་གདོད་མ་ནས་མི་གནས་ཏེ། །ཀ་ནས་དག་པ་ལ་ཆེ་བའི་ཡོན་ཏན་ཐམས་ཅད་ལྷུན་གྲུབ་ཏུ་གནས་པ་ནི་གདེང་༼༠༽ཡིན་ནོ། ༈ །ཉམས་དོགས་མེད་པ་དེས་༼༠༽ན་བསྲུང་བར་བྱ་བའི་ཕྱོགས་རིས་དང་རྣམ་གྲངས། །རྣམ་པར་དབྱེ་བ་དང་བཟང་ངན་དང་། །བསྲུང་མཚམས་སུ་བཟུང་བ་རྣམས་བསྲུང་མེད་ཀྱི་དམ་ཚིག་ལ་མི་གནས་པས་བདེ་བ་ཆེ། །བསྲུང་བྱ་སྲུང་བྱེད་ཀྱི་རྩོལ་བ་དང་བྲལ་བར་ངེས་པའི་སྲོག་གིས་བསྲུང་དུ་མེད་པའི་དམ་ཚིག་ལ་གནས་སོ། ༈ །བསྲུང་བརྩོལ་མེད་པ་དེ་ཡི་ངང་ལ་དུས་རྟག་ཏུ་གནས་ན། །འདུལ་སྡོམ་དམ་ཚིག་ཐུན་མོང་བ་བསྲུང་མཚམས་ཅན་གྱི་ཡོན་ཏན་རྣམས་འདིའི་ཆ་ལ་རྫོགས་ཏེ། །ནོར་བུ་རིན་ཆེན་གྱི་ཡོན་ཏན་གྱི་ཞོར་ལ་ནོར་བུ་ཕྲན་བུ་རྣམས་འབྱུང་བ་ལྟར་རོ། །འོག་མ་བ་ལས་ཁྱད་པར་དུས་གྱུར་པའི་ཡོན་ཏན་ནི་བདེ་བ་ཆེན་པོ་ལྷུན་གྲུབ་གྱིས་གནས། །ཏེ། སྲིད་གསུམ་འཁོར་བའི་སྡུག་བསྔལ་དང་ཐེག་བརྒྱད་རྩོལ་བའི་ནད་ལས་ཡེ་ནས་གྲོལ་བས་སོ། །དོན་བཞི་པོ་ཀུན་རྩོལ་བས་མ་བཙལ་བར་ལྷུན་གྱིས་གྲུབ། །ཐུགས་རྗེ་ཕྱོགས་དང་རིས་མི་མངའ་བར་འཁོར་འདས་ཀུན་ལ་ཏུ་སྙོམས་པར་ཁྱབ་པས། །རྩོལ་བྲལ་གྱི་མཛད་པ་རྒྱུན་མ་ཆད་པར་འཁོར་འདས་ཐམས་ཅད་བདེ་ཆེན་དུ་གྲོལ་བའོ། ༈ །ཐུན་མོང་ཁྱད་པར་ཡོན་ཏན་དེ་ལས་བཟློག་པའི་སྐྱོན་ཡང་དེའི་རྗེས་སུ་མཐུན་ཏེ། །རྩོལ་མེད་ཀྱི་ཐེག་པ་འདི་དང་བྲལ་ཏེ་མི་གནས་པའི་རྣལ་འབྱོར་པ་ནི་སྙིང་པོ་མེད་པས་སྦུན་པ་པ། །རྩོལ་བཅས་ཀྱི་ཐེག་པ་ལ་ཇི་ལྟར་འབད་རྩོལ་དང་བརྩོན་འགྲུས་བྱས་ཀྱང་། །སྐྱེ་འཇིག་དང་བཅས་པས་འཁོར་བའི་འབྲས་བུ་ཉིད་དུ་འགྱུར་ཏེ། །རང་རང་གི་གཤིས་ཀྱི་ཡིན་ལུགས་གནད་དུ་མ་སོང་སྟེ་མཐར་མ་ཕྱིན་པས། །ལམ་གྱི་རྒྱུ་རྐྱེན་འདུས་ཏེ་བྱས་པའི་འབྲས་བུ་སླར་འཇིག་པས་འབྲས་བུ་མཐར་ཐུག་པ་མེད་པས། །ལམ་གྱི་རྩོལ་བས་ངལ་ཅིང་ཐང་ཆད་པའི་སྡུག་བསྔལ་ཡོད་ལ། །རྩོལ་མེད་ལྷུན་གནས་བདེ་ཆེན་གྱི་སྙིང་པོའི་སྲོག་དང་བྲལ་ལོ། ༈ །སྐྱོན་དེ་ལ་ངེས་པར་བསྲུང་བའི་ཐབས་ནི། །འོག་མ་པ་ལྟར་གྲངས་སུ་བཏབ་པ་དང་བསྲུང་བྱ་སྲུང་བྱེད་ཀྱི་རྩོལ་བས་བསྲུང་བའི་ཐབས་འདིར་མིན་ཏེ། ༈ །བླ་མའི་དྲིན་གྱིས་རྟོགས་པ་ཐོབ་པའི་ངང་དུ་དྲན་པས་དེའི་སོ་མ་ཤོར། །བར་བྱས་ཏེ་དྲིན་གྱིས་གང་རྟོགས་ན་མཚོན་པའི་བརྡ་དང་བྲལ་བའི་སྟོང་པ་ཉིད་ཤེས་པ་གསུམ་རང་སར་གྲོལ་བར་ཤར་བ་ནི། །ཡིན་ལུགས་ཀྱི་དོན་རྟོགས་པ་དེའི་སོ་མ་འདས་པ་ཙམ་དུ་དྲན་པས་གཞག་གོ། ༈ །བདེན་པའི་གཤིས་ངེས་པར་རྟོགས་པའི་ངང་དུ་གནས་པ་ནར་སོན་ན། །འཁྲུལ་པའི་སྣང་བ་དང་འཛིན་པ་བཟློག་པའམ་སྤངས་པ་མིན་ཏེ། །མི་མཐུན་པ་ཤེས་པ་གསུམ་པོ་ཉིད་གཉེན་པོར་རྟོགས་གོམས་སུ་རྫོགས་པས། །དགྲ་མིན་ཏེ་རང་ཏང་ལ་ཟོན་ཆས་མི་དགོས་སོ། ༈ །རང་བཞིན་༡ངེས་མེད་མཚན་ཉིད་༢རང་རིག་རྣམ་པར་བྱིན་༣རླབས་ཅན། །ཡིད་ཀྱི་རྣམ་༡རྟོག་དང་ཉོན་ཡིད་གཟུང་༢འཛིན་དང་སྒོ་ལྔའི་མཚན་༣མ་ཉིད། །ཆོས་༡ སྐུ་དང་ལོངས་༢སྤྱོད་རྫོགས་པའི་སྐུ་དང་སྤྲུལ་༣པརའི་སྐུ་རུ་རྫོགས་པས། ། རེ་དོགས་ཀྱི་མ་བཙལ་བར་ལྷུག་པར་གནས་པར་བྱའོ། ༈ །བསྲུང་ཐབས་དེ་ལ་བསྲུང་བྱ་སྲུང་བྱེད་ཀྱི་རྩོལ་བ་དང་ཕྱོགས་རིས་དང་། །དབྱེ་བསལ་ཐ་དད་དུ་འགྱུར་བ་མེད་པས། །ལྷུན་གྱིས་གནས་པ་རྟོགས་པའི་དང་ཉིད་དུ། །སྒོམ་བྱ་བཙལ་མེད་པར་རང་ལུགས་སུ་གནས་པར་བྱའོ། ༈ །བཙལ་མེད་དུ་གནས་པ་དེ་ལས་འབྲས་བུ་མཐར་ཕྱིན་པའང་དེའི་ངང་དུ་རྫོགས། །ཐུན་མོང་གི་ཡོན་ཏན་ཡན་ལག་རྣམ་པར་དབྱེ་བའི་སྐབས་སུ་སྔར་ཡོངས་སུ་རྫོགས་ལ། །ཁྱད་པར་གྱི་ཡོན་ཏན་གྲངས་ཀྱི་མཐའ་ཡི་བརྗོད་པ་ལས་འདས་པས། །གཞུང་འདིར་ནི་སྤྲོས་པ་གཞག་པར་བྱའོ། ༈ །སྐྱོན་ལ་ཡི་མུག་ནས། ཨེ་མ་ཧོ། སྙིགས་མ་ལྔའི་དུས་ལ་བབ་པའི་འགྲོ་བའི་རྒྱུ ད་ནི། །ལས་ཀྱི་སྲིན་པོ་ལྟ་བུར་དགྲོལ་བར་དཀའ། །བདེན་པས་ཀྱང་མི་འདུལ་རང་གི་འདོད་པའི་ཕྱོགས་སུ་བློ་གཏོད་ཀྱང་། །རང་དང་རིགས་མཐུན་པའི་རྫོགས་ཆེན་གྱི་སྐལ་བ་དང་ལྡན་པ་འགའ་ཙམ་ལ་ཕན་པའི་དོན་དུ་གདམས་པའོ། ༈ །ཕྱིས་འགྲོ་བའི་བདེ་སྡུག་མི་དྲན་པར་ཚེ་འདིར་གང་ཕན་པ་འདོད། །འཇིག་རྟེན་འདིའི་དོན་ལ་གནས་པ་རྣམས་ལ་ནམས་ཀྱང་ཐུགས་རྗེའི་དཔྱང་ཐག་ཆད་པ། །དེ་ལ་ཡང་དཀར་ནག་གི་ལས་ཀྱི་འབྲས་བུ་བདེ་སྡུག་འབྱུང་བ་བདེན་པའི་མཐུ་མི་བསླུ་བའི། །གླེང་གཞི་མདོ་རྒྱུད་ནས་གསུངས་པ་བརྗོད་དེ་ངེས་པའི་དོན་ལ་དྲང་བའི་རིགས་ཡིན། ༈ །མི་ལུས་རིན་ཆེན་ཐོབ་ནས་མི་ལུས་དེས་ཀྱང་རིན་ཆེན་དེ་ཀ་སྒྲུབ་པ། །མི་ལུས་དགོས་དང་ཡང་དགོས་ཐམས་ཅད་མཁྱེན་པའི་ཐབས་མི་ཤེས་པས་དོན་ལ་རྨོངས་པ་དེ། །བདག་གཞན་གྱི་དོན་སྐུ་གཉིས་བསྒྲུབ་པར་སེམས་བསྐྱེད་པའི་མཐུ་ཡིས་དེ་དྲང་པར་རིགས་སོ། ༈ །འབྲས་བུ་ཡེ་ནས་ལྷུན་གྱིས་གྲུབ་པར་གནས་ལ་སེམས་ཉིད་རྒྱུ་ཙམ་རྐྱེན་ཚོགས་གཉིས་དང་ས་ལམ་གྱི་རྩོལ་བ་ཡིས། །བསྐལ་པ་གྲངས་མེད་གསུམ་དུ་ལམ་ལ་སྦྱངས་བའི་སེམས་ཀྱིས་གོ་ཆ་གྱོན། །ཡེ་ནས་གནས་པའི་བྱིན་བརླབས་དང་འགག་མེད་ཀྱི་མཐུ་ལས་བསྐལ་བའི་སྐྱེས་བུ་དེ། །ས་བཅུ་ལ་གནས་པ་ལས་གྲོལ་བས་ལོངས་སྐུའི་བརྡ་དགོངས་དང་བྱིན་རླབས་ཀྱི། །ནུས་པའི་མཐུ་ཡིས་དབང་བསྐུར་དྲང་བའི་རིགས་ཡིན་ནོ། ༈ །བྱིན་རླབས་ཅན་གྱི་བདེར་གཤེགས་དེ་བདག་ཉིད་ཀྱི་ངང་ལ་གནས་པ་དེ་ལས་བསྐལ་ནས། །ཕྱི་རོལ་འོག་མིན་གྱི་གནས་ན་བདེ་གཤེགས་པ། །ཀྲི་ཡ་རྗེ་ཨུ་པ་ཡ་དཔོན་ཡོ་ག་གྲོགས་མཆོག་གི་ཚུལ་དུ་གནས་པ་ལ་དངོས་གྲུབ་ཐོབ་ཏུ་རེ་མ་ཐོབ་ཏུ་དོགས་བ་ཅན་དེ། །ལྷ་དང་དངོས་གྲུབ་རང་ལ་རྫོགས་པའི་ངང་དུ་ཕྱི་རྒྱུད་པ་དེ་དྲང་རིགས་ཡིན་ནོ། ༈ །འབྲས་བུ་རང་ལ་ལྷུན་གྲུབ་ཏུ་རྫོགས་པར་སྟོན་པའི་རྒྱལ་བའི་གསུང་འཆང་ཀྱང་མ་ཧཱ། རྩོལ་སྒྲུབ་དང་ཨ་ནུ་རྒྱུ་འབྲས་ལ། །རེ་ཐག་མ་ཆོད་གཉིས་མེད་ཀྱི་ཕྱོགས་སུ་ལྟ་ཞིང་དེ་ལའི་ངེས་པར་འཛིན་པ་ཅན། །རྩོལ་མེད་ཀྱི་དོན་ལས་འགལ་བ་ལ་གནས་སྐབས་ཀྱི་འབྲས་བུ་དོན་གྱི་མཐུ་ཅན། །སྨིན་པ་དེ་ལྷུན་གྱིས་གནས་པ་ལ་རྩོལ་སྒྲུབ་མེད་པའི་བདེ་བ་ཆེན་པོའི་ངང་དུ་དྲང་བའི་རིགས་ཡིན་ནོ། །བདེ་ཆེན་གསུང་གིས་དོན་སྤྱིར་གནས་ཤིང་འདུན་པ་བྱེད་པའི། །ཁ་འབྱམས་རང་མཚན་རྟོགས་པའི་དོན་ལས་བསྐལ་བའི་རང་བདུད་ཅན། །ཕྲལ་བདེ་གཏིང་སྙམ་ཚིག་གི་སྒྲོན་མ་ཅན་ལ། །སྙན་བརྒྱུད་ཀྱི་གདམས་པས་རང་གི་མཚན་ཉིད་ཤར་བར་དྲང་བའི་རིགས་ཡིན་ནོ། ༈ །ལྟ་ཁམ་ནི་དོན་སྤྱི་ཡི་རྣམ་པ་རྩམ་གྱི་གདེང་ལས་རང་མཚན་རྟོགས། ཉེས་ལྟུང་མེད་པའི་ཁུངས་ཕྱུང་ནས། །དམ་ཚིག་ལ་མི་གནས་པར་རྩིང་ཆོས་དང་ང་རྒྱལ་ཅན། །བདག་ལ་བསྟོད་གྲོགས་ལ་སྐུར་པ་འདེབས་བའི་ཚིག་གི་མཚོན་ཆ་ཅན། །དམ་ཚིག་གཅན་འཕྲང་དང་གལ་མདོ་དང་གཡང་ས་ངན་སོང་བསྟན་པས་དྲང་བའི་རིགས་ཡིན་ནོ། ༈ །བོད་པ་ཀྱེ་མ་དམ་པ་སྐྱེས་བུ་ཆེན་པོ་དལ་འབྱོར་གྱི་ལུས་རྙེད་ནས། །དུས་དང་གནས་ཀྱིས་མ་བསྐལ་ལས་སྨོན་གྱི་འབྲེལ་པ་བཟང་བས་སྙིང་པོའི་དོན་སྟོན་པའི་བླ་མ་དང་མཇལ། །སྔར་བློ་སྦྱངས་སམ་རང་གི་ངོ་བོས་ཤེས་པར་བྱ་བའི་རྒྱུད་ཀྱི་དོན་སྤྱིའི་རྣམ་པར་ཆོད་ནས། །འཇིག་རྟེན་འདིའི་བྱ་བྱེད་ཀྱི་ལས་རྣམས་བཞག་སྟེ་བླ་མ་དམ་པའི་རྗེས་སུ་འབྲངས་ཏེ་བཅད་ནས། །ཚེ་འདིའི་དགོས་པ་ཁེ་གྲགས་འགའ་ཙམ་གྱི་ཕྱིར་སྙིང་པོའི་དོན་ལ་གནས་པ་སྤངས་ནས། །དོན་ལ་གནས་པའི་སྐྱེས་ཆེན་གཞན་ལ་སྒྲོ་འདོགས་དང་སྐུར་འདེབས་དཔྱས་བས། །རྣམ་སྨིན་གྱི་འབྲས་བུ་རྡོ་རྗེའི་ཁབ་ཏུ་གཤེགས་དགོས་པ་དེ་ཡ་མཚན་ཆེ། །དེ་སྐད་གཞན་ལ་མ་གླེང་བར་རང་ལ་རང་གིས་ཤེ་གཅད་དོ། ༈ །དེ་ལྟར་དུ་གཞན་བཏང་སྙོམས་སུ་མི་གཞག་པར་གཞན་གྱི་བློ་ནུས་ཚད་དུ་འོག་ནས་གོང་དུ་དྲང་ངོ་། ༈ །ཅིས་ནས་ཀྱང་རང་གི་རྒྱུད་དྲེགས་པའི་མཚོན་རྣོ་ན། །དུས་རེ་ཞིག་བདག་གི་གདུལ་བྱ་མ་ཡིན་པས་ཕྱིས་འདྲེན་པའི་སྨོན་ལམ་བཏབ་ལ། །གཅན་གཟན་རྒྱལ་པོ་སེར་གེའི་ཚུལ་དུ་སྡར་ཚུལ་བླང་སྟེ་གཅིག་པུར་བསྡད། །མི་ཡི་རྒྱལ་པོ་རྣམས་སེང་གེ་བདག་གི་ཐུགས་རྗེའི་ལྕགས་ཀྱུས་གཟུང་ངོ་། །ཕན་གནོད་བྱས་པའི་ལན་གླན་གནོད་པ་ལ་ངན་པར་སྨྲས་པས་སློབ་དཔོན་དགའ་རབ་བདག་དགའ་བར་ག་ལ་རིགས་ཏེ་མི་མཉེས་སོ། ༈ །ཚེ་སྔར་གྱི་ལས་དམ་པས་སྙིང་པོའི་རྟེན་བཟང་པོ་དལ་འབྱོར་བླངས། །སྨོན་ལམ་བཏབ་པའི་གནས་མཐུ་ཆེ་བ་བླ་མ་དམ་པ་དང་ཕྲད། །རིགས་དང་རྒྱུ་དག་པས་སྙིང་པོ་རྣལ་མའི་དོན་རྫོགས། །སྣོད་ཀྱི་སྐྱོན་བཞི་དང་བྲལ་བས་རྟོགས་པ་ཤར་གོམས་པ་གནས་འབྲས་བུ་སྨིན། །རྟོགས་པའི་ཤེས་རབ་དང་གཞན་ཕན་གྱི་ཐུགས་རྗེ་གཉིས་རབ་ཏུ་ལྡན་པས། །རང་གྲོལ་བར་བྱེད་པའི་ནུས་མཐུ་ཆེན་ཡེ་ནས་གྲོལ་བའི་དཔལ། །དུ་གྱུར་པ་འདི། རྩོལ་བས་མ་བཙལ་བར་བདེ་བས་མ་འོངས་པ་ངེས་པར་ལུང་བསྟན་པ་བཀོད་པ། །དེ་ནི་འབྲས་བུ་རིན་ཆེན་དམ་པ་ཐོབ་པར་གནས་པའི། །རྒྱལ་བའི་གདུང་འཛིན་པས་སྲས་རྗེ་བཙུན་ཆེན་པོའོ། ༈ །ལྷུན་གྱིས་གནས་པ་དེ་འཁོར་འདས་སྤྱིའི་དཔའ་ཀུན་ཏུ་བཟང་པོ་དོན་གྱི་ལྷ་ངོ་བོ་ཉིད་ཀྱི་སྐུ། །སྐྱེས་ཆེན་རང་གིས་དབང་བསྒྱུར་ཏེ་མངོན་དུ་བྱས་པས་ཆོས་སྐུས་བཅད། །རྒྱལ་པོའི་རྒྱན་ཅན་ལོངས་སྐུ་སྨིན་པས་ས་ལ་གནས་པའི་དཔལ་དུ་རྒྱས། །རྣལ་མས་འདུལ་བའི་དུས་དྲུག་ལ་བབ་པའི་ཚེ་སྤྲུལ་སྐུ་གསང་བདག་དེས་ཡང་སྤྲུལ་བདག་བསྒྲལ་ཏེ་རང་དོན་རྫོགས་ནས། །ཐུགས་རྗེས་ཀུན་ནས་བསླང་བའི་འབྲས་བུ་ས་ལམ་ཀུན་གྱི་གཞི་འདའ་དཀའི་དམ་ཚིག་དོན་འདི། །འཇམ་དབྱངས་ཀྱིས་བྱིན་གྱིས་བརླབས་པ་ཉིད་ཀྱི་ཐུགས་ཀྱི་སྲས་པོ་བྲམ་ཟེ་སྙིང་པོ་གྲུབ་པས་ལོང་ལ། །ཨ་ཏིའི་སྐལ་ལྡན་རང་དང་རིགས་མཐུན་༡པའི་གང་ཟག་རྣམས་ལ་དམ་ཚིག་འདི་བསྒྲགས་ནས། །དེ་༡དག་གིས་ཀྱང་འདྲིས་པར་བྱས་ལ་སེམས་ལ་གླན། ༈ །འདི་ལ་ནན་ཏན་གྱིས་ཤིན་ཏུ་མ་འབད་ན། །ངེས་པར་དོན་ལས་འཁྱལ་བར་འགྱུར་བས་ལས་བྱས་པ་གང་ཡང་དོན་མེད་དུ་འགྱུར་རོ། ༈ །འདི་བཀོད་པའི་བསོད་ནམས་རིགས་ཅན་སྤྱིར་སྨིན་ནས། །དེ་དག་ཀུན་ཀྱང་མི་འདའ་དམ་གནས་ཀུན་གྲོལ་ཤོག །དམ་ཚིག་རིན་པོ་ཆེ་དེ་ཁོ་ན་ཉིད་དུ་ཆོས་ཐམས་ཅད་ངེས་པ་ཞེས་བྱ་བ། སློབ་དཔོན་དགའ་རབ་རྡོ་རྗེས་མཛད་པ་རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། །སེའི་བནྡྷེ་འབྱུང་ལྡན་གྱིས་མཆན་བུ་རང་གི་རྣམ་རྟོག་དང་མཐུན་པར་བཏབ་པའོ།། །།

ཕྲིན་ལས་ཀྱི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

ཀ རྨ སྱ དྷཱ ཏུ ཏི སྨ། །
ཕྲིན་ལས་ཀྱི་ཀློང་བཞུགས། །
རྒྱ་གར་སྐད་དུ། ཛྙཱ་ན་རིད་ཏི་པྲ་ཏི་ཧཪྻ་ཀརྨཱ་ཙ་ཏྭ་རི་པ་རི་པུཎྞ་ཤཱ་སྟ་ནཱ་མ། བོད་སྐད་དུ། རང་བྱུང་གི་ཡེ་ཤེས་ཅིས་ཀྱང་སྟོང་པ་ལས་རྫུ་འཕྲུལ་གྱི་ཆོ་འཕྲུལ་ཅིར་ཡང་མི་འགག་པར་ལས་བཞིར་ཡོངས་སུ་རྫོགས་པར་འཆར་བར་བསྟན་པ་ཞེས་བྱ་བ། ༈ །རང་བཞིན་བཅོམ་རྣམ་པ་ལྡན་མཚན་ཉིད་འདས་རང་བྱུང་ཡེ་ཤེས་ཀྱི་རོལ་པ་མི་འགག་པའི་ཐུགས་རྗེས་མཛད་པ་ལས་བཞིར་རྫོགས་པ་སྤྲུལ་པའི་སྐུ་ལ་ཕྱག་འཚལ་ལོ། ༈ །འགྲོ་བ་རྣམས་རང་དང་མཐུན་པས་གྲོལ་བར་བྱ་ཏེ། །སྡུག་བསྔལ་གྱི་དངོས་པོར་ཞེན་ཅིང་བརྟགས་པའི་ཡུལ་ལ། །རང་བཞིན་གྱིས་རྣམ་པར་དག་པ་སྤྲོས་བྲལ་དུ་འདས་ན་སྨོན་ལམ་གྱིས་འགྲོ་བའི་དོན་མཛད་པའི་ཐུགས་རྗེའི་ལྕགས་ཀྱུའང་རང་གི་མོས་པའི་འདོད་པ་ཙམ་དུ་གྱུར་ལ། །འགྲོ་བ་སྡུག་བསྔལ་གྱིས་ཉམ་ཐག་པ་རྣམས་རང་དང་མཐུན་པས་དེ་ལ་བསྐྱབ་པའི་ཕྱིར་དོན་གྱི་གནས་ལུགས་ཉིད་རོལ་པ་མི་འགག་པའི་རྫུ་འཕྲུལ་གྱི་ཆོས། །ཕྲིན་ལས་བཞི་བྱ་བྱེད་ཀྱིས་མ་བཙལ་ལ་ཡོངས་སུ་རྫོགས་པ་ཉིད་དུ་བསྟན་པའི་ཐུགས་རྗེའི་མཛད་པའི་ཕྲིན་ལས་ཉིད་བསྟན་པར་བྱའོ། ༈ །ཡེ་ནས་གནས་པའི་གཞི་དང་འགག་མེད་དོན་གྲུབ་ཀྱི་ངོ་བོ་མིང་དོན་ངེས་པའི་ཚིག་མཚོན་པའི་དཔེ། །གྲངས་ཀྱིས་དབྱེ་བ་རྒྱུན་ཆད་པའི་སྐྱོན་བཙལ་མེད་རྫོགས་པའི་ཡོན་ཏན་ལྷུན་གྱིས་གྲུབ་པའི་གདེང་རྩོལ་སྒྲུབ་མེད་པའི་སྲོག་བྱ་བའི་ཐབས་སོ། ༈ །མ་སྐྱེས་པས་རང་བྱུང་རང་གསལ་བས་ཡེ་ཤེས་སུ་གཟུང་འཛིན་རྣམ་པར་དག་པ་ཉིད་མུ་མཐའ། །ཅིས་ཀྱང་སྟོང་པའི་རང་བཞིན་ལ་རྫུ་འཕྲུལ་གྱི། །ཆོ་འཕྲུལ་ཅིར་ཡང་མ་འགགས་པར། །དུས་དང་རྣམ་པ་ཀུན་ཏུ་ཤར་བར་ཡེ་ནས་གནས་པས་གཞིའོ། ༈ །ཐུགས་རྗེའི་རོལ་པ་ཅིར་ཡང་མ་འགགས་པར། །འཆར་བ་དེས་གདུལ་བྱའི་འདོད་པ་ཀུན་གྲུབ་ཅིང་ཚིམ་པར་མཛད་པ་ནི། །རྩོལ་བས་བཙལ་ལམ་མ་བཙལ་བར་རང་ཤར་བ་གང་ཡིན་པའང་རུང་ངོ་། །བསྒྲུབ་བྱའི་དོན་ལས་ཀྱི་འབྲས་བུ་བཞིར་གདུལ་བྱ་ལ་སྨིན་པ་མཛད་པ་དེའོ། ༈ །ཚིག་ཙམ་མ་ཡིན་པར་དོན་དུ་གོ་ཞིང་བློ་ལ་འཆར་བའི་ཐབས་ནི། །གསུང་དུ་བརྗོད་པའམ་མ་བརྗོད་ཀྱང་དོན་གྱིས་མཇལ། །དོན་བཞི་འགྲུབ་པ་ལ་ཡོན་ཏན་གྱི་བསྔགས་པ་ཉེ་བར་བརྗོད་པས་ཕྲིན་ལས་སོ། །སྤྱོད་ཅིང་དང་དུ་ལེན་པའི་ཕྱིར་ལས་ཏེ་ཕྲིན་ལས་ཀྱི་མིང་དུ་ངེས་པའོ། ༈ །འཇིག་པའི་མེ་གྱེན་དུ་འབར་བས་ཚངས་པ་ཆེན་པོས་འི་གཞལ་མེད་ཁང་སྟོང་པ་བསྲེག་པ་ལ་འོད་གསལ་གྱི་ལྷ་བྲན་འཇིག་རྟེན་འཇིག་ཆགས་ལ་མི་མཁས་པ་རྣམས། །མེ་ལྕེ་འདིར་འོང་སྙམ་ནས་འཇིགས་པ་ལས་ལྷ་རྒན་པོ་མཁས་པས་བསྐྱབས་གསུང་དུ་མ་འཇིགས་སྔར་ཀྱང་འདི་བཞིན་དུ་བྱུང་སྟེ་དེ་ཉིད་དུ་ནུབ་བོ་ཞེས་སྔགས་པ་དང་འཕྲིན་འདྲ་ལ། །འཇིག་པ་ལ་རྟེན་པའི་སྣོད་བཅུད་ཆགས་པའི་བྱ་བ་དག །ཕྱི་སྣོད་དང་ནང་བཅུད་ཆགས་པར་བྱེད་པས་དེ་འགྲུབ་པར་བྱེད་པ་ལྟ་བུའོ་ནི་ལས་སོ། ༈ །ཐུགས་རྗེས་འགྲོ་འདུལ་གྱི་ལས་དང་རང་བཞིན་ལྷུན་གྲུབ་ཀྱི་ཕྲིན་ལས་དང་། །རྣམ་པ་གཉིས་སུ་གསང་བའི་ལེའུ་ལྔ་པ་ལས་བཤད་པ་ནི་གང་ཞེ་ན། ༈ །རྟོགས་གོམས་ཀྱི་གདེང་ལ་གནས་ནས་མཛད་པའི་ཕྲིན་ལས་བཞིས། །གང་འདུལ་བའི་གདུལ་བྱ་ཐུགས་རྗེས་སྐྱོབ་པ་དང་། ༈ །དོན་མཛད་པའི་རྩོལ་བ་ལས་གྲོལ་བར། །རྟོགས་གོམས་ལ་དོན་གྱིས་ལས་བཞིར་ལྷུན་གྱིས་གྲུབ་པའོ་རྒྱན་ལས། །ཡེ་ཤེས་རང་སྣང་ཞེས་པ་དྲང་། ༈ །མཉམ་གྲོལ་དུ་གནས་པའི་དོན་གྱིས་མུ་བཞི་ལྷུན་གྱིས་གྲུབ་ཅིང་རྫོགས་པ་ལ། །ཕྱོགས་འཛིན་ཀྱིས་རྟོགས་པས་རོལ་པ་རྣམ་དག་སྟོང་པ་ཉིད་དུ། །ངེས་པར་གནས་ལ་སྨོན་ལམ་གྱིས་དོན་བྱེད་པ་ཐུགས་རྗེའི་ལྕགས་ཀྱུ་ཡང་། །སྟོང་པ་ལ་ཞེན་པའི་དབང་དུ་གསུངས་པ་ཙམ་སྟེ་འགྲོ་དོན་གྱི་གཞི་བཀག་པས་ཐུགས་རྗེ་རྒྱུན་ཆད་པའོ། ༈ །རང་བཞིན་གྱི་རྣམ་པར་དག་པ་ཕྱོགས་འཛིན་གྱིས་སྟོང་པ་ཉིད་ནི་རིན་ཆེན་ཡོན་ཏན་རྫོགས་པ་ལྟར་དུ། །རོལ་པ་མི་འགག་པའི་སྤྲུལ་པ་སྣ་ཚོགས་ལྷུན་གྱིས་གྲུབ་པར་གནས་པ་ཡིས། །ཐུགས་རྗེ་དང་འདུལ་ཐབས་ཀྱི་རྫུ་འཕྲུལ་གྱིས། །ཆེད་དུ་མ་བཙལ་བར་རང་གཞན་གྱི་དོན་གྲུབ་པས་རྫོགས་པ་ཆེའོ། ༈ །རང་རིག་པའི་ཡེ་ཤེས་སྤྲོས་པ་ཐམས་ཅད་དང་བྲལ་བ་ཉིད། །གདོད་མ་ནས་རྣམ་པ་མ་འགགས་པར་ཅིར་ཡང་ཤར་བས། །ཆེ་བའི་ཡོན་ཏན་རྒྱུན་མི་འཆད་བ་དེས་ན་ཆེད་དུ་རྩོལ་བས། །མ་བཙལ་བར་དོན་བཞི་རྫོགས་པའི་གདེང་ཆེན་པོ་དང་ལྡན་ནོ། ༈ །གདེང་ཆེན་དེས་ན་ཐུགས་རྗེས་ཀུན་ལ་ཁྱབ་པས་བླང་དོར་མེད་པ་ལ། །བྱ་བཙལ་དང་བྲལ་བའི་སྲོག་གིས་གནས་པའི། །དོན་ལ་གདེང་ཆུད་པའི་སྐྱེས་བུ་ཆེན་པོ་དེས། །གདུལ་བྱ་ལ་ཐུགས་རྗེས་བསྐྱོད་པ་ལྟར་སྣང་ཀྱང་དོན་ལ་བྱ་བཙལ་དང་བྲལ་བའོ། ༈ །དེ་ཉིད་བྱ་བའི་ཐབས་ལ་ལས་བཞིའི་གདུལ་བྱ་དང་མཛད་པ་པོ་དང་། །རྫས་དང་ལྷ་དང་སྒོམ་པའི་ཏིང་ངེ་འཛིན་དང་བཟླས་པའི་སྔགས་དང་བཅས་པའི་ཕྱག་རྒྱ་དང་བྱེད་པའི་དུས། །འདུག་ཅིང་ལྟ་བའི་ཕྱོགས་དང་སོ་སོའི་ཁ་དོག་དང་རྟེན་པའི་གནས་དང་ཁ་ཟས་དང་། །དེ་ཡིས་གདུལ་བྱ་སྨིན་པའི་འབྲས་བུའོ། ༈ །ཕྱི་༡དང་ནང་༢དང་གསང་༣བ་དང་དོན་༤གྱི་དགྲས། །ལུས་༡དང་རྣམ་རྟོག་༢དང་འདོད་༣པ་དང་ཕྱོགས་༤འཛིན་དུ་བསད་༼༠༽པ་ཞི་བ་དང་། །དེ་༼༠༽དག་དོན་ལ་རྟོགས་གོམས་གྱི་དགོངས་པས་དབུལ། །བ་རྣམས་རྒྱས་པར་བྱ། རྐྱེན་གཞན་གྱི་དབང་དུ་སོང་བས་ནུས་པ་དང་བྲལ་བ་རྣམས་རང་དབང་དུ་བྱ། །རྐྱེན་ལས་དང་ཉོན་མོངས་པའི་དབང་དུ་སོང་བའི་སྟོབས་ཀྱིས་སྡུག་བསྔལ་གྱིས་ཉམས་ཐག་པ་རྣམས་བསྒྲལ་བའོ། ༈ །མུ་མཐའ་རྣམ་པར་དག་པ་སྟོང་པ་ཉིད་ཀྱི་ངང་དུ་བློ་གནས་པས། །དོན་བྱ་བའི་ཡུལ་གྱིས་བློ་གཞན་དུ་མི་ཁྲིད་ཅིང་། །སྤྲོས་པ་དང་བྲལ་བས་ཐུགས་ཀུན་ལ་ཁྱབ་པས་རྗེ་རྒྱུན་མི་འཆད་པའི་ཐག་པས་གདུལ་བྱའི་རྒྱུད་བརླན་པ་དེ། །རྫུ་འཕྲུལ་དང་མངོན་ཤེས་རོལ་པ་ཕྲིན་ལས་ཀྱིས་འདུལ་ཐབས་ལ་མཁས་པ་དེས་བྱའོ། ༈ །སྲེག་པ་མེ་དང་གདབ་པ་མཆོད་རྟེན་དང་བསྒྲལ་བ་གནས་ལ་སོགས་ལྷག་པ་རྫས་སམ། །ལྷུན་གནས་རང་འོད་ཀྱི་རྣམ་པ་ཅིར་ཡང་འཆར་བའི་བདུད་རྩི་དེ་ནི། །དགྲ་དང་བགེགས་དང་ནད་དང་མཚོན་དང་མུ་གེ་ཡི། །གཉེན་པོར་འགྱུར་ཏེ་དེ་དག་རང་སར་ཞི་ཡང་འགལ་བ་མིན་པ་དེའོ། ༈ །ཞི་བ་ལ་བདེ་གཤེགས་ཀྱི་རིགས། རྒྱས་པ་ལ་ནོར་བུའི་རིགས། དབང་དུ་གསུང་གི་རིགས་སྡུད་ལ། །ལས་རབ་ཀྱི་རིགས་ཀྱིས་དྲག་པོ་མཛད་པའམ་ཡང་ན། ཀུན་འདུས་པ་ལྷུན་གྱིས་གྲུབ་པའི་མཛད་པ་སྟེ་རྡོ་རྗེ་དང་དྲག་པོ་སྦྱར་བའམ། །གནས་ལུགས་བྱང་ཆུབ་ཀྱི་སེམས་ཀུན་ཏུ་བཟང་པོ་ནི་དོན་བཞི་རྫོགས་པའི་བདག །ཉིད་ཡིན་པས་རྒྱལ་བའི་རྒྱལ་བ་འཕགས་པའི་འཕགས་པ་ལྷ་ཡི་ལྷའོ། ༈ །ཡིད་དུ་མི་འོང་བ་དྭང་ཞིང་ཆེ་བའི་ཡོན་ཏན་གྱིས་ཁྱབ་པར་མཛད་ལ་ཐུགས་རྗེས་བསྒྱུབ་བྱ་ལ་ཆགས་ཤིང་། །སེམས་རྒྱུད་རབ་ཏུ་ཁྲོ་བའི་ཐུགས་རྗེ་སྟེ་ཞི་རྒྱས་དབང་དྲག་རིམ་པར་སྦྱར་བའམ་ཆོས་ཉིད་བྱང་ཆུབ་ཀྱི་སེམས་ལ། །མཚན་མས་སྟོང་པས་ཞི་བ་ཡེ་ཤེས་གསལ་བས་རྒྱས་པ། རང་ལ་རྫོགས་པས་དབང་ལ་མི་མཐུན་པ་དང་བྲལ། །བ་དྲག་པོ་སྟེ་དེ་ལྟར་རྟོགས་པའི་ངང་ལས་མ་ཡེངས་པས་ཏིང་ངེ་འཛིན་གྱི་ཕུར་པ་ཐེབས་པའོ། ༈ །རྒྱུ་མ་ནོར་བ་རྩ་བའི་སྔགས་བསྐྱེད་པའི་སྔགས་དང་བཅས་པའི་ཡེ་ཤེས་ཅན་གྱི་སྔགས་ཀྱི་ཤམ་བུར། །ལས་ལ་སྦྱར་བའི་སྔགས་ཞི་བ་ལ་ཤཱིནྟཾ་ཀུ་རུ་སྭཱ་ཧཱ་དང་། །རྒྱས་པ་ལ་པུཥྚིཾ་ཀུ་རུ་སྭཱ་ཧཱ་དང་། དབང་ལ་པ་ཤཾ་ཀུ་རུ་སྭཱ་ཧཱ་དང་། །དྲག་པོ་ལ་ཨ་བི་ཙ་ར་མཱ་ར་ཡ་ཞེས་ལས་བཞིའི། །སོ་སོའི་སྔགས་བཏགས་པས་ལས་ལ་སྦྱར་བའམ། །ངག་ཏུ་བརྗོད་པ་དང་བྲལ་བར་ལྷུན་གྲུབ་ཀྱི་བྱིན་ལ་འགགས་མེད་ཀྱི་རླབས་དང་ལྡན་པ་ཡི། །ཆོས་ཉིད་དོན་གྱི་གསུང་གིས་ཡིན་ལུགས་ཀྱི་གནད་དུ་དབབ་པའོ། ༈ །ཕྲིན་ལས་བཞིའི་ཚུལ་དང་མཐུན་པར་དབྱིབས་ལྡན་པ་ཡི། །འདུག་རྫོགས་༼ཞི༽པའི་སྐྱིལ་ཀྲུང་། སྡོད་ཀྱི་སྟངས་དང་བཅའ་བའི་ཕྱག་རྒྱ་འདུ་བྱེད་ཀྱིས་ནི། །ཏིང་ངེ་འཛིན་གསལ་བའི་གྲོགས་དང་ལས་གང་བྱེད་ཀྱི་སྟོངས། །ཐེབས་པར་འགྱུར་བས་ཕྱག་རྒྱ་༼རྒྱས་༽རིན་ཆེན། ༼དབང་༽པདྨའི། ༼དྲག་༽རུས་སྦལ། གྱད་སྟབས་ལས་འདའ་བར་མི་བྱའོ། ༈ །བྱི་བ་དང་གླང་གི་ལོ་ལ་དཔྱིད་ཀའི་ཟླ་བ་གསུམ་གྱི་ཡར་ངོའི་ཚེས་གྲངས་གང་རུང་ལ། །ཉི་མ་སྔ་དྲོ་དང་ནམ་སྲོད་ལ་ཞི་བའི་ལས་བྱ་བའི་དུས་སྟེ། །སྟག་དང་ཡོས་བུ་དང་འབྲུག་ལོའི་དབྱར་ཟླ་གསུམ་གྱི་ཉ་གསུམ་གྱི་ཚེས་གྲངས་ལ། །ཉིན་གུང་དང་ནམ་གུང་གི་གོང་གཉིས་སུ་རྒྱས་པའི་ལས་བྱ་བར་ཤིས་པ་ཡིན་ལ། །རྟ་དང་སྦྲུལ་གྱི་ལོའི་ནམ་ཟླ་སྟོན་དང་ཚེས་ཉི་ཤུ་གཉིས་ལ། །དགོངས་ཀ་དང་ཐོ་རངས་དབང་དུ་སྡུད་པའི་དུས། །སྤྲེའུ་དང་བྱ་དང་ཁྱི་དང་ཕག་ནི་ལོ་སྐོར་གྱི་དུས་དགུན་ནི་ནམ་ཟླའི་དུས་དང་། །མར་གྱི་ངོའི་བཅུ་བཞི་ནི་ཚེས་གྲངས་ཀྱི་དུས་གུང་གཉིས་ནི་ཉིན་རེ་མཚན་རེའི་དུས་ཏེ་བཞི་ནི་གསད་པའི་ལས་བྱའོ། །ཡང་ན་འདས་མ་འོངས་ད་ལྟར་འབྱུང་བར་མ་ངེས་པའམ་དུས་བཞི་མཉམ་པ་ཉིད་ལ། །ཡོན་ཏན་རྫོགས་པས་དུས་བཞི་ཆིག་ཆོད་ཡིན་ནོ། ༈ །ཟླུམ་པོའི་སྟེང་དུ་གནས་ཏེ་ཁ་ཤར་དུ་བལྟས་པ་ནི་ཞི་བའི་ཕྱོགས་ལ། །བྱང་གྲུ་བཞིའི་སྟེང་དུ་གནས་ཏེ་ཁ་ལྷོ་རུ་བལྟས་པ་ནི་རྒྱས་པའི། །ཤར་ཟླ་གམ་གྱི་སྟེང་དུ་གནས་ཏེ་ཁ་ནུབ་ཏུ་བལྟས་པ་དབང་གི། །ལྷོ་གྲུ་གསུམ་གྱི་སྟེང་གནས་ཁ་བྱང་དུ་བལྟས་པ་ནི་དྲག་པོའི་འདུག་ཅིང་ལྟ་ཕྱོགས་སོ། །སྣོད་ཀྱི་འཇིག་རྟེན་པའི་དཀྱིལ་འཁོར་ཆེན་པོ་ཕྱོགས་བཅུར་སྟོང་པ་ཉིད་ཀྱི་ཕྱོགས་ཆེན་པོ་ནི། །ཆེད་དུ་མ་བཙལ་ཀྱང་ཡེ་ནས་ལྷུན་གྱིས་གྲུབ་པ་ཡིན་ནོ། ༈ །ཞི་བ་ལ་བཻ་ཌཱུཪྻ་དཀར་པོ་དང་རྒྱས་པ་ལ་རིན་ཆེན་གསེར་དང་། །དབང་ལ་རཱ་ག་དམར་པོ་དང་། དྲག་པོ་ལ་ཨིནྡྲ་ནཱི་ལ་ལྗང་གུ་རྣམས་གོང་གི་དེ་བཞིན་དུ་ལས་ཀྱི་སྟོངས་ལ། །རང་བཞིན་ཉིད་ལ་ལས་བཞིའི་ཡོན་ཏན་ཐམས་ཅད་འཆར་བར་ཡེ་ནས་གནས་པའི། །ལྷུན་གྱིས་གྲུབ་པའི་ངང་དུ་ཐམས་ཅད་རྫོགས་པའོ། ༈ །ཞི་ས་ཕུག་དང་རྒྱས་ནགས་ཚལ་དང་། དབང་ཆུ་གླིང་དང་། དྲག་གྲོག་ལེའི་ས་སྣར་གནས་བཅས་པའམ། །དོན་ཆོས་ཉིད་གྱི་བཞུགས་ས་གཞི་ཡི་གནས་ནི། །ཀུན་གཞི་རྒྱས་པའི་གཞལ་ཡས་སོ། ༈ །ཞི་དཀར་གསུམ་འོ་མ། ཞོ་མར་དང་། འཁུར་ཟླ་རྒྱས་དང་། རྒྱས་ཟླ་ཕྲོམ་ཐུད་དང་། །པདྨའི་༢མེ་༡དབང་ཏོག་རྩ་༣ བ་དང་། །དྲག་དུག་སྒ་སྒོག་སྔགས་ཀྱིས་བཏུལ་བ་ལ་སོགས་རྩུབ་པའི་ཟས་བཟའ་ཞིང་། །ཉམས་གང་འཕེལ་ཀྱི་འཚོ་བ་ཞོ་ཤའི་དགོས་པའི་ཆ་རྐྱེན་ནོ། ༈ །ལས་བཞི་བརྩམས་པ་དེས་ནི་བར་ཆད་ཀྱི་དགྲ་ཞི་བ་དང་། དོན་གྱི་ཡེ་ཤེས་རྒྱས་པ་དང་། །མི་མཐུན་པའི་ཕྱོགས་དབང་དུ་འདུས་པ་དང་། དགྲ་བགེགས་ཀྱི་བར་ཆད་བྲལ་བ་དང་། །ལྷུན་གྲུབ་བདེ་བ་ཆེན་པོའི་ཡེ་ཤེས་རང་ལ་ཤར་ནས། །གདུལ་བྱ་ཀུན་ཀྱང་ལྷུན་གནས་ཀྱི་དོན་བཞི་ལ་བཀོད་པའོ། ༈ །སྣང་། སྟོང་། གཉིས། གཉིས་མེད་ཀྱི་མུ་བཞི་ཡོངས་སུ་རྫོགས་པའི་གནས་ལུགས་ལ། །ཆད་ལྟ་དང་ཐལ་འགྱུར་བ་ལ་ལས་ཆོས་ཉིད་སྟོང་པར་ལ་བཟླས་ཏེ། །འགྲོ་བ་དུཿཁ་ལས་བསྐྱབ་པར་འདོད་པས་ལམ་པའི་སྨོན་ལམ་གྱི་མཐུས་འགྲུབ་པར་བལྟས་པ། །དེ་ཡང་འགལ་ཏེ་གང་དང་འགལ་ན་སྟོང་པ་དང་འགལ། །ཇི་ལྟར་ན་ཐམས་ཅད་སྟོང་ན་དོན་བྱེད་པར་འདོད་པའི་སྨོན་པ་ཉིད་ཀྱང་སྟོང་པར་ཐལ། །དེ་འདོད་ན་དེ་གཉིས་ནུས་པ་འགལ་བས་འགྲོ་དོན་གྲུབ་པ་མིན་ནོ། །ཡོད་པར་ལྟ་བ་སྡེ་ལྔས་ལ་ལས་དངོས་པོ་ཉི་ཚེ་བ། །རུ་འདོད་པ་དེ་ཡང་རང་ཉིད་དངོས་ལྟའི་གདོན་གྱིས་ཟིན་པ་ཡིན་ཅིང་། །དབུ་མ་པ་ཕྱི་རྒྱུད་ལ་ལས་བདེན་པ་དོན་དམ་ཀུན་རྫོབ་གཉིས་སུ་ཁས་བླངས་པ་ནི། །ཡོད་མེད་དོན་ལ་འགལ་བ་གཉིས་གཤིས་གཅིག་ལ་བསྡུས་པ་ཡིན། །ནང་པ་ལ་ལས་བདེན་པ་གཉིས་མེད་ཀྱི་ཕྱོགས་སུ་ཁས་བླངས་པ་ཡིས་ནི། །རང་དང་རིགས་མཐུན་པ་འགལ་འཁོར་བའི་དུཿཁ་ལས་སྐྱོབ་པ་ཡིན། ༈ །མུ་བཞི་ཀུན་ཀྱང་རྫོགས་ལ་ཕྱོགས་གཅིག་པ་གང་དང་ཡང་བྲལ་བའོ། །བྱིན་གྱི་བརླབས་ནི་འགྲོ་བའི་དཔལ་དུ་གྱུར་པས། །དོན་མཛད་པ་ནི་རྩོལ་བ་མེད་པས་བདེ་བ་ཆེན་པོ་ལ། །གདུལ་བྱ་ཀུན་ཀྱང་བཀོད་དེ་རྒྱུད་དགྲོལ་བའི་ཐབས། །ཡེ་ཤེས་ཀྱི་སྤྲུལ་པ་ཅིར་ཡང་འཆར་བས་རིན་ཆེན་ལྟའུའི་མན་ངག །འདི་ལ་བརྟེན་ནས་སེམས་ཅན་ཀུན་གྲོལ་བར་ཤོག་ཅིག་པའོ། ༈ །ཡེ་ཤེས་ཀྱི་རྫུ་འཕྲུལ་གྱི་ཆོ་འཕྲུལ་ལས་བཞིར་ཡོངས་སུ་རྫོགས་པར་བསྟན་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། །སེའི་བེནྡྷེ་འབྱུང་ལྡན་གྱིས་མཆན་བུ་རང་གི་རྣམ་རྟོག་དང་མཐུན་པར་བཏབ་པའོ།། །།

ལྟ་བའི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

པ ཤ ནཱ སྱ དྷཱ ཏུ ཏི སྨ། །
ལྟ་བའི་ཀློང་བཞུགས། །
རྒྱ་གར་སྐད་དུ། སརྦ་དྷརྨཱ༈ཀེ་པ་ལཾ༈པ་རི་པཱུརྞཾ༈དྷརྨཱ༈ཨ་ནུ་ས་རི༈པྲད྄་ཏྱཱཏྨ་བེ་ད་ནཱི༈ཡོ་བིད྄་ཉཻ༈པཱ་ཤ་ནཱ༈ནཱ་མ། བོད་སྐད་དུ། འཁོར་འདས་ཀྱི་ཆོས་ཐམས་ཅད༈མ་འདྲེས་པས་འཁོར་བ་ལས་གྲོལ་ལ༈ཡོངས་སུ་རྫོགས་པས་འདས་པ༈ལས་གྲོལ་བར་བྱ་བའི་ཕྱིར་ཆོས་ཀྱི་རྗེས་སུ་འབྲང་བའི༈ རྟོག་ལྡན་མཁས་པ༈རྣམས་ཀྱི་ཚད་མ་གསུམ་ཀྱིས༈ངང་གིས་ཡུལ་མེད་རང་གསལ་དུ་རྟོགས་པར་བྱ་བའི་ཐབས་ལྟ་བའི་ཀློང་ཞེས་བྱ་བ། ༈ །ལེགས་པའི་བདག་ཉིད་དཔལ་སྤྱོད་ཡུལ་ཡོངས་སུ་དག་པས་ཀུན་ཏུ་བཟང་པོ་ལ་འདུན་པའི་ཚིག་ཕྱག་འཚལ་ལོ་ཐུན་མོང་ཁྱད་པར་གྱིས། ༈ །འཁོར་འདས་ཀྱི་མཚན་ཉིད་འཛིན་པའི་ཆོས་ཀུན་གྱི་ཕྱོགས་ཀྱི་མཐའ་ལས་གྲོལ་ཅིང་ཤེས་བྱ་ཀུན་མ་བཅོས་རང་གསལ་དུ་རང་གྲོལ་བར་གནས་ཀྱང་། །མ་རྟོགས་ཏེ་རང་སྣང་བས་ཡུལ་དུ་གྲུབ་པ་མིན་ཅིང་རྐྱེན་བཞི་དང་བྲལ་བས་ལྷན་སྐྱེས་བྱུང་ལ་དེས་ངར་བཟུང་བས། །བདག་གཞན་ཐ་དད་དུ་སྣང་བ་ལས་ཀུན་བརྟགས་ཞེས་བྱ་ཞིང་རྒྱུ་དེ་ལ་ཉོན་མོངས་ལྔ་དང་ལས་གསུམ་གྱི་རྐྱེན་ཀྱིས་དཀྲུགས་པས། །ཞེན་པ་འགྲོ་བ་དྲུག་རྟེན་འབྲེལ་གྱི་འཁོར་ལོ་རུ་འཁོར་ཞིང་སྡུག་བསྔལ་གསུམ་དང་བརྒྱད་ཀྱི་དྲྭ་བར་ཚུད། །ཉན་ཐོས་སྤོང་རང་རྒྱལ་འགེགས་བྱང་སེམས་སྦྱོང་ཕྱི་རྒྱུད་སྒྱུར་མ་ཧཱའི་རྩོལ་སྒྲུབ་ཨ་ནུའི་རྒྱུ་འབྲས་ཀྱིས༡། །སྡུག་བསྔལ་དང་རྩོལ་བའི་ནད་ཀྱིས་འཁོར་བ་ལས། །ལྷུན་གྲུབ་གསུམ་མ་འདྲེས་པར་སྐུ་གསུམ་དུ་རྟོགས་པས་འཁོར་བའི་ཆོས་ཤེས་པ་གསུམ་གྱི་མཐའ་ལས་རབ་ཏུ་གྲོལ་ཞིང་། །དེ་དག་ཡོངས་རྫོགས་དབྱེར་མེད་དུ་རྟོགས་པས་མྱང་འདས་སྐུ་གསུམ་གྱི་མཐར་མི་གནས་པར་གྲོལ་བར་བྱ་བའི་ཕྱིར། །དད་པ་ཙམ་ལས་མི་ལྡན་པ་གང་ཟག་གི་རྗེས་སུ་འབྲང་བའི་ལུང་ཙམ་གྱིས་རྟོགས་པ་མིན་ཀྱང་། །རྟོག་ལྡན་ཆོས་ཀྱིས་རྗེས་སུ་འབྲང་བའི་མི་བསླུ་བས་ཚད་མ་ལུང་མན་ངག་རིགས་པ་རྣམ་པ་གསུམ་གྱིས། །མ་བཅོས་པར་ཡེ་ནས་གནས་པ་དེ་ཡུལ་མེད་རང་གསལ་དུ། །རྟོགས་པར་བྱ་བ་ནི་ཐབས་ལྟ་བར་ཆོས་ཀུན་འདུས་པས་སེལ་མེད་པའི་ཀློང་དེ་བསྟན་༼༠༽པར་བྱའོ་ཞེས་གོ་ཆ་གྱོན་པའོ། ༈ །༼༠༽དེ་ལ་ཡང་ཤེས་པར་བྱ་བའི་གཞི་དང་རྟོགས་པར་བྱེད་པའི་ཐབས་ཚད་མ་གསུམ་དང་། །ངོ་བོ་མཉམ་ཉིད་དུ་རིག་པ་དང་། མཚན་ཉིད་ཕྱོགས་རིས་ལས་གྲོལ་བ་དང་མཚོན་པའི་ངེས་ཚིག་གཉིས་མེད་ཀུན་གསལ་དང་། །རྣམ་གྲངས་ཀྱིས་ནོར་མ་ནོར་གྱི་དམིགས་བསལ་བ་དང་གདེང་བཟང་ངན་མེད་པ་དང་། སྲོག་དགག་སྒྲུབ་དང་བྲལ་བ་དང་། ཉམས་ཀྱི་རིམ་པ་ལྔ་དང་། །མཚོན་དཔེ་མ་སྤངས་རང་གྲོལ་དང་དགོས་པ་རྩོལ་བ་ལས་གྲོལ་བ་དང་ཡོན་ཏན་རང་གཞན་གྱི་དོན་གྲུབ་པ་དང་སྐྱོན་འཁོར་བ་ལས་མི་གྲོལ་བའོ། ༈ །སྒྲོ་སྐུར་དང་བྲལ་བར་ངེས་པར་དངོས་པོའི་གནས་ལུགས་ཤེས་བྱའི་གཤིས་ཀྱི་རང་བཞིན་ནི། །མུ་མཐའི་ངོས་གཟུང་དང་ཕྱོགས་རིས་ཀུན་གྱིས་ཡེ་ནས་དབེན་པ། །དེ་ཉིད་མཁྱེན་པའི་རང་རིག་པའི་ཡེ་ཤེས་རང་གསལ་ལ། །དེའི་རྣམ་པའི་རང་འོད་མུ་མཐའ་ཅིར་ཡང་མ་འགགས་པར་ཤར། །བ་གསུམ་ངོ་བོས་དབྱེར་མེད་བྱང་ཆུབ་ཀྱི་སེམས་བདེ་བ་ཆེན་པོར་གནས་ཀྱང་། ༈ །ཆོས་ཉིད་རང་སྣང་ཡིན་པས་ཡུལ་དུ་བྱར་མེད་ཅིང་རྟོག་པའི་རྐྱེན་བཞི་དང་བྲལ་བས། །དེ་ཉིད་ངོ་མ་ཤེས་ཤིང་བདག་ཏུ་བརྟགས་པས་འཁྲུལ་པའི་སྣང་བ་རྒྱས། །གཤིས་ཀྱི་ཡིན་ལུགས་དེ་ལ་ཡུལ་དུ་གྲུབ་པ་མེད་པས་ཞེན་བརྟགས་ཀྱི་སྣང་ཡུལ་རྣམས་འགག་པའི་ཕྱིར། །འཁོར་འདས་ཀྱི་དངོས་པོར་ཞེན་པའི་ངོ་ན་སྣང་བ་དང་། འཇིག་རྟེན་འདིར་གྲགས་ཚད་ལ་གཞལ་ལོ། ༈ །རྒྱལ་བའི་ལུང་དང་བླ་མའི་མན་ངག་དང་རང་རིག་པའི་ཉམས་ཚད་མ་དང་གསུམ་གྱིས་གཞལ་ཏེ། ༈ །རང་རིག་གི་བློ་དང་འཚམ་ཚད་དུས་འདིར་རྒྱུད་ནས་དྲང་བའི་ཐབས་ཆེན་པོའི་ལུང་ཐེག་བརྒྱད་གིས། །ངེས་པའི་དོན་གྱིས་མཚོན་པར་བྱེད་པ་བྱ་བྲལ་རྫོགས་པའི་ལུང་བམ་པོ་ཉི་ཁྲི་བ། །དེས་མཚོན་པར་བྱ་བ་མཁའ་ཁྱབ་བྱང་ཆུབ་སེམས་ཀྱི་ལུང་གིས༡། །རྫོགས་ཆེན་གྱི་སྐལ་བ་དང་ལྡན་ཅིང་སྣོད་ཀྱི་སྐྱོན་བཞི་དང་བྲལ་ན་ཤེས་བྱ་གཏན་ལ་ཕེབས། །རྒྱུད་ཀྱི་སྟོན་པའི་གདུལ་བྱའི་རིགས་སུ་ངེས་པ་ཡིན་ན་ངེས་པའི་ཤེས་པ་འཆར་བའོ། ༈ །ལུང་དེ་ལ་ཡིད་ཆེས་པར་དམིགས་ནས་སྙན་རྒྱུད་ཀྱི་གདམས་པས་རྒྱུད་དགྲོལ་ཏེ། །ཐུན་མོང་ཁྱད་པར་གྱི་དབང་ཐོབ་ཅིང་ལུང་གསུམ་གྱི་ཚིག་ལམ་མཁྱེན་པ་རྒྱུད་རང་གྲོལ་གྱི་གདམས་པའི་རིག་པ་ཤར་བ་མན་ངག །རང་གི་གཤིས་སྒྲོ་སྐུར་དང་བྲལ་བར་མངོན་སུམ་དུ་གྲུབ་པའི་ཐོབ་ཀྱི་ཆུ་བོ་སྟེ་བཞི་རྫོགས་པའི་བླ་མ་ལ། །སྐལ་ལྡན་སྣོད་སྐྱོན་དང་བྲལ་བའི་རྒྱལ་བའི་གདུང་འཚོབ་པའི་སྲས་ཀྱི་སློབ་མ་དེས། །དད་པ་དང་མོས་པ་དང་གུས་པས་ཞུས་ཏེ་བླ་མའི་ཐུགས་རྗེས་གནང་བའི། །ཡི་གེ་དཀྱུས་༡ཀྱི་མན་ངག་དང་སྙན་བརྒྱུད་ཞལ་གྱི། བརྡ་བྲལ་རང་གྲོལ་༡བས། །ངེས་པར་ཐེ་ཚོམ་མེད་པར་ཡིད་ཆེས་༡བློའི་གདེང་དུ་ཕེབས་༡པར་༡༡བྱའོ། ༈ །རང་རིག་པའི་ཉམས་ཚད་མའི་སྒྲོ་སྐུར་བསལ་ལ་ངེས་པའི་དོན་ལ་གནས་པར་བྱ་སྟེ། ༈ །སྣང་གྲགས་ཀྱི་ཆོས་ཐམས་ཅད་བྱང་ཆུབ་ཀྱི་སེམས་སུ་ལྷུན་གྱིས་གྲུབ་པར་གནས་པ་དེ། །རིགས་པ་བཞི་ཡིས་སྒྲོ་སྐུར་དང་ཐེ་ཚོམ་བསལ་བ་ནི། །དཔེར་ན་བསྲེགས་པས་གསེར་ཡིན་མིན་བཅད་པས་ཟོལ་ཡོད་མེད་བདར་བས་ཁ་བཟང་ངན་གྱི་སའི་གསེར་ངེས་པར་བརྟགས་པ་ལྟར། །ཆོས་ཉིད་དང་བྱ་བ་བྱེད་པ་དང་ལྟོས་ཤར་དང་འཐད་པས་སྒྲུབ་པའི་རིགས་པ་དང་བཞིའོ། ༈ །རང་དང་སྤྱིའི་མཚན་ཉིད་འཛིན་པས་ཆོས། ཅིང་ཆོས་ཅན་གྱི་ངོ་བོས་ཁྱད་པར་གྱི་ཆོས་འཛིན་པས་ཆོས། །སྣང་གྲགས་མྱོང་རིགས་གི་ཆོས་ལ་རིགས་པས་བདེན་པའི་དོན་འཛིན་པས་ཆོས་དགེ་བའི་ལས་རྣམ་པར་དཀར་སྤྱོད་ཀྱིས། །ངན་སོང་དུ་ལྟུང་བ་ལས་འཛིན་པས་ཆོས་ཏེ་བཞི་པོ་དེ་དག་གི་གནས་ལུགས་ཉིད་ནི། །རང་བཞིན་མུ་མཐའི་སྤྲོས་པ་ཀུན་དང་བྲལ་བ་ཉིད་དུ་ངེས་ཏེ། །དེ་མཁྱེན་པའི་མཚན་ཉིད་རང་རིག་པའི་ཡེ་ཤེས་ཉིད་དུ་ངེས་ལ། །དེ་ཡི་རང་འོད་ཀྱི་རྣམ་པ་ཐུགས་རྗེའི་སྤྲུལ་པར་མ་འགགས་པར་ཤར། །སྣང་ལ་རང་བཞིན་མེད་པ་སྒྱུ་མའི་རྩལ་འཛིན་ཀྱང་འདུས་མ་བྱས་པས་རྡོ་རྗེ་མི་འཇིགས་པས་བཙན་པོ་ཁྱད་པར་དུ་གྱུར་པས་མཆོག་ཡིན། །དེ་གསུམ་གདོད་མ་ནས་འདུ་བ་དང་འབྲལ་བ་མེད་པར་ལྷུན་གྲུབ་ཏུ་རྫོགས་པ་ཆེ། ༈ །དེ་མིན་ཡོད་མེད་གཉིས་གཉིས་མེད་ཀྱི་མུ་བཞི་དང་སྐྱེ་འགག་རྟག་ཆད་འགྲོ་འོང་གཅིག་དུ་མའི་མཐའ་བརྒྱད་དང་འཁོར་འདས་ཀྱི་ཆོས། །ཅིར་ཡང་འཆར་བའི་མི་རིགས་པ་ལ་དེ་དག་ཏུ་འཆར་བ་དེ་ཡི་ཕྱིར། །ཆོས་དེ་རྣམས་ཀྱི་ཆོས་ཉིད་གནས་ལུགས་དེར་༼༠༽ རིགས་པའོ། ༈ །གནས་སྐབས་ཀྱི་ཆོས་ཉིད་འཁྲུལ་པའི་སྣང་བ་རང་གི་མཚན་ཉིད་ནི། །ས་ལ་སྲ་བ་ཆུ་ལ་གཤེར་བ་མེ་ལ་ཚ་བ་རླུང་ལ་ཡང་ཞིང་གཡོ་བའི་མཚན་ཉིད། །ཞེ་སྡང་གི་མཚན་ཉིད་ཀུན་ནས་མནར་སེམས་པ་གཏི་མུག་རྨོངས་པ་འདོད་ཞེ་ན་ང་ཁེངས་ལ་སོགས་པ། །དེ་དག་ཀུན་ནས་མཚན་ཉིད་མ་འདྲེས་པར་ཡེ་གནས་སོ་སོར་ཤར་བས་རང་མཚན་ཞེས་བྱའོ། །ཀུན་ལ་ཡོད་པས་སྤྱིའི་མཚན་ཉིད་དེ་དེ་ཡང་འདུས་བྱས་ཐམས་ཅད་མི་རྟག་ཟག་པ་དང་བཅས་པ་སྡུག་བསྔལ་ཆོས་ཐམས་ཅད་སྟོང་ཞིང་བདག་མེད་པའོ། ༈ །མཉམ་གྲོལ་གྱི་ངང་དུ་མུ་མཐའ་ཀུན་མཉམ་པར་རྫོགས་པའི་ཀློང་ལས་རང་རང་གི་འདོད་པ་བླངས་པའི། །གནས་ལུགས་ཆོས་ཉིད་ཀྱི་རིགས་པས་རང་ཇི་ལྟར་འདོད་པ་དེའི་དོན་གྲུབ་པའོ། ༈ །ཆོས་ཉིད་དེ་གནས་པས་ན་དེ་ལས་འཆར་བའི་གཞི་བྱས་ནས། །མ་ཤེས་ཤིང་ངར་འཛིན་པའི་འཁྲུལ་པ་ཐ་དད་ཀྱིས་རྟོག་པ་ཤར། །སྒོ་ལྔས་མཚན་མར་འཛིན་པའི་ཡུལ་དང་ཡིད་ཀྱི་རྣམ་པར་རྟོག་པ་དང་། །དངོས་པོ་དང་མཚན་མར་འཆར་ཞིང་མུ་མཐའི་ཕྱོགས་ཆར་རྟོག །འཆར་གཞི་དེ་མེད་ན་འཁྲུལ་པ་འཆར་བ་དེ་མི་འབྱུང་བས་གནས་ལུགས་དེ་ཉིད་བྱ་བ་བྱེད་པའི་རིགས་པ་ལྟར་ལ། ༈ །འཁྲུལ་པའི་སྣང་བ་ནི་གཞི་གནས་ལུགས་དེ་ལ་ལྟོས་ཏེ་ཕྱིན་ཅི་ལོག་ཏུ་བརྟགས་ནས་ཤར་བས། །ཆོས་ཉིད་ནི་འཁྲུལ་པ་འབྱུང་བའི་བྱ་བ་བྱེད་ཅིང་འཁྲུལ་པ་ནི་དེ་ལ་ལྟོས་ནས་མངོན་པར་གྲུབ་པ་ཡིན་ནོ། ༈ །གནས་སྐབས་ཀྱི་བྱ་བ་བྱེད་པའི་རིགས་པ་ནི་རང་གི་རྒྱུ་དང་རྐྱེན་དེ་ཚོགས་པས། །འབྲས་བུ་ཐ་དད་མངོན་པར་གྲུབ་པའང་དེ་ལ་ལྟོས་པའི་རིགས་པ་ཡིན་ནོ། ༈ །རིགས་པ་གསུམ་པོ་དེ་ཡི་འཐད་པ་སྒྲུབ་པ་ལ་སྒྲ་དང་ཚད་མའི་ཆོས་གཉིས་སོ། ༈ །དོན་ནི་རང་གི་ཤེས་བྱ་ལ་མིང་ངོ་བོ་མཚོན་པ་ལ་ཚིག་ཁྱད་པར་མཚོན་པ་ལ་དང་ཡི་གེ་གཉིས་ཆར་གྱི་གཞིར་འཇུག་པ་སྟེ། །ངག་ཏུ་བརྗོད་པའི་མཐའ་ལས་བརྗོད་བྱའི་དོན་དང་ངེས་པར་སྤྱིའི་རྣམ་པའི་སྒོ་ནས་འབྲེལ་བ་དང་། །སྒྲ་མཐུན་པའི་གྲགས་པས་འབྲེལ་པས་གྲུབ་ཅིང་གྲགས་པའམ་འབྲེལ་ཡུལ་ཀྱང་མཐུན་པར་ངེས་དགོས་ཏེ། །བརྡ་བྱེད་པའི་དུས་ན་དོན་སྤྱིའི་ཤེས་པ་ལ་ཁྱད་པར་དུ་བྱེད་པའི་ཆོས་ལྔ་ལྡན་དགོས་ཏེ་དེ་ཡང་དོན་ལ་དམིགས་ཤིང་སྒྲ་ལས་བྱུང་། བའི་ཤེས་པ་ལ་བརྡ་སྟོན་པ་པོ་དང་གཞན་དག་མཐུན་པར་སྣང་བའི་དོན་ལ་བརྡ་སྟོན་པའི་སྒྲ་དེ་གཞན་དང་ཐུན་མོང་དུ་གྲགས་པའི་སྒྲ་ལས་བྱུང་ནས། །འདིའི་མིང་འདི་ཡིན་ཞེས་མངོན་པར་ཞེན་ན་བརྡ་དེ་ཡིས་དོན་རྟོགས་པས་འཐད་པར་སྒྲུབ་ལ་ཡན་ལག་གཅིག་ཉམས་ཀྱང་མི་འགྲུབ་བོ། ༈ །ཚད་མ་མངོན་སུམ་༼ཀ༽དང་རྗེས་སུ་དཔག་༼ཁ༽པས་ཀྱང་། །དོན་༼ཀ༽ རང་གི་མཚན་ཉིད་དང་སྤྱི་ཡི་རྣམ་པ་དེ་རྟོགས་པར་འཐད་པས་སྒྲུབ་པའོ། ༈ །ཡུལ་སྣང་བ་ལ་མཚན་མར་མི་རྟོག་དོན་གྱི་གནས་ལུགས་ལ་མ་འཁྲུལ་བར། །རྣམ་ཤེས་སྒོ་མིག་རྣ་བ་སྣ་ལྕེ་ལུས་ལྔས་ཡུལ་གཟུགས་སྒྲ་དྲི་རོ་རེག་བྱ་ལྔ་རྣམ་པ་སྒྱུ་མར་གཅད། །སྤྲུལ་སྐུ་སྡུག་བསྔལ་རྩོལ་སྒྲུབ་དང་བཅས་པའི་དུས་ཀྱི་ཚེ་བརྡ་དོན་སྤྲད་པས་ངེས་ཤེས་འཆར། །སྤྲུལ་པའི་སྐུ་མ་བཙལ་བར་གདོད་ནས་གནས་པ་དབང་པོའི་མངོན་སུམ་གྱི་འཐད་པས་གྲུབ་བོ། ༈ །ཡིད་ཀྱི་ཡེ་ཤེས་ནི་སྔར་གྱི་བྱ་བ་ཟིན་པ་དང་ཕྱིས་ཀྱི་བྱ་བ་མ་བཟུང་བའི་བར་ན། །སྤྲོས་པའི་རང་བཞིན་ཉིད་སྤྲོས་པ་དང་བྲལ་བ་ཉིད་དུ་ངོ་ཡིས་ཟིན་པ་ནི། །བློ་ཡུལ་དུ་མ་གྲུབ་པས་ཆོས་སྐུ་བསམ་གྱིས་མི་ཁྱབ་པའི་དུས་སུ་ངེས་པའི་ཤེས་པ་འཆར། །ཆོས་ཀྱི་སྐུ་མ་བཙལ་བར་ལྷུན་གྲུབ་ཡེ་ནས་གནས་པ་ཡིད་ཀྱི་མངོན་སུམ་གྱིས་འཐད་པས་གྲུབ་བོ། ༈ །རང་རིག་མངོན་སུམ་དུ་ངར་འཛིན་ཅིང་ཉོན་མོངས་པ་ལྔ་སྐྱེས་པའི་ཚེ། །དེའི་དོན་སིངས་ཀྱིས་རིག་ལ་ཡུལ་ཡུལ་ཅན་གང་དུའང་མི་རྟོག་པར། །རང་རིག་པ་བདེ་བ་ཆེན་པོ་ཤར་བའི་དུས་སུ་ངེས་པའི་ཤེས་པ་འཆར། །ལོངས་སྐུ་མ་བཙལ་བར་ལྷུན་གྱིས་གྲུབ་པར་ཡེ་ནས་གནས་པ་རང་རིག་པའི་མངོན་སུམ་དུ་འཐད་པས་གྲུབ་པའོ། ༈ །རང་རིག་པ་སྟོང་པ་ཉིད་སྤྲུལ་པའི་རྣམ་པ་ཅན། །དུ་རྟོགས་པའི་ངང་ལ་གནས་པས་ཚོགས་བདུན་ལས་གྲོལ་ཏེ་བག་ཆགས་ཀྱི་རྙོག་གཞི་སྦྱོར་དོན་རང་དྭངས། །རྣལ་འབྱོར་གྱི་མངོན་སུམ་ཤིན་ཏུ་ཡོངས་སུ་རྫོགས་པར་གསལ་བ་ནི་སྐུ་གསུམ་ལྷུན་གྱིས་གྲུབ་པའི་ངང་ལ། །ཚོགས་བརྒྱད་ཀྱི་རྟོག་པ་རང་སར་གྲོལ་ནས་ཀུན་མཁྱེན་གྱི་ཡེ་ཤེས་མ་འཁྲུལ་བས་འཐད་པ་གྲུབ་བོ། ༈ །དེ་ལྟར་མ་འདྲེས་ཡོངས་རྫོགས་ཀྱི་རང་གི་མཚན་ཉིད་མངོན་སུམ་དུ་རྫོགས་པར་ཆིག་ཆོད་དུ་རྟོགས་མ་ནུས་པ་ལ་ནི། ༈ །འཁྲུལ་པའི་སྣང་བ་ནི་འབྲས་བུ་ཡིན་ལ་དེའི་ངོ་བོ་ཉིད་ཀྱི་རྒྱུ་དེ་ཡོད་པའི་ཕྱིར། །བྱང་བ་རང་བཞིན་ཆུབ་པ་རྣམ་པ་སེམས་མཚན་ཉིད་དེ་ཆོས་ཅན། །གསུམ་མ་བཙལ་བར་ལྷུན་གྱིས་གྲུབ་པ་ཡེ་ནས་གནས་པར་དམ་བཅའ་འབྲས་བུས་རྗེས་སུ་དཔག ༈ །རྣམ་པར་ཤེས་པ་ཚོགས་བརྒྱད་ཡུལ་བརྒྱད་དང་བཅས་པ་ཡི། །རང་བཞིན་ནི་ཆོས་ཅན། ཡེ་ནས་རང་བཞིན་སྟོང་ལ་མཚན་ཉིད་གསལ་ཅིང་སྤྲུལ་པའི་རྣམ་པར་བཅས་པ་ལས། །ནོར་བ་མེད་ཧེ་ཏུཿཔས་མ་བཅོས་པ་ཡིན་ཏེ་དམ་བཅའ་ཞེས་རང་བཞིན་གྱི་གཏན་ཚིགས་ཀྱིས་དཔག་གོ། ༈ །འཁྲུ ལ་པའི་ཤེས་པ་ཚོགས་བརྒྱད་ཡུལ་དང་བཅས་པ་དེ་ཉིད་བདེན་པ་ཡིན་ན། །དེ་མཐོང་བ་ཡིས་གྲོལ་བར་རིགས་ཏེ་དེ་ཉིད་རང་སྡུག་བསྔལ་བས་བདེན་པ་མིན་ནོ། ༈ །རིགས་པའི་ཤེས་པའི་ཡུལ་དང་རྒྱལ་བའི་དགོངས་པ་དང་། །རྣལ་འབྱོར་པའི་དགོངས་པ་སྟེ་ཡང་དག་པའི་ཤེས་པ་གསུམ་གྱི་ངོ་ན་དེ་མི་དམིགས་པའི་ཕྱིར ། །ངེས་པའི་དོན་དུ་ན་གཤིས་ལའང་མ་གྲུབ་སྟེ་དམ་བཅའ་ཞེས་མི་དམིགས་པའི་གཏན་ཚིགས་ཀྱིས་དེ་རྗེས་དཔག ༈ །གནས་སྐབས་ཙམ་དུ་འཁྲུལ་སྣང་གི་རིགས་པས་ཡུལ་དང་ཤེས་པ། །སྣང་བར་གྲུབ་ཀྱང་བདེན་ཅིང་ངེས་པའི་རིགས་པས་དེ་མི་ཐད་དེ། །ཤེས་པ་འཁྲུལ་པའི་ངོར་འཐད་པའི་ཕྱིར་བདེན་པའི་དོན་དང་འགལ་བར་ངེས་པ་ནི། །དཔེར་ན་ཐག་པ་སྦྲུལ་དུ་འཛིན་པའི་ཤེས་པ་འཁྲུལ་བ་ཡིན་པ་བཞིན་ནོ། ༈ །ཐ་སྙད་དང་ཚིག་གི་སྒྲོ་སྐུར་རྣམས་རིགས་པ་བཞི་པོ་དེས་བསལ་ལ། །ངེས་པའི་དོན་དུ་རང་རིག་པའི་ཉམས་ལ་གནས་པར་བྱའོ། ༈ །མཚན་མ་དང་ཀུན་རྫོབ་ཀྱི་ཞེན་པ་ལས་གྲོལ་བའི། །མུ་མཐའ་ཀུན་དང་བྲལ་ལ་ཇི་ཡང་མ་སྤངས་པའི་རང་རིག་པ་ལ། །ཆོས་ཐམས་ཅད་ཡུལ་མེད་པར་ཀུན་གསལ་ཅིང་སྟོང་པ་ཉིད་ཡིན་དེ། །ཞེས་བསྟན་པ་དེ་ཡང་གཞན་སེལ་དོན་གཉེར་གྱི་དགོས་པས་ཐ་སྙད་དུ་བཏགས་ཏེ་བརྗོད་པ་ཙམ་དུ་ཟད་དོ། ༈ །གནས་པ་དང་མི་གཡོ་བ་དང་མཉམ་བ་ཉིད་ཀྱི་ལྷུན་གྱིས་གྲུབ་པའི་ཉམས་དང་བཞིའོ། །རིམ་པ་མེད་པས་ཅིག་ཅར་དང་བར་དུ་དོར་བས་ཐོད་རྒལ་དང་སྔ་ཕྱི་རིམ་གྱིས་ཤར་བའོ། ༈ །ཤེས་བྱའི་དོན་ལ་བདེན་བརྫུན་དུ་གཅོད་པ་རང་རིག་པའི་གང་གིས་ཡེ་ཤེས་ཀྱིས། །གང་གཅོད་འཁོར་འདས་སྣང་གྲགས་མྱོང་རིག་པའི། །གང་ལ་ཚོགས་བརྒྱད་ཡུལ་དང་བཅས་པ་འདི། །མཚན་ཉིད་གང་ལྟར་གསལ་བ་དང་རང་བཞིན་སྟོང་པ་དང་རྣམ་པར་སྤྲུལ་པ་གསུམ་མ་འདྲེས་པར་གསལ་ཏེ། ༈ །དེ་ཡང་ངོས་གཟུང་ལས་འདས་པའི་ཡེ་ཤེས་སུ། །འཁོར་འདས་ཀྱི་རང་བཞིན་དབྱེར་མེད་དོ། །ཚུལ་དེ་ལྟར་དུ་མཁྱེན་པའི་རང་རིག་པ་ནི་ཤེས་བྱ་ཀུན་ལ་ཁྱབ་ལ་དེ་དག་དང་མ་འདྲེས་པར་རང་གསལ་ལོ། །དེ་ཡི་རྣམ་འཕྲུལ་མི་འགག་པར་རོལ་པའི་ཆོས་སྣ་ཚོགས་སུ། །སྤྲུལ་པས་རང་གཞན་གྱི་དོན་རྣམས་གྲུབ་སྟེ་རྫོགས་པའོ། །དེ་དག་ཡོངས་སུ་རྫོགས་པས་དབྱེར་མེད་ལ་གཅིག་ཏུ་འདྲེས་པའང་མིན། །གཅིག་དང་ཐ་དད་ཀྱི་མཚན་ཉིད་ལས་གྲོལ་བ་ནི་མཚན་ཉིད་དོ། ༈ །དེ་ཉིད་མཚོན་པར་བྱེད་པའི་ཚིག་དོན་འབྲེལ་ལེགས་པའི་མིང་གི་ངེས་པའི་ཚིག་ནི། །རྒྱལ་བའི་དགོངས་པ་ཉིད་རིག་པ་ལ། །ལྟ་བར་བྱེད་པ་དང་བལྟ་བར་བྱར་མེད་པར། །ཆོས་ཀུན་གྱི་རང་བཞིན་གསལ་བར་མཐོང་བའི་ཕྱིར་ལྟ་ཞེས་བྱ་བར་མིང་ངེས་པའོ། ༈ །དེ་ཡང་དབྱེ་ན་ཡོད་པ་དངོས་པོ་དང་མེད་པ་སྟོང་པ་དང་། །བདེན་པ་གཉིས་དང་དེ་གཉིས་སུ་མེད་པ་དང་། །མུ་བཞི་ཀུན་རྫོགས་པ་དང་མུ་བཞི་ཀུན་ལས་འདས་པ་སྟེ། ༈ །ཞེས་དྲུག་ང་བདག་ཏུ་ལྟ་བ་དང་རྟག་པ་ང་ཡི་དངོས་པོ་ཡོད་པར་ལྟ་བ་དང་། །གང་ཟག་གི་བདག་དེ་དང་བྲལ་ལ་གཟུང་བ་རྡུལ་ཕྲ་རབ་དང་འཛིན་པ་སྐད་ཅིག་མ་ཡི། །ཆོས་ཙམ་གྱི་དངོས་པོ་ཡོད་པར་ལྟ་བ་ཉན་ཐོས་པ་དང་། །ཕྱི་གཟུང་བ་དང་བྲལ་ལ་ནང་འཛིན་པ་ཡི། །དངོས་པོ་ཙམ་དུ་ལྟ་བ་རང་རྒྱལ་དང་། །གཟུང་བའི་ཡུལ་དང་འཛིན་པའི་ཤེས་པ་གཉིས་ནི་ཡོད་པ་མིན་ལ། །རང་རིག་ཁོ་ནའི་དངོས་པོར་ལྟ་བ་སེམས་ཙམ་པའོ། ༈ །ཚེ་སྔ་ཕྱི་དང་ལས་རྒྱུ་འབྲས་ཀྱི་སྟོང་པར་ལྟ་བ་རིགས་པ་ཅན་དང་། །ངེས་པར་ལེགས་པ་འབྲས་བུ་བྱང་ཆུབ་གསུམ་གྱིས་སྟོང་པར་ལྟ་བ་སྤྱོད་པ་དང་། །ཆོས་སྣང་ཐམས་ཅད་ཀྱིས་སྟོང་པར་ལྟ་བ་ལུང་གི་ཕྱོགས་ཙམ་པའོ། ༈ །དོན་དམ་པར་ན་དེ་ཁོ་ན་ཉིད་སྤྲོས་པ་བརྒྱད་དང་བྲལ་ལ། །ཀུན་རྫོབ་ཙམ་དུ་དངོས་པོ་ཅིར་ཡང་སྣང་བ། །དེ་གཉིས་ཤིན་ཏུ་གཅིག་པའམ་ཐ་དད་པ་མིན་ཏེ་དེ་ཉིད་དང་གཞན་དུ་བརྗོད་དུ་མེད་པར། །ཐབས་ཀུན་རྫོབ་དང་ཤེས་རབ་དོན་དམ་ཏུ་ལྟ་བ་དབུ་མ་པ་དང་། །ཀུན་རྫོབ་ཏུ་སྣང་བ་འདི་ལྷ་རིན་ཆེན་པདྨ་རྡོ་རྗེའི་རིགས་གསུམ་གྱི་ཡེ་ཤེས་པ། །རྗེ་དང་དམ་ཚིག་པ་འབངས་འདྲ་དོན་དམ་པར། །མཐའ་བཞིས་དག་པའི་མཐའ་རུ་ལྟ་བ་ཀྲི་ཡ་པ་དང་། །ཀུན་རྫོབ་ལས་ཀྱི་རིགས་བསྣན་པས་བཞི་ལ་ཡེ་ཤེས་པ་དཔོན་དམ་ཚིག་པ་གཡོག་དོན་དམ་པར། །སྤྲོས་པ་དང་བྲལ་བར་ལྟ་བ་ཨུ་པ་ཡ་དང་། །ཀུན་རྫོབ་ཏུ་སྣང་བ་རིགས་ལྔ་ལ་ཡེ་ཤེས་པ་དང་དམ་ཚིག་པ་གྲོགས་པོའི་ཚུལ་དུ་ཐ་དད་མཉམ་པོ། །དོན་དམ་པར་རྣམ་པར་སྣང་མཛད་ཆེན་པོ་སྟོང་པར་ལྟ་བ་ཡོ་ག་བ་དང་། ༈ །གསལ་བ་ལྷ་ཡི་རང་བཞིན་བདེ། །དེ་ཉིད་ངོས་གཟུང་ཅིས་ཀྱང་སྟོང་པས། །དབྱེར་མེད་དུ་ལྟ་བ་མ་ཧཱ་བ་དང་། དེ་ལས་གྲོལ་བའི་བདེ་བ་ཆེན་པོར་ལྟ་བ་ཨ་ནུ་དང་། ༈ །ཡོད་མེད་གཉིས་གཉིས་མེད་མུ་བཞི་པོ་ཀུན་ཏུ་ཡེ་ནས་རྫོགས་པ་ལ། །གཅིག་ཁོ་ནའི་ཕྱོགས་སུ་ལྟ་བ་དེ་དག་འཁྲུལ་པ་ཡིན་པས། །མུ་བཞི་པོ་ཐམས་ཅད་ལྷུན་གྱིས་གྲུབ་ཅིང་རྫོགས་པར་ལྟ་བ་ལྷུན་གྲུབ་པ་དང་། ༈ །མུ་བཞི་གང་གི་ཡང་མཐའ་རུ་མ་རེད་པ་ལ། །རང་འདོད་ཀྱིས་ཕྱོགས་སུ་ལྟ་བ་དེ་འཁྲུལ་པས་ན། །མུ་བཞིའི་ཕྱོགས་ཐམས་ཅད་དང་བྲལ་ཏེ་ཀ་ནས་དག་པར་ལྟ་བ་དང་། ༈ །དྲུག་པོ་དེ་དག་ཀུན་བལྟར་ཡོད་དེ་མཐའ་དྲུག་གི་ཡུལ་ལ་ལྟ་བའོ། ༈ །བྱང་ཆུབ་ཀྱི་སེམས་སུ་ཆོས་ཀུན་མཁྱེན་པའི་ཡེ་ཤེས་དེས། །མུ་མཐའ་ཀུན་མཁྱེན་ཀྱང་ཕྱོགས་གཅིག་པའི་ཡུལ་དུ་བལྟར་མེད་པ་ལ་རང་གསལ་བ་ཞེས། །དགོས་པའི་དབང་གིས་ཅིར་བརྟགས་ཀྱང་སྒྲ་ཇི་བཞིན་པ་དེར་མི་རྟོག་པས། །མ་འདྲེས་ལ་ཡོངས་སུ་རྫོགས་པར་མུ་མཐའ་ཀུན་རང་གྲོལ་བའོ། ༈ །དེ་ལ་ཡང་མིང་གྲངས་ནི་རྟོག་པ་ཉིད་ཡེ་ཤེས་སུ། །འདུས་པས་ན་ལྟ་བའི་དབང་དུ་རྟོགས་ཤིང་། །ལྟ་བ་རྟོགས་པས་བསྒྲུབ་བྱ་དོན་གྱི་སྙིང་པོ་ལོངས་པའི་ཕྱིར། །ལྟ་བའི་དཀྱིལ་འཁོར་ནི་རྟོགས་པ་ཉིད་ཡིན་ལ། །རྟོགས་པའི་ངང་ལ་གནས་པས་དེ་ལས་འདའ་བ་མེད་པར་གནས་པའི་ཕྱིར། །ལྟ་བའི་དམ་ཚིག་ནི་ཡེ་ནས་གནས་པའི་དོན་བསྲུངས་པ་ཡིན་ཅིང་། །ཕྱོགས་སུ་འཛིན་པ་ཞི་ལ་ཀུན་མཁྱེན་གྱི་ཡེ་ཤེས་རྒྱས། །ཤེས་སྒྲུབ་ཀྱི་དོན་འདུས་པས་དབང་དངོས་པོ་དང་མཚན་མར་འཛིན་པ་ཚར་གཅོད་པ་དྲག་པོ་ལྟ་བའི་ཕྲིན་ལས་ནི་ལྷུན་གྲུབ་ཡིན་ལ། །ཡུལ་མེད་ཡེ་ནས་གསལ་བ་ཀུན་མཁྱེན་པ། །ཡུལ་དུ་བལྟར་མེད་པའི་ལྟ་བ་ནི་ཡེ་བལྟས་སུ་མཐོང་ལ། །རྟོགས་ནས་དེའི་ངང་ལས་འདའ་བ་མ་མྱོང་བས། །ལྟ་བའི་སྒོམ་པ་ནི་ཡེངས་པ་དང་བྲལ་བའོ། །མཁྱེན་པའི་ཡེ་ཤེས་འགག་བ་མེད་པར་རོལ་བས། །ལྟ་བའི་སྤྱོད་པ་ནི་རང་ལ་རྫོགས་པ་ཡིན། །རྟོགས་པའི་ངང་ལ་གནས་པས་འབྲས་བུ་མཐར་ཕྱིན་པའི་ཕྱིར། །ལྟ་བའི་ས་ལམ་ནི་རང་ལ་གནས་པའོ། །ཡེ་ནས་ཡིན་པའི་དོན་རྟོགས་པ་ལས་སྐྱེད་དབྱུང་དུ་མེད་པས། །ལྟ་བའི་འབྲས་བུ་ནི་ཡེ་ནས་རང་སངས་རྒྱས་པའོ། །ཀློང་བརྒྱད་པོ་ཀུན་ལ་ཡང་དེ་བཞིན་དུ་ལྡོག་ཆ་ནས་དགུ་དགུར་ཤེས་པར་གྱིས་ཤིག་ཅེས་གདམས་སོ། ༈ །དུས་གསུམ་གྱི་བདེ་བར་གཤེགས་པའི་ཡེ་ཤེས་དང་། །འགྲོ་བ་རིགས་དྲུག་སེམས་ཉིད་ཀྱི་མ་བཅོས་པ་དང་གཉིས། །ཐ་དད་པ་མ་ཡིན་པའི་དོན་གྱིས་གཅིག་པ་ལ། །བཟང་ངན་མི་གནས་༼༠༽པས་གདེང་ཆེན་པོ་དང་ལྡན་ནོ། ༈ །དེས་༼༠༽ན་སེམས་ཅན་གྱི་རྟོག་པ་ངན་པས་སྤང་བ་དང་། །སངས་རྒྱས་ཀྱི་ཡེ་ཤེས་བཟང་བ་ཡིས་སྒྲུབ་པར་མི་བྱེད་ལ། །དོན་དམ་ཀུན་རྫོབ་དང་འཁོར་འདས་ལ་སོགས། །པ་འོག་མ་པས་བཟང་ངན་དུ་བཟུང་བ་རྣམས་ལ་འདིར་དགག་སྒྲུབ་མེད་པ་སྲོག་གི་གནས། ༈ །དེ་ཡང་ལས་དང་པོ་པ་མིང་ལ་མོས་པས་ན་གཡོ་བའི་ཉམས། །དོན་སྤྱི་ལ་སྨོན་པའི་ཉམས་ཅིང་དོན་རང་མཚན་ལ་འཇུག་པའི་ཉམས། །ངེས་པར་རྟོགས་པ་ཐོབ་པའི་ཉམས་ཅིང་དེའི་ངང་ལ་གནས་པའི་ཉམས། །རྟོགས་པ་གོམས་པས་ཀློང་དུ་གྱུར་ནས་བསྒྱུབ་བྱའི་དོན་མཐར་ཕྱིན་པའི་ཉམས་ཡིན་ནོ། ༈ །གཉིད་དུ་རྣལ་བའི་མཐངས་རྨི་ལམ་དུ་ཕྱུང་བའི་སྡུག་བསྔལ་བ་ལས། །གཉིད་སད་པས་མ་སྤངས་པར་རང་སར་གྲོལ་བ་དང་འདྲ་བར་འཁྲུལ་པ་རང་གྲོལ་བའམ། །རྒྱལ་བུ་སྤྲང་པོར་རྐང་འཁྱམས་པ་ལ་རྒྱལ་པོར་དབང་བསྐུར་བ་དང་འདྲ་བར་མངོན་སུམ་དུ་གྲུབ་ཅིང་། །སྨག་གི་མུན་རུམ་ལ་སྒྲོན་མེ་བཏེག་པ་ཡིས་གསལ་བ་དང་འདྲ་བར་མ་རིག་པ་རང་གསལ་བའོ། ༈ །རང་གནས་ཀྱི་ཡེ་ཤེས་ཚིག་ཙམ་ལས་དོན་དུ་མ་རྟོགས་ན། །འཁྲུལ་པས་རང་བཅིངས་༡མུ་བཞིའི་མཐར་ལྷུང་༡ ཞིང་ཕྱོགས་རིས་སུ་༡བཅད་༡༡༡པས། །རང་གི་རྒྱུད་སྡུག་༡ བསྔལ་ལ་མཉམ་གྲོལ་གྱི་དོན་༢སྤངས་ཏེ་དགག་སྒྲུབ་ཀྱི་རྩོལ་༣བས་ལ་བ། །དེ་ལས་གྲོལ་བར་བྱ་བའི་ཕྱིར་བྱང་ཆུབ་ཀྱི་སེམས་སུ་ལྟ་བའོ་ཞེས་གཞན་སེལ་གྱིའོ། ༈ །དེ་ཡི་ཡོན་ཏན་བློ་ཡིས་བསམ་གྱིས་མི་ཁྱབ་ཀྱང་བསྡུ་ན། །ཞེན་དྲུག་གཞིའི་སྡུག་བསྔལ་དང་ཐེག་བརྒྱད་ལམ་གྱི་རྩོལ་བའི་ནད་ལས་གྲོལ། །བས་སངས་ལ། བདེ་བ་ཆེན་པོར་ལྷུན་གྱིས་གནས་པ་ནི་རྟོགས་པས་ཡོངས་སུ་རྒྱས་པས། །འགྲོ་བའི་དོན་མ་བཙལ་བར་ལྷུན་གྱིས་གྲུབ་པར་འབྱུང་བའོ། ༈ །རྟོགས་པ་དེ་ཡི་ངང་ལ་མ་གནས་ན། །དུས་བསྐལ་པར་རྩོལ་སྒྲུབ་ཀྱི་སྡུག་བསྔལ་དགེ་ཚོགས་ཅི་ལ་སྤྱད་ཀྱང་། །བསྒྲུབས་པའི་དོན་མེད་པར་ལས་འབྲས་ཀྱི་སྙིང་པོ་ཕྱུང་བས་བསྐམས་ཏེ་ཟད་པ་ཡིན་ཏེ། །རང་སའི་འདོད་པ་གྲུབ་ཀྱང་འབྲས་བུ་མཐར་མི་ཕྱིན་པས། །སྐྱེ་འཇིག་དང་བཅས་པས་འཁོར་བ་ཉིད་ལས་འདའ་བ་མེད། །པའི་སྐྱོན་དེ་བས་ན་ནན་ཏན་གྱིས་ལྟ་བ་རྟོགས་པ་ཤིན་ཏུ་གཅེས་བས་འབད་པར་བྱའོ། ༈ །དགའ་རབ་རྡོ་རྗེ་བདག་ཉིད་ནི་མ་རིག་པའི་གནས་ནས་འབྱུང་བ་ལ། །རྟོགས་པ་རིན་ཆེན་གདེང་མེད་པས་གཞན་ཐབས་འགའ་ཡང་། །རྙེད་པར་མ་གྱུར་པ་ལ་འབྱུང་བ འི་དུས་དྲུག་ལ་བབ་པའི་ཚེ་ལྷའི་དབང་པོས་ཕྱོགས་བཅུའི་སངས་རྒྱས་བསྐུལ་བས། །སྐུ་གསུམ་གྱི་བཀའི་ཆུ་རྒྱུན་བདག་ལ་བབས་པས་མ་རིག་པའི། །དྲི་མ་དག་ནས་རང་བྱུང་ཡེ་ཤེས་ཀྱི་ཤེས་བྱ་ཀུན་མཁྱེན་ཅིང་ཡུལ་མེད་དུ་གསལ་བས། །འཁྲུལ་པ་གཞན་མཐོང་ནས་དེ་དག་ལ་སྙིང་རྗེ་སྐྱེས་པས་ལྟ་བ་རྟོགས་པའི་ཐབས་བཀོད་པ། །འདི་ལ་བརྟེན་ནས་སེམས་ཅན་ཐམས་ཅད་ཀྱིས་ཤེས་རབ་ཀྱི་མིག་ལྟ་བ་རྙེད་པར་ཤོག་ཅིག །རྩོམ་པ་ལ་ངལ་བའི་དགེ་རྩས་འགྲོ་བ་ཀུན་གྱིས་ཀྱང་གནས་ལུགས་དོན་རྟོགས་པར་གྱུར་ཅིག་པའོ། །ལྟ་བ་ཐམས་ཅད་ཀྱི་ཡང་རྩེ། །སེམས་མེད་པའི་རིན་པོ་ཆེ། །ལྟ་དགོངས་ཐམས་ཅད་ཀྱི་རྩེ་མོ་མཆོག་ཏུ་གྱུར་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། ༈ །སེའི་བནྡྷེ་འབྱུང་ལྡན་གྱིས་མཆན་བུ་བཏབ་པའོ། །འགྲོ་བའི་དཔལ་དུ་བསྔོའོ།། །།

དགོངས་པའི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

པྲ ཀྲི ཏི སྱ དྷཱ ཏུ ཏི སྨ། །
དགོངས་པའི་ཀློང་བཞུགས། །
རྒྱ་གར་སྐད་དུ། སརྦ་༼ག༽ཏ་ཐཱ་ག་ཏ༈ཨ་༼ཁ༽བྷི༈སརྦ་༼ཀ༽དྷརྨ༈པྲ་༼ང༽ཀྲི༈ཏི་ཡོ་༼ཅ༽ ག༈བྱཱ་༼ཆ༽ནནྟ་ར༈ཨ་༼ཇ༽སཾ་སྐྲི་ཏ༈པུ་༼ཉ༽ ཎཾ༈བྱ་༼ཏ༽ཀ་ར་ན༈ ནཱ་མ། བོད་སྐད་དུ། མཚན་ཉིད་འཛིན་པའི་ཆོས་༼ཀ༽འཁོར་འདས་བརྗོད་བྱ་ཐམས་ཅད་ཀྱི༈གདོད་ནས་མ་སྐྱེས་པས་རང་༼ཁ༽བཞིན་བྱང་ཆུབ་ཀྱི་སེམས་དུས་གསུམ་གྱི་དེ་༼ག༽བཞིན་གཤེགས་པ་ཐམས་ཅད་ཀྱི༈ཐུགས་ཀྱི་དགོངས་༼ང༽པ༈མཁྱེན་པའི་ཡེ་ཤེས་མ་ནོར་རྣལ་༼ཅ༽མའི་དོན་ལ་རིག་པས་འབྱོར་པའི༈ཡང་རབ་ཀྱི་བསམ་༼ཆ༽པ་ཡུལ་འདུས་བྱས་མིན་པས་གཏན་པ་མཚུངས་པ་མེད་པས་ཁྱད་པར་ཅན་དུ༈ཡེ་ནས་གནས་པས་འདུས་༼ཇ༽ མ་བྱས༈པར༈༼ཉ༽ལུང་༼ཏ ༽སྒྲོ་སྐུར་དང་བྲལ་བར་ངེས་སོ། །སྐལ་ལྡན་ལ་གསལ་བར་བསྟན་པ་ཞེས་རྗོད་བྱེད་བྱ་བ། བཅོམ་ལྡན་འདས་བློས་བསམ་པ་བྲལ་བའི་ཏིང་ངེ་འཛིན་ལ་ངང་གིས་གནས་པ་རྡོ་རྗེ་འཛིན་པ་ཆེན་པོ་ལ་གོམས་པས་ཕྱག་འཚལ་ལོ། །དྲན་བ་དང་རྟོག་པ་ཡུལ་གྱི་རྣམ་པ་ལ་ཅིར་ཡང་གཡོས་ཀྱང་། །དེའི་མཚན་ཉིད་རང་གསལ་རྣམ་པ་མ་འགགས་པར་སྤྲུལ་པ་ངོས་རང་བཞིན་གཟུང་མེད་དེས་ཡིན། །དེས་ན་དོན་དེང་རྟོགས་པའི་ནུས་པའི་མཐུ་ཅན་གྱི་སྐྱེས་བུའི་ཡིད་ནི། །བདེ་གཤེགས་ཀྱི་དགོངས་པ་ཡིན་པས་རྟོགས་གོམས་དེས་འདུད་ཕྱག་འཚལ། ༈ །སྐྱེ་རྒུ་ཕལ་ཆེར་ནི་བློ་གྲོས་མུ་མཐའི་ཕྱོགས་སུ་ལྷུང་པས་ཤེས་བྱ་ལ་མཁྱེན་པའི་རྩལ་མ་རྫོགས་པས་མ་བཅོས་པར་ལྷུན་གྱིས་རྫོགས་པའི་ཆོས་རྣམས་ལ། ངེས་པར་འཛིན་པའི་མོས་པ་དང་འདོད་པའི་འདུན་པ་དང་དད་པ་གསུམ་མེད་པར་ཡང་མ་ཟད་པར་དེ་ཉིད་བློའི་ཕྲག་ཏུ་མི་ཚུད་པས་དོག་པའི་བསམས་པས་སྒྲོ་འདོགས་ཤིང་སྐུར་འདེབས་པར་བྱེད་པ། དེས་ན་འོག་གི་འདི་ལྟར་དུ་སྙིང་རྗེས་ཀུན་ནས་བསླངས་ནས་བཀོད་ཀྱང་སྐྱེ་དགུ་ཀུན་ལ་ཕན་ནོ་ཞེས་ངེས་པར་ཡིད་བརྟན་མེད་ཀྱང་། སློབ་དཔོན་རང་དང་ཐུགས་ཀྱི་རིགས་མཐུན་པ་དངོས་ཀྱི་སློབ་མ་འཇམ་དབྱངས་བུ་དང་བརྒྱུད་པའི་སློབ་མ་ཕྱི་རབས་དྲ་མ་ཆེན་པོའི་དོན་དུ་དགོད་པར་བྱའོ། །རྟོགས་པའི་ལྟ་བ་ཡིད་སྦྱིན་གྱི་ནོར་བུ་ལྟ་བུའི་ཡོན་ཏན་དང་ལྡན་པ་ལས། །ཆེ་བའི་པ་ལྔས་ཁྱད་པར་འཕགས་ཆེན་པོར་སངས་རྒྱས་སུ་རྩལ་འབྱིན་པ་ནི། །རྩོལ་བས་མ་བཙལ་བར་རྟོགས་པའི་ངང་དུ་གོམས་པ་ལས། །དུས་དེ་མ་ཐག་ཏུ་རང་ལས་འབྲས་བུ་འཆར་ཏེ། །དཔེར་ན་རྒྱ་མཚོ་རྐྱེན་གྱིས་རྙོགས་པ་ལས། །རྐྱེན་གྱིས་མ་བཅོས་པའི་ངང་དུ་བཞག་པ་ཡིས། །རྙོག་པ་རང་སངས་ཏེ་ཆུ་དང་བ་ལ། །ཉི་ཟླའི་གཟུགས་བརྙན་ངང་གིས་འཆང་བ་བཞིན་ནོ། ༈ །དུས་ཡེ་ནས་འབྲས་བུ་ལྷུན་གྱིས་གྲུབ་ཅིང་འཁྲུལ་པ་རྣམ་པར་དག་པའི་དོན་ཏེ། །རང་རིག་རང་གསལ་དུས་ཡུལ་དང་ཡུལ་ཅན་དབྱེར་མེད་ཡུལ་མེད་དུ་རྟོགས་པའི། །སོ་ལ་མ་ཡེངས་པར་རང་རང་དུ་བཞག་པས་དེ་ལ། །སྐུ་གསུམ་ལྷུན་གྱིས་གྲུབ་སྟེ་རྩོལ་བ་མེད་པས་བདེ་བ་ཆེ་འོས། །དཔེར་ན་རྒྱལ་བུས་དགེ་དོན་གྱི་བསོད་ནམས་ཀྱི་ཚོགས་ཆེན་པོ་རྫོགས་པར་བྱ་བའི་ཕྱིར། །ཕྱིའི་རྒྱ་མཚོའི་གླིང་ལས་ཡིད་སྦྱིན་གྱི་ནོར་བུ་རིན་པོ་ཆེ་བླངས་ཏེ། །རྒྱལ་བུའི་ཡེ་ནས་ཡོད་པའི་ཡོན་ཏན་དེ་ནོར་བུ་དེའི་རྐྱེན་གྱིས་བསླང་ནས། །འགྲོ་བའི་འདོད་པ་སྐོང་ཞིང་དབུལ་བ་སེལ་དེ་འདོད་པའི་བདེ་བས་ཚིམ་པ་བཞིན་ནོ། ༈ །གོམས་པས་རྟོགས་པའི་ངང་དུ་གནས་པ་ལས། །རྒྱལ་བའི་དགོངས་པ་རང་ཆས་སུ་གནས་པ་ཤར་བ་ནི། །སྔོན་གྱི་གནས་དྲན་པ་ལྷའི་མིག་རྣ་བ་སེམས་ཤེས་པ་མངོན་ཤེས་དྲུག་དང་ཡེ་ཤེས་ལྔ་སྟོང་མེ་མཉམ་འོ་བྱ། །སྐུ་དང་གསུང་དང་ཐུགས་དང་ཡོན་ཏན་ཕྲིན་ལས་དང་། །ཐུན་མོང་དང་ཁྱད་པར་གྱི་མཚན་སོ་གཉིས་དཔེ་བྱད་བརྒྱད་ཅུ་མི་འཇིགས་པ་སྟོབས་མ་འདྲེས་པ་ལ་སོགས་པའི་ཡོན་རྫུ་འཕྲུལ་གྱི་བྱ་བ་ཤེས་པ་ཟག་པ་ཟད་པའི། ཏན་རྫོགས། །བྱམས་པ་ལ་སོགས་ཚད་མེད་བཞིས་འགྲོ་དོན་བཙལ་བ་མེད་པར་འགྲུབ་པ་ནི། །དཔེར་ན་དཔག་བསམ་གྱི་ཤིང་དང་བུམ་པ་བཟང་པོ་དང་། །ནོར་བུ་རིན་ཆེན་གྱི་ཡོན་ཏན་རང་ཆས་སུ་ཤར་བ་དང་འདྲ། ༈ །ཉོན་མོངས་པ་ལ་སོགས་པའི་སྐྱོན་རྣམས་མ་སྤངས་པར་སངས་རྒྱས་ཀྱི་ཡོན་ཏན་རྫོགས་པས། །རང་གཞན་གྱི་དོན་གྲུབ་སྟེ་ཉན་ཐོས་དགྲ་བཅོམ་པའི་ས་ལས་གྲོལ་ལོ། །རྟེན་འབྲེལ་ལུགས་བཟློག་གིས་མ་བཀག་ཀྱང་སྐྱེ་བ་དང་འགག་པ་ལས་གྲོལ། །རང་རྒྱལ་གྱི་ཡིད་སྦྱིན་བདེ་བའི་མཆོག་གི་ས་ལས་གྲོལ་ལོ། །སྒྲིབ་པ་གཉིས་མ་སྦྱངས་ཚོགས་གཉིས་མ་བསགས་ཀྱང་དོན་ལ་གནས་པས་གྲོལ་བས། །འབྲས་བུ་ལྷུན་གྱི་རྫོགས་ཏེ་སྦྱང་བགྲོད་མེད་པས་མདོ་སྡེའི་ས་ལས་གྲོལ་ལོ། །ལུས་ངག་གི་བྱ་བའི་ལས་ལས་གྲོལ་ཀྱང་ཆེ་བའི་ཡོན་ཏན་རྫོགས་པ་དང་། །གོང་འོག་གཉིས་ལ་ལྟ་སྤྱོད་མ་བརྟེན་ཀྱང་ཕྱོགས་མེད་ཀྱི་ངང་དུ་ཡོན་ཏན་རྫོགས་པ་དང་། །བསམ་གཏན་གྱི་ཡན་ལག་མངོན་བྱང་ལྔ་ཆོ་འཕྲུལ་བཞི་སྟེ་དགུ་ཡིས་གོས་པ་ལས་གྲོལ་ལ། །ཡང་ན་ལྷ་དང་བདག་ཐ་དད་བདེན་པ་གཉིས་སུ་ལྟ་བ་ལས་གྲོལ་ནས་ཡོན་ཏན་ཤར། །ལྷ་གཙང་བ། རྟོགས་པའམ་རྨི་བ་བླང་དོར་༼༣༽རྣམ་རྟོག་ཉིད་བླང་དོར་གྱི་རྩོལ་བ་མེད་པས་བདེ་ཆེན་གནས་པ་ལ། །ཡེ་ཤེས་པ་ཕྱི་དང་དམ་ཚིག་པ་ནང་ན་མི་མངའ་བས་ཕར་སྤྲོ་བསྡུ་བ་མེད། །ཆོས་ཐམས་ཅད་ཆོས་ཉིད་དེ་བཞིན་ཉིད་དེ་མིན་པར་སངས་རྒྱས་པའི་ཕྱིར། །ཐུབ་ཕྱི་པ་པའི་རྒྱུད་ཀྱི་བསམ་གཏན་ལས་གྲོལ་བའོ། །བསྐྱེད་རིམ་རིལ་གྱིས་ས་ལས་རིམ་གཅིག་ཅར་རྫོགས་པར་བཙལ་བ་དང་བྲལ་ལ། །དེ་ཀུན་བསྙེན་པ་དང་ཉེ་བསྙེན་གཅིག་སྤྲོས་ཚོགས་སྒྲུབ་པ་དང་སྒྲུབ་ཆེན་ཨ་ལི་རྣམ་པ་བཞིས་གནས་སྐབས་དང་མཐར་ཐུག་གི་འབྲས་བུ་འགྲུབ་མི་བྱེད། །དེ་ཀུན་གསུང་ཐུགས་སྐུའི་ཆོ་ག་ལྔ་དང་ཡན་ལག་གི་ཐབས་ཤེས་རབ་མི་ཟད་པ་ཡེ་ཤེས་ཀྱི་དལ་དང་སྔགས་ཀྱི་ཡན་ལག་ལྔ་དང་གོས་རྒྱན་བཟའ་བཏུང་གླུ་ཚིག་བྲོ་གར་ཨ་ལཱི་ཀ་ལཱི་སྟེ་ཡོ་བྱད་ལྔ་སྟེ་ལྔ་གསུམ་པོ་རྣམས་ཀྱིས་བཙལ་བས་འབྲས་བུ་འགྲུབ་པ་མ་ཡིན་པས་མ་ཧཱའི་བསམ་གཏན་ལས་ཡེ་ནས་རང་གྲོལ་བའོ། །རྫོགས་རིམ་ཆུ་ལ་ཉ་ལྡང་གི་ཚུལ་དུ་ལྷའི་དཀྱིལ་འཁོར་བསྒོམ་པ་གཙོར་བྱེད་པ་མིན་ཅིང་། །སྣང་བ་དབྱིངས་དང་ཡེ་ཤེས་གཉིས་རྒྱུ་༡འབྲས་༢སུ་སྒོམ་པ་དང་བྲལ་ལ། །ཝ་དང་ཅང་ཤེས་ལ་སོགས་པའི་བརྟུལ་ཞུགས་ཀྱི་གྲངས་ཉེར་གསུམ་ལ་རག་མ་ལས་པར། །ཕྱོགས་རིས་མེད་པའི་བདེ་བ་ཆེན་པོར་ཡེ་ནས་རྫོགས་པ་དང་འཇལ་བས་ཨ་ནུ་ལས་གྲོལ་ལོ། ༈ །ཆེ་བ་ལྔས་རྩོལ་བཅས་ལས་ཆེ་བའི་དཔག་དཀའ་བས་ཟབ་མོ་ཡི། །ཡོན་ཏན་མུ་མཐའ་ཅིར་ཡང་བརྗོད་ཅིང་བསྔགས་པ་མེད། །དོན་བཞི་པ་རྣམས་ཇི་ལྟ་བ་བཞིན་དུ་འགྲུབ་ཀྱང་རྟོག་པས་མི་བསྐྱེད་དེ། །རྩོལ་བའི་བྱ་བ་མེད་པས་རང་སའི་གྲོལ་བའང་འདིར་སྒྲོལ་བའོ། ༈ །རྣམ་པ་སྒྱུ་མ་རང་བཞིན་སྤྲོས་བྲལ་མཚན་ཉིད་རང་རིག་རྣམས། །རྩོལ་མེད་ཀྱི་བདེ་བ་ཆེན་པོར་ཡེ་ནས་ལྷུན་གྱིས་གྲུབ་པའི་གནས་ལུགས་དེ། །རྒྱལ་བའི་ལུང་དང་བླ་མའི་མན་ངག་དང་རང་རིག་པའི་ཉམས་དང་ཚད་མ་གསུམ་ཀྱིས། །རྟོགས་པའི་ངང་དུ་གོམས་པར་བྱེད་དགོས་པས། །དེའི་འཐད་པ་ཡང་ཡེ་ནས་གནས་པའི་གནས་ལུགས་དེ་ལས། །མ་རྟོགས་པ་དང་ལོག་པར་བརྟགས་པ་དེས་ན་ཤེས་པའི་རྒྱུད་ལའང་། །འཁྲུལ་པའི་ངང་རྟོག་གི་ཤུགས་ཉིད་སྟོབས་དྲག་པས། །གཤིས་ཀྱི་ཡིན་ལུགས་རྟོགས་པའི་ངང་དུ་མ་གོམས་ན། །དེ་ངོ་ཤེས་ཏེ་རྟོགས་པ་ཙམ་གྱིས་འབྲས་བུ་མཐར་མ་ཕྱིན་ནོ། ༈ །གཤིས་དེ་རྟོགས་ནས་དེའི་ངང་དུ་བློ་གནས་པ་དེ་ལ་ནི། །གནས་ལུགས་མཁྱེན་པའི་བསམ་པའི་ཀློང་དུ་ཆོས་ཐམས་ཅད་གྱུར་༼ཿ༽ཏེ་ཡེངས་བ་མེད་པས། །བསམ་༼ཿ༽གཏན་༼ཿ༽ཆེན་པོ་བསྒོམ་བྱ་སྒོམ་བྱེད་ཀྱི་རྩོལ་བ་དང་བྲལ་བ་ཡིན་ནོ། །ཡེངས་པའི་དོགས་མེད་པར་རྟོགས་པའི་ཀློང་ཆེན་པོར་༼ཧ༽ལས་མི་གཡོ་བ། །དེ་དང་འབྲལ་བ་མེད་པས་རྟོགས་པ་དོན་གྱི་གཟུངས་ཆེན་པོ་དང་༼ཨ༽ ལྡན་པས། །རྟོགས་པའི་ཡེ་ཤེས་ཀྱི་ངང་དུ་གནས་པ་ནི་ཏིང་༼ཧ༽ངེ་འཛིན་༼ཨ༽ཀྱི་མཆོག་གོ། །རྣམ་ཤེས་ཚོགས་བརྒྱད་ཀྱི་འཁྲུལ་པའི་རྦ་རླབས་རང་སར་ཞི་༼༡༽སྟེ། །གནས་ལུགས་བདེ་ཆེན་གྱི་ངང་དུ་གནས་པས་སྐྱེ་ལུགས་གསུམ་མ་སྤངས་པས་༼༠༽ལྷག །ཤེས་བྱའི་ཡུལ་མེད་པར་ཤེས་རབ་ཀྱི་སྤྱན་གྱིས་གཟིགས། །པ་རྣམས་དབྱེར་མེད་པར་རང་རིག་པ་གཅིག་གི་ངང་༼༠༽དུ་རྫོགས་པས། །ཞི་༼༡༽གནས་༼།༽དང་ལྷག་༼།།༽མཐོང་༼།།།༽ཟུང་༼།།།།༽དུ་འབྲེལ། ༈ །ཇི་ལྟར་ལྟ་བ་རྟོགས་པར་བྱེད་པའི་དོན་དུ་དེའི་ཐབས་བརྩོན་པས། །རྒྱལ་བའི་བཀའ་དང་གཞུང་ལུགས་རྒྱ་མཚོ་ཙམ་ལ་མཁས་ཤིང་རྟོགས་པ་གསལ་ཡང་། །དེའི་ངང་དུ་གོམས་༢པའི་མཚན་མ་ཟིལ་༡གྱིས་གནོན་པ་དང་རྒྱན་དང་བྲལ་ན། །རྣམ་རྟོག་མཚན་མའི་ཆུ་ཀླུང་ལ་རྟོགས་པ་དེས་སྒྲོལ་བར་ནུས་པ་མ་ཡིན་ཏེ། ༈ །བདེན་ངེས་པར་འཛིན་པའི་འཁྲུལ་པའི་ལྕགས་ལས་རྟོགས་པས་གྲོལ་ཀྱང་། །འཛིན་པའི་བག་ཆགས་ཐོག་མ་མེད་པ་ནས་བསགས་པ་མཐུག་པོ་ཡིས། །ཡང་ནས་ཡང་དུ་གོམས་ནི་པའི་ལྕགས་སྒྲོག་གིས་བཅིངས་པ་དང་འདྲ། །ཁྱུང་༡གི་དང་སེང་གེའི་༢གཤོག་༡རྒྱངས་༣རྩལ། །མངལ་༢གྱི་དང་སྒོ་ངས་༡བསྒྲིབས་༡༢པ་དང་མཚུངས་སོ། ༈ །རྟོགས་པ་ངེས་པར་གོམས་པ་གདེང་དུ་མ་གྱུར་ན། །ཐོས་པའི་ཚིག་ཟིན་ལ་དོན་གོ་ཞིང་རྟོགས་པར་བྱས་ཀྱང་། །དོན་ལ་མོས་པའི་རྣལ་འབྱོར་པ་ལས་ཀྱིས་འཁོར་བའི་རྒྱུ། །འདུན་པ་དྲག་པོས་སྙིང་པོ་རྣལ་མ་ལ་མོས་པར་བྱས་ན། །དེ་ལས་ཀྱི་འབྲེལ་པས་སྐྱེ་བ་གཞན་དུ་མཇལ་བའི་གཟུངས་ཐག་ཙམ་ལས། །དུས་བསྐལ་པར་བཀའ་གཞུང་ལ་སྦྱངས་ཀྱང་འབྲས་བུ་མཐར་མ་ཕྱིན་ཏེ། །བཅུད་འདུས་པས་སྙིང་པོ་མ་བཅོས་པས་རྣལ་མའི་སྣོད་ལྡན་དུ་འགྱུར་བའོ། ༈ །ཡེ་ནས་གནས་པའི་དོན་རིག་པར་ཤར་ནས། །རྟོགས་པ་དེ་ཡི་སོ་ལ་མ་ཡེངས་པར། །སྙིང་པོ་རྣལ་མ་གཞི་དོན་གྱི་རྒྱུད། །དེ་ལས་སེལ་མེད་པར་རྟོགས་པའི་ཀླ྄ོང་དུ་གནས་པ་ཙམ་ལ་སྒོམ་ཞེས་བཏགས་སོ། ༈ །དེ་ཡི་མཚན་ཉིད་ཅི་འདྲ་བར་སེམས་ན། །གཤིས་ཀྱི་གནས་ལུགས་ཉིད་དགོས་པ་གཉིས་ཡོད་པས་མིང་བཏགས་པ་ཡིན་ལྷུན་གྲུབ་གསུམ་དུ་ཀྱི། །ཕྱོགས་སུ་འདི་འདྲར་བརྗོད་པའི་མིང་གིས་གནས་མེད་པས། །དོན་དེར་བློ་གནས་པའི་ཉམས་དང་འདིར་དེ་༢བཞིན་ནོ། །ཆོས་ཉིད་རང་གི་མཚན་ཉིད་ངག་ཏུ་བརྗོད་པར་བྱ་བ་མིན་ཀྱང་། ༈ །དཔེར་ན་བུ་རམ་གྱི་རོ་ལ་མངར་བར་མིང་བཏགས་པ་ལྟར། །དུ་ཁོང་དུ་ཆུད་པས་འོན་ཀྱང་མི་མཐུན་པར་འདྲེན་པས་རྨོངས་ལ་བརྡ་ཡི་དོན་མཚོན་ནུས་པའི་ཕྱིར། །དེ་ཡང་བརྡ་བྱེད་པའི་དུས་ན་དོན་རང་མཚན་ལ་དམིགས་དང་སྒྲ་རང་མཚན་ལས་བྱུང་བའི་ཤེས་པ་ལ། །སྒྲ་དོན་སྤྱིའི་རྣམ་པར་འབྲེལ་ཏེ་བརྡ་སྟོན་པ་པོ་དང་གཞན་དག་མཐུན་པར་གསལ་བར་སྣང་བའི་དོན་ལ་ཐུན་མོང་དུ། །གྲགས་པའི་འདིའི་མིང་འདི་ཡིན་ཞེས་སྒྲ་ཡིས་མངོན་པར་ཞེན་ཏེ་དེ་ལྟར་ཡན་ལག་ལྔའི་ཚུལ་དུ་ཤིན་ཏུ་འདྲིས་པས། །བརྗོད་ན་བདེ་བ་དང་གསལ་བ་དང་ངོས་གཟུང་མེད་པ་དང་ཐམས་ཅད་མཁྱེན་པའོ། ༈ །ཐུན་མོང་གི་ཚོར་བ་བདེ་བ་ཐམས་ཅད་ལས། །གྲོལ་བ་ཡིན་ཏེ་ཚོར་བས་ཁྱབ་པ་ཙམ་གྱི་བདེ་བ་མིན་གྱི། །འཁོར་བ་དང་ལམ་གྱི་སྡུག་བསྔལ་ལས་གྲོལ་ཏེ་རྩོལ་བས་མ་བཙལ་བར། །ཡེ་ནས་ལྷུན་གྱིས་གྲུབ་པར་གནས་པས་དགག་སྒྲུབ་ཀྱི་རྩོལ་བ་མེད་པའི། །སེམས་ཉིད་མ་བཅོས་པའི་བདེ་བ་ཆེན་པོ་ནི་ཅིས་ཀྱང་། །མཚོན་པར་མི་ནུས་ལ་རང་ལ་གནས་པས་འབྲལ་བར་ཀྱང་མི་ནུས་ཏེ། །མུ་མཐའི་ཕྱོགས་རིས་མི་མངའ་བས་བཏང་སྙོམས་ཆེ། །རྒྱལ་བའི་དགོངས་པའི་བདེ་བ་ཉིད་རིགས་པའོ། ༈ །སེམས་ཉིད་དུས་རྟག་ཏུ་མཐའ་མ་བསྒྲིབས་ཏེ་རང་བཞིན་གྱིས་འོད་གསལ་བ་ནི། །དཔེར་ན་ཉི་མ་དང་མར་མེའི་འོད་དང་འདྲ་བར་རང་གཞན་ཀུན་འོད་ཀྱིས་གསལ་བ་ལ། །དྲི་མ་རྣམ་པར་དག་པའི་ཤེལ་དང་རྩྭ་ཁའི་ཟིལ་པ་ཕྱི་ནང་མེད་པར་གསལ་བ་ལྟར་དུ། །ཕྱི་དང་ནང་མི་མངའ་ལ་ཁ་དོག་གདང་བར་༡འོད་ཟེར་འཚེར་བར་༡གནས་༡༡ཏེ་དེ་ཡང་། ༈ །འདི་ན་གནས་པ་དང་མི་གནས་པ་མེད་པར་གནས་བྱ་གནས་བྱེད་ལས་གྲོལ་བར་གནས། ༈ །ཡོད་པ་དང་མེད་པ་དང་གཉིས་དང་གཉིས་མེད་དུ་མུ་བཞི་གང་ལྟར་ཡང་། །མ་ཡིན་པས་ངག་ཏུ་བརྗོད་པའི་མཐའ་ལས་འདས་པ་ཡིན་སྟེ། །ཕྱོགས་གཅིག་པ་གང་ཡང་མ་ཡིན་མུ་མཐའ་གར་ཡང་རྒྱ་མ་ཆད་དེ། །མ་སྤངས་ལ་མི་ལྡན་པས་དབྱེར་མེད་མུ་མཐའ་མཉམ་གྲོལ་གྱི་ངང་ལས་ཡེ་ནས་འགྱུར་བ་མེད་པ། ༈ །དེ་ཡིས་རྒྱལ་བའི་དགོངས་པ་དང་སེམས་ཅན་གྱི། །རྣམ་རྟོག་ཡུལ་གྱི་རྣམ་པར་བཅས་པའི་ཕྱི་ནང་གི་ཆོས་རྣམས་ལ། །དུས་གསུམ་གྱི་རྒྱུན་དང་བཅས་པར་མཁྱེན་པའི་སྐད་ཅིག་མ་གཅིག་གིས། །རི་རབ་ལ་ཏིལ་འབྲུའི་གྲངས་དང་བསྐལ་ཆེན་ལ་སྐད་ཅིག་གི་གྲངས་དུ་ཡོད་དང་། །སངས་རྒྱས་ཀྱི་ཞིང་ཁམས་རྣམ་ཕྱག་གི་མཐིལ་གྱི་འཁོར་ལོའི་ནང་ན་གནས་པ་ལྟར། །མཚན་ཉིད་མ་འདྲེས་ལ་ཡོངས་སུ་རྫོགས་པར་ཤེས་བྱ་ཐམས་ཅད་མཁྱེན་པར་གསལ་བ་ནི། །ཤེས་བྱའི་ཡུལ་མེད་པར་རྟོགས་པའི་ངང་དུ་སྣང་ལ་རང་བཞིན་མེད་པར་སྤྲུལ་པའི་རྣམ་པ་རྫོགས་པ་ནི། །དཔེར་ན་ཤིང་ཏོག་སྐྱུ་རུ་ར་རློན་པ་ལག་པའི་མཐིལ་ན་གནས་པ་ལྟ་བུའམ། །འཕྲུལ་གྱི་མེ་ལོང་གཡའ་དག་པའི་གཟུགས་བརྙན་དང་འདྲའོ། ༈ །དེ་ལྟར་བདེ་བ་དང་གསལ་བ་དང་སྟོང་ཉིད་དང་ཐམས་ཅད་མཁྱེན་པ་ཞེས། །སྐུ་གསུམ་གྱི་མཐའ་མ་སྤྲུལ་སྐུ་ལས་ཚིག་ཏུ་གསུངས་པ་བརྒྱུད་པའི་ཚིག་ཡིན་ཏེ། །ངེས་པའི་དོན་དུ་ན་དེ་ཡང་བརྗོད་པ་སྒྲའི་བརྙན་མ་ཡིན་སྟེ། །ལྐུགས་༤པའི་ངག་དང་འདྲ་བར་ཐམས་ཅད་ཀྱི་གཤིས་མཁྱེན་ལ་ངག་ཏུ་བརྗོད་པ་བྲལ་བའོ། ༈ །མཁྱེན་གསལ་ངོས་མེད་དྲན་ནས་གཅིག་དང་མཐའ་ཡས་པས། །ཀུན་ལ་ཁྱབ་༢པས་མ་༡ འདྲེས་ལ་ཡོངས་སུ་རྫོགས་པར་མཁྱེན། །བདེ་བ་ཆེན་པོ་རང་བྱུང་བས་རྩོལ་བ་མེད་ལ་བསམ་མི་ཁྱབ་པས་ངོས་མེད་ཅིང་། །ངང་གིས་མི་གཡོ་སྟེ་སྒྲིབ་བྱེད་པས་འོད་གསལ་བའོ། ༈ །ཐེག་བརྒྱད་ཀྱི་རྟོགས་པའིི་ལྟ་བ་རྣམ་བཅད་དགག་བྱ་དང་ཡོངས་བཅད་བསྒྲུབ་བྱ་དང་བཅས་པས་ན། །དམིགས་པ་གཏད་ནས་ཡེངས་པ་དང་བྲལ་བའི་མཉམ་བཞག་དང་རྗེས་ཐོབ་ཅན་གྱི་སྒོམ་པ་ལ། །ཉོན་མོངས་པ་གཉེན་པོས་སྤོང་བ་དང་རྟེན་འབྲེལ་ལུགས་བཟློག་གིས་འགེགས་པ་དང་ཆོས་ཉིད་དུ་རྒྱུད་སྦྱོང་བ་དང་ལྷར་སྒྱུར་བ་དང་ཐབས་ཀྱིས་དབང་དུ་སྡུད་པའོ། ༈ །ལྟ་སྤྱོད་ནར་མ་སོན་པས་བྱིས་པ་ཉན་ཐོས་པའི་བློ་གྲོས་ཐ་མ་པས། །སྡུག་བསྔལ་རྒྱུ་དང་བཅས་པ་འགོག་པར་འཇོག་པ་ལམ་སྒོམ་པའི་དམིགས་པའི་རྟེན་དུ། །འཁྲིག་པའི་འདོད་ཆགས་འཁོར་བ་སྐྱེད་པའི་རྒྱུར་ཤེས་པས། །ནང་དུ་མི་གཙང་བ་གོམས་པས་ཕྱིའི་གཟུགས་སྡུག་པ་ཟིལ་གྱིས་གནོན་པ་དང་དེ་ཐམས་ཅད་ཟད་པར་གྱི་སྐྱེ་མཆེད་གྱིས། །སྤང་བྱ་འདོད་ཆགས་འགོ་གནོན་དུ་སྤངས་ནས་སྡུག་བསྔལ་འགོག་པར་གནས་པའོ། ༈ །བློ་གྲོས་འབྲིང་པོས་རྣམ་རྟོག་༡འཁོར་བའི་རྒྱུར་ཤེས་ནས། །དེ་ཡང་རླུང་རྒྱུ་བ་ལ་བརྟེན་ཏེ་སྐྱེ་པས་ན། །སྣ་བུག་གཡོན་དང་ནང་དུ་རྒྱུ་བ་སྲོག་གི་རླུང་དང་གཡས་དང་ཕྱིར་རྒྱུ་བ་རྩོལ་བས་རླུང་གི་གྲངས་བགྲངས་ཏེ། །དེ་ཡང་རང་གི་ལྟེ་བར་པདྨ་འདབ་མ་བརྒྱད་པའི་ལྟེ་བར་གཞི་མའི་རླུང་གནས་པའི་མདོག་ནི། །འཇའ་ཚོན་གྱི་མདོག་གམ་ཡང་ན་མདོག་དཀར་ལ་འོད་གསལ་ཅིང་ཟེར་རྣོ་ལ་འཚེར་བ། །རྣམ་པ་སྨིག་རྒྱུ་ངག་ལྟ་བུའི་རླུང་ཞིག་སྣ་སྒོར་སོར་བཞི་ནར་གྱིས་དབྱུང་སྟེ་དེ་ལ། །ཡུད་ཙམ་གཅིག་གནས་པ་ལས་གྲངས་ཤིག་ཡིད་ལ་བསྔོས་ལ། །ནང་དུ་ནར་གྱིས་བརྔུབས་ཏེ་གཞི་མ་ལྟེ་བའི་སྟེང་དུ་གནས། །ཏེ་དེ་ཡང་དུས་ཡུད་ཙམ་གཅིག་གནས་པའི་བར་ལ་གྲངས་ཡིད་ལ་བགྲང་བ་དེ་བཞིན་དུ། །དང་པོ་སྔ་དྲོ་ལ་ཐུན་༼༠༽བཞིར་རླུང་ཁུགས་པ་བཞི་བཞི་རུ་གྲངས་བགྲངས། །ཕྱི་དྲོའང་༼༠༽དེ་བཞིན་དུ་བགྲངས་ཏེ་ཉི་མ་གཉིས་གསུམ་བཞི་ལྔ་སོགས། །དྲུག་བརྒྱད་བཅུ་རུ་ཁམས་ཀྱི་ཚོད་བཟུང་ལ་དབུགས་འབྱུང་རྡུབ་བགྲང་། །རླུང་༡མཁྲིས་༢བད་༣ཀན་གྱི་དུས་དགོང་༡ཀ་ཉི་ཕྱེད་༢སྔ་༣དྲོ་ལ། །ངལ་བསོ་རང་ངམ་བླ་མའམ་གྲོགས་ཀྱིས་ཐུན་བསྟང་སྟེ་ཁམས་བསྙམ། །ཡུད་ཙམ་རླུང་ནང་དུ་གནས་པ་ཡུན་བསྲིང་ཞིང་དེ་མ་བརྟན་གྱི་བར་དུ། །བྱིང་འགྲོ་བས་བཅུ་ལས་མི་མང་བར་བྱ་དེ་ནས་ཐུན་ཆེ་རུང་བསྐྱེད་གྲངས་ཉུང་དུ་དབྲི་བ། །དེ་ཡི་གང་ཟག་དང་བཟུང་བའི་ཕན་ཡོན་དང་། །སྔོན་འགྲོ་དང་གྲངས་བཟུང་བ་དང་བསྐྱེད་རིམ་དང་གནས་པའི་ཚད་དང་། །རྟགས་དང་བརྟན་པའི་ཐབས་དང་སྐྱེད་དབྱུང་བའི་ཐབས་དང་། །སྐྱོན་དང་དེའི་གཉེན་པོ་དང་མཐར་ཕྱིན་པའི་གྲངས་བསྟན་པ། །དེ་ཡིས་རྣམ་རྟོག་བྲལ་ཞིང་འགོག་པར་གནས། །རང་རང་གི་གཞུང་ངམ་དགྲ་བཅོམ་པ་ཉམས་ཅན་ནམ། །སྙན་བརྒྱུད་ཀྱི་གདམས་ངག་དང་ལྡན་ན་དེ་ཡིས་གང་ཟག་དེ་གསོ་བར་བྱའོ། ༈ །བློ་གྲོས་རབ་ཀྱི་དུ་ཿཁ་ཀུན་འབྱུང་བ་སྤྱི་ལས་དང་ཉོན་མོངས་པ་ཉིད་འཁོར་བའི་རྒྱུ་རུ་ཤེས་པས། །དེ་ལས་ཀྱང་གང་ཟག་གི་བདག་རྟག་པ་གཅིག་པུ་རང་དབང་དུ་འཛིན་པ་ལས། །རྟག་པར་འཛིན་པ་དེ་སྤང་བའི་ཕྱིར་དུ། །རྒྱུ་རྐྱེན་འདུས་ནས་བྱས་པའི་སྐྱེ་འགག་གནས་པ་དང་བཅས་པའི་ཆོས་ཀུན་མི་རྟག་པར་བསྒོམ་པ་ནི། །ཆུ་རི་གཟར་པོ་ལ་འབབ་པའི་ཐིགས་པ་མྱུར་དུ་འགྱུར་བ་ལྟ་བུའམ། །རླུང་གིས་བསྐྱོད་པའི་སྨིག་རྒྱུ་ལྟ་བུ་མི་བརྟན་པའམ། །རྒྱ་མཚོས་ལན་ཚྭ་བསྐྱེད་ནས་ཆུར་ཐིམ་བ་ལྟར། །དུ་སྐྱེ་འགག་དང་བཅས་ཏེ། འདུས་བྱས་ཐམས་ཅད་མི་རྟག་པ་ཉིད་དུ་འདུ་ཤེས་པར་བྱའོ། །ཇི་ཙམ་དུ་སྐྱེ་བ་དེ་ཐམས་ཅད་སྡུག་བསྔལ་དུ་ཤེས་པར་བྱ། །ཡུལ་དང་སེམས་རགས་པའི་དང་རྒྱུན་གྱི་གང་ཟག་གི་བདག་མེད་པས། །ཆོས་ཀྱི་བདག་གཟུང་བ་༢འཛིན་པ་སྐད་ཅིག་མ་༡རྡུལ་ཕྲ་རབ་དང་། །དེར་༣ཐིམ་ནས་མྱ་ངན་ལས་འདས་པ་ཞི་བའོ། །དེ་ལྟར་བསྒོམས་པ་ཡིས་དུ་ཿཁ་འགོག་པའི་བདེན་པར་གནས་པ་ཡིན་ནོ། ༈ །དགེ་བཤེས་ལ་མི་བརྟེན་པའམ་རང་དོན་དུ་སངས་རྒྱས་འདོད་པས་ཉན་ཐོས་དེ་ལ་བརྟེན་པས། །རྟེན་འབྲེལ་བཅུ་གཉིས་ཀྱི་དང་པོ་མི་རིག་པ་དང་བརྒྱད་པ་སྲིད་པ་དག་དགུ་པ་ལེན་པ་ནི་ཉོན་མོངས་པ་སྟེ་རྒྱུ་ལ། །གཉིས་པ་འདུ་བྱེད་དང་བཅུ་པས་སྲིད་རྐྱེན་ཏེ་ལས་སུ་གནས་རྒྱུ་རྐྱེན་དེས། །རྣམ་ཤེས་མིང་གཟུགས་སྐྱེ་མཆེད་རེག་པ་ཚོར་བ་སྐྱེ་བ་རྒ་ཤི་བདུན་པོ་འབྲས་བུ་སྡུག་བསྔལ་ཉིད་དུ་འགྲུབ་པས། །རྒྱུ་མ་རིག་པ་ནས་རིམ་པར་བཀག་སྟེ་བསྒོམས་པས་འབྲས་བུ་ཡིད་བཞིན་བདེ་བའི་མཆོག་གི་ས་ཐོབ་པའོ། ༈ །ཆེན་པོ་བདུན་དང་ལྡན་པས་ཐེག་པ་ཆེན་པོ་ཟབ་ཅིང་རྒྱ་ཆེ་བའི་མདོ་སྡེ་པའི་རྗེས་སུ་འབྲང་བས། །ཀུན་རྫོབ་དང་དོན་དམ་པའི་བདེན་པ་གཉིས་ལ་ལྟ་བ་སྤྱིའི་རྣམ་པ་ཙམ་དུ་ཡོངས་སུ་བཅད་ནས། །ལམ་ལྔར་ཚོགས་སྦྱོར་གཉིས་སུ་ཞི་གནས་༡མཐོང་སྒོམ་མཐར་ལམ་གསུམ་དུ་ལྷག་མཐོང་༡བསྒོམ་༡༡སྟེ། ༈ །ལུས་ཚོར་བ་སེམས་ཆོས་བཞི་པོའི་མཚན་ཉིད་ཤེས་པས་དྲན་པ་ནི་ཤེས་རབ་སྟེ་ལྷག་མཐོང་ངོ་། །དེས་བཅད་པ་ལ་ཉེ་བར་རྩེ་གཅིག་ཏུ་བཞག་པའི་ཞི་གནས་སྟེ། ༈ །དགེ་བའི་ཆོས་མ་སྐྱེས་པ་རྣམས་བསྐྱེད་ཅིང་སྐྱེས་པ་ཕྱི་ཕྱིར་སྤེལ་བ་དང་སྡིག་པ་མི་དགེ་བའི་ཆོས་མ་སྐྱེས་པ་མི་སྐྱེད་ཅིང་སྐྱེས་པ་རྣམས་སྤང་བའི་ཕྱིར་འདུན་པ་སྐྱེད་པ་གཉིས་ལས་ཡང་དག་པར་སྤང་ནས། ༈ །རྫུ་འཕྲུལ་ནི་མངོན་ཤེས་ལྔ་ལ་བྱ་སྟེ་དེ་ཉིད་ཡང་དག་པར་ཐོབ་བར། །འགྲོ་བར་བྱེད་པའི་རྒྱུ་རྐང་པ་བཞི་ནི། ༈ །མོས་པས་ཏིང་ངེ་ལ་འཇུག་པ་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པ་རྫུ་འཕྲུལ་གྱི་རྐང་པ་དང་དང་བརྩོན་འགྲུས་ཀྱིས་དགེ་བ་འཕེལ་བའི་བྱ་བ་རྒྱུན་མི་གཅོད་པ་དང་སེམས་ཀྱིས་སྒོམ་གྱི་བག་ཆགས་བསགས་ཏེ་ཡུན་རིང་དུ་སྒོམ་པ་དང་དཔྱོད་པས་ཆོས་རྣམས་ཀྱི་མཚན་ཉིད་གཏན་ལ་ཕེབས་ཏེ་ཐེ་ཚོམ་མེད་པ་དང་། དེ་རྣམས་ཀྱིས་མ་ཡེངས་པར་སེམས་རྩེ་གཅིག་པའི་ཏིང་ངེ་འཛིན་གྱི་ངང་གནས་པ་ལ་སྒྲིབ་པར་བྱེད་པའི། ༈ །ཉེས་པ་རྣམ་པ་ལྔ་འབྱུང་བ་ནི། །དམིགས་པ་བརྗེད་པ་དང་ཞུམ་རྒོད་དང་། །རྩོལ་བ་དང་མི་རྩོལ་བ་དང་ལེ་ལོའོ། ༈ །དེ་ལ་ལེ་ལོ་ནི་དོན་དགེ་བ་ལ་མི་འཇུག་པ་སྟེ་ཉན་པ་ལ་མི་སྦྱོར་བ་ཡིན་ལ། །བསྒོམ་པར་བྱ་བའི་ངག་མཉན་པའི་དོན་མི་དྲན་ཏེ་བསམ་པའི་ཤེས་རབ་ཉམས་པས་སྒོམ་ལ་སྦྱོར་དུས་སུ་རྨོངས་པ་ནི་དམིགས་པ་བརྗེད་པ་ཡིན་ལ། །ཞུམ་པ་དང་རྒོད་པས་རྨུགས་ཤིང་གཡེངས་ཏེ་ཏིང་ངེ་འཛིན་ལ་བློ་མི་འཇུག་པར་བྱེད་ལ། །རྩོལ་བས་ནི་སྐྱོན་ཅིང་གཡེང་བར་བྱེད་པས་ཞི་གནས་ལ་སྒྲིབ་པ་ཡིན་སྟེ། །མི་རྩོལ་བས་ནི་བྱིང་རྒོད་མི་སྤོང་བས་ལྷག་མཐོང་ལ་སྒྲིབ་པའོ། ༈ །དེ་དག་སྤོང་བའི་འདུ་བྱེད་བརྒྱད་བསྟེན་པ་ནི། །དད་པ་དང་འདུན་པ་དང་བརྩོན་འགྲུས་དང་། །ཤིན་ཏུ་སྦྱངས་པས་ལེ་ལོ་སེལ། །འདྲིས་པའི་དངོས་པོ་ཉིད་མ་བརྗེད་པའི་དྲན་པས་དམིགས་པ་བརྗེད་པའི་ཉེས་པ་སེལ་ཅིར། །ཞུམ་རྒོད་གང་བྱུང་རྟོགས་པའི་ཤེས་བཞིན་ལ་གནས་པས་ཞུམ་རྒོད་སེལ་ལ། །མི་རྩོལ་བའི་གཉེན་པོར་ནི་སེམས་པས་སེམས་གཟེང་མངོན་པར་བྱེད་པའི་ཡིད་ཀྱིས་བསྟོད་ལ། །རྩོལ་བ་དྲགས་པ་ནི་བཏང་སྙོམས་ཀྱིས་སེམས་མཉམ་པ་ཉིད་ལ་རྣལ་དུ་འདུག་པས་མགོ་གནོན་པའོ། ༈ །དང་པོ་བཞི་ནི་བརྩོན་འགྲུས་ཀྱི་འདུན་པ་ཡོད་ན་བརྩོན་འགྲུས་རྩོམ་པས་འདུན་པ་ནི་གནས་དང་ལ་བརྩོན་འགྲུས་ནི་རྟེན་དང་དད་པ་ཡོད་ན་འདུན་པ་འབྱུང་བས་མཚན་མ་དང་སྟེ་མཚན་མ་དང་རྒྱུ་དོན་གཅིག་གོ། །བརྩོན་པས་ལུས་སེམས་ལས་སུ་རུང་བས་ན་ཤིན་ཏུ་སྦྱངས་པ་ནི་འབྲས་བུ་ཡིན་པས། །དེ་ལྟར་བཞི་དང་ལྡན་པ་ལ་ལེ་ལོའི་གནས་མེད་དོ། །དྲན་པ་ལ་སོགས་པ་ཕྱི་མ་བཞི་ནི་དམིགས་བརྗེད་ལ་སོགས་པ་ཉེས་པ་བཞི་དང་འགལ་བ། །དེས་ན་སྤོང་བའི་འདུ་བྱེད་བརྒྱད་ཅེས་བཤད་དོ། ༈ །དགེ་༡ བ་དང་སྡིག་༡པ་ཡང་༢དག་ནི་དབང་པོ་ལྔ་དང་དེ་ལས་བཟློག་༢པའི་མ་དད་པ་ལ་སོགས་པ་ལྔའོ། །དད་པ་གསུམ་ནི་དད་པའི་དགེ་བ་སྤེལ་བ་ནི་བརྩོན་འགྲུས་ཀྱི་ཤེས་རབ་གསུམ་གསལ་བ་ནི་དྲན་པའི་སེམས་ཡུལ་ལ་མི་འཕྲོ་བ་ནི་ཏིང་ངེ་འཛིན་གྱི་རང་སྤྱི་མ་ནོར་བར་ཤེས་པ་ནི་ཤེས་རབ་ཀྱི་དབང་པོ་རྣམས་ནི། ༈ །ཐར་པའི་མཐོང་ལམ་གྱི་ཆ་དང་མཐུན་པའི་དགེ་བའི་རྩ་བ་སྐྱེད་པའི་དབང་བྱེད་པས་དབང་པོ་ཡིན་ནོ། །ཡང་ན་ཡིད་ཆེས་པ་དང་དང་བའི་དད་པས་འདོད་པའི་དད་པ་ཡོད་ན་ཉེས་པ་ལས་འབྱུང་། །ངོ་སྙམ་ནས་དེ་ཡི་དབང་གིས་བརྩོན་འགྲུས་རྩོམ་པར་འགྱུར་རོ། །བརྩོན་པས་བསླབ་པ་གསུམ་བསྒྲུབ་པ་ལ་དབང་བྱེད་དེ། །དྲན་པའི་དབང་བོས་ལྷག་པའི་ཚུལ་ཁྲིམས་ལ་དབང་བྱེད་ཏིང་འཛིན་གྱི་དབང་པོས། །ལྷག་པའི་སེམས་ལ་དབང་བྱེད་ཤེས་རབ་ཀྱི་དབང་པོས་ལྷག་པའི་ཤེས་རབ་ལ་དབང་བྱེད་པའོ། །ཡང་ན་སྔ་མ་སྔ་མས་ཕྱི་མ་ཕྱི་མ་སྐྱེ་བ་ལ་དབང་བྱེད་པ་ཡིས་དབང་པོ་ཡང་ཡིན་ནོ། ༈ །དེ་ལྟར་དབང་དུ་གྱུར་ཀྱང་མི་མཐུན་པའི་ཕྱོགས་ཀྱིས་ཅུང་ཟད་ཉམས་པ་བྱེད་དེ། །མ་དད་པ་དང་ལེ་ལོ་དང་བརྗེད་ངས་པ་དང་གཡེང་བ་དང་ཤེས་བཞིན་མེད་པ་རྣམས་ཀྱིས། ༈ །ཆོས་རྣམས་ལ་བཏགས་པའི་མིང་༡དང་མིང་གི་བཏགས་པའི་བརྗོད་བྱའི་དོན་རྣམས་༡སྒྱུ་༡མར་༡ ཤེས་པའི་དུས་ན། །སྣང་བ་ཐོབ་པ་དྲོད་དང་སྣང་བ་མཆེད་པ་རྩེ་མོར་གནས་ལ། །དད་པ་ལ་སོགས་པ་ལྔ་སྟོབས་སུ་གྱུར་ན་མི་མཐུན་པའི་ཕྱོགས་ལྔ་ཡིས་མི་ཉམས་པའི་ཕྱིར་སྟོབས་ཏེ། །བཏགས་པའི་མིང་རྣམས་དང་མིང་གིས་བཏགས་པའི་བརྗོད་བྱ་དོན་གྱི་ཆོས་རྣམས་སྟོང་པར་ཤེས་པའི་དུས་ན། །དེ་ཁོ་ན་ཡི་ཕྱོགས་གཅིག་ལ་ཞུགས་པ་བཟོད་པ་དང་། །དེ་མ་ཐག་པ་འཇིག་རྟེན་གྱི་ཆོས་ཀྱི་མཆོག་གོ། །མཐོང་བའི་ལམ་ལ་སྦྱོར་བའི་ཚེ་དབང་ཡང་སྟོབས་སུ་འགྱུར་བའི་མཚན་ཉིད་དེ། །དེ་ཡན་ཆད་དུ་བསྐལ་པ་གྲངས་མེད་གཅིག་གིས་མཐོང་ལམ་ལ་འབྱོར་བར་བྱེད་པའོ། ༈ །མཐོང་ལམ་རྣམ་པར་མི་རྟོག་པའི་ཡེ་ཤེས་ས་དང་པོ་རབ་ཏུ་དགའ་བའི་སར་གནས་པའི་ཚེ། །བྱང་ཆུབ་ཀྱི་ཡན་ལག་བདུན་དང་ལྡན་པ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་དང་། །རྣམ་༼ཁ༽པར་ཆོས་༼ཀ༽འབྱེད་༼ག༽པ་དང་བརྩོན་འགྲུས་དང་དགའ་བ་དང་། །ཤིན་ཏུ་སྦྱངས་པ་དང་ཏིང་འཛིན་དང་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ཡིན་པ་སྟེ། ༈ །དེ་ཡང་རིམ་པར་གནས་༡དང་རང་བཞིན་༡ངེས་འབྱུང་༡ཕན་༡ཡོན་དང་། །ཐ་མ་གསུམ་ནི་ཉོན་མོངས་མེད་པའི་ཡན་༡༡༡༡ལག་གོ། ༈ །ཆོས་ཐམས་ཅད་སྟོང་པ་ཉིད་དུ་རྟོགས་པའི་རྣམ་པར་མི་རྟོག་པའི་ཡེ་ཤེས་ལ། །བྱང་ཆུབ་ཅེས་བྱ་སྟེ་དེ་ཡང་ཆོས་རྣམས་པར་འབྱེད་པ་༼༠༽དང་སྦྱར་སྟེ། །དེ་༼༠༽ནི་གཙོ་བོ་ཡང་ཡིན་ལ་ཡན་ལག་ཀྱང་ཡིན་ནོ་གོ། །གཞན་དྲུག་པོ་ནི་དེའི་གྲོགས་སུ་གྱུར་བས་ན་བྱང་ཆུབ་ཀྱི་ཡན་ལག་གོ། ༈ །དྲན་པས་ནི་ཆོས་རྣམ་པར་འབྱེད་པའི་ཤེས་རབ་སྐྱེ་བས་གནས་ཀྱི་ཡན་ལག་ཡིན་ལ། །རྣམ་༼ཁ༽པར་ཆོས་༼ཀ༽འབྱེད་༼ག༽པས་ནི་ཆོས་སྤྱི་དང་རང་གི་མཚན་ཉིད་རྟོགས་པར་བྱེད་པས་རང་བཞིན་གྱི་ཡན་ལག་བརྩོན་འགྲུས་ཀྱིས་ནི། །སྐྱེ་བོའི་གནས་ལས་འདའ་བར་བྱེད་པས་ངེས་པར་འབྱུང་བའི་ཡན་ལག་བྱེད་པ་དང་པོའི་དགའ་བ་དེས་ལུས་སེམས་ལ་ཕན་པས་དགའ་བ་ནི་ཕན་ཡོན་གྱི་ཡན་ལག་ཡིན། །སེམས་སྦྱངས་ཏེ་ལས་སུ་རུང་པ་ལ་འདོད་ཆགས་ལ་སོགས་པའི་གཡེང་བ་མི་འབྱུང་༡བའི་ཕྱིར། །སེམས་རྩེ་གཅིག་པར་གནས་པས་མཐོང་བས་སྤང་བར་བྱ་བ་སྤང་པའི་༢ཕྱིར་དང་། །མཐོང་སྤང་སྤངས་ནས་དེ་ཡན་ཆད་ཉོན་མོངས་པ་མི་འབྱུང་སྟེ་སེམས་ཡང་དག་པའི་རྒྱུ་བཏང་སྙོམས་༣སུ་འཇོག་པས། །༡༢༣ཉོན་མོངས་མེད་པའི་ཤིན་ཏུ་སྦྱངས་པའི་གཞི་༡ཏིང་ངེ་གནས་༢བཏང་སྙོམས་༢ངོ་བོ་ཡིན་ནོ། ༈ །ས་གཉིས་བ་དྲི་མ་མེད་པ་ནས་ས་བརྒྱད་པ་མི་གཡོ་བའི་བར་ལ་སྒོམ་ལམ་འཕགས་པའི་ལམ་ཡན་ལག་བརྒྱད་དང་ལྡན་པ་ནི། །ཡང་དག་པའི་༼ཿ༽ལྟ་བ་དང་རྟོགས་༼༠ྃ༽པ་དང་ངག་༼༠༽དང་ལས་༼༠༽ཀྱི་མཐའ་དང་། །འཚོ་༼༠༽བ་དང་རྩོལ་༼༡༽བ་དང་དྲན་༼ ༡༽པ་དང་ཡང་དག་པའི་ཏིང་༼༡༽ངེ་འཛིན། ༈ །མཐོང་སྤང་དང་སྒོམ་སྤང་གི་ཉོན་མོངས་པ་ཐག་རིང་དུ་སྤངས་པའི་ཕྱིར་ན་དེ་ལས་འཕགས་པ་ཡིན་ལ། །ཐོབ་པ་དེར་འགྲོའི་རྒྱུའམ་སྒོ་ལྟ་བུ་དངོས་སུ་ཤེས་རབ་ཀྱི་བྱེ་བྲག་ལ་ཡན་ལག་བརྒྱད་དེ། །དེ་ཡང་༼ཿ༽ཡོངས་སུ་གཅོད་དང་གོ་༼༠ྃ༽བར་བྱེད་པ་དང་རྣམ་པ་གསུམ་༼༠༽༼༠༽༼༠༽གྱིས་ནི། །གཞན་ཡིད་ཆེས་པར་བྱེད་མི་མཐུན་ཕྱོགས་ཀྱི་གཉེན་པོ་སྟེ་ལམ་གྱི་ཡན་ལག་བརྒྱད་དོ། ༈ །ས་གཉིས་པ་ཡན་ཆད་ཀྱི་རྣམ་པར་མི་རྟོག་པའི་རྗེས་ལས་ཐོབ་པ་དག་པ་འཇིན་རྟེན་པའི་ཡེ་ཤེས་ཀྱིས་ལྟ་༼ཿ༽བས་ཆོས་ཀྱི་དབྱིངས་འདི་ལྟར་མཐོང་ངོ་སྙམ་དུ་ཡོངས་སུ་གཅོད་པས་སོ། །ཆོས་སྤྱི་དང་རང་གི་མཚན་ཉིད་བརྟགས་ནས་མ་ནོར་བར་སྟོན་པའི་ཆོས་དེ་གཞན་ལ་འཆད་ཅིང་སྟོན་པས་གོ་༼༠ྃ༽བར་བྱེད་པས་སོ། །ངག་༼༠༽གིས་རྒོལ་བས་ཐེ་ཚོམ་དྲི་བའི་ལན་མ་ནོར་ཅིང་འབྲེལ་བར་སྨྲ་བས་ཐེབས་པས་ཤེས་རབ་དག་པ་ཡིན་པར་གཞན་ཡིད་ཆེས། །ལས་༼༠༽ཀྱི་མཐའ་ནི་མི་དགེ་བ་བཅུ་དང་བྲལ་བས་ཚུལ་ཁྲིམས་རྣམ་པར་དག་པར་གཞན་ཡིད་ཆེས་པའོ། །འཚོ་བ་ནི་ཚོད་ཟིན་པས་འཚོ་ཞིང་ཡོ་བྱད་བསྙུངས་པས་གསོག་འཇོག་གི་ཆགས་པ་དང་བྲལ་བར་གཞན་ཡིད་ཆེས་སོ། །རྩོལ་བས་ནི་སྒོམ་སྤང་གི་བག་ལ་ཉལ་གྱི་ཉོན་མོངས་པ་སྤོང་ལ་དྲན་༼༡༽པ་ཡིན་ནི་རྩེ་གཅིག་ཏུ། །ཉེ་བའི་ཉོན་མོངས་པ་ཞུམ་པ་རྒོད་པ་གཟེང་བསྟོད་ཅིང་གནོན་ལ། །ཏིང་ངེ་༼༡༽འཛིན་གྱིས་ནི་མངོན་ཤེས་དྲུག་མི་ཐོབ་པའི་སྒྲིབ་པ་སྤོང་སྟེ་འཐོབ་པར་བྱེད་དོ། ༈ །དུཿ ཁ་ཀུན་འབྱུང་འགོག་པ་ལམ་འཕགས་པའི་བདེན་པ་བཞི་བསམ་གཏན་བཞི་རྟོག་དཔྱོད་དང་བཅས་དཔྱོད་པ་དང་བཅས་ཚོར་བ་དགའ་བདེ་བཏང་སྙོམས་ཚད་པ་མེད་པ་བཞི་བྱམས་སྙིང་དགའ་བཏང་། །སྙོམས་འཇུག་བཞི་ནམ་རྣམ་ཅུང་ཡོད་མིན་རྣམ་པར་ཐར་པ་བརྒྱད་དང་མཐར་གྱིས་གནས་པའི་སྙོམས་པར་འཇུག་པ་དགུ་དང་། །སྟོང་སྨོན་མཚན་རྣམ་བར་ཐར་པ་གསུམ་ཡང་སྐབས་ཀྱིས་ལམ་གྱི་གྲོགས་ཙམ་དུ་གནས་པའོ། ༈ །ས་བརྒྱད་ནས་ས་དགུ་པར་ལེགས་པའི་བློ་གྲོས་བཅུ་པ་ཆོས་ཀྱི་སྤྲིན་ནས་བཅུ་གཅིག་ཀུན་ཏུ་འོད་པར། །རྡོ་རྗེ་ལྟ་བུའི་ཏིང་ངེ་འཛིན་དང་རྒྱལ་བ་ལོངས་སྐུས་ཕྱག་བརྐྱངས་ནས་སྤྱི་བོར་བཞག་སྟེ། །བྱིན་གྱིས་བརླབས་པ་དང་དབང་བསྐུར་གིས་ཤེས་བྱའི་སྒྲིབ་པ་ཕྲ་བ་རྒྱུན་གཅོད་པར་སྦྱོང་བའོ། ༈ །རྩོལ་མེད་ཀྱིས་འདུལ་བའི་དུས་ལ་བབ་ན་རྒྱལ་ཐབས་ཀྱི་བརྡས་རང་སའི་ཞེན་པ་བཀྲོལ་བའོ། ༈ །བདག་གཅིག་པས་འབྲེལ་པས་སྒྱུར་བར་བྱེད་པ་སྔགས་ཕྱི་པ་རྣམ་གསུམ་ལས། ༈ །ལུས་ངག་གི་བྱ་བ་གཙོར་བྱེད་པའི་ལམ་པས་གཙང་མའི་ཟས་དཀར་གསུམ་མངར་གསུམ། །རས་གཙང་མ་ཁ་དོག་བསྒྱུར་བའི་གོས་གྱོན་ལ་ཡར་གྱི་ཚེས་བརྒྱད་ལ་སོགས་པའི་དུས་བཟང་ལ། །གཟའ་པ་ཝ་སངས་དང་རྒྱུ་སྐར་རྒྱལ་ལ་སོགས་པ་བཟང་བའི་ཚེ་ཡི་དམ་ལྷའི་གཟུགས་བརྙན་དང་། །གཙང་མ་མཆོད་པའི་ཡོ་བྱད་ལ་སོགས་པ་བསོགས་ནས་ཁྲུས་གསུམ་བྱས་ཏེ་སྟ་གོན་རྫོགས་ནས་ཀྲི་ཡ་དོན་གྱི་ལྷ་དྲུག་ནི། ༈ །སྟོང་པ་ཆོས་ཉིད་ཀྱི་ལས་གསུང་གི་སྒྲ་བརྙན་འབྱུང་། །མདུན་གྱི་ནམ་མཁའ་ལ་ཟླ་བའི་གདན་གྱི་སྟེང་དུ་ས་བོན་གྱི་ཡི་གེ་བཀོད། །པ་དེ་ལས་ཐུགས་མཚན་དེ་ཡོངས་སུ་གྱུར་པ་ལས་ཆུ་ཟླ་ལྟ་བུའི་རིགས་གསུམ་གྱི་སྐུ་གསུམ་པོ་དེར་གསལ་བར་བསྒོམས་ནས། །སྤྱན་ཡེ་ཤེས་ཀྱིས་ཤེས་བྱ་བདེན་གཉིས་ཀུན་མཁྱེན་པའི་མཐའ་ཀླས་ནས་དབུ་གཙུག་ཏོར་དབུ་རྒྱན་ཡེ་ཤེས་ཀྱིས་རྒྱས་བཏབ་སྟེ། །བསྲུང་བ་ཆེ་ཆུང་གིས་ལུས་བརྟན་པར་གནས་ནས་རང་གཞན་གྱི་དོན་རྣམས་གྲུབ་པར་བྱའོ། །ལྷ་ཡེ་ཤེས་ཅན་རྗེ་བོའི་ཚུལ་དུ་སྤྱན་དྲངས་ཏེ་ནམ་མཁའ་ཡི་དམིགས་པའི་རྟེན་ལ་གཟུགས་བརྙན་གཟུད། ༈ །དེ་ལ་འབགས་བཙོག་མེད་པ་གཙང་མའི་མཆོད་པས་མཆོད་ལ་དེ་ཏིང་ངེ་མཉམ་པར་བཞག་སྟེ། །ལྷ་བདག་འཕྲོ་འདུའི་གསལ་བ་གསུམ་དང་ལྡན་བཟླས་པའི་སྐྱོན་སྒྲ་ཧ་ཅང་ཆེ་བར་མ་ཡིན་ཆུང་བར་མགྱོགས་པར་བུལ་བར་དྲག་པར་ཞན་པར་ཡིག་འབྲུ་ཡན་ལག་ཉམས་པར་ཡེངས་པར་གླལ་དང་སྦྲིད་པ་ལ་སོགས་པས་བར་ཆོད་པར་རྒྱུ་བའི་སེམས་པ་དང་བཅུ་སྤངས་ལ་བཟླས་ཏེ། ༈ །ཐུན་གྱི་མཚམས་སུ་ཡེ་ཤེས་ལ་མཆོད་པ་དང་བསྟོད་པ་དང་བཤགས་པ་ལ་སོགས་པ་ཟིན་པ་དང་ལྷ་ཡེ་ཤེས་པ་གཤེགས་སུ་གསོལ་ལ། །དམ་ཚིག་པའི་དཀྱིལ་འཁོར་བསྡུས་ནས་རྣལ་འབྱོར་པའི་སྤྱོད་ལམ་ཅི་བདེར་གནས་པར་བྱ། །ཉེས་པ་བྱུང་ན་ཡིག་འབྲུའི་གྲངས་ཀྱི་ལྡབ་ཀྱིས་བསབ་ཅིང་། །གྲུབ་རྟགས་ཚད་ལ་ཕེབས་ན་ལྷ་ལ་དངོས་གྲུབ་བླང་བར་བྱའོ། ༈ །མཐར་ཐུག་གི་རྐྱེན་མན་ངག་གི་སྣོད་ལྡན་གྱི་རྣལ་འབྱོར་པ་ཡིན་ན་རྟོགས་པའི་རྐྱེན་རྒྱལ་ཐབས་ཀྱི་དབང་བསྐུར་ཏེ། །དེ་ཡང་དེར་རིམ་གྱིས་བགྲོད་དམ་ཡང་ན་ཅིག་ཅར་དུ་འཇུག་པའོ། ༈ །ནང་གི་རྣལ་འབྱོར་གཙོར་བྱེད་པ་ཡིས་ལུས་ངག་གི་བྱ་བྱེད་གཙོ་བོར་མི་བླང་བར། །དོན་དམ་པའི་བདེན་པ་རྣམ་པར་སྣང་མཛད་ཆེན་པོ་སྟོང་པ་ཉིད་ཀྱི་ངང་ལས། །མེ་ལོང་ལྟ་བུ་ཟླ་བའི་གདན་གྱི་སྟེང་དུ། །གསུང་གི་ཕྱག་རྒྱ་ཡིག་འབྲུའི་ཏིང་ངེ་གསལ་བར་བཞག་པ་ལས། །ཐུགས་ཀྱི་ཕྱག་རྒྱ་ཡོངས་སུ་གྱུར་པ་ལས། །གཙོ་བོའི་སྐུ་དར་དང་རཏྣའི་རྒྱན་དང་ལྡན་པ་རྫོགས་པར་བསྐྱེད་པ་ནི་མངོན་པར་བྱང་ཆུབ་པ་ལྔའོ། །ཏིང་དབང་བྱིན་མཆོད་པའི་ཆོ་འཕྲུལ་བཞི་ཡིས་རྒྱས་གདབ་པས་བསྐྱེད་པའི་བྱ་བ་རྫོགས་ཏེ། །དེ་ཡང་ལྷའི་རྣལ་འབྱོར་སྐུ་རྫོགས་པར་བསྐྱེད་པས་བདག་གཞན་གྱི་དོན་གྲུབ་པ་ཡིན་པས། །དེའི་སྐྱོན་བརྡག་པ་དང་དེ་བཅོས་ཐབས་དྲོད་རྟགས་ལ་སོགས་པ་རང་རང་གི་གཞུང་ནས་བཤད་པས་དེར་ཤེས་པར་བྱའོ། ༈ །ལྟ་སྤྱོད་གཉི་ག་ལྟར་སྤྱོད་པ་པས་ལུས་ངག་གི་བྱ་བ་དང་དགོངས་བ་རྣལ་འབྱོར་ཡོ་ག་པ། །གཉི་གའི་མཐུ་ལས་འབྲས་བུ་གྲུབ་པར་འདོད་པ་ཡིན་ནོ། ༈ །ནང་པ་ཉོན་མོངས་པ་ལ་རང་དབང་དུ་སྒྱུར་ཏེ་སྤྱད་པས་གྲོལ་བ་ཐབས་ཀྱི་ཐེག་པ་ལས། ༈ །བསྐྱེད་པའི་རིམ་པ་གཙོར་བྱེད་པ་རྣལ་འབྱོར་ཆེན་པོ་པས། །ཤེས་རབ་ཀྱི་དབང་པོ་ཡང་རབ་མཆོག་དང་ལྡན་པས་སྣང་སྟོང་ཟུང་འཇུག་དབྱེར་མེད་ཀྱི་ཡེ་ཤེས་ལ། །ལྷུན་གྱིས་གྲུབ་པར་རིམ་པ་དང་བྲལ་བར་རྟོགས་ནས་ལྷུན་གྱིས་གྲུབ་པའི་ངང་དུ་ཏིང་ངེ་འཛིན་ལ་འཇུག་པ་ཡིན། །བསྲུང་དུ་མེད་པ་དང་མཉམ་པའི་དམ་ཚིག་བླང་དོར་མེད་པའི་སྤྱོད་པ་ལ་སོགས་ལྟ་སྒོམ་གྱི་གྲོགས་སུ་དེའི་རྗེས་སུ་མཐུན་པར་ཅིག་ཅར་དུ་སྤྱོད་དེ། །ལྷན་ཅིག་སྐྱེས་པའི་ཡེ་ཤེས་རྟོགས་གོམས་ཀྱི་ངང་ཉིད་དུ་ལམ་གྱི་ཆ་རྐྱེན་རྣམས་རྫོགས་པའོ། ༈ །རྟོགས་བ་ཕྲ་མོ་ཙམ་ལས་ཚད་དུ་མ་ཕྱིན་ཏེ་བློ་ཞན་ན། །ཞེན་ཆགས་ཅན་གྱི་གང་ཟག་ལ་འདོད་པ་རང་ཉིད་གྲོལ་བའི་རྐྱེན་དུ་འགྱུར་བ་ཐབས་ལམ་ནི། །དད་པ་ཅན་གྱི་གང་ཟག་ལ་ལྷག་པ་གཟུགས་བརྙན་དུ་ཆོས་བཅོ་བརྒྱད་ཀྱིས་འཇུག་པའི་སྒོ་དང་ཕན་པར་འི་དབང་བཅུ་བསྐུར་བའི་གནས་ལ། རང་དོན་ནུས་པའི་བརྩོན་འགྲུས་དང་ལྡན་ན་ཉན་སྒོམ་གྱི་དབང་བྱིན་ཏེ་གསང་སྔགས་མཉན་ལ་ལྷ་བསྒོམ། །གཞན་དོན་ནུས་པའི་བརྩོན་འགྲུས་དང་ལྡན་ན་འཆད་པ་དང་ཕྲིན་ལས་ཀྱི་དབང་བྱིན་ཏེ་རྒྱུད་བཤད་ཅིང་ཕྲིན་ལས་བཞི་བརྩམ་པར་བྱ། །རང་གཞན་གཉིས་ཀའི་དོན་ནུས་པའི་བརྩོན་འགྲུས་དང་ལྡན་ན་རྡོ་རྗེ་རྒྱལ་པོར་དབང་བསྐུར་བའི་གནས་ལ། །སྤྱོད་པར་ནུས་པའི་བརྟུལ་ཞུགས་དང་ལྡན་ན་དམ་རྗས་རྒྱུར་ཀུན་ལ་སྤྱོད་པ་གསང་དབང་གིས་གནས་པར་བསྐྱེད། །རིག་པརའི་བརྟུལ་ཞུགས་དང་ལྡན་ན་ཤེས་རབ་ཡེ་ཤེས་ཀྱིས་བདེ་སྟོང་མངོན་སུམ་པར་ངོ་སྤྲད་པ་དང་ལྡན། །མཉམ་པ་ཉིད་ཀྱི་བརྟུལ་ཞུགས་རྫོགས་ན་བདེ་བ་ཆེན་པོའི་དབང་གིས་བརྟན་པར་བྱའོ། ༈ །ཞེན་ཆགས་ཅན་དེ་ལྟ་བུ་མིན་ན་ཆོ་ག་ལྔ་ཡོ་བྱད་ལྔ་སྔགས་ཀྱ ི་ཡན་ལག་ལྔ་སྟེ་གྲོལ་ལམ། རིམ་གྱིས་པས་འབྲས་བུ་སྨིན་པར་བྱ་བ་དེ་ཡང་མ་ཧཱ་རང་གི་གཞུང་གི་རྩ་རྒྱུད་བཤད་རྒྱུད་རྒྱུད་ཀྱི་རྒྱལ་པོ་ཕྱི་མ་དག་ན། རྒྱས་པར་གནས་པས་ལེགས་པར་ནན་ཏན་དུ་བྱའོ། །འདི་ནི་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་ལམ་གྱི་མཆོག་ཡིན་ཏེ། ༈ །དེ་ཡང་རིམ་གྱིས་སྒོམ་པ་ནི་སྟོང་པ་ཉིད་ཀྱི་ཏིང་ངེ་འཛིན་ཀྱིས་དངོས་པོའི་མཚན་མ་ཟིལ་གྱིས་མནན་ནས། །མི་འབྱེད་པའི་ཐུགས་རྗེ་ཡེ་ཤེས་རང་གསལ་སྒྱུ་མས་ཟུང་འཇུག་གི་དོན་ལ་མཚམས་སྦྱར་ནས། །སྣང་སྟོང་ཟུང་འཇུག་ཕྲ་མོའི་ཏིང་ངེས་ཡེ་གེ་ལ་སེམས་སྦྱང་སྟེ་སྐུ་ཡོངས་སུ་རྫོགས་པ་དང་། །ལུས་ཀྱི་རྟོག་པའི་ཡན་ལག་ལ་སངས་རྒྱས་སྟོང་ལ་སོགས་པར་ལྔ་ལ་ཕྱག་རྒྱ་ལྔ་བཅུར་སྤྲོས་པས་སྣང་བ་རྣམ་པར་འབྱེ། །པ་ལ་དབང་ཐོབ་པའི་རྣལ་འབྱོར་པས་ཚད་འཛིན་ཁྱབ་པར་གདལ་ཕྱིར་ཞི་ཁྲོ་ཚོམ་བུ་གཅིག་གསུམ་ལྔ་པའི་ཚོགས་ཀྱི་དལ་བསྒྲུབས་ནས། །རྗེས་ཐོབ་ཡོ་བྱད་ལྔ་ལ་སྤྱོད་པས་ལ་དོར་ཏེ་ཟག་བཅས་ཀྱི་ནུས་པ་རྫོགས་པར་བྱ། ༈ །ལས་ཀྱི་རྣམ་སྨིན་ལས་གྲུབ་པའི་ལུས་འདི་དང་བཅས་པའམ་སྲིད་པ་བར་མ་དོ་ལ། །ངེས་པར་ཆོས་ཉིད་རང་མཚན་མཐོང་བའི་ཚེ་དབང་གི་རིག་པ་འཛིན་པ་ནི། །རྩ་བ་ཐོབ་པ་ལྷ་མི་གང་ཡིན་པ་རྡོ་རྗེའི་ལུས་སུ་གྱུར་པ་ལས་སྣ་ཚོགས་སུ་སྤྲུལ་ནུས་རྒྱུའི་ས་དང་པོ་ལ་གནས་པ་དང་སྐལ་བ་མཉམ་ལ། །ལུས་ལ་རིག་པའི་སྟོབས་ཞུགས་པས་ན་ལོ་བརྒྱ་ནས་བཅུ་དྲུག་པའི་ལུས་སུ་བསྣུར་ཅིང་ལོ་སྟོང་དྲུག་བརྒྱའམ་བསྐལ་པ་གྲངས་མེད་དུ་གནས་ཏེ། ༈ །རྡོ་རྗེའི་ལུས་དེ་ལས་གྲོལ་ན་རང་གི་ཡི་དམ་གྱི་རིགས་ལྔ་གང་ཡིན་ཀྱི་ལྷའི་སྐུ། །ཡེ་ཤེས་སྒྱུ་མའི་ལུས་ཅན་གྱི་ལྷའི་དལ་གྱི་གྲངས་དང་སྒོམ་པའི་རྩོལ་བས་ཏིང་ངེ་ལ་གནས། །རྒྱུའི་ཐེག་པའི་བརྒྱད་པའི་སར་སྐལ་བ་མཉམ་ཀྱང་ཁྱད་པར་ནི་ཟུང་འཇུག་མི་ནུབ་པའི་རྒྱལ་མཚན་ཅན་ཡིན་ལ། ༈ །ཡི་དམ་གྱི་རིགས་ཀྱི་ཆ་ལུགས་དང་ལྷ་གྲངས་ཅན་བསྒོམས་པ་ལས་གྲོལ་ན་སྐུ་ལྔ་ལྷུན་གྱིས་གྲུབ་པའི་ཆ་ལུགས་སུ་གནས་ལ། །དབང་པོ་ཡང་རབ་ཀྱིས་གཅིག་ཆར་དུ་རྟོགས་པ་དང་རྟོགས་པའི་སྐལ་བ་མཉམ་ཀྱང་འདིར་གོམས་པས་ཁྱད་པར་དུ་འཕགས་ཤིང་། །རྒྱུའི་བཅུ་པའི་ས་དང་སྐལ་བ འམ་མུ་ཚོད་འདྲ་ལ་མཉམ་བཞག་ལ་ཁྱད་མེད་ཀྱང་རྗེས་ཐོབ་ཡོད་པས་རྒྱལ་བ་སྐུ་ལྔ་ལས་དམན། ༈ །རྗེས་ཐོབ་དེ་ལས་གྲོལ་ན་ཀུན་ཏུ་འོད་པདྨ་སྤྱན་ཡི་གེ་འཁོར་ལོའི་ས་གསུམ་སྐུ་ཆོས་ལ ོངས་སྤྲུལ་གསུམ་རྫོགས་པའོ། ༈ །རྫོགས་པའི་རིམ་པ་གཙོར་བྱེད་རྗེས་སུ་རྣལ་འབྱོར་པས། །བློ་ཡང་རབ་ཀྱིས་སྣང་བ་དབྱིངས་དང་རིག་པ་ཡེ་ཤེས་འདུ་འབྲལ་མེད་པའི་བདེ་ཆེན་ཏུ་རྟོགས་ལ། །རྒྱུ་ནི་སྣང་བ་ཆོས་ཀྱི་དབྱིངས་སུ་བསྒོམས་པ་ལས། །འབྲས་བུ་དྲན་རྟོག་རིམ་པའི་ཡེ་ཤེས་ཉིད་དུ་འཆར། །བ་གཉིས་འདུ་འབྲལ་མེད་པའི་བདེ་ཆེན་གྱི་ངང་དུ་བསྒོམ་མོ། ༈ །སྔར་བསྟན་པའི་རྣལ་འབྱོར་ཆེན་པོ་བཞིན་དུ་དེའི་རྗེས་སུ་རིམ་གྱིས་གོམས་པར་བྱེད་པས་ནི། །སོ་སྐྱེ་ནས་སངས་རྒྱས་སུ་ཕྱིན་པར་བྱེད་པས་ལམ་ལྔ་ཚོགས་༡སོག་པ་དང་མཐོང་ལམ་ལ་སྦྱོར་༡བ་དང་སྔགས་དོན་མཐོང་༡སྒོམ་༡མཐར་༡ཕྱིན་༡༡༡༡ལམ། །རྣལ་འབྱོར་ལྔ་སྟེ་སྔགས་ཀྱི་གཉིས་མེད་ཀྱི་དོན་ལ་མོས་ཤིང་འདུན་པས་སེམས་པའི་ལྟུང་བ་དང་མི་ལྟུང་བའི་རིགས་ཆེན་འབྱེད་པའི། །དབྱེར་མེད་ཀྱི་དོན་མཐོང་བས་དབུགས་ཆེན་དང་པོ་འབྱིན་པའི༴ རྒྱལ་བས་སྒྲ་བརྙན་དུ་ལུང་བསྟན་ཆེན་ཐོབ་པའི༴ བསླབ་པ་དང་ཡེ་ཤེས་ཀྱི་རྩལ་ཆེན་རྫོགས་པའི་རྣལ་འབྱོར་རྣམས། །ཚིག་གི་རྗེས་སུ་ཡིད་ལ་བྱེད་པའི་༡༡ལྟ་བ་དང་སྒོམ་པའི་ཚོགས་སོག་པའི་བྱ་བ་ལས་ཀྱི་སྤྱོད་པའོ། །དེ་ཁོ་ན་ཉིད་མཐོང་ལ་མ་རག་པས་བར་ཆད་མེད་པའི་ལྟ་བ་དང་ཡི་གེ་དང་ཕྱག་རྒྱའི་འཕྲོ་འདུ་བྱེད་དེ་དམིགས་པ་གཅིག་ལས་མི་འགྱུར་པར་བསྒོམ་པ་དང་། །བརྩོན་འགྲུས་ཀྱིས་ཕྱོགས་གཅིག་པའི་སྤྱོད་པས་གནས་པར་བྱེད་དོ། །གསུམ་པ་ནི། །ཇི་བཞིན་པ་མངོན་སུམ་དུ་རྟོགས་པའི་ལྟ་བ་དང་། འཁོར་བར་ཡོངས་སུ་མི་ལྡོག་པའི། །ཏིང་ངེ་འཛིན་དང་ཤེས་རབ་མཐུན་པ་མི་དམིགས་པའི་སྤྱོད་པར་གནས་སོ། །མཚན་མས་མི་གཡོ་བའི་ལྟ་བ་དང་ཐམས་ཅད་གཉིས་མེད་དེ་བཞིན་ཉིད་ལས་མི་གཡོ་བའི་ཏིང་ངེ་འཛིན་དང་། །ཡང་དག་འཇོག་ལས་མི་གཡོ་བའི་སྤྱོད་པ་ལ་གནས་སོ། །ལམ་ཐ་མ་ནི་ལྟོས་ནས་མཐར་ཐུག་པའི་ལྟ་བ་དང་། །རིག་པའི་ཡེ་ཤེས་ཀྱི་ཐུགས་རྗེས་ཟིན་པས་ཀུན་ཏུ་གསལ་བར་ཁྱབ་པས་སྣང་གི་ཏིང་ངེ་འཛིན་བྱ་བཙལ་མེད་པར་མཐར་ཕྱིན་པའི་སྤྱོད་པ་ལ་གནས་སོ། ༈ །ལམ་ལྔ་པོ་དེ་ལས་ས་བཅུར་གྱེས་པའི་དང་པོ་ཚོགས་ལམ་ལ་གཉིས་སུ་གྱེས་ཏེ། །རྒྱུ་རྐྱེན་གྱིས་སྔགས་སུ་བློ་འགྱུར་ཡང་རྐྱེན་དབང་གིས་རིགས་མ་ངེས་པའི་ས་སེམས་བརྒྱད་ལ་རྟེན་པ་ས་གོང་མའི་གཞི་རུ་གྱུར་པ་ཡིས་དེ་ལ་རྟེན་ཅིང་གོང་དུ་སྐྱེད་པས། །གཉིས་པ་སྦྱོར་ལམ་ལ་གསུམ་སྟེ་བརྩོན་པས་གལ་ཆེན་སྔགས་ལ་སྦྱོང་བའི་ས་དང་། །འདིར་སྡོད་སྔགས་ཀྱི་བསླབ་པའི་མཐའ་བཅུ་ལ་རྒྱུན་དུ་སློབ་པའི་ས་དང་བསླབས་པས་ཡེ་ཤེས་འཕེལ་བའི་བསོད་ནམས་མི་ཟད་པའི་གཏེར་གྱི་ཡོན་དང་ལྡན་པའི་སའོ། །གསུམ་པ་མཐོང་བའི་དོན་ལ་རྟེན་པས་ས་གོང་མ་རྣམས་ཁྱད་པར་སྐྱེད་དུ་འགྲོ་བའི་སའོ། །བཞི་པ་སྒོམ་ལམ་ལ་ཏིང་ངེ་ལ་དམིགས་པས་མཐར་ལམ་གྱི་འབྲས་བུ་སྐྱེ་བའི་སའོ། །ཐ་མ་མཐར་ལམ་ལ་གསུམ་སྟེ་གཉིས་མེད་ཀྱི་དོན་ལ་རིག་པ་གནས་པ་རྐྱེན་དབང་དུ་མི་འགྱུར་བའི་ས་དང་། །ཕྱི་ནང་ཀུན་ལ་གདལ་བའི་ཆོས་ཉིད་ཀྱི་དོན་གསལ་བའི་ས་དང་། སའི་རིམ་པ་ཀུན་རྫོགས་པའི་སྤྱི་བོར་ཕྱིན་ཅིང་ཆིབ་པའི་སའོ། །ས་དང་པོ་ལ་སྔགས་ཀྱི་དེ་ཁོ་ན་ཉིད་ལ་མིང་ཙམ་དུ་འཛིན་པའི་ལྟ་བ་དང་རྩོལ་བས་བྱ་བ་བྱེད་པའི་སྒོམ་དང་། །བསོད་ནམས་ཀྱི་དཔུང་གིས་རྣམ་པར་དཀར་བའི་ཚོགས་ལ་སྤྱོད་པའོ། ༈ །ས་གཉིས་པ་ལ་ནི། ཆོས་ཉིད་ཡིད་ལ་བྱེད་པའི་ལྟ་བ་དང་ལས་ཀྱི་བག་ཆགས་ཀྱི་དུག་འཇོམས་པ་སྨན་གྱི་ཏིང་ངེ་འཛིན་དང་། །དག་མ་དག་ཕྲ་མེན་དུ་སྤྱོད་པའོ། ༈ །ས་གསུམ་པའི་༼༠༽ལྟ་༡སྒོམ་༼༠ྃ༽སྤྱོད། །དེ་༼༠༽ཁོ་ན་ཉིད་མཐོང་ལ་མ་རག་པའི་ཐག་པའི་ལྟ་བ་དང་། །རིན་༡ཆེན་མྱུ་གུའི་ཏིང་ངེ་འཛིན་དང་ལེགས་ཉེས་སྟོབས་འགྱེད་པས་བརྩོན་༼༠ྃ༽འགྲུས་ཀྱི་སྤྱོད་པའོ། །གསང་སྔགས་ཀྱི་བསླབ་པ་གཅིག་པུ་ལ་ལྟ་བ་དང་། ཟག་བཅས་ཀྱི་ཚོགས་ཆེན་རྫོགས་པའི་ཏིང་ངེ་འཛིན་དང་། །བྱ་བ་རྩེ་གཅིག་པ་ཡི་སྤྱོད་པ་ནི་ས་བཞི་པའི་ཡིན་ནོ། །ཟག་མེད་དུ་སྦྱོར་བ་ལ་བར་ཆད་མེད་པར་ལྟ་བ་དང་རྩེ་གཅིག་འཕྲོ་བའི་ཏིང་ངེ་དང་། །བསླབ་པ་མཐར་ཆུབ་ཅིང་དེ་དང་མི་འབྲལ་བར་བཏང་སྙོམས་རྒྱུན་གྱི་སྤྱོད་པ་ནི་ས་ལྔ་པའོ། །དབྱིངས་ཡེ་ཤེས་གཉིས་མེད་ཀྱི་དོན་མངོན་སུམ་དུ་རྟོགས་པ་༡ཡི་༡ལྟ་༡བ་ཏིང་༡ ངེ་འཛིན། །ཤེས་རབ་ཆེན་པོས་བདེན་པ་མཐོང་བ་དང་མཐུན་པ་མི་དམིགས་པའི་སྤྱོད་པ་ནི་ས་དྲུག་པ་ཡིན་ནོ། །ས་བདུན་པ་ལ་ཆོས་ཉིད་མི་གཡོ་བ་ཡི་དོན་རྟོགས་པའི་ལྟ་བ་དང་། །དམིགས་མེད་ཀྱི་དོན་ལ་མི་ཟད་མཛོད་ཀྱི་ཏིང་འཛིན་དང་། ནང་དུ་ཡང་དག་འཇོག་ལས་མི་གཡོ་བར་སྤྱོད་པའོ། །ས་བརྒྱད་པ་ལ་གཉིས་མེད་ཀྱི་ཡེ་ཤེས་ལ་རིག་པ་རྣལ་དུ་ཕེབས་པའི་ལྟ་བ་དང་། །འབྱུང་བ་ཆེན་པོ་ལྔ་ལ་གཞལ་ཡས་དང་ལྷར་སྤྲུལ་པའི་ཏིང་འཛིན་དང་སྤང་བླང་མེད་པ་བརྟུལ་ཞུགས་ཀྱི་སྤྱོད་པའོ། །ས་དགུ་པ་ལ་དབྱིངས་ཡེ་ཤེས་གཉིས་མེད་ཆོས་དབྱིངས་གདལ་བ་ཉིད་ཀྱི་ལྟ་བ་དང་། །རྟོག་པ་རྣམས་ལྷའི་དལ་དུ་རྣམ་པར་དག་སྟེ་རང་བཞིན་མེད་པ་དབྱིངས་ཀྱི་ཏིང་འཛིན་དང་། འདོད་ཡོན་ལ་དབང་སྒྱུར་བ་ཐབས་ཀྱི་སྤྱོད་པ་དང་། །ས་ཐ་མ་ལ་རང་བྱུང་ཡེ་ཤེས་འབའ་ཞིག་ལས་སེལ་མེད་པས་གཟའ་གཏད་མེད་པའི་ལྟ་བ་དང་། ཐམས་ཅད་མཁྱེན་པས་སྣང་གསལ་ཡེ་འཕྱོའི་ཏིང་འཛིན་དང་བྱ་བཙལ་མེད་པར་ལྷུན་གྱིས་གྲུབ་པའི་སྤྱོད་པའོ། ༈ །ས་བཅུ་པོ་དེ་ལ་རྣལ་འབྱོར་ཕྲ་མོ་བཞི་བཅུ་རུ་གྱེས་སྟེ། །ས་དང་པོ་ལ་རྣལ་འབྱོར་དྲུག་སྟེ་ལྷ་དང་མི་རྟོག་པ་བསྒོམ་པ་ལ་འདུན་པ་ཙམ་ལ་སེམས་པའི་རྣལ་འབྱོར་པ་ཉིད། །བསྙུང་བར་གནས་པའི་སེམས་ནི་བརྒྱད་ཀྱི་དང་པོ་སྟེ་ས་བོན་ལྟར་དང་དེ་ནས་ཕ་མ་ཉེ་དུ་ལྟ་བུ་ལ་སྦྱིན་པ་བྱེད་དེ་མྱུ་གུ་བུ་དང་། །ལྟ་སྤྱོད་སྔགས་ཀྱི་ཚུལ་དུ་བཅོས་མའི་རྣལ་འབྱོར་ཉིད་སྙིང་རྗེ་བ་དག་ལ་སྦྱིན་པའི་གནས་སུ་གཏོང་སྟེ་སྡོང་བུ་ལྟ་བུ་དང་། །སྔགས་དང་ཚུལ་གཞན་ཕྲ་མེན་དུ་སྤྱོད་པའི་རྣལ་འབྱོར་ཉིད་དགེ་སྦྱོང་དག་ལ་གཏོང་བ་ལོ་མ་ལྟར་དང་། །འདི་ལ་མོས་པས་དེའི་ཚུལ་རྟགས་འཛིན་པའི་རྣལ་འབྱོར་ཉིད་བླ་མ་དང་རོལ་མོ་མཁན་ལ་ལྷུག་པར་གཏོང་བའི་སེམས་ནི་མེ་ཏོག་ལྟར་དང་དེ་ནས་གང་འདོད་པ་གཏོང་བས་འབྲས་བུ་ལྟ་བུ་དང་དྲུག་སྦྱིན་པའི་བསླབ་པ་ལ། །ལྷ་དང་མི་རྟོག་བསྒོམ་པས་མོས་བའི་རྣལ་འབྱོར་ཉིད་སྦྱིན་པས་རྒྱུ་བྱས་ནས་ཚུལ་ཁྲིམས་སྲུང་བ་ལ་མོས་པའི་སེམས་བསྐྱེད་དེ་བསྲུང་བ་གསོས་སུ་འགྱུར་བ་ལྟ་བུ་དང་། ཐེ་ཚོམ་མེད་པས་དགེ་བར་འདུན་བར་བྱེད་པའི་རྣལ་འབྱོར་ཉིད་དེ་བས་ཀྱང་ལྷ་ལ་མཆོད་པ་ཕུལ་བས་ཤེ་སྟོབས་ཅན་དུ་འགྱུར་སྙམ་ནས་ཚངས་པ་ལ་སོགས་པ་མཆོད་པ་སྟེ་འཇིག་རྟེན་པའི་ལམ་བརྒྱད་ཅེས་ཀྱང་དེ་ཀ་ཉིད་ལ་བྱའོ། ༈ །འཇིག་རྟེན་ཕལ་པའི་སེམས་བརྒྱད་ལ་བརྟེན་ནས་སྟོང་པ་ཉིད་ཀྱི་སེམས་སྐྱེ་བའི་གཞི་ལ་རྣལ་འབྱོར་ཕྲ་མོ་བཞི་སྟེ། །བདེ་གཤེགས་དང་བླ་མའི་བཀའ་ལ་སྡོད་པས་རིགས་ངེས་ཏེ་སྒོ་གསུམ་བྱ་བའི་ལས་ཀྱི་རྣལ་འབྱོར་ལ་བརྟེན། །སྔར་སྔགས་ལ་མ་སྤྱད་པས་ཐོག་མར་སྤྱོད་ལས་དང་པོའི་ལས་ཅན་གྱི་རྣལ་འབྱོར་པས་སྟོང་པར་བདག་དག་པར་བསྒོམ་༼༠༽པའོ། །སྔགས་ལ་བསླབ་པ་སྦྱོང་བའི་རྣལ་འབྱོར་བར་བྱེད་པ་པོས་བྱས་པར་ཡིད་ལ་སྤྱོད་ཅིང་། །སྔགས་ཀྱི་བསླབ་པ་ལ་མི་འགྱུར་བའི་བསམ་པས་ངེས་པའི་རྣལ་འབྱོར་རྒྱུ་མེད་པ་ལས་འབྲས་བུ་གྲུབ་པར་ལྟ་སྟེ་བསམ་སྤྱོད་དག་མ་དག་གཉིས་ཀ་ཡོད་དོ། ༈ །གལ་ཆེན་སྦྱོང་བའི་ས་ལ་རིགས་ཆེན་འབྱེད་པའི་རྣལ་འབྱོར་ཉིད་དེ་གོང་གི་ལོག་ལྟ་དེ་དག་སེལ་ཅིང་། །ཉོན་མོངས་པ་སྒྲིབ་པ་རགས་པ་འཇོམས་པས་གྱེན་དུ་འབྱུང་བའི་གནས་ཡིན་པའི་ཕྱིར་རིགས་ཆེན་འབྱེད་པའི་རྣལ་འབྱོར་ཅེས་བྱའོ། །སྦྱོར་བའི་ལམ་ལ་གནས་པའི་བསླབ་པ་རྒྱུན་གྱི་ས་ལ་རྣལ་འབྱོར་གསུམ་སྟེ་གསང་སྔགས་མཚོན་པའི་སྒོ་ལུང་གི་རྣལ་འབྱོར་ཟབ་མོ་ལ་བརྟེན་ཅིང་བསྒོམས་པས། །དྲོད་གཡོ་བ་ཙམ་ཐོབ་པ་ལ་བསླབ་པའི་མཐའ་བཅུ་མི་འབྲལ་བར་བསླབས་པ་ཡིས་རྩེ་མོར་རྟོགས་པའི་ཡེ་ཤེས་འཕེལ་བ་དང་། །ཆོས་ཉིད་མཉམ་པ་ཆེན་པོ་གསང་སྔགས་ཀྱི་དོན་ལ་མི་སྐྲག་ཅིང་བཟོད་པ་ཐོབ་པས་ངོ་མཚར་སྐྱེ་བའོ། །བསླབ་པ་བཅུའི་སྤྱོད་༼༠༽པ་ལ་དུས་རྒྱུན་དུ་གནས་པ་གྱི་རྣལ་འབྱོར་གྱིས་ཡེ་ཤེས་གོང་ནས་གོང་དུ་འཕེལ་ལ། །མཚན་༼༠༽མ་རྟགས་ཀྱི་རྣལ་འབྱོར་ལ་དབྱེ་ན་སེམས་ཉིད་རྟོགས་གོམས་ཀྱི་དྲོད་རྟགས་ཡིན་ཏེ། །གཡོ་བའི་རྣལ་འབྱོར་བ་ལ་གནས་པ་དང་། ཐོབ་པའི་རྣལ་འབྱོར་ནས་ལྡན་པ་དང་། དེ་མི་འགྱུར་བ་བརྟན་པའི་རྣལ་འབྱོར་ཏེ་དྲོད་ལ་གསུམ་རྟགས་ལའང་དེ་ལྟར་གསུམ་སྟེ་རྣལ་འབྱོར་དྲུག །གཞི་བོའི་རྣལ་འབྱོར་གསུམ་དང་དོན་ལ་རྣལ་འབྱོར་དགུར་གནས་པ་ཡིན་ནོ། །བསོད་ནམས་གཏེར་གྱི་ས་ལ་གོང་གི་བསླབ་པ་བཅུའི་སྤྱོད་པ་དང་མ་བྲལ་བའི་རྒྱུན་གྱི་རྣལ་འབྱོར་ཉིད་དེ། །གཟུང་འཛིན་གྱི་དྲི་མ་རགས་པ་དག་པས་ཐུན་མོང་གི་འཇིག་རྟེན་ཆོས་མཆོག་ལྟ་བུ་སྟེ་ཟག་བཅས་ཀྱི་བསླབ་པ་བཅུ་བསྐྱེད་དུ་བྱར་མེད་པས་མཐར་ཕྱིན་པ་ཡིན་ནོ། ༈ །ས་དྲུག་པ་ལ་རྣལ་འབྱོར་བདུན་ཏེ་འཁོར་བའི་དུཿཁ་ལ་ངལ་སོས་པས་དབུགས་ཆེན་འབྱིན་པའི་རྣལ་འབྱོར་ཏེ་དེ་ནི། །བདག་གཉིས་མེད་པའི་དོན་ཇི་ལྟ་བར་རྟོགས་པས་ཐུན་མོང་བྱང་ཆུབ་སེམས་དཔའི་མཐོང་ལམ་ས་རབ་ཏུ་དགའ་བ་ལྟ་བུ་སྟེ་ལྟ་བ་མཉམ་པ་མ་ཡིན་གསུང་དེས་འགྲེའོ། །སྔགས་ཀྱི་རིགས་ཆེན་འཛིན་པའི་རྣལ་འབྱོར་པས་ས་གཉིས་པ་དྲི་མ་དང་བྲལ་ཏེ་མེད་པའི། །མཉམ་རྫོགས་ཆེན་པོའི་རྣལ་འབྱོར་ནི་བདེན་པ་གཉིས་མཉམ་པར་རྫོགས་པ་ས་གསུམ་པ་འོད་བྱེད་པའོ། །ངེས་པར་སྤྱོད་པའི་རྣལ་འབྱོར་ནི་གསང་བ་ཇི་བཞིན་བ་ཐུགས་སུ་ཆུད་ནས་དོན་མཛད་པས་ས་བཞི་པ་འོད་འཕྲོ་བ། །རྩལ་ཆེན་སྦྱོང་བའི་རྣལ་འབྱོར་ནི་ཤེས་རབ་ཀྱི་རྩལ་ཆེན་པོས་དབྱེར་མེད་ཀྱི་དོན་ལ་སྦྱོང་བས་ས་ལྔ་པ་སྦྱང་དཀའ་བའོ། །རིག་པས་ཆོས་ཉིད་ཇི་བཞིན་པའི་ཡུལ་ལ་འཇུག་པའི་རྣལ་འབྱོར་ས་དྲུག་པ་མངོན་དུ་གྱུར་པའོ། །ཡེ་ཤེས་ཆེན་པོ་ཡུལ་མེད་དུ་རྟོགས་པས་རིག་པར་སྒོམ་ལམ་ལ་སྦྱོར་བའི་རྣལ་འབྱོར་ས་ཉོན་མོངས་པའི་སྒྲིབ་པ་དག་པས་ས་བདུན་པ་རིང་དུ་སོང་བ་སྟེ། །འདིར་དེ་དག་མཐོང་ལམ་གྱི་ཁྱད་པར་དུ་གྱུར་པར་རིག་པར་བྱའོ། །ས་བདུན་པ་ལ་རྣལ་འབྱོར་གསུམ་སྟེ་ཆོས་ཉིད་རིག་པ་ལ་གྲུབ་པའི་དོན་རྣལ་མ་ལ་འབྱོར་༼༠༽པ་ནི། །མཚན་མ་ལས་གྲོལ་ཏེ་ཅིས་ཀྱང་མི་གཡོ་བར་གནས་པས་ས་བརྒྱད་པ་མི་གཡོ་བའོ། །དེ་བས་ཀྱང་བསྐྱེད་དུ་གྱུར་ཏེ་ལེགས་པ་ཆེར་ལྡན་པ་ལ་རྣལ་འབྱོར་ཆེན་པོ་༼༡༽ནི་ས་དགུ་པ་ལེགས་པའི་བློ་གྲོས་སོ། །ངེས་༼ཿ༽པར་འབྱུང་བའི་རྣལ་འབྱོར་ནི་དེ་ཉིད་ཆོས་ཀྱི་གཞིར་གནས་པས་ས་བཅུ་པ་ཆོས་ཀྱི་སྤྲིན་ཆེན་ཡིན་ཏེ། །དམ་ཚིག་པ་དང་ཡེ་ཤེས་པ་འབྱེད་ཅིང་འཕྲོ་འདུ་བྱེད་པས་ཕྱི་རྒྱུད་ཀྲི་ཡ་༼༠༽ཨུ་པ་ཡ་༼༡༽ཡོ་ག་༼ཿ༽གསུམ་མོ། །ས་བརྒྱད་པ་ལ་རྣལ་འབྱོར་གསུམ་སྟེ་བླང་དོར་མེད་པ་རྨད་དུ་བྱུང་བའི་སྤྱོད་པར་རོལ་པའི་རྣལ་འབྱོར་ནི། །རྣལ་འབྱོར་ཆེན་པོ་བསྐྱེད་པའི་བསྐྱེད་པའི་རིམ་པའོ། །ཅི་སྤྱད་ཚོགས་ཆེན་གཉིས་སུ་ཤེས་ཏེ་འདུས་འདུན་པས་འི་རྣལ་འབྱོར་ནི་བསྐྱེད་པའི་རྫོགས་པར་རྫོགས་ལ། །ལྟ་སྤྱོད་འབྲེལ་བའི་རིག་པའི་རྩལ་ཆེན་རྫོགས་པའི་རྣལ་འབྱོར་ནི་བསྐྱེད་པའི་རྫོགས་པ་ཆེན་པོ་སྟེ་རྒྱའི་རིག་ས་འཛིན་ནོ། །ས་དགུ་པ་ལ་རྣལ་འབྱོར་གསུམ་སྟེ་འདོད་ཡོན་ལྔ་ཆོས་ཉིད་ཀྱི་རྒྱན་དུ་སྤྱད་པས་རོལ་པ་རྒྱན་གྱི་རྣལ་འབྱོར་དེ་ཡི། །རྫོགས་པའི་བསྐྱེད་པ་སྟེ་རྩོལ་བ་དང་བཅས་རྣལ་འབྱོར་ཡིན་ལ། །ཉོན་མོངས་སྡུག་བསྔལ་བདེ་ཆེན་དུ་གསལ་བས་བདེ་བ་ཆེན་པོའི་རྣལ་འབྱོར་ནི་རྫོགས་པའི་རྫོགས་པ་དངོས་ཡིན་ཅིང་། །དེ་བརྟན་པས་ཡེ་ཤེས་ཀྱི་ཐིག་ལེར་རྫོགས་པའི་རྣལ་འབྱོར་ནི་རྫོགས་པའི་རྫོགས་པ་ཆེན་པོའི་ངང་ལ་གནས་པའོ། །དེ་དག་ཀྱང་རྒྱ་ཆེན་རིགས་འཛིན་ནོ། །ས་ཐ་མ་ལ་རྣལ་འབྱོར་ཕྲ་མོ་གསུམ་སྟེ་ཐམས་ཅད་རང་བྱུང་ཡེ་ཤེས་སུ་རྟོགས་པས་བདག་ཉིད་ཆེན་པོའི་རྣལ་འབྱོར་ནི། །རྣལ་འབྱོར་ཆེན་པོ་རྫོགས་པར་ལ་བཟླ་བ་སྟེ། །དེ་ལ་ཐམས་ཅད་མ་བཙལ་བར་ལྷུན་གྱིས་གྲུབ་པའི་རྣལ་འབྱོར་ནི་རྗེས་སུ་རྣལ་འབྱོར་པ་ཉིད་དེར་ལ་བཟླ་བའོ། །ཐ་སྙད་ལ་མི་གནས་ཏེ་གང་ཡང་མ་བཀོལ་བས་ཀློང་ཡངས་ཆུབ་པའི་རྣལ་འབྱོར་ནི་དེ་ཡིས་གཤིས་མཐོང་པས་ལྷུན་གྲུབ་རིག་འཛིན་རང་རྒྱུད་དག་པའི་སངས་རྒྱས་སོ། །དེ་ལས་སེམས་བསྐྱེད་ནས་མཐར་ཐུག་གི་དོན་ལ་རེག་པར་འདོད་པ་ཡིན་ནོ། ༈ །སྒྲ་ཇི་བཞིན་མ་ཡིན་པས་དོན་ཐུན་མོང་མིན་པར་བརྡ་སྤྲད་ནས། །ཕྱོགས་མེད་རང་གྲོལ་དུ་རྟོགས་པའི་ངང་དུ་གནས་པས། །ཆེད་དུ་མ་གཏད་ཀྱང་དེའི་ངང་དུ་མ་ཡེངས་པར་གསལ་བ་ནི། །དམིགས་གཏད་ཀྱིས་བསྒོམ་དུ་མེད་ཀྱང་དོན་ལ་མ་ཡེངས་པས་སྒོམ་པའི་གཟེར་ཆེན་པོ་ཡིན་ནོ། ༈ །གདོད་མ་ནས་སྙིང་པོ་རྣལ་མ་དོན་གྱི་རྒྱུད་ཉིད། །ལས་གཞན་པ་མེད་པས་ཡེངས་༡ཏེང་ངེ་དང་བྲལ་༡བའི་༡༡དོགས་པ་མེད། །དོན་འདི་ནི་མཐར་ཕྱིན་པས་ཤིན་ཏུ་རྣལ་མར་བློ་ཡིས་འབྱོར་ཏེ། །རྩོལ་སྒྲུབ་ཀྱིས་བཙལ་བ་བྲལ་བའི་ཐབས་ཆེན་པོ་ཡིན་ནོ། །ཐོག་མར་རང་༼ཁ༽རིག་རྣལ་༼ཀ༽འབྱོར་པའི་༼ག༽པས། །རྟོགས་པའི་ལྟ་བའི་ཕྱོགས་རིས་དང་བྲལ་བར་ངེས་པའི་སོར། །བློས་མ་བཅོས་པར་ལྷུན་གྱིས་གྲུབ་པའི་བདེ་བ་ཆེན་པོར་གནས་ཏེ། །མ་ཡེངས་པར་གནས་པ་ཙམ་དེ་ཉིད་ལ་སྒོམ་ཞེས་བྱའོ། ༈ །བྱིང་༢བ་ནང་དུ་བློ་རྒོད་༡པའི་ཡུལ་ལ་འཕྲོ་བ་དང་ཐིམ་པ་ནི་སྐྱོན་གྱིས་ཅིར་ཡང་གཡོས་ཀྱང་། །ཐོག་མ་གཞིའི་དོན་དགག་སྒྲུབ་མེད་པ་དང་དེ་རྟོགས་པའི་གནད། །དེས་ན་སྤང་བ་དང་དགག་པ་དང་སྦྱང་བ་དང་བསྒྱུར་བ་མིན་ཏེ། །དེ་ཉིད་རྟོགས་ཚོད་དུ་རང་ཏང་དུ་གནས་སོ། ༈ །སྒོ་ལྔ་ཡུལ་གཅོད་པར་བྱེད་༡པ་ནི་ཉོན་ཡིད་ང་བདག་ཏུ་འཛིན་བྱེད་༣ ནི་ཡིད་སྔ་ཕྱིའི་རྗེས་སུ་འབྲང་བ་༥ནི། །རྣམ་པ་སྒྱུ་༢མ་དང་མཚན་ཉིད་རང་༤རིག་དང་རང་བཞིན་སྟོང་༦ཉིད་ཡིན་པས། །༡སྤྲུལ་༡ལོངས་སྤྱོད་༢རྫོགས་༡ཆོས་༣༡སྐུར་༡༡༡ལྷུན་གྱིས་གྲུབ་པར་གནས། །དེས་ན་རེ་དོགས་ཀྱིས་མ་བཙལ་བར་ལྷུག་པར་ཞོག་ཅིང་། ༈ །སོ་མ་ཤོར་སྐྱོན་མ་བཅོས་འབྲས་བུ་བཙལ་བ་མེད་པ་ནི། །ངག་ཏུ་བརྗོད་པ་ལ་གསུམ་བྱུང་པ་སྟེ་དོན་ལ་དབྱེར་མེད་པས། །དེ་གསུམ་ཐ་དད་ཀྱི་རྗེས་སུ་སེམས་མི་སྤྲོ་བས། །ཐིག་ལེ་རང་གསལ་ཉག་གཅིག་གོ། ༈ །བྱིང་བས་རིག་པ་གསལ་མ་ཐོན། །རྨུགས་པས་ཤེས་བྱའི་དོན་གནས་ལུགས་མ་གསལ། །ཤིན་ཏུ་བྱིང་ན་དྲན་པའི་རྒྱུན་འགག །རབ་ཏུ་རྨུགས་ན་འདུ་ཤེས་ཀྱི་རྒྱུ་བ་སྤང་། །རྒོད་པ་ནི་རིག་པ་རང་རང་གི་ཡུལ་ལ་འཕྲོ། །གཡེང་བ་ནི་འཇིག་རྟེན་པའི་བྱ་བའི་ལས་ཀྱིས་ཁྲིད། །རབ་ཏུ་རྒོད་ན་རྟོག་དཔྱོད་ཡིད་ལ་བྱེད། །ཤིན་ཏུ་བྱ་བས་གཡེངས་ན་བྱ་བྱེད་ཀྱི་མཚན་མར་སྨིན་ནོ། ༈ །ཐོག་མ་མེད་པའི་མུན་པ་མ་རིག་པའི་བག་ཆགས་དང་། །བཅུད་ཅན་གྱི་ཁ་ཟས་བཟའ་བ་དྲགས་པ་དང་གནས་དང་གོས་ཀྱི་རྐྱེན་གྱིས་འཐིབས་པ་དང་། །བད་ཀན་གྱི་ནད་རྒྱས་པ་དང་ངལ་དུབ་ཀྱི་ལས་དྲགས་པ་དང་། །གདམས་པའི་གནད་ཞན་པ་དང་སྦྱངས་པའི་རྒྱ་ཆུང་བའོ། །སྐྱེ་བོ་འདུས་པ་ལ་ལྟ་བ་དང་འཇིག་རྟེན་གྱི་བྱ་བ་མ་མཐོང་པ་དང་། །བསླབས་པའི་ཐ་སྙད་ལ་བསམ་པའི་ཤེས་རབ་ཀྱིས་དྲན་པ་རྒྱུད་ལ་བསྟེན་པ་དང་། །བེམས་པོ་དང་རིག་པའི་སྒྲོན་མ་ལུང་གིས་རྒྱུད་གཡེངས་པ་སྟེ། །མདོར་ན་རང་གི་རིག་པ་སྲང་དུ་མ་ཚུད་པའོ། ༈ །གཏན་ཚིགས་ཀྱིས་གཞིག་དཔེས་མཚོན་ལུང་ལ་རྒྱུད་སྦྱངས་ཏེ་ཡིད་ཆེས་པར་བྱས་ལ། །ཁ་ཟས་བསིལ་བ་དང་རྩུབ་པ་དང་ཡང་བས་མཁྲིས་པ་རླུང་བད་ཀན་གྱི་ཁམས་བསྙམ་བསིལ་བའི་སར་གནས་ཏེ་སྔ་དྲོ་བད་ཀན་གྱི། །དུས་སུ་བཅག་ཅིང་ཕུང་པོ་ལ་སྤྱོད་པ་དྲག་དལ་སྙོམས་པར་གནས། །ཤེས་བྱ་ཚོགས་བརྒྱད་སྐྱེ་ལུགས་གསུམ་ལྷུན་གྲུབ་གསུམ་དུ་རྒྱ་གཅད་མངོན་སུམ་གཉིས་ཀྱི་ཚད་མས་མཚོན། །སྒྲོལ་མ་རླུང་གིས་རྣམ་པར་ཤེས་པ་བཏེག་ལ་གཟེང་བསྟོད་དེ་བསྒོམ་པར་བྱ། །བླ་མ་དམ་པའི་ཡོན་ཏན་དྲན་པས་དོན་གྱིས་ཏིང་ངེ་ལ་བྲོད་པ་ལྟར་གསལ་གདབ། །ལས་རྒྱ་མཚན་ལྡན་གྱི་གྲོགས་ཀྱིས་སྤྱོད་ལམ་ཅི་བདེར་སྤྱད་པས་ཁམས་འདུས་དགྲོལ། །ཤེས་པ་རྒྱ་བསྐྱེད་ལ་ངོ་མཚར་ཅན་གྱི་ཡུལ་ལ་དྲང་། །གནད་ཀྱི་གདམས་པ་ཤེས་བྱའི་གཤིས་ལ་ཕེབས་པས་སྐྱོན་དབང་དུ་འགྲོ་བའི་ལམ་གཅད། །འཇུག་པའི་སྒོ་ཐེག་པ་རྣམས་བསྡུར་བས་ངེས་པའི་དོན་གནད་དུ་ཕེབས་ལ། །སྐྱེ་བོ་འདུས་པའི་ཚོགས་ལ་ལྟ་བ་དང་འཇིག་རྟེན་གྱི་བྱ་བ་མང་པོ་གཞག །ལུང་མང་འདོད་པའི་ཁྱད་པར་སྔར་ཐོས་བསམ་གྱིས་བཅད་ལ། །སྒོམ་པ་འདིའི་ཚེ་བསམ་བྱུང་སོ་སོར་རྟོག་པའི་དུས་མིན་པས་རྟོག་དཔྱོད་ཀྱི་ཁོ་ཐག་གཅད། །ཧ་ཅང་གཡེངས་ན་རིག་པའི་རྟ་རླུང་དང་བྲལ། །ལས་ཀྱི་རྣམ་སྨིན་ངན་པའི་འབྲས་བུ་དུ ཿཁ་དྲན་པས་རང་ལ་རང་གིས་ཤེ་གཅད། །དུས་སྙིགས་པ་དང་ཚེ་ཐུང་བ་དྲན་པའི་དད་པས་རིག་པ་སྲང་དུ་གཟུང་ངོ་། ༈ །བཞག་ཐབས་དེ་ལྟར་དུ་བློ་གནས་ན་ཉམས་རིམ་བཞི་དང་པོ་སེམས་གནས་པ་ཙམ་གྱི་ཉམས་འབྱུང་སྟེ། །ཨ་ཏིའི་སྐལ་བ་དང་ལྡན་ཀྱང་ཆིག་ཆོད་པས་བློ་ཞན་པས་ལྟ་བ་དང་རྟོགས་པའི་ཚད་ལ་དགོན་པར་གོམས་པར་བྱེད་པའི་ཚེ། །མཉམ་པ་ལ་མི་སྡོད་པར་སླར་རྟོག་པ་མང་པོ་འབྱུང་སྟེ་བྱིང་རྒོད་ཀྱི་རྐྱེན་དང་བྲལ་བར་ཅུང་ཟད་གནས་པ་ལ་གནས་ཞེས་བྱའོ། །རེས་གནས་རེས་བྲལ་བས་སྤྲིིན་བར་གྱི་ཉི་མ་དང་འདྲ་ལ་སྒོམ་ལ་ཡིད་ཆེས་པས་ཐོབ་ཏུ་རེ་༡མ་ཐོབ་ཏུ་དོགས་༡༡༡མེད༡། །ཅིང་དེ་ལ་ཡིད་ཆེས་པའི་དད་པས་འཁོར་བ་ལ་བློ་ལྡོག་ཅིང་སྐྱོ་བས་ཆགས་པ་ཆུང་སེམས་ཅན་ལ་སྙིང་རྗེ་ཆེ། །དེ་ལྟར་སྣང་བས་འཁོར་བའི་གཡང་ས་ངན་འགྲོ་མི་ལྟུང་བར་མི་ལུས་ཐོབ་ནས་ལས་ཀྱི་འབྲེལ་པས་རྣལ་མ་དང་འཕྲད་པ་ཙམ་ལས། །ཟིལ་གནོན་ཏིང་ངེ་འཛིན་གྱི་སྟོབས་ཆུང་བས་སྲིད་པ་འཁོར་བ་ལས་བརྒལ་མ་ནུས་པ་ཡིན་ནོ། ༈ །སྔར་གནས་པའི་ཉམས་ཐོབ་པའི་སྟོབས་ཀྱིས་སྐྱོན་རྣམས་རང་བྲལ་ནས་ཉིན་མཚན་ཕྱད་པར་མི་རྟོག་ཐིག་ལེའི་ངང་ལ་གནས་པ་ནི། །རྒྱ་མཚོ་ཆེན་པོའི་གཏིང་དང་འདྲ་བར་མི་གཡོ་ལ་རྨི་རྟགས་བཟང་པོ་འབྱུང་རྟགས་གཞན་ཡང་རབ་ཏུ་གོང་ལས་འཕེལ། །ཐོད་རྒལ་དུ་མ་སོང་བས་བློ་ཞན་བརྟག་པའི་མཐའ་བཟུང་ཞིང་ཞེན་པའི་བག་ལ་ཉལ་དང་། །མ་བྲལ་བས་ཟག་བཅས་ཀྱི་གོམས་པའི་སྟོབས་མཐར་ཕྱིན་པར་འགྱུར་བའོ། ༈ །འཁོར་བ་དང་འདས་པའི་མཚན་ཉིད་དབྱེར་མེད་ཀྱི་ངོ་བོར་སོན་པར་མཛད་པ་ནི། །ངོས་གཟུང་ཇི་ལྟ་བུར་ཡང་མི་གནས་པར་གཟིགས་ཏེ་རྩོལ་བ་ལས་འདས་པའི་དོན་མཐར་ཕྱིན་པ་ལ་ལོ་ཟླར་གནས། །རྟགས་དང་མཚན་མ་བཟང་པོ་རྣམས་ཡོངས་སུ་རྫོགས་ལ་ཚེ་འཕོ་བ་ལས་འདས་ཏེ་རིགས་འཛིན་དུ་བགྲོད་དུ་མེད་པར་གནས་པས་ཚེ་འདི་ལ་འཚང་རྒྱའོ། །རྗེས་ཐོབ་ཅུང་ཟད་མངའ་བས་ཚུལ་བཟང་པོའི་རྩོལ་བ་ཅན་ནོ། ༈ །རང་གི་སེམས་ཉིད་ཆོས་ཀྱི་སྐུ་རུ་ཞལ་མཇལ་བས་མཐར་ཕྱིན་པ་ནི། །དཔེ་ཡིས་མཚོན་དུ་མེད་པ་ཉིད་ནམ་མཁས་མཚོན་ཏེ་མཐའ་དབུས་ལས་འདས་པས་སོ། །རྩོལ་བ་མེད་པའི་བྱིན་རླབས་གདུལ་བྱའི་ཡུལ་སྣ་ཚོགས་ཀྱི་རྐྱེན་གྱིས་ཅིར་ཡང་འཆར། །དེ་ལས་བསྐྱེད་དུ་བྱར་མེད་ཀྱང་ཕྱོགས་རིས་དང་བྲལ་ཞིང་རང་གསལ་བས་ཉམས་སུ་གདགས་སོ། ༈ །ཉམས་དེ་རྣམས་རིམ་པ་ཇི་བཞིན་དུ་བཞི་པོ་མ་ལུས་པར་ཚང་བར་བྱུང་བ་ལ་ཡང་། །དེའི་དུས་ལ་ངེས་པ་མེད་དེ་བརྩོན་འགྲུས་ཀྱི་སྟོབས་དང་རིག་པའི་རྩལ་ཆེ་ཆུང་ཡོད་པས་སོ། །ཐོད་རྒལ་གྱི་གང་ཟག་འགའ་ཞིག་ལ་ལར་གནས་པའི་ཏིང་ངེ་འཛིན་ནས་མཐར་ཕྱིན་པའི་ཉམས་ཐོབ་པ་ཡང་ཡོད། །དགའ་རབ་བདག་དང་འདྲ་བ་ངེས་པར་ཕྱིས་འབྱུང་ན་རྟོགས་གྲོལ་ཆིག་ཆོད་ཡོན་ནོ། ༈ །མན་ངག་འདི་ནི་མཆོག་གི་དངོས་གྲུབ་ཁྱད་པར་ཅན་དམ་པའི་བཅུད་ཡིན་ལ། །འཁོར་འདས་ཀྱི་ཆོས་མཚན་ཉིད་འཛིན་པོའོ་ཅོག་ཐམས་ཅད། །གདོད་མ་ནས་རང་བཞིན་མ་བཅོས་པ་བྱང་ཆུབ་ཀྱི་སེམས་ཡིན། །བདེ་གཤེགས་དུས་འདས་ད་ལྟར་མ་འོངས་པ་གསུམ་གྱི་རྒྱལ་བ་ཐམས་ཅད་ཡི། །ཐུགས་ཀྱི་དགོངས་པ་མཁྱེན་པའི་ཡེ་ཤེས་ཡིན་ཏེ། །མ་ནོར་རྣལ་མའི་དོན་ལ་རིག་པས་འབྱོར་པའི། །བློ་གྲོས་ཡང་རབ་སྐྱེས་བུའི་བསམ་པའི་སྤྱོད་ཡུལ་དུ་གྱུར་པ་ཉིད། །རྒྱུ་རྐྱེན་འདུས་ནས་བྱས་པ་མིན་པས་དུས་གསུམ་འཕོ་འགྱུར་སྐྱེ་འགག་གནས་པ་དང་བྲལ་བས་བརྟན་པ། །མཚུངས་པ་མེད་པའི་གསལ་མཁྱེན་ཁྱད་པར་ཅན་ཡིན། །གདོད་མ་ནས་གནས་པས་ཅིང་ཀྱང་བསྐྱོད་པ་མེད་པས་འདུས་མ་བྱས། །སྒྲོ་སྐུར་དང་བྲལ་བས་ངེས་པའི་དོན་གྱི་ལུང་ཉིད། །སྐལ་ལྡན་རྣམས་ལ་བསྟན་ཅིང་བཞག་པ་ཡིན་ནོ། ༈ །དེ་ལྟ་བུའི་དོན་ཁྱད་པར་ཅན་ལ་ངམ་པ་ཨེ་མ་ཧོ། སྐལ་༼ཁ༽བ་དང་ལྡན་སྐྱེས་བུ་རྣམས། །མ་༼ཀ༽འོངས་པའི་དུས་ན་འབྱུང་བ་དག་༼ག༽ །རྒྱལ་བའི་བཀའ་ལུང་ཟབ་མོ་ལ། །བརྒྱུད་པའི་བརྡ་དོན་སྤྲོད་པའི་མན་ངག་གི་གཉེར་དང་ལྡན་པས། །གཞིའི་དོན་བདེན་པར་ཡེ་ནས་གནས་པ་ཡི། །ཡོན་ཏན་གྱི་གཟེར་ཙམ་ཞིག་མཐོང་བས་ང་རྒྱལ་སྐྱེས་པ་ལ། །མཐོང་བ་ཚེ་འདིའི་དགོས་པ་འགའ་ཡིས་རྐྱེན། །བྱ་བ་མེད་པའི་ཆོས་ལ་བློ་གཏད་ནས། །དད་ལྡན་སྐལ་ལྡན་གྱི་བློ་བྱིན་གྱིས་བརླབས་པས། །དངོས་གྲུབ་ཀྱི་ཆུ་བོ་རྟོགས་གོམས་ཀྱི་རྒྱུན་མ་བཅད་པར། །བླ་མ་རིན་ཆེན་གྱི་སྙན་ཁུང་བརྒྱུད་པ་དོན་མཚོན་པའི་ཚིག །འདི་ལ་རྟེན་ལ་གོམས་པ་ཚད་ལ་ཕོབ། །འདི་དང་བྲལ་ན་སྐྱེ་བོ་ཉིད། །འཕགས་པའི་གནས་ལས་འགྱངས་པར་ངེས། །པའི་སྐྱོན་དེས་ན་སྐལ་བ་དང་ལྡན་པ་གདམས་ངག་རིན་ཆེན་གྱི་ཏེན། །དལ་འབྱོར་ལུས་འདི་དགོས་པ་ཕྲ་མོར་མ་སྤྱད་པར། །མན་ངག་འདི་ཡིས་འབྲས་བུ་གྲུབ་པའི་གྲོགས་མཆོག་མཛོད་ཅིག་པའོ། ༈ །འགྲོ་བ་དྲུག་རྣམས་སྐྱེ་བ་རྫུས་མངལ་སྒོང་དྲོད་གཤེར་བཞིའི་སྡུག་བསྔལ་དྲྭ་བར་དུས་རྟག་ཏུ་འཇུག་པའི་ཆུ་རྒྱུན་དེ། །འབྱུང་བ་རྒྱུ་ནི་མཚུངས་ལྡན་མ་རིག་ལྷན་ཅིག་བྱེད་པ་བདག་ལྟ་ཉེར་ལེན་ཉོན་མོངས་རྣམ་སྨིན་གྱི་རྒྱུ་ལས་ཀྱི་འཁོར་ལོ་སྟེ། །བདེ་བ་འཇོམས་པའི་དགྲ་དེ་དག་ལས་རྒྱལ་བར་མཛད་པ་སྐུ་གསུམ་བརྒྱུད་པའི་བཀའ་ལ་བརྟེན་པའི། །གདམས་པ་འདི་ཡིས་ཡིད་ཀྱི་མུན་པ་མ་རིག་པ་བསལ་ནས་ཐམས་ཅད་མཁྱེན་པའི་ཡེ་ཤེས་མི་ནུབ་པའི་རྒྱལ་མཚན་ཚུགས། །འཇམ་དབྱངས་ཀྱིས་བྱིན་གྱིས་བརླབས་པའི་དངོས་བུ་དང་དགའ་རབ་བདག་དང་རིགས་མཐུན་སྐལ་ལྡན་མོས་འཇུག་གོ་ཕྱེ་བ་རྣམས། །གདམས་པ་འདི་ལ་ནན་ཏན་ཆེར་གྱིས་དད་བརྩོན་དམ་ཚིག་ཡོད་ན་འདི་སེམས་ལ་ཐུམས་ཤིག་པར་གདམས་པའོ། །སྒོམ་པའི་ཐབས་མཚོན་པར་བྱེད་པའི་རིན་པོ་ཆེ་སྒྲོན་མ་ལྟ་བུ་རྣལ་འབྱོར་པ་སྒྲུབ་པའི་གྲོགས། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་བ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབ་པའོ། ༈ །མཆན་བུ་སེའི་བནྡྷེ་འབྱུང་ལྡན་གྱིས་བཏབ་པའི་དགེ་བ་སངས་རྒྱས་སུ་བསྔོའོ།། །།

སྤྱོད་པའི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

ཙ ཪྻ སྱ དྷཱ ཏུ ཏི སྨ། །
སྤྱོད་པའི་ཀློང་བཞུགས། །
རྒྱ་གར་སྐད་དུ། པྲཛྙཱ༈ཡ་བི༈མུག་ཏ༈ཨ་མོ་ས་མི་ཙི༈པྲ་ཏ་པན་ན༈མ་ཧཱ་པུ་རུ་ཥ༈ཙཪྻ༈སམྱཀ༈ཤཱསྟྲ༈ནཱ་མ། བོད་སྐད་དུ། རྟོགས་གོམས་ཀྱི་ཤེས་རབ་ཀྱིས༈ཚོགས་བརྒྱད་སྐྱེ་ལུགས་གསུམ་ལས་རྣམ་པར༈གྲོལ་བ༈དེ། ལྷུན་གནས་ཀྱི་དོན་དང་མཐུན་པར༈བློ་ཞུགས་པའི༈སྐྱེས་བུ་ཆེན་པོ་ངང་ལ་གནས་པའི༈སྤྱོད་པ༈དོན་ཕྱིན་ཅི་མ་ལོག་པར་ཡང་དག་པར༈ སྒྲོ་སྐུར་མེད་པར་བསྟན་པ༈ཞེས་བྱ་བ། རང་བཞིན་སྟོང་ཉིད་མཚན་ཉིད་ཀུན་མཁྱེན་དེ་ཡེ་ནས་ཀུན་ལ་ལྷུན་གྱིས་གྲུབ་པ་ནི་འགྲོ་བའི་སྐྱབས་ཀྱི་མཆོག་ཏུ་གྱུར་པས་དཔལ། །དེའི་རོལ་པའམ་རྣམ་པ་ཅིར་ཡང་འགག་པ་མེད་པར་ཤར་བས་དོན་བཞི་པོ་ཀུན་གྲུབ་པར་མཛད་པ། །གནས་ལུགས་ཇི་བཞིན་པ་ཉིད་༼༡༽ལམ་གྱིས་སྒྲིབ་བྱེད་དང་བྲལ་བར་སོན་ཏེ་ཡང་དག་པ་ཉིད་དུ་རྫོགས་༼༢༽པས། །བཅོམ་ལྡན་དེ་ཡེ་ནས་གནས་པ་དང་མངོན་དུ་གྱུར་པར་མངའ་༼༢༽མཛད་པས་གཞི་འབྲས་དབྱེར་མེད་དེར་བཏུད་ནས། ༈ །རང་ལ་གནས་པའི་དོན་མ་རྟོགས་པ་ལྷན་སྐྱེས་བདག་གཞན་གཟུང་འཛིན་དུ་བརྟགས་པས་སྣོད་བཅུད་ཀྱི་དངོས་པོར་ཞེན་ཅིང་འཁྲུལ་བ། །ལམ་ཆུ་བོ་བཞི་བརྒྱུད་པས་མཇལ་ཞིང་རྟོགས་པའི་ངང་དུ་གོམས་པའི་གྲོགས་རྟོགས་པ་ལ་བཟླ་ནམ་མཁའ་རྡོ་རྗེའི། །དོན་གོམས་པ་ལ་གནས་པར་བྱ་བའི་ཕྱིར་རོལ་པ་འགག་མེད་ཀྱི་སྤྱོད་པ་བསྟན། །གདུལ་བྱ་ཀུན་ཀྱང་རང་རང་གི་སྤྱོད་པ་དང་མཐུན་པས་དོན་ལ་དྲང་བའི་ཕྱིར་ཐུགས་རྗེས་གཞན་དགྲོལ་བ་ནི་འགྲོ་འདུལ་ཐུགས་རྗེའི་སྤྱོད་པའོ། ༈ །དེ་ཡི་ངོ་བོ་ངེས་པའི་ཚིག །དབྱེ་བ་གདེང་སྲོག་མཐུན་པའི་དཔེ། །ཉམས་རིམ་ཚད་དང་ཡོན་ཏན་སྐྱོན། །རང་བཞིན་གཞི་དང་འབྲས་བུར་ལུས་གནས་སོ། ༈ །སྒོ་གསུམ་རྟོགས་གོམས་ཀྱི་གདེང་ལས་མ་འདས་པར། །རང་༡དང་གཞན་༡དང་གཉིས་ཀ་གྲོལ་དང་ཆོས་ཀྱི་༡༡༡ཕྱིར། །བཞི་པོ་དེའི་དོན་དུ་འགྱུར་བའི་སྒོ་གསུམ་གྱི་བྱ་བ་དེ། །ཡེ་ཤེས་ཀྱི་རོལ་པར་ཅིར་ཡང་འགག་པ་མེད་པར་སྤྱོད་པའོ། ༈ །རྟོགས་པ་དོན་གྱི་གདེང་ཆེན་པོའི་ངང་དུ་གོམས་པ་གནས་ཏེ། །འགྲོ་འདུལ་བྱ་དང་ནམ་མཁའ་བྱ་བྲལ་གྱིས་དོན་བཞི་གྲུབ་པའི། །སྒོ་གསུམ་རྩོལ་བས་མ་བཙལ་རོལ་པ་མི་འགག་པར་ཤར་ནས། །ཅིར་ཡང་སྤྱོད་པས་སྤྱོད་པའི་མིང་གིས་དོན་ངེས་པའི་ཚིག་དང་ལྡན་པ་ཡིན། ༈ །འགྲོ་འདུལ་ཐུགས་རྗེའི་སྤྱོད་པ་དང་། །ནམ་མཁའ་རྡོ་རྗེའི་སྤྱོད་པ་ལས། ༈ །རྟོགས་གོམས་ཀྱི་གདེང་དང་ལྡན་པས་རང་རྒྱུད་པ་ལས་ལྷག་པའི་སྤྱོད་པ་གདུལ་བྱ་མོས་པས་སོ་སོར་འདྲེན་པ་ནི། །རང་ཉིད་ལྟ་སྒོམ་གྱི་གདེང་ལ་གནས་པ་དེས། །དབུས་མཐའ་ལས། ཡི་གེ་འབྲི་མཆོད་སྤྱིན་པ་དང་། །ཉན་དང་ཀློག་དང་ལེན་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པ་དང་། །སྤྱོད་པ་དེ་བཅུའི་བདག་ཉིད་ནི། །བསོད་ནམས་ཕུང་པོ་དཔག་ཏུ་མེད། །ཅེས་པས་ཐུན་མོང་མ་ཡིན་པའི་དགེ་བ་ཐེག་པ་ཆེན་པོའི་ཆོས་སྤྱོད་བཅུའི་རང་བཞིན་༡དང་། །སྒོ་གསུམ་ངན་ལུས་ཀྱི་གསུམ་ངག་གི་བཞི། ཡིད་ཀྱི་གསུམ་སྟེ་བཅུ་ལས་ལོག་ནས། །དབུ་མ་རིན་པོ་ཆེའི་ཕྲེང་བ་ལས། མི་གསོད་པ་དང་རྐུ་སྤོང་དང་། །གཞན་གྱི་ཆུང་མ་སྤོང་བ་དང་། །ལོག་དང་ཕྲ་མ་རྩུབ་ཉིད་དང་། །མ་འབྲེལ་སྨྲ་བ་ཡང་དག་སྡོམ། །ཆགས་དང་གནོད་སེམས་མེད་པ་པ། །ཉིད་ཀྱི་ལྟ་བ་ཡོངས་སྤོང་བ། །འདི་དག་ལས་ལམ་དཀར་བཅུ་སྟེ། །བཟློག་པ་དག་ནི་ནག་པོ་ཡིན། །ཞེས་པས་དགེ་བཅུའི་དོན་ལ་༡གནས་༡༡པར་བྱ། །ལྷུན་གནས་ཀྱི་དོན་རྟོགས་པ་ལ་དགེ་བ་བླང་བ་དང་མི་དགེ་བ་དོར་བ་དང་བྲལ། །བླང་དོར་སྤྱོད་ཀྱང་ཚུལ་ངན་གྱི་རྩོལ་བ་མ་ཡིན་ཏེ་ཚུལ་བཟང་པོའི་རྩོལ་བ་ཡིན་བས་མཉམ་པའི་ངང་དུ་གནས་པ་༼༠༽ཡིན། །མཉམ་པ་ལ་གནས་པ་དེ་ཡིས་བླང་དོར་དེ་༼༠༽ཡི་གོ་སྐབས་འབྱེད་དགོས་ཏེ་ཆོས་སྤྱོད་བཅུའང་། །རོལ་པ་འགག་མེད་དུ་གནས་པར་སྤྱད་དོ། །སྤྱད་ཀྱང་མཉམ་པའི་དོན་ལ་དགེ་བ་བླང་བ་དང་མི་དགེ་བ་དོར་རྒྱུར་མཉམ་ཉིད་དེ་མི་གནས་སོ། ༈ །གལ་ཏེ་ནག་སྤྱོད་དང་མཐུན་པས་གདུལ་བྱ་དོན་ལ་བཀྲིར་བཏུབ་པ་ལ། ༈ །ཤན་པ་དང་སྨད་འཚོང་རྒྱུད་བླ་མ་ལས། གང་ཞིག་ཡང་ཡང་སྡིག་གྲོགས་བསྟེན་པས་སངས་རྒྱས་ངན་སེམས་ལྡན་གྱུར་དང་། །དགྲ་བཅོམ་ཕ་མ་གསོད་བ་བྱ་བ་མིན་བྱེད་མཆོག་ཚོགས་འབྱེད་པའི་མི། །དེ་ཡང་ཆོས་ཉིད་ངེས་པར་བསམས་ན་མྱུར་དུ་དེ་ལས་ཐར་འགྱུར་གྱིས། །གང་ཞིག་ཡིད་ནི་ཆོས་ལ་སྡང་བ་དེ་ལ་ཐར་པ་ག་ལ་ཡོད། །ཅེས་གསུངས་པས་སྐྱེ་བ་གཞན་གྱི་མཚམས་མེད་པར་དམྱལ་བར་སྐྱེ་བའི་ལས། །རང་བཞིན་དང་སྡོམ་ལྡན་ཁོ་ན་ལ་ལྕི་བ་བཅས་པའི་ཁ་ན་མ་ཐོ་བ་ཀུན། །མཐུན་འཇུག་གི་སྤྱོད་པ་དེ་ཡིས་གདུལ་བྱ་དེ་རིམ་གྱིས་དྲང་ཞིང་གཟོད་དོན་ལ་སྦྱར། །འོ་ན་མི་སྒྲིབ་བམ་ཞེ་ན། གཞན་དོན་ཁོ་ན་ལ་ངེས་པར་དགོངས་ལ་སྒྲིབ་པ་མི་གནས་སོ། ༈ །ལྡེམ་པོར་དགོངས་པ་བཞི་དང་དགོངས་པ་བཞི་སྟེ་བརྒྱད་ཀྱིས། །སྒོ་གསུམ་རྡོ་རྗེ་མ་བཅོས་པས་དོན་ལ་དྲང་ངོ་། ༈ །ཀུན་རྫོབ་ཏུ་སྣང་ཚད་རོལ་པ་ཅིར་ཡང་མི་འགག་པ་ལ། །བརྟེན་པའམ་དགོངས་ནས་གང་ཟག་དང་ཆོས་ཀྱི་བདག་གི་ཕྱོགས་སུ་འཛིན་པ་དག་ལ་དེ་དག་ཡོད་དོ་ཞེ་ན་ཐབས་ཀྱིས་དོན་ལ་དྲང་བ་ནི་གཞུག་པ་ལྡེམ་པོར་དགོངས་པའོ། ༈ །རང་བཞིན་ཀ༽༡དང་རྣམ་༼ཁ༽༡པ་དང་མཚན་ཉིད་༼ ག་༡གསུམ་༡༡༡ལ། །དགོངས་ཏེ་སྤྲོས་ཀ༽བྲལ་དང་ལྷུན་༼ཁ༽གྱིས་གྲུབ་པ་དང་། །རང་༼ ག་རིག་པ་ཁོ་ན་ཡིན་ནོ་ཞེས་མཚན་ཉིད་ལྡེམ་པོར་དགོངས་པ་སྟེ་དོན་ལ་དབྱེར་མེད་དོ། ༈ །སེམས་ཅན་གྱི་སྤྱོད་པ་ཉོན་མོངས་བརྒྱད་ཁྲི་བཞི་སྟོང་གི། །གཉེན་པོར་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་པོ་དེར་བསྟན་པ་ནི་གཉེན་པོ་ལྡེམ་པོར་དགོས་པའོ། ༈ །མཚམས་མེད་པ་དགོངས་འདུས་སོ་དྲུག་པ་ལས། མཚམས་མེད་པ་ཡི་དམ་ཚིག་ནི། །དམ་ཚིག་ཏིང་འཛིན་ཤེས་རབ་དང་། །བྱང་ཆུབ་སེམས་དང་སྙིང་རྗེ་ལྔ། །བར་མཚམས་མེད་པར་རྒྱུན་མི་གཅད། །འདི་ནི་མཚམས་མེད་དམ་ཚིག་ཡིན། །ཞེས་སོ། །འམ་ཉོན་མོངས་ལྔ། །པ་ལ་གནས་ན་བྱང་ཆུབ་ཀྱི་མཆོག་འཐོབ་བོ་ཞེས་འབྱུང་བ་ལྟ་བུ། བྱང་ཆུབ་ཀྱི་སྤྱོད་པ་དཀའ་བ་ལ་དགོངས་ཏེ་གསུངས་པའོ། །མངོན་པ་ཀུན་བཏུས་ལས། ཕ་༼སྲེད་པ།༽དང་མ་༼ལས་ཀྱི་སྲིད་པ།༽ནི་གསད་བྱ་ཞིང་། །རྒྱལ་༼ཉེར་ལེན་དང་བཅས་པའི་རྣམ་ཤེས།༽པོ་གཙང་སྦྲ་ཅན་གཉིས་༼མཆོག་འཛིན་གཉིས། ༽དང་། །ཡུལ་འཁོར་༼སྐྱེ་མཆེད་དྲུག་སྤྱོད་ཡུལ་དང་བཅས་པ།༽དང་བཅས་བཅོམ་པ་ན། །མི་དེ་དག་པར་འགྱུར་ཞེས་བྱ། །ཞེས་པ་དེ་ལ་སོགས་མིང་གིས་དོན་ལ་བསྒྱུར་བ་ནི་བསྒྱུར་བ་ལྡེམ་པོར་དགོངས་པའོ། ༈ །འདི་བཞི་ཆེས་ཆེར་དགོངས་ནས་ཚིག་ཐེལ་གྱིས་མི་དབབ་པར་བསྒྱུར་ཏེ་ལྡེ་བུ་བྱིས་པའི་བཀའ་སྐུགས་ལྟར་ལྡེམ་པོར་དགོངས་པའོ། ༈ །དུས་གསུམ་གྱི་བདེ་བར་གཤེགས་པ་རྣམས་དགོངས་པ་ཆོས་སྐུ་དང་ཚོགས་ལ་སོགས་པ་མཉམ་པ་ལ་དགོངས་ནས། །འདས་པའི་སངས་རྒྱས་དེ་ཉིད་ད་ལྟར་གྱི་སངས་རྒྱས་དེ་ཡིན་ཞེས་མཉམ་པར་དྲང་བ་ནི་མཉམ་པ་ཉིད་ལ་དགོངས་པའོ། ༈ །དེ་བཞིན་གཤེགས་པ་ལ་མོས་པ་དང་མཚན་ཐོས་པ་ཙམ་གྱིས་ཀྱང་། །མཐར་ཐུག་འབྲས་བུ་མི་བསླུ་བའི་དོན་གྱིས་དུས་གཞན་ལ་དགོངས་ནས་སངས་རྒྱས་འཐོབ་བོ་ཞེས་གསུངས་པ་ནི་དུས་གཞན་ལ་དགོངས་པའོ། ༈ །སངས་རྒྱས་དཔག་ཏུ་མེད་པ་ལ་དམ་ཚིག་ཆོས་ཐོས་པའི་སྣོད་ལ་གཟོད་བདེན་པ་ངེས་པར་མཐོང་གི་གྱི་ན་གཞན་གྱིས་མི་མཐོང་ངོ་ཞེས་བཏགས་པ་ལྟ་བུ་ནི་ལམ་མཐར་སོན་བའི་འབྲས་བུའི་དོན་ལ་དགོངས་པ་ཡིན་ཏེ་དེ་ནི་དོན་གཞན་ལ་དགོངས་བའོ། ༈ །ཚུལ་ཁྲིམས་ལ་སོགས་པ་གང་མ་ནུས་ལ་གཞུག་པའི་ཕྱིར་དེ་ལ་གཅེས་སྤྲས་སུ་སྨོས་ཤིག །སྦྱིན་པ་ལ་སོགས་པ་གང་ལ་ཞེན་པ་དེ་དགྲོལ་བར་བྱ་བའི་ཕྱིར་གང་ཞེན་པའི་ཕྱོགས་ལ་སྐྱོན་བརྗོད་པ་སྟེ། །སློབ་དཔོན་དབྱིག་གཉེན་གྱིས། སྦྱིན་པ་ཤན་པ་རྣམས་དང་ནི། །སྨད་འཚོང་རྣམས་ཀྱང་གཏོང་བར་བྱེད། །གང་ཡང་རུང་བས་ཚུལ་ཁྲིམས་ནི། །སྲུང་བར་ནུས་པ་མ་ཡིན་ནོ། །ཞེས་ཚུལ་ཁྲིམས་ཀྱི་གཏམ་དུ་གསུངས་པ་ལྟ་བུ་སྟེ། དེ་ནི་གང་ཟག་གི་བསམ་པ་ལ་དགོངས་པའོ། ༈ །འདི་བཞི་ནི་དགོངས་པ་ཙམ་གྱི་འགྲོ་བ་དྲང་བའོ། ༈ །གདུལ་བྱ་དང་མཐུན་འཇུག་གིས་དྲང་བའི་ཐབས་སུ་བསྟན་པ་ཡིན་ནོ། ༈ །བྱ་བྲལ་དང་གནས་ཕྱོགས་མེད་ནམ་མཁའ་ལ། སྙིང་པོའི་ངང་ལས་འགྱུར་མེད་རྡོ་རྗེར་གནས། ཞེས་པས་མ་བཅོས་པའི་སེམས་ཉིད་ལ། །ལྷག་པར་རྟོགས་གོམས་ཀྱི་གདེང་དང་ལྡན་པའི་སྐྱེས་བུ་ཡིས། །སྙིང་པོ་རྣལ་མར་བདག་གནས་ན། །དགེ་དང་མི་དགེའི་ཆོས་གང་ལའང་། །ལྷག་པར་ཆེད་དུ་བསྟེན་པར་བྱ་བ་མིན་ཏེ་རྩོལ་མེད་ལྷུག་པར་གནས། །འགྲོ་འདུལ་སྤྱད་ནམ་མཁའ་བཞག་དོན་ལ་གནས་པ་ཐམས་ཅད་ཀྱང་། །ནམ་མཁའ་མ་བཅོས་པ་ལྷག་ཅིང་འགྲོ་འདུལ་གྱིས་མཐུན་པ་འདྲེན། །སྤྱོད་པ་གཉིས་པོ་དེ་ལ་ཡངས་དོག་གི་བསམ་རྩིས་ལས་འདས་སོ། ༈ །བྱང་སེམས་རྟོགས་པའི་ངང་ལ་གོམས་པར་གནས་པའི་སྐྱེས་བུ་ཆེན་པོ་ལ། །སྤྱོད་པ་ཐམས་ཅད་ཡེ་ཤེས་ཐུགས་རྗེར་རོལ། །པ་རྣམ་པ་སྒྱུ་མར་ལྷུན་གྲུབ་པས། །བླང་དོར་གྱི་བསམ་པ་དང་བྲལ་བ་ནི་གདེང་ཆེན་པོ་དང་ལྡན་པའོ། ༈ །ཐམས་ཅད་མཉམ་པ་དེས་ན་མི་མཐུན་ཕྱོགས་བཀག་ཅིང་སྤངས་པ་དང་མཐུན་ཕྱོགས་ལ་སྤྱད་པ་ལ། །སོགས་པའི་རྗེས་སུ་སེམས་མི་འབྲང་བར། །གང་ལྟར་གནས་པ་དེ་ལྟར་དུ་བདེ་བའི་ཕྱིར། །བླང་བ་དང་དོར་བའི་ཡིད་དང་བྲལ་བ་ནི་སྲོག་གི་གཟུངས་སོ། ༈ །དཔེར་ན་འགྲོ་བས་ལས་གང་སྒྲུབ་དེར་བརྩོན་འགྲུས་དྲག་པོ་བྱས་པས། །གང་འདོད་པའི་དོན་ལ་མྱུར་དུ་གནས་ཏེ་ཐོབ་པ་ལྟར། །དོན་རྟོགས་པས་གྲུབ་པའི་ངང་ལ་གནས་པའི་སྐྱེས་ཆེན་གྱིས། །སྙིང་པོར་གནས་ཤིང་དོན་བཞི་པོ་ཀུན་གྲུབ། ༈ །དེ་ཡང་ཨ་ཏིའི་དང་པོ་མོས་པས་འཇུག་ཞུགས་ནས་རྟོགས་གོམས་ཀྱི་ངང་དུ་གནས། །གོམས་པ་ཚད་དུ་ཕྱིན་ནས་འབྲས་བུ་དངོས་སུ་རྫོགས་པ་ནི། །སྐྱེས་བུ་ཆེན་པོ་རྟོགས་པ་ནར་སོན་པ་ལ་ཆིག་ཆོད་དུ་རྫོགས་ཀྱང་། །ཐོག་མ་མེད་པའི་བག་ཆགས་གོམས་པ་ལ་ཉམས་དེ་རིམ་གྱིས་གནས། ༈ །སྙིང་པོར་གནས་པ་ལས་མ་གཡོས་པར། །དོན་བཞི་ལྷུན་གྱིས་རྫོགས་པ་སྟེ། །བག་ཆགས་ཀྱིས་མ་གོས་པར་དོན་བཞི་གྲུབ་པ་ནི་མཐར་ཕྱིན་ཚད་དེ། །མོས་པའི་ནུས་པ་ཚད་དུ་ཕྱིན་པའི་སྐབས་ཀྱང་སྤང་བྱ་མིན་ནོ། ༈ །བདག་ཉིད་ཆེན་པོའི་དོན་མཁྱེན་ཏེ་རྟོགས་གོམས་པའི་ངང་ལས་མ་གཡོས་པས། །གཞན་དོན་མ་བཙལ་བར་ལྷུན་གྱིས་གྲུབ་པ། །དེ་བྱང་ཆུབ་ཆེན་པོའི་དོན་མཐར་ཕྱིན། །པ་ནི་སྤྱོད་པ་ལྷུན་གྱིས་གྲུབ་པ་དེའི་ཕན་ཡོན་ཡིན་ནོ། ༈ །སྤྱོད་པ་ལྷུན་གྲུབ་དེ་ཡི་དོན་བྲལ་རྣལ་འབྱོར་ནི། །རྟོགས་པ་ཡར་བསྙགས་འཕངས་བསྟོད་ཀྱང་། །བུས་པ་མཚན་ཉིད་པའི་ཐེག་པར་གནས་པ་སྟེ། །སྨོན་ལམ་བཏབ་པ་དང་མོས་པ་ཙམ་གྱིས་ལྷུན་གྲུབ་དེའི་དོན་གྲུབ་པ་མིན་ནོ། ༈ །ལྷུན་གྲུབ་སྤྱོད་པའི་རང་བཞིན་སྤྲོས་བྲལ་ནི། །མཚན་ཉིད་རང་རིག་པའི་རོལ་པ་འགག་པ་མེད་པ་འཆར་བ་དེ། །དེས་ན་ཐུགས་རྗེའི་རྣམ་པ་སྒྱུ་མ་ལས། །བཙལ་བ་ཐམས་ཅད་དང་བྲལ་ཏེ་དོན་ཐམས་ཅད་གྲུབ་པ་དེ་ཉིད་དོན་རང་བཞིན་ཡིན་ནོ། ༈ །དེ་ཡང་གཞི་ཉིད་དབུ་མ་པའི་སྤྲོས་བྲལ་སྟོང་པ་དང་། །སེམས་ཙམ་པའི་རང་རིག་པ་ལ་གཟུང་འཛིན་གྱི་དྲི་མ་རྣམ་པར་དག་པར་འདོད་པ་དེའི་མཐར་མ་ཐུག་སྟེ། །ཆོས་ཉིད་ཀྱི་རོལ་པའི་ཡོན་ཏན་ཅིར་ཡང་ཤར་བའི་ཕྱིར། །ནམ་མཁའ་རྡོ་རྗེ་དང་ལྷག་སྤྱོད་མཐུན་འཇུག་ཐབས་ཀྱི་སྤྱོད་པ་གཞི་ཡིན་ནོ། ༈ །གཞི་དེ་རྟོགས་པ་མཐར་ཕྱིན་པའི་རྒྱལ་བ་ལ། །འབྲས་བུ་སྐུ་གསུམ་ཡེ་ནས་ལྷུན་གྱིས་གྲུབ་པས། །ཆེད་དུ་བརྩོལ་བས་མ་བཙལ་བར་དོན་ཀུན་ལྷུན་གྱིས་གྲུབ་པ་ནི། །ཀླུ་དག྄་ཤ་ཀ་འཇོག་པོའི་སྤྱི་བོ་ཡི་རྒྱན་གྱི་ནོར་བུ་ལ་ཡོན་ཏན་ལྷུན་གྲུབ་ཡོད་པ་བཞིན་ནོ། ༈ །མདོར་བསྡུ་ན་དོན་ཀུན་མཁའ་སྤྱོད་ཡུལ། །རྫོགས་པར་མཁྱེན་ནས་ལྷུན་གྱིས་གྲུབ། །ཡངས་དོག་མ་ཡིན་ཅིར་ཡང་རོལ། །སྐྱེས་ཆེན་མཐུ་ལྡན་ཁྱད་པར་ཅན། ༈ །གོ་ཕྱེ་བའི་འཁོར་མ་འོངས་སྐལ་ལྡན་བུ་དང་གང་ལ་འདེམས། ལྷན་ཅིག་པའི་འཁོར་སྙིང་པོ་གྲུབ་པ་འཇམ་དཔལ་བཤེས་གཉེན་ལ། །དགའ་རབ་ཁོ་བོ་གང་གིས་ནི་ལྷུན་གནས་ཀྱི་དོན་ལ་རྟོགས་གོམས་ཀྱིས་གནས་ནས་གང་འདེམས་ན་རྩོལ་བའི་སྤྱོད་པས་མ་བཙལ་བར་དོན་བཞི་ལྷུན་གྱིས་རྫོགས་པར། །གྲུབ་ཀྱིས་ཁྱོད་ཀྱིས་ཀྱང་ནམ་མཁའ་དང་མཐུན་འཇུག་གོ། །སྤྱོད་པ་རྒྱ་མཚོ་རྩོལ་བ་མེད་པར་ཅི་བདེས་གདུལ་བྱ་བློ་རབ་འབྲིང་གི། །དོན་རྣམས་གྲུབ་པར་གྱིས་ཤིག་ཇི་ལྟར་ཡང་དང་ཡང་དུ་འདེམས། ༈ །ཁ་སྐད་ཙམ་དུ་རྫོགས་པ་ཆེན་པོ་བླ་ན་མེད་པར་ཁས་འཆེས་པར་བྱེད་ཅིང་། །ཞེ་ལ་སྤྲོས་བྲལ་སྟོང་པ་ཙམ་མམ་རང་རིག་པ་ལ་གཟུང་འཛིན་རྣམ་པར་དག་པ་སེམས་ཙམ་པར་ལྟར་ལ། །འགྲོ་དོན་བྱེད་ཚུལ་སྔོན་སྨོན་ལམ་བཏབ་པ་ཙམ་ལ་ལྟོས་ནས་སེམས་ཅན་གྱི་དོན་བྱེད་པར་འདོད་པའི་སྐྱེས་བུ་དག་ནི། །བྱིས་པ་མཚན་ཉིད་པའི་འདོད་པ་ཅན་ཡིན་ལ། ངའི་འདི་ལས་ལྷག་པའི་ལྟ་བ་མེད་ཅེས་ཁ་ཚལ་བསྐྱེད་པས་བློ་བདེ་བར་སེམས་པ་ནི། །བྲམ་ཟེ་སྨོན་ལམ་གྲུབ་པའམ། མཁའ་ལྡིང་གི་མཆོད་སྡོང་བསྒྲུབས་པས་རྗེས་སུ་དོན་འགྲུབ་པ་ལྟ་བུའི་ཕྱོགས་མཐུན་གྱི་དཔེ་འགའ་ཙམ་མཐོང་ཞིང་ཐོས་པས་ཡིད་ཆེས་རུང་བར་འདོད་པ་ནི་ག་ལ་རིགས་ཏེ་རིགས་བ་མིན་ནོ། ༈ །དེ་དག་རྫོགས་ཆེན་དུ་མི་རུང་བ་དེ་བས་ཆོས་ཐམས་ཅད་ལྷག་མ་མེད་པར་ཡོངས་སུ་རྫོགས་པའི་དོན། །ལ་ཆོས་ཐམས་ཅད་ཀྱི་བཅུད་འདུས་པས་སྙིང་པོ་དེ་རྟོགས་པའི་སོར་གནས་ན་ཆེ་བའི་ཡོན་ཏན་ཐམས་ཅད་ལྷུན་གྱིས་གྲུབ་པས། །འདི་ལ་གྲུབ་མཐའ་ཕྱོགས་རེ་ལ་མཁས་པ་ཀུན་ཀྱང་ངེས་དོན་དུ་གནས་པར་བྱ་བར་རིགས་སོ། ༈ །སྤྱོད་པ་རྩོལ་བ་མེད་པས་ལྷུན་གྲུབ་ཕྱིན་ཅི་མ་ལོག་པས་ཡང་དག་པའི་དེ་གསལ་བར་བྱེད་པས་སྒྲོན་མེ་ལྟ་བུ། སློབ་དཔོན་དགའ་རབ་རྡོ་རྗེས་མཛད་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་བ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབ་པའོ། ༈ །རྒྱལ་བའི་ལུང་དང་། མཁས་པའི་བསྟན་བཅོས་ལ་བརྟེན་ནས། སེའི་བནྡྷེ་འབྱུང་ལྡན་གྱིས་མཆན་བུ་བཏབ་པའོ།། །།

ས་ལམ་གྱི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

བྷཱུ མི མ རྒ སྱ དྷཱ ཏུ ཏི སྨ། །
༄༅། ས་ལམ་གྱི་ཀློང་བཞུགས། །
རྒྱ་གར་སྐད་དུ། སརྦ་དྷརྨ༈བྷོ་དྷི་ཙིཏྟ༈ཏཏྟྭ༈ཡ་ཧི་ན྄༈བྷཱུ་མི༈ མཱརྒ༈ཤཱསྟྲ༈ན་མ། བོད་སྐད་དུ། འཁོར་འདས་ཀྱི་ཆོས་ཐམས་ཅད༈ གནས་ལུགས་བྱང་ཆུབ་ཀྱི་སེམས༈ལྷུན་གྲུབ་གསུམ་དེ་ཁོ་ན་ཉིད༈ མ་ནོར་བས་རང་གི་ངོ་བོས་ངེས་པའི༈གནས་ཤིང་རྟེན་པས་ས༈འཇུག་ཅིང་བགྲོད་པས་ལམ༈ བསྟན་པ༈ ཞེས་བྱ་བ། བཅོམ་རང་བཞིན་ལྡན་རྣམ་པ་འདས་མཚན་ཉིད་ལྷུན་གྲུབ་གསུམ་རང་ལ་གནས་པས་དཔལ་དེ་ལས་གཞན་པའི་སྤང་བྱ་མེད་པས་ཀུན་ཏུ་བཟང་པོ་སྦྱང་བགྲོད་ཀྱི་རྩོལ་བ་དང་བྲལ་བ་གཞི་ཇི་བཞིན་པའི་ངང་ལ་ཡེ་ནས་དབྱེར་མེད་དུ་མཇལ་བས་ཕྱག་འཚལ་ལོ། །གནས་ལུགས་རང་བཞིན་སྤྲོས་བྲལ་ཉིད་དུ་རྣམ་པ་སྒྱུ་མ་མཚན་ཉིད་རང་རིག་ཐམས་ཅད་མཁྱེན་པར་ཡེ་ནས་རྫོགས་པས་ལྷུན་གྲུབ་ཡིན་པ་ལས། འཁྲུལ་ཚུལ་དེ་རྟོགས་པའི་རྐྱེན་བཞི་དང་བྲལ་ཞིང་རང་སྣང་ཡིན་པས་ཡུལ་མེད་པའི་དབང་གིས་ལྷན་སྐྱེས་ཀྱིས་གནས་ལུགས་རྒྱུ་མ་རིག་ཀུན་བརྟག་བདག་ཏུ་ལྟས་པས་གཞན་དུ་སྣང་བའི་ཆ་ལས་ཉོན་མོངས་ལྔ་དང་རྐྱེན་ལས་གསུམ་གྱིས། །ཡིད་སྣ་ཚོགས་སུ་སྤྲོས་པའི་ཡུལ་ལྔ་སྒོ་ལྔས་འབྲས་བུ་མཚན་མར་ཉོན་ཡིད་ང་བདག་ཏུ་བཟུང་བས་འཛིན་པའི་སྡུག་བསྔལ་བརྒྱད་དང་གསུམ་གྱིས་ཐར་དཀའ་བས་དྲྭ་བར་འཁྱམས་པའོ། །གཏན་ཚིགས་ཀྱིས་གཞིག་རྟགས་ལ་བརྟེན་དཔེས་མཚོ ན་ཡིད་ཆེས་བཀའ་ལས་གདམས་པས་མངོན་སུམ་པར་སྐུ་གསུམ་རོ་གཅིག་ཏུ་རྟོགས་པས་འདུད། ༈ །གནས་ལུགས་བདེ་བར་གཤེགས་པའི་ཡོན་ཏན་ཐོབ་པའི་གཞི་རྟེན་དུ་གྱུར་པ་ལྟ་བུར་རང་ཉིད་ཡེ་ནས་བསྒྱུབ་བྱའི་དོན་གྱི་གཞིར་གནས་པས། །ལ་དེ་དང་འཁྲུལ་ཚུལ་མཐུན་པར་རྟོགས་པའི་རྐྱེན་བཞིས་བསྐལ་ཏེ་དེ་དང་མི་མཐུན་པའི་རྐྱེན་དང་ལྡན་ཏེ་ཕྱིན་ཅི་ལོག་ཏུ་གོམས་པས་ཡེ་ནས་དོན་གྱི་གཞིར་གནས་ཀྱང་བདེ་གཤེགས་ཀྱི་ཡོན་ཏན་རྫོགས་པ་སྦས་པ་ལྟར་དུ་བྲལ། །ལྷན་སྐྱེས་རང་ངོ་མ་ཤེས་པའི་རྒྱུ་མུན་པར་མ་ཟད་ཀུན་བརྟགས་ཀྱི་མ་རིག་པ་དང་ཉོན་མོངས་པ་དང་དེས་ཀུན་ནས་བསླངས་པའི་རྐྱེན་ལས་ཀྱིས་སྡུག་བསྔལ་ཐོག་མཐའ་མེད་པས་ཡུན་རིང་ཐེག་བརྒྱད་རྩོལ་བའི་ནད་བཟོད་པ་དཀའ་བར་འབྲས་བུ་སྨིན་པ། །དེ་ཀུན་རང་རྐྱེན་ལོག་པས་གྲོལ་དཀའ་རྫོགས་ཆེན་གྱི་སྐལ་ལྡན་འགའ་ཙམ་འབྱུང་བའི་ཕྱིར་ལུང་དང་མན་ངག་ཉམས་ཚད་མ་གསུམ་དང་ལྡན་པའི་ས་ལམ་༼༠༽བསྟན་པར་བྱའོ་ཞེས་གསུང་བར་ཞལ་གྱིས་བཞེས་པའོ། ༈ །དེ་༼༠༽ཡི་ངོ་བོ་བྱང་ཆུབ་སེམས་ཉིད་མིང་དོན་ངེས་ཚིག་དང་། །སྦྱང་བགྲོད་མེད་པའི་སྲོག་དང་ཡེ་ནས་ནོན་པའི་གདེང་ཆེན་བློའི་རིམ་པས་དབྱེ་བ་རྣམས་བསྟན་བར་བྱ། ༈ །བྱང་ཆུབ་ཀྱི་སེམས་ཉིད་ལ་གནས་ཤིང་རྟེན་པ་དང་དེ། །ཕྱིན་པར་འཇུག་ཅིང་ས་ལམ་གྱི་མིང་དོན་དང་ལྡན་པས། །ས་ལམ་གྱི་ངོ་བོ་སེམས་ཉིད་དུ། །ཕྱིན་པས་ཡོན་ཏན་གྱི་གཞིའམ་རྟེན་དུ་རྫོགས་པའོ། ༈ །ལམ་འབྲས་ཡོན་ཏན་མང་པོའི་ཚོགས་ཀྱི་གཞིར་རྟེན་དུ་གྱུར་ཅིང་། །དོན་དེ་ལ་བློ་འཇུག་ཅིང་རྟོགས་པས་མཐར་སོན། །སེམས་ཉིད་ངང་རྟོགས་ནས་གོམས་པས་འདྲིས་པའི་དོན་དེ་ལས། །མིང་དུ་ས་དང་ལམ་ཞེས་གསུངས་པ་ཡིན་ནོ། ༈ །སྒྲིབ་༼༠༽པ་སྤངས་ནས་ཡོན་༼ཿ༽ ཏན་ལ། །ཆེད་དུ་བླང་དུ་མེད་པར་མཁྱེན། །བཟང་༼ཿ༽ངན་༼༠༽རློམ་༼ཿ༽སེམས་༼༠༽ཞུམ་༼༠༽བྲལ་༼ཿ༽ བར། །རང་གནས་དོན་ལ་དེར་སོན་པ་ནི་སྲོག་འོ། ༈ །ལྷུན་གྱིས་གནས་པའི་བདེ་བ་ཆེ། །གཞིར་གནས་ཡོན་ཏན་ཀུན་གྱི་རྟེན། །དེ་ལ་རྟོགས་གོམས་སེམས་ཞུགས་པས། །མཐར་ཐུག་འབྲས་བུའི་དོན་དེ་ལ་ཡེ་ནས་རྫོགས་པས་གདེང་ཆེན་པོ་དང་ལྡན་པ་ཡིན་ནོ། །དོན་ལ་དབྱེར་མེད་ཐ་དད་དང་བྲལ་བ་ཡིན་པ་ལས། །གདུལ་བྱའི་བློ་ཡི་རིམ་པས་ས་སྦྱོང་ལམ་ལ་འཇུག་པའི་ཐབས། །མ་བཅོས་བླ་མའི་སར་ཡེ་ནས་རྫོགས་ལ། །མ་བཅོས་པས་དེ་བཞིན་ཉིད་དུ་འཇུག་ཅིང་ངང་ལ་གནས་པ་དང་། །ས་སྦྱངས་པ་དང་ལམ་བགྲོད་པའི་རྩོལ་བས་འཇུག་གནས་རྟེན། །བསྟི་གནས་ཙམ་དུ་བསྟན་པ་ཡིན། ༈ །དེ་ཡང་བུས་པའི་ས་པ་སྟེ། ༈ །མོས་པ་སྤྱོད་པའི་ས་པས་དྲོད་ཐོབ་ནས། །གཟུང་བའི་རྟོག་པའི་ཕྱོགས་ལ་རྣམ་པར་བྱང་བར་བྱས་ནས་ཆོས་ཀྱི་མིག་དང་པོ་རྙེད་པས་དཀར་པོ་རྣམ་པར་མཐོང་བའི་ས་ཞེས་བྱ། །དད་པ་ཤིན་ཏུ་ཆེ་བའི་ས་པས་འཇིག་རྟེན་གྱི་ཆོས་ཀྱི་མཆོག་ལ། །ཆོས་དང་གང་ཟག་ལ་བདག་མེད་པའི་བཟོད་པས་བྱང་ཆུབ་ཐོབ་པའི་རིགས་དང་ལྡན་པས་ན་རིགས་ཀྱི་ས་ཞེས་བྱ། ས་དེ་ནས་བྱང་ཆུབ་རྣམ་གསུམ་གྱི་རིགས་འབྱེད་ཅེས་ཀྱང་བཤད་དོ། །དགྲ་བཅོམ་པའི་འབྲས་བུ་ཐོབ་པའི་གྲལ་དང་པོ་ནས་ཡས་མར་བགྲངས་ན་གྲངས་བརྒྱད་པ་ལ་འབབ་པས་ན་བརྒྱད་པའི་ས་ཞེས་བྱ། །རྒྱུན་ཏུ་ཞུགས་པའི་རྒྱུ་ལ་ཞུགས་པ་དེས་ན་ཡིན་ཏེ། །མཐོང་ལམ་སྐད་ཅིག་བཅོ་ལྔ་པ་ཡན་ཆད་དོ། །བཅུ་དྲུག་པ་རྒྱུན་ཏུ་ཞུགས་པའི་འབྲས་བུ་ལ་གནས་པས། །བདེན་པ་བཞིའི་དེ་ཁོ་ན་ཉིད་མ་ལུས་པར་བརྟགས་པར་མཐོང་བས་ན་མཐོང་བའི་ས་ཞེས་བྱ། །སྤང་བྱ་མཐོང་སྤང་མཐའ་དག་དང་སྒོམ་སྤང་འདོད་ཁམས་ཀྱི་དགུ་ལས་ལྔ་པ་ཡན་ཆད་ཅི་རིགས་པར་སྤངས་པའོ། །ལན་ཅིག་ཕྱིར་འོང་བས་འདོད་པ་ཡི། །ཁམས་ཀྱི་སྒོམ་སྤང་དྲུག་པ་ཡན་ཆད་སྤངས་ནས་འདོད་ཆགས་སྲབ་མོར་བྱས་པས་བསྲབས་པའི་ས་སྟེ་ཆུང་བའི་རྣམ་པ་ལུས་སོ། །ཕྱིར་མི་འོང་བའི་ས་ལ་གནས་པས་འདོད་པ་ལ། །འདུན་པ་དང་གནོད་སེམས་སྤངས་པས་འདོད་པའི་འདོད་ཆགས་དང་བྲལ་བས་འདོད་ཆགས་དང་བྲལ་བའི་ས་ཞེས་བྱ་སྟེ་ཆུང་བའི་རྣམ་པ་སྤངས་སོ། །དགྲ་བཅོམ་པའི་ས་གྲུབ་པར་བྱས་བསྲུང་བའི་རང་བཞིན་ཅན་ཡིན་པས་སྔར་བྱས་སྟེ། །གྲུབ་པའི་དོན་མི་ཉམས་པར་སྲུང་བའི་ཕྱིར་བྱས་པ་སྲུང་བའམ་བྱས་པ་རྟོགས་པའི་ས་ཞེས་བྱ་སྟེ། །དངོས་སུ་ན་དགྲ་བཅོམ་པ་ལ་བྱ་དེ་ལས་ལྷག་པའི་འབྲས་བུ་ཐོབ་པར་བྱ་བའི་ཕྱིར་གོམས་པར་བྱར་མེད་དོ། ༈ །མཐོང་བའི་ས་ཡན་ཆད་བཞི་ལ་དབང་པོའི་བྱེ་བྲག་གིས་ཅི་རིགས་པ་དེར་ཉན་ཐོས་ལ། བརྟེན་ནས་རྟེན་འབྲེལ་གྱི་སྒོ་ནས་ཆོས་ཉིད་རྟོགས་ཏེ་འབྲས་བུ་རྫུ་འཕྲུལ་དང་ལྡན་པས། ཡིད་སྦྱིན་བདེ་མཆོག་ཅེས་བར་བསེ་རུ་དང་ནེ་ཚོ་ལྟར་གནས། ༈ །ས་དེ་ལས་གཞན་ས་ལམ་ནི་འཕགས་པའི་བདེན་པ་བཞི་ནི་ཇི་ལྟར་འཕགས་པ་རྣམས་ཀྱིས་བདེན་པར་གཟིགས་པ་བཞིན་དུ་སོ་སོ། ༈ །སྐྱེ་བོ་ཕྱིན་ཅི་ལོག་དང་བཅས་པས་བཟུང་བས་བདེན་པར་མི་མཐོང་བ་ལས་ཁྱད་པར་དུ་འཕགས་པས་ན་འཕགས་པའི་བདེན་པའོ། །ཟག་པ་དང་བཅས་པའི་འདུ་བྱེད་ལ་ཡིད་དུ་འོང་བ་རྣམས་ནི་འགྱུར་བའི་སྡུག་བསྔལ་དང་ཡིད་དུ་མི་འོང་བ་རྣམས་ནི་སྡུག་བསྔལ་གྱི་སྡུག་བསྔལ་བར་འགྱུར་དེ་ལས་མ་གཏོགས་པའི་ཆོས་གཞན་ནི་འདུ་བྱེད་ཀྱི་སྡུག་བསྔལ་བས་སྡུག་བསྔལ་བར་གྱུར་པ་སྟེ། །ལྔ་ཕུང་སྡུག་བསྔལ་གསུམ་པོ་དེ་དང་ལྡན་པས་ན་སྒྲོ་བཏགས་མིན་པའི་ཕྱིར་བདེན་པའོ། །འདུ་བྱེད་ལས་གསུམ་དང་སྲིད་གསུམ་དུ་སླར་སྐྱེ་ཞིང་འབྱུང་བར་འདོད་པའི་འདོད་ཆགས་ལ་སོགས་པ་ཉོན་མོངས་དེ་དག་ལས་སྡུག་བསྔལ་ཀུན་འབྱུང་བས་ཀུན་འབྱུང་གི་བདེན་པ། །འགོག་པ་ཐོབ་པས་ཉོན་མོངས་པ་དེ་དག་ཀུན་བྲལ་བའི་ཕྱིར་འགོག་པའི་བདེན་པའོ། །འགོག་པ་དེར་འགྲོ་བའམ་ཐོབ་པའམ་ཚོལ་བ་མཚོན་པའམ་དམིགས་པར་འགྱུར་བས་ན་ལམ་ཞེས་བྱ། ༈ །བདེ ན་པ་བཞི་པོ་དེ་ལས་རེ་རེ་ལ་བཞི་བཞི་ལྔ་ཚན་གཉིས་དང་དྲུག་ཏུ་དབྱེ་སྟེ་གང་ཞེ་ན། ༈ །རྐྱེན་ལ་རག་ལས་པའི་ཕྱིར་མི་རྟག་པ་སྟེ་རྐྱེན་གྱིས་ཚོགས་ན་ནི་སྐྱེ་བྲལ་ན་འགག་པའམ་འཆི་རང་དབང་མེད་པས་ན་མི་རྟག་པའི་རྣམ་པ། །སྡུག་བསྔལ་གསུམ་དང་བརྒྱད་ཀྱིས་གནོད་པའི་བདག་ཉིད་ཡིན་པས་སྡུག་བསྔལ་བའོ། །བདག་གིར་ལྟར་བའི་མི་མཐུན་ཕྱོགས་གཉེན་པོ་ཡིན་ཏེ་བདག་མེད་ཅིང་སྟོང་པས་ན་སྟོང་པ། །བདག་ཏུ་ལྟ་བའི་གཉེན་པོ་ཡིན་ཏེ་ལྔ་ཕུང་ལ་མུ་སྟེགས་ཅན་གྱིས་བརྟགས་པའི་སྲོག་དང་སེམས་ཅན་ལ་སོགས་པ་བདག་ཏུ་བལྟར་མེད་ཅིང་སྟོང་པ་ཉིད་ཡིན་པས་བདག་མེད། ༈ །ལྔ་ཕུང་དེ འི་རྒྱུ་ལས་དང་ཉོན་མོངས་པ་ནི་ཕུང་པོ་ལྔའི་རྒྱུར་གྱུར་པས་ན་རྒྱུ་འབྲས་བུའི་ས་བོན་ལྟར་རོ། །རྒྱུ་དེ་ལས་འབྲས་བུ་རྒྱུད་དྲུག་ཁམས་གསུམ་ཡང་དག་པར་འབྱུང་བའི་ཚུལ་གྱི་ཀུན་འབྱུང་བ་སྟེ་མྱུ་གུ་འདྲ་བའོ། །བག་ཆགས་སྣ་ཚོགས་བརྟས་ཤིང་འབྲས་བུ་ཐ་དད་མངོན་པར་སྨིན་པར་བྱེད་པས་རྐྱེན་ཏེ་ཆུ་ལུད་ལ་སོགས་པ་ལྟ་བུའོ། །རྒྱུ་རྐྱེན་དང་འབྲས་བུ་འབྲེལ་ནས་ཁམས་གསུམ་དུ་སྐྱེ་བའི་ཕྱིར་རབ་ཏུ་སྐྱེ་བ་སྟེ་མེ་ཏོག་ལྟ་བུའོ། །མདོ་ལས། ཉེ་བར་ལེན་པའི་ཕུང་པོ་འདི་དག་ནི་འདུན་པའི་རྩ་བ་ཅན། འདུན་པ་ལས་ཀུན་འབྱུང་བ། འདུན་པ་དང་འདྲ་བ། འདུན་པ་ལས་རབ་ཏུ་སྐྱེ་བ་དག་ཡིན་ནོ། །ཞེས་པས། རབ་ཏུ་སྐྱེ་བའི་སྒྲ་ཐ་མར་བཏོན་པ་འབའ་ཞིག་ཏུ་ཟད་དོ། །ཞེས་མཛོད་འགྲེལ་ལས་སོ། ༈ །རྒྱུ་རྐྱེན་ཀུན་འབྱུང་སྤངས་ཏེ་བྲལ་བས་ཕུང་པོ་དང་ཁམས་འཇིག་ཅིང་མེད་པར་འགྱུར་བའི་ཕྱིར་འགོག་པ། །སྡུག་བསྔལ་གྱི་མེ་དུག་གསུམ་མི་འབྱུང་ཞིང་མེད་པར་བྱས་པ་དེ་ཞི་བར་གནས་པས་ཞི་བ། །ཕྱིས་ཀྱང་ཁམས་གསུམ་གྱི་སྡུག་བསྔལ་བྲལ་ཏེ་གནོད་པ་མེད་པས་གྱ་ནོམ་པ། །ལམ་གྱི་བདེ་བར་ཕྱིན་ཏེ་སྐྱོན་ཐམས་ཅད་ལས་གྲོལ་བས་ངེས་པར་འབྱུང་བའོ། ༈ །འཕགས་པའི་ལམ་མམ་སར་ཞུགས་ནས་མྱ་ངན་ལས་འདས་པར་འགྲོའི་བས་ན་ལམ། །རིགས་པ་དང་ལྡན་པར་བཤད་པས་ལམ་དེ་འཁྲུལ་པའི་གཉེན་པོར་གྱུར་པས་འཁྲུལ་པ་མེད་ཅིང་ཚད་མར་གྱུར་པས་ན་རིགས་པ། །ཕྱིན་ཅི་ལོག་རྣམས་སྤངས་ནས་ཡང་དག་ཐོབ་པར་བྱེད་པའི་ཕྱིར་བསྒྲུབ་པ། །སླར་འཁོར་བར་མི་སྐྱེ་བར་ཤིན་ཏུ་འདས་པར་ཡང་དག་པར་ངེས་པར་འབྱིན་པའོ། ༈ །དེ་ལ་སྐད་ཅིག་བཅུ་དྲུག་གནས་པར་ཕྱེ་བ་རེ་རེ་ལ་སྤང་བྱ་དམིགས་པ་རྣམ་པ་ལམ་དེ་དག་གང་ཡིན་ངོས་ཟིན་པར་བྱའོ། ༈ །སྡུག་བསྔལ་བ་༼༠༽ལ་དེ་༼༠༽ཁོ་ན་ཉིད་ཀྱི་ཡི་ཆོས། །རྟོགས་པར་བྱ་བར་བཟོད་པས་ན་ཤེས་རབ་ཀྱི་མིག་སྟེ་སྡུག་བསྔལ་ལ་ཆོས་ཤེས་པའི་བཟོད་པ་ཞེས་བྱ། །ཆོས་ཤེས་པའི་བཟོད་པའི་རྗེས་ལ་སྡུག་བསྔལ་གྱི་དེ་ཁོ་ན་ཉིད་རྟོགས་པར་འགྱུར་བས་ན། །སྡུག་བསྔལ་ལ་ཆོས་ཤེས་པ་ཞེས་བྱའོ། །ཇི་ལྟར་འདོད་པའི་ཁམས་ཀྱི་སྡུག་བསྔལ་ལ་ཆོས་ཤེས་པ་ལ་བཟོད་པ་དེ་ལྟར་དུ། །ཁམས་གོང་མ་གཟུགས་དང་གཟུགས་མེད་གཉིས་ཀྱི་ཆོས་ཤེས་པ་ལ་བཟོད་པས་ན་སྡུག་བསྔལ་ལ་རྗེས་སུ་རྟོགས་པར་ཤེས་པའི་བཟོད་པ་ཞེས་བྱ། །ཇི་ལྟར་འདོད་པའི་ཁམས་ཀྱི་ཕུང་པོའི་ཆོས་ཙམ་དུ་ཤེས་པ་དེ་ལྟར་དུ། །ཁམས་གོང་མ་གཉིས་ཀྱི་ཕུང་པོའང་ཆོས་ཙམ་དུ་རྗེས་སུ་རྟོགས་པར་ཤེས་པར་བྱེད་པས་ན་སྡུག་བསྔལ་ལ་རྗེས་སུ་རྟོགས་པའི་ཤེས་པ། ༈ །ཆོས་ཤེས་པ་ནི་དང་པོ་འདོད་པའི་ཁམས་ལ་དམིགས་པའི་ཆོས་ཤེས་པ་སྟེ་ས་ལ་ལྟ་བ་དང་འདྲ། །རྗེས་སུ་རྟོགས་པའི་ཤེས་པ་ནི་ཁམས་གོང་མ་གཉིས་ཀྱི་ཉོན་མོངས་པ་སྤོང་བའི་གཉེན་པོ་སྟེ། །གནམ་ལ་ཡར་ལྟ་བ་དང་འདྲ་བས། ཆོས་ཤེས་པ་དང་། རྗེས་སུ་རྟོགས་པའི་ཤེས་པ་གཉིས་གཅིག་གི་ཡུལ་གཅིག་གིས་མི་མཐོང་སྟེ། ༈ །ཀུན་འབྱུང་དང་འགོག་པ་དང་ལམ་ཡང་དེ་བཞིན་དུ་བཤད་པས། ༈ །ལམ་ལ་རྗེས་བཟོད་ཡན་ཆད་སྐད་ཅིག་མ་ལྔ་གསུམ་བཅོ་ལྔ་ནི་རྒྱུན་ཏུ་ཞུགས་པའི་རྒྱུ་ལ་གནས་པའོ། །ཉོན་མོངས་པས་བར་དུ་གཅོད་མི་ནུས་པས་བར་ཆད་མེད་པ་ཞེས་བྱ་མརྒ་ན་ལམ་སྟེ་སྤྱིར་ན་བསྒོམ་པའི་ལམ་ལ་གནས་པའི་ཚེ་བཟོད་པ་ཉོན་མོངས་པའི། །གཉེན་པོར་གྱུར་པས་ཉོན་མོངས་པ་ཆོམ་རྐུན་དང་འདྲ་བ་སྒོར་ཕྱུང་ཞིང་སྤངས་པ་ལ་བྱ་བས་ན་བར་ཆད་མེད་པའི་ལམ་ཞེས་བཏགས། ༈ །ཐ་མ་རྒྱུན་ཏུ་ཞུགས་པའི་འབྲས་བུར་གནས་པའོ། །བསྒོམ་པའི་ལམ་གྱིས་ཉོན་མོངས་བྲལ་བ་ཡི། །ཤེས་པ་རྐུན་པོ་ཕྱིས་མི་འབྱུང་བར་སྒོ་བཅད་པ་བཞིན་པས་རྣམ་པར་གྲོལ་བའི་ལམ་ཞེས་བྱ། ༈ །མཐོང་ལམ་སྟེ་དེ་ཁོ་ན་ཉིད་ཐོབ་སྟེ་དེ་ཉིད་རྟོགས་རྗེས་ལ། །འཇིག་རྟེན་པའི་དགེ་བ་མང་པོ་འཕེལ་ཞིང་འབྱུང་བས་ན། །མངོན་རྟོགས་མཇུག་ལས་འབྱུང་བའི་དགེ་བའི་རྩ་བ་ཞེས་བྱའོ། ༈ །སྤྱིར་ཁམས་གསུམ་ལ་ས་དགུ་སྟེ། འདོད་ཁམས་ས་གཅིག །གཟུགས་ཁམས་བསམ་གཏན་བཞི། གཟུགས་མེད་ན་བཞི་སྟེ། ས་དགུ་རེ་རེ་ལ་སྤང་བྱ་ཆེ་འབྲིང་ཆུང་གསུམ་དགུ་དགུ་ཡོད་དེ། དེ་ལ་འདོད་ཁམས་ན་སྒོམ་ལམ་གྱི་སྤང་བྱ་དགུ་ལས་ཆེན་པོ་ལ་ཕྱེ་བའི་ཆེ་འབྲིང་ཆུང་གསུམ་དང་། །འབྲིང་གི་ཆེན་པོ་དང་འབྲིང་གི་འབྲིང་པོ་སྟེ་ལྔ་པ་ཡན་ཆད་ནས་དྲུག་པ་སྤངས་པ་ནི་ལན་ཅིག་ཕྱིར་འོང་བའི་རྒྱུ་ལ་གནས་པའོ། །འབྲིང་གི་ཆུང་ངུ་སྟེ་དྲུག་པ་སྤངས་པ་ནི་ལན་ཅིག་ཕྱིར་འོང་བའི་འབྲས་བུར་གནས་པའོ། །ཆུང་ངུའི་ཆེན་པོ་དང་ཆུང་ངུའི་འབྲིང་པོ་སྟེ་བརྒྱད་པ་སྤངས་ནས་དགུ་པ་སྤོང་བ་ནི་ཕྱིར་མི་འོང་བའི་རྒྱུ་ལ་གནས་པའོ། །ཆུང་ངུའི་ཆུང་ངུ་སྟེ་དགུ་པ་སྤངས་པ་ནི་ཕྱིར་མི་འོང་བའི་འབྲས་བུར་གནས་པའོ། །དེའི་ཁྱད་པར་གྱི། སྲིད་རྩེའི་ཆུང་ངུའི་འབྲིང་པོ་སྟེ་བརྒྱད་པ་ཡན་ཆད་སྤངས་ནས་དགུ་པ་སྤོང་བའི་བར་ཆད་མེད་པ་ནི་དགྲ་བཅོམ་པའི་རྒྱུ་ལ་གནས་པའོ། །ཆུང་ངུའི་ཆུང་ངུ་སྟེ་དགུ་པ་རྡོ་རྗེ་ལྟ་བུས་སྤངས་པའི་རྣམ་གྲོལ་གྱི་ལམ་ནི་དགྲ་བཅོམ་པའི་འབྲས་བུར་གནས་པའོ། ༈ །མཐོང་སྒོམ་གྱི་སྤང་བྱ་ནི། མཛོད་ལས། སྲིད་པའི་རྩ་བ་ཕྲ་རྒྱས་དྲུག །འདོད་ཆགས་དེ་བཞིན་ཁོང་ཁྲོ་དང་། །ང་རྒྱལ་མ་རིག་ལྟ་བ་དང་། །ཐེ་ཚོམ་ཡིན་ཏེ་དེ་དྲུག་ཀྱང་། །ཞེས་པ་དང་། ཡང་། ལྟ་བ་ལྔ་སྟེ་འཇིག་ཚོགས་དང་། །ལོག་དང་མཐར་འཛིན་ལྟ་བ་དང་། །ལྟ་བ་དང་ནི་ཚུལ་ཁྲིམས་དང་། །བརྟུལ་བཞུགས་མཆོག་ཏུ་འཛིན་དང་བཅུ། །དེ་དག་༼དུཿཁ་ལ་༽བཅུ་དང་༼ཀུན་༽བདུན་༼འགོག་༽བདུན་༼ལམ་༽བརྒྱད། །ལྟ་བ་གསུམ་༼ཚུལ་ཁྲིམས་འཇིག་ཚོགས་མཐར་འཛིན་༽གཉིས་མ་གཏོགས་པའོ། །འདོད་ན་སྡུག་བསྔལ་ལ་སོགས་པ། །མཐོང་བས་རིམ་བཞིན་སྤོང་བར་བྱེད། །༼འདོད་ཆགས་ཁོང་ཁྲོ་མ་རིག་ང་རྒྱལ།༽བཞི་ནི་སྒོམ་པའི་སྤང་བྱ་ཡིན། ། ༼སོ་དྲུག་༽ཁོང་ཁྲོ་མ་གཏོགས་དེ་དག་ཉིད། །གཟུགས་ཁམས་༼ན་སོ་གཅིག་༽ གཟུགས་མེད་དེ་དང་འདྲ། །༼སྟེ་སོ་གཅིག་༽དེ་ལྟར་དགུ་བཅུ་བརྒྱད་དུ་འདོད། །ཅེས་སོ། ༈ །རིག་དང་ཞབས་སུ་ལྡན་པ་ཡིས། །སྦྱིན་གནས་གྱུར་ཅིང་དགེ་འདུན་ཆེ། །ཞུགས་པ་རྣམ་པ་བཞི་དང་ནི། །འབྲས་ལ་གནས་པ་བཞི་རྣམས་སོ། །ཞེས་དབུ་མ་ཚིགས་གསལ་དུ་མདོ་ཁུངས་དྲངས་སོ། །འཕགས་པའི་སྐྱེས་བུ་ཟུང་བཞི་ལ་ཞུགས་འབྲས་གཉིས་གཉིས་སུ་ཕྱེ་བས་གང་ཟག་ཡབ་བརྒྱད་དོ། ༈ །ཐེག་པ་ནར་སོན་པས་ཆེན་པོ་རང་གཞན་གྱི་དོན་དུ་བྱང་ཆུབ་ཐོབ་པའི་སེམས་དང་ལྡན་པས། །སོ་སོ་སྐྱེ་བོའི་གནས་སྐབས་ནས་འཕགས་པའི་གནས་སུ་ཕྱིན་པར་བྱེད་པས་ལམ་ཚོགས་སྦྱོར་མཐོང་སྒོམ་མཐར་ལྔ་རིམ་པས་བསྒོམ་བྱའི་དོན་གནས་པའི་ཐབས་ཆོས་སོ་བདུན་ནི། །བསྒོམ་པའི་ཐབས་ཀྱི་ཀློང་ལས་དེར་གསུངས་ཟིན་ནས། ༈ །འདི་བཅུ་ལ་སྤྱད་ཅིང་བསྒོམས་པས་མཐར་ཕྱིན་ཏེ་ཕྱི་ན་མ་ལུས་པ་ན་ཕ་རོལ་ཏུ་ཕྱིན་པ་བཅུ་དང་། ས་གོང་མའི་ཡོན་ཏན་ཐོབ་པའི་རྟེན་དུ་གྱུར་ཅིང་ས་དེ་ཉིད་ཡོན་ཏན་གྱི་གཞི་ཡིན་པས་ན་ས་བཅུར་སྦྱར་ན། ༈ །དམ་པའི་ཆོས་དང་གདམས་ངག་སྟོན་པ་ཆོས་ཀྱི་སྦྱིན་པ་དང་ལུས་དང་ལོངས་སྤྱོད་གཏོང་བས་ཟང་ཟིང་གི་རྒྱལ་པོ་ལ་སོགས་པའི་འཇིགས་པ་ལས་སྐྱོབ་པས་མི་འཇིགས་པ། །ཡང་ན་བདག་དང་གཞན་གྱི་དོན་དུ་ལོངས་སྤྱོད་བཏང་ཞིང་༡བུ་དང་ཆུང་མ་འཁོར་མ་ཆགས་པས་རབ་ཏུ་འཁོར་གསུམ་དུ་མི་རྟོག་པས་ལུང་སྲོག་ཆེན་པོར་༡གཏང་༡༡༡བའོ། །སྦྱིན་པ་དེ་ལྟར་རྫོོགས་པར་བྱས་པས་མངོན་འདྲིས་པར་མ་གྱུར་པའི་དོན། །ཆེན་པོ་ཆོས་ཀྱི་དབྱིངས་མངོན་དུ་མཐོང་བ་ལ་རང་དོན་བྱང་ཆུབ་དང་ཉེ་ཞིང་གཞན་དོན་སེམས་ཅན་མང་པོའི་དོན་དང་གཉིས་འགྲུབ་པར་གཟིགས་ནས། །མི་དབུལ་པོ་རིན་པོ་ཆེའི་གཏེར་དང་ཕྲད་པ་ལྟར་དུ་དགའ་བ་རླངས་པོ་ཆེ་སྐྱེ་བས་རབ་ཏུ་དགའ་བའི་སའོ། །ས་གཉིས་པར་བྱང་ཆུབ་ཀྱི་ཕྱོགས་ཀྱི་ཆོས་སྒྲུབ་པས་དགེ་བ་སྡུད་པ་དང་སྡོམ་པ་དང་སེམས་ཅན་ཐམས་ཅད་ལ་དབྱེ་བཀོལ་མེད་བས་དོན་བྱེད་ཀྱི་ཚུལ་ཁྲིམས་དང་གསུམ་ལ་གནས་པས། །མི་དགེ་བས་འཁོར་བར་སྡིག་པའི་ཆོས་ལ་དགའ་བ་དང་། །སྙིང་རྗེ་མེད་པས་བརྩེ་བྲལ་དབུས་པ་ཐེག་པ་ཆུང་ངུ་ལ་དགའ་བར་གནས་པའི་དྲི་མ་དེ་གཉིས་མེད་པས་དྲི་མ་མེད་ཡང་ན་ཁྲིམས་རྫོགས་པས་རྨི་ལམ་ན་ཡང་ཚུལ་ཁྲིམས་ངན་པའི་ལས་མི་བྱེད་པས་ན་དྲི་མ་མེད་པའོ། །ས་གསུམ་པར་དགེ་བ་སྦྱོར་དུས་སུ་དུཿ ཁས་བར་མི་ཆོད་པས་སྡུག་བསྔལ་༡གཞན་གྱིས་རྡེག་ཅིང་གནོད་པ་བྱེད་ཀྱང་མི་ཁྲོ་བས་གནོད་བྱེད་༡སྟོང་པ་བདག་མེད་ཟབ་མོའི་དོན་བསྟན་ན་མི་སྐྲག་ཅིང་དད་པ་དང་དགའ་བས་དམ་ཆོས་༡༡ལ།༡༡༡ །དང་༡ལེན་དང་ཇི་༡མི་སྙམ་པ་དང་ངེས་པར་བཟོད་པའི་བཟོད་པ་གསུམ་རྫོགས་པས། །བུས་པ་ཉན་རང་གི་ལས་གྲོལ་ཏིང་འཛིན་གྱི་ཕུང་པོ་ཡོངས་སུ་དག་པ་ཡེ་ཤེས་ཀྱི་འོད་ཆེན་པོའི་གནས་སུ་གྱུར་པ་ཐོབ་པས། །ལུས་སྲོག་ལ་མི་ལྟ་བར་ཐོས་པ་བཙལ་བས་བདག་གཞན་གྱི་མི་ཤེས་པའི་མུན་པ་བསལ་ཞིང་ཡེ་ཤེས་སྐྱེད་བ་ཅན་འོད་བྱེད་བ། །ས་བཞི་པར་སེམས་ཅན་གྱི་དོན་སངས་བྱང་ཆུབ་སྒྲུབ་པར་དམ་བཅས་པ་གོ་ཆ་དང་ཐོས་བསམ་རྒྱུན་མི་འཆད་པ་འདི་དགེ་བ་བསྡུ་བ་རང་བཞིན་སེམས་ཅན་ཐབས་ཀྱིས་བཏུལ་ཏེ་དགེ་བ་ལ་དགོད་པའི་དོན་བྱེད་པའི་བརྩོན་འགྲུས་གསུམ་རྫོགས་པས། །བྱང་ཆུབ་ཀྱི་ཕྱོགས་བསྒོམས་པས་ཡེ་ཤེས་མེ་དང་འདྲ་བ་སྐྱེས་པ་དང་ཉོན་མོངས་པ་ཙི་སྦུར་ལྟ་བུ་བསྲེགས་པའི་ཕྱིར་འཕོ་བ་ཅན་ན། །ས་ལྔ་པ་རྣམ་པར་མི་རྟོག་པའི་ཏིང་ངེ་འཛིན་དང་འགོག་པའི་སྙོམས་འཇུག་དག་ནི་མཐོང་བའི་ཆོས་ལ་བདེ་བ་གནས་པའི་བསམ་གཏན་ཏེ། །དཔལ་བར་འགྲོ་བ་ལ་སོགས་པའི་ཏིང་ངེ་འཛིན་གྱིས་སངས་རྒྱས་ཀྱི་ཆེ་བ་ཐམས་ཅད་འཐོབ་པར་བྱེད་བས་ནི་ཡོན་ཏན་གྱི་ཆོས་མངོན་པར་བསྒྲུབས་པ་དང་། བསམ་གཏན་གྱིས་མངོན་ཤེས་དྲུག་པོ་དག་ཐོབ་ནས་རྫུ་འཕྲུལ་གྱིས་སེམས་ཅན་དགའ་བར་བྱས་ཤིང་གཞན་གྱི་སེམས་ཤེས་པས་སེམས་དང་མཐུན་པར་ཆོས་བཤད་ནས་མི་དགེ་བ་ལས་བཟློག་ནས་དགེ་བ་ལ་འགོད་པ་ནི་སེམས་ཅན་གྱི་དོན་བྱེད་པའི་བསམ་གཏན་གསུམ་ལ་གནས་བ་རྫོགས་པས། །བུས་པ་ཉན་རང་ལས་འདས་པའི་འཕགས་པའི་བདེན་པ་བཞི་བསྒོམས་པས། །རྣམ་པར་མི་རྟོག་པའི་ཡེ་ཤེས་ཏིང་འཛིན་ལས་ཀྱང་མི་ཉམས་ལ། །འགྲོ་བ་སེམས་ཅན་གྱི་དོན་བྱེད་པ་ཡང་རྒྱུན་མི་གཅོད་པར་སྤྱོད་པ་དེ་གཉིས་མགོ་མཉམ་པས། །འཁོར་བ་དང་མྱ་ངན་ལས་འདས་པ་གཉིས་ཀའི་མཐའ་རུ་མི་གནས་པའི་ཤེས་རབ་ཡོངས་སུ་དག་པར་བྱ་བ་སྦྱང་ཞིང་སྒོམ་པ་ཤིན་ཏུ་དཀའ་བས་སྦྱང་དཀའི་སའོ། །ས་དྲུག་པར་ནང་རིག་པ་གསུང་རབ་ཀྱི་དོན་ལ་མཁས་པ་ནི་བདག་དོན་དང་གཞན་གསོ་བ་དང་བཟོ་རིག་གཉིས་གཞན་གྱི་དོན་རྟོགས་པ་དང་སྒྲ་ཚད་གཉིས་ཀྱིས་མུ་སྟེགས་སུན་འབྱིན་པའི་རྒོལ་བ་ཚར་གཅོད་པའི་ཤེས་རབ་གསུམ་རྫོགས་པས། །འཁོར་འདས་ཀྱི་མཐའ་གཉིས་ཀ་ལ་མི་གནས་ཤིང་མཚན་མ་མེད་པ་ལ་ངང་གིས་འཇུག་པའི་ཡེ་ཤེས་ལ་མང་དུ་གནས་ཤིང་། །རྟེན་ཅིང་འབྲེལ་བར་འབྱུང་བ་སྐྱེ་འགག་མེད་པའི་དོན་མངོན་དུ་གཟིགས་བས་མངོན་དུ་གྱུར་པའི་སའོ། །ས་བདུན་པར་དགེ་བ་མང་ཉུང་ཅི་བྱས་ཀྱང་སེམས་ཅན་ཐམས་ཅད་དང་ཐུན་མོང་དུ་བྱས་ཤིང་བླ་ན་མེད་པའི་བྱང་ཆུབ་ཆེན་པོར་བསྔོས་པས་དེའི་འབྲས་བུ་ཚད་མེད་པ་སྟེ་ཐབས་དེ་ལྟ་བུ་རྫོགས་པས་འབད་པ་དང་། །རྩོལ་བས་འཇུག་པའི་མཚན་མ་མཐར་ཕྱིན་ཅིང་། །རིང་དུ་སོང་ལ་མཚན་མ་མེད་པ་ལ་བགྲོད་པ་གཅིག་ཏུ་གྱུར་པའི་ལམ་དང་ཉེ་བས་རིང་དུ་སོང་བའོ། །ས་བརྒྱད་པ་ཏིང་ངེ་འཛིན་དང་འགྲོགས་པའི་ཤེས་རབ་ཀྱི་སྟོབས་ཀྱིས་ཕྱི་ནང་གི་ཆོས་རྣམས་སྟོང་པ་དང་། བདག་མེད་པར་མཐོང་བས་དེ་ལ་ཆགས་པ་མི་སྐྱེ་བ་ནི་ཀུན་ཏུ་བརྟགས་པའི་སྟོབས་དང་བརྩོན་འགྲུས་ཤས་ཆེ་བས་ཤེས་རབ་ཆུང་ཡང་གོམས་པའི་ཤུགས་ཀྱིས་དགེ་བའི་ཕྱོགས་འབད་མི་དགོས་པར་སྒྲུབ་པ་ནི་བསྒོམ་སྟོབས་མི་མཐུན་པའི་ཕྱོགས་སེར་སྣ་ལ་སོགས་པས་མི་ཚུགས་པས་ན་སྟོབས་སོ། །ཀྱིས། །མཚན་མའི་༡མཚན་མ་མེད་པར་རྩོལ་བ་ཡི༡། །འདུ་༡༡ཤེས་གཉིས་ཀ་ཟིལ་གྱིས་གནོན་ཅིས་ཀྱང་བསྐྱོད་པར་མི་ནུས་པས་མི་གཡོ་བའོ། །ས་དགུ་པར་བདག་ཚེ་རབས་གར་སྐྱེས་ཀྱང་བྱང་ཆུབ་ཀྱི་སེམས་དང་མ་བྲལ་ཞིང་སེམས་ཅན་ཀུན་གྱི་དོན་དུ་ཕ་རོལ་ཕྱིན་པའི་སྤྱོད་པ་རྒྱུན་མི་གཅོད་པར་གྱུར་ཅིག་ཅེས་སྨོན་པས། །ཆོས་༡དོན་༡ངེས་ཚིག་༡སྤོབ་པ་༡སོ་༡༡སོ་༡༡ཡང་དག་པར་རིག་པ་བཞི་བརྙེས་པས་ན། །བློ་གྲོས་གཞན་ལས་འཕགས་པ་ཡིན་ཏེ་ཆོས་ཀྱི་མཁན་པོར་གྱུར་པས་ལེགས་པའི་ཀུན་མཁྱེན་འགྱུར་བས་ལེགས་པའི་བློ་གྲོས། །ས་བཅུ་པར་ཆོས་རྣམས་ཀྱི་མཚན་ཉིད་སྟོང་པ་ཉིད་ཐུགས་སུ་ཆུད་ནས་བྱང་ཆུབ་སེམས་དཔའི་ནང་དུ་ཆོས་ཀྱི་ལོངས་སྤྱོད་ཆེན་པོས་ལོངས་ཆེར་སྤྱོད་པའི་ཡེ་ཤེས་ཀྱི་ཕར་ཕྱིན་རྫོགས་པས། །གཟུངས་དང་ཏིང་འཛིན་ཀུན་ལ་སྤྲིན་ལྟར་དུ་ཁྱབ་ཅིང་། །དེ་ལས་ཆར་བབས་པས་དགོན་གདུང་སྦངས་ནས་རྩི་ཐོག་ཐམས་ཅད་འཁྲུངས་པ་དང་འདྲ་བར་ཡེ་ཤེས་དང་ཐུགས་རྗེ་སྤྲིན་ལྟ་བུས་སེམས་ཅན་རྣམས་ལ་ཆོས་ཀྱི་ཆར་བབས་པས་དགེ་བའི་མྱུ་གུ་ལྟ་བུ་སྐྱེས་པས་ན། །ཆོས་ཀྱི་སྤྲིན་གྱི་ས་ཆེན་པོ་ཞེས་བྱ་སྟེ་དེ་དག་རབ་ཏུ་རྫོགས་སོ། །ཞི་གནས་བཀྲོལ་ལ་བསླང་སྟེ་སྙིང་རྗེའི་ཐག་པས་སྡུག་བསྔལ་ཅན་གྱི་འགྲོ་བ་རྣམས་དྲང་བའི་ཕྱིར། །དེ་ལ་ཕྱོགས་བཅུའི་བདེ་བར་གཤེགས་པ་རྣམས་ཀྱི་ཞལ་དང་ཕྱག་གིས་ཡང་ན་འོད་ཟེར་ཆེན་པོའི་དབང་དབང་བསྐུར་སྤྲུལ་པ་རྒྱ་ཆེན་པོ་འགྱེད་ཅིང་འགྲོ་དོན་ལ་བསྐུལ་བས། །ཞི་བ་མྱ་ངན་ལས་འདས་པའི་མཐའ་ལ་མི་གནས་པར་ངེས་པར་ལེགས་པའི་འབྲས་བུ་བྱང་ཆུབ་ལ་གནས། །པ་ལ་གང་གིས་ཀྱང་བར་ཆད་མི་ནུས་པས་བར་ཆད་མེད་པའི་ལམ་སྒྲིབ་པ་རྩ་བ་ནས་འཇོམས་པས་རྡོ་རྗེ་ལྟ་བུ་ཡི། །ཏིང་ངེ་འཛིན་དྲི་མ་མེད་པ་མཆོག་དམ་པའི་ཤེས་རབ་དེས། །ཤེས་བྱའི་སྒྲིབ་པ་ཤིན་ཏུ་ཆ་ཕྲ་བ་སངས་རྒྱས་ཀྱི་སྒྲིབ་པ་དེ། །རྒྱུན་བཅད་ནས་མཐར་ཐུག་ངེས་དོན་ངང་དུ་གནས་པར་འདོད་པ་ཡང་། །རྟེན་སྐུ་ཆོས་ལོངས་སྤྲུལ་གསུམ་ཡེ་ཤེས་མེ་ལོང་།༼ཆོས༽ མཉམ་ཉིད་༼ལོངས༽སོར་རྟོག །བྱ་བ། ༼སྤྲུལ ༽ བཞི་ཡི་བདག་ཉིད་ཡིན་དེ། །སྐུ་གསུམ་ཡང་ཆོས་སྐུ་མཉམ་བཞག་ལ་གཟུགས་སྐུ་གཉིས་རྗེས་ཐོབ་ཀྱི་ཚུལ་དུ་གནས་པའམ། །སངས་རྒྱས་ནི་ཆོས་སྐུ་མཉམ་བཞག་འབའ་ཞིག་ཙམ་ཡིན་ལ་གཟུགས་སྐུ་གཉིས་པོ་འཁོར་༼ཿ༽གདུལ་བྱ་དག་མ་དག་གི་ངོ་ལ་སྣང་བས་སྒྲོ་བཏགས་སུ་འདོད་པ་དང་། །སྤྲོས་པ་དང་བྲལ་བ་ཉིད་ཙམ་ཆོས་ཀྱི་སྐུ་ཡིན་ལ་གཟུགས་སྐུ་གཉིས་དེ་༼ཿ༽བཞིན། །ཀུན་རྫོབ་ཙམ་དུ་དག་པ་འཇིག་རྟེན་པའི་ཡེ་ཤེས་གནས་པའང་འཁོར་གྱི་སྣང་བ་དེའོ། ༈ །འོད་ཟེར་བཀྱེ་བས་འདུལ་བའི་སེམས་ཅན་སྨིན་པར་མཛད་ཅིང་ཆོས་ཀྱི་སྣང་བ་འོད་དང་འདྲ་བས་ཐམས་ཅད་གསལ་བར་བྱས་པས་སངས་རྒྱས་ཀྱི་ས་ཀུན་ཏུ་འོད་ཀྱི་ཅེས་བྱ་སྟེ་དེའི་ས་རུ་བཞག་པ་ཡིན་ནོ། ༈ །དོན་གྱི་གནས་ལུགས་ལ་ངེས་པར་བརྟགས་ན་གདུལ་བྱ་དྲང་བའི་དོན་ཙམ་ཡིན་ཏེ། །རང་གི་སའི་གནས་སྐབས་འབྲས་བུ་ལས་མཐར་ཕྱིན་པ་ངེས་པའི་དོན་ཡིན་པར་བཞེད་དོ། ༈ །བྱ་བའི་རྒྱུད་དང་གཉི་གའི་རྒྱུད་དང་རྣལ་འབྱོར་གྱི་རྒྱུད་དང་། །རྣལ་འབྱོར་ཆེན་པོ་དང་རྗེས་སུ་རྣལ་འབྱོར་རྣམས་ཀྱི་ས་ལམ་ནི། །བསྒོམ་ཐབས་ཀྱི་ཀློང་དུ་བསྟན་པ་ཇི་བཞིན་དུ་གནས་སྐབས་ལམ་གྱི་ས་ལམ་རྣམས་ཤེས་པར་བྱ་སྟེ། ༈ །སྔགས་ཕྱི་ནང་རང་རང་གི་མཐར་ཐུག་འབྲས་བུ་ངེས་པའི་དོན་ཡིན་པར་འདོད་ས་ལམ་ནི། །འབྲས་བུའི་ཀློང་དུ་སློབ་དཔོན་ཉིད་ཀྱིས་སྦྱར་བ་ཇི་བཞིན་ནོ། ༈ །མ་བཅོས་གོང་ན་མེད་པས་བླ་མ་ཡེ་ནས་གནས་པ་ལ་ཡོན་ཏན་རྫོགས་པའི། །ས་དང་ལམ་ཞེས་སུ་གསུངས་པ་ཡང་། །ཇི་བཞིན་པ་ཉིད་དུ་གནས་ཤིང་རྟེན་པས་བྱང་ཆུབ་ཀྱི་སེམས། །དོན་ལ་འཇུག་ཅིང་མཐར་ཕྱིན་པར་བྱེད་པས་ཡེ་ཤེས་ལམ། ༈ །ཨ་ཏིའི་སྐལ་བ་དང་ལྡན་པ་སྣོད་ཀྱི་ཡོན་ཏན་རྫོགས་པ་རྟོགས་གྲོལ་ཆིག་ཆོད་དང་། ༈ །ཨ་ཏིའི་སྐལ་བ་དང་ལྡན་པ་བློ་ཞན་ཏེ་ཚིག་ཆོད་མིན་ན་རྟོགས་པ་ལ་གནས་པའི་སའི་རིམ་པ་དང་པོའོ། །རེས་འགའ་བ་སྟེ་གནས་པའི་ཉམས་དང་གཉིས་པ་མི་གཡོ་བར་གནས་པའི། །གསུམ་པ་འཁོར་འདས་མཉམ་པར་མཁྱེན་པའི་ཉམས་ཀྱིས་ལམ་མཐར་ཕྱིན་པར་བྱེད། །བཞི་པ་ལམ་གྱི་འབད་རྩོལ་དང་བྲལ་བ་བདེ་བ་ཆེན་པོར་གནས་པ་སྟེ་ཡེ་ཤེས་ལྷུན་གྱིས་གྲུབ་པའི་ཉམས་སོ། ༈ །ཉམས་བཞི་པོ་དེ་དག་དོན་ལ་དབྱེ་བ་བྱར་མེད་པ་ལས་རྟོགས་པ་གོམས་པས་བརྟན་པའི་ཐབས། །དོན་གྱི་ཉམས་རིམ་བཞི་སྐྱེ་བའི་རིམ་པས་ངེས་པར་མཚོན་ནས་དྲང་བའི་ལུང་ཡིན་པར། །མཐོང་བ་སྣ་ཚོགས༴ ཞེས་དྲངས་རྡོ་རྗེ་འཆང་ཆེན་པོ་ཉིད་ཀྱིས་གསང་བའི་ལེའུ་ལྔ་པར་གསུངས། ༈ །ཤན་འབྱེད་བྲམ་ཟེའི་རྒྱུད་ལ་བཟླས་རྒྱལ་པོའི་དོན་ལ་མངོན་སུམ་དུ་གནས་པར་བྱེད་པའི་མན་ངག་གི་རྒྱུད་དེ་ཚིག་ལམ་ལས། །གོམས་བྱེད་ཆ་རྐྱེན་ལམ་དང་ས་ཞེས་གྲགས་པ་གཞུང་གསལ་རྒྱ་ཆེ་ཡང་། །ཧ་ཅང་སྤྲོས་པས་ཐོས་ཆུང་རྙེད་དཀའ་ཐོས་མང་བསྡུས་པར་དཀའ་བར་མཐོང་བས། །སྐུ་གསུམ་ལུང་ལ་བརྟེན་ཏེ་ཅུང་ཟད་ངས་གསལ་བར་མཐོང་བའི་དོན་དེ་བྲམ་ཟེ་སྙིང་པོ་གྲུབ། །པ་ཁྱོད་ལ་གཞག་པར་བཀོད་པས་འདི་ཡིས་ཁྱོད་ཀྱི་ས་ལམ་ཐེ་ཚོམ་ཆོད་པར་གྱིས། ༈ །ཁྱོད་རང་དང་འདྲ་བའི་རྣལ་འབྱོར་པ་མཐར་ཐུག་གི་སྐལ་ལྡན་རྣམས་ལ་དགའ་རབ་ང་ཡི་ཕྲིན་ཡིག་ཀྱེ་ཞེས་བོས་ནས་འདི་རིམ་པར་གཏོད་ཅིག ༈ །བདག་དང་སངས་རྒྱས་ཀྱི་སྐལ་བ་ཡོད་པར་འགྲོ་བ་ཀུན་མཉམ་ཡང་། །སེམས་ཉིད་ལྷག་པར་བསྐྱངས་པས་དགའ་རབ་བདག་བྱིན་གྱིས་བརླབས་ནས་བྱང་ཆུབ་ཐོབ། །དེ་ལྟར་སྐལ་བ་མཉམ་པ་ལ་སྐལ་བ་ཆད་པ་ལྟ་བུའི་འགྲོ་བ་རྣམས། །སྡུག་བསྔལ་གྱིས་ཉམ་ཐག་གྱུར་པར་མཐོང་ནས་ས་ལམ་གྱི་རྣམ་པ་རིམ་པར་སྦྱངས་ཏེ། །སྟོན་པའི་བསྟན་པ་ཐེག་པའི་རིམ་པ་བཞིན་དུ་ས་དང་ལམ་གྱིས་དྲངས་པ་ནི། །འགྲོ་བའི་རིགས་དང་མོས་པས་རྣམ་པར་ཕྱེ་སྟེ་བུས་པ་བྲིད་པར་བསྟན་པ་ཡིན། །བློ་གྲོས་མཆོག་ལྡན་ཚིག་རྗེས་མ་འབྲང་ངེས་པར་གནས་པའི་དོན་ལ་ཡིད་ཆེས་གྱིས། །ཁོ་བོས་སྒྲ་ཕྱིར་མ་ཕྱིན་དོན་ལ་གནས་པས་ཡང་དག་ས་ལ་བཙལ་མེད་གཤེགས། །བྱང་ཆུབ་ཀྱི་སེམས་དེ་ཁོ་ན་ཉིད་ངེས་པའི་ས་ལམ་བསྟན་པ། །སློབ་དཔོན་དགའ་རབ་རྡོ་རྗེས་མཛད་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་བྷ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབ་པའོ། ༈ །མཛོད་རྩ་འགྲེལ་དང་། དབུ་མ་ཚིག་གསལ་དང་། བཀས་བཅད་འབྲིང་པོ་དང་། སློབ་དཔོན་འཇམ་དཔལ་བརྟན་པ་དང་། རོང་ཟོམ་ཆོས་ཀྱི་བཟང་པོའི་གཞུང་རྣམས་དང་ལེགས་པར་བསྟུན་ནས་ཐེག་པ་ཆེ་ཆུང་གི་ས་དང་ལམ་གྱི་མཆན་བུ་སེའི་བནྡྷེ་འབྱུང་ལྡན་གྱིས་བཏབ་པའོ། །

འབྲས་བུའི་ཀློང་སེའི་བནྡྷེ་འབྱུང་ལྡན་གྱི་མཆན་འགྲེལ།

འབྲས་བུའི་ཀློང་བཞུགས། །རྒྱ་གར་སྐད་དུ། སརྦ་དྷརྨཱ༈ཀཱ་ཡ༈ཛྙཱ་ན༈སན་ཏི༈མ་ཧཱ༈བྷོ་དྷི༈གརྦྷ༈ཤཱསྟྲ༈ནཱ་མ། བོད་སྐད་དུ། མཚན་ཉིད་འཛིན་པའི་ཆོས་འཁོར་འདས་ཐམས་ཅད་རྟེན་བྱེད་པས་སྐུ་དང་ཀུན་གསལ་བས་ཡེ་ཤེས་ལྔ་དང་ལྷག་མ་མེད་པས་རྫོགས་པ་ཆེན་པོ༈ འབྲས་བུ་བྱང་ཆུབ་ཀྱི༈བཅུད་འདུས་པས་སྙིང་པོ༈སྐལ་ལྡན་རྣམས་ལ་གསལ་བར་བསྟན་པ་ཞེས་བྱ་བ། བཅོམ་ལྡན་འདས་ལྷུན་གསུམ་མ་བཙལ་བར་ཆོས་ཀུན་ཡུལ་མེད་གསལ་མཚན་ཉིད་རང་བཞིན་སྟོང་ཉིད་ཅིར་ཡང་འགག་པ་མེད་པར་ལྷུན་གྱིས་གྲུབ་པ་རྣམས་ལ་ཕྱག་འཚལ་ལོ། །མཚན་ཉིད་དང་སྔགས་ཀྱིས་རྒྱུ་༡དང་རྩོལ་བ་ལ་བརྩོན་པས་དུས་ཕྱི་མར་འབྲས་བུ་བསྐྱེད་༡བསྒྲུབས་པས་ཐོབ་ཏུ་རེ་མ་ཐོབ་ཏུ་དོགས་པའི་འདོད་པའི་ནད་པ་ཀུན་དགའ་སྙིང་པོ་བདག །རང་ཉིད་ལ་འབྲས་བུ་ཡེ་ནས་ལྷུན་གྱིས་གྲུབ་པའི་དཔལ་དང་ལྡན་པས་རྒྱུ་རྐྱེན་གྱིས་མ་བསྐྱེད་རྩོལ་བས་མ་བསྒྲུབས་པར་ལྷུན་གྱིས་གནས་པའི་བདེ་བ་ཆེན་པོའི་བདུད་རྩིས་གསོ་བར་མཛད་པའི། །སྨན་པའི་མཆོག་ཉིད་གྱུར་པ་ངོ་བོ་ཆོས་ལོངས་དང་དེ་དག་གི་སྐུ་གསུམ་ཀའི་བཅུད་དང་ལྡན་པ་གསང་སྔགས་ཀྱི་མངའ་བདག་སྤྲུལ་སྐུ་རྡོ་རྗེ་འཆང་དང་། །དམ་པ་སྐུ་བཞི་ལ་བདུན་པའི་སྒྲ་ལ་རྟོགས་པ་ལྟ་བས་མོས་གོམས་པ་ཏིང་ངེ་འཛིན་གྱིས་མཐར་ཕྱིན་འབྲས་བུའི་ཚུལ་གྱིས་ཕྱག་འཚལ་ནས། ༈ །རང་ཉིད་ལ་འབྲས་བུའི་དཔལ་དང་ཡེ་ནས་ལྡན་པ་དེ་ལྷན་སྐྱེས་ཀྱིས་མ་མཐོང་བ་ལ་ཕྱིན་ཅི་ལོག་ཏུ་བརྟགས་པས་འཁྲུལ་པའི་ཤེས་པ་རྒྱས་ཏེ། །ལས་ཀྱི་རླུང་གིས་ཁམས་གསུམ་དུ་བསྐྱོད་པས་དུཿཁས་ཉམ་ཐག་པའི་ནད་དེ་ལས་མཐར་ཕྱིན་པར་བྱ་བའི་ཐབས། །རྒྱུ་དང་བརྩོལ་བ་བཞི་ཚན་གཉིས་ཏེ་རྩོལ་བརྒྱད་རང་རང་གི་འདོད་པ་སྣང་སྟོང་གཉིས་གཉིས་མེད་ཀྱི་ཕྱོགས་སུ་བཅད་པས་མུ་མཐའ་མཉམ་གྲོལ་གྱི་དམར་ཐག་ལས། །ལྷུན་གནས་བདེ་ཆེན་དུ་ཡེ་ནས་གནས་པས་རྒྱུ་རྐྱེན་འདུས་ཏེ་བྱས་པའི་འབྲས་བུ་གྲོལ་བར་བྱ་བའི་ཕྱིར་བྱང་ཆུབ་ཀྱི་སྙིང་༡པོ་འབྲས་བུ་གསལ་བར་བསྟན་པར་བྱའོ། ༈ །དེ་༡ཡང་བསྟན་པའི་དགོས་ཆེད་དང་རང་གི་ངོ་བོ་དང་དེའི་རང་བཞིན་དང་མཚན་ཉིད་དང་། །སྒྲོ་སྐུར་མེད་པར་བསྟན་པ་ངེས་ཚིག་དང་རྣམ་པའི་གྲངས་དང་གནས་པའི་དུས་དང་བདུན་ཀྱིས་ལུས་རྣམ་པར་གཞག་པའོ། ༈ །འབྲས་བུའི་ཆེ་བའི་ཡོན་ཏན་ཅིག་ཆོག་ཏུ་གདུལ་བྱ་ལ་བསྟན་པས་ན། །དེ་ཞེ་ལ་འདོད་པའི་འགྲོ་བ་རྣམས་དེ་ཐོབ་པའི་ཐབས་ལམ་ལ་འཇུག་ཅིང་བརྩོན་པར་བྱེད་ཅིང་། །སྐུ་དང་ཡེ་ཤེས་རང་ལ་རང་ཆས་སུ་ཡེ་ནས་ལྡན་པས་ལོགས་ནས་ཐོབ་ཏུ་མེད་པར་ལྷུན་གྱིས་གནས་པར་བསྟན་པས། །བློ་དང་ལྡན་པ་རྣམས་བདེ་བ་ཆེན་པོའི་ངང་དུ་བཞུགས་པའི་ཕྱིར་རོ། ༈ །ལྷུན་གྱིས་གནས་པའི་བདེ་བ་ཆེན་པོ་རྟོགས་ནས་དེའི་ངང་དུ་གོམས་པས། །གཞིའི་ཉེས་པ་ལྷན་སྐྱེས་ཀྱི་མ་རིག་པ་དང་ཞོར་སྣང་གིས་བརྟགས་པ་རྣམ་རང་སར་གྲོལ་ནས། །ལམ་གྱི་ཉེས་པ་རྩོལ་བའི་ནད་དང་བྲལ་ཏེ་མཐར་སོན་པའི་འབྲས་བུ་དང་། །ཐེག་པ་བརྒྱད་རང་རང་གི་ཞེ་འདོད་ཀྱི་འབྲས་བུ་ལ་གནས་པས་གཞི་ལས་ཆེར་རྒྱས་པར་འདོད་པའོ། ༈ །དེ་ཡི་རང་བཞིན་ནི་རྟེན་སྐུ་ཆོས་ལོངས་སྤྲུལ་གསུམ། །དེའི་དགོངས་པ་ཡེ་ཤེས་སྟོང་མེ་མཉམ་སོ་བྱ་ལྔ་མངོན་ཤེས་སྟོབས་མི་འཇིགས་པ་ལ་སོགས། །སྤྲོས་པ་གཅོད་པའི་ཐིག་ལེ་དྲུག་ལ་ཆེ་བ་ལྔས། །འོག་མ་པ་ལས་ཁྱད་པར་དུ་འཕགས་པས་ན་རྫོགས་པ་ཆེན་པོའོ། ༈ །དེ་དག་ཀུན་ཀྱང་རང་རིག་པའི་ཡེ་ཤེས་ཉིད་ཀྱིས། །མཚན་ཉིད་རང་མཁྱེན་པས་ན་རང་བཞིན་སྟོང་རྣམ་པ་གསལ་དེས་ནི། །ཡོན་ཏན་ཀུན་གྱི་གཞི་རྟེན་བྱེད་པས་སྐུ་ཤེས་བྱ་ཀུན་གསལ་བས་ཡེ་ཤེས་མུ་མཐའི་སྤྲོས་པ་ཆོད་པས་ཐིག་ལེ། ཐེག་པ་གཞན་དང་མཚུངས་པ་མེད་པས་ཆེ་བ་རྣམས་ཡེ་ནས་གནས་པས་བདེ་བ་ཆེན་པོའི་མཚན་ཉིད་དང་ལྡན་པར་ཡོངས་སུ་ཆོད་པའོ། ༈ །དོན་དེ་ཀ་ཉིད་གདུལ་བྱ་སྐལ་བ་དང་ལྡན་པ་ལ། །ཆོས་སྐུ་བྱིན་གྱི་རླབས་༡ལོངས་སྐུ་རང་གི་ངོ་བོའི་མཚན་༡སྤྲུལ་སྐུ་ཚངས་པའི་༡གསུང་༡༡༡གསུམ་གྱིས། །ངེས་པར་སྒྲོ་སྐུར་དང་བྲལ་བར་ཚིག་ཏུ་བསྟན་པ་ནི། །མཚན་ཉིད་དེ་ལ་མ་རྟོགས་པ་དང་ལོག་པར་རྟོག་པ་དང་ཐེ་ཚོམ་དང་བྲལ་བའོ། ༈ །སྐུ་དང་ཡེ་ཤེས་དང་རྫོགས་པ་ཆེན་པོ་དང་། །རྣམ་པར་གཞག་པས་འབྲས་བུ་བྱང་ཆུབ་ཀྱི་སྙིང་པོར་གནས་ཏེ། ༈ །སྐུ་ཡོད་པར་འདོད་པ་དང་མེད་པར་འདོད་པ་དང་ཡོད་མེད་ལས་འདས་པར་འདོད་པའོ། ༈ །འགྲོ་བ་རིགས་དྲུག་ལས་བསམ་གྱིས་མི་ཁྱབ་པའི་ལུས་ཡོད་ལ། ༈ །མུ་སྟེགས་ལོག་པར་ལྟ་བའི་གཅེར་བུ་པ་ནི་དབང་ཕྱུག་ཆེན་པོ་གདུགས་དཀར་བཟུང་བའི་དབྱིབས་འདྲ་བའི་ལུས་ལ། །ཚངས་པ་གདོང་བཞི་པ་དང་ཁྱབ་འཇུག་རཱ་ཧུ་ལ་དང་ལྷ་ཆེན་པོ་མ་ཧཱ་དེ་བའི་ལུས་སུ་འདོད། །བྱེ་བྲག་པ་རྡུལ་ཕྲ་རབ་ལས་གྲུབ་པའི་སྙིང་དཀྱིལ་གྱི་བདག་དྲི་མ་དང་བྲལ་བའི་ལུས་པོ། །གྲངས་ཅན་པ་རྣམ་འགྱུར་གཙོ་བོ་ལ་ཐིམ་པས་སྤྱི་གཟུགས་བདག་ཡན་གར་དུ་གནས་པས་ཐར་པ་ཆེན་པོའི་ལུས་སུ་འདོད། །རིག་བྱེད་པ་རིག་པའི་དངོས་པོ་དེ་ཡང་རྟག་པ་གཅིག་པུ་བདེ་བ། །རང་དབང་ཅན་དུ་གནས་པ་ཤེས་ལྟའི་ལུས་སུ་འདོད། །དེ་དག་ཀྱང་གཟུགས་ཁམས་རིས་ཀྱི་ལྷ་ཡི་བྱེ་བྲག་འགའ་ཞིག་དང་། །དངོས་སུ་ནམ་མཁའ་མཐའ་ཡས་ལ་སོགས་པ་གཟུགས་མེད་སྐྱེ་མཆེད་མུ་བཞི་ལ་གནས། །ཏེ་མྱ་ངན་ལས་འདས་པར་འདོད་ཀྱང་བདག་འཛིན་དང་བཅས་པས་འཇིག་རྟེན་པ་དངོས་ཡིན་ནོ། ༈ །ཞི་བ་ཕྱོགས་གཅིག་པར་མྱ་ངན་ལས་འདས་པ་ཉོན་མོངས་པའི་དགྲ་བཅོམ་པ་ལྷག་བཅས་རྡུལ་ཕྲ་རབ་ལས་གྲུབ་པའི་ལུས་ཅན་ནི། །སངས་རྒྱས་ཐུབ་པའི་དབང་པོ་སྐུ་རང་བཞིན་ཏུ་བྱུང་བའི་ཆ་ལུགས་འཆང་བ་དང་། ༈ །བྱང་ཆུབ་སེམས་དཔའི་རྒྱན་དང་ཆ་ལུགས་ཅན་ལུས་ཀྱི་རྫུ་འཕྲུལ་སྟོད་ནས་མེ་འབར་སྨད་ནས་ཆུ་འབྲུག་པ་དང་ལྡན་པ། །དབང་པོ་རྣོན་པོ་བསེ་རུ་ལྟར་གཅིག་པུའམ་རྟུལ་པོ་ནེ་ཙོ་ལྟ་བུར་ཁྱུ་རུ་གནས་སོ། ༈ །རྒྱུར་ཞུགས་པ་དང་འབྲས་བུར་གནས་པ་ནི། །སྐྱེས་བུ་ཟུང་བཞི་ལ་གང་ཟག་ཡ་བརྒྱད་དེ་ལུས་ཀྱི་རྒྱན་དང་བྲལ་བའོ། ༈ །སར་གནས་པའི་བྱང་ཆུབ་སེམས་དཔའ་སྒྱུ་མའི་ལུས་ཅན་ནི། །འགྲོ་བ་གང་འདུལ་བའི་དུས་སུ་ཏིང་ངེ་འཛིན་དང་རྫུ་འཕྲུལ་གྱིས། །ལུས་དེ་བླངས་ནས་གདུལ་བྱ་དེ་འདུལ་བ་དང་། ༈ །མོས་པ་སྤྱོད་པའི་ས་ལ་གནས་པ་ནི་རང་གི། །ལས་དང་སྨོན་ལམ་གྱི་དབང་གིས་ལུས་ལེན་ལ། །རང་གི་ལམ་སྦྱོང་ཞིང་གཞན་གྱི་དོན་ཡང་སྨོན་ལམ་གྱི་ནུས་པས་བྱེད་དོ། ༈ །ཐེག་པ་ཐུན་མོང་བ་ས་བཅུ་རྒྱུན་གྱི་ཐ་མ་བཅུ་གཅིག་ཀུན་ཏུ་འོད་ཀྱི་རྗེས་ཐོབ་ཀྱི་ཚེ། །ས་ལ་གནས་པའི་བྱང་ཆུབ་སེམས་དཔའ་ལ་འཁོར་ལོ་སྒྱུར་བའི་རྒྱལ་པོ་ལྟ་བུའི་ལོངས་སྐུས་འདུལ་ཅིང་། །མོས་པ་སྤྱོད་པ་ཚོགས་སྦྱོར་བ་རྣམས་ལ་སྤྲུལ་པའི་སྐུ། །སྒྱུ་མའི་དཔེ་རྣམ་པར་མི་རྟོག་པ་ལ་འཇུག་པའི་གཟུགས་ལས། དེའི་རྗེས་ལས་ཐོབ་པའི་ཡེ་ཤེས་ཀྱིས་ནི། ཆོས་ཐམས་ཅད་སྒྱུ་མ་དང་། སྨིག་རྒྱུ་དང་། རྨི་ལམ་དང་། མིག་ཡོར་དང་། བྲག་ཆ་དང་། གཟུགས་བརྙན་དང་། ཆུ་ཟླ་དང་། སྤྲུལ་པ་དང་མཚུངས་པར་མཐོང་ངོ་། །ཞེས་སོ། །བརྒྱད་ལྟ་བུས་བསྟན་ནས་འདུལ། །ཏེ་དེ་ཡང་སྐུ་༡དང་གསུང་༡ཐུགས་༡ཡོན་ཏན་༡ལས།༡ །རྣམས་གདུལ་བྱའི་དབང་གིས་བསམ་༡༡༡༡གྱིས་མི་ཁྱབ་པར་སྟོན་པའོ། ༈ །མཉམ་པར་བཞག་པའི་ཚེ་ནམ་མཁའི་ངང་དུ་ཅིར་ཡང་མི་རྟོག་པ་སྟེ། ཡང་མདོ་ལས། རྣམ་པར་མི་རྟོག་པའི་ཡེ་ཤེས་ཀྱིས་ནི་ཆོས་ཐམས་ཅད་ནམ་མཁའི་དཀྱིལ་དང་མཚུངས་པར་མཐོང་ངོ་། །ཞེས་སོ། ༈ །བདེ་བར་གཤེགས་པའི་བཀའ་རྟགས་གསང་སྔགས་ཕྱི་ཡི་དབང་ཐོབ་པས། །ཀྲི་ཡ་རྡོ་རྗེ་འཛིན་དང་ཨུ་པ་ཡ་རིགས་བཞིར་འཆང་། །ཡོ་ག་སྟུག་པོ་བཀོད་པའི་གཞལ་ཡས་ན། །འཁོར་ལོ་བསྒྱུར་བའི་རྒྱལ་པོ་ལྟ་བུའི་ལུས་སུ་བསྒྱུར་བའི་ལྷའི་འཁོར་ལོ་ཅན། །ཀྲི་ཡ་སྐུ་དང་གསུང་དང་ཐུགས་གསུམ་གྱི་རྡོ་རྗེ་འཛིན་པ་དང་། །བྱ་བའི་ཨུ་པ་ཡ་ཡོན་ཏན་དང་ལྡན་པ་ལ་བྱེད་པ་པོ་ལས་ཀྱི་རིགས་ཀྱིས་མཛད། །པ་དེ་གཉིས་བསྡུས་པས་བཞིའམ་ཡང་ན་ཡོ་ག་དེ་གཉིས་སུ་ཕྱེ་བས་རིགས་ལྔ་པོ་ཉིད། །རྒྱན་དང་ཆ་ལུགས་ལོངས་སྤྱོད་རྫོགས་པའི་ཚུལ་དུ་གཙོ་འཁོར་རྫོགས་པར་བཞེད་པའོ། ༈ །རྣལ་འབྱོར་ཆེན་པོ་གསང་སྔགས་ནང་གི་རྟགས་ཅན་ནི། །ཆོས་ཐམས་ཅད་སྟོང་གསལ་དབྱེར་མེད་ནི་ཆོས་ཀྱི་སྐུ་དང་ཀུན་ཏུ་འོད་ཀྱིས་ལ། །ཀུན་ལ་ཡུལ་མེད་དུ་རོལ་བའི་བདེ་བ་ཆེན་པོ་ནི་ལོངས་སྤྱོད་རྫོགས་སྐུ་དང་པདྨའི་སྤྱན་༡གྱིས། །དེ་༡ཡི་གཟུགས་བརྙན་གདུལ་བྱ་ལ་ཐུགས་རྗེས་བསླང་ནས། །ཡེ་ཤེས་འཁོར་ལོ་ཚོགས་ཆེན་གྱི་ས་རུ་གསལ་བ་དེའི་སྤྲུལ་པའི་སྐུ་ལ། །རྟོག་ཚོགས་ཞེ་གཉིས་ལ་སོགས་པ་གནས་འགྱུར་བས་ལྷ་ཞེ་གཉིས་ལ་སོགས་པར་གྲངས་ངེས་པ་ཅན། །ཕྲིན་ལས་རྣམ་པ་བཞིས་འགྲོ་བའི་དོན་མཛད་ཅིང་ཆོ་འཕྲུལ་བཞི་རྫོགས་པར་བཞེད་དོ། ༈ །ཨ་ཏིའི་རྗེས་སུ་འཇུག་པ་ནི་ཡེ་ནས་རྫོགས་པས་ལྷའི་གྲངས་དང་བྲལ་བའི། །གདལ་བ་ཆོས་ཉིད་ཀྱི་ངང་དུ་ཀུན་རྫོགས་པའི། །ཐུགས་རྗེ་མཛད་པ་ནི་གཟུགས་སྐུར་རྫོགས་པར་རོལ་བས། །བདེ་བ་ཆེན་པོའི་རྩལ་རྫོགས་པས་གཞན་གྱི་དོན་གྲུབ་པ་ཅན་ནོ། ༈ །ལྷུན་གྱིས་གནས་པའི་བདེ་བ་ཆེན་པོ་ཀུན་ལ་ཁྱབ་པས་བདལ་བའི་སྐུ་ལ། །ཆོས་སྐུ་ནི་མུ་བཞི་མཐའ་དྲུག་གི་སྤྲོས་པ་ཀུན་ལས་ཡེ་ནས་གྲོལ་བ་ཡིན་ལ། །ཀུན་མཁྱེན་པའི་རང་རིག་ཉིད་འཁོར་འདས་ཀྱི་བདེ་བ་ཀུན་ལ་མ་ཆགས་པར་ལོངས་སྤྱོད་པས་བདེ་ཆེན་ལོངས་སྤྱོད་རྫོགས། །པའི་སྐུ་ལ། དེའི་འོད་ཟེར་གདུལ་བྱ་ལ་ཐུགས་རྗེའི་རྣམ་པ་སྣ་ཚོགས་པར་འཕྲུལ་པ་ནི་སྤྲུལ་སྐུ། །དེ་གསུམ་དབྱེར་མེད་པར་བྱང་ཆུབ་ཀྱི་སེམས་ཀྱི་ངང་དུ་རྫོགས་ཏེ་ལྷུན་གྱིས་གྲུབ་པའི་རྒྱུ་དེ་ལས། ༈ །མ་ལ་གནས་དག་པའི་རིག་འཛིན་བྱང་ཆུབ་སེམས་དཔའ་རྒྱུད་པས་དེའི་བདག་པོའི་རྐྱེན་བྱས་ནས། །ཐུན་མོང་དང་ཁྱད་པར་གྱི་མཚན་དང་དཔེ་བྱད་ཀྱིས་བརྒྱན་པའི་ལོངས་སྐུས་འདུལ་བར་མཛད། །འགྲོ་བ་རིགས་དྲུག་གི་རྒྱུད་དག་པ་ལམ་གཉིས་ཐོབ་པ་དང་མ་དག་པ་ཕལ་པའི་ངོ་ལ། །སྤྱིར་གཟུགས་སྐུ་འཆར་བའི་བདག་རྐྱེན་གདུལ་བྱ་གྲོལ་བའི་བདག་རྐྱེན་དུ་གཟུགས་སྐུ་གསུངས་སོ། །བདག་པོའི་རྐྱེན་དེ་ཉིད་ཀྱིས་བྱས་ནས་དག་པའི་སྤྲུལ་སྐུ་ཐུབ་དྲུག་དང་། །མ་དག་པ་སྤྲུལ་པའི་སྐུ་རྒྱ་ཆེན་པོར་ཤར། །ཏེ་མཛད་པ་སྐུ་གསུང་ཐུགས། བསམ་གྱིས་མི་ཁྱབ་པས་གདུལ་བྱ་སྣ་ཚོགས་འདུལ་བར་མཛད་དོ། །སངས་རྒྱས་མཉམ་སྦྱོར་ལས། རེས་འགའ་ཞི་ལ་རེས་འགའ་དྲག །རེས་འགའ་གདོན་ཆེན་བགེགས་མཛད་དེ། རི་དང་སྐྱེ་བོ་ཐམས་ཅད་དོ། །ཞེས་སྤྱིར་ཆོས་ཐམས་ཅད་སངས་རྒྱས་ཀྱི་མཛད་པར་རྒྱུད་ལས་གྲགས་སོ། ༈ །གཟུགས་སྐུ་དེ་དག་གི་ངོ་བོ་ཉིད་ནི་དངོས་པའི་མཚན་མ་རུ་གྲུབ་པའི་སྐུ་ལས་འདས།༡ །འཁོར་འདས་ཀྱི་ཆོས་ཀུན་གྱི་ཡེ་ནས་གནས་པའི་གཞི་རྩ་བ་བཅུ་འདུས་པའི་སྙིང་པོ་ངོ་བོ་འི་སྐུ་ནི། །རང་རིག་བདེ་ཆེན་ལོངས་སྐུ་ངེས་མེད་ཆོས་སྐུ་ཉི་འོད་སྤྲུལ་སྐུ་སྟེ་དེ་གསུམ་དུ་ཤར་བས། །རང་བྱུང་གི་ཡེ་ཤེས་མཆོག་གི་སྐུ་ལྷུན་གྱིས་གྲུབ་པས་མེད་པ་ལས་འདས་༼ཿ༽པས། །ཡོད་པར་གསུངས་པའང་ཡོད་༼༡༽པ་དང་མེད་༼༡༽པའི་མཐའ་ལས་འདས་པའོ། ༈ །ནམ་མཁའ་རྣམ་ཤེས་ཅུང་ཟད་མེད་པ་ཡོད་མིན་མེད་མིན་གྱི་སྐྱེ་མཆེད་བཞི་ན་ཚོར་བ་འདུ་ཤེས་འདུ་བྱེད་རྣམ་ཤེས་དང་མིང་བཞིའི་ཕུང་པོ་ཙམ་ལས། །ལག་པས་གཟུགས་ཤིང་གཉེན་པོས་གཞོམ་དུ་རུང་པའི་འབྱུང་བ་ལས་གྲུབ་པའི་ལུས་མེད་ལ། །སྲིད་པ་བར་མ་དོ་དང་དྲི་ཟའི་གྲོང་ཁྱེར་དང་། །ཡི་དྭགས་དང་ལྷ་སྲིན་འགའ་ལ་ཡང་དེ་ལྟ་བུའོ། ༈ །མུ་སྟེགས་ཆད་པར་ལྟ་བའི་འདོད་པས་ལུས་འདི་དང་བྲལ་བ་དང་རྒྱུན་ཆད་པར་འདོད། །རིག་པའི་ངང་ཚུལ་མི་བརྟན་པར་འདོད་པ་ནི་ངན་འགྲོར་ལྟུང་བའི་གནས། ༈ །ཕྱོགས་གཅིག་པའི་མྱ་ངན་ལས་འདས་པ་ཉན་ཐོས་མདོ་སྡེ་པས་ཉོན་མོངས་པ་ཞི་བས། །ཤིང་ཟད་པས་མེ་ཤི་བ་ཇི་ལྟ་བར། །དགེ་སློང་ལྷག་མེད་དུ་མྱ་ངན་ལས་འདས་པ་ལ། །ལུས་ནི་མེད་ལ་གཟུང་བ་སྡུག་བསྔལ་དང་འཛིན་པ་སྐད་ཅིག་མ་ཕྲ་བ་ཙམ་ཡོད་པའོ། ༈ །མཚན་ཉིད་ལ་ལྡེམ་པ་ནི་རང་བཞིན་ལ་དགོངས་པ་སྟེ་སྤྲོས་བྲལ་དུ་གསུངས་པ་ལ་མི་འགྱུར་བ། །སྤྲོས་པ་ཐམས་ཅད་དང་བྲལ་༡བ་ཁོ་ན་ལ་གཤིས་ཀྱི་ངང་ཚུལ་དུ་བལྟས་ནས། །དེར་༡གྲོལ་བ་ནི་མཐར་ཐུག་པ་ཆོས་སྐུའི་སར་འདོད་ཅིང་། །ལམ་སའི་སྨོན་ལམ་གྱིས་དོན་བྱ་བར་འདོད་པས་འགྲོ་བའི་དོན་གྲུབ་པའང་། །སངས་རྒྱས་སྐུ་རུ་མི་བལྟ་སྒྱུ་མ་མཁན་བཟང་པོས་ལུང་བསྟན་པའི་མདོ་ལས། སངས་རྒྱས་གཟུགས་སུ་མི་བལྟ་མཚན་དང་ནི། །རིགས་དང་རྒྱུད་དུ་མི་རྟག་སྒྲ་དང་ནི། །ཆད་པར་གྱུར་པ་མ་ཡིན་སེམས་དང་ནི། །རྣམ་ཤེས་ཡིད་ཀྱིས་རབ་ཏུ་ཕྱེ་བ་ཡིན། །ཆོས་ཉིད་གང་ཡིན་དེ་ནི་བཅོམ་ལྡན་འདས། །ཞེས་པ་ཉིད་ཀྱིས་དགྲོལ་ལོ། །མཚན་དང་ནི་རིགས་དང་། རྒྱུད་མི་བརྟག་སྒྲ་དང་ནི་ཆད་པར་འགྱུར་བ་མ་ཡིན་སེམས་དང་ནི་རྣམ་ཤེས་ཡིད་ཀྱིས་ཡེ་ཤེས་ཉིད་ཕྱེ་བ་མ་ཡིན་པ་སྡེ་དེ་དག་ཐམས་ཅད་ཀྱང་བཏང་བའོ། ༈ །ཡེ་ཤེས་ཡོད་པའང་དེ་རྣམས་ལ་དགོངས་ཏེ་ཡོད་པར་བསྟན་པ་ལས་འདྲ་སྟེ། ༈ །རིག་བྱེད་པ་བེམས་པོ་ལས་ལོག་པ་རིག་པའི་སྟོང་པ་ལས་དངོས་པོ་མི་རྟག་པ་ལས་རྟག་པ་དུ་མ་ལས་གཅིག་པུ་དུཿཁ་ལས་བདེ་བ། །ཐམས་ཅད་བདག་ཏུ་ཐིམ་པས་ཡེ་ཤེས་མུ་མཐའ་ཡས་པར་བུ་ག་རྣམས་ནམ་མཁའ་ཆེན་པོར་ཐིམ་པ་ལྟར་འདོད་པ་ནི། །ཆོས་ཀྱི་དབྱིངས་སྤྲོས་བྲལ་གྱི་རྒྱན་དང་བྲལ་བས་རྟག་དངོས་ཀྱི་མཐའ་རུ་ལྷུང་སྟེ། །རང་བཞིན་སྤྲོས་བྲལ་དང་རྣམ་པ་སྒྱུ་མའི་དམར་ཐག་ལས་ཏེ་ཐག་མ་ཆོད་པའོ། །གཅེར་བུ་མཐུན་སྣང་གི་ཆོས་གཅིག་ཆོས་ཀུན་གྱི་དངོས་གཞི་ཅན། །སྣང་བ་ཡུལ་དང་མྱོང་ཞིང་རིག་པའི་ཤེས་པ་སྦྲགས་པ་ཡིས། །ཡེ་ཤེས་ན ི་དཔེར་ན་ཚོན་ལྔ་བསྲེས་པའི་ཁ་དོག་གི་ཕུག་སྐེའམ་ནོར་བུ་གཟིའི་རྣམ་པ་ལྟ་བུ་འདོད་དེ། །ཆོས་ཐམས་ཅད་མ་འདྲེས་པ་དང་སྟོང་ཉིད་ཀྱི་དམར་ཐག་ལས་སའོ། །བྱེ་བྲག་པ་སྙིང་དཀྱིལ་གྱི་བདག་རྡུལ་ལས་གྲུབ་པའི་ཡིད་ཀྱིས་ཕྱི་ནང་གི་ཆོས་ཐམས་ཅད་གསལ། །བར་འདོད་པ་དེ་ཡང་སྟོང་༼ཿ༽པ་ཉིད་ཀྱི་དམར་ཐག་ལས། །གྲངས་ཅན་པའི་སྐྱེས་བུ་ཤེས་རིག་སེམས་པ་དུག་གསུམ་རྟག་པས་དྲི་མ་ཅན། །ཡོན་ཏན་གསུམ་གྱི་རང་བཞིན་དང་གཙོ་བོས་སྤྲུལ་པའི་རྣམ་འགྱུར་རྣམས་ཞེན་པས་ཡུལ་དུ་བརྟགས་པ་ཙམ་སྟེ་དེ་ཡང་། །རྗེས་༼ཿ༽སུ་མཐུན་ལ་ཀུན་བརྟགས་ཀྱི་ཤེས་པའི་ཡུལ་ཉིད་ཅན་ཡིན་ནོ། །དེ་དག་ཀུན་ཀྱང་རྟག་པའི་དངོས་པོའི་མཚན་མ་ལ་ཞེན་པའི་བློ་ཅན་ནོ། ༈ །ལུང་གི་ཕྱོགས་ཙམ་ལ་བརྟེན་པའི་ཐམས་ཅད་ཅི་ཡང་མ་ཡིན་པར་འདོད་པའི་ཤེས་པ་ཡང་། །ཀུན་ཏུ་བརྟགས་པའི་ཡུལ་ཙམ་སྟེ་ཡེ་ཤེས་མིན་པས། །ཤེས་བྱ་ཀུན་མཁྱེན་པ་དང་དོན་བྱེད་པའི་ཐུགས་རྗེའི་དམར་ཐག་ལས་སའོ། ༈ །ཡོ་ག་ལས་འདས་པ་བྱིས་པ་ཉན་ཐོས་པས་གཟུང་བའི་ཡུལ། །རྡུལ་ཕྲ་རབ་འཛིན་པར་བྱེད་པའི་ཡེ་ཤེས་སྐད་ཅིག་མ་ཁས་བླངས། །རིག་པ་གསུམ་དང་མངོན་ཤེས་དྲུག་གི་རྒྱན་དང་ལྡན་པས་འོག་ནས་གོང་དུ་འཕར་བར་ནུས་ཀྱང་། །གཟུང་འཛིན་དང་བྲལ་བའི་བདེ་བ་ཆེན་པོའི་ཀུན་མཁྱེན་གྱི་དམར་ཐག་ལས་སོ། ༈ །རང་རྒྱལ་རྐྱེན་རྟོགས་གཟུང་བའི་ཡུལ་རྟེན་འབྲེལ་ཙམ་ལས་མ་གྲུབ་པར། །འཛིན་པས་ཤེས་པ་འདོད་པ་ཉན་ཐོས་དེ་ཇི་ལྟ་བ་བཞིན་ནོ། ༈ །རྣལ་འབྱོར་སྤྱོད་པ་པས་གཟུང་འཛིན་དེ་དེ་དང་བྲལ་བའི། །རང་རིག་སྐད་ཅིག་མའི་དངོས་པོར་ཤེས་པས་གཟུང་འཛིན་རྣམ་པར་དག་པ། །དེའང་རང་བཞིན་སྤྲོས་བྲལ་གྱི་རྒྱ་ཡིས་འདེབས་པ་དང་བྲལ་བས་དམར་ཐག་ལས་སོ། ༈ །དབུ་མ་མཐའ་དབུས་འབྱེད་པས་དོན་དམ་པར། །ཡང་དག་པར་སྤྲོས་པའི་མཐའ་ཅིས་ཀྱང་དབེན་པ་སྟེ། །ཤེས་བྱ་སྤྲོས་དེ་ཤེས་པར་བྱེད་པའི་སྒྱུ་མ་ལྟ་བུའི་ཡེ་ཤེས་དེ་ནི། །ཀུན་རྫོབ་ཙམ་དུ་གནས་པར་འདོད་མོད་ཀྱང་། །དེས་དོན་ལ་བསྒྲིབས་ཤིང་བརྫབས་པ་ཡིན་ན་ཤེས་པར་མི་རིགས་པས། །དོན་ལ་ཡེ་ཤེས་དང་ཐུགས་རྗེའི་དམར་ཐག་ལས། ༈ །དབུ་མ་རྒྱུན་ཆད་པ་ལ་ལས་ཤེས་༡བྱའི་ཟག་པ་ཐམས་ཅད་གཉེན་པོ་རྡོ་རྗེ་ལྟ་བུས་སྤངས་ནས་ཟད་པའི་ཚེ། །དེ་༡ཤེས་པའི་ཡེ་ཤེས་ཀྱང་ཟད་པར་འགྱུར་ཏེ་དཔེར་ན་ཤིང་ཟད་པའི། །མེ་འཆི་བ་ལྟར་སྟོང་པ་ཉིད་ཀྱི་དབྱིངས་སུ་མྱ་ངན་ལས་འདས་ནས། །ལམ་དུས་ཀྱི་སྨོན་ལམ་བཏབ་པ་ལས་གྲུབ་ཅིང་གདུལ་བྱའི་ངོ་ལ་འབྱུང་བའི་གཟུགས་སྐུ་གཉིས་ཀྱིས། །གདུལ་བྱའི་དོན་བྱེད་པར་འདོད་པས་དངོས་སུ་ཆད་ལྟ་སྟོང་པ་ཡིན་ཏེ། ༈ །དེ་ལྟར་ཤེས་པའི་རིག་པ་དེ་འཁྲུལ་ལམ་མ་འཁྲུལ་འཁྲུལ་པ་ཡིན་ན། །འོ་ན་ཤེས་བྱ་སྟོང་པ་དེ་ཡང་བློ་འཁྲུལ་པ་ལ་སྣང་བས་བརྫུན་པ་ཡིན་མོད། །ཡང་ན་བློ་རིག་པ་དེ་མ་འཁྲུལ་བར་ངེས་པའི་དོན་ཉིད་དུ་བདེན་པར་གནས་པ་ཡིན་ན། །འོ་ན་ཤེས་པ་བདེན་པ་དེ་རྒྱུན་ཆད་པར་ག་ལ་རིགས་ཏེ་མི་རིགས་སོ། །ངེས་པར་བདེན་ཀྱང་རྒྱུན་ཆད་པ་ཡིན་ན་ཡང་རྒྱུན་ཆད་པར་འགྱུར་སྟོང་པ་སྟེ། །དེ་ཡང་ཆད་པར་འདོད་ན་སྟོང་པ་རྒྱུན་ཆད་པའི་ཕྱིར་སྣང་བར་གཏན་ཚིགས་ཅིས་མི་འཐད་དེ་འཐད་དོ། ༈ །རྒྱུ་༢འབྲས་ལས་༡དང་སྔ་༤ཕྱི་ཚེ་༣དང་། །ངེས་པར་ལེགས་པའི་འབྲས་བུ་དང་གསུམ་སྐུར་པ་འདེབས་པ་ལས། །དོན་ལ་གང་བར་གྱུར་པ་གང་ཡོད་དེ་མེད་དོ། ༈ །ངེས་པའི་དོན་དུ་གཞི་ཅི་ཡང་མེད་པ་ལས། །སྣང་བ་ཡུལ་དང་མྱོང་བ་རིག་པ་འཆར་བ་ཡིན་ན་རྒྱུ་མཚན་དེས་ན། །ནམ་མཁའ་ལས་ཀྱང་མེ་ཏོག་ཅིས་མི་སྐྱེ་སྟེ་སྐྱེ་བར་རིགས་སོ། ༈ །ཡེ་ཤེས་མེད་པར་འདོད་པའི་མུའང་དེ་ཙམ་མོ། །ཐམས་ཅད་མཁྱེན་པའི་ཡེ་ཤེས་དང་ཅིར་ཡང་འཆར་བ་རྣམ་པའི་དམར་ཐག་ལས་སོ། ༈ །སྔགས་ཕྱི་པས་ཤིང་སྣ་ཚོགས་གི་མེ་དཔུང་རང་བཞིན་གཅིག་ཀྱང་རང་རེའི་མེ་དཔུང་ཐ་དད་པ་ལྟར་དུ། །ཏ་ཐཱའི་དགོངས་པ་རང་བཞིན་དབྱེར་མེད་ཀྱི་ངོ་བོ་ཉིད། །ཤེས་བྱ་ཀུན་མཁྱེན་ལ་རྒྱུད་ཐ་དད་དུ་བཞུགས་པར་འདོད་པ་དེ། །ཕན་ཚུན་གཅིག་གིས་གཅིག་མཁྱེན་ནམ་མི་མཁྱེན་མི་མཁྱེན་ན་རྣམ་པ་ཀུན་མཁྱེན་པར་འདོད་པའི་དམ་བཅའ་བུད་བྲལ། །ཕན་ཚུན་མཁྱེན་པས་ན་གཟུང་བ་དང་འཛིན་པའི་རྣམ་པར་རྟོག་པ་ཡིན་མོད། །མཚན་ཉིད་རང་རིག་དང་རང་བཞིན་སྤྲོས་བྲལ་དམར་ཐག་ལས། ༈ །སྔགས་ནང་པ་མ་ཧཱས་སྟོང་གསལ་ཟུང་དུ་འཇུག་ཏུ་མཁྱེན་ལ། །དེ་ལས་གྲོལ་བ་ཨ་ནུ་ཡུལ་སེམས་འདུ་འབྲལ་མེད་པའི། །བྱང་ཆུབ་ཀྱི་སེམས་ཆོས་ཉིད་བདེ་བ་ཆེན་པོར་གདལ་བ་མཁྱེན། །སྣང་བ་དང་སྟོང་པ་དང་བདེན་པ་གཉིས་སུ་འདོད་པ་ལས། །གྲོལ་ལ་ལྟ་བ་བདེན་པ་དབྱེར་མེད་ཀྱི་མཐར་ཐུག་པ་སྟེ། །ཕྱོགས་རིས་མེད་པའི་བདེ་ཆེན་གྱི་དམར་ཐག་ལས་སོ། ༈ །ཤིན་ཏུ་རྣལ་མར་འབྱོར་པ་ཨ་ཏིའི་ཡེ་ཤེས་ལ། །མུ་བཞི་མཐའ་དྲུག་གི་སེལ་མེད་གནས་པའི་རང་བཞིན་ནི། །སྤྲོས་པ་ཀུན་དང་བྲལ་བ་དེ་མཁྱེན་པའི། །ཡེ་ཤེས་མཚན་ཉིད་རིག་པར་གསལ་བའི། དེའི་འོད་དམ་རྣམ་པ་ཅིར་ཡང་ཤར། །བས་མ་འདྲེས་ལ་དེ་དག་དབྱེར་མེད་པས་ཡོངས་སུ་རྫོགས་པ་ལ་མཐའ་དྲུག་པོ་ཀུན་༼ཀ༽དང་བྲལ་བ་ལ་ཇི་ཡང་མ་སྤངས་པ་སྟེ། ༈ །ཆོས་ཐམས་ཅད་ཀྱི་རང་བཞིན་མུ་མཐའ་ཅིས་ཀྱང་སྟོང་པས་ཡོད་པ་དངོས་པོའི་མཐའ་ལས་འདས། །དེ་མཁྱེན་པའི་ཡེ་ཤེས་ལ་ཆོས་ཐམས་ཅད་རྫོགས་པས་མེད་པ་སྟོང་པའི་མཐའ་ལས་འདས། །དེ་གཉིས་མཚན་ཉིད་ཐ་དད་དང་བྲལ་བས་བདེན་པ་གཉིས་ཀྱི་མཐའ་ལས་འདས། །གཉིས་མེད་ཀྱི་ངོས་གཟུང་དང་བྲལ་བར་རོལ་པས་གཉིས་མེད་དེར་འཛིན་པའི་ངང་ལས་འདས། །མུ་བཞི་ཀུན་དང་བྲལ་བས་ལྷུན་གྲུབ་ཇི་ཡང་མ་སྤངས་པས་ཀ་དག །ཀུན་མཁྱེན་པ་དང་སྟོང་ཉིད་ཀྱི་མཐའ་ལས་འདས་པའང་རྗོགས། །པས་ཡེ་ཤེས་ཡོད་པ་དང་མེད་པའི་མཐའ་ཐམས་ཅད་ལས་འདས་པར་བཞུགས་སོ། ༈ །མཚན་ཉིད་རང་རིག་ཤེས་བྱ་ཀུན་མཁྱེན་གསལ་བས་ཡེ་ཤེས་ལྷག་ཆད་མེད་པར་རྫོགས་ལ། །མུ་བཞི་མཐའ་དྲུག་གི་རང་བཞིན་སྤྲོས་པ་ཀུན་དང་བྲལ་བས་ཆོས་ཀྱི་དབྱིངས་ལྷག་ཆད་མེད། །རང་གི་ངོ་བོ་མ་འདྲེས་པས་བདེན་གཉིས་ལྷག་ཆད་མེད། །རང་བཞིན་དབྱེར་མེད་དུ་ཡོངས་སུ་རྫོགས་པས་བདེན་གཉིས་ངོ་བོས་མཉམ་པ་ཉིད་ལྷག་ཆད་མེད། །མུ་བཞི་ཐམས་ཅད་ལྷུན་གྱིས་གྲུབ་པའི་རོལ་པའང་ལྷག་ཆད་མེད། །ཕྱོགས་གཅིག་ཏུ་རྒྱ་མ་ཆད་པས་ཀ་དག་ལྷག་ཆད་མེད་པར་རྫོགས། ༈ །ཚུལ་དེ་ལྟར་དུ་མཁྱེན་ལ་ངོས་མེད་ཉིད་རོལ་པར་ཤར་བ་རྣམས། །མ་བཅོས་པར་ལྷུན་གྱིས་གནས་པའི་ཡེ་ཤེས་བདེ་བ་ཆེན་པོ་ཡིན་ནོ། ༈ །ལྷག་མ་མེད་པར་རྫོགས་པ་ཆེན་པོ་ཡིན། །རང་གྲོལ་བའི་མན་ངག་རྒྱས་བཏབ་པའི་ཕྱག་རྒྱ་སྤྲོས་པ་བཅད་པའི་ཐིག་ལེ་ཁྱད་པར་དུ་འཕགས་པའི་ཆེ་བའོ། ༈ །སྒོ་ལྔས་ཡུལ་ལྔ་ལ་མཚན་མར་རྟོག་༡པ་དང་ཉོན་ཡིད་ངར་འཛིན་པ་ཅན་༢དང་། །ཡིད་སྔ་ཕྱིའི་རྗེས་སུ་མིང་ལ་སྤྲོས་པར་འབྲང་བར་༣གཞི་དོན་གྱི་ཀུན་གཞི་བསླད། །དེ་ཉིད་སྤྲུལ་པར་འི་སྐུའི་རོལ་པར་ཤར་བས་མཚན་ཉིད་དེ་མཁྱེན་༢པའི་རང་རིག་པའི། །ཡེ་ཤེས་ཀྱིས་ཆོས་ཀུན་ལ་བདེ་བར་ལོངས་སྤྱོད་རྫོགས་པའི་སྐུ། །ཡིད་སྤྲོས་དེ་ཉིད་རྣམ་༣པར་དག་པ་དམིགས་མེད་ཆོས་ཀྱི་སྐུར་གྲོལ། །དེ་ལྟར་སྐུ་གསུམ་ལྷུན་གྱིས་གྲུབ་པའི་ཀུན་བཟང་ཐིག་ལེ་ཉག་གཅིག་པོའི་ངང་དུ། །སོ་སོ་སྐྱེ་བོ་ལྟར་རང་རྟོག་གིས་མ་བསླད་ཉིད་རྐྱེན་གྱིས་མུ་སྟེགས་ལྟར་མ་བཅོས་གཉེན་པོས་ཉན་ཐོས་ལྟར་མ་སྤངས་རྒྱུ་ནས་རང་རྒྱལ་ལྟར་མ་བཀག་ཅིང་། །ཆོས་ཉིད་དུ་༼བྱང་སེམས་ལྟར་༽མ་སྦྱངས་ལྷ་རུ་༼ཕྱི་པ་ལྟར་༽མ་བསྒྱུར་རྩོལ་བས་༼མ་ཧཱ་ལྟར་༽མ་བཙལ་རྒྱུ་ཡིས་༼ཨ་ནུ་ལྟར་༽མ་བསྐྱེེད་པར་རང་༼ཤེས་པ་གསུམ་ལྷུན་གསུམ་དུ་༽གྲོལ་ལོ། ༈ །དེ་ཡང་དགོས་ཆེད་གཞན་སེལ་དོན་གཉེར་གཉིས་ཀྱི་ཕྱིར་བརྡར་བཏགས་ཀྱི། །ཡང་ན་གཤིས་ཡེ་ཤེས་ཡིན་པ་མིན་པ་ཐིག་ལེ་ཉག་གཅིག་ལ་མུ་བཞི་མཐའ་དྲུག་ཏུ་གསུངས་པ་ཡིན་པ་ལ་ལྷུན་གྲུབ་ཞེན་ལོག་རྩོལ་གསུམ་གྱི་ཀྱང་བྱུང་བས། །ལ་ལ་ལོག་གསུམ་ཕྱོགས་གཅིག་ཏུ་འཛིན་པ་གོལ་ལ་དེ་ལས་གཞན་པའི་དོན་ལ་ཞེན་དྲུག་བསྒྲིབས་པས་འབྲས་བུ་ཕྱོགས་མེད་ལས་འཁྱམས། །པ་ལ་དེ་དག་དགོས་པས་ཐ་སྙད་དུ་བརྟགས་པ་ཙམ་སྟེ་ཞེ་འདོད་དང་བྲལ་བའི་ངང་དུ་རྒྱས་གདབ་བོ། །དེ་ཡང་ཐིག་ལེས་སྤྲོས་པ་བཅད་པ་དེ། ༈ །ཆོས་ཉིད་རང་གི་༡མཚན་༼ཀ༽ཉིད་རྣམ་པར་དཀར་བས་ལྟུང་༼ཁ༽བ་༡ལས་རིགས་༼ག༽ པས་༡བདེན་པའི་དོན་ངོ་བོ་ཡིས། །ཁྱད་༡པར་༡༡ ༡༡འཛིན་པས་ན་ཆོས་རྣམས་བཞི་པོ་དེ་ཡི་གནས་ལུགས་ནི། །མཚན་ཉིད་རང་གསལ་རྣམ་པ་ལྷུན་གྲུབ་རང་བཞིན་ངོས་མེད་ལས་མི་འདའ་བས། །དེས་མཚོན་པ་དངོས་པོའི་རྐྱེན་དུ་ཆོས་ཉིད་ཅེས་བྱ་སྟེ། །དེས་ན་མཚན་༼ཀ༽མ་༡ རུ་རྒྱུ་༼ཁ༽འབྲས་༡གནས་༼ག༽སྐབས་ཀྱི་རིགས་པ་བདེན་པར། །ངོ་བོ་ཆོས་༼ང༽ཅན་དང་ཁྱད་པར་གྱི་ཆོས་ཀྱི་༡འདོད་༡༡༡༡པའི་སྤྲོས་པ་གཅོད་པས་ཐིག་ལེ། །ཆོས་བཞི་པོ་རང་རེའི་རང་བཞིན་ལྷུན་གྲུབ་གསུམ་ལས་གཞན་དུ་མི་འགྱུར་བས་སྤྲོས་པ་ཡེ་ནས་མེད། །ཆོས་བཞི་པོ་དེ་དག་དོར་བ་མིན་ཀྱི་ངང་ཚུལ་ལྷུན་གྲུབ་གསུམ་པོ་དེ་ལྟ་བུར་གནས་པའོ། ༈ །དེ་ལྟར་ཆོས་ཐམས་ཅད་ཀྱི་ངང་ཚུལ་རྣམ་པར་དག་པའི་ཆོས་ཉིད་དེ་སངས་རྒྱས་ཀྱི་ཡོན་ཏན་དང་། །བསྟན་པ་རྒྱ་མཚོའི་འབྱུང་གནས་དང་གཞིར་གནས་ཤིང་རྫོགས་༼༠༽པས། །ཆད་པ་ཉིད་ཚེ་བའི་སྤྲོས་པའང་འདས་༼༠ྃ༽པ་ཡིན་སྟེ། །ཆོས་ཉིད་དབྱིངས་ཀྱི་ཐིག་ལེ་རྫོགས་པའོ། ༈ །ཀུན་གྱི་འབྱུང་གནས་སུ་གྱུར་པ་དེ་ཚེ་ཉིད་ན་འབྱུང་པ་དང་འབྱུང་ཚུལ་དང་འབྱུང་བ་པོའི། །དབྱིངས་ཀྱི་ཕྱོགས་རིས་དང་ཀུན་བརྟགས་ཐམས་ཅད་རྣམ་པར་རང་བཞིན་གྱིས་དག་པས། །དབྱིངས་ཞེས་ཆད་སྟོང་གི་སྤྲོས་པ་གཅོད་པའི་དགོས་པས་ཐ་སྙད་དུ་བཏགས་ཀྱིས་ཡེ་ནས་རྣམ་པར་དག་པས། །སྤྲོས་པའི་ཅོག་ཐམས་ཅད་ཀྱང་རྣམ་པར་བཅད་པའི་ངང་ཡིན་པས་ཐིག་ལེའོ། ༈ །གཤིས་དེ་དག་མཁྱེན་པ་ནི་རང་རིག་པའི་རང་འོད་རང་གསལ་བའི་ཡེ་ཤེས་ཡིན་པས། །ཉན་སྤང་རང་དགག་བྱང་སྦྱོང་སྔགས་རྩོལ་བའི་སྤྲོས་པ་ཐམས་ཅད་ཡེ་༼༡༽ནས་གསལ་བར་རང་གྲོལ་༤༽བས། །གཤིས་ལ་ཕྱོགས་རིས་མེད་པར་མཁྱེན་༢༽པས་རྩོལ་བརྒྱད་ལས་ཁྱད་པར་དུ་གྱུར་པ་ཅན་དུ། །རང་ཤར་བ་ནི་༼༡༽ཡེ་༢༽ཤེས་༼༡༽ཆེན་༼༣༽པོའི་ཐིག་༤༽ལེ་ཡིན་ནོ། ༈ །དེ་ལ་ཕྱོགས་རིས་མེད་པས་དགག་སྒྲུབ་དང་བླང་དོར་བྲལ་བས། །ཆོས་ཐམས་ཅད་ཡེ་ནས་བྱང་ཆུབ་ཀྱི་སེམས་བདེ་བ་ཆེན་པོ་ཡིན་པས། །ཡོད་པ་དངོས་པོར་༡མེད་པ་སྟོང་པར་༡ཀུན་ཡིན་པར་༡གང་ཡང་མིན་པར་༡འདོད་༡༡༡༡པའི་སྤྲོས་པ་ཐམས་ཅད་བཅད་པས། །བདེ་བ་ཆེན་པོར་ཐམས་ཅད་ཤོང་བས་ཡངས་པ་ཆེན་པོ་དེ་ཀ་ཀུན་པོའི་ཐིག་༼༡༽ལེའོ། ༈ །དེ་༼༡༽ཡི་རོལ་པའི་རྒྱན་དུ་ཐམས་ཅད་རྫོགས་ཏེ་སྒྱུ་མ་ལྟར་དུ། །ཡུལ་གྱི་རྣམ་པ་ཀུན་དེའི་རོལ་པར་ལྷུན་གྱིས་གྲུབ་པས་རིགས་ཀྱི་ཁྱད་པར་དུ་མ་རང་ཤར་བ་ལས། །སྤོང་༼ཉན་༽འགེགས་༼རང་༽སྦྱོང་༼བྱང་༽སྒྱུ་༼ཕྱི་༽རྩོལ་༼ནང་༽སྒྲུབ་ལས་གྲོལ་༼༈༽བས། །ལྷུན་༼༠༽གྱིས་གནས་པའི་བདེ་བ་ཆེན་པོར་རྫོགས་པའི་ཕྱིར་ལྷུན་གྱིས་གྲུབ་པའི་ཐིག་ལེའོ། ༈ །མ་བཅོས་པ་ཆོས་ཉིད་ཀྱི་ཐིག་ལེ་ལས་བསྟན་པ་རྒྱ་མཚོའི་ཡོན་ཏན་མཐའ་དག་གི་འབྱུང་གནས་སུ་དབྱིངས་ཀྱི་ཐིག་ལེར་རྫོགས། །པ་ལས་ཤར་ཚད་ཀྱི་ཡོན་ཏན་རྣམས་དགོས་པའི་དོན་དང་བཅས་ཏེ་ཡེ་ནས་རྣམ་པར་དག །པས་དབྱིངས་རྣམ་དག་ཐིག་ལེ་དེ་ཉིད་མཁྱེན་པའི་རང་གསལ་བའི་ཡེ་ཤེས་ཆེན་པོ་དེ་ལ་ཕྱོགས་རིས་དང་དགག་སྒྲུབ་གྲོལ་ནས་ཀུན་པོའི་ཐིག་ལེ། །ཆེ་བའི་ཡོན་ཏན་མ་བཙལ་གདོད་ནས་རྫོགས་པས་ལྷུན་གྱིས་གྲུབ་པའི་ཐིག་ལེ་སྟེ་ཐིག་ལེ་དྲུག་བླ་དྭགས་སུ་བཏགས་པ་ཡིན་ནོ། ༈ །ཆོས་ཀྱི་དབྱིངས་རྣམ་དག་གསུམ་གྱིས་ཤེས་བྱའི་གཤིས་བསྟན་ཡེ་ཤེས་ཆེན་པོའི་ཐིག་ལེ་གཅིག་གིས་རང་གི་ངོ་བོ་བསྟན། །ཀུན་པོ་དང་ལྷུན་གྲུབ་གཉིས་ཀྱིས་ཡེ་ཤེས་དང་གཤིས་ཀྱི་ཡོན་ཏན་ཁྱད་པར་དམ་པ་བསྟན་པའོ། ༈ །ཐིག་ལེ་དེ་ལས་ཆེ་བ་ལྔས་ཁྱད་པར་དུ་འཕགས་པར་བསྟན་པ་སྟེ། ༈ །གང་ཆེ་ན་རྫོགས་ཆེན་རང་གཞུང་མངོན་སུམ་པར་སངས་རྒྱས་པས་ཆེ། །སྤོང་༼ཉན་༽གང་ལས་༼རང་༽འགེགས་སྦྱང་༼བྱང་༽བ་ལས་ཆེས་ཚོགས་བརྒྱད་གང་གིས་ཡུལ་དང་བཅས་པ་ཉིད། །མཚན་ཉིད་རང་རིག་རང་བཞིན་སྤྲོས་བྲལ་རྣམ་པ་སྒྱུ་མར་མངོན་སུམ་དུ་ལྷུན་གྱིས་གྲུབ་པས་ཆེ། །ཇི་ལྟར་དེ་ལྟར་རྟོགས་པ་ལ་གནས་པས་བག་ཆགས་ཐམས་ཅད་ཀྱི་རྟེན་ཀུན་གཞི་གྲོལ་བས་དངོས་པོ་མཚན་མ་དང་། །མ་རིག་པའི་མུན་པ་སངས་ཏེ་ཡེ་ཤེས་ཕྱོགས་རིས་མེད་པར་རྒྱས་པས། །དམན་པའི་ཐེག་པ་མཚན་ཉིད་སྡེ་གསུམ་ཟིལ་གྱིས་གནོན་པའི་གཉེན་པོ་ཡིན་པས་ཆེ། ༈ །རྣལ་འབྱོར་གང་ལས་ཆེ་ཆེན་པོ་ལ་སོགས་རྩོལ་སྒྲུབ་ཀྱི། །གཞན་དབང་ལ་ལྟོས་ནས་འབྲས་བུ་ཐོབ་པར་འདོད་པ་དེ་ཟིལ་གྱིས་གནོན་པའི་གཉེན་པོར་ཡང་ཆེའོ། །བདག་གང་གིས་ཆེ་ཉིད་ཆེན་པོ་རང་ཉིད་ཡེ་ནས་དབང་ཐོབ་ཟིན་པས་ཆེ། །འོག་མའི་ཚུལ་ཇི་ལྟར་ངན་པའི་རྩོལ་བ་སངས་ནས་རང་རིག་པའི་ཡེ་ཤེས་ཕྱོགས་མེད་དུ་རྒྱས་པས། ༈ །གང་ལས་རྗེས་སུ་འཇུག་པ་ཨ་ནུ་ལ་སོགས་པ་རྒྱུ་འབྲས་སུ་འདོད་པའི་གཉེན་པོར་ཡང་ཆེའོ། །རྒྱུ་གང་གིས་རྐྱེན་འབྲས་བུ་ཐམས་ཅད་ཆོས་ཀྱི་དབྱིངས་སུ་རོ་གཅིག་པས། །རྒྱུས་མ་ཇི་ལྟར་བསྐྱེད་རང་གི་ངོ་བོས་ཅིར་ཡང་མི་གནས་གཉེན་པོས་འགག་པ་མིན་པ་དེ་ལྟར་འདོད་པ་དེ་སངས་ལ། །ཀུན་མཁྱེན་རྒྱུ་འབྲས་ཀྱི་མཚན་མ་ཟིལ་གྱིས་གནོན་པའི་ཡེ་ཤེས་རྒྱས་པས་ཆེ། ༈ །སེམས་དཔའི་གང་ལས་རྣལ་འབྱོར་ཡོ་ག་ལ་སོགས་ཏེ་བླང་དོར་ཅན་དུ་འདོད་པ། །དེ་ཟིལ་གྱིས་གནོན་པའི་གཉེན་པོར་ཆེ་བླང་བྱ་དོར་བྱ་ཐམས་ཅད་དེ་ཆོས་ཉིད་གང་གིས་ཡིན་པས་ཆེ། །གང་ལྟར་ཡིན་པ་བླང་བྱ་དང་མིན་པ་དོར་བྱའི་ཕྱོགས་རིས་ཐམས་ཅད་སངས་ལ་མཉམ་ཉིད་རང་གསལ་དུ་རྒྱས་པས་ཆེའོ། ༈ །ལྷུན་གྱིས་གནས་པའི་བདེ་བ་ཆེན་པོའི་དོན་དམ་པའི་ཡེ་ཤེས་ཁྱད་པར་དུ་འཕགས་ཏེ། །ཕྱོགས་གསུམ་རྩོལ་རྒྱུ་འབྲས་བླང་དོར་ལ་བཟླས་པའི་རང་གསལ་དུ་ཡེ་ནས་སངས་རྒྱས་པ་ལ། །གཞན་སེལ་སངས་རྒྱས་དངོས་པོ་དང་མཚན་མར་འདོད་པ་དང་ཉི་ཚེ་བའི་སྟོང་པར་འདོད་པ་ལས་གྲོལ་ཞིང་། །དོན་གཉེན་འབྲས་བུའི་དོན་དེ་ཁོ་ན་ཉིད་ལ་རྨོངས་ལ་མཚོན་པའི་དགོས་པ་ཡོད་པའི་ཕྱིར་བརྡ་དོན་སྤྲད་པ་ཡིན་ཀྱི། །དེ་ཡང་ཚིག་ཏུ་བཏགས་པ་ཙམ་ལ་ངེས་པའི་དོན་དུ་འདོད་པ་དེ་ཟིལ་གྱིས་གནོན་པའི་གཉེན་པོར་ཆེའོ། ༈ །མངོན་སུམ་སྣང་བ་ཚོགས་བརྒྱད་ཡུལ་དང་བཅས་པའི་རང་༡བཞིན་ཡེ་ནས་སངས་རྒྱས་པ་ཡིན་ཏེ། །དེ་༡ཡི་མཚན་ཉིད་ཆོས་ཀྱི་དབྱིངས་མུ་མཐའ་ཐམས་ཅད་ལས་གྲོལ་བས་ས་སུ་ལ། །དེ་མཁྱེན་པའི་ཡེ་ཤེས་མཐའ་དང་དབུས་མེད་པར་ཀུན་ལ་ཁྱབ་པས་རྒྱས་པའོ། །མངོན་སུམ་སྣང་བའི་ཆོས་དེ་ཉིད་སངས་རྒྱས་དེ་ཡིན་དེ་མཚོན་པའི་ངེས་པའི་ཚིག །དེ་ཡང་དགོས་པས་བརྡ་སྤྲད་པ་ཡིན་ཀྱི་སྒྲ་ཙམ་ལ་དོན་དུ་བློ་མི་གཞག་གོ། ༈ །མངོན་སུམ་དང་པོས་ཤེས་བྱའི་རང་བཞིན་བསྟན། བདག་ཉིད་ཆོས་ཀྱི་དབྱིངས་གཉིས་མཚན་ཉིད་བསྟན། །གཅིག་ཐམས་ཅད་དེ་ཡིན་གིས་ངེས་ཚིག་ཐ་མ་མེད་པས་རྒྱས་བཏབ་པ། །ཆེ་བ་ལྔས་ཁྱད་པར་འཕགས་པ་དེས་ན་རྫོགས་པ་ཆེའོ། ༈ །འབྲས་བུའི་རྣམ་པར་གཞག་པ་བསྟན་པས་ཕྱོགས་སུ་ཞེན་པའི་བློའི་ཁོ་ཐག་གཅད་པ་ནི། །སྐུ་དང་ཡེ་ཤེས་ཀྱི་བཞུགས་ཚུལ་དང་རྣམ་པར་རྟོག་པ་སྤངས་སམ་ལྡན་དང་རྒྱལ་བའི་དགོངས་པ་ལ་གཅིག་གམ་ཐ་དད་དང་། །ཤེས་བྱ་མཁྱེན་པའི་ཚུལ་དང་དོན་མཛད་པའི་ཚུལ་དང་བསྒྲུབ་བྱའི་དོན་གྱིས་རང་ལ་གནས་པར་དམར་ཐག་གཅད་པའོ། ༈ །ཆོས་ལོངས་སྤྲུལ་སྐུ་གསུམ་ལྷུན་གྱིས་གྲུབ་པའི་བདེ་བ་ཆེན་པོ་ངོས་གཟུང་དང་ཕྱོགས་རིས་ལས་གྲོལ་བ་ཉིད། །ཡེ་ནས་ཆོས་ཀུན་གྱི་ངོ་བོ་ཉིད་དུ་གནས་ཤིང་རྟེན་བྱེད་པས་སྐུའང་དེ་བཞིན་པ་ནི། །ཆོས་ཀྱི་དབྱིངས་ཀྱི་ཡེ་ཤེས་ཏེ་དེ་ཉིད་ཇི་ལྟ་བར་ཡུལ་མེད་པར། །མངོན་སུམ་དུ་གསལ་བར་མཛད་པས་མེ་ལོང་ལྟ་བུའི་ཡེ་ཤེས་ཏེ་དེ་ཉིད། །ཆོས་སྐུ་ཡིན་ལ་དེ་ཡིས་འཁོར་འདས་ཀྱི་ཆོས་ཀུན་རང་རིག་བདེ་ཆེན་དུ། །སོ་སོར་རྟོག་པས་མ་འདྲེས་༡མཉམ་པ་ཉིད་ཀྱི་ཡེ་ཤེས་ཀྱིས་མཉམ་༡པར་༡༡མངའ་མཛད་བ་ནི་ཉིད་ལོངས་སྤྱོད་རྫོགས་པའི་སྐུའོ། །ས་ལ་གནས་པའི་སེམས་དཔའ་དག་གི་ངོ་ལ་འཁོར་ལོར་སྒྱུར་བའི་རྒྱལ་པོ་ལྟར་སྣང་ནས་དོན་མཛད་པ་ནི་གཞན་ལོངས་སྐུའོ། །དེ་ཡི་བྱིན་རླབས་འབད་རྩོལ་མེད་པར་གདུལ་བྱའི་བྱ་བ་ཀུན་སྒྲུབ་པས། །ཐུགས་རྗེའི་རང་བཞིན་གྱི་ཡེ་ཤེས་ཏེ་དེ་ཉིད་སྤྲུལ་པ་གདུལ་བྱ་ལ་ཇི་ལྟར་འདོད་དགུའི་སྐུར་ཤར་བའོ། །སྐུ་གསུམ་ཡེ་ཤེས་ལྔ་པོ་དེ་མཚོན་ཚུལ་ནས་མ་འདྲེས་ཀྱང་ངོ་བོ་དབྱེར་མེད་དུ་ཡོངས་སུ་རྫོགས་པས་ལྷུན་གྱིས་གནས་པའི་བདེ་ཆེན་དུ་བཞུགས་སོ། །ངོ་བོ་ཉིད་ཀྱི་སྐུ་ཡེ་ནས་གནས་པ་མངོན་དུ་མཛད་པའི་ཡེ་ཤེས་རང་ཤར་བ་ནི་ཆོས་སྐུ།༡ །དེ་༡ཡི་འོད་ཤར་ལོངས་སྐུ་རིགས་ལྔའི་སངས་རྒྱས་དང་སྤྲུལ་པའི་སྐུར་བཅས་པའོ། ༈ །གདུལ་བྱ་ཞེན་ཆགས་ཅན་གྱི་ངོ་ལ་ལྷ་མོ་དཔག་ཏུ་མེད་པའི་ཚོགས་ཀྱི་བདག་པོར་ཤར་བ་དེ་ཡང་། །ཡུལ་ཞེན་ཆགས་ཅན་གྱིས་ཤར་བ་ཡིན་གྱི་ངེས་པའི་དོན་ལ་བདེ་བ་ཉམས་སུ་མྱོང་བའི་ཚོར་བས་བསྡུས་པས་འཁྲུལ་པ་ལ། །ཞི་ཁྲོ་ལ་སོགས་པ་སྐུ་དང་གནས་ཕྱོགས་རིས་སུ་ཆད་པར་སྣང་བའང་ངེས་དོན་དུ་བརྟགས་པའི་བག་ཆགས་ཀྱི་དབང་། །གིས་སྣང་བ་ཡིན་པས་འཁྲུལ་པའི་དབང་གིས་སྣང་བས་སྦྱོར་དོན་གྱི་ཀུན་གཞིར་ཟད་ལ། །གདུལ་བྱའི་བག་ཆགས་ཀྱི་སྣང་བ་སད་པས་སངས་རྒྱས་མཐོང་ཚད་ལ། །རྒྱལ་བའི་དགོངས་པ་དེ་ལྟར་དུ་ངེས་པའི་དོན་དུ་གནས་པར་བློས་བརྟག་པ་མིན་ནོ། ༈ །བསྟན་པ་ལ་འཇུག་པའི་གང་ཟག་གི་བློ་དོན་མ་དྲང་བའི་ཕྱིར་གཞི་གནས་ལུགས་དང་ལམ་དང་འབྲས་བུ་ཤེས་བྱ་ཀུན། །འབྲས་བུར་བརྡར་བཏགས་ནས་བསྟན་པས་གཞན་ནས་ཐོག་ཏུ་རེ་བའི་བློ་ཐག་བཅད་པར་ཟད་དོ། ༈ །ཡུལ་གྱི་རྣམ་པ་ལ་མཚན་མར་འཛིན་པའི་ཤེས་རིག་གི་ཆོས། །ཅི་སྐྱེས་པ་ཐམས་ཅད་ཡེ་ནས་རང་བཞིན་ལྷུན་གྱིས་གནས་པའི་བདེ་བ་ཆེན་པོ་ཡིན་པས། །འཁྲུལ་པ་༼༠༽དེ་སྤངས་ན་ལྷུན་གནས་དེ་༼༠༽ཡང་གནས་པ་མིན་ཏེ་དེ་གཉིས་དོན་མཚུངས་པས། །ལོག་པར་རྟོག་པའི་བློས་བརྟགས་པ་རྣམས་ཡེ་ནས་རང་དག་སྟེ་དེས་ན་འཁྲུལ་པ་དང་ལྡན་པ་ཡང་མིན། །དེས་ན་འཁྲུལ་པ་ལོགས་སུ་སྤང་དུ་མེད་པས་ལྷུན་གནས་གྱི་བདེ་བ་ཆེན་པོ་ཡིན་ཏེ། །ངོས་གཟུང་དང་བྲལ་བས་འཁྲུལ་པ་ཀ་ནས་རྣམ་པར་དག་པའོ། ༈ །དོན་གྱི་གནས་ལུགས་ནི་དངོས་པོར་གྲུབ་པ་མིན་པའི་ཕྱིར་གཅིག་དང་དུ་མར་གྲུབ་པ་མིན། །སེམས་ཅན་འཁྲུལ་པའི་རིག་པ་གཅིག་དང་དུ་མར་སྣང་བའང་དེ་ལྟར་གཅིག་དང་དུ་མའི་མཐར་བདེན་པར་མི་གནས། །རྒྱལ་༼ཁ༽བའི་དགོངས་པ་ནི་དེས་༼ཀ༽ན་གཅིག་དང་དུ་མ་ཀུན་དང་བྲལ་བར་མཁྱེན་ནོ། ༈ །དེ་༡ལྟར་མིན་ན་རྒྱལ་བའི་དགོངས་པ་དངོས་པོར་ལྟ་བའི་མཐར་ངེས་པར་འགྱུར་ཏེ་དེ་ཅིས་ཞེ་ན། །ཁྱབ་བྱེད་གཅིག་དང་དུ་མ་དང་འབྲེལ་བས་ཁྱབ་བྱ་དངོས་པོའི་མཐར་འགྱུར་བའམ། །དེ་ལྟར་འབྲེལ་པ་མིན་ན་མཁྱེན་པར་འཐད་པ་མིན་ཏེ་མིག་ཤེས་ཀྱིས་སྒྲ་བཞིན་ནོ། །དེས་ན་མཁྱེན་པའི་ཡེ་ཤེས་ཀྱིས་ཤེས་བྱ་ཀུན་ལ་ཁྱབ་པར་གནས་པ་ལ། །ཡུལ་ཐ་དད་གྱིས་ཡུལ་ཅན་གཅིག་དང་དུ་མ་ཐ་དད་དུ་གྱུར་པ་ག་ལ་རིགས་སོ། ༈ །རིག་པ་རང་གསལ་རང་བྱུང་གི་ཡེ་ཤེས་འཁྲུལ་པ་རྣམ་པར་དག་པའི་བདེ་བ་ཆེན་པོ་དེས། །ཡུལ་གྱི་རྣམ་པ་ཡེ་ནས་རང་གསལ་ཡུལ་དུ་གྲུབ་པ་མིན་ཏེ་ཐམས་ཅད་ཡུལ་མེད་རང་གསལ་དུ་མཁྱེན་པའི་ཕྱིར། །ཉིད་ཀྱི་དགོངས་པ་ལས་གཞན་དུ་སྣང་བ་མེད་དེ་རང་རིག་པར་ཅིར་ཡང་ཤར་བ་རྣམས་གསལ་ལོ། ༈ །རང་སྣང་བདེར་གཤེགས་ཀྱི་དགོངས་པ་ལ་གདོད་ནས་ཐ་མའི་ཕྱོགས་རིས་སུ་ཐུགས་རྗེ་རྒྱ་མ་ཆད་པས། །ཐུགས་རྗེས་བཟུང་པར་བྱ་བའི་ཡུལ་གདུལ་བྱ་དང་སྨོན་ལམ་བཏབ་པས་འབྲེལ་ལོ། །ཆེད་དུ་མ་བཙལ་བར་འགྲོ་བའི་དོན་དུས་རྒྱུན་ཆད་མེད་པར་རྟག་ཏུ་མཛད་པ་དེ་ཡང་། །རང་བཞིན་ཤུགས་༡ཀྱི་བསྐུལ་ཞིང་གསོལ་བ་བཏབ་པས་༡ཕྲད་པའི་ཡུལ་༡སེམས་ཅན་གྱི་དོན་༡༡༡རྫོགས་སོ། ༈ །གོང་དུ་བསྟན་པ་དེ་ལྟར་གཞན་ནས་བྱུང་བ་མ་ཡིན་རང་ལ་ལྷུན་གྱིས་རྫོགས་པ། །རིག་པ་རང་གསལ་གྱི་ངང་དུ་སྐྱེད་དུ་བྱར་མེད་པར་མཐར་སོན་པས་རེ་དོགས་དང་བྲལ་བའོ། །མཚན་མ་མེད་པའི་ཡེ་ཤེས་བདེ་བ་ཆེན་པོའི་ཡོན་ཏན་ཐམས་ཅད་རྫོགས། །མུ་མཐའི་ཕྱོགས་རིས་དང་བྲལ་བའི་སྐྱེས་ཆེན་གྱི་འབྲས་བུ་རང་ལ་གནས་པར་དམར་ཐག་ཆོད་པའོ། ༈ །འབྲས་བུ་དེ་ཡང་ཐོབ་ནས་དེར་གནས་པའི་རྟོགས་པ་མངོན་གྱུར་གྱི་དུས་ལ་ངེས་པ་མེད། །སྔར་ལམ་སྟེགས་ལ་སྦྱངས་སམ་མ་སྦྱངས་པར་ཡེ་སྨིན་གྱིས་ལྟ་བ་རྟོགས་པས་འབྲས་བུ་མཐར་ཕྱིན་ཏེ་དེར་གནས་པའམ། །རྟོགས་པ་ཙམ་ཡོད་ལ་དེའི་ངང་དུ་མ་གནས་ཀྱང་སྐྱེ་བ་ལན་གྲངས་འགའ་ལས་བསྐལ་པ་གྲངས་མེད་ཀྱི་ཡུན་རིང་དུ། །རྣམ་སྤྱོད་དུས་ལ་མི་ལྟོས་འབྲས་བུ་ངེས་པའི་དོན་དུ་གནས་ལ། ༈ །འབྲས་བུ་དེ་གནས་པའི་དོན་ལ་དང་པོ་ཐོག་མ་མེད་པ་ནས། །ཐ་མ་ནུབ་པ་མེད་དེ་དུས་གསུམ་ཆིག་ཆོད་དུ་གྲོལ་པས་སོ། ༈ །སངས་རྒྱས་དེ་ཡི་ཐུགས་རྗེའི་མཛད་པའི་དུས་བསྟན་པ་ཡང་། །གདུལ་བྱ་སྐལ་ལྡན་ལ་རང་གི་ངོ་བོས་མི་ནུབ་པ་ནི་དཔེར་ན་ཉི་མ་ཡི། །སྙིང་པོ་རང་གསལ་བ་དེས་མུན་པ་སེལ་བ་ལྟར་དུ། །ཐུགས་རྗེས་དོན་བྱ་བའི་ཡུལ་གྱི་ལས་དང་འབྲེལ་ཏེ་བྱིན་རླབས་ཀྱི་མཛད་པ་མི་ནུབ་པ་སྣ་ཚོགས། ༈ །ཅིར་ཡང་ཤར་ནས་དོན་ལ་དངོས་དང་བརྒྱུད་ནས་འདྲེན་པའི་ཐབས་སུ་ཐམས་ཅད་རྫོགས་ལ། །དོན་མཛད་པ་ཕྱོགས་གཅིག་ཏུ་ངེས་པར་འཛིན་པ་ནི་རང་ཉིད་བདུད་དུ་འགྱུར་བས་ཕན་པ་དང་གནོད་པར་འགྱུར་རོ། ༈ །ཤེས་སྒྲུབ་ཀྱི་བཅུད་འདུས་པས་སྙིང་པོ་ལྷུན་གནས་བདེ་ཆེན་དུ་ཡེ་ནས་གནས་པ་དེ་རང་ཉམས་ཀྱིས་བསླད་པ་དེས་འཁོར་བར་འཁྱམས་༼༠༽པ་ལས། །རྨི་ལམ་རང་སྣང་བའི་ཐུགས་རྗེས་ལྷ་དབང་བསྐུལ་བས་ལྷའི་དབང་པོའི་ཐུབ་པས་གསུང་གི་མངའ་བདག་ཕྱོགས་བཅུའི་སངས་རྒྱས་བསྐུལ། །རྒྱལ་བ་ཀུན་གྱིས་འཆད་པའི་སྐྱེས་བུ་རྡོ་རྗེ་སེམས་དཔའ་དེ་བསྐུལ་བས་དེ་ལས་ཤར་བའི་གསང་སྔགས་མངའ་བདག་ཕྱག་ན་རྡོ་རྗེ་འཆང་ཆེན་པོ། །དེ་ཡིས་དགའ་རབ་བདག་བྱིན་གྱིས་བརླབས་དཔག་དཀའི་འབྲས་བུ་དོན་ཤར་ནས་ཐོབ་པར་འདོད་པ་དང་རང་ལ་གནས་པས་འདོད་པ་དང་བྲལ་བའི་དོན་དུ་གཞག་པའོ། ༈ །དེ་༼༠༽བཞིན་འབྲས་བུ་རང་ལ་གནས་པས་ཚུལ་ངན་རྩོལ་བས་ཐོབ་པ་མིན་ཀྱང་ཐོབ་འདོད་ཐོག་པས་བསླད་པས་འཁྱམས་པ་ལས་གྲོལ་བར་བྱ་བའི་ཕྱིར། །རང་རྟོགས་པའི་གདེང་ཆེན་ལ་གནས་ཏེ་ཕྱོགས་སུ་ཞེན་པའི་མཐའ་ཀུན་ལས་གྲོལ་ཏེ་ངེས་པར་དོན་ལ་དམར་ཐག་ཀུན་གསལ་བར་ཆོད་པའི། །སྙིང་པོ་རྣལ་མའི་དོན་སྟོན་མ་རིག་མུན་སེལ་སྒྲོན་མ་འདི་ལ་སྐལ་བ་དང་ལྡན་པ་འགའ་གནས་སྲིད་ན་ཡོན་ཏན་མི་ཟད་པའི་གཏེར་དུ་ལོང་ལ་སྤྱོད། །དེ་ལྟར་སྐལ་བ་དང་ལྡན་པ་མིན་ན་བརྒྱུད་ནས་རྟོགས་པའི་ལམ་སྟེགས་སུ་ཚུལ་ངན་གྱི་རྩོལ་བ་འོག་མ་པ་གཞན་ཡང་སྤང་བ་མིན་ཏེ་རྣལ་མ་ལ་ཤུགས་ཀྱིས་འཇུག་པས་སོ། ༈ །ཨ་ཏིའི་སྣོད་དང་སྐལ་བར་འབྲེལ་བའི་གང་ཟག་དག །འཇིག་རྟེན་གྱི་ཁམས་ན་མང་དུ་མེད་དེ་འགའ་གནས་པའི། །དོན་དུ་བྱང་ཆུབ་ཀྱི་སྙིང་པོ་མཚོན་པར་བྱེད་པའི་ཐབས་སུ། ། མན་ངག་འདི་བཞག་པས་དེ་ལ་བརྟེན་ནས་རང་གྲོལ་བར་ཤོག ༈ །འབྲས་བུའི་མན་ངག་འདི་དང་ཕྲད་པའི་སྐལ་ལྡན་དག །འདི་དང་ཕྲད་༡བླ་མ་མཉེས་༡བློའི་ཐེ་ཚོམ་དང་འབྲལ་༡བ་དཀའ་༡༡༡བ་ལས། །གྲོལ་ནས་བདུད་དགར་མ་བཏང་བར་ལེ་ལོ་མེད་པར་བསྒྲུབས། །བསྟན་པའི་ཡང་སྙིང་རང་གི་ཁོང་དུ་ནན་ཏན་གྱིས་ལ་སྒྲུབ་ཤིག་པར་གདམས་པའོ། །ཡིད་བཞིན་གྱི་ནོར་བུ་རིན་པོ་ཆེ་ལྟ་བུའི་ཀློང་། སློབ་དཔོན་ཆེན་པོ་དགའ་རབ་རྡོ་རྗེའི་ཡང་དག་པའི་དགོངས་པ་ཡང་སྙིང་བཞག་པ་སྟེ། བུའི་བཙས་དམ་པའོ། །རྫོགས་སོ།། ༈ །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་བ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབ་པའོ། །སེའི་བནྡྷེ་འབྱུང་ལྡན་གྱིས། བླ་མ་ཡོན་ཏན་རྒྱལ་མཚན་དང་། །བླ་མ་ལི་སྟོན་གཉིས་ལ་ཞུས། །རང་བློས་དཔྱད་ནས་མཆན་བུ་བཏབ། །རྗེས་འབྲང་འབྱུང་སྲིད་མི་ཁེགས་པས། །དོན་ལ་ནན་ཏན་མཛད་པར་ཞུ། །

པྲ་ཁྲིད་ཉམས་རིམ་བཞི་པ་སེའི་བནྡྷེ་འབྱུང་ལྡན་གྱི་མཆན་འགྲེལ།

པྲ་ཁྲིད་ཉམས་རིམ་བཞི་པ་བཞུགས། །རྒྱ་གར་སྐད་དུ། སན་ཏི་མ་ཧཱ་ས་མ་ཏི་ཀྲ་མ་སྲ་ཏི་ཨུ་པ་དེ་ཤ་ནཱ་མ། བོད་སྐད་དུ། རྫོགས་པ་ཆེན་པོ་ཏིང་ངེ་འཛིན་གྱི་རིམ་པ་པྲ་ཁྲིད་ཉམས་ཀྱི་མན་ངག་ཞེས་བྱ་བ། སྐྱེ་ལུགས་གསུམ་ལྷུན་གྲུབ་གསུམ་དུ་རོ་གཅིག་པས་མཉམ་པ་ཉིད་ཀྱི་དོན་ལ་མངའ་བརྙེས་བས་རྒྱལ་པོ་ལེགས་པའི་བདག་ཉིད་པས་དཔལ་བླང་དོར་མེད་པས་ཀུན་ཏུ་བཟང་པོའི་དོན་དེ་ལ་མཇལ་ཞིང་གོམས་པས་ཕྱག་འཚལ་ལོ། ༈ །ངེས་པ་བྱ་བྲལ་རྫོགས་པའི་ལུང་དང་ལྡན་པའི་སློབ་དཔོན་དགའ་རབ་གྱིས། །བླང་དོར་རྩོལ་སྒྲུབ་རྒྱུ་འབྲས་སུ་འདོད་པ་ལས་གྲོལ་བས་ཤིན་ཏུ་རྣལ་འབྱོར་པ་གང་ཟག་དབང་པོ་ཡང་རབ་ཡི་དོན་ཆེད་དུ། །སྤྲོས་པ་དང་བྲལ་བས་བྱང་དེས་ཐམས་ཅད་ལ་ཁྱབ་པས་ཆུབ་རང་གསལ་བ་སེམས་ཀྱི་དོན་གོ་བར་སྟོན་པའི་པྲ་ཁྲིད་ཀྱིས། །མ་གཏང་ཡོངས་བྲལ་དུ་བསྒོམ་པའི་ཉམས་ཀྱི་རིམ་པ་བཞི་བསྟན་པར་བྱའོ། །ཞེས་འཆད་པར་ཞལ་གྱིས་བཞེས་ནས་རྩོལ་༼ལས་དང་པོ་པ་ལ་རེས་གནས་རེས་མི་གནས་༽པར་གོ་ཆ་གྱོན། ༈ དང་པོ་གནས་པའི་ཏིང་ངེ་འཛིན་ཡེ་ཤེས་གསང་བ་ལས་དང་པོ་གནས་པའི་ཏིང་ངེ་ཞེས་དྲང་། །གཉིས་པ་ལ་ནི་དེ་གོམས་ནས་མི་གཡོ་བར་གནས་པའི་ཏིང་ངེ་འཛིན། །གསུམ་པ་མཉམ་པ་ཉིད་མཉམ་བཞག་ཡོངས་ལ་བོར་ལ་རྗེས་ཐོབ་མདའ་ལྟར་བཙའ་དུ་སྦྱོར། །བཞི་པ་དེ་ཚད་དུ་ཕྱིན་པས་རྩོལ་སྒྲུབ་ལས་གྲོལ་ཏེ་ཡེ་ཤེས་ལྷུན་གྱིས་གྲུབ་པའོ། ༈ །ལས་དང་པོ་ལས་འཁོར་བའི་འདུ་འཛི་གཡེང་བ་སྤངས་ནས་ནི། །གྲོང་ལས་རྒྱང་གྲགས་ཀྱིས་དཔགས་པའི་དགོན་པར་མན་ངག་གིས་མངོན་སུམ་པར་རྟོགས་པའི་དོན་ལ་མ་ཡེངས་པར་མཉམ་པར་བཞག་པའི་ཚེ། །བྱིང་རྒོད་ལ་སོགས་པ་སྐྱོན་གྱི་ཚོགས་རྣམས་མ་བྱུང་བར། །ཇི་སྲིད་དུ་གནས་པ་དེ་ཙམ་ལ་གནས་པའི་ཉམས་ཤེས་བྱའོ། ༈ །དེ་ཡང་དཔེར་ན་དཔེ་སྐྱེས་བུ་འཇིགས་པ་དང་བཅས་པ་ཞིག །ལམ་ལ་ཤིན་ཏུ་བགྲོད་པའི་ཚེ། །རང་ཡུལ་སྣང་བ་མཐོང་སློབ་ན། །སྡུད་པ་ལས། དགོན་པའི་ལམ་ནི་དཔག་ཚད་མང་པོར་ཞུགས་པའི་མི། །གནག་རྫི་མཚམས་ཀྱི་ནགས་ཚལ་ཕུན་སུམ་ཚོགས་མཐོང་ན། །འདི་དག་གྲོང་དང་གྲོལ་ཁྱེར་ཉེ་བའི་རྟགས་སྙམ་སྟེ། །དབུགས་ཕྱིན་རྙེད་པར་འགྱུར་ཞིང་ཆོམ་རྐུན་འཇིགས་པ་མེད། །ཅེས་པ་དང་མཐུན་ནོ། །འཇིགས་པའི་རང་གི་མཚན་ཉིད་རྟོགས་ཤིང་དེའི་དོན་གོམས་པ་ཅུང་ཟད་ཡོད་པས་རེ་དོགས་དང་བྲལ་བའོ། །དེ་ཡང་ཁྱུང་ཆེན་ལས། གཟའ་བའི་ཡུལ་དང་བྲལ་བས་རེ་དོགས་མེད། །ཅེས་སོ། །རྟོག་པ་མེད་དང་འདྲ་སྣང་བ་སྒྱུ་མར་ཤེས་པས་ཞེས་པ་རང་ལོག་སྟེ་འཁོར་བའི་ཆོས་ལ་སྐྱོ་བ་༡དང་། །མ་རྟོགས་པའི་སེམས་ཅན་རྣམས་ལ་སྙིང་རྗེ་སྐྱེ། །རང་གི་གནས་ལ་མི་ཆགས་ཤིང་། །ཐག་རིང་གཞན་དུ་འགྲོ་བར་འདོད་དོ། ༈ །འབྲས་བུ་རྣལ་འབྱོར་པ་ལུས་དེ་འགོག་པ་འཆི་བའི་ཚེ། །ངེས་པར་མི་ལུས་ཐོབ་ནས་ནི། །ཆོས་སྤྱོད་པ་དང་ལྡན་གྱུར་པས། །སྐྱེ་བ་ཕྱི་མ་དེའི་ཚེ་ཆོས་ཉིད་བདེན་པ་མཐོང་ངོ་། ༈ །གནས་པ་གོམས་པས་འདིར་ཇི་སྲིད་མཉམ་པར་ངོ་བོ་བཞག་པ་དེའི་ཚེ། །བྱིང་རྒོད་ལ་སོགས་པའི་སྐྱོན་གྱི་ཚོགས་རྣམ་པ་རང་སར་འགེག་ནས། །རང་བྱུང་གི་ཡེ་ཤེས་རང་ཤར་པའི་དྲོད་ལུས་སེམས་བདེ་བ་དང་ལྡན། །དུས་ཉིན་མཚན་འདས་ཀྱི་བར་དུ་ཁྱད་པར་གནས་སོ། ༈ །མི་རྟོགས་ཐིག་ལེ་སྤྲོས་བྲལ་གྱི་ངང་ལ་གནས་པ་ནི། །རྦ་རླབས་ཀྱིས་མ་བསྐྱོད་རྙོག་པ་དྭང་བའི་དཔེ་རྒྱ་མཚོ་ཆེན་པོ་དང་། །རླུང་གིས་མི་གཡོ་ལྷན་ནེ་གསལ་བ་ཏིལ་གྱི་མར་མེ་འདྲ་བ། །དེ་ནི་ཡེ་ཤེས་བདེ་བའི་རང་ཤར་གྱི་དྲོད་ཅེས་བྱ་བར་དགོངས་སོ། ༈ །རླུང་གནས་པའི་དྲོད་ཀྱིས་ལུས་ཀྱི་ཟུངས་བྱས་པས་དེ་ཚེ་ཟས་དང་གོས་ཀྱི་རྟགས་འདུ་ཤེས་ཆུང་། །སྟེ་ཅུང་ཟད་ཀྱིས་ཚིམ། ཉོན་མོངས་ལ་སོགས་ཆགས་སྡང་རྣམས་མངོན་དུ་རྒྱུ་བ་ཟིལ་གྱིས་ནོན་པས་ཆུང་། །འཁྲུལ་པ་དག་ལ་སྙིང་རྗེ་དང་ཕན་སེམས་གོང་མ་ལས་འཕེལ་ནས་རབ་ཏུ་ཆེ། །ཆོས་ཐམས་ཅད་སྒྱུ་མའི་དཔེ་བརྒྱད་ལྟར་མཐོང་། སངས་རྒྱས་ལ་ཆོས་ཉན། ཡིད་དུ་འོང་བས་མེ་ཏོག་སྣ་ཚོགས་འཐོར། ལྷ་སྲིན་སྡེ་བརྒྱད་བྲན་བཞིན་ལས་བྱེད། བྱང་ཆུབ་ཆེན་པོའི་མཆོད་རྟེན་ལས་འཛེག་པ། རྨི་ལམ་རྟགས་བཟང་རབ་ཏུ་འབྱུང་། །སྟེ་བདུད་དང་ཆ་དབྱེ་བ་དགོས་སོ། ༈ །འབྲས་བུ་དེ་ལྟ་བུ་ཡི་རྣལ་འབྱོར་པ་ལས་ད་དུང་རང་དབང་མེད་པའི་སྐྱེ་ཤི་མངའ་བས། །འབྱུང་བ་ལྔ་ལས་གྲུབ་པའི་ལུས་པོ་ཞིག་པའི་ཚེ། །ལྷ་ཡི་ལུས་སུ་སྐྱེས་ཏེ་འབྲེལ་པའི་ཤུགས་ཀྱིས་རང་སེམས་རྟོགས་ནས་རིག་འཛིན་ཆེན་པོ་འཐོབ། །སྟེ། སློབ་དཔོན་ཨཱཪྱ་དེ་བས། དེ་ཉིད་ཤེས་པས་གལ་ཏེ་འདིར། །མྱ་ངན་འདས་པར་མ་གྱུར་ཀྱང་། །སྐྱེ་བ་ཕྱི་མར་འབད་མེད་པར། །ངེས་པར་ཐོབ་འགྱུར་ལས་བཞིན་ནོ། །ཞེས་གསུངས་པས། དེ་ལྟའི་ཚེ་ཉིད་མ་འཕོས་པ་ལ་བག་ལ་ཉལ་ཟད་ནས་མངོན་སངས་རྒྱས། ༈ །ཚེ་མ་འཕོས་ན་མཉམ་པ་ཉིད་དུ་འཆར་བའི་ངོ་བོ་ནི་འཁོར་བ་དང་མྱ་ངན་ལས་འདས་པའི་ཆོས་རང་རྒྱུད་དུ་མ་གྲུབ་པས། །ཇི་ལྟ་བུར་ཡང་མ་གཟིགས་ཏེ། །འཁོར་འདས་དང་མཉམ་རྗེས་ཐམས་ཅད་མཉམ་པ་ངོ་བོ་ཉིད་དུ་གསལ། །ལོ་ཟླ་འདས་ཀྱང་དེ་བཞིན་དུ་ཁྱད་པར་གནས་སོ། ༈ །མཉམ་ཉིད་མི་གཡོ་ཆོས་ཀྱི་སྐུ་སྟེ་སྣང་ལ་ངོས་གཟུང་མེད་པ། །བཟུང་བས་དཔེ་མི་ཟིན་ཆུ་ཟླ་འདྲ། །རྟོག་མེད་མཉམ་ཉིད་དེ་ཉིད་ནི། །མ་བརྩལ་བར་མཐར་ཕྱིན་པས་ཁྱུང་ཆེན་ནམ་མཁར་ལྡིང་དང་མཚུངས། །འཚོ་བ་མེད་པས་མི་འཇིགས་པས་ཡོ་བྱད་འདུ་ཤེས་ཐམས་ཅད་འགོག །དགེ་མི་དགེ་ལ་རྣམ་རྟོག་མེད། །ཉོན་མོངས་སྒྲིབ་པ་བག་ལ་ཉལ་དང་བཅས་པས་རྣམ་པར་དག །བག་ཆགས་ཀྱི་འོས་ཀ་འགྱུར་ཏེ་ཉམས་ཀྱི་རྨི་རྟགས་ཐ་མལ་པ་ཐམས་ཅད་རྒྱུན་ཆད་དེ་དག་སྣང་སྣ་ཚོགས་འབྱུང་སྟེ་འདིར་བདུད་དང་ཆ་དབྱེ་མི་དགོས། །མཉམ་པ་ཉིད་ཀྱི་ངོ་བོ་གོམས་པ་ལས། །ལུས་མ་དོར་བར་ལམ་ལ་གནས་པ་དང་ས་ཡི་འབྲས་བུ་རིགས་འཛིན་ཐོབ། །དེ་ཡང་བགྲོད་དུ་མེད་པ་སྟེ། །དེ་ཚེ་དེ་ཉིད་ལ་མངོན་སངས་རྒྱས། ༈ །ཡེ་ཤེས་ལྷུན་གྱིས་གྲུབ་པ་རང་གི་ངོ་བོ་ནི་མཉམ་རྗེས་ལས་འདས་ཏེ་ཆོས་ཀྱི་སྐུའོ། ༈ །དཔེ་ནི་དཔེ་མེད་ནམ་མཁའ་དང་འདྲའོ། ༈ །རྟགས་ནི་གཟུགས་སྐུ་གཉིས་ཀྱི་སངས་རྒྱས་ཀྱི་རྫུ་འཕྲུལ་སྣ་ཚོགས་འབྱུང་སྟེ་བདུད་དང་ཆ་བརྟག་དགོས་མི་དགོས་ཀྱི་ཐ་སྙད་མེད་དོ། ༈ །འབྲས་བུ་སངས་རྒྱས་དེ་ཉིད་དོ། །རྫོགས་པ་ཆེན་པོ་པྲ་ཁྲིད་ཉམས་ཀྱི་པྲ་ཁྲིད་ཀྱི་རིམ་པ་ཞེས་བྱ་བ་སློབ་དཔོན་དགའ་རབ་རྡོ་རྗེས་མཛད་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་བ་ཏ་དང་། ལོ་ཙཱ་བ་བཻ་རོ་ཙ་ནས་བསྒྱུར་བའོ།། ༈ །།ལྷ་རྗེ་བདེ་གཤེགས་ཀྱི་འགྲེལ་པ་ལས་བསྡུས་ཏེ། མཆན་བུ་སེའི་བནྡེ་འབྱུང་ལྡན་གྱིས་བཏབ་བོ།། །།

བྱང་ཆུབ་སེམས་ཀྱི་མན་ངག་ངེས་པར་ལུང་བསྟན་པ། སློབ་དཔོན་འཇམ་དཔལ་བཤེས་གཉེན།

བྱང་ཆུབ་སེམས་ཀྱི་མན་ངག་ངེས་པར་ལུང་བསྟན་པ་བཞུགས། །རྒྱ་གར་སྐད་དུ ། བྷོ་དྷི་ཙིཏྟ༈ ཨ་ཧཾ༈རཏྣ༈ཏྭཏྤར༈སམྤ་ཏ༈ཨཱ་ངྷི་ག༈སྨྲྀ་ཏི༈སྲོ་ཏ༈ཨ་བྷྱ་བ་ཧ་ར༈ ཨུ་པ་དྷེ་ཤ༈ནི་ཤྩ་ཏ༈བྷྱ་ཀ་ར་ཎ༈ནཱ་མ། བོད་སྐད་དུ། གཞིའི་དོན་ལྔ་བྱང་ཆུབ་ཀྱི་སེམས༈རང་གི༈གཏེར༈ ལམ་བཟང་རྩོལ་གྱི་ཆོས་བཞི་གཏད་པ༈ རྩོལ་བྲལ་མཐར་ཐུག་གི་ཆོས་གསུམ་ཕུན་༼ཁ་༽སུམ་ཚོགས་པ་ཐོབ་པ༈དྲན་༼ཀ་༽པ༈ རྒྱུན་དུ་ལོངས་སྤྱོད་པའི༈ ཐབས་ཀྱི་ཡོན་ཏན་གྱི་ཆོས་གཉིས་མན་༼ག་༽ངག༈ ངེས་དོན་སྙིང་པོ་ཉག་གཅིག་ངེས་༼ཅ་༽པར༈ལུང༈ ༼ང་༽བསྟན་༼ཆ་༽པ༈ཞེས་བྱ་བ་འབྲུ་བཤད་པར་དམ་བཅས་གནན་ནོ།། ༈ །།བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། ༈ །འཁོར་འདས་ཀྱི་ཆོས་ཀུན་ཡུལ་མེད་པར་རང་གསལ་དེ་ཀ་མཚན་ཉིད་རང་རིག་པའི་ཡེ་ཤེས་དེ་ཉིད་ཀྱི་རྣམ་པ་ཅིར་ཡང་མ་འགགས་པར་ཡོངས་སུ་གསལ་བར་སྣང་། རང་བཞིན་ངོས་པར་ངོས་གཟུང་ཐམས་ཅད་ལས་འདས་པ་རྣམས་མཚན་ཉིད་མ་འདྲེས་ལ་ཡེ་ཤེས་སུ་རྫོགས་པ་ནི་ངོ་བོ་ཉིད་ཀྱི་སྐུ། །དེ་ཉིད་ལམ་གྱིས་མ་བཅོས་པར་ཇི་ལྟར་བར་རང་ཤར་བ་ནི་ཆོས་སྐུ། རང་རིག་བདེ་ཆེན་དུ་ཀུན་མཁྱེན་པ་ཉིད་འཁོར་ས་ལ་གནས་པའི་སེམས་དཔའ་ལ་སྟོན་པ་རིགས་ལྔར་གནས་འོག་མིན་དུ་བསྟན་པ་ནི་ལོངས་སྐུ། །འཆད་པའི་སྐྱེས་བུ་རྡོ་རྗེ་སེམས་དཔའི་ཐུགས་ལས་གསང་སྔགས་ཀྱི་མངའ་བདག་ཕྱག་ན་རྡོ་རྗེའི་ཐུགས་རྗེ་ཡིས་ཤར་བ་ནི་སྤྲུལ་པའི་སྐུ་དེས་བྱིན་གྱིས་བརླབས་པ་ལས་དགའ་རབ་རྡོ་རྗེ་སྣང་བ་ནི་ཡང་སྤྲུལ་ལོ། །དེ་ལྟར་ཕྱག་བཙལ་བའི་གནས་སུ་གྱུར་པ་སྐུ་ལྔ་མཚོན་ཚུལ་མ་འདྲེས་ལ་ངོ་བོ་དབྱེར་མེད་དུ་ཡོངས་སུ་རྫོགས་པ་དེ་ལ་༡ཇི་ལྟར་དུ་འདུད་ན་རང་བཞིན་དམིགས་༣མེད་མཚན་ཉིད་ཀུན་གསལ་རྣམ་པ་རང་སྣང་དུ་༢འདུད་པའོ། ༈ །འཁོར་འདས་ཀྱི་ཆོས་ཀུན་གྱི་རང་བཞིན་སྤྲོས་པ་དང་བྲལ་བས་བྱང་དེའི་ངང་ལས་རྣམ་པ་ཅིར་ཡང་མ་འགགས་པར་འཆར་བས་ཆུབ་བ་དེ་ལྟར་མཁྱེན་པའི་མཚན་ཉིད་རང་གསལ་བས་སེམས་རང་གི་སེམས་ཆེ་བའི་ཡོན་ཏན་བརྗོད་བྱ་ཟད་པ་མེད་པའི་བང་མཛོད་དུ་གྱུར་པ་གཏེར་དེ་རྒྱལ་བ་སྐུ་ལྔ་བརྒྱུད་ནས་རང་ལ་གནས་པར་གཏད་པས་རྟོགས་པའི་དགོས་པ་དོན་དེ་ལ་དུས་རྒྱུན་ཏུ་ངང་མ་བརྗེད་པར་དྲན་ཅིང་རིག་པས་གོམས་པར་ལོངས་སྤྱོད་པས། ཉིང་དགོས་རང་བྱུང་ཡེ་ནས་གནས་པ་རྟོགས་གོམས་ཀྱི་ངང་དེས་ཐོབ་པའི་སྐུ་ཕུན་གསུམ་འགྲོ་བའི་དོན་རྩོལ་བས་མ་བཙལ་བར་ལྷུན་གྲུབ་ཏུ་རྫོགས་པར་ཡེ་ནས་གནས་པའི་རང་བཞིན་དེ་ངང་གིས་མཐར་ཕྱིན་པ་ནི་ཚོགས་པའོ། །ཚེགས་ཆུང་ལ་དོན་ཆེན་པོ་འགྲུབ་པའི་མན་ངག་སྒྲོ་སྐུར་དང་བྲལ་བར་ས་ལུང་བརྗོད་བྱའི་དོན་མཐུན་པས་ངེས་པ་དེ་རྗོད་བྱེད་བསྟན་པའི་ཐབས་ཀྱིས་རྟོགས་འབྲེལ་པ་པར་འགྱུར་བས་དེ་ངོ་བོ་ཆོས་ཉིད་ཡིན་པའི་ཕྱིར་བསྟན་པར་བྱའོ། ༈ །ཐམས་ཅད་འབྱུང་བས་གཞི་ཉིད་དོན་ལྔར་ཡེ་ནས་གནས་པ་ནི། །འཇམ་དཔལ་ཡེ་ཤེས་རྡོ་ལ་གསེར་བཞིན་ལས། ཆོས་ལ་ཆོས་ཀྱི་སྙིང་པོར་གྱུར་པ་འཇམ་དཔལ་གཞོན་ནུའི་སྙིང་པོ་ཉིད། ཅེའོ། །སེམས་དཔའི་ངང་། །རང་གི་སེམས་ཉིད་ཡོན་ཏན་མི་ཟད་པའི་གཏེར་ཆེན་པོར་གནས་སོ། ༈ །ཡིན་ལུགས་དེ་ལྟ་བུ་ཡིན་མོད་ཀྱང་དེ་ལྟར་ངོ་མ་ཤེས་ཤིང་བདག་ཏུ་བརྟགས་པའི་རྒྱུ་ལས། །ཉོན་མོངས་པ་ལྔ་དང་ལས་གསུམ་གྱི་རྐྱེན་ཀྱིས་འབྲས་བུ་སྡུག་བསྔལ་སྣ་ཚོགས་སུ་གནས་ཤིང་། །དུས་ཐོག་མ་དང་ཐ་མ་མེད་པར་འཁོར་བར་འཁྱམས་པ་ལ། ༈ །ཤེས་བྱ་ཀུན་མཁྱེན་པའི་སངས་རྒྱས་ཀྱི་དགོངས་པ་ལ་ཐམས་ཅད་མ་འདྲེས་ལ་ཡོངས་སུ་རྫོགས་པས། །སེམས་ཅན་རྣམས་བདེན་པར་མི་གནས་ལ་འཁྲུལ་པའི་བློ་ལ་ཇི་ལྟར་བརྟགས་པ་ལྟར་དུ་གྲུབ་པར་གཟིགས་ཏེ། །གྲུབ་པ་མེད་པ་ལ་དངོས་པོར་འཛིན་པ་ནི་ཡ་མཚན་ཅན་ཡིན་ཏེ། །དཔེར་ན་བུས་པ་རྣམས་རང་གིས་བློས་ཐག་པ་ལ་སྦྲུལ་དུ་བརྟགས་པ་ལ་རང་སྐྲག་པ་ལྟར་རོ། ༈ །རང་བཞིན་སྐྱེ་འགག་མེད་པའི་རྒྱུན་ཀུན་ལ་ཁྱབ་ཤུགས་ཀྱིས་བྱིན་རླབས་འགག་མེད་དུ་སྣང་བ་དང་། །བསྐུལ་བས་ཐུགས་དམ་རྗེས་སུ་དྲན་པ་དང་གདུལ་བྱ་འདུལ་བའི་དུས་ལ་བབ་ཚེ་ཐུགས་རྗེ་སྐྱེས་ནས། ༈ །སྣ་ཚོགས་པའི་ཐེག་པ་གདུལ་བྱའི་བློ་དང་འཚམ་པས་དོན་མཛད་པ་ན། །ཐུན་མོང་དུ་སྤོང་འགེགས་ཀྱི་གཉེན་པོ་ཚར་གཅོད་པ་དང་སྦྱོང་བ་དང་སྒྱུར་བ་དང་དབང་དུ་སྡུད་པ་རྣམས། །རྫོགས་པར་བསྟན་ནས། ༈ བཅུད་འདུས་པས་སྙིང་པོ་མ་བཅོས་པས་རྣལ་མ་ཉིད། །ངོ་ཤེས་པའི་ངང་དུ་གནས་པས་རྩོལ་བས་མ་བཙལ་བར་འཁྲུལ་པ་རང་གྲོལ་བའི། །བསྟན་པ་འབྱུང་བའི་དུས་ཉོན་མོངས༴ ཞེས་དྲང་། གསུམ་ཚན་གཉིས་ལ་བབ་པའི་ཚེ། ༈ །དམ་པ་ཡང་སྤྲུལ་ཐུགས་རྗེས་གཟུང་བར་བྱ་བའི་ཡུལ་དང་ཕྲད་པ་ནི་ཇི་ལྟར་ན། ༈ །སུམ་ཅུ་རྩ་གསུམ་ལྷའི་གནས་ཆེན་དུ། །བཟང་སྐྱོང་ལྷ་ཡི་སྲས་ལྔ་བརྒྱ་དང་རྩ་གཅིག་གི་ཐུ་བོར། །སྐུ་སྐྱེ་བ་བཞེས་པའི་ཀུན་དགའ་སྙིང་པོ་བྱ་བ་སེམས་ལྷག་པའི་རྟགས་ལུས་༼གཅིག་པུ་༽ངག་གི་༼བཟླས་པ་༽ཅན་ལ། །རྨི་ལམ་གྱི་མཐངས་སུ་ཐུབ་དྲུག་ཐིམ་པ་ནི་ཡང་སྤྲུལ་སྣང་ནུས་པ་དང་། ལྷ་གསུམ་ཟོས་པ་ནི་དུག་གསུམ་རང་གྲོལ་ནས་བྱང་ཆུབ་ཏུ་རྫོགས་པ་དང་། །བུམ་པ་འཁྱིལ་བའི་སྟེང་དུ་གནས་པ་ནི་དུས་མཐའི་སྐད་ཅིག་མས་མཐར་ཐུག་གི་སར་གཤེགས་པ་དང་། ཉི་ཟླ་ཐོགས་པ་ནི་ལོ་ཀའི་སྒྲོན་མ་མཛད། །པའི་རྟགས་དང་བཞི་སྣང་སྟེ་རང་དང་རིགས་མཐུན་པའི་སྟོན་པ་ལྷའི་དབང་པོ་ལ། །རྨི་ལམ་དེ་དག་བསྙད་པས། ༈ བརྒྱ་བྱིན་གྱི་བཀའ་དྲིན་གྱིས། །ཡེ་ཤེས་ཅན་ཕྱོགས་བཅུའི་སངས་རྒྱས་ལ་གནད་ནས་གསུང་གི་ཞེས་པས་བསྐུལ་བས། ༈ །སངས་རྒྱས་ཀྱི་དགོངས་པའི་ཆོས་ཉིད་ནི་དཔེ་ནམ་མཁའ་ལྟ་བུ་ལ། །ཐུགས་རྗེ་ཆེན་པོའི་ཡེ་ཤེས་ནི་དཔེ་ཉི་མ་ཤར་བ་ལྟ་བུ་སྣང་ནས་བཀའ་བགྲོས་ཏེ། །རྒྱལ་ཚབ་ལོངས་སྐུ་མི་བསྐྱོད་རྡོ་རྗེ་ལ། །བཀའ་ཡི་བགྲོ་བ་མཐུན་པར་མགྲིན་གཅིག་ཏུ། དུས་གསུམ༴ ཞེས་པ་ཉེར་གཉིས་ཀྱིས་བསྐུར་བའི་སྒྲ་སྦྱར་བས། ༈ །རང་བཞིན་ཡེ་ནས་གནས་པའི་དོན་མངོན་དུ་མཛད་པའི་ཐུགས་ཡེ་ཤེས་ལས། །ཐུགས་རྗེའི་རང་བཞིན་གྱི་སྤྲུལ་པའི་སྐུ་ཕྱག་ན་རྡོ་རྗེ་འཆང་། །བ་ཕྱུང་སྟེ་དེ་ཡང་སྤྲུལ་པའི་སྐུ་དང་ལོངས་སྤྱོད་རྫོགས་པའི་སྐུ། །གཉིས་ཀའི་ཕྱག་གཡས་ན་རྩེ་མོ་ལྔ་ལྡན་པའི་རྡོ་རྗེ་དང་། གཡོན་ན་འཁོར་ལོ་དང་བཅས། །པའི་དོན་ནི་ཡེ་ཤེས་ཀྱི་མཁྱེན་པས་བར་དུ་གཅོད་པའི་བདུད་འཇོམས་ཤིང་རྒྱུན་དུ་གཅོད་པ་དང་། །ཉོན་མོངས་པ་རང་ཡེ་ཤེས་སུ་འབར་བའི་རྩལ་གྱིས་སངས་རྒྱས་ཀྱི་བསྟན་པ་སྒྲོགས། །སྐུའི་གཟི་བྱིན་གྱིས་ལས་ལས་གྲུབ་པའི་གནོད་སྦྱིན་གོས་སྔོན་པོ་ཅན་རྣམས་འདུལ། །བའི་རྡོ་རྗེ་སེམས་དཔས་གཉིས་མེད་ཡེ་ཤེས ༴ ཞེས་པ་བཞིས་སྐབས་ཀྱིས་གསང་བདག་བསྐུལ་བ་ལས། ༈ །ལས་ཀྱི། གནོད་སྦྱིན་འདུལ་བ་གསང་བའི་མངའ་བདག་པོས། །རྡོ་རྗེ་སེམས་དཔའ ༴ ཞེས་པ་དྲུག་གིས་བགྲོ་བར་ཞལ་གྱིས་བཞེས་ནས། ༈ །ཕྱོགས་ཤར་ལྷོ་ནུབ་བྱང་བཞིར་རྡོ་རྗེ་གསང་བ་ལ་སོགས་པ་རྒྱལ་བ་བཞི་ལ། །རྭ་ཆོད་བསལ་བའི་ཕྱིར་ཤེས་བྱ་གཞི་དང་བསྒྲུབ་བྱ་འབྲས་བུའི་དོན་ལ། །གཞི་སྐྱེ་འགག་འབྲས་བུ་འཆར་ཚུལ་གཟུང་འཛིན་བྱུང་ཚུལ་འགྲོ་དོན་འགྲུབ་ཚུལ་གྱི་ཐེ་ཙོམ་བཞི་བཅད་དེ་བྷ་ག་ལ། ༈ །ཀུན་རིག་རྣམ་པར་སྣང་མཛད་ཉིད་དགོངས་པ་ཆོས་སྐུ་ལ་མཛད་པ་ལོངས་སྤྱོད་རྫོགས་པའི་སྐུར་སྣང་བ། །རིགས་ཐམས་ཅད་ཀྱི་བདག་པོ་སངས་རྒྱས་ཀུན་གྱི་རྗེ་བཙན་སྤྱི་དཔལ་དམ་པ་དེས། །འདུས་པའི༴ ཞེས་པ་གསུམ་གྱིས་རྩོལ་བྲལ་ས་ལ་བསྐུལ་བས་གླེང་བསླང་བ་དེ་ནས། ༈ །སེམས་དཔའ་རྡོ་རྗེ་སྟན་ལས་ལངས་ཏེ་གུས་པས་ཁྱོད་ནི༴ ཞེས་པ་བདུན་གྱིས་ཞུ་བར་འདུན་པར་བྱས་ཏེ་ཞུས་ལན་འདྲེན་མའི་རྗོད་བྱེད་ཀྱིས། ༈ །བརྗོད་པར་བྱ་བའི་དོན་གྱི་བསྟན། དབང་ཀློང་ལ་སོགས་པ་ཀློང་དགུ། །ཡང་དོན་གྱི་གནས་ལུགས་ལས་འཁྲུལ་པའི་ཚུལ་དང་རྟོགས་པ་དང་གནས་ཐབས་དང་གྲོལ་བ་འབྲས་བུ་དང་། །རྩ་བའི་རྒྱུད་ལྔར་དྲིལ་ནས་མ་འདྲེས་ལ་ཡོངས་སུ་རྫོགས་པར་གསུངས་སོ། ༈ །གནོད་འདུལ་གསང་སྔགས་ཀྱི་མངའ་བདག་དེས། །མཐར་ཐུག་སྟོན་པའི་རྒྱུད་རྣམས་ཀྱི་སེམས་དཔའི་རྡོ་རྗེ་ཚིག་གིས་མཚམས་སྦྱར་ཏེ་བསྡུས་ནས། །གདུལ་བྱ་དམ་པ་ཡང་སྤྲུལ་དཔའ་བོ་བྱིན་གྱིས་བརླབས་པ་ནི། །ལྷའི་གནས་སུམ་ཅུ་རྩ་གསུམ་དུ་མཆོད་རྟེན་བུམ་པ་འཁྱིལ་པའི་ཐོག་འཁོར་ལོ་འབར་བའི་ལྟེ་བའི་སྟེང་དུ་གཞག །རྒྱལ་ཐབས་སྤྱི་བླུགས་ཡོངས་སུ་རྫོགས་པར་དབང་བསྐུར་བས་རྩོལ་བཅས་ཀྱི་དབང་ཀུན་རྫོགས་པར་མཛད་དེ། ༈ །རྩོལ་མེད་ཀྱི་བསྟན་པ་ལྷའི་གནས་འོག་མིན་དགའ་ལྡན་རྩ་གསུམ་དང་གསུམ་དུ་རྒྱས་པའོ། ༈ །ཤིང་འཛམ་བུ་ཡོད་པའི་ཆུའི་གླིང་ན་རྣལ་མའི་སྣོད་དང་ལྡན་པ་ལ་བཅུད་དང་བྲལ་བར། །གཟིགས་ནས་གསང་བདག་རྡོ་རྗེ་འཆང་གིས། །མཐར་ཐུག་གི་ས་པ་སྤྲུལ་པ་སྐུའི་རང་བཞིན་ཅན། །ལྷ་སེམས་ལྷག་ཅན་ལས་གྲོལ་བ་དེ་ཧཱུྃ་དུ་བསྡུས་ནས་ཐུགས་ཀར་བཙུད། །དེ་ངང་པར་སྤྲུལ་ནས་བབས་ཏེ་འཛམ་བུའི་གླིང་ཨུ་རྒྱན་གྱི་ཡུལ་ན་སྐྱོན་བྲལ་སྒྱུ་སྤངས་པའི་མཚན་ཅན་ལྕམ་གོ་མ་ལའི། །ཐུགས་ལས་མཆུ་ཡིས་བཤོས་ནས་ཐུགས་སྲས་སྐུའི་ལ་ལྷུམས་སུ་བཞག །པའི་ལོ་དུས་ན་དཔལ་བོ་ཤཱཀྱའི་རིགས་བཞད་པར་མཛད་པ་རྡོ་རྗེ་སེམས་དཔའ་ནམ་མཁའ་ཆེ་འདོན་པ་ཞིག་བལྟམས། །ལྷོ་ནུབ་དམ་ཤོད་གླིང་གི་དུར་ཁྲོད་དུ། །གསང་བདག་བྱོན་ནས་དབང་བསྐུར་དང་བསྟན་པ་བཤད་པའི་ཚུལ་ཙམ་བསྟན། །ཏེ་དངོས་སུ་ལྷ་ཡུལ་དུ་མཛད་དོ། །དུར་ཁྲོད་ཀྱི་མ་མོ་དང་ལས་ཀྱི་གཤིན་རྗེ་ལ། །དམ་ཚིག་སྩལ་ནས་བཀའ་དང་བསྟན་པ་སྲུང་བའི་ལས་ལ་བསྒོ་བ་མཛད། །ཨུ་རྒྱན་དྷ་ན་ཀོ་ཤའི་ཡུལ་རྡོ་རྗེ་ཅན་འི་ཕུག་གི་གནས་སུ། །བརྗོད་བྱ་ཀློང་དགུ་དོན་དང་ཚིག་གི་ཤྭ་ལོ་ཀ་སུམ་བརྒྱ། རྗོད་བྱེད་བམ་པོ་ཉི་ཁྲི་བསྡུས་སོ། ༈ །ཁོ་བོ་བྲམ་ཟེ་སྙིང་པོ་གྲུབ་པ་ལ་རྗེ་བཙུན་འཇམ་པའི་དབྱངས་ཀྱིས་ལོ་རྒྱུས་སྦྱར། །བྱིན་གྱིས་བརླབས་དབང་བསྐུར་ཏེ་དབུལ་པོ་རང་གཏེར༴ ཞེས་པ་བཞིས་ལུང་བསྟན་ནས། །བླ་མ་དམ་པ་དགའ་རབ་དེ་ལ་འདུན་པ་ཡིས་ཚོལ་དུ་ཕྱིན་པ་ལས། །ཡེ་ཤེས་ཀྱི་རིགས་ཅན་གྱི་མཁའ་འགྲོ་མ་གསུམ་གྱིས། །ཆུ་བོའི༴ ཞེས་པ་བཞིས་བརྡས་བསྐུལ་བ་བྱིན་རླབས་དང་ལྡན་པར་བྱས་ནས། །དམ་པ་ག་ལ་བ་རྡོ་རྗེའི་ཕུག་དེར་ཕྱིན་ཏེ་བགྲེས་པར་བཞུགས་པ་ལ། །འདུན་པར་བྱས་པས་སྣོད་བརྟགས་ཤིང་བརྡས་སྤྱོས་ཐ་མར་མཁར་ཆེན༴ ཅེས་པའི་བརྡའི་དོན་བཀྲོལ་ཏེ། ། ༼ཡང་ན་༽རྒྱལ་བ་༼ངང་༽ཏུ་འགྲོ་༼གཉིས་ཟེར་༽བའི་ཟམ་པ་ཆད་པ་ལ། །རྣ་བརྒྱུད་རྡོ་རྗེའི་ཟམ་པ་བཙུགས་ནས། །པོ་ཟོས་ན་ནི་ཆེར་འགྱངས་ཀྱི་སྒྲས་སོ། །ཡང་ན་སྐྱེ་བ་བརྒྱུད་པ་ལན་གྲངས་འགས། །དུཿཁ་ལས་རང་གྲོལ་བའི་ཐབས་རྩོལ་མེད་ཀྱི་བདེ་བ་ཆེན་པོ་རང་ལ་གནས་པར་གཏད་པའོ། ༈ །རང་གྲོལ་བདེ་ཆེན་དེའི་དོན་རྟོགས་པའི་སོ་ལས་གཞན་དུ་མ་འདས་པར། །རྟོགས་པའི་ངང་ལ་མི་རྨོངས་ཏེ་མ་བརྗེད་པར་དྲན་པའི་འདུ་བྱེད་སེམས་པ་ཡིས་ཉམས་སུ་བླང་བ་ནི། ༈ །སྙིང་པོའི་དོན་ལ་སྐྱེ་འགག་གནས་གསུམ་རང་གྲོལ་ཏེ་རྒྱུ་རྐྱེན་གྱིས་འདུས་མ་བྱས་པར། །དུས་གསུམ་གྱིས་བསྡུས་པའི་ཤེས་བྱ་ཐམས་ཅད་མ་ལུས་པར་རྫོགས་པས། །སྐད་ཅིག་མའི་མཐའ་ལ་མི་གནས་ཏེ་སྐྱེ་འགག་མེད་པའི་རྒྱུན་དང་བཅས། ། ཏེ་བར་མ་ཆད་པས་དུས་གསུམ་གྱི་དུམ་བུའི་མཐར་མ་རེད་པའི། །དེ་ལྟར་འདུས་མ་བྱས་དེའི་ངང་དུ་བློ་གནས་ན་བསྒྲུབ་བྱའི་དོན་མཐར་སོན་པར་འགྱུར་བས་ན་དཔེ་ཆུའི་རྒྱུན་མ་ཆད་པར་གནས་པ་དང་འདྲ་བར་བློ་ཆེད་དུ་མ་གཏད་པའི་ངང་དུ་སྡོད་ཅིག་པའོ། ༈ །དཔེར་ན་རྣམ་ཤེས་ཚོགས་དྲུག་ཐོག་མ་མེད་པ་ནས་བར་མ་ཆད་པས་འཁོར་ལོ་གོམས་པའི་མཐུ་ལས། །གཟུགས་སོགས་ཡུལ་དྲུག་ལ་དུས་མཚུངས་པར་ལོངས་སྤྱོད་པ་ལྟར་དུ། །རྟོགས་པ་ལྟ་བ་ནི་རྟོག་མེད་ལ་དགོས་པ་འབྱུང་བས་རིན་༢ཆེན་ནོར་༡བུ་ལ།༣ །དེའི་ངང་དུ་གནས་པས་དེ་ཉིད་ལ་གོམས་པར་ལོངས་སྤྱད་པའོ། ༈ །ཚུལ་བཟང་པོའི་རྩོལ་བས་གོམས་པར་བྱེད་པ་ལམ་གྱི་ཆོས་གཏན་པ་དྲན་པ་རྒྱུན་དུ་ལོངས་སྤྱོད་པ་བཞིའོ། ༈ །རྒྱུ་རྐྱེན་མེད་པས་རང་བྱུང་གི་དཔལ་སྐུ་གསུམ་དང་ལྡན་པར་ཡེ་ནས་གནས་པ་ལ། །འབྲེལ་པ་སྟེས་དབང་ཙམ་ཏེ་ཅི་ཞིག་ལྟར་ལས་རྟོགས་གོམས་ཀྱི་རྐྱེན་བཞི་འཛོམ་པས་འབྲས་བུ་རང་ལས་ཤར་བ་དེ་ལ། །རྙེད་ཅེས་པ་དང་ཐོབ་ཅེས་པ་ནི་རང་གནས་ཀྱི་མངོན་དུ་གྱུར་པས་དོན་ལྡན་གྱི་མིང་ཡིན་ལ་སྔར་མེད་མ་ཐོབ་པས་འདོད་རྒྱལ་གྱི་མིང་ཅན་དུའང་འགྱུར་རོ། །འབྲས་བུ་རྙེད་ཐོབ་ཅེས་པ་དེ་ནི་འཁྲུལ་པ་རང་གྲོལ་བ་ལ་བརྡས་དེ་སྐད་ཅེས་མཚོན་པ་ཙམ་དུ་ཟད་དོ། ༈ །རང་རིག་པའི་ཡེ་ཤེས་ངོས་གཟུང་གང་ཡང་མེད་པར་གནས་པ་ལ། །ཡེ་ནས་རང་ལམ་གྱིས་མ་བཅོས་པ་ནི་ཆོས་ཀྱི་སྐུའི་ངང་། །ཆོས་སྐུ་དེ་ཡིས་ཤེས་བྱ་ཀུན་ཡུལ་མེད་དུ་མཁྱེན་པ་ཉིད་དུ་མངའ་མཛད་པ་ནི་ཉིད་ལོངས་སྐུ་སྟེ། །དེའི་ཤུགས་ལས་ས་ལ་གནས་པའི་རིག་འཛིན་བྱང་སེམས་སྒྲོལ་བའི་རྒྱལ་པོའི་གཟུགས་སུ་ཤར་བ་ནི་གཞན་ལོངས་སྐུའོ། །སྤྲོས་པ་དང་བྲལ་བས་ཐུགས་ཐམས་ཅད་ལ་ཁྱབ་པས་རྗེ་ཆེན་པོའི་རྣམ་པ་ཅིར་ཡང་སྣང་བ་ཉིད། །ཐུབ་པ་དྲུག་དག་༡པ་དང་འཁོར་ལོར་རྒྱུན་མ་དག་༡ པ་རྒྱུན་གྱི་སྤྲུལ་པའི་སྐུ་གསུམ་དང་མཚོན་ཚུལ་ནས་མ་འདྲེས་ལ་ངོ་བོ་དབྱེར་མེད་དུ་ཡོངས་སུ་རྫོགས་པའི་ཕུན་སུམ་ཉིད་དུ། ༈ །ཚོགས་པ་ནི་གཅིག་ཤོས་ལམ་ལ་རག་ལས་པའི། །དཔེ་ནི་རིན་ཆེན་རྒྱལ་མཚན་གྱི་རྩེ་མོ་ལ་བཏགས་ནས་མཆོད་པས་འདོད་ཡོན་ཕབ་པས། །འགྲོ་བའི་དབུལ་བ་སེལ་ཞིང་བདེ་བར་ལོངས་སྤྱོད་པ་ལྟར་དུ། །ཉེས་པས་མ་གོས་རྩོལ་བས་མ་བཙལ་ཕྱོགས་སུ་མ་ལྷུངས་པར། །བདག་གཞན་གཉིས་ཀ་ཆོས་ཀྱི་དོན་བཞི་ལྷུན་གྱིས་གྲུབ་པས་གཞན་ལས་རྨད་དུ་བྱུང་བའི་ཕྱིར། ༈ །རྩོལ་བ་དང་བྲལ་བ་ནི་མཐར་ཐུག་འབྲས་བུའི་ཆོས་སྐུ་གསུམ་པོ་དེ་ཡིན་ནོ། ༈ །མཚན་ཉིད་ཐེག་པ་ལྟར་བསྐལ་པ་གྲངས་མེད་པར་སྦྱོང་བ་དང་སྔགས་ཕྱི་ནང་བསྐྱེད་རྫོགས་ཀྱི་རྩོལ་བས་ལམ་དང་དུ་ལེན་ཅིང་། །ཉོན་མོངས་པ་གཉེན་པོས་སྤོང་བ་དང་འགེགས་པ་ལ་སོགས་པའི་ལས་འདུ་བྱེད་ཀྱི་བྱ་བྱེད་ལས་གྲོལ་ནས། །ཚེགས་མེད་པར་བསྒྲུབ་བྱའི་དོན་ཆེན་པོ་འབྲས་བུའི་བདེ་བར་གནས་པའི། །ཐབས་ཀྱི་ཐེག་པ་ལའང་ཐབས་ཆེན་པོར་གྱུར་པའི་གདམས་པས་དགྲོལ་བར་བྱེད་པའི་མན་ངག་གོ། ༈ །རྗེས་དཔག་གི་རྟགས་སམ་མངོན་སུམ་བཞིས་མངོན་སུམ་དུ་སྐྱེ་ལུགས་གསུམ་མེད་པར་མ་མཐོང་ཡང་། །ཞེན་པའི་བློས་ཡོད་པར་སྒྲོ་མ་བཏགས། །རང་བཞིན་སྤྲོས་བྲལ་མཚན་ཉིད་ཡེ་ཤེས་རྣམ་པ་སྒྱུ་མ་ཅན། །ཡེ་ནས་གནས་པ་དེ་རྟོག་དཔྱོད་ཀྱིས་མེད་པར་མ་སྤངས་ཏེ་སྒྲོ་སྐུར་དང་བྲལ་བས་ལུང་ངོ་། ༈ །འབྲས་བུ་ཐོབ་པའི་ཐབས་ལམ་ཀྱི་རྒྱན་ནས་ཡོན་ཏན་གྱི་ཆོས་མན་ངག་དང་ལུང་གཉིས་སོ། ༈ །དོན་རྟོགས་པའི་ཐབས་སུ་ཚིག་གི་ཐ་སྙད་ཅིར་ཡང་མཚོན་མོད་ཀྱང་། །བདེན་པའི་དོན་དུ་དྲིལ་ན་རང་རིག་པའི་ཡེ་ཤེས་རང་འོད་ཀྱི་རྣམ་པ་གསལ་བ་ཉིད། །ཀྱི་རང་བཞིན་སྙིང་པོ་མུ་མཐའི་ཕྱོགས་རིས་ཀུན་དང་བྲལ་བ་གསུམ་མཚོན་ཚུལ་མ་འདྲེས་ལ་ངོ་བོ་ཡོངས་སུ་རྫོགས་པར། །བརྗོད་བྱ་ཐམས་ཅད་ཐིག་ལེ་ཉག་གཅིག་ཉིད་དུ་དོན་མཐུན་པ་ནི། །ངེས་པར་བདེན་པའི་ཤེས་བསྒྲུབ་ཀྱི་དོན་སྙིང་པོ་རྣམ་པ་བགྲང་དུ་མེད་པས་ཉག་གཅིག་ཡིན་མོད། ༈ །འཇམ་དཔལ་བཤེས་གཉེན་བདག་ནི་བསྐལ་པ་ཐོག་མ་མེད་པའི་དུས་ནས། །རང་ལ་གནས་པའི་གཏེར་དགོས་འདོད་འབྱུང་བའི་ཡིད་སྦྱིན་གྱི་རིན་ཆེན་དང་བྲལ་བ་ལ། །བླ་མ་དམ་པ་གཞན་ལས་མཆོག་ཏུ་གྱུར་པ་ཡང་སྤྲུལ་གིས་རང་གི་གཏེར་གཏད་པའམ་སྩལ་བས། །བདེ་བས་དབུལ་བའི་དུཿཁ་སེལ་ནས་རྩོལ་མེད་ཀྱི་བདེ་བ་དང་ལྡན་པས་བདག་ལ་སྐུ་དྲིན་ཆེའོ། ༈ །རྟོགས་པས་རང་ཉིད་དཔལ་དུ་འབར་ཏེ་འོད་གསལ་བས་ན། །དངོས་ཀྱི་བུ་ལྷའི་རྒྱལ་པོ་དང་བརྒྱུད་པའི་བུ་མ་འོངས་པའི་འགྲོ་བསྐལ་ལྡན་གང་དག་ལ། །རང་གིས་རྟོགས་པའི་དོན་དེ་ལེགས་པར་སྦྱིན་ཅིང་མ་རིག་པའི་མུན་པ་བསལ་བས་འཁྲུལ་པ་ལས་གྲོལ་བའི་ཐབས་སུ། །ཤེས་བསྒྲུབ་ཀྱི་སྙིང་པོ་གནས་ལུགས་ཀྱི་དོན་ལྔ་ལ་རྟོགས་གོམས་ཀྱི་བློ་གནས་པ་གཅེས་ཏེ། །ལམ་གྱིས་བསྒྲུབ་པར་བྱ་བའི་དོན་སྦྱང་བགྲོད་ཀྱི་རྩོལ་བ་དང་བྲལ་བ་འབྲས་བུའི་ཆོས་སྐུ་གསུམ་ནི་ཆེའོ། །འོན་ཀྱང་འབྲས་བུ་ལ་ཡོན་ཏན་ཡོད་དེ་འགྲུབ་པའི་ཐབས་ལམ་བཟང་རྩོལ་གྱི་ཆོས་ཀྱིས། །དེ་ལ་གནས་པར་མ་ནུས་ན་འབྲས་བུའི་ཡོན་ཏན་ལ་མཁས་པས་ངག་ཏུ་བརྗོད་ཀྱང་མི་འགྲུབ་པ་ནི། །དཔེར་ན་ནོར་བུ་རིན་ཆེན་གྱི་ཡོན་ཏན་རྣམས་ངག་ཏུ་བརྗོད་ཀྱང་དགོས་འདོད་མི་འབྱུང་བ་དང་འདྲ་བར་ཟད་དོ། །སྐྱོན་དེས་ན་ལམ་བཟང་རྩོལ་གྱི་ཆོས་གོང་དུ་བཤད་པ་བཞི་ལ། །ཚེགས་ཆུང་ངུས་དོན་ཆེན་འགྲུབ་པའི་མན་ངག་དང་སྒྲོ་སྐུར་དང་བྲལ་བའི་ལུང་གི་རྒྱན་གྱིས་སྤྲས་ནས། །ངེས་པའི་དོན་གྱི་སྙིང་པོར་ཉག་གཅིག་ཏུ་དོན་དྲིལ་ལ་བསྟན་ནོ། །ལྷ་ལས་བར་ཆད་མེད་པར་བདེ་བར་མི་ཡུལ་དུ་འོངས་ལེགས་པར་འོངས། །ཆོས་བཞི་པོ་དེ་ལས་ཡང་རང་གི་གཏེར་གཏད་པའི་གཏམ་རྒྱུད་ནི། །སྔར་བཀོད་པ་ཉིད་དུ་རྫོགས་པར་བཤད་པར་ཟད་དོ། ༈ །དོན་རྟོགས་པའི་སོ་ལས་མ་འདས་པར་དྲན་པའི་རྟོགས་ཐབས་ནི། ༈ །ཤེས་བྱ་རྣམ་ཤེས་ཚོགས་བརྒྱད་ཡུལ་བརྒྱད་དང་བཅས་པ་ལ། ༈ །ཤེས་བྱེད་སྤོང་བ་དང་འགེགས་པའི་ཚུལ་དུ་བློ་ཞུགས་ཏེ་རྟོག་པས་བརྟགས་པ་ཡི། །རང་རང་གི་འདོད་པའི་ཕྱོགས་རེར་འཐེན་པའི་སྒྲ་དང་ཚད་མ་དང་རིགས་པ་དང་གསུམ་གྱི་ཐ་སྙད་ལས། །གྲོལ་བ་ནི་རྒྱལ་བའི་ལུང་དང་བླ་མའི་མན་ངག་ལ་བརྟེན་ནས། །མ་ནོར་བར་ལེགས་པར་འོངས་པའི་རང་རིག་པའི་ཉམས་ཚད་མའོ། ༈ །དེས་བརླན་བརྗོད་བྱའི་དོན་ལ་རྗོད་བྱེད་ཀྱི་སྒྲས་མཚོན་ན། །ལས་མཐུན་པས་མཐུན་པར་སྣང་བའི་དོན་ལ་དམིགས་ཏེ་མཐུན་པར་གྲགས་པ་ལས་བྱུང་བའི་སྒྲས། །རྒྱུད་ལ་ལྷིངས་ཀྱིས་མངོན་པར་ཞེན་པའི་བརྡ་དེ་ངག་ཏུ་རྗོད་པ་ནི། །གཞི་མཐའ་ཡི་གེའི་དོན་གྱི་བྱེ་བྲག་ཉིད་བསྟན་པས་ཁོང་དུ་ཆུད་པར་བྱས་ནས། །ཡི་གེ་དེ་འདུས་པའི་གནས་སྐབས་ལས་ངོ་བོ་མཚོན་པའི་མིང་༡དུ་དྲིལ་ལ། །དེ་༡འདུས་པ་ལས་ཁྱད་པར་མཚོན་པའི་ཚིག་དེ་འདུས་པ་ལས་འཇུག་ལྡོག་མཚོན་པའི་ངག་དོན་དུ་དྲིལ་ལོ། ༈ །དེ་ཡང་མཐར་ཐུག་གི་ཆོས་ཉིད་རང་སྟོང་མཚན་ཉིད་གསལ་རྣམ་པ་འོད། །བདེན་པའི་དོན་ལྷུན་གྲུབ་གསུམ་པོ་དེ་དང་ཚིག་འབྲེལ་གྲུབ་སྒྲོན་ལས། ངང་ཚུལ་ཇི་ལྟར་གནས་པ་དེ། །ལྡན་དང་འབྲེལ་ལེགས་འགྲིག་དང་ཐོབ། །ཅེས་སོ། །ལེགས་པའི། །སྒྲས་བརྐྱེན་ས་དེ་ལ་འགལ་འགོག་མི་མཐུན་པ་མེད་པས་འགྲིག་པའི་རིགས་པས་བདེན་པའི་དོན་འཛིན་ན། །དེ་ལ་ཆོས་དང་མཐུན་པར་སྨྲ་བས་མི་འཇིགས་པ་ཐོབ་པས་རིགས་པ་འབྲས་བུ་སྐྱེད་པའི་བྱ་བྱེད་པའི། །ཐ་སྙད་རྒྱུ་ལ་ལྟོས་པའམ་བརྟེན་ནས་འབྲས་བུ་སྐྱེ་བ་ཉིད་དུ། །མངོན་པར་གྲུབ་པས་དེ་དག་གི་འཐད་པར་བསྒྲུབས་པའོ། ༈ །ཤེས་བྱའི་དོན་གྱི་ཆོས་ཉིད་དོན་གྱིས་རང་གི་ངོ་བོ་གཅིག །བདག་ཉིད་མངོན་སུམ་ཡིན་པ་ལ། །ཚད་མ་རྣམས་ཀྱིས་བརྟག་བྱ་གང་། །མ་མཐོང་ཆ་གཞན་ཅི་ཞིག་ཡོད། །དེ་ཕྱིར་དངོས་པོ་མཐོང་བ་ཡིས། །ཡོན་ཏན་མཐའ་དག་མཐོང་བ་ཉིད། །ཅེས་རྣམ་འགྲེལ་ལས་སོ། །སྒྲོ་འདོགས་དང་བྲལ་བར་མངོན་སུམ་དུ་མཐོང་བ་ལ། །མ་མཐོང་བའི་ཆ་ཤས་གཞན་ལུས་པ་མེད་པས། །ན་ཕྱོགས་གཅིག་མཐོང་བའི་རྟགས་ལ་བརྟེན་པས་མ་མཐོང་བ་རྗེས་སུ་དཔག་ཏུ་མེད་པར་མངོན་སུམ་པའི་ཚད་མ། །དེ་དང་ལྡན་པ་ནི་རིགས་རྒྱུད་ཆིག་ཆོད་ཡིན་པའོ། ༈ །མངོན་སུམ་དེ་ལས་གཞན་དུ་རྗེས་དཔག་གི་རྟགས་ཙམ་འཛིན་པའི་ཤེས་པ་ཡང་། །ཤེས་བྱ་ཀུན་ལ་འཇུག་པར་ནུས་པ་ཡིན་ལ། །དེ་གཉིས་ལའང་ཕྱོགས་གཅིག་པའི་སྙིང་པོ་གང་ཡང་མ་དམིགས་པས། །དེ་ལ་འཇུག་པའི་མཁན་པོ་ནི་མཚན་ཉིད་རང་རིག་ཡེ་ཤེས་ཡིན་ལ། །ཤེས་པར་བྱ་བ་དེ་ཉིད་ནི་རྣམ་པ་སྒྱུ་མ་ཡིན་སྟེ། །གྲུབ་སྒྲོན་ལས། ཐ་དད་གྱུར་ནས་འབྲེལ་པ་ནི། །མཁས་པ་ནམ་ཡང་མི་འདོད་ལ། །ཞེས་སོ། །དེ་གཉིས་མ་འབྲེལ་ན་ཤེས་བྱ་ཤེས་པར་མི་འཐད་ལ་ཐ་དད་འབྲེལ་པའང་མི་འཐད་པས། །རང་བཞིན་སྤྲོས་པའི་དམིགས་པ་ཀུན་ལས་གྲོལ་བ་རྣམས། །མ་འདྲེས་ལ་ཡོངས་སུ་རྫོགས་པའི་སྤྱིའི་རྣམ་པ་ཙམ་རྗེས་སུ་དཔག་གོ། །བསམ་པ་དང་བསྒོམ་པའི་ཤེས་རབ་གཉིས་ཀྱིས་རྟོགས་པ་རྒྱུན་བསྲིང་ཞིང་ཁྱད་པར་དུ་བསྐྱེད་པས་དྲང་། །དེ་ཡི་རང་བཞིན་དེ་ཡིན་པས་ཐ་མི་དད་པའི་ཕྱིར། །ཁྱབ་པ་ཞེས་བྱ་འབྲེལ་པ་ཞེས་བྱ། གྲུབ་སྒྲོན་ལས། མེད་ན་མི་འབྱུང་རག་ལས་འདྲེལ། །ཁྱབ་པའི་རང་བཞིན་ཉིད་དུ་བས། །ཞེས་སོ། །མེད་ན་མི་འབྱུང་བར་ངེས་པ་ཞེས་བྱའོ། །ཕལ་ཆེར་རང་བཞིན་གྱི་གཏན་ཚིགས་དེ་ལ་བརྟེན་དགོས་ཏེ། །ཕྱིན་ཅི་ལོག་གི་སྟོབས་དང་ནུས་པ་དང་རྩལ་ཐོག་མ་མེད་པ་ནས་རྒྱས་པའི་ཕྱིར་རོ། ༈ །རྟོགས་ཐབས་དེ་ཡང་ཡི་གེ་དང་མིང་དང་ཚིག་གིས། །དོན་མཚོན་ཀྱང་སྒྲ་དེ་ལ་དོན་མི་གནས་པས། །མཚོན་བྱའི་དོན་རང་རིག་པའི་སྟེང་དུ་གཞག་སྟེ། །སྙན་ཁུང་བརྒྱུད་པའི་གདམས་པས་གནད་དུ་ཕབ་སྟེ་དོན་བསྟན་པས་རྟོགས་པ། ༈ །དེ་ཡི་སོ་ལ་མ་ཡེངས་པར་གནས་པའི་ཐབས་ནི། །དེ་ལྟར་རྟོགས་པ་ལ་ཐེ་ཚོམ་མེད་པར་ཡིད་ཆེས་ནས་ཐག་ཆོད་དེ་ངེས་པ་མ་ནོར་བའི་ངོས་ཟིན་པའི། །ངང་མ་ཤོར་བར་སོས་ལམ་རིམ་ལེའུ་གཉིས་པ་ལས། དེ་ལྟར་དོན་མཐོང་༴ ཞེས་དྲང་། བདལ་ཏེ་ཀློད་ལ། །ངེས་པར་དེ་ལ་འདྲིས་ཆེན་དུ་གོམས་པའི་གདེང་ལ་གནས། ༈ །དེ་ལས་མི་འདའ་བར་དེའི་ངང་དུ་བསྡམ་པའི་ཐབས་ནི། །ཡུལ་ལ་མཚན་མ་༡རུ་འཛིན་པའི་སྒོ་ལྔའི་ཤེས་པ་དང་དེའི་རྗེས་༢སུ་མིང་ལ་སྤྲོས་པ་སྐྱེ་བ་ཡིད་དང་། །ཀུན་གཞི་ལ་ཉོན་ཡིད་༣ངེར་འཛིན་ཅིང་ཕུང་པོ་ལྷག་མ་ལ་གཞན་དུ་རྟོག་པའི་ཤེས་པའི་རྒྱུན་ལང་ཅན་དེ་དག །ཁ་འབྱམ་གྱི་ལྟ་བའམ་དོན་སྤྱིར་བལྟས་པ་ཙམ་མིན་པར། །རྣམ་པ་སྒྱུ་༡མ་རང་བཞིན་སྤྲོས་༢བྲལ་མཚན་ཉིད་རང་༣རིག་པར། །ཐུག་ཕྲད་པ་ཉིད་དུ་མ་བསྒོམས་པའི་མངོན་སུམ་པས་ཐལ་བྱུང་བས། །ཡུལ་མིང་སེམས་གསུམ་ལ་བཏུར་ཞིང་བསྒོམས་པའི་མངོན་སུམ་ཡས་དྲས་ཐག་གཅད། །སྐྱེ་ལུགས་གསུམ་རང་ལོག་ནས་སྐུ་གསུམ་དུ་ཐུག་ཕྲད་པའི་རང་སོར་གཞག་ཐབས་གསུམ་གྱིས་གཞག་གོ། །རྟོགས་པ་དེ་ཉིད་དྲན་པ་རྒྱུན་ཆགས་ཀྱི་མན་ངག་གིས་གནས་པ་ལ། །སྟོང་པ་དང་གསལ་བ་དང་རོལ་པའི་རྒྱུན་ཏེ། ༈ །ཤེས་བྱ་ཕྱི་སྣོད་དང་ནང་བཅུད་ཀྱིས་བསྡུས་པའི་ཆོས་རྣམས། །འདི་ཁོ་ནའོ་ཞེས་ངེས་པར་བརྟག་པར་དཀའ་བས། །རང་བཞིན་ཅིར་ཡང་གྲུབ་པ་མེད་པར་གནས་པ་ནི། །སྟོང་པ་ཉིད་ཡེ་ནས་རྒྱུན་དུ་གནས་པའོ། ༈ །སྟོང་པ་དེ་མཁྱེན་པ་ནི་རང་རིག་པའི་ཡེ་ཤེས་ཡིན་ཏེ། །ཤེས་བྱ་ཀུན་གསལ་བའི་ཉི་མ་འོད་པོ་ཆེ། །དེ་སྐད་ཅིག་ཀྱང་འགག་མ་མྱོང་བར་གསལ་བ་ནི། །ཀུན་མཁྱེན་གྱི་ཡེ་ཤེས་རྒྱུན་མི་འཆད་པར་གནས་པའོ། ༈ །སྟོང་གསལ་དེ་ཡི་རོལ་པ་ནི་འབྱུང་བ་ལྔ་དང་། །ལམ་སའི་ཡོན་ཏན་དྲོད་དང་རྟགས་དང་མངོན་ཤེས་དང་། །རྒྱལ་བའི་ཞིང་དང་གཞལ་ཡས་ཁང་དང་གདན་དང་། །འཁོར་དང་བསྟན་པ་དང་རྒྱན་དང་སྟོབས་དང་རྫུ་འཕྲུལ་དང་མ་འདྲེས་པ་དང་མཚན་དཔེ་སོགས་པར་མ་འགགས་པར་འཆར་རོ། ༈ །རོལ་པ་དེ་ལམ་དུ་ཁྱེར་བ་ལ་དཀྱིལ་འཁོར་དང་སྒྲུབ་པ་དང་། །འདའ་ཀ་མའི་མན་ངག་བར་དོ་ནས། །རང་༼༡༽གཞན་༼༣༽གྲོལ་༼༢༽ཞིང་དགྲོལ་༼༤༽བར་བྱའོ། ༈ །འཁྲུལ་པ་རང་བཞིན་གྱིས་རྣམ་པར་དག་པའི་གནས་ལུགས་ནི་རང་རིག་དང་རང་འོད་དང་། །སྤྲོས་བྲལ་གྱི་སྙིང་༡༡ པོ་ལེན་༡པས་༡ན་དལ་ཏེ། ༈ །དེ་ཡི་ཐུགས་རྗེ་འགྲོ་བ་འདུལ་བར། །རྡོ་རྗེ་དབྱིངས་ཀྱི་དལ་རྣམས་སུ་སྤྲུལ་པ་ནི། །བྱ་བའི་རྒྱུད་དམ་གཉི་གའི་རྒྱུད་དམ་རྣལ་འབྱོར་རམ། །སྔགས་ནང་པའི་བསྐྱེད་པ་མ་ཧཱ་རྫོགས་པ་ཨུ་ནུའི་རྟེན་གཞིའི་རྐྱེན་ཉིད་པས། །རྩ་བ་ཞི་ཁྲོ་གཉིས་འཇམ་དཔལ་སྐུ་པདྨ་གསུང་ཡང་དག་ཐུགས་བདུད་རྩི་ཡོན་ཏན། །ཕུར་པ་ཕྲིན་ལས་འདུས་པ་ཡུམ་གྱི་དབྱིངས། །མཁའ་འགྲོ་ཚོགས་ཀྱི་རྟེན་གཞིར་དཀྱིལ་འཁོར་དེ་རྫོགས་སོ། ༈ །བསྒྲུབ་པའང་དཀྱིལ་འཁོར་དེའི་ཚུལ་དུ་ལམ་གྱི་གྲོགས་སུ་ངེས་པ་སྟེ་དེ་ལ་ཡང་། །ཏིང་ངེས་སྒྲུབ་པ་ནི་གྲོལ་ལམ་ཡིན་པས་༡༽ནང་དང་། སྐལ་མེད་ལ་གསང་བ་སྟེང་སྒོའི་རྩ་དང་ཐིག་ལེ་ལུས་ཀྱི་ནང་ན་ཡོད་པས་༼༢ཡང་ཆེས་གསང་བ་འོག་སྒོའི་བདེ་ལ་མི་རྟོག་པ་རྟོགས་དཀའ་བས།༼༣༽ སངས་རྒྱས་ཀྱི་ཐུགས།༼༤༽ ཕྱི་༡༽དང་ནང་༼༢དང་གསང་༼༣༽བ་དང་། །༼༤༽ཇི་ལྟ་བར་སྒྲུབ་པ་ནི་རང་བཞིན་མ་ནོར་བས་དེ་ཁོ་ན་ཉིད་དང་བཞི་བཞིར་ངེས་པར་སྦྱར་ཏེ། ༈ །སྟོང་པ་ཆེན་པོ་དང་སྙིང་རྗེ་སྒྱུ་མ་དང་ཡིག་འབྲུ་ནི་ཕྱིའི་ཏིང་ངེ་འཛིན་གསུམ་ལ། །གསལ་ལ་མི་རྟོག་པ་གནས་པས་སྙིང་ཀ་དེ་ཏིང་འོད་གསལ་གནས་པས་མགྲིན་པ་ལོངས་སྤྱོད་ཀུན་ཏིང་བདེ་བའི་རྟེན་གཞིར་གནས་པས་ལྟེ་བ་རྒྱུའི་ཏིང་ངེ་སྟེ་ནང་། །ཡུམ་༼དེ་༽སྟོང་པ་དང་ཡབ་༼ཀུན་༽ གསལ་བ་དང་འདྲེས་བདེ་བ་དང་ལྡན་པའི་ཐིག་ལེ་ནི་གསང་བའི་གསུམ། དེ་རང་བཞིན་དང་མཚན་༼ཀུན་༽ཉིད་དང་རྣམ་༼རྒྱུ་༽ པར་ཤར་བས། །མ་འདྲེས་ལ་ཡོངས་སུ་རྫོགས་པའི་ངང་དུ་གནས་པ་ནི་དེ་ཁོ་ན་ཉིད་ཀྱིའོ། ༈ །འབྱུང་བ་ལྔ་རིམ་པར་བརྩེགས་པའི་སྟེང་དུ་གཞལ་ཡས་ཁང་ཁྱིམ་དང་སྦྲ་གུར་གྱི་ཚུལ་དུ་སྒོམ་པ་ཕྱི། །ཕུང་པོ་དུར་ཁྲོད་ཀྱི་གཞལ་ཡས་དང་དབང་པོ་སྒོ་ལྔ་རིམ་བརྩེགས། ཡན་ལག་བརྒྱད་པ་ལས། སྒྲ་དང་རེག་བྱ་གཟུགས་རོ་དྲི། །རིམ་པ་བཞིན་དུ་ནམ་མཁའ་རླུང་། །མེ་ཆུ་སའི་ཡིན་ཞེས་སོ། །ནང་། །ཡུམ་གྱི་མཁའ་གསང་བ་རྡོ་རྗེ་རྟེན་པའི་གནས་ལས་བཞིའི་དབྱིབས་དང་ལྡན་པ་ནི་གསང་བའི་འོ། །ལྷུན་གནས་བདེ་བ་ཆེན་པོ་དང་ལྡན་པ་ནི་དེ་ཁོ་ནའོ་ཉིད་ཀྱི་གནས་ཁང་ངོ་། ༈ །སྐུ་མདོག་དང་ཕྱག་མཚན་དང་ཞལ་དང་ལྡན་པའི་སྐུ་ཕྱག་རྒྱ་སྒོམ་པ་ནི་ཕྱིའི་ལྷ། །རྟོག་ཚོགས་ཀྱི་དོན་ལྷའི་བརྡར་གསལ་བ་ནི་ནང་། །རྩ་གནས་ཀྱི་ཐིག་ལེ་བདེ་གསལ་ཟུང་འབྲེལ་ནི་གསང་བ་ལྷའི་སྐུ། །ཡེ་ནས་ལྷུན་གྱིས་གྲུབ་པ་ཤེས་བསྒྲུབ་ཀྱི་དོན་ཆེན་པོ་ནི་དེ་ཁོ་ན་ཉིད་ཀྱི་ལྷའོ། ༈ །རྟེན་ཐོད་ཁང་ངམ་རཏྣའི་ཁང་བུའི་ནང་དུ་དོན་ཡེ་ཤེས་ལྔའི་རྟགས་རིགས་ལྔ་དང་ལྡན་པར་རྫོགས་པ་ནི་ཕྱིའི་དབང་། །ཁམས་ལྔའི་བཅུད་བདེ་སྟོང་གི་ཡེ་ཤེས་ཀྱི་རྒྱས་བཏབ་པ་དེ། །མེ་རླུང་གི་རྐྱེན་༡འོག་སྒོའི་སྟོབས་ལས་བྱུང་བ་ནི་ནང་༡དང་གསང་༡བའི་དབང་བསྐུར་བའོ། །རང་བྱུང་ཡེ་ཤེས་ཉག་གཅིག་ལ་ཡོན་ཏན་གྱི་ལྡོག་ཆ་ཡིས་ཡེ་ཤེས་ལྔར་རྒྱས་བཏབ། ༈ །སྤྱི་བོ་དང་མགྲིན་པ་དང་ཙིཏྟའི་གནས་སུ་ཀཱ་བཱ་ཙིའི་དམ་ཚིག་གསུམ་གྱི་ངོ་བོ། །དེ་པད་རྡོ་རྗེའི་རིགས་གསུམ་གྱིས་སྐུ་གསུང་ཐུགས་སུ་བྱིན་གྱིས་བརླབས་པ་ནི་ཕྱི། །སྒོ་ལུས་ངག་ཡིད་གསུམ་བདེ་གསལ་གྱི་དོན་བརླན་པ་ནི་ནང་དང་གསང་བའི་རྟེན་བྱིན་གྱིས་བརླབ་བོ། །ཡིན་ལུགས་ཀྱིས་རྟེན་བྱེད་པས་སྐུ་བརྡ་སྤྲད་པས་གསུང་ཡེ་ནས་གསལ་བས་ཐུགས་དེ་ཁོ་ན་ཉིད་ཡིན་མོད། ༈ །འོག་མིན་གྱི་གནས་སམ་སྟུག་པོ་བཀོད་པའི་ཕོ་བྲང་ནས། །འཇིག་རྟེན་གྱི་དབང་པོ་རྒྱལ་པོའི་ཆོས་དང་ཚུལ་མཐུན་དུ། །ཡེ་ཤེས་པ་ལ་མོས་པས་སྙན་གསན་དབབ་པ་དང་སྤྱན་དྲང་བ་དང་དབྱེར་མེད་དུ་བསྟིམ་པ་ཕྱི། །རྐྱེན་གྱི་འཁོར་ལོ་མེ་རླུང་གཉིས་བསྐྱོད་པས་རྩ་བའི་འཁོར་ལོ་བཞིའི་ཐིག་ལེ། །བཞུ་བས་སྙན་གསན་ཕབ་སྟེ་དེའི་གཟི་བརྗིད་གཡས་རོ་མ་དང་གཡོན་རྐྱང་མ་དང་བདེ་བའི་ལམ་གཉིས་ནས། །ནམ་མཁའི་བ་བཞོ་བ་ཡིས་བདེ་གསལ་གྱི་ཡེ་ཤེས་དང་དྲོད། །ཕེབས་པ་ནི་ནང་གི་སྤྱན་དྲང་བ་ཡིན་ལ་གསང་བའི་ཡང་རྒྱུ་ཡིན་པས། །དེས་རྒྱུད་བརླན་པ་ནི་སྙན་གསན་དབབ་པའོ། །ཁམས་དབང་ཡུལ་རྣམ་ཤེས་གསུམ་རོལ་པ་ལས། །ཉི་ཟླ་གཉིས་འདྲེས་ཀྱི་བདེ་བ་གསལ་སྟོང་ཟུང་འཇུག་ཉིད་གསང་བའི་སྐུ་ཡིན་པས་དེ་ཉིད་སྤྱན་དྲང་བའོ། །རང་བཞིན་གྱིས་རྣམ་པར་དག་པའི་མཎྜ་ལ་དཀྱིལ་འཁོར། །རང་བཞིན་སྟོང་མཚན་ཉིད་གསལ་རྣམ་པའི་འོད་དང་ལྡན་པར་ཡོངས་སུ་རྫོགས་པར་ཡེ་ནས་གཤེགས་པ་ནི་སྤྱན་དྲང་བ་ལ། །དང་པོ་འདུ་བ་དང་ཐ་མ་འབྲལ་བ་མེད་པར་རྟོགས་པ་ནི་གཉིས་མེད་དུ་བསྟིམ་པའི་དོན་ལྡན་གྱི་མིང་ངོ་། ༈ །རང་གཞན་གྱི་འདོད་པའི་དོན་མ་གྲུབ་ཀྱི་བར་དུ་བརྟན་པར་བཞུགས་པ་ཕྱི། །ཁ་ཟས་སྨན་དམ་རྫས་སྤྱོད་ལམ་གྱིས་ལུས་གསོས་པས་ཡིད་གསལ་ཞིང་ལུས་དྲོད་དང་ལྡན་པས་ལུས་བརྟན་པར་བྱ་བ་ནང་། །ཐིག་ལེའི་བདེ་བ་རྒྱས་པས་ཚེ་རིང་བ་དང་ལྡན་པ་ནི་གསང་བའི་བརྟན་པ། །སྟོང་གསལ་རང་འོད་རྫོགས་པར་རྟོགས་པ་ལས་གོམས་པས་འགྱུར་བ་མེད་པ་ནི། །བག་ལ་ཉལ་གྱི་སྒྲིབ་པ་ནོན་པས་དེ་ཁོ་ཉིད་ཀྱི་བརྟན་པའོ། ༈ །བསྐྱེད་པ་དམ་ཚིག་གི་དལ་དང་སྤྱན་དྲངས་ཡེ་ཤེས་ཀྱི་དལ་དབྱེར་མེད་དུ་མོས་པ་ནི་ཕྱིའི་ཕྱག །ཕུང་པོ་ཉིད་དྲོད་དང་བདེ་བར་གསལ་བར་མཇལ་བ་ནི་ནང་། །འདོད་ཆགས་སུ་འཛིན་པ་ཉིད་ཡེ་ཤེས་སུ་མཇལ་བ་ནི་གསང་བའི། །རྣམ་ཤེས་ཚོགས་བརྒྱད་ལ་གསལ་བར་མྱོང་བ་ཤེས་པ་གསུམ་ལྷུན་གྲུབ་གསུམ་དུ་མཇལ་བ་དེ་ཁོ་ནའི་ཕྱག་གོ། ༈ །ལྷ་ཡེ་ཤེས་ཅན་གྱི་སྤྱན་སྔ་རུ། །བདག་ཁྱེད་དང་འདྲ་བར་གྲོལ་ནས་ཐབས་བསམ་ཡས་ཀྱིས་གཞན་བསྒྲལ་ཞིང་སངས་རྒྱས་ཀྱི་མཛད་པ་མཐར་དབྱུང་བར་དམ་བཅའ་བ་ནི་ཕྱི། །རང་གི་ལུས་ཉིད་ཐབས་ཀྱིས་རྡོ་རྗེ་རུ་གྲུབ་པས་གཞན་བསྒྲལ་བར་དམ་བཅའ་བ་ནང་དང་། །རང་འདོད་པའི་མེས་ཚིག་བ་ལ་འདོད་པའི་མེས་མི་འཆིང་བར་གསོ་བ་ལ་གཞན་དོན་རྫོགས་པར་དམ་བཅའ་བ། །ཡིད་ལུགས་རྟོགས་པའི་ངང་དུ་གོམས་པས་གནས་ཤིང་དེ་ལས་མི་འདའ་བར་དམ་བཅས་པ་ནི་དེ་ཁོ་ནའོ། ༈ །རྟོག་ཚོགས་རྣམས་ལྷར་རྒྱས་༼ཕྱི་༽བཏབ་ཅིང་དེར་གནས་སུ་སྟོབ་༡པས་ཕྱག་རྒྱའི་མཆོད་པའོ། །དེ་༡བཞིན་དུ་རྟོག་ཚོགས་ལ་སྟེང་སྒོའི་མི་རྟོག་གསལ་༼ནང་༽བའི་ཡེ་ཤེས་ཀྱིས་རྒྱས་བཏབ་པ་དང་། །འོག་སྒོའི་རྟེན་ཉི་ཟླ་གཉིས་འདྲེས་པའི་རྟེན་ཅན་བདེ་གསལ་༼གསང་༽སྟོང་ཉིད་ཀྱིས་རྒྱས་བཏབ་ཅིང་རྟོག་ཚོགས་དེར་སྟོབ་པའོ། །རྣམ་ཤེས་ཚོགས་བརྒྱད་ཀྱི་གསལ་བར་མྱོང་བའི་ཤེས་པ་ང་བདག་སྤྲོས་པ་མཚན་མར་སྐྱེ་བའི་ཉོན་ཡིད་ཡིད་སྒོ་ལྔ་གསུམ། །ལ་རིམ་པར་རང་རིག་དང་སྤྲོས་༼དེ་ཁོ་ན་༽བྲལ་དང་སྒྱུ་མས་རྒྱས་བཏབ་པས་ཕྱག་རྒྱ། །དེ་དག་བདེ་བ་ཆེན་པོ་གནས་སུ་སྟོབ་པས་མཆོད་པའོ། ༈ །སྤྱོད་ཡུལ་ཐམས་ཅད་སེམས་ཉིད་དུ་ཡོངས་སུ་དག་པས་ན་ཀུན་ཏུ་བཟང་པོ་སྟེ་དེ་ལ། །ཕྱི་ཐུན་མོང་ནང་ཁྱད་པར་གསང་བའི་བྱང་ཆུབ་སེམས་ཀྱི་མཆོད་པ་རྫོགས་པའམ། །ཡེ་ཤེས་ཅན་དང་ནམ་མཁའི་ངང་སྟེ་འཁོར་གསུམ་ཡོངས་སུ་དག་པའམ། །སྟོང་གསལ་བདེ་བའི་ངང་དུ་དབུལ། །སྤྱོད་ཡུལ་མ་ལུས་པ་བདེ་བ་ཆེན་པོའི་ངང་དུ་སྟོབ་པར་དབུལ་ལོ། ༈ །ཡོན་ཆབ་ཀྱིས་ཕྱག་༡ཞབས་༡ ཞལ་༡བསིལ་༡ ༡རྣམས་ལྷ་ཚོགས་ལ་བྱ་བ་ནི་ཕྱི། །རྩ་གནས་འཁོར་ལོ་བཞི་རྐྱེན་མེ་རླུང་གྱིས་ནམ་མཁའི་བ་བཞོས་པས་བཀྲུ་བ་ནང་། །ཆགས་པའི་སྲེད་པའི་དྲི་མ་ཐབས་ཀྱིས་ཚངས་པར་དག །མ་རིག་པའི་དྲི་མ་ཡེ་ཤེས་ཉིད་ཡིན་པས་བཀྲུ་བ་དེ་ཁོ་ནའོ། ༈ །ཕྱི་ཚིམ་༡པ་སྤོས་མཛེས་༢པ་མེ་ཏོག་མུན་པ་སེལ་༣བ་མར་མེ་དྲི་དང་ལྡན་༤པ་བྱུག་པ་རྣམས། །ཟག་པ་མེད་པའི་ཕུང་པོ་ཚུལ་ཁྲིམས་ལ་སོགས་པ་ལྔའི་ལྷ་མོ་བཞི། །གང་ལ་འབུལ་ན་བདེ་གཤེགས་ཀྱི་ཤངས་༡དང་དབུ་༢དང་སྤྱན་༣དང་ཐུགས་༤ཀར་དབུལ། །དེ་དག་གི་སྐུ་མདོག་སེར་༡མཐིང་༢དམར་༣ལྗང་༤བཞི་བསྣོལ་མ་ཡིས། །ཡང་ན་བདག་༼དེ་བཞིན་གཤེགས་པའི་༽དམ་ཚིག་པ་ལ་༼དང་༽ མཆོད་པ་བཞི་༼ཆེན་པོ་༽སླར་ལན་གྱི་ཚུལ་དུ་༼བདག་ལ་༽ ཐིམ་པས་དག་ཅིང་གྲུབ་པར་མཛད་དོ། །སྤོས་དྲི་དང་ལྡན་པའི་རྩ་བའི་མེ་ཏོག་ལས་ནང་གསང་། །ཐིག་ལེའི་བདེ་བ་གསལ་བས་མར་མེ་ཚིམ་པར་མཛད་མ་དྲི་ཆབ། །གང་དུ་ན་སྟེང་སྒོ་འཁོར་ལོའི་གནས་སམ་འོག་སྒོ་ཡུམ་གྱི་བྷ་གའི་མཁར། །བདེ་གསལ་གྱིས་མཆོད་པ་དང་ཡང་ལན་གྱི་ཚུལ་དུ་རང་གིས་ཉམས་སུ་མྱོང་བའོ། །རྟོག་གོམས་ཀྱི་དོན་དང་ལྡན་ཏེ་སེམས་དྭང་པས་ཚིམ་པར་བྱེད་པ་ནི་སྤོས། །མཐའི་ཉེས་པས་མ་གོས་པར་ཤེས་བྱ་ཀུན་གསལ་བ་ནི་མེ་ཏོག་པདྨར་མཛེས། །དེས་མ་རིག་པའི་མུན་པ་སེལ་བ་ནི་སྣང་གསལ་སྒྲོན་མེ། །སྲེད་པ་འཁོར་བའི་ཉེས་པ་བསིལ་ཞིང་ཆོས་ཀྱི་དྲི་དང་ལྡན་པ་ནི་བྱུག་པ་སེམས། །ཡུལ་དང་སེམས་གཉིས་ཀ་ཡེ་ཤེས་སུ་གསལ་བས་ཕན་ཚུན་དུ་མཉེས་པས་བཞི་བསྣོལ་ལོ། ༈ །གཙང་སྨེར་འཛིན་པའི་བདུད་ལ་དམ་རྫས་ལྔའི་རྩིས། །ཚ་རིམས་དུག་མཛེ་ཤུ་ཐོར་གླང་ཐབས་ནད་ལྔ་སེལ་ཐུན་མོང་གི་དགོས་པར་ཚེ་རིང་ནོར་ཕྱུག་མཐུ་ཆེ་མདངས་གསལ་སྐད་སྙན་པ་ལྔ་དང་ལྡན། །རྡོ་རྗེའི་རིགས་ལ་སོགས་པ་ལྔའི་དངོས་གྲུབ་ཐུན་མོང་བ་བྱང་སེམས་ལ་སོགས་པས་ལེན། །ཆོས་ཉིད་རང་བཞིན་གྱིས་ཆོས་ཅན་རང་གི་ངོ་བོས། བྱིན་གྱི་རླབས་ཀྱིས་མཐུ་ཡིས་གྲུབ་པ་བཞི་ཡིས་བརྒྱན་ཏེ་ལྷ་ལ་དབུལ་ལོ། །ལུས་ཀྱི་ཁམས་ལྔའི་སྙིགས་མ་སྐྱེ་བ་བཞིའམ་ཆུ་བོ་བཞིར་སྐྱོར་བའི་བདུད་ལ། །བཅུད་དྭངས་མ་ལྔའི་ཁུ་བས་རྩིར་ལེན་པའི་ཐབས་ཀྱིས། །རྩ་བའི་འཁོར་ལོ་བཞིར་ཁྱབ་པའི་རྩ་གནས་སུ་མཆོད་པ། །སྟེང་ངམ་གསང་བའི་གནས་ཡུམ་གྱི་མཁའ་ཉིད་དུ། །མི་འཆིང་བར་གྲོལ་བས་ཐབས་ཀྱི་དམ་པའི་རྩིར་མཆོད་ཅིང་བསྟབས་པའོ། །ཕྱི་སྒོ་ལྔ་པར་ཡིད་ནང་ཉོན་ཡིད་དོན་གྱི་ལ་མི་གནས་པའི་བདུད་བཞི་པོ་རྣམས། །ཀྱི་རང་བཞིན་མ་ནོར་ཤེས་ཏེ་རྟོགས་ནས་དེའི་ངང་དུ་མ་བཅོས་པར་བཞག་པའི་རྩིར། །སྤང་བྱ་མེད་པས་ཀུན་ཏུ་བཟང་པོ་དབྱེར་མེད་ཀྱི་དོན་དུ་རྒྱས་པར་མཆོད། ༈ །དམ་རྫས་ལྔ་དང་རྟ་གླང་པོ་ཆེ་མི་གླང་ཁྱིའི་ཤ་ལྔ་འབྱུང་བ་ལྔའི་བཅུད། །ཟན་རྣམས་སྦྱར་བ་ལས་ཐུགས་༡ཧཱུྃ་གསུང་༢ཨྃ་ཨཱོཾ་སྐུ་༣ཡི་སྙིང་༡༢༣པོས་བརླབས། །ཆོས་ཉིད་དུ་སྦྱང་༡ཡེ་ཤེས་ཀྱི་བདུད་རྩིར་འབར་༢འདོད་༣པའི་ལྷ་མོ་དྲུག་དང་ལྡན་པའི། །སྐུ་མདོག་དཀར་༡མཐིང་༢སེར་༣དམར་༤ལྗང་༥ཤེལ་ལྟར། །གཟུགས་༡མེ་ལོང་སྒྲ་༢པི་ཝཾ་དྲི་༣སྤོས་ཁང་ཞལ་ཟས་༤ན་བཟའ་༥རྡོ་རྗེ་དྲིལ་བུ་ཐོགས་པ་རྣམས། །དོན་ཆོས་ཉིད་ལ་ཡེ་ཤེས་རྟགས་ལྷ་ལ་ལྷ་ཐིམ་པར་རོལ་ལོ། །ཟག་བཅས་ཀྱི་ཕུང་པོ་མིག་ལ་སོགས་པ་སྐྱེ་མཆེད་དྲུག་བདེ་བས།༡ །སྟེང་༣སྒོ་འཁོར་ལོ་འཇུ་འདུལ་དང་འོག་༤༼གསང་༽སྒོ་ཁམས་གསུམ་རོལ་པ་རྒྱུ་ལས་ཚིམ་༢པར་ཐིམ་པ་ནི། །བཀྲ་གསལ་གཟུགས་ལ་སོགས་པའི་དཀྱིལ་འཁོར་དྲུག་ཉིད་ཡེ་ཤེས་ཀྱིས། །རྟོགས་པའི་སྙིང་པོ་ལོངས་པས་ལྷུན་གནས་བདེ་ཆེན་གྱི་ངང་དུ་མཉེས་པ་དེ་ཁོ་ན་ཉིད་ཡིན་ནོ། །གང་ལྟར་འདོད་ཡོན་དྲུག་ཉིད་ཆོས་ཉིད་ཡེ་ཤེས་ལྷ་ལ་ལྷ་ཐིམ་པའི་དོན་གསུམ་རྫོགས་པ་ནི། ༈ །སྣང་བ་སྣོད་སྲིད་པ་བཅུད་ཐམས་ཅད་མ་སྤངས་པར་སེམས་ཉིད་དུ་ཤེས་པས་ལྷག་པ་ཏིང་ངེའི་མཆོད་པ་གནས་སུ་སྟོབས་པའོ། ༈ །མུ་མཐའི་ཕྱོགས་རིས་སུ་འཛིན་པའི་རྟོག་པ་ཆོས་ཉིད་ཀྱི་ངང་དུ་བསྒྲལ་བ། ༈ །དེས་ན་དོན་གྱི་གནས་ལུགས་ལ་སྦྱར་བས་མཆོད་བའང་ཡིན་ནོ། ༈ །ཆོས་ཉིད་ཀྱི་ངང་ལས་རོལ་མོའི་སྒྲ་མ་འགགས་པར་བྱུང་༼༠༽ནས། །དེ་༼༠༽ ཡིས་འགྲོ་བའི་དོན་དུ་བློ་དང་འཚམ་པའི་ཆོས་སྒྲ་དང་རྒྱལ་བ་རྣམས་བསྟོད་དབྱངས་ཀྱིས་རྒྱས་པར་མཆོད་པས་རོལ་མོ་ཡེ་ཤེས་སོ། ༈ །མཆོད་བཤགས་ལན་གསུམ་བརྗོད་པས་ཆོ་གའི་ལྷག་ཆད་དམ་ཚིག་གི་ཆག་ཉམས་ཚེ་རབས་ཀྱི་སྒྲིབ་པ་པ་གསུམ་བསྐངས་པ་ཡིན། ༈ །སྐུ་དང་གསུང་དང་ཡོན་ཏན་དང་ཕྲིན་ལས་དང་ཐུགས་དང་། །སྤྱིར་བསྡུས་ཏེ་བསྟོད་པ་དང་དྲུག་ཕྱི་དང་ནང་དང་གསང་བ་དང་དོན་དང་བཞི་རུ་བསྟོད་དོ། ༈ །དགོངས་སུ་གསོལ་བ་དང་མཆོད་པ་དང་བཤགས་པ་དང་དངོས་གྲུབ་སྩོལ་བ་དང་ཕྲིན་ལས་བཅོལ་བ་རྣམས། །ཡེ་ཤེས་ཅན་ལ་དེ་ལྟར་འདོད་པས་སྨོན་ལམ་གདབ་པ་ཕྱི་དང་། །ལྟེ་བ་སྙིང་ཁ་མགྲིན་པ་སྤྱི་བོ་འཁོར་ལོ་བཞི་རུ་རྒྱུ་བའི་རླུང་ལུས་ཟུངས་བཅུད་དང་འབྲེལ་བ་སྲོག་འཛིན་ཤེས་རྟེན་སྙིགས་མ་ལུས་ཀྱི་ལས་བྱེད་གསུམ་ལས་སུ་རུང་བ་ལས། །བདེ་བའི་ཡེ་ཤེས་སྟོང་པའི་རྒྱས་ཐེབས་པའི་ནམ་མཁའི་གཟུགས་ཅན་དུ་སྨོན་པ་ནང་དང་། །གསང་བའི་ཁམས་གསུམ་རོལ་པའི་བདེ་གསལ་ངོས་མེད་སྐྱེ་བར་སྨོན་པ་གསང་བ་དང་། །མ་ནོར་མ་བཅོས་པའི་ངང་ཉིད་དུ་གནས་དེ་ཁོ་ན་ཉིད་དོ། ༈ །ཉེས་པའི་སྐྱོན་ལས་གྲོལ་བ་དང་ལེགས་པའི་ཡོན་ཏན་རྫོགས་པར། །འདོད་པའི་དོན་ལ་གསོལ་བ་གདབ་པ་ལ་བཞི་སྦྱར་བའང་སྨོན་ལམ་དེ་ལྟར་ཉིད་དོ། ༈ །ཐུན་མོང་གི་སྒྲུབ་པ་ཚེ་དབང་དང་པྲ་ལ་སོགས་ནུས་པ་ལ། །བརྟེན་ནས་ཁྱད་པར་གྱི་དོན་སངས་རྒྱས་སྒྲུབ་པའམ། །ཡང་ན་ཁྱད་པར་རྟོགས་གོམས་ཀྱི་ངང་དུ་ཐུན་མོང་ཐམས་ཅད་རྫོགས་པར་གནས་པས། །ཁྱད་པར་ཕྱི་ཞོར་ལ་ཐུན་མོང་གི་ནུས་པའི་རྩལ་རྫོགས་པར། ༈ །བསྒྲུབ་པ་གང་བྱེད་ཀྱང་བསྙེན་པ་དང་ཉེ་བསྙེན་དང་སྒྲུབ་པ་དང་སྒྲུབ་པ་ཆེན། །པོ་དང་བཞི་པོ་ལམ་ལམ་གྱི་ནི། སྟོང་སྒྱུ་༢བསྙེན་པ། གཅིག་སྤྲོས་༢ཉེ་བསྙེན། ཚོགས་སྒྲུབ་སྒྲུབ་པ། དངོས་གྲུབ་༼ལམ་༽ལེན་པའམ་ཨཱ་༼སྦྱར་༽ལི་ཉམས་སུ་ལེན་པ་སྒྲུབ་ཆེན་པོ། སྦྱོར་བའི་ནི་ཡུམ་མཚན་ལྡན་རྙེད་ནས་ཆོས་བཤད་པ་༼བསྙེན་པ་༽བྱིན་གྱིས་རླབས་ནས་བདེ་བ་རྒྱས་པ་༼ཉེ་བསྙེན་༽ཕྱག་རྒྱ་བཞིས་སྙོམས་པར་ཞུགས་པ་༼སྒྲུབ་པ་༽ཐིག་ལེ་གནས་སུ་བཟློག་པའོ། །༼སྒྲུབ་ཆེན་༽སྒྲུབ་པའི་ནི་སྒྲུབ་ཐབས་གང་བྱེད་ལྟར་རོ། །དུས་དང་སྦྱོར་བ་ཐབས་ཀྱི་དང་སྒྲུབ་པ་དུས་ཀྱི་དང་དོན་དང་བཞི་ལ་སྦྱོར་རོ། ༈ །སེམས་དཔའ་རྣལ་འབྱོར་ཡོ་ག་པའི་ཚུལ་དུ་ཡེ་ཤེས་པ་དང་དམ་ཚིག་པ་ཕྱེ་ནས་ཕར་འཕྲོས་པས་སྒྲིབ་པ་སྦྱོང་བ་དང་དབང་བསྐུར་བ་དང་དངོས་གྲུབ་བསྐུལ་ལ། །ཚུར་འདུས་པས་དངོས་གྲུབ་ནོད་པ་དང་ཕར་མི་སྤྲོ་བར་ཚུར་སྡུད་པ་འབའ་ཞིག་ཏུ་བྱ་བ་དང་། །ཡབ་ཡུམ་གྱི་ཞལ་དང་མཁའ་གསང་སྤྲད་ལ་འཕྲོ་འདུ་འགལ་མེ་ལྟར་བསྐོར་བས། །ཚུར་ཐིམ་པས་སྒྲིབ་པ་སྦྱོང་བ་དང་ཕར་འཕྲོ་བའི་ཏིང་ངེ་བྱེད་པས་དོན་བདེ་སྟོང་ཉིད་གསལ་བ་དང་། །སྣང་༡བ་གྲགས་༢པ་དྲན་༣རིག་གསུམ་སྐུ་༡དང་གསུང་༢དང་༣ཐུགས། །ཀྱི་ངང་དུ་རྫོགས་པའི་ཏིང་ངེ་ནི་ཕྱིའི་འཛབ་ཀྱི་གསུམ་ཚུལ། །རྩ་བའི་འཁོར་ལོ་བཞི་ལ་རྐྱེན་གྱི་འཁོར་ལོ་གཉིས་ཀྱིས་བསྐུལ་བས་ལྟེ་བ་དང་རྩ་འདབ་ལ་ཡིག་འབྲུར་རྫོགས་པ་ནི། །ནང་གི་འཛབ་ཡིན་ལ། ༈ །རྩ་དབུ་མ་རྟེན་ཐིག་ལེ་རྟེན་ཅན་དགའ་བ་བཅུ་དྲུག་གི་རྩ་མདུད་དང་ལྡན་པ་ནས། །ཐིག་ལེའི་ཕྲེང་བས་འགལ་མེ་ལྟར་བསྐོར་བཟློག་བྱས་ནས་གསང་བའི་འཛབ་བཟླས་པའོ། ༈ །ལྟ་བ་རྟོགས་༼༠༽པ་དང་དེའི་ངང་དུ་གནས་༼ཉེ་བསྙེན་༽ པ་དང་། དེ་ལ་རྒྱུན་དུ་གོམས་པ་དང་། དེའི་དོན་མཐར་ཕྱིན་༼སྒྲུབ་ཆེན་༽པ་བཞི་ནི། །དེ་ཁོ་ན་ཉིད་དོན་གྱི་བསྙེན་སྒྲུབ་སྟེ་རང་ལ་གནས་ཤིང་རྫོགས་པའོ། ༈ །འཛབ་བསྐུལ་ཞིང་འཛབ་བསྟོད་པའང་འཛབ་ལ་ཡོད་པ་དེ་བཞིན་ནོ། ༈ །འཛབ་སྟོང་སྟོང་གི་ཚིགས་སམ། ནངས་དགོང་གུང་གཉིས་ཏེ་ཐུན་བཞིར་ཚོགས་ཀྱིས་མཆོད་པའང་། །དགའ་ལྡན་ལྷ་དང་འབྱོར་ལྡན་ཡོ་བྱད་དང་སྒྲུབ་པ་པོ། །རྡོ་རྗེ་ལས། སྐྱེ་བོ་མཛའ་བ་ཀུན་ཚོགས་པ། །རྣལ་འབྱོར་འདུས་པའི་ཚོགས་ཞེས་བྱ། །ཞེས་སོ། །རྣལ་འབྱོར་འདུས་པའི་ཚོགས། །བྱིན་གྱིས་བརླབ་པའི་དགོངས་པ་གཏོར་མའི་མཆོད་པའི་སྐབས་སུ་ཤེས། །ཅི་ནུས་སུ་འབྱོར་པས་འབད་པར་བྱ་བ་ཡིན། ༈ །རྣལ་འབྱོར་པ་དང་དམ་ཚིག་ཅན་གྱི་ལས་བྱེད་དམ་ཅན་མཁའ་འགྲོ་མའི་ཚོགས་རྣམས་ལ། །ལྷག་མ་ལ་ཁ་ཆུ་བྲན་ལ་ཅི་འདོད་པས་མཆོད་ཅིང་བསྐང་། །ཕྲིན་ལས་བཅོལ་བཤགས་པ་བྱ་དམ་ཚིག་བསྒྲགས། །ལས་རྗེས་བཀྲ་ཤིས་པའི་ཕྱིར་གཏོར་མའི་ཆ་གཅིག་མེ་ཡི་ལས། །སྦྱིན་སྲེག་རྫོགས་པར་བྱ་ཆ་གཅིག་གཏེར་དུ་སྦ། །ཆ་གཅིག་ཡང་ན་བོད་ཁམས་ཞིང་སྐྱོང་མ་སྐྱོང་བའི་བརྟན་མ་མཆོད་ལ་འགྲོ་དྲུག་ལ། །མཆོད་སྦྱིན་བྱ་བ་ནི་རིན་ཆེན་མཆོད་སྡོང་དུ་དམིགས་ལ་བསྔོའོ། །དཀྱིལ་འཁོར་བསྡུ་ཞིང་རྟག་པའི་མཐའ་བསལ་ལྷར་བསྐྱེད་ལ་ཆད་མཐའ་བསལ། །རྒྱ་ཁྲམ་གྱི་གོ་ཆ་དང་ཁྲོ་བོས་ལུས་བསྲུངས་ཏེ་དགེ་བའི་རྩ་བར་འཁོར་གསུམ་མི་རྟོག་པས་བསྔོ། །བཀྲ་ཤིས་གསོལ་ཞིང་སྤྱོད་ལམ་རྒྱུན་གྱི་ཏིང་ངེའི་ངང་དུ་གནས་པར་བྱའོ། ༈ །དེ་ཡང་རྡོ་རྗེ་སེམས་དཔའ་ཉིད་དུ་བསྒོམས་པའི་རྣལ་འབྱོར་པས། །རྒྱལ་བའི་ལམ་ཀུན་མ་ནོར་བསྒོམས་པ་ཡིན། །བསྒྲུབ་པ་དེ་ཡང་གོང་གི་དེ་ཀུན་དོན་ཕྱི་ནང་གསང་བ་དེ་ཁོ་ན་བཞི་བཞིར་ལྡན་པ། །ནི་ཡོ་ག་བཞིའི་དགོངས་པ་རྣལ་འབྱོར་པ་གཅིག་གི་ལམ་དུ་བཀྱེར་བའོ། ༈ །ལུས་སྐྱེད་པའི་ཁམས་འབྱུང་བ་ལྔ་ལ་རང་གྲོལ་གྱི་རྩལ་ཞན་ཏེ་རིག་སྟོབས་མ་ཞུགས་པས། །ཚེའི་རྒྱུན་ཟད་དེ་དུས་སུ་འཆི་བའམ། འཆི་བའི་རྐྱེན་གཞན་གྱིས་དུས་མིན་པར་འཕོ་བའི་ཚེ་ན། ༈ །སྙིང་གི་ནང་གི་ཡེ་ཤེས་སེམས་དཔའ་སྐུ་དང་། ཕྱག་མཚན་གྱི་ལྟེ་བའི་གསུང་ཐུགས་ཀའི་ཕྱག་མཚན་དང་གསུམ་གསལ་བ་ལ། །ཡང་དང་ཡང་དུ་འདྲིས་བྱས་ནས། །དབུགས་དང་སྐུ་གསུང་ཐུགས་དེར་བཅས་པའི་འོད་ཀྱིས་ཕྱོགས་བཅུ་ཀུན་ཁྱབ་པར། །གསལ་བའི་ངང་དུ་འདའ་བར་བྱའོ། །གསུམ་པོ་དེ་ཡང་ཏིང་ངེའི་སྟོབས་ཆུང་བས་མ་འཆུན་ན། །སྐུ་འམ་ཐུགས་མཚན་ནམ་གསུང་གི་གཟུགས་གསུམ། །པོ་གང་རུང་གསལ་བ་ཞིག་མདུན་དུ་བསྒོམ་པ་མིན་རང་གི་རིག་པ་ཉིད། །དེ་ལ་འདྲིས་པར་བྱས་ལ་དབུགས་ཕྱི་ནང་དུ་རྒྱུ་བའི་ཀྱི་རྟ་ལ་བསྐྱོན་ཅིང་བསྒོམ། །དབུགས་དང་འབྲལ་ཚེ་ཧཱུྃ་རིང་པོར་ནར་གྱིས་དྲངས་པའི་རྒྱུན་དེ། །སྤྱི་བོ་ཚངས་པའི་བུ་གའམ་སྨིན་མཚམས་ཀྱི་མཛོད་སྤུ་འམ། །གཟུགས་གསལ་བའི་མིག་གི་སྒོའམ་དབུགས་འབྱུང་བའི་སྒོ་ཁ་སྣའམ་གང་ཡང་རུང་བ་ནས། །དབུགས་ཀྱི་རྒྱུན་ནམ་མཁའ་ཐམས་ཅད་ལ་ཁྱབ་པ་ལྟར་དུ། །འོད་ཀྱིས་ཕྱོགས་བཅུ་ཀུན་ཁྱབ་པའི་ངང་དུ་གདལ་ལ་འདའོ། །སྲིད་པའི་བར་དོ་རིག་པ་འོད་གསལ་ལངས་ནས་དྲན་པ་རྙེད་པའི་ཚེ། །འདའ་ཚུལ་གྱི་རྒྱུན་ཏིང་ངེ་བླངས་ཏེ་སྐུ་གསུང་ཐུགས་སུ་གསལ་ན། །ཡི་གེ་འཁོར་ལོ་ཚོགས་ཆེན་གྱིའི་ས་རུ་མཐར་ངེས་པར་ཕྱིན་ཏེ་གནས་པ་ནི། །སྔགས་ཏེ་ལྷ་སྒོམ་པའི་གྲོལ་ས་ཉེ་ལམ་དམ་པ་ཡིན་ནོ། ༈ །ནང་སྟེང་གི་སྒོའི་ལམ་བསྒོམ་པ་ལ་གནས་པའི་རྣལ་འབྱོར་པ་འདའ་བའི་ཐབས་ནི། །རྩ་བ་རྟེན་བྱེད་པས་ལུས་ཐིག་ལེ་ཡི་གེའི་དབྱིབས་སུ་ཡོད་པས་ངག་གསལ་བར་རིག་པས་ཡིད། །གསུམ་པོ་སྐུ་གསུང་ཐུགས་སུ་ཡང་ཡང་དུ་འདྲིས་ཤིང་གོམས་པར་གནས་པར་བྱས་ལ། །དེ་དག་སྙིང་ཀར་དྲིལ་ནས་སྙིང་དཔལ་གྱི་བེའུ། །ཉིད་སྐུ་གསུང་ཐུགས་སུ་མཚོན་པའི་རྟགས་ཀྱི་ཡེ་ཤེས་སེམས་དཔའ་ཚད་ཚོན་གང་བ། །གནད་དུ་ཐེབས་ཏེ་འཆི་ངེས་ནས་རླུང་གིས་འཕང་། །འོད་གསལ་མིག་གི་ལམ་ནས་འཐོན་ནས་ནི། །ཆོས་ཀྱི་དབྱིངས་ཀྱི་ཞིང་དུ་འོད་བདལ་ཏེ་འདའ་འོ། །བར་དོར་དེའི་ཚུལ་བླང་བ་ནི་ཡེ་ཤེས་སེམས་དཔའི་སྐུ་རུ་འོད་ཀྱི་ལུས་སུ་གསལ་བ་དེ་བསྒོམ། །རིག་པ་གསུང་དུ་ངོ་སྤྲད་གསལ་བའི་ཆ་ཐུགས། །ཀྱི་ངང་དུ་ང་རྒྱལ་བའི་གནད་དུ་བཞུགས་ན་གྲོལ་ལོ། ༈ །འོག་སྒོ་གསང་བའི་ལམ་ཉམས་སུ་ལེན་པ་ལ་གནས་ནས་འདའ་བའི་ཚེ། །རྟེན་ཐིག་ལེ་རྟེན་ཅན་བདེ་བ་དང་ལྡན་ཞིང་ངོ་བོས་སྟོང་པ་དེ་ཉིད། །བ་ཐག་ཙམ་གྱི་རྩ་དབུས་མའི་ནང་ན་གནས་པ་ལ་ཤིན་ཏུ་འདྲིས་པར་སྦྱང་། །གསང་བའི་འོག་མིན་ཡུམ་གྱི་བྷ་གའི་གནས་ན། །སྟོན་པ་རྡོ་རྗེ་འཛིན་པ་ཡབ་ཡུམ་དག །འཁྲིལ་སྦྱོར་གྱི་བདེ་ཆེན་དང་ཐུགས་རྗེ་དང་སྟོང་ཉིད་ཀྱི་ངང་། །རྒྱུན་དང་བཅས་པར་ཏིང་ངེ་གསལ་བའི་འོད་ཀྱིས་ཁྱབ་པར་མོས་པ་བྱས་ལ། །རླུང་གིས་རྒྱུ་བའི་རྩ་གནས་སྤྱི་བོ་ཚངས་པའི་ལམ་ནས། །འཐོན་ཏེ་ཡབ་ཡུམ་མཁའ་གསང་གཉིས་དབྱེར་མེད་ཀྱི་དབྱིངས་སུ་འཕང་བའི། །ཚུལ་དེས་འདའོ། ༈ །བར་དོར་རིག་པ་ལངས་པའི་ཚེ་ཡབ་དང་ཡུམ། །ཆོས་ཀྱི་དབྱིངས་ཀྱི་ཞིང་ཁམས་ཉིད། །ཐིག་ལེ་ལ་བརྟེན་པའི་རང་འོད་བདེ་བ་སྐུ། །དེ་རུ་གསལ་བའི་ཡེ་ཤེས་མ་འདྲེས་ལ་ཡོངས་སུ་རྫོགས་པའི་ངང་དུ་བསྒོམ་མོ། །དུས་འདིའི་ཚེ་དེ་དག་ལ་འདྲིས་ན་གྲོལ་བར་ཐེ་ཙོམ་མེད་དོ། ༈ །དེ་ཁོ་ན་ཉིད་རྟོགས་པའི་ངང་དུ་གནས་པ་འདྲིས་ཏེ་གོམས་པའི་གདེང་ཆེན་པོ་དང་ལྡན་པ་ལ། །འཕོ་བའི་གནས་དང་འཐོན་པའི་ལམ་ལ་ཕྱོགས་རིས་མེད་པར་ཡེ་ནས་ཁྱབ་གདལ་བ་ཆེན་པོ་ལ་གྲོགས་མཆོག་གམ་བླ་མས་དེ་ལྟར། ། བསྐུལ་ཞིང་རང་གིས་གོམས་པ་ལས་སུ་རུང་བ་ལ། །དེ་ཡི་ངང་དུ་འདའོ། ༈ །བར་དོའི་ཚེའང་། །འདོད་པས་ཁྲིད་པའི་རིག་པ་གོང་གི་དེ་ལྟར་ཤེས་ནས། །ངང་དུ་གནས་པ་དེ་གྲོལ་བ་ནི། །ལྟ་སྒོམ་གྱི་གནད་ཀྱིས་འཁྲུལ་པ་རང་གྲོལ་ཉིད་ཀྱིས་ཟིན་ནས ༴ ཞེས་པ་གསུམ་དྲང་། ཉེ་དུས་ཡིན། ༈ །གལ་ཏེ་གཞན་ཚེ་འདས་པ་དག་ལས་ཅན་སྣོད་ལྡན་ཞིག་ཡིན་ན། །རྟེན་འབྲེལ་ཕུན་སུམ་ཚོགས་པར་ཚང་བས་བསྒྲལ་བ་ནི། ༈ །གནས་༡བཟང་པོ་དང་ས་༣གཞི་ལེགས་པར་༢བརྟགས་༤བསྙམས། །གཞུང་བཞིན་བྱས་ཏེ་རྫས་མ་ལུས་པ་འཚོགས་པ་དང་། སྔར་རིགས་ལྔ་གོམས་པའི་འཕྲོར་སྦྱང་ངམ། །ཐུགས་ཀྱི་རིགས་ཀྱི་ངང་དུ་རིགས་ལྔ་པོ་ཐམས་ཅད་འདུ་བས། །ཁྲོ་བོའི་དཀྱིལ་འཁོར་རྒྱས་པ་དང་འབྲིང་པོ་དང་བསྡུས་པ་གང་ཡང་རུང་བ་ཡི། །གཙོ་བོ་ཡབ་ཡུམ་སྙིང་པོ་ཧཱུྃ་གཉིས་ཀྱི། །བར་དུ་གདུལ་བྱའི་སྙིང་པོ་ནྲྀ་ལྗང་གུ། །ཚེ་འདས་རང་གི་དམ་རྫས་དང་ཐལ་ཆེན་ལས་གཞི་བྱས་པའི་ཚོན་ལས་དལ་དང་སྙིང་པོ་བྲི། ༈ །མ་བསྲེགས་ན་ཕུང་པོ་བསྲེགས་ན་རུས་བུ་དེ་གཉིས་མེད་ན་དྲི་མ་དང་བཅས་པའི་གོས་ལ་ལུས་ཀྱི་རྟེན་བྱ། །མིང་རུས་དང་ལྡན་པའི་སྐྱབས་སུ་གསོལ་བའི་ངག་རྟེན་མཚན་བྱང་སྙིང་ཀར་གདགས། །ཡིད་ཀྱི་རྟེན་སྲོག་ཤིང་སྨྱུག་མ་མདངས་རྟེན་མེ་ལོང་གདུགས་དང་འཕན་ཕྲན་དང་། །ན་བཟའ་ལྷབ་ལྷུབ་དང་གསོན་པོའི་ཆས་ཇི་ལྟ་བས་རབ་ཏུ་བརྒྱད་པའི་རྟེན་དེ། །རྡུལ་ཚོན་གྱི་ཁ་ལ་སྟེགས་བཅས་ལ་ཤར་སྒོར་གཞག་གོ། ༈ །ཞི་བ་རྡོ་རྗེ་དབྱིངས་ཀྱི་མཎྜ་ལ་དཀྱིལ་འཁོར་བྲིས་པ་ལ། །ལྷ་སོ་སོའི་སྙིང་པོར་ལྡན་པའི་གཙོ་བོ་ཡབ་ཡུམ་གྱི་སྙིང་པོའི་བར་དུ། །ཚེ་འདས་པའི་གསང་བའི་མིང་དང་བཅས་པ་བྲིས་ཏེ་སྤྱི་བོར་གདགས་སོ། ༈ །བུམ་པ་ལྟོ་བ་དང་མགྲིན་པ་ལ་སོགས་པ་མཚན་ཉིད་དང་ལྡན་པ་མ་ཉམས་ཏེ་གས་ཆག་མེད་པ། །དྲི་མ་དག་བྱས་རྩ་བ་ཞབས་སྟེགས་དང་ལྡན་པ་བཤམས་ཏེ། །བགེགས་བསྐྲད་གུ་གུལ་དང་སྤོས་ཀྱིས་བདུག་རྩ་བ་ཞི་བའི་ལྷ་བསྐྱེད་དེ་ཡན་ལག་ལྷ་དང་ལྡན་པ་ལ། །དེ་ལ་ཡེ་ཤེས་སྤྱན་དྲང་སྟེ་རབ་གནས་བྱ་སྙིང་པོ་ལྔ་སྨན་ལྔ། །རིན་ཆེན་ལྔ་བདུད་རྩི་ལྔ་དྲི་ལྔ་འབྲུ་ལྔ། །བ་དམར་མོ་དང་ར་དཀར་མོའི་འོ་མས་དགང་། ༈ །རྟེན་འབྲེལ་རྫས་ཀྱི་ནུས་པས་འབྲས་བུའི་རྟེན་འབྲེལ་སྒྲུབ་པས་ན། །རྫས་ཚང་བ་ཉིད་དུ་བྱ་བར་རབ་ཏུ་གཅེས་སོ། །དེ་ཡང་སྔགས་པ་རྟོགས་པའི་ལྟ་བ་གསལ་ཞིང་གོམས་པ་ཏིང་འཛིན་བརྟན་པ། །དམ་ཚིག་ལ་གནས་སམ་རིག་སྔགས་པ་གྲུབ་པས་བྱ། །ཉེ་དྲུང་གཤིན་ལ་བརྩེ་གདུང་ལྡན་པའི་རྟེན་འབྲེལ་ཚང་ན། །འགྲུབ་པར་འགྱུར་ལ་མི་ལྡན་ན་ནུས་པ་ཆུང་ངོ་། ༈ །ཕྱི་རུ་ཆ་གསུམ་གཏང་སྟེ། དང་པོས་གཙང་རིས་༡ཀྱི་མགོན་པོ་དང་། བར་པས་༡འགྲོ་བ་རིགས་དྲུག་ལ། །ཐ་མས་ལན་ཆགས་པ་ལ་༡མཆོད་སྦྱིན་༡སྦྱང་། །སྲུང་འཁོར་གྱི་མཚམས་ཀྱིས་བཀའ་བསྒོ་བ་བྱ་སྨོན་ལམ་གདབ་བདེན་པ་བདར། ༈ །ཟ་འདྲེ་གདུལ་བར་བྱ་ཡི་དྭགས་ཁོག་བསྲུང་ཁྲོ་བོ་སྤྲུལ་པ་ཚར་གཅད་ཅིང་བགེགས་བསྐྲད། །དོན་བྱ་བའི་གནས་ཁྲོ་བོ་སྤྲུལ་པས་དགུག་ཅིང་རྟེན་བཅས་པ་དེ་དག་ལ་བསྟིམ། །ལྕགས་ཀྱུ་གཟུང་ཞགས་པས་བཅིང་ལྕགས་སྒྲོག་གིས་བརྡམ་དྲིལ་བུས་བདེ་བར་གནས་པར་བྱ། །ལན་ཆགས་ཀྱི་བགེགས་ལ་བླ་གླུད་ཀྱིས་ལན་ཆགས་སྦྱང་ཞིང་ཤེས་པ་ཅི་ནས་ཀྱང་ཁུག་པར་བྱ། ༈ །ཁུག་ནས་ཡན་ལག་བདུན་པ་ཚེ་འདས་ཀྱང་བྱེད་པའི་ཚུལ་དུ་ཡིད་ཀྱིས་བཟུང་ལ། །བྱིན་དབབ་ཆོས་བཞིས་སྒྲིབ་པ་སྦྱང་རང་གི་ལྷར་བསྐྱེད་འཁོར་ལོའི་ཕྱག་རྒྱས་བསྲུང་བ་གསུམ་བྱིན་དབབ་པ་དངོས་དང་བཞིའོ། ༈ །རྡོ་རྗེ་རྒྱལ་པོ་དོན་གྱི་སྦྱོངས་དགོངས་པར་གནས་པར་བྱ། །རྡོ་རྗེ་རྒྱལ་ཚབ་ཀྱིས་ཚེ་འདས་དེ་ཡིས་སྒྲིབ་པ་སྦྱོང་ཞིང་ལྷར་སྐྱེད། །རྡོ་རྗེ་ལས་མཁན་གྱིས་ཆོ་ག་ལས་ཀྱིས་གཞུང་བསྲངས་ནས། །རྡུལ་ཚོན་དཔེ་ཆུང་བུམ་པར་ཞི་ཁྲོ་གཉིས། ཞི་ཁྲོའི་ཏིང་ངེ་འཛིན་གྱི་དལ་གཉིས་ཏེ་དཀྱིལ་འཁོར་དྲུག་གི་ཡེ་ཤེས་པ་དང་ལྡན་པའི་སྦྱོར་མཚམས་ཀྱི་འོད་ཟེར་གྱིས། །གང་དོན་བྱ་བའི་གནས་ཚེ་འདས་ཀྱི་རྟོག་ཚོགས་ལྷའི་དལ་དུ་དག་པར་ཕྱི་དང་ནང་དང་གསང་བའི་དང་དོན་དེ་ཁོ་ན་ཉིད་དུ་སྦྱང་ང ོ་། །དེ་ལྟར་ཐུན་བཞིར་སྦྱོར་བས་ཅི་ནུས་ཚད་དུ་འབད་དོ། ༈ །ཐུན་མཚམས་སུ་ཚོགས་གཏང་ལྷག་མ་བསྔོས་ལ་ལས་ལ་དགྱེ། །སྦྱིན་སྲེག་མེ་ཡི་ལས་པས་མེ་ལྷ་མཆོད། །ཐུགས་རྗེའི་སྦྱིན་པ་ཆ་གསུམ་དུས་བཞིར་མགྲོན་གསུམ་དགྱེའོ། ༈ །ནུབ་ཐ་མ་ལ་རྫས་དང་ཡོ་བྱད་བསྟར་ཏིང་ངེ་འཛིན་བསྒྲིམ། །ཐབས་དང་ཤེས་རབ་རྟེན་རྫས་མདའ་གཞུ་ལ། །གཞུ་ཕ་རོལ་ཏུ་ཕྱིན་པ་བཅུ་དང་མདའ་ཡེ་ཤེས་ཀྱི་ཁྲོ་བོ་བཅུའི། །རབ་གནས་དང་ལྡན་པ་ནི་སྟ་གོན་དུ་གནས་པར་བྱའོ། ༈ །གཤེད་པོ་འདུལ་བ་དང་གླུད་སྦྱོང་བ་དྲག་པོས་ཐུལ་བའི་ཚད་ལ་ཕེབས་པར་དབབ། །ཚེ་འདས་ཀྱི་རྟེན་རྫས་དང་རིག་པར་ལྡན་པ་ལུག་ལ། །ཚེ་འདས་ཀྱི་ཤེས་པ་བསྟིམ་ཞིང་ཁུག་མ་ཁུག་གི་པྲ་བལྟ་ཁུག་པ་དང་། །བདག་ཏུ་འཛིན་པའི་རྣམ་རྟོག་རུ་ཏྲ་གསུམ་ཆོས་ཉིད་ཀྱི་ངང་དུ་བསྒྲལ། ༈ །རིག་པ་ཧཱུྃ་དུ་གནས་པའི་ཤེས་རབ་གཞུ་དང་ཡེ་ཤེས་ཐབས་ཀྱི་མདའ་གཉིས་ཀྱིས། །གཙོ་བོ་ཡུམ་གྱི་མཁའ་ལ་བསྒྲལ་ཏེ་མདེའུ་རྩེ་ལ་ཡི་གེ་ཧཱུྃ་འམ། །ཐིག་ལེ་འོད་ལྔ་དང་ལྡན་པ་བླངས་ལ་འོག་མིན་དུ། །སངས་རྒྱས་ནི་གཉིས་སྦྱོར་བ་མཛད་པའི་ལྷུམས་སུ་ཕཊ་ཀྱིས་འཕངས་ཏེ་ཡུམ་གྱི་མཁར་གདལ་བ་ལ། ༈ །ཡབ་ཡུམ་གྱི་བྱང་ཆུབ་ཀྱི་སེམས་བོ་དྷི་ཙིཏྟས་དབང་བསྐུར་ཏེ་ཆོས་སྐུ་ལས་གཟུགས་སྐུར་བཞེངས་ལ། །འགྲོ་བའི་དོན་ལ་བསྐུལ་དབུ་རྒྱན་ལ་སོགས་པས་དབང་བསྐུར་ལྷ་མོ་བཅུ་གཉིས་དང་སུ་ར་ཏོས་མཆོད་རུ་ལུ་གར་གྱི་བྲོས་བསྟོད་ཅིང་དབུལ་༼བསྐུལ་ཟེར་༽བའོ། ༈ །དེ་དག་ཏིང་ངེས་དོན་ལ་སྦྱར་གསལ་འདེབས་ཀྱི་ཞིང་ཚིག་གི་བརྡས་དགྲོལ་ལོ། །རྟེན་འབྲེལ་ཚོགས་པའི་ནུས་པས་ཁྱད་པར་འཕགས་སོ། ༈ །གཤིན་གྱི་དོན་ཕུང་པོ་གཏེར་ལྟར་དུ་བཞུགས་སམ་སྦྱང་མེས་སྦྱང་བའོ། ༈ །བཞུགས་ན་མཆོད་རྟེན་ལུས་གང་ཚད་ལྡན་པ། །གྲུ་བཞི་ལྷམ་པར་བྱས་པའི་བུམ་པར་བཞུགས་པའམ། །རི་རབ་རྨང་གི་ཁོང་སེང་བྱི་དོར་ཞ་ལ་དང་བྱུག་པ་བྱས་ལ། ༈ །སྔར་རྫོགས་པའི་དབང་རྣམས་བསྐུར་རོ། །སྔར་མ་རྫོགས་ན། །རྡོ་རྗེ་རྒྱལ་པོས་ཡན་ལག་ལྔ་ནི། །དབུ་༼ཀ༽ཕྱག་གཡས་༼ཁ༽གཡོན་༼ག༽ཞབས་༼ང༽གཡས་གཡོན།༼ཅ༽ །སྐུ་༼ཀ༽ཐུགས་༼ཁ༽ཡོན་༼ག༽ཏན་པདྨ་༼ང༽ཕྲིན་ལས།༼ཅ༽ །ཐུགས་༼ཆ༽ཀར་ཀུན་བཟང་ལྟེ་༼ཇ༽བར་འདུས། །མཆིན་༼ཉ༽ལོགས་གཡས་པར་མཁའ་འགྲོ་མ། །འཇམ་༼ཀ༽ དཔལ་ཡང་༼ཁ༽དག་༼ག༽བདུད་རྩི་དང་། །དབང་༼ང༽ ཆེན་རྡོ་༼ཅ༽རྗེ་སྲིན་པོའི་ཚོགས། །དོན་༼ཆ༽རྫོགས་ལུང་༼ཇ༽མདོ་མ་༼ཉ༽ མོ་ཡི། །དེ་དག་ཏུ་དཀྱིལ་འཁོར་བརྒྱད་པོ་ཏིང་ངེས་བཀོད་ཡེ་ཤེས་པ་དྲང་བསྟིམ་མཆོད་བསྟོད་ཀུན་བྱས་ནས། །དབང་ཕྱུག་བདག་ཉིད་འཇུག་བུ་འཇུག་པར་གསོལ་བ་གདབ་དེ་ནས་བུ་གཞུག་པའི་ཆོ་ག་བྱ་བ་ནི། །གསོན་པོ་དངོས་སུ་འཇུག་པ་དང་བར་མ་དོའི་སེམས་ཅན་གཉི་གའི་ལམ། །ཕན་ནུས་གསང་དབང་ཤེར་བདེ་ཆེན་དང་དབང་ལྔ་རྫོགས་པར་བྱས་ཏེ་མཆོད་རྟེན་དེར་བཞུགས་པ་ལ། །ཕུང་པོ་སྲོག་ཆགས་འབྲུ་དང་བྲལ་ཐབས། །རོའི་ཕྱི་དང་ཁ་ནས་ནང་དུ་བསིལ་སྨན་ག་པུར་ཆུ་བཏབ་སྟེ་ནང་སྦྱངས་ནས། །དར་རམ་རས་ཀྱི་ཆས་ཀྱིས་བསྡམ་ལ་ཅི་བདེར་གཞག་གོ། ༈ །དེ་ལ་ནམ་ཟླ་དུས་བཞིར་མཆོད་ཅིང་བསྟོད་ན་བཀྲ་ཤིས་བྱིན་ཆེའོ། ༈ །ཕུང་པོ་སྦྱངས་ན་ས་ཡི་བྱ་བའི་ཆོ་ག་རྒྱས་པར་བྱ། །དཀྱིལ་འཁོར་བཞེངས་པ་དང་བསྲེག་ཁང་བརྩིག་པ་རྣམས་རོ་བསྲེག་གི་གཞུང་བཞིན་དུ་དགོད། ༈ །རོ་ཡི་བྱ་བ་ཁྲུས་དང་དག་ཡིག་ལ་སོགས་པ་ལེགས་པར་རྫོགས་པར་བྱ། །ཚེ་འདས་རྣམ་ཤེས་བཀུག་ཅིང་སྒྲིབ་པ་སྦྱང་པ་ལ་ལྷར་བསྐྱེད། །དབང་བསྐུར་བསྲེག་ཁང་གི་ནང་དུ་རྩལ་ལ་གཞག་གོ། ༈ །རྡོ་རྗེ་རྒྱལ་པོས་དོན་གྱི་སྦྱོངས་དགོངས་པ་ལ་མཉམ་པར་གནས་པར་བྱ། །རྡོ་རྗེ་རྒྱལ་ཚབ་ཚོགས་གཏང་དཀར་བྱང་བཀླགས་ཏེ་དགེ་ལྟང་བསྔོ། །ལས་མཁན་གྱིས་མེ་ལྷ་ཡི་ལས་གཞུང་བསྲང་སྟེ། །ཞི་བ་དང་རྒྱས་པའི་ཕྲིན་ལས་རྫོགས་པར་བྱ། །སྐབས་སྦྱོར་བླ་མས་ཉེས་པ་བཤགས་ཤིང་སྡིག་པ་ནག་བྱང་བཀླགས་ལ་བསྲེག ༈ །མེ་ཡི་ལྟས་བརྟགས་ངན་ན་མེའི་སྐྱོན་ལྔ་སྟེ། ཁ་དོག་ཁམ་པ་མི་གསལ་བར་འབར་ན་༼བག་ཆགས་མ་འབྱོངས་པའི་རྟགས།༽ སྔོ་ལ་རློབ་ལ་མེ་ལྕེ་གཡོན་དུ་འཁྱིལ་ན་༼མཐོ་རིས་སུ་མི་ཐར།༽ མེ་ལྕེ་གཡོན་ཐུར་དུ་འཇུག་ཅིང་དུ་བ་དང་འདྲེས་ནས་འབར་ན་༼ཉེ་བཞི་ལ་མི་ཁས་འཕོག།༽ མེ་འཕྲོ་ཞིང་སྔོ་ནག་ཏུ་འབར་ན་༼ནོར་ཕྱུགས་མི་ཆགས།༽ མེ་ལྕེ་འཚུབ་ཅིང་རླུང་གིས་ཕྱོགས་བཅུར་བདག་ན་༼རིམས་ཡམས་འོང་བའི་རྟགས་སོ། །༽བཟློག །པ་ནི་༼ངན་སོང་སྦྱོང་རྒྱུད་ཀྱི་འགྲེལ་པ་ལས་བསྡུས་པ།༽ མེ་ལྕེ་ཟླུམ་ལ་འཁྱིལ་བ་༼ཆོས་ཀྱི།༽ དཀར་ལ་འཚེར་བ་༼མེ།༽ དྲང་པོར་འབར་བ་༼སོ།༽ མེ་སྟག་མི་འཕྲོ་བ་༼མཉམ།༽ མེ་ལྕེ་གྱེན་དུ་མི་འཐོར་བར་འབར་བ་༼བྱ།༽ ཡེ་ཤེས་ལྔའི་རྟགས་ཏེ་འཕགས་པའི་གནས་སྐབས་སོ། །སེམས་ཅན་གྱི་སྐབས་ཀྱི་ཡོན་ཏན་ནི། ཁ་དོག་དཀར་བར་༼བག་ཆགས་ཟད།༽ གཡས་སུ་འཁྱིལ་ཅིང་༼འཁོར་བ་ལས་ལྡོག །༽གྱེན་དུ་༼མཐོ་རིས་སུ་ཕྱིན།༽ དྲི་མ་མེད་པར་༼ཉེ་བཞི་ལ་ཁ་ནས་ཐོ་བའི་སྐྱོན་གྱིས་མི་གོས།༽ མེ་ལྕེ་ཟླུམ་ལ་མེ་སྟག་མི་འཕྲོ་བར་༼ཉེ་བཞི་བཀྲ་ཤིས།༽ མེ་ལྕེ་བརྟན་ལ་གློག་བཞིན་དུ་དྲི་མ་མེད་ལ་གསལ་བར་འབར་བ་སྟེ་དྲུག་གོ། །ནི་ནོར་ཕྱུགས་འཕེལ་བའི་རྟགས་སོ། །དྲག་པོ་མེ་ཡི་ལས་ཆེན་བརྩམ། ༈ །རུས་བུ་བསྡུས་ལ་གའུར་སྩལ། ལ །དཀྱིལ་འཁོར་དབུས་སུ་གཞག་དེ་ལ་ཤེས་པ་དགུག་སྒྲིབ་པ་སྦྱང་ལྷར་བསྐྱེད། །དབང་བསྐུར་འཛབ་བཟླས་པའི་དགོངས་པས་རྟོག་པ་སྦྱང་། ༈ །ཐ་མར་རུས་བུ་བརྡུངས་ལ་ཆོས་སྐུའི་གཟུགས་བརྙན་སཱཙྪ་བཞེངས། །༼པ་དེ་༽རབ་གནས་དང་ལྡན་པར་བྱས་ལ་མཆོད་རྟེན་གྱི། །ནང་དུ་ཆར་ཆུས་མི་ཉམས་པའི་ནན་ཏན་བྱས་ལ་བཞུགས་སུ་གསོལ་བ་ལ་དུས། ༈ །སྐབས་སུ་མཆོད་ཅིང་བསྐོར་བ་དང་བསྟོད་པ་བྱས་ན། །ཡུལ་ཕྱོགས་རྣམས་རུང་བར་འགྱུར་བཀྲ་ཤིས་དང་བདེ་ལེགས། ༈ །འབྱུང་བྱེད་པ་པོ་རུ་བྱིན་རླབས་དང་ནུས་མཐུར་ལྡན་པ་ནི། །ཉི་མ་ཤར་བས་མུན་པ་སེལ་བ་དང་འདྲ་བས། །དེ་དག་ལ་ནན་ཏན་བྱ་བར་རབ་ཏུ་གཅེས། ༈ །འདི་གཞུང་གི་དགོངས་པ་མ་ཉམས་པར་ལེགས་པར་རྟོགས་ན། །སྔར་ལས་བྱེད་པའི་ཕྱག་བཞེས་མ་མཐོང་བའམ་མཐོང་ཡང་སྔར་གཞན་གྱིས་བསྒྲིགས་སམ། །དེ་བཞིན་གཤེགས་པའི་བཀའ་ལས་མཐོང་བའི་དོན་རང་གིས་བསྒྲིགས་པའང་། །རང་གཞན་མོས་དོན་དུ་བྱ་བར་གནང་བ་ཡིན་ནོ། ༈ །ཀྱེ་བོད་པ་ཧོ་དགྱེས་པ་ལྷ་ལས་འདིར་བདེ་བར་འོངས་པ། །ཁོ་བོ་རྗེ་དགའ་རབ་ཀྱིས་རིགས་མཐུན་སྐལ་ལྡན་འགའ་འགའ་ལ། ཞེས་པ་ལ་སོགས་པས་བསྐུལ་བ་དང་སྔར་གྱི་འབྲེལ་པས་ཕྲད། །རང་གྲོལ་བའི་མན་ངག་གིས་སྐབས་ཉི་ཤུ་རྩ་བདུན་དང་རྒྱས་བདེབས་པའི་ཕྱག་རྒྱ་ཉི་ཤུ་རྩ་ལྔ་༼སྤྲོས་པ་གཅོད་པའི་༽ཐིག་ལེ་དྲུག་ཁྱད་པར་འཕགས་པའི་ཆེ་བ་སྔས། །རྡོ་རྗེ་སེམས་དཔའ་ནམ་མཁའ་ཆེའི། །དོན་དགྲོལ་བར་བསྐུལ་བ་དགའ་རབ་དེ་ཉིད་ཀྱིས། །གསུངས་པའི་ཀློང་གི་རྩ་བ་ནམ་མཁའི་ཆེའམ་གཏེར་གཏད་ཉིད། །བཀྲོལ་ཏེ་བསྟན་པའི་དོན་སྔར་བཤད་པ་དེ་ཉིད་ཡིན་མོད། ༈ །སུམ་ཅུ་རྩ་གསུམ་ལྷ་ཡི་གནས་སུ་བདུད་རྩི་ཡོན་ཏན་གྱི་དངོས་གྲུབ་གྲུབ་ཀྱང་། །སྙིང་པོ་རྣལ་མའི་དོན་བཞེད་ནས་འདིར་བྱོན་པ་ལ་གདམས་ངག་རྫོགས་པར་གཏད་དེ་བསྐུལ་བ། །ནི་བསྐལ་པ་གྲངས་མེད་དུ་སྦྱངས་པ་རྩོལ་བའི་དྲི་མ་ལྡན་པ། །དེ་སྙིང་པོ་རྣལ་མ་མ་བཅོས་དག་པའི་ཆུས། །རྩོལ་བའི་ནད་དེ་མི་གནས་པར་དག་པར་བཀྲུ་ཡིས་སྙིང་པོའི་དོན་འདོད་པའི་སེམས་མ་བཅོས་པར་རང་སོའི་གཉུག་མར་ཞོག་ཅིག ༈ །བདུད་རྩི་ཡོན་ཏན་གྱི་རིག་འཛིན་གྲུབ་པའི་ནུས་པའི་བློ། །ཉིད་མཚན་ཉིད་རང་གསལ་རང་བཞིན་སྟོང་ཉིད་རྣམ་པ་སྒྱུ་མའི་འོད། །མཚོན་ཚུལ་མ་འདྲེས་དབྱེར་མེད་དུ་རྫོགས་པར་གནས་པའི་བདེ་བ་ཆེན་པོའི་ངང་དུ། །རེ་དོགས་དང་བྲལ་བར་ཤར་བ་དེ་ཙམ་ཀས་ཆོག་མོད། །བྱང་ཆུབ་སེམས་ལས་གཞན་མིན་པས་ལོགས་སུ་བསྒོམས་པས་འབྲས་བུ་གཞན་ནས་ག་ལ་རྙེད། །བྱང་ཆུབ་ཀྱི་སེམས་རྟོགས་པས་ཆོས་ཀུན་མཁྱེན། །པའི་ལྟ་བ་ལ་ཡུལ་ཤེས་ཀྱི་རྣམ་བ་དང་བྲལ་སྐྱོན་སྤང་ཡོན་ཏན་བླང་བ་མེད་པར་བསྒོམ། །དེ་ལྟར་རྩོལ་བ་དང་བྲལ་བའི་ངང་དུ་གནས་པར་ཡེ་ནས་གྲོལ་བར་རྫོགས་པའོ། ༈ །ལས་ཀྱི་དབང་གིས་སོ་སོར་སྐྱེ་བས་སོ་སོ་སྐྱེ་བོ་སྟེ། རྒྱུད་དྲུག་གི་སྐྱེ་བ་སྣ་ཚོགས་དག་ལས་གཅིག་ནས་གཅིག་བརྒྱུད་ཅིང་སྔོན་ཡང་སྐྱེས་ཤིང་ད་ལྟར་ཡང་སྐྱེ་དང་ཕྱིས་ཀྱང་སྐྱེ་བར་འགྱུར་ཏེ་སྐྱེ་བའི་རྒྱུན་མི་འཆད་གྱི་སྐྱེ་བའི་དབང་དུ་སོང་བས། །སེམས་ཀྱི་རྟོག་པ་འདི་ཉིད་ཀྱང་ཡང་དག་པའི་མཐའ་མི་ཤེས་པས། ལོག་པའི་རྟོག་པ་རྒྱུན་མི་འཆད་པས་བསླུས་ཤིང་ལོག་པའི་རྟོག་པའི་རྒྱུན་མ་ཆད་པར་འབྲངས་ཏེ། འཁྲུལ་པའི་རྟོག་པ་ལས་ཕྱིར་ལྡོག་པ་མེད་ཅིང་ཡང་དག་པའི་དོན་ཤེས་པར་གྱུར་པ་ནི། དཔེར་ན་སྒྱུ་མའི་སྒྱུ་ཤེས་དག་གིས་སྒྱུ་མའི་ལྟད་མོ་རྣམས་རྟ་གླང་འདྲ་བར་སྒྱུ་མར་རྨོངས་པའི་སྒྱུ་མ་རྣམས། །རྨི་ལམ་གྱི་སླད་ཀྱིས་བསླད་པའི་རྨི་ལམ་པ་བཞིན་དུ་རྨི་ཡིས་བདེན་པ་ཉམས་ཤིང་རྨི་ལམ་དབང་དུ་སོང་བའི་རྨི་ལམ་པ་འདྲའོ། །གོང་དུ་ཇི་ལྟར་བསྟན་པའི་ལམ་འདི་སྤོང་ཞིང་ཐེག་པ་འདིའི་ལམ་ཇི་ལྟ་བ་བཞིན་དུ་མ་ལྕོགས་ཏེ་མཐའ་རུ་ལྷུང་བའི་སྐྱོན་དང་ལྡན་པ་དང་ཐེག་པ་འདིའི་ལམ་གཞན་དུ་གྱུར་པ་ལྟ་བ་སྣ་ཚོགས་ཀྱི་ལམ་དུ་བལྟས་ནས་མ་ནོར་བའི་ལམ་ཡིན་ནོ། །ཞེས་སྟོན་བར་བྱེད་པ། །དེ་དག་ནི་དཔེར་ན་རྡོ་ལ་ནི་གསེར་ཞེས་ཟེར་གསེར་ལ་རྡོ་ཞེས་ཟེར་ནས་ངོ་མ་ཤེས་པ་བཞིན་དུ་ཐུགས་རྗེར་རུང་ཞིང་འཕགས་པ་ཐུགས་རྗེ་ཆེན་པོ་མངའ་བ་རྣམས་ཀྱིས་ཀྱེ་མའོ་ཐུགས་རྗེས་དཔེར་ན་ཡིད་དུ་འོང་བའི་ཡུལ་ལ་སེམས་གཡེངས་ཏེ་འཇུག་ལ་རང་དབང་མེད་པ་ལ། ཡུལ་གྱིས་སེམས་ཕྲོགས་ཤེའམ། ཡིད་ཕྲོགས་ཞེས་བརྗོད་པ་དང་འདྲ་བར་རང་དབང་མེད་པར་གདུང་བ་སྐྱེ་བ་ལ་ཕྲོགས་པ་ཞེས་བྱ་བ་ཡིན་ནོ། །ཤེས་རབ་ཀྱི་བློ་ཤིན་ཏུ་མ་སྦྱངས་པས་དུས་ཀྱིས་མནར་བའི་སྐྱེ་བོ་ལྔ་བརྒྱ་ཐ་མ་ལ། །ཆོས་ལ་སྤྱོད་པ་རྣམས་ཀྱིས་དེ་བཞིན་གཤེགས་པའི་གསུང་རབ་མ་ནོར་བ་དྲི་མ་མེད་པར་བསྟན་པའི་དོན་རྟོགས་པར་དཀའ་བ་དག་ལ་ཇི་སྐད་བསྟན་པའི་སྒྲ་བཞིན་དུ་དཔྱད་ཅིང་འཛིན་ཀྱང་དོན་གྱི་ཚུལ་ཇི་ལྟ་བ་བཞིན་དུ་སྤྱོད་པ་མིན་ཏེ་དཔེར་ན་སྒྲོན་མས་གསེར་བཙལ་ཀྱང་སྒྲོན་མ་གསེར་མིན་པ་བཞིན་ནོ། །རང་གི་འཁྲུལ་པའི་བློ་གྲོས་ཀྱི་སྟོབས་ཀྱིས་རང་དགའ་བ་བཞིན་དུ་དོན་དཔྱོད་པ་ལ་འཇུག་པ་ལ་སོགས་པའི་ཕྱིན་ཅི་ལོག་གི་ལྟ་བ་སྣ་ཚོགས་བཟུང་བ་དག་ནི། །མི་ཤེས་བའི་ལྟ་བའི་ཆུ་བོས་གཡེངས་ཤིང་ཁྱེར་བས་དེ་བཞིན་གཤེགས་པའི་ངེས་པའི་དོན་གྱི་གསུང་གི་ཉིང་ཁུ་གསུང་རབ་བདུད་རྩི་དང་འདྲ་བ་ལ་མ་ནོར་བར་རྣལ་དུ་འབྱོར་ཞིང་སྒོམ་པ་དང་བྲལ་བ་ཡིན་ནོ། ༈ །དེ་ཕྱིར་རྒྱལ་བས་གསུངས་པའི་ལམ་མཆོག་ཐུགས་ཀྱི་གསང་བ་དམ་པ་ཡང་དག་པའི་དོན་འདི་ལ། །ཀུན་ཏུ་རྒྱལ་བ་ཀུན་གྱི་ཇི་ལྟར་མཁྱེན་པའི་སྤྱོད་ཡུལ་ལྟར་སློབ་དཔོན་འཇམ་དཔལ་བཤེས་གཉེན་གྱིས་མཁྱེན་པ་མ་ལགས་པས་ཐུན་མོང་མ་ཡིན་ཡང་། །སློབ་དཔོན་ཉིད་ཀྱིས་ཡུན་རིང་དུ་གོམས་པར་བྱས་ཏེ་བསྒོམས་པའི་མཐུ་དང་ལུང་མན་ངག་གི་ཚད་མ་དག་གིས་གཏན་ལ་ཕབ་པ་ཡིས་སངས་རྒྱས་ཀྱི་གསུང་དང་མི་འགལ་ཙམ་དུ་ཚད་མ་དག་ལས་རབ་ཏུ་བསྒྲིགས། །འགྲོ་བའི་དོན་དུ་མི་གཉིས་པ་འདི་ནི་སངས་རྒྱས་རྣམས་ཀྱི་གཤེགས་ཤུལ་ལམ་མཆོག་འདི་ནི་མ་ནོར་བསྟན་ཅིང་རབ་བསྡུས་པས། །སྐྱེ་བོ་སེམས་ཅན་ཐམས་ཅད་ཀྱི་སྐྱེ་བའི་གནས་དང་དུས་གསུམ་ཐམས་ཅད་དུ་ཡང་སྐད་ཅིག་ཙམ་ཀྱང་། །མི་མཐུན་ཕྱོགས་ཐམས་ཅད་ཀྱིས་ཡང་དག་པའི་བསམ་པ་མི་ཉམས་རྒྱལ་བ་ཀུན་གྱི་ཐུགས་སུ་ཆུད་པའི་དོན་གྱི་སྙིང་པོ་འདི་སེམས་ཅན་ཐམས་ཅད་ཀྱིས་རྟོགས་ཤིང་རབ་ཏུ་རྒྱས་པར་ཤོག་ཅིག་ཅེས་བསྔོས་པ་ཡིན་ནོ། ༈ །བྱང་ཆུབ་ཀྱི་སེམས་གནས་ལུགས་རང་གི་གཏེར་དོན་ལམ་གཏད་པ་དྲན་པ་རྒྱུན་དུ་ལོངས་སྤྱོད་པ་ཐོབ་པ་འབྲས་བུ་ཕུན་སུམ་ཚོགས་པའི་མན་ངག་ངེས་པར་གསུམ་ཀ་ཚིག་ལམ་ལུང་བསྟན་པ་ཞེས་བྱ་བ། བྲམ་ཟེ་བདེ་གསང་མཚན་སྩལ་གསལ། བྲམ་ཟེ་སྙིང་པོ་གྲུབ་པ། མཉྫུ་མི་ཏྲས། དེ་ཝ་ཨ་མྲི་ཏ་དྷརྨ་སིདྡྷིའི་དོན་དུ་མཛད་པ་འདི་ཐུགས་ལ་བརྣག་པའི་ཕྱིར་ཐེག་པ་ཤན་འབྱེད་དུ་དགོངས་པ་དང་བཅས་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་བ་ཏ་དང་། ཞུ་ཆེན་གྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབ་པའོ། །ཞབས་སུ་དབས་སྒོམ་རྡོ་རྗེ་རྒྱལ་མཚན་ལ་བསྐུལ་ཏེ་གཏད་པའོ། །འདི་རྒྱ་ཆེ་ལ་གཏིང་ཟབ་པས་རྟོགས་པར་དཀའ་ལ། སྒྲོ་སྐུར་གྱི་གཞི་ཆེ་བ་ལགས་པས། རང་གི་སྙིང་དང་འདྲ་བ་འགའ་ལས་མང་ན། སློབ་དཔོན་དེ་ཡིས་འདིའི་བསྟན་པ་བཤིག་པ་ཡིན་ནོ། ༈ །སེའི་བནྡྷེ་འབྱུང་ལྡན་གྱིས། གཞུང་དང་མི་འགལ་ཙམ་དུ་མཆན་བུ་བྲིས་པའི་དགེ་བ་སངས་རྒྱས་སུ་བསྔོའོ།། །།

བདུད་རྩི་ཆུ་རྒྱུན་ཆེ་མཆོག་རྒྱན་གྱི་འཁོར་ལོ་ལྷའི་རྒྱལ་པོས་མཛད་པར་སེའི་བནྡྷེ་འབྱུང་ལྡན་གྱི་མཆན་ཅན།

བདུད་རྩི་ཆུ་རྒྱུན་ཆེ་མཆོག་རྒྱན་གྱི་འཁོར་ལོ་བཞུགས། །རྒྱ་གར་སྐད་དུ། བོ་དྷི་ཙིཏྟ༈རཏྣ༈ཨ་མྲྀ་ཏ༈ པ་ན༈པྲོ་ཏ༈ པ་ར་མ་ཧཱ༈ ཨ་ལཾ་ཀ་ར་ཙཀྲ་ནཱ་མ། བོད་སྐད་དུ། ཅིས་ཀྱང་སྟོང་པས་བྱང་ཅིར་ཡང་མ་འགགས་པས་ཆུབ་འབྲེལ་པ་ཀྱི་རང་གསལ་བས་སེམས༈རྟོག་མེད་ལ་དགོས་འདོད་འབྱུང་བས་རིན་པོ་ཆེ་དེ་ཉིད་ལ་བར་དུ་གཅོད་པས་བདུད་རྟོགས་པས་རྩི་གོམས་པའི་ཆུ་རྒྱུན་ཆེ་བ་ལྔས་མཆོག་ཏུ་གྱུར་པ་ཆོས་སྐུ་བདེ་ཆེན་གྱི་རྒྱན་གྱིས་༼ས་བརྒྱན་པ་ཉིད་ལོངས་སྐུ་༽བརྒྱན་པ་གཞན་ལོངས་སྐུ་ཐུབ་པ་དྲུག །འཁོར་ལོ་རྒྱུན་གྱིས་དག་མ་དག་གིས་དོན་མཛད་པ་སྤྲུལ་སྐུ་ཞེས་བྱ་བ། ༈ །རང་བཞིན་བཅོམ་རྣམ་པ་ལྡན་མཚན་ཉིད་འདས་བར་ཆོད་ཀྱི་བདུད་ལ་རྟོགས་པའི་རྩི་རྒྱུ་རྐྱེན་མེད་པས་རང་བྱུང་བ་ཆོས་སྐུ་ཆེ་བ་ལྔས་བླར་གྱུར་པས་མཆོག་ཁྲག་འཐུང་ཧེ་རུ་ཀ་གནས་ལ་ཐུན་མོང་དང་ཁྱད་པར་གྱིས་ཕྱག་འཚལ་ལོ། ༈ །རང་བཞིན་ལ་ངོས་གཟུང་གི་སྤྲོས་པ་མེད་མཚན་ཉིད་ཡུལ་མེད་པར་རང་གསལ་རྣམ་པ་ཡོན་ཏན་ཐམས་ཅད་དུ་མ་འགགས་པར་བསམ་ཡས་པར་གནས་པ་ལས། །དེ་ཉིད་མ་རྟོགས་ལྷན་སྐྱེས་པས་བདག་གི་ཕྱོགས་ཀུན་བརྟགས་སུ་འཛིན་ཏེ་རང་སྣང་བས་ཡུལ་དུ་གྲུབ་པ་མིན་ཅིང་གསལ་བར་རྟོགས་བྱེད་ཀྱི་རྐྱེན་བཞི་དང་བྲལ་བའི་ཕྱིར་རོ། །དེས་འཁྲུལ་པ་ནན་གྱིས་སྦགས་པས་བདེ་ཆེན་ལ་བར་དུ་ཆོད་དེ་སྲིད་པ་འཁོར་བར་འཁྱམས། །དེ་ཉིད་རྟོགས་ཤིང་གོམས་པས་འབྲས་བུ་ཁྱད་པར་དུ་འཕགས་པའི་བདེ་བ་ཆེན་པོར་འདྲེན་པའི་ཐབས་མན་ངག་འདི་བསྟན་པར་བྱའོ། །ཡང་ན་མཚན་དང་སྦྱར་རོ། ༈ །སྒྲ་ཚད་ལ་སོགས་པ་ཅིས་ཀྱང་མཚོན་པར་བྱ་བའི་ཡུལ་ལས་འདས་པའི་རང་བཞིན་དབྱེར་མེད་དུ་ཐམས་ཅད་གྲོལ་བས་བྱང་། །མུ་བཞི་ཅིར་ཡང་རྣམ་པའི་རང་འོད་མ་འགགས་པར་ཐམས་ཅད་ལྷུན་གྲུབ་ཏུ་རྫོགས་པས་ཆུབ། །དེ་ལྟར་མཁྱེན་པའི་རང་རིག་རང་གསལ་ལ་གཟུང་འཛིན་གྱི་དྲི་མས་མ་གོས་པར་དག་པས་སེམས། །དེ་གསུམ་གདོད་མ་ནས་མཚོན་ཚུལ་མ་འདྲེས་ལ་ངོ་བོ་དབྱེར་མེད་དུ་ཡོངས་སུ་རྫོགས་པ་ནི། ༈ །དཔེར་ན་ཀླུ་དག྄་ཤ་ཀ་འཇོག་པོ་ཡི་གཙུག་གི་རྒྱན་གྱི་ནོར་བུ་བཞིན་དུ། །རྟོག་པ་མེད་བ་ལ་དགོས་པ་དང་འདོད་པ་ཐམས་ཅད་འབྱུང་བར་ལྡན་པས་རིན་པོ་ཆེའོ། ༈ །རིག་པས་བསྡུས་པའི་ཤེས་བྱ་ཐམས་ཅད་དེ་དང་འདྲ་བ་ཉིད་དུ། །རྩོལ་སྒྲུབ་ཀྱིས་མ་བཙལ་བ་གདོད་མ་ནས་གནས་པས་ལྷུན་གྲུབ་དོན་གྱི་གནས་ལུགས་དངོས་པོའི་གཤིས་སོ། ༈ །དེ་ཉིད་རང་སྣང་ཡིན་པས་བློའི་ཡུལ་ན་མི་གནས་པ་དང་ངེས་བྱེད་ཀྱི་རྐྱེན་བཞི་དང་བྲལ་བས། །རང་གིས་རང་གི་ངོ་མ་ཤེས་པས། །གཤིས་བདེན་པའི་དོན་དུ་ཡེ་ནས་གནས་ཀྱང་ངོ་བོས་བསྐལ་ཏེ་ལྷན་སྐྱེས་ཀྱི་མ་རིག་བས། །ངར་འཛིན་པའི་མཐུ་ལས་གཞན་དུ་སྣང་བའི་ཡུལ་སྡུག་མི་སྡུག་ལ་སོགས་པ་ཐ་དད་དུ་ཀུན་ཏུ་བརྟགས་པའི། ༈ །ཆ་ལས་འདིས་ཉོན་མོངས་པར་བྱེད་པ་དུག་ལྔ་ཡི་བདུད། །ཆོས་ཉིད་ཀྱི་རང་བཞིན་སྤྲོས་བྲལ་ལ་བར་དུ་བཅད་པ་ལྟར་དུ་སྤྲོས་པ་སྣ་ཚོགས་སུ་འཕྲོས་པའོ། །འདུ་བྱེད་སེམས་པ་ལས་ཀྱི་མཐུ་ཡིས་ཕུང་པོ་བླངས་པ་ནི་ཕུང་པོའི་བདུད་དེ། །སྒྱུ་མ་ལྟ་བུའི་ཡེ་ཤེས་ཀྱི་རང་འོད་རྣམ་པ་ཡུལ་ལ་སྒོ་ལྔས་མཚན་མར་བཟུང་བས་བར་དུ་བཅད་པའི་ཕྱིར་རོ། །སྲོག་གི་རྒྱུན་འཛིན་ཅིང་ཤེས་པ་བརྟེན་པའི་རླུང་གིས་ནུས་པ་ལས་དང་རྐྱེན་གྱིས་ཟད་ནས་ཚེ་འཕོ། །བ་ནི་འཆི་བདག་གི་བདུད་དེ་ཆོས་ཉིད་འགྱུར་བ་མེད་པ་ལ་བར་དུ་བཅད་པ་ལྟར་སྐྱེ་རྒས་ན་འཆིའི་ཆུ་བོ་བཞི་སྲིད་པས་སོ། །རང་གི་རྣམ་པར་རྟོག་པས་སེམས་ལས་བར་ཆོད་གཞན་དུ་བཟུང་བ་ལྟ་བུའི་བདུད་ཡིས། །སླུ་བའི་བྲི་ཏས་མཆོག་ཐུན་མོང་གི་དངོས་གྲུབ་ལ་བར་དུ་བཅད་དོ། ༈ །དེ་ལྟར་བདུད་བཞི་ཡིས་གནས་ལུགས་བྱང་ཆུབ་ཀྱི་སེམས་བསླད་པས་འཁོར་བར་འཁྱམས་དེ། །རིགས་དྲུག་གི་སྡུག་བསྔལ་སྣ་ཚོགས་དང་ཐེག་བརྒྱད་ཀྱི་རྩོལ་བའི་ནད་ཀྱིས་མནར་བ། ༈ །དེས་ན་སྙིང་པོ་རྣམ་མ་འབྱུང་བའི་དུས་དྲུག་ལ་བབ་པའི་ཚེ། །ཡང་སྤྲུལ་སེམས་ལྷག་གི་རྐྱེན་གྱིས་ལྷའི་དབང་པོས་ཕྱོགས་བཅུའི་སངས་རྒྱས་བསྐུལ་བས། །རྩོལ་བཅས་ཀྱི་ཐེག་བས་བདུད་ལས་མི་གྲོལ་ཏེ་དོན་རྩོལ་མེད་དང་འགལ་བས་སོ། །དོན་ངོ་བོའི་སྐུ་མ་བཅོས་པ་ལས་ཤར་བས་རྒྱལ་པོ་ཆོས་ཀྱི་སྐུ་ལ་ལ། །འཆད་པའི་སྐྱེས་བུ་རྡོ་རྗེ་སེམས་དཔས་གསང་བདག་ཕྱག་རྡོར་ཐུགས་ལས་སྤྲུལ་ཏེ་སེམས་ལྷག་ཅན་བཀྲོལ་ཏེ། ༈ །ཆོས་ཐམས་ཅད་ཀྱི་མཚན་ཉིད་གསལ་ལ་རང་བཞིན་སྟོང་སྟེ་རྣམ་པ་འགག་མེད་དུ་བཅས་པས། །མི་བཞིའི་ཕྱོགས་རིས་དང་བྲལ་བའི་བདེ་བ་ཆེན་པོར་མ་བཅོས་པར་རང་བཀྲོལ་བའི། །རྟོགས་པའི་ཐབས་ཆེན་རྩི་ཡིས་རྩོལ་མེད་ཀྱི་བདེ་བར་བདུད་བཞི་མ་སྤངས་པར་རང་བཀྲོལ་བའོ། ༈ །དེ་ལྟར་རྟོགས་པར་བྱེད་པའི་ཐབས་རང་རིག་པ་ལ་རང་དབང་ཡེ་ནས་རྫོགས་པའི་དོན་དེ། རྒྱལ་ཐབས་སྤྱི་བླུགས་ཀྱི་དབང་གིས་བརྡ་འཇལ་བར་བྱེད་པའོ། ༈ །ཡུལ་ཤེས་རང་བཞིན་གྱིས་རྣམ་པར་དག་པ་ཕྱག་རྒྱ་ཆེན་པོ་ཡི་དོན་གྱི། །སྙིང་པོ་དེ་རྟོགས་པས་ལེན་པས་ན་དཀྱིལ་འཁོར་དེར། །བསྲུང་བར་བྱ་བའི་མཚམས་དང་བྲལ་བར་རྟོགས་པས་དོན་ལ་འདའ་བ་མེད་པའི་ཕྱིར། །བསྲུང་བར་བྱ་བྱེད་ཀྱི་རྩོལ་བ་དང་བྲལ་བ་རིག་པའི་དམ་ཚིག་ཕོག་ལ། ༈ །བྱ་བྱེད་ཀྱི་རྩོལ་བས་མ་བཙལ་བར་མུ་མཐའི་ཕྱོགས་འཛིན་ཀུན་ཞི་ལ་མཁྱེན་གསལ་གྱི་ཡེ་ཤེས་རྒྱས། །འཁོར་འདས་ཐམས་ཅད་བྱང་ཆུབ་ཀྱི་སེམས་ཀྱི་དབང་དུ་འདུས་ལ་གྲུབ་མཐའི་ཕྱོགས་རིས་མཉམས་པའི་ངང་དུ་བསྒྲལ་བས་དྲག་པོའི་ཕྲིན་ལས་སོ། ༈ །རྣམ་ཤེས་ཚོགས་བརྒྱད་ལྷུན་གནས་བདེ་ཆེན་ཉིད་དུ་རང་གྲོལ་བའི། །རྟོགས་པའི་གདེང་ཆེན་པོ་ཚད་དུ་ཕྱིན་པར་ལྡན་པས། ༈ །གོང་གི་བར་ཆད་ཀྱི་བདུད་བཞི་ལ་རྟོགས་པའི་རྩི་ཡིས། །བདུད་དགག་བ་དང་བདེ་ཆེན་སྒྲུབ་པ་མ་ཡིན་པར་ཡེ་ནས་བདེ་ཆེན་དུ་གནས་པ་དེ་རྟོགས་པས་མཇལ་བའོ། ༈ །ཡིད་ཀྱིས་དམིགས་པ་གཏད་ནས་རྣམ་རྟོག་དང་ཕྲལ་བ་མིན་པས་རང་ཏང་ཏེ། །རང་བཞིན་རྟོགས་པའི་སོར་གནས་པས་སོ་མ་རེ་དོགས་དང་བྲལ་བས་ལྷུག་པ་སྟེ། །དེ་ལྟར་གོམས་པའི་རྒྱུན་མ་ཆད་པར་ཆུ་རྒྱུན་ལྟ་བུའི་ངང་དུ་རྒྱུན་དུ་གནས་པས། །བག་ལ་ཉལ་གྱི་སྒྲིབ་པ་སངས་པ་ནི་སྒོམ་པའི་གཟེར་ཆེན་པོ་ཡིན་ནོ། ༈ །རྟོགས་གོམས་ཀྱི་དོན་ལ་གནས་ཏེ་ལྷག་པའི་སྤྱོད་པས་གྲོགས་དང་མཐུན་པར་སྤྱད་པས་དེ་ལ་མོས་བས་དྲང་བའི་ཕྱིར། །གཞན་ཕན་གྱི་ཐུགས་རྗེ་དང་ཉེས་སྐྱོན་གྱིས་མི་གོས་པའི་ཐབས་ཀྱིས་དཀར་སྤྱོད་དང་ནག་སྤྱོད་མི་དགེ་བ་འགོ་བསྙམས་ནས་གང་གིས་འདུལ་བ་སྤྱོད་དོ། །ངེས་པར་ན་དགེ་སྡིག་ཐམས་ཅད་ཀྱི་ཕྱོགས་རིས་དང་བྲལ་བས། །བླང་དོར་གྱི་འདུ་ཤེས་ལས་གྲོལ་བ་ནི་རྟོགས་གོམས་ཀྱི་གདེང་ཆེན་པོ་ལ་རྫོགས་པའོ། ༈ །རིམ་པར་སྦྱངས་པས་ནོན་པ་མ་ཡིན་ཏེ་ཡེ་ནས་མ་བཅོས་པར་གནས་པས་ས། རྩོལ་བས་མ་བགྲོད་པར་བདེ་བ་ཆེན་པོའི་གནས་སུ་ཕྱིན་པར་བྱེད་པས་ལམ་མོ། ༈ །ཀློང་དེ་དག་ལ་གོམས་པས་རྒྱུན་མ་ཆད་པར་གནས་ན། །སྐྱེ་བོ་ཐ་མལ་པའི་བག་ཆགས་ལས་གྲོལ་བའི་མཐངས་རྨི་ལམ་དུ། །རྟོགས་གོམས་ཀྱི་གདེང་ལ་གནས་པའི་ཡ་མཚན་དུ་གྱུར་པ་དུ་མ་འཆར་བ། །དེའི་ཚེ་དབང་པོ་ཡང་རབ་མཐོང་བས་ཚེ་འདི་ལ་གྲོལ་ཏེ། །དེ་ཡང་ཆོས་ཐམས་ཅད་རིག་པའི་རང་འོད་ཀྱི་རྣམ་པ་མ་འགགས་པ་ཡིན་བས། །ཚེའི་རྒྱུན་༼ཁ༽ལུས་ཀྱི་ཕུང་པོ་ཆད་༼ཀ༽པ་དང་འདོར་༼ག༽ བ་ལས་གྲོལ་ལོ། ༈ །རབ་ཀྱིས་ཚེ་རྒྱུན་ལུས་༼ཁ༽ ཟད་༼ཀ༽ པ་དང་རྐྱེན་གྱིས་འདོར་༼ག༽བའི་ཚེ། །ཚོགས་དྲུག་ལྟེ་བར་སའི་རླུང་ལ་རྐྱེན་གྱིས་རང་གི་གནས་ནས་ཞུགས་ཏེ་ཐིམ་པས་ཡུལ་དུ་མི་གསལ་ཞིང་ལུས་ལྕི། །ས་རླུང་དེ་རང་གི་ལམ་ནས་སྙིང་ཁའི་ཆུ་རླུང་ལ་འདུས་པའི་དུས་ན་དེས་ས་དང་བྲལ་བས་ལུས་ཉམ་ཆུང་ཞིང་བུ་ག་ནས་ཆུ་འཛག །དེ་ཉིད་ལྐོག་མར་མེ་རླུང་ལ་རང་གི་ལམ་ནས་ཞུགས་ན་ཆུ་དང་བྲལ་བས་དྲོད་སྐྱེ་སྟེ་བུ་གའི་སྒོ་ནས་སྐམ། །དེ་སུམ་མདོའི་རླུང་ལ་འཕྱོས་ན་ལུས་ཀྱི་དྲོད་ཉམས་དེ་ཡེ་ཤེས་སྙིང་པོ་ལ་ཐིམ་པས་དབུགས་རྩེག་ཅིང་དབུགས་ཁ་ཐུང་། ༈ །སྲོག་གི་དབང་པོ་དངོས་ཡེ་ཤེས་ཉིད་སྙིང་པོའི་རླུང་དེ་མེ་ལོང་ལ་ཧས་བཏབ་པ་ལྟར་ཕྱིར་ཡལ་བས་ན་ནང་གི་རྩའི་ཁ་བྱེ། །སྟེ་ཁྲག་བབས་པས་རྣམ་པར་ཤེས་པ་ཁྲག་གིས་བརྒྱལ་བས་ན། །དམར་ལམ་གྱི་སྣང་བའི་འཁོར་ལོས་ལོངས་སྐུ་རུ་ཆགས་པ་ཡིན་ལ། །རྣམ་ཤེས་དེའི་རྒྱུན་གཞུངས་ས་དང་ཀླད་རྒྱས་ཀྱི་རྩ་ནང་དུ་ཞུགས་ཏེ། །རྣམ་པར་ཤེས་པ་བྱང་ཆུབ་ཀྱི་སེམས་ཀྱིས་བརྒྱལ་བས་ན། །དཀར་ལམ་གྱིས་སྣང་བ་ནི་གོང་ལས་ཆེར་མཆེད་པའི་འཁོར་ལོ་ཆོས་ཀྱི་སྐུའོ། །དེ་ནས་ཤེས་པ་དྲུག་སྒྲ་དོན་སྤྱིའི་ཡུལ་དང་བཅས་པ་ནུབ་སྟེ། །ལུས་དང་སེམས་གཉིས་ཀྱི་འབྲེལ་པའི་རྒྱུན་ཆད་དེ་མུན་རུམ་ལྟར། །གྱི་གནག་ལམ་གྱིས་གང་ཡང་མ་རིག་པ་ལ་རེག་པའི་འཁོར་ལོ་ཉེར་འཐོབ། །དེ་ལས་དཔེར་ན་གཉིད་དམ་རྨུགས་པ་ལས་སད་པ་ལྟར་དུ། །ཡུལ་མེད་རང་གསལ་གྱི་རིག་པའི་རང་འོད་གསལ་གྱི་འཁོར་ལོ་ཟེར་འོད་ཀྱིས། །ཤེས་བྱ་ཀུན་གསལ་བར་སྣང་བ་ཡང་དཔེར་ན་འཇའ་ལྟ་བུ་རུ། །བདེན་པའི་ངོས་གཟུང་ཅིས་ཀྱང་སྟོང་པར་རིག་པ་རང་འོད་སད་དོ། ༈ །ཚེ་འདའ་ཀར་ཡང་རྟོགས་པའི་དོན་ལ་གོམས་པས་གནས་པར་བྱ་ཞིང་། །གྲོགས་པོའི་མཆོག་དང་བླ་མས་ཚིག་ཏུའང་དོན་ལ་གནས་པར་བསྐུལ། །རང་གི་དྲན་པས་ཀྱང་འོད་གསལ་ཡང་དང་ཡང་དུ་བསམ། ༈ །དེ་ཤར་བའི་ཚེ་ན་ངེས་ཤེས་བསྐྱེད་ཅིང་། །དེའི་ངང་ལ་གནས་པས་སྲིད་པ་འཁོར་བའི་མཐའ་མ་དེར་ཟད་དེ། །མཚན་ཉིད་ཀུན་མཁྱེན་ལོངས་སྐུ་རང་བཞིན་ངོས་མེད་ཆོས་སྐུ་རྣམ་པ་སྒྱུ་མར་སྤྲུལ་སྐུ་སྒྲོལ། ༈ །དེ་ལྟར་ཡེ་ཤེས་ཀྱི་བར་དོའི་ཚེ་དོན་ལ་ངེས་པའི་ཤེས་པ་མ་སྐྱེས་ན། །གོང་ལས་སླར་བཟློག་པར་ཡང་གནག་ལམ་མ་རིག་པའི་མུན་པ་ལ་རེག་ཅིང་འཁོར་ལོ་ཐོབ་པ། །དེ་ལས་དཀར་ལམ་གྱི་སྣང་བ་མཆེད་པ་དེ་ལས་དམར་ལམ་གྱི་སྣང་བ་འབྱུང་སྟེ། ༈ །དེའི་ཚེ་ཟས་སུ་དྲི་ཟ་བ་འཆི་སྐྱེའི་བར་མ་དོ་ཞག་བདུན་པ་ན་རིགས་མཐུན་པ་རེ་འགྱུར་ཞིང་། །ལས་ཀྱི་རྫུ་འཕྲུལ་གྱི་ཤུགས་དང་དཔག་ཚད་དུ་མའང་འོད་ཀྱི་སྣང་བ་དང་ལྡན་སྒྱུ་མ་ལྟ་བུའི་ལུས་ལ་ཐོགས་པ་དང་འབྱུང་བ་བཞི་ལ་རྡུག་པ་མེད། །ལས་ཀྱི་ལྷའི་མིག་གི་མངོན་ཤེས་ཀྱིས་རིགས་མཐུན་དང་འོག་མ་རྣམས་མཐོང་བར་ལྡན་ཞིང་རྫུས་ཏེ་སྐྱེ་བའི་ཆར་འགྱུར་རོ། །གདོས་བཅས་ཀྱི་འབྱུང་པའི་ལུས་དང་བྲལ་ཏེ་དྭངས་མ་ལས་བྱུང་བའི་ཡིད་ཀྱི་ལུས་ཕྱིས་སྐྱེ་བའི་ཆ་བྱད་མངོན་དུ་འབྱུང་བ་ནི་དབང་པོ་ཀུན་གསལ་ཞིང་ཡན་ལག་ཚང་བའོ། ༈ །རིགས་མཐུན་བརྗེ་བ་དེའི་ཚེ་བདུན་ཚིགས་སུ་གཞན་གྱི་ལས་བཟང་པོའི་གྲོགས་ཀྱིས་སྟོང་བྱ་བ་ནི་གཅེས་པའོ། །རང་ཉིད་ཀྱིས་ངོས་ཟིན་ན་བློ་མཉམ་པར་བཞག་སྟེ་བཞི་ཐུན་ལ་སོགས་པའི། །ཐུན་ཅིག་དགོངས་པ་ལ་གནས་པས་སྡུག་བསྔལ་ལས་རང་གྲོལ་བའང་ཡིན་ཏེ། །སེམས་སྦྱངས་པའི་རང་གི་སྔར་གྱི་ལས་ནི་ཤིན་ཏུ་གཅེས་པར་གསུངས་སོ། ༈ །རང་གི་ལས་དང་གཞན་གྱི་སྟོངས་དེས་ཀྱང་ངེས་པར་གྲོལ་མ་ནུས་ཏེ་མ་རིག་པ་ན། །བར་མའི་ལུས་ལ་སྡང་བས་འདོར་བར་འདོད་པ་དང་མ་འོངས་པ་ལ་ཆགས་པའི་བསམ་པས་ཕྱིས་སྐྱེ་བའི་གྲོང་དོན་དུ་གཉེར་བས། །སྲིད་པ་ཉིང་མཚམས་སྦྱོར་ཏེ་དེ་ཡང་གཤིན་རྗེ་ཆོས་ཀྱི་རྒྱལ་པོས་ལས་ཀྱི་མེ་ལོང་སྟོན་ཏེ། །འདུ་བྱེད་ལས་གསུམ་པོ་གང་གི་འཕྲོ་ཡོད་པ་དེ་ལེན་པའི་རྣམ་པར་ཤེས་པ་དཀར་ལམ་ཕའི་ས་བོན་གྱིས། །ཁྲིད་ནས་དམར་ལམ་ཁྲག་དང་ལྡན་པའི་མའི་མངལ་གྱི་ནང་དུ་སྐྱེལ་ཏེ་འདྲེས་པ་ནི་མིང་དང་གཟུགས། །རླུང་བདུན་ཕྲག་སོ་བརྒྱད་ཀྱིས་རྐྱེན་བྱེད་པ་ལས་ཟླ་བ་གསུམ་སྟེ་ཞག་བདུན་ཕྲག་བཅུ་གསུམ་ན་རང་གི་ལས་ཀྱི་རླུང་རྣམ་པར་འབྱེད་པ་ཞེས་པ་ལངས་པས། །སྐྱེ་མཆེད་དྲུག་གི་བུག་པ་དགུ་དོད་རེག་པ་གསུམ་འདུས་ནས་གཅོད་པས་ཚོར་བ་གསུམ་མྱོངས་ཏེ་བཀྲེས་པས་ལུས། །ཉམ་ཆུང་ཞིང་ཟས་ལ་སྲེད་པ་དང་ཕོ་༼ཀ༽ཡིས་མོས་༼ག༽ ཕ་༡མ་༼ཁ༡༽ལེན་པ་དེ་ལ། །ཞེས་པས་སྲིད་པའི་ཆགས་པ་སྤྱོད་ལ་ཟླ་བ་དགུར་བརྒྱལ་ཏེ་མངའ་དུ་གནས་པ་ལས། །ཕྱིར་འབྱུང་བ་ནི་སྐྱེ་བ་རྒྱུན་གཞན་དུ་འགྱུར་བ་ནི་རྒ་བ་ནད་དང་འཆི་བར་བཅས་པ་སྟེ། །སྲིད་པའི་ཡན་ལག་བཅུ་གཉིས་ཀྱི་འཁོར་ལོ་དེ་ལྟར་ཡང་བསྐྱར་བ་ཡིན་ལ། །སྔར་སྦྱངས་པའི་ལས་སྨོན་གྱི་འབྲེལ་པས་ཐེག་པ་མཆོག་དམ་པ་རྫོགས་ཆེན་སྟོན་པ་དང་ཕྲད་དེ་ཤེས་རབ་གསུམ་ལ་སྦྱོང་བ་ལ་ཡང་། །བདག་པོ་དང་དམིགས་པའི་རྐྱེན་རྐྱེན་དང་རང་རང་གི་བློ་དང་བརྩོན་པའི་སྟོབས་ཀྱི་མཐུ་མ་ངེས་པ་ཡིས་སྐྱེ་བ་དུ་ལེན་གྱི་གྲངས་མ་ངེས་སོ། ༈ །གང་ཟག་ཁ་ཅིག་ཉམས་རིམ་གཉིས་པ་མི་གཡོ་བའི་ཏིང་ངེ་ལ་གནས་པ་ཐོབ་ནས། །ལྷ་ཡི་གནས་སུ་སྐྱེ་བ་བླངས་ཏེ་སངས་རྒྱས་སུ་གྲོལ་ལྷ་ཡི་རིགས། །ཞེས་དྲང་། བའང་ཡོད་དོ། ༈ །བྱང་ཆུབ་ཀྱི་སྙིང་པོའི་དོན་རང་བྱུང་གི་ཡེ་ཤེས་རང་གསལ་བར་རང་བཞིན་གྱིས་མ་བཅོས་པར་མཐར་ཕྱིན་པའི། །རྩོལ་བཅས་ཀྱི་འབྲས་བུ་དང་མཚུངས་པ་མེད་པའི་མཚན་ཉིད་གསལ་ལ་རང་བཞིན་ཅིས་ཀྱང་སྟོང་པ་དེ་ལ། །ཆེ་བ་བཞི་མངོན་རྫོགས་པར་བརྡ་སྤྲད་དེ་ལྔ་བདག་དེ་ཆོས་སངས་རྒྱས་མེད་པའི་ཆེ་བ། ཡིས་བླ་དྭགས་རང་གྲོལ་བས། །ཀུན་གྱི་བླར་གྱུར་ཆོས་སྐུ་མཆོག ༈ །ཤེས་བྱ་ཀུན་མཁྱེན་པ་ལ་བདེ་ཆེན་གྱི་རྒྱན་གྱིས་ལོངས་སྤྱོད་བརྒྱན་པས། །ཤེས་བྱའི་ལྷག་མ་རྫོགས་པའི་མེད་པར་མུ་མཐའ་ཐམས་ཅད་ཡོངས་སུ་རྫོགས་པ་ནི་ཉིད་ལོངས་སྐུའོ། ༈ །ལམ་ལ་གནས་པ་རང་རྒྱུད་དག་པས་བཅུ་པའི་བྱང་ཆུབ་སེམས་དཔའི་ངོ་ལ། །འཁོར་ལོས་སྒྱུར་སྐུ་བའི་རྒྱལ་པོའི་སྐུ་ལྟ་བུ་ལ་བརྡ་དང་དགོངས་པས་བརྒྱན་པ་ནི་གཞན་ལོངས་སྐུའོ། ༈ །དེ་ཐུགས་རྗེ་ཆེན་པོའི་སྤྲུལ་པའི་རྣམ་པ་འགགས་མེད་དུ་འཆར་བ་དེ། །གདུལ་བྱ་དག་པ་ལམ་གཉིས་ཐོབ་པ་དང་མ་དག་པ་རིགས་དྲུག་གི་སེམས་ཅན་ལ། །ལྷའི་ཐུབ་པ་ལ་སོགས་པ་དྲུག་དང་འབྱུང་བ་ལྔ་ནི་འཁོར་ལོའི་རྒྱུན་གྱི་ཐེག་པ་སྟེ། །སྣོད་བཅུད་སྣ་ཚོགས་ཅིར་སྣང་ཡང་བཙལ་བ་མེད་པར་སྤྲུལ་པས་དེ་དག་གི་རྒྱུད་སྦྱོང་བའོ། ༈ །སྐུ་གསུམ་པོ་དེ་དག་མཚོན་ཚུལ་ནས་མ་འདྲེས་ལ་ངོ་བོ་དབྱེར་མེད་དུ་ཡོངས་སུ་རྫོགས་པའོ། །ཐེག་པ་ཀུན་གྱི་འབྲས་བུ་ཡོངས་སུ་རྫོགས་པའི་འབྲས་བུ་ནི་ཕྱོགས་གཅིག་པར་འཛིན་པ་ཅིར་ཡང་གི་མཐའ་ལས་གྲོལ་བ་ནི། །ཆོ་ག་སྔགས་དང་ཡོ་བྱད་ཀྱིས་བཙལ་བ་དང་བསྙེན་བསྒྲུབ་ཀྱིས་མ་ཧཱ་བསྒྲུབ་༡པས། དབྱིངས་དང་ཡེ་ཤེས་༼ཨ་ནུ་༽རྒྱུ་འབྲས་༡ཕྱི་རྒྱུད་༼འབྲེལ་བས་༽ སྒྱུར་བས་༼གཉེན་པོས་༽མཚན་ཉིད་སྤངས་པས་ཐོབ་པས། །དེ་དག་ལས་གྲོལ་བ་ལྷུན་གྱིས་གྲུབ་པར་གནས་པས་རྩོལ་མེད་ཀྱི་བདེ་བ་ཆེན་པོའི་སའོ། ༈ །ལྷའི་གནས་སུམ་ཅུ་རྩ་གསུམ་དུ། །བདུད་རྩི་སྨན་བསྒྲུབ་པ་ལས་སར་ཆུད་པའི་རིགས་འཛིན་གྲུབ་དེ། །སྙིང་པོ་རྣལ་མའི་དོན་ལ་རིག་པའི་རྩལ་མ་འབྱོངས་པས་མིའི་གནས་སུ་བྱོན་པ་ལ། །འཇམ་དཔལ་བཤེས་གཉེན་གྱི་བྱམས་པའི་ཉི་ཟེར་ཞགས་པས་བདག་བཟུང་བ་ཡང་། །རྩོལ་བཅས་ཀྱི་ཐེག་བས་ཡིད་སྐྱོ་སུན་བྱུང་ནས་རྩོལ་མེད་ཀྱི་ཐེག་པ་བཙལ་བས། །རྩོལ་བཅས་ལས་གཞན་དུ་གྱུར་པ་ནས་རྩོལ་མེད་རྙེད་པར་མ་གྱུར་ཏེ། །རྩོལ་བ་དང་བཅས་པའི་སེམས་ཉིད་རང་རྩོལ་བྲལ་གྱི་བདེ་བ་ཆེན་པོར།༼༔༽ རྩོལ་མེད་རང་ལ་གནས་པ་ལ་ངམ་པ་ཨེ་མའོ་༼༔༽རང་གྲོལ་བ་ནི་སྐུ་དྲིན་ཤིན་ཏུ་ཆེའོ། ༈ །གསེར་གྱི་ཟོ་བར་སེང་གེའི་འོ་མའི་བཅུད་ལེན་པ་ལྟར་དུ། །རྫོགས་ཆེན་གྱི་རིགས་ཅན་ལ་རྣལ་མའི་རྒྱུད་གཏད་པས་འབྲས་བུའི་སྙིང་པོར་སྨིན་ནོ། །ཀླུའི་གདུག་སེམས་སྤངས་པའི་གཞན་ནས་སྙིང་པོ་རྣལ་མའི་དོན་ཅིག །ཤ །ལྷ། ཤེས་རབ། ཆོས། སངས་རྒྱས་ཀྱི་སྤྱན་ལྔས་མ་གཟིགས་པས་གདུག་པའི་སེམས་དེ་ཉིད་ལ་རྟོགས་ཤིག་པའོ། ༈ །ཚོགས་བརྒྱད་རང་གྲོལ་བ་མན་ངག་གིས་བརྡ་སྤྲད་པས་སྐབས་ཉེར་བདུན་ཕྱེ་ལ། །ཕྱོགས་རིས་དང་བྲལ་བའི་ཕྱག་རྒྱ་ཉི་ཤུ་རྩ་ལྔས་བརྡ་དོན་གྱི་ཞེན་པ་དགྲོལ། །རྣམ་རྟོག་གི་སྤྲོས་པ་ཐིག་ལེ་དྲུག་གིས་བཅད་ཆེ་བ་ལྔས་ཁྱད་པར་འཕགས་པར་སྟོན་པ་ནི། །རྡོ་རྗེ་སེམས་དཔའ་ནམ་མཁའ་ཆེའོ། །ཀླུའི་གདུག་པས་སྙིང་པོ་རྣལ་མའི་འོད་མི་གསལ་བར་ནུས་པ་ལ། །ཚད་མ་གསུམ་གྱིས་རང་གསལ་ཡུལ་མེད་དུ་རང་གསལ་བའོ། །ངང་ལ་གནས་པས་བག་ཆགས་ཀྱི་རྙོག་པ་རང་སངས་ཏེ་ཡེ་ཤེས་ཀྱི་རང་འོད་རྒྱས་པས། །འགྲོ་བའི་མ་རིག་པའི་མུན་པ་སེལ་བར་བྱེད་པ་འདི་མི་ནུབ་པར་སྟོན་༼ཁ༽ཅིག་པའོ། །ཟུང་ལ་གཞན་ལ། བྱང་ཆུབ་ཀྱི་སེམས་རིན་པོ་ཆེ་བདུད་རྩི་ཆུ་རྒྱུན་ཆེ་མཆོག་རྒྱན་གྱི་འཁོར་ལོ་ཞེས་བྱ་བ། སློབ་དཔོན་ལྷའི་རྒྱལ་པོ་བདུད་རྩི་ཆོས་ཀྱི་རྒྱལ་པོས་མཛད་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་བ་ཏ་དང་། །སློབ་དཔོན་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབ་པའོ། ༈ །སེའི་བནྡྷེ་འབྱུང་ལྡན་གྱིས་མཆན་བུ་རང་གི་རྣམ་རྟོག་དང་མཐུན་པར་བཏབ་པ་ལགས་སོ། །དགེ་བ་འདི་ཡིས་མཐའ་ཡས་འགྲོ་བ་རྣམས། །བཙལ་མེད་བདེ་ཆེན་སར་གནས་སྨོན། །གཞུང་གི་དགོངས་པ་ཇི་བཞིན་མ་རྟོགས་རྣམས། །མཉམ་གྲོལ་རྟོགས་པའི་ཀློང་དུ་བཤགས་པར་བགྱིའོ།། །།

རིམ་པ་གསུམ་བསྡུས་པའི་མན་ངག་ཀླུའི་རྒྱལ་པོ་དགའ་བོས་མཛད་པར་སེའི་བནྡྷེ་འབྱུང་ལྡན་གྱི་མཆན་ཅན།

རིམ་པ་གསུམ་བསྡུས་པའི་མན་ངག་བཞུགས། །རྒྱ་གར་སྐད་དུ། ཏྲི་ནི་བ་ཏྲེ་ཤཱ་ཀྲ་མ། བོད་སྐད་དུ། སློབ་དཔོན་སློབ་མ་མན་ངག་རིམ་པ་གསུམ་བསྡུས་པའི་སྐལ་ལྡན་གྱིས་རྙེད་ན་ཚེགས་ཆུང་ལ་དོན་ཆེ་བས། མན་ངག ༈ །ཡང་སྤྲུལ་དགའ་རབ་རྡོ་རྗེ་ཉིད་ལ་ཕྱག་འཚལ་ལོ། ༈ །རང་བཞིན་རྒྱུད་མ་རྟོགས་ལྷན་ཤིང་བདག་ཀུན་ཏུ་བརྟགས་པའི་མཐུ་ལས་གཞན་དུ་སྣང་བའི་གཟུང་འཛིན་གྱིས། །ཆ་ལ། ཉོན་མོངས་པ་དུག་ལྔ་དང་ལས་གསུམ་ཀྱིས་རྟོགས་པའི་མང་ལ་འབྲེལ་པ་དྲྭ་བར་ཞུགས་པ་རྣམས། །བརྡ་དོན་སྤྲོད་པའི་ཡེ་གེ་དཀྱུས་ཀྱིས། བརྒྱུད་དམ་མ་ནོར་ངེས་པའི་བླ་མས་བརྡ་བྲལ་སྟོང་ཉིད་རང་གྲོལ་གྱིས་དངོས་སུ་རང་བཞིན་གྱི་རྒྱུད་ཀྱི་ངོ་ཤེས་ནས་དེའི་ངང་དུ་གོམས་པས་རྟོགས་པའི་དྲྭ་བ་ལས་གྲོལ། །བ་ནི། ངོ་བོ་ཆོས་ཉིད་ཀྱི་རིགས་པ་ཡིན་པའི་ཕྱིར་ན་ཚད་མས་གྲུབ་པའི་རིམ་པ་གསུམ་མང་བ་ཉུང་ངུའམ་འཐོར་བ་ཕྱོགས་གཅིག་ཏུ་བསྡུ་བར་བྱའོ། ༈ །གདམས་པ་བླང་པའི་ཡུལ་བླ་མ་དང་གདམས་པའི་གཏད་པ་རྟེན། །སློབ་མ་དང་གདམས་པ་དེ་ཡི་རིམ་པའོ་༈ སྔ་བ་བླ་མ་ལ་གཉིས། །སྣང་སྲིད་ཡེ་ཤེས་སུ་མཚོན་པའི་བརྡ་རུ་ཤེས་ནས་སློབ་མའི་སེམས་ཉིད་དོན་ལ་སྤྲོད་པ་དང་༼༠༽མ་ནོར་ངེས། །པའི་སློབ་དཔོན་གྱིས་ཡིན་དོན་བརྒྱུད་༼༠༽དང་དངོས་སུ་སྤྲོད་པའོ། ༈ །སྔགས་ཕྱི་ནང་གི་རྒྱུད་སྡེ་དྲུག་དང་མདོ་སྡེ་མཚན་ཉིད་ཀྱི་ཐེག་པ་གསུམ་ཐུགས་ལ་རྫོགས། །ཤིང་མ་ནོར་བར་མཁྱེན་པའོ། །རྒྱལ་བས་གསུངས་པའི་བཀའ་རྒྱུད་དང་སློབ་དཔོན་གྱི་གཞུང་དང་རིག་པའི་སོ་སོ་འདོད་པ་དང་བྲལ་བ་དོན་ལ་མཁས། །པ་བཅོས་མའི་དབང་དང་འོག་མའི་གྲུབ་མཐའ་ཤེས་ནས། དམན་པའི་བློ་སྤངས་པའོ། །ཁྱད་པར་འདི་ཉིད་ཀྱི་ལྟ་སྤྱོད་ལ་སོགས་པ་ཤེས། །རིག་པའི་ཡེ་ཤེས་ཕྱོགས་མེད་རྟོགས་པའི་ཤེས་རབ་དང་ཏིང་ངེ་འཛིན་ཉིད་ལ་དུས་ཐམས་ཅད་དུ་མ་ཡེངས་པར་གནས། །ཟང་ཟིང་གི་རྫས་དང་འཇིག་རྟེན་གྱི་གཉེན་དང་འབྲེལ་བའི་ངོར་བདེན་པའི་དོན་མི་སྤྲོ། །བར་ཆུ་སྲིན་སྡེར་མོ་བཞིན་བསྡམ་མོ། །སྣོད་མེད་ལ་མན་ངག་མི་སྟེར་ཡང་ཐུགས་རྗེ་ཕྱོགས་རིས་མི་མངའ་བ་གང་གི་འདུལ་བ་ལྟར་ཀུན་ལ་སྙོམས་པར་དོན་མཛད། །རང་གི་རྒྱུད་ཀྱི་རྣམ་པར་རྟོག་པས། མ་བཅོས་པར་རྟོགས་པའི་གདེང་གིས་དེ་ཉིད་རྣམ་པར་དག་པ། །ལ་རྟོགས་པའི། དོན་དང་འབྲེལ་བའི་སྒྲ་ཚིག་གིས། །སློབ་མ་རང་ལ་གནས་པའི་མ་བཅོས་པའི་ཡེ་ཤེས་རང་རིག་པའི་ངོ་བོ་མངོན་དུ་སྟོན། །ནུས་པས་རང་བཞིན། མ་བཅོས་དོན་དེ་གྱི་བརྡ་དོན་དེ་ཉིད་དང་སྤྲོད། །རིན་ཆེན་གྱི་བརྒྱུད་པ་བར་མ་ཆད། །པའི་དབང་རྒྱུད་མན་ངག་གྲུབ་ཐོབ་ཀྱི། ཆུ་བོ་བཞི་རྫོགས་པའི་བླ་མ་དམ་པ་བསྟེན་ནོ། ༈ །མཚན་ཉིད་དེ་དག་དང་ལྡན་པ་དེ་མིན་བར་རིན་ཆེན་བརྒྱུད་པས་དབུལ་ཞིང་ཕོངས་བ་ཡི། །ཤེས་རབ་ཆུང་ཐོས་པ་ཆུང་ང་རྒྱལ་ཆེ་བ་ཅན། །མུ་མཐའི་ཕྱོགས་རིས་སུ་འཛིན་ང་བདག་ཏུ་རྟོག་ཅིང་རྨོངས་པའི་སློབ་དཔོན་བསྟེན་པ་ལ་དུས་ནམ་དུ་ཡང་རང་གྲོལ་བའི་མན་ངག་གི་དོན་མི་ལྡན། །པར་ལྡན་བ་སྐད་ཟེར་བའི་སློབ་དཔོན་བདག་ཉིད་ཕུང་གཞན་སློབ་མ་རླག་པར་བྱེད་པའི་སླུ་བྲིད་མཁན། །དེ་ཟང་ཟིང་འཁོར་དང་ལོངས་སྤྱོད་ཀྱིས་རྒྱུད་གདུངས་པས་རང་ཆེ་བཅོས་ནས་གཞན་སླུ། །བའི་སློབ་དཔོན་ནི་དུས་ནམ་དུ་ཡང་སྐད་ཅིག་ཙམ་ཡང་བསྟེན་པར་མི་བྱའོ། ༈ །དོན་མ་༼ཿ༽ནོར་བར་ངེས་པར་རྟོགས་པའི་རང་རིག་གི་གང་གིས་སློབ་དཔོན་གྱིས་ནི། །རང་ལས་རྒྱུད་ཐ་གང་ལ་བསྟན་དད་མ་ཡིན་པའི་སློབ་མ་དེ་ཉིད་ལ། །སྟོན་བྱེད་ཀྱི་ཐབས། སྒྲ་ཇི་ལྟར་ཡི་ཚད་མ་མིང་ཚིག་མི་མངའ་བར། །དེ་ཁོ་ན་ཉིད་ཇི་གང་བསྟན་བཞིན་བར་གནས་རིམ་པའི་ངོ་བོ་དེ་ཉིད་སྟོན། །དེ་མཚན་པའི་བརྡ་དང་བྲལ་བ་སྟོང་པ་ཉིད་ཀྱི་དོན་རང་ལ་བཟློག་སྟེ་སྟོན་པ། །དེ་མིན་ལས་ལྷུན་གནས་ཀྱི་དོན་དང་ཕྲད་པ་མ་ཡིན། ༈ །སློབ་དཔོན། དེ་ཡིས་གདམས་པ་གཏད་པའི་རྟེན་སློབ་མ་དག་ཀྱང་། །ཤེས་རབ་དང་སྙིང་རྗེ་ནོགས་ཐུབ་སྟེ་རྟོགས་པ་འཛིན་ནུས་པའི་སྣོད་ལྡན་དམ་ཚིག་ལ་གཅེས་སྤྲས་སུ་འཛིན་ཏེ། །སེམས་ཉིད་ལ་ཉེས་སྐྱོན་དག་པའི་གདེང་བཅས་ནས། །རྐྱེན་ཐུབ་སྟེ་སྡུག་བསྔལ་དང་ཉོན་མོངས་ལ་བཟོད་པ་ཆེར་ལྡན་པ། །སློབ་དཔོན་རིན་ཆེན་ལ་རང་གི་སྲོག་ལྟར་ཏུ་གཅེས་བར་འཛིན། །མན་ངག་རིན་ཆེན་སྣོད་མིན་ལ་མི་སྤྲོ་བར་གཏེར་ལྟར་དུ་འཆང་། །སྔར་ཐེག་པ་གཞན་ལ། སྦྱངས་སམ་རང་གི་ངོ་བོས་ཤེས་པའི་རྒྱུད་སྣོད་ལྡན་དུ་སྨིན། །རང་བཞིན་བཅོས་བསླད་མེ་བས་བཟང་ལ་རྒྱུད་ཅིས་ཀྱང་མི་འཁྲུག་པས་ངང་རིང་ཞིག །ཀུན་ཤོང་བས་ཁོང་ཡངས་རང་གི་རྒྱུད་ཀྱི་ཚུལ་གཞན་དུ་མ་བཅོས་པ། །རང་གི་སྲོག་བས་སྙན་ཁུང་བརྒྱུད་པའི་མན་ངག་ལྷག་པར་སེམས་པ་ཅན། །གཞི། དད་པ་ཅན་ལ་ཉོན་མོངས་པ་དུལ་བའི་སེམས། །རྫས་དང་སྤྱོད་ལམ་ལ་སོགས་པས་ཅི་ནས་ཀྱང་བླ་མ་མཉེས་པར་བྱེད། །པ་དེ་ནི་ཡང་དག་དོན་དང་ཕྲད་པའི་རིགས་སོ། ༈ །དེ་ལྟ་མིན་ཏེ་རྣ་བརྒྱུད་ཀྱི་སྐལ་བས་དབུལ་བ་ཡི། །གང་ཟག །དམ་ཚིག་དང་རྣམ་པར་དཀར་བའི་ལས་སྤངས་ཏེ་མི་སྲུང་བས་ཐ་མལ་བའི་སེམས། །ཡི་ལ་རང་གི་རྒྱུད་ངན་པས་རིགས་ཡོན་ཏན་ལོངས་སྤྱོད་ཀྱིས་དྲེགས་པས་བླ་མ་དང་གྲོགས་ལ་བརྙས་པ་དང་། །ཐེག་པ་སོ་སོ་མ་ཐོས་པས་རྨོངས་ཏེ་ཤེས་རབ་སྦྲམ་པས་མན་ངག་གི་བླང་དོར་མི་ཤེས་པ་དང་། །བླ་མའི་མན་ངག་གི་བཅུད་ཆེན་གཞན་ལ་སྤེལ་བས་འཛག་པ་དང་ཡེ་ནས་བློ་འཕངས་དམའ། །བས་ཤེས་རབ་གསུམ་ལ་མི་སྦྱོང་བ་དང་འཇིག་རྟེན་གྱི་ཁེ་དང་གྲགས་པའི་རྒྱུར་མན་ངག་སྒྲུབ་པ་དང་། །རིགས་པ་དང་མི་ལྡན་པར་ཁྭ་ལྟར་མུ་ཆོར་དུ་སྨྲ་ཞིང་མི་མཁས་ཀྱང་རང་མཁས་པ་བླ་མའི་ས་འཛིན་པར་འདོད། །བླ་མ་སྲོག་ཏུ་མི་འཛིན་པར་སྨོད་པར་བྱེད་མན་ངག་བསྒྲུབ་བྱར་མི་སེམས་པར་སྤེལ་བར་སེམས་པས་སྤོང་། །མཉེས་པ་མ་ཕུལ་བར་མན་ངག་ཐབས་ཀྱིས་འབྲུ་ཞིང་ཐོབ་ནས་གཞན་ལ་བཞོག་ངོམ་ཅན། །སྣོད་བརྟག་པའི་ཕྱིར་སྤྱོ་བ་བྱས་པ་དང་སྐྱོན་བཅོས་པའི་ཕྱིར་མཚང་འབྲུ་བ་ལ་སོགས་པ་མི་བཟོད་ཅིང་། །ངག་ལ་རིགས་མི་འགྱུར་བར་ངེས་ངེས་སྐད་ཟེར་ཞིང་བསམ་པ་ལ་མི་ངེས། །སློབ་དཔོན་དང་རྡོ་རྗེ་སྤུན་གྲོགས་སྨོད་པར་བྱེད་ཅིང་། །རང་ཆེ་བར་འདོད་པའི་དྲེགས་པས་གཞན་ལས་ཁྱད་འདོན་པའི་ཚིག་སྨྲ། །སེམས་ཅན་ཕལ་པ་ཐ་མལ་བའི་ལུས་ངག་གི་སྤྱོད་པ་ཚུལ་མིན་གྱིས་ཞེ་གཅོད་ཅིང་། །ཆོས་ལ་ཕྱོགས་རིས་ཆེ་ཞིང་ཉུང་ཤས་ཀྱིས་ཚིམ་པས་ངོམས་པ་སྐྱེན། །ཚིག་དོན་གཉིས་ཀ་ལ་ཐེ་ཙོམ་མ་ཆོད་ཀྱང་ཤེས་ཚུལ་བྱས། །ནས། ནན་ཏན་མི་ལྡན་ཞིང་ཕྱོགས་ཙམ་ལ་བློ་གཏོད་པ་ལ། ༈ །རྫོགས་པ་ཆེན་པོའི་རྣ་བརྒྱུད་ཀྱི་མན་ངག་བསྟན་བྱས་ན། །དཔེར་ན་ལྷོ་ནུབ་དམ་ཤོད་གླིང་གི་དུར་ཁྲོད་དུ། །མཁའ་འགྲོ་རྣ་ཉན་འདུ་བ་བཞིན། །དུ་དམ་ཅན་འདུས་ནས། འཆི་བའི་དུས་མ་ཡིན་པ་བརྒྱད་ཀྱིས་འཆི་བའི་དུས་མ་ཡིན་ཡང་དུས་ལྟར་འཆི་བའི་སྔོན་རོལ་དུ། །སྲོག་བཅད་དེ་ཤ་ཁྲག་དངོས་སུ་ཟ་བར་བྱེད། །བའི་སྐྱོན་ཡོད་དོ། ༈ །སྣོད་དང་ལྡན་པ་དང་ངང་རིང་བ་དང་ཚུལ་ཤིས་པ་དང་རང་བཞིན་བཟང་མོད་ཀྱང་། །བློ་ཡིས་འདིའི་དོན་མི་ཆོམ་སྟེ་མི་རྟོགས་པ་དེ་ལ་འང་སྦྱིན་པ་མིན། །དད་པའི་རིགས་མཆོག་ཏུ་གྱུར་པ་ཡོད་མོད་ཀྱང་། །ཉམ་བག་རོལ་པ་རྫོགས་པའི་དོན་ལ་བློ་མི་རྟོན་པ་དེ་ལ་འང་སྦྱིན་པ་མིན། །སློབ་དཔོན་ལ་ཐབས་དུ་མའི་སྒོ་ནས་སྨོད་ཅིང་རང་ངོས་ཆེ་སར་འབྱིན། །པར་འདོད་པའི་བྱས་པ། དྲིན་དུ་མི་གཟོ་བ་དེ་ལ་འང་སྦྱིན་པ་མིན། །རང་རྒྱུད་ཀྱི་སྐྱོན་ལ་མི་རྟོག་པར་དྲེགས་པས་གྲོགས་ལ་སྐུར་པ་འདེབས་པ་ཅན། །རང་བཞིན་རྒྱུད་ངན་ཞིང་མཆེད་ལ་བརྩེ་གདུང་སྤངས་པ་དེ་ལ་འང་སྦྱིན་པ་མིན། །དེ་ལྟ་བུ་ལ་སོགས་པ། ༈ གཞུང་ནས་གསུངས་པའི་ཡོན་ཏན་དང་ལྡན་པ་མ་ཡིན་པའི་སློབ་མ་ནི། །རང་གི་ལུས་ཀྱི་གྲིབ་མ་བཞིན་དུ་དྲུང་དུ་འཁོར་ཡང་དྲག་པོའམ་ཐབས་ཀྱིས་སྤང་། །གསོད་དོ་ཞེས། ལུས་སེམས་འབྲལ་བས་བསྡིགས་སུ་བྱུང་ཡང་མན་ངག་དད་པ་ཤེས་རབ་བརྩོན་འགྲུས་སྙིང་རྗེ་དམ་ཚིག་གཏོང་ཕོད། བཟོད་པ་ཆེ་བ། ཞེན་པ་དང་སེར་སྣ་ཆུང་བ་ལ་སོགས་པའམ། ཡང་ན་གོང་གི་སྐྱོན་ལས་བཟློག་༼ཀ༽པའོ། །ཁར་དབྱུང་བར་བྱ་བ་མིན། ༈ །ཡོན་༼ཁ༽ཏན་དེ་ལྡན་སློབ་མ་ནི། །ཤིན་ཏུ་ཉུང་བས་སྟོང་གསུམ་བཙལ་ཡང་འགའ་དང་ཟུང་། །ཅིག་ལས་མི་རྙེད་པས། ནུབ་པ་དང་རྩོད་པ་དང་། ཐེ་ཚོམ་གྱི་རྒྱུར་འགྱུར་བས་མན་ངག་རུའི་དགོངས་བ་འཆར་དུ་རུང་བའི། རྒྱལ་ཐབས་དབང་གི་རྒྱལ་འཐེབ་རིགས་ངེས་པ་གཅིག་ལ་གཏད། །དེ་ཇི་ལྟར། མང་དུ་ཟིན་ཡང་གསུམ་ལས་འདའ་བར་མི་བྱའོ། ༈ །མ་ནོར་ངེས་པའི་སློབ་མ་ནི། མ་ནོར་ངེས་པའི་བླ་མས་འི་སྐབས་ལ་ཤེས་སོ། ༈ །དྲོན་ཚེགས་ཆུང་བའི་མན་ངག་གི་རིམ་པ་ལ་རྣམ་པ་གྲངས་གཉིས་ཡིན་ཏེ། །གསལ་བའི་མིང་དེ་དོན་གཟུང་དང་བསྲུང་བའོ། ༈ །གཟུང་བའི་དོན་ལ་ལྟ་བ་རྟོགས་པའི་ཐབས་དང་དེའི་ངང་དུ་གོམས་པར་བྱ་བ་དང་། །དེ་གཉིས་ཀྱི་ཞོར་ལ་སྤྱོད་པ་དང་མཐར་ཕྱིན་འབྲས་བུ་བསྟན་པའོ། ༈ །ལྟ་བ་རྟོགས་པའི་ཐབས་ལ་གཉིས་ཏེ་བརྡ་དོན་བརྒྱུད་ནས་རྟོགས་པ་དང་བརྡ་དོན་དངོས། །སུ་རྟོགས་པའོ། ༈ །བརྡ་དོན། བརྒྱུད་ནས་རྟོགས་པའི་ཐབས་ཀྱི་མན་ངག་ཡི་གེ་རིས་དཀྱུས། །སུ་བྲིས་བ། རྒྱུད་ནས་གསུངས་པ་དང་འབྲེལ་པ་བྱ་བ་དང་བྲལ་བར་ཐམས་ཅད་རྫོགས་པར་སྟོན་པ་ལུང་། །གི་ཆོས་རྣམས་སོ། ༈ །དངོས་སུ་བརྡ་ཡིས་དོན་བསྟན་པ། །ནི་རྣམ་རྟོག་མ་ཟད་ན་སྣང་སྲིད་ཡེ་ཤེས་མཚོན་པའི་བརྡར་མ་གྱུར་པ་མེད་པས། བསམ་ཡས་ཀྱང་སྙན་ཁུང་བརྒྱུད་པ་བརྡ་དྲུག་གི་རྒྱ། །ས་གདབ་སྟེ། རྒྱུ་དང་འབྲས་བུའི་མཐར་གྲུབ་པ་མིན་རང་བྱུང་ཡེ་ཤེས་སུ་བརྡ། །ར་བཏགས། བཅོས་བསླད་ཀྱི་མཐར་གྲུབ་པ་མིན་པས་རྫོགས་པ་ཆེན་པོའི་ཞེས་བྱ་བ་བརྡ། །ར་བཏགས། གཞི་མ་བཅོས། ཇི་བཞིན་པ་ཉིད་དུ་གནས་པས་བྱང་ཆུབ་སེམས་ཞེས་ཚིག་ཀྱི་བརྡ། །ར་བཏགས་ཆེ་བའི་ཡོན་ཏན་གཞན་ནས་མི་འཚོལ་བས་ལྷུན་གྱིས་གྲུབ་པའི་ཞེས་ཚིག་གི་བརྡ། །ར་བཏགས། སྡུག་བསྔལ་གསུམ་གྱི་མཐར་གྲུབ་མིན་པས་བདེ་བ་ཆེན་པོའི་ཞེས་ཚིག་གི་བརྡ། །ར་བཏགས། ལྡོག་པ་གང་ཡང་མི་གནས་མུ་མཐའ་གང་གི་ཡང་ཕྱོགས་སུ་མ་ལྷུངས་པར། །སྒྲ། ཇི་བཞིན་མ་ཡིན་པར་མཚོན་པའི་བརྡ་ཡིས་དོན་དང་སྤྲད། །དོ། །དེ་དག་གི་དོན་སྒོ་གསུམ་གྱིས་བརྡ་ངག་མཉེས་པར་བྱས་ན་བླ་མས་སྟོན་པར་འགྱུར་གྱིས། ༈ །བརྡ་བརྒྱུད་ཐན་པས་ཅི་ཞིག་སྨྲ། །ཞེས་པས། བརྡ་བྲལ་སྟོང་ཉིད་རང་གྲོལ་དང་གོལ་ས་དང་སྒྲིབ་པ་རྣམས་རིག་པས་ཉམས་ཀྱི་ཚོད་ཟུང་། །ཞིག་པའོ། ༈ །བརྡ་ཡིས་རྟོགས་པའི་དོན་ཉིད་གོམས་པས་མཐར་དབྱུང་བའི་ཐབས་ནི། །སྔོན་དུ་འགྲོ་བ་དང་རང་སེམས་ངོ་བསྟན་པ་དང་རྟོགས་པའི་དོན་ལ་གོམས་པས་གཞག་པའི་ཚུལ་ལོ། ༈ །ཡེ་གནས་དང་སྤྱི་བླུགས་རྣལ་བཅོས་ཀྱི་དབང་བསྐུར་བ་དང་སྤྱོད་ལམ་དང་འཕྲུལ་ཚིག་སྒྲ་ཡིས་བླ་མས་སྣོད་བརྟག་བུས་རིག་དོན་འདོད་པར་གསོལ་བ་གདབ་བླ་མས་གནང་བ་སྦྱིན། །པ་རྣམས་རྒྱས་པར་རྩ་རྒྱུད་ལྔ་པ་ལྟར་རོ། ༈ །ཐུག་ཕྲད་གསུམ་སོགས་རང་སེམས་ངོ་བསྟན་ལ། ༈ །བསྟན་པའི་དོན་ལ་གཞག་ཚུལ་བསམ་ཡས་ཀྱང་སེམས་ཀྱིས་སེམས་ལ་བལྟ་བ་དང་ལྟ་བ་རྟོགས་པའི་རྗེས་སུ་བཞག་པ་དང་། །བློ་དམིགས་པ་གང་ལ་ཡང་གཞག་ཏུ་མེད་པའམ་མན་ངག་གི་སྐབས་འདིར་རྒྱ་གསུམ་ལས་མི་འདའ་བར་གདབ། །པ་ནི་དྲིན་གྱིས་རང་སེམས་བསྟན་པའི་ངང་ཉིད་མ་ཤོར་བ་ནི་སོ་མ་ཙམ། །ཆེད་དུ་འབྲས་བུ་དམིགས་ནས་བླང་བ་དང་སྒྲིབ་པ་དོར་བ་མིན་པ་ནི་ལྷུག་བ་ཙམ། །མི་མཐུན་པའི་སྐྱོན་རྣམས་གཉེན་པོས་བཅོས་པ་མིན་པ་ནི་རང་དང་དུ་ཞོག་ཅིག ༈ །དེ་ལྟར་གཞག་ཐབས་གསུམ་པོ། དེ་ཡང་བློས་དམིགས་པ་ལ་གཞག་ཏུ་མེད་པ་ལ་གཞག་པའི་ཐབས་ཞེས་བླ་དྭགས་ཙམ། །དུ་བརྗོད་པ་ཡིན་ཏེ། ཡེངས་པའི་རྟོག་པ་ཐམས་ཅད་མི་རྟོགས་པ་ཉིད་དུ་བྱུངས་ཐེབས་ནས་གནས་ཤིང་། །རང་རིག་པའི་ཉམས་ཚད་མས་ཆོས་ཉིད་མི་རྟོག་པ་ཉིད་མངོན་སུམ་དུ་གསལ་བར་རྟོགས་པའི་ཕྱིར་རོ། ༈ །བྱིང་བ་དང་རྒོད་པའི་རྟོགས་པ་ཤར་ན་རིག་པའི་མི་རྟོགས་པའི་ངང་ལས་མི་འགྱུར་བ་གཟེར་ཆེན་ཐོབ། ༈ །ཚིག་གིས་མི་ཕེབས་པས་གཞན་ལ་མ་འབྲི་བར་རང་རིག་པས་ཉམས་ཀྱི་ཚོད་ཟུང་ཞིག །དེ་ཡང་མ་ནོར་ངེས་པའི་བླ་མའི་སྒྲོ་སྐུར་དང་བྲལ་བ་ལུང་དང་བརྡ་བྲལ་སྟོང་ཉིད་རང་ལ་བཟློག་པའི་མན་ངག༼༅༽ །དེ་༼༅༽ ཉིད་སློབ་མས་ཀྱང་བརྡ་བྲལ་དེ་བཞིན་དུ་ལུང་མན་ངག་ནོས་ཤེས་བྱའོ། ༈ །ལྟ་སྒོམ་དེ་ཡི་ཞོར་ལས་བྱུང་བ་འདུ་བྱེད་སྤྱོད་པ་སྣ་ཚོགས་པའང་། །འགྲོ་འདུལ་ཐུགས་རྗེ་འདུལ་བྱ་དང་མཐུན་པར་འཇུག་པས་རྟོགས་གོམས་ལྷག་པའི་གདེངས་ལྡན་གྱིས་སྤྱོད་པ་ནི་གཞན་དཀར་སྤྱོད་ནག་སྤྱོད་གང་ལའང་བླང་དོར་མེད་བར་ཁྱབ་པར་སྤྱོད་པའོ། །ནམ་མཁའ་རྡོ་རྗེའི་སྤྱོད་པ་ནི་ལྟ་བ་གང་ལ་ཡང་དགག་སྒྲུབ་མེད་པར་རྟོགས་པའི་གདེང་གིས་ཟིན། །པས་སྤྱོད་ལམ་བཞི་པོ། ཅི་ལ་སྤྱོད་ཀྱང་རྟོགས་པའི་དོན་ལས་གོམས་པས་མ་ཡེངས་པར་དེ་ལྟར་དུ་ཞོག་ཅིག་པའོ། ༈ །ལྟ་སྒོམ་སྤྱོད་པ་མི་ཕྱེད་པ་དེས་ཡིན་ལུགས་དེ་མཐར་ཕྱིན་པའི་ལྡོག་ཆས་འབྲས་བུ་གཉིས་ཕྱེ་ཡི་དོན་ལ་གཞི་འབྲས་ཐ་དད་མིན། །འབྲས་བུའི་ཁྱད་པར་རྒྱས་པར་འདིར་སྤྲོ་བ་མིན་ཏེ་ཡིན་ལུགས་མངོན་དུ་གྱུར་པ་དེ་ཙམ་ཉིད་དུ་བས་བའོ། ༈ །ལྟ་སྒོམ་སྤྱོད་པ་དེའི་ངང་ཏིང་ངེ་འཛིན་ལ་གནས་པས་བསྟན་པ་དེ་བསྲུང་བ་ནི། ༈ །ཕྱི་ལྷ་སྐུ་ནང་སྟེང་སྒོ་གསང་བ་འོག་སྒོ་མཐར་ཕྱིན་པའི་དེ་ཁོ་ན་ཉིད་ཀྱི་གཤིན་རྗེ་གཤེད་པོ་བཞི་ལ་ལྟ་སྒོམ་གྱིས་གནས་པ་ལ་ལས་པྲ་ཁྲིད་ལག་ལེན་དུ་བྱས་ཏེ། ༈ །ནང་སྲོག་གི་སྙིང་པོ་འདིས་དབྱིངས་ནས་བསྐུལ་ལ་བར་ཆོད་ཟློག་ཅིག །ཨ་ཀྲོ་གཙོ་བོའི་དེ་བ་ར་ཧུ་ནག་པོ་ཙ་མ་རུ་དམར་པོ་ཙ་ཡཀྵ་མོན་པ་མུཉྩ། མོན་མོ་ཙཀྴ་ཛ་ཛ། རུ་མོ་བལ་མོ་ཛ་ཛ་ཞེས་བགྲང་། ༈ །མཚན་མ་ར་སྤྲུལ་པ་ལ་སོགས་པ་བྱུང་ན། ཚད་ལ་ཕེབས་པ་དང་། །དམིགས་པའི་ཡུལ་ལ་གདབ་པ་ནི། །སྐེར་ཕུར་འདི་མན་ཆད་ཀུན་ཨ་ཀྲོ་དེ་བ་ལ་བཏགས་ལ་བཟླས་སོ། །བ་ཙ་ར་ལ་རྦད། མོན་པ། མཆོག་ཕུར་ཙ་མུན་སྲོག་མོན་མོ་ལ་རྦད། སེང་ལྡེང་ཙུ་རུ་བལ་མོ་དྷི་ཙ་རྦད། གནས་ཀླད་པ། ༼མཆོག༽སྙིང་ཁ། ༼སྐེར་༽གསང་བ་༼སེང་ལྡེང་༽གསུམ་དུ་ཕུར་པ་གསུམ་གྱིས་བསྣུན་ནོ། ༈ །དེ་ནས་གྲི་མོན་མོ། གུག་གམ་ཁ་ཊྭཱཾ་མོན་པ་ཀའམ་རལ་བལ་མོ་གྲི་ཐོགས་ཏེ། །ཙི་མོན་བ་རུ་ཙ་ན་ལ་དུམ་ཛ་ལ་གདགས། རུ་ཙི་མོན་མོ་ཙུ་ན་ལ་དུམ། ཙ་རུ་དབུགས་ལ་དུམ་བལ་མོ་བུར་གཏུབ་པ་སྲོག་ས་མ་ཏི་དང་བཅས་པའོ། ༈ །དེ་ནས་གཏུབས་པའི་ཕྱེ་མ་དང་མིང་བྱང་དུ་བཅས་པ་ཁོ་རང་གི་ཕ་མེས་ཀྱི་རིགས་ཀྱི་ཐོད་པར་སྩལ་ལ། ཆུ་མིག་ལ་སོགས་པར་གནད་དུ་ཆུད་པར་གནན། ཛ་ཛ་ལ་གདགས་ཙ་པ་ཤ་ལྷན། རུ་ཙ་སྲོག་ལ་ལྷན། ཙིཏྟ་ལ་ལྷན། ༈ ཀླུའི་གཉེན་པོར་བྱ་ཁྱུང་ངམ་ཕྱག་རྡོར་བསྒོམ་ཤེས་པས་བསྲེགས་པའི་ཐལ་བ་ལ། ཛ་ཛ་ལ་གདགས་ནག་པོ་ཙིཏྟ་རཀྴ་ནཎ་ལྃ། དེས་དྲངས་ལ་ཆ་མིག་མཐའ་མ་བསྐོར་ཞིང་ཀླུའི་འབྲོས་རུ་གཅད། ༈ དུག་དགྲའི་རྨ་བྱ་མཁྲིས་པས་ལུས་བསྲུང་། བཅོམ་ལྡན་འདས་བཞུགས་པའི་དུས་ན་ཡོད་པའི་ཀླུ་རྒན་པོས་ཀླུ་གཞོན་ནུ་ལ་བསྐྱབས་པ་བཞིན་དུ་དང་། ཕྱག་གཡས་པའི་ཐ་མའི་གཉེན་པོ་བྱ་ཁྱུང་སྲོག་དབུགས་ཧ་ཡ་ༀ་ས་ཁྲི་ལྔ་དང་བཅས་པ་ནི་ཕྱིའི་ལུས་བསྲུང་བ་རབ་བོ། ༈ །ཛ་ཛ་ལ་གདགས་ནི་ལ་ཆུར་མི་ལ་ཙནྡྷ་སརྦ་མ་མ་བྷྱོ་བྷྱོ། ཟོར་བྱ་བཟློག་པའོ། ༈ །སྙན་བརྒྱུད་ཞུ་བའི་དང་ལ་དཔོན་སློབ་ཕན་ཚུན་སྣོད་དང་བཅུད་བརྟག་ཅིང་། སློབ་བུས་ཞུ་བླ་མས་གནང་བ་ལ་སོགས་པའི་སྔོན་འགྲོ་རྫོགས་པ་དང་། རྩ་བ་བཅོ་བརྒྱད་ཀློང་དགུ་ལ་སོགས་པ་བསམ་གཏན་ཕྲན་བུ་དང་བཅས་པ་བརྒྱུད་པ་ཡི། བྱ་བྲལ་རྫོགས་པའི་ལུང་དང་ཡི་གེའི་རིས་དཀྱུས་ཀྱི་མན་ངག་སྦྱིན། པས་ཤེས་པ་བློ་སྦྲམ་གྱི་རྒྱུད་ཁྲོལ་ཏེ་སྣོད་དུ་རུང་བར་བྱས་ལ། བཅོས་མའི་མ་འི་དབང་ལ་བརྟེན་ནས་རྣལ་མས་ངོ་སྤྲད་པའམ་རྣལ་མའི་དབང་ལ་བརྟེན་ནས་བཅོས་མའི་དབང་ཡེ་རྫོགས་སུ་བསྐུར་བའི་དབང་གང་རུང་རྫོགས་པར་བྱ། སྟེ་རྒྱལ་ཐབས་སྤྱི་བླུགས་དོན་དམ་ཚང་པའི་དབང་གི་རྣ་བརྒྱུད་ཞལ་གྱི་མན་ངག་བསྟན། པས་སྐུ་གསུམ་ཐུག་ཕྲད་དུ། ཚད་བསྟན་ཏེ་རྟོགས་པའི་དོན་ལ་གཞག་ཐབས་གསུམ་གྱིས་གོམས་པར་བྱའོ། ༈ །ད་འདི་གང་རུང་རུང་ལ་སྤེལ་ན། འདིའི་གོང་གི་སྔགས་རྣམས་ཀྱི་བདག་ཉིད་རྣམས་གིས་གཤེད་མར་གྱུར་ཅིག །གོང་དུ་གསུངས་པའི་ཚུལ་བཞིན་དུ་སྣོད་བརྟག་ཅིང་གང་རུང་རུང་ལ་མི་བསྟན་ཏེ། གལ་ཏེ་རྫས་དང་འབྲེལ་པའི་ངོར་བསྟན་ན། སྟོན་མཁན་གྱི་སློབ་དཔོན་དེས་འདིའི་བསྟན་པ་བཤིག་པ་ཡིན་ནོ། ༈ །སློབ་མ་གནོད་སྦྱིན་མོ་བྱང་ཆུབ་ཀྱིས་གནས་རྒྱ་མཚོའི་གླིང་དུ་སློབ་དཔོན་ཀླུའི་རྒྱལ་པོ་དགའ་བོ་ལ་ཡོན་གསེར་གྱི་དོང་ཙེ་བརྒྱ་རྩ་གཅིག་ཕུལ་ནས་གསོལ་བ་བཏབས་པ། དེས་ཡི་གེར་བསྒྲིགས་པ་ཡིན་ཏེ། ༈ ཞབས་སུ་ཐབས་གཅིག་ཤེས་རབ་གཅིག་ཏུ་བརྒྱུད་པར་གྱུར་ཅིག །བརྡ་ཡི་གེར་བཏོན་པ་ཕྱག་རྒྱ་གསུམ་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་བ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབས་པའོ། ༈ །སེའི་བནྡེ་འབྱུང་ལྡན་གྱིས་མཆན་བུ་བྱིན་སོ་རང་གི་རྣམ་རྟོག་དང་མཐུན་པར་བཏབ། བསྟན་པ་སྲུང་བའི་སྐབས་རྣམས་སེར་ཆུང་མ་ཇི་ལྟ་བ་བཞིན་བཏབ་སྟེ། འདིའི་གདམས་ངག་གཅིག་ལོགས་ན་ཡོད་དོ། །

དྲི་མེད་གསང་བའི་སྒྲོན་མ་གནོད་སྦྱིན་མོ་བྱང་ཆུབ་ཀྱིས་མཛད་པ་སེའི་བནྡྷེ་འབྱུང་ལྡན་གྱི་མཆན་ཅན།

དྲི་མེད་གསང་བའི་སྒྲོན་མ་བཞུགས། །རྒྱ་གར་སྐད་དུ། ལོ་ཀ༈བི་མ་ལ༈གུ་ཧྱ༈པྲ་དཱི༈ནཱ་མ། བོད་སྐད་དུ། འཇིག་རྟེན་དྲི་མ་མེད་པ༈གསང་བའི༈སྒྲོན་མ༈ཞེས་བྱ་བ། ༈ །དཔལ་བདེ་བ་ཆེན་པོ་བྱང་ཆུབ་ཀྱི་སེམས་ཀུན་ཏུ་བཟང་པོ་ལ་ཕྱག་འཚལ་ལོ། ༈ །གནས་ལུགས་རང་སྣང་ཕྱོགས་མེད་བདེ་ཆེན་དུ་ལྷུན་གྱིས་གྲུབ་པའི་ངང་ལས་མུ་བཞིའི་ཕྱོགས་སུ་ལྷུང་བའི་དྲི་མས་དཀྲུགས་ཏེ་བརྟགས་པའི་རྫས་ཐག་སྦྲུལ་ལྟར་དུ་འཁྲུལ་པར་གྲུབ། །དྲི་མ་དེའི་མཐུས་གདུང་བའི་ལས་དང་ཉོན་མོངས་པ་ཉེས་པས་བདག་གཞན་སྲིད་པར་འཁོར་བ་ཉམ་ཐག་སྟེ་སྡུག་བསྔལ་བརྒྱད་དམ་གསུམ་སོགས་བཟོད་པར་དཀའ་བ་ལས། །ཀུན་གྱི་རང་བཞིན་མ་ནོར་བ་ངོ་བོ་ཉིད་ཀྱི་སྐུ་དོན་གྱིས་རང་སྣང་ཇི་ལྟ་བ་རིག་ཅིང་མངོན་དུ་མཛད་པའི་བྱིན་རླབས་ཆོས་སྐུ་ལོངས་སྐུའི་བརྡས་བཀྲོལ་ཏེ་སྤྲུལ་སྐུ་དང་ཡང་སྤྲུལ་ཤར། །བ་དེ་ལས་གསུང་ཚིག་ཏུ་བྱུང་ཞིང་མི་དང་ལྷའི་རིག་འཛིན་རིག་པས་བརྒྱུད་མཛད་པའི་དངོས་ཀྱི་བླ་མ་ཀླུ་རྒྱལ་དགའ་བོ་ལ་ཕྱག་འཚལ་ལུས་ཀྱིས་གུས་མཆོད་ནས། ༈ །འགྲོ་བ་རྣམས་འཁོར་བའི་རྐྱེན་སྲེག་པའི་འདོད་ཆགས་ཀྱིས་ཆོས་ཉིད་ཐབས་༢མ་ནོར་བས། །ལེགས་༡པར་རྟོགས་༣ན་སྲེད་པ་བཅོས་པ་མེད་པར་ཆོས་ཉིད་རང་སོར་བཀྲོལ་བའི་ཐབས་མངོན་སུམ་པའི་མན་ངག་བསྟན་པ། །དེའི་སོ་ལ་མི་གནས་པར་ཆགས་པ་གཡོན་གྱི་ལམ་གྱིས་བློ་ཁྲིད་དེ་གཡེངས་བ། །ཆགས་པའི་དུག་ཉིད་ལ་ཆགས་པའི་དུག་ཉིད་ཀྱིས་གསོས་སུ་འགྱུར་བར་བྱ་བའི་བཀའ་ལས་གྲགས་པ་དེ་བདག་གིས་བསྡུས་ཏེ་བཤད་པར་བྱའོ། ༈ །དོན་གྱི་གཞུང་ཆེན་གནས་འཁྲུལ་རྟོགས་གོམས་འབྲས་བུ་ལྔ་ཡིས་ཕྱིའི་ཁོག་བྱས་ལ། །བྱང་ཆུབ་སེམས་སུ་ལ་བཟླ་རྣམ་པ་དངོས་པོ་དངོས་མེད་གཉིས་གཉིས་མེད་རྣམས་ལ། བཞི་ཡིས་མུ་མཐའི་ཐེ་ཙོམ་གཅད། །ཚོགས་བརྒྱད་སྐྱེ་ལུགས་གསུམ་གནས་ལུགས་ལྷུན་གྲུབ་གསུམ་མི་འདའ་རྟོགས་ཐབས་ཐུག་ཕྲད་གསུམ་ལས་མི་འདའ་གོམས་ཐབས་གཞག་ཐབས་གསུམ་ལས་འདའ་བ་མེད་པ་རྣམ་པ་གསུམ་གྱིས་རྟོག་གོམས་ཀྱི་རིག་པ་འི་ངང་བསྐྱང་། །རྟགས་དང་མཚན་མ་གཉིས་ཀྱིས་ལམ་གྱི་རིམ་པ་ཚད་ལ་དབབ། །ཐུན་མོང་མ་ཡིན་པའི་ཉག་གཅིག་གི་ཀློང་ཆེན་ཉིད་དུ་ཐམས་ཅད་དྲིལ་ཏེ་སྦས། ༈ །འཁྲུལ་པའི་དྲི་མ་མེད་བར་གསང་བར་འདོད་ནས་གནས་པ་ནི། །ཉོན་ཡིད་གཟུང་༼ཀ༽འཛིན་ཡིད་སྤྲོས་༼ཁ༽པའི་སྒོ་ལྔ་ཡུལ་ལ་མཚན་༼ག༽མའི་ར་འཛིན་པ་དྲི་མ་ཉིད་དུ་སྣང་བ་ཡང་། །རང་༼ཀ༽རིག་༼ཁ༽སྤྲོས་བྲལ་སྒྱུ་༼ག༽མར་ལྷུན་གྲུབ་པ། །མཚན་༼ཀ༽ཉིད་རང་༼ཁ༽བཞིན་རྣམ་༼ག༽པས་རྣམ་དག་པ་ས། །དྲི་མ་མེད་པ་ཉིད་རྟོགས་པར་དཀའ་བས་སྒྲའི་རྗེས་སུ་འབྲང་བ་རྣམས་ལ་གསང་། །རང་གྲོལ་བའི་མན་ངག་སྐབས་ཉི་ཤུ་རྩ་བདུན་གྱིས་དབྱེ་རྒྱས་གདབ་པའི་ཕྱག་རྒྱ་ཉི་ཤུ་ལྔས་རྒྱས་གདབ་ཐིག་ལེ་དྲུག་གིས་སྤྲོས་པ་བཅད་ཆེ་བ་ལྔས་ཁྱད་པར་འཕགས། །པར་གནས་པའོ། ༈ །ལྷན་མ་རྟོགས་པས་རྒྱུ་བྱས་ཕྱིན་ཅི་ལོག་ཏུ་ཀུན་བརྟགས་པས་རྐྱེན་བྱས་པའི་དྲི་མས་འབྲས་བུ་སྣོད་བཅུད་ཀྱི་འཇིག་རྟེན་དུ་སྣང་བའི། །ཚུལ་དང་རྣམ་པའི་གྲངས་རྒྱས་པར་དཔའ་བོས་གཏེར་གཏད་དུ་བཤད་པ་བཞིན་ནོ། ༈ །དྲི་མེད་གསང་བའི་དོན་དེ་རྟོགས་ཐབས་ཀྱི་སྒྲོན་མས་འཇིག་རྟེན་གྱི་དྲི་མ་རང་གྲོལ་བ་ཐོབ། །པའི་ཐབས། རྣལ་མའམ་བཅོས་མས་འི་དབང་གི་བརྡ་དོན་སྤྲད་པ་ཡང་། ༈ །དང་པོ་ཡིན་ལུགས་བསྟན་ལ་དེའི་ངང་དུ་གོམས་སུ་གཞུག་པའི་ཐབས། །དཔའ་བོས་དབང་གི་ཀློང་དུ་བསྟན་པས་དེར་ཤེས་པར་བྱའོ། ༈ །རྣལ་མའི་དོན་བསྟན་པ། དེ་ལ་མ་གནས་པའམ་ཡང་ན་བློ་གྲོས་ཞན་པ་ལ། །རླུང་དང་ཐིག་ལེ་ལ་སོགས་པ་བཅོས་མས་འི་དབང་གི་རྣལ་མའི་དོན་མཚོན་པར་གསུངས་པ་ལ། །བླ་མ་ནཱ་ཀླུ་ག་གུ་ཎའི་ཡོན་ཏན་སྙིང་པོ་དྲིན་གྱིས་གནོད་སྦྱིན་མོ་རང་ལ་ཤར་བའི་དོན་སྨྲས་པ། །ཐུན་མོང་བཅོས་མའི་དབང་ལ་བརྟེན་ཏེ་རྣལ་མ་འདིར་བརྡ་དོན་སྤྲད་པ། །ནི་རླུང་དང་ཐིག་ལེ་ལ་སོགས་པ་གང་ཡང་རུང་བ་ལ་བརྟེན་ནས་སློབ་མས་ཉམས་སུ་མྱོང་བ་འི་དོན་དེ། །མ་བཅོས་རྣལ་མ་ཉིད་དུ་བསྟན་པའང་དབང་ཀློང་དུ་གསུངས་བས་འདིར་བཤད་མི་དགོས་སོ། ༈ །གོང་གི་ཐབས་ཀྱིས་རྟོགས་པ་དེ་ལའང་མ་གནས་ཏེ་ཆགས་པ་གཡོན་གྱི་ལམ་གྱིས་ཁྲིད་ན། །འདྲ་བའི་འཁྲུལ་གཞི་ལྷུན་གྲུབ་རྣམ་པ་གསུམ་དབྱེར་མེད་པའི་ལྷུན་གནས་བདེ། །བ་ཆེན་པོ་ལ། བདེ་བ་ཆེན་པོ་དང་འདྲ་བའི་ཚུལ་སྐྱེ་ལུགས་རྣམ་པ་གསུམ་ལ། །ལོག་པར་སྤྱད་པས་ངན་སོང་དུ་ལྟུང་བའི་གནས་སུ་འགྱུར། །འདྲ་ཚུལ་དེ་ལས་དགྲོལ་ཞིང་འདྲ་གཞི་དེ་ཉིད་ངེས་པར་མཚོན་པའི་ཐབས་ལ་གསུམ་སྟེ། །སྔོན་དུ་འགྲོ་བ་ཚང་ནས་ཉམས་སུ་བླང་བ་དང་ལ་བཟླའོ། ༈ །གནས་ཀྱི་ཁྱད་པར་སྐྱེ་བོས་དབེན་ཞིང་སྡོད་ཉམས་དགའ་མཐུན་རྫས་མོད་དགྲ་བགེགས་ཀྱིས་འཚེ་བ་མེད། །པའི་གནས་དེར་ཡིད་རང་གི་ཕན་ཚུན་ཡིད་དང་འཐད་པའི་གྲོགས་བསྟེན་ཏེ་བློ་དང་མཐུན་པར་རག་མང་ན་གཡེང་བ་དང་འདོད་པ་འཕེལ་ཉུང་མི་འཚོ་བས་སྐྱོན་བྲལ་རང་ལ་གང་མཁོ་བའི་རྫས་འོག་ནས་འབྱུང་བ་ལྟར་བསྟེན་ལ། །གཟའ་སྐར་དང་ཚེས་གྲངས་སྦྱོར་བ་བྱེད་པ་ལ་སོགས་པའམ་བཀྲ་ཤིས་དཔོན་སློབ་འཛོམ་པའི་དུས་སུ་ཐེ་ཚོམ་བཅད་པ་གཅེས། ༈ །རྟེན་བཙལ་བཅུད་བླང་དབབ་གཟུང་གྱེན་ལ་བཟློག །གནས་སུ་བསྐྱལ་ཚེ་སྐྱོན་བཅོས་རྟགས་ལ་དབབ། །པ་དང་བརྒྱད་དོ། ༈ །སྔར་ལམ་མ་བགྲོད་པར་རྩོལ་བརྒྱད་ལ་སྦྱངས་པའམ་ཡང་ན་སྔར་མ་སྦྱངས་ཀྱང་རིགས་རྒྱུད་དབང་པོ་ཆིག་ཆོད་དེ། །བློ་གྲོས་མུ་བཞིའི་ཕྱོགས་སུ་ལྷུང་༡བ་དང་ཁ་ཟིན་༡དང་ངོ་དགའ་༡དང་བྲལ་༡༡༡བ། །བློ་གཟུ་བོར་སྤྱི་ས་གནས་པའི་སློབ་བུ་དེ་ནི་རྒྱལ་བའི་གདུང་འཚོབ་བའི་སྲས་ཡིན་ནོ། ༈ །དེ་ཡང་ཐབས་དང་ཤེས་རབ་ཕན་ཚུན་སོ་སོར་བཙལ་བ་ནི། ༈ །ཤེས་རབ་ཀྱིས་ཐབས་བཙལ་བ་ནི་རྒན་པོ་བདུན་ཅུ་ལོན་པའི་ཟོང་ཟད་བྱས་པ་བཅུ་གཅིག་ལོན་པའི་ཟོང་མ་རྙེད་མ་ནིང་བདེ་བས་གཏན་དབུལ་བ་དགེ་སློང་སེར་སྣས་བཅིངས་པ་རྣམས་མིན། །པའི་ལུས་ལང་ཚོ། དར་ལ་བབ་ཅིང་འདོད་པའི་མེས་ཡིད་གདུངས་པ། །བློ་གྲོས་རྩལ་ཅན་གདམས་པའི་རིགས་རྒྱུད་མ་ཆད་པ། །ཤེས་རབ་ཡུམ་ལ་སྙིང་བརྩེ་ཞིང་སྙོམས་འཇུག་གི་ཐབས་ལ་མཁས་པ་བཙལ་ལོ། ༈ །ཞི་བ་ཐབས་ཀྱིས་ཤེས་རབ་བཙལ་བ་པད་ཅན་དེ་པའི་རིགས་རྒྱས་པ་དུང་ཅན་རཏྣའི་དྲག་པོ་རི་མོ་ལས་ཀྱི་དབང་བ་གླང་ཅན་པདྨའི་རིགས་བཞི་པོ། །རེ་རེའང་རབ་འབྲིང་ཐ་མ་གསུམ་གསུམ་ཡོད་པའི་ཐ་མ་དོར་རོ། ༈ །དང་པོ་པདྨ་ཅན་གྱི་རབ་མ་མདོག་དཀར་ཙན་དམར་བ་དཀར་ལ་དམར་ཆགས་པ། །ལུས་རིང་ཐུང་རན་ཅིང་ལུས་བྱིན་དུ་ཕྲ་ལ་ཁྱད་པར་རྐེད་པ་ཕྲ། །མིག་ནི་དཀར་ནག་ཕྱེད་ལ་མིག་རྩ་དམར་བ། །དཔྲལ་བ་རྒྱ་ཆེ་སོ་དཀར་ཞིང་ཐགས་བཟང་སྟེ་དམ་པ་ལེགས་པ། །ཡན་ལག་ཕྲ་འཇམ་དམར་ལ་ཤེས་རབ་གསལ་བ། །ཕྱི་༡སྐྱེ་བོ་དང་འཕྱོན་མས་ནང་༡རྟོག་པས་ཏིང་ངེ་འཛིན་སླུ་༡༡ཀ་ལྕི་ལ་ཕ་ལ་གདུང་། །སྐད་སྙན་དྲི་ཞིམ་ཅི་ཡང་རན་ལ་མཛེས་པ་དེ། །བདེ་བར་གཤེགས་པ་རྣམ་སྣང་གི་རིགས་ཡིན་ཏེ་དེ་ལ་སྦྱར་ན་ཚེ་འདིས་དངོས་གྲུབ་འགྲུབ། ༈ །འབྲིང་ནི་ཤ་དཀར་རུས་ཁྱིམ་ཆེ་ལ་རགས། །ཁོང་དལ་རྡལ་ཆེ་བྱེད་སྡུག་སྤྱོད་ལམ་རྩིངས། །ལས་དང་བྱ་བ་མཁས་ཤིང་གཞན་གྱིས་བློ་དཀུ་དཀའ། །རིགས་རྒྱུད་འཆར་ན་ཁྱེའུ་རུ་སྐྱེ་ཞིང་ཐབས་ཀྱི་བདེ་བ་ལོ་ཡིས་འགྲུབ། ༈ །ཐ་མ་ཤ་དཀར་བཞིན་སྡུག་གསང་མི་ཐུབ། །གཟེགས་ཤིང་འཛུམ་སྙི་བཞིན་འཆོས་བྱི་དོར་བྱེད། །མིག་ཕྲ་བློ་ཀུ་སླ་བ་དེ་མི་བསྟེན་ནོ། ༈ །དུང་ཅན་རབ་ནི་ཤ་སེར་ཙན་སེར་ལ་དམར་ཆགས་པ་དམར་ལ། །ཤ་རྒྱས་ནུ་མ་རྒྱས་རྩ་བཟང་མིག་བཀྲག་ཆེ་ཞིང་ཕྲ། །བྱེད་སྤྱོད་མཁས་ཚུལ་ལེགས་ཚིག་བརྟན་ཟུར་མིག་ལྟ། །གོ་སྐྱེན་བློ་གསལ་དེ་སྦྱར་ཚེ་འདིས་འགྲུབ་བོ། ༈ །འབྲིང་ནི་ཤ་སེར་ཆེ་ལ་ནུ་མ་རྒྱས། །རྒྱབ་ནས་དགྱེ་ལ་མདུན་རྒུ་བྱད་རྔོམ་ཞེང་ཆུང་། །བྱད་རིང་ཀོས་ཀོ་ལེགས་ཤིང་མདུན་དུ་ལྡེམ། །སྙོམས་འཇུག་འདྲིས་ནས་སྙིང་ཉེ་ཐབས་ལ་དད་པ་ཅན། །བློ་གསལ་ཚིག་རན་བསླུ་བར་དཀའ་བ་སྟེ། །དེ་དང་རྩ་སྦྱར་ལོ་རུ་མི་ཐོགས་ཐབས་ཀྱི་བདེ་བ་སྐྱེ་བས་འགྲུབ། ༈ །ཐ་མ་ཤ་སེར་མིག་འབོར་ཆེ་ལ་རགས། །བློ་གསལ་འགྲོ་འདུག་ལག་པའི་འདུ་བྱེད་མང་། །མི་བརྟན་གཏད་ཆུང་གཞུང་ངན་སྐྱེས་པ་རྣམས། །མིག་ལ་འཚོ་ཞིང་སྡུག་པ་ཡིད་ལ་འཛིན ། །གཞན་གྱིས་བཀྲི་སླ་གཡེམ་ཞིང་སྐྱེ་བོ་མང་པོ་དང་སྤྱོད་པ་དེ་མི་བསྟེན་ནོ། ༈ །རི་མོ་ཅན་རབ་མདོག་སྔོ་གདང་ལ་སྲབ། །ལུས་དཀྱུས་རིང་མཆུ་སྐོར་ཆེ་ཞིང་གཉེན་མ་མང་། །མིག་ལེགས་འཛུམ་གསལ་སྐད་སྙན་བློ་གྲོས་གསལ། །དེས་ཆེ་སྤྱོད་འཇམ་དགའ་འདྲིས་ཆེད་ཀ་ཆེ། །དབེན་པར་དགའ་ཞིང་རྩོལ་བ་དད་གུས་ཅན། །དེ་ནི་བཀྲ་ཤིས་དངོས་གྲུབ་ཡོ་བྱད་ལྡན། །སྐྱེ་བ་གཅིག་གིས་དེ་ཕྲད་འབྲས་བུར་སྨིན། ༈ །འབྲིང་ནི་མདོག་སྔོ་ཤ་ཆུང་མིག་བཀྲག་ཅིང་། །ཁྲོ་གཉེར་ལྡན་ཞིང་སྐྲ་སྔོ་ཚིག་བག་གཏུམ། །བརྟུལ་ཞུགས་དད་ཆེ་ཤེས་རབ་སྔགས་ཟློས་དགའ། །འདྲིས་ནས་འབྲལ་དཀའ་ཕྱོགས་ཆེ་འདོད་པ་ཆུང་། །དེ་བསྟེན་བཀྲ་ཤིས་དོན་གྲུབ་ལོ་ཟླས་འགྲུབ། ༈ །ཐ་མ་སྔོ་ནག་དཔྲལ་བ་མིག་ཁུང་ཆུང་། །ཁ་འཛུམ་གཏིང་གནག་སྐྱེས་པ་ལ་དད་ཆེ། །ཁྲོ་སྐྱེན་ཚིག་གཏུམ་སྐྲ་ནག་རྩུབ་ལ་འཛིང་། །གང་འཕྲད་སྦྱོར་བྱེད་འབྲལ་སྐྱེན་དེ་མི་བསྟེན་ནོ། ༈ །བན་གླང་ཅན་རབ་མདོག་དམར་དཀར་ལ་དམར་ཆགས་པ་ཙན་དཀར་བ། །སྨིན་ཕྲག་རིང་ཞིང་སྨིན་མའི་དཀྱུས་ལེགས་དཔྲལ་བ་ཆེ། །གཟངས་སུ་མི་རིང་ཁོང་དལ་སྔོ་གདུ་ཆུང་། །སླུ་ཁར་ལྕི་ལ་ཚིག་ཉུང་དད་པ་ཅན། །འདྲིས་པའི་ཕ་ལ་གདུང་ཆེ་བློ་དཀུ་དཀའ། །དེ་བསྟེན་བཀྲ་ཤིས་རྒྱུ་ལྡན་ཚེ་འདིས་འགྲུབ་བོ། ༈ །འབྲིང་ནི་མདོག་དམར་གདོང་ཞེང་ཆེ་ལ་བཀྲག་ཆེ། །ལུས་ཁྱིམ་ལེགས་ལ་དད་ཅིང་ནུ་མ་སྲ། །བཟང་ཆེ་སྤྲོ་རིང་རང་གི་མདོ་མི་འཆོར། །མི་སླུས་གདོང་ངོམ་བསྟེན་པར་རུང་བ་ཡིན་ནོ། ༈ །ཐ་མ་མདོག་དམར་བཞིན་མཛེས་ལུས་རན་སྡུག །སྨྲ་མང་བརྫུན་ཆེ་ཚིག་ལ་མཐོན་དམན་ཆེ། །མགུ་སླ་ཁྲོ་སྐྱེན་ཕྱི་ཐག་ཐུང་སྟེ་རྣ་གཞུང་ངན་ལ་སླུ་བ་སླ། །ལུས་ལ་བྱིན་དོར་མི་དགའ་འདོད་པ་ཆེ། །སྐྱེས་པ་སྡུག་པ་ཀུན་ཡིད་དབྲོག་པར་སེམས། །དེ་ཡང་མི་བསྟེན་བཀྲ་ཤིས་རྒྱུར་མི་འཐད་དོ། ༈ །པད་དུང་གཉིས་ཆེར་རབ་ཏུ་བསྔགས་བན་གླང་ཅན་ཡང་འབྲིང་དུ་བསྔགས། །ཐ་མ་རི་མོ་ཅན་ཡང་བསྟེན་པར་རུང་བ་ཡིན། །རབ་བཞི་འབྲིང་འབྲི་བརྒྱད་ལྡན་རྒྱལ་བའི་སྲས་མོར་བྱ། ༈ །ལོ་གྲངས་ནི་ཡང་རབ་བཅུ་གཉིས་མ་རབ་བཅུ་དྲུག་མ། །འབྲིང་པོ་ཉི་ཤུ་ཐ་མ་ཉི་ཤུ་ལྔ། །ཡང་ཐ་བཞི་བཅུ་རྩ་ལྔ་ཡན་ཆད་གཟུང་། ༈ །ཤེས་རབ་ཀྱིས་བཞི་བཅུ་ལྔ་ལོན་ཐབས་ཀྱིས་བདུན་ཅུ་ལོན། །དེ་དག་ཟོང་ཟད་བཅུ་གཅིག་ཟོང་མ་རྙེད། །མ་ནིང་ཟོང་མེད་དགེ་སློང་དཀའ་ཐུབ་བཅིངས་ལ་གསང་ངོ་། ༈ །ལུས་ཀྱི་མཐུ་བསྐྱེད་པ་དང་རྣལ་འབྱོར་ཏིང་ངེ་འཛིན་ཉིད་ལ་གནས་པ་དང་གཉིས། ། མཚན་དང་ལྡན་པ་དང་གསུམ་པོ་དེ་འཛོམ་མ་ལ་ལོ་གྲངས་ལ་རབ་འབྲིང་ཐ་མའི་ན་སོ་བརྩི་རྒྱུ་མེད། །དེ་དངོས་གྲུབ་ནམ་ཡང་འབྱུང་། ལྔ་བཅུ་མ་ལ་འཇིག་རྟེན་གྱི་རིགས་རྒྱུད་འཕེལ་བ་འང་སྲིད་པ། །དེས་ན་མཚན་ལྡན་གདམ་ཞིང་ལུས་ཀྱི་མཐུ་བསྐྱེད་པ་དང་རྣལ་འབྱོར་པས་ཉམས་སུ་བླང་བ་གཅེས་སོ། ༈ །རྟེན་བཙལ་བ་དེ་དག་ལུས་ཀྱི་སྟོབས་བསྐྱེད་བ་དང་བཅུད་བླང་པ་དང་བརྟེན་པར་བྱ་བའོ། ༈ །ཁ་ཟས་སྨན་དང་དམ་རྫས་དང་སྒོ་གསུམ་གྱི་སྤྱོད་ལམ་གསུམ་དང་བཞིའི་སྒོ་ནས་ལུས་བསྐྱེད། ༈ །བཅུད་ཅན་ཟས་གསར་ཤ་ཆང་དཀར་༡མངར་༡བུ་རམ་སྦྲང་ཀ་ར་༡༡གསུམ། །སྒོག་པ་སྐྱའོ་འོ་མ་ནད་གཞི་དང་མཐུན་པའི་ཁ་ཟས་བསྟེན་ནོ། ༈ །རྩ་བ་ལྔ་ལྕ་བ་གཟེ་མ་ཉེ་ཤིང་ར་མོ་ཤགས་ཀ་ཤོ་དང་འབྲས་བུ་གསུམ་ལ་ཚ་བ་གསུམ་བཏབ་པ། ཡན་ལག་དྲུག་པའི་སྨན། །འབྲི་མར་མདེ་དགུ་ལེགས་པས་གཞི་བཟུང་ལ་སྨན་མར་བྱ། །གཞན་ཡང་འོ་མ་བསྐོལ་བ་ཀ་ར་མཆིལ་པ་ནས་ཟན་བྱེའུ་བྱིད་པོའི་ཤ །སྨིགས་པ་ལྷོ་སྦས་ད་བྱིད་བྱ་གག་གི་སྒོ་ང་གཟེམ་རྒྱ་མ་ཚ། །སྦྲང་རྩི་བུ་རལ་སྒེག་པ་སྐྱ་བོ་རྩ་ཨ་བ་རྟ་བོང་རྐྱང་གི་བཤུལ་ཤས་ལུས་སྟོབས་བསྐྱོད། །ཉི་གུང་ལུས་མཁྲིས་བཀྲུ་དགོང་ཀ་བསྐུ་རླུང་མཉེ་སྔ་དྲོ་བད་རན་པར་བཅག་ཕོ་མོའི་དབང་པོ་བསྡམ་སྟེ་ཆགས་པ་མི་སྤྱོད། ༈ །དམ་རྫས་བདུད་རྩི་ལྔ་པོ་སྐྱོབས་དང་ལྡན་པ་རྒྱུན་དུ་བསྟེན། །ལྡུམ་བུ་རེ་རལ་བཅུད་ཅན་གྱི་མར་ལ་སྦྱར་ལ་གཏང་ངོ་། ༈ །ལུས་ངག་ཡིད་ཀྱི་སྤྱོད་ལམ་དལ་བར་བྱ། །ལུས་ཀྱི་ནད་གཞི་སྨན་གྱི་གཞུང་ལྟར་ཆ་བསྙམ་མོ། །བཅུད་དུ་བླང་ཚེ་ཚ་རུས་པ་རྒས་པར་བྱེད་སྐྱུར་ཤ་རྒས་པར་ཉི་མ་དང་མེ་པགས་པ། །ཁམས་དང་མི་མཐུན་ཟས་དང་ལུས་ངག་གི་སྤྱོད་ལམ་དྲག་ཤུལ་སྤང་། །ཟླ་བ་དྲུག་ཏུ་དབང་པོའི་སྒོ་བསྡམ་ཆགས་པའི་བསམ་པའང་སྤང་། །བ་དམར་༡ར་དཀར་༡འོ་༡༡མ་འབྲས་བུ་གསུམ། །མངར་གསུམ་མདེ་གུར་སྦྱར་ལ་རྟག་ཏུ་གཏང་། །གོང་གི་སྨན་གཞན་ཚན་བསྐྱེད་རྩམ་པ་བསྲེ། །རུས་སྦལ་གྱི་འདུག་སྟངས་དང་ཧཱུྃ་གི་ངར་སྐད་དང་རླུང་གིས་སྲོག་རྩའི་སྦུབས་སུ་བཅུད་རྣམས་དྲང་བར་བྱའོ། །དེ་བརྟན་པར་བྱེད་ཚེ་རེ་ཞིག་རྩམ་པ་གཅད། །ཁ་སྐྱུར་ཚ་བའི་རོ་སྤང་འོ་མ་བསྐོལ་བ་བཏུང་། །བ་རའི་མར་སར་ཤས་ཙམ་བསྟེན་རྩ་བ་ལྔའི་སྨན་མར་བསྟེན་ཀ་ཤོ་ཉུང་དུ་བྱ། །དམ་རྫས་ལྔའི་གཞི་ལ་སྐྱོབས་སྦྲང་རྩི་འོ་མ་མར། །བཟང་སྡུག་མུ་ཟི་སེར་པོ་གདུལ་ལེགས་ལྕེ་སོགས་གུ་གུལ་དཀར་པོ་དང་། །རྒྱ་ཚ་རྡོ་ཆུ་བདེ་ཅོང་ཞི་འཛིན་སྲ་བ་ཅན། །དེ་རྣམས་ལ་དྲི་ཆུས་བར་མ་བྲན་ཏེ་བཟའ་བ་མཆོག་ཏུ་ཤིས། །བཟང་སྡུག་མུ་ཟི་འབྲས་བུ་གསུམ་དང་འབྲི་དང་བའི་མར། །ཁལ་གསུམ་ལ་མུ་ཟི་བྲེ་ཕྱེད། མདེ་གུ་སྦྱར་བསྟེན་བ་རའི་འོ་མ་བཏུང་། །ཟླ་བ་ཉི་ཤུ་རྩ་བཞིར་གསང་བའི་དབང་པོ་བསྡམ། །བཙན་དུག་ལ་གཉེན་པོ་སྔགས་སམ་ཐབས་སྨན་ཀྱིས་བཏུལ་བ་བཟའ་འོ། ༈ །ཤེས་རབ་མ་ཡང་ཐབས་ཀྱི་རྗེས་སུ་མཐུན་ཏེ་ཁྱད་པར་དུ་འོ་མ་སྤོས་ཆུས་ཁྲུས་བྱ་བསྐུ་མཉེ་བ་བྱ། །དམ་རྫས་ལ་སོགས་པ་གང་དུ་བཤད་པ་རྣམས་ཀྱིས་ལུས་གསོས་ལ་ནས་ཟན་མཆིལ་པ་དང་། །བྱེའུ་ཕྱིད་པོ་བྱ་གག་ཁྱིམ་བྱ་ཕོ་རྨ་བྱ་ཕུག་རོན་དང་། །བྱ་མ་བྱི་ཤ་ད་བྱིད་སྨིགས་པ་དང་། །རི་སྐེགས་ཀྱི་ཤ་དང་ཤ་སྣ་དགུ་པོ་དེ་ལ་ཚོད་ཁུ་བྱས་ལ་གཏང་། །རྩ་བའི་ལྔ་སྨན་མར་གཏང་དྲི་བཟང་པོ་ཡི་ཐིག་ལེ་བྱ། ༈ །ཀ་མ་ལ་འདོད་པ་ཡི་གདབ་པའི་གནས་སུ་གདབ་བཞིབ་པའི་དྲུག་པའི་མཉེ་བའི་གནས་སུ་མཉེ་བ་ལོགས་བས་བསྟན་བཅོས་རྒྱས་པར་བྱ་བ། ༈ །དེ་ཡང་རྩ་གསུམ་༡༡༡མཉེ་ཞིང་དབྱིངས་ཕྱུག་བཙལ། ༈ །གླང་ཆེན་སྣ་འདྲ་༡བ་དང་རུས་སྦལ་གྱི་རྒྱབ་འདྲ་༡དང་། །སྤེན་པའི་མེ་ཏོག་ལྟ་བུ་༡དང་གསུམ་པོ་དེ་སྐྱེ་གནས་ཀྱི་ཁ། །པདྨ་འདབ་བརྒྱད་ཀྱི། ལྟེ་བ་བྱ་གདོང་ཁ་ཁ་མུ་ཁའི་འོག་ན་གནས་པ་མཉེའོ། ༈ །ཐབས་༡དང་སྨན་༡དང་མནུ་བས་༡དང་གསུམ་གྱི་དབྱིངས་ཕྱུག་མཁའ་དེ་བཙལ་༡༡༡ཏེ། ༈ །འོ་མ་སྤོས་ཆུས་མགོ་ལུས་ཕྱི་༡ནང་༡དམ་རྫས་བསྙོད་ལ་རྟོག་པ་དང་དབྲལ་ཁྲུས་༡༡བྱ་དྲི་སྦྱར་སྤོས་དང་ཛཱ་ཏི་ཕ་ལ་དང་ཤིང་ཚ་གུར་གུམ་ག་པུར་ལ་སོགས་པ་སྦྱར་བ་སྟེ། སྦྲང་རྩིས་སྤྲུས་ལ་རི་ལུ་བྱས་ཏེ་མུར་དུ་བཅུག་པས་ཁའི་ངད་བསྐྱེད་ལུས་ལའང་བྱུག་པར་བྱའོ། །ལྡན་ཕྱག་གདུབ་ཞབས་གདུབ་སྙན་ཆ་མགུར་ཆུ་དོ་ཤལ་དར་བེར་སྤུ་སླག་ལ་སོགས་པའི་རྒྱན་གྱིས་བརྒྱན། །འབོལ་གྱི་རྒྱབ་ཡོལ་ལ་སྐུ་རྟེན་ཁྲི་སྟན་དང་ལྡན་པ་དང་ཅོད་པན་དར་མཐིང་དམར་གྱི་ཐོད་དང་། །མེན་ནམ་རས་ལ་སོགས་པའི་རྐེད་ཆིངས་ལྡན་བྱས་སྤོས་བྲེ་དེའི་ལྡོས་མཁལ་མ་གཉིས་ཀྱི་སྟེང་ནས་བསྡམ་ཤིང་གི་དབྱིབས་རྡོ་རྗེའི་ཚུལ་དུ་བྱས་པ། །འཇམ་པོ་སྣུམ་བསྐུས་པས་གནམ་འཕོངས་ནས་སྐྱེ་གནས་སུ་རེག་རེག་གཏུག་ཅིང་རིག་མས་འོག་རླུང་འབུད་དེ་མི་འཐེན་པར་ཡན་པར་གཞག །སྟེང་རླུང་མི་དྲག་པར་རན་པར་མནན་པས་རྩ་ཁ་ཁ་མུ་ཁ་མཐོང་བར་འབྱུང་བ་ཡིན་དེ་ཡང་དུང་ཅན་མ་ལ་འབྱུང་མཉམ་མ་ལ་འབྱུང་དུ་རུང་ཞར་མ་ལ་མི་འབྱུང་གསུང་། ༈ །སྨན་གྱིས་བཙལ་བ་ནི། ཡང་ན་ཨ་ཀ་རུ་ནག་པོ་དང་རྒྱ་སྤོས་སད་ཀྱིས་མ་ཁྱེར་བ་དང་། །དུ་རུ་སྐ་དང་ཤིང་ཀུན་ག་པུར་དང་། །ཀ་ར་མར་དང་བྱ་གག་༡ནས་༼༔༽ཟན་༡གྱི། །སྒོ་༡༡ངའི་སྙིང་པོས་པྲི་སེར་པོ་སྦྱར་ལ་རྒྱ་ཤུག་གི་འབྲས་བུ་ཙམ་དུ་དྲིལ། །སྲིན་ལག་གི་རྩེར་བཀལ་ལ་རྩ་གསུམ་འཛོམ་སར་བྱ་གདོང་གི་འོག་ཏུ་དྲུག་ཟེར་ཡང་སྣ་རྩེ་ཉིད་ལ་དྲུད་ཅེས་རྗེ་རི་ཁྲོད་པ་གསུང་ངོ་། །དྲུད། ༈ །ཡང་ན་ཤིང་འཇམ་སྦུ་གུ་ཟངས་དུང་ལྟ་བུ། །ཁ་ཆེ་ལ་ཞབས་ཆུང་བ་ལ་ཁ། ཆེ་བ་དེར་གཏད་ཆུང་བའི་སྦུབས་ནས་མཆུ་བཙུགས་ནས་བརྔུབས་ལ་ཤ་སྤྲིན་ནམ། རྒྱུས་པ་བལྡད་པས་སྦུ་གུ་བཀག་ལ་དེ་ནས་སྦྲིང་ངེ་ཡོད་པ་དེ་ལ་མནུ། །ལག་པས་དལ་བུས་ཤིང་གི་སྦུ་གུ་དེ་དྲིལ་ཞིང་དྲངས་པས་རྩ་ཕྱིར་འབྱུང་བ་ཡིན། ༈ །ཁ་ཁ་མུ་རྙེད་པ་དེས་ནི་ཐིག་ལེ་གཟུང་བའམ་གྱེན་ལ་བཟློག་པའང་ནུས་པ་ཡིན། །ཏེ་རྡོ་རྗེའི་ནང་དུ་ཆུད་ནས་འོང་བས་སོ། ༈ །དབབ་པའི་ཐབས་ལ་ཏིང་ངེ་འཛིན་གྱི་དབབ་པ་དང་ཐབས་ཀྱིས་དབབ་པ་དང་ལྷ་མོ་དངོས་ཀྱིས་དབབ་པའོ། ༈ །སྤྱིར་རིགས་ལྔ་དང་བྱེ་བྲག་རྡོ་རྗེ་སེམས་དཔའ་འི་ཏིང་ངེ་འཛིན་དང་ཙཎྜ་ལཱི་གཏུམ་མོ་དང་། །འོད་ཀྱི་ལྷ་མོ་ལ་བརྟེན་ནས་འབེབས་པ་ནི་གཞན་སྒྱུ་འཕྲུལ་གྱིས་གཞུང་ངོ་། །མགྲིན་པ་ལོངས་སྤྱོད་ཀྱི་སྙིང་པོ་ལྕེ་ཆུང་དབབ་པ་ལ་བརྟེན་པའི་ཐབས་དང་གཞན་གྱི་གཞུང་དེའོ་གསུམ་པོ་འདིའི་མན་ངག་ཡིད་སྦྱིན་ནོར་བུ་བྱི་དོར་དང་ལྡན་པ་ཞེས་བྱ་བ་ན་གསལ་བར་ཡོད་དོ། ༈ །དང་པོར་ལག་གི་འདུ་བྱེད་ལ་བརྟེན་སྟེང་རླུང་གནན། །ལྟེ་བའི་འོག་གི་རྩ་རྒོད་མའི་ཁ་དང་རྩ་རིན་ཆེན་རྫིང་གྱེན་དུ་བརླབ་ཅིང་། །འོག་རླུང་འཐེན་ལ་རིག་པར་བདེ་བ་ཉམས་སུ་མྱོང་ནས་ཐིག་ལེ་གཟུང་། །སྐབས་སུ་རླུང་སྦྱང་ཞིང་རུས་སྦལ་གྱི་འདུག་སྟངས་བྱ། །བུང་བའི་སྐད་ཀྱིས་ཐིག་ལེ་དྲང་དམིགས་པས་ཀྱང་གྱེན་ལ་སྐྱ་ནར་གྱིས་ཐིག་ལེ་དྲང་བ། ༈ །དེ་ཐབས་དེས་འདྲོངས་པར་མྱོང་ནས་རྟེན་ཡུམ་ལ་སྦྱར་བ་སྟེ། །མཁའ་བརླབ་ནི་པའི་འཕྲོ་འདུ་ལས་པདྨའི་གེ་སར་ལ་ཨྃ་དམར་པོ་དང་ལྡན་བར་བསམ། །ཧཱུྃ་གི་འཕྲོ་འདུ་ལས་རྡོ་རྗེ་བ་གམ་ལ་ཨོྂ་དཀར་པོ་དང་ལྡན་པར་བསམ། །ཕཊ་ནག་ཀྱིས་རྡོ་རྗེའི་སྦུ་གུ་དགག་པ་རྣམས་ཀྱིས་རྟེན་ཉིད་གདུང་ཅན་ནམ་རྩ་རྡོ་རྗེ་འབིགས་བྱེད་བཙལ། །རང་མོས་པའི་ལྷའམ་རིགས་ཀྱི་བདག་པོར་ཀུན་པོ་རང་ཉིད་གསལ་བར་བྱ་བ་ནི། །རང་གཞིན་སྤྲོས་བྲལ་གྱི། ངང་ལ་མཚན་ཉིད་རིག་པས་རང་འོད་རྣམ་པ་སྒྱུ་མའི་སྐུ། །ཤར་བ་ནི། གསུམ་འདུས་ཤིང་ལྷུན་གྱིས་གྲུབ་པར་གསལ་ནས་བགེགས་བསྐྲད་པ་དང་རང་བསྲུང་བ་དབང་གི་ཀློང་ལྟར་བྱ། །སྔར་བཤད་པའི་དྲི་ཞིམ་གོན་པན་ཛཱ་ཏི་ཤིང་ཙ་ཡིས། །དྲི་ཞིམ་དང་ལྡན་ཆས་ཀྱིས་ཀླུབས། །ཞེས་དབང་གི་གལ་པོར་གསུངས་སོ། །ཐིག་ལེས་གནས་བརྒྱན་རོལ་པའི་༼བསྟན་༽འཁྱུད་པ་གཉིས་དང་གནས་བཅུ་གཅིག་ཏུ་༼ཙུམྦི་༽ བྱ་འོ་བ་དང་། གནས་བདུན་དུ་དུང་གི་ཕུར་པ་༼སོ་༽གདབ་པ་དང་བཞིབ་པ་༼ལྕེ་ནུ་མ་གཉིས་༽གསུམ་དང་། སེན་ཐབས་ཀྱི་གནས་དགུ་དང་། གནས་བཅུ་གཉིས་སུ་ཐ་མལ་པའི་སེན་མོ་གདབ་པ་དང་། བསྣམ་པར་བྱས་པས་གདབ་པའི་གནས་ལྔ་དང་འབུར་གཉིས་སྣ་གདོང་གཏུགས་ལ་བརྩེ་བ་ཅུང་ཟད་ཙམ་བྱས་ཏེ་ཞེས་གལ་འགྲེལ་ལས་འབྱུང་བ་ལྟར། ཆོས་ཀྱིས། །ཡབ་ཡུམ་ཕན་ཚུན་བསྣོལ་མས་གཉིས་ཀའི་བདེ་བ་རྒྱས་པར་བྱ། །མདོ་ལ་རོལ་བར་བྱ་བ་མིན་ཏེ་བསྟན་བཅོས་ཀྱིས་བདེ་བ་རྒྱས་ནས་གཟོད་ཡབ་ཡུམ་མཉམ་པར་སྦྱར། །སྦྱོར་པའི་ཐབས་ནི་ཕྱི་ནང་གི་ལྷ་མོ་བཞི་བཞི་བརྒྱད་དམ་དབང་གཅིག་ཅར་འཇུག་པ་ལས་མཉམ་པ་ཉིད་ཀྱི་སྐྱིལ་མོར་འདུད་ཁ་སྣོལ་དང་མཐིལ་སྦྱོར་རྩེ་སྤྲད་དང་། རྟིང་སྤྲད་རྒྱ་གྲམ་རིགས་ལྔའི་ལུགས། །ཞེས་པས་ལྔ་སོགས་ཀྱིས་མས་འདེགས་བསྡམས་ཤིང་། བཀན་ཏེ་རྩ་རྡོ་རྗེ་འབིགས་བྱེད་ལ་སྙག །རྡོ་རྗེའི་ཕྱི་སྦྱར་བའི་སྙིང་པོའི་པདྨའི་ནང་གི་འགྲོ་འདུག་གིས། །ཡབ་ཀྱིས་དལ་བུས་མི་དྲག་པར་བསྐྱོད་ཅིང་ཤེས་རབ་ཀྱིས་ཀྱང་དལ་བུས་བསྐྱང་ས་པས། ༈ །ལུས་འཕྲིག་བ་དང་ཧ་སའི་སྐད་འདོན་རིག་པ་བདེ་བའི་རོས་གང་ཞིང་བརྒྱལ་ཏེ། །བཅུད་ཐིག་ལེ་རྣམས་གཡོ་ན་ཕན་ཚུན་དྲིས་ལ་ཟླུག་ཅིང་བསྐྱོད་པའི་རྩོལ་བ་ཀློད་དེ། །དྲག་པོས་ཕྱུགས་ཐབས་སུ་སྤྱོད་པ་མ་ཡིན་ཏེ་སོས་དལ་ལ་ཡུན་བསྲིང་ས་ལ་རོལ་ལོ། ༈ །རྟོག་པ་ཐམས་ཅད་བདེ་བ་སྐྱེས་པའི་དུས་ན་ཆོས་ཉིད་མ་ནོར་བའི་དོན་རང་གསལ་དུ་རྟོགས་པ་ཡིན་བས། །གང་སྐྱེས་ཀྱང་རྟོག་པ་དང་བདེ་བ་གཉིས་སུ་མི་རྟོག་སྟེ་ལྷུན་གནས་ཀྱི་བདེ་བ་ཆེན་པོའི་ངང་ངོ་། །མ་ཧཱའི་སྐད་ཅིག་དགའ་བ་བཅུ་དྲུག་གི་དགའ་བ་མཆོག་དགའ་དགའ་བྲལ་ལྷན་ཅིག་སྐྱེས་དགའ། བཞིས་ནོར་བག་ཆགས་པ་རང་ཀ་མ་བཅོས་ནས་མ་ནོར་བའི་བདེ་བ་ངོས་འཛིན་པ་ནི། །བླང་དོར་ཞིབ་མོར་སྤྱད་པས་ལྷུན་གནས་ཀྱི་དོན་ལ་རྩིང་ངོ་། །འཕྲོ་ས་རྟོག་པའི་དེ་ཁོ་ན་ཉིད་བསྟན་པ་དེས་འཁྲིག་སྲེད་རང་ཀ་མ་དེ་ལྷུན་གནས་སུ་གྲོལ། །ཐམས་ཅད་ཆོས་ཉིད་ཡིན་པས་ནོར་བའི་གོལ་ས་མེད། །ལུས་བཅུད་ཐིག་ལེ་འཁྱག་པ་དེ་རྟེན་ཕྱག་རྒྱ་ལ་སྦྱར་བའི་སྟོབས་ཀྱིས་ཐབས་ཀྱིས་བཞུ། །ཆགས་པའི་རྗེས་སུ་འབྲང་ས་ནས་སེམས་འཕྲོ་བ་དེ་ཐབས་དེས་གཏན་ལ་ཕབ་པས་གཤིས་ལ་ཕེབས། ༈ །རྟེན་༡དང་རྟགས་༡ དང་དོན་གྱི་༡སྒོ་ནས་དབབ་༡༡༡པ་རྣམ་པ་གསུམ་ཡིན་ནོ། ༈ །ཁམས་གསུམ་དང་པོར་འདོད་ཁམས་སུ་ཆགས་པ་རང་ཀ་མས་སྨིན་ཕྱིར་ཐབས་འདིས་གྲོལ་བར་རིགས། །ཀྱང་རྫོགས་པ་ཆེན་པོའི་སྐབས། འདིར་དེ་ལ་ཡིད་མི་འབྲང་སྟེ་རྣལ་མ་ཉིད་ལ་ལྟོས་ཤིག ༈ །རྟེན་གྱི་འཁྲུལ་༼ཀ༽འཁོར་དྲུག་དང་རྫས་༼ཁ༽དག་༼ག༽རྩ། །བཙན་༼ང༽ཐབས་སུ་དྲང་བ་དང་༼ཅ༽ལྷུང་ནས་མི་ཉམས་པར་བྱ་བའི་ཕྱིར་གསོ་བའོ། ༈ །རྒྱ་མཚོ་རི་རབ་ལ་སྦྱར་བའི་འཁྲུལ་འཁོར་ལྟེ་༼ཀ༽བས་ཚིགས་བསྙག་གླིང་བཞི་རི་རབ་ལ་བསྡུ་བའི་ནི་ཡན་ལག་བཞི་གསུམ་ནས། །རྒོད་པོ་ཟུང་ཅིག་མཁའ་ལ་འཕུར་བ་ནི། མིག་༡དང་དར་པོ་ཆེ་གནམ་ལ་ཕྱར་བ་ནི། ལྕེ་༡༡༡བཟློག་འོག་རླུང་འཐེན་ལ་ཐིག་ལེ་དྲང་། །རྒོད་མ་ཁ་རིན་ཆེན་རྫིང་དུ་རྡོ་རྗེ་སྦུ་གུ་བཙུགས་ལ་རྔུབ་བོ། ༈ །ཐབས་ཤེས་རབ་གཉིས་ཀ་ལ་རིགས་གསུམ་དུ་དབྱེ་བ་ནི་གླང་པོ་རྟ་རི་དྭགས། །གསུམ་ཐབས་ཤེས་ཕན་ཚུན་བརྟགས་ཏེ་དང་པོ་ཐབས་ཀྱིས་ཤེས་རབ་བརྟག་པ་ནི། །ལག་པ་གཡོན་གྱི་སོར་མོ་མཐེབ་ཆུང་མ་གཏོགས་པའི་ཆེ་བ་བཞིས་པདྨར་ཕྱིན་པའི་མཚམས་སུ། །སྲད་བུས་བསྐོར་ཏེ་སྲད་བུ་དེ་ལ་སོར་ཚད་གཞལ། །ཏེ་གླང་པོ་འི་རིགས་ལ་སོར་བཅུ་གཉིས་རྟ་ལ་དགུ་པ་སྟེ། །རི་དྭགས་ལ་སོར་དྲུག་བདུན་ལྡན་པའོ་ཤེས་རབ་ཀྱིས་ཐབས་ཀྱི་བརྟག་པ་ཡང་། །རྡོ་རྗེ་བུ་གའི་ཟུར་ནས་བ་གམ་བསྐོར་ནས། །བུ་གའི་རྩར་སྲད་བུ་དྲངས་ནས་སོར་ཚད་གཅལ་བའི་རིགས་གསུམ་སྔ་མའོ་དང་མཐུན་པ། ༈ །གླང་པོའི་རིགས་ལ་གླང་༼ཁ༽པོ་ཁྱུ་པའི་འབྲས་བུ་རླིག་བ་ཁྲག་དང་བྱ་གག་སྒོང་། །རྟའི་རིགས་ལ་རྟ་ཁྲུ་པའི་འབྲས་བུའི་ཁྲག་དང་ཕུག་རོན་སྒོ་ངའོ། །རི་དྭགས་དགོ་བའི་རླིག་ཁྲག་དང་ནས་ཟན་སྒོང་ངའོ། །རིགས་གསུམ་ཐུན་མོང་དུ་བཟང་དྲུག་དྷ་དུ་ར་ཐང་ཕྲོམ་དང་ཤུག་པའི་ཐང་ཆུ་བཅས། །བའི་རྫས་དགུ་ཆ་བསྙམས་པས་ཤེས་རབ་ཀྱི་པདྨའི་ནང་དུ་བྱུག །ཐབས་ལ་རྫས་དགུ་པོ་དེ་འགྲོན་བུ་སྦྲུམ་མའི་རྒྱབ་ནས་ནང་དུ་བཅུག་ལ། །སྤྲ་ཚིལ་གྱིས་ཁ་བཅད་ལ་ལྕེ་ལྐོག་སྦས་ནས་སྤྱད་ན་ཟིན་བ་ཡིན། །རྐང་ལག་གི་མཐེབ་ཆེན་བཞི་ཚིགས་རྣམས་རས་ལ་དྲིས་ཆུ་སྦངས་པས་བསྡམ། །སྲིན་ལག་དབང་མོའི་རྩ་བ་རུ་སྦོམ་པོས་མཐེབ་ཆེན་གྱི་མནན་ཏེ་ཁུ་ཚུར་བྱས་ལ། །སྒོ་བུ་ག་དགུའི་སྒྲོལ་མ་རླུང་ཕྱིར་ཕུལ་ལུས་ཀུན་ཆར་ཁོང་བསྡམ་སྟེ་དྲག་པོ་མ་ཡིན། །དལ་བུས་དབབ་པའི་སྦྱོར་བས་ཟིན་པ་ཡིན། །གང་གི་འགྲོན་བུའི་རྒྱལ་པོ་སྦྲུམ་ཆེན་ཐབས་དང་ཤེས་རབ་གཉིས་ཀའི་སོས། །མཉམ་པར་བཟུང་ནས་སྤྱད་ན་ཟིན་པ་ཡིན། །ཟླ་བ་གཟས་ཟིན་དུས་སུའང་རང་བཞིན་གྱིས་ཟིན་པ་ཡིན་ནོ། ༈ །རྩ ། ༼ག༽དབྱིངས་ཕྱུག་གདུང་ཅན་བཙལ་ནས་རྩ་སྤྲད་ཕན་ཚུན་སྦྱོར་བས། །རྩ་གཅིག་གི་སྒོ་རྩ་གཅིག་གིས་བཀག་པས་ཟིན་པའང་རྩའི་སྟོབས་ཀྱིས་བཟློག་གོ། ༈ །ཤེས་རབ་ཀྱི་མཁའ་སྟོབས་ཅན་དུ་བསྡམ་ཞིང་ཐབས་ཀྱིས་རྡོ་རྗེས་བཀན། །ཐབས་ཤེས་གཉི་ག་སྟོབས་ལྡན་གྱི་ནུས་པས་ཟིན་པའམ། །ལག་གིས་རྡོ་རྗེའི་རྩེ་ལྐོག་གི་རྩ་བཀག་ལ་སྦྱང་བ་ནི་ཆུ་རྡེར་འགྲོ་སྲིད་པས་བཟང་པོ་མིན། ༈ །བཙན་ཐབས་སུ་མཁར་ལྷུངས་༼༔༽ན་མཁའ་ནས་ཐབས་ཀྱིས་ལྕེས་བླངས་བསམ་པས་ཏིང་ངེ་འཁོར་ལོ་བཞིའི་གནས་སུ་བསྟིམ། །དམ་རྫས་ཀྱི་བཅུད་ལེན་ཀྱིས་གྲོགས་བྱ་ཞིང་དམ་ཚིག་དུ་ཐིག་ལེ་མི་འཆོར་བར། བསྲུང་བ་ཡིན། །ལྕེས་ལེན་པ་དེ་མིན་ནའང་ཉ་ཕྱིས་སམ་དུང་ཆོས་ཀྱི་ནང་དུ་བླངས་ལ། །བདུད་རྩི་སྨན་གྱི་སྐྱོབས་དང་ལྡན་པར་སྣ་བུག་གཡས་བཀག་ལ་གཡོན་ཉི་མའི་སྦུ་གུས་དྲང་། །ཅི་ནས་ཐིག་ལེ་རྡོ་རྗེའི་ཁ་འམ་རྩེ་རུ་དབྱུང་བར་མི་བྱའོ། །རོ་ཆེས་མི་བདེ་ལྕི་ན་དྲི་ཆུ་འདོན་པ་བཞིན་དུ་གདོན། །ས་ཤས་ཆེས་ནས་ཆེར་ལྕི་ན་ཐིག་ལེ་བྱིན་དུ་གདོན་ནོ། ༈ །འཁྲུལ་༡འཁོར་རླུང་༢དང་ཏིང་༣འཛིན་ཡི་༤གེས་བཞི་བཟློག་སྟེ། ༈ །ལུས་ཏུང་བྱས་ཏེ་སེང་༡ཕྲུག་རྩལ་སྦྱོང་མཆོང་བའི་རྡེག་ཚུལ་དང་འདྲ་བ་དང་། །སྟག་ཕྲུག་ལྟོ་དྲངས་སྐྱུག་པའི་ཚུལ་དུ་ནི། །ལུས་རེས་བསྟུང་ཞིང་རེས་བསྲིང་སྟེ་བསྡམ་པ་དང་ཀློད་པ་རང་ཉམས་དང་སད་དོ། ༈ །ངར་༢སྐད་འདྲེན་པས་དབུགས་དྲག་པོ་སོའི་བར་རམ། །མཆུ་ཡི་བར་ནས་དབུགས་དྲང་དྲག་ཏུ་གནན། །དཔེར་ན་རིལ་བ་ཞབས་ཚགས་བུ་ག་ནས་དྲངས་པ་ལྟར། །དུ་ལུས་ཟུངས། བཅུད་དང་འདྲེས་པའི་རླུང་ཐིག་ལེའི་སྒོ་ཕྱེ་ནས། །སྟོད་སྨད་དུ་ཐིག་ལེ་ཨ་བ་དྷུ་ཏིར་བརྒྱུས་པའི་བེམས་པོའི་རླུང་གིས་བསྡུའོ། ༈ །བསམ་༣པས་ཡུམ་གྱི་རིན་ཆེན་རྫིང་དུ་རྡོ་རྗེའི་མཆུ་བཙུགས་ནས། །བརྔུབས་པས་ཚངས་པའི་བུ་གར་ཡར་དྲངས་ནས། །སྤྱི་གཙུག་ནས་འཐོན་ནམ་མཁའ་མཐོངས་སླེབ་པར། །དཀར་ཟང་འཐོན་བསམ་ཡབ་ཀྱི་རིན་ཆེན་རྫིང་གིས་དངོས་སུམ་རྔུབ། །མགར་གྱི་འབུད་བྱེད་གྱེན་ལ་བཟློག་པ་འདྲའོ། ༈ །ཨ་༤འམ་ཎྲྀ་ཡི་གེ་དྲག་ཏུ་བརྗོད་དེ། །མཛོད་སྤུ་ཧྃ་ཡིག་ལ་ཐིག་ལེ་གདགས་ལ་ཤེལ་ཕྲེང་བརྒྱུས་པ་ལྟར། །ཕཊ་ནག་གཟུགས་ཀྱིས་ཆུ་ལམ་དགག་པར་གསལ། །དཀར་འཚེར་རྣོ་གྱོགས་གྱེན་ལ་ཁྱུག་གིས་དྲང་། །ཡན་ལག་ལུས་ཀུན་འདར་ཆུག་སིག་གིས་རྟའམ་ལུག་ལྟར་སྤྲུག །ཧིག་ཅེས་དྲག་བརྗོད་གསུམ་པ་རྙེབས་བྱས་ལ། །ལྟོ་བའི་ནང་ཁྲོལ་ཞབས་ནས་འུབས་བཟློག་པ། །ཁོར་གཅིག་ཕར་སོང་ནས་ཚུར་འུབས་འོང་བ་ཆུ་ཡི་རླབས་སམ་གྱང་འགྱེལ་བའམ་སྦུད་པ་བུད་བཞིན་ནོ། ༈ །ཐབས་ཤེས་རང་རེའི་རྩ་གནས་པའི་ས་རུ་ཚུར་ཐིག་ལེ་འཐེན་རླུང་བསྡམ་ལུས་སྤྲུག །སླར་གྱེས་ནས་ཀྱང་ས་སར་ལུས་བསིག་ཅིང་སྤྲུག་སྟེ་ཐིག་ལེ་དྲང་། །ཐིག་ལེ་གང་ན་ཡོང་ཚོར་བའི་སར་ལུས་བསྐུ་མཉེ་དང་ཐབས་དེ་དག་ལ་འབད་ཅིང་སྤྱོད་ལམ་དང་ཟས་ཁམས་དང་མཐུན་པ་བསྟེན་ནོ། ༈ །ཐིག་ལེ་འཚོར་བའི་སྐྱོན་ནི་ཐིག་ལེ་ཁ་ལུད་པ་དང་ཆགས་པ་སྐྱེས་བ་དང་མི་མ་ཡིན་དང་། །ནད་གཞི་དང་ཟས་ངན་ཟོས་པ་དང་དམ་ཚིག་ཉམས་ན་ཐིག་ལེ་ཕྱིར་འབྱུང་བ་ཡིན། ༈ །དེ་དག་བཅོས་ཐབས་ནི་ལུས་ཟུངས་ཀྱི་སྟོབས་ཆེས་ནས་ཐིག་ལེ་མ་ཤོང་བར་ལུད་ན་སེམས་རྒྱ་བསྐྱེད། །རྐང་པ་ས་ལ་བརྡབ་ཅིང་ཡར་ཚངས་པའི་གནས་ནས་མར་དམྱལ་བའི་བར་དུ་སེམས་དྲང་། །བཟློག་པའི་ཐབས་ལ་ནན་ཏན་བྱ་བ་ཡིན་ནོ། ༈ །རྟེན་ཡིད་དུ་འོང་བ་ལ་ཆགས་པ་སྐྱེས་པས་འཆོར་ན་རྐང་པ་རེ་མོས་སུ་སྤྲུག །ཧཱུྃ་ཞེས་བརྗོད་ཅིང་ཐིག་ལེ་དྲང་ཞིང་བཟློག་སྟེ་སྤྱི་གཙུག་གི་ཧྃ་ལ་གདགས་པར་བྱའོ། ༈ །མི་མིན་ཡ་པའི་བར་ཆད་ཀྱིས་འཆོར་ན་བྱིན་བརླབས་དང་ནུས་མཐུ་དང་། །ཉུངས་དཀར་བཙན་དུག་དཔའ་བོ་བསྲེགས་ཏེ་ཨ་འཛའ་ནག་པོ་གུ་གུལ་དང་། །མའི་ཀླད་ཆེན་དང་པདྨ་རཀྟར་སྦྱར་བ་དེ་ནི། །དར་དམར་པོ་ལ་བསྐུས་ལ་རྡོ་རྗེའི་རྐེད་པར་བཅིང་ལུས་ཀྱི་རྐེད་པ་ལ་ཡང་དཀྲི། །ཡང་ན་ཤོ་མའི་རྩ་བ་མེར་བསྲེགས་པའི་འགལ་དུམ་དང་དར་དམར་དང་། །གསང་བར་བཏགས་ལ་དེ་རྡོ་རྗེའི་རྐེད་པ་གདགས་སོ། ༈ །ནད་གཞིས་དྲངས་ནས་འཆོར་ན་མཁལ་མ་བསྲོ། །གཅན་གཟན་ལྤགས་པས་རྐེད་དཀྲི་དྲོད་སྨན་བསྟེན། །བུ་མོ་དྲོད་ཅན་མཆན་བསྟེན་སྦྱོར་བ་སྤང་། །གསང་བའི་ལྟེ་བར་ཉི་མའི་དཀྱིལ་འཁོར་ཙཎྜ་ལཱི། །དམར་རྩ་སོར་གཅིག་གི་ཚད་ཙམ་ཡོད་པ་དེ་སྟེང་འོག་གི་རླུང་གཉིས། །མས་བྱུང་ནས་ཡས་འཁྱིལ་ཡས་བྱུང་ནས་མས་འཁྱིལ་བས། །མེ་བས་ཚར་བ་གྱུར་པ་དེས་ལུས་ཀུན་གྱི་དྲོད་བསླང་བར་བསམ་མོ། ༈ །ཟས་ངན་གྱིས་འཆོར་ན་དེ་འཕྲོ་བཅད་དེ་འོ་མ་བསྐོལ་བ་བཏུང་། །ཞག་གསུམ་བར་དུ་བདུད་རྩིའི་རྒྱུན་ཡང་ཕྲད་དང་སྦྱར་ལ་ཁོང་དུ་བཟློག །ཟས་གསར་བཅུད་ཅན་དང་གོང་གི་བཅུད་ལེན་བཤད་པ་ལྟར་བསྟེན། །གོང་གི་ཟློག་པའི་ཐབས་རྣམས་ནི་སྐྱོན་དྲུག་པོ་ཀུན་ལའང་ཕན་པ་ཡིན་ནོ། ༈ །ཕྱག་རྒྱ་དང་དམ་ཚིག་ཉམས་པས་ཐིག་ལེ་ཕེབས་པར་དཀའ་ལ་འཆོར་བ་རྐྱེན་ཏེ་མ་ཚོར་བར་འཆོར། །དེ་ལ་ཚོགས་གཏང་བཤགས་པ་དང་བསྐང་བ་བྱ་ཞིང་སློབ་དཔོན་ལ་དབང་ནོད་བྱིན་རླབས་ཞུའོ། ༈ །ཐིག་ལེ་ཉམས་སུ་ལོངས་པ་དེ་ཡི་ལེགས་རྟགས་ནི་མདོག་གསལ་བཀྲག་སྐྱེ་གཞོན་ཤ་འཆགས། །ནད་མེད་ལུས་བདེ་སྐྲ་དཀར་གཉེར་མ་སྤངས། །ཏིང་ངེ་གང་གཏད་དམིགས་པའི་སར་སེམས་ཟིན་ནས་རྟོག་པ་ཉམས། །ཚེ་རིང་ཤེས་རབ་གསུམ་འཕེལ་ཞིང་བདེ་གཤེགས་མཁའ་འགྲོའི་ལུང་བསྟན་འབྱུང་། །རིགས་རྒྱུད་བུ་ཚ་མི་འཕེལ་གསང་བའི་ལོངས་སྤྱོད་ཕྱག་རྒྱ་མཚན་ལྡན་འཕེལ། །དེ་ཡི་དམ་རྫས་ནད་ལྔ་སེལ་བ་ཡིན། ཐུན་མོང་གི་དགོས་པ་ལྔ་འགྲུབ་པ་ཡིན། རིགས་ལྔའི་དངོས་གྲུབ་འགྲུབ་པ་ཡིན་པ་གསུམ་གྱི་ནུས་པའང་རྫོགས། །ཡི་གེ་༡དང་མེ་ཏོག་༡དང་ཐུགས་དང་སྐུའི་ཕྱག་རྒྱའི་༡སྐྱེ་༡༡༡ མཆེད་མངོན་སུམ་དུ་གསལ་བའོ། ༈ །ལ་བཟླ་ནི་ཆོས་ཅན་ཐམས་ཅད་ཆོས་ཉིད་མ་ནོར་རང་སྣང་ཡིན་བས། །ཤན་དབྱེ་བ་དང་ནོར་བ་བསལ་བ་དང་མ་ཡིན་པ་དགག་མི་མཐུན་པ་སྤང་བ་དང་མཐུན་པར་བསྒྱུར་བ་ལ་རག་མ་ལས་པ་ནི་གསེར་ལ་འགྱུར་རྩི་མི་སྟེན་པ་ལྟར་རོ། །ཉོམ་མོངས་བདག་གཟུང་འཛིན་ལྟར་སྣང་ཡང་མཚན་ཉིད་རང་རིག་ཡིན་པས། ༈ །རྒྱལ་ཐབས་ཚངས་པའི་དབང་ཀློང་དུ་དཔའ་བོས་དགའ་རབ་ཀྱི་བཤད། །པ་དེ་དྲི་མེད་གསང་བའི་སྒྲོན་མས་གསལ་བར་བྱས་སོ། ༈ །བྱས་པ་དེས་ན་འཇིག་རྟེན་དྲི་མེད་གསང་བའི་འབྲས་བུ་སྨིན་པ་ནི། ༈ །འགྲོ་བ་རིས་དྲུག་འཇིག་རྟེན་ཕལ་པའི་དྲི་མས་འདས་ནས། །ཞི་བ་ཕྱོགས་གཅིག་པའི་མྱ་ངན་ལས་འདས་པ་དང་རང་གིས་བཏགས་པའི་མཐའ་གཉིས་ལ་མི་གནས་པའི་མྱ་ངན་ལས་འདས་པར་འདོད་པ་ནི། གཟུང་འཛིན་དུ་སྣང་བའི་ཆས་འི་གཤིས་ལ་ཉན་ཐོས་དགྲ་བཅོམ་པ་དང་རང་རྒྱལ་ཡིད་སྦྱིན་བདེ་བའི་ས། །སྟོང་ཆའི་གཤིས་ལས་བྱང་ཆུབ་སེམས་དཔའི་ཀུན་ཏུ་འོད་ཀྱི་ས། །བདེན་པ་གཉིས་ཀྱི་ཆ་ལས་ཀྲི་ཡ་རྡོ་རྗེ་འཛིན་དང་ཨུ་པ་ཡ་རྡོ་རྗེ་འཆང་། །ཡོ་ག་སྟུག་པོ་བཀོད་པའི་སྣང་སྟོང་རོ་གཅིག་བདེན་པ་གཉིས་མེད་ཀྱི་ཆ་ལས། །མ་ཧཱའི་པདྨ་སྤྱན་དང་ཡི་གེ་འཁོར་ལོ་ཚོགས་ཆེན་དང་། །ཨ་ནུའི་དབྱིངས་དང་ཡེ་ཤེས་དབྱེ་བ་མེད་པའི་ས། །རྣམས་ཤེས་བྱ་མུ་བཞིའི་ཕྱོགས་རེ་ཁོང་དུ་ཆུད་ཀྱང་བདེན་པའི་ཕྱོགས་མེད་ཀྱི་དམར་ཐག་ལས། །ཚུལ་བཟང་པོའི་རྐྱེན་གྱིས་འབྲས་བུ་གོང་དུ་འཕོ་བས་མཚན་ཉིད་ནི་འཇིག་རྟེན་པའི་འཛིན་ཀྱང་། །འཇིག་རྟེན་ཕལ་པའི་དྲི་མ་མེད་པས་གནས་སྐབས་འབྲས་བུའི་ཆོས་སོ། ༈ །འཇིག་རྟེན་གྱི་ཤེས་བྱ་ཚོགས་བརྒྱད་ཀྱི་དེ་ཁོ་ན་ཉིད་གསུམ་དུ་ལྷུན་གྱིས་གྲུབ། །པས་འཇིག་རྟེན་ཕལ་པའི་རིས་དྲུག་གིས་བཏགས་པའི་དྲི་མ་མི་གནས་པར་གདོད་ནས་དག །འཇིག་རྟེན་ལས་འདས་པའི་འབྲས་བུ་བརྒྱད་ཀྱང་དེ་ཉིད་དུ་ལྷུན་གྱིས་གྲུབ་པ་ལ། །རང་རང་གི་འདོད་པའི་སྐབས་ཀྱིས་མུ་བཞིར་བཏགས་པ་གཞི་ནས་དག །འཁོར་འདས་རང་མཚན་མ་འདྲེས་པར་ཡེ་ཤེས་སུ་ལྷུན་གྱིས་གྲུབ། །མུ་བཞིའི་ངོས་གཟུང་མི་གནས་པས་ཀ་ནས་རྣམ་པར་དག །མཚན་ཉིད་ནས་མ་འདྲེས་ལ་ཡེ་ཤེས་ཀྱི་ངང་དུ་ཡོངས་སུ་རྫོགས་པའི་སྐུ་ལྔ་ལྷུན་གྱིས་གྲུབ་པའི་ངོ་བོ་ལ། །དགོངས་པ་ཡེ་ཤེས་ལྔ་ཡི་བདག་ཉིད་ཡོན་ཏན་གྱི་ལྡོག་ཆས། །ཆེ་བ་ལྔ་ལས་མཐར་ཕྱིན་པའི་སངས་རྒྱས་ཀྱི་ངོ་བོ་ཉིད་ཀྱང་། །མི་གནས་པར་རང་བྱུང་གི་ཡེ་ཤེས་དུས་གསུམ་ལས་གྲོལ་ལོ། །ཞེན་དྲུག་ཕལ་པ་དང་རྩོལ་བརྒྱད་ཀྱི་སྤྱོད་ཡུལ་དུ་མ་གྱུར་པས། །འཇིག་རྟེན་པ་དེ་དག་ཉིད་ཀྱི་དྲི་མ་མེད་པར་གསང་བ་ཡི། །འབྲས་བུར་གདོད་ནས་ལྷུན་གྲུབ་ཡུལ་མེད་རང་གསལ་ཡིན། ༈ །དེས་ན། འཇིག་རྟེན་དྲི་མེད་གསང་བའི་སྒྲོན་མ་ཞེས། །བརྗོད་བྱ་གཞིའི་མིང་རྗོད་པར་བྱེད་པའི་གཞུང་ལ་བཏགས་པའོ། ༈ །འཇིག་རྟེན་ལ་མུ་ལྔ་སྟེ་ནམ་མཁའ་མི་འཇིག་ལ་འབྱུང་བཞི་འཇིག་པར་བརྟེན་པ་དང་། །སྣོད་འཇིག་པ་ལ་བཅུད་འཇིག་པ་བརྟེན་བ་དང་བཅུད་འཇིག་པ་ལ་རེག་པ་མི་འཇིག་པ་བརྟེན་པ་དང་། །ནམ་མཁའ་མི་འཇིག་པ་ལ་རིག་པ་མི་འཇིག་པ་རྟེན་པར་སྣང་བ་བཞི་པོ་དེ་ཐམས་ཅད། །རང་སར་རང་གྲོལ་བས་འཇིག་ཅིང་རྟེན་པའི་སྒྲོ་འདོགས་པ་དང་བྲལ་བ་དང་ལྔ་ཡིན་ནོ། །ཡང་ཆོས་ཉིད་མི་འཇིག་པའི་ངང་ལས་ཆོས་ཅན་གྱི་སྣང་བ་འཇིག་པ་བརྟེན། །ཆོས་ཅན་འཇིག་པ་དེ་ལ་རྟེན་འབྲེལ་འཇིག་པ་རང་རྟེན་པ་ཅན། །རྟེན་འབྲེལ་འཇིག་པ་དེ་ལ་བརྟེན་ནས་ཆོས་ཉིད་སྤྲོས་བྲལ་མི་འཇིག་པ་རྟོགས། །ཆོས་ཉིད་དང་ཆོས་དབྱིངས་མི་འཇིག་པ་དེ་ཆོས་སྐུའི་མི་འཇིག་པ་ངང་དུ་རྟེན། །འཇིག་རྟེན་བཞི་པོ་ཐམས་ཅད་རང་གྲོལ་ཏེ་འཇིག་པ་དང་རྟེན་པའི་སྒྲོ་མདོགས་ཐམས་ཅད་དང་བྲལ་བ་ཡིན་ནོ། ༈ །མི་འཇིག་པ་ལ་འཇིག་པ་རྟེན་འཇིག་པ་ལ། །འཇིག་པ་རྟེན་འཇིག་པ་ལ་མི་འཇིག་རྟེན་པ་དང་། །མི་འཇིག་པ་ལ་མི་འཇིག་རྟེན་པ་ཞེས་ཐ་སྙད་དུ་བརྟེན་པ་ཙམ་མོ། ༈ །འཇིག་རྟེན་ཅེས་སྒྲོ་བཏགས་པ་ཙམ་ཡིན་པས་ཡོད་པའི་དྲི་མ་མེད། །མུ་ལྔ་གང་དུ་ཡང་མ་སྤངས་པར་མ་འགགས་པ་ཐམས་ཅད་རང་འཆར་བས་མེད་པའི་དྲི་མའང་མེད། །དེ་ཉིད་དང་བློ་དངོས་སོ་གཉིས་སམ་རིགས་ཤེས་དང་ཐ་སྙད་པའི་ཤེས་ངོ་གཉིས་ལ་དོན་དམ་ཀུན་རྫོབ་གཉིས་སུ་བདེན་པས། །གཤིས་ལ་གཉིས་མེད་པས་དེ་ལ་ལྟོས་པའི་གཅིག་མེད་གཉི་ག་མེད་པས་དྲི་མེད། །དེ་ནི་མཚན་ཉིད་ཡེ་ནས་བདེན་པ་གཉིས་སུ་ཟུང་དུ་འཇུག་པས། །ཡོད་མེད་གཉི་ག་མེད་པ་དང་གཉིས་འཛིན་གཅིག་པའི་དྲི་མ་མེད། །མུ་ནས་ཡོད་མེད་གཉིས་གཉིས་མེད་བཞི་ཀར་འཆར་བར་བདེན་པས་ལྷུན་གྱིས་གྲུབ་པ་ཡིན་ལ། །ཡོད་པས་མེད་པ་མེད་པས་ཡོད་པ་གཉིས་ཀྱིས་གཉིས་མེད་གཉིས་མེད་ཀྱིས་གཉིས་གཅིག་གིས་གཅིག་བཀྲོལ་བས་མུ་བཞི་གང་གི་ཡང་ཕྱོགས་སུ་འཛིན་པ་མི་བདེན། །མུ་བཞི་མཚན་ཉིད་མ་འདྲེས་ལ་ཡེ་ཤེས་ཀྱི་ངང་དུ་ཡོངས་སུ་རྫོགས་པས་ཕྱོགས་ལྷུང་གི་དྲི་མ་མེད་པ། །དེས་ན་འཇིག་རྟེན་དེ་ཉིད་དྲི་མ་མེད་པའོ། ༈ །དེ་ཉིད་ཡུལ་དུ་གྲུབ་པ་མེད་དེ་རང་སྣང་བའི་ཕྱིར་རྟོགས་དཀའ་བས། །མུ་བཞིའི་ཕྱོགས་ལྷུང་གི་བློ་ལ་མཉམ་གྲོལ་རང་གསང་ཐབས་ཀྱིས་ཆོད་དེ་གསང་བ་དང་། །མུ་བཞིའི་ཕྱོགས་སུ་རིག་ཀྱང་རང་བཞིན་ཇི་ལྟ་བར་མ་རིག་པས་གསང་། ༈ །ཕོ་མོའི་མཚན་མ་གསང་བའི་དབང་པོ་ནི་ལས་དང་རྟོག་མཐུན་རྣམས་ལ་བརྡ་འི་ངག་བརྗོད་ཡིས་དེ་གསང་། །དེས་ན་སྐྱེས་བུ་ཆགས་པ་ཅན་གྱིས་ཉམས་སུ་བླང་བའི་ཐབས་ཀྱིས་གསང་། ༈ །གང་ལ་གསང་ན་ཟོང་ཟད་པ་དང་མ་རྙེད་པ་དང་ཟོང་མེད་པ་དང་སེར་སྣ་ཅན་གྱི། །ཡུལ་ལ་གསང་བའོ་ཅིའི་ཕྱིར་གསང་ན་ཕལ་ཆེར་སྒྲོ་འདོགས་ཤིང་སྐུར་པ་འདེབས་པས་གཤེ། ༈ །གསང་སྟེ་སྤྱད་པས་ཡོན་ཏན་ཁྱད་པར་དུ་འཕགས་པ་འབྱུང་བར་བསྔགས་སོ། ༈ །རང་སྣང་ཡིན་ཀྱང་མ་རིག་མཉམ་གྲོལ་བསྟན་ཀྱང་མ་རྟོགས་པ། །ཐབས་ཆེན་པོ་འདི་ཡིས་རྟོགས་པ་སླའི་བ་ཕྱིར་ན་སྒྲོན་མའོ། ༈ །དེ་ལྟར་དུ་གཞུང་འདི་ནི་གནས་ལུགས་ལ་སོགས་དོན་ཆེན་ལྔ་ཡིས་དགྲོལ་ལོ། ༈ །སྣང་བ་སྣ་ཚོགས་པ་ཉིད་བྱང་ཆུབ་ཀྱི་སེམས་སུ་ལ་བཟླ་སྟེ། །དེ་ཡང་ཕུང་པོ་ལྔ་དང་ཁམས་བཅོ་བརྒྱད་དང་སྐྱེ་མཆེད་བཅུ་གཉིས་དང་འབྱུང་བ་ལྔ་རྣམ་ཤེས་དང་ཁམས་དྲུག་དང་། །མ་རིག་པ་ལ་སོགས་པ་རྟེན་འབྲེལ་བཅུ་གཉིས་འཁོར་བའི་ཆོས་རྒྱུ་དང་འབྲས་བུའོ། །སྦྱིན་པ་ལ་སོགས་པ་ཕ་རོལ་ཕྱིན་དྲུག་ཕྱི་སྟོང་པ་ཉིད་ལ་སོགས་པ་སྟོང་པ་བཅོ་བརྒྱད་དང་། །དྲན་པ་ཉེ་བར་གཞག་པ་གཞི་ལ་སོགས་པ་བྱང་ཆུབ་ཀྱི་ཕྱོགས་ཆོས་སུམ་ཅུ་རྩ་བདུན་ལམ་གྱི་ཆོས་དང་། །འབྲས་བུའི་གནས་དང་གནས་མིན་མཁྱེན་པའི་སྟོབས་ལ་སོགས་པ། སྟོབས་བཅུ་ཆོས་ཀུན་རྫོགས་པར་བྱང་ཆུབ་པ་ལ་མི་འཇིགས་པ་ལ་སོགས་པ་མི་འཇིགས་པ་བཞི་དང་ཆོས་སོ་སོ་ཡང་དག་པར་རིག་པ་ལ་སོགས་པ་སོ་སོར་རིག །བྱམས་པ་ཆེན་པོ་དང་སྙིང་རྗེ་ཆེན་པོ་དང་འཁྲུལ་པ་མི་མངའ་བ་ལ་སོགས་པ་སངས་རྒྱས་ཀྱི་ཆོས། །མ་འདྲེས་པ་བཅོ་བརྒྱད་ལ་སོགས་པ་ཐམས་ཅད་ཀྱི་རྣམ་པ་ཀུན་མཁྱེན། །ཉན་ཐོས་དང་རང་རྒྱལ་དང་བྱང་ཆུབ་སེམས་དཔའི་རྒྱུ་ལམ་དང་འབྲས་བུ་སངས་རྒྱས་ཀྱི་ཆོས་དང་། །ཀྲི་ཡ་ལས་དང་བྱ་བས་འི་མཐུ་རིགས་གསུམ་རྡོ་རྗེ་འཛིན་པ་དང་། །ཨུ་པ་ཡ་བྱ་བ་དང་རྣལ་འབྱོར་གཉིས་ཀའི་མཐུ་ལས་རིགས་བཞིར་འཆར་བ་དང་། །ཡོ་ག་པ་བསམ་གཏན་ཡན་ལག་ཆོ་འཕྲུལ་བཞི་དང་ཆོ་ག་ལྔ་སྟེ་དགུ་ལས་འབྲས་བུ་སྐུ་དང་ཡེ་ཤེས་སྲབ་མོར་མ་གྱུར་པས་སྟུག་པོར་བཀོད་པ་དང་། །མ་ཧཱ་ཐབས་༡དང་ཤེས་རབ་༡བསྐྱེད་༡རྫོགས་ཆོས་སྐུ་ཀུན་ཏུ་འོད། །ལོངས་སྐུ་པདྨ་སྤྱན་དང་ཡི་གེ་འཁོར་ལོའི་སྤྲུལ་སྐུ་ས། །ཨ་ནུ་སྣང་བ་རྒྱུ་དབྱིངས་སུ་བསྒོམ་འབྲས་བུ་དྲན་རྟོག་ཡེ་ཤེས་སུ་འཆར་བས། །རྫོགས་ཚུལ་དུ་བསྒོམས་པ་ལས་བྱུང་བ་ཀུན་ཏུ་བཟང་པོ་དབྱེ་བ་མེད་པའི་ས། །ཐམས་ཅད་ཇི་ལྟར་བསྒྲུབས་པར་གནས་སྐབས་ཀྱི་མེ་ཏོག་འཆར་ཅིང་མཐར་ཐུག་འབྲས་བུ་མི་འཆར་ཏེ། ༈ །བསྟི་གནས་ངལ་སོས་ཙམ་སྟེ་ངེས་པར་བརྟན་པའི་འབྲས་བུ་མིན་པས། །འབྲས་བུ་གོང་ནས་གོང་དུ་བགྲོད་དགོས་པས་བརྫུན་པར་སྣང་། །རང་རང་གི་འདོད་པས་བདེན་པར་སྣང་ཡང་གཤིས་ལ་སྒྱུ་མར་བརྫུན་པ་སྣང་། །དེ་གཉིས་ཐ་དད་མི་གནས་རོ་གཅིག་ཏུ་སྣང་། ༈ །སྣང་བས་སྣང་བ་རང་བཀྲོལ་རྣམ་དག་བྱང་། །སྣང་གཞི་མ་འགགས་སྙོམས་པར་ཁྱབ་པས་ཆུབ། །མ་འདྲེས་ཡོངས་རྫོགས་རང་གསལ་མི་རྟོག་སེམས། ༈ །སྟོང་པ་བྱང་ཆུབ་སེམས་སུ་ལ་བཟླ་སྟེ། །དབུ་མ་རྒྱན་གྱི་འགྲེལ་པ་ལས། གལ་ཏེ་དངོས་པོ་མ་གྲུབ་ན། །དངོས་པོ་མེད་པ་འགྲུབ་མི་འགྱུར། །དངོས་པོ་གཞན་དུ་གྱུར་བ་ནི། །དངོས་མེད་ཡིན་ཅེས་སྐྱེ་བོ་སྨྲ། །ཞེའོ། །དེ་སྐད་དུ། འོ་མར་ཞོ་ལ་སོགས་མེད་གང་། །དེ་ནི་སྔ་མ་མེད་ཅེས་བྱ། །ཞོ་ལ་འོ་མ་མེད་པ་ནི། །ཞིག་ནས་མེད་པའི་མཚན་ཉིད་དོ། །མགོ་ཡི་ཡན་ལག་ལྗང་བ་དང་། །སྐྱེ་དང་སྲ་བ་རྣམ་སྤངས་པ། །རི་བོང་རྭ་ལ་སོགས་དངོས་སུ། །དེ་ནི་གཏན་མེད་བརྗོད་པ་ཡིན། །བ་གླང་རྟ་ལ་སོགས་མེད་པ། །དེ་ནི་གཅིག་ལ་གཅིག་མེད་བརྗོད། །ཅེས་སོ། །གདོད་ནས་ཡོད་པས་སྟོང་པ་རི་བོང་རྭ་ལྟ་བུ་གཏན་ནས་མེད་པའི་སྟོང་པ་ལ། །ཕྱི་མ་བཞི་པོ་འདི་དངོས་པོ་གཞན་དུ་གྱུར་པ་ལ་སྟོང་པ་ཞེས་བྱའོ། །སྔར་མེད་སྟོང་པ་རྒྱུའི་དུས་ན་འབྲས་བུ་མ་དམིགས་པ་འོ་མའི་དུས་ན་ཞོ་མེད་པ་ལྟ་བུ། །ཞིག་ནས་མེད་པའམ་སྤྱད་པའི་སྟོང་པ་རྒྱུ་འབྲས་སྤྱད་ཟིན་ཆོས་ཞོ་ལ་འོ་མ་མེད་པ་ལྟ་བུ། །ཕྱོགས་གཅིག་པའི་སྟོང་པ་ནི་ས་ཕྱོགས་བུམ་པས་སྟོང་པ་ལྟ་བུ། །འགྱུར་བའི་སྟོང་པ་སྐད་ཅིག་སྔ་ཕྱིའི་ཆོས། །བློས་བརྟགས་པས་སྟོང་པ་ནི་རིགས་པའི་ཤེས་པས་སྣང་བ་ལ་གཞིགས་པའི་ན་དངོས་པོ་ཆོས་ཀྱིས་སྟོང་། །བློས་བརྟགས་པའི་མཐའ་ལས་གྲོལ་བའི་སྟོང་ཉིད་ནི། །ཤེས་བྱེད་རྣམ་པར་མི་རྟོག་པའི་ཡེ་ཤེས་ཀྱི་ཡུལ་དུ་གྱུར་པ་ལ། །ཤེས་བྱ་རྣམ་དག་ཆོས་དབྱིངས་འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །ཞེས་པའི་སྤྲོས་བརྒྱད་བྲལ། །ཡུལ་དང་ཡུལ་ཅན་དུ་རྟོག་བཅས་ཀྱི་ཤེས་བས་བརྟགས་ཀྱང་། །དོན་གྱི་ངོ་བོ་ཉིད་ལ་སྨྲ་བརྗོད་ཀྱི་མཐའ་ལས་འདས་བའི་སྟོང་པ་ཉིད་ཡིན་ལ། །ངོ་བོ་ཉིད་ཀྱིས་སྟོང་པ་ནི་ཆོས་ཅན་སྣང་བའི་ངོ་བོ་ཉིད། །མུ་བཞིའི་ཕྱོགས་སུ། ངེས་པར་གཟུང་བའི་སྤྲོས་པས་སྟོང་པས་ཆོས་ཉིད་སྤྲོས་པ་མེད་པའི་ཆིག་ཆོད་ཡིན། །ལ་མུར་ཐུག་པ་ཕྱང་ཆད་སྟོང་པས་ལུང་གི་ཕྱོགས་ཙམ་པ་སྣང་ཚད་ཆོས་ལ་སྐུར་བ་འདེབས་པ། །ལ་ལ་ཚེ་སྔ་ཕྱི་དང་ངེས་པར་ལེགས་པའི་འབྲས་བུ་ཐམས་ཅད་ལ་སྐུར་བ་འདེབས་ཏེ་སྟོང་། ༈ །སྟོང་པ་དེ་དག་ངོ་མ་ཤེས་ན་ཅིས་ཏེ་སྟོང་། །པར་འགྱུར་ཏེ་མི་འགྱུར་ལ་ཤེས་ན ། སྟོང་པར་ཤེས་པའི་རིག་པ་མི་འགག་ཅིང་། །སྟོང་པར་སྒྲོ་བཏགས་ཡིན་པས་ངོ་བོས་སྣང་བ་ཉིད་ཡིན་ནོ། །སྣང་བ་དེ་ཉིད་གང་གི་ཡང་ངོས་གཟུང་ལས་འདས་པས་སྟོང་ངོ་། །སྣང་སྟོང་དེ་ཉིད་ཐ་དད་བྲལ་བས་གཉིས་ཀྱིས་སྟོང་ངོ་། །གཉིས་མེད་ཀྱི་འང་རིས་སུ་མ་ཟིན་ཏེ་གཉིས་ལྟར་སྣང་ཞིང་གསལ་ལོ། ༈ །སྟོང་པ་མུ་བཞིར་མ་འགགས་པའི་རིག་པ་ནི་ཐམས་ཅད་མཁྱེན་པས་ཆུབ། །སྟོང་པས་སྟོང་པར་འཛིན་པའི་མཐའ་རང་སར་བཀྲོལ་བས་སྟོང་པ་ཁོ་ནར་འཛིན་པ་རྣམ་པར་དག་པས་བྱང་། །སྟོང་པའི་མུ་བཞི་མ་འདྲེས་ལ་སྟོང་པའི་ངང་དུ་ཡོངས་སུ་རྫོགས་པའི་རང་བཞིན་སྟོང་ཆེན་སེམས་སོ། ༈ །ཕྱི་ནང་གི་སྣང་བར་བཏགས་པའི་དངོས་པོ་རྣམས་རིགས་པའི་ཤེས་པས་བཀག་བྱས་ནས། །བརྟགས་སྟོང་འཛིན་པའི་རིགས་ཤིས་ཀྱི་སྣང་བ་དེ་ལམ་མཉམ་བཞག་རྣམ་པར་མི་རྟོག་པ་གོམས་པ་ཉིད་གྱིས་དགག་ཅེ་ན། །རིགས་ཤེས་ཀྱི་སྣང་བ་དང་མཐར་ཐུག་པ་ནི་ས་བཅུའི་ཡེ་ཤེས་ཀྱི་རིགས། །ཤེས་ཡིན་ལ་དེ་འགེགས་པའི་གཉེན་པོ་ཡེ་ཤེས་ཉིད་མིན་ན་གཞན་གང་ཡིན། །མེ་ཡིས་མེ་བསྐྱེད་པ་བཞིན་དུ་ཡེ་ཤེས་ཁྱད་པར་དུ་འཕགས་པར་འགྱུར་བ་མིན་ནམ། །མེ་ཡིས་བུད་ཤིང་ཟད་པའི་མཐུན་ཕྱོགས་གཅིག་མཐོང་པས། །ཡང་དག་པའི་རིགས་པར་འགྱུར་བ་མིན་ཏེ་ཇི་ལྟར་ན་མུ་སྟེགས་ནམ་མཁའི་གོས་ཅན་པ་ཤིང་། །ཏི་ཏི་ཏིང་ཀ་མཚན་མོ་ལོ་མ་འཁུམ་པའི་རྟགས་ལ་བརྟེན་ནས། །ཤིང་རྣམས་ལ་སྲོག་དང་བཅས་པར་སྒྲུབ་པ་དེ་ཡང་དག་པའི་རིགས་པར་འགྱུར་རོ། །དེ་ལྟར་ཡེ་ཤེས་མེད་པར་འདོད་ན་སྟོང་པ་ཆད་ལྟ་བ་སྡིག་ཅན་དེ་ཀ་ཡེ་ཤེས་མེད་པར་འདོད་པ་ཉིད་ཡིན་མོད། །དེས་ན་སེམས་ཀྱི་རང་བཞིན་རྣམ་པའི་ཐམས་ཅད་ཀྱི་མཆོག་དང་ལྡན་པའི་བྱང་ཆུབ་ཀྱི་སེམས་ཡིན་ནོ། ༈ །རིགས་པས་མ་བརྟགས་པའི་བློ་ལ་ཐ་སྙད་པའི་ཤེས་པའི་ངོར། །ཉམས་དགའ་བའི་ཕྱིའི་ཡུལ་དང་ནང་སེམས་སམ་སྒྱུ་མའམ་རིག་པའམ། །ལྷ་ཡི་དཀྱིལ་འཁོར་ཝ་ལེ་སྣང་མ་འགགས།༼༔༽ །པ་རྣམས་བརྟགས་ན་གཤིས་ལ་རིགས་པའི་ཤེས་པའི་ངོར། །སྤྲོས་པའི་མཐར་དང་བྲལ་ཏེ་རང་བཞིན་མེད།༼༈༽ །པ་དེ་༼ཿ༽གཉིས་རི་བོང་མགོ་དང་རྭ་བཞིན་དུ། །རྟོག་བཅས་ཀྱི་ཤེས་པའི་ངོར་ལྡོག་པ་སོ་སོར་བཅས་པས་ཐ་དད་དུ་སྨྲ། །དངོས་སུ་ན་དེ་ཉིད་དང་གཞན་དུ་བརྗོད་དུ་མེད་དེ། །ཡང་དག་པར་གཅིག་པའམ་ཡང་དག་པར་ཐ་དད་པ་མིན་པའི་ཕྱིར། །ཐ་སྙད་པའི་བློ་ལ་ཀུན་རྫོབ་དང་དངོས་པོ་རིགས་ཤེས་དོན་དམ་སྟེ་ཤེས་ངོ་གཉིས་ཀྱི་ཡུལ་དུ་སྨྲ་བའི། ༈ །མུ་གཉིས་ཡང་དག་པར་ན་གཅིག་མིན་པས་གཅིག་གི་མཐའ་ལས་གྲོལ། །ཡང་དག་པར་ན་ཐ་དད་ཀྱང་མིན་པས་གཉིས་ཀྱི་མཐའ་ལས་གྲོལ། །རིགས་པས་མ་རྙེད་བས་ཡོད་པའི་མཐའ་ལས་གྲོལ། །བློ་ལ་ཅིར་ཡང་མི་འགག་པས་མེད་པའི་མཐའ་ལས་གྲོལ་ཏེ། ༈ །མཐའ་བཞི་རང་གྲོལ་ཡེ་ནས་རྣམ་དག་བྱང་། །བཟློག་པས་མཐའ་བཞི་ཀ་ལ་སྙོམ་པར་ཁྱབ་པས་ཆུབ། །མུ་བཞི་མཚན་ཉིད་ནས་མ་འདྲེས་ལ་ཡེ་ཤེས་ཀྱི་ངང་དུ་ཡོངས་སུ་རྫོགས་པས་རང་གསལ་མི་རྟོག་པའི་སེམས་སོ། ༈ །ཐ་སྙད་ཤེས་ངོར་བློ་ལ་སྣང་བས་འཁྲུལ། །དངོས་པོ་རིགས་པའི་ཤེས་ངོར་སྤྲོས་བྲལ་བདེན། །པས་མཐའ་བཞི་རང་གྲོལ་མི་འཐད་ཅེ་ན་གོ་ཡིས། །སྔར་བཤད་པའི་བརྟགས་སྟོང་ཇི་ལྟར་ལ་བཟླས་ཚུལ་དང་འདིར་མཚུངས་པར་སྦྱར་རོ། ༈ །སྣང་བ་ལྷའམ་རིག་པ་བདེ་བའི་ཆོས། །དེ་ཉིད་རང་བཞིན་མེད་པས་སྟོང་པ་ཉིད། །ཡིན་ཏེ་དཔེར་ན་གསེར་དང་གསེར་གྱི་སེར་པོ་དབྱེར་མེད་པ་ཇི་ལྟ་བར། །ཐབས་༡དང་ཤེས་རབ་༡སྣང་༡སྟོང་༡དབྱེར་མེད་དུ་ཟུང་དུ་འཇུག །གཞན་གྱི་བློ་ལ་བསྟན་པའི་ཐབས་སུ་ཚིག་ཏུ་རེ་མོས་དུ་བརྗོད་པ་ནི། །གུ་ལྗོ་བྱིས་པ་ཤེས་བྱ་རིམ་གྱིས་སྦྱོང་བའི་ཚུལ་ལྟར། །བློ་གྲོས་ཞན་ན་ཉམས་བླང་ཆོ་ག་ལྔ་གསུམ་གྱིས་བསྐྱེད་པའང་དཔེ་དེའོ་དང་འདྲ། །དོན་དུ་བདེན་པ་ཆིག་ཆོད་ཡིན་པས་འཇུག་པའི་རིམ་པ་ལྔའི་བྱེ་བྲག་ཅུང་ཟད་མེད། ༈ །དེ་ཡང་གཉིས་སུ་མེད་ཅེས་བཏགས་པ་དེ། །ཤེས་བྱའི་མུ་བཞི་སྟེང་ནས་ངོས་གཟུང་སྒྲོ་བཏགས་ཉིད། །སྒྲོ་བཏགས་བ་ཞེན་ནས་འདོགས་ཀྱི་གོང་གི་བདེན་པ་གཉིས་ཀྱང་སྒྲོ་བཏགས་ཉིད་དུ་ཞེན་ནས་གདགས། །ཁྱོད་ཀྱིས་གཉིས་མེད་གཟུང་བའི་སྣང་བ་ལ་དེ་ཉིད་གཤིས་ལ་སྟོང་། ༈ །སྣང་སྟོང་དེ་གཉིས་སུ་མ་འགགས་ལ་སྣང་སྟོང་གཉིས་སུ་མི་གནས་པ་དེ་མུ་བཞི་རྫོགས་སོ། །མུ་བཞི་མ་དམིགས་པས་བྱང་༡ལ་མ་འགགས་པར་ཆུབ་༡པར་གནས། །གསལ་ལ་མི་རྟོག་སེམས་༡ཉིད་རང་གསལ་བ། །དེ་གསུམ་༡༡༡རོ་གཅིག་བདེན་བརྫུན་རང་སར་གྲོལ་བས་མུ་བཞི་བདེན་བརྫུན་སྤངས་སོ། ༈ །མུ་བཞི་གཅིག་སྟེ་རེ་རེ་ལའང་བཞི་བཞི་རྫོགས་ཀྱང་མཐར་མ་ཞེན་ཏེ་རང་གྲོལ་བ་དེ། །ངེས་པར་བློའི་གཏིང་དུ་ཡིད་ཆེས་ཐེ་ཚོམ་གཅད་དོ། །དེ་རྟོགས་ན་རྒྱལ་བའི་སྲས་པོ་བློ་དང་ལྡན་པ་རྫོགས་པ་ཆེན་པོའི་རྣལ་འབྱོར་པའོ། ༈ །འདའ་མེད་རྣམ་པ་གསུམ་ཤེས་བྱ་མུ་བཞི་དུ་མའི་རྗེས་སུ་ཤེས་པ་མི་འབྲང་བར། །ཤེས་བྱེད་ཀྱི་བློ་རང་སར་གྲོལ་ན་ཤེས་བྱའི་རྩ་བ་ཆོད། །པ་ཡིན་ཏེ་དཔེར་ན་སྡོང་པོའི་རྩ་བ་ཆོད་ན་ཡལ་འདབ་ཞི་བ་བཞིན་ནོ། ༈ །དེ་ཡང་རྣམ་ཤེས་ཚོགས་བརྒྱད་ལས་ཀུན་གཞི་བྱང་ཆུབ་སེམས། །ལྷུན་གྲུབ་གསུམ། མ་རྟོགས་རྙོག་པས་སྦགས་པས་ཚོགས་བདུན་གྱིས་བཞག་པའི། ། བག་ཆགས་ཀྱི་གཞི་རུ་སྨིན་པ་ནི་སྦྱོར་བ་དོན་གྱི་ཀུན་གཞི། །ཚོགས་བདུན་པོ་གྲོལ་ན་བག་ཆགས་རྙོག་པ་སྦྱོར་དོན་དངས། །བྱང་ཆུབ་ཀྱི་སེམས་གཞི་ལྷུན་གསུམ་གྱི་དོན་ཡོན་ཏན་གྱི་གཟུགས་བརྙན་ཤར། ༈ །ཚོགས་བདུན་ལས་སྒོ་ལྔའི་རྣམ་ཤེས་ཡུལ་ལྔར་གསལ་ལ་མི་རྟོག་ཀྱང་། །ཡིད་ཀྱི་ས་དེ་དག་རྗེས་སུ་འབྲངས་ནས་ཡུལ་ལྔ་ལ་མཚན་མར་བཟུང་། །ཉོན་མོངས་པ་ཅན་གྱི་ཡིད་ཀུན་གཞི་ལ་ཁ་ནང་དུ་བལྟས་ནས། །ང་བདག་ཕྲར་འཛིན་ཡིད་ཀྱིས་དེའི་རྗེས་སུ་འབྲངས་ནས། །མ་རིག་པའི་བདག་དང་བདག་གིར་མྱོང་བའི་ཕུང་པོ་གཟུང་འཛིན་ཉོན་མོངས་པ་ལྔ་ཉེ་ཉོན་སོགས་འཛིན། །ཡིད་ཀྱི་རྣམ་ཤེས་ནི་སྒོ་ལྔ་དང་ཉོན་ཡིད་དེ་གཉིས་ཀྱི་རྗེས་སུའང་འབྲང་། །རང་གི་རིགས་མཐུན་གྱི་ཤེས་རྒྱུད་སྐད་ཅིག་སྔ་མ་ཙམ་གྱི་རྗེས་སུ་འང་འབྲང་། །སྐྱེ་ལུགས་དེ་གསུམ་གནས་ལུགས་ལྷུན་གྲུབ་གསུམ་ལས་མ་འདས་ལ། ༈ །སྤྲུལ་ཆོས་ལོངས་ཀྱི་ཐུག་ཕྲད་གསུམ་གྱིས་སྐྱེ་ལུགས་གསུམ་པོ་དེ་ལྟར་ལྷུན་གྲུབ་གསུམ་ལས་མ་འདས་པར་ངོ་སྤྲད་ནས། ༈ །ངོ་འཕྲོད་དེ་རྟོགས་པ་དེ་ཡི་སོ་ལ་བརྟག་དཔྱད་མེད་པར་གཞག །རྗེས་སུ་སྒོམ་སྐྱོན་ཅི་སྐྱེས་ཐམས་ཅད་ཡེ་ཤེས་རང་གསལ་ཡིན་བས། །གཉེན་པོས་ཉན་ཐོས་ལྟར། མི་སྤང་རང་རྒྱལ་ལྟར་མི་དགག་བྱང་སེམས་ལྟར། མི་སྦྱང་སྟེ། །ཕྱི་རྒྱུད་ལྟར་མི་བསྒྱུར་ནང་རྒྱུད་ལྟར་མི་བསྒྲུབ་ཕར་སྤྲོ་བ་ཚུར་བསྡུའི་བ་རྩོལ་བ་དང་བྲལ་བ་རང་ཏང་དུ་ཞག །ཡེ་ནས་འབྲས་བུ་ལྷུན་གྱིས་གྲུབ་པས་རྒྱུས་བསྐྱེད་པ་དང་ད་གཟོད་སྒྲུབ་ཏུ་མེད་དེ། །མ་ནོར་བཅོས་སུ་མེད་ཀྱིས་རང་པོའི་ངང་ལ་ཞོག །འབྲས་བུ་འདོད་པའི་བློ་ཡི་རྩོལ་བ་ལྷོད་ཀྱིས་ཀློད་ལ་ལྷུག་པར་ཞོག་ཅིག །དེས་ན་བླ་མ་དམ་པས་ཡུལ་མེད་དུ་བསྟན་པའི་ངང་དྲན་པ་ཙམ་མོ། ༈ །རྟགས་དང་མཚན་མ་གཉིས་ཀྱིས་ཚད་ལ་དབབ་པ་ནི་རྟགས་༼༠༽མཚན་༼༠༽ རང་༼༠༽ལ་ཤར་ནས་གཞན་༼༠༽ ལ་སྣང་། །བར་ཆད་བདུད་ཀྱི་དབང་དུ་མ་གྱུར་པས། །ནང་རྟགས་ཕྱི་རུ་ཤར་བ་གཞན་ལའང་སྣང་། ༈ །འཕྲང་ལྔ་བརྒལ་ན་བདུད་ལས་ཐར་བ་ཡིན། ༈ །དང་པོ་སེམས་སྐྱེ་དཀའ་བའི་འཕྲང་སྲུན་ནི། །མ་རིག་སྒྲིབ་པའི་ཕུང་པོས་སྲུང་བས་ན། །གདམས་ངག་ལ་འདྲེན་པའི་སློབ་དཔོན་སྐྱབས་འགྲོ་བྱེད་དུ་གཞུག་པ་དང་ཐུགས་རྗེས་དྲང་། ༈ །བསྟན་པའི་སྒོར་འཇུག་པར་དཀའ་བའི་འཕྲང་སྲུན་འཇིག་རྟེན་པའི་ལྷ། །ཡིས་བདག་གིར་བཟུང་ནས་སྲུང་བས་དེ་ཆོས་སྲུང་ལ། །མཆོད་སྦྱིན་བྱ་བ་དང་དཀོན་མཆོག་ལ་སྐྱབས་འགྲོ་དང་ཐེག་ཆེན་དུ་སེམས་བསྐྱེད་པ་དང་དད་པ་དང་བརྩོན་འགྲུས་ཀྱིས་འབད། །འདྲེན་པས་འི་སློབ་དཔོན་གྱི་དང་དུ་བླངས་ལ་མྱང་འདས་ཀྱི་ཁེ་པ་དང་འཁོར་བའི་ཉེན་བསྟན། ༈ །དོན་རྟོགས་པར་དཀའ་བའི་འཕྲང་སྲུན་ནི་ཤེས་བྱའི་ཡིན་ལུགས་ལ་སྒྲིབ་པ་དང་། །འཇིག་རྟེན་གྱི་མི་མ་ཡིན་གནག་ཕྱོགས་འགས་ཀྱང་བགེགས་བྱེད་པར་སྲིད་པའང་ཡོད། །དབང་༡ནོད་པ་དང་བྱིན་བརླབས་༡ཐོས་༡བསམ་༡དད་༡བརྩོན་༡འབད།༡༡༡༡༡༡ །ཤེས་རྒྱུད་འགྲོལ་བའི་བླ་མས་ཤེས་རབ་བསྐྱེད། །མ་སུན་པར་བྱས་ཏེ་གོ་རིམ་མ་འཁྲུགས་པར་ནན་ཏན་གྱིས་ལེགས་པར་གཟུད། །དམ་ཚིག་དབང་གི་སློབ་དཔོན་དང་མན་ངག་ལུང་གིས་སློབ་དཔོན་གྱི་མཐུ་བསྟང་ངོ་། ༈ །སོ་སོ་སྐྱེ་བོ་ལས་རིང་དུ་འཕགས་པ་ཐོབ་པར་དཀའ་བའི་འཕྲང་སྲུན་ནི་ཆོས་སྐྱོང་ཕལ་བ་དང་། །གཏོར་ཟན་འཇིག་རྟེན་པའི་ལྷ་འདྲེ་དང་ལེ་ལོ་དང་གཡེང་བ་ཡིན་པས། །བདུད་ཀྱིས་མ་གཡེངས་པའི་སྔ་གོང་ནས་ཡི་དམ་༡བདེ་གཤེགས་༡སྐྱབས་༡༡སུ་འགྲོ། །ལྷ་བསྒོམ་སྔགས་བཟླས་དམ་ཚིག་དབང་གི་སློབ་དཔོན་དང་༡མན་ངག་ལུང་༡གི་སློབ་དཔོན་དང་། །ཉམས་ཆག་སྐོང་བས་འི་སློབ་དཔོན་གསུམ་གྱིས་གྲོགས་༡༡༡བྱ་འཇིག་རྟེན་གྱི་གཡེང་བ་སྤངས། །ལེ་ལོའི་དགྲ་གཞོམ་སྟེ་བརྩོན་པས་ཉམས་སུ་བླང་། །རིག་པ་གར་བསྐྱོངས་ཀྱི་རང་གི་ཉམས་དང་གདམས་པ་བསྟུན་པ་བསྟེན། ༈ །མཐར་ཕྱིན་པར་དཀའ་བའི་འཕྲང་སྲུན་ནི་ཐམས་ཅད་མཁྱེན་པ་ཁོ་ན་ལ་སྒྲིབ་པས་ཤེས་བྱའི་སྒྲིབ་པ་དང་། །བར་ཆོད་ཀྱི་བདུད་ཀྱང་གནོད་པའི་ཁྱབ་འཇུག་བྱེད་པ་ཡིན། །དྲོད་དང་རྟགས་དང་མངོན་ཤེས་ཆོ་འཕྲུལ་རྣམ་འབྱུང་། །བ་ལ་དོན་མི་ཤེས་པར་དགའ་བྲོད་དང་ང་རྒྱལ་རློམ་པས་སྐྱེས་པ་བར་དུ་གཅོད་པས། །གནས་ལུགས་རང་བྱུང་ལྷ་ཡི་ལྷ་ལ་སྐྱབས་སུ་འགྲོ་བ་ནི། །དྲོད་རྟགས་མངོན་ཤེས་ཐམས་ཅད་རང་བྱུང་རིག་པའི་ཡེ་ཤེས་ཀྱི་ཆོ་འཕྲུལ་ལམ། །རྩལ་ལམ་བྱིན་རླབས་སམ་རང་འོད་དམ་རང་སྣང་བས། །བཤད་པ་དེར་ཤེས་ན་གནས་ལུགས་ངང་ལ་གནས་པས་དྲོད་རྟགས་རང་སར་མཐར་ཕྱིན། །ཏེ་ཕྱིན་པ་ལ་ནང་རྟགས། ༈ ཕྱི་རུ་ཤར་བ་ནི་བླ་མ་ཌཱ་ཀིའི་བྱིན་གྱི་རླབས་ཀྱིས་ཡ་མཚན་ཅན་སྣང་བ་དང་། །འཇིག་རྟེན་གྱི་ཆོས་བརྒྱད་ལས་བཟློག་སྟེ་མི་མཐུན་ཏེ་སྣང་བ་ལ་ཞེན་པ་བྲལ། །ཤེས་རབ་རང་འབར་ཤར་བས་དོན་དུ་འགྱུར་བ་ལ་མཁས། །ཅི་ལའང་ཐོགས་མེད་མཁྱེན་པས་རང་གཞན་གྱི་ཐེ་ཚོམ་གཅོད། །དེ་ལ་སོགས་པ་རྟགས་མཚན་བརྗོད་ཀྱིས་མི་ལང་གཞན་དུ་བརྟག་གོ། ༈ །བརྗོད་བྱ་ལྷུན་གནས་བདེ་ཆེན་ནི་འདི་ཞེས་གཅིག་ཅེས་ཀྱི་གྲངས་ལས་འདས་ཏེ། །ཐ་དད་མི་གནས་བར་ཐུན་མོང་མིན་པའི་ཐིག་ལེ་ཉག་གཅིག་ཡིན་པས། །དེ་རྟོགས་ཤིང་གོམས་པའི་རྣལ་འབྱོར་པའི་དགོངས་པའང་ཐིག་ལེ་ཉག་གཅིག་ཡིན། །གཞི་ལམ་དེ་ཉིད་མཐར་ཕྱིན་པའི་རྒྱལ་བའི་དགོངས་པ་ཡང་། །ཡེ་ཤེས་ཉག་གཅིག་ཀློང་དུ་ལྷུན་གྱིས་གྲུབ་བོ། །མིང་གིས་གཅིག་པ་ཙམ་ནི་བན་གླང་དང་རྟ་དང་མི་དང་མ་ཧེ་ལ་སོགས་པ་ནི་མིང་ཙམ་དུ་གཅིག་ཀྱང་། །ངོ་བོས་ཐ་དད་ཉིད་ཡིན་ནོ་ཕྱོགས་ཙམ་དུ་གཅིག་པ་ནི། །དབང་ཕྱུག་དང་ཁྱབ་འཇུག་དང་སེར་སྐྱ་དང་གཟེགས་ཟན་ལ་སོགས་པའི་ཕྱོགས་སུ་རྟག་ལྟ་ཀུན་བསྡུས་པའོ། །ངོ་བོ་རྫས་གཅིག་ལ་ལྡོག་པའི་ཆོས་གཉིས་བརྟེན་པས་གཅིག་པ་ནི། །འགྲུབ་བྱེད་རྒྱུ་རྐྱེན་གྱིས་བསྐྱེད་དེ་བྱས་པ་དང་འཇིག་བྱེད་སྐད་ཅིག་གཉིས་པར་མི་སྡོད་པས་མི་རྟག་པ་རྫས། །བུམ་པའི་དངོས་པོར་ངོ་བོ་གཅིག་པའོ། །ཆ་ཤས་མེད་པས་གཅིག་པ་ནི་རྡུལ་ཕྲན་ཕྱོགས་ཆ་དང་བྲལ་བར་བློས་བརྟགས་པའོ། ༈ །རྣམ་པ་གཅིག་དང་གཉིས་ལ་སོགས་པ་བགྲང་དུ་མེད་པའི་གཅིག་པ་ནི་ཐུན་མོང་མིན་པའི་ཉག་གཅིག་གོ། །དེ་ལ་གཞན་གྱི་ཟླ་མེད་པའི་གཅིག་ཏུའང་ཚིག་གིས་མཚོན་པར་རུང་བ་ཡིན། །ཐ་དད་ཅེས་གཅིག་ལས་བཟློག་པའི་ཆོས་མ་སྤངས་ཀྱང་མི་གནས་པར། །ཕྱོགས་རིས་མེད་པར་ཀུན་ལ་ཁྱབ་པས་བློས་བསམ་ཡས་པའི་ཐིག་ལེ་ཉག་གཅིག་གོ། །དེའི་ཡོན་ཏན་གྱི་ལྡོག་ཆ་ནས་མུ་བཞི་ཅིར་བགྲངས་པ་དང་གང་བསྒྲུབས་ཀྱང་བདེན་པས། །ཐུན་མོང་མ་ཡིན་པའི་དུ་མ་ཆེན་པོའང་ཞེས་བརྗོད་པ་འཐད། །རང་བཞིན་དབྱེར་མེད་ནི་ཆོས་ཀུན་གྱི་སྤྱིའི་མཚན་ཉིད་ཡོངས་སུ་རྫོགས། །ལ་ཆོས་ཐམས་ཅད། གཅིག་སྟེ་རྣམ་པ་འི་གྲངས་ཡོངས་ཀྱིས་དེ་ལ་བསྒྲུབ་ཏུ་མེད། ༈ །འཁོར་འདས་ཀྱི་དངོས་པོ་ཀུན་ཉག་གཅིག་ཀློང་ཆེན་དེར་དྲིལ་ཏེ་བསྟན་ཀྱང་བློ་གྲོས་མུ་མཐའི་ཕྱོགས་སུ་ལྷུང་བས། །དེ་མ་རྟོགས་ཏེ་མིང་ཙམ་ལ་སྐུར་པ་འདེབས་བས་ཚིག་སྦས་ཏེ་གབ། །དོན་ནི་ཚིག་ཏུ་བསྟན་ཀྱང་མི་གོ་བས་རང་གསང་སྦས། །དེས་ན་རང་གནས་གནས་ལུགས་ནི་རང་གི་མིག་གིས་མིག་མ་རིག་བཞིན་མ་རིག་པའོ། ༈ །ཀྱེ་བོད་པ་ཧོ་དགྱེས་པ་བཞིན་བཟང་དགེ་སློང་ཆེ། །འགྲོ་དྲུག་གི་སྣང་ཚུལ་སོ་སོར་ཞེན་པས་རང་འཐད་སྨྲས། །མུ་སྟེགས་ནི་སྟོན་པ་དང་བསྟན་པའི་ཉིད་རྐྱེན་ལོག་པས་ཕྱིན་ཅི་ལོག་ལ་དྲངས་ཏེ། །ཐེར་ཟུར་པ་དང་ཆད་པའི་མཐར་བཅིངས། །མཁས་པ་སྒྲ་དང་གཉིས་ལ་བློ་འབྲངས་ཏེ་མུ་མཐའི། །ཕྱོགས་རེ་རྟོགས་ཏེ་རྩོལ་བརྒྱད་རང་རང་འདོད་པའི་དོན་ལ་སྒྲུབ། །བཙུན་པོ་རང་སྲུང་གཞན་ལ་དཔྱས། །ཞི་གནས་སྒོམ་ཆེན་ཉམས་ཀྱིས་བྲིད། །ཐམས་ཅད་ང་བདེན་ཕ་བསད་འདྲ་བའི། ༈ །རང་འདོད་ཞོག་ལ་ཐུན་མོང་གཟུ་བོའི་བློས། །ཤེས་བྱ་སྤྱི་སར་ཞོག་ལ་ལྟོས། །མུ་བཞིའི་ཆོས་ལ་ཕྱོགས་མ་འཛིན། ༈ །མ་ཧཱའི་གཉིས་མེད་གཉིས་སུ་མེད་པའང་མིན་ཏེ་སྤྱོད་ཡུལ་དང་བྲལ་བ་ནི། །དགོངས་པས་བསྟན་པ་ཡིན་གྱི་སྒྲ་ཇི་བཞིན་མིན། །མ་བཅོས་ངང་ལ་རྟོགས་པས་བདེར་གནས་ན། །གཉིས་མེད་དང་གཉིས་སུ་བཅས་པ་ཐམས་ཅད་རང་ཏང་དུ་ཞོག་ཅིག ༈ །ཨེ་མ་འོ་ངམ་པ་ཐམས་ཅད་རང་རང་གི་ཕྱོགས་ལ་སྨྲ། །ཚད་མས་ཚད་མ་ཕན་ཚུན་སུན་འབྱིན་པར། །མཁས་རྣམས་རང་གི་ཞེ་འདོད་ཀྱི་ཁོང་སྐྲན་ཆས། །བདེན་པའི་ས་དོན་བསྟན་པ་མི་ཐུབ་བ་ཀྱེ་སྙིང་རྗེ། །དེ་རྣམ་དོན་ལ་མཁས་པ་རྣམས་མྱ་ངན་གྱི་གནས་སུ་འགྱུར། །བསླབས་ཀྱང་མི་གོ་བསྟན་ཀྱང་མི་མཐོང་བ། །འདི་ལ་ཐུགས་རྗེ་ཐབས་མཁས་རྣམས་ཀྱི་སྤྱན་གྱིས་གཟིགས་ནས། །ཁྱད་འཕགས་རྨད་བྱུང་ཐབས་ཀྱིས་འདྲེན་མཛད་ནས། །ཐམས་ཅད་ཕྱོགས་ལྷུང་རང་གྲོལ་སར་གནས་ཤོག ༈ །དད་འདུན་སྟབས་ཀྱིས་རྟེན་བཟང་གཞི་བསགས་ཀྱང་། །ལས་ཀྱི་སྟོབས་ཀྱིས་གནོད་སྦྱིན་མོ་ལུས་ཐོབ། །བདག་ལ་རྗེས་གཟུང་བརྩམ་པའི་གཉེར་མེད་ཀྱང་། །གཏེར་ནོར་དྲེགས་པས་སྐྱོ་བས་རྟེན་ལ་འཕངས། །མོས་པའི་མཐུ་ཡིས་དམ་པའི་སྤྱན་སྔར་མཆིས། །འབྲེལ་པའི་མཐུ་ཡིས་ལས་འཕྲོ་ཐུགས་རྗེས་བཟུང་། །སྨོན་རྩོལ་དྲག་པོས་བྱང་ཆུབ་མྱུ་གུ་སྨིན། །དགེ་སློང་གྲུབ་མཐའ་ས་ཟུང་དགོངས་ནུས་ཐོན། །བསྒྱུར་དཀའ་རྡོ་རྗེ་སེམས་དཔས་གྲོགས་མཛད་ནས། །དམ་པས་བྱིན་བརླབས་བདག་གི་ཤེས་རབ་མཐུས། །གདུལ་བྱ་སྨིན་ནས་བསྐུལ་བའི་རྐྱེན་འདི་བཀོད། །ནོར་འགལ་འཁྲུལ་པ་མཆིས་རྣམས་ཁྱེད་ལ་བཤགས། ༈ །དཀའ་བས་འབད་པས་ཀུན་ཀྱང་འདིར་རྟོགས་ནས། །ཐབས་དང་ཤེས་རབ་སྦྲེལ་མར་བརྒྱུད་ནས་ཀྱང་། །སྒྲོ་སྐུར་མི་མཐུན་གཤེ་བའི་སེམས་བོར་ནས། །ཕ་སྤད་མ་སྨད་མིང་སྲིང་ཡོན་མཆོད་དང་། །མཁན་སློབ་རྗེ་འབངས་ཉེ་དྲུང་གཅུགས་སེམས་ལྡན། །མཐུན་པས་འགྲོགས་ཤིང་བདེ་ཆེན་སར་གནས་སྨོན། ༈ །འདི་དག་མཁའ་འགྲོ་གཉན་ལ་དཔང་བཙུགས་བཅོལ། །གང་ཟག་སྣོད་མིན་བསྒྲགས་པས་སྐུར་གཤེ་སྨོད། །རྣལ་འབྱོར་ཡོ་གའི་གནས་འགྱུར་སྦ་བར་བ། །གླེགས་བམ་ཚད་ཀྱང་སོར་བཅུ་གཉིས་པར་བྱ། །སྦ་བ་བདེ་ཕྱིར་དེ་ཡང་གནས་དབེན་པར། །ཕྱི་ཡི་དབྱིབས་ཀྱང་མི་མཐོང་དེ་ལྟར་སྦ། ༈ །གསུམ་མང་གཅིག་ཉུང་ཚབ་འཐེབ་གཉིས་ལ་ཞོག །ཉམས་ལེན་ནུས་ལ་མན་ངག་རང་གྲོལ་སྦྱིན། །བརྗེད་པ་དྲན་ནུས་ཡིག་ཆུང་སྣ་ཚང་སྦྱིན། ༈ །མ་འཁྱམས་མ་རུལ་མ་ཟགས་ལེགས་པར་བཅང་། ༈ །འཇིག་རྟེན་དྲི་མ་མེད་པ་གསང་བའི་སྒྲོན་མ་ཞེས་བྱ་བ། །ཕྱག་ན་རྡོ་རྗེ་ཐུགས་ཀྱི་རིག་པ་ལས། །ཀླུའི་རྒྱལ་པོ་ལས་མ་བཅོས་བླ་མའི་ས་ནོན་པ། །གནོད་སྦྱིན་མོ་བྱང་ཆུབ་ཀྱིས་མཛད་པ། །རྫོགས་སོ།། །།སེའི་བནྡྷེ་འབྱུང་ལྡན་གྱི་མཆན་བུ་བཏབ་པའོ།། །།

གསང་བ་ཐུགས་ཀྱི་སྒྲོན་མ་གནོད་སྦྱིན་མོ་བྱང་ཆུབ་ཀྱིས་མཛད་པ།

གསང་བ་ཐུགས་ཀྱི་སྒྲོན་མ་བཞུགས། །རྒྱ་གར་སྐད་དུ། བོ་དྷི་ཙིཏྟ་རཏྣ་གུ་ཧྱ་ཙིཏྟ་པྲ་དྷཱི་སཾ་ནཱ་མ། བོད་སྐད་དུ། བྱང་ཆུབ་ཀྱི་སེམས་རིན་པོ་ཆེ་གསང་བ་ཐུགས་ཀྱི་སྒྲོན་མ་ཞེས་བྱ་བ། བཅོམ་ལྡན་འདས་དཔལ་རང་གསལ་མ་བཅོས་ལྷུན་གྱིས་གནས་པའི་ངང་དུ་ཕྱག་འཚལ་ལོ། །རྒྱལ་བས་མཁྱེན་སྣང་དུས་དྲུག་བསྐུལ་སྤྲུལ་བརྡར། །འཇིག་རྟེན་མུན་སེལ་ཡང་སྤྲུལ་ཉི་མ་ཤར། །དེ་ཡི་གསུང་བཞིན་བློར་བཞག་གསལ་བར་བསྟན། །ཀུན་སྣང་དེར་རྟོགས་མཚོན་མེད་འབྱུང་གཞིར་གནས། །དེ་རྟོགས་འཁྲུལ་པས་མྱང་འདས་འཁོར་བར་འགྱུར། །ཀུན་གྱི་རྒྱུར་གྱུར་འབྱུང་བ་བཞི་ལས་ལྟར། །མ་རྟོགས་གཟུང་འཛིན་རྣམ་རྟོག་གྲངས་མཐའ་ཡས། །རྗེས་རྟོགས་བརྟགས་སྣང་རང་ཀར་སྤྱོད་པས་འཁོར། །བདག་འཛིན་ཉོན་མོངས་དབང་གིས་རྟོགས་དོན་བཅོམ། །ལས་དབང་རྒྱལ་བའི་ཐུགས་རྗེས་དོན་མཐར་སོན། །སྦྲུལ་མདུད་གནས་སྐབས་གཅིག་གིས་དེ་རིག་འགྱུར། །དེ་སྲིད་སྟོང་སྣང་བདག་མེད་གཤིས་སུ་གྲོལ། །ཐེག་ཆུང་ཐ་དད་འབྲས་བུར་བྲོད་བསྐུར་ཙམ། །ཕྱི་ནང་མཐོན་དམན་དོན་ལ་མེད་པར་རྫོགས། །སྙིང་པོ་རྣལ་མའི་གསང་དུ་འུབ་ཆུབ་སྟེ། །གསལ་སྣང་རྟོག་མེད་སྤྲོས་བྲལ་ལྷུན་གྲུབ་ངང་། །ཉི་བཞིན་གསལ་སྣང་ཀུན་གྱིས་མཚོན་དུ་མེད། །བདེ་བ་ཆེན་པོ་སྟོང་ཉིད་སྤྲོས་དང་བྲལ། །སྣང་བཞིན་སྟོང་པས་དངོས་པོར་བསྟན་དུ་མེད། །དབྱེར་མེད་གཅིག་གི་ངང་དུ་རྟོགས་པར་མཛོད། །ཡིད་སྦྱིན་ནོར་བུ་མཆོད་བསྐུར་རྟེན་བཀུར་འདྲ། །ཕྱོགས་སུ་མ་ལྷུངས་རྒྱར་མ་ཆད་པའི་ངང་། །གསལ་བའི་ངང་དུ་སྟོང་དབང་བསྐུར་རྫོགས་འདྲེས། །དབྱེར་མེད་རྫོགས་པའི་ངང་དུ་རྒྱས་བཏབ་འཕགས། །རྩེ་གཅིག་མ་ཡེངས་དོན་རྟོགས་གོམས་པར་གཞག །རྒྱ་མཚོའི་དབྱིངས་བཞིན་དུ་མ་གཅིག་ཏུ་རྫོགས། །གཞི་ཉིད་ལམ་ལ་ལམ་ཉིད་འབྲས་བུར་སྣང་། །འགྲོད་དུ་མེད་པས་བགྲོད་པའི་མཆོག་ཉིད་དེ། །སྣང་བ་དངོས་པོར་འཛིན་པ་འཁྲུལ་པའི་བློ། །མཉམ་ཉིད་མི་གཡོ་ཆོས་ཀྱི་སྐུར་མཚོན་པས། །ཅིར་ཡང་སྣང་བ་བདེ་ཆེན་རང་གསལ་རྒྱས། །འགྲོ་བའི་དོན་དུ་རྣམ་སྤྲུལ་ཅིར་ཡང་སྟོན། །འབྲས་བུ་ལྷུན་རྫོགས་བདེ་ཆེན་ཀུན་ཏུ་བཟང་། །རོལ་པའི་ངང་དུ་རོལ་པ་མ་བཅོས་བདེ། །གནས་གྱུར་རང་དག་ཡེ་ཤེས་ལྔར་སངས་རྒྱས། །ཀྱེ་དགེ་སློང་རང་གསལ་དབྱེར་མེད་ཡོན་ཏན་བསམ་ལས་འདས། །མི་རྟོག་མ་རྟོག་དེ་བཞིན་ནམ་མཁའི་ངང་། །རྩོལ་བའི་རྣམ་པ་ཀུན་སྤངས་ལྷུག་པར་གནས། །གཅིག་པུར་ཡུལ་རྐྱེན་བྲལ་བའི་ས་ལེ་བ། །ཚད་མ་གསུམ་གྱིས་ངེས་པར་དང་དུ་ལོང་། །ཆུ་བོ་བཞི་རྫོགས་བླ་མ་བཀུར་བར་བྱ། །གཡོས་པ་མེད་པའི་བསམ་སྟན་ངེས་ལུང་བསྟན། །ཀུན་ཀྱང་ཏིང་འཛིན་གསལ་རྟོག་མེད་རྟོགས་བྱེད། །རྒྱལ་བ་ཉིད་དང་དགོངས་སྤྱོད་གཅིག་པར་ཟུང་། །ཐར་པ་བགྲོད་ཕྱིར་འདིས་དོན་གསལ་བར་སྟོན། །གནོད་སྦྱིན་མོ་བྱང་ཆུབ་མས་མཛད་པ། །བྱང་ཆུབ་ཀྱི་སེམས་རིན་པོ་ཆེ་གསང་བ་ཐུགས་ཀྱི་སྒྲོན་མ་ཞེས་བྱ་བ། །རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བ་ཏ་དང་། བོད་ཀྱི་ལོ་ཙཱ་བ་སློབ་དཔོན་ཆེན་པོ་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་བབས་པ།། །།

དོན་བཞི་ལྷག་པར་གཏན་ལ་དབབ་པ་སེའི་བནྡྷེ་འབྱུང་ལྡན་གྱི་མཆན་འགྲེལ།

ཙ ཏྭ རི ཨ མོ བི ཤེ ཤ ཨུ པ དྷེ ཤ ཏི སྨ། །
དོན་བཞི་ལྷག་པར་གཏན་ལ་དབབ་པ་བཞུགས། །
རྒྱ་གར་སྐད་དུ། ཙ་༼ཀ༽ཏྭ་རི༈ ༼ཁ༽ཨ་མོ༈བི་༼ག༽ཤེ་ཤ༈ ཨུ་པ་དྷེ་ཤ༈ ༼ཅ༽ནཱ་མ། བོད་སྐད་དུ། དོན༈༼ཁ༽བཞི༈༼ཀ༽ལྷག་༼ག༽པར༈གཏན་ལ་དབབ་པ༈ཞེས་༼ཅ༽བྱ་བ། ༈ དཔལ་ལ་གསུམ་རྡོ་རྗེ་ལྔ་སེམས་བཞི་དཔའ་གཉིས་ལ་ཕྱག་འཚལ་ལོ། ༈ །བདེན་པ་གཉིས་སུ་མེད་པའི་ཡེ་ཤེས་བདེ་བ་ཆེའི་ན་པོ། །ཕྱོགས་མེད་དུ་འདོད་པ་དེའི་ཕྱོགས་འཛིན་ལས་སྒྲོལ་བ། །མུ་མཐའི་ཕྱོགས་རིས་ལས་སྒྲོལ་བའི་ཕྱོགས་མེད་ཀུན་མཁྱེན་དཔའ་མོ་རྗེ་གནོད་སྦྱིན་མོ། །རྒྱལ་བ་རིག་འཛིན་གྱི་བརྒྱུད་པར་བཅས་ལ་ཕྱག་འཚལ་བསྟོད། ༈ །མ་བརྟགས་པར་མ་བསྒྲུབས་པར་ལྷུན་གྱིས་གྲུབ་པའི་འབྲས་བུ་ཁྱད་པར་ཅན། །བྱ་བྲལ་རྫོགས་པའི་ལུང་ལས་སྙན་ཁུང་བརྒྱུད་པའི་བརྡ་སྤྲད་པ་དག །བསྡུས་ཏེ་སྐལ་བཟང་སྣོད་ལྡན་དངོས་བརྒྱུད་ཀྱི་སློབ་བུའི་དོན་དུ་གཞག ༈ །རང་གསལ་ངང་ལ་ཕྱོགས་མེད་ལྟོས། །མ་ནོར་བཅོས་མེད་རང་སོར་ཞོག །སྒོ་གསུམ་མ་བཅིངས་བག་ཡངས་སྤྱོད། །རྒྱན་དང་བཅས་པའི་ལུས་ལ་རྟོན། ༈ །མ་བརྟགས་པར་ཀུན་ཤེས་ཟླས་བཤད་ན་བརྟགས་ཤིང་དཔྱད་ཀྱང་མུ་མཐའི་ཕྱོགས་ལྷུང་བ། །ཡོད་མེད་གཉིས་ཀ་གཉིས་མེད་ཀྱི་མུ་བཞིའོ། །དང་པོ་ལ་ལྟ་ཀློང་ལས་ལྔར་གསུངས་པའི་སོ་སོ། ༈ །སྐྱེ་བོ་པ་ནི། །ཞེ་སྡང་མནར་སེམས་ཀྱིས་ཀུན་སློང་བྱས་པའི་ཕ་མ་དགྲ་བཅོམ་གསོད་པ་དང་། དགེ་འདུན་གྱི་དབྱེན་བྱེད་པ་དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་པ་མཚམས་མེད་ལྔ་དང་ལས་ངན་བཅུས། ༈ །ཡང་སོས་ཐིག་ནག་བསྡུས་འཇོམས་ངུ་འབོད་ངུ་འབོད་ཆེན་པོ་ཚ་བ་རབ་ཏུ་ཚ་བ་མནར་མེད་པ་སྟེ་ཚ་གྲང་ཆུ་བུར་ཅན། ཆུ་བུར་རྡོལ་བ། སོ་འཐམ། ཨ་ཆུ་ཟེར་བ། ཀྱི་ཧུད་ཟེར་བ། ཨུཏྤལ་ལྟར་གས་པ། པདྨ་ལྟར་གས་པ། པདྨ་ལྟར་ཆེར་གས་པའོ། །བརྒྱད་བརྒྱད་ཉི་ཙེར་བའི་གནས་ལ་ངེས་པ་མེད། གཞན་རྣམས་གླིང་འདིའི་འོག་ན་གནས་ཉེ་འཁོར་བ་ནི་མེ་མར་མུར་དང་རོ་མྱགས་ཀྱི་འདམ། སྤུ་གྲིའི་ལམ་སོགས་ཆུ་བོ་ཡིན་ཅེས་སོ། །དགུ་གཉིས་ཀྱི་ཡུལ་སེམས་རང་ཀ་མའི་དངོས་པོར་སྣང་། །ཆགས་སེམས་ཀྱིས་ཀུན་སློང་བྱས་ནས་སེར་སྣ་འཇུར་འགེགས་དང་མི་དགེ་བ་བཅུ་ཀྱིས། །སྟོངས་འགྱུར་བསྲུངས་པ་གསུམ་ཕྱི་ནང་ལུས་དང་ཡན་ལག་མི་འཚམ་པ་གཉིས་སྒྲིབ་བཀྲེས་སྐོམ་སྣང་། །གཤིས་དོན་དེ་ཁོ་ན་ཉིད་གནས་སྐབས་བདེ་སྡུག་གི་རྒྱུ། །དགེ་སྡིག་མ་ཤེས་པས་ལུས་ཀྱི་གསུམ་ངག་གི་བཞི་ཡིད་ཀྱི་གསུམ་སྟེ་ལས་ངན་བཅུ་སྤྱད་པའི་མཐུས། །གླིང་བར་ཆེ་བ་སྟོང་གསུམ་ཆུང་བ་གླིང་བཞིའི་ཁོར་ཡུག་གི་བར་གྱི་མུན་པར་རྒྱ་མཚོ་ཆེན་པོ་རྩ་བའི་གནས་དྲན་ཉམས་མཐུས། །དྲན་ཉམས་མི་དང་སྣོད་ཀྱི་བདེ་བ་ལ་ལོངས་སྤྱོད་པའི་སྐལ་བ་མཉམ་ཡང་རི་དྭགས་ལྤགས་པ་དུས་ཀུན་ཏུ་འཇིགས་པ་དང་བཅས། །པ་དེ་དག་ལས་ངམ་གྲོག་གཡང་ས་གཅོང་རོང་བྱ་སྐྱིབས་སྣང་སྟེ། །གཅིག་ལ་གཅིག་ཟ་ཞིང་མི་ཤེས་པ་ལས་འབྱུང་དཀའ་བའོ། །ཕྲག་དོག་དང་བཅས་དགེ་པའི་བཅུ་དང་དུ་བླངས་པ་ཙམ་གྱི་མཐུས། །གླིང་བཞི་ལ་གནས་པའི་མའི་ལུས་གདོང་པ་གླང་གི་ཚད་ནི་ཁྲུ་བཞིའམ་ཕྱེད་དང་བཞི་བརྒྱད་བཅུ་དྲུག་སོ་གཉིས་སོ། །དབྱིབས་ལོངས་སྤྱོད་ནོར་དང་འབྲུ་རས་དང་བེའུ་རས་ནོར་བུ་དང་བ་གླང་ཤིང་སྣ་ཚོགས་སྣང་། །ཁོང་ཁྲོ་དང་བཅས་པའི་དགེ་བ་སྤྱད་པས་རི་རབ་ཀྱི་ཁོང་སེང་གྲོང་ཁྱེར་གསེར་ལྡན་ཁང་བཟངས་གདམ་པ་ཅན་ན་ཐང་བཟངས་རིས་གནས་སོགས་གནས་བསྟན་པའི་མདོ་ལས། ས་སྟེང་མཚན་མ་སྣ་ཚོགས་ཀྱི་རི་ལ་ལག་ན་མཚོན་ཐོག །རི་རབ་ཀྱི་བྱང་ཕྱོགས་ཀྱི་རྒྱ་མཚོའི་འོག་དཔག་ཚད་སྟོང་ན་སྒྲ་གཅན་ཟིན། དེ་འོག་ཉི་ཁྲི་ཆིག་སྟོང་ཆིག་སྟོང་འདས་པ་ན། ལྷ་མིན་རྒྱལ་པོ་དཔའ་བོ། མེ་ཏོག་ཕྲེང་བ། རབ་བརྟན་གནས་པར་གསུངས་སོ། །གཟུགས་བྱད་ལྡན་དང་འཐབ་རྩོད་གོ་མཚོན་སྣང་། །ང་རྒྱལ་དང་བཅས་དགེ་བཅུ་བྱིངས་བསྐྱེད་མཐུས། །འདོད་ཁམས་ཀྱི་ལྷ་གནས་དྲུག་མཛོད་ལས། འོད་དང་ལྡན་པའི་ལྷ་ཡི་ལུས། །ཞེས་དྲང་ངོ་། །གི་ལུས་དང་འདོད་པའི་ལོངས་སྤྱོད་ཁྱད་པར་དུ་འཕགས་པར་སྣང་ངོ་། །ཚངས་གནས་ཚད་མེད་བཞི་སྤྱོད་མི་གཡོ་བའི་ལས་བསམ་གཏན་བཞི་དང་སྙོམས་འཇུག་བཞི་སྤྱད་པས། །གཟུགས་ཁམས་གནས་རིས་བཅུ་བདུན་དང་གཟུགས་མེད་སྐྱེ་མཆེད་མུ་བཞི་ནི་གནས་སྐབས་འཁོར་བའི་བདེ་བ་རྫོགས་སར་སྣང་ངོ་། ༈ །ངང་ཚུལ་ཇི་ལྟར་གནས་པ་ལྟར་རིགས་པས་རང་རང་གི་མཐོང་སྣང་ཐ་དད་ལ་བདེན་པར་བསྒྲུབས་ཏེ་ཉེར་བ་སྤྱད་པས་ཡོད་པ་དངོས་པོའི་མུར་སྨིན། །ཏེ་བདག་འཛིན་ལས་མ་གྲོལ་བར་བཅིངས་ཤིང་སྡུག་བསྔལ་གྱིས་གཟེར་བས་འཁྲུལ་པར་ངེས་པར་ཤེས་པར་བྱའོ། ༈ །དེ་མ་ཡིན་ལ་དེར་འཛིན་པས་ལོག་ཤེས་རྟག་དངོས་སུ་སྨྲ་བ་ནི་རིག་པ་༡རྡུལ་༡རང་བཞིན།༡ །དབང་ཕྱུག་༡རྣམས་རྟག་༡༡༡༡ པ་གཅིག་པུ་བདེ་བ་ཞིང་རང་དབང་ཐོབ་པ། །རྒྱུ་དེ་དག་ལས་བྱུང་བ་དང་བྱེད་པ་པོ་དེ་དག་གིས་བྱས་པའི་འབྲས་བུ་རྣམས་འགྱུར་བས་མི་རྟོག་དྲི་མས་གོས་༼༔༽པ། །དེ་༼༠༽དག་པར་བྱ་བའི་ཕྱིར་རང་གི་ངང་ཚུལ་སྔ་མ་ལས་བསྒྱུར་བས་ཁྱི་དང་བྱའི། བརྟུལ་ཞུགས་ངལ་ལ་འབྲས་བུ་མེད་པས་ལོག་ཆོས་སྤྱོད། ༈ །དེ་དག་ཀྱང་ཚངས་པ་དང་ཁྱབ་འཇུག་ལ་སོགས་པའི་ལྷ་ཆེན་པོ་གང་ཟག་དམ་པ་མ་ཡིན་པའི་ལུང་ལ་རང་གི་བསམ་གཏན་ཉམས་ཀྱིས་སྒྲུབ་སྟེ། །པ་ཉོན་མོངས་པ་དང་ཟག་བཅས་པའི་མངོན་ཤེས་ཕྲ་མོས་རྣལ་འབྱོར་གྱི་མངོན་སུམ་དག་མི་དམིགས་པའི་རྟགས་ཀྱི་ངེས་པར་བཅད་ཀྱང་མི་འཐད་དེ། ༈ །ཁྱེད་འདོད་པའི་རྟག་པའི་དངོས་པོས་བདག་དང་གཞན་གྱི་དོན་སྒྲུབ་པ་ལ། །རིམ་རྒྱུ་ནུས་པ་ཐོགས་མེད་ཡིན་ན་འབྲས་བུ་རྟག་ཏུ་སྐྱེད་པར་འགྱུར་ལ། གཞན་དུ་རྐྱེན་གྱིས་འགྱུར་ན་མི་རྟག་ལ། མི་འགྱུར་ན་ཕྱིས་ཀྱང་མི་སྐྱེད་པར་ཐལ་ལོ། །དང་གཅིག་ཅར་ལན་གཅིག་ལ་ཐམས་ཅད་བསྐྱེད་ན་མ་འོངས་པ་ཐམས་ཅད་ད་ལྟར་གྲུབ་པར་ཐལ། ཕྱིས་ཀྱང་བསྐྱེད་ན་གཅིག་ཅར་བྱེད་པ་ཉམས་སོ། །མི་འཐད་འཁྲུལ་པར་ཤེས་སོ། ༈ །ཐུབ་པས་བཀའ་དང་པོ་བློ་ཆུང་བྲིད་ལས་རིམ་གྱིས་དོན་ལ་གཟུད་པའི་ཕྱིར། །འཁོར་འདས་སྟོང་པ་ཉིད་བཞི་པོ་འཁྱུད་ནས་བདེན་པ་བཞིར་ཞལ་གྱིས་བཞེས། །ཀུན་ནས་ཉོན་མོངས་པ་འཁོར་བའི་རྒྱུའི་གཉེན་པོ་ལ་ཆེར་བསྔགས། །ཆོས་གང་ཟག་འགོག་ཙམ་གཟུང་བའི་ཡུལ་༡འཛིན་པའི་སེམས་༢རྡུལ་༡ཕྲན་དང་སྐད་༢ཅིག་མར། །གཞིས་གཞོན་གྱིས་མི་གནོད་བས་དོན་དམ་པའི་བདེན་པར་གྲུབ་ལ་བློས་གཞིག་ཅིང་གཉེན་པོས་གཞོམ་དུ་རུང་བའི་རགས་པ་དང་རྒྱུན་དེ་ཀུན་རྫོབ་ཀྱི་བདེན་པ་ཡིན། །ལམ་ལྔར་ཞུགས་པའི་ཚེ་ས་བརྒྱད་དཀར་པོ་རྣམ་པར་མཐོང་བའི་ས། ༼མོས་སྤྱོད་ཀྱི་དྲོད་ཐོབ་ནས།༽ རིགས་ཀྱིས། ༼བཟོད་པའི་ཚེ་ཉན་རང་བྱང་སེམས་ཀྱི་༽བརྒྱད་པའི་ས། ༼རྒྱུན་ཞུགས་ཀྱི་འབྲས་བུ་ལ་ཞུགས་པ་༽མཐོང་བའི་ས། ༼རྒྱུན་ཞུགས་འབྲས་གནས་༽བསྲབས་པའི་ས། ༼ལན་གཅིག་ཕྱིར་འོང་བ་༽འདོད་ཆགས་དང་བྲལ་བའི་ས། ༼ཕྱིར་མི་འོང་༽བྱས་པ་རྟོགས་པའི་ས། ༼དགྲ་བཅོམ་པ་༽ཉན་ཐོས་ཀྱི་སའོ། །༼ལྷག་མ་ཞུགས་པ་གསུམ་༽ཡང་ན་སློབ་དཔོན་ཟླ་བ་གྲགས་པས་དབུ་མ་ལ་འཇུག་པར་ཞུགས་འབྲས་བརྒྱད་ལ་ས་བརྒྱད་དུ་བཞེང་པར་མངོན་ནོ། །གཉེན་པོས་སྤང་བྱ་མི་མཐུན་ཕྱོགས་མཐོང་སྒོམ་གྱི་ཉོན་མོངས་པ་སྤངས། །ཁམས་གསུམ་གྱི་ཉོན་མོངས་པའི་དགྲ་ཞི་ཞིང་སྡུག་བསྔལ་གྱི་ནད་དང་བྲལ་བས་བདེའོ། །སྟོན་པས་སངས་རྒྱས་ཀྱི་གསུངས་པར་ངེས་ཁམས་གསུམ་གྱི་ནད་བྲལ་བས་རང་ཉིད་ཞི་བདེར་སྣང་བ་དེ་ཡང་མི་འཐད། ༈ །རགས་པ་ལ་བསྒྲིབས་མ་བསྒྲིབས་ལ་སོགས་པས་གཞིགས་ཕྲ་བ་ལ་ཕྱོགས་ཆས་གཞིགས་ཏེ་ཆ་མེད་བློས་གཞིག་པ་ལས་འདས་པའི་གཟུང་བ་མི་གནས་པས། །དེ་ལ་འཛིན་པའི་སེམས་དང་སེམས་བྱུང་སྐད་ཅིག་མ་འང་བདེན་པ་མིན་དྲང་ལུང་ངེས་ལུང་གཉིས་གསུངས་པ་ལས། ༈ །ནང་པ་རང་གི་རྒྱལ་བའི་ལུང་ལ་གཟུང་འཛིན་གཉིས་པོ་ཀྱི་དོན་དོན་དམ་དུ་གསུངས་རབ་ཏུ་བྱེད་པ་ཉི་ཤུ་པ་ལས། གཟུགས་སོགས་སྐྱེ་མཆེད་ཡོད་པར་ནི། །དེས་འདུལ་བ་ཡི་སྐྱེ་བོ་ལ། །དགོངས་པའི་དབང་གིས་གསུངས་པ་སྟེ། །བརྫུས་ཏེ་བྱུང་བའི་སེམས་ཅན་བཞིན། །ཅེས་སོ། །པ། །ཐེག་པ་གོང་མ་ལ་འཇུག་པའི་ལམ་སྟེགས་དྲང་དོན་ཙམ་ལས་ངེས་དོན་ཡིན་པར་ག་ལ་འཐད། ༈ །བྱིན་རླབས་སློབ་མས་གཟུང་ཡུལ་ལ་རྟེན་འབྲེལ་སྒྱུ་མ་ཙམ་དུ་མཐོང་ནས་གནོད། །འཛིན་པ་སྐད་ཅིག་མ་དོན་དམ་པར་མཐོང་ནས་རྟེན་འབྲེལ་ལུགས་བཟློག་གིས་མ་རིག་པ་ནས་འགོག །འབྲས་བུ་ཡིད་སྦྱིན་བདེར་བ་མཆོག་གི་ས་འགྲོ་དེ་ཡང་ཡུལ་མེད་པའི། །འཛིན་པ་འཐད་མིན་དེ་ཡང་ལམ་སྟེགས་ཙམ་མོ། ༈ །རང་གཞན་གྱི་དོན་དུ་སྐུ་གཉིས་གྲུབ་པར་སེམས་བསྐྱེད་པའི་རྣལ་འབྱོར་སྤྱོད་པ་སེམས་ཙམ་པ་ནི་ཆོས་དང་གང་ཟག་གི། །བདག་གཟུང་འཛིན་གཉིས་ལས་གྲོལ་བའི་རང་རིག་རྒྱུ་རྐྱེན་གྱིས་བསྐྱེད་པ་ནི་གཞན་དབང་དག་པ་དང་། །ཕྱིན་ཅི་མ་ལོག་པར་ངེས་པར་ཡོངས་སུ་གྲུབ་པ་སྟེ་རྒྱུ་འབྲས་ཐ་དད་ཀྱི་དངོས། །པོར་འདོད་ལམ་ལྔས་འབྲས་བུ་བཀའ་གསར་བཅད་ལས། ས་མནྟ་པྲ་བྷ་བུདྡྷ་བྷུ་མི་ཞེས་བྱ་བ་ནི། འོད་ཟེར་མང་པོ་བཀྱེ་བས་འདུལ་བའི་སེམས་ཅན་སྨིན་པར་མཛད་ཅིང་ཆོས་ཀྱི་སྣང་བ་འོད་དང་འདྲ་བས་ཐམས་ཅད་གསལ་བར་བྱས་པས་ན་ཀུན་ཏུ་འོད་ཅེས་བྱ་ཞེའོ། །ཀུན་ཏུ་འོད་དུ་རང་ཉིད་གྲོལ་ནས་གདུལ་བྱ་གཞན་འདྲེན་པ་དེ། །ངེས་དོན་གྱི་མདོ་དགོངས་པ་འགྲེལ་པ་ལ་སོགས་པ་ལས་ཆོས་ཉིད་ལ་སོགས་པའི་རིགས་པ་བཞིས་བསྒྲུབ་སྣང་། ༈ །རང་རིག་གཞན་དབང་ལས་སྐྱེ་བ་དེ་ཡང་རྟག་པ་ལས་སྐྱེའམ་མི་རྟག་པ་ལས་སྐྱེ་བར་འགྱུར་ཞེས་བརྟག་གྲང་ན་རྟག་པ་ལས་སྐྱེ་ན། རིམ་དང་གཅིག་ཆར་དུ་བརྟགས་པས་བྱེད་པ་པོར་མི་འཐད་ལ། །མི་རྟག་པ་ལས་སྐྱེ་ན་དུས་གསུམ་གྱི་འདས་པ་ལས་སྐྱེའམ་མ་འོངས་པ་ལས་ཀྱི་འདས་པ་ལས་སྐྱེ་ན་ཞིག་ནས་མེད་པས་སྐྱེ་བྱེད་ཀྱི་རྒྱུ་མིན། །མ་འོངས་པ་ལས་སྐྱེ་ན་མ་སྐྱེས་པ་མེད་པ་དེ་དང་འདྲ་སྟེ་དངོས་མེད་དེ་གཉིས་ཀྱིས་ད་ལྟར་བ་ལ་ཕན་མ་བཏགས་པས་རྒྱུ་མིན་ནོ། །གལ་ཏེ་རྒྱུ་སྔ་མ་ཞིག་ལ་སྐད་ཅིག་མ་གཞན་གྱིས་བར་མ་ཆོད་པར་འབྲས་བུ་ད་ལྟར་བ་སྐྱེའོ་ཞེ་ན། །དེ་ཡང་བདག་ཉིད་ཐམས་ཅད་ཀྱིས་བར་མ་ཆོད་དམ་ཕྱོགས་གཅིག་གིས་བར་མ་ཆོད་གཉིས་པ་ལྟར་ན། སྐད་ཅིག་སྔ་མ་འགགས་པའི་དུས་ན་ད་ལྟར་བ་རང་སྐྱེ་བའི་ཕྱོགས་ཀྱི་དུས་དང་། །སྐད་ཅིག་མ་ཕྱི་མ་སྐྱེ་བའི་དུས་སུ་ད་ལྟར་བ་རང་འགག་པའི་ཕྱོགས་ཀྱི་དུས་དང་ཆ་གཉིས། །ལྡན་ཏེ་ཕྱོགས་གཅིག་གིས་མ་ཆོད་ན་དུས་ཆ་ཡོད་པ་དེ་རྒྱུན་ཡིན་གྱི་དུས་མཐའི་སྐད་ཅིག་མའི་མིང་གི་དོན་དང་འགལ་བས་ན། །དེ་ཡང་མི་འཐད་དོ། །དང་པོ་ལྟར་ན་སྔར་གྱི་རྒྱུ་འགག་དུས་ཀྱི་ད་ལྟར་བ་རང་སྐྱེ་བའི་ཕྱོགས་དང་། །འབྲས་བུ་ཕྱིས་སྐྱེ་དུས་ཀྱི་ད་ལྟར་བ། རང་འགག་པའི་ཕྱོགས་གཉིས་དུས་གཅིག་སྟེ་བདག་ཉིད་ཐམས་ཅད་ཀྱི་མ་ཆོད་ན་དེ་བཞིན་དུ། །སྔ་ཕྱི་ཐམས་ཅད་དུས་མཐའི་སྐད་ཅིག་གཅིག་ལ་ཐིམ་པར་འགྱུར་བས་དུས་རྒྱུན་འཆད་དེ་བསྐལ་བ་ཡང་སྐད་ཅིག་ཏུ་ཐལ་པར་འགྱུར་རོ། །ངེས་དོན་གྱི་མདོ་ཟབ་ཅིང་རྒྱ་ཆེ་བ་ལམ་སྐྱེ་འགག་གི་རྒྱུན་ལས་གྲོལ་བའི་ཡེ་ཤེས་རྟག་ཏུ་སྐྱེ་མེད་ཅེས་དྲང་བསྔགས། །འཕགས་པ་རིགས་པ་ཅན་ཡབ་སྲས་གྱིས་དངོས་པོར་ལྟ་བ་ལ་ཤིན་ཏུ་སྨད། ༈ །ལྔ་པོ་ཀུན་ཀྱང་རྟོགས་ཐབས་མཐུ་ཡིས་ཅིར་བཏགས་ཀྱང་། །ཡོད་པ་དངོས་པོའི་མུ་ལས་འདའ་མི་སྲིད། །དངོས་པོར་ཞེན་ཕྱིར་ཆོས་ཉིད་མ་དང་འཛོལ། །སྙིང་པོའི་རྣལ་མ་དོན་ལས་འགྱངས་སོ་ལམ་སྟེགས་ཙམ་མོ། ༈ །དངོས་ལྟ་དེ་ལས་འཕགས་ཕྱིར་ཆོས་ཉིད་མ་སྟོང་པ་ཉིད་ལ་བལྟས། །དངོས་པོས་འཇིགས་ནས་ཐལ་དྲགས་ཆད་མཐར་ལྟུང་། ༈ །རྟོག་པ་ངན་པས་བརྟགས་པའི་རྟོག་གེ་བ་མུར་ཐུག་ཆད་ལྟ་བ་རིགས་གསུམ་ལས་ཚེ་སྔ་ཕྱི་དང་ལས་རྒྱུ་འབྲས། །མི་འདོད་པར་ཚེ་འདི་ཙམ་སྟེས་དབང་ལས་འགྲོ་བའི་རིགས་ཀྱང་མི་དང་དུད་འགྲོ་ལས་གཞན་མི་འདོད་གློ་བུར་དུ་བྱུང་བར་འདོད་པ་དང་། །ལ་ལས་སྔ་ཕྱི་ཙམ་འདོད་ལ་སེམས་ཅན་རྣམས་ཉོན་མོངས་པ་དུག་གསུམ་གྱི་རང་བཞིན་ཡིན་པས་དེ་ལས་གྲོལ་བའི། །ཐར་པ་མྱ་ངན་ལས་འདས་པ་འཐད་པ་མིན་ཏེ་དུག་གསུམ་དང་སེམས་གཉིས་ཡོད་ན་ཡོད་མཉམ་ཆད་ན་ཆད་མཉམ་དུ་འདོད་པ་དང་། །རྒྱལ་བའི་ལུང་ལས་མུ་བཞི་འཆར་བ་དང་བྲལ་བ་མཉམ་པར་གསུངས་ལ། །བྲལ་བའི་ཕྱོགས་ཀྱི་ངང་ཚུལ་ཟུར་ཙམ་བཟུང་ནས་ཁས་ལེན་ཐམས་ཅད་སྤངས་ཏེ་མ་ཡིན་པའང་མ་ཡིན་པར་འདོད་པའོ། ༈ །འདི་དག་གི་འདོད་པ་དབྲལ་བར་དཀའ་ཡང་དག་པའི་དོན་ལ་གཟུད་པ་དཀའ་བས་ན། །ནང་པ་ལ་མོས་པའི་ལས་ཅན་ལ་ཐབས་འཛུད་བསྲེ་ཕྱོགས་སུ་ལྷུང་བ་རྣམས་ལོག་ལྟའི་ཉེས་དམིགས་ཀྱི་ཉེན་གྱིས་བསྟང་། །བློ་སྤྱི་སར་འཇོག་པ་ལ་རྟོག་གེས་ཚད་མ་གསུམ་གྱི་སུན་དབྱུང་སྟེ་ཐབས་དུ་མས་ནང་པར་གཟུད་པ་དཔའ་བོས་གཏེར་གཏད་དུ་གསུངས། ༈ །ནང་པ་རང་གི་སྡེ་སྤྲོས་བྲལ་དུ་གསུངས་པའི་ལུང་ལ་བརྟེན་ཏེ་ཡེ་ཤེས་འཇིག་ཚོགས་བདག་དང་བདག་གིར་ལྟས་ནས། །གཤིས་ཀྱི་ཆོས་ཉིད་སྤྲོས་པའི་མཐའ་དང་བྲལ་བའི་ངང་ཚུལ་ཡིན་ལ་དེར་གྲོལ་བ་སངས་རྒྱས་སུ་བཟུང་བ། ༈ །དེ་ལྟར་དུ་བདེན་ན་དང་པོ་འཁྲུལ་སྣང་འཆར་བའི་རྟེན་རང་སྣང་ཡང་མེད་པར་ཟད། །སྤྲོས་བྲལ་དེ་འཇལ་བའི་རིགས་པའང་བདེན་པ་མི་རྙེད་ལ་ཡེ་ཤེས་དེ་རྒྱུན་གཅོད་པའི། །གཉེན་པོའང་མི་འཐད་སངས་རྒྱས་ཀྱི་ཡེ་ཤེས་མེད་ན་ལུང་ཡང་བརྫུན་པར་འགྱུར། །འགྲོ་བའི་དོན་ནུས་པའི་གཞི་ཆོས་སྐུ་ལ་བཀག་པས་ཐེག་དམན་ཉན་རང་གི་འདོད་པ་དང་མཚུངས་པར་ལྡན། །སྔོན་ལམ་དུ་སྨོན་ལམ་བཏབ་པ་དང་སེམས་བསྐྱེད་པ་དང་མོས་ཙམ་གྱིས་འགྲོ་དོན་དེ་འགྲུབ་པར་འདོད་པས་ཉན་རང་དང་མི་འདྲའོ་ཞེན། །དེང་རི་དང་སང་ལ་འགྲོ་བ་ཐམས་ཅད་རྒྱུན་ཆད་བར་ཐལ་སེམས་ཅན་ཐམས་ཅད་བསྒྲལ་བར་དམ་བཅས་པའི་སྨོན་ལམ་འགྲུབ་པས་སོ། །དེས་ན་དངོས་སུ་ཆད་པར་ལྟ་བ་ཁས་བླངས་སོ། ༈ །འདིར་ཞེན་པའི་སྟོང་པ་ཉིད་ཀྱི་འདམ་ལས་སྔར་སུའང་མ་ཐོན། །དེའང་འཐད་པ་མིན་ཏེ་སྟོན་མཐར་ལྷུང་བས་ལམ་སྟེགས་ཙམ་དུའང་དེ་འཐད་པ་མིན་ནོ། ༈ །དངོས་སྟོང་མཐར་ལྷུང་བ་དེས་ན་རང་བཞིན་མེད་པ་དང་སྣང་ཙམ་དུ་ཁས་བླངས་བས་རྟག་ཆད་གཉིས་དང་བྲལ་བའི་བདེན་པ་གཉིས་སུ་འདོད་པ་ལ། །རྒྱུ་མཚན་ཉིད་དང་འབྲས་བུ་སྔགས་ཕྱི་པའི་ལུང་ལ་བརྟེན་པ་གཉིས་ཏེ་དང་པོ་ནི། ༈ །ཐ་སྙད་རྣལ་འབྱོར་གྱི་ཤེས་པའི་ངོར། །འཁྲུལ་པའི་བློ་ལ་སྣང་བ་འི་ཡུལ་ཀུན་རྫོབ་ཙམ། །ཀུན་བཏགས་དང་གཞན་དབང་མ་དག་པ་ནི་གཟུང་འཛིན་བཞི་དང་གཟུགས་ཀྱི་གཉིས་སུ་སྣང་བས་ཀུན་རྫོབ། །དག་པའི་འཇིག་རྟེན་པ་ཡེ་ཤེས་ཡུལ་ཇི་སྙེད་པ་དང་བཅས་པའང་སྣང་ཙམ་ཀུན་རྫོབ། །སྣང་བ་ལ་དེ་དང་མཐུན་བར་དོན་བྱེད་ནུས་པ་ནི་ཡང་དག་པའི་ཀུན་རྫོབ་སྟེ་དེ་ལ་སྤང་བྱའི་སྒྲིབ་པ་དང་། །དེས་སྤོང་བྱེད་ཀྱི་གཉེན་པོ་ལམ་ལྔ་དང་སྤངས་པའི་འབྲས་བུ་ཡེ་ཤེས་བཞི་དང་གཟུགས་ཀྱི་སྐུ་གཉིས་ཀྱང་ཀུན་རྫོབ། །སྣང་བ་ཙམ་ལས་དོན་མེད་པས་གྲུབ་མཐའ་ངན་པས་བརྟགས་པའི་རྟོག་བཅས་དང་དབང་ཤེས་རྟོག་མེད་འཁྲུལ་པའི་ཡུལ་ལོག་པའི་ཀུན་རྫོབ་བོ། ༈ །གཞལ་བྱ་དངོས་པོ་དེ་ལ་ལུང་རིགས་པ་དང་ལྡན་པའི་པས་བརྟན་པོར་མ་བྱས་པའི་ལུང་གི་དགོངས་པ་གཞན་དུ་དྲང་བར་ནུས་ལ། ལུང་དང་བྲལ་བའི་རིགས་པ་ནི་རྟོག་གེ་སྐམ་པོས་བརྟགས་ཞེས་མི་མཁས་པས་ཀྱང་བརྙས་བར་འགྱུར་བ་དེས་ན། ཚད་མས་ཅེས་ངེས་པར་བརྟགས། །ཡོད་མེད་ཡིན་མིན་གཅིག་དང་དུ་མ་དང་། །སྐྱེས་པ་དང་མ་སྐྱེས་བདེན་བརྫུན་ཅིས་ཀྱང་སྟོང་པའི། །དངོས་པོའི་གཤིས་དེ་སྟོང་འཇལ་རིགས་པའི་ཤེས་པའི་ངོར། །ཤེས་རབ་དམ་པའི་དོན་དུ་བདེན་པས་རྟག་ཆད་ཡེ་ཤེས་སྙིང་པོའི་བདེན་གཉིས་ལས་མ་སྐྱེས་ངོ་བོ་ཉིད་ལ་ནི། རྟག་དང་ཆད་གཉིས་ག་ལ་ཞིག །ཅེས་སོ། །གྲོལ། ༈ །རིགས་བའི་ཤེས་པས་ཆོས་ཉིད་ཀྱི་དོན་སྤྱིའི་རྣམ་པ་ཙམ་དེ་རྟོགས་ནས་ཀུན་རྫོབ་ཏུ། །ཚོགས་སྦྱོར་གྱི་ལམ་གཉིས་སུ་ཞི་གནས་བསྒོམ་པ་བསྐལ་ཆེན་གྲངས་མེད་གཅིག །ས་དང་པོར་བདེན་པའི་དོན་རང་མཚན་མཐོང་ན་སྒྲིབ་པ་རགས་པ་ལས་གྲོལ་ཏེ་ས་གཉིས་པ་ནས་བཅུར་པའི་བ་སྒྲིབ་པ་ཕྲ་བ་སྦྱང་བ་ལ་གྲངས་མེད་གཅིག །སྒྲིབ་པ་ཤིན་ཏུ་ཕྲ་བ་རྡོ་རྗེ་ལྟ་བུས་སྦྱོང་བ་ལ་བསྐལ་ཆེན་གྲངས་མེད་གཅིག་གོ། ༈ །སངས་རྒྱས་པའི་ཚེ་མཉམ་རྗེས་གཉིས་ལ་མཉམ་བཞག་མི་རྟོག་པའི་ཡེ་ཤེས་དེ་ཡང་བཏང་བས་སྟོང་པ་ཉིད། །ཆོས་སྐུ་ཀུན་ཏུ་འོད་ཀྱི་སར་འདོད་ལ་རྗེས་ཐོབ་སྔོན་གྱི་སྨོན་ལམ་དང་སེམས་བསྐྱེད་ཀྱི་མཐུས། །འགྲོ་བའི་དོན་ཆེན་པོ་ཡལ་བར་མི་འདོར་བར་འདོད་པ། ༈ །དེ་ཡང་དོན་ལ་གྲུབ་མཐའ་ནང་འགལ་ཅན་ཏེ། །ལམ་དང་འབྲས་བུ་ཡེ་ཤེས་དང་ཀུན་རྫོབ་ཀྱི་མཚན་ཉིད་གཉིས་རིགས་པས་བརྟགས་ན་འགལ་བ། །དེས་ན་ཡང་དག་པའི་དོན་ལ་རྫོབ་པའི་ངེས་པའི་དོན་ལ་སྒྲིབ་པའི་མཚན་ཉིད་དེ་དང་། །ལམ་དེས་རྟོགས་ནས་འབྲས་བུས་ངེས་པའི་དོན་ལ་གནས་པར་འདོད་པ་གཉིས་འདྲ་བར་ག་ལ་རིགས། །ཅིའི་ངོ་བོ་ཡང་མ་གྲུབ་པ་ཁོ་ནའི་ཕྱོགས་ལ་ངེས་པར་དོན་དམ་དུ་བལྟས། །གང་སྣང་ཚད་ཀུན་རྫོབ་ཁོ་ནའི་ཕྱོགས་སུ་བཅད་ནས་སྟོང་ཉིད་ཅན། །ཅིས་ཀྱང་བདེན་པ་གཉིས་ཀྱི་མུར་ལྷུང་བས་རྟེན་དེ་ལ་བདེན་གཉིས་ཟུང་འཇུག་དང་། །གཤིས་ཕྱོགས་མེད་དོན་ལ་རྒྱབ་ཀྱིས་ཕྱོགས་ནས་སྟོང་བ་ཉིད་ཀྱི་རྫོང་ལ་བརྟེན། །ཕྱོགས་མེད་ཀྱི་དེས་ན་དོན་ལས་འགྱངས་ཏེ་ལམ་སྟེགས་ཙམ་ལས་དོན་གྱི་གཟུགས་བརྙན་ཡིན་ནོ། ༈ །འབྲས་བུའི་ལུང་ལ་བརྟེན་པ་ནི་དབུ་མ་པ་ལྟར་ཀུན་རྫོབ་འཁྲུལ་པ་འདི་ལྟར་སྣང་བ་འདི་མིན་ཏེ། །ལྷ་ཡི་དཀྱིལ་འཁོར་རིགས་༡གསུམ་༤བཞི་ལྔར་༢གནས། །རྗེ་༡དང་སྤུན་༤གྲོགས་༢བཟང་ངན་ཐ་དད་དུ་ལྟས་༡བྱ་བ་དང་། །ཏིང་༢འཛིན་༤གཉིས་མཐུས་ཚེ་བདུན་གསུམ་བསྒྲུབས་པས། །དོན་དམ་པར་སྤྲོས་པ་དང་བྲལ་བ་དེ་ཉིད་མངོན་དུ་བྱས་པ་ནི་ཆོས་ཀྱི་སྐུ་ཡིན་ལ། །ཀུན་རྫོབ་ལྷའི་དཀྱིལ་འཁོར་མཚན་དང་དཔེ་བྱད་དུ་བསྟན་པ་མངོན་དུ་བྱས་པ་ནི་ལོངས་སྤྱོད་རྫོགས་པའི་སྐུ་ལ། །དེའི་ཐུགས་རྗེས་འགྲོ་བའི་དོན་དུ་སྣ་ཚོགས་སྤྲུལ་ཏེ་གདུལ་བྱའི་ངོར་ཅིར་ཡང་ཤར་བ་ནི་སྤྲུལ་སྐུའོ། ༈ །རྒྱལ་བའི་ལུང་དང་རང་གི་རིགས་པ་བླ་མའི་གདམས་པས་གཏན་ལ་ཕབ་པར་འདོད་པ། ༈ །དེ་ཡང་བདེན་པ་གཉིས་ཀྱི་མུར་ཐུག་པས་བདེན་གཉིས་དོན་འགལ་བས། །སྒོམ་པ་འབྱུང་འཇུག་རེས་འཇོག་གི་ལམ་ཅན་སྙིང་པོར་གནས་པར་དཀའོ། ༈ །མ་ཧཱའི་གཉིས་མེད་ནི་དོན་ལ་ཉེའང་ཕྱོགས་ཀྱི་གཏིང་ནད་ཅན། །ཅི་སྣང་བ་ལ་སྟོང་པའི་རྒྱས་འདེབས་ངག་ཏུ་རེ་མོས་སུ་བརྗོད་ཀྱང་། །དོན་གྱིས་གཉིས་མེད་ཟུང་འཇུག་ལུང་རིགས་མན་ངག་ཚད་མ་གསུམ་གྱི་མཐུས། །རྟོགས་པས་ངེས་པར་ཆོད་ནས་གདུལ་བྱའི་བློ་གྱོང་ན། །སྦྱོར་སྒྲོལ་ཐབས་ཀྱིས་བྲིད་དེ་དོན་ལ་གཟུད། །གསེར་འདྲའི་བློ་ལ་བདེན་པ་དབྱེར་མེད་ཆིག་ཆོད་དམ་ཡང་ན་བློ་ཆུང་བ་ལ་བདེན་པ་གསུམ་རིམ་གྱིས་གཏན་ལ་འབེབས། །ཐབས་ལམ་གྲོལ་ལམ་གཉིས་ཀ་ལའང་བསྐྱེད་རྫོགས་གཉིས་གཉིས་བཞིས་ཁྲིད་ནས་ས་གསུམ་ཀུན་ཏུ་འོད་༼ཆོས་༽ པདྨ་སྤྱན་༼ལོངས་༽ཡི་གེ་འཁོར་ལོའོ། ། ༼སྤྲུལ་༽མཉམ་པའི་ངང་དུ། །སྐུ་གསུམ་དང་ཡེ་ཤེས་ལྔ་རྫོགས་པའི་དོན་ཆེན་པོ་དང་ལྡན་པ་དེ་ལ་ཁོ་བོས། ༈ །ངེས་དོན་དུ་བལྟས་པ་ལ་རྫོགས་ཆེན་གྱི་ལུང་ལ་བསྟེན་ནས་དཔའ་མོ་གནོད་སྦྱིན་མོ་བྱང་ཆུབ་མོས་བསྒྲལ་ལོ། །དེ་ཡང་མི་རིགས་པ་ལ་རིགས་པར་བཤད་དེ་གཉིས་སྣང་སྒྲོ་བཏགས་པས། །གཉིས་འཛིན་དེ་ལ་ལྟོས་ནས་གཉིས་མེད་ཀྱང་མིང་དུ་བཏགས་པ་ཙམ་ལ་བློ་གདེང་བཅས་པ་ཙམ། །མ་རངས་ཁྲོས་པའི་གད་མོ་ཧ་ཧ་དོན་གྱི་བློ་སྐྱོན་ཅན་གྱི་འགོ་ཡིབ་གཉིས་མེད་དེས་བྱས་པ་ཅན་ནོ། ༈ །གཉིས་མེད་དེ་ལས་རྩལ་འཕགས་པར་ཕྱུང་བ་ནི་ལུང་ཨ་ནུ་ལ་བརྟེན་ནས་སྤྱད་བདེ་བའི་ཐབས་སུ། །ཡུལ་ཕས་སྣང་བ་ཀུན་ཏུ་བཟང་མོའི་མཁའ་ཀློང་རྣམ་པར་དག་པ། །དེ་མཁྱེན་པའི་རིག་པ་ཉིད་ཡབ་ཀུན་ཏུ་བཟང་པོའི་ཡེ་ཤེས་སུ་ཤར་བ་དེ་གཉིས། །གདོད་མ་ནས་འདུ་འབྲལ་མེད་པར་འི་སྲས་བདེ་བ་ཆེན་པོར་འདོད། །སྣང་བ་དབྱིངས་༼ྈ༽སུ་བསྒོམ་པ་ལ་དྲན་རྟོག་རིགས་༼༠༽པའི་ཡེ་ཤེས་སུ་ཤར་བ་དེ་གཉིས་རྒྱུ་༼ྈ༽འབྲས་༼༠༽ཀྱི་ཚུལ་ལོ། །ཏིང་ངེ་འཛིན་རྫོགས་པའི་སྤྱོད་པ་ཝ་དང་ཅང་ཤེས་ལ་སོགས་པ་གཙོར་བྱས་བརྟུལ་ཞུགས་ཀྱི་གྲངས་ཉེར་གསུམ་བྱས་པས། །ཆོས། ལོངས། སྤྲུལ། ངོ་བོ་གསང་བའི་སྐུ་དང་ཡེ་ཤེས་ལྔ་ལྔར་མངོན་རྫོགས་པ། །ཀུན་བཟང་དབྱེ་བ་མེད་པའི་འམ་ཆོས་ཉིད་གདལ་བའི་སའོ། ༈ །བདེ་ཆེན་དེ་ཡང་མ་ཧཱ་བས་ཅུང་ཟད་ལྟ་བ་ཡངས་ཀྱང་དོན་གྱིས་ཟུང་འཇུག་གཉིས་མེད་ཀྱི་མཐར་ལྷུང་ངོ་། །ཡུལ་༡སེམས་༼ྊྃ༽སྣང་༼ྊྃ༽སྟོང་༡གི་ཕྱོགས་རིས་སུ་མ་ཆད་པ་ཉིད་ཡིན་མོད། ༈ །དེ་ལྟར་འགྲོ་དྲུག་རྟག་ཆད་ཐེག་པ་བརྒྱད། །རང་རང་གི་རང་རིག་ཚད་མས་རྟོག་དཔྱོད་འཐད་བསམས་ཀྱང་། །ལྔ་ཡོད་པ་གཉིས་སམ་གསུམ་མེད་པ་གཉིས་པ་བཞི་དང་ནང་པ་གཉིས་གཉིས་མེད་དེ་མུ་བཞིའི་ཕྱོགས་སུ་ལྷུང་བ། །དཔའ་མོས་མུ་བཞི་ཀུན་གྱི་འདོད་པ་བླངས་པས་ལྷུན་གྲུབ་དང་མུ་བཞི་ཀུན་བྲལ་ཀ་དག་སྟེ་མཐའ་དྲུག་གི་འདོད་པའང་བཞག་གོ། ༈ །རང་གཞུང་འདིར་ནི་བྱ་བྲལ་རྫོགས་པའི་ལུང་གི་རྗེས་སུ་སྙན་བརྒྱུད་ཀྱིས་གདམས་པ། ༈ །རིག་པ་ཚོགས་བརྒྱད་ལ་གསལ་བ་སྐྱེ་ལུགས་གསུམ་དུ་བསྡུས་ཏེ་སྐུ་གསུམ་དུ་བཀྲོལ་ནས། །དོན་གསལ་བྱེད་གཟུགས་བརྙན་སྟེང་དུ་རང་བཀྲོལ་གྱི་གདམས་པས་རྟོགས་པའི་ངང་དུ་གནས་པས། །ཤེས་བྱའི་ལྷག་མ་མ་ལུས་པར་སྐྱེ་ལུགས་གསུམ་སྐུ་གསུམ་དུ་བཀྲོལ་ནས། །སྦྱོར་དོན་བག་ཆགས་ཀྱི་རྙོག་པ་དྭངས་ཏེ། ༈ །གཞི་དོན་བྱང་ཆུབ་ཀྱི་སེམས་སུ། །ཤེས་པ་ལ་མུ་བཞི་དང་ལྡན་བྲལ་གཉིས་ཏེ་མཐའ་དྲུག་མ་སྤངས་པར་རྫོགས་པ་ནི་བྱང་བ་སྤྲོས་བྲལ་སྟོང་པ་སྡེ་གསུམ་ཉིད་རྫོགས་ལ། །ཆུབ་པས་རྣམ་པ་མ་འགགས་ཡོད་ཆོས་སྡེ་ལྔ་རྫོགས། །བྱང་ཆུབ་དེ་ཉིད་ལ་བདེན་གཉིས་ཆ་སྡེ་བཞི་རྫོགས་མཚན་ཉིད་རང་རིག་ན། །ཐ་དད་མི་གནས་གཉིས་སུ་མེད་པར་ལྟ་བ་སྡེ་གཉིས་རྫོགས་ཏེ། །རྫོགས་ཆ་བཞི་ནས་ཀུན་བླངས་ལྷུན་གྱིས་གྲུབ་པར་རྫོགས། །བྱང་བ་སྟོང་བས་ཆུབ་པས་སྣང་པའི་ཕྱོགས་བཀྲོལ་ཆུབ་པ་མ་འགགས་པ་ཡིས། །བྱང་བའི་སྤྲོས་བྲལ་གྱི་ཕྱོགས་བཀྲོལ་བྱང་ཆུབ་གཉིས་ཀ་རང་རིག་ཡིན་པས། །བདེན་པ་གཉིས་སུ་འཛིན་པ་བཀྲོལ་གཉིས་པ་སྒྲོ་བཏགས་པས། །དེ་ལྟོས་གཉིས་སུ་མེད་པའང་རང་བཞིན་གྱིས་བཀྲོལ་བས། །ཕྱོགས་སུ་ཞེན་པའི་ཆོས་ཀུན་ཁྲོལ་གྱིས་ཤེས་པའི་ཆ་ནས་ཀ་དག་ཀྱང་རྫོགས། །མ་བརྟགས་པར་མཐའ་དྲུག་ཀུན་རྟོགས་པའི་ལྟ་བ་ནི་ཤེས་བྱ་ཐམས་ཅད་མཁྱེན། ༈ །རྒྱུ་རྐྱེན་མི་གནས་རང་རིག་ཐམས་ཅད་གསལ། །འཁོར་རང་གསལ་ངང་ལ་ཕྱོགས་མེད་ལྟོས། །ཞེས་པའི་ཤློ་ཀ་གཅིག་པོ་འདིས་བཀྲལ་ལོ། །འདས་མཉམ་ཉིད་ངང་ལ་ཕྱོགས་རིས་མེད། །རང་རིག་པས་ན་བལྟ་བྱ་ལྟ་བྱེད་བྲལ། །ལྷུན་གནས་བདེ་ཆེན་རང་གསལ་ངང་དུ་ལྟོས། ༈ །བཞིའི་དང་པོ་ལྟ་བ་གཏན་ལ་ཕབ་པའོ། ༈ །མ་གཏད་ལ་ངང་དུ་གནས་པ་བསྒོམ་པའི་ཟླ་ཡང་ལྟ་བས་ཤེས་བྱ་ལ། །མུ་བཞི་མཐའ་དྲུག་གི་ཕྱོགས་སུ་བཅད་ནས་བལྟས་པས། །དེ་བསྒོམ་གཏད་ན་གནས་པ་ཙམ་འབྱུང་གི། །མ་གཏད་པར་གཤིས་ཕྱོགས་མེད་ཀྱི་ངང་ན་གནས་པ་མི་སྲིད་པ་ནི། ༈ །དངོས་པོ་བསྒོམ་པར་འདོད་པ་ལའང་མུ་བཞི་པོ་ལ་སྟོང་པ་དང་། །བདེན་པ་གཉིས་དང་གཉིས་མེད་དང་བཞི་ལྡན་ལྷུན་གྲུབ་དང་བཞི་དང་བྲལ་བ་ཀ་དག་དང་ཡུལ་ལྔ་ལ་ཡེངས། །སྟོང་པར་བསྒོམ་ལའང་དེ་བཞིན་དུ་རང་སྣང་དང་གཉིས་དང་གཉིས་མེད་དང་། །བཞི་ལྡན་དང་བྲལ་བ་དང་ལྔ་ལ་ཡེངས་ཕྱི་རྒྱུད་དང་དབུ་མ་བདེན་པ་གཉིས་བསྒོམ་པ་ལ་ཡང་། །སྣང་བ་དང་སྟོང་པ་དང་ཟུང་འཇུག་དང་བཞི་ལྡན་དང་བྲལ་བ་དང་ཡུལ་ལྔ་ལ་ཡེངས། །ནང་པ་གཉིས་སྣང་སྟོང་གཉིས་མེད་བསྒོམ་པ་ལའང་དངོས་སྟོང་གཉིས་ཀྱི་ཕྱོགས་གསུམ་དང་ལྡན་པ་དང་བྲལ་བ་གཉིས་ཏེ་ཡུལ་ལྔ་ལ་ཡེངས། །དོན་གྱིས་ལྡན་བྲལ་ལྷུན་གྲུབ་དང་ཀ་དག །གཉིས་ལའང་མུ་བཞིའི་ཡུལ་ལ་ཡེངས། ༈ །འོ་ན་ཁྱེད་ལའང་ཡེངས་པའི་ཡུལ་མཐའ་དྲུག་དང་ལྡན་ནོ་ཞེ་ན། །རང་རིག་པའི་ཡེ་ཤེས་མཚན་ཉིད་མ་འདྲེས་པའི་ཆ་ནས་ཆོས་དྲུག་ཀ་རྫོགས་པ། །དེས་ན་ཕྱོགས་རེར་འཛིན་པ་དྲུག་ལས་གྲོལ་བ་དེ་ལ་འཁོར་འདས་ཀུན། །མ་ལུས་པར་རང་གྲོལ་བས་དེ་མན་པའི་ཡེངས་པའི་ཆོས་མི་གནས་པ། །དེ་ཉིད་མཚོན་བྱེད་གཏན་ཚིགས་ཚད་མས་མཐའ་དྲུག་རང་སར་བཀྲོལ་ནས། ༈ །རང་རང་གི་བརྟགས་པས་གྲུབ་མཐའ་དྲུག་ཏུ་ཤར་བ་རང་སར་དག་སྟེ་ཡིན་ལུགས་ཀྱི་དོན་ལྟ་བས་ཆོད་པའི་སོ་ལ། །བདེན་ཐོག་ཉིད་དུ་གནས་པས་ཚོགས་བརྒྱད་སྐྱེ་ལུགས་གསུམ་གྱི་ངང་མ་བཅོས་པས་རང་དང་། །སྐུ་གསུམ་ལྷུན་གྲུབ་གསུམ་ལ་གནས་པས་མ་བཙལ་བར་ལྷུག་པ་སྟེ་གཞག་ཐབས་གསུམ་གྱི་ངང་གོམས་པ་ཙམ་མོ། ༈ །རིག་པ་མི་གསལ་ཏེ་བྱིང་བ་ཇི་ལྟར་གསེང་ན་སྣང་གཡེལ་ཆེ་སར་བསྡད་ཡང་བའི་ཁ་ཟས་བསྟེན། །སྔ་དྲོ་དང་སྲོད་ལ་བད་ཀན་གྱི་དུས་སུ་བཅག་ཅིང་ཉི་མ་ཕྱེད་ན་མཁྲིས་པའི་དུས་ན་ཆུས་བཀྲུ། །དགོང་ཀ་རླུང་གི་དུས་སུ་བསྐུ་མཉེ་བྱ་ཡིད་དུ་འོང་བའི་ཟླས་སྐྱོ་བ་གསང་བླ་མ་དམ་པ་ལ། །མོས་པ་དང་དེའི་ཡོན་ཏན་གྱིས་བྲོད་པ་བསྐྱེད་ཅིང་ངོ་མཚར་ཡུལ། །དྲན་པས་ཤེས་པ་རྒྱ་བསྐྱེད་སྒྲོལ་མ་སྟེང་རླུང་གནན་འོག་རླུང་འཐེན་པས་བྱིང་བ་གསེང་། །རྨུགས་ཏེ་ཤེས་བྱའི་དོན་མི་གསལ་ན་སྙན་ཁུང་གདམས་པའི་གནད་ཀྱིས་རྟོགས་པ་དོན་དུ་གཉེར། །རིག་པ་ཡུལ་ལ་འཕྲོ་ཞིང་རྒོད་ན་གང་འཕྲོའི་ཡུལ་དང་སེམས་ལ་བརྟགས་པས་རྟོག་པ་ཁ་བརླན། །རྟོག་པ་ཐམས་ཅད་དོན་ལས་མ་འདས་པས་ཚུལ་ངན་པའི་རྩོལ་བ་ལས་གྲོལ། །བྱ་བའི་ལས་ཀྱིས་ཁྲིད་དེ་གཡེང་ན་ངན་ཤུགས་དེ་འཁོར་བའི་ཉེས་པ་དྲན་པས་རིག་པ་སྲང་དུ་གཟུད། །དད་བརྩོན་བརྩེ་གདུང་གསུམ་བྲལ་ན་ནམས་ཀྱང་གདམས་པ་ལ་ཁ་ལན་ཟློས། །དམ་ཉམས་ཆེན་པོ་དེ་ན་རག་རྡོ་རྗེ་སྟེ་འཁོར་བའི་འགྲམ་དུ་ལྟུང་བའི་སྐྱོན་ཡོད་པ་དེ་བས་གདམས་པ་མ་ཐོས་པ་ཉེས་པ་ཆུང་བ་དེས་ན་དམ་པའི་གསུང་བཞིན་དུ་འབད་པ ། ༈ །དེས་ན་གནས་ལས་མི་གཡོ་མཉམ་ཉིད་ལྷུན་གྱིས་གནས་པའི་ཉམས་རིམ་བཞི་པོ་རེ་རེ་ལ། །ངོ་བོ་དཔེ་རྟགས་འབྲས་བུ་དང་བཞི་བཞི་བླན་ཅིང་སྦྱང་། ༈ །མཐངས་རྨི་ལམ་ལ་ཚད་གཟུང་བ་ནི་བག་ཆགས་འོལ་ཀ་དེ། །སྔར་ལས་གྱོང་པོའི་རྗེས་འབྲང་ཆད་པ་དང་། །གང་ལ་གཅེས་པར་འཛིན་པ་དེ་འཆར་རིག་པ་སྤྱི་བླུགས་ཡིན་པས། །དེ་ཡང་ལྟ་སྒོམ་གྱི་གདེང་གིས་འཆར་རྨི་ལྟས་ཡ་མཚན་ཅན། །འགའ་བྱུང་བ་ནི་བརྣག་སྟེ་དེ་ཡང་རྨི་ལམ་གྱི་དུས་དེ་ཀར་སྦྱང་། ༈ །རྨི་ལྟས་དེ་འམ་རྣམས་ཕྱི་རྟགས་ལུས་ལ་མང་དུ་འཆར་ཏེ་གཙོར་མི་གཟུང་། །རྣམ་ཤེས་བརྒྱད་གསུམ་ཡུལ་བཅས་བརྫུན་པས་དེར་ཞེན་གྲོལ། །དེ་དོན་ཡེ་ཤེས་ཀྱི་ངང་དུ་གྲོལ་ཏེ་དོན་ལ་མཁས་པས། །སྔར་ཐོས་པ་མིན་པའི་ཆོས་ལ་ཐེ་ཚོམ་གཅོད་པར་ནུས། །དེ་ལྟར་མ་རྟོགས་པའི་འགྲོ་བ་རྣམས་ལ་ཐུགས་བརྩེ་ཞིང་ཕན་སེམས་ཅན། །སངས་རྒྱས་མཐར་ཐུག་ཡང་དགོས་ཡིན་ཞེས་དེ་ལས་བརྟགས། །བརྒྱད་གསུམ་ཡུལ་བཅས་དོན་རྟོགས་དམིགས་པ་གཏད་ནས་རྟོག་པ་བཟློག་པ་དང་བྲལ་བའོ། ༈ །དེ་ཡི་རྐང་པ་གཉིས་ཀྱིས་མ་ནོར་བཅོས་མེད་ཀྱི་དོན་བཀྲོལ་བའོ། །ངང་གནས་དེ་དོན་མ་ནོར་བས། །དེ་ལ་བཅོས་མེད་ཡིན་དོན་རྟོགས་པའི་རང་སོར་ཞོག ༈ །གཉིས་པ་བསྒོམ་པ་གཏན་ལ་ཕབ་པའོ། ༈ །མ་བཙལ་དོན་གྲུབ་པ་སྤྱོད་པའི་ཟླ་ཡང་མཉམ་གྲོལ་གྱི་དོན་ལ་མཐའ་དྲུག་གི་ཕྱོགས་སུ་བཅད་པས། །རང་རང་དང་མཐུན་པར་ཕྱོགས་སུ་འཐེན་པའི་དོན་གྲུབ་པ་ཙམ་སྲིད་པ་ཡིན་གྱི། །མ་བཙལ་བདེན་པའི་དོན་ལ་ལྷུན་གྱིས་གནས་པར་དཀའ་སྟེ། །དཀར་སྤྱོད་གནག་སྤྱོད་གཉིས་དང་བྱ་བྲལ་གྱི་ཕྱོགས་སུ་བཅད་པའི་ཕྱིར་རོ། ༈ །རྣལ་མའི་དོན་འདིར་གནས་ན་ཐམས་ཅད་བྱང་ཆུབ་ཀྱི་སེམས་ཡིན་པས། །དེ་ཡི་ངང་དུ་གནས་པའི་སྒོ་གསུམ་གྱི་བྱ་བ་ཡང་། །བྱ་བྲལ་ངང་གནས་ཕྱོགས་མེད་ནམ་མཁའ་ལ། །སྙིང་པོའི་ངང་ལ་འགྱུར་མེད་རྡོ་རྗེར་གནས། །ནམ་མཁའ་རྡོ་རྗེ་དེས་འདུལ་བའི་མོས་པ་དང་མཐུན་པས་འདྲེན་སྤྱོད་རྫོགས། །སྙོམ་ལས་སུ་འདུག་པ་ལས་རྟོགས་པའི་གདེང་ཆེན་པོ་ལྷག་པས་ལྷག་སྤྱོད་རྫོགས། །རྣམ་པ་མ་འགགས་པས་གདུལ་བྱ་ཀུན་སྒྲོལ་བས་གཞན་གྱི་དོན་ཆེན་པོ་ལྷུན་གྱིས་གྲུབ། ༈ །གདུལ་བྱ་ཕལ་ཆེར་འཁྲུལ་པ་འཁོར་བའི་ཉེས་པས་སྐྱོ་ནས་དོན་ལ་འཇུག །ཉེས་པ་དེ་ལ་དངོས་སུ་སྒྲོལ་བ་ནི་དཀར་སྤྱོད་དགེ་བ་རྫོགས། །དེ་ལ་གདུལ་བྱ་མོས་པ་འཇུག་པས་སངས་རྒྱས་ཀྱི་བསྟན་པ་སྤྱི་དང་མཐུན། །དཀར་སྤྱོད་དེ་ཡི་སྤྱོད་ཡུལ་རང་འོད་ཐུགས་རྗེ་རྣམ་པ་སྒྱུ་མ། །སྤྱོད་སེམས་མཚན་ཉིད་རང་རིག་དེའི་རང་བཞིན་སྤྲོས་པ་རྣམ་པར་དག །ཕྱོགས་མེད་ཀུན་ཁྱབ་སྙིང་པོ་རྣལ་མའི་དོན་ལས་མི་འགྱུར་བས། །མུ་བཞིར་འཐེན་ནས་སྤྱོད་པ་ལ་དོན་ཁྱད་པར་དུ་འཕགས་པའོ། ༈ །གལ་ཏེ་ལོག་པའི་སྲེད་ཆེན་ཆགས་སྡང་དབྲལ་དཀའ་བས། །གྲོལ་བར་མོས་ཀྱང་དེར་ཞེན་མ་ཐོངས་ན། །མཚམས་མེད་ལ་སོགས་པ་ནག་པོའི་སྤྱོད་པའང་རྣལ་མའི་དོན་ལ་སྦྱར་ཏེ་དྲང་བ་ནི། །ནག་སྤྱོད་ཀྱི་མིང་ཙམ་ལས་དོན་ལ་སྡེབ་པོ་བཞིའི་བསྒྱུར་ཏེ་ལྡེམ་པོར་དགོངས་པའམ་ཡང་ན་སྙིང་པོར་བཀྲོལ་བ་ནི། །གནག་དང་སྤྱོད་ཡུལ་རང་འོད་རྣམ་པ་སྒྱུ་མ་ལ། །སྤྱོད་སེམས་མཐར་ཐུག་བརྟགས་ན་རང་རིག་ཉིད། །དེ་དག་རང་བཞིན་ཞེན་དྲུག་ལོག་གསུམ་རྩོལ་བརྒྱད་བརྟགས་པས་སྤྲོས་པ་ལས་གྲོལ། །དེ་གསུམ་མ་འདྲེས་ལ་ཡོངས་སུ་རྫོགས་པས་ཕྱོགས་མེད་ལས་མི་འགྱུར། །དམན་པའི་གནས་སུ་སྦྱོར་བའི་ནག་སྤྱོད་རང་རྒྱུད་པ་ལས་དོན་རྟོགས་པ་དང་ངང་དུ་གནས་པས་འཕགས། །མཐའ་དྲུག་གི་ཕྱོགས་སུ་འཐེན་པའི་རྩོལ་བ་ལས་གྲོལ་ཏེ་དོན་ཀུན་ངང་གིས་གྲུབ་པའོ། ༈ །དོན་གནས་སྒོ་གསུམ་མ་བཅིངས་ཀྱི་དོན་ནོ། །ལུས་ངག་ཡིད་སྤྱོད་བཅིང་མི་དགོས། ༈ །གསུམ་པ་སྤྱོད་པ་གཏན་ལ་ཕབ་པའོ། ༈ །མ་བསྒྲུབས་པར་ལྷུན་གྱིས་གྲུབ་པའི་འབྲས་བུའི་ཟླ་ནི་ཕྱོགས་མེད་ཀྱི་ངང་ཚུལ་མ་རྫོགས་པས། །མུ་བཞི་ཕྱོགས་སུ་འཐེན་ནས་བལྟས་པ་ལྟར་སྣང་བཏགས་སོ་ཅོག་ཆགས་བསྒྲུབས་པ་ལྟར་འགྲུབ་སྟེ། །བདེན་པར་མ་བསྡད་པས་དངོས་པོ་སྒྲུབ་པ་ལ་སྟོང་པས་བརྒྱངས། །སྟོང་པ་བསྒྲུབས་པ་ལ་སྣང་བའི་སེལ་ཞུགས་བདེན་གཉིས་སུ་སྒྲུབ་པའང་། །རྣལ་མའི་དོན་ལ་གཉིས་གྲོལ་ཟུང་དུ་འཇུག་པས་བཀན། །གཉིས་སུ་མེད་པར་བསྒྲུབས་པ་ལའང་ལྟོས་གཞི་གཉིས་སྒྲོ་བཏགས་ཡིན་པས་བསླད། །གནས་སྐབས་ཀྱི་འབྲས་བུ་ཙམ་དུ་སྣང་གི་མ་བཙལ་བར་བདེན་པའི་དོན་ལ་གནས་པ་ཅི་ལ་སྲིད། །དམུས་ལོང་མང་པོ་གླང་ཆེན་མ་མཐོང་བ་ཤ་སྟག་གིས་ལུས་ཀྱི་བྱེ་བྲག་སོ་སོ་ལ་རེག་སྟེ་འཐུབ་པ་ནི་ཁ་ཅིག་ན་རེ་རི་རབ་རྩིབ་ལོགས་ཀྱི་བྱེ་བྲག་བཟུང་བས་རིལ་པོ་མི་རྟོགས་པ་བཞིན། །ཁ་ཅིག་ན་རེ་སྣ་ལ་རེག་པ་༼གཤོལ་མདའ་ལྟ་བུ་ཞིག་གོ་ཟེར་༽ དེ་བཞིན་དུ་༼མཆེ་བ་གཏུན་ཤིང་དང་༽རྣ་བ་༼ཞིབ་མ་དང་༽རྐང་ལག་༼ཀ་བ་དང་༽ རྔ་མ་༼ཕྱགས་མ་དང་༽ སྒལ་ཚིགས་༼ཁ་ཅིག་ན་རེ་ཕ་བོང་ལྟ་བུ་ཞིག་གོ་ཟེར་༽ རང་འདོད་ཀྱི་འབྲས་བུ་གྲུབ་ཀྱང་མཐར་ཐུག་སར་མ་སོན་བ་ནི། །བུས་པ་ཉོན་ཐོས་པས་དགྲ་བཅོམ་རང་རྒྱལ་ཡིད་སྦྱིན་བདེ་མཆོག་གི་འབྲས་བུར་གནས་པ་ལྟར། །མི་རིགས་པ་ལ་རིགས་པར་བཤད་མི་འཚམ་པ་ལ་འཚམ་ཞིང་འཐད་པར་འདོད་པ་དེ། །ངེས་པ་དོན་གྱི་མདོ་སྡེ་དང་རྒྱུད་སྡེའི་དོན་བརྟགས་པའི་སྙན་ཁུང་བརྒྱུད་པས་བླན། །བདེན་པའི་ངང་ཚུལ་ནི་དངོས་སྟོང་གཉིས་དང་གཉིས་མེད་མུ་བཞི་དང་། །ཀུན་བསྒྲུབ་ཀུན་བྲལ་ཏེ་མཐའ་དྲུག་ཁོ་ནར་བདེན་མིན་གནས། ༈ །མ་འདྲེས་ཡོངས་རྫོགས་སུ་ལྟ་བས་ཆོད་པའི་ངང་ཚུལ་ཉིད་དུ་གྲོལ་ལ། །བྱ་བཙལ་ཅི་དགོས་གཤིས་བདེན་ཐོག་ཏུ་ཟུངས་ཐུབ་པས། །ཀུན་བརྟགས་རང་སར་གྲོལ་ནས་བདེན་ཐོག་ཏུ་གནས་པར་ཐག་ཆོད་པ་ཙམ། ༈ །དེའི་ཡོན་ཏན་གྱི་ལྡོག་ཆ་ལས་སྐུ་གསུམ་མམ་ལྔ་ཕན་ཚུན་གྱི་ཞེན་པ་བཀྲོལ་ནས་མུ་བཞི་ལས་འདས། །ཡེ་ཤེས་ལྔ་ཚོགས་བརྒྱད་དང་དྲུག་དགུ་ལས་འདས་པའི་ཐིག་འབྲས་ཀློང་བཞིན་ལེ་དྲུག །ཆེ་བ་བཞིས་འོག་མ་ལས་དཔགས་ཏེ་ཆེ་བ་ལྔ་པས་ཨ་ཏིའི་ངང་། ༈ །རང་རིག་ལ་སྟོང་པའི་རྒྱས་ཐེབས་པ་སྲིད་པས་འཁོར་བའི་མཐའ་ལས་བསྒྲལ་བས་མཛེས། །རྣམ་པ་མ་འགགས་པས་འགྲོ་དོན་གྲུབ་པ་ནི་ཞི་བ་མྱ་ངན་ལས་འདས་པའི་མཐའ་བསྒྲལ་མཛེས། །དེ་ཡང་རང་རིག་པའི་ངང་དུ་རྫོགས་པས་ཕྱི་རོལ་དོན་གྱི་དངོས་པོ་དང་མཚན་མར་འཛིན་པའི་མཐའ་བསྒྲལ་ནས་མཛེས། །དེ་གསུམ་མ་འདྲེས་པས་གཅིག་པུར་འཛིན་པའི་མཐའ་བསྒྲལ་མཛེས། །ཡོངས་སུ་རྫོགས་པས་ཐ་དད་དུ་འཛིན་པའི་མཐའ་དང་བྲལ་ནས་མཛེས་པ། །དེའི་ངང་ལ་ཡོན་ཏན་བསམ་ཡས་པ་ཀུན་རྟེན་པས་ལུས་སུ་གྲུབ་པ་མེད་པ་ཉིད་ལུས་ཀྱི་མཆོག་དེ། །ཡེ་ཤེས་རྒྱན་རྒྱན་དང་བཅས་པའི༴ ཞེས་པའི་ཚིག་རྐང་གསུམ་གྱིས་བཀྲོལ་གྱིས་བརྒྱན་པའི་འཁོར་ལོའི་ངང་། །ཚིག་རྗེས་མ་གཅོད་ལྷུན་གནས་དོན་ལ་རྟོན། ༈ །བཞི་པ་འབྲས་བུ་གཏན་ལ་ཕབ་པའོ། ༈ །ཨེ་མ་ཧོ། རང་རང་གིས་རྣམ་བརྟགས་ཀྱི་འདོད་པ་ཉེར་བ་བསྒྲུབས་ནས་ལུས་ཅན་ཐམས་ཅད་མིང་ལ་ངོས་པར་འཛིན་ཧེ་སྒྲ་རྟེན་ཡིད་ལ་བྱེད་པས་ན། །ཁོ་བོས་ཀྱང་སྣང་སྟོང་གཉིས་སུ་འདོད་པ་འཁྲུལ་པས་བརྟགས་པར་སྣང་ནས་གཉིས་མེད་ངེས་དོན་སྙིང་པོར་བལྟས་པ་ལ། །མཐའ་དྲུག་ཀུན་མཁྱེན་ཀྱང་གང་གི་ཡང་ཕྱོགས་སུ་མ་ལྷུངས་པའི་དགོངས་པས་བསྟན་ཏེ་ཞེན་པ་བཀྲོལ་ནས་ཡིན་དོན་ཤར་བ་ནི་རང་གནས་སྦས་པ་དང་འདྲ་བ་དེ་བསྟན་ནས་དམ་པས་བསྒྲལ། ༈ །ཤྲཱི་སེངྷས་རྫོགས་ཆེན་སྤྱི་གཞུང་ལ་བརྟེན་ནས་དགེ་སློང་དཔའ་བོ་ཡིན་མོད་ལ་དེས་དོན་དུ་ལྟ་བ་དང་སྣང་ཆ་འཁྲུལ་སྣང་དུ་འདོད་པའི་ཤུགས་ལ་བདེན་གཉིས་སུ་འགྱུར་པ། །དོན་གྱིས་ཕ་རོལ་ཏུ་ཕྱིན་པའི་འདོད་པ་དང་མཚུངས་པར་འདོད་པ་དེ་ལས་བློ་བཀྲོལ་བས་དོན་འདི་ལ་ནན་ཏན་མཛོད་ཅིག་ཅེས་གདམས་པའོ། ༈ །ངེས་དོན་བཞི་མངོན་དུ་བསྟན་པའི་གནས་ཀྱིས་ཟླས་བཤད་འདྲ་ཚུལ་གྱི་ལྟ་སྒོམ་སྤྱོད་འབྲས་བཞི་ལས་ཁྱད་ཕྱེ་བའི་དོན་བཞི་པ། །འདི་ཡིས་མ་འོངས་སྐལ་ལྡན་སྣོད་ཅན་དོན་ལ་འཛུད་པའི་ཆ་རྐྱེན་མཛོད། ༈ །གཞིའི་ཉེས་པ་འཁོར་བའི་སྡུག་བསྔལ་ལམ་གྱི་ཉེས་པ་རྩོལ་བའི་ནད་ལས་དགྲོལ་བའི་གནད་དུ་རྟོགས་གོམས་སྤྱོད་གྲོལ་བཞི་ལས་མ་གཏོགས་པའི་ཐབས་མེད། །གནད་ཀྱི་ལྷག་པར་གཏན་ལ་ཕབ་པ་དོན་བཞི་པ། །སློབ་དཔོན་ཀུ་ཀུ་རཱ་ཛས་མཛད་པ། རྫོགས་སོ།། །།སེའི་བནྡེ་འབྱུང་ལྡན་གྱིས། རིག་པ་རྩལ་གྱིས་མཆན་བུ་བཏབ་པའོ།། །།

རིན་པོ་ཆེ་རྒྱན་ཤྲཱི་སེངྷའིི་གསུང་སེའི་བནྡྷེ་འབྱུང་ལྡན་གྱི་མཆན་འགྲེལ།

ར ཏྣ ཨ ལཾ ཀཱ ར ཏི སྨ། །
རིན་པོ་ཆེ་རྒྱན་བཞུགས།
རྒྱ་གར་སྐད་དུ། རཏྣ་ཨ་ལཾ་ཀཱ་ར་ནཱ་མ། བོད་སྐད་དུ། རིན་པོ་ཆེ་རྒྱན་ཞེས་བྱ་བ། ༈ ཡེ་ཤེས་ཀྱི་རང་འོད་རང་སྣང་བའི་ལྷ་རྡོ་མི་ཕྱེད་པས་རྗེ་རང་གསལ་བས་སེམས་བདུད་བཞི་འཇོམས་པས་དཔའ་ལ་ཡུལ་ཐུན་མོང་དང་ཁྱད་པར་གྱིས་ཕྱག་འཚལ་ལོ། །མ་ནོར་བྱང་ཆུབ་ཀྱི་སེམས་ལྷུན་གྲུབ་གསུམ་དུ་རྟག་ཏུ་སྣང་བ་ལས། །དེ་ལྟར་མ་ཤེས་ཤེས་བདག་ཏུ་བཟུང་བས། གཞན་དུ་སྣང་བའི་ཆ་ལས་ཉོན་མོངས་པས་ཀུན་ནས་བསླང་སྟེ་ལས་གསུམ། །སྤྱད་པས་སྣོད་བཅུད་དུ་འཁྲུལ་ཅིང་ཕྱི་ནང་དུ་འཁོར་བའི་སྣ་ཚོགས་སུ་སྣང་བ་འདི་ཉིད། །འོག་མ་པ་ལྟར་མ་བཅོས་ཀྱང་སྐུ་གསུམ་དུ་རོ་གཅིག་དབྱེར་མེད་དུ་རྟོགས་པ་འདུད། ༈ །རང་རིག་པ་ཆོས་ཐམས་ཅད་དུ་རང་སྣང་བ་ཉིད་བརྗོད་བྱ་རུ་ཡེ་ནས་གནས་པ་དེ་ལ། །སྒྲིབ་པ་མེད་བར་རྟག་ཏུ་གསལ་ཀྱང་ངེས་པར་སྣང་བའི་རྐྱེན་བཞི་དང་བྲལ་བ་དེ་ཉིད་དོ ། །མི་རྒྱུ་ཤེས་པའི་བློ་ཡིས་ང་བདག་ཏུ་ནན་གྱིས་བརྟགས་པས། །གཞན་དུ་སྣང་སྟེ་བདག་གཞན་ཆ་ལས་འཛིན་རྐྱེན་ས་དུག་ལྔའི་དངོས་པོར་ཞེན་ཅིང་འཐས་པ་ལས། །འདུ་བྱེད་སེམས་པ་ཡང་སྲིད་འཕེན་ནུས་ཀྱི་རླུང་ལས་གསུམ་གིས་གཡོས་པས་ན། །ཕྱི་སྣོད་དང་ནང་བཅུད་འབྲས་བུ་ཀྱི་སྡུག་བསྔལ་གསུམ་ལ་སོགས་པའི་ངོ་བོར་སྨིན་པ་དེ། །ཐུབ་པའི་དབང་བརྗོད་བྱེད་པོས་སྤོང་སྦྱོང་གི་གཉེན་པོས་བཅོམ་པའི་ཐབས་མཚན་ཉིད་ལྡན་ནས་མྱ་ངན་ལས་འདས། །གཙང་མ། དཔལ་འབྱུང་། དཔལ་བརྟུལ་སྟོབས་ཀྱི། རྡོ་རྗེ་འཛིན་པས་བསྒྱུར་བ་ཕྱི་རྒྱུད་དང་མངའ་རུ་མཛད་པ་ནང་པ་གསུངས། །གཞི་ཇི་བཞིན་པར་རང་ཤར་བའི་སྐྱེས་བུས་དེ་དག་ལྟར་མ་བཅོས་པར་རང་སར་བཀྲོལ་བའི་ཐབས། །རྒྱལ་བ་རིགས་ལྔས་སེམས་དཔའ་རྡོ་རྗེ་ལ་བརྡ་དགོངས་ཀྱིས་སྦྱར་བས། །དེས་ཡང་སྤྲུལ་ཐུགས་སྲས་སྐད་ཅིག་མས་མཐར་ཐུག་གི་སར་བཏོན་ནས་དེས་ཀློང་དགུ་བམ་པོ་ཉི་ཁྲི་བརྗོད་བྱའི་དོན་མཚོན་ཀྱང་། །དེ་དག་གི་དོན་དཀྲུགས་༼ཁ༽རྒྱས་ལས་བསྡུས་༼ཀ༽བསྲང་༼ག༽བས། །འདིར་མོས་ཤིང་འཇུག་པ་དགོས་པ་འཇུག་པའི་གང་ཟག་གིས་བརྗོད་བྱའི་དོན་རྟོགས་ནས་གོམས་ཏེ་དོན་ལམ་མཐར་ཕྱིན་ནས། །དེས་གདུལ་བྱ་གཞན་དྲང་བའི་ཕྱིར་རིན་ཆེན་མཛེས་པར་དགོད་པར་བྱའོ་ཞེས་སོ། ༈ །གོ་ཆའི་གྱོན་པ་རྗེས་སུ་རྒྱས་པ་ལ་ཁྱབ་པས་ལུས་དོན་གྱི་མདོ་ཙམ་ཞིག་རྣམ་པར་གཞག་པ། །མ་བཅོས་གཉུག་མ་དང་འཁྲུལ་བའི་སྣང་བ་ཡང་ངོ་བོས་མ་ནོར་བའི་གཞི། །དེ་ངོ་ཤེས་ནས་ངང་དུ་འདྲིས་པར་རྣལ་འབྱོར་པའི་བློ་འཇུག་པས་ནི་ལམ། །གཞི་ཇི་བཞིན་པ་ཉིད་དུ་མངོན་དུ་གྱུར་རྫོགས་པ་ནི་འབྲས་བུ། །དེ་གསུམ་ཀྱང་ཆོས་ཉིད་རང་སྣང་དུ་དབྱེར་མེད་པར་ཐིག་ལེ་ཉ ག་གཅིག་གི་ངང་སྟེ། །བརྗོད་བྱེད་རྒྱས་པ་འབྱུང་བ་ཀུན་གྱི་རྩ་བ་ལུས་ཀྱི་ཚུལ་དུ་མདོར་གཞག་གོ། ༈ །དང་པོའི་ཡན་ལག་རྒྱས་པ་ལ་གནས་ལུགས་དང་འཁྲུལ་ཚུལ་ལོ། ༈ ། ཡེ་ནས་གནས་པའི་ངོ་བོ་སྤྱི་དང་བྱེ་བྲག་གི་མཚོན་པའི་དཔེ། །མིང་དོན་ངེས་ཚིག་བློ་དང་འཚམས་པའི་མིང་གྲངས་གཞན་སེལ་དོན་གཉེར་གྱི་དགོས་ཆེད་དང་། །ལྷུན་གྲུབ་གསུམ་གྱི་རང་བཞིན་དེ་གསུམ་གྱི་མཚན་ཉིད་ཇི་སྲིད་གནས་པའི་དུས་དང་། །བཞི་ཚན་གཉིས་ཀྱི་རིམ་པ་བཟློག་སྟེ་རྒྱས་པར་བསྟན་པའོ། ༈ །རྒྱུ་ཡིས་བསྐྱེད་པ་ལ་མི་གནས་པར་ཆོས་ཉིད་རང་སྣང་ཡིན་བས། །ཐོག་མ་མེད་ཅིང་མཐར་མི་ནུབ་པའོ། ༈ །རང་བཞིན་ཅིར་ཡང་མ་དམིགས་རྣམ་པ་ཐམས་ཅད་དུ་མ་འགགས་མཚན་ཉིད་ཡུལ་མེད་པར་རང་སྣང་བས། །སྤྱོད་ཡུལ་དང་བྲལ་བས་གསང་བའི་མཐའ་དབུས་ཀྱི་ཐ་སྙད་གྲོལ་བས་དབུ་མ་ཆེན་པོར་གནས་པའོ། ༈ །རང་བཞིན་ནི་ལྷུན་གྲུབ་རྣམ་པ་གསུམ་ལ། ༈ །ཡིད་སྤྲོས་པ་སྣ་ཚོགས་སུ་སྐྱེ་བའི་རང་བཞིན་ཉིད་སྤྲོས་པ་ཐམས་ཅད་དང་བྲལ་བས་འཁོར་འདས་ཀྱི། །ཐ་སྙད་གཉིས་པ་ནམ་མཁའ་ལྟར་དུ་ཡངས། ༈ །རྣམ་པ་ནི་སྣ་ཚོགས་སུ་མ་འགགས་པར་འོད་གསལ་བས། །སྒོ་ལྔའི་ཡུལ་རྣམས་མ་འགགས་པར་ངོས་གཟུང་མེད་པས་སྒྱུ་མར་གསལ། ༈ །མཚན་ཉིད་ནི་རང་སྣང་ཡིན་པས་གཟུང་འཛིན་དང་བྲལ་ཏེ། །མི་གནས་པར་རང་རིག་པ་བྱང་ཆུབ་ཀྱི་སེམས་སོ། ༈ །དེ་དག་ཀྱང་དབྱེར་མེད་པར་རང་གསལ་བས་ཐིག་ལེ་ཉག་གཅིག་གོ། ༈ །དགོས་ཆེད་གཉིས་ཀྱི་ཕྱིར་ལྷུན་གྲུབ་གསུམ་དུ་བརྡར་བཏགས་ཏེ། དེ་ཡང་མཐའ་གསུམ། བསལ་༼༡༽ཏེ་རྟོགས་པ་དོན་དུ་༼༢༽གཉེར་བའོ། ༈ །ཐེར་ཟུག་རྟག་པར་འཛིན་པ་དང་རོལ་པའི་སྣང་བ་ཆད་པར་ལྟ་བ་དང་། །རྟག་ཆད་གཉིས་དང་བྲལ་བ་ལ་བལྟོས་པའི་དབུས་སུ་འཛིན་པའི། །མཐའ་དང་གསུམ་བསལ་བའི་ཕྱིར་རང་བཞིན་རྣམ་པ་མཚན་ཉིད་དུ་བརྡར་གདགས་༼༠༽ཀྱི་སྒྲ་ཇི་བཞིན་པར་ནི་མིན་ནོ། ༈ །ཤེས་༼༢༽བྱ་ཚོགས་བརྒྱད་ལ་ཉོན་ཡིད་དང་ང་བདག་གཟུང་འཛིན་དང་། །ཡིད་སྤྲོས་པ་སྣ་ཚོགས་དང་མཚན་མ་ལྔར་སྒོ་ལྔ་ཡུལ་ལྔ་ལ་འཛིན་པ་དང་གསལ་བ་སྐྱེ་ལུགས་གསུམ། །རང་སྐུ་གསུམ་དུ་གྲོལ་བར་བསྟན་པའི་ཕྱིར་ལྷུན་གྲུབ་གསུམ་དུ་བཏགས་ཀྱི་མི་ཞེན་པ་ནི་སྔར་དེ་༼༩༽བཞིན་ནོ། ༈ །གདུལ་བྱ་རང་རང་གི་བློ་དང་ཡི་མཚམ་ཚད་དུ་མི་བརྟགས་པའི་གྲངས་ནི། །སྤྲོས་བྲལ་རང་གསལ་བས་བྱང་སེམས་༼༡༽ཡེ་ནས་གནས་པས་ལྷུན་གྲུབ་ཟུག་རྔུ་མེད་པས་བདེ་ཆེན་དང་། །ཡུལ་མེད་པས་རང་སྣང་མུ་མཐའ་མེད་པས་དབུ་མ་བཟང་ངན་མེད་པས་མཉམ་པ་ཉིད། །ལྷག་མ་མ་ལུས་པས་རྫོགས་པ་ཆེན་པོ་རྒྱུར་གྱུར་པས་ཆོས་ཀྱི་དབྱིངས། །ཐ་དད་མ་གྲུབ་པས་གཉིས་མེད་བློའི་ཡུལ་དུ་མ་གྲུབ་པས་བསམ་འདས་བྱེད་པ་པོ་མེད་པས་མ་བཅོས་པ་ཞེས་༼༡༡༽གྲགས་ཀུན་ལ་སྦྱར། །མིང་གི་རྣམ་གྲངས་རྒྱལ་བས་ཀྱང་བརྗོད་པ་ལས་འདས་སོ། ༈ །འཁོར་འདས་གཉིས་ཀྱི་བསྡུས་པའི་ཆོས་བརྗོད་བྱ་རྗོད་བྱེད་དུ་སྣང་བ་ཀུན་གྱི་དངོས་གཞི་ཡིན་པས། །མཐོན་པོ་འདས་པ་དང་དམན་པ་འཁོར་བ་ཀུན་གྱི་འབྱུང་བའི་གཞིར་གསུངས་ཡེ་ཤེས་གསང་བ་ལས་ཐམས་ཅད་རོལ་བས་འཁོར་བ་ཡིན། འཛིན་རྟོག་སྤངས་པས་ས ངས་རྒྱས་ཡིན། །ཞེས་སོ། ༈ །དེ་དཔེ་ཡིས་མཚོན་ན་སྤྱི་གནས་ལུག་ཙམ་དང་བྱེ་བྲག་ལྷུན་གྲུབ་གསུམ་གྱི་དཔེ་སྟེ། ༈ །ནམ་༼ ཀ༽མཁའ་༼༡༽རྒྱ་༼ཁ༽མཚོ་༼༡༽རིན་༼ག༽པོ་ཆེ༼༡༽། །སྨན་༼ང༽དུག་འབྱུང་༼ཅ༽བ་༼༡༽ཉི་མ་༼༡༽དང་། གསེར་གྱིས་གཞི་བཞིན་༼༡༡༡༡༡༡༽དུ་མུ་མཐའི་ཕྱོགས་༼ཀ༽རིས་ཀུན་ལ་ཁྱབ་པས་༼ཁ༽རྒྱ་ཆེ་ལ་རྟོགས་དཀའ་བས་གཏིང་ཟབ། །ཅིར་ཡང་མི་༼ག༽རྟོག་ལ་རེ་བ་སྐོང་བསམ་བརྟགས་ཀྱི་རྐྱེན་༼ང༽གྱིས་ཅིར་ཡང་སྣང་། །ཅིར་ཡང་མ་འགགས་པར་རྩལ་༼ཅ༽སྣང་གསལ་༼ཆ༽བྱེད་ཀྱི་རྐྱེན་ལ་མ་རག་པར་རང་གསལ་དུས་གསུམ་དུ་མི་འགྱུར་བས་༼ཇ༽བརྟེན། །ཡོན་ཏན་གྱི་ལྡོག་ཆ་རེས་དཔེ་ཀུན་ཀྱང་དོན་དང་མཐུན་ནོ། ༈ །སྨག་གི་མུན་པ་དང་ཆུའི་གཉེར་མ་དང་ཉི་མ་ཤར་བ་དང་གསུམ་གྱིས་ལྷུན་གྲུབ་གསུམ་མཚོན་པ་ནི། རྩ་བའི་རྒྱུད་ཡེ་ཤེས་གསང་བའི་ལེའུ་དྲུག་པ་རུ་གསུངས་པ་གཞི་མཚོན་ཅེས་དྲང་དེ་བཞིན་ནོ། ༈ །ངོ་བོ་ནི་ཆོས་ཐམས་ཅད་སེམས་ཉིད་རང་སྣང་བ་ཉིད་བཅུད་འདུས་པས། །སྙིང་པོར་གནས་པ་དེ་སངས་རྒྱས་ཀུན་གྱི་ཐུགས་ཡིན་ཏེ་ཐམས་ཅད་ལ། ཡེ་ཤེས་གསང་བ་ལས། རང་སྣང་ལྷུན་གྲུབ་ཡེ་གནས་པ། ཡེ་ནས་གནས་པར་བགྲོད་པའི་ལམ་གྱིས་བཙལ་མི་དགོས། །ཞེས་སོ། །གསུངས་པའོ། ༈ །འཁྲུལ་པའི་རྒྱུ་རྐྱེན་འབྲས་བུ་དུས། །དཔེ་དང་སྣང་ཚུལ་ཉེས་པ་གྲངས། ༈ །ལྷན་ཅིག་སྐྱེས་པའི་མ་རིག་༼ཀ༽པ་ནི་ཀུན་བཏགས་བདག་ཏུ་ལྟ་བ་ནི་༼ཀ༽མཚུངས་པར་ལྡན་པའི་དང་། །ལྷན་༼ཁ༽ ཅིག་བྱེད་རྒྱུར་༼ཀ་ཁ༽ ཡང་སྤྲུལ་དཔའ་བོས་གཏེར་བཏང་དུ་བཤད་རང་བྱུང་ཞེས་དྲང་། ༈ །ཡེ་ནས་རང་བྱུང་ལྔ་རུ་གནས་ཀྱང་རིན་ཆེན་གདམས་ངག་སྟོན་པའི་རྐྱེན་བཞིས་དབུལ་བ་དང་། །སེམས་ཉིད་རང་སྣང་ཡིན་པའི་ཕྱིར་བདག་གཞན་ཐ་དད་དུ་བརྟགས་༼༠༽ཏེ་འཁྲུལ་པ་བྱུང་ངོ་། ༈ །དེ་༼༠༽ཡི་ཆ་ལས་ཉོན་མོངས་པ་ལྔས་ལས་གསུམ་སྤྱད་པས། །སྣང་བ་སྣོད་དང་བརྟགས་པ་བཅུད་ཐ་དད་པའི་གནས་སུ་འཕངས། ༈ །རྒྱུ་རྐྱེན་དེ་ཡིས་འདོད་གཟུགས་གཟུགས་མེད་ཀྱི་ཁམས་གསུམ་གྱི་ཕྱི་སྣོད་དང་ནང་བཅུད་དུ། །འཁྲུལ་ཞིང་རྒྱུན་དྲུག་ཏུ་འཁོར་བ་དྲག་པོས་ངེས་ངེས་འདྲར་སྨིན་ནོ། ༈ །གནས་ལུགས་ཡིན་པར་ཡེ་ནས་རང་གནས་པ་དང་དེ་ངོ་། མ་ཤེས་གཉིས་འབྱུང་བའི་དུས་ལ་པ། །སྔ་ཕྱི་མི་གནས་པ་ཐོག་མའི་མཐའ་མེད། །སེམས་ཅན་ཚད་ལས་འདས་པས་ཕྲི་བས་མི་ཟད་དེ་ཐ་མའི་མཐའང་བྲལ། །དུས་རྒྱུན་དུ་འཁོར་བ་མི་སྟོངས་བར་འཁོར་ལོ་ཡང་ཡང་དུ་སྐོར་བ་ནི། ༈ །དཔེར་ན་ཟོལ་ཆུ་བརྒྱུད་པའི་འཁོར་ལོ་དབུ་མ་ལ་འཇུག་པའི་འགྲེལ་པ་ལས། བདག་དང་བདག་གིར་མངོན་པར་ཞེན་པའི་འཇིག་རྟེན་འདི་ནི། ལས་དང་ཉོན་མོངས་པའི་ཐག་པས་ཆེས་དམ་དུ་བསྡམས་པ་འཁྲུལ་འཁོར་མཁན་རྣམ་པར་ཤེས་པས་བསྐྱོད་པ་ལ་རག་ལས་པར་འཇུག་པ། འཁོར་བའི་ཁྲོན་པ་ཆེན་པོ། སྲིད་པའི་རྩེ་མོ་ནས་མནར་མེད་པ་ལ་ཐུག་པར་ཟབ་པར་བར་མེད་པར་འཕྱན་པ། རང་གི་ངང་ཉིད་ཀྱིས་ཐུར་དུ་འགྲོ་བར་འཇུག་པ ། འབད་པས་ཇི་ཞིག་ལྟར་དྲང་བར་བྱ་བ་མི་ཤེས་པ་ལ་སོགས་པ་ཉོན་མོངས་པ་དང་ལས་དང་སྐྱེ་བའི་ཀུན་ནས་ཉོན་མོངས་པ་གསུམ་ཡོད་ཀྱང་། སྔ་མ་དང་ཕྱི་མ་དང་བར་ཡི་རིམ་པ་ངེས་པར་མི་ཟིན་པ། ཉི་མ་རེ་རེ་ཞིང་སྡུག་བསྔལ་གྱི་སྡུག་བསྔལ་དང་། འགྱུར་བའི་དུཿཁ་ཉིད་དག་གིས་གཅོག་པའི་ཕྱིར། ཟོ་ཆུ་རྒྱུད་མོའི་གནས་སྐབས་ལས་མ་འདས་པར་གནས་པ་ཞིག་སྟེ། ཞེས་སོ། །ལྟར། །ཕྱི་ནང་གི་རྟེན་འབྲེལ་བཅུ་གཉིས་རྒྱུ་འབྲས་ཀྱི་ཤུགས་ཀྱིས་ཡང་ཡང་དུ་བསྐྱར་བའོ། ༈ །དོན་དུ་གྲུབ་པ་ཡོད་པ་མིན་ཀྱང་ཕྱིའི་དོན་ལྟར་དུ་སྣང་བ་ནི། །རབ་རིབ་ཀྱི་རྐྱེན་གྱིས་དཀྲུགས་པའི་མིག་གི་དབང་པོ་ལ་སྐྲ་ཟླ་སྣང་བ་བཞིན་ནོ། ༈ །མ་རིག་པ་གཉིས་ཀྱི་འདམ་གྱི་ཕུང་པོའི་གཞི་ལ། །ཉོན་མོངས་པ་དུག་གི་གཞི་ས་བོན་བཏབ་པས། །སྡུག་བསྔལ་གསུམ་ལ་སོགས་པ་སྣ་ཚོགས་ཀྱི་ཉེས་པས་རྒྱུད་ཉེན་ལ། ༈ །གནས་སྐབས་ཐར་པ་དང་མཐར་ཐུག་བདེ་ཆེན་གྱི་སྲོག་དང་བྲལ་བའོ། ༈ །རྣལ་མའི་༼ཀ༽དོན་མ་རྟོགས་༼༡༽པར་རིགས་དྲུག་༼ཁ༽ ལོག་པར་རྟོག་༼༡༽པ་རྟག་ཆད། །རྒྱལ་བའི་བཀའ་༼ག༽ལ་ཕྱོགས་ཆར་༼༡༽བརྟགས་པས་༼༡༡༡༽འཁྲུལ་པ་རྩོལ་བརྒྱད། ༈ །ལོག་པའི་ཉིང་༼ཀ༽རྐྱེན་དང་བྲལ་ཀྱང་འགྲོ་བ་རིགས་དྲུག་ནི། །རང་རང་གི་ལས་ཀྱི་ཞེན་པ་ཚུལ་སོ་སོར་གནས། ༈ །སྟོན་༼ཁ༽པ་དྲུག་ལ་སོགས་པའི་བསྟན་པ་ལོག་པ་ཡིས། །རང་བཞིན་དང་རྣམ་པའི་དོན་ལས་རྟག་པ་དང་ཆད་པར་ལོག་པར་བསྒྱུར་རོ། ༈ །རྒྱལ་༼ག༽བའི་བཀའ་ལས་ཕྱོགས་རིས་མེད་པ་ལས། །བྱ་བ་བྱེད་པའི་རིགས་པ་ལས་དང་ངོ་བོ་ཆོས་ཉིད་ཀྱིས་ཕྱེ་བས་ཐ་དད་སྣང་བ་ནི། ༈ །གཟུང་ཡུལ་འཛིན་སེམས་རྡུལ་ཕྲ་རབ་དང་སྐད་ཅིག་མ་དོན་དམ་དུ་འདོད། །རྟེན་འབྲེལ་སྒྱུ་མ་ཙམ་དུ་བཟུང་ཡུལ་རང་བཞིན་མེད་པར་རྟོགས་ཀྱང་འཛིན་པ་སྐད་ཅིག་མར་འདོད་པ་ཅན། །བདེན་པ་གཉིས་ནི་ཀུན་རྫོབ་སྣ་ཚོགས་སུ་སྣང་བ་ལ་དོན་དམ་ཅི་ཡང་མི་གནས་པའོ། །ཀུན་རྫོབ་དེ་པད་རྡོ་རྗེའི་རིགས་གསུམ་ཡེ་ཤེས་པ་རྗེ་བོ་དམ་ཚིག་པ་འབངས་ལ་དོན་དམ་མཐའ་བཞི་རྣམ་པར་དག་ཅིང་། །ཡུལ་ཡུལ་ཅན་བྱ་བྱེད་གང་རུང་བསྡུས་པས་རིགས་བཞིར་ཀུན་རྫོབ་གནས་པ་ལ་ཡེ་ཤེས་པ་དཔོན་དམ་ཚིག་པ་གཡོག་དོན་དམ་སྟོང་། །ཡོ་ག་པས་རིགས་ལྔ་གསལ་ན་ཐ་དད་བཟང་ངན་མེད་པས་གྲོགས་པོའི་ཚུལ་དོན་དམ་པར་རྣམ་པར་སྣང་མཛད་ཆེན་པོ། །མ་ཧཱ་སྣང་སྟོང་གཉིས་སུ་མེད་པར་ཟུང་དུ་འཇུག་པ་ལ་བསྙེན་སྒྲུབ་ཡན་ལག་ཅན། །ཨ་ནུ་ཡུལ་དབྱིངས་སེམས་ཡེ་ཤེས་དེ་གཉིས་འདུ་འབྲལ་མེད་པས་བདེ་བ་ཆེན་པོ། ༈ །གནས་ལུགས་ཡིན་མིན་གཅིག་ལ་རང་རང་གི་འདོད་པས་ངེས་པར་གཟུང་བ་བརྒྱད་པོ་དེ། །དཔེར་མུ་སྟེགས་པས་གང་ཟག་གི་བདག་མེད་པ་ལས་བདག་རྟག་པར་བཟུང་བ་བཞིན་ནོ། ༈ །རང་བྱུང་གཉུག་མར་གནས་ཀྱང་གསལ་བྱེད་ཀྱི་རྐྱེན་མེད་པས། །རིག་པའི་རྩལ་ཆེན་པོ་མ་བྱང་བར། །རིགས་དྲུག་༼ཀ ༽དང་མུ་སྟེགས་རྟག་༼ཁ༽ཆད་དང་རྩོལ་བ་༼ག༽ བརྒྱད་པོའི་གཞིའོ། ༈ །གཞི་དེ་རྟོགས་ནས་དེའི་ངང་དུ་འདྲིས་པར་བྱེད་པའི་ཐབས་ལམ་ལ་གྲངས་གཉིས་ཏེ། །དོན་ལམ་རྟོགས་གོམས་དང་དེ་མིང་མཚོན་ཅིང་བརྡ་སྤྲོད་པའི་ཚིག་གི་ལམ་མོ། ༈ །དང་པོ་ལ་ལམ་རང་གི་ངོ་བོ་དང་ཆ་རྐྱེན་ཡན་ལག་ཏེ་གཉིས་སོ། ༈ །ལམ་ཉིད་ལ་ངོ་བོ་ངེས་ཚིག་དཔེ། །ཡོན་ཏན་བྲལ་སྐྱོན་གནས་པའི་ཚད། །ཚུལ་དང་གྲངས་ཀྱིས་བཞི་ཚན་གཉིས་ཡིན་ནོ། ༈ །ལྟ་བ་རྟོགས་ནས་དེའི་ངང་ལ་འདྲིས་ཤིང་གོམས་པར་གང་གནས་པ་དེའི། །ལམ་གྱི་ངོ་བོ་ནི་བྱང་ཆུབ་ཀྱི་སེམས་༼༠༽ ཉིད་ཡིན་ནོ། ༈ །དོན་དེར་༼༠༽རྣལ་འབྱོར་པའི་རྟོགས་གོམས་ཀྱི་བློ་འཇུག་༼༡༽པས། །འོག་ནས་གོང་དུ་བགྲོད་པས་མ་ཡིན་ཀྱང་དེ་༼༡༽ཉིད་ཀྱིས་ལམ་ཞེས་བྱའོ། ༈ །མཚོན་པར་བྱེད་པའི་དཔེ་སྔར་བཤད་པ་བཞིན་དུ་སྤྱིར་ལམ་ལ་ཡང་འཇུག་ལ། །ཁྱད་པར་དུ་ཚུལ་ངན་གྱི་རྩོལ་བ་མེད་པར་རང་གསལ་བ་ནི་མར་མེ་ལ་བཞིན། །ཉེས་པས་མ་གོས་པར་ཐམས་ཅད་དུ་རང་སྣང་བ་ནི་པདྨ་དང་འདྲ། །རྟོགས་པ་རྒྱུན་དུ་གོམས་པས་གནས་པ་ནི་ཆུ་བོའི་རྒྱུན་ལྟར་རོ། །ཚིག་དང་དོན་མཚོན་པ་ལ་གནས་སྐབས་ཀྱིས་དཔེ་དེ་དག་འཇུག་གོ། ༈ །ཡོན་ཏན་གྱི་གྲངས་ཀྱི་མཐའ་བརྗོད་པ་ལས་འདས། ༈ །རང་མཚན་མངོན་སུམ་དུ་རྟོགས་པས་ཆོས་ཉིད་ཤེས་བྱ་རང་འཛིན་པ་ཡུལ་མེད་རང་གསལ་གྱི་ངང་དུ་མུན་གོ་ལས། སྤྱོད་ཡུལ་རང་རིག་ཏུ་ཤར་ཏེ། གཉིས་མེད་པས་ཤེས་བྱ་དག་ནས་ཆོས་སྐུ་མཐོང་ངོ་། །ཞེའོ། །དག །དེའི་ངང་དུ་གོམས་པས་ཉོན་མོངས་པ་དང་བག་ལ་ཉལ་གྱི་སྒྲིབ་པ། །མ་སྤངས་པར་རང་སར་གྲོལ་བ་ཡིན། ༈ །དཔེར་ན་རྒྱ་མཚོ་དྭངས་ན་ཉི་ཟླའི་གཟུགས་བརྙན་འཆར་བ་བཞིན་དུ་འོད་མི་རྟོག་འཛིན་མེད་ཅེས་དྲང་། །ཕ་རོལ་ཕྱིན་དྲུག་ཚད་ལམ་རིམ་བསོད་ཆེན་ཞེས་དྲང་མེད་བཞི། །སྟོང་པ་ཉིད་མཚན་མ་མེད། །སྨོན་པ་མེད། རྣམ་ཐར་སྒོ་གསུམ་སྐྱབས་སུ་འགྲོ་བ་གསུམ་དང་། །འདྲིས་པ་མི་བརྗེད་པས་དྲན་པ་དང་བྱ་བ་ལ་ཤེས་བཞིན་དུ་འཇུག་པ་དང་། མི་དགེ་བའི་གཉེན་པོ་བག་ཡོད་གཏམ། །སྡོམ་པ་འདུལ་སྡོམ་དམ་ཚིག་གསུམ་དང་ཤེས་རབ་གསུམ་ཐོས་བསམ་བསྒོམ་པ། །ལྟ་ཀླེང་ལས། ཕྱོགས་འཛི་ཞི་ཞེས་དྲང་། ལས་བཞི་བསླབ་པའི་མཐའ་བཅུ་དོན་བསྡུས་ལས། དམ་ཚིག་གཞི་རྒྱུད་དགྲོལ་བ་དང་། སྒོ་མོ་བསྡུར་དང་ཕུལ་དབྱུང་དང་། ཐག་གཅད་པ་དང་ཉམས་བླང་དང་། ལ་དོར་སྤྱོད་དང་དབང་རིམ་དང་། མན་ངག་དོན་དང་མདོ་བསྡུས་རྣམས། རྣལ་འབྱོར་བསླབ་པའི་མཐའ་བཅུར་བཤད། །ཅེས་སོ། །དང་། །གཏེར་གཏད་དྲང་ཀློང་དགུ་དང་དེ་དག་རྣམས་ཐབས་ཆེན་པོ་རྟོགས་པའི་ངང་དུ་གནས་པ་གཅིག་གིས་རྫོགས་པའོ། ༈ །ལམ་མེད་པའི་སྐྱོན་ཀྱང་གོང་གི་ཡོན་ཏན་དེ་ལས་བཟློག་པ་མཚུངས་ཏེ། །མ་རིག་འདམ་གྱི་ཕུང་པོ་ཞེས་གཞི་ཉིད་སྐབས་སུ་བསྟན་པའོ། ༈ །ཆོས་ཉིད་རང་གི་མཚན་ཉིད་མངོན་སུམ་དུ་ཐེ་ཚོམ་མེད་པར་ངེས་པར་རྟོགས་པའི་ཚད་རང་མཚན་མངོན་སུམ་རང་རིག་ན། ཞེས། དེའི་ངང་ལ་འདྲིས་པའི་ངེས་པར་གདེང་དུ་གྱུར་པའི་ཚད་རྟགས་ན་ཞེས། ནི། །ཡང་སྤྲུལ་དཔའ་བོས་གཏེར་གཏད་དུ་གསུངས་པར་ཤེས་པར་བྱའོ། ༈ །རྒྱལ་བུ་རྒྱལ་སར་འདོན་པའི་ཚུལ་དུ། །རང་ལ་རྫོགས་པའི་ལྷུན་གྲུབ་གསུམ་གྱི་དོན་བསྟན་པས་རྟོགས་ཏེ། དེ་ཡི་ངང་ལ་གོམས་པས་འདྲིས་པར་གནས་པའོ། ༈ །རྣམ་པར་དབྱེ་བ་ལ་ལམ་གཅིག་ཅར་རིམ་གྱིས་པ་གཉིས་ཏེ། ༈ །རིག་པའི་ཤེས་རབ་ཀྱི་རྩལ་ཆེན་པོ་རྫོགས་པའི་བློ་ཡང་རབ་ཏུ་གྱུར་པ་ལ། །རྟོགས་པ་དང་གྲོལ་བ་ཆིག་ཆོད་ཉིད་དུ་རང་སྣང་བསྟན་པས། །རྩོལ་བ་མེད་པ་ནི་ཁྱུང་ཆེན་པོ་ནམ་མཁའ་ལ་ལྡིངས་པ་འདྲའོ། ༈ །རང་རྒྱུད་ཆིག་ཆོད་དུ་མ་སྨིན་པའི་བུས་པ་དབང་པོ་འབྲིང་དང་ཐ་མ་ལ། །ཐབས་ཆེན་བརྒྱུད་པའི་ལུང་ཐེག་པ་བརྒྱད་ཀྱིས་བློ་དང་འཚམ་ཚད་དུ་བསྟན་ནི། །གུ་ལྗོ་བྱིས་པ་རིམ་གྱིས་སྨིན་པར་བྱེད་པའི་ཚུལ་དང་མཐུན་ནོ། ༈ །དོན་ལམ་དེ་ཡི་ཆ་རྐྱེན་གྱི་ཡན་ལག་ལ་གསུམ་སྟེ། །རྟོགས་པར་བྱེད་པའི་ཐབས་དང་གོམས་པར་བྱེད་པའི་ཐབས་དང་། །དེའི་ངང་ལ་གནས་པའི་སའི་བར་ཆོད་བསྲུང་བའོ། ༈ །དང་པོའི་རྟོགས་བྱེད་ཀྱི་ཡན་ལག་ལ་རྣམ་པ་བཞི་སྟེ། །ངང་རང་བཞིན་བདག་ཉིད་ཆེན་པོའི། དབྱིངས་ཡེ་ཤེས་དབྱེར་མེད། བདག་ཉིད་ཆེན་པོ་གཅིག་གི་གཏན་ཚིགས་གསུམ་གྱིས་གཞིགས་ལ་ལྟ་བ་རྟོགས་པ་དང་། །མཚོན་པར་བྱེད་པའི་དཔེ་དང་དོན་གྱི་ཕྱོགས་རེ་མཐུན་པར་སྤྱི་རྣམ་ཙམ་ཤེས། །མན་ངག་རིམ་པར་བརྒྱུད་པས་མངོན་སུམ་པར་བསྟན་ནོ། །དེ་ཡི་ཡིད་ཆེས་པར་བྱེད་པ་ལུང་ལས་ཤེས། ༈ །གཏན་ཚིགས་དང་དཔེ་ཡིས་མཚོན་པ་དང་། །ལུང་དང་དེ་དག་རྩ་བའི་རྒྱུད་ཡེ་ཤེས་གསང་བའི་ལེའུ་གཉིས་པ་དང་གཏེར་གཏད་ལེའུ་གསུམ་༼ཁ༽པར། །ལྔ་༼ཀ ༽པའི་དོན་ལ་དཔའ་༼ག༽ བོས་བཀྲོལ་བས་འདིར་བྲི་མི་དགོས། ༈ །མན་ངག་གི་ཡན་ལག་ལ་རྣམ་པ་གསུམ་སྟེ། །མན་ངག་རིན་ཆེན་༼༡༽བླང་པའི་གཞི་སློབ་དཔོན་དང་དེ་༼༡༽ཡི་གནས་སློབ་མ་དང་། །དོན་ངེས་པར་རྟོགས་པའི་བྱ་བའི་ཐབས་ཚེགས་དང་བྲལ་བའི་མན་ངག་༼༠༽རང་གི་ངོ་བོའོ། ༈ །འདི་༼༠༽ ལ་སློབ་དཔོན་རྣམ་པ་གཉིས་ཏེ། ༈ །མ་ནོར་ངེས་པའི་སློབ་དཔོན་ནི། །རང་གི་སེམས་ཉིད་རང་བླ་མ་རིན་པོ་ཆེ་ཡིན་ཏེ། །དེ་ནི་བྱིན་རླབས་དང་བརྒྱུད་པའི་མན་ངག་ཀུན་གྱི་བདག་ཉིད་ཡིན་པས། །བརྡ་བྲལ་རང་གྲོལ་བའི་མན་ངག་རང་བཞིན་གྱི་བྱིན་གྱི་རླབས་ཀྱིས་སྟོན། ༈ །བརྡ་ཡིས་དེ་དང་འབྲེལ་བའི་དོན་ངེས་པར་སྤྲོད་པའི་སློབ་དཔོན་ནི། །ངེས་པ་ཆུ་བོ་བཞི་ཡི་དོན་ཐུགས་ལ་གནས། །བརྗོད་བྱའི་དོན་དང་འབྲེལ་པའི་རྗོད་བྱེད་བརྡ་ཚིག་དང་ལྡན་པ་ཅན་དེས་རྒྱལ་བའི་རྒྱུད་དག་སྟོན་པའི་ཐབས་ལ་མཁས་ཤིང་། །རྟོགས་གོམས་ཀྱི་གདེང་དང་ལྡན་པར་ངེས་པར་རྟོགས་པའི་དོན་ཉིད་ལ་བློ་གནས་ཤིང་རྟོགས་པའི་ཤེས་རབ་དང་གཞན་ཕན་གྱི་སྙིང་རྗེ་ལ་བློ་གནས་པའོ། ༈ །རིན་ཆེན་མན་ངག་སྦྱིན་པའི་གནས་སློབ་མ་བསྟན་པ་ལ། །མ་ནོར་ངེས་པའི་སློབ་མ་ནི། །རང་གི་སེམས་ཉིད་རང་གིས་རྟོགས་པར་འདོད༼༡༽། །དེ་༼༡༽ཡི་བྱ་བའི་ཐབས་ཀྱི་ཡན་ལག་དབང་ལ་སོགས་པ་ལྔ་ཅན། །མ་ནོར་བའི་སེམས་ཉིད་མ་བཅོས་པར་རྟོགས་གོམས་ཀྱིས་འཛིན་ནུས་ཤིང་། །གཞི་རང་སེམས་གཉུག་མ་ཡུལ་དང་བྲལ་བར་གོ་བར་ནུས་པའོ། ༈ །བརྡ་ཡིས་དོན་སྤྲད་དགོས་པའི་སློབ་མ་ལ་ནི། །རྒྱུད་སྨིན་པ་འབྲས་མིང་དང་མ་སྨིན་པའི་བྱེ་བྲག་གཉིས་ཏེ། ༈ །ཆུ་ཤིང་ལ་སྙིང་པོ་མེད་པས་དེ་ལྟ་བུའི་སློབ་མ་ནི། །གཏིང་ནས་ཆོས་དང་བླ་མ་ལ་དད་པ་དང་འདུན་པ་དང་མོས་གུས་དང་བྲལ་བ་དང་དགྲ་བགེགས་ནད་ལྤོགས་པ། །རྐྱེན་གྱིས་མི་འཇུག་པའི་དབང་མེད་པར་ཆོས་ལ་འཇུག་པའི་ཚུལ་ཅན་དེ་ལ། །སྙིང་པོ་འབྲས་བུ་མེད་པས་སྣོད་ཁས་བུབ་ཡིན་ནོ། ༈ །མེ་ཏོག་དཀར་པོ་ལ་རྩ་བ་དང་དྲི་ཞན་པ་དེ་ལ་ལྟ་བུའི་སློབ་མ་ནི། །དད་པ་དང་ལྡན་ཀྱང་ནན་ཏན་༼ཀ༽ དང་བརྩོན་༼ཁ༽འགྲུས་དང་བྲལ་བས། །དད་པ་ཡལ་བར་འགྱུར་ཏེ་རྩ་བ་༼ཀ༽དང་དྲི་ཞན་པ་ནི་སྣོད་ཞབས་རྡོལ། ༈ །ཙནྡན་དྲི་བཟང་བ་དེ་ལྟ་བུ་སློབ་མའི་དད་པ་དང་བརྩོན་འགྲུས་ཅན། །བརྩེ་གདུང་དམ་ཚིག་དང་བྲལ་བས་སྣོད་གཞོག་རལ་ཡིན། ༈ །ག་པུར་སྨན་དུག་ཏུ་མ་ངེས་པ་ལྟ་བུ་བློ་ཕྱོགས་གཅིག་ཏུ་མ་ངེས་པ་སྟེ། །གཞན་གྱི་རྐྱེན་དང་གང་འཕྲད་ཀྱི་ཕྱོགས་སུ་འདྲེས་པས། །ཤེས་རབ་ཀྱིས་བྱེ་བྲག་མ་ཕྱེད་པ་ནི་སྣོད་དུག་ཅན་ཡིན་ནོ། ༈ །སྣོད་སྐྱོན་དེ་དག་དང་མ་བྲལ་བའི་གང་ཟག་འགའ་འགས་ཀྱང་རང་དང་གཞན་གྱི་དོན་དུ། །འབྲས་བུ་སྨིན་པར་ནུས་པ་ནི་དཀའ་བར་གནས་སོ། ༈ །སྨིན་པའི་སློབ་མ་རིན་ཆེན་ནི་སེམས་ཀྱི་རང་བཞིན་གྱིས། །རིགས་ཀྱི་དབྱེ་བ་རྒྱུད་ཤེས་རབ་ཀྱི་དབང་པོ་རྣོན་པོས་སྔར་མ་སྦྱངས་པར་ཆིག་ཆོད་རྟོགས་ནུས་པའམ་དམ། །སྔར་སྦྱངས་པའི་ལས་འཕྲོ་ཅན་གཉིས་གང་ཡང་རུང་སྟེ། །དད་༼༠༽ པ་དང་བརྩོན་༼༤༽འགྲུས་དང་བརྩེ་༼༦༽གདུང་དང་ཡོན་ཏན་ནོ། །གསུམ་ལྡན་པས། །གཞི་༼༠༽བརྟན་པ་ནི་གྲོགས་བཟང་སྟེ་དམ་ཚིག་དང་ལྡན་ཏེ། །རྩ་༼༠༽བཟང་རྩིར་ལྡན་འབྲས་བུར་རྫོགས། །དོན་རྟོགས་བྱེད་ལས་ཤིང་བླ་མའི་མན་ངག་ལེན་པ་དང་། །བདག་དང་གཞན་གྱི་དོན་རྫོགས་པར་བྱེད་པ་ཡིན། །དྲི་དང་ནུས་པས་ངེས་པར་སྨིན་པའོ། ༈ །དོན་ངེས་པའི་ཐབས་མན་ངག་གི་དོན་བསྟན་པ་དང་ནི་གང་ཞེ་ན། ངོ་བོ་དང་ངེས་ཚིག་དང་ལྡང་བའི་ཚད་དང་། །རྩོམ་པའི་༼༡༽ཚད་དང་དེ་ཡི་རྒྱུ་༼༡༽དང་། །དཔེ་དང་ཡོན་ཏན་དང་བྲལ་བའི་སྐྱོན་དང་རྣམ་གྲངས། །བཞི་ཚན་གཉིས་གཅིག་གིས་བཟློག་སྟེ་བསྟན་པ་ནི། ༈ །མངོན་པར་རྟོགས་༼༠༽བྱེད་དང་དེ་ཁོ་ན་ཉིད་སྟོན་པའི་མན་ངག་གོ། ༈ །སྔ་༼༠༽བ་ཐེག་པ་བྱེ་བྲག་རང་ས་སྟོན་པ་སྤྱིའི་༼༡༽གྲུབ་མཐའ་སྟོན་པ། །རྒྱུད་ཀྱི་དོན་འགྲེལ་ཊཱིཀ྄་སྤྱི་༼༡༽དང་བྱེ་བྲག་༼༡༽ ཁ་ཡར་༼༡༡༡༡༽ལ། །འཇུག་པ་ཐ་དད་པ་ནི་མངོན་པར་རྟོགས་བྱེད་ཀྱི་ཡན་ལག་ཡིན། ༈ །དེ་ཁོ་ན་ཉིད་སྟོན་པའི་མན་ངག་གི་ཀློང་དགུ་ལས། །གཏེར་གཏད་ཆུ་རྒྱུན་སྤྱི་༼༡༽དང་བྱེ་༼༡༽བྲག་གཞུང་རེ་རེར་༼༡༽བསྡུས་རྒྱས་༼༡༽སོ། ༈ །མན་ངག་དང་བྲལ་ན་ཆོས་ཉིད་རང་རིག་པའི་མངོན་སུམ་དུ་རྟོགས་པར་དཀའ་ལ། །ཆོས་ཉིད་བློའི་ཡུལ་དུ་བྱེད་པ་ནི་ངོ་བོའི་སྤྲོས་པ་ཡིན་པས་དོན་སྤྱིའི་རྣམ་པ་ཙམ་མོ། ༈ །ཡོན་ཏན་ནི་སྐྱོན་དེ་ལས་བཟློག་པ་སྟེ་དཀའ་བ་སྤྱོད་པའི་ཚེགས་དང་བྲལ་བས། །དགོས་པའི་དོན་ཆེན་པོ་གཞན་གྱིས་དཔག་པར་དཀའ་བའི་རང་སྣང་མངོན་སུམ་དུ་རྟོགས་པ་ནི། ༈ །དཔེར་ན་གསེར་འགྱུར་གྱི་རྩི་ཡིས་མ་ཀི་ཏ་ཡི་སྣུམ་བསྐུས་པ་ལས། །ཟངས་༼༡༽ ལྕགས་གསེར་དུ་འགྱུར་བ་དང་དུག་སྨན་དུ་བསྒྱུར་བ་དང་གྱོང་པོ་བཀོལ་བར་བདེ་བ་དང་། ༈ །མན་ངག་རྩོམ་པའི་རྒྱུ་ནི་རྩ་ནུས་པའི་ཤེས་རབ་དང་གཞན་ཕན་སྙིང་རྗེ་འཛོམ་པ་སྟེ། །རྒྱལ་བའི་ལུང་དང་བླ་མའི་མན་ངག་ཐོབ་པས་འབྲས་བུ་བརྩམ་པ་འགྲུབ། ༈ །གནས་ལུགས་རང་གི་མཚན་ཉིད་མངོན་སུམ་དུ་རྟོགས་པ་ནི་རྩོམ་པའི་ཚད་རབ། །ཡི་དམ་༼༡༽མཁའ་འགྲོ་༼༡༽བླ་མ་༼༡༽ ལ༼༡༡༡༽། །ལུང་བསྟན་རྩོམས་ཤིག་པར་ཐོབ་པ་ནི་འབྲིང་པོ་ཡིན། ༈ །རང་རང་གི་གྲུབ་མཐའ་ལ་ཟློ་བ་དང་གཞན་གྱི་གྲུབ་མཐའ་ཤན་འབྱེད་པའི་བཀའ་ལུང་གི་ཚིག་ལ་མཁས་ཤིང་། །ཐེག་པའི་བྱེ་བྲག་ཕྱེད་པ་ནི་ཐ་མ་ཡིན་ནོ། །ཡི་གེ་ཨའི་སྒྲ་དང་ཆ་ལས་བཏགས་པ་ཨ་ལཱི་ཀ་ལཱི་རྣམས་འདུས་པ་ལས་ངོ་བོ་མཚོན་པའི་མིང་འགྲུབ་ལ། །དེ་འདུས་པ་ལས་ཁྱད་པར་མཚོན་པའི་ཚིག་དེ་འདུས་པ་ལས་དོན་ལ་འཇུག་ལྡོག་སྟོན་པའི་ངག་དེ་ལས་དགོས་པའི་དོན་རྫོགས་པའི་མན་ངག་འགྲུབ་བོ། ༈ །གྲོན་ཚེགས་དང་བྲལ་བའི་ཐབས་ཆེན་པོ་དག་གྱིས། །བརྟགས་པའི་གཞན་གྱིས་དཔག་པར་དཀའ་བའི་དོན་ཆེན་པོ་གནས་ལུགས་རྟོགས་ཤིང་། །ཐུགས་ལས་བརྒྱུད་པས་མན་ངག་ཡིན་ནོ། ༈ །རྒྱལ་བ་༼༡༽རིག་འཛིན་༼༡༽གང་ཟག་༼༡༽༼༠༽ ༼༡༽རྣམས། དགོངས་༼༡༽པ་རིག་༼༡༽པ་སྙན་༼༡༽ཁུང་དུ་བརྒྱུད། །རང་སེམས་ཉིད་རང་རིག་པའི་མངོན་སུམ་དུ་རྟོགས་པའོ་མོ། ༈ །མན་ངག་གི་ངོ་བོ་དེ་ཡང་ཀློང་དགུ་རང་སྣང་གཅིག་གི་ཡུལ་ཏེ། །དབང་གི་ཀློང་དང་དཀྱིལ་འཁོར་གྱི་དང་དམ་ཚིག་དང་། །ཕྲིན་ལས་ཀྱི་དང་རྟོགས་ཚད་དང་གོམས་བྱེད་དང་སྤྱོད་པའི་དང་། །ས་དང་ལམ་གྱི་ཀློང་བརྒྱད་པོ་ལམ་གྱི་སྐབས་འདིར་ལུས་རྣམ་པར་བཞག་གོ། ༈ །འོག་མ་ལྟར་ཕྱི་ནང་གསང་བ་ལ་སོགས་པའི་རིམ་པས་༼ཁ༽བསྐུར་བས་ཐོབ་པ་མིན་ཀྱང་འདིར་རིག་པའི་རྩལ་གྱིས་ཐོབ་པའོ། ༈ །རང་གི་སེམས་རྣམ་པར་རྟོག་པ་དང་བཅས་པའི་ཕྱིར་ཤོར་བ་ནི། །རྩོལ་མེད་ཀྱི་བདེ་བ་ཆེན་པོའི་དགོངས་པ་ཡུལ་མེད་རང་གསལ་དུ། །དབང་དུ་འདུས་པའི་ཕྱིར་ན་དབང་གི་མིང་དོན་ངེས་པའི་ཚིག་ཏུའོ། ༈ །སྡུག་བསྔལ་སྣ་ཚོགས་ཀྱིས་ཉེན་པ་ལས་གྲོལ་ཏེ་བདེ་བར་གནས་པ་ནི། །དབང་གི་དགོས་ཆེད་དང་ཡོན་ཏན་གཉིས་མདོར་བསྡུས་པ་ཡིན་ནོ། ༈ །མངོན་སུམ་དུ་སྣང་བ་ཉིད་ཀྱི་ཡེ་ཤེས་ལ། །སངས་རྒྱས་དང་སེམས་ཅན་ལ་ཁྱད་མེད་ཀྱང་། །རང་དབང་རང་གི་སེམས་ལ་མི་གནས་པ། །བདེ་བ་ཆེན་པོ་རང་རིག་པའི་མངོན་སུམ་དུ་སྤྱོད་མི་ནུས་པའོ། ༈ །རང་གཞན་གཉིས་ཀས་ངོ་མ་ཤེས་ཏེ་བརྡ་དོན་དང་བྲལ་བའི་རྒྱལ་དྭའུ་རུ་འཁྱམས་པ་དེ། །ནོར་བུའི་ས་ནས་རྒྱལ་པོའི་སར་བཏོན་པས། །དཔུང་གི་ཡན་ལག་རྟ་ཤིང་རྟ་གླང་མི་རིང་བཞི་ལ་དབང་བྱེད་པ་བཞིན་ནོ། ༈ །ཆོ་གའི་རིམ་པས་བསྐུར་བས་ཐོབ་པ་དང་རིག་པ་རྩལ་གྱིས་འཐོབ། །གདུལ་བྱ་སོ་སོ་བློ་དང་འཚམ་ཚད་དུ་བསྟན་པས་གྲངས་མེད་དོ། །ཡེ་ནས་གནས་༼༡༽པའི་དབང་ནི་དང་རྒྱལ་ཐབས་སྤྱི་བླུགས་ཀྱི་དབང་༼༡༽ནི། །རྟོགས་པར་བྱ་བའི་དོན་དང་རྟོགས་པར་བྱེད་པའི་ཐབས་སོ། ༈ །རྩོལ་བས་བསྐུར་དུ་མེད་པ་ནི་སྲོག་དང་ལྡན་ཏེ་རང་ལ་རྫོགས་པའི། །གདེང་ཆེན་པོ་དང་ལྡན་པ་དེས་ན་རྩོལ་བ་མེད་པའོ། ༈ །དབང་བསྐུར་ལས་ཀྱི་རིམ་པ་ཡིས་དེ་ཉིད་བསྐུར་བའི་ཐབས་བསྟན་པ། །ཡང་སྤྲུལ་དཔའ་བོ་ཉིད་ཀྱིས་དབང་ཀློང་ལས། དང་པོའི་ཡན་ལག་བསྟན་བྱ་བ། །གནས་དང་ད་ལ་སློབ་དཔོན་དང་། །སློབ་མ་དག་དང་འཇུག་རིམ་དང་། །དུས་དང་འཇུག་པའི་ཡོན་ཏན་ནོ། །གསུངས། ༈ །ངོ་བོ་༼ཀ༽དང་ངེས་ཚིག་དང་དགོས་ཆེད་དང་། །ཡོན་ཏན་དང་སྐྱོན་དང་མཚོན་པའི་དཔེ་དང་། །རྣམ་གྲངས་དང་གདེང་སྲོག་དང་བསྐུར་བའི་ཐབས་དང་། །བཞི་ཚན་གཉིས་དང་གཅིག་སྟེ་དགུ་ཡིས་རྫོགས་པའོ། །༼ག༽ དཀྱིལ་འཁོར་གྱི་དབྱེ་བ་དང་གདེང་སྲོག་དང་། །ངེས་ཚིག་གོ ༈ །རྣམ་པ་གཉིས་གྲངས་ཀྱིས་བསྟན་པ་ནི། །མིང་འགྲོ་འདུལ་རྡོ་རྗེ་དབྱིངས་ཀྱི་དཀྱིལ་འཁོར་ཉིད་དང་། །རང་བཞིན་རྣམ་དག་ཕྱག་རྒྱ་ཆེན་པོའི་དཀྱིལ་འཁོར་རོ། ༈ །སྔ་མ་ལ་ཕྱི་གཟུགས་བརྙན་ནང་རྩ་གནས་བཞི་གསང་བ་པདྨ་སྟེ། །བཅོས་མའི་དབང་བསྐུར་རྣམས་གཞི་དེ་ལ་བརྟེན་ནས་འཇུག་པའི་སའོ། ༈ །རང་བཞིན་རྣམ་དག་ནི་རང་རིག་པ་ཉིད་གོང་གི་དཀྱིལ་འཁོར་དེ་དག་ཀུན་གྱི་རང་བཞིན་ནོ། །ཡུལ་དྲུག་དང་དབང་པོ་དྲུག་པོ་བདེ་བ་ཆེན་པོའི་དལ་དྲུག་ཏུ་རྣམ་པར་དག་པས། །ཡུལ་དབང་རང་ག་མའི་མཚན་མ་འཇིལ་བའི་ལྷ་ཡབ་ཡུམ་གྱི་སྐུ་མི་གནས་ཏེ། །དུས་གདོད་མ་ནས་དོན་མཆོག་རྡོ་རྗེ་འཛིན་པའོ། །འཁོར་མཐའ་ན་གནས་པ་དང་གཙོ་བོ་དབུས་ན་གནས་པ་དང་བྲལ་བའི་སྲོག་ལ་གནས། །འཁོར་འདས་ཐམས་ཅད་མཉམ་པ་ཉིད་དུ་རིག་པ་ནི་གདེང་ཆེན་ནོ། ༈ །སྙིང་པོ་དོན་གྱི་རང་བཞིན་ལེན་པའི་ཕྱིར་དཀྱིལ་འཁོར་ཏེ། །རྣམ་རྟོག་གཅོད་ཅིང་རྟོགས་གོམས་རྒྱུན་མི་འཆད་པའི་ཕྱིར་འཁོར་ལོའོ། །གཙོ་བོའི་དབུས་སུ་བཀོད་ཅིང་འཁོར་གྱིས་མཐའ་ནས་བསྐོར་བ་ནི་གདུལ་བྱ་དྲང་བའི་ཐབས་སུ་བསྟན་ལ། །འདིར་ཐུན་མོང་མ་ཡིན་ཀྱང་ཐུན་མོང་བ་ཀུན་གྱི་བདག་ཉིད་ཡིན་ནོ། ༈ །དམ་ཚིག་གི་དབྱེ་བ་དང་གདེང་སྲོག་དང་། །ངེས་ཚིག་དང་སྐྱོན་དང་ཡོན་ཏན་དང་སྲུང་བའི་ཐབས་སོ། ༈ །རྣམ་པ་དབྱེ་བ་ལ་གཉིས་ནི་རྟོགས་གོམས་ཀྱི་གདེང་དང་ལྡན་པས་ལྷག་སྤྱོད་དུ། །འོག་མའི་འདུལ་སྡོམ་དམ་ཚིག་རྣམས་གྲངས་ཀྱིས་བཏབ་སྟེ་འདིར་བསྲུང་བ་དང་། །གྲངས་སུ་བཏབ་ནས་སྲུང་བའི་རྩོལ་བ་དང་བྲལ་རང་རིག་རྟོགས་པའི་དམ་ཚིག་གོ། །སྲུང་བའི་དམ་ཚིག་གི་ཀློང་དུ་དཔའ་བོ་དགའ་རབ་ཀྱིས་བཤད། ༈ །རྩོལ་བས་བསྲུང་དུ་མེད་པ་ནི་དམ་ཚིག་གི་སྲོག་ལ། །བསྲུང་དུ་མེད་པ་ལྷུན་གནས་ཀྱི་ངང་ལ་གནས་པ་ན། །ཉམས་ཀྱིས་དོགས་པ་ཀ་ནས་དག་སྟེ་མི་འབྱུང་བ་ནི་དམ་ཚིག་གི་གདེང་ཡིན་ནོ། ༈ །གནས་ལུགས་བྱང་ཆུབ་ཀྱི་སེམས་ཉིད་སྐྱོན་ཐམས་ཅད་ལས་གྲོལ་བ་དམ་པའི་དོན་དེ། །དེའི་ངང་ལ་གནས་༼༡༽པའི་ངང་མི་གནས་༼༡༽པའི་ཁྱད་༼༡༡༽པར་ལས། །རྣམ་༼༡༽པར་རྟོག་དང་རང་༼༡༽རྒྱུད་སྲེག་༼༡༡༽པའི་ཕྱིར་ན། །དམ་ཚིག་ཅེས་སུ་ཡང་སྤྲུལ་དཔའ་བོས་གསུངས། ༈ །དམ་ཚིག་ལ་མི་གནས་པའི་རྡོ་རྗེ་སྔགས་པ་ནི། །བཀའ་དང་རྒྱུད་ཀྱི་ཚིག་དོན་ལ་མཁས་ཀྱང་རྡོ་རྗེ་དམྱལ་བར་ལྟུང་། །མཁས་པས་ལྷུངས་པ་དེ་ལས་མི་སྐྱོབ་པར་དཔའ་བོས་བཤད་དོ། །སྐྱོན་དེ་ལས་བཟློག་པ་ནི་ཡོན་ཏན་ཉིད་དུ་འགྱུར་བ་སྟེ། །དམ་ཚིག་ནི་དགོས་འདོད་འབྱུང་བས་ཡིད་སྦྱིན་གྱི་ནོར་བུ་རིན་པོ་ཆེ་དང་། །འཁོར་བའི་རྒྱ་མཚོ་ལ་ཕ་རོལ་ཏུ་སྒྲོལ་བའི་གྲུ་དང་འདྲ། །དུཿཁའི་མཚོན་ལས་སྐྱོབ་པ་རྡོ་རྗེའི་གོ །མ་རིག་པའི་མུན་པ་སེལ་བས་ཉི་མ་ལྟ་བུར་བཤད། ༈ །སྲུང་ཐབས་ལྷག་སྤྱོད་གྲངས་བཏབ་ནི་ཐེག་པ་འོག་མ་ནས་བཤད་པ་བཞིན་དུ་བསྲུང་ཏེ། །རྩོལ་བྲལ་གྱི་ནམ་མཁའ་ལྟ་བུའི་རྣལ་འབྱོར་པས་ནི། །ལྟ་བ་རྟོགས་པའི་སོ་ལས་གཞག་ཐབས་གསུམ་གྱིས་མི་འདའ་བར་བསྲུང་སྟེ། །རང་རིག་པའི་དོན་ལ་འདའ་བ་མེད་པ་ནི་དམ་ཚིག་སྲུང་བའི་མཆོག་སྟེ། །ཕྱོགས་དང་གྲངས་དང་བྲལ་བས་མེད་པ་འཛིན་པ་དང་བྲལ་བས་ཕྱལ་བ་དབྱེར་མེད་པས་གཅིག་པུ་དང་། །རྩོལ་བ་མེད་པས་ལྷུན་གྱིས་གྲུབ་པའི་དམ་ཚིག་དང་བཞིའི་ངང་ལ་གནས་པའོ། ༈ །ཕྲིན་ལས་ཀྱི་ངོ་བོ་དང་ངེས་ཚིག་དང་། །དབྱེ་བ་དང་གདེང་སྲོག་དང་བྱ་ཐབས་དང་འབྲས་བུའོ། ༈ །ངོ་བོ་ནི་ཡེ་ཤེས་རྣམ་པ་ལྔ་པོ་ཉིད་ཀྱི་རོལ་པ། །འགག་པ་མེད་པ་གདུལ་བྱའི་དོན་གྲུབ་མཛད་པའོ། ༈ །གསུང་དུ་བརྗོད་ཅིང་དོན་ལ་བསྔགས་པ་བརྗོད་པས་གདུལ་བྱའི་དོན་རྫོགས་པའི་ཕྲིན། །སྤྱོད་ཅིང་དང་དུ་ལེན་ཕྱིར་ལས་ཞེས་བྱ་འོ། ༈ །འགྲོ་འདུལ་ཐུགས་རྗེའི་ཕྲིན་ལས་ནི། རྟོགས་གོམས་ཀྱི་གདེང་ཆེན་པོ་དང་ལྡན་པས་ཕྲིན་ལས་ཞི་རྒྱས་དབང་དྲག་བཞི་བརྩམ་པ་ནི། །ཐེག་པ་རང་རང་གི་གཞུང་གདུལ་བྱའི་དོན་དུ་ཀུན་སྒྲུབ་པའོ། ༈ །རང་བཞིན་ལྷུན་གྲུབ་ཀྱི་ཕྲིན་ལས་ནི། །ཡེ་ཤེས་རང་སྣང་དུ་རྟོགས་པའི་ངང་ལ་གནས་པས། །ཕྱི་གཟུང་བ་དང་ནང་འཛིན་པའི་རྣམ་པར་རྟོག་པ་ཐམས་ཅད་རང་གི་ངང་གིས་ཞི། །ཡེ་ཤེས་མཐའ་དང་དབུས་མེད་པར་ཁྱབ་པས་རྒྱས། །འཁོར་འདས་ཐམས་ཅད་བྱང་ཆུབ་སེམས་ཀྱི་ངང་དུ་དབང་དུ་འདུས་པས་དབང་། །ཕྱི་ནང་གི་རྣམ་པར་རྟོག་པ་ཚར་བཅད་ཅིང་བསྒྲལ་བས་དྲག་པོའི་ཕྲིན་ལས་དང་བཞི་རང་བཞིན་ཡེ་ནས་མ་བཅོས་པའོ། ༈ །བྱ་བཙལ་གྱི་རྩོལ་སྒྲུབ་མེད་པ་སྲོག་གི་གནས་ལ། །ལས་བཞི་ཡེ་ནས་ལྷུན་གྱིས་གྲུབ་པའི་གདེང་ཆེན་པོ་དང་ལྡན་ནོ། ༈ །ཨ་ཏིའི་དོན་འདིར་རྟོགས་པའི་གདེང་རྙེད་པའི་རྣལ་འབྱོར་བས། །སྲེག་པ་མེ་དང་གདབ་པ་མཆོད་རྟེན་དང་ལུ་གུ་རྒྱུད་བྲོའི་ལས་གང་བྱེད་ཀྱང་། །དྭང་བ། ཁྱབ་པ། ཆགས་པ། ཁྲོས་པའི་ཏིང་འཛིན་དང་། ཤཱིནྟཾ༴པུཥྚིཾ༴ཝཤཾཀུ་རུ་ཨ་བྷི་ཙ་ར་མཱ་ར་ཡ་སྔགས་དང་འདུག་སྟངས་དང་བཅའ་བའི་ཕྱག་རྒྱས་ལས་བཞི་སོ་སོར་མཐུན་པར་སྦྱར་ནས། །འགྲོ་འདུལ་ཐུགས་རྗེ་བྱ་བའམ་ཡང་ན་རང་བཞིན་ལྷུན་གྲུབ་རྩོལ་བས་མི་བྱ་བར། །ཐབས་ཆེན་པོ་གཅིག་གིས་གདུལ་བྱའི་དོན་རྫོགས་པར་བྱའོ། ༈ །བདག་དང་གཞན་གྱི་རྒྱུད་ལ་བསྒྲུབ་བྱའི་དོན་དགྲ་ཞི། ཡེ་ཤེས་རྒྱས། མི་མཐུན་ཕྱོགས་འདུས། བར་ཆོད་བྲལ་བས། བཞི་འགྲུབ་པ་ནི། །ཕྲིན་ལས་ཀྱི་འབྲས་བུ་མཐར་ཕྱིན་པའོ། ༈ །དལ། དམ། ལས་དེ་དག་དང་ལྡན་པས་དབང་བསྐུར་བས། །དབང་ཐོབ་པའི་ཚད་ནི་འཁོར་འདས་ཐམས་ཅད་རང་དབང་དུ་འདུས་ནས་བརྡ་བྲལ་སྟོང་ཉིད་རང་གྲོལ་ཤར་བའི་ནི་ལྟ་བ་ཡིན་སྟེ། ༈ །དེའི་ངོ་བོ་དང་ངེས་ཚིག་དང་མཚན་ཉིད་དང་། །དབྱེ་བ་དང་གདེང་སྲོག་དང་ཉམས་ཀྱིས་མདོར་བསྟན་ནོ། ༈ །ཐོས་བསམ་སྒོམ་པ་རྣམ་པ་གསུམ་གྱི་ཤེས་རབ་ཀྱིས་ཡུལ་མེད་རང་གསལ་དུ་རྟོགས་བས། །འཁོར་འདས་ཐམས་ཅད་མཉམ་པ་ཉིད་དུ་རིག་པའོ། ༈ །བལྟ་བར་བྱ་བའི་ཡུལ་དང་བྱེད་པའི་ཡུལ་ཅན་གཉིས་དང་བྲལ་ནས། །ཡུལ་མེད་རང་གསལ་གྱི་ངང་དུ་ཆོས་ཀུན་མཐོང་བའི་ཕྱིར་ལྟ་བ་ཞེས་བྱ་བར་འགྱུར་རོ། ༈ །ཕྱོགས་སུ་མཚོན་པས་འདི་འདྲ་བ་ཡིན་ཅེས་པ་རང་སར་གྲོལ་ནས། །རང་རིག་པ་མཁྱེན་པའི་ཉི་མ་ཀུན་ཏུ་ཁྱབ་ལ་མ་འདྲེས་པར། །རང་སྣང་བ་ནི་ཀུན་ཏུ་བཟང་པོའི་ཐུགས་ཉིད་དོ། ༈ །བརྡར་བཏགས་པའི་ཚིག་ཙམ་ལ་རབ་ཏུ་བརྟེན་ནས་དེ་མ་ཡིན་ལས་ལོག་པའི། །ལྡོག་པ་དང་བཅས་པའི་ལྟ་བ་ནི། ༈ །རིགས་དྲུག་དངོས་པོ་རང་ཀ་མ་རྟག་པ་ཐེར་མུ་སྟེགས་ཟུག་ཆད་ལྟ་སྔ་ཕྱིའི་མུ་ཆད་པ་དང་། ༈ །གཟུང་ཉན་བ་རྡུལ་འཛིན་པ་སྐད་ཅིག་མ་རྟེན་རང་འབྲེལ་དུ་རྟོགས་ལ་འཛིན་པ་སྐད་ཅིག་མ་སྟེ་ཆོས་ཙམ་དུ་ལྟ་བ་དང་། །སྣང་བ་ཀུན་རྫོབ་དང་མི་སྣང་བ་དོན་དམ་བདེན་པ་གཉིས་དབུ་མ་པ་སུ་ལྟ་བ་དང་། །ཀུན་རྫོབ་ལྷ་རིགས་གསུམ་བཞི་ལྔ་ཡི་དཀྱིལ་ཕྱི་པ་འཁོར་དང་དོན་དམ་པར་སྟོང་པར་ལྟ་བ་དང་། །ཐབས་༼༡༽འགག་མེད་དང་ཤེས་༼༡༽མ་ཧཱ་རབ་༼༡༽རང་བཞིན་མེད་པ་གཉིས་བདེ་༼༡༽བ་དང་སྟོང་༼༡༽པ་དབྱེར་མེད་དུ་ལྟ་བ་དང་། །ཡུལ་ཆོས་ཀྱི་དབྱིངས་དང་སེམས་ཨ་ནུ་རིག་པའི་ཡེ་ཤེས་འདུ་འབྲལ་མེད་དང་སྲས་བདེ་བ་ཆེན་པོར་ལྟ་བ་སྟེ་དེ་དག་བསྟན་པའི་དགོས་པ་ནི་འདི་ཉིད་ཀྱི་དོན་ལ་རིམ་གྱིས་དྲངས་བའོ། ༈ །གོ་བྱེད་ཀྱི་བརྡ་དང་བྲལ་བའི་བྱང་ཆུབ་ཀྱི་སེམས་སུ་རང་གྲོལ་བར་རྒྱས་བཏབ་པས། །རེ་ཞིག་དགོས་ཆེད་ཀྱི་དབང་གིས་ལྷུན་གྱིས་གྲུབ་པ་དང་མ་བཅོས་པ་ཅིར་བཏགས་ཀྱང་། །རྣམ་རྟོག་རང་གྲོལ་གདགས་གཞི་ཅན། །ངོ་བོའི་རྗེས་སུ་མིང་ངེས་པའོ། ༈ །རྣམ་རྟོག་དང་ཀུན་རྫོབ་ངན་པར་མི་དགག་ལ། །དོན་དམ་དང་ཡེ་ཤེས་བཟང་བར་བསྒྲུབ་ཏུ་མེད་པས་སྲོག །དབྱེར་མེད་ཉག་གཅིག་གི་དོན་ལ་འཁོར་འདས་གཉིས་སུ་བརྗོད་ཀྱང་། །བཟང་ངན་གྱི་རིས་སུ་མ་གྲུབ་པ་ནི་གདེང་ཆེན་ནོ། ༈ །དེ་ཡང་དང་པོ་རྣལ་མའི་མིང་ལ་མོས་པ་སྐྱེས་པས་ནི་གཡོ་བའི་ཉམས། །ཏུག་ཕྲད་གསུམ་གྱིས་བརྡ་དོན་སྦྲད་པས་ཐོབ་པའི་ཉམས་ཡིན། །མ་ནོར་བར་སྟོན་པའི་རང་གི་སེམས་ཀྱི་སློབ་དཔོན་ལ། །ལྟ་བའི་ལུང་༼༡༽ནོད་དྲན་༼༡༽པ༼༡༽ས་༼༡༽ཐག་༼༡༽གཅད་ནས་དེའི་ངང་དུ་གོམས་༼༡༽པའི་ཉམས། །སོམ་ཉི་ཐེ་ཚོམ་དང་ཡིན་དུ་རེ་བ་དང་མིན་དུ་དོགས་པའི་ཕྱོགས་རིས་དང་བྲལ་བ་ནི། །རྟོགས་པ་མཐར་ཕྱིན་པའི་ཉམས་གྲུབ་པ་ཡིན་ནོ། ༈ །རྟོགས་པར་བྱེད་པའི་ཡན་ལག་གི་ཀློང་བཞི་རྟོགས་པ་རང་དང་། །བཅས་པ་ཉིད་དུ་བསྟན་པའོ། ༈ །གོམས་པར་བྱེད་པའི་ཡན་ལག་གི་ཀློང་གཉིས་གོམས་པ་དེ་ཉིད་རང་དང་བཅས་པ་ནི། ༈ །ངོ་བོ་དང་ངེས་ཚིག་དང་དབྱེ་བ་དང་། །གདེང་སྲོག་དང་གཞག་ཐབས་དང་སྐྱོན་ངོས་གཟུང་བ་དང་དེ་བཅོས་པའི་ཐབས་དང་། །ཉམས་རིམ་བཞིའི་རྟགས་ལ་ཐུན་མོང་གཉིས་དང་། །ཁྱད་པར་གཉིས་སུ་འགྱུར་རོ། ༈ །རང་བཞིན་གྱི་སྣང་བ་རང་རིག་མངོན་སུམ་དུ་རྟོགས་པ་ཡི། །ངང་ལས་མ་ཡེངས་རང་སར་གཞག་འཇོག་མེད་པར་གནས་པའོ། ༈ །བྱང་ཆུབ་ཀྱི་སེམས་ཉིད་ཡེ་ནས་ཀུན་ཁྱབ་ཏུ་གདལ་བའི། །ཀློང་དུ་གོམས་པར་བྱེད་པའི་ཕྱིར་ནི་མིང་གོམས་ཐབས་སུ་ངེས་པའོ། ༈ །ཆོས་ཉིད་རང་གི་མཚན་ཉིད་མངོན་སུམ་དུ་མ་རིག་པའི། །དམིགས་པ་གཏད་པས་དོན་སྤྱི་ཡི་རྣམ་པ་ཙམ་ཡིད་ལ་གསལ་བ་ནི། །བློ་ཡིས་ཡུལ་དུ་སྒོམ་པའི་སྒོམ་པ་ཞེས་བྱ་བ་དང་། །རང་རིག་པས་ཆོས་ཉིད་ཡུལ་མེད་པར་མངོན་སུམ་དུ་རྟོགས་པས། །བློ་མ་གཏད་ཀྱང་དེའི་ངང་ལས་མ་ཡེངས་པར་རང་གསལ་བ་ནི། །བློས་ཡུལ་དུ་མ་བསྒོམས་ཀྱང་ཡེངས་པ་མེད་པའི་དོན་གྱིས་མ་ཡེངས་པ་ལ་བསྒོམ་ཞེས་བྱའོ། །དེ་ལྟར་རྣམ་པ་གཉིས་སུ་དབྱེ་ཏེ་དེ་དག་གི་བྱེ་བྲག་གི་རྣམ་གྲངས་ནི། །བསམ་གྱིས་མི་ཁྱབ་པའི་ལུགས་མང་པོ་ཡོད་དོ། །བློས་བསྒོམ་དུ་མེད་པ་ནི་བསྒོམ་པའི་སྲོག་ལ། །ཆོས་ཐམས་ཅད་དེ་ཁོ་ན་ཉིད་རང་སྣང་བ་ལས་ཡེངས་པ་མེད་པས། །ཡེངས་སུ་མེད་པ་ནི་བསྒོམ་པའི་གདེངས་སྟེ་ཡེངས་པའི་སེལ་མེད་པ་ནི་དཔེར་ན་རིན་ཆེན་གྱི་གླིང་ནས་རྡོའི་སེལ་མེད་པ་བཞིན་ནོ། ༈ །བླ་མ་དྲིན་ཅན་གྱི་གདམས་ངག་གིས་ཆོས་ཉིད་མངོན་སུམ་དུ་ཡུལ་མེད་རང་གསལ་བར་རྟོགས་པའི། །སོ་ལས་མ་ཡེངས་པར་དྲན་པས་ཟུང་ཞིག །མི་མཐུན་པའི་རྣམ་རྟོག་ཅི་སྐྱེས་ཀྱང་དེའི་རང་བཞིན་ཆོས་ཉིད་དུ་ལྷུན་གྲུབ་༼༠༽པས། །སྤོང་བྱེད་ཀྱི་གཉེན་པོས་དེ་མི་འགག་པར་རང་ཏང་དུ་ཞོག་ཅིག །དེས་༼༠༽ན་འབྲས་བུ་ཐོབ་ཏུ་རེ་བ་དང་མ་ཐོབ་ཏུ་དོགས་པའི་སྐྱེས་ལུགས་གསུམ་ཡ་ངན་གྱི་སྐུ་གསུམ་དུ་རྩོལ་སྒྲུབ་དང་བྲལ་བས་རྩོལ་བས་མ་བཙལ་བར་ལྷུག་པར་གནས་པར་བྱའོ། །བྱིང་༼༡༽དང་རྒོད་༼༡༽པའི་༼༡༡༽སྐྱོན་འབྱུང་བ་དེ་དག་གང་ཞེ་ན། ཐོག་མ་མུན་པའི་བག་ཆགས་དང་། བཅུད་ཟས་དྲགས་དང་གནས་གོས་འཐིབས། བད་ཀན་རྒྱས་དང་ངལ་དུབ་དྲགས། ཞེས་པའི་བྱིང་བ་ནད་གཞིའི་དང་རྐྱེན་དེ་དག་འདུས་པས། །རིག་པ་མི་གསལ་བར་མུན་གྱིས་ནོན་པའོ། །གདམས་པ་ཞན་དང་སྦྱངས་པ་ཆུང་བས་རྨུགས་པས་ཤེས་བྱའི་དོན་མི་གསལ་བས་རྒྱ་མ་ཆོད་དེ། །དང་པོའི་ཤེས་པར་བྱ་བའི་གཞི་ལུང་དུ་མ་བསྟན་པས། །ཡིད་བདེ་ཞིང་མི་རྟོག་པའི་རྩལ་ཡིན་ཀྱང་། །རྟོགས་པས་ལུང་དུ་མ་བསྟན་པས་གཞན་གྱི་རྐྱེན་དབང་དུ་འགྱུར་བའོ། །རྒོད་པ་ནི་ཤེས་པ་སྐྱེ་བའི་ལུགས་གསུམ་ཡིན་ཏེ། །སྒོ་ལྔ་ཡུལ་ལ་མཚན་མར་འཛིན་པ་ནི་ཡུལ་གྱི་བདུད་ལ། །ཡིད་སྔ་ཕྱིའི་རྗེས་སུ་སྤྲོས་པ་སྣ་ཚོགས་སུ་གཅོད་པ་ནི། སྤྲོས་པའི་བདུད། །ཉོན་ཡིད་ང་བདག་ཏུ་འཛིན་པ་ནི་ནང་གི་བདུད་ངོ་ཤེས་ཀྱང་དེའི་ངང་ལ་མི་གནས་པ་ནི་གཡེང་བའི་བདུད། །དེ་དག་གིས་དངོས་གྲུབ་རྣལ་མའི་བར་དུ་གཅོད་པས་བདུད་ཅེས་བྱའོ། ༈ །སྐྱོན་དེ་དག་བཅོས་པའི་ཐབས་བསྟན་པ་ནི། །དབང་པོ་རབ་ལ་སྐྱོན་གྱིས་མི་གནོད་ལ་སྐྱོན་འབྱུང་ཡང་མི་སྲིད་པ་ནི། །ངོ་ཤེས་པ་དང་གོམས་པ་དང་སྐྱོན་བཅོས་པ་དང་ཉམས་རྣམས་ཆིག་ཆོད་དུ་འབྱུང་པས། །དཔེར་ན་ཡང་སྤྲུལ་བདག་འདྲ་ངེས་པར་བྱུང་ན་ཆིག་ཆོད་ཡིན། ཞེས་སོ། །དཔའ་བོ་ཉིད་བཞིན་ནོ། །དེ་བས་བློ་ཞན་པ་དབང་པོ་འབྲིང་ངམ་ཐ་མའི་སྐྱོན་བཅོས་ཐབས་ལ། །བྱིང་བ་ལ་གཡོ་འཛིན་རླུང་གིས་གཟེར་བཏབ་སྟེ་གཟེངས་བསྟོད་ལ། མཐུན་༼༡༡༡༽ པའི་གནས་བསིལ་སར་བསྡད་ཟས་༼༡༽བསིལ་རྩུབ་ཡང་བས་ཁམས་བསྙམ་སྤྱོད་༼༡༽ལམ་ཁྲུས་བྱ། སྔ་དྲོ་བཅགས། དགོང་མཉེ། ཕུང་པོ་སྙོམས་པ་དེ་རྣམས་༼༡༡༡༽བསྟེན། །དཔེར་ན་སྒྲོན་མས་རྫས་གཞན་གསལ་བར་བྱས་ལ། །སྒྲོན་མ་ཉིད་ཀྱང་ཉིད་ཀྱིས་གསལ་བར་བྱས་ཀྱང་། །དེའི་རྗེས་སུ་རྟོག་པ་ཅུང་ཟད་མེད་པ་བཞིན་ནོ། ༈ །རྨུགས་པ་དང་རྒོད་པའི་བདུད་སྐྱེ་ལུགས་གསུམ་བཅོས་ཐབས་ནི། །བཞག་ཐབས་རང་ཏང་གོང་དུ་བསྟན་པ་ཉིད་ཡིན་ཏེ། །རང་ཏང་དེ་ཡིས་རྨུགས་རྒོད་དེ་བཅོས་པ་ཡི་བྱ་བ་རྫོགས་སོ། །ཁ་ལ་ཁྱེར་ཏེ་དོན་ལ་མི་གནས་པ་ནི་གཡེང་བའི་བདུད། །མ་ནོར་ངེས་པའི་བླ་མ་ལ་བརྩེ་གདུང་དམ་ཚིག་བྲལ་བ་ཡིན་པས། །དེ་ནི་རྡོ་རྗེ་དམྱལ་བའི་ཁབ་ཏུ་ལྟུང་བས། །རང་སེམས་དཔའ་བོ་རང་གིས་སུན་མི་དབྱུང་། །ཀྱེ་བོད་པ་ཧོ་དགྱེས་པ་རང་ལ་ལེགས་པར་ཆོར་ལ་ཤོད། །གཞན་ལ་དྲི་བའི་དོན་སྨྲ་བའི་ཡུལ་མིན། །སྔར་རང་ནི་རང་ཉིད་བསླུས་པས་ཆོག་གིས། །ད་ཕྱིན་ཆད་ནི་འཇིག་རྟེན་གྱི་བྱ་བ་ཅི་ལའང་མ་གཏོགས་དང་། །དེས་ནི་རང་གཞན་ཀུན་གྱི་དོན་སྒྲུབ་པའོ། ༈ །ཉམས་རིམ་བཞི་ལས་རྟགས་འབྱུང་བའི་ཡན་ལག་རེ་རེ་ལ་ངོ་བོ་དཔེ་རྟགས་འབྲས་བུ་བཞི་བཞི་ནི། །ཡང་སྤྲུལ་དཔའ་བོས་པྲ་ཁྲིད་དུ་གསུངས་པའོ། །གནས་པ་དང་མི་གཡོ་བ་གཉིས་ནི་ཤེས་བྱ་ཐུན་མོང་གི་ཉམས་ལ། །མཉམ་ཉིད་དང་ཡེ་ཤེས་ལྷུན་གྲུབ་གཉིས་ནི་ཁྱད་པར་འདིར་ཉིད་ཀྱི་ཉམས་སུ་ཤེས་པར་བྱའོ། ༈ །ལྟ་སྒོམ་དང་ལྡན་པའི་གྲོགས་སྤྱོད་པ་ལ། །ངོ་བོ་དང་དབྱེ་བ་དང་གདེང་སྲོག་དང་གསུམ་གྱིས་སྟོན་པ་ཡིན། ༈ །ལུས་ངག་ཡིད་ཀྱི་བྱ་བ་ཅི་བྱེད་པ་དག །རྟོགས་གོམས་ཀྱི་སྲོག་དང་ལྡན་པར་དོན་བཞི་གྲུབ་པར་སྤྱད་པའོ། ༈ །བླང་དོར་ཅན་གྱི་སྤྱོད་པ་དང་དེ་ཉིད་དང་བྲལ་བའི་སྤྱོད་པ། །རྣམ་པ་གཉིས་སུ་རྒྱུད་ལས་གསུངས་པ་ཡིན། །བླང་བ་དང་དོར་བ་རང་གི་ངོ་བོས་རྣལ་མའི་དོན་ལ་མི་གནས་པ་ནི། །མ་བཅོས་པས་ནམ་མཁའ་རྡོ་རྗེའི་སྤྱོད་པ་ཡིན་ནོ། །གཞན་དོན་དུ་བླང་དོར་ལྟར་སྣང་ཡང་དོན་གྱིས་མི་གནས་པ་ནི། །འགྲོ་བ་ཅིས་འདུལ་བ་དང་འཚམས་པར་ཐུགས་རྗེའི་སྤྱོད་པའོ། ༈ །མཐུན་པ་བླང་ཞིང་མི་མཐུན་པ་དོར་དུ་མེད་པ་ནི་སྤྱོད་པའི་སྲོག་སྟེ། །དཀར་སྤྱོད་དགེ་བ་དང་ནག་སྤྱོད་མི་དགེ་བ་བྱང་སེམས་ངང་དུ་གནས་པ་ལ་རྣམ་པ་སྒྱུ་མ་དེར་མཉམ་པར་གནས་པས། །དེ་ལྟར་མཉམ་པའི་དོན་རྟོགས་པའི་གདེང་ཆེན་པོ་ཉིད་ལ་ལོངས་སྤྱོད་པའོ། ༈ །རྟོགས་གོམས་ཀྱི་ངང་ལ་གནས་༼༡༽དང་པ་ནི་བློ་འཇུག་པས་༼༠༽ས་༼༡༽ལམ་༼༠༽ སྟེ། །ངོ་བོ་དང་ངེས་ཚིག་དང་དབྱེ་བ་དང་། །གདེང་སྲོག་གོ། ༈ །དེ་ལ་ངོ་བོ་ནི་བྱང་ཆུབ་ཀྱི་སེམས་ཉིད་རྟོགས་པའི། །ངང་ལ་གནས་ཤིང་མཐར་ཕྱིན་པར་འཇུག་པའོ། ༈ །ཡོན་ཏན་ཚོགས་ཀྱི་གཞིར་གནས་ཤིང་རྟེན་བྱེད་པས་ས་ཞེས་གྲགས། །དེ་ལ་བློ་འཇུག་པའི་ཕྱིར་ན་ལམ་ཉིད་དོ། ༈ །ས་སྦྱངས་ཤིང་ལམ་བགྲོད་དུ་ཡོད་པར་འདོད་པས་བསྟི་གནས་ཀྱིས་སྟེ། །དཀར་པོ་རྣམ་པར་མཐོང་བའི་ས། །རིགས་ཀྱི། བརྒྱད་པའི། མཐོང་བའི། བསྲབས་པའི། འདོད་ཆགས་དང་བྲལ་བའི། བྱས་པ་རྟོགས་པའི། དགྲ་བཅོམ་པའི་ས་དང་ཉན་ས་བརྒྱད་ལས་ཉོན་མོངས་པ་ཐོབ་པ་འགོག་པའི་བདེན་པ་ཐོབ་པར་འཇུག་གོ། །ས་བྱང་བཅུ་དང་ཕ་རོལ་ཏུ་ཕྱིན་པ་བཅུར་སྦྱར། །༼ རབ་ཏུ་དགའ་བ།༽ སྦྱིན་༼དྲི་མ་མེད་པ།༽ཚུལ་༼འོད་བྱེད་པ།༽བཟོད་༼འོད་འཕྲོ་བ།༽བརྩོན་༼སྦྱང་དཀའ་བ།༽བསམ་༼མངོན་དུ་གྱུར་པ།༽ཤེས་རབ་༼རིང་དུ་སོང་བ།༽ཐབས་༼མི་གཡོ་བ།༽སྟོབས་༼ལེགས་པའི་བློ་གྲོས།༽སྨོན་ལམ་༼ཆོས་ཀྱི་སྤྲིན་ནོ། །༽ཡེ་ཤེས། དེ་དག་གིས་སྒྲིབ་པ་གཉིས་སྦྱངས་ནས་ཀུན་ཏུ་འོད་ཀྱི་ཡེ་ཤེས་འཆར། །ཀྲི་ཡ་རིགས་གསུམ་རྡོ་རྗེ་འཛིན་པའི་ས་དང་ཡོ་ག་རིགས་ལྔ་སྟུག་པོ་བཀོད་པའི་ས་དང་། །ཨུ་པ་ཡ་རིགས་བཞི་རྡོ་རྗེ་འཆང་བའི་ས་དང་མ་ཧཱའི་མ་ཆགས་པདྨ་སྤྱན་གྱི་ས་དང་། །ཨ་ནུའི་ཡི་གེ་འཁོར་ལོ་ཚོགས་ཆེན་དང་ཀུན་ཏུ་བཟང་པོ་དབྱེ་བ་མེད་པའི་ས་དང་། །དེ་དག་ཐམས་ཅད་ཀྱིས་མི་མཐུན་ཕྱོགས་སྒྲིབ་པ་སྤངས་ནས་ཐོབ་པ་ཡིན་ནོ། ༈ །མཚན་ཉིད་ཐེག་ཆེན་གྱི་ལམ་ལྔ་ལས་ཚོགས་ལམ་དང་སྦྱོར་ལམ་གཉིས་སུ་ཞི་གནས་ལ་གོམས་པས་ལམ་གོང་མ་ལ་སྦྱོར། །ལྷག་མཐོང་གསལ་བའི་ཡེ་ཤེས་ལ་མཐོང་ལམ་དང་སྒོམ་ལམ་དུ་མཐར་ལམ་དུ་སྒོམ་མོ། །ནང་པའི་རིམ་༼༠༽པར་དང་ཅིག་ཅར་༼༠༽བ་གཉིས་ཐབས་༼༠༽ཀྱིས་ངེས་པའི་ལམ་དང་ཤེས་༼༠༽རབ་ཀྱིས་གྲོལ་བའི་ལམ། བསྐྱེད་༼༠༽ པའི་རིམ་པ་དང་རྫོགས་པའི་རིམ་པར་ལམ་བགྲོད་པ་ཡིན། །ཀྲི་ཡ་པའི་ལུས་ངག་གི་ལས་དང་བྱ་བ་གཙོར་བྱེད་པའི་ལམ་དང་བསམ་གཏན་གཙོར་བྱེད་པའི་ལམ་དང་། །ཨུ་པ་ཡ་བྱ་བ་དང་ཏིང་འཛིན་གཉི་གའི་མཐུ་ལས་ཏེ་དེ་དག་ལྟར་དུ་ལམ་བགྲོད་པ་ཡིན་ནོ། ༈ །ཡེ་ནས་རྫོགས་པས་མ་བཅོས་གོང་ན་མེད་པས་བླ་མའི་ཇི་བཞིན་ཉིད་དུ་གནས་པས་ས་འཇུག་པས་ལམ་ནི། །རྟོགས་པས་མ་སྦྱངས་ཤིང་མ་བཅོས་པས་བླ་མའི་སའོ། །འོག་ནས་གོང་དུ་མ་བགྲོད་པར་ཅིག་ཅར་དུ་འཇུག་པ་ཡིས་ལམ་ཡིན། །སྒྲིབ་པ་སྦྱངས་ལ་གོང་དུ་བགྲོད་དུ་མེད་པ་ནི་སའི་ལམ་གྱི་སྲོག །དང་པོ་འཇུག་ཡེ་ཤེས་གསང་བ་ལས། །སྐལ་ལྡན་དང་པོ་འཇུག་པ་ནས། །མཐར་ཕྱིན་པ་ལ་ཁྱད་པར་མེད། །ཅེས་སོ། །དང་མཐར་ཐུག་དོན་གཅིག་སྟེ་ཁྱད་མེད་པས། །ཡེ་ནས་ནོན་པས་ནི་ས་ལམ་གྱི་གདེང་ཡིན་ནོ། ༈ །གོམས་པར་བྱེད་པའི་ཡན་ལག་གི་ཀློང་གཉིས་དང་གོམས་ཐབས་རང་དང་བཅས་པར་བསྟན་པའོ། ༈ །དབང་ཀློང་ལ་སོགས་པ་མིང་ཐ་དད་གིས་༼ཀ༽ཁྱད་༼ག༽ པར་དོན་༼ཁ༽གཅིག་པ་ལ་མི་འདྲ་བའི་དགུ་རུ་བསྟན་༼ང༽པ་ཡིན་གྱིས་དོན་ལ་ཐ་དད་དུ་གནས་པ་ནི་བློས་མི་བརྟག་གོ། ༈ །རྟོགས་པ་དེ་ཡི་ངང་ལ་གོམས་པས་གནས་པ་ལ། །ཕྱི་དགྲ་བགེགས་དང་ནང་སྐྱེ་ལུགས་གསུམ་གྱི་བར་ཆོད་ཀྱི་བདུད་འབྱུང་བ་ནི། །དཔེར་ན་རིན་ཆེན་ལ་སོགས་པའི་ནོར་དང་ལྡན་པ་ལ། །མི་རྒོད་རྐུ་འཕྲོག་ལ་སོགས་རྩོལ་བས་འཇུག་པ་དང་འདྲའོ། ༈ །དེ་ལ་ཐུན་མོང་གི་སྲུང་བ་ནི་བཀའ་བཞིན་གནས་པའི་རྣལ་འབྱོར་པའི་སྐྱབས་སུ་གསང་བདག་གིས་སྔོན་བཞག་པའི། །དམ་ཤོད་གླིང་གི་དུར་ཁྲོད་ན་གནས་པའི་མ་མོ་གསུམ་དམ་ཅན་སྡེ་གསུམ་ལ། །མཐུན་པའི་རྫས་དང་རྟེན་རྣམས་བསོགས་ཏེ་ཕྱི་༼༡༽ནང་༼༢༽གསང་༼༣༽བ་ཡི། །སྲོག་༼༡༢༣༽གི་སྙིང་པོའི་གནས་ནས་དགུག་༼༡༽དབྱིངས་ནས་བསྐུལ་གནད་དུ་གཟིར་༼༣༽བས། །རྣལ་འབྱོར་པ་རང་ཉིད་ཕྱི་༼༡༽དང་ནང་༼༡༽དང་གསང་བ་༼༡༽དང་། །མཐར་ཐུག་༼༡༽དེ་ཁོ་ན་ཉིད་ཀྱི་ལྷ་༼༡༡༡༡༽ཡི་ང་རྒྱལ་བྱའོ། ༈ །བར་ཆད་རང་གི་སེམས་ཉིད་དུ་རྟོགས་པས་ནི་ཐུན་མོང་མིན་པའི་སྲུང་བའི་ཡིན་ཏེ། །དགྲ་མེད་པར་རྟོགས་པ་ལ་ཟོན་ཆས་ཅི་བྱར་ཡོད། ༈ །དེས་ན་ལྟ་བ་རྟོགས་ནས་གོམས་པས་མ་བརྟན་པའི། །དང་པོའི་ལས་ཅན་བསྲུང་བསྐྲད་ཀྱི་རིག་པ་འཁོར་ལོ་དང་བཅས་པས་བསྲུང་ཞིང་གོམས་པ་བསྐྱང་བར་བྱའོ། ༈ །དོན་ལམ་དེ་དག་མཚོན་པར་བྱེད་པ་ནི་ཚིག་གི་ལམ་སྟེ། ༈ །དེའི་དབྱེ་བ་དང་དགོས་ཆེད་དང་ཆེ་བ་དང་། །འབྱུང་བའི་དུས་དང་བྱུང་བའི་ཚུལ་དང་། །དེ་དག་ཇི་ལྟར་བཤད་པའི་ཐབས་སོ། ༈ །སྤྲུལ་སྐུའི་ཐུགས་ལས་ཡང་སྤྲུལ་པ་གསང་བདག་གི་ཐུགས་ཀྱི་སྲས་འཁོར་བའི་གཡུལ་ལས་རྒྱལ་བའི་དཔའ་བོ་ཡིས། ༈ །བརྗོད་བྱའི་དོན་ཀློང་དགུ་ལ་རྗོད་བྱེད་བམ་པོ་ཉི་ཁྲི་ཡོད་པ་ལ། ༈ །སྡེ་ཚན་མི་འདྲ་བས་ཕལ་ཆེ་བར་གསུམ་དུ་ཕྱེ་བ་ནི། ༈ །གོལ་ས་ཤན་འབྱེད་གྱི་ཆོས་སུ་ཕལ་ཆེ་བ་རྣམས་ལ། །བྲམ་ཟེའི་རྒྱུད་དུ་མིང་མཚོན་པའོ། །རང་གཞུང་ལ་བཟླ་བའི་ཆོས་སུ་ཕལ་ཆེ་བ་རྣམས་ལ། །རྒྱལ་པོའི་རྒྱུད་དུ་མིང་མཚོན་པའོ། །འཁྲུལ་པ་རང་གྲོལ་ཅིང་ཆོས་ཉིད་མངོན་སུམ་དུ་སྟོན་པར་བྱེད་པའི་ཚིག །མན་ངག་གི་རྒྱུད་དུ་མཚོན་པ་ཡིན་ནོ། ༈ །བྲམ་ཟེ་རྩ་བའི་རྒྱུད་དྲུག་ཡོད་པ་ལ། །གོལ་༼ཀ༽ བའི་གཞི་དང་གོལ་༼ཁ༽བ་དངོས། །དེ་ངོས་༼ག༽འཛིན་པ་དང་སུན་༼ང༽དབྱུང་བ་དང་རང་༼ཅ༽གཞུང་དང་། །སྤྱི་༼ཆ༽ཡི་རྒྱུད་དུ་བསྟན་པའོ། ༈ །དེ་དག་གི་དཔེ་དེ་༼ཀ༽ ཡང་བཀྲུ་བར་བྱ་བའི་གཞི་གདོང་པ་ལ། །བཀྲུ་བར་བྱ་བའི་རྒྱུ་ནི་དྲི་མ་ཡིན་ལ་ངོས་༼ག༽འཛིན་པ་ནི། །མཁར་སིལ་གྱི་མེ་ལོང་ལ་དེ་འཁྲུད་པར་བྱེད་པ་ནི་བུམ་པའི་ཆུ་ཡིས། །བཀྲུས་པའི་ཡོན་ཏན་རིགས་༼ཅ ༽གཙང་བ་དང་མདངས་༼ཆ༽ ཀྱི་ཁ་དོག་གསལ་བར་བྱེད་པ་དང་འདྲ་བ་ཡིན་ནོ། །ཡན་ལག་གི་རྒྱུད་སྡེ་བཅུ་ཚན་གསུམ་དང་རྩ་དྲུག་སྟེ་ཞེ་གཉིས་པོ་དེ་དག་ཤན་འབྱེད་གྱི་ཆོས་སུ་བྱུང་བ་ཡིན་ནོ། ༈ །རྒྱལ་པོ་རྩ་བའི་རྒྱུད་ལྔ་གསུངས་པ་ལ། །ལ་བཟླ་བའི་ས་༼ཀ༽ནི་དང་ལ་བཟླ་བའི་རྒྱུ་༼ཁ༽ ནི་ལ་ཟློ་བར་བྱེད་༼ག༽ པ་ནི། །ལ་བཟླ་༼ང༽ བའི་ཐབས་ནི་དང་ལ་བཟླས་པའི་༼ཅ༽ཡོན་ཏན་ནི། ༈ །མངའ་༼ཀ༽རུ་བསྡུ་ས་ནི་བསྡུ་༼ཁ༽རྒྱུ་ནི་དང་། །སྡུད་༼ག༽ པར་བྱེད་པ་ནི་བསྡུ་༼ང༽བའི་ཐབས་ནི་མངའ་རུ་བསྡུས་པའི་ཡོན་༼ཅ༽ཏན་དག ༈ །མངའ་༼ཀ༽ རིས་རྣམས་ལ་༼ཁ༽མགོ་ནག་སྟེ་རྒྱལ་༼ག༽ པོ་ཉིད་ཡིན་ལ། །༼ང༽ ཞི་བའམ་དྲག་པོས་མངའ་རུ་སྡུད་ལ་མི་ནོར་ལ་ལོངས་སྤྱོད་པའོ། །༼ཀ༽ གཞི་ལ་དང་༼ཁ༽སྣང་གྲགས་ཀྱི་ཆོས་ཐམས་ཅད་སྟེ་བྱང་༼ག༽ཆུབ་ཀྱི་སེམས་ཡིན་ལ། །རྒྱལ་བའི་༼ང༽ ལུང་རང་གི་རིགས་པ་བླ་མའི་མན་ངག་རང་༼ཅ༽གྲོལ་བས་ལ་ཟློ་ལ། །རྩོལ་མེད་ཀྱི་བདེ་བ་ཆེན་པོར་རང་གསལ་བ་ཡིན་ནོ། ༈ །སངས་རྒྱས་ལ་སྐུ་དང་གསུང་དང་ཡོན་ཏན་དང་ཕྲིན་ལས་དང་ཐུགས་དང་ལྔ། །མངའ་བའི་རྩལ་དུ་རྒྱུད་ལྔ་བྱུང་བ་ཡིན། ༈ །གཅིག་ལ་ཡང་ཡན་ལག་ལྔ་ལྔ་སྟེ་ཉི་ཤུ་རྩ་ལྔ་རེ་རེ་ལ། །ཞིང་དང་སྐུ་དང་ཐུགས་དང་གསུམ་མངའ་བའི་རྩལ་ལས། །སེམས་ཅན་གྱི་ཡུལ་དང་ལུས་དང་ཡིད་དང་གསུམ་བྱུང་བས། །དེ་དག་སྟོན་པར་བྱེད་པའི་ངག་ཏུ་རྒྱུད་གསུམ་གསུམ་དུ་བྱུང་བས། །ཡོན་ཏན་གྱི་ལྡོག་ཆ་ལས་རྒྱུད་སྡེ་བཅུ་ཚན་བདུན་དང་ལྔ་སྟེ། །དེ་དག་དྲིལ་བས་བརྒྱ་དང་རྩ་ལྔ་རུ་ཤར་བ་ཡིན་ནོ། ༈ །མན་ངག་ལ་རྩ་བའི་རྒྱུད་ལྔ་ལ། །གནས་ལུགས་དང་འཁྲུལ་ཚུལ་དང་དེ་བསྟན་པའི་ཐབས་དང་། །གོམས་པར་བྱ་བའི་ཐབས་དང་སྤྱིར་འབྲས་བུ་དང་ལྔ། །གཙོ་ཆེ་བ་རུ་གང་སྟོན་པའི་སྒོ་ནས་རྣམ་པ་ལྔར་ཕྱེ་ལ། ༈ །རེ་རེ་ལ་ཡན་ལག་ལྔ་ལྔ་སྟེ་བཅུ་ཚན་གཉིས་དང་ལྔར་བྱུང་བ་ནི། །རྩ་བ་ལུས་དང་ཡན་ལག་གི་ཚུལ་ཡིན་ནོ། ༈ །ཚིག་ལམ་དེ་ཡི་དགོས་ཆེད་ནི་དོན་གྱི་ལམ་ཉིད། །བརྡ་སྤྲོད་༼༡༽པར་བྱེད་ཡིད་ཆེས་༼༡༽པར་བྱེད་མཚོན་པར་བྱེད་༼༡༽པ་༼༡༡༡༽ཡིན་ནོ། ༈ །ཆེ་བ་ནི་ཞེན་༼༡༽དྲུག་ལོག་༼༡༽གསུམ་རྩོལ་༼༡༽བ་༼༡༡༡༽བརྒྱད་ལས༼༠༽། །ཁྱད་པར་དུ་འཕགས་པར་བསྟན་པ་ཡིན་སྟེ། །སྡུག་༼༠༽བསྔལ་དང་རྩོལ་བའི་ནད་ལས་བཀྲོལ་བས། །ཆེ་བ་ལྔ་མདོ་བཅུ་ལས། ལྔ་གསུམ་གཅིག་གིས་འཕགས་པ་ཡིན། །དེ་ཡང་གང་དང་གང་ཞེ་ན། །ཁྱད་པར་འཕགས་པའི་མདོ་དག་ལ། །ཁྱད་པར་འཕགས་པའི་ཆེ་ལྔས་འཕགས། །གསུམ་འཕགས་ཕུན་སུམ་ཚོགས་མདོ་ལས། །ཕུན་སུམ་ཚོགས་པ་གསུམ་གྱི་འཕགས། །གཅིག་འཕགས་བྱང་ཆུབ་སེམས་ཀྱིས་འཕགས། །དེས་ན་ཐེག་པ་ཀུན་ལས་འཕགས། །ཞེས་སོ། །སྟོན་པ་བསྟན་པ་འཁོར་གསུམ་བྱང་ཆུབ་ཀྱི་སེམས་གཅིག་ཏུ་མཚོན་པ་ཡིན་ནོ། ༈ །སྙིང་པོ་རྣལ་མའི་རྒྱུད་འབྱུང་བའི་དུས་ཉོན་མོངས་རྒྱུད་དྲག་ཅེས་པ་དྲུག་གཏེར་གཏད་དུ་གསུངས་པ་ལས། །བསྟན་པའི་སྙིགས་མ་དང་གྲུབ་མཐའ་ངན་པས་བསྒྱུར་བའི་ལོག་རྟོག་མང་བའི་དུས་གཉིས་སུ་བྲམ་ཟེའི་རྒྱུད་འབྱུང་བའོ། །དད་པ་མེད་པ་དང་བཀའ་ཡི་དོན་ལ་རྟོན་པ་དང་། །ཉོན་མོངས་པ་རྒྱུད་དྲག་པ་དང་གསུམ་གྱི་དུས་སུ་རྒྱལ་པོའི་རྒྱུད་ཀྱིས་མངའ་རུ་བསྡུས་པའོ། །མན་ངག་གི་རྒྱུད་ནི་སྤྱིར་དྲུག་ཀ་ལ་གཅེས་ཀྱང་ཁྱད་པར་དུ་ཚེ་ཐུང་བས། །བསྒྲུབ་ལོང་མེད་པའི་དུས་སུ་གྲོན་ཚོགས་ཆུང་བར་བསྟན་པ་ཡིན་ལ། །རྒྱུད་སྡེ་གསུམ་པོ་ཀུན་ལ་དུས་དྲུག་པོ་ཐམས་ཅད་འཇུག་པའོ། ༈ །རྒྱུད་བྱུང་༼ཀ༽ བའི་ཚུལ་ནི་ཉི་མའི་སྙིང་པོ་ལས། །འོད་༼༡༽དང་འདྲ་བའི་ཟེར་༼༡༽བྱུང་༼༡༡༽བ་ལྟར་དུ། །ངོ་བོ་ཉིད་མ་བཅོས་པར་ཤར་བའི་ཆོས་ཀྱི་སྐུ་ཡིས། །བདག་པོའི་རྐྱེན་བྱས་ནས་ལོངས་སྤྱོད་རྫོགས་པའི་སྐུར་སྣང་༼༡༽བ། །དེ་༼༡༽ལས་སྤྲུལ་སྐུ་སེམས་དཔའ་རྡོ་རྗེ་འཆང་ཡོན་ཏན་མ་འགགས་པར་ཡུལ་ལྷན་ཅིག་པའི་འཁོར་ལ་ཤར་བ་དེ་ཡང་རང་གི་ངོ་བོ་དང་བྱིན་གྱི་རླབས་གཉིས་ཀྱིས། །ཤར་བའི་ཡང་སྤྲུལ་ཐུགས་སྲས་ཀྱིས། །ཚིག་ཏུ་བསྡེབ་པའི་སྦྱར་བ་ལེགས་པར་མཛད་པ། །དེ་༼ཁ༽ལས་མི་ལྷ་ཀླུ་གནོད་སྦྱིན་རིག་པ་འཛིན་པ་བཞི་རིམ་པར། །སྨིན་ནས་༼ག༽ བླ་མ་དམ་པ་དགེ་སློང་ཆེན་པོ་ཀུ་ཀུ་རཱ་ཛའི། །ཐུགས་ཀྱི་འོད་ཟེར་གྱིས་ཤྲཱི་སིངྷ་བདག་གི་བློའི་མུན་པ་བསལ། །ཡི་དམ་རྣམ་པར་སྣང་མཛད་ཀྱིས་བྱིན་གྱིས་བརླབས་པའི་མཐའ་ཡི་མི་བཻ་རོ་ཙ་ན་ཁྱོད་ལ་གསལ་བ་འོད་མཛེས་པ་རྒྱན་རིམ་པ་ཕྲེང་བ་གསུམ་བརྩམས་པ་ངས་གཏད་ཀྱིས་ནན་ཏན་དུ་ཆོངས་ཤིག ༈ །དེ་ཡང་རྒྱལ་བ་རྣམས་དགོངས་༼ཀ༽པ་རིག་འཛིན་རིག་༼ཁ༽པ་གང་ཟག་རྣམས་སྙན་༼ག༽ཁུང་དུ་བརྒྱུད་པའོ། ༈ །རྒྱུད་སྡེ་དེ་དག་བཤད་པའི་ཐབས་བསྟན་པ་ནི་གང་ཞེ་ན། མན་ངག་འབྱུང་བའི་ཁུངས་ལོ་རྒྱུས་ཀྱི་དོན་དང་། །འཇུག་པའི་སྒོ་ཐེག་པ་རྣམས་ཀྱི་བསྡུ་བ་ཡོ་གའི་དོན་དང་། །རྟེན་གྱི་གང་ཟག་གང་གི་དགོས་པའི་དོན་དང་། །དྲིལ་ནས་མཚན་དུ་གསོལ་བ་རྩ་བའི་དོན་དང་། །དབུ་ཞབས་ཀྱི་དཀྱུས་བཤད་པ་ཚིག་གི་དོན་དང་། །སྤྱི་དོན་རྣམ་པ་ལྔ་ཡི་ཐབས་ཀྱིས་བཤད་པ་ཡིན་ནོ། ༈ །ཆོས་སྐུ་བྱིན་གྱིས་རླབས་ཀྱི་ལོ་རྒྱུས་དང་ལོངས་སྐུ་རང་གི་ངོ་བོའི་དང་། །སྤྲུལ་སྐུ་ཚིག་བསྡེབ་སྦྱར་བ་ལེགས་པའི་ལོ་རྒྱུས་ལ། ༈ །དང་པོ་བྱིན་གྱི་རླབས་ནི་ཆོས་ཀྱི་སྐུས་སྐྱེ་མེད་དོན་གྱི་གོ་བརྡ་སྤྲོད་པས་གསུངས། །ངག་ཏུ་བརྗོད་དུ་མེད་ཀྱང་དོན་ཡེ་ནས་ལྷུན་གྱིས་གྲུབ་པའི་བྱིན་གྱིས་སྣ་ཚོགས་སུ་མི་འགག་པས་བརླབས་ཀྱི་བཤད་པ། །དཔོན་སློབ་ཐ་དད་སྣང་ཡང་དོན་གྱིས་མི་གཉིས་ཅིང་སྙན་ཁུང་བརྒྱུད་པ་ཅན་གྱི་མན་ངག་གིས་ཐ་སྙད་དང་བྲལ་བའི་དོན་མཚོན་པར་བྱེད་པའོ། །བླ་མ་ངེས་པའི་མན་ངག་ཚད་ལས་ཆོས་ཉིད་རང་གི་མཚན་ཉིད་མངོན་སུམ་པར་སྟོན་པ་སྟེ། །དེ་ཡང་རྒྱལ་བ་ལྔ་རིག་འཛིན་བཞི། རྒྱ་བོད་ཀྱི་གང་ཟག་ཏུ་བརྒྱུད་པའོ། ༈ །ཉིད་གཞན་ལོངས་སྐུས་ཐུགས་ཀྱི་དགོངས་པ་དང་སྐུ་བརྡའི་གསུང་གི་སྒོ་ནས། །རང་གི་ངོ་བོས་བཤད་པས་ཆོས་ཉིད་རང་ཤར་དུ་མཚོན། །རང་གི་ངོ་བོས་མི་གཉིས་ཤིང་དབྱེར་མེད་པའི་མ་ནོར་ངེས་པའི་སློབ་དཔོན། །བརྡའི་རྟོག་པ་དང་བྲལ་བའི་སྟོང་ཉིད་རང་གྲོལ་བའི་མན་ངག་རང་རིག་པའི་ཉམས་ཚད་མ། །ཆོས་ཉིད་རང་མཚན་ཡུལ་མེད་རང་ཤར་དུ་གོ་བའོ། ༈ །ཅིར་ཡང་སྤྲུལ་པའི་སྐུ་ཐུབ་པའི་དབང་པོས་གསུང་ཚངས་པའི་དབྱངས་ཀྱིས། །ཚིག་ཏུ་བསྡེབ་སྦྱར་ལེགས་པས་བཤད་པས་བརྗོད་བྱའི་དོན་ཀུན་མཚོན་པར་བྱེད། །བརྡ་དོན་བརྒྱུད་པའི་བླ་མས་བརྡ་སྤྲོད་བྱེད་ལ་ཡི་གེར་བཀོད་པའི་མན་ངག་གིས་ལྟ་བ་སྤྱིའི་རྣམ་པ་ཙམ་གོ་བར་བྱེད་ཡིད་ཆེས་པ་བྱ་བྲལ་རྫོགས་པའི་ལུང་ཚད་མ་ཡིན་ནོ། ༈ །དེ་དག་ལོ་རྒྱུས་ཀྱི་དོན་གྱིས་བཤད་པའོ། ༈ །ཡོ་ག་རྣམ་པ་བཞིར་ཡེ་ཤེས་གསང་བ་ལས་བཤད་པ་ནི། །ཐེག་པ་མཐོ་དམན་ཀུན་གྱི་བསྡུ་ས་ཡིན་ཏེ། ༈ །ཡོ་ག་ནི་ལྷ་དང་གཙང་བ་བླང་རྟོག་པ་དང་སྨེ་བ་དོར་བའི་སྤྱོད་པ་ཅན་ཏེ་དེར་བླང་དོར་ཅན་ཀུན་འདུས་དེས་འགྲེ། མ་ཧཱ་ཡོ་ག་བསྙེན་སྒྲུབ་བཞིས་རྩོལ་ཞིང་སྒྲུབ། །ཨ་ནུ་ཡོ་ག་རྒྱུ་སྣང་བ་དབྱིངས་འབྲས་བུ་དྲན་རྟོག་ཡེ་ཤེས་སུ་འདོད། །ཨ་ཏི་ཡོ་ག་ནི་དེ་གསུམ་ཀ་ལས་གྲོལ། ༈ །འདི་ཉིད་མངོན་སུམ་པར་སངས་རྒྱས་པའི་ཆེ་བ་ཡིན་པས་ནི། །སྡེ་མཚན་ཉིད་གསུམ་གྱི་སྤོང་འགེགས་སྦྱོང་བ་ལས་གྲོལ་ནས་རང་གཞུང་ཨ་ཏི་ཡོ་ག་དངོས་ཡིན་ནོ། །ཆོས་ཐམས་ཅད་དེ་ཡིན་པར་སངས་རྒྱས་པའི་ཆེ་བས་བླང་དོར་ཐམས་ཅད་དང་བྲལ་བ་ནི། །ཡོ་ག་ཨ་ཏི་ཡོ་གར་ལ་བཟླས་པའོ། །རྩོལ་སྒྲུབ་ཀྱི་གཞན་དབང་ལ་ལྟོས་པ་རྣམས་མི་གནས་ཏེ་བདག་ཉིད་ཆེན་པོར་སངས་རྒྱས་པའི་བ་ནི། །མ་ཧཱ་ཡོ་ག་ཨ་ཏིར་ལ་བཟླས་པའོ། །ཆོས་ཀྱི་དབྱིངས་སུ་སངས་རྒྱས་པའི་ཆེ་བའི་ངང་ལས་རྒྱུ་འབྲས་ཀྱི་མཚན་མ་ཐམས་ཅད་འདས་ཏེ། །ཨ་ནུ་ཨ་ཏིར་ལ་བཟླས་པའོ། །ཐམས་ཅད་བླ་དྭགས་ཀྱི་མིང་ཙམ་དུ་རྒྱས་བཏབ་པ་ནི། །ཐམས་ཅད་དུ་སངས་རྒྱས་མེད་པའི་ཆེ་བ་ཡིན་སྟེ། །ཨ་ཏི་ཡོ་གའི་ཞེན་པ་དང་བྲལ་བའི་ཨ་ཏིའོ། ༈ །དགོས་ཆེད་ནི་གང་ཟག་དབང་པོ་ཡང་རབ་ལ་དགོས་སྟེ། །རི་བོ་མཆོག་རབ་ལ་རྡུལ་དུ་ཡོད་བརྩི་བ་དང་། །བསྐལ་ཕྲན་བརྒྱད་ཅུ་དང་བཅས་པའི་བསྐལ་པ་ཆེན་པོ་ལ་སྐད་ཅིག་མར་བརྩི་ཞིང་། ། བློ་ལ་ཤྭ་ལོ་ཀ་འབུམ་ལ་སོགས་འདོན་ཞིང་། །ཐ་སྙད་ཀྱི་བྱེ་བྲག་དུ་མ་ཤེས་པའི་གང་ཟག་དག །དབང་པོ་ཡང་རབ་མ་ཡིན་ཏེ་དོན་ལ་རྩིང་བའི་ཕྱིར་རོ། ༈ །ཤེས་བྱ་དོན་གྱི་གནས་ལུགས་མཐར་ཕྱིན་པར་གོ། །རང་འདོད་ཀྱི་ཕྱོགས་རིས་སུ་བློ་གྲོས་མ་ལྷུངས་པར། །བློ་ཤེས་བྱ་སྤྱི་སར་བཞག་ནས་ཐུན་མོང་གི་བློས། །ཤེས་བྱའི་རྒྱ་གཅོད་ཅིང་དོན་རྟོགས་པར་ནུས་པའི། །དོན་དུ་ཡང་སྤྲུལ་དཔའ་བོས་བྱ་བྲལ་རྫོགས་པའི་ལུང་རྣམས་གསུངས་པ་ཡིན་ནོ། ༈ །དབུ་ཞབས་ཀྱི་དོན་དྲིལ་ནས་རྒྱུད་སྡེ་རང་རང་གི་མིང་དུ་གང་ཡིན་བཏགས་པ་ཡིན་པས། །མཚན་གཅིག་པུའི་དོན་རྟོགས་པས་ནི་དབུ་ཞབས་ཀྱི་དོན་ཀུན་རིག་པས་ན། །དགོས་ཆེད་ཡོད་པས་ཅིར་བཏགས་ཀྱང་མཚན་དེར་དོན་རྣམས་འདུས་པ་ལ། །རྩ་བའི་དོན་ཅེས་བྱ་བར་གསུངས་པ་ཡིན་ནོ། ༈ །དབུ་ཞབས་ཀྱི་དཀྱུས་བཤད་པ་ཚིག་གི་དོན་བསྟན་པ་ནི། ༈ །དབང་པོ་རབ་ལ་མཚན་གྱིས་དབུ་ཞབས་ཀྱི་དོན་ཀུན་གོ་བ་ནི། །རྩ་བ་མཚན་དུ་གཅིག་པས་དཔེར་ན་སྨན་པ་འཚོ་བྱེད་གཞོན་ནུ་གསོས་ཀྱིས། །ལག་གི་རྩ་ལ་བལྟས་པས་ལུས་ཀྱི་ནད་ཀུན་ངོས་ཟིན་པ་དང་འདྲའོ། ༈ །དབང་པོ་འབྲིང་ལ་སྤྱི་དོན་རྣམ་པར་དབྱེ་བས་ཚིག་དོན་ཀུན་གོ་བ་ལ་ལྔ་སྟེ། །རྒྱུ་གླེང་གཞི་རྐྱེན་གླེང་བསླང་འབྲས་བུ་རྒྱུད་དོན་རྟོག་གེ་བའི་རྩོད་པ་བཟློག་པའི་ཕྱིར་དགོས་འབྲེལ། །རྒྱུད་མི་ནུབ་པའི་དོན་དུ་གདམས་ཤིང་གཏད་པ་ཡིན་ནོ། ༈ །དེ་ལ་བསྟན་པ་འབྱུང་བའི་རྒྱུ་གླེང་གཞི་༼ཀ༽ཕུན་སུམ་ཚོགས་པ་ལྔ་ལས། ༈ །གསུམ་པ་དོན་གསུམ་བསྟན་པ་ནི། །སྟོན་པ་བསྟན་པ་འཁོར་བསྟན་པ། །དུས་དང་གནས་ནི་རང་བཞིན་ཚང་། །ཕུན་སུམ་ཚོགས་པ་གསུམ་དུ་བསྟན། །ཅེས་མདོ་བཅུ་ལས་སོ། །སྟོན་༼ག༽པ་དང་བསྟན་པ་དང་འཁོར་དང་གསུམ་ཚོགས་པ་དག་ལས། །དུས་དང་གནས་གཉིས་ཀྱང་དེ་གསུམ་གྱི་ཆ་ལས་འབྱུང་བའོ། ༈ །སྟོན་པ་ཆོས་ཀྱི་སྐུ་ལ་འཁོར་འདས་ཐམས་ཅད་འཁོར་ཏེ་དེ་དག་ཆོས་སྐུ་ཡིན་པ་ལ་རྟོགས་མ་རྟོགས་ཀྱི་རྐྱེན་གྱིས་འཁོར་འདས་སུ་ཤར་བས་སོ། །གནས་ཡང་དག་དོན་གྱི་འོག་མིན་དུ། །བློ་ལས་འདས་པས་བསམ་གྱིས་མི་ཁྱབ་པའི་དུས་གང་གི་ཚེ་ལ། །བསྟན་པ་ནི་བསྐྱེད་རྫོགས་རྣམ་པ་གསུམ་གསུངས་ཏེ། །མ་བསྐྱེད་པས་རང་བྱུང་རང་གསལ་བའི་ཡེ་ཤེས་སུ་ཆ་མཐུན་པས། ། ཆོས་ཀྱི་སྐུའི་བསྟན་པར་རང་བྱུང་ཡེ་ཤེས་ཆ་མཐུན་པས། །ཆོས་ཀྱི་སྐུ་ཡི་བསྟན་པར་བཤད། །ཅེས་རྒྱུད་དུ་གསུངས་པ་ཡིན་ནོ། ༈ །སྟོན་པ་ལོངས་སྐུ་ཡིས་རིག་པའི་འོག་མིན་གྱི་གནས་སུ། །ས་ཐོབ་པའི་རིག་འཛིན་དང་བྱང་ཆུབ་སེམས་དཔའི་འཁོར་ལ། །རང་རིག་པ་བདེ་བ་ཆེན་པོ་ཤར་བའི་དུས་སུ། །བསྟན་པ་ཕྱི་ཡི་ཐེག་པ་གསུམ་གསུངས་ཏེ། །མཚན་དང་དཔེ་བྱད་བཟང་པོ་ལྷའི་སྐུ་ཡིས་བསྡུས། །སྣང་བ་ཆ་མཐུན་ཡོད་པས་ན་ལོངས་སྐུའི་བསྟན་པར་གསང་བའི་ལེའུ་གསུམ་པར་གསུངས་པས་རྒྱས་པར་དེ་ཉིད་དུ་ཤེས་པར་བྱའོ། ༈ །སྟོན་པ་སྤྲུལ་པའི་སྐུ་ཡིས་གནས་སྟོང་གསུམ་མི་མཇེད་ཀྱི་ལོ་ཀའི་ཁམས་ན། །གནས་ཕྱོགས་གཅིག་ཏུ་ངེས་པ་མིན་ཐུགས་རྗེས་འདུལ་བའི་དགོས་པས་སྤྲུལ། །ཚོགས་སྦྱོར་མོས་པས་སྤྱོད་པའི་འཁོར་རྣམས་ལ། །སྡུག་བསྔལ་རྩོལ་སྒྲུབ་དང་བཅས་པའི་དུས་སུ། །བསྟན་པ་མཚན་ཉིད་སྡེ་གསུམ་གསུངས་སྟེ། །ཐུབ་དྲུག་གི་སྐུས་གདུལ་བྱ་འདུལ་བ་དང་མི་རྟོག་པའི་ཡེ་ཤེས་ལ་སོགས་པ་མཐུན་ནོ། ༈ །སྟོན་པ་གསང་བའི་སྐུས་གནས་ཡུམ་གྱི་མཁར། །དབུའི་གཙུག་ཏོར་གྱི་འཁོར་ལོ་བསྒྱུར་བའི་དུས་སུ། །སྐྱེས་བུ་ཆགས་པ་ཅན་གྱི་འཁོར་དག་ལ། །སྟོང་ཉིད་དང་བདེ་ཆེན་ཟུང་དུ་འབྲེལ་བ་ནི་བསྟན་པའི་གཙོ་བོའོ། ༈ །སྟོན་པ་ངོ་བོ་ཉིད་ཀྱི་སྐུས་འཁོར་ཆོས་ཀྱི་སྐུ་ལ། །འདས་མ་འོངས་ད་ལྟར་འབྱུང་བར་མ་ངེས་པ་དུས་བཞི་མཉམ་པའི་དུས་དེ་ཉིད་ལ། །རྟེན་དང་བརྟེན་པ་ཐ་དད་མི་གནས་པ་ཡི་གནས་སུ། །ཐེག་པ་ཀུན་གྱི་བཅུད་འདུས་པའི་རང་གྲོལ་བའི་མངོན་སུམ་པའི་བསྟན་པ་སྟེ། །གང་གིས་ཀྱང་མ་བསྒྲིབས་པར་དོན་མཐོང་ཞིང་ཐོས་ཏེ་རང་ལ་ཤར་བའོ། ༈ །དང་པོ་ཆོས་ལོངས་སྤྲུལ་གསུམ་གྱི་གླེང་གཞི་ནི་སྤྱི་གཞུང་དང་མཐུན་ལ། །གཅིག་གསང་བའི་ནི་གདུལ་བྱ་ཆགས་ཅན་གྱིས་མཐུན་པའི་ཕྱོགས་སུར་དྲངས་པའོ། །མཐར་ཐུག་ཐ་མ་ངོ་བོ་ཉིད་ཀྱི་གླེང་གཞི་ནི་ཀུན་གྱི་ཐུན་མོང་མིན། །ཐེག་པ་ཀུན་གྱི་གནས་ཡིན་ལ་ཀུན་གྱི་གཙོ་བོ་རུ། །ཀུན་གྲོལ་ཆེན་པོའི་རྒྱུད་སྡེ་རྣམས་ལས་གྲགས་པའོ། ༈ །རྒྱུ་གླེང་གཞི་དེ་ལས་བསྟན་པའི་འབྱུང་བའི་རྐྱེན་གྱིས་གླེང་བསླང་བ་ནི་གང་ཞེ་ན་སྟོན་པས་མདུན་བསུ་༼ཤ༽སྟེ་སྔོན་ནས་གླེང་བསླང་བ་ནི་གསང་བ་ལས་འདུས་པའི་འཁོར་ཅེས། །འཁོར་གྱིས་གུས་༼ས༽པས་དྲི་བ་དྲིས་ཏེ་གླེང་བསླང་བ་ནི་ཁྱོད་ནི་གསུང་གི་ཞེས། །ཞུས་ལན་འདྲེན་མར་བྱུང་བ་རྣམས་ནི། ༼ཧ༽སྐབས་ལས་གླེང་དུ་ལངས་པ་ཡིན། །སྟོན་པའི་ཏིང་ངེ་འཛིན་གྱི་སྦྱོར་བས་འཁོར་བསྐུལ་ཏེ་གླེང་བསླང་བ་རྫོགས་པ་ལས། དེ་ནས་རིག་པའི་རྒྱལ་པོ་སྣ་ཚོགས་ཞེས་དྲངས་དང་། །ལྷའི་དབང་པོས་གཞན་སེམས་ལྷག་ཅན་གྱི་དོན་དུ་ཞུ་བས་ཕྱོགས་བཅུའི་སངས་རྒྱས་གང་དག་བསྐུལ་བས་གླེང་བསླང་བ་དང་། །ཐམས་ཅད་ཀྱིས་རྡོར་སེམས་ལ་བསྟན་པ་གསུང་༼ཧ༽རྣམས་ཚིག་ཏུ་གསུངས་ཤིག་པར་ནན་ཏན་གྱིས་བསྐུལ་བ་ནི། །མན་ངག་དམ་པ་དག་གིས་བསྐུལ་བའོ། ༈ །རྐྱེན་སྐྱུར་རྩི་ཕབས་ཀྱིས་རྒྱུ་འབྲུ་ལས་བསླངས་པ་ཡིས་ཆང་བྱུང་བ་ལྟར། ༈ །འབྲས་བུ་རྒྱུད་ཀྱི་དོན་འབྱུང་བའི་རྐྱེན་དུ་གླེང་བསླང་བས་གླེང་བསླང་དུ་མིང་ངེས་པ་ཡིན་ནོ། ༈ །རྒྱུ་གླེང་གཞི་ཙམ་གནས་པ་ལས་རྐྱེན་གླེང་བསླང་དང་བྲལ་ན། །འབྲས་བུ་རྒྱུད་དོན་འགྲུབ་པ་མིན་པ་དེས་ན་གླེང་བསླང་གི་དགོས་པའི་དོན་ཡིན་ནོ། ༈ །གསུང་༼ཁ༽བའམ་གླེང་བའི་རྒྱུད་འབྱུང་བའི་ཀྱི་གཞིར་ཕུན་སུམ་ཚོགས་པ་ལྔ་གྱུར་པས། །གླེང་ལངས་པ་བསྟན་པའི་གཞི་རུ་མིང་ངེས་པ་ཡིན་ནོ། ༈ །དཔེར་ན་རྩོད་པའི་ཕན་ཚུན་གྱི་རྒྱུ་བློ་ཡུལ་བར་པ་ཞལ་ཆེ་བ་རྣམས་ཚོགས་པ་དང་འདྲའོ། ༈ །དད་ལྡན་གང་ཟག་གི་རྗེས་སུ་འབྲང་བ་རྣམས་འཇུག་པའི་ཕྱིར་དུ། །སྡུད་པ་པོ་ཚད་མའི་སྐྱེས་བུར་གཞག་པ་བརྒྱད་སྟོང་དོན་བསྡུ་ལས། དད་ལྡན་འཇུག་པའི་ཡན་ལག་ཏུ། །སྟོན་པ་དབང་པོ་འཁོར་དང་ནི། །ཡུལ་དུས་དག་ཀྱང་ངེས་བསྟན་པ། །སྡུད་པོ་རང་ཉིད་ཚད་མར་ནི། །རབ་གྲུབ་ཕྱིར་ཡིན་འཇིག་རྟེན་ན། །ཡུལ་དང་དུས་ཀྱིས་ངེས་མཚོན་ཅིང་། །དཔང་པོར་བཅས་པ་སྨྲ་བ་ནི། །སྨྲ་པོ་ཚད་མར་རྗེས་སུ་རྟོགས། །ཞེས་ཕྱོགས་གླང་གིས་གསུངས་སོ། །ཞེས་སོ། །དང་། །འབྲས་བུའི་ཡོན་ཏན་གྱིས་བྲོད་པ་བསྐྱེད་པས་དེས་ཐོབ་པའི་ཐབས་ལ་བརྩོན་འགྲུས་རྩོམ་པ་དང་། དད་ལྡན་གྱི་གང་ཟག་འཇུག་པའི་ཕྱིར་ཕུན་སུམ་ཚོགས་པ་ལྔ་སྨོས་པའི་དགོས་པ་ཡིན་ནོ། ༈ །དུས་ཕུན་སུམ་ཚོགས་པའི་ཀྱི་སྒོ་ནས་གླེང་གཞི་ཉེ་བར་དགོད་པ་ནི། འདི་ཞེས་ཉེ་བ་མངོན་སུམ་བར་བསྟན་པའི་སྒྲ་ནི་གནས་འདིར་ནི་གསུངས་ཤེའོ། །ཆོས་སྐུ་སྐྱེ་མེད་དོན་གྱི་༼ ༡༽ལོངས་སྐུ་བརྡ་དགོངས་ཀྱི་༼ ༡༽སྤྲུལ་སྐུ་ཚངས་པའི་སྐད་༼༡༡༡༡༽ལྟར་དུ་མཚོན་པ་ནི་སྟོན་པ། སྟོན་པས་འཁོར་ལ་དགོངས་ནས་བཤད་པ་སྟེ། པ་ཞེས་འཕྲོ་ཚུལ་བའི་སྒྲ་ནི་བསྟན་པ་ཕུན་ཚོགས་དངོས་ལ་འཇུག་ལ། །སྐུ་ལྔའི་དུས་ལྔ་ནི་སྔར་བཤད་བཞིན་ཏེ་འདིར་དུས་མཐའི་སྐད་ཅིག་མ། བརྗོད་བྱ་ཀློང་དགུ་ལ་རྗོད་བྱེད་བམ་པོ་ཉི་ཁྲི་གསུངས་པ་ནི། ༈ །སྡུད་པ་པོ་རྣམ་པར་ཐར་པ་ཐོབ་པ་ཡིས་སྐད་ཅིག་ལ་ཁོང་དུ་ཆུད་པ། །མང་དུ་འབྱུང་བ་མ་ཡིན་པར་བཀའ་དཀོན་པའི་ཕྱིར་སྐད་ཅིག་ལ་གསུངས་པའོ། ༈ །གཞན་ལས་མ་བརྒྱུད་པར་བདག་གིས་དབང་པོའི་མངོན་སུམ་དུ། །ཐོས་ཞེས་བརྗོད་པ་ཙམ་གྱིས་སྡུད་པ་པོ་ཚད་མའི་སྐྱེས་བུར་མི་རུང་བས་ན། ཚད་མར་ངེས་པར་བཤད་ཅེས་པས་འགྱུར་དེ་སྟོན་པ་དང་། སྡུད་པ་པོ་གཉིས་དགོངས་པ་དབྱེར་མེད་ཆིག་ཆོད་ཡིན་ནོ། ༈ །གཞན་རྒྱས་པ་དག་གོང་དུ་བཤད་པ་བཞིན་སྐབས་འདིར་ཤེས་པར་བྱའོ། ༈ །འབྲས་བུ་རྒྱུད་༼ང ༽ཀྱི་དོན་ལ་གནས་ལུགས་དང་ཐབས་ལམ་དང་འབྲས་བུ་དང་གསུམ། །དཀྲུགས་པ་རྣམས་ནི་རིམ་པས་དེ་ལྟར་བསྡེབས་ཏེ་རྒྱུད་ཀྱི་དཀྱུས་ལས་གོང་འོག་ཏུ་ཡོད་པ་རྣམས་དེ་ལྟར་བསྒྲིག ༈ །རྒྱུ་གླེང་གཞི་རྐྱེན་གླེང་བསླང་ཚོགས་པ་ལས་བྱུང་བའི་ཕྱིར། །འབྲས་བུ་རྒྱུད་ཀྱི་དོན་བྱ་བར་མིང་ངེས་པ་ཡིན་ནོ། །ཚིག་ལམ་གྱི་དགོས་པ་བཤད་པ་ལྟར་སྐབས་འདིར་ཡང་དེ་བཞིན་དུ་མཐུན་ནོ། །དོན་གྱི་གདམས་པས་རྒྱུད་ཀྱི་དོན་དགྲོལ་བར་བྱའོ། ༈ །གང་ཟག་རྟོག་ལྡན་ཆོས་ཀྱི་རྗེས་སུ་འབྲང་བ་འཇུག་པའི་ཕྱིར་དུ་དགོས་འབྲེལ་ཡན་ལག་བཞི་ནི། ༈ །བྱང་ཆུབ་ཀྱི་སེམས་ལྷུན་གྲུབ་གསུམ་གྱི་རང་བཞིན་དུ། །ཡེ་ནས་གནས་པ་ལ་མི་གསལ་བར་རྟོག་པས་བསྒྲིབས་པ་ནི་དཔེར་ན་ཕྱི་ནང་གི་རྒྱ་མཚོ་ཆེན་པོའི་གསེར་གྱི་འོག་གཞི་མི་གསལ་བ་ལྟར། །རང་བཞིན་གྱི་སྣང་བ་བརྗོད་པའི་ཡུལ་དང་བྲལ་བ་དེ་ཉིད་བརྗོད་པར་བྱ་བའི་ཡུལ་ལོ། ༈ །ཐུན་མོང་སྟོན་པ་ཤཱཀྱ་ཐུབ་པས་རྩོལ་བཅས་ཀྱི་ཐེག་པའི་ཆོས་རྣམས། །མཐར་ཕྱིན་པར་གསུངས་ཏེ་མྱ་ངན་ལས་འདས་པའི་འོག་ཏུ་ལྷ་ཕྲུག་སེམས་ལྷག་ཅན་གི། །དོན་དུ་ལྷའི་དབང་པོས་ཕྱོགས་བཅུའི་སངས་རྒྱས་ལ་གསོལ་བ་བཏབ་སྟེ་གསང་བའི་ལེའུ་དང་པོ་ལྟར་རོ། །ངང་གིས་གསལ་བ་རིག་པའི་སྐྱེས་བུ་ཆེན་པོ་དེ། །ཆོས་ཀུན་གྱི་ངོ་བོར་རང་བཞིན་གྱིས་གནས་པས། །ཉི་མ་ལས་འོད་ལྟར་དུ་རང་སྣང་བ་གཉིས་ལོངས་སྐུ་ལ། དོན་ཐ་མི་དད་གྱི་ཤུགས་ཀྱིས་བསྐུལ་བ་དེ་གྲགས་པ་ལྟར་དུ་སྣང་ལ། །དེའི་ཐུགས་ལས་རང་སྣང་བའི་རྡོ་རྗེ་འཛིན་པ་ཡིས་ར་ཆོད་བསལ་བའི་དགོས་པ་ཡོད་པས་རིགས་ལྔ་ལ་ཐེ་ཚོམ་བཞི་བཅད་ནས། །ཡང་སྤྲུལ་དགའ་རབ་རྡོ་རྗེ་ཐུགས་སྲས་ཀྱི་ངོ་བོར་མཛད་དེ། །བཀའ་ལུང་དང་མན་ངག་གི་རིམ་པ་མ་ལུས་པར་སྣང་བར་མཛད་པ་ནི། །རྩོལ་བྲལ་གྱི་ཐེག་པ་གནས་ཕྱིར་དུ་ངེས་པར་བདེན་པ་ཡིན། ༈ །དེ་ཡང་ཐེ་ཚོམ་ཡུལ་གྱུར་ཏོ་ཞེ་ན། །བཀའ་འོ་ཅོག་ཐམས་ཅད་ཀྱང་དེ་དང་འདྲ་བས། །དོན་དུ་འགྱུར་བའི་ཐེ་ཚོམ་ཙམ་ཞིག་རེ་ཞིག་སྐྱེ་བར་རིགས་སོ། །ཐེག་པ་ཀུན་ཀྱང་གཞུང་ལུགས་ཐ་དད་པ་མིན་ཏེ། །བསླབ་བྱར་མ་གྱུར་པ་མེད་པར་གསུངས་པ་དང་སྦྱོར་ཅིག་པའོ། ༈ །དེ་ལ་ཉོན་མོངས་དང་ཤེས་སྒྲིབ་གཉིས་༼༡༽བསོད་ནམས་དང་ཡེ་ཤེས་ཀྱི་ཚོགས་གཉིས་༼༡༽བྱང་༼༡༽རྫོགས་༼༡༽ནས༼༡༡༽ ། །ཕུན་སུམ་ཚོགས་པས་འཁོར་བའི་ཕ་རོལ་ཏུ་འགྲོ་བར་འདོད་པའི་གང་ཟག་དེ། །རྗོད་བྱེད་ཚིག་ལམ་གྱི་རྐྱེན་གྱིས་བརྗོད་བྱའི་དོན་མཚོན་པ་ལ་བརྟེན་ནས། །དོན་གྱི་ལམ་རྟོགས་པ་རང་གི་རྒྱུད་ལ་གསལ་བར་ཤར་བས། །ལམ་དེས་གདུལ་བྱ་གཞན་འདྲེན་པ་ནི་དགོས་པའོ། ༈ །གཞིའི་ཉེས་པ་སྡུག་བསྔལ་དང་ལམ་གྱི་ཉེས་པ་རྩོལ་བའི་ནད་ལས་གྲོལ་ནས། །མཐར་ཐུག་བདེ་ཆེན་གྱི་འབྲས་བུ་རང་ལས་ཤར་ཏེ་གདུལ་བྱ་ཀུན་སྒྲོལ་བའི་གཟུགས་སྐུ་གཉིས་བྱིན་གྱིས་བརླབས་ལ་སྣང་བ་ནི་དགོས་པའི་ཡང་དགོས་པའོ། ༈ །གནས་ལུགས་དང་ལམ་པ་དང་འབྲས་བུ་དག །གསེར་གོང་ལས་བྱས་པའི་རྫས་མི་འདྲ་བ་རྣམས་ངོ་བོ་གསེར་དུ་གཅིག་པ་བཞིན་དུ་ངོ་བོས་བདག་ཉིད་གཅིག་པར་འབྲེལ་ལོ། །གནས་༼པ༽ལུགས་དང་དེ་སྟོན་༼བ༽ པར་བྱེད་པའི་ཚིག་གི་ལམ་དང་དོན་གྱི་༼ཕ༽ལམ། །མཚན་༼པ༽གཞི་དང་མཚོན་བྱེད་ཀྱི་མཚན་༼ཕ༽ཉིད་དང་མཚོན་༼བ༽ པར་འབྲེལ་ལ། །འབྲས་༼ར༽ བུ་དང་དོན་༼ལ༽ལམ་དང་ལམ་༼ཤ༽པ་དག །ཐོབ་༼ར༽པར་བྱ་བ་དང་འཐོབ་༼ལ༽ པར་བྱེད་པ་དང་ཐོབ་པར་༼ཤ༽འབྲེལ་ཅིང་། །ལམ་གྱི་ངོ་བོ་༼༡༽དང་འབྲས་༼༡༽བུ་ནི། །ཐབས་༼༡༽ལས་བྱུང་བ་དང་དེའི་ཆ་༼༡༽རྐྱེན་གྱི་ཐབས་སུ་འབྲེལ་ཏེ། །འཁྲུལ་༼ཀ༽བའི་སྣང་བ་ནི་དེ་མིན་པ་ལ་དེར་འཛིན་པ་ཡིན་པས། །དེ་ཉིད་རང་༼ཁ༽ གྲོལ་བར་བྱེད་པའི་ལམ་གྱིས་གྲོལ་ཏེ་མཐར་༼ག༽ཕྱིན་གྱི་འབྲས་བུ་བྱུང་༼ཁ༽བས་གནས་སྐབས་ཀྱི་འབྲེལ་པ་བྱས་པ་ཙམ་ལས་མཐར་ཐུག་ངོ་བོས་བདག་གཅིག་པར་འབྲེལ་ལོ། །འོག་མ་པ་དང་མཐུན་པར་བསྟན་པས་རྟོག་ལྡན་འདིར་འཇུག་པ་དག་དོན་ལ་དྲང་བར་བྱ་བའི་ཕྱིར་བརྗོད་པར་ཟད་དོ། ༈ །རྒྱུད་མི་ནུབ་པར་བྱ་བའི་ཕྱིར་གཏད་པ་ལ་ཡང་། །བསྟན་པ་ནུབ་པའི་རྒྱུ་ནི་སྙན་ཁུང་བརྒྱུད་པའི་གདམས་ངག་དང་བྲལ་བས། །དོན་མ་རྟོགས་པར་སྒྲའི་རྗེས་སུ་དཔྱད་པས་དོན་གྱི་ལམ་ལ་འགྱངས་ཏེ་ཐག་རིང་། །འདིར་འཇུག་པའི་གང་ཟག་གི་བློ་སུན་དབྱུང་བར་འགྱུར་བ་དེས་ན་གདམས་ཤིང་གཏད། ༈ །གསང་བའི་ལེའུ་ཐ་མ་ལས། མཚན་གྱི་རྣམ་གྲངས་ཉོན་མོངས་ཞེན་པའི་ཕྲེང་ཐག་གཅོད། ཅེས་པ་ལ་སོགས་པ་བརྗོད་དེ་སྙིང་གི་དཀྱིལ་དུ་བཙའ་བར་གྱིས། །སྲོག་དང་བྲལ་བའི་ཁ་བཞིན་བསྡམ། །བསྟན་པའི་ཡང་སྙིང་སྙིང་ལྟར་ཟུང་། ཞེས། གཟུང་བར་གཏད་ལ། །དར་དྲགས་ན་ཉམས་པར་འགྱུར་བས་ཤིན་ཏུ་བསྡམ། །བུད་མེད་ཀྱི་ཚོགས་མ་མོ་གསུམ་ལ་གཏད་པས་ན། ༈ །རྒྱུད་ལས། གནས་ནི་བྲག་དང་ཆུ་ལ་བཞག །ཅེས་པ་དང་། རྗེས་སུ་མཐུན་པའི་གནས་སུ་གླེགས་བམ་བཙའ། །དེ་ཡིས་འཁོར་བཀྲ་ཤིས་པ་དང་ཚེ་འཛིན་ཏེ་རིང་བ་དང་བྱིན་བརླབས་ཀྱི་སྟོངས་གྲོགས་བྱེད་པ། །དེས་ན་ལེགས་པར་ནན་ཏན་དུ་བྱའོ། །ནན་ཏན་མ་བྱས་པའི་སྐྱོན་ཀྱང་གོང་གི་ཡོན་ཏན་དེ་ལས་བཟློག་པ་དང་མཚུངས་པ་ཡིན་ནོ། ༈ །དབང་པོ་ཐ་མའི་དོན་དུ་རྒྱུད་བཤད་པ་ལ། །རྒྱུད་ཉིད་ཀྱིས་ནི་རྒྱུད་བཤད་པ་ནི། །བཤད་པའི་ཐབས་བཅུ་ཡིས་དྲངས་ཏེ་རྒྱུད་ཀྱི་དོན་དགྲོལ་བ་ནི། །རང་གི་ཤེས་པའི་རྒྱུད་དགྲོལ་བར་རབ་ཏུ་གཅེས་ལ། ༈ །ལུང་གིས་རྒྱུད་ཀྱི་མན་ངག་གི་རྒྱུད་བཤད་པའི་ཐབས་ནི། །འདྲེན་གང་འདིར་འདྲེན་པ་ཞེས་དྲང་པའི་ཚིག་བཅུས་དྲངས་ཏེ་རྒྱུད་ཀྱི་དོན་དགྲོལ་བ་ནི། །དཀྱུས་ཀྱི་ཚིག་དགྲོལ་བར་བྱ་བ་ལ་འཐད་པ་ཡིན་ནོ། ༈ །དོན་གྱི་འགྲེལ་པ་འགྲེལ་ལྔ་གང་དང་གང་ཞེ་ན། ཚེག་བར་འབྲུ་ཡི་འགྲེལ་པ་དང་། དཔེ་དོན་རྒྱུ་འབྲས་འགྲེལ་པ་དང་། གཏན་ཚིགས་དོན་གྱི་འགྲེལ་པ་དང་། འབྱེད་པར་བྱེད་པའི་འགྲེལ་པ་དང་། སྡུད་པར་བྱེད་པའི་འགྲེལ་པའོ། །ཞེས་མདོ་བཅུ་ལས་གསུངས་སོ། །ལྔ་ཡིས་རྒྱུད་བཤད་པ། །དོན་གཞི་ཐབས་ལམ་ངེས་པ་འབྲས་བུས་རྒྱུད་ཀྱི་ཁོག་ཕུབ་སྟེ། །བསྡུས་དོན་རྣམ་པར་དབྱེ་བས་དཀྱུས་ཀྱི་ས་གཅད་དོ། །འབྲུ་སྟོང་མི་གཞག་པར་ཚིག་གི་འབྲུ་གནན་ཞིང་། །གཏན་ཚིགས་ཀྱི་དོན་གྱིས་ཐེ་ཚོམ་གྱི་གེགས་བསལ། །མན་ངག་གི་དོན་གྱིས་རང་གི་རྒྱུད་ཐོག་ཏུ་ཉམས་སུ་བླང་བའོ། ༈ །གཞི་ནི་ཤེས་བྱའི་དོན་ནི་ཤེས་བྱེད་ཀྱི་ལམ་ཐབས་དཔེ་དོན་རྒྱུ་འབྲས་འགྲེལ་པ་འདིས། འདྲ་དང་ཡིན་མིན་བསྟན་ནས། ཆོས་དེ་ལ་ནི་མིང་དུ་འདོགས། འབྲས་བུ་ནི་ངེས་པར་ཤེས་པའོ། །རྒྱུད་ཀྱི་ཚིག་དོན་ངོ་བསྟན་པ་ཡི་འགྲེལ་པར་བཤད་ཐ་དད་པ་རྣམ་གསུམ་པོ་དེར་བསྡུས་ངོས་གཟུང་བར་བྱའོ། །སྡེ་མདོ་བཅུ་ལས། འབྱེད་པར་བྱེད་པའི་འགྲེལ་པ་ནི། །སོ་སོ་དག་གི་ངོ་བསྟན་ནས། །སྡེ་དང་ཚན་ནི་རིས་སུ་འབྱེད། །ས་གཅོད་པ་ཡི་འགྲེལ་པར་བཤད། །ཚོམས་གར་འཐད་མ་འདྲེས་པ། །རྒྱུ་རྐྱེན་འབྲས་བུ་དགོས་འབྲེལ་གཏད་པ་ལྟ་བུ་ཆེ་ལོང་༼༡༽དུ་དེ་དག་གི་ནང་ཚེགས་ཞིབ་མོར་༼༡༽སོ་༼༡༡༽སོར་དབྱེ་བའོ། ༈ །གོང་འོག་གི་མཚམས་སྦྱོར་བའི་འབྲེལ་ཚེག་བར་འབྲུ་ཡི་འགྲེལ་པ་ཡིས། །ཚེག་དང་འབྲུ་དང་ཚིག་མིན་ལྟ། །འབྲུ་ལ་ལྷག་མ་མི་ལྟས་ཏེ། །འབྲུ་འཇོམས་པ་ཡི་འགྲེལ་པར་བཤད། །པ་ནི་ངོ་བོའི་དོན་ཚིག་གི་མི་གསལ་བ་ཤུགས་ཀྱི་དབྱུང་བ་ཚེག་བར་འབྲུ་ཡི་ཚིགས་ཤུགས་ཀྱིས། །གོང་མའི་ཤུགས་དང་འོག་མའི་ཤུགས། །བར་མར་འབྲེལ་པ་བདག་ཤུགས་ཀྱིས། །གང་ཡིན་པ་ནི་བརྟག་པར་བྱའོ། །ཞེས་སོ། །དང་དོན་གྱིས་ཡོད་པར་སྦྱར་བའོ། །ཐོག་བབས་མ་འཁྲུགས་པ་རྣམས་ཐད་༼༡༽ཀ་བཤད་འཐོར་༼༡༽བ་རྣམས་ཕྱོགས་གཅིག་ཏུ་༼༡༡༽བསྡུ་བ་དང་། སྒྲ་ཇི་བཞིན་པའི་ངེས་དོན་རྣམས་སྒྲ་དྲང་ཐད་༼༡༽དུ་དྲང་དོན་ཚིག་དོན་མི་མཐུན་པ་རྣམས་དགོངས་པ་༼༡༽དེར་༼༡༡༽བསྡེབས་ལ་བཤད། ༈ །ལུས་མདོར་བསྟན་དང་ཡན་ལག་རྒྱས་པར་བཤད་པའི་སྒྲའི་འགྲོས་བརྡ། །སྒྲའི་སྟོབས་ཀྱིས་དོན་གར་འགྱུར་གནད་ཀྱིས་བརྟག །དོན་གཞན་གཙོ་བོར་སྟོན་པའི་འབྲུ་མང་པོ་བ་༼༡༽དང་ཡར་མར་གྱི་གྲངས་ཀྱི་༼༡༽འགྱུར་༼༡༽བརྟག༼༡༽ །ཚིག་གི་ལས་བཞིན་དོན་ཀྱང་དེར་འགྱུར་བར་སྒྲའི་ཤུགས་ཀྱིས་བརྡའོ། ༈ །སྒྲ་༼༢༽དོན་༼༡༽གནད་ཡན་ལག་ལྔ་ལྡན་ཀྱིས་ཞེན་པའི་འབྲེལ་པས་སྒྲས་དོན་མཚོན་པའོ། །རང་གི་བློ་གཏན་ཚིགས་དོན་གྱི་འགྲེལ་པ་ནི། །མ་ནོར་བ་ཡི་སྙིང་པོ་འབྱིན། །ངེས་པར་གཏན་ལ་འབེབས་པ་ཡིན། །དོན་འབྱིན་པ་ཡི་འགྲེལ་པར་བཤད། །ལ་སྣང་བའི་ཐེ་ཚོམ་གྱི་གེགས་རྣམས། །གཏན་ཚིགས་ཀྱི་འཐད་པ་དང་ཚད་མ་གསུམ་གྱིས་ཡིད་ཆེས་པར་བྱའོ། ༈ །ཐ་སྙད་ཚད་མས་དོན་ཅིར་མཚོན་ཀྱང་། །ཕྱོགས་ཀུན་ནས་དོན་མཚོན་ཅིང་རང་གི་རྒྱུད་ཐོག་ཏུ་དབབ། །དོན་བརྡ་དང་བྲལ་བར་རང་ལ་བཟློག་སྟེ་ཉམས་སུ་བླང་། །ཤེས་བྱའི་དོན་གྱི་སྟེང་དུ་ནན་ཏན་བྱ་བ་ནི་སྡུད་པར་བྱེད་པའི་འགྲེལ་པ་ནི། །ཆོས་ཀུན་རྩ་བ་གཅིག་བསྡུས་ནས། །སྤྲོས་པ་མེད་པའི་དོན་དུ་སྟོན། །དོན་སྡུད་པ་ཡི་འགྲེལ་པར་བཤད། །ཉམས་སུ་བླང་བའི་དོན་དྲིལ་བ་ཆེན་པོའི་དོན་དུ་ངེས་པའོ། ༈ །གཞི་ཇི་ལྟར་གནས་པའི་དོན་མངོན་སུམ་དུ་རྟོགས་པ་ལས། །གོམས་པས་ངེས་པར་བརྟན་ན་ངན་སོང་ངམ་འཁོར་བར་སླར་མི་ལྡོག་པར་རྩོལ་མེད་བདེ་ཆེན་གྱི་ཡོན་ཏན་རྟོགས་གོམས་ཀྱི་ཤུགས་ལས་འཆར་བ། དེ་ཙམ་ནི་དོན་ལ་འཇུག་པ་ལམ་གྱི་ཆོས་ཡིན་ནོ། ༈ །དེ་ལྟར་དུ་ལམ་མཐར་ཕྱིན་པའི་འབྲས་བུ་ལ། །ངོ་བོ་དང་རང་བཞིན་དང་ངེས་པའི་ཚིག་དང་། རྣམ་པར་དབྱེ་བ་དང་དུས་དང་ལྔ་ཡིས་དབྱེའོ། ༈ །ངོ་བོ་ནི་སེམས་ཉིད་ཡེ་ནས་རང་གསལ་བའི་དོན་ལམ་གྱིས་མཐར་ཕྱིན་པས། གཞི་མ་རིག་པ་དང་ལམ་རྩོལ་བ་དང་ཞོར་སྣང་གིས་བརྟགས་པའི་དུཿཁ་དང་གསུམ་གྱི་སྐྱོན་རྣམས་མ་སྤངས་བྲལ་བ་ཡིན་ནོ། ༈ །གནས་ལུགས་རང་བཞིན་གྱི་སྣང་བ་ནི་ཐ་སྙད་ཀུན་གྱི་གདགས་སུ་རུང་གཞི་ཅན་གྱི། ཐ་སྙད་རྣམས་རང་སར་གྲོལ་བར་ལམ་གྱིས་མངོན་དུ་ཤར་བས། །ཡང་ན་མཚོན་པའི་མཚན་ཉིད་ཀྱི་པའི་ཆོས་ཐ་སྙད་ཀུན་ལས་རང་ལས་གྲོལ་ཀྱང་མཚན་ཉིད་ཀྱང་ཐ་སྙད་ཀུན་གྱི་མཚན་པའི་གདགས་པའི་གཞི། །རང་སྣང་ཇི་ལྟ་བ་ཉིད་དུ་ལམ་གྱིས་མཐར་སོན་པ་ཡིན་ནོ། ༈ །སེམས་སངས་རྒྱས་ཀྱི་རྒྱུ་ཙམ་ལས་རྐྱེན་ཚོགས་གཉིས་གྱིས་འབྲས་བུ་རུ་བསྒྱུར་བ་མིན་ལ། །ལམ་མཐར་ཕྱིན་ཏེ་དེ་ལས་བསྐྱེད་དུ་བྱར་མེད་པས། །སྨིན་པའི་ཕྱིར་འབྲས་བུ་ཞེས་བྱ་བར་བརྡར་བཏགས་པ་ནི། །དེ་དང་དོན་མཐུན་པའི་མིང་དུ་ངེས་པའི་ཚིག་ཡིན་ནོ། ༈ །དབྱེ་བ་ནི་རྒྱས་པར་ཡང་སྤྲུལ་དཔའ་བོ་ཡིས། །ངེས་པ་འབྲས་བུའི་ཀློང་དུ་སྐུ་དང་ཡེ་ཤེས་རྫོགས་པ་ཆེ། །རྣམ་པས་བྱང་ཆུབ་སྙིང་པོར་གནས། །ཞེས་གསུངས་པར་ཤེས་པར་བྱའོ། ༈ །དེ་གནས་པའི་དུས་ལ་ཐོག་མ་མེད་ཅིང་མཐར་མི་ནུབ་པ་ནི། །རྒྱུ་ལ་མི་གནས་ཞེས་དྲང་གནས་ལུགས་ཀྱི་སྐབས་སུ་བསྟན་པ་བཞིན་དུ་འདིར་ཤེས་པར་བྱ། །རྒྱུད་དག་དུས་ཀྱི་འབྲས་བུ་ཐོབ་པའི་དང་པོ་ནི། །གང་ཟག་རང་རང་ནམ་གྲོལ་བའི་ཚེའི་སྐབས་ལས་སྦྱར་བའོ། །གཞན་དག་བཤད་བཞིན་རིག་པར་གྱིས། ༈ །གནས་ལུགས་མ་ནོར་བར་རང་སྣང་བ་ལ་མ་རིག་པས་བསྒྲིབས་པས་འཁྲུལ་སྣང་དུ་ཤར་བ་ལ་ལམ་བརྒྱུད་པའི་གདམས་པས་སྒྲིབ་བྱེད་དང་བྲལ་བར་མངོན་དུ་བྱས་པས་འབྲས་བུ་མཐར་ཕྱིན་ཏེ་མི་ལྡོག་པར་བརྟན་པའི། ལྡོག་ཆ་ལས་གཞི་ལམ་འབྲས་བུ་གསུམ་དུ་བགྲངས་ཀྱིས་དོན་དབྱེར་མེད་གྱིས་ངོ་བོ་གཅིག །རྐྱེན་ཤུགས་ཀྱི་མཐུ་ཡིས་བསྟན་པའི་ཐབས་ཡིན་ནོ། ༈ །ཡང་སྤྲུལ་དཔའ་བོས་དོན་མཚོན་པའི་ཐབས་སུ་ཚིག་སྡེབ་སྦྱོར་ལེགས་པས་གསུངས་ལ། གསང་སྔགས་བདག་པོའི་དགོངས་པས་རྒྱུད་སྡེ་རྣམས་ཚིག་ཏུ་བསྡུས། །ལོངས་སྐུའི་བརྡ་ཡིས་དོན་བཀྲོལ་ཆོས་སྐུ་ཡི། །བྱིན་གྱི་རླབས་ལས་རང་སྣང་བས་གསལ་བར་མཛད་པའི་རྒྱུད་དང་མན་ངག་རྣམས་སློབ་དཔོན་མི་སྟེན་པར་རང་ཡན་དུ་འཇུག་པས་རྟོགས་པ་མ་ཡིན་པའི་ཕྱིར་གཞི་ལམ་འབྲས་བུའི་དོན་རྣམས་ཚང་ལ་འཐོར་བུ་དཀྲུགས་པས་གབ་པ་ཡིན་ཀྱང་རྒྱ་གར་བ་རྣམས་མི་བརྗེད་པའི་གཟུངས་དང་ལྡན་ཞིང་སྒྲས་དོན་མ་ནོར་བར་འཐེམས་པའི། །སངྐྲི་ཏ་ལྷའི་སྐད་ལ་དེའི་ནུས་མཐུ་དང་ལྡན་པས་ཤེས་པའི་རྒྱུད་ལ་བསྡེབས་ཏེ་བརྒྱུད་པས་བསྡེབ་མི་དགོས་ཀྱང་བོད་ཀྱི། ༈ །དགེ་སློང་བཻ་རོ་ཙ་ན་གཞི་དད་པ་གྲོགས་བརྩོན་འགྲུས་དང་བརྩེར་དམ་ཚིག་དང་ལྡན་པ་ལ། །རྒྱལ་པོ་ཁྲི་སྲོང་ལྡེ་བཙན་སྤྱན་རས་གཟིགས་ཀྱི་སྤྲུལ་པ་སེར་སྣ་སྤངས་པ་ལ་སོགས་པ། །མཐའ་འཁོར་པ་རྣམས་སྒྲའི་མཐུ་ཞན་ཅིང་མི་བརྗེད་པའི་གཟུངས་དང་བྲལ་བས། །ར་ཆོད་ཅན་ལ་གབ་པ་ལ་བསྡེབས་པའི་དོན་མཚོན་པའི་ཐབས་ཀྱི་ཚིག །རིན་ཆེན་གྱི་མིང་གི་དོན་དང་ལྡན་པ་མཛེས་པར་རྒྱན་བཀོད་པ་ནི། ༈ །སྐུ་གསུམ་གྱི་བཀའ་ལུང་བརྒྱུད་པ་ཡི། །བླ་མ་དམ་པ་མཆོག་ཀུ་ཀུ་རཱ་ཛའི་གདམས་པ་ལ། །རང་རིག་པའི་ཉམས་ཚད་མ་དང་ལྡན་པ་ལ་སྙིང་བརྩེར་བས་ཀུན་སློང་བཅས་ཏེ། །རྒྱ་མཚོའི་བཅུད་བསྲུབས་ཏེ་བསྡུས་པས་ནོར་བུ་རིན་ཆེན་བྱུང་བ་དང་། །ངང་པ་རབ་དགའ་ས་རྒྱ་མཚོ་ལས་འོ་མ་བླངས་པ་ལྟར་དུ། །བཀའི་བཅུད་ཕྱུང་སྟེ་དོན་བསྡུས་པའི་དགེ་བ་འདིས། །སེམས་ཅན་ཐམས་ཅད་རྣལ་མའི་དོན་ལ་མོས་པ་དང་ལྡན་ཏེ་འཁྲུལ་པ་རང་པར་གྲོལ་བར་ཤོག་ཅིག་པའོ། ༈ །རིན་པོ་ཆེ་རྒྱན་ཨ་ཙཪྱ་སློབ་དཔོན་ཤྲཱི་དཔལ་སེངྷ་སེང་གེ་པྲ་བྷ་ཏའི་འོད་ཅན་གྱི་ཞལ་སྔ་ནས་མཛད་པ། རྒྱ་གར་གྱི་མཁས་པ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས། ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བོད་སྐད་དུ་བསྒྱུར་ཏེ་གཏན་ལ་མ་ནོར་བར་ཕབ་པ། །ཚིག་བཞི་ལ་ཤྭ་ལོ་ཀ་གཅིག་སྟེ་དེ་ཉིས་བརྒྱ་དང་རྩ་བརྒྱད་དང་ཚིག་གི་རྐང་པ་གཅིག་པའོ། །རྫོགས་སོ།། །། ༈ སེ་ཡི་བནྡྷེ་འབྱུང་ལྡན་གྱིས། །རང་རྟོག་དང་མཐུན་མཆན་བུ་འདི། །བརྩེ་བའི་སེམས་ཀྱིས་བཏབ་པ་ཡིན། །འགྲོ་ཀུན་མྱུར་དུ་སངས་རྒྱས་སྨོན། །

རིན་པོ་ཆེའི་ཕྲེང་བ་ཤྲཱི་སེངྷའིི་གསུང་སེའི་བནྡྷེ་འབྱུང་ལྡན་གྱི་མཆན་འགྲེལ།

ར ཏྣ མཱ ལེ ནཱ མ བི ཧ ར ཏི སྨ། །
རིན་པོ་ཆེའི་ཕྲེང་བ་ཞེས་བྱ་བ་བཞུགས།
རྒྱ་གར་སྐད་དུ། རཏྣ་མཱ་ལེ་ནཱ་མ། བོད་སྐད་དུ། མི་རྟོག་ལ་རེ་བ་སྐོང་བའི་རིན་པོ་ཆེའི་དང་པོ་ནས་མཐར་ཕྱིན་པའི་བར་གྱི་རིམ་པ་ཕྲེང་བ་མ་ནོར་བར་སྟོན་པ་ཞེས་བྱ་བ། ༈ །རང་འོད་ཐུགས་དམ་གྱི་ལྷར་རང་སྣང་བའི་དཔལ་རྡོ་རྗེ་སེམས་དཔའ་ལ་ཐུན་མོང་ཁྱད་པར་གྱིས་ཕྱག་འཚལ་ལོ། ༈ །རང་གི་རྒྱུད་རྒྱུ་རྐྱེན་གྱིས་མ་བཅོས་པའི་ཆོས་ཉིད་ནི་བཅོམ་ལྡན་འདས་ཡིན་ཏེ། ༈ །ཡུལ་དུ་གྲུབ་པ་མིན་པའི་བློས་བརྟག་པར་དཀའ་ཞིང་ངེས་བྱེད་ཀྱི་རྐྱེན་དང་བྲལ་བས་མ་རྟོགས་ཡང་། ༈ །ཆོས་ཉིད་རང་སྣང་༼ ཁ༽ དེ་བླ་མ་དམ་པས་གདམས་ངག་གི་དུས་རེ་ཤིག་ན། ༈ །སངས་རྒྱས་སྐུ་གསུམ་དུ་རོ་གཅིག་པར་བདག་ཕྱག་འཚལ་ལོ། །མ་བཙལ་བར་ལྷུན་གྱིས་གྲུབ་པའི་ངང་དུ་ཡེ་ནས་གནས་པ་ལ། ༈ །རྒྱུ་མ་རིག་པ་གཉིས་དང་རྐྱེན་ཉོན་མོངས་པ་ལྔ་དང་ལས་གསུམ་ཀྱིས་ཁམས་གསུམ་སྣོད་བཅུད་དུ་འཕངས་ཏེ། ༈ །ཡང་ན་གཞིའི་ཉེས་པ་སྡུག་ཞེན་དྲུག་གི་བསྔལ་༼༡༽གསུམ་སོགས་དང་ཐེག་བརྒྱད་རྩོལ་བས་༼༡༽གདུངས་༼༡༡༽པ་ལ། ༈ །རྒྱལ་བའི་བཀའ་༼ག༽ དང་ལུང་བརྒྱུད་པའི་གདམས་པས་གསལ་བར་མཛད་པ་ལ། ༈ །གོ་རིམ་མ་ནོར་བའི་འབྲེལ་༼ཁ༽པ་དང་བྲལ་བས་གནས་ལུགས་མངོན་སུམ་དུ་གྲུབ་༼ང༽པ་ཡི། །ཆུ་བོ་དང་བྲལ་བར་གྱུར་པ་དེའི་ཕྱིར་རིམ་པ་༼ཀ༽ པ་མ་འཁྲུགས་པ་བཞག་༼༠༽ པར་བྱའོ། །དེ་༼༠༽ཡིས་རང་རང་གི་རྒྱུད་ལ་དོན་ངེས་པར་གསལ་ནས། ༈ །འཁྲུལ་པ་རང་སར་གྲོལ་ཏེ་རྩོལ་མེད་བདེ་ཆེན་གྱི་སྲོག་དང་ལྡན་པ་ཡིན་ནོ། །རིམ་པ་ཇི་ལྟར་ཞེ་ན་དང་པོ་རང་རང་གི་ཤེས་རབ་ཀྱི་རྒྱུད་ཐོས་པས་བཀྲོལ་ནས། རིག་པའི་རྩལ་སྦྱང་སྟེ་བར་དུ་གཅོད་པའི་བདུད་བརྟག་ཅིང་། །བདུད་དེ་ཉིད་རང་སར་གྲོལ་བའི་ཐབས་བསྟན་ནས། །ངང་རྟོགས་པའི་དེ་ལ་འདྲིས་ཤིང་གོམས་པས་མཐར་ཕྱིན་པར་བྱའོ། ༈ །སྐབས་རེ་ཤིག་དུ་གཞི་དང་ལམ་དང་འབྲས་བུ་ཡིས། །དོན་གྱི་གཞུང་ཆེན་ལྔའི་ཁོག་དབུབ་པར་བྱས་ལ། །བཤད་ཐབས་དང་འདྲེན་པའི་ཚིག་བཅུ་པ་ཚན་གཉིས་དང་དོན་གྱི་འགྲེལ་པ་ལྔ་ཡིས་རྒྱུད་བཤད་པ་གང་ཟག་བློ་སྦྲམ་གྱི་ཤེས་པའི་རྒྱུད་ཐོས་པས་དགྲོལ་བར་བྱ་བ་ནི་གཞན་རྒྱན་དུ་བཤད་པ་ལྟར་ཤེས་པར་བྱའོ། །རིག་པའི་རྩལ་སྦྱང་པ་ལ་ཡན་ལག་གྲངས་གསུམ། །མིང་བློ་གྲོས་དྲི་བའི་ཡུལ་སློབ་དཔོན་དང་གདམས་པ་གཏད་པའི་རྟེན་སློབ་མ་དང་། མན་ངག་བསྟན་པའི་རིམ་པའོ། ༈ །ཐུན་མོང་དུ་དབང་བསྐུར་ཐོབ་པ་དང་ཁྱད་པར་རིག་པ་རྩལ་གྱིས་ཐོབ་པའི་དབང་གི་ཆུ་བོ་རྫོགས་ཤིང་། །ཐབས་ཆེན་བྱ་བྲལ་མཁའ་ཁྱབ་དང་ལུང་གསུམ་གྱི་ཚིག་གི་བརྒྱུད་པ་བར་མ་ཆད་པས་རྒྱུད་ཀྱི་ཆུ་བོ་ཅན། །བརྡ་བྲལ་རང་གྲོལ་བའི་མན་ངག་གི་བརྒྱུད་པས་བར་མ་ཆད་པས་ཆུ་བོ་རྫོགས་པས། །ཆོས་ཉིད་རང་གི་མཚན་ཉིད་མངོན་སུམ་བཞི་ཡིས་མངོན་ཡུམ་དུ་གྲུབ་པས་ཐག་ཆོད་དེ་ཡིད་ཆེས་པས་གྲུབ་པའི་ཆུ་བོའི། །གོང་ན་མེད་པས་བླ་མ་རེ་བ་བསྐོང་བས་རིན་ཆེན་སྲོག་བདེ་ཆེན་རྟོགས་པའི་གི་གཟུངས་སོ། ༈ །དབང་ཐོབ་༼ཀ༽པ་ས་ནོན་༼ཁ༽པ་ཐེག་པ་ཀུན་ལ་༼ག༽མཁས། །དོན་ངེས་པར་རྟོགས་༼ང༽ཐུགས་རྗེ་༼ཅ༽ཆེ་ཞིང་བརྩོན་པར་༼ཆ༽སྟོན། །ཆོས་སྟོན་མཁས་༼ཇ༽ཐུགས་རྒྱུད་འཇམ་༼ཉ༽ནོར་རྫས་ལ་སྲེད་པ་༼ཏ༽ཆུང་། །ངེས་དོན་སྙིང་པོ་འབའ་ཞིག་གི་སྒྲ་གཅིག་པུ་ལ་དགའ་བ་༼ཐ༽ཡིས། །གསང་སྔགས་ཀྱི་༼ཀ༽ སྟོན་པར་གནང་ཞིང་ཉོན་མོངས་དང་སྡུག་བསྔལ་གྱི་རྐྱེན་༼ཁ༽ ཐུབ་གོལ་༼ག༽པ་དང་སྒྲིབ་པ་རྣམས་སེལ་ནུས། །ལྟ་བ་གཞན་གྱིས་ལོག་པར་མི་འཕྲོགས་མན་ངག་རྫོགས་༼ཅ༽པར་གནང་ཞིང་དུས་མྱུར་༼ཆ༽དུ་སྟོན། །ཚིག་དང་དོན་རྟོགས་༼ཇ༽པ་སྐྱེན་དམ་༼ཉ༽ཚིག་མི་ཉམས་དད་༼ཏ༽པ་མི་ལྡོག །དེ་༼ཐ༽ ཡི་རྗེས་སུ་བུ་ཡང་ངེས་པའི་དོན་ལ་རྟོན་པའི་དགོས་པ་ཡོད་པའོ། ༈ །སློབ་བུ་ཡིས་ཡོན་ཏན་དེ་དག་དང་ལྡན་པའི་བླ་མ་དེ་ལ་རྒྱལ་བ་སངས་རྒྱས་ཀྱིའི་འདུ་ཤེས་སུ་གཞག་པར་བྱའོ། ༈ །བླ་མ་དེ་ཡིས་མན་ངག་གཏད་པའི་རྟེན་སློབ་མའི་ཡོན་ཏན་དག་ཀྱང་། །སྣོད་ཀྱི་ཡོན་ཏན་དང་ལྡན་ལ་བླ་མ་ལ་སྙིང་བརྩེ་ཞིང་། །མཆེད་གྲོགས་ལ་སེམས་གདུངས་ཤིང་དམ་ཚིག་ལ་རྟག་ཏུ་གནས། །ཡིད་མི་འགྱུར་བར་བརྟན་ཞིང་བློ་ཤེས་རབ་གསལ་ཏེ་ཤེས་རབ་གསུམ་སྦྱོང་བ་ལ་བསྙུགས་སུ་རིང་། །གཞི་དད་པ་དང་གྲོགས་བརྩོན་འགྲུས་དང་བརྩེ་གདུང་དམ་ཚིག་གསུམ་དང་རབ་ཏུ་ལྡན་པས། །བླ་མ་རང་གི་སྲོག་ལྟར་དུ་གཅེས་པར་འཛིན་ཅིང་གདམས་ངག་གཏེར་ལྟར་དུ་མི་སྤེལ་བར་འཆང་བ། །མདོ་སྡེ་དང་རྒྱུད་སྡེ་དག་ལས་རབ་ཏུ་བསྔགས་པའི་ཡོན་ཏན་དང་ལྡན་ལ། །མདོ་རྒྱུད་དེ་དག་ལས་གསུངས་པ་ཡི་སྐྱོན་དང་བྲལ་བའི་རྡོ་རྗེའི་རིགས་ཅན་གྱི་སློབ་བུ༼༡༽། །ཕ་༼༣༽བླ་མ་ཡིས་དེ་ལ་༼༢༽རྒྱལ་༼༤༽བའི་གདུང་སོབ་པའི་སྲས་སུ་དགོངས། །ཡང་དག་པའི་དོན་གྲུབ་པའི་རྟེན་ཡིན་པས་ཐུགས་ཀྱིས་ངེས་པར་གཟུང་ལ། །ཕྲལ་གྱི་སྣོད་སྐྱོན་བཅོས་སྐྱོ་དུབ་མེད་པའི་ཞེས་དྲང་ཤིང་ཞར་གྱིས་ཡོན་ཏན་རྣམས་བསླབ། །གོང་གི་སྣོད་ལྡན་གྱི་ཡན་ལག་དམ་པར་དེ་དག་ཚང་བ་ནི་ཐུགས་སྲས་ཀྱི་སློབ་མའི་མཆོག་ཡིན་ནོ། །མན་ངག་གི་རིམ་པ་ནི་སློབ་དཔོན་དེ་དག་ཕན་ཚུན་དུ་རྙེད་ནས། །ལུས་ངག་གི་སྤྱོད་པ་ནོར་རྫས་དང་བཅས་པ་ཡིས། །ཚུལ་ལམ་ཐབས་ཅི་ནས་ཀྱང་བླ་མ་མཉེས་པར་བྱས་ཤིང་། །དཔེར་ན་མགོ་བོའི་སྐྲ་ལ་མེ་འབར་བ་གསད་པ་བས་ཀྱང་། །རིངས་པའི་ཚུལ་གྱིས་ཆོས་ཀྱི་ཐེ་ཚོམ་རྣམས་གཅད་དོ། ༈ །བླ་མས་དུས་དང་པོ་དབང་གི་སྔོན་འགྲོ་གནས་དབེན་པའི་སར། །ཞག་ལྔ་ཚན་གཉིས་དང་གཅིག་ཏུ་སློབ་མས་འབྱོར་ཚད་ཀྱིས་བསག་ཅིང་། །བར་དུ་གཅོད་པའི་བགེགས་བསྐྲད་ཅིང་བསྲུང་། །ༀ་སྐུ་ཨཱཿགསུང་ཧཱུྃ་ཐུགས་སརྦ་ཐམས་ཅད་ཏ་ཐཱ་ག་ཏ་དེ་བཞིན་གཤེགས་པ། ཀཱ་ཡ་སྐུ་ཝཱཀ་གསུང་ཙིཏྟ་ཐུགས་བྷོ་དྷི་བྱང་ཆུབ་ཙིཏྟ་སེམས་མ་ཧཱ་ཆེན་པོ་སུ་ཀ་བདེ་བ་ཧཱུྃ་རིག་པ་ཨ་མ་སྐྱེས་པ། །རང་གི་ལུས་རྣམ་པ་སྒྱུ་མ་ལྷུན་གྲུབ་ལས། །དེའི་གཟུགས་བརྙན་ཀུན་ཏུ་བཟང་པོ་རྡོ་རྗེ་དྲིལ་བུ་ཅན་ནི་༼༠༽དོན་༼༠༽གྱི་༼༠༽རྟགས། །ཧཱུྃ་རིག་པ་ༀ་ཡེ་ཤེས་བཛྲ་རྡོ་རྗེ་པཱ་ཎི་ལག་ན་མ་ཧཱ་ཆེན་པོ་ཡག་ཀྵ་གནོད་སྦྱིན་ནི་ལྂ་བྷ་ར་གོས་སྔོན་ཅན་དྷ་ར་ཟུང་ཞིག་ད་ཧ་ནི་ཆོམ་ཞིག །ཡེ་ཤེས་སུ་ཧཱུྃ་ཕཊ་སྒྲོལ་ཅིག །ཀུན་བཟང་གི་མདུན་དུ་གཡས་པ་རང་རྟགས་རྡོ་རྗེ་འཛིན་པའི་རྡོ་རྗེ་གནོད་སྦྱིན་ཆོས་ཉིད་ཀྱི་ངང་ལས་ཤར་བའི་བསྒོ་བའི་བཀའ་ཉན་པའི་ཚུལ་དུ་བསམ་མོ། །ཡེ་ཤེས་ལྔ་ལྡན་ༀ་བཛྲ་རྡོ་རྗེ་ཡཀྵ་གནོད་སྦྱིན་ཀྲོ་དྷ་ཁྲོ་བོ་ཛྭ་ལ་འབར་བ་ཧ་ལ་རྒྱོབ་ཅིག་ཧ་ལ་ཧཱུྃ་ཕཊ་སུས་ལ་སྒྲོལ། སྤྲུལ་པའི་ཁྲོ་ཆུང་འཕྲོས་ཤིང་མེ་འོད་འབར་བས་བགེགས་བསྐྲད་པར་བྱའོ། །ༀ་བཛྲ་ཙཀྲ་རཀྵ་རཀྵ་མུ་ལ་ཙུ་ལེ་རཀྵ་རཀྵ་ཧཱུྃ་ཧཱུྃ་ཧཱུྃ། རང་གི་ལུས་ལུས་རྡོ་རྗེའི་རང་བཞིན་དུ་བསམ་པ་ལས། །འཁོར་ལོའི་རྩིབས་ཀྱིས་ཕྱོགས་བཅུར་བར་གཅོད་རྣམས་གཅོད་ཅིང་སྒྲོལ། །རང་དབུས་ཀྱི་ལྟེ་བར་གནས་པས་བར་དུ་ཆོད་པ་ཐམས་ཅད་བྲལ་ཏེ། །རིག་པ་སྔགས་ཏིང་ངེའི་སྲོག་དང་དབང་ཀློང་དྲང་བཅས་པར་བྱའོ། ༈ །དེ་ལྟར་ཞག་བཅུ་གཅིག་བྱས་ནས་ཐུན་ཞག་གསུམ་གྱི་བར་དག་ལ། སློབ་མའི་སྣོད་ཀྱི་སྐྱོན་ཡོན་རྣམས་བཤད་ལ་མན་ངག་བསྟན་པ་ནི། ནང་ནུབ་དུ་མྱུར་དུ་འཆི་བ་མི་རྟག་པ་བསམ་ཞིང་ལས་དགེ་སྡིག་ཀྱི་བག་ཆགས་བསགས་པ་རྣམས་བགྲང་སྟེ། མི་བསླུ་བར་ངེས་པར་བློ་ཕྲུག་སུ་ཅི་བཞག་ད་ལྟ་རང་དྲོས་ཀྱིས་ཆོད་པར་བྱའོ། ༈ །སྔོན་དུ་བྱ་བ་རྫོགས་པ་དེ་ནས་མཚོན་བྱའི་དོན་རྣམས་གསལ་བར་བྱེད་༼ཀ༽པའི། །རྒྱུ་རིན་ཆེན་༼ཁ༽སྣ་ལྔ་ལས་བྱས་པའི་དཀྱིལ་འཁོར་མཎྜལ་ལ། །ཁ་དོག་གསལ་༼ཀ༽ཞིང་འོད་༼ཁ༽ཟེར་དེ་འབར་བར་བྱས་པ་ལ། ༈ །འཁོར་ལོ་རྩིབས་བརྒྱད་ཀྱི་སྤྱི་བོར་འཁྱིལ་པ་ལ། །རྡོ་རྗེ་བར་མ་ཆད་པའི་ཕྲེང་བས་རབ་ཏུ་མཚན་ཏུ་བྲི་བ་ནིས། །དོན་མཚོན་པར་བྱེད་པའི་སྒོ་བརྒྱད་དང་ལྡན་པའོ། །དེ་ཡང་རྣམ་ཤེས་དང་ཐིག་ལེ་གནས་པའི་རྟེན་གྱི་སྙིང་གའི་རྩ་བརྒྱད་གནས་པའི་ཚུལ་དུ་བྲིས་ལ་གཞག །འཇུག་པའི་སྒོ་ཐེག་པ་བརྒྱད་མཚོན་པའི་སྒོ་བརྒྱད་རྩིབས་བརྒྱད་ལ་བྲིས་ཏེ་དགོད། །ཤེས་བྱ་དོན་གྱི་སྒོ་རྣམ་ཤེས་ཚོགས་བརྒྱད་རྩ་བརྒྱད་ལ་གནས་པར་བསྟན་ཏེ། །འགྲོ་བ་རིགས་དྲུག་དང་མུ་སྟེགས་རྟག་ཆད་གཉིས་ཏེ་བརྒྱད་གོང་རས་ལ་བྲིས་ཏེ་ཞོར་ལ་གྲོལ་བར་བསྟན་པར་བྱའོ། །འགྲོ་ཕྱིན་ཅི་ལོག་ཏུ་བའི་འཕྲང་གཅད་ལ་རིག་པའི་རྩལ་སྦྱང་བ་དངོས་ནི། །བླ་མའི་མཚན་ཉིད་བཅུ་བཞི་གོང་དུ་བསྟན་པ་དེ་ཉིད་ཀྱི། །ཡོན་ཏན་དང་ལྡན་པས་ཚད་མར་སངས་རྒྱས་ཀྱི་འདུ་ཤེས་སུ་རབ་ཏུ་བཟུང་ལ། །མོས་པ་ཡིས་དམིགས་པ་རྩེ་གཅིག་ཏུ་ཏིང་ངེ་འཛིན་གསལ་བར་ཤེས་པ་གཏད་ལ་བསྒོམས་པའི་མངོན་སུམ་པ་དྲོད་དང་ལྡན་ན་མ་བསྒོམས་པའི་མངོན་སུམ་གྱིས་བརྡ་དོན་སྤྲོད་པར་བྱའོ། ༈ །དྲོད་དང་ལྡན་པ་མིན་ན་བསྒོམ་པས་གཟུགས་མིང་སེམས་ལ་བརྟག་ཅིང་འདུ་ཤེས་བསྒྱུར་བ་ལ་མ་བསྒོམས་པས་བརྡ་དོན་སྤྲད་པར་བྱའོ། ༈ །དེ་ལ་༼ག༽བར་ཆོད་འབྱུང་བའི་རྩ་བ་ནི་རང་གི་སེམས་ཉིད་ཡིན་ཏེ། དེ་ངོ་མ་ཤེས་པ་དང་ཤེས་ཀྱང་དེའི་ངང་དུ་མ་གོམས་པ་ལས། །བདུད་རྣམ་པ་བཞིའི་ཚུལ་དུ་ཤར་བ་ཡིན་ཏེ་གང་ཞེ་ན། ༈ །ནང་གི་བདུད་ལྟར་དུ་ཤར་བ་ནི་ཀུན་གཞི་ལ་ང་བདག་ཏུ་འཛིན་པའི་བདུད་༼ཀ༽ཡིན་ཏེ། །ཉོན་༼ང ༽མོངས་པ་དུག་ལྔ་ལོངས་སྤྱོད་ཀྱི་སྐུ་རང་རིག་བདེ་ཆེན་དུ་མ་རྫོགས་པས། །གཅོད་བྱེད་ཡིད་ཀྱི་རྗེས་སུ་འབྲངས་ནས་ནི། །རང་ཁོ་ན་སྨྲ་བས་རང་གིས་དྲིས་པའི་ལན་རང་གིས་འདེབས་པར་བྱེད་པ། གཟུང་འཛིན་༼ཁ༽རང་གྲོལ་བའི་རང་རིག་བདེ་བ་ཆེན་པོའི་བར་དུ་གཅོད་ལ། ༈ །ཕྱིའི་བདུད་ལྟར་ཤར་བ་ནི་ཡུལ་ལ་མཚན་མར་འཛིན་པའི་གྱི་བདུད་ཡིན་ཏེ། །གཟུགས་སོགས་ཡུལ་ལྔ་སྣང་ལ་རང་བཞིན་མེད་པ་སྤྲུལ་པའི་སྐུ་མ་ཤར་བས། །གཅོད་བྱེད་ཡིད་ཀྱི་རྗེས་སུ་འབྲངས་ནས་ནི། །དང་པོ་ཡུལ་དུ་སྣང་བའི་བགྲང་བའི་བྱ་བ་བྱེད་ཅིང་། །རྗེས་སུ་འཇུག་ལ་ཐ་མ་རྣམ་རྟོག་རྐུན་བུར་འབྱུང་བས། །སྣང་བའི་ཡུལ་ལ་འཛིན་པ་རང་སར་གྲོལ་བའི་བར་དུ་གཅོད་པའོ། ༈ །དེ་ལྟར་ཕྱི་ནང་གི་རྗེས་སུ་འཇུག་ཅིང་རང་རིགས་སྔ་མའི་རྗེས་སུ་འབྲང་བ་ནི་བར་གྱི་བདུད་སྟེ། །ཡིད་ཀྱི་སྤྲོས་པ་ཉིད་སྤྲོས་བྲལ་ཆོས་སྐུར་མ་ཆོད་པས། །སྒོ་ལྔ་ཕྱི་ནང་ཉོན་ཡིད་བར་རང་རིགས་སྔ་མ་གསུམ་གྱི་ཕྱི་བཞིན་དུ་རྗེས་སུ་འབྲང་བར། །རང་བཞིན་སྤྲོས་བྲལ་གཉུག་མ་མ་བཅོས་པའི་བར་དུ་གཅོད་པའོ། ༈ །སྐུ་གསུམ་དུ་ངོ་ཤེས་ལ་དེའི་ངང་དུ་མ་གོམས་པས་མི་གནས་པ་ནི་ལྡིངས་པའི་བདུད་ཡིན་ཏེ། །བླ་མ་ལ་བརྩེ་གདུང་དང་བྲལ་བས་དམ་ཚིག་ལ་མི་གནས། །ལྟ་བ་ཁ་ལ་ཁྱེར་ཏེ་དོན་སྤྱིའི་རྣམ་པ་ཙམ་ལ་གནས། ༈ །བག་ཆགས་ཀྱི་རྟེན་ཀུན་གཞི་ལ་བག་ཆགས་དེ་ཞེན་པས། ༈ །འཇིག་རྟེན་ལས་མི་འཕགས་པར་འཁྲུལ་ཞིང་འཁོར་བས་འཆིང་བའི་དྲ་བར་གནས་པས། ༈ །གཞི་ལམ་གྱི་ཉེས་པ་ཀུན་གྲོལ་བའི་བདེ་བ་ཆེན་པོ་སངས་རྒྱས་པའི་བར་དུ་གཅོད་པའི་ཕྱིར་རོ། ༈ །བདུད་བཞི་པོ་དེ་དག་རང་སར་གྲོལ་བར་བྱ་བའི་ཐབས་ལ་ཡང་། །ཕྱི་ནང་བར་གསུམ་གྱི་བདུད་གསུམ་ནི་ཤེས་པ་རྒོད་པ་ཞེས་པ་ཞེས་དྲང་སྐྱེ་བའི་ལུགས་གསུམ་པོ་ཡིན་ལ༼༡༽། །དེ་༼༡༽ཡི་གནས་ལུགས་སྒྱུ་མ་སྤྲོས་བྲལ་རང་རིག་ལྷུན་གྲུབ་གསུམ་ཡིན་པས་དེ་རྟོགས་པའི་ཐབས་སྐུ་གསུམ། །ཐུག་ཕྲད་དུ་སྟོན་པའི་ཐབས་གསུམ་ལ་དོན་ངེས་བར་ཐག་བཅད་པ་ལ་བློ་བཞག་ཐབས་ནི་རྟོགས་པའི་སོ་མ་ཤོར་བ་ལ་རེ་དོགས་མེད་པས་ལྷུག་པ་སྐྱོན་ལ་བཤེས་གཉེན་མི་བརྟེན་པས་རང་ཏང་དང་གསུམ་དུ་བཞག །དེ་རྟོགས་གོམས་ཡིས་བདུད་བཞི་པོ་དེ་ཉིད་ལྷུན་གྲུབ་གསུམ་པོ་དེར་གྲོལ་བར་འགྱུར་བ་ནི་དཔེར་ན་ཆུ་ཉིད་འཁྱག་པར་སྣང་བས་དང་འཁྱག་པ་ཆུ་རུ་གྲོལ་ཇི་བཞིན་དུ་རྟོགས་གོམས་དེའི་ངང་ལ་ནན་ཏན་གྱིས་གནས་པ་ནི་ཤིན་ཏུ་གཅེས་པའི་ཕྱིར། །དེ་ཉིད་དུས་རྒྱུན་དུ་བསྒོམ་པའི་ཐབས་ཡང་གང་ཞེ་ན། །དགོན་༼༡༽པ་རུ་རི་ཁྲོད་དུ་གྲོང་ཡུལ་༼༣༽དུ། །རྒྱལ་༼༡༽པོ་ལྟར་སྨྱོན་༼༢༽པ་ལྟར་སྤྲང་པོ་༼༣༽ལྟར། སྒོམ་༼༡༽ཆེན་རྣལ་༼༡༢༽འབྱོར་ལྡོམ་༼༡༣༽བུ་༼༡༽བྱ༼༡༡༡༽། ༈ །ལུས་དང་རྫས་རྟེན་པ་གནས་ཀྱི་དགོན་པ་གྲོང་ལས་རྒྱང་གྲངས་སུ་གྱུར་པ་རུ། །རང་རིག་པ་བྱང་ཆུབ་སེམས་ཀྱི་དོན་རྟོགས་པའི་དགོན་པ་བསྐྱང་། །སེམས་ལུས་ལ་རྟེན་ཅིང་འབྲེལ་བས་རང་གི་ལུས་ལས་དགོན་པར་འཆར་རོ། ༈ །དངོས་སུ་སྣང་བ་བཞུགས་པའི་ཡུལ་གྱི་རི་ཁྲོད་དུ། །རིག་པ་སེམས་ཀྱི་རི་ཁྲོད་སྦྱང་། །རྟེན་འབྲེལ་གཟུགས་ཀྱི་ཕུང་པོ་ཉིད་རི་ཁྲོད་དུ་འཆར་རོ། ༈ །ལུས་དང་སེམས་རི་ཁྲོད་དང་དགོན་པར་ལྡོམ་བུ་བྱ། །སེམས་ཀྱིས་དེ་ཡི་རོ་སྙོམས་ཤིང་རི་ཁྲོད་དུ་ལྡོམ་བུ་བྱ། ༈ །དེ་ཡང་མཉམ་ན་ཐེག་པ་ཆེན་པོས་འགྲོ་བའི་དོན་དུ་གྲོང་ཡུལ་དུ་ལྡོམ་བུ་བྱའོ། །དེའི་དོན་ཡང་བླ་མ་དམ་པ་ཀུ་ཀུ་རཱ་ཙས་བསྐུལ་བའི་ཆ་རྐྱེན་དུ་བཞག་པའི་ཚིག་ནི། །རྒྱུ་རྐྱེན་མེད་པར་རང་རིག་པ་ཐམས་ཅད་དུ་གསལ་ལྟ་འཁོར་འདས་མཉམ་ཉིད་ངང་ལ་ཕྱོགས་རིས་མེད་པས་བལྟ་བྱ་ལྟ་བྱེད་མེད་པར་ལྟོས། །དོན་མ་སྒོམ་ནོར་བའི་ངང་ལ་གནས་པས་བཅོས་སུ་མེད་དེ་ཡིན་དོན་རང་རྟོགས་པའི་སོར་ཞོག །དོན་ལ་གནས་པའི་ལུས་ངག་ཡིད་ཀྱི་སྒོ་གསུམ་སྤྱོད་མ་བཅིངས་པར་བག་ཡངས་སུ་སྤྱོད། །འབྲས་བུ་རྒྱན་ཕྱོགས་རིས་ལས་གྲོལ་ཏེ་མཛེས་པས་དང་བཅས་པའི་ངང་ལ་ཀུན་རྟེན་པས་ལུས་ཚིག་རྗེས་མ་གཅོད་པར་ལྷུན་གནས་ཀྱི་དོན་ལ་ལ་རྟོན་ཅེས་གསུངས་སོ། །མཐའ་འཁོར་པ་ཡི་བན་དྷེ་བཻ་རོ་ཙ་ནས་འོག་གི་འདིར་ལྟར་དུ་རིག་པའམ་སློབ་བུ་བསྐྱང་། །ཐེག་པའི་བྱེ་བྲག་མ་འདྲེས་པར་ཤན་༼ཁ ༽ཕྱེ་སྟེ་མ་སྤངས་པར་མཉམ་ཉིད་དུ་ལ་བཟླས་བློ་སྦྲམ་གྱི་རྒྱུད་ཁྲོལ་ལ། །དགོངས་པ་རིག་པ་སྙན་ཁུང་དུ་བརྒྱུད་པའི་གདམས་པས་ཆོས་ཉིད་རང་གི་མཚན་ཉིད་མངོན་སུམ་དུ་སྟོན། །གནས་དབེན་པར་རང་གི་སེམས་ཉིད་རྟོགས་པའི་ངང་དུ་གོམས་པར་གྱིས། །རང་གི་རྒྱུད་དམ་གདུལ་བྱ་སྨིན་པར་གྱིས་ཤིག་ཅེས་གདམས་སོ། །ཀྱེ་བོད་པ་སྟེ་གདམས་པ་བཞག་པའི་ཕྱིར་རོ། །ཐུགས་ཀྱི་སྲས་བཻ་རོ་ཙ་ན། ༈ དུས་དང་པོ་བླ་མ་༼ག༽དམ་པ་ཡོན་ཏན་དང་ལྡན་པ་བཙལ་ཏེ། །དེ་རྙེད་ནས་སྒོ་གསུམ་གྱིས་དཀའ་བས་བླ་མ་དེ་བསྟེན་ཅིང་། །ཅི་མཉེས་པས་དེའི་ཐུགས་གཟུང་ལ་གདམས་ངག་ཞུ། །རང་གི་རྩོལ་བས་དར་དྲག་ཏུ་ཐེ་ཚོམ་མེད་པར་གཅད། །གཏད་རྒྱ་ཐམས་ཅད་ཡོངས་སུ་རྫོགས་པར་ཐོབ་ནས་དབེན་པའི་གནས་སུ་རིག་པ་བསྐྱངས། །དེ་ཡང་རབ་ལོ་གསུམ་བློ་འབྲིང་གིས་ལོ་བཞི་བློ་དང་བརྩོན་པ་ཐ་མས་ལོ་ལྔ། །འཇིག་རྟེན་པའི་གཡེངས་འབྲེལ་རྣམས་ཀྱི་ཐག་བཅད་ལ་རང་གི་སེམས་གོམས་པར་བྱའོ། །རང་བརྟན་པ་ཐོབ་པ་དེ་ནས་ཅི་བདེ་བར་འགྲོ་དོན་མཛད་པ་དེ་ཡང་དོན་ལ། །བྱ་བ་དང་བྱེད་པ་མེད་པར་རིག་པ་ཡི། །སྐྱེས་བུས་བྱ་བ་ཙལ་གྱི་སྤྱོད་པ་ཅི་མཛད་ཀྱང་བྱ་བ་མེད་པ་ཉིད་ཡིན་ཏེ། །དེ་ཡང་རྟོགས་གོམས་ཀྱི་ངང་ལ་མ་གཡོས་པར་གནས་པའི་གདེང་ཆེན་དང་ལྡན་ནོ། ༈ །རང་བཞིན་གྱིས་ལྷུན་གྱིས་གྲུབ་པའི་རྩོལ་མེད་བདེ་ཆེན་གྱི་ངང་དུ་ཡེ་ནས་གནས་ཀྱང་། །དེ་ཉིད་མ་རྟོགས་ཤིང་ཕྱིན་ཅི་ལོག་ཏུ་བརྟགས་ཏེ་འཁྲུལ་པས་སྡུག་བསྔལ་བ་དེ་ལ། །རང་གྲོལ་བའི་མན་ངག་མངོན་སུམ་དུ་བསྟན་ཀྱང་དེའི་ངང་དུ་གོམས་པ་དང་བྲལ་ན་རང་གྲོལ་དེ་ལས་རིང་བས། །དེ་ཉིད་རང་རང་གི་རྒྱུད་ལ་འཆར་བར་བྱེད་པའི་ཐབས་ཀྱི་རིམ་པའི་ཕྲེང་བར་འགྲོ་བ་ཀུན་གྱི་རྒྱུད་ལ་གནས་པར་སྨོན་ནོ། །རིན་པོ་ཆེ་ཕྲེང་བ་ཞེས་བྱ་བ། སློབ་དཔོན་ཆེན་པོ་ཤྲཱི་སེང་ཧས་མཛད་པ་རྫོགས་སོ།། །། ༈ སེའི་བན་དྷེ་འབྱུང་ལྡན་གྱིས་གཞན་ལ་བརྩེ་བའི་སེམས་ཀྱིས་མཆན་བུ་བཏབ་པའོ། །དགེ་བ་རྫོགས་པའི་སངས་རྒྱས་སུ་སྨོན་ནོ།།

རིན་པོ་ཆེའི་འོད་ཤྲཱི་སེངྷའིི་གསུང་སེའི་བནྡྷེ་འབྱུང་ལྡན་གྱི་མཆན་འགྲེལ།

ར ཏྣ པྲ བྷཱ ཏི སྨ །
རིན་པོ་ཆེ་འོད་བཞུགས།
རྒྱ་གར་སྐད་དུ། རཏྣ་པྲ་བྷཱ་ནཱ་མ། བོད་སྐད་དུ། རྣ་བརྒྱུད་རིན་པོ་ཆེ་ཡིས་སྙིང་པོའི་དོན་གསལ་བར་བྱེད་པས་འོད་ཅེས་བྱ་བ། རང་འོད་ཐུགས་དམ་གྱི་ལྷར་རང་སྣང་བའི་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། ༈ །གནས་ལུགས་ལྷུན་གྲུབ་གསུམ་དུ་གསལ་བས་ཀུན་ཁྱབ་མི་འབྱེད་པའི་ཐུགས་རྗེ་རང་རིག་པ་ཉིད་ལ་རང་ཆས་སུ་གནས་པའི་དཔལ་ཏེ་སྐུ་གསུམ་རང་རིག་པ་པདྨ་གསུམ་པོ་ཉིད་ལྡན་པ་དེ་ལ་དགའ་བའམ་དང་བའི་ཚུལ་གྱིས་འདུད་ཅིང་ཕྱག་འཚལ་ལོ། ༈ །རྒྱལ་བའི་ཐུགས་༼ག༽རྗེའི་བྱིན་གྱིས་བརླབས་བའི་རྣ་བརྒྱུད་ཀྱི་གདམས་པ་ནི། འཕགས་པའི་སྐུ་དང་བྱིན་རླབས་ཀྱིས། །སློབ་དཔོན་ཤྲཱི་སིངྷ་ཉིད་ལ་རང་ཤར་བ་ནི་ཉི་མ་ལྟ་བུར་གསལ་བས་གཞན་གྱི་སེམས་ཉིད་ཀྱང་གསལ་བར་བྱེད་པའི་གདམས་ངག་རིན་ཆེན་སྣང་བ་འོད་འདི། །གྲངས་མཐའ་༼ཆ༽ཡས་པའི་འགྲོ་བའི་རིས་ཐམས་ཅད་ལའང་། །དབྱེར་མེད་ཀྱི་ཚུལ་གྱིས་ལྡན་མོད་གྱིས་ཀྱང་། །བདག་འཛིན་ལོག་པའི་སེམས་ཚོགས་བརྒྱད་ཀྱིས་དཀྲུགས་པས་ཡོད་ཀྱང་མི་གསལ་བ་ནི་ས་འོག་གི་གཏེར་གྱི་བུམ་པ་ཡོད་ཀྱང་མི་གསལ་བ་ཇི་བཞིན་པས། །གདམས་ངག་རིན་ཆེན་སྣང་བ་འོད་འདིས་རང་འབར་དུ་སྟོན་པ་ཡིན། །འགྲོ་༼ཁ༽བའི་བླ་མ་ཐུབ་པའི་དབང་པོ་ཡུན་མི་རིང་བ་ཞིག་བཞུགས་ནས་འདས་པར་གྱུར་ཀྱང་། །གང་ལ་བཞག་ན་འགྲོ་༼ང༽བ་མ་རིག་པའི་མུན་པ་ལ་གནས་པ་རྣམས་ཀྱི་ནང་ནས། །རྣལ་མའི་དོན་ལ་མོས་པའི་རྣལ་འབྱོར་པ་ཤེས་རབ་ཀྱི་མིག་མེད་པ་པ་རྣམས་ལ། །སྙིང་༼༡༽པོ་རྣལ་མའི་དོན་གསལ་བ་འོད་ཀྱི་དོན་དུ་རྣ་བརྒྱུད་ཀྱི་མན་ངག་འདི་བཞག་པར་བྱའོ། ༈ །མཚོ་ཆེན་པོའི་གཏིང་༼ཀ༽གསེར་དུ་ཡོད་པ་ལྟར་མི་བརྗོད་བྱ་གསལ་བའི་བྱང་ཆུབ་ཀྱི་སེམས་རིན་པོ་ཆེ། །སྙིང་པོ་རྣལ་མ་རྟོགས་པའི་སྐལ་༼ ཅ༽ལྡན་རྣལ་འབྱོར་འདིར་མོས་འཇུག་འབྲེལ་པ་གིས། །ཁམས་གསུམ་གྱི་སེམས་དང་སེམས་བྱུང་སྒྲོ་བཏགས་ཀྱི་རྟོག་པ་མེད་དགོས་པ་ཡུལ་མེད་རང་གསལ་དུ་མཐོང་བའི་ལམ་མངོན་སུམ་དུ་རྟོགས་པ་དང་གཟོད་ལམ་རིམ་པས་༼ཇ༽བགྲོད་མེད་དེ་མཐར་ཐུག་གི་འབྲས་ཉིང་དགོས་བུར་རང་ལ་སྣང་བ་ཡིན་ནོ། །ཤེས་པ་གསུམ་གྱིས་མ་གོས་པས་པདྨ་༼ཀ༽དབང་པོ་སྤྲུལ་གསང་བའི་ཆོས་སྙིང་ལོངས་གསུམ་གྱི་དཀྱིལ་འཁོར་རྟོགས་ནས། །བདེ་གཤེགས་གསུམ་གྱི་སྐུར་ལྡན་པ་ནི་རྣམ་གྲོལ་གྱི་འབྲས་བུ་རང་བཞག་ཏུ་གནས་པ་ཡིན་ཏེ་གཞི་ཕྱི་མོ་ནས་མ་གཡོས་པར་འབྲས་བུ་རང་བཞིན་ལྷུན་གྱིས་གྲུབ་པར་བྱའོ། ༈ །ཆོས་ཉིད་སྐུ་ལ་དུས་གསུམ་དུ་འགྱུར་བ་མེད་དེ། །རང་རིག་པ་རྩོལ་བ་མེད་པ་བདེ་བ་ཆེན་པོའི་ངང་དུ་གནས་པས་རྒྱུ་ཡིས་བསྐྱེད་པ་ལ་མི་གནས་པར་སྒྲིབ་བྱེད་དང་བྲལ་བར་མཐར་ཐུག་པ་ནི། །ཐེག་ཆེན་གྱི་འབྲས་བུ་ཀུན་རྫོགས་པའི་འབྲས་བུ་ཡིན་ནོ། ༈ །དོན་དེ་གང་གིས་ཤེས་པར་འགྱུར་ན་བླ་ན་རིན་ཆེན་གྱི་གསུང་གིས་ཤེས་པར་འགྱུར་ཏེ། །གང་ཤེས་པར་འགྱུར་ན་གསལ་བྱེད་གདམས་ངག་དེའི་བརྗོད་བྱ་སྙིང་པོའི་ཡིན་ལུགས་ཀྱི་དོན་དེ་ཤེས་སོ། །ཐེག་པ་ཀུན་གྱིས་བརྗོད་པར་བྱ་བ་ནི་སེམས་ཀྱི་དབྱིངས་དེ་ལ་ཐེག་པ་རང་རང་མོས་པའི་ཤེས་པས་མུ་བཞི་སོ་སོར་རྟོགས། །ལམ་གྱི་བགྲོད་པའི་རྩོལ་བས་འབྲས་བུ་ཚོལ། །རང་རང་མོས་པའམ་བསམ་པའི་ས་ལ་གནས་ཏེ། །ཐོབ་པར་སྨོན་པའི་འདོད་པས་འབྲས་བུ་གཞན་ནས་རེ་བ་ཡིད་ལ་འཇོག ༈ །སྙིང་པོ་རྣལ་མའི་ལམ་ལ་འབྲས་བུ་སྨོན་པའི་འདོད་པ་བྲལ་ཏེ་རེ་བ། ཡིད་ལ་མི་བྱེད་དེ་འབྲས་བུ་རང་བཞིན་ཀུན་ཁྱབ་ཏུ་གནས་པ་ལ་རྟོགས་པ། རིག་པའི་གཟེར་གྱིས་དོན་ལས་འདའ་བ་མེད་པས་བསྒོམ་དུ་མེད་དེ་དོན་ལ་རྩོལ་བའི་བྱ་བ་བྲལ་ལོ། ༈ །ལྟ་བ་མཐོང་དུ་མེད་པའི་སྙིང་པོ་ནི། །རང་སོར་བཞག་པའི་སེམས་ཀྱི་རིག་པས་ཤེས། ༈ །རྡོ་རྗེ་ཐེག་པའི་བཀའ་ནི་རྟོགས་པར་བྱེད་པའི་ཚིག་གི་ལམ། །རྟོགས་པར་བྱེད་པའི་སྒྲ་ལ་དོན་དུ་གཉེར་བའི་སེམས་ཀྱིས་ཚུལ་བཟང་པོའི་རྩོལ་བ་ལ་རྣལ་འབྱོར་པ་གང་གནས་པ་ནི། བརྡ་སྤྲོད་པར་བྱེད་པའི་དོན་དང་ཕྲད་པར་གྱུར་ནས། །བརྗོད་པར་བྱ་བའི་རང་བཞིན་སྙིང་པོའི་དོན་ཤེས་པར་བྱ། ༈ །རྒྱལ་བའི་སྐུ་གསུམ་དགོངས་པ་ཉིད་རིག་པའི་ཐབས་ནི། །ཐུག་ཕྲད་གསུམ་གྱི་བྱེད་པའི་རིན་པོ་ཆེ་འོད་ཀྱིས་མཐོང་། ༈ །ཐུག་ཕྲད་གསུམ་གྱིས་ལྷུན་གྲུབ་གསུམ་གྱི་འོད་གསལ་བ་ནི་གཞི་ཡི་ལམ། །གསལ་བྱ་གསལ་བྱེད་དང་བྲལ་བའི་ངང་ཉིད་ལ་གནས། །ལམ་ཐུག་ཕྲད་གསུམ་གྱིས་ལམ་གྱི་འབྲས་བུ་སྐུ་གསུམ་མཐོང་། །འབྲས་བུ་སྐུ་གསུམ་དགོངས་པའི་རྒྱལ་བའི་ཐུགས་པོ། ༈ །དེ་ནི་རྟོག་པས་བསམ་དུ་མེད་དེ་རང་བཞག་རིག་པའི་ངང་ངོ་། ༈ །བདེ་ཆེན་མི་རྟོག་ཡིད་རྒྱུ་བའི་རྣམ་རྟོག་བྲལ་ཏེ། །ཡིད་ལ་མི་བྱེད་ཀྱང་རང་འོད་ཀྱི་སྣང་བ་དག ༈ །རིག་པ་མ་བཀག་པས་ཡེ་ཤེས་སུ་གསལ་ལོ། ༈ །དབང་པོ་ལྔའི་པདྨ་བཞི་ཆ་རིག་པ་རང་གསལ་ནི་རྒྱལ་བའི་ཐུགས་སོ། །དེ་ནི་འགྲོ་བ་ཀུན་ལ་རང་བཞིན་གྱིས་གནས། །ཡུལ་ལྔ་མཐོང་བ་ཡིན་དོན་ལས་ལོག་པ་རང་རིག་པ་ལས་གཞན་དུ་འདོད་ཀྱང་། སྤྲུལ་སྐུ་དང་པོ་སྐྱེས་ལ་མི་རྟོག་པ་ནི་ཡུལ་སྣང་ཉིད་ལས་གཞན་ལས་འབྱུང་བ་མིན། །དེའི་བསྐྱང་ཐབས་ཀུན་བཟང་རྒྱལ་བའི་དགོངས་པ་དེ་ཉིད། །སྣང་བའི་ཚུལ་གྱིས་ངོས་གཟུང་བ་བྱས་ལ་ཟིན་པའི་དོན་དེ་དྲན་པའི་ཚུལ་གྱིས་ཉམས་སུ་བླང་། །སྐྱེ་དུས་ཡུལ་ལྔ་ལ་རྣམ་ཤེས་ལྔ་འཕེན་པ་སྐད་ཅིག་དང་པོའི་དུས་ན་སྐྱེའོ། ༈ །གདམས་ངག་རིན་ཆེན་ཡུལ་ལྔ། མིང་། སེམས། གསུམ་གྱི་བརྟག་པ་ལས། ཐབས་ཀྱི་བྱེ་བྲག་བརྟག་ཐབས་ལྡོག་ཚུལ་ལོག་པའི་ཚད་རྣམས་ཤེས་པར་གྱུར་ན། །རང་གསལ། རྟོག་དཔྱོད་ཐ་སྙད་འདོགས་པའི་ཐོག་མའི་དབང་པོའི་པདྨ་ཇི་བཞིན་ནོ། །བཀྲ་གསལ་གཟུགས་ལ་སོགས་པའི་དཀྱིལ་འཁོར་ལྔ་ཡིས་ཡེ་ཤེས་འཕྲོ་བའི་རྟོགས་པ། དེ་དང་ལྡན་པའི་རྣལ་འབྱོར་པ་ནི་རྒྱལ་བའི་གྲལ་དུ་གནས་སོ། །རང་གནས་ཀྱི་ཐུགས་རྗེ་བཞི་ཆ་རང་གསལ་འགྲོ་བ་ཀུན་ལ་ལྡན་ཀྱང་གསུམ་ལྡན་འཁོར་བའི་རྙོག་པས་བསླད་ཀྱང་དྭངས་མ་ཆོས་ཉིད་ནི་དུས་གསུམ་དུ་འགྱུར་བ་མེད་༼ཀ༽པའོ། ༈ །གསང་བའི་པདྨ་སྔགས་ཀྱི་སེམས་རྩོལ་བྲལ་ཟིན་དང་མ་ཟིན་པར་དེ་ཡིད་རྟོག་པ་དང་དཔྱོད་པ་དང་བྲལ་བའི་དུས་ན་ངོ་ཤེས། །སྔར་གྱི་རྟོག་དཔྱོད་ཀྱི་བྱ་བ་བཏང་ཕྱིས་ཀྱི་བྱ་བ་བཞག་བར་པ་ནི་རང་བཞིན་གྱིས་བྱ་བ་དང་བྲལ་བས་འཁོར་བ་རྣམ་པར་མི་སེམས་ཏེ། །མྱ་ངན་འདས་པའི་རྒྱུ་བ་རྣམ་རྟོག་དང་འང་བྲལ། ༈ །རྫོགས་པའི་སངས་རྒྱས་ཆོས་སྐུ་དགོངས་པ་བྱ་བ་མེད་པ་ལ། །དུས་གསུམ་དུ་མ་ཡེངས་པར་སྲོག་ཏིང་ངེ་འཛིན་ཏུ་སེམས་ཤིག །དེ་ལ་བླང་དོར་མི་མངའ་ལྟ་བ་མེད་དེ་དེ་ཀ་རང་བཞིན་རྒྱལ་བའི་ལྟ་བ་ཡིན། །བློས་ཆེད་དུ་མི་རྩོལ་བ་ནི་དབུ་མ་དྲང་པོའི་ལམ། །གང་གིས་ཀྱང་མ་བཅོས་པ་རྒྱལ་བའི་ཐུགས་ཀྱི་ལམ་༼ག༽ ཡིན་ནོ། ༈ །༼ཁ༽སྙིང་གི་པདྨ་རིན་པོ་ཆེ། །༼ཉ༽འོད་གསལ་རིག་པའི་དཀྱིལ་འཁོར་ཡེ་ཤེས་ལྔ་རུ། །༼༡༽ཆགས་པ་ལ་སོགས་པ་ཉོན་མོངས་ལྔ། །མཐར་ཐུག་ཐ་མའི་དུས་ན་མཐོང་། །ཉོན་མོངས་པ་གང་སྐྱེས་དུས་ན་དེའི་ཡུལ་ལ་མི་དཔྱད་དེ་ཉོན་མོངས་པ་ཆེད་དུ་མི་དགག་པར་དེའི་ངོ་བོ་རང་གསལ་ཉིད་ལ་གཞག་༼ཅ༽གོ། ༈ །༼ང༽ གསང་བའི་པདྨ་ནི་ཆོས་ཀྱི་སྐུ། །མ་བཅོས་རང་གསལ་ཡིད་སྤྲོས་པའི་གཟུང་འཛིན་དང་བྲལ་བ་དང་། །རྫོགས་པའི་ལོངས་སྤྱོད་ཉོན་མོངས་རང་གསལ་བདེ་བ་ཆེན་པོའི་སྐུ་དང་། །༼ཉ༽སྤྲུལ་སྐུ་ཡུལ་ལྔ་གང་སྣང་ལའང་ངོས་གཟུང་མེད་པ་དང་གསུམ་དབྱེར་མེད་པར་རང་རིག་པ་བྱང་ཆུབ་ཀྱི་སེམས་གཅིག་ལ་གནས་སོ། ༈ །ཡུལ་དུ་འཛིན་པའི་རྟོག་པ་དང་བྲལ་བའི་མངོན་སུམ་པ། །ཞེན་ཆགས་དང་བྲལ་བའི་བདེ་བ་ཆེ། ༈ །བརྗོད་པའི་ཐ་སྙད་ལྟ་བ་དང་བྲལ་བའི་ཐབས་ཀྱིས་མཚོན། །རྩོལ་དང་བྲལ་བའི་སྤྱོད་པས་དང་དུ་བླང་། །ཕར་སྤྲོ་བ་དང་ཚུར་བསྡུ་སྒོམ་པ་མེད་པའི་དགོངས་པས་གནས། ༈ །སྣང་བ་རྒྱ་མཚོ་ཆེན་པོ་མི་གཡོ་བ་བཞིན་དུ། །རང་བཞག་རིག་པའང་དེ་བཞིན་ནོ། །དེའི་ཡོན་ཏན་སྣ་ཚོགས་འཆར་བ་ནི་ནམ་མཁའི་ངང་ལ་ཀུན་འཆར་བ་བཞིན་ནོ། ༈ །༼ཀ༽དུས་༼ཁ༽ གསུམ་འགྱུར་མེད་ཀུན་ཏུ་བཟང་པོའི་ངང་ལ་སངས་རྒྱས་སེམས་ཅན་གཉིས་སུ་མེད་པས་འཁོར་བའི་དུས་ཉིད་ན་རང་བཞིན་གྱིས་རྣམ་པར་དག་སྟེ་དཔེར་ན་རིན་ཆེན་དག་པ་ཇི་བཞིན་ནོ། ༈ །འཁྲུལ་པ་ཇི་ལྟར་བཅོས་ཀྱང་ཡིན་ལུགས་ལ་འགྱུར་བ་མེད་དེ། །རང་བཞིན་ཆོས་ཉིད་ངོ་བོ་ལ་ཅིའི་ངོ་བོར་ཀྱང་མ་གྲུབ་པས་སྒྲོ་༼༡༽འདོགས་དང་སྐུར་འདེབས་༼ ༡༡༽སྤྲོས་པ་རང་གིས་མེད་དོ། ༈ །ང་བདག་ཏུ་འཛིན་པའི་ཤེས་པ་ལོག་པས་རྒྱུན་དུ་བསླད་པས་རང་བྱུང་རིག་པའི་དོན་མ་རྟོགས། །རང་བྱུང་ཀུན་མཁྱེན་རིག་པའི་ཐུགས་དེ་ནི་འགྱུར་བ་མེད་པར་འགྲོ་བ་ཀུན་ལ་རང་བཞིན་གྱིས་གནས། །ནམ་མཁའ་གདོད་ནས་གནས་པ་དང་འདྲ་བར་རང་བྱུང་ཡེ་ཤེས་ལྷུན་གྱིས་གྲུབ། ༈ །ལོགས་ནས་བསྒྲུབ་ཏུ་མེད་པའི་དངོས་གྲུབ་ཆེན་པོ་ལ། །བསྲུང་དུ་མེད་པའི་དམ་ཚིག་རང་བཞག་སྟེ། །སྤྲོས་པའི་མཐའ་མེད་དེ་ལ་ལྟོས་པའི་དབུས་མེད་དེ་རིག་པར་གསལ་བ་དེ་ཉིད་རྒྱལ་བ་ཀུན་གྱི་ངོ་བོ་ལ། །སེམས་ཅན་ཀུན་གྱི་རང་བཞིན་ཡིན་ནོ། །ཡེ་ཤེས་རིག་པས་དོན་དེ་རྟོགས་པར་གྱུར་ནས། །ཐུགས་རྗེ་མཛད་པའི་ལམ་ཡང་འགྲོ་བ་ལ་སྟོན། །སེམས་ཀྱི་འབྲས་བུ་རང་བཞག་དུ་གནས་ན་འབྱུང་བ་ལ། །འདོད་པའི་རྩོལ་བས་གཞན་ནས་འགྲུབ་པར་མི་བྱེད་དོ། ༈ །༼ཇ༽བྱང་༼ཅ༽ཆུབ་སེམས་ཀྱི་ལམ་ཆེན་ནི། །རྣམ་དག་ཡེ་ཤེས་དགོངས་པའི་ལམ་སྟེ། །ཐུན་མོང་དུ་འགྲོ་བ་ཡོངས་ཀྱི་སེམས་ཀྱི་ཆོས་ཉིད་ལ་གནས་པས་དུས་གསུམ་སངས་རྒྱས་ཀྱང་སེམས་ལས་བྱུང་། །རྩོལ་བས་བགྲོད་དུ་མེད་པ་རང་རིག་ཡེ་ཤེས་ཀྱི་ལམ། །རང་རང་གི་འདོད་པས་བལྟས་པས་འགྲུབ་པ་མེད། ༈ །རང་བྱུང་ཐེག་པ་ཐམས་ཅད་རྫོགས་པའི་ལམ་ལ་གང་གནས་པ། །བློས་བསམ་གྱིས་མི་ཁྱབ་པར་རང་ལུགས་སུ་བཞག་པ་ལ། །ཆོས་ཉིད་ཡིད་ལ་མི་བྱེད་པས་ཆོས་ཅན་ལ་ཡེངས་པ་མེད་པས་རྣལ་འབྱོར་རྫོགས་པ་བཅོས་མེད་ལ། །འདོད་སྤྱོད་ཀྱི་ཐེག་ལེའི་སྤྲོ་བསྡུ་མེད་དོ། ༈ །ཡེ་ནས་རྫོགས་པ་རྣམ་དག་རང་བྱུང་ཡེ་ཤེས་ལ། །བསམ་གཏན་གྱི་ཡན་ལག་ཀུན་དང་རང་བཞིན་ནམ་ངང་གིས་ལྡན་པ་ལ། །རྟོག་པ་ངང་བེམས་པོའི་རླུང་གིས་འཇུག་པ་རང་བཞིན་གྱིས་ཞི། །ཡེ་ཤེས་འདོད་པའི་བློས་བཙལ་བ་མེད་པའི་བདེ་བ་ལ། །དགའ་བ་དགའ་བ་མཆོག་དགའ་དགའ་བྲལ་ལྷན་ཅིག་སྐྱེས་དགའ་བཞི་ཡི་ཡན་ལག་བཅུ་དྲུག་གནས། །གསང་སྤྱོད་ཐབས་ལ་མ་བརྟེན་ཡང་། །རིན་ཆེན་སྣང་བའི་ཐབས་ཀྱིས་ཤེས། །བརྡ་སྤྲོད་པའི་ཚིག་གི་ལམ་ལ་གནས་པར་གྱུར་ཀྱང་། །ཐིག་ལེ་རང་བྱུང་གི་དགོངས་པ་གཞན་ནས་མ་ཡིན་ཏེ་ཉིད་ལས་འཆར། ༈ །རྟོག་དཔྱོད་ཀྱི་ཡན་ལག་གི་ཐེ་ཚོམ་དང་བྲལ་ཏེ། །སེམས་ཀྱི་དགའ་བདེའི་རྩོལ་བ་མེད་དོ། ༈ །རྟོགས་པའི་ངང་དུ་གནས་པ་རྩེ་གཅིག་ཡེངས་པ་མེད་པ་ལ་གནས་ན་ཏིང་ངེའི་རོ་བདེ་བའི་མཚན་ཉིད་ནི་རང་བཞིན་མེད་པ་ཆོས་སྐུར་གནས། ༈ །རང་བྱུང་གི་ཡེ་ཤེས་རང་ལ་གནས་པས་རང་སྣང་བར་བྱེད་པའི་ཐབས་ཆེན་དབང་གིས། །འཁྲུལ་པའི་སེམས་ཀྱི་བག་ཆགས་ཐབས་ཀྱིས་ཡེ་ཤེས་སུ་ཤེས། །སྣང་བ་རང་རིག་ཏུ་དེ་བདེ་བ་རུ་དེ་རིག་པ་འོད་གསལ་དུ་བསྒྱུར་བ་གསུམ་ལ་དེ་བཞིན་དུ་ཆོས་སྐུར་འགྱུར། །སེམས་ཀྱི་བདེ་བའི་ཡེ་ཤེས་རང་ལ་གནས་པའི་གཏེར་ཁ་དབྱེ། ༈ །རང་བྱུང་ཡེ་ཤེས་འོད་གསལ་བ་ལ། །རྒྱུ་རྐྱེན་མེད་པའི་རིག་པ་ཉིད་ཡེ་ནས་རང་གསལ། །ཡེ་ཤེས་རང་ལ་གནས་པས་རྩོལ་སྒྲུབ་མེད་པས་བདེ་བ་ཆེ། །འཁོར་འདས་ཀུན་མཁྱེན་མེ་ལོང་ལ་གཟུགས་བརྙན་གསལ་བ་ལྟ་བུ་ཉིད། །མ་ལུས་པའི་སྣང་བ་ཐ་དད་རང་བཞིན་གྱིས་དག་སྟེ། སེམས་ཀྱི་ཆོས་ཉིད་བདེ་བར་ཤེས། །ཀུན་བཟང་ཉག་གཅིག་ལ་མུ་མཐའ་ཅིར་མ་ཡང་མ་མཐོང་། ༈ །ཡུལ་དུ་མཐོང་བ་མེད་པར་རང་གསལ་བའི་མེ་ལོང་ཉིད། །རང་རྒྱུད་པའི་དངོས་པོ་མེད་པའི་རིག་པ་ཡིན། ༈ །འབྲུ་དང་འདྲ་༼ང༽བར་མི་རྟག་པ་འམ་༼༠༽མི་འདྲ་བ་རྟག་པའི་རྒྱུ་གང་ཉིད་ཡིན་བརྟག་གྲང་དང་པོ་ལྟར་ན་བདག་གམ་གཞན་ནམ་རྒྱུ་དེ་ཉིད་གང་ཡིན། །བདག་ལས་སྐྱེ་ན་རྒྱུའི་བདག་ཉིད་གྲུབ་པའམ་མ་གྲུབ་པ་གང་གིས་འབྲས་བུ་ཇི་ལྟར་བསྐྱེད། ༈ །དེ་ལྟར་བ་ཉིད་གྲུབ་ཀྱང་སྐྱེ་དགོས་ན་ཐུག་པ་མེད་པར་འགྱུར་ལ། །དེ་ལྟ་མིན་ན་བདག་མ་གྲུབ་པས་སྐྱེད་པ་གང་ཞིག་ནི། །ནུས་པ་ཐམས་ཅད་དང་བྲལ་བའི་མཚན་ཉིད་ཡིན་པས་རྒྱུ་འབྲས་གཉི་ག་མེད་པར་འགྱུར་རོ་དེ་རི་བོང་རྭ་བཞིན་ནོ། །གང་བདག་ཉིད་ལས་གཞན་པའི་རྒྱུ་ལས་འབྲས་བུ་དེ་འགྲུབ་ན། །རྒྱུ་གཅིག་ལས་འབྲས་བུ་གཅིག་གམ་དུ་མ་ཞིག་སྐྱེ་དུ་མ་ལས་འབྲས་བུ་གཅིག་གམ་དུ་མ་རྒྱུ་གང་གི་མཐུས་འབྲས་བུ་འགྲུབ། །འཇིག་རྟེན་ན་རིག་པའི་སྐད་ཅིག་སྔ་མས་ཕྱི་མ་བསྐྱེད་པ་བཞིན་གཅིག་གིས་གཅིག་བསྐྱེད་པ་དང་། མིག་གིས་རིགས་མཐུན་པའི་སྐད་ཅིག་དང་རང་གི་རྣམ་ཤེས་བསྐྱེད་པ་ལྟར་གཅིག་གིས་དུ་མ་དང་། འབྱུང་བ་བཞི་དང་ས་བོན་གྱིས་མྱུ་གུ་བསྐྱེད་པ་ལྟར་དུ་མས་གཅིག་དང་། མཚུངས་པ་དེ་མ་ཐག་ལས་རྟོགས་པའི་ངོ་བོ་ཡུལ་ལས་དེ་དང་འདྲ་བ་དབང་པོ་ལས་ཡུལ་སོ་སོར་འཛིན་པ་སྟེ། ཤེས་པའི་ཁྱད་པར་དུ་མ་བསྐྱེད་པ་ལྟར་རྒྱུ་འབྲས་ཀྱི་ཆོས་མུ་བཞི་ཡོད་པ་བཞིན་དུ་ཡང་དག་པའི་ཡེ་ཤེས་ཀྱང་ཡིན་ན། །ཡང་དག་པའི་ཡེ་ཤེས་དེ་སླུ་བ་དང་ཆོས་མཐུན་པས་བརྫུན་ནམ་ཅི། །དེ་ལྟར་ཆོས་དང་གང་ཟག་གི་བདག་ཏུ་ལྟ་བ་ལོག་པ་བཞིན་དུ་འཇིག་རྟེན་དུ་འབྲས་ཀྱང་སྤང་བྱ་ཉིད་དུ་འགྱུར་བས་ན་ཡང་དག་མིན་ནོ། ༈ །འབྲས་བུ་དང་མི་མཐུན་༼༠༽པར་གནས་པ་དབང་ཕྱུག་དང་བདག་དང་རང་བཞིན་ལ་སོགས་པ་རྟག་པའི་ཆོས་ཡིན་པར་འདོད་ན། །རང་རང་གི་ཞེན་པའི་ལོག་རྟོག་ཉིད་དུ་འགྱུར་བ་དེ་ཉིད་ཙམ་དུ་རིགས་ཀྱི། །དེ་ལྟ་མིན་ཏེ་ཡང་དག་ཏུ་འདོད་ན་རྟག་པ་གང་ཞིག་རིམ་དང་ཅིག་ཆར་གྱིས་བརྟག་ངན་རྒྱུར་ཇི་ལྟར་འཐད། ༈ །སྔགས་བསྐྱེད་པའི་རིམ་པ་ལྷ་བསྒོམ་པ་ལ་བློ་གནས་པ་ཐོབ་ནས་ནི། །རྫོགས་པའི་རིམ་པའི་དོན་མི་རྟོག་པ་ལ་གང་འཇུག་པར་འདོད་པ་དེ། །ལམ་པ་གང་གིས་བསྐྱེད་རྫོགས་གང་ཞིག་ལ་བློ་ཇི་ལྟར་གནས་ཏེ། །རྩོལ་བའི་བསྐྱེད་པའི་ལྷ་དེ་ལ་འཇུག་པ་ཉིད་དམ། །རང་གནས་ཀྱི་ཡེ་ཤེས་ཇི་ལྟ་བར་རིག་པའི་དོན་ཏིང་ངེ་འཛིན་ལ་འཇུག །བསྐྱེད་རྫོགས་དེ་ཉིད་དེ་ལྟར་སོ་སོར་ཉམས་སུ་ལེན་པ་ཡིན་ན་དེ་ལྟ་བུ་འཐད་མོད། ༈ །དེ་ལྟ་མིན་ན་དུས་གཅིག་གི་ཚེ་གང་ཞིག་འཐད་ཏེ། །རྒྱུ་གཅིག་གིས་བསྐྱེད་རྫོགས་ཐམས་ཅད་ནས་ཐམས་ཅད་དུ་གྲུབ་པའམ། ༈ །མ་ཡིན་ན་བསྐྱེད་རྫོགས་གཉིས་དུས་གཅིག་ལ་བློ་གནས་པ་དེ་ལ་འཐད་པ་གང་། ༈ །གཞི་འབྲས་དང་རྗེས་སུ་མཐུན་རྒྱུ་ཡིས་འབྲས་བུའི་ལམ་ལ་མ་གནས་ན། །རྒྱུ་ཡིས་འབྲས་བུ་བསྐྱེད་པ་དེ་བཞིན་དུ་རྒྱུ་མཚན་ཉིད་ཀྱི་རྗེས་སུ་མཐུན་པ་ཉིད་དུ་འགྱུར་བས་འབྲས་བུ་ལམ་དུ་བྱེད་པར་མི་འགྱུར་རོ། ༈ །དེས་ན་སེང་གེ་ཕྲུག་ཉིད་ལ་རྩལ་རྫོགས་པ་བཞིན་དུ། །གདོད་ནས་སྐུ་གསུམ་དུ་ལྷུན་གྱིས་གྲུབ་པས་སྒྲུབ་པའི་རྩོལ་བ་མེད་པས་བདེ་བའི་ལམ་མོ། ༈ །རྩོལ་བས་བསྒྲུབས་པས་འབྲས་མཐར་འབྱུང་བ་ཡིན་ན། །འཇིག་རྟེན་གྱི་རྩོལ་བའི་ཆོས་ལའང་དེ་བཞིན་དུ་འབྲས་བུ་འབྱུང་བ་ཡིན་ནོ། ༈ །དེ་ལྟར་སྤང་བྱ་འཇིག་རྟེན་པའི་ཆོས་འབྲས་བུ་ལྷའི་དལ་ཡིན་པར་འདོད་པས་ན། །ཁྱོད་ལ་དག་པའི་ཡེ་ཤེས་ཉིད་གང་ཡིན། །དེ་ལྟར་འདོད་པ་ཉིད་ན་འབྲས་བུ་རྟག་པར་འགྱུར། ༈ །དེས་ན་རང་བྱུང་གི་ཡེ་ཤེས་ལ་ཡོན་ཏན་མ་ལུས་པར་རྫོགས་པའི་ལམ་ནི། སྐྱེད་པའི་རྒྱུ་ལ་མི་གནས་འབྲས་བུ་ཚོལ་བའི་རྩོལ་བ་མེད་དེ། ༈ །རང་གནས་ཀྱི་ཡེ་ཤེས་གདོད་ནས་གྲུབ་པས་ཡེ་ནས་གྲུབ་པའི་རང་བཞིན་དེ་བསྐྱེད་མི་དགོས་པ་ནི་ཡེ་གསལ་ནམ་མཁའི་རང་བཞིན་ལས། །གསལ་བྱེད་ཀྱི་རྣམ་པ་མི་དགོས་པ་ཇི་བཞིན་ནོ། ༈ །སེམས་ཉིད་ལ་ཟླ་བའི་གཟུགས་དང་འདྲ་བར་བསྒོམས་པས་གསལ་བ་ངང་གིས་འབྱུང་། །དབྱིངས་ཀྱི་འབྲས་བུ་བློས་བསམ་མི་ཁྱབ། །དངོས་པོ་དང་མཚན་མ་ཅིར་ཡང་མི་རྟོག་པར་འབར་བའི་དཀྱིལ་འཁོར་ནས། །ཆེ་བའི་ཆོས་ལོངས་སྤྲུལ་སྐུ་གསུམ་མུ་མཐའ་དཔག་ཏུ་མེད། ༈ །ཡེ་ཤེས་ཀྱི་རིག་པ་རང་ལ་གནས་པ་དེ་ཐུག་ཕྲད་དུ། །གདམས་ངག་རིན་ཆེན་གྱི་སྣང་བས་རྟོགས་པའི་ངང་དུ་གཞག་པར་བྱ། །བརྗོད་པ་དང་བྲལ་ཀྱང་རིག་པའི་ཐོག་བབས་ཉིད་དུ། །མ་བཙལ་བར་རང་བྱུང་བདེ་བ་ཆེན་པོ་ཉིད་དོ། ༈ །ཡི་གེ་མེད་པའི་གསུང་མཆོག་ཡིན་སྟེ། །དེས་ཀུན་བཟང་རྒྱལ་བའི་དགོངས་པ་སྟོན། །ཆོས་ཉིད་མི་རྟོག་པའི་དོན་དང་མཇལ་བས་གོ་ཞིང་རིག །ཡི་གེ་མེད་པ་དང་རང་རིག་༼༡༽པའི་༼༡༽གསུང་གིས། །ལྗགས་༼༢༽ཀྱི་རྩེ་མོར་མ་བསྐྱོད་ཀྱང་། །དོན་གྱིས་ཆོས་ཉིད་མཇལ་བར་སྟོན། ༈ །གསང་སྔགས་ཀྱི་ཡོན་ཏན་མི་ཟད་པའི་གཏེར་གྱི་མཛོད་མི་གཏོང་བར་འཛིན་ཅིང་། །རྒྱལ་བའི་དྲག་སྔགས་བརྗོད་པའི་ཐ་སྙད་དང་བྲལ། །སྔགས་༼༡༽ཚིག་༼༡༽བྲལ་༼༡༡༽བའི་ནུས་མཐུ་ཅན། །ཕྲིན་ལས་བཞི་སོ་སོར་མེད་པའི་དོན་གྱིས་རང་གཞན་གྱི་དགོས་པ་གྲུབ། །རྒྱུ་འབྲས་དབྱེ་བ་མེད་ཀྱང་འབྲས་བུ་མཐར་ཐུག་པ་ཡིན་ནོ། ༈ །རིག་པ་མུ་བཞིའི་མཐའ་དང་བྲལ་བའི་དཀྱིལ་འཁོར་འདིར། །གང་དུ་ཡང་ཞེན་མེད་ཚུལ་གྱིས་བློ་འཇུག་ན་བདེ་སྟེ་དེ་ཡང་དང་པོ་རང་གི་སེམས་ཀྱི་ཚུལ་ལ་བློས་བརྟག་སྟེ། ༈ །གཟུགས་མིང་སེམས་ལ་རིམ་པར་བླ་མའི་གདམས་ངག་བཞིན་དུ། །བསྒོམས་པའི་མངོན་སུམ་དྲོད་དང་ལྡན་ནས་མ་བསྒོམས་པའི་མངོན་སུམ་པས་བརྡ་དོན་སྤྲད། ༈ །བཀྲ་གསལ་གཟུགས་ལ་སོགས་པ་དཀྱིལ་འཁོར་ཚོགས་དྲུག་གི་ཡེ་ཤེས་སྒོམ་པ་ལ། །བརྡ་སྤྲོད་པའི་སྒྲ་ཡི་མཐའ་ལ་བརྟེན་ནས་རྟོགས་པའི་ངང་ལ་གཞག་པར་བྱ། ༈ །བློས་མྱོང་བ་མེད་པའི་རྣམ་པ་ཤར་བ་ཡིན། ཚོར་བ་གསུམ་དང་བྲལ་བའི་རེག་བྱས་དོན་གོ། །ཕྱི་རོལ་གྱི་ཆུ་བོ་དྲག་དལ་གྱི་ཚུལ་བཞིན་དུ་ཉམས་སུ་ངེས་པར་བརྟན་པར་འགྱུར་ཏེ། །ཐ་མར་དྲན་པ་དང་རྟོག་པས་བསམས་པའི་རྒྱུ་བའི་ཡིད་དང་བྲལ། ༈ །དཔའ་བརྟུལ་ཟ་བྱེད་སྟག་གི་སེམས་མ་བཏུལ་བ་ལྟ་བུས། །ཤེས་པའང་རང་སོར་བཞག་སྟེ་གཉེན་པོས་མ་བཏུལ་ལ། །སྟག་མོ་ལྟ་བུའི་སེམས་མ་བཅོས་སོ་མ་ལ་ནི། །ཡེ་ཤེས་ཀྱི་རོལ་པ་ཅིར་ཡང་མི་འགག་པས། །ཆེད་དུ་བཙལ་བ་མེད་པའི་ཡེ་ཤེས་རང་རིག་པའི་ངང་ཡིན་པ། །དེས་ན་རང་བཞིན་ཇི་ལྟར་ཡིན་ནོ་ཅོག་གི་སོར་འཇོག་གོ། ༈ །ཕྱི་ནང་གི་དངོས་པོ་ཇི་ལྟར་བློ་ལ་སྣང་བ་ཡང་། །རང་ཉིད་གི་ཤེས་པ་ཉིད་དུ་མཐོང་། ༈ །དུས་གསུམ་སངས་རྒྱས་ལྷག་མ་མ་ལུས་པའི། །ཐུགས་ལས་བཞག་པའི་མན་ངག་གི་བཅུད། །གདམས་པ་རིན་ཆེན་ལ་བརྟེན་ནས་ཤར་བའི་ངང་ལ་རང་ཆས་སུ་རྫོགས། །བྱ་བྱེད་ཀྱི་རྩོལ་བ་དང་བྲལ་བའི་རིག་པ་མི་རྟོག་པ། །མ་བཅོས་རང་བྱུང་བདེ་བའི་ཀློང་། །རང་རིག་པའི་ཡེ་ཤེས་ལྷུན་གྲུབ་ཀྱི་ཀློང་དུ་ཤར་། །རང་བྱུང་ཡེ་ཤེས་ཀྱི་ནམ་མཁའ་ལྟ་བུར་ཆོས་ཀུན་ལ་ཁྱབ། །རྟོགས་པ་རང་གསལ་རིག་པའི་ངང་ལ་གོམས་པས་གནས། ༈ །སྤྲོས་པའི་མཐའ་ཐམས་ཅད་དང་བྲལ་བའི་ཡེ་ཤེས་ཐིག་ལེ་ཆེ། །རྣམ་པར་རྟོག་པ་དང་བྲལ་བའི་རྣམ་ངེས་ལས། རྣམ་རྟོག་རྗེས་སུ་འབྲེལ་བ་ལ། དོན་གསལ་སྣང་བ་ཡོད་མ་ཡིན། ཞེས་པས། རིག་པ་གསལ། །རང་རིག་ཡུལ་ཅིར་ཡང་མི་རྟོག་པ། །ཡེ་ཤེས་རང་གསལ་སེམས་སུ་གསལ། ༈ །སེམས་ཀྱི་ངོ་བོ་ཅིར་ཡང་མི་རྟོག་སེམས་སུ་ཐིམ། །སེམས་ཀྱི་ངོ་བོ་ཅིར་ཡང་མ་ཡིན་པས་ཕྱོགས་གཅིག་གང་དུ་ཡང་དམིགས་སུ་མེད། །རྣམ་པར་རྟོག་པའི་སེམས་ཀྱི་རྒྱུ་བ་ཐམས་ཅད་དང་བྲལ། །རིག་པ་ཡེ་ཤེས་ནི་གཟུང་བ་དང་འཛིན་པ་ཀུན་དང་བྲལ། ༈ །ཡེ་ཤེས་ཀྱི་རང་སྣང་རང་འོད་ཀྱི་རོལ་པ་བྱང་ཆུབ་སེམས། །རྣམ་པ་སྒྱུ་མ་ཡེ་ཤེས་བདེ་བ་ཆེན་པོའི་ཀློང་། །མཚན་ཉིད་རང་རིག་ཡེ་ཤེས་ལ་ཡུལ་སྣང་ཡང་འཛིན་པ་མེད་དེ། །རང་བྱུང་སྒྱུ་མར་མངོན་སུམ་དུ་གསལ། །ཡེ་ནས་ལྷུན་གྱིས་གྲུབ་པའི་ཡེ་ཤེས་མ་བཅོས་པ། །བདེ་བའི་སྒྱུ་མར་ཤར་ཡང་རང་རིག་ཉིད་ཡིན་པས་ཐམས་ཅད་ཡེ་ཤེས་སེམས་སུ་འཆར། ༈ །རིག་པའི་ཡེ་ཤེས་ལ་སྒྲིབ་བྱེད་མེད་པར་འོད་གསལ་བས། །ཆོས་ཐམས་ཅད་ཡེ་ཤེས་ཉིད་དུ་མཐོ་སྟེ། །ཡེ་ཤེས་མ་ཡིན་པའི་ཆོས་གང་ཡང་མེད། །ཁམས་གསུམ་གྱི་དྭངས་མའི་ཡེ་ཤེས་ཉིད་ནི། །ཡེ་ཤེས་རིག་ཅིང་རྟོགས་པའི་ཐབས་ཀྱིས་ཤེས། །འགྲོ་བ་འཁྲུལ་པའི་ས་ནས་བརྡ་དོན་བཀྲོལ་ཏེ། །ཡེ་ཤེས་རིག་པས་རྒྱལ་བའི་གྲལ་དུ་གཞག ༈ །རྩོལ་བས་མ་བཅོས་པར་སྐུ་གསུང་ཐུགས་སུ་གནས། །རང་རིག་སེམས་ཀྱི་རང་འོད་འབར་བ་ཉིད། །ཡེ་ཤེས་སེམས་ཀྱི་ཕུར་པ་མི་འགྱུར་བར་ཐེབས་པས་རྣམ་པར་རྟོག་པ་བཞོན་པའི་རྟ་རླུང་དང་བྲལ་བས་དངོས་གྲུབ་བདེ་བའི་རང་བྱུང་ཉིད་ནི་ཐར་པའི་ལམ་མཆོག་བྱང་ཆུབ་སེམས། །འབྲས་བུ་མཐར་ཕྱིན་པའི་རིག་པ་ཉིད། །རང་བྱུང་སེམས་ཀྱི་ཇི་བཞིན་པ་དེ་ཁོ་ན་ཉིད་ལ། །ཆོས་ཅན་གྱི་རྣམ་པ་ཇི་སྙེད་པ་རིག་པ་ཐབས་ཀྱིས་གནས། །བཅོས་མེད་རང་ལུགས་དགོངས་པ་བདེ་ཆེན་འདི། །རང་རིག་པའི་མངོན་སུམ་མཐོང་བ་ལ་མུ་བཞིའི་ངོས་གཟུང་གང་ཡང་མེད། །ཆོས་ཉིད་རྟོགས་པ་རང་ཤར་ཀྱང་མཚན་མའི་དངོས་པོར་གྲུབ་པ་མེད། ༈ །བལྟ་རུ་མེད་པའི་ཆོས་ཉིད་བདེ་ཆེན་རིག་པ་མ་མཐོང་སྟེ། །ཐབས་འདི་དང་བྲལ་ན་རྟོག་པ་ཉིད་ཡིན་པས། །རྒྱལ་བའི་བཀའ་ཡི་དོན་དང་རྟོག་པ་དེ་མི་ལྡན། །དམུས་ལོང་མདུན་ན་གཟུགས་སྣང་ཡང་མི་མཐོང་བ་བཞིན། ༈ །འབྲས་བུ་མཐར་ཕྱིན་རྟོག་པ་དེ་ལ་ཡོད་མ་ཡིན་ཏེ་ཀུན་བཟང་རྒྱལ་བའི་ཡིན་ལུགས་ཀྱི་དོན་དང་འགལ། །རྟོག་མེད་རང་གསལ་དགོངས་པ་རྒྱལ་བའི་ཐུགས་རྟོག་པས་མ་རིག །འཛིན་པ་རྟོག་པའི་ཆ་ལ་གང་ཟག་གང་གནས་ཀྱང་། །འཁོར་བའི་འབྲས་བུ་སྡུག་བསྔལ་ཉིད་དུ་འགྱུར། །རྟོག་པའི་དབང་གིས་རང་འདོད་དོན་གྱིས་འབྲས་བུ་རྟོག་མེད་མཐར་མ་ཕྱིན། །ཡེ་ཤེས་གསལ་བ་བདེ་བ་རྟོག་པ་མེད་པའི་ས། །དེ་མུ་མཐའི་ཕྱོགས་སུ་འདོད་པས་མི་འགྲུབ་སྟེ་མཐར་འཛིན་གྱིས་ཐོབ་པ་མེད་དོ། ༈ །འོ་ན་དེ་གང་ལས་འབྱུང་ན་འདོད་མེད་རང་བཞག་ཉིད་ལས་འབྱུང་། །ཤེས་པ་རང་ལུགས་མ་བཅོས་སོ་མ་ཉིད་ཀ །ཀུན་བཟང་རྒྱལ་བའི་དགོངས་པ་ཡིན་པའོ། ༈ །སོ་སོ་སྐྱེ་བོ་ཐ་མལ་ཤེས་པ་འདི་ཉིད་ལ་ནོར་བ་གཞན་དུ་བསལ་བའི་སེམས་མེད་དེ་འདི་ཉིད་མ་བཅོས། རང་སར་བཞག་པ་ཀ་རྒྱལ་བའི་དགོངས་པ་ཡིན་ནོ། ༈ །བླ་མ་ངེས་པ་ཆུ་བོ་བཞི་ཡི་དོན་ལ་གནས་པས་ཡིད་ཆེས་ཏེ་བླ་མ་ཉིད་ལ་གུས། །རིན་ཆེན་གདམས་ངག་སེམས་ཀྱི་གཏེར་དུ་འཆང་། །རྒྱུད་ལུང་ཚིག་གི་ལམ་གིས་དོན་ལམ་དགོངས་པའི་དོན་ངེས་པར་གསལ་ཏེ། །དབང་རིག་པ་ལ་རང་ཤར་བས་གཏན་ལ་ཕེབས། །འབྲས་བུ་ཕེབས་པའི་ངང་དུ་གོམས་པས་མི་འགྱུར་རྡོ་རྗེ་སེམས་ལ་འཆང་། །མ་ནོར་ངེས་པའི་སྟོན་པ་རང་རིག་པའི་དགེ་བའི་བཤེས་གཉེན་ཉིད་ཡིན་པས། །དོན་ལ་བརྒྱུད་ནས་འདྲེན་པ་དྲང་བའི་དོན་ལ་སེམས་མི་འཇུག །ཕྱི་རོལ་ཁེང་གྲགས་ཀྱི་འདོད་རྩོལ་སེམས་དང་བྲལ། །རྫོགས་པའི་སངས་རྒྱས་ཀྱི་བཀའ་ནས་གསུངས་པ་ལ་ཡིད་མི་འགྱུར། ༈ །བླ་མ་རིན་ཆེན་རང་གི་སྲོག་ཏུ་འཛིན་ཅིང་། །མོས་པས་རང་གི་འདོད་པ་རྒྱལ་སྲིད་རང་ལུས་འཁོར་གཡོག་ལ་སོགས་གང་གཅེས་གཏོང་། །རིན་ཆེན་གཏེར་གྱི་མན་ངག་འདི། །སྲོག་དང་བྲལ་བ་ཤི་བའི་ཁ་བཞིན་དུ་སྣོད་མིན་ལ་བསྡམ་མོ། ༈ །རང་རིག་པ་བྱང་ཆུབ་ཀྱི་སེམས་ཉིད་འདི་ལ། །ཡེ་ཤེས་དང་མ་རིག་གཉིས་ཐ་དད་མེད་དེ། །འཁྲུལ་པའི་སྣང་བ་དང་མ་འཁྲུལ་པ་གཉི་ག་རིག་པར་བྱང་ཆུབ་ཀྱི་སེམས་རང་བྱུང་གི་ཡེ་ཤེས་སུ་གཅིག་སྟེ་རྒྱས་པའི་རྒྱུད་ལས། མ་རིག་པ་ཉིད་ཡེ་ཤེས་གསལ། །ཕྱིན་ཅི་ལོག་ཉིད་ཡང་དག་སྟེ། །ཉོན་མོངས་སྡུག་བསྔལ་བྱང་ཆུབ་མཆོག །ཅེས་གསུངས་སོ། །རིགས་དྲུག་གི་ཞེན་རྟོག་གི་བརྟགས་པ་མི་མཐུན་པ་སྣ་ཚོགས་དང་། །རང་བྱུང་གི་ཡེ་ཤེས་འོད་གསལ་གྱི་ངོ་བོ་ཉིད། །གཅིག་གང་དུ་གཅིག་ན་འོད་གསལ་རང་བྱུང་སེམས་སུ་གཅིག་སྟེ་དེའི་ངོ་བོ་གང་ཡིན་ན་བྱང་ཆུབ་སེམས་ལ་ངོ་བོ་འདི་འདྲའོ་ཞེས་པ་དང་བྲལ་ལོ་དེ་ལྟ་བུའི་དོན་དང་ལྡན་པའི་རྣལ་འབྱོར་པས་འཁོར་བ་ཡེ་ཤེས་ཉིད་དུ་མཐོང་། །རང་རང་བསམ་པས་ཕྱིན་ཅི་ལོག་ཏུ་བརྟགས་པའི་ཞེན་པ་སྣ་ཚོགས་པ་ནི་ཐོག་མ་མེད་པ་ཅན་གྱི་འདུ་བྱེད་སྣ་ཚོགས་ཀྱི་བག་ཆགས་ཡིན་དོན་ལས་ལོག་པའི་རྐྱེན་གྱིས་མཐོང་ངོ་། ༈ །རང་རིག་པའི་ཡེ་ཤེས་ཡིན་དོན་ལ་འཇུག་པ་དང་། །ཕྱི་ཅི་ལོག་ཏུ་བརྟགས་པའི་བག་ཆགས་དངོས་པོ་གཉིས་ནི། །གྲིབ་མ་ལུས་བཞིན་གྲུབ་པ་དང་བདེ་བ་གཅིག །བྱང་ཆུབ་སེམས་ཀྱི་མཚན་ཉིད་ནི་རྒྱུ་ལ་མི་གནས་ཏེ་རང་སྣང་ཡིན་པས་ཐོག་མ་དང་བྲལ་ཐ་མ་མེད། །དུས་ཐོག་མ་མེད་པ་འཁོར་བའི་རང་བཞིན་འཁྲུལ་པ་འདི། །བྱང་ཆུབ་སེམས་རང་བྱུང་ཡེ་ཤེས་ལ་ཡེ་ནས་དག་སྟེ་གསང་བ་ལས་འཁོར་བ་རྣམ་པར་དག་པ་སྟེ། ཞེའོ། །སེམས་ཉིད་ནམ་མཁའ་ལྟ་བུ་བསྒྲིབས་པ་མེད་པ་ཡིན་པ་ལ། །གློ་བུར་དུ་གཟུགས་སྣང་སྤྲིན་གྱིས་བསྒྲིབས་ཀྱང་སྤྲིན་ནམ་མཁའི་ངོ་བོ་མ་ཡིན་ཏེ་རྐྱེན་གྱིས་སྣང་བ་ལྟར་རམ། དཔེར་ན། མེའི་རྐྱེན་དང་ལྡན་པའི་ལྕགས་ཀྱི་གནས་སྐབས་ཀྱི་རང་བཞིན་ཚ་བ་དང་འདྲ་བར་འཁྲུལ་པ་གཤིས་ལ་མ་གྲུབ་ཀྱང་། གློ་བུར་གྱི་རྐྱེན་གྱིས་སྣང་ངོ་། །ཞེས་པའི་ཐ་ཚིག་གོ། །རང་བཞིན་གནས་ལུགས་དང་བྲལ་བ་མ་ཡིན་ཏེ། །གཤིས་ལ་སྐྱེ་འགག་མེད་པས་དུས་གསུམ་མ་ཡིན་ཏེ་ནམ་མཁའ་བཞིན་ནོ། ༈ །ཆོས་སྐུ་རང་བཞིན་ཡེ་ནས་རྣམ་པར་དག །ལོངས་སྤྱོད་རང་རིག་དངོས་པོ་ཐམས་ཅད་ལ་བདེ་ལོངས་སྤྱོད་པས་བདེ་བ་ཉིད། །སྤྲུལ་པ་འགྲོ་འོང་མེད་པར་ཁྱབ་པས་ཆུ་ཟླ་ལྟ་བུར་སྣང་། །དེ་གསུམ་དབྱེར་མེད་རིག་པ་གཅིག་གི་ངང་ངོ་། ༈ །བཟང་པོ་བླང་ངན་པ་དོར་གཉིས་བྲལ་མཉམ་པ་ཉིད། །བྱང་ཆུབ་སེམས་ཀྱི་ཡེ་ཤེས་ལ། །སྙིང་པོ་མཉམ་ཉིད་ཡེ་སངས་རྒྱས། །སྙིང་པོ་དོན་ལ་ས་ལམ་གྱི་རྩོལ་བ་མེད། ༈ །དོན་གྱི་རང་བྱུང་ལ་འཁྲུལ་གྲོལ་གཉིས་སུ་མེད། །སེམས་ཀྱི་རང་རིག་པ་རྟོག་པ་ཉིད་དུ་ཤར་བའི་རྣམ་རྟོག་རང་བྱུང་ཡེ་ཤེས་རྟོག་མེད་ཉིད་དུ་རང་འབར་བ་ནི་རྩོལ་བས་བཙལ་བ་མེད་པའི་འབྲས་བུ་མཐར་ཐུག་པ་ཉིད་དོ། ༈ །རྒྱལ་བའི་བཀའ་ཡི་བཅུད་བསྡུས་པའི་སྙིང་པོ་མན་ངག་རིན་པོ་ཆེ་འདི། །རྒྱ་མཚོའི་བཅུད་བསྡུས་པ་བཞིན་དུ་བདུད་རྩིར་འདུས། །སྙིང་པོའི་དོན་སྟོན་པའི་མན་ངག་འདི་གསང་བའི་མན་ངག་རྣམས་ཀྱི་བཅུད་དོ། ༈ །གསལ་བའི་སྒྲོན་མའི་འོད་ཀྱི་སྙིང་པོ་འདི། །བཀའི་བཅུད་མ་ལུས་འདུས་པའི་གསུང་གི་འཁོར་ལོ་ཡིན། །སྙིང་པོ་བརྗོད་པའི་གསུང་གིས་རྟོགས་པར་བྱ་བ་ནི། ༈ །སེམས་ཉིད་རང་བྱུང་སྙིང་པོ་ཉིད་དོ། །དེ་ཉིད་དུ་ཕྱི་༼༡༽རྡུལ་ཚོན་ནང་༼༡༽རྩ་གསང་བ་མཁའི་དཀྱིལ་༼༡༡༡༽འཁོར་འདུས། །འོག་མ་ལྟར་དལ་དུ་འབྱུང་བ་དང་འཇུག་པ་མི་མངའ་སྙིང་པོར་གསལ། །རང་བྱུང་ཡེ་ཤེས་རྫོགས་པའི་སངས་རྒྱས་ཀྱི་དགོངས་པར་གནས། །ཡེ་ཤེས་སྙིང་པོ་ནམ་མཁའ་དང་འདྲ་བ་སྟེ་མཐའ་དབུས་མི་མངའ་བླང་དོར་མེད། །གཞན་ནས་མི་ལེན་སྙིང་པོ་བདག་མེད་གསལ། ༈ །བཀའ་ཡི་བཅུད་བསྡུས་སྙིང་པོ་འདི། །གནས་ལུགས་རང་བཞིན་སྙིང་པོ་བྱང་ཆུབ་སེམས་ཀྱི་སྨན་ཆེན་རྩོལ་མེད་རྟོགས་པས་འཁོར་བ་སྡུག་བསྔལ་གྱི་ཟུག་རྔུ་འབྱིན་པའི་མཆོག །བྱང་ཆུབ་སེམས་ཀྱི་སྨན་མེད་ན། །ལུས་ངག་གི་རྩོལ་བས་དགེ་བའི་དོན་ལ་འཇུག་པ་མཐོ་རིས་ཀྱི་རྒྱུ། །བྱང་ཆུབ་སེམས་ཀྱི་སྨན་ཆེན་རང་ལ་གནས་བཞིན་དུ། །དེ་ལ་མི་རྟོག་པར་བྱང་ཆུབ་སེམས་ཀྱི་སྨན་ཆེན་གཞན་ནས་འཚོལ་བར་བྱེད། །རྙེད་དུ་མེད་པའི་ཚུལ་གྱིས་རྙེད་དེ་རྟོགས་པས་གཞན་ནས་མ་འོངས་ཏེ་རང་སེམས་ཉིད་སྨན་ཆེན་དུ་མཐོང་ངོ་། ༈ །རྟོགས་པས་གཞན་ནས་མ་འོངས་ཏེ། །རང་བྱུང་སྙིང་པོ་ནི་ཐོག་མ་མེད་པ་ནས་རང་ལ་གནས་ཏེ་སྤྲོས་བྲལ་ནམ་མཁའ་ལྟ་བུ་ཉིད། །རྒྱལ་བའི་ཡེ་ཤེས་ཀྱི་སྐུ་དང་རང་བཞིན་ལྡན་ཏེ། །ཕྱི་གཟུང་བ་དང་ནང་འཛིན་པའི་སེམས་དང་བྲལ་བའི་ངང་ལ་རྟག་པར་བཞུགས། ༈ །བདེ་བའི་དོན་ལ་མ་ཆགས་རོལ། །སྣང་བ་ཐམས་ཅད་རང་བྱུང་ཡེ་ཤེས་རང་རིག་པར་གནས། ༈ །བྱང་ཆུབ་སེམས་ཀྱི་སྨན་ཆེན་འདི། །ཐམས་ཅད་མཁྱེན་པའི་ཡེ་ཤེས་རྒྱལ་བའི་དགོངས་པ་སྟེ། །དུས་གསུམ་གྱི་སངས་རྒྱས་རྣམས་ཀྱི་ལམ་དུ་བདེ། ༈ །བསམ་གྱིས་མི་ཁྱབ་དགོངས་པའི་དོན་ནི། །ཤེས་པ་མ་བཅོས་པར་རང་བཞག་སོ་མ་ཉིད་དོ། ༈ །སྙིང་པོ་དེ་ལྟ་བུའི་དོན་རྟོགས་ནས་གཏང་གཞག་གི་བྱ་བ་བྲལ། །རྟག་པར་རང་གསལ་རིག་པའི་ངང་ལ་བཞུགས། །སྐྱོན་བཅོས་སུ་མེད་ཏིང་ངེ་འཛིན་དུ་འཛིན་པ་དང་བྲལ་ཕར་འཕྲོ་ཚུར་འདུ་མེད། ༈ །བྱང་ཆུབ་སྙིང་པོ་ལ་རྣམ་པར་རྟོག་པའི་རྒྱུ་བ་བྲལ། །ཆོས་ཀུན་འབྱུང་ཡང་རང་རིག་པ་རང་བྱུང་ཡེ་ཤེས་ལ་འཕོ་འགྱུར་མེད། །རྒྱལ་བའི་ཐུགས་རྗེ་ཡང་རང་བྱུང་ཡེ་ཤེས་ཉིད། །ལ་རྩོལ་བ་དང་བྲལ་བ་རང་སྣང་གི་བྱིན་རླབས་ལས་འབྱུང་སྟེ། །ཕྱོགས་རིས་མི་མངའ་ཀུན་ལ་ཁྱབ། །གནས་ལུགས་སྙིང་པོ་ཉིད་དུ་འགྲོ་བ་ཀུན་སྒྲོལ་བར་མཛད་པ་ནི་སྙིང་རྗེའོ། །བྱམས་པས་འགྲོ་བ་ཐམས་ཅད་ཆོས་ཉིད་ངང་དུ་བསྐྱབས། །དགའ་བ་རང་རིག་རང་བྱུང་ཡེ་ཤེས་དང་མི་འབྲལ་བ། །བླང་དོར་གཉིས་མེད་བཏང་སྙོམས་ཆེ། །རང་བྱུང་སྙིང་པོ་འཁོར་ལོའི་དོན་ལ། །རྟོག་པ་དང་བྲལ་འཁོར་བའི་རང་བཞིན་རྣམ་པར་དག །འབྱེད་པ་མེད་པའི་ཐུགས་རྗེ་ལ་སེམས་ཅན་དུ་གྲུབ་པ་མེད་པས་དོན་མི་མཛད་དེ་ཡང་འཕགས་པ་སྡུད་པ་ལས། དེ་ཕྱིར་ཕན་མཛད་བརྩེར་ལྡན་བྱང་ཆུབ་བརྙེས་ནས་ནི། སེམས་ཚོགས་སུས་ཤེས་སྙམ་ནས་ཐུགས་ཁྲལ་ཆུང་བར་མཛད། ཅེའོ། །ཡུལ་གྱི་དངོས་པོ་དང་སེམས་དམིགས་པ་མི་མངའ་རང་བྱུང་སེམས། ༈ །འོད་གསལ་སྙིང་པོ་རྫོགས་པ་འདིའི་དོན་བླ་མ་རིན་ཆེན་གསུང་གི་བརྟག་པས་ཤེས་ཏེ། །འགྲོ་དྲུག་སེམས་ཅན་ཐམས་ཅད་ལ། །རང་གནས་ཀྱི་ཡེ་ཤེས་ཉིད་ལྡན་པ་དེ། །བརྟག་པ་གསུམ་གྱིས་ཤེས་པར་འགྱུར་བ་ནི་ཆོས་སྐུ། །མིང་ལ་བརྟག་པ་དང་ལོངས་སྐུ་སེམས་ལ་བརྟགས་ཏེ་ཡེ་ཤེས་ཚོལ། །སྤྲུལ་སྐུ་ཡུལ་ལྔའི་དངོས་པོ་གང་ཡང་རུང་བ་དང་གསུམ་ལ། །བརྟགས་པས་རང་ལོག་པ་དང་རང་སར་ལོག་པའི་ཤེས་པ་འབྱུང་བ་ནི་ནོར་བུ་རིན་ཆེན་གསེར་བཞིན་དུ་འགྱུར་བ་མེད། །ལྕེ་མནན་ན་ན་ཏའི་ཡིག་གེའི་སྒྲ་ལ་སོགས་པ་བརྗོད་ཏུ་མི་བཏུབ་པ་ལྟར། ༈ །དེ་བཞིན་དུ་རྟེན་འབྲེལ་ལུས་ལ་བརྟག་པ་ལ་སོགས་པའི་གནས་སྐབས་གཞན་དུ་ཡང་། །སྙིང་པོ་ཡེ་ཤེས་ངོས་གཟུང་བར་བྱ། །བཀའི་སྙིང་པོའི་གསུང་འདི་རྣལ་མའི་དོན་དང་འབྲེལ། །རྣལ་འབྱོར་པ་སྐལ་ལྡན་རིན་ཆེན་ལྟ་བུ་ཡིས། །འབྱུང་བའི་དུས་དྲུག་ནི་གྲུབ་མཐའ་ངན་པ་ལ་གནས་པའི་དུས་སུ། །མན་ངག་འདི་ཡིས་དོན་ཀུན་རིག་པར་གྱིས་ཤིག །གལ་ཏེ་འདི་ཡིས་རང་སེམས་མ་རིག་ན། །རྟོག་གེ་སྒྲའམ་ཚད་མ་གང་གིས་ཀྱང་། །རིག་པའི་རང་བྱུང་ཡེ་ཤེས་རྙེད་པར་མི་འགྱུར་རོ། ༈ །གཞི་ཉིད་རང་བྱུང་དུས་གསུམ་དུ་འགྱུར་བ་མེད། །དེ་རྟོགས་པའི་རང་བྱུང་སེམས་ཀྱི་ལམ། །དེའི་ངང་དུ་གོམས་པས་མ་ཡེངས་པར་བྱང་ཆུབ་སེམས་སུ་གསལ། །རང་བྱུང་གི་འབྲས་བུ་མཐར་ཕྱིན་པ་རྣམས། །འགྲོ་དོན་མཛད་པ་ནི་ཡིན་དོན་རྟོགས་པས་སྒྲིབ་པ་ལས་གྲོལ་ཏེ་གཞི་ལམ་འབྲས་བུ་གསུམ་འོད་གསལ་དབྱེར་མེད་གཅིག་གི་ངང་ཡིན་པས་སོ། ༈ །བྱང་ཆུབ་སེམས་ཀྱི་རང་རིག་རང་བྱུང་ཡེ་ཤེས་འདི་ལ་བག་ཆགས་འཁྲུལ་པའི་དྲི་མས་བསྒོས་པའི་དབང་གིས་ན། །ཞེན་པས་བརྟགས་པའི་འདུ་བྱེད་སྣ་ཚོགས་ཐག་པ་ལ་སྦྲུལ་ལྟར་མེད་བཞིན་གྲུབ་དེ་ལྟར་འཁྲུལ་པའི་སེམས་ཀྱི་བག་ཆགས་བཟང་ངན་ཅིར་སྣང་ཡང་། །རིག་པ་འོད་གསལ་ལ་གཞི་ལམ་འབྲས་བུའི་དུས་གསུམ་ཀར་འགྱུར་བ་མེད། ༈ །སྣ་ཚོགས་སུ་སྣང་བའི་རང་བཞིན་འདི། །བཀའི་སྙིང་པོ་གསུང་གི་བརྗོད་བྱ་ཡིན་སྟེ། །འཁྲུལ་པ་མ་ཡིན་ཏེ་འཁྲུལ་པ་དེ་ལས་རང་ལོག་རང་སར་ལོག་པར་སྣང་བས། །སྣ་ཚོགས་ཀྱི་སྣང་བ་འདི་རང་རིག་བྱང་ཆུབ་སེམས་སུ་བརྗོད་དོ། ༈ །འཁྲུལ་པའི་རྟོག་པའི་རྩ་བ་ནི་བྱང་ཆུབ་སེམས། །རང་རིག་སེམས་ལ་རྟོག་པར་འཁྲུལ་བ་ཡང་། །ཡ་མཚམས་ཐོག་མ་མེད་པའི་དུས་ནས་དམིགས་པ་སྣ་ཚོགས་ཀྱི་བག་ཆགས་ཀྱི་དབང་དུ་གྱུར་པ་དང་། །རིན་ཆེན་གདམས་ངག་རྐྱེན་མེད་པས། །རྟོག་མེད་སྙིང་པོ་རྣལ་མའི་སེམས་མ་གོམས་པ་ནི། །ཐག་པ་སྦྲུལ་མིན་ཡང་སྦྲུལ་དུ་སྣང་བ་བཞིན་ནོ། ༈ །འདུ་བྱེད་ཀྱི་དངོས་པོ་སྣ་ཚོགས་སྣང་བའི་རང་བཞིན་འདིའི་རང་བཞིན་ཆོས་ཉིད་ཡིན་པས་གནས་ལུགས་དང་དབྱེར་མེད་པས། །རྒྱལ་བ་སྐུ་གསུམ་གྱི་དགོངས་པ་གསལ་བའི་སེམས་ཉིད་ལ། །ཆོས་ཉིད་མ་ཡིན་བག་ཙམ་ཡང་མི་སྣང་ཐམས་ཅད་སྣང་བའི་ངོ་བོ་སེམས་ཉིད་འདི། རང་བྱུང་ཡེ་ཤེས་སྙིང་པོ་ཉིད་དུ་མཐོང་ངོ་རྟོགས་སོ། །ངོ་བོ་ཉིད་ལ་ཚིག་བརྗོད་པ་བྲལ། ༈ །རང་བཞིན་རྣམ་དག་རིག་པ་བྱང་ཆུབ་སེམས་ལ། །བརྗོད་དུ་མེད་ཀྱང་ཚིག་དོན་དུ་མ་བརྗོད་ན་ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་འགྱུར། །ཞེའོ། །རིག་པའི་དོན་དང་མཇལ་བ་མེད་དེས་ན་བརྗོད་པའི་སྒྲ་ལ་སེམས་བརྒྱུད་དེ་དྲངས་པས། །མ་བཅོས་རང་བྱུང་ཆོས་ཉིད་དུ་མཐོང་ངོ་། ༈ །རང་རིག་སེམས་ལ་དོན་རྟོགས་ན། །བློ་འཇུག་པའི་ཐབས་བྱ་བྱེད་མི་གཉིས་ཚུལ་གྱིས་གནས། ༈ །བགྲོད་མེད་ཅིག་ཅར་དུ་ལམ་གྱི་ཆ་རྐྱེན་རྫོགས་པའི་བདེ་བ་ཆེ་ན་པོ་ནི་གྲུབ་མཐའི་ཕྱོགས་སུ་མ་ལྷུངས་གཟུ་བོ་དྲང་པོའི་སེམས། །རྫོགས་པའི་ཡེ་ཤེས་སྙིང་པོ་ལ། །རྩོལ་བའི་རིམ་པའི་ལམ་མེད་མཐར་ཕྱིན་ས། ༈ །རང་བྱུང་རྟོགས་པའི་ངང་དུ་འཇུག་པ་ལ། །དེ་ཁོ་ན་ཉིད་སྙིང་པོ་རྣལ་མའི་དོན་རྟོགས་པས། །འབྲས་བུ་སྐུ་གཉིས་འདོད་པའི་ཚོགས་གཉིས་ལ་ཡིད་མི་འཇུག་ཀྱང་རྫོགས་པ་དེ་བཞིན་དུ་ཕ་རོལ་ཏུ་ཕྱིན་པ་དྲུག །རང་བྱུང་རྫོགས་པའི་སེམས་ལ་གནས། །རྟོག་དཔྱོད་ཀྱི་བསམ་པ་དང་བྲལ་ཅིར་ཡང་མི་རྟོག་པའི་དགོངས་པ་ལ། དེ་ཉིད་དུ་ཕ་རོལ་ཕྱིན་དྲུག་ནི། མདོ་སྡེ་རྒྱན་ལས། དབུལ་བ་འདོར་བར་བྱེད་པ་དང་། །བསིལ་བ་ཐོབ་དང་ཁྲོ་བཟོད་དང་། །མཆོག་སྦྱོར་བ་དང་ཡིད་འཛིན་དང་། །དོན་དམ་ཤེས་པའི་ཕྱིར་བཤད་དོ། །ཞེའོ། །ལྡན། །མི་རྟོག་བཟོད་འཛིན་སྦྱིན་མེད་ཚུལ་ཁྲིམས་ལ་གནས། །མ་ཡེངས་བསམ་རིག་པ་རྒྱུན་བརྩོན་མི་འཆད། །དམིགས་མེད་ཤེས་རབ་ཕ་རོལ་ཕྱིན། །ཚིག་རྐང་དགུ་པོ་འདི་ལ། སྔ་རབས་པ་རྣམས་སྟོང་པ་ཉིད་བཅོ་བརྒྱད་དང་སྦྱར་ནས་གསུང་སྟེ། གཞུང་གི་དགོངས་པར་མི་གསལ་བས་མ་བྲིས་སོ། །སེམས་ཉིད་སྟོང་པ་མཚན་ཉིད་དངོས་པོ་མེད་པ་ལ། །ཆོས་ཉིད་དང་ཆོན་ཅན་གང་ཡང་ཐ་དད་དུ་མི་གནས་ཏེ། །དབྱེར་མེད་བདེ་བ་ཆེན་པོ་སྙིང་པོ་རྣལ་མའི་དོན་ཡིན་ལ་དེ་ལྟར་དངོས་པོ་མེད་ཀྱང་ཡེ་ཤེས་ཀྱི་རོལ་པ་སྣ་ཚོགས་འགག་མ་ཡིན། །བདེན་བརྫུན་གཉིས་མཐར་མི་འཛིན་པ་ཡིས། །སྙིང་པོའི་དོན་ལ་རྟོགས་པར་འདོད་པའི་བློ་དང་བྲལ། །ཀུན་བཟང་རང་བྱུང་ཡེ་ཤེས་འོད་གསལ་བ་ནི་རྟོག་དཔྱོད་ཀྱི་བསམ་པ་ཐམས་ཅད་དང་བྲལ་བའི་ཡེ་ཤེས་ནམ་མཁའ་ཅིར་ཡང་མི་རྟོག་པ་དང་འདྲ་སྟེ། །དེ་ཉིད་རྫོགས་པའི་སངས་རྒྱས་ཀྱི་ཡེ་ཤེས་མ་བཅོས་པ་རྣལ་མའོ། ༈ །དུས་གསུམ་དུ་མི་འགྱུར་བ་ཆོས་ཉིད་དབྱིངས་ཀྱི་ཐུགས། །ཅིར་ཡང་མི་འགག་པའི་ཡེ་ཤེས་ནི་རང་རིག་པའི་གསུང་། །སྣང་སྟོང་ངམ་འཁོར་འདས་དབྱེར་མེད་ཆོས་ཀྱི་སྐུ་གཟུང་འཛིན་དང་བྲལ། །རང་རྒྱུད་པའི་སྐུ་གསུང་ཐུགས་དང་བྲལ་བའི་རང་བྱུང་གི་སྐུ་གསུང་ཐུགས། །ཕྱི་ཡུལ་དང་ནང་ཤེས་པ་མི་མངའ་བར་རང་གསལ་བ་ཉིད་ལ་ཡིད། །ཕྱིར་འབྱུང་བ་དང་ནང་དུ་འཇུག་པ་མི་མངའ་བར་རང་བཞིན་གྱིས་གནས། །དབང་པོ་ལྔའི་ངོ་ལ་སྣང་བའི་ཡུལ་ལྔ་རྣམས། །སྣང་ལ་མི་འཛིན་པས་ཆོས་ཉིད་བྱང་ཆུབ་སེམས་སུ་མཐོང་། །ཉོན་མོངས་ལྔ་པོ་ཡེ་ཤེས་ལྔའི་ལམ། །ཆོས་ཐམས་ཅད་བྱང་ཆུབ་སེམས་ཀྱི་གཞི་སྟེ། །སངས་རྒྱས་ཉིད་ལས་གཞན་མ་ཡིན་པས་སོ། ༈ །སངས་རྒྱས་སུ་དག་པའི་སེམས་ལ་བཙལ་མེད་དེ། །ཆེད་དུ་བཙལ་བའི་ཀུན་རྫོབ་ནི་ནོར་བས་དེས་འབྲས་བུ་གྲུབ་མ་ཡིན། །དམ་པའི་དོན་རྣལ་མ་ལ་གང་འཇུག་པ། །སེམས་ཉིད་གསང་བ་ཡོན་ཏན་ཐམས་ཅད་རྫོགས་པའི་དོན་ཉིད་ལ། །ཆོས་ཉིད་གསང་བའི་དོན་ལ་དམིགས་ཏེ་བླ་མའི། ༈ །ངེས་པའི་གདམས་ངག་ཟབ་མོ་ཡིས། །བཙལ་མེད་རང་སོར་བཞག་པའི་བཙལ་བ་དང་། །མི་སྒོམ་རང་ལུགས་སུ་གནས་པའི་སྒོམ་པ་དང་། །ཕྱོགས་སུ་མི་གནས་པའི་ཚུལ་ལ་གནས་པ་དང་། །དམིགས་པ་ལ་བཞག་འཇོག་མེད་པའི་མཉམ་བཞག་རང་བྱུང་བ་ཆེན་པོ་མི་རྟོག་པའི་དོན་ལ་ཆེད་དུ་མ་བཙལ་བའི་གྱི་ན་བ། །དགེ་དང་མི་དགེའི་རྣམ་རྟོག་བྲལ་བ་ནི། །བྱང་ཆུབ་སེམས་ཀྱི་མཚན་ཉིད་དོ། ༈ །རང་བྱུང་ཡེ་ཤེས་བཙལ་བས་རྟོགས་པ་མིན། །བྱང་ཆུབ་འདོད་པའི་བློ་ལ་བྱང་ཆུབ་མེད། །ཡང་དག་དོན་གྱི་སྙིང་པོ་འདི། །རྩོལ་བས་བཙལ་བས་རྙེད་པར་མི་འགྱུར་ཏེ། །རྩོལ་བ་ལ་ཞེན་པའི་སེམས་ཉིད་ལས་འབྱུང་བར་མི་འགྱུར་བས་རྩོལ་མེད་དུ་ཉལ་བའི་བསམ་གཏན་འཁོར་ལོ་བདེའོ། །ཆོས་ཅན་མ་ལུས་བྱང་ཆུབ་སེམས་ཀྱི་ངང་། །ཆོས་ཉིད་བྱང་ཆུབ་ཀྱི་སེམས་མཉམ་པར་བཞག་པ་ལ། །དངོས་པོ་མེད་དེ་བྱང་ཆུབ་རང་བྱུང་ཡེ་ཤེས་ཀྱི་ངང་ནི། །འདུས་མ་བྱས་པས་བདེ་བ་ཆེན་པོའི་ཀློང་ངོ་། །སེམས་ཉིད་བློས་བསམ་དུ་མེད་ངག་ཏུ་བརྗོད་པ་ལས་འདས་ཏེ་དུས་ཡེ་ནས་རང་རྣམ་པར་དག་ཅིང་བསམ་དུ་མེད་བརྗོད་དུ་མེད་དོ། །རྫོགས་པ་ཆེན་པོའི་རྣལ་འབྱོར་བའི་རིག་པ་ཡིས། །དེ་ལ་མ་བཙལ་བར་གནས་ན་བསྒོམ་ཞེས་བྱ། །རིག་པའི་ཆོས་ཀྱི་དབྱིངས་ལ་ཡན་པར་བཞག་ན། །བཙལ་བའི་ནད་བྲལ་བསྒོམ་པ་ཡིན། ༈ །དེ་བས་སྙིང་པོ་སེམས་ཉིད་ལ་འཁྲུལ་པའི་དྲི་མ་མེད། །པས་རིག་པ་རང་བཞིན་གྱིས་འོད་གསལ་བ་ཉིད་དུ་བསྒོམ། །དེ་ལྟར་འོད་གསལ་སེམས་ལ་གནས་འགྱུར་ན། །རྣམ་རྟོག་མཚན་མ་རང་བཞིན་ནམ་ངང་གིས་ཞི་སྟེ་དེ་ལྟར་སྐྱེ་བ་མེད་པའི་སྐྱེ་མེད་ལས་མི་འདའ་བའི་ཕྱག་རྒྱ་ཡིས། །རང་སྣང་ཀུན་བཟང་གི་རོལ་པ་འགྲུབ། ༈ །དངོས་མེད་དང་དངོས་པོ་ལ་བློ་མི་དམིགས་ཤིང་། །དབུ་མ་ཙམ་དུ་འཛིན་པའི་སེམས་དང་བྲལ་ཏེ་ཡིད་ཀྱི་རྒྱུ་བ་བྲལ་ལོ། །དེ་ལྟར་སེམས་ཀྱི་རྒྱུ་བ་མེད་པས་ན། །ཆོས་ཐམས་ཅད་རང་བྱུང་ཡེ་ཤེས་སྟོང་པ་ཉིད་དོ། །སེམས་ཉིད་རིག་པ་རང་བྱུང་ལ། །ཅིར་ཡང་འགྱུར་བ་མེད་དེ་སྤྲོས་བྲལ་དུ་གསལ་བས་ན། །བརྗོད་པའི་ཡི་གེ་མེད་པའི་སྙིང་པོ་གསུང་། །དོན་དམ་པ་བྱང་ཆུབ་ཀྱི་སེམས་ལ་གནས། །རྒྱལ་བའི་དམ་ཚིག་མ་བཅོས་པ་ནི་ཆེད་དུ་བསྲུང་བ་མེད་པའི་ཚུལ་གྱིས་བསྲུང་། །ཐིག་ལེ་ཉག་གཅིག་ལས་འགྱུར་བ་མེད་པའི་ཕྱག་རྒྱ་ལ། །ཅིར་ཡང་བསྒྱུར་བ་མེད་པའི་དོན་གྱི་རྒྱས་བཏབ། །འཁོར་མཐའ་དང་གཙོ་བོ་དབུས་མེད་པའི་དཀྱིལ་འཁོར་ལ། །ཡེ་ཤེས་ཀྱི་ཕར་འཕྲོ་ཚུར་འདུ་བའི་ཏིང་ངེ་མེད་པར་གསལ། །བསམ་བྲལ་ལ་རྟག་ཏུ་རང་བཞག་ནི་དེ་ཉིད་རྒྱལ་བའི་ཐུགས། །ཏེ་དེས་ན་ཆོས་ཐམས་ཅད་བྱང་ཆུབ་སེམས་ལས་འདའ་བ་མེད། ༈ །ས་འཛིན་བྱི་བའམ་སེང་གེའི་རྣམ་པའི་སེམས་བཞིན་དུ། །འབྲས་བུ་གཞན་ནས་རྙེད་པར་མི་འགྱུར་ཏེ། །བརྟགས་ན་རང་སེམས་ཉིད་ལ་ཐུག་པ་ནི། །བྱི་བའི་བུ་མོ་སྦྱིན་ས་བཙལ་བའི་ཕྱིར་ཉི་མ། སྤྲིན། རླུང་། རི་ལ་དྲིས་པས་མཐར་རང་ལ་ཐུག་པའམ། སེང་གེའི་གོང་ན་གཞན་མེད་པས་འཇིགས་ཤིང་ཉམ་ང་བ་མེད་པ་དང་འདྲའོ་གསུང་པས་གཞི་ལ་རང་སོར་བཞག་པ་ལས་གཞན་ཐོབ་པར་འདོད་པ་དང་བྲལ། ༈ །རང་སེམས་རིག་པ་དུས་གསུམ་དུ་འགྱུར་བ་མེད། །གཞི་ཇི་བཞིན་པ་ཅིར་ཡང་མི་རྟོག་པ་ནི་ཆོས་ཀྱི་སྐུ། །རྩོལ་བའི་བྱ་བ་དང་བྲལ་ཡོན་ཏན་ལྷུན་གྲུབ་གཞི་ཇི་བཞིན་དུ་གནས། །རང་བྱུང་འོད་གསལ་ལ་འཁྲུལ་པ་ཡེ་ནས་དག །མུ་མཐའ་ཅིར་ཡང་མི་དགོངས་པས་བློས་བསམ་མི་ཁྱབ། །རྟོགས་པའི་ཤེས་རབ་དང་འབྱེད་པ་མེད་པའི་སྙིང་རྗེ་དང་ལྡན་པས་འབྲས་བུས་རྩོལ་མེད་དུ་འགྲུབ་བོ། །སྙིང་པོ་བྱང་ཆུབ་སེམས་ཀྱི་རང་བཞིན་ལ། །ཅིར་ཡང་བསམ་དུ་མེད་པར་རང་ལུགས་སུ་བཞག་པ་ནི་རྒྱལ་བའི་ཐུགས་སུ་ལྷུན་གྱིས་གྲུབ་པ་བདེ་བ་ཡིན་གྱི། ༈ །སྟེང་སྒོ་འཁོར་ལོའམ་འོག་སྒོ་རིག་མ་ལ་བརྟེན་པའི་བདེ་བ་ཡིས། །རང་གནས་ལྷན་ཅིག་སྐྱེས་པའི་རིག་པ་ཡེ་ཤེས་ཚོལ་བ་ཉིད་ནི། །རྣམ་རྟོག་ཡིན་ཏེ་དོན་ལ་དེས་རྙེད་པ་མིན། །ཆགས་པའི་འདུ་ཤེས་ཅན་དྲང་བའི་དོན་དུ་གསུངས་པ་ཡིན་གྱི། །ངེས་པར་ན་སྤྲོས་བྲལ་རང་བྱུང་གི་སེམས་དེ། །ཆགས་པའི་ལམ་གྱིས་ཤེས་པར་མི་འགྱུར་རོ། །གཙང་བླང་རྨེ་དོར་བ་མེད་པའི་བརྟུལ་ཞུགས་ཀྱང་། །ངེས་པར་བརྟགས་ན་དོན་ལ་བླང་དོར་ཉིད་དུ་འགྱུར། །རང་རིག་བསམ་བྲལ་དུ་ཆེད་དུ་བློས་བཞག་པ་དེ། །དོན་ལ་དངོས་པོ་འཛིན་པའི་ཞེན་པར་གནས་སོ། ༈ །འདིར་རང་བྱུང་གི་ཡེ་ཤེས་འོད་གསལ་བྱང་ཆུབ་སྙིང་པོ་འདི་ནི་དངོས་པོར་ཞེན་པའི། །མཚན་མ་མེད་པའི་རང་བཞིན་པས། །ཤེས་རབ་དང་ཐབས་གཉིས་ཀྱི་ཕན་ཚུན་བདེ་བའི་ཆགས་པ་དང་བྲལ། །ཐིག་ལེ་ལ་བརྟེན་ནས་འབྲས་བུ་འདོད་པའི་རྩོལ་བ་ཕར་སྤྲོ་བ་དང་ཚུར་བསྡུ་བ་མེད་དོ། །རང་རིག་ཐབས་ལམ་གྱི་རྩོལ་བ་དང་བྲལ་བ་བདེ་བ་ཆེན་པོའི་སེམས་དེ། །ཤེས་རབ་དང་ཐབས་ལ་སོ་སོར་མི་འཛིན་པར་སྙོམས་པར་འཇུག་པས། །རྩོལ་མེད་ཀྱི་བདེ་བའི་བསམ་གཏན་ཆེན་པོ་ཡིན། །སྒྱུ་མའི་རོ་བདེ་སྟོང་ལ་མ་ཆགས་པས། །ཆགས་པ་མེད་པའི་ཡེ་ཤེས་ལ་ལམ་གྱི་ཆ་རྐྱེན་ཐམས་ཅད་རྫོགས་པའི་ལམ། །བྱང་ཆུབ་སེམས་ཀྱི་རིག་པ་རང་གསལ་འདི། །དངོས་པོར་འཛིན་པ་མེད་པའི་ཤེས་རབ་དང་ཐབས་ཀྱིས་འགྲུབ་ནམ་མཁའ་ཆེ་ལས་ཀྱང་། །ཆེ་བའི་ཡེ་ཤེས་རྙེད་དཀའ་བ། །ཤེས་རབ་ཐབས་ལ་བརྟེན་པས་འགྲུབ། །མིང་ཙམ་གཞན་ལ་བརྟེན་འདྲ་ཡང་། །མངོན་སུམ་བདེ་བ་རང་ལས་འབྱུང་། །ཞེའོ། །སྣང་བ་གསལ་བའི་འཁོར་ལོ་རིག་པ་འདི། །མུ་མཐའི་ངོ་བོ་མ་གྲུབ་ལ་སྣང་དུ་བཏུབ་པ་ནི་མེ་ཤེལ་ལ་མེ་དངོས་སུ་མེད་ཀྱང་རྐྱེན་དང་ཕྲད་ན་འབྱུང་བ་དང་འདྲ། །དངོས་མེད་ཀྱི་ཡེ་ཤེས་དེ་མཐོང་བས་འཁྲུལ་པ་རང་སར་གྲོལ། །གཟུགས་སྒྲ་སོགས་ཡུལ་ལྔར་སྣང་བ་རྣམས་བློས་ཕྱིན་ཅི་ལོག་ཏུ་བརྟགས་པ་ཡིན་ཏེ། །དངོས་པོའི་རང་བཞིན་ཐམས་ཅད་ནི། །ཆོས་ཉིད་དབྱིངས་ཀྱི་ཐིག་ལེ་ཡིན་༼༠༽ནོ། །དེ་༼༠༽ཉིད་བསྒྲུབ་པའི་ཐབས་སུ་ནི། །སྙིང་པོའི་དོན་རིག་པའི་ཉི་མ་ཤར་བས། །མུ་མཐའ་ཡི་མུན་པ་ངང་གིས་མ་སྤངས་པར་དག །རྩོལ་བས་བསྒྲུབ་མེད་རང་བྱུང་གི་བསྒྲུབ་པ་འདིས། །ཁམས་གསུམ་ཐམས་ཅད་འོད་གསལ་གྱི་ཐུགས་བྱང་ཆུབ་སེམས་སུ་གྲུབ། ༈ །ཆོས་ཐམས་ཅད་རང་སེམས་རིག་པའི་སྤྱོད་པར་བདེ། །རྟོགས་པའི་ཡེ་ཤེས་ཀྱི་སྤྱོད་པས་རང་ལུགས་སུ་བཞག་པ་ཉིད་དུ། །གསལ་ནས་སོ་སོའི་འདོད་པའི་གྲུབ་པའི་མཐའ་མི་འགེགས་ཏེ། །འགྲོ་འདུལ་ཐུགས་རྗེ་ཚོགས་ཀྱི་བསོད་ནམས་དཀར་སྤྱོད་དགེ་བ་རྣམས་ནི། །རང་བྱུང་རིག་པ་རྟོགས་པར་གྱུར་ནས་ཀྱང་། །མོས་པའི་འགྲོ་བ་གཞན་བརྒྱུད་ནས་དོན་ལ་དྲང་ཕྱིར་རྒྱུན་མི་བཅད། ༈ །སྙིང་པོ་སེམས་ཀྱི་དོན་རིག་ན། །རང་གནས་ཀྱི་ཡེ་ཤེས་མཐར་ཕྱིན་ཏེ་འབྲས་བུ་ཆོས་སྐུར་གནས། །གཞན་ལོངས་སྐུ་མཚན་དང་དཔེ་བྱད་བཟང་པོ་དང་ལྡན་པ་རང་བཞིན་འགྲུབ། །སྤྲུལ་པའི་སྐུ་འགྲོ་བ་རང་རང་གི་འདོད་པ་བཞིན་ཅིར་ཡང་འབྱུང་། །ཆུ་གསལ་བའི་ནང་དུ་རི་བོང་ཅན་གྱི་གཟུགས་བརྙན་འཆར་བ་བཞིན་ནོ། །ཡེ་ཤེས་ལུས་ཅན་གྱི་དེ་བཞིན་གཤེགས་པས། །མེ་ཤེལ་གྱི་གཟུགས་ལྟར་དུ་སྣང་ནས་འགྲོ་བ་སྒྲོལ། ༈ །ཡེ་ཤེས་རང་བྱུང་དེ་བཞིན་གཤེགས་པ་ནི། །ཡན་ལག་མི་མངའ་རྩིས་ལས་འདས་པ་ཡང་ལམ་མཐར་ཕྱིན་བཏང་སྙོམས་ཆེན་པོའི་དགའ་བ་རིག་པར་རང་གསལ། །དགོངས་པ་རང་བཞག་གི་ངང་དུ་ཡེ་སངས་རྒྱས་པས། རིག་པ་རང་ཤར་ཆོས་རྣམས་ལ་བློས་གང་དུའང་བསམ་དུ་མེད་པར་གནས། ༈ །དེ་ལྟར་བྱང་ཆུབ་སེམས་ཉིད་ལ། །མ་རིག་པ་གདོད་ནས་མེད་པས་དེས་ན་འཁོར་བའང་མེད། དེས་ན་སེམས་ཅན་སྐྱེ་བ་རྒྱུ་མ་རིག་པ་གདོད་ནས་མི་གནས། །རང་བྱུང་ཡེ་ཤེས་ཀྱི་སེམས་རྟོག་པ་མེད་པ་ལ་རྟག་པར་བཞུགས་ཏེ། །སྲིད་པ་འཁོར་བའི་ཆོས་ལ་རྒྱུ་མེད་པས་ན། །མྱ་ངན་འདས་པའི་ལམ་དང་བྲལ་ལོ། །གཟོད་མ་ནས་མ་སྐྱེས་པ་ཡི་ཆོས་རྣམས་ལ། །དུས་ནམ་དུ་ཡང་སྐྱེ་བར་མི་འགྱུར་ཏེ། །སངས་རྒྱས་དང་སེམས་ཅན་གཉིས་རང་བཞིན་དེ་ཉིད་དུ་གཅིག ༈ །སེམས་རང་བྱུང་ཀྱི་ཡེ་ཤེས་གསང་བ་འདི། །སྙིང་པོ་དོན་ཡིན་ལ་དེ་ཁྱད་པར་རྨད་དུ་བྱུང་བའི། །རང་བྱུང་ཆེན་པོའི་ཆོས་ཐམས་ཀྱི་བདག་པོ་ངོ་བོ་ཉིད་ཀྱི་སྐུ། །འཁྲུལ་པ་རང་སར་དག་པའི་དོན་ལྡན་ཆོས་ཀྱི་སྐུ། །རང་རིག་བདེ་བ་ཆེན་པོའི་ལོངས་སྤྱོད་རྫོགས་པའི་སྐུ། །གཉིས་སུ་མེད་པའི་ཐུགས་རྗེ་ཡིས་སྣ་ཚོགས་སུ་སྣང་བ་སྤྲུལ་པའི་སྐུ་རྣམས། །ངོ་བོ་ཐ་དད་དུ་མ་གྲུབ་སྟེ་གསང་བའི་བྱང་ཆུབ་སེམས། །རང་བྱུང་གི་ཡེ་ཤེས་ལ་གཟུགས་སྐུ་སྣང་བ་དང་ཆོས་སྐུ་མི་སྣང་བ་དབྱེར་མེད་པ་ཉིད་དོ། །ཡོད་པ་དང་མེད་པ་ཀུན་གྱི་ངོ་བོ་བྱང་ཆུབ་ཀྱི་སེམས། ༈ །རང་སྣང་བས་རང་རིག་པ་ལས་ཐ་དད་པ། །ལྷ་དང་གཞལ་ཡས་ཁང་ལ་སོགས་པའི་དོན་དང་རྟགས་ལ་སོགས་པ་རྣམས། །རྣམ་པ་ཐ་དད་དུ་འཛིན་པའི་བག་ཆགས་ཀྱི་སྟོབས་ཀྱི་སྣང་བ་ཡིན་པས་ཡང་དག་མ་ཡིན་ཏེ་འཁྲུལ་པའི་སེམས་ཀྱི། བསམ་ཞིང་སྒོམ་པའི་དབང་གིས་ཐ་དད་དེ་ལྟར་དུ་སྣང་བར་འགྱུར་རོ། ༈ །བདེ་གཤེགས་ཡེ་ཤེས་གསང་བའི་དོན་དེ། མ་མཐོང་སྟེ་རྣམ་རྟོག་སྤྲོས་པ་ལ་འཆེལ་བས། །དེ་ལ་སྟོང་ཉིད་རིག་པའི་མན་ངག་སྦྱིན། །དྲན་རྟོག་རིག་པའི་རླུང་གིས་རྒྱུ་བ་དབྲལ། །དེའི་མཐའ་རུ་མ་སྐྱེས་པའི་བསམ་གཏན་བྱ། །ཆོས་ཅན་དང་ཆོས་ཉིད་གང་ཡང་མིན་ཏེ། །ནམ་མཁའ་ལྟ་བུ་བདག་དང་སེམས་ཅན་མེད་པའི། །ཡེ་ཤེས་ཏེ་བདག་གིས་སྟོང་པའི་ངོ་བོ་འོ། ༈ །རང་བཞིན་སྟོང་པ་ལ་དངོས་པའི་མཚན་མེད་པ། །སྟོང་མཚན་སྨོན་པའི་རྣམ་ཐར་གསུམ་ལྡན་བདེ་བ་ཆེ། །དེ་ལ་ཆགས་མེད་གཞི་ཡིན་ལུགས་དང་མཐུན་པ་ཡི་ལམ་ནས་འཇུག་པ་ནི་མཚན་མ་མེད་པ་ཡང་དག་པའི་ལམ་ལ་གནས་པས་ན། །རང་བྱུང་ཡེ་ཤེས་རྟོགས་པའི་འབྲས་བུ་ངང་གིས་ཐིག་ལེའི་ཀློང་དུ་འཆར། ༈ །ཤར་བའི་ཡོན་ཏན་ནམ་མཁའི་མཐའ་དང་མཉམ། ༈ །རང་རིག་ཡེ་ཤེས་སྣང་བ་ལ། །དངོས་པོ་ཀུན་ཏུ་རང་འོད་འབར་བའི་དཀྱིལ་འཁོར་རྣམ་རང་བཞིིན་གྱིས་གསལ་བར་མི་ཟད་པ། །རྒྱན་གྱི་འཁོར་ལོ་ནི་སྐུ་ཡི་ངང་། །གང་ལ་ཡང་ཆགས་བྲལ་གྲགས་པ་ནི་གསུང་གི་རིག་པའི་རྒྱན། །དྲན་རིག་ཐམས་ཅད་ཐུགས་ཡེ་ཤེས་སུ་གསལ་བའི་ཏིང་འཛིན་ཉིད། །སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་བློས་བསམ་དུ་མེད། ༈ །སྒྲོ་འདོགས་དང་སྐུར་འདེབས་དང་བྲལ་བ་སྟོང་པ་ཉིད་ཞི་གནས་ལ། །འདུ་ཤེས་གང་དུ་ཡང་འཇུག་པ་མེད་དེ་བློ་མཉམ་པར་བཞག་ན། །མཚན་མ་མེད་པས་ཞི་གནས་དང་ལྷག་མཐོང་ཟུང་དུ་འབྲེལ་ལོ། ༈ །འདི་ལྟ་བུ་ལ་མོས་པས་འཇུག་ཅི་ལམ་ལ་རྣལ་འབྱོར་པ་གང་གནས་པ་ནི་རྣམ་པར་མི་རྟོག་པ་གསལ་བའི་དོན་གྱིས་གོ། །བསམ་དང་བྲལ་བའི་ཡེ་ཤེས་ནི། །སྙིང་པོའི་གནས་ལུགས་དོན་ལ་རྟོགས་པས་འཇུག་གོ། ༈ །དེ་ལྟ་བུའི་ཐབས་དང་བྲལ་བའི་ལམ་གྱི་རིག་པས་རྩོལ་བས་འབྲས་བུ་ཚོལ་བ་ནི། ར་གན་ལས་གསེར་འབྱུང་བར་འདོད་པ་དེ་བཞིན་ནོ། ༈ །དེ་ལྟར་འདོད་པའི་སེམས་དང་མ་བྲལ་ན། །སྙིང་པོའི་ཕྱོགས་མེད་ཀྱི་དོན་ལ་བདག་ཏུ་འཛིན་པར་བྱེད། །བདེ་བའི་སེམས་ལ་རེ་བ་ན། །རང་རང་གི་ལྟ་བ་རྟོགས་པའི་རྗེས་སུ་ཏིང་ངེས་འཇུག་ཅིང་ཞི་གནས་ཀྱི་འབྲས་བུ་ཚོལ་ལོ། ༈ །རང་གི་ལུས་ཉིད་སེམས་སུ་མ་རྟོགས་པར། །ལུས་འདྲ་འབག་ལྷ་ཡི་རྣམ་པ་བཟུང་ནས་ཐ་མལ་གྱི། །ལུས་ཀྱི་དབེན་པས་ཆོས་ཉིད་ཚོལ་བ་ནི་འཁྲུལ་ལོ། ༈ །རང་ལུས་སེམས་སུ་ཤེས་པ་ན། །གནས་གང་ན་ལུས་གནས་ཀྱང་སེམས་ཉིད་དབེན། །སྣང་སྲིད་སེམས་སུ་ཤེས་པ་ན། །དབང་པོ་ཡན་པར་བཞག་ཀྱང་རང་བྱུང་ཡེ་ཤེས་གསལ། །སྙིང་པོ་དོན་གྱི་རང་བཞིན་ལ། །བློས་ཅི་ཡང་མི་བསྒོམ་ཕྱོགས་རིས་གང་ཡང་མན། །ཁྱུ་མཆོག་གླང་པོ་ཆེ་བཏུལ་བའི་སེམས་ལྟར་མ་བཅོས་པ། །རང་བཞག་རིག་པའི་འཁོར་ལོ་ཉིད་ལ་དུས་གསུམ་གང་དུའང་ཏིང་ངེ་ལ་བཏང་བ་དང་བཞག་པ་མེད། །ཡུལ་གང་ཡང་མི་འཛིན་པས་ཅི་ཡང་བཀག་པ་མེད། །སྙིང་པོ་དོན་གྱི་རང་བཞིན་ལ། །སྐྱོན་དང་ཡོན་ཏན་གཉིས་མེད་པས། །རྫོགས་པའི་ལྟ་བ་བླང་དོར་མེད། །དམིགས་པ་འཇུག་ཏུ་མེད་ཏིང་འཛིན་ལས་མ་ཡེངས་པ་ནི། །འོད་གསལ་རིག་པའི་སེམས་ཉིད་ཡིན ། རྒྱུ་རྐྱེན་མེད་པས་རང་བྱུང་ཐུགས་ཀྱི་མ་བཅོས་པ་ནི། །རྣམ་དག་རྒྱལ་བའི་སྐུ་གསུང་ཐུགས། །བཙལ་མེད་སྙིང་པོ་དོན་ལ་བཞག་པ་ལས་འབྱུང་ངོ་། ༈ །བྱང་ཆུབ་སེམས་ཀྱི་དོན་ཉིད་ལ། །ངེས་པའི་ཐེག་པ་གཅིག་སྟེ་དེ་ནི་སྙིང་པོའི་དོན་ནོ། ༈ །རང་རང་གི་བསམ་པ་དང་མཐུན་པའི་ཐེག་པ་སྣ་ཚོགས་པ་ནི། །དྲང་བའི་དོན་ཉིད་དུ་འགྱུར་གྱི་ངེས་པའི་དོན་མིན། །ངོ་བོ་ཉིད་ཆོས་ཉིད་ལ་ཐེག་པ་མཐོན་དམན་མེད་མོས་པ་ཐ་དད་འཇུག་པའི་བསམ་པས་མཐོན་དམན་རྟོག་པས་བརྟགས་པར་ཟད་ལངྐར་གཤེགས་པ་ལས། །ཇི་སྲིད་འདུ་ཤེས་འཇུག་གི་བ། །ཐེག་པའི་མཐའ་ལ་ཐུག་པ་མེད། །སེམས་ནི་ཡོངས་སུ་གྱུར་པ་ན། །ཐེག་པ་མེད་ཅིང་འགྲོ་བའང་མེད། །ཅེས་གསུངས་པ་དང་མཐུན་ནོ། །སེམས་ཉིད་ཉག་གཅིག་ཕྱོགས་བྲལ་ལ། །ཐེག་པ་དུ་མའི་འབྲས་བུ་མེད་ལ་ལམ་ཡང་དུ་མ་མིན། །མ་བཅོས་རྣལ་འབྱོར་རྫོགས་པ་ཆེན་པོའི་ལམ་ལ་ནི་ཐ་དད་མི་གནས་ཏེ་ཐམས་ཅད་ལམ་གྱི་རང་བཞིན་སེམས་སུ་གཅིག །དེ་ཡང་ས་ལམ་མ་བགྲོད་ཀྱང་མཐར་ཕྱིན་པ་འབྲས་བུའི་ལམ་འདི་ཉིད་ནི། དང་པོ་སྐྱེད་པའི་རྒྱུ་རྐྱེན་མེད་པས་ཐ་མའང་སྐྱེ་འཇིག་མེད་དེ། །གདོད་ནས་རང་བྱུང་སྙིང་པོར་གསལ། ༈ །རིས་དྲུག་ཇི་ལྟར་སྣང་བ་དང་། །མྱ་ངན་འདས་པའི་རང་བཞིན་ལ་ཐ་དད་དུ་འཛིན་ཀྱང་དོན་ལ་དབྱེར་མེད་རང་བྱུང་སེམས་སུ་གཅིག ༈ །རིགས་དྲུག་སེམས་ཀྱི་རྟོག་པ་དང་། །ཡེ་ཤེས་རང་གསལ་རིག་པ་ཉིད། །ཁྱད་པར་མེད་དེ་སྙིང་པོར་གཅིག་ཀྱང་གཉིས་སུ་སྣང་བ་ནི། །ཁམས་གསུམ་འཁོར་བའི་སྣང་བ་འཁྲུལ་པ་དང་། །མྱ་ངན་འདས་པའི་ཡེ་ཤེས་མ་འཁྲུལ་བ་༼༠༽ཉིད། །རྟོགས་༼༠༽མ་རྟོགས་ཀྱིས་གཉིས་སུ་བྱུང་། །རྟོགས་པས་རང་སེམས་ཉིད་ལ་ཐུག་པས། ༈ །གཞན་ནས་འདོད་ཅིང་རེ་བའི་རྩོལ་བ་བྲལ། །རང་སེམས་རྣམ་དག་ནི་ཡེ་སངས་རྒྱས་ཏེ་ཀུན་བཟང་རྒྱལ་བའི་སེམས་ཉིད་དུ་བདེ། ༈ །མཐའ་ཡས་འགྲོ་བ་ཐམས་ཅད་ལ། །རྒྱལ་བའི་ཡེ་ཤེས་རང་ཆས་སུ་ལྡན་ཏེ། །བསམ་བྲལ་རང་ལུགས་ཅིར་ཡང་མི་དགོངས་སོ། ༈ །ཡེ་ཤེས་ནམ་མཁའི་མཐའ་ལྟ་བུར་ཅིར་ཡང་། ༈ །ཡིད་ལ་མི་བྱེད་དེ་ཡིད་ཀྱི་བྱ་བ་བཏང་། །རང་ལ་འཁོར་བ་མྱ་ངན་འདས་པ་ཡི། །རྣམ་རྟོག་ཕྲ་རགས་ཅིར་སྣང་ཡང་། །རང་ལུགས་སུ་བཞག་པས་བསམ་བྲལ་ཉིད་དུ་བདེ། ༈ །ཆུ་ཡི་སྣང་བ་ཐམས་ཅད་རླན་པར་གཅིག་པ་ཇི་བཞིན་དུ། །ཕྲ་རགས་ཀྱི་རྣམ་རྟོག་ཡེ་ཤེས་ཉིད་དུ་རོ་གཅིག །རང་རིག་གཉུག་མ་པདྨ་འདྲ། །འཁོར་བར་གནས་ཀྱང་གདོད་ནས་དག །མཚན་མའི་རྣམ་པར་རྟོག་པ་ཅིར་བྱུང་ཡང་བརྟགས་ན་ཆུ་ཤིང་ལྟ་བུར་སྙིང་པོ་མེད། ༈ །མ་རིག་ཐིབས་པོའི་འཁོར་བ་ན། །རིག་པ་མར་མེའི་སྙིང་པོ་ལྟ་བུར་གསལ། །རྣམ་པར་རྟོག་པ་ཅིར་འགྱུར་ཡང་། །རང་རིག་གཉུག་མ་ནི་རྟག་ཏུ་རྒྱུན་མི་འཆད་ཀྱང་། །ཉི་མ་ལ་གསལ་འགྲིབ་མེད་པར་ནམ་ལངས་ན་གསལ་བར་འཛིན་པའི་སེམས་དང་ནུབ་ཁ་ན་མི་གསལ་བ་འཛིན་སེམས་བཞིན་དུ། །ཡེ་ཤེས་ཀྱི་དོན་ལ་གསལ་འགྲིབ་མེད་ཀྱང་རྟོགས་ན་གསལ་མ་རྟོགས་ན་མི་གསལ་བ་དེ་བཞིན་ནོ། །མ་བསྒྲུབས་པར་ཡེ་ཤེས་རང་གསལ་ངང་གིས་འབྱུང་ངོ་། ༈ །སྐལ་ལྡན་མ་བཅོས་རྣལ་འབྱོར་པས། །སེམས་ཉིད་ལྟེང་ཀའི་ཆུ་མི་གཡོ་བ་ལྟར་དུ་གནས་ན། །ལུས་ངག་གི་རྩོལ་བ་ངང་གིས་ཞི། །བདེ་བའི་ཡེ་ཤེས་མི་རྟོག་པ། །ཤེས་རབ་གསལ་བའི་སྙིང་པོ་འདི། །མཐར་ཕྱིན་ན་རང་བྱུང་གི་ཡེ་ཤེས་མི་རྟོག་པའི་ངོ་བོར་གྱུར་པའོ། ༈ །དྲན་མེད་སྒྱུ་མ་ཡེ་ཤེས་གསལ་ཏེ། །རང་གནས་འགྲོ་བ་ཡོངས་ལ་ཁྱབ། །ནམ་མཁའ་ལྟ་བུར་དབྱེར་མེད་པའི་གནས་ལུགས་འགྲོ་བའི་སེམས་ལས་གཞན་ན་མེད། །རྟོག་མེད་ངང་ལས་ཤར་བ་ཡི། །རིག་པ་བདེ་བའི་མཚན་ཉིད་ཅན། །འཛིན་པ་འཁྲུལ་པ་དག་བྱེད་ཡེ་ཤེས་ནི། །མ་བཅོས་པར་བཞག་ན་ངང་གིས་རང་རིག་གསལ། །བདེ་བའི་རང་རིག་རྟོག་པ་བྲལ། །རང་གནས་ཡེ་ཤེས་འོད་གསལ་བྱང་ཆུབ་སེམས་ཉིད་དེ། །མཐོང་བས་ཐེ་ཚོམ་རྒྱུ་བ་བྲལ། །ཡེ་ཤེས་རང་ལ་གདོད་ནས་གནས་པས་གློ་བུར་གྱི་རྟོག་པས་སྒྲིབ་པ་མེད། །ཆོས་ཐམས་ཅད་ཡེ་ཤེས་སུ་གསལ་བར་མཐོང་བས། །སྙིང་པོའི་དོན་ལ་གཞན་དུ་གོལ་ས་མེད། ༈ །རྣམ་དག་རིག་པའི་འཁོར་ལོ་འདི། །རྩོལ་བྲལ་རྒྱུ་རྐྱེན་མེད་པས་རང་བྱུང་ཡེ་ཤེས་ཡིན་ལ་རང་བྱུང་ཡེ་ཤེས་ནི་ཆོས་ཀུན་གྱི་བདག་ཉིད་དེ། །དེ་ལ་ལུས་དང་བྲལ་བས་ཡན་ལག་མེད། །དེ་ཉིད་སྒྲོ་སྐུར་ཀུན་དང་བྲལ་བའི་དངོས་གཞི་ཅན། །སྙིང་པོའི་དོན་ནི་མཐའ་ཀུན་བྲལ་ཡང་ཆོས་ཀུན་གྱི་བདག་ཉིད་ལས་མ་བཅོས་ནི་རིག་པའི་ཏིང་འཛིན་དུ་གསལ་ལོ། ༈ །རྩོལ་བའི་བྱ་བ་མེད་བཞིན་དུ་རང་གཞན་གྱི་དོན་ཀུན་རྫོགས་སོ། །རང་བྱུང་ཡེ་ཤེས་མ་བཅོས་གཉུག་མ་བྱང་ཆུབ་ཀྱི་སེམས་ནི་འཁོར་འདས་ཀྱི་ཆོས་ཀུན་གྱི་གཞི། །ས་བགྲོད་དུ་མེད་ཀྱང་འཁྲུལ་པ་ལས་རྣམ་པར་གྲོལ་ཏེ་ཡོན་ཏན་ལྷུན་གྱིས་གྲུབ་པ་ནི་ལམ། །གནས་ལུགས་ཇི་བཞིན་པ་ཆེ་བའི་ཡོན་ཏན་ཀུན་རྫོགས་པའི་འབྲས་བུ་ཉིད། །དེ་གསུམ་ཀ་ཐིག་ལེ་ཆེན་པོའི་ཀློང་དུ་དབྱེར་མེད་པས་གཞི་ལམ་འབྲས་བུ་གཅིག་གི་ངང་། ༈ །སེམས་ཉིད་ལ་རྩོལ་བའི་བྱ་བ་དང་བྲལ་བ་ལ་ཡོན་ཏན་རྫོགས་པའི་གཏེར། །བདེ་བའི་ཡེ་ཤེས་ཅིར་ཡང་མི་རྟོག་སྟེ་རྒྱལ་བའི་ཐུགས་དེ། །སྐལ་ལྡན་ལ་དང་པོ་ཉིད་ནས་རྫོགས་པར་འཆད། །འགྲོ་དྲུག་འཁོར་བའི་རྟོག་པ་དང་། །རྒྱལ་བའི་ཡེ་ཤེས་མྱ་ངན་ལས་འདས་པར། །བདེ་ཆེན་རིག་པར་གཅིག་གི་ངང་། །རང་བྱུང་མ་བཅོས་ཇི་བཞིན་པ་ནི། །ཡོན་ཏན་ལྷུན་རྫོགས་སྤྲོས་པ་མེད་པའི་ངང་། །བློས་བསམ་དུ་མེད་པའི་ཡེ་ཤེས་འདི། །རྣམ་པར་རྟོག་པའི་རྒྱུ་བ་བྲལ་ཏེ་དུས་གསུམ་མི་མངའ་ཡང་རྒྱུན་མི་འཆད་དོ། ༈ །སེམས་ཉིད་སྒྲུབ་པའི་ལམ་མཆོག་འདི། །སློབ་དཔོན་ཉིད་དང་དབྱེར་མེད་པར་འགྲོ་བ་ཀུན་ལ་ལྡན་བཞིན་དུ། །སྣང་བའི་འོད་ཀྱི་ལམ་མེད་པས་འཁོར་བར་འཁྱམས་ཏེ་ཞེན་དྲུག་སྡུག་བསྔལ་གསུམ་མམ་བརྒྱད་དང་ཐེག་བརྒྱད་རྩོལ་བའི་ནད་ཀྱིས་གདུངས། །དེས་ན་སྙིང་པོ་གནས་ལུགས་ཀྱི་དོན་གསལ་བར་བྱེད་པའི་སྒྲོན་མ་འོད་འདི། །ཕྱི་རབས་རྣལ་འབྱོར་རྣམས་ཀྱི་དོན་དུ། །གང་ལྟར་ན་བླ་མ་༼ཁ༽འཕགས་པའི་བྱིན་རླབས་དང་། །མོས་པའི་མཐུར་ལྡན་པས། གང་གིས་བདག་གིས་༼ཀ༽རྟོགས། །སྙིང་རྗེས་ཀུན་ནས་བསླང་སྟེ་བརྩམས་པའི་དགེ་བ་ཡོངས་ལ་བསྔོ། ༈ ། སྙིང་པོ་དེ་ཁོ་ན་ཉིད་རིན་པོ་ཆེ་འོད་ཅེས་བྱ་བའི་སྒྲུབ་ཐབས། ཡང་དག་པའི་ས་ལ་གནས་པའི་སློབ་དཔོན་ཤྲཱི་སིངྷས་མཛད་པ། རྫོགས་སོ།། །།རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། ༈ །སེའི་བནྡེ་འབྱུང་ལྡན་གྱིས། མཆན་བུ་རང་གི་རྣམ་རྟོག་དང་མཐུན་པར་བཏབ་པའི་དགེ་བ་སངས་རྒྱས་སུ་བསྔོའོ།། །།

ཤེས་རབ་ཀྱི་སྤྱན་རྣམ་པར་འབྱེད་པའི་མན་ངག་སེའི་བནྡྷེ་འབྱང་ལྡན་གྱི་གསུང་།

ཤེས་རབ་ཀྱི་སྤྱན་རྣམ་པར་འབྱེད་པའི་མན་ངག་བཞུགས། མ་རིག་པའི་རབ་རིབ་ཀྱིས་ཤེས་རབ་ཀྱི་སྤྱན་མདོངས་པ་ལ་ཚིག་གི་ཐུར་མས་རྣམ་པར་འབྱེད་པ་ཞེས་བྱ་བའི་ཚེགས་ཆུང་ལ་དོན་ཆེན་པོ་འགྲུབ་པས་མན་ངག །འཁྲུལ་པ་མཉམ་པའི་ཀློང་དུ་བཅོམ་སངས་རྒྱས་ཀྱི་ཡོན་ཏན་མ་ལུས་པར་ལྡན་མུ་མཐའི་ཕྱོགས་རིས་ལས་འདས་གསང་སྔགས་སྐུ་ལྔའི་སྡུད་པ་མཛད་ཅིང་རང་གི་ཉེ་འཁོར་ལ་འཆད་པས་གསང་བའི་བདག་པོ་འགྲོ་བའི་དོན་མཛད་པས་དཔལ་ལས་ཀྱི་གནོད་སྦྱིན་འདུལ་བས་ཕྱག་གཡས་པ་ན་རྡོ་རྗེ་བསྣམས་པ་དེ་ལ་ཕྱག་འཚལ་ལོ། ༈ །སངས་རྒྱས་ཆོས་དང་འཕགས་པའི་དགེ་འདུན་གྱི་ཚོགས་དང་། རང་གི་དངོས་༼༡༽ཀྱི་དང་རྒྱལ་བ་རིག་འཛིན་གང་ཟག་བརྒྱུད་པའི་བླ་༼༡༡༡༽མ་དང་། །ལས་ཀྱིས་འབྲེལ་བའི་ཡི་དམ་གྱི་ལྷ་དང་བཀའ་སྲུང་མ་མོ་རྣམ་པ་གསུམ་ལ་སོགས་བསྟན་སྲུང་དང་། །བདག་གི་ཕྱག་གིས་མཆོད་པར་འོས་ཤིང་རིགས་པ་ཀུན་ལའང་ཐུན་མོང་དང་ཁྱད་པར་གྱི་སྒོ་ནས་ཕྱག་འཚལ་ལོ། ༈ །སེའི་བནྡེ་བདག་གིས་དངོས་དང་བརྒྱུད་པའི་གདུལ་བྱར་གྱུར་པ་ཡི། །རྒྱུད་དང་མན་ངག་གི་གཞུང་རྒྱས་པའི་ཚིག་གིས་འཇིགས་ཏེ་སློབ་པར་མི་ནུས་པའི་གང་ཟག་རྣམས་ལ། །སྙིང་བརྩེ་བའི་བསམ་པ་སེམས་ཀྱིས་ཀུན་བསླངས་ནས། །རྒྱས་པ་མ་ཡིན་པར་མདོ་ཙམ་ཞིག་རྗོད་ཀྱིས་ཁང་དུ་ཆུབ་པར་གྱིས་ཤིག་ཅེས་གདམས་པ། ཐམས་ཅད་རང་རྗོད་བྱ་སྣང་དུ་ཡེ་ནས་ལྷུན་གྱིས་གྲུབ་ཀྱང་མ་རྟོགས་ཤིང་ཕྱིན་ཅི་ལོག་ཏུ་བརྟགས་པས་བསྒྲིབས་ནས་མི་གསལ་བ་དེ་རྗོད་བྱེད་སྟོན་བྱེད་གཞུང་རྣམ་པར་བཀོད་པ་འདི་ཉིད་ཀྱི་ངག་གིས་བརྗོད་བྱའི་དོན་དགོས་པ་རྟོགས་པའི་ངང་དུ་གོམས་པའི་ཐབས་ལས། །སྒྲིབ་བྱེད་རང་སར་གྲོལ་ཏེ་སྐུ་གསུམ་ཡང་དགོས་དུ་ལྷུན་གྱིས་གྲུབ་པ་ནི་ཐབས་བྱུང་གི་ཚུལ་དུ་འབྲེལ་པ་ཏེ་དགོས་འབྲེལ་དང་ལྡན་བས། །ཆོས་ཀྱི་རྗེས་སུ་འབྲང་བའི་རྟོག་ལྡན་འཇུག་པའི་ཡུལ་དུ་གྱུར་པའི་མན་ངག་འདི། ༈ །མདོ་སྡེ་དང་རྒྱུད་སྡེ་དང་བསྟན་བཅོས་མན་ངག་༼༠༽དག་ལས་བཏུས་པའི་ཚིག་ལས་གཞན་ན་མེད་པ་དེ་དག་གི་མཚམས་སྦྱོར་བ་ཙམ་ཞིག་རྟོག་གེ་པ་བདག་གི་ཚིག་༼༠༽ཡིན་ཀྱང་། །དེ་༼༠༽ཡིས་དེ་༼༠༽ལ་མི་གནོད་པའི་ཕྱིར་ཡང་མཚམས་སྦྱར་ཏེ་དེ་ལ་རྟེན་པ་ཡིན་པའི་ཕྱིར། །ཚད་མའི་སྟོན་པ་སངས་རྒྱས་ཀྱི་གསུང་བཞིན་དུ་གུས་པས་བླང་བར་རིགས་པ་ཡིན་ནོ། ༈ །རྩོམ་པ་པོ་འཇུག་པའི་བྱ་བ་དེ་དག་གི་རྗེས་སུ་ལུས་ཡན་ལག་རྒྱས་པ་ལ་ཁྱབ་པས་རྣམ་པར་གཞག་པ་ནི། སློབ་དཔོན་ཤྲཱི་སིདྷའི་རིན་པོ་ཆེ་ཕྲེང་བ་ལས། དང་པོ་རང་གི་ཤེས་རབ་ཀྱི་རྒྱུད་ཐོས་པས་བཀྲོལ་ནས། །རྟོགས་གོམས་རིག་པའི་རྩལ་སྦྱང་སྟེ་དེའི་བར་དུ་གཅོད་པའི་བདུད་བརྟག་ཅིང་། །ཞེས་འབྱུང་བས། བློ་སྦྲམ་གྱི་རྒྱུད་དགྲོལ་བའི་ཕྱིར་སྣང་བཞིའི་དོན་གཏན་ལ་དབབ་པ་དང་། རིག་པའི་རྩལ་སྦྱང་བའི་ཕྱིར་མན་ངག་གི་ཡན་ལག་སློབ་དཔོན་སློབ་མ་མན་ངག་གསུམ་བསྟན་པའོ། ༈ །དང་པོ་ནི་ཡེ་ཤེས་གསང་བའི་རྒྱུད་ལས། མ་བཅོས་པ་རང་བཞིན་རང་རིག་པ་མ་འགགས་པར་སྣང་བ་ནི་ཡེ་ནས་གཞིར་གནས་པ་ཡིན། །ཟུག་རྔུ་མེད་པས་བདེ་བར་མངོན་དུ་མཛད་པས་གཤེགས་པ་གདུལ་བྱའི་ངོ་ལ་སྣ་ཚོགས་སུ་སྣང་བ་ནི་ཉེས་པ་གཉིས་ཟད་པས་འབྲས་བུ་ཡིན། །གཞུང་བཤད་པའི་གོ་རིམ་གདུལ་བྱ་འཁོར་གྱི་བློ་དང་འཚམས་པར་བསྟན་པ་སྣང་བ་བྱང་ཆུབ་ཀྱི་སེམས་སུ་བློ་འཇུག་པས་ལམ་པ་སྟེ། །ཞེས་འབྱུང་བས། ཐམས་ཅད་འབྱུང་བས་གཞི་རང་བཞིན་གྱི་སྣང་བ་དང་། །མངོན་པར་རྟོགས་པའི་གོ་རིམ་ཤེས་ཐོབ་ཀྱི་བྱེད་པ་གཉིས་དང་ལྡན་པས་ལམ་གདུལ་བྱའི་སྣང་བ་དང་། །མཐར་ཕྱིན་བསྐྱེད་དུ་བྱར་མེད་པས་འབྲས་བུ་བདེ་བར་གཤེགས་པའི་སྣང་བའོ། ༈ །གསུམ་པོ་དེ་དག་ཐམས་ཅད་དུ་བདག་གཅིག །ཤེས་བྱ། ཤེས་བྱེད། ཐོབ་བྱ། འཐོབ་བྱེད་དུ་འབྲེལ་ཅིང་ཐམས་ཅད་ཚང་བའི་ཕྱིར་རྒྱུད་རྔམ་ཀློག་ལས། འབྲེལ་དང་མ་ཚང་མེད་པ་དང་། །ཕུན་སུམ་ཚོགས་པས་རྒྱུད་ཅེས་བྱ། །ཞེས་གསུམ་དུ་ཡང་གསུངས་ཏེ། སངས་རྒྱས་གསང་བའི་ཐུགས་ཀྱི་ཐིགས་པ་ལས། རང་བཞིན་༼༡༽བདེ་གཤེགས་༼༡༽གདུལ་བྱ་ཡི།༼༡༽ །སྣང་༼༡༡༡༽བ་གསུམ་གྱི་ངོ་བོ་ཀ་ལ། །གཞི་ལམ་འབྲས་བུ་རྒྱུད་གསུམ་ཀྱི་དབྱེ་བ་རྣམ་པར་གཞག །ཅེས་འབྱུང་ངོ་། ༈ །དེ་དག་ངོ་བོ་ཉིད་གཅིག་པ་ལ་ཐ་དད་གསུམ་དུ་སྣང་བ་ནི་གང་གིས་ཕྱེ་ན། ཡང་། གཅིག་ལ་སྣང་བ་གསུམ་གྱི་ངོ་བོར་སྣང་བ་ཡང་། །དེ་མ་ཡིན་ལ་དེར་འཛིན་པས་འཁྲུལ་པའི་ལས་མི་མཐུན་པ་སྣ་ཚོགས་སུ་སྣང་བས་ཕྱེ་བས་གསུམ་དུ་འགྱུར་ལ། །དེས་ན་སྣང་བ་བཞི་དག་༼༡༽ཏུ། གང་ལས་ན་ལུང་༼༣༽རིགས་ཀུན་༼༠༽ལས་ཇི་ལྟར་ན་གསལ་བར་༼༢༽བཤད། ཅེས་པ་དང་། ཇི་ལྟར་ཕྱེ་ན་རིན་པོ་ཆེ་རྒྱན་ལས་ཀྱང་། མ་ནོར་བར་རང་བཞིན་གྱིས་སྣང་བ་ནི་བསྒྲིབས་པས་འཁྲུལ་སྣང་ཤར། །ལམ་བརྒྱུད་པའི་གདམས་པས་སྒྲིབ་བྱེད་དང་བྲལ་བར་མངོན་དུ་བྱས་ཏེ་མཐར་ཕྱིན་ཅིང་བརྟན་པ་ནི་འབྲས་བུར་སྣང་བའི་ལྡོག་ཆ་ཐ་དད་ལས་སྣང་བ་གསུམ་དུ་བགྲངས་ཀྱང་དོན་གྱིས་ངོ་བོ་གཅིག །ཅེས་པས། འཁྲུལ་པའི་སྣང་བས་༼༠༽ཕྱེ་བར་གསུངས་པའི་ཕྱིར། དེ་ཉིད་༼༠༽གཞིའི་ཞོར་ལ་བཤད་པས་སྣང་བ་བཞིར་༼༠༽འགྱུར་རོ། ༈ །དེ་༼༠༽ལ་རང་བཞིན་གྱི་སྣང་བ་ནི། ༈ །རིན་པོ་ཆེ་རྒྱན་ལས་ཡེ་ནས་གནས་པ་རང་བཞིན་གྱི་སྣང་བའི་ངོ་བོ་མཚོན་པའི་དཔེ། །མིང་དོན་ངེས་པའི་ཚིག་མིང་གི་རྣམ་གྲངས་བརྡར་བཏགས་པའི་དགོས་ཆེད་དང་། །ཡིན་ལུགས་ཀྱི་རང་བཞིན་མཚོན་པའི་མཚན་ཉིད་གནས་པའི་དུས། །བཞི་ཚན་གཉིས། ཞེས་གསུངས་པས། ༈ །བརྒྱད་པོ་དེ་ལ་དང་པོ་ངོ་བོ་ནི། རྒྱུ་རྐྱེན་མེད་པའི་རང་༼༠༽རིག་པ་ཅིའི་༼༠༽ངོ་བོར་ཡང་མ་གྲུབ་པ་ཉིད། །ཇི་ལྟར་༼༠༽བལྟས་པ་བཞིན་འཁོར་འདས་སམ་སྣོད་བཅུད་ཐམས་ཅད་དུ་རང་སྣང་ཡང་། རང་༼༡༽རིག་པ་ཁོ་ན་ལས་གཞན་པ་མེད་པ་སྟེ། དེ་སྐད་དུ་ལ་ཤན་ལས། རྒྱུ་རྐྱེན་མེད་པས་རང་༼༠༽བྱུང་ཐམས་ཅད་དུ་རང་སྣང་བ་ཉིད་བྱང་རང་བཞིན་ཆུབ་རྣམ་པ་སེམས་མཚན་ཉིད། །སྤྲོས་༼༠༽པ་ཐམས་ཅད་དང་བྲལ་བ་ནི་རང་རྒྱུད་པ་ཤེས་པ་ལྔའི་ཡུལ་མིན་ནའང་། །གྲུབ་པ་མེད་པ་ཉིད་ངོ་བོ་ཉིད་ཀྱི་རྒྱུ་བཏགས་༼༠༽སོ་ཅོག་ཏུ་ཆགས་གང་ལྟར་བསྒྲུབས་པར་འགྲུབ་པ་དེ་ཉིད། །རིག་པ་རང་སྣང་བ་ཡིན་པའི་ཕྱིར་ཕྱི་སྣོད་དང་ནང་བཅུད་ཀྱི་དངོས་པོ་ཀུན་ཏུ། །རང་སྣང་མཚན་ཉིད་མ་འདྲེས་པར་སོ་སོ་སྣང་བ་རྣམས་གཅིག་པར་སྟོན་པས་ཡང་ཞེས་བྱའོ། །སེམས་༼ ༡༽ཉིད་ཡིན་པའི་ཕྱིར་རང་བཞིན་གྱི་རྟགས་རྟོག་པ་མེད་ཅིང་མ་བསྒྲིབས་པས་འོད་གསལ་བའི། །སེམས་ཉིད་ལས་སེལ་མེད་པས་འབའ་ཞིག་ཁོ་ན་བས། །མུ་མཐའ་ཅིར་ཡང་སྣང་བ་ལ་ཕྱོགས་གཅིག་པ་གང་དུ་ཡང་གཟུང་དུ་མེད་པའོ། །ཞེས་གསུངས་ཏེ། ༈ །གཉིས་པ་དཔེ་ནི་དཔེར་ན་གསེར་༼ཀ༽ས་ལེ་སྦྲམ་ལ་བཟོའི་རྣམ་པས་ཐ་༼ ཁ༽དད་ཀྱང་ངོ་བོ་༼ག༽གསེར་དུ་གཅིག་པ་བཞིན་ནོ། །དེ་སྐད་དུ་ཡང་། དྷོ་བཞུ་བའི་རྒྱུ་༼ཀ༽རྐྱེན་དང་མགར་བའི་ལས་ཀྱིས་མ་བྱས་པའི། །གསེར་ས་ལེ་སྦྲམ་གྱི་གོང་བུ་ལས་བྱས་པའི་རྫས་ཤོལ་ཟངས་རྒྱན་སྐུ་རྣམས་ཀུན། །མིང་༼༡༽༼ཁ༽དབྱིབས་༼༡༽ལས་༼༡༽དངོས་༼༡༽པོ་ཐ་༼༡༡༡༡༽དད་དུ་གྲགས། སྣང་། བྱེད། འདུག་ཀྱང་། །ཐ་དད་བཞི་པོ་ངོ་༼ག༽བོ་གསེར་དུ་གཅིག་པ་ལྟར་ཏེ་མཐུན་དཔེའོ། །ཞེའོ། །སྤྱིར་ནི་རང་སྣང་དག་གི་ཡོན་ཏན་གྱི་ཕྱོགས་རེ་ནམ་མཁའ་རྒྱ་མཚོ་ལ་སོགས་པ་ཀུན་གྱིས་མཚོན་དུ་བཏུབ་ཀྱང་། དོན་ཇི་ལྟ་བར་དཔེ་གང་གིས་ཀྱང་མཚོན་དུ་མེད་པར་གཏེར་གཏད་ལས། ཀུན་ནས་མཚོན་པའི་དཔེར་ལས་འདས། །དམུས་ལོང་མར་གྱི་མདོག་མཚོན་འདྲ། །ཞེས་འོ། །གསུངས་སོ། ༈ །གསུམ་པ་ངེས་ཚིག་ནི་རང་བཞིན་ཞེས་པ་ལ་ནི་ཆོས་གསུམ་ཚང་དགོས་ཏེ་དེ་ཡང་ངོ་བོ་རྒྱུ་རྐྱེན་གྱིས་མ་བསྐྱེད་པ་ཡིན་ཏེ་རང་བཞིན་རྒྱུ་དང་རྐྱེན་ལས་ནི། འབྱུང་བར་རིགས་པ་མ་ཡིན་ནོ། །རྩ་ཤེ་ལས་སོ། །རྒྱལ་པོ་ཨིནྡྲ་བྷུ་ཏིའི་ལམ་རྣམ་བཀོད་ལས། རྒྱུ་དང་རྐྱེན་དང་བྱེད་པ་པོས་བྱས་པ་མིན་པར། །རང་བཞིན་གྱི་ངང་ཉིད་ཀྱི་སྣང་ཚུལ་གྱིས། །ཞེས་འབྱུང་བས། རང་བཞིན་གཞན་དུ་མི་འགྱུར་བ་ཡིན་ཏེ། རྩ་ཤེས་ལས། རང་བཞིན་གཞན་དུ་འགྱུར་བ་ནི། །ནམ་ཡང་འཐད་པ་མ་ཡིན་ནོ། །ཞེས་སོ། གསལ་བཀྲ་ལས། འགྲེ་ལོག་དང་སྤྱིའུ་ཚུགས་ཏེ་འཁོར་འདས་གར་སོང་ཡང་། །སྙིང་པོའི་གཤིས་ཀྱི་ཡིན་ལུགས་ཀྱི་དོན་ལས་འདའ་བ་རང་མི་སྲིད་པ་ཡིན། །ཞེའོ། །རྣམ་འཇོག་ཆོས་གཞན་ལ་མི་ལྟོས་པ་ཡིན་ཏེ་རྩ་ཤེ་ལས། རང་བཞིན་དག་ནི་བཅོས་མིན་དང་། །གཞན་ལ་ལྟོས་པ་མེད་པ་ཡིན། །ཅེས་སོ། །ནམ་མཁའ་ཆེ་ལས་ནམ་མཁའ་བཞིན་དུ་རང་བཞིན་མཐའ་མཉམ་ཞིང་བལྟོས་ས་ལྟོས་ཆོས་མེད། །གཞན་ལ་བལྟོས་པར་གྱུར་ན་ནི་རང་བཞིན་གྱི་ཆོས་མ་ཡིན། །ཞེའོ། །སྣང་བ་ནི། ཡེ་ཤེས་གསང་བའི་རྣམ་པ་མ་འགགས་པ་ནི། །འཁོར་འདས་སྣ་ཚོགས་སུ་སྣང་བས་སྣང་བ་ཞེས་དེ་ལ་ཅི་ལ་ཡང་ངོས་གཟུང་མེད། །ཅེའོ། །རིམ་གསུམ་ལས་འཁོར་འདས་ཀྱི་ཐ་སྙད་གཉིས་ཀྱི་ཆོས་རྣམས་ཀུན། །མ་ལུས་པ་འབྱུང་བའི་ཕྱིར་ན་གཞི་ཞེས་བྱ། །ཞེས་པ་ནི་གཞིའི་མིང་དོན་ནོ། ༈ །བཞི་པ་མིང་གྲངས་ནི་གདུལ་བྱའི་ཞེན་པ་དགྲོལ་བའི་ཕྱིར་མིང་དུ་མར་བཏགས་ཏེ། ཡང་། རྒྱན་ལས་གདུལ་བྱའི་བློ་ཡི་འཚམ་ཚང་དུ་བཏགས་པ་ནི། །སྤྲོས་པ་རང་གསལ་བས་བྱང་སེམས་༼༡༽རྩོལ་བ་མེད་པས་ལྷུན་གྲུབ་༼༡༽ཟུག་རྔུ་མེད་པས་བདེ་ཆེན་༼༡༽དང་། །ཡུལ་མེད་པས་རང་སྣང་མཐའ་དང་བྲལ་བས་དབུ་མ་བཟང་ངན་མེད་པས་མཉམ་པ་ཉིད། །ལྷག་མ་མེད་པས་རྫོགས་པ་ཆེན་པོ་རྒྱུར་གྱུར་པས་ཆོས་ཀྱི་དབྱིངས། །ཐ་དད་མ་གྲུབ་པས་གཉིས་མེད་བློ་ལས་འདས་པས་བསམ་འདས་བྱེད་པ་པོ་མེད་པས་མ་བཅོས་བ་ཞེས་གྲགས་༼༡༡༡༽ཀུན་ལ་སྦྱར། །མིང་གྲངས་ལ་མཐའ་མེད་པས་རྒྱལ་བས་ཀྱང་རྗོད་པ་ལས་འདས། །ཞེས་དང་། བརྗོད་དུ་མེད་པས་ཐ་སྙད་དུ་བཏགས་པ་ཅིའི་ཡང་དོན་མིན་པ་སྟེ། །མིང་གི་རྣམ་གྲངས་ནི་གདུལ་བྱའི་ཞེན་པ་དགྲོལ་བའི་ཆེད་དུ་བཏགས་པར་ཟད། །ཅེས་ཀྱང་ལ་ཤན་ལས་གསུངས་སོ། ༈ །ལྔ་པ་དེ་ལྟར་དགོས་ཆེད་ཀྱི་དབང་གིས་མིང་དུ་མར་བཏགས་ཀྱང་རང་སྣང་གི་དགོས་ཆེད་རྣམ་པ་སྒྱུ་མ་དང་མཐུན་པས་གུད་ན་མེད་དོ། །འདིར་ཁྱད་པར་ལྷུན་གྲུབ་གསུམ་དུ་བཏགས་པ་ནི། རྒྱན་ལས་དགོས་ཆེད་གཉིས་ཕྱིར་བརྡར་བཏགས་ཏེ་མཐའ་གསུམ་བསལ་༼ཀ༽ཏེ་རྟོགས་པ་དོན་དུ་༼ཁ༽གཉེར། །ཐེར་༼ཀ༽ཟུག་རྟག་པར་འཛིན་པ་དང་རོལ་པའི་སྣང་བ་ཆད་པར་ལྟ་བ་དང་། རྟག་ཆད་གཉིས་དང་བྲལ་བ་ལ་བལྟོས་པའི་དབུས་འཛིན་པའི། །མཐའ་དེ་གསུམ་བསལ་ཕྱིར་རང་བཞིན། རྣམ་པ། མཚན་ཉིད་དུ་བརྡར་གདགས་༼༠༽ཀྱི་སྒྲ་ཇི་བཞིན་དུ་ཞེན་པ་ནི་མིན་ནོ། །ཤེས་༼ཁ༽བྱ་ཚོགས་བརྒྱད་ཉོན་ཡིད་ང་བདག་ལས་གཟུང་འཛིན་དང་། །ཡིད་སྤྲོས་པ་སྣ་ཚོགས་དང་། སྒོ་ལྔ་ཡུལ་ལ་མཚན་མ་ལྔར་འཛིན་པ་དང་གསལ་བ་སྐྱེ་ལུགས་གསུམ་པོ་རང་སྐུ་གསུམ་དུ་གྲོལ་བར་བསྟན་པའི་ཕྱིར་ཡང་ལྷུན་གྲུབ་གསུམ་དུ་བཏགས་ཀྱི་དེ་༼༠༽བཞིན་ནོ། །ཞེས་འབྱུང་བས་སྒྲ་ཇི་བཞིན་པར་ནི་དོན་མི་གཟུང་ངོ་། ༈ །དྲུག་པ་རང་བཞིན་ནི་མཚན་ཉིད་འཛིན་པའི་ཆོས་འཁོར་འདས་ཐམས་ཅད་ཀྱི་ཆོས་ཉིད་ཡིན་ཏེ། ཡེ་ཤེས་གསང་བའི་རང་བཞིན་ནི། །སངས་རྒྱས་སེམས་ཅན་གཉིས་སུ་མེད། །ནམ་མཁའ་ཡིས་ལུས་ཅན་ཀུན་ལ་ཁྱབ་པ་བཞིན་དུ་ཀུན་ལ་ཁྱབ། །ཅེས་དང་། ཡང་། ཡེ་ཤེས་གསང་བ་ལས་གཞི་དོན་ལྷུན་གྲུབ་རྣམ་གསུམ་ལ། །རྣམ་པ་༼༡༽སྒྱུ་མ་རང་བཞིན་༼༡༽སྤྲོས་བྲལ་མཚན་ཉིད་༼༡༽རང་རིག་རྣམས་ལྷུན་གནས་ཀྱི་བདེ་༼༡༡༡༽བ་ཆེན་པོར་ལྷུན་གྱིས་གྲུབ་པ་ལ། འདས། མ་འོངས། ད་ལྟར་དུས་གསུམ་གྱི་བདེ་བར་གཤེགས་པའི་ཡེ་ཤེས་དང་། །འགྲོ་བ་རིགས་དྲུག་གི་སེམས་ཀྱི་མ་བཅོས་པ། །ཐ་དད་པ་མ་ཡིན་ཏེ་རང་བཞིན་གཅིག །ཅེས་གསུངས་སོ། ༈ །བདུན་པ་མཚན་ཉིད་ཕྱོགས་གཅིག་པར་གཟུང་དུ་མེད་དེ། རིམ་གསུམ་ལས་མཚན་ཉིད་ནི་ཕྱོགས་གཅིག་པའི་མཐའ་རྣམས་ཀུན་དང་བྲལ་བས། །ཕྱོགས་ཅིར་ཡང་བློས་གཟུང་དུ་མེད་པའོ། །ཞེས་དང་། སྤྱན་འགྲེལ་ལས། དེ་ཡང་ངོ་བོ་དང་མཚན་ཉིད་རིལ་ལྷུན་གྱིས་གྲུབ་པའི་བདག་ཉིད། མུ་བཞི་མཐའ་དྲུག་ཀུན་དང་བྲལ་བས་ཐིག་ལེ་ཉག་གཅིག་མུ་མཐའ་ཇི་ཡང་མ་སྤངས་པ། ཕྱོགས་མེད་ཀྱང་ཕྱོགས་ཀུན་ཀྱི་དངོས་གཞི། རིས་ཅན་དུ་སྣང་ཡང་རིས་དང་བྲལ་བ་ནི། །སྒྲོན་མ་སངས་རྒྱས་ཉིད་ཀྱིས་ཀྱང་འདི་ལྟར་ཡིན་ཞེས་བརྟག་པར་མི་ཟིན་པ་ནི། །ཡོད་པར་སྒྲོ་འདོགས་མེད་པར་སྐུར་པ་འདེབས་པ་དང་ངང་གིས་བྲལ་བས་ན་སྐབས་ལས་ངེས་པའི་མཁའ་ཁྱབ་བྱང་སེམས་ཀྱི་ལུང་ཞེས་ཀྱང་བསྙད་དོ་ཞེས་གསུངས་སོ། ༈ །བརྒྱད་པ་དུས་ནི་རང་བྱུང་གི་ཡེ་ཤེས་རྒྱུ་རྐྱེན་གྱིས་མ་བསྐྱེད་པས་དུས་གསུམ་དུ་མི་འགྱུར་བ་མི་རྟག་པ་ཀུན་གྱི་ངོ་བོ་ཉིད་ཀྱི་ཡིན་ཀྱང་ཕྱོགས་གཅིག་ཏུ་མི་འགྱུར་བས་རྟག་པ་སྟེ། རྒྱན་རྒྱུ་ཡིས་བསྐྱེད་པ་ལ་མི་གནས་པར་རང་སྣང་ཡིན་བས། །ཐོག་མ་མེད་ཅིང་མཐར་མི་ནུབ། །ཅེས་གསུངས་སོ། ༈ །གཉིས་པ་འཁྲུལ་པའི་སྣང་བ་ནི། ཐུགས་ཀྱི་ཐིགས་པ་ལས། འཁྲུལ་གཞི་དངོས་པོའི་གནས་ལུགས་འཁྲུལ་ཚུལ་བློའི་སྣང་བ་དང་འཁྲུལ་ཀྱང་ཆོས་ཉིད་ལས་མི་འགྱུར་བའི་རང་བཞིན་གསུམ་གྱི། །སྡོམ་དེས་འཁྲུལ་སྣང་ངེས་པར་ཤེས་པར་བྱ། །ཞེས་འབྱུང་བས། ༈ །དང་པོ་འཁྲུལ་གཞི་ནི་མུ་བཞི་མཐའ་དྲུག་མཉམ་པ་ཉིད་དུ་གྲོལ་༼༠༽བ་ཉིད་ཡིན་ཏེ། དེ་སྐད་དུ། ལྟ་ཀློང་ལས་དེ་༼༠༽ཡེ་ནས་གནས་པས་ན་མཉམ་གྲོལ་དེ་ལ་གཞི་བྱས་པས། །དེ་ངོ་མ་ཤེས་ངར་འཛིན་པ་ལས་འཁྲུལ་པའི་རྟོག་པ་སྣ་ཚོགས་སུ་ཤར། །ཞེའོ། །མུ་མཐའི་ཕྱོགས་གཅིག་པ་ཡིན་ན་མུ་མཐའ་ཐམས་ཅད་དུ་འཆར་དུ་མི་རུང་སྟེ། ཡང་། ལྟ་ཀློང་མཉམ་གྲོལ་དེ་མིན་ཡོད་མེད་གཉིས་གཉིས་མེད་ཀྱི་མུ་བཞི་སྐྱེ་འགག་རྟག་ཆད་འགྲོ་འོང་གཅིག་ཐ་དད་ཀྱི་མཐའ་བརྒྱད་འཁོར་འདས་ཆོས། །ཅིར་ཡང་འཆར་བར་མི་རིགས་པ་ལ་འཆར་བ་དེ་ཡི་ཕྱིར། །ཆོས་ཅན་འཁོར་འདས་ཐམས་ཅད་ཀྱི་ཆོས་ཉིད་དུ་གནས་ལུགས་དེ་རིགས་སོ་འོས་སོ་གཤའོ་འཐད་དོ། །ཞེས་དང་། དགོངས་འདུས་ཡིན་ལུགས་ཅི་ཡང་མེད་པར་སྣང་ཚུལ་ཅིར་ཡང་རིག་པ་ཉིད་དོ། །ཞེས་གསུངས་སོ། ༈ །གཉིས་པ་འཁྲུལ་ཚུལ་ནི་སྤྱན་འགྲེལ་ལས། རྒྱུ་རྐྱེན་འབྲས་བུ་འབྱུང་བའི་དུས། །ཚུལ་དང་ཉེས་པ་འགྲུབ་པའི་བྱེད་པ་པོ་དང་། །ཉེ་བར་མཚོན་པའི་དཔེ་དང་བརྒྱད་ཀྱིས་རྣམ་པར་དབྱེ། །ཞེས་འབྱུང་བས། ༈ །རྒྱུ་ནི་བཤད་པ་བཞིན་དུ་རང་བཞིན་གྱི་སྣང་བ་ཡིན་ཀྱང་དེ་ཉིད་ཀྱི་ཕྱིར་ཡུལ་དུ་མ་གྲུབ་ཅིང་། རྟོགས་པའི་རྐྱེན་ལྷུན་གནས་རྒྱུ་ལ་བཤེས་གཉེན་བདག །སེམས་སྐྱེ་རིམ་པས་གོ་ཕྱེ་སྟེ། །རྫོགས་ལུང་དམིགས་པས་དོན་རིག་པ། །ཞེས་དལ་ཀློང་ངོ་། །བཞི་དང་བྲལ་བས་ངེས་པར་མ་བྱས་པ་༼ ༡༽ནི་ལྷན་ཅིག་སྐྱེས་པའི་མ་རིག་པ་ཞེས་བྱ་སྟེ། ཐོག་མ་འབྱུང་སྔ་བས་གནས་ལུགས་དང་མཚུངས་ལྡན་གྱི་རྒྱུའོ། །རྒྱུ་༼༡༽དེས་སྦྱོར་དོན་ལ་བདག་ཏུ་བཟུང་ཞིང་བདག་གཞན་ཐ་དད་དུ་སྣང་བ་༼༠༽ནི་ཀུན་ཏུ་བརྟགས་པའི་མ་རིག་པ་ཞེས་བྱ་སྟེ་ལྷན་ཅིག་བྱེད་པའི་རྒྱུའོ། ༈ །རྐྱེན་ནི་དེས་༼༠༽ཉོན་མོངས་པ་དུག་ལྔ་རྒྱས་ནས་ཞེ་སྡང་གིས་དམྱལ་བ་སེར་སྣས་ཡི་དྭགས། གཏི་མུག་གིས་དུད་འགྲོ། འདོད་ཆགས་ཀྱིས་མི། ཕྲག་དོག་གིས་ལྷ་མ་ཡིན། ང་རྒྱལ་གྱིས་ལྷར་སྐྱེ་བའི་རྐྱེན་བྱེད་པ་ལ་སོགས་པ་དང་། ཉོན་མོངས་པ་དེ་དག་གིས་ཀུན་ནས་བསླངས་ནས་ངན་འགྲོའི་ལུས་དང་ལོངས་སྤྱོད་ཡིད་དུ་མི་འོང་བ་ནི་བསོད་ནམས་མ་ཡིན་པ་སྟེ་འབྲས་མིང་རྒྱུ་ལ་བཏགས་པའི་ལས་མི་དགེ་བ་བཅུ་རྣམས་ཆེ་༼༠༽འབྲིང་༼༠༽ཆུང་༼༠༽བར་སྤྱད་པས་ངན་སོང་དམྱལ་༼༠༽ཡི་༼༠༽དུད་༼༠༽གསུམ་དུ་རིམ་པ་ལྟར་སྐྱེ་ཞིང་། ཡིད་དུ་འོང་བ་བསོད་ནམས་ཀྱི་༼༣༽ལུས་༼༤༽ངག །༼༣༽ཡིད་ཀྱི་ལས་དགེ་བཅུ་བྱིངས་ཆེ་༼༡༽ཆུང་༼༢༽གིས་འདོད་ཁམས་ཀྱི་ལྷ་༼༡༽དྲུག་དང་མིར་༼༢༽བཞི་འཕེན་པར་བྱེད་དེ་རྫོགས་བྱེད་ནི་དགེ་སྡིག་གང་གིས་རྫོགས་ངེས་པ་མེད་པས་མུ་བཞིར་འགྱུར། རྣམ་སྨིན་གཞན་དུ་མི་གཡོ་བའི་ལས་ཟག་པ་དང་བཅས་པའི་ཚད་མེད་བྱམས། སྙིང་། དགའ་བ། བཏང་སྙོམས། བཞི་བསམ་གཏན་རྟོག་དཔྱོད། དཔྱོད་པ་དགའ་བདེ་བཏང་སྙོམས་ཀྱིས་བཞིས་གཟུགས་ཁམས་ཀྱི་ལྟར་ཞིང་། ནམ་མཁའ། རྣམ་ཤེས་བི་མ། ཡོད་མིན་མེད་མིན་གྱི་སྙོམས་འཇུག་བཞིས་གཟུགས་མེད་ཀྱི་ལྷ་བཞིར་སྐྱེ་བའི་རྐྱེན་བྱེད་པར་མདོ་རྒྱུད་མན་ངག་ལས་གསུངས་སོ། ༈ །འབྲས་བུ་ནི་རྒྱུ་རྐྱེན་དེ་དག་གི་དབང་གིས་སྣོད་བཅུད་བསམ་གྱིས་མི་ཁྱབ་པར་སྣང་བ་སྟེ། དེ་སྐད་དུ་རྩ་རྒྱུད་ལས། སྣ་༼༡༡༡༡༽ཚོགས་པའི་ལུས་༼༡༽བཟང་ངན་དང་ལོངས་༼༡༽སྤྱོད་ཆེ་ཆུང་དང་། །གནས་༼༡༽མཐོ་དམན་དང་སྡུག་༼༡༽བསྔལ་ལས་ཉོན་མོངས་ལ་སོགས་པ། །བཤད་པ་དེ་དག་ལ་བདག་དང་བདག་གིར་སོ་སོར་འཛིན། ཅེས་གསུངས་པ་དེ་དག་ལ་བདེན་པར་གྲུབ་པ་ནི་རྡུལ་དང་སྐད་ཅིག་ཙམ་ཡང་མེད་པར་ལ་ཤན་ལས། དངོས་ཀུན་ལོག་རྟོག་ཙམ་ཉིད་ལས། ཕྲ་དང་སྐད་ཙམ་ཡོད་མ་ཡིན། །འཁྲུལ་པའི་སྣང་བ་ཞེས་སུ་གསུངས། །ཞེས་སོ། །རྩ་རྒྱུད་ལས་གསུངས་སོ། ༈ །དུས་ནི་ཡ་མཚམས་རྒྱས་པ་ལས། ཐོག་མ་མེད་ནས་སེམས་ཡན་བཏང་། འདི་ནས་འཁྲུལ་མེད་ཅིང་དུས་གསུམ་ཡང་དག་སྒྲོན་མ་ལས། དུས་གསུམ་ཐད་རང་མ་འཁྲུལ་ན། །འཁོར་བ་ཐོག་མ་ཡོད་པར་འགྱུར། །ཞེས་སོ། །ཐད་ཀར་འཁྲུལ་ཏེ། དལ་ཀློང་རྒྱན་ཚད་ལས་འདས་པས་ཐ་མའང་བྲལ་རྒྱུན་དུ་འཁོར། མི་ཟད་པར་རྒྱུན་དུ་མི་སྟོངས་པར་འབྱུང་བས་ཐོག་མཐའ་མེད་པར་གསུངས་ལ། རྒྱུ་རྐྱེན་གྱིས་བསྐྱེད་ཅིང་སྐད་ཅིག་མའི་སྐྱེ་འགག་དང་བཅས་པ་དང་། རྒྱུད་བླའི་འགྲེལ་པར་མདོ་ཁུངས་དྲངས་པ། ཐོག་མེད་གྱུར་ཀྱང་ཐ་མ་དང་ལྡན་པ། །ཞེས་སོ། །བདག་མེད་ཀྱི་ལམ་ཉམས་སུ་བླངས་པ་རྣམས་གྲོལ་བས་སྤྱན་འགྲེལ་ལས་བལྟོས་པའི་གློ་བུར་བ་ཡང་ཡིན་ནོ། །ཞེས་སོ། །དུ་རྫོགས་པ་འཁོར་བའི་ཤེས་པ་གློ་བུར་བ། རང་བཞིན་མ་ཡིན་རྐྱེན་གྱིས་སྣང་། །ཞེས། འབྱུང་བ་དང་། བྲམ་སྐོར་འཁོར་འདས་གཉིས་ལ་ཐོག་མཐའ་ཡོད། །ཅེས་སོ། །ཐོག་མཐའ་ཡོད་པར་གསུངས་པར་གོའོ། ༈ །འཁོར་བའི་ཚུལ་ནི་གཏེར་གཏད་ལས་གསུམ་གྱི་རླུང་དྲག་པོ་མཐུ་ཆེ་བས། །ཞེན་པ་འགྲོ་བ་དྲུག་གི་འཁོར་ལོ་ལས་ཀྱི་ཤུགས་ཀྱིས་ཡང་ནས་ཡང་དུ་བསྐྱར། །ཞེས་པས། རིས་དྲུག་ཏུ་འཁོར་ཚུལ་མཐར་ཆགས་སམ་ཡན་མན་མ་ངེས་པར་འཁོར་ཞིང་། རྟེན་འབྲེལ་བཅུ་གཉིས་ཀྱིས་འཁོར་ཚུལ་ནི། ཐུགས་ཐིགས་ལས་ཕྱི་དང་ནང་གི་རྟེན་འབྲེལ་གྱི་འཁོར་ལོས་རིགས་དྲུག་གི་གནས་སུ་བསྐྱོར་བའང་། །ཁམས་གསུམ་གྱི་ཆ་ཡིས་གྲངས་བཅུ་གཉིས་ཁོ་ནར་ངེས་པ་མེད། །ཅེས་གསུངས་པ་བཞིན་ནོ། ༈ །ཉེས་པ་ནི། རྒྱན་ལས་སྡུག་བསྔལ་གསུམ་དང་བརྒྱད་ལ་སོགས་པའི་སྣ་ཚོགས་པའི་ཉེས་པས་རང་གི་རྒྱུད་ཉེན། །གནས་སྐབས་ཐར་པ་དང་མཐར་ཐུག་བདེ་བ་ཆེན་པོའི་སྲོག་དང་བྲལ་བའོ། །ཞེས་པ་ཉིད་དོ། ༈ །བྱེད་པ་པོ་ནི་རྒྱུ་རྐྱེན་མེད་པའི་སེམས་ཉིད་ཐམས་ཅད་དུ་རང་སྣང་བ་ནི་མ་བཅོས་པའི་སྐད་ཅིག་མ་སྟེ་འཁོར་འདས་ཐམས་ཅད་ངོ་བོ་ཉིད་ཀྱི་བྱེད་པ་པོའོ། །དེ་སྐད་དུ་ཡང་། ཀུན་བྱེད་ལས་བྱང་ཆུབ་སེམས་ཀྱིས་ཀུན་བྱས་གཅིག་ཀྱང་མ་བྱས། །ཀུན་བྱས་ཏེ་བྱང་ཆུབ་ཉིད་ཀྱི་རང་བཞིན་བྱས། །གཅིག་ཀྱང་མ་བྱས་པ་དེ་ཁོ་ན་ཉིད་ལ་བྱ་མི་དགོས། །ཞེས་པ་བཞིན་ནོ། །རྒྱུན་གྱི་སྐད་ཅིག་མ་རིག་༼༠༽མ་རིག་༼༠༽གཉིས་ཀྱིས་འཁོར་༼༠༽འདས་༼༠༽གཉིས་སུ་སྣང་བ་ལས། འདིར་མ་རིག་པ་རྒྱུན་གྱི་སྐད་ཅིག་མ་སྟེ། རིམ་གསུམ་རྒྱུན་དང་བཅས་པའི་སྐད་ཅིག་མ་ནི། ལས་ཀྱི་འཁོར་བའི་བྱེད་པ་པོར་བརྗོད་པའོ། །ཞེས་འབྱུང་ངོ་། ༈ །དཔེ་ནི་དུས་རྒྱུན་དུ་འཁོར་བ་ནི་རྒྱན་ལས། རྒྱུན་དུ་མི་སྟོང་འཁོར་ལོ་བསྐོར་ཟོ་ཆུ་བརྒྱུད་པའི་འཁོར་ལོ་ལྟར་ཞེས་སོ། །དང་འདྲ་ལ། དུ་མར་མཆེད་པ་ནི་རྒྱས་པ་ལས་རྩྭ་སོག་མེ་དཔེ་འཁོར་ལོ་བཞིན། ལོང་བཏགས་རྒྱས་ཤིང་བརྒྱུད་པར་འགྱུར། ཞེས་སོ། །གི་མེ་མཆེད་པ་དང་འདྲ་ཞིང་། མེད་བཞིན་ཕྱི་རོལ་དོན་དུ་སྣང་བ་ནི་དབང་པོ་རྒྱན་ལས། ཡོད་པ་མ་ཡིན་དོན་ལྟར་སྣང་། རྐྱེན་གྱིས་དཀྲུགས་པའི་དབང་པོ་བཞིན། ཞེས་སོ། །བསླད་པས་སྐྲ་ཟླ་ལ་སོགས་པ་སྣང་བ་བཞིན་ཏེ། ཆོས་ཉིད་རང་སྣང་ཡང་གཞན་ཕྱིན་ཅི་ལོག་དུ་འཛིན་པ་ནི་ལྟ་ཀློང་ལས་ཐག་པ་ལ་སྦྲུལ་དུ་འཛིན་པ་འཁྲུལ་བ་བཞིན། སྲིན་བུའི་ཁ་ཆུ་ལ་སོགས་པ་བཞིན་ནོ། ༈ །གསུམ་པ་རང་བཞིན་ནི་ཆོས་བརྒྱད་པོ་དེ་ལྟར་དུ་འཁྲུལ་པ་སྣ་ཚོགས་ཀྱིས་རྒྱུད་བསླད་ཀྱང་སེམས་ཉིད་པས་རང་བཞིན་གྱི་སྣང་བ་ལས་འགྱུར་ཞིང་ཉམས་པ་མེད་པ་སྟེ། དེ་ཡང་། ལམ་རིམ་ལས། རང་བཞིན་ཉིད་ལས་ཉམས་པ་མེད། །དེ་ལྟ་བུ་ཡིན་ནའང་དཔེར་ན། རྒྱལ་པོ་ཕྲུ་གུ་དམངས་སུ་འཁྱམས་ཀྱང་རྒྱལ་པོའི་ཤ་ཁྲག་རིགས་ལས་མི་འགྱུར་བ་དེ་བཞིན་དུ་རང་བཞིན་ཆོས་ཉིད་ཀྱི་རིགས་ལས་འགྱུར་བ་མེད་པས། ཤུལ་ལམ་གྱིས་བསྒྲུབས་པའི་དོན་འབྲས་བུ་རང་ལས་འབྱུང་གི་གཞན་ལས་མིན་ཕྱིར། །རྒྱས་པ་ལས་ངན་སོང་གསུམ་རྒྱུད་འགྲོ་བ་རིགས་དྲུག་སྣ་ཚོགས་པ་གཅིག་ནས་གཅིག་ཏུ་རྒྱུ་བ་ཡང་། །འཁྲུལ་པའི་ལོག་པའི་རྟོག་པ་བློ་ཉིད་སྣང་བ་སྟེ། །དེ་བཞིན་ཉིད་ཀྱི་དབྱིངས་ལ་འཁྲུལ་པ་འགྱུར་བ་མེད། །ཅེས་འབྱུང་ངོ་། ༈ །གདུལ་བྱའི་སྣང་བ་ནི། རིགས་པ་གཉིས་ཀྱིས་ཕྱེ་ནས་བསྟན་པ་གདུལ་བྱའི་བློ་དང་འཚམ་པར་སྣང་བ་སྟེ། ཐུགས་ཐིགས་ལས་རང་བཞིན་༼༡༽ལས་༼༢༽ཀྱིས་༼༡༽༼༠༽ཕྱེ་བ་ཡི། །ཆོས་༼༡༽ ཉིད་བྱ་༼༠༽བྱེད་རིགས་༼༡༽༼༠༽པ་ཡིས། །བློ་དང་མོས་པའི་སྣོད་ཐ་དད་པ་དང་བཅུད་སངས་རྒྱས་ཀྱི་བསྟན་པ་དང་སྦྱར་བའི་ཐེག་པ་བསམ་ཡས་པའང་། གདུལ་བྱའི་སྣང་བ་ཞེས་སུ་ངག་ཏུ་བརྗོད། །ཅེས་སོ། །དེའི་དོན་རྟོགས་ཤིང་ངེས་པར་བྱ་བ་ནི། དགོངས་འདུས་ལས། ཇི་ལྟར་ཅང་ཤེས་གྱི་ལིང་དག །སྡོམ་བྱེད་སྒྲོག་གིས་བཅིངས་གྱུར་པ། །བཀྲོལ་བྱས་བདེ་བླག་བཏང་གྱུར་ན། །ཅི་ལའང་ཐོགས་མེད་འགྲོ་བ་ལྟར། །སེམས་ཀྱི་ཅང་ཤེས་དབང་པོ་འདི། །མི་ཤེས་བཅིངས་བས་བཅིང་གྱུར་པ། །དམ་པས་རྣམ་གྲོལ་སྒོ་ཕྱེ་ནས། །ཤེས་རྒྱུད་ཀུན་གྲོལ་ཐོགས་མེད་འགྲོ། །ཞེས་སོ། །ཕྲེང་བ་ལས་རང་རང་གི་འདོད་པ་ཤན་དབྱེ་སྤང་དུ་མེད་པར་ལ་བཟླས་པས་བློ་སྦྲམ་གྱི་རྒྱུད་ཁྲོལ་ལ། །སྙན་ཁུང་བརྒྱུད་པའི་གདམས་པས་ཆོས་ཉིད་མངོན་སུམ་དུ་སྟན་ཅིག །ཅེས་པས། རང་རང་གི་གྲུབ་པའི་མཐའི་སྐྱོན། གཏན་ལ་ཕབ་སྟེ་ཤན་དབྱེ་བ་དང་། མུ་བཞིར་བསྡུས་ཏེ་བྱང་ཆུབ་ཀྱི་སེམས་སུ་ལ་བཟླ་བ་སྟེ་རྫོགས་ཆེན་རང་གཞུང་བསྟན་པའོ། ༈ །དང་པོ་ནི། དགོངས་འདུས་ཀྱེ་གྲོགས་པོ་དག་ཐེག་པའི་སྒོ་ཤན་དབྱེ་བར་བྱ་བ་ནི་འདི་ལྟ་སྟེ། གཞི་ཆོས་ཉིད་ཇི་བཞིན་པ་ཡི་དེ་ཁོ་ན། །ཉིད་དུ་ངེས་པའི་ངོ་བོ་ལས་ལྟ་བ་ཐ་དད་འབྱུང་བ་ནི་གང་ཞེ་ན་རིག་༼༡༽པ་དང་མ་རིག་༼༠༽པ་༼༡༽རྣམ་༼༠༽པ་ཡིས། །ཆོས་ཀུན་༼༡༽གྱི་ཆོས་ཉིད་ཤེས་ནས་སྤྱོད་པ་འདས་པ་དང་ལས་འབྲས་དང་དེ་ཁོ་ན་ཉིད་ལ་ཀུན་༼༠༽ཏུ་རྨོངས་པ་འཇིག་རྟེན་པའི་ལྟ་བ་རྣམ་པ་གཉིས་སུ་སྣང་བ་ལས། ནང་རིས་སུ་དབྱེ་ན་ཐ་དད་དུ་མ་མང་པོར་འགྱུར། །ཞེས་པས། ༈ །འཇིག་རྟེན་པ་དང་འཇིག་རྟེན་ལས་འདས་པའི་ཐེག་པ་གཉིས་ཏེ། ༈ །དང་པོའང་ལས་རྒྱུ་འབྲས་ལ་ཡོད་མེད་དུ་རྟོག་དཔྱོད་ཞུགས་པ་གྲུབ་མཐས་བློ་བསྒྱུར་མ་ཞུགས་པ་མ་བསྒྱུར་གྱིས་གཉིས་སུ་འགྱུར་ཏེ། དགོངས་འདུས་ལས། ལས་འབྲས་ལ་རྨོངས་པའི་ལྟ་བ་རྣམ་པ་གཉིས་སུ་སྣང་བ་ལས་རྒྱུ་འབྲས་ལ་མ་དཔྱད་པས་མི་ཤེས་པ་དང་དཔྱོད་ཀྱང་མཐར་ལྷུངས་པས་ལོག་པར་ཤེས་པའོ། ༈ །མི་ཤེས་པ་ལ་ཕྱལ་པ་ནི་ཆོས་ཐམས་ཅད་ལ་རྒྱུ་འབྲས་ཡོད་མེད་དུ་མ་རྟོགས་པའོ། །རྒྱང་འཕེན་ཞེས་བྱ་སྟེ་ཚེ་འདིའི་ཆེད་དུ་ཕན་པས་སམ། པ་ནི་ཚེ་སྔ་ཕྱི་མ་རྟོགས་ཤིང་གསང་ཚིག་ལ་བརྟེན་ནས་ཚེ་འདིའི་བཙན་ཕྱུག་དང་མཐུ་སྟོབས་སྒྲུབ་པའོ། །གཉིས་ཞེས་གསུངས་ལ། ༈ །ལོག་པར་རྟོག་པ་ལ་ཡང་། མུ་སྟེགས་རང་བཞིན་གྱིས་ལོག་དམུས་ལོང་དང་འདྲ་གཞན་གྱི་རྐྱེན་ཕྲལ་དུ་ལོང་བ་འདྲ་ལོག་པ་དེ་ཀ་ལ་ནང་པའི་ཐེག་པ་དགུའི་ཞར་ལས་བྱུང་བ་ཞེས་ཀྱང་བཤད། །ཅེས་པའི་བྱེ་བྲག་ལ་ཡང་། སྤྱན་རས་གཟིགས་བརྟུལ་ཞུགས་ནས། བརྒྱ་ཉི་ཤུ་ལ་དུས་གསུམ་གྱི་ཆས་ཕྱེ་བས་ལྟ་ལོག་སུམ་བརྒྱ་དྲུག་ཅུ་རྩ་གཉིས། གཟུགས་བདག་ཡིན། བདག་གི་ཡིན། བདག་ལ་གནས། བདག་དང་ལྡན། དེ་བཞིན་དུ་ཕུང་པོ་བཞི་ལའང་སྦྱར། ལོག་པའི་རི་བོ་ཉི་ཤུ། འཇིག་ཚོགས་སུ་ལྟ་བ་ལ་སོགས་པ་མཐར་འཛིན། ལོག་ལྟ། ལྟ་བ་ལ༴ ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་དང་། སྡེ་ལྔ། སྔོན་གྱི་མཐའ་ལ་རྟོག་པ་ཐམས་ཅད་རྟག་པར་རྟོག་པ་བཞི། ཁ་ཅིག་རྟག་པར་རྟོག་པ་བཞི། རྒྱུ་མེད་སྨྲ་བ་རྣམ་པ་གཉིས། མཐའ་ལ་རྟོག་པ་བཞི་དང་ནི། ལྷ་མི་སྤོང་བར་རྟོག་པ་བཞི། བཅོ་བརྒྱད་འདི་དག་སྔོན་གྱི་མཐའ། བཅོ་བརྒྱད། ཕྱི་མའི་མཐའ་ལ་རྟོག་པ་ཞེ་འདུ་ཤེས་ཅན་རྟོག་བཅུ་དྲུག་དང་། འདུ་ཤེས་མེད་པར་རྟོག་པ་བརྒྱད། འདུ་ཤེས་ཡོད་མིན་མེད་མིན་བརྒྱད། ཆད་པར་ལྟ་བདུན་མཐར་ལྟ་ལྔ། བཞི་བཅུ་རྩ་བཞི་ཕྱི་མའི་མཐའ། དྲུག་ཅུ་རྩ་གཉིས་བདེན་པར་ལྟ། ཞེའོ། །བཞི། དགོངས་འདུས་ལས། ཕྱོགས་ལྟོས་གཅོད་པ་གང་ཞེ་ན། ཕྱི་རོལ་༼བྱེ་ཐ་རང་ཕྲ་ཟབ་རྒྱ་རིག་༼༡༡༽བྱེད། སྤྱོད་༼༡༽ སྦྱོར་༼༡༽༽པ་དང་། ཡང་དག་པ། གསང་སྔགས་པ་དང་། གསང་ཆེན་༼བརྟུལ་ཞུགས། རྒྱལ་ཕོག་རྒྱལ་ཐབས༽པའོ། ། ལ་སྤྱིར་བཞི་ལས། དེ་རེ་རེ་ལའང་གསུམ་གསུམ་སྟེ་ནང་ཚན་བཅུ་གཉིས་ལ་སོགས་པ་བྱེ་བྲག་བརྗོད་ཀྱིས་མི་ལང་བ་ཡང་རྟག་ཆད་གཉིས་སུ་འདུས་ཏེ། དེ་ཡང་ལ་ཤན་ལས། ཤེས་པ་རང་བཞིན་གྱིས་ལོག་པ་དང་གཞན་རྐྱེན་གྱིས་ཆ་མཐུན་པར་གོལ་བའི་རྩ་བ་གཉིས་ལས། གོང་དུ་བསྟན་པའི་བྱེ་བྲག་དུ་མའང་གཉིས་སུ་འདུས་ཏེ། གང་ཞེ་ན། ཞེས་དང་། དགོངས་འདུས་ལས། ལོག་པར་རྟོག་པས་མཐའ་ཟད་ཅིང་ཕ་རོལ་ཏུ་མི་ཕྱིན་པས་མུར་ཐུག་མྱ་ངན་ལས་འདས་པའི་རྒྱ་མཚོར་འབབ་པའི་ལམ་གྱི་ཆུ་རྒྱུན་གྱི་མུ་ལ་རྟེན་འཆའ་བ་སྐད་དུ་ཟེར་བས། མུ་སྟེགས་གཉིས། ཞེས་པས་མངོན་ནོ། ༈ །དེ་ལ་ཆད་ལྟ་ནི། དོན་ལྷག་རྟོག་གེ་བ་མུར་ཐུག་ཆད་ལྟ་ལ་རིགས་གསུམ་ལས་ཚེ་སྔ་ཕྱི་དང་ལས་རྒྱུ་འབྲས། །མི་འདོད་པར་ཚེ་འདི་ཙམ་སྟེས་དབང་ལས་གློ་བུར་དུ་བྱུང་བར་འདོད་པ་དང་། འགྲོ་བ་ཡང་མི་དང་དུད་འགྲོ་ལས་གཞན་མི་འདོད། ལ་ལ་སྔ་ཕྱི་ཙམ་འདོད་ལ་སེམས་ཅན་རྣམས་ཉོན་མོངས་པ་དུག་གསུམ་གྱི་རང་བཞིན་ཡིན་པས་དེ་ལས་གྲོལ་བའི། ཐར་པ་མྱ་ངན་ལས་འདས་པ་འཐད་པ་མིན་ཏེ་དུག་གསུམ་དང་སེམས་གཉིས་ཡོད་ན་མཉམ་ཆད་ན་ཆད་མཉམ་དུ་འདོད་པ་དང་རྒྱལ་བའི་ལུང་ལས་མུ་བཞིར་འཆར་བ་དང་། བྲལ་བ་མཉམ་པར་གསུངས་ལ། བྲལ་བའི་ཕྱོགས་ཀྱི་ངང་ཚུལ་ཟུར་ཙམ་བཟུང་ནས་ཁས་ལེན་ཐམས་ཅད་སྤངས་ཏེ་མ་ཡིན་པའང་མ་ཡིན་པར་འདོད་པའོ། །འདི་དག་གི་འདོད་པ་དབྲལ་དཀའ་ཡང་དག་པའི་དོན་ལ་གཟུད་པ་དཀའ་བས། ནང་པ་ལ་མོས་པའི་ལས་ཅན་ཐབས་འཛུད་བསྲེ་ཕྱོགས་སུ་ལྷུང་བ་རྣམས་ལོགས་ལྟའི་ཉེས་དམིགས་ཀྱི་ཉེན་གྱིས་བསྟང་། བློ་སྤྱི་སར་འཇོག་པ་ལ་རྟོག་གེ་ཚད་མ་གསུམ་གྱིས་སུན་དབྱུང་སྟེ་ཐབས་དུ་མས་ནང་པར་གཟུད་པ་དཔའ་བོས་གཏེར་གཏད་དུ་གསུངས། ཞེས་འབྱུང་བ་ལ། ༈ །སྤྱོད་པའི་དཀའ་ཐུབ་ནི་མེད་ལ། རྡོ་རྗེའི་རྒྱུད་འབྱུང་བ་གང་ལས་གྱུར་པའི་ལུས་དེ་ཞིག་པས། །ལུས་དང་སེམས་འབྱུང་བ་བཞིའི་བག་ལ་ཞ་སྟེ་གནས། །དུས་ཚེ་ཕྱིན་ཆད་ཕན་གནོད་ཀྱི་ཆོས་ལ་དགོས་པ་མེད་པའི་ཕྱིར། །ལུས་སེམས་གདུང་བའི་དཀའ་ཐུབ་ཀྱི་འབད་རྩོལ་མི་དགོས་སོ། །ཞེའོ། ༈ །འབྲས་བུ་ནི། ཁོ་རང་གི་ཞེ་འདོད་དང་མི་མཐུན་པར་ངན་སོང་ཁོ་ནར་འགྲོ་བར་འབྲས་ཀློང་། ཆད་ལྟ་འདོད་པས་ལུས་བྲལ་འདོད། ངང་ཚུལ་མི་བརྟན་ལྷུང་བའི་གནས། གསུངས་སོ། ༈ །རྟག་པར་ལྟ་བ་ནི། དོན་ལྷག་ལོག་པའི་ཤེས་པ་རྟག་པའི་དངོས་པོར་སྨྲ་བ་ནི་རིག་པ་༼༡༽རྡུལ་༼༡༽ཕྲ་རབ་ཀྱི། ཡོན་ཏན་གསུམ་གྱི་རང་བཞིན་༼༡༽། དབང་ཕྱུག་༼༡༽རྣམས་རྟགས་༼༡༡༡༡༽པ་གཅིག་པུ་བདེ་བ་རང་དབང་ཐོབ་པ། རྒྱུ་དེ་དག་ལས་བྱུང་བ་དང་བྱེད་པ་པོ་དེ་དག་གིས་བྱས་པའི་འབྲས་བུ་རྣམས་འགྱུར་བས་མི་རྟག་ཅིང་མི་གཙང་བའི་དྲི་མས་གོས་༼༠༽པར་འདོད། ཞེས་སོ། ༈ །དེ་དག་རྒྱུ་དང་འབྲས་བུ་ལ་ལོག་པར་ཡང་ལྟ་སྟེ། ལྟ་རིམ་དེ་ཡང་རྒྱུ་མེད་རྒྱུར་སྨྲ་བ། །རང་བཞིན་རྒྱུར་འདོད་དབང་ཕྱུག་རྒྱུ། །ངོ་བོ་ཉིད་ལ་རྒྱུར་སྨྲ་དང་། །རྡུལ་ཕྲན་རྒྱུ་རུ་འདོད་པ་དང་། །བྱེད་པོ་རྒྱུ་རུ་འདོད་པས་ལོག །ཅེས་པའོ། ༈ །སྤྱོད་པ་ནི། དགོངས་འདུས། རྒྱུར་ལྟ་བ་དེ་དག་ཁྲུས་དང་གཙང་སྦྲ་ལ་སྤྱད་པས་བདག་རྟག་པ་དེ་དག་པ་ཐོབ་པར་ལྟ། །ཡང་ན་འཚོ་བ་གཙང་བར་བཅོས་པ་ནང་པར་སྲུང་བ་སྟེ་སངས་རྒྱས་པ་ལས་དག་པར་ལྟ་བ་དང་། དུས་ཀྱི་རྒྱུན་ལ་ལྷྭམ་གྱི་ཆ་ལུགས་དང་གོས་ཀྱི་ཁ་དོག་བཅོས་པ་དང་། །སྐྲ་དང་ཁ་སྤུ་བྲེགས་པའམ་རལ་པར་བཅོས་དང་ལུས་ཐལ་བའམ་ཐོད་པའི་རྒྱན་ཆ་དང་། །དབྱུག་གུ་གསུམ་པ་ལ་སོགས་དབྱར་གྱི་ཞེས་དྲང་པ། དཀའ་ཐུབ་༼༡༽བསྟེན་༼༣༽པ་དྲག་༼༢༽པོའོ༼༤༽། །ཞེས་དང་། དེ་༼༠༽དག་པར་བྱ་བའི་ཕྱིར་རང་གི་ཚུལ་སྔ་མ་ལས་བསྒྱུར་བའི་ཁྱི་དང་བྱའི་བརྟུལ་ཞུགས་ངལ་ལ་འབྲས་བུ་མེད་པས་ལོག་ཆོས་སྤྱོད། །ཅེའོ། ༈ །འབྲས་བུ་ནི། ལོག་པར་ལྟ་བའི་གཅེར་བུ་པ་ནི་དབང་ཕྱུག་ཆེན་པོ་གདུགས་དཀར་པོ་བཟུང་བའི་དབྱིབས་འདྲ་བའི་ལུས། །ཚངས་པ་དང་ཁྱབ་འཇུག་གཉིས་ནི་ལྷ་ཆེན་པོའི་ལུས་པོ། །བྱེ་བྲག་པ་རྡུལ་ཕྲ་རབ་ལས་གྲུབ་པའི་སྙིང་གི་དཀྱིལ་གྱི་བདག་དེ་དྲི་མ་དང་བྲལ་བའི་ལུས། །གྲངས་ཅན་པ་སྤྱི་རྣམ་འགྱུར་གཙོ་བོ་ལ་ཐིམ་པས་གཟུགས་བདག་ཡ་བཀར་དུ་གནས་པས་ཐར་པ་ཆེན་པོའི་ལུས། །རིག་བྱེད་པ་རིག་པའི་དངོས་པོ་རྟག་པ་གཅིག་པུ་བདེ་བ། །རང་དབང་ཅན་དུ་གནས་པ་ཤེལ་ལྟ་བུ་དག་པའི་ལུས་སུ་འདོད། །དེ་དག་ཀྱང་གཟུགས་ཁམས་ཀྱི་རིས་ཀྱི་ལྷ་ཡི་བྱེ་བྲག་འགའ་ཞིག་དང་། །དངོས་སུ་གཟུགས་མེད་སྐྱེ་མཆེད་རིས་བཞི་ལ་གནས་པ་ཡིན། །འདས་པར་འདོད་ཀྱང་བདག་ཏུ་འཛིན་པ་ཡོད་པས་འཇིག་རྟེན་པ་དངོས་ཡིན་ནོ། །ཞེས་འབྱུང་སྟེ། ༈ །དེ་དག་ཀྱང་། དོན་ལྷག་ལྷ་ཆེན་ཚངས་པ་དང་ཁྱབ་འཇུག་ལ་སོགས་པ་གང་ཟག་དམ་པ་མ་ཡིན་པའི་ལུང་ལ་རང་གི་བསམ་གཏན་གྱི་ཉམས་ཀྱིས་སྒྲུབ་སྟེ། །ཟག་པ་ཉོན་མོངས་པ་དང་བཅས་པའི་མངོན་ཤེས་ཕྲ་མོས་རྣལ་འབྱོར་གྱི་མངོན་སུམ་དང་མི་དམིགས་པའི་རྟགས་ཀྱི་ངེས་པར་བཅད་ཀྱང་མི་འཐད་དེ། ༈ །ཁྱེད་འདོད་པའི་རྟག་པའི་དངོས་པོ་དེས་བདག་དང་གཞན་གྱི་དོན་སྒྲུབ་པ་ལ། །རིམ་དང་ཅིག་ཅར་དུ་བརྟགས་ན་མི་འཐད་འཁྲུལ་པར་ཤེས་པ་ཡིན་ནོ། །ཞེས་གསུངས་སོ། ༈ །འཇིག་རྟེན་པ་དེ་དག་དང་འཇིག་རྟེན་ལས་འདས་པའི་ཁྱད་པར་ནི། ལྷ་རྗེ་བདེ་གཤེགས་མཁས་པ་དག་གིས་རྩ་བ་ལྟ་བ་རྟག་ཆད་ཀྱི་མཐར་ལྷུང་མ་ལྷུང་གཅིག་ཡན་ལག་གསུམ་འཇིག་རྟེན་གྱི་ལྷ་ལ་སྐྱབས་སུ་འགྲོ་མི་འགྲོ། དཀོན་མཆོག་ལ་དད་མི་དད། ལོག་ཆོས་སྤྱོད་མི་སྤྱོད། སྒྲུབ་བྱེད་ཁམས་གསུམ་ལས་འདའ་མི་འདའ་འབྲས་བུ་ཁྱད་པར་དུ་གྱུར་པར་གསལ་སྒྲོན་དུ་གསུངས་ལ། ཉ་རི་པ་མདོར་ན་གྲུབ་མཐའ་འཛིན་ཚུལ་གྱི་ཁྱད་པར་ནི། སྡུད་པ་ལས། ཇི་ལྟར་གང་ཟག་གི་བདག་ཏུ་འཛིན་པ་དེ་ལྟར་ཀུན་ནས་ཉོན་མོངས་པ་འཁོར་བར་བསྟན། སེམས་ལ་བདག་དང་ཡུལ་ལ་བདག་གིར་མི་དམིགས་རྣམ་པར་བྱང་བ་མྱ་ངན་ལས་འདས་པར་གསུངས། ཞེས་འབྱུང་ལ། རྟེན་གྱི་གང་ཟག་གི་ཁྱད་པར་ནི། རིམ་གསུམ། རང་དབང་མེད་པར་སྐྱེ་རྒ་ན་འཆིའི་དུཿཁ་བཞི་ལྡན་པས་འཇིག་རྟེན་པ་ཞེས་བྱ། ཞེས་དང་། རྒྱུད་བླ། འཕགས་པས་འཆི་༼༡༽བ་དང་ན་བ་༼༡༽དང་། །རྒ་༼༡༽བའི་སྡུག་༼༡༡༡༽བསྔལ་རྩ་བ་ནས་སྤངས། །ལས་དང་ཉོན་མོངས་ཡོད་པའི་དབང་གིས་སྐྱེ་བའི་སྡུག་བསྔལ་འབྱུང་ཡང་། འཕགས་པ་དེ་ལ་ལས་དང་ཉོན་མོངས་པ་དེ་མེད་པའི་ཕྱིར་སྐྱེ་བ་དེ་མེད། །ཅེས་པ་ནི་ཁྱད་པར་རོ། ༈ །འདས་པའི་ཐེག་པ་དེ་ལའང་གྲངས་ཀྱི་རྐྱེན་རྣམ་གྲངས་པ་གཉིས་ཏེ། རང་སྤྱིའི་མཚན་མིང་ཉིད་མ་འདྲེས་པར་ཀྱི་བསྟན་པའི་ཐེག་པ་ནི་ལམ་འབྲས་བུ་དང་བཅས་པའོ། །རང་བཞིན་རྡོ་རྗེའི་ཐེག་པའོ། །དང་པོ་ལ་མཚན་ཉིད་གཙོར་སྟོན་པར་འདྲ་ཡང་སྐལ་བ་མོས་པ་དབང་པོའི་བྱེ་བྲག་གིས་གསུམ་སྟེ། འབྲས་བུ་ཐོབ་ཀར་ཡང་བཤེས་གཉེན་ལ་ཉན་ཅིང་ཐོས་པར་བྱེད་ཐོས་པའི་འབྲས་བུ་གཞན་ལ་སྒྲོགས་པས་ཐོས་སྒྲོགས་ཞེས་ཀྱི་ཐེག་པ་དང་། རང་དོན་དུ་འབྲས་བུ་སངས་རྒྱས་ཀྱི་བསྒྲུབ་པའི་ཐེག་པ་དང་། །འབྲས་བུ་བྱང་ཆུབ་ནི་གཞན་དོན་དུ་ཐོབ་པར་བྱ་བའི་ཕྱིར་སེམས་དཔའ་བའམ་བསྟན་པའི་ཐེག་པའོ། ༈ །དང་པོ་ལ་ལྔ་སྟེ། ལ་ཤན། ལྟ་སྒོམ་སྤྱོད་འབྲས་གཏན་ཚིགས་མདོ། ཞེས་པས་ལྟ་བ་དང་སྒོམ་པ་དང་སྤྱོད་པ་དང་འབྲས་བུ་དེ་དག་སུན་དབྱུང་ངོ་། ༈ །དང་པོ་ལྟ་བ་ནི། རྡུལ་ཕྲ་རབ་༼༡༽དང་སྐད་ཅིག་མ་ལ་ཕྱོགས་༼༡༽དང་དུས་ཀྱི་༼༡༽ཆ་ཤས་མེད་པ་ནི། གཞིག་གཞོམ་གྱིས་མི་གནོད་པས་དོན་དམ་པའི་བདེན་པར་གྲུབ་ལ། རགས་པར་སྣང་བ་དང་། རྒྱུན་ནི་ཀུན་རྫོབ་བོ། །དེ་ཡང་། དོན་བཞི། ཆོས་ཙམ་གཟུང་བའི་ཡུལ་༼༡༽འཛིན་པའི་སེམས་རྡུལ་༼༡༽ཕྲན་དང་སྐད་ཅིག་མར་ནི་གཞིག་གཞོམ་གྱིས་མི་གནོད་པས་དོན་དམ་པའི་བདེན་པར་གྲུབ་ལ། བློས་གཞིག་ཅིང་གཉེན་པོས་གཞོམ་དུ་རུང་བས་རགས་པ་དང་རྒྱུན་དེ་ནི་ཀུན་རྫོབ་ཀྱི་བདེན་པ་ཡིན། ཅེས་འབྱུང་ངོ་། ༈ །བྱེ་བྲག་ཏུ་སྨྲ་བའི་བཤད་མཛོད་ཆེན་མོའི་རྗེས་སུ་འབྲང་བ་དང་། ཐེག་པ་ཆུང་ངུའི་མདོ་སྡེའི་རྗེས་སུ་འབྲང་བའི་མདོ་སྡེ་པའི་ལྟ་བ་མི་མཐུན་པ་ནི། དབང་པོ་དང་དོན་དུ་ཕྲད་པའི་བློ་ཡུལ་དྲུག་གི་རྣམ་པ་བཞག་པ་མེད་ཀྱང་ཐུག་ཕྲད་ལ་གཟུང་འཛིན་དུས་མཉམ་དུ་སྐྱེ་བ་སྟེ་གཞན་རིག་ཁོ་ནར་འདོད་པ་དང་། ཡུལ་གྱིས་བཞག་པའི་རྣམ་པ་དང་བཅས་པར་ཤེས་པ་སྐྱེ་སྟེ་སྔ་ཕྱིའི་གཟུང་འཛིན་འདོད་ཅིང་རང་མྱོང་བ་དང་གཞན་དམིགས་པས་འཛིན་པའི་བྱེ་བྲག་དང་། གོང་བུའི་མཚན་ཉིད་ལ་ཡང་རྡུལ་ཕྲ་རབ་རྣམས་སྐོར་བ་བར་དང་བཅས་པ་སྟེ། རླུང་གི་མཐུས་བསྡུས་པར་འདོད་པ་དང་། བར་མེད་ལ་འབྱར་བ་ཡང་མ་ཡིན་པ་པོ་ཏི་བསྡམས་པ་ལྟར་འདོད་པ་དང་། གཞན་ཡང་འདས་མ་འོངས་དང་དབྱིབས་དང་རིག་བྱེད་མ་ཡིན་པའི་གཟུགས་རྡུལ་ཕྲན་གྱི་རྫས་སུ་དང་འདུས་མ་བྱས། གསུམ་པོ་རྣམས་རྟག་པའི་རྫས་དང་མེད་དགག་དང་། མི་ལྡན་པའི་འདུ་བྱེད་རྣམས་གཟུགས། སེམས་སེམས་བྱུང་གསུམ་ལས་གཞན་པའི་རྫས་གསུམ་གྱི་གནས་སྐབས་རྫས་སུ་བྱེ་བྲག་པ་འདོད་པ་དང་མདོ་སྡེ་པ་མི་འདོད་པའི་བྱེ་བྲག་ཀྱང་ཡོད་དོ། །ཞེས་འབྱུང་ངོ་། །བྱེ་བྲག་ཏུ་སྨྲ་བ་ཉིད་ལ་ཡང་། གང་ཟག་རྫས་སུ་ནི་ཡོད། ཕུང་པོ་དང་གཅིག་གམ་ཐ་དད་རྟག་མི་རྟག་བརྗོད་དུ་མེད་པར་འདོད་པ་དང་དེ་ལྟར་མི་འདོད་པ་དང་། རྟེན་བཅས་ཀྱི་མིག་གིས་གཟུགས་རྣམས་མཐོང་རྟེན་བཅས། དེ་ལ་བརྟེན་པའི་རྣམ་ཤེས་མིན། །གང་ཕྱིར་བར་དུ་ཆོད་པ་ཡི། །གཟུགས་ནི་མཐོང་བ་མིན་ཕྱིར་ལོ། །བར་འདོད་པ་དང་མི་འདོད་པ་དང་། ཁ་ཆེ་དང་ཡུལ་དབུས་ཀྱི་བྱེ་བྲག་ཏུ་སྨྲ་བ་རྣམས་ཀྱང་ལྟ་བ་ཕྲ་མོ་མི་མཐུན་ནོ་ཞེས་འབྱུང་ངོ་། ༈ །སྒོམ་པ་ནི་བློ་གྲོས་རབ་འདུས་བྱས་ཐམས་ཅད་མི་རྟག །སྐྱེ་བ་ཐམས་ཅད་སྡུག་བསྔལ། རགས་པ་བདག་མེད། མྱ་ངན་ལས་འདས་པ་ཞི་བར་བསྒོམ་འབྲིང་རྣམ་རྟོག་གི་གཉེན་པོར་རླུང་ཐ་མ་འདོད་ཆགས་ཀྱི་གཉེན་པོར་མི་གཙང་བ་གསུམ་གྱི་སྒོམ་ཚུལ་རྣམས་ལས་དང་པོ་བ་ཡིར་གསལ་ཏེ་སྒོམ་ཀློང་ནས་གསུངས་པ་བཞིན་ལ། སྤྱིར་ནི་ལྟ་ཕྲེང་ལས་འཕགས་པས་རྟོགས་ཤིང་ཁ་ཅིག་རང་བཞིན་ཡིན་པས་པའི་ཕྱིན་ཅི་མ་ལོག་པས་བདེན་པ་བཞི་སྒོམ་པའི་རིམ་གྱིས། །ཞེས་དང་། ཡང་། ཇི་ལྟར་སྒོམ་ན་རྒྱུད་བླ་མ་ལས། ནད་ནི་ངོ་ཤེས་པར་བྱ་བ་ལ་ནད་ཀྱི་རྒྱུ་ནི་སྨན་དང་དཔྱད་ཀྱིས་སྤང་བར་བྱ་ལ། ནད་དང་བྲལ་བའི་བདེ་བར་གནས་པ་དེ་ཐོབ་པར་བྱ་བའི་ཕྱིར་སྨན་ནི་བསྟེན་པར་བྱ་བ་ལྟར། སྡུག་བསྔལ་༼༠༽གྱི་བདེན་པ་དང་། དེའི་རྒྱུ་༼༠༽ཀུན་འབྱུང་དང་། དེ་དང་བྲལ་བ་འགོག་པ་དང་། དེ་བཞིན་དུ་འཐོབ་པར་བྱེད་པའི་ལམ༼༠༽། ཤེས་༼༠༽པར་བྱ། སྤང་༼༠༽བར་བྱ། རེག་༼༠༽པར་བྱ་ཞིང་། བསྟེན་༼༠༽པར་བྱ། ཞེས་འབྱུང་བ་བཞིན་དུ་སྒོམ་ཏེ། དེ་དག་རེ་རེ་ལ་བཞི་བཞི་རྣམ་པ་བཅུ་དྲུག་དང་ལྡན་པར་ཆོས་བཟོད་པ་དང་རྗེས་སུ་བཟོད་པ་དང་། ཆོས་ཤེས་པ་དང་རྗེས་སུ་ཤེས་པའི་ཡེ་ཤེས་བདེན་པ་རེ་རེ་ལ་སྦྱར་བས་བཅུ་དྲུག་གིས་རྟོགས་པར་བྱའོ། ༈ །སྤྱོད་པ་ནི། ལྟ་ཕྲེང་ལས། དགེ་བ་དང་མི་དགེ་བའི་ཆོས་ཐམས་ཅད་ཀུན་རྫོབ་ཤེས་པ་ལ་སྣང་བ་དང་དོན་དམ་ཡེ་ཤེས་ལའང་སྣང་པ་གཉི་གར་སོ་སོར་ཡོད་པར་ཕན་ཚུན་འགལ་བས་བདེན་པར་མིན་ཀྱང་ལྟ་བས། ལུས་ངག་གི་དགེ་བ་ནི་སྤྱོད་སྡིག་པ་ནི་སྤོང་བ་ནི་ཐ་པ་སའི་སྒྲས་གདུངས་པའི་དོན་ནི་དཀའ་ཐུབ་སྟེ་འབྲས་བུ་འདོད་པའི་ཕྱིར་ལུས་གདུང་བར་བྱེད་པ་དང་བྷ་དྭའི་སྒྲས་བསྒྱུར་བའི་དོན་ནི་བརྟུལ་ཞུགས་ཏེ་འབྲས་བུའི་ཡོན་ཏན་འདོད་པས་རང་གི་ཚུལ་སྔ་མ་ལས་སྒྱུར་བའི་སྤྱོད་པའོ། །ཞེས་དང་། ཡང་། དམ་ཚིག་གི་ཀློང་ལས། དགེ་བ་བཅུ་དང་སྡིག་པ་བཅུའི་ལས་ལ་ཡང་རྩ་བ་བཞི་གཙོ་བོར་བསྟན་ཅིང་། །སེམས་ཅན་གཞན་ལ་གནོད་པར་འགྱུར་བའི་སྦྱོར་བ་རྣམ་པ་ཀུན་ཏུ་སྤངས་ནས། །རྒྱུ་ཉེས་སྤྱོད་ཐ་དད་སྤངས་པས་འབྲས་བུ་རྣམ་སྨིན་སོ་སོར་ལས་ཐར་པ་ཡིན་དེས་ན་རང་དོན་གཙོ་བོ་རུ་སྒྲུབ་པས་སྒོ་གསུམ་གྱི་ཉེས་སྤྱོད་གཉེན་པོས་འདུལ། སྔོན་གྱི་འཕགས་པ་དགྲ་བཅོམ་པའི་རྗེས་སུ་སློབ་པ་ནི་སྤྱོད་པའོ། །ཅེས་པའོ། ༈ །འབྲས་བུ་ནི། འདས་པའི་གྲོང་ཁྱེར་དུ་འགྲོ་བའི་ལམ་གྱི་རྒྱུན་ལ་ཞུགས་པས་རྒྱུན་དུ་ཞུགས་པ་དང་། འདོད་ཁམས་ཀྱི་ལྷ་མིར་ལན་རེ་སྐྱེ་བས་ལན་ཅིག་ཕྱིར་འོང་བ་དང་། འདོད་ཁམས་སུ་མི་སྐྱེ་བས། ཕྱིར་མི་འོང་བ་དང་། ཁམས་གསུམ་གྱི་སྲེད་པ་ཟད་པས་འདོད་ཆགས་ཅན་ཐམས་ཅད་ཀྱིས་མཆོད་པར་འོས་པས་དགྲ་བཅོམ་པ་དང་བཞི་ལས་གསུམ་གནས་སྐབས་ཀྱི་འབྲས་བུ་དང་དགྲ་བཅོམ་མཐར་ཐུག་ཏུ་འགྱུར་ཏེ། དེ་བཞི་ལ་ཡང་། འབྲས་ཀླང་རྒྱུར་ཞུགས་པ་དང་འབྲས་བུར་གནས་པ་གཉིས་གཉིས་སུ་ཕྱེ་བས་ནི། །ཟུང་གཞི་ལ་ཡ་བ་བརྒྱད་ནི་ལུས་རྒྱན་ཆ་དང་བྲལ། །ཞེའོ། །དགྲ་བཅོམ་པ་ལ་ཡང་ཁམས་གསུམ་གྱི་ཉོན་མོངས་པ་ཟད་ཀྱང་ལུས་མ་དོར་པའི་ལྷག་བཅས་དང་། ཕུང་པོ་ལྔ་ཅར་འགགས་པའི་ལྷག་མེད་ཀྱི་མྱ་ངན་ལས་འདས་པ་སྟེ། ལུས་མེད་གཟུང་འཛིན་ཕྲ་བ་ཙམ་མོ་ཞེས་འབྲས་ཀློང་ལས་ཡོད་པར་ནི་གསུངས་སོ། ༈ །སུན་དབྱུང་བ་ནི། དོན་བཞི། རགས་པ་ལ་བསྒྲིབས་མ་བསྒྲིབས་ལ་སོགས་པ་གཞིགས་ཕྲ་བ་ལ་ཕྱོགས་ཆས་གཞིགས་ཏེ་ཆ་མེད་བློས་གཞིག་པ་ལས་འདས་པའི་གཟུང་བ་མི་གནས་པས། དེ་ལ་འཛིན་པའི་སྐད་ཅིག་མའང་བདེན་པ་མིན་ལུང་དྲང་ལུང་ངེས་ལུང་གཉིས་གསུངས་པ་ལས། ནང་པ་རང་གི་རྒྱལ་བའི་ལུང་ལས་རྡུལ་ཕྲན་དང་སྐད་ཅིག་མ་གཉིས་ཀྱི་དོན་གྲུབ་པར་གསུངས་པ། ཐེག་པ་གོང་མ་ལ་འཇུག་པའི་ལམ་སྟེགས་དྲང་དོན་ཙམ་ལས་ངེས་དོན་ཡིན་པར་ག་ལ་འཐད། ཅེས་དང་། མྱ་ངན་འདས་པ་ཡང་མ་ཐོབ་པར་གསུངས་ཏེ། དེ་སྐད་དུ། རྒྱུད་བླ་མ། དེས་ན་ཆགས་ཐོགས་མེད་པའི་ཡེ་ཤེས་ཀྱི་གཟིགས་པ་མངའ་བའི་སངས་རྒྱས་མ་ཐོབ་པར། སྒྲིབ་པ་ཐམས་ཅད་ལས་གྲོལ་བའི་མཚན་ཉིད་མྱ་ངན་ལས་འདས་པའི་དབྱིངས་རྟོགས་པ་མི་འཐོབ་སྟེ། དཔེར་ན། འོད་དང་འོད་ཟེར་སྤངས་ནས་མ་མཐོང་བས་ནི་ཉི་མའི་དཀྱིལ་འཁོར་བལྟ་བར་མི་ནུས་པ་བཞིན་ནོ། །ཞེས་འབྱུང་ངོ་། ༈ །དགེ་བཤེས་ལ་མི་ལྟོས་པར་རང་གིས་འབྲས་བུ་བྱང་ཆུབ་ཐོབ་པར་ཀྱི་དོད་པའི་ལྟ་བ་ནི། བྷི་བྷི་ཤ་ན་ལུང་བསྟན་པའི་མདོ། རྒྱུ་ལ་འབྲས་བུ་རྟེན་ཅིང་རྒྱུའི་རྗེས་སུ་འབྲས་བུ་འབྲེལ་བར་འབྱུང་བ་ཟབ་མོ་སྒྱུ་མ་ལྟ་བུའི་མཚན་ཉིད་དུ་མཐོང་བ་དང་། ཆོས་ཀྱི་དབྱིངས་མཐའ་དང་དབུས་མེད་པར་བརྗོད་པ་དང་བྲལ་བའི་དོན་རྟོགས་པའོ། །ཞེས་གསུངས་པ་དང་། ཡོ་ག་ཙརུའི་ཊཱི་ཀ་ལས། གཟུགས་ཀྱི་ཕུང་པོ་ལས་གཟུང་བའི་ཆོས་ལ་བདག་མེད་རྟོགས། ཞེས་འབྱུང་ལ། རྟོགས་པ་དེ་ཡང་། རྒྱས་པའི་རྒྱུད། དགེ་བཤེས་ལ་མི་སློབ་པར་རང་གི་རིག་པས་རྟོགས་པས་རང་རྒྱལ། ཞེའོ། །ཞེས་པས། དེ་ཡང་ཤེས་རབ་ཀྱི་དབང་པོ་རྣོན་པོ་སྟེ་ཉན་ཐོས་ལས་ལྟ་སྤྱོད་ཁྱད་པར་དུ་འཕགས་ཀྱང་། འོན་ཀྱང་བརྗོད་དུ་མེད་དོ་སྙམ་དུ་འདུ་ཤེས་འཇུག་པས་འཛིན་པ་ཆོས་ཀྱི་བདག་ནི་ངེས་པར་ཡོད་པ་ཉིད་དུ་ལྟའོ། ༈ །སྒོམ་པ་ནི། སྒོམ་ཀློང་ལས། བཅུ་གཉིས་ཀྱི་དང་པོ་མ་རིག་པ་བརྒྱད་པ་སྲེད་པ་དང་དགུ་པ་ལེན་པ་གསུམ་རྒྱུ། །གཉིས་པ་འདུ་བྱེད་དང་བཅུ་པ་སྲིད་པ་གཉིས་རྐྱེན་དུ་གནས་ཏེ། །རྣམ་ཤེས། མིང་གཟུགས། སྐྱེ་མཆེད་དྲུག །རེག །ཚོར། སྐྱེ་བ། རྒ་ཤི །བདུན་པོ་འབྲས་བུ་སྡུག་བསྔལ་ཉིད་དུ་གྲུབ་པས། །རྒྱུ་མ་རིག་པ་ནས་བཀག་པ་ནི་འབྲས་བུ་ཡིད་སྦྱིན་བདེ་བའི་མཆོག །ཅེའོ། ༈ །སྤྱོད་པ་སྤྱིར་ཉན་ཐོས་དང་འདྲ་ནི། སྐད་དགུ། སྟོད་ནས་མེ་འབར་བ་སྨད་ནས་ཆུ་འབྲུག་པ་ལ་སོགས་པ་སྤྱོད་པ་ལུས་ཀྱི་རྫུ་འཕྲུལ་སྣ་ཚོགས་གྱིས། །གཞན་གྱི་དོན་ཤས་འགའ་ཙམ་སྤྱོད་པའོ། །ཞེས་འབྱུང་ངོ་། ༈ །འབྲས་བུ་ནི། དབང་པོ་རྣོན་པོ་བསེ་རུ་ལྟ་བུ་གཅིག་པུར་གནས་པ་དང་རྟུལ་པོ་གཞན་ལ་ལྟོས་པས་སྡེ་དང་ཁྱུས་གནས་པ་ཚོགས་ན་སྤྱོད་པ་གཉིས་ཏེ། མཐར་ཡིད་སྦྱིན་བདེ་བ་མཆོག་གི་ས་ཐོབ་བོ་ཞེས་འབྱུང་ངོ་། ༈ །དེ་ཡང་འཐད་པ་མིན་ཏེ། གཏེར་གཏད ། གཟུང་བའི་ཡུལ་བདེན་པར་ཡོད་པ་མིན་ཀྱང་འཛིན་པ་ཡོད་པར་ལྟ་ན། ཡུལ་མེད་པས་ཤེས་པ་དེ་གང་ལ་ངེས་པར་འཛིན་པ་གདུང་ཆད་པའི་སྲས་བཞིན་དུ། རིགས་པས་འཐད་པའི་འཛིན་པ་ཡོད་པ་མ་ཡིན་ནོ། །ཞེས་འབྱུང་ངོ་། ༈ །བྱང་ཆུབ་སེམས་དཔའི་ཐེག་པ་ནི། མདོ་སྡེ་རྒྱན་ལས་བསྡུས་པ། ཐེག་པ་ཆེན་པོ་མདོ་སྡེ་མཐའ་ཡས་ལ། དམིགས་༼༡༽པས་དམིགས་པ་ཆེ། རང་གཞན་གྱི་དོན་སྒྲུབ་པས་སྒྲུབ་པ་ཆེ། བདག་མེད་གཉིས་རྟོགས་པས་ཡེ་ཤེས་༼༡༽ཆེན་༼༡༡༡༽པོ་དང་། བསྐལ་པ་གྲངས་མེད་གསུམ་དུ་དཀའ་བ་ལ་སྦྱོར་བས་བརྩོན་འགྲུས་ཆེ། མཐའ་གཉིས་ལ་མི་གནས་པས་ཐབས་ལ་མཁས་པ་༼༡༽དང་། སངས་རྒྱས་ཀྱི་ཡོན་ཏན་དཔག་ཏུ་མེད་པ་འགྲུབ་པས་གྲུབ་པ་༼༡༽འཁོར་བ་ཇི་སྲིད་པར་སངས་རྒྱས་ཀྱི་ཕྲིན་ལས་མཛད་པས། ཕྲིན་ལས་༼༡༽ཆེན་༼༡༡༡༡༽པོ་བདུན་དང་ལྡན་པས་ན། ཐེག་པ་ཆེན་པོ་ཞེས་བྱ་བར་ནི་ངེས་པར་བརྗོད། །ཅེས་དང་། མདོར་ན་བདག་མེད་གཉིས་རྟོགས་པས་ཤེས་རབ་དང་གཞན་དོན་གཙོར་སྤྱོད་ཀྱི་སྙིང་རྗེ་ཆེ་བའི་ཐེག་པ་ཆེན་པོ་ཞེས་བྱའོ། ༈ །ཐེག་ཆེན་དེའི་ལྟ་བ་ལ་ཡང་དབུ་སེམས་གཉིས་ལས། སེམས་ཙམ་ལས་ཕྱི་རོལ་གྱི་དོན་འགོག་པས་པ་ནི། འཇིག་རྟེན་ན་གྲགས་པ་དང་བསྟན་བཅོས་ལས་འབྱུང་བའི་བདག་དང་སྲོག་དང་སྐྱེ་བ་པོ་དང་ཤེད་ལས་སྐྱེ་བ་ལ་སོགས་པ། བདག་ཏུ་བརྗོད་པ་སྣ་ཚོགས་དང་། ཕུང་ཁམས་སྐྱེ་མཆེད་ལ་སོགས་པ། ཆོས་སུ་ཉེ་བར་འདོགས་པ་སྣ་ཚོགས་པ་དུ་མ་དག་ནི། རྣམ་པར་ཤེས་པར་གྱུར་པ་ལས་ཕྱི་རོལ་ན་དོན་མེད་ལ། གྱུར་པའི་རྣམ་ཤེས་དེ་ཡང་ལས་ཀྱིས་འཕངས་པའི་འབྲས་བུ་རྣམ་པར་སྨིན་པ་ཀུན་གཞི་དང་། དེ་ལ་རྟག་ཏུ་ངར་སེམས་པའི་བདག་ཉོན་ཡིད་དང་ཡུལ་ལ་སོ་སོར་རྣམ་པར་རིག་པ་ཚོགས་དྲུག་དང་གསུམ་ཡིན་ནོ། །བདག་དང་ཆོས་སུ་ཉེར་འདོགས་པ། །སྣ་ཚོགས་དག་ནི་གང་བྱུང་བ། །དེ་ནི་རྣམ་པར་ཤེས་པར་གྱུར། །གྱུར་པ་དེ་ཡང་རྣམ་པ་གསུམ། །རྣམ་པར་སྨིན་དང་ངར་སེམས་དང་། །ཡུལ་ལ་རྣམ་པར་རིག་པའོ། །ཞེས་སུམ་ཅུ་པ་ལས་སོ། ཞེས་སུམ་ཅུ་པ་ལས་འབྱུང་ལ། ཚོགས་བརྒྱད་པོ་དེ་དག་སེམས་ལས་བྱུང་བ་ང་གཅིག་དང་བཅས་པས་རྣམ་པར་བརྟགས་པའི་ཡུལ་ཕྱི་སྣོད་དང་། ཡང་དག་མ་ཡིན་ཀུན་རྟོག་ནི། སེམས་དང་སེམས་བྱུང༴ ཞེས་དྲང་། བདག་དང་ཕུང་པོ་ཁམས་དང་སྐྱེ་མཆེད་གཟུགས་སྒྲ་ལ་སོགས་པའི་དངོས་པོ་དེ་དག་མེད་པས། སུམ་ཅུ་པ་ལས། རྣམ་པར་ཤེས་པ་གྱུར་པ་འདི། རྣམ་པར་རྟོག་པ་ཁོ་ན་ཡིན་ཏེ། དམིགས་པ་མེད་པའི་ཕྱིར་ཁམས་གསུམ་དང་འདུས་མ་བྱས་ཐམས་ཅད་རྣམ་པར་རིག་པ་ཙམ་ནི་དེ་ལས་ལྷག་པའི་ཡུལ་གཅོད་པའོ། །དུ་འདོད་ལ། དེ་ཉིད་ལ་ངོ་བོ་ཉིད་ཀུན་བརྟགས་དང་གཞན་དབང་དང་ཡོངས་སུ་གྲུབ་པའི་མཚན་ཉིད་དང་གསུམ་གྱི་རྣམ་པར་བཞག་ཐམས་ཅད་རྣམ་པར་རིག་པ་ཙམ། རྣམ་རྟོག་ཡིན་ཏེ་དེ་ཡིས་ནི། རྣམ་བརྟགས་དེ་མེད་དེས་ན་འདི། ཞེས་སོ། །པའང་མི་འགལ་བས་བྱེད་དོ། ༈ །དེ་ལ་ཡང་ཕྱི་རོལ་དོན་གྱི་རྣམ་པར་སྣང་བ་འདི། ཤེས་པའི་གོ་བོར་བདེན་པར་འདོད་པའི་རྣམ་པ་བདེན་པར་སྨྲ་བ་ཞེས་སྟེ། དབུ་མ་རྒྱན། ཕྱི་རོལ་གྱི་དོན་མེད་པ་དེ་ཕྱིར་ཡུལ་དུ་སྣང་བ་འདི་ནི་སེམས་པོ་ལས་ལོག་པའི་ཤེས་པ་ཡི་མྱོང་བ་རང་བཞིན་དུ་ཐ་མི་དད་པའི་བདག་ཉིད་ཡིན་པས་བདག་ཤེས་པར་རུང་བས་རང་རིག་པར་འདོད་དོ། །ཕྱི་རོལ་དོན་གྱི་རང་བཞིན་དུ་ཐ་མི་དད་པའི་ཤེས་པ་ལས་གཞན་དུ་གྱུར་པ་དག་ལ། །ཤེས་དེ་ཡིས་འབྲེལ་པ་མེད་པས་དོན་ཇི་ལྟར་ཤེས་པར་འགྱུར། །ཞེས་འབྱུང་ངོ་། །དེ་ལ་ཡང་ཤེས་པ་འདྲ་དུ་མ་མི་སྐྱེ་བར་བཤད་པས་ཤེས་པ་ལ་སྣང་དཀར་དམར་དུ་མར་སྣང་ཡང་བདེན་མིག་གི་ཤེས་པ་རྫས་གཅིག་གི་རང་བཞིན་ཏུ་བདེན་པར་སྨྲ་བ་ཤེས་རབ་འབྱུང་གནས་སྦས་པའི་ལུགས་དང་། རྣམ་པ་དང་ཤེས་པ་ཐ་མི་དད་པས་རྣམ་པ་ལ་གྲངས་གཅིག་དང་དུ་མ་ཇི་སྙེད་ཡོད་པ་བཞིན་ཤེས་པའི་གྲངས་ཀྱང་གཅིག་དང་དུ་མ་དེ་སྙེད་དུ་བདེན་པར་སློབ་དཔོན་ཤཱཀྱ་བློ་སྨྲ་བ་སྟེ་ནང་ཚེགས་གཉིས་ཡིན་ནོ་ཞེས་འབྱུང་ངོ་། ༈ །རྣམ་པ་བརྫུན་པར་སྨྲ་བ་ནི། གཟུགས་ལ་སོགས་དོན་གྱི་རྣམ་པར་སྣང་བ་རྣམས་ནི། ཀུན་ཤེས་གཉི་གར་མི་བདེན་པར་ཀུན་བརྟགས་དངོས་མེད་བརྫུན་པར་འདོད་དེ། དེ་སྐད་དུ། རབ་ཏུ་བྱེད་པ་ཉི་ཤུ་པ། ཁམས་གསུམ་པོ་འདི་དག་ཆོས་ཅན་རྣམ་པར་རིག་ཙམ་ཉིད་ཡིན་ཏེ་བསྒྲུབ་བྱ། བདེན་པར་ཡོད་པ་མ་ཡིན་ཀྱང་དོན་དུ་སྣང་བའི་ཕྱིར། །དཔེར་ན་རབ་རིབ་ཅན་གྱི་མིག་དག་གིས། །ནམ་མཁར་སྐྲ་ཤད་དང་ཟླ་བ་གཉིས་ལ་སོགས་པ་མེད་ཀྱང་མཐོང་བ་བཞིན་ནོ། །ཞེས་འབྱུང་ངོ་། །དེ་ལ་ཡང་། གཤིས་དག་ཀྱང་སྐྱེ་བོ་ལ་འཁྲུལ་པའི་རྣམ་པ་སངས་རྒྱས་ས་ན་ཡོད་པ་དྲི་མ་དང་བཅས་པ་དང་། རང་རིག་ལ་གཟུང་འཛིན་དྲི་མ་གདོད་ནས་མེད་པ་དག་པ་པ་གཉིས་སུ་འདོད། ཅེས་ཀྱང་གྲག་གོ། ༈ །དབུ་མ་པའི་ལྟ་བ་ནི། འཁོར་འདས་ཀྱི་ཆོས་ཐམས་ཅད་བདེན་པ་གཉིས་སུ་འདོད་དེ། ༈ །དེ་ལ་ཀུན་རྫོབ་ནི། དོན་ལྷག །ཐ་སྙད་དུ་སྣང་འཇལ་གྱི་ཤེས་པའི་ངོར། འཁྲུལ་པའི་བློ་ལ་སྣང་བའི་ཡུལ་ཀུན་རྫོབ་ཙམ་ལ་དབྱེ་ན། རྣམ་པར་རྟོག་པས་ཀུན་ཏུ་བརྟགས་པ་དང་རྒྱུ་རྐྱེན་གཞན་གྱི་དབང་ནི་མ་དག་པ་གཟུང་འཛིན་སྣང་བའང་ཀུན་རྫོབ། དག་པ་འཇིག་རྟེན་པའི་ཡེ་ཤེས་ཡུལ་ཇི་སྙེད་པ་དང་བཅས་པའང་ཀུན་རྫོབ། ༈ །སྣང་བ་ལ་དེ་དང་མཐུན་པར་དོན་བྱེད་ནུས་པ་ནི་ཡང་དག་པའི་ཀུན་རྫོབ་སྟེ་དེ་ལ་སྤང་བྱ་སྒྲིབ་པ་དང་། དེ་སྤོང་བྱེད་ཀྱིི་གཉེན་པོ་ཚོགས་སྦྱོར་མཐོང་སྒོམ་མཐར་ལམ་ལྔ་དང་། སྤངས་པའི་འབྲས་བུ་ཡེ་ཤེས་བཞི་དང་སྐུ་གཉིས་ཀྱང་ཀུན་རྫོབ། སྣང་བ་ཙམ་ལས་དོན་མེད་པས་གྲུབ་མཐའ་ངན་པས་བརྟགས་པའི་རྟོག་བཅས་༼༡༽དང་དབང་ཤེས་རྟོག་མེད་༼༡༽འཁྲུལ་༼༡༽པའི་ལོག་པའི་ཀུན་རྫོབ། ཞེས་གསུངས་སོ། ༈ །དེ་ལ་ཡང་། སློབ་དཔོན་ཞི་བ་འཚོ་ཀུན་རྫོབ་ཏུ་ཕྱི་རོལ་གྱི་དོན་མེད་པར་རྣམ་པར་ཤེས་པ་ཙམ་དུ་སྨྲ་བ་རྣལ་འབྱོར་སྤྱོད་པའི་དབུ་མ་དང་། སློབ་དཔོན་བྷ་བྱ་དང་ཡེ་ཤེས་སྙིང་པོ་གཉིས་ཕྱི་ནང་གི་དངོས་པོ་ཐམས་ཅད་རྟེན་ཅིང་འབྲེལ་བར་འབྱུང་བ་སྒྱུ་མ་ཙམ་དུ་ཡུལ་སེམས་ཐ་དད་དུ་འདོད་པའི་མདོ་སྡེ་སྤྱོད་པའི་དབུ་མ་གཉིས་ཀུན་རྫོབ་ཅུང་ཟད་མི་མཐུན་ཡང་། དབུ་མ་སྣང་བ་ལས། དབུ་མ་འདི་གཉིས་ཀུན་རྫོབ་ཏུ་ཅུང་ཟད་མི་མཐུན་ཡང་། ཟླ་བ་གྲགས་པས་འཇིག་རྟེན་གྲགས་ངོ་དང་བསྟུན་ནོ། །དོན་དམ་པར་ཕྱི་ནང་གི་དངོས་པོ་ཐམས་ཅད་རང་བཞིན་མེད་པར་འདོད་དུ་གསུམ་ཀ །འདྲ་བས་ན་འགལ་བ་མེད་དོ། །ཞེས་འབྱུང་ངོ་། །ཡང་དག་པའི་ཀུན་རྫོབ་དེ་དག་ཀྱང་ཆོས་ཉིད་ལམ་རིམ་ལས། སྒྱུ་མ་ལྟ་བུ་རྐྱེན་ལས་སྐྱེས། །ཕྲལ་སྣང་བྱ་བ་ཀུན་ཀྱང་བྱེད། །རྟོག་ཅན་རྣམས་ལ་མཐུན་པར་ཚད། །གཟུགས་བརྙན་འདྲ་ཕྱིར་བརྟགས་ན་དབེན། །དེ་ཕྱིར་ཐམས་ཅད་སྒྱུ་མ་ཙམ། །བཞི་དང་ལྡན་ཏེ། ཡང་དག་པའི་དོན་མཐོང་བ་ལ་བསྒྲིབས་པས་དེ་སྐད་དུ་ཀུན་རྫོབ་ཅེས་བྱའོ། ༈ །དོན་དམ་པ་ནི། དྲི་མེད་གསང་སྒྲོན་ལས། བརྟགས་པའི་སྐྱེ་བ་ལ་སོགས་པས་སྟོང་པ་རྣམ་གྲངས་ཀྱི་དོན་དམ་པ་ནི་རིགས་པའི་ཤེས་པས་སྣང་བ་ལ་གཞིགས་པས་སྤྲོས་པ་ཕྱོགས་རེས་སྟོང་པའོ། ༈ །བརྟགས་པའི་སྤྲོས་པའི་མཐའ་ཐམས་ཅད་ལས་གྲོལ་བའི་སྟོང་ཉིད་རྣམ་གྲངས་མ་ཡིན་པའི་དོན་དམ་པའི་བདེན་པ་ནི། ཤེས་བྱེད་རྣམ་པར་མི་རྟོག་པའི་ཡེ་ཤེས་ཀྱི་ཡུལ་དུ་གྱུར་པ་ལས། ཤེས་བྱ༼༡༽། རྣམ་༼༣༽དག །ཆོས་༼༢༽དབྱིངས། འགྲོ་འོང་ལ་སོགས་སྤྲོས་༼༤༽པ་བརྒྱད་དང་བྲལ་བ་ལ། ཡུལ་དང་ཡུལ་ཅན་དུ་རྟོག་བཅས་ཀྱི་ཤེས་པས་བརྟགས་ཀྱང་། དོན་གྱི་ངོ་བོ་ཉིད་ལ་སྨྲ་བརྗོད་ཀྱི་མཐའ་ལས་འདས་པའི་སྟོང་པ་ཉིད་ཡིན། ཅེས་གསུངས་སོ། ༈ །དེ་ལྟར་གཞི་མ་གྲུབ་པ་ལ་ཁྱད་པར་གྱི་ཆོས་མི་འདྲ་བའི་དབྱེ་བ་མེད་དེ། དབུ་མ་འཇུག་པ་ལས། ཆོས་ཉིད་ཤེས་པ་དམ་པའི་ཡུལ་དོན་གྱི་བདེན་པ་དེ་ལ། གྲངས་ཀྱི་དབྱེ་བའི་སྤྲོས་པ་ཉེ་བར་ཞི་བ་ཡིན། ཞེས་འབྱུང་ངོ་། ༈ །དེའི་མིང་དོན་ནི། ལམ་རྣམ་བཀོད། ཤེས་པར་བྱ་བའི་ཡུལ་གྱི་མཆོག་ཏུ་གྱུར་པ་དོན་གྱི་དམ་པ་ཤེས་རབ་དམ་པ་ཡི། ཡུལ་ཡིན་བས་དམ་པའི་དོན་རྟོག་གེ་བའི་ཡུལ་མ་ཡིན་གྱི། མི་སླུ་བ་དང་ངེས་པའི་ཕྱིར་བདེན་པའི་སྒྲ་འཇུག་གོ། །ཞེའོ། ༈ །སྒྱུ་མ་རིགས་གྲུབ་པ་དང་སྟོང་པ་ཉིད་ལ་ཞེན་པའི་མཚན་མར་སྨྲ་བ་ནི་དབུ་མ་ཆེན་པོའི་དགོངས་པ་མ་ཡིན་ནོ། །ཞེས་འབྱུང་ངོ་། ༈ །དབུ་སེམས་དེ་དག་གི་ཏིང་ངེ་འཛིན་ནི་བསོད་ནམས་ཀྱི་ཚོགས་སོགས་པས་ཚོགས་ལམ་དུ་ལུས། སེམས། ཚོར་བ། ཆོས་དྲན་ཆུང་ངུ་པ་ནི་མཚན་ཉིད་མ་ནོར་བར་ཤེས་པའི་ལྷག་མཐོང་ཉེ་བར་གཞག་པ་ནི་དེ་ཉིད་ལ་རྩེ་གཅིག་ཏུ་འཇོག་པའི་ཞི་གནས་བཞི་དང་། འབྲིང་པོ་ཡང་དག་པར་སྤོང་བ་བརྩོན་འགྲུས་ཀྱི་རང་བཞིན་བཞི་དགེ་བ་མ་སྐྱེས་པ་སྐྱེད། སྐྱེས་པ་སྤེལ། སྡིག་པ་མ་སྐྱེས་པ་མི་སྐྱེད། སྐྱེས་པ་སྤོང་བ་དང་། རྫུ་འཕྲུལ་གྱི་མངོན་ཤེས་ལྔ་ལ་དེར་འགྲོ་བའི་རྒྱུ་ཡིན་པས་རྐང་པ་བཞི་སྒོམ་མོས་དང་བརྩོན་འགྲུས་སེམས་དང་དཔྱོད་ལ། ༈ །མོས་པ་སྤྱོད་པའི་ས་སྦྱོར་བའི་ལམ་དུ་ཐར་པ་ཆ་མཐུན་གྱི་དགེ་བ་ལ་དབང་བས་དབང་པོ་དད་བརྩོན་དྲན་པ་ཏིང་འཛིན་ཤེས་རབ་ནི། ལྔས་སྣང་བ་ཐོབ་པས་དྲོད་དང་མཆེད་པ་རྩེ་མོར་གནས་ལ། །མི་མཐུན་པས་མི་ཉམས་པས་སྟོབས་ལྔས་དོན་གྱི་ཕྱོགས་གཅིག་ལ་ཞུགས་པས་བཟོད་པ་དང་འཇིག་རྟེན་དེ་མ་ཐག་པ་ཆོས་མཆོག་ཏུ་གྱུར་ཏེ། ལམ་དེ་གཉིས་ལྟ་བ་བདེན་གཉིས་ཀྱི་དོན་སྤྱིའི་རྣམ་པ་ཙམ་ལ་དམིགས་པས་ཞི་གནས་འབའ་ཞིག་སྒོམ་པ་ལ། བསྐལ་པ་གྲངས་མེད་པ་གཅིག་གིས་མཐོང་ལམ་ལ་སྦྱོར་བས་སྦྱོར་ལམ་རོ། ༈ །མཐོང་ལམ་ཐམས་ཅད་སྟོང་ཉིད་དུ་རྟོགས་པའི་རྣམ་པར་མི་རྟོག་པའི་ཡེ་ཤེས་ནི་ཆོས་རྣམ་པར་འབྱེད་པ་སྟེ་དེ་ལ། ས་དང་པོ་རབ་ཏུ་དགའ་བའི་ས་ལ་གནས་པའི་ཚེ་བྱང་ཆུབ་ཅེས་བྱ་སྟེ་གཙོ་བོ་དང་ཡན་ལག་གཉིས་ཀའོ། །ཀྱི་ཡན་ལག་བདུན་དྲན་པ་དང་། རྣམ་པར་ཆོས་འབྱེད། བརྩོན་འགྲུས། དགའ་བ་དང་། ཤིན་ཏུ་སྦྱངས་པ་དང་། ཏིང་ངེ་འཛིན། བཏང་སྙོམས་བདུན་དང་ལྡན་ལ། ༈ །ས་གཉིས་པ་ནས་དྲི་མ་མེད་པ། འོད་བྱེད་པ། འོད་འཕྲོ་བ། སྦྱང་དཀའ་བ། མངོན་དུ་གྱུར་པ་། རིང་དུ་སོང་བ་བརྒྱད་པ་མི་གཡོ་བའི་བར་མཐོང་སྤང་སྒོམ་སྤང་རིང་དུ་སྤངས་པས་འཕགས་པའི་དེར་འགྲོ་བའི་སྒོའམ་རྒྱུ་ལ་ལམ་གྱི་ཡན་ལག་བརྒྱད་ལྟ་བ། རྟོག་པ། ངག་དང་། ལས་ཀྱི་མཐའ། འཚོ་བ། རྩོལ་བ། དྲན་པ། ཏིང་ངེ་འཛིན། བསྒོམ་མོ། ༈ །སྡུག་བསྔལ་ལ་སོགས་པ་འཕགས་པའི་བདེན་པ་བཞི་དང་བསམ་གཏན་བཞི་དང་ཚད་མེད་པ་བཞི་སྙོམས་འཇུག་བཞི། རྣམ་པར་ཐར་པ་བརྒྱད། མཐར་གྱིས་གནས་པ། ལ་སོགས་པ་ཡང་ལམ་གྱི་གྲོགས་ཙམ་དུ་གནས་སོ། ༈ །མཐོང་སྒོམ་གྱི་ལམ་པོ་དེ་དག་ལ་ཡང་བསྐལ་པ་གྲངས་མེད་གཅིག་གིས་སྒྲིབ་པར་རག་པ་སྦྱོང་ངོ་། ༈ །ས་བརྒྱད་པ་དང་ས་དགུ་པ་ལེགས་པའི་བློ་གྲོས་དང་བཅུ་པ་ཆོས་ཀྱི་སྤྲིན་ལ་གནས་པའི་ཚེ། དེ་བཞིན་གཤེགས་པ་ལོངས་སྐུའི་ཞལ་བསྟན་པ་དང་ཕྱག་གིས་སྤྱི་བོར་བཀབ་པས་དབང་བསྐུར་ནས། འཚང་རྒྱ་བ་ལ་གང་གིས་ཀྱང་བར་ཆད་པ་མེད་པའི་ལམ་གཉེན་པོ་གཞན་མེད་པས་རྡོ་རྗེ་ལྟ་བུའི་ཏིང་ངེ་འཛིན་དྲི་མེད་དམ་པའི་ཤེས་རབ་གྱིས་ཤེས་བྱ་ཐམས་ཅད་མཁྱེན་པ་ཁོ་ན་ལ་སྒྲིབ་པ་ཤིན་ཏུ་ཆ་ཕྲ་བ་དེ་བསྐལ་པ་གྲངས་མེད་པ་གཅིག་གིས་རྒྱུན་བཅད་ནས་སངས་རྒྱས་ཀྱི་ས་ཐོབ་པ་ནི་བདག་གཞན་གྱི་དོན་མཐར་ཕྱིན་པའི་ལམ་མོ། ༈ །སྤྱོད་པ་ནི། སྡོམ་པ་ཉི་ཤུ་པ་ལས། འགྲོ་བ་འདུལ་བའི་རྐྱེན་དུ་འཚམ་པར་བཞིན་དུ་ཚར་མི་གཅོད་པ་དང་། རྫུ་འཕྲུལ་བསྟན་ནས་སྲིད་བསྡིགས་པ་སོགས་པ་སྦྱོར་བ་དམ་པ་མིན་པས་འདུལ་བཞིན་དུ་མི་བྱེད་ན་ཉམས་པར་འགྱུར། བསམ་པ་སྙིང་རྗེར་ལྡན་པའི་ཕྱིར་དང་བྱམས་པའི་ཕྱིར་དང་། སེམས་དགེ་བ་ལ་དགེ་སྡིག་གང་སྤྱད་ཀྱང་ཉམས་པའི་ཉེས་པ་མེད། ཅེས་འབྱུང་སྟེ། དེ་ཡང་། ཐོག་བསྡུས། ཐབས་བྱམས་སྙིང་རྗེ་ཆེན་པོ་རྣམས་དང་ལྡན་པ་ལ། །ཉོན་མོངས་པ་སྤྱོད་པ་ཉིད་བྱང་ཆུབ་ཐོབ་པའི་ཡན་ལག་ཏུ་འགྱུར། །ཞེས་དང་། སྤྱོད་འཇུག་ལས། ཐུགས་རྗེ་ཆེན་པོ་མངའ་བའི་གདུལ་བྱ་རིང་བ་ཕ་རོལ་གཟིགས་པས་ཉན་ཐོས་ལ་བཀག་པ་རྣམས་ཀྱང་བྱང་ཆུབ་སེམས་དཔའ་དེ་ལ་གནང་། ཞེས་འབྱུང་བས། མདོར་བསྡུ་ན་ཅི་བྱེད་ཀྱང་སྙིང་རྗེས་གཞི་བཟུང་ནས་སྤྱོད་པའོ། ༈ །འབྲས་བུ་ནི། ས་ལམ་གྱི་ཀློང་ལས། སྐུ་གསུམ་ཆོས་ལོངས་སྤྲུལ་ཡེ་ཤེས་མེ། མཉམ། སོ། བྱའི། བཞི་ཡི་བདག་ཉིད་ཡིན་དེ། ཆོས་སྐུ་མཉམ་པར་བཞག་པ་ལ་གཟུགས་སྐུ་གཉིས་ཀྱི་རྗེས་ཐོབ་ཀྱི་ཚུལ་དུ་གནས་པའམ། སངས་རྒྱས་མཉམ་བཞག་འབའ་ཞིག་ཙམ་ཡིན་ལ་གཟུགས་སྐུ་གཉིས་པོ་འདུལ་བྱ་འཁོར་གྱི་བློ་ལ་སྣང་༼༠༽བས་སྒྲོ་འདོགས་པར་འདོད་པ་དང་། ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བ་ཉིད་ཙམ་ཞིག་ཆོས་སྐུ་ཡིན་ལ་གཟུགས་སྐུ་གཉིས་དེ་༼༠༽བཞིན། ཀུན་རྫོབ་སྒྱུ་མ་ཙམ་དུ་རང་སྣང་གི་ཡེ་ཤེས་གནས་པར་འདོད་པའང་འཁོར་གྱི་སྣང་བ་དེའི། སྒྲིབ་པ་ཐམས་ཅད་སྤངས་པས་ཀུན་ཏུ་འོད་ཀྱི་ས་སྟེ་དེ་ལ་བཞག་པ་ཡིན། ཞེས་དགའ་རབ་ཀྱིས་གསུངས་པ་བཞིན་ནོ། ༈ །སུན་དབྱུང་བ་ནི། སེམས་ཙམ་པ་མྱོང་བ་གཉིས་མེད་ཀྱི་ཤེས་པ་རང་རིག་རང་གསལ་དོན་དམ་པའི་བདེན་པར་འདོད་པ་ཡང་མི་འཐད་དེ། དེ་སྐད་དུ། དོན་ལྷག །རང་རིག་གཞན་དབང་ལས་སྐྱེ་བ་དེ་ཡང་རྟག་པ་ལས་སྐྱེའམ་མི་རྟག་པ་ལས་སྐྱེ་བར་འགྱུར་ཞེས་བརྟག་གྲང་ན། རྟག་པ་ལས་སྐྱེ་ན། རིམ་དང་ཅིག་ཅར་དུ་བརྟགས་པས། བྱེད་པ་པོར་མི་འཐད་ལ། མི་རྟག་པ་ལས་སྐྱེ་ན། དུས་གསུམ་གྱི་འདས་པ་ལས་སྐྱེའམ་མ་འོངས་པ་ལས་སྐྱེ། འདས་པ་ལས་སྐྱེ་ན་ཞིག་ནས་མེད་པས་སྐྱེད་བྱེད་ཀྱི་རྒྱུ་མིན། མ་འོངས་པ་ལས་སྐྱེ་ན་མ་སྐྱེས་པས་མེད་པ་དེ་དང་འདྲ་སྟེ་དངོས་མེད་དེ་གཉིས་ཀྱིས། ད་ལྟར་བ་ལ་ཕན་མ་བཏགས་པས་རྒྱུ་མིན་ནོ། །གལ་ཏེ་རྒྱུ་སྔ་མ་མ་ཞིག་ལ་སྐད་ཅིག་མ་གཞན་གྱིས་བར་མ་ཆོད་པར་འབྲས་བུ་ད་ལྟར་བ་སྐྱེ་འོ་ཞེ་ན་བདག་ཉིད་ཐམས་ཅད་ཀྱིས་བར་མ་ཆོད་དམ། ཕྱོགས་གཅིག་གིས་བར་མ་ཆོད། གཉིས་པ་ལྟར་ན། དེ་ཡང་སྐད་ཅིག་མ་སྔ་མ་འགགས་པའི་དུས་ན་ད་ལྟར་བ་རང་རང་སྐྱེ་བའི་ཕྱོགས་ཀྱི་དུས་དང་། སྐད་ཅིག་མ་ཕྱི་མ་སྐྱེད་པའི་དུས་སུ་ད་ལྟར་རང་འགག་པའི་ཕྱོགས་ཀྱི་དུས་དང་ཆ་གཉིས། ལྡན་ཏེ་ཕྱོགས་གཅིག་གིས་མ་ཆོད་ན་དུས་ཆ་ཡོད་པ་དེ་རྒྱུན་ཡིན་གྱི་དུས་མཐའི་སྐད་ཅིག་མའི་མིང་གི་དོན་དང་འགལ་བས་ན། དེ་ཡང་མི་འཐད་དོ། ༈ །དང་པོ་ལྟར་ན་སྔར་གྱི་རྒྱུ་འགག་དུས་ཀྱི་ད་ལྟར་བ་རང་སྐྱེ་བའི་ཕྱོགས་དང་། འབྲས་བུ་ཕྱིས་སྐྱེ་དུས་ཀྱི་ད་ལྟར་བ་རང་འགག་པའི་ཕྱོགས་གཉིས་གཅིག་སྟེ་བདག་ཉིད་ཐམས་ཅད་ཀྱིས་མ་ཆོད་ན་དེ་བཞིན་དུ་སྔ་ཕྱི་ཐམས་ཅད་དུས་མཐའི་སྐད་ཅིག་གཅིག་ལ་ཐིམ་པར་འགྱུར་བས་དུས་རྒྱུན་འཆད་དེ་བསྐལ་པ་ཡང་སྐད་ཅིག་ཉིད་དུ་ཐལ་པར་འགྱུར་རོ། །ངེས་དོན་གྱི་མདོ་ཟབ་ཅིང་རྒྱ་ཆེ་བ་ལས་སྐྱེ་འགག་གི་རྒྱུན་ལས་གྲོལ་བའི་ཡེ་ཤེས་བསྔགས། འཕགས་པ་རིགས་པ་ཅན་ཡབ་སྲས་གྱིས་དངོས་པོར་ལྟ་བ་ལ་ཤིན་ཏུ་སྨད། རྟག་ཏུ་སྐྱེ་ཆོས་རྣམས་ཐམས་ཅད་དེ་བཞིན་གཤེགས་དང་འདྲ། བྱིས་པའི་བློ་ཅན་མཚན་མར་འཛིན་པ་དག །འཇིག་རྟེན་དག་ན་མེད་པའི་ཆོས་ལ་སྤྱོད། ཅེས་དེ་བཞིན་གཤེགས་པ་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བ་རྒྱན་གྱི་མདོ་ལས་གསུངས་སོ། །ཅེས་དང་། ༈ །ལང་གཤེགས། བློ་ཡིས་དངོས་པོ་ལ་རྣམ་པར་གཞིགས་ན་ནི། རྒྱུ་རྐྱེན་གཞན་གྱི་དབང་གིས་སྐྱེ་བ་མེད་ཅིང་ཀུན་ཏུ་བརྟགས་པ་འང་མེད། ཡོངས་སུ་གྲུབ་པའི་དངོས་པོ་ཡང་བདེན་པར་མེད་ན། ཞེས་པ་རང་བཞིན་མེད་༼ངོ་༽ ཅིང་རྣམ་རིག་༼ཤེས་དྲུག༽མེད། །དངོས་༼ཉོན་༽པོ་མེད་ཅིང་ཀུན་གཞི་མེད། །རོ་མཚུངས་བྱིས་པ་རྟོག་གེ་བ། །ངན་པ་རྣམས་ཀྱིས་འདི་དག་བརྟགས། །མཚན་ཞི་མའི་དངོས་པོ་རྣམ་རིག་ཤེས་དང་། །ཉོན་ཡིད་ཀྱིས་གཡོ་བ་གང་ཡིན་ལས། །ང་ཡི་སྲས་རྣམས་རབ་འདས་ནས། །དེ་དག་རྣམ་པར་མི་རྟོག་དཔྱོད། །ཅེས་སོ། །ལ་སོགས་པ་འབྱུང་ངོ་། ༈ །དབུ་མ་པའི་ཀུན་རྫོབ་ཀྱི་བདེན་པ་མི་འཐད་པ་ནི། དོན་ལྷག །ལམ་དང་འབྲས་བུ་ཡེ་ཤེས་ཀུན་རྫོབ་ཏུ་འདོད་པ་ནི་ཀུན་རྫོབ་ཀྱི་མཚན་ཉིད་དང་ལམ་འབྲས་རིགས་པས་བརྟགས་ན་འགལ། དེས་ན་ཡང་དག་པའི་དོན་ལ་རྫོབ་ཅིང་ངེས་པའི་དོན་ལ་སྒྲིབ་པའི་ཕྱིར་མཚན་ཉིད་དེ་དང་། མཐོང་ལམ་དེས་རྟོགས་ནས་སྒོམ་ལམ་ངེས་དོན་ལ་གནས་པར་འདོད་པ་དེ་གཉིས་གཅིག་ཏུ་ག་ལ་རིགས། ཞེའོ། ༈ །དོན་དམ་མི་འཐད་པ་ནི། གཤིས་ཀྱི་ཆོས་ཉིད་སྤྲོས་པའི་མཐའ་དང་བྲལ་བའི་ངང་ཚུལ་ཡིན་པ་དེར་གྲོལ་བ་སངས་རྒྱས་སུ་བཟུང་བ། དེ་ལྟར་དུ་བདེན་ན་དང་པོ་འཁྲུལ་སྣང་འཆར་བའི་རྟེན་རང་སྣང་ཡང་མེད་པར་ཟད། སྤྲོས་བྲལ་དེ་འཇལ་བའི་རིགས་པའང་མི་རྙེད་ལ་ཡེ་ཤེས་དེ་རྒྱུན་གཅོད་པའི། གཉེན་པོའང་མི་འཐད་ལ་སངས་ཀྱི་ཡེ་ཤེས་མེད་ན་ལུང་ཡང་བརྫུན་པར་འགྱུར། འགྲོ་བའི་དོན་ནུས་པའི་གཞི་ཆོས་སྐུ་ལ་བཀག་པས་ཐེག་དམན་ཉན་རང་གི་འདོད་པ་དང་མཚུངས་པར་ལྡན། སྔོན་ལམ་དུ་སྨོན་ལམ་བཏབ་པ་དང་སེམས་བསྐྱེད་པ་དང་མོས་ཙམ་གྱིས་འགྲོ་དོན་དེ་འགྲུབ་པར་འདོད་པས་ཉན་རང་དང་མི་འདྲའོ་ཞེ་ན། དེང་སང་འགྲོ་བ་ཐམས་ཅད་རྒྱུན་ཆད་པར་ཐལ། སེམས་ཅན་བསྒྲལ་བར་དམ་བཅས་པའི་སྨོན་ལམ་མི་འགྲུབ་པའོ། །དངོས་སུ་ཆད་པར་ལྟ་བ་ཁས་བླངས་སོ། །འདིར་ཞེན་པའི་སྟོང་པ་ཉིད་ཀྱི་འདམ་ལས་སྔར་སུའང་མ་ཐོན། ཞེས་འབྱུང་ཞིང་། ༈ །དབུ་སེམས་དེ་དག་གི་འབྲས་བུ་ཡང་མཐར་ཐུག་གི་འབྲས་བུ་མ་ཡིན་ཏེ། ཐེག་ཆེན་སྒྲོ་མ། མཚན་ཉིད་པས་བསྐལ་པ་གྲངས་མེད་དུ་བསྒྲུབས་པས་གྲུབ་པའི་འབྲས་བུ་ཀུན་ཏུ་འོད་ཀྱི་ས་ནི། ཐེག་པ་ཆེན་པོ་གསང་སྔགས་ཀྱི་བསྟི་གནས་ཙམ་གྱི་ས་རུ་བསྟན། ཞེས་འབྱུང་བའོ། ༈ །དེ་དག་ལས་རྡོ་རྗེའི་ཐེག་པ་ཁྱད་པར་གོ་བ་མྱུར་བུལ། གཏན་ལ་འབེབས་ཚུལ་མཆན། གྲུབ་མཐའ་ལ། མཆན་མཐའི་སྐྱོན་གྱིས་གོས་མ་གོས། ཉམས་སུ་ལེན་ཚུལ་ཆོས་ཉིད་ཡུལ་དུ་བྱེད་མི་བྱེད། གདུལ་བྱ་ལ་དབང་པོ་རྣོ་རྟུལ། འགྲུབ་པའི་དུས་ཉེ་རིང་། འབྲས་བུ་ལ་གནས་སྐབས་མཐར་ཐུག །གཞུང་ལེགས་པར་བརྟགས་ཏེ་དོན་གསལ་བར་སྟོན་མི་སྟོན་དང་། བདུན་དང་། མདོ་རྒྱུད། ཕར་ཕྱིན། གསང་སྔགས། བླ་མེད། ཐབས། ཐེག་ཆེན་དང་། ཆེན་པོའི་ཆེན་པོ། རྒྱུ་མཚན་ཉིད་དང་། འབྲས་བུ་རྡོ་རྗེའི་མིང་གི་ཁྱད་པར་ལྔ་ཡིས་འཕགས་པར་མཁས་པ་ཉ་རི། རྔོད་ཕུ་བ་དག་གིས་གསུངས་ཀྱང་། དབུ་སེམས་དང་ཀྲི་ཡོག་ཡན་ཆད་ཀྱི་ཁྱད་པར་ཡིན། སྤྱིར་གྲངས་ངེས་མེད་ཀྱང་། མདོར་བསྡུ་ན་དོན་དམ་པ་རང་བཞིན་ཅི་ཡང་མ་ཡིན་པ་ལས། སློབ་དཔོན་པདྨས་ཐབས་ཞགས་ཀྱི་འགྲེལ་པར། ཆོས་ཐམས་ཅད་མཚན་མ་མེད་པ་ལས་བྱུང་བས་དོན་དམ་པ་ནི་རྒྱུའོ། །སྒྱུ་མ་ཙམ་དུ་སྣང་བས་ཀུན་རྫོབ་ནི་འབྲས་བུ་ཡིན་པར་རིག་པར་བྱའོ། །ཞེས་སོ། །རྣམ་བཀོད་ལས། བཞིན་འགྱུར་བཞིན་ལས་གཡོས་མེད་ལྟར། །ཀུན་དངོས་རིག་པ་ཅིར་སྣང་ཕྱིར། །ངོ་བོ་ཉིད་ཀྱི་རྒྱུ་རུ་གཅིག །ཅེས་སོ། །ཆོས་ཐམས་ཅད་ཀྱི་ངོ་བོ་ཉིད་ཀྱི་རྒྱུར་ལྷུན་གྱིས་གྲུབ་པས་དངོས་སྟོང་གི་མཐར་མ་ལྷུངས་པ་དང་། ལམ་རིམ་ལས། ཐམས་ཅད་དག་ཅེས་བྱ་བ་ཡང་། དངོས་པོ་བསལ་དག་མ་ཡིན་ཏེ། སྣང་སྤྱོད་ཉིད་ན་རྣམ་པར་དག །དེ་ཕྱིར་ཀུན་རྫོབ་བརྫུན་མི་བལྟ། ཞེས་སོ། །དེ་ཉིད་ཅིར་ཡང་མི་འགག་པར་ལྷའི་དཀྱིལ་འཁོར་ལ་སོགས་པར་སྣང་བས། ཀུན་རྫོབ་འཁྲུལ་པའི་མཐར་མ་ལྷུངས་པས་ཁྱད་པར་དུ་གྱུར་པའོ། ༈ །རྡོ་རྗེའི་ཐེག་པ་དེ་ལ་ཕྱི་ནང་གཉིས་ལས་ལྟ་སྤྱོད་སྒྲུབ་པས་ཕྱི་པ་འདུལ་སྡོམ་ཐུབ་པར་སྲུང་པ་རྒྱུད་ལ་གསུམ་གྱི། ༈ །དང་པོ་ལུས་ངག་གི་བྱ་བ་གཙོར་སྟོན་པས་ཀྲི་ཡ་པ་ནི། དོན་དམ་པ་དག་པའི་ཆོས་ཉིད་ཡོད་མེད་རྟག་ཆད་ཀྱི་མཐའ་བཞིའི་སྤྲོས་པ་དང་བྲལ་བ་ལ། ཀུན་རྫོབ་ཏུ་མེ། མཉམ། སོ། བྱ། ཡེ་ཤེས་བཞིའི་ཡོན་ཏན་རིགས་དེ། པད། རྡོ་རྗེའི། གསུམ་གྱི་ཡེ་ཤེས་དལ་ཡེ་ཤེས་པ། རྗེ་བོ་དམ་ཚིག་པ་འབངས་ཀྱི་ཚུལ་དུ་ལྟ་བའོ། ༈ །ཏིང་ངེ་འཛིན་གྱིས་དམ་ཚིག་པ་མཚན་བཤེན་གསུམ། ཁ་དོག །དབྱིབས། རིགས། ཆོས་ཉིད་སྟོང་པ། གྲག་པ་སྒྲ་བརྙན་གྱི། གདན་ཟླ་བའི། གསུང་ཡིག་འབྲས་བུའི། ཐུགས་ཕྱག་མཚན། སྐུ་ཡོངས་རྫོགས་དང་རྗེ་ལྷ་དྲུག་དང་ལྡན་པར་བསྐྱེད་དེ། སྒོམ་ཀློང་ལས། ཡེ་ཤེས་ཅན་རྗེ་བོའི་ཚུལ་དུ་སྤྱན་དྲངས་ཏེ། མཁའ་ཡི་རྟེན་གཟུགས་བརྙན་ལ་ཕྱག་རྒྱ་བཞིས་གཟུད། དེ་ལ་གཙང་མའི་མཆོད་པ་ལྔའམ་བདུན་གྱིས་མཆོད་ལ་མཉམ་བཞག་སྟེ། བདག་ལྷ་འཕྲོ་འདུའི་གསལ་བ་གསུམ་དང་ལྡན་པས་སྔགས་བཟླས་པའི་སྐྱོན་རྔམ་ཀློག་ལས། སྒྲ་ཆེ་མ་ཡིན་ཆུང་བ་མིན། །མགྱོགས་པར་ཡིན་བུལ་བར་མིན། །དྲག་པར་མ་ཡིན་དལ་བར་མིན། །ཡིག་འབྲུ་ཡན་ལག་ཉམས་པ་མིན། །ཡེངས་མིན་གླལ་སགོས་བར་མ་ཆོད། །རྒྱུ་བའི་སེམས་པ་སྤངས་པ་དང་། །ཞེས་སོ། །བཅུ་སྤངས་ནས་ནི། ཐུན་མཚམས་སུ་ཡེ་ཤེས་སེམས་དཔའ་ལ་མཆོད་པ་དང་བསྟོད་པ་དང་བཤགས་པ་ལ་སོགས་ཟིན་པ་དང་ལྷ་ཡེ་ཤེས་པ་གཤེགས་སུ་གསོལ་ལ། དམ་ཚིག་པའི་དཀྱིལ་འཁོར་བསྡུས་ནས་རྣལ་འབྱོར་པའི་སྤྱོད་ལམ་ཅི་བདེར་གནས་པར་བྱ། ཞེས་འབྱུང་བ་བཞིན་དུ་ཡེ་ཤེས་པའི་བྱ་བ་རྣམས་སོ། ༈ །དེ་ཡང་སྤྱོད་པ་ལུས་ངག་གི་བྱ་བྱེད་གཙོ་བོར་ལེན་ཏེ། བྱ་བ་ལ་གཙོར་བྱེད་པའི་ལམ་པས་མ་སྨས་པ་གཙང་མའི་ཁ་ཟས་༼༠༽དཀར་གསུམ་ལ་སོགས་པ། རས་གཙང་མ་ཁ་དོག་ཚོན་གྱིས་བསྒྱུར་བའི་གོས་གྱོན་དེ་ཡང་ཡར་ངོའི་ཚེས་བརྒྱད་ལ་སོགས་པའི་དུས་བཟང་ལ། གཟའ་༼༡༽ཕུར་བུ་དར་བ་དང་རྒྱུ་སྐར་༼༡༽རྒྱལ་བ་སོགས་བཟང་༼༡༡༽བའི་ཚེ་ལྷའི་གཟུགས་བརྙན་༼༠༽དང་། སྦགས་བཙོག་མེད་པར་གཙང་མའི་མཆོད་པ་ཡོ་བྱད་༼༠༽༼༠༽བསོགས་༼༠༽༼༠༽ནས་གདོང་ལ་སོགས་པ་ཁྲུས་བྱས་ཏེ། ཞེས་འབྱུང་ངོ་། ༈ །ཨུ་པ་ཡ་ནི། དོན་དམ་པ་སྟོང་པ་ཉིད་ལས་ཀུན་རྫོབ་ཏུ་ཡུལ་རྣམ་སྣང་དང་ཡུལ་ཅན་ནམ་མི་བསྐྱོད་པ་བྱ་བ་རིན་འབྱུང་བྱེད་པ་དོན་གྲུབ་གང་རུང་བསྡུས་པའི་ལྷ་རིགས་བཞི་ལ་ཡེ་ཤེས་པ་དཔོན་དམ་ཚིག་པ་གཡོག་གི་ཚུལ་ཏུ་བྱིན་རླབས་སྣང་བར་ལྟ་བ་ཙམ་མི་མཐུན་པ་ལས་གོང་མ་ཡོ་ག་འོག་མ་ཀྲི་ཡ་གཉིས་དང་མཐུན་ཏེ། སྒོམ་ཀློང་། གཉི་ག་དང་མཐུན་པར་སྤྱོད་པའི་རྒྱུད་ཀྱིས་བྱ་བ་དང་རྣལ་འབྱོར་པ། གཉི་གའི་མཐུ་ལས་འབྲས་བུ་གྲུབ་པར་འདོད་པ་ཡིན་ཞེའོ། ༈ །ཡོ་ག་པའི་ལྟ་བ་ནི། དོན་དམ་པར་རྣམ་པར་སྣང་མཛད་ཆེན་པོ་སྟོང་པ་ཉིད་དུ་འདོད་ལ། ཀུན་རྫོབ་ཏུ་སྣང་བ་འདི་ཆོས་ཀྱི་དབྱིངས་ཀྱི་བྱིན་རླབས་ལྷ་རིགས་ལྔའི་དཀྱིལ་འཁོར་ཡིན་ཏེ། དེ་ལྟར་ཏིང་ངེ་འཛིན་གསལ་ན་ཡེ་ཤེས་པ་དང་དམ་ཚིག་པ་གྲོགས་པོའི་ཚུལ་དུ་ཐ་དད་ལ་བཟང་ངན་མེད་པར་ལྟའོ། ༈ །མངོན་པར་བྱང་ཆུབ་པ་ལྔ་དང་ཆོ་འཕྲུལ་བཞི་ཡན་ལག་དགུ་ལྡན་གྱི་བསམ་གཏན་གྱི་སྒོ་ནས། འཕགས་པའི་གཟུགས་ཀྱི་སྐུ་ཕྱག་རྒྱ་བཞི་དམ་ཚིག་ཐུགས། ཆོས་གསུངས། ཕྲིན་ལས། སྐུ་ཕྱག་རྒྱ་ཆེན་པོ་དང་ལྡན་པའི་རྣལ་འབྱོར་གྱིས་འབྲས་བུ་གྲུབ་སྟེ། བདེན་པ་གཉིས་སྣང་སྟོང་རེས་འཇོག་ཏུ་ཉམས་སུ་ལེན་ཅིང་ལུས་ངག་གི་བྱ་བྱེད་ལ་གཙོ་བོར་མི་སྤྱོད་དོ། ༈ །ཕྱི་རྒྱུད་གསུམ་པོ་དེ་དག་གི་འབྲས་བུ་ནི། དོན་ལྷག །དོན་དམ་པར་སྤྲོས་པ་དང་བྲལ་བ་དེ་མངོན་དུ་བྱས་པ་ནི་ཆོས་ཀྱི་སྐུ་ཡིན་ལ་ཀུན་རྫོབ་ལྷའི་དཀྱིལ་འཁོར་མཚན་དང་དཔེ་བྱད་དུ་བསྟན་པ་མངོན་དུ་བྱས་པ་ནི་ལོངས་སྤྱོད་རྫོགས་པའི་སྐུ་ལ། ཐུགས་རྗེས་འགྲོ་བའི་དོན་དུ་སྣ་ཚོགས་སུ་སྤྲུལ་སྟེ་གདུལ་བྱའི་ངོར་ཅིར་ཡང་ཤར་བ་ནི་སྤྲུལ་སྐུའོ། ༈ །ཞེས་འབྱུང་སྟེ། ལོངས་སྐུ་དེ་ལ་ཡང་ཀྲི་ཡ་པ་རིགས་གསུམ་རྡོ་རྗེ་འཛིན་པའི་ས་དང་། ཨུ་པ་ཡ་རིགས་བཞི་རྡོ་རྗེ་འཆང་བ་དང་། ཡོ་ག་པ་རིགས་ལྔ་སྲབ་ཅར་དུ་མ་གྱུར་པས་སྟུག་པོ་བཀོད་པའི་སའི་བྱེ་བྲག་ཀྱང་ཡོད་དོ། ༈ །དེ་དག་སུན་དབྱུང་བ་ནི། སྐྲས་དགུ། ཀུན་རྫོབ་ཏུ་ལྷ་ཡེ་ཤེས་པ་དང་བདག་དམ་ཚིག་པ་གཉིས་རྗེ་ཁོལ་དུ་ལྟ། ཆོས་ཉིད་ཀྱི་ཡོན་ཏན་གྱི་ངང་ལ་བཟང་ངན་ཡོད་པར་འགྱུར་ཧེ་རུཿདང་ཁྱབ་པ་ཁས་བླངས་འདོད་ན་དོན་དམ་རང་བཞིན་གྱིས་མཐའི་དྲི་མ་དག་པར་གཅིག་པར་མི་རུང་ལ། ཀུན་རྫོབ་དང་དོན་དམ་གཉིས་ཐ་དད་དུ་འདོད་ཅེ་ན། ཀུན་རྫོབ་ལྷའི་དལ་ཡང་ཡེ་ཤེས་ཀྱི་སྐུ་མིན་པར་ཐལ་ཏེ་དོན་དམ་ལས་ཐ་དད་པའི་ཕྱིར་རོ། །དེ་ཡང་འདོད་ན་བསྒོམས་པས་ཀྱང་འབྲས་བུ་སྣང་བར་མི་རིགས་ཏེ་བསྒོམས་པ་དོན་མེད་དུ་ཐལ། ཞེས་དང་། ༈ །དམ་ཚིག་པ་དང་ཡེ་ཤེས་པ་གྲོགས་པོའི་ཚུལ་དུ་ལྟ་བར་བྱེད་པས། ལྷ་དང་བདག་ཏུ་ཐ་དད་དུ་འདོད་དེ་ཆོས་ཅན། བདག་གཅིག་པའི་འབྲེལ་པ་མེད་པས་ཡེ་ཤེས་པ་བསྒྲུབས་ཀྱང་མི་འགྲུབ་པར་ཐལ་བ་དང་། ཐ་དད་པ་དེས་ན་དོན་དམ་ཉིད་ལ་ཡང་སྐྱོན་ཡོད་པ་ནི། དོན་དམ་ཆོས་ཅན་གཉིས་པ་ཡོད་པར་འགྱུར་གལ་ཏེ་སྐྱོན་དེ་མེད་དེ་གཅིག་གོ་ཅེ་ན། རང་གཅིག་པུ་ལ་གྲོགས་སུ་ལྟ་བར་མི་རིགས་ཏེ་གྲོགས་སུ་འདོད་པའི་དམ་བཅའ་བུད། ཞེས་དང་། རྒྱ་མཚོའི་རྒྱུད། གདོད་མ་ནས་ཕྱོགས་བཅུ་དུས་བཞི་རྒྱལ་བའི་ངོ་བོ་ཉིད་དུ་ལྷུན་གྱིས་གྲུབ་སྟེ། ཀཱ་བཱ་ཙི་མི་ཟད་པར་རྒྱན་གྱི་འཁོར་ལོ་རུ་རང་སྣང་བའི་དོན་དེ། མ་མཐོང་བས་རྨོངས་པའི་འཁྲུལ་པ་རྣམས། བརྒྱུད་པའི་བྱིན་རླབས་ཡོ་ག་ལྷ་དང་ཀྲི་ཡ་ཡོན་ཏན་ལྷར། སྣང་བར་འདོད་ཅིང་བདེན་པ་རེས་འཇོག་ཏུ་སེམས་ཤིང་སྒོམ་པར་འདོད་པ་ལ་སོགས་སྤྱོད་པ་བླང་དོར་ཐེག་པ་གཞན་ལས་འཕགས་པར་འདོད་པ་ནི་ནོར་བའི་ལམ་ཡིན་ཏེ། དཔེར་ན་མིག་མདོངས་བས་ནམ་མཁའ་ལ་འདོམ་གྱིས་བརྙབས་ཀྱང་མི་རྙོགས་པ་བཞིན་དུ། ནོར་བའི་ལམ་གྱིས་མ་ནོར་རྙེད་མི་འགྱུར། །ཞེས་དང་། ༈ །ལམ་རྣམ་བཀོད། ཀྲི་ཡ་པ་རིགས་གསུམ་དང་ཡོ་ག་པ་རིགས་ལྔར་འདོད་པ་དག་ནི། ལྟ་བས་བདག་ཉིད་ཆེན་པོ་དབྱེར་མེད་ཀྱི་དོན་མ་རྟོགས་པའི་ཕྱིར། ཐུན་མོང་གི་མཉམ་པ་ཡིན་པར་ཨིནྡྲ་བྷུ་ཏི་ང་སྨྲའོ། །ཞེས་དང་། ༈ །གཏེར་གཏད། སྣང་སྟོང་རེས་འཇོག་གི་བསམ་གཏན་གྱིས་འབྲས་བུ་གཅིག་སྒྲུབ་པ་ནི། དཔེར་ན་ཚ་རེག་དང་གྲང་རེག་ཐ་དད་པ་གཅིག་ཏུ་བསྡུས་ནས། །འབྲས་བུ་གཙོ་བསྲེག་ཕྱོགས་གཅིག་སྒྲུབ་པར་འདོད་པའི་བླུན་པོ་དང་འདྲ། །ཞེས་དང་། ༈ །ལམ་རིམ། ལམ་གྱི་རྩོལ་བས་ངལ་བ་རྣམས། བྲོད་པ་བསྐྱེད་པའི་ཕྱིར་ཀུན་ཏུ་འོད་དང་། རྡོ་རྗེ་འཛིན་སྟུག་པོ་བཀོད་པའི་ས་རྣམས་འབྲས་བུ་ཡིན་པར་བསྟན་པ་ཡིན་གྱི་མཐར་ཐུག་པ་མ་ཡིན་ནོ། །ཅེས་གསུངས་སོ། ༈ །ནང་པ་ནི། བདག་དང་ལྷ་སེམས་ཀྱི་ཆོ་འཕྲུལ་ལམ་རྩལ་དང་རང་འོད་དུ་འདོད་པས་ཐ་མི་དད་པར་ལྟ་བ་༼༠༽དང་། དེས་༼༠༽ན་དངོས་གྲུབ་རང་ལས་འབྱུང་བ་དང་། བྱང་སེམས་དྲི་ཆེན་ལ་སོགས་པ་དམ་རྫས་ལྔ་ལ་རྫོགས་པར་སྤྱོད་པས་ཕྱི་པ་ལས། ཁ་ཡར་བ་ལ་ཕྱི་པའང་སྤྱོད་པར་གསུངས་ཁྱད་པར་དུ་འཕགས་སོ། ༈ །དེ་ལ་གསུམ་ལས། བསྐྱེད་པ་གཙོར་སྟོན་པ་མ་ཧཱ་ཡོ་གའི་ལྟ་བ་ནི། དོན་དམ་པར་རིག་པ་སྤྲོས་བྲལ་ལ་འཕགས་པའི་དཀོར་ལམ་རིམ་ལས། དོན་མཆོག་ལྔ་འབྲས་ཡེ་ཤེས་དབྱིངས། །བདུན་དང་གསུམ་ཕྱིར་དོན་དམ་པ། །ཞེས་སོ། །བདུན་ལྷུན་གྱིས་གྲུབ་པ་དང་། ཀུན་རྫོབ་རྒྱས་པ། དོན་དམ་དུ་ནི་དཀོར་བདུན་ལ། །ཀུན་རྫོབ་ཏུ་ནི་མཉམ་རྫོགས་སོ། །ཞེས་སོ། ཆོས་ཐམས་ཅད་རང་རིག་པའི་སྐུ་དང་ཡེ་ཤེས་སུ་གསལ་བ་ལ་འབྲས་བུ་ལུས་པ་མེད་པར་རྫོགས་པའོ། །དེ་གཉིས་རེ་མོས་སུ་བརྗོད་ཀྱང་དབྱེར། རྒྱས་པ། འཇིག་རྟེན་བརྟན་གཡོ་ལ་སོགས་པ། །སྣང་བ་ཉིད་ན་ངོ་བོ་མེད། །དེ་ཉིད་ཆོས་སྐུ་ཆེན་པོ་ཡིན། མེད་ཀྱི་ངོ་བོར་སངས་རྒྱས་པར་འདོད་དེ། ༈ །གདུལ་བྱའི་མོས་པ་དང་སྦྱངས་པ་ཐ་དད་ཉོན་མོངས་པ་དང་ཤེས་རབ་ཆེ་ཆུང་གི་སྣང་བས་ལམ་གཉིས་སུ་ཡེ་ཤེས་གསང་བ་ལས། ཐབས་གཉིས་ལམ་དང་གྲོལ་ཡིན་ཏེ། ཕྱེ་བའི་ཐབས་ལམ་ལ་གཉིས་ལས་ཅིག་ཅར་བ་ནི། ཡེ་ནས་ལྷན་སྐྱེས་པའི་ཡེ་ཤེས་སུ་ལྷུན་གྱིས་གྲུབ་པས། རི་མོའི་ལྷག་པ་གཟུགས་བརྙན་གྱི་དཀྱིལ་འཁོར་ལ་མི་རྟེན་པར་ཐིག་ལེའི་བདེ་བ་ཉིད་ཡུམ་མཚན་ལྡན་གྱིས་རྫོགས་པ་སྟེ། བླ་མའི་ཞལ་དུ་རག་ལུས་པའོ། ༈ །རིམ་གྱིས་པ་ནི། རིམ་གསུམ། ངོ་བོ་ནུས་ཕན་གསང་དབང་དང་། ཤེས་རབ་ཡེ་ཤེས་བདེ་ཆེན་པོ། དབང་ལྔ་རིམ་པར་ནོས་ནས་སྟེང་འོག་གི་སྒོ་ལ་བརྟེན་པ་གཉིས་ཏེ། དེ་ཡང་གང་ཞེ་ན། རྒྱ་མཚོ་བྱེ་བྲག་ནི་རླུང་གིས་ཕྱེ་བ་ལས་གཉིས་སུ་གྱུར་པ་ཡི། །ལྷན་ཅིག་སྐྱེས་པའི་ཡེ་ཤེས་འབྱུང་བའི་སྟེང་༠༽འོག་༼༠༽སྒོ།༼ཿ༽ །དགུག་༠༽ དང་བཀུག་༼༠༽པའི་ཐབས་༼ཿ༽ཉིད་དེ། །འཁོར་ལོ་རྩ་བའི་བཞི། རྐྱེན་གཉིས་ཏེ་གསུམ་གཉིས་དྲུག་སྲོག་ཤིང་རྩ་གསུམ་གཡས་ནས་མེ་གཡོན་ནས་རང་འགྲོ་བས་ནམ་མཁའི་བ་ཐིག་ལེ། །བཞོ་བས་སྟེང་དུ་རྣམ་པར་རྩ་༼༡༽རླུང་༼༡༽ཐིག་ལེ་༼༡༽གྲགས། །བཀུག་༼༡༡༡༽པ་གསུམ་གྱིས་གཡོ་ལྡང་ལ་སོགས་པ་སེམས་ལྔའི་རིམ། །སྐྱེས་པ་ནི་དགའ་བ་བཅུ་དྲུག་གི་ས་ཐོབ་པའི། །རང་བཞིན་ལྷན་ཅིག་སྐྱེས་པ་མྱོང་བའི་ཕྱིར། །ཐབས་མེད་པས་སྤྱད་ན་འཆིང་བའི་ལས་ཉིད་ཀྱིས་འདིར་ཐར་པའི་ཐབས་ལམ། །ཞེས་གསུངས་སོ། ༈ །གྲོལ་ལམ་ལའང་གཉིས་ཀྱི་ཅིག་ཅར་བ་ནི། ལམ་རིམ་ལས། རིམ་གྱིས་པ་ལས་ལྷག་པར་གདེང་དང་ལྡན་པའི་སྐྱེས་བུ་ཡིས། །སྒོམ་པ་དེ། ཀུན། རྒྱ། སྤྲོས། རྣམ་པ་བཞི་ཟུང་འབྲེལ་དུ་ལྡན་པར། །དུས་གདོད་མ་ཉིད་ནས་གོམས་པར་བྱེད། །ཅེས་དང་། རྒྱས་པ་ལས། བློ་མ་བཅོས་པར་གཞི་ཇི་བཞིན་པའི་ངང་མ་ནོར་བར་བཞག་པ་དང་། །འབྲས་བུ་རང་བཞིན་ལྷུན་གྱིས་གྲུབ་པའི་དཀྱིལ་འཁོར་མངོན་གྱུར་དུ་འབྱུང་། །ཞེའོ། ༈ །སྤྱན་འགྲེལ། ལྷ་སྒོམ་པ་ལ་ཡང་སྙིང་པོ་བརྗོད་པའི་སྐད་ཅིག་གིས་གསལ་བས་དེ་ཉིད་སྟོབས་སུ་གྱུར་པས་མཐར་ཕྱིན་པ་ཞེའོ། ༈ །གཅིག་ཤོས་རིམ་གྱིས་པ་ཀྱང་རྣམ་པ་ཀུན་ལྡན་གྱི་སྟོང་པ་ཆེན་པོའི་རྣལ་འབྱོར་དང་༼༡༽། མི་འབྱེད་པའི་སྙིང་རྗེ་རྣམ་པ་སྒྱུ་མ་ལྟ་བུའི་དང་༼༡༽། ཕྱག་རྒྱ་རྩ་བའི་ལྷ་གཅིག་པའི་༼༡༽ཡན་ལག་དགུ་པ་དང་། རྟོག་པ་ལྷ་ཞི་ཁྲོ་དུ་མར་སྤྲོས་པའི་༼༡༡༡༡༡༽རྣལ་འབྱོར་དང་། ཟག་མེད་དུ་སྦྱོར་བ་ལ་བར་ཆད་མེད་པར་ཞི་ཁྲོ་ཚོམ་བུ་གཅིག་གསུམ་ལྔ་པའི་ཚོགས་ཀྱི་ཡོ་བྱད་ལྔ་ལ་བརྟེན་ནས་སྒྲུབ་པ་དང་སྟེ་རྐྱེན་འཇུག་པའི་མཚན་ཉིད་ཏིང་ངེ་འཛིན་གྱི་ཡན་ལག་ལྔའོ། །ལམ་དེ་དག་ལ་བདག་དང་གཞན་གྱི་དོན་དུ་སྤྱོད་པ་ནི། ཅིག་ཅར་བ་ལ་བླང་དོར་མེད་པ་རིམ་གྱིས་པ་ལས་རྨད་དུ་བྱུང་བའི་སྤྱོད་པ་དང་། ཐོས་བསམ། རྒྱུ་ཤེས་པའི་མཚན་ཉིད་ལྟ་བ་ལ་དད་བརྩོན་གྱི་སྤྱོད་པ་དང་། སྟོང་ཆེན་གྱིས་ཆོས་ཐམས་ཅད་ལ། རྐྱེན་འཇུག་པའི་ཏིང་ངེ་འཛིན་ལ། རང་བཞིན་མེད་པའི་མི་འབྱེད་པའི་སྙིང་ཐུགས་རྗེའི། ཕྱག་རྒྱ་གཅིག་གི་ཆོས་སྤྱོད་དགུའི་བྱ་བ་སྤང་། པ་རྣལ་འབྱོར་གྱི། སྤྲོས་པའི་ཏིང་ངེ་དང་བཅས་པའི། ཚོམ་བུ་ཚོགས་ཀྱི་དང་། རིག་འཛིན་གྱི་རྫུ་འཕྲུལ་གྱི་སྤྱོད་པ་དང་། ཐབས་ལམ་པའི་བརྟུལ་ཞུགས་ཀྱི་སྤྱོད་པའོ་ཞེས་སྤྱན་འགྲེལ་ལས་འབྱུང་ངོ་། ༈ །འབྲས་བུ་ནི། གནས་སྐབས་སུ་རྣམ་པར་སྨིན་པ་ཡི་དམ་ལྷར་གསལ་ལུས་ཀྱིས་བསྒྲིབས་པ། ལུས་དང་བྲལ་མ་ཐག་ཕྱག་རྒྱ་ཆེན་པོར་སྦྱོར་བ་དང་། ཚེ་དང་རིག་པ་ལ་རང་དབང་སྒྱུར་བ་དང་། ལྷའི་ཕྱག་རྒྱ་ཆེན་པོ་གང་གོམས་ཀྱི་ལུས་སུ་གྱུར་པ་དང་། སྐུ་ལྔ་ལྷུན་གྱིས་གྲུབ་པའི་ཆ་བྱད་ཀྱིས་དེ་ཉིད་ཀྱི་རིག་འཛིན་དང་བཞི་འགྲུབ་ལ། ༈ །མཐར་ཐུག་གི་འབྲས་བུ་ནི། འབྲས་ཀློང་། སྟོང་གསལ་དབྱེར་མེད་ནི་ཆོས་སྐུ་དང་ཀུན་ཏུ་འོད་ཀྱི་ས་ལ། །འཁོར་འདས་ཀྱི་བདེ་བ་ལ་མ་ཆགས་པས་ཆེན་པོར་ལོངས་སྤྱོད་ཀྱི་སྐུ་པདྨ་སྤྱན་གྱི་ས་ལ། །ལོངས་སྐུ་དེ་ཡི་གཟུགས་བརྙན་ཐུགས་རྗེ་བསླང་བ་ནི། །ཐམས་ཅད་ལྷའི་འཁོར་ལོའི་ཚོགས་སུ་གསལ་བའི་ས་དེ་སྤྲུལ་པའི་སྐུ། རྟོག་ཚོགས་ཕུང་ཁམས་སྐྱེ་མཆེད་གནས་འགྱུར་བས་ལྷའི་གྲངས་རིགས་བརྒྱ་ལ་སོགས་པར་ངེས་པ་ཅན། །ཕྲིན་ལས་རྣམ་པ་བཞིས་འགྲོ་བའི་དོན་མཛད་ཅིང་ཆོ་འཕྲུལ་གྱིས་གཞན་དོན་རྫོགས། །ཞེས་འབྱུང་ངོ་། ༈ །དེའི་འདོད་པ་དེ་དག་དགག་པ་ནི། གསང་སྒྲོན། དེའི་ལྟ་བ་ཡང་བདེན་པ་གཉིས་སུ་མེད་ཅེས་མིང་དུ་བཏགས་པ་དེ་ཡང་། ཤེས་བྱའི་མུ་མཐའ་མཉམ་གྲོལ་གྱི་སྟེང་ནས་ཕྱོགས་གཅིག་པར་ངོས་བཟུང་བས་སྒྲོ་བཏགས་པ་ཉིད་ཡིན་ཀྱང་། དེར་ཞེན་ནས་སྒྲོ་འདོགས་ན་གོང་གི་དབུ་མ་དང་ཕྱི་རྒྱུད་ཀྱི་བདེནཔ་གཉིས་ཀྱང་ཞེན་ནས་གདགས་པས་ཁྱད་ཅི་ཡང་མེད་ལ་ཁྱེད་ཀྱི་གཉིས་མེད་ཕྱོགས་གཅིག་ཏུ་བཟུང་བ་ལ་གཤིས་ལ་ཕྱོགས་གཅིག་པས་སྟོང་། ཞེས་དང་། རིན་པོ་ཆེ་འོད། སྟེང་སྒོ་འཁོར་ལོའི་བདེ་བའམ་འོག་སྒོ་རིག་མའི་བདེ་བ་ཡིས། རང་གནས་ལྷན་སྐྱེས་ཀྱི་རིག་པ་ཚོལ་བའི་ཡེ་ཤེས་ཉིད། རང་གི་རྣམ་རྟོག་ཡིན་ཏེ་དོན་ལ་རྙེད་པ་མིན། །ཆགས་པའི་འདུ་ཤེས་ཅན་གྱི་གང་ཟག་དོན་དུ་དྲང་བའི་དོན་དུ་གསུངས་པ་ཡིན་གྱི་ངེས་པར་ནི་སྤྲོས་བྲལ་རང་བྱུང་གི་སེམས་ནི། །ཆགས་པའི་ལམ་གྱིས་ཤེས་པར་མི་འགྱུར། །གཙང་སྨེ་ལ་བླང་དོར་མེད་པར་སྤྱོད་པའི་བརྟུལ་ཞུགས་ཀྱང་། །དོན་ལ་ངེས་པར་བརྟགས་ན་དེ་ཡང་བླང་དོར་ཉིད་ཡིན། རང་རིག་པ་རྟོགས་པའི་བསམ་པ་དང་བྲལ་བར་བཞག་པ་དེ་ཡང་། །དོན་ལ་བདེ་བའི་དངོས་པོར་འཛིན་པའི་ཞེན་པར་གནས། །ཤེའོ། །ཡང་། ཡེ་ཤེས་གསང་བ། རང་སའི་འབྲས་བུ་ཐོབ་ཀྱང་བཅོས་མའི་ས། མཐར་ཐུག་མ་ཐོབ་པ་སྔ་མ་བསྟན་པ་བཞིན་ཏེ་འདིའི་དོན་ལ་འཇུག་དགོས་པ་འདྲ་བའི་ཕྱིར་རོ། །ཞེའོ། ༈ །ཨ་ནུ་ཡོ་གའི་ལྟ་བ་ནི། མཚན་ཉིད་འཛིན་པས་ཆོས་འཁོར་འདས་ཐམས་ཅད་ཡེ་ནས་སེམས་ཉིད་དུ་མ་སྐྱེས་པ་ནི་ཡེ་ཇི་བཞིན་པའི་དཀྱིལ་འཁོར་ཞེས་བྱ། ཆོས་ཀྱི་དབྱིངས་ཞེས་ཀྱང་བྱ། ཡུམ་ཀུན་ཏུ་བཟང་མོ་ཞེས། དེ་ཉིད་ཀྱི་རྩ་ལ་ཅིར་ཡང་མི་འགག་པར་ཐམས་ཅད་དུ་འཆར་བ་ནི་རང་བཞིན་ལྷུན་གྱིས་གྲུབ་པའི་དཀྱིལ་འཁོར་རིག་པའི་ཡེ་ཤེས་ཡབ། དེ་གཉིས་ཐ་མི་དད་པའི་སྙིང་པོ་ནི་རྩ་བ་བྱང་ཆུབ་སེམས་ཀྱི་དཀྱིལ་འཁོར་གྱི་དབྱིངས་ཡེ་ཤེས་དབྱེར་མེད་སྲས་བདེ་བ་ཆེན་པོའི་ངང་དུ་ཡེ་ནས་སངས་རྒྱས་པར་དགོངས་འདུས་ལེའུ་བཅུ་དགུ་པ་ལས། སྐྱེ་བཞི་རྒྱུད་ལྔ་གང་སྣང་ཡང་། །སངས་རྒྱས་ཉིད་དེ་ཡེ་ཤེས་སྐུ། །ཐམས་ཅད་དེ་ཉིད་དེར་གཅིག་པས། །ཡེ་ནས་སངས་རྒྱས་བདེ་ཆེན་ཉིད། །སྐྱེ་འགགས་མེད་པའི་སྙིང་པོ་ཡིན། །བྱ་བཙལ་མེད་པའི་དཀྱིལ་འཁོར་གསུམ། །ཡེ་ནས་བསྒྲུབས་ཟིན་ལྷུན་གྱི་གྲུབ། །ཅེས་སོ། །འདོད་དོ། །དེ་ཡང་ཇི་སྐད་དུ། དགོངས་འདུས་ཀྱི་ཁུངས་དྲངས་པ་ཀྱེ་བོད་པ་འཁོར་དུ་འདུས་པའི་ཚོགས་རྒྱལ་བའི་གདུང་འཚོབ་པའི་སྲས་རྣམས་རང་གི་སེམས་ཀྱི་དེ་ཁོ་ན་ཉིད་ཀྱི་དོན་ལྟ་བར་འདོད་ན། དཀྱིལ་འཁོར་ཆེན་པོ་གསུམ་གྱི་སྒོ་འབའ་ཞིག་ཏུ་འཇུག་པར་བྱའོ་དེ་ཡང་རྩ་བ་བྱང་ཆུབ་སེམས་ཀྱི་དལ་འབའ་ཞིག་གི་སྒོར་འཇུག་པར་བྱའོ། །དེ་ཅིའི་ཕྱིར་ཞེ་ན། དལ་ཆེན་པོ་གསུམ་དང་། རང་རང་གི་སེམས་ཀྱི་དེ་ཁོ་ན་ཉིད། སོ་སོ་མ་ཡིན་ཐ་མི་དད་དེ། དེ་ཡང་རྩ་བ་བྱང་ཆུབ་སེམས་ཀྱི་དལ་དུ་འདུས་པའི་ཕྱིར་རོ། །ཞེས་པ་ལ་སོགས་པ་གསུངས་ཏེ། མདོར་ན་གཏེར་གཏད་གཉིས་མེད་དུ་འཛིན་པ་ལས་གྲོལ་བའི་བདེ་ཆེན་དུ་འདོད་དོ། །ཞེས་འབྱུང་ངོ་། ༈ །ཏིང་ངེ་འཛིན་ལ་གཉིས་ཀྱི་དེ་བཞིན་དུ་སྒོམ་པའི་ལའང་གཉིས་ཀྱི་རིམ་གྱིས་པ་ནི། དོན་བསྡུས་ལས། དེ་དག་ས་དང་རྣལ་འབྱོར་སྐབས། སེམས་༼༡༽དང་དཔེ་རྟགས་ལམ་༼༢༽རེ་རེའང་བཅུ་༼༡༽བཅུ་དང་ལྔ་༼༢༽ལྔ་ཞེས་བྱ། ཞེས་འབྱུང་བ་བཞིན་ནོ། ༈ །རིམ་གྱིས་པ་ལས་གཅིག་ཤོས་ཅིག་ཅར་བ་ནི། དོན་བསྡུས། གང་ཟག་གང་དག་བློ་ཆེ་ཞིར་ལྟ་བ་མངོན་སུམ་དུ་རྟོགས་པས། ཆོས་ཉིད་མཉམ་པ་ཉིད་ཡུལ་བྲལ་རང་གསལ་བའི་ངང་ལ་ཏིང་ངེར། མི་གཡོ་བར་ཅིག་ཅར་གང་འཇུག་པ་ལ་ནི། དགོངས་འདུས་ལེའུ་ང་བཞི་པ་ལས། དེ་བས་མཐའ་དབུས་མཉམ་ཉིད་ལ། །བཏུད་དེ་ཅིག་ཅར་གང་འཇུག་པ། །གང་འཕྲོ་ཡོད་དང་མེད་པ་དང་། །རྣལ་འབྱོར་གནས་ཡུན་རིང་ཐུང་དང་། །ནམ་ཞིག་སྙམ་པའི་ཁར་མ་ལུས། །ཞེའོ། །ས་དང་ལམ་བཅུ་དང་ལྔའི་གྲངས་དང་སྒྲུབ་པའི་རྩོལ་བ་མེད་ཅེའོ། ༈ །ལྷ་བའི་སྐུ། ལ་རིམ་གྱིས་སྒོམ་པ་ནི། དགོངས་འདུས་ལས། འཕྲོ་འདུའི་ཚད་བཅུ་དང་སྐུ་ཡི་ཁྱོན་བཅུ། ཚོམ་བུའི་གྲངས་ཀྱང་དེ་བཞིན་ནོ། །ཞེས་པས་དེ་དག་རིང་། ཆེ། མང་དུ། ས་བཅུར་རིམ་པར་སྤེལ་ནས་སྒོམ་པའོ། ༈ །རིམ་གྱིས་པ་ལས་གཞན་ཅིག་ཅར་བ་ཡང་། བརྟན་པ་སྣོད་གཡོ་བ་བཅུད་ཐམས་ཅད་ལྷའི་དཀྱིལ་འཁོར་ཕྱག་རྒྱ་རྫོགས། རྟོག་པ་དང་འཛིན་༼༠༽པ་ཐམས་ཅད་སྒྲའི་མཐའ་༼ཿ༽ཏིང་༼༠༽འཛིན་དུ་གསལ་སྔགས་༼ཿ༽སུ་གྲག །ཞེས་པ་བཞིན་སྐད་ཅིག་དྲན་རྫོགས་སུ་སྒོམ་པའོ། །དེ་དག་ཀྱང་ཐེག་ཆེན་སྒྲོན་མ་ལས། ཕྱེད་སྣང་གྲོང་ཁྱེར་སེམས་ཅན་རྣམས། །གྲོལ་བར་བྱ་ཕྱིར་ཡབ་ཡུམ་དང་། །སྲས་བཅས་དཀྱིལ་འཁོར་བསྒོམ་པར་གསུངས། །ཞེས་སོ། །འདོད་ཁམས་པའི་ཞེན་པ་དགྲོལ་བའི་ཕྱིར་ཡབ་ཡུམ་ཟུང་འབྲེལ་དུ་གསལ་བར་བྱའོ། ༈ །སྤྱོད་པ་ནི། བྱིན་རླབས་ཀྱི་སྤྱོད་པ་དང་། དབང་སྒྱུར་གྱི་སྤྱོད་པ་དང་། ཐབས་ཀྱི་སྤྱོད་པ་ལ་སོགས་པ་གསུམ་རིམ་པར། ནམ་མཁའ། རྒྱལ་པོའི་ས་ཁམས། མེ་དཔུང་དང་འདྲ། ལེའུ་དོན་གཅིག་པར་གསུངས་ཀྱང་། ལ་ཤན་གང་ཞིག་ལྟ་བ་དང་ཏིང་ངེ་འདི་ལ་མཐོང་གོམས་ཀྱིས་གནས་པར་གྱུར་ན། ལྟ་བའི་དམ་ཚིག་མཉམ་པའི་སྤྱོད་པ་མངའ་བས་གྲངས་བཏབ་ཀྱི་དམ་ཚིག་དང་རྩོལ་བའི་སྤྱོད་པ་ལ་སོགས་མ་ཧཱ་ལྟར་གཙོར་ལུང་གི་རྒྱུད་ལས་མ་གསུངས། ཞེས་འབྱུང་ངོ་། ༈ །དོན་བསྡུས་ལས། མཐར་ཐུག་གི་འབྲས་བུ་ཉིད་ནི་ཡང་དག་པར་རྫོགས་པའི། ལྟ་ངན་སངས་ཡེ་ཤེས་ཀྱིས་ཁྱབ་པས་རྒྱས། །རྟེན་བྱེད་པས་སྐུ་བརྡ་སྤྲོད་པས་གསུང་གཉིས་སུ་མེད་པས་ཐུགས་དང་རེ་བ་སྐོང་བས་ཡོན་ཏན་བྱ་བ་བྱེད་པས་ཕྲིན་ལས་ལྔ། །རེ་རེ་ལ་ཡང་ལྔ་ལྔ་ཉི་ཤུ་རྩ་ལྔས་བསྡུས་པ་ཡིན་ལ་རྒྱས་པ་མཐའ་ཡས་རྣམས། །ལྷུན་གྱིས་རྫོགས་པ་རྣམ་པ་ཀུན་མ་འདྲེས་ཡོངས་རྫོགས་སུ་མཁྱེན་པའོ། །ཞེས་པའོ། ༈ །དེ་དགག་པ་ནི། གཏེར་གཏད་ལས། དེ་ཡང་ལྟ་བ་བདེ་ཆེན་གྱི་ཕྱོགས་རིས་དང་བཅས་རྒྱུ་སྣང་བ་དབྱིངས་འབྲས་བུ་དྲན་རྟོག་ཡེ་ཤེས་སུ་འདོད་པ་ཅན། །གཉིས་མེད་ལས་གྲོལ་བའི་བདེ་ཆེན་དེ་ཡང་ཚིག་ཏུ་བརྗོད་པ་ཙམ་ལས་མཚན་ཉིད་རྩོལ་མེད་དང་བྲལ་བས། །ཤིན་ཏུ་རྣལ་མར་འབྱོར་པའི་དགོངས་པ་མིན། །ཞེས་དང་། ཡང་། འབྲས་བུ་ནི་དབྱིངས་དང་ཡེ་ཤེས་གཉིས་སུ་མེད་པ་ཀུན་ཏུ་བཟང་པོ་དབྱེ་བ་མེད་པའི་ས། །དེ་རང་འདོད་ཀྱི་འབྲས་བུ་ཐོབ་པ་ཡིན་མོད་ཀྱང་། །མཐར་ཐུག་གི་འབྲས་བུ་དེ་མ་ཡིན་ཏེ། །འབྲས་བུ་རང་ལ་གནས་པ་ལ་ངམ་པ་ཨེ་མའོ་མཐར་ཐུག་གི་འབྲས་བུ་ཡེ་ཤེས་གསང་བ་ཡེ་ཤེས་བླ་མའི་ས་ནི། རྩོལ་བའི་ཆུ་བོ་ཉེར་བཞིའི་ལམ་གྱིས་ཐོབ་པ་མ་ཡིན། ཞེས་འབྱུང་ངོ་། །དེ་ལྟར་བུང་བ་ཚང་ཚོལ་བ་བཞིན་དུ་སྒོ་ཀུན་ནས་བསྡུར་ནས་ཇི་ལྟར་བུང་བ་ཚང་ཚོལ་བ། །ཀུན་དུ་འཇུག་ཅིང་བྱུང་ནས་ནི། །རང་གི་གསེང་ཁུང་གང་ཡིན་པར། །ངེས་པར་འཇུག་ཅིང་གནས་པ་ལྟར། །རྣལ་འབྱོར་དོན་གྱི་རྗེས་ཚོལ་བ། །སྤྱོད་སྒོ་ཅི་ཡོད་བསྟུན་ཏེ་བསྡུར། །ལྟ་སྒོར་འཇུག་ཅིང་བརྟགས་བསྡུར་ནས། །དོན་དམ་ངེས་པའི་གསང་ཉིད་ལའོ། །ཞེའོ། །འགྲོ་དྲུག་སོ་སོ་སྐྱེ་བོ་དང་། མུ་སྟེགས་རྟག་པར་ལྟ་བ་དང་། ཉན་ཐོས་དང་། རང་རྒྱལ་དང་། སེམས་ཙམ་ལྔ་ནི་རིམ་པ་ལྟར། དངོས་པོར། བདག་ཏུ། ཆོས་ཙམ་དུ། འཛིན་པ། རང་རིག་ཏུ། སྒྲོ་འདོགས་ཀྱི་མཐར་གྱུར་ལ། མུར་ཐུག་ཆད་པར་ལྟ་བ་གསུམ་ནི་ཚེ་སྔ་ཕྱི་ལ། ཐར་པ་ལ། ཆོས་སྣང་ཐམས་ཅད་ལ་སྐུར་འདེབས་ཀྱི་མཐར་གྱུར་ཅིང་། དབུ་མ་དང་ཕྱི་རྒྱུད་གསུམ་བདེན་པ་དོན་དམ་ཀུན་རྫོབ་གཉིས་ཀྱི་མཐར་ལྷུང་ལ། ནང་པ་གཉིས་གཉིས་མེད་ཀྱི་མཐར་ལྷུང་བར་ལྟ་ཀློང་དུ་གསུངས་པས། ༈ །རྩོལ་མེད་ཀྱི་ལམ་འདི་ཉིད་ཀྱི་གོལ་ས་ཡིན་པས་ན་ཡིད་བརྟན་པར་དེ་དག་གང་ལ་ཡང་མི་བྱའོ་ཞེས་དེ་དག་གི་ཞེན་པ་དགྲོལ་བའི་དགོས་ཆེད་ཀྱི་དབང་གིས་བརྗོད་ཀྱང་། ངོ་བོ་ཉིད་ལ་གོལ་གཞི་གོལ་ས་གོལ་བ་པོ་གོལ་བ་རང་གི་ངོ་བོ་གང་གི་ཡང་རིས་སུ་མ་དམིགས་པས་དེ་དག་ལས་རང་གྲོལ་བར་ལ་བཟླ་སྟེ། དེ་ཡང་། གསང་སྒྲོན། ལ་བཟླ་བ་ནི་ཆོས་ཐམས་ཅད་མ་ནོར་བའི་ཆོས་ཉིད་རང་སྣང་བ་ཡིན་བས། །ཤན་དབྱེ་བ་དང་ནོར་བའི་དམིགས་བསལ་བ་དང་འདོད་པ་དགག་པ་དང་གོལ་ས་སྤང་བ་དང་མ་ཡིན་པ་བསྒྱུར་བ་ལ་རག་མ་ལས། །ཞེས་དང་། ཡོད་མེད་གཉིས་གཉིས་མེད་ཀྱི་གྲུབ་པའི་མཐའ་བཞི་མི་གནས་པར་རང་སར་གྲོལ་ཏེ་ཡེ་ནས་རྣམ་པར་དག་པས་བྱང་། །དེ་ལས་བཟློག་པས་མཐའ་བཞི་ཡོངས་སུ་རྫོགས་པར་སྙོམས་པར་ཁྱབ་པས་ཆུབ། །མཐའ་བཞིའི་མཚན་ཉིད་མ་འདྲེས་ལ་ཡེ་ཤེས་སུ་ཡོངས་སུ་རྫོགས་པས་ཡུལ་མེད་རང་གསལ་དུ་ཅིར་ཡང་མི་རྟོག་པས་སེམས། །ཞེས་གསུངས་སོ། །རྣལ་འབྱོར་རིག་པའི་ཉི་མ་ལས། དེ་ལྟར་ལ་བཟླས་པས་འོ་ན་རང་བཞིན་བྱང་རྣམ་པ་ཆུབ་ཀྱི་སེམས་མཚན་ཉིད་སྣང་བ་འབའ་ཞིག་ཏུ་བལྟའོ། །ཞེ་ན། དེ་ནི་རྟོག་གེ་པ་རྣམས་ཚིག་གང་ལྟར་བརྗོད་པ་ལྟར་དོན་སྤྱིའི་རྣམ་པའི་བློ་སྐྱེ་བ་སྟེ། མཐའ་བཞི་དང་བྲལ་ཅེས་ངག་ཏུ་བརྗོད་ན་ཡང་བློ་མཐའ་དང་བྲལ་བ་ཞིག་ཏུ་བློ་ལ་སྐྱེ་བར་བྱེད་དེ། མཐའ་བཞི་གང་ཡང་མ་སྤངས་པ་མ་མཐོང་། ཐམས་ཅད་མཁྱེན་པ་ཞེས་ངག་ཏུ་བརྗོད་ན་ཡང་སྣང་བ་གསལ་གསལ་པོ་ཞིག་ཏུ་ལྟ་བར་བྱེད་དེ། དེའི་ངོ་བོ་དམིགས་སུ་མེད་པ་མ་མཐོང་ངོ་། །མ་འདྲེས་ལ་ཡོངས་སུ་རྫོགས་པ་ཞེས་བརྗོད་ན་ཡང་། མ་འདྲེས་པས་གཅིག་གི་མཐའ་བསལ། ཡོངས་སུ་རྫོགས་པས་དུ་མའི་མཐའ་བསལ་ཏེ། གཅིག་དང་དུ་མ་དང་བྲལ་བར་ལྟ་སྟེ། དེ་ཉིད་ནི་གཅིག་དང་དུ་མ་ཀུན་གྱི་དངོས་གཞི་ཐུན་མོང་མ་ཡིན་པའི་ཉག་གཅིག་མུ་མཐའ་ཇི་ཡང་མ་སྤངས་པ། ཡན་ལག་མེད་པར་རྩིས་ལས་འདས་པས་ངག་ཏུ་སྨྲ་བ་དང་བློས་བསམ་པ་ལས་འདས་པ་མ་མཐོང་ངོ་། །ཞེས་གསུངས་སོ། །ཡང་། རིག་ཉི་ལས། སྐྱེས་བུ་ཡང་རབ་རྣམས་ནི་གང་བརྗོད་པ་ཐམས་ཅད་ནི་དེ་དང་མི་མཐུན་པ་དགྲོལ་བའི་དགོས་ཆེད་རེ་བའི་ཕྱིར་བརྗོད་པས། ཕྱོགས་རེའི་དོན་མཚོན་པར་ཁོང་དུ་ཆུད་པས། དེ་དག་ལྟར་ཕྱོགས་གཅིག་ལ་བློ་མི་གཏོད་དེ། དེ་བས་ན་ལྟ་བ་ལ་གཟའ་གཏད་མེད་དེ། གང་གཟའ་བ་ནི་རྩོལ་བའམ་བྱེད་པའོ། །གཏད་པ་ནི་དམིགས་པ་སྟེ། འདི་ལ་རྒྱུ་འབྲས་གཉིས་སུ་མེད་པའི་ཕྱིར་འབྲས་བུ་ཐོབ་པར་རྩོལ་བ་དང་། ཡུལ་ཆོས་ཀྱི་དབྱིངས་དང་ཡུལ་ཅན་རིག་པའི་ཡེ་ཤེས་གཉིས་སུ་འདོད་པ་ནི་འདིར་མེད་པའི་ཕྱིར་དམིགས་པ་གཏད་པ་དང་བྲལ་བའོ། །འོན་ཀྱང་གཟའ་གཏད་དམིགས་པའི་ལྟ་བ་གྲོལ་བར་བྱ་བའི་ཕྱིར་བརྗོད་ཀྱི། ངེས་པར་གཟའ་གཏད་དང་བྲལ་བ་ནི་དཔེར་ན་ཉི་མ་འོད་མི་ཚོལ་བ་ལྟར་འདོད་པ་ཡང་མེད་དོ། །དེ་ཅིའི་ཕྱིར་ཞེ་ན། གཟའ་གཏད་དང་བྲལ་བར་འདོད་པ་ཉིད་གཟའ་གཏད་ཡིན་པའི་ཕྱིར། ཞེས་འབྱུང་ངོ་། ༈ །ཏིང་ངེ་འཛིན་ནི། དབང་པོའི་སྤྱོད་ཡུལ་དྲུག་ཕར་སྣང་བ་དང་། རྣམ་པར་ཤེས་པ་དྲུག་ཚུར་ཡུལ་ལ་འཇུག་པ་ཡོད་པ་ལ། རང་གིས་བསྒོམས་ནས་ཡུལ་དང་ཡུལ་ཅན་དུ། མི་རྟོག་པ་ཙམ་ཡང་མ་ཡིན་གྱི། ངང་ངམ་རང་བཞིན་གིས་མ་འདྲེས་ལ་ཡོངས་སུ་རྫོགས་པའི་ཕྱིར། བདག་གིས་བསྒོམ་མོ་བའི་འདུ་ཤེས་གང་ཡང་། ཡུལ་ཡུལ་ཅན་གྱི་རྟོག་པ་ཅིར་ཡང་མ་བརྟགས། སྣང་བའི་ཆོས་ཅན་མ་བསལ་སྣང་བ་མེད་པའི་ཆོས་ཉིད་མ་བསྒྲུབས་པར། བློའི་བསམ་པ་དང་ཡིད་ཀྱི་རྟོག་པ་རང་གྲོལ་དུ་འགྱུ་བ་ཆད་པར་འདུག་པས་སྒོམ་ཆོག་སྟེ། རྟོག་མེད་ལ་དགག་པ་དང་སྒྲུབ་པ་མ་བྱས་པར་ཡུལ་མེད་པར་རང་གསལ་བས། རང་བཞིན་ནམ་ངང་གིས་གཤིས་ཡིན་ལུགས་ཀྱི་ཐོག་ཏུ་བབ་སྟེ། གཤིས་ཐོག་ཏུ་བབ་སོ་བའི་རྟོག་པ་ཡང་མི་རྒྱུ་བའོ། །ཞེས་རིག་ཉིར་གསུངས་པ་བཞིན་ནོ། ༈ །རྟོགས་གོམས་དེའི་ངང་ལ་སྤྱོད་ལམ་བཞི་པོ་ཐམས་ཅད་དུ་གནས་པ་ལ་བླང་བ་དང་དོར་བ་རང་གི་ངོ་བོས་མི་གནས་པ་ནི་བྱ་བྲལ་ངང་གནས་ཕྱོགས་མེད་ནམ་མཁའ་ལ། སྙིང་པོའི་ངང་ལ་འགྱུར་མེད་རྡོ་རྗེ་གནས། ཤེའོ། །ནམ་མཁའ་རྡོ་རྗེའི་སྤྱོད་པ་ཞེས་བྱ་ལ། གདུལ་བྱའི་ངོ་ལ་མཐུན་པ་བླང་བ་དང་མི་མཐུན་པ་དོར་བ་ལྟར་སྣང་ཡང་རྟོགས་སྒོམ་གྱི་དོན་གྱིས་མི་གནས་པ་ནི་འགྲོ་འདུལ་ཐུགས་རྗེའི་སྤྱོད་པའོ། ༈ །དེ་ལྟར་གནས་ན་རང་གིས་མྱོང་བའི་དྲོད་དང་གཞན་ལ་སྣང་བའི་རྟགས་དང་ཉམས་ཀྱི་རིམ་པ་བཞི་འཕེལ་བ་ལ་སོགས་པ་མང་དུ་རྒྱུད་དང་མན་ངག་ཏུ་གསུངས་ཏེ་སྐབས་འདིར་ཡི་གེ་མང་ན་རྣམ་པར་འཁྱམས་པར་འགྱུར་བས་མི་སྤྲོའོ། །མུ་བཞི་ཀུན་ཏུ་ཡེ་རྫོགས་ལ། །ཕྱོགས་སུ་ལྟ་བ་དེ་འཕྲུལ་བས། །ཐམས་ཅད་ལྷུན་གྱིས་རྫོགས་ལྟ་དང་། །ཀུན་ཡིན་ལྷུན་གྲུབ་དང་། གང་མིན་ཀར་དག་གིས་རྣལ་མའི་དོན་མ་རྟོགས་པར་ལྟ་ཀློང་དུ་གང་ཡང་མཐའ་རུ་མ་རེད་ལ། །ཕྱོགས་སུ་ལྟ་བ་འཁྲུལ་བས་ན། །ཕྱོགས་བྲལ་ཀ་ནས་དག་ལྟ་བ། །དེ་ཀུན་བལྟར་ཡོད་ཡུལ་ལྟའོ། །གསུངས་སོ། ༈ །འབྲས་བུ་དེ་བཞིན་གཤེགས་པའི་སྣང་བ་ནི། ཇི་ལྟར་ཐོབ་དང་བཞུགས་པའི་ཚུལ། ཡེ་ཤེས་ཀྱིས་མཁྱེན་དོན་མཛད་ཚུལ། ཞེས་པས། ཐོབ་ཚུལ་ནི། རྩ་རྒྱུད། གཞི་མངོན་དུ་མཛད་པས་ངོ་མཚར་ཡོན་ཏན་གྱི་ཆོ་འཕྲུལ་གཞན་ལ་མེད་པས་རྨད་དུ་གྱུར་པ་སངས་རྒྱས་ཀྱི་ཆོས་འགྲུབ་པ་ནི། གཞན་ནས་ཡོད་པ་ཞིག་ཚུར་བཀུག་ནས་འོངས་པ་དང་ཕར་བགྲོད་པ་དང་རྒྱུ་རྐྱེན་གྱིས་བྱས་པ་མ་ཡིན་ཏེ། གོམས་པའི་ཐབས་ལ་བརྟེན་ནས་རྟོགས་པ་བརྟན་པའི་ཤེས་རབ་ཉིད། དེ་ལྟ་བུ་ཡི་ངང་དུ་བྱུང་། ཞེས་དང་། ནམ་མཁའ་ཆེ་སངས་རྒྱས་ཀྱི་ཆེ་བའི་ཡེ་ཤེས་རྩོལ་བཅས་ཀྱི་ལམ་གྱིས་རྙེད་པར་དཀའ་བ། དེ་ཡང་གཟའ་གཏད་མེད་པར་རྟོགས་པའི་ཤེས་རབ་དམིགས་མེད་དུ་གོམས་པའི་ཐབས་ལ་བརྟེན་པས་འགྲུབ། མིང་དུ་བཏགས་པ་ཙམ་དུ་གཞན་ལམ་རྟོགས་གོམས་ལ་བརྟེན་པར་འདྲ་ཡང་། སངས་རྒྱས་མངོན་སུམ་དུ་གྱུར་པའི་སྡུག་བསྔལ་དང་རྩོལ་བ་ལས་གྲོལ་བའི་བདེ་བ་རང་ལས་འབྱུང་། ཞེས་དང་། ལྟ་བ་རིན་པོ་ཆེ་སྒྲོན་མ། བདག་ཉིད་ཡེ་ནས་ཆོས་ཀྱི་སྐུ་འབྲས་བུ་བྱང་ཆུབ་བསྒྲུབ་བྱའི་སྙིང་པོ་ཡིན་པ་མངོན་དུ་གྱུར་པ་ལས། གཞན་ནས་༼༡༡༽བཙལ་༼༡༽ཞིང་ཐོབ་༼༡༽པ་མ་ཡིན་ཡང་། །རྨི་ལམ་གཉིད་སད་ནས་རྨི་ལམ་གྱི་གཟུགས་མ་སྤངས་དང་བྲལ་བ་ཇི་བཞིན་དུ། །མ་རིག་པའི་གཉིད་སད་ནས་འཁྲུལ་པའི་སྣང་བ་རང་སར་གྲོལ་བ་ལ། སྒྲིབ་པ་སྤངས་ནས་བྱང་ཆུབ་ཐོབ་ཅེས་ཐ་སྙད་དུ་རྒྱལ་བས་མདོ་རྒྱུད་རྣམས་སུ་གསུངས། ཞེས་འབྱུང་བས་རང་གི་སེམས་ལས་གཞན་ནས་སངས་རྒྱས་ཐོབ་པ་མེད་དོ། ༈ །བཞུགས་ཚུལ་ནི། རྣམ་བཀོད་ལས། གལ་ཏེ་སྔ་ཕྱི་གཅིག་འགྲོ་ན། །སྟོང་པའི་མུར་ཐིམ་རིགས་པས་འགལ། །སོ་སོར་བསྒྲུབ་ཕྱིར་གཅིག་མི་རུང་། །ཞེས་པ་དང་། ཡང་། སྤྱན་དྲངས་བྱོན་དང་མ་བྱོན་འབྱུང་། །དོན་མཛད་རེ་མོས་འབྱུང་བར་འགྱུར། །ཞེས་སོ། །དགོངས་པའི་རྒྱུད་གཅིག་དང་ཐ་དད་དུ་འདོད་པ་ལ་ལུང་རིགས་པས་སྐྱོན་དུ་མ་གསུངས་པས། འདིར་ནི་འབྲས་ཀློང་སྐུ་གསུམ་ཆོས་ལོངས་སྤྲུལ་ལྷུན་གྱིས་གྲུབ་པའི་བདེ་བ་ཆེན་པོ་ངོས་གཟུང་དང་ཕྱོགས་རིས་ལས་གྲོལ་བ་ཉིད། ཡེ་ནས་ཆོས་ཀུན་གྱི་ངོ་བོ་ཉིད་ཀྱིས་རྟེན་བྱེད་པས་སྐུའང་མ་བཅོས་པ་དེ་བཞིན་པ་ནི། །ཆོས་ཀྱི་དབྱིངས་ཀྱི་ཡེ་ཤེས་ཞེས་བྱ་སྟེ་དེ་ཉིད་མ་བཅོས་པར་ཡུལ་མེད་པར། །མངོན་སུམ་དུ་གསལ་བར་མཛད་པས་མེ་ལོང་ལྟ་བུའི་ཡེ་ཤེས་དེ་ཉིད། །ཆོས་སྐུ་ཡིན་པ་དེ་ཡིས་འཁོར་འདས་ཀྱི་ཆོས་ཀུན་རང་རིག་བདེ་ཆེན་དུ་སོ་སོར་རྟོག་པས་མ་འདྲེས་༼༡༽མཉམ་པ་ཉིད་ཀྱི་ཡེ་ཤེས་ཀྱིས་མཉམ་པར་༼༡༽མངའ་༼༡༡༽མཛད་པ་ནི་ཉིད་ལོངས་སྤྱོད་རྫོགས་པའི་སྐུ་ལ། བྱང་ཆུབ་སེམས་དཔའ་དག་གི་སྣང་ངོ་ལ་རྒྱལ་པོ་ལྟར་སྣང་ནས་དོན་མཛད་པ་ནི་གཞན་ལོངས་སྐུའོ། །ཆོས་སྐུ་དེ་ཡི་བྱིན་རླབས་རྩོལ་མེད་དུ་གདུལ་བྱའི་བྱ་བ་ཀུན་སྒྲུབ་པའི་ཡེ་ཤེས་དེས། ཐུགས་རྗེའི་རང་བཞིན་ཉིད་སྤྲུལ་པའི་སྐུ་གདུལ་བྱ་ཇི་ལྟར་འདོད་དགུར་སྣ་ཚོགས་སུ་ཤར་བའོ། །སྐུ་བཞི་ཡེ་ཤེས་ལྔ་མཚོན་ཚུལ་ནས་མ་འདྲེས་ལ་ངོ་བོ་དབྱེར་མེད་དུ་ཡོངས་སུ་རྫོགས་པས་ལྷུན་གྱིས་གནས་པའི་བདེ་བ་ཆེན་པོར་བཞུགས་པའོ། །ངོ་བོ་ཉིད་ཀྱི་སྐུ་ཡེ་ནས་གནས་པ་མངོན་དུ་མཛད་པའི་ཡེ་ཤེས་རང་ཤར་བ་ནི་ཆོས་སྐུ༼༡༽། དེ་༼༡༽ཡི་འོད་ཤར་བ་ལོངས་སྐུ་རིགས་ལྔ་དང་སྤྲུལ་པའི་སྐུར་བཅས་པའོ། །གདུལ་བྱ་ཞེན་ཆགས་ཅན་གྱི་ངོ་ལ་ལྷ་མོ་ཚོགས་དཔག་མེད་ཀྱི་བདག་པོར་ཤར་བ་དེ་ལ་ཡུལ་ཞེན་ཆགས་ཅན་གྱིས་ཤར་བ་ཡིན་གྱི་ངེས་པའི་དོན་ལ་བདེ་བ་མྱོང་བའི་ཚོར་བས་བསྡུས་པས་མ་གྲུབ་ལ། སྐུ་དང་གནས་ཕྱོགས་རིས་སུ་ཆད་པར་སྣང་བའང་དོན་དུ་བརྟགས་པའི་བག་ཆགས་སད་པའི་དབང་གིས་སྣང་བ་ཡིན་པས་དེ་ཡང་འཁྲུལ་པའི་དབང་གིས་སྣང་བས་སྦྱོར་བ་དོན་གྱི་ཀུན་གཞིར་ཟད། །གདུལ་བྱའི་བག་ཆགས་ཀྱི་སྣང་བ་སད་པས་སངས་རྒྱས་ལ་ཕྱོགས་རིས་སུ་མཐོང་ཚད་ལ། །རྒྱལ་བའི་དགོངས་པ་དེ་ལྟར་དུ་ངེས་པའི་དོན་དུ་སྣང་བར་བློས་བརྟགས་པ་ནི་མིན་ནོ། །ཞེས་གསུངས་པ་བཞིན་ནོ། ༈ །ཡེ་ཤེས་ཀྱིས་གདུལ་བྱ་མཁྱེན་ཚུལ་ནི། རྣམ་པར་མི་རྟོག་པ་དང་། དག་པ་འཇིག་རྟེན་པའི་ཡེ་ཤེས་ཡོད་པ་དང་། མེད་པར་ཕྱོགས་རེ་བར་འདོད་པ་ལ། མདོ་སྔགས་ཀྱི་ལུང་དང་དེ་ལ་བརྟེན་པའི་རིགས་པ་དུ་མས་ཕན་ཚུན་གནོད་པས། འདིར་ཡེ་ཤེས་ཡོད་མེད་ཀྱི་མཐའ་ལས་འདས་པར་འབྲས་ཀློང་དུ་གསུངས་ཏེ། རང་བཞིན་ཅིས་ཀྱང་སྟོང་པས་ཡོད་པའི་མཐའ་ལས་འདས། དེ་མཁྱེན་ཐམས་ཅད་རྫོགས་པས་མེད་པའི་མཐའ་ལས་འདས། མཚན་ཉིད་ཐ་དད་བྲལ་བས་གཉིས་ཀྱི་མཐའ་ལས་འདས། གཉིས་མེད་ངོས་བྲལ་རོལ་བས་དེར་འཛིན་མཐའ་ལས་འདས། ཡེ་ཤེས་ཡོད་མེད་མཐའ་ལས་འདས་པར་བཞུགས། ཞེས་སོ། །དེས་གདུལ་བྱ་ཇི་ལྟར་མཁྱེན་ཅེ་ན། རྣམ་བཀོད། དུས་བཞིའི་ཆོས་ཀུན་རང་བྱུང་ཡེ་ཤེས་ངོ་བོ་བདག་ཉིད་གཅིག་པའི་ཕྱིར༼༠༽། ཤེས་བྱ་ཀུན་མཁྱེན་དུས་བཞི་ཐད་ཀ་རུ་འཛིན་པའི་དམིགས་པའི་ཡུལ་ལས་གྲོལ་བ། དེ་༼༠༽ཕྱིར་སེམས་སྒོམ། ཆོས་དབྱིངས་རྡོ་རྗེ་རྩེ་མོ་དེ་དག་ཕྱོགས་ཉིད་མེད་པས་སྐད་ཅིག་མིན། ཅེས་སོ། །སྐད་ཅིག་སྐྱེ་འཇིག་གི་རྒྱུན་མེད། ཕར་འགྲོ་བ་དང་ཚུར་འོང་བ་ཡང་དེ་ལ་མེད། །གཉིས་མེད་ཀྱི་ཡེ་ཤེས་ལོག་པར་རྟོགས་ཏེ་ཕྱིན་ཅི་ལོག་ཏུ་བརྟགས་པའི་གཟུང་འཛིན་གློ་བུར་བ་རྣམ་པར་དག་ཅིང་། །སངས་རྒྱས་ཀྱི་ཡེ་ཤེས་དང་ཆོས་ཀྱི་དབྱིངས་ལས་འགྲོ་དྲུག་མི་གཞན་པའི་ཕྱིར། །མི་འབྱེད་པའི་ཐུགས་རྗེ་ཆེན་པོས་ངོ་བོ་བདག་ཉིད་གཅིག་པར་འབྲེལ་བས་ན། །འགྲོ་བ་རིས་དྲུག་གི་དུས་དང་གནས་མ་ལུས་བ་ཐམས་ཅད་མ་འདྲེས་ཡོངས་རྫོགས་སུ་སྣང་། །ཞེས་དང་། འབྲས་ཀློང་། རིག་པ་རང་གསལ་བ་རང་བྱུང་གི་ཡེ་ཤེས་འཁྲུལ་པ་རྣམ་པར་དག་པའི་བདེ་བ་ཆེན་པོ་དེས། །ཡུལ་གྱི་རྣམ་པ་ཡེ་ནས་རང་གསལ་བས་ཡུལ་དུ་གྲུབ་པ་མིན་པར་ཤེས་བྱ་ཐམས་ཅད་མཁྱེན་པའི་ཕྱིར། ཉིད་ཀྱི་དགོངས་པ་ལས་གཞན་སྣང་བ་མིན་ཏེ་སྣང་བ་དང་རིག་པ་ཅིར་ཡང་ཤར་བ་རྣམས་གསལ་ལོ། །ཞེས་འབྱུང་བས། ཉིད་ལས་མི་གཞན་པར་རྣམ་པ་ཐམས་ཅད་མཁྱེན་པའོ། ༈ །ཐུགས་རྗེས་འགྲོ་དོན་མཛད་ཚུལ་ནི། །རིམ་གསུམ་ལས། གཉིས་མེད་ཀྱི་ཐུགས་རྗེ་ཆེན་པོས་གདུལ་བྱའི་དོན་མཛད་པ་ལ་བཞི་སྟེ། རྟག་པ་རྒྱུན་གྱི་རང་བཞིན་ཤུགས་ཀྱི། བསྐུལ་ཞིང་གསོལ་བཏབ་པ་དང་། །ཡུལ་དང་ཕྲད་པས་ཐུགས་རྗེ་འབྱུང་བར་སྣང་། །ཞེས་དང་། འབྲས་ཀློང་། རང་སྣང་སངས་རྒྱས་ཀྱི་དགོངས་པ་ལ་གདོད་ནས་ཐ་མའི་ཕྱོགས་རིས་སུ་རྒྱ་མ་ཆད་པར། །ཐུགས་རྗེས་གཟུང་བར་བྱ་བའི་ཡུལ་གདུལ་བྱ་དང་སྨོན་ལམ་བཏབ་པས་འབྲེལ། །རྩོལ་བས་མ་བཙལ་བར་འགྲོ་དོན་རྒྱུན་ཆད་མེད་པར་རྟག་ཏུ་མཛད་པ་དེ་ཡང་། རང་བཞིན་ཤུགས་༼༡༽ཀྱིས་བསྐུལ་ཞིང་གསོལ་བ་བཏབ་བས༼༡༽ཕྲད་པའི་ཡུལ་གདུལ་བྱའི་དོན་རྫོགས་༼༡༡༡༡༽པའོ། །དེ་ལྟར་ལྷུན་གྱིས་གྲུབ་པར་སྐུ་གསུམ་ཡེ་ནས་ལྷུན་གྲུབ་པས། དཀ྄་ཤ་ཀ་ཡི་རྒྱན་བཞིན་ནོ། །སྤྱོད་ཀློང་ལས་གསུངས་སོ། །རྒྱུན་ཆད་མེད་པར་དོན་མཛད་པ་སངས་རྒྱས་མྱ་ངན༴ ཞེས་དྲང་དེ་ཡང་སྣ་ཚོགས་སུ་སྣང་སྟེ། དེ་སྐད་དུ། རྩ་རྒྱུད། ཞིང་བསམ་གྱིས་མི་ཁྱབ་པ་ཐམས་ཅད་དུ། གདུལ་བྱ་མཐའ་ཡས་པའི་ངོ་ལ་སྐུ་༼༡༽གསུང་༼༡༽ཐུགས་༼༡༽སྣ་ཚོགས་༼༡༡༡༽ཀྱི་མཛད་པ་གར་ཡང་མ་ངེས་ཏེ་པར་ཀུན་ཏུ་སྣང་བ་ཞེས་དང་། སངས་རྒྱས་མཉམ་སྦྱོར། དུས་དང་གནས་རེས་འགའ་ཞི་ལ་རེས་འགའ་དྲག །རེས་འགའ་གདོན་ཆེན་བགེགས་སུའང་མཛད་དེ། དེ་དག་ལ་སོགས་པ་མཐའ་ཡས་མཆོག །རི་དང་སྐྱེ་བོ་ཐམས་ཅད་དོ། །ཞེས་དང་། དྲི་མ་མེད་པར་གྲགས་པའི་མདོ་སྡེའི་མཛད་པ་སྟོན་པའི་སྐབས་ལས་ཀྱང་། ཐ་ན་ཉོན་མོངས། ཕུང་། འཆི། ལྷའི། བུའི། བདུད་བཞི་པོ་དང་ཉོན་མོངས་པ་དུག་གསུམ་དང་། ང་རྒྱལ་ཕྲག་དོག་གཉིས་བསྡོམས་བཞི་ལ་ནང་རིས་ལ་ཉི་ཁྲི་བཞི་སྟོང་དུ་ཕྱེ་བས་སྟོང་ཕྲག་བརྒྱད་ཅུ་རྩ་བཞི་པོ་རྣམས་ཀྱིས། སེམས་ཅན་རྣམས་ཀུན་ནས་ཉོན་མོངས་པར་བྱེད་པ་དེ་དག་གིས། དེ་བཞིན་གཤེགས་པ་རྣམས་སངས་རྒྱས་ཀྱི་མཛད་པ་མི་བྱེད་པ་གང་ཡང་མེད་དོ། །ཞེས་གསུངས་པ་ལྟ་བུ་ཆོས་ཐམས་ཅད་སངས་རྒྱས་ཀྱི་མཛད་པར་གསུངས་པས་མངོན་ནོ། ༈ །རིག་པའི་རྩལ་སྦྱང་གི་ཡན་ལག་གསུམ་གྱི། སློབ་དཔོན་ནི། རིན་ཕྲེང་། དང་པོ་བླ་མ་དམ་པ་བཙལ། དམ་པ་རྙེད་ནས་ལུས་ངག་གི་དཀའ་བ་དུ་མས་བླ་མ་བསྟེན། མཉེས་པར་ཐུགས་གཟུང་ལ་གདམས་ངག་ཞུ། ཞེས་པས། ༈ །དང་པོ་བླ་མ་བཙལ་དགོས་ཏེ་གང་ཞེ་ན། དེ་ཡང་། དགོངས་འདུས་ལེའུ་དྲུག་ཅུ་བདུན་པ་ལས་འཐོར་བུ་བསྡུས་པ་བློ་གྲོས་ཀྱིས་རྒྱུད་དགྲོལ་བའི་དང་པོ་གདམས་ངག་དྲི་བའི་ཡུལ། །འགྲོ་བ་ལ་ཡང་དག་པའི་ལམ་སྟོར་བའི་ས་མཁན་དུ་ཁས་ལེན་པ་དགེ་བའི་བཤེས་གཉེན་སྡུག་བསྔལ་གྱི་མགོན། །མ་རིག་པའི་མུན་པ་སེལ་བའི་སྒྲོན་མ་རྟོགས་པའི་དགོས་འདོད་འབྱུང་བའི་རིན་པོ་ཆེ། །དོན་མཐོང་བར་བྱེད་པ་མིག་གི་དབང་པོ་ཡང་དག་པའི་དོན་ཤེས་པས་ཡིད་ཀྱི་རྣམ་ཤེས། །འཁོར་བའི་ཆུ་བོ་ཆེན་པོ་རབ་མེད་པ་བཞི་ལས་སྒྲོལ་བའི་གྲུ་དང་འདྲ་བའི་རྡོ་རྗེ་སློབ་དཔོན་བླ་མ་དེ། །བླ་མ་དམ་པར་བཟུང་པའི་ཚད་ལ་བབས་སམ་མ་བབས། །བརྟག་པའི་ཐབས་དང་དེའི་ཡན་ལག་བཅས་པ་ཡིས། །སློབ་དཔོན་དེའི་ཡུལ་མིན་པ་གཞན་གྱི་ཡུལ་ནས་ཡོན་ཏན་ཡོད་མེད་དྲི་ཞིང་བརྟག་པར་བྱའོ། ༈ །དམ་པར་གྱུར་པ་དེ་ཡི་རང་བཞིན་ཡང་། །ཡིད་བརྟན་སེམས་དང་ལྡན་པ་དང་ཁོང་དུལ་བ་དང་། །ཐུགས་དགོངས་ཚད་གཟུང་དུ་མེད་པར་ཡངས་པའི་བློ་གྲོས་དང་ལྡན་པ། ཉོན་མོངས་པ་དང་སྡུག་བསྔལ་གྱི་རྐྱེན་ཐུབ་པས་བཟོད་ལྡན། ༈ །དུས་ཀུན་ཏུ་དྲང་། ངག་གསོང་པོར་སྤྱོད་ལ། ༈ །སེམས་གྱ་གྱུ་མེད། ཤེས་པར་བྱ་བའི་ཡུལ་ནི་ཐེག་པ་མཐས་ཅད་ལ། །སློབ་བུ་ཇི་ལྟར་འདོད་པ་བཞིན་དུ་འབྱུང་། །དུས་སྲིད་པར་ཞུས་ཡང་ཆོས་ཟད་མི་ཤེས། །བརྟགས་ཤིང་ཡོན་ཏན་ཕྱི་ཕྱིར་ཆེ་བ་འབྱུང་། །བདེན་པར་སྨྲ་ཞིང་ཚིག་མི་འགྱུར། །ཇི་སྐད་སྨྲས་པ་དེ་བཞིན་དུ་སྒྲུབ་པར་བྱེད། །འཁོར་བའི་འདུ་འཛི་དང་དམན་པ་ཐ་མལ་པའི་ལས་རྣམས་སྤངས། །འཕྱོ་༼༡༽བ་དང་གཡེང་༼༡༽བ་དང་བྲལ་༼༡༡༽གང་ན་བཞུགས་པའི་གནས་གཅིག་ཏུ་རྟག །སེང་གེའི་སྤུ་ལྟར་གཅིག་པུར་གནས། །དགོན་པའི་རྒྱུད་དང་སེམས་དབེན་པའི་གནས་ལམ་འཛིན། །ཡོན་ཏན་འདི་དག་དང་གང་ལྡན་དམ་པའི་འོས། ༈ །དེ་མ་རྙེད་ན་གང་བསྟེན་ན་རང་བཞིན་གོང་གི་དེ་དག་དང་མི་ལྡན་ན་ཡང་། །དམ་པའི་ལྟ་སྤྱོད་དམ་ཚིག་མཛོད་དང་ལུང་མན་ངག་གི་གཉེར་དང་ལྡན་ན། །དེ་ཡང་བླ་མ་གཟུང་ཞིང་དམ་པར་བྱའོ། ༈ །སློབ་མ་བློ་ལྡན་དད་༼༡༽དང་གུས་པ་༼༡༡༽ཡིས ༼༡༽། །རུ་དམ་པར་གྱུར་ཏོ་འཚལ་རྣམས་ལ། །འདུན་པར་བྱ་བའི་སར་ལྷ་ཕྱག་ལན་གསུམ་གུས་པར་བྱས་ཏེ། ཞབས་གཉིས་ལ་སྤྱི་བོས་གཏུག་པར་བྱ། །བཀའ་ལུང་བྱུང་བ་རེ་ལ་ཚིག་གང་རྨེད་ཅིང་འདྲི་བ་ལ་འཕྲོས་ཏེ་འབེལ་གཏམ་བྱུང་བ་ལ། །ཡང་དང་ཡང་དུ་ཞེ་ས་སྤྱན་ཕྱག་འདུན་པའི་ཐབས་སུ་སྦྱར། །སྲི་ཞུ་གུས་པའི་སྒྲ་ཡིས་བཀའ་ལུང་དང་མན་ངག་གི་མཚམས་བཟུང་སྟེ། །བཀའ་ལུང་ལན་ནི་ཅི་བདེར་དུ་དགྱེས་པར་རམ་ངག་འཇམ་པར་བླན། །ངག་གསོང་པོར་སྨྲ་ཞིང་སེམས་གྱ་གྱུ་མེད། །རུའང་གང་ཟག་ཡིན་པས་དེའི་བཟང་༼༡༽བ་དང་ངན་༼༡༽པའི་སྤྱོད་༼༡༡༽པ་ལ། །ཐིང་སླད་ཀུ་རེ་ཙམ་དུ་སྨོད་པར་ཡོང་མི་བྱ། །རུ་ལ་ཞུ་བ་འབུལ་བ་༼༠༽དང་། བཀའ་དྲིན་ནོད་པ་༼༠༽དང་། །སྤྱན་སྔར་ཤོག་ཅིག་པའི་བཀའ་ལུང་བྱུང་ནས་འདུན་པར་གྱུར་ཏེ་འདུག་པ་༼༠༽དང་། །ཕྲིན་སྒྲུབ། ཟབ་མོ་ཉན་ཤད་དམ་པའི་སྤྱོད་༼༠༽པའི་༼༠༽དུས་༼༠༽དང་༼༠༽བཞི་༼༠༽མ་གཏོགས་པ། །དམ་པ་རུ་དག་དང་རང་གནས་གཅིག་ཏུ། །ཞམ་འབྲིང་བྱེད་པ་མ་གཏོགས་པ་དུས་ནམ་ཡང་བསྡད་པར་བྱ་བ་མིན། །སྐུ་ཡི་གྲིབ་མ་མི་འགོམ་ཞིང་། །ཞབས་ཀྱི་རྗེས་ལ་བརླམ་པར་མི་བྱའོ། །ན་བཟའ་༼༡༽དང་ཆགས་༼༡༽ལྷྭམ་དང་གདན་༼༡༽དང་རྒྱབ་རྟེན་༼༡༽གཟིམ་མལ་གསོལ་ཟས་ལ་སོགས། །དུས་ནམ་༼༡༡༡༡༽ཡང་འགོམ་པར་བྱ་བ་མིན། །དམ་པའི་ལས་སྤྱོད་གྱིས་ཤིག་པའི་བཀའ་ལུང་བྱུང་བ་རྣམས་སྲོག་དང་བསྡོས་ལ་མིང་གིས་བསྒྲུབ། །དམ་པའི་དཀོར་རྣམས་ལ་ཏིལ་འབྲུ་ཙམ་ཡང་མི་འབག་པར་རང་གི་སྲོག་བཞིན་དུ་བསྲུང་། །རུའི་སྤྱན་སྔར་མགོ་ལ་ཞྭ་དང་ཐོད་ཀྱི་ཟེ་ལྡིར་རང་ལ་གདུགས་ཕུབ་པ་ཐོགས་པ་དང་། །གུ་ལྗོ་བྱིས་པ། སྨྱོན་པ། ཀུན་ཏུ་རྒྱུ་ལྟ་བུའི། སྤྱོད་པ་དམ་པས་གཟིགས་པའི་ཡུལ་དུ་བྱ་བ་མིན། །ཁོང་འཇམ་པ་སྤྱོད་པ་དལ་བར་བྱས་པ་ནི་དུས་ཐོས་༼༡༽སུ་འཕྲིགས་༼༡༽སུ་དོགས་༼༡༡༽ པ་བཞིན་དུ་བྱ། །ལུས་ཀྱི་དོར་བ་གཤང་གཅི་གང་དག་ཀུན། །བླ་མས་མཐོང་ཞིང་ཚོར་བའི་ཡུལ་ནས་ཡོང་ཡེ་མི་བྱ། །འཕྱོ་བ་གཡེང་བ། རྫས་ལ་བརྐམ་པ་དང་སེམས་མ་ཞི་བའི། །སྤྱན་སྔར་མང་པོ་འདུས་ནས་རྩེད་མོ་རྟ་བགད་ལ་སོགས་པའི་བྱེད་སྤྱོད་རྣམས། །བླ་མའི་སྤྱན་སྔར་བྱ་བར་རིགས་པ་མ་ཡིན། །ཁམས་ལས་བྱུང་བའི་ལུས་སྤྱོད་གླལ་དང་གློ་སྦྲིད་རྣམས། །ཁ་ལ་གོས་ཀྱིས་བསྒྲིབས་སམ་མི་གཟིགས་པའི་ཕགས་སམ་སྐྱོར་མོས་ཁ་བཀབ་ནས་གཅོམ་བསྐྱུངས་ཏེ། དམ་པ་དེ་ལ་ཅི་མཛེས་སུ་བྱའོ། །རུའི་མཚན་ནས་དུས་ནམ་དུ་ཡང་མི་རྗོད་ཅིང་། །མཚན་དམ་པ༼༡༽། བླ་མ༼༡༽། བཤེས་གཉེན༼༡༽། ཞེས་ངག་ཏུ་རྗོད་པའི་མཐའ་མར་ཞུ་བའི་སྒྲ་འདོད་གཏམ་གཞུག །མི་གཞན་དང་ཁྱད་པར་ཅིས་ཀྱང་དབྱེ་བར་བྱ། །གནང་བའི་བཀའ་ལུང་བྱུང་བཀའ་བཞིན་དུ་ཞུ་ལགས་ཞེས་ངག་ཏུ་རྗོད། །ཐལ་མོ་སྦྱར་ལ་ཅི་གསུང་བ་དྲན་པས་གཟུང་བར་བྱ། །དམ་པའི་གདན་བསྐྱོད་ནས་གཤེགས་པའི་དུས་ན། །བདག་གིས་ཅི་ནས་བསྒྲིམས་ཏེ་སྔོན་འདུལ་གྱི་སྲིད་ཞུ་བྱའོ། ༈ །བླ་མ་མཉེས་པར་བྱེད་པའི་ཐབས་ཆེན་ཡང་། །སྐྱོ་བ་དང་དུབ་པ་མེད་པའི་དད་པ་དང་། །རྒྱུད་གྱོང་བ་དང་བློ་ཁེངས་བའི་བསམ་པ་མེད་པའི་གཉེན་ལྕུག་དང་། །སེར་སྣ་ཡིས་བཅིངས་པ་མེད་པའི་ཟང་ཟིང་དབུལ་བ་དང་། །སོམ་ཉི་དང་ཐེ་ཚོམ་མེད་པའི་སྲི་ཞུ་དང་། །གཡོ་དང་སྒྱུ་མེད་པའི་དྲང་ཞིང་མ ཁྲང་བ་དང་། །ངོ་དགའ་ཁ་གསག་མེད་པའི་རང་རྒྱུད་དང་། །རྨོངས་པ་མེད་པའི་ཤེས་རབ་དང་། །དྲི་མ་མེད་པའི་ལྷག་པའི་བསམ་པའི་སེམས་དང་བརྒྱད། །བླ་མ་དམ་པ་དེ་ལ་བརྒྱད་ཀ་རྫོགས་པར་དབུལ་ལོ། །ལམ་རིམ་ལས། ཚུལ་དེ་ལྟར་དཀའ་བས་བླ་མ་བསྟེན་ན་རྡོ་རྗེ་རྒྱལ་པོ་བླ་མའི་ཉམས་ཀྱི་མན་ངག་གི་གནང་བ་འཐོབ་བར་འགྱུར་ཏེ། །ཐོབ་པ་དེའི་ཚེ་རྒྱུད་ཆེན་པོའི་གཞུང་ནས་བཤད་པ་བཞིན་དུ་ཡོན་རྒྱལ་སྲིད་ཅེས་དྲང་། ཕུལ་ན་རུའི་ཐུགས་ཀྱི་ཉིང་ཁུའི་མན་ངག་སྟེར། ཞེས་འབྱུང་བ་བཞིན་ནོ། ༈ །ཐེག་ཆེན་སྒྲོན་མ། གུས་པར་བྱེད་པའི་སློབ་མའི་མཚན་ཉིད་ནི། །དགེ་བ་ལ་སྤྲོ་བའི་བརྩོན་འགྲུས་དང་ལྡན་ཞིང་ངང་རིང་བ་ཚུལ་ཤིས་ལ་རང་བཞིན་བཟང་བ། །ཁོང་རྡིག་ཅིང་མན་ངག་སྣོད་མེད་ལ་གསང་ཐུབ་ཕྲལ་དུ་སྤྱོད་པ་དལ། །ཡ་རབས་ཀྱི་བག་དང་ལྡན་པ་བཞིན་བཟང་ཞིང་མཛེས་པའི་ཐབས་དང་ལྡན་པ། །ལུས་ངག་ཡིད་སྒོ་གསུམ་གྱི་བྱ་བ་བཟང་བར་སྤྱོད་པ་ལས་ཀྱི་མཐའ་མི་དགེ་བ་སྒོ་གསུམ་གྱི་མི་དགེ་བཅུ་སྡོམ་པ། །དམ་པ་བླ་མ་ཉིད་དང་ལུས་ངག་མཐུན་པར་སྤྱོད་ཅིང་། །སེམས་གསལ་ལ་བརྗོད་པ་དག་པས་གོ་བརྡ་ཕྱེད། །དེ་ལྟ་བུའི་ཤེས་པའི་རྒྱུད་ཐོབ་པས་དགྲོལ་བར་བྱ། །ཞེས་དང་། ༈ །དེ་ལས་གཞན་པའི་སྣོད་ངན་ཡང་། ལམ་རྣམ་བཀོད་ལས། རྩ་བ་ཡན་ལག་གི་དམ་ཚིག་མི་ལྡན་པ ར་ལུས་ངག་གི་སྤྱོད་པ་རྩིང་། །སྤྲོ་ཐུང་། འདོད་ཆགས་རབ་ཏུ་ཆེ། གཉིད་ཆེ། ཆང་དད། བརྩོན་འགྲུས་ཆུང་། ཆོས་སློབ་པ་ལ་མི་གུས། གདམས་ངག་ལ་ནན་ཏན་མེད། སློབ་དཔོན་ཡིད་ལ་མི་དྲན་སྤུན་གྲོགས་ལ་གདུང་སེམས་ཆུང་། །མུན་པ་དང་ལྐོག་དང་སྐྱེ་བོ་ལ། །གར་འཕྲད་པའི་མིས་དབེན་པར་འདོད་ཆགས་སྤྱོད་ཅིང་། །སྒོ་གསུམ་གྱི་དྲེགས་པ་དང་ངན་པའི་སྤྱོད་པ་དེ་དག་བརྟགས་པས། ༈ །བགས་ཀྱིས་སྣོད་སྐྱོན་ཚོར་ན་བླ་མ་དེས། །ལུང་མན་ངག་མི་ཟད་པས་གཏེར་མཛོད་རིག་པའི་སྒོ་སྡོམ་སྟེ། །མན་ངག་སྣོད་ངན་གྱིས་མི་ཐོབ་པའི་རྒྱུ་ཡིན་པས། །སྤྱོ་བ་དྲག་པོས་སྤང་ངམ་ཡང་ན་ནི། །ཚིག་གིས་བྲིད་ཅིང་ཡུལ་ཁམས་གཞན་དུ་བརྒྱངས་ལ་གཏང་། །ཐུགས་ཀྱི་བདེ་བའི་མན་ངག་མི་སྤྲོའོ། ༈ །གསང་སྙིང་། སློབ་མ་རྟོག་པ་ལ་རྨོངས་ལ་བློ་འཕྱར་བས་གལ་ཏེའམ་བརྒྱ་ལ་བྱིན་ན། །འཆི་བའི་དུས་མིན་པར་ནི་གནས་པའི་སྲོག་ཟད་ནས། །དམྱལ་བར་བསྲེག་དང་ཡི་དྭགས་སུ་སྦྲེབས་ལ་ཡུན་རིང་པོ་བསྐལ་པར་གནས་ཏེ་ཐོན་ནས། །ཞེས་འབྱུང་བའོ། ༈ །མན་ངག་ནི། རྩ་བ་ཀློང་དགུ། གཏེར་གཏད། རིག་འཛིན་གྱི་ཆོས་བཞི། ཉི་སྙིང་། རྒྱན་ཕྲེང་འོད་གསུམ་དུ་བླ་མ་དགེ་སློང་བཞེད། ཡང་ན་དགའ་རབ་ཀྱི་བཅུ་གཅིག །རིག་འཛིན་གྱི་ལྔ། ཀུ་ཀུ་རཱ་ཙའི་གཉིས་སོ། །བཅོ་བརྒྱད་དང་། སོ་བཞི་སེམས་སྡེ་བཅོ་བརྒྱད། ལ་ཤན། པྲ་ཁྲིད། དོན་བཞི་ལྷག་གཏན། གསང་བ་ཐུགས་སྒྲོན། གོང་གི་བཅོ་བརྒྱད་དེ་མན་ངག་གོ། །བཅུ་གཉེར་ཡིག་ལ་སོགས་པ་བསམ་གཏན་ཕྲན་བུ་ཡི་གེ་རིས་དཀྱུས་ཀྱི་མན་ངག་ཤིན་ཏུ་རྒྱས་པས་འདིར་མི་སྤྲོའོ། །སྙན་བརྒྱུད་ཞལ་གྱི་མན་ངག་ནི། དབང་། རྒྱུད། མན་ངག །གྲུབ་པའི་ཆུ་བོ་བཞི་རྫོགས་ཀྱི་བླ་མ་ལ་རག་ལས་ཤིང་། བརྡ་བྲལ་སྟོང་ཉིད་རང་སར་གྲོལ་བའི་མན་ངག་ནི། རང་གིས་མྱོང་དུ་མེད་པའི་ཚུལ་གྱིས་ཉམས་སུ་མྱོང་བ་ལས་ཡི་གེར་བྲིར་མི་བཏུབ་པ་ཡིན་ནོ། ༈ །དེ་ལྟ་བུའི་གསང་སྔགས་ཀྱི་ཐེག་པའི་ཚིག་དོན་ལ་ངེས་པ་མ་རྙེད་པས་གཞན་ལ་བསྟན་ན། དགོངས་འདུས། གང་ཟག་གང་གིས་མཚམས་མེད་པས་དམྱལ་བར་སྐྱེ་བའི་ལས། ཕ་མ་དགྲ་བཅོམ་གསོད་པ་དང་། དགེ་འདུན་གྱི་དབྱེ་ན། དེ་བཞིན་གཤེགས་པ་ངན་སེམས་ཀྱིས་ཁྲག་འབྱིན་པ། ལྔ་བྱས་༼ཿ༽ པས། ཆོས་ལོག་པར་སྨྲ་བའི་སྡིག་དེ་དེ་༼ཿ༽བས་ལྕི་ལ། རང་དོན་ལ་ངེས་པར་རྟོགས་པའི་བློ་ཤེད་མ་བྱེ་བར། །ཚིག་གི་ལམ་ཡི་གེར་དོན་ཁྲིད་ནས་ནི། གང་ལ་ཡང་བློ་མ་ངེས་པར་དྲི་བའི་ལན་བརྗོད་ན། །སེམས་ཅན་སྲོག་ཆགས་པ་ཀུན་གྱི་སྲོག་ཕྲོགས་ཏེ་བཅད་པ་པས། །རང་གིས་མི་ཤེས་པའི་ཆོས་གཞན་ལ་བཤད་པ་དེ་སྲོག་བཅད་པ་དེ་བས་ལྕི། ༈ །རྩ་རྒྱུད། རང་གིས་རྟོགས་ནས་གཞན་ལ་སྨྲ་བར་གང་བྱེད་པ། །དེ་ཉིད་སྟོན་པ་སངས་རྒྱས་ང་ཡིན་པས་དབང་ལྔ་ཡང་རྫོགས། །ཞེས་པའི་ཡོན་ཏན་འབྱུང་བའོ། ༈ །སློབ་མའི་མ་རིག་པའི་རབ་རིབ་སེལ་བར་བྱེད་པས་ཐུར་མ་དང་འདྲ་བ་འདི། །བཀའ་རྟགས་ཀྱི་ཕྱག་རྒྱ་བཞི་དང་བྲལ་བ་དང་ཚད་མ་ལུང་རིགས་མན་ངག་གསུམ་དང་འགལ་བའི་སྐྱོན། །རྒྱལ་བ་རིག་འཛིན་གང་ཟག་དང་། དཀོན་མཆོག་གསུམ་ལ། །བཟོད་པར་གསོལ་ཞིང་གཉིས་སུ་མེད་པའི་ངང་དུ་བཤགས་སོ། །ངལ་བའི་དགེ་བ་འདིས་བདག་གིས་རྗེས་སུ་འབྲང་བ་རྣམས། །ཤེས་རབ་ཀྱི་བློ་མིག་གི་དབང་པོའི་རབ་རིབ་ཡོངས་སུ་དག་ནས། །ཐེག་པའི་བླང་དོར་གྱི་བྱེ་བྲག་ལེགས་པར་རྟོགས་ཤིང་། །ཆོས་ཉིད་མཉམ་པ་ཉིད་ཀྱི་དོན་རང་རིག་མངོན་སུམ་དུ་མཐོང་བའི་ངང་ལ་རྒྱུན་དུ་གནས་པར་སྨོན་ཏོ། ༈ །ཤེས་རབ་ཀྱི་སྤྱན་རྣམ་པར་འབྱེད་པ་ཞེས་བྱ་བའི་མན་ངག །སེའི་བནྡྷེ་འབྱུང་ལྡན་གྱིས་བཀོད་པ། རྫོགས་སོ།། །།རྫོགས་ཆེན་ཀློང་དགུའི་རྒྱུད་དང་དེའི་མན་ངག་ཕྱོགས་རྟོགས་དང་བཅས་པའི་འོག་གི་དྲི་མ་སྲུང་བྱེད་ཀྱི་ལྡེབ་གཡོག་ཟླ་བའི་པར་ཁབ་བཞུགས།

རྫོགས་ཆེན་ཀློང་དགུའི་རྒྱུད་དང་དེའི་མན་ངག ཟླ་བའི་པར་ཁབ་ཨོ་ཌི།

གང་འདིར་རྫོགས་པ་ཆེན་པོ་ཀློང་དགུའི་པུ སྟི་སེ་བན྄་འབྱུང་ལྡན་གྱིས་མཆན་དུ་བཏབ་པ་འདི། ཀཿཐོག་སི་ཏུ་ཆོས་ཀྱི་རྒྱ་མཚོས་བོད་ཕྱོགས་ནས་གདན་དྲངས་པའི་ཡིག་བྲིས་དབུ་མེད་མཚན་ཉིད་པ་དེང་སང་འབྲུ་ཚ་ཞེས་གྲགས་པའི་དཔེ་ཁུངས་དག་ལ་བརྟེན་ནས། མཁན་ཆེན་མཁྱེན་བརྩེ་བློ་གྲོས་ཀྱི་ཕྱག་དཔེ་རུ་གུས་སློབ་ཨོ་ཌིའི་མིང་ཅན་ནས་སྔར་གྱི་བརྡ་དག་དཔེར་ན་གློང་རྡེང་སྩོགས་ཞེས་པའི་རིགས་རྣམས་བརྡ་གསར་དུ་བྱས་པ་ལས་གཞན་མ་དཔེ་ཇི་ལྟར་ལྷག་ཆད་མེད་པར་རྨུགས་སངས་རི་ཁྲོད་དུ་བྲིས་པ་དགེ། དེ་ལྟའི་ལེགས་བྱས་དགེ་ཚོགས་གངྒའི་རྒྱུན། །རྣམ་མཁྱེན་སྐུ་བཞིའི་རྒྱ་མཚོར་དྲངས་པའི་མོད། །ནད་མུག་མཚོན་འཁྲུག་རྦ་རླབས་རང་ཞི་ནས། །རྫོགས་ལྡན་གསར་པའི་སྤྲིན་གྱིས་ཁྱབ་པར་ཤོག །

རྒྱུད་ཡེ་ཤེས་གསང་བ་ཤྲཱི་སེངྷའིི་གསུང་སེའི་བནྡྷེ་འབྱུང་ལྡན་གྱི་མཆན་འགྲེལ།

རྒྱུད་ཡེ་ཤེས་གསང་བ་བཞུགས་སོ། །རྒྱ་གར་སྐད་དུ། ཛྙཱ་ན་གུ་ཧྱ་ནཱ་མ་ཏན་ཏྲ། བོད་སྐད་དུ། ཡེ་ཤེས་གསང་བ་ཞེས་བྱ་བའི་རྒྱུད། ཡེ་ཤེས་གསང་བའི་རང་བཞིན་དང་མཚིད་དང་རྣམ་པ་གསུམ་མ་རྟོགས་པས་གསང་བ་དེ་རྒྱལ་བ་ཀུན་གྱི་ཐུགས་ཀྱི་བཅུད་ཆོས་ཐམས་ཅད་ཀྱི་རང་བཞིན་ལ་ཕྱག་འཚལ་ལོ། ༈ །ཨེ་གནས་འདི་དོན་དགོངས་པ་ཚངས་པའི་སྐད་འཁོར་ལ་བཤད་མ་དེ་བསྟན་པའི་དུས་མཐའི་སྐད་གཅིག་གི་ཚེ་ན། ༈ །ཡེ་ཤེས་གསང་བའི་རང་བཞིན། ངོ་བོ་ཆོས་ཐམས་ཅད་རྟེན་པའི་གནས། ཆོས་ཉིད་ཆེ་བ་རྒྱ་ཆད་ཕྱོགས་ལྷུང་མེད་པའི་ཀྱི་མཁའ་ཀློང་ལ་སྤྲོས་པའི། མཐའ་མཚིད་དང་དེ་ལ་ལྟོས་པའི་དབུས་མེད་པའི་རྟོག་པ་བློས་གཞལ་བ་ལས་ཡས་ངོ་བོ་ཁང་པའི་པ་ན། ༈ །མཉམ་པའི་ཀློང་དུ་འཁྲུལ་པ་རང་སར་གྲོལ་བས་བཅོམ་སྐུ་གསུམ་ལྷུན་གྲུབ་ཏུ་མུ་མཐའི་ཕྱོགས་རིས་ལས་འདས་འཁོར་འདས་ལྷག་མ་མེད་པར་རྫོགས་པ་ཆེ་བ་ལྔས་ཁྱད་པར་དུ་གྱུར་པས་ཆེན་པོ་ངོ་བོ་ཉིད་ཀྱི་རྟག་པར་བཞུགས་སོ། ༈ །བཅོས་སླད་མེད་པ་རང་བཞིན་གྱི་གཞི་འཁོར་དང་། རང་བཞིན་ལ་མཐོང་ཚུལ་ཐ་དད་དུ་ལྟ་བའི་རིམ་པ་འཁོར་དང་། རང་བཞིན་ཇི་ལྟ་བར་རྟོགས་པའི་མངོན་དུ་གྱུར་པ། འབྲས་བུས་འཁོར་དང་གསུམ་ལ་འདི་ལྟ་སྟེ། ༈ །སྲ་བ་ས་དང་རླན་པ་ཆུ་དང་དྲོ་བ་མེ་དང་བསྐྱོད་པ་རླུང་དང་མི་སྒྲིབ་པ་ནམ་མཁའ་དང་སྣང་སྲིད་འཁོར་འདས་རྒྱུ་འབྲས་ཀྱི་སྣང་བ་ཐམས་ཅད་དང་། ༈ །ཡོངས་སུ་རྒྱུ་འབྲས་ཅན་ཐམས་ཅད་འདུ་རྣལ་འབྱོར་ཞེས་བྱ་བ་དང་། རྣལ་འབྱོར་རྩོལ་སྒྲུབ་ཅན་ཆེན་པོ་ཞེས་བྱ་བ་དང་། སེམས་དཔའི་རྣལ་འབྱོར་བླང་དོར་ཅན་ཞེས་བྱ་བ་དང་། དེ་དག་ལས་གྲོལ་བ་ཡོ་ག་བཞིར་ཐེག་པ་ཀུན་གྱི་བསྡུ་བའོ། །ཤིན་ཏུ་རྣལ་འབྱོར་ཞེས་བྱ་བ་དང་། ༈ །སྔར་འདས་མཛད་པ་ཡོངས་སུ་རྫོགས་པ་པའི་སངས་རྒྱས་དང་། རིག་འཛིན་བྱང་ཆུབ་སེམས་དཔའ་དང་སེམས་ཅན་འགའ་ཞིག་མ་འོངས་པའི་སངས་རྒྱས་དང་། ད་ལྟར་བྱུང་བའི་སངས་རྒྱས་ཞིང་ཐ་དད་ན་ཆོས་ཀྱི་འཁོར་ལོ་བསྐོར་བ་དང་། སྟོན་འཁོར་གནས་གསུམ་སོ་སོར་འབྱེད་པ་མི་མངའ་བའི་རང་བཞིན་དབྱེར་མེད་པའི་ཐུགས་རྗེས་ཐབས་གཅིག་ཏུ་གནས་བྱ་གནས་བྱེད་ལས་གྲོལ་བར་བཞུགས་སོ། ༈ །གླིང་གཞི་འཚོགས་པ་དེ་ནས་ལྷའི་དབང་པོས་སྤྲུལ་པ་བརྒྱ་བྱིན་གྱི་ཕྱོགས་བཅུའི་སངས་རྒྱས་ཡེ་ཤེས་ཅན་མ་ལུས་པ་ཐམས་ཅད་ལ་སེམས་ལྷག་ཅན་གྱི་དོན་དུ་ཚིག་འདི་སྐད་ཅེས་གནང་ནས་བསྐུལ་ལོ། །གསུང་ལྔའམ་གསུམ་དག་གི་མངའ་སྙེམས་པའི་བདག་པོ་སངས་རྒྱས་མ་ཐམས་ཅད་ཀྱིས། རྩོལ་བའི་དང་བཅས་པ་ཐེག་པ་བརྒྱད་པོ་མཐར་བཏོན་པར་གསུངས་ནས། །རྩོལ་མེད་མཐར་ཐུག་གི་ཐེག་པ་མི་གསུང་བ་དེ་ཁྱེད་ཀྱི། །ཐུགས་རྗེ་ཆེན་པོ་མི་མངའ་བར་ཡལ་ལམ་ཅི་ཡིན་དེས་ན། ཨ་ཏིའི་སྐལ་བ་དང་ལྡན་པའི་གདུལ་བྱ་སེམས་ལྷག་ཅན་མཆིས་པས་ན། །རྩོལ་མེད་ལྷུན་གྱི་གྲུབ་པའི་ཐེག་པ་རྫོགས་པ་ཆེན་པོ་གསུང་དུ་གསོལ། །ཞེས་བསྐུལ་བ་དང་། ༈ །དེ་ནས་ཕྱོགས་བཅུའི་སངས་རྒྱས་ཐམས་ཅད་དགོངས་པ་ཆོས་ཉིད་ཀྱི་ནམ་མཁའ་ལ་ཐུགས་རྗེ་ཡེ་ཤེས་ཀྱི་ཉི་མ་ཤར་ནས་བཀའི་འགྲོ་བའི་གསུང་མཐུན་པ་མགྲིན་གཅིག་ཏུ། གང་ལ་གསུངས་ན་རྒྱལ་ཚབ་རྡོ་རྗེ་སེམས་དཔའ་ལ་གསུངས་ཇི་ལྟར་གསུངས་ན་འོག་གི་འདི་སྐད་ཅེས་བསྐུལ་བའི་ཚིག་གསུངས་སོ། །སངས་རྒྱས་ཐམས་ཅད་ཀྱང་འབྱེད་པ་མི་མངའ་བས་དུས་གསུམ་གྱི་སངས་རྒྱས་གང་གསུངས་ན། མ་ལུས་པ་ཐམས་ཅད་ཀྱི་གཞན་དོན་མཛད་པའི། ཐུགས་རྗེའི་རང་བཞིན་རྡོ་རྗེ་སེམས་དཔའ་ཁྱོད་ཡིན་པས། །དུས་གསུམ་གྱི་སངས་རྒྱས་ཀུན་གྱི་མཛད་པ་བསམ་གྱིས་མི་ཁྱབ་པར་ཁྱོད་ཤར་བའོ། །གསུང་གི་མངའ་བདག་སངས་རྒྱས་ཐམས་ཅད་ཀྱི། །ཐམས་ཅད་མཁྱེན་པའི་ཡེ་ཤེས་ཀྱི་རང་བཞིན་ཁྱོད་ཡིན་པས། །འཁོར་འདས་ཀྱི་ཆོས་ཐམས་ཅད་བྱང་ཆུབ་ཀྱི་སེམས་སུ་ཁྱོད་ཀྱི་དགོངས་པ་ལ་གསལ་བའོ། །ལྷག་མ་མ་ལུས་པའི་བདེ་བར་གཤེགས་པ་ཐམས་ཅད་ཀྱི། །གཞི་རྟེན་དུ་གྱུར་པའི་སྐུ་ཡི་ངོ་བོར་རྡོ་རྗེ་སེམས་དཔའ་དེ་ལྡན་པས། །ཆོས་སྐུ་རྨད་དུ་བྱུང་བའི་རོལ་པ་མི་འགག་པའི་སྐུ་རུ་བསམ་གྱིས་མི་ཁྱབ་པ་ཤར་བའོ། །གསུང་གི་མངའ་བདག་ཐམས་ཅད་ཀྱི། །གོ་བརྡའ་སྤྲོད་པའི་གསུང་གི་བདག་ཉིད་ཁྱོད་ཡིན་པས་མ་བརྗོད་ཀྱང་དོན་དང་ཕྲད་པས་རིག་པའི་གསུང་བརྗོད་པ་དང་བྲལ་བས། །རྨད་དུ་བྱུང་རོལ་པའི་ཅིར་ཡང་འཆར་བ་གསུང་སེམས་ཀྱིས་ཟིན་མ་ཟིན་གཉིས་ཀ་ལས་བྱུང་བའི་སྒྲ་ཐམས་ཅད་དུ་ཤར། །ཚིག་གཅིག་གིས་རྟོགས་པའི་དོན་ལ་ཐེག་པ་ཀུན་གྱི་ལམ་འབྲས་ཀྱི་དོན་མ་ལུས་པ་རྫོགས་པའི་ཐབས་ཀྱི་བདག་ཉིད་དེ་ལྟ་བུའོ། །རིན་ཆེན་འཕྲུལ་ཚིག་གྱི་སྙིང་པོའི་སྒོ་དང་། །གདུལ་བྱ་སྐལ་བ་དང་ལྡན་པ་རྣམས་ལ་བསྟན་དུ་གསོལ། །མིང་ལ་མི་ཟད་པར་འབྱུང་བས། རིན་ཆེན་འཕྲུལ་གྱི་ཐབས་ཏེ་ཆེ་མང་མཁས་པའི་ཐབས་མཐའ་ཡས་པ་དང་ལྡན་པས། །གདུལ་བྱ་རང་རང་གི་གང་འདོད་པ་སོ་སོ་དང་མཐུན་པའི་ཐབས་སྣ་ཚོགས་པའི་སྒོ་དེ་ནས། །རྩོལ་བའི་ཆུ་བོ་ཉེར་བཞི་མེད་པའི་དབྱིག་རང་བཞིན་གཉུག་མའི་དོན་དང་རྟོགས་ཤིང་ཉམས་སུ་མྱོང་བར་ཕྲད་པར་གྱིས། །བརྗོད་བྱ་བྱང་རང་བཞིན་ཆུབ་རྣམ་པ་སེམས་མཚན་ཉིད་ཀྱི་དངོས་པོ་ལ་ཕྱོགས་རིས་མེད་པ། །ངག་ཏུ་བརྗོད་པའི་ཐ་སྙད་མ་ལུས་པ་ཀུན་དང་བྲལ་ཡང་། །དོན་དེ་ཉིད་མ་རྟོགས་པའི་བློ་ལ་རྗོད་བྱེད་ཀྱི་ཚིག་གི་ལམ་གྱི་སྒོ་ནས། །ཁྱེད་ཀྱི་གསུང་ཚིག་གི་སྒྲོན་མས་དོན་གསལ་བར་རྟོགས་པར་གྱིས། །ཞེས་པའི་བསྐུལ་ཚིག་གསུངས་སོ། ༈ །དེ་མ་ཐག་པ་དེ་ནས་ལོངས་སྐུ་རྡོ་རྗེ་སེམས་དཔས་ཐུགས་རྗེ་སྤྲུལ་པའི་ཕྱག་གཡས་པ་ན་རྡོ་རྗེ་རྩེ་ལྔ་ཅན་རང་བཞིན་མངོན་དུ་མཛད་པའི་ཡེ་ཤེས་ཀྱི་ཐུགས་ཀ་ནས་ཕྱུངས་ནས། མཁྱེན་པས་བདུད་འཇོམས་རྒྱུན་དུ་གཅོད། །རབ་འབར་རྩལ་གྱིས་བསྟན་པ་སྒྲོགས། །ཞེས་པའི་རྟགས་སུ། རིན་པོ་ཆེ་ལས་གྲུབ་པ་འོད་ཟེར་རང་འབར་གྱི་འཁོར་ལོ་ལག་ཏུ་གཏད་ནས། བསྐུལ་བའི་ཚིག་འདི་སྐད་ཅེས་གསང་བདག་ལ་གསུངས་སོ། །སངས་རྒྱས་དང་སེམས་ཅན་གཉིས་སུ་མེད་པར་རང་བཞིན་ཡེ་ཤེས་གསང་བའི་དོན་རང་བྱུང་གི་དེ་ཁོ་ན་ཉིད་དེ་ལ་ཐོབ་པར། བྱ་རྒྱུ་མེད་པས་ལམ་གྱིས་མི་རྩོལ་བར་ཡེ་ནས་སངས་རྒྱས། །མཐའ་དབུས་ཀྱི་མཚན་མ་རང་སར་གྲོལ་བའི་དབུ་མ་ཆེན་པོ་ལྡེམ་དགོངས་མིན་པས་དྲང་པོའི་ངེས་པ་ལམ། །དེ་ཉིད་འཁོར་དུ་འདུས་པའི་ཚོགས་རྣམས་ལ་བསྟན་པར་གྱིས། །ཞེས་གསུངས་སོ། ༈ །དེ་ནས་གནོད་འདུལ་གསང་བའི་མངའ་བདག་སེམས་དཔའ་རྡོ་རྗེས་རྡོ་རྗེ་སེམས་དཔལ་ལ་འདི་སྐད་ཅེས་ཞུས་སོ། །མི་ཕྱེད་པས་རྡོ་རྗེ་རང་གསལ་མི་འགྱུར་བས་སེམས་དཔའ་ཀུན་ལ་ཁྱབ་པས་ནམ་མཁའ་ལ་རྒྱ་ཆད་ཕྱོགས་ལྷུང་མེད་པས་ཆེ། །ཚིག་མཐའ་ཅན་གི་བརྗོད་པའི་སྤྱོད་ཡུལ་མ་ཡིན་པས་ན། །གསང་བདག་བདག་གིས་ཚིག་ཏུ་བགྲོ་བར་ཤིན་ཏུ་དཀའ་ཡང་། དོན་མ་རྟོགས་པའི་གང་ཟག་དབང་པོ་ཆིག་ཆོད་དམ་སྦྱངས་པའི་འཕྲོ་ཅན་ལ་ཚིག་ཏུ་བརྗོད་པའི་སྒོ་ནས། །བརྡའ་ཡིས་དོན་དེ་མཚོན་ནས་རྟོགས་པར་བྱ་བའི་ཕྱིར་དུ། དོན་དང་འཚམས་ཤིང་ཅི་རིགས་པར་ནི་རྣམ་པར་བགྲོ། ཞེས་བགྲོ་བར་ཞལ་གྱིས་བཞེད་པའི་ཚིག་གསུངས་སོ། ༈ །དེ་ནས་ར་ཆོད་བསལ་བའི་ཕྱིར་དུ་སེམས་དཔའ་རྡོ་རྗེས། །ཚིག་ལ་བརྟེན་ནས་དོན་ཤར་བའི་ཕྱོགས་རང་སེམས་སྐྱེ་མེད་རྟོགས་པས་རྡོ་རྗེ་དེས་རང་བཞིན་དང་ཆེད་དུ་བྱས་པ་དང་ལྟོས་པའི་རྟོག་པ་རྣམ་པར་གནོན་པའི་ཐམས་ཅད་དུ་ཁྱབ་པའི་ཞིང་ཁམས་ན། །རང་བཞིན་ཇི་ལྟ་བ་དེ་བཞིན་དུ་མངོན་དུ་གྱུར་པས་གཤེགས་པ་རྡོ་རྗེ་ཤེས་པ་གསུམ་དང་ལྡན་པས་མ་རྟོགས་པས་གསང་བ་ཞེས་བྱ་བ། །སྟོན་པ་དང་རང་བཞིན་གཉིས་སུ་མི་ཕྱེད་པའི་འཁོར་དང་བཅས་ནས་བཞུགས་པ་ལ་འདི་སྐད་ཅེས་གསོལ་ཏོ། །སེམས་ཉིད་ལ་སྐད་ཅིག་གི་སྐྱེ་འགག་མེད་པས་རྡོ་རྗེ་ལྟ་བུར་མི་འགྱུར་ལ། །སྐྱེ་བ་དང་འགག་པར་སྣང་ཞིང་འབྱུང་བའི་དོན་ཇི་ལྟར་ལགས། །ཞེས་ཞུ་བའི་ཚིག་གསོལ་བ་དང་། དེ་བཞིན་གཤེགས་པ་སེམས་ཉིད་ལ་ཕྱིན་ཅི་ལོག་གི་སྤང་བྱ་མི་དམིགས་པས་ཡང་དག་པ་དེ་ལ་འབྲས་བུ་ལུས་པ་མེད་པར་རྫོགས་པའི་ལྟ་ངན་དང་བྲལ་བའི་ཡེ་ཤེས་ཀྱིས་ཁྱབ་པས་སངས་རྒྱས་རྡོ་རྗེ་གསང་བས་བཀའ་སྩལ་པ། །སེམས་ཀྱི་ཆོས་ཉིད་དུས་གསུམ་དུ་ཅིས་ཀྱང་མི་འགྱུར་བས་རྡོ་རྗེ་ལྟ་བུ་དེ་ལ། །རྒྱུ་ལས་སྐྱེ་བ་དང་རྐྱེན་དང་གཉེན་པོས་འགག་པ་ནི་གཤིས་ལ་ཡོད་པ་མ་ཡིན་ཀྱང་། །སྒྲོ་བཏགས་ཀྱི་རྣམ་པར་རྟོག་པ་ཁམས་གསུམ་གྱི་སེམས་དང་སེམས་བྱུང་གི་བློ་ལ་སྐྱེ་འགག་ཏུ་སྣང་བ་འདི་འབྱུང་། །མི་རྟོག་པའི་དགོངས་པ་ཞེས་གསུངས་སོ། ༈ །དེ་ནས་ཡོན་ཏན་རང་ལས་བྱུང་བའི་ལྷོ་ཕྱོགས་ཀྱི་ལོ་ཀའི་སྒྲས་འཇིག་པའི་ཆོས་དང་ལྡན་པས་འཇིག་རྟེན་གྱི་ཁམས་ནི་རིགས་ཀྱི་དོན་ཏེ་སྣོད་གཙོ་བོར་བྱས་པ་སེམས་ཉིད་ནོར་བུ་རིན་པོ་ཆེ་ལ་ཇི་ལྟར་བལྟས་པ་ལྟར་སྣང་བ་ཞེས་བྱ་བ་ན། དེ་བཞིན་གཤེགས་པ་མི་རྟོག་ལ་རེ་བ་སྐོང་བས་རིན་པོ་ཆེ་མ་བགྲོད་པར་སོན་པས་ཞབས་ཞེས་བྱ་བ། རིན་པོ་ཆེ་རང་འབར་གྱི་འོད་ཀྱིས་སྣང་བའི་ར་བྱེད་པ་ཁྲི་ལ་མི་འགྱུར་བར་བཞུགས་ཏེ། ཉིད་ཀྱི་ལྷན་ཅིག་པའི་འཁོར་ལ་སྨྲ་མེད་ཅིང་སྤྱོད་ཡུལ་དང་བྲལ་བས་གསང་ཡོན་ཏན་གྱི་འབྱུང་གནས་སུ་སྔགས་ཀྱི་མ་ནོར་བས་དེ་ཁོ་ན་ཉིད་དགོངས་པར་བརྡའི་སྒོ་ནས་སྟོན་ཅིང་བཞུགས་པ་ལ། སེམས་དཔའ་རྡོ་རྗེས་འདི་སྐད་ཅེས་གསོལ་ཏོ། །བྱང་ཆུབ་ཀྱི་སེམས་ལྷུན་གྲུབ་གསུམ་ཀྱི་ངོ་བོ་རྒྱལ་བས་མ་མཛད་འགྲོ་བས་མ་བཅོས་པའི་རང་བཞིན་དེ་ཉིད་ལ། བདེ་བཤེགས་སྙིང་པོའི་རྒྱུ་ལ་ཚོགས་གཉིས་ཀྱི་རྐྱེན་དང་གང་ཟག་གི་རྩོལ་བས་ཆེད་དུ་མ་བསྒྲུབས་པར། །གནས་སྐབས་མཐར་ཐུག་ཡོན་ཏན་དང་འབྲས་བུས་སངས་རྒྱས་དགོངས་པ་ཇི་ལྟར་འཆར། །ཞེས་གསོལ་བ་དང་། དེ་བཞིན་གཤེགས་པ་རིན་ཆེན་ཞབས་ཀྱིས་བཀའ་སྩལ་པ། དག་ཤ་ཀ་ཀླུ་འཇོག་པོ་ཡི་གཙུག་གི་རྒྱན་ལ་ཡེ་ནས་དགོས་པ་ལྷུན་གྱིས་གྲུབ་པ་བཞིན་དུ། རྒྱུ་འབྲས་དབྱེར་མེད་པས་ལམ་མཐར་ཕྱིན་པའི་འབྲས་བུ་གཞི་ནས་ལྷུན་གྲུབ་ཏུ་རྫོགས་པས། ཡོན་ཏན་ཐམས་ཅད་གཞན་ལས་མི་ཐོབ་པས་རང་བྱུང་ཤེས་སྒྲུབ་ཀྱི་བཅུད་འདུས་པས་སྙིང་པོའི་འདུ་མ་བྱས་པས་མཆོག་ཏུ་གྱུར་པ་དེ་ཉིད་སྣོད་མེད་ལ། གསང་བའི་སྤྱི་བླུགས་ཀྱི་གདམས་ངག་གི་ཐབས་ཀྱིས་ཇི་བཞིན་པར་རྟོགས་པར་གྱུར་ན། །ཉི་མའི་འོད་རྐྱེན་ལ་རག་མ་ལུས་པ་ལྟར་དུ་འབྲས་བུ་རྩོལ་མེད་དུ་འཆར། །ཞེས་གསུངས་སོ། ༈ །དེ་ནས་གོང་མ་ལ་བསྣན་པས་ཡང་ཞེའོ་རྟོགས་པས་འཁྲུལ་ཞེས་ཡུལ་དང་བཅས་པ་ནུབ་པའི་ཕྱོགས་སྐྱོན་ཡོན་ཏན་དུ་རྟོགས་པས་པདྨ་དེ་ལ་ངེས་པར་གནས་པས་བརྩེགས་པ་ཞེས་བྱ་བའི་ཞིང་ཁམས་ན། བདུད་བཞི་འབྲས་བུར་མངའ་མཛད་ཀྱང་ངོ་བོ་མ་གྲུབ་པས་བཅོམ་ལྡན་འདས་པདྨའི་ཡང་དག་པའི་འོད་གསལ་བས་ཞེས་བྱ་བ། གཤིས་ལ་འཁྲུལ་པའི་དྲི་མ་གདོད་ནས་མེད་པ་པདྨའི་མི་འགྱུར་བས་གདན་ལ་མངོན་དུ་མཛད་པས་བཞུགས་ཏེ། ཉིད་ཀྱི་དགོངས་པ་ལས་ཐ་མི་དད་པའི་འཁོར་ལ་སེམས་ཀྱི་དལ་རང་བཞིན་གྱིས་འོད་གསལ་བ་གསང་སྔགས་ཀྱི་དེ་ཁོ་ན་ཉིད་སྟོན་ཅིང་བཞུགས་པ་ལ། སེམས་དཔའ་རྡོ་རྗེས་འདི་སྐད་ཅེས་གསོལ་ཏོ། །སེམས་ཉིད་ནི་པདྨ་འདམ་གྱིས་མ་གོས་པ་ལྟར་འཁྲུལ་པ་ཡེ་ནས་དག་པ་ལ། །གཟུང་བ་ཡུལ་དང་འཛིན་པ་ཤེས་པ་གཉིས་ལ་ཞེན་པའི་དྲི་མ་ཇི་ལྟར་བྱུང་། །ཞེས་གསོལ་པ་དང་། བཅོམ་ལྡན་འདས་པདྨའི་འོད་ཀྱིས་བཀའ་སྩལ་པ། མེ་ཏོག་པདྨ་ནི་འདམ་གྱི་ནང་ན་གནས་བཞིན་དུ། །འདམ་གྱི་སྐྱོན་གྱིས་གོས་པ་མེད་པ་བཞིན་དུ། །བྱང་ཆུབ་སེམས་ཀྱི་ངོ་བོ་ཉིད་ནི། །དུས་ནམ་ཡང་འཁོར་བའི་འཁྲུལ་པ་རྟོག་པར་འི་དབང་དུ་མི་འགྱུར་ཏེ། །རྣམ་པར་རྟོག་པས་སྒྲོ་བཏགས་པའི་བློ་ལ་འཁོར་བའི་སྣང་བ་བྱུང་། །ཞེས་གསུངས་སོ། ༈ །གོ་བའི་ཡུལ་ན་བདེ་བ་ཆེ། །དེ་ཉིད་རྣམ་དག་འཇིག་རྟེན་ཡིན། །ཞེས་སོ། །དེ་ནས་སྒྲིབ་པ་མ་ལུས་བྱང་བའི་ཕྱོགས་སྤྱོད་ཡུལ་ཡེ་ཤེས་སུ་རྣམ་པར་དག་པས་བདག་གཞན་གྱི་དོན་གྲུབ་པ་ཞེས་བྱ་བའི་འཇིག་རྟེན་གྱི་ཁམས་ན། དེ་བཞིན་གཤེགས་པ་བདག་གཞན་གྱི་དོན་གྲུབ་པས་ཕྱོགས་མེད་པར་སྣང་བ་ཞེས་བྱ་བ། བྱེད་རྩོལ་མེད་པས་རང་བཞིན་གྱིས་འགྲོ་བ་དོན་སྣ་ཚོགས་སུ་སྣང་བའི་གདན་ལ་བཞུགས་ཏེ། ཉིད་ཀྱི་འཁོར་ལ་གསང་སྔགས་ཀྱི་དེ་ཁོ་ན་ཉིད་སྟོན་ཅིང་བཞུགས་པ་ལ། སེམས་དཔའ་རྡོ་རྗེས་འདི་སྐད་ཅེས་གསོལ་ཏོ། །བྱ་བརྩལ་གྱི་རྟོག་པ་མེད་པའི་སེམས་ཀྱི་རང་བཞིན་དེ་ཉིད་ལ། །འགྲོ་བའི་དོན་དུ་བསམ་གྱིས་མི་ཁྱབ་པའི་མཛད་པ་ཇི་ལྟར་ཇི་ལྟར་དུ་འབྱུང་། །ཞེས་གསོལ་པ་དང་། དེ་བཞིན་གཤེགས་པ་གྲུབ་པར་སྣང་བས་བཀའ་སྩལ་པ། གཞི་རང་བྱུང་གི་ཡེ་ཤེས་ཇི་ལྟ་བ་བཞིན་དུ་རྟོགས་པར་གྱུར་ན། །འགྲོ་དོན་གྱི་མཛད་པ་ཐམས་ཅད་རང་བྱུང་ཡེ་ཤེས་ལ་ལྷུན་གྱིས་གྲུབ་པའི་བྱིན་གྱིས་རླབས་ལས་ནི་ཅི་ཡང་མི་འགག་པ་གདུལ་བྱའི་སྣང་བ་སྣ་ཚོགས་སུ་འཆར། །ཞེས་གསུངས་སོ། ༈ །ཐེ་ཚོམ་བཞི་བཅད་པ་དེ་ནས་དེ་བཞིན་གཤེགས་པ་ཀུན་རིག་ཆོས་སྐུ་ལོངས་སྤྱོད་རྫོགས། །རིགས་བདག་རྗེ་བཙུན་དམ་པ་དེས། །རྩོལ་བྲལ་ངང་ལས་བསྐུལ་བས་བསླང་། །ཞེས་སོ། །དགོངས་པ་ཆོས་སྐུ་ལ་མཛད་པ་ལོངས་སྐུའི་རྣམ་པར་སྣང་བར་མཛད་པ་དེ་ཉིད་གྱིས་བཀའ་སྩལ་པ། འདིར་འདུས་པའི་འཁོར་གྱི་ཚོགས་ཁྱེད་རྣམས་ཀྱིས། དུས་གསུམ་གྱི་རྒྱལ་བ་ཀུན་གྱི་རང་བཞིན་དང་ངོ་བོ་ཉིད་ཀྱང་ཡིན་པས་ཐུགས་ཀྱི་བཅུད་འདུས་པའི་སྙིང་པོ་ནི་ཡེ་ཤེས་གསང་བ་ཡིན་པས་དེ་ཉིད་རྟོགས་པར་གྱིས། །ཞེས་པའི་བསྐུལ་བ་དམ་པ་གསུངས་པ་དང་། ༈ །དེ་ནས་གདུལ་བྱའི་སྣང་ངོ་ལ་སེམས་དཔའ་རྡོ་རྗེ་སྟན་ལས་ལངས་ཏེ། གུས་པའི་སེམས་ཀྱིས་དེ་བཞིན་གཤེགས་པ་རྣམ་པར་སྣང་མཛད་རིགས་ཐམས་ཅད་ཀྱི་བདག་པོ་སངས་རྒྱས་ཐམས་ཅད་ཀྱི་རྗེ་བཙུན་དམ་པ་དེ་ལ་ཞུས་པ། སྟོན་པ་ཁྱོད་ཀྱི་གསུང་ནི་ཟིལ་གྱིས་གནོན་ཅིང་ཉམ་ང་བ་མེད་པས་གསུང་གི་སེང་གེ་ལགས་སྟེ། ཡེ་ཤེས་གསང་བ་ནི་ལྷུན་གྲུབ་གསུམ་སྟེ་དེའི་དོན་མ་རྟོགས་ན། །བིམ་པ་ར་ཡི་འབྲུ་ཐང་ཤིང་སྨུག་པོ་སྨིན་ཀྱང་འབྲས་བུ་མེད་པ་བཞིན་དུ། །ཐེག་པ་བརྒྱད་ཀྱི་རང་སའི་འབྲས་བུ་སྨིན་ཀྱང་མཐར་ཐུག་གི་འབྲས་བུ་དེ་ལ་མི་འབྱུང་བའི་སྐྱོན་ཡོད་པ་དེ་བས་ན། །ཡེ་ཤེས་གསང་བ་རྟོགས་པར་གྱིས་ཤིག་ཅེས་སོ། །རྒྱལ་བ་ཀུན་གྱི་ཐུགས་རྗེའི་མ་ལུས་པ་ལ་མངའ་སྙེམས་པས་བདག་པོ་རྣམ་སྣང་ཁྱོད་ཀྱིས་བསྟན་པའི་དོན། །དེ་དག་ངེད་ཅག་འདུས་པའི་འཁོར་ཀྱིས་མ་རིག་པས། །ཡེ་ཤེས་གསང་བའི་དོན་དེ་བདག་ཅག་རྣམས་ལ་བསྟན་དུ་གསོལ། །ཞེས་ཞུས་སོ། ༈ །དེ་ནས་དེ་བཞིན་གཤེགས་པ་རྣམ་པར་སྣང་མཛད་ཀྱིས་བཀའ་སྩལ་པ། སེམས་དཔའ་རྡོ་རྗེ་ཁྱོད་ཀྱིས་ད་ཡིད་རྩེ་གཅིག་ཏུ་གྱིས་ལ་ཉོན་ཅིག །བྱང་ཆུབ་ཀྱི་སེམས་ཡེ་ཤེས་གསང་བའི་དེ་རང་བཞིན་ཡིན་ལུགས་ནི། །སངས་རྒྱས་དང་སེམས་ཅན་གཉིས་རང་བཞིན་སྐྱེ་མེད་ཀྱི་ངང་དུ་མི་ཕྱེད་པས་གཉིས་སུ་མེད། །དཔེར་ན་ནམ་མཁའ་ཡིས་ལུས་ཅན་ཀུན་ལ་ཁྱབ་པ་བཞིན་དུ་འཁོར་འདས་ཀུན་ལ་ཁྱབ་པས་གཤིས་ལ། །མ་རིག་པ་དང་ཡེ་ཤེས་གཉིས་ཐ་དད་དུ་གྲུབ་པ་མེད། །མ་རྟོགས་འཁྲུལ་པ་ཡང་རྟོགས་པའི་རྒྱལ་བ་ལམ་དུ་རང་བཞིན་གཅིག །ཡེ་ཤེས་གསང་བའི་མཚན་ཉིད་རང་གསལ་ནི། །སྐྱེ་འགག་གི་རྒྱུད་ལས་གྲོལ་བའི་རང་རིག་ཉི་མའི་སྙིང་པོ་ལྟར་དུ་འོད་གསལ་བ་གཟུང་འཛིན་གྱི་དྲི་མ་ཡེ་ནས་རྣམ་པར་དག་པས། །ཡུལ་གྱི་རྣམ་པར་རྟོག་པའི་ཤེས་པ་ནི་ཉིད་དུ་རྐྱེན་ལ་རག་མ་ལུས་པར་གནས། །ཡེ་ནས་གནས་པ་གཞི་བཞག་མ་བཅོས་པས་རང་ལུགས་དགོས་འདོད་རེ་བ་ཡིད་བཞིན་སྐོང་བས་རིན་ཆེན་མཛོད་དེ། །རང་བྱུང་ཡིན་པས་རྒྱུ་རྐྱེན་དང་བྱེད་པ་པོས་མ་བརྩལ་བར་གདོད་ནས་མ་གནས་པའོ། །ཡེ་ཤེས་གསང་བའི་རྣམ་པ་ཅིར་ཡང་མ་འགགས་པས་ནི། །མི་འདྲ་བ་སྣ་ཚོགས་མང་པོར་རང་སྣང་བ་དེ་ལ་བདེན་པའི་ངོས་གཟུང་དུ་གྲུབ་པ་མེད། །ཕྱོགས་རིས་གང་དུ་ཡང་བདེན་པར་མི་དམིགས་པས་སྒྱུ་མ་མ་བཙལ་གདོད་ནས་གནས་པའི་ལྷུན་གྲུབ་ནི། །དུས་རྟག་མར་འཛིན་པ་མེད་པར་བསལ་ན་དེ་ཉིད་རྟོགས་པའི་ལྟ་བ་ཡིན། །ཞེས་གསུངས་སོ། །ཡེ་ཤེས་གསང་བའི་རྒྱུད་ལས་གླེང་བ་རྒྱུད་ཀྱི་འབྱུང་བའི་གཞིའི་ལེའུ་སྟེ་དང་པོའོ།། ༈ །།དེ་ནས་དེ་བཞིན་གཤེགས་གང་ལ་ཞུས་པ་རྣམ་པར་སྣང་མཛད་ལ། གང་གིས་སེམས་དཔའ་རྡོ་རྗེས་གང་ལྟར་འདི་ཞེས་གསོལ་ཏོ། །གང་དག་གསང་བ་ལེའུ་གཉིས་པ་ཇི་ལྟར་གསང་བ་རྟོགས་དཀའ་བ་གསུམ་པ་གང་ཞེན་དྲུག་ལོག་གསུམ་ཐེག་བརྒྱད་སྐུ་གསུམ་རྣམས་ལ་གསང་བའི་ལེའུ་བཞི་པ་དང་སྦྱར། ཐབས་ཀྱི་ངོ་བོ་དོན་ལམ་ལྔ། ཚིག་ལམ་དྲུག་པ། ཡན་ལག་གསུམ་ལ། སྤྱོད་པ་བདུན་པ། དམ་ཚིག་བརྒྱད་པ། ས་དགུ་པ། ཐབས་ཀྱི་འབྲས་བུར་གསུམ་པའང་འདོད་ལ་བཅུ་གཅིག་པ་ཇི་ལྟར་འབྱུང་བ་ལེའུ་བཅུ་པས་བསྟན་པ་སྟེ། ཐབས་ཉིད་གང་གིས་རྟོགས་པ་དག་གི་རྒྱུད་དོན་རྣམ་པར་དབྱེ་བར་བྱ། །ཞེས་ཞུས་སོ། །དེ་ནས་ལན་སྟོན་པ་དེ་བཞིན་གཤེགས་པ་རྣམ་པར་སྣང་མཛད་ཀྱིས་བཀའ་སྩལ་པ། བྱང་བ་རང་བཞིན་སྤྲོས་བྲལ་ཆུབ་པ་རྣམ་པ་སྒྱུ་མ་སེམས་མཚན་ཉིད་རང་རིག་གསུམ་ཀྱི་རང་བཞིན་གྱིས་ལྷུན་གྱིས་གྲུབ་པ་དག་གིས་ནི། །སྣང་༼༡༽བ་སྲིད་༼༢༽པ་སྣོད་༼༡༽ བཅུད་༼༢༽ཀུན་ལ་མ་བསྒོས་པར་ཁྱབ་ཅིང་། །འཁོར་འདས་ཀྱི་ཆོས་རྣམས་ཀུན་གྱི་ངོ་བོ་ཤར་བས། །སངས་རྒྱས་ཀྱི་སྐུ་དང་གསུང་དང་ཡེ་ཤེས་ཐུགས་གསུམ་དང་། །སེམས་ཅན་གྱི་ལུས་ངག་ཡིད་གསུམ་ཡང་། །ཐམས་ཅད་དབྱེར་མེད་པ་བྱང་ཆུབ་ཀྱི་སེམས་སུ་དག་པས། །དེ་ལྟར་དུ་དག་པར་གནས་པའི་དོན་རིག་ཅིང་རྟོགས་ན། །འཁོར་བའི་ཆོས་ཐམས་ཅད་སངས་རྒྱས་ཀྱི་སྐུ་གསུང་ཐུགས་སུ་སྤྱོད་ཡུལ་ཡོངས་སུ་དག་པ་ཡིན་ནོ། །རང་བྱུང་གི་ཡེ་ཤེས་ཉིད་ཡོན་ཏན་གྱི་ལྡོག་ཆ་ནས་ཡེ་ཤེས་ལྔ་རུ་སྣང་བ་ལ། །ཡུལ་དུ་མ་གྲུབ་ཅིང་རྟོགས་པའི་རྐྱེན་མེད་པས་རང་བྱུང་ཉིད་དུ་རྒྱུ་མ་རིག་པས་བདག་ཏུ་བཟུང་ཞིང་གཞན་དུ་སྣང་བའི་ཆ་ལས། རྐྱེན་ཞེན་པ་ཉོན་མོངས་པ་ལྔ་རུ་ཕྱིན་ཅི་ལོག་པའི། །འབྲས་བུ་འདོད་གཟུགས། གཟུགས་མེད། ཁམས་གསུམ་གྱི་སེམས་ཅན་བྱུང་ངོ་། །དཔེ་ནི་ནམ་མཁའ་ལྟ་བུ་སྟེ། །མཐའ་དང་དབུས་མེད་གདོད་ནས་དག༼ཀ༽ །རྐྱེན་བྱེད་ཀྱི་རྒྱུ་༼ཁ༽ཡིས་མ་བསྒྲུབས་པར་ཡེ་༼ག༽ནས་གྲུབ། །འཇིག་བྱེད་ཀྱི་རྐྱེན་གྱིས་མི་ཤིགས་དུས་དང་རྣམ་པ་ཀུན་ཏུ་འགྱུར་བ་མེད། །༼ཅ༽ཕྱི་ནང་མེད་པས་ཡེ་ནས་གསལ་བས་ལུས་ཅན་ཀུན་ལ་ཁྱབ། །འབྲས་གཟུགས་དེའི་རྣམ་པར་འབྱུང་བས་སམ་རྒྱུན་དུ་འབྱུང་བས་འབྱུང་བ་ཁྱབ་པ་རྒྱ་ཆེ་རྟེན་པ་ལྟོས་ཆེ་གནས་པ་ཐ་གྲུ་ཆེ་བས་ཆེན་༼ཆ༽པོ་ས་ཆུ་མེ་རླུང་བཞི་པོ་ཐམས་ཅད་ཀུན། །ནམ་མཁའི་ངང་དུ་འདུས་པ་བཞིན་དུ། །འདི་ལྟར་༼ཀ ༽སྣང་བའི་ཆོས་རྣམས་མ་ལུས་པ་ཀུན། །བདེན་པའི་རང་བཞིན་མེད་དེ་གདོད་མ་ནས་དག །ལས་ཀྱི་ཤུགས་ཀྱིས་འཁོར་བའི་འདིས་འདིར་འདི་ཉོན་མོངས་པ་འདོད་ཆགས་ཞེ་སྡང་ཀུན། །ཆེད་དུ་མ་བརྩལ་བར་རང་བྱུང་གི་རྒྱལ་པོར་རང་ཤར། །༼ག༽བརྡ་དང་ཐ་སྙད་དཔེ་ལ་སོགས་པ་ཅིས་ཀྱང་མཚོན་པ་ལས་འདས་པའི་བྱང་ཆུབ་ཀྱི་སེམས་ནི་འཁྲུལ་པའི་དབང་དུ། །མི་འགྱུར་བར་ཡེ་ནས་ལྷུན་གྱིས་རྫོགས་ས་ལ་རྩོལ་བའི་ཟུག་རྔུ་མེད་པས་བདེ་ཆེན་སྐུ། །གང་ཡང་མ་སྤངས་པས་ཡངས་པོ་ཀུན་ལ་ཁྱབ་པས་ཆེའོ་བདེ་ཆེན་སྐུ། །གདོད་མ་ནས་འཁྲུལ་པ་སྣང་མ་མྱོང་བས་དག་གོ་ཆོས་ཀྱི་སྐུ། །དེ་ལ་རྟོག་པའི་བློས་བསམ་དུ་མེད་དོ་བསྒོམ་པའི་དམིགས་པ་དང་བྲལ། གང་དུ་ཡང་མི་བསམ་པའི་རང་བཞིན་ལ་རེ་དོགས་ཀྱིས་མི་རྩོལ་བར་ལྷུག་པར་བཞག །ནང་དུ་མི་བསྡུ་ཕྱི་ཡུལ་ལ་མི་སྤྲོ་བར་སྐྱོན་རང་བྱུང་རང་ཞི་གྱི་ནར་བཞག །ཆོས་མ་ལུས་པ་ཐམས་ཅད་ཀྱི་ཤེས་སྒྲུབ་ཀྱི་བཅུད་འདུས་པའི་སྙིང་པོའི་དོན་དེ་ཉིད་རྒྱུ་ཡིས་མ་བསྐྱེད་པས་རང་བྱུང་རྐྱེན་དང་བྲལ་བས་འགྱུར་བ་མེད་དོ། །དུཿཁ་ཀུན་འབྱུང་འགོག་པ་ལམ་བདེན་བཞི་རྣམ་པ་བཅུ་དྲུག་ཏུ། རྟོགས་པའི་རྒྱུ་ཤེས་བཟོད་ཀྱི་ཡེ་ཤེས་དང་འདི་ཉིད་བྲལ་བས་ཉན་ཐོས། གདོད་ནས་ལྷུན་རྫོགས་སུ་ཡོད་པས་བསོད་ནམས་དང་ཡེ་ཤེས་ཀྱི་ཚོགས་གཉིས་མི་སོགས། །འཁྲུལ་པ་ཡེ་ནས་གྲུབ་མ་མ་མྱོངས་པར་དག་པས་ཉོན་མོངས་དང་ཤེས་བྱའི་སྒྲིབ་པ་གཉིས་མི་སྦྱོང་བས་བྱང་སེམས་ཀྱི་བསམ་གཏན་ལས་གྲོལ། །འཁྲུལ་པ་རང་རྒྱུད་པ་དག་པའི་ལྷ་རིགས་གསུམ་གྱི་དལ་ལ་འདིར་རག་མ་ལུས། །མངོན་བྱང་ལྔ་ཆོ་འཁྲུལ་བཞི་སྟེ། དགུ་ཡི་བསམ་གཏན་གྱི་ཡན་ལག་གིས་འབྲས་བུ་སྒྲུབ་པར་མི་བྱེད། །ཡེ་ནས་དེ་ཡིན་པར་སངས་རྒྱས་པས་རང་ལ་ལྷུན་གྱིས་གྲུབ། །པ་ལ་བླང་དོར། ཕྱི་ནང་། ལྟ་སྤྱོད་གོང་འོག་གི་རྗེས་སུ་འབྲེངས་ཏེ་ཕྱོགས་གཅིག་ཏུ་ངེས་པ་མེད་པ་དག་གིས་འབྲས་བུ་སྒྲུབ་པར་མི་བྱེད། །ལྷ་རིགས་བཞི་དཔོན་གཡོག་ཏུ་འདོད་པའི་རྩོལ་བ་བྲལ་བས་ཐུབ་པའི་བསམ་གཏན་ལས་གྲོལ་ལོ། །ཅིས་ཀྱང་མཚོན་དུ་མེད་པའི་སེམས་ཀྱི་ངོ་བོ་དེ་ལ། །ཤེས་རབ་ཐབས་གཉིས་མེད་ཀྱིས་བདེ་བ་མཚོན་དུ་མེད་པས་མ་ཧཱ་ལས། །རྒྱུ་འབྲས་ཀྱི་ཕྱོགས་རིས་དང་བྲལ་བའི་རིག་པ་ལ། །སྣང་བ་དབྱིངས་༼༡༽དང་དྲན་རྟོག་ཡེ་ཤེས་རྒྱུ་དང་འབྲས་བུ་མེད་པས་ཨ་ནུ་ལས་གྲོལ་ལོ། །འབྲས་བུ་བརྩལ་བ་མེད་པས་ཐམས་ཅད་སྐྱེད་པའི་རྒྱུ་འབྱུང་བ་ལྔ་ལ་ཡང་རག་མ་ལུས། །ཁྱབ་བརྡལ་ཆེན་པོའི་ཀློང་དུ་སངས་རྒྱས་པས་སྐུ་གསུང་ཐུགས་ལ་ཡང་བློའི་རྟེན་སོ་མི་འཆའ་འོ། །བེམས་པོ་ལས་ལོག་པས་རིག་པའི་བློ་སེམས་དང་སེམས་ལས་བྱུང་བ་ཡིས་མ་དཔྱད་ན་ཤེས་རབ་དང་གཏན་ཚིགས་ཀྱིས་མ་བྱས་པས། རང་བཞིན་ཡིན་ལུགས་ཀྱི་གཤིས་ཐོག་ཏུ་རྣལ་དུ་ཕེབས་པར་འགྱུར་རོ། །བརྗོད་པ་དང་བྲལ་བས་གདོད་མ་ནས་རྣ་བའི་དབང་པོས་གཞན་ལས་མ་ཐོས་པའི་ཆོས་ཉིད་རྟོགས་པ་ཤིན་ཏུ་དགེ། །བློ་ཡུལ་དུ་མ་གྲུབ་པས་བསམ་པའི་ཤེས་རབ་དང་བྲལ་བས་ན་དེ་བཞིན་དུ་དགེ་བ་ཡིན་ནོ། །སེམས་ཀྱི་རིག་པས་ཡུལ་མེད་རང་གསལ་དུ་རྟོགས་པར་གྱུར་ན། །སེམས་ཀྱི་རྟོགས་པའི་ཡོན་ཏན་དང་ཚད་རྟགས་བསམ་གྱིས་མི་ཁྱབ། །ཤེས་པའི་རྒྱུད་དགྲོལ་བ་ལ་ཐོས་པའི་ཚིག་གིས་མ་བཀྲོལ་བར་ནི་ཤེས་བྱེད་ཀྱི། །གཏན་ཚིགས་རང་གི་རིག་པས་མངོན་དུ་འབྱིན་པར་ནུས། །ཐོས་པ་མིང་ལ་དམིགས་བསམ་པ་གཉིས་ཀ་ལ་བསྒོམ་པ་དོན་ལ་གསུམ་གྱིས་ངོ་མཚར་སྐྱེ་རིམ་པར་འཕེལ་ཕྱོགས་རིས་མེད་པས་རྟོགས་པ་ཟླ་བ་དང་སྐར་མ་དང་ཉི་མ་བཞིན་ནོ། །ནམ་མཁའི་མཐའ་དང་མཉམ་པའི་རྒྱུད་ལས། དེ་ལྟར་གཉིས་མེད་རྟོགས་བྱའི་ཕྱིར། །རྫོགས་ཆེན་གཞུང་ལས་ངེས་ཐོས་པས། །ཐོས་པ་ཟླ་བ་ལྟ་བུར་བཤད། །དོན་ལ་དཔྱོད་པ་ངེས་མ་ངེས། །སྤོང་ལེན་བསམ་པ་སྐར་མ་ལྟར། །ངེས་པར་གསལ་སྙོམས་འདུ་ཤེས་བྲལ། །སྒོམ་པ་ཉེ་ལ་ལྟ་བུར་བཤད། །ཅེས་སོ། །བྱང་ཆུབ་སེམས་ཀྱི་ངོ་བོ་ལྷུན་གྲུབ་གསུམ་པོ་ནི། །བློ་དམན་པའི་འོག་མ་སེམས་ཀྱི་སྒྲ་ཚད་ཀྱིས་མ་རྟོགས་ཏེ་འོ་ན་གང་གིས་རྟོགས་ན། གཏན་ཚིགས་གསུམ་གྱིས་གཞིགས་པས་ཤེས་པར་བྱ་སྟེ། མ་གཡོས་མཚོན་པ་ངང་གི་གཏན་ཚིགས་ནི་རིག་པ་ཅིར་ཡང་སྣང་བས་གང་དུའང་མ་ངེས་པ་གསལ་བ་སྟེ། །མ་ནོར་བཅོས་མེད་རང་བཞིན་གྱིས་གཏན་ཚིགས་ནི་རིག་པའི་རང་སྣང་ཅིར་ཡང་མི་འགག་པར་སྣང་བ་ནི་ཡེ་ཤེས་རང་སྣང་ཡིན་པས་གཟུང་འཛིན་མི་འགགས་སོ། །བདག་ཉིད་ཆེན་པོ་དབྱེར་མེད་ནི་སྣང་བ་དང་སྟོང་པ་ཐ་དད་རུ་འཛིན་པའི་རྟོག་པ་མེད་པའོ། །གཏན་ཚིགས་ཀྱིས་བསྒྲུབ་པར་བྱ་བ་དག་གི་རང་བཞིན་རྟོགས་པ་ནི། །འཁྲུལ་པའི་སེལ་མེད་པར་ཐམས་ཅད་བྱང་ཆུབ་ཀྱི་སེམས་སུ་ངོ་ཤེས་པའོ། །བདག་ཉིད་ཆེན་པོ་གཅིག་གི་གཏན་ཚིགས་ཀྱིས། །ཐམས་ཅད་ཐིག་ལེ་ཉག་གཅིག་བྱང་ཆུབ་ཀྱི་སེམས་སུ་ཤེས་པ་ལ་གཞན་སྣང་བཟང་ངན་གྱི་རྟོག་པ། གང་ལྟར་གནས་ཀྱང་མ་གྲུབ་པར་ཆོས་ཉིད་འབའ་ཞིག་ཉིད་དོ། །དབྱིངས་དང་ཡེ་ཤེས་གཏན་ཚིགས་ནི། །དབྱིངས་ནི་མ་འགགས་པར་ཡུལ་མ་འགགས་པར་ཡུལ་དུ་སྣང་བ་རྣམས་རང་སྣང་དུ་དག་པའི་རྒྱུ་ཡིན་ཏེ། །རིག་པ་མི་རྟོག་པའི་ཡེ་ཤེས་འབྲས་བུ་ཉིད་དུ་གསལ་པ་གཉིས་མཚན་ཉིད་མི་གཉིས་པས། །གཅིག་ཏུ་འདུས་པས་གཟུང་འཛིན་མཐའ་ཡིས་གོས་པ་མེད་པའོ། ༈ །དེ་ལྟར་བྱང་ཆུབ་སེམས་ཀྱི་རང་བཞིན་དང་མཚོན་པའི་དཔེ་དང་མཚོན་བྱའི་དོན་དང་ནི། །ཤེས་བྱེད་ཀྱི་གཏན་ཚིགས་དང་བཞི་རུ་ལེའུ་གཉིས་པའི་དོན་ཤེས་པར་བྱའོ། །ཞེས་གསུངས་སོ། །ཡེ་ཤེས་གསང་བའི་རྒྱུད་ལས། བྱང་ཆུབ་སེམས་ཀྱི་ལེའུ་སྟེ་གཉིས་པའོ།། ༈ །།དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་ཞུས་སོ། །གང་གསང་བའི་སྨྲ་བ་ལ་མཚུངས་པ་མེད་པས་ཁྱོད་ནི་སྨྲ་བའི་སེང་གེ་སྟེ། །རྫོགས་པ་ཆེན་པོ་རྩོལ་བྲལ་གྱི་བསྟན་པ་ཁྱོད་ཀྱི་ཐུགས་ལ་རྫོགས། །མི་འབྱེད་པར་ཕན་འདོགས་པས་བྱམས་མགོན་སྤྲོས་བྲལ་གྱིས་སྙོམས་པར་ཁྱབ་པས་ཐུགས་རྗེ་ལམ་པ་ལ་ཁྱད་པར་འཕགས་པས་ཆེན་པོ་ཡིས། །སྙིང་པོ་རྣལ་མའི་སྐལ་བ་དང་ལྡན་པ་འདིར་འདུས་པའི་འཁོར་རབ་ཏུ་མང་བས་ཚོགས་ལ། །བྱང་ཆུབ་སེམས་ཀྱི་རང་བཞིན་ལྔར་གསུང་པ་དེ་དག་ཇི་ལྟར་དུ་ཡུལ། །གང་ལ་གསང་བ་བསྟན་དུ་གསོལ། །ཞེས་གསོལ་པ་དང་། ༈ །དེ་བཞིན་ཉིད་ལ་སྤྲོས་པའི་ཟུག་རྔུ་མེད་པས་བདེ་བར་སོན་པ་ནི་ཉེས་པ་གཉིས་ལས་གྲོལ་བས་གཤེགས་པས་དེ་བཀའ་སྩལ་པ། ༈ །རྒྱུད་ཀྱི་སྟོན་པ་སྐུ་གསུམ། ༈ །ཀུན་བྱེད་ལེའུ་བཅུ་བཞི་པ་ལས། ང་ལས་བྱུང་བའི་སྐུ་གསུམ་སྟོན་པ་ལ། །ང་ཡི་རང་བཞིན་རྣམ་གསུམ་མི་བསྟན་གསང་། །ང་ལ་གནས་པའི་དུས་གསུམ་སངས་རྒྱས་ལ། །ང་ཡི་རང་བཞིན་མི་བསྟན་གསང་བར་བྱ། །ང་ལ་འདུས་པའི་འཁོར་ཚོགས་ཐམས་ཅད་ལ། །ངའི་རང་བཞིན་ང་ཡིས་བྱས་པའི་ཁམས་གསུམ་སེམས་ཅན་ལ། །ང་ཡི་རང་བཞིན་མི་བསྟན་གསང་བར་བྱ། །གསུམ་དང་རྩོལ་བཅས་ཀྱི་ཐེག་པ་རིམ་པ་བརྒྱད་དང་། དོན་ལ་ཕྱིན་ཅི་ལོག་རྒྱང་ཕན་རྟག་ཆད་གསུམ་དང་ལས་ཀྱིས་འགྲོ་བ་རིགས་དྲུག་དང་དེ་དག་ལ། །རང་གནས་གྱི་ཡེ་ཤེས་ཇི་ལྟ་བར་མ་རྟོགས་པས་གསང་བ་ཉིད་དུ་བསྟན་ནོ། ༈ །རང་བཞིན་གྱི་སྣང་བ་ལམ་གྱིས་མ་བཅོས་པ་ཇི་ལྟ་བ་མཐར་ཕྱིན་པ་ནི་ཆོས་ཀྱི་སྐུ། །རང་རིག་པ་བདེ་བ་ཆེན་པོ་རྩོལ་བས་མ་སྦྱངས་པར་མཐར་ཕྱིན་པ་ནི་ལོངས་སྤྱོད་རྫོགས་པའི་སྐུ། །དེ་ཉིད་ཀྱི་ཐུགས་རྗེ་ཡིས་རིགས་དྲུག་གི་དོན་མཛད་པས་སྤྲུལ་པའི་སྐུ་རུ་ཤར་བའོ། ༈ །ཆོས་ཀྱི་སྐུས་ནམ་མཁའི་ཡིས་ཁྱབ་པ་མཐའ་ལ་ཐུག་པ་མེད་པ་བཞིན་དུ་མ་ལུས་པར་ཀུན་ལ་ཁྱབ། །འདུལ་བ་དང་བཞུགས་པའི་ཞིང་ཁམས་ནི་སྣང་བ་སྣོད་དང་སྲིད་པ་བཅུད་ཐམས་ཅད་ཡིན། །འདས་དང་མ་འོངས་དང་ད་ལྟར་དང་དུས་གསུམ་གྱི་སངས་རྒྱས་མ་ལུས་པ་ཐམས་ཅད་དང་། །ཀྱི་སྒྲ་ནི་རྒྱུ་དང་འབྱུང་ཁུངས་དང་འཛིན་པ་དང་རིགས་ཀྱི་དོན་ལ་འཇུག་པ་ལ་རིགས་ཏེ་ཁམས་འདོད་གཟུགས་གཟུགས་མེད་གསུམ་གྱི་སེམས་ཅན་ཐམས་ཅད་མ་ལུས་པ་ནི། །ཆོས་ཀྱི་སྐུ་མ་བཅོས་པ་དེའི་འཁོར་དུ་འདུས། །བསྐྱེད་པ་རྫོགས་པ་དེའི་ཐ་སྙད་དང་བྲལ་བ་རིམ་པ་གསུམ་གྱི་བསྟན་པ་བྱིན་གྱི་རླབས་ཀྱིས་སྒྲོགས། །སྨྲ་བསམ་དང་བྲལ་བས་གསང་རྒྱལ་བ་ཀུན་གྱིས་སྔགས་པ་མི་ཟད་པ་གཏེར་གྱི་མཛད་མ་ནོར་བར་འཛིན་ཅིང་། །ཆོས་ཉིད་རྣམ་པར་མི་རྟོག་པའི་ཡེ་ཤེས་ཀྱི་བརྡ་མཇལ་བས་གོ་ཞིང་རྟོགས། །ཐམས་ཅད་སྤྲོས་མེད་བྱང་ཆུབ་ཀྱི་སེམས་སུ་ཤར། །དེ་ལ་འཁོར་འདས་ཐམས་ཅད་འདུས་ཤིང་རྟོགས་མ་རྟོགས་ཀྱི་རྐྱེན་གྱིས་འཕེལ་བའི་ཕྱིར་ན། །འཁོར་འདས་ཐམས་ཅད་ཆོས་ཀྱི་སྐུ་དེ་ཡི་འཁོར་དུ་འདུས་པར་ངས་བཤད་དོ། །ཆོས་སྐུ་དག་ལ་སྐད་ཅིག་མ་དང་ཕྱོགས་རིས་གང་གིས་ཀྱང་འགྱུར་བ་མེད་པས། །མ་རྟག་པ་ཀུན་གྱི་དངོས་གཞི་ཡིན་ཀྱང་ཕྱོགས་གཅིག་པ་གང་གིས་ཀྱང་མ་བཅོས་པར་ཡེ་ནས་རང་བྱུང་བ་ནི་ངོ་བོ་ཉིད་ཀྱི་རྟག་པ་ཡིན་ཏེ་ཐེར་ཟུག་དང་རྒྱུན་གྱི་རྟག་པ་ལས་གྲོལ་བའོ། །ཆོས་སྐུ་ནི་རྒྱུ་རྐྱེན་མེད་པས་རང་བྱུང་མུ་མཐའི་སྤྲོས་པ་མེད་པས། །ཡེ་ཤེས་རྒྱ་མཚོའི་ཚོགས་ཆོས་སྐུ་རྟོགས་པའི་ངོ་ལ་སྤྲོས་པ་མེད་པར་གསལ། །དེས་ན་རང་ལ་གནས་པས་བྱིན་ཅིར་ཡང་མི་འགག་པས་བརླབས་ཀྱིས་བཤད་པ་ཡིན་ནོ། ༈ །ལོངས་སྤྱོད་རྫོགས་པའི་སྐུ་ནི་ཀུན་མཁྱེན་གྱི་རང་རིག་བདེ་ཆེན་ཉིད་ཡིན་ཏེ། །སྐུ་མཚན་དཔེ་དང་ལྡན་པའི་གཟུགས་སུ་ལྷན་ཅིག་པའི་འཁོར་གྱི་འཛིན་ཆ་ལ་སྣང་བ་ནི་གཟུང་བ་ཡུལ་གྱི་རྣམ་པ་ཡིན། །འདོད་ཁམས་ཀྱི་འགགས་ན་ཕྲད་པར་འདོད་པའི་ཚོར་བ་བདེ་བ་ཐམས་ཅད་དང་། །འགྲོ་བའི་རྒྱུད་ཀུན་མ་ལུས་པའི་ཟག་བཅས་ཐུན་མོང་གི། །བདེ་བ་མྱོང་བའི་དངོས་པོར་འཛིན་པའི་རང་རིག་ཀྱང་། །རིག་པ་བདེ་བ་ཆེན་པོ་ཉིད་ལ་གདོད་མ་ནས་རྫོགས་ལ། བསམ་གཏན་བཞི་ཡི་དང་པོ་དབེན་པ་ལས་སྐྱེས་པ་དང་། གཉིས་པ་ཏིང་ངེ་འཛིན་ལས་སྐྱེས་པ་དང་། གསུམ་པ་དགའ་བ་མེད་པ་དང་། བཞི་པ་བཏང་སྙོམས་ཀྱི་བདེ་བ་ཡང་། །གཟུགས་ཁམས་ཀྱི་ལྷ་རིས་བཅུ་བདུན་པོ་ཡི་བདེ་བའི་ལོངས་སྤྱོད་ཡིན་དེ། །སེམས་ཉིད་ཀྱི་བདེ་བ་ཆེན་པོ་ལ་རང་བཞིན་ཀྱིས་ཚང་ངོ་། །ནམ་མཁའ་མཐའ་ཡས༼༡༽། རྣམ་ཤེས་མཐའ་ཡས་༼༡༽ཅི་ཡང་མེད་པ༼༡༽། ཡོད་མིན་མེད་མིན་༼༡༽གྱི༼༡༡༡༡༽། སྐྱེ་མཆེད་མུ་བཞིའི་ཞི་གནས་ཀྱི་ཏིང་ངེ་འཛིན་རྒྱུད་གྱིས་བརླན་པའི་བདེ་བ་ཡང་། །རང་བྱུང་བྱང་ཆུབ་ཀྱི་སེམས་ཉིད་ལ་རྫོགས་སོ། །གཟུང་བ་རྡུལ་ཕྲན་ལ་འཛིན་པ་དང་། གཟུང་བ་མེད་པའི་འཛིན་པ་གཉིས་ལྡན་པའི་ཉན་རང་གི་འགོག་ཞི་བདེ་བ་དང་། །བསོད་ནམས་དང་ཡེ་ཤེས་གཉིས་ཀྱི་ཚོགས་རྫོགས་པ་ལ་ལྡན་པའི་ཆོས་སྐུ་དང་གཟུགས་སྐུར་མཐར་ཕྱིན་པའི་བདེ་བ་ཡང་། །ཚོགས་གཉིས་ཀྱི་རྒྱུས་མ་བསྒྲུབས་པའི་བདེ་བ་རང་བཞིན་ལྷུན་གྱིས་གྲུབ་པར་རྫོགས་སོ། །ཀྲི་ཡི་དག་པ་གསུམ་གྱི་བདེ་བ་དང་ལྟ་སྤྱོད་གོང་འོག་གཉིས་སུ་ཀྱི་རྗེས་སུ་ལྟ་བ་ཨུ་པ་ཡའི་བདེ་བ་དང་། མངོན་བྱང་ལྔ་བརྒྱུད་པས་བྱིན་རླབས་ལྷར་སྣང་བ་ཡོ་ག་བའི་བདེ་བ་ཡང་། །སེམས་ཉིད་བདེ་ཆེན་དུ་རྟོགས་པ་ཉིད་ལ་རྫོགས་པར་གནས་པའོ། །དེ་དག་ཀྱང་གསལ་བྱ་ཆོས་ཉིད་རྟོགས་པའི་རིམ་པས་ལྟ་བའི་དོན་ཐ་དད་དུ་འཛིན་ཅིང་། །རང་རང་གི་འབྲས་བུ་མྱུར་དུ་འདོད་པའི་སྟོབས་ཀྱིས་ལམ་ཉེ་བར་སྒྲུབ་སྟེ་ས་ལམ་རིམ་པར་བགྲོད་པའི་རིམ་གྱིས་རང་སའི་འབྲས་བུ་ཐོབ་སྟེ་རྫོགས་ཆེན་གྱི་སྐལ་བ་དང་ལྡན་པར་འགྱུར་རོ། །ལྷན་ཅིག་སྐྱེས་པའི་བདེ་བ་ཐབས་དང་ཤེས་རབ་རོལ་པ་ལས་བྱུང་བ་དག་ཀྱང་། །རང་རིག་ཀུན་མཁྱེན་ཉིད་བདེ་བ་ཉིད་ལ་རྫོགས་པའོ། །འཁོར་འདས་ཐམས་ཅད་ཀྱི་བདེ་བ་རྫོགས་པ་ལ་ལོངས་སྤྱོད་པ་དབྱིངས་དང་སེམས་རིག་པའི་ཡེ་ཤེས་གཉིས་འདུ་འབྲལ་མེད་པའི་བདེ་བར་ལྟ་བ་དེ་ལ་ཡང་། །ཏིང་འཛིན་དང་ཤེས་རབ་ཀྱི་རྩལ་ཆེ་སྟེ་བློ་ཡང་རབ་དུ་གྱུར་ན། །རྒྱུ་ནི་སྣང་བ་དབྱིངས་སུ་རྫོགས་པར་བསྒོམ་པ་སྟེ། །དེ་ལས། འབྲས་བུ་དྲན་རྟོག་ཡེ་ཤེས་ཀྱི་དཀྱིལ་འཁོར་ཉིད་དུ་འཆར་བའི་བདེ་བ་ཡང་། །རྒྱུ་འབྲས་གཉིས་སུ་མེད་པའི་སེམས་ཉིད་ལ་རྫོགས་པའོ། །འཁོར་འདས་ཐམས་ཅད་ཀྱི་བདེ་བ་རྫོགས་པ་ལ་ལོང་སྤྱོད་པ་དེས་ན་ལོངས་སྤྱོད་རྫོགས་པའི་སྐུ་ཡིན་ནོ། ༈ །མུ་བཞི་མཐའ་དྲུག་གང་ལྟར་ཡང་མི་གནས་པའི་སེམས་ཀྱི་རང་བཞིན་ནི། །དྲིན་གྱིས་མ་བཅོས་པར་ཆོས་ཀྱི་སྐུར་མཉམ་པ་ཉིད་དུ་བཞུགས་ཙམ་ན་སྟོན་པ། གནས་ཕྱིན་ཅི་མ་ནི་མ་ལོག་པས་ཡང་དག་དོན་གྱི་འོག་མིན་མཐའ་དང་དབུས་མེད་པའི་གནས་ཏེ། །འཁོར་ནི་བྱང་ཆུབ་ཀྱི་སེམས་ལ་བྱུང་ཞིང་འདུས་པ་ཐམས་ཅད་ཉིད་ཀྱི་འཁོར། །ཆོས་སྐུ་སྤྲོས་མེད་ཀྱི་བྱིན་བརླབས་མ་འགགས་པར་ཕྱོགས་བཅུར་གསལ། །བསྟན་པ་ནི་ཕྱི་སྐྱེད་པ་མ་ཧཱ་ནང་རྫོགས་པ་ཨ་ནུ་གསང་བ་ཨ་ཏི་ཡོ་ག་གསུམ། །མ་སྐྱེས་པས་རང་བྱུང་རང་གསལ་བས་ཡེ་ཤེས་སུ་སྟོན་པ་ཆོས་སྐུ་དང་ཆ་མཐུན་པས་ན། ཆོས་ཀྱི་སྐུ་ཡི་བསྟན་པ་ཡིན་པར་བཤད། །སངས་རྒྱས་སེམས་ཅན་ཐམས་ཅད་དང་། །སྣང་སྲིད་སྣོད་བཅུད་མ་ལུས་པ་ཐམས་ཅད་དུ་ཤར་ཀྱང་། ཆོས་ཉིད་ཀྱི་ངང་ལས་མ་གཡོས་པས། །སེམས་ཉིད་གདལ་ཁྱབ་ཆེན་པོ་ནི། ཆོས་སྐུའི་ཞིང་ཁམས་ཡིན་ནོ། ༈ །ལོངས་སྤྱོད་རྫོགས་པའི་སྐུའི་ཞིང་ཁམས་ནི། །འདོད་པའི་ལོངས་སྤྱོད་ཐམས་ཅད་ཡིན་དེ། །འཁོར་འདས་ཀྱི་བདེ་སྡུག་མ་ལུས་པ་ལ་ལོངས་སྤྱོད་ཀྱང་བདག་ཉིད་ཆེན་པོའི་ཕྱིར་སྤྱོད་ཡུལ་དུ་མ་ཆགས་པར་ཞེན་པ་དང་བྲལ་བས་ལོངས་སྤྱོད་ཡིན། །ཆོས་བཟོད་པ་ལས་འདས་ནས་ས་ཐོབ་པའི་རིག་འཛིན་དང་བྱང་ཆུབ་སེམས་དཔའི་འཁོར་དེ་ལ། །ཐུགས་ཀྱི་དགོངས་པ་དང་སྐུའི་བརྡ་དང་ཡེ་ཤེས་ཀྱི་སྒོ་ནས་བཤད་པ་དེ། །འཁོར་གྱིས་ཏིང་འཛིན་དང་རིག་པའི་གདེང་གིས་གོ། །མཚན་མའི་རང་རྒྱུད་པ་སྐུ་གསུམ་མི་མངའ་བར། །བསྟན་པ་ནི་ཕྱི་པའི་གསང་སྔགས་གསུམ། །མཚན་དཔེ་དང་ལྡན་པའི་ལྷར་སྣང་བ་ཡིས་ལོངས་སྐུ་དང་ཆ་མཐུན་པར་ཡོད་པས་ན། །ལོངས་སྤྱོད་རྫོགས་པའི་བསྟན་པར་ཕྱི་རྒྱུད་གསུམ་བཤད། །གནས་ནི་སྟེང་འོག་གི་ཐ་སྙད་དང་བྲལ་བའི་འོག་མིན་རིག་པའི་གནས། །རིག་པའི་ས་བཅུ་ཐོབ་པའི་འཁོར་རྣམས་ལ། །རང་གི་ངོ་བོས་ཆོས་ཉིད་རང་ཤར་དུ་གསལ་བར་སྟོན། ༈ །ལོངས་སྤྱོད་རྫོགས་པའི་སྐུའི་མཛད་པ་ནི། །ཐེག་པ་འོག་མ་བས་རང་གི་འདོད་པས་འབྲས་བུ་མཐར་ཐུག་ཏུ་འདོད་ཀྱང་། །རྣལ་མའི་མཐར་ཐུག་མ་བཅོས་བླ་མའི་ས་ལ་མ་རེག་པས། །དེ་ལ་ལོངས་སྤྱོད་རྫོགས་སྐུའི་མཛད་པར་ཤར། ༈ །གདུལ་བྱ་ཐེག་དམན་ལ་སྦྱངས་པའི་འཁོར་དེ་ལ། །རྒྱལ་ཐབས་སྤྱི་བླུགས་དོན་དུས་གཅིག་ལ་ཐམས་ཅད་རྫོགས་པའི་དབང་བསྐུར་བས་དེ་ནས། །གཞན་ནས་ཐོབ་པ་མེད་པར་རང་གི་བྱང་ཆུབ་ཀྱི་སེམས་དང་ངོ་ཕྲད། །ལམ་དང་ས་འོག་ནས་གོང་དུ་མ་བགྲོད་པར་འཁྲུལ་པའི་རྟོག་པའི་ཚོགས་བརྒྱད་ཡུལ་དང་བཅས་པ་འཇིམ་རྫབ་ལས་བསྒྲལ། །ཐུན་མོང་མ་ཡིན་པ་བདེ་བ་བློ་ལས་འདས་པས་ཕྲག་བརྒྱའི་དོན་དེ་ཉིད་ཐོབ་ནས། །སྤྱོད་ཡུལ་ཡོངས་སུ་དག་པས་ཞིང་ཁམས་ཐམས་ཅད་བདེ་བར་སྤྱོད། ༈ །རྒྱལ་ཐབས་སྤྱི་བླུགས་དོན་ཚངས་པའི་དབང་འདི་མ་ཐོབ་པར། །ཐེག་བརྒྱད་ཀྱི་རང་སའི་འབྲས་བུ་ཐོབ་ཀྱང་རྫོགས་ཆེན་འཇུག་དགོས་པས་མཐར་མ་ཕྱིན། །པའི་གཏན་ཚིགས། ༈ །དེས་ན་ལུང་གསུམ་རྒྱུད་པ་དང་ལྡན་པའི་བླ་མ་ཆུ་བོ་བཞི་རྫོགས་པ་ཡིས། །རྒྱལ་བའི་རྒྱུད་འཛིན་པའི་སྲས་སློབ་མ་འདི་ལ་སྤྱོད་པའི་སྐལ་བ་དང་ལྡན་པ་རྣམས་ལ། །མན་ངག་གི་ཁྲིད་ཀྱི་རིམ་པས་རང་གི་སེམས་ཀྱི་དོན་ཕྱིན་ཅི་མ་ལོག་པར་བསྟན་པས། །སེམས་ཉིད་རིན་ཆེན་གཉུག་མ་གཉིས་སུ་མེད་པའི་དོན་ལ་དབང་། །བསྐུར་བར་བྱ་བ་དང་བྱེད་ཆ་གཉིས་མི་རྟོག་ཀྱང་། །སྣང་སྲིད་ཀྱི་བརྡ་དོན་ཕྱོགས་མེད་དུ་སྤྲད་པའི་མངོན་སུམ་གཉིས་ཀྱི་མན་ངག་ཐུག་ཕྲད་སྦྱིན་ནོ། ༈ །འོད་ཟེར་ཐུགས་རྗེའི་རྣམ་པར་སྤྲུལ་པའི་རང་བཞིན་སྤྲུལ་པར་ཤར། །འགྲོ་བའི་མོས་པ་སྣ་ཚོགས་པའི་གདུལ་བྱའི་བསམ་པ་བཞིན། །མོས་སྤྱོད་ཀྱི་ས་ལམ་ཚོགས་སྦྱོར་གཉིས་ཐོབ་པ་དང་ཀྱང་འགྲོ་དྲུག་བ་རིགས་གི་འཁོར། །བསྟན་པ་སྡེ་སྣོད་གསུམ་དུ་བསྟན། །བཞུགས་པའི་ཞིང་ཁམས་སྟོང་གསུམ་མི་འབྱེད་ཀྱི་འཇིག་པ་ལ་འཇིག་པ་རྟེན་གྱི་ཁམས་བྱེད་པ་མེད་ལ་རང་གི་མཚན་ཉིད་འཛིན་པས་ཐུགས་རྗེའི་ཡིས་འགྲོ་བ་འདུལ་བ་གནས་ལ་གདུལ་བྱའི་དབང་གིས་གཅིག་ཏུ་ངེས་པ་མེད། ༈ །གཞིའི་ངོ་བོ་མ་བཅོས་པ་རང་བྱུང་ཡེ་ཤེས་ཀྱི་སྣང་ཚུལ་ནི། །རང་བྱུང་ཡེ་ཤེས་ལྔར་ཡོན་ཏན་གྱི་ཆས་སྣང་བ་ལ། །རྟོགས་པའི་རྐྱེན་བཞི་ལས་ཕྱིན་ཅི་ལོག་གི་བསམ་པ་ཡིས། །རང་བྱུང་གི་ཡེ་ཤེས་ཉིད་དུ་མ་རྟོགས་ཏེ་བདག་ཏུ་བཟུང་བས་གཞན་དུ་སྣང་བའི་ཆ་ལས་ཡང་དག་བདེན་པར་ཞེན་པའི་དུག་ལྔ་རུ་མཐོང་། །ཞེན་པ་ཉོན་མོངས་པ་ལྔ་ཡི་འབྲས་བུ་ནི། །ཁམས་གསུམ་སེམས་ཅན་འདོད་ཁམས་གནས་རིས་ཉི་ཤུའམ་སོ་དྲུག་གཟུགས་ཁམས་བཅུ་བདུན་གཟུགས་མེད་སྐྱེ་མཆེད་མུ་བཞི་ཉིད་དུ་ཤར་ཀྱང་། །ངོ་བོ་སེམས་ལས་གཞན་དུ་འགྱུར་ཞིང་ཉམས་བ་མེད། ༈ །སྲིད་པ་དང་ལོངས་སྤྱོད་ལ་ཞེན་པས་འདོད་ཆགས་དང་བཅས་པའི་དགེ་བཅུ་དབྱིངས་བསྐྱེད་པའི་ལས་ཀྱི་རྣམ་སྨིན་གྱིས། །འདོད་ཁམས་ཀྱི་ལྷ་ཡི་གཞལ་མེད་ཁང་གི་གནས་སུ་བརྫུས་ནས་སྐྱེས་ནས་ཀྱང་། །ལུས་ཀྱི་ཁ་དོག་མི་སྡུག་འགྱུར་བ་དང་། །སྟན་ལ་མི་དགའ་མེ་ཏོག་ཕྲེང་རྙིང་དང་། །གོས་ལ་དྲི་མ་ཆགས་དང་ལུས་ལས་ནི། །སྔོན་ཆད་མེད་པའི་རྡུལ་འབྱུང་ཞེས་བགྱི་བ། །མཐོ་རིས་འཆི་འཕོ་སྦྲོན་བྱེད་སྔ་ལྟས་ལྔ། །ལྷ་ཡུལ་གནས་པའི་ལྷ་རྣམས་ལ་འབྱུང་སྟེ། །ཞེས་ཀླུ་སྒྲུབ་ཀྱིས་གསུངས། ངན་སོང་དུ་ལྟུང་བའི་སྡུག་བསྔལ་དག་འཆི་ལྟས་བྱུང་བའི་ཚེ་ཉམས་སུ་མྱོང་ཡང་། །འདོད་ཆགས་དེ་དངོས་པོའི་གཤིས་ལས་མ་གྲུབ་པས། །གནས་ལུགས་བྱང་ཆུབ་ཀྱི་སེམས་ལ་བསྐྱོད་པ་རྡུལ་ཙམ་ཡང་མེད། །སེམས་ཁེངས་ཤིང་དྲེགས་པས། ང་རྒྱལ་གྱིས་ཀུན་ནས་བསླ྄ངས་པའི་དགེ་བའི་ལས་ཀྱི་རྣམ་སྨིན་གྱིས། །ལྷ་མིན་གྱི་གནས་སུ་རི་རབ་ཁོང་སེང་དུ་སྐྱེས་ནས་ཀྱང་། །ལུས་ཀྱི་འཐབ་པ་དང་ངག་གི་རྩོད་པའི་སྡུག་ལྷ་མིན་དག་ནའང་རང་བཞིན་གྱིས་ལྷའི་དཔལ་ལ་སྡང་ཕྱིར་སེམས་ཀྱི་དུཿཁ་ཆེ། །བསྔལ་དངོས་སུ་མྱོང་ཡང་། །སེམས་ཁེངས་པས་ང་རྒྱལ་ངོ་བོ་ཤེས་པས་ན། །ང་རྒྱལ་མ་སྤངས་བར་གནས་སུ་དག །དེས་ན་ང་རྒྱལ་གྱི་ངོ་བོ་མི་གནས་པས་སྟོང་། །གཞན་གྱི་ཡོན་ཏན་ལ་མི་དགའ་བས་ཕྲག་དོག་ལས་ཀྱི་རྣམ་སྨིན་གྱིས། །གླིང་བཞི། མི་ཡི་གནས་སུ་མངལ་སྐྱེས་གཙོ་ཆེ་སྐྱེས་ནས་ཀྱང་། །སྡུག་བསྔལ་བརྒྱད་ལ་སོགས་པ་སྣ་ཚོགས་སུ་སྣང་བ་འདི་རྣམས་མྱོང་འགྱུར་ཡང་། །ཕྲག་དོག་ངོ་བོ་ཆོས་ཀྱི་དབྱིངས་ཡིན་པས། །ཕྲག་དོག་མ་སྤངས་ཀྱང་གདོད་ནས་དག །དེ་བས་ན་བྱང་ཆུབ་ཀྱི་སེམས་ལས་མི་བསྐྱོད། །འཚོ་བའི་ཡོ་བྱད་ཀུན་ཏུ་འཛིན་པས་སེར་སྣ་དེ་ཡིས་ཀུན་ནས་བསླང་བའི་མི་དགེ་བའི་ལས་ཀྱི་རྣམ་སྨིན་གྱིས། །ཡི་དྭགས་བཀྲེས་སྐོམ་གྱི་གནས་སུ་རྒྱལ་པོའི་ཁབ་ཀྱིས་དཔག་ཚད་ལྔ་བརྒྱའི་འོག་ཏུ་སྐྱེས་པ་ནི་རྩ་བ་དེ་ལས་ཁ་འཐོར་བ་གཞོན། ༈ །ཡི་དྭགས་ན་ཡང་འདོད་པས་ཕོངས་པ་ཡི། །བསྐྱེད་པའི་དུཿཁ་རྒྱུན་ཆགས་མི་འཆོས་པ། །བཀྲེས་སྐོམ་གྲང་དྲོ་ངལ་དང་འཇིགས་པ་ཡིས། །བསྐྱེད་པ་ཤིན་ཏུ་མི་བཟད་བསྟན་འཚལ་ལོ། །ཞེས་པ་ལ་སོགས་པ་བཤེས་པའི་འཕྲིན་ཡིག་ལས་ཀླུ་སྒྲུབ་ཀྱིས་གསུངས་སོ། །བཀྲེས་སྐོམ་སྡུག་བསྔལ་མྱོང་བ་གྱུར་ཡང་། །སེར་སྣ་མ་བཅོས་བྱང་ཆུབ་སེམས། །ཡིན་པ། དེས་ན་དབྱིངས་ལ་འགྱུར་བ་མེད། །ཡང་དག་པའི་དོན་མི་ཤེས་པས། གཏི་མུག་དང་མི་དགེ་བའི་ལས་ཀྱི་རྣམ་སྨིན་གྱིས། །དུད་འགྲོའི་རྩ་བའི་གནས་ཕྱིའི་རྒྱ་མཚོ་ཁ་འཐོར་ངེས་པ་མེད་དེ་ཐང་དང་ཆུ་དང་ནམ་མཁའི་སྤྱོད་ཡུལ་གྱི་གནས་སུ་ཤེས་པ་བླུན་ཅིང་ངག་ལྐུགས་པ་མྱོང་སུ་འགྲོའི་སྐྱེ་གནས་ན་ཡང་བསད་པ་དང་། བཅིང་དང་བརྡེག་བཙོག་སྡུག་བསྔལ་སྣ་ཚོགས་པ་ཞེས་སོ། །གནས་བདེ་སྡུག་བཟའ་བཏུང་འགྲོ་འདུག་རིག་པ་མངོན་ཤེས་ཕྲ་མོའི་ཆོས་ཡོད་ཀྱང་། །གཏི་མུག་མ་བཅོས་བྱང་ཆུབ་སེམས། །ཐེག་པ་འདིས་ཡུལ་ཡང་དེ་ལྟར་རྟོགས་ཤིང་རིག་པས་ན། །གཏི་མུག་འོག་མ་པ་ལྟར་དུ་མ་སྤངས་པ་རང་སར་གནས་སུ་དག །ཀུན་ནས་མནར་སེམས་པའི་ཞེ་སྡང་དང་བསོད་ནམས་མ་ཡིན་པའི་ལས་ཀྱི་རྣམ་སྨིན་གྱིས་རྒྱུད་སྤྱི། །འཛམ་བུ་གླིང་གི་འོག་དམྱལ་བའི་གནས་སུ་ཚ་དམྱལ་བརྒྱད་དང་གྲང་དམྱལ་བརྒྱད་ཀྱི་དུཿཁ་མྱོང་ཡང་། །ཞེ་སྡང་རང་བྱུང་གི་ཡེ་ཤེས་ཉིད་དུ་ཤེས་པས་མ་སྤངས་པར་རང་གྲོལ་ལོ། ༈ །ཐབས་ལ་བརྟེན་ནས་ཆོས་ཐམས་ཅད་དེ་ལྟར་དུ་བྱང་ཆུབ་ཀྱི་སེམས་སུ་ཤེས་པས་ན། །མུ་མཐའ་ཅི་ཡང་གྲུབ་པ་མེད་པར་འཁོར་འདས་ཀྱི་ཆོས་རྣམས་ཐམས་ཅད་ཤེས། །ཇི་ལྟར་བ་དང་ཇི་སྙེད་པ་ཐམས་ཅད་མ་འདྲེས་ཡོངས་རྫོགས་སུ་མཁྱེན་པའི་སངས་རྒྱས་ཀྱི་སྤྱན་གྱི་ནི་མིག་ལྔའི་མཆོག་ཡིན་ཏེ། སྙིང་པོ་དོན་གྱི་ཆོས་རྣམས་ཇི་བཞིན་པར་གསལ་བས་སོ། ༈ །བསྟན་པ་ནི་རྒྱུ་ལས་འབྲས་བུ་འབྱུང་བར་སྟོན་པའི་ཐེག་པ་མཚན་ཉིད་སྡེ་གསུམ། ༈ །རིགས་དྲུག་འདུལ་བར་མཛད་པའི་སྟོན་པ་ནི་ཐུབ་པ་དྲུག་ཏུ་སྣང་སྟེ་མཚན་སྤྱི་དང་མཐུན། ལྷ་ཡི་དབང་པོ་བརྒྱ་བྱིན་ཕྱག་ན་རྡོ་རྗེ་འཛིན་པའོ། །ལྷ་མིན་དབང་པོ་དམག་དཔུང་གི་སྲིད་མི་འཇིག་པ ར་ཐུབ་པར་འཛིན། །མི་ལ་སྐུ་གསུང་ཐུགས་ཐུན་མོང་མ་ཡིན་པའི་ཐུབ་པའམ་འཁོར་བའི་དཔུང་འཇོམས་པས་ཐུབ་པའི་མི་དབང་པོར་སྣང་། །དུད་འགྲོའི་སྟོན་པ་གཏི་མུག་གི་མུན་པ་གསལ་བར་བྱེད་པར་འབར། །ཡི་དྭགས་འདུལ་བའི་སྟོབས་མངའ་བས་སྟོབས་ཀྱི་བདག །ཆུ་བསིལ་བར་བྱེད་པ་མེ་འབར་བས་དུཿཁ་ཞི་བར་བྱེད་པས་ཐུགས་རྗེའི་བདག །གདུལ་བྱ་འགྲོ་བ་རིགས་དྲུག་ཡོད་པས་ན། །སངས་རྒྱས་ཀྱི་ཡེ་ཤེས་ཉིད་ཐུབ་པ་རྣམ་པ་དྲུག་ཏུ་རིགས་དྲུག་གི་ངོ་ལ་ཆུ་ཟླ་ལྟར་དུ་ཤར། ༈ །གང་ཟག་སོ་སོའི་བློ་ལ་འཚམ་པའི་ཕྱོགས་སུ། །གང་དང་མཐའ་ཡས་པའི་གདུལ་བྱ་མཐུན་པའི་སྒོ་ནས་བསམ་གྱིས་མ་ཁྱབ་པའི་མཛད་པ་སྟོན། །ཅེས་གསུངས་སོ། །ཡེ་ཤེས་གསང་བའི་རྒྱུད་ལས། སྐུ་གསུམ་གྱི་ཞིང་ཁམས་བསྟན་པ་ལོགས་པ་གསལ་བར་ནི་འགྲེལ་པས་གང་གསང་བར་མཛད། གཞུང་གིས་གང་ལ་གསང་བར་གསོལ་བསྟན་པའི་ལེའུ་གསུམ་པའོ།། ༈ །།དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། །རང་བཞིན་དང་མཛད་པ་ཐུགས་རྗེས་ཀུན་ལ་ཁྱབ་པའི་བདག་པོ་དེ་ཁོ་ན་ཉིད་མ་བཅོས་པ་ལྷུན་རང་བཞིན་མཚན་ཉིད་རྣམ་པ་གྲུབ་གསུམ་ཆོས་ལོངས་སྤྲུལ་སྐུ་གསུམ་དུ། །རྩོལ་བའི་ཆུ་བོ་ཉེར་བཞི་མེད་སར་རྟོགས་པའི་ངང་དུ་གནས་པས་འབྲས་བུ་མངོན་སུམ་པར་སངས་རྒྱས་ཏེ། །མཛད་པ་ལ་ཕྱོགས་རིས་མི་མངའ་བ་ནི་དཔེར་ན་ཉི་ཟླ་འི་འོད་ཀྱིས་ཁྱབ་པ་བཞིན་ནོ། །མཁྱེན་པ་དང་མཛད་པ་དང་ཐུགས་རྗེའི་ཡེ་ཤེས་ཀྱི་འོད་ཟེར་གྱིས་ཕྱོགས་བཅུར་ཁྱབ་པར་བདལ་བའི་ཕྱིར་དབྱེར་མེད་ཀྱི། །སྙིང་རྗེས་དོན་ཀྱང་རྩོལ་བ་མེད་པས་མཛད་ཀྱང་རྩོལ་བ་མེད་པས་ལྷུན་གྱིས་གྲུབ་སྟེ་མ་ལུས་འགྲོ་དོན་རྡོ་རྗེར་གྲུབ་ཅེས་སོ། །བཤད་པ་ལྟར་ཕྱོགས་རིས་མི་མངའ་བའི་སྐུ་མཆོག་ཁྱེད་གིས། །བློ་ཆེ་ཆུང་གི་རིམ་པ་དང་མཚམས་པའི་ཐེག་པ་བརྒྱད་དོན་འདི་ཉིད་རང་བཞིན་དང་ལྟ་བ་དང་རྟོགས་པའི་འཁོར་ལ་གསང་སྟེ་དེ་དག་གིས་མ་རྟོགས་བའི་དོན། །འདུས་པའི་ཚོགས་ལ་བསྟན་དུ་གསོལ། །ཞེས་གསོལ་པ་དང་། ༈ །བཀྲ་ཤིས་ཤིང་བར་ཆད་མེད་པ་དེ་ནས་དེ་བཞིན་གཤེགས་པས་བཀའ་སྩལ་པ། ༈ །སྟོན་པ་གསུམ་ལ་ཕྱོགས་རིས་ཀྱི་ངོས་བཟུང་མི་མངའ་སྟེ། །ཐེག་བརྒྱད་ཀྱིས་རང་རང་གི་འདོད་པའི་གྲུབ་མཐའ་ལ་ཞེན་ཅིང་རྟག་ཆད་གཉིས་ཀྱིས་དོན་ལས་ལོག །རྒྱང་ཕན་པ་ཁ་གཅིག་གིས་ལས་རྒྱུ་འབྲས་དང་ལམ་དང་འབྲས་བུ་མ་རིག་པས་གང་ཡང་ཁས་མི་ལེན། །འགྲོ་བ་དྲུག་གིས་ཉོན་མོངས་ལྔ་ཡི་འབྲས་བུ་སྐྱེས་གནས་བདེ་སྡུག་སྤྱོད་ཡུལ་སོ་སོར་མྱོང་། །དེ་དག་ཞེན་པས་ཕྱོགས་བྲལ་མི་མཐོང་བ་དེས་ན་ཡེ་ཤེས་གསང་བ་ཡིན་ནོ། ༈ །གང་གསང་ན། ཆོས་སྐུ་གདོད་ནས་ཕྱོགས་འཛིན་གྱི་ཤེས་པ་རྣམ་པར་དག་ལ། །རང་བཞིན་དང་ཆེད་དུ་བྱས་པས་ལྟོས་པའི་ཀུན་ཏུ་བརྟགས་པའི་གཟུང་འཛིན་སྣ་ཚོགས་ངང་གིས་མེད་པ་དེ་གཟུང་འཛིན་ཅན་གྱིས་མི་མཐོང་བས་དེས་ན་ཆོས་ཉིད་ཀུན་གྱི་མཉམ་ཉིད་ཡིན་པ་ལ། ཕྱོགས་སུ་བལྟ་བས་གྲུབ་པ་མེད། ཅེས་ནམ་མཁའ་ཆེ་ལས་སོ། །གསང་བ་ཡིན་ནོ། ༈ །ཐམས་ཅད་ལ་མ་ཞེན་པར་ལོངས་སྤྱོད་པའི་སྐུ་ནི་རྣམ་པ་ཀུན་རིག་པ་བདེ་ཆེན་ཕྱོགས་མེད་དུ་དག་པ་ལ། །རྟོགས་པ་ཡིས་ཕྱི་ནང་མེད་པར་ཤར་བའི་སེམས་ཉིད་དེའི་རོ་མ་མྱོངས་པས་གསང་། །དེ་ཉིད་ཆོས་ཅན་དུ་སྒྲུབ་པ་མ་ཡིན་ཕྱོགས་སུ་ཞེན་པའི་ཆོས་ཉིད་མིན། །མུ་མཐའ་ཅི་ཡང་མ་ཡིན་ཕྱོགས་བྲལ་དུ་རྟོགས་པའི་ངང་ལ་རང་ཏང་ཞོག ༈ །སྤྲུལ་པ་ནི་སྐུ་སྒྲ་ཆ་བྱད་སྣ་ཚོགས་གདུལ་བྱ་ལ་འདུལ་ཐབས་ཅིར་ཡང་སྟོན་པས་མ་ངེས་པ་དེ་ངེས་པར་བཟུང་བས་མ་མཐོང་བས་གསང་སྟེ། ཞེན་པའི་བསམ་པ་སོ་སོར་སྣང་བ་ཙམ་ལས་དེས་མ་བརྟགས་པར། །ཡང་དག་དངོས་པོར་རང་རྒྱུད་པ་གྲུབ་པ་མེད། །དཔེར་ན་ཐག་པ་ལ་སྦྲུལ་དུ་མཐོང་ཡང་། །ཐག་པའི་མཚན་ཉིད་སྦྲུལ་མ་ཡིན་པ་བཞིན་དུ། །མ་བཅོས་རོལ་པའི་སྣང་བ་ལ་ཀུན་བརྟགས་འཁྲུལ་པར་ཞེན་པས་བརྟགས་པ་ལྟར་སྣང་མོད་ཀྱང་། །མ་བཅོས་པའི་སྣང་བ་ཞེན་པས་བརྟགས་པའི་སྣང་བར་འགྱུར་བ་མིན། །རོལ་པའི་སྣང་བ་ལ་རང་བཞིན་མེད་པས་སྒྱུ་མ་རང་སྣང་བ་ལ་རང་བཞིན་མེད་པས་ལྷུན་གྲུབ་སྟེ། །སྣང་བ་ལ་ཆེད་དུ་བྱས་པའི་རྩོལ་བ་རང་རྒྱུད་པ་མེད་པས་སྒྱུ་མ་དེ་རྟོགས་ན་རེ་དོགས་ཆོད་པས་བདེ་མཆོག་ཡིན། །གནས་སྐབས་འབབ་ཆུ་ལྟར་སྣང་ཡང་ངོ་བོ་ཅིས་ཀྱང་མི་འགྱུར་རྡོ་རྗེ་བཙན་པོ་ཡིན་ཏེ་དེའི་ངོ་བོ། །མ་བཅོས་ལྷུན་གྲུབ་ཆེན་པོ་དེ་ཕྱོགས་ཐམས་ཅད་པ་ཡིན་ལ། །ཕྱོགས་གཅིག་ཏུ་ངེས་པ་མེད་པ་ལ་མ་གཏོགས་པས་ངེས་པར་བཟུང་བས་བར་བཤད་དེས་ན་གསུམ་ལ་ངོས་གཟུང་མེད་ཅེས་སོ། ༈ །གང་ལ་གསང་ན། གང་ཞིག་ཉན་ཐོས་པས་ཡུལ་སེམས་ཐ་དད་གཉིས་སུ་མཐོང་བ་ནི། །ཐ་མལ་པ་དང་མུ་སྟེགས་ཀྱི་རགས་པའི་གཟུགས་མེད་ལ་ཕྲ་རབ་ཀྱི་སོ་སོར་རྡུལ་ཆ་མེད་དུ་བདེན་པར་མཐོང་འཛིན་པ་སྐད་ཅིག་མར་འདོད་དོ། །སེམས་ཉིད་ལ་རྡུལ་དུ་གྲུབ་པ་མེད་བཞིན་བློས་བརྟགས་པས་ཕྱིན་ཅི་ལོག །ཡང་ན་ཆོས་ཀྱི་གང་ཟག་བདག་མེད་པ་འབའ་ཞིག་ཏུ་ངེས་པར་གཟུང་བས་ཆོས་ཉིད་མ་མཐོང་བས་གསང་ངོ་། ༈ །གང་ཞིག་རང་རྒྱལ་བས་གང་ཟག་གི་བདག་མེད་རྟོགས་པ་ལ་སོགས་པ་ཉན་ཐོས་དང་། ཆ་མཐུན་ལ་ནང་འཛིན་པ་ཆོས་ཀྱི་བདག་འདོད་པས་ནི། །གཟུགས་ཆོས་བཅོ་ལྔ་འདུས་མ་བྱས་དང་གཟུང་ཡུལ་བཅུ་དྲུག་གི་ཆོས་ཀྱི་བདག་ལ་གཅིག་འབྲས་བུ་རྟེན་འབྲེལ་དུ་མ་རྟོགས། །རྒྱུ་རྐྱེན་ལ་རྟེན་འབྲེལ་བའི་ཆོས་ཕྱི་ནང་གི་ཉེར་བཞི་ལ་ངེས་པར་བརྟགས་བཅོ་ལྔ་རྟེན་འབྲེལ་དུ་རྟོགས་ཀྱང་པས། །སྐྱེད་བྱེད་ཀྱི་རྒྱུ་མེད་པར་དག་པའི་ཆོས་ཉིད་ཀྱི་དོན་དེས་མ་མཐོང་བས་གསང་ངོ་། ༈ །ཆོས་ཐམས་ཅད་ཀྱི་རང་བཞིན་བདེན་པ་གཉིས་མེད་ཀྱི་ཆོས་ཀྱི་སྐུ་ཡི་ངོ་བོར་གནས་པ་ལ། །ཡུལ་བདེན་༼༢༽པ་གཉིས་སུ་བློ་འཁྲུལ་མ་འཁྲུལ་གྱིས་ལྟ་༼༡༽ བ་རྣམ་༼༣༽པར་ཕྱེ་སྟེ། །དེ་ཡང་དོན་དམ་པར་སྤྲོས་པའི་སྟོང་པ་དངོས་པོ་རྣམ་རང་བཞིན་མེད་པར་འདོད་པ་དེ། །ཆོས་ཉིད་ལ་སོགས་པ་རིགས་པ་བཞི་དང་རྟེན་འབྲེལ་ལ་སོགས་པའི་གཏན་ཚིགས་བཞི་པོ་དག་གིས་ཚོལ། །དོན་བདེན་པ་གཉིས་གྱི་ངོ་བོ་སྤྱི་རྣམ་ཙམ་རྟོགས་ནས་ནི། ༈ །ཚོགས་སྦྱོར་དུ་ཞི་གནས་གང་ཟག་གི་རིམ་པས་དྲན་པ་ཉེར་བཞག་ནས་སྟོབས་ལྔའི་བར་གང་འདོད་པ་བཞིན་སྒོམ། །ལྷག་མཐོང་ནི་རང་གི་མཚན་ཉིད་གསལ་བའི་སྐབས་མཐོང་སྒོམ་མཐར་ལམ་གསུམ་དུ་འདོད། །ལམ་ཚོགས་སྦྱོར་གཉིས་ནི་མཐོང་ལམ་ལ་སྦྱོར་བའི་ལམ་ཡིན་ཏེ། །ས་དང་པོར་དེ་ཁོ་ན་ཉིད་ཀྱི་དོན་མཐོང་སྟེ་རགས་པ་མཐོང་སྤང་གི་ཉོན་མོངས་པའི་རྟོག་པ་སྐྱེ་འགག་དུས་མཉམ་དུ་སྦྱངས་པསའཇིགས་པས་དང་ལྔ་དང་བྲལ། །དབུས་མཐའ་ལས། ཆོས་ཀྱི་དབྱིངས་ལ་མ་རིག་པ། །ཉོན་མོངས་ཅན་མིན་སྒྲིབ་པ་བཅུ། །ཞེས་དྲང་ངོ་། །ཕྲ་ཤེས་བྱའི་སྒྲིབ་བའི་རིམ་པ་ས་དུ་དབྱིངས་རྟོགས་པ་ཡེ་ཤེས་རེ་སྐྱེ་ཞིང་སྦྱོངས་བཅུ་ཡི་བར། །ཤིན་ཏུ་ཆ་ཕྲ་བའི་ཤེས་བྱའི་སྒྲིབ་པ་ཐམས་ཅད་མཁྱེན་པ་ལ། །སྒྲིབ་པ་དེ་མཐར་ཐུག་གི་ས་བར་ཆད་མེད་ལམ་རྡོ་རྗེ་ལྟ་བུ་ཡི་སྦྱོར་བས་རྒྱུན་གཅོད་དོ། ༈ །དེས་ཀུན་ཏུ་འོད་ཐོབ་པ་ནི་རང་འདོད་རྟོགས་པའི་མཐར་ཐུག་གི་འབྲས་བུ་ཡིན། །དེས་ན་ངལ་བསོ་བའི་བསྟི་གནས་དེ་ལ་མོས་པ་རྣམས་དྲང་བའི་ས་ཡིན་ནོ། ས་ལམ་བགྲོད་དུ་མེད་པ་ལ་བགྲོད་པས་ཡེ་ཤེས་དེའི་དོན་མི་མཐོང་བས་གསང་། །བྱ་བརྩལ་མེད་པ་ལ་བརྩལ་བས་གྲུབ་པ་མེད། །བདག་དང་མི་མཐུན་ལོག་པ་བཞིན་ཏེ་མཐར་ཐུག་མིན་ནོ། ༈ །དེས་ན་འདུས་པའི་འཁོར་ཚོགས་ཁྱེད་ཀྱིས། །བརྩལ་མེད་ཆོས་ལ་བརྩལ་མི་བྱ། །བགྲོད་མེད་ཆོས་ལ་རང་བཞིན་ཞོག་ཅིག་པར་གདམས་པའོ། ༈ །རྒྱལ་བའི་ཝཱ་ཚིས་བདག་ལ་རྒྱས་བཏབ་ནས་བསྒོམས་པས་རྒྱལ་རྟགས་ཡེ་ཤེས་པ་བདག་ཉིད་དུ་མ་རྟོགས་པའི་ཕྱི་པས་མཐོང་བའི་ཀུན་རྫོབ་དོན་དམ་སྤྱིར་མཐུན་པས་མ་སྨོས་སོ་ནི། །མཐོ་འཇམ་དམའ་རྩུབ་གསུམ་དེ་བཞིན་པདྨ་རྡོ་རྗེའི་རིགས་དང་གསུམ་དུ་འདོད་དེ་དེ་ལྟར་དག་པས། །ཕྱི་ནང་རྫས་དག་པ་ཕྱི་དག་པ་ཁྲུས་དང་གཙང་སྦྲ་ནང་དག་པ་སྔགས་དང་ཕྱག་རྒྱ་རྫས་དག་པ་དཀར་གསུམ་མངའ་གསུམ་གསུམ་གྱི་སྒོར་ཞུགས་ནས་ཆོ་ག་ལྔ་བྱིན་རླབས་དྲུག་སྟེ་བཅུ་གཅིག་གིས་བསྐྱེད་པའི། དམ་ཚིག་སེམས་དཔའ་དང་ལྷ་ཡེ་ཤེས་པ་རྗེ་བོ་དང་འབངས་ཀྱི་ཚུལ་དུ་ལྟ་བའོ། ༈ །རང་ས་མངོན་གྱུར་དུ་རྟོགས་པས་མ་ལུས་རྡོ་རྗེ་འཛིན་དུ་སྣང་བའི་ས། །རང་གིས་ངེས་པར་མཐོང་ཡང་དེ་ཉིད་བཅོས་མའི་ས་ཡིན་ལ། །ས་ཐོབ་ནས་རང་གིས་ཀྱང་རང་གི་སྐྱོན་མེ་ལོང་གི་ཚུལ་དུ་རྟོགས་ནས། ༈ །རིམ་པའམ་ཅིག་ཆར་གྱི་འཇུག་རིམ་གཉིས་གྱིས་མ་བཅོས་པའི་ས་ལ་འཇུག །རྒྱལ་ཐབས་སྤྱི་བླུགས་ཚངས་པའི་དབང་བསྟན་པས་དུས། །སྐད་ཅིག་ཉིད་ཀྱིས་རྫོགས་སངས་རྒྱས་པར། །གང་གིས་རྟོགས་པའི་དུས་ན་དུས་ཐམས་ཅད་དུ། །དེ་ཁོ་ན་ཉིད་རྟོགས་པའི་ཚོད་དུ་ལྡན་པ་ཡིན་ནོ། ༈ །གཞི་ཡེ་ནས་སྣོད་བཅུད་འབྲས་བུ་རྣམ་སྣང་དང་རྣམ་སྣང་ཆེན་པོར་རྒྱ་མ་ཆད་ཡིན་པའི་དོན། །ཀུན་རྫོབ་ཏུ་ཡན་ལག་དགུ་ཡིས་བསྐྱེད་པའི་དོན་དམ་མཐུན་དམ་ཚིག་པ་དང་ཡེ་ཤེས་སེམས་དཔའ་གྲོགས་པོ་དམ་པར་ལྟ་བ་ཡིས། ༈ །མཚན་མའི་ལྷ་སྐུ་དངོས་པོ་ཅི་གསལ་དུ་གོམས་པས་ཆུ་ཟླའི་ཚུལ་དུ་རིག་པ་སྣང་སྟོང་དབྱེར་མེད་དུ། །མཐོང་བས་མཚན་མ་ལྷ་གྲངས་ཀྱི་དགོངས་པའི་ངོ་བོ་དང་། །དེ་ཉིད་མཚན་མ་རང་རྒྱུད་པ་མེད་པར་གསལ་བར་བསྒོམས་པས། ༈ །སྟོང་པ་ཉིད་ཀྱི་ཡེ་ཤེས་ལ་སོགས་པ་ཡེ་ཤེས་ལྔ་གྲུབ། །ཡེ་ཤེས་གཅིག་ལའང་གཟུགས་ཀྱི་སྐུ་རིགས་ལྔ་འབྱུང་བ་སྟེ་རིགས་པ་དང་ཡེ་ཤེས། ལྔ་ལྔར་ལྡན་པའང་ཏིང་ངེ་དེ་གཉིས་ཀྱི་རྣམ་སྣང་དང་ཆེན་པོར་གང་སྒོམ་པ་དེ་བཞིན་དུ་སྐུ་རེ་ལྡན་ནོ། །དེ་ཉིད་ལས་གདུལ་བྱའི་གྲངས་དང་མཐུན་པར་དལ་སོ་སོར་སྤྲུལ་པ་སྟེ། །གདུལ་བྱ་དེ་ཡི་རྒྱུད་ལའང་བྱིན་གྱིས་བརླབས་ཏེ། །དེ་ལ་སྤྲུལ་པ་གྲངས་ལས་འདས་པ་བསམ་གྱིས་མི་ཁྱབ་པ་དེ། །སྐལ་ལྡན་རྣམས་ཀྱི་སེམས་ལ་འབྲས་བུ་སྣང་བའོ། ༈ །ཡོ་ག་རང་འདོད་བསམ་པ་ཡིས། །མཐར་ཐུག་འབྲས་བུ་ཡོད་འདོད་ཀྱང་། །དེ་དག་ཀྱང་རྩོལ་བའི་འབྲས་བུ་དྲང་དོན་ཡིན་གྱིས་ངེས་དོན་མིན་པས་དེ་ལ་ཞེན་ན་ཕྱོགས་འཛིན་གྱིས་སླད་པས། །མ་བཅོས་ཇི་བཞིན་ཉིད་མ་རྟོགས་པས་ན། ༈ །ཐམས་ཅད་ཆོས་ཉིད་རང་སྣང་མ་དུ་ཤར་བས་ཤེས་པས་གསུམ་ལས་བཅོས་པ་དེ་ཡུལ་དུ་བྱས་ནས་ནི་ལམ་དམ་པ་ལ། འཇུག་པ་འི་འཇུག་རིམ་གཉིས་གྱིས་འཇུག་པ་སྔ་མ་བྱ་བ་རྒྱུད་དུ་བསྟན་པ་བཞིན། །བླ་མས་བརྡའ་དོན་སྤྲད་པ་དེ་གདམས་ངག་ཐོབ་པས་རྒྱལ་བའི་གྲལ་དུ་བཞག་པའོ། ༈ །བྱ་བའི་ཐེག་པའི་སྤྱོད་པ་དག་ལ་སྒོ་གསུམ་གིས་གནས་ཏེ་སྤྱོད། །ཡོ་གའི་ཐེག་པ་ལྟར་བྱིན་རླབས་ལྷར་སྣང་བའི་བརྒྱུད་༼༡༽ པའི་ལྟ་༼༢༽ བར་འདོད། །བྱ་བ་ལྟར་རྩོལ་བས་འཇུག་པ་དང་ལྟ་སྤྱོད་གོང་འོག་གཉིས་ག་ཁས་ལེན། །ཏིང་འཛིན་ཡོ་གའི་སྤྱོད་པ་འམ་འདིར་ལྷ་༼༡༽ སྔགས་༼༡༽ ཡི་༼༡༽ གེ། རྒྱའི་དེ་༼༡༡༡༡༽ ཁོ་ན་ཉིད་བཞི་ལས་གང་གནས་པ། དེ་ཉིད་འབྲས་བུ་ལམ་དུ་གྱུར་པས་འཇུག་པ་སྟེ། །རང་འདོད་རྟོགས་པའི་ས་མཐར་ཐུག་ཡིན་པར་འདོད་ཡང་། །མ་བཅོས་ཐ་མའི་ས་མ་རྟོགས་ཏེ་འདུས་བྱས་མཚན་མའི་འབྲས་བུ་ཡིན་པས། །སྨིན་ཀྱང་མཐར་ཐུག་གི་འབྲས་བུ་མི་འབྱུང་སྟེ། །བིམ་པ་ར་ཡི་འབྲས་བུ་བཞིན་ནོ། ༈ །ཆོ་ག་ལྔ་གསུམ་གྱིས་བསྐྱེད་པ་གཙོར་བྱེད་པའི་མ་ཧཱ་ཡོ་ག་ནི། །ཕྱི་པ་ལྟར་རྣམ་པ་མ་སྒོམས་ཀྱི་གཞི་ཡེ་ནས་འབྲས་བུའི་ངོ་བོ་ཉིད་ཡིན་པས་དེ་བཞིན་དུ་ལམ་དུ་བྱེད་པ་ཏེ། །ཕྱི་རྒྱུད་ལྟར་ཐ་མལ་གྱི་གཙང་སྨེ་ལ་བླངས་དོར་མེད་དེ་མཉམ་པར་རྟོགས་པས་ཤ་ལྔ་དང་དམ་རྫས་ལྔ་ལ་ལམ་དུ་འདོད། །གཞི་ནས་འབྲས་བུ་ཡིན་པའི་དོན། །བསྐྱེད་པའི་ལྷ་རིམ་པས་རྩོལ་བ་དང་བཅས་པ་དང་། །རྫོགས་པའི་རིམ་པ་སྟོང་པ་རྩ་ཐིག་ལེ་སྒོ་གསུམ་བདེ་སྟོང་དབྱེར་མེད་ལ་བརྟེན་པས་གྲུབ་པ་ཡིན། །ལམ་གཉིས་ནི་ཤེས་རབ་གསུམ་གྱིས་གྲོལ་བ་དང་ཐབས་ཡིན་དབང་དང་གདམས་ངག་ལ་བརྟེན་པ་གཉིས་ཏེ། །དེ་གཉིས་རེ་རེ་ལའང་བསྐྱེད་དང་རྫོགས་པ་སྟེ། །གྲོལ་ལམ་ལའང་བཞི་བསྐྱེད་པའི་སྐྱེད་པ་ལྷ་ཆོ་ག་ལྔ་གསུམ་གྱིས་བསྐྱེད་པ་དང་། བསྐྱེད་པའི་རྫོགས་པ་སྔགས་བརྗོད་པ་དང་དུས་གཅིག་བསྐྱེད་པ་དང་། རྫོགས་པའི་བསྐྱེད་པ་དལ་བསྡུས་ཏེ་སྟོང་པར་བསྒོམས་པ་དང་། རྫོགས་པའི་རྫོགས་པ་ནི་ཡེ་ནས་དག་མཉམ་དུ་གནས་པའི་དོན་རྟོགས་ནས་རྩོལ་མེད་དུ་འཇོག་པའོ། ༈ །ཐབས་ལམ་ལ་ནང་ནང་གི་སྐྱེད་པའི་སྐྱེད་རིམ་ནི་ལྷའི་ལུས་ལ་འཁོར་ལོ་བཞིའི་རྩ་དང་ཐིག་ལེ་སྒོམ་པའི་རིམ་པ་ལས་བྱུང་བ་དང་། སྐྱེད་པའི་རྫོགས་པ་ཐིག་ལེ་དེ་ཉིད་ཉམས་སམ་ལྟ་བའི་རིམ་པས་རང་བཞིན་ཞུ་ནས་ཐིག་ལེ་ཆེན་པོར་གསལ་བ་དང་། རྫོགས་པའི་སྐྱེད་ཐབས་དེ་དག་གོམས་པས་ལུས་སེམས་བདེ་བ་ཆེན་པོའི་ཉམས་རྟགས་མངོན་དུ་སྣང་བ་དང་། རྫོགས་པའི་རྫོགས་པ་མཐར་ཕྱིན་པས་འབད་རྩོལ་མི་དགོས་པར་གདགས་སྐྱེད་ཐམས་ཅད་དང་བྲལ་བའོ། །དང་གསང་ཡབ་ཡུམ་ལྷར་བསྐྱེད་ལ་བྱིན་གྱིས་བརླབ་རྒྱན་གདགས་སྦྱོར་བའི་བརྡ་བསྐུལ་བ་དང་། དབང་པོ་སྦྱར་ཞིང་བྱང་སེམས་བཟུང་བ་ལས་སྐྱེས་པ་དང་། བཟློག་པའི་བདེ་ཆེན་མྱོང་བ་ལས་གོམས་པ་དང་། རྟེན་དང་བྲལ་བས་ཉམས་སུ་མྱོང་བ་ཉིད་གོམས་པས་མཐར་ཕྱིན་པ་དང་བཞིའོ། །བ་འོག་སྒོ་གཉིས་སྟེ། །དེ་གཉིས་རེ་རེ་ལའང་བཞི་བཞི་བརྒྱད་དུ་ལྡན་པ་དང་གྲོལ་ལམ་ལ་བཞི་སྟེ། །བཞི་གསུམ་བཅུ་གཉིས་དག་ཏུ་ཤེས་པར་བྱ། ༈ །རྟོགས་པའི་ལྟ་བ་དང་ལམ་སོ་སོའི་སྤྱོད་པ་དང་དཀྱིལ་འཁོར་བདུན་ལ་སོགས་པ་དང་དབང་ལྔ་དང་དམ་ཚིག་གི་རྩ་བ་དང་ཡན་ལག་དང་། །མཆོག་ཐུན་མོང་གི་སྒྲུབ་པ་དང་འཕྲིན་ལས་བཞི་དང་རྒྱུད་དོན་བདུན་གྱི་ལས་རིམ་ནི། །ཕྱི་གྲོལ་ལམ་དང་ནང་སྟེང་སྒོ་དང་གསང་བ་འོག་སྒོ་སྟེ་རྒྱུད་སྡེ་སོ་སོའི་དགོངས་པ་བདུན་ཚན་གསུམ་མོ། །རང་བཞིན་གྱིས་འགྲོ་བ་ཀུན་ལ་གནས་པ་གཞིའི་རྒྱུད་དང་རྩོལ་བས་འཇུག་པ་ལམ་གྱི་རྒྱུད་དང་། །ཤུགས་ལ་མཐར་ཕྱིན་འབྲས་བུའི་རྒྱུད་དྲངས་པས་རྒྱུད་ཀྱི་ངོ་བོ་གསུམ་དུ་བསྟན་ནོ། ༈ །འཇུག་པ་དང་པོ་པ་ཆོ་གས་བསྐྱེད་པའི་ལྷའི་ཏིང་ངེ་འཛིན་ལས་སུ་རུང་བར་སྒོམ་པ་ནི། །བསྐྱེད་པའི་བཤད་པ་ལྟར་རྫོགས་པའི་བསྐྱེད། །བློ་ཆེ་ཆུང་གི་སྐབས་དང་སྦྱར་བས་བློ་དང་གང་འཚམས་པ་དེ་བཞིན་དུ་བསྒོམ། །དངོས་གྲུབ་གཉིས་རང་རིག་པའི་རླབས་མ་འདྲེས་ལ་དེར་རོ་གཅིག་པས་རྒྱ་མཚོ་ལྟ་བུ་ནི། །རྒྱུད་བཙིངས་པ་ཐོབས་དང་རྟོགས་པས་གྲོལ་བའི་ཡོན་ཏན་གྱི་དཀྱིལ་འཁོར་དཔག་མེད་ཡོངས་སུ་རྫོགས་པས། །དུས་ལ་མི་ལྟོས་པས་དེ་མ་ཐག་ཏུ་ཚིགས་མེད་པར་ལྷུན་གྱིས་གྲུབ་པའོ། ༈ །ལུས་ཀྱི་ནང་གི་རྩ་རླུང་ཐིག་ལེའི་ལམ་ལ་གང་དག་འཇུག་པ། །ཏིང་ངེས་བསྐྱེད་པའི་རྩ་བའི་མེ་བཞིའི་དཀྱིལ་འཁོར་དང་ལྔ་ལ་གདམས་ངག་གི་རིམ་པས་འཇུག །བདེ་བ་དེ་ཉིད་རང་ལ་རྫོགས་པས་རང་ལུས་དེ་ཉིད་ཀྱི་བདེ་བ་སྨིན་པའོ། ༈ །ལྟེ་བའི་སོར་བཞིའི་འོག་ན་གསང་བའི་ཕོ་བྲང་རྩའི་མདུད་པ་གསུམ། །དབྱིབས་གྲུ་གསུམ་གཏུམ་མོ་མེའི་དཀྱིལ་འཁོར་ལོས་ཉམས་བདེ་ཞིང་དགའ་བ་བསྐྱེད་པས་འབྲས་མིང་རྒྱུ་ལ་བཏགས་པའོ། །དེ་ཡང་བདེ་བ་བྱང་ཆུབ་སེམས་ཀྱི་དཀྱིལ་འཁོར་ཏེ་དང་པོ་ཡིན་ནོ། ༈ །སྤྲུལ་པའི་སྐུའི་ངོ་བོ་ཉིད་རྩ་འདབ་དྲུག་ཅུ་རྩ་བཞི་པོ་དེ་དང་ལྟེ་བ་ན་ལྡན། །དེའི་དབུས་སུ་ཨ་ཐུང་དུ་ཡི་རང་བཞིན་གྱིས་གནས་པ་ཆོས་ཉིད་ཡིན་ཏེ། །དེའི་ཕྱི་རིམ་ན་རྩ་དབྱིབས་ཆུའི་འཁོར་ལོ་ལྟ་བུ་བཞི་དང་སྐོར་བརྒྱད་དུ་ལྡན་ནོ། ༈ །གསང་ཐིགས་ཀྱི་འགྲེལ་པ་ལྟར་མཆན་གདབ་སྟེ། ༈ །ཆོས་ཀྱི་འཁོར་ལོ་དག་ལ་བརྒྱད། །དེའི་དཀྱིལ་ན་དངས་མ་ཆེན་པོ་རྩ་ཁྲག་དབུགས་གསུམ་ཡོད་པ་དག་དེའི་དཀྱིལ་ན་སྟེ། །ལྔ་ཡོད་པ་དེའི་དབུས་ན་ཐིག་ལེ་ཆེན་པོ་བྱང་ཆུབ་ཀྱི་སེམས་བཞུགས་སོ། །སྙིང་ཁོང་སྟོང་གི་དཀྱིལ་ན་རྩའི་དངས་མ་རྩ་བྲན་རྒྱུས་པ་ནད་མ་འདྲ་བ་བརྒྱད་ལ་ཆོས་ཉིད་ཀྱི་རྩ་གསུམ་དང་ཡེ་ཤེས་ཀྱི་རྩ་གཅིག །རང་རྒྱུད་ཀྱི་རྩ་གསུམ་དག་དང་ཡོན་ཏན་གྱི་རྩ་གཅིག་དང་དེ་ལྟར་བརྒྱད་ཏུ་ཤེས་པར་བྱ། །དེ་ཉིད་ཅི་འདྲར་སེམས་པ་ནི། །ཆོས་ཉིད་ཀྱི་རྩ་ལ་འོད་ཟེར་སེར་པོ་གཅིག་གནས་ཏེ། །དེའི་དབྱིབས་ཟླུམ་པོའི་ཚུལ་དངུལ་ཞུན་མ་ལ་གཞོན་མར་གྱི་ཟོལ་སོང་བ་བཞིན་ནོ། །ས་བོན་ནི་ལྷ་མིན་སུ་བྱོལ་སོང་ཏྲི་སྙིང་པོ་ནི་ༀ། །དེ་དག་གསུམ་གྱི་ཁ་དོག་ནི། །ཟ་འོག་གི་གུར་ཕུབ་པ་ལྟར་བུར་གནས་པའོ། །ཡེ་ཤེས་རྩ་ལ་འོད་མཐིང་ཀ་གཅིག་གནས་སོ། །དབྱིབས་གྲུ་བཞི་ཞགས་པ་བསྡོགས་པའམ་སྦྲུལ་འཁྱིལ་པ་འདྲ་ཚུལ་ལེ་བརྒན་ལྕེ་ལ་ཤེལ་སྒོང་བརྒྱུས་པ་འདྲ། །ས་བོན་ལྷ་ཨ་མི་ནྲི་སྙིང་པོ་ཧཱུྃ། །རང་རྒྱུད་ཀྱི་རྩ་ལ་འོད་དམར་པོ་གཅིག་གནས་ཅི་འདྲ་ན་དབྱིབས་ཟླ་གམ་འདྲ། །ཚུལ་ནི་སོས་ཀའི་ཆུ་ལ་སྨྱིགས་རྒྱུ་བའམ་རྩི་སྐྱིའི་ཁ་ལ་ཟིལ་པ་ཆགས་པ་འདྲ་ཁ་དོག་ཟངས་མ་བཞུ་བ་ལ་ར་གན་གྱིས་རྩི་སོང་བ་འདྲ་བའི་དཔེ་ཡིས་ཤེས་པར་བྱ། །ས་བོན་ཡི་དྭགས་པྲེ་དུ་དམྱལ་བ་སྙིང་པོ་ཨཱྂ། །དེ་ཡང་མ་རྟོགས་པའི་དུས་ན་འཁོར་བའི་རྒྱུ་སྟེ་ས་བོན་ཨ་ནྲི་ལ་སོགས་པའོ། །རྟོག་པས་འི་དུས་ན་ཡེ་ཤེས་ཏེ་སྐུ་གསུང་ཐུགས་ཀྱི་སྙིང་པོའོ། །དེ་གཉིས་གཉིས་སུ་མེད་པས་རང་འདྲེས་པ། བྱང་ཆུབ་སེམས་ལ་གནས་པའི་ཚུལ་གོང་མ་དང་འདྲ་བས་བསྲེས་པ་ཡིན་ཞེས་བྱའོ། །ཆོས་ཉིད་ཡེ་ཤེས་རང་རྒྱུད་ཡོན་ཏན་རྩ་བཞིའི་བྱེ་བྲག་ནི་འོད་སེར་པོ་མཐིང་ཁ། དམར་པོ། དམར་ནག །བཞི་རུ་གནས་པ་ནི། །རིམ་པ་ཀུན་གཞི་རྣམ་ཤེས་ཡིད་ཉོན་ཡིད། སྒོ་ལྔའི། བརྒྱད་ཀྱི་རྟེན་མ་སྟེ་འོད་སེར། མཐིང་ཁ་དམར་དམར་ནག་ལ་རིམ་པར། རྩ་དབུགས་ཁྲག་གི་སྒོ་ལྔའི། རྒྱུ་བ་བཞི་ཡིས་ཤེས་པར་བྱའོ། །དབུགས། རྩ་ཁྲག་གི་སྙིགས་མ་གསུམ་ལ་ཨ་ནྲི་སུ་ཏྲི་པྲེ་དུ་སྟེ་ས་བོན་གཉིས་གཉིས་སུ་རྒྱུའོ། །དེ་ཡང་ལྷ་མིར་སྐྱེ་བའི་ཁ་འཛིན་ཡིད་ཀྱིས་བྱས་ནས་ས་བོན་ཨ་ནྲི་ལ་བག་ཆགས་སོགས་བྱོལ་སོང་ལྷ་མིན་ཀུན་གཞི་སུ་ཏྲི་ཡི་དྭགས་དམྱལ་བ་སྒོ་ལྔ་ཉོན་ཡིད་པྲེ་དུ་ལ་སོགས་པས་རྣམ་ཤེས་བརྒྱད་འགྲོ་དྲུག་གི་ཚུལ་དང་མཐུན་ཏེ་འདི་ལྟར་སེམས་ཅན་ལ་རང་རྒྱུད་དུ་གནས་སོ། །གང་གིས་བདེ་བ་གང་རྟེན་སྡུད་གཡོ་སྨིན་གོ་འབྱེད་པར་བྱེད་པས་དེ་བཞིན་དུ་ཡིན་ནོ། ༈ །ཐིག་ལེ་བྱང་ཆུབ་ཀྱི་རང་བཞིན་དེ་ཡི་ངང་ལ་རྟག་ཏུ་བསྒོམས་པས་གནས་ནས། །བདེ་བའི་རྟགས་སངས་རྒྱས་ཀྱི་ཡེ་ཤེས་རྣམས་འབྱུང་སྟེ་ནམ་མཁའི་གཟུགས་སུ་སྐྱེ་སྟེ་ཁམས་གསུམ་ཐམས་ཅད་ཐ་དད་མ་ཡིན་བར་འགྱུར་ཏེ། །རྩ་ཁྲག་དབུགས་དྲོད་ཐིག་ལེའི་དངས་མ་དག་ཡུལ་ལྔ་ཡེ་ཤེས་ལྔར་སྦྱར། གཡོ་ཞིང་འཕར་ན་རྩོལ་བ་གློད། །ནམ་ཞིག་དེ་ལྟར་ཐིག་ལེ་བྱང་ཆུབ་ཀྱི་སེམས་བར་ལས་སུ་རུང་སྟེ་འོད་ཅན་དུ་གསལ་གྱུར་ཙམ་ན། །གོང་གི་སྙིང་པོ་གསུམ་གྱི་གོང་དང་འོག་གི་ས་བོན་དྲུག་གནས་པ། །ཡེ་ཤེས་ཀྱི་རང་བཞིན་གྱི་འོད་དུ་འབར་ཏེ་ཐིགས་པ་ལ་རང་བཞིན་མེད་པར་འགྲོ། །ཐིག་ལེའི་རང་བཞིན་མེད་པར་ཐིམ་པས་རྩ་ཁྲག་དབུགས་དྲོད་སྔ་མ་ཕྱི་མ་གནས་ཏེ། རྒྱུ་བ་རྣམས་རིམ་གྱིས་ཇེ་ཕྲ་ཇེ་ཕྲ་ལ་འོད་དུ་འབར་ཏེ་གནས། །དེ་ལྟར་དབུགས་ལ་སོགས་པ་བཞི་འོད་དུ་འབར་བས་རང་བཞིན་མེད་པར་འགྱུར་ཏེ་ནམ་མཁའི་གཟུགས་སུ་གནས་ཙམ་ན། །ཁམས་གསུམ་སོ་སོ་མ་ཡིན་པ་ཡེ་ཤེས་ལྷུན་གྱིས་གྲུབ་རྩ་བུག་ནམ་མཁའ་འི་གཟུགས་ལྟར་སྣང་བ་འབྱུང་བ་ན། །དེ་ཉིད་ཐིག་ལེ་བྱང་ཆུབ་ཀྱི་སེམས་ཡེ་ཤེས་ཁྱབ་བདལ་ཀུན་ཏུ་བཟང་པོ་ཉིད་ཡིན་ཏེ་ཆོས་ཀྱི་སྐུའོ། །དེས་ན་ཆོས་དབྱིངས་གསལ་བའི་གོ་སྐབས་འབྱེད་ཅེས་བྱའོ། ༈ །གསང་བའི་ཤེས་རབ་ནི་ཡུམ་ཀུན་ཏུ་བཟང་མོའི་རང་བཞིན་གྱི་ཐིག་ལེ་དེ་ཆོས་ཀྱི་དབྱིངས་ཡིན། །གང་ན་གནས་ན་ལྟེ་བ་ན་རྩ་གཉིས་དང་དྲུག་ཅུའི་དཀྱིལ་ན་ཉི་མ་ལ་བཞུགས་སོ། །ཐིག་ལེ་ལས་བྱུང་བ་ཐམས་ཅད་ཐབས་ཡབ་ཐིག་ལེ་རང་བཞིན་མེད་པར་ཤེས་རབ་ཡུམ་དེ་ལྟར་ཤེས་རབ་དང་ཐབས་དབྱེར་མེད་པ་ཐིག་ལེ་ལ་སྙོམས་པར་འཇུག་ལ་ཐིག་ལེ་དེ་ལས་ཁམས་གསུམ་ཐམས་ཅད་འབྱུང་སྟེ་དེ། ཐམས་ཅད་ཞི་གཉིས་སུ་རྒྱས་གདབ་པའི་དཀྱིལ་འཁོར་དུ་གྱུར་ལ་དེ་ཐིག་ལེ་ཆོས་ཀྱི་དབྱིངས་དེ་ཡིན་ནོ། །དེ་ལ་ཡེ་ཤེས་ལྔ་ཡི་རང་བཞིན་ཉིད་དུ་ལྷུན་གྱིས་གྲུབ་པས་བལྟ། །གོང་གི་དྭངས་མ་ཆེན་པོའི་དྲོད་མར་འཕྲོ་དང་འབར་བ་དེ་སྟེང་འོག་ཏུ་ཐིམ་ལ་དེའི་འོད་སྙིང་དངས་མ་ཆེན་པོ་ལ་ཐིམ་པའི་དྲོད་དེས། །སྟེང་གི་སྙིང་པོའི་ཐིག་ལེ་འོད་དུ་འབར་བར་བསྐུལ་བར་བྱས་པས་དབུགས་ཀྱི་དངས་མ་འོད་དུ་འབར་ནས་ཐིགས་པ་འོད་ཅན་དུ་གྱུར་ནས་དབུགས་ཀྱི་གཞི་མེད་དེ་ཇེ་ཞན་ལ་རྒྱུ་བ་མེད་པས་འབྲས་བུ་རྒྱུ་བ་མེད་དེ། བདེ་བ་ཆེན་པོའི་ར་གནས་པ་མཆོད་པ་ཡིན་ནོ། ༈ །དྭངས་མ་ཆེན་པོ་དེའི་འོད་དེས་མགྲིན་པའི་ཐིག་ལེ་ལ་མཉམ་པར་སྦྱོར་ཏེ་ཐིམ་པས། །དེ་གང་ལ་བཞུགས་ན་རྩ་དྲུག་དང་བཅུ་ཡི་དཀྱིལ་དུ་པདྨའི་གེ་སར་ལ་བཞུགས་པ་སྟེ། །དེ་ལ་འོག་གི་དྲོད་ཀྱིས་བསྐུལ་བས་འོད་དུ་འབར་ཏེ་དགྱེས་པ་ཆེན་པོའི་རོ་དེ་ཡིས་ནི། །ལྷུན་གྲུབ་དེ་ལས་མི་གཡོ་བས་བདེ་བ་ཆེན་པོ་སྟོབས་པར་བྱེད་ཅེས་བྱའོ། ༈ །ཤེས་བྱ་ཡུལ་དང་གཟུང་བ་རྟོག་པ་ཟད་པ་ནི་ཐིག་ལེ་འོད་ཅན་ཡིན་པས་རྣམ་རྟོག་ཟད་པའི་ཡེ་ཤེས་ཞེས་དེ་ལ་བྱའོ། །དེའི་བསོད་ནམས་ཀྱིས། །ཡུལ་ཐིག་ལེ་དེ་རྣམས་རང་བཞིན་མེད་དེ་སྒྱུ་མར་རང་སྣང་བ་སྟེ་བདེ་བ་དེའི་འོད་ནི། །རོལ་མོ་སྟེ་དེའི་བདེ་བ་ཐ་དག་གིས། །བདེ་བ་ཆེན་པོའི་གནས་ན་འབེན་ཐིག་ལེ་བཞུགས་པ་ལ་ཕོག་གོ། །རྩ་སུམ་ཅུ་གཉིས་ཀྱི་དཀྱིལ་འཁོར་གྱི་དཀྱིལ་ན་ནམ་མཁར་སོང་བའི་དཀྱིལ་ན། །ཟླ་བ་ལ་ཐིག་ལེ་བྱང་ཆུབ་ཀྱི་སེམས་དེ་ཡི་མཉམ་པའི་དབྱིངས་སུ་གནས་སོ། ༈ །ཐིག་ལེ་ནི་སངས་རྒྱས་ཀུན་གྱི་དངོས་པོ་ཡང་དེ་ཡིན་ལ་དེ་ནི་ཀུན་གྱི་གཙོ་བོ་ཆོས་ཀྱི་སྐུ་ཕྱོགས། །བཅུ་དང་དུས་བཞིར་ནི་དཀྱིལ་འཁོར་དུ་མངོན་པར་རྫོགས་པ་ཡང་དེ་ཡིན་པས། །སྐུ་གསུང་ཐུགས་གསུམ་དང་ཡོན་ཏན་ཕྲིན་ལས་གཉིས་སུའང་ཐིགས་པ་དེ་ཡང་དག་པར་གནས་པ་ཡིན། །འོན་ཀྱང་མགྲིན་པའི་ཐིག་ལེའི་འོད་བདེ་བ་ཆེན་པོའི་ཐིག་ལེ་ལ་ཕོག་པས་འོད་དུ་ཞུ་ནས་སྤྱི་ལུགས་སུ་གྱུར་པས་བདེ་ཆེན་གྱི་རིང་དུ་གྱུར་ཏེ་ཁམས་གསུམ་ཐམས་ཅད་དབྱེར་མེད་དུ་གྱུར་ཏེ་ཡེ་ཤེས་ནམ་མཁའི་གཟུགས་སུ་སྐྱེས་ཏེ་ཆོས་སྐུ་གྱུར་པ་ནི། ཀུན་ཀྱང་ངོ་བོར་བདག་ཉིད་གནས་པ་སྟེ་དེ་ལྟར་གྱུར་ནས་སངས་རྒྱས་ཐམས་ཅད་ཀྱི་ཞལ་དུས་གཅིག་མཐོང་བའོ། ༈ །སྐལ་མེད་པ་གསང་བའི་ཐབས་ཀྱི་ལམ་ལ་འཇུག་ཅིང་གང་གནས་པ་ནི་རྟེན་ཅན་གྱི་བདེ་བས་རང་རིག་བདེ་ཆེན་དེ། །མཚོན་པར་བྱེད་པ་རིག་མའི་ལས་དང་ཏིང་ངེ་དང་ཡེ་ཤེས་ཀྱི་ལྷ་མོ་ལ་རོལ་པ་ལས་བྱུང་བ་བདེ་བ་ཡིས། །རིང་ལྷན་ཅིག་སྐྱེས་པའི་དགའ་བ་རྟོགས་པའི། །བདེ་བ་ཡེ་ཤེས་གསལ་ལ་མི་རྟོག་སྟོང་པ་གཉིས་ཟུང་དུ་འཇུག་པ། ༈ །རྡོ་རྗེ་འཛིན་པའི་ས་ཐོབ་པ་ཡིན་ཡང་། །དེ་ཡིས་མཐར་ཐུག་གི་དོན་རྣམས་མི་མཐོང་སྟེ། །དཔེར་ན་རྒྱལ་པོ་དང་དེ་ཡི་ཆ་མི་འདྲ་བ་བཞིན་ནོ། །རྣམ་པར་ཤེས་པ་དབང་པོ་ལ་སོགས་པའི་རྐྱེན་བཞིན་བསྐྱེད་པའི་བློ་བུར་དུ་བྱུང་བས། །རང་གནས་རང་བྱུང་གི་ཡེ་ཤེས་ཉིད་དེས་མི་རྟོགས་ཏེ། །ཞེ་ལ་འཛིན་ཅིང་བརྟགས་པས་རང་རིག་ཡེ་ནས་གནས་པའི་དོན་མི་རྟོགས་པ་བཞིན་དུ། །ལྷ་དང་བདེ་བ་ལ་སོགས་པ་ལ་དངོས་པོར་འཛིན་པ་ལ་བརྟགས་ཤིང་ཞེན་པའི་རང་རིག་གིས། །ཡེ་ནས་མ་བཅོས་པའི་ལྷུན་གྲུབ་དེ་ཁོ་ནའི་རང་རིག་ཆེན་པོའི་དོན་མི་མཐོང་ངོ་། །རང་གི་མཐར་ཐུག་གི་ས་ཡི་གེ་འཁོར་ལོ་ཐོབ་ནས་མ་བཅོས་པའི་ས་ལ་བཅོས་མའི་ས། །སྔ་མ་བཤད་པ་བཞིན་ཏེ་རིམ་ཅིག་ཅར་གྱིས་འཇུག་པ་འདྲ་སྟེ་རྒྱལ་ཐབས་ཀྱིས་མཐར་ཕྱིན་པའོ། ༈ །རྒྱུ་འབྲས་ཅན་གྱི་ཐེག་པ་ཐམས་ཅད་མཐར་ཕྱིན་པ་ཨ་ནུ་ཡོ་ག་ཡང་། །རང་བཞིན་གྱི་སྣང་བ་ནི་ཆོས་ཀྱི་དབྱིངས་དང་རིག་པའི་ཡེ་ཤེས་དབྱེར་མེད་པའི་བདེ་བ་ཆེན་པོ་ཡིན་ལ། །འཁྲུལ་པའི་སྣང་བ་དང་གདུལ་བྱའི་འཁོར་གྱི་སྣང་བ་དང་གཉིས་ནི་རང་བཞིན་དང་ལམ་སྣ་ཚོགས་སུ་འཁྲུལ་པས་རང་རྒྱུད་པའོ། །བདེ་གཤེགས་ཀྱི་སྣང་བ་ནི་ཆོས་ཀྱི་དབྱིངས་ཇི་བཞིན་པ་ཉིད་དུ་མ་བཅོས་པར་གསལ་ཞིང་ཐུགས་སུ་ཆུད་པའོ། །དེ་ཡང་རང་བཞིན་སྣང་བ་ནི་འཁོར་འདས་ཀྱི་ཆོས་ཐམས་ཅད་འབྱུང་བའི་གཞིར་ཡེ་ནས་གནས་པའོ། །བདེ་གཤེགས་ཀྱི་སྣང་བ་ནི་ལམ་གྱི་མངོན་དུ་བྱས་པའི་འབྲས་བུ་ཡིན་ནོ། །གདུལ་བྱ་འཁོར་གྱི་སྣང་བ་ནི་བསྟན་པ་བློ་དང་འཚམ་པར་སྣང་ཞིང་འཇུག་པ་ལམ་པ་སྟེ། ༈ །ལམ་དེ་ལ་ཕྱི་ལྷའི་བསྐྱེད་རིམ་ནང་རྩ་རླུང་ཐིག་ལེ་གསང་བ་དབང་དང་རེག་མ་རྟེན་པ་གསུམ། །དེ་བཞིན་ཉིད་ལ་ཅིག་ཅར་འཇུག་པ་དང་རྣལ་འབྱོར་ལྟ་སྤྱོད་ཀྱི་རིམ་པའང་མ་ཧཱ་དང་དེ་བཞིན་དུ་མཐུན་ནོ། །རིམ་པ་འཇུག་པའི་ཚུལ་གྱིས་ནི། །རིག་པའི་རྩལ་ཡེ་ཤེས་སྒྱུ་མའི་སྐུར་བསྐྱེད་པ་རྐྱེན་གྱིས་མི་འཕྲོགས་པར་བརྟན་པར་གྱུར་ནས་ནི། །ལྷ་རྫོགས་པའི་ཚུལ་དུ་བསྒོམས་པ་དང་དོན་ཆོས་ཉིད་མི་རྟོག་པ་ལ་འང་འཇུག་པར་བྱའོ། །མོས་རང་རང་གི་མོས་པ་ཐ་དད་པས་ནང་འཁོར་ལོ་ལྔའི་བདེ་བ་ཡང་མ་ཧཱའི་སྐབས་སུ་བསྟན་པ་དེ་བཞིན་དུ་བསྒོམས་ཏེ། །གསང་བའི་རིག་མའི་བདེ་བས་རྟོགས་པ་དོན་དེ་ལ་དྲན་པས་བསྒོམ་མོ། ༈ །ལམ་དེ་དག་གི་འབྲས་བུ་ནི་དབྱིངས་དང་ཡེ་ཤེས་གཉིས་སུ་མེད་པ་ཀུན་ཏུ་བཟང་པོ་དབྱེ་བ་མེད་པའི་ས། །རང་གི་འདོད་པའི་རང་སའི་འབྲས་བུ་ཐོབ་མོད་ཀྱང་། །རྫོགས་ཆེན་མ་རྟོགས་པས་མཐར་ཐུག་གི་འབྲས་བུའི་དེ་ཡང་མ་ཡིན་ནོ། །དེས་ན་རྩོལ་བས་འདི་རྟོགས་པ་ལ་ངམ་ཨེ་མའོ་ཕྱོགས་མེད་ཀྱི་ཡེ་ཤེས་ཕྱོགས་འཛིན་གྱི་མི་རྟོགས་པས་གསང་བའི་མ་བཅོས་བླ་མ་ས་ནི་ཐེག་བརྒྱད། །རྩོལ་བའི་ཆུ་བོ་ཉེར་བཞིས་འཇུག་པའི་ལམ་གྱིས་ཐོབ་པ་མ་ཡིན་ནོ། ༈ །ལས་ཀྱི་དབང་གིས་འགྲོ་དྲུག་གི་སྣོད་བཅུད་སོ་སོར་ཞེན་པའི་སྣང་བ་མི་མཐུན་པར་ལ་རང་རྒྱུད་པར་འཐད་ཅིང་བདེན་པར་འཛིན་པ་དང་། །མུ་སྟེགས་པ་རང་རང་གི་བསམ་པས་རྟགས་ཆད་དུ་འཛིན་པས་དོན་ལས་ལོག་པ་དང་། །ཐེག་བརྒྱད་ཀྱིས་རང་རང་གི་ལུང་རིགས་ཀྱི་འདོད་པས་ཕྱོགས་མེད་ཀྱི་དབྱིངས་ལ་ཕྱོགས་རིས་སུ་བལྟས། །ཡེ་ཤེས་པ་ཕྱི་དང་དམ་ཚིག་པ་ནང་ན་མེད་པའི་ཐིག་ལེ་ཆེན་པོ་ལ་སྤྲོ་བསྡུ་ཆེད་དུ་བྱས། །ངོ་བོ་ཉིད་བསྟན་ཅིང་རྟག་ཏུ་མེད་པ་ལ་ས ོ་སོའི་གྲུབ་མཐའ་ངན་པས་དམིགས་འཛིན་བྱས། །འབྲས་བུ་རང་བྱུང་ག ི་ཡེ་ཤེས་ཉིད་ལ་ལམ་གྱི་རྒྱུ་ཡིས་བཙལ། །མ་བཅོས་པའི་ཆོས་ཉིད་མུ་བཞི་མཐའ་དྲུག་ཅི་ཡང་མ་ཡིན་པ་ལ། །མུ་མཐའ་ཅིར་ཡང་འཛིན་པའི་སེམས་ཀྱིས་ཕྱོགས་སུ་བརྟགས། །ལམ་གྱིས་བགྲོད་དུ་མེད་པའི་འབྲས་བུ་སྐུ་གསུམ་ཡེ་ནས་ལྷུན་གྱིས་གྲུབ་པ་ལ། །ལམ་བརྒྱད་བགྲོད་པས་རང་ལ་བགྲོད་མེད་དུ་གནས་པ་མི་ཤེས་པས་བསླད་པའོ། །ཚུལ་དེས་ན་མ་བཅོས་དངོས་པོ་ལ། །རང་རང་གི་ལོག་རྟོག་འཛིན་པའི་བློ་ཡིས་ནི། །ཇི་ལྟར་བཟུང་ཞིང་དཔྱད་ཀྱང་གཏན་ལ་ཕེབས་པ་མ་ཡིན་པས། །བདག་ཉིད་ཆེན་པོ་ལ་བྱ་བྱེད་གཉིས་མེད་པས་མ་དཔྱད་པར་རང་བཞིན་བླ་མས་བསྟན་པའི་དོན་ལ་བཞག་པས་གོ། །དཔྱད་དུ་མེད་པའི་སེམས་ཉིད་ལ་དཔྱད་པས་ལམ་རིམ་ལས། དཔྱོད་པ་ཞུགས་ན་རྟོག་པའི་གཞི། ཞེས་བཞི་དྲང་། ན། །དོན་རྟོགས་པ་མ་ཡིན་པར་ལོག་སྟེ་དུང་དཀར་ལས་ཟླ་གཅིག་ལས་གཞན་གཉིས་སུ་ལྟ་བ་བཞིན་ནོ། །ཅེས་གསུངས་སོ། ༈ །ཡེ་ཤེས་གསང་བའི་རྒྱུད་ལས་ཡུལ་གང་ཞེན་ལོག་རྩོལ་བ་ལ་གསང་བའི་དོན་བསྟན་པའི་ལེའུ་སྟེ་བཞི་པའོ།། ༈ །།གསང་བ་རྟོགས་བྱེད་ཀྱི་ཐབས་སྟོན་པས་དེ་ནས་ཞེའོ་གང་གིས་སེམས་དཔའ་རྡོ་རྗེས་གང་བས་དེ་བཞིན་གཤེགས་པ་རྣམ་པར་སྣང་མཛད་ལ་ཇི་ལྟར་འདི་སྐད་ཅེས་གསོལ་ཏོ། །ཐུགས་རྗེའི་བདག་པོས་ཁྱེད་ཀྱི་སྔར་གསུངས་པས་ན། །འཁོར་དུ་འདུས་པའི་ཚོགས་རྣམས་ཀྱིས་རྟོགས་པ་ནི། །གང་བདག་པའི་ངོ་བོ་སེམས་ཀྱི་རང་བཞིན་ཕྱོགས་བྲལ་ཡེ་ནས་ཀུན་ཁྱབ་ཏུ་གནས་པ་ལ། །རང་རང་གི་མཐོང་སྣང་ལ་ཞེན་པ་རིགས་དྲུག་རང་དོན་ལ་ལོག་པ་རྟག་ཆད་རྒྱང་ཕན་གསུམ་དང་རང་འདོད་པའི་དོན་ལ་སྒོ་གྱི་རྩོལ་བ་ཐེག་པ་བརྒྱད་ཀྱིས། །དེ་ཁོ་ན་ཉིད་སེམས་ཀྱི་རང་བཞིན་མི་རྟོགས་ཏེ་གསང་བར་གསུངས། །སྟོན་པ་སྐུ་གསུམ་ལ་ཕྱོགས་རིས་ཀྱི་ངོས་བཟུང་མེད་པས་བསྟན་བྱ་སྟོན་བྱེད་ཀྱི་ཐ་སྙད་ལས་གྲོལ་བས་གསང་། །འཁོར་གསུམ་པོ་ཐམས་ཅད་ཀུན་ལ་གསང་བས་ན། །དེ་ཉིད་དེ་དག་ལས་ཁྱད་པར་དུ་གྱུར་པའི་ཐབས་གང་གིས་དོན་དེ་ཤེས་པར་འགྱུར། །གང་གིས་ཀྱང་མི་རྟོགས་ན་གསུང་གི་མངའ་བདག་རྣམ་སྣང་ཁྱེད་ཀྱིས་ཀྱང་། །ཀུན་ལ་གསང་བ་དེ་ཇི་ལྟར་རྟོགས། །ཞེས་གསོལ་ཏོ། །དེ་ནས་གསུང་གི་མངའ་བདག་གིས་བཀའ་སྩལ་པ། ༈ །རྫོགས་ཆེན་མ་བཅོས་པའི་ཐེག་པ་ཆེན་པོ་སེམས་ཀྱི་རང་བཞིན་དེ་ལ། །བརྗོད་པའི་སྒྲ་དང་བཏགས་པའི་ཐ་སྙད་ཀུན་ལས་འདས་ཏེ་བརྗོད་པ་དང་བྲལ་ཀྱང་། །བརྗོད་པ་ཀུན་གྱི་ངོ་བོར་ཤར་བས་སྣོད་ལྡན་དེ་ཁོ་ན་ཉིད་མ་བཅོས་པའི་དོན་རྟོགས་པར་འདོད་པ་ཡིས། །ཐུན་མོང་མ་ཡིན་པའི་གཏན་ཚིགས་ཆོས་ཉིད་རྟོགས་པ་ལ་མི་བསླུ་བའི་ཚད་མ་གསུམ་གྱིས་ནི། །དེ་ཉིད་གསལ་བྱེད་ཀྱི་རྒྱུ་མཚོན་ཅིང་རྟོགས་པའི་ཐབས་སུ་བཤད་པར་བྱ་སྟེ། བྱ་བརྩལ་དང་བྲལ་བར་སྟོན་པའི་རྫོགས་པའི་ལུང་དང་རིག་པས་ཆོས་ཉིད་རྟོགས་པའི་ངང་དུ་གོམས་པའི་ཉམས་རིམས་དང་། །དྲོན་ཚེགས་ཆུང་ལ་ཐབས་ཆེ་བས་རྟོགས་བའི་མན་ངག་གི་རིམ་པ་དང་གསུམ་གྱིས། །ཡེ་ཤེས་གསང་བའི་དོན་རྟོགས་པའི་རིག་པའི་མཆོག་ཡིན་ནོ། ༈ །རང་རང་གི་བློ་དང་འཚམ་པར་ཐབས་ཆེན་པོས་རྒྱུད་ནས་སྟོན་པ་ཐེག་བརྒྱད་ཀྱི་ལུང་དང་བྱ་བྲལ་དུ་སྟོན་པ་རྫོགས་ཆེན་ཀྱི་ལུང་དང་། ཆོས་ཉིད་ཀྱི་མཁའ་ཡིས་ཀུན་ལ་ཁྱབ་པ་བྱང་ཆུབ་སེམས་ཀྱི་ལུང་གིས། །སྣང་སྲིད་སྣོད་བཅུད་མ་ལུས་པ་ཀུན་སེམས་སུ་བརྡ་སྤྲོད་པས་གཏན་ལ་འབེབས། །དེ་ཉིད་ཡེ་ཤེས་གསང་བའི་ངོ་བོ་ཆོས་ཉིད་སྐྱེ་མེད་སྤྲོས་བྲལ་གྱི་ཀློང་དུ་སྟོན། །དེ་ཉིད་བདེ་བ་ཆེན་པོའི་བདག་ཉིད་གསང་བའི་དཀྱིལ་འཁོར་སྣང་སྲིད་ཡེ་ཤེས་རང་སྣང་དུ་འཆར་བས་སྟོན། །དེ་ལྟ་བུའི་ལུང་རིག་པ་དང་སྟོང་པ་དང་བདེ་ཆེན་གསུམ་དུ་སྣང་བས་སྟོན་པའི་རྒྱུད་དག་རྒྱལ་བ་བཀའ། །ཡིན་པས་སྟོན་པ་ཀུན་བྱེད་ང་ཡི་བཀའ་དང་མཐུན་ནོ། །དེ་ལྟར་བསྟན་པའི་དོན་ཉིད་རིག་པས་སྒྲ་ཙམ་མ་ཡིན་པར་ཉམས་སུ་མྱོང་བར་ལོན་པའི་ཚེ་ན། །ཡིད་ཆེས་ཐག་ཆོད་ནས་སྒྲ་རྗེས་སུ་མི་འབྲང་བས་རིག་པའི་གཏན་ཚིགས་སོ། ༈ །རྣམ་པ་གསུམ་གྱི་ལུང་གི་ངོ་བོ་ནི། །ཚིག་གསུམ་ཐ་དད་ཀྱང་ཉམས་སུ་དུས་གཅིག་ལ་མྱོང་བས། ༈ །སེམས་ཉིད་རིག་པའི་ཡོན་ཏན་གྱི་ཆོས་སུ་སྣང་བ་དབྱེར་མེད་ཡིན་ནོ། །སྣང་སྲིད་འཁོར་འདས་ཐམས་ཅད་སེམས་སུ་འདུས་པར་ཐབས་ཁྱད་པར་ཅན་གྱིས་རྟོགས་པས་ན། །ཡུལ་ཤེས་སྣ་ཚོགས་སུ་སྣང་ཡང་སེམས་མ་ཡིན་པའི་ཆོས་རྡུལ་ཙམ་ཡང་མི་སྣང་ངོ་། །བློ་ལ་ཇི་ལྟར་ཡང་སྣང་དུ་རུང་བའི་ཆོས་ཆོས་ཅན་རྣམས་ནི། །ཧེ་དུ་སེམས་ལ་དང་པོ་མ་འགགས་པར་སྣང་བར་དུ་གནས་ཐ་མ་དེར་གཅིག་པའི་ཕྱིར་ཐ་མི་དད་པ་རང་གི་སེམས་ཡིན་ཏེ་དམ་བཅའ། །སྣང་སྲིད་ཇི་ལྟར་སྣང་ཡང་སེམས་ཉིད་རིག་པ་མ་ཡིན་ན། །དང་པོ་སྣ་ཚོགས་དེ་ཉིད་བདག་ཉིད་རིག་པ་ཇི་ལྟར་སྣང་བར་འགྱུར་ཏེ་སྣང་བ་དེས་ན་སེམས་ཡིན་ནོ། ༈ །ཐ་དད་དུ་མཐོང་བ་ནི་ཡུལ་སེམས་རྒྱུ་འབྲས་ལོགས་པ་ཐ་དད་བློས་བརྟགས་པས་སྣང་པ་སྟེ། །དེ་དག་རྒྱུད་ལ་ཞེན་པའི་བག་ཆགས་ལོག་པས་སེམས་དཀྲུགས་པའི་མཐུ་སྣང་ཙམ་ན། །དོན་ལ་མེད་ཀྱང་ལོག་པར་བརྟགས་པའི་སྣང་ཚུལ་མཐའ་ཡས་སྣང་བ་ཡིན་སྟེ། །དཔེར་ན་དུང་དཀར་པོ་ལ་སེར་པོར་མཐོང་བ་བཞིན་ནོ། །དེ་ཡང་དུང་ཉིད་སེར་པོ་རང་གཏན་མ་ཡིན་ན། །ཇི་ལྟར་དུ་དུང་དེ་ལ་སེར་པོ་མཐོང་བར་འགྱུར། །དེས་ན་སེར་པོའང་ཡིན་པར་འདོད་ན། །དུང་ལ་སེར་པོར་བདེན་པ་ཡོད་པ་ཡིན་ན། །མིག་མ་འཁྲུལ་པས་ཤེས་པས་གཏན་ཚིགས་ཅིས་སེར་པོ་མི་མཐོང་། །ཐོག་མ་མེད་པ་ནས་ཞེན་ཅིང་རྟོག་པའི་འཛིན་པ་འཁྲུལ་པའི་དབང་གིས་ན། །རང་གི་རིག་པ་མཐོང་ཡང་གྲུབ་མཐའི་གཞུང་གིས་བརྟགས་པས་མི་མཐུན་པ་སྣ་ཚོགས་པ་དག་ཏུ་མཐོང་བ་སྟེ་དེ་ཡང་། ༈ །དེས་ན་སེར་པོའང་ཡིན་འདོད་ན། །དང་པོ་བླ་མས་སྣང་བ་སེམས་སུ་བསྟན་པས་སེམས་ལ་མཚན་མའི་དངོས་པོར་ཞེན་པའི་རང་རིག་ཡིན་སྟེ། །ཡུལ་དང་སེམས་གཉིས་པ་མེད་པར་མཐོང་པས་རང་རིག་ཡིན་ནོ། །སེམས་དེ་གཉིས་པར་སྐྱེ་བ་མེད་པ་ཆོས་ཉིད་དུ་བསྟན་པས་ཡུལ་ཤེས་གཉི་ག་མེད་པར་མཐོང་པ་སྟེ། །དེ་ཉིད་ཀྱང་མཚན་གཞི་གཉིས་པ་མེད་པའི་དེ་ལ་ལྟོས་པའི་མཚན་ཉིད་གཉིས་མེད་ནི། །མི་སྲིད་དེ་དཔེར་ན་མཚན་གཞི་མེ་མེད་པའི་མཚན་ཉིད་ཚ་བ་མི་སྲིད་བཞིན་དུ་དེ་ལའང་མི་ཞེན་ནོ། །འོ་ན་སྟོང་པ་འབའ་ཞིག་གོ་ཞེ་ན་གསུམ་པ་དེ་ཉིད་བདེ་བར་བསྟན་པས་ནི་ཞེན་པའི་རང་རིག་ཅེས་བྱ་སྟེ། །བདེ་བའི་དོན་ལ་རྟག་ཏུ་ཞེན་པའི་ཕྱིར་རོ། །གཉིས་མེད་དང་ལྷ་དང་བདེ་བ་གང་ལ་ཞེན་པས་ཀྱང་མ་བཅོས་རྣལ་མའི་རང་རིག་གི་དོན་མི་མཐོང་ངོ་། །དེ་ཉིད་མ་བཅོས་རྣལ་མར་བསྟན་པས། བཅོས་འཛིན་བློ་ལས་གྲོལ་བར་རྟོགས་པས། བཞི་པ་མ་བཅོས་རང་རིག་ནི། །ཆེད་དུ་བྱས་པའི་ངོས་གཟུང་མེད་པས་ཕྱོགས་སུ་འཛིན་པའི་གྲུབ་མཐའ་གང་ཡང་མིན། ༈ །པ་ཉིད་རྒྱ་མཚོ་རླབས་སུ་ཤར་བ་ལྟར་ཆོས་ཐམས་ཅད་དུ་ཡེ་ཤེས་ཀྱི་རོལ་པ་མ་འགགས་པར་རང་སྣང་བ། །བླ་མའི་ཞལ་ནས་སྙན་རྒྱུད་རིམ་པར་བརྒྱུད་པའི་མན་ངག་གིས། ཤེས་པར་བྱའོ། །རོལ་པའི་ཡེ་ཤེས་རང་སྣང་བས་རིག་པས་གཞན་པ་མེད་པས་དེ་ཉིད་ཕྱོགས་རིས་ལས་གྲོལ་བ་དང་། །མ་རྟོགས་པར་སྣང་བརྟགས་རང་རྒྱུད་པ་དང་གྲུབ་མཐའི་རྟོགས་པའི་ཞེན་པ་སྣ་ཚོགས་པ་དག་ཁྱད་པར་མེད་ཅེས་དེ་གཉིས་ཀྱི། །བྱེ་བྲག་མ་ཤེས་པར་གང་ལའང་ཡིད་ཆེས་མེད་པ་ལྟ་སྤྱོད་ལོག་པ་ནི་གཏི་མུག་གི་བློ། ༈ །དེས་ན་བླ་མའི་གདམས་ངག་བྱང་ཆུབ་སེམས་ཀྱི་ལུང་གིས་ནི། །སྣང་སྲིད་ཐམས་ཅད་སེམས་སུ་རང་སྣང་བའི་རྟགས་ཉམས་འཆར་བས་གཏན་ལ་ཕེབས་པ། །དེས་ན་ལུང་གསུམ་ནི་ཐམས་ཅད་བྱང་ཆུབ་སེམས་སུ་གཏན་ལ་འབེབས་བྱེད་ཀྱི་ལུང་ཡིན་ནོ། ༈ །མ་བཅོས་པའི་སེམས་ཀྱི་རང་བཞིན་གཞི་བཞག་ཉིད་ཤེས་བྱ་ཡིན་ལ། །སྣང་སྲིད་བྱང་ཆུབ་སེམས་ཀྱི་རང་རིག་པའི་ཉམས་བདེ་ཆེན་ཕྱོགས་བྲལ་དུ་མཐོང་བས་ནི། །བྱང་ཆུབ་སྙིང་པོར་བསྐལ་པ་དང་སྐྱེ་བ་དུ་མར་སྦྱང་མི་དགོས་པར་སྐད་ཅིག་དེ་མ་ཐག །ཏུ་བླ་མའི་བྱིན་རླབས་དང་མན་ངག་ལ་བརྟེན་ནས་རིག་པའི་ཉམས་ཚད་མ་ཉིད་ཀྱིས་ཤེས་སོ། །རིག་པའི་ཚད་མ་དེ་ཉིད་ཀྱིས་ཡིད་ཆེས་མ་སྐྱེས་པར་དེ་དང་བྲལ་ན། །ཐུན་མོང་གི་ལུང་རིགས་དང་སྒྲ་ཡི་ཚད་མས་བརྒྱུད་པའི་ཐབས་ཅི་བསྟན་ཀྱང་། །སྒྲ་ཡི་ས་མཚོན་པའི་དོན་ཡིད་ལ་བྱེད་པ་དང་གང་ཟག་དེ་ཕྲད་ནས། །སྒྲ་སྤྱི་ལ་དོན་དུ་ཞེན་པའི་རྗེས་སུ་བློས་རྟོག་པར་འགྱུར་བས་སྒྲ་རྟེན་ཡིད་ལ་བྱེད་དེ་དོན། །སྤྱིའི་རྣམ་པ་ལ་རྟོགས་པ་དེ་གནས་པ་ཡིན་ཀྱང་། །ཆོས་ཉིད་རང་གི་མཚན་ཉིད་རྟོགས་པ་ནི་དེ་མ་ཡིན་ནོ། །རིག་པའི་ཉམས་ཚད་མས་དོན་རང་གི་མཚན་ཉིད་ཡུལ་དང་ཡུལ་ཅན་མེད་པར་རང་གསལ་དུ་མཐོང་ན། །མཐོང་བའི་དུས་དེ་ཉིད་ན་གཏན་ལ་འབེབས་པའི་རིག་པའི་དོན་ཐུན་མོང་མ་ཡིན་པ་དང་ལྡན་པས། །ཐེག་པ་གཞན་གྱི་ལུང་དང་རིགས་པ་ལ་སོགས་པ་རྟོགས་པའི་ཡན་ལག་གི་ཚད་མ་རྣམས་འདིར་མི་དགོས་སོ། །གཅིག་གི་ཆོས་ཉིད་རྟོགས་པ་དེ་ལྟར་དུ་མཐོང་ཐོས་དྲན་རྟོག་རྒྱུ་བ་མ་ལུས་པ་དེ་ནི་རྟོགས་པ་དེ་བཞིན་དུ་མཐུན་པ་ཡིན་ནོ། ༈ །དེ་ལྟར་རྟོགས་པའི་ཉམས་དེ་ལ་སློབ་ཚུལ་ནི་འོག་མ་ལྟར་རིམ་པ་མ་ཡིན་ཏེ། །རིམ་པར་མ་བགྲོད་པར་རྟོགས་གྲོལ་དུས་ཅིག་ཆར་དུ་མཐར་ཕྱིན་པར་འཇུག་པའི་ས་དང་ལམ། །དེ་བཞིན་དུ་འཁོར་འདས་ཅིར་སྣང་ཡང་གཞི་ལས་མ་གཡོས་པས། །ལམ་མཐར་ཕྱིན་པའི་འབྲས་བུ་ཡང་གཞི་ལས་གཡོས་པ་མེད་པ་སྟེ། དེ་དབང་པོ་ཡང་རབ་ཀྱི་དབང་དུ་གསུངས་སོ། ༈ །ཇི་སྙེད་པའི་ཆོས་མ་ལུས་པ་རྫོགས་པའི་སེམས་ཀྱི་རང་བཞིན་ལ་ནི། །བླ་མའི་མན་ངག་གིས་བརྡའ་དོན་ཕྲད་པས་མཐར་ཕྱིན་པར་རྟོགས་ཀྱང་། །ཆུ་ལ་རལ་གྲི་བཏབ་པ་ལྟར་སླར་འཁྲུལ་རྟོག་འབྱུང་བ་ནི་ཐོག་མ་མེད་པ་ནས་ངེས་པར་འཛིན་པའི་བག་ཆགས་སྟུག་པོ་ལ་ཞེན་པ་ཡིས། །རྟོག་པ་སྐྱེ་ལུགས་གསུམ་བྱང་ཆུབ་ཀྱི་སེམས་སུ་ངོ་ཤེས་པའི་ལྟ་བ་ལ། །བློ་ཡི་ཆེ་ཆུང་གི་བྱེ་བྲག་གིས་བསམ་གྱིས་མི་ཁྱབ་པ་ནི་ཉམས་ཀྱི་མང་ན་འཁྲུལ་པའི་ཤེས་པ་སྐྱེ་བའི་རིམ་པ་དང་པོ་གཉིས་པ་གསུམ་པ་དང་། ལུགས་གསུམ་ཡིན་ལ་དེ་ཡང་བློས། མཐོང་བའི་སྣང་བ་སྣ་ཚོགས་པའི་རིག་པའི་ཉམས་ཀྱི་རིམ་པ། །སྐྱེ་ཚུལ་ནི་དང་པོ་སེམས་གནས་པའི་ཏིང་ངེ་འཛིན་ནི་བརྟག་མི་ཐུབ་ཅིང་གནས་སུ་མི་འདོད་དེ་རི་གཟར་པོའི་གཡོ་བའི་ཉམས་ཆུ་དྲག་པོ་འབབ་པའི་དཔེ་ཡིས་དོན་དེ་བསྟན་ཏེ་དེ་ཉིད་ཐ་མལ་པ་ལ་མེད་པ་ཉམས་པ་ཡིན་ནོ། །ཅུང་ཟད་གནས་ལ་མྱུར་དུ་འཕྲོ་བ་དང་དེ་བས་དལ་གོམས་པར་གནས་བས་འབབ་ཆུའི་དྲག་དལ་དང་འདྲའོ། །ཉམས་རིམ་གཉིས་པ་ལ་ནི་སྐྱོན་རྣམས་རང་གྲོལ་ཏེ་རྟོགས་པའི་ངང་ལས་བརྟན་པའི་ཉམས་མི་གཡོ་བ་ར་གནས་པ་ནི། དཔེར་ན་རྒྱ་མཚོའི་སྟེང་ན་རླབས་རྒྱུ་ཡང་གཏིང་འདོམ་བདུན་མན་ཆད་གཡོ་བ་མེད་པ་བཞིན་དུ་མི་གཡོ་བའོ། །གསུམ་པ་དང་བཞི་པ་ནི་གོང་མ་གཉིས་ཀྱི་འབྲས་བུའི་སྟེ་མཐར་ཕྱིན་པ་ཉམས་སོ། །མཉམ་པ་ཉིད་དང་ཡེ་ཤེས་ལྷུན་གྱིས་གྲུབ་པའི་ཉམས་ཡིན་ཏེ། །འཁོར་འདས་ཀྱི་སྣང་བ་ཐམས་ཅད་རྣམ་རྟོག་ཡིན་ཏེ་ཅིར་ཡང་མི་ལྟ་བས་ཇི་ལྟ་བུར་ཡང་མ་གཟིགས་ཏེ། དྲན་པ་དང་ཕྱོགས་འཛིན་གྱི་རྟོག་པ་ཀུན་སྤངས་ཏེ། །ལྷུན་གྱིས་གྲུབ་པར་གནས་པས་རྩོལ་བྲལ་དུ་བཞག་པ་ཡིན་ནོ། ༈ །རིན་ཆེན་བརྒྱུད་པས་ལྟ་བ་ཤེས་པའི་ཐབས་ལ་ཡང་། །སློབ་དཔོན་དང་སློབ་མའི་བྱེ་བྲག་གཉིས་དང་། །གདམས་པའི་སྔོན་དུ་འགྲོ་བ་དང་ཏུག་ཕྲད་ཀྱི་དུས་གསུམ་གྱི་ཚོད་ལྡན་དང་། །སྐུ་གསུམ་དུ་བསྟན་པའི་དོན་ལ་བློ་མ་བཅོས་པར་བཞག་པའི་ཚུལ་ལོ། ༈ །སློབ་དཔོན་དེ་ཡི་ཐུན་མོང་ཁྱད་པར་གྱི་ཡོན་ཏན་དང་གཉིས་སུ་དབྱེ་བ་དང་། །ཕྲིན་ལས་གཉིས་དང་ལྡན་པ་དང་དམ་ཚིག་དང་ལྡན་པའི་དོན་རྣམས་སྟོན་པ་ཡིན་ནོ། ༈ །སྔགས་ཕྱི་ནང་གི་རྒྱུད་སྡེ་དྲུག་དང་མདོ་སྡེ་མཚན་ཉིད་ཀྱི་ཐེག་པ་གསུམ་ཐུགས་ལ་རྫོགས་ཤིང་མ་ནོར་བར་མཁྱེན་པའོ། །རྒྱལ་བས་གསུངས་པའི་བཀའ་རྒྱུད་དང་སློབ་དཔོན་གྱིས་གཞུང་དང་རིགས་པའི་སོ་སོའི་འདོད་པ་དང་བྲལ་བ་དོན་མཁས་པ། །དམན་པའི་བཅོས་མའི་དབང་དང་འོག་མའི་གྲུབ་མཐའ་ཤེས་ནས་དེ་བློ་སྤངས་བའི་ཁྱད་པར་འདི་ཉིད་ཀྱི་ལྟ་སྤྱོད་ལ་སོགས་པ་ཀུན་མཁྱེན་པའོ། །རིག་པའི་ཡེ་ཤེས་ཕྱོགས་མེད་རྟོགས་པའི་ཤེས་རབ་དང་ཏིང་ངེ་འཛིན་ཉིད་ལ་དུས་ཐམས་ཅད་དུ་མ་ཡེངས་པར་གནས། །ཟང་ཟིང་གི་རྫས་དང་ལོ་ཀའི་གཉེན་དང་འབྲེལ་བའི་ངོར་མན་ངག་མི་གཏོང་བ་ནི་ཆུ་སྲིན་གྱི་སྡེར་མོ་ས་ཟིན་པ་མི་གཏོང་བ་བཞིན་ནོ། །སྣོད་མེད་ལ་མན་ངག་མི་སྟེར་ཀྱང་ཐུགས་རྗེ་ཕྱོགས་རིས་སུ་མི་མཛད་པར་གང་གིས་འདུལ་བ་ལྟར་ཀུན་ལ་སྙོམས་པར་དོན་མཛད་ཀྱང་། །དམན་པའི་ས་བཅུ་གཉུག་མ་སངས་རྒྱས་ཐམས་ཅད་ཀྱང་ཐབས་འདི་ལ་རེ་ཐག་ལས་པས་དེ་བླང་པའི་ས་རུ་ཡིན་ནོ། ༈ །སློབ་དཔོན་གྱི་དབྱེ་བ་ནི་རྣམ་པ་གཉིས་སུ་བསྟན་ཏེ། ༈ །སྣང་སྲིད་བདེ་བ་མཚོན་པའི་བརྡ་རུ་ཤེས་ནས་སློབ་མའི་སེམས་ཉིད་དོན་དང་སྤྲོད་པའི་སློབ་དཔོན་ནི། །རང་གི་རྒྱུད་རྣམ་པར་རྟོགས་པས་མ་བཅོས་པར་རྟོགས་པའི་གདེང་གིས་དེ་ཉིད་རྣམ་པར་དག་པ་ལ། །རྟོགས་པའི་དོན་དང་འབྲེལ་བའི་སྒྲ་ཚིག་གིས། །སློབ་མ་རང་ལ་གནས་པའི་མ་བཅོས་པའི་ཡེ་ཤེས་རང་རིག་པའི་ངོ་བོ་མངོན་དུ་སྟོན་ནུས་པས་རང་བཞིན། །སྐྱེ་བ་མེད་པའི་དོན་དེ་བརྡ་ཡིས་དོན་དེ་ཉིད་དང་སྤྲད། །དེ་ལྟར་འཛིན་མེད་དུ་རྟོགས་པ་མ་ཡིན་ན་གང་དུ་ཞེན་པའི་བརྡ་དོན་ཀུན་ཕྲལ་བས་ཞེན་པ་མེད་དོ། ༈ །གང་གིས་དོན་མ་ནོར་བར་ངེས་པར་རྟོགས་པའི་ནང་རང་རིག་གི་སློབ་དཔོན་གྱིས། །རང་རྒྱུད་ལས། གང་ལ་བསྟན་ཐ་དད་མ་ཡིན་པའི་སློབ་མ་དེ་ཉིད་ལ། །ཇི་ལྟར། སྟོན་བྱེད་ཀྱི་ཐབས་སྒྲ་དང་ཚད་མ་མི་མངའ་བར། །གང་བསྟན། དེ་ཁོ་ན་ཉིད་ཇི་བཞིན་པར་གནས་པའི་རིག་པའི་ངོ་བོ་དེ་ཉིད་བསྟན་པས། །ཡུལ་དང་ཤེས་པ་གང་དུའང་མི་རྟོག་པར་ཕྱོགས་མེད་རང་གསལ་དུ་བརྡ་མཇལ་གོ་གང་ལྟར་རྟོགས་ཞིང་རྟོགས་པ་དེ་ནི། །བདེ་བར་གཤེགས་པ་སྐུ་གསུམ་པོ་ཀུན་གྱི་ངོ་བོ་འང་ཡིན་ལ། །ཁམས་གསུམ་གྱི་སེམས་ཅན་མ་ལུས་པ་ཀུན་གྱིས་དངོས་པོའི་གནས་ལུགས་ཀྱི་གཞི་འང་དེ་ཡིན་ནོ། ༈ །དེ་ལྟར་ཡེ་ནས་གནས་པ་དེ་ཡི་སྟོབས་ཀྱིས་ཐབས་ལ་བརྟེན་པས་དོན་དེ་གསལ་བར་རྟོགས་ཞིང་། །དྲན་རྟོགས་ཅི་སྐྱེས་པ་དེ་ཉིད་མ་བཅོས་བདེ་ཆེན་དུ་རྟོགས་པའི་ངང་དུ་གོམས་པས་དེ་ལྟར་གནས་ན། །དོན་ཇི་ལྟར་རྣམས་བར་རིག་ཅིང་རྟོགས་པའི་ཀློང་ལས་མི་འདའ་བས་ཕྱག་རྒྱ་ཅན་ནོ། །དེའི་ངང་ལས་མི་གཡོ་བ་ནི་ཅིས་ཤེ་ན་འཁྲུལ་པ་རྣམ་པར་དག་པར་རྟོགས་པའི་སྨན་ཆེན་གྱིས། །ཐ་མལ་དང་རྩོལ་བའི་སྡུག་བསྔལ་གྱི་གཅོང་སྙིང་ཉིད་རིག་པའི་ཡེ་ཤེས་ཕྱོགས་མེད་ཉིད་དུ་སྤར་བའོ། ༈ །དེ་ལྟར་རྟོགས་པ་ལ་འཁོར་བ་མ་སྤངས་པར་རྣམ་པར་དག་པ་སྟེ། ༈ །གང་གིས་སངས་རྒྱས་ཀྱི་ཐམས་ཅད་མཁྱེན་པའི་ཡེ་ཤེས་ཀྱིས༼༡༽། །དཔེ་ཇི་ལྟར་གཟིགས་ན་དུག་ཆེན་སྨན་དུ་བཏུལ་བ་ལྟར༼༡༽། །གང་འཁོར་༼༡༽བའི་འཁྲུལ་པ་རྣམས་རང་བྱུང་གི་ཡེ་ཤེས་སྙིང་པོའི་དོན་ཉིད་དུ་༼༡༽གཟིགས༼༡༡༡༡༽། །མ་ལུས་པའི་སྙིང་པོ་དོན་གྱི་དེ་ཁོ་ན་ཉིད་ནི་ཇི་ལྟ་བུ་ཞེ་ན། དེ་ནི་ཕྱོགས་གང་ལྟར་ཡང་མི་འདུག་ཅིང་བདེན་རྫུན་ཅི་ཡང་མ་ཡིན་པས་ན། །ཐམས་ཅད་ཇི་ལྟ་བར་མཁྱེན་པའི་སངས་རྒྱས་ཀྱི་དགོངས་པ་དེ་ལ། །ཤེས་བྱ་རྣམ་བདེན་པར་གཟིགས་པའང་མི་མངའ་བ་ཡིན་ལ། །དེ་བཞིན་དུ་བརྫུན་པར་མཁྱེན་པ་ཡང་མིན། །འཁོས་འདས་ཐམས་ཅད་བདེན་རྫུན་གང་དུ་ཡང་མ་མཁྱེན་པས་ན། །དེ་ལ་སྙིང་པོ་དོན་གྱི་དེ་ཁོ་ན་ཉིད་ཀྱི་ངོ་བོ་མཁྱེན་པ་ཞེས་བྱའོ། ༈ །གང་དུ་རྒྱུ་དེ་མ་བཅོས་པར་རྟོགས་པའི་ངང་དུ་གནས་པའི་ཐུགས་ཡེ་ཤེས་ལྷུན་གྲུབ་ཀྱི་ཕྲིན་ལས་དང་ལྡན་པ་ཅན་ནོ། །ཐབས་གཞན་ཅིས་ཀྱང་བཅོས་པ་མེད་པས་རྐྱེན་དང་། དུཿཁ་ཅིས་ཀྱང་མི་གཡོ། །འཁྲུལ་པ་གདོད་ནས་དག་པས་མ་བཅོས་པར་རྟོགས་པའི་ཆོས་ཉིད་ཀྱི་ངང་ལ། །དངོས་པོ་དྲན་པའི་རྐྱེན་གྱིས་མན་ངག་གི་དེ་བཞིན་དུ་གོམས་པས་གནས། །འབད་རྩོལ་མེད་པར་ལྷུན་གྲུབ་རང་རིག་ཏུ་གསལ་བའི་སེམས་ལ་གནས་འཇོག་གི་རྩོལ་བ་མེད། །ཉམས་དང་རྟོགས་གོམས་ཀྱི་ངོ་བོ་ནི་རང་བྱུང་གི་ཡེ་ཤེས་ཉིད་ལ་རྒྱུ་རྐྱེན་ཀྱི་རྟེན་དང་འབྲལ་བས་མེད། །ཕྱོགས་འཛིན་གང་ཡང་མི་གནས་པའི་ཐུགས་ཀྱི་དགོངས་པ་ལ་ཕྱི་ནང་གི་རིས་སུ་ཆད་པ་མེད་པའོ། །དེའི་ཡོན་ཏན་གྱི་བྱེ་བྲག་ཡེ་ཤེས་ལྔར་སྣང་བཞི་སྟོང་ཉིད་ཀྱི་པའི་ཡེ་ཤེས་ལ་ནི་དངོས་པོ་རང་རྒྱུད་པའི་ཕྱོགས་འཛིན་ངོ་བོ་མེད། །མེ་ལོང་ལྟ་བུའི་ཡེ་ཤེས་ནི། །ཤེས་བྱ་ཀུན་རང་གསལ་བ་ལ་མངོན་དུ་སྒྲིབ་པའི་ཕྱོགས་མེད་པའི། །མཉམ་པ་ཉིད་ཀྱི་ཡེ་ཤེས་ནི་དེ་ཁོ་ན་ཉིད་ལ་ཆེ་ཆུང་གིས་བཟང་ངན་མེད་པའོ། །སོ་སོར་རྟོགས་པའི་ཡེ་ཤེས་ནི་ཕྱོགས་བྲལ་གྱི་རིག་པ་ཉིད་ཕྱོགས་ཐམས་ཅད་དུ་མ་འདྲེས་པར་གསལ། །བྱ་བ་ནན་ཏན་གྱི་ཡེ་ཤེས་དོན་ཐམས་ཅད་ལྷུན་གྱིས་གྲུབ་པར་མཛད་པའི་ཐུགས་རྗེའི་དངོས་པོ། །དེ་དག་ཀྱང་གོང་གི་རང་བྱུང་གི་ཡེ་ཤེས་ཐིག་ལེ་ཉག་གཅིག་ལ། །ཡོན་ཏན་གྱི་ལྡོག་ཆ་རེས་མིངས་གྲངས་དུ་མར་བགྲངས་པའོ། །འོག་མ་ལས་ཁྱད་པར་གསུམ་གྱི་སྤགས་ཏེ། རང་རིག་པ་ཉིད་ལ་ཡུལ་དུ་གྲུབ་པ་མེད་པས། །དམིགས་པའི་ཡུལ་གྱིས་བསྐྱེད་པའི་འོག་མ་ཡེ་ཤེས་ལྟ་བུ་ནི་དེ་ཉིད་མིན། །རང་བྱུང་ཉིད་ལ་སྐྱེད་བྱེད་ཀྱི་རྒྱུ་མེད་པས། །ཚོགས་གཉིས་ཀྱི་རྒྱུ་ལས་བསྐྱེད་པའི་ཡེ་ཤེས་ནི་འདིར་མིན། །ལྷུན་གྱིས་གྲུབ་པའི་ཡེ་ཤེས་ཉིད་ལ་ཉི་མ་དང་འོད་བཞིན་དུ་རྩོལ་བ་མེད་པས། །རྩོལ་བས་འི་ཆུ་བོ་ཉེར་བཞི་བསྐྱེད་ཅིང་བསྒྲུབས་པའི་ཡེ་ཤེས་ནི་མིན་ནོ། །དཔེ་ནམ་མཁའ་ལྟ་བུའི་མཐའ་དབུས་མེད་པའི་རང་བྱུང་ཡེ་ཤེས་དེའི་རང་བཞིན་ལ། །ཕྱོགས་དང་རིས་མེད་པར་ཀུན་ལ་ཁྱབ་པར་ཡེ་ནས་བརྡལ་བ་ལ་རྟོགས་གོམས་ཀྱི་གདེང་དང་ལྡན་པས་ཆེད་དུ་འབད་རྩོལ་མེད་པས་རང་བཞིན་ལྷུན་གྱིས་གྲུབ་པའི་ཕྲིན་ལས་ཡིན་པའོ། ༈ །གདོད་ནས་རྣམ་པར་དག་པའི་དབྱིངས་གོང་དུ་བསྟན་པའི་ཕྲིན་ལས་ཀྱི་དགོངས་པ་ལ་གནས་བཞིན་དུ། །དེ་ཉིད་རྒྱ་མ་ཆད་པས་ཡང་ལ་ཕྱོགས་རིས་མེད་པར་སྙོམས་པའི་ཐུགས་རྗེ་ཇི་ལྟར་མཐུན་པར་ལྟར་འབྱུང་བའོ། །མཐའ་ཡས་པའི་འགྲོ་བ་མོས་པ་ཇི་སྙེད་པ་གང་གི་ངོ་དག་ཏུ། །ཐབས་ཀྱི་ཁྱད་པར་གང་ལ་འཚམ་པའི་ཐུགས་རྗེ་མཐུན་པར་འབྱུང་ཞིང་དེ་དག་གིས་འདུལ་བར་སྣང་ངོ་། །གང་དང་ཕྲད་པ་ནི་དེའི་སྐལ་བ་དང་ལྡན་པ་ཡིན་ཏེ་གདུལ་བྱ་གནས་པ་འཁོར་བ་ཇི་སྲིད་དེ་སྲིད་དུ་ན། །མཐའ་ཡས་པའི་ཐུགས་རྗེའང་ཐབས་དང་དུས་ཀྱང་གདུལ་བྱ་དེ་བཞིན་དུ་འབྱུང་ངོ་། །གདུལ་བྱ་རང་གི་རིག་པ་ལས་མ་རྟོགས་པ་གང་ཡང་མི་གནས་ན་དེ་ཉིད་རང་ཅིར་ཡང་མི་དམིགས་པས་གདུལ་བྱ་འདུལ་བྱེད་མ་གྲུབ་པས་ཐུགས་རྗེའི་མཛད་པ་ག་ལ་འཆར། །གང་ཞིག་སྐལ་ལྡན་གདུལ་བྱ་ལ། །ཐུགས་རྗེ་གཞན་ནས་འཆར་བ་མེད་པ་ལས་གཞན་ཞིག་ནས་འཆར་ཞིང་སྐྱོབས་པར་འདོད་པ་དེ་ནིས། །རང་ཉིད་ཐུགས་རྗེར་འཆར་མི་འཆར་ཀུན་གྱི་ངོ་བོར་སྣང་བ་དེ་མ་རྟོགས་ཏེ། །གཟུང་བ་དང་འཛིན་པས་བདག་གཞན་ཐ་དད་དུ་འཁྲུལ་པའི་བློ་ཡིས་བརྟགས་པ་མི་གྲོལ་ལོ། །གལ་ཏེ་ཐུགས་རྗེ་བདག་ཉིད་ལས་གཞན་པའི་སངས་རྒྱས་ལས་འཆར་བ་གཅིག་ཡིན་ན། །ཡུལ་སྡུག་བསྔལ་དྲག་པོའི་ཡིས་ཉེན་པ་འཁོར་བ་པ་ལ། །མི་སྐྱོབ་པར་འདུག་པས་དུཿཁ་ལས་སྐྱོབས་པའི་རྒྱལ་བ་ཐུགས་རྗེ་ཆེན་པོ་མངའ་བ་ཡལ་ལམ་ཅི་ཡིན། །དུས་ནམ་ཞིག་རང་ཉིད་ཀྱི་རྒྱུད་དག་ནས་གྲོལ་ཙམ་ན། །བདག་ལ་ཐུགས་རྗེ་གཞན་གྱིས་བསྐྱབ་མི་དགོས་པ་དེས་ཅི་ཞིག་བགྱི། །ལས་དག་མ་དག་གིས་དབང་གིས་རྟོགས་པ་ཕྲ་རགས་དང་ལྡན་པའི་གདུལ་བྱ་དག་མ་དག་གི་ངོ་ལ་གཞན་ནས་སྣང་མོད་ཀྱི་རྟོགས་པའི་ངོ་བོ་ལ་ཡེ་ནས་རིག་པའི་ཐུགས་རྗེ་མ་བཅོས་པ་དེ་ཉིད་དེ་ལྟར་འཆར་དེ་ལྟར་ཕན་འདོགས་པ་ཉིད་འགྲོ་འདུལ་ཐུགས་རྗེའི་ཕྲིན་ལས་སོ། ༈ །དམ་ཚིག་ནི་རང་བཞིན་གྱི་འདོད་པ་ཕུན་སུམ་ཚོགས་པ་འབྱུང་བས་ཡིད་བཞིན་གྱི་རིན་པོ་ཆེ་དང་འདྲ་སྟེ་ཡོན་ཏན་གྱི་དཔའོ། །འཁོར་བ་དུཿཁ་ཡི་རྒྱ་མཚོ་མཐའ་མེད་ཀྱི་ཕ་རོལ་ཏུ་སྒྲོལ་བའི་གྲུ་དང་འདྲ་སྟེ་དམ་ཚིག་ལམ་དུ་གྱུར་པའི་དཔེའོ། ༈ །མ་བཅོས་རྣལ་མའི་དོན་གྱི་རང་རིག་པའི་ཆོས་ཉིད་དབང་གིས་རྟོགས་པའི་ངང་དེ་ལ། །སྐད་ཅིག་ཙམ་ཡང་མི་འགྱུར་བར་ཡེ་ཤེས་དེ་ཁོ་ན་ཉིད་དུ་གསལ་བར་གོམས་པ་མ་ཡེངས་པར་གནས་པ་ནི་ཐུན་མོང་གི། །རྩོལ་བའི་དམ་ཚིག་དང་བྲལ་བ་རང་གནས་རིག་པའི་དོན་ལས་མི་འདའ་བའི་དམ་ཚིག་གོ། ༈ །ཐུན་མོང་དང་ཁྱད་པར་གྱི་དམ་ཚིག་སྲུང་བ་དང་མི་ལྡན་པའི་རྡོ་རྗེ་སློབ་དཔོན་དེ། །མདོ་སྡེའི་བཀའ་ཕྱི་ནང་གི་རྒྱུད་སྡེའི་ཚིག་དོན་མཐའ་དག་ལ་སྦྱངས་པས་མཁས་ཤིང་ཤེས་རབ་གསལ་བ་ཡང་། །དཔེར་ན་སྦྲེལ་མ་གཡང་དུ་གཅིག་གིས་གཅིག་ཁྲིད་དེ་འགྲེ་བ་བཞིན་དུ་ཉེས་པ་ཅན་དེས་ཁྲིད་པའི་སློབ་དཔོན་བདག་དང་གཞན་ལ་གཞན་སློབ་མ་གཉིས་ཀ་རྡོ་རྗེའི་དམྱལ་བ་ཁབ་ཏུ་འགྲོ་བའི་སྐྱོན་ཚེ་ཚད་རྒྱུད་སྡེ་འགའ་ཞིག་ལས་བཤད་པའོ། ༈ །དེས་ན་གོང་དུ་བསྟན་པའི་དམ་ཚིག་གི་གཞུང་དང་ལྡན་པའི་སློབ་དཔོན་ནི། །འཇིག་རྟེན་གྱི་གྲགས་པའི་ཆོས་བརྒྱད་ཐག་རིང་དུ་གྱུར་པས་དེའི་ངོར་ཆོས་མི་གཏོང་། །དད་པས་འབུལ་བ་མ་བཀག་ཀྱང་ཞེན་ཆགས་དང་འབྲེལ་པ་ཡིས་རྫས་ཀྱི་ཆེད་དུ་གཉེར་བས་བཤད་པ་མ་ཡིན། །བདག་དང་གཞན་ལ་གནོད་པའི་ལས་ཅི་ཡང་མི་བྱེད། །ཐུགས་རྗེ་ཀུན་ལ་སྙོམས་པའི་པར་ཁྱབ་ཐུགས་ཀྱིས་གནས། །འཁོར་བ་བདེན་མེད་དུ་རྟོགས་པས་འཇིག་རྟེན་གྱི་གཉེན་འབྲེལ་ཕ་མ་ལ་སོགས་པའི་ཆེད་མི་བྱེད། །སྐྱོན་དེ་དག་དང་བྲལ་བས་ཆོས་ཐམས་ཅད། མ་བཅོས་མཉམ་པའི་དབྱིངས་ལ་བློས་བསྒྱུར་ཡང་མི་འགྱུར་བར་བརྟན་པའོ། །ཡེ་ཤེས་རྟོགས་པའི་གདེང་དང་ལྡན་ན་སྤྱོད་པ་རྩིང་ཞིབ་མེད་ཀྱི་དེ་དག་གིས་མ་ཟིན་པར། །ཆགས་སྡང་གིས་ཞེན་པའི་ལས་མི་བྱེད། །འོ་ན་སྤྱོད་ལམ་ལ་བླང་དོར་བྱུང་བ་རྫོགས་ཆེན་དང་འགལ་ཞེ་ན། སེམས་ཉིད་གནས་ལུགས་དང་དེ་རྟོགས་པའི་ཡེ་ཤེས་རྣམ་པར་དག་པ་ལ། །གནང་བ་དང་བཀག་པའི་ཆོས་ཡོད་པ་མ་ཡིན་པས་ཁྱད་མེད་ཀྱང་། །ཕྱིན་ཅི་ལོག་ལ་ཞེན་པས་ཡེ་ཤེས་མ་རྟོགས་པར། །ལྷག་པའི་དགེ་བ་སྤྱོད་པ་འོག་མ་པ་དང་མཐུན་པར་གཙོ་ཆེར་འཛིན་དགོས། །ཅི་སྤྱོད་པ་དེ་ཉིད་རྟོགས་གོམས་ཀྱིས་དོན་དང་ལྡན་ན་མཆོག་ཡིན་པས་ལེགས་པ་ཆེའོ། །སློབ་མ་སྣོད་དུ་རུང་མི་རུང་གི་བྱེ་བྲག་གིས་གཉིས་སུ་སྟོན་པ་དག་ལ། ༈ །སྣང་བ་མ་ལུས་པའི་བརྡ་སློབ་མའི་རིག་པས་དོན་བླ་མའི་ཐབས་ཀྱིས་སྤྲད་པའི་སློབ་མ་ནི། །ངན་པ་བཞི་ལས་ལོག་པའི་སྣོད་དང་ལྡན་པ་གོང་དུ་བསྟན་པའི་དམ་ཚིག་དང་བླ་མ་དང་མན་ངག་ལ་གཅེས་སྤྲས་སུ་འཛིན་དགོས་པ་ལ། །མ་བཅོས་དོན་གྱི་གདེངས་མེད་པར་སེམས་ཉིད་དག་སར་གསུངས་པའི་ཁ་འབྱམས་ཚིག་ལ་གདེང་དུ་བྱས་ནས། །དམ་ཚིག་དང་རྣམ་པར་དཀར་བའི་ལས་སླངས་ཏེ་མི་སྲུང་བས་ཐ་མལ་པའི་སེམས་ཡིན་ལ། །རང་གི་རྒྱུད་ངན་པས་རིགས་ཡོན་ཏན་ལོངས་སྤྱོད་ཀྱིས་དྲེགས་པས་བླ་མ་དང་གྲོགས་ལ་བརྙས་པ་དང་། །ཐེག་པ་སོ་སོ་མ་ཐོས་པས་རྨོངས་ཏེ་ཤེས་རབ་སྦྲམ་པས་མན་ངག་གི་བླང་དོར་མི་ཤེས་པ་དང་། །བླ་མའི་མན་ངག་གི་བཅུད་ཆེན་གཞན་ལ་སྤེལ་བས་འཛག་པ་དང་། །ཡེ་ནས་བློ་འཕངས་དམའ་བས་ཤེས་རབ་གསུམ་ལ་མི་སྦྱོར་བ་དང་། །འཇིག་རྟེན་གྱི་བྱ་བའི་ཁེ་དང་གྲགས་པ་ཆེ་བ་རྒྱུར་མན་ངག་སྒྲུབ་པ་དང་། །མུ་ཆོར་སྨྲ་ཞིང་མི་མཁས་ཀྱང་མཁས་པ་བླ་མའི་ས་འཛིན་པར་འདོད་ལ། །སློབ་དཔོན་རང་གི་སྲོག་ལྟར་ཏུ་གཅེས་པར་མི་འཛིན་པ་དང་། །འཁོར་བས་མི་འཇིག་པས་མན་ངག་བསྒྲུབ་བྱར་མི་སེམས་པར་སྤེལ་བྱར་སེམས་དེ་དག་ལ། །རྫོགས་པ་ཆེན་པོའི་རྣ་བརྒྱུད་ཀྱི་མན་ངག་བསྟན་པར་བྱས་ན། །དཔེར་ན་ལྷོ་ནུབ་དམ་ཤོད་གླིང་གི་དུར་ཁྲོད་དུ། །མཁའ་འགྲོ་རྣ་ཉན་འདུ་བ་བཞིན་དུ་དམ་ཅན་རྣམས་འདུས་ནས། །འཆི་བའི་དུས་ཀྱི་སྔོན་རོལ་དུ་དུས་མ་ཡིན་པར་འཆི་བ་བརྒྱད་ཀྱིས་སྲོག་བཅད་དེ། །ཤ་ཁྲག་དངོས་སུ་ཟ་བར་བྱེད་པའི་སྐྱོན་ཡོད་པས་གཞུང་ནས་གསུངས་པའི་ཡོན་ཏན་དང་མི་ལྡན་པའི་སློབ་མ་ནི། །རང་གི་ལུས་ཀྱི་གྲིབ་མ་བཞིན་དུ་དྲུང་དུ་འཁོར་ཡང་དྲག་པོའམ་ཐབས་ཀྱིས་སྤང་བར་བྱ། །གསོད་པས་ལུས་སེམས་འབྲལ་བར་སྣང་ཡང་མན་ངག་ཁར་དབྱུང་བ་མིན། འཁོན་པ་དང་འདུ་བྱེད་ཅི་བྱུང་ཡང་སྔ་མའི་ལས་ཀྱིས་བྱུང་བས་དེ་དང་བྲལ་ཀྱང་ཡུན་གྱི་སྒྲིབ་པ་དང་འཕྲལ་གྱི་རྐྱེན་གཉིས་ཀར་མི་འགྱུར་རོ། ༈ །དད་པ། ཤེས་རབ། བརྩོན་འགྲུས། སྙིང་རྗེ། དམ་ཚིག །གཏོང་ཕོད། བཟོད་པ་ཆེ་བ། ཞེན་པ་དང་། སེར་སྣ་ཆུང་བ་ལ་སོགས་པའི་ཡོན་ཏན་དེར་དག་དང་ལྡན་པའི་སློབ་མ་ནི་ཤིན་ཏུ་ཉུང་བས། །སྟོང་གསུམ་བཙལ་ཡང་གཅིག་འགའ་ལྡན། །ནུབ་པ་དང་རྩོད་པ་དང་ཐེ་ཚོམ་གྱིས་རྒྱུར་འགྱུར་བས་མང་ཡང་གསུམ་ལས་འདའ་བར་མི་བྱ། །རྒྱལ་ཐབས་དབང་གི་མན་ངག་རུའི་དགོངས་པ་འཆར་དུ་རུང་བའི་རྒྱལ་ཐེབས་རིགས་ངེས་པ་གཅིག་ལ་བསྟན་ནོ། །བསྐལ་པ་གྲངས་མེད་པའི་སྔོན་རོལ་ནས་ཚོགས་བསགས་ཤིང་། །རྫོགས་ཆེན་གྱི་དོན་དང་ཐེག་པ་བཅོས་མ་རྣམས་ལ་སྦྱངས་སྦྱངས་པའ ི་འཕྲོ་ཅན་ནི། །ཡེ་ཤེས་གསང་བའི་སྣོད་ལྡན་དུ་བསྔགས་པའོ། །དབང་པོ་ཆིག་ཆོད་ལ་ནི་དཔེར་ན། སྒོ་ངའི་ནང་གི་ཁྱུང་ཕྱུག་གཤོག་པ་རྫོགས་པ་ལྟར་དུ། །འཁོར་བ་འཁྲུལ་བའི་དུས་ཉིད་དུ་གཞིའི་རང་བཞིན་ཡེ་ནས་སངས་རྒྱས་པའོ། །སྒོང་ང་ཆག་ནས་མ་བུ་མཉམ་པར་ནི་མཁའ་ལ་འཕུར་བ་ལྟར་དུ་རང་བཞིན་མ་ནོར་བར་རྟོགས་པས་སངས་རྒྱས་དང་དགོངས་པ་དབྱེར་མེད་དུ་གྱུར་པས་མ་བཅོས་བླ་མའི་ས་ནོན་པའོ། །ལྷ་དང་ལྷ་མ་ཡིན་གྱིས་རྒྱ་མཚོའི་བ་དྲུབས་པ་བཅུད་འདུས་པ་ལས་བདུད་རྩི་བྱུང་བ་བཞིན་དུ། །རྒྱལ་བའི་བཀའ་ཐེག་པ་མ་ལུས་པ་ཡི་བཅུད་འདུས་པའི་རྫོགས་ཆེན་རྣ་བརྒྱུད་སྤྱི་བླུགས་འདི། །སྣོད་བཤད་པ་ལྟར་དུ་ལྡན་པ་ངང་རིང་བ་ཚུལ་ཤེས་པ་རང་བཞིན་བཟང་བ་གཅིག་ལ་བསྟན་པར་བྱའོ། ༈ །དབང་བསྐུར་བའི་ཐབས་དང་སློབ་བུའི་སྣོད་བརྟག་པའི་ཆོ་ག་དང་། །རྟོགས་དོན་འདོད་པར་ནུས་ལ་གསོལ་བ་གདབ་པ་དང་རྒྱལ་ཚབ་ཏུ་གནང་བ་སྦྱིན་པ་བཞི་ནི་སྐུ་གསུམ་ཐུག་ཕྲད་དུ་ངོ་སྤྲད་པའི་སྔོན་དུ་འགྲོ་བའི་རིམ་པའོ། ༈ །མཚོན་བྱ་དོན་གྱི་དབང་ནི་དུས་གསུམ་གྱི་བདེ་བར་གཤེགས་པ་མ་ལུས་པའི་དགོངས་པ་རྟོགས་དཀའ་བས་གསང་བའི་ཐུགས། །སྲིད་པ་གསུམ་གྱི་སེམས་ཅན་ཀུན་ལ་གདོད་མ་ནས་ལྷུན་གྲུབ་ཏུ་གནས་པའོ། །སྣོད་ལྡན་གང་གིས་དེ་ཇི་ལྟ་བར་ཐབས་ཀྱིས་རིག་ཅིང་རྟོགས་པར་འགྱུར་ན། །ཐེག་པ་ཐམས་ཅད་ཀྱི་དབང་རྣམས་མ་ལུས་པ་འདི་ལ་དུས་གཅིག་ཏུ་རྫོགས་པས་ཀུན་གྱི་མཆོག་ཏུ་གྱུར་པ་ཡིན་ཏེ། །སྲིད་པ་ཁམས་གསུམ་ཀུན་ལ་གདོད་ནས་གནས་པས་ཡེ་དབང་དུ་རྟོགས་པས་བསྐུར། །དེ་ལྟར་རང་དབང་དམ་པར་གནས་པས་དེ་ཐོབ་ཏུ་རུང་བའི་སྣོད་དུ་བྱས་ཀྱང་། །གཞི་ནས་དབང་ཐོབ་པ་དེ་ལ་འོག་མ་ལྟར་རྩོལ་བས་བསྐུར་འདིར་མི་དགོས་སོ། ༈ །དེ་ཉིད་རྟོགས་པའི་ཐབས་པྲ་ཁྲིད་དྲུག་དང་སྤྲད་པ་གསུམ་གྱི་ཐབས་ཀྱིས་ངོ་ཤེས་པར་བྱས་ལ། །ཐེག་བརྒྱད་བཅོས་མའི་དབང་ཡིད་སྦྱོར་བའམ་ལེའུ་བཞི་པར་བསྟན་པ་རྣལ་མའི་དབང་ཉིད། །གདུལ་བྱ་གང་ལ་མོས་པ་སྐྱེ་བ་དང་མཐུན་པའི་ཐབས་ཀྱི་སྒོ་ནས་བསྟན་ཏེ། ༈ །བཤད་རྒྱུ་དེའང་ཀློང་ལྟར་ཐེག་པ་རང་རང་གི་ཐབས་སྦྱོར་བཅོས་མའི་སྒོ་ནས་ནི། །ཇི་ལྟར་ན་འཕྲུལ་གྱི་མེ་ལོང་རྒྱལ་པོ་མེ་ལོང་གི་གདོང་པ་ཅན་གྱིས་བལྟས་པས་བཞིན་དུ་བསྟན། །དེས་རྟོགས་པའི་དགོས་པའི་དོན་ནི་རྣལ་མའི་བརྒྱུད་ནས་རྟོགས་པ་དོན་དུ་བྱས། །དོན་རྟོགས་པའི་ཐབས་བཅོས་མའི་སྦྱོར་བ་དེ་ཡང་། །ཐེག་པ་སོ་སོའི་ཚིག་དང་དེས་མཚམས་གྱི་དོན་གྱི་ཁྱད་པར་མ་འདྲེས་པར་བསྟན་པ་ཡིན་སྟེ། །དེའི་དགོས་པའི་དོན་ནི་གོང་མའི་རྣལ་མ་དབང་གི་དོན་ལ་འཇུག་པ་སྟེ། །ཇི་སྐད་དུ་བརྗོད་པའི་དོན་ནི་ཆོས་ཐམས་ཅད་རྣལ་འབྱོར་པ་རང་གི་སེམས་སུ་བསྟན་ཅིང་མཐོང་བའོ། ༈ །རྣལ་མ་ནི་དབང་གི་མ་བཅོས་པའི་གཞི་ཉིད་ཇི་ལྟ་བར་སྟོན་པ་ཡིན་ཏེ། །ལྷུན་གྲུབ་རིང་རྣམ་པ་ལ་རྙེད་གསུམ་གྱི་དོན་རྟོགས་པ་ལ་འཇུག་པ་དེ་ལའང་། །རིམ་པར་རྟོགས་པ་ལ་འཇུག་པ་ནི་མངོན་སུམ་བཞིན་སྐུ་གསུམ་དང་མངོན་རྫོགས་རྟོགས་པའི་བརྟེན་ནས་ས་གཞི་ཡིས་ན་པ་སོ། །བྱ་བ་མེད་པའི་དཀྱིལ་འཁོར་ལྷུན་གྲུབ་གསུམ་དང་སྐུ་གསུམ་གྱི་དགོངས་པ། །གདོད་ནས་རྩོལ་མེད་དུ་ལྷུན་གྱིས་གྲུབ་པའི་རང་བྱུང་གི། །ཡེ་ཤེས་ཀྱིས་ཐམས་ཅད་དུ་ཁྱབ་པའི་ཉི་མའི་སྙིང་པོར་ཤར་བས་ཐམས་ཅད་ཡེ་ཤེས་སུ། །རང་གསལ་བ་ལ་རྟོག་པ་དང་མཐའི་མུན་པ་ཡེ་ནས་དག །འཁོར་འདས་མ་ལུས་ཐམས་ཅད་འཕྲོ་ཞིང་འདུས་པའི་ཐིག་ལེ་ཆེན་པོ་ཉིད་ཀྱི་རོལ་པ་ཇི་ལྟར་ཤར་ཀྱང་བདག་ཉིད་ལས། །མི་གཡོ་བ་ཉིད་ཕྱོགས་འཛིན་གྱི་རྣམ་རྟོག་གི་ཡུལ་ལས་འདས་པ་ཡིན་ལ། །ཡུལ་རྒྱུ་དང་འབྲས་བུར་ཞེན་པའི་རྟོགས་པས་དེར་འཛིན་ཅིང་། །ཡང་དག་པའི་དོན་མི་ཤེས་པས་སྒྱུ་མའི་འཁྲུལ་པ་གཟུང་འཛིན་གྱི་བློ་ཡིས་རྒྱུད་བཅིངས་པ་དེ་དག་ཀྱང་ཆོས་ཉིད་རང་སྣང་ལས་མི་འགྱུར་བར་རང་གསལ་བས་མ་བཅོས་པའི་ཉི་མ་དག་ཡིན་ཏེ། །རྒྱུ་ཆེན་དང་བྱེད་པ་པོ་གཞན་གྱིས་མ་བརྩལ་བར་ཇི་བཞིན་པའི་རང་བཞིན་ཉིད་ཐམས་ཅད་དུ་རང་སྣང་བས་ན་ཐམས་ཅད་དེར་རོ་གཅིག་པས་སྙིང་པོའི་སེམས་དེ་ལས་གཞན་པའི་གོལ་ས་མི་མཐུན་པ་མེད། །དཔེར་ན་རྒྱ་མཚོ་རླབས་སུ་ཤར་བས་རླབས་ཆུར་འདུས་པ་ལྟར། འཁོར་འདས་ཀྱི་ཆོས་ཐམས་ཅད་རང་བྱུང་གི་ཡེ་ཤེས་ཅིས་ཀྱང་མི་སྒྲིབ་པས་གསལ་བའི་སྙིང་པོར་འོད་འབར་བའོ། །དེ་མ་རྟོགས་ཤིང་ཕྱིན་ཅི་ལོག་ཏུ་རྟོག་པའི་བློ་ཞེན་པས་བརྟས་པ་ཡི་དབང་གིས་འཁྲུལ་བ་ན། །སྣང་བ་སྣོད་དང་སྲིད་པ་བཅུད་དུ་འཁོར་བའི་འགྲོ་བ་དྲུག་པོ་ཁ་ཡང་དང་ཡང་དུ་བརྒྱུད་ཀྱང་། །རང་བཞིན་རང་བྱུང་གི་ཡེ་ཤེས་དང་ཆོས་ཀྱི་དབྱིངས་ལ་ནི་གཡོས་པ་མེད་པས་ཤེས་ན་སྤང་བྱ་མི་དམིགས་པ་ནི་རང་བཞིན་གྱི་སྣང་བ་ཡིན་པས། །སངས་རྒྱས་རྣམས་ཀྱི་ཐམས་ཅད་མཁྱེན་པའི་ཡེ་ཤེས་ནི། །སེམས་ཅན་གྱི་བདག་ཏུ་རྟོག་པ་ཉིད་མ་བཅོས་པ་རང་སྣང་དུ་རྟོགས་པ་ལས་བྱུང་བའོ། །མ་རྟོགས་པར་བདག་ཏུ་རྟོག་པའི་བློ་ཅན་ལ་དངོས་པོ་སྣ་ཚོགས་ལ་ཞེན་པའི་མཚན་མར་སྣང་། །ཡང་དེ་མ་སྤངས་པར་ཐབས་ཀྱིས་གང་ལྟར་ཤར་ཀྱང་། མི་རྟོགས་རང་བྱུང་གི་ཡེ་ཤེས་རིག་པ་རང་སར་གྲོལ་བའི་ཐུགས་ཡིན་པར་རྟོགས་པས་རང་བྱུང་གི། །ཡེ་ཤེས་ཅིར་ཡང་མི་རྟོག་པ་ཉིད་མཚོན་པའི་མེ་ལོང་དུ་ཐམས་ཅད་གསལ་བ་ནི་དཔེར་ན་ནམ་མཁའ་ལ་འཇའ་ཚོན་སྣང་བ་བཞིན་དུ་སྣང་སྟོང་དུས་གཅིག་ཏུ་གསལ་བར་སྣང་རང་དེ་ཡང་ཆོས་ཉིད་སྣང་རང་བྱུང་ཡེ་ཤེས་ངོ་བོ་ལ། །རོལ་པ་ཅིར་ཡང་མི་འགག་པའི་ཁྱད་པར་མ་འདྲེས་པར་ཐམས་ཅད་དུ་སྣང་བ་ནི། །སྣ་ཚོགས་སུ་སྣང་བ་དེ་ལ་ངོས་ཕྱོགས་འཛིན་གྱི་ཤེས་པས་གཟུང་བ་གང་ཡང་མ་ཡིན་ཏེ། །དཔེར་ན་ཆུ་ཡི་ཟླ་བ་ལྟ་བུར་སྣང་ངོ་། །རང་སྣང་ཉིད་ཐམས་ཅད་དུ་སྣང་ཡང་རང་བྱུང་ཡེ་ཤེས་ཀྱི་རོལ་པ་ཡིན་ལ། །ཕྱོགས་གཅིག་པ་གང་ཡང་མ་ཡིན་ཏེ་ཆོས་ཉིད་ཇི་བཞིན་པ། །ཉིད་ལས་གཞན་པ་མེད་པས་ཇི་ལྟར་སྣང་ཡང་རང་བྱུང་མ་བཅོས་པའི་ཆོས་ཉིད་དེ་བཞིན་ཉིད་ལས་མི་འདའ་བས། །དངོས་པོ་ཐམས་ཅད་དེ་ཁོ་ན་ཉིད་ལས་མི་གཡོ་བར་བདེ་བར་ཆེན་པོའི་ངང་དུ་གསལ་བ་ལ་སྒོ་གསུམ་གྱི་རྩོལ་བས། །བརྩལ་ཞིང་རྟོག་པས་གཡོ་བ་ཅི་ཡང་མེད་པའོ། །རིག་པ་མ་སྐྱེས་པའི་དབྱིངས་དང་ཆོ་འཕྲུལ་མ་འགགས་པའི་ཡེ་ཤེས་ཀྱང་ཐ་སྙད་དུ་བཏགས་པ་ཡིན་དེ། །དེ་མ་གནས་པ་ཡང་མ་བཅོས་པའི་དེ་ཁོ་ན་ཉིད་མ་ཡིན་པ་ཐ་སྙད་ལ་བློ་ཞེན་པའི་གནས་སུ་འགྱུར་རོ། །གཞན་ལས་རྨད་དུ་བྱུང་བ་རིག་པའི་གཞལ་ཡས་ཁང་རྒྱ་ཡོངས་སུ་མ་ཆད་པས་ཕྱོགས་འཛིན་གྱི་སྤྲོས་པ་དང་བྲལ་བའི་དཀྱིལ་འཁོར་ན། །རྣམ་རྟོག་བདེ་ཆེན་དུ་འབར་བའི་ཡེ་ཤེས་ཀྱིས་བདེ་གཤེགས་སྐུ་གསུམ་དང་། །ཐུག་ཕྲད་པ་ཉིད་དུ་ངོ་སྤྲད་ལ་བཞག་པ་སྟེ། །བླ་མའི་ཞལ་ནས་བྱུང་བའི་སྙན་བརྒྱུད་ཀྱི་མན་ངག་གིས་ཤེས་པར་བྱའོ། ༈ །ལུས་ངག་གི་སྤྱོད་པའི་རུ་སྒོ་ནས་སྣོད་དུ་མི་རུང་གི་སྐྱོན་ཡོན་སྣ་ཚོགས་པ་བརྟག་པ་ནི། ལུང་མན་ངག་དང་ལྡན་པའི་བླ་མས་ཤེས་པར་བྱ། །སྣོད་རྟོག་པའི་ཐབས་ཀྱི་འཕྲུལ་ཚིག་གི་སྒྲ་ཡིས་དད་པ་ཤེས་རབ་རིགས་ངེས་མ་ངེས་ཀྱི་ཤེས་པ་བརྟག །གང་ཟག་ཁྱད་པར་ཅན་གང་ལ་མན་ངག་གང་ཞིག་བསྟན་པའི་སྣོད་དེ་ཡིན་ན། །ཐབས་དེ་ཉིད་ཀྱིས་ཡེ་ཤེས་རྟོགས་པའི་རིག་པར་འཆར་བ་ལ། །སྣོད་དུ་རུང་བ་མ་ཡིན་པ་དེ་ཉིད་ལ་མན་ངག་བསྟན་ཏེ་ལོག་པ་ན། །གདུལ་བྱའི་རིགས་དང་མ་མཐུན་པའི་རང་བཞིན་གྱིས་ལོག་པས་མི་མོས་ཤིང་སྐུར་པས་ལྟུང་བ་ནི་དཔེར་ན། །རླུང་དང་མཁྲིས་པ་གཅིག་ལ་ཕན་པ་གཅིག་ལ་གནོད་པའི་ཆོས་བཞིན་ནོ། །དེའི་སྤྱོད་ལམ་ལ་བརྟགས་པས་ཆགས་སྡང་དང་སེར་སྣ་ཆེ་ཆུང་རུའི་བཀའ་གཅོགས་མི་གཅོག་སྙིང་རྗེ་ཆེ་ཆུང་ལ་སོགས་པའི་བྱེ་བྲག་རྣམས་ཤེས་པར་བྱ། །སློབ་དཔོན་དེ་ཡིས་བརྟགས་ཐབས་དལ་བ་དང་གཡོ་བ་དྲག་པོས་གཉུག་མའི་དོན་བསྟན་དུ་རུང་མི་རུང་བརྟག་གོ། ༈ །དེས་ནས་རྡོ་རྗེ་སློབ་མ་རྣལ་མའི་སྣོད་དུ་རུང་བ་དེ་ཡིས། །རང་གི་རིག་པའི་དོན་མ་ནོར་བར་རྟོགས་པར་འདོད་པས་བླ་མ་ལ་གསོལ་བ་གདབ་པར་བྱའོ། ༈ །བླ་མའི་གནང་བ་ཐོབ་ན་དེ་ཉིད་རྒྱལ་ཚབ་ཏུ་བྱའོ། ༈ །བྱ་བ་མང་པོའི་རྩོལ་བ་དང་བྲལ་བའི་ཡེ་ཤེས་ནི་སྔ་མའི་བྱ་བ་ཟིན་པ་དང་ཕྱི་མའི་བྱ་བ་མ་བཟུང་བའི་བར་ན་ཀུན་ལས་གནས་ཀྱང་མ་རྟོགས་པས་གསང་བའི་འཁོར་ལོ་ཡེ་ཤེས་མུ་མཐའ་དང་བྲལ་བའི་གཏེར། །སེམས་ཀྱི་རང་བཞིན་གསང་སྔགས་ཀྱི་ངོ་བོ་ཡོན་ཏན་གྱི་གཏེར་ཟད་མི་ཤེས་གྱིས་མཛོད་རྟོགས་པས་འཛིན་ཅིང་། །དོན་བརྗོད་པ་དང་བྲལ་བར་རིག་པའི་བསྟན་པ་བདག་ཉིད་ལ་སྒྲོགས་པའི་བདག་པོའོ། །བཞི་ཆ་དང་པོ་རིག་པ་ཡུལ་སྣང་ལ་མི་ཞེན་པར་རང་གསལ་བ་དེ་ནི། །དུས་གསུམ་གྱི་བདེ་གཤེགས་མ་ལུས་པའི་རྟོགས་པའི་སྙིང་པོ་ཡིན། །རྟོག་པ་དཔྱོད་པ་ཐ་སྙད་འདོགས་པ་གསུམ་དང་ལྡན་པའི་རིག་པ་ནི་འཁོར་བའི་རང་བཞིན་ཡིན་ནོ། །དུས་ཚོད་དེ་དག་ཀྱང་བླ་མའི་ཞལ་ལས་ཤེས་པར་བྱའོ། །རྟོག་པ་དེ་ལས་དུས་གནས་གཞན་དུའང་ཡུལ་སྣང་ཐམས་ཅད་ལ་དེ་བཞིན་དུ་ཤེས་པར་བྱ་བ་ཁོ་ན་ཡིན་ནོ། །རང་རིག་པའི་ཤེས་རབ་ཀུན་ལ་གནས་ཀྱང་མི་རྟོགས་པས་གསང་བའི་འོད་གསལ་རིག་པའི་དཀྱིལ་འཁོར་དེ་ནི། །སངས་རྒྱས་དང་བླ་མའི་དགོངས་པའི་དགུ་རུམ་དུ་སྦས་པ་དག་ཡིན་ཡང་། །དེ་གསལ་བར་བྱེད་པའི་སྒྲོན་མ་བླ་མའི་གདམས་པ་ཁྱད་པར་ཅན་དེ་ཡིས་མཐོང་། །ཡེ་ནས་མ་བཅོས་པར་རང་གསལ་བའི་ཡེ་ཤེས་ཆེན་པོ་ཕྱོགས་རིས་མེད་པར་ཁྱབ་པར་བདལ་བས། །ཕྱི་ཡུལ་དང་ནང་ཤེས་པ་མེད་པར་ཕྱོགས་ཀུན་ལ་རང་གསལ་བས་ཕྱོགས་འཛིན་མེད་ཀྱང་འཁོར་བ འི་ངེས་པར་འཛིན་པའི་རྟོག་པ་རགས་པའི་ཆ་ཡིས་ཐོག་མ་མེད་ནས་བསྒྲིབས་པས་ནི། །དེ་ཁོ་ན་ཉིད་ཟབ་ཅིང་བརྟག་པར་དཀའ་བས་ཕྲ་བའི་ཆ་སྟེ་དེའི་དོན་མི་མཐོང་བའོ། །རང་རིག་བདེ་ཆེན་གྱི་དོན་མཐོང་བས་ངེས་པས་འཛིན་པས་བཅིངས་པའི་ལྕགས་སྒྲོགས་རང་གྲོལ་ཏེ། །མ་ལུས་པ་ཐམས་ཅད་རྫོགས་པའི་ཆེན་པོ་ཡེ་ཤེས་ལས་སེལ་མེད་པས་དེ་ཉིད་ཀྱི་ཀློང་དུ་གོ་ཞིང་རྟོགས་པ་ཉིད་དོ། ༈ །དེའི་དོན་ལ་མ་ཡེངས་པར་ཉམས་སུ་བླངས་པ་ལས་ཡང་དང་ཡང་དུ་གོམས་པས་མཐར་ཕྱིན་པར་འགྱུར་ཏེ། །དེ་ཡང་ཇི་ལྟར་དྲན་རྟོག་གི་བསམ་པས་ཡུལ་དུ་བཟུང་བའི་བློ། །སེམས་དང་སེམས་ལས་བྱུང་བ་མ་ལུས་པར་ནི་རང་གྲོལ་ཏེ་ཟད་པར་གྱུར་ནས། །རྣམ་པར་མི་རྟོག་པའི་ཡེ་ཤེས་ཀྱི་དོན་གསལ་བ་མཐར་ཕྱིན་པར་འགྱུར་བའོ། །རྟོགས་པ་ལ་འཕོ་འགྱུར་མེད་སེམས་ཀྱི་གཡུ་དྲུང་སྟེ་དེར་ཐག་ཆོད་པའི་ངང་ལ། །གང་དུའང་མི་དམིགས་པའི་ཡེ་ཤེས་རང་གསལ་བ་ལ་དགག་སྒྲུབ་གང་ཡང་མི་བྱ་བར་གྱི་ནར་བཞག །གལ་ཏེ་རྟོགས་པ་མི་བརྟན་ན་ཅི་དང་ཅིས་རྟོགས་པ་དྲན་པའི་རྐྱེན་གྱིས་དེའི་ངང་མ་ཤོར་བར་བྱས་ཏེ། །གང་དྲན་པ་དེ་ཉིད་ཀྱི་དུས་ཚོད་དུ་ཅི་ཡང་མི་རྩོལ་བར་ལྷུག་པོར་ཞོག །རང་གི་རང་བཞིན་མ་ནོར་བར་རྟོགས་པའི་ནང་སེམས་ཀྱི་སློབ་དཔོན་ལ། །རང་གི་ཉམས་རྟོགས་ཀྱི་ལུང་ནོད་དྲན་པས་ཐག་བཅད་ཅིང་། །ཕྱོགས་འཛིན་གྱི་བསམ་པ་མེད་ལ་ཆེད་དུ་བྱས་པའི་དྲན་པ་མེད་པས་དེ་ཁོ་ན་ཉིད་ལས་མི་གཡོ་བ་ལ། །གང་དུ་ཡང་བློས་མི་དཔྱད་ཉེས་པ་སྤངས་པའི་ལེགས་པའི་དོན་གཅིག་ཆེད་དུ་མི་བཟུང་། །གཞི་མེད་པས་བསྡུ་བར་མ་ཡིན་ཡུལ་ལོགས་པ་མེད་པས་སྤྲོ་བར་མིན། །ཅིར་ཡང་མི་རྟོག་པར་གསལ་བ་ལ་བློ་མ་བཅོས་པ་རང་བཞག །རྣམ་རྟོག་མ་ལུས་པ་ཞི་བས་རྡུལ་མ་ཡིན་ཏེ་སྤྲོས་པའི་ཟུག་རྔུ་མེད་པས་འཇམ་པའི་ངང་། །ཆེད་དུ་བྱས་པའི་རྩོལ་བས། རྣལ་འབྱོར་པའི་རིག་པ་དེ་ཉིད་ཙམ་ལ་གནས་པར་བྱ་སྟེ། །རྟོགས་ནས་བཏང་བཞག་མེད་པས་སེམས་ཉིད་རང་གཞག་ལ་མ་བཅོས་པར་ལྷུག་པར་གནས་པའོ། །དེ་ཡང་གླང་ཆེན་དུལ་བ་ལྟ་བུའི་སེམས་ལ་ནི། །མ་བསྐྱོད་པར་རང་ལུགས་ཉིད་དུ་བཞག་ན་བདེ། །དེ་ཅིས་ཤེ་ན་བརྩལ་ན་གླང་ཆེན་རྒུན་ཆང་གིས་མྱོས་པ་དང་འདྲར་བ་འཕྲོ་ཞིང་རྟོག་པ་འཕེལ་བར་འགྱུར་བས་སོ། །ནམ་མཁའི་ངོ་བོ་ཡུལ་དང་མཁན་པོ་མེད་པས་དུས་ཀྱང་མ་བཅོས་པ་ལྟར་དུ། །རྣལ་འབྱོར་པས་ཀྱང་སེམས་ཉིད་ཀྱི་རང་བཞིན་མ་བཅོས་པར་བཞག་ན་བདེ། །ཁྱུང་ཆེན་པོ་ནམ་མཁའ་ལ་ལྡིངས་པ་ལ་རྩོལ་བ་མེད་པ་བཞིན་དུ། །རིག་པ་མི་རྩོལ་བར་རང་བཞག་གྱི་ནར་ཉིད་དུ་གློད་ན་བདེ། །གང་ལའང་ཞེན་པ་ཐམས་ཅད་བཏང་བས་ཕྱོགས་སུ་འཛིན་པ་གང་ཡང་མེད། །ཆེད་དུ་བྱ་བ་གང་ཡང་མེད་པའི་ཕྱིར་མཉམ་པ་ཉིད་དུ་རྟོགས་པའི་ངང་། །མ་ཞེན་པའི་རྩོལ་སྒྲུབ་མེད་པ། ༈ །སེམས་ཀྱིས་ཆེད་དུ་བསྒྲིམ་པར་མི་བྱ་ཞིང་། །ལུས་དང་ངག་དང་གི་བྱ་བས་བརྩལ་བར་མི་བྱ། །འོ་ན་རྩོལ་བ་དགོས་ཞེ་ན། ཤེས་པ་མི་གང་དུའང་བསྡུ་བར་རང་ཡན་དུ་ཁྱེ། །རང་འོད་ཀྱི་རོལ་པ་ཡིན་པས་ཡུལ་དུ་སྣང་བ་མི་དགག་བདག་དང་ཡུལ་དུ་མ་གྲུབ་པས་ཞེན་པར་མི་བྱའོ། །མཚན་མའི་ཡུལ་གྱི་སྤྲོས་པས་རྒྱུད་འཆེལ་བ་ན། །ཐ་མལ་དང་ཐེག་དམན་གྱི་བྱ་བ་སྣ་ཚོགས་པའི་རྣམ་པར་རྟོག་པའི་སེལ་རྟོགས་གོམས་ལ་བྱུང་ན་རྟོགས་ཤིང་གོམས་པ། །ལུས་དང་སེམས་གློད་ལ་ཏིང་འཛིན་མི་གཡོ་བའི་གཟེར་ཆེན་གདབ་སྟེ་གཡོ་འཛིན་རླུང་གི་མན་ངག་སྦྱིན། ཤིན་ཏུ་ཆགས་པའི་ཡུལ་དྲན་པས་སེམས་གཡོ་བ་བྱུང་ན། །སྟོང་ཉིད་དང་བདེ་བའི་དབྱེར་མེད་པ་ཐིག་ལེ་མན་ངག་སྦྱིན་པར་བྱ་སྟེ་བླ་མས་འཆད་པར་འགྱུར་རོ། །ཡེ་ཤེས་གསང་བའི་རྟོགས་ཤིང་གོམས་པའི་དགོངས་པ་ལ། །ཕྱོགས་འཛིན་གྱི་འདུ་ཤེས་གང་ཡང་མ་ཡིན་ལ་གང་ལྟར་གནས་པ་དེ་ལྟར་ཡིན་པའོ། །ཞེས་སྟོན་པས་གསུངས་སོ། །ཡེ་ཤེས་གསང་བའི་རྒྱུད་ལས་ཀུན་ལ་གསང་བའི་དོན་དེ་ཐབས་གང་གིས་གསལ་བའི་ར་སྟོན་པ་ལེའུ་སྟེ་ལྔ་པའོ།། ༈ །།ལམ་གྱི་ངོ་བོ་དོན་ལམ་བསྟན་ནས་ཚིག་ལམ་ཞུ་བར་འདོད་པས། དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། །རྟོགས་ན་རང་གཞན་གྱི་འདོད་པ་རྫོགས་པས་རིན་ཆེན་འཁོར་ལོ་ཀུན་གྱི་ཡུལ་མིན་པས་གསང་བའི་ཐུགས། །འཕྲུལ་ཚིག་ནི་ཚིག་གཅིག་གིས་དོན་མཐའ་དག་རིག་པའི་སྟེ་དེ་སྒྲོན་མ་ཡིས། །རང་བཞིན་རྟོགས་དཀའ་བ་དང་རྒྱལ་བ་དང་བླ་མས་དགུ་རུམ་དུ་སྦས་པའི་དོན་དེ་གསལ་ན། །རྣ་བརྒྱུད་དང་འཕྲུལ་ཚིག་གི་དེ་ཉིད་བཤད་ཐབས་ལྡེ་མིག་གང་གིས་གསལ་བར་རྟོགས་བར་བགྱི། །ཞེས་གསོལ་ཏོ། ༈ །དེ་ནས་ལས་སྟོན་པ་དེ་བཞིན་གཤེགས་པས་སེམས་དཔའ་རྡོ་རྗེ་ཉིད་ལ་སླར་ལན་གསུངས་པ། ༈ །ཕྱི་རབས་ཀྱི་དོན་དུ་སེམས་དཔའ་ཆེན་པོ་ང་ལ་ཚུར་མ་ཡེངས་པར་ཉོན་ཅིག་ཅེས་གདམས་པའོ། ༈ །བརྗོད་བྱ་དོན་གྱི་མན་ངག་རིན་ཆེན་རང་བཞིན་གྱིས་གསང་བའི་དོན་ནི། །བཀའ་སྡེ་སྣོད་དང་ཕྱི་ནང་གི་བརྒྱུད་སྡེ་མ་ལུས་པ་མཐའ་དག་གི། །བརྗོད་བྱའི་དོན་འདུས་པས་སྙིང་པོ་དེ་ཉིད་ཡིན་ཏེ། །བསྟན་པ་མ་ལུས་པའི་མིང་ཚིག་དང་དོན་གྱི་རྣམ་གྲངས་ཐམས་ཅད་རྫོགས་པར་སྡུད་པའི་བདག་ཉིད་ཡིན་པས་རྫོགས་ཆེན་པོ། བསྟན་པ་ཀུན་ཀློང་དགུར་བསྡུས་ནས་བརྗོད་པས་གསུང་གི་འཁོར་ལོ་ཅན་ཏེ་སྐལ་ལྡན་ལ་བསྐོར་ཞིང་གཅོད་པས། །རྒྱན་ལས་ལུས་ནི་བཤད་བཞིན་ཅེས་པ་བཞི་དྲང་། དུས་ཀྱི་མཐའི་སྐད་ཅིག་ཉིད་ལ་ནི། །བསྟན་པ་ཀློང་དགུའི་གཞུང་ཚད་བམ་པོ་ཉི་ཁྲི་ཉིད། །རིན་ཆེན་གསང་བ་དེ་སྐལ་ལྡན་ལ་གསལ་བར་བྱའི་བ་ཆེད་དུ་༼༡༡༽གསུངས་པའོ། ༈ །དེ་ཁོ་ན་ཉིད་ཀྱི་བསྟན་པ་ཀློང་དགུ་དང་ལྡན་པའི་སེམས་ཀྱི་ཆོས་ཉིད་རྣལ་མའི་གཞི་དེ་ཐབས་ཁྱད་པར་ཅན། །རིན་ཆེན་གྱི་ལམ་གྱིས་རྟོགས་ཤིང་ཉམས་སུ་བླང་། །འོག་མ་ལྟར་རྩོལ་བ་ཆེད་དུ་མ་བསྒྲུབས་པར་བདག་གཞན་གྱི་འབྲས་བུ་བྱུང་བ་ནི་ཉི་མ་དང་འོད་ལྟར་ལྷུན་གྱིས་གྲུབ་པའོ། ༈ །མ་ནོར་བའི་ལྟ་བ་ནི་སེམས་ཉིད་ལ་ཕྱོགས་རིས་དང་བླང་དོར་མེད་པར་རྟོགས་པའོ། །འཁོར་མཐའ་དང་གཙོ་བོ་དབུས་མེད་པའི་བྱང་ཆུབ་ཀྱི་སྙིང་པོ་ལེན་པས་དཀྱིལ་འཁོར་རོ། །རིག་པའི་ཡེ་ཤེས་ཐམས་ཅད་དུ་མ་འགགས་པར་གསལ་བར་སྣང་ནས་དོན་སྒྲུབ་པ་ཕྲིན་ལས་སྒོ་གསུམ་གྱི་མཛད་པ་ལ། །གནང་བཀག་མེད་པ་སྤྱོད་པའི་རྒྱན། །ཕྱོགས་གང་དུའང་མི་བསམ་ཐ་མལ་གྱི་ཞེན་པ་གང་ཡང་མི་ཡེངས་པ་ནི་དགོང་པའི་ཀློང་། །དཔེར་ན་རྒྱལ་པོའི་ཐབས་ཐོབ་པས་རིགས་གསུམ་པ་བཙལ་མི་དགོས་པ་ལྟར་སྤྱི་བླུགས་ནི་ཐེག་པ་ཐམས་ཅད་ཀྱི་དབང་རྫོགས་པའི་དབང་དུ་གནས། །འཁོར་འདས་དབྱེར་མེད་དུ་རྟོགས་པས་འོག་ནས་གོང་དུ་བགྲོད་ལ་མེད་པར་མཐར་ཕྱིན་པ་ནི་བྱང་ཆུབ་སེམས་ཀྱིས་ལམ་ཡིན། །ཆེད་དུ་སྲུང་བས་བཅོས་བསླད་མེད་པའི་དམ་ཚིག་ནི་བཞིར་འདུས་ཏེ་དེ་ཉིད་གདོད་ནས་དག་པའོ། །ཐོབ་བྱ་ཐམས་ཅད་དུ་རང་སྣང་བའི་འབྲས་བུ་ནི་བདག་ཉིད་ལྷུན་གྱིས་གྲུབ་པས་སེལ་མེད་པའི་ཀློང་ངོ་། །དགུ་སྟེ་བསྟན་པ་ཐམས་ཅད་འདིར་འདུས་ཤིང་འདི་ལས་འཕྲོས་བ་རྩ་བའི་རྒྱུད་ཅེས་ཀྱང་བྱའོ། ༈ །སེམས་ཀྱི་ཆོས་ཉིད་གང་གིས་ཀྱང་མ་བཅོས་མ་བསླད་པས་རྣལ་མའི་གཞིའི། །དོན་དང་ངེས་ཚིག་དང་དཔེ་ཡིས་བསྟན་ཏེ། ༈ །དེ་ལ་གཞིའི་དོན་ནི་འཁྲུལ་གྲོལ་ཇི་ལྟར་སྣང་ཡང་ལྷུན་གྲུབ་རྣམ་པ་གསུམ་གྱི་ངོ་བོར་གསལ་བ་ལ། །རྣམ་པ་སྒྱུ་མ་དང་རང་བཞིན་སྤྲོས་བྲལ་དང་མཚན་ཉིད་རང་རིག་རྣམས། །བདེ་བ་ཆེན་པོར་ཡེ་ནས་ལྷུན་གྱིས་གྲུབ་པ་ནི་གང་ཞེ་ན། །ཕྱོགས་བཅུ་དུས་གསུམ་གྱི་བདེ་བར་གཤེགས་པའི་རྣམ་པར་མི་རྟོག་པའི་ཡེ་ཤེས་དང་། །འགྲོ་བ་རིགས་དྲུག་གི་སྤྱོད་ཡུལ་ཅི་སྣང་ཡང་སེམས་ཉིད་ཀྱི་མ་བཅོས་པའི་ངོ་བོར་གཅིག་པ། །གཉིས་ཐ་དད་མ་ཡིན་ཏེ་རང་བཞིན་སྤྲོས་པ་ཐམས་ཅད་དང་བྲལ་བར་གཅིག་པའོ། །རིག་པ་རྣམ་པ་ཐམས་ཅད་དུ་འགག་པ་མེད་པར་སྒྱུ་མ་ལྷུན་གྱིས་གྲུབ་ཀྱང་རང་རྒྱུད་པ་མེད་པ་ནི། །རོལ་པ་ཅིར་ཡང་སྣང་བ་ལ་བདེན་པའི་ངོས་གཟུང་གང་ཡང་མེད། །ཆོས་ཐམས་ཅད་རང་རིག་ཏུ་གསལ་བའི་མཚན་ཉིད་ལ་ཡོན་ཏན་རྫོགས་པར་ལྷུན་གྱིས་གྲུབ་པ་དེ་ལ། །ཕྱི་གཟུང་བའི་ཡུལ་དང་འཛིན་པའི་ཤེས་པར་བློས་བརྟགས་པ་དག་ངང་གིས་མེད། །རིག་པ་ཕྱོགས་བྲལ་དེ་ཉིད་རྣམ་པ་འགག་མེད་དེ་ཡི་རང་བཞིན་ཡིན་པས་ཐིག་ལེ་ཉག་གཅིག་ཡིན་ནོ། ༈ །འཁོར་འདས་མ་ལུས་པའི་དོན་གྱི་སྙིང་པོ་ཐམས་ཅད་འབྱུང་བའི་གཞི་ནི། །གནས་ལུགས་ངོ་མ་ཤེས་པར་སྣ་ཚོགས་སུ་ཞེན་པའི་རྟོག་པའི་རང་བཞིན་ཡིན་དེ། །རྟོག་པར་ཙམ་སྣང་ཉིད་ན་རང་རྒྱུད་པ་མ་གྲུབ་པས་མི་རྟོག་པ་སྟེ་དུས་གཅིག་ཏུ་གནས་པ་ལ། །ཐམས་ཅད་དུ་རོལ་པ་རང་སྣང་པས་འཁོར་བའང་ཡིན། །རོལ་པའི་སྣང་བ་ལ་འཛིན་པ་དང་བརྟགས་པའི་རྟོག་པས་གོམས་པ་སྤངས་པས་སངས་རྒྱས་ཡིན། །བླང་དོར་གྱིས་འཆིང་བ་ཕྱོགས་འཛིན་དང་བྲལ་བས་ལྟ་བ་ཡིན། །རང་འོད་དང་འབར་བ་སྐུ་གསུམ་ཐུགས་སུ་གསལ་བའི་དཀྱིལ་འཁོར་ཡིན་པས་རང་རྒྱུད་པ་དག་པའོ། །ཐམས་ཅད་མ་ལུས་པར་ཐིག་ལེ་ཁོང་སྟོང་དུ་འདུས་པའི་རང་གསལ་བ་ལུས་པོ་ཆེ། །རིག་པ་དང་སྟོང་བ་གཅིག་པོ་དེ་ནི་ཆོས་ཀུན་གྱི་རང་བཞིན་ཡིན་ཏེ། །བདེ་བ་ཆེན་པོར་ལྷག་མ་ལུས་པ་མེད་པར་ཡོངས་སུ་རྫོགས། །མཐའ་ཐམས་ཅད་ལས་ངེས་པར་གྲོལ་བས་རིག་པའི་འཁོར་ལོ་འབུམ་ཕྲག་ཡས་པའོ། །གཞི་དེ་མཚོན་པར་བྱེད་པའི་དཔེ་ཡི་རང་བཞིན་ངེས་པར་བྱ་བ་ནི། །མུན་པ་དང་ཆུ་དང་ཉི་མས་བསྟན་ཏེ། །སེམས་ཉིད་རིག་པའི་ངོ་བོ་འཁྲུལ་པ་ཀ་ནས་དག་པ་ལ། །ཞེན་པས་སོ་སོར་བརྟགས་པའི་སྣང་བ་གང་ཡང་མཐོང་བ་མེད་པས། །སྨག་གི་མུན་རུམ་ལ་ཅིར་ཡང་མཐོང་བ་མེད་པ་ལྟ་བུར་བཤད། །དངོས་པོར་གྲུབ་པ་མེད་པའི་རིག་པ་རང་སྣང་བ་དེ་ཉིད་ལ། །རང་བྱུང་ཡེ་ཤེས་རོལ་པ་གང་དུ་ཡང་མི་འགག་པས་སྣ་ཚོགས་སུ་འཆར་བའི་ཕྱིར། །ཆུ་ཡི་གཉེར་མ་ལྟ་བུར་བཤད། །གང་གིས་ཀྱང་མ་བཅོས་པ་སེམས་ཀྱི་མཚན་ཉིད་ཡེ་ཤེས་ཕྱོགས་དང་བྲལ་བ། །ལམ་གྱི་རྩོལ་བས་ཆེད་དུ་བཀོག་པ་མ་ཡིན་ཡང་། །ཡུལ་ཤེས་སུ་ཞེན་པ་གདོད་ནས་དག་པས་གཟུང་འཛིན་གྱི་དྲི་མ་མེད་པས། །ཁྱབ་པ་དང་ཕྱོགས་རིས་མེད་པ་རང་གསལ་བའི་ཕྱིར་ཉི་མ་ཤར་བ་ལྟ་བུར་བཤད་པའོ། ༈ །བརྟགས་པས་ཐ་དད་ཞེན་ཅིང་རྟག་པར་འཛིན་པའི་མཐའ་དང་། །སྟོང་པ་ལ་ཞེན་ནས་ཡེ་ཤེས་ཀྱི་རོལ་པའི་སྣང་བ་བཀག་པས་ཆད་པའི་མཐའ་དང་། །རྟག་ཆད་གཉིས་ཀྱི་མཐའ་དང་བྲལ་བའི་དབུ་མའི་དོན་ལ་ངེས་པར་འཛིན་པས་བཅིངས་པའི། །མཐའ་དད་གསུམ་བསལ་བའི་དགོས་པ་ཕྱིར་དུ་རང་བཞིན་དང་རྣམ་པར་དང་མཚན་ཉིད་གསུམ་བསྟན་པའོ། ༈ །རྒྱུ་རྐྱེན་གཞན་མེད་པས་རང་སྣང་འབད་རྩོལ་མེད་པས་ལྷུན་གྲུབ་གློ་བུར་བ་མིན་པས་ཡེ་ནས་གནས་པ་དེ་ལ། །རང་རང་གི་ཞེན་པས་བགྲོད་པའི་ལམ་གྱིས་རྩོལ་བས་ཆེད་དུ་བརྩལ་བ་ནི་འདིར་མི་དགོས་ཏེ་དེ་ཡང་རིག་པ། །མཐའ་དབུས་མེད་པས་ནམ་མཁའ་ལྟ་བུ་ལ། །ལམ་ལྔ་ས་བཅུ་ལ་སོགས་པ་བགྲོད་པས་མཐར་ཕྱིན་པར་ག་ལ་འགྱུར། །ཐེག་པ་མཐའ་དག་སེམས་ལ་ཡུལ་དུ་བྱས་ནས་བགྲོད་པས་ཕྱིན་པར་འདོད་ན། །དཔེར་ན་ནམ་མཁའ་ལ་འདོམ་གྱི་ཚད་ཀྱིས་འཇལ་བ་དང་འདྲ། །བར་མི་འགྲུབ་པའོ། ༈ །ལམ་བསྟན་གྱི་དབྱེ་བས་དང་ལམ་གྱི་དཔེ་དང་། །མིང་གི་ངེས་པའི་ཚིག་གི་དོན་དང་ལྡན་པ་ནི་བགྲོད་མེད་ཀྱི་ལམ་དེ་ཉིད་ཡིན་ནོ། ༈ །མཚོན་བྱ་དོན་གྱི་ལམ་དང་མཚོན་བྱེད་ཚིག་གི་ལམ་མོ། །དོན་གྱི་ལམ་ནི་སྐུ་གསུམ་དང་ཐུགས་ཕྲད་པས་སྐུ་གསུམ་གྱི་དོན་གསལ་བར་རྟོགས་པ་ཡིན་ལ། །དེ་ཡི་བརྡ་ཕྲད་པར་བྱེད་པ་ནི་ཚིག་གི་ལམ་མོ། ༈ །རང་བྱུང་གི་ཡེ་ཤེས་རྩོལ་བས་གཞན་དུ་བགྲོད་པ་མེད་རང་ལ་ལྷུན་གྱིས་རྫོགས་པར་ཤེས་པ་མ་བཅོས་པའི་ལམ་ནི། །རྣམ་གྲོལ་གྱི་འབྲས་བུ་སངས་རྒྱས་ཀྱི་ཡོན་ཏན་ཀུན་གྱི་ཡོངས་སུ་རྫོགས་པའི་རྒྱུའོ། །ཡེ་ཤེས་གསང་བའི་རང་བཞིན་དང་རྣམ་པ་དང་མཚན་ཉིད་གསུམ་གྱི་དོན་མ་ནོར་བར་གསལ་བར་རྟོགས་ན་དེའི་མཐུས་ལས་གང་ནས་འབྲས་བུ་ཅི་འཆར་ཞེ་ན། གང་གིས་ཀྱང་མི་གཡོ་བའི་སེམས་ཀྱི་དཀྱིལ་འཁོར་ནས༼༡༽། །གང་འབྱུང་ན་ཐེག་པ་ཀུན་གྱི་ཐོབ་བྱའི་འབྲས་བུར་འཕེལ་འགྲིབ་མེད་པའི་རང་བཞིན་དུ་འཆར༼༡༽། །དེས་ན་གདུལ་བྱ་ཀུན་མཉམ་པ་ཆེན་པོར་དགོངས་པ་ཡི་ཐུགས་མངའ་བར་རྟོགས་ན། །ལམ་ལ་རིམ་པས་བགྲོད་དུ་མེད་དེ་མཉམ་པ་ཆེན་པོ་ལ་ཅིག་ཆར་དུ་འཇུག་པ་ལ། །རྣམ་རྟོགས་ཕྲ་རགས་ཐམས་ཅད་ཆོས་ཉིད་ལས་བྱུང་ཞིང་འདུས་པར་ངོ་ཤེས་པའོ། ༈ །གལ་ཏེ་ཚིག་ལམ་བརྟེན་མཚན་མ་ཡིན་པས་མི་དགོས་སྙམ་ན་ཚིག་ལམ་གྱི་རྐྱེན་གྱིས་མ་མཚོན་ན། །མ་བཅོས་སེམས་ཀྱི་དོན་དེ་མི་ཤེས། །རྣ་བརྒྱུད་དབང་གིས་ཐབས་ཀྱི་ཚིག་གི་ལམ་གྱིས་དོན་ལ་སྦྱོར། ༈ །ཡེ་ཤེས་གསང་བའི་དོན་མཐོང་བས་དུཿཁ་དང་རྩོལ་བ་ཟད་པས་མ་བཅོས་བདེ་བ་ཆེན་པོའི་ས་ལ་དུས་ཐམས་ཅད་གནས། །འཛིན་པ་རགས་པའི་རྟོག་པ་ཅི་བྱུང་བ་དག །མ་བཅོས་པ་དེ་ཉིད་ཅིར་ཡང་འཆར་བས་རང་བྱུང་ཡང་ཆུའི་རི་མོ་ལྟར་ཡེ་ཤེས་ཉིད་དུ་གསལ་བ་ལ་སྒོ་གསུམ་གྱི་བྱ་བས། །མི་རྩོལ་བར་མ་བཅོས་བདེ་བ་ཆེན་པོའི་སེམས་ལ་དུས་ཐམས་ཅད་དུ་གནས་པའོ། །དུས་གསུམ་དུ་མི་འགྱུར་ཞིང་མུ་མཐའི་སྤྲོས་པ་དང་བྲལ་བའི་ཆོས་ཉིད་རྟོགས་བྱའི་དོན་ལ། །གང་ལ་ཡང་འཛིན་པ་དང་བྲལ་བ་བླང་དོར་མེད་པའི་བཏང་སྙོམས་ལས་མ་ཡེངས་པའི་རྣལ་འབྱོར་གྱིས། །ཐེག་པ་གཞན་ལ་སྣང་བའི་ཇི་སྙེད་པའི་སྐྱོན་ཆོས་ཉིད་བྱང་ཆུབ་སེམས་སུ་མཐོང་བས་ཐམས་ཅད། །གཉིས་སུ་མེད་པའི་དོན་འོད་གསལ་ཆེན་པོ་རྟོགས་པ་དེ་ལ། །སྐྱོན་དུ་བལྟས་ནས་དང་ཡོན་ཏན་དུ་བཟུང་བས་བླང་བ་དང་དོར་བ་མེད་དེ་ཆུ་དང་རླབས་བཞིན་དུ་བསམ་པ་མ་ལུས་པ་ཀུན་སེམས་སུ་ཤེས་པས་སོ། །དེ་ལྟར་མཐོང་བ་དང་གོམས་པ་དང་མཐར་ཕྱིན་པ་ནི་བྱང་ཆུབ་སེམས་ཀྱི་ལམ་སྟེ་དེར་བློ་འཇུག་པའི་ཕྱིར་རོ། ༈ །རྩོལ་མེད་རང་གསལ་བས་མར་མེ་བཞིན་མ་གོས་པར་རང་སྣང་པདྨ་འདྲ་རྟོགས་པ་རྒྱུན་དུ་གནས་པ་འབབ་ཆུ་ལྟར་སོགས། །རྒྱན་ལས། མཚོན་བྱེད་བཤད་བཞིན། ཅེས་དྲང་། ཚིག་ལམ་དང་དོན་ལམ་ལ་སྐབས་སུ་གང་བབ་ཀྱིས་སྦྱོར་ཅིག་པའོ། ༈ །རྩོལ་བས་ཚི་ཆད་ཅིང་ནད་དུ་འགྱུར་བས་ལུས་དང་ངག་གི་རྩོལ་བ་དང་། །མཚན་བཅས་མཚན་མེད་ཀྱི་ཏིང་འཛིན་སེམས་ཀྱི་རྩོལ་བའི་རིམ་པ་མེད་པར། །ཐབས་ཀྱིས་སྒྲོལ་བ་རྫོགས་པའི་ལམ་ཆེན་པོ། །རིག་པའི་གདལ་ཁྱབ་ཆེན་པོ་གནས་སུ་དེ་ཉིད་རྟོགས་པས་ཇི་ལྟ་བར་ཕྱིན། །ཏེ་ཚུལ་གཅིག་པ་དེས་ན་མཐར་ཕྱིན་པའི་འབྲས་བུའི་ལམ། །ཡེ་ཤེས་ཡོད་མེད་ཀྱི་མཐའ་མ་གོས་པར་རྣམ་པར་དག་པའི་ལམ། །སྐྱོན་ཡོན་ལ་དགག་སྒྲུབ་ཀྱི་སྤྱོད་ཡུལ་རྣམ་པར་དག་པས་ཀུན་ཏུ་བཟང་ཉིད་ཡིན་པས། །དབྱེར་མེད་དེ་གཞི་ལམ་འབྲས་བུ་ཐམས་ཅད་རོ་གཅིག་པས་མཚུངས་པའི་ལམ་མོ། །བྱང་ཆུབ་ཀྱི་སེམས་ཉིད་ལ་ཐེག་པ་གཞན་ལྟར་རྒྱུ་ལ་རག་ལུས་པ་མེད་པས། །ཚོགས་གཉིས་ཀྱི་རྒྱུ་ཡིས་བསྒྲུབས་པའི་འབྲས་བུ་ནི་འདིར་མིན། །དང་པོ་གཞི་རང་བྱུང་གི་ཡེ་ཤེས་ལ་རྒྱུ་འབྲས་གྲུབ་པ་མེད་པས། །ཆོས་ཐམས་ཅད་ཀྱི་ངོ་བོར་རང་གསལ་ཞིང་རོལ་པ་སྣ་ཚོགས་སུ་སྣང་ཡང་བདག་ཉིད་ཆེན་པོ་ཉག་གཅིག་ལ་ཕྱོགས་འཛིན་གྱི་དྲི་མ་མེད། །དེ་ལ་འབད་རྩོལ་མེད་པ་ནི་དཔེར་ན་ནམ་མཁའ་ཡིས་ཁྱབ་པ་བཞིན་དུ་གནས་ཏེ། དེས་ཕྱོགས་བཅུའི་སངས་རྒྱས་དང་སེམས་ཅན་མཐའ་ཡས་ཀུན་ལ་ཁྱབ་པ་རང་བཞིན་དབྱེར་མེད། །དེ་ཉིད་ཇི་ལྟ་བར་རྟོགས་པས་མཐར་ཐུག་གི་འབྲས་བུའི་ས་ཡིན་ནོ། །འདས་དང་མ་འོངས་ད་ལྟར་ཏེ་དུས་གསུམ་མ་འགགས་པར་སྣང་ཡང་། །སྐྱེ་འགག་ཏུ་རྟོག་པའ་ིངོ་ལ་སྔ་ཕྱིའི་ཁྱད་པར་དུ་སྣང་བ་ཙམ་ལས། །དུས་གསུམ་ཆོས་ཉིད་དུ་བྲལ་གྱི་ངོ་བོར་གཅིག་སྟེ་སྔ་ཕྱིའི་རྒྱུན་མཐོང་བའི་ཁྱད་པར་མེད། །མ་བཅོས་པར་ཇི་ལྟ་བར་རྟོགས་པ་ཐུགས་ཡེ་ཤེས་རིག་པ་ལ། །འཁྲུལ་པའི་ངོར་སྣང་བའི་སྔོན་མེད་ཕྱིས་མེད་དེ་ཐིག་ལེ་ཉག་གཅིག་ཏུ་གསལ། །བ་དེ་ཡན་གློ་བུར་བ་མིན་ཏེ་རང་བྱུང་ཕྱོགས་མེད་པས་འོད་གསལ་ཉིད་རྒྱུ་རྐྱེན་མེད་པའི་གདོད་ནས་སྐྱེ་འགག་མེད་པར་ཡོད། །སྐྱེད་བྱེད་ཀྱི་རྒྱུ་མེད་པས་བདག་གཞན་གྱི་དགོས་པ་ཚང་བའི་འབྲས་བུ་བྱང་ཆུབ་ཀྱི་སེམས་དེ་ནི། །འབྲས་བུ་མ་ལུས་པ་ཀུན་གྱི་བདག་ཉིད་ཡིན་ནོ། ༈ །ཆོས་སྐུ་ཕྱོགས་མེད་ཉིད་འབྲས་བུ་ཀུན་གྱི་ངོ་བོར་རང་གསལ་བ་དེ་ལ ༼༡༽། །ཇི་ལྟར་འཆར་ན་རིན་ཆེན་འབར་བ་ལ་དགོས་འདོད་ལྷུན་གྲུབ་ཏུ་འཆར་བ་ལྟར་དུ་འཆར། །གང་འཆར་ན་ཐུགས་རྗེའི་བྱིན་རླབས་གདུལ་བྱའི་མོས་པ་ལྟར་འདོད་དགུར་རྩོལ་མེད་དུ་འཆར་བ་ནི། །གདུལ་བྱ་ས་ལ་གནས་པའི་སྐལ་ལྡན་གྱི་དུས་ན་རང་གི་རྐྱེན་ལས་ཉི་མ་བཞིན་དུ་ཞིང་དག་པར་ལོངས་སྐུ་སྣང་། །ལས་དབང་པོ་མ་དག་པ་སེམས་ཅན་གྱི་དུས་ན་སྤྲུལ་པ་སྣ་ཚོགས་པའི་སྐབས་ཀྱིས་འགྲོ་བའི་བསམ་པ་དང་མཐུན་པར་སྣང་། །ཆོས་ཀྱི་སྐུ་ལྷུན་གྱིས་གྲུབ་པའི་དུས་ན་ཡིན་མིན་གང་གི་ཡང་ཕྱོགས་རིས་མེད། །རང་བཞིན་གྱིས་འོད་གསལ་བ་དང་དེ་ཁོ་ན་ཉིད་རིག་པའི་དཀྱིལ་འཁོར་ལས་དག་མ་དག་བསམ་གྱིས་མི་ཁྱབ་པ། །རང་སྣང་ཞིང་རང་ལས་འདུས་པས་འབྲས་བུ་ནི་རྒྱ་མཚོར་ལྟ་འཁྱིལ་བར། །གསལ་ཞིང་འབར་ཀྱང་འབྲས་བུའི་ངོ་བོ་ལ་བདག་དང་གཞན་དུ་གྲུབ་པ་མེད། །གང་ཡང་མ་བཀག་པས་བདག་དང་གཞན་དུ་འབྲས་བུ་ཉིད་རང་སྣང་བའོ། །དེ་གཉིས་འགལ་ལོ་ཞེ་ན། དངོས་པོ་ཡིན་ལུགས་དང་གདུལ་བྱའི་བསམ་པ་དང་སྦྱར་བའི་སྐབས་ཀྱིས་མི་འགལ་བར་ཤེས། ༈ །གསལ་འབར་ཐམས་ཅད་མཁྱེན་པའི་ཡེ་ཤེས་ཀྱི་རིག་པའི་བྱིན་རླབས་ཀྱི་ཡོན་ཏན་ཐམས་ཅད་ནི། །ཡེ་ནས་གནས་པའི་ཆོས་ཉིད་གནས་ལུགས་རིག་པའི་གཞི་ལ་ལྷུན་གྲུབ་ཏུ་རྫོགས་པས། །ཐམས་ཅད་འདུས་པའི་སྙིང་པོ་དོན་གྱི་གཞི་དེ་ཐབས་ཁྱད་པར་ཅན་གྱིས་རྟོགས་ན། །རང་བཞིན་གྱིས་ཚོགས་གཉིས་རྫོགས་ཤིང་ཉོན་མོངས་པ་དང་། ཤེས་བྱ་དང་ལྟ་བའི་སྒྲིབ་པ་མེད་པའི་ཕྱིར། །ཚོགས་གཉིས་མི་སྒྲུབ་ཅིང་སྒྲིབ་པ་གསུམ་སྤངས་པ་མེད་པའོ། །སྤང་མེད་ཐིག་ལེ་ཉིད་ཀྱི་དབྱིངས། །ཐབས་གང་གིས་ཀྱང་མཚོན་དུ་མེད་པའི་སེམས་ཀྱི་འབྲས་བུ་མ་སྒྲུབས་པ་ལ་ལྷུན་གྱིས་གྲུབ་པ་ནི། །དབང་གཉིས་པ་དང་གསུམ་པ་རིག་མ་ལ་བརྟེན་པའི་ལུས་ཀྱི་བདེ་བས་མཚོན་དུ་མེད། །སེམས་ཉིད་འོད་གསལ་ཆོས་ཀྱི་དབྱིངས་རྒྱུ་འབྲས་གཉིས་སུ་མེད་པའི་འབྲས་བུ་ལ། །ཐེག་དམན་ལ་ཞུགས་པའི་རྒྱུ་འབྲས་གཉིས་སུ་རྟོགས་པས་ཡུལ་དུ་གྲུབ་པ་མིན་ནོ། །གཞི་ཇི་བཞིན་པར་གསལ་བར་ཡོན་ཏན་ཐམས་ཅད་རྫོགས་པའི་འབྲས་བུ་ནི། །ཐམས་ཅད་སྐྱེད་པའི་རྒྱུ་འབྱུང་བ་ལྔ་ཡང་དེ་ལས་བྱུང་བ་དེས་བསྐྱེད་པ་ལ་རག་མ་ལས་འདས་པའི། །སྐུ་གསུང་ཐུགས་ལ་བློ་རྟེན་མི་འཆའ་སྟེ་ངོས་བཟུང་ལས་གྲོལ་ལོ། །ཞེས་གསུངས་སོ། །ཡེ་ཤེས་གསང་བའི་རྒྱུད་ལས་སེམས་ཉིད་རིན་ཆེན་ཚིག་ལམ་གྱིས་གསལ་བར་བྱེད་པའི་ལེའུ་སྟེ་དྲུག་པའོ།། ༈ །།དེ་མ་ཐག་པ་དེ་ནས་གང་གིས་སེམས་དཔའ་རྡོ་རྗེས། གང་ལ་དེ་བཞིན་གཤེགས་པ་ལ་ཇི་ལྟར་ཞུ་བ་འདི་སྐད་གསོལ་ཏོ། །གང་གིས་ཀྱང་མ་བསྒྲིབས་པས་འོད་གསལ་སྤྲོས་པ་དང་བྲལ་བས་ཐུགས་ཀུན་ལ་ཁྱབ་པས་རྗེའི་དེ་ཉིད་འབད་རྩོལ་མེད་པར་སྣང་བ་ལྷུན་གྲུབ་ཁྱོད། །སྐུ་གསུམ་ཐུགས་ཀྱི་རོལ་པའི་མཛད་པ་མཐའ་ཡས་པ་གདུལ་བྱའི་ངོ་ལ་བསམ་གྱིས་མི་ཁྱབ་པས་འབུམ་ཕྲག་ཡས། །དགོངས་པ་འོད་གསལ་དབྱིངས་ལ་མ་གཡོས་པར་བཞུགས་བཞིན་དུ། །མཉམ་རྗེས་དང་མཛད་པ་ལ་འཕེལ་འགྲིབ་མེད་པས་ཐུགས་རྗེའི་མཛད་པ་ཕྱོགས་བཅུར་ཁྱབ་པར་བདལ། །འགྲོ་བའི་བསམ་པ་བཞིན་དུ་སྣང་ནས་རེ་བ་སྐོང་བ་ནི་དཔེར་ན། །ཡིད་བཞིན་ནོར་བུ་ལ་རྣམ་རྟོག་མེད་པར་དགོས་པ་འབྱུང་བ་ལྟ་བུར་ཤར། །བརྒྱལ་བ་རྣམ་སྣང་ཁྱོད་ནི་གདུལ་བྱའི་སེམས་སྣང་ཞིང་གསལ་བས་སྒྲོན་མ་སྟེ། །མ་རིག་པའི་མུན་པ་དང་བར་བྱེད། །ནད་ཐམས་ཅད་སེལ་བས་འཇམ་དཔལ་ལས་སྨན་པ་ཆེ་མཆོག་ཅེས་པ་གསུམ་དྲང་སྨན་ཆེན་བདུད་རྩི་ཕན་འདོགས་པས་བྱམས་མགོན་ཁྱོད་གྱིས། །རྫོགས་ཆེན་སེམས་ཀྱི་རང་བཞིན་རྟོགས་ནས་གོམས་པ་ལ། །གང་ཡང་བཀག་པ་མེད་པའི་སྒོ་གསུམ་གྱི་སྤྱོད་པ་ཇི་ལྟར་བགྱི། །ཞེས་དྲི་བའི་ཚིག་གསོལ་ཏོ། །དེ་ནས་དེ་བཞིན་གཤེགས་པ་རྣམ་པར་སྣང་མཛད་གྱིས་བཀའ་སྩལ་པ། ༈ །གསང་སྔགས་ཀྱི་ཉམས་དང་ལྡན་པའི་སྤྱོད་པ་ནི་སྒོ་གསུམ་གྱི་སྤྱོད་པའི་མཆོག་ཡིན་ཏེ། །སེམས་ཀྱིས་ཕར་ཡུལ་ལ་འཕྲོ་ཚུར་ནང་དུ་འདུའི་ལས་ཅི་ཡང་མི་བྱེད་པར། །རྟོགས་པ་རང་གསལ་ཕྱོགས་མེད་ཀྱི་ཀློང་ལ་ཡེ་ནས་མི་འགྱུར་བར་གནས་པས། །ནམ་མཁའི་རྡོ་རྗེའི་སྤྱོད་པ་ཞེས་བྱ་སྟེ་མ་བཅོས་པར་སེམས། །སྒོ་གསུམ་རྡོ་རྗེ་བརྩོལ་བ་ཆེད་དུ་མ་བརྩལ་བའི་སྤྱོད་པ་ནི། །ལུས་ཀྱིས་ལྷའི་སྐུ་ཕྱག་རྒྱ་སྒོམ་ཞིང་བཅའ་བའི་ལས་མི་བྱེད། །ཐ་མལ་པའི་ལུས་ཀྱི་སྤྱོད་པའང་དེ་བཞིན་དུ་མེད་པ་ཡིན་ནོ། །ངག་གིས་སྙིང་པོ་བཟླས་པ་དང་སྔགས་བརྗོད་པའི་ལས་མེད། །ཡིན་ལུགས་ལས་མ་བཅོས་པའི་གསུང་གི་སྤྱོད་པ་ལ་ནི། །རང་ག་མར་ཞེན་པའི་ཐ་མལ་པ་ངག་ལ་སོགས་པ་གང་ཡང་སྨྲ་བ་མིན། །སེམས་ཀྱིས་ཡེ་ཤེས་པ་ལས་འོད་ཟེར་ཕར་འཕྲོ་བ་དང་དངོས་གྲུབ་ཚུར་འདུ་བའི་ཏིང་ངེ་འཛིན་གྱི་ལས་མི་བྱེད། །རང་གསལ་རྟོགས་པའི་ཀློང་ལ་གོམས་པས་ཡེ་ནས་གནས་པ་ལ། ༈ །ཡིད་ཀྱིས་དྲན་པ་དང་བསམ་པའི་རྟོག་པ་རྒྱུ་བ་གང་ཡང་མེད། ༈ །མུ་མཐའི་སྤྲོས་པ་མ་སྤངས་པར་བྲལ་བ་ནམ་མཁའ་ལྟ་བུའི་དོན་ལ། །ཆོས་ཐམས་ཅད་རང་གསལ་དུ་རྟོགས་པའི་ཡེ་ཤེས་ཀྱི་ངང་ལ་ཆེད་དུ་མ་བཅོས་པ། །སྒོ་གསུམ་གྱི་བྱེད་རྩོལ་མེད་པར་རིག་པ་རང་ལུགས་སུ་བཞག་པས་རེ་དོགས་དང་བྲལ་བས་ལྷུག་པའོ། །ཕྱོགས་གང་དུའང་བློ་གཏད་ནས་མ་བཞག་པར་ཆོས་ཉིད་འོད་གསལ་ཕྱོགས་མེད་དུ་རྟོགས་པའི་མཁའ་ལ་མ་ཡེངས་པར་དུས་གསུམ་དུ་དྲན་པ་ནི་རྐྱེན་གྱིས་རྟོགས་པའི་ཉམས་རྩེ་གཅིག་ཏུ་གཟུང་། ༈ །དེ་ཉིད་ལ་ཐ་སྙད་དྲན་པ་དང་། རྣམ་རྟོག་དང་ཡུལ་གྱི་མཚན་མས་མི་གནས་པར་གཡོས་པར་གྱུར་ན། །བྱ་བྲལ་ངང་ལ་ཕྱོགས་མེད་པས་ནམ་མཁའ་སྙིང་པོའི་དོན་ལས་མི་འགྱུར་བ་རྡོ་རྗེའི་སྤྱོད་པ་ལ། །འོད་གསལ་ལྷག་པའི་སེམས་ཀྱིས་རིག་པ་གང་དུའང་མི་འཕྲོ་བར་གནས། །རྣམ་རྟོག་སྔ་ཕྱིའི་རྗེས་སུ་དྲན་པས་ནམ་མཁའ་རྡོ་རྗེ་ལས་གཡོས་པ་ན། །སེམས་ཉིད་རིན་ཆེན་ཅིར་ཡང་སྣང་བས་འཕྲུལ་གྱི་རྟོགས་པའི་སྙིང་པོའི་དོན་གྱི་སྒོ། །དེ་དུས་ཀུན་ཏུ་དྲན་པའི་རྐྱེན་གྱིས་མན་ངག་གི །མ་ཡེངས་པར་གཟུང་བར་བྱའོ། །མ་རྟོགས་པས་ལུས་ངག་གི་སྤྱོད་པ་གཙོ་རུ་འཇོག་པར་བྱེད་ན། །དེ་ཡང་དཀར་སྤྱོད་ཉིད་ཡིན་ལ་རྫོགས་ཆེན་གྱི་མ་བཅོས་པའི་སྤྱོད་པ་མིན་ནོ། ༈ །ཕྱོགས་སུ་ཞེན་པའི་སྤྱོད་པ་མེད་པར་མཉམ་པ་ཉིད་དུ་ཆོས་ཐམས་ཅད་རིག་པའི་སྤྱོད་པ་ཉིད་ལ། །ཐེག་པ་གཞན་གྱིས་རྩོལ་བའི་སྤྱོད་པ་ལས་བྱུང་བའི་འབྲས་བུའང་ལྷུན་གྱིས་གྲུབ་བོ། །གང་གིས་ཀྱང་བཅོས་སུ་མེད་པ་སེམས་ཀྱི་རང་བཞིན་ཡིན་པ་ལ། །བཅོས་སུ་ཡོད་པར་གོ་ནས་ཆེད་དུ་བཅོས་པའི་སྒོ་གསུམ་གྱི་སྤྱོད་པ་ནོར་བས་ཕྱིན་ཅི་ལོག་ཏུ་གྱུར་པ་ནི་དཔེར་ན་ཕྱོགས་གཅིག་པའི་དངོས་པོ་དང་བྲལ་བའི་རིག་པ་བདག་གཉིས་མེད་པའི་ངོ་བོ་ལ། །མུ་སྟེགས་པས་བརྟགས་པའི་གང་ཟག་གི་བདག་ཏུ་འཛིན་པ་ལོག་པ་བཞིན་ནོ། །ཆོས་ཐམས་ཅད་འོད་གསལ་རིག་པ་ལྷུན་གྲུབ་ལ། །ཐེག་པ་གཞན་གྱི་རྩོལ་བའི་སྤྱོད་པས་སེམས་ཉིད་ཀྱི་དོན་མི་མཐོང་ངོ་། ༈ །རྟོགས་པའི་བློས་བསམ་གྱིས་མི་ཁྱབ་པའི་འོད་གསལ་གྱི་སེམས། ༈ །ཉིད་ལ་རྟོགས་གོམས་ཀྱི་གདེངས་དང་ལྡན་པས་འགྱུར་བ་མེད་པའི་དབྱིངས་ལས་མ་གཡོས་ཀྱང་། །ཡེ་ཤེས་ཀྱི་རང་འོད་ཡོན་ཏན་ཐམས་ཅད་དུ་རང་སྣང་བར་ལྷུན་གྱིས་གྲུབ་པའི་བྱིན་རླབས་ལས། །གདུལ་བའི་སྐལ་བ་དང་ལྡན་པ་རང་རང་གི་བསམ་པ་སྣ་ཚོགས་པ་ཇི་བཞིན་དུ། །འགྲོ་བ་འདུལ་བའི་ཐབས་ཀྱི་སྤྱོད་པ་ཡང་དེ་ཉིད་དུ་སྣང་ནས་དོན་མཛད་པ་ནི། ༈ །རང་གི་སེམས་ཉིད་སྐྱོན་གྱིས་མ་གོས་པར་པདྨ་བཞིན་དུ་རྟོགས་གོམས་ཀྱི་གདེང་གིས་དག་ནས། །གདུལ་བྱ་ཕ་རོལ་ཇི་ལྟར་མོས་པ་བཞིན་དོན་མཛད་པ་ནི། །འགྲོ་བ་ཆགས་ཅན་གཡེམ་པར་འདོད་པ་ལ་གཡེམ་པ་ཉིད་སྤྱད་པས་འདུལ་ཏེ། །གདུལ་བྱ་རང་གི་སེམས་དུག་ལྔ་ལ་སོགས་པ་གང་ལ་འཐད་པའི་སྒོ་དང་བསྟུན་ནས་དོན་མཛད་ཀྱང་ལོག་པའི་ལམ་དུ་འགྱུར་བ་ནི་ཞེ་སྡང་མནར་སེམས་ང་རྒྱལ་ཉིད་དུག་གིས་དུག་ནད་གསོ་བ་ལྟར་སྤྱད་ཀྱང་མི་འཆིང་བར་གྲོལ་བའི་ཐབས་ཉིད་ཀྱི་གསང་བ་ཆེན་པོའི་ཕྱིན་ཅི་ལོག་ཉིད་བྱང་ཆུབ་ཀྱི་ལམ་དུ་བསྟན་པའོ། །མུ་སྟེགས་དང་ཉན་ཐོས་ལ་སོགས་པ་འཇུག་པའི་སྒོ་ཐེག་པ་བརྒྱད། །གང་ལ་མོས་པ་དང་མཐུན་པའི་ཐབས་ཀྱིས་བསྟན། །གསང་བ་ཨ་ཏིའི་དོན་རྟོགས་ན་སྒོ་གསུམ་གྱི་སྤྱོད་པ་གང་ཡང་མ་བཀག་པར་སྤྱད་ཀྱང་རུང་། །རང་བྱུང་ཡེ་ཤེས་ཉག་གཅིག་ལ། །སྐལ་མེད་ལ་གསང་བའི་སྤྱོད་པ་དཀྱིལ་འཁོར་ཀྱི་རོལ་པ་གྲངས་མེད་པར་སྣང་བ་ནི། གདུལ་བྱ་དང་མཐུན་འཇུག་གིས་འགྲོ་བ་བཀྲི་བའི་ཐབས་སུ་བསྟན་པ་ཡིན། ༈ །གཞན་གྱི་མོས་པ་སྣ་ཚོགས་དང་སྦྱར་བའི་འདུལ་ཐབས་ཅི་ཡང་ཡིན་ནོ་གདེངས་དང་ལྡན་ན་སྤྱོད་པ་གང་ཡང་རུང་། །རྣལ་འབྱོར་པ་སུ་ཞིག་གིས་ཐུགས་ཀྱི་དཀྱིལ་འཁོར་དུ་རྟོགས་ཤིང་གོམས་པའི། གདེང་དང་ལྡན་ནོ་ཐེག་པ་གཞན་ལས་ཁྱད་པར་ཆེ། །འདོད་ཡོན་ལྔ་དང་དུག་ལྔ་ལ་སོགས་པ་མ་བཀག་པར་སེམས་ཉིད་དུ་རྟོགས་པའི་ཁྱད་པར་ལས། །མ་རྟོགས་པའི་སྒྲིབ་པར་གྱུར་པའི་མི་མཐུན་པའི་ཆོས་གང་ཞིག་ཡོད་དེ་མེད་པས་ན་གང་ཡང་། །མ་བཀག་པར་ཅི་བདེར་ལྟ་བ་རྟོགས་པས་སྤྱོད་ཅིག་པའོ། །སྣང་གསལ་གནས་ལུགས་རིག་ཅིང་རྟོགས་པའི་གདེངས་ཁྱད་པར་ཅན་དང་ལྡན་ན། །མཐའ་ཡས་པའི་གདུལ་བྱ་མོས་པའི་སྣ་ཚོགས་པར་གསལ་བ་ངོ་དག་ཏུ། །སྣ་མི་འདྲ་བ་ཚོགས་མང་བའི་སྤྱོད་པ་ཆེ་ལ་གཏིང་ཟབ་པས་རྒྱ་མཚོ་ཡིན། །འཁོར་བའི་དངོས་པོ་གང་ཡང་མ་བཀག་ཀྱང་སྤྱོད་ཡུལ་ཡོངས་སུ་དག་པས་ཀུན་ཏུ་བཟང་པོའི་སྤྱོད་པ་ནི་འབྲས་བུ་མཐར་ཕྱིན་པའི་དུས་གསུམ་གྱི་སངས་རྒྱས་ཀྱིས། །དུག་ལྔ་སྤང་དུ་མེད་པར་བདུད་རྩིར་རྟོགས་པའི་ཐབས་ཀྱི་རྒྱལ་པོ་སྤྱོད་པ་ཡིན་ནོ། །མཐར་ཕྱིན་པའི་ཡོན་ཏན་ནི་བྱ་བཙལ་ཀུན་བྲལ་བ་ལ་ལྷུན་གྱིས་གྲུབ་པའོ། །དུས་གསུམ་སངས་རྒྱས་གང་ལ་ཡང་། །སྤྱོད་པ་ཁྱད་པར་ཅན་འདི་ལས་ཡོང་མི་མངའ། །གདོད་ནས་རྣམ་པར་དག་པའི་སེམས་ཉིད་ཀྱི་སྤྱོད་པ་རྟོགས་ན། །ལུས་ངག་གི་རྩོལ་བའི་སྤྱོད་པ་ནི་དངོས་པོ་མི་མཐུན་པར་ལོག་པའི་ཆོས། ༈ །རྟོགས་པ་མཐར་ཕྱིན་པས་ལྷག་པའི་སྤྱོད་པ་འོད་གསལ་ཐུགས་ནི། །བསམ་གྱིས་མི་ཁྱབ་པས་ཡེ་ཤེས་ཐུགས། །དགེ་སྡིག་གི་དངོས་པོ་གང་ལ་ཡང་སེམས་ཉིད་རྟོགས་པས་ལྷག་སྤྱོད་ཀྱང་། །ལྷག་པའི་སྤྱོད་པ་དེ་ལ་གདུལ་བྱ་མོས་པས་དོན་ལ་དྲངས་ནས་འཇུག་པའོ། །རྫོགས་ཆེན་གྱི་སྐལ་ལྡན་ལྷག་པའི་སྤྱོད་པ་འགྲོ་བའི་དོན་དུ་འཛིན་ཀྱང་། །ཆེ་བ་གནས་ལུགས་ལ་དམིགས་པའི་སྤྱོད་པ་མ་ལུས་པ་ཀུན་ཆ་མཉམ་པས། །ཐེག་པ་གོང་འོག་ཏུ་དམིགས་པའི་སེམས་དང་བྲལ་བའོ། ༈ །རང་བཞིན་ལས་མི་འགྱུར་བ་ནམ་མཁའ་རྡོ་རྗེའི་སྤྱོད་པ་དང་། །མཐུན་འཇུག་འགྲོ་འདུལ་སྐབས་ཀྱིས་སྤྱོད། །ཅེས་གསུངས་སོ། །ཡེ་ཤེས་གསང་བའི་རྒྱུད་ལས་བྱ་བ་དང་བྲལ་བའི་སྤྱོད་པ་བསྟན་པའི་ལེའུ་སྟེ་བདུན་པའོ།། ༈ །།དེ་མ་ཐག་པ་དེ་ནས་སེམས་དཔའ་རྡོ་རྗེས། དེ་བཞིན་གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། ༈ །གསང་བའི་དོན་འཛིན་ཅིང་གདུལ་བྱ་ཀུན་སྐྱོབ་པས་ཐུགས་རྗེའི་རྒྱལ་པོ་རྣམ་སྣང་ཁྱོད་ཅིར་ཡང་མི་འགག་པའི། །རོལ་པའི་ཆོས་ཀྱི་ཕུང་པོ་དཔག་ཏུ་མེད་པ་འཁོར་ལོ་བསྐོར་བས་གསུང་གི་མངའ་བདག་ཡིན། །ཆོས་ཀྱི་སྐུ་ཡི་འཁོར་ལོ་ཕྱོགས་མེད་དུ་བདལ་བས་ནམ་མཁའ་ལྟར་དུ་ཁྱབ། །ཐམས་ཅད་ཀྱི་སྙིང་པོ་དོན་གྱི་ངོ་བོ་རྟོགས་པར་ལྡན་པས་ཤེས་བྱ་ཀུན་མཁྱེན་པའི་ཐུགས་དང་གསུམ་ལྡན་པས། །སྔགས་ཀྱི་བདག་ཉིད་གདུལ་བྱ་སྐྱོབ་པ་ལ་ཞུས། །གང་གིས་ཞུས་ན་འདུས་པའི་འཁོར་ཚོགས་ཀྱི་ཞུས། ཇི་ལྟར་ཞུས་ན་མོས་པ་ཡིས། །ཞུས། གང་ཞུས་ན། དམ་ཚིག་གསང་བའི་དོན་ཞུས་པ་ཡིན་པས། །ཇི་སྐད་ཞུས་ན། གསང་བའི་དམ་ཚིག་གི་དོན་དེ་ཁྱོད་ཀྱིས་བཤད་དུ་གསོལ། །ཞེས་ཞུ་བའི་ཚིག་གསོལ་བ་དང་། མཁྱེན་པའི་ཡེ་ཤེས་དང་བརྩེ་བའི་ཐུགས་རྗེས་འདུས་པའི་འཁོར་ལ་བཀའ་སྩལ་པ། ༈ །ལྷུན་གྲུབ་གསུམ་གྱི་ངོ་བོ་ཡེ་ཤེས་གསང་བ་འདི་ལ། །ལྷ་བསྒྲུབ་ཅིང་བསྲུང་མཚམས་སུ་བཅོས་པའི་དམ་ཚིག་མེད། །རྟོགས་པའི་རིག་པ་གསལ་བ་ལ་མི་འདའ་བའི་དམ་ཚིག་ནི། །ཡིད་བཞིན་རིན་ཆེན་འོད་འབར་བ་དང་རྒྱ་མཚོ་ལས་སྒྲོལ་བའི་གྲུ་དང་། །འཇོམས་པས་རྡོ་རྗེ་དང་འོད་གསལ་བས་ཉི་མ་ལྟ་བུར་དོན་གསལ། །རྩོལ་མེད་ལྷུན་གྲུབ་ཀྱི་དམ་ཚིག་ལ་ཕྱོགས་རིས་ཡོད་པ་མ་ཡིན་པས། །ནར་སོན་པའི་སྡོམ་པ་དང་བུས་པའི་ཚུལ་ཁྲིམས་ཀྱི་ཕྱོགས་རིས་དང་བསྲུང་མཚམས་དང་། །སྔགས་ཕྱི་པ་གསུམ་དང་ནང་པ་གཉིས་དང་གསང་བ་ཨ་ཏིའི་ལྷག་སྤྱོད་གྲངས་བཏབ་ཀྱི་དམ་ཚིག་མིན་ནོ། ༈ །ཆེད་དུ་རྩོལ་བས་མ་བཅོས་པ་གསང་བ་ཨ་ཏིའི་རྩོལ་བྲལ་རིག་པའི་དམ་ཚིག་ནི། །ཕྱོགས་དང་གྲངས་ཀྱི་བསྲུང་བྱ་མེད་པ་༼༡༽དང་ཡིན་མིན་བདེན་བརྫུན་གྱི་འཛིན་པ་བྲལ་བས་ཕྱལ་བ་༼༡༽དང་འཁོར་འདས་དབྱེར་མེད་གཅིག་པུ་༼༡༽དང་། །བྱ་བརྩལ་མེད་པས་ལྷུན་གྱིས་གྲུབ་པའི་༼༡༡༡༽པའི་དམ་ཚིག་གོ། ༈ །ཆོས་ཐམས་ཅད་རང་རིག་པར་གདོད་ནས་ལྷུན་གྱིས་གྲུབ་པ་ཉིད་ཀུན་དུ་རང་སྣང་བས་དེ་ཉིད་ལ། །གཉིས་པ་མ་གྲུབ་པས་གཟུང་འཛིན་མཚན་མའི་ཆོས་མེད་པས་ན། །ངག་གིས་བརྗོད་དུ་མེད་པའི་སེམས་ཉིད་ཀྱིས་བསྲུང་ཇི་ལྟར་བསྲུང་ན། །ཆེད་དུ་བསྲུང་དུ་མེད་པའི་ངང་དུ་བསྡམ། །དེ་ཙམ་དུ་ཡང་བསྲུང་དུ་མེད་ན་རྩོལ་བ་མེད་པས་བདེའོ། །བསྲུང་བྱ་སྲུང་བྱེད་གཉིས་སུ་མེད་པའི་སེམས་ཉིད་ཀྱི་རྟོགས་པའི་དམ་ཚིག་ལ། །དུས་གསུམ་དུ་འདའ་བ་མེད་པར་ཏིང་ངེ་འཛིན་གྱི་སྲོག་གིས་གནས་གྱུར་ན། །དེ་ཉིད་ཡིན་ལུགས་ལས་མ་བཅོས་པས་རྒྱུད་དག་རྒྱལ་བའི་དམ་ཚིག་ཡིན་ནོ། ༈ །ཕྱོགས་འཛིན་གྱི་ཞེན་པ་མེད་པ་ནམ་མཁའ་ལྟ་བུར་གསལ་ཞིང་ཐམས་ཅད་ལ་ཁྱབ་པ་ལ། །རིག་པ་མཐའ་དང་དབུས་མེད་པ་དོན་རྟོགས་པ་ལ་མ་བཅོས་པར་གནས་པས། །ཉམས་ལ་འདི་ཡིན་འདི་མིན་གྱི་མུ་མཐའི་ཕྱོགས་དང་བྲལ། །མཉམ་པ་ཆེན་པོའི་ངོ་བོ་ཕྱོགས་ཐམས་ཅད་དང་བྲལ་བའི་སྐྱེས་བུ་རྒྱལ་བ་དང་དབྱེར་མེད་པའི་ཕྱོགས་གཅིག་སྤང་ཞིང་མཐུན་ཕྱོགས་གཅིག་བསྒྲུབ་ཏུ་མེད། །ཕྱོགས་སུ་གཏད་པ་མེད་ལ་ཞེན་འཛིན་དང་བྲལ་བས་ཁྱལ་བརྡལ་ཆེན་པོ་དེ་ལ། །ཕྱོགས་རིས་དང་བསྲུང་མཚམས་སུ་ངེས་པའི་ཆོས་མ་ཡིན་པས་ཕྱལ་པའོ། ༈ །བདེ་གཤེགས་ཏེ་འདས་པ་དང་སེམས་ཅན་འཁོར་བ་དང་གཉིས་སུ་བསྡུས་པ་ཐམས་ཅད་ལ། །རྒྱུ་རྐྱེན་དང་བྱེད་པ་པོ་གཞན་གྱིས་མ་བཅོས་པ་སེམས་ཀྱི་རིག་པར་འཁོར་འདས་ཐམས་ཅད་གཅིག་པའི་སེམས་ཉིད་དེ། རྒྱུ་ཡིས་མ་བསྐྱེད་དེ་སྐད་ཅིག་མ་དང་བྲལ་བས་ཡེ་ནས་བྱུང་བ་དེ་ལ། །འཇིག་པའི་རྐྱེན་གྱིས་མ་སྦྱངས་པར་ཆུ་ཡི་ཆུ་བུར་ལྟར་གདོད་ནས་དག །མ་ནོར་བར་རྟོགས་པའི་ངང་ལ་རང་སོར་བཞག་པའི་འོད་གསལ་བ་རྣལ་འབྱོར་པའི་རིག་པ་དེ་ལ། །སངས་རྒྱས་མ་ལུས་པའི་དགོངས་པ་ཐམས་ཅད་ཐ་མི་དད་པས་འདུས་ཏེ། །དེ་ཅིས་ན་དུས་གསུམ་གྱི་སངས་རྒྱས་ཐམས་ཅད་ཀྱི་དགོངས་པ་ལ། །རང་བཞག་མ་བཅོས་པའི་དགོངས་པ་གཅིག་ལས་མེད་པས་སོ། །སེམས་ཉིད་ཐམས་ཅད་དུ་རང་སྣང་ཡང་དེ་ཉིད་ལས་གཞན་དུ་མི་མི་འགྱུར་བའི་ཆོས་ཉིད་གནས་ལུགས་དེ་རྟོགས་པའི་ངང་ལ། །བཞག་ཐབས་གསུམ་གྱིས་རང་སོར་བཞག་པའི་རིག་པ་མ་བཅོས་པ་དེ་ལས་མི་འདའ་ན། །ཆོས་ཐམས་ཅད་སེམས་ཉིད་ལས་གཞན་པ་མ་མཐོང་ནས་གཅིག་པུའི་དམ་ཚིག་ཡིན་སྟེ། །དུས་གསུམ་གྱི་སངས་རྒྱས་ཐམས་ཅད་ལ་ཡང་། །དམ་དམ་ཚིག་འདི་ལས་གཞན་ཡོང་མི་མངའ་བས་འདི་ལ་གནས་པར་གྱིས་ཤིག་པའོ། ༈ །ཕྱོགས་རིས་ཐམས་ཅད་རྣམ་པར་དག་པའི་རང་བྱུང་གི་ཡེ་ཤེས་མཐས་མ་བསྒྲིབས་བས་འོད་གསལ་བ་ལ། །ལུས་དང་ངག་གི་རང་བཞིན་དང་ཆེད་དུ་བྱས་པའི་བྱ་བརྩལ་སྣ་ཚོགས་མེད་དེ་དགོས་པ་མེད་པའོ། །ཏིང་ངེ་འཛིན་སེམས་ཀྱིས་ས་ལམ་ཀྱི་རིམ་པར་རྩོལ་བ་དང་བྲལ་བའི་ཚུལ་དེས་ནི། །འདི་ནི་འབད་རྩོལ་གྱི་ཚོགས་ཐམས་ཅད་དང་བྲལ་བ་སྟེ། །གྱི་ན་ཇི་ལྟར་བཞག་ཀྱང་དགོངས་པ་ལྷུན་གྱིས་གྲུབ་པ་ལས་མི་འདའ་བའི་དམ་ཚིག་ཡིན་ནོ། །ཆོས་ཐམས་ཅད་ཀྱི་རང་བཞིན་ལྷུན་གྲུབ་གསུམ་ལས་མི་འདའ་བས་དམ་ཚིག་སྟེ་གང་གི་རྩོལ་བ་ཐམས་ཅད་དང་བྲལ་བ་ལ། །མ་རྟོགས་པར་ཆེད་དུ་བརྩལ་བའི་འདུལ་སྡོམ་དམ་ཚིག་གསུམ་གྱི་བསྲུང་བྱའི་རྩོལ་བ་ཡེ་ནས་དངོས་པོ་ལ་མ་གྲུབ་ཅིང་རྟོགས་པ་ལའང་བྲལ་ཏེ། །དེ་ལས་གཞན་པའི་སེལ་མེད་པ་རིན་ཆེན་གླིང་བཞིན་དུ། །ཞེན་འཛིན་རྣམ་པར་དག་པའི་ཡེ་ཤེས་རང་བྱུང་བ་དེ་ལ། །སྤང་བྱ་མི་མཐུན་པའི་སྐྱོན་གྱི་རང་བཞིན་ནི་ངང་གིས་དག །གཞི་ཕྱི་མོ་ནས་རྩ་བ་རང་གི་ངོ་བོར་དམིགས་པ་མེད་པའི་སེམས་ཉིད་ལ། །འཁྲུལ་པས་བརྟགས་པའི་འཛིན་པ་རྣམ་པར་དག་པས་གང་གི་ཡང་སེལ་མེད་དོ། ༈ །གལ་ཏེ་ལྷུན་གྲུབ་འོད་གསལ་དག་པའི་ཆོས་ཉིད་ལ། །རྣམ་རྟོག་གིས་བརྟགས་པ་འཁྲུལ་པའི་སེམས་བདེན་པར་གྲུབ་ན། །ཕྱིན་ཅི་ལོག་བདེན་པས་མུ་སྟེགས་པ་ལ་སངས་རྒྱས་པས་ཅིའི་ཕྱིར་ལ་རྩོད། །སངས་རྒྱས་དང་སེམས་ཅན་དུ་རྒྱུ་མཚན་ཅིའི་ཕྱིར་ལ་གདགས། །འཁྲུལ་པའི་རྟོག་པ་དངོས་པོའི་གནས་ལུགས་ལ་ངེས་པར་གྲུབ་པ་གཅིག་ཡིན། །མན་ངག་རིན་ཆེན་རྟོགས་པའི་ཐ་རམ་འགྲོལ་བའི་འཕྲུལ་གྱི་ལྡེ་མིག་གིས། །ཐ་མལ་པའི་འཁྲུལ་པའི་ཞེན་པ་བདེན་པ་དེ་ཇི་ལྟར་ཟློག་ཏུ་བཏུབ་དེས་ན་དངོས་པོ་ལ་མ་གྲུབ་བོ། ༈ །ལྷུན་གྲུབ་མཉམ་པའི་དམ་ཚིག་ལ་བྱ་བརྩལ་ཐམས་ཅད་བྲལ། །མ་བརྩལ་བར་ལྷུན་གྱིས་གྲུབ་པར་ཆེ་བའི་ཡོན་ཏན་ཐམས་ཅད་མཐུན་པར་འབྱུང་བ་ནི་རིན་ཆེན་གྱི་སྙིང་པོ་ལྟར་རོ། །གང་རྫོགས་ན་གཅིག་རྫོགས་ཏེ་གང་དུ་རྫོགས་ན་རང་གསལ་དག་པར་རྫོགས་སོ། །གང་རྫོགས་ན་ཆོས་མ་ལུས་པ་ཀུན་རྫོགས་གང་དུ་རྫོགས་ན་རང་བྱུང་སེམས་ལ་རྫོགས། །དེས་ན་གཅིག་དང་ཀུན་ཐམས་ཅད་ལྷུན་གྲུབ་གསུམ་ལས་ཤར་བས་དེ་ཉིད་ཀྱི་རྣམ་པར་རྫོགས་པ། །དེས་ན་རང་བྱུང་གི་ཡེ་ཤེས་ལྷུན་གྱིས་གྲུབ་པའི་རྫོགས་པ་ཆེའོ། །ཞེས་སྟོན་པས་གསུངས་སོ། །ཡེ་ཤེས་གསང་བའི་རྒྱུད་ལས་རྫོགས་པ་ཆེན་པོའི་དམ་ཚིག་བསྟན་པའི་ལེའུ་སྟེ་བརྒྱད་པའོ།། ༈ །།དེ་ནས་སེམས་དཔའ་རྡོ་རྗེས་སྟོན་པ་ལ་འོག་གི་འདི་སྐད་ཅེས་ཚིག་ཏུ་གསོལ་ཏོ། །བདག་ཅག་འདུས་པའི་འཁོར་ཚོགས་ལམ་པ་དང་འཁོར་བ་རྣམས། །ཐོག་མ་མེད་པས་དུས་ནས་སེམས་ཉིད་རིན་ཆེན་རྟོགས་པའི་དོན་དང་བྲལ། །སྐུ་གསུམ་ལྷུན་གྲུབ་ཏུ་གནས་ཀྱང་ངེས་པའི་གསལ་བ་མེད་པས་ཁམས་གསུམ་འཁོར་བར་འཁྱམས། །སྟོན་འཁོར་འཛོམ་པའི་དུས་འདིར་རྒྱལ་བ་ཐམས་ཅད་ཀྱི་རང་བཞིན་རྣམ་སྣང་གི་ཐུགས་རྗེའི་བྱིན་རླབས་ཀྱིས། །བདག་ཅག་རྣམས་ཀུན་མཁྱེན་སྟོན་པ་ཁྱོད་ཀྱིས་འཁོར་དུ་འདུས། །རྟོག་པ་ཐམས་ཅད་སེམས་སུ་རང་སྣང་བར་ཤེས་པའི་སའི་ཁྱད་པར། ཇི་ལྟ་བ་དང་ཇི་སྙེད་པ་ཀུན་མཁྱེན་པའི་སྟོན་པ་ཁྱོད་ཀྱིས་གསུང་དུ་གསོལ་ཞེས་གསོལ་པ་དང་། ༈ །དེ་ནས་དེ་བཞིན་གཤེགས་པ་རྣམ་པར་སྣང་མཛད་ཀྱིས་བཀའ་བརྩལ་པ། ༈ །ཡེ་ཤེས་ཀྱི་རང་འོད་རོལ་པའི་སྒྲ་ལ་སེམས་མ་ཡེངས་པར་རྩེ་གཅིག་ཏུ་གཏོད་ཅིག་པའོ། །རྒྱུ་རྐྱེན་ལས་མ་སྐྱེས་པར་རང་བྱུང་གི་ཡེ་ཤེས་རྟོགས་པའི་སེམས་ཀྱི་ས། །ནི་ངོ་བོ་དམིགས་སུ་མེད་པས་འདིའོ་ཞེས་བརྗོད་པའི་ཐ་སྙད་མིང་ཚིག་ལ་སོགས་པ་ཀུན་བྲལ་ཡང་། །དམན་པའི་བློ་ཡིས་བརྗོད་པས་རྟོགས་པར་བྱ་བའི་ཕྱིར། །ཇི་ལྟར་རིག་པའི་དོན་དེ་གསུང་གི་སྒོ་ནས་བསྟན་པར་བྱ་སྟེ། ༈ །གང་གིས་ཀྱང་མ་བཅོས་པར་རིག་པ་རང་སྣང་ཆེ་བའི་ཡོན་ཏན་གོང་ན་མེད་པས་བླ་མའི་ས་ནི་རིམ་པར། །སྦྱངས་པས་གྲུབ་པ་མ་ཡིན་པར་ཡེ་ནས་རྒྱུ་རྐྱེན་གྱིས་མ་བསྐྱེད་པར་གྲུབ། །ཆོས་ཐམས་ཅད་རིག་པ་རང་བྱུང་ཕྱོགས་འཛིན་རྣམ་པར་དག་པས་གང་ཡང་སྤོང་ལེན་མེད་པས་ཀུན་ཏུ་བཟང་པོ་རྟེན་བྱེད་པས་ས། །མཉམ་པ་ཉིད་དུ་དབྱེར་མེད་པ་ཆེ་བ་ལྔས་མཆོག་ཏུ་གྱུར་པའི་ཆོས་ཀྱིས་སྐུའོ། ༈ །སྔགས་ཕྱི་ནང་གི་རྒྱུད་སྡེ་དྲུག་དང་ཐེག་ཆེན་གྱི་མདོ་སྡེ་བླ་ན་མེད་པ་འབྲས་བུའི་ས། །ཀུན་ཏུ་འོད་དང་རྡོ་རྗེ་འཛིན། །མ་ཆགས་པདྨ་སྟུག་པོ་བཀོད། །ཚོགས་ཆེན་ཡི་གེ་འཁོར་ལོ་དང་། །ཀུན་ཏུ་དབྱེ་བ་མེད་པའི་ས། །དེ་ལྟར་ས་དྲུག་ཏུ་སེམས་ཉིད་ལ་བགྲངས་པ་ཡང་། །མ་བཅོས་རྫོགས་པ་ཆེན་པོའི་ས་ཉིད། །རྟོགས་པའི་ཡོན་ཏན་གྱི་ལྡོག་ཆ་ནས་དྲུག་ཏུ་བསྟན་པ་ལས། ༈ །མ་བཅོས་པའི་ས་ལ་རིམ་པར་བློ་སྦྱངས་པ་མེད། །སེམས་ཉིད་འོད་གསལ་གྱི་འབྲས་བུ་ལ་ལྷུན་གྱིས་རྫོགས་པའི་ཕྱོགས་མེད་ཆེན་པོ་ལ། །ས་ཡི་རིམ་པའི་གོང་འོག་གང་ཡང་མེད། ༈ །རང་བྱུང་གི་རིག་པ་རྟོགས་པར་གྱུར་ན། །དཔེར་ན་ཡིད་བཞིན་གྱི་ནོར་བུ་རིན་ཆེན་ལ་འདོད་པ་ཐམས་ཅད་ལྷུན་གྱིས་གྲུབ་པ་ལྟར་དུ། །སངས་རྒྱས་ཀྱི་ཡོན་ཏན་ཐམས་ཅད་སེམས་ལས་ཡོངས་སུ་རྫོགས་པར་བྱུང་བའི་ཕྱིར། །ཐམས་ཅད་དུ་རང་སྣང་བ་ནི་རང་བྱུང་བྱང་ཆུབ་སེམས་ཀྱི་སའོ། །དུས་གསུམ་འགྱུར་བ་མེད་པའི་སེམས་ཀྱི་ངོ་བོ་ཉིད་ནི། །ཕྱོགས་འཛིན་ལས་གྲོལ་བས་རྟོག་པ་མ་ཡིན་རོལ་པ་ཅིར་ཡང་མི་འགག་པས་མི་རྟོག་པ་ཡང་མིན། །ཕྱོགས་ཞེན་གང་ལའང་གནས་པ་མ་ཡིན་ནོ། །གང་ལའང་གནས་པ་མེད་ཇི་ལྟར་སྣང་ཡང་འཛིན་པ་དང་བྲལ་བ་དང་རིག་པའི་གནས། །སྐྱོན་གང་ཡང་མ་སྤངས་པར་ཀུན་བྲལ་བ་རིག་པའི་རང་འོད་མ་སྒྲིབས་གསལ་བར་ཡེ་ནས་གནས། །ཕྱོགས་གཅིག་པར་མི་གནས་ལ་ཕྱོགས་ཀུན་གྱི་དངོས་གཞིར་གནས་པའི་ཆོས་ཉིད་མཉམ་པ་ཉིད་ཀྱི་ས་ལ་ཐ་དད་མ་གྲུབ་པས། །སྐལ་ལྡན་དང་པོ་ལམ་ལ་འཇུག་པ་ནས། །འབྲས་བུ་མཐར་ཕྱིན་པའི་ས་ལ་མཐོ་དམན་གྱི་ཁྱད་པར་མི་འདྲ་བ་མེད་དོ། །བདག་དང་གཞན་དུ་འཛིན་པ་དག་པས་ཀུན་ལ་ཁྱབ་པའི་ཐུགས་རྗེའི་རང་བཞིན་མཉམ་པ་ཡིན་ཏེ། །ཇི་ལྟར་བརྟགས་པའི་རྟོག་པ་དེའི་རང་བཞིན་སེམས་སུ་དབྱེར་མེད་པར་གཅིག །མིང་དང་མཚན་མར་འཛིན་པའི་བློ་ཡིས་སྣ་ཚོགས་སུ་གཡོས་པར་གྱུར་ཀྱང་། །རང་བྱུང་གི་འོད་ཀྱིས་ཀུན་གསལ་བའི་ཆོས་ཉིད་ལ་དུས་དང་རྣམ་པ་ཐམས་ཅད་དུ་འགྱུར་བ་མེད། ༈ །དེ་ལྟར་འགྱུར་མེད་དུ་རྟོགས་པའི་ངང་ལ་མ་བཅོས་པར་རང་ལུགས་སུ་བཞག་སྟེ། །དེའང་རྟོགས་དཔྱོད་ཀྱིས་མ་དཔྱད་པའི་སེམས་ཀྱིས་བཏང་སྙོམས་གྱིས་ནར་གནས། ༈ །དབང་པོ་དྲུག་གི་སྣང་ཡུལ་ལ་གང་སྣང་བ་རྣམས། །རང་བྱུང་གི་ཡེ་ཤེས་ཀྱིས་རང་འོད་དུ་ཚོགས་དྲུག་ཀུན་ལ་གསལ་བས་ཀུན་ཏུ་འོད། །དབྱིབས་དང་ཁ་དོག་སྣ་ཚོགས་བཀྲ་བར་གསལ་བ་ནི་གཟུགས་ཀྱི་དཀྱིལ་འཁོར་ཏེ་དེ་ལ་བརྟེན་ནས། །འོད་གསལ་རང་བྱུང་གི་དོན་མཚོན་པས་ངོ་མཚར་ཆེའོ། །བརྗོད་པ་ཀུན་དང་བྲལ་བ་ཉིད་བརྗོད་པ་སྒྲ་ཡི་དཀྱིལ་འཁོར་ཟིན་པ་དང་མ་ཟིན་པར་གཉིས་ཀར་སྣང་བ་ཀུན་ལ། །རྣ་བའི་ཡེ་ཤེས་ཀྱི་རང་བཞིན་བདེ་བ་ཆེན་པོའི་ངོ་བོར་གསལ་བའོ། །རང་བཞིན་མེད་པ་ཉིད་དྲི་ཞིམ་པ་དང་ང་བ་དེ་ལས་གཞན་པ་སྣ་ཚོགས་པའི་དྲི་དག་ཏུ་ཤར་བ་ལས། །དེ་ཉིད་ཡེ་ཤེས་སུ་གསལ་བའི་རང་བྱུང་གི་སེམས་སོ། །མ་བཅོས་པ་ཉིད་མུ་ཁ་ནི་ལྕེ་སྟེ་རོ་དྲུག་ཏུ་ཤར་བ་ཡི་དཀྱིལ་འཁོར་ལ་མྱངས་པ་ལས། །ལྕེ་མ་བཅོས་པ་ཡི་ཡེ་ཤེས་འབྱུང་བ་ནི་ངོ་མཚར་ཆེའོ། །ལུས་ཤེས་ལ་གསལ་བའི་རེག་བྱ་འཇམ་རྩུབ་ལྕི་ཡང་གྲང་བཀྲེས་སྐོམ་ལ་སོགས་པའི་རང་བཞིན་དུ་ཤར་བ་ལས། །རྟོགས་པའི་ཤེས་རབ་ཆེན་པོས་ལུས་ཀྱི་རང་བྱུང་གི་ཡེ་ཤེས་གནས་པའོ། །རིག་མ་རིག་རྟོག་མི་རྟོག་ཞེན་མ་ཞེན་ཉམས་སུ་ཡེ་ཤེས་སུ་འཛིན་པའི་དྲན་རིག་སྣ་ཚོགས་པ་ཀུན་དེ་ལས་བྱུང་ཞིང་དེ་ཉིད་དུ་འདུས་ཆོས་ཀྱི་དཀྱིལ་འཁོར་ལོ་ལ། །ཡེ་ཤེས་ཐུགས་ཀྱི་རིག་པ་གསལ་བར་འགྱུར་རོ། །དེ་དག་ནི་རང་བཞིན་གྱིས་བདེ་བ་ཆེན་པོ་ཡང་ཡིན་ལ་དཀྱིལ་འཁོར་ཡིན་ཏེ་གྲངས་དྲུག་གོ། །ཐམས་ཅད་ཀྱི་རང་བཞིན་གཉིས་སུ་མེད་པའི་རྡོ་རྗེ་དུས་གསུམ་དུ་འགྱུར་བ་མེད་པའི་དོན་ལ། །རྟོགས་པའི་ཡེ་ཤེས་ཀྱི་དུས་གསུམ་དུ་མི་འབྲལ་བར་འཛིན་པས་རྡོ་རྗེ་འཛིན་པའི་སའོ། །ཐམས་ཅད་བདག་ཉིད་ཆེན་པོ་ལ་འཛིན་པའི་ཤེས་པ་གཟུང་བའི་ཡུལ་ལ་དམིགས་འཛིན་གྱིས་མ་ཆགས་ཤིང་། །ཀུན་མཁྱེན་ཀྱང་ཞེན་འཛིན་གྱི་དྲི་མ་དང་བྲལ་བས་ན་མ་བཅོས་པ་ལ། །མ་ཆགས་པདྨ་སྤྱན་གྱི་ས། །ཞེས་ཀྱང་བྱའོ། །རང་ཉིད་ཆེན་པོར་གསལ་ལ་མ་བསྡུས་པར་ཀུན་འདུས་པས། །ཚོགས་ཆེན་དཀྱིལ་འཁོར་ཡི་གེའི་སའོ། །སངས་རྒྱས་ཐམས་ཅད་དང་དབྱེར་མི་ཕྱེད་པའི་སེམས་ཉིད་ཀྱི་ཆ་ལ་སྟུག་པོ་བཀོད་པའོ། །བྱང་ཆུབ་སེམས་ཀྱི་རང་བཞིན་གྱི་ས་དེ་ལ། །རྒྱུ་སྣང་བ་དབྱིངས་དང་འབྲས་བུ་དྲན་རྟོག་གི་ཡེ་ཤེས་དུ་དབྱེར་མེད་པ་ལ་བླང་དོར་མེད་པས། །ཀུན་ཏུ་བཟང་པོ་དབྱེ་བ་མེད་པའི་ས་ཞེས་ཀྱང་བྱའོ། ༈ །གང་ལ་ཡང་མ་སྦྱངས་པའི་སེམས་ཉིད་ཀྱི་ས་དག་ལ། །ཐེག་བརྒྱད་རྩོལ་བའི་ས་རྣམས་མ་ལུས་པ་ཐམས་ཅད་འདི་ལས་བྱུང་ཞིང་འདུས་པའོ། །རྩོལ་བས་ཆེད་དུ་སྦྱངས་པའི་ཐེག་བརྒྱད་ཀྱི་ས་རྣམས་ཐམས་ཅད་ནི་ངོ་བོ་དང་རྟོགས་པ་ལ། སྦྱངས་པ་གྲུབ་པ་མེད་པའི་ས་ཡིན་པ་ལ་བརྩོལ་བས་སྦྱངས་པས་ན་རང་གི་འདོད་པའི། །བསམ་པས་བཞག་པ་ཡིན་སྟེ་རང་བཞིན་གྱིས་དེ་ལས་ལོག་པ་ལ། །མཐར་ཐུག་གི་ས་མ་ཡིན་ཏེ་རང་གི་ཞེ་འདོད་ཀྱི་ས་འོ། ༈ །དེས་ན་མ་བཅོས་རྫོགས་པའི་ས། །རང་བྱུང་ལྷུན་རྫོགས་ཁྱད་པར་སྣང་། །ས་ཡི་ཁྱད་པར་ཅི་བསྟན་ཀྱང་། །མ་བཅོས་རྫོགས་པའི་ས་ལ་འདུས། །ཚིག་བཞི་པོ་འདི་འགྲེལ་པ་ན་གསལ་ལོ། །རྩ་བར་ཆད་ཤས། ཞེས་གསུངས་སོ། །ཡེ་ཤེས་གསང་བའི་རྒྱུད་ལས་ས་བསྟན་པའི་ལེའུ་སྟེ་དགུ་པའོ།། ༈ །།དེ་ནས་སེམས་དཔའ་རྡོ་རྗེས་བདེ་བར་གཤེགས་པ་ལ་འདི་སྐད་ཅེས་གསོལ་ཏོ། །ཕྱོགས་རིས་མེད་པས་ཐུགས་རྗེའི་མ་ལུས་པ་ཐམས་ཅད་མངའ་བའི་བདག་པོ་འགྲོ་བ་མ་ལུས་པ་སྐྱོབ་པ་ཡིས། །གཞི་ལམ་འབྲས་བུའི་དོན་བློས་བསམ་གྱིས་མི་ཁྱབ་ཆེན་པོའི་ས། །ཀུན་གྱི་ཐུན་མོང་མིན་པས་གསང་བ་རྨད་དུ་བྱུང་བའི་ཐེག་པ་ཁྱོད་ཀྱིས་གསུངས་པ་འདི། །མ་འོངས་དུས་ན་ཇི་ལྟར་འབྱུང་བ་བཤད་དུ་གསོལ། །ཞེས་པའི་ཚིག་སྟོན་པ་ལ་གསོལ་པ་དང་། དེའི་ལན་དེ་བཞིན་གཤེགས་པས་བཀའ་སྩལ་པ་ནི། ༈ །རྩོལ་བའི་ཆུ་བོ་རྣམས་དང་བྲལ་བ་གསང་བའི་མཐར་ཐུག་ཐེག་པའི་རྒྱུད་འདི་དགོངས་པ་རྣམས་ཀྱིས་ངེས་བརྒྱུད་ནས། །ལྷའི་གནས་རི་རབ་རིའི་རྩེ་མོ། གཞན་འཕྲུལ་དབང་བྱེད་འོག་མིན། ཡང་ན་རྩ་གསུམ་དགའ་ལྡན་འོག་མིན། གསུམ་དུ་གྲགས་པར་གྱུར་པ་དེ་ནས། །སྤྲུལ་པའི་སྐུ་ལས་ཡང་སྤྲུལ་པའི་གང་ཟག་དགའ་རབ་རྡོ་རྗེ་གསང་བདག་གི་ཐུགས་ཀྱི་སྲས་ཀྱིས་ཐུགས་ཀྱི་སྲས་བདུན་ལ་གནང་བ་སྟེ། རི་རབ་ཀྱི་ལྷོ་ཤིང་འཛམ་བུ་ཡོད་པའི་གླིང་གི་རྒྱ་གར་གྱི་དབུས་སུ་བསྟན་པ་རྒྱས་པར་བྱེད། །གང་ལ་རྒྱལ་བའི་གདུང་ཚོབ་ཅིང་རྒྱུད་འཛིན་པས་སྲས་གསང་བའི་མཐར་ཐུག་སྣོད་དང་ལྡན་པ་ལ། །དགོངས་རིག་རྣ་བར་བརྒྱུད་ནས་དོན་རིག་པའི་གསང་སྔགས་ཨ་ཏི་ཉིད་ཀྱི་དོན་དེ། །མེད་ལ་སྣང་བས། གང་ལྟར་འཕྲུལ་ཚིག་སྟེ་གཅིག་གིས་དོན་མཐའ་ཡས་རིག་པའི་སྒོ་ནས་བསྟན་པ་ཡིས། །ཡོན་ཏན་གསང་འཛིན་རིག་པའི་སྣོད་དང་ལྡན་པ་འཇལ་དཔལ་བཤེས་གཉེན། དྷ་ན་ཏ་ལོ། འཇོག་པོ། ཀུ་ཀུ་རཱ་ཙ། ནཱ་གཱ་རྫུ་ན། ཤྲཱི་སིང་ཧ། རྣམས། །མ་བཅོས་པའི་ཆོས་ཉིད་གསང་བ་རྫོགས་པ་ཆེན་པོའི་དོན་གོ་ནས། །གཞི་ལམ་གྱི་ཉེས་པ་གཉིས་ལས་རྣམ་པར་གྲོལ་བའི་མཐར་ཐུག་གི་འབྲས་བུ་ཐོབ་པར་འགྱུར་རོ། ༈ །དབུས་སུ་དར་བ་དེ་ནས་བཀའ་རྒྱས་པ་ལས། བསྐལ་པ་མངོན་དགའ་ཞེས་བྱ་བ་འདི་ལ། སངས་རྒྱས་སྟོང་རྩ་གཅིག་འབྱུང་བའི་ངའི་བསྟན་པ་འདི་ལ་ལྔ་བརྒྱ་པ་ཕྲག་བཅུ་དང་སུམ་བརྒྱ་གནས་པ་ལ། སུམ་བརྒྱ་ཡན་ཆད་རྒྱུ་འབྲས་ཀྱི་ཆོས་བསྡུས་སོ། །དེ་ནས་རྒྱུ་འབྲས་ལས་འདས་པ་འདི་བྱུང་སྟེ། གཉིས་སྟོང་བརྒྱད་བརྒྱ་བདུན་ཅུ་རྩ་བརྒྱད་ན་རྒྱ་གར་དུ་དར་ཏེ། རྒྱ་ཕུག་དྷ་ན་ཀོ་ཤའི་གླིང་དུ་འཁོར་བ་ལན་གསུམ་སྟོངས་སོ། །དེ་ནས་ཉེས་པ་གཉིས་འདྲ་ལས་དང་ཐུགས་རྗེའི་འགྲེལ་བས་གསང་བ་དམ་པ་འདི། །གང་དུ་ན་མཐའ་༼༣༽ འཁོབ་གངས་རིའི་ཡུལ་དུ་རྒྱས་༼༢༽པར་འགྱུར་རོ། །རྟོགས་ཐབས་ཀྱི་རྒྱུད་ཀྱི་ལེའུ་ཉི་ཤུ་པ་ལས། སྐལ་ལྡན་རིམ་པར་བརྒྱུད་བྱས་ནས། །གསང་བའི་རིག་པའི་རྒྱས་བཏབ་ན། །དར་དང་ནུབ་པར་མི་འགྱུར་རོ། །དེ་ནས་གསང་བ་འཆེལ་བ་ཡིས། །སྐལ་བར་ལྡན་དང་མི་ལྡན་པའི། །འདུས་པའི་ཚོགས་ལ་བཤད་པ་ཡིས། །མཐའ་འཁོབ་ཡུལ་དུ་དར་བ་འགྱུར། །ཞེས་སོ། །དེར་ཡང་མ་བཅོས་གསང་བ་དམ་པ་ཁྱད་པར་ཅན་འདིས། །སྐལ་བ་དང་ལྡན་པའི་གདུལ་བྱ་བཻ་རོ་ཙ་ན་ལ་སོགས་པ་འི་ངོ་དག་ཏུ། །རིག་པ་ཆོས་སྐུར་གསལ་བའི་སྒྲོན་མ་བྱེད་པར་འགྱུར་རོ། ༈ །དར་བ་དེ་ནས་ཐུགས་རྗེ་འབྱུང་བའི་སྐལ་བ་དང་ལྡན་པ་མེད་པས། །གསང་བའི་ཐེག་པ་དམ་པ་འདི་ནུབ་བར་འགྱུར་རོ་དེ་ཡང་། ༈ །གསང་བའི་ཐེག་པ་དམ་པ་འདི། །ནུབ་པའི་རྒྱུ་གཞན་གྱིས་ནུབ་པར་མི་འགྱུར་ཏེ། ༈ །སེང་གེའི་ཁོག་པ་རང་འཇིག་ལྟར། །ང་ཡི་སྲས་སུ་ཁས་བླངས་པས། །གསང་བའི་ལུང་འདི་ནུབ་པར་བྱེད། །དེ་ཡང་ཇི་ལྟར་འགྱུར་ཞེ་ན། །དྲི་མེད་བདུད་རྩི་ནི་རྒྱལ་བའི་སྤྱོད་ཡུལ་ཡིན་པས་ས་པས་ཀྱང་། རྟོགས་པར་དཀའ་བ་ལ། །བརྒྱུད་པ་གསུམ་གྱིས་རྣ་བར་བརྒྱུད་པའི་རྟོགས་ཐབས་ཀྱིས་འཕྲུལ་ཚིག་དང་མི་ལྡན་པར། །ཐུན་མོང་གི་ལུང་རིག་པ་ལས་སྦྱངས་པ་ཁ་ཅིག་སྒྲ་ཇི་བཞིན་དུ་ཞེན་པའི་བློས་དཔྱད་ནས་གཞན་ལ་སྨྲ་བ་གང་ཟག་དག །སྒྲ་ཇི་བཞིན་མ་ཡིན་པའི་ལྟ་བ་དང་དེའི་རྗེས་སུ་སྤྱོད་པ་ལས་ཕྱོགས་འཛིན་དང་བླང་དོར་གྱི་ལྟ་སྤྱོད་ལ་ལོག་པའི་ང་རྒྱལ་ཅན། །རང་བཞིན་མ་བཅོས་པར་རོལ་པ་མ་འགག་པར་ཐམས་ཅད་དུ་སྣང་བའི་རང་སྣང་བའི་ཡེ་ཤེས་ཀྱི་དང་། །རང་རང་གི་རྣམ་པར་རྟོག་པས་མངོན་པར་ཞེན་པའི་ཕྱིན་ཅི་ལོག་ཏུ་བརྟགས་པའི་འཁྲུལ་སྣང་དག །བྱེ་བྲག་མ་འདྲེས་པར་མ་ཕྱེད་པ་ནི་རྨོངས་པ་མི་མཁས་པའི་བློ། །ཅན་དེ་དཔེར་ན་རྡོ་བ་ལ་གསེར་དུ་འཛིན་པ་བཞིན་དུ། །འོད་གསལ་ལྷུན་གྱིས་གྲུབ་པའི་རང་བཞིན་གྱི་སྣང་བ་འཛིན་བྲལ་དང་། །ཐ་མལ་དང་ཐེག་པ་དམན་པས་བརྟགས་པའི་ཞེན་པ་གཉིས་བསྲེས་ནས་གཞན་དག་ལ་སྨྲ་བའོ། །མ་བཅོས་པའི་དོན་རིག་པ་རྟོགས་པའི་གདེང་མེད་པར་ཁ་འབྱམ་ཚིག་ལ་ཞེན་པས། །རང་གི་ལྟ་བ་ཡ་རབས་མཐོ་བར་འདོད་པ་ཡིས་ལུང་དང་མི་མཐུན་པར། །བབ་ཆོལ་དུ་འདོད་ཡོན་ལྔ་ལ་སྤྱོད་པས་དོན་ལས་ལོག་པའོ། །དེ་ཡི་དུས་ཀྱི་གང་ཟག་དེ་ལྟ་བུ་དག་ནི་བེའུ། །སྦྲེལ་མ་གཡང་དུ་ལྷུང་བ་བཞིན་དུ། །རྡོ་རྗེའི་དམྱལ་བའི་ཁབ་ཏུ་རང་གཞན་གཉིས་ཀ་ལྷུང་བར་གྱུར་ཏེ་ཐོན་ནས་ཀྱང་། །བྱང་ཆུབ་སེམས་ཀྱི་དོན་རྟོགས་པའི་ཐབས་གསང་བ་ཐེག་པའི་རིགས་དང་བྲལ། །མགྱོགས་པར་འགྲོ་བ་གནམ་ལྕགས་སོ་མཚམས་འདས་ནས་བབས་མི་ཟློག་པ་དང་འདྲའོ། ༈ །དེ་ནས་འཛམ་བུའི་གླིང་རྡོ་རྗེ་གདན་གྱི་ལྷོ་ཕྱོགས་གི་རྒྱུད་དུ་གསང་བ་འདི་རྒྱས་པར་འགྱུར་ཏེ། །འདིའི་སྐལ་བ་དང་ལྡན་པའི་གང་ཟག་འབྲེལ་པའང་འབྱུང་བར་འགྱུར། ༈ །དེ་ནས་ཐུགས་རྗེའི་སྐལ་བ་མེད་པས་འཛམ་བུ་གླིང་གི་དབུས་སུ་ནུབ་པར་འགྱུར་རོ། ༈ །སྤྲུལ་པའི་སྐུ་སངས་རྒྱས་སྟོང་གི་ཐ་མ་མོས་པའི་བསྟན་པ་ལ། །མ་འོངས་པའི་དུས་ནའང་ལོ་ཀ་འདིར་འབྱུང་བར་འགྱུར། །དེའི་ཚེ་ཡང་རང་བཞིན་ཐེག་པ་འདིའི་རིགས་ཅན་གྱི་གང་ཟག་དག །རྫོགས་ཆེན་འབྲས་བུའི་ཐེག་པའི་སྒོར་ཞུགས་ནས། །ཉེས་པ་གཉིས་ལས་རྣམ་པར་གྲོལ་བའི་མ་བཅོས་བླ་མའི་ས་ལ་འགྲོ་བར་འགྱུར། །སྒོམ་པ་དང་སྤྱོད་པའི་ཚུལ་མ་ནོར་བར། །མཉམ་པ་ཉིད་དུ་རྟོགས་པའི་དོན་ལ་བློ་མ་བཅོས་པར་མཉམ་པར་བཞག་ན། །དུས་མྱུར་དུ་འགྲུབ་པས་ན་དེ་མ་ཐག་ཏུ་རིག་པ་འཆར། །ཞེས་སོ། །གསང་བ་ལྟ་སྒོམ་སྤྱོད་པ་འི་དོན་དང་ལྡན་པའི་གང་ཟག་བཞི་བཛྲ་ཀེ་ཏུ། བཛྲ་ཧ་ས། བཛྲ་ཏིག་སྣ། བཛྲ་ཙཀྲ་དང་བཞི་འམ། ༈ །ནམ་མཁའི་མཐའ་དང་མཉམ་པའི་རྒྱུད་ལས། དེའི་དུས་ཀྱི་གང་ཟག་ནི། །རྒྱུད་ངེས་འཚོ་བ་མཁས་པ་དང་། །རང་གསལ་དོན་ལ་སྒོམ་པ་དང་། །ངེས་པར་གཞུང་ལུགས་འཛིན་པ་དང་། །རྣ་བརྒྱུད་གདམས་པ་འཛིན་པ་དང་། །གསང་བ་མི་སྤེལ་གདམས་པ་དང་། །དགོན་པར་གནས་ཤིང་མཁས་པ་དང་། །མི་སྨྲ་སེམས་ལ་གཟུངས་སུ་འཛིན། །བདུན་གྱིས་བསྟན་པ་འཕེལ་བར་འགྱུར། །ཞེས་གསུངས་སོ། །དེ་ཡི་དུས་ན་འབྱུང་བར་འགྱུར་བ་ནི། །བསྟན་པ་བཅུད་ཀྱི་མཛོད་འཛིན་པ་དང་ཅིང་། །གསང་སྔགས་ཀྱི་ལུང་མན་ངག་མ་ལུས་པ་མ་ནོར་བར་གཞན་ལ་སྒྲོགས་པའི་བདག་པོ་དང་། །དགོངས་པ་དང་སྤྱོད་པ་ཟབ་མོའི་དོན་དང་ལྡན་པ་དེས་གཉེན་པོ་མ་བསྟེན་པར་མཚོ་ལ་རླབས་རང་ཐིམ་པ་ལྟར་གང་ལའང་ཞེན་པ་དང་གཉིས་ཏེ་བཞིའོ། །ལྟ་བ་ཕྱོགས་རིས་སུ་འཛིན་པ་རང་སར་རྣལ་མའི་དོན་ལ་ཕྱིན་ཅི་ལོག་ངན་པ་དག་གིས་གཞན་ལ་སེམས་ཉིད་སེང་གེའི་ཁོག་པ་རང་འཇིག་པ་ལྟར་དུ་གསང་བའི་ཐེག་པ་འདི་རྒྱ་ཆེར་སྒྲོགས་གནུབ་པར་འགྱུར་རོ་ཞེས་འགྲེལ་བའི་དོན་ནོ། ༈ །སྔོན་འདས་པའི་བསྐལ་པ་མཛེས་པར་སྣང་བ་ཞེས་བྱ་བའི་དུས་ན་ཨ་ཏིའི་ཐེག་པ་འདི་ཉིད་ཀྱི། །སྐལ་བ་དང་ལྡན་པའི་དུས་སུ་སངས་རྒྱས་མངོན་རྫོགས་རྒྱལ་པོ་རྡོ་རྗེ་འཆང་ཆེན་པོ་ཡིས་དགོངས་པས་བརྒྱུད་དེ་ཐུགས་ཀྱི་སྲས་བཀའ་རྒྱས་པ་ལས། སྒྲོན་མ་དང་མུན་པའི་བསྐལ་པ་འདྲེན་མར་གྲངས་དཔག་ཏུ་མེད་པ་འདས་པའི་སྐབས་སུ་བསྐལ་པ་དགའ་བ་ཞེས་བྱ་བ་ལ་སངས་རྒྱས་སྟོང་ཕྲག་དྲུག་ཅུ་བྱུང་ངོ་། །ཐ་མ་སངས་རྒྱས་བློ་གྲོས་བདེ་བྱེད༼༡༽། ཤེས་པ་སྟོབས་འགྱུར༼༢༽། ཐུབ་པ་སྟོབས་བཟངས༼༣༽། དེ་བ་བརྗེད་མེད༼༤༽། ཤེས་བྱེད་དབང་པོ༼༥༽། དབང་ཕྱུག༼༦༽། རིག་པ་རྫོགས་བྱེད་བཟང་པོ་དང་༼༧༽། མར་མེ་མཛད་ནས་ཤཱཀ་ཐུབ་ཀྱི་བར་གྱི་བདུན་དག་ལ་བསྟན། །དེ་དག་སྔ་ཕྱིའི་རིམ་པ་མཉམ་པ་ཉིད་ཀྱི་དགོངས་པ་དང་ལམ། མཐར་ཕྱིན་ཏེ་སངས་རྒྱས་ནས་སྐལ་ལྡན་གཞན་ལ་ཡང་། དེ་བཞིན་དུ་རིམ་པར་བརྒྱུད་ནས་རྩོལ་བྲལ་ཀྱི་ཐེག་པའི་ཆོས་ལ་བཀོད་པའོ། །ཐ་མར་སྐལ་བ་མེད་ཅིང་མཚན་མའི་ཐེག་པ་ལ་མང་དུ་འདུས་པའི་རྡོ་རྗེ་འཛིན་པ་སྡེ་དཔོན་གྱིས་མི་ཤེས་པའི་དབང་གིས་སེམས་ཉིད་ཀྱི་དོན་རིག་པར་བྱེད་པའི་ཐེག་པ་འདི་བསྣུབས་སོ། །ཞེས་གསུངས་སོ། །ཡེ་ཤེས་གསང་བའི་རྒྱུད་ལས་དུས་གསུམ་དུ་ཇི་ལྟར་བྱུང་བ་དང་འབྱུང་བར་ལུང་བསྟན་པའི་ལེའུ་སྟེ་བཅུ་པའོ།། ༈ །།དེ་མ་ཐག་པ་དེ་ལ་འབྲས་བུའི་ཡེ་ཤེས་བསྟན་པར་བཞེད་ནས་དེ་བཞིན་གཤེགས་པ་རྣམ་པར་སྣང་མཛད་ཀྱིས། སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། ༈ །ཆོས་ཐམས་ཅད་ཀྱི་ངོ་བོ་བྱང་ཆུབ་ཀྱི་སེམས་འདི་ཉིད་ལ་བཟང་ངན་དང་སྤོང་ལེན་མེད་པས་མ་འགགས་པར་ཤར་བ་ནི་ཀུན་ཏུ་བཟང་པོ་སྟེ། མ་ལུས་པ་ཐམས་ཅད་དེར་འདུས་པའི་སྙིང་པོའི་མཆོག །ལམ་འབྲས་ཀྱི་ཐེག་པ་ལ་ཕྱོགས་རིས་མེད་པས་ནམ་མཁའ་དང་འདྲ་བར་མཉམ་ཉིད་དུ་རིག་པ་ལ་སེལ་མེད་པས་ལྟ་བའི་ཀློང་དེས་ན། །རྒྱ་ཆེ་ཡངས་པ་བདེ་བ་ཆེ་ཆོས་མ་ལུས་པ། །ཀུན་འདུས་པའི་རང་བྱུང་གི་ཡེ་ཤེས་ཀྱི་ངོ་བོ་ལ་ཕྱོགས་འཛིན་གྱི་དྲི་མ་དག་རང་གསལ་བའི་འོད། །དེ་ཉིད་མ་འདྲེས་པར་ཕྱོགས་མཚམས་ཀུན་ཏུ་ཡེ་ཤེས་ལྔའི་ངོ་བོ་གསལ་བར་འཕྲོ་བ་ནི། །ལྷུན་གྱིས་གྲུབ་པའི་ཡེ་ཤེས་རང་རིག་པའི་མེ་ལོང་ཆོས་ཐམས་ཅད་རྟོག་པ་མེད་པར་གསལ་བ་ལ་ཆོས་ཉིད། །མ་བཅོས་པའི་གཟུགས་བརྙན་རྩོལ་མེད་དུ་རང་སྣང་བས་ན། །ཡེ་ཤེས་དེ་ནི་མེ་ལོང་ལྟ་བུའི་ཡེ་ཤེས་དག་ཏུ་ངས་བཤད་དོ། །ཆོས་ཐམས་ཅད་རང་རིག་པའི་ཡེ་ཤེས་ཀྱི་འོད་ཕྱོགས་མེད་དུ་གསལ་བ་དེ་ཉིད་ལ། །འཁོར་འདས་ལ་མཐོན་དམན་དང་ཞེན་འཛིན་གྱི་རློབས་སེམས་དང་གང་ཡང་ལ་ཡང་ཆེ་ཆུང་ཡང་མེད་ལ། །བདག་དང་གཞན་གཉིས་ཀྱང་མེད་ལ་དེ་དག་ཐམས་ཅད་རང་རིག་པ་ཡིན་པས། །གང་གི་ཡང་ཕྱོགས་སུ་འཛིན་པ་ཀུན་དང་བྲལ་བར་འོད་གསལ་ཀྱི་ཀློང་དུ་གདོད་ནས་དག་ཀྱང་གང་ཡང་མ་སྤངས་པས་ཐམས་ཅད་ལ་དབྱེར་མེད་པར་ནམ་མཁའ་ལྟ་བུར་ཁྱབ། །སྣང་སྲིད་སྣོད་བཅུད་ཐམས་ཅད་གནས་ལུགས་བྱང་ཆུབ་ཀྱི་སེམས་སུ་མཉམ་ལ། །དེ་ལྟར་མཉམ་པ་ཆེན་པོའི་རང་བཞིན་འོད་གསལ་བ་དེ་ཕྱོགས་བཅུར་ཁྱབ་པར་བརྡལ་བའི་ཕྱིར་ན། །འོད་གསལ་རིག་པ་དེ་ཉིད་མཉམ་པ་ཉིད་ཀྱི་ཡེ་ཤེས་ཡིན་པར་སྟོན་པ་ང་ཡིས་བཤད་དོ། །གང་གིས་ཀྱང་མ་བསླད་བཅོས་སུ་མེད་པར་ཆོས་ཀྱི་དབྱིངས་ཀྱི་རང་བཞིན་དེ་ཉིད་ལ། །ཕྱོགས་འཛིན་གྱི་རྟོག་པ་མི་མཁས་པས་བསླད་ཞེན་པའི་ཆོས་གང་ཡང་གྲུབ་པ་མེད་པས། །ཕྱོགས་གཅིག་པ་གང་དུའང་མི་འགྱུར་བའི་ཡེ་ཤེས་རང་བྱུང་བའི་ངོ་བོ་དེ་ལ། །མཁས་པ་དག་ནི་དེ་ཉིད་བདེན་པར་ཀྱང་མི་འཛིན་ཅིང་དེ་བཞིན་དུ་བརྫུན་པར་འཛིན་པའང་མིན་ལ། །གང་དུ་ཡང་འཛིན་པ་མེད་པའི་རིག་པ་གཟུང་འཛིན་གཉིས་དང་བྲལ་བའི་ངོ་ལ། །བདེན་བརྫུན་གང་དུ་ཡང་མི་སྣང་བར་སྤྱོད་ཡུལ་ཡོངས་སུ་དག་པས་ཀུན་ཏུ་བཟང་པོ་སྟེ་དེ་ཡང་ཆོས་ཐམས་ཅད་ཀྱི་ཆོས་ཉིད་སེམས་ཉིད་ཡིན་ལ་དེ་ནི་དངོས་པོ་ཅིར་ཡང་གྲུབ་པ་མེད་པ་གསལ་བས་སོ། །གང་གིས་ཀྱང་སྟོང་པ་ཉིད་དུ་ཆོས་ཀུན་དུས་གཅིག་ཏུ་གསལ་བར་མཁྱེན་པའི་ཡེ་ཤེས་ནི་རྒྱལ་བ་ཀུན་གྱི་ཐུགས་སོ་དེ་ལྟ་བུའི། །དངོས་པོ་གྲུབ་པ་མེད་པ་ཉིད་ལ་རོལ་པའི་ཡོན་ཏན་ཀུན་མ་སྤངས་པར་ལྡན་པས་སྟོང་པ་ཆེན་པོ། །བློ་གང་ལ་ཡང་འཛིན་པ་མེད་པའི་རིག་པ་སྐྱེད་མེད་དུ་འོད་གསལ་བས་ན། །སྟོང་པ་ཉིད་ཀྱི་ཡེ་ཤེས་དག་ཏུ་བཤད་དོ། །གང་གསལ། ཕྱི་ནང་གི་དངོས་པོ་ཇི་ལྟར་དག་མ་དག་གི་སྣང་བའི་ཆོས་རྣམས་ཀུན། །གང་ལ་གསལ། ཡུལ་ཤེས་གཉིས་སུ་མེད་པའི་རིག་པ་འཁྲུལ་པ་ཀར་ནས་དག་པ་དེ་ལ། །རང་བྱུང་ཡེ་ཤེས་ཀྱི་རོལ་པ་ཉིད་ཆོས་ཐམས་ཅད་དུ་མ་འདྲེས་པར་གསལ་བ་ཡང་ཆོས་ཐམས་ཅད་ཀྱི་རྩ་བ། གང་ལྟར་གསལ་ན། ཀུན་ཏུ་བཟང་པོའི་ཆོས་ཉིད་ལས་མ་གཡོས་པས་སྤྲོས་པ་མེད་པ་སྟེ་དེ་ལ། །ཆོས་ཉིད་ཀྱི་རོལ་པའི་འཁོར་ལོ་མཐའ་ཡས་པར་སྣང་བས་བསམ་གྱིས་མི་ཁྱབ་པ་ཡང་དེ་ཉིད་དུ། །འདུ་ཞིང་དེ་ཉིད་ལས་འཕྲོ་བ་ནི་དཔེར་ན་རྒྱ་མཚོ་ཡིས་ཚྭ་སྐྱེད་པ་ཆུ་བུར་ཐིམ་ལ་ལས་རླབས་འཕྲོ་ཞིང་འདུ་བ་བཞིན་ནོ། །ངོ་བོ་ལ་མི་སྣང་ཞིང་རོལ་པ་སྣ་ཚོགས་སུ་འབར་བའི་རང་བྱུང་གི་ཡེ་ཤེས་ཁྱད་པར་རྨད་དུ་བྱུང་བའི་བདག་ཉིད་ཆེན་པོ་ཆེ། །ཡུལ་མེད་རང་གསལ་དུ་རིག་པའི་ཀུན་མཁྱེན་ཐུགས་མ་བཅོས་པར་ཆོས་ཐམས་ཅད། །མཉམ་པ་དེ་ལ་རོལ་པ་རོལ་པ་མ་འདྲེས་པར་སྣང་བ་ལ་བླང་དོར་མེད་པས་ཀུན་ཏུ་བཟང་པའོ། །དེས་ན་མ་འདྲེས་ལ་གསལ་བའི་ཕྱིར་སོ་སོར་རྟོག་པའི་ཡེ་ཤེས་སོ། །ཆོས་ཐམས་ཅད་དེ་ཁོ་ན་ཉིད་ལས་མི་འདའ་བའི་ཕྱག་རྒྱ་ཆེན་པོའི་ངོ་བོ་ལ་མ་གཡོས་བཞིན་དུ། །རང་བྱུང་མཛད་པ་འབྱུང་བ་སྟེ་གདུལ་བྱའི་དབང་གིས་སྣ་ཚོགས་པ་ཅིར་ཡང་འགྱུར་བ་ནི། །ལྷུན་གྲུབ་རྒྱལ་བའི་མཛད་པ་ལ་ཕྱོགས་རིས་མེད་པས་བློ་དང་འཚམ་ཆོད་དུ་སྣང་ངོ་། །ཆོས་ཀུན་གྱི་བཅུད་འདུས་པའི་སྙིང་པོ་གཞི་རང་བྱུང་གི་ཡེ་ཤེས་དེ་ལ། །སྤྲོས་མེད་ཀུན་ཁྱབ་ཀྱི་ཐུགས་རྗེ་རྩོལ་མེད་ཏུ་མ་འགག་པར་ལྷུན་གྲུབ་ཤར་བར་གྱུར་ནས་ཅི་མཛད་ན། །གདུལ་བྱ་མཐའ་ཡས་བསམ་གྱིས་མི་ཁྱབ་པ་གྲངས་མེད་པའི་བྱ་བ་ཀུན་མཛད་པར་གསལ་བ། །དེས་ན་བྱ་བ་ནན་ཏན་གྱི་ཡེ་ཤེས་ཡིན་ནོ། ༈ །ཡུལ་མེད་རང་གསལ་ཉིད་ཡེ་ནས་མ་བཅོས་པར་གནས་པའི། །དོན་དེ་ཉིད་ཤེས་པས་ན་ཡེ་ཤེས་ཡིན། །མ་བཅོས་པའི་ཆོས་ཉིད་མཐའ་མ་སྤངས་པར་ཀ་ནས་དག་པའི་འོད་གསལ་གྱི་སེམས་དེའི། །དོན་ཇི་ལྟར་གནས་པའི་ཚུལ་དེ་བཞིན་དུ་ཤེས་པས་ནའང་ཡེ་ཤེས་ཡིན་ནོ། །རོལ་པ་གང་དུའང་མ་འགགས་པའི་རང་རིག་པ་རྒྱུ་རྐྱེན་མེད་པར་གསལ་བས་ན། །རང་བྱུང་གི་ཡེ་ཤེས་ཅིས་ཀྱང་འགྱུར་བ་མེད་པའི་སེམས་ཀྱི་རང་བཞིན། །འོད་གསལ་ཕྱོགས་བློ་ཡིས་བསམ་གྱིས་མི་ཁྱབ་པ་ཉིད། །ཀུན་ཏུ་བཟང་པོའི་རོལ་པ་མ་འགགས་པར་ཤར་བ་ལ་མཐའ་དང་དབུས་སུ་གྲུབ་པ་མེད། །དེ་ལྟར་ཤར་ཡང་ཉི་མ་དང་འོད་ལྟར་མི་རྩོལ་དེ་མཐའ་དང་བྲལ་བ་དབུ་མར་འཛིན་པའི་སེམས་དང་བྲལ་བ། །བསམ་བརྗོད་དཔེས་མཚོན་པ་ལས་འདས་པའི་རང་རིག་པ་ལ་གང་དུ་ཡང་ཞེན་ཅིང་རྟོག་པ་མེད་པ་དེ་ལ་ཡུལ་ཤེས། །གཉིས་སུ་མེད་པའི་རང་རིག་པ་ཡེ་ཤེས་སུ་ཐམས་ཅད་གསལ་བས་ཡུལ་དང་བྲལ་བའོ། ༈ །ཆོས་ཐམས་ཅད་རིག་པའི་ཡེ་ཤེས་སུ་འདུས་ལ་དེ་ཉིད་ཐིག་ལེ་དྲུག་ཏུ་ཤར་བའི་ཆོས་ཉིད་དང་དབྱིངས་དང་དབྱིངས་རྣམ་དག །ལྟ་བའོ་ཀུན་ཏུ་བཟང་པོའི་སྤྱོད་པ་ལ་ཡེ་ཤེས་ཀྱི་དགོངས་པའི་ཡིན་ལ་རང་ལྷུན་གྱིས་གྲུབ་པ་ནི་བཞིན་ཆོས་ཉིད་དུ་སྟོན་ནོ། ༈ །གང་དུ་ཡང་མ་འཕྲོས་པ་ནི་དཔེར་ན་བཅུ་དྲུག་གི་ཟླ་བའི་དཀྱིལ་འཁོར་གཟུར་མ་འཕྲོས་ལྟར་དུ། །རང་བཞིན་ལས་མི་གཡོ་ཞིང་ངོ་བོ་སེམས་ཉིད་ལས་གཞན་དུ་མ་འཕྲོས་པའི་ཕྱིར་ན། །ཐིག་ལེའོ་དེའི་ངོ་བོ་མཉམ་པ་ཉིད་ལ་ཕྱོགས་འཛིན་གྱི་སྤྲོས་པ་དང་བྲལ་བའི་ངང་དུ་ཡེ་ནས་སངས་རྒྱས་པའི་ཆེ་བ་ལྔ་ཡིས་ཐིག་ལེ། །བྱང་ཆུབ་ཀྱི་སེམས་ཉིད་རྩོལ་བཅས་ཀྱི་ཐེག་པ་ལས་ཁྱད་པར་དུ་འཕགས་པའི་ཆེ་བའོ། ༈ །རང་གཞུང་ཚོགས་བརྒྱད་ཡུལ་དང་བཅས་པའི་རང་བཞིན་མངོན་སུམ་པར་སངས་རྒྱས་ཡེ་ཤེས་ཕྱོགས་མེད་པར་པས་མཚན་ཉིད་སྡེ་གསུམ་ལས་ཆེ་བ་དེ་ལ། །རང་རིག་འོད་གསལ་གྱི་ཡེ་ཤེས་ཆེན་པོའི་སྤོངས་འགེགས་སྦྱང་བའི་སྤྲོས་པ་མེད་པས་ཐིག་ལེ་ཕྱོགས་མེད་ཀུན་ཏུ་གསལ་བར་མཁྱེན་པའོ། །ཆོས་ཉིད་ཀྱི་དབྱིངས་ཀྱི་དབྱིངས་རྣམ་པར་དག་པའི་དང་རྣམ་པ་གསུམ་ནི་སྤྲོས་པའོ་ཅོག་གཅོད་པས་ཐིག་ལེ་གཤིས་ལ་བླང་དོར་མེད་པས་ཀུན་ཏུ་བཟང་པོ་ཉིད་ཡིན་ལ་རྒྱུ་རྐྱེན་འབྲས་བུ། །ཆོས་ཉིད་ཀྱི་དབྱིངས་སུ་རོ་གཅིག་པས་སྐྱེ་འགག་ཏུ་འདོད་པ་སངས་མཚན་མ་ཟིལ་གནོན་གྱི་ཡེ་ཤེས་རྒྱས་པ་ཨ་ནུ་ལ་སོགས་པ་ལས་ཆེ། །ཕྱོགས་རིས་དགག་སྒྲུབ་བླང་དོར་བྲལ་བས་ཀུན་ཏུ་བཟང་པོ་ཡོད་མེད་ཡིན་མིན་དུ་འདོད་པའི་སྤྲོས་པ་བཅད་པས་ཐིག་ལེ་ཡེ་ནས་བྱང་ཆུབ་ཀྱི་སེམས་བདེ་བ་ཆེན་པོ་དེ། ཆོས་ཐམས་ཅད་ཡིན་པས་ཡིན་མིན་ཕྱོགས་པས་མཉམ་ཉིད་རང་གསལ་རྒྱས་པས་ཡོ་ག་ལ་སོགས་པའི་བླང་དོར་ཅན་ལས་ཆེ་བ་ཉིད་དོ། །ཐེག་པ་བརྒྱད་ཀྱི་རྩོལ་བ་དང་བྲལ་བའི་བདེ་བ་ཆེན་པོར་ལྷུན་གྱིས་གྲུབ་རྩོལ་སྒྲུབ་སྤྲོས་པ་མེད་པས་ཐིག་ལེ་དེ་ནི། །བདག་ཉིད་ཡེ་དབང་ཡིན་པས་མ་ཧཱ་ལ་སོགས་གཞན་དབང་ལས་ཆེ་སྟེ་ཚུལ་ངན་བ་རྩོལ་བའི་སངས་རང་རིག་ཕྱོགས་མེད་དུ་རྒྱས་པ་ཡིན་ནོ། །མུ་བཞིའི་མཐའ་དང་བྲལ་བའི་བདེ་ཆེན་འོད་ཀྱི་ཡེ་ཤེས་རང་གསལ་ཆེན་པོ་བླ་དགས་རང་གྲོལ་བ་དེ་ནི། །ཐམས་ཅད་དགོས་ཆེད་ཀྱིས་སངས་རྒྱས་མིང་དུ་བཏགས་པ་ཙམ་ལས་མེད་པ་དེ་སྒྲ་ལ་ངེས་པར་འཛིན་པའི་གཉེན་པོར་ཆེ་བར་བཤད་དོ། ༈ །དུས་གསུམ་དུ་མི་འགྱུར་བས་དེས་ཐམས་ཅད་ལ་གདལ་ཞིང་ཁྱབ་པ་རང་རིག་པའི་ཕོ་བྲང་ན། །ལྷན་སྐྱེས་དང་གཉེན་པོ་ཅིས་ཀྱང་མི་བསྐྱོད་པའི་རྡོ་རྗེ་སེམས་དཔའ་ཉིད་ཆེ་བ་སྟེ་དབྱིངས་དང་ཡེ་ཤེས་དང་པོ་འདུ་བ་དང་ཐ་མ་འབྲལ་བ་གཉིས་མེད་པས་རྡོ་རྗེ་ཉིད། །ཕྱི་ཡུལ་དང་ནང་ཤེས་པར་གྲུབ་པ་མེད་པའི་གསལ་ཁྱབ་ཀྱི་སེམས་ལ། །ཡུལ་ཤེས་ཕྱི་ནང་གསང་བའི་སྒོ་ཕུགས་མེད་པའི་སེམས་ཉིད་དུ་གསལ་བ་ལ། །ཡུལ་དང་དབང་པོའི་ཞེན་འཛིན་གདོད་ནས་རྣམ་པར་དག་པས། །རྟོག་པའི་མཚན་མ་འཇིལ་བའི་གཉེན་པོ་གཟུགས་ཀྱི་སྐུ་མེད་པའི། །གཉིས་མེད་ཀྱི་རྡོ་རྗེ་རང་གསལ་བས་སེམས་དཔའ་མི་འགྱུར་ཁྱད་པར་འཕགས་པས་ཆེ། །ཕྱོགས་མེད་ཀྱི་ཡེ་ཤེས་ནམ་མཁའ་ལྟར་དུ་གསལ་ལ་ཁྱབ་པས་ཀུན་ཏུ་བཟང་པོའི་ངོ་མ་བློས་བསམ་དུ་མེད་པའི་ཆོས་ཉིད་ཀྱི་ནམ་མཁའ་གསལ་བར་ཡེ་ནས་སངས་རྒྱས། །རྟོགས་པའི་དོན་ཡུལ་སེམས་ཅིར་ཡང་མི་དགོངས་པའི་ཆོས་ཉིད་ཀྱི་ངང་། །ལས་གོམས་པས་མི་འདའ་བས་ཕྱག་རྒྱ་ལས་འགྱུར་བ་མེད་པའི་སེམས་ཉིད་ལ་སྒོ་གསུམ་གྱིས་ཆེད་དུ། །མི་རྩོལ་ཞིང་མུ་མཐའ་ཀུན་དང་བྲལ་བས་དབུ་མ་ཆེན་པོའི་ལམ་ནི། །ནམ་མཁའ་ལྟར་དུ་ཤེས་བྱ་ཀུན་ལ་ཁྱབ་པའི་བདེ་ཆེན་པོ་དེ་ལ་སྐྱེད་པའི། །རྒྱུ་དང་ལྟོས་པའི་འབྲས་བུ་གཉིས་མེད་པས་སྔ་ཕྱི་མེད་པར་ཡེ་ནས་ལྷུན་གྱིས་རྫོགས་སོ། །ཞེས་གསུངས་སོ། །ཡེ་ཤེས་གསང་བའི་རྒྱུད་ལས་རིག་པའི་ཡེ་ཤེས་ལ་ཐིག་ལེ་དང་ཆེ་བ་རྫོགས་པར་བསྟན་པའི་ལེའུ་སྟེ་བཅུ་གཅིག་པའོ།། ༈ །།རྒྱུད་དོན་བསྟན་པ་དེ་ནས་གང་གི་ཞུས་སེམས་དཔའ་རྡོ་རྗེས་གང་ལ་ཞུས་དེ་བཞིན་གཤེགས་པ་ལ་མཚན་གྲངས་ཞུ་བའི་ཚིག་འདི་ཇི་ལྟར་ཞུས་སྐད་ཅེས་གསོལ་ཏོ། །འཁོར་འདས་ཐམས་ཅད་ཀྱི་རང་བཞིན་ཡོངས་སུ་དག་པས་ཀུན་ཏུ་བཟང་པོ་མངོན་དུ་མཛད་པའི་ཡེ་ཤེས་ཐུགས་ཐམས་ཅད་མཁྱེན་པའི། །རྒྱལ་བའི་བསམ་གྱིས་མི་ཁྱབ་པའི་བདེ་བ་ནི་བདེ་བ་གཞན་ལས་མཆོག་སྟེ་བརྗོད་པ་དང་བྲལ་བའི་གསུང་ཉིད་སྨྲ་བརྗོད་ཐམས་ཅད་དུ་མ་འགགས་པའི་གསུང་གི་འཁོར་ལོའི་མངའ་བའི་བདག་པོ། །ཆོས་ཐམས་ཅད་ཀྱི་རང་བཞིན་བྱ་བཙལ་མེད་པར་ལྷུན་གྱིས་གྲུབ་པའི་ཡེ་ཤེས་ཀྱི་རོལ་པ་ཅི་ཡང་མི་འགག་པར་ཤར་བའི་སྐུ། །རང་བཞིན་དབྱེར་མེད་པའི་སྐུ་གསུང་ཐུགས་རྡོ་རྗེ་གསུམ་དུ་བཤད་པ་ལྟར་མཆོག་ཏུ་གྱུར་པ་དེ་ལ། །བདག་ཅག་ཇི་སྙེད་འདུས་པའི་འཁོར་ཚོགས་རྣམས་རྟོགས་པ་དང་མོས་པས་འདུད་ཅིང་ཕྱག་འཚལ་ནས། །རྩོལ་བ་མཐའ་དག་དང་བྲལ་བའི་ཡེ་ཤེས་གསང་བའི་རྒྱུད་འདི། །ཆོས་ཉིད་ཀྱི་དོན་ཞེན་དྲུག་ལོག་གསུམ་རྩོལ་བརྒྱད་ལ་གསང་བ་སྐལ་ལྡན་གྱིས་ཚིག་གི་སྒོ་ནས་རྟོགས་པ་འི་ཆེད་དུ་ཁྱོད་ཀྱིས་གསུངས། །བདག་ཅག་འདུས་པའི་འཁོར་ཚོགས་ཀྱིས། །ཆོས་ཐམས་ཅད་ཀྱི་རང་བཞིན་ཇི་ལྟ་བར་སྟོན་པའི་རྒྱུད་འདིའི་མཚན་གྱི་རྣམ་གྲངས་དུ་མཆིས་ཇི་ལྟར་དུ་གཟུང་བར་བགྱི། །ཞེས་གསོལ་ཏོ། ༈ །དེ་ནས་དེ་བཞིན་གཤེགས་པས་བཀའ་སྩལ་པ། ༈ །རྟོགས་དཀའ་བས་གསང་བ་ཚང་ཞིང་འབྲེལ་བས་རྒྱུད་ཐེག་པ་ཐམས་ཅད་ཀྱི་ཤེས་སྒྲུབ་ཀྱི་བཅུད་འདུས་པའི་སྙིང་པོ་འདིའི་མཚན་གྲངས་ནི། །ཉོན་མོངས་ཞེན་པའི་ཕྲེང་ཐག་གཅོད་པ་ཞེས་ཀྱང་བྱ་ཆོས་རྣམས་གསལ་བའི་ཡེ་ཤེས་སྒྲོན་མ་ཞེས་ཀྱང་བྱ། །ཀུན་ཏུ་བཟང་པོ་རིག་པའི་ཐུགས་དང་། །བདེ་ཆེན་མཛེས་པའི་ཡེ་ཤེས་རྒྱན་དང་། །གསལ་བའི་ཡེ་ཤེས་གསང་བའི་རྒྱུད། །འདི་ལ་མཐའ་དབུས་མ་མཆིས་པས། །ནམ་མཁའི་མཐའ་དང་མཉམ་པའི་རྒྱུད་དང་། །ཀུན་འདུས་མཉམ་པ་ཆེན་པོ་ཞེས་བྱ་བ་ཡང་ཡིན། །གསང་བ་ཀུན་འདུས་རིག་པའི་གཏེར་ཅེས་ཀྱང་བྱའོ། ༈ །ཆོས་ཐམས་ཅད་ཀྱི་རང་བཞིན་རྒྱུ་རྐྱེན་མེད་པས་རང་བྱུང་གདོད་ནས་མ་བསྒྲིབས་པས་འོད་གསལ་མ་བཅོས་པའི་བདག་ཉིད་ཆེན་པོ་ལ། །རང་བཞིན་དང་ཆེད་དུ་བྱས་པ་དང་ལྟོས་པས་ཞེན་པའི་བརྟགས་པ་དང་གདོད་མ་ནས་བྲལ། །དེ་ཁོ་ན་ཉིད་མ་བཅོས་པ་རང་བཞིན་གྱི་སྣང་བ་དེ་ཐབས་ཀྱིས་ཇི་ལྟ་བར་རྟོགས་པ་ན། །ཉོན་མོངས་ཞེན་ཅིང་འཛིན་པའི་ཕྲེང་ཐག་གཅོད་པ་ཞེས་སོ། །ཆོས་རྣམས་ཐམས་ཅད་བྱང་ཆུབ་ཀྱི་སེམས་སུ་འདུས་པས་ན། །སེམས་ཉིད་ལས་གཞན་པ་མེད་ཅིང་དེ་ཉིད་རང་གསལ་ཇི་ལྟ་བར་སྟོན་པའི་ཡེ་ཤེས་ཀྱི་སྒྲོན་མའོ། །ངོ་བོ་དང་རྟོགས་པ་ལ་ཅིས་ཀྱང་མི་འགྱུར་སྐྱེས་པས་རང་བྱུང་ཞིང་མ་བརྩལ་བར་ལྷུན་གྲུབ་འདི། །འཁྲུལ་གྲོལ་ཇི་ལྟར་གནས་ཀྱང་སྙིང་པོའི་དོན་ལ་འདའ་མི་སྲིད་པས་ཀུན་ཏུ་བཟང་པོའོ། །ཕྱིན་ཅི་ལོག་ཏུ་ཞེན་ཅིང་འཁྲུལ་པའི་དབང་གིས་ཅིར་ཡང་གྱུར་ཀྱང་། །རང་བཞིན་ཉིད་ནི་རང་གསལ་གྱི་ཡེ་ཤེས་ལས་གཞན་པའི་སྤང་བྱ་མི་དམིགས་པས་ཀུན་ཏུ་བཟང་པོ། །རང་གི་རིག་པ་རྟོག་པའི་བསམ་པ་དང་བྲལ་བའི་རྒྱལ་བའི་ཐུགས། །མུ་བཞིའི་ཕྱོགས་རིས་མེད་པའི་བཏང་སྙོམས་ཆེན་པོ་ཡིན་པ་ལ། །ཆེད་དུ་བྱས་པའི་རྩོལ་བའི་སྡུག་བསྔལ་དང་བྲལ་བས་བདེ། །བདེ་བ་ཆེན་པོ་ནི་བདེ་སྡུག་གི་མཚན་ཉིད་ཀྱི་མཐའ་རྣམས་ཀུན་ལས་འདས་པ་དེ། །འཁོར་འདས་ཀྱི་རོལ་པ་ཀུན་གྱི་འབྱུང་གནས་སུ་ལྷུན་གྱིས་གྲུབ་པས་ཕྱོགས་རིས་ལས་ཆེ། །གཟུང་འཛིན་དང་བྲལ་བའི་རང་གསལ་ཡེ་ཤེས་ཀྱི་དཀྱིལ་འཁོར་འདི་ཉིད་རྒྱལ་བའི། །སྐུ་དང་གསུང་དང་ཐུགས་ཡེ་ཤེས་རང་སྣང་དུ་མཛེས་པ་ནི་ཕན་ཚུན་ལས་གྲོལ་བའི་རྒྱན། །ཡུལ་ཤེས་གཉིས་མེད་པར་རང་གསལ་བའི་ཡེ་ཤེས་ཐུན་མོང་གི་བདེ་བ་ཐམས་ཅད་ལས་གྲོལ་ཏེ་ཚོར་བ་ལས་འདས་པས་བདེ་ཆེན་ཉིད་རྟོགས་པའི་ངང་དུ་གནས་པས། རྣལ་འབྱོར་བསམ་གྱི་མི་ཁྱབ་པའི་དགྱེས་པ་དབྱེར་མེད་པའི་རྒྱན་ཅེས་ཀྱང་བྱའོ། །ཡོད་མེད་གང་དུའང་བསམ་དུ་མེད་པའི་ནམ་མཁའ་ལ་མཐའ་དང་བྲལ་བ་ལྟར་དུ། །བྱང་ཆུབ་ཀྱི་སེམས་ལྷུན་གྲུབ་གསུམ་ལ་མུ་བཞིའི་མཐའ་དང་དེ་ལ་ལྟོས་པའི་དབུས་སུ་གྲུབ་པ་མེད། །བསྐལ་པ་ཆགས་ཤིང་ཞིག་ཀྱང་མི་འགྱུར་བར་ནམ་མཁའ་བརྟན་པ་ལྟར་དུ། །སེམས་ཉིད་ཡེ་གསལ་ལ་སྐད་ཅིག་དང་རྒྱུན་གྱིས་འགྱུར་བ་གང་ཡང་མེད་པས་གཡུ་དྲུང་ངོ་། །འཁོར་འདས་ཀྱི་ཆོས་ཐམས་ཅད་བྱང་ཆུབ་ཀྱི་སེམས་སུ་བཏུབས་ཏེ་འུབ་ཆུབ་པས། །མ་ལུས་པ་ཐམས་ཅད་ཀུན་བྱང་ཆུབ་ཀྱི་སེམས་སུ་ཡེ་ནས་འདུས་པས་རྩོལ་བ་མེད་པར་ལྷུན་གྱིས་གྲུབ་པར་རྫོགས། །གདོད་ནས་རང་གསལ་བའི་ཡེ་ཤེས་ལ་བཟང་ངན་སྤང་ལེན་མེད་པས་ཀུན་ཏུ་བཟང་། །སྣང་བ་སྣོད་སྲིད་པ་བཅུད་འཁོར་བའི་ངོ་བོ་དེ་ཉིད་དང་། །རང་གཞན་ནམ་སྣོད་བཅུད་གཉིས་མེད་པའི་རྒྱལ་བའི་དགོངས་པ་ཕྱོགས་རིས་མེད་པ་དག་མཉམ། །གང་དུ་མཉམ་ན་རང་བཞིན་གྱིས་འོད་གསལ་མུ་མཐའི་ཕྱོགས་རིས་བཏང་ནས་ཕྱོགས་མེད་དུ་སྙོམས་པའི་གནས་ལུགས་ཆེན་པོར་མཉམ་མོ། །བསྟན་པའི་འབྱུང་གནས་ཐེག་པའི་ཡང་རྩེར་གྱུར་པས་བསྟན་པའི་ཤེས་བྱ་དང་བསྒྲུབ་བྱའི་བཅུད་ཀུན་འདུས་ཐུན་མོང་མ་ཡིན་པའི་དོན་མཚན་པས་གསང་བའི་ཐབས། །རྟོགས་དཀའ་བས་གསང་བ་མེད་ལ་མི་ཟད་པས་མཛོད་རང་གསལ་བས་རིག་པ་ཐུགས་ཀྱི་གཏེར། །ནམ་མཁས་གོ་ཕྱེ་ནས་སྣང་སྲིད་གསལ་བ་ལྟར་དུ་སངས་རྒྱས་ཀྱི་བསྟན་པའི་སྤྱིའི་དོན་འགྲེལ་ཡེ་ཤེས་གསང་བའི་རྒྱུད་སྟོན་པས་ཐམས་ཅད་མཁྱེན་པའམ་ལོ་ཙ་བའི་ཚིག་ཡིན་པས་མི་འགལ་ལོ། འདི། ༈ །གུ་ལང་ལུང་སུལ་གི་གསེར་ལས་བྱས་པའི་ཟོ་བ་རུ། །སེང་གེའི་དཀར་མོ་འོ་མ་བླུགས་པས་བཅུད་དུ་གྱུར་པ་བཞིན་དུ། ༈ །རང་གི་སྙིང་གི་དཀྱིལ་དུ་ཉམས་སུ་ལེན་པས་བཙའ་བར་གྱིས། ༈ །སྲོག་དང་བྲལ་བའི་རོ་ཁ་བཞིན་སྐལ་མེད་ལ་བསྡོམས། ༈ །བསྟན་པའི་ཡང་སྙིང་འདི་རང་གི་སྙིང་ལྟར་དུ་གཅེས་སྤྲས་སུ་ཟུང་། ༈ །གླེགས་བམ་གཏེར་དུ་སྦ་བའི་གནས་ནི་བྲག་བརྐོས་པའི་གཏིང་དང་ཆུའི་གཏིང་བྱུག་པའི་རྫས་ཀྱིས་མི་ཉམས་པར་བྱས་ལ་བཞག་གོ། །དེ་སྐད་ཅེས་སྟོན་པས་གསུངས་སོ། །ཡེ་ཤེས་གསང་བའི་རྒྱུད་ལས་མཚན་གྱི་རྣམ་གྲངས་བདུན་དང་བསྟན་པའི་ལེའུ་སྟེ་བཅུ་གཉིས་པའོ།། ༈ །།རྫོགས་སོ། །རྒྱ་གར་གྱི་མཁན་པོ་ཤྲི་སིངྷ་པྲ་བ་ཏ་དང་། བོད་ཀྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་ཞུས་ཤིང་བསྒྱུར་ཏེ་གཏན་ལ་ཕབ་པའོ། །སེའི་བན་དྷེ་འབྱུང་ལྡན་གྱིས། མཁས་པའི་འགྲེལ་པ་ལ་བརྟེན་ནས་རང་བློས་དཔྱད་དེ་རྩ་རྒྱུད་ཀྱི། མཆན་བུ་ལེགས་པར་བཏབ་པ་ཡིན། དགེ་བས་འགྲོ་བ་མ་ལུས་པ། །རྩོལ་མེད་དོན་རྟོགས་སངས་རྒྱས་ཤོག །དགེའོ་བཀྲ་ཤིས་པར་སྨོན་ཏོ།།

རྒྱུད་ཡེ་ཤེས་རྫོགས་པ་སེའི་བན་ཆུང་གི་མཆན།

རྒྱུད་ཡེ་ཤེས་རྫོགས་པ་བཞུགས། རྒྱ་གར་སྐད་དུ། བོ་དྷི་ཙིཏྟ་ཛྙཱ་ན་པན྄་ཏི་ཏན་ཏྲར་ན་མ། བོད་སྐད་དུ། རིལ་བུ་བྱང་རྣམ་པ་ཆུབ་ཀྱི་མཚན་ཉིད་སེམས་རང་བྱུང་གི་ཡེ་ཤེས་ཆེ་བའི་ཡོན་ཏན་ཀུན་རྫོགས་པའི་ཚང་ཞིང་འབྲེལ་བས་རྒྱུད་ཅེས་བྱ་བ། བྱང་ཆུབ་ཀྱི་སེམས་ཕྱོགས་མེད་ཀྱི། མུ་མཐའ་ཐམས་ཅད་ལྷག་མ་མ་ལུས་པར། རྫོགས་པ་ལ་ཕྱག་འཚལ་ལོ། ༈ །འདི་གནས་ཨེ་བྂ་སྐད་སྟོན་པ་བདག་སྡུད་པ་པོ་གིས་རྒྱན་དྲངས་ལ་བཤད། མ་བཤད་འཁོར་པའི་ཡ་དུས་སྐད་གཅིག་གི་ཚེ་ན། ༈ །ཡང་དག་དོན་གྱི་འོག་མིན་གྱི་གནས་སེམས་ཉིད་ཀྱིས་སྣོད་བཅུད་ཀྱི་དངོས་པོ་མ་ལུས་པ་ལ་གདལ་བ་དེ་ལས་གཞན་པའི་སེལ་མེད་པའི་ཆེན་པོའི་ཞིང་ཁམས་ན། སྟོན་པ་རང་བྱུང་གི་ཡེ་ཤེས་ཡོན་ཏན་མཐའ་དག་རྫོགས་པའི་བཅོམ་རང་བཞིན་ལྡན་རྣམ་པ་འདས་མཚན་ཉིད་དེ་དགོངས་པ་ཆོས་ཉིད་རང་བྱུང་གི་དོན་དུས་གསུམ་དུ་མི་འགྱུར་བར་ལ་བཞུགས་སོ། ༈ །འཁོར་ཡང་དེའི་ཚེ་གདོད་ནས་ངོ་བོ་འབྲས་བུར་སྨིན་པ་ཆེན་པོའི་འཁོར་འདི་ལྟ་སྟེ། རང་བཞིན་གྱིས་གནས་པ་འབྱུང་དང་། རང་བཞིན་ལ་ལྟ་བ་ཡོ་ག་བཞི་དང་། རང་བཞིན་གྱིས་རྟོགས་པ་ཆེན་པོ་དུས་གསུམ་གྱི་སངས་རྒྱས་དང་། །རང་བཞིན་རྫོགས་པའི་ཆེན་པོ་དོན་ལ་མངོན་པར་དགའ་བ་སེལ་མེད་པས་འབའ་ཞིག་ཀྱང་འདུས་སོ། ༈ །འདུས་པ་དེ་ནས་སྟོན་པ་རིག་པའི་རྒྱལ་པོས་སེམས་དང་སེམས་བྱུང་སྣ་ཚོགས་ཀྱི་བསམ་པའི་འདུ་ཤེས་དང་བྲལ་ཏེ་གྱི་ལྷུག་པའི་ཏིང་ངེ་འཛིན་ལ་མུ་མཐའ་ཐམས་ཅད་མཉམ་པའི་ཀློང་དུ་སྙོམས་པར་ཞུགས་སོ། །ཞུགས་པའི་ཡོན་ཏན་དེའི་ཚེ་འདུས་པའི་ཚོགས་ཀྱིས་ཆོས་ཐམས་ཅད་རང་བྱུང་མཉམ་པའི་ཀློང་དུ་མཐོང་བར་གྱུར་ཏོ། ༈ །མཐོང་བ་དེ་ནས་སྟོན་པ་བཅོམ་ལྡན་འདས་རིག་པའི་ཡེ་ཤེས་རང་ཤར་བས་ཆོས་ཐམས་ཅད་ལ་རང་དབང་སྒྱུར་བའི་རྒྱལ་པོས་འདི་སྐད་ཅེས་གསུངས་སོ། །ཐམས་ཅད་རང་བྱུང་གི་ཡེ་ཤེས་སུ་གདོད་ནས་དག་པ་ནི་ཡེ་ནས་སངས་རྒྱས་པ་སྟེ། །ཆོས་ཅན་མཚན་མར་འཛིན་པ་དང་ཆོས་ཉིད་མཚན་མ་མེད་པ་སྣ་ཚོགས་པ། །ཐམས་ཅད་རིག་པ་ཉིད་ཡིན་ལ་དེ་ཡང་གདོད་ནས་རྣམ་པར་དག་པས། །སྨིན་པའི་འཁོར་ཚོགས་ཏེ་དེ་དག་དང་བའི་སེམས་ཀྱིས། །ཆོས་ཅན་དང་ཆོས་ཉིད་སྣ་ཚོགས་པ་ཀུན་རང་བྱུང་གི་དེ་བཞིན་ཉིད་དུ་ལྟོས། །ཞེས་གསུངས་པ་དང་། ༈ །སྨིན་པ་ཆེན་པོའི་འཁོར་གྱི་ནང་ནས་སེམས་དཔའ་རྡོ་རྗེ་མ་འགགས་པར་རང་བྱུང་སྟེ་སྟོན་པ་ལ་འདི་སྐད་ཅེས་གསོལ་ཏོ། །ཆོས་ཐམས་ཅད་རང་རིག་པའི་ངོ་བོ་ཉིད་དུ་རྣམ་པར་དག་པའི་བཅོམ་ལྡན་འདས་ཀྱི། སྐུ་དང་གསུང་ཐུགས་ཡོན་ཏན་ཕྲིན་ལས་མ་ལུས་པ་རྫོགས་པའི་ཡེ་ཤེས་ཆེན་པོ་དེའི། མཛད་པ་ཕྱོགས་བཅུར་ཁྱབ་པས་མུ་མཐའ་མེད་པས། ཐུགས་རྗེ་མུ་བཞི་ཐམས་ཅད་དུ། རང་སྣང་བས་ཕྱོགས་གཅིག་པའི་རིས་སུ་གྲུབ་པ་མེད་དེ། །དེ་བས་ན་བཏང་སྙོམས་ཆེན་པོ་འཁོར་འདས་ཐམས་ཅད་མཉམ་པ་ཉ ིད་པས། ཀུན་ཏུ་བཟང་པོ་དེས། །རིག་པའི་མཆོག་གི་ཐིག་ལེ་བྱང་ཆུབ་སེམས་ཀྱི་དཀྱིལ་འཁོར་ནས། །ལྷག་མ་མེད་པར་རྫོགས་པའི་ཡེ་ཤེས་ཐམས་ཅད་མ་འགགས་པར་འཆར་བའི་ཐབས་ཆེན་གྱིས། ཐུན་མོང་མ་ཡིན་པའི་གསང་བའི་ཡེ་ཤེས་ཇི་ལྟར་བལྟས་པས་ལྟར་སྣང་བའི་སྒོ་ཕྱེ་ནས། །རང་བྱུང་གི་ཡེ་ཤེས་འགྲོ་བའི་དཔལ་གྱི་མགུར་གནས་གསུང་བརྗོད་དུ་མེད་པའི་ཚུལ་གྱིས་བསྒྲགས་པས། །འདུས་པའི་འཁོར་ལ་ཕྱོགས་མེད་ཀྱི་དོན་གསལ་བར་གསུངས་དུ་གསོལ། །ཞེས་སེམས་དཔའ་རྡོ་རྗེས་ཞུས་སོ། ༈ །དེ་ནས་སྟོན་པ་རང་བྱུང་རིག་པའི་རྒྱལ་པོ་བསམ་བྲལ་དེས། །སྡུད་པ་པོ་སེམས་དཔའ་རྡོ་རྗེ་དེ་ལ་འོག་ནས་འབྱུང་བ་འདི་སྐད་ཅེས་བཀའ་སྩལ་ཏོ། །ཡེ་ཤེས་རྫོགས་པ་མ་བཅོས་པའི་བདེ་བ་ཆེན་པོ་དེ། མཐའ་ཡས་འགྲོ་བ་ཀུན་ལ་གནས་བྱ་གནས་བྱེད་ལས་གྲོལ་བར་ལྡན་ཏེ་ཐམས་ཅད། །རིག་པ་དབྱེར་མེད་ཀུན་ཏུ་བཟང་པའོ། །དེའི་ངོ་བོ་གང་ཡང་མ་ཡིན་རིག་པ་ཕྱོགས་རིས་མེད་པར་གསལ། །ལྷུན་གནས་ཀྱི་དོན་ལ་གཟོད་རྟོགས་པར་འདོད་པའི་རྩོལ་བས་སེམས་བྲལ་ཏེ་ཡེ་ནས་མངོན་སངས་རྒྱས་པའི་ཕྱིར་རོ། །རྒྱུ་རིགས་དང་འབྲས་བུ་སངས་རྒྱས་གཉིས་མེད་དེ་རྒྱུ་ཉིད་འབྲས་བུས་སར་འགྱུར་བ་དང་བྲལ། །རྣམ་བྱང་ཤེས་པ་དེ་བཞིན་གཤེགས་པའི་སྙིང་པོ་རང་ལ་གནས་པ་རྟོགས་པར། །བྱེད་པའི་ཐབས་དོན་དམ་ཚངས་པའི་དབང་ཉིད་ཀྱིས་གཟའ་བའི་ཡུལ་མེད་པར་མཐོང་བར་གྱིས། ༈ །ཤེས་པའི་རྣམ་གྲངས་སེམས་དང་སེམས་བྱུང་གང་སྐྱེས་ཀྱང་། །དེ་ཉིད་རྣམ་བྱང་གི་ཡེ་ཤེས་ཉིད་ལས་གཞན་མ་ཡིན། །བློ་ལས་འདས་ཏེ་བསམ་གྱིས་མི་ཁྱབ་པར་མཐོང་བའི་དུས་ན་ཤེས། ༈ །འཁོར་བའི་ཤེས་པ་ཚོགས་བརྒྱད་ནི་བློ་བུར་དུ་བྱུང་བས་ཡེ་ནས། །རང་བཞིན་གྱིས་གནས་པ་མ་ཡིན་གྱི་ཕྱིན་ཅི་ལོག་གི་རྐྱེན་གྱིས་སྣང་བ་ནི། །བརྗོད་པའི་སྒྲ་བརྙན་མ་ཉིད་དང་བློ་བུར་དུ་རྐྱེན་གྱིས་འབྱུང་བར་མཚུངས། །ཁམས་གསུམ་གྱི་རྣམ་པར་རྟོག་པའི་སེམས་དང་སེམས་བྱུང་ཉིད་ནི། །རང་རང་གིས་གང་ལྟར་བརྟགས་པ་ལྟར་གཞན་སྣང་དུ་མཐོང་། །དུ་མ་རིམ་གྱིས་སྐྱེ་བའི་རྟོག་པ་དག །སྐྱེ་མཆེད་ཀྱི་སྒོ་རྣམས་ཀུན་ཏུ་རྒྱུ་བ་སྟེ་དཔེར་ན། །མི་གཅིག་ཉིད་སྐར་ཁུང་སོ་སོ་ནས་དུ་མར་མཐོང་བ་བཞིན་ཏེ། །དོན་གྱི་རྣམ་བྱང་ཡིན་ལུགས་དེ་བཞིན་ཉིད་ནི་དུ་མ་མིན། ༈ །པས་ཆོས་ཐམས་ཅད་རིག་པར་དབྱེར་མེད་པས་ཐིག་ལེའི་དཀྱིལ་འཁོར་འདིར། །མུ་བཞིའི་མཐའ་དང་བྲལ་བའི་ལྟ་བའི་རང་བྱུང་ཕྱོགས་མེད་པ་དོན་ལྡན་གྱིས། །རྟོགས་པའི་ངང་དུ་རང་བཞིན་དགོངས་པས་ལྷུག་པར་གནས་པར་བྱ། །རང་བྱུང་ཐུགས་རྗེ་བརྡལ་ཁྱབ་ཆེན་པོའི་ངང་ལས་གཡོ་མེད་ཀྱིས། །འགྲོ་དོན་མ་ལུས་ཁྱབ་བརྡལ་འུབ་ཆུབ་ཏུ་རྫོགས་པར་མཛད། །སྐུ་གསུམ་ལྷུན་གྲུབ་རྩོལ་མེད་ཀྱི་འབྲས་བུ་ནི། །གཞན་ནས་ཐོབ་པ་མ་ཡིན་ཏེ་ཕྱོགས་མེད་ཀྱི་ཡེ་ཤེས་ཉིད་ལ་རྫོགས་སོ། ༈ །དེ་མངོན་དུ་བྱེད་པའི་གང་ཟག་ཀྱང་རིགས་རྒྱུད་དབང་པོ་རང་བཞིན་གྱིས་སྣོད་དུ་གྱུར་པ་ཆིག་ཆོད་དམ། །སྔར་སངས་རྒྱས་ཀྱི་བསྟན་པ་ལ། སྦྱངས་པའི་སྣོད་དུ་གྱུར་པའི་ལས་ཀྱི་འཕྲོ་ཅན་གཉིས་གང་ཡིན་ཡང་རུང་བའི། །སེམས་ཀྱི་རྣམ་གྲངས་གང་དང་གང་སྐྱེས་པའི་སྒོ་ནས། །རྒྱལ་ཐབས་སྤྱི་བླུགས་དོན་དམ་ཚངས་པའི་དབང་ལ་གནས་པར་བྱས་ཏེ། །རྣ་བརྒྱུད་ཞལ་གྱི་གདམས་ངག་ཐུག་ཕྲད་གསུམ་བཞི་རྒྱུད་ཀྱི་བླ་མ་ནོད་པར་བྱ། །བགྲོད་མེད་རྣམ་གྲོལ་རྫོགས་པ་ཆེན་པོའི་ལམ་ལ་གནས་པར་བྱས་པ་དེ་ལ་རྩོལ་བས། །སྦྱངས་མེད་ས་བཅུ་རིམ་པའི་ཡོན་ཏན་མ་ལུས་པ་འཕེལ་ཀྱང་འདིར་ས་ལམ། །རིམ་པར་སྦྱང་དུ་མེད་པས་ཅིག་ཅར་འཇུག་པའི་ས་ཡིན་ཏེ། །དེ་ཡང་རང་བྱུང་གི་ཡེ་ཤེས་ལས་གོང་འོག་གི་ཐ་སྙད་དང་བྲལ་བའི་བླ་མའི་ས་ཞེས་བྱ་སྟེ་ས་གཞན་ལས། །རབ་ཏུ་ཆེ་བ་ལྔས་མཆོག་ཏུ་གྱུར་པའི་ཕྱིར་ཆོས་ཀྱི་སྐུ་དེའི་ཀློང་དུ། །རྩོལ་བ་མེད་པར་གནས་པས་མངོན་སུམ་དུ་སངས་རྒྱས་ཞེས་བྱ། །དེ་ཇི་ལྟར་བསྐྱང་བ་འགྲོ་བའི་རིག་པ་གང་དང་གང་སྐྱེས་པ་དག་ལ་འདུ་ཤེས་བཤིག་སྟེ། །བསམ་བྲལ་རིག་པ་ཁ་མཉམ་ཀྱི་དབྱིངས། ཉིད་དུ་འདུག་པར་བྱ། །ཤེས་པ་མ་བཅོས་རང་ལུགས་ཐལ་བྱུང་དུ་རྟོགས་བའི་སོ་ལ། །དུས་གསུམ་དུ་གསལ་ལ་རྣམ་རྟོག་གིས་མི་གཡོ་བར་གནས་པར་གྱུར་ན། །རྒྱལ་བའི་ཡེ་ཤེས་གསལ་མཐར་ཕྱིན། །ཞེས་གསུངས་སོ། །ཡེ་ཤེས་རྫོགས་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། ༈ །།དེ་ནས་རིག་པའི་རྒྱལ་པོས། སྡུད་པ་པོ་སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། ༈ །སྣ་ཚོགས་འཁོར་བའི་རྟོག་པ་བསམ་གྱིས་མི་ཁྱབ་པ་དང་། །རང་བྱུང་རྫོགས་པའི་སངས་རྒྱས་ཉིད་ཀྱི་ཡེ་ཤེས་གཉིས་ཐ་དད་མ་ཡིན་པར་རང་བཞིན་གཅིག་སྟེ། །རྫོགས་པའི་ཡེ་ཤེས་གང་ཡིན་པ་འཁོར་བའི་རྟོགས་པ་ཉིད། །འཁོར་བའི་རྟོག་པ་གང་ཡིན་པ་རྫོགས་པའི་ཡེ་ཤེས་ཉིད་ཡིན་པའི་ཕྱིར། །དེ་གཉིས་ཐ་དད་ཡོད་པ་མ་ཡིན་ཏེ། །ཡེ་ཤེས་རྫོགས་པའི་རང་བཞིན་ནི། །མུ་མཐའ་ཀུན་སྤངས་མུ་མཐའ་ཀུན་གྱི་དངོས་གཞི་ཅན། །འཛིན་པ་དུ་མའི་འཁོར་བ་རྟོག་པ་འདི། །བྱང་ཆུབ་སེམས་སུ་བརྗོད་པ་ཡིན། །བརྗོད་མེད་སེམས་ཀྱི་རང་བཞིན་ལ། །ཚིག་ཏུ་མ་བརྗོད་པས་གོ་བར་མི་འགྱུར་བས། །བརྗོད་མེད་ཀྱི་དོན་ཇི་ལྟ་བར་བརྗོད་པས་གྱིས་མཚོན་པར་བྱ། །ཀུན་ཏུ་བཟང་པོ་བྱང་ཆུབ་ཀྱི་སེམས་ཉིད་ཕྱོགས་རིས་ཐམས་ཅད་རྣམ་པར་དག་པས། །མཚོན་བྱའི་ཡུལ་དང་མཚོན་བྱེད་ཀྱི་ཐབས་གང་ཡང་མིན། །བརྩལ་མེད་རང་བཞིན་ཇི་ལྟ་བ་ཉིད་ཀྱིས་མཚོན། །ཐ་མལ་སྣང་བའི་འཁྲུལ་པ་ཤེས་པ་དག །རྒྱལ་བའི་བཀའ་ལ་བརྟེན་པ་ཡི་ཤེས་པ་ཐོས་བསམ་བསྒོམ་པས་དོན་ལ་རིམ་གྱིས་དྲངས་བྱས་ཏེ། །དམིགས་པ་གཏད་པ་དང་འཛིན་པ་མེད་པའི་ངང་ལ་བཞག །བསྒོམ་མངོན་ཡིད་ལ་མི་བྱེད་སྔ་ཕྱི་སྤྲོས་པ་སྣ་ཚོགས་ཀྱི་བྱ་བ་གཏང་། །དོན་བློ་ཡིས་མི་དཔྱད་རང་བཞིན་གསལ། །མཚན་ཉིད་པའི་ཕྱོགས་སུ་འཛིན་པའི་རྒྱུ་ལམ་དང་འབྲས་བུ་སངས་རྒྱས་སུ་འདོད་པ་གང་དུ་ཡང་གྲུབ་པ་མིན་ནོ། ༈ །སྔགས་འབྲས་བུ་ལྷའི་སྐུ་བསྒོམ་པ་ཉིད་ཀྱིས་མཐར་ཐུག་གི་འབྲས་བུ་འགྲུབ་པར། །རེ་ཞིང་འདོད་པ་ནི་རྩོལ་བའི་མཐའ་རུ་འགྱུར་རོ། །རྒྱུ་འབྲས་གང་དུ་ཡང་འཛིན་པ་མེད་པའི་རྟོགས་གོམས་རང་བཞིན་དང་མཐུན་པར་སྤྱད་པའི་སྨན་ཆེན་གྱིས། །འཁོར་བའི་དུཿཁ་གཅོང་ནད་རྙིང་པ་ས་བོན་དང་བཅས་པ་ཀུན་དང་བྲལ། ༈ །འཁོར་བའི་རྣམ་པར་རྟོག་པ་ཡེ་ཤེས་སུ་འོད་གསལ་བ་ཉིད་ཡིན་ཏེ་དེ་ཡང་གཞི། །རང་གནས་ཡེ་ཤེས་ལ་ཡེ་ནས་འཁྲུལ་པ་དག །དཔེར་ན་རིན་ཆེན་དག་པའི་གླིང་པ་ན་ས་རྡོའི་སེལ་མེད་པ་བཞིན་དུ། །སེམས་ཀྱི་ཡེ་ཤེས་ཡེ་ནས་དག །རིམ་པར་འཇུག་ཏུ་མེད་པ་སེམས་ཀྱི་རང་བཞིན་ལ། །འོག་མ་ལྟར་རིམ་པར་བགྲོད་པའི་ལམ་གྱིས་འབྲས་བུ་ཐོབ་པ་མེད། །རྣམ་གྲོལ་འབྲས་བུ་རྒྱུ་རྐྱེན་མེད་པས་རང་བྱུང་ཉིད་ལ། །བགྲོད་དུ་མེད་དེ་རྣམ་གྲོལ་རྫོགས་པའི་ལམ་དེ་ཉིད། །གདོད་ནས་བརྩལ་བ་མེད་པར་ལྷུན་གྱིས་གྲུབ་སྟེ། །ཡེ་ཤེས་ཉི་མའི་སྙིང་པོར་ལྷར་གསལ་བ་ཤར། །མ་ལུས་ཐིག་ལེ་ཆེན་པོ་ཉིད་ལ། །གཟུང་བ་དང་འཛིན་པ་གཉིས་མེད་པས་རྣམ་རྟོག་གིས་མི་གཡོ་བའོ། ༈ །རྒྱུ་དང་འབྲས་བུར་རྟོག་པས་འཛིན་ཅིང་། །དོན་མི་ཤེས་པའི་སྒྱུ་མ་འཛིན་པས་བཅིངས། ༈ །སེམས་ཉིད་ནམ་མཁའ་དང་འདྲ་བར་ཕྱོགས་མེད་པ་ནི་ལྟ་བའི་ཀློང་། །ཡེ་ཤེས་སུ་ཀུན་ཤོངས་པས་ཡངས་པས་ཡོངས་ལ་ཁྱབ་པ་གདལ་བ་ཆེ་དེ་ལ། །བླང་བ་དང་དོར་བ་གཉིས་མེད་པས་བརྩལ་བ་དང་བྲལ་བར། །བྱང་ཆུབ་སེམས་ཀྱི་ལྟ་བས་ཐག་ཕྱོགས་མེད་དུ་གཅད། །ཐག་བཅད་ནས་དེ་ཏིང་འཛིན་ཞི་བས་ཉམས་སུ་བླང་། །བྱང་ཆུབ་སེམས་ཀྱི་ལྟ་བ་ནི། །གང་ལྟར་ཅི་ཡང་མ་ཡིན་པས། །རང་བྱུང་ཡེ་ཤེས་མཚན་ཉིད་གསལ་བའི་ངང་དུ་བློས། །མི་བསམ་པར་གྱི་ནར་བཞག་པའོ། །དེའི་ཡོན་ཏན་བསམ་གྱིས་མི་ཁྱབ་ཡེ་ཤེས་མཐོང་། །རང་བྱུང་རྫོགས་པའི་ལྟ་བ་ལྷུན་གྲུབ་གསུཾམ་ནི། །ཡོད་མེད་དབུ་མའི་མཐའ་གསུམ་བྲལ་ལོ་དེ་ཉིད་ཡེ་ནས་སངས་རྒྱས་ཡིན་ཏེ་དེ་ཉིད་ཀ །རྩོལ་བ་དང་བྲལ་བས་དབུ་མ་ཆེན་པོ་དྲངས་པོའི་ལམ་མོ། །ཕྱོགས་འཛིན་གྱི་འཆིང་བ་དང་བྲལ་བའི་ལྟ་བ་ལ་འབྲས་བུ་རྩོམ་པའི་གཟའ་བ་དང་དམིགས་པ་ལ་གཏད་པ་གཉིས་ཀ་མེད། །རིན་ཆེན་འཁོར་ལོའི་རྒྱུད་ཀུན་ཏུ་བཟང་པོའི་དགོངས་པ་སྟོན་པ་འདིས། །རང་སེམས་གཟུང་འཛིན་གཉིས་མེད་རྟོགས་པར་གྱིས། །བཏང་སྙོམས་ཆེན་པོའི་ལྟ་བ་ལ་བླང་དོར་མེད་དོ། །དཔེར་ན་ཁྱུང་ཆེན་ནམ་མཁའ་ལ་ལྡིངས་པ་ལ་རྩོལ་བ་དང་བྲལ་རྗེས་མེས་ཉམས་ང་མེད་པ་བཞིན་དུ། །རིག་པ་ཕྱིར་རོལ་དུ་སྤྲོ་བ་དང་ནང་དུ་བསྡུ་བ་གཉིས་མེད་སེམས་ཡུལ་ལ་བཏང་བ་དང་རིང་ངེས་བཞག་པོ་དང་བྲལ། །ཆེ་བའི་ཡོན་ཏན་མ་ལུས་པ་ཐམས་ཅད་རང་བཞིན་གྱིས་གནས་པས་གཞན་ནས་ཐོབ་པའི་རེ་དོགས་དང་བྲལ། ༈ །སྤྱོད་ཡུལ་མ་ལུས་པ་རིག་བདེ་སྐྱིད་ཀྱི་ཁྱབ་བདལ་ཡངས་པའི་ཀློང་དུ་ཐིམ་པས་སེམས་སུ་ཤེས། །འཁྲུལ་པ་སྣ་ཚོགས་སུ་ཤར་བའི་འཁོར་བའི་རང་བཞིན་དང་། །ཐིག་ལེ་བདེ་མཆོག་ལས་གཞན་དུ་མ་གྲུབ་པས་ཡེ་ཤེས་རང་རིག་པ་ལས་གཉིས་སུ་གྱུར་པ་མེད། །རང་བྱུང་གི་ཡེ་ཤེས་ཕྱོགས་མེད་ཉིད་ལས་མ་གཏོགས་པ་གཞན་སེམས་རྡུལ་ཆ་ཙམ་ཡང་། ༈ །ཡོད་མེད་གཉིས་དང་གཉིས་མེད་གང་ལྟར་ཡང་། །མ་ཡིན་བརྗོད་པའི་མཐའ་ལས་འདས་པར་བཞུགས། །གང་ཡང་མ་ཡིན་གར་ཡང་རྒྱ་མ་ཆད། །ཅེས་སོ། །གྲུབ་པ་མེད། །རིག་པའི་ཡེ་ཤེས་ཅི་ཡང་མ་ཡིན་པས། །རང་རང་གི་ཕྱོགས་འཛིན་གྱི་འདོད་པའི་བསམ་པ་ཀུན་དང་བྲལ། །ཤེས་པ་མུ་བཞིའི་མཐའ་དང་བྲལ་བས་ཕྱོགས་རིས་ཀྱིས་སྟོང་པ་ཉིད། །རང་བྱུང་གི་ཡེ་ཤེས་སྒྲིབ་བྱེད་དང་བྲལ་བས་འོད་གསལ་ཉིད་གདོད་ནས་རང་ལ་གནས་པས། །ཡིད་ལ་གང་དུའང་འཛིན་པ་མེད་པའི་ཡེ་ཤེས་ཕྱོགས་མེད་དུ་གསལ། །རང་བྱུང་གི་རོལ་པ་ཅིར་ཡང་སྣང་ཡང་མཐའ་གང་དུ་ཡང་། གྲུབ་པ་མེད་པས། །སྒྱུ་མའི་རང་འོད་ཡེ་ཤེས་རང་སྣང་རིག་པའི་རྩལ་དུ་འཕྲོ། །ཡེ་ཤེས་ཀྱི་རང་འོད་མ་བཅོས་པ་རྣམ་པ་སྒྱུ་མར་ལྷུན་གྲུབ་པ་ལ། །སྣང་བ་མ་འགགས་ཀྱང་བདེན་པར་འཛིན་པའི་སེམས་དང་ཡུལ་གྱི་ངོས་གཟུང་གང་ཡང་མེད། །སྣང་མེད་ཀྱི་ཡེ་ཤེས་རྟོགས་པའི་རྒྱལ་པོ་ལ་སྔ་ཕྱིའི་སྤྲོས་པ་རྣམ་པར་དག་གོ། །ཉོན་ཡིད་ང་བདག་ཏུ་འཛིན་པའི་སེམས་དང་བྲལ་བའི་རིག་པ་ཡུལ་མེད་པར་རང་གསལ། །སེམས་ཉིད་ནམ་མཁའ་ལྟ་བུ་ཕྱོགས་རིས་མེད་པ་ལ། །སྒོམ་པའི་བློས་ཀྱང་ནམ་མཁའ་ལྟ་བུར་བསམ་དུ་མེད་དོ། །ནམ་མཁའ་བསམ་དུ་མེད་པ་བཞིན་དུ། །ཡེ་ཤེས་ཀྱང་བསམ་དུ་མེད་པ་ཡིན་ནོ། །ཅིར་ཡང་མི་དགོངས་རང་བཞག་པ། །དུས་གསུམ་རྒྱལ་བའི་ལྟ་བ་ཡིན། །ལྟ་མེད་རང་བཞག་ལྟ་བ་ནི། །དུས་གསུམ་གང་ཡང་མ་ཡིན་ཏེ། །འགྱུར་མེད་དབྱིངས་ཀྱི་ལྟ་བ་ཡིན་དེ་ལ། །འདོད་པའི་བྱ་བ་གང་ཡང་མེད། །འདོད་པ་མེད་པའི་བྱ་བའང་མིན། །ངོ་བོ་ཉིད་ལ་ཡངས་དོག་མེད། །སེམས་ཉིད་ལ་འཁྲུལ་པའི་དྲི་མ་ཀར་དག་པ། །འགྱུར་བ་མེད་དེ་དཔེར་ན་རིན་ཆེན་གསེར་ལ་བཟོའི་རྣམ་པ་ཐ་དད་ཀྱང་ངོ་བོ་མི་འགྱུར་བ་བཞིན་ནོ། །འཛིན་པ་རྟོག་པའི་རླུང་གིས་བཏང་སྙོམས་ཆེན་པོ་ལས་གཡོས་པར་གྱུར་ཀྱང་། །རིག་པའི་ངོ་བོ་ལ་ནམ་དུ་ཡང་འགྱུར་བ་མེད་དེ་དཔེ་གོང་ལྟར་རོ། །རྒྱ་མཚོར་ཐམས་ཅད་ཆུ་སྣང་བ་ཆེན་པོ་ཡིན་པ་བཞིན། །ཕྱི་ཡུལ་དང་ནང་སེམས་མི་མངའ་བར་ཐམས་ཅད་རང་བྱུང་གི་ཡེ་ཤེས་ཆེན་པོར་གསལ་དེ་ལ། །མཐའ་དབུས་མི་མངའ་བས་ཕྱོགས་རིས་དང་བྲལ། །ཡེ་ཤེས་སེམས་ཉིད་ལྟ་བ་ལ། །རྒྱུ་དང་རྐྱེན་གྱིས་ཆེད་དུ་རྩོལ་བ་མེད། །རྡོ་རྗེ་ཉིད་དང་འདྲ་བས་སྐད་ཅིག་གིས་འཇིག་པ་མེད། །ཉི་མའི་སྙིང་པོའམ་རིན་ཆེན་འོད་འབར་བ་ལྟར། །རང་གསལ་ལ་གདོད་མ་ནས་རྣམ་པར་རྟོག་དང་བྲལ་བས། །འཁོར་བ་ཉིད་ནའང་ཡེ་སངས་རྒྱས་སོ། །རང་སེམས་རིག་པ་མ་འགགས་པ་གང་དུ་ཤར་ཡང་རུང་དེ་དག་ངོ་བོས། །བསམ་པ་དང་བྲལ་ཡེ་ཤེས་ཉིད་དེ། །དེ་ལ་ཆོས་ཅན་དང་ཆོས་ཉིད་གང་ཡང་མེད་དོ། །མཐའ་བྲལ་ཡེ་ཤེས་རྫོགས་པ་འདི། །ཐེར་ཟུག་ཏུ་མ་གྲུབ་པས་རྟག་པ་མ་ཡིན་སྐད་ཅིག་མ་ཡིན་པས་མི་རྟག་མིན། །ཤེས་པ་མི་འགོག་པས་ཆད་པར་ཀྱང་རིག་པར་འདོད་པ་མིན། །ཤེས་བྱ་ཤེས་བྱེད་ཀྱིས་མི་རྩོལ་ཏེ་རང་བཞིན་གྱིས་དག་པ་ནི་གསང་བའི། །དབུ་མ་ཆེན་པོ་སྟེ་དྲང་པོའི་རྒྱལ་བ་སེམས་ཏེ་དེ་ནི་ཕྱོགས་མེད་ཡིན་གྱི། །ཕྱོགས་ཀྱི་ཡུལ་ལ་འཇུག་པ་མེད་དོ། ༈ །སེམས་ཉིད་དམིགས་པའི་ཡུལ་ལ་གང་འཇུག་པར་གྱུར་ན། །འཛིན་པའི་ཕྱོགས་རིས་དང་བཅས་རང་རང་གི་འདོད་པ་སྒྲུབ་པ་དེ་ཉིད། །དབུ་མའི་སེམས་དང་མི་ལྡན་པ་སྟེ། །བག་ཆགས་གཟུང་འཛིན་གཉིས་སུ་འཛིན་པའི་སེམས་ཀྱིས་དཀྲུགས་པའོ། ༈ །བློས་བསམ་དུ་མེད་པའི་རིག་པ་སྒྲས་བརྗོད་དུ་མེད་པ་འདི། །ཐ་སྙད་ཀྱི་མཚོན་པའི་མི་གནས་ཏེ་འོན་ཀྱང་། །གདུལ་བྱ་བརྗོད་བྲལ་མི་རྟོགས་པ་དམན་པའི་སེམས་དག་ལ། །ཐ་སྙད་སྒྲ་ཡི་འཁོར་ལོ་བསྟན་ནོ། ༈ །སྣང་བ་སྣོད་སྲིད་པ་བཅུད་དུ་སྣང་བ་སྣ་ཚོགས་པ་འདིའང་། །རྒྱལ་བའི་སྐུ་གསུང་ཐུགས་ལས་མ་གཡོས་ཏེ། །དྲན་རྟོག་ཐམས་ཅད་རྒྱལ་བའི་ཏིང་འཛིན་རིག་པའི་ཐུགས་ཏེ། །ནམ་མཁའ་ལྟ་བུར་མི་ཟད་པ། །བདེ་ཆེན་རིག་པ་ཐུགས་ཀྱི་རྒྱན་གྱི། །རྣམ་པར་རྟོག་པའི་སྒྲོ་འདོགས་གཅོད་པའི། །འོད་གསལ་རིག་པའི་འཁོར་ལོ་ཡིན། །ལུས་ཅན་རྣམས་ཀྱི་སྒྲ་ཟིན་མ་ཟིན་གཉིས་ཀ་ལས་བྱུང་བ་རྣམས་ནི། །གསང་བ་སྔགས་ཀྱི་གསུང་དུ་གྲགས་པ་ཡིན་ཏེ། །སྣང་སྟོང་གཉིས་མེད་རིག་རྒྱལ་པའི་བ་གསུང་། །མིག་གི་རྣམ་ཤེས་ལ་ཁ་དོག་དབྱིབས་སུ་གང་སྣང་བ། །སྐུ་མཆོག་རྒྱན་གྱི་འཁོར་ལོ་ཚིག་གིས་མི་རྟོགས་པས་ཟབ་མོ། །རྡོ་རྗེ་ལྟ་བུར་སྣང་སྟོང་དབྱེར་མེད་པས་ནི། །སེམས་སྣང་གྲགས་ཀྱི་རང་བཞིན་ཀུན་ཏུ་བཟང་པོའི། །སྐུ་གསུང་རྫོགས་པའི་བདེ་བ་ཆེན་པོའི། །དོན་དེ་བསམ་མེད་རང་བཞག་ཉིད་ཀྱིས་གོ་བར་འགྱུར་རོ། །དེ་ལྟར་རིག་པ་མཆོག་དང་ལྡན་པ་ནི་ཀུན་ཏུ་བཟང་པོའི་སྐུ། །བཀའ་ཡི་འཁོར་ལོ་འབུམ་ཕྲག་ཡས་པའི་གསུང་། །ཏིང་འཛིན་མི་རྟོག་རང་བཞིན་གསལ་བའི་ཐུགས། ༈ །རང་རིག་པ་སྐུ་གསུང་ཐུགས་རྡོ་རྗེ་ལས་འགྱུར་བ་མེད་པའི་ལུང་། །ཡེ་ཤེས་རྫོགས་པའི་ལུང་འདི་ཉིད་གིས་ནི། །སྣང་གྲགས་དྲན་རིག་ཐམས་ཅད་སྐུ་གསུང་ཐུགས་ཡེ་ཤེས་རྡོ་རྗེའི་ངོ་བོ་གསལ། །ཞེན་འཛིན་འཁྲུལ་པའི་སྒྲོ་སྐུར་མ་ལུས་པ། །སྐུ་གསུང་ཐུགས་ཡེ་ཤེས་རིག་པའི་འཁོར་ལོས་གཅོད། །རང་གསལ་རིག་པའི་སྣང་བ་ལ། །གང་ལྡན་གསལ་བའི་རིག་པས་སྐུ་གསུང་ཐུགས་སུ་མཐོང་། །ལྟ་བ་རང་བྱུང་ཡེ་ཤེས་ཕྱོགས་མེད་དེ་ཉིད་ཙམ་དུ་ཟད། །རང་རིག་རྫོགས་པའི་ཡེ་ཤེས་ལ། །ངོ་བོ་གྲུབ་པ་གང་ཡང་མེད་པ་ལས་རྣམ་པར། །རྟོག་པའི་མཐུ་ཡིས་སྣ་ཚོགས་ཅིར་ཡང་མཐོང་ལ་མཐོང་ཡང་དཔེར་ན། །མེ་ལོང་དྭང་བའི་གཟུགས་ཀྱི་བརྙན་མ་ལྟར། །རྡོ་རྗེ་གསང་བའི་གདམས་པ་ཡིས། །རིག་པའི་ཡེ་ཤེས་ཀུན་ཏུ་བཟང་། །ཡི་གེ་མེད་པའི་རྣ་ཚོགས་དོན་དུ་མཐོང་ངོ་། །དེ་ལྟར་རང་གསལ་རྟོགས་པའི་རྗེས་སུ་རང་གྲོལ་ལྷུག་པར་བཞག་ན། །འབྲས་བུ་ཆེ་བའི་ཡེ་ཤེས་རྫོགས་པ་རྗེས་སུ་དཔགས་པ་ཡང་། །རང་རིག་ཏུ་འབྲེལ་པ་ཡིན་པས་སེམས་ཀྱི་ཆོས་ཉིད་ལ་གནས། ༈ །ཡེ་གསལ་ཕྱོགས་མེད་རིག་པའི་འཁོར་ལོ་ལ། །རྩོལ་བརྒྱད་ཞེན་དྲུག་ལོག་གསུམ་འདོད་པའི་བློ་ཡིས་གང་རྩོལ་བ། །རང་འདོད་ཐེག་པའི་ཁྱད་པར་རྣམས་ནི། །གནས་ལུགས་གསང་བའི་དོན་ལ་ཞེ་འདོད་དེ་དག་མ་ལུས་རྟོན། །འདོད་པའི་སྟོབས་ཀྱིས་མུ་མཐར་བློས་འབྲངས་ནས་རྩོལ་བས་སྒྲུབ་པ་ཡང་། །རང་གསལ་རིག་པའི་འཁོར་ལོའི་མུ་མཉམ་གྲོལ་གྱི་དོན་ལས་འགལ། །ཞེན་དྲུག་ལོག་གསུམ་རྩོལ་བརྒྱད་འདོད་པའི་རྒྱུས་མུ་མཐར་གསལ་བའི་ཡེ་ཤེས་ཀྱང་། །རྩོལ་བའི་ཆུ་བོ་ཉེར་བཞི་ཉིད་ལས་འདའ་བ་མེད་དོ། ༈ །རྫོགས་པའི་ཡེ་ཤེས་བདེ་ཆེན་ནི། །རང་བཞག་རིག་པའི་འཁོར་ལོ་དག །རྣམ་དག་རང་བྱུང་འོད་གསལ་ཡིན་པ་ལ། །གློ་བུར་གྱི་སྒྲིབ་པ་ངང་གིས་མེད་དོ། །འོན་ཀྱང་སྣང་བ་ནི་རང་བཞིན་གྱིས་མ་ཡིན་ཀྱང་རྐྱེན་གྱིས་སྣང་ངོ་། །རང་བཞིན་གནས་ལུགས་ཀྱི་ངོ་བོ་གང་དག་ནི། །གློ་བུར་གྱིས་རྐྱེན་ལ་རག་ལས་པ་མེད་དོ། །རང་གསལ་རིག་པའི་གནས་ལུགས་ཀྱི་རང་བཞིན་དང་། །འཁོར་བའི་སེམས་དང་སེམས་བྱུང་གི་རྟོག་པ་རང་བཞིན་ལྷུན་གྲུབ་གསུམ་དུ་གཅིག་གོ། །དེས་ན་འཁྲུལ་པ་གང་ཡང་སྤང་བར་བྱ་བ་མ་ཡིན་ཏེ། །འཁྲུལ་པ་གང་གི་རྣམ་པ་དེ་གང་དེ་བཞིན་ཉིད་ལས། །དེ་བཞིན་ཉིད་དུ་འགྱུར་བ་དེའང་འཁོར་བའི་རྟོགས་པ་དེ་ཉིད་དེ། །དེས་ན་སེམས་ནི་གཞི་ཇི་བཞིན་པས་ལྷུན་གྲུབ་གསུམ་དང་འཁྲུལ་པའི་ཤེས་པ་མཉམ་པ་ཉིད། །དུ་གནས་པ་ནི་སངས་རྒྱས་ཐམས་ཅད་ཀྱི་ཐུགས་ཀྱི་དགོངས་པའི་རྣལ་འབྱོར་རོ། །ཡང་དག་པ་དོན་གྱི་ལམ་ལ་ཡི་གེ་མེད་དེ། །སྙིང་པོ་རྣལ་མའི་དོན་ཉིད་དུ་བདག་གི་བློ་འཇུག་པས་དོན་ལམ་ཞེས་བྱ་སྟེ། །དེས་འབྲས་བུ་གཞན་ནས་ཐོབ་པ་མེད་ཅིང་འཁྲུལ་པ་ལོག་སུ་སྤང་བ་མེད་དོ། །དོན་རིག་པའི་ཐུགས་ལ་སངས་རྒྱས་དགོངས་པ་གསལ་བར་སྣང་ངོ་། ༈ །དེའི་ངོ་བོ་ནི་བྱང་རིན་ཆུབ་རྣམ་པ་སེམས་མཆིད་ལྷུན་གནས་ཀྱི་ཡེ་ཤེས་ནི། །རྣམ་ཤེས་ཚོགས་བརྒྱད་ཤེས་པ་སྐྱེ་ལུགས་གསུམ་གྱི་དམིགས་པའི་ཡུལ་ལས་འདས་ཏེ་རང་བྱུང་གི། །རིག་པ་འོད་གསལ་ཐིག་ལེའི་ཀློང་ལ་གཟུང་འཛིན་གྱི་དྲི་མ་མེད་པ་ལ་མ་གཡོས་པར་འདུག་པའོ། །དེ་ལྟ་བུ། བྱང་ཆུབ་ཀྱི་སྙིང་པོར་བདེ་མཆོག་མཉམ་པའི་དབྱིངས་སུ་བཞུགས་པའི་ཚེ་ཡོན་ཏན་གྱི་ཆ་ལས་འབྲས་བུ་སྐུ་གསུམ་དུ་ཤར་བ་ནི། བྱང་ཆུབ་སྙིང་པོར་དེ་རང་གི་ངོ་བོ་ཉིད་ནི་འཁྲུལ་པའི་བློས་དམིགས་སུ་མེད་དེ། །ཡེ་ཤེས་ཀུན་བཟང་གི་ངང་དུ་རྣམ་པར་དག་པར། །འབར་བའི་ཏིང་ངེ་འཛིན་ནི་ངོ་མཚར་ཆེ། །རང་གསལ་རིག་པ་གཟའ་གཟད་ཅིར་ཡང་མི་དགོངས་པ་ནི་ཆོས་སྐུའོ། །བདེར་གཤེགས་རྣམ་པར་སྣང་མཛད་འཁོར་ལོའི་ངོ་བོ་ནི། །དེ་བཞིན་གཤེགས་པའི་རིགས། ངོ་བོ་མི་འགྱུར་ཞིང་རྣམ་རྟོག་འཇོམས་པའི་རྡོ་རྗེ་འཆང་རྡོ་རྗེའི་རིགས། །ཡོན་ཏན་ཀུན་འབྱུང་རིན་ཆེན་ལྟ་བུའི་འོད་ནི་རིན་པོ་ཆེའི་རིགས་མུ་མཐའི་ཕྱོགས་རིམ་གྱིས། སྐྱོན་མེད་པདྨའི་རང་བཞིན་དག་པདྨའི་རིགས། །མངོན་པར་འདུ་བྱེད་ལས་ཀྱི་རྡོ་རྗེ་འཆང་། །ལས་ཀྱི་རིགས་ཏེ་ལོངས་སྐུའོ། །འགྲོ་བ་མ་ལུས་པ་འདུལ་བར་མཛད་པའི་ཏིང་ངེ་འཛིན་གྱི་སྒོ་འབུམ་ཕྲག་ཡས། །ཏེ་བསམ་བྲལ་ཏིང་འཛིན་འོད་གསལ་སེམས། །ཐབས་སྣ་ཚོགས་ཀྱི་ལམ་ལ་འཇུག་མཛད་པའི་སྒོ་ནས་འབྲས་བུ་མངོན་དུ་བསྒྲུབ་པ་འགྲོ་བ་མ་ལུས་པའི་དོན་མཛད་པ་ནི་སྤྲུལ་སྐུ་ཡིན། །གཞི་རྩ་བ་སྐུ་གསུམ་ལྷུན་གྲུབ་ལས་མི་གཡོ་བ་ཐིག་ལེ་བྱང་ཆུབ་ཀྱི་སེམས་ནི་ངོ་བོ་ཉིད་ཀྱི་སྐུའོ། །ལམ་གྱིས་མ་བཅོས་པར་རང་བྱུང་ཆེ་བའི་ཡོན་ཏན་ཡོངས་སུ་རྫོགས་པ་སྟོན་པའི་ཆོས་སྐུ་ངོ་བོ་ཉིད། །རང་རིག་བདེ་ཆེན་མཚན་དཔེ་ཡོངས་སུ་རྫོགས་པ་ལོངས་སྐུ་མཆོག་གི་སྐུའོ། །གདུལ་བྱ་སྣ་ཚོགས་ཀྱི་ལས་དང་མཐུན་པར་སྣང་བས་འདྲེན་པ་སྤྲུལ་སྐུ་མཆོག་གི་སྐུའོ། །གསུམ་པ་རང་བྱུང་དགེ་སེམས་ལ་ཐ་དད་མེད་པས་ངོ་བོ་གཅིག་གོ། ༈ །རིག་པ་མཆོག་གི་སྟོན་པ་ངོ་བོ་ཉིད་ཀྱི་སྐུའི་གསུང་ནི། །ཚིག་ཏུ་བརྗོད་དུ་མེད་པར་ཆོས་ཀུན་ལ་རང་བཞིན་གྱིས་ཁྱབ་པར་སྟོན་ཏེ་གདོད་ནས་འཁྲུལ་པ། །རྣམ་པར་དག་པ་རིན་ཆེན་ལ་དྲི་དག་པ་ལྟ་བུར་གསུངས་སོ། །ཆོས་སྐུ་སྤྲོས་པའི་མཐར་མི་གཡོ་བའི་གསུང་གི་བསྟན་པ་ཐིག་ལེ་ཁོང་སྟོང་ཉིད་དུ་གསལ་བས། །ཡི་གེའི་ཐ་སྙད་ཀུན་དང་བྲལ་ཀྱང་ཡེ་ཤེས་ཀྱི་རོལ་པ། ། མ་འགགས་པ་རང་སྣང་སྐྱེ་མེད་དོན་གྱི་གསུང་དུ་བཤད་དོ། །འཁོར་འདས་སྣ་ཚོགས་སུ་སྣང་བའི་རང་གི་རང་གི་ངོ་བོའི་རང་བཞིན་དག །རང་རིག་བདེ་ཆེན་ངེས་པའི་དོན་ཉིད་དུ་བསྟན་ཏེ་རང་གི་ངོ་བོས། །རྣམ་པར་བཤད་པ་རང་བྱུང་གི་ཡེ་ཤེས་རང་གསལ་བས་བསྟན་པའི་མཆོག །གདུལ་བྱ་རང་སྣང་གི་སྐུ་མཚན་དཔེར་གསལ་བའི་རང་བཞིན་གྱིས། །དེའི་འཁོར་ས་ལ་གནས་པའི་བསམ་པ་ཇི་བཞིན་དུ་བརྡའ་དང་དགོངས་པས་བསྟན་པའོ། །གསུང་བསྟན་པའི་ཚིག་གི་གསུང་གི་ཡན་ལག་འབུམ་ཕྲག་ཡས་པ་ནི། །རང་བྱུང་གི་ཡེ་ཤེས་གློ་བུར་དྲི་མས་དག་པའི་ངང་ངམ་ཤུགས་ཀྱིས་འབྱུང་བས་རྩོལ་བས་གསུངས་པ་མེད་ཀྱང་ཞི། །འདོད་ཅན་རྩོལ་བཅས་ཀྱི་བློ་བཀྲི་ལ་དྲང་གི་དོན་ཙམ་དུ་བསྟན་པར་བྱ་བའི་ཕྱིར་དང་། །ཐུགས་ཀྱི་དགོངས་ངེས་པའི་དོན་འབའ་ཞིག་སྟེ། །གདུལ་བྱ་རབ་འབྲིང་དྲང་བའི་དོན་དུ་གང་ལྟར་འཚམས་པར་ལྟར་བཤད་དོ། ༈ །ཆོས་སྟོན་ཚུལ་ངེས་པའི་དོན་གྱི་སྙིང་པོ་དགོངས་པའི་ཞེ་ཕུགས་བརྣག་པའི་གསང་བ་ཉིད། །དྲང་བའི་དོན་མིན་གྱི་རང་བྱུང་ཡེ་ཤེས་སུ་བཤད་པའོ། །ཆོས་སྐུ་རང་བྱུང་གི་ཡེ་ཤེས་སྟོན་པའི་མཆོག །དེར་འཁོར་འདས་ཐམས་ཅད་འདུས་པས་འཁོར་དང་བསྟན་པ་བསྐྱེད་རྫོགས་གསུམ་པོ་དག༡༽ །ཉིད་༡༽ལས་མི་གཞན་རང་༡༽བྱུང་ཉིད། །དུ་ཆ་མཐུན་པས་ཆོས་སྐུའི་བསྟན་པའོ། །རིག་པ་རང་རིག་མཆོག་གི་སྦྱོར་བ་བདེ་ཆེན་པོ་ལ། །སྟོན་འཁོར་སོ་སོ་མ་ཡིན་བརྗོད་པ་རང་རིག་བདེ་ཆེན་དུ་གཅིག་ཅིང་། །ཐ་སྙད་ཚིག་ལམ་གྱི་སྒྲོན་མ་གང་གིས། །ཀུན་བཟང་རིག་པ་མུན་པའི་གསེར་དང་འདྲ་བའི་དོན་བསྟན་པ་ནི་ལོངས་སྐུའི་བསྟན་པའོ། །ཚིག་ཏུ་བརྗོད་པ་དོན་མཚོན་པ་ནི་གདུལ་བྱ་དམན་པའི་ངོ་ལ་སྣང་བ་སྤྲུལ་པའི་སྐུ་ཡི་སྟོན་པའོ། །ངོ་བོ་ཉིད་རང་བྱུང་རིག་པ་མཆོག་གི་སྐུ་ལ། །རང་བྱུང་མངོན་དུ་མཛད་པ་མཆོག་གི་སྐུ་གསུམ་དེ་ལྟར་དུ་རྫོགས་སོ། ༈ །མ་བཅོས་རང་བྱུང་སྙིང་པོ་རྣལ་མ་ལ། །ཕྱོགས་རེར་འདོད་པའི་རྣམ་པ་མུ་མཐའ་གང་ཡང་མིན། །བསྒྲུབ་བྱ་འབྲས་བུ་མ་ལུས་པ་ཀུན་གྱི་བདག་ཉིད། །ཡེ་ཤེས་ཉི་མའི་སྙིང་པོ་དེ་རྩོལ་མེད་དུ་སྒྲུབ་པས་མངོན་སུམ་དུ་གསལ། །ཕྱི་ནང་གི་སྣང་བ་མ་ལུས་པ་རང་བྱུང་བྱང་ཆུབ་སེམས་སོ། །ལམ་རིམ་ལས། རྟོགས་དང་ལྡན་པའི་བློ་རྣམས་ལ། །དངོས་པོ་སྣ་ཚོགས་སེམས་གསང་སྔགས། །ངེས་ལུང་ཡིན་ཕྱིར་ཆོས་ཚུར་སྟོན། །ཞེས་སོ། །ཐམས་ཅད་རིག་པ་མཆོག་དང་ལྡན་པ་ཉིད་བདེ་གཤེགས་པའི་རང་བཞིན་གྱི་བཀའ། །རང་བྱུང་ཚད་མས་མངོན་སུམ་དུ་གསལ་ལོ། །འཁོར་བའི་རྟོག་པ་གཅོང་རྙིང་ཀ་ནས་དག་པའོ། །ཡེ་ཤེས་རང་རིག་ཉིད་ཀྱི་རང་འོད་དུ་འབར་བའི་དོན་དེ་རྒྱལ་ཐབས། །སྤྱི་བླུགས་དོན་དམ་ཚངས་པའི་དབང་གི་ཐུགས་ཕྲད་ཀྱི་ཐབས་ཀྱིས་མངོན་སུམ་དུ་གསལ་ཏེ་ཆོས་ཉིད། །གསང་བའི་དོན་ཉམས་སུ་མྱོང་དུ་མེད་པའི་ཚུལ་གྱིས་མྱོང་སྒྲིབ་བྱེད་མེད་པས་འོད་གསལ་སྒྲོ་སྐུར་དང་བྲལ་བའི་ལུང་། །མི་འགྱུར་བའི་གཟེར་ཆེན་མངོན་སུམ་གཉིས་ཀྱི་མན་ངག་ཐེག་པའི་རིམ་པའི་སྐས་ཀྱིས། །རིག་པའི་བདྷ་མཇལ་བས་ཚེགས་དང་བྲལ། །མངོན་སུམ་ཡེ་ཤེས་གསལ་བར་རྟོགས་པའི་ལྟ་བ་ཡི། །རྗེས་སུ་རྩོལ་མེད་ལྷུག་པར་རང་བཞག་པས་ཡེ་ནས་གནས་པའི་དོན་དཔགས་སོ། །ཞེས་གསུངས་སོ། ༈ །ཡེ་ཤེས་འཁོར་ལོ་རིན་པོ་ཆེ་རྫོགས་པ་ལས། འཁོར་བ་ཉིད་མ་སྤངས་པ་རང་བྱུང་གི་ཡེ་ཤེས་སུ་བསྟན་པའི་ལེའུ་སྟེ་གཉིས་པའོ།། ༈ །།དེ་ནས་རིག་པའི་རྒྱལ་པོས། སེམས་དཔའ་རྡོ་རྗེ་ལ་བཀའ་སྩལ་པ། ༈ །རང་བྱུང་ཡེ་ཤེས་ལ་མུ་མཐའ་ཐམས་ཅད་རྫོགས་པར་རྟོགས་པ་ནི་ལྟ་བའི་སེལ་མེད་པས་ཀློང་། །འཁོར་འདས་མཉམ་ཉིད་ཡེ་ཤེས་རིག་པའི་སེམས། །རང་སྣང་བའི་ཡེ་ཤེས་ལ་ལྷག་མ་མེད་པར་རྫོགས་པ་ཉིད་ནི། །ནམ་མཁའ་རྡོ་རྗེ་ལྟ་བའི་མཆོག་གོ། །ཡུལ་དུ་ལྟ་རུ་མེད་པ་རང་བྱུང་གི་སེམས་ལ་ལྟ་བ་དེ་ཉིད། །རྩལ་མེད་རིག་པའི་རྣལ་འབྱོར་ཡིན། །འཇུག་པའི་བྱ་བྱེད་དམ་ཡུལ་ཡུལ་ཅན་གཉིས་དེ་རིག་པ་ཡི་ཀློང་། །ཡེ་ཤེས་མཁའ་མཉམ་ལ་སྒྲ་ཡིས་མཚོན་པའི་དོན་དུ་གྲུབ་པ་མེད་དོ། ༈ །རང་གསལ་ཡུལ་ལ་མི་རྟོག་པས། །རང་སྣང་གི་ཡེ་ཤེས་ཐིག་ལེ་ཁོང་སྟོང་གི་ཉི་མ་ཤར་བས། །སྣང་བ་མེད་ཀྱང་མ་འགགས་པར་འཆར་ཤར་ཡང་ཅིར་མི་དགོངས་ཏེ། །སྣང་བའི་རིག་པ་རྣམས་ཐིག་ལེར་བསྡུས། །སྡུག་བསྔལ་བདེ་བའི་ཆེན་པོ་ངང་དུ་གནས། །རེ་དོགས་ཀྱི་བསམ་པ་ཀུན་དང་བྲལ་བས་འབྲས་བུས་ཐོབ་པ་དང་སྒྲིབ་པ་སྤངས་པ་མེད། །རང་བྱུང་བདེ་བའི་སེམས་ཉིད་ལ་ཡུལ། །སྣང་བ་ཉིད་དུ་གྲུབ་པ་མ་ཡིན། །བདེ་ཆེན་རིག་པ་གཏིང་དཔགས་དཀའ་བས་རྒྱ་མཚོ་ལྟར་ཟབ། །ཡེ་ཤེས་ཀྱི་རོལ་པ་མཐའ་དབུས་དང་བྲལ་བས་མཁའ་དང་མཉམ། །དངོས་གྲུབ་རང་ཤར་བས་རིན་ཆེན་འོད་ལྟར་འབྱུང་ངོ་། །ཞེས་གསུངས་སོ། །ཡེ་ཤེས་རིན་པོ་ཆེ་འཁོར་ལོ་རྫོགས་པ་ལས། ལྟ་བའི་དེ་ཁོ་ན་ཉིད་བསྟན་པའི་ལེའུ་སྟེ་གསུམ་པའོ།། ༈ །།དེ་ནས་རིག་པའི་རྒྱལ་པོས། རྟོགས་པའི་ཀློང་དུ་རང་བཞག་རིག་པའི་ཏིང་ངེ་དོན་གསུངས་པ། ༈ །རིག་པ་བྱང་ཆུབ་ཀྱི་སེམས་ཉིད་སྣང་མེད་དུ་རྟོགས་པ་ལ། །ཏིང་འཛིན་མི་གཡོ་བ་ལ་བློ་འཇུག་པར་བྱ་བ་མེད། །བསྒོམ་བྱ་སྒོམ་བྱེད་ཀྱི་རྩོལ་བའང་མེད་དེ་རིག་པ་བསམ་པ་དང་བྲལ་བའི་ཕྱིར་རོ། །ཡེ་ཤེས་རྫོགས་པའི་འཁོར་ལོ་ལ། །ཐིག་ལེ་བདེ་ལྡན་གྱི་དོན་དེ་བློ་ལས་འདས་པས་བསམ་གྱིས་མི་ཁྱབ་ཀྱང་། །རོལ་པ་བདེ་བ་མ་འགགས་པར་ལྡན་པ་ནི་ཆུ་རླབས་སུ་འཆར་བ་བཞིན། །རང་བྱུང་གི་ཡེ་ཤེས་ཇི་བཞིན་ལས་རྟོག་པས་མི་བསྐྱོད་དེ་ཉིད་སྒོམ་པ། །ཡེ་ནས་ཡིན་པའི་ཕྱིར་ཆེད་དུ་བྱ་མི་དགོས་སོ། ༈ །ཡེ་ཤེས་གསལ་བའི་རྟོགས་པ་ཕྱག་རྒྱ་ཡིས། །རོལ་པའི་མཚན་མ་རྣམས་ཡེ་ཤེས་ཀྱི་འཁོར་ལོར་བསྐོར་བས་བདག་གཞན་དུ། །འཛིན་པའི་མཚན་མ་རང་བཞིན་ཀུན་དང་བྲལ་བའི་སྒོམ། །རང་བྱུང་སྙིང་པོའི་དོན་ལས་གཡོ་བ་མེད་མེད་པར་གནས། །འཁྲུལ་པ་ཆོས་ཉིད་དུ་དབང་སྒྱུར་བ་རྒྱུད་དག་གི་རྒྱལ་བའི་ཐུགས་དང་མཉམ་པའི། །ཏིང་འཛིན་གྱི་སོ་ལ་རང་རང་དུ་བཞག་པ་ནི་ནམ་མཁའ་དང་འདྲ། །རྟོགས་པ་མི་འགྱུར་བར་བསྒོམ་པའི་ཡེ་ཤེས་མཁའ་ལྟར་ཀུན་ལ་ཁྱབ། །ལྷུན་གྲུབ་རྩོལ་བྲལ་རིག་པའི་ཡེ་ཤེས་ལ། །ཡེངས་པ་མེད་པར་མ་བཅོས་པར་རང་བཞིན་ཉིད་དུ་བཞག་གོ། ༈ །དེ་ལྟར་འཇོག་པ་ལ་དབང་པོའི་ལ་བརྟེན་པའི་ཤེས་པ་ངོ་ལ་ཡུལ་དུ་སྣང་བ་ལ་ཞེན་པ་དང་འཛིན་པ་རང་གྲོལ་བས། །མི་རྟོག་རང་བཞིན་རིག་པར་གསལ་བར་བསྒོམ་པ་ནི་རང་གསལ་གྱི་ཡེ་ཤེས་ཀུན་ཏུ་བཟང་པོའི་དགོངས་པ་སྟེ་རིག་པ་ཡུལ་ལ་འཕྲོ་འདུ་མེད་དེ། །ཡུལ་གང་ལ་ཡང་ཆགས་སྡང་དུ་མི་འཛིན་ཏེ་ཐམས་ཅད་རང་བྱུང་གི་སེམས་ལས་མ་གཡོས་པར་བཞག་གོ། །གལ་ཏེ་མིང་གི་མཚན་མའི་རྗེས་སུ་སྔ་ཕྱིའི་སྤྲོས་པར་འགྱུར་བ་ན། །བརྡ་སྒོ་འཇུག་པའི་ཆོས་སྐུ་ཐུག་ཕྲད་ཀྱི་མན་ངག་སྦྱིན། །དེའི་ངང་དུ་ཏིང་འཛིན་གོམས་པའི་འཁོར་ལོས་བསྐོར་བ་སྤྲོས་པའི་སྒྲོ་སྐུར་གཅོད། །ཡེ་ཤེས་ཀྱི་འཁོར་ལོ་ནི་རང་བཞིན་སྤྲོས་པ་ཐམས་ཅད་དང་བྲལ་བས་མཐའ་དབུས་མེད་པའོ། །མཚན་ཉིད་རང་རིག་གི་འཁོར་ལོ་གདོད་ནས་གཟུང་འཛིན་བྲལ་བའི་འཛིན་པའི། །ཤེས་རིག་རྣམས་ལོངས་སྐུ་ཐུག་ཕྲད་ཀྱིས་རང་རིག་ཡེ་ཤེས་ཉིད་དུ་འཆར། ༈ །མུ་མཐར་འཛིན་པའི་རིམ་འཇུག་གི་ཐེག་པའི་ཁྱད་པར་རྩོལ་བརྒྱད་ཀྱིས། །རང་རང་གི་གྲུབ་པའི་དངོས་པོར་བཟུང་ནས་རྟོག་པ་དང་ནོར་བ་དམིགས་འབྱེད་པ་སྟེ་དགག་སྒྲུབ་ཀྱི་འདོད་འཛིན་མ་ལུས་པ་དེ་དག་རང་རིག་བདེ་ཆེན་ལ་མ་གྲུབ་པས་སྟོང་ངོ་། །མཚན་ཉིད་རང་རིག་རང་བཞིན་སྟོང་ཉིད་རྣམ་པ་སྒྱུ་མ་དང་བཅས་པས། །རྩོལ་མེད་བདེ་ཆེན་ལྷུན་གྲུབ་རང་རིག་གསལ། །ཡེ་ཤེས་རིག་པའི་འཁོར་ལོ་ལ། །མུ་བཞི་གང་ཡང་ཡིན་ནོ་སྣང་བའི་རྣམ་པ་ཀུན་དང་བཅས་ཏེ་རང་རིག་པའི། །ཡེ་ཤེས་མུ་མཐའ་ཐམས་ཅད་དུ་མ་འགགས་པར་རང་ཤར་བས་གང་ཡང་མ་བསྒྲུབས་པར་གསལ་ལོ། །ཡང་མུ་མཐའི་སྤྲོས་པ་གདོད་ནས་རྣམ་པར་དག་པའི་རང་སྣང་གི་ཡེ་ཤེས་ལ། །མུ་བཞིའི་ཕྱོགས་སུ་ཞེན་པའི་རྟོག་པ་ད་གཟོད་བཟློག་ཏུ་མེད་དོ། །རང་ལ་ལྷུན་གྱིས་གྲུབ་པའི་འབྲས་བུ་ལ་ད་གཟོད་བརྩལ་བས་བསྒྲུབ་མི་དགོས། །ཀུན་ཏུ་བཟང་པོ་རང་འབར་བའི་ཡེ་ཤེས་ལ། །གཟུང་འཛིན་ལ་གཉེན་པོ་བསྟེན་མི་དགོས་སོ། །གང་ལ་ཡང་ཐོགས་པ་མེད་པ་རང་བྱུང་གི་ཡེ་ཤེས་ནི་ཕྱོགས་དང་བྲལ། །འབྲས་བུ་བྱང་ཆུབ་ནི་རང་གི་སེམས་ཉིད་ཁོ་ན་ཡིན་པས། །ལམ་གྱིས་མ་བཅོས་ཀྱང་ཡེ་སངས་རྒྱས་སོ། །གང་སྣང་ཡུལ་གྱི་རྣམ་པ་ཅིར་རྟོག་ཀྱང་། །རང་རིག་བདེ་ཆེན་དུ་མངོན་སུམ་དུ་གསལ་ལོ། །ཕྱོགས་རིས་སུ་འདོད་པའི་སྐབས་བྲལ་གང་མཐོང་ཞིང་ཚོར་བ་ཐམས་ཅད། །རང་བཞག་གི་ཡེ་ཤེས་ལ་རིགས་ལྔ་རྫོགས་པའི་ངོ་བོར་མཐོང་སྟེ། ༈ །རྒྱུ་རྐྱེན་གྱིས་བརྩལ་བ་མེད་པས་རང་བྱུང་རྡོ་རྗེའི་བདག་ཉིད་ནི་ཅིས་ཀྱང་། །སྐྱེ་མེད་རྡོ་རྗེ་མི་འགྱུར་བར་འཆང་བ་རྡོ་རྗེའི་རིགས། །ཡོན་ཏན་ལྷུན་གྲུབ་རིན་ཆེན་འབར་བའི་འོད་ནི་རིན་པོ་ཆེའི་རིགས། མཚན་མའི་དྲི་མེད་པདྨ་རྒྱུ་རྐྱེན་མེད་པས་རང་བྱུང་བདག་ཉིད་པདྨའི་རིགས། བརྩལ་དུ་མེད་པས་ལམ་གྱིས་གོང་ནས་གོང་དུ་བགྲོད་པའི་འཛིན་པ་དང་བྲལ་བ་ལས་ཀྱི་རིགས། །ཡོན་ཏན་རིན་ཆེན་འཁོར་ལོ་རང་འབར་བའི་སྐུ་རྣམ་པར་སྣང་མཛད་དེ་བཞིན་གཤེགས་པའི་རིགས་ཏེ། །དུས་གསུམ་ཉིད་དུ་རིགས་ལྔ་ལས་འདའ་བ་མེད། །ཅེས་གསུངས་སོ། །རིན་པོ་ཆེ་འཁོར་ལོ་རྫོགས་པ་ལས། ཏིང་ངེ་འཛིན་རང་བྱུང་གི་ཡེ་ཤེས་སུ་བསྟན་པའི་ལེའུ་སྟེ་བཞི་པའོ།། ༈ །།དེ་ནས་རིག་པའི་རྒྱལ་པོས། ཡང་སེམས་ཉིད་ལ་ཕུན་སུམ་ཚོགས་པའི་ལྔ་གསལ་བར་བསྟན་པ་དོན་གསལ་བར་བྱ་བའི་ཆེད་དུ་གསུངས་པ། ༈ །སྟོན་པ་རང་བྱུང་རྣམ་དག་ཡེ་ཤེས་སྐུ་ཡིས། །བརྗོད་མེད་རིག་པའི་བསྟན་པ་བཀྲལ། །རང་སྣང་རིག་པ་སྨིན་པ་གདོད་ནས་སྨིན་པའི་འཁོར། །ཡེ་ཤེས་རྫོགས་པའི་རོལ་པར་ཤར། །དེ་དག་ཀྱང་རང་བྱུང་འོད་གསལ་བའི་དུས་གཅིག་ལ་རྫོགས། །འོན་ཀྱང་རྩོལ་བ་དང་བཅས་པ་དམན་པའི་གདུལ་བྱ་འཁོར་ལ། །བློ་དང་མཐུན་པའི་བསྟན་པ་ཐེག་པ་རྣམས་བསྒྲགས་སོ། །ཞེས་གསུངས་པ་དང་། ༈ །དེ་ནས་སེམས་དཔའ་རྡོ་རྗེས་འོག་ནས་འབྱུང་བ་འདི་སྐད་ཅེས་ཞུས་སོ། །ཡེ་ཤེས་ཀུན་བཟང་སྟོན་པའི་ཐུགས། །སེམས་ཅན་རྣམས་དང་དབྱེར་མེད་པས་རང་བྱུང་ཡེ་ཤེས་ཀྱི་ངོ་བོ་ཉིད། །བདེ་བ་ཆེན་པོར་ལྷུན་གྱིས་གྲུབ་པ་ཆོས་ཀྱི་དབྱིངས་ཡིན་པས། །རྣམ་རྟོག་དང་ཕྱི་སྣོད་དང་ནང་བཅུད་ཇི་སྙེད་པ། །རང་བྱུང་ཡེ་ཤེས་རྟོགས་དཀའ་བས་གསང་བའི་དོན་ལ་འདུས་སོ། ༈ །རྣམ་དག་རྫོགས་པའི་ཡེ་ཤེས་དེ་ཉིད་ཀུན་ལ་གནས་ཀྱང་། །རང་གཞན་གྱི་བློ་ལོག་པ་མ་རིག་ཅིང་རྨོངས་པས་རྒྱུད་བཅིངས། །མཚན་མར་སྣང་བ་མེད་པ་རང་བྱུང་ཡེ་ཤེས་བདེ་བ་ཆེན་པོ་ཡིན་པ་ལ། །སྣ་ཚོགས་ཀྱི་དངོས་པོར་ཞེན་པས་རང་སེམས་འཁྲུལ་ལོ། །བདེ་འབྱམས་ཆོས་ཀྱི་དབྱིངས་ལས་མ་གཡོས་ཀྱང་། །འཁྲུལ་རྟོག་གི་དབང་གིས་སྡུག་བསྔལ་སྣ་ཚོགས་ཉམས་སུ་མྱོང་བས་འཁྲུལ་པ། །རྣམ་དག་མུ་མཐའ་ཅིས་ཀྱང་མི་གཡོ་བའི་ངང་ནས་ཐུགས་རྗེ་ཆེན་པོས་བཤད་དུ་གསོལ། །ཞེས་ཞུས་པ་དང་། ༈ །རིག་པའི་རྒྱལ་པོས་བཀའ་སྩལ་པ། །སྟོན་པ་ཡེ་ཤེས་རང་བྱུང་ཆོས་ཀྱི་སྐུ། །ཀུན་བཟང་ཡེ་ཤེས་སྟོན་པའི་བཀའ། །མ་ལུས་བསྟན་པ་ཇི་སྙེད་པ་ཀུན། །བྱ་བརྩལ་མེད་པས་རང་བྱུང་སེམས་སུ་བཤད་པའི་བསྟན་པ། །དེ་ཉིད་འཁོར་གང་ལ་དེ་དག་ཏུ་སྣང་སྟེ། །འཁོར་གང་ལ་རང་ལ་ཡོད་པའི་དོན་ཚིག་ཏུ་བཤད་པ་མེད་ཀྱང་བྱིན་གྱིས་རླབས་ཀྱི་ཤུགས་ཀྱིས་གོ་སྟེ་ཅིའི་ཕྱིར་ན་སྣོད། ༈ །སྣང་བ་དང་བཅུད་སྲིད་པའི་ཆོས་རྣམས་མ་ལུས་མི་ལུས་ལུས་པ་མེད་པ་ཀུན། །རང་བྱུང་གི་སེམས་ལས་མ་གཡོས་པས། །ཐམས་ཅད་རང་རིག་པར་རྫོགས་པ་ཤུགས་ཀྱིས་གསལ་ལོ། །འཁོར་གང་ལ་བསྟན་པ་རང་གསལ་ལོངས་སྐུ་རང་གི་ངོ་བོས་བསྟན། །ལོངས་སྐུ་དགོངས་པ་བརྡའི་ཤུགས་ཀྱི་བརྒྱུད་ནས་བསྟན་པ་རང་རིག་དེ་མཐོང་བ། །རང་བྱུང་ཡེ་ཤེས་ལ་གསལ་བྱ་གསལ་བྱེད་ཀྱི་རྐྱེན་གཉིས་མེད་པས་ཉི་མའི་འོད་ཀྱི་མཆོག །གཟུང་འཛིན་དུ་མ་བཅོས་རང་རིག་ཏུ་གསལ་བའི་རྒྱུན་མི་འཆད་པའི་འཁོར་ལོ་ལ། །གཟུང་བ་དང་འཛིན་པའི་དྲི་མ་ཀུན་གྱིས་གདོད་ནས་དབེན། །མེ་ཤེལ་ཉི་མའི་འོད་ཀྱིས་མུན་པ་ཉིད་སྣང་བ་འཆར་བ་ལྟར་རྟོགས་པ་ཉིད་རིག་པའི་ཡེ་ཤེས་སུ་འཆར་ཏེ་གཟུང་འཛིན་ཉིད་རང་རིག །བདེ་དུ་ཆེན་རིག་པའི་འཁོར་ལ་བཤད་དོ། །ལུས་ངག་གི་བརྡ་སྒོས་འཁོར་གང་ལ་སྤྲུལ་སྐུ་ཚིག་སྡེབ་སྦྱོར་ལེགས་པས་རྒྱུད་དོན་རྟོགས། །རང་རིག་རྟོགས་པའི་གདེངས་དང་ལྡན་ཞིང་རང་བྱུང་ཡེ་ཤེས་ལ་སེལ་མེད་པས་ཀློང་དུ་བཤད། །ཡུལ་མེད་དུ་གསལ་བའི་རང་བྱུང་ཡེ་ཤེས་དེ་སངས་རྒྱས་ཀྱི་དགོངས་པ་ཡིན་ལ། །ཁྱབ་པའི་ཐུགས་རྗེའི་རྣམ་པ་རིན་ཆེན་དང་ཉི་མའི་འོད་ལྟར་རྟོག་པ་མེད་པར་འཕྲོ། །ཚིག་གི་དོན་བྲལ་ཏེ་རང་བྱུང་ཡེ་ཤེས་རྫོགས་པ་ཆེན་པོའི་དོན། མཚོན་པའི་བརྡའི་སྒོ་ནས་ལམ་པ་རྣམས་གྱི་ཕྱོགས་འཛིན་གྱི་ཞེན་པ་གང་བཟློག་ཀྱང་། །བརྡ་དང་ཐ་སྙད་ཉིད་ཀྱང་རང་རིག་པའི་ཡེ་ཤེས་བཅུད་འདུས་པའི་སྙིང་པོར་ཤར་བས་ཐ་དད་མེད་དོ། ༈ །རང་བྱུང་གི་ཡེ་ཤེས་གཏན་ལ་ཕབ་པའི་དགོས་པ་འཁོར་འདས་ཀྱི་རྩ་བ་མ་ལུས་རང་བྱུང་གཅིག་ཏུ་རྟོགས་པ་དང་། །སྦྱོར་བ་དང་ལྡན་པའི་ལམ་གྱི་རྟོག་པ་མ་ལུས་པ་འདུས་པ་དང་། །དངོས་གྲུབ་ཐམས་ཅད་རང་ལས་བྱུང་བ་ལ་སོགས་པ་དགོས་ཆེད་བསམ་མི་ཁྱབ་བོ། །སྒྲོན་མ་མུ་ཁུང་གི་གསེར་མཚོན་པ་བཞིན་དུ་ཡི་གེའི་རྣམས་དོན་མཚོན་པའི་ཆེད་དུ་བཤད་དོ། །བརྡ་དོན་གྱི་རྟོག་པ་དང་བྲལ་བའི་སྟོང་ཉིད་རང་གི་སེམས་ལ་བཟློག་སྟེ་ཉམས་སུ་བླང་པར་བྱ། །རང་རིག་རྟོགས་པ་དེ་ཉིད་རང་བཞིན་ཡིན་ཏེ་དེས་ཆོས་ཐམས་ཅད་ཀུན་ལའང་མཚུངས་པ་ཡིན། ༈ །ཆོས་ཐམས་ཅད་རང་བྱུང་གི་ཡེ་ཤེས་རང་རིག་བདེ་ཆེན་འཁོར་ལོ་ལ། །ཡེ་ནས་གནས་པའི་དོན་ཤེས་པའི་དོན་དུ་རང་གསལ་དུ་རྟོགས་ཞིང་། །རྟོགས་པ་དེ་འཛིན་པ་མེད་པ་རིག་པའི་མཁའ་ལ་དུས་རྟག་ཏུ་བཞག་གོ། །རྣམ་རྟོག་རྒྱུ་བ་མེད་པའི་ཡེ་ཤེས་རྒྱུད་ལ་བསྐྱེད། །མ་བཅོས་པ་རང་བཞིན་གསལ་བའི་འོད་ལ་རྟོགས་གོམས་ཀྱིས་བཞུགས། ༈ །སྐུ་གསུམ་མ་འདྲེས་ཡོངས་རྫོགས་གསལ་བའི་དོན་དང་ལྡན་ན། །འབྲས་བུ་མ་ལུས་པ་ལྷུན་གྱིས་རྫོགས་པ་ཡེ་ཤེས་ཐིག་ལེར་འི་ངོ་བོ་བཤད། །ཐ་སྙད་སྒྲ་ཡི་རྣམ་པ་ཤར་བ་ཀུན། །ཡེ་ཤེས་ཀྱི་དོན་ལ་འདྲེན་པའི་མཚོན་པའི་བརྡའ་ཙམ་སྟེ། །དོན་ལ་བརྗོད་བྲལ་གྱི་ཡེ་ཤེས་སུ་རྫོགས་སོ། །རང་རིག་རྟོགས་པའི་བརྡ་འམ་ཐབས་ཀྱི་སྒོ་ནས་དོན་གསལ་བ། །གཞི་ངེས་མེད་ཆེན་པོ་ཇི་ལྟ་བར་སྦྱོར་བའི་རྟོགས་པ་དང་ལྡན་ཏེ་དངོས་དེ་ཉིད་མཆོག་གི་གྲུབ་བོ། །གནས་ལུགས་བདེ་ཆེན་རིག་པའི་རྒྱལ་པོ་ལ། །བས་ཀྱིས་འོད་གསལ་རིག་པའི་འཁོར་ལོ་བསྐོར། །ཡི་གེ་མེད་པའི་རྟོགས་པ་རང་གསལ་བ་ལ། །གོམས་པས་ཡེ་ཤེས་སྲོག་གི་ཕུར་པ་མི་འགྱུར་བར་ཐེབས་སོ། །ཞེས་གསུངས་སོ། ༈ །རིན་པོ་ཆེ་འཁོར་ལོ་ཡེ་ཤེས་རྫོགས་པ་ལས་གཏན་ལ་ཕབ་པའི་ལེའུ་སྟེ་ལྔ་པའོ།། ༈ །།དེ་མ་ཐག་པ་དེ་ནས་རིག་པའི་རྒྱལ་པོས་རང་རིག་པ་སྟོན་འཁོར་གནས་བསྟན་པ་ཕུན་སུམ་ཚོགས་པ་འདི་གསུངས་སོ། ༈ །རང་བྱུང་ཕྱོགས་མེད་ཀྱི་ཡེ་ཤེས་ཆོས་ཐམས་ཅད་ལ་ཁྱབ་ཅིང་སྙོམས་པར་བརྡལ་བའི་ངོ་བོ་ཉིད་རང་རིག་པའི་སྐུ་ནི། རང་བྱུང་གི་རིག་པའི་རོལ་པ་གང་དུ་ཡང་མ་འགགས་པར་གསལ། །སྒྲ་ཡིས་བརྗོད་དུ་མེད་པའི་སེམས་ཉིད་ཀྱི་དེ་ཁོ་ན་ཉིད་དེ། །རྩོལ་བས་མ་བསྐྱེད་པས་རང་བྱུང་སྟོན་པ་མི་ཕྱེད་པའི་ཐུགས་རྗེའི་ཀུན་ལ་སྙོམས་པའི་བདག་ཉིད་དོ། །དེ་ཡང་འགྲོ་དྲུག་སེམས་ཅན་ཐམས་ཅད་ཀྱིས། །རང་གི་སེམས་ཉིད་སྟོན་པར་མ་ཤེས་ན། །རང་བྱུང་གི་དེ་ཁོ་ན་ཉིད་མཐོང་བར་ཡོང་མི་འགྱུར་བ། །དེས་ན་རང་གི་སེམས་ཉིད་ཡེ་ཤེས་རྫོགས་པའི་དོན་དེ་ཉིད། །རང་རིག་རྩོལ་བྲལ་གྱི་བདེ་བས་ཤེས་པར་གྱིས་ཤིག་ཅེས་དེ་ལྟར་ཤེས་པས། །རང་བྱུང་རྒྱལ་པོ་ནི་ཕྱི་རོལ་གྱི་སྟོན་པ་ལས་ཁྱད་པར་དུ་འཕགས་པས་སྟོན་པའི་མཆོག་དེའི། །ཡེ་ཤེས་ཀྱི་རང་འོད་མ་འགགས་པ་ཕྱི་ནང་གི་དངོས་པོ་ཅིར་ཡང་གསལ་བ་ཡང་། །རིག་པའི་ཀློང་ལས་གཞན་པ་མེད་པའི་རང་གི་འཁོར་དུ་ཅི་སྣང་ཐམས་ཅད་རྫོགས་སོ། །དེས་ན་རང་གི་སེམས་ཉིད་ལ་འཇིག་རྟེན་དང་འདས་པའི་བདེ་བ་ཀུན་རྫོགས་པས། །བསྟན་པ་རྒྱ་མཚོ་ཀུན་ཀྱང་རིག་པའི་ཀླུངས་ལས་མ་འདས་སོ། །འཁྲུལ་པ་ཀ་ནས་རྣམ་པར་དག་པའི་རང་གི་སེམས་རྒྱུ་རྐྱེན་ལས་སྐྱེ་བ་མེད་པས། །སྐད་ཅིག་མའི་འགྱུར་བ་སྐྱེ་འགག་མེད་རང་བྱུང་བདེ་ཆེན་གྱི་འཁོར་ལོ་རིག་པའི་གནས། །ཡེ་ཤེས་རྩོལ་མེད་ནི་གནས་ཀྱི་མཆོག་ཡིན་ནོ། །ཆོས་སྟོན་པའི་ཚུལ་ནི་རང་བྱུང་དོན་སྟོན་པ་འོད་གསལ་བའི་ཐུགས། །མུ་མཐའ་ཅིར་ཡང་འཛིན་པ་མེད་པས་རིག་པའི་ཕྱོགས་མེད་ཀྱི་ཉི་མ་རང་ཤར། །མེ་ཤེལ་ལ་འོད་རང་ཤུགས་ཀྱི་གྲུབ་པ་ལྟར་བྱིན་རླབས་ལྷུན་གྱིས་གྲུབ་པར་འཁྲིགས། །རང་བཞིན་འོད་གསལ་རིག་པའི་བསྟན་པ་བདག་ཉིད་ལ་སྒྲོགས། ༈ །རང་བྱུང་གི་རིག་པ་རྐྱེན་དང་བྲལ་བ་ནི་དུས་གསུམ་དུ་མི་འགྱུར་བར་བཞུགས་པས་གནས་ཀྱི་མཆོག །རྒྱུ་རྐྱེན་མེད་པས་རང་བྱུང་རྩོལ་མེད་བདེ་ཆེན་གྱི་ཡེ་ཤེས་ཀྱི་རོལ་པའི་སྐུ། །མིང་དང་མིང་ཅན་ལས་འབྲེལ་བའི་ཡི་གེ་བརྡ་བྲལ་ཡེ་ཤེས་ཀྱི་དོན་ཇི་ལྟ་བར་རིག་པའི་གསུང་། །ཚིག་གི་མཚོན་པའི་ལམ་ཆད་ཡེ་ཤེས་སྒྲོན་མེ་རང་འབར་བའི་ཐུགས། །དོན་གང་ཡང་བློས་ལེན་པ་མེད་དེ་ཕྱོགས་འཛིན་དང་བྲལ་བས་ཕྱོགས་མེད་ཀྱི་བདེ་མཆོག་བསམ་བརྗོད་ཀྱིས་མི་རྟོགས་པས་གསང་བའི་ལམ་དམ་པ་སྟེ། ཡན་ལག་ལྔ་ལྡན་གྱི་བརྡ་ཡིས་འཇུག་པས་བདེ་མཆོག་གསང་བའི་དོན་མི་འགལ། །མིང་དང་དེས་མཚོན་པའི་དོན་དུ་གྲུབ་པ་མེད་པའི་རང་བྱུང་གི་ཡེ་ཤེས་གསལ། །རིག་པའི་ཐིག་ལེ་བྱང་ཆུབ་སེམས་ཀྱི་དོན་ཇི་བཞིན་པར་གསལ་བའི་ར་སྟོན་པ་གསུང་ནི་ངག་ཏུ། །བརྗོད་མེད་ཡེ་ཤེས་འཁོར་ལོའི་རང་ཤར་བ་བདག་ཉིད་བརྗོད་པའི། །ཐ་སྙད་ཀུན་དང་བྲལ་ཀྱང་བརྗོད་བྱའི་མ་ལུས་པར་སྣང་བ་བདག །མཚོན་པའི་བརྡ་མེད་རང་བྱུང་ཡེ་ཤེས་ཉིད། །རིག་པའི་འཁོར་ལོའི་བསྟན་པ་བདག་ལ་ཤར། །ཡོན་ཏན་ལྷུན་གྱིས་གྲུབ་པའི་རིན་ཆེན་རང་འོད་བདེ་ཆེན་དུ་འབར་བ་ཐིག་ལེའི་མཐའ་རུ་ཐིམ། །རང་བྱུང་གཟེར་ཆེན་མི་འགྱུར་བར་རང་ལ་འདེབས། །རང་བྱུང་གི་འཁོར་ལོ་སྒྲོ་འདོགས་རང་ལ་གཅོད། །རིག་པ་ལ་མི་འདའ་བའི་ཕྱག་རྒྱ་དུས་གསུམ་དུ་འགྱུར་བ་མེད། །ཅེས་གསུངས་སོ། ༈ །རྫོགས་པའི་འཁོར་ལོ་ཡེ་ཤེས་ལས། །རང་རིག་པ་ཕུན་སུམ་ཚོགས་པ་མ་བཅོས་པའི་དེ་ཁོ་ན་མ་ནོར་བར་བསྟན་པའི་ལེའུ་སྟེ་དྲུག་པའོ།། ༈ །།དེ་ནས་རིག་པའི་རྒྱལ་པོས། བྱ་བའི་བརྩལ་བ་མེད་པ་ལ་ཆོས་དང་ཆོས་ཅན་ཐ་དད་དུ་མི་དམིགས་པ་འདི་གསུངས་སོ། ༈ །བྱ་བརྩལ་མེད་པའི་རང་བྱུང་ཡེ་ནས་གནས་ལུགས་བྱང་ཆུབ་ཀྱི་ཀློང་དུ་སངས་རྒྱས་པའི། །སྒྲིབ་པ་གདོད་རྣམ་པར་དག་པ་ཕྱོགས་མེད་རང་བྱུང་སྙིང་པོ་རྣལ་མའི་དོན། །ཐམས་ཅད་ཆོས་ཉིད་རང་བྱུང་སྙིང་པོར་གསལ། །ཆོས་ཉིད་ཡེ་ཤེས་ཀྱི་འཁོར་ལོ་ནི་གང་དུ་ཡང་སྣང་བ་མེད། །ཡེ་ཤེས་སྙིང་པོ་ལྷུན་གྱིས་གྲུབ་པ་བརྩལ་བ་བྲལ། །ཕྱོགས་མེད་རང་བྱུང་ཡེ་ཤེས་ཉིད་མུ་མཐའ་ཅིར་ཡང་མི་འགྱུར་བས་ཀུན་ཏུ་བཟང་། ༈ །རང་གི་སེམས་ཉིད་འབྲས་བུ་བྱང་ཆུབ་ཏུ་རིག་པའི་བདག་ཉིད་ལ། །ལུས་ངག་སེམས་ཀྱི་བྱ་བརྩལ་གང་ཡང་མེད་པས། །དུས་ཐམས་ཅད་དུ་ཏིང་འཛིན་ལས་མི་གཡོ་བས་བློའི་འཇུག་པ་དང་རང་བྲལ། །རང་བྱུང་འཁོར་ལོ་ལ་རོལ་པ་འགགས་པ་མེད་པས་རོལ་པའི། །ཡེ་ཤེས་ཀྱི་སྤྱོད་པས་ནི་པདྨ་འདམ་གྱིས་མ་གོས་པ་ལྟར། །རོལ་པ་ལ་སྤྱོད་བཞིན་དུ་དེ་ལ་མ་ཆགས་པར་ཡེ་ནས་དག །བསམ་པ་ཐམས་ཅད་དང་བྲལ་བའི་བསྒོམ་བྱ་ཆོས་ཉིད་ལ། །རྟོག་པའི་ཡེ་ཤེས་འཁོར་ལོ་ཡི་རྩོལ་མེད་ལྷུག་པའི་ཀློང་དུ་རང་བཞག་སྟེ། །དུས་གསུམ་དེའི་དབྱིངས་ལས་འགྱུར་བ་མེད་གནས། །རྟོག་པའི་དངོས་པོ་སེམས་དང་སེམས་གང་སྣང་ཡང་། །རང་བྱུང་རིག་པའི་འཁོར་ལོས་རྟོག་པའི་དྲྭ་བ་གཅོད། །རང་བྱུང་རིག་པའི་རྒྱ་མཚོ་ཆེན་པོའི་ཀླུང་ལྟར་དུ་ཟབ་པའི། ༈ །མངོན་སུམ་དུ་སྣང་བའི་ཡེ་ཤེས་ལ། །སངས་རྒྱས་དང་སེམས་ཅན་སྣང་ལུགས་ཁྱད་མེད་དུ་རྟོགས་ཀྱང་། །གོམས་པའི་མཐུ་མེད་པས་རང་དབང་སེམས་ལ་མི་གནས་པས། །སེམས་ཉིད་བདེ་བར་མངོན་དུ་སྤྱོད་མི་ནུས་ཏེ། །ངེས་འཛིན་འཁྲུལ་བའི་སེམས་དག་གི་ལྕགས་བཀྲོལ་ཀྱང་། །ཐོགས་མ་མེད་ནས་འཛིན་པ་ལ་གོམས་པའི་བག་ཆགས་སྟུག་པོས་ལྕགས་ཀྱིས་བཅིངས་པ་དང་འདྲའོ། །རྟོགས་པའི་ཡེ་ཤེས་རྒྱུན་དུ་གོམས་པའི་འཁོར་ལོ་ཡིས་རང་དབང་དུ་གྱུར་པ་ན། །ཇི་ལྟར་གནས་ཀྱང་བྱ་བརྩལ་མེད་དོ། ༈ །དེ་ཡང་རིག་པ་མུ་མཐའ་གང་དུ་ཡང་གྲུབ་པ་མེད་པའི་རང་བཞིན་ཆོས་ཉིད་ཀྱི་དཀྱིལ་འཁོར་ལ། །ལུས་ཀྱི་བརྩལ་མེད་ཆོས་སྐུར་གསལ། །རང་སྣང་བྱང་ཆུབ་སེམས་ཀྱི་དོན་རིག་པའི་རང་འོད་རང་གསལ་བ་ལ། །ངག་གིས་བརྩལ་བ་མེད་པ་ནི་རིག་པའི་གསུང་། །ཕྱོགས་བློས་མི་འགྱུར་ཀུན་བཟང་དགོངས་པའི་ཡེ་ཤེས་ལ། །ཐུགས་ཀྱི་བརྩལ་མེད་བསམ་པ་དང་བྲལ་བའི་ཐུགས་སོ། ༈ །ཡུལ་དུ་སྣང་བའི་གཟུགས་ཀྱི་རྣམ་པ་མ་ལུས་པ་ཀུན། །བཟང་ངན་མེད་པས་མཉམ་པ་ཉིད་ཆོས་ཀྱི་སྐུ་རུ་ཐིམ། །གྲག་པ་སྒྲ་ཡི་རྣམ་པ་ཀུན། །དོན་མཚོན་པའི་རང་རྟགས་གསུང་དུ་ཐིམ། །ཤེས་རིག་དྲན་རྟོག་མ་ལུས་ཇི་སྙེད་པ། །ཐུགས་ཀྱི་དོན་མཚོན་པའི་རང་རྟགས་སུ་ཤར་ཏེ། །ཡེ་ཤེས་རིག་པའི་ཐུགས་སུ་ཐིམ་ཞེས་བྱའོ། ༈ །རིག་པ་འགྱུར་མེད་རྡོ་རྗེ་ལྟར་དུ་སྐུ་གསུང་ཐུགས། །དབྱེར་མེད་པའི་ཡེ་ཤེས་བྱ་བརྩལ་ཀུན་དང་བྲལ། །ཞེས་གསུངས་པ་དང་། ༈ །དེ་ནས་སེམས་དཔའ་རྡོ་རྗེས་འདི་སྐད་ཅེས་ཞུས་སོ། །རྣམ་དག་རང་བྱུང་ཕྱོགས་མེད་ཀྱི་ཡེ་ཤེས་ཀྱི་དཀྱིལ་འཁོར་ནས། །འགྲོ་དྲུག་ཡེ་ནས་དེ་བཞིན་དུ་སངས་རྒྱས་ཀྱང་། །ལས་སྟོབས་དྲག་པོས་ཕྱིན་ཅི་ལོག་ལ་བདག་གི་སེམས་ཞུགས་ཏེ། །དེ་ལྟར་རང་རྐྱེན་ལོག་པའི་ཤུགས་ཀྱིས་རྣལ་མའི་དོན་དཀྲུགས། །ཆེ་བའི་ཡོན་ཏན་རང་བཞིན་གྱིས་ལྷུན་གྱིས་གྲུབ་པའི་རིན་ཆེན་ནོར་ལ་ལོངས་སྤྱོད་པའི་ནུས་པ་བྲལ་བས། །འགྲོ་བ་རིགས་དྲུག་ཏུ་ཡང་དང་ཡང་དུ་འཁོར་བའི་གནས་ཁམས་སུ་གསུམ་དུ་འཁྱམས། ༈ །དུས་སྐབས་ཚེ་འདིར་རྒྱལ་བའིི་ཐུགས་རྗེའི་ལྷུན་གྱིས་གྲུབ་པ་བྱིན་རླབས་ཀྱིས། །ཡེ་ཤེས་རང་ལ་རྫོགས་པ་ཆེན་པོའི་སེམས་ལ་མོས་པ་བསྐྱེད་པས། །དེང་ཚེ་དུས་འདིར་རྩོལ་བ་དང་བཅས་པའི་འབྲས་བུ་ཡོད། །རྣམ་རྟོག་སེམས་དང་སེམས་བྱུང་གི་གཡོ་བ་ཅིར་ཡང་འགྱུར་བ་ལ། །མ་ནོར་བར་རིག་པའི་དོན་ལམ་ཐབས་གང་གིས་བསྟན། །ངེས་པའི་གསང་དོན་ཐབས་གང་གིས་མཐོང་། །ཞེས་ཞུས་པ་དང་། ༈ །དོན་རིག་པའི་ལ་དབང་བསྒྱུར་བ་རྒྱལ་པོས་ཞུས་པའི་ལན་སླར་གསུངས་པ། །ཡེ་ཤེས་རྫོགས་པའི་དོན་རྟོགས་པའི་སེམས་བསྐྱེད་རྒྱུན་མ་ཆད་པར་ཟུང་ཞིག །རྣམ་རྟོག་སྤྲོས་པའི་སེམས་དང་ལྡན་པ་འདི་ཡིན་ལུགས་ཀྱི་དོན་ལ་སྦྱོར་ཅིག །རྟོགས་པའི་དོན་ལ་རང་སོར་བཞགཔའི་རིག་པ་རང་གསལ་གྱི་ཀློང་མ་ཡིན་པ། །མཚོན་པའི། བརྡ་སྒོ་རྟོག་པའི་རྗེས་སུ་སེམས་མ་འབྲང་ཞིག་ཅེས་གདམས་སོ། ༈ །ཡིན་ལུགས་བདེ་ཆེན་གསང་བའི་འཁོར་ལོ་ལ། །ཡུལ་ཤེས་རྒྱུ་འབྲས་ལ་སོགས་པ་གཉིས་སུ་མེད་པའི་རང་བཞིན་པས། །ཆོས་ཅན་དང་ཆོས་ཉིད་གང་དུ་ཡང་གྲུབ་པ་མིན། །རང་རང་གི་འདོད་པའི་བློ་ཡིས་མུ་བཞི་གང་དུ་ཡང་སྦྱོར་བ་གསུངས་པ་ནི། །དམན་པའི་སེམས་ལ་བསྟན་པར་ཟད་དོ། ༈ །བློ་ཡུལ་དུ་བསམ་པ་དང་བྲལ་བ་ཡེ་ཤེས་གཏིང་རྫོགས་ཀྱི་འཁོར་ལོ་ལ། །ཆོས་ཅན་དང་ཆོས་ཉིད་གང་རྟོག་པ་དེས། །རང་བྱུང་གསང་བའི་ཕྱོགས་རིས་ལས་གྲོལ་བའི་སེམས་མ་ཤེས། །ཚོར་བ་དང་བྲལ་བའི་བདེ་མཆོག་འཁོར་ལོའི་དོན་མ་རྙེད། །མི་འགྱུར་བར་རྟོགས་པ་གསལ་བའི་སེམས་དང་བྲལ། །རང་གནས་ཀྱི་ཡེ་ཤེས་རིན་ཆེན་ཀྱི་རང་འོད་ཀྱང་ནུབ། །འཁོར་ལྕགས་སྒྲོགས་ལས་ཐར་པ་མེད། །སྣོད་བཅུད་སྣ་ཚོགས་པའི་འཁོར་བའི་རང་བཞིན་ལ། །རྣལ་མའི་དོན་མི་ཤེས་པ་རྨོངས་པའི་བློ་ཡིས་མཐུན་པ་བླང་དོར་ཞིང་མི་མཐུན་པ་དོར་བར་བྱེད། །ཆོས་ཅན་དང་ཆོས་ཉིད་གཉིས་མེད་རང་བྱུང་འོད་གསལ་ལ། །ཡོད་པ་སྒྲོ་འདོགས་དང་མེད་པ་སྐུར་པ་འདེབས་པས་རང་སེམས་སྒྲོ་བསྐུར་མེད་པའི་དོན་སྤངས། །ཞེས་གསུངས་སོ། །རིན་ཆེན་འཁོར་ལོ་ཡེ་ཤེས་རྫོགས་པ་ལས་བྱ་བ་ལས་ཆོས་ཉིད་དང་ཆོས་ཅན་གཉིས་མ་གྲུབ་པར་བསྟན་པའི་ལེའུ་སྟེ་བདུན་པའོ།། ༈ །།དེ་ནས་ཡང་རིག་པའི་རྒྱལ་པོས། ཡེ་ཤེས་རིག་པའི་སྤྱོད་པ་འདི་གསུངས་སོ། ༈ །ཡེ་ཤེས་བདེ་མཆོག་ཀུན་ཏུ་བཟང་པོ། །རང་བྱུང་ཕྱོགས་མེད་ནམ་མཁའ་འགྱུར་མེད་རྡོ་རྗེའི་སྤྱོད་པ་ཉིད་ནི་དངོས་སོ། །ཅི་ལ་སྤྱོད་ཀྱང་གང་ལ་ཡང་ཆགས་པ་མེད། །སྒོ་གསུམ་བག་ཡངས་ལྷུག་པར་གནས་པ་ཉིད་ལ། །སྣང་མེད་རང་བྱུང་གི་ཡེ་ཤེས་གསལ་ལོ། །རྟོགས་པའི་སོ་ལ་རང་བཞག་ཡེ་ཤེས་སུ་གནས་པའི་སྤྱོད་པ་ལ། །གང་མ་ཡང་བླང་དོར་གཉིས་ཀྱི་རྩོལ་བ་མེད་པས་བདེ་བ་ཆེན་པོའི་ངང་ངོ་། །མཁའ་མཉམ་རང་བྱུང་ཡེ་ཤེས་རྟོགས་པའི་ཀློང་ལ་རང་བྱུང་ལ། །དུས་གསུམ་འདའ་བར་མེད་པར་གནས་པས་སྤྱོད་པའི་མཆོག་གོ། །དེ་ལྟར་སྤྱད་ན་ཡོན་ཏན་རང་བྱུང་ཡེ་ཤེས་དཀྱིལ་འཁོར་ནས། །དངོས་གྲུབ་རིན་ཆེན་འོད་ལྟར་རྩོལ་མེད་དུ་འབྱུང་། །ཕྱོགས་མེད་ཀྱི་ཡེ་ཤེས་རྒྱ་མཚོ་མུ་མཐའ་མེད། །འོད་གསལ་གྱི་དོན་ལ་རིག་པའི་གདེངས་ལྡན་ལ། །མཚོན་པའི་ཚིག་ལམ་གྱིས་བརྒྱུད་དང་བྲལ། །རང་བྱུང་མཁའ་ཁྱབ་བྱང་ཆུབ་སེམས་སྒྲོ་བསྐུར་དང་བྲལ་བའི་ལུང་གི་དོན་མཐོང་བས། །ལུང་ཆེན་ཚད་མ་ཀུན་གྱི་བདག་པའོ། །རིག་པའི་ཡེ་ཤེས་ཚིག་ཏུ་བརྗོད་པའི་མཐའ་ཐམས་ཅད་བྲལ་ཏེ་བསྟན་པས། །ཚིག་ཏུ་བརྗོད་པའི་ལུང་ཐམས་ཅད་ལ་སེམས་མི་འཇུག་གོ། །སེམས་ཉིད་རིག་པའི་སྒྲོན་མ་ཡིན། །མན་ངག་ནོར་བུ་རིན་ཆེན་གྱི་ཡོན་ཏན་མེ་ཤེལ་ཉི་མའི་འོད་ལྟར་རང་གསལ་རང་སྣང་བས། །ནོར་བུ་རིན་ཆེན་ལྟ་བུའི་མན་ངག་ཀུན་གྱི་བདག་པོའོ། །ཀུན་གསལ་མེ་ལོང་སེམས་ཉིད་ཀྱི་ངོ་བོ་མཐོང་ཞིང་བླ་མས་ཐོབ་སྟེ་རང་མཚན་མངོན་དུ་མཐོང་པས། །རྣ་བརྒྱུད་ཡི་གེའི་སྒྲ་ལ་རག་མ་ལས་སོ། །དེ་ལྟ་བུ་དེ་ནི་ཆོས་ཉིད་ནམ་མཁའ་ལྟ་བུ་ལ། །རང་བྱུང་གནས་ལུགས་གསལ་བའི་ཉི་མ་ཤར། །བས་རྟོག་དཔྱོད་ཀྱི་བསམ་སྦྱོར་བློ་ཡི་ཀུན་བརྟགས་མ་རིག་པའི་དྲི་མ་དག་སྟེ་ཐེག་པ་བརྒྱད་ཀྱི་རང་རང་གི་འདོད་པས་འཇུག་པ་ལམ་ལ་རིམ་པར་བགྲོད་པའི་རྩོལ་བ་ཀུན་དང་བྲལ་ཏེ། །བློས་བསམ་དུ་མེད་པ་རང་ཏང་བཞག་པའི་སྤྱོད་པར་གནས་སོ། ༈ །འགྲོ་འདུལ་ཐབས་ཀྱི་སྤྱོད་པ་སྐུ་གསུམ་རང་ལ་རང་ཆས་སུ་ཡོད་པ་རིག་པའི་ནམ་མཁའ་དཀྱིལ་འཁོར་ནས། །ཐུགས་རྗེ་ཆེན་པོ་ཉི་མའི་ཟེར་ལྟར་ཤར་ནས་འོད་ཀྱི་སྣང་བ་ཆེན་པོ་བརྡལ་བས། །འགྲོ་འདུལ་སྤྱོད་པ་ཅི་བདེར་སྤྱོད་ཅིག །འགྲོ་བ་འདུལ་བའི་ཐབས་ཀྱི་རིམ་པར་རང་ཤར་ནས། །རང་བྱུང་ཡེ་ཤེས་རང་གསལ་རྟོགས་བས་འགྲོ་བ་གཞན་གྱི་དོན་མཛད་དེ། །ཡེ་ཤེས་རང་བྱུང་འདྲེན་པའི་སྐུར་ཡང་ཤར་ནས། །སྣ་ཚོགས་སྤྲུལ་སྐུ་རིན་ཆེན་དང་འདྲ་བའི་སྟོན་པ་རྣམས་སྤྲོས་སོ། ༈ །གདུལ་བྱ་གང་དག་བློ་དམན་པའི་འཁོར་དག་ལ། །རང་རང་གི་བློ་དང་མཐུན་པའི་སྒོ་ནས་བསྟན་པ་བཀོད་པ་དེར་རང་རང་གི། །འདོད་པ་མཐུན་པའི་བློ་ཡིས་ཕྱི་ནང་ཐེག་པ་དཔག་ཏུ་མེད་པ་གསུངས་ཀྱང་། །ཐིག་ལེ་ཉག་གཅིག་ལས་འདའ་བ་མེད་པས། །རྣམ་པར་རྟོག་པའི་སྦྱོར་བ་དང་ལྡན་པའི་བློ་ཡི་ཐེག་པ་རྩོལ་བརྒྱད་རྣམས། །རང་བྱུང་ཡེ་ཤེས་ཐིག་ལེའི་སྐུར་བྱུང་ནས། །ཐམས་ཅད་རང་བྱུང་ཡེ་ཤེས་གཅིག་ལ་སྤྲོས་ནས་དྲང་བའི་ཐབས་སུ་བསྟན་པར་ཟད་དེ། །རིམ་འཇུག་ལམ་པའི་བློ་ཡི་ཐེག་པ་བརྩོལ་བརྒྱད་རྣམས། །འགྲོ་བ་ཐུགས་རྗེས་འདྲེན་པའི་སྐུ་ཡིས་གདུལ་བྱ་རྣམས་ལ་དྲང་དོན་དུ་བསྟན་པའོ། །ངེས་པའི་ཐེག་གཅིག་སྙིང་པོ་ལ། །འདོད་པའི་ཡན་ལག་ཀུན་དང་བྲལ། །མ་ལུས་བསྟན་པའི་རྣམ་པ་ཀུན། །ཡེ་ཤེས་རིག་པའི་མཁའ་ལ་རྫོགས། །ཞེས་གསུངས་སོ། ༈ །རིན་ཆེན་འཁོར་ལོ་ཡེ་ཤེས་རྫོགས་པ་ལས་རང་བྱུང་ཡེ་ཤེས་ཀྱི་སྤྱོད་པ་བསྟན་པའི་ལེའུ་སྟེ་བརྒྱད་པའོ།། ༈ །།དེ་ནས་རིག་པའི་རྒྱལ་པོས། །རང་བྱུང་གི་ཡེ་ཤེས་ལ་འཁོར་འདས་ཐམས་ཅད་རྫོགས་པའི་དཀྱིལ་འཁོར་འདི་གསུངས་སོ། ༈ །རང་རིག་པ་བྱང་ཆུབ་ཀྱི་སེམས་ཉིད་རྒྱུ་རྐྱེན་མེད་པས་རང་བྱུང་དཀྱིལ་འཁོར་འདིར། །མ་ནོར་མ་བཅོས་རང་རིག་པའི་ངང་དུ་ཐམས་ཅད་ལྷུན་གྱིས་གྲུབ་སྟེ། ༈ །འཁོར་མཐའ་ན་གནས་པ་དང་གཙོ་བོ་དབུས་ན་གནས་པ་མེད་པའི་གཞལ་ཡས་ཁང་ཆེན་པོ་དེ་ནས། ༈ །སྐྱེ་ལུགས་སྐུ་གསུམ་དུ་རང་འབར་ཡེ་ཤེས་ལྷུན་གསུམ་དུ་རྫོགས་པའི་སངས་རྒྱས་ལ། །རང་བྱུང་རིག་པའི་འཁོར་ལ་མཐའ་འམ་གྲངས་མེད། ༈ །ཐམས་ཅད་བྱང་ཆུབ་སེམས་སུ་ལྷུན་གྱིས་གྲུབ་པའི་ཕོ་བྲང་ཆེན་པོར་ནི། །ལོགས་ཤིག་ནས་སྤྱན་དྲངས་ནས་བྱོན་པ་མ་ཡིན་ཏེ་ཡེ་ནས་རང་ལ་སངས་རྒྱས་པར་གནས་སོ། ༈ །རང་བྱུང་གསལ་བའི་སྔགས་ལ་རྟོགས་གོམས་དང་ལྡན་པས། །ལྷ་ཡི་སྙིང་པོའི་འཛབ་གྲངས་དབུལ་མི་དགོས་སོ། ༈ །ཚོར་བ་དང་བྲལ་བའི་བདེ་ཆེན་ལ་རྟོགས་པ་གསལ་བའི་དོན་དང་ལྡན་པའི་མཆོད་པས། །ཡེ་ཤེས་གསང་བའི་དོན་གྱི་དཀྱིལ་འཁོར་མཉེས་པའོ། ༈ །ཡོངས་ལ་ཁྱབ་པའི་རང་བྱུང་གི་སེམས་ཉིད་སེམས་ཅན་ཀུན་གྱི་མགོན་སྐྱབས་སུ་གྱུར་པས་ལྷ། །དུས་གསུམ་དུ་དེ་ཉིད་ཀྱི་ཀློང་ལས་འདའ་མེད་ཐུགས་དམ་མོ། །རྣམ་དག་རིག་པ་ཀ་དག་གི་ངོ་བོ་ལ། །ཉེས་པའི་དྲི་མ་ལུས་པ་དང་བྲལ་བས། །ཡེ་ཤེས་ཀྱི་དམ་ཚིག་གདོད་ནས་རྣམ་པར་དག་པ་སྟེ། ༈ །བརྗོད་མེད་རིག་པའི་དོན་ཇི་ལྟ་བར་མཐོང་ན། །རང་བྱུང་གསང་བའི་དམ་ཚིག་རྟོགས་པས་ཐོབ། །དེའི་སོ་ལ་རང་བཞག་ལྷུག་པའི་སེམས་ལས་མི་འདའ་ན། །མི་རྟོག་པ་ཏིང་ངེ་འཛིན་གྱི་དམ་ཚིག་ཉིད་ཡིན་པས། །རང་བྱུང་ཡེ་གནས་ཀྱི་དམ་ཚིག་རྟོགས་གོམས་ཀྱིས་རྣམ་པར་དག་པའོ། ༈ །ཅིར་ཡང་མི་རྟོག་པ་གང་གི་ཡང་འཛིན་པ་དང་བྲལ་བར་རྟོགས་པའི་ཡེ་ཤེས་ལས་གནས་ན། །བསོད་ནམས་དང་ཡེ་ཤེས་ཀྱི་ཚོགས་ཀུན་ལྷུན་གྱིས་གྲུབ་པས་ཚོགས་ལོག་སུ་བསག་མི་དགོས་སོ། ༈ །རྡོ་རྗེ་གསང་བའི་རང་བཞིན་གྱིས་དཀྱིལ་འཁོར་ནི། །དུས་ཐམས་ཅད་འགྱུར་མེད་རང་བྱུང་ཀུན་ཏུ་བཟང་། །ཡེ་ཤེས་རང་གསལ་བའི་ར་རྟོགས་པའི་དཀྱིལ་འཁོར་ཡིན། །མཐའ་དབུས་མེད་པའི་སྙིང་པོའི་དཀྱིལ་འཁོར་ལ། །གང་ལ་ཡང་སྤོང་ལེན་དང་བྲལ་བའི་སེམས་ཀྱིས་དེ་ཉིད་དུ་འཇུག ༈ །རང་བཞིན་རྣམ་དག་གི་དོན་ལ་སྤོང་ལེན་དང་འབྱུང་འཇུག་གི་དབྱེ་བ་མེད། །ལྷུན་གྲུབ་རང་བཞིན་ཡེ་ནས་སངས་རྒྱས། །རང་རིག་འོད་གསལ་ཀ་ནས་རྣམ་པར་དག །ཡེ་ཤེས་ཐབས་གང་གིས་མཚོན་པའི་མཚན་ཉིད་གསལ་བར། ༈ །ལྷུན་གྲུབ་རང་རིག་ཀུན་ཏུ་བཟང་། །ཡེ་ཤེས་རྫོགས་པའི་དཀྱིལ་འཁོར་གྱི་དོན་གྱི་ལྷ། །གཟུང་འཛིན་དང་བྲལ་བས་དེའི་དྲི་མ་མེད་དེ་རང་རིག་པའི། །ཡེ་ཤེས་སྒྱུ་མ་ཀུན་ཏུ་བཟང་། །རང་བྱུང་གི་སྒྱུ་མ་མུ་མཐའི་ངོས་གཟུང་མེད། །རྣམ་དག་རང་བྱུང་དཀྱིལ་འཁོར་ལྷུན་གྲུབ་གསུམ། །མ་སྐྱེ་ལྷུན་གྲུབ་བྱ་བ་མེད། །ཡིན་དོན་དོན་ལ་གང་གིས་འཇུག་པའི་སྦྱོར་བ་རྟོགས་པ་དང་ལྡན་པ་རྣམས། །ཡི་གེའི་བརྡ་ཇི་བཞིན་དུ་གྲུབ་པ་མེད་ལ་གཟུང་འཛིན་གཉིས་མེད་གསལ། །རྣམ་རྟོག་གི་རྒྱུ་བ་བྲལ་བའི་རིག་པས་རྟོགས་སོ། ༈ །དེ་ཉིད་རང་སྣང་རིག་པའི་འོད་ལ་ཏིང་ངེ་མི་གཡོ་བར་བཞུགས་པའི། །བསམ་མེད་རང་སོར་བཞག་ས་ལེ་བ། །ཡིད་ལ་བྱ་བ་ཅི་ཡང་མ་ཡིན་གྱི་ན་བཏང་སྙོམས་སུ་གནས་ནི་རྐྱེན་ལ་མ་རག་པར། །རང་གསལ་བའི་ཡེ་ཤེས་ཉི་མའི་འོད། །ཀུན་བཟང་རྒྱལ་བའི་ཐུགས་ཀྱི་དགོངས་པ་དེ་ལས་མི་འདའ་བས་ཐུགས་དམ་མོ། །ཞེས་གསུངས་པ་དང་། ༈ །དེ་ནས་སྡུད་པ་པོ་སེམས་དཔའ་རྡོ་རྗེས་འདི་སྐད་ཅེས་ཞུས་སོ། །སྣང་མེད་བདེ་ཆེན་རང་སྣང་ལ། །ལོག་པར་བརྟགས་པའི་སྣང་བས་གཟུང་འཛིན་གཉིས་སུ་མཐོང་ཡང་། །རང་བཞིན་རྣམ་དག་མི་འགྱུར་བ་གསེར་བཞིན་དུ་གནས་པ་ཡང་། །ཐོག་མ་མེད་པའི་དུས་ནས་དོན་མ་མཐོང་བ་དེ་བསྟན་པའི་ཐབས། །དུས་འདིར་རྣལ་མ་ལ་སྦྱོར་ཞིང་འཇུག་པ་པོའི་གང་ཟག་གང་དག་ནི། །གསང་བའི་སྙིང་པོ་དོན་ལ་མོས་པས་འཇུག་པའི་དོན། །གསལ་བར་བྱེད་པའི་རིན་ཆེན་སྒྲོན་མ་གང་ལགས། །བདག་ཏུ་འཛིན་པའི་དྲི་མ་རྟོགས་གོམས་གང་གིས་དག །པར་འགྱུར། བདེ་ཆེན་གསང་བ་ཐབས་གང་གིས་མཉེས། །ཞེས་ཞུས་པ་དང་། ༈ །དོན་དེ་དག་རིག་པའི་རྒྱལ་པོས་བཀའ་སྩལ་པ། །བློ་ཡིས་བསམ་གྱིས་མི་ཁྱབ་དུས་གང་ལ། །དོན་གང་སྐུ་གསུམ་ལྷུན་གྲུབ་ཏུ་ལྡན་པའི་རིག་པའི་ལྡེ་མིག་ཏུག་ཕྲད་ཀྱི་མན་ངག་གིས། །རིན་ཆེན་སེམས་ཉིད་དོན་པར་བྱེད་པས་དེ་ཉིད་རིན་ཆེན་སྒྲོན་མའོ། །ཁོང་དུ་ཆུད། །སྣང་བའི་རྣམ་པ་འཁྲུལ་པ་ཅིར་ཡང་འགྱུར། །གང་ཡང་ཡིད་ལ་མི་བྱེད་པར་རང་བཞག་ན། །དྲི་མའི་འཛིན་པ་དེས་རྣམ་པར་དག་པར་འགྱུར། །བདེ་ཆེན་གསང་བའང་དེས་མཉེས། ཅེས་གསུངས་སོ། ༈ །ཡེ་ཤེས་རྫོགས་པ་རིན་པོ་ཆེ་འཁོར་ལོ་ལས། དཀྱིལ་འཁོར་གསང་བའི་ལེའུ་སྟེ་དགུ་པའོ།། ༈ །།དེ་ནས་རིག་པའི་རྒྱལ་པོས། སེམས་དཔའ་རྡོ་རྗེ་ལ་འདི་སྐད་ཅེས་གསུངས་སོ། ༈ །རང་གི་སེམས་ཉིད་གསང་བ་སྔགས་ཀྱི་ལྷ་རུ། །རང་བཞིན་གྱིས་དག་པས་རྟོག་པ་ལྟར་སྦྱང་ཞིང་བསྐྱེད་མི་དགོས་ལ། །རང་གནས་ཡེ་ཤེས་འོད་གསལ་གྱི་ཀློང་དུ་བཞུགས་པས། །སྤྱན་དྲངས་དགོས་པ་མ་ཡིན་རང་ལ་ཡེ་ནས་གནས། །ཡེ་ཤེས་ཀྱི་ལྷ་ཀུན་བཟང་དུས་སྐབས་ཐམས་ཅད་དུ་འཕོ་འགྱུར་མེད། །ལྷུན་གྲུབ་རིག་པ་བརྩལ་མེད་པས། །འོད་ཟེར་ཕར་སྤྲོ་བ་དང་ཚུར་བསྡུ་བའི་སྤྲོས་པ་ངང་གིས་ཞིའོ། ༈ །རང་བྱུང་རྟོགས་པའི་ཁྱད་པར་གྱི་ལམ་ཆེན་ནི། །བླང་བ་དང་དོར་བ་གཉིས་མེད་རིག་པའི་ངང་། །ཡེ་ཤེས་དབུ་མ་མུ་བཞིའི་མཐའ་དང་བྲལ་བ་ལ། །རྩོལ་བས་བགྲོད་པའི་ལམ་མེད་ཡེ་སངས་རྒྱས། །ས་ལམ་གྱི་རིམ་པ་ཀུན་བྲལ་ཆོས་ཉིད་རྟོགས་པ་ལ། །རང་གསལ་གྱི་འོད་ལ་ཏིང་ངེས་གང་གནས་པ། །རིམ་པ་མ་ཡིན་ཅིར་མ་དགོངས། །ཡེ་ཤེས་ཀུན་བཟང་བླང་དོར་མེད་པའི་ལམ་ཆེན་ལ། །རང་རང་གི་བློ་ཡི་འདོད་པའི་སྟོབས་ཀྱིས་དོན་ལ་རྩོལ་བས་གང་འཇུག་པའི་འབྲས་བུ་ལ་སྦྱོར་བ་དང་ལྡན་པའི་རྩོལ་བཅས་ཐེག་པ་ཀུན་གྱི་ལམ་དང་བྲལ་བའོ། །ཞེ་འདོད་ཀྱིས་འབྲས་བུ་བརྩལ་མེད་རྒྱུ་རྐྱེན་དང་བྲལ་བའི་རང་བྱུང་བདེ་ཆེན་གྱི་དོན་ནི། །རང་རང་གི་འབྲས་བུ་འདོད་པའི་རྩོལ་བས་གང་འཕངས་པའི། །རིམ་འཇུག་རྩོལ་བརྒྱད་ཀྱི་རྒྱུ་དང་འབྲས་བུའི་འདོད་པ་མ་ལུས་པས་སྟོང་ངོ་། ༈ །ཀུན་བཟང་རང་རིག་ཕྱོགས་རིས་མེད་པའི་འོད་གསལ་བ་ལ། །མུ་བཞིའི་ཕྱོགས་སུ་འདོད་པའི་སྦྱོར་བས་གང་འབྲས་བུ་ལ་འཇུག་ན་མུ་བཞི་མཐའ་དྲུག་གི་ཕྱོགས་དང་བྲལ་བའི་རང་བྱུང་ཕྱོགས་མེད་ཀྱི་དོན་དང་བྲལ་བའོ། །གཞི་རྩ་བ་ཀ་ནས་རྣམ་པར་དག་པས་ནམ་མཁའ་ལྟར་མ་ལུས་པ་ཀུན་ལ་རྣམ་རྟོག་འཛིན་པ་འཁྲུལ་པའི་སྤྱོད་ཡུལ་དུ་གྲུབ་པ་མིན་ནོ། ༈ །དངོས་པོར་སྒྲོ་འདོགས་སུ་གྲུབ་པ་མེད་པའི་སྟོང་པའི་ཐིག་ལེ་ནི། །རྣམ་པའི་མཚན་མ་དང་དེ་འཛིན་གྱི་རྟོག་པ་མེད་པས་གསང་བའི་སེམས་ཡིན་ནོ། །བློས་བརྟགས་པའི་འཁྲུལ་པ་སྣ་ཚོགས་ངོ་བོ་ཉིད་འདི་ལ། །དུས་གསུམ་དུ་མི་གཡོ་བ་རང་བཞིན་གྱིི་དཀྱིལ་འཁོར་ཀུན་ཁྱབ་ཏུ་གནས་པའོ། །རང་གནས་ཀྱི་ཡེ་ཤེས་ཉི་མ་ཀུན་ཀྱི་དོན་གསལ་བར་མཐོང་ཡང་། །ཤིན་ཏུ་ཡིན་དོན་ལ་རྟོགས་གོམས་ཀྱིས་འབྱོར་བ་དང་ལྡན་པའི་རྣལ་འབྱོར་ལ། །བརྟགས་པའི་འཁྲུལ་པའི་རྣམ་པར་རྡུལ་ཆ་ཙམ་ཡང་མཐོང་བ་མེད། །བློས་བསམ་གྱིས་མི་ཁྱབ་པ་གང་རྟོགས་པའི་དུས་ན། །རང་བཞིན་གྱིས་འོད་གསལ་བའི་ཡེ་ཤེས་དོན་སྣང་ཡང་། །གང་གཟུང་བའི་ཡུལ་མཐོང་བའི་སྣ་ཚོགས་ཀྱི་སེམས་རྣམ་ཤེས་ཚོགས་བརྒྱད་དང་བྲལ་བའོ། །རང་བྱུང་དག་པའི་འཁོར་ལོ་ལ། །རང་བཞག་ཡིན་དོན་རིག་པ་ཀུན་རྟོགས་ཀྱང་། །རང་རང་གི་རྟོགས་པའི་སྦྱོར་བའི་འདོད་པ་སྣ་ཚོགས་པ་གང་ཡང་མཐོང་བ་མེད། ༈ །གསང་བའི་འཁོར་ལོ་རྫོགས་པ་འདི། །རྒྱུ་ཡིས་བསྐྱེད་པ་མེད་པར་མཐར་ཐུག་རང་ལ་འབྲས་བུ་གནས་པ་ལ། །བརྟགས་པའི་དྲི་མེད་དེ་ཉོན་པོར་གསལ་བས། །རྒྱུ་དང་རྐྱེན་གྱིས་བསྐྱེད་པར་འདོད་པའི་ངོ་བོས་སྟོང་། །རང་བྱུང་ཡེ་ཤེས་གང་ཞིག་རྒྱུ་དང་བྲལ་བའི་ངོ་བོ་མེད་པ་ཉིད་ན། །དེས་ན་དཔེ་རི་ཝོང་རྭ་བཞིན་ནོ། །རྒྱུ་མེད་རྒྱུ་བསྐྱེད་དེ་དང་འདྲ། །རྒྱུ་རྐྱེན་གྱིས་བསྐྱེད་པ་མིན་ཏེ་རང་གནས་ཡེ་ཤེས་ཡེ་གདོད་མ་ཉིད་ནས་གྲུབ། །རྒྱུ་འབྲས་འདོད་པ་གང་དག་དག་པའི་འཁོར་ལོ་ལ། །མཚན་ཉིད་པ་སྦྱོར་འདོད་རྒྱུར་རྩོལ་སྔགས་པ་གང་ཞིག་ན། །རྒྱུ་འབྲས་མཐུན་པ་སྐྱེད་པ་ཉིད་ན་རྒྱུ་འབྲས་མི་མཐུན་པ། །གྲུབ་པ་ན་ཐུགས་པ་མེད་དེ་གང་ལ་འཐད། །རྒྱུ་འབྲས་ཀྱི་ཁྱད་པར་མ་གྲུབ་གཤིས་འོད་གསལ་བ་ཉིད་ལ། །བཅོས་པ་མེད་པར་རང་ཐང་དུ་བཞག་པ་ཉིད་དུ་བདེ་བའོ། །བཅོས་པ་མེད་པའི་དགོངས་པ་དེ་ཅིར་ཡང་མིན། །གཞན་ན་དེ་ལ་དེ་བཞིན་པ། །ཤེས་པ་གཅིག་ལ་དུ་མ་གང་ལ་ངེས། །རྒྱུ་དེ་འདོད་ཉིད་ལ་དེ་ལྟར་འགྱུར། །བརྒལ་བ་རྩོལ་འཇུག་གང་དག་དེ་འདོད་ན། །མཐར་ཐུག་དེ་བཞིན་དེ་ལས་འབྱུང་བས་སོ། །དེས་ན་ཡེ་ནས་གནས་པའི་དོན་ཡིན་ན། །བདེ་བ་དང་ལྡན་པ་རིག་པའི་སངས་རྒྱས་ལ། །རྣམ་པར་རྟོག་པའི་རྣམ་པ་ཀུན་མེད་པས། །གང་ཞིག་གིས་བསྐྱེད་པའི་འབྲས་བུ་ལམ་དུ་བྱེད་པ་ཇི་ལྟར་འདོད། །སྦྱོར་ལྡན་དོན་ལ་ཡིན་པ་ན། །དེ་བཞིན་དུ་དགོས་པ་ཐམས་ཅད་དག་འགྱུར། །ཞེས་གསུངས་སོ། །རིན་ཆེན་འཁོར་ལོ་ཡེ་ཤེས་རྫོགས་པ་ལས། །རིག་པ་རྒྱུ་རྐྱེན་གྱིས་བསྐྱེད་པ་དང་བྲལ་བར་བསྟན་པའི་ལེའུ་སྟེ་བཅུ་པའོ།། ༈ །།རིན་ཆེན་འཁོར་ལོ་ཡེ་ཤེས་རྫོགས་པའི་རྒྱུད་རྫོགས་སོ། །རྒྱ་གར་གྱི་སློབ་དཔོན་ཤྲཱི་སིངྷ་དང་། བོད་ཀྱི་བནྡེ་བཻ་རོ་ཙ་ནས་དྷེ་ཧེ་ནའི་འདུ་ཁང་དུ་བསྒྱུར་བའོ། །མཆན་ཊཱིཀ་ཟུ་ལུང་དགོན་པར་སེའི་བན་ཆུང་གིས་ཞུས་ཞེས་པ་ལས་ཁ་སྐོང་བའོ།། །།

བྱང་ཆུབ་སེམས་ཉི་མའི་འོད་ཟེར་ཀུ་ཀུ་རཱ་ཛའི་གསུང་སེའི་བནྡྷེ་འབྱུང་ལྡན་གྱི་མཆན་འགྲེལ།

བྱང་ཆུབ་ཀྱི་སེམས་ཉི་མའི་འོད་ཟེར་བཞུགས། རྒྱ་གར་སྐད་དུ། བོ་དྡྷི་ཙིཏྟ་རཏྣ་སུཪྱ་གརྦྷ་པྲ་བྷ་བ་ནཱ་མ། བོད་སྐད་དུ། བྱང་གཞི་ཆུབ་ཀྱི་སེམས་རིན་ལམ་པོ་ཆེ་ཉི་མའི་འབྲས་བུ་སྙིང་པོ་འོད་ཟེར་དང་ལྡན་པ་ཞེས་བྱ་བ། ༈ །བཅོམ་ལྡན་འདས་དཔལ་རྡོ་རྗེ་མི་བསྐྱོད་པ་ལ་ཕྱག་འཚལ་ལོ། ༈ །ཆོས་ཉིད་མ་ནོར་བ་བྱང་ཆུབ་ཀྱི་སེམས་རང་ཆས་སུ་གནས་ཀྱང་རྟོགས་པའི་རྐྱེན་བཞི་དང་བྲལ་བས། །དཔེར་ན་མིག་གིས་མིག་མ་མཐོང་བ་བཞིན་དུ་ཡུལ་དུ་མ་གྲུབ་པས། མ་ལྷན་རིག་གཞན་དུ་བརྟགས་ཀུན་པས་ལས་དང་ལས་ཀྱི་འབྲས་བུར་འཁྲུལ། །མན་ངག་རིན་ཆེན་རྒྱལ་བ་རིག་འཛིན་གང་ཟག་ཏུ་བརྒྱུད་པས་བྱང་ཆུབ་སེམས་རིག་ནས་དེའི་ངང་དུ་གོམས་པས་གནས་ལུགས་དང་མཐུན་པར་སྤྱད་པའི་མཐུས། །རང་གནས་ཀྱི་སར་སྨིན་པ་ཆོས་སྐུ་ལོངས་སྤྱོད་དང་སྤྲུལ་པས་གདུལ་བྱ་འདྲེན་པ་ཐོབ་པའི་ཐབས་འདི་བསྟན་པར་བྱའོ། ༈ །དམིགས་༼༠༽ པར་བྱ་བ་སྨིན་༼༠༽ པར་བྱེད་པ་མཐར་༼༠༽ ཕྱིན་པ་ནི། །ཡུལ་༼༠༽ གཞི་རྐྱེན་ལམ་འབྲས་༼༠༽ བུར་བརྡ་ཡིས་ཞེན་པས་མཚོན་པ་ནི། །བྱང་༼༠༽ ཆུབ་ཀྱི་སེམས་རིན་ཆེན་ཉི་༼༠༽ ཆོས་འོད་ལོངས་གཟེར་སྤྲུལ། །ཡི་དམ་མི་བསྐྱོད་པ་དང་བླ་མས་གནོད་སྦྱིན་མོ་ལུང་བསྟན་ནས་མན་ངག་རྩོམ་པའི་ལུས་རྣམ་གཞག་བྱས་སོ། ༈ །ཆོས་ཡང་ན་ཚོགས་བརྒྱད་ཐམས་ཅད་ཀྱི་རང་བཞིན་བྱང་ཆུབ་ཀྱི་སེམས་སུ་གནས་ཏེ། ༈ །ཚོགས་དྲུག་གི་ཡུལ་རིལ་གཅོད་པར་བྱེད་ཅིང་ཡུལ་ཐུན་མོང་ངམ་ཁྱད་པར་རམ་འདས་མ་འོངས་གཉིས་ཕྱི་སྒོ་ལྔ་དང་ནང་ཉོན་ཡིད་རང་རྒྱུད་སྔ་མ་གསུམ་གྱི་རྗེས་སུ་འབྲངས་པའི་སྤྲོས་པ་སྣ་ཚོགས་རྣམས། །རང་བཞིན་ནམ་ངང་གིས་མི་གནས་ཏེ་སྤྲོས་པ་དང་བྲལ་བས་བྱང་། །དབང་པོ་གཟུགས་ཅན་ལ་རྟེན་པའི་རྣམ་ཤེས་ལྔ་རང་བཞིན་གྱིས་མི་འགག་པར་ཤར་བའི། །ཡུལ་སྣང་ལ་མི་འཛིན་པ་སྒྱུ་མའི་རྣམ་པར་ཁྱབ་པས་ཆུབ། །ཁ་ནང་དུ་ཀུན་གཞི་ལ་བལྟས་ནས་ངར་འཛིན་པ་དེའི་མཚན་ཉིད་ཇི་ལྟ་བར། །རྟོགས་ན་མཚན་ཉིད་རང་རིག་གཉུག་མའི་སེམས། ༈ །སྤྲོས་པ་མི་གནས་རང་བཞིན་རོལ་པ་མི་རྣམ་པ་འགག་ཡུལ་ཤེས་དབྱེར་མེད་མཚན་ཉིད་གསུམ། །མེད་པ་ཡོད་པ་དབྱེར་མེད་ཀྱི་ཕྱོགས་སུ་མ་ལྷུངས་ཡིན་དོན་དུ་རོ་གཅིག་པ་ནི་གཞི་དོན་གྱི། །ཀུན་གཞི་མ་བཅོས་བྱང་ཆུབ་སེམས་སོ། ༈ །དེ་ཉིད་མ་རྟོགས་ཤིང་ཕྱིན་ཅི་ལོག་ཏུ་བརྟགས་པས་བག་ཆགས་རྙོག་པའི་གཞི། །སྦྱོར་དོན་ནི་ཡུལ། དམིགས་པ་དང་ཡུལ་ཤེས་ཤིང་འཛིན་པའི་རྣམ་པ་རྒྱ་ཡོངས་སུ་མ་ཆད་པར། །དོན་ཕྱི་སྣོད་གནས་དང་ནང་ལེན་པའི་སེམས་ཅན་རིག་གོ་བདག་རིག་པ་ཉོན་ཡིད་ཡུལ་རྣམ་པར་རིག་པ་དང་ཚོགས་དྲུག་དང་བདུན་སྣང་སྟེ་དེ་ཡང་སྒོ་ལྔས་ཡུལ། ལྔ་ལ་མཚན་མར་བཅད་ཡིད་གཅིག་ལ་ཕྱི་ནང་བར་གསུམ་གསལ་ཏེ་གསུམ་ཀའི་རྗེས་སུ་འབྲངས། །དྲུག་གིས་ས་བོན་གང་སད་པའི་འབྲས་བུར་སྨིན། །སྨིན་ཚུལ་ནི། མཛོད་ལས། ལས་ཀྱི་འཁོར་བ་ལྕི་གང་དང་། །ཉེ་བ་གང་དང་གོམས་པ་དང་། །སྔོན་བྱས་གང་ཡིན་དེ་ལས་ནི། །སྔ་མ་སྔ་མ་རྣམ་སྨིན་འགྱུར། །ཞེས་སོ། །འཁྲུལ་པའི་སེམས་རང་གིས་རང་བཅིངས་ནས་སྡུག་པའོ། ༈ །དེས་ན་རིན་ཆེན་བརྒྱུད་པ་གཅེས། །དམིགས་ཡུལ་བྱང་ཆུབ་སེམས་སུ། གནས་པ་ལ་སྨིན་བར་བྱེད་པའི་རྐྱེན་རིན་ཆེན་ནི། །རྒྱུ་གཅིག་རྐྱེན་གཉིས་ཡིད་ཆེས་གསུམ། །གནས་པ་བཞི་དང་གྲོགས་རྣམ་ལྔའོ། ༈ །དམིགས་པའི་ཡུལ་སྔར་བཤད་པའི་གནས་ལུགས་ཉིད་ཡོངས་སུ་རྫོགས་པའི་རྒྱུ་ནི། །མུ་བཞི་ཕྱོགས་རེར་འཛིན་པའི་སྐྱོན་བཞི་ལས་གྲོལ་བ་ནི་དཔེར་ན་རིན་ཆེན་ལ་བསོད་ནམས་དང་མཐུན་པའི་འདོད་པ་འབྱུང་བ་ལྟར། ༈ །ལུང་དང་མན་ངག་གཉིས་ཚད་མར་གནས་པ་ནི། །རིན་པོ་ཆེ་རྒྱལ་མཚན་གྱི་རྩེ་ལ་བཏགས་ནས་མཆོད་པས་དགོས་པ་འབྱུང་བ་ལྟར་རྟོགས་པའི་གྲོགས་སམ་རྐྱེན་ནོ། ༈ །ཐོས་པས་ལུང་གི་ཆོས་ལ་ཡིད་ཆེས་ནས། །དེར་འཐད་པས་མིང་དུ་བཏགས་པ་དེ་ཚིག་ཏུ་ཟིན། །བསམ་པས་ཚིག་དང་དོན་གཉིས་འབྲེལ་ཏེ་དོན་སྤྱི་ཙམ་རྟོགས། །མན་ངག་དང་ལུང་བསྡེབས་པས་དོན་དང་འབྲེལ་བར་ཡིད་ཆེས། །བརྡ་བྲལ་རང་གྲོལ་བའི་མན་ངག་མངོན་སུམ་དུ་གྲུབ་པས། །ཆོས་ཉིད་རང་གི་མཚན་ཉིད་ཚད་མ་གསུམ་དང་མི་འགལ་བར་ཡིད་ཆེས་ཐག་ཆོད་ངེས་པ་རྙེད་དོ། ༈ །དེ་ལྟར་ངེས་པར་རྟོགས་ཀྱང་རེས་གནས་ཏེ་སྣང་རེས་མི་གནས་ཏེ་བྲལ་བར་སྣང་། །དང་པོའི་ལས་ཅན་གྱིས་བརྩོན་པས་བསྟུན་ཏེ་སྒོམ་མ་བྱུང་བར་དུ་གནས་པ་ལ་འབད། །དྲན་པའི་རྐྱེན་དང་ལྡན་པས་ཡིད་མི་གཡོ་བར་གནས་པ་ལ། །རྩོལ་བ་ཀློད་ཅིང་མ་བཅོས་ལྷུག་པར་གཞག །དེར་ནི་ཤེས་བྱ་ཐམས་ཅད་ཐིག་ལེ་ཉག་གཅིག་ཏུ་རྒྱ་གཅད་ལ་འདས། །མཐོན་འཁོར་དམན་བྱང་ཆུབ་སྙིང་པོའི་ཀློང་ཆེན་པོར་མཉམ་པར་གནས་སོ། །དྲན་པ་ལ་སོགས་པ་གསལ་བྱེད་ཀྱི་རྐྱེན་ལ་མ་རག་པར་བརྟན། །ཡིད་དོན་ལ་མཉམ་པར་གནས་ཏེ་རྩོལ་བ་དང་བྲལ་བར་ཡེ་ཤེས་ལྷུན་གྱིས་གྲུབ་སྟེ་ལྷུག་པར་བཞུགས་པ་དང་བཞིའོ། །ཉམས་དེ་བཞི་གང་ཟག་རྒྱུ་ཐ་དད་ཡི་རིམ་པ་བཞིར་སྐྱེ་བའམ། །གང་ཟག་གཅིག་ལ་ཉམས་བརྟན་པའི་ཀྱི་རིམ་པར་སྐྱེ་པའི་ཚུལ་ལོ། ༈ །འཚོ་སྲོག་བསམ་གཏན་གྱི་བར་ཆོད་གསུམ་དང་བྲལ་བའི་རྟེན་གནས་བཟང་པོ་ཆུ་ཤིང་མོད་ལ་འཆགས་བདེ་བ་ནི། །ཉམས་བདེ་རིག་པ་གར་བསྐྱོངས་པ་ནི་གནས་ཀྱི་གྲོགས་དང་། །ཟས་གོས་ལ་སོགས་མཁོ་བའི་ཡོ་བྱད་ཆེ་ཆུང་རན་པར་ལྡན། །པ་ནི་ལས་དང་པོ་པའི་ལུས་དང་ཡིད་བདེ་བ་དང་ལྡན་པའི་གྲོགས་སོ། །ལུང་ཆོས་ཟབ་མོ་དང་བླ་མའམ་སྒོམ་ཉམས་ཅན་གྱི་སྤུན་༼༠༽ནི། །ཞོར་༼ཁ༽ སྣང་འཁྲུལ་པའི་འཕྲང་སོལ་ཅིང་ཡིན་དོན་ངེས་པར་འཆར་བའི་གྲོགས་སོ། །རྣལ་འབྱོར་པ་ལ་མོས་༼ཀ༽ གུས་བརྟན་ལྡན་རང་ཡིད་འཐད་པའི་གཟུངས་མ་ནི། །ཁམས་༼༠༽ ལུས་གསོ་བྱིང་བ་གསེང་སྐྱོ་བ་སེལ་རིག་པ་སྐྱོང་བའི་གྲོགས་སོ། །རང་༼ ག༽ཉིད་གཞི་དད་པ་གྲོགས་བརྩོན་འགྲུས་བརྩེར་གདུང་དམ་ཚིག་དང་ལྡན་པའི། །ཆུ་བོ་བཞིའི་རྒྱུན་དང་ལྡན་པ་ནི་རྩ་བའི་གྲོགས་དང་ལྔའོ། ༈ །མཐར་ཕྱིན་འབྲས་བུ་ཉི་འོད་གཟེར། ༈ །གནས་ལུགས་ཇི་ལྟ་བར་སྒྲིབ་བྱེད་དང་བྲལ་བར་མཐར་ཕྱིན་པ་ཉིད་ཆོས་ཀྱི་སྐུ་སྟེ། །རང་བྱུང་གི་ཡེ་ཤེས་རང་གསལ་ཅིར་ཡང་མི་རྟོག་སྙིང་པོར་ཤར་བའོ། །ཆོས་ཐམས་ཅད་བདེ་ཆེན་དུ་མངའ་མཛད་པས་ཉིད་ལོངས་སྤྱོད་རྫོགས་པའི་སྐུ། །སར་སྨིན་པ་རིག་འཛིན་བྱང་ཆུབ་སེམས་པའི་འཁོར་ལ་འོད་སྐུར་ཤར་བས་གཞན་ལོངས་སྐུ། །མོས་པས་སྤྱོད་ན་དང་པོའི་ཚེ། །ཐུགས་རྗེ་སྤྲུལ་པའི་གཟེར་གྱིས་འདྲེན་པ་སྤྲུལ་པའི་སྐུའོ། ༈ །ཡིན་ལུགས་ཀྱི་ངང་ལ་སྐུ་གསུམ་ཐ་དད་མི་གནས་པས། །སྙིང་པོ་དང་འོད་དང་གཟེར་དང་གསུམ་པོ་ཉིད་མཐུན་ནོ། ༈ །ཀྱེ་ཧོ་སྐྱེས་བུ་སྦྱངས་པ་ཅན། །རང་སོར་གཞག་པས་རྣལ་མའི་དོན་ལ་གནས་པར་འདོད་ན། །ལྷུན་གྲུབ་རིན་ཆེན་གླིང་ནས་རྟོགས་པ་སྦྱིན་གྱི་ནོར་བུ་ལོང་ཞིག །དེ་མེད་ན་གཞན་དབུལ་བ་སེལ་ནུས་པ་འགའ་ཡང་ཡོད་དམ་སྟེ་མེད་པ་དེས་ན། ༈ །རིག་པ་ཐམས་ཅད་དུ་རྒྱུ་རྐྱེན་མེད་པར་རང་གསལ་ལྟ་བ་འཁོར་འདས་མཉམ་ཉིད་ངང་ལ་ཕྱོགས་རིས་སྤྱོད་པ་མེད་པས་བལྟ་བྱ་ལྟ་བྱེད་མེད་པར་ལྟོས། །སྒོམ་པ་མ་དོན་ནོར་བའི་ངང་ལ་གནས་པས་བཅོས་སུ་མེད་དེ་ཡིན་དོན་རང་རྟོགས་པའི་སོར་ཞོག །དོན་ལ་གནས་པའི་སྒོ་གསུམ་མ་བཅིངས་པར་བག་ཡངས་སུ་སྤྱོད། །ཕྱོགས་རིས་ལས་གྲོལ་བའི་རྟོགས་པ་དེ་ཤིན་ཏུ་མཛེས་པས་རྒྱན་འབྲས་བུ་དང་བཅས་པའི་ངང་ལ་ཀུན་བརྟེན་པས་ལུས་ཚིག་རྗེས་མ་གཅོད་པར་ལྷུན་གནས་ཀྱི་དོན་ལ་རྟོན། ༈ །རང་བཞིན་༼༡༽ མཚན་༼༢༽ ཉིད་རྣམ་པ་༼༣༽ གསུམ་མ་ནོར་བར་བཞུགས་ཀྱང་། །དེ་མ་རྟོགས་ཏེ་ཡིད་༼༡༽ སྤྲོས་པ་སྣ་ཚོགས་སུ་འཕྲོས་ཉོན་ཡིད་ཀྱིས་ཉོན་༼༢༽ མོངས་སྒོ་ལྔས་ཡུལ་༼༣༽ལྔར་གཅད། །དཔའ་མོ་གནོད་སྦྱིན་མོས་སྤྲོས་༼༡༽ བྲལ་རང་༼༢༽ རིག་སྒྱུ་༼༣༽མར་ཐུག་ཕྲད་དུ་བསྟན་པ། །དེ་མཚོན་པར་བྱེད་པ་འདི་བྱས་པའི་དགེ་བ་འགྲོ་ཀུན་ལྷུན་གནས་ཀྱི་དོན་འདིར་གནས་པར་སྨོན། ༈ །དྲིན་ཚིག་བརྗོད་པ་ཨེ་མ་ཧོ་རེ་བདེ་རི་ཁྲོད་མ། དཔལ་ལྡན་རྣལ་འབྱོར་མས་ཀུ་ཀུ་རཱ་ཛ་བདག་བྱིན་གྱིས་བརླབས། །རིགས་མཉམ་གྲོལ་དང་མཐུན་པའི་རྟོགས་གོམས་ཀྱི་ལས་སྤྱོད་པས། །རྣལ་འབྱོར་ཆེན་པོའི་གཉིས་མེད་ལས་འཕགས་ཏེ་དོན་ལྷུན་གནས་སུ་གྲོལ་བར་བྱས་པ་དྲིན་ཆེའོ། ༈ །ཀྱེ་ཧོ་དཔལ་ལྡན་སེང་གེ་འོད་ཅན་རིགས་ཀྱི་བུ་ཁྱོད། །མཁས་པས་ཕྱོགས་མེད་ཀྱི་དོན་ལ་མི་འཁྱར་བར་བྱའི། །ཐ་སྙད་ཚིག་གི་རྗེས་སུ་མ་འབྲང་ཞིག་རྟོགས་པ་མི་སྐྱོང་བར། དོན་མེད་ཚིག་ཐ་སྙད་སྙན་པའི་རྗེས་སུ་འབྲང་བར་བྱ་བ་མིན་གྱི། །འོ་ན་ཡང་དོན་མཚོན་པར་བྱེད་པའི་ཚིག་ལམ་མ་དགག་ཅིག །རྟོགས་པའི་དོན་ལ་གནས་སམ་ངང་ལ་གནས་ནས་རྟོགས་པར་བྱའི། །ཞི་གནས་ཉམས་ལ་མ་ཞེན་ཅིག །མ་རྟོགས་པའི་ཉམས་ལ་ཞེན་པའི་གཏད་འཛིན་སྤང་གི། །དངོས་གྲུབ་གོམས་པའི་ཆུ་རྒྱུན་ཏིང་ངེ་འཛིན་མ་བཅད་ཅིག །དོན་འགྱུར་ལྷག་སྤྱོད་བཙུན་པར་བྱའི། །བཙུན་པའི་དྲེགས་པ་དང་མི་བཙུན་པ་གཞན་ལ་བརྙས་པ་མ་བྱེད་ཅིག །རང་དོན་སྒྲུབ་པའི་འཇུར་བུས་བསྡམ་པ་ནི་སྤང་གི། །དཀར་ནག་རྒྱུ་འབྲས་འདྲ་མོད་ཅེས་མ་ཟློག་ཅིག །ཡོད་མེད་གཉིས་གཉིས་མེད་ཀྱི་མཐའ་བཞིར་ཕྱོགས་ལྷུང་དགྲོལ་བར་བྱ། །རྟོགས་པར་བྱེད་པའི་ཐབས་མུ་བཞི་མ་དགག་ཅིག །མུ་བཞི་པོ་དེ་རང་ལྡེ་མིག་དང་འདྲ་བར་གཅིག་གིས་གཅིག་རང་གྲོལ་བར་བྱའི། །འབྲོས་པ་བདེ་བའི་ཕྱིར་ཁ་འབྱམ་དུ་མ་སྨྲ་ཞིག །ངེས་པར་རྟོགས་གོམས་གདེང་དུ་ཕེབས་པར་བྱ། །མི་ཤེས་ཤེས་ཚུལ་བྱས་ནས་རང་བསླུ་བར་མ་བྱེད་ཅིག །སློབ་དཔོན་དགེ་སློང་ཀུ་ཀུ་རཱ་ཛས་མཛད་པའི། བྱང་ཆུབ་ཀྱི་སེམས་ཉི་མའི་སྙིང་པོ་འོད་གཟེར་དང་ལྡན་པ་ཞེས་བྱ་བ། རྫོགས་སོ། །རྒྱ་གར་གྱི་མཁན་པོ་ཤྲཱི་སིངྷ་པྲ་བྷ་ཏ་དང་། ཞུ་ཆེན་གྱི་ལོ་ཙཱ་བ་དགེ་སློང་བཻ་རོ་ཙ་ནས་ཡུལ་དྷ་ཧེ་ནའི་འདུ་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ༈ །།ཚིག་རྐང་བརྒྱ་༼༡༽རྩ་༼དང་རྐང་པ་༽གཉིས་༼༡༽དང་ལྡན་༼ཏེ་དེས་ན།༽ ཤློ་ཉི་ཤུ་ཕྱེད་དང་༼རྩ་༽དྲུག་༼༡༽༼སྟེ།༽ དོན་༼༡༡༡༽གསུམ་༼ དང་༽ལྡན་པས་གཞུང་འདི་༼འི་༽ཚད་༼དོ།༽ ༈ །མཆན་བུ་སྔར་གྱི་ལས་ཉུང་ལ་གསལ་བར་སེའི་བནྡེ་འབྱུང་ལྡན་གྱིས་བཏབ་པའོ།། །།