གདམས་ངག་མཛོད།གླེགས་བམ་ལྔ་པ།འཇམ་མགོན་ཀོང་སྤྲུལ་བློ་གྲོས་མཐའ་ཡས། 'jam mgon kong sprul blo gros mtha' yas, Lodro Thaye
Nitartha Publication
ཆོས་ཚུལ་འདི་ཡང་ཉི་ཟླའི་དཀྱིལ་འཁོར་བཞིན། །ཕྱོགས་ཀྱི་ཐ་གྲུ་ཀུན་དུ་གྲགས་གྱུར་ཏེ། །བློ་གྲོས་པདྨོ་རབ་ཏུ་རྒྱས་བྱེད་ཅིང༌། །སངས་རྒྱས་བསྟན་པ་དར་ཞིང་རྒྱས་པར་ཤོག །
—ཀློང་ཆེན་པ།
གདམས་ངག་མཛོད་པོད་ལྔ་པ།
གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གཞུང་རྡོ་རྗེའི་ཚིག་རྐང་།
― LT14_Page_001A ―
[མ་དཔེ་གཟིགས་ན་འདིར་གནོན།]
གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གཞུང་རྡོ་རྗེའི་ཚིག་རྐང་ཞེས་བྱ་བ་བཞུགས་སོ། །ལམ་འབྲས་གཞུང་ཁྲིད་གཅེས་བཏུས།
― LT14_Page_001B ―
[མ་དཔེ་གཟིགས་ན་འདིར་གནོན།]
ན་མོ་གུ་རུ། ལམ་འབྲས་བུ་དང་བཅས་པའི་བསྟན་བཅོས་རྡོ་རྗེའི་ཚིག་རྐང་ལ་དོན་གསུམ། ཕྱག་འཚལ་ཞིང་བཤད་པར་དམ་བཅའ་བ། གཞུང་དོན་དངོས་བསྟན་པ། གཞུང་རྫོགས་པར་བསྟན་པའོ། དང་པོ་ནི། །བླ་མ་དམ་པའི་ཞབས་པད་བཏུད་དེ། ལམ་འབྲས་གསུང་མདོ་བྲི་བར་བྱ། ༈ གཉིས་པ་གཞུང་དངོས་ལ་གཉིས། རྒྱས་འབྲིང་གསུམ་དང་། ཟབ་འབྲིང་གསུམ་དུ་བསྟན་པའོ། དང་པོ་ལ་གསུམ། རྒྱས་འབྲིང་གསུམ་ལྷན་ཅིག་ཏུ་བསྟན་པ་ཐམས་ཅད་ཀྱི་འབྲས་བུས་བསྟན་པ། གཞུང་བསྡུ་བའོ། དང་པོ་ལ་གསུམ། འཁོར་འདས་ཐུན་མོང་། འཇིག་རྟེན་པ། འཇིག་རྟེན་ལས་འདས་པའི་ལམ་མོ། དང་པོ་ལ་བདུན་ལས། སྣང་བ་གསུམ་དུ་བསྟན་པ། སེམས་ཅན་ལ་ཉོན་མོངས་པ་ལ་མ་དག་པའི་སྣང་བ། རྣལ་འབྱོར་པ་ལ་ཏིང་ངེ་འཛིན་ལ་ཉམས་ཀྱི་སྣང་བ། བདེ་བར་གཤེགས་པ་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ལ་དག་པའི་སྣང་བའོ། ༈ རྒྱུད་གསུམ་དུ་བསྟན་པ། ཀུན་གཞི་རྒྱུ་རྒྱུད་ལ་འཁོར་འདས་ཚང་བས་རྩ་རྒྱུད། ལུས་ཐབས་རྒྱུད་སོགས་ལ་གདན་སོགས་གསུམ་པ་བཞིས་རྒྱའི་དབང་། ལམ་དུ་བསྐྱེད་རིམ་སོགས་ལྔ་པ་བཞིས་བསྟན། མཉམ་བཞག་གི་དམ་ཚིག་སོགས་བསྲུང་། རྡོ་རྗེ་མཁའ་འགྲོ་སོགས་ཀྱིས་ཉམས་ཆགས་བསྐང་། འདོད་ཡོན་ལྔས་མཉེས་པ་སོགས་བྱ། ལམ་གྱི་ཐུན་བཞི་ལ་དབང་བཞི་བསྒོམ་པས་ལུས་ལ་བརྟེན་ནས་བདེ་ཆེན་གྱི་སྒྲིབ་པ་འགག་ཅིང་འཚང་རྒྱ་བར་གསལ་བས་བཤད་རྒྱུད། ཕྱག་རྒྱ་ཆེན་པོ་འབྲས་བུའི་རྒྱུད་ནི་འབྲས་བུའི་དབང་བཞིས་ཐམས་ཅད་མཁྱེན་ཏོ།། །།
― LT14_Page_002A ―
[མ་དཔེ་གཟིགས་ན་འདིར་གནོན།]
ཚད་མ་བཞིས་བསྟན་པ། ཚད་མ་བཞིས་འབྲས་བུ་གཏན་ལ་ཕབ་ནས། ༈ གདམས་ངག་དྲུག་ཏུ་བསྟན་པ། འགལ་འདུའི་སྐྱོན་མེད་སོགས་གསུམ་གྱིས་བསམ་གཏན་གྱི་དུག་དབྱུང་། ཟས་སྤྱོད་ལམ། རླུང་ཐིག་ལེ། ཕྱག་རྒྱ་མ་བསྟེན། དྭངས་མ་ལྔའི་བདེ་བ་དང་དབང་པོ་ལྔ་ཉམས་དང་མ་བྲལ་བས་བདུད་རྩིར་བསྟེན། འཁོར་བའི་རྩ་བཞི་དང་། འཁོར་ལོ་རྣམས་དང་། གཞན་རྣམས་དང་། ས་ཐོག་མཐའ་རེ་རེ་གསུམ་པ་བཅུའི་བར་གྱི་རྩ་མདུད་དྲལ་བས་ལ་དོར། འཇུག་པ་སེལ་བའི་ལམ་ཡིད་འདག་པའི་རྣམ་རྟོག་བསྒོམ་པས་ལྟ་བའི་དུག་དབྱུང་། རྣམ་ཤེས་ལྔས་ཡུལ་ལྔ་མ་སྤངས་བས་བདུད་རྩི་བསྟེན། དག་པའི་ཆོས་རྣམས་གདོད་ནས་སྟོང་པར་ཤར་བས་ལ་དོར། ༈ སྙན་རྒྱུད་བཞིར་བསྟན་པ་གསང་སྔགས་སྙན་བརྒྱུད་སོགས་བཞི་མ་ཆད་པ། ༈ རྟེན་འབྲེལ་ལྔར་བསྟན་པ། ལུས་ཁྱད་པར་ཅན་ལ་བརྟེན་ནས། དངོས་པོའི་མཐའ་རྟེན་ཅིང་འབྲེལ་བར་འབྱུང་བ་གཞན་དབང་རྟེན་འབྲེལ་བྱང་ཆུབ་ཆེན་པོའི་ལམ། ཆོས་ཐམས་ཅད་རྟེན་ཅིང་འབྲེལ་བར་འབྱུང་བ་ལོ་རྒྱུས་ཀྱི་ཚད་མ། ཀུན་གཞི་རྣམ་ཤེས་དག་པའི་བྱང་ཆུབ་ཆེན་པོ། རྟེན་ཅིང་འབྲེལ་བར་འབྱུང་བ་ལྔས་ལམ་ཐམས་ཅད་ཡོངས་སུ་རྫོགས་པའོ། ༈ །སྲུང་བའི་བྱེ་བྲག་བསྟན་པའོ། ཐབས་ཀྱི་ཕྱོགས་སུ་ལྷུང་བའི་རྣལ་འབྱོར་པའི་ལམ་གྱི་བར་ཆད་ནི། དད་པ་བརྟན་པོ། སྲུང་བའི་འཁོར་ལོ། སྔགས་ཟློས། སྔགས་མདུད། ཆོས་རྣམས་སེམས་ཉིད་སྣང་བ། གཞན་དབང་རྟེན་འབྲེལ། གཟུགས་བརྙན་ཡིན་ཕྱིར། དེ་ཁོ་ན་ཉིད་རྒྱ་མཚོའི་
― LT14_Page_002B ―
[མ་དཔེ་གཟིགས་ན་འདིར་གནོན།]
དོན་དང་མ་བྲལ་བས་བསྲུང་། ཤེས་རབ་ལ་ཕྱིའི་བདུད་ལམ་གཉིས་ལྟ་གྲུབ་བརྒྱད་བསྒྱུར་བའོ། ནང་ལམ་སོགས་བཅུ་དང་བརྡ་མ་ཤེས་ན་འོང་། ཤེས་པས་བསྲུང་། གྲིབ་དང་། སྒྲིབ་པ། ཐིག་ལེ་འཛག་པ་བསྲུང་། ༈ གཉིས་པ་འཇིག་རྟེན་པའི་ལམ་ལ་བདུན་ལས། དང་པོ་ཏིང་འཛིན་གྱི་རྒྱུ་མདོར་བསྟན་པ་ལའང་བདུན་གྱི་དང་པོ་རྒྱུ་བསྟན་པ། ཚོགས་ལམ་ནས། ཐ་མལ་པའི་ལུས་ངག་ཡིད་དང་བྲལ་བའི་འབྲས་བུས་གཞི་ཐོབ་ནས། ༈ གཉིས་པ་རིང་རྒྱུ་ཁམས་འདུ་ལུགས། ཁམས་འདུ་ལུགས་གསུམ་གྱིས། ཕྱོགས་མེད་རྣམས་དང་། ༈ གསུམ་པ་ཉེ་རྒྱུ་སེམས་གནས་ལུགས། རླུང་སེམས་བདག་བྱིན་གྱིས་རླབས་ནས། ༈ བཞི་པ་བྱང་ཕྱོགས་ལྟར་བསྟན་པ། བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་སོ་བདུན་ལྟར་ལམ་བསྒྲོད་ན། སྒོམ་པ་མི་འཆོར་བའི་རྫུ་འཕྲུལ་གྱི་རྐང་པ་བཞི། ལས་ཀྱི་རླུང་ཕོ་མོ། མ་ནིང་གི་རླུང་། ཐོད་རྒལ་ཡེ་ཤེས་ཀྱི་མེ་འབར་བས་ཁམས་འདུས་པ་དང་པོ་ལ། རླུང་པོ་ལག་ཆ་ཅན་གྱིས་རྩེ་དྲལ། སེམས་གནས། རྟ་རྨི། རྩ་རླུང་གི་ཟུག་འབྱུང་། རྩ་སྣ་ཚོགས་མདུད་སོགས་གཞི་རྩ་བའི་རླུང་སོགས་བཅུ། ཟིན་པའི་བྱེ་བྲག་བདུན་གྱིས། ཡན་ལག་གི་རླུང་རིམ་གྱིས་ནང་དུ་འགགས། ཐིག་ལེ་མང་དུ་ཁ་འབུ། རྟེན་མཉམ་དུ་འགྲེ། ༈ ལྔ་པ་དེ་ལས་སྐྱེས་པའི་ཏིང་ངེ་འཛིན་མདོར་བསྟན་པ། དེ་ལ་བརྟེན་ནས་སེམས་ནང་དུ་གནས་རྣམ་ཤེས་ལྔ་འདུས། ཕུང་པོ་ལྔ་དུལ། ཡེ་ཤེས་ཀྱི་འགྲོ་ལྡོག་བྱེད། ༈ དྲུག་པ་བསྡུས་ཏེ་བསྟན་པ། བསྒོམས་པ་མི་འཆོར་བའི་མཐོང་སྣང་རྨི་ལམ་ཉམས་གསུམ་གསུམ་ནི་རྣམ་རྟོག་སྔོན་དུ་སོང་བ་ལྟར་ཁམས་གསུམ་ཀུན་ཏུ་སྣང་ངོ་། ༈ །བདུན་པ་ལམ་ཁྲིད་ལུགས་གསུམ་བསྟན་པའོ། ས་ཆུ་ལ་ཐིམ་ན་སྨིག་རྒྱུ། ཆུ་མེ་ལ་ཐིམ་ན་དུ་བ། མེ་རླུང་ལ་ཐིམ་ན་སྲིན་བུ་མེ་ཁྱེར། རླུང་རྣམ་པར་ཤེས་པ་ལ་ཐིམ་ན་མར་མེ་འབར་བ། རྣམ་པར་ཤེས་པ་འོད་གསལ་ལ་ཐིམ་ན་ནམ་མཁའ་སྤྲིན་མེད་པ་ལྟ་བུ། ས་ཆུ་མེ་རླུང་དང་
― LT14_Page_003A ―
[མ་དཔེ་གཟིགས་ན་འདིར་གནོན།]
རླུང་སེམས་མཉམ་པར་འདུས་ན། ཁམས་གསུམ་ཀུན་ཏུ་མེ་ལྟ་བུར་སྣང་ངོ་། །ཆུ་རླུང་དང་སྤུ་ལུས་གྲང་། རླུང་གི་རླུང་འདུ་འཕྲོ་དང་། རང་འཕུར། བྱ་འབྱུང་། འབྱུང་བཞིའི་རླུང་མཉམ་རྒྱུ་དང་ལྷ་མོ་སྣ་ཚོགས་ཀྱིས་གར་མཆོད། འབྱུང་བཞིའི་རླུང་སྣ་ཚོགས་དང་། དྲི། རོ། ནམ་མཁའ་དང་མཉམ་པ་དང་སྤུ་ལུས་བདེ། བདུད་རྩི་ལྔ་དང་དེ་བཞིན་གཤེགས་སྐུ་སོགས། སིཧླ་དང་ཉི་མ། ག་བུར་དང་ཟླ་བ། རྩ་ཕྲན་རྣམས་སུ་ཐིག་ཕྲན་དང་སྐར་མ། རྩ་འཛིན་སོགས་སུ་ཤིང་སྡོང་སོགས། ཆགས་སྡང་རྣམ་པ་ལྔ་དང་། ཉམས་ང་། མྱ་ངན། འདྲེ་ཡི་རྩ། མཆིལ་མའི་རྩར་གཡལ་དང་མཆི་མ། ལྟེ་བར་དང་པོ་ཆགས་པའི་རིགས་དྲུག་གི་ཡི་གེར་རླུང་སེམས་མཉམ་པར་འདུས་ན། རིགས་དྲུག་གི་གར། སྔགས། དེར་ཁྲིད་པ་རྨི་ལམ་ཉམས་ལྟ་བུར་ཁམས་གསུམ་ཀུན་དུ་སྣང་ངོ་། །ༀ་ལས་བསམ་གཏན་སོགས་ཀྱི་ཏིང་ངེ་འཛིན། ཡུམ་གྱི་མཁའ་ལས་ཡང་དག་པར་ཐིམ་ན་ཁམས་གསུམ་ནམ་མཁའ། ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ་སོགས་ཀྱི་ཕོ་བྲང་དུ་ཐིམ་ན་ཆོས་སྐུ་ཉམས་སུ་མྱོང་ཞིང་གཟུང་འཛིན་གྲོལ། ཧཱུྃ་ལས་གསལ་ཞིང་ཡངས་ལ་རང་བྱུང་གི་ཡེ་ཤེས་ནམ་མཁའ་ཤིན་ཏུ་དྲི་མ་མེད། ཁམས་འདུས་པ་བར་པ། རླུང་པོ་ལག་ཆ་བྲི་བས་རྩ་དྲལ། ཐིག་ལེའི་ཟུག་དང་མཐོང་སྣང་བརྟན་ཏོ། ༈ །མདོར་རྒྱས་བསྡུས་ནས་རྒྱས་པར་བསྟན་པ། མདོར་ན་རཀྟ་སོགས་སུ་སྲིན་པོ་སོགས། དྲིལ་ཅན་གྱི་སྒྲ། ལྷའི་མིག་རྣམ་པར་དག་པ་བཞིན་སྲིད་པའི་རྩེ་མོ་མན་ཆད་ཏིང་ངེ་འཛིན་གྱི་ཉམས་སུ་འབྱུང་བ་སྙམ་བྱེད་པ། བཤད་ཀྱིས་མི་ལོང་བ་མཚོན་ཅིང་། ལྔ་བཅུ་ལ་གསང་། ༈ རེ་དོགས་དང་བྲལ་བའི་ལམ་བསྟན་པ། སྒོམ་པ་མི་འཆོར་བའི་ཕྱི་རྟེན་འབྲེལ་རླུང་ལོག་སོགས་གསུམ་གསུམ་ནི་ནང་གི་མཁའ་འགྲོ་ལྔ་དེ་བཞིན་གཤེགས་པའི་སྐུ་ལྔ་བྱང་ཆུབ་ཆེན་པོའི་རྟེན་འབྲེལ་མཛད་པས། དངོས་གྲུབ་རྣམས་རང་ལས་འབྱུང་
― LT14_Page_003B ―
[མ་དཔེ་གཟིགས་ན་འདིར་གནོན།]
བར་ཤེས་ཤིང་ཤེས་པས་རེ་ཞིང་རྩོལ་བའི་བློ་སེལ་ལོ།། །།བདུད་དང་གོལ་ས་རྣམས་རང་གི་ལས་དང་རྟེན་འབྲེལ་དུ་ཤེས་པས་སྐྱོན་ཡོན་ཏན་དུ་བསླང་ཞིང་། རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་། ༈ སད་པ་བཞི་རུ་བསྟན་པ། ཤེས་རབ་ཀྱི་ཕྱོགས་སུ་ལྷུང་བའི་ལམ་ལ། ལྷའི་བུའི་བདུད་འོང་བས་སད་པ་བཞིས་བསྲུང་། ༈ དྲན་པ་ཉེར་བཞག་གི་ལམ་བསྟན་པ། སྒོམ་པ་མི་འཆོར་བའི་དྲན་པ་ཉེར་བཞག་པ་བཞི་ནི། །ཡུལ་འགགས་པ་ན་རང་ཡི་དམ་གྱི་ལྷ་དང་གུག་སྐྱེད་ཀྱི་དགོས་པ་བསམ་ཞིང་། ཏིང་ངེ་འཛིན་ཆ་མཉམ་པས། ཁམས་འདུས་པ་ཐ་མ། རླུང་པོ་ལག་ཆ་བྲལ་བས་རྩ་དྲལ། སྐྱེ་མཆེད་དྲུག་གི་ནང་དུ་ཐིག་ལེ་འདུས་པས། རྗེས་སུ་དྲན་པ་དྲུག་ཡང་དག་པར་ཤེས། སྤྲུལ་སྐུ་འགའ་མཐོང་། ༈ དེའི་འབྲས་བུ་བསྟན་པ། སྒོམ་པ་མི་འཆོར་བའི་ཡང་དག་པར་སྤོང་པ་བཞི་ནི། སྤྲུལ་སྐུ་ལས་དབང་གསུམ་གྱི་རྗེས་ལས་བྱུང་བའི་ཤེས་པ་བསམ་ཞིང་། རྗེས་སོགས་པད་ཅན་བཅུ་གཉིས་མའི་རྩ་བཙལ་ཞིང་སྙིང་པོའི་ཨ་ཀུནྡར་གྱི་སྣ་རྩེར་དལ་རྒྱུ་སོགས་རིག་པས་ཡིད་འཇུག་པས། ལུས་ངག་ཡིད་རྡོ་རྗེའི་སྐྱིལ་ཀྲུང་བཅའ། ཐིག་ལེས་རླུང་ནོན་པས་རྔ་སྒྲ་སོགས་མི་ཐོས་པས་ཆོག་ཤེས་པ་སོགས་ཀྱི་བདུད་ཆོམ་པའོ། ནང་གི་སངས་རྒྱས་རྣམས་ཀྱི་ལམ་སྲིད་པའི་རྩེ་མོར་ཕྱིན་ཅིང་། མ་སྐྱེས་པའི་ཆོས་ལ་བཟོད་པར་དཀའ་བ་སྟོང་པ་ཉིད་ཀྱི་བཟོད་པ། དབུ་མར་སེམས་རྟོག་མེད་ལོག །སེམས་འཕོས་ན་བཟོད་པ། འཁོར་བའི་ཆོས་ལས་འདས་ཤིང་། མྱ་ངན་ལས་འདས་པའི་ལམ་ཆོས་རྣམས་ཡོངས་སུ་རྫོགས་པས་ཆོས་རྣམས་ཀྱི་ནང་ནས་མཆོག་གོ ༈ །དེའི་ལམ་གྱི་མཇུག་སྡུད་བསྟན་པའོ། །དེ་ལྟར་ཉམས་སྐྱོན་ཅན་དང་། སྐྱོན་མེད་དང་། ཕྱི་དབྱིབས་ཀྱི་ཨ་ནས་ཡར་རླུང་སེམས་མཉམ་པར་འདུས་ནས། ལམ་དུ་འབྱུང་བ་རྣམས་ངོ་བོ་རང་བཞིན་མཚན་ཉིད་དོ། ༈ །གསུམ་པ་འཇིག་རྟེན་ལས་འདས་པའི་ལམ་ལ་བཞི་ལས། དང་པོ་གྲུབ་མཐའ་དང་པོའི་དབང་དུ་བྱས་པ་ལ་དྲུག་
― LT14_Page_004A ―
[མ་དཔེ་གཟིགས་ན་འདིར་གནོན།]
མཐོང་ལམ་དང་ས་དང་པོའི་ས་མཚམས་བསྟན་པ། འཇིག་རྟེན་ལས་འདས་པའི་ལམ་ལ།། ༈ །།རྒྱུ་བསྟན་པ། ཕྱི་ནང་གི་རྟེན་ཅིང་འབྲེལ་བར་འབྱུང་བའི་ལམ་གྱིས། ༈ འབྲས་བུ་བསྟན་པ། སྤྲུལ་སྐུ་རང་བཞིན་གྱིས་ལྷུན་གྲུབ་ཐོབ་པར་བྱེད་པ། ༈ ལམ་བསྟན་པ། བསྐྱེད་པའི་རིམ་པའི་ལམ་ནས། ༈ དབང་བསྟན་པ། ལུས་འདག་པར་བྱེད་པ་བུམ་པའི་དབང་མཐར་ཕྱིན། ༈ རྟགས་བརྟན་པའོ། །དེ་ཁོ་ན་ཉིད་ཀྱི་རྟགས་བྱང་ཆུབ་ཀྱི་ཡན་ལག་བདུན་ནི། རྩ་རིན་པོ་ཆེའི་ཕོ་བྲང་བཞི། གཙོ་མོ་གསུམ་སྟེ། ལུས་ཀྱི་དཀྱིལ་འཁོར་མཐོང་ནས་རྟོགས་པའི་འགྲོ་ལྡོག་བྱེད། སྤྲུལ་སྐུའི་ཞིང་ཁམས་བརྒྱ་བསྒུལ་ཞིང་ཉན། སྦྱིན་བརྒྱ། འོད་བརྒྱ་འགྱེད། མར་བརྒྱ་འཆད། ཏིང་ངེ་འཛིན་མི་འདྲ་བ་བརྒྱ་ལ་སྙོམས་པར་འཇུག་ནུས། རིགས་དྲུག་གི་རྩར་ཁྱད་པར་མིའི་རྟེན་མཐོང་ན་དགའ་ཞིང་གཡང་ཟ། ངོ་ཚ་ལ་སྐྱུག་བྲོ། སྔོན་བླ་མས་རྒྱུ་དུས་སུ་བསྟན་པའི་འཁོར་འདས་དབྱེར་མེད་དེ་ཙམ་ན་རྟོགས། སྙིང་རྗེ་སྐྱེ། མཆི་མ་ལྟུང་། གཞན་གྱི་སེམས་སྣ་ཚོགས་ཤེས། འདོད་ཡོན་སྣ་ཚོགས་མཐོང་བས་རྒོད་བྲོ། རྫུ་འཕྲུལ་སྣ་ཚོགས་སྐད་ཅིག་མས་འབྱུང་བ་རྣམས་ནང་གི་ཞིང་ཁམས་མཐོང་བས་སོ། །ནང་མ་མཐོང་བར་ཕྱི་མི་མཐོང་། དེ་ཙམ་ན་ལིངྒ་བརྟན། རྡོ་རྗེའི་རྩེ་ལྷན་ཅིག་སྐྱེས་པའི་སར་ཐིག་ལེ་གནས་པ་ལྟར། ལུས་སེམས་བདེ་བས་མྱོང་ཞིང་བརྒྱལ། རང་གཞན་ངོ་མི་ཤེས། ནང་རྟགས་རླུང་སོར་གཅིག་འགག །ཕྱི་རྟགས་གསང་གནས་ཕྱེད་ཐིག་ལེས་བརྟན། ༈ མཇུག་སྡུད། མཐོང་ལམ་ས་དང་པོའོ། ༈ སྒོམ་ལམ་ས་ལྔའི་རྣམ་བཞག་ལ་གསུམ། དབང་བསྟན་པ། ཡང་སྤྲུལ་སྐུ་ལ་དབང་བཞི་བཞི། ༈ རྟགས་བསྟན་པ། སྒོམ་ལམ་ས་གཉིས་པ་ནས། སྤྲུལ་སྐུའི་ཞིང་ཁམས་སྟོང་ལ་སོགས་པ་སྒལ་བ་ལ་སོགས་པ་ནུས། ཡོན་ཏན་སོགས་འཕེལ། འགྲོ་ལྡོག་སོགས་འགག །ནང་རྟགས་རླུང་སོར་དྲུག་འགག །ཕྱི་རྟགས་གསང་གནས་ལྟེ་སྙིང་ཐིག་ལེས་བརྟན། ལོངས་སྐུ་འགའ་མཐོང་། ༈ །མཇུག་སྡུད་དོ། སྒོམ་ལམ་
― LT14_Page_004B ―
[མ་དཔེ་གཟིགས་ན་འདིར་གནོན།]
ས་དྲུག་པའོ། ༈ གཉིས་པ་གྲུབ་མཐའ་གཉིས་པའི་དབང་དུ་བྱས་པའི་ས་བཞི་ལ་དྲུག །རྒྱུ་བསྟན་པ། ཡང་ལོངས་སྐུ་ལས་དབང་བཞི་བཞི། ༈ ལམ་བསྟན་པ། བདག་བྱིན་གྱིས་རླབས་པའི་རིམ་པའི་ལམ་ནས། ༈ འབྲས་བུ་བསྟན་པ། ལོངས་སྐུ་རང་བཞིན་གྱི་ལྷུན་གྲུབ་ཐོབ་པར་བྱེད་པ། ༈ དབང་བསྟན་པ། ངག་འདག་པར་བྱེད་པ་གསང་བའི་དབང་མཐར་ཕྱིན། ༈ རྟགས་བསྟན་པ། དེ་ཁོ་ན་ཉིད་ཀྱི་རྟགས་དབང་པོ་ལྔ་དང་། དྭངས་མ་ལྔའི་རླུང་ལ་མངའ་བརྙེས། ནུས་པ་ལྔ་དང་། ལྟ་སྟངས་རྣམས་ལ་ཐོགས་པ་མེད། བྷ་གའི་དཀྱིལ་འཁོར་དུ་རིགས་དྲུག་གི་ས་བོན་མཐོང་། ས་བོན་དྲུག་ལ་མངའ་བརྙེས། སེམས་ཅན་རྣམས་ཀྱི་སྐད་དུ་ཆོས་སྟོན་ཅིང་། ཆོས་སྤྱི་དང་རང་གི་མཚན་ཉིད་ལ་ཐོགས་པ་མེད། ལྟེ་བར་ཡི་གེའི་ཕྱི་མོ་བརྒྱད་ཨཱ་ལི་ཀཱ་ལི་མཐོང་ནས། མདོ་སྡེའི་ཆོས་གསུངས་རབ་ཡན་ལག་བཅུ་གཉིས་ལ་ཐོགས་པ་མེད། བདུད་རྩི་ལྔ་དང་རོ་དྲུག་ལ་ལོངས་སྤྱོད་ནུས། །ཚངས་པའི་དབྱངས་སུ་གྱུར་པ་རྣམས། ཨ་ནི་ཡིག་འབྲུ་ཅེས་སོགས་དྲུག་གིས་གསལ་ལོ། ས་བདུན་པ་ཡན་ཆད་འཁོར་བཞིའི་རྒྱ། ལོངས་སྐུའི་ཞིང་ཁམས་དུང་ཕྱུར་ལ་སོགས་པ་སྒུལ་བ་ལ་སོགས་པ་ནུས། ནང་རྟགས་རླུང་སོར་བཅུ་འགགས། ཕྱི་རྟགས་མགྲིན་སྨིན་ཐིག་ལེས་བརྟན། ༈ མཇུག་སྡུད་དོ། །སྒོམ་ལམ་ས་བཅུ་པའོ། ༈ །གསུམ་པ་གྲུབ་མཐའ་གསུམ་པའི་དབང་དུ་བྱས་པ་གཉིས་ལ་དྲུག །རྒྱུ་བསྟན་པ། ཡང་ཆོས་སྐུ་ལས་དབང་བཞི་བཞི། ༈ ལམ་བསྟན་པ། སེམས་འདག་པར་བྱེད་པ་དཀྱིལ་འཁོར་འཁོར་ལོའ་ཐབས་ཀྱི་ལམ་ནས། ༈ འབྲས་བུ་བསྟན་པ། ཆོས་སྐུ་རང་བཞིན་གྱིས་ལྷུན་གྲུབ་ཐོབ་པར་བྱེད་པ། ༈ དབང་བསྟན་པ། ཡིད་དག་པར་བྱེད་པ་ཤེས་རབ་ཡེ་ཤེས་ཀྱི་དབང་མཐར་ཕྱིན། ༈ རྟགས་བསྟན་པ། དེ་ཁོ་ན་ཉིད་ཀྱི་རྟགས་སྟོབས་ལྔ་ནི། བྱང་ཆུབ་སེམས་ཀྱི་རླུང་ལྔ་བསྐྱོད་པའི་དྭངས་མའི་དྭངས་མ་རྩ་བ་བྱང་ཆུབ་སེམས་ཀྱི་དཀྱིལ་འཁོར་མཐོང་ནས། རྟགས་བསྟན་པ། སྐུ་
― LT14_Page_005A ―
[མ་དཔེ་གཟིགས་ན་འདིར་གནོན།]
གསུམ་ཡེ་ཤེས་ལྔ་སོགས་ཀྱི་དབང་ཐོབ་ནས། །བདུད་རྩི་ལྔ་རྩ་གར་འདུ་བ་མཐོང་ན། སངས་རྒྱས་རྣམས་གཞན་དོན་མཛད་པ་མཐོང་། སྤྲུལ་པ་བདེ་ཆེན་དུ་ཐིག་ལེ་འདུ་བ་མཐོང་ན། སངས་རྒྱས་རྣམས་འོག་མིན་གྱི་གནས་ན་ཟབ་མོ་ལ་བཞུགས་པ་མཐོང་། ལྟེ་བ་སྤྲུལ་པར་བདུད་རྩི་ལྔ་དང་རླུང་ལྔ་འདུ་བ་མཐོང་ན། ལོངས་སྐུ་རིགས་ལྔ་ཡུམ་གྱི་བྷ་ག་ན་བཞུགས་ནས། སྐལ་ལྡན་བྱང་ཆུབ་སེམས་དཔའ་རྣམས་ལ་གསང་བ་སྒྲོགས་པ་མཐོང་། ཕྱག་རྒྱ་མའི་དྭངས་མའི་དྭངས་མ་མཐོང་ན་མངོན་ཤེས་ལ་ཐོགས་པ་མེད། རྩ་ཡིག་རྣམས་སུ་དྭངས་མ་འདྲོངས་ན་རྫུ་འཕྲུལ་ལ་ཐོགས་པ་མེད། དེ་ཉིད་སླར་སྤོས་ན་སྔོན་གྱི་གནས་རྗེས་སུ་དྲན། ནང་རྟགས་རླུང་སོར་བཅུ་གཉིས་འགག །ཕྱི་རྟགས་སྤྱི་གཙུབ་ཧྲིལ་ཐིག་ལེས་བརྟན། ༈ མཇུག་སྡུད་དོ། །སྒོམ་ལམ་ས་བཅུ་གཉིས་པའོ། ༈ །གྲུབ་མཐའ་བཞི་པའི་དབང་དུ་བྱས་པའི་ས་ཕྱེད་ལ་གསུམ། མདོར་བསྟན་གྱི་རྒྱུར་བསྟན་པ། ཡང་དབང་བཞི་བཞི་མཐར་ཕྱིན་པའི་ལམ་ནས། མཐར་ཐུག་རྟེན་འབྲེལ་གྱི་མཐར་ཐུག་འདག་པར་བྱེད་པ། ༈ ལམ་བསྟན་པ། རྡོ་རྗེ་རྦ་རླབས་ཀྱི་ལམ་ནས། ཕྱག་རྒྱ་ཆེན་པོ་མཆོག་གི་དངོས་གྲུབ། རིག་མའི་སྐྱེས་བུ། སྲིད་པ་རྣམ་པར་དག་པའི་ལམ། ༈ འབྲས་བུ་བསྟན་པ། ངོ་བོ་ཉིད་ཀྱི་སྐུ་རང་བཞིན་གྱིས་ལྷུན་གྲུབ་ཐོབ་པར་བྱེད་པ། ༈ དབང་བསྟན་པ། བཞི་པ་ལུས་ངག་ཡིད་གསུམ་གྱི་དབང་མཐར་ཕྱིན། ༈ རྟགས་བསྟན་པ། དེ་ཁོ་ན་ཉིད་ཀྱི་རྟགས་འཕགས་པའི་ལམ་ཡན་ལག་བརྒྱད་ནི། རྣམ་ཤེས་བརྒྱད་འདག་ཀར་འབྲས་བུ་གཉིས་ཐོབ་སྟེ། ས་ཆེན་འདི་ནི་དགའ་ཞིང་རངས་ལ་མགུ། དེ་རྣམ་པ་དྲུག་ཏུ་གཡོས། བདུད་གནས་སུ་སྒྲ་གྲག །ཕྱག་རྒྱ་མའི་གནས་སུ་ཁམས་གསུམ་མཐོང་། མཁའ་འགྲོ་རྣམས་རིང་ནས་འདུ། ཧ་རི་མ་ལ་སོགས་པ་དབང་ཕྱུག་གི་དོན་བརྒྱད་འཆར། ནང་རྟགས་སྲོག་རྩོལ་ཨ་ཝ་དྷཱུ་ཏིར་འཇུག །ཕྱི་རྟགས་གཙུག་ཏོར་ཕྱེད་ཐིག་ལེས་བརྟན།
― LT14_Page_005B ―
[མ་དཔེ་གཟིགས་ན་འདིར་གནོན།]
མཇུག་སྡུད་དོ། ས་ཕྱེད་དང་བཅུ་གསུམ་པའོ། ༈ རྒྱས་པར་བཤད་པའི་རྒྱུ་བསྟན་པ། བཞི་པ་ཡིད་ཀྱི་དབང་མཐར་ཕྱིན། ༈ རྟགས་བསྟན་པ། དེ་ཁོ་ན་ཉིད་ཀྱི་རྟགས་འབྲས་བུ་གཅིག་ཐོབ་སྟེ། འབིགས་བྱེད་གཞོན་ནུའི་གྲོང་ཁྱེར་ཆོས་ཀྱི་དབྱིངས། བྱང་ཆུབ་སེམས་ཀྱིས་ནི་འབིགས། ༈ འབྲས་བུ་བསྟན་པའོ། འབྲས་བུ་ལོངས་སྐུའི་ཞིང་ཁམས་རབ་བཀྲམ་ལ་སོགས་བསྒུལ་བ་ལ་སོགས་པ་ནུས། ༈ རབ་ཏུ་རྒྱས་པར་བཤད་པའི་རྒྱུ་བསྟན་པ། ས་བཅུ་གསུམ་ཐོབ་ཀར་ས་བཅུ་མ་ལ་སོགས་པ་ཡིད་ཀྱིས་བཀུག་སྟེ། སློབ་དཔོན་དུས་གསུམ་བདེ་གཤེགས་བཅུད་བསྡུས་ཡིན། །ཡི་དམ་ལྷ་དང་བླ་མ་དབྱེར་མེད་ལ་བྷ་གར། དངོས་གྲུབ་ལེན་པའི་རྟེན་འབྲེལ་གྱིས། སྲིད་པ་རྣམ་པར་དག་པའི་ལམ། ༈ འབྲས་བུ་བསྟན་པ། ངོ་བོ་ཉིད་ཀྱི་སྐུ་ཤིན་ཏུ་རྣམ་པར་དག །རང་བཞིན་གྱིས་ལྷུན་གྲུབ་ཐོབ་པར་བྱེད་པ། འབྲས་བུ་མཐར་ཕྱིན། ༈ རྟགས་བསྟན་པ། དེ་ཁོ་ན་ཉིད་ཀྱི་རྟགས་འབྲས་བུ་ལོངས་སྐུའི་ཞིང་ཁམས་མ་ལུས་པ་སྒུལ་བ་ལ་སོགས་པ་ནུས། །ནང་རྟགས་སྲོག་རྩོལ་ཨ་ཝ་དྷུ་ཏིར་འགགས། ཕྱི་རྟགས་གཙུག་ཏོར་ཧྲིལ་ཐིག་ལེས་བརྟན། ༈ གཉིས་པ་ལམ་ཐམས་ཅད་ཀྱི་འབྲས་བུའི་བསྟན་པ། ཕྱི་དང་ནང་གི་རྟེན་འབྲེལ་འགྲོས་བཞི་ཐིམ་པ་རྣམས་ཀྱིས། སྒོམ་ཉམས་སྐྱོན་ཡོད་མེད་ཕྱེད་པ་ས་བཅུ་གསུམ་པའོ། །ཐམས་ཅད་མཁྱེན་ཏོ། །བཅུ་གསུམ་རྡོ་རྗེ་འཛིན་པར་རྟེན་འབྲེལ་འགྲིགས་པ་ལྟར་སྣང་། འཚང་རྒྱ་གར་འཁོར་ཚོམ་བུ་གཅིག་དང་བཅས་ནས་འཚང་རྒྱ། ༈ གསུམ་པ་གཞུང་ཉེ་བར་བསྡུས་ཏེ་བསྟན་པ། གསང་སྔགས་རྡོ་རྗེ་ཐེག་པ་ནི། རྒྱུ་དང་ལམ་དང་འབྲས་བུའི་དབང་། རྟོགས་པས་བརྟགས་ཀྱང་རྟོགས་མེད་རྟོགས། །ཡེ་ཤེས་སྣང་བ་དེ་བཞིན་ནོ། ༈ སྤྱི་དོན་གཉིས་པ་ལམ་ཟབ་འབྲིང་གསུམ་དུ་བསྟན་པ། ལམ་ཟབ་བླ་མ། དམ་ཚིག་ལུས་སོ་སོར་བརྟགས་པའི་འགོག་པ། ༈ གསུམ་པ་གཞུང་རྫོགས་པར་བསྟན་པ། ལམ་
― LT14_Page_006A ―
[མ་དཔེ་གཟིགས་ན་འདིར་གནོན།]
འབྲས་བུ་དང་བཅས་པའི་གདམས་ངག་དང་། མན་ངག་དང་བཅས་པ་རྫོགས་སོ། ས་མཱ་བྷ་མི་ཐི། འདི་ལ་བླ་མ་ས་སྐྱ་པ་ཆེན་པོའི་རྣམ་འགྲེལ་བཅུ་གཅིག་ཡོད་པ་ལས། གཙོ་བོ་ནི་གཉགས་མ་དང་། འགྲེལ་ཆེན་སྲས་དོན་མ་ཡིན་ལ་གཞན་དཀར་དང་། དམར་སོགས་ཀྱིས་མཚོན་རྣམ་བཤད་སྔ་ཕྱི་ཤིན་ཏུ་མང་བར་བཞུགས་སོ། ༈ རྡོ་རྗེའི་ཚིགས་རྐང་གི་བསྡུས་དོན་བཞུགས། བླ་མ་དམ་པའི་ཞབས་ལ་སྤྱི་བོས་ཕྱག་འཚལ་ལོ། རྡོ་རྗེའི་ཚིག་རྐང་ལ་དོན་གཉིས་སྟེ། བླ་མ་དམ་པའི་ཞབས་ལ་ཕྱག་འཚལ་ཞིང་ལམ་འབྲས་བཤད་པར་དམ་བཅའ་བ་དང་། གཞུང་ངོ་། དེ་ལ་གཉིས། ལམ་རྒྱས་བསྡུས་གསུམ་དུ་བསྟན་པ་དང་། ལམ་ཟབ་འབྲིང་གསུམ་དུ་བསྟན་པའོ། དང་པོ་ལ་ལམ་རྒྱས་པ་བསྟན་པ། རྩ་བ་བཞི་ཐར་ཆགས། ལམ་འབྲིང་དུ་བསྟན་པ། ཏིང་ངེ་འཛིན་གྱི་རྒྱུ་ལ་སོགས་པ་ལྔ། ལམ་མདོར་བསྡུས་ཏེ། ངོ་བོ་རང་བཞིན་མཚན་ཉིད་གསུམ་དུ་བསྡུས། བསྟན་པའོ། །དེའི་དང་པོ་ལ་གསུམ། འཁོར་འདས་ཐུན་མོང་གི་ལམ་བསྟན་པ། འཁོར་ལོ་འཆམ་པ་འཇིག་རྟེན་པའི་ལམ་བསྟན་པ། འཁོར་ལོ་བསྐོར་བ་འཇིག་རྟེན་ལས་འདས་པའི་ལམ་བསྟན་པའོ། །དེ་དག་གི་དང་པོ་ལའང་བདུན། སྣང་བ་གསུམ་དུ་སེམས་ཅན་སོགས། བསྟན་པའི་ལམ། རྒྱུད་གསུམ་དུ་བསྟན་ཀུན་གཞི་རྒྱུ་རྒྱུད་སོགས་པའི་ལམ། ཚད་མ་བཞིར་བསྟན་ཚད་མ་བཞིས་འབྲས་བུ་གཏན་ལ་ཕབ་ན་པའི་ལམ། གདམས་ངག་དྲུག་ཏུ་བསྟན་འགལ་འདུལ་སྐྱོན་མེད་སོགས། པའི་ལམ། སྙན་བརྒྱུད་གསང་སྔགས་སྙན་བརྒྱུད་སོགས། བཞིར་བསྟན་པའི་ལམ། རྟེན་འབྲེལ་ལྔར་བསྟན་པའི་ལམ། ལུས་ཁྱད་པར་ཅན་ལ་བརྟེན་ནས་སོགས། ཐབས་ཤེས་ཀྱི་ཐབས་ཀྱི་ཕྱོགས་སུ་ལྷུང་བའི། ཕྱོགས་སུ་ལྷུང་བའི་རྣལ་འབྱོར་པའི་ལམ་གྱི་བསྲུང་བའི་བྱེ་བྲག་བསྟན་པའོ། གཉིས་པ་འཁོར་ལོ་འཆམ་པ་ལ་བདུན། ཏིང་ངེ་འཛིན་ཚོགས་ལམ་ནས་སོགས། སྐྱེ་བའི་རྒྱུ་མདོར་བསྟན་པ། མདོར་བསྡུས། མདོར་ན་རཀྟ་སོགས་
― LT14_Page_006B ―
[མ་དཔེ་གཟིགས་ན་འདིར་གནོན།]
ནས་རྒྱས་པར་བསྟན་པ། རེ་དོགས་དང་བྲལ་བའི་ལམ་བསྟན་པ། སྒོམ་པ་མི་འཆོང་བ་སོགས། སད་པ་བཞི་རུ་ཤེས་རབ་སོགས་བསྟན་པ། དྲན་པ་ཉེར་སྒོམ་པ་མི་འཆོར་བ་སོགས། བཞག་གི་ལམ་བསྟན་པ། དེའི་འབྲས་བུ་སྒོམ་པ་མི་འཆོར་བའི་ཡང་དག་སྤང་བ་སོགས། བསྟན་པ། མཇུག་བསྡུས་དེ་ལྟར་ལམ་དུ་འབྱུང་བ་སོགས། བསྟན་པའོ། གསུམ་པ་འཁོར་ལོ་བསྐོར་བ་ལ་བཞི། རྒྱུ་བསྟན་པ་རྩ་བའི་རིམ་གྱིས་སྦྱར། རྟགས་བསྟན་པ། འབྲས་བུ་བསྟན་པ། མཇུག་སྡུད་པའོ། །དེ་ལྟར་ལམ་རྒྱས་པ་ཆོས་བཅོ་བརྒྱད་ཀྱིས་བསྡུས་སོ། ལམ་འབྲིང་པོ་ལ་དོན་ལྔ་དང་། བསྡུས་པ་ལ་དོན་གསུམ་ནི། འདིར་མ་བྲིས་སོ། ལམ་ཟབ་མོ་བླ་མའི་ལམ། འབྲིང་དམ་ཚིག་གི་ལམ། ཐ་མ་ལུས་སོ་སོར་བརྟགས་པའི་འགོག་པའི་རྟེན་འབྲེལ་ལྔའོ། །ལམ་དེས་བསྒྲུབས་པའི་འབྲས་བུ་ནི་བཅུ་གསུམ་རྡོ་རྗེ་འཛིན་པར་རྟེན་འབྲེལ་འགྲིགས་པ་ལྟར་སྣང་། ཐམས་ཅད་མཁྱེན་ཏོ་སོགས་སོ། །ས་མཱསྟ་མི་ཥཱི། ༈ གསུང་ངག་རིན་པོ་ཆེའི་རྣམ་འགྲེལ་དོན་བསྡུས་ཚིགས་བཅད་མ་བཞུགས་སོ། །ཀླད་དོན་མཆོད་བརྗོད། ན་མོ་གུ་རུ་བིར་ཝ་པ། དམ་བཅའ་ལས་འཕྲོས་པ། །རྗེ་བཙུན་རིན་ཆེན་དམ་པའི་གསུང་གང་ཞིག །མུན་བྲལ་ཟླ་ཤར་འོད་ཟེར་གང་ཞིག་གིས། །བདག་ལྟའི་བློ་ཡི་མུན་པ་བྲལ་གྱུར་ནས། །རང་གི་སེམས་ལ་སྣང་བ་ཅུང་ཟད་ཐོབ། ཨ་སེང་མ། གྲོགས་མཆོག་དམ་པ་ཐོས་པས་རྒྱུད་སྦྱངས་ཤིང་། །བྱང་ཆུབ་ཆེད་དུ་སྒྲུབ་པའི་གོ་བགོས་ནས། །དམ་པའི་སྤྱན་སྔར་ལུང་ནོས་དམ་བཅས་པ། །མི་མཆོག་ཁྱེད་ཀྱི་བཀའ་སྩལ་ལྕི་བར་འགྱུར། །ཐམས་ཅད་མཁྱེན་པའི་བཀའ་ནི་རྒྱ་མཚོ་བཞིན། །ཟབ་ཅིང་གཏིང་དཔག་དཀའ་ལ་ཐུག་པ་མེད། །རྡོ་རྗེའི་ཐེག་པ་དགོངས་པ་དུ་མ་ཡིས། གསུངས་ཤིང་རྡོ་རྗེའི་ཚིག་གིས་རྒྱས་བཏབ་པ། །ལུང་བསྟན་གྱུར་པ་ཀླུ་སྒྲུབ་ལ་སོགས་སམ། །མཁའ་འགྲོས་བྱིན་རླབས་བིར་ཝ་པ་ལ་སོགས། །གྲུབ་ཐོབ་རྣམས་ཀྱི་གདམས་ངག་ལ་བརྟེན་ནས། །རྗེས་འཇུག་སྐྱེ་བོས་བཀའ་རྣམས་རྟོགས་པར་འགྱུར། །དོན་གྱི་གཙོ་བོ་བིར་ཝ་
― LT14_Page_007A ―
[མ་དཔེ་གཟིགས་ན་འདིར་གནོན།]
ལ་སོགས་པའི། །ལམ་གྱི་གསུང་ངག་ཁྱེད་ཀྱི་ཐུགས་ལ་མངའ། །འོན་ཀྱང་བཀའ་དྲིན་མི་འགོག་པ་ཡི་ཕྱིར། །རང་བློ་ལས་བྱུང་འདི་ཙམ་ཡི་གེར་བཀོད། གཞུང་དོན་འཁོར་འདས་ཐུན་མོང་གི་ལམ་ལྔ། སྣང་བ་གསུམ་གྱིས་ལམ་གྱི་གཞི་བཅས་ཏེ། །ཉམས་མྱོང་མ་ལུས་རྒྱུད་གསུམ་དག་གིས་ཤེས། །ཚད་མ་སྙན་བརྒྱུད་བཞི་ཡིས་སྤྲོས་པ་གཅོད། །རྟེན་འབྲེལ་ལྔ་ཡིས་ལམ་གྱི་ས་འཚམས་བཅད། འཇིག་རྟེན་པའི་ལམ་བདུན། །འདུ་ལུགས་གསུམ་དང་ཕྱོགས་མེད་བདུན་དག་གིས། །རྣམ་པར་ཕྱེ་བས་སྒྲོ་སྐུར་བྲལ་བར་མཛོད། །སེམས་འཛིན་གནས་ལུགས་རྣམ་གསུམ་རྟོགས་པ་ཡིས། །ཏིང་ངེ་འཛིན་གྱི་ཉེ་རྒྱུ་རྟོགས་པར་བྱ། །རང་ལུས་དག་ལ་ཉམས་གསུམ་སྐྱེས་པ་ཡིས། །གང་ཡང་ཏིང་ངེ་འཛིན་དུ་མཁྱེན་པར་མཛོད། །དྲོད་གསུམ་རིམ་ཡིན་མིན་སྐྱེ་བ་ཡིས། །གང་ཡང་བྱུང་རྒྱལ་དག་ཏུ་བཏང་བར་མཛོད། །དེད་དཔོན་ལྟ་བུའི་ཁྲིད་ལུགས་རྣམ་གསུམ་གྱིས། །ཏིང་འཛིན་ཉམས་ཀྱི་བྱེ་བྲག་རྟོགས་པར་མཛོད། །འདུས་པ་གསུམ་ལ་དཔེ་གསུམ་སྦྱར་བ་ཡིས། །ལམ་གྱི་ས་མཚམ་ཐེ་ཚོམ་ཆོད་པར་མཛོད། །རྟེན་འབྲེལ་རྣམ་གསུམ་རང་ལ་འཛོམས་པ་ཡིས། །རྒྱུ་རྐྱེན་གཞན་མེད་རེ་དོགས་བྲལ་བར་མཛོད། །གེགས་སེལ་ལས་སྲུང་བ་སུམ་ཅུ། །ཐབས་དང་ཤེས་རབ་ཟུང་འཇུག་རྣལ་འབྱོར་པ། །གཉིས་ལ་བར་ཆད་འཇུག་སྟེ་གཅིག་ལ་མིན། །སྲུང་བ་བརྒྱད་བརྒྱད་བཅུ་དྲུག་དག་ཏུ་སྟེ། །ཐབས་ལ་དད་པ་ལ་སོགས་རྣམ་པ་བརྒྱད། །ཤེས་རབ་སད་པ་རྣམ་པ་བཞི་ཡིས་བསྲུང་། །ནང་གི་བདུད་ལ་དབང་བཞིའི་བརྡ་ཡིས་ཟློག །གཉིས་པ་ཐུན་མོང་སྲུང་བ་བཅུ་བཞི་སྟེ། །དང་པོ་ལམ་ལ་འཇུག་དང་ཞུགས་པ་དང་། །སེམས་ཟིན་ཅུང་ཟད་བརྟན་དང་ཆེར་བརྟན་པའི། །བར་ཆད་རིམ་གྱིས་སེལ་བར་ཤེས་པར་བྱ། །མན་ངག་བདུན་ཅུ། རྩ་ཡི་ཟུག་ལ་ལ་དོར་ཤིན་ཏུ་གཅེས། །རླུང་གི་ཟུགས་ལ་རྔན་དགས་བྱིན་ཏེ་ཟློག །རླུང་རེངས་པ་ལ་ལ་དོར་བྱིན་རླབས་དང་།
― LT14_Page_007B ―
[མ་དཔེ་གཟིགས་ན་འདིར་གནོན།]
བདེ་བ་བསྒོམ་དང་རྣམ་པ་གསུམ་དུ་གསུངས། གདམས་ངག་དྲུག་ལྟ་སྒོམ་གཉིས་ལ་དུག་དབྱུང་བདུད་རྩི་བསྟན། །ལ་དོར་མན་ངག་དྲུག་ཏུ་ཤེས་པར་བྱ། འཁོར་ལོ་བཞིའི་གེགས་སེལ། ཐིག་ལེ་འབར་དང་གཡོ་དང་བརྟན་པ་དང་། །རྣམ་གསུམ་དག་གིས་བདེ་སྟོང་མཆོག་ཏུ་འགྱུར། །འབར་བའི་ཚེ་ན་ཐིག་ལེའི་ཟུག་འབྱུང་སྟེ། ཁ་སྦྱོར་དག་ལ་བརྟན་པར་གྱུར་པ་དང་། །དུད་འགྲོའི་འགྱུར་བ་བཞི་ཡིས་བཟློག་པ་ཡིས། །ལུས་ལ་ཐིག་ལེ་གཡོ་བ་མེད་པར་བྱ། །ཀུན་ཏུ་ཁྱབ་ཅིང་བརྟན་པར་བྱ་བའི་ཕྱིར། ལུས་ལ་གཏུན་ཤིང་འཁོར་ལོ་བསྐོར་བ་དང་། །ཡན་ལག་བཞི་ཡི་རླུང་གི་ཞགས་པ་འཕང་། །བུ་ཆུང་སྤྱོད་ལམ་དག་གིས་བརྟན་པར་འགྱུར། །ཉམས་ལེན་བསྡུས་ཏེ་བསྟན་པ། རྗེ་བཙུན་དཔལ་ལྡན་བིར་ཝ་པ་ཡི་གཞུང་། །དབང་བཞིའི་ལམ་ལ་ལྟ་གྲུབ་བརྒྱད་ཀྱིས་བསྡུས། །སྐྱོན་རྣམས་ཡོན་ཏན་དག་ཏུ་བསླང་བ་དང་། །བར་ཆད་དངོས་གྲུབ་དག་ཏུ་བསླང་བར་གྱིས། །གེགས་སེལ་བསྡུས་ཏེ་བསྟན་པ། །གང་ཡང་ཉམས་ཀྱི་སྣང་བར་མཁྱེན་བགྱིས་ན། །བདུད་དང་གོལ་ས་རང་གྲོལ་དག་ཏུ་འགྱུར། །གྲུབ་མཐའ་རྙོགས་པར་གདམས་པ། །ཐེ་ཚོམ་མེད་པར་བརྩོན་པ་ཆེར་མཛད་ན། །གྲུབ་མཐའ་རྙོགས་པར་འགྱུར་རོ་མི་མཆོག་ཁྱེད། །མཇུག་དོན། རྒྱས་པར་མ་བཀྲོལ་བའི་རྒྱུ་མཚན། །བདག་ལྟ་འདུ་བའི་ནང་ཞུགས་ནས། །སྒྲུབ་ལ་དད་ཀྱང་ལྷོད་པར་འགྱུར། རྗེ་བཙུན་བིར་ཝ་པ་ཡི་གཞུང་། །ཡི་གེར་བཀོད་པ་དག་ཀྱང་མེད། །རང་གི་སེམས་ལ་སྣང་བ་ཙམ། །བཀོད་ན་དམ་པའི་བཀའ་ལས་འདས། །གྲོགས་ཀྱི་བཀའ་སྩལ་བཅག་གྱུར་ཀྱང་། །མཁའ་འགྲོས་དཔང་མཛོད་བཟོད་པར་གསོལ། །རྗེ་བཙུན་རྣལ་འབྱོར་གྱི་དབང་ཕྱུག་ཆེན་པོ་དཔལ་ལྡན་ས་སྐྱ་པ་ཆེན་པོ་ལ། །མདོ་སྨད་ཀྱི་དགེ་སློང་བྱང་ཆུབ་སེམས་དཔའ་ཆེན་པོ་ཨ་སེང་གིས་ཞུས་ཏེ་དོན་བསྡུས་པ་འདི་མཛད་དོ། སྭ་མཱསྟ་མི་ཐི། འདི་ལ་སྤྲུ་ལུང་པ་ཀུན་སྨོན་དང་། ཀུན་མཁྱེན་བསོད་ནམས་སཻངྒ་སོགས་སྔ་
― LT14_Page_008A ―
[མ་དཔེ་གཟིགས་ན་འདིར་གནོན།]
ཕྱིའི་འགྲེལ་བ་མང་དུ་བཞུགས། ༈ ལྟ་བ་འཁོར་འདས་དབྱེར་མེད་ཀྱི་གཞུང་རིན་ཆེན་སྣང་བའི་རྩ་བ་བཞུགས་སོ། །ན་མོ་གུ་རུ་བྷ་དྲཱ་ཡ། །ཐོག་མར་བླ་མའི་ཞབས་ལ་ཕྱག་འཚལ་ནས། །རྡོ་རྗེ་འཆང་ལ་གཉིས་པའི་ཚིག་གིས་འདུད། མཐུ་སྟོབས་དབང་ཕྱུག་ཞབས་ལ་ཕྱག་འཚལ་ཏེ། །བདག་ལ་ཐུགས་རྗེ་ཆེན་པོས་བསྐྱང་དུ་གསོལ། །གང་ཞིག་ལེགས་པར་རྟོགས་ནས་སངས་རྒྱས་མཆོག །རྡོ་རྗེ་འཆང་གི་ཐུགས་དང་མཚུངས་གྱུར་པའི། །འཁོར་འདས་དབྱེར་མེད་ཚིག་དོན་བསྡུས་པ་འདི། །གཞན་ལ་བརྩེ་བའི་བསམ་པས་བྲི་བར་བྱ། །རང་བཞིན་གསལ་དང་སྟོང་པ་ཟུང་འཇུག་ལས། །ཉོན་མོངས་རླུང་དང་ཡི་གེ་རྩ་དང་ཁམས། །ནད་གདོན་རགས་པ་རེ་རེའང་གསུམ་གསུམ་སྟེ། ཉི་ཤུ་རྩ་བདུན་རྒྱུ་ཡི་ལྷན་སྐྱེས་ཡིན། །དེ་ལྟར་ལྷུན་གྲུབ་ལེགས་པར་རྟོགས་གྱུར་ནས། །འཁོར་འདས་རྒྱུ་འབྲས་མཚན་ཉིད་ཤེས་འགྱུར་ཞིང་། །ཕྱི་ནང་རྟེན་འབྲེལ་ཀུན་ཀྱང་ལེགས་རྟོགས་ནས། །ནད་གདོན་མ་ལུས་ཚར་གཅོད་བྱེད་པར་འགྱུར། །སྨིན་བྱེད་སྔོན་དུ་སོང་ནས་སྒྲུབ་པའི་ལམ། །བསྐྱེད་དང་རྫོགས་དང་ཡེ་ཤེས་རྣམ་གསུམ་ལ། །རང་བཞིན་གསུམ་སྟེ་དེ་དག་རེ་རེ་ལའང་། །གསུམ་དུ་དབྱེ་བ་ལམ་གྱི་ལྷན་སྐྱེས་ཡིན། །གསལ་བ་སྤྲུལ་སྐུ་སྟོང་པ་ཆོས་ཀྱི་སྐུ། །ཟུང་འཇུག་ལོངས་སྤྱོད་རྫོགས་པའི་སྐུ་ཡིན་ཏེ། །རེ་རེའང་རྣམ་གསུམ་ལྷུན་གྲུབ་གནས་འགྱུར་དུ། །བརྩེ་བ་འདི་ནི་འབྲས་བུའི་ལྷན་སྐྱེས་ཡིན། །ཉམས་སུ་བླང་བའི་གནད་གསུམ་ཞེས་བྱ་བ། །སེམས་དང་སྒྱུ་མ་རང་བཞིན་མེད་པ་སྟེ། །སུམ་ཅུ་རྩ་གཉིས་རྩ་བདུན་དཔེ་ཡིས་ཏེ། །ཀུན་ལ་སྦྱོར་བ་དངོས་གཞི་རྗེས་ཀྱིས་སོ། །སེམས་ལ་གཉིད་དང་ནད་གདོན་རྫས་ཀྱིས་བསླད། །མིག་ཡོལ་རབ་རིབ་མགལ་མེ་མྱུར་འཁོར་བ། །གཉིས་པ་སྒྱུ་མ་སྨིག་རྒྱུ་ཆུ་ཟླ་གློག །འཕྲོག་པ་དྲི་ཟའི་གྲོང་ཁྱེར་སྤྲིན་དང་གཞའ། །གསུམ་པ་གཉིས་ཀྱི་རྟེན་སོ་རྟེན་འབྲེལ་ཏེ། ཁ་ཏོན་མར་མེ་མེ་ལོང་རྒྱ་དང་ནི། །མེ་ཤེལ་ས་བོན་སྐྱུར་དང་བྲག་ཆ་སྟེ། །གསུམ་པའི་གཉིས་པ་བརྗོད་བྲལ་
― LT14_Page_008B ―
[མ་དཔེ་གཟིགས་ན་འདིར་གནོན།]
བསྟན་པར་བྱ། །གཞོན་ནུའི་དགོད་དང་ལྐུགས་པའི་རྨི་ལམ་དང་། །གནད་ལ་འབྲུག་དང་དབང་པོའི་བདེ་བ་དང་། །གསུམ་པའི་ཡེ་ཤེས་གསང་བའི་སྙོམས་འཇུག་དང་། ལོངས་སྤྱོད་རླབས་དང་དཀྱིལ་འཁོར་འཁོར་ལོའོ། རྒྱས་བཤད་ཐོག་མར་ཀུན་གཞིའི་རང་བཞིན་དང་། །རྟེན་དང་བརྟེན་ཚུལ་རྒྱུ་དང་རྩ་བ་དང་། །འགྲེལ་ཚུལ་སྣང་བ་གསུམ་པོ་དྲན་པ་ཡིས། །ལུས་དང་སེམས་ལ་འཁོར་འདས་ཚང་ཚུལ་ལོ། །ཐབས་ལ་སྨིན་བྱེད་དབང་དང་ཉམས་མྱོང་སྟེ། །དང་པོ་དཀྱིལ་འཁོར་དབང་དང་དབང་རྫས་སོགས། །རེ་རེའང་གདན་གསུམ་འཁོར་འདས་དབྱེར་མེད་དུ། །དཔལ་ལྡན་བླ་མའི་ཞལ་ལས་བླང་བར་བྱ། །བསྐྱེད་པ་སྔོན་འགྲོ་རྟེན་དང་བསྐྱེད་ཆོག་དང་། ཁ་དོག་ཕྱག་མཚན་རྣམ་འགྱུར་ཡན་ལག་བཅས། །རེ་རེའང་འཁོར་འདས་དབྱེར་མེད་རང་བཞིན་དུ། །ལེགས་པར་བརྩེ་བའི་བསམ་པས་བཤད་པར་བྱ། །རྫོགས་པ་ལུས་དང་ངག་ཡིད་འཁོར་བ་ལས། །འབྲས་བུ་སངས་རྒྱས་ཡེ་ཤེས་རབ་རྫོགས་པར། །ཕན་ཚུན་རྒྱུ་དང་འབྲས་བུ་རྒྱས་གདབ་ཅིང་། །རྟོགས་པ་དཔེ་ཡི་ཡེ་ཤེས་ངོ་སྤྲོད་བྱ། །བསྐྱེད་རྫོགས་ཐུན་མོང་ཆོས་དྲུག་དྲན་བྱ་ཞིང་། །རྟོགས་པ་གོང་ནས་གོང་དུ་འཕེལ་འདོད་ན། །དམ་ཚིག་བརྡ་སོགས་ལ་ཡང་ལེགས་སྦྱར་ཏེ། །དྲི་མ་མེད་པའི་བློ་ཡིས་སྤྱད་པར་བྱ། །འཁོར་བའི་ཉམས་ལ་བརྟེན་ནས་ལོག་ལྟ་སྤང་། །ལམ་གྱི་ཉམས་ཀྱིས་ཐེག་པ་གཅིག་ཏུ་བསྒྲུབ། །འབྲས་བུའི་ཉམས་ཀྱི་སྤྲོ་བ་མཆོག་ཏུ་འགྱུར། །ཆོས་ཀུན་ཚད་མ་བཞི་ཡིས་གཏན་ལ་དབབས། །རང་བཞིན་རྒྱུ་ལ་བསམ་ན་ལྷུན་གྲུབ་སྟེ། །མཐའ་ཡས་ཡོན་ཏན་ཚོགས་ནི་གནས་འགྱུར་ཡིན། །དེས་ན་ལྷུན་གྲུབ་གནས་འགྱུར་མི་འགལ་ཏེ། འདི་ནི་འབྲས་བུའི་འཁོར་འདས་དབྱེར་མེད་ཡིན། །ཐོག་མར་བླ་མ་དམ་པས་བསྟན་པ་ཡིན། །ལྟ་བ་འཁོར་འདས་དབྱེར་མེད་བསྡུས་པ་ལས། །བྱུང་བའི་དགེ་བ་དྲི་མེད་མཐའ་ཡས་དེས། །འགྲོ་ཀུན་ཧེ་རུ་ཀ་དཔལ་ཐོབ་པར་ཤོག །ཐོས་ན་ལྷ་ཡི་དབྱངས་ལྟར་
― LT14_Page_009A ―
[མ་དཔེ་གཟིགས་ན་འདིར་གནོན།]
ཡིད་འཕྲོག་ཅིང་། །བསམ་པས་མྱོང་ན་བདུད་རྩི་ལྟར་ཚིམ་ལ། །བསྒོམ་ན་འཆི་མེད་བཅུད་ལེན་ཐོབ་འགྱུར་བའི། །དཔེ་གསུམ་ལྡན་པ་འདི་ནི་ཁྱོད་ལ་སྦྱིན། །ཡོན་ཏན་འབྱུང་གནས་དཔལ་ལྡན་ས་སྐྱ་རུ། །མེ་སྟག་སྨལ་པོའི་ཡར་ངོའ་བཅོ་ལྔ་ལ། །རྡོ་རྗེ་འཛིན་པ་གྲགས་པ་རྒྱལ་མཚན་གྱིས། རྒྱུད་ཀུན་སྙིང་པོ་རིན་ཆེན་སྣང་བ་བགྱིས། །ལྟ་བ་འཁོར་འདས་དབྱེར་མེད་ཀྱི་ཚིག་ལེའུར་བྱས་པ་རིན་ཆེན་སྣང་བ་ཞེས་བྱ་བ། ཤཱཀྱའི་དགེ་བསྙེན་རྡོ་རྗེ་འཛིན་པ་གྲགས་པ་རྒྱལ་མཚན་གྱིས་སྦྱར་བའོ། །རྫོགས་སོ།། ༈ གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་ཁྲིད་ཡིག་གཞུང་ཇི་ཇོ་ལྕགས་མའང་ཟེར། ལྟ་བ་བཞིན་དུ་དཀྲི་བ་བཞུགས་སོ། །རྗེ་བཙུན་བླ་མ་ཐུགས་རྗེ་ཆེན་པོ་དང་ལྡན་པ་རྣམས་ཀྱི་ཞབས་ལ་ཕྱག་འཚལ་ཞིང་སྐྱབས་སུ་མཆིའོ། །སློབ་མ་དད་པ་དང་ལྡན་པ་བླ་མས་ཇི་སྐད་སྨྲས་པ་ཉན་པ་ཅིག་ལ་ལམ་འབྲས་བུ་དང་བཅས་པའི་གཞུང་ཤིང་རྒྱས་པའི་ཁྲིད་གཞུང་ཇི་ལྟ་བ་བཞིན་དུ་དཀྲི་བར་འདོད་ན། ཐོག་མར་སྣང་བ་གསུམ་གྱིས་དཀྲི། དེ་ནས་གཞུང་ཐམས་ཅད་རྒྱུད་གསུམ་དུ་འདུ་བ་ཡིན་པས་རྒྱུད་གསུམ་གྱིས་དཀྲི་དེ་ལ་སྣང་བ་གསུམ་གྱིས་དཀྲི་བ་ནི། །མ་དག་པའི་སྣང་བ། ཉམས་ཀྱི་སྣང་བ། དག་པའི་སྣང་བ་གསུམ་གྱིས་དཀྲི། མ་དག་པའི་སྣང་བས་དཀྲི་བ་ལ་གསུམ། སེམས་ཅན་ལ་ཞེས་པས་སེམས་ཅན་གྱི་ཁམས་ལ་བརྟགས་པས་འཁོར་བའི་ཉེས་དམིགས་ཤེས་པས་དེ་བསྒོམ། ཉོན་མོངས་པའི་སྣང་བ་ཞེས་པས་ཉོན་མོངས་བ་དེས་ངན་སོང་བསྐྱེད་ལ། དེ་ལས་བྱུང་བ་དལ་འབྱོར་རྙེད་པར་དཀའ་བ་བསྒོམ། མ་དག་པའི་སྣང་བ་ཞེས་པས་འཁྲུལ་སྣང་དང་ལས་འབྱུང་བས་ན་ལས་རྒྱུ་འབྲས་ལ་ཡིད་ཆེས་པ་བསྒོམ། དང་པོ་ལ་གསུམ། འཁོར་བ་ལ་སྡུག་བསྔལ་གྱི་སྡུག་བསྔལ། འགྱུར་བའི་སྡུག་བསྔལ་འདུ་བྱེད་ཀྱི་སྡུག་བསྔལ་གསུམ་བསྒོམ། དང་པོ་ངན་སོང་གསུམ་གྱི་སྡུག་བསྔལ་བསམ་པར་བྱ་སྟེ། སེམས་ཅན་དམྱལ་བ་ལ་གྲང་བའི་དམྱལ་བ་བརྒྱད་
― LT14_Page_009B ―
[མ་དཔེ་གཟིགས་ན་འདིར་གནོན།]
ཚ་བའི་དམྱལ་བ་བརྒྱད། ཉི་ཚེ་བ་དང་ཉེ་འཁོར་བའི་སྡུག་བསྔལ་རྣམས་བསམས་ལ། དེར་སྐྱེ་བའི་ཐབས་མེད་ཅེས་ཞག་གྲངས་ཅི་རིགས་སུ་བསྒོམ་མོ། །དེ་ནས་འགྱུར་བའི་སྡུག་བསྔལ་བསམ་སྟེ། སྤྱིར་ཐུན་མོང་དུ་འགྱུར་བའི་སྡུག་བསྔལ་བསམ་པ་དང་། བྱེ་བྲག་ཏུ་མིའི་འགྱུར་བའི་སྡུག་བསྔལ་བསམ་པའོ། དང་པོ་ནི་ལྷ་ཡི་དབང་པོ་བརྒྱ་བྱིན་དུ་སྐྱེས་ཀྱང་མི་ཕན་ཏེ་སླར་སེམས་ཅན་དམྱལ་བར་སྐྱེ་བའི་སྐབས་ཀྱང་སྲིད། འཁོར་ལོས་བསྒྱུར་བའི་རྒྱལ་པོར་སྐྱེས་ཀྱང་མི་ཕན་ཏེ་སླར་བྲན་དུ་ཡང་སྐྱེ། ཉི་མ་དང་ཟླ་བར་སྐྱེས་ཀྱང་མི་ཕན་ཏེ་མུན་པར་ཡང་འཇུག །དེ་ལ་སོགས་པ་གང་ཐོབ་ཀྱང་མི་ཕན་ཏེ་སླར་འགྱུར་བའི་སྡུག་བསྔལ་བསམ། སྒོས་མི་ལ་ལེགས་པར་བརྟགས་ཏེ། ཕྱུག་པོ་སྤྲང་པོར་འགྲོ་བའམ། ཁ་དྲག་པོ་ཁ་ཞན་པོར་སོང་བ་ལ་སོགས་པ་ཡུལ་མི་དང་ཉེ་འབྲེལ་ལ་སོགས་པ་དང་། རྒྱལ་ཁམས་ཀྱི་མི་ལ་བལྟས་ལ་སྔར་གྱི་ན་མི་འདུག་སྟེ་འགྱུར་བའི་སྡུག་བསྔལ་ངེས་ཤེས་སྐྱེས་སྐྱེས་བསྒོམ། དེ་ནས་འདུ་བྱེད་ཀྱི་སྡུག་བསྔལ་བསམ་ཏེ། བྱས་པའི་ལས་ལ་ཟིན་པ་མེད་པ་རྒས་རྒས་ཤི་ཤི་བྱས་ཀྱང་གྲབས་ལ་ཟིན་པ་མེད་པ། ཚེ་འཕོས་ཀྱང་དེ་བཞིན་དུ་བྱས་པའི་ལས་ལ་ཟིན་པ་མེད་པ་དང་། དེ་དག་ནི་སེམས་ཅན་ལ་གཅེས་པ་སྟེ། སེམས་ཅན་གྱི་འགྲོ་བ་གང་དུ་སྐྱེས་ཀྱང་སྐྱིད་མེད་པའི་བསམ་མནོ་ཐག་ཆོད་ན་ཅི་བྱས་པ་ཆོས་སུ་འགྲོ་བ་ཡིན། དེ་ནས་དལ་འབྱོར་རྙེད་པར་དཀའ་བ་བསྒོམ་པར་བྱ་སྟེ། དེ་ལ་ཡང་གསུམ། དལ་འབྱོར་རྙེད་དཀའ་བ་དང་། ཕན་འདོགས་པ་ཆེ་བ་དང་། ཐོབ་པའི་དལ་བ་ཡུན་རིང་དུ་མི་གནས་པའོ། དང་པོ་རྙེད་པ་དཀའ་བ་བསམ་པ་ནི། ལུས་མ་ཐོབ་པའི་སེམས་ཅན་བསམ་གྱིས་མི་ཁྱབ་པ་དང་། ལུས་ཐོབ་པའང་རིགས་དྲུག་གི་ལུས་བསམ་གྱིས་མི་ཁྱབ་པ་དང་། མིའི་ལུས་ལ་ཡང་དལ་འབྱོར་གྱི་མི་ལུས་ཐོབ་པ་དཀའ་བ་བསམ་མོ། །ཕན་འདོགས་པ་ཆེ་བ་ལ་ཡང་གསུམ། དལ་འབྱོར་གྱི་ལུས་འདིས་ཚེ་ཕྱི་མའི་
― LT14_Page_010A ―
[མ་དཔེ་གཟིགས་ན་འདིར་གནོན།]
མཐོ་རིས་ཀྱང་སྒྲུབ་པར་ནུས་པ་དང་། ཐེག་པ་འོག་མའི་མྱ་ངན་ལས་འདས་པའང་སྒྲུབ་པར་ནུས་པ་དང་། རྣམ་པ་ཐམས་ཅད་མཁྱེན་པའི་སངས་རྒྱས་ཀྱང་འདིས་སྒྲུབ་པར་ནུས་པ་ཡིན་པས་ན། ཤིན་ཏུ་ཕན་འདོགས་པ་ཆེ་བར་བསམ་མོ། ཐོབ་པའི་དལ་འབྱོར་ཡུན་རིང་དུ་མི་གནས་པ་ནི། ངེས་པར་འཆི་བར་བསམ་པ་དང་། ནམ་འཆི་ཆ་མེད་པར་བསམ་པ་དང་། འཆི་བ་ལ་གཞན་ཅིས་ཀྱང་མི་ཕན་པ་བསམ་པའོ། །དང་པོ་ལ་གསུམ། ཕྱི་ནང་གི་འབྱུང་བ་འཁྲུགས་པས་འཆི། ལོག་འདྲེན་གྱི་བགེགས་འཁྲུགས་པས་འཆི། ཕོ་ལྷ་ལ་སོགས་པ་གདོན་གཞན་འཁྲུགས་པས་འཆིའོ། ནམ་འཆི་ཆ་མེད་པ་ལའང་གསུམ། ཚེ་ལ་ངེས་པ་མེད་པ་དང་། མི་མཐུན་པའི་ཕྱོགས་ཀྱི་རྐྱེན་མང་བ་དང་། མཐུན་པའི་རྐྱེན་དཀོན་པའོ། འཆི་བ་ལ་ཅིས་ཀྱང་མི་ཕན་པ་ལ་གསུམ། གློ་བུར་གྱི་རྐྱེན་མ་གཏོགས་པ་ངེས་པར་འཆི་བའི་དུས་ལ་བབ་པའི་ཚེ། རྫས་ཀྱིས་མི་བཟློག །སྔགས་ཀྱིས་མི་ཟློག །རྟེན་འབྲེལ་གྱི་མི་ཟློག་པའོ། །གསུམ་པ་ལས་ཀྱི་སྣང་བ་ལས་རྒྱུ་འབྲས་ལ་ཡིད་ཆེས་པ་སྒོམ་པ་ལ་གསུམ། མི་དགེ་བའི་ལས་དང་། དགེ་བའི་ལས་དང་། ལུང་དུ་མ་བསྟན་པའོ། །དང་པོ་ལའང་གསུམ། མི་དགེ་བའི་ལས་བསམ། ལས་འབྲས་བསམ། དེ་སྤང་བར་བསམ་པའོ། །དང་པོ་ནི་མི་དགེ་བ་བཅུ་ལ་བསམ་མནོ་ཞིབ་ཏུ་བཏང་། །གཉིས་པ་མི་དགེ་བའི་ལས་འབྲས་བསམ་སྟེ། ངན་སོང་གསུམ་དང་། མཐོ་རིས་ཀྱི་མི་མཐུན་པའི་ཕྱོགས་ཐམས་ཅད་མི་དགེ་བ་ལས་འབྱུང་ངེས་སྙམ་དུ་བསམ། གསུམ་པ་དེ་སྤང་བར་བསམ་སྟེ། དེས་ན་བདག་གིས་མི་དགེ་བ་མི་བྱ་སྙམ་དུ་བསམ་མོ། དགེ་བ་ལའང་གསུམ། དགེ་བའི་ལས་བསྒོམ། ལས་འབྲས་བསམ། དེ་བསྒྲུབ་པའོ། །དང་པོ་ནི་དགེ་བ་བཅུ་དང་ཕ་རོལ་ཏུ་ཕྱིན་པ་བཅུ་ལ་བསམ་མནོ་ལེགས་པར་གཏོང་། དགེ་བའི་ལས་འབྲས་བསམ་ཏེ། མཐོ་རིས་རྣམ་པ་གསུམ་དང་། མཐོ་རིས་གསུམ་གྱི་ཕུན་སུམ་ཚོགས་པ་ཐམས་ཅད་ཀྱང་དགེ་བ་ལས་བྱུང་སྟེ།
― LT14_Page_010B ―
[མ་དཔེ་གཟིགས་ན་འདིར་གནོན།]
སྦྱིན་པས་ལོངས་སྤྱོད་འགྲུབ་ཅེས་བྱ་བ་ལ་སོགས་པ་བསམ་མོ། །གསུམ་པ་དེ་བསྒྲུབ་པར་བསམ་སྟེ། ཡོན་ཏན་དེ་ལྟ་བུ་ཡོད་པའི་ཕྱིར་བདག་གིས་དགེ་བ་ཅི་འགྲུབ་ཏུ་བྱའོ་སྙམ་དུ་བསམ་མོ། །ལུང་དུ་མ་བསྟན་པ་ལའང་གསུམ། ལུང་དུ་མ་བསྟན་པའི་ལས་བསམ། །ལས་འབྲས་བསམ། དེ་དགེ་བར་བསྒྲུབ་པའོ། །དང་པོ་ནི་དགེ་བ་དང་མི་དགེ་བའི་བསམ་པས་མ་ཟིན་པའི་ཟས་ཟ་བ་དང་། གོས་གོན་པ་དང་། གཉིད་ལོག་པ་ལ་སོགས་པ་རྣམས་ཡིན་ནོ། །གཉིས་པ་དེའི་ལས་འབྲས་བསམ་སྟེ། དེའི་ལས་ནི་འབྲས་བུ་གང་ཡང་སྐྱེ་བར་མི་འགྱུར་རོ། །གསུམ་པ་དེ་དགེ་བར་ཁ་ལོ་བསྒྱུར་བར་བྱ་སྟེ། བྱང་ཆུབ་ཀྱི་སེམས་སྔོན་དུ་སོང་བར་བྱས་ནས་ཟས་ཟོས་པ་དང་། གཉིད་ལ་སོགས་པ་ཐམས་ཅད་དགེ་བར་ཁ་ལོ་བསྒྱུར་ནས་འགྲོ་བ་ཡིན་ནོ། །དེ་ལྟར་དེ་དག་ལ་བསམ་མནོ་ལེགས་པར་ཐག་ཆོད་ནས། །སྤྱི་དོན་གཉིས་པ། ཉམས་ཀྱི་སྣང་བ་བསྒོམ་པར་བྱ་སྟེ། དེ་ལ་གཉིས། རྣལ་འབྱོར་ལ་ཞེས་པ་ཐུན་མོང་གི་རྣལ་འབྱོར་པས། ཐུན་མོང་གི་ཉམས་ཀྱི་སྣང་བ་རྒྱུད་ལ་སྐྱེས་སྐྱེས་བསྒོམ་པ་དང་། ཐུན་མོང་མ་ཡིན་པའི་རྣལ་འབྱོར་པས་སྐྱེ་བར་འགྱུར་བའི་ཉམས་ལ་ངེས་ཤེས་སྐྱེས་སྐྱེས་བསྒོམ་པའོ། །དང་པོ་ལ་གསུམ། བྱམས་པ་བསྒོམ་པ། སྙིང་རྗེ་བསྒོམ་པ། བྱང་ཆུབ་ཀྱི་སེམས་བསྒོམ་པའོ། །དང་པོ་ལ་གསུམ། ཉེ་བ་ལ་བྱམས་པ་བསྒོམ་པ། དགྲ་ལ་བྱམས་པ་བསྒོམ་པ། དེ་ཐམས་ཅད་ལ་བསྲེ་བའོ། །དང་པོ་ནི་མ་ལ་བྱམས་པ་བསྒོམ། དེ་དང་གཉེན་བསྲེ། དེ་དང་ཐ་མལ་པ་བསྲེ་བའོ། །དེ་དག་གི་བསྒོམ་ཚུལ་ཡང་། མ་འདི་དྲིན་ཆེ་བས་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག་སྙམ་དུ་བསམ། གཉིས་པ་དེ་བཞིན་དུ་གཉེན་རྣམས་ཀྱིས་ཀྱང་མ་མ་བྱས་མེད་དོ། །གསུམ་པ་དགྲ་དང་ཐ་མལ་པ་རྣམས་ཀྱིས་ཀྱང་མ་མ་བྱས་པ་མེད་པས་ཐམས་ཅད་བདག་གི་མ་ཡིན་སྙམ་དུ་བསམ། སྙིང་རྗེ་བསྒོམ་པ་ལ་གསུམ། ཡུལ་སེམས་ཅན་སྡུག་བསྔལ་
― LT14_Page_011A ―
[མ་དཔེ་གཟིགས་ན་འདིར་གནོན།]
གྱིས་ཉན་པ་རྣམས་ལ་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག་སྙམས་པའི་སེམས་ཅན་ལ་དམིགས་པའི་སྙིང་རྗེ་དང་། སྡུག་བསྔལ་གྱི་རྒྱུའང་མ་རིག་པ་ལས་བྱུང་བ་ཡིན་པས་མ་རིག་པ་དང་བྲལ་བར་འདོད་པ་ཆོས་ལ་དམིགས་པའི་སྙིང་རྗེ་དང་། སེམས་ཅན་ཐམས་ཅད་ངོ་བོ་ཉིད་ཀྱིས་ཡང་དག་པར་མ་གྲུབ་པ་ཡིན་ཡང་སེམས་ཅན་ཐམས་ཅད་འཛིན་པ་དང་བཅས་པ་ལ་དམིགས་པ་མེད་པའི་སྙིང་རྗེ་བསྒོམ་པར་བྱའོ། །བྱང་ཆུབ་ཀྱི་སེམས་སྒོམ་པ་ལའང་གསུམ། སྨོན་པའི་བདག་ཉིད་ཅན་དང་། འཇུག་པའི་བདག་ཉིད་ཅན་དང་། དོན་དམ་པའི་བྱང་ཆུབ་ཀྱི་སེམས་སོ། །དང་པོ་ལའང་གསུམ། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ་སྙམ་པ་དང་། སེམས་ཅན་ཐམས་ཅད་ཀྱང་ཐེག་པ་གསུམ་གྱི་སྒོ་ནས་མྱ་ངན་ལས་འདས་པའི་ས་ལ་བཞག་པ་དང་། རིགས་ཅན་གསུམ་ཀའང་རིམ་གྱིས་སྦྱངས་ལ་ནམ་མཁའ་དང་མཉམ་པའི་སེམས་ཅན་ཐམས་ཅད་སངས་རྒྱས་ཀྱི་ས་ལ་བཞག་སྙམ་དུ་བསམ་མོ། །འཇུག་པ་བྱང་ཆུབ་ཀྱི་སེམས་ལའང་གསུམ། བདག་གཞན་མཉམ་པ་བསྒོམ་པ་དང་། བདག་གཞན་བརྗེ་བ་བསྒོམ་པ་དང་། དེ་དག་གི་སྤྱོད་པ་ལ་བསླབ་པའོ། །དང་པོ་ནི། བདག་སྡུག་བསྔལ་སྤོང་བར་འདོད་པ་བཞིན་སེམས་ཅན་གྱི་སྡུག་བསྔལ་ཡང་སྤང་། བདག་བདེ་བ་བསྒྲུབ་པ་བཞིན་སེམས་ཅན་ཡང་བདེ་བ་ལ་འགོད་སྙམ་པ་ལ་སོགས་པ་བསམ་པར་བྱའོ། །གཉིས་པ་བརྗེ་བ་བསྒོམ་པ་ནི། སེམས་ཅན་ཐམས་ཅད་ཀྱི་ལས་དང་མི་དགེ་བ་ཐམས་ཅད་བདག་ལ་སྨིན་པར་གྱུར་ཅིག །བདག་གི་ལུས་དང་ལོངས་སྤྱོད་དང་དགེ་བ་ཐམས་ཅད་སེམས་ལ་དབུལ་བས་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་བདེ་བར་གྱུར་ཅིག་སྙམ་དུ་བསམ། །གསུམ་པ་ནི། དེས་ན་ལུས་དང་ལོངས་སྤྱོད་དང་དགེ་བ་ཐམས་ཅད་སེམས་ཅན་ལ་ཕུལ་བར་བསམ་ཞིང་ཅི་འགྲུབ་པའི་ཚུལ་གྱིས་
― LT14_Page_011B ―
[མ་དཔེ་གཟིགས་ན་འདིར་གནོན།]
བྱང་ཆུབ་སེམས་དཔའི་སྤྱོད་པ་ཐམས་ཅད་ལ་སློབ་པར་བྱའོ། །ཐུན་མོང་མ་ཡིན་པའི་ཉམས་ཀྱི་སྣང་བ་སྐྱེ་བར་འགྱུར་བ་ལ་ངེས་ཤེས་བསྒོམ་པ་ནི། རྡོ་རྗེ་ཐེག་པའི་ལམ་ཟབ་མོ་ལ་ཞུགས་ནས་ཉམས་ཀྱི་སྣང་བ་བསམ་གྱི་མི་ཁྱབ་པ་ཞིག་སྐྱེ་བར་འགྱུར་ཏེ། དེ་རྣམས་ཀྱི་མཐུན་པའི་ཕྱོགས་ལ་དགའ་བ་སྐྱེ་རྒྱུའང་མེད། མི་མཐུན་པའི་ཕྱོགས་དུ་མ་བྱུང་ཡང་མི་དགའ་བ་སྐྱེ་རྒྱུའང་མེད་དེ། རང་གི་རྩ་དང་། རྩ་ཡི་གེ་དང་། ཁམས་བདུད་རྩི་དང་། སྙིང་པོ་ཡེ་ཤེས་རླུང་གི་རྟེན་འབྲེལ་སེམས་ཀྱིས་དབང་བྱས་པ་ལ་བརྟེན་ནས་ཉམས་སྣ་ཚོགས་སུ་འབྱུང་བའི་ཕྱིར་རོ། དེ་ལྟར་ཉམས་བསམ་གྱིས་མི་ཁྱབ་པའང་། བསྡུ་ན་བཅོ་ལྔར་འདུ་སྟེ། ལམ་གསུམ་དང་། དྲོད་གསུམ་དང་། རྟེན་འབྲེལ་གསུམ་དང་། ཉམས་གསུམ་དང་། ཏིང་ངེ་འཛིན་གསུམ་དུ་འདུའོ། །བཅོ་ལྔ་པོ་ཡང་ཏིང་ངེ་འཛིན་འབའ་ཞིག་ཏུ་འདུ་བ་ཡིན་ནོ་ཞེས་ཉམས་མ་སྐྱེས་པའི་གོང་ནས་ཉམས་ལ་སྤྲོས་པ་ཆོད་པར་བྱས་ལ་ལན་ཅིག་ཉམས་ནམ་སྐྱེས་པའི་ཚེ། འདི་ནི་ཉམས་ལུས་ཉམས་སོ། །འདི་ནི་སེམས་ཉམས་སོ་ཞེས་བྱ་བ་ལ་སོགས་པ་ངོ་ཤེས་པར་བྱས་ལ་བྱུང་རྒྱལ་གྱིས་བསྐྱང་བར་བྱའོ། །དག་པའི་སྣང་བ་བསྒོམ་པ་ནི། སྐུ་མི་ཟད་པ་རྒྱན་གྱི་འཁོར་ལོ་ལ་སོགས་པ་དྲན་པར་བྱས་ལ་སངས་རྒྱས་ཀྱི་ཡོན་ཏན་བསམ་གྱིས་མི་ཁྱབ་པ་བསྒོམ་སྟེ། ལན་ཅིག་ངས་འདི་ལྟ་བུ་ཐོབ་པར་འགྱུར་བ་ཡིན་སྙམ་དུ་སྤྲོ་བ་ཁྱད་པར་ཅན་བསྒོམ་པར་བྱའོ། །སྣང་བ་གསུམ་གྱི་དཀྲི་བའི་སྐབས་བསྟན་ཟིན་ཏོ། །དེའི་རྗེས་ཁོ་ན་ལ་རྒྱུད་གསུམ་གྱིས་དཀྲི་བར་བྱ་སྟེ། དེ་ལ་གསུམ། རྒྱུ་ཆོས་ཉིད་འཁོར་བའི་གནས་ལུགས། ལམ་བསྒོམ་པའི་ཚུལ། འབྲས་བུ་སངས་རྒྱས་ཀྱི་སའོ། །དང་པོ་ནི་འདིར་མི་བཤད་དེ་མ་དག་པའི་སྣང་བར་བསྟན་ཟིན་ཏོ། །ལམ་ལ་གསུམ་སྟེ། གཞི་དམ་ཚིག་ལ་གནས་པར་བྱ་བ་དང་། གང་ཟག་
― LT14_Page_012A ―
[མ་དཔེ་གཟིགས་ན་འདིར་གནོན།]
དཀྲི་བའི་ཚུལ་གང་ཡིན་པ་དང་། ངེས་ཤེས་ཁྱད་པར་ཅན་བསྐྱེད་ལ། ཏིང་ངེ་འཛིན་ངོ་ཤེས་པར་བྱ་ཞིང་། ལམ་གྱི་ས་མཚམས་རྣམ་པར་གཞག་པའོ། །དང་པོ་ནི། ལམ་ཐམས་ཅད་ཀྱི་རྩ་བ་ཡིན་ཞིང་གང་ཟག་འབྲིང་གི་ལམ་གྱི་གཙོ་བོ་ཡིན་པས་དམ་ཚིག་ཉི་ཤུ་བསྐྱང་བར་བྱ་སྟེ། དབང་དང་དམ་ཚིག་ལ་གནས་པ་ནི། ལམ་ཐམས་ཅད་ཀྱི་གཞི་ཡིན་ནོ། །དེ་ལ་གནས་པས་གང་ཟག་ཐམས་ཅད་དཀྲིར་རུང་ངོ་། །གཉིས་པ་དཀྲི་ཚུལ་ལ་གསུམ། ལྟ་བས་སྤྲོས་པ་བཅད་པའི་ཕྱིར་ཀུན་གཞི་རྒྱུ་རྒྱུད་འཁོར་འདས་དབྱེར་མེད་བསྒོམ། ལམ་གྱི་ཉམས་བསྐྱེད་པའི་ཕྱིར་ལུས་ཐབས་རྒྱུད་བསྒོམ། འབྲས་བུ་སྐུ་ལྔ་མངོན་དུ་གྱུར་པའི་ཚུལ་ལོ། །དང་པོ་ལའང་གསུམ། ལྷན་ཅིག་སྐྱེས་པའི་ཆོས་གསུམ་གྱི་སྒོ་ནས་འཁོར་འདས་དབྱེར་མེད་ཀྱི་ལྟ་བ་མདོར་བསྟན། ཉམས་སུ་བླང་བའི་ཆོས་གསུམ་གྱི་སྒོ་ནས་རྒྱས་པར་བཤད། རྒྱུད་གསུམ་གྱི་སྒོ་ནས་ཤིན་ཏུ་རྒྱས་པར་བཤད་དོ། །དང་པོ་ནི། སློབ་མ་ཁྲིད་པའི་ཚེ་བླ་མ་ལ་གསོལ་བ་གདབ་ཅིང་མོས་གུས་དྲག་པོ་ཞག་འགའ་བྱེད་དུ་གཞུག །དེ་ནས་ངོ་འཕྲོད་པའི་ཚེ་ཆོས་ཐམས་ཅད་སེམས་སུ་འདུས་སྟེ་སེམས་ལས་མ་གཏོགས་པའི་ཆོས་གང་ཡང་མེད་དོ་ཞེས་ངེས་ཤེས་བསྐྱེད་ལ་ཐོག་མར་གསལ་བ་ངོས་གཟུང་། དེ་ནས་སྟོང་པ་ངོས་བཟུང་། དེ་ལྟ་བུའི་གསལ་བ་དང་སྟོང་པ་གཉིས་པོ་སོ་སོར་སངས་རྒྱས་ཀྱིས་ཀྱང་དབྱེར་མི་འདོད་དེ་ཟུང་འཇུག་ཡིན་ནོ་ཞེས་ངོ་སྤྲད་ལ་ངེས་ཤེས་སྐྱེས་སྐྱེས་བསྒོམ་དུ་གཞུག །སྐྱེས་ནས་ལྷན་ཅིག་སྐྱེས་པའི་ཆོས་ཉི་ཤུ་རྩ་བཞི་བསྟན་པ་སྤྲོས་པ་བཅད་ལ་སྤྲོས་པ་ཆོད་ཆོད་བསྒོམ་དུ་གཞུག །གཉིས་པ་ནི། དེ་ནས་ཆོས་ཐམས་ཅད་སེམས་སུ་བསྒྲུབ་པའི་དཔེ་བརྒྱད་ཀྱིས་ཆོས་ཐམས་ཅད་སེམས་སུ་ངེས་ཤེས་སྐྱེས་སྐྱེས་བསྒོམ་དུ་གཞུག་སྟེ། དེ་ནི་སེམས་ལས་མ་གཏོགས་པའི་ཕྱྭའམ་དབང་ཕྱུག་རྡུལ་ཕྲན་ལ་སོགས་པ་བྱེད་མཁན་གཞན་མེད་པར་སྤྲོས་པ་
― LT14_Page_012B ―
[མ་དཔེ་གཟིགས་ན་འདིར་གནོན།]
གཅོད་པ་ཡིན་ནོ། །དེ་ནས་སྒྱུ་མར་བསྒྲུབ་པའི་དཔེ་བརྒྱད་ཀྱིས་ཆོས་ཐམས་ཅད་སྒྱུ་མ་ལྟ་བུར་ངེས་ཤེས་སྐྱེས་སྐྱེས་བསྒོམ་དུ་གཞུག་གོ །དེ་ནི་སེམས་རང་ལ་ཡང་བདག་མེད་དེ་སེམས་ཉིད་ཀྱི་འགྱུར་བ་སྣ་ཚོགས་ཀྱི་སྟོབས་ཀྱི་རྒྱུ་རྐྱེན་སྣ་ཚོགས་ལ་བརྟེན་ནས་འབྲས་བུ་སྣ་ཚོགས་སྐྱེ་བས་ན་སེམས་སུ་ཞེན་པའི་སྤྲོས་པ་གཅོད་པ་ཡིན་ནོ། །དེ་ནས་སྒྱུ་མ་རང་བཞིན་མེད་པར་བསྒྲུབ་པ་ལ་གཉིས། རྟེན་འབྲེལ་དུ་བསྒྲུབ་པ་དང་། བརྗོད་བྲལ་དུ་བསྒྲུབ་པའོ། །དང་པོ་ནི། དཔེ་བརྒྱད་ཀྱི་སྒོ་ནས་ངེས་ཤེས་སྐྱེས་སྐྱེས་སུ་བསྒོམ་སྟེ། དེ་ནི་སྒྱུ་མ་ཞེས་བྱ་བའི་རྒྱུ་རྐྱེན་རང་བཞིན་གྱིས་གྲུབ་པ་གཅིག་ཀྱང་མེད་ལ། རྒྱུ་འབྲས་བུར་འོང་བའང་མེད་ཅིང་། རྒྱུ་ལ་མ་བརྟེན་པར་འབྲས་བུར་འབྱུང་བའང་མེད་པས་ན་འགྲོ་འོང་མེད་ཅིང་སྐྱེ་འགག་མེད་པར་སྒྲུབ་པའི་དགོས་པ་ཡིན་ནོ། །དེ་ནས་བརྗོད་བྲལ་དུ་བསྒྲུབ་པའི་དཔེ་བརྒྱད་ཀྱི་སྒོ་ནས་བརྗོད་བྲལ་དུ་ངེས་ཤེས་སྐྱེས་སྐྱེས་བསྒོམ་སྟེ། དེའང་བརྗོད་བྲལ་ཉམས་སུ་མྱོང་ཡང་འདི་ལྟ་བུ་གཅིག་ཡིན་ནོ་ཞེས་ཡོད་པ་དང་མེད་པའི་སྒོ་ནས་བརྗོད་དུ་ཡང་མི་གཏུབ་ལ། བརྗོད་བྲལ་ཉིད་ལ་ཞེན་པ་མེད་པའི་ཉམས་སྐྱེས་སྐྱེས་སུ་དཔེའི་གཙོ་བོ་བཞི་བཏུས་ལ་རེ་རེའི་སྟེང་དུའང་ཆོས་བཞི་བཞི་གཏན་ལ་དབབ་པ་དང་། གཙོ་བོ་གཅིག་བཏུས་ལ་དེའི་སྟེང་དུ་ཆོས་ཐམས་ཅད་གཏན་ལ་ཕབ་ལ་ངེས་ཤེས་སྐྱེས་སྐྱེས་བསྒོམ་པར་བྱའོ། །གསུམ་པ་ནི། དེ་ནས་རྒྱུད་གསུམ་གྱི་སྒོ་ནས་རྒྱས་པར་བཤད་པ་ལ་གསུམ། ཀུན་གཞི་རྒྱུ་རྒྱུད་དང་། ལམ་ཐབས་རྒྱུད་དང་། འབྲས་བུའོ། །དང་པོ་ནི་ཆོས་བདུན་གྱི་སྒོ་ནས་ཀུན་གཞི་རྒྱུ་རྒྱུད་ལ་འཁོར་འདས་ཚང་བའི་ངེས་ཤེས་བསྐྱེད་ལ་བསྒོམ་པར་བྱའོ། །དེ་ནས་ལམ་ཐབས་རྒྱུད་ལ་གསུམ་ལས། དབང་ལ་ངེས་ཤེས་བསྐྱེད་པ་དང་། ལམ་ལ་ངེས་ཤེས་བསྐྱེད་པ་དང་། ཉམས་ལ་ངེས་ཤེས་བསྐྱེད་པའོ། །དང་པོ་ལ་གསུམ། དཀྱིལ་འཁོར་ལ་འཁོར་འདས་བསྲེ་བ། དབང་ལ་འཁོར་འདས་བསྲེ་བ། དབང་གི་ཡེ་ཤེས་ལ་
― LT14_Page_013A ―
[མ་དཔེ་གཟིགས་ན་འདིར་གནོན།]
འཁོར་འདས་བསྲེ་བ་བསྒོམ། དེ་ནས་ལམ་ལ་འཁོར་འདས་བསྲེ་བ། དབང་བཞིའི་ལམ་སོ་སོ་ལ་འཁོར་འདས་བསྲེས་ལ་ངེས་ཤེས་བསྐྱེད། དེ་ནས་ཉམས་ཀྱི་སྣང་བ་ལ་འཁོར་འདས་བསྲེ་སྟེ། མ་དག་པའི་ཉམས་ཀྱི་སྣང་བ་ལ་བརྟེན་ནས་ལས་རྒྱུ་འབྲས་ལ་ངེས་ཤེས་ཁྱད་པར་ཅན་བསྒོམ། ལམ་ཉམས་ཀྱི་སྣང་བ་ལ་བརྟེན་ནས་ལམ་ཐམས་ཅད་ཐེག་པ་གཅིག་ཏུ་བསྒྲུབ། འབྲས་བུའི་ཉམས་ཀྱི་སྣང་བ་ལ་བརྟེན་ནས་འབྲས་བུ་སངས་རྒྱས་ལ་མོས་གུས་བསྐྱེད། དེ་ནས་གནས་འགྱུར་དང་ལྷུན་གྲུབ་མི་འགལ་བའི་སྒོ་ནས་འབྲས་བུ་འཁོར་འདས་དབྱེར་མེད་ལ་ངེས་ཤེས་བསྒོམ་པར་བྱའོ། དེ་ལྟར་དེ་དག་ལ་ངེས་ཤེས་སྐྱེས་ནས་ཐོས་བསམ་གྱི་ལྟ་བ་མཐར་ཕྱིན་ཅིང་སྒོམ་བྱུང་གི་ཡེ་ཤེས་ཅུང་ཟད་སྐྱེས་པ་ཞེས་བྱ་བ་ཡིན་ནོ། །ཀུན་གཞི་རྒྱུ་རྒྱུད་ཀྱི་ཁྲིད་བསྟན་ཟིན་ཏོ། །གཉིས་པ་ལམ་གྱི་ཡེ་ཤེས་བསྐྱེད་པའི་ཕྱིར་ལུས་ཐབས་རྒྱུད་བསྒོམ་པ་ནི། དེ་ནས་སྒྲུབ་པ་ལ་འཇུག་པའི་སྔོན་དུ་བླ་མ་ལ་ལམ་དུས་ཀྱི་དབང་བླང་ཏེ་དམ་ཚིག་གསོ། བླ་མ་མི་བཞུགས་ན་བདག་ཉིད་ཀྱིས་སྒྲུབས་པའི་དཀྱིལ་འཁོར་བྲིས་ལ་བདག་འཇུག་རྒྱས་པར་བྱ། མི་མཐུན་པའི་རྐྱེན་སྤངས་ནས་མཐུན་པའི་ཆས་འགྲིགས་པའི་ཚེ་སྒྲུབ་པ་ལ་འཇུག་སྟེ། དེའང་བསྐྱེད་པའི་རིམ་པའི་ལམ་ལ་བརྟེན་ནས་བསྙེན་པ་བཞི་འབུམ་ལ་སོགས་པ་ཅི་འགྲུབ་པ་བཟླ། དེའི་བཅུ་ཆ་ཞི་བའི་སྦྱིན་སྲེག་བྱ། དེ་ནས་བསྐྱེད་པའི་རིམ་པ་ལ་བརྟེན་ནས་སེམས་གཟུང་བར་བྱ་སྟེ་ལྷའི་སྤྱན་སྒོམ། གསལ་ན་གསལ་ཏེ་འཕྲོ་བཅད། མི་གསལ་ན་མི་གསལ་ཏེ་འཕྲོ་བཅད། ཅེས་བྱ་བ་ལ་སོགས་པའི་ཚུལ་གྱིས་སེམས་གཟུང་ཞིང་ལམ་སྦྱང་། ནང་ནས་སྐྱེས་པའི་ལྟ་བ་ངོ་བོ་ཉིད་བསྐྱང་སྟེ་སྣང་བ་དཀྱིལ་འཁོར་དུ་གསལ་བར་འདོད་ན་གསལ་བར་འགྱུར་བའི་བར་དུ་བསྐྱང་ངོ་། །དེ་ནས་ཡང་གྲུབ་ན་བླ་མ་ལས་དབང་བླང་། མ་གྲུབ་ན་བདག་འཇུག་བྱ། དེའང་མ་གྲུབ་ན་མཎྜལ་དང་ཡི་གེ་བརྒྱ་པ་ལ་བརྟེན་ནས་མཐུན་པའི་རྐྱེན་ཚོགས་བསགས་པ་དང་། འགལ་རྐྱེན་སྒྲིབ་པ་སྦྱངས་ལ། ལུས་སྦྱང་རྒྱས་བསྡུས་ཅི་འགྲུབ་པས་ལུས་སྦྱང་འབྱོངས་འབྱོངས་སྦྱང་སྟེ། རེ་ཞིག་འབྱོངས་པའི་ཚད་ནི་དཀའ་ལས་མེད་ཅིང་ན་ཚ་མེད་ལ་ལུས་བདེ་ཞིང་ཡང་བ་ཡིན་ནོ། །ཁ་ཅིག་ལ་སྐབས་དེར་ཏིང་ངེ་འཛིན་
― LT14_Page_013B ―
[མ་དཔེ་གཟིགས་ན་འདིར་གནོན།]
ཤུགས་ཀྱིས་སྐྱེ་བའང་སྲིད་དོ། །གང་ལྟར་ཡང་ལུས་སྦྱོང་ཡུན་རིང་དུ་སྦྱངས་ནས་ཏིང་ངེ་འཛིན་ཡུན་རིང་དུ་སྐྱེ་ཞིང་བར་ཆད་མི་འབྱུང་བ་ཡིན་ནོ། དེ་ནས་རླུང་གི་སྦྱོར་བ་བདུན་བསྒོམ། ཁ་སྦྱར་དུ་སླེབས་པ་དང་གཏུམ་མོའི་དམིགས་པ་བཅོ་རྒྱད། སྤེལ་ཞིང་བསྒོམ། འདི་རྣམས་ཀྱི་སྐབས་སུ་བོགས་འབྱིན་རྣམ་པ་བརྒྱད་ཀྱིས་བོགས་དབྱུང་བ་དང་། གདམས་ངག་དྲུག་གིས་ནད་ཀྱང་འདི་དག་གི་སྐབས་སུ་དགོས་པ་ཡིན་ནོ། །དེ་ལྟར་གཏུམ་མོའི་གདམས་ངག་གིས་ལམ་སྦྱང་ཞིང་ལྟ་བ་རང་བྱུང་གི་ཡེ་ཤེས་རྙེད་རྙེད་དུ་བསྒོམ་མོ། །འདིས་ཁམས་འདུས་པ་དང་པོར་འགྲོ་སྟེ། བསྲུང་བ་སུམ་ཅུ་དང་གེགས་སེལ་རྣམས་ཀྱང་ལྷུས་ཆེ་བར་འདི་དག་གི་སྐབས་སུ་དགོས་པ་ཡིན་ནོ། །དེ་ནས་དངོས་སམ་ཡེ་ཤེས་ཀྱི་ཕྱག་རྒྱ་ལ་བརྟེན་ནས་དབང་གསུམ་པའི་ལམ་བསྒོམ་སྟེ། འདིས་ཁམས་འདུས་པ་བར་པ་ཐིག་ལེ་བདེ་སྟོང་ཉམས་ཀྱི་ལམ་ཁྲིད་པ་ཡིན་ནོ། །དེ་ནས་དབང་བཞི་པ་རྡོ་རྗེའི་རྦ་རླབས་བསྒོམ་སྟེ། འདིས་ཁམས་འདུས་པ་ཐ་མ་སྐྱོན་མེད་གཉུག་མ་ཡེ་ཤེས་ཀྱི་ལམ་ཁྲིད་པ་ཡིན་ནོ། དེས་ན་འདི་དག་ནི་གང་ཟག་བློ་ཐ་མ་རིམ་གྱིས་དཀྲི་བ་ལ་དགོངས་པ་ཡིན་གྱི། ཁ་ཅིག་ལ་སྣང་བ་གསུམ་གྱིས་ཁྲིད་བོར་ཏེ་ལྟ་བ་ནས་སྐྱོང་བ་ཡང་ཡོད་དོ། །འདི་མན་ཆད་གང་ལྟར་ཡང་ལྟ་བ་ལ་ངེས་ཤེས་སྐྱེས་ནས་ནས་ནི་སྒོམ་དུ་ཅིས་ཀྱང་འཇུག་ལ། དེ་མན་ཆད་གང་ཟག་གི་རིགས་ལ་ངེས་པ་མེད་དེ། ཁ་ཅིག་བསྐྱེད་རིམ་ཁོ་ན་ནས་བསྐྱང་བ་ཡང་ཡོད་མོད་ཀྱི། སློབ་དཔོན་རྣལ་འབྱོར་གྱི་དབང་ཕྱུག་འདི་ཉིད་ཀྱི་བཞེད་པ་ནི་བསྐྱེད་པའི་རིམ་པའི་དམིགས་པ་ཅུང་ཟད་ཅིག་བརྟན་པར་བྱས་ནས་ལུས་སྦྱོང་དང་རླུང་ཁོ་ན་གཙོ་བོར་བྱེད་པ་ཡིན་ནོ། །རླུང་དང་གཏུམ་མོའི་དམིགས་པ་རྣམས་ལ་ཏིང་ངེ་འཛིན་གྱི་རྒྱུའམ་ལམ་ཞེས་བྱ་བ་ལྟ་བ་རང་བྱུང་གི་ཡེ་ཤེས་ལ་ཏིང་ངེ་འཛིན་ཉིད་ཅེས་བྱ་བས་ན་དེ་ནམ་སྐྱེས་པ་དང་བསྐྱང་བ་ཡིན་ནོ། །སྔར་ཐོས་བསམ་གྱིས་གཏན་ལ་ཕབ་པའི་ལྟ་བ་དེ་ནི་སྐྱོན་ཅན་ཡིན་ལ། འདི་ནི་ལྟ་བ་སྐྱོན་མེད་དམ་དཔེའི་ཡེ་ཤེས་ཞེས་བྱ་བའམ།
― LT14_Page_014A ―
[མ་དཔེ་གཟིགས་ན་འདིར་གནོན།]
ལམ་ཕྱག་རྒྱ་ཆེན་པོ་ཞེས་བྱ་བ་ཡིན་ནོ། །དེས་ན་རྒྱུ་མི་དབང་འབྲས་བུ་མི་འབྱུང་བས། རྩ་རླུང་གང་གཏུམ་མོའི་དམིགས་པ་ལ་བརྟེན་ནས་ལྟ་བ་རང་བྱུང་གི་ཡེ་ཤེས་ལམ་ཕྱག་རྒྱ་ཆེན་པོར་སྐྱེ་བར་འགྱུར་པས་ན་རྒྱུ་ལ་ནན་ཏན་བྱའོ། །ཡང་གང་ཟག་གི་རིགས་ཁ་ཅིག་སྔར་བསྟན་པའི་ཁྲིད་ཐམས་ཅད་ལོ་གཅིག་ཙམ་གྱིས་སྦྱངས་ནས་ངག་འདྲེན་པ་ཞི་པའང་ལོ་གཅིག་ཙམ་སྦྱང་། དེ་ནས་ངག་དྲག་པོ་རླུང་ཁ་སྦྱར་ལ་བརྟེན་ནས་ཏིང་ངེ་འཛིན་སེམས་ཀྱི་རྦ་རླབས་འབའ་ཞིག་བསྒོམ་པའང་ཡོད་དེ། །འདི་ནི་བརྩོན་འགྲུས་མཆོག་གི་འཇུག་པ་ཞེས་བྱ་བ་ཡིན་ནོ། །གང་ཟག་དཀྲི་བའི་ཚུལ་བསྟན་ཟིན་ཏོ། །གསུམ་པ་ངེས་ཤེས་ཁྱད་པར་ཅན་བསྐྱེད་ལ་ཏིང་ངེ་འཛིན་ངོ་ཤེས་པར་བྱ་ཞིང་ལམ་གྱི་ས་མཚམས་རྣམ་པར་བཞག་པ་ལ་གསུམ། ཚད་མ་བཞི་དང་སྙན་བརྒྱུད་བཞིས་ངེས་ཤེས་བསྐྱེད་པ་དང་། ཏིང་ངེ་འཛིན་ངོ་ཤེས་ཤིང་ས་མཚམས་བཞག་པ་དང་། འཁོར་ལོ་བསྐོར་བ་གྲུབ་པའི་རྟགས་དང་བཅས་པའོ། །གཉིས་པ་ནི། ཁམས་འདུས་པ་དང་པོ་དང་བར་པ་དང་ཐ་མའོ། །འཁོར་ལོ་བསྐོར་བ་ལ་བཞི། གྲུབ་མཐའ་དང་པོ་དང་། གཉིས་པ་དང་། གསུམ་པ་དང་། བཞི་པའོ། །དེ་དག་གིས་ནི་སྔར་གང་ཟག་དཀྲི་བའི་ཚུལ་བསྟན་པའི་གང་ཟག་གི་གནས་སྐབས་གང་དུ་སླེབ་ཅེས་བརྟགས་ཤིང་དཀྲི་དགོས་པ་ཡིན་ནོ། །ལམ་ཁྲིད་ཚུལ་བསྟན་ཟིན་ཏོ། །འབྲས་བུ་སྐུ་ལྔ་རང་བཞིན་ལྷུན་གྲུབ་ཀྱི་སངས་རྒྱས་ནི་འབྲས་བུ་འཆད་པའི་སྐབས་ཉིད་དུ་རྟོགས་པར་བྱ་བས་ན་འདིར་བཤད་མི་དགོས་སོ། །གཞུང་ཇི་ལྟ་བ་བཞིན་དུ་དཀྲི་བའི་གཞུང་ཤིང་སྔར་ཡི་གེར་བྲིས་པ་མེད་ཀྱང་རང་གི་སློབ་མ་དད་གུས་ལྡན་ཞིང་མོན་བོད་ཀྱི་མཚམས་ནས་དཀའ་བ་ཆེར་བྱས་ནས་འོངས་པ་རིགས་བརྒྱུད་དང་ལྡན་པའི་ལྷོ་བྲག་པ་དཀར་སྟོན་ཇོ་སྲས་ལྕགས་ཀྱི་རྡོ་རྗེས་ལན་མང་དུ་གསོལ་བ་བཏབ་ནས་བྲིས་པ་ཡིན་ནོ། འདི་བྲིས་པ་ལས་བྱུང་བའི་བསོད་ནམས་ཀྱིས་ནམ་མཁའི་
― LT14_Page_014B ―
[མ་དཔེ་གཟིགས་ན་འདིར་གནོན།]
མཐའ་དང་མཉམ་པའི་སེམས་ཅན་ཐམས་ཅད་ཀྱིས་རྣམ་པ་ཐམས་ཅད་མཁྱེན་པའི་སངས་རྒྱས་རྡོ་རྗེ་འཆང་ཆེན་པོའི་གོ་འཕང་མྱུར་ཏུ་ཐོབ་པར་གྱུར་ཅིག །བདག་ཅག་ལམ་སྒྲུབ་པའི་རྣལ་འབྱོར་པ་ཐམས་ཅད་ཀྱི་ལམ་གྱི་བར་དུ་གཅོད་པ་ཐམས་ཅད་ཞི་བར་གྱུར་ཅིག །རྫོགས་སོ། །འདི་ཁྲིད་ཡིག་ཐམས་ཅད་ཀྱི་རྩ་བ་ཡིན། འདི་ལ་བརྟེན་ནས་བླ་མ་དམ་པ་ཚར་ངོར་སོགས་ཀྱི་འཁྲིད་ཡིག་ཤིན་དུ་མང་ངོ་། ༈ །ལམ་འབྲས་ཀྱི་གཞུང་ཇི་ལྟ་བ་བཞིན་དཀྲི་བའི་ཁྲིད་ཡིག་ཚིགས་བཅད་མ་བཞུགས་སོ། །དཔལ་ལྡན་བླ་མའི་ཚོགས་ལ་ཕྱག་འཚལ་ཏེ། རྡོ་རྗེ་འཆང་ལ་གཉིས་པའི་ཚིག་གིས་འདུད། །མདོ་རྒྱུད་བསྟན་བཅོས་ཀུན་གྱི་སྙིང་པོའི་དོན། །ཉུང་ངུའི་ཚིག་གིས་བརྗོད་པར་བྱ་ཡིས་ཉོན། །སྡུག་བསྔལ་སྡུག་བསྔལ་ངན་སོང་གསུམ་གྱི་གནས། །མཛེ་ནད་ཤུ་བའི་སྟེང་ན་རྨ་འབྲས་བཞིན། །ལེགས་པར་བསམ་ན་བསྲན་པར་ག་ལ་ནུས། །དེ་བསམ་མི་དགེའི་ལས་ལས་ལྡོག་པར་བྱ། །མཐོ་རིས་གསུམ་ནའང་འགྱུར་དང་འདུ་བྱེད་དེ། །དང་པོ་མཐོ་དམན་འགྱུར་བར་བསམ་པར་བྱ། །གཉིས་པ་བྱ་བས་ཟིན་པར་ག་ལ་འགྱུར། །དེས་ན་དང་པོ་འཁོར་བའི་ཉེས་པ་བསམ། །དབེན་སར་གནས་ནས་བསམ་གཏན་བསྒོམ་པ་ལ། །བྱིས་དང་འགྲོགས་ན་དབེན་པ་མི་ཐོབ་པས། །སྐྱེ་བོ་དག་ལ་སྐྱོ་བ་བསྒོམ་བྱ་སྟེ། །འདི་ཡིས་དབེན་པ་ཐོབ་ཅིང་ལོག་འཚོ་སྡང་། །དེ་ལྟར་འཇིག་རྟེན་རྣམ་རྟོག་བཏང་ནས་ནི། །དཀོན་མཆོག་གསུམ་ལ་སྐྱབས་སུ་འགྲོ་བ་དང་། །བདག་གཞན་མཉམ་དང་བརྗེ་བའི་བྱང་ཆུབ་སེམས། །དོན་དམ་བྱང་ཆུབ་སེམས་ཀྱང་བསྒོམ་པར་བ། །དེ་ལྟར་བསམ་ཀྱང་ཚེ་འདིར་སྲེད་པ་ན། །མི་རྟག་པ་ནི་ཐུན་མཚམས་ཐམས་ཅད་དུ། །ཡང་ཡང་དྲན་པར་བྱ་ཡི་མི་རྟག་པ། །རྟག་ཏུ་མི་བསམ་དུས་འདས་དགོས་མེད་ཕྱིར། །བྱང་ཆུབ་སེམས་གཉིས་བསྒོམ་པའི་ཐུན་མཚམས་སུ། །མདོ་བཀླག་དཀོན་མཆོག་མཆོད་ལ་བརྩོན་པར་བྱ། །ཕ་རོལ་ཕྱིན་པའི་གཞུང་
― LT14_Page_015A ―
[མ་དཔེ་གཟིགས་ན་འདིར་གནོན།]
ལུགས་མདོར་བསྡུས་ནས། །སྙིང་པོ་དོན་གྱི་མན་ངག་འདི་དག་ཡིན། །དེ་ཙམ་གྱིས་ཀྱང་བློ་གྲོས་མ་གང་བའི། །བློ་ཆེན་སྦྱངས་པ་ཟབ་མོ་དག་ལ་མོས། །རྡོ་རྗེ་འཆང་ཆེན་མྱུར་ཏུ་ཐོབ་འདོད་པ། །དེ་ལ་རྡོ་རྗེ་ཐེག་པ་སྦྱིན་པར་བྱ། །བླ་མ་བརྒྱུད་པ་དང་ལྡན་རྒྱུད་དོན་རིག །དམ་ཚིག་མཆོག་སྲུང་མན་ངག་དུ་མས་བརྒྱན། །སྙིང་རྗེས་རྒྱུད་བརླན་བསྟན་བཅོས་དུ་མ་ཤེས། །དེ་ཡི་ཞབས་བསྟེན་གསོལ་བ་ལན་མང་བཏབ། །དེ་ཡིས་གནང་ནས་དཀྱིལ་འཁོར་ཆེན་པོ་རུ། །ཞུགས་ནས་དབང་བཞི་པོ་རྣམས་རྫོགས་པར་བླངས། །བྱིན་རླབས་ཕྲ་མོ་ཙམ་གྱིས་མ་ཡིན་ཏེ། །སྔགས་ཀྱི་རྩ་བ་དབང་བསྐུར་ཡིན་པས་སོ། །དེ་ནས་རྩ་བ་ཡན་ལག་བཅས་པ་ཡི། །དམ་ཚིག་ལ་ནི་བྱང་བས་ནན་ཏན་བྱ། དེ་ཙམ་གྱིས་ཀྱང་སྐྱེ་བ་བཅུ་དྲུག་ནས། །འགྲུབ་ལ་ལམ་རྣམས་ཀུན་གྱི་གཞི་ཡིན་ནོ། །དེ་ལྟར་སྣོད་དང་ལྡན་པའི་གང་ཟག་ལ། །བསྐྱེད་རིམ་ལམ་གྱི་ཡན་ལག་བཅས་བསྟན་ནས། །བཟླས་བརྗོད་སྦྱིན་སྲེག་དག་གི་རྒྱུད་སྦྱངས་ནས། །དེ་ནས་ལྟ་བ་དག་ལ་བློ་སྦྱང་ངོ་། །དང་པོ་དངོས་ཀུན་སེམས་སུ་བསྒྲུབ་བྱ་སྟེ། །སེམས་ལས་མ་གཏོགས་འདི་ན་གཞན་འགའ་མེད། །རང་སེམས་འཁྲུལ་པའི་བག་ཆགས་ཀྱིས་བསླང་ངོ་། །རྨི་ལམ་རྟ་གླང་མིག་གི་རབ་རིབ་བཞིན། །སེམས་དེ་ངོ་བོ་ཉིད་མིན་སྒྱུ་མ་སྟེ། །སྨིག་རྒྱུ་ཆུ་ཟླ་གཙུབས་པའི་མེ་བཞིན་དུ། །སྣ་ཚོགས་རྐྱེན་རྣམས་ཚོགས་ནས་སྣང་བ་ཙམ། །འདི་ཡི་སེམས་གྱི་རང་བཞིན་གང་ཡིན་སྨོས། །སྒྱུ་མ་ཞེས་བྱ་ངོ་བོ་ཉིད་ཀྱང་ནི། །འདི་ན་མེད་ཅིང་རྟེན་ཅིང་འབྲེལ་འབྱུང་ཉིད། །སྐྱེ་དང་འགགས་དང་གནས་པ་ཡོད་མིན་ན། །བརྗོད་བྲལ་འདི་ལ་ཅི་ཞིག་བསམ་པར་བྱ། །བརྗོད་མེད་བརྗོད་པ་འདི་ལ་དོན་མེད་ཅིང་། །བསམ་མིན་བསམ་པར་བྱ་བའི་གནས་མིན་ལ།། །།
― LT14_Page_015B ―
[མ་དཔེ་གཟིགས་ན་འདིར་གནོན།]
བསྒོམ་དུ་མེད་པ་འདི་ལ་ཅི་ཞིག་བསྒོམ། །དེ་ལྟར་ཤེས་ན་འཛིན་པ་མེད་པར་འགྱུར། །ལྟ་བ་ཡང་དག་བསམ་པས་བློ་སྦྱངས་ནས། །དེ་ནས་རིམ་གཉིས་བསམ་གཏན་བསྒོམ་པར་བྱ། །བསྐྱེད་པའི་རིམ་ནས་རིམ་གྱིས་བློ་སྦྱང་ངམ། དེ་ཉིད་རྟེན་དུ་འཛིན་ཏེ་བློ་རིགས་གཉིས། །དད་པ་བསྐྱེད་པའི་རིམ་པ་ཉིད་ལ་ནི། །བློ་ཡི་སྣང་བ་ཐོབ་ཀྱི་བར་དུ་སྟེ། །གཉིས་པ་དཀྱིལ་འཁོར་རྫོགས་པའི་ལྷན་ཅིག་སྐྱེས། །གང་རུང་སྔོན་དུ་སོང་ནས་རྫོགས་རིམ་བསྒོམ། །རྫོགས་རིམ་ཟབ་མོ་ཀུན་གྱི་སྔོན་འགྲོ་ནི། །སྦྱང་བ་རྣམ་གསུམ་དེ་ནས་རླུང་ལ་བསླབ། །སྦྱོར་བ་རྣམ་བདུན་གཙོ་བོ་བུམ་པ་ཅན། །སངས་རྒྱས་ལམ་ནི་ཁ་སྦྱོར་དག་ལ་གནས། །འདི་ནི་འཆི་བ་མེད་པའི་བཅུད་ལེན་ཏེ། །འདི་ནི་རྒས་པ་མེད་པའི་སྨན་གྱི་མཆོག །མཐུ་སྟོབས་དུ་མ་སྒྲུབ་པར་བྱེད་པའང་འདི། །རིམ་གཉིས་རྟེན་འབྲེལ་བརྟན་པར་བྱེད་པའང་འདི། །རང་བྱིན་རླབས་པ་གཏུམ་མོ་ཕྲ་ཐིག་གསུམ། །ལས་ཀྱི་ཕྱག་རྒྱ་དངོས་དང་ཡེ་ཤེས་གཉིས། །དེ་ལྟར་རྫོགས་རིམ་རྣམ་པ་གཉིས་ཀྱི་ཡང་། །སྔོན་འགྲོ་སྦྱང་པ་སྦྱོང་བ་བསྟན་པ་ཡིན། །ཁ་སྦྱོར་དང་བྲལ་ཟབ་མོའི་མན་ངག་ཀུན། །རིམ་གྱིས་འཕུལ་བར་བྱེད་པའི་ལམ་ཡིན་གྱི། །མྱུར་ཏུ་འགྲུབ་པར་བྱེད་པ་མ་ཡིན་པས། །དེ་ཕྱིར་ཁ་སྦྱོར་ལམ་ལ་གུས་པར་བྱ། སངས་རྒྱས་ཡོན་ཏན་ཁ་སྦྱོར་དག་ན་གནས། །ཁ་སྦྱོར་བསྒོམ་པའི་སྒྲུབ་པ་པོ་དག་ལ། །སྔོན་དུ་ལུས་སྦྱང་ཡུན་རིང་གཅེས་པ་སྟེ། །ཉམས་མྱོང་སྐྱེས་ནས་ལྟ་བ་དག་ངང་བསྲེ། །རང་སེམས་གདོད་ནས་སྤྲོས་བྲལ་རྒྱུ་རྒྱུད་དང་། །དབང་གི་ཡེ་ཤེས་ལམ་གྱི་ལྟ་བ་དང་། །ཉམས་མྱོང་སངས་རྒྱས་པ་ལ་ངོ་བོ་གཅིག །རྟོགས་པའི་སངས་རྒྱས་ཟླ་བའི་དཔེ་ཡིས་བསྟན། །འགའ་ཞིག་ཕྱག་རྒྱ་ཆེན་པོ་ཐོག་བབ་ཅེས། །ཐོག་མར་སྟོན་བྱེད་རྨོངས་པ་འགའ་སྨྲ་མོད། །དེ་ནི་དེ་མིན་
― LT14_Page_016A ―
[མ་དཔེ་གཟིགས་ན་འདིར་གནོན།]
ལྟ་བའི་བསམ་གཏན་ཏེ། །སྒོམ་པའི་ཤུགས་འབྱུང་ཕྱག་རྒྱ་ཆེན་པོ་ཡིན། །དེ་ལྟར་རིམ་གཉིས་ལམ་ལ་སྦྱོར་བ་ཡིས། །དྲོད་ཐོབ་ནས་ནི་སྤྱོད་པས་བརྟན་བྱས་ལ། །ས་རྣམས་བསྒྲུབ་ནས་ཉེ་རྒྱུས་མཚམས་སྦྱར་བས། །རྡོ་རྗེ་འཛིན་པ་མངོན་དུ་ཐོབ་པར་འགྱུར། །དགེ་བསྙེན་རྣལ་འབྱོར་གྲགས་པ་རྒྱལ་མཚན་ལ། །རྒྱས་མིན་སྙིང་པོའི་དོན་ལ་མོས་པ་ཡི། །དད་གུས་དང་བཅས་བྲ་སྟོན་བློ་གྲོས་ཀྱིས། །གསོལ་བ་བཏབ་ནས་ས་སྐྱར་སྦྱར་བ་ཡིན། །སྙིང་པོའི་སྙིང་པོ་བླངས་ནས་བསྟན་པ་འདི། །ཚིགས་བཅད་ཉི་ཤུ་རྩ་བདུན་འདི་དང་བརྒྱད། །ལེགས་པར་སྦྱར་བ་ལས་བྱུང་དགེ་བ་ཡིས། །འགྲོ་ཀུན་རྡོ་རྗེ་འཛིན་པའི་སར་བགྲོད་ཤོག །ཉེས་པའི་ཚོགས་རྣམས་བླ་མ་རྣམས་དང་སངས་རྒྱས་ཀྱི་སྤྱན་སྔར་བཤགས་ཤིང་། །དགེ་བས་སེམས་ཅན་ཐམས་ཅད་ལ་བསྔོ་བ་དང་བར་དུ་གཅོད་པ་ཐམས་ཅད་ཞི་བར་གྱུར་ཅིག་ངོར་ཆེན་རྡོ་རྗེ་འཆང་གིས་སློབ་མ་དཀྲི་ཚུལ་འདི་ལ་གཙོ་བོར་མཛད་དོ། །༈ གཞུང་ཇི་ལྟ་བ་བཞིན་དཀྲི་བའི་ཁྲིད་ཡིག་ཚིགས་བཅད་མ་རྒྱུད་གསུམ་ལམ་གྱི་རིམ་པའི་བསྡུས་དོན་བཞུགས་སོ། །རྗེ་བཙུན་བླ་མ་རྣམས་ལ་ཕྱག་འཚལ་ལོ། དཔལ་ཀྱཻ་རྡོ་རྗེའི་རྒྱུད་གསུམ་གྱི་ལམ་གྱི་རིམ་པ་ལ་གསུམ་སྟེ། ལམ་རིམ་ལ་འཇུག་པའི་ཡན་ལག །ཡན་ལག་ཅན་གྱི་ལམ་རིམ། ལམ་རིམ་མཐར་ཕྱིན་པའི་བྱ་བའོ། །དང་པོ་ལ་གཉིས། མཆོད་པར་བརྗོད་པ་དང་། དཔལ་ལྡན། མདོ་བཤད་པར་དམ་བཅའོ། གཉིས་པ་ལ་གཉིས། ཕར་ཕྱིན་ཐེག་པའི་ལམ་གྱིས་རྒྱུད་སྦྱངས་པ། །སྦྱངས་ནས་རྡོ་རྗེ་ཐེག་པའི་ལམ་རིམ་དངོས་ལ་འཇུག་པའོ། །དང་པོ་ལ་གསུམ། སྤང་བྱ་འཁོར་བའི་ཉེས་དམིགས་བསམ་པ། བརྟེན་བྱ་ལམ་གྱི་རིམ་པ་བསྒོམ་པ། དེ་དག་གི་མཇུག་བསྡུ་བའོ། །ཕ་རོལ། དང་པོ་ལ་གསུམ། སྡུག་
― LT14_Page_016B ―
[མ་དཔེ་གཟིགས་ན་འདིར་གནོན།]
བསྔལ་གྱི་སྡུག་བསྔལ་བསམ་པ། སྡུག་བསྔལ་གཞན་བསམ་པ། ངན་པའི་གྲོགས་སྤང་བ་བསྟན་པའོ། །དེས་ན། །དང་པོ་ལ་གཉིས། སྡུག་བསྔལ་གྱི་ངོ་བོ། སྡུག་བསྔལ། དེའི་རྒྱུ་སྤང་བར་བསྟན་པའོ། གཉིས་པ་ལ་གཉིས། མཐོ་རིས། མདོར་བསྟན། རྒྱས་པར་བཤད་པའོ། །འདི་ལ་གཉིས། འགྱུར་བའི་སྡུག་བསྔལ་བསམ་པ། འདུ་བྱེད་ཀྱི་སྡུག་བསྔལ་བསམ་པའོ། །གཉིས་པ། །གཉིས་པ་ལ་གསུམ། སྦྱོར་བ་མི་དགེའི། སྐྱབས་སུ་དཀོན་མཆོག་འགྲོ་བའི་རིམ་པ། །དངོས་གཞི་བྱང་ཆུབ་ཀྱི་སེམས་བསྒོམ་པའི་རིམ་པ། རྗེས་ཐུན་དང་པོ། མཚམས་སུ་བྱ་བའི་རིམ་པའོ། །གཉིས་པ་ལ་གཉིས། ཀུན་རྫོབ་བྱང་ཆུབ་ཀྱི་སེམས་བསྒོམ་པ། དོན་དམ་བྱང་ཆུབ་ཀྱི་སེམས་དོན་དམ། བསྒོམ་པའོ། །གསུམ་པ་ལ་གཉིས། མི་རྟག་པ་བསྒོམ་པ། དེ་ལྟར། ཚོགས་བསགས་པའོ། །བྱང་ཆུབ། །གཉིས་པ་རྡོ་རྗེ་ཐེག་པའི་ལམ་རིམ་དངོས་ལ་གསུམ། ལམ་གྱི་རྩ་བ་བླ་མ་བསྟེན་ཚུལ། བསྟེན་ནས་ལམ་གྱི་རིམ་པས་བློ་སྦྱང་བ། སྦྱངས་པའི་ལམ་གྱི་འབྲས་བུའོ། །རྡོ་རྗེ། །དང་པོ་ལ་གསུམ། དེ་ཙམ་གང་གིས་སྟེན་པ་སློབ་མའི་མཚན་ཉིད། གང་བསྟེན་པ་བླ་མའི་རང་བཞིན། བླ་མའི། དེས་དེ་ཇི་ལྟར་བསྟེན་པའི་ཚུལ་ལོ། །གཉིས་པ་ལ་གསུམ། དབང་གིས་སྨིན་པར་བྱ་བ། སྨིན་པས་རྒྱུད་སྦྱང་བ། སྦྱངས་ནས་ལམ་བསྒོམ་པའོ། །དང་པོ་ལ་གཉིས། ཆོ་ག་རྫོགས་པ། དཀྱིལ་འཁོར། སྨིན་བྱེད་རྣམ་དག་ཏུ་བསྟན་པ། དེ་ལས་གཞན་པ་བྱིན་རླབས་སྨིན་བྱེད་དུ་མི་རུང་བར་བསྟན་པའོ། །གཉིས་པ་ལ་གཉིས། བསྲུང་བྱ་དམ་ཚིག་སྦྱང་བ། དེ་ནས། བསྙེན་བྱ་བཟླས་བརྗོད་དེ་ལྟར། ཀྱིས་རྒྱུད་སྦྱང་བའོ། གསུམ་པ་ལ་བཞི། དངོས་པོ་ཐམས་ཅད་ལ་ཞེན་པ་སྤང་བ་ལྟ་བའི་ཁྲིད། རྟེན་དང་བརྟེན་པའི་རང་བཞིན་རིམ་གཉིས་ཀྱི་རྣལ་འབྱོར་རིམ་གཉིས་ལ་གནས་པས་དྲོད་ཐོབ་ནས་སྤྱོད་པ་བྱ་
― LT14_Page_017A ―
[མ་དཔེ་གཟིགས་ན་འདིར་གནོན།]
ཚུལ། སྤྱོད་པ་ལ་གནས། པ་རྣམས། པས་ཉེ་རྒྱུ་བསྒོམ་ཚུལ་ལོ། །དང་པོ་ལ་གསུམ། དེ་ནས། སྣང་བ་སེམས་སུ། སེམས་དེ་སེམས་སྒྱུ་མར། སྒྱུ་མ་རང་བཞིན་མེད་པར་བསྒྲུབ་པའོ། །འདི་ལ་གཉིས། རྟེན་འབྲེལ་དུ་དང་། སྒྱུ་མ་བརྗོད་བྲལ་དུ་བསྒྲུབ་པའོ། གཉིས་པ་ལ་གཉིས། རིམ་གཉིས་དེ་ནས་སྤྱིའི་རྣལ་འབྱོར། སོ་སོའ་རྣལ་འབྱོར་རོ། །འདི་ལ་གཉིས། བསྐྱེད་པའི་རིམ་པ་དང་། རྫོགས་པའི་རིམ་པའི་རྣལ་འབྱོར་རོ། །དང་པོ་ལ་གཉིས། མདོར་བསྟན། བརྗོད་རྒྱས་པར་བཤད་པའོ། །འདི་ལ་གཉིས། ལས་དང་པོ་པས། དང་པོ། བསྒོམ་བྱའི་བསྐྱེད་རིམ། བརྟན་པ་ཐོབ་པས་བསྒོམ་བྱའི་བསྐྱེད་རིམ་མོ། གཉིས་པ་ལ་གསུམ། སྔོན་འགྲོ་སྒོ་གསུམ་སྦྱོང་བ། རྫོགས་བསྐྱེད་པའི་དངོས་གཞིའི་ལམ་སྦྱང་བ། རྗེས་ལྟ་བ་བསྐྱང་བའོ། གཉིས་པ་ལ་གཉིས། ལམ་གྱི་དངོས་གཞི། དེ་དག་གི་ཡན་ལག་གོ །དེ་ལྟར། གཉིས་པ། དང་པོ་ལ་གཉིས། རང་བྱིན་རླབས། ལས་དཀྱིལ་འཁོར་འཁོར་ལོའོ། །དང་པོ་ལ་གཉིས། ཁྱབ་བྱེད་ཀྱི་མན་ངག་དེ་ནས། ཁྱབ་བྱའི་མན་ངག་གོ །རང་བྱིན། གསུམ་པ་ལ་གཉིས། མདོར་བསྟན་པ། ཉམས། རྒྱས་པར་བཤད་པའོ། །འདི་ལ་གཉིས། རང་ལུགས་བཞག་པ། གཞན་ལུགས་དགག་པའོ། །དགའ་བཞི་པ་ལ་གཉིས། དེ་ལྟར་སྤྱད་པའི། དེ་ལྟར། སྔོན་དུ་དྲོད་ཐོབ་ནས་སྤྱོད་པ། སྤྱོད་པར་བྱའོ། །གསུམ་པ་ལ་དྲུག །དགེ་བསྙེན་གང་དག་གང་གིས། རྒྱས་མིན་དགོས་པ་ཅིའི་ཕྱིར། རང་སེམས། གནས་གང་དུ། ས་སྐྱར། སྙིང་པོ་ཚུལ་ཇི་ལྟར། ཚིག་གྲངས་དུ་ཞིག་བརྩམ་པ། ལེགས་པར། རྩོམ་པའི་དགེ་བ་བསྔོ་བའོ། །རྒྱུད་གསུམ་གྱི་ལམ་གྱི་རིམ་པའི་བསྡུས་དོན་་དགེ་སློང་ཀུན་དགའ་བཟང་པོས་སྦྱར་བའོ། །འདིས་བསྟན་པ་དང་སེམས་ཅན་རྣམས་ལ་ཕན་ཐོག་པར་གྱུར་ཅིག །སརྦ་དཱ་མངྒ་ལམ་བྷ་བ་ཏུ།།
གདམས་ངག་མཛོད་པོད་ལྔ་པ།
གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གཞུང་རྡོ་རྗེའི་ཚིག་རྐང་གི་འགྲེལ་བ།
― LT14_Page_018A ―
[མ་དཔེ་གཟིགས་ན་འདིར་གནོན།]
གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གཞུང་རྡོ་རྗེའི་ཚིག་རྐང་གི་འགྲེལ་བ་བཞུགས་སོ།། །།རྣམ་འགྲེལ་གཉགས་མའོ། །
― LT14_Page_018B ―
[མ་དཔེ་གཟིགས་ན་འདིར་གནོན།]
བླ་མ་དམ་པའི་ཞབས་ལ་སྤྱི་བོས་ཕྱག་འཚལ་ལོ། །ཡན་ལག་གི་དོན་བརྗོད་པར་བྱ་སྟེ། བླ་མ་དམ་པ་ཞེས་བྱ་བ་བཞི་སྟེ། ཕྱི་སྒྲོ་ལུས་ལ་བུམ་དབང་བསྐུར་ནས་སྤྲུལ་སྐུར་སྟོན། འདོགས་ཡོངས་སུ་གཅོད་པར་བྱེད་པའི་བླ་མ། ནང་ངག་གསང་དབང་བསྐུར་ནས་ལོངས་སྐུར་སྟོན། རང་བྱུང་གི་ཡེ་ཤེས་སྟོན་པར་བྱེད་པའི་བླ་མ། གསང་བ་སེམས་ལ་ཤེས་རབ་ཡེ་ཤེས་ཀྱི་དབང་བསྐུར་ནས་ཆོས་སྐུར་སྟོན་པ། ལྷན་ཅིག་སྐྱེས་པའི་ཡེ་ཤེས་སྟོན་པར་བྱེད་པའི་བླ་མ། །མཐར་ཐུག་ལུས་ངག་ཡིད་གསུམ་ཀ་ལ་བཞི་པ་བསྐུར་ནས་སྙིང་པོ་ཡེ་ཤེས་རླུང་ངོ་བོ་ཉིད་སྐུར་སྟོན་པ། དེ་ཁོ་ན་ཉིད་དུ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་སྟོན་པར་བྱེད་པའི་བླ་མ་རྡོ་རྗེ་སློབ་དཔོན་ཏེ། དེའི་ཞབས་ཀྱི་པད་མ་ལ་རེག་ན་བདག་ལ་ཡོན་ཏན་ཐམས་ཅད་སྐྱེད་པར་བྱེད་པས་དྭངས་བའི་དད་པ་ཁྱད་པར་ཅན་གྱིས་ཀུན་ནས་བསླངས་ཏེ། ལུས་ངག་ཡིད་གསུམ་གྱིས་འདུད་པའོ། ལམ་ནི་འཇིག་རྟེན་ཚོགས་སྦྱོར་གཉིས། པ་དང་འཇིག་རྟེན་ལས་འདས་མཐོང་སྒོམ་མཐར་ཕྱིན་གསུམ། པའི་ལམ་གཉིས། འཁོར་ལོ་ལུས་བྷ་ག་བྱང་སེམས་གསུམ། འཆམ་པ་དང་འཁོར་ལོ་བསྐོར་བའི་ས་དང་པོ་ཡན་ཆད། ལམ་གཉིས་མི་བརྟན་ཏེ་བསླུ། དྲོད་ཀྱི་གསུམ། བསྡུས་པ་དང་། རྟགས་བརྟན་ཏེ་མ་བསླུ། ཀྱི་བསྡུས་པའི་ལམ་གཉིས་ཡེ་ཤེས་ཕན་འདོགས་ཆུང་། འཇུག་ལྡོག་དང་། རྣམ་རྟོག་རྟོག་པ་གནོད་པ་ཆུང་། འཇུག་ལྡོག་གིས་བསྡུས་པའི་ཡན་ལག་གཉིས། རྣམ་གྲངས་ཀྱི་ཚུལ་གྱིས་བརྒྱད་དོ། །འབྲས་བུ་ནི་ཚུལ་གསུམ་སྟེ། གསུམ་བདག་ཉིད་ལ་རྟེན་
― LT14_Page_019A ―
[མ་དཔེ་གཟིགས་ན་འདིར་གནོན།]
འབྲེལ་འགྲིག་ཅིང་ཚོགས་ཡོངས་སུ་རྫོགས་པའི་ཆེ་བ་སྐུ་ལྔ། གཞན་དོན་གྱི་ཆེ་བ་ལང་བ་རྣམས་ཀྱི་མིག་ཐབ་བ་ལ་སོགས་པ་དུ་མ། བདག་གཞན་གཉིས་ཀའི་ཆེ་བ་འཁོར་ཚོམ་བུ་གཅིག་དང་བཅས་ཏེ་སངས་རྒྱ་བའོ། །དེ་བས་ན་ལམ་འབྲས་བུ་དང་བཅས་པའི་གདམས་ངག་འབྲས་བུ་ལམ་དུ་བྱེད་པས་ན། འབྲས་བུ་ལམ་དང་བཅས་པའི་གདམས་ངག་གནས་འགྱུར་ཡེ་ཤེས་སུ་འདོད་པ། གཅིག་ཤེས་པས་ཐམས་ཅད་ནད་དང་གསང་བ་རྟེན་འབྲེལ་འབྱུང་བ། མང་པོ་ཤེས་པའི་གདམས་ངག །སྐྱོན་རེ་དོགས་དང་བྲལ་བའི་ལམ་གྱིས། ཡོན་ཏན་དུ་སློང་བའི་གདམས་ངག །བར་ཀྵ་ཡིག་སོགས་ཀྱི་རྟེན་འབྲེལ་ཤེས་པས། ཆད་དངོས་གྲུབ་ཏུ་སློང་བའི་གདམས་ངག །གསེར་འགྱུར་བདག་གི་ལུས་སོགས་ལ་སྐུ་ལྔ་རྟེན་འབྲེལ་ལྔར་བསྒྱུར་བས། གྱི་རྩི་ལྟ་བུའི་གདམས་ངག་ཞེས་བྱ་སྟེ། གསུང་མདོ་ཞེས་བྱ་བ་སྤྲུལ་པའི་སྐུ་ལས་རྗེས་སུ་གནང་བ་ཐོབ་པ་བཞིན་ཚིག་ཉུང་མང་པོའི་དོན་དུ། ལ་དོན་རྒྱས་པར་བསྟན་པས་གསུང་མདོ་ཞེས་བྱ་སྟེ། མདོར་ན་རྟོགས་དཀའ། རྡོ་རྗེའི་ཚིག་རྐང་སྡེ་སྣོད་གསུམ་གྱི་ལམ་གྱི་སྙིང་པོ། དེ་ཉིད། ཡིད་བཞིན་གྱི་ནོར་བུ་རིན་པོ་ཆེ་ལྟ་བུ་བྲི་བར་བྱ་ཞེས་བྱ་བའི་དོན་ཏོ། །ད་ནི་གཞུང་གི་དོན་འཁོར་འདས་ཐུན་མོང་གི་ལམ་ལ་དོན་བདུན་གྱི་དང་པོ་སྣང་བ་གསུམ་དུ་བསྟན་པའི་ལམ་ལས། དེ་ཡང་མ་དག་པའི་སྣང་བ། ཉམས་ཀྱི་སྣང་བ། འདོད་པ་དོན་འབྱུང་། དག་པའི་སྣང་བའོ། །དེ་རེ་རེ་ལའང་གསུམ་གསུམ་སྟེ། རྟེན་གང་ཡིན་པ། རྒྱུ་གང་ཡིན་པ།
― LT14_Page_019B ―
[མ་དཔེ་གཟིགས་ན་འདིར་གནོན།]
སྣང་བ་གང་ཡིན་པའོ། །དེ་ལ་རྟེན་ནི་སེམས་ཅན་ཏེ། སྤྱིར་རིགས་དྲུག་གི་བསྡུས་པ་ལས། ཁྱད་པར་དུ་གང་ཟག་གཅིག་གི་རྒྱུད་དབང་ཐོབ་ཀྱང་ཉམས་མ་སྐྱེས་པའོ། ལ་བཞག །རྒྱུ་ནི་ཉོན་མོངས་པའི་སྣང་བ་ཞེས་སྨོས་ཀྱང་ལས་དང་ཉོན་མོངས་པའི་བག་ཆགས་ཀྱི་དབང་གིས་སྣང་བ་ནི་མ་དག་པའི་སྣང་བ་སྟེ། དེ་ལ་གཉིས། འཁྲུལ་དངོས་པོ་ལ་མེད་ཀྱང་རིགས་དྲུག་སོགས་མཐུན་སྣང་། པའི་སྣང་བ་དང་། ལས་ཀྱི་སྣང་བའོ། བདེ་སྡུག་སོགས་སོ་སོར་སྣང་བའམ་ཆུ་ལྟ་བུ་སྣང་བ་སྟོང་པར་འགྲོ་བ། རྟེན་ནི་རྣལ་འབྱོར་ཏེ། དེ་ལ་གསུམ། ལུས་ཁྱད་པར་ཅན་གྱུར་པའི་གང་ཟག །རྒྱུད་ཡོངས་སུ་དག་པའི་གང་ཟག་ལས་འཕྲོ་སད་པ་སོགས་ཀྱི། ཉམས་རྒྱུད་ལ་སྐྱེས་པའི་གང་ཟག་རྟེན་འབྲེལ་ལྔ་སྟེ་འཇིག་རྟེན་པའི་ལམ་དང་པོ་གསུམ་ལ་ཕྱི་མ་གཉིས་མི་འགྲོགས། གོ །རྒྱུ་ནི་ཏིང་ངེ་འཛིན་ལ་ཞེས་སྨོས་ཀྱང་། ཤུགས་ཀྱིས་བསྟན་པ། དབང་པོ་ཚང་བ་རྒུར་སོགས་མིན་པ། རྩ་ཡི་གེའི་ཕོ་བྲང་དུ་རླུང་སེམས་མཁའ་འགྲོ་ཡབ་ཡུམ་བཅུའི་བྱིན་གྱིས་བརླབས་པའོ། །ཉམས་ཀྱི་སྣང་དྲོད་ཀྱིས་བསྡུས་པ་དང་། རྟགས་ཀྱིས་བསྡུས་པའོ། བ་ཞེས་བྱ་བ་ལས། ཉམས་སྐྱེས་པས། རྒྱུད་ལ་འབྱུང་བ་ལ་ནི་འཇུག་པ་སེལ་བ་ལ་སོགས་པ་ལམ་གསུམ་སྟེ། འཇུག་པ་སེལ་པའི་ལམ། གང་རུང་ལ་སེམས་གནས་པ། ཆགས་པ་གཅོད་པའི་ལམ། དེས་ཀྱང་སྟོང་པ། བྱང་ཆུབ་ཆེན་པོའི་ལམ་མོ། ཟུང་འཇུག་གསུམ། ཉམས་གསུམ་ནི། ལུས་ཉམས་དང་། ན་ཚ་སོགས་སེམས་ཉམས་དང་། ཉོན་མོངས་སོགས། རྨི་ཉམས་སོ། རྟ་རྨི་སོགས། རྟེན་འབྲེལ་གསུམ་ནི། རླུང་ལོག །གསུམ། མཐོང་སྣང་། དུ་བ་སོགས། རྨི་ལམ་གྱི་རྟེན་འབྲེལ་ལོ། རང་འཕུར་སོགས། དྲོད་གསུམ་ནི། རྣམ་རྟོག་སྔོན་དུ་སོང་བའི་དྲོད། སྔར་གྱི་མཐོང་ཐོས་ལ་གནས་པ། ཁམས་དགུ་འདུས་པའི་དྲོད། ཉི་ཟླ་མཐོང་བ་སོགས། ཐིག་ལེ་འབར་ཞིང་འདུས་པའི་དྲོད་དོ། །བདེ་བ། ཏིང་ངེ་འཛིན་གསུམ་ནི། མཚན་ཉིད་སྣ་ཉམས་སོགས་ལྷ་སྐུ། ཚོགས་ཀྱི་ཏིང་ངེ་འཛིན། རང་བཞིན་སྟོང་པའི་ཡུལ་གྱི་སྟོང་པ་སོགས། ཏིང་ངེ་འཛིན། ངོ་བོ་ཟུང་འཇུག་གི་ཏིང་ངེ་འཛིན་ཏོ། །དེ་ལྟར་
― LT14_Page_020A ―
[མ་དཔེ་གཟིགས་ན་འདིར་གནོན།]
ཉམས་བཅོ་ལྔ་པོ་ཐམས་ཅད་ཀྱང་རིམ་པ་ཡིན་མིན་དུ་སྐྱེ་བས་ཏིང་ངེ་འཛིན་ངོ་ཤེས་པར་བྱས་ལ་ལམ་དུ་བསལ་ལོ། །རྟེན་ནི་བདེ་བར་གཤེགས་པ་དེ་ལ་བཞི། ཕྱི་དབྱིབས་ཀྱི་བདེ་གཤེགས་ཏེ། ཚོགས་གཉིས་ཀྱི་ལམ་བདེ་བ་ནས་འབྲས་བུ་བདེ་བར་གཤེགས་པས་སོ། །བསྐྱེད་རིམ་དང་འབྲེལ་བས། ནང་སྔགས་ཀྱི་བདེ་གཤེགས་ཏེ། ཙནྡ་ལི་དང་འབྲེལ་བས། དབུ་མའི་ལམ་བདེ་བ་ནས་གཤེགས་པས་སོ། གསང་བ་དབང་གི་བདེ་གཤེགས་ཏེ། ཡུམ་གྱི་མཁའ་བདེ་བ་ནས་གཤེགས་པས་སོ། །ཕྱག་རྒྱའི་ལམ་གྱི། མཐར་ཐུག་དེ་ཁོ་ན་ཉིད་ཀྱི་བདེ་གཤེགས་ཏེ་རྣམ་ཐར་སྒོ་གསུམ་གྱི་ལམ་རྡོ་རྗེའི་རྦ་རླབས་དང་འབྲེལ་པས། བདེ་བ་ནས་གཤེགས་པས་སོ། །དེའི་སྐུ་མི་ཟད་པ་ནི། སྐུ་ཡི་གསང་བ་བསམ་གྱིས་མི་ཁྱབ་པ་དང་། མདོ་བཞིན། སྐུ་ཐམས་ཅད་པ། ཅིར་ཡང་སྣང་། གསུང་མི་ཟད་པ་ནི། གསུང་གི་གསང་བ་བསམ་གྱིས་མི་ཁྱབ་པ་དང་། རིགས་དྲུག་གི་སྐད་ཅིག་དུ་མར་སྟོན་པ། གསུང་ཐམས་ཅད་པ། ཐུགས་མི་ཟད་པ་ནི། ཡེ་ཤེས་ལྔ། ཐུགས་ཀྱི་གསང་བ་བསམ་གྱིས་མི་ཁྱབ་པ། ཐུགས་ཐམས་ཅད་པའོ། །རྒྱན་ནི། རང་གཞན་གཉིས་ཀ་ལ་མཛེས་པས། འཁོར་ལོ་ནི། མཛད་པ་ཕྲིན་ལས་ཀྱི་འཁོར་ལོ་སྟེ། དོན་བྱེད་པ་དང་། དོན་བྱས་པ་གཉིས་ཀས་ཀྱང་འཁོར་བ་མ་སྟོང་གི་བར་དུ་སེམས་ཅན་གྱི་དོན་མཛད་པ་རྒྱུན་མི་འཛད་པར་བྱེད་པའོ། །འདུལ་བྱ། དེས་ནི་རྟེན་བསྟན་ཏོ། ཤུགས་ཀྱིས་བསྟན་པའི་རྒྱུ་ནི་འོག་ནས་འབྱུང་བའི་འགྲོས་བཞི་ཐིམ་པ་སྟེ་འདིར་མ་བསྟན་ཏོ། ཕྱི་ནང་གི་རྟེན་འབྲེལ་ཞེས་པ་ལ་སོགས་པ། སྣང་བ་ནི་དག་འདུལ་བྱེད། པའི་སྣང་བ་ཞེས་བྱ་བ་སྟེ། མདོར་ན་རང་གི་ཡེ་ཤེས་ཡོངས་སུ་དག་པ་ཉིད་ལས་མ་གཏོགས་པའི་འཁོར་འདས་ཀྱི་སྣང་བ་ཐ་དད་མེད་པར་རྟོགས་ཏེ། དེ་ཙམ་བདག་གིས་རྒྱུད་གཅིག་གིས་རྟོགས་པ་ལ། ན་འཁོར་འདས་རོ་གཅིག །ལམ་སྒོམ་པའི་དུས་སུ་དང་འབྲས་བུ་གྲུབ་པའི་དུས་སུ་གྱུར་ཙམ་ན་རོ་གཅིག །སངས་རྒྱས་ཕྱི་མ་དང་སེམས་ཅན་རྒྱུད་གཅིག་སྔར་སྤང་
― LT14_Page_020B ―
[མ་དཔེ་གཟིགས་ན་འདིར་གནོན།]
བྱ་སེམས་ཅན་ཙམ་ན་དང་གཉེན་པོ་ཏིང་ངེ་འཛིན། རོ་གཅིག །དེ་ཙམ་ན་བླང་དོར་གཉིས་མེད་སྤང་ཐོབ་གཉིས་མེད་ཅེས་བྱ་བའི་དོན་ཏོ། །རྟོགས་པ་གཅིག་གི་སྤྱོད་ཡུལ་དུ་གྱུར་པ་དང་། ད་ནི་རྒྱུད་གསུམ་དུ་བསྟན་པའི་ལམ་ལས། ཀུན་གཞི་རྒྱུ་རྒྱུད། ཀུན་གཞི་ལ་འབྲས་བུ་འབྱུང་རུང་གིས་ཆོས་ཡོད་པས། ལུས་ཐབས་རྒྱུད། ལམ་ལ་རྟེན་འབྲེལ་འགྲིགས་པ་ལ་བརྟེན་ནས་འབྱུང་བས། ཕྱག་རྒྱ་ཆེན་པོ་འབྲས་བུའི་རྒྱུད་དོ། དེ་ལ་བརྟེན་ནས་འབྲས་བུ་ཐོབ་པས། ཡང་ཀུན་གཞི་རྩ་རྒྱུད། རྣམ་གྲངས། ལུས་བཤད་རྒྱུད། སྐུ་གསུང་ཐུགས་རྡོ་རྗེ་འབྲས་བུའི་རྒྱུད་དོ། །ཡན་ལག་གི་དོན་བརྗོད་ན། འདི་ལ་དྲུག་སྟེ། རྟེན་གང་ཡིན་པ། བརྟེན་པ་ཀུན་གཞི། དེ་གཉིས་ཚུལ་ཇི་ལྟར་གནས་པ། དེ་ལ་འཁོར་འདས་ཚང་བར་བསྟན་པ། དེ་རྒྱུ་རྒྱུད་བསྟན་པ། ཡང་རྩ་རྒྱུད་དུ་བསྟན་པའོ། །ཀུན་གཞི་ཞེས་བྱ་བ་ནི་ཐབས་ཀྱིས་ཟིན་པ་དང་མ་ཟིན་པའི་བྱེ་བྲག་གིས་འཁོར་འདས་གཉིས་ཀའི་གཞིར་གྱུར་པའོ། །རྒྱུ་ནི་འབྲས་བུ་སྐུ་ལྔ། སྐྱེ་རུང་གི་ནུས་ལྔ་རིག་པ་འདི། པའི་མཐུ་ལ་བྱ། རྒྱུད་ནི་སེམས་ཅན་ནས་ཐ་མི་དད་པ། གསུམ་དུ་རྡོ་རྗེ་འཛིན་པའི་བར་འབྲེལ་བས་རྟོགས་པ་དུ་རང་རིག་པའི་ཕྲེང་བ་སེམས་ཉིད་རིག་པ། རྒྱུན་མི་འཆད་པའོ། །འཁོར་འདས་སྦོམ་འཕྲོས་རྣམ་རྟོག་སྡུག་བསྔལ་དམྱལ་བ་སོགས། ཐམས་ཅད་ཀུན་གཞི་ཉིད་ལ་ཚང་པས་རྒྱུ་རྒྱུད། ཚང་བ་ནི་འཁོར་བའི་ཆོས་ཐམས་ཅད་མཚན་ཉིད་ཀྱི་ཚུལ་དུ་ཚང་། མྱ་ངན་ལས་ཕྱི་རོལ་བྱེད་ནས་བསྐྱེད་རྫོགས་ཀྱི་བར་ས་བོན་གྱི་ཚུལ་དུ་ཚང་། འདས་པའི་ལམ་ཐམས་ཅད་རྟོག་པ་དུ་མ་ཡོན་ཏན་གྱི་ཚུལ་དུ་ཚང་། འབྲས་བུའི་ཚེ་ཐམས་ཅད་ནུས་མཐུའི་ཚུལ་དུ་ཚང་ངོ་། །དེ་ཉིད་ལ་རྩ་རྒྱུད་ཅེས་ཀྱང་བྱ་སྟེ། ལུས་ལ་རྟེན་འབྲེལ་འགྲིག་པས་རྟོགས་པར་བྱ་རྒྱུ་སེམས་ཀུན་གཞི་ཡིན་པས་སོ། །ད་ནི་ལུས་ཐབས་རྒྱུད་ཚོམ་བུ་རྣམ་པ་ལྔར་བྱས་སྐུ་ལྔ་འགྲུབ་པའི་ནུས་པ་རྒྱུད་ལ་ཡོད་པས་དེ་ལྟར་ན་ཀུན་གྱི་རྒྱུ་རྒྱུད་དུ་འགྲུབ་བོ། ནས། ཐབས་རྒྱུད་ཀྱི་དང་པོ་རྒྱུའི་དབང་། ལམ་ལ་སོགས་པ་ཆོས་ཉི་ཤུ། དམ་ཚིག་གི་ཚོགས་བསྟན་པ་ཉམས་ན་མཁའ་འགྲོ་ལྔ་ཡི་ཉམས་ཆགས་བསྐང་བ་བསྟན་པ། ཐབས་རྒྱུད་ཀྱི་གཙོ་བོ་ལམ་གྱི་དབང་བསྟན་པའོ། །དེ་ལ་དང་པོ་ལུས་ཐབས་རྒྱུད་ཅེས་བྱ་བ་ནི་སེམས་ཀུན་གཞི་རྟེན་དང་
― LT14_Page_021A ―
[མ་དཔེ་གཟིགས་ན་འདིར་གནོན།]
བརྟན་པ་ལྔ། ལ་ས་བོན་ནམ་རྒྱུའི་ཚུལ་དུ་གནས་པ་དེ་རྟེན་འབྲེལ་ལུས་ལ་འགྲིགས་པས་རྟོགས་པར་བྱེད་པའི་ཐབས་ཡིན་པས་སོ། སྩོགས་ཀྱི་བསྡུས་པས་ནི་ལུས་བཤད་རྒྱུད་ཀྱང་ཡིན་ཞེས་འོག་ཏུ་སྦྱར་ཏེ། སེམས་འཁོར་འདས་ཀྱི་རྩ་ཀུན་གཞི་འཁོར་འདས་ཀྱི་རྩ་རྒྱུད་དོ། བ་ཡིན་པའི་ལུས་ལ་རྟེན་འབྲེལ་འགྲིགས་པས་རྟོགས་ཤིང་ཁོང་དུ་ཆུད་པར་ནུས་པས་བཤད་རྒྱུད་དོ། སོ། །གསུམ་པ་བཞི་ནི། ད་ནི་ཐབས་ཀྱི་དབང་ལ་ལམ་ལས་ཐོག་མར་དབང་སྟེ། དེ་མེད་ན་ལམ་བསྟན་དུ་མི་བཏུབས་པས་སོ། །དཀྱིལ་འཁོར་གང་ལས་དབང་གང་ཐོབ་པ། དྲི་མ་གང་དག་པ་སྟེ། གསུམ་ཚན་བཞིའོ། །དེ་ལ་གདན་སྩོགས་ཞེས་བྱ་བ་ནི་དཀྱིལ་འཁོར་བཞི་ཆར་ལ་སྦྱར་རོ། །དེ་ལ་གདན་གསུམ་ནི། སངས་རྒྱས་དང་བྱང་ཆུབ་སེམས་དཔའི་གདན། རིག་མ་དང་ལྷ་མོའི་གདན། ཁྲོ་བོ་དང་ཁྲོ་མོའི་གདན་ནོ། །དེ་ལ་སངས་རིགས་ལྔ་གང་རུང་། རྒྱས་ཀྱི་གདན་དབུས་སུ་བྱང་ཆུབ་སེམས་དཔའི་གདན་བརྒྱད་ནི་ནང་གི་ཕྱོགས་མཚམས་སུ། རིག་མ་ལ་སྤྱན་སོགས་ཡེ་ཤེས་ཀྱི་རིག་མའི་གདན་དབུས་སུ། དངོས་ཀྱི་རིག་མའི་གདན་དབང་དུས་སོགས། གཡོན་དུ། ལྷ་མོའི་གདན་གཟུགས་རྡོ་རྗེ་སོགས། ཡང་རོ་གཅིག་པའི་ཚུལ་ལ་སོགས་པར་ནང་གི་ཕྱོགས་མཚམས་སུ། ཁྲོ་བོ་དང་ཁྲོ་མོའི་གདན་བཅུ་ནི་ཕྱི་ཡི་ཕྱོགས་མཚམས་སུའོ། །འདི་དག་ཀྱང་རྡུལ་ཚོན་གྱི་དཀྱིལ་འཁོར་ལ་ནི་གདན་གསུམ་ཇི་ལྟ་བ་བཞིན་དུ་བཀོད་པ་ཡིན་ལ། ལྷག་མ་དཀྱིལ་འཁོར་གསུམ་ལ་ནི་གདན་གསུམ་ཚང་བར་བསྒོམ་པ་དང་ལྡན་ཞིང་ཇི་ལྟ་བ་བཞིན་དུ་ཤེས་པ་ཡིན་ནོ། །དེས་ནི་དང་པོ་དཀྱིལ་འཁོར་བསྟན་ཏེ། གཉིས་པ་དབང་གང་ལས་ཐོབ་པ་ལ། བུམ་དབང་བཅུ་གཅིག་རིག་པའི་དབང་ལ་དྲུག་པ་རྫོགས་པའི་སངས་རྒྱས་བདུན་ལ་བུམ་དབང་། རྗེས་གནང་ལུང་བསྟན་དབུགས་དབྱུང་གཟེངས་བསྟོད། གསང་དབང་རྣམ་པ་ལྔ་ལས་གང་ཡང་རུང་བ། ཡབ་ལ་ཐོབ། ཡུམ་ལ་ཐོབ་པ་གྲོལ་སྟོབས་ལས་ཐོབ་པ་གསུམ། ཤེས་རབ་ཡེ་ཤེས་གཉིས། གཞི་པ་ཚིག་དོན་འབྲས་བུ་ལམ་བརྟེན་ཅན། རྣམ་པ་ལྔ་ལས་རྟེན་ཅན་ལ་སོགས་པ་ལྔ་ཅི་རིགས་
― LT14_Page_021B ―
[མ་དཔེ་གཟིགས་ན་འདིར་གནོན།]
པར་ཐོབ་པ་ཡིན་ནོ། །གསུམ་པ་དྲི་མ་གང་དག་པ་ནི། ལུས། ངག །སེམས། ལུས་ངག་ཡིད་གསུམ་ཆར་གྱི་དྲི་མ་དག་སྟེ། ཟངས་ཀྱི་གཡའ་དག་པ་བཞིན། ཐ་མལ་པ་བཅོམ་ཞིང་ལམ་ལ་སོགས་པ་བསྒོམ་དུ་རུང་ལ་འབྲས་བུ་རྣམ་པ་བཞི་ཐོབ་པའི་སྐལ་པ་ཅན་དུ་བྱས་པའོ། །དེ་དག་ཀྱང་དངོས་ཀྱི་རིག་མ་ལ་ཐོབ་ན་རབ། ཡེ་ཤེས་ཀྱི་རིག་མ་ལ་ཐོབ་ན་འབྲིང་། ཚིག་ཙམ་གྱིས་ཐོབ་ན་ཐ་མའོ། །རྒྱུ་ཡི་དབང་ཞེས་བྱ་བ་ནི། ཐོག་མར་བླ་མ་དམ་པ་ལས་ཐོབ་པ་སྟེ། སྣོད་དག་པའམ་ཞིང་ས་དག་པ་ལྟ་བུའོ། །དེ་དག་གིས་ནི་གདན་སྩོགས་གསུམ་པ་བཞིས་རྒྱུའི་དབང་ཞེས་བྱ་བའི་ཡན་ལག་གི་དོན་བསྟན་ཏོ། །ད་ནི་ལམ་དུ་བསྐྱེད་རིམ་སྩོགས་ལྔ་པ་བཞི་ཡིས་བསྟན་ཅེས་པས་དབང་དང་འབྲེལ་པ་ལམ་ལ་སོགས་པའི་ཆོས་ཉི་ཤུ་བསྟན་ཏེ། དབང་རེ་རེ་ལ་ལམ་གང་ཡིན་པ། ཚོགས་ལམ་འདོད། ལྟ་བ་གང་ཡིན་པ། སྦྱོར་ལམ་དྲོད། གྲུབ་མཐའ་གང་ཡིན་པ། འདས་པའི་ལམ་གསུམ། འདའ་ཀ་མ་གང་ཡིན་པ། གང་ཟག་འབྲིང་ལ། འབྲས་བུ་གང་ཡིན་པ་སྟེ་ལྔ་ལྔའོ། །དེ་ལ་དང་པོ་བུམ་དབང་གི་ལྔ་ནི། ལམ་བསྐྱེད་པའི་རིམ་པ་དབྱིབས་ལྟ་བ་ངོ་བོ་ཉིད་རྣམ་པ་གསུམ། གྲུབ་མཐའ་འཁོར་འདས་དབྱེར་མེད། འདའ་ཀ་མ་གང་དུ་འཕོ་བ། འབྲས་བུ་སྤྲུལ་སྐུ་རང་བཞིན་གྱི་ལྷུན་གྲུབ་སྟེ་ལྔའོ། །དེ་ལ་ལམ་དབྱིབས་ནི་བླ་མའི་ཞལ་ལས་ཤེས་པར་བྱའོ། །ལྟ་བ་ངོ་བོ་ཉིད་རྣམ་པ་གསུམ་ནི། སྣང་ཕྱོགས་ཀྱི་ངོ་བོ་ཉིད། སྟོང་ཕྱོགས་ཀྱི་ངོ་བོ་ཉིད། ཟུང་འཇུག་གི་ངོ་བོ་ཉིད་དེ། ཆུ་ཟླ་སོགས། དེ་རེ་རེ་ལའང་མ་རིག་པའི་སྣང་བ་ལས་ལོག་པའི་ཆོས་ཅན། རིག་པ་གསལ་བས་ཟིན་པ། ཡིད་ཀྱི་ཀུན་བརྟགས་དང་བྲལ་བའི་ཆོས་ཉིད་དེ། རྟོག་མེད་དུ་སྐྱེས་པ་ཐད་ཀའི་ཆོས་ཉིད། དེ་ཡང་ངོ་བོ་གཅིག་ཚུལ་གྱི་ཐ་དད་དོ། །རིག་པ་གཅིག་གིས་བསྡུས་པ། འཇོག་ཚུལ་མི་འདྲ། གྲུབ་མཐའ་འཁོར་འདས་གཟུགས་ལ་སོགས་པ། དབྱེར་མེད་ནི་འཇིག་རྟེན་ལས་འདས་པའི་ནམ་མཁའ་སྟོང་པ་ལ་སོགས་པ། ལམ་ས་དྲུག་ལ་སྟོང་གསུམ་ཡུངས་འབྲུར་ཆུད་པ་ལ་ཆེ་ཆུང་མེད། རྩིག་པ་དང་རི་ལ་སོགས་པ་ལ་
― LT14_Page_022A ―
[མ་དཔེ་གཟིགས་ན་འདིར་གནོན།]
ཐོགས་པ་མེད། ཆུ་བོ་གྱེན་ལ་ཟློག །ཉི་ཟླ་རྟིང་པར་འཛིན། གཅིག་ལས་མང་པོར་བྱེད་ཅིང་། མང་པོ་ལ་གཅིག་ཏུ་བྱེད་པ་ལ་སོགས་པ་འབྱུང་ངོ་། །གྲུབ་མཐའ་མ་སྙོགས་ན་འདའ་ཀ་མ་གོང་དུ་འཕོ་བ་ལ་གསུམ། སྣང་བ་སྒྱུར་བའི་འདའ་ཀ་མ། འོད་ཀྱི་གོང་བུས་འཕོ་བའི་འདའ་ཀ་མ། སྒྲས་འཕོ་བའི་འདའ་ཀ་མ་སྟེ། འདི་དག་གི་ཉམས་སུ་བླང་བའི་རིམ་པ་ཡང་བླ་མའི་ཞལ་ལས་ཤེས་པར་བྱའོ། །འབྲས་བུ་སྤྲུལ་པའི་སྐུ་རང་བཞིན་གྱིས་ལྷུན་གྲུབ་ནི་འབྲས་བུའི་སྐབས་སུ་འཆད་པར་འགྱུར་བས་འདིར་མ་བརྗོད་དོ། །དེ་ལྟར་བུམ་དབང་གི་ལྔའོ། །གསང་དབང་གི་ལྔ་ལ། ལམ་བདག་བྱིན་གྱིས་རླབས་པའི་རིམ་པ། ལྟ་བ་རང་བྱུང་གི་ཡེ་ཤེས་བཞི་གྲུབ་མཐའ་མ་འདྲེས་ལ་ཡོངས་སུ་རྫོགས་པ། འདའ་ཀ་མ་འོད་གསལ། འབྲས་བུ་ལོངས་སྤྱོད་རྫོགས་པའི་སྐུ་རང་བཞིན་གྱིས་ལྷུན་གྲུབ་སྟེ་ལྔའོ། །དང་པོ་ལ་སྤྱིར་ཐམས་ཅད་མཁྱེན་པས་གདུལ་བྱའི་བསམ་པ་དང་། རྡོ་རྗེ་ལུས་ཀྱི་གནས་ལུགས་མི་གཅིག་པ་ལ་དགོངས་ནས། བསམ་གྱིས་མི་ཁྱབ་པ་གསུངས་ན་ཡང་དེ་དག་གི་གནད་དགུ་བརྒྱ་ཕྲག་གཅིག་ཏུ་འདུས། རླུང་སྦྱོར་བ་གཅིག་ལ་དགོངས་ནས། དེ་ཡི་གནད་ཡི་གེའི་གནད་ལ་དགོངས་ནས། ཀྱང་བདུན་ཅུར་རྩ་ལྔར་འདུས། དེ་ཡིས་ཉམས་སུ་བླང་བའི་མན་ངག །ཉམས་མྱུར་བས། མདོར་བསྡུས་ན་དགུར་འདུས་ཏེ། འཁོར་ལོ་ལ་མ་བརྟེན་པ་ལ་ལྔ། མར་མེ་གསོ་བ། ཚངས་པའི་ཐོག །རྩ་ཡི་རྣལ་འབྱོར། སྲུབས་ཤིང་གི་འཁོར་ལོ། ཐིག་ལེའི་རྣལ་འབྱོར་རོ། །འཁོར་ལོ་ལ་བརྟེན་པ་ལ་གསུམ། གཅིག་ལ་བརྟེན་པ། གཉིས་ལ་བརྟེན་པ། བཞི་ལ་བརྟེན་པའོ། །གཞན་མན་ངག་གི་གནད་ལ་བརྟེན་པས་མྱུར་བ་སྟེ་དགུར་བསྡུའོ། །དེ་ལ་དང་པོ་ནི། རྒྱས། ལུས་ཙོག་པུར་གནད་ལ་དབབ་པ་ལ་སོགས་པ་བྱས་ལ། ལྟེ་བའི་འོག་སོར་བཞིར་ཀྵ་ཡིག་དམར་ནག་མགོ་བོ་ཐུར་ལ་བལྟས་པ་གསལ་གདབ། ལྟེ་བར་ཨཾ་ཁ་དོག་དམར་སྐྱ་གསལ་བཏབ་ལ། དེ་ནས་རླུང་མ་རྩེ་སྐྲད་པས་
― LT14_Page_022B ―
[མ་དཔེ་གཟིགས་ན་འདིར་གནོན།]
སུམ་མདོའ་མེ་འབར་ནས་ཀྵ་ཡིག་ཆེར་འབར་བས་དེ་ཨཾ་ལས་བདུད་རྩིའི་རྒྱུན་ཆ་ཕྲ་བ་བབས་པས་ཀྵ་ཡི་མེ་གསོས། དེ་བཞིན་དུ་འབར་འཛག་ལ་དམིགས་ཤིང་རླུང་རན་ཚད་དུ་ཁ་སྦྱར། ལམ་སྦྱང་། ལྟ་བ་བསྐྱང་། ཉམས། དྲོད་བྱུང་རྒྱལ་དུ་བཏང་། ཉམས་བཅོ་ལྔ་པོ། ཐུན་ཚད་མེད་པར་བྱ། ཡིད་འཇུག་ཡུལ་བརྟག །ཁམས་ཚོད་བཟུང་ངོ་། །གཉིས་པ་ནི། རླུང་གི་གཞུ་གཤང་ལམ། དང་མེ་ཡི་མདའ། བྱང་སེམས་ཧཾ་གི་འབེན་ལ་བརྡེག །མེ་སོང་ནས། མྱུར་ཏུ་ཡེ་ཤེས་འཆར་བར་འགྱུར། བསྐྱར་བའི་སྦྱོར་བ་མེད་པའོ། ཐུན་གཅིག་ལ། ཉམས་ཐམས་ཅད་ནི་བྱུང་རྒྱལ་དུ་བསྐྱངས་ཏེ། ཐུན་གྲངས་དང་ཐུན་ཚད་ལ་སོགས་ལུས་ཀྱི་འཁྲུལ་འཁོར་བཅས་པ། སུམ་མདོའ་མེ། པ་ནི་མེད་དོ། །གསུམ་པ་ནི། ལུས་སྐྱིལ་ཀྲུང་ལ་སོགས་པ་ཅི་རིགས་པ་གནད་ལ་ཕབ་ལ་དབུགས་ཕྱིར་ལྡང་བ་དང་བསྟུན་ཏེ། གཡས་རོ་མ་མེ་ཡི་རང་བཞིན་ཁ་དོག་དམར་པོ་གསལ་གདབ། དབུགས་ནང་དུ་འཇུག་པ་དང་བསྟུན་ཏེ། གཡོན་རྐྱང་མ་ཟླ་བ་ཆུའི་རང་བཞིན་ཁ་དོག་དཀར་པོ་གསལ་གདབ། དབུགས་ནང་དུ་གནས་པ་དང་བསྟུན་ཏེ། དབུ་མ་ཆོས་བཞི་ལྡན་དུ་གསལ་གདབ་པ་ནི། པདྨའི་སྣལ་མ་ལྟར་ཕྲ་བ། ཆུ་ཤིང་གི་སྡོང་པོ་ལྟར་དྲང་། ཏིལ་མར་གྱི་མར་མེ་ལྟར་གསལ། རྒྱ་སྐྱེགས་ཀྱི་མེ་ཏོག་ལྟར་དམར། ཞེས་དྲན་པར་བྱ་སྟེ། དེ་ལྟར་ཡང་ནས་ཡང་དུ་སྦྱངས་པས་དྲོད་ཉམས་ཐམས་ཅད་བྱུང་རྒྱལ་དུ་བཏང་ཞིང་། ཐུན་ཆད་ལ་སོགས་པ་ངེས་པ་མེད་པར་བྱའོ། །བཞི་པ་ནི། ལུས་ཙོག་པུར་གནད་ལ་ཕབ་ལ། ལུས་ཀྱི་དབུས་ལྟེ་བ་ནས་སྤྱི་གཙུག་གི་བར་དུ་རྩ་དབུ་མ་ཁ་དོག་དམར་པོ་སྦོམ་ཕྲ་ཅི་རིགས་པ་གཅིག་གསལ་གདབ། རྩ་གཡས་གཡོན་གཉིས་ཁ་དོག་དཀར་པོ་ཡང་སྦོམ་ཕྲ་ཅི་རིགས་པ་གསལ་བཏབ་ལ། དབུ་མ་ལ་སྲུབ་པའམ། ཡང་ན་རྩ་གཉིས་སྲུབ་ཐག་གི་ཚུལ་དུ་བྱས་ལ་དབུ་མ་བསྲུབས་ཤིང་ལྟ་བུ་སྟེ། བསྲུབས་ཏེ། རླུང་ནི་སྟེང་རླུང་དང་། འོག་རླུང་གཉིས་དྲག་ཏུ་ཁ་སྦྱར་རོ། ཐུབ་ཚད། འདི་ལའང་ཟས་
― LT14_Page_023A ―
[མ་དཔེ་གཟིགས་ན་འདིར་གནོན།]
དང་། སྤྱོད་ལམ་གྱི་ལྕག་གིས་བསྐུལ་ཞིང་ཐུན་གྲངས་དང་ཐུན་ཚད་མེད་པར་ལམ་སྦྱང་། ལྟ་བ་བསྐྱེད་ཉམས་ཅི་སྐྱེས་བྱུང་རྒྱལ་དུ་བཏང་ངོ་། །ལྔ་པ་ནི། ལུས་ཅི་རིགས་པར་གནད་ལ་ཕབ་ལ། སྙིང་གའི་ཉི་ཟླ་ཁ་སྦྱར། ལྟེ་བའི་དཔའ་བོ་འབའ་ཞིག །གསང་གནས་བཅུད་ཆེ། གྲང་། བདེ་བའི་ཐིག་ལེ། མཛོད་སྤུ་སྐྲ་དཀར་ས་བོན་དང་བཞི་རླུང་དང་བསྟུན་ཏེ། ཉམས་སུ་བླང་བ་བླ་མའི་ཞལ་ལས་ཅུང་ཟད་དྲི་བར་བྱའོ། །དེ་དག་གིས་ནི་འཁོར་ལོ་ལ་མ་བརྟེན་པའི་ཕྱོགས་ལྔ་བསྟན་ཏོ། །འཁོར་ལོ་ལ་བརྟེན་པ་ལས། དང་པོ་གཅིག་ལ་བརྟེན་པ་ནི། ཉམས་མྱུར་བས། ལུས་ཙོག་པུར་གནད་ལ་ཕབ་ལ། བསམ་གཏན་གྱི་ཡན་ལག་རྣམས་ཚང་བར་བྱ་སྟེ། གཤང་སྒོར་རླུང་། སུམ་མདོར་མེ། ལྟེ་བར་ཕྱི་བསྐོར་འདབ་མ་དྲུག་ཅུ་རྩ་བཞི་ལ་ཡི་གེ་བཀོད་པ་དང་བྲལ་བ་ནང་སྐོར་འདབ་མ་བརྒྱད་ལ་སྡེ་ཚན་གྱི་གཙོ་བོ་བརྒྱད་གཡས་སྐོར། ལྟེ་བར་ཨཾ་ཤིན་ཏུ་ཆ་ཕྲ་བ། ཡིག་འབྲུ་ཐམས་ཅད་ཁ་དོག་དམར་པོ་གསལ་གདབ། དེ་ནས་འོག་རླུང་གཉིས་མ་རྩེ་སྤྲད་པས་རླུང་གིས་སུམ་མདོའ་མེ་བསྐུལ། གཡས་ནས་མེ་ལ་གཡོན་ནས་གཉིད་མ། དེ་ལྟེ་བའི་ཨཾ་ལ་ཕོག་ནས་ཨཾ་ལས་མེ་ཁ་དོག་དམར་ཞིང་ངོ་བོ་ཚ་བ་སོར་བཞི་ཙམ་ལ་སོགས་པར་འབར་བ་ལ་དམིགས་པ་གཏད་དེ། རླུང་ཡང་རིམ་གྱིས་ཁ་སྦྱར། ཐུན་གྲངས་དང་ཐུན་ཚད་མེད་པར་བྱ། ཡིད་འཇུག་ཡུལ་བརྟག་པ་ལ་སོགས་པ་སྔ་མ་བཞིན་བྱ། ལམ་སྦྱང་། ལྟ་བ་བསྐྱང་ཞིང་དྲོད་ཉམས་ཐམས་ཅད་བྱུང་རྒྱལ་དུ་བཏང་ངོ་། །འཁོར་ལོ་གཉིས་ལ་བརྟེན་པ་ནི། སྔར་གྱི་ལྟེ་བའི་སྟེང་དུ་སྙིང་ག་འདབ་བརྒྱད་ལ་ཡི་གེ་དགོད་པ་དང་བྲལ་བ་ལྟེ་བར་ཧཱུྃ་ཁ་དོག་སྔོ་སྐྱ་མགོ་མཐུར་ལ་བྱེད་སྙིང་འདོད། མི་འདོད། བལྟས་པ་བསམ། དེ་ནས་ཨཾ་ཧཱུྃ་གཉིས་རྩ་དབུ་མ་ཤིན་ཏུ་ཆ་ཕྲ་བས་ཟུང་སྦྲེལ་བར་བསམས་ལ། དེ་ནས་ཡང་རླུང་མ་དྲོད་ཀྱིས་བསྡུས་པའི་རྟགས་མྱུར་བས། རྩེ་སྤྲད་པས་ཨཾ་ལས་མེ་ཤིན་ཏུ་ཆ་ཕྲ་བ་ཧཱུྃ་གི་བར་དུ་འབར། ཧཱུྃ་ལས་བྱང་ཆུབ་ཀྱི་སེམས་ཆ་ཕྲ་བ་ཨཾ་གི་བར་དུ་འཛག་པས་འབར་འཛག་
― LT14_Page_023B ―
[མ་དཔེ་གཟིགས་ན་འདིར་གནོན།]
དཀར་དམར་གྱི་རྣམ་པ་ལ་བློ་གཏད་དེ་རླུང་ཡང་རིམ་གྱིས་ཁ་སྦྱར། ཐུན་ཚད་ལ་སོགས་པ་སྔ་མ་དང་འདྲ་བར་ཤེས་པར་བྱ། དེ་ལ་དྲོད་ཀྱིས་བསྡུས་པའི་མཐོང་སྣང་འབྱུང་བ་ནི་རྟགས་ལྔ་དང་། རྟགས་ཀྱི་རྟགས་ལྔ་སྟེ་བཅུའོ། །དེ་ལ་དང་པོ་གཡས་ཀྱི་དབང་དུ་བྱས་ནས་དུ་བ། ས་ལ། སྨིག་རྒྱུ། ཆུ་ཟིན་པ་ལ། སྲིན་བུ་མེ་ཁྱེར། མེ་ལས། མར་མེ་འབར་བ། ནམ་མཁའ་སྤྲིན་མེད་པ་ལྟ་བུའོ། །ནམ་མཁའ་ལས། གཡོན་གྱིས་བསྡུས་པ། ནམ་མཁའ་ནས་ལུགས་ལྡོག །མུན་ནག །འཇའ་ཚོན། གློག །ཟླ་བའི་འོད་ཟེར། ཉི་མའི་འོད་ཟེར་ལྟ་བུ་རྣམས་འབྱུང་སྟེ། མཐོང་སྣང་དང་རྨི་ཉམས་ལ་ཅི་རིགས་པའོ། །ཉམས་ཐམས་ཅད་བྱུང་རྒྱལ་དུ་བསྐྱང་ངོ་། །གསུམ་པ་འཁོར་ལོ་བཞི་ལ་བརྟེན་པ་ནི། བརྟན་ཞིང་ཐམས་ཅད་ལ་ཁྱབ་པ་ལུས་གནད་ལ་དབབ་པ་ལ་སྩོགས་པ་སྔ་མ་དང་འདྲ། དེ་ནས་ལས་བྱེད་པའི་འཁོར་ལོ་གཉིས་ཀྱང་གསལ་གདབ། དེ་ནས་ལྟེ་བའི་འཁོར་ལོ་ཕྱི་བསྐོར་འདབ་མ་དྲུག་ཅུ་རྩ་བཞི་ལ་ཨཱ་ལི་བཅུ་དྲུག་ཕྲག་གཉིས་གཡོན་སྐོར། ཧ་དང་ཀྵ་སྤངས་པའི་ཀཱ་ལི་གཡས་སྐོར། ནང་བསྐོར་འདབ་མ་བརྒྱད་སྔ་མ་དང་འདྲ་སྟེ། ཡི་གེ་ཐམས་ཅད་ཁ་དོག་དམར་པོ་མགོ་གྱེན་ལ་བལྟ་བའོ། །དེ་ནས་སྙིང་གའི་འདབ་མ་བརྒྱད་ལ་ཕྱོགས་བཞིར་བྷྲཱུཾ་སྩོགས་བཞི། ༀ་ཛཱིཾ་ཁཱཾ། མཚམས་བཞིར་མཾ་སྩོགས་བཞི། ལཱཾ་པཱཾ་ཏཱཾ། དབུས་ཀྱི་ཧཱུྃ་འདྲ། ཡི་གེ་ཐམས་ཅད་ཁ་དོག་ནག་པོ་མགོ་ཐུར་ལ་བལྟ་བའོ། །མགྲིན་པ་འདབ་མ་བཅུ་དྲུག་ལ་ཨཱ་ལི་བཅུ་དྲུག་གཡོན་སྐོར། ལྟེ་བར་ༀ་ཡིག་འབྲུ་ཐམས་ཅད་ཁ་དོག་དམར་པོ་མགོ་གྱེན་ལ་བལྟ་བའོ། །སྤྱི་བོར་འདབ་མ་སུམ་ཅུ་རྩ་གཉིས་ལ་ཨཱ་ལི་བཅུ་དྲུག་གཡོན་སྐོར། ཀ་ནས་ཏ་བརྣལ་པོའི་བར་བཅུ་དྲུག་གཡས་སྐོར། ལྟེ་བ་ལ་ཧཾ། ཡིག་འབྲུ་ཐམས་ཅད་ཁ་དོག་དཀར་པོ་མགོ་ཐུར་ལ་བལྟ་བའོ། །དེ་ནས་རླུང་མེ་མ་དང་གཉིད་མ་གཉིས་རྩེ་སྤྲད་པས་སུམ་མདོའ་མེ་སྦར། ལྟེ་བའི་ཨཾ་ལ་ཕོག་པས་རླུང་དྲོད་ཀྱི་རང་བཞིན་ཅན་དེ་གཡས་རོ་མ་ནས་སོང་སྙིང་གའི་ཡིག་འབྲུའི་ཁམས་རྣམས་
― LT14_Page_024A ―
[མ་དཔེ་གཟིགས་ན་འདིར་གནོན།]
བསྲེགས། ཡང་རེ་མ་ནས་སོང་མགྲིན་པའི་ཡིག་འབྲུའི་ཁམས་རྣམས་བསྲེགས། ཡང་རོ་མ་ནས་སོང་སྟེ་སྤྱི་གཙུག་གི་ཧཾ་འོད་དུ་ཞུ་ནས། གཡོན་རྐྱང་མ་ནས་བབས་མགྲིན་པའི་ཡིག་འབྲུ་རྣམས་སྔར་བཞིན་གསོས་བཏབ་རྒྱས་པར་བྱ། ཡང་རྐྱང་མ་ནས་སོང་སྙིང་གའི་ཡིག་འབྲུ་རྣམས་གསོས་བཏབ་ཅིང་རྒྱས་པར་བྱ། ཡང་རྐྱང་མ་ནས་སོང་སྟེ་ལྟེ་བའི་ཨཾ་ལ་ཕོག་སྟེ་ཨཾ་ཆེར་འབར་ཏེ་དབུ་མ་ཉིད་ཅུང་ཟད་ཁ་ཕྱེ་ནས་གློག་གི་ཟེར་མའི་ཚུལ་གྱི་དབུ་མ་ནས་སོང་སྟེ་སྙིང་གའི་ཧཱུྃ་དང་མགྲིན་པའི་ཨཾ་གཉིས་ཀྱང་ཞེན་ཐོགས་མེད་པར་བཅོམ་སྟེ། རེག་པ་ཙམ་ལས་ཧཾ་ལས་བདུད་རྩིའི་རྒྱུན་ཆ་ཕྲ་བ་དབུ་མ་ཉིད་ལས་བབས། ཨཾ་དེ་རིམ་གྱིས་མར་བདས་ནས་མགྲིན་པ་ནས་ལྟེ་བའི་སྟེང་སོར་བཞི་ཙམ་དུ་ཡིད་ཡུལ་གང་བྱུང་པ་དེར་འབར་འཛག་ལ་དམིག་པ་ལ་རླུང་རན་ཚད་དུ་ཁ་སྦྱར། ཉམས་ཐམས་ཅད་བྱུང་རྒྱལ་དུ་བསྐྱང་། ལྷག་མ་སྔ་མ་བཞིན་ནོ། །མན་ངག་གི་གནད་ལ་བརྟན་པ་ནི། ལུས་ཙོག་པུར་གནད་ལ་ཕབ་ལ་བསམ་གཏན་གྱི་ཡན་ལག་གཞན་ཡང་རང་གང་འདོད། འདྲ་བར་བྱ། དེ་ནས་རང་གི་ལུས་ཁོང་སྟོང་དུ་དམིགས་ལ་མེ་དམར་སྐྱས་ལུས་ཀྱི་ནང་གང་བར་བསམ། རླུང་གྲངས་ཅན་དང་གྲངས་མེད་ཉི་ཤུ་རྩ་བཞིར་བྱ། རླུང་གི་སྦྱོར་བས་ཐུན་ཚད་བཟུང་། ཟས་དང་སྤྱོད་ལམ་གྱི་ལྕག་གིས་བསྐུལ། ཉམས་ཐམས་ཅད་བྱུང་རྒྱལ་དུ་བསྐྱང་། ཐུན་བཞིའི་ངེས་པར་བྱ། རབ་ཞག་གསུམ། ཉམས་མྱུར་བ། འབྲིང་ལྔ། དེ་བས་བུལ། ཐ་མ་དགུ་ན་དམིགས་པ་འཕོ། །ཉམས་སྐྱེ་དཀའ་དེ་ནས་རྐང་མཐིལ་གཉིས་སུ་རཾ་དམར་ནག་བསམ། དེ་ནས་མེ་འབར་ལོང་བུའི་རྩ་ནས་སོང་བརླའི་རྩ་བོ་ཆེ་ནས་ཞུགས། གསང་གནས་སུ་འཛོམ། རྣོ་བ། རྩེ་མོ། མྱུར་བ། གཡོ་དྲག་པ། ཚ་བ་གཉིས་པ་མེ་འབར་བའི་དམིགས་པ། རྩུབ་པའི་མེ་སྟག་མེ་ལ་དམིགས་པ་གཏད། གཞན་ཐམས་ཅད་ཚུལ་སྔ་མ་བཞིན། ཐིག་ལེའི་གཉིས་པོ།
― LT14_Page_024B ―
[མ་དཔེ་གཟིགས་ན་འདིར་གནོན།]
འཐབ་མོ་ཚུལ་སྔ་མ་བཞིན། འཁོར་ལོའ་དམིགས་པ་ཚུལ་སྔ་མ་བཞིན། རྩེ་མ་ན་ཐིག་ལེ་བཞི་བརྩེགས་པ་ན་མེ་སྐེར་བུ་བཞི། དེ་ལས་ལྔ་པ་ཐམས་ཅད་དུ་མེ་འབར་བ་ཚུལ་མཐོ་གང་དུ་སྔ་མ་བཞིན། དེ་ལས་མེ་དྲུག་ཆེར་འབར་བ་ཚུལ་སྔ་མ་རླུང་བཞིན་དེ་ལས་ཐམས་ཅད་མེ་འབར་བ་ཚུལ་སྔ་མ་བཞིན་ཏེ། ཐམས་ཅད་ལ་ཉམས་བྱུང་རྒྱལ་དུ་བསྐྱང་ངོ་། །ལྟ་བ་རང་བྱུང་གི་ཡེ་ཤེས་བཞི་ནི་ཉོན་མོངས་ཡུལ་རྐྱེན་ལ་མ་ལྟོས་པར། པ་ལྔ་རང་བྱུང་གི་ཏིང་ངེ་འཛིན་བདུན་པ་ལུས་ཀྱི་ནང་ཐམས་ཅད་རྣམ་པར་རྟོག་པ་རང་བྱུང་གི་སྐྱེ་བ།ཏིང་ངེ་འཛིན། ཅུང་མི་གསལ། སྣེལ་ཞི་རང་བྱུང་གི་ཏིང་ངེ་འཛིན། གསལ་ཞིང་ཡངས་པ་རང་བྱུང་གི་ཡེ་ཤེས་ཆེན་པོའི་ཏིང་ངེ་འཛིན། གསལ་སྟོང་མཆོག གྲུབ་མཐའ་མ་འདྲེས་ལ་སོངས་སུ་རྫོགས་པ་ནི། ཐ་སྙད་སྣ་ཚོགས། ས་གཞི་ལ་རིགས་དྲུག་གི་སྐད་ཤེས་དེ་དག་གི་སྐད་དུ་ཆོས་སྟོན། ཨཱ་ལི་ཀཱ་ལི་ལ་དབང་ཐོབ། ཚིག་དེ་ལས་བྱུང་བ།གི་མཆོག་གྲུབ། ཅིང་བརྗོད་པ་ལྟར་འབྱུང་བ། ཐ་སྙད་ལ་སོ་སྡེ་སྣོད་གསུམ་སོགས་ཤེས། སོ་ཡང་དག་པ་རིག་པ་ཆོས་དོན་ངེས་ཚིག་སྤོབས་པ།བཞི་ལ་དབང་ཐོབ་པ། ཚངས་པའི་དབྱངས་སུ་གྱུར་པ་ལ་སོགས་པ་ཡོན་ཏན་རྒྱུད་ལ་འཆར་རོ། །གྲུབ་མཐའ་མ་སྙོགས་ན་འདའ་ཀ་མ་འོད་གསལ་བ་ནི། འཆི་ཁའི་རླུང་གིས་རྐྱེན་བྱས་ནས་རླུང་ཐམས་ཅད་དབུ་མར་ཞུགས་ཏེ་སྟོང་གསལ་མཆོག་གི་ཏིང་ངེ་འཛིན་སྐྱེ། རང་གི་ངང་གིས། དེ་སྔར་གྱི་རང་བྱུང་གི་ཡེ་ཤེས་ཀྱི་ཏིང་ངེ་འཛིན་དང་འདྲེས་ནས་བར་དོ་མེད་པར་གྲུབ་མཐའ་སྙོགས་པའམ། རིག་པ་འཛིན་པ་ལ་སོགས་པར་འགྱུར་རོ། །འབྲས་བུ་ལོངས་སྤྱོད་རྫོགས་པའི་སྐུ་རང་འཕོ་བས་བཞིན་གྱི་ལྷུན་གྲུབ་ནི་འབྲས་བུའི་སྐབས་ཉིད་དུ་འཆད་པར་འགྱུར་བས་འདིར་མ་བརྗོད་དོ། །གསང་དབང་གི་ལྔའོ། །ཤེས་རབ་ཡེ་ཤེས་ཀྱི་ལྔ་ལ། ལམ་དཀྱིལ་འཁོར་འཁོར་ལོ་ཐབས་ཀྱི་ལམ། ལྟ་བ་ལྷན་ཅིག་སྐྱེས་པའི་ཡེ་ཤེས་དགའ་བ་བཞི། གྲུབ་མཐའ་བདེ་སྟོང་རྒྱ་ཆུང་བ། འདའ་ཀ་མ་ནམ་འཆི་ཚེ་རྡོ་རྗེ་སེམས་དཔའ་བྱོན་
― LT14_Page_025A ―
[མ་དཔེ་གཟིགས་ན་འདིར་གནོན།]
པར་འགྱུར་བ། འབྲས་བུ་ཆོས་ཀྱི་སྐུ་རང་བཞིན་གྱི་ལྷུན་གྲུབ་སྟེ་ལྔའོ། །དེ་ལ་དང་པོ་ལམ་ལ་གཉིས། རྒྱས་པ་དང་། བསྡུས་པའོ། །རྒྱས་པ་ལ་ལྔ། ལུས་ངག་མཉམ་པ། འདོད་པ་མཉམ་པ། བྱིན་རླབས་མཉམ་པ། རིག་མ་དག་པ། མན་ངག་གི་གནད་ཀྱིས་ཟིན་བསྟན་པའོ། །དེ་བཤད་པ་ལ་དང་པོ་ལུས་ངག་མཉམ་པ་ནི། ལུས་མཉམ་པ་བདག་དང་ཕྱག་རྒྱ་གཉིས་པོ་ཡན་ལག་བཞིའམ། དམ་ཚིག་པ་སྐྱེད་པ། ཡེ་ཤེས་པ་གཞུག་པ། སྐུ་གསུང་ཐུགས་བྱིན་གྱིས་རླབས་པ་དབང་བསྐུར་བཞི། སྐད་ཅིག་གིས་ལྷར་བསྒོམ་པར་མཉམ། ངག་རྩ་སྔགས་ལ་སོགས་པ་ཟློས་པར་མཉམ་པ་སྟེ། ལུང་བརྟག་པ་གཉིས་པ་ལས་ཀྱང་ལྷ་ཡིག་གཟུགས་ཀྱི་སེམས་དང་བསྟན་བཤད་པ་ནི། །དམ་ཚིག་སེམས་དང་གཅིག་པ་སྟེ། འདིས་སྤྲུལ་སྐུ་སློབ་ཅེས་འབྱུང་ངོ་། །འདོད་པ་མཉམ་པ་ནི། བདག་རིག་མ་ལ་བརྟེན་ནས་ལྷན་ཐ་མར་རྣམ་རྟོག་ཡལ་ཅིག་སྐྱེས་པའི་ཡེ་ཤེས་མངོན་དུ་བྱས་ཏེ་རྫོགས་པའི་བྱང་ཆུབ་འདོད། རིག་མའང་བདག་ལ་བརྟེན་ནས་དེ་བཞིན་དུ་འདོད་པ་སྟེ། རྫོགས་པའི་བྱང་ཆུབ་འདོད་པར་མཉམ་པའོ། །བྱིན་རླབས་མཉམ་པ་ནི། མཁའ་གསང་ཡུམ་གྱི་བསྣོལ་མར་བྱིན་གྱིས་བརླབ་པ་སྟེ། ཡབ་ཀྱིས་ཡུམ་གྱི་ཐ་མལ་པས་སྟོང་མཁའ་མི་དམིགས་ཏེ་སྟོང་པ་ལས། ཨ་ལས་པདྨ་དམར་པོ་འདབ་མ་བརྒྱད་པའི་ཟེའུ་འབྲུ་ལ་ཨས་བྱིན་གྱིས་བརླབས་པར་བསམ། ཡུམ་གྱིས་ཡབ་ཀྱི་གསང་བའི་གནས་ཐ་མལ་པས་སྟོང་། མི་དམིགས་ཏེ་སྟོང་པ་ལས་ཧཱུྃ་ལས་རྡོ་རྗེ་སྔོན་པོ་རྩེ་མོ་ལྔ་པ་ལྟེ་བ་ལ་ཧཱུྃ་གིས་མཚན་པའི་སྦུ་གུར་ཕཊ་དམར་ནག་མགོ་གྱེན་ལ་བལྟ་བ། ནོར་བུ་མུ་ཏིག་གི་ཕྲེང་བའི་འོད་ༀ་གྱིས་བྱིན་གྱིས་རླབས། སྭཱ་ལས་རིན་པོ་ཆེའི་ཏོག་རྭ་དབུ་མའི་རྩེ་རིག་མ་དག་པ་ནི། སྐྱེ་བས་ཐོབ་པའི་རིག་མ་དག་པ། སྦྱངས་པ་ལས་བྱུང་བའི་རིག་མ་དག་པའོ། །དང་པོ་ལ་ལྔ། རི་དྭགས་ཅན་མ། དུང་ཅན་མ། གླང་པོ་ཅན་མ། རི་མོ་ཅན་མ། སྣ་ཚོགས་ཅན་མའོ། །འདི་དག་གི་མཚན་ཉིད་བླ་མའི་ཞལ་ལས་ལེགས་པར་ཁོང་ལོགས་སུ་ཤེས་དུ་ཚུད་པར་བྱའོ། །སྦྱངས་པ་ལས་བྱུང་བ་ལ་གསུམ། ཐོས་བསམ་དང་བསླབ་ལྟ་བ་དང་སྤྱོད་པ་ཐམས་ཅད་
― LT14_Page_025B ―
[མ་དཔེ་གཟིགས་ན་འདིར་གནོན།]
སོ་སོར་ཐར་པའི་སྡོམ་པ། བྱང་ཆུབ་སེམས་དཔའི་སྡོམ་པ། ཕས་རྒྱུད་ཡོངས་སུ་དག་པ། དབང་གི་དག་པ། རྣལ་འབྱོར་གྱི་ཏིང་ངེ་འཛིན་གྱི་དག་པའོ། །རིམ་པ་གཉིས་ལ་གནས། དེ་ལྟར་ན་དང་པོ་རིག་མ་དག་པ་འབྱུང་། དེ་ནས་ལུས་ངག་མཉམ་པར་སྤྲུལ་པའི་སྐུར་བྱིན་གྱིས་རླབས་པ་འབྱུང་། དེ་ལྟར་སྐུ་གསུམ་ལམ་དུ་བྱེད། དེ་ནས་བྱིན་རླབས་མཉམ་པ་ལོངས་སྤྱོད་རྫོགས་པའི་སྐུར་བྱིན་གྱིས་རླབས་པ་འབྱུང་བཞི་རྫོགས། དེ་ནས་འདོད་པ་མཉམ་པ་ཆོས་ཀྱི་སྐུར་བྱིན་གྱིས་རླབས་པ་འབྱུང་ངོ་། །ལྔ་པ་མན་ངག་གི་གནད་ཀྱིས་ཟིན་པ་ལའང་ལྔ་སྟེ། དགའ་བ་སྐྱེ་བའི་གོང་མ། དང་པོར་དབབ། དེ་ནས་བཟུང་། དེ་ནས་ལྡོག །དེ་ནས་ཁྱབ་པར་བྱ། མཐར་མི་ཉམས་པར་བསྲུང་ངོ་། །དེ་ལ་དང་པོ་ནི། རྟེན་ཡོངས་སུ་དག་པ། དེ་ལ་ཉེ་རིང་རན་པར་བྱས་ལ་དེའི་གཟུགས་ལ་ལྟ་ཞིང་དེས་འདོད་ཆགས་ཀྱི་མེ་འབར་བས་ཐིག་ལེ་དབབ། བདེ་བ་བསྒོམ། བགྲད་པའི་མཐས་བསྲུང་། གསང་ཐུབ་པར་བྱ། དེ་བཞིན་སྒྲ་ལ་ཉན་དྲི་ལ་སྣོམས་རོལ་སྣང་དུ་ལུས་ཀྱི་གནས་ཅི་རིགས་པ་ལ་རེག་པར་བྱ་བའི་བར་དུ་འདོད་ཆགས་ཀྱི་མེ་འབར་བས་ཐིག་ལེ་དབབ། བདེ་བ་བསྒོམ། བགྲད་པའི་མཐས་བསྲུང་། ལག་གཉིས་བསྣོལ་ཏེ་མིག་གཉིས་སྟེང་དུ་བགྲད་པ། སྙོམས་འཇུག་སྤང་བ། གསང་ཐུབ་པར་བྱ། དེ་ཐམས་ཅད་ལ་ཉམས་ཅི་སྐྱེས་བྱུང་རྒྱལ་དུ་བསྐྱང་། བདེ་བ་དང་མི་རྟོག་པ་དེ་ལྟར་ཐིག་ལེ་དབབ་ཅིང་སྤེལ། མང་དུ། སྤེལ་མི་ཉམས་པར་ཞིང་གཟུང་གཟུང་ཞིང་རིམ་གྱིས་ལྡོག །ཅེས་བྱ་བ་གསུམ་འབྲེལ་བ་ཅན་དུ་འབྱུང་སྟེ། སྐད་ཅིག་དང་པོ་དང་ལ་དགའ་བའི་ཡེ་ཤེས་སོ། །བྱ་བ་མང་བདེ་བ་སྟེ། དེ་ནས་པོ་ལ་དང་ཀཀྐོ་ལ་མཉམ་པར་སྦྱར་ཞིང་འདོད་ཆགས་ཀྱིས་མེས་ཐིག་ལེ་དབབ། བདེ་བ་བསྒོམ། བགྲད་པའི་མཐའ་འགྱུར་པས་བསྲུང་། གསང་ཐུབ་པར་བྱ། སྐད་ཅིག་གཉིས་པ་ལ། རྩ་བ་ཉུང་བ་དེ་བ་ཆེ་མཆོག་དགའི་ཡེ་ཤེས་སོ། །དེ་གཉིས་ནི་ཐིག་ལེ་དབབ་ཅིང་བདེ་ཤུགས་ཆེ་བས་ཐིག་ལེ་འབར་བའི་དྲོད་
― LT14_Page_026A ―
[མ་དཔེ་གཟིགས་ན་འདིར་གནོན།]
ཅེས་བྱའོ། །དེ་ནས་བསྲུང་བ་ན་བདེ་བ་དང་། མི་རྟོག་པ་དང་ལྡན་པ་འབྱུང་སྟེ། སྔ་མ་བཞིན་ཐིག་ལེ་དབབ་ཅིང་བདེ་བ་དང་མི་རྟོག་པ་དེ་བསྒོམ། བགྲད་པའི་མཐས་བསྲུང་། གསང་ཐུབ་པར་བྱ་བ་གཉིས་གཅེས། ཐིག་ལེ་ཉམས་པ་བསྲུང་། སྐད་ཅིག་གསུམ་པ་ལ་དགའ་བྲལ་གྱི་དགའ་བ་ཐིག་ལེ་གཡོ་ཅུང་ཟད་གྱེན་ལ་བའི་དྲོད་ཅེས་ཀྱང་བྱའོ། །དེ་ཙམ་ན་ཐིག་ལེ་བཟུང་དཀའ་བར་གྱུར་ན་སྟེང་རླུང་རྣམ་པར་འགོག་པའམ། འགྱུར་བ་རྣམ་པ་དྲུག་ལ་སོགས་པས་འདིར་ཐིག་ལེ་བསྲུང་། བསྲུང་བ་སླ་ན་སྐད་ཅིག་མ་བཞི་པ་ལ་བསྲུང་ངོ་། །དེ་ཙམ་ན་སྲིན་པོའི་ལམ་བེམ་བེམ་བྱེད་པ། ལྕི་ཡོར་ཡོར་བྱེད་པ། བདེ་ཤུགས་ཀྱིས་ཙུབ་ཙུབ་བྱེད་པ། དྲི་ཆེན་དང་དྲི་ཆུ་ལ་སོགས་པ་ཡང་རེས་མི་ཐོན། རེས་ཐོན། སྐྲ་རྩེ་སེང་བྱེད་པ། བདེ་བ་མི་ཟད་པ།གཡལ་དང་མཆིལ་མ་ཅི་རིགས་པ་འབྱུང་པའི་ཚེ་ཐིག་ལེ་ཟིན་པ་ཡིན་ནོ། །སྦྲིད་པ་ལྟ་བུ་དེ་ཙམ་ན་རྟེན་ཡོངས་སུ་དག་པད་ཅན་མའི་སྐབས་སུ་འབྱུང་སྟེ་སྒ་གཏད་པ་ལ་སོགས་པ་ཐིག་ལེ་ཟིན་པ་པའི་རྩ་བཙལ། བྱིན་གྱིས་རླབས་པ་གསུམ་སྔོན་དུ་སོང་བས་རྡོ་རྗེ་དང་པདྨ་གཉིས་ཁ་སྦྱོར། རྩ་གཉིས་དབུ་མ་གཉིས་ཁ་སྦྱོར་ཐིག་ལེ་ཉི་ཟླ། གཉིས་ཁ་སྦྱོར། རླུང་ཐུར་སེར་གྱིས་གཉིས་ཁ་སྦྱོར་དུ་གྱུར་པས་བདེ་བ་དང་སྟོང་པ་ཟུང་དུ་ཆུད་ཅིང་། བདེ་བ་ངོས་གཟུང་དང་བྲལ་བར་ཏིང་ངེ་འཛིན་སྐྱེ་སྟེ། འདིར་ཡང་ཏིང་ངེ་འཛིན་དེ་བསྐྱང་། བགྲདབགྲོད་པའི་མཐའ་ལ་སོགས་པས་བསྲུང་། གསང་ཐུབ་པར་བྱ་བ་གཉིས་པ་ཐིག་ལེ་ཐུབ་པར་བྱ་གཅེས། དེ་ལས་འགྱུར་བ་དྲུག་གིས་བསྲུང་ན། རྒྱ་མཚོ་རི་རབ་ལ་སྐམ། ལྟེ་བ་སྒལ་པ་ལ་གཅེར་བ་གླིང་བཞི་དབང་དུ་བསྡུས། ཡན་ལག་བཞི་བསྐུམ་པ། རོ་འཛིན་རང་གི་གནས་སུ་སྦྱར། ལྕེ་རྐན་ལ་སྦྱར། དབང་པོའི་མཆོག་སྟེང་དུ་བཞག །མིག་བགྲད་པ་ངག་སྟོབས་ཀྱི་ཧཱུྃ་དྲག་ལ་རིང་བར་དྲང་ཏིང་ངེ་འཛིན་ཧཱུྃ་ཕཊ་ཀྱིས་ཧཱུྃ་གིས་ཕཊ་དྲངས་ཕཊ་ཀྱིས་ཧཱུྃ་ཕུལ་བ་མདའ་གཞུས། འཕངས་ཏེ་བཟློགས་ལ་དེ་ནས་རླུང་གི་སྐེ་རགས་བཅིང་། ཞགས་པ་
― LT14_Page_026B ―
[མ་དཔེ་གཟིགས་ན་འདིར་གནོན།]
འཕངས། ལུས་གཏུན་ཤིང་གི་འཁོར་ལོ་ལྟར་བསྐོར། བུ་ཆུང་གི་སྤྱོད་ལམ་ལྟར་བྱས་པས་ལུས་ཐམས་ཅད་ལ་ཁྱབ་པར་བྱའོ། །སྐད་ཅིག་བཞི་པ་ལ་ལྷན་ཅིག་སྐྱེས་པའི་དགའ་བ། རྩ་གནས་སུ་ཁྲེམས་ཏེ་ཉམས་ཐིག་ལེ་བརྟན་པའི་དྲོད་ཅེས་ཀྱང་བྱ་བའོ། །མི་ཉམས་པར་བསྲུང་བ་རྣམ་པ་དྲུག་ནི་འོག་ཏུ་ཐིག་ལེ་འཛག་པ་བསྲུང་བའི་སྐབས་སུ་འབྱུང་བས་འདིར་མི་བརྗོད་དོ། །ལམ་བསྡུས་ལ་ནི། ལུས་ཀྱི་སྤྱོད་ལམ་ཙོག་པུ་ལྡན་བྱས་ནས། །ལག་གཡས་ཉི་མ་གཡོན་པ་ཟླ། །པུས་མོ་གཉིས་ལ་བསྣོལ་མར་འདི་ལག་ལེན་བཞིན་བྱ། དགབ། །ཧུ་རིང་ཧུ་ཐུང་མདུན་དུ་རྒྱུ། །གཡས་གཡོན་དག་ཏུ་གསུམ་གསུམ་སྟེ། །འབུད་པ་གསུམ་དང་རྔུབ་པ་གསུམ། །འཁོར་བ་དག་ཏུ་སྦྱར་བར་ཡང་བསྐྱར་ལ་བྱ་བ་བྱ། །ཉི་མ་དག་ནི་གསུམ་པ་ན། ཐ་མས་ཀྱང་། བར་དྲན་ལ། སྦ་རྗེས་རབ་རླུང་སྟོབས་ཆེན་ཉི་མ་ཕྱེད་སོགས་ཙམ་ལ་སྦ་བ་ནུབ།བ་སྦུབས་སུ་ནུབ་པར་འགྱུར། །སྦྱོར་བའོ། ངག་ཏུ། དངོས་གཞི་ལ། བྱིན་མཉམ་པ་གསུམ་གྱིས་རླབས་སོགས་བྱས་ནས་ནི། །སྲིན་པའི་དབུས་དང་གཡས་དང་གཡོན་དང་གསུམ་མཉམ། ལམ་བདེ་བ་སྐྱེས་ནས་ཐིག་ལེ་བཟུང་བའི་ཕྱིར་ནི་ཅུང་ཟད་བསྡམ། །གུང་མཛུབ་གཉིས་ནི་དྲག་ཏུ་གཞིག །མིག་གཉིས་སྟེང་དུ་བགྲད་པར་བྱ། །འདིས་ལུས་ཀྱི་གནད་གསུམ་ནི་ཐིག་ལེ་ཟིན་པར་འགྱུར། །ཡང་ངག་བྷ་ཞིག་།ན་ཧ་ཧལ་དྲག་ཏུ་བརྗོད། །ལུས་ཀྱི་སྟེང་རླུང་འགོག་པ་འཁྲུལ་འཁོར་གཞན་ཡང་བྱ། །འདིས་ཀྱང་ཐིག་ལེ་ཟིན་དེ་ཡན་ཆད་ཀྱིས་དབབ་བཟུང་གཉིས་བསྟན། པར་འགྱུར། བཅད་པ་ལ། གླང་ཆེན་ཧིཀ་དང་སྟག་མོ་ཧཱུྃ་ཧཱུྃ་ངུར། །གཅན་གཟན་སྐྱུག ཧག་དང་ཝ་ཧིག་།ལྟར་སྣོམས། །ལྟེ་བ་སྙིང་ག་མགྲིན་པ་དང་། །སྤྱི་གཙུག་དག་ཏུ་རིམ་གྱིས་དྲོངས། དེ་དག་ཏུ་ཤེས་པ་གཏད་རྣམ་གྲོལ་ལག་ལེན་བཞིན་ཧིང་ཧིང་རྒྱ་ཡིས་ལུས་ལ་དགྲམ། དེ་ལ་མི་མཁས་པ་བཞི་འབྱུང་སྟེ། དབབ་པ་སྙོམས་འཇུག་ལ་སྐམ་ན། ལ་མ་མཁས་ན་ཐིག་པ་མྱུར་ཏུ་ཉམས། བཟུང་བ་ལ་མ་མཁས་
― LT14_Page_027A ―
[མ་དཔེ་གཟིགས་ན་འདིར་གནོན།]
ན་སྡས་པས་བདེ་བ་ཡུན་ཐུང་། བཟློག་བཞི་པོ་མ་ཤེས་པ་པ་ལ་མ་མཁས་ན་ཆུ་དང་སྡོང་། དགྲམ་རྣམ་གྲོལ་རྒྱ་སོགས་པ་ལ་མ་མཁས་ན་ནད་དུ་འགྱུར་རོ། །དེ་ལ་གཉེན་པོ་མཁས་པ་བཞི་འཇུག་སྟེ། དབབ་པ་དལ་བུས་སྤྱོད་པ་ལ་མཁས་པ་རུ་སྦལ་གྱི་འགྲོས། གཟུང་བ་ལ་མཁས་པ་ལུས་ངག་གི་སྲིན་པོའི་ལམ་བསྡམས་སོགས་འགྱུར་བ་གསུམ་དང་གཅིག །བཟློག་པ་ལ་མཁས་གླང་ཆེན་ཧིང་སོགས་པ་དུད་འགྲོའི་འགྱུར་བ་བཞི། ཁྱགཁྱབ་པར་བྱ་བ་ལ་མཁས་པ་རྣམ་གྲོལ་གྱི་ཕྱག་རྒྱའོ། །གཞན་རླུང་གི་སྐེ་རགས་བཅིང་པ་ལ་སོགས་པ་ནི་ལམ་རྒྱས་པ་བཞིན་ནོ། །རེ་ཞིག་ལམ་བསྟན་ཟིན་ཏོ། །ལྟ་བ་ལྷན་ཅིག་སྐྱེས་པའི་ཡེ་ཤེས་དགའ་བ་བཞི་ནི། གོ་རིམ་ལ་ལྟོས་པའི་དགའ་བ་བཞི། གནས་ལ་ལྟོས་པའི་དགའ་བ་བཞི། སྤང་བྱ་ལ་ལྟོས་པའི་དགའ་བ་བཞི། རང་གི་ངོ་བོ་ལ་ལྟོས་པའི་དགའ་བ་བཞིའོ། །དེ་ལ་དང་པོ་གོ་རིམ་ལ་ལྟོས་པའི་དགའ་བ་བཞི་ནི། ལམ་སྦྱོང་བའི་སྐབས་ཉིད་དུ་བསྟན་པས་ལོགས་ཤིག་ཏུ་མ་བརྗོད་དོ། །གཉིས་པ་གནས་ལ་ལྟོས་པ་ལ་གཉིས། །ཕྱི་གནས་ལ་ལྟོས་པ་དང་། ནང་གནས་ལ་ལྟོས་པའོ། །དེ་ལ་དང་པོ་ནི་ལུས་ཀྱི་གནས་ཁོལ་བུར་སྐྱེས་ན་དགའ་བ། ལུས་གནས་ཕལ་ཆེར་ལ་སྐྱེས་ན་མཆོག་དགའ། ལུས་ཐམས་ཅད་ལ་ཁྱབ་པར་སྐྱེས་ན་དགའ་བྲལ། སྣང་བའི་དངོས་པོ་ཐམས་ཅད་ལུང་ལས་བདེ་བར་ཤར་ན་ལྷན་སྐྱེས་སོ། །གཉིས་པ་སྤྱི་བོ་ནས་མགྲིན་པའི་ཉམས་མྱོང་ཅི་སྐྱེས་ཀྱང་བར་དགའ་བ། མགྲིན་པ་ནས་སྙིང་གའི་བར་མཆོག་དགའ། སྙིང་ག་ནས་ལྟེ་བའི་བར་དགའ་བྲལ། ལྟེ་བ་ནས་གསང་གནས་ཀྱི་བར་དུ་ལྷན་སྐྱེས་སོ། །གསུམ་པ་སྤང་བྱ་ལ་བདེ་བ་རྒྱུ་དང་མི་རྒྱུ་ཀུན་སོགས་ལྟོས་པ་ན། གཟུང་འཛིན་གྱི་རྣམ་པར་རྟོག་དང་པོ་དགའ་བ་འགྲོ་བའི་གཟུགས་ལ་སོགས་པ་རགས་རིམ་འགོག་པ་དགའ་བ། བདག་གི་རྣམ་རྟོག་རགས་རིམ་འགོག་པས་མཆོག་
― LT14_Page_027B ―
[མ་དཔེ་གཟིགས་ན་འདིར་གནོན།]
དགའ། ཕྱག་རྒྱའི་རྣམ་པར་རྟོག་པ་རགས་རིམ་འགོག་པས་དགའ་བྲལ། དགའ་བྲལ་གྱི་རྣམ་པར་རྟོག་པ་འགོག་པས་ལྷན་སྐྱེས་སོ། །བཞི་པ་ངོ་བོ་ནི། བདེ་བའི་ཉམས་མྱོང་ཆུང་བས་དགའ་བ། བདེ་བ་ཆེར་འབར་བ་མཆོག་དགའ། བདེ་བ་ནི་རྟོག་པ་དང་ལྡན་པ་དགའ་བྲལ། བདེ་བ་སྟོང་པ་དང་གཉིས་སུ་མེད་པ་ལྷན་ཅིག་སྐྱེས་པའི་བྱང་ཆུབ་བརྗོད། ཅེས་འབྱུང་ལྷན་སྐྱེས་སོ། །ལུང་དང་ཡང་གསུམ་པོ་སྤང་བ་ཉིད་ཕྱིར་སྦྱར་བར་དེ་ལྟ་བས་ན་སྦྱོར་ལམ་དྲོད་སྟོན་བྱའོ། །གྲུབ་མཐའ་བདེ་སྟོང་རྒྱ་ཆུང་བ་ནི། མྱ་ངན་ལས་ལོ་ཀ་ལས་འདས་པའི་ལམ་འདས་པའི་ཆོས་ལ་སོགས་པ་ཅི་རིགས་པ་རྣམས་བདེ་སྟོང་དུ་རྟོགས་པ་འབྱུང་སྟེ། ས་བཅུ་གཅིག་པ་དང་བཅུ་གཉིས་པ་ལའོ། །གྲུབ་མཐའ་མ་སྙོགས་ན་འདའ་ཀ་མ་ནམ་འཆི་བའི་ཚེ་རྡོ་རྗེ་སེམས་དཔའ་བྱོན་པར་འགྱུར་བ་ནི། འཆི་བའི་རླུང་གིས་རྐྱེན་བྱས་ནས་རྩ་མདུད་རྣམས་དྲལ་ཏེ། སེམས་ཀྱི་རྟེན་ཁམས་ཐིག་ལེ་རིམ་གྱིས་ལྷན་ཅིག་ཏུ་འཚོགས་ཏེ་དབུ་མར་ཡང་ཅུང་ཟད་ཞུགས་པས་འཆི་ཁར་བདེ་སྟོང་མཆོག་སྐྱེ་སྟེ། རྡོ་རྗེ་ནི་སྟོང་པ། སེམས་དཔའ་ནི་བདེ་བ། དེ་སྔར་གྱི་བདེ་སྟོང་གི་ལྟ་བ་དང་འདྲེས་ནས་བར་དོ་མེད་པར་གྲུབ་མཐའ་སྙོགས་པ་ལ་སོགས་པར་འགྱུར་རོ། །འབྲས་བུ་ཆོས་ཀྱི་སྐུ་ནི་འབྲས་བུའི་སྐབས་ཉིད་དུ་འཆད་པར་འགྱུར་བས་འདིར་མ་བརྗོད་དོ། །ཤེས་རབ་ཡེ་ཤེས་ཀྱི་ལྔའོ། །དབང་བཞི་པའི་ལྔ་ལ། ལམ་རྡོ་རྗེ་རྦ་རླབས་གསུམ། ལྟ་བ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་ལས་བརྟེན་པའི་དགའ་བ་བཞི། གྲུབ་མཐའ་བདེ་སྟོང་རྒྱ་ཆེ་བ། འདའ་ཀ་མ་ཕྱག་རྒྱ་ཆེན་པོ་ནས་འཕོ་བ། འབྲས་བུ་ངོ་བོ་ཉིད་ཀྱི་སྐུ་རང་བཞིན་གྱིས་ལྷུན་གྲུབ་སྟེ་ལྔའོ། །དེ་ལ་དང་པོ་ནི། ལུས་སྦྱང་བ་ལ་སོགས་པ་སྔོན་དུ་སོང་ནས། བསམ་གཏན་གྱི་ཡན་ལག་དགུ་རྣམས་ཚང་བར་བྱས་ཏེ། སྲོག་དང་རྩོལ་བ་རླུང་གཞན་ལ་སོགས་པ་སྔོན་དུ་སོང་ནས། འོག་རླུང་བསྐྱོད་པ་རླུང་ཁ་སྦྱོར་བ་ལུས་ཀྱི་རྦ་རླབས། དེ་ནས་ངག
― LT14_Page_028A ―
[མ་དཔེ་གཟིགས་ན་འདིར་གནོན།]
གི་རྦ་རླབས། ཞི་དྲག་གཉིས་དེ་ནས་ཏིང་ངེ་འཛིན་སེམས་ཀྱི་རྦ་རླབས་བསྒོམ་སྟེ། དེ་ཡང་པད་ཅན་མ་དངོས་སམ། ཡེ་ཤེས་ཀྱི་ཕྱག་རྒྱ་འབྲིང་ལ་བརྟེན་ནས་ལམ་སྦྱང་བ་ལ། དེ་ལ་གསུམ་ཐབས་རྒྱུད་དག་པར་བྱ་བ། དེ་ནས་ཤེས་རབ་ཀྱི་རྒྱུད་དག་པར་བྱ་བ། དེ་ནས་གཉིས་ཀའི་རྒྱུད་སོ་སོར་དག་པར་བྱའོ། །དེ་ཡང་ལུས་ངག་མཉམ་སྐུ་གསུམ་ལམ་དུ་བྱེད་པ་པ་ལ་སོགས་པ་རབ། གསུམ་དབང་གསུམ་པའི་ལམ་དང་འདྲ་བར་བྱས་ལ། དེ་ནས་སྐད་ཅིག་གི་ཐབས་ཤེས་རབ་སྙོམས་པར་ཞུགས་པ་ལས། ཡབ་ཡུམ་གཉིས་ཀའི་ཁམ་དྭངས་མ་མཆོག་གི་ཟེ་རྩ་གཉིས་འཛོམ་སར་བར་བྱོན། དེ་ནས་འོད་ཟེར་ཀྱི་རྣམ་པར་གྱུར། རྩ་གཡས་རོ་མ་ནས་སོང་སྟེ་ལྟེ་བར་བྱོན། ལྟེ་བའི་འཁོར་ལོ་ནམ་ལངས་པ་བཞིན་ཡལ་ཡལ། ཉི་མ་ཤར་བ་བཞིན་སལ་སལ། གློ་བ་རྒྱངས་པ་བཞིན་ལྟང་ལྟང་སོང་། ཡང་གཡས་རོ་མ་ནས་སོང་། སྙིང་གར་བྱོན། ཆོས་གསུམ་ལྡན་དུ་དྲན། ཡང་རོ་མ་ནས་སོང་། མགྲིན་པར་བྱོན། ཆོས་གསུམ་ལྡན་དུ་དྲན། ཡང་རོ་མ་ནས་སོང་། རྣ་བ་གཡས་པ་ནས་འོད་ཟེར་གྱི་ཚུལ་དུ་འཕྲོས། འོད་ཟེར་གྱི་སྒོ་ལས་ལྷག་པ་ལྷའི་དཀྱིལ་འཁོར་འཕྲོས། སེམས་ཅན་གྱི་རྒྱུད་ལ་དབང་བཞི་བསྐུར། སེམས་ཅན་རྣམས་ལྷག་པའི་ལྷར་བྱས། གཉིས་འདྲེས་བདུད་རྩིའི་བཅུད་བདག་རྒྱུད་སྐུ་ལྔར་སྒྱུར་ནུས་པ་དུ་གྱུར། ཚངས་པའི་སྒོར་ཞུགས། སྤྱི་བོ་ཆོས་གསུམ་ལྡན་དུ་དྲན། མགྲིན་པར་བྱོན། ཉི་མ་སྟོང་གི་གཟི་བརྗིད་དང་ལྡན། སྙིང་གར་འོད་ཁ་དོག་ལྔར་གྱུར། རྩ་དག་པའི་ལམ་ལྟེ་བ་ནས་བྱུང་ནས་ཡུམ་གྱི་མཁར་སྔ་མ་བཞིན་དུ་གནས་སོ། །གཡས་བཟུང་བའི་རྦ་རླབས་རེངས་པ་རྣམ་པར་ཐར་པའི་སྒོ་མཚན་མ་མེད་པ་ཞེས་བྱ། འབྲས་བུ་དང་པོའོ། །དེ་བཞིན་དུ་གཡོན་དུའང་བྱ་སྟེ། འཛིན་པའི་རྦ་རླབས་རེངས་པ། རྣམ་པར་ཐར་པའི་སྒོ་སྨོན་པ་མེད་པ་སྟེ། འབྲས་བུ་རྩ་གཡས་རླུང་ཕྱིར་རྒྱུ་དབང་དུ་འདུས་གཟུང་ལྡོག་ནུས་པ་གཉིས་པའོ། །
― LT14_Page_028B ―
[མ་དཔེ་གཟིགས་ན་འདིར་གནོན།]
དེ་བཞིན་དུ་དབུ་མར་ཡང་བྱ་སྟེ། གཟུང་འཛིན་གཉིས་ཀའི་རྦ་རླབས་རྩ་དབུ་མ་རླུང་གནས་པ་དབང་ཐོབ་གཟུང་འཛིན་རྟོག་པ་ཕྲ་མོ་ནུབ་པ།རེངས་པ་རྣམ་པར་ཐར་པའི་སྒོ་སྟོང་པ་ཉིད་དེ། འབྲས་བུ་གསུམ་པའོ། །ཐབས་རྒྱུད་དག་པར་བྱ་བ་བསྟན་ཏོ། །དེ་བཞིན་དུ་ཤེས་རབ་ཀྱི་རྒྱུད་ལ་ཡང་བྱ་སྟེ། རྩ་གཡས་གཡོན་གཉིས་ནས་ནི་རྣ་བ་གཉིས་ཀྱི་སྒོར་བྱོན་པ་ཙམ་ལས་ཕྱིར་འཕྲོ་བ་ནི་མེད་དོ། །དབུ་མ་ནས་སོང་སྟེ་ཚངས་པའི་སྒོ་ནས་སྤྲོ་བ་དང་བསྡུ་བ་བྱས་ཀྱང་རུང་། མ་བྱས་ཀྱང་རུང་། འདྲ་བར་བཞེད་དོ། །རྦ་རླབས་རེངས་པ་དང་། རྣམ་ཐར་གསུམ་དང་ཡང་སྦྱར་བ་སྔ་མ་བཞིན་ཤེས་པར་བྱའོ། །དེ་ནས་ཐབས་ཤེས་རབ་ཀྱི་རྒྱུད་སོ་སོར་དག་པའི་ཕྱིར་ཡབ་ཀྱི་དབུ་མ་ནས་ཁམས་དྭངས་མ་དེ་འོད་ཟེར་ཀྱི་རྣམ་པར་སོང་ནས་གཙུག་ཏོར་མཆོག་ཏུ་ཐིམ། ཡུམ་གྱི་ཡང་དེ་བཞིན་དུ་ཐིམ་སྟེ། གཉིས་ཀ་ཡང་སྐུ་ལྔ་ལྷུན་གྱིས་གྲུབ་པར་དྲན་པ་ཙམ་བྱའོ། །ཉམས་གང་དུ་སྐྱེ་བ་ནི་ངེས་པ་མེད་དེ། ཅི་སྐྱེས་བྱུང་རྒྱལ་དུ་བསྐྱང་ངོ་། །ལྟ་བ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་མས་བརྟན་གྱི་དགའ་བ་བཞི་སྟེ། དེ་ཡང་རྒྱུ་མཐུན་ལྟེ་བར་པས་ནི་སྐྲ་དཀར་འཇོམས། རྣམ་པར་སྨིན་སྙིང་གར་པས་སྟོབས་སྟེར་བྱེད། །སྐྱེས་བུ་བྱེད་པས་རྣམ་མགྲིན་པར་པར་འཕེལ། །དྲི་མ་སྤྱི་བོར་མེད་པས་འཆི་མེད་འགྱུར། ཞེས་བྱ་སྟེ། དང་པོ་ལ་འགྲོ་བ་ཐམས་ཅད་ཀྱི་སྙིང་དུ་སྡུག་ཅིང་ཡིད་དུ་འོང་ཡོན་ཏན་བར་འགྱུར། གཉིས་པ་ལ་མངོན་པར་ཤེས་པ་ཅུང་ཟད་འཆར། གསུམ་པ་ལ་འཇིག་རྟེན་གྱི་ཁམས་ཀྱི་ཅི་རིགས་པ་ལ་རོ་ཐམས་ཅད་ལ་ལོངས་སྤྱོད་ནུས། བཞི་པ་ལ་རྫུ་འཕྲུལ་ཅུང་ཟད་སྟོན་ནོ། །ཡང་དང་པོ་ལ་བདེ། སྟོང་གི་ཏིང་ངེ་འཛིན་ཆུང་། བདག་རྒྱུ་ལ་བྱ་བ། གཉིས་པ་ལ་འབྲིང་། སྣང་བ་ཙམ་གསུམ་པ་ལ་ཆེན་པོ། མྱ་ངན་ལས་འདས་པ་ཙམ། བཞི་པ་ལ་ཆེན་པོའི་ཡང་འཁོར་འདས་ཐམས་ཅད། ལ་ཁྱབ། ཆེན་པོར་འགྱུར་རོ། །གྲུབ་མཐའ་བདེ་སྟོང་རྒྱ་ཆེ་བ་ནི། ས་བཅུ་གསུམ་པའི་ཕྱེད་ལ་
― LT14_Page_029A ―
[མ་དཔེ་གཟིགས་ན་འདིར་གནོན།]
འཁོར་འདས་ཐམས་ཅད་བདེ་སྟོང་གཅིག་གི་ངང་དུ་རྟོགས་ཏེ་བླང་དོར་མེད། སྤངས་ཐོབ་མེད་པར་འགྱུར་རོ། །གྲུབ་མཐའ་མ་སྙོགས་ན་འདའ་ཀ་མ་ལམ་ཕྱག་རྒྱ་ཆེན་པོ་ནས་འཕོ་བ་ལ་གསུམ། སྦྱང་བ་དང་། གོམས་པ་ལས་ལ་སྦྱར་བའོ། །དེ་ལ་སྦྱང་བ་ནི་རླུང་སྦྱང་བ་སྟེ། གང་ཟླ་བ་ཡང་རུང་བའི་ཉི་མ་དང་པོ་ལ་སྲོག་རྩོལ་གྱི་རླུང་ཁུག་པ་བཅུ་བདུན་ཐུན་བཞིའི་ངེས་རྩ་བ་ལྔ་པ་ལ་ཅི་ནུས་སུཔས་བྱ། དེ་བཞིན་དུ་ཉི་མ་རེ་རེ་ལ་ཁུག་པ་རེ་རེ་བསྐྱེད་ལ་ཞག་ཉི་ཤུ་རྩ་གཅིག་གི་བར་སྦྱངས་ཏེ། ཉི་མ་ཐ་མ་ལ་སྲོག་རྩོལ་གྱི་རླུང་ཁུག་པ་སུམ་ཅུ་སོ་བདུན་དུ་འགྱུར་རོ། །ཡང་ཉི་མ་དང་པོ་ལ་གཅིག་དབྲི། དབྲི་བ་དེ་བཞིན་དུ་ཉི་མ་རེ་རེ་ལ་རེ་རེ་ཕྲི་བས་ཉི་ཤུ་གཅིག་ལ་ཡང་སྔར་གྱི་ཚད་དུ་འགྱུར་རོ། །དེ་ལྟར་ཞག་བཞི་བཅུ་རྩ་གཉིས་སུ་རླུང་སྦྱངས་པས་རྒྱུ་བ་གསལ་གནས་རྒྱུ་བ་དང་རྣམ་པ་ངེས་པ་འབྱུང་ངོ་། །བར་བསྐྱེད་པ། གོམས་པ་ལ་གཉིས། སྒྲ་ལ་གོམས་པར་བྱ་བ་དང་། ཡི་གེ་ལ་གོམས་པར་བྱ་བའོ། །དང་པོ་ནི་ལུས་ལ་སོགས་པ་གནད་ལ་ཕབ་ལ། ཧི་ཀ་ཅེས་པ་ཉི་ཤུ་རྩ་གཅིག་གིས་དྲང་ཞིང་། ཀ་ཧི་ཅེས་པ་ཉི་ཤུ་རྩ་གཅིག་གིས་ངལ་ཁ་དོག་སོགས་སུ་འབྱུང་། གསོས་ལ། དེ་ལྟར་ཐུན་བཞིའི་ངེས་པས་ཞག་བདུན་དུ་སྦྱང་ངོ་། །ཡི་གེ་ལ་གོམས་པར་བྱ་བ་ལ་གཉིས། ཕྱི་ཡི་གེ་ལ་གོམས་པར་བྱ་བ་དང་། ནང་ཡི་གེ་ལ་གོམས་པར་བྱ་བའོ། །དེ་ལ་ཕྱི་ནི་དངོས་་འོག་ནས་གཞིའི་སྐབས་སྤེལ་བ་ནང་གི་འཁོར་ལོ་བཞི་ལ་བརྟེན་པའི་ཙཎྜ་ལཱི་རྒྱས་པ་བཞིན་ཡིན་པ་ལས། འོན་ཀྱང་རྩ་གཡས་གཡོན་གཉིས་སུ་ཨཱ་ལི་བཅུ་དྲུག་ཁ་དོག་དམར་པོ་མགོ་གྱེན་ལ་ལྟ་བ་རེ་རེ་དང་། ཀཱ་ལི་དཀར་པོ་མགོ་ཐུར་ལ་ལྟ་བ་གཉིས་སྤེལ་མར་བཀོད་པས་རྩ་གཡས་གཉིས་དགག་པ་སྟེ། དེའང་རྩོལ་བའི་དུས་སུ་ཡས་མར་གསལ་གདབ། སྲོག་གི་དུས་སུ་མས་ཡར་གསལ་གདབ་བོ། །དེ་ཡང་ཐུན་བཞིའི་ངེས་པས་ཞག་བདུན་གོམས་པར་བྱའོ། །ལས་ལ་སྦྱར་བ་
― LT14_Page_029B ―
[མ་དཔེ་གཟིགས་ན་འདིར་གནོན།]
ལ་བཞི། བདེ་འགྲོ་ལ་སྦྱར། འགྲོ་བ་གཞན་ལ་སྦྱར། གླིང་དང་སྐྱེ་གནས་གཞན་ལ་སྦྱར། ཕྱག་རྒྱ་ཆེན་པོ་ལ་སྦྱར་བ་སྟེ། འདི་ཡིས་ཉམས་སུ་བླང་བའི་རིམ་པ་ནི་བླ་མའི་ཞལ་ལས་ཤེས་པར་བྱའོ། །འབྲས་བུ་ངོ་བོ་ཉིད་ཀྱི་སྐུ་ནི་འབྲས་བུའི་སྐབས་སུ་འཆད་པར་འགྱུར་བས་འདིར་མ་བརྗོད་དོ། །དབང་བཞི་པའི་ལའོ། །དེ་ལྟར་གང་ཟག་དབང་པོ་ཐ་མའི་དབང་དུ་བྱས་ནས་ལམ་སོགས་ཉི་ཤུས་བསྟན་ཏོ། །མཉམ་གཞག་གི་དམ་ཚིག་གི་ཚོགས་བསྟན་པ་ནི། མཉམ་གཞག་གི་དམ་ཚིག་སྩོགས་བསྲུང་བྱ་བ་སྟེ་ལམ་འབྲིང་པོ། དབང་རེ་རེ་ལ་མཉམ་གཞག་གི་དམ་ཚིག་རྗེས་ཏིང་ངེ་འཛིན་ཉིད་ཡིན་པས་སྤྱོད་ཀྱི་ལྟ་བ་རྟེན་འབྲེལ་ལྔ་ལུས་ལ་འགྲིག་དམ་ཚིག་བཟའ་བའི་དམ་ཚིག །བསྲུང་བའི་དམ་ཚིག །འགལ་རྐྱེན་སྤོང་བ་མི་འབྲལ་བའི་དམ་ཚིག་གོ །དེ་ལ་བུམ་དབང་གི་མཉམ་གཞག་གི་དམ་ཚིག་བསྐྱེད་རིམ། རྗེས་སྤྱོད་ཀྱི་དམ་ཏིང་ངེ་འཛིན་སྐྱེ་བའི་རྒྱུ་ཡིན་པས་ཚིག་ངོ་བོ་ཉིད་གསུམ་བཟའ་བའི་ལུས་སེམས་ལ་ཕན་འདོགས་པས་དམ་ཚིག་བདུད་རྩི་ལྔ་དང་ཐུན་པའི་རྟེན་ལས་ཤ་ལྔའི་རིལ་བུ། བསྲུང་བ་རྩ་བ་དང་ཡན་ལག་གི་དམ་ཚིག་ཉི་ཤུ་རྩ་གཉིས། མི་འབྲལ་བ་རྡོ་རྗེ་དང་དྲིལ་བུའོ། །གསང་དབང་གི་མཉམ་གཞག་གི་དམ་ཚིག་རྩ་རླུང་། རྗེས་སྤྱོད་ཀྱི་དམ་ཚིག་རང་བྱུང་གི་ཡེ་ཤེས། བཟའ་བའི་དམ་ཚིག་སྟོང་གསལ། བསྲུང་བ་རང་བྱུང་དང་རླུང་དང་འགལ་བ་མཐའ་དག །མི་འབྲལ་བ་མཐུན་པ་བརྟེན་པས་རླུང་ཞི་དྲག་གང་རུང་ངོ་། །ཤེས་རབ་ཡེ་ཤེས་ཀྱི་མཉམ་གཞག་གི །དམ་ཚིག་དཀྱིལ་འཁོར་འཁོར་ལོ། རྗེས་སྤྱོད་ལྷན་སྐྱེས། བཟའ་བ་བདེ་བ་བསྲུང་བ་ཐིག་ལེ་འཛག་པ་དྲུག་ཕན་འདོགས་པས་མི་འབུལ་བ་དངོས་སམ་ཡེ་ཤེས་འགལ་བ་སྤོང་པས་ཀྱི་ཕྱག་རྒྱའོ། །དབང་བཞི་པའི་མཉམ་གཞག་རྦ་རླབས་གསུམ། རྗེས་སྤྱོད་ཤིན་ཏུ་རྣམ་པར་དག་པའི་དེ་ཁོ་ན་ཉིད་བཟའ་བ་བདེ་ཆེན་བདེ་སྟོང་། བསྲུང་བསྒྲིབ་གཉིས་ལས་ཀྱང་ཤེས་བྱའི་སྒྲིབ་པ།
― LT14_Page_030A ―
[མ་དཔེ་གཟིགས་ན་འདིར་གནོན།]
མི་ལས་དང་པོ་པས་གོམས་དགོས་པས། འབྲལ་བ་པདྨ་ཅན་དངོས་སམ་ཡེ་ཤེས་ཀྱི་ཕྱག་རྒྱའོ། །དེ་དག་མི་ཉམས་པར་བསྲུང་བའི་ཚུལ་ནི་བཞི་སྟེ། ཚུལ་ཇི་ལྟ་བ་བཞིན་དུ་རྒྱུད་ལ་སྐྱེས་པས་མི་ཉམས་པར་བསྲུང་བ་དང་། རྣམ་གྲངས་རྗེས་སུ་དྲན་པས་མི་ཉམས་པར་བསྲུང་བ་དང་། ཉམས་སུ་མྱོང་བ་ཅིག་འདི་ལ་གནད་ཐམས་ཅད་ཚང་བས་སྐྱེས་པས་མི་ཉམས་པར་བསྲུང་བ་དང་། བླ་མ་དམ་པ་ལམ་ཟབ་མོ་བླ་མ་ཡིན་པས་ལ་གུས་པ་ཁྱད་པར་ཅན་གྱི་མི་ཉམས་པར་བསྲུང་བའོ། །ཉམས་པ་ལ་ཡང་གཉིས་ཏེ། སྲིད་པའི་སྡུག་བསྔལ་འདྲེན་པའི་དམ་ཚིག་ཉམས་པ་དང་། ལམ་བགྲོད་པ་ལས་རིང་དུ་འགོར་བའི་དམ་ཚིག་ཉམས་པའོ། །དེ་ལ་དང་པོ་ནི་ཐོག་མར་དམ་བཅས་པ་བུམ་དབང་གི་བསྲུང་བའི་དམ་ཚིག་རྩ་ལྟུང་བཅུ་བཞི་ལ་སོགས་པའོ། །གཉིས་པ་ནི་དམ་ཚིག་ལྷག་མ་རྣམས་ཉམས་པས་ལམ་བགྲོད་པ་ལས་རིང་དུ་འགོར་ཞིང་དངོས་གྲུབ་རིང་དུ་འགོ་བ་ཡིན་པས་དམ་ཚིག་ཉམས་ཞེས་བྱའོ། །སྐོང་བའི་ཐབས་ནི། རྡོ་རྗེ་མཁའ་འགྲོ་སོགས་ཀྱི་ཉམས་ཆགས་བསྐང་ཞེས་སྨོས་ཏེ། རྡོ་རྗེ་མཁའ་འགྲོ་ནི་བླ་མ། ཡེ་ཤེས་མཁའ་འགྲོ་ནི་ལོངས་སྐུ། མ་མོ་མཁའ་འགྲོ་ནི་སྤྲུལ་སྐུ། ཤ་ཟ་མཁའ་འགྲོ་ཏིང་ངེ་འཛིན་གྱི་རྒྱུ་དང་། ཏིང་ངེ་འཛིན་ཉིད་ལ་སོགས་པ་སྤངས་པས། ནི་དུར་ཁྲོད་ཀྱི་བདག་པོ་ལ་སོགས་པ། དམ་ཚིག་གཅིག་པས་གི་མཁའ་འགྲོ་ནི་རྡོ་རྗེ་སྤུན་གྲོགས་སོ། །དེ་ཉམས་ན་མཁའ་འགྲོ་ལྔའི་ཉམས་ཆགས་བསྐང་བ་ནི། དམ་ཚིག་ཐམས་ཅད་ཉམས་ན་རྡོ་རྗེ་མཁའ་འགྲོའི་ཐུགས་དམ་བསྐང་སྟེ། འོག་ཏུ་སྦྱར་ལ། འདོད་ཡོན་སྩོགས་ལྔས་མཉེས་པ་སྩོགས་བྱ་ཞེས་སྨོས་ཏེ། ཕྱི་འདོད་པའི་ལོངས་སྤྱོད་ལྔ་རྫས་དང་ལོངས་སྤྱོད་ལ་སོགས་པ་དང་། ནང་འདོད་པའི་ལོངས་སྤྱོད་ལྔ་རིག་མ་ཁྱད་པར་ཅན་རྒྱན་གྱིས་བརྒྱན་ལ་དབུལ་བའོ། །མཉམ་གཞག་གི་དམ་ཚིག་ཉམས་ན་ཡེ་ཤེས་མཁའ་འགྲོ་མཉེས་དགོས་ལ། དེ་ལ་ལྟ་བ་སེམས་གནས་པས་ཚད་དུ་བསྐྱལ། རྗེས་
― LT14_Page_030B ―
[མ་དཔེ་གཟིགས་ན་འདིར་གནོན།]
སྤྱོད་ཀྱི་དམ་ཚིག་ཉམས་ན་མ་མོ་མཁའ་འགྲོ་མཉེས་དགོས་ཏེ། དེ་ལ་སྒོམ་པ་ཚད་དུ་བསྐྱལ། དམ་ཚིག་ལྷག་མ་གསུམ་ཉམས་ན་ཤ་ཟ་མཁའ་འགྲོ་དང་དམ་ཚིག་མཁའ་འགྲོ་མཉེས་དགོས་ཏེ། དེ་ལ་ཤ་ཁྲག་གི་གཏོར་མ་དང་ཚོགས་ཀྱི་ལོངས་སྤྱོད་ཀྱིས་སོ། །དེ་དག་གི་ལམ་འབྲིང་པོའི་ཡན་ལག་གི་དམ་ཚིག་ཉི་ཤུ་ཉམས་ན་ཉམས་ཆགས་བསྐང་བ་བསྟན་ཏོ། །ད་ནི་ཐབས་རྒྱུད་ཀྱི་གཙོ་བོ་དབྱིབས་དང་འབྲེལ་པ་དབང་གི་ལམ་སོགས་ཡིན་པས།ལམ་གྱི་དབང་བཞི་བསྟན་པའི་ཕྱིར། ལམ་གྱི་ཐུན་བཞི་ལ་དབང་བཞི་བསྒོམ་པས་ཞེས་སྨོས་ཏེ། དབང་རྒྱས་བསྡུས་ལ་སོགས་པ་བླང་བ་ནི་བླ་མའི་ཞལ་ལས་ཤེས་པར་བྱའོ། །ལུས་ལ་བརྟེན་ནས་ཞེས་བྱ་བ་རྒྱུ་དུས་ཀྱི་དབང་ཡང་ལུས་ལས་ཐོབ། ལམ་དུས་ཀྱི་དབང་ཡང་ལུས་ལས་ལེན། རྟེན་འབྲེལ་ལྔ་ཡང་ལུས་ལ་འགྲིགས། ས་ལམ་ཡང་ལུས་ལ་བགྲོད། སྤང་བྱ་ཡང་ལུས་ལ་སྤོང་པས་དེ་སྐད་ཅེས་བྱའོ། །བདེ་ཆེན་ཀྱི་སྒྲིབ་པ་ནི། སྤྱིར་ཉམས་སྐྱོན་ཅན་བརྒྱད། ཤེས་བྱའི་སྒྲིབ་པ་ཡིན་ལ། སྐྱོན་མེད་ལས་ཀྱང་ཡུལ་སྣང་སྟོང་ཟུང་འཇུག་དང་། ཤེས་པ་གསལ་སྟོང་ཟུང་འཇུག་དང་། ལུས་བདེ་སྟོང་ཟུང་འཇུག་དང་གསུམ་ཡང་བདེ་སྟོང་བཞི་པའི་ལྟ་བ་སྐྱོན་མེད་ཀྱིས་མཆོག་གི་རོ་གཅིག་པའི་ཚུལ་རྩ་འགགས་པར་བྱེད་དོ། །འཚང་རྒྱ་བར་གསལ་བ་ནི་ལུས་ལ་རྟེན་འབྲེལ་འགྲིག་པ་ཉིད་ཀྱི་འབྲས་བུ་སྐུ་བཞིའམ། ལྔ་འགྲུབ་པར་གསལ་བའོ། །བཤད་རྒྱུད་ཅེས་བྱ་བ་རྟོགས་པར་བྱ་རྒྱུ་རྩ་བ་སེམས་ཏེ། རྟོགས་བྱེད་ལུས་ལ་རྟེན་འབྲེལ་འགྲིག་པས་རྟོགས་ཤིང་ཁོང་དུ་ཆུད་པའི་ཕྱིར་བཤད་རྒྱུད་དོ། །དེ་ཡན་ཆད་ཀྱིས་ལུས་ཐབས་རྒྱུད་བསྟན་ཏོ། །ད་ནི་ཕྱག་རྒྱ་ཆེན་པོ་འབྲས་བུའི་རྒྱུད་ནི། འབྲས་བུ་དབང་བཞིས་ཐམས་ཅད་མཁྱེན་ཏོ། །ཞེས་སྨོས་ཏེ། ཕྱག་རྒྱལ་བརྟེན་པའི་དངོས་གྲུབ་ཡིན་པའི་ཕྱག་རྒྱའི་དངོས་གྲུབ་བམ། རིག་མའི་སྐྱེས་བུ་ཞེས་ཀྱང་བྱ་ལ། འདི་ཡི་གོང་ན་གཞན་མེད་པས་ཆེན་པོ་མཆོག་གོ །དེ་འགྲུབ་པའི་ཉི་རྒྱུའི་རྒྱུ་མཐར་ཕྱིན་པའི་ལམ་
― LT14_Page_031A ―
[མ་དཔེ་གཟིགས་ན་འདིར་གནོན།]
ནི། འབྲས་བུའི་དབང་བཞི་ཞེས་ཀྱང་བྱ་སྟེ། བུམ་དབང་རྩའི་འགྲོས། གསང་དབང་ཡི་གེའི་འགྲོས། ཤེས་རབ་ཁམས་དྭངས་མ་ཡེ་ཤེས་བདུད་རྩིའི་འགྲོས། དབང་བཞི་ཡེ་ཤེས་ཀྱི་རླུང་ལྔ་པ་རླུང་གི་འགྲོས་སོ། །དེ་སྒྲུབ་པའི་འབྲས་བུ་ནི་ཐམས་ཅད་མཁྱེན་ཏོ། །ཞེས་བྱ་བ། སྐུ་ཐམས་ཅད་མཁྱེན་སྤྲུལ་སྐུ་ཏོ། །གསུང་ཐམས་མཁྱེན་ལོངས་སྐུ་ཏོ། དབུ་མར་ཁ་དོག་དབྱིབས་སྟོབས་གསུམ་ཐིམ་པས། ཐུགས་ཐམས་ཅད་མཁྱེན་ཆོས་སྐུ་ཏོ། །སྐུ་གསུང་ཐུགས་ངོ་བོ་ཉིད་ཀྱི་སྐུ་ཐམས་ཅད་མཁྱེན་ཏོ། །ཞེས་བྱ་བ་སྐུ་བཞི་དང་། སྐུ་ལྔའི་དངོས་གྲུབ་སྟེ། དེ་ལྟར་ན་དེ་ཡན་ཆད་ཀྱི་རྒྱུད་གསུམ་དུ་བསྟན་པའི་ལམ་བསྟན་ཏོ། །ད་ནི་ཡིད་ཆེས་ཁྱད་པར་ཅན་བསྐྱེད་པས་ལམ་མྱུར་ཏུ་བགྲོད་པའི་ཕྱིར་ཚད་མ་བཞིར་བསྟན་དང་པའི་ལམ་ལ། ཚད་མ་བཞིས་འབྲས་བུ་གཏན་ལ་ཕབ་ནས་ཞེས་སྨོས་ཏེ། བདེ་བར་གཤེགས་པའི་བཀའ་ཡང་དག་ལུང་བརྟག་པ་གཉིས་པ་སོགས། གི་ཚད་མ། བླ་མ་རང་གི་བླ་མ་རྡོ་རྗེ་སློབ་དཔོན་གྱི་ཉམས་ཀྱི་མན་ངག་ཚད་མ། དང་རྣལ་འབྱོར་པ་བདག་ཉིད་ཉམས་མྱོང་སེམས་ཉམས་རྗེས་སུ་དྲན་པའི་ཚད་མ། དངོས་པོའི་མཐའ་རྟེན་ཅིང་འབྲེལ་རྟེན་ཅིང་འབྲེལ་བར་འབྱུང་བ་ཉམས་ཀྱི་གདམས་ངག་བར་འབྱུང་བ་ལོ་རྒྱུས་ཀྱི་ཚད་མའོ། །ཚད་མ་བཞིས་འབྲས་བུ་གཏན་ལ་ཕབ་ནས་ཞེས་བྱ་བ་ནི་མཚོན་པ་ཙཱམ་སྟེ། ཚད་མ་བཞིས་འབྲས་བུ་གཏན་ལ་ཕབ་ནས་ལམ་ལྔ་སོགས་གཏན་ལ་ཕབ་ནས། རྒྱུ་འཁོར་བ་ཐམས་ཅད་གཏན་ལ་ཕབ་ནས། ཞེས་ཤེས་པར་བྱའོ། །ད་ནི་ཏིང་ངེ་འཛིན་མྱུར་ཏུ་སྐྱེས་པ་ལ་སོགས་པའི་གྱི་གདམས་ངག་བར་ཆད་མྱུར་ཏུ་སེལ།དྲུག་ཏུ་བསྟན་པའི་ལམ་ལས། འགལ་འདུས་སྐྱོན་མེད་སྩོགས་གསུམ་གྱིས་བསམ་གཏན་གྱི་དུག་དབྱུང་ཞེས་བྱ་བ་ལ་སོགས་པ་སྨོས་ཏེ། བསམ་གཏན་གྱི་དུག་དབྱུང་། བདུད་རྩི་བརྟེན། ལ་དོར་གསུམ། ལྟ་བའི་དུག་དབྱུང་། བདུད་རྩི་བརྟེན། ལ་དོར་གསུམ་སྟེ་
― LT14_Page_031B ―
[མ་དཔེ་གཟིགས་ན་འདིར་གནོན།]
དྲུག་གོ །དེ་ལ་གཞུང་ལས་ནི། བསམ་གཏན་གྱི་གསུམ་དང་ལ་གསུངས་པ། མངོན་པར་རྟོགས་པ་ལ་ནི་ལྟ་བའི་གསུམ་དང་ལ་འབྱུང་སྟེ། འཁྲུགས་ཀྱི་ཚུལ་དུ་བྱས་ལ། འཇུག་པ་སེལ་བའི་ལམ་ཡིད་འདག་པའི་རྣམ་རྟོག་བསྒོམ་པས་ལྟ་བའི་དུག་དབྱུང་ཞེས་སྨོས་ཏེ། དེ་ལ་སྤྱིར་ལྟ་བ་ནི་གཉིས་ཏེ། རྟོགས་པ་ཙམ་ལ་ལྟ་བར་བཞག་པ་དང་། ཉམས་མྱོང་གི་ཏིང་ངེ་འཛིན་ལ་ལྟ་བར་བཞག་པའོ། །དེ་ལ་དང་པོ་ནི། ཐོས་བསམ་འདི་ལ་རིག་པའི་དུག་འབྱིན།གྱི་སྒྲོ་འདོགས་ཆོད་པའི་ལྟ་བ། སོ་སོའ་གཞུང་ལུགས་ལ་སེམས་ཙམ་སོགས་པས། ཞེ་འདོད་ཀྱི་ལྟ་བ། མོས་པའམ་གོ་ཡུལ་དུ་བྱེད་པའི་ལྟ་བ། ཕ་རོལ་ཏུ་ཕྱིན་པའི་ཐེག་རྡོ་རྗེ་ཐེག་པ་ལ་ཁྱད་པར་དུ་མྱུར་བར་བྱ་པ་དང་མཉམ་པའི་ལྟ་བ་དང་། དེ་ཁོ་དུས་ཐམས་ཅད་ཞེན་ཅིང་མི་འབྲལ་བས་ན་ཉིད་རྒྱ་མཚོའི་དོན་དང་མ་བྲལ་བའི་ལྟ་བ་སྟེ། དེ་ལྟ་བུའི་ལྟ་བ་རྟོགས་སུ་ཟིན་ཀྱང་རྣམ་རྟོག་རྒྱུན་ཆགས་བཙལ་བའི་དུག་ཞེས་ཀྱང་བྱ།ཀྱི་དུག །ཞི་བར་མ་ནུས་པས་ཟག་པ་མེད་པའི་ལམ་དུ་མི་འགྱུར་ཞིང་བདེན་པ་མཐོང་བར་མི་འགྱུར་ཏེ། རོ་བརྒྱ་དང་ལྡན་པའི་ཟས་ཀྱང་དུག་དང་བཅས་ན་ཕན་མི་ཐོགས་པ་བཞིན་ནོ། དེ་ཉིད་ལ་ཞེན་ཅིང་མོས་པས། །དེ་ལ་དུག་དེ་འབྱིན་པ་ནི། འཇུག་པ་སེས་བའི་ལམ་ཞེས་བྱ་བ་ལ་སོགས་པ་སྨོས་ཏེ། དེ་ཡང་དང་པོ་བསམ་གཏན་གྱི་ཡན་ལག་ཚང་བར་བྱས་ལ། སྲོག་རྩོལ་གྱི་རླུང་ཕྱིར་རྒྱུ་བ་ལ་ཕྱིར་རྒྱུ་ཅེས་པ་ལ་སོགས་པས་ལྟ་བུ་གཅིག་ལ་རླུང་དང་སེམས་རྗེས་སུ་མཐུན་པར་བསྒོམ་པས། དེ་ཉིད་ལ་བློ་གནས་ན་འཇུག་པ་སེལ་བའི་ལམ། མིང་གི་རྣམ་གྲངས་ཡིད་འདག་པའི་རྣམ་རྟོག་ཞེས་ཀྱང་བྱའོ། །དེ་ཉིད་ཚུལ་བཞིན་ཡིད་ལ་བྱེད་པ་ཞེས་ཀྱང་བྱའོ། །དེས་ཀྱང་གཏོང་ན་ཆགས་པ་བཅད་པའི་ལམ་ཞེས་ཀྱང་བྱ། གཞན་དུ་བ་ལ་སོགས་པ་ཅིག་ལ་བློ་གནས་ན་བྱང་ཆུབ་ཆེན་པོའི་ལམ་ཡུལ་སྣང་སྟོང་ཟུང་འཇུག་ཡིན་པས་རྗེས་སུ་མཐུན་པའི་བསྒོམས་ཞེས་བྱ་བར་བསལ་ལོ། །འདི་དག་རིམ་པ་ཡིན་མིན་དུ་སྐྱེ་བས་ཏིང་ངེ་འཛིན་
― LT14_Page_032A ―
[མ་དཔེ་གཟིགས་ན་འདིར་གནོན།]
ངོ་ཤེས་པར་བྱས་ལ་བྱུང་རྒྱལ་དུ་བསྐྱང་ངོ་། །དེས་ལྟ་བའི་དུག་ཐོན་པར་མ་གྱུར་ན་སྐོམ་པ་ཆུ་སྙོགས་པ་བཞིན་ཤེས་པ་ཡུལ་འདོད་པ་ཡིན་པས་ཡུལ་གྱི་བདུད་རྩི་བརྟེན་པར་བྱ་སྟེ། རྣམ་ཤེས་ལྔ་ཡུལ་ལྔ་མ་སྤངས་པས་བདུད་མེ་འབར་བ་ལ་ཤིང་བསྣན་པ་དང་འདྲ་རྩི་བརྟེན་ཞེས་བྱ་བ་མིག་ངོ་མཚར་གྱི་ལྟད་མོ་སྣ་ཚོགས་ལྟ་བ་ནས་བཟུང་ནས་རེག་བྱའི་བར་དུ་བརྟེན་པས་ཤེས་པ་ཡུལ་གྱིས་ཚིམས་ནས་ཡུལ་དེ་ཉིད་སྟེང་དུ་གནས་ཏེ། སྔར་སེམས་མ་གནས་པ་ལ་ནི་རྣམ་རྟོག་སྔོན་དུ་སོང་བའི་དྲོད་དུ་འགྱུར་ལ། སེམས་གནས་པ་ལ་ནི་ཡུལ་སྣ་ཚོགས་ཀྱི་བདུད་རྩི་བརྟེན་པ་བྱ་བ་བོགས་འབྱིན་བརྒྱད་ལས་གཅིག་ཏུ་འགྱུར་རོ། །དེ་ལ་ཡུལ་བདུད་རྩིར་འགྱུར་ན་སེམས་ཅན་ཐམས་ཅད་ཀྱིས་ཀྱང་ཡུལ་བརྟེན་པས་ཐམས་ཅད་ཀྱང་ཏིང་ངེ་འཛིན་དང་ལྡན་པར་འགྱུར་རམ་སྙམ་པ་ལ་མ་ཡིན་ཏེ། དག་པའི་ཆོས་རྣམས་གདོད་ནས་སྟོང་པར་ཤར་བས་ལ་དོར་ཞེས་སྨོས་སོ། །དེ་ལ་དོན་ནི་འདི་ཡིན་ཏེ། ཡུལ་རྣམས་ནི་གདོད་ནས་སྐྱེ་མེད་སྟོང་པ་ཡིན་ཞིང་རྣམ་ཐར་སྒོ་གསུམ་གྱི་རང་བཞིན་ཡིན་པས་འཆིང་བ་དང་གྲོལ་བ་གཉིས་ཀའི་རྒྱུ་མ་ཡིན་ལ། སྐྱེ་མེད་སྟོང་པ་ཁོ་ནར་ལ་དོར་ཞིང་འཆིང་བ་དང་གྲོལ་བ་ནི་ཐབས་ལ་མཁས་པ་ལ་རགས་ལས་པ་ཡིན་ཏེ། བྱུང་རྒྱལ་གྱི་གནད་ཤེས་ན་རྣམ་རྟོག་སྔོན་དུ་སོང་བའི་དྲོད་དུ་འགྱུར་ལ། མ་ཤེས་ན་རྣམ་རྟོག་རྒྱུན་མའམ། རྣམ་རྟོག་རྐུན་བུ་སྒོམ་པའི་བདུད་ཞེས་བྱ་བར་འགྱུར་ཏེ་ཐ་མལ་རྣམ་རྟོག་ཏུ་འགྱུར་རོ། །དེ་བས་ན་ཐབས་ལ་མཁས་པ་ན་རག་ལས་པར་ཤེས་པར་བྱ་ཞིང་ཡུལ་སྐྱེ་མེད་སྟོང་པར་ལ་དོར་རོ། །ལྟ་བའི་གསུམ་བསྟན་ཏོ། །ད་ནི་བསམ་གཏན་གྱི་གསུམ་ལས། འགལ་འདུས་སྐྱོན་མེད་སྩོགས་གསུམ་གྱིས་བསམ་གཏན་གྱི་དུག་དབྱུང་ཞེས་སྨོས་ཏེ། དེ་ལྟར་ལྟ་བའི་དུག་ཐོན་ཀྱང་བསམ་གཏན་གྱི་དུག་ཤེས་བྱའི་སྒྲིབ་པ་ཉམས་སྐྱོན་ཅན་བརྒྱད་བྱུང་ན་སྐྱོན་མེད་གསུམ་གྱི་དུག་ཐོན་པར་འགྱུར་རོ། །དེ་ལ་དོན་ནི་འདི་ཡིན་ཏེ། ངོ་བོ་ཉིད་ལས་སྣང་ཕྱོགས་ཡིན་ཏིང་ངེ་འཛིན་
― LT14_Page_032B ―
[མ་དཔེ་གཟིགས་ན་འདིར་གནོན།]
ཡིན་ཡང་། སྟོང་ཕྱོགས་གཉིས་སྐྱོན་ཅན་ཡིན་ཏེ། སྒྲོ་སྐུར་གྱིས་བསྡུས་པའོ། །རང་བྱུང་ལ་ཉོན་མོངས། རྣམ་རྟོག །སྣྲེལ་ཞི་དང་གསུམ་སྐྱོན་ཅན་ཏེ། བྱིང་རྒོད་ཀྱིས་བསྡུས་པ་དང་། དེ་ཉིད་ཀྱིས་སྤང་ཉོན་མོངས་པ་རྟོགས་པའོ། བྱའི་གཉེན་པོར་མི་འགྱུར་བ་དང་། ཐ་མལ་པའི་ཉོན་མོངས་པ་ལ་སོགས་པ་དང་ཁྱད་པར་དབྱེ་བ་ཉམས་འདྲ་བར་སྐྱེ་བས་ས་དཀའ་བས་སོ། །ལྷན་སྐྱེས་དང་ཤིན་ཏུ་རྣམ་དག་ལ་དགའ་བ་དང་པོ་གསུམ་སྐྱོན་ཅན་ཏེ། སྲེད་པས་བསྡུས་པས་ཁམས་གསུམ་གྱི་ལམ་མམ་རྒྱུར་འགྲོ་བས།སོ། །དུག་བརྒྱད་པོ་དེ་འབྱིན་པ་ནི་སྐྱོན་མེད་གསུམ་སྟེ། ངོ་བོ་ཉིད་ལ་ཟུང་འཇུག་འགལ་འདུས་སྐྱོན་མེད་དེ། རང་བྱུང་ཡེ་ཤེས་ཆེན་པོ་གསལ་སྟོང་འགལ་འདུས་སྐྱོན་མེད་ལྷན་སྐྱེས་དང་ཤིན་ཏུ་རྣམ་དག་ལ་ལྷན་ཅིག་སྐྱེས་པའི་དགའ་ལུས་ལ་དང་པོ་དགའ་བར་འགྲོ་བའི་གཟུགས་ལ་སོགས་པས་བདེ་སྟོང་འགལ་འདུས་སྐྱོན་མེད་དོ། །སྐྱོན་ཅན་བརྒྱད་ཀྱང་ཏིང་ངེ་འཛིན་དུ་ཤེས་པར་བྱས་ལ་བྱུང་རྒྱལ་གྱི་གནད་ཀྱིས་ལམ་དུ་གྱུར་པས་བརྒྱད་པོ་ཡོངས་འདྲ། སྐྱོན་མེད་གསུམ་སྐྱེ་སྟེ་དུག་དེ་ཐོན་པར་འགྱུར་རོ། །སྐྱོན་མེད་གསུམ་མ་སྐྱེས་ན་ནི་སྐྱེས་པའི་ཐབས་བླ་མའི་ཞལ་ལས་ཤེས་པར་བྱའོ། །དེ་ལྟར་སྐྱོན་མེད་མ་སྐྱེས་སམ། སྐྱོན་ཅན་ཉིད་ཀྱང་མ་སྐྱེས་པའི་ཚེ་བདུད་རྩི་བརྟེན་པར་བྱ་སྟེ། དེ་ལ་ཚུལ་བདུན་དུ་གནས་ཀྱང་གསུམ་དུ་བསྡུ་ན། ཏིང་ངེ་འཛིན་མ་སྐྱེས་པ་སྐྱེད་པར་བྱེད་པའི་བདུད་རྩི་ལྔ། སྐྱེས་པ་བོགས་འབྱིན་པར་བྱེད་པ་དང་། སྐྱོན་སེལ་བར་བྱེད་པ་རེ་རེ་སྟེ་བདུན་ནོ། །དེ་ལ་དང་པོ་ཟས་ནི། སྤང་བར་བྱ་བ་ལ། ཧ་ཅང་ལན་ཚ་ཆེས་པ་དང་། རི་སྒོག །ཆང་། ཚ་སྐྱུར་ཤ་རུལ་སུམ། རྩུབ་པའི་ཟས་རྣམས་སྤང་བར་བྱའོ། །བསྟེན་པར་བྱ་བ་ལ་བདུད་རྩིའི་རྒྱུན་སྦྱོར་ཞེས་བྱ་བ་ལྡུམ་སྒོག་ཅུང་ཟད་བརྟེན། ཨ་རུ་ར་འོ་མར་སྤངས་པ་རྒྱུན་དུ་མུར། ཆུ་དང་མར་བཙོ་བསྟན་པ། དེ་རེ་རེ་ནས་བཤད་ན། བའི་མན་ངག །འབྲས་བུ་གསུམ་དང་སྦྲང་རྩི། དྲི་ཆེན་དང་སྦྲང་རྩི། དེ་རྣམས་ཀྱིས་བྱང་ཆུབ་ཀྱི་སེམས་བསྒྲུབ་པའི་རིམ་གྲོར་གྱུར་ནས་བདུད་རྩི་མཆོག་ཏུ་འགྱུར་རོ། །སྤྱོད་ལམ་ལ་སྤང་བར་བྱ་བ་ལ། མེ་དང་ཉི་མ་
― LT14_Page_033A ―
[མ་དཔེ་གཟིགས་ན་འདིར་གནོན།]
དུབ་པ། རྡུལ་ཐོན་པ་དེ་རྣམས་སྤང་བར་བྱའོ། །བརྟེན་པར་བྱ་བ་ནི་དལ་བ་དང་བག་ཡངས་ཀྱི་བདུད་རྩི་ཁོ་ནའོ། །རླུང་གི་མན་ངག་རྣམ་པ་བདུན་གང་ཡང་རུང་འོག་ནས་བསྟན་ནོ། བ་ཅིག་བྱའོ། །ཐིག་ལེའི་རྣལ་འབྱོར་རྣམ་པ་བཞི་གང་རུང་གཅིག་གི་བསམ་གཏན་མཆོག་སྔར་ཙཎྜ་ལིའི་སྐབས་སུ།ཏུ་འགྱུར་རོ། །ཕྱག་རྒྱ་མ་བརྟེན་པ་ནི། དབང་གསུམ་པའི་ལམ་བཞིན་ཏེ། དེ་དག་གིས་ཏིང་ངེ་འཛིན་མ་སྐྱེས་པ་བསྐྱེད་བོགས་འབྱིན་དུ་ཡང་འགྱུར།པར་འགྱུར་རོ། །དངས་མ་ལྔའི་བདུད་རྩི་ལྔ།བདེ་བ་ཞེས་བྱ་བ་ནི་ཁོགས་འབྱིན་པར་བྱེད་པ་སྟེ། བདེ་བ་གང་དུ་སྐྱེས་པ་དེ་ལུས་ཐམས་ཅད་ལ་ཁྱབ་པར་འདོད་དམ། སྣང་བ་ཐམས་ཅད་ལ་ཡང་བདེ་བས་ཁྱབ་པར་འདོད་ན་རྩོལ་གཡས་བ་བཀག་སྟེ། སྲོག་ནས་རན་པར་གཏོང་ཞིང་ཅུང་ཞིག་མིག་སྟེང་དུ་ལྟ་བའི་འགྱུར་བས་གོམས་པར་བྱའོ། །དབང་པོ་ལྔ་ཉམས་དང་མ་བྲལ་བ་ནི་སྐྱོན་སེལ་མིག་མི་གསལ་བ་ལ་སོགས་བར་བྱེད་པ་ཡིན་ཏེ། གང་དང་གང་དུ་བདེ་བ་སྐྱེས་པ་དེ་རང་ལ་ཅུང་ཞིག་ཤེས་པ་གཏད་ལ། དེ་དག་འདྲེན་པ་ཞི་དྲག་གང་རུང་གིས་དབང་པོའི་སྒོར་འཕང་བར་བྱའོ། །ལྔ་པ་ཉམས་དང་བྲལ་བ་ནི་སྐྱོན་སེལ་བར་བྱེད་དོ། །དེས་ལུས་ལ་བདེ་བ་དང་ཏིང་ངེ་འཛིན་སྐྱེ་ཞིང་སྐྱོན་རྣམས་སེལ་དབང་པོ་མི་གསལ་བ་ལ་སོགས་པ་བར་བྱེད་དོ། །དེ་ལྟར་བདུད་རྩི་བརྟེན་པས་ཏིང་ངེ་འཛིན་སྐྱེས་པས་ན་སླར་རྩ་རླུང་གི་ཟུག་འབྱུང་བས་ལ་དོར་བ་བསྟན། དེ་ལ་གསུམ། རྩ་དེ་ཉིད་ཀྱི་གནས་སུ་ལ་དོར། རླུང་རྔན་དགས་བྱིན་ཏེ་ལ་དོར། སེམས་ཉམས་ཀྱི་དྲོད་བྱུང་རྒྱལ་གྱིས་ལ་དོར་རོ། །དེ་ལ་ཕྱི་མ་གཉིས་རླུང་གི་མན་ངག་བདུན་ཅུའི་སྐབས་དང་།ནི་འོག་ནས་འབྱུང་། རྩལ་དོར་ལ་གཉིས། འཁོར་བའི་རྩལ་དོར་བ་དང་། མྱ་ངན་ལས་འདས་པའི་རྩལ་དོར་བའོ། །དང་པོ་ལ་སྤྱིར་རྩའི་རིགས་དྲུག་སྟེ། དྲུ་གུ་དྲིལ་རྩ་སྙིང་གར་བ་ལྟ་བུ། ལྟེ་བ། ཐག་པ་བརྒྱངས་པ་ལྟ་བུ། སྦྲུལ་མགྲིན་པར་རེ་དོགས་དང་བྲལ་བའི་སྐབས་སུ་ཅུང་གཅུས་པ་ལྟ་བུ། གདུགས་
― LT14_Page_033B ―
[མ་དཔེ་གཟིགས་ན་འདིར་གནོན།]
ཕུབ་པ་ལྟ་བུ། སྤྱི་བོར་ལྗོན་ཤིང་གྱེས་ལུས་ཐམས་ཅད་པ་ལྟ་བུ། སྐྲ་ཤད་འཛིང་སོར་ཚིག་ཐམས་ཅད་ལ་པ་ལྟ་བུ་གནས་ཏེ། དེ་དང་དེ་ལ་དོར་ན་སར་གཏང་པ་བར་བྱའོ། །དེ་ལ་འཁོར་བའི་རྩ་བཞི་ནི། རོ་རྐྱང་གཉིས་ཏེ། ལྟེ་བ་ཡན་ཆད་ནས་ལུས་ཀྱི་གཡས་གཡོན་གཉིས་ལ་བརྟེན་ནས་གནས་ཏེ། ལྟེ་བ་མན་ཆད་ནས་བཞིར་ཕྱེ་སྟེ་གཡས་གཡོན་གཉིས་ལ་མདུན་རྒྱབ་གཉིས་ཏེ་བཞིར་གནས་པར་བཞེད་དོ། །དེ་ཡང་གཡས་ནི་སིཧླ་རླུང་དང་བཅས་པའི་སྟེང་འཕེན་ཅིང་འཛིན་པར་བྱེད་པའི་རྩ། གཡོན་ན་གཡ་བུར་འཕེན་ཅིང་འཛིན་པར་བྱེད་པའི་རྩ། མདུན་ན་གླ་རྩི་འཕེན་ཅིང་འཛིན་པར་བྱེད་པའི་རྩ། རྒྱབ་ན་གཞི་མཉམ་འཕེན་ཅིང་འཛིན་པར་བྱེད་པའི་རྩ་སྟེ། དེ་དག་ཀྱང་ལས་ཀྱིས་བསྐྱེད་པའི་རིས་ཅན་ལུས་དང་སེམས་གཟུང་འཛིན་དང་བཅས་པར་བསྐྱེད་པས་འཁོར་བའི་རྩ་ཞེས་བྱའོ། །འཁོར་ལོ་རྣམས་དང་ཞེས་བྱ་བ་ལ། བྱང་ཆུབ་ཀྱི་སེམས་མི་གཡོ་བའི་འཁོར་ལོ་མཛོད་སྤུ་ན་ཕའི་ཟླ་བ་གསང་གནས་མའི་སིཧླ་གཉིས། གཡོ་བའི་འཁོར་ལོ་བཞི་སྟེ་སྤྱི་བོ་སོགས་དྲུག །གཞན་ཚིགས་ཆེན་བཅུ་གཉིས་ཀྱི་འཁོར་ལོ་ནད་འདུ་བ་བཞི་བསྐྱེད་པའི་རྩ་འདབ་སུམ་ཅུ་རྩ་གཉིས་པོ་དེ་བཅུ་གཉིས་ཏེ། དེ་ལྟར་བཅོ་བརྒྱད་དུ་གནས་ལ་ཡང་ཟུག་བྱུང་ན་དེ་དང་དེར་ལ་དོར་བར་བྱའོ། །གཞན་རྣམས་ནི་སུམ་ཅུ་རྩ་གཉིས་གཞན་རྣམས་དང་། རྩ་སྟོང་ཕྲག་བདུན་ཅུ་རྩ་གཉིས་ལ་སོགས་པ་ཕྲན་གཞན་རྣམས་ཏེ། ཟུག་བྱུང་ན་དེ་དང་དེའི་གནས་སུའང་ལ་དོར་བར་བྱའོ། །དེ་ནི་མྱ་ངན་ལས་འདས་པའི་རྩ་ལ་དོར་བ་སྟེ། རྩ་དབུ་མར་རླུང་སེམས་དྭངས་ན་དོགས་པར་འགྱུར་བའི་མདུད་པ་སུམ་ཅུ་རྩ་གཉིས་ཡོད་པ་ལས། ས་དང་པོ་རབ་ཏུ་དགའ་བ་དང་། ས་བཅུ་གཉིས་པ་ཡེ་ཤེས་ཆེན་པོ་ལ་མདུད་པ་རེ་རེ་ལ་དོར། གྱེན་ལ་བར་དུ་ས་བཅུ་ལ་སྦྱོར་བ་མགོ་རྩོམ། དངོས་གཞི་ལོངས་སྤྱོད། མཇུག་ཡོངས་སུ་རྫོགས་ཤིང་ཐིམ་སྟེ། མདུད་པ་གསུམ་གསུམ་ལ་དོར་རོ། །དེ་བས་ན་ས་ཐོག་མཐའ་ལ་རེ་རེ། གསུམ་པ་
― LT14_Page_034A ―
[མ་དཔེ་གཟིགས་ན་འདིར་གནོན།]
བཅུས་བར་གྱི་རྩ་མདུད་དྲལ་བས་ལ་དོར་ཞེས་སྨོས་སོ། །དེ་ལྟར་གདམས་ངག་དྲུག་ཉེ་བར་ཕན་འདོགས་པའི་ཏུ་བསྟན་ཏོ།། །ད་ནི་སྙན་བརྒྱུད་བཞི་དོན་གྱི་བརྒྱུད་པ་བར་མ་ཆད་པ་ལས་དངོས་གྲུབ་རྣམས་འབྱུང་བས་རུ་བསྟན་པའི་ལམ་ལས། གསང་སྔགས་སྙན་བརྒྱུད་སྩོགས་བཞི་མ་ཆད་པ་ཞེས་སྨོས་ཏེ། དབང་གི་ཆུ་བོ་མ་ནུབ་པ། བྱིན་རླབས་ཀྱི་བརྒྱུད་པ་མ་ཉམས་པ། གདམས་ངག་གི་སརྒ་མ་ལོག་པ། མོས་གུས་ཀྱི་བསམ་པ་ཚིམ་པར་ནུས་པའོ། །དེའི་དང་པོ་ལ་གསུམ། རྒྱུ་དུས་ཀྱི་དབང་གི་ཆུ་བླ་མ་ལས་ཟབ་འབྲིང་གསུམ་གང་རུང་བོ་མ་ནུབ་པ། ལམ་དུས་རྒྱས་བསྡུས་གསུམ་གང་རུང་སོགས་ཀྱི་དབང་གི་ཆུ་བོ་མ་ནུབ་པ། འབྲས་བུའི་དུས་སུ་དབང་གི་ཆུ་བོ་མ་ནུབ་འགྲོས་བཞི་ཐིམ་པ་པ་སྟེ། མདོར་ན་དབང་གི་ལམ་ཡོངས་སུ་རྫོགས་པར་བྱེད་པའི་གཞུང་ངོ་། །གཉིས་པ་ཡང་གསང་སྔགས་མཐའ་བཞིའི་བདག་ཉིད་ཡིན་ཏེ། ལག་ཏུ་བླང་བའི་མཐའ་ཉམས་ལུས་ཉམས་ལ་སོགས་སུ་མྱོང་བའི་ཡན་ལག་ཚང་རླུང་སོགས་མཐའ། བྱིན་གྱིས་རླབས་པའི་སྐུ་ཡི་མཉེན་ལྕུགས་སོགས་མཐའ། གྲུབ་པའི་མཐའ་ས་དང་པོ་ཡན་ཆད་ཅན་ནོ། །གསུམ་པ་ནི། སྲིན་པོ་ལ་སོགས་པའི་བདུད་དང་བར་ཆོད་རྣམས་སམ། འཇིགས་ཤིང་ཉམས་ང་བ་ལ་སོགས་པ་མི་འཚམས་པ་དུ་མ་བྱུང་བའི་ཚེ་དེ་ཉིད་ལམ་དུ་ཤེས་ན། ཏིང་ངེ་འཛིན་ཤེས་པས་བསམ་གཏན་གྱི་གེགས་སེལ། བར་ཆད་ངོ་ཤེས་པས་བདུད་ཀྱི་གེགས་སེལ། སྐྱོན་ཡོན་ཏན་དུ་སློང་ཤེས། བར་ཆོད་དངོས་གྲུབ་ཏུ་ལེན་ཤེས་པའི་གདམས་ངག་ཅེས་བྱའོ། །བཞི་པ་ནི་བར་ཆད་དང་དངོས་གྲུབ་དོགས་པ་དང་རེ་བ་ཐམས་ཡི་གེའི་རྟེན་འབྲེལ་ཅད་བདག་ཉིད་ཀྱི་ལུས་ལ་རྩ་རླུང་གི་རྟེན་འབྲེལ་འགྲིགས་པ་ལས་བྱུང་བར་བླ་མ་དམ་པ་བསྟེན་པས་ཡིད་ཆེས་ཁྱད་པར་ཅན་སྐྱེས་ཏེ། བླ་མ་ལ་སངས་རྒྱས་ཀྱི་འདུ་ཤེས་འཇུག་པའོ། །ད་ནི་རྟེན་འབྲེལ་ལྔ་རུང་བརྟེན་པའི་ལམ་ལས།
― LT14_Page_034B ―
[མ་དཔེ་གཟིགས་ན་འདིར་གནོན།]
རྟེན་འབྲེལ་འགྲིག་པའི་ལུས་ཁྱད་པར་ཅན་ལ་བརྟེན་ནས་གཞི་གང་ཡིན་པ། རྟེན་འབྲེལ་གྱི་མཐའ་གང་ཡིན་པ། རྟེན་འབྲེལ་གཞན་དབང་རྟེན་འབྲེལཉིད་གང་ཡིན་པ། དེ་ལམ་བྱང་ཆུབ་ཆེན་པོའི་ལམ།བཞི་ལས་གང་ཡིན་པ། ཚད་མ་བཞི་ལས་ལོ་རྒྱུས་ཀྱི་ཚད་མ་གང་ཡིན་པ། རྟེན་འབྲེལ་དེས་ཀུན་གཞི་རྣམ་ཤེས་དག་པའི་ལོ་རྒྱུས་ཆེན་པོ།མཚོན་ཅིང་མངོན་དུ་བྱ་བའི་དོན། རྟེན་ཅིང་འབྲེལ་བར་འབྱུང་བ་དུ་ཞིག་ཕྱི་རྟེན་ཅིང་འབྲེལ་བར་འབྱུང་བ་དང་། ནང་རྟེན་ཅིང་འབྲེལ་བར་འབྱུང་བ་དང་། གསང་བ་རྟེན་ཅིང་འབྲེལ་བར་འབྱུང་བ་དང་། མཐར་ཐུག་རྟེན་ཅིང་འབྲེལ་བར་འབྱུང་བ།གིས་ལམ་ཡོངས་སུ་རྫོགས་པ་སྟེ་བདུན་གྱི་བསྟན་ལ། དེ་ཡང་རྡོ་རྗེའི་ཚིག་རྐང་དང་རིམ་པ་བཞིན་སྦྱར་རོ། །ད་ནི་ཐམས་ཤེས་རབ་ཀྱི་ཕྱོགས་སུ་ལྷུང་བའི་རྣལ་འབྱོར་པའི་ལམ་གྱི་བར་ཆད་སྲུང་བ་ནི། ཐབས་ཀྱི་ཕྱོགས་སུ་ལྷུང་བའི་རྣལ་འབྱོར་པ་ལ་བར་ཆད་བཞི་ལ་སྲུང་བ་བརྒྱད། ཤེས་རབ་ཀྱི་ཕྱོགས་སུ་ལྷུང་བའི་རྣལ་འབྱོར་པ་ལ་བར་ཆད་བཞི་ལ་སྲུང་བ་བརྒྱད། རྣལ་འབྱོར་པ་གཉིས་ཐུན་མོང་དུ་སྲུང་བ་བཅུ་བཞི་སྟེ། འཇིག་རྟེན་པའི་ལམ་མན་ཆད་སྲུང་བ་སུམ་ཅུ་ཐམ་པས་སྲུང་བ་ཡིན་ནོ། །དེ་ལ་ཐབས་ཀྱི་ཕྱོགས་སུ་ལྷུང་བ་ཞེས་པ་ལ་སོགས་པས་དང་པོ་བསྟན་ཏེ། དེ་ལ་ཐབས་ཀྱི་ཕྱོགས་སུ་ལྷུང་བ་ནི། མོས་དང་པོ་ནས་སྐུ་ལྔ་ལ་སོགས་པ་ལ་དང་པ།པའམ་འཇུག་པས་ལྷུངས་པའམ། ཉམས་མཐོང་སྣང་དུ་མ་སོགས།ཀྱིས་ལྷུངས་པ་གཉིས་སོ། །གང་ཟག་དེ་ལ་དུས་བཞིར་བར་ཆད་བཞི་འཇུག་སྟེ། ལམ་ལ་ཐུན་བཞི་སོགས་འཇུག་པ་ན་འཇིག་རྟེན་པའི་ཆོས་ཀྱི་བར་ཆད། ལམ་དུ་ཞུགས་པ་ན་ཉམས་སྐྱེས་ཕན་ཆད་ཕྱི་རོལ་བདུད་ཀྱི་བར་ཆད། སེམས་ཅུང་ཟད་འཕེལ་བ་བདུད་སྟོབས་འཕེལ་བའི་བར་ཆད། སེམས་བརྟན་པ་ཏིང་ངེ་འཛིན་ངོ་མ་བར་མ་དང་ཐ་མ་ནའོ། ཤེས་པའི་བར་ཆད་དོ། །དང་པོ་ལ་གཉིས། གཉེན་འདུན་དང་འབྲེལ་པ་ལ་སོགས་པའི་གདུངས་པས་ལམ་ལས་བཟློག་ཅིང་ཟང་ཟིང་ལ་འཇུག་པའོ། བར་ཆད་དང་། བླ་མ་དང་གྲོགས་ཀྱི་བར་ཆད་དོ། བྱ་བ་ལ་འཛུད་པ། དང་པོ་ནི།
― LT14_Page_035A ―
[མ་དཔེ་གཟིགས་ན་འདིར་གནོན།]
ཟང་ཟིང་གི་སྦྱིན་པ་ཕྲ་མོ་སྔོན་དུ་འགྲོ་བའི་དད་པ་བརྟན་པོས་སྲུངས། གཉིས་པ་ནི་ཟང་ཟིང་གི་སྦྱིན་པ་དང་བརྩེ་བའི་སེམས་སྔོན་དུ་འགྲོ་བའི་དད་པ་བརྟན་པོས་བསྲུང་ངོ་། །ཕྱི་རོལ་བདུད་ཀྱི་བར་ཆད་ནི་རྡོ་རྗེའི་རྭ་བ་ལ་སྒྲུབ་ཐབས་སྤྱི་ལས་བྱུང་བ་སོགས་པས་སྲུང་འཁོར་སུམྦྷ་ནི་ལ་སོགས་པའི་སྔགས་བཟླས། བླ་མ་དང་གྲོགས་གཞན་རྐྱེན་ལ་ལྟོས་པའི་སྔགས་ནུས་པ་ཅན་གྱིས་གནང་བ་མདུད་ལ་སོགས་པ་སྟེ་གསུམ་གྱིས་ངེས་པར་བསྲུང་ངོ་། །དེ་དག་གིས་ཐབས་ཀྱི་བར་ཆད་ཐབས་ཀྱིས་སྲུང་བ་བཞིའོ། །བདུད་སྟོབས་འཕེལ་བའི་བར་ཆད་ནི། སྲུང་བའི་འཁོར་ལོ་གོ་འཕོ་དོན་དམ་པའི་སྲུང་འཁོར་དུ་བ་ཡིན་ཏེ། བར་དུ་གཅོད་བྱའི་བདག་དང་། གནོད་བྱེད་ཀྱི་བདུད་དང་། བར་ཆད་དང་གསུམ་ཡང་། སེམས་སུ་ཤེས་པ། སྒྱུ་མར་ཤེས་པ། རང་བཞིན་མེད་པར་ཤེས་པ་གསུམ་གྱིས་བསྲུང་སྟེ། དེ་ལྟར་ན་ཐབས་ཀྱི་བར་ཆད་ཤེས་རབ་ཀྱིས་སྲུང་བ་གསུམ་མོ། །སེམས་བརྟན་པ་ན་ཀྵ་ཡིག་ལ་སོགས་པའི་གནས་སུ་རླུང་སེམས་མཉམ་པར་འདུས་པས་སྲིན་པོ་དང་ཤ་ཟས་རྡེག་པ་ལ་སོགས་པ་མི་འཚམས་པ་བྱུང་བ་ནི། ཏིང་ངེ་འཛིན་ངོ་ཤེས་དེ་ཉིད་ཏིང་ངེ་འཛིན་དུ་པས་བསམ་གཏན་གྱི་གེགས་སེལ། གུད་ན་མེད་བར་དོ་མེད་པར་ངོ་ཤེས་པས་བདུད་ཀྱི་གེགས་སེལ། སྐྱོན་ཡོན་ཏན་དུ་སློང་ཤེས། བར་ངོ་མ་ཤེས་ན།ཆད་དངོས་ཤེས་ན་གྲུབ་ཏུ་སློང་ཤེས་པས་བར་ཆད་ཞི་སྟེ། མདོར་ན་གཞན་དབང་རྟེན་གསུམ་ཀའམ་གང་རུང་གཅིག་འབྲེལ་ཤེས་པས་བསྲུང་ངོ་། །དེ་ལྟར་ན་སྲུང་བ་བརྒྱད་ཀྱང་གསུམ་དུ་འདུ་གསུངས་མ་ཤེས་པའང་། ཏེ། ཐབས་ཀྱི་བར་ཆད་ཐབས་ཀྱིས་སྲུང་བ་བཞི། ཐབས་ཀྱི་བར་ཆད་ཤེས་རབ་ཀྱིས་སྲུང་བ་གསུམ། ཐབས་ཀྱི་བར་ཆད་རྟེན་འབྲེལ་གྱིས་སྲུང་བ་གཅིག་སྟེ་བརྒྱད་གསུམ་དུ་བསྡུའོ། །ཤེས་རབ་ཀྱི་ལམ་ལ་ཞེས་བྱ་བ་ལ་སོགས་པ་ལ། དེ་ལ་ཡང་གང་ཟག་ནི་གཉིས་ཏེ། མོས་པའམ་འཇུག་པས་ཤེས་རབ་ཀྱི་ཕྱོགས་སུ་ལྷུངས་པ་དང་། ཉམས་ཀྱིས་
― LT14_Page_035B ―
[མ་དཔེ་གཟིགས་ན་འདིར་གནོན།]
ཤེས་རབ་ཀྱི་ཕྱོགས་ལྷུངས་པའོ། །དེ་གཉིས་ལའང་བར་ཆད་བཞི་འཇུག་སྟེ། ཉམས་ན་ཚ་སོགས།དང་སྡུག་བསྔལ་སྐྱེད་པའི་བར་ཆད། གཟུགས་དུ་མ།སྟོན་པའི་བར་ཆད། སྒྲ་བརྗོད་པའི་ལུང་སྟོན་པ་ལ་སོགས་པ།བར་ཆད། ལྟ་གྲུབ་སྒྱུར་བའི་བར་ཆད་དོ། །དེ་དག་ལ་སྲུང་བ་རིམ་པས་འཇུག་སྟེ། སད་པ་བཞིའོ། །དེ་ཡང་འོག་ཏུ་སྦྱར་ལ། ཤེས་རབ་ཀྱི་ལམ་ལ་ལྷའི་བུའི་བདུད་འོང་པས། སད་པ་བཞིའི་སྲུང་ཞེས་པ་དང་འབྲེལ་ལོ། དེ་ལ་སད་པ་བཞི་ནི། ཉམས་ཀྱིས་སད་སྲུང་འཁོར་གསུམ་གྱིས་བསྲུང་། ལམ་སྒོམ་དུས་ན་བ་སོགས་བྱུང་ན་ཡིན། ཏིང་ངེ་འཛིན་གྱིས་སྲུང་། སྔགས་མར་མོ་སད་ན་ཡིན།ཀྱིས་སད། ལྟ་བཞི་པའི་མ་ཤེས་ན་ཡིན།གྲུབ་ཀྱིས་སད་དོ། །ཡན་ལག་གི་དོན་ཅུང་ཟད་བརྗོད་ན། ཕྱིའི་བདུད་ཅེས་བྱ་བ་ནི། དང་པོ་ནས་ནག་པོའི་ཕྱོགས་བར་ཆད་འབའ་ཞིག་བྱེད་པ་ལོག་འདྲེན་ནོ། །ལམ་གཉིས་ལྟ་གྲུབ་བརྒྱད་སྒྱུར་བ་ནི་བར་ཆད་བཞི་པ་ཡིན་ལ། བར་ཆད་གསུམ་ནི་ཤུགས་ཀྱི་ཤེས་པར་བྱའོ། །ད་ནི་ནང་གི་བདུད་ཅེས་སྨོས་པས་ཡང་བར་ཆད་སྔ་མ་ལྟ་བུ་བཞི་ལ་སྲུང་བ་ནི། དབང་བཞིས་བརྡས་བསྲུང་སྟེ། དེ་ལ་ནང་གི་བདུད་ནི་ཕན་མཉེས་ན།འདོགས་པ་དང་གནོད་མ་མཉེས་ན།པ་སྐྱེལ་བའམ། ཚར་བཅད་པ་དང་རྗེས་སུ་བཟུང་བ་གཉིས་ཀ་བྱེད་པ་སྟེ། ནང་གི་བདུད་ཅེས་བྱ་ལ། གེགས་ཞེས་ཀྱང་བྱའོ། །ལམ་ལ་སྩོགས་པ་བཅུ་ཡང་སྔ་མ་བཞིན་ནོ། བརྡ་ཤེས་པ་བསྲུང་བ་ནི། ལུས་བརྡ་ལ། ལྔ་བསྡུས་རྩེ་དབང་བཞི་དང་རིམ་པ་བཞི་སྦྱར། མོ་མནན་པ་དང་། །མཐེབ་སྲིན་ཨེ་གསང་དབང་གི་དུས་སུ་བླ་མས།ལ་རིག་བྱེད་གཅིག །བྱང་ཆུབ་མཆོག་གི་ཕྱག་རྒྱ་སྟེ། །མཛུབ་མོས་ནམ་མཁའ་མཚོན་པའོ། །ངག་བརྡ་ལ། སོར་མོ་ལྔ་ནི་ཕྲལ་ཏེ་བསྟན། །རྡོ་རྗེ་ཁུ་ཚུར་མི་ཕྱེད་འགྱུར། །རྡོ་རྗེ་རྩེ་གསུམ་ཕྱར་ཏེ་བསྟན། བྱང་ཆུབ་སེམས་ལ་བཞག་གམ། །མཛུབ་མོས་ནམ་མཁའ་མཚོན་པའོ། །ངག་བརྡ་ལ། ཀ་ལ་ཤ་ཨ། ཡ་ར་ལ་
― LT14_Page_036A ―
[མ་དཔེ་གཟིགས་ན་འདིར་གནོན།]
ཝ། ཨེ་བཾ་མཱ་ཡཱ། ༀ་ཨཱཿཧཱུྃ་ཧོཿༀ་བཞི་སྡེ་ཚན་ནི་རྣམ་དབང་རེ་རེ་ལ་ཡི་གེ་བཞི་བཞི། པ་བཞིར་ཤེས་བྱ། བར་ཆད་ངེས་པར་སྲུང་བའོ། །དེ་དག་གིས་ནི་ཐབས་ཤེས་རབ་ཀྱི་ཕྱོགས་སུ་ལྷུངས་པའི་སྲུང་བ་བརྒྱད་བརྒྱད་བཅུ་དྲུག་བསྟན་ཏོ། །ད་ནི་རྣལ་འབྱོར་པ་གཉིས་ཐུན་མོང་གི་སྲུང་བ་བཅུ་བཞི་ལ། གྲིབ་དང་སྒྲིབ་པ་ཐིག་ལེ་འཛག་པ་སྲུང་ཞེས་བྱ་བ་སྨོས་ཏེ། གྲིབ་མ་དྲུག །གཙོ་བོར་འདུས་པ་དང་པོ་ལ། ཐིག་ལེ་འཛག་པ་དྲུག་གཙོ་བོར་བར་པ་ལ། སྒྲིབ་པ་གཉིས་བསྲུང་ངོ་། །གཙོ་བོར་ཐ་མ་ལ། དེ་ལ་གྲིབ་མ་དྲུག་ནི། དམ་ཚིག་གི་གྲིབ། གདོན་གྱི་གྲིབ། གྲོགས་ངན་གྱི་གྲིབ། ཟས་ཀྱི་གྲིབ། གནས་ཀྱི་གྲིབ། །རོ་ཡི་གྲིབ་བོ། །དེ་ལ་དང་པོ་གྲིབ་མ་ཆེན་པོ། བར་པ་བཞི་འབྲིང་། ཐ་མ་ཆུང་ངུའོ། །དེ་ལ་གྲིབ་མ་གསུམ་རྨི་ཉམས་སུ་རྟོགས་པར་འགྱུར་ཏེ། གང་མི་འབུ་སྦུར་སོགས་གཙང་བར་བརྟག་པས་ལུས་ལ་ཆེན་པོ། གོས་ལ་འབྲིང་། གནས་ཁང་ལ་སྦགས་པར་འགྱུར་ན་ཆུང་ངུའོ། །ཡང་གྲིབ་མ་དྲུག་རྨི་ཉམས་སུ་ཡང་སོ་སོར་རྟོགས་པར་འགྱུར་རོ། །དེ་ལ་གྲིབ་མ་ཆེན་པོས་སྲོག་འཕྲོག །འབྲིང་གིས་ལུས་སེམས་ལ་སྡུག་བསྔལ་བསྐྱེད། ཏིང་ངེ་འཛིན་འཕྲོག །ཆུང་ངུས་ཀྱང་ཏིང་ངེ་འཛིན་ཉམས་མི་སྐྱེ།འཕྲོག་གོ །དེ་ལ་གྲིབ་མ་སེལ་བ་ནི། གྲིབ་མ་ཆེན་པོ་དབང་བླ་མ་ལས།གིས་སེལ། འབྲིང་ཚོགས་དམ་ཚིག་མཁའ་འགྲོ་ལ། ཀྱིས་སེལ། ཆུང་ངུ་ཁྲུས་རང་གིས་སྙིང་པོ་བཟླས་པའོ། ཀྱིས་སེལ་ལོ། །དེ་ལ་ཁྲུས་ཀྱི་སེལ་བའི་དབང་དུ་བྱས་ཀྱང་། གདོན་གྱི་གྲིབ་མ་ཆེ་འབྲིང་ཆུང་གསུམ་ལ། གྲིབ་མ་ཆེན་པོ་ལ་བུམ་པའི་ཆོ་ག་ཇི་ལྟ་འབྲུ་སྨན་སོགས།བ་བཞིན་བྱ་སྟེ། དྲག་པོའི་སྦྱིན་སྲེག་གི་ཐལ་བ། བཙན་དུག །མི་རུས་ཕྱེ་མ། ཉུངས་ཀར་དང་། དེ་རྣམས་བླུགས་ལ་དྲི་ཞིམ་པོའི་ཆུ་ཡིས་བཀང་། ལྷག་པའི་ལྷའི་སྙིང་པོ་མང་དུ་བཟླས་ཏེ། དུས་གསུམ་དུ་ཁྲུས་བྱས་ན་སིལ། འབྲིང་ནི་རྒྱས་པའི་སྦྱིན་སྲེག་གི་ཐལ་གསུམ་པའི་དོད་པས་སོ། །
― LT14_Page_036B ―
[མ་དཔེ་གཟིགས་ན་འདིར་གནོན།]
ཆུང་ངུ་ཞི་བའི་སྦྱིན་སྲེག་གི་ཐལ་བས་སོ། །རིམས་ནད་བཅད་པ་ལ་སོགས་པ་ལ་ནི་དབང་གི་སྦྱིན་སྲེག་གི་ཐལ་བས་ཏེ་ཆོ་ག་ཇི་ལྟ་བ་བཞིན་བྱའོ། གུད་དུ། །གྲིབ་མ་སྤྱི་སེལ་བ་ཡང་དབང་གི་སེལ། དུས་ཁྱད་པར་ཅན་གྱི་ཚོགས་དང་ཁྲུས་ཀྱིས་སྔགས་མང་དུ་བཟླས།ཀྱང་སེལ། སཱཙྪས་ཀྱང་སེལ་ཏེ། ཕྱེད་ནི་གནས་དབེན་པར་བཞག་ཅིང་། ཕྱེད་ཆུ་བོར་དོར་བར་བྱའོ། །གཞན་ཡང་སྲོག་ཆགས་ཀྱི་ཚེ་བསྐྱབ་པ་དང་། ངག་གི་སྨྲེ་བཤགས་ཡི་གེ་བརྒྱ་པ་སོགས་ལ་སོགས་པས་ཀྱང་སེལ་ལོ། །འདི་དག་ནི་ལྷ་གྲངས་དང་མཐུན་པ་ལ།ཁམས་འདུས་པ་དང་པོ་ལ་གཙོ་བོར་བར་དུ་གཅོད་པས་གྲིབ་མ་བསལ་བ་ཤིན་ཏུ་གཅེས་སོ། །ཐིག་ལེ་འཛག་པ་དྲུག་ནི། བདེ་བ་སྐྱེས་ཏེ་གང་བས་འཛག །གདོན་དང་བག་ཆགས་ཀྱི་རྨི་ལམ་དུ་འཛག །ནད་གཞིའི་གྲང་བ།ཆུ་དང་བསྡོངས་ཏེ་འཛག །རིག་མའི་རྐྱེན་ཡུལ་སྡུག་པ།གྱིས་ཆགས་པ་སྐྱེས་ཏེ་འཛག །ཁ་ཟས་རྩུབ་པ།མི་མཐུན་པས་རང་ཉམས་ཏེ་འཛག །སྤྱོད་ལམ་ངལ་དུབ་སོགས་གྱིས་རྡུལ་དང་བསྡོངས་ཏེ་འཛག་གོ །དེ་ལ་སྲུང་བ་ནི། དང་པོར་འགྱུར་བ་རྣམ་པ་དྲུག །དག་འདྲེན་པ། ཞི་དྲག །ཁྱད་པར་དུ་སྟོབས་ཀྱི་ཧཱུྃ་ལ་སོགས་པས་བསྲུང་ངོ་། །གཉིས་པ་ནི་གུ་གུལ་ནག་པོ། །མིའི་ཀླད་པ། ཉུངས་ཀར་བསྲེགས་དང་པོ་ཉུངས་ཀར་བསྲེགས། དེ་ནས་གུ་གུལ། །དེ་ནས་གཞན་རྣམས། པའི་ཐལ་བ། པདྨའི་རཀྵ། དེ་སྦྱོར་བ་ལེགས་པར་བྱས་ལ། སྲོད་ཀྱི་དུས་སུ་གསང་གནས་དང་སྐེད་པ་ལ་ལེགས་པར་བྱུག །ཡང་སྐུད་པ་ནག་པོ་གཅིག་ལ་མདུད་པ་ཉི་ཤུ་གཅིག་བྱས་ལ། ལྷག་པའི་ལྷའི་སྙིང་པོ་མང་དུ་བཟླས་ཏེ་སྐེད་པར་བཅིང་ངོ་། །བག་ཆགས་ལ་བུད་མེད་ཀྱི་དྲི་མས་སོ། །གཞན་ལུས་ཀྱི་སྤྱོད་ལམ་ཙོག་པུ།དང་བྱ་བའི་རྒྱུད་དང་ཐུན་མོང་ལ་སོགས་པས་བསྲུང་ངོ་། །གསུམ་པ་ནི་སྤྱིར་ཟས་བཅུད་ཅན་ལ་བརྟེན། ཚ་བ་གསུམ་གྱི་གམ་ཕྱེ་ལྟོ་སྟོང་ལ་ཅུང་ཟད་གཏོང་། གཅན་གཟན་ལ་སོགས་པ་དྲོ་བར་གྱུར་པའི་
― LT14_Page_037A ―
[མ་དཔེ་གཟིགས་ན་འདིར་གནོན།]
རས་མས་གསང་གནས་དང་སྐེད་པར་དཀྲི། ལངས་ཏེ་གྲུ་མོ་སླེབ་པའི་སར་མེ་ལྔའམ་བདུན་གདབ། ངེས་པར་ཞི། བཞི་པ་སྲུང་བ་ནི་འགྱུར་བ་དྲུག །བགྲད་པའི་འདིའང་མིག་སྟེང་དུ་མཐས་ཁྱད་པར་དུ་སྲུང་བ་སྟེ། འདིའི་སྲུང་བ་གཞན་དང་པོ་དང་ཐ་མ་ལ་བྱུང་ཡང་རྣམས་དང་། བླ་མའི་ཞལ་ཁ་ཟས་དང་སྨན།གདམས་ཞིབ་ཏུ་ཤེས་པར་བྱའོ། འཛག་པ་གཉིས་ནི་སྔར་ཟས་དང་སྤྱོད་ལམ་གྱི་བདུད་རྩི་བརྟེན་པའི་སྐབས་སུ། བསྟན་པ་དང་ཁྱད་པར་མེད་པ་ཡིན་ནོ། །ཁམས་འདུས་པ་བར་པ་ལ་གཙོ་བོར་བར་དུ་གཅོད་པས་སྲུང་བ་ཤིན་ཏུ་གཅེས་སོ། །སྒྲིབ་པ་གཉིས་ཏེ། ཉོན་མོངས་པའི་སྒྲིབ་པ་དང་། ཤེས་བྱའི་སྒྲིབ་པའོ། །དང་པོ་ནི་རྣམ་རྟོག་རྒྱུན་ཆགས་ཏེ། དེ་ནི་འཇུག་པ་སེལ་བ་ལ་སོགས་པ་གསུམ་གྱིས་སེམས་ཟིན་པས་བསྲུང་། ཤེས་བྱའི་སྒྲིབ་པ་ནི་ཏིང་ངེ་འཛིན་ཡིན་ཡང་ཉམས་སྐྱོན་ཅན་བརྒྱད་དེ། དེ་དག་ནི་བྱུང་རྒྱལ་གྱི་གནད་ཀྱིས་སྐྱོན་མེད་གསུམ་གྱིས་བསྲུང་ངོ་། །སྐྱོན་མེད་མ་སྐྱེས་ན་སྐྱེད་པའི་ཐབས་ཀྱང་བླ་མའི་ཞལ་ལས་ཤེས་པར་བྱའོ། །དེ་དག་གིས་ནི་རེ་ཞིག་ཐུན་མོང་གི་སྲུང་བ་བཅུ་བཞི་བསྟན་ལ། སྤྱིའི་སྲུང་བ་སུམ་ཅུ་ཐམ་པ་བསྟན་ཏོ། །དེ་ལྟར་གཞུང་ཚོམ་བུ་བདུན་དུ་བཅད་ནས་འཁོར་འདས་ཐུན་མོང་གི་ལམ་བསྟན་ཏོ། །ད་ནི་འཁོར་ལོ་འཆམ་པ་འཇིག་རྟེན་པའི་ལམ་བསྟན་པ་ལས། དེ་ཡང་གཞུང་ཚོམ་བུ་བདུན་དུ་གསུང་ཡང་ལམ་སྤྱིའི་རྣམ་པར་གཞག་པ་ནི། ལམ་ཁྲིད་ལུགས་གསུམ། བགྲོད་ལུགས་གཉིས་སོ། །དེ་ལ་དང་པོ་ལ་གསུམ་སྟེ། རླུང་གིས་སེམས་རིག་པ་འདི་གོང་ནས་གོང་དུ་ལམ་ཁྲིད། ཁམས་བདུད་རྩིས་ལམ་ཁྲིད། རྩ་ཡི་གེས་ལམ་ཁྲིད་དོ། །དེ་ལ་དང་པོ་ནི་འཇིག་རྟེན་པའི་ལམ་གནད་དུ་ཁམས་འདུས་པ་དང་པོ་ལ་གནོད་པ་སྐྱེལ་བའི་རླུང་གིས་ཟུག་ཆེ།ལམ་ཁྲིད། བར་པ་ལ་ཕན་གནོད་ཟུག་འབྲིང་མེད་པའི་རླུང་གིས་ལམ་ཁྲིད། ཐ་མ་ཕན་འདོགས་པའི་རླུང་གིས་ནད་འདུས་པ་ལ་སོགས་པའི་
― LT14_Page_037B ―
[མ་དཔེ་གཟིགས་ན་འདིར་གནོན།]
འཕེལ་བ་སེལ་བ་སོགས།ལམ་ཁྲིད་དེ། འཇིག་རྟེན་པའི་ལམ་མན་ཆད་འཆད་དོ། །དེ་ནས་ལོ་ཀ་པས་འདས་པའི་ལམ་ལ་ཟག་པ་མེད་པའི་རླུང་གིས་ས་དྲུག་ལམ་ཁྲིད། དེ་ནས་དབང་པོ་ས་བཞི་ལྔའི་རླུང་གིས་ལམ་ཁྲིད། དེ་ནས་སྟོབས་ལྔའི་རླུང་གིས་ལམ་ཁྲིད། དེ་ནས་སྲོག་དང་རྩོལ་ས་བརྒྱ་བ་རབ་ཏུ་ཐིམ་པའི་རླུང་གིས་ལམ་ཁྲིད་དེ། དེ་ནས་ནི་རླུང་གི་འགྲོས་ཐིམ་ས་བཅུ་གསུམ་པ་ལ།ནས་ཡེ་ཤེས་ཀྱི་རླུང་འབའ་ཞིག་ཏུ་འགྱུར་རོ། །གཉིས་པ་ཁམས་བདུད་རྩིས་ལམ་ཁྲིད་པ་ལ་ཡང་ཁམས་འདུས་པ་དང་པོ་ལ་ཁམས་དྭངས་སྙིགས་མ་ཕྱེད་པས་ལམ་ཁྲིད། བར་པ་ལ་ཅུང་ཟད་དྭངས་པས་ལམ་ཁྲིད། ཐ་མ་ལ་ཕལ་ཆེར་དྭངས་པས་ལམ་ཁྲིད་དེ། ལོ་ཀའི་ལམ་མན་ཆད་དོ། །དེ་ནས་ལོ་ཀ་ལས་འདས་པའི་ལམ་ལ་ཁམས་དྭངས་མས་ལམ་ཁྲིད། དེ་ནས་བདུད་རྩིའི་བཅུད་ཀྱིས་ལམ་ཁྲིད། དེ་ནས་ཁམས་དྭངས་མ་ཆེན་པོས་ལམ་ཁྲིད། དེ་ནས་དྭངས་མའི་དྭངས་མ་ཆེན་པོས་ལམ་ཁྲིད། དེ་ནས་བདུད་རྩིའི་འགྲོས་ཐིམ་ནས་དྭངས་མ་མཆོག་ཏུ་འགྱུར་རོ། །གསུམ་པ་རྩ་ཡི་གེས་ལམ་ཁྲིད་པ་ལ། ཡང་ཁམས་འདུས་པ་དང་པོ་ལམ་ངེས་པ་འཁྲུལ་སྣང་དུ་འཆར་བའི་ཡི་གེས་ལམ་ཁྲིད། གཉིས་པ་ལ་ངེས་པ་མཐོང་སྣང་དུ་འཆར་བས་ལམ་ཁྲིད། གསུམ་པ་ཤིན་ཏུ་ངེས་པ་གསལ་སྣང་དུ་འཆར་བས་ལམ་ཁྲིད་དེ། དེས་ལོ་ཀ་བའི་ལམ་མན་ཆད་ཆོད་དོ། །དེ་ནས་ལོ་ཀ་ལས་འདས་པའི་ལམ་ལ་ཡི་གེའི་སྟོབས་ཅུང་ཟད་དག་པས་ཁྲིད། དེ་ནས་ཡི་གེའི་སྟོབས་དག་པས་ལམ་ཁྲིད། །དེ་ནས་ཡི་གེའི་སྟོབས་ཆེར་དག་པས་ལམ་ཁྲིད། དེ་ནས་ཡི་གེའི་འགྲོས་ཐིམ་ནས་མི་ཤིགས་པའི་ཡི་གེར་འགྱུར་རོ།། །།ད་ནི་ལམ་འགྲོད་ལུགས་གཉིས་ལས། ལུང་སྒོ་བསྟུན་གྱི་དབང་དུ་བྱས་ནས་ལམ་ལྟར་ན་ལྔས་བགྲོད་དོ། །བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་ལྟར་ལམ་བགྲོད་དོ། །དང་པོ་ལ་ཕྱི་དབྱིབས་གསུམ་པ་ཡོད།ཀྱི་ཚོགས་ལམ་སོགས་པ་ཚོགས་ལམ་བཞི། སྦྱོར་ལམ་རྣམ་རྟག་སྔོན་ཕ་རོལ་ཏུ་ཕྱིན་པ་དང་
― LT14_Page_038A ―
[མ་དཔེ་གཟིགས་ན་འདིར་གནོན།]
དུ་སོང་བ་ལ་སོགས་པ་དྲོད་གསུམ། ཕྱི་རྟོགས་པ།ནང་གི་རྩེ་མོ་གཉིས། མ་སྐྱེས་པའི་དབུ་མར་རླུང་འདུས་པ།ཆོས་ལ་བཟོད་པར་དཀའ་བ་སྟོང་པ་ཉིད་ཀྱི་བཟོད་པ་གཅིག །འཁོར་བའི་སྤང་བྱ།ཆོས་ལས་འདས་པའི་ཆོས་མཆོག་དང་། མྱ་ངན་ལས་འདས་པའི་བླང་བྱ། ལམ་ཆོས་རྣམས་རྫོགས་པའི་ཆོས་མཆོག་གཉིས་ཏེ། དེ་ལྟར་ན་ལམ་ཚོགས་སྦྱོར་གཉིས་ཀྱིས་འཇིག་རྟེན་པའི་ལམ་མན་ཆད་ཆོད་དོ། །རྟགས་གསུམ་དང་པོས་མཐོང་ལམ། རྟགས་གསུམ་ཕྱི་རྟགས་སོགས་ཕྲག་བཅུ་གཅིག་གིས་སྒོམ་ལམ། འགྲོས་བཞི་ཐིམ་པས་མཐར་ཕྱིན་གྱི་ལམ་མོ། །གཉིས་པ་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་ལྟར་ལམ་བགྲོད་ན། དང་པོ་རྫུ་འཕྲུལ་གྱི་རྐང་པ་བཞིས་སྣང་བ་དགྲར་ལངས་ཀྱི་གཉེན་པོར་འགྱུར། དེ་ནས་སྟོང་པ་དགྲར་ལངས་ནས་དྲན་པ་ཕ་རོལ་ཏུ་ཕྱིན་པ་ལས་གོ་ལྡོག་སྟེ་ལམ་མྱུར་ཏུ་བྱེད་པ།ཉེ་བར་བཞག་པ་བཞི། དེ་ནས་བདེ་བས་རྒྱལ་བ་ན་ཡང་དག་པར་སྤོང་བ་བཞི་སྟེ། བཅུ་གཉིས་ཀྱིས་ལོ་ཀའི་ལམ་མན་ཆད་ཆོད་དོ། །དེ་ནས་ལོ་ཀ་ནས་འདས་པའི་ལམ་ལ་ས་དྲུག་མན་ཆད་བྱང་ཆུབ་ཀྱི་ཡན་ལག་བདུན། ལ་བརྩིས། ས་བཞི་ལ་དབང་པོ་རླུང་ལ་རྩིས།ལྔ། ས་གཉིས་ལ་སྟོབས་ལྔ། བཅུ་གསུམ་གྱི་ས་ཕྱེད་ལ་བརྟེན་པ་རྣམ་པར་ཤེས་པ་བརྒྱད་དེ་འཕགས་པའི་ལམ་ཡན་ལག་བརྒྱད་དོ། །དེ་ལྟར་བྱང་ཆུབ་ཀྱི་ཕྱོགས་ཉི་ཤུ་རྩ་ལྔས་ལོ་ཀ་ལ་འདས་པའི་རྩ་ལམ་ཆོད་དོ། །ད་ནི་ཡན་ལག་གི་དོན་རིམ་གྱིས་རླུང་ལ།བརྗོད་པ་ལས། ཚོགས་ལམ་ཞེས་བྱ་བ་སྟེ། ཚོགས་ལམ་ནི་བཞི་སྟེ། ཕྱི་དབྱིབས་ཀྱི་ཚོགས་ལམ་ལྷ་དང་བླ་མ་ཐ་མི་དད་དུ་མདུན་གྱི་ནམ་མཁའ་ལ་སྤྱན་དྲངས་ཏེ། མཆོད་པ་ལྔ་བྱས་པ་ནས་བཟུང་སྟེ་ཚོགས་ལམ། བསྐྱེད་རིམ། ནང་སྔགས་ཀྱི་ཚོགས་ལམ་སྟེ། ཙཎྜ་ལཱི། ལྟེ་བའི་གནས་སུ་རླུང་སེམས་ཚོགས་པ་ནས་བཟུང་སྟེ་ཚོགས་ལམ། གསང་དབང་གི་ཚོགས་
― LT14_Page_038B ―
[མ་དཔེ་གཟིགས་ན་འདིར་གནོན།]
ལམ་སྟེ་ཡུམ་གྱི་ཕྱག་རྒྱ།མཁར་རླུང་སེམས་འཚོགས་པ་ནས་བཟུང་སྟེ་ཚོགས་ལམ། མཐར་ཐུག་དེ་ཁོ་ན་ཉིད་ཀྱི་ཚོགས་རྦ་རླབས།ལམ་སྟེ་དགྱེས་སྩོགས་པད་ཅན་བཅུ་གཉིས་མའི་མཆོག་གི་ཟེ་བར་རླུང་སེམས་ཚོགས་པ་ནས་བཟུང་སྟེ་ཚོགས་ལམ་མོ། །མདོར་ན་ཏིང་ངེ་འཛིན་སྐྱེ་བའི་ལམ་ཞེས་བྱ་བར་བཞེད་དོ། །ལམ་དེས་སྦྱོར་ལམ་དྲོད་དང་འབྱོར་པར་འགྱུར་བས་ན་དྲོད་རྣམ་རྟོག་སྔོན་དུ་སོང་ལ་སོགས་གསུམ་ལ་ཆེ་འབྲིང་ཆུང་གསུམ་གྱི་བྱེ་བྲག་གིས་ཁམས་འདུས་པ་གསུམ་ཆེན་པོ་ལ་འབྲས་བུ་འབྱུང་།རིམ་གྱིས་འཇུག་པས་དེ་དག་གི་ཡོན་ཏན་རྣམས་འབྲས་བུ་བཞིར་འཆར་བ་ནི།ཐ་ལམ་པའི་ལུས་ངག་ཡིད་དང་བྲལ་བའི་འབྲས་བུ་བཞི་ཐོབ་ནས་ཞེས་སྨོས་ཏེ། དེ་ལ་སྤྱིར་རྒྱུ་དུས་ན་འཆར་བའི་འབྲས་བུ་བཞི། གྲུབ་མཐའ་དང་པོ་ལ་འཆར་བའི་འབྲས་ཆུང་བ་ལ་ཡུལ་གྱི་རྐྱེན་གྱིས་གནོད།བུ་བཞི། གྲུབ་མཐའ་སོ་སོ་ལ་འཆར་བའི་འབྲས་བུ་བཞིའོ། །དེ་ལ་དང་པོ་ནི། ཐ་མལ་པའི་ལུས་ངག་ཡིད་གསུམ་དང་བྲལ་བས་བྲལ་བའི་འབྲས་བུ། ཀུན་གཞི་དུད་འགྲོའི་སྐད་ཤེས་པ་སོགས།ལ་ཡོད་པ་རང་ལ་སྨིན་པས་རྣམ་པར་སྨིན་པའི་འབྲས་བུ། །ཇི་ལྟར་བྱས་པ་བཞིན་མྱོང་བས་རྒྱུ་མཐུན་ལྷན་ཅིག་སྐྱེས་པའི་སྡུག་བསྔལ་གྱི་རྐྱེན་གྱིས་བདེ་བ། འབྲས་བུ། སྐྱེས་བུའི་རྩོལ་ཆོས་བརྒྱད་ལ་ཞེན་པ་ཆུང་།བ་ལས་བྱུང་ཞིང་སྡང་བྱ་མི་མཐུན་པའི་ཕྱོགས་སྣང་བ་སོགས་འཆར།སྤོང་བས་སྐྱེས་བུ་བྱེད་པའམ་དྲི་མ་མེད་པའི་འབྲས་བུའོ། །དེ་ལ་དང་པོ་ནི་དྲོད་ཉམས་རིམ་གྱིས་བརྟན་པར་གྱུར་པ་ལས་བདག་གཞན་གྱི་ལུས་ལྷར་འཆར། ངག་སྔགས་སུ་འཆར། སེམས་རྣམ་པར་མི་རྟོག་པའི་ཏིང་ངེ་འཛིན་རྒྱུན་མི་འཆད་དེ་འབྲས་བུ་དང་པོའོ། །ཡང་དེ་ཙམ་ན་དུད་འགྲོ་ལ་སོགས་པའི་སྐད་ཅི་རིགས་པར་གོ །ཅི་རིགས་པར་སྨྲ་ཤེས་སྣང་བ་གང་ལ་ཡང་ཐོགས་པ་མེད་པ་སྙམ་བྱེད་པ་འབྱུང་སྟེ། །འབྲས་བུ་གཉིས་པའོ། །ཡང་དེ་ཙམ་ན་ལུས་ལ་བདེ་བ་རྒྱུན་མི་འཆད། སྡུག་བསྔལ་གྱི་རྐྱེན་གྱིས་ཀྱང་བདེ་བ་སྐྱེ་སྟེ། འབྲས་བུ་གསུམ་པའོ། །ཡང་དེ་ཙམ་ན་ཉོན་མོངས་པ་
― LT14_Page_039A ―
[མ་དཔེ་གཟིགས་ན་འདིར་གནོན།]
གློ་བུར་བཟློག་ཆོས་བརྒྱད་ཀྱི་རྣམ་པར་རྟོག་པའི་བློ་ཡང་རིམ་གྱིས་འགག །གང་ལ་ཡང་ཞེན་པ་ཆུང་སྟེ། འབྲས་བུ་བཞི་པའོ། །གྲུབ་མཐའ་དང་པོ་ལ་འཆར་བའི་འབྲས་བུ་བཞི་ནི། སྤྲུལ་སྐུའི་སངས་རྒྱས་རྣམས་ཀྱི་ཞལ་ལྟ། བདག་ཉིད་ཀྱང་ལྷར་གསལ་བསྐྱེད་རིམ་བརྟན་ཏེ་ཐ་མལ་པའི་ལུས་དང་བྲལ། ངག་གི་གདུལ་བྱ་བརྒྱ་ལ་སོགས་པ་ལ་ཆོས་འཆད་དེ་ཐ་མལ་པའི་ངག་དང་བྲལ། སེམས་ལ་མཉམ་རྗེས་མེད་པའི་ཏིང་ངེ་འཛིན་སྐྱེ་སྟེ་ཐ་མལ་པའི་སེམས་དང་བྲལ་བས་འབྲས་བུ་དང་པོའོ། །ཡང་དེ་ཙམ་ན་རྩིག་པ་དང་རི་ལ་ཐོགས་པ་མེད། སྟོང་གསུམ་ཉུངས་འབྲུར་ཆུད་པ་ལ་ཆེ་ཆུང་མེད། གཅིག་ལས་མང་པོར་བྱེད་ཅིང་། མང་པོ་ལས་གཅིག་ཏུ་བྱེད་པ་ལ་སོགས་པ་འབྱུང་བས་འབྲས་བུ་གཉིས་པའོ། །ཡང་དེ་ཙམ་ན་རླུང་སེམས་དབུ་མར་ཆུད། བཙུན་མོས་ཕངས་ནས་འཁྱུད། ཟག་མེད་ཀྱི་བདེ་བ་རྒྱུན་མི་འཆད་པས་འབྲས་བུ་གསུམ་པའོ། །ཡང་དེ་ཙམ་ན་མཐོང་སྤོང་ལ་སོགས་པའི་རྣམ་པར་རྟོག་པ་ཅི་རིགས་པར་ལྡོག །སྤང་བྱ་མི་མཐུན་པའི་ཕྱོགས་སྟོབས་ཆུང་། གཉེན་པོ་ཡེ་ཤེས་སྟོབས་ཆེ། རྟོག་པའི་འགྲོ་ལྡོག་ཏུ་འགྱུར་བས་འབྲས་བུ་བཞི་པའོ། །གྲུབ་མཐའ་སོ་སོའ་འབྲས་བུ་བཞི་ནི། གྲུབ་མཐའ་བཞི་ཉིད་ལ་འབྲས་བུ་ཞེས་མིང་དུ་གདགས་པ་ཡིན་ནོ། །དེ་དག་ལས་ཀྱང་དྲོད་ཀྱི་སྐབས་སུ་དང་པོ་བཞི་གཙོ་བོར་འབྱུང་བས་དེ་ལྟར་གཟུང་ངོ་། །ད་ནི་ཏིང་ངེ་འཛིན་གྱི་རྒྱུ་དང་ཏིང་ངེ་འཛིན་ཉིད་དང་ཕན་ཡོན་ཐམས་ཅད་མདོར་བསྡུས་ནས་བསྟན་པའི་ལམ་ལྔ་རྫོགས་པ།ཕྱིར། ཁམས་འདུ་ལུགས་གསུམ་གྱིས་ཕྱོགས་མེད་རྣམས་དང་ཞེས་སྨོས་ཏེ། དེ་ལ་ཁམས་འདུ་ལུགས་གསུམ་ནི་རྒྱུ་དུས་སུ་ཏིང་ངེ་འཛིན་སྐྱེ་བ་སོགས།ལས་འཕྲོ་ཅན་རང་གིས་ཁམས་འདུ། མོས་གུས་ཅན་བླ་མ་ལ་སོགས་པ། བྱིན་རླབས་ཀྱིས་ཁམས་འདུ། བརྩོན་འགྲུས་ཅན་འབད་ཐུན་བཞི་སོགས། རྩོལ་གྱིས་ཁམས་འདུའོ། །དེ་ལ་ཕྱོགས་མེད་བདུན་
― LT14_Page_039B ―
[མ་དཔེ་གཟིགས་ན་འདིར་གནོན།]
ནི་དང་པོ་ལ་སྦྱར་ན། ལས་འཕྲོ་ཕྱོགས་མེད་དུ་རྒྱུ་སད་པས་རླུང་ལྔ་ཏིང་ངེ་འཛིན་ཕྱོགས་མེད་དུ་ལྡོག །དེས་གཏུམ་མོའི་མེ་ཕྱོགས་མེད་དུ་འབར། དེས་རྩ་ཕྱོགས་མེད་དུ་དྲལ། དེས་ཁམས་ཕྱོགས་མེད་དུ་འདུ། དེས་ཟག་བཅས་ཀྱི་མངོན་ཤེས་ཕྱོགས་མེད་དུ་འཆར། དེས་ཟག་མེད་ཀྱི་མངོན་ཤེས་ཕྱོགས་མེད་དུ་འཆར་ཏེ་བདུན་ནོ། །དེ་བཞིན་དུ་མོས་གུས་ཕྱོགས་མེད་ལ་བདུན་དང་། བརྩོན་འགྲུས་ཕྱོགས་མེད་ལ་ཡང་བདུན་ཏེ་ཉི་ཤུ་རྩ་གཅིག་ཏུ་ཡང་འགྱུར་རོ། །དེ་ལྟར་ཉི་ཤུ་རྩ་གཅིག་པོ་ཐམས་ཅད་དང་ལྡན་ན་ཚེ་འདི་ལ་གྲུབ་མཐའ་སྙོགས་སོ། །བཅུ་བཞི་དང་ལྡན་ན་བར་དོར་སྙོགས། བདུན་དང་ལྡན་ན་སྐྱེ་བ་བཅུ་དྲུག་ལ་སོགས་པ་ལ་གྲུབ་མཐའ་སྙོགས་པར་འགྱུར་རོ། །དེ་དག་ཀྱང་དང་པོ་རེ་རེ་ཏིང་ངེ་འཛིན་གྱི་རིང་བའི་རྒྱུ། བར་དུ་ལྔ་ལྔ་ཏིང་ངེ་འཛིན་གྱི་རང་གི་ངོ་བོ། །ཐ་མ་རེ་རེ་ཕན་ཡོན་ནམ་འབྲས་བུའོ།། །།ད་ནི་སེམས་གནས་ལུགས་གསུམ་བརྟན་པ་ལས། རླུང་སེམས་བདག་བྱིན་གྱིས་རླབས་ན་ཞེས་སྨོས་ཏེ། དེ་ཡང་རླུང་ལོག་པས་སེམས་གནས། རླུང་སེམས་བདག་བྱིན་གྱིས་རླབས་པས་སེམས་རྟེན་མཉམ་དུ་འདྲེས་པས་སེམས་གནས་ཏེ། དང་པོ་ནི་ཆུ་བཀག་པའམ་རྟ་དཔེར་བཟུང་བ་ལྟ་བུ། གཉིས་པ་ནི་དུག་གིས་བརྒྱལ་བ་ལ་སོགས་པ་ལྟ་བུ། གསུམ་པ་ནི་ཆུ་ལ་ཆུའམ་མར་ལ་མར་བཞག་པ་ལྟ་བུའོ། །དེ་ལ་ཐོག་མཐའ་གཉིས་ནི་འོག་ནས་འབྱུང་ལ། འདིར་ནི་རླུང་སེམས་བདག་བྱིན་གྱིས་རླབས་པ་བསྟན་ཏོ། །ད་ནི་ལུང་སྒོ་བསྟུན་གྱི་དབང་དུ་བྱས་ནས་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་ལྟར་ལམ་བགྲོད་ན་ཞེས་སྨོས་ཏེ། བྱང་ཆུབ་ནི་ས་བཅུ་གསུམ་པའི་སྤངས་པ་དང་ཡེ་ཤེས། ཕྱོགས་ནི་རྒྱུ། སུམ་ཅུ་རྩ་བདུན་ནི་རྟེན་འབྲེལ་རླུང་ལ་སོགས་པ་ལ་བཞག་སྟེ་གྲངས་སོ། །དེ་ལས་དང་པོ་ལམ་མྱུར་ཏུ་འཇུག་པའམ། བགྲོད་པའི་དབང་དུ་བྱས་ནས་སྒོམ་པ་མི་འཆོར་བའི་རྫུ་འཕྲུལ་གྱི་རྐང་བཞི་ཞེས་སྨོས་ཏེ། བསྒོམ་པ་མི་འཆོར་བ་ནི་རྟེན་འབྲེལ་བདག་ཉིད་ལ་
― LT14_Page_040A ―
[མ་དཔེ་གཟིགས་ན་འདིར་གནོན།]
འགྲིག་ཅིང་གང་ཡང་ཏིང་ངེ་འཛིན་ཡིན་པས་སོ། །རྫུ་འཕྲུལ་གྱི་རྐང་པ་བཞི་ནི། སའི་རླུང་གིས་ཏིང་ངེ་འཛིན་ཁྱད་པར་ཅན་དུ་བ་ལ་སོགས།སྐྱེད་པས་སའི་རླུང་རྫུ་འཕྲུལ་གྱི་རྐང་པ་གསུམ་པོ་དེས་འགྲེ། དེ་ལ་ལས་ཀྱི་རླུང་ཞེས་བྱ་བ་ནི་ལོ་ཀ་པའི་ལམ་མན་ཆད་དུ་ལས་བཅུ་བྱེད་པས་ལས་ཀྱི་རླུང་ངོ་། །དེ་ལ་སྤྱིར་ལས་ཀྱི་རླུང་འཇུག་པ་རིགས་བཞི། རྣམ་པར་དབྱེ་བ་བཅུ། ཉམས་སུ་བླང་བའི་གནད་བདུན། མན་ངག་གི་གནད་བདུན་ཅུ་ཐམ་པའོ། །དེ་ལ་དང་པོ་ནི་ཕོ་གང་ཟག་གཅིག་གམ་སོ་སོ་ལ་རླུང་གིས་འཕར། མོ་རླུང་གིས་འདར། མ་ནིང་གི་རླུང་གིས་བརྟན། ཐོད་རྒལ་ཡེ་ཤེས་མེ་འབར་བའི་རླུང་འཇུག་པས་འཕྱོང་རྒྱུག་ལ་སོགས་པ་དུ་མ་བྱེད་དོ། །ཁམས་འདུས་པ་དང་པོ་ལ། ཞེས་བྱ་བ་ནི་ཕྲོང་བཞི་ལ་སོགས་པར་རླུང་སེམས་ཡབ་ཡུམ་བཅུ་དམ་ཚིག་བཞིར་གནས་པ། པ་དང་ཡེ་ཤེ་ཀྱི་མཁའ་འགྲོའི་བསྒོམ་པས་འཕེལ་ཏེ་བྱོན་ལཚུལ་འདུའོ། །རླུང་ཕོ་ལག་ཆ་ཅན་གྱིས་རྩ་དྲལ་ཞེས་བྱ་བ་དེ་ཙམ་ན་སྔར་བྱངས་པར་མ་གྱུར་པས་རྩ་རླུང་གི་ཟུག་འབྱུང་བ་སྟེ། དཔེ་ལས་ཀྱང་རྒུན་གྱི་རླུང་སོ་གྲང་བའི་རེག་བྱ་ཆེ་བ་བཞིན་ནོ། །སེམས་གནས་པ་སེམས་ཉམས། རྟ་རྨི་བ་རྨི་ཉམས་སོ། །རྩ་རླུང་གི་ཟུག་འབྱུང་བ་ལུས་ཉམས་སོ། །དེ་ལ་དོན་གྱིས་བསྟན་པ་རྣམ་པར་དབྱེ་བ་བཅུ་ནི། གཞི་རྩ་བའི་རླུང་ལྔ། ཡན་ལག་གི་རླུང་ལྔ་སྟེ་བཅུའོ། །ཉམས་སུ་བླང་བའི་གནད་བདུན་ནི། སྤྱིར་གང་ཟག་གཅིག་ལ་རླུང་བཞི་སྟེ། ཕྱིར་མི་ལྡང་བ་རྩ་སོགས་རེ་རེ་ལའང་།ནང་དུ་འཇུག་པ། གནས་པ། དེ་དག་བསྡོམས་པས་དབུགས་གཅིག་ཅེས་བྱ་སྟེ་བཞིའོ། །དེ་ལ་ཐ་མ་དང་པོར་བརྗོད་ན། ཉམས་བླང་། བསམ་གཏན་གྱི་ཡན་ལག་རྣམས་ཚང་བར་བྱས་ལ། དང་པོ་རྩོལ་ཕྱིར་རྒྱུ།བ་ནས་བཟུང་། དེ་ནས་སྲོག་ནས་བཟུང་། ནང་རྒྱུ། དེ་ནས། རྔན་དགས་ནང་དུ་རིང་རྒྱུ་སོགས།རིམ་གྱིས་སྦྱིན། ཉམས་ལུས་ཉམས་སོགས། ཐམས་ཅད་བྱུང་རྒྱལ་དུ་བསྐྱང་། ཡིད་འཇུག་ཡུལ་བརྟག །ཁམས་ཚོད་བཟུང་། དེ་བརྟན་ཞིང་
― LT14_Page_040B ―
[མ་དཔེ་གཟིགས་ན་འདིར་གནོན།]
བོགས་དབྱུང་བའི་ཕྱིར་དབུགས་ཕྱིར་བཏང་ཞིང་གདམས་ངག་ནི་གཏོང་བའི་ཡན་ལག་ཡིན་ཏེ། དེ་ལ་གསུམ། རྩོལ་གཡས་བ་བཀག་སྟེ་སྲོག གཡོན་ནས་གཏོང་། ཤུགས་བསྐྱེད་ཤེས་པ་མཛོད་སྤུར་དེ་གཉིས་ཀ་ནས་གཏོང་ངོ་། །ཁ་ནས་སྒྲ་བཅས་སུ་ཡང་དྲངསགཏོང་ངོ་། །ཡང་བརྟན་ཞིང་བོགས་དབྱུང་བའི་ཕྱིར། ནང་དུ་འཇུག་པའི་གདམས་ངག་ནི་དགང་བའི་ཡན་ལག་ཡིན་ཏེ། དེ་ལ་གཉིས་ཁ་ནས་སྒྲ་མེད་དུ་དགང་། ཤེས་པ་ལྟེ་བའི་ༀ་ལ་བསྟིམ། རྩོལ་བ་བཀག་སྟེ་འབིར་བ་ཉིད་ཡོན་ཏན་འདི་ལས་སྐྱེས།སྲོག་ནས་དགང་ངོ་། །ཡང་བརྟན་ཞིང་བོགས་དབྱུང་བ་ལ་སོགས་པའི་ཕྱིར་རོ། །གཙོ་བོར་འཇུག་པ་དབུགས་གནས་པའི་གདམས་ངག་ནི་ཁ་སྦྱོར་ཡིན་ཏེ། དེ་ཡང་བསམ་གཏན་གྱི་ཡན་ལག་རྣམས་ཚང་བར་བྱས་ལ། དང་པོར་འོག་རླུང་བསྐུམ། དེ་ནས་སྟེང་རླུང་གཞུག །དེ་ནས་འོག་རླུང་བསྐུམ་ལ། གནད་དུས་མཉམ་དུ་འགྲོ་བ་དང་། དུས་མཉམ་དུ་མི་འགྲོ་བ་འཁྲུལ། འོག་མ་གློད་པར་སྟེང་འགྲོ་ན་འཁྲུལ་པར་ནང་དུ་འགྲོ་ཡོན་ཏན་སྐྱེ། གསུམ་མ་འཁྲུལ་བ་ཤིན་ཏུ་གཅེས། ཤེས་པ་ལྟེ་བའི་ཨ་ལ་སོགས་པ་ལ་གཏད་ལ། རྩོལ་བ་ཡང་རབ་རྒྱུན་མི་འཆད། རྩོལ་བ་རབ་ལ་དྲུག་ཅུ་རྩ་བཞི། འབྲིང་ལ་སུམ་ཅུ་རྩ་གཉིས་སུ་བཤད། རྩོལ་བ་ཐ་མ་ལ་ངེས་པ་མེད། ཅེས་བྱའོ། །ཉམས་ཐམས་ཅད་ཀྱང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ་། །གཞི་རྩ་བའི་རླུང་སྩོགས་བཅུ་ཟིན་པའི་བྱེ་བྲག་བདུན་གྱི་ཞེས་སྨོས་ཏེ། མན་ངག་གི་གནད་བདུན་ཅུ་ཐམ་པ་སྟེ། རླུང་རེ་རེ་ལ་མིང་གང་ཡིན་པ། གནས་གང་གནས་པ། ལས་ཅི་བྱེད་པ། དེ་ཟིན་པའི་ཟུག །ཏིང་ངེ་འཛིན་གང་ཡིན་པ། རེངས་པའི་སྐྱོན། བཅོས་པའི་ཐབས་ཏེ་བདུན་ནོ། །དེ་ལ་མིང་ནི་སྲོག་ཆུ་རླུང་འཛིན་པ། གནས་སྲོག་པ་རྩ་ན་གནས། ལས་ལུས་དང་སེམས་མི་འབྲལ་བར་བྱེད། ང་བདག་ཏུ་འཛིན་པར་བྱེད། དེ་ཟིན་པའི་ཟུག་ནི། སྙིང་འཆུ་ཞིང་སྤྲག །རོ་སྟོད་གཟེར་ཞིང་ན། ཁ་ཤུགས་འབྱིན་ནོ། །
― LT14_Page_041A ―
[མ་དཔེ་གཟིགས་ན་འདིར་གནོན།]
ཏིང་ངེ་འཛིན་སྟོང་གསལ་ཡུན་རིང་བ་ཅིག་སྐྱེ། རེངས་ན་སྙིང་རླུང་ལ་སོགས་པར་འགྱུར་རོ། །བཅོས་པའི་ཐབས་ལ་གསུམ། ལ་དོར། བྱིན་གྱིས་རླབས། བདེ་བ་བསྒོམ་མོ། །མིང་ནི་མེ་དང་མཉམ་དུ་ས་རླུང་གནས་པ་ལྟེ་བ་ན་གནས། ལས་ཁ་ཟས་འཇུ་བར་བྱེད། དྭངས་སྙིགས་འབྱེད་པར་བྱེད། དེ་ཟིན་ན་ཟུག་ནི་འཕོ་བ་ལ་སོགས། འུར་སྒྲ་ལ་སོགས་པ་འབྱིན། ཏིང་ངེ་འཛིན་བདེ་སྟོང་ཡུན་ཐུང་བ་ཞིག་སྐྱེ། རེངས་ན་དམུ་ཆུ་ལ་སོགས་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཐུར་རླུང་གི་རླུང་། སེལ། གནས་གསང་གནས་ན་གནས། ལས་སིཧླ་དང་ག་པུར་འཕེན་པར་བྱེད། སྡོམ་པར་བྱེད། གཞི་མཉམ་དང་གླ་རྩི་འཕེན་པར་བྱེད། སྡོམ་པར་བྱེད། དེ་ཟིན་ན་ཟུག་ནི་འགྲོ་འོང་གི་བར་དུ་ཟུག་ཅིང་ན། ཏིང་ངེ་འཛིན་བདེ་སྟོང་ཡུན་རིང་བ་ཞིག་སྐྱེ། རེངས་ན་རོ་སྨད་བཤལ་ཅིང་མི་ཐེག །དྲི་ཆེན་དྲི་ཆུ་ལ་སོགས་པ་སྡོམ། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་མི་རླུང་ནི་གྱེན་དུ་རྒྱུ་བ། གནས་མགྲིན་པ་ན་གནས། ལས་སྨྲ་བ་དང་རྒོད་པར་བྱེད། ཁ་ཟས་འཕུལ་ཞིང་གྱེན་དུ་འདྲེན་པར་བྱེད་དོ། །དེ་ཟིན་ན་ཟུག་ནི་མགྲིན་པ་སྐྲང་ཞིང་ན། ཏིང་ངེ་འཛིན་ཤེས་པ་གསལ་སྟོང་ཡུན་རིང་བ་ཞིག་སྐྱེ། རེངས་ན་ལྐོག་འབྲས་ལ་སོགས་མི་རླུང་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཁྱབ་ནམ་མཁའི་རླུང་བྱེད། གནས་སྤྱི་བོ་དང་ཚིགས་ཆེན་བཅུ་གཉིས་ན་གནས། ལས་འཕྱོང་བ་དང་། རྒྱུག་པ་དང་། འདེགས་པ་དང་། འཇོག་པ་ལ་སོགས་པ་བྱེད། དེ་ཟིན་པའི་ཟུག་ནི་མགོ་བོ་ན། ཚིགས་ཀྱི་ཚོགས་ཐམས་ཅད་ན། ཏིང་ངེ་འཛིན་ལུས་བདེ་གསལ་གྱི་རྣམ་པར་སྐྱེ། རེངས་ན་ཡན་ལག་འཁུམས་ཤིང་སྒུར་པོ་ལ་སོགས་པར་འགྱུར་རོ། །བཅོས་པའི་ཐབས་སྔ་མ་བཞིན་ཏེ་བདུན་ནོ། །དེ་དག་གིས་ནི་གཞི་རྩ་རླུང་ལྔའི་མན་ངག་གི་གནད་སུམ་ཅུ་རྩ་ལྔ་བསྟན་ཏོ། །ད་ནི་ཡན་ལག་གི་རླུང་ལྔ་ལས། མིང་ནི་རྒྱུ་བ།
― LT14_Page_041B ―
[མ་དཔེ་གཟིགས་ན་འདིར་གནོན།]
གནས་མིག་གཉིས་ལ་གནས། ལས་གཟུགས་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་མིག་དང་མིག་ཕུགས་སུ་ཟུག་ཅིང་ན། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་ལོང་བ་ལ་སོགས་པར་འགྱུར། འདི་དག་ནི་ལྔ་ཀ་རྒྱུ་བ་བཅོས་པའི་ཐབས་ནི་སྔ་མ་བཞིན་ཏེ་བདུན་ནོ། །མིང་ནི་རབ་ཏུ་རྒྱུ་བ། གནས་རྣ་བ་གཉིས་ན་གནས། ལས་སྒྲ་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་རྣ་གུང་གཟེར་ཞིང་ན། ཅུང་ཟད་ཐོས་པར་དཀའ། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་འོན་པ་ལ་སོགས་པར་འགྱུར། སྐབས་སུ་རྣག་ཁྲག་འཛག །བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཤིན་ཏུ་རྒྱུ་བ། གནས་སྣའི་འདོམས་ལ་གནས། ལས་དྲི་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་སྣ་དང་སྣ་རུས་ན། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་སྣ་ཞོམ་ཞིང་དྲི་མི་ཚོར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་མངོན་པར་རྒྱུ་བ། གནས་ལྕེ་དང་ལྕེ་ཆུང་ལ་གནས། ལས་རོ་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་ལྕེ་དང་ལྕེ་ཆུང་སྐྲངས་ཤིང་ན། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་ལྐུགས་པ་ལ་སོགས་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །མིང་ནི་ཡང་དག་པར་རྒྱུ་བ། གནས་རྩ་དང་། པགས་པ་དང་། བ་སྤུའི་ཚོགས་ཐམས་ཅད་ལ་གནས། ལས་རེག་བྱ་རབ་འབྲིང་གསུམ་རིག་པར་བྱེད། དེ་ཟིན་ན་ཟུག་ནི་སྤུ་ལུས་ཐམས་ཅད་ཚ་ཞིང་འབྲབ་པ་ལ་སོགས་པ་འབྱུང་། ཏིང་ངེ་འཛིན་ཡུལ་དེས་མི་གནོད་ཅིང་སླར་རྟོགས་པའི་ཡེ་ཤེས་ཀྱི་གྲོགས་བྱེད། རེངས་ན་པགས་པ་འགོག་ཅིང་ཟ་འབྲུམ་ལ་སོགས་པར་འགྱུར། བཅོས་པའི་ཐབས་སྔ་མ་བཞིན་ཏེ་བདུན་ནོ། །དེ་ལ་བཅོས་པའི་
― LT14_Page_042A ―
[མ་དཔེ་གཟིགས་ན་འདིར་གནོན།]
ཐབས་དང་པོ་ལ་དོར་བ་ལ་གསུམ། རྩ་དེ་ཉིད་ཀྱི་གནས་སུ་ན་སར་གཏད་པ།ལ་དོར། རླུང་རྔན་དགས་བྱིན་ཏེ་ནང་དུ་རྔུབས་ཏེ་ན་སར་གཏད་པ།ལ་དོར། སེམས་ཉམས་ན་བ་ཉིད་ཏིང་ངེ་འཛིན་ཡིན་ལ།ཀྱི་དྲོད་བྱུང་རྒྱལ་དུ་ལ་དོར་རོ། །བྱིན་རླབས་ལ་དྲུག །བླ་མ་དམ་པས་བྱིན་གྱིས་སྤྱི་བོར་མོས་གུས་ཀྱི། བརླབ། ལྷག་པའི་ལྷས་ཡེ་ཤེས་པ་གཞུག་པ།བྱིན་གྱིས་བརླབ། ཕྱི་ནང་མཁའ་ཚོགས་ཀྱིས་མཉེས་པ།འགྲོས་བྱིན་གྱིས་བརླབ། ཐེག་པ་ཆེན་ངོ་མཚར་ཆེ་བས་ཡིད་ཆེས།པོ་ཟབ་མོ་མདོ་རྒྱུད་ཀྱི་ཚིག་གི་བྱིན་གྱིས་བརླབ། སྣང་བ་ངོ་མཚར་ཆེ་བསྣ་ཚོགས་ཀྱི་བྱིན་གྱིས་བརླབ། རྟེན་འབྲེལ་ཟབ་མོས་ལུས་སྦྱང་བ་སོགས་བྱིན་གྱིས་བརླབ་བོ། །བདེ་བ་སྒོམ་པ་ལ་གཉིས་ཏེ། སྟེང་དུ་ལོངས་མ་གཏོར་བཙལ་བ་དང་འདྲ།སྤྱོད་ཀྱི་རླབས་ལ་བརྟེན་ནས་བདེ་བ་སྒོམ། འོག་ཏུ་གསང་བའི་སྙོམས་འཇུག་ལ་བརྟེན་ཏེ་བདེ་བ་སྒོམ་མོ། །ད་ནི་ཡན་ལག་གི་དོན་ལས། སྣ་ཚོགས་མདུད་པ་ནི་ལྟེ་བ། སྩོགས་ཀྱིས་བསྡུས་པས་ཕོ་བྲང་འདུ་ས་བཞི། བྱེ་བྲག་བདུན་ནི་མིང་གང་ཡིན་པ་ལ་སོགས་པ་སྔར་བསྟན་པ་བཞིན་བདུན། ཡན་ལག་གི་རླུང་རིམ་གྱི་ནང་དུ་འགགས། ཞེས་བྱ་བ་གཞི་རྩ་བའི་རླུང་ལྔ་ཟིན་པའི་སྟོབས་ཀྱིས་རྒྱུ་བ་ལ་སོགས་པ་ཡན་ལག་གི་རླུང་ལྔ་ཡང་ཁད་ཀྱི་ནང་དུ་འགགས་སོ། །ཤུགས་ཀྱིས་བསྟན་པ། དེས་གཏུམ་མོའི་མེ་དྲོང་ཆེ་སྦར། དེས་རྩ་དུལ། དེས་ཁམས་འདུས་ཅེས་པ་གསུམ་ཤུགས་ཀྱིས།ཤེས་པར་བྱས་ལ། ཁམས་དྭངས་མ་ཐིག་ལེ་ཞོ་དཀྲོགས་པའི་མར་བཞིན་དུ་མང་དུ་ཁ་འབུ་བ་རྟེན་ཡིན།ཡིན་ནོ། །རྟེན་མཉམ་དུ་འགྲེ་བ་ནི། རྩ་རིན་པོ་ཆེའི་ཕོ་བྲང་དུ། ཐིག་ལེ་གཞིར་གནས་པ་དང་སྒོམ་པའི་བསྒོམས་ཀྱིས་གཡོས་པ་གཉིས། དམ་ཚིག་གི་མཁའ་འགྲོ་དང་ཡེ་ཤེས་ཀྱི་མཁའ་འགྲོའི་ཚུལ་དུ་འདྲེས་ཏེ་བྱིན་གྱིས་རླབས་ཏིང་ངེ་འཛིན་རྒྱུ།པའོ། །དེ་བས་ཏིང་ངེ་འཛིན།ན་སེམས་ནང་དུ་གནས་པ་ནི་ཡིད་འཛིན་པ། རྣམ་ཤེས་ལྔ་ནང་དུ་འདུས་པ་མིག་ལ་སོགས་པ་ཡུལ་གྱི་རྗེས་སུ་མི་འབྲང་བ་སྟེ།
― LT14_Page_042B ―
[མ་དཔེ་གཟིགས་ན་འདིར་གནོན།]
དེ་དག་གིས་ཏིང་ངེ་འཛིན་སྐྱེ་བའི་རྒྱུ་དང་། ཏིང་ངེ་འཛིན་རང་གི་ངོ་བོ་གཉིས་བསྟན་ཏོ། །ཕུང་ཏིང་ངེ་འཛིན་གྱི་ཕན་ཡོན།པོ་ལྔ་དུལ་ཞེས་བྱ་བ་ནི་ཕན་ཡོན་ཏེ། དང་པོར་ཉོན་མོངས་པ་གློ་བུར་བ་ཅུང་ཟད་ཟློག །གང་ལའང་ཞེན་པ་ཆུང་བ་ལ་སོགས་པ་དང་། མཉེན་ལྕུགས་རྣམ་པ་བཞི་ཡང་རིམ་གྱིས་འཆར་བ་ཡིན་ནོ། །ཡེ་ཤེས་འགྲོ་ལྡོག་བྱེད་ཅེས་པ་ནི་ཏིང་ངེ་འཛིན་སྐྱེ་བའི་ཚུལ་ཏེ། ལས་དང་པོ་པ་ཁམས་འདུས་དང་པོ་ལ་སོགས་པའི་དུས་སུ་མི་རྟོག་པའི་ཏིང་ངེ་འཛིན་སྐྱེ་ཡང་མི་བརྟན་ཏེ་རྟོག་པས་དབང་བྱེད་རླུང་རྩ་ཡི་གེ་བདུད་རྩི་པས་ཡེ་ཤེས་སྐྱེས་ཀྱང་ཡེ་ཤེས་ལྡོག་སྟེ་ཕན་འདོགས་ཆུང་བས་སྤྲིན་གསེབ་ཀྱི་ཉི་མ་བཞིན་ནོ། །ད་ནི་ཏིང་ངེ་འཛིན་སྐྱེ་བའི་ཚུལ་རྣམས་དྲོད་གསུམ་གྱི་བྱེ་བྲག་གིས་མདོར་བསྡུས་ནས་བསྟན་པའི་ཕྱིར། སྒོམ་པ་མི་འཆོར་བ་ནི་ཚུལ་སྔ་མ་བཞིན་ནོ། །མཐོང་སྣང་ནི་དུ་བ་ལ་སོགས་པ། རྨི་ལམ་ནི་རྟ་རྨི་བ་ལ་སོགས་པ། ཉམས་ནི་ལུས་ཉམས་ཏེ་རྩ་རླུང་གི་ཟུག་ལ་སོགས་པའོ། །རྣམ་རྟོག་སྔོན་དུ་སོང་བ་ལྟར་ཞེས་བྱ་བ་དྲོད་གསུམ་གྱི་བྱེ་བྲག་གིས་ཏེ། རྣམ་རྟོག་སྔོན་དུ་སོང་བའི་མཐོང་སྣང་གསུམ་དེ་བཞིན་དུ་ཁམས་དགུ་འདུས་པའི་གསུམ། ཐིག་ལེ་འཕར་ཞིང་འདུས་པའི་གསུམ་སྟེ་དགུའོ། །ཁམས་གསུམ་ཀུན་ཏུ་སྣང་ཞེས་བྱ་བ་སྣང་བ་གཞན་མི་དམིགས་པར་དེ་ཉིད་ལ་ཏིང་ངེ་འཛིན་དུ་གནས་པས་སོ། །ད་ནི་ལམ་འཁྲིད་ལུགས་གསུམ་ལས། རླུང་གིས་ལམ་འཁྲིད་པའི་ཏིང་ངེ་འཛིན་བསྟན་པའི་ཕྱིར། ས་ཆུ་ལ་ཐིམ་ན་སྨིག་རྒྱུ། ཞེས་བྱ་བ་ལ་སོགས་པ་སྨོས་ཏེ། དེ་ཡང་རླུང་ལྔ་རང་རང་གི་གནས་སུ་ཟིན་པའི་ཉམས། སྟོབས་འཕེལ་བའི་ཉམས། རླུང་འབྱུང་བཞིར་ཆ་མཉམ་སྟེ་ཟིན་པའི་ཉམས། བཅུ་དྲུག་ཏུ་ཆ་མཉམ་སྟེ་ཟིན་པའི་ཉམས་སོ། །དེ་ལ་ས་ཆུ་ལ་ཐིམ་ན་སྨིག་རྒྱུ། ཞེས་བྱ་བ་ས་རླུང་རང་གི་གནས་ལྟེ་བར་ཟིན་ན་ཉམས་གྲངས་དང་ཚད་ཟིན་པ་དང་ནུས་མཐུ་ཟིན་པ་གསུམ་ཅར་ལ་སྨིག་རྒྱུ། ལྷག་མ་འགྲེས་ཏེ་ཤེས་པར་བྱ། དེ་དག་མཆོག་གི་གནས་དབུ་མར་ཟིན་པར་གྱུར་
― LT14_Page_043A ―
[མ་དཔེ་གཟིགས་ན་འདིར་གནོན།]
ན་སྨིག་རྒྱུ་ལ་སོགས་པ་ཤིན་ཏུ་གསལ་ཞིང་ཤིན་ཏུ་བརྟན་པ་འབྱུང་ངོ་། །གཞུང་ཇི་ལྟར་འགྲོ་བ་ཡང་བླ་མའི་ཞལ་ལས་ཅུང་ཟད་ཤེས་པར་བྱའོ། །ད་ནི་འབྱུང་བ་ལྔའི་རླུང་སྟོགས་འཕེལ་བའི་ཉམས་ལས། ས་ཆུ་མེ་རླུང་དང་ཞེས་བྱ་བ་དམ་ཚིག་གི་མཁའ་འགྲོའི་ཚུལ་དུ་གནས་པ་དང་། རླུང་སེམས་མཉམ་པར་འདུས་ཞེས་བྱ་བ་ཡེ་ཤེས་ཀྱི་མཁའ་འགྲོའི་ཚུལ་གྱིས་བྱིན་གྱིས་བརླབ་པ་ཡིན་ལ། ཁྱད་པར་དུ་ཕྱི་ནང་གི་རྟེན་འབྲེལ་གཉིས་ཀྱི་རིམ་པ་ཡིན་མིན་སྐྱེ་བ་ལ་ཉེས་པ་མེད། དེ་བཞིན་དུ་བསྒྲེས་ལ་རྣམ་པར་ཤེས་པ་འོད་གསལ་ལ་ཐིམ་བའི་བར་དུ་འགྲེ་ཤེས་པར་བྱའོ། ནམ་མཁའ་ལ་རླུང་རང་གི་གནས་སྤྱི་བོར་ཟིན་ན་ནམ་མཁའ་ལ་སྤྲིན་ཆད་པ་ལྟ་བུ་མཐོང་བའོ། །མདོར་ན་ཐིམ་ཞེས་བྱ་བ་ནི་འབྱུང་བ་རང་རང་གི་རླུང་རྒྱུ་བའི་བསྐལ་པ་དེ་ཟིན་ནས་འབྱུང་བ་གཞན་གྱི་རླུང་རྒྱུ་བ་ལ་ཐིམ་པ་ཞེས་བྱའོ། །རླུང་འདྲེས་ལྟ་བུ་ལ་ཐིམ་ཞེས་བྱ་བ་ནི་མ་ཡིན་ནོ། །མེ་རླུང་གིས་བྱིན་གྱིས་རླབས་ན། ཁམས་གསུམ་ཀུན་ཏུ་མེ་ལྟར་སྣང་ཞེས་བྱ་བ་མཐོང་སྣང་། རྨི་ཉམས་སུ་གྲོང་ཁྱེར་ཆེན་པོ་མེས་ཚིག་པ་ལ་སོགས་པ་འབྱུང་། ལུས་ཉམས་སུ་ཡང་སྤུ་ལུས་ལ་སོགས་པ་ཐམས་ཅད་ཚ་ཞིང་འབྲབ་སྟེ། གཉིས་ཤུགས་ཀྱིས་ཤེས་པར་བྱའོ། །ཆུ་རླུང་དང་སྤུ་ལུས་གྲང་ཞེས་བྱ་བ་ནི་ཆུ་རླུང་སྟོབས་འཕེལ་བས་བདག་རྒྱུད་བྱིན་གྱིས་བརླབས་ན་ལུས་ཉམས་སུ་གྲང་། རྨི་ཉམས་སུ་རྒྱ་མཚོ་ལ་གྲུ་གཟུགས་པ་ལ་སོགས་པ་རྨི། མཐོང་སྣང་དུ་རྒྱ་མཚོ་བཞི་ལ་སོགས་པ་མཐོང་། གཉིས་ཤུགས་ཀྱིས་ཤེས་པར་བྱ། འོག་ཏུ་སྦྱར་ལ། ནམ་མཁའ་དང་མཉམ་པ་དང་སྤུ་ལུས་བདེ་ཞེས་བྱ་བ་ནི། ནམ་མཁའི་རླུང་སྟོབས་འཕེལ་བས་བདག་བྱིན་གྱིས་རླབས་ན། ལུས་ཉམས་སུ་སྤུ་ལུས་ཐམས་ཅད་ཚིམ་ཞིང་བདེ་བ་ལ་སྡུག་བསྔལ་གྱི་རྐྱེན་གྱིས་ཀྱང་མི་གནོད། སེམས་ཉམས་སུ་སྟོང་ཤས་ཆེ། རྨི་ཉམས་སུ་སྣང་བ་གང་ལའང་ཐོག་གཞུང་ལས་མེད་པས། བ་མེད་པ་རྨི་སྟེ། གཉིས་ཤུགས་ཀྱིས་ཤེས་པར་བྱའོ། །རླུང་གི་རླུང་སྟོབས་འཕེལ་བས་བདག་བྱིན་གྱིས་བརླབས་ན། འདུ་འཕྲོ་ཞེས་བྱ་བ་སེམས་ཉམས་ཏེ་ཤེས་པ་སྐད་ཅིག་ཀྱང་མི་མི་མཚོན་སོགས།གནས་མི་རྟོག་པར།པར་རྣམ་པར་རྟོག་པ་རྒྱུན་ཆགས་ཀྱི་འདུ་འཕྲོ་དུ་མ་བྱེད་ཅིང་གཉིད་ཀྱང་འཆག་གོ །བརྒྱ་ཞིག་ལ་གཉིད་བྱུང་ན་རྨི་ཉམས་ནི་རང་འཕུར་བ་དང་། བྱའི་ཁྱུ་མང་པོ་
― LT14_Page_043B ―
[མ་དཔེ་གཟིགས་ན་འདིར་གནོན།]
རྨིའོ། །ལུས་ཉམས་སུ་ནི་རྟ་ལྟར་མགྱོགས། མཐོང་སྣང་དུ་སྟོང་གསུམ་ཐམས་ཅད་རླུང་ཆུབ་ལྟར་དུ་མཐོང་སྟེ་ཐ་མ་གཉིས་ཤུགས་ཀྱིས་བསྟན་ཏོ། །ས་རླུང་གི་ཉམས་ཤུགས་ཀྱིས་བསྟན་པ་ནི། ས་རླུང་སྟོབས་འཕེལ་བས་བདག་བྱིན་གྱིས་བརླབས་ན། ལུས་ཉམས་སུ་སྤུ་ལུས་ཐམས་ཅད་ལྕི་ཞིང་མི་ཐེགས། སེམས་ཉམས་སུ་གསེར་གྱི་ས་གཞི་ལ་སོགས་པ་མཐོང་ཞིང་སྣང་བ་གསེར་དུ་འཆར། རྨི་ཉམས་སུའང་ཐད་རྡོ་རྗེའི་ཚིགས་རྐང་ཟོར་ཡང་བར་བྱ་བའི་ཕྱིར།ཆེན་པོར་འགྲོ་མི་ནུས་པ་ལ་སོགས་པ་རྨི་སྟེ། གསུམ་ཀ་ཤུགས་ཀྱིས་བསྟན་ཏོ། །དེ་དག་གིས་ཀྱང་རྡོ་རྗེའི་ཚིག་རྐང་ཟོར་ཡང་བར་བྱ་བའི་ཕྱིར་མེ་རླུང་གི་ཉམས་མཐོང་སྣང་ལ་སྦྱར་བ་གཉིས་ཤུགས་ཀྱིས་བསྟན། ཆུ་རླུང་དང་། ནམ་མཁའི་རླུང་ལུས་ཉམས་ལ་སྦྱར། གཉིས་ཤུགས་ཀྱིས་བསྟན། རླུང་གི་རླུང་སེམས་ཉམས་དང་རྨི་ཉམས་ལ་སྦྱར། ལུས་ཉམས་དང་མཐོང་སྣང་གི་ཏིང་ངེ་འཛིན་ཤུགས་ཀྱིས་བསྟན། ས་རླུང་གི་ཉམས་གསུམ་ཀ་ཤུགས་ཀྱིས་བསྟན་ཏེ། དེ་ལྟར་ཉམས་བཅོ་ལྔར་ཤེས་པར་བྱའོ། །ད་ནི་འབྱུང་བཞིའི་རླུང་ཆ་མཉམ་པའི་ཉམས་ལས། འབྱུང་བཞིའི་རླུང་མཉམ་རྒྱུ་དང་ལྷ་མོ་སྣ་ཚོགས་ཀྱིས་གར་མཆོད་ཞེས་སྨོས་ཏེ། འབྱུང་བཞིའི་རླུང་ཉིས་བརྒྱ་ཉི་ཤུ་རྩ་ལྔ་པ་བཞི་དགུ་བརྒྱ་པ་ཕྲག་གཅིག་ཏུ་ཟིན་ན་མཐོང་སྣང་དང་རྨི་ཉམས་སུ་ལྷ་མོ་གླུ་ལེན་པ་སྣ་ཚོགས་ཀྱིས་གླུ་དང་གར་གྱིས་མཆོད་པ་བྱེད་པ་འབྱུང་སྟེ། འདི་ལ་ལུས་ཉམས་ནི་གཙོ་ཆུང་བས་མ་བརྗོད་དོ། །འབྱུང་བ་བཅུ་དྲུག་ཏུ་ཆ་མཉམ་པའི་ཕྱིར། འབྱུང་བ་བཞིའི་རླུང་སྣ་ཚོགས་ཞེས་བྱ་བ་འཕོ་བ་གཉིས་ཀྱི་རླུང་ཆ་མཉམ་པར་ཟིན་པས་ནང་གི་རྟེན་འབྲེལ་བྱས་ནས། ཕྱི་རོལ་ཏུ་སྣ་ཚོགས་དང་དྲི་རོ་ཞེས་བྱ་བ་ལོ་ཀའི་ཁམས་ཀྱི་དྲི་སྣ་ཚོགས་ཉམས་སུ་མྱོང་བ་སྙམ་བྱེད་པ་འབྱུང་སྟེ། འདི་ལ་ལུས་ཉམས་འབའ་ཞིག་ལ་མཐོང་སྣང་དང་རྨི་ཉམས་ས་གཞི་ལ་སོགས་པ།ནི་མེད་དོ། །འདི་དག་ཀྱང་མཚན་ཉིད་སྣ་ཚོགས་སུ་འཆར་བའི་ཉམས་ཡིན་ཞིང་། གཞན་རང་བཞིན་དེ་འཕོས་ནས།སྟོང་པ་
― LT14_Page_044A ―
[མ་དཔེ་གཟིགས་ན་འདིར་གནོན།]
དང་། ངོ་བོ་ཟུང་འཇུག་ཀྱང་རིམ་པ་ཡིན་མིན་དུ་སྐྱེ་བས་དྲོད་ཐམས་ཅད་བྱུང་རྒྱལ་དུ་བསྐྱང་ངོ་། །ལོ་ཀ་ལས་འདས་པའི་ལམ་དུ་རླུང་གིས་ལམ་ཁྲིད་པ་ལྷག་མ་རྣམས་ནི་སྔར་ལམ་སྤྱིའི་རྣམ་པར་གཞག་པ་བསྟན་པ་དང་། ལོ་ཀ་ལས་འདས་པའི་ལམ་ཉིད་དུ་འཆད་པར་འགྱུར་བས་འདིར་མ་བརྗོད་དོ། །ད་ནི་ཁམས་བདུད་རྩིའི་ལམ་ཁྲིད་པ་ལས། བདུད་རྩི་ལྔ་དང་དེ་བཞིན་གཤེགས་སྐུ་སྩོགས་ཞེས་བྱ་བ་བདུད་རྩི་ལྔ་ཆ་མཉམ་ནས་བདག་བྱིན་གྱིས་རླབས་ནས། ཉམས་གསུམ་ཀ་ལ་དེ་བཞིན་གཤེགས་པ་ལྔ་དང་། དེའི་རིགས་དང་། ཁ་དོག་ལ་སོགས་པ་ཅི་རིགས་པ་གཉིས་པ་འབྱུང་ངོ་། །སིཧླ་དང་ཉི་མ་ཞེས་བྱ་བ་ཁྱད་པར་དུ་མ་ལས་ཐོབ་པའི་རཀྟས་བདག་བྱིན་གྱིས་རླབས་ན། མཐོང་སྣང་དང་རྨི་ཉམས་སུ་སྟོང་གསུམ་ལ་སོགས་པའི་ཉི་མ་ངེས་མེད་དུ་མཐོང་། ལུས་ཉམས་སུ་འོད་དམར་པོས་བསྐོར། ག་བུར་དང་ཟླ་བ་ཞེས་བྱ་བ་ཕ་ལས་ཐོབ་པའི་ཟླ་བ་བྱང་ཆུབ་ཀྱི་སེམས་སྟོབས་འཕེལ་ན། མཐོང་སྣང་དང་རྨི་ཉམས་སུ་སྟོང་གསུམ་ལ་སོགས་པའི་ཟླ་བ་མཐོང་། ལུས་ཉམས་སུ་འོད་ཁ་དོག་དཀར་པོས་བསྐོར། རྩ་ཕྲན་རྣམས་སུ་ཐིག་ཕྲན་དང་སྐར་མ་ཞེས་བྱ་བ་རྩའི་གཙོ་བོ་ལས་རྩ་ཕྲན་སྟོང་ཕྲག་བདུན་ཅུ་རྩ་གཉིས་སུ་གྱེས་པར་ཐིག་ལེ་ཕྲ་མོ་འཕེལ་ན་མཐོང་སྣང་དང་རྨི་ཉམས་སུ་སྟོང་གསུམ་ལ་སོགས་པའི་སྐར་མ་མཐོང་། ལུས་ཉམས་སུ་བ་སྤུའི་བུ་ག་ནས་གཟའ་དང་སྐར་མ་ལ་སོགས་པ་དུ་མ་འཕྲོའོ། །དེ་དག་ཀྱང་མཚན་ཉིད་སྣ་ཚོགས་སུ་འཆར་བའི་ཉམས་ཡིན་ཞིང་། ཉམས་གཞན་གཉིས་ཀྱང་ཤུགས་ཀྱིས་བསྟན་ལ་བདུད་རྩིའི་ལམ་ཁྲིད་པ་ལྷག་མ་རྣམས་ནི་ལོ་ཀ་ལས་འདས་པའི་ལམ་ཉིད་དུ་རྟོགས་པར་འགྱུར་རོ།། །ད་ནི་རྩ་ཡི་གེས་ལམ་ཁྲིད་པ་ལ། དེ་ལ་གཞུང་ཚོམས་སུ་བཅད་ན། ཡི་གེ་ཕལ་པས་ལམ་ཁྲིད། ཡི་གེ་བཅུ་བཞི་པ་ལམ་ཁྲིད། ཡི་གེ་བསམ་གྱིས་མི་ཁྱབ་པས་ལམ་ཁྲིད་དོ། །དེ་ལ་རྩ་འཛིན་སྩོགས་
― LT14_Page_044B ―
[མ་དཔེ་གཟིགས་ན་འདིར་གནོན།]
ཞེས་བྱ་བ། རྩ་འཛིན་ཆེན་པོར་རླུང་སེམས་མཉམ་པར་འདུས་ན་ཉམས་གསུམ་ལ་རི་བྲག །རྩ་འཛིན་ཆུང་ངུར་འདུས་ན་ཉམས་གསུམ་ཀ་ལ་ཤིང་སྡོང་། ཆགས་སྡང་རྣམ་པ་ལྔ་དང་ཞེས་བྱ་བ། སྙིང་གའི་ཧཱུྃ་ལ་སོགས་པ་ཉོན་མོངས་པ་ལྔའི་ཡི་གེར་རླུང་སེམས་མཉམ་པར་འདུས་ན། བདག་གི་རྒྱུད་ལ་ཉོན་མོངས་པ་ལྔ་རང་བྱུང་དུ་སྐྱེ། གཞན་རྒྱུད་འཁྲུལ་པ་ལྟ་བུར།ལའང་སྐྱེས་པར་སྣང་། ཉོན་མོངས་པ་ལྔའི་རྣམ་པ་འཇོམས་པར་མཐོང་སྟེ། འདོད་ཆགས་ཀྱི་དུག་འཇོམས། ཞེ་སྡང་གི་མེ་གསོད། གཏི་མུག་གི་མུན་པ་སེལ། ང་རྒྱལ་གྱི་རི་བོ་ཆེན་པོ་སྙིལ། ཕྲག་དོག་གི་ལྕགས་སྒྲོག་འགྲོལ་བ་མཐོང་ངོ་། །ཉམས་ངའི་རྩ་ནི་མཁལ་མའི་ནང་གཉིས་ན་གནས་ཏེ། དེར་རླུང་སེམས་འདུས་ན་སེམས་ཉམས་དང་རྨི་ཉམས་སུ་འཇིགས་ཤིང་ཉམ་ང་བ་འབྱུང་ལ། ལུས་ཉམས་སུ་ཉམ་ང་བའི་སྤྱོད་ལམ་འགྱུར་བ་འབྱུང་ངོ་། །མྱ་ངན་གྱི་རྩ་ནི་རྐང་པའི་མཐེ་བོང་གཉིས་དང་པོ་ལ་གཉིས་ལ་གཙོ་བོར་གནས། ལག་པའི་མཐེ་བོང་གཉིས་ལ་ཕལ་པའི་ཚུལ་དུ་གནས་ཏེ། དེ་དག་ཏུ་རླུང་སེམས་མཉམ་པར་འདུས་ན་ཉམས་གསུམ་ཀ་ལ་མྱ་ངན་རང་བྱུང་དུ་སྐྱེ། འདྲེའི་རྩ་ནི་ལག་པའི་སྲིན་ལག་གཉིས་ལ་གཅེ་བོར་གནས། རྐང་སྲིན་གཉིས་ལ་ཕལ་པའི་ཚུལ་དུ་གནས་ཏེ། དེར་རླུང་སེམས་འདུས་ན་ཉམས་གསུམ་ཀ་ལ་འདྲེས་ནོན་པ་ལྟ་བུ་འབྱུང་། གཡལ་དང་མཆིལ་མའི་རྩ་ནི། འོག་ཏུ་མཁལ་མའི་ཕྱི་རོལ་གཉིས་ན་གནས། སྟེང་ན་མིག་རྩ་འཁྱིལ་པ་གཉིས་ན་གནས་ཏེ། དེར་རླུང་སེམས་མཉམ་པར་འདུས་ན་ལུས་ཉམས་འབའ་ཞིག་ལ་གཡལ་དང་མཆིལ་མ་འབའ་ཞིག་རྒྱུན་མི་འཆད་པར་འབྱུང་ངོ་། །དེ་དག་གིས་ནི་ཡི་གེ་ཕལ་པས་ལམ་ཁྲིད་པ་བསྟན་ཏེ། མཚན་ཉིད་སྣ་ཚོགས་སུ་འཆར་བ་ཡིན་ཞིང་། གཞན་ཉམས་གཉིས་ཀྱང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ་། །ད་ནི་ཡི་གེ་བཅུ་གཉིས་སེམས་ཀྱི་བག་ཆགས་ཀྱི་རྟེན་ལམ་ཁྲིད་པ་ལ། ལྟེ་བར་དང་པོར་ཆགས་པའི་རིགས་དྲུག་གི་ཡི་གེར་རླུང་སེམས་མཉམ་
― LT14_Page_045A ―
[མ་དཔེ་གཟིགས་ན་འདིར་གནོན།]
པར་འདུས་ན་རིགས་དྲུག་གི་གར་སྔགས་དེར་ཁྲིད་པ་རྨི་ལམ་ཉམས་ལྟ་བུར་ཁམས་གསུམ་ཀུན་ཏུ་སྣང་ངོ་ཞེས་སྨོས་ཏེ། དེ་ལ་ལྷའི་ས་བོན་བྷ་གའི་དཀྱིལ་འཁོར་གྱི།ཨ་ཡིག་དཀར་པོར་རླུང་སེམས་མཉམ་པར་འདུས་ན། ལྷའི་ཉམས་སྔར་བས་དགའ་ཞིང་བདག་ཉིད་ལྷ་ཡིན་པ་སྙམ་བྱེད་པ་འབྱུང་། གར་མེ་ཏོག་གི་ཕྲེང་བ་འདོགས་པ་ལ་སོགས་པ་ལུས་ཀྱི་སྤྱོད་ལམ་འགྱུར་བ་ཡོད། སྔགས་ལེགས་པར་སྦྱར་བ་ལ་སོགས་པ་ལྷའི་། སྐད་འབྱུང་སྟེ། དེ་ཡང་བྱིན་གྱིས་བརླབས་པས།ཉམས་སེམས་ལ་འཆར། གར་ལུས་ལ་འཆར་རོ། །སྔགས་ངག་ལ་འཆར་རོ། །མཐོང་སྣང་གིས་གསུམ་ལ་ལྷའི་གནས་རྣམ་པར་རྒྱལ་བའི་ཁང་བཟང་ལ་སོགས་མཐོང་། ལྷ་དང་ལྷའི་བུ་དང་བུ་མོ་ལ་སོགས་པ་རྒྱན་ཐམས་ཅད་ཀྱིས་བརྒྱན་པར་མཐོང་། བདག་གཞན་ཡང་དེར་ཁྲིད་པ་མཐོང་། དེ་དག་ཅི་རིགས་པར་རྨི་ལམ་དུའང་འབྱུང་བའི་རྨི་ཉམས་ཏེ་བདུན་ནོ། །མིའི་ས་བོན་ནྲྀ་ཡིག་སྔོན་པོར་རླུང་སེམས་མཉམ་པར་འདུས་ན། མིའི་ཉམས་སྔར་བས་འཇིག་རྟེན་གྱིས་ཆོས་ལ་ལྷག་པར་དགའ་ཞིང་ཞེན་པ་འབྱུང་། གར་ཡུལ་སྣ་ཚོགས་ཀྱི་སྤྱོད་ལམ་དང་ཆ་ལུགས་འགྱུར་བ་འབྱུང་། སྔགས་ཡུལ་སོ་སོའ་སྐད་དང་གཏམ་རྒྱུད་སྣ་ཚོགས་པ་བརྗོད་པ་འབྱུང་སྟེ། ཉམས་སེམས་ལ་འཆར་བ་ལ་སོགས་པ་གསུམ་སྔ་མ་བཞིན་ནོ། །མཐོང་སྣང་གི་གསུམ་ལ། མིའི་ས་ནས་གླིང་བཞི་མཐོང་། ཁྱད་པར་མ་ག་དྷ་ལ་སོགས་པ་མཐོང་། མི་རིང་སྣ་བོ་ཆེ་དང་སྣ་བོ་ལ་སོགས་པ་ལུས་མི་མཐུན་པ་དུ་མ་མཐོང་། བདག་གཞན་ཡང་དེར་ཁྲིད་པ་མཐོང་། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། །ལྷ་མ་ཡིན་གྱི་ས་བོན་སུ་ཡིག་སེར་པོར་རླུང་སེམས་མཉམ་པར་འདུས་ན། ལྷ་མ་ཡིན་གྱི་ཉམས་སྔར་བས་ཚིག་པ་ཟ་བ་ལ་སོགས་པ་འབྱུང་། གར་དབྱུག་པ་ལེན་པ་དང་མཚོན་ཆ་ལེན་པ་ལ་སོགས་པ་ལུས་ཀྱི་སྤྱོད་ལམ་འགྱུར་བ་འབྱུང་། སྔགས་རྒྱོབ་སོང་ལ་སོགས་པ་དུ་མ་འབྱུང་སྟེ། ཉམས་སེམས་ལ་
― LT14_Page_045B ―
[མ་དཔེ་གཟིགས་ན་འདིར་གནོན།]
འཆར་བ་ལ་སོགས་པ་གསུམ་སྔ་མ་བཞིན་ནོ། །མཐོང་སྣང་གི་གསུམ་ལས། ལྷ་མ་ཡིན་གྱི་གནས་རི་རབ་ཀྱི་ཁོང་གསང་ལ་སོགས་པ་མཐོང་། ལྷ་མ་ཡིན་རང་འཐབ་རྩོད་ཅན་དུ་མ་མཐོང་། བདག་གཞན་ཡང་དེར་ཁྲིད་པ་མཐོང་། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། །ཡིད་བཏགས་ཀྱི་ས་བོན་པྲེ་ཡིག་དམར་པོར་རླུང་སེམས་མཉམ་པར་འདུས་ན། ཡིད་བཏགས་ཀྱི་ཉམས་ཟོས་ཀྱང་ལྟོགས་ཤིང་འཐུངས་ཀྱང་སྐོམ་པ་ལ་སོགས་པ་དང་། དང་གི་འགག་པ་ལ་སོགས་པ་འབྱུང་། གར་བཀྲེས་སྐོམ་ཀྱི་སྤྱོད་པ་འགྱུར་བ་འབྱུང་། སྔགས་པྲེ་ཞེས་བརྗོད་པ་དང་། ཟས་སྐོམ་གྱི་གཏམ་བརྗོད་པ་འབྱུང་སྟེ། ཉམས་སེམས་ལ་འཆར་བ་ལ་སོགས་པ་སྔ་མ་བཞིན་ནོ། །མཐོང་སྣང་གི་གསུམ་ལ་ཡི་དྭགས་ཀྱི་གནས་གྲོང་ཁྱེར་སེར་སྐྱ་མཐོང་། ཁང་པ་དམར་ཞིང་ཡིད་དུ་མི་འོང་བ་ལ་སོགས་པ་མཐོང་། ཡི་དྭགས་བཀྲེས་སྐོམ་ཅན་དུ་མ་མཐོང་། བདག་གཞན་ཡང་དེར་ཁྲིད་པ་མཐོང་། དེ་དག་ཅི་རིགས་པར་རྨི་ལམ་དུ་འབྱུང་བས་རྨི་ཉམས་ཏེ་བདུན་ནོ། །དུད་འགྲོའི་ས་བོན་དུ་ཡིག་དུད་ཁ་རླུང་སེམས་མཉམ་པར་འདུས་ན། དུད་འགྲོའི་ཉམས་སྔར་བས་བླུན་ཞིང་གཙང་རྟོག་ཆུང་བ་ལ་སོགས་པ་འབྱུང་། གར་ཁྱི་དང་བ་གླང་ལ་སོགས་པ་དུད་འགྲོའི་སྤྱོད་ལམ་དུ་འགྱུར་བ་དུ་མ་འབྱུང་། སྔགས་དུད་འགྲོའི་སྐད་དུ་མ་འབྱིན་ཏེ། ཉམས་སེམས་ལ་འཆར་བ་ལ་སོག་གསུམ་སྔ་མ་བཞིན་ནོ། །མཐོང་སྣང་གི་གསུམ་ལ། དུད་འགྲོའི་གནས་རྒྱ་མཚོ་ཆེན་པོ་ལ་སོགས་པ་མཐོང་། དུད་འགྲོ་རང་། ཆུ་སྲིན་དང་ཉ་ཆེན་པོ་ལ་སོགས་པ་མཐོང་། བདག་གཞན་ཡང་དེར་ཁྲིད་པ་ལ་སོགས་པ་མཐོང་། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། །དམྱལ་བའི་ས་བོན་ཏྲི་ཡིག་ནག་པོར་རླུང་སེམས་མཉམ་པར་འདུས་ན། དམྱལ་བའི་ཉམས་ཚ་གྲང་ལ་སོགས་པའི་སྡུག་བསྔལ་དུ་མ་མྱོང་བ་འབྱུང་། གར་ལུས་སུམ་བལྟ་བས་ལ་སོགས་པ་སྡུག་བསྔལ་གྱི་སྤྱོད་ལམ་བྱེད་པ་འབྱུང་། སྔགས་ཀྱི་སྒྲ་ཀྱི་ཧུད་སི་ཐ་ཞེས་
― LT14_Page_046A ―
[མ་དཔེ་གཟིགས་ན་འདིར་གནོན།]
བྱ་བ་ལ་སོགས་པ་སྡུག་བསྔལ་གྱི་སྐད་བརྗོད་པ་འབྱུང་། ཉམས་སེམས་ལ་འཆར་བ་ལ་སོགས་པ་གསུམ་སྔ་མ་བཞིན་ནོ། །མཐོང་སྣང་གི་གསུམ་ལ། དམྱལ་བའི་གནས་ལྕགས་རབ་ཏུ་འབར་བའི་ཁང་པ་ལ་སོགས་པ་མཐོང་། དམྱལ་བ་ཚ་གྲང་ཅན་དུ་མ་མཐོང་། བདག་གཞན་ཡང་དེར་ཁྲིད་པ་མཐོང་། དེ་དག་ཅི་རིགས་པར་རྨི་ལམ་དུའང་འབྱུང་བས་རྨི་ཉམས་ཏེ་བདུན་ནོ། །འདི་དག་ཀྱང་མཚན་ཉིད་སྣ་ཚོགས་སུ་འཆར་བའི་ཉམས། གཞན་ཡང་རང་བཞིན་སྟོང་པ་དང་ངོ་བོ་ཟུང་ཡང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ་། །གནས་སྦྱོང་བཞི་བཅུ་རྩ་གཉིས་པོ་འདི་དག་ཅི་རིགས་པར་འབྱོངས་ན་ཕྱི་ནང་གི་སྲིན་བུ་སྤོང་། ཕན་ཡོན་ལུས་ལ་འབྱུང་བ། ངན་སོང་དུ་མི་འགྲོ་བའི་གདིང་ཐོབ། ཕྱིར་མི་ལྡོག་པའི་བྱང་ཆུབ་སེམས་དཔའ་ཞེས་བྱ་བའི་མིང་ཐོབ་བོ། །རེ་ཞིག་ཞིབ་ཏུ་བརྗོད་ཀྱིས་མི་ལོངས།འདོད་ཁམས་ཀྱི་ཉམས་རགས་རིམ་ཙམ་བསྟན་ནོ། །ༀ་ལས་བསམ་གཏན་སྩོགས་ཀྱི་ཏིང་ངེ་འཛིན་ཞེས་པ་བསམ་གཏན་གྱིས་ༀ་དུ་རླུང་སེམས་མཉམ་པར་འདུས་ན་གཟུགས་བདག་བྱིན་གྱིས་རླབས་ནས།ཁམས་བསམ་གཏན་བཞིའི་ཉམས་སྐྱེ་སྟེ། རྟོག་དངོས་པོ་གང་ཕྲ་རགས་སོགས།པ་དང་བཅས་ཤིང་དཔྱོད་པ་དང་བཅས་པའི་ཤེས་རབ་ཞིབ་མོས་འཇུག་པའི་ཏིང་ངེ་འཛིན་དགའ་སེམས་བ་དང་བཅས་ཤིང་བདེ་བ་ལུས་དང་བཅས་པའི་ཏིང་ངེ་འཛིན་བདེ་ལུས་ཀྱི།བ་དང་བྲལ་ནས་དགའ་ཙམ་གྱི་ཏིང་ངེ་འཛིན། བཏང་སྙོམས་ཆོས་བརྒྱད་དུ་བྲལ་བ།ཡོངས་སུ་དག་པའི་ཏིང་ངེ་འཛིན་ཏེ། དེ་དག་ཀྱང་རིམ་པ་ཡིན་མིན་དུ་སྐྱེ་བས་དྲོད་ཐམས་ཅད་བྱུང་རྒྱལ་དུ་བསྐྱང་ངོ་། །ཡུམ་གྱི་མཁའ་ཨ་ལ་ཡང་དག་པར་ཐིམ་ན་ཁམས་གསུམ་ནམ་མཁའ་ཞེས་བྱ་བ་ཤེས་རབ་ཀྱིས་ཨར་རླུང་སེམས་མཉམ་པར་འདུས་ན་གཟུགས་མེད་སྐྱེ་མཆེད་བཞིའི་ཉམས་སྐྱེ་སྟེ། ཆོས་འཁོར་འདས།ཐམས་ཅད་ནམ་མཁའ་ཙམ། རྣམ་པར་ཤེས་པ། ཅིའང་མེད་པ། ཡོད་མེད་ལས་འདས་པ།
― LT14_Page_046B ―
[མ་དཔེ་གཟིགས་ན་འདིར་གནོན།]
བཞིའང་རིམ་པ་ཡིན་མིན་དུ་སྐྱེའོ། །རེ་ཞིག་ཁམས་གསུམ་གྱི་ཉམས་ཅི་རིགས་པ་ཙམ་བསྟན་ཏོ། །ད་ནི་འཇིག་རྟེན་ལས་འདས་པའི་ཉམས་ལས། ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་སྩོགས་ཀྱི་ཕོ་བྲང་དུ་ཐིམ་ན་ཆོས་སྐུ་ཉམས་སུ་མྱོང་ཞིང་གཟུང་འཛིན་གྲོལ་ཞེས་བྱ་བ་སྙིང་པོའི་ཨར་རླུང་སེམས་མཉམ་པར་འདུས་ན། སྤང་རྟེན་མ་སྤངས་རེ་ཤིག་བྱ་གཟུང་འཛིན་གྱི་རྣམ་རྟོག་སྤངས་པ་སྙམ། ཐོབ་བྱ་ཆོས་སྐུ་བདེ་ཆེན་ཐོབ་པ་སྙམ་བྱེད་པ་འབྱུང་། ཧཱུྃ་ལས་གསལ་ཞིང་ཡང་པ་རང་བྱུང་གི་ཡེ་ཤེས་ནམ་མཁའ་ཤིན་ཏུ་དྲི་མ་མེད་པ་ཞེས་པ་ཟུང་འཇུག་གི་ཧཱུྃ་དུ་རླུང་སེམས་མཉམ་པར་འདུས་ན་རང་བྱུང་གི་ཡེ་ཤེས་ཆེན་པོའི་ཏིང་ངེ་འཛིན་སྐྱེ་བ་ནི། གསལ་བ་ནི་སེམས། ཡང་རས་བལ་གཟེགས་མ་ལྟར།བ་ནི་ལུས། ནམ་མཁའ་དྲི་མ་མེད་པ་ནི་དཔེ་སྟེ། འདི་དག་ཐམས་ཅད་ཀྱང་རིམ་པ་ཡིན་མིན་དུ་སྐྱེ་བས་དྲོད་བྱུང་རྒྱལ་དུ་བསྐྱང་ངོ་། །དེ་དག་གིས་ཁམས་སྤྱིར་ཉམས་བསམ་གྱིས་མི་ཁྱབ་པ།འདུས་པ་དང་པོའི་ཉམས་ཅི་རིགས་པར་རྫོགས་པ་བསྟན་ཏོ། །ཁམས་འདུས་པ་བར་པ་ཞེས་བྱ་བ་འཁོར་ལོ་བཞིའི་རྩ་མདུད།ཕོ་བྲང་འདུ་། ས་བཞི་ལ་སོགས་པ་རླུང་སེམས་ཀྱི་ཚོགས་ཡབ་བདུད་རྩི་ལྔ་ཡུམ་རླུང་ལྔ།བཅུ་ཅུང་ཟད་དྭངས་ཤིང་ཚོགས་པར་གྱུར་པ་སྟེ། རླུང་ཕོ་ལག་ཆ་བྲི་བས་རྩ་དྲལ་ཞེས་བྱ་བ་དཔྱིད་ཀྱི་རླུང་གྲང་བའི་རེག་བྱ་བྲི་བ་བཞིན་རྩ་རླུང་གི་ཟུག་ཅུང་ཟད་རྩའི་མཉེན་ལྕུག་ཤར་བས།བྲི་བའོ། །ཐིག་ལེའི་ཟུག་ནི་དེ་ཙམ་ན་ཐིག་ལེ་ཆེར་འབར་བས་བདེ་བ་དང་བཅས་པའི་ཟུག་རྔུ་འབྱུང་ཞིང་འཛག་པ་ཡང་སྲུང་བ་གཅེས་སོ། །མཐོང་སྣང་བསྟན་པ་ནི། ཁམས་ཅུང་ཟད་དྭངས་པ་དང་། རླུང་མེ་ལོང་གཡའ་དག་པ་བཞིན།ཅུང་ཟད་བརྟན་པས་དུ་བ་ལ་སོགས་པ་རྣམས་མི་སླུ་བར་མཐོང་བ་ཡིན་ནོ། །ད་ནི་མདོར་བསྡུས་ནས་ཚིག་ཉུང་།རྒྱས་དོན་མང་།པར་བསྟན་པ་ལ། མདོར་ན་རཀྟ་སྩོགས་སུ་ཞེས་པ་ལྟེ་བའི་འོག་གི་ཀྵ་ཡིག་དེ་སྲིན་པོའི་གནས་སེམས་ཀྱི་བག་ཆགས་ཀྱི་རྟེན།ཤ་ཟ་དང་། འབྱུང་
― LT14_Page_047A ―
[མ་དཔེ་གཟིགས་ན་འདིར་གནོན།]
པོ་དང་། གཤིན་རྗེ་དང་། གནོད་སྦྱིན་ལ་སོགས་པ་ཐམས་ཅད་ཀྱི་གནས་སོ། །དེར་རླུང་སེམས་མཉམ་པར་འདུས་ན་མཐོང་སྣང་དང་རྨི་ལམ་ཉམས་སུ་སྲིན་པོ་ལ་སོགས་པ་མི་སྡུག་པ་དུ་མས་རྡེག་ཅིང་སྡིག་པ་ལ་སོགས་པ་དུ་མ་འབྱུང་སྟེ། འདིས་ནི་དོགས་བར་ཆད་མེད།པ་དང་བྲལ་བའི་ལམ་ཤེས་པར་བྱའོ། །དེ་བས་ན་འོག་ཏུ་སྦྱར་རོ། །ལྷའི་མིག་རྣམ་པར་དག་པ་སྲིད་པའི་རྩེ་མན་ཆད་ཏིང་ངེ་འཛིན་གྱི་ཉམས་སུ་འབྱུང་བ་སྙམ་བྱེད་པ་ཞེས་སྨོས་ཏེ། མཐོང་སྣང་བརྟན་པས་ཕལ་ཆེར་མི་སླུ་བས།ཟག་པ་དང་བཅས་པའི་མིག་ཐོགས་བཅས།གི་མངོན་ཤེས་འཆར་བ་ཡིན་ནོ། །དྲིལ་ཅན་གྱི་སྒྲ་ཞེས་བྱ་བ་དྲིལ་ཅན་མཆོག་ནི་དབུ་མ་ཡིན་ལ། དེར་རླུང་སེམས་འདུས་ན་བུང་བའི་སྒྲ་ལྟ་བུ་འབྱུང་། མཆོག་མ་ཡིན་པ་ནི་རྣ་བ་གཡོན་པ་ནས་ཤེས་རབ་ཀྱི་ཨའི་བར་དུ་གནས་ཏེ། དེར་རླུང་སེམས་འདུས་ན་ཁམས་གསུམ་གྱི་སྒྲ་ཉེ་བ་དང་རིང་བ་ཅི་རིགས་པར་ཐོས་ཏེ། ལྷའི་རྣ་བ་རྣམ་པར་དག་པ་བཞིན། ཞེས་ཤུགས་ཀྱིས་ཤེས་པར་བྱའོ། །བཤད་ཀྱིས་མི་ལོང་བ་མཚོན་ཞེས་བྱ་བ་ཡི་གེ་བསམ་གྱིས་མི་ཁྱབ་པས་ལམ་ཁྲིད་པ་སྟོན་པ་ཡིན་ཏེ། རླུང་རིམ་གྱིས་དྭངས་པས་བདུད་རྩིའི་གང་བསྡུ་བར་ནུས་པ།མཉེན་ལྕུག་ཏུ་འགྱུར་རོ། །དེས་རྩའི་མདུད་པ་གྲོལ་ཏེ་རྩའི་མཉེན་ལྕུག་ཏུ་འགྱུར་རོ། །དེ་ཉིད་ཀྱིས་རྩ་ཡི་གེའི་དབྱིབས་སྣ་ཚོགས་སུ་འཆར་བས་ཡི་གེའི་མཉེན་ལྕུག་ཏུ་འགྱུར། དེ་དག་གི་སྟོབས་ཀྱིས་འབྱུང་བ་ལུས་འཁྲུགས་ལ་སོགས་པའི་བར་ཆད་སེལ་བའི་སྐུའི་མཉེན་ལྕུག་ཏུ་འགྱུར་ཏེ། མདོར་ན་མཉེན་ལྕུག་བཞི་ལས་ཀྱང་ཡི་གེ་དང་བདུད་རྩིའི་མཉེན་ལྕུག་ཇི་ལྟར་འདོད་པ།གི་སྟོབས་ཀྱིས་འཁོར་འདས་ལ་ཆོས་ཇི་སྙེད་ཡོད་པ་རྣལ་འབྱོར་པ་ལ་ཉམས་ཀྱི་སྣང་བར་འཆར་ཏེ། ཨཱཀྵ་ར་རྣམ་གྲངས།ཡི་གེའི་མན་ངག །མི་སླུ་བ་དོན་གྱི་མན་ངག་གཅིག་ཤེས་གསང་བ་རྟེན་འབྲེལ།པས་མང་པོ་ཤེས་པའི་མན་ངག་སྟེ། ལོ་བྱེ་བས་ཀྱང་བཤད་ཀྱིས་མི་ལོངས་བ་ཡི་གེའི་མན་ངག་ཚིག་གཅིག་གིས་ཤེས་པར་ནུས་སོ། །ལྔ་པ་ནི་ཕ་རོལ་ཏུ་ཕྱིན་པའི་ཐེག་པ་ལས་གྲགས།
― LT14_Page_047B ―
[མ་དཔེ་གཟིགས་ན་འདིར་གནོན།]
པའི་ལམ་ལྔ་མཐར་ཕྱིན་པ། བཅུ་ནི་ས་བཅུའི་འཁོར་འདས།བྱང་ཆུབ་སེམས་དཔའ་སྟེ། དེ་དག་ལ་ཡང་མཉེན་ལྕུགས་བཞི་དང་ཡི་གེའི་དོན་གྱི་མན་ངག་མ་གྲགས་པའི་ཕྱིར་གསང་བ་སྟེ། ན་རི་ཀེ་རའི་གླིང་པ་ལ་བ་གླང་གི་སྒྲ་མ་གྲགས་པ་བཞིན་ནོ། །དེ་དག་གིས་ཏིང་ངེ་འཛིན་སྐྱེ་བའི་རྒྱུ་དང་། ཏིང་ངེ་འཛིན་རྣམས་མདོར་བསྟན་པ་དང་། མདོར་བསྡུས་ནས་རྒྱས་པར་བསྟན་པའི་ལམ་བསྟན་ནོ། །ད་ནི་རེ་དོགས་དང་བྲལ་རླུང་སེམས་ཡི་གེ་ཡབ་ཡུམ་བཅུ་གཅིག་ཡི་གེ་བའི་ལམ་བསྟན་པ་ལ་དེ་ལ་བཞི། རེ་དོགས་དང་བྲལ་བའི་རྒྱུའམ་འཆད་པ་བསྟན་པ། རེ་བ་དང་བྲལ་བའི་ལམ་བསྟན་པ། དོགས་པ་བྲལ་བའི་ལམ་བསྟན་པ། དེ་ཉིད་ཀྱི་ཕྱིར་ན་དྲོད་ཐམས་ཅད་བྱུང་རྒྱལ་དུ་བསྐྱང་བར་བསྟན་པའོ། །ཡན་ལག་གི་དོན་བརྗོད་པར་བྱ་ན། སྒོམ་པ་མི་འཆོར་བ་ཞེས་བྱ་བ་ནི་ཚུལ་སྔ་མ་བཞིན་ནོ། །ཕྱི་རྟེན་འབྲེལ་ཞེས་བྱ་བ་ནི། ཕྱི་རོལ་ཏུ་རགས་པར་སྣང་བའི་ཕྱིར་ཕྱི་རྟེན་འབྲེལ་ཏེ། འཕར་གཡོ་ལ་སོགས་པའི་རླུང་ལྡོག་སྩོགས་ཀྱིས་བསྡུ་བ་དུ་བ་ལ་སོགས་པའི་མཐོང་སྣང་། རྟ་རྨི་བ་ལ་སོགས་པའི་རྨི་ཉམས་ཏེ། གསུམ་གསུམ་ཞེས་བྱ་བ་དྲོད་གསུམ་གྱི་བྱེ་བྲག་གིས་དགུར་ཡང་འགྱུར་རོ། །དེ་དག་འབྱུང་བའི་རྒྱུ་ནང་རྟེན་འབྲེལ་ནི། ནང་གི་མཁའ་འགྲོ་ལྔ། ཞེས་བྱ་བ་རླུང་ལྔ། དེ་བཞིན་གཤེགས་པའི་སྐུ་ལྔ་ནི་ཁམས་བདུད་རྩི་ལྔ་སྟེ། ནང་གི་མཁའ་འགྲོ་ཡབ་ཡུམ་བཅུ་རྩ་རིན་པོ་ཆེའི་ཕོ་བྲང་རྣམས་སུ་བྱོན་ཅིང་གཤེགས་ལ། དེ་ཡང་དམ་ལུས་ཀྱི་ཟུང་དང་སེམས་ཀྱི་རྟེན་དུ།ཚིག་གི་མཁའ་འགྲོ་དང་། ཡེ་ཤེས་ཀྱི་སྒོམ་པས་ཡས་བྱོན་པ།མཁའ་འགྲོའི་ཚུལ་དུ་འགྲོ་ཞིང་བདག་གི་རྒྱུད་བྱིན་གྱིས་རླབས་པ་ནི། བྱང་ཆུབ་ཆེན་པོའི་རྟེན་འབྲེལ་མཛད། ཅེས་བྱ་བ་ས་བཅུ་གསུམ་པའི་རྟེན་འབྲེལ་མཛད་པའོ། །དེ་དག་གིས་ནི་རེ་དོགས་དང་བྲལ་བའི་འཐད་པ་བསྟན་པའོ། །ད་ནི་དེ་ཉིད་ཀྱི་ཕྱིར་ན་དངོས་གྲུབ་གསལ་བྱེད་གཞན་ན་མེད་པར།རེ་བ་དང་བྲལ་བའི་ལམ་བསྟན་པ། དངོས་གྲུབ་རྣམས་ཞེས་བྱ་བ་ལ་སོགས་པ་སྨོས་ཏེ། དངོས་
― LT14_Page_048A ―
[མ་དཔེ་གཟིགས་ན་འདིར་གནོན།]
གྲུབ་ནི། གྲུབ་མཐའ་བཞི་དང་། སྐུ་ལྔ་ལ་སོགས་པའོ། །རང་ལས་འབྱུང་བར་ཞེས་བྱ་བ། མཁའ་འགྲོ་ཡབ་ཡུམ་རྟེན་འབྲེལ་འགྲིགས་ནས།བཅུ་ལས་ཤེས་པ་ནི། དང་པོ་ཐོས་བསམ་གྱིས།བླ་མ་ལས་ཤེས་ཤིང་། ཕྱིས་ནས་བདག་ཉིད་ཀྱི་ཉམས་མྱོང་རྗེས་སུ་དྲན་པའི་ཚད་མས་སོ། །རེ་བའི་བློ་སེལ་བ་ནི་ཕྱིའི་རྒྱལ་བ་སྤྲུལ་སྐུ་ལ་སོགས་པ་ལ་དངོས་གྲུབ་རེ་བ་དང་བྲལ་བའོ། །རྩོལ་བ་ནི་ཕྱིའི་ལྷ་མཆོད་པ་དང་། རླུང་སེམས། གཏོར་མ་དང་། སྦྱིན་སྲེག་ལ་སོགས་པ་རྣམས་ཀྱི་རྒྱུ་ནང་དུ་སྒྲ་སོགས་ཆད་པས་རྩོལ་བ་དང་བྲལ་བའོ།། །ད་ནི་དོགས་པ་དང་རེ་དོགས་དང་བྲལ་བའི་རྒྱུ་དང་དེ་ཉིད་ཀྱི་ཕྱིར་རེ་བ་དང་བྲལ་བའི་ལམ་དང་དོགས་པ་དང་བྲལ་བའི་ལམ་དང་རེ་དོགས་དང་བྲལ་བའི་ཕྱིར་དྲོད་ཉམས་ཐམས་ཅད་བྱུང་རྒྱལ་དུ་བསྐྱངས་བས་དེ་བཞིན་བསྡུས་པའོ། །དང་པོ་ལ་གཉིས་ཕྱི་རྟེན་འབྲེལ་རླུང་ལོག་མཐོང་སྣང་རྨི་ཉམས་གསུམ་རིམ་པ་ཡིན་མིན་དུ་འབྱུང་བ་ལྟར་འབྱུང་བའི་རྒྱུ་ནི་རྟེན་འབྲེལ་རླུང་སེམས་ཡབ་ཡུམ་བཅུ་རྩ་རིན་པོ་ཆེའི་ཕོ་བྲང་རྣམས་སུ་དམ་ཚིག་གི་མཁའ་འགྲོའི་ཚུལ་གྱིས་བྱིན་གྱིས་རློབ་པས་རེ་བའི་མཐོང་སྣང་དང་། དོགས་པའི་མཐོང་སྣང་དང་། མཐོང་སྣང་ཐམས་ཅད་བྱེད་པའི་རྒྱུ་གྱི་རོལ་ན་མེད་པར་སྒྲོ་འདོགས་ཆོད་པའོ། །ལྷག་མ་གསུམ་ནི་རྩ་ཉིད་དང་སྦྱར་བས་གོ་བར་ནུས་སོ། །ཞལ་ཤེས་གུད་ན་ཡོད་པ་བྲིས་པ་ཡིན་ནོ།བྲལ་བའི་ཕྱི་ནས་བར་ཆད་འབྱུང་བས། ལམ་ལས། བདུད་དང་གོལ་ས་ཞེས་བྱ་བ་མ་ཤེས་པའི་རྣལ་འབྱོར་པ་ལ་སྲིན་པོ་ཤ་ཟས་རྡེག་པ་དང་། འཇིགས་ཤིང་ཉམ་ང་བ་དང་། འདྲེས་ནོན་པ་ལ་སོགས་པ་རྣམས་ལམ་ཤེས་ནང་གི་གནད།པའི་རྣལ་འབྱོར་པ་ལ་ལམ་དང་རྟེན་འབྲེལ་ཏེ། ཟམ་འཕྲང་ངམ། ཆུ་བོ་ལ་སོགས་པ་བཞིན་ཏེ། དེ་བས་ན་ཏིང་ངེ་འཛིན་རྣམ་གྲངས།ངོ་ཤེས་པས་བསམ་གཏན་གྱི་གེགས་སེལ། བར་ཆད་ངོ་ཤེས་པས་བདུད་ཀྱི་གེགས་སེལ། སྐྱོན་ཡོན་ཏན་དུ་སློང་ཤེས། བར་ཆད་དངོས་གྲུབ་ཏུ་ལེན་ཤེས་པའི་གདམས་ངག་ཞེས་བྱའོ། །དེ་ཉིད་ཀྱི་ཕྱིར་ན་དྲོད་བྱུང་རྒྱལ་དུ་བསྐྱང་བ་ནི། རིམ་པ་ཡིན་མིན་དུ་སྐྱེ་བའི་ཞེས་སྨོས་ཏེ། ཕྱིར་ཉམས། རེ་བ་དང་བཅས་པ་དང་། དོགས་པ་དང་བཅས་པ་གཉིས་ཀྱང་ནང་དུ་
― LT14_Page_048B ―
[མ་དཔེ་གཟིགས་ན་འདིར་གནོན།]
རྟེན་འབྲེལ་རིམ་མིན་དུ་འགྲིགས་པའི་ཕྱིར་ཉམས་ཀྱང་རིམ་པ་ཡིན་མིན་དུ་སྐྱེ་བས་གཉིས་ཀ་ལ་བླང་དོར་མེད་པར་རྣལ་འབྱོར་པས་དྲོད་ཐམས་ཅད་བྱུང་རྒྱལ་དུ་བསྐྱང་ངོ་། །ད་ནི་སད་པ་བཞི་རུ་བསྟན་པའི་ལམ་ལས་ཤེས་རབ་ཀྱི་ཕྱོགས་སུ་ལྷུངས་པའི་ལམ་ལ། ལྷའི་བུའི་བདུད་འོངས་པས་སད་པ་བཞིས་སྲུང་ཞེས་སྨོས་སོ། །འདི་ནི་སྔར་ཐབས་ཤེས་རབ་ཀྱི་ཕྱོགས་སུ་ལྷུངས་པའི་བྱེ་བྲག་སུམ་ཅུ་བསྟན་པའི་སྐབས་ལས། ཁྱད་པར་དུ་ཤེས་རབ་ཀྱིས་སྲུང་བའི་སྐབས་སུ་འཁྲུགས་ཀྱིས་ཚུལ་དུ་སྦྱར་ཤེས་པར་བྱ་བས་འདིར་མ་བརྗོད་དོ། །མདོར་ན་དེ་ཡན་ཆད་ཀྱིས་རླུང་གིས་ལམ་ཁྲིད་པའི་དབང་དུ་བྱས་ནས་རྫུ་འཕྲུལ་གྱི་རྐང་པ་བཞིས་སྣང་བ་དགྲར་ལངས་ཀྱི་ཡུལ་སྣང་བ་བུ་ལ་སོགས་རྟོགས་པ་དུ་མ་བསྐྱེད་པའོ། །ཤེས་བྱའི་སྒྲིབ་པ། གཉེན་པོ་བསྟན་ནོ། །ད་ནི་སྟོང་པ་དགྲར་ལངས་ཀྱི་གཉེན་པོར་དྲན་པ་ཉེ་བར་བཞག་པ་བཞི་འཇུག་པ་ལས་བསྒོམ་པ་མི་འཆོར་བའི་དྲན་པ་ཉེ་བར་བཞག་པ་བཞི་ནི་ཞེས་སྨོས་ཏེ། སེམས་གཙོ་བོར་གྱུར་པའི་དབང་དུ་བྱས་ནས་སོ། །ཡུལ་འགགས་ཕ་ཞེས་བྱ་བ། སྤྱིར་སྟོང་པ་དགུར་གནས་པ་ཡིན་ཡང་། སྒྲུབ་པའི་ཉམས་ལ་སྟོང་པ་ལྔར་སྐྱེ་སྟེ། ཤེས་རབ་ཀྱི་ཨར་ཐིམ་པས་མཐོང་ཡུལ་འགགས་པའི་སྟོང་པ། སྙིང་པོའི་ཨར་ཐིམ་པས་སྤང་བྱ་གཟུང་འཛིན་གྲོལ་བའི་སྤོང་པ། འགོགས་པའི་སྙོམས་འཇུག་གི་རྩར་ཐིམ་པས་ཚོགས་དྲུག་འགགས་པའི་སྟོང་པ། རླུང་གི་རླུང་སྤུ་གྲི་སྟོབས་སུ་གྱུར་པས་ཡོན་ཏན་ཏིང་ངེ་འཛིན་ཀྱིས་སྟོང་པའི་སྟོང་པ། ཕྱི་དབྱིབས་ཀྱི་ཨར་ཐིམ་པས་བདེ་བས་བརྒྱལ་བའི་སྟོང་པའོ། །དེ་ལས་དང་པོ་ནི་སྐྱོན་དངོས་པོ་དང་མཚན་མས་སྟོང་པ། ཡོན་ཏན་ཏིང་ངེ་འཛིན་ཞི་གནས་དང་ལྷག་མཐོང་གིས་སྟོང་པ། བསམ་གཏན་གྱི་ཁང་བུ་བསམ་གཏན་གྱིས་སྟོང་པ། སྤང་བྱ་མཐོང་ཡུལ་སྣ་ཚོགས་ཀྱིས་སྟོང་པ། ཞེས་བྱ་སྟེ། དེའི་གཉེན་པོར་སྤྱོད་པ་ཆུང་ངུ་དྲན་པ་ཉེ་བར་བཞག་པ་བཞི་ནི། རང་ཡི་གཟུང་འཛིན་རགས་པ་དམ་གྱི་ལྷ་དང་ཞེས་བྱ་བ་ལུས་རྗེས་སུ་དྲན་པ་ཤུགས་ཀྱིས་བསྟན་པ། ལྷ་རྗེས་སུ་དྲན་པ་སྟེ་ཡེ་ཤེས་སེམས་དཔའ་དགུག་
― LT14_Page_049A ―
[མ་དཔེ་གཟིགས་ན་འདིར་གནོན།]
གཞུག །སྔགས་རྗེས་སུ་དྲན་པ་སྟེ། ལྷག་པའི་ལྷའི་སྙིང་པོ། གུག་ཀྱེད་ཀྱི་དགོས་པ་བསམ་ཞེས་བྱ་བ་རྒྱན་དྲུག་གི་དགོས་པ་བསམ་པ་སྟེ། འདི་ནི་ཡི་གེའི་དོན་གྱིས་དབང་དུ་བྱས་པའོ། །དོན་ནི་འདི་ཡིན་ཏེ། ལུང་ལས། བླ་མ་རྡོ་རྗེ་འཛིན་པ་ལ། ཕྱག་འཚལ་དོན་དུ་འཁོར་ལོ་འཛིན། །ཞེས་བྱ་བ་ལ་སོགས་པ་རྣམས་དང་སྦྱར་རོ། །ཏིང་ངེ་འཛིན་ཆ་མཉམ་པས། ཞེས་བྱ་བ་ནི་སྔར་སྟོང་ཉམས་འབའ་ཞིག་ཏུ་སྐྱེས་པ་དེ་ལྟར་སྣང་བ་དང་ཟུང་དུ་ཆུད་པས་སྟོང་པ་དགྲར་ལངས་ཀྱི་འཕྲང་ལས་གྲོལ་ཏེ་དྲན་པས་བསློངས་ནས།སྣང་བ་ལྷག་པའི་ལྷའི་དཀྱིལ་འཁོར་གྱི་འཁོར་ལོ་འཆར། སྒྲ་ཐམས་ཅད་སྔགས་རང་གི་ལྷའིསུ་འཆར། བདེ་བའི་སེམས་ལ།རྒྱུན་བརྟན་པ་སྙམ་བྱེད་པ་འབྱུང་། དེ་ཙམ་ན་བསྐྱེད་རིམ་ཅུང་ཟད་བརྟན་པ། ཞེས་ཀྱང་མིང་ཐོབ་བོ། །ཏིང་ངེ་འཛིན་གྱི་རྒྱུན་དེ་བཞིན་དུ་གོམས་པ་ལས་སྐབས་སྐབས་སུའམ། རྒྱུན་ཆགས་སུ་འདི་ཉིད་ཟག་པ་མེད་པའི་བདེ་ཆེན་ནམ། བདེན་པ་མཐོང་བའམ། གྲུབ་མཐའ་སྙོགས་པ་ཡིན་སྙམ་པའི་ཆོག་ཤེས་པའི་བདུད་དེ་ཉིད་ལས་གཞན་དུ་མི་གཡོ་བའི་བྱིང་བ་ཆེན་པོའི་འཕྲང་ཞེས་བྱ་བ་འབྱུང་སྟེ། འདི་ནི་ཕྱི་དབྱིབས་ཀྱི་ཨར་རླུང་སེམས་འདུས་པའི་མཐུ་ཡིན་ནོ། །དེའི་གཉེན་པོར་སྤྱོད་པ་ཆེན་པོར་ཡང་དག་པར་སྤོང་བ་བཞི་འཇུག་སྟེ། དེའང་དོན་ནི་དབང་བཞི་པ་མཚན་ཉིད་པ་ཡིན་པས། དེ་ཡང་དབང་བླང་བའི་ཡུལ། གང་ལས་བླང་བ། རྟེན་གང་ལས་ཐོབ་པ། དབང་རང་གི་ངོ་བོ་གང་ཡིན་པ། དེ་ལ་ཕན་ཡོན་འབྱུང་བ་བཞིར་ཤེས་པར་བྱའོ། །ཡན་ལག་གི་དོན་བརྗོད་པ་ལས། ཁམས་འདུས་པ་ཐ་མ། ཞེས་བྱ་བ་རླུང་སེམས་ཀྱི་ཚོགས་པ་ཕལ་ཆེར་དྭངས་པ་མཁའ་འགྲོ་ཡབ་ཡུམ་དམ་ཚིག་གི་དང་ཡེ་ཤེས་པའི་ཚུལ་དུ་འདུས་པའོ། །རླུང་པོ་ལག་ཆ་བྲལ་བ་ནི། རྩ་རླུང་གི་ཟུག་ཞི་སྟེ་ཕན་འདོགས་པར་འགྱུར་བའོ། །སྐྱེ་མཆེད་དྲུག་གི་ནང་དུ་ཐིག་ལེ་འདུས། ཞེས་བྱ་བ་མིག་ལ་སོགས་པ་སྐྱེ་མཆེད་དྲུག་གི་གནས་སུ་ཁམས་དྭངས་མ་འདུས་པ་ལས་རྗེས་སུ་དྲན་པ་དྲུག་ཤེས་ཞེས་བྱ་བ། མིག་
― LT14_Page_049B ―
[མ་དཔེ་གཟིགས་ན་འདིར་གནོན།]
གིས་གཟུགས་ཉེ་རིང་མེད་པར་མཐོང་བ་ལ་སོགས་པ་ཟག་བཅས་ཀྱི་མངོན་ཤེས་ཕྱོགས་མེད་དུ་འཆར་རོ། །སྤྲུལ་སྐུ་འགའ་མཐོང་བ་ནི། ཁམས་དྭངས་མའི་རྟེན་འབྲེལ་གྱིས་སྤྲུལ་པའི་སྐུ་མཚན་དབང་བླང་བའི་ཡུལ།ཉིད་པ་གཅིག་ནས་བཅུའི་བར་དུ་ཅི་རིགས་པར་མཐོང་བའོ། །སྒོམ་པ་མི་འཆོར་བ་ནི་སྔ་མ་བཞིན་ནོ། །ཡང་དག་པར་སྤོང་བ་བཞི་ནི་དགྱེས་སྩོགས་དབང་གི་རྟེན།པད་ཅན་བཅུ་གཉིས་མའི་རྩ་རྙེད་པས་རྣམ་པར་རྟོག་པ་ཐམས་ཅད་སྤངས་པས་ཡང་དག་པར་སྤོང་བ། དེ་བཞིན་དུ་དལ་རྒྱུ་སྩོགས་རིགས་པ་ཡིད་འཇུག་པས་རྣམ་པར་རྟོག་པ་ཐམས་ཅད་སྤོང་བ། ལུས་ངག་ཡིད་རྡོ་རྗེ་སྐྱིལ་ཀྲུང་བཅས་པས་རྣམས་པར་རྟོག་པ་ཐམས་ཅད་སྤོང་བ། ཐིག་ལེས་རླུང་ནོན་པས་རྣམ་པར་རྟོག་པ་ཐམས་ཅད་སྤོང་བ་སྟེ། འོག་ཏུ་རྒྱས་པར་ཤེས་པར་བྱའོ། །སྤྲུལ་སྐུ་ལས་ཞེས་བྱ་བ་ནི་དབང་བླང་བའི་ཡུལ་བསྟན་ཏོ། །དབང་གསུམ་གྱི་རྗེས་དབང་གི་རང་གི་ངོ་བོ།ལས་བྱུང་བའི་ཤེས་པ་བསམ་པ་ནི་བཞི་པ་རྟེན་ཅན་ཏེ། ལུང་བསྟན་པའི་བུ་མོ་པད་ཅན་མ་ལས་མས་བརྟན་པའི་དགའ་བ་བཞི་ཉམས་སུ་མྱོང་བའོ། །ད་ནི་དབང་དེ་རང་གི་ངོ་བོ་རྟེན་འབྲེལ་བཞི་ལས་སྐྱེ་བ་བསྟན་པའི་ཕྱིར། དགྱེས་སྩོགས་ཞེས་བྱ་བ་ལ་སོགས་པ་སྨོས་ཏེ། མི་དགྱེས་པ་མ་ཡིན་ཏེ་དགྱེས་པ་སྐྱེད། མཚན་དང་མི་ལྡན་པ་མ་ཡིན་ཏེ་མཚན་དང་ལྡན། བྱིན་གྱིས་མི་རློབ་པ་མ་ཡིན་ཏེ་བྱིན་གྱིས་རློབས་ཅེས་བྱའོ། །པད་ཅན་ནི་བུ་མོ་པད་ཅན་གྱི་རིགས་ཏེ་ལག་པ་དང་རྐང་པ་ལ་འདབ་བརྒྱད་ཀྱི་རི་མོ་ལ་སོགས་སོ། །བཅུ་གཉིས་མ་ནི་བཅུ་ཚན་གཉིས་ཏེ་ཉི་ཤུའོ། །རྩ་བཙལ་བ་ནི་སྒ་གཏད་པའི་སྦྱོར་བས་པདྨའི་སྣལ་མ་ལྟར་ཕྲ་བ། མདུང་གི་རྩེ་མོ་ལྟར་རྣོ་བ། རལ་གྲིའི་སོ་ལྟར་གཅོད། མེ་ལོང་གི་ངོས་ལྟར་འཇམ། ཞེས་བྱ་བ་ཆོས་བཞི་ལྡན་དུ་ཤེས་པར་བྱའོ། །དེས་ཡང་དག་པར་སྤོང་བ་དང་པོ་བསྟན་ནོ། །སྙིང་པོའི་ཡང་དག་གི་རྟེན་འབྲེལ།ཨ་ནི་ཆོས་སྐུའི་རྟེན་ཏེ་ཀུན་འདར་གྱི་སྣ་རྩེར་བྱོན། ཅེས་པས་ཐིག་ལེའི་གཟུགས་ཀྱིས་དབུ་མའི་སྣ་རྩེར་ཞུགས།
― LT14_Page_050A ―
[མ་དཔེ་གཟིགས་ན་འདིར་གནོན།]
དེ་ལས་ཨ་གྱེན་ལ་བསྐྱོད་པའོ། །དལ་རྒྱུ་སྙིང་པོ་ཡེ་ཤེས་ཀྱི་རླུང་གི་རྟེན་འབྲེལ།སྩོགས་ཞེས་བྱ་བ་ནི་གཞི་རྩ་བའི་རླུང་ལྔ། རིག་པ་ནི་བྱངས་པ། ཡིད་ནི་དབུ་མ་སྟེ་དེར་འཇུག་པའོ། །འདིས་ནི་ཡང་དག་པར་སྤོང་བ་གཉིས་པ་བསྟན་ཏོ། །ལུས་གཡས་རོ་མ། ངག་གཡོན་རྐྱང་མ། ཡིད་དབུ་མ་སྟེ། རྡོ་རྗེ་སྐྱིལ་ཀྲུང་བཅས་པ། ཞེས་བྱ་བ་མི་ཕྱེད་པར་ཡི་གེའི་ཆའི་དབྱིངས་སུ་གྱུར་པའོ། །འདིས་ནི་ཡང་དག་པར་སྤོང་བ་གསུམ་པ་བསྟན་ཏོ། །ཐིག་ལེས་ཁམས་བདུད་རྩིས་རྟེན་འབྲེལ།རླུང་ནོན་པ། ཞེས་བྱ་བ་ཁམས་དྭངས་མ་རྩ་གསུམ་འཛོམ་པའི་གནས་སུ་བྱོན་པས་རྩ་གཡས་གཡོན་གཉིས་ཀྱི་རླུང་མནན་པ་སྟེ། འདིས་ཟག་བཅས་ཀྱི་བདེ་བ་ཆོས་མཆོག་མན་ཆད་ཀྱི་ཉམས་མཆོག་ཏུ་གྱུར་པ་སྐྱེའོ། །འདིས་ནི་ཡང་དག་པར་སྤོང་བ་བཞི་པ་བསྟན་ཏོ། །རྔ་སྒྲ་ཕན་ཡོན་བསྟན་སྩོགས་མི་ཐོས་པ་ནི་དེ་ཙམ་ན་ཡིན་ཟག་བཅས་ཀྱི་བདེ་བ་ཡིན་ཡང་བདག་གིས་ཟག་མེད་ཀྱི་བདེ་བར་བཟུང་། དེས་བརྒྱལ་བ་རྔ་བོ་ཆེ་བརྒྱ་དང་དུང་དང་ཆ་ལང་ལ་སོགས་པ་རྣམས་ཀྱིས་ཀྱང་སད་པར་མི་ནུས་སོ། །དེ་ཉིད་ལ་ཆོག་ཤེས་པའི་བདུད་ཅེས་ཀྱང་བྱ་སྟེ། དེ་ལ་སྤྱིར་ཆོག་ཤེས་པ་ནི་ལྟ་བས་ཆོག་ཤེས་པ། ཉམས་མྱོང་ཏིང་ངེ་འཛིན་གྱིས་ཆོག་ཤེས་པ། གདམས་ངག་ལ་ཆོག་ཤེས་པ་དུ་མ་འབྱུང་ན་ཡང་འདི་ནི་ཆོག་ཤེས་པ་སྩོགས་ཀྱིས་བདུད་ཆོམས་ཞེས་པ། སྔར་དྲན་པ་ཉེར་གཞག་གི་ལམ་མན་ཆད་དུ་ཟག་མེད་བདེ་བར་འཛིན་པ་ལ་ཆོག་ཤེས་པའི་བདུད་ཆོམས་ནས་ཡང་དག་པར་སྤོང་བ་བཞིས་ཟག་མེད་ཀྱི་བདེ་བ་དང་ཆ་མཐུན་པས་ས་དང་པོ་ལ་ཉེ་བར་གྱུར་པའི་ཏིང་ངེ་འཛིན་ཁྱད་པར་ཅན་སྐྱེས་པས་དེ་སྐད་ཅེས་བྱ་སྟེ། ཆོག་ཤེས་པའི་བདུད་མ་ལུས་པ་ནི། མཐོང་བའི་ལམ་ཉིད་ཀྱིས་ཆོམ་པས་སོ། །དེ་དག་གིས་ནི་ཁམས་འདུས་པ་གསུམ་ལ་དྲོད་གསུམ་གྱིས་བསྡུས་པའི་ཏིང་ངེ་འཛིན་སྐྱེས་པས་སྦྱོར་ལམ་བཞི་ལས་དྲོད་བསྟན་ཏོ། །ད་ནི་དྲོད་ཀྱི་ཡོན་ཏན་གྱི་ལྡོག་པས་སྦྱོར་ལམ་ལྷག་མ་གསུམ་བཞག་
― LT14_Page_050B ―
[མ་དཔེ་གཟིགས་ན་འདིར་གནོན།]
པ་ནི། ནང་གི་སངས་རྒྱས་རྣམས་ཀྱི་ལམ། ཞེས་བྱ་བ་ལ་སོགས་པ་གསུངས་ཏེ། དེ་ལ་ནང་གི་སངས་རྒྱས་རྣམས་ནི་རླུང་སེམས་ཡབ་ཡུམ་བཅུའོ། །སྲིད་པའི་རྩེ་མོ་ནི་རྩ་གཡས་གཡོན་གྱི་སྣ་རྩེ་ཡིན་ལ། དེ་ལ་འདས་པའི་རྩེ་མོ་ནི་དབུ་མའི་སྣ་རྩེར་བྱོན་པའོ། །དེས་ན་ཡོན་ཏན་གྱི་ལྡོག་པས་སྦྱོར་ལམ་གཉིས་པ་བསྟན་ཏོ། །མ་སྐྱེས་པའི་ཆོས་ལ་བཟོད་པར་དཀའ་ཞེས་བྱ་བ་སྔར་ལོ་ཀའི་ལམ་མན་ཆད་དུ་སྟོང་པ་ཉིད་ཀྱི་ཏིང་ངེ་འཛིན་སྐྱེ་ཡང་སྐྲག་པ་ཆེན་པོ་སྐྱེ་ལ། དབུ་མར་རླུང་སེམས་འདུས་པའི་སྐབས་འདིར་ནི་འཁོར་འདས་སྟོང་པ་ཉིད་དུ་རྟོགས་པའི་ཏིང་ངེ་འཛིན་སྐྱེ་ཡང་དེ་ལ་མི་སྐྲག་པས་བཟོད་པའོ། །དེ་ཡི་ནང་རྟེན་འབྲེལ་ནི། དབུ་མར་སེམས་རྟོག་མེད་ལོག་སེམས་འཕོས་ན་བཟོད་པ་ཞེས་སྨོས་ཏེ་སྦྱོར་ལམ་གསུམ་པའོ། །འཁོར་བའི་ཆོས་ལས་འདས་ཞེས་བྱ་བ་དེ་མན་ཆད་དུ་ཚོགས་སྦྱོར་གཉིས་ལ་ཏིང་ངེ་འཛིན་སྐྱེ་ཡང་སྲིད་པའི་སྡུག་བསྔལ་ཚོར་བ་དྲག་པོ་འགག་ནད་དྲག་པོ་སོགས་དེ་འབྱུང་བ་ལུས་འཁྲུགས་དང་གདོན་སོགས།མི་ནུས་པས། དེ་ལ་འདས་པའི་སྤང་བྱ་སྤངས་པ།ཆོས་མཆོག་དང་མྱ་ངན་ལས་འདས་པ་ཞེས་བྱ་བ་ཟག་མེད་ས་དང་པོ་ཡོན་ཏན་རྟེན་འབྲེལ་འགྲིག་པའི།ཡིན་ལ། ལམ་ཆོས་རྣམས་རྫོགས་ཞེས་བྱ་བ་ཡང་དག་པ་སྤོང་བ་བཞིའི་རྟེན་འབྲེལ་མ་ལུས་པར་ཚང་བའོ། །དེ་ལྟར་ན་ཆོས་མཆོག་གཉིས་ཀྱིས་སྦྱོར་ལམ་བཞི་པ་བསྟན་ཏོ། །ད་ནི་དེ་ས་དང་པོའི་རྟོག་པ་འཆད་པའི།ལྟར་བསྟན་པ་རྣམས་ཀྱིས་གཞུང་ཉེ་བར་བསྡུ་བ་བསྟན་པ་ལས། དེ་ལྟར་ཉམས་སྐྱོན་ཅན་ཞེས་བྱ་བ་ནི་བརྒྱད། སྐྱོན་མེད་ནི་གསུམ། ཕྱི་དབྱིབས་ཀྱི་ཨ་ན་ཡར་རླུང་སེམས་མཉམ་པར་འདུས། ཞེས་བྱ་བ་ལོ་ཀའི་ལམ་མན་ཆད་ཀྱི་རྩ་དང་ཡི་གེ་དང་བྱང་ཆུབ་ཀྱི་སེམས་དང་རླུང་རྣམས་ལ་འདས་ནས་དབུ་མར་ཞུགས་ཏེ་ལོ་ཀ་ལས་འདས་པའི་ལམ་མགོ་རྩོམ་ཞེས་བྱ་བའི་དོན་ཏོ། །ད་ནི་སྔར་ལམ་གཉིས་ཀ་ལ་སྐྱེ་བའི་ཏིང་ངེ་འཛིན་རྣམས་དང་། ལོ་ཀ་ལས་འདས་པའི་ལམ་ལ་སྐྱེ་བའི་ཏིང་ངེ་འཛིན་གསུམ་དུ་བསྡུ་བའི་ཕྱིར། དེ་ལྟར་ལམ་དུ་འབྱུང་བ་རྣམས་ངོ་བོ་རང་བཞིན་མཚན་ཉིད་དོ། །ཞེས་སྨོས་ཏེ། མས་རིམས་
― LT14_Page_051A ―
[མ་དཔེ་གཟིགས་ན་འདིར་གནོན།]
སུ་སྦྱར་ལ། མཚན་ཉིད་སྣ་ཚོགས། མཐོང་སྣང་སོགས། རང་བཞིན་སྟོང་པ། ཡུལ་འགགས་པ་སོགས། ངོ་བོ་ཟུང་འཇུག །ཡུལ་སྣང་སྟོང་སོགས། ཅེས་བྱའོ། །དེ་དག་གིས་ནི་གཞུང་ཚོམ་བུ་བདུན་དུ་བཅད་ནས་ལམ་ཚོགས་སྦྱོར་གཉིས། བྱང་ཆུབ་ཀྱི་ཕྱོགས་བཅུ་གཉིས་ལས་ཁམས་འདུས་པ་གསུམ་དུ་བཅད་དེ་འཇིག་རྟེན་པའི་ལམ་གྱི་གདམས་ངག་བསྟན་ཏོ། །ད་ནི་འཇིག་རྟེན་ལས་འདས་པའི་ལམ་ལ། དེ་ཡང་ལམ་སྤྱིའི་རྣམ་པར་གཞག་པ་ནི། ལམ་ལྟར་ན་མཐོང་ལམ། སྒོམ་ལམ། མཐར་ཕྱིན་པའི་ལམ་དང་གསུམ། བྱང་ཆུབ་ཀྱི་ཕྱོགས་ལྟར་ན་ཉི་ཤུ་རྩ་ལྔ། ས་ལྟར་ན་ཕྱེད་དང་བཅུ་གསུམ། དེས་ལམ་མ་ལུས་པར་རྫོགས་པ་ཡིན་ན་ཡང་། རེ་ཞིག་ས་ལམ་སྤྱིའི་རྣམ་གཞག་སྟོན།རྣམས་ཚོམ་བུར་བཅད་ན་བཞིར་བསྡུ་སྟེ། ས་དྲུག་བུམ་དབང་གིས། དབང་ལྟར་ན། བཞི་གསང་དབང་གི་ས། གཉིས་ཤེས་རབ་ཡེ་ཤེས་ཀྱི་ས། ཕྱེད་དབང་བཞི་པའི་སའོ། །ཡང་དང་པོ་ལ་བསྐྱེད་རིམ་བསྟེན། གཉིས་པ་ལ་བདག་བྱིན་གྱིས་རླབས་པ་བསྟན། གསུམ་པ་ལ་དཀྱིལ་འཁོར་འཁོར་ལོ་བསྟན། བཞི་པ་ལ་རྡོ་རྗེ་རྦ་རླབས་བསྟན་ཏོ། །ཡང་དང་པོ་ལ་སྤྲུལ་སྐུའི་ཞིང་ཁམས་ལྟར་ན།ཞིང་ཁམས་ལ་དབང་། གཉིས་པ་ལ་ལོངས་སྐུའི་ཞིང་ཁམས་ལ་དབང་། གསུམ་པ་ཆོས་སྐུའི་ཞིང་ཁམས་ལ་དབང་། བཞི་པ་ངོ་བོ་ཉིད་ཀྱི་སྐུའི་ཞིང་ཁམས་ལ་དབང་ཐོབ་བོ། །ཡང་དང་པོ་གྲུབ་མཐའ་ལྟར་ན།ལ་ལུས་ཀྱི་དཀྱིལ་འཁོར་མངོན་དུ་འགྱུར། གཉིས་པ་ལ་བྷ་གའི་དཀྱིལ་འཁོར། གསུམ་པ་ལ་བྱང་ཆུབ་ཀྱི་སེམས་ཀྱི་དཀྱིལ་འཁོར། བཞི་པ་ལ་དུས་གསུམ་བདེ་གཤེགས་བཅུད་འདུས་ཀྱི་དཀྱིལ་འཁོར་མངོན་དུ་འགྱུར་རོ། །ཡང་དང་པོ་ལ་འཁོར་འདས་དབྱེར་མེད་ཀྱི་གྲུབ་མཐའ་རྙོགས། གཉིས་པ་ལ་མ་འདྲེས་པ་ལ་ཡོངས་སུ་རྫོགས་པའི་གྲུབ་མཐའ། གསུམ་པ་ལ་བདེ་སྟོང་རྒྱ་ཆུང་བའི་གྲུབ་མཐའ། བཞི་པ་ལ་བདེ་སྟོང་རྒྱ་ཆེ་བའི་གྲུབ་མཐའ་སྙོགས་སོ། །ད་ནི་ས་རེ་རེའི་དབང་དུ་བྱས་ནས་རྡོ་རྗེའི་ཚིག་རྐང་གི་དོན་བརྗོད་པར་བྱ་སྟེ། དེ་ལ་ས་རེ་རེ་ལ་རྒྱུ་བསྟན་པ།
― LT14_Page_051B ―
[མ་དཔེ་གཟིགས་ན་འདིར་གནོན།]
རྟགས་བསྟན་པ། འབྲས་བུ་བསྟན་པ། འཇུག་སྡུད་བསྟན་པ་དང་བཞི་བཞིས་ཤེས་པར་བྱའོ། །དེ་ལ་ས་དང་པོའི་དབང་དུ་བྱས་ནས་རྒྱུ་ལ་གཉིས། རིང་རྒྱུ་དང་། ཉེ་རྒྱུའོ། །རིང་རྒྱུ་ལའང་གཉིས། དབང་དང་། བུམ་དབང་། ལམ་མོ། །བསྐྱེད་རིམ། དང་པོ་ལ་གཉིས། རྒྱུ་དུས་ན་བླ་མ་ལས་བུམ་དབང་ཐོབ་པ་དང་། བཅུ་གཅིག །ལམ་དུས་ན་རང་གི་བུམ་དབང་ཐུན་བཞི་ལ་རྒྱས་བསྡུས་གསུམ།སོགས་པར་བསྒོམ་པའོ། ལམ་ནི་བསྐྱེད་པའི་རིམ་ལུས་ཀྱི་དཀྱིལ་འཁོར།པ་དབྱིབས་སོ། ཉེ་རྒྱུ་དེ་ཉིད་གྲུབ་པའི་རྒྱུ།ལ་ཡང་གཉིས། ཕྱི་རྟེན་འབྲེལ་དང་། ནང་རྟེན་འབྲེལ་ལོ། །དེ་ལ་ཕྱི་རྟེན་འབྲེལ་ནི་སྤྲུལ་སྐུ་ལས་དབང་ཐུན་ཚད་མེད་པར།བཞི་ལེན་པ། ནང་རྟེན་འབྲེལ་ལུས་ཀྱི་དཀྱིལ་འཁོར་མཐོང་རྩའི་འཁོར་ལོ།བའོ། རྟགས་ལ་གསུམ་ལས། ཕྱི་རྟགས་ཐིག་ལེ་ལ་འཆར་བ། ནང་རྟགས་རླུང་ལ་འཆར་བ། དེ་ཁོ་ན་ཉིད་ཀྱི་རྟགས་སེམས་འདི་དང་པོ།ལ་འཆར་བའོ། ད་ནི་ཡན་ལག་གི་དོན་བརྗོད་པར་བྱ་སྟེ། འཇིག་རྟེན་ལས་འདས་པའི་ལམ་ཞེས་བྱ་བའི་ལམ་ཚོགས་སྦྱོར་རྩ་ཡི་གེ། རླུང་བདུད་རྩི།གཉིས་ལས་འདས་ནས་མཐོང་བའི་ལམ་བརྩམས་པས་སོ། ད་ནི་རྒྱུ་བསྟན་པ་ལས། ཕྱི་ནང་རྟེན་ཅིང་འབྲེལ་པར་འབྱུང་བའི་ལམ་གྱི་ཞེས་བྱ་བ་ལོ་ཀ་བའི་ལམ་མན་ཆད་དུ་ནི། རྟེན་འབྲེལ་གསུམ་གྱིས་ལམ་བགྲོད་པ་ཡིན་ལ། འདིར་ནི་ཉེ་རྒྱུའི་དབང་དུ་བྱས་ནས། ཕྱི་རྟེན་འབྲེལ་ནི་སྤྲུལ་སྐུ་ལས་དབང་བཞི་ལེན་པ། ཐུན་མོང་། ནང་རྟེན་འབྲེལ་འོག་ནས་འབྱུང་བའི་ལུས་ཀྱི་དཀྱིལ་འཁོར་མཐོང་བའོ། །སྤྲུལ་སྐུ་རང་བཞིན་གྱི་ལྷུན་གྲུབ་ཐོབ་པར་བྱེད་པ་ཞེས་བྱ་བ་འབྲས་བུ་སྟེ། རྒྱུ་རྩ་ལ་གནས་པ་འབྲས་གྲུབ་མཐའི་དུས་སུ་འབྲས་བུ་རྩིས་པ།བུ་ས་བཅུ་གསུམ་པ་ལ་སྐུ་ཐམས་ཅད་པ་སྤྲུལ་པའི་སྐུ་མངོན་དུ་འགྱུར། ཞེས་བྱ་བའི་དོན་ཏོ། །བུམ་དབང་མཐར་ཕྱིན་ཞེས་བྱ་བ་རིང་རྒྱུའི་དབང་ཡིན་ལ། ལམ་བསྐྱེད་རིམ་ཀྱང་ཤུགས་ཀྱིས་ཤེས་པར་བྱའོ། །ད་ནི་ཉེ་རིང་རྒྱུ་ནང་རྟེན་འབྲེལ་ནི། བྱང་ཆུབ་ཀྱི་ཡན་ལག་བདུན་ཞེས་བྱ་བ། བྱང་ཆུབ་ཀྱིས་ས་དང་པོའི་ཡེ་ཤེས།
― LT14_Page_052A ―
[མ་དཔེ་གཟིགས་ན་འདིར་གནོན།]
ཡན་ལག་གིས་དེ་ཡིས་རྒྱུ་སྟེ། འཁོར་ལོ་བཞིའི་རྩ་མདུད་ཕོ་བྲང་གི་དབྱིབས་ཨེ་ཝཾ་མཱ་ཡཱ་བཞིར་གནས་པ་དང་། རྩ་རོ་རྐྱང་གཉིས་དབུ་མ་དང་གསུམ་སྟེ་བདུན་མཐོང་བའོ། །རྟོག་པའི་འགྲོ་ལྡོག་བྱེད་ཞེས་པ་ནི། སྤང་བྱ་སྤང་བའི་ཚུལ་ཏེ། སྤྱིར་ལོ་ཀ་ལས་འདས་པའི་ལམ་ཡན་ཆད་དུ་རྣམ་པར་རྟོག་པ་ཆེ་འབྲིང་བཅུ་གཉིས་སྤོང་བ་ལས། དེ་ཐ་མས་ཀྱང་སྲིད་པའི་སྡུག་བསྔལ་དང་ཚོར་བ་དྲག་པོ་སྐྱེད་པའི་རྒྱུ་སྤང་བྱ་མི་མཐུན་པའི་ཕྱོགས་ནི་མ་ཡིན་ལ་རྡོ་རྗེ་འཛིན་པའི་ས་མངོན་དུ་བྱེད་པ་དང་། ས་གོང་མ་གོང་མར་བགྲོད་པ་ལའང་འགོར་བའི་སྒྲིབ་པ་སྟེ། མདོར་ན་སྤང་བྱ་སྟོབས་ཆུང་། གཉེན་པོ་སྟོབས་ཆེ་བས་རྟོག་པ་བྱུང་ཡང་དེ་མ་ཐག་ཡེ་ཤེས་ཉིད་དུ་ཐིམ་པས་རྒྱ་མཚོ་དང་རླབས་བཞིན་དུ་ཤེས་པར་བྱའོ། །ད་ནི་རྟགས་བསྟན་པ་ལ། དེ་ཡང་གཞུང་ཚོམ་བུར་བཅད་ན་བཞི་སྟེ། ཡོན་ཏན་བརྒྱ་ཕྲག་བདུན་བསྟན་པ། ཁྱད་པར་དུ་མཐོང་རིགས་དྲུག་གི་རྩ་གཉིས་སོགས།ལམ་ས་དང་པོ་བཞག་པ། ཡོན་ཏན་གྱི་ཁྱད་སྔོན་བླ་མས་རྒྱུ་དུས་སུ་བསྟན་པ་སོགས།པར་གཞན་བསྟན་པ། ཟག་མེད་དེ་ཙམ་ན་ལི་ག་བསྟན་པ་སོགས།དགའ་བ་བཅུ་དྲུག་ལས་གང་ཡིན་པ་བསྟན་པའོ། །དེ་ལ་སྤྲུལ་སྐུའི་ཞིང་ཁམས་བརྒྱ་སྒུལ། ཞེས་བྱ་བ་མི་མཇེད་ཀྱི་འཇིག་རྟེན་གྱི་ཁམས་ལ་སོགས་པའི་ཞིང་ཁམས་བརྒྱ་སྒུལ། ཞིང་སངས་རྒྱས་དེ་དག་གི་ཞལ་ལྟ་བ་དང་། དེ་དག་ལས་ཆོས་ཉན་པ་དང་། སྦྱིན་བརྒྱ་ཞེས་བྱ་བ་མིག་གཏོང་བ་ལ་སོགས་པའི་མི་འདྲ་བ་བརྒྱ་བཏང་བའོ། །འོད་བརྒྱ་ཞེས་བྱ་བ་དཀར་པོར་སྤྲོས་ནས་དམར་པོར་འདུ་བ་མཐོང་བ་ལ་སོགས་པ་བརྒྱ། མར་བརྒྱ་འཆད་པ་ནི་བདག་བས་དམན་པའི་གདུལ་བྱ་མི་འདྲ་བ་བརྒྱ་ལ་རང་རང་གི་བསམ་པ་དང་མཐུན་པར་ཆོས་སྟོན་པ། ཏིང་ངེ་འཛིན་མི་འདྲ་བ་བརྒྱ་ནི་དཔའ་བར་འགྲོ་བ་དང་། སེང་གེ་རྣམ་པར་བསྒྱིང་པ་ལ་སོགས་པ་རྒྱལ་བའི་ཡུམ་ལས་འབྱུང་བ་ལྟ་བུ་མི་འདྲ་བ་བརྒྱ་ལ་སྙོམས་པར་འཇུག་པ། འོག་ཏུ་སྦྱར་ལ། རྫུ་འཕྲུལ་སྣ་ཚོགས་སྐད་ཅིག་མས་འབྱུང་ཞེས་བྱ་བ་སྟོད་ནས་མེ་འབར་ཞིང་། སྨད་ནས་ཆུ་འབྲུབ་པ་ལ་སོགས་པ་དང་
― LT14_Page_052B ―
[མ་དཔེ་གཟིགས་ན་འདིར་གནོན།]
གཅིག་ལས་མང་པོར་བྱེད་ཅིང་། མང་པོ་ལས་གཅིག་ཏུ་བྱེད་པ་ལ་སོགས་པ་བརྒྱ་སྟོན་པའོ། །དེ་ལྟ་བུའི་ཕྱི་རོལ་ཏུ་སྣང་བའི་ཡོན་ཏན་བརྒྱ་ཕྲག་བདུན་པོ་འབྱུང་བའི་རྟེན་འབྲེལ་ནི་ནང་གི་ཞིང་ཁམས་མཐོང་བའོ། །ནང་མི་མཐོང་བར་ཕྱི་མི་མཐོང་ཞེས་སྨོས་ཏེ་སྔར་གྱི་བྱང་ཆུབ་ཀྱི་ཡན་ལག་བདུན་ཉིད་དོ། །ད་ནི་མཐོང་ལམ་ས་དང་པོར་བཞག་པ་ལ། རིགས་དྲུག་གི་རྩར་ཁྱད་པར་མིའི་རྟེན་མཐོང་ན་ཞེས་བྱ་བ། ནྲྀ་ཡིག་སྔོན་པོ་མཐོང་བས་གསང་བ་རྟེན་འབྲེལ་ནས་ཕྱི་རོལ་ཏུ་ཉམས་ཀྱི་སྣང་བ་ལ་མི་སླུ་བར། དགའ་ལ་ཞེས་བྱ་བ་ཟག་མེད་ཀྱི་བདེན་པའི་དོན་སྔར་མ་མཐོང་བ་མཐོང་བས་དགའ་བ་ཁྱད་པར་ཅན་སྐྱེ་བ་ཡིན་ལ། གཡང་ཟ་ཞེས་བྱ་བ་སྔར་ལོ་ཀའི་སྐབས་སུ་སེམས་ཅན་དམྱལ་བ་ལ་སོགས་པའི་སྡུག་བསྔལ་ཇི་སྙེད་ཅིག་བདག་གིས་མྱོང་བ་དང་འགྲོ་བ་འཁྲུལ་པ་དང་བཅས་པ་རྣམས་ལ་ཇི་སྙེད་ཅིག་གི་སྡུག་བསྔལ་འདུག་པ་མཐོང་ལ། བདག་འཁྲུལ་པ་དང་བྲལ་ཞིང་སྡུག་བསྔལ་མི་མྱོང་བཞིན་དུ་ཡང་། མྱོང་བ་སྙམ་བྱེད་པའི་དོགས་པ་འབྱུང་བས་གཡང་ཟ་བའོ། །ངོ་ཚ་ལ་སྐྱུག་བྲོ་བ་ནི་སྔར་སེམས་འཁྲུལ་པའི་དུས་སུ་མ་བག་མར་ལེན་པ་དང་། མི་གཙང་བ་ལ་གཙང་བར་གཟུང་བ་ལ་སོགས་པ་འཁོར་བའི་སྤྱོད་པ་རྣམས་ལ་ཡིད་འབྱུང་བས་དེ་སྐད་ཅེས་བྱའོ། །ད་ནི་ས་དང་པོ་དེ་ཉིད་ཀྱི་ཡོན་ཏན་གྱི་ཁྱད་པར་ཇི་ལྟ་བ་གཞན་བསྟན་པ་ལ། སྔོན་བླ་མས་རྒྱུ་དུས་ན་བསྟན་པའི་འཁོར་འདས་དབྱེར་མེད་དེ་ཙམ་ན་རྟོགས་ཞེས་བྱ་བ་བླ་མས་ལམ་སྩོགས་ཉི་ཤུའི་སྐབས་སུ་བསྟན་པ་དེ་འདིར་གྲུབ་མཐའ་དང་པོ་ལ་ཤར་བ་ནི། སྟོང་གསུམ་ཉུངས་འབྲུར་ཚུད་པ་ལ་ཆེ་ཆུང་མེད། ཆུ་བོ་གྱེན་ལ་ཟློག །ཉི་ཟླ་རྟེང་པར་འཛིན། རྩིགས་པ་དང་རི་ལ་སོགས་པ་ལ་ཐོགས་པ་མེད་པ་དུ་མ་བདག་རྒྱུད་ལ་ཤར་བ། སྙིང་རྗེ་སྐྱེ་བ་ན་སེམས་ཅན་འཁྲུལ་པ་དང་བཅས་པ་རྣམས་ལ་དམིགས་པ་མེད་པའི་སྙིང་རྗེ་སྐྱེ་བ་དེའི་སྟོབས་ཀྱིས་མཆི་མ་ལྷུང་བའོ། །གཞན་གྱི་སེམས་སྣ་ཚོགས་ཤེས་པ་ནི་སེམས་ཅན་རྣམས་གཞན་ལས་ཀྱང་མིའི་རྟེན་རྣམས་ཀྱི་འདོད་ཆགས་དང་བཅས་
― LT14_Page_053A ―
[མ་དཔེ་གཟིགས་ན་འདིར་གནོན།]
པ་ལ་སོགས་པའི་སེམས་ཟག་མེད་ཀྱི་མངོན་ཤེས་ཀྱིས་མཐོང་ཡེ་ཤེས་ཀྱི་སླང་ལ།བའོ། འདོད་ཡོན་སྣ་ཚོགས་མཐོང་བས་རྒོད་བྲོ་བ་ནི་སྔར་མ་མཐོང་བའི་ཟག་པ་མེད་པའི་ཡེ་ཤེས་ཀྱི་གཞལ་ཡས་ཁང་དང་། གཟུགས་རྡོ་རྗེ་ལ་སོགས་པའི་འདོད་པའི་ཡོན་ཏན་རྣམས་ཞེན་པ་མེད་པའི་ཚུལ་གྱིས་ལོངས་སྤྱོད་པ་མཐོང་བའོ། །ད་ནི་ཟག་མེད་དགའ་བ་བཅུ་དྲུག་ལས་གང་ཡིན་པ་བསྟན་པ་ལ། དེ་ཙམ་ན་ལིང་ག་བརྟན་རྡོ་རྗེའི་རྩེར་ལྷན་ཅིག་སྐྱེས་པའི་སར་ཐིག་ལེ་གནས་པ་ལྟར་ལུས་ཐམས་ཅད་བདེ་བས་མྱོས་ཤིང་བརྒྱལ་ཞེས་སྨོས་ཏེ། ལིང་ག་བརྟན་པ་ནི་ཕྱི་དབྱིབས་ཀྱི་ཨ་ན་ཡར་རླུང་སེམས་འདུས་ནས་དབུ་མའི་མདུད་པ་དང་པོ་གྲོལ་ཏེ་གསང་གནས་ཀྱི་འཁོར་ལོ་ཕྱེད་ཀྱང་ཁམས་དྭངས་མས་བརྟན་པས་དེ་ཙམ་ན་ལིང་ག་རབ་ཏུ་མ་ཞི་བ་ཉིད་དོ། །རྡོ་རྗེའི་རྩེ་ཞེས་བྱ་བ་ཡང་ཕྱི་དབྱིབས་ཀྱིས་ཨ་ནས་མདུད་པ་དང་པོའི་བར་རོ། །ལྷན་ཅིག་སྐྱེས་པའི་སར་ཞེས་བྱ་བ་ཡས་བབས་ཀྱི་དགའ་བ་བཅུ་དྲུག་པའི་ས་མས་བརྟན་པའི་དགའ་བ་དང་པོ་དང་། གཉིས་པ་དང་། གསུམ་པའི་སར་ཡང་ཐིག་ལེ་བརྟན་པའོ། །ལུས་བདེ་བས་མྱོས་ཤིང་བརྒྱལ་བ་ནི་ས་དང་པོའི་ཡེ་ཤེས་ཐོབ་པའི་ཚེ་ཅུང་ཟད་ལུས་ཟག་མེད་ཀྱི་བདེ་བས་མྱོས། སེམས་དགའ་བདེས་བརྒྱལ་བའོ། །རང་གཞན་ངོ་མི་ཤེས་པ་ནི་མཐོང་སྤོང་གིས་རྣམ་རྟོག་མ་ལུས་པ་སྤངས་པའོ། །དེ་དག་གིས་ནི་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་བསྟན་ཏོ། །ནང་རྟགས་རླུང་སོར་གཅིག་འགགས་པ་ཞེས་བྱ་བ་ཚད་དེ་ཕྱིའི་སོར་གཅིག །ནང་གི་གཅིག་ཕྱི་ནང་གི་སོར་གཉིས་འགགས་པ་ཡིན་ལ། གྲངས་འཕོ་བ་གཅིག་གི་རླུང་།ཀྱང་སྟོང་བརྒྱད་བརྒྱ་པ་གཅིག་དབུ་མར་ཐིམ་མོ། ཕྱི་རྟགས་གསང་གནས་ཕྱེད་ཐིག་ལེས་བརྟན་ཞེས་བྱ་བ་དབུ་མའི་མདུད་པ་དང་པོ་གྲོལ་ཞིང་གསང་གནས་ཀྱི་འཁོར་ལོ་ཕྱེད་ཁམས་དྭངས་མས་གང་ནས་སླར་མི་ལྡོག་འོག་ཏུ་པར་འགྱུར་རོ། །ས་དང་པོ་ཞེས་བྱ་བ་མཇུག་སྡུད་དེ་ལུང་སྒོ་བསྟུན་ནས་རབ་ཏུ་དགའ་བའི་སའོ། །ད་ནི་བུམ་དབང་གིས་བསྡུས་པའི་སྒོམ་
― LT14_Page_053B ―
[མ་དཔེ་གཟིགས་ན་འདིར་གནོན།]
ལམ་ས་ལྔ་བསྟན་པ་ལས། ཡང་དབང་བཞི་བཞི་ཞེས་བྱ་བ་ལ་སོགས་པ་སྨོས་ཏེ། སྔར་བསྟན་པ་བཞིན་ཡང་རྒྱུ་བསྟན་པ་ལ་སོགས་བཞི་ལས། རྒྱུ་བསྟན་པ་ལ་ཡང་ཉེ་རྒྱུ་དང་རིང་རྒྱུ་གཉིས། རིང་རྒྱུ་ལའང་དབང་བུམ་དབང་།ལམ་བསྐྱེད་རིམ།གཉིས། ཉེ་རྒྱུ་ལའང་ཕྱི་དབང་བཞི།རྟེན་འབྲེལ་དང་། ནང་རྟེན་ལུས་ཀྱི་དཀྱིལ་འཁོར།འབྲེལ་གཉིས་སུ་སྔ་མ་བཞིན་ཤེས་པར་བྱའོ། འབྲས་བུ་ནི་དོན་གྱིས་བསྟན་པ་སྤྲུལ་སྐུ། རྟགས་ལ་གསུམ་ལས། དང་པོར་དེ་ཁོ་ན་ཉིད་ཀྱི་རྟགས་སེམས་ལ་འཆར་བའི་དབང་དུ་བྱས་ནས། སྤྲུལ་པའི་སྐུའི་ཞིང་ཁམས་སྟོང་ལ་སོགས་པ། སྒུལ་བ་ལ་སོགས་པ་ནུས་ཞེས་སྨོས་ཏེ། སྔར་གྱི་ཡོན་ཏན་བརྒྱ་ཕྲག་བདུན་པོ། སྟོང་ཕྲག་བདུན་དང་། ཁྲི་ཕྲག་བདུན་དང་། འབུམ་ཕྲག་བདུན་དང་། ས་ཡ་ཕྲག་བདུན་དང་། བྱེ་བ་ཕྲག་བདུན་གྱི་བར་དུ་འགྲེས་ཏེ་ཤེས་པར་བྱའོ། །དེ་བས་ན་ཡོན་ཏན་སྩོགས་འཕེལ་ཞེས་བྱ་བའི་དོན་ཡང་དེ་ཡིན་ཏེ་ས་དྲུག་མན་ཆད་ལ་སྦྱར་རོ། །འགྲོ་ལྡོག་སྩོགས་འགག །ཞེས་བྱ་བ་སྤང་བྱ་སྤངས་པའི་ཚུལ་ཏེ། རྟོག་པ་ཆེ་འབྲིང་བཅུ་གཉིས་ལས་ཀྱང་དྲུག་མན་ཆད་འགག་ཞིང་། རྟེན་འབྲེལ་བཅུ་གཉིས་ལས་ཀྱང་ཚོར་བ་མན་ཆད་དྲུག་ལུགས་ལྡོག་ཏུ་འགག་པའོ། །ནང་རྟགས་རླུང་སོར་དྲུག་འགགས་ཅེས་པ་ཕྱིའི་སོར་དྲུག །ཕྱི་ནང་གི་སོར་བཅུ་གཉིས་ཀྱི་ཚད་འགགས་ལ། གྲངས་ཀྱང་ལས་ཀྱི་རླུང་སྟོང་བརྒྱ་བརྒྱ་པ་དྲུག་འགགས་སོ། ཕྱི་རྟགས་གསང་གནས་ལྟེ་སྙིང་ཐིག་ལེས་བརྟན་པ་ནི་འཁོར་ལོ་གསུམ་པོ་རེ་རེ་ལ་ས་གཉིས་གཉིས་དབུ་མའི་བཅུ་དྲུག་བྲལ་ཏེ་ཁམས་དྭངས་མ་སླར་མི་རྟོག་པ་བསྟན་པའོ། །ལོངས་སྐུ་འགའ་བདུན་ཐོབ་པའི་དབང་གི་ཡུལ།མཐོང་ཞེས་བྱ་བ་གཅིག་ནས་བཅུའི་བར་དུ་རྟེན་འབྲེལ་དྲུག་མན་ཆད། ཞལ་མཐོང་ཞིང་བྱིན་གྱིས་རླབས་པ་མཐོང་བའོ། སྒོམ་ལམ་ས་དྲུག་གོ་ཞེས་བྱ་བ་མཇུག་སྡུད་དེ། གཉིས་པ་དྲི་མ་མེད་པ། གསུམ་པ་འོད་བྱེད་པ། བཞི་པ་འོད་འཕྲོ་བ། ལྔ་པ་སྦྱང་དཀའ་བ། དྲུག་པ་མངོན་དུ་གྱུར་པ་སྟེ། ལུང་སྒོ་བསྟུན་གྱིས་བཤད་པའོ། །དེ་ལྟར་ས་དྲུག་གིས་བུམ་དབང་གི་ས་བསྟན་ཏོ། །
― LT14_Page_054A ―
[མ་དཔེ་གཟིགས་ན་འདིར་གནོན།]
ད་ནི་ལོངས་སྐུ་ལ་དབང་བཞི་བཞི་ཞེས་བྱ་བ་ལ་སོགས་པས་གསང་དབང་གིས་བསྡུས་པའི་ས་བཞི་བསྟན་པ་ལས། དེ་ལ་ཡང་རྒྱུ་བསྟན་པ། རྟགས་བསྟན་པ། འབྲས་བུ་བསྟན་པ། མཇུག་སྡུད་བསྟན་པ་དང་བཞི་ཤེས་པར་བྱའོ། །དེ་ལ་དང་པོ་རྒྱུ་ལ་ཡང་། ཉེ་རྒྱུ་དང་། རིང་རྒྱུ་གཉིས་ལས། ཉེ་རྒྱུ་ལ་ཡང་དབང་དང་ལམ་གཉིས། དེ་ཡང་གཞུང་ཉིད་དང་སྦྱར་ལ་གསང་བའི་དབང་དབང་ལས་རྒྱུ་དུས་ཀྱི་དབང་དང་། ལམ་དུས་ཀྱི་གཉིས་ཀའོ།ཞེས་སྨོས་སོ། །ལམ་ལས་བདག་བྱིན་གྱིས་རླབས་པའི་ལམ་ནས་ཞེས་པ་དང་སྦྱར། དབང་ལས་གསང་བའི་དབང་མཐར་ཕྱིན་ཞེས་སྨོས་སོ། །ཉེ་རྒྱུ་ལ་གཉིས་ལས། ཕྱི་རྟེན་འབྲེལ་ནི་ལོངས་སྐུ་ལས་དབང་བཞི་ཐུན་ཚད་མེད་པར་ལེན་པ་ཡིན་ལ། ནང་རྟེན་འབྲེལ་ནི་འོག་ཏུ་སྦྱར་ལ། བྷ་གའི་དཀྱིལ་འཁོར་ལྟེ་བར་ཡི་གེ་ཕྱི་མོ་བརྒྱད་ཅེས་པ་ལ་སོགས་པའང་སྦྱར་རོ།དུ་རིགས་དྲུག་གི་ས་བོན་མཐོང་། ས་བོན་དྲུག་ལ་མངའ་བརྙེས། ཅེས་སྦྱར་རོ། །འབྲས་བུ་བསྟན་པ་ནི། ལོངས་སྐུའི་རང་བཞིན་གྱིས་ལྷུན་གྲུབ་ཐོབ་པར་བྱེད་པ་ཅེས་བསྟན་ཏོ། །རྟགས་བསྟན་པ་ལ་གསུམ་ལས། དེ་ཁོ་ན་ཉིད་ཀྱི་རྟགས་སེམས་ལ་འཆར་བའི་དབང་དུ་བྱས་ནས། དབང་པོ་ལྔ་དང་ཞེས་བྱ་བ་ལ་སོགས་པ་སྨོས་ཏེ། སའི་རླུང་མཛོད་སྤུ་མན་ཆད།དབུ་མར་དབང་དུ་གྱུར་པས་འབྱུང་བ་སའི་གནོད་པས་མི་བརྫི། གསུམ་པོ་དེ་བསྒྲེས་ཏེ་ཤེས་པར་བྱའོ། །ནམ་མཁའི་རླུང་དབུ་མར་དབང་དུ་གྱུར་པས་དཔག་ཚད་སྟོང་ལ་སོགས་པའི་གཡང་སས་ཀྱང་མི་འཇིགས་ཏེ། དེ་དག་འབྱུང་བའི་ནང་རྟེན་འབྲེལ་ནི། དྭངས་མ་རླུང་ལྔ་ལ་མངའ་བརྙེས། ཞེས་བྱ་བས་བསྟན་ཏེ། ཡང་དེ་ཙམ་ནས་ས་བདུན་པ་ནས་བཅུ་པའི་བར་ལ་ས་རླུང་ལ་སོགས་པ་དབུ་མར་ཅུང་ཟད་སྟོབས་སུ་གྱུར་པ་ལས་འབྱུང་བ་སར་སྤྲུལ་ནུས་པ་ལ་སོགས་པ་ཡང་ཐོགས་བཅས་ཟད་ཙམ་ཅི་རིགས་པར་འབྱུང་བ་རིགས་པར་བྱའོ། །ནུས་པ་ལྔ་ནི་དེ་ཙམ་ན་ས་རུ་སྤྲུལ་ནུས་པ་ལ་སོགས་པ་བཞི་དང་། བདག་གཞན་མི་སྣང་བར་སྦེད་ནུས་པ་དང་ལྔ་ཅི་རིགས་
― LT14_Page_054A ―
[མ་དཔེ་གཟིགས་ན་འདིར་གནོན།]
པར་འབྱུང་བའོ། །ལྟ་སྟངས་རྣམས་ལ་ཐོགས་པ་མེད་ཅེས་བྱ་བ་མིག་གི་སྒོར་རླུང་སེམས་བསྡུ་བ་ལ་དབང་ཐོབ་པས་ཡང་དེ་ཙམ་ན་ལྟ་སྟངས་བཞི་དང་། ལྟ་སྟངས་བརྒྱ་ལ་སོགས་ཐོགས་པ་མེད་པར།པ་ལ་དབང་ཐོབ་པ་འབྱུང་ངོ་། བྷ་གའི་དཀྱིལ་འཁོར་དུ་རིགས་དྲུག་གི་ས་བོན་མཐོང་ཞེས་བྱ་བ་ལྷའི་ས་བོན་ཨ་ལ་སོགས་དྲུག་མཐོང་བ་གསང་བ་རྟེན་འབྲེལ་ཡིན་ལ། ཕྱི་རོལ་ཏུ་སེམས་ཅན་རྣམས་ཀྱི་སྐད་དུ་ཆོས་སྟོན་ཞེས་སྨོས་ཏེ་འགྲོ་བ་དྲུག་རང་རང་གི་སྐད་དང་། རང་རང་གི་བསམ་པ་དང་མཐུན་པར་ཆོས་སྟོན་པའོ། །སྤྱིའི་མཚན་ཉིད་ནི་འདྲ་བ་ཐུན་མོང་བ། རང་གི་མཚན་ཉིད་ནི་མི་འདྲ་བ་ཐུན་མོང་མ་ཡིན་པ་སྟེ། དེ་དག་ལ་ཐོགས་པ་མེད་པ་འབྱུང་བའོ། །ཡི་གེ་ཕྱི་མོ་བརྒྱད་ནི་ལྟེ་བའི་ནང་སྐོར་གྱི་ཨ་ཀ་ཙ་ཊ་ཏ་པ་ཡ་ཤ་བརྒྱད། ཨཱ་ལི་ཀཱ་ལི་མཐོང་བ་ནི་ཕྱི་སྐོར་གྱི་ཡི་གེ་ལྔ་བཅུ་འདུས་བྱས་མི་རྟགས་བྱ་བ་སོགས།མཐོང་བ་གསང་བ་རྟེན་འབྲེལ་ཕྱི་རོལ་ཏུ་མདོ་ས་སྲ་བ་སོགས།སྡེའི་ཆོས་གསུང་རབ་ཡན་ལག་བཅུ་གཉིས་ལ་ཐོགས་པ་མེད་ཅེས་པ། དེ་རྣམ་གྲངས་ཙམ་ན་ངག་གི་དབང་ཕྱུག་ཆེན་པོར་གྱུར་པའི་དུས། ཐ་སྙད་ལས་སད་པའི་དུས། ཚིག་གི་མཆོག་མ་ལུས་པ་འགྲུབ་པའི་དུས། སོ་སོ་ཆོས་དོན་ངེས་ཚིག་སོགས།ཡང་དག་པར་རིག་པ་བཞི་ལ་དབང་ཐོབ་པའི་དུས་ཞེས་བྱའོ། །བདུད་རྩི་ལྔ་དང་རོ་དྲུག་ལ་ལོངས་སྤྱོད་ཅེས་བྱ་བ་མགྲིན་པའི་འཁོར་ལོར་ཁམས་དྭངས་མ་བྱོན་ཏེ་བརྟན་པས་ཕྱི་རོལ་ཏུ་ལོ་ཀའི་ཁམས་ཀྱི་རོ་ལ་ལོངས་སྤྱོད་པ་འབྱུང་ངོ་། །ཚངས་པའི་དབྱངས་སུ་གྱུར་པ་ཞེས་བྱ་བའི་དོན་ཡང་སྙིང་པོའི་ཨ་ཡང་མགྲིན་པའི་འཁོར་ལོའ་བར་དུ་བྱོན་པས་གསང་བ་རྟེན་འབྲེལ་བྱས་ནས་ཕྱི་རོལ་ཏུ་བདག་གཞན་ལ་རྣར་ཉན་ཅིང་ཉེ་རིང་མེད་པ་ལ་སོགས་པ་གསུང་དབྱངས་ཡན་ལག་དྲུག་ཅུ་དང་བཅུ་དྲུག་ལ་སོགས་པ་འབྱུང་ངོ་། དེ་བས་ཚངས་པའི་དབྱངས་སུ་གྱུར་པ་ཞེས་སྨོས་སོ། སྙིང་པོའི་ཨ། ཨ་ནི་ཡིག་འབྲུ་ཞེས་སྩོགས་དྲུག་གིས་གསལ་བ་ཡང་། སྒྱུ་འཕྲུལ་དྲྭ་བ་ལས། ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན། །ཁོང་ནས་འབྱུང་བ་སྐྱེ་བ་མེད། །ཚིག་ཏུ་བརྗོད་པ་སྤངས་པ་
― LT14_Page_055A ―
[མ་དཔེ་གཟིགས་ན་འདིར་གནོན།]
སྟེ། །བརྗོད་པ་ཀུན་གྱི་རྒྱུ་ཡིས་མཆོག །ཚིག་ཀུན་རབ་ཏུ་གསལ་བར་བྱེད། །ཅེས་རབ་ཏུ་གསུངས་སོ། །དེ་དག་འབྱུང་བའི་ནང་རྟེན་འབྲེལ་བསྟན་པ་ཡང་། ནང་དུ་འཁོར་ལོ་བཞི་ལ་འཁོར་ལོ་རེ་རེ་ལ་ས་གཉིས་གཉིས་ཁམས་གཙོར་རླུང་།དྭངས་མ་དེ་དག་ལས་མི་གཡོ་བར་བརྟན་པ་མངོན་དུ་གྱུར་པའི་སྟོབས་འབྱུང་བ་ཡིན་ཞེས་བྱ་བའི་དོན་ཏོ། །ཚུལ་གཞན་ཡང་ས་དྲུག་མན་ཆད་དུ་སྤྲུལ་སྐུ་ལ་རྒྱན་དྲུག་དང་བཅས་པར་གསལ་བ་ཡིན་ལ། འདིར་ནི་ལོངས་སྐུ་ལ་རྒྱན་དྲུག་དང་བཅས་པར་གསལ་བ་ཡིན་ལ། འདིར་ནི་ལོངས་སྐུ་ལ་རྒྱན་དྲུག་ལ་རིགས་དྲུག་གི་ངོ་བོ་གསལ་བར་ཡང་ཤེས་པར་བྱའོ། །ད་ནི་དེ་ཁོ་ན་ཉིད་ཀྱི་རྟགས་ཡོན་ཏན་གཞན་སེམས་ལ་འཆར་བ་བསྟན་པ་ལས། ས་བདུན་ཡན་ཆད་འཁོར་བཞི་བརྒྱ་ལོངས་སྐུའི་ཞིང་ཁམས་དུང་ཕྱུར་ལ་སོགས་པ་སྒུལ་བ་ལ་སོགས་པ་ནུས་ཞེས་སྨོས་ཏེ། སྔར་ས་དྲུག་མན་ཆད་དུ་ནི་སྤྲུལ་སྐུའི་ཞིང་ཁམས་བརྒྱ་ལ་སོགས་པ་ཡོན་ཏན་བརྒྱ་ཕྲག་བདུན་འགྱུར་ས་དྲུག་ཡོད་པས་དྲུག་དུ་འགྲེ་བ་ཡིན་ལ། འདིར་ལོངས་སྐུའི་ཞིང་ཁམས་དུང་ཕྱུར་ཕྲག་བདུན་ལ་སོགས་པ་བཞི་འགྱུར་དུ་བསྒྲེ་བར་བྱའོ། །ནང་རྟགས་རླུང་སོར་བཅུ་འགགས་ཞེས་བྱ་བའི་ཕྱིའི་སོར་བཅུ། ཕྱི་ནང་གི་སོར་ཉི་ཤུ་གྲངས་ཀྱང་ལས་ཀྱི་རླུང་སྟོང་བརྒྱད་བརྒྱ་བཅུ་དབུ་མར་འགགས་སོ། །ཕྱི་རྟགས་མགྲིན་སྨིན་ཐིག་ལེས་བརྟན་པ་ནི་འཁོར་ལོ་གཉིས་ལ་དབུ་མའི་མདུད་པ་བཅུ་གཉིས་གྲོལ་ནས་ཁམས་དྭངས་མ་དེ་ལས་མི་གཡོ་བར་བརྟན་པར་འགྱུར་རོ། །དེ་དག་གིས་ནི་རྟགས་གསུམ་བསྟན་ཏོ། །སྒོམ་ལམ་ས་བཅུ་ཞེས་བྱ་བ་མཇུག་སྡུད་དོ། །བདུན་པ་རིང་དུ་སོང་བ། བརྒྱད་པ་མི་གཡོ་བ། དགུ་པ་ལེགས་པའི་བློ་གྲོས། བཅུ་པ་ཆོས་ཀྱི་སྤྲིན་ཏེ། ལུང་སྒོ་བསྟུན་གྱི་མིང་ངོ་། །ད་ནི་ཤེས་རབ་ཡེ་ཤེས་ཀྱི་ས་གཉིས་པ་བསྟན་པ་ལས། དེ་ཡང་རྒྱུ་བསྟན་པ་ལ་སོགས་པ་བཞི། རྒྱུ་ལའང་རིང་རྒྱུ་དང་། ཉེ་རྒྱུ་གཉིས། རིང་རྒྱུ་ལའང་དབང་། ལམ་གཉིས་ལས། དབང་ནི་དཀྱིལ་འཁོར་་རྒྱུ་དུས་དང་ལམ་དུས་དང་གཉིས།འཁོར་ལོའ་ཐབས་ཀྱི་ལམ་ཞེས་བྱ་བ་དང་
― LT14_Page_055B ―
[མ་དཔེ་གཟིགས་ན་འདིར་གནོན།]
སྦྱར་རོ། །ཉེ་རྒྱུ་ལའང་། ཕྱི་ནང་གི་རྟེན་འབྲེལ་གཉིས་ལས་ཕྱི་རྟེན་འབྲེལ་ནི། ཡང་དབང་བཞི་བཞི་ཞེས་སྨོས་ཏེ། རྒྱལ་བ་སྤྲུལ་པའི་སྐུ་དང་ལོངས་སྐུ་ཐ་མི་དད་པ་ལ་དབང་བཞི་ཐུན་ཚད་མེད་པར་ལེན་པའོ། །ནང་རྟེན་འབྲེལ་ནི། ཡང་འོག་ཏུ་སྦྱོར་ལ། རྩ་བ་བྱང་ཆུབ་སེམས་ཀྱི་དཀྱིལ་འཁོར་མཐོང་ཞེས་སྨོས་ཏེ། དེ་དག་གིས་ནི་རེ་ཞིག་རྒྱུ་བསྟན་ཏོ། །ཆོས་ཀྱི་སྐུ་རང་བཞིན་གྱིས་ལྷུན་གྲུབ་ཐོབ་པར་བྱེད་པ་ནི་འབྲས་བུ་སྟེ། འབྲས་བུའི་སྐབས་ཉིད་དུ་འཆད་པར་འགྱུར་བས་འདིར་མ་བརྗོད་དོ། །ད་ནི་རྟགས་བསྟན་པ་ལ་གསུམ་ལས། དེ་ཁོ་ན་ཉིད་ཀྱི་རྟགས་སེམས་ལ་འཆར་བའི་དབང་དུ་བྱས་ནས། སྟོབས་ལྔ་ནི་ཞེས་བྱ་བ་ལ་སོགས་སྨོས་ཏེ། ནང་དུ་དྭངས་མ་ལྔ་དང་བྱང་ཆུབ་ཀྱི་སེམས་བདུད་རྩི་ལྔ་རོ་གཅིག་ཅིང་འདྲེས་པ་དབུ་མ་སྟོབས་སུ་གྱུར་པ་ལས་ཕྱི་རོལ་ཏུ་སྟོབས་ལྔ་འབྱུང་བ་ནི། ས་རླུང་དབུ་མར་སྟོབས་སུ་གྱུར་པ་ལས་འབྱུང་བས་སལ་ནུས། གསུམ་པོ་དེས་འགྲེའོ། །ནམ་མཁའི་རླུང་དང་དེའི་བྱང་ཆུབ་ཀྱི་སེམས་དབུ་མར་སྟོབས་སུ་གྱུར་པ་ལས་སྤྱི་གཙུག་འཁོར་ལོའ་བར།བདག་གཞན་མི་སྣང་བར་སྦེད་ནུས་པ་འབྱུང་ངོ་། ད་ནི་ཉེ་རིང་གཉིས་ཀའི་རྒྱུའི་དབང་དུ་བྱས་ནས་ཤེས་རབ་ཡེ་ཤེས་ཀྱི་དབང་ལ་ཡོན་ཏན་གྱི་ཆོས་བརྩི་བ་ནི། སྐུ་གསུམ་ཡེ་ཤེས་ལྔ་སྩོགས་ཀྱི་དབང་ཐོབ་ནས་ཞེས་སྨོས་ཏེ། རྟེན་ཡོངས་སུ་དག་པའི་ཕྱག་རྒྱ་ལ་འདུ་ཤེས་གསུམ་གྱིས་བྱིན་གྱིས་བརླབས་ནས་ཐབས་ཤེས་རབ་སྙོམས་པར་ཞུགས་པས་རྗེས་ཆགས་ཀྱི་མེས་ལུས་ཀྱི་ཁམས་དྭངས་མ་བཞུ་སྟེ་རྩ་ཐམས་ཅད་ཀྱི་གནས་ནས་སྤྱི་གཙུག་གི་ཧཾ་ལ་འདུས། བྱང་ཆུབ་ཀྱི་སེམས་སྤྱི་བོ་ནས་མགྲིན་པའི་བར་དུ་བྱོན། དེ་ཙམ་ན་ཉམས་མྱོང་ཆུང་བས་དགའ་བའི་ཡེ་སྐད་ཅིག་གིས།ཤེས། སྤང་བྱ་ཉོན་མོངས་པ་ཕྱེད་ཞི་ལ་ཕྱེད་མ་ཞི་བས་ཉན་ཐོས་ཀྱི་ལམ་ཆོད། སྙིང་གའི་བར་དུ་བྱོན། བདེ་བའི་ཉམས་མྱོང་ལྷན་སྐྱེས་ཀྱིས་མངོན།འཕེལ་བས་མཆོག་དགའི་ཡེ་ཤེས། སྤང་བྱ་ཉོན་མོངས་པ་བཞི་གསུམ་ཞི་ལ། བཞི་ཆ་མ་ཞི་བས་རང་སངས་རྒྱས་ཀྱི་ལམ་ཆོད། གཉིས་པོ་དེ་བདེ་བ་ལ་ལོངས་སྤྱོད་པས་ལོངས་
― LT14_Page_056A ―
[མ་དཔེ་གཟིགས་ན་འདིར་གནོན།]
སྐུའི་དབང་ཐོབ། ལྟེ་བའི་བར་དུ་བྱོན། བདེ་བ་མི་རྟོག་པས་བརྒྱན། ཟུང་དུ་ཚུད། དགའ་བྲལ་གྱི་དགའ་བའི་ཡེ་ཤེས། སྤང་བྱ་ཀུན་བརྟགས།ཉོན་མོངས་ཐམས་ཅད་ཞི་བས་བྱང་ཆུབ་སེམས་དཔའི་ལམ་ཆོད། མི་རྟོག་པ་སྤྲོས་པ་ཐམས་ཅད་ཉེ་བར་ཞི་བ་རྟོགས་པས་ཆོས་སྐུའི་དབང་ཐོབ་བོ། །ཁམས་དྭངས་མ་དེ་གསང་གནས་ཀྱི་བར་དུ་བྱོན། བདེ་བ་དང་སྟོང་པ་ཟུང་དུ་ཚུད་པས་ལྷན་ཅིག་སྐྱེས་པའི་དགའ་བའི་ཡེ་ཤེས། སྤང་བྱ་ཉོན་མོངས་པ་ཐམས་ཅད་ཞི་བ་བརྟན་པས་བྱང་ཆུབ་ཆེན་པོའི་ལམ་ཆོད། ཐིག་ལེ་མི་བརྟན་པའི་དོན་གྱིས་སྤྲུལ་པའི་སྐུའི་དབང་ཐོབ་བོ། །དེ་ལྟར་ན་སྐུ་གསུམ་གྱི་དབང་ངོ་། །དེ་ཉིད་ལ་ཡོན་ཏན་གྱི་ཁྱད་པར་གྱི།ཡེ་ཤེས་ལྔའི་དབང་དུ་ཡང་བཞག་སྟེ་ཆོས་ཐམས་ཅད་མ་སྐྱེས་པའི་ངོ་བོར་གསལ་བས་མེ་ལོང་ལྟ་བུའི་དབང་། འཁོར་འདས་མཉམ་པ་ཉིད་དུ་རྟོགས་པས་མཉམ་པ་ཉིད། ཀུན་རྫོབ་ཀུནྡ་ལྟ་བུ་མི་འཆོར་རླུང་བརྟན་པས།བར་ཡང་དག་པར་རྟོགས་པས་སོ་སོར་རྟོག་པ། དེ་ཁོ་ན་ཉིད་རང་ལས་གྲུབ་པས་བྱ་བ་གྲུབ་པ། མི་རྟོག་པའི་དོན་གྱི་ཆོས་ཀྱི་དབྱིངས་ཀྱི་ཡེ་ཤེས་ཀྱི་དབང་ངོ་། །དེ་ཉིད་ལ་ཕྱག་ཆོས་མཐུན་གྱི་དབང་དུ་བྱས་ནས།རྒྱ་ལྔ་ཡི་དབང་དུ་ཡང་བཞག་སྟེ། ལྷན་སྐྱེས་རྣམ་རྟོག་ལ་མི་རེག་པས་བྲམ་ཟེ་མོ། རྣམ་རྟོག་ལྷན་སྐྱེས་ལ་མི་རེག་པས་གཡུང་མོ། བདག་ཉིད་ཀྱི་རྒྱུད་བདེ་ཆེན་དུ་སྒྱུར་བས་གར་མ། གཞན་ཐམས་ཅད་བདེ་ཆེན་དུ་སྒྱུར་བས་ཚོས་མ། མཚན་མ་དང་རྣམ་པར་རྟོག་པ་གསོད་པ་ལ་གཏུམ་མོའི་དབང་ངོ་། །དེ་ཉིད་ལ་ཡོན་ཏན་གྱི་ཁྱད་པར་གྱིས།ཧེ་རུ་ཀ་བཅུ་གཅིག་གི་དབང་དུ་ཡང་བཞག་སྟེ། གཟུགས་ཀྱི་ཧེ་རུ་ཀ་ལ་སོགས་པ་དྲུག །བདག་རང་ལྷར་བསྐྱེད་པས།དམ་ཚིག་གི་ཧེ་རུ་ཀ །གཞན་ཡེ་ཤེས་ཀྱི་ཡེ་ཤེས་སེམས་དཔའ་བཞུགས།ཧེ་རུ་ཀ །གདགས་པ་ལུགས་སྐུ་སོགས།བརྡའི་ཧེ་རུ་ཀ །གདགས་པ་ཧེ་རུ་ཀ་ཅེས་པས།མིང་གི་ཧེ་རུ་ཀ །དོན་ཡེ་ཤེས་ཀྱི་ཧེ་རུ་ཀ །རྣམ་ཐར་ཅེས་བཞི།སྟེ་བཅུ་གཅིག་གོ །དེ་ལྟར་ན་བདག་གི་ལུས་ལ་གནས་ཤིང་བྱིན་གྱིས་བརླབས། བདེ་བ་ལ་རོལ་པའི་དོན་གྱི་ལྷ་སྟེ་
― LT14_Page_056B ―
[མ་དཔེ་གཟིགས་ན་འདིར་གནོན།]
ལྷའི་དེ་ཁོ་ན་ཉིད་ཉི་ཤུ་རྩ་བཞིའི་དབང་ངོ་། །དེ་ལྟ་བུའི་ཉམས་དང་ལྡན་པའི་རྣལ་འབྱོར་པའི་ལག་པས་ཅི་ཕན་ཡོན་བསྒྱུར་བ། བསྒྱུར་བ་ཕྱག་རྒྱར་འགྱུར་བས་ཕྱག་རྒྱའི་དེ་ཁོ་ན་ཉིད་ཀྱི་དབང་། རྐང་པས་ཅི་བྱས་པ་ཐམས་ཅད་དཀྱིལ་འཁོར་དུ་འགྱུར་བས་དཀྱིལ་འཁོར་གྱི་དེ་ཁོ་ན་ཉིད་ཀྱི་དབང་། ངག་གིས་ཅི་བརྗོད་པ་གསང་སྔགས་སུ་འགྱུར་བས་སྔགས་ཀྱི་དེ་ཁོ་ན་ཉིད་ཀྱི་དབང་སྟེ། དེ་ཁོ་ན་ཉིད་བཞི་ཉམས་སུ་མྱོང་བ་དང་རྟོགས་པ་དང་ལྡན་ན་ཤེས་རབ་ལ་བརྟེན་ནས་ཡེ་ཤེས་ཀྱི་དབང་དུ་ཐོབ་ཞེས་བྱའོ། །མདོར་ན་དབང་དེས་གྲུབ་མཐའ་ས་བཅུ་གཅིག་པ་དང་བཅུ་གཉིས་པའི་རྒྱུ་བྱེད་པའི་ཕྱིར་སྐབས་འདིར་སྦྱར་བས་ཤེས་པར་བྱའོ། །ད་ནི་ཕྱི་ནང་རྟེན་འབྲེལ་གཉིས་ཀྱིས་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་དེ་ཁོ་ན་ཉིད་རྟེན་ཅིང་འབྲེལ་བར་འབྱུང་བ་ཡོན་ཏན་མི་བསླུ་བས་གཞན་རྣམས་བསྟན་པ་ལས། བདུད་རྩི་ལྔ་གར་བདུ་བ་མཐོང་ན་ཞེས་བྱ་བ་ཁམས་དྭངས་མ་བདུད་རྩི་ལྔ་རླུང་ལྔ་དང་དབྱེར་མེད་པའི་ཚུལ་གྱིས་ཕོ་བྲང་འདུ་འཁོར་ལོ་བཞི་ཨེ་ཝཾ་མཱ་ཡཱ།ས་བཞི་ལ་སོགས་པར་འདུ་བ་མཐོང་བས་ནང་རྟེན་འབྲེལ། སངས་རྒྱས་རྣམས་གཞན་དོན་མཛད་པ་མཐོང་བ་ན་རྒྱལ་བ་སྤྲུལ་པའི་སྐུ་རྣམས་རང་རང་གི་གདུལ་བྱ་ལ་སྐུ་དང་གསུང་གི་དོན་མཛད་པ་མཐོང་བ་དེ་ནི་དོན་ཕྲིན་ལས་ཡོངས་སུ་དག་པ་ཡིན་ནོ། །སྤྲུལ་པ་བདེ་ཆེན་དུ་ཐིག་ལེ་འདུ་བ་མཐོང་བ་ནི་རེ་ཞིག་ཁམས་དྭངས་མ་རྣམས་ལྟེ་བ་སྤྲུལ་པའི་འཁོར་ལོར་བསྡུས་ཏེ། ད་ནས་སྤྱི་བོ་བདེ་བ་ཆེན་པོའི་འཁོར་ལོར་ཡང་བསྡུས་ཏེ། བརྟན་པར་བྱས་ན་ཉམས་ཀྱི་སྣང་བ་མི་སླུ་བར་སངས་རྒྱས་འོག་མིན་གྱི་གནས་ན་ཟབ་མོ་ལ་བཞུགས་པ་མཐོང་ཞེས་བྱ་བ་ལ་སོགས་པ་རྒྱལ་བ་ལོངས་སྐུ་རྣམས་དབྱིངས་དང་ཡེ་ཤེས་གཉིས་སུ་མེད་ལ།ཆོས་སྐུ་བདེ་སྟོང་སྤྲོས་བྲལ་གཅིག་ལས་མ་གཡོས་བཞིན་དུ་དེའི་ངང་ལ་བཞུགས་ཤིང་གདུལ་བྱའི་དོན་ཡང་མཛད་པར་ཤེས་པར་བྱ་སྟེ། འདི་ཉིད་ལ་ཆོས་སྐུའི་ཞིང་ཁམས་མཐོང་ཞེས་བྱ་སྟེ། ཡང་དེ་ཙམ་ན་ལྟེ་བ་སྤྲུལ་པར་བདུད་རྩི་ལྔ་དང་རླུང་ལྔ་འདུ་བ་རང་གིས་བསྡུས་བས། མཐོང་བས་དང་རྟེན་འབྲེལ་དུ་གྱུར་ནས་ཕྱི་རོལ་ཏུ་ཟག་པ་མེད་པའི་ཏིང་ངེ་འཛིན་
― LT14_Page_057A ―
[མ་དཔེ་གཟིགས་ན་འདིར་གནོན།]
གྱི་སྣང་བ་ལ་རྒྱལ་བ་ལོངས་སྤྱོད་རྫོགས་པའི་སྐུ་རིགས་ལྔ་ཡབ་ཡུམ་གནས་ཀྱི་ཁྱད་པར་ཆོས་འབྱུང་གི་ནང་ན། རྟེན་གྱི་དཀྱིལ་འཁོར་གཞལ་ཡས་ཁང་ཡེ་ཤེས་ཀྱི་སྣང་བར་གྱུར་པ་ན། འཁོར་གྱི་ཁྱད་པར་སྐལ་ལྡན་བྱང་ཆུབ་སེམས་དཔའ། ས་བཅུ་གཅིག་པ་དང་། བཅུ་གསུམ་པ་ལ། བསྟན་པར་བྱ་བ་ཆོས་ཀྱི་ཁྱད་པར་ཟབ་མོ་རྡོ་རྗེའི་ཐེག་རྒྱུད་སྡེ་བཞིའི།པ་གསང་བ་མཆོག་ཏུ་གྱུར་པའི་དོན་སྒྲོགས་པ་མཐོང་ངོ་། ཕྱག་རྒྱ་མའི་དྭངས་མ་མཐོང་བ་ནི་ཡུམ་གྱི་རྩ་གནས་རྣམས་སུ་ཁམས་དྭངས་མ་ཆེན་པོ་ཐོགས་པ་མེད་མེ་ལོང་ལྟ་བུ།པར་མཐོང་བས་ཕྱི་རོལ་ཏུ་ཉམས་ཀྱི་སྣང་བ་ལ་མངོན་པར་ཤེས་པ་ལྔ་ལ་ཐོགས་པ་མེད་པ་འབྱུང་ངོ་། །ཡང་བདག་ཉིད་ཀྱི་རྩའི་རང་འདོད།དབྱིབས་སྣ་ཚོགས་སུ་བསྒྱུར་ཏེ་དེར་རླུང་སེམས་དྭངས་མ་དྲངས་ན་ཕྱི་རོལ་ཏུ་གཟུགས་སྣ་ཚོགས་སུ་བསྒྱུར་བའི་རྫུ་འཕྲུལ་ལ་ཐོགས་པ་མེད་པ་འབྱུང་ངོ་། །དེ་ཉིད་སླར་སྤོས་ན་ཞེས་བྱ་བ་དང་ཕོ་བྲང་གང་ནས་དྲངས་པའི་ཨ་ཡི་གེ་ལ་སོགས་གནས་ཉིད་དུ་སྤོས་ཏེ། བཞག་ན་ཕྱི་རོལ་ཏུ་སེམས་ཅན་གཞན་རྣམས་དང་བདག་ཉིད་ཀྱི་ཡང་སྐྱེ་བ་དུ་མ་རྗེས་སུ་དྲན་པ་འབྱུང་ངོ་། །དེ་དག་གིས་ནི་ཕྱི་ནང་གསང་བ་དེ་ཁོ་ན་ཉིད་རྟེན་ཅིང་འབྲེལ་བར་འབྱུང་བ་བཞིའི་ཚུལ་གྱིས་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་བསྟན་ཏོ། །ཡིད་ཀྱིས། ནང་རྟགས་རླུང་སོར་བཅུ་གཉིས་འགག་ཞེས་བྱ་བ་ཕྱིའི་སོར་བཅུ་གཉིས། ཕྱི་ནང་གི་སོར་ཉི་ཤུ་རྩ་བཞི། གྲངས་ཀྱང་ལས་ཀྱི་རླུང་སྟོང་བརྒྱད་བརྒྱ་པ་བཅུ་གཉིས་དབུ་མར་འགགས་ཏེ། རྟེན་འབྲེལ་བཅུ་གཉིས་ལས་མ་རིག་པའི་བར་དུ་འགགས་པ་ཡིན་ནོ། །ཕྱི་རྟགས་སྤྱི་གཙུག་ཧྲིལ་ཐིག་ལེས་བརྟན་ཞེས་བྱ་བ་སྤྱི་གཙུག་གི་འཁོར་ལོ་ལ་དབུ་མའི་མདུད་པ་བཞི་གྲོལ་གསུམ་པ་གཅིག་ཐ་མ་གཅིག་ནས་ཁམས་དྭངས་མ་དེ་ལས་མི་ལྡོག་པར་གྱུར་པའོ། །ས་བཅུ་གཉིས་པོ་ཞེས་བྱ་བ་སྦས་པའི་དོན་གྱི་ས་བཅུ་གཅིག་པ་དཔེ་མེད་པའི་ཡེ་ཤེས་དང་། བཅུ་གཉིས་པ་ཡེ་ཤེས་ས་ཆེན་པོའོ།། །།ད་ནི་དབང་བཞི་པའི་ས་ཕྱེད་ལས། དེ་ལའང་བཞི། རྒྱུ་བསྟན་པ། རྟགས་བསྟན་པ། འབྲས་
― LT14_Page_057B ―
[མ་དཔེ་གཟིགས་ན་འདིར་གནོན།]
བུ་བསྟན་པ། མཇུག་སྡུད་བསྟན་པའོ། །རྒྱུ་བསྟན་པ་ལའང་། རིང་རྒྱུ་དང་། ཉེ་རྒྱུ་གཉིས་ལས། རིང་རྒྱུ་དེ་ལའང་དབང་དང་། ལམ་གཉིས་ལས། དབང་ནི་བཞི་པ་སྟེ། བཞི་པ་ལུས་ངག་ཡིད་ཀྱི་དབང་ཞེས་སྨོས་སོ། །ལམ་རྡོ་རྗེའི་རྦ་རླབས་ཀྱི་ལམ་ཞེས་པ་དང་། སྲིད་པ་རྣམ་པར་དག་པའི་ལམ་ཞེས་པ་དང་སྦྱར་རོ། །ཉེ་རྒྱུའི་ཕྱི་རྟེན་འབྲེལ་ནི། ཡང་དབང་བཞི་བཞི་ཞེས་བྱ་བ་རྒྱལ་བ་སྐུ་གསུམ་ཐ་མི་དད་པ་ལས་ས་བཅུ་གཉིས་མའི་རིག་མ་ཡོངས་སུ་དག་པ་ལ་བརྟེན་ཏེ་དབང་བཞི་ལེན་པར་སྣང་བའོ། །ནང་རྟེན་འབྲེལ་ནི་འགྲོས་བཞི་ཐིམ་པའི་དབང་ཉིད་དོ། །ཉེ་བའི་རྒྱུ་དེ་ཉིད་ལ་ལུང་སྒོ་བསྟུན་ཏེ། ལམ་ལྔ་ལས། མཐར་ཕྱིན་གྱི་ལམ་ནས་ཞེས་བྱ་བ། རྟེན་འབྲེལ་ལྔ་ལས་ཀྱང་མཐར་ཐུག་རྟེན་འབྲེལ། སྤང་བྱ་ལས་ཀྱང་ཤེས་བྱའི་སྒྲིབ་པ་མཐར་ཐུག་འདག་པར་ཤེས་པར་བྱའོ། །ཚིག་གི་དོན་ལས། སྲིད་པ་རྣམ་པར་དག་པའི་ལམ་ཞེས་བྱ་བ་ནི། སྲིད་པ་ནི་རྩ་རླུང་ལྡང་འཇུག་གནས་པ་གསུམ། ཉོན་མོངས་པ་དུག་གསུམ། ལུས་དང་། ངག་དང་། ཡིད་དང་གསུམ། ཁམས་གསུམ་སྟེ། དེ་རྣམ་པར་དག་པའི་ལམ་ནི་རྦ་རླབས་གསུམ་མོ། །འཕགས་པ་ནི་ཡེ་ཤེས་ལྔ། ཡན་ལག་ནི་དེ་ཡི་རྒྱུ་རྣམ་པར་ཤེས་པ་ཚོགས་བརྒྱད་དོ། །འབྲས་བུ་གཉིས་ཐོབ་པ་ཅེས་བྱ་བ་ཡང་གཡས་གཟུང་བའི་རྦ་རླབས་རེངས་པ་ལས་རྣམ་པར་ཐར་པ་མཚན་མ་མེད་པ། གཡོན་འཛིན་པའི་རྦ་རླབས་རེངས་པ་ལས་རྣམ་པར་ཐར་པ་སྨོན་པ་མེད་པའོ།། །།ད་ནི་མཐར་ཕྱིན་གྱི་ལམ་ས་བཅུ་གསུམ་པའི་ས་ཕྱེད་ཀྱི་རྟགས་སེམས་ལ་འཆར་བ་ལས། ས་ཆེན་འདི་ནི་དགའ་ཞིང་རངས་ལ་མགུ། ཞེས་བྱ་བ་ནི་བདག་སྟོང་གསུམ་གྱི་སའི་ལྷ་མོ་རྣམས་ཅག་གི་སྟོན་པ་ཡང་དག་པར་རྫོགས་པའི་སངས་རྒྱས་ཞེས་སྐད་ཅིག་མ་དང་པོ་ལ་དགའ། །གཉིས་པ་ལ་རངས། གསུམ་པ་ལ་མགུ་ཞེས་པའི་དེའི་གད་མོའི་སྒྲས་ས་རྣམ་པ་དྲུག་ཏུ་གཡོ་བ་ཡང་ལྡེག་ལྡེག་རབ་ཏུ་ལྡེག་ཞེས་བྱ་བ་ལ་སོགས་པ་རྒྱལ་བའི་ཡུམ་ལས་འབྱུང་བ་བཞིན་དུ་ཤེས་པར་བྱའོ། །བདུད་གནས་སུ་སྒྲ་བསྒྲག་པ་ཡང་བདུད་བཞི་བཅོམ་པས་བདུད་བཞི་
― LT14_Page_058A ―
[མ་དཔེ་གཟིགས་ན་འདིར་གནོན།]
དཔའ་བཀང་བའི་ཆོ་འཕྲུལ་ཡིན་ཏེ། གནམ་རྡོ་ལྟུང་བ་དང་། རྒྱ་མཚོ་ཆེན་པོ་རབ་ཏུ་འཁྲུག་པ་ལ་སོགས་པའི་སྒྲ་དང་། བདུད་ཀླད་པ་འགེམས་པའི་ཆ་ལང་ལྟ་བུའི་སྒྲ་འབྱུང་སྟེ། འདི་ཡང་སྲོད་ལ་བདུད་བཏུལ་བའི་དུས་སམ་བར་ཆད་མེད་པའི་དུས་ཤེས་པ་དང་སྦྱར་རོ། །ཕྱག་རྒྱའི་གནས་སུ་ཁམས་གསུམ་མཐོང་བ་ནི་འཁོར་འདས་ཀྱི་ཆོས་ཐམས་ཅད་ས་བཅུ་མ་ལ་སོགས་པ་ཡུམ་གྱི་བྷ་ག་དེར་གནས་པ་ཁམས་དྭངས་མའི་དྭངས་མ་ཆེན་པོའི་ཐིག་ལེ་གཅིག་ལ་ཆེ་ཆུང་དང་ཡངས་དོགས་མེད་པར་རོ་གཅིག་ཚུལ་གཅིག་པར་བལྟ་བྱ་དང་ལྟ་བྱེད་ཀྱི་ཚུལ་དུ་འཁོར་འདས་ཀྱི་ཆོས་ཐམས་ཅད་མཐོང་བ་སྟེ། འདི་ནི་ཐམས་ཅད་མཁྱེན་པ་ཆུང་ངུ་གཅིག་ཡིན་ནོ། །ཧ་རི་མ་ལ་སོགས་པ་དབང་ཕྱུག་གི་དོན་བརྒྱད་འཆར་བ་ཡང་། དེ་ཙམ་ན་རྩ་གཉིས་ཀྱི་སྲོག་རྩོལ་གྱི་རླུང་ཨ་ཝ་དྷཱུ་ཏིར་ཞུགས་པས་རྟགས་བརྒྱད་འཆར་བ་སྟེ། །ཕྲ་ཞིང་ཡང་ལ་ཕྲ་བར་ནུས་པ་དང་། །སྤྱོད་པར་ནུས་དང་བདག་ཉིད་ཆེན་པོ་དང་། །དགའ་མགུར་བྱེད་དང་ཐམས་ཅད་དབང་དུ་འགྱུར། །ཅི་འདོད་བྱེད་དང་དབང་ཕྱུག་དོན་བརྒྱད་དོ། །མཁའ་འགྲོ་རིང་ནས་འདུ་བ་ཡང་དེ་ཙམ་ན་ནང་གི་མ་མཁའ་འགྲོ་རིང་ནས་འདུ་ཞེས་བྱ་བ་སྟེ། རྩ་གནས་ཐམས་ཅད་ཀྱི་ཁམས་དྭངས་མའི་དྭངས་མ་ཆེན་པོ་ཡབ་ཡུམ་བཅུའི་ཚུལ་གྱིས་ཕོ་བྲང་དབུ་མར་འདུ་བ་མཐོང་བའོ། །ཕྱིའི་མཁའ་འགྲོ་རིང་ནས་འདུ་བ་ཡང་མཁའ་འགྲོ་སྤྲུལ་པའི་སྐུ་དང་། ལོངས་སྤྱོད་རྫོགས་པའི་སྐུ་དང་། ཆོས་ཀྱི་སྐུ་རྣམས་སྒྲུབ་པ་པོ་བདག་གི་བ་སྤུའི་བུ་ག་རེ་རེ་ཡང་ཐ་མི་དད་པའི་ཚུལ་གྱིས་བྱིན་གྱིས་རློབ་པ་མཐོང་སྟེ། དེ་ཡང་། པདྨའི་འབྱུང་གནས་ཉམས་དགའ་ལ། །ངང་པའི་ཚོགས་འདུ་ཇི་བཞིན་དུ། །དམ་ཚིག་གནས་ལ་མཁའ་འགྲོ་མ། །རིང་ན་གནས་ཀྱང་བྱིན་གྱིས་རློབ། །ཞེས་བྱའོ། །དེ་དག་གིས་ནི་ཐོ་རངས་མངོན་པར་བྱང་ཆུབ་པ་དང་། རྣམ་པར་གྲོལ་བའི་དུས་ཞེས་བྱ་བར་ཡང་བསྟན་ཏོ། །ནང་རྟགས་སྲོག་རྩོལ་ཨ་ཝ་དྷཱུ་ཏིར་འཇུག་ཅེས་བྱ་བ་རྩ་གཉིས་ཀྱི་སྲོག་རྩོལ་གྱི་རླུང་ཕྱི་དབྱིབས་ཀྱི་ཨ་ནི་ཡར་གཙུག་
― LT14_Page_058B ―
[མ་དཔེ་གཟིགས་ན་འདིར་གནོན།]
ཏོར་ཕྱེད་ཀྱི་བར་དུ་བཞུགས་པའོ། །ཕྱི་རྟགས་གཙུག་ཏོར་ཕྱེད་ཐིག་ལེས་བརྟན་ཞེས་པ་དབུའི་གཙུག་ཏོར་ཕྱེད་ཁམས་དྭངས་མས་བརྟན་ཞིང་དེ་ཙམ་ན་འདོམས་ཀྱི་སྦ་བ་སྦུབས་སུ་ནུབ། ཆོས་ཀྱི་དུང་དང་། ཐུགས་ཀའི་དཔལ་བེའུ་དང་། སྨིན་མཚམས་ཀྱི་མཛོད་སྤུ་ཡང་འགྲུབ་པ་ཡིན་ནོ། །ས་ཕྱེད་དང་བཅུ་གསུམ་མོ་ཞེས་བྱ་བ་མཇུག་སྡུད་དོ། །བཅུ་གསུམ་པའི་རྒྱུ་སྐད་ཅིག་དང་པོ་མཐར་ཕྱིན་གྱི་ལམ་འགྲོས་བཞི་ཐིམ་པ་ཉིད་ལ་མིང་བཏགས་པ་ཡིན་ནོ། །ད་ནི་འབྲས་བུ་གཅིག་གི་དབང་དུ་བྱས་ནས་རྒྱས་པར་བསྟན་པའི་ཕྱིར། བཞི་པ་ཡིད་ཀྱི་དབང་ཞེས་བྱ་བ་ལ་སོགས་པ་རྒྱས་པར་སྨོས་ཏེ། བཞི་པ་ནི་དབང་བཞི་པས་བསྡུས་པའི་ས་ཡིན་པས་སོ། །ཡིད་ཀྱི་དབང་ཞེས་བྱ་བ། རྩ་གཡས་ལུས། གཡོན་ངག །དབུ་མ་སེམས་ཡིན་པ་ལས། དབུ་མར་རྩ་གཉིས་ཀྱི་རླུང་སེམས་ཐམས་ཅད་དང་པོར་ཞུགས་ནས་དེ་ནས་འགགས་ཤིང་ཐིམ། ཞེས་བྱ་བའི་དོན་ཏོ། །མཐར་ཕྱིན་དེ་ཁོ་ན་ཉིད་ཀྱི་རྟགས་ཀྱང་ཕྱི་རྟགས་ནང་རྟགས་གཉིས་སྔོན་དུ་སོང་ནས་དེ་ཁོ་ན་ཉིད་ཀྱི་རྟགས་སེམས་ལ་འཆར་བ་སྟེ། ལོངས་སྐུ་ཞེས་འོག་ནས་སྨོས་ཀྱང་། ཆོས་སྐུའི་ཞིང་ཁམས་མ་ལུས་པ་ལ་སོགས་པ་སྒུལ་བ་ལ་སོགས་པ་ནུས་ཞེས་སྦྱར་བར་བྱའོ། །འབྲས་བུ་ནི་རྣམ་པར་ཐར་པའི་སྒོ་སྟོང་པ་ཉིད་གཟུང་འཛིན་གྱི་རྣམ་པར་རྟོག་པ་མ་ལུས་པ་ནུབ་པ་ཉིད་ལ་བྱའོ། །དེའི་དོན་གྱིས་བསྟན་པ་འབིགས་བྱེད་ཅེས་བྱ་བ་ལ་སོགས་སྨོས་ཏེ། །འབིགས་པར་བྱེད་པ་ནི་རླུང་སེམས་དྭངས་མའི་དྭངས་མ་ཆེན་པོ། །དབུག་པར་བྱ་བ་ནི་དབུ་མ་སྟེ། སངས་རྒྱས་བསམ་པའི་གྲོང་ཁྱེར་ཆོས་ཀྱི་དབྱིངས་རྣམ་པར་ཐར་པའི་སྒོ་སྟོང་པ་ཉིད་མཐར་ཐུག་གི་ཕོ་བྲང་ངོ་། །བྱང་ཆུབ་སེམས་ཀྱིས་ནི་འབིགས་ཞེས་སྨོས་ཀྱང་རླུང་སེམས་དྭངས་མའི་དངས་མ་ཆེན་པོས་དབུ་མ་འབིགས་ཤིང་ཁ་ཕྱེ་ནས་མཐར་གཙུག་ཏོར་མཆོག་ཏུ་འགྲོས་བཞི་ཐིམ་པ་ཡིན་ནོ། །ས་ཕྱེད་པ་ཉིད་ཀྱིས་དེ་ཁོ་ན་ཉིད་ཀྱི་རྟགས་སེམས་ལ་འཆར་བའི་དབང་དུ་བྱས་ནས། ལོངས་སྐུའི་ཞིང་ཁམས་རབ་བཀྲམ་ལ་སོགས་པ་སྒུལ་བ་ལ་སོགས་པ་ནུས་ཞེས་སྨོས་ཀྱང་།
― LT14_Page_059A ―
[མ་དཔེ་གཟིགས་ན་འདིར་གནོན།]
འདིར་ནི་ས་བཅུ་གཉིས་པར་སྦྱར་ལ། འོག་གི་མ་ལུས་པར་ནི་ཕྱེད་པོ་འདིར་སྦྱར་བར་ཤེས་པར་བྱའོ། །ནང་རྟགས་སྲོགས་རྩོལ་ཨ་ཝ་དྷཱུ་ཏིར་འཇུག་ཅེས་བྱ་བ་ཐོག་མར་འཇུག་པ་ཡིན་ཞིང་སྐད་ཅིག་གཉིས་པ་ལ་ནི་འགག་པར་འགྱུར་རོ། །ད་ནི་དེའི་རྟེན་གྱི་སྒོ་ནས་ཤིན་ཏུ་རྒྱས་པར་བཤད་པའི་ཕྱིར། ས་བཅུ་གསུམ་ཐོབ་ཁར་ས་བཅུ་མ་ལ་སོགས་པ་ཡིད་ཀྱིས་བཀུག་སྟེ་ཞེས་བྱ་བ་ལ་སོགས་པ་སྨོས་ཏེ། སྔར་ཁམས་འདུས་པ་ཐ་མར་པད་ཅན་ལུང་བསྟན་པ་ལ་བརྟེན་ནས་ས་བཅུ་གསུམ་གྱི་བར་དུ་བགྲོད་པ་ཡིན་ནོ། །སྔར་མགྱོགས་ཕོ་ཉའི་ལམ་དུ་གྱུར་པ་ཡིན་ན་ནི་རྟེན་མི་དགོས་ལ། དེ་ལྟར་མ་ཡིན་ཀྱང་སྩོགས་ཀྱིས་བསྡུ་བ། བདག་ས་དང་པོ་ཡིན་པའི་ཚེ་རིག་མ་ཡང་ས་དང་པོ་པ། དེ་བཞིན་དུ་བདག་བདུན་ཡིན་ན་རིག་མ་ཡང་བདུན་པ། དེ་བཞིན་དུ་བདག་ས་བཅུ་པ་ཡིན་པའི་ཚེ་རིག་མའང་བཅུ་པ་ཡིན་པར་ཤེས་པར་བྱའོ། །ཡིད་ཀྱིས་དགུག་ཅེས་པ་དྲན་པ་ཙམ་གྱིས་འགྲུབ་པ་ཡིན་ཏེ། ཕྱི་རྫས་ལ་སོགས་པ་ལ་མ་གཏོས་པས་སོ། །ད་ནི་མཐར་ཕྱིན་གྱི་ལམ་གྱིས་འགྲོས་བཞི་ཐིམ་པའི་དབང་བཞི་བླང་བ་ལས། བླང་བའི་ཡུལ་ནི། སློབ་དཔོན་དུས་གསུམ་བདེ་གཤེགས་བཅུད་འདུས་ཡིན་ཞེས་བྱ་བ་ལ་སོགས་པ་སྨོས་ཏེ། དུས་གསུམ་ནི་གོང་ནས་རིམ་གྱིས་འབྱུང་བའི་འཁོར་ལོ་གསུམ་མམ། རྩ་གསུམ་མམ། རླུང་ལྔར་འཇུག་གནས་པ་གསུམ་མམ། ཐིག་ལེ་ཞུ་བདེ་མི་རྟོག་པ་གསུམ་མམ། མདོར་ན་དཀྱིལ་འཁོར་གསུམ་གྱི་ཡང་དྭངས་མའི་དྭངས་མ་ཆེན་པོར་སྒྱུར་བ་སྐྲའི་རྩེ་མོ་ཙམ་མོ། །ཡི་དམ་ལྷ་དང་བླ་མ་དབྱེར་མེད་ཅེས་བྱ་བ་ཐིག་ལེ་དེ་ཉིད་ལ་སོ་སོ་སྐྱེ་བོའི་བླ་མ། རྒྱལ་བ་སྤྲུལ་པའི་སྐུའི་བླ་མ། ལོངས་སྐུའི་བླ་མ། ཆོས་སྐུའི་བླ་མ། ངོ་ཉིད་ཀྱི་སྐུའི་བླ་མ་རྣམས་ཐ་མི་དད་པར་མངོན་དུ་གྱུར་པའོ། །བླ་མ་ཕུན་སུམ་ཚོགས་པ་དེའི་བཞུགས་པའི་གནས་ནི་བྷ་གར་ཞེས་བྱ་བ་ལ་སོགས་པ་ས་བཅུ་མ་ལ་སོགས་པ་ཡུམ་གྱི་མཆོག་གི་ཟེ་བར་རོ། །དངོས་གྲུབ་ལེན་ཞེས་བྱ་བ་ཡང་འགྲོས་བཞི་ཐིམ་པའི་དབང་ཉིད་བླ་མ་དེ་ལས་འགྲོས་ཐིམ་པའི་དབང་གིས་སྐད་ཅིག་གཉིས་
― LT14_Page_059B ―
[མ་དཔེ་གཟིགས་ན་འདིར་གནོན།]
པ་སྐུ་ལྔ་མངོན་དུ་འགྱུར་བའི་དངོས་གྲུབ་ལེན་པས་སོ། །སྲིད་པ་རྣམ་པར་དག་པའི་ལམ་ཞེས་བྱ་བ་ཡང་འགྲོས་བཞི་ཐིམ་པའི་དབང་ཉིད་ཀྱིས་ཏེ། ཡན་ལག་གི་དོན་ནི་སྔ་མ་བཞིན་ནོ། །དེ་དག་གིས་ནི་ཉེ་བའི་རྒྱུ་བསྟན་ཏོ། །ངོ་བོ་ཉིད་ཀྱི་སྐུ་ཤིན་ཏུ་རྣམ་པར་དག་པ་ལྷུན་གྲུབ་ཀྱི་སྐུ་ཐོབ་པར་བྱེད་པ་ཞེས་བྱ་བ་རྟེན་གནས་གྱུར་གྱི་སྐུ་བཞི་དང་གྲུབ་བདེ་གཅིག་པ་བརྟེན་པ་གནས་གྱུར་སྐུ་ཡང་གྲུབ་ཅེས་བྱ་བའི་དོན་ཏེ་འབྲས་བུའོ། །ལོངས་སྐུའི་ཞིང་ཁམས་མ་ལུས་པ་ལ་སོགས་སྒུལ་བ་ལ་སོགས་པ་ནུས་ཞེས་སྨོས་ཀྱང་། །ངོ་བོ་ཉིད་ཀྱི་སྐུའི་ཞིང་ཁམས་མ་ལུས་པ་ལ་སོགས་པ་སྒུལ་བར་ཤེས་པར་བྱའོ། །ནང་རྟགས་སྲོག་རྩོལ་ཨ་ཝ་དྷཱུ་ཏིར་འགགས་པ་ཡང་རྩ་གཉིས་ཀྱི་སྲོག་རྩོལ་གྱི་རླུང་གཙུག་ཏོར་མཆོག་གི་འགྲོས་བཞི་ཐིམ་པའོ། །ཕྱི་རྟགས་གཙུག་ཏོར་ཧྲིལ་ཐིག་ལེས་བརྟན་ཞེས་བྱ་བ། དབུའི་གཙུག་ཏོར་མཆོག་གྲུབ་ནས་རྟེན་དང་བརྟེན་པ་མ་ལུས་པ་གནས་གྱུར་ཞེས་བྱ་བའི་དོན་ཏོ། །རེ་ཞིག་དེ་དག་གིས་ལོ་ཀ་དང་ལོ་ཀ་ལས་འདས་པའི་ལམ་གཉིས་ལ་ལུང་སྒོ་བསྟུན་ཏེ། ལམ་ལྟར་ན་ལྔ། བྱང་ཆུབ་ཀྱི་ཕྱོགས་ལྟར་ན་སུམ་ཅུ་བདུན། ས་ལྟར་ན་ཕྱེད་དང་བཅུ་གསུམ་གྱི་ལམ་མ་ལུས་པ་བསྟན་ཏོ། །ད་ནི་ལམ་དེས་བསྒྲུབས་པའི་འབྲས་བུ་བསྟན་པ་ལས། ཕྱི་དང་ནང་གི་རྟེན་འགྲོས་བཞིས་ཐིམ་པ་རྣམས་ཀྱི་སྒོམ་ཉམས་སྐྱོན་ཡོད་མེད་ཕྱེད་པས་ས་བཅུ་གསུམ་པའོ། །ཐམས་ཅད་མཁྱེན་ཏོ། །བཅུ་གསུམ་རྡོ་རྗེ་འཛིན་པར་རྟེན་འབྲེལ་འགྲིག་པ་ལྟར་སྣང་། འཚང་རྒྱ་ཁར་འཁོར་ཚོམ་བུ་གཅིག་དང་སངས་རྒྱས་ཞེས་སྨོས་ཏེ། དེ་ལ་དོན་ནི་འདི་ཡིན་ཏེ། བདག་ཉིད་ཚོགས་རྫོགས་ཤིང་ཇི་ལྟར་རྟེན་འབྲེལ་འགྲིག་པ། གནས་གྱུར་སྐུ་ལྔ་བསྟན་པ་དང་། ཁྱད་པར་དུ་གཞན་གྱི་དོན་ཆེ་བ་སེམས་མ་བསྐྱེད་པ་བསྐྱེད་པ་ལ་སོགས་པ་དང་། བདག་གཞན་གཉིས་ཀའི་ཆེ་བ་འཁོར་ཚོམ་བུ་གཅིག་དང་སངས་རྒྱས་བསྟན་པའོ། །དེ་ལ་དང་པོ་རྩ་ཐམས་ཅད་ཀྱི་འགྲོས་རིམ་གྱིས་ཐིམ་པ་ལས་དབུ་མ་མཆོག་ཏུ་གྱུར། དེ་ལ་སྐུ་ཐམས་ཅད་པ་སྤྲུལ་སྐུ། ཞེས་བྱ་བ་བཅོམ་ལྡན་འདས་རྡོ་རྗེ་འཆང་ཆེན་པོ་མཚན་དཔའ་འབར་བ་དང་། ཐུབ་པ་ལ་སོགས་པ་སྤྲུལ་པ་མཆོག་ནས་བཟུང་སྟེ་འགྲོ་བ་མཐའ་དག་དང་། དཔག་བསམ་
― LT14_Page_060A ―
[མ་དཔེ་གཟིགས་ན་འདིར་གནོན།]
གྱི་ཤིང་ལ་སོགས་པ་སྣོད་མཐའ་དག་གི་རྣམ་པར་སྣང་བས་གདུལ་བྱ་མཐའ་དག་གི་དོན་དུ་འགྱུར་བའོ། །གསང་དབང་ཡི་གེའི་འགྲོས་ཏེ་ཡི་གེ་ཐམས་ཅད་རིམ་གྱིས་འགྲོས་ཐིམ་སྟེ། དེ་ཡང་ཁ་དོག་ཐིམ་པས་དཀར་པོ། །དབྱིབས་ཐིམ་པས་ཨ་ཧཾ་མི་ཐིའི་ཟུང་འཇུག་མི་ཤིགས་པའི་ཡི་གེ་སྟེ། སྟོབས་ཐིམ་པས་བདུད་བཞི་ཟིལ་གྱིས་གནོན་པ་ཧཱུྃ་གི་སྟོབས་ལྟ་བུར་འགྱུར་རོ། །དེ་ལས་གསུང་ཐམས་ཅད་པ་ལོངས་སྤྱོད་རྫོགས་པའི་སྐུ། ཞེས་བྱ་བ་ལེགས་པར་སྦྱར་བའི་སྐད་ནས་བཟུང་སྟེ། འགྲོ་བ་མཐའ་དག་གི་སྐད་དང་། འབྱུང་བ་མཐའ་དག་གི་སྒྲ་དང་། ནམ་མཁའ་ལས་ཀྱང་གསུང་ཡོངས་སུ་དག་པའི་སྒྲ་འབྱུང་སྟེ་གདུལ་བྱའི་དོན་དུ་འགྱུར་བའོ། །ཤེས་རབ་ཡེ་ཤེས་བདུད་རྩིའི་འགྲོས་ཏེ། ཁམས་དགུ་རིམ་གྱིས་དྭངས་མ་ལས་ཁམས་དྭངས་མ་མཆོག་ཏུ་འགྲོས་ཐིམ་པས་བདུད་རྩི་གནས་གྱུར། ཐུགས་ཐམས་ཅད་པ་ཆོས་ཀྱི་སྐུ། ཞེས་བྱ་བ་ཇི་ལྟ་བ་དང་། ཇི་སྙེད་པ་མ་ལུས་པ་མཁྱེན་ཅིང་ཇི་ལྟར་རྟེན་འབྲེལ་འགྲིག་པ་ལྟར་མངོན་དུ་འགྱུར་བའོ། །དབང་བཞི་པ་རླུང་གི་འགྲོས་ཏེ། ལས་ཀྱི་རླུང་རྣམས་རིམ་གྱིས་ཐིམ་ནས་ཡེ་ཤེས་ཀྱི་རླུང་དུ་འགྱུར་རོ། །དེ་ལ་རླུང་གནས་གྱུར། སྐུ་དང་། གསུང་དང་། ཐུགས་ཐམས་ཅད་པ་ངོ་བོ་ཉིད་ཀྱི་སྐུ། ཞེས་བྱ་བ་མངོན་དུ་འགྱུར་ཏེ། སྐུ་ཐམས་ཅད་པའི་དུས་ནའང་། གསུང་དང་། ཐུགས་ཐམས་ཅད་པ་ཡིན་ལ། གཉིས་པོའི་ཚེ་ན་ཡང་དེ་བཞིན་དུ་ཡིན་པས་གྲུབ་པ་དང་། བདེ་བ་གཅིག་པའི་ཚུལ་གྱིས་གདུལ་བྱ་མཐའ་དག་གི་དོན་དུ་འགྱུར་བའོ། །དེ་དག་གིས་ནི་རྟེན་གནས་གྱུར་གྱི་སྐུ་བཞི་བསྟན་ཏོ། །བསྟན་པ་གནས་གྱུར་པ་ནི། ངོ་བོ་ཉིད་ཀྱི་སྐུ་ཤིན་ཏུ་རྣམ་པར་དག་པ་ལྷུན་གྲུབ་ཀྱི་སྐུ་ཞེས་བྱ་བ་ཡིན་ཏེ། དེ་ལྟ་བུའི་སྐུ་བཞི་ཀ་ཡང་ཡོངས་སུ་དག་པ་ཡེ་ཤེས་གཅིག་ཉིད་དེ་དང་དེར་སྣང་བ་མངོན་དུ་གྱུར་པའོ། །དེ་ལྟར་ཡང་སྒྱུ་འཕྲུལ་དྲྭ་བ་ལས། སངས་རྒྱས་སྐུ་ལྔའི་བདག་ཉིད་ཅན། ཞེས་འབྱུང་ངོ་། །རང་གི་ངོ་བོ་སྐུ་གཅིག་ཡིན་པར་ཡང་དེ་ཉིད་ལས། ཡེ་ཤེས་མིག་གཅིག་དྲི་མ་མེད། ཅེས་འབྱུང་ངོ་། །གཞན་དོན་གྱི་ཆེ་བ་ནི་སེམས་མ་བསྐྱེད་པ་
― LT14_Page_060B ―
[མ་དཔེ་གཟིགས་ན་འདིར་གནོན།]
དེ་བསྐྱེད་པ་དང་། ས་ནས་སར་འཕར་བ་དང་། མངོན་པར་བྱང་ཆུབ་པ་དང་། ལོང་བ་རྣམས་ཀྱི་མིག་གིས་གཟུགས་མཐོང་བ་ལ་སོགས་པ་ཆེ་བའི་ཡོན་ཏན་བསམ་གྱིས་མི་ཁྱབ་པ་རྣམས་ནི་འདིར་མ་སྨོས་སོ། །གཉིས་ཀའི་ཆེ་བ་འཁོར་ཚོམ་བུ་གཅིག་དང་སངས་རྒྱས་ཞེས་བྱ་བ། སྒྲུབ་པ་པོ་བདག་ཉིད། རྒྱུད་ཡོངས་སུ་དག་པའི་རིག་མ་གཅིག །བརྒྱུད་པའི་བླ་མ་གཅིག །བྱིན་གྱིས་རློབ་པའི་མཁའ་འགྲོ་གཅིག །ཞིང་ཡོངས་སུ་དག་པའི་སློབ་མ་གཅིག་སྟེ་ལྔ་དུས་གཅིག་ཏུ་གྲོལ་བར་འགྱུར་རོ། །དོན་བསྟན་པས་ཚང་བས་དེ་ཉིད་ཀྱིས་གོ་བར་ནུས་པའི་ཕྱིར་ཚིག་དོན་རྣམ་པར་ཕྱེ་བའོ། །འབྲས་བུ་བསྟན་ཏོ། །ད་ནི་གཞུང་དེ་དག་གི་གཞུང་ཉེ་བར་བསྡུ་བ་བསྟན་པ་ལས། གསང་སྔགས་ཞེས་བྱ་བ་ལ་སོགས་པ་སྨོས་ཏེ། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། ལོ་ཀ་ལས་འདས་པའི་ཉན་ཐོས་དང་རང་སངས་རྒྱས་རྣམས་ཀྱི་ཡང་ཡུལ་མ་ཡིན་པའི་ཕྱིར་གསང་བའོ། །སྔགས་ནི་ནང་དུ་བྱིན་གྱིས་རློབ་པར་བྱེད་པས། རྡོ་རྗེ་ཐིག་པ་ནི་བདག་ཉིད་ཀྱི་ལུས་ལ་སོགས་པ་བཞི་དང་། འབྲས་བུ་སྐུ་རྡོ་རྗེ་འཆང་ལ་སོགས་པ་བཞི་དབྱེར་མི་ཕྱེད་པར་ལམ་དུ་བྱེད་པས་སོ། །རྒྱུའི་དབང་བླ་མ་ལས་དང་པོར་ཐོབ་པ། ལམ་གྱི་དབང་རང་གིས་ཐུན་བཞི་ལ་སོགས་པ་བསྒོམས་པས་འབྲས་བུའི་དབང་འགྲོས་བཞི་ཐིམ་པའོ། །རྟོག་པས་བརྟགས་པ་ལམ། །རྟོག་མེད་རྟོགས་པ་ལྟ་བ། ཡེ་ཤེས་སྣང་བ་འབྲས་བུའོ། །ཡང་རྟོག་པས་བརྟགས་པ་འཇིག་རྟེན་པའི་ལམ། རྟོག་མེད་རྟོགས་པ་འཇིག་རྟེན་ལས་འདས་པའི་ལམ། ཡེ་ཤེས་སྣང་བ་འབྲས་བུའོ། །ཡང་རྟོག་པས་བརྟགས་པ་མཚན་ཉིད་སྣ་ཚོགས། རྟོག་མེད་རྟོགས་པ་རང་བཞིན་སྟོང་པ། ཡེ་ཤེས་སྣང་བ་ངོ་བོ་ཟུང་འཇུག་གོ །ད་ནི་དེ་ལྟར་བསྟན་པའི་ལམ་རྣམས་ཀྱང་ཟབ་འབྲིང་གསུམ་དུ་བསྡུ་བའི་ཕྱིར། ལམ་ཟབ་བླ་མ་ཞེས་བྱ་བ་གང་ཟག་དབང་པོ་རབ་བླ་མ་ལས་རྫོགས་པ་ཡིན་ཏེ། དབང་པོ་རབ་ཀྱིས་བླ་མ་ལ་མོས་གུས་དང་བསྙེན་བཀུར་ཉིད་ཀྱིས་བླ་མས་ཚིག་གཅིག་བསྟན་པ་མེད། སློབ་
― LT14_Page_061A ―
[མ་དཔེ་གཟིགས་ན་འདིར་གནོན།]
མས་ཐུན་གཅིག་བསྒོམ་པ་མེད་ཀྱང་རྟེན་འབྲེལ་རང་འགྲིག་ཏུ་གྱུར་ནས་གྲུབ་མཐའ་སྙོགས་པ་ལ་སོགས་པར་འགྱུར་རོ། །དམ་ཚིག་ཅེས་བྱ་བ་ལ་སོགས་པ་ལམ་འབྲིང་པོ་སྟེ། གང་ཟག་དབང་པོ་འབྲིང་གིས་དམ་ཚིག་ཉི་ཤུ་ལ་བསླབ་ཚུལ་གསུམ་གྱིས་བསླབ་ཅིང་། ལུས་སོ་སོར་བརྟགས་པའི་འགོག་པ་ཞེས་བྱ་བ་གང་ཟག་དབང་པོ་ཐ་མའི་ལམ། ཉམས་སྐྱེ་བ་དང་། རྟེན་འབྲེལ་འགྲིག་པ་དང་། ཡིད་ཆེས་དཀའ་བས་ཐ་མ་སྟེ། ལུས་ལ་རྟེན་འབྲེལ་ལྔ་རིམ་གྱིས་འགྲིག་པ་ན། གཉེན་པོ་ལུས་ཀྱིས་བྱེད། སྤང་བྱ་ལུས་ཀྱིས་སྤོང་པས་ལུས་སོ་སོར་བརྟགས་པའི་འགོག་པ་ཞེས་བྱའོ། །དེ་དག་གིས་ལམ་འབྲས་བུ་དང་བཅས་པའི་གདམས་ངག་དབྲི་བསྣན་མེད་པར་བསྟན་ཏོ།། །།ད་ནི་དེ་དག་གི་གཞུང་རྫོགས་པར་བསྟན་པའི་ཕྱིར། ལམ་འབྲས་བུ་དང་བཅས་པའི་གདམས་ངག་མན་ངག་དང་བཅས་པ་རྫོགས་སོ།། །།ཞེས་སྨོས་ཏེ། ལམ་དང་འབྲས་བུ་ནི་སྔར་བཤད་པའི་དམ་པའི་སྐབས་སུ་བཤད་པ་བཞིན་ནོ། །གདམས་ངག་ནི་འཇིག་རྟེན་པའི་ལམ་གྱིས། མན་ངག་ནི་འཇིག་རྟེན་ལས་འདས་པའི་ལམ་གྱིས། ཡང་གདམས་ངག་ནི་ལམ་གྱི། མན་ངག་ནི་འབྲས་བུ་གཏན་ལ་དབབ་པའི། ཡང་གདམས་ངག་ནི་བླ་མས་རྗེས་སུ་བསྟན་པའི། མན་ངག་ནི་བདག་ཉིད་ལས་ཉམས་མྱོང་རྗེས་སུ་དྲན་པའི་ཚད་མ་སྐྱེས་པ་རྣམས་ཀྱིས་ཏེ། དེ་ལྟར་རྣམ་གྲངས་ཀྱི་ཚུལ་གྱིས་སོ། །རྫོགས་སོ། །ཞེས་བྱ་བ་མང་ཉུང་མེད། དབྲི་བསྣན་མེད་པར་བསྟན་པའི་ཐ་ཚིག་སྟེ། ས་མཱ་པ་ཐ་མི་ཐི། ཞེས་བྱ་བའི་དོན་ཏོ། །ས་མཱ་སྟ་མི་ཐི། །རྣལ་འབྱོར་ཆེན་པོའི་མཆོག་གི་ལམ། །ཡོན་ཏན་ཀུན་གྱིས་བརྒྱན་པ་འདི། །གྲགས་པས་ཀུན་ཁྱབ་རབ་དགའི་སྙིང་། །ས་སྐྱའི་མཚན་དང་ལྡན་པས་མཛད། །ཐམས་ཅད་མཁྱེན་པའི་ས་ཡི་རྟེན་གྱུར་ཅིང་། །ཡོན་ཏན་མ་ལུས་སྐྱེད་པའི་གཞིར་གྱུར་པ། །ས་སྐྱ་ཞེས་བྱའི་གཙུག་ལག་ཁང་ཆེན་དུ། །གྲགས་པ་རྒྱལ་མཚན་བདག་གིས་གུས་པས་བླངས། སརྦ་མངྒ་ལཾ། །
གདམས་ངག་མཛོད་པོད་ལྔ་པ།
དཔལ་ཀྱཻ་རྡོ་རྗེའི་མངོན་པར་རྟོགས་པ་འབྲིང་དུ་བྱ་བ་ཡན་ལག་དྲུག་པའི་མཛེས་རྒྱན།
― LT14_Page_062A ―
[མ་དཔེ་གཟིགས་ན་འདིར་གནོན།]
དཔལ་ཀྱཻ་རྡོ་རྗེའི་མངོན་པར་རྟོགས་པ་འབྲིང་དུ་བྱ་བ་ཡན་ལག་དྲུག་པའི་མཛེས་རྒྱན་ཞེས་བྱ་བ་བཞུགས་སོ། །
― LT14_Page_062B ―
[མ་དཔེ་གཟིགས་ན་འདིར་གནོན།]
ན་མཿཤྲཱི་ཙཀྲ་ནཱ་ཐ་རཏྣ་ཝརྡྷཱ་ཡ། ཀུན་ཁྱབ་ཐབས་ལ་མཁས་པའི་སྙིང་རྗེ་དང་། །རྣམ་ཀུན་མཆོག་ལྡན་འོད་གསལ་ཤེས་རབ་ཆེ། །དབྱེར་མེད་དགེས་པ་རྡོ་རྗེ་ལ་བཏུད་དེ། །རྒྱལ་བ་རིགས་དྲུག་སྒྲུབ་ཐབས་བཤད་ཀྱིས་ཉོན། །འདིའི་དཀྱིལ་འཁོར་དུ་དབང་བསྐུར་བ་ཐོབ་ཅིང་དམ་ཚིག་ལྡན་པའི་སྒྲུབ་པ་པོས། ཡིད་དང་མཐུན་པའི་གནས་སུ་ནུབ་མོ་ཆོས་ཐམས་ཅད་བསམ་གྱིས་མི་ཁྱབ་པ་འོད་གསལ་སྟོང་པ་ཉིད་ཀྱི་ངང་དུ་ཉལ། ཐོ་རངས་ལྷ་སྐུ་བདེ་བ་ཆེན་པོའི་ང་རྒྱལ་གྱིས་ལངས། ལམ་གྱི་གྲོགས་སུ་འགྲོ་ན་ཁྲུས་བྱ། མཆོད་གཏོར་གྱི་རྣལ་འབྱོར་སྔོན་དུ་འགྲོ་བས་སྣ་ཚོགས་རྡོ་རྗེའི་གདན་ལ། བསམ་གཏན་གྱི་སྤྱོད་ལམ་དང་ལྡན་པས་ཁ་ཤར་ཕྱོགས་སུ་བལྟས་ཏེ་འདུག་ལ། སྐྱབས་ཡུལ་རྣམས་མངོན་སུམ་ལྟ་བུར་དམིགས་ཏེ། བདག་དང་འགྲོ་བ་ནམ་མཁའི་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོ། །ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞིའི་འབྱུང་གནས། འཕགས་པའི་དགེ་འདུན་ཐམས་ཅད་ཀྱི་མངའ་བདག་རྗེ་བཙུན་རྩ་བ་དང་
― LT14_Page_063A ―
[མ་དཔེ་གཟིགས་ན་འདིར་གནོན།]
བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །ཞེས་ཅི་ནུས་ཀྱི་མཐར་ཐལ་མོ་སྦྱར་ཏེ། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་ལ་བདག་ཕྱག་འཚལ་ཞིང་སྐྱབས་སུ་མཆིའོ། །ཁྱེད་རྣམས་ཀྱིས་བདག་གི་རྒྱུད་བྱིན་གྱིས་བརླབ་ཏུ་གསོལ། སྐྱབས་ཡུལ་རྣམས་འོད་དུ་ཞུ་ནས་རང་ལ་ཐིམ་པར་བསམ། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་བདག་གིས་ལམ་ཟབ་མོ་ཉམས་སུ་བླང་བར་བགྱིའོ། །ཞེས་ལན་གསུམ། རང་གི་སྤྱི་བོར་པདྨ་དང་ཟླ་བའི་སྟེང་དུ། སྐད་ཅིག་གིས་བཅོམ་ལྡན་འདས་རྡོ་རྗེ་སེམས་དཔའ་དཔལ་ཧེ་རུ་ཀ་སྐུ་མདོག་དཀར་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། རུས་པའི་རྒྱན་དྲུག་གིས་བརྒྱན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ་
― LT14_Page_063B ―
[མ་དཔེ་གཟིགས་ན་འདིར་གནོན།]
རང་འདྲའི་རིགས་བདག་གི་དབུ་རྒྱན་ཅན། དེའི་པང་ན་ཡུམ་རྡོ་རྗེ་སྙེམས་མ་སྐུ་མདོག་དཀར་མོ་གྲི་གུག་ཐོད་པ་འཛིན་པ། ཕྱག་རྒྱ་ལྔས་བརྒྱན་པ་དང་མཉམ་པར་སྦྱོར་བ། ཡབ་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་དཀར་པོ་ལས་འོད་འཕྲོས་པས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་ཡེ་ཤེས་ཀྱི་བདུད་རྩི་སྤྱན་དྲངས་ནས་ཧཱུྃ་ལ་ཐིམ། བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། །ཧཱུྃ་ལས་བདུད་རྩི་བབས། ཧེ་རུ་ཀའི་སྐུ་གང་། དེ་ནས་དབྱིབས་བརྒྱུད། ཡུམ་གྱི་སྐུ་གང་། ཡབ་ཡུམ་གྱི་སྐུ་ཐམས་ཅད་ལས་བདུད་རྩི་བབས། བདག་གི་སྤྱི་གཙུག་ནས་ཞུགས་པས་ནད་གདོན་སྡིག་སྒྲིབ་ཐམས་ཅད་དུད་ཁུའམ་རྣག་ཁྲག་གི་རྣམ་པས་གཤང་གཅི་གཉིས་དང་རྐང་མཐིལ་གཉིས་ནས་འཐོན་ནས་ཤུལ་ཐམས་ཅད་བདུད་རྩིས་གང་བར་གྱུར། ༀ་ཤྲཱི་བཛྲ་རྡོ་རྗེ་ཁྲག་འཐུང་དམ་ཚིག་རྗེས་སུ་སྐྱོང་།ཧེ་རུ་ཀ་ས་མ་ཡ་མ་ནུ་པཱ་ལ་ཡ། ཧ་ཁྲག་འཐུང་ཉིད་ཀྱིས་ཉེ་བར་གནས་པར་མཛོད།ཧེ་རུ་ཀ་ཏྭེ་ནོ་པ་ཙིཥྛ། ཌྀ་ཌྷོ་བདག་ལ་བརྟན་པར་མཛད་དུ་གསོལ།མེ་བྷ་ཝ། སུ་ཏོ་ཥྱོ་བདག་ལ་ཤིན་ཏུ་དགེས་པར་མཛོད།མེ་བྷ་ཝ། ཨ་ནུ་རཀྟོ་བདག་ལ་རྗེས་སུ་ཆགས་པར་མཛོད།མེ་བྷ་ཝ། སུ་པོ་ཥྱོ་མེ་བྷ་བདག་ལ་ཤིན་ཏུ་རྒྱས་པར་མཛོད།ཝ། སརྦ་སིདྡྷི་བདག་ལ་དངོས་གྲུབ་ཐམས་ཅད་སྩོལ།མྨེ་པྲ་ཡ་ཙྪ། སརྦ་ཀརྨ་སུ་ལས་ཀུན་ལའང་བདག་གི་ནི།ཙ་མེ། ཙིཏྟཾ་ཤྲི་སེམས་ལ་དགེ་ལེགས་སུ་ནི་མཛོད།ཡ་ཀུ་རུ་ཧཱུྃ། ཧ་ཧ་ཧ་ཧ་ཧོཿབྷ་བཅོམ་ལྡན་རྡོ་རྗེ་ཁྲག་འཐུང་དུ།ག་ཝཱན་བཛྲ་ཧེ་རུ་ཀ་མཱ་མེ་བདག་གྲོལ་ཁྲག་འཐུང་ཉིད་དུ་མཛོད།མུཉྩ་ཧེ་རུ་ཀོ་བྷ་ཝ། མ་ཧཱ་དམ་ཚིག་སེམས་དཔའ་ཆེན་པོ་ཨཱཿས་མ་ཡ་ས་ཏྭ་ཨཱཿཧཱུྃ་ཕཊ། ཅེས་ཅི་ནུས་ཀྱི་མཐར། བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་
― LT14_Page_064A ―
[མ་དཔེ་གཟིགས་ན་འདིར་གནོན།]
པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་པ་དང་སྒྲིབ་པ་ཉེས་པ་དང་ལྟུང་བ་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། །རྡོ་རྗེ་སེམས་དཔའ་ཡབ་ཡུམ་འོད་དུ་ཞུ་སྟེ། སྤྱི་བོ་ནས་རང་ལ་ཐིམ་པས་རང་གི་ལུས་འཇའ་ཚོན་ལྟ་བུར་གྱུར། རང་སྐད་ཅིག་གིས་དཔལ་ཀྱཻ་རྡོ་རྗེར་གསལ་བའི་ཐུགས་ཀར་པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་སེམས་གཟུང་འཛིན་གཉིས་དང་བྲལ་བའི་ངོ་བོ་ཧཱུྃ་སྔོན་པོ། །དེ་ལས་འོད་ཟེར་འཕྲོས་པས་རང་བཞིན་གྱི་གནས་ནས་ཀྱེ་རྡོ་རྗེའུ་ལྷ་དགུའི་དཀྱིལ་འཁོར་ལ་བླ་མ་མི་བསྐྱོད་པའི་རྣམ་པས་གཙོ་བོའི་དབུ་ལ་བརྒྱན་པ་ༀ་བཛྲ་ས་མཱ་ཛཿ ཞེས་དང་རྡོ་རྗེ་བསྡུ་བའི་ཕྱག་རྒྱས་སྤྱན་དྲངས། ཐལ་མོ་སྦྱར་ཏེ། ན་མོ་གུ་རུ་བྷྱཿ ན་མ་ཤྲཱི་ཧེ་བཛྲ་མཎྜལ་ལེ་བྷྱཿ སྙིང་གའི་ཧཱུྃ་ལས་སྤྲོས་པའི་ལྷ་མོ་རྣམས་ཀྱིས་མཆོད་པར་བསམས་ཏེ། དཀར་མོ་རི་དྭགས་མཚན་མ་འཛིན། །ཆོམ་ཀུན་བདུད་ལས་རྒྱལ་བའི་སྣོད། རོ་ལངས་མ་ནི་ཆུ་ལག་མ། །གྷསྨ་རཱི་ནི་སྨན་འཛིན་ཅིང་། །པུཀྐ་སཱི་ནི་རྡོ་རྗེའི་ལག །དེ་བཞིན་རི་ཁྲོད་མ་རོ་འཛིན། །གདོལ་པ་མོ་ནི་ཅང་ཏེའུ་བརྡུང་། །འདི་རྣམས་ཀྱིས་ནི་གཙོ་བོར་མཆོད། །འདོད་ཆགས་ཆེན་པོའི་རྗེས་ཆགས་པས། །གཡུང་མོས་སྐུ་ལ་འཁྱུད་པ་ཉིད། །ཅེས་པས་མཆོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་
― LT14_Page_064B ―
[མ་དཔེ་གཟིགས་ན་འདིར་གནོན།]
བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ། སྲས་བཅས་སངས་རྒྱས་ཐམས་ཅད་དང་། །དཔའ་བོ་རྣལ་འབྱོར་མ་རྣམས་ཀུན། །ཐམས་ཅད་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །དུས་འདི་ནས་ནི་བཟུང་ནས་སུ། །ཇི་སྲིད་བྱང་ཆུབ་སྙིང་པོའི་བར། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་དེང་ནས་བརྟན་པོར་གཟུང་། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་མཆོག །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང་། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །
― LT14_Page_065A ―
[མ་དཔེ་གཟིགས་ན་འདིར་གནོན།]
དབུགས་མ་བྱུང་བ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཅེས་བརྗོད། ཆོས་ཐམས་ཅད་རང་གི་སེམས་ཀྱི་སྣང་བ། དེ་ཡང་རང་རིག་པ་སྒྱུ་མ་ལྟ་བུ། དེ་ཡང་རང་བཞིན་གྱིས་མི་དམིགས་པའི་སྟོང་པ་ཉིད་དུ་ཤེས་པར་བྱས་ལ། ༀ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས་པཾ་ལས་པདྨ་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་སྣ་ཚོགས་རྡོ་རྗེ་རྭ་ཉི་ཤུ་པ་ཤར་དཀར། ལྷོ་སེར། ནུབ་དམར། བྱང་ལྗང་། ལྟེ་བ་མཐིང་ནག་ལ་ཧཱུྃ་གིས་མཚན་པ། ཧཱུྃ་ལས་འོད་ཟེར་ཕྱོགས་བཅུར་འཕྲོས་པས། འོག་རྡོ་རྗེའི་ས་གཞི། ཁོར་ཡུག་རྡོ་རྗེའི་ར་བ། སྟོད་རྡོ་རྗེའི་གུར། ཕྱི་རོལ་ཐམས་ཅད་ཡེ་ཤེས་ཀྱི་མེ་རབ་ཏུ་འབར་བས་གང་བར་གྱུར། ༀ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཞེས་ལན་གསུམ། སྣ་ཚོགས་རྡོ་རྗེའི་ལྟེ་བར་པཾ་ལས་པདྨ་དང་། རཾ་ལས་ཉི་མའི་སྟེང་དུ། བྷྲཱུཾ་སེར་པོ་ལས་འཁོར་ལོ་སེར་པོ། །རྩིབས་བཅུ་པ། རྩེ་མོ་རྣོ་བ། ཁོག་པ་སྟོང་པ། ཡང་ཤིང་རྒྱ་ཆེ་བ་གོ་སྐབས་མེད་པར་གྱུར། ༀ་བཛྲ་ཙཀྲ་རཀྵ་ཧཱུྃ་བྷྲཱུཾ་ཧཱུྃ། ལན་གསུམ། འཁོར་ལོའ་ནང་གི་དབུས་དང་ཕྱོགས་བཅུར་པདྨ་དང་ཉི་མའི་དཀྱིལ་འཁོར་རེ་རེ། དབུས་ཀྱི་ཉི་མའི་སྟེང་དུ་བྷྲཱུཾ་སེར་པོ། །ཕྱོགས་བཅུར་ཉི་མའི་སྟེང་དུ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། དེ་ཡང་ལྷོའི་དཀར་པོ། །ནུབ་ཀྱི་དམར་པོ། གཞན་ཐམས་ཅད་སྔོན་པོ། དེ་ཐམས་ཅད་སོ་སོའ་གནས་སུ་ཡོངས་སུ་གྱུར་པ་ལས། དབུས་སུ་རང་ཉིད་གཙུག་ཏོར་
― LT14_Page_065B ―
[མ་དཔེ་གཟིགས་ན་འདིར་གནོན།]
འཁོར་ལོས་སྒྱུར་བ་སེར་པོ་འཁོར་ལོ་འཛིན་པ། ཤར་དུ་གཤིན་རྗེའི་གཤེད་སྔོན་པོ་ཐོ་བ་འཛིན་པ། །ལྷོར་ཤེས་རབ་མཐར་བྱེད་དཀར་པོ་བེ་ཅོན་འཛིན་པ། ནུབ་ཏུ་པདྨ་མཐར་བྱེད་དམར་པོ་པདྨ་འཛིན་པ། བྱང་དུ་བགེགས་མཐར་བྱེད་སྔོན་པོ་རལ་གྲི་འཛིན་པ། བྱང་ཤར་དུ་མི་གཡོ་བ་སྔོན་པོ་རལ་གྲི་འཛིན་པ། ཤར་ལྷོར་འདོད་པའི་རྒྱལ་པོ་སྔོན་པོ་ལྕགས་ཀྱུ་འཛིན་པ། ལྷོ་ནུབ་ཏུ་དབྱུག་སྔོན་ཅན་སྔོན་པོ་དབྱུག་པ་འཛིན་པ། །ནུབ་བྱང་དུ་སྟོབས་པོ་ཆེ་སྔོན་པོ་རྩེ་གསུམ་འཛིན་པ། སྟེང་དུ་ཧཱུྃ་མཛད་སྔོན་པོ་རྡོ་རྗེ་དང་དྲིལ་བུ་རང་གི་ཕྱག་རྒྱས་ཐུགས་ཀར་བསྣོལ་ནས་འཛིན་པ། འོག་ཏུ་གནོད་མཛེས་སྔོན་པོ་གཏུན་ཤིང་འཛིན་པ། ཧཱུྃ་མཛད་མ་ཡིན་པ་གཞན་ཐམས་ཅད་ཕྱག་གཡས་པས་རང་རང་གི་ཕྱག་མཚན་འབྱར་བའི་ཚུལ་གྱིས་འཛིན་ཅིང་། གཡོན་པས་ཐུགས་ཀར་སྡིག་མཛུབ་མཛད་པ། དབུས་དང་ཕྱོགས་བཞིའི་ཁྲོ་བོ་རྣམས་བརྗིད་པའི་ཁྲོ་བོ་སྟེ། སྤྱན་གསུམ་དམར་ལ་ཟླུམ་ཞིང་བགྲད་པ། སྐུ་སྦོམ་ཞིང་ཐུང་བ། གསུས་ཁྱིམ་ཆེ་བ། སྟག་གི་པགས་པའི་ཤམ་ཐབས་ཅན། སྦྲུལ་གྱིས་བརྒྱན་པ། སྨ་ར་དང་སྨིན་མ་དང་། དབུ་སྐྲ་སེར་པོ་གྱེན་དུ་བརྫེས་པ། ཁྲོ་བོ་གཞན་རྣམས་ནི་མཛེས་པའི་ཁྲོ་བོ་སྟེ། ཅུང་ཟད་སྒེག་ཅིང་ཡིད་ཙམ་ཁྲོས་པ། སྐུ་སྐེམས་ཤིང་གྲིམ་པ། དབུ་སྐྲ་ནག་པོ། དར་སྣ་ཚོགས་ཀྱི་ཤམ་ཐབས་ཅན། རིན་པོ་ཆེའི་རྒྱན་གྱིས་བརྒྱན་པ། ཐམས་ཅད་ཀྱང་ཡེ་ཤེས་ཀྱི་མེ་འབར་བའི་དབུས་ན་ཞབས་གཡོན་བརྐྱང་གི་སྟབས་ཀྱིས་བཞུགས་པའོ། །དེ་ཐམས་ཅད་ཀྱི་མིག་ཏུ་གཏི་མུག་རྡོ་རྗེ་མ། རྣ་བར་ཞེ་སྡང་རྡོ་རྗེ་མ། སྣ་ལ་སེར་སྣ་རྡོ་རྗེ་མ། ཁ་ལ་འདོད་ཆགས་རྡོ་རྗེ་མ། ལུས་ལ་
― LT14_Page_066A ―
[མ་དཔེ་གཟིགས་ན་འདིར་གནོན།]
ཕྲག་དོག་རྡོ་རྗེ་མ། ཡིད་ལ་བདག་མེད་རྣལ་འབྱོར་མ། །སྤྱི་བོར་སྐུ་རྡོ་རྗེ་མ། མགྲིན་པར་གསུང་རྡོ་རྗེ་མ། ཐུགས་ཀར་ཐུགས་རྡོ་རྗེ་མ། ཐུགས་ཀའི་ཧཱུྃ་ལས་འོད་འཕྲོས་པས་རང་བཞིན་གྱི་གནས་ནས་ཁྲོ་བོ་བཅུ་གཅིག་སྲུང་བའི་འཁོར་ལོ་དང་བཅས་པ་ལ་ཡེ་ཤེས་ཀྱི་ཁྲོ་བོའི་ཚོགས་དཔག་ཏུ་མེད་པས་བསྐོར་བ་ༀ་བཛྲ་ས་མཱ་ཛཿ སྤྲོ་ན་སྔར་བཞིན་མཆོད། ཛཿཧཱུྃ་བཾ་ཧོཿ ཞེས་པའམ། རྒྱས་པར་ན་འོག་ནས་འབྱུང་བའི་སྔགས་རྒྱས་བསྟིམ། སླར་ཡང་ཐུགས་ཀའི་ཧཱུྃ་ལས་འོད་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ༀ་བཛྲ་ས་མཱ་ཛཿ སྤྲོ་ན་གོང་ལྟར་མཆོད། ༀ་ཨ་བྷི་ཥིཉྩ་ཏུ་མཱཾ་སརྦ་ཏ་ཐཱ་ག་ཏ། ཞེས་གསོལ་བ་བཏབ་པས། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུས་གཤིན་རྗེའི་གཤེད་ལ་རྣམ་པར་སྣང་མཛད། པདྨ་མཐར་བྱེད་ལ་འོད་དཔག་མེད། གཞན་ཐམས་ཅད་ལ་མི་བསྐྱོད་པས་དབུར་བརྒྱན། རང་གི་སྙིང་གའི་ཧཱུྃ་ལས་འོད་འཕྲོས་པས། བ་སྤུའི་བུ་ག་ཐམས་ཅད་རྡོ་རྗེ་ཕྲ་མོ་དཔག་ཏུ་མེད་པས་གཏམ་པར་བསམ། ཧཱུྃ་དེ་ཉིད་རྡོ་རྗེ་སྔོན་པོ་རྩེ་ལྔ་པ་གྱེན་དུ་ལངས་པ་གཅིག་ཏུ་གྱུར་ཏེ། དེ་ཡི་ལྟེ་བ་སྟོང་པར་ཡོད་པའི་ནང་དུ་རང་གི་སེམས་ཧཱུྃ་ཅིག་ཏུ་བསམ། དེའི་སྟེང་ལ་སོགས་པར་གང་བསྲུང་བར་འདོད་པ་དེའི་མིང་གི་ཡི་གེ་དང་པོ་བསམས་ཏེ། དེའང་བླ་མ་བསྲུང་བར་འདོད་ན་སྟེང་དུ། རང་ཉིད་ནང་དུ། སྤུན་ཟླ་གཡོན་དུ། ཕ་མ་མདུན་དུ། བུ་དང་ཆུང་མ་གཡས་སུ། འཁོར་གཡོག་རྒྱབ་ཏུ། ནོར་རྫས་རྣམས་འོག་ཏུ་བསམ། གང་མི་བསྲུང་བའི་ས་སྟོང་པར་བཞག་གོ །དེ་ནས་འཁོར་ལོའ་ཕྱོགས་མཚམས་བརྒྱད་ཀྱི་རྩིབས་མེད་པའི་བར་དུ། ཡཾ་ལས་རླུང་གི་དཀྱིལ་འཁོར། དེའི་སྟེང་དུ་རཾ་ལས་མེའི་དཀྱིལ་འཁོར་གྱི་སྟེང་དུ། གནོད་བྱེད་ལུས་རིང་མ། སྐྲ་འཛིངས་པ། ཁ་ནས་ཁྲག་སྐྱུག་པ། སྤྱིའུ་ཚུགས་སུ་འདུག་པར་བསམ། རང་གི་སྙིང་གའི་ཧཱུྃ་ལས་འོད་འཕྲོས་པས། །གནོད་བྱེད་ཀྱི་ཤེས་པ་བཀུག་སྟེ་དེ་ལ་ཐིམ་པར་བསམ་ལ། རང་གཙུག་ཏོར་འཁོར་ལོས་སྒྱུར་བས་ཧཱུྃ་ཞེས་བརྗོད་པས་ཕྱོགས་མཚམས་ཀྱི་ཁྲོ་བོ་རྣམས་ཞལ་ཕྱིར་གཟིགས། དབུས་དང་སྟེང་འོག་གི་ཁྲོ་བོ་རྣམས་ཞབས་
― LT14_Page_066B ―
[མ་དཔེ་གཟིགས་ན་འདིར་གནོན།]
གཡས་བརྐྱང་། འཁོར་ལོ་གཡོན་དུ་མྱུར་ཏུ་འཁོར་བས། གནོད་བྱེད་ཀྱི་ལུས་རླུང་གིས་བསྐྱོད། མེས་བསྲེག་ཅིང་འཁོར་ལོའ་རྩེ་མོས་གཏུབས་པས། ཁོའ་ཚེ་ཐོགས་མེད་པ་ནས་བསགས་པའི་སྡིག་སྒྲིབ་ཐམས་ཅད་སྦྱང་ནས། རྣམ་ཤེས་མི་བསྐྱོད་པའི་ཞིང་དུ་སྐྱེས་པར་བསམ་ཤིང་སྔགས་བཟླའོ། །ན་མཿཕྱག་འཚལ་ལོ་ཀུན་ནས་སངས་རྒྱས་ལ།ས་མནྟ་བུདྡྷཱ་ནཱཾ། ན་མཿཕྱག་འཚལ་ལོ་ཀུན་ནས་ཆོས་ལས་མནྟ་དྷརྨཱ་ཎཱཾ། ན་མཿཕྱག་འཚལ་ལོ་ཀུན་ནས་དགེ་འདུན་ལ།ས་མནྟ་སཾ་གྷཱ་ནཱཾ། ༀ་གདུགས་དཀར་པོ།སི་ཏཱ་ཏ་པ་ཏྲེ། ༀ་དྲི་མ་དང་བྲལ་བ།བི་མ་ལ། ༀ་བདེ་པར་བྱེད་པ།ཤངྐར། ༀ་ཕྱིར་ཟློག་པ།པྲ་ཏྱཾ་གིར། བཛྲ་རྡོ་རྗེ་གཙུག་ཏོར་འཁོར་ལོས་སྒྱུར་བ།བཛྲ་ཨུཥྞི་ཥ་ཙཀྲ་ཝ་རྟི། སརྦ་ཐམས་ཅད་འཁྲུལ་འཁོར།ཡནྟྲ། མནྟ། སྔགས། མུ་རྩ་བའི་ལས།ལ་ཀརྨ། བནྡྷཱ་བཅིང་པ་དང་།ནཾ། ཏཱ་ཌ་ནཱཾ། བརྡེག་པ་དང་། ཀཱི་ཕུར་བུས་བཏབ་ཀྱང་རུང་།ལ་ནཱཾ་ཝཱ། མ་བདག་ལ་བྱེད་པ་དང་།མ་ཀྲི་ཏེ། ཡེ་ན་གང་ཅི་ཡང་རུང་བ།ཀེ་ན་ཙི་ཏ། ཀྲྀ་བྱེད་པ་དེ།ཏནྟ་ཏ། སརྦཱནྟུ། ཐམས་ཅད། ཙྪིནྡ་ཙྪིནྡ། ཆོད་ཆོད། བྷིནྡ་བྷིནྡ། ཕུག་ཕུག ། ཙི་རི་ཙི་རི། ཕྱེ་མར་གྱིས་ཕྱེ་མར་གྱིས། གི་རི་གནོན་གནོན།གི་རི། མ་ར་སོད་སོད།མ་ར། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཅེས་ཅི་ནུས་དང་། སྤྲོ་ན། ༀ་བྷ་འཇིགས་པ་ཉམས་པར་བྱེད།ཡ་ནཱ་ས་ནི། ཏྲཱ་ས་སྐྲག་པར་བྱེད།ནི། སརྦ་བདུད་ཐམས་ཅད་ཕྱིར་ཟློག་པར་བྱེད།མཱ་ར་པྲ་ཏྱཾ་གི་ར། བི་རྣམ་པར་ཉམས་པར་བྱེད།ནཱ་ས་ནི། ཡེ་གང་ཅི་ཡང་རུང་བ།གེ་ཙེ་ཏ། དུཥྚཱན་གདུག་པའི་སེམས་ཅན།ས་ཏྭ། མ་མ་བདག་ལ་ངན་པར་བྱེད་པ།པི་རཱུ་པ་ཀཾ་ཀུརྦན། ཏི་ཏཱ་དེ་དག་དང་།ནི། སརྦ་བདུད་ཐམས་ཅད་ཕྱིར་བཟློག་པར་ཕྱིས་ཤིག་མཱ་ར་ཎི་པྲ་ཏྱཾ་ཀཱ་རི་ཎི་ས་ཏ་ཏུ་ཧཱུྃ་ཕཊ་སྭཱ་ཧཱ། ཞེས་པའང་ཅི་རིགས་བཟླས་ལ། རྡོ་རྗེ་ཐལ་མོ་སྦྱར་ཏེ། སུ་གང་དག་བདག་ཅག་གི་དཔལ་ལྡན་བླ་མ་དམ་པ་རྣམས་དང་། བདག་ཅག་ལ་སྡང་བའི་སེམས་དང་ལྡན་པ་རྣམས་དང་། གདུག་པའི་སེམས་དང་ལྡན་པ་རྣམས་དང་། དྲག་ཤུལ་གྱི་སེམས་དང་ལྡན་པ་
― LT14_Page_067A ―
[མ་དཔེ་གཟིགས་ན་འདིར་གནོན།]
རྣམས་དང་། བསམ་པ་དང་སྦྱོར་བ་ངན་པར་བྱེད་པའི་དགྲ་བགེགས་ཐམས་ཅད་ཀྱི་བསམ་སྦྱོར་ངན་པ་ཐམས་ཅད་ཞི་བར་གྱུར་ཅིག །གལ་ཏེ་ཞི་བར་མ་གྱུར་ན་དེའི་ཚེ་དེ་དག་ཐམས་ཅད་ཀྱི་ལུས་བཅིང་བར་བགྱིའོ། །ངག་བཅིང་བར་བགྱིའོ། །ཡིད་བཅིང་བར་བགྱིའོ། །མཐུ་བརླག་པར་གྱུར་ཅིག །རྫུ་འཕྲུལ་བརླག་པར་གྱུར་ཅིག །སྟོབས་བརླག་པར་གྱུར་ཅིག །དེས་བཟླས་པའི་སྔགས་ཀྱིས་དེ་ཉིད་བརླག་པར་གྱུར་ཅིག །དེས་བསྒྲུབ་པའི་ལྷ་འདྲེས་དེ་ཉིད་ཀྱི་ཤ་ཟ་བར་གྱུར་ཅིག །ཅེས་བརྗོད་ཅིང་ལག་མཐིལ་གཉིས་སུ་ཧཱུྃ་ལས་སྣ་ཚོགས་རྡོ་རྗེ་དང་སོར་མོ་རྣམས་རྡོ་རྗེ་རྩེ་གཅིག་པར་བསམ་ཏེ། གནོད་བྱེད་རྣམས་དེའི་བར་དུ་བརྩིར་བར་བསམས་ལ་ཐལ་མོ་བརྡབ། རང་གི་ཐུགས་ཀ་ནས་རང་འདྲ་བའི་ཁྲོ་བོ་མཚོན་ཆ་ཐོགས་པ་དུ་མ་སྤྲོས་ཏེ་གནོད་བྱེད་ཀྱི་ལུས་དང་དབང་པོ་ཐམས་ཅད་རྡུལ་ཕྲ་རབ་ཏུ་བྱས། མེས་བསྲེག་རླུང་གིས་ཏོར་བར་བསམ། སྤྲོ་ན། ཁྲོ་བོ་འབར་བའི་ཚོགས་རྣམས་ཀྱིས། །དགྲ་བགེགས་རྣམས་ནི་ཐམས་ཅད་ཀྱི། །ལུས་ངག་ཐལ་བ་རྡུལ་དུ་རློགས། །རྣམ་ཤེས་ཆོས་ཀྱི་དབྱིངས་སུ་སྒྲོལ། །ཞེས་བརྗོད། ༀ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ལན་གསུམ། རང་ཉིད་གཙུག་ཏོར་འཁོར་ལོས་སྒྱུར་བཞུ་བ་ལས་ཆོས་ཀྱི་འབྱུང་གནས་གྲུ་གསུམ་པ། ཕྱི་དཀར་ལ་ནང་དམར་བ། གདེངས་ཁ་ཆེ་བ་གྱེན་དུ་བསྟན་པ། རྩ་བ་ཕྲ་བ་ཐུར་དུ་ཟུག་པ། དེའི་ནང་དུ་ཡཾ་ལས་རླུང་གི་དཀྱིལ་འཁོར་སྔོན་པོ་གཞུ་བདུངས་བ་ལྟ་བུ། ཆང་ཟུང་དང་མཆོག་མ་ཡཾ་དང་བ་དན་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ་དམར་པོ་རཾ་གྱིས་མཚན་པ། དེའི་སྟེང་དུ་བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བུམ་པས་མཚན་པ། དེའི་སྟེང་དུ་ལཾ་ལས་སའི་དཀྱིལ་འཁོར་གྲུ་བཞི་སེར་པོ་ཟུར་བཞིར་རྡོ་རྗེ་ཕྱེད་པ་དང་ལྟེ་བ་ལཾ་གྱིས་མཚན་པ། དེའི་སྟེང་དུ་བྷྲཱུཾ་ལས་འཁོར་ལོ་སེར་པོ་རྩིབས་བཅུ་པ་བྷྲཱུཾ་གྱིས་མཚན་པ། དེའི་སྟེང་གི་བར་སྣང་དུ་ༀ་ཨཱཿཧཱུྃ་ཧོཿདམར་པོ་གཉིས་
― LT14_Page_067B ―
[མ་དཔེ་གཟིགས་ན་འདིར་གནོན།]
ཀྱིས་མཐའ་རྟེན་པའི་བར་དོའ་རྣམ་པར་ཤེས་པ་དེ་རྣམས་འབྱུང་བཞི་འཁོར་ལོ་དང་བཅས་པ་ལ་ཐིམ་སྟེ། ཐམས་ཅད་རོ་གཅིག་ཏུ་འདྲེས་པ་ལས། རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་གྲུ་བཞི་པ། སྒོ་བཞི་པ། ནང་ནས་རིམ་པ་བཞིན་ནག་པོ། །ལྗང་གུ། དམར་པོ། །སེར་པོ། །དཀར་པོའི་རྩིག་པ་རིམ་པ་ལྔ་དང་ལྡན་པ། སློབ་དཔོན་རིན་པོ་ཆེའི་དགོངས་པའོ། །རྗེ་བཙུན་རིན་པོ་ཆེ་ལྟར་ན། ནང་ནས་རིམ་བཞིན། ནག་པོ། །དཀར་པོ། །སེར་པོ། །དམར་པོ། །ལྗང་གུར་བསྒོམ། དེའི་སྟེང་དུ་རིན་པོ་ཆེའི་ཕ་གུ་སེར་པོ་ལ་དྲ་བ་དང་དྲ་བ་ཕྱེད་པ་འཕྱང་བ། དེའི་སྟེང་དུ་རིན་པོ་ཆེའི་མདའ་ཡབ་དང་པུ་ཤུས་བརྒྱན་པ། རྩིག་པའི་ཕྱི་རོལ་དུ་འདོད་ཡོན་གྱི་སྣམ་བུ་དམར་པོ་ལ་མཆོད་པའི་ལྷ་མོ་བཅུ་དྲུག་གིས་མཆོད་རྫས་དུ་མ་ཐོགས་ནས་བཅོམ་ལྡན་འདས་ལ་མཆོད་པ། ནང་ཀ་བ་བརྒྱད་དང་ལྡན་པ། སྟེང་རྡོ་རྗེའི་གདུང་བཞིས་མིག་མང་རིས་སུ་བྲེས་ཤིང་མཛེས་པར་ཕུབ་པ། དབུས་ཕྱུར་བུར་གྱུར་པའི་སྟེང་དུ་རྡོ་རྗེ་དང་རིན་པོ་ཆེའི་ཏོག་གིས་བརྒྱན་པ། སྒོ་བཞིའི་ཐད་སོར་ཀ་བ་བཞི་བཞིས་བཏེགས་པའི་རྟ་བབས་བང་རིམ་བཞི་དང་ལྡན་པའི་སྟེང་དུ་པདྨ་ལ་གནས་པའི་ཆོས་ཀྱི་འཁོར་ལོ་དང་། གདུགས་དང་རི་དྭགས་དང་བཅས་པ། གཞན་ཡང་གོས་དང་འཕན་དང་། མེ་ཏོག་གི་ཕྲེང་བ་དང་། ཟླ་བ་རླུང་གིས་བསྐྱོད་པ་དང་། རྔ་ཡབ་ནོར་བུའི་ཡུ་བ་ཅན་ལ་སོགས་རྒྱན་དུ་མས་བརྒྱན་པའི་གཞལ་ཡས་ཁང་དུ་གྱུར། དེའི་ཕྱི་རོལ་དུར་ཁྲོད་ཆེན་པོ་བརྒྱད་ནི། ཤར་དུ་གཏུམ་དྲག་གི་དུར་ཁྲོད། ལྷོར་འཇིགས་བྱེད་ཐོད་པ་ཅན། ནུབ་ཏུ་འབར་བའི་ཕྲེང་བས་བརྒྱན་པ། བྱང་དུ་ཚང་ཚིང་འཁྲིགས་པ། བྱང་ཤར་དུ་དྲག་ཏུ་དགོད་པ། ཤར་ལྷོར་དབང་ཕྱུག་ནགས་ཚལ། ལྷོ་ནུབ་ཏུ་འཇིགས་བྱེད་མུན་པ། ནུབ་བྱང་དུ་ཀི་ལི་ཀི་ལིའི་སྒྲ་སྒྲོག་པ། དེ་དག་ལ་གནས་
― LT14_Page_068A ―
[མ་དཔེ་གཟིགས་ན་འདིར་གནོན།]
པའི་ཤིང་ཆེན་པོ་བརྒྱད་ནི། ཤར་དུ་ཤི་རི་ཤ །ལྷོར་ཙུ་ཏ། ནུབ་ཏུ་ཀཾ་ཀ་ལ། བྱང་དུ་ཨ་ཤྭཏྠ། བྱང་ཤར་དུ་ཤིང་ཆེན་པོ། །ཤར་ལྷོར་ཀ་རཉྫ། ལྷོ་ནུབ་ཏུ་འཁྲིལ་ཤིང་ཅན། ནུབ་བྱང་དུ་ཨ་རྫུན་རྣམས་སོ། །ཤིང་དེ་དག་གི་རྩ་བ་ན་གནས་པའི་ཕྱོགས་སྐྱོང་བ་བརྒྱད་ནི། ཤར་དུ་བརྒྱ་བྱིན་སེར་པོ་གླང་པོ་ཆེ་ལ་ཞོན་པ། ཕྱག་གཡོན་ན་རྡོ་རྗེས་མཚན་པའི་ཐོད་པ་འཛིན་པ། ལྷོར་གཤིན་རྗེ་སྔོན་པོ་མ་ཧེ་ལ་ཞོན་པ། གཡོན་ཐོད་པ་དང་བེ་ཅོན་འཛིན་པ། ནུབ་ཏུ་ཆུ་ལྷ་དཀར་པོ་ཆུ་སྲིན་ལ་ཞོན་པ། གཡོན་ཐོད་པ་དང་ཞགས་པ་འཛིན་པ། བྱང་དུ་གནོད་སྦྱིན་སེར་པོ་རྟ་ལ་ཞོན་པ། གཡོན་ཐོད་པ་དང་དབྱུག་པ་འཛིན་པ། བྱང་ཤར་དུ་དབང་ལྡན་དཀར་པོ་གླང་ལ་ཞོན་པ། གཡོན་ཐོད་པ་དང་མདུང་འཛིན་པ། ཤར་ལྷོར་མེ་ལྷ་དམར་པོ་ར་སྐྱེས་ལ་ཞོན་པ། ཞལ་གཅིག་ཕྱག་བཞིའི་གཡས་གཉིས་ན་དབྱུ་གུ་དང་ཐོད་པ། གཡོན་གཉིས་ན་སྤྱི་བླུགས་དང་ཕྲེང་བ་འཛིན་པ། ལྷོ་ནུབ་ཏུ་སྲིན་པོ་ནག་པོ་རོ་ལངས་ལ་ཞོན་པ་གཡོན་ཐོད་པ་དང་རལ་གྲི་འཛིན་པ། ནུབ་བྱང་དུ་རླུང་ལྷ་སྔོན་པོ་རི་དྭགས་ལ་ཞོན་པ་གཡོན་ཐོད་པ་དང་བ་དན་འཛིན་པ། ཐམས་ཅད་ཀྱང་ཕྱག་གཡས་ཀྱིས་བཅོམ་ལྡན་འདས་ལ་ཕྱག་འཚལ་བའོ། །དེ་དག་གི་ནམ་མཁའ་ལ་གནས་པའི་སྤྲིན་ཆེན་པོ་བརྒྱད་ནི། ཤར་དུ་སྒྲོགས་བྱེད་སེར་པོ། །ལྷོར་ལྡོག་བྱེད་སྔོན་པོ། །ནུབ་ཏུ་འཇིགས་བྱེད་དཀར་པོ། །བྱང་དུ་འཁོར་བྱེད་སེར་པོ། །བྱང་ཤར་དུ་འཐུག་པོ་དཀར་པོ། །ཤར་ལྷོར་འགེངས་བྱེད་དམར་པོ། །ལྷོ་ནུབ་ཏུ་ཆར་འབེབས་སྔོན་པོ། །ནུབ་བྱང་དུ་གཏུམ་པོ་སྔོན་པོའོ། །དེ་དག་ལ་གནས་པའི་ཀླུ་ཆེན་པོ་བརྒྱད་ནི། ཤར་དུ་ནོར་རྒྱས་སེར་པོ། །ལྷོར་པདྨ་དཀར་པོ། །ནུབ་ཏུ་ཀརྐ་ཊ་ནག་པོ། །བྱང་དུ་འཇོག་པོ་དམར་པོ། །བྱང་ཤར་དུ་པདྨ་
― LT14_Page_068B ―
[མ་དཔེ་གཟིགས་ན་འདིར་གནོན།]
ཆེན་པོ་དཀར་པོ། །ཤར་ལྷོར་ཧུ་ལུནྟ་སྔོན་པོ། །ལྷོ་ནུབ་ཏུ་རིགས་ལྡན་ལྗང་གུ། ནུབ་བྱང་དུ་དུང་སྐྱོང་སེར་པོ་ཐམས་ཅད་ཀྱང་སྦྲུལ་མགོའ་གདེངས་ཀ་བདུན་བདུན་དང་ལྡན་ཞིང་སྨད་སྦྲུལ་མཇུག་འཁྱིལ་བ། སྟོད་ལྷའི་ལུས་ཅན་ཐལ་མོ་སྦྱར་བའོ། །ཤིང་གི་ཡལ་ག་ལ་གནས་པའི་ཞིང་སྐྱོང་བ་བརྒྱད་ནི། ཤར་དུ་ལྷའི་དགེ་འདུན་དཀར་པོ་གླང་པོ་ཆེའི་གདོང་པ་ཅན། ལྷོར་གཤིན་རྗེ་སྔོན་པོ་མ་ཧེའི་གདོང་པ་ཅན། ནུབ་ཏུ་སྤྲིན་གྱི་རྒྱལ་པོ་དམར་པོ་ཆུ་སྲིན་གྱི་གདོང་པ་ཅན། བྱང་དུ་གནོད་སྦྱིན་གྱི་སྡེ་དཔོན་སེར་པོ་རྟའི་གདོང་པ་ཅན། བྱང་ཤར་དུ་ཡི་དྭགས་འདུས་པ་དུད་ཀ་གླང་གི་གདོང་པ་ཅན། ཤར་ལྷོར་དྲང་སྲོང་འདུས་པ་དམར་པོ་ར་སྐྱེས་ཀྱི་གདོང་པ་ཅན། ལྷོ་ནུབ་ཏུ་སྲིན་པོའི་ཚོགས་ཅན་ནག་པོ་རོ་ལངས་ཀྱི་གདོངས་པ་ཅན། ནུབ་བྱང་དུ་རླུང་གི་རྒྱལ་པོ་ལྗང་གུ་རི་དྭགས་ཀྱི་གདོང་པ་ཅན། ཐམས་ཅད་ཀྱང་ཤིང་ལོའ་གསེབ་ནས་སྙིང་ག་ཡན་ཆད་འཐོན་པ། གྲི་གུག་དང་ཐོད་པ་འཛིན་པའོ། །གཞན་ཡང་རོ་མགོ་བོ་བཅད་པ་དང་། དཔྱངས་པ་དང་། བསྙལ་བ་དང་། གསལ་ཤིང་གིས་ཕུག་པ་དང་། མགོ་བོ་དང་། ཀེང་རུས་དང་། ལྕེ་སྤྱང་དང་། ཁྭ་དང་། འུག་པ་དང་། བྱ་རྒོད་དང་། རོ་ལངས་རྣམས་ཕཻཾ་ཞེས་བྱ་བའི་སྒྲ་སྒྲོགས་པ། མ་ལུས་པ་རྣམས་ཀྱང་སྔོན་གྱི་གྲུབ་པ་ཐོབ་པ་རྣམས་ཀྱི་མངོན་པར་རྟོགས་པ་སྟེ། གནོད་སྦྱིན་དང་། སྲིན་པོ་དང་། ཡི་དྭགས་དང་། ཤ་ཟ་དང་། སྨྱོ་བྱེད་དང་། རྗེད་བྱེད་དང་། མཁའ་འགྲོ་དང་། མཁའ་འགྲོ་མ་རྣམས་དང་། ཆུ་དང་། མེ་དང་། མཆོད་རྟེན་དང་། སྒྲུབ་པ་པོ་རྣམས་དང་བཅས་པའི་དུར་ཁྲོད་ཀྱིས་ཡོངས་སུ་བསྐོར་བའི་གཞལ་ཡས་ཁང་གི་ནང་གི་ལྷ་སྣམ། ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོན་པོའི་དབུས་སྣ་ཚོགས་པདྨ་འདབ་མ་
― LT14_Page_069A ―
[མ་དཔེ་གཟིགས་ན་འདིར་གནོན།]
བརྒྱད་པའི་ལྟེ་བར་ཉི་མའི་དཀྱིལ་འཁོར་གྱི་སྟེང་དུ། ཉོན་མོངས་པ་ལ་སོགས་པ་བདུད་བཞིའི་ངོ་བོ། །ཚངས་པ་སེར་པོ། །དབང་པོ་དཀར་པོ། །ཉེ་དབང་སྔོན་པོ། །དྲག་པོ་ནག་པོ་རྣམས་སྟེང་ནས་སྟེང་དུ་བརྩིགས་པ། འདབ་མ་བརྒྱད་ལ་ཟླ་བའི་དཀྱིལ་འཁོར་གྱི་སྟེང་དུ། ཤར་དུ་ཚངས་པ་སེར་པོ། །ལྷོར་དབང་པོ་དཀར་པོ། །ནུབ་ཏུ་ཉེ་དབང་སྔོན་པོ། །བྱང་དུ་དྲག་པོ་ནག་པོ། །བྱང་ཤར་དུ་གཤིན་རྗེ་སྔོན་པོ། །ཤར་ལྷོར་ནོར་བདག་སེར་པོ། །ལྷོ་ནུབ་ཏུ་སྲིན་པོ་ནག་པོ། །ནུབ་བྱང་དུ་ཐག་བཟང་རིས་དུད་ཀ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་དང་བཅས་པར་གྱུར། ༀ་སརྦ་ཏ་ཐཱ་ག་ཏ་ནྶི་ལ་ཡ་བཛྲ་སྭ་བྷ་ཝ་ཨཱཏྨ་ཀོ྅་ཧཾ། དབུས་ཀྱི་གདན་གྱི་སྟེང་དུ་སངས་རྒྱས་ཀྱི་མཚན་བཟང་པོ་སུམ་ཅུ་རྩ་གཉིས་ཀྱི་ངོ་བོ་སྐར་མའི་རྣམ་པ་ལྟ་བུའི། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱཿཕྲག་གཉིས་བརྗོད། ཞུ་བ་ལས་བྱུང་བའི་ཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས། དེའི་སྟེང་དུ་དཔེ་བྱད་བཟང་པོ་བརྒྱད་ཅུའི་བདག་ཉིད་མར་མེའི་ཕྲེང་བ་ལྟ་བུའི། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཡ་ར་ལ་ཝ་ཌ་ཌྷ། ཕྲག་གཉིས་བརྗོད། ཞུ་བ་ལས་བྱུང་བའི་ཉི་མའི་དཀྱིལ་འཁོར་མཉམ་པ་ཉིད་ཀྱི་ཡེ་ཤེས། དེ་གཉིས་ཀྱི་བར་དུ་ཧཱུྃ་ལས་ཐོད་པ་དཀར་པོ་དུམ་བུ་གསུམ་པ་དཔྲལ་བར་སྣ་ཚོགས་རྡོ་རྗེའི་ལྟེ་བ་ལ་ཧཱུྃ་གིས་མཚན་པ། དེའི་གཡོན་དུ་ༀ་ལས་གྲི་གུག་སྔོ་ནག་ཡུ་བ་ལ་ༀ་གིས་མཚན་པ་སོ་སོར་རྟོག་པའི་ཡེ་ཤེས། ཉི་ཟླ་ཕྱག་མཚན་ས་བོན་དང་བཅས་པ་རོ་གཅིག་ཏུ་འདྲེས་པ་བྱ་བ་གྲུབ་པའི་ཡེ་ཤེས། དེ་ལས་སྐུ་ཡོངས་
― LT14_Page_069B ―
[མ་དཔེ་གཟིགས་ན་འདིར་གནོན།]
རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ། །བདག་ཉིད་བཅོམ་ལྡན་འདས་རྒྱུ་རྡོ་རྗེ་འཛིན་པ་སྐུ་མདོག་དཀར་པོ་ཞལ་བརྒྱད། ཕྱག་བཅུ་དྲུག་པ། ཞལ་བཞི་པ། རྩ་བའི་ཞལ་དཀར་པོ། །གཡས་སྔོ། །གཡོན་དམར། སྟེང་ཞལ་དུད་ཀ །ཞལ་ལྷག་མ་གཉིས་གཉིས་གནག་པ། ཞལ་རེ་རེ་ལ་སྤྱན་གསུམ་གསུམ་དང་ལྡན་ཞིང་མཆེ་བ་བཞི་བཞི་གཙིགས་པ། དབུ་སྐྲ་སེར་པོ་གྱེན་དུ་བརྫེས་པ། སྤྱི་བོར་སྣ་ཚོགས་རྡོ་རྗེས་མཚན་པ། ཕྱག་བཅུ་དྲུག་གིས་ཐོད་པ་བཅུ་དྲུག་བཟུང་བའི་གཡས་ཀྱི་དང་པོ་ན་གླང་པོ་ཆེ་དཀར་པོ། །གཡོན་གྱི་དང་པོ་ན་སའི་ལྷ་སེར་པོ། །དེ་གཉིས་ཀྱིས་ཡུམ་ལ་འཁྱུད་པ། གཡས་ཀྱི་གཉིས་པ་ན་རྟ་སྔོན་པོ། །གསུམ་པ་ན་བོང་བུ་གྭ་པ། བཞི་པ་ན་གླང་སེར་པོ། །ལྔ་པ་ན་རྔ་མོང་ཐལ་ཀ །དྲུག་པ་ན་མི་དམར་པོ། །བདུན་པ་ན་ཤ་ར་བྷ་སྔོན་པོ། །བརྒྱད་པ་ན་བྱི་བླ་གྭ་པ། །གཡོན་གྱི་གཉིས་པ་ན་ཆུའི་ལྷ་དཀར་པོ། །གསུམ་པ་ན་མེའི་ལྷ་དམར་པོ། །བཞི་པ་ན་རླུང་གི་ལྷ་ལྗང་གུ། ལྔ་པ་ན་ཟླ་བའི་ལྷ་དཀར་པོ། །དྲུག་པ་ན་ཉི་མའི་ལྷ་དམར་པོ། །བདུན་པ་ན་གཤིན་རྗེ་སྔོན་པོ། །བརྒྱད་པ་ན་ནོར་འཛིན་སེར་པོ། །དབུ་རེ་རེ་ལ་མི་མགོ་སྐམ་པོ་ལྔས་དབུ་བརྒྱན་ཅིང་རློན་པ་ལྔ་བཅུའི་དོ་ཤལ་ཅན། རུས་པའི་རྒྱན་དྲུག་དང་ལྡན་པ། ཞབས་གཡས་གཉིས་བརྐྱང་པའི་བརླ་ལ་གཡོན་གཉིས་བསྐུམ་པའི་སོར་མོ་རྣམས་གཏད་པའི་སྐྱིལ་ཀྲུང་ཕྱེད་པའི་གར་སྟབས་ཀྱིས་བཞུགས་པ། སྒེག་ཅིང་དཔའ་བ་མི་སྡུག་པ། །དགོད་ཅིང་དྲག་ཤུལ་འཇིགས་སུ་རུང་། །སྙིང་རྗེ་རྔམ་དང་ཞི་བ་ཡི། །གར་དགུའི་རོ་དང་ལྡན་པ་ཉིད། །དེའི་པང་ན་ཡུམ་རྡོ་རྗེ་བདག་མེད་མ་སྐུ་མདོག་སྔོན་མོ། །ཞལ་གཅིག་ཕྱག་གཉིས་སྤྱན་གསུམ་མ། སྐྲ་སེར་པོ་གྱེན་དུ་བརྫེས་པ།
― LT14_Page_070A ―
[མ་དཔེ་གཟིགས་ན་འདིར་གནོན།]
གཡས་གྲི་གུག །གཡོན་ཐོད་པ་འཛིན་པས་ཡབ་ལ་འཁྱུད་པ། མི་མགོ་སྐམ་པོ་ལྔའི་དབུ་རྒྱན་དང་། སྐམ་པོ་ལྔ་བཅུའི་དོ་ཤལ་ཅན། རུས་པའི་རྒྱན་ལྔ་དང་ལྡན་པ། ཞབས་གཡོན་བརྐྱང་ཤིང་གཡས་བསྐུམ་པས་ཡབ་ལ་འཁྱུད་པ། གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། ཡུམ་གྱི་མཁའ་མི་དམིགས་ཏེ་སྟོང་པའི་ངང་ལས་ཨཱཿལས་པདྨ་དམར་པོ་འདབ་མ་བརྒྱད་པ་ཟེའུ་འབྲུ་ལ། ཨཱཿས་མཚན་པ། ༀ་པདྨ་པདྨ་བདེ་འཛིན་པ་ནི།སུ་ཁ་དྷ་ར། མ་ཧཱ་འདོད་ཆགས་ཆེན་པོའི་བདེ་བ་སྟེར།མ་ཧཱ་རཱ་གསུ་ཁནྡ་ད། ཙ་དགའ་བཞིའི་སྐལ་པ་སྣ་ཚོགས་པ།ཏུ་རཱ་ནནྡ་བྷ་ག་བི་ཤྭ། ཧཱུྃ་ཧཱུྃ་ཧཱུྃ། ཀཱཾ་བྱ་བ་མཛོད་ཅིག་བདག་ལའོ།ཀུ་རུ་ཥྭ་མེ། ཡབ་ཀྱི་གསང་བའི་གནས་མི་དམིགས་ཏེ་སྟོང་པའི་ངང་ལས་ཧཱུྃ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཧཱུྃ་གིས་མཚན་པ། ༀ་བཛྲ་རྡོ་རྗེ་ཞེ་སྡང་ཆེན་པོ་ནི།མ་ཧཱ་དཱེ་ཥ། ཙ་ཏུ་རཱ་དགའ་བ་བཞི་ནི་སྟེར་བར་བྱེད།ནནྡ་ཡ་ཀཿ ཁ་ག་མུ་ཁ་ཨེ། མཁའ་འགྲོའི་གདོང་པ་རོ་གཅིག་མགོན། ཀཱ་ར་སོ་ནཱ་ཐ། ཧཱུྃ་ཧཱུྃ་ཧཱུྃ། ཀཱཾ་བྱ་བ་མཛོད་ཅིག་བདག་ལའོ་ཀུ་རུ་ཥྭ་མེ། ཡབ་ཡུམ་སྙོམས་པར་ཞུགས་པའི་བདེ་བ་ཆེན་པོའི་སྒྲ་ཧ་ཧ་སི་སི་ཀུན་དུརྷ་བཛྲ་དྷྲྀ་ཀ་ཅེས་གསང་པའི་གནས་སུ་གྲགས་པའི་སྒྲས་ཕྱོགས་བཅུའི་དེ་བཞིན་གཤེགས་པ་ཐམས་ཅད་སྤྱན་དྲངས། ཡབ་ཀྱི་ཞལ་དུ་ཞུགས། ཐུགས་ཀར་རྗེས་ཆགས་ཀྱི་མེས་འོད་དུ་ཞུ། སྐུའི་དབྱིབས་བརྒྱུད་རྡོ་རྗེའི་ལམ་ནས་ཡུམ་གྱི་མཁར་བབས་པས་ཐིག་ལེ་བརྒྱད་དུ་གྱུར། དེ་རྣམས་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཞེས་པའི་ས་བོན་བརྒྱད་དུ་གྱུར། དེ་རྣམས་འོད་དུ་ཞུ་བ་ལྷ་མོ་བརྒྱད་དུ་གྱུར་ནས། ཡུམ་གྱི་མཁའ་ནང་ནས་ཕྱིར་འཐོན་ཏེ། གདན་སོ་སོའ་སྟེང་དུ་རིམ་པ་བཞིན་འཁོད་པ་ནི། ཤར་དུ་གཽ་རཱི་ནག་པོ་གཡས་གྲི་གུག །གཡོན་ཉ་རོ་ཧི་ཏ་འཛིན་པ། ལྷོར་ཙཽ་རཱི་དམར་མོ་གཡས་ཅང་ཏེའུ། གཡོན་ཕག་པ་འཛིན་པ། ནུབ་ཏུ་པེ་ཏཱ་ལཱི་སེར་
― LT14_Page_070B ―
[མ་དཔེ་གཟིགས་ན་འདིར་གནོན།]
མོ་གཡས་རུས་སྦལ། གཡོན་ཐོད་པ་འཛིན་པ། བྱང་དུ་གྷ་སྨ་རཱི་ལྗང་གུ་གཡས་སྦྲུལ། གཡོན་ཐོད་པ་འཛིན་པ། བྱང་ཤར་དུ་པུཀྐ་སཱི་སྔོན་མོ་གཡས་སེང་གེ །གཡོན་དགྲ་སྟ་འཛིན་པ། ཤར་ལྷོར་རི་ཁྲོད་མ་དཀར་མོ་གཡས་དགེ་སློང་། གཡོན་གསིལ་བྱེད་འཛིན་པ། ལྷོ་ནུབ་ཏུ་གདོལ་པ་མོ་སྔོ་དམར་གཡས་འཁོར་ལོ། །གཡོན་ཐོང་གཤོལ་འཛིན་པ། །ནུབ་བྱང་དུ་གཡུང་མོ་ཁ་དོག་སྣ་ཚོགས་པ་གཡས་རྡོ་རྗེ། གཡོན་སྡིགས་མཛུབ་མཛད་པ། ཐམས་ཅད་ཀྱང་ཞལ་གཅིག་ཕྱག་གཉིས་སྤྱན་གསུམ་མ། སྐྲ་སེར་པོ་གྱེན་དུ་བརྫེས་པ། གཅེར་བུ་རུས་པའི་རྒྱན་ལྔས་བརྒྱན་པ། མི་མགོ་སྐམ་པོ་ལྔས་དབུར་བརྒྱན་ཅིང་། སྐམ་པོ་ལྔ་བཅུའི་དོ་ཤལ་བྱས་པ། ཞབས་གཡོན་བརྐྱངས་པའི་སྐྱིལ་ཀྲུང་ཕྱེད་པའི་གར་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། སླར་ཡང་ཡབ་ཡུམ་སྙོམས་པར་ཞུགས་པས་བར་སྣང་ནས་ༀ་ཨཱཿཧཱུྃ་ཧོཿ དམར་པོ་གཉིས་ཀྱིས་མཐའ་བརྟེན་པའི་བར་དོའ་རྣམ་པར་ཤེས་པ་ཡབ་ཀྱི་ཞལ་དུ་ཞུགས། སྐུའི་དབྱིབས་བརྒྱུད་རྡོ་རྗེའི་ལམ་ལས་ཡུམ་གྱི་མཁར་ཡི་གེས་སླེབས་པའི་རྐྱེན་གྱིས་ཡབ་ཡུམ་གཉིས་རྗེས་སུ་ཆགས་པའི་མེས་འོད་དུ་ཞུ་ནས། བདུད་བཞིའི་སྟེང་དུ་བདེ་བ་ཆེན་པོའི་ངོ་བོ་རྡོ་རྗེ་སེམས་དཔའི་རང་བཞིན་གྱི་ཐིག་ལེར་གྱུར། ༀ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། རང་གི་ཤེས་པ་མཚམས་ཀྱི་ལྷ་མོ་བཞིར་འཕོས་ཏེ་གླུས་བསྐུལ་བར་བསམས་ཤིང་། རྗེ་བཙུན་སྙིང་རྗེའི་ཡིད་བཞེངས་ཤིག །པུཀྐ་སི་ནི་བདག་ལ་སྐྱོབས། །སྟོང་པའི་རང་བཞིན་ཉིད་སྤོངས་ལ། །བདག་ལ་བདེ་ཆེན་སྤྱོར་བཞེད་མཛོད། །ཁྱོད་མེད་ན་ནི་བདག་འགུམ་པས། །ཀྱཻ་ཡི་རྡོ་རྗེ་ཁྱོད་བཞེངས་ཤིག །སྟོང་པའི་རང་བཞིན་ཉིད་སྤོངས་ལ། །རི་ཁྲོད་མ་འབྲས་གྲུབ་པར་མཛོད། །དགའ་
― LT14_Page_071A ―
[མ་དཔེ་གཟིགས་ན་འདིར་གནོན།]
གཙོ་འཇིག་རྟེན་མགྲོན་གཉེར་བ། །སྟོང་པ་ཉིད་ལ་བཞུགས་སམ་ཅི། །ཁྱོད་མེད་ཕྱོགས་ནི་མི་འཚལ་བས། །གདོལ་པ་མོ་བདག་ཞུ་བ་བགྱིད། །བདག་གིས་ཁྱོད་ཀྱི་ཐུགས་འཚལ་གྱི། །མིག་འཕྲུལ་མངའ་བ་ཁྱོད་བཞེངས་ཤིག །གཡུང་མོ་བདག་ཉིད་དྲན་ཉམས་པས། །སྙིང་རྗེ་རྒྱུན་ཆད་མ་མཛད་ཅིག །ཅེས་བསྐུལ་བས། ཐིག་ལེ་དེ་ཉིད་ཧཱུྃ་དང་ཨཾ་སྔོན་པོ་འོད་འབར་ཞིང་འཇིགས་པར་གྱུར། དེ་ཞུ་བ་ལས་བདག་ཉིད་འབྲས་བུ་རྡོ་རྗེ་འཛིན་པ་སྐུ་མདོག་སྔོན་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། རྩ་བའི་ཞལ་སྔོན་པོ། །གཡས་དཀར། གཡོན་དམར། སྟེང་ཞལ་དུད་ཀ་།ཞལ་ལྷག་མ་གཉིས་གཉིས་གནག་པ་ནས་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། ཞེས་པའི་བར་སྔར་བཞིན། ལྷ་ཐམས་ཅད་ཀྱི་ཐུགས་ཀར་པདྨ་དང་ཉི་མའི་སྟེང་དུ་རང་རང་གི་ས་བོན་ཧཱུྃ་ཨཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་དེ་རྣམས་ལས་འོད་འཕྲོས་སྣོད་ཀྱི་འཇིག་རྟེན་ལ་ཕོག་གཞལ་ཡས་ཁང་དང་། བཅུད་ཀྱི་སེམས་ཅན་ལ་ཕོག་ལྷ་དགུའི་ངོ་བོར་གྱུར། ཐམས་ཅད་ཀྱི་མིག་ཏུ་མཾ་ལས་གཏི་མུག་རྡོ་རྗེ་མ་དཀར་མོ། །རྣ་བར་དྭཾ་ལས་ཞེ་སྡང་རྡོ་རྗེ་མ་སྔོན་མོ། །སྣར་པཾ་ལས་སེར་སྣ་རྡོ་རྗེ་མ་སེར་མོ། །ཁར་རཾ་ལས་འདོད་ཆགས་རྡོ་རྗེ་མ་དམར་མོ། །དཔྲལ་བར་ༀ་ལས་ཕྲག་དོག་རྡོ་རྗེ་མ་ལྗང་གུ། སྙིང་གར་ནཾ་ལས་བདག་མེད་རྣལ་འབྱོར་མ་ནག་མོ། །སྤྱི་བོར་ༀ་ལས་སྐུ་རྡོ་རྗེ་མ་དཀར་མོ། །མགྲིན་པར་ཨཱཿལས་གསུང་རྡོ་རྗེ་མ་དམར་མོ། །ཐུགས་ཀར་ཧཱུྃ་ལས་ཐུགས་རྡོ་རྗེ་མ་ནག་མོ། །ཐམས་ཅད་ཀྱང་ཞལ་གཅིག་ཕྱག་གཉིས་མ། གྲི་གུག་དང་ཐོད་པ་ཁ་ཾ་ག་འཛིན་པ། གཅེར་བུ་རུས་པའི་རྒྱན་ལྔ་དང་མི་མགོ་སྐམ་པོའི་ཕྲེང་བས་བརྒྱན་པ། རོའ་གདན་ལ་སྐྱིལ་ཀྲུང་ཕྱེད་པའི་གར་གྱིས་བཞུགས་པ། རང་གི་ཐུགས་ཀའི་ཧཱུྃ་ལས་འོད་འཕྲོས་པས། རང་བཞིན་གྱི་གནས་ནས་ཀྱེ་རྡོ་རྗེ་
― LT14_Page_071B ―
[མ་དཔེ་གཟིགས་ན་འདིར་གནོན།]
ལྷ་དགུའི་དཀྱིལ་འཁོར་ལ་སངས་རྒྱས་དང་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ་ༀ་བཛྲ་ས་མཱ་ཛཿ ཞེས་དང་། རྡོ་རྗེ་བསྡུ་བའི་ཕྱག་རྒྱས་སྤྱན་དྲངས། ཐལ་མོ་སྦྱར་ཏེ། དཀར་མོ་རི་དགས་སོགས་ནས། འཁྱུད་པ་ཉིད། ཅེས་པས་མཆོད། སྤྲོ་ན། འོག་ནས་འབྱུང་བའི་ཁྱོད་ནི་རྣལ་འབྱོར་མ་སོགས་ཀྱིས་བསྟོད། ཁུ་ཚུར་གཡོན་གྱི་མཐེའུ་ཆུང་དང་གཡས་པའི་མཛུབ་མོ་སྦྲེལ་ཏེ། ༀ་བཛྲ་གཽ་རཱི་ཨཱ་ཀརྵ་ཡ་ཛཿ ཞེས་དང་། གཽ་རཱི་ནག་མོ་ལྕགས་ཀྱུ་ཐོགས་པས་སྲུང་འཁོར་གྱི་ནང་དུ་སྤྱན་དྲངས། ཁུ་ཚུར་གཉིས་རྒྱབ་སྤྲད་དེ་ཞགས་མིག་ལྟར་བྱས་ལ། ༀ་བཛྲ་ཙཽ་རཱི་པྲ་ཝེ་ཤ་ཡ་ཧཱུྃ། ཞེས་དང་། ཙཽ་རཱི་དམར་མོ་ཞགས་པ་ཐོགས་པས་མགྲིན་པ་ལ་རེག་པས་ཡེ་ཤེས་པ་རྣམས་སྨིན་མཚམས་ནས་ཐིམ། མཐེའུ་ཆུང་དང་མཛུབ་མོ་ཕན་ཚུན་སྦྲེལ་ཏེ། ༀ་བཛྲ་བེ་ཏཱ་ལཱི་བཾ། ཞེས་དང་། བེ་ཏཱ་ལཱི་སེར་མོ་ལྕགས་སྒྲོག་ཐོགས་པས་ཞབས་ལ་རེག་པས་དམ་ཚིག་པ་ལ་ཡེ་ཤེས་པ་འདྲེས། ཁུ་ཚུར་བཅངས་པའི་མཁྲིག་མ་གཉིས་བསྣོལ་ཏེ། ༀ་བཛྲ་གྷ་སྨ་རཱི་ཝ་ཤཾ་ཀུ་རུ་ཧོཿ ཞེས་དང་། གྷ་སྨ་རཱི་ལྗང་གུ་དྲིལ་བུ་ཐོགས་པས་ཕྱི་ནང་ཀུན་ཏུ་དྲིལ་བུའི་སྒྲ་བྱུང་བས་དམ་ཚིག་པ་རྣམས་ཡེ་ཤེས་པའི་ངོ་བོར་གྱུར་པར་བསམ། སླར་ཡང་རང་གི་སྙིང་གའི་ཧཱུྃ་ལས་འོད་འཕྲོས་པས། དབང་གི་ལྷ་དེ་བཞིན་གཤེགས་པ་རིགས་ལྔ་ཡུམ་བཞི། བྱང་ཆུབ་སེམས་དཔའ་བརྒྱད། ལྷ་མོ་དྲུག །ཁྲོ་བོ་བཅུ་དང་བཅས་པ་ༀ་བཛྲ་ས་མཱ་ཛཿ། གོང་ལྟར་མཆོད། སྤྲོ་ན། ཞེ་སྡང་རྡོ་རྗེར་ཕྱག་འཚལ་བསྟོད། གཏི་མུག་རྡོ་རྗེར་ཕྱག་འཚལ་བསྟོད། །སེར་སྣ་རྡོ་རྗེ་བདག་ལ་གསོལ། །འདོད་ཆགས་རྡོ་རྗེ་བདག་ལ་སྐྱོབས། །ཡིད་དང་ཕྲག་དོག་ཆེན་པོ་ཀུན། །རྡོ་རྗེ་ཀུན་གྱི་དམ་ཚིག་མཆོག །ལས་རྣམས་ཐམས་ཅད་སྒྲུབ་བྱེད་པ། །རྡོ་རྗེ་ཅན་ཀུན་བདག་དགེས་མཛོད། །ཅེས་བསྟོད། བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་རང་བཞིན་ཅན་རྣམས་ཀྱི། །ཁྱེད་ཀྱིས་བདག་ལ་དབང་བསྐུར་སྩོལ། །ཞེས་གསོལ་བ་བཏབ་པས། དེ་བཞིན་གཤེགས་པ་དེ་རྣམས་ཧེ་རུ་
― LT14_Page_072A ―
[མ་དཔེ་གཟིགས་ན་འདིར་གནོན།]
ཀའི་གཟུགས་སུ་གྱུར་ནས་རིན་པོ་ཆེའི་བུམ་པ་བདུད་རྩིས་གང་བ་ཐོགས་ཏེ། སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་པ། །རྡོ་རྗེའི་དབང་བསྐུར་ཆེན་པོ་སྦྱིན། །ༀ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་གསུང་ཞིང་དེ་བཞིན་གཤེགས་པ་རྣམས་ཀྱིས་དབང་བསྐུར། རིག་མ་རྣམས་ཀྱིས་རྡོ་རྗེའི་གླུ་ལེན། བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་བརྗོད། ཁྲོ་བོ་རྣམས་ཀྱིས་བགེགས་བསྐྲད། ལྷ་མོ་རྣམས་ཀྱིས་མཆོད་པ་དང་བཅས་ཏེ་དབང་བསྐུར་བས། དབང་གི་ཆུ་རྒྱུན་དེས་སྨིན་མཚམས་ཡན་ཆད་གང་། བུམ་པའི་དབང་ཐོབ། ལུས་ཀྱི་དྲི་མ་དག །སྤྱི་བོའི་འཁོར་ལོ་མི་བསྐྱོད་པ། རྣ་ཆའི་བདག་ཉིད་འོད་དཔག་མེད། །མགུལ་གྱི་ཕྲེང་བ་རིན་ཆེན་བདག །ལག་པ་རྣམ་པར་སྣང་མཛད་བརྗོད། །སྐ་རག་ས་ནི་དོན་ཡོད་གནས། །ཡན་ལག་ཀུན་ལ་རྡོར་འཛིན་མགོན། །དབང་གི་ཆུ་རྒྱུན་དེས་མགྲིན་པ་ཡན་ཆད་གང་། གསང་བའི་དབང་ཐོབ། ངག་གི་དྲི་མ་དག །ལྟེ་བ་སྤྲུལ་པའི་འཁོར་ལོ་ཨེ་ལས་ཀྱི་ཕྱག་རྒྱ། སྙིང་ག་ཆོས་ཀྱི་འཁོར་ལོ་ཧཱུྃ་ཆོས་ཀྱི་ཕྱག་རྒྱ། མགྲིན་པ་ལོངས་སྤྱོད་ཀྱི་འཁོར་ལོ་ༀ་ཕྱག་རྒྱ་ཆེན་པོ། །སྤྱི་བོ་བདེ་བ་ཆེན་པོའི་འཁོར་ལོ་ཧཾ་དམ་ཚིག་གི་ཕྱག་རྒྱ། དབང་གི་ཆུ་རྒྱུན་དེས་སྙིང་ག་ཡན་ཆད་གང་། ཤེས་རབ་ཡེ་ཤེས་ཀྱི་དབང་ཐོབ། སེམས་ཀྱི་དྲི་མ་དག །མིག་ཏུ་གཏི་མུག་རྡོ་རྗེ་མ། རྣ་བར་ཞེ་སྡང་རྡོ་རྗེ་མ། སྣ་ལ་སེར་སྣ་རྡོ་རྗེ་མ། ཁ་ལ་འདོད་ཆགས་རྡོ་རྗེ་མ། ལུས་ལ་ཕྲག་དོག་རྡོ་རྗེ་མ། ཡིད་ལ་བདག་མེད་རྣལ་འབྱོར་མ། སྤྱི་བོར་སྐུ་རྡོ་རྗེ་མ། མགྲིན་པར་གསུང་རྡོ་རྗེ་མ། ཐུགས་ཀར་ཐུགས་རྡོ་རྗེ་མ། དབང་གི་ཆུ་རྒྱུན་དེས་རྐང་མཐིལ་ཡན་ཆད་གང་། དབང་བཞི་པ་ཐོབ། ལུས་ངག་ཡིད་གསུམ་གྱི་དྲི་མ་དག །
― LT14_Page_072B ―
[མ་དཔེ་གཟིགས་ན་འདིར་གནོན།]
ཆུའི་ལྷག་མ་ཡར་ལུད་པ་ལས་གཙོ་བོ་ཡབ་ཡུམ་གཉིས་གཽ་རཱི་དང་པུཀྐ་སི་ལ་མི་བསྐྱོད་པ། ཙཽ་རཱི་དང་ཤ་ཝ་རི་ལ་རྣམ་པར་སྣང་མཛད། བེ་ཏཱ་ལཱི་དང་ཙཎྜ་ལཱི་ལ་རིན་ཆེན་འབྱུང་ལྡན། གྷ་སྨ་རཱི་དང་ཌཾ་བི་ནཱི་ལ་འོད་དཔག་མེད་ཀྱིས་དབུར་བརྒྱན། ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། བདུད་རྩི་དངོས་སུ་འབྱོར་རམ་བསམས་ཀྱང་རུང་སྟེ། ༀ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ༀ་སྭ་བྷཱ་ཝ་ཤུདྡྷཿ སརྦ་དྷརྨཱསྭ་བྷཱ་ཝ་ཤུདྡྷོ་྅་ཧཾ། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སྔོན་པོ་གཞུ་བདུངས་པ་ལྟ་བུ་བ་དན་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་གྲུ་གསུམ་དམར་པོ་འབར་བས་མཚན་པ། དེའི་སྟེང་དུ་ཨ་ལས་ཐོད་པ་དཀར་པོ་དུམ་བུ་གསུམ་པ་དཔྲལ་བ་རང་ལ་བསྟན་པ། དེའི་སྟེང་དུ་ཨ་ལས་ཟླ་བའི་དཀྱིལ་འཁོར། དེའི་སྟེང་དུ་ཤར་དུ་གོ་ལས་བ་ལང་གི་ཤ །ལྷོར་ཀུ་ལས་ཁྱིའི་ཤ །ནུབ་ཏུ་ད་ལས་རྟའི་ཤ །བྱང་དུ་ཧ་ལས་གླང་པོ་ཆེའི་ཤ །དབུས་སུ་ན་ལས་མིའི་ཤ །ཤ་དེ་རྣམས་རེ་རེའི་སྟེང་དུ་ཡང་། ཤར་དུ་བྷྲཱུཾ་ལས་དྲི་ཆེན། ལྷོར་ཨཱཾ་ལས་རཀྟ། ནུབ་ཏུ་ཛྲཱིཾ་ལས་བྱང་སེམས། བྱང་དུ་ཁཾ་ལས་ཤ་ཆེན་གྱི་དྭངས་མ། དབུས་སུ་ཧཱུྃ་ལས་དྲི་ཆུ། དེ་རྣམས་ཀྱི་སྟེང་དུ་ཤར་དུ་བྷྲཱུཾ་མེ་ལོང་ལྟ་བུའི་ཡེ་ཤེས། ལྷོར་ཨཱཾ་མཉམ་པ་ཉིད་ཀྱི་ཡེ་ཤེས། ནུབ་ཏུ་ཛྲཱིཾ་སོ་སོར་རྟོག་པའི་ཡེ་ཤེས། བྱང་དུ་ཁཾ་བྱ་བ་གྲུབ་པའི་ཡེ་ཤེས། དབུས་སུ་ཧཱུྃ་ཆོས་ཀྱི་དབྱིངས་ཀྱི་ཡེ་ཤེས། ཟླ་བའི་མཐར་གཡོན་སྐོར་གྱིས་ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ༀ་ཨཱཿ གཡས་སྐོར་གྱིས་ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། དེ་རྣམས་ཀྱི་སྟེང་གི་ནམ་མཁའ་ལ་ༀ་དཀར་པོ་མགོ་བོ་ཐུར་དུ་བལྟས་པ། དེའི་སྟེང་དུ་རཾ་ལས་ཉི་མའི་དཀྱིལ་
― LT14_Page_073A ―
[མ་དཔེ་གཟིགས་ན་འདིར་གནོན།]
འཁོར། དེའི་སྟེང་དུ་ཧཱུྃ་ལས་རྡོ་རྗེ་དཀར་པོ་རྩེ་ལྔ་པ་ལྟེ་བ་ལ་ཧཱུྃ་གིས་མཚན་པ། རྡོ་རྗེའི་ལྟེ་བའི་ཧཱུྃ་ལས་འོད་ཟེར་འོག་ཏུ་འཕྲོས་པས་རླུང་གི་བ་དན་ལ་ཕོག་པས་རླུང་གཡོས་མེ་སྦར་བས་ཤ་ལྔ་བདུད་རྩི་ལྔ་རྣམས་སྐོལ་ཞིང་འོད་དུ་ཞུ་བའི་རླངས་པ་གྱེན་ལ་སོང་བས། ༀ་དང་རྡོ་རྗེའི་ལྟེ་བའི་ཧཱུྃ་ལ་ཕོག་པས་བདུད་རྩིའི་རྒྱུན་འཛག །ཡང་ཧཱུྃ་ལས་འོད་ཟེར་ཕྱོགས་བཅུར་འཕྲོས་པས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡང་དག་པའི་ཡེ་ཤེས་ཀྱི་བདུད་རྩི་རྣམས་ཧེ་རུ་ཀ་ཕྱག་གཉིས་པའི་རྣམ་པར་བྱོན་ཏེ། རྡོ་རྗེ་ལྟེ་བའི་ཧཱུྃ་ལ་ཐིམ་པས་རྡོ་རྗེ་ལྗིད་དང་ལྡན་པར་གྱུར། རྡོ་རྗེ་ཉི་མ་ༀ་དང་བཅས་པ་ཐོད་པའི་ནང་དུ་ལྷུང་བ་འོད་དུ་ཞུ་ནས་སྔར་གྱི་བདུད་རྩི་རྣམས་དང་གཉིས་སུ་མེད་པར་གྱུར་ཏེ་ཁ་དོག་དང་དྲི་དང་རོ་དང་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ༀ་ཨཱཿཧཱུྃ་ཧ་ཧོ་ཧྲཱིཿ ཞེས་ལན་གསུམ་བརྗོད་པས་བྱིན་གྱིས་བརླབས་པ་གཡོན་པའི་སྲིན་ལག་གིས་བླངས་ཏེ་མྱང་ལ། ལྷ་རྣམས་ཀྱིས་ལྗགས་རྡོ་རྗེའི་སྦུ་གུ་ཅན་གྱིས་གསོལ་བས་བདེ་བས་ཚིམ་པར་བསམས་ཏེ། ༀ་སརྦ་ཏ་ཐཱ་ག་ཏ་ཨ་མྲྀ་ཏ་སྭཱ་བྷཱ་ཝ་ཨཱཏྨ་་ཀོ྅་ཧཾ། རང་གི་སྙིང་ག་ནས་སྤྲུལ་པའི་ལྷ་མོ་རྣམས་ཀྱིས་མཆོད་པར་བསམས་ཤིང་། དཀར་མོ་རི་དགས་སོགས་ནས་འཁྱུད་པ་ཉིད། ༀ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ལྷ་མོ་དེ་རྣམས་ཀྱིས་བསྟོད་པར་བསམས་ལ། ཁྱོད་ནི་རྣལ་འབྱོར་མ་ཚོགས་ཡོངས་སུ་བསྐོར། །ཁྱོད་ནི་ཉིད་ཀྱི་ཐུགས་ཀྱི་མཆོག་བརྙེས་པ། །ཁྱོད་ཀྱིས་རྒྱུ་དང་མི་རྒྱུའི་འགྲོ་བ་ཀུན་བརྒྱན་ཏེ། །སྙིང་རྗེའི་ཐུགས་ཀྱིས་སེམས་ཅན་སད་མཛད་པ། །སྒྱུ་མའི་སྤྲོས་པ་རྡོ་རྗེ་བསྒྲུབ་པའི་ཡིད། །ཧེ་རུ་ཀ་དཔལ་རྡོ་རྗེ་ཡིད་ཀྱིས་དགེས། །ༀ་སརྦ་ཏ་ཐཱ་ག་ཏ་སྟུ་ཏི་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་དེ་ཡན་ཆད་རྣམ་རྟོག་གཞན་གྱིས་བར་མ་ཆོད་པར་བསྒོམས་ལ། རྟེན་དང་བརྟེན་པ་སྣང་ལ་རང་བཞིན་མེད་པ་སྒྱུ་མ་ལྟ་བུ་ལ་སེམས་གཟུང་། དེ་ལ་
― LT14_Page_073B ―
[མ་དཔེ་གཟིགས་ན་འདིར་གནོན།]
བརྟན་པ་མ་རྫོགས་པའི་རིམ་པ་བླ་མ་ལས་ཇི་ལྟར་ཐོབ་པ་ལྟར་ཉམས་སུ་བླང་ངོ་། །དག་པ་དྲན་པ་ནི། སྙིང་རྗེའི་སྤྱན་ནི་དམར་པོ་ལ། །བྱམས་པའི་ཐུགས་ལ་ཡན་ལག་གནག །བསྡུ་བའི་དངོས་པོ་བཞི་ཡིས་ནི། །ཞབས་ནི་རྣམ་པ་བཞི་ཞེས་བརྗོད། །ཞལ་བརྒྱད་རྣམ་པར་ཐར་པ་བརྒྱད། །ཕྱག་ནི་སྟོང་པ་བཅུ་དྲུག་ཉིད། །གུག་སྐྱེད་ཀྱིས་ནི་སངས་རྒྱས་ལྔ། །གདུག་པ་འདུལ་ཕྱིར་ཁྲོ་བོ་ཉིད། །དེ་ཉིད་གསུམ་ནི་སྤྱན་གསུམ་པོ། །ཤ་ནི་པུཀྐ་སཱི་རུ་བརྗོད། །དེ་བཞིན་ཁྲག་ནི་རི་ཁྲོད་མ། །གདོལ་པ་མོ་ནི་ཁུ་བར་བརྗོད། །གཡུང་མོ་རྐང་དང་ཚིལ་བུ་དག །པགས་པ་བྱང་ཆུབ་ཡན་ལག་བདུན། །རུས་པ་བདེན་པ་བཞི་པོ་ཉིད། །ཅེས་བརྗོད། རྒྱས་པ་ལ་སྤྲོ་ན། གློ་དང་དབུགས་དང་དེ་བཞིན་སྨྱོ། །ཁོང་སྐམ་མཛེ་དང་བིརྫི་ཀ །མཆིན་པ་མཚེར་པའི་ནད་རྣམས་ལ། །གླང་པོ་ལ་སོགས་རིམ་ཤེས་བྱ། །ས་ནི་དང་པོ་ནོར་འཛིན་མཐར། །དབང་ཕྱུག་བརྒྱད་ནི་སྩོལ་བར་མཛད། །སྤྱི་བོའི་འཁོར་ལོ་མི་བསྐྱོད་པ། །ཞེས་སོགས་གོང་ལྟར་དང་། བཅོམ་ལྡན་འདས་ནི་ཆོས་ཀྱི་དབྱིངས་ཀྱི་ཡེ་ཤེས། གཽ་རཱི་ནི་མེ་ལོང་ལྟ་བུའི་ཡེ་ཤེས། ཙཽ་རཱི་ནི་མཉམ་པ་ཉིད་ཀྱི་ཡེ་ཤེས། བེ་ཏཱ་ལཱི་ནི་སོ་སོར་རྟོག་པའི་ཡེ་ཤེས། གྷསྨ་རཱི་ནི་བྱ་བ་གྲུབ་པའི་ཡེ་ཤེས། པུཀྐ་སཱི་ནི་བྱམས་པ་ཚད་མེད་པ། ཤ་བ་རཱི་ནི་སྙིང་རྗེ་ཚད་མེད་པ། གདོལ་པ་མོ་ནི་དགའ་བ་ཚད་མེད་པ། གཡུང་མོ་ནི་བཏང་སྙོམས་ཚད་མེད་པ། གཞལ་ཡས་ཁང་ནི་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་རྣམ་པར་དག་པ། དུར་ཁྲོད་བརྒྱད་ནི་སྣ་བུག་གཅིག་ཏུ་བསྡམས་པའི་ལུས་ཀྱི་བུ་ག་རྣམ་པར་དག་པའོ། །གཟུགས་ཕུང་རྡོ་རྗེ་མ་ཡིན་ཏེ། །ཚོར་བ་ལ་ནི་དཀར་མོར་བཤེད། །འདུ་ཤེས་ཆུ་ཡི་རྣལ་འབྱོར་མ། །འདུ་བྱེད་རྡོ་རྗེ་མཁའ་འགྲོ་མ། །རྣམ་ཤེས་ཕུང་པོའི་ཚུལ་གྱིས་ནི། །བདག་མེད་
― LT14_Page_074A ―
[མ་དཔེ་གཟིགས་ན་འདིར་གནོན།]
རྣལ་འབྱོར་མ་གནས་སོ། །ས་ནི་པུཀྐ་སཱི་ཞེས་བརྗོད། །ཆུ་ཁམས་རྔོན་པ་མ་ཞེས་བརྗོད། །མེ་ནི་གཏུམ་མོར་ཤེས་པར་བྱ། །རླུང་ནི་གཡུང་མོར་རབ་ཏུ་གྲགས། །ཞེ་སྡང་ཞེས་བཤད་རྡོ་རྗེ་མ། །འདོད་ཆགས་ཆུ་ཡི་རྣལ་འབྱོར་མ། །ཕྲག་དོག་རྡོ་རྗེ་མཁའ་འགྲོ་མ། །སེར་སྣ་གསང་བའི་དཀར་མོ་ཉིད། །གཏི་མུག་དེ་བཞིན་རྡོ་རྗེར་བཤད། །མིག་ལ་གཏི་མུག་རྡོ་རྗེ་མ། །ཞེས་སོགས་ནས། ཡིད་ལ་བདག་མེད་རྣལ་འབྱོར་མ། །གཟུགས་ལ་དཀར་མོར་རྟག་ཏུ་བཤད། །སྒྲ་ལ་ཆོམ་རྐུན་མར་རབ་གྲགས། །དྲི་ཡི་ཆ་ལ་རོ་ལངས་མ། །རོ་ལ་གྷསྨ་རཱི་རབ་གྲགས། །རེག་ལས་ས་སྤྱོད་མ་ཞེས་བརྗོད། །ཆོས་ཀྱི་དབྱིངས་ལ་མཁའ་སྤྱོད་མ། །ཞེས་བརྗོད་ཅིང་དོན་ཡིད་ལ་དྲན་པར་བྱའོ། །དག་པ་དྲན་པ་འདི་འོག་སྤྱོད་ལམ་གྱི་རྣལ་འབྱོར་གྱི་ཐོག་མར་བྱས་ཀྱང་ཉེས་པ་མེད་དོ། །བཟླས་པའི་རྣལ་འབྱོར་ནི། དུས་རྒྱུན་དུ་དཀྱིལ་འཁོར་བསྡུས་ནས་གཙོ་བོ་ཡབ་ཡུམ་གྱི་ང་རྒྱལ་གྱིས་བྱས་ཀྱང་གཏུབ། བསྙེན་པ་ལ་སོགས་པའི་ཚེ་སྐབས་འདི་ཁོ་ནར་བྱ་སྟེ། དེ་ཡང་ཡུམ་གྱི་ཐུགས་ཀའི་ཨཾ་ལས་སྔགས་ཀྱི་ཕྲེང་བ་བྱུང་ཞལ་ནས་འཐོན་ཡབ་ཀྱི་ཞལ་དུ་ཞུགས་སྐུའི་དབྱིབ་བརྒྱུད་རྡོ་རྗེའི་ལམ་ནས་བྱུང་སྟེ་ཡུམ་གྱི་པདྨར་ཞུགས། སྐུའི་དབྱིབས་བརྒྱུད་དེ་ཡུམ་གྱི་ཞལ་ནས་ཡབ་ཀྱི་ཞལ་དུ་ཞུགས་ཏེ་རྒྱུན་མི་འཆད་པར་འཁོར་བ་ལས། ལས་དང་མཐུན་པའི་འོད་ཟེར་འཕྲོས་པས་ལྷ་རྣམས་དབང་དུ་འདུས་པར་བསམས་ལ། བྱིན་གྱིས་བརླབས་པའི་ཕྲེང་བ་བཟུང་སྟེ། ༀ་ཨཱཥྚཱ་དབང་སྔགས་བརྒྱད་པའི་ཞལ་ཅན་ལ།ན་ནཱ་ཡ། པིངྐ་དམར་སེར་དབུ་སྐྲ་གྱེན་བརྫེས་ལ།ལོ་རྡྷཱ་ཀེ་ཤ་ཝ་ནེ། ཙ་ཏུ་ཏི་ནེ་ཏྲཱ་ཡ། ཉི་ཤུ་རྩ་བཞིའི་སྤྱན་ལྡན་ལ། ཥོ་ཌ་ཤ་བྷུ་ཛཱ་ཡ། བཅུ་དྲུག་པ་ཡི་ཕྱག་ཅན་ལ། ཀྲིཥྞ་ཛཱི་མཱུ་ཏ་ཝ་པུ་ཥེ། ཆར་སྤྲིན་ལྟར་གནས་སྐུ་ཅན་ལ། ཀ་པཱ་ལ་མཱ་ལཱ་ནེ་ཀཱ་དྷཱ་རི་ཎེ། ཐོད་ཕྲེང་དུ་མའི་འཛིན་པ་ལ། ཨདྷྨཱ་ཏ་ཀྲཱུར་ཙིཏྟཱ་
― LT14_Page_074B ―
[མ་དཔེ་གཟིགས་ན་འདིར་གནོན།]
ཡ། ཁོང་ནས་འཁྲུགས་པའི་ཐུགས་ཅན་ལ། ཨརྡྷེནྡུ་དཾ་ཥྚཱི་ཎེ། ཟླ་ཕྱེད་ལྟ་བུའི་མཆེ་གཙིགས་ལ། མཱ་ར་ཡ་མཱ་ར་ཡ། གསོད་ཅིག་གསོད་ཅིག །ཀཱ་ར་ཡ་ཀཱ་ར་ཡ། གྱིས་ཤིག་གྱིས་ཤིག །གརྫྫ་ཡ་གརྫྫ་ཡ། སྒྲོགས་ཤིག་སྒྲོགས་ཤིག །ཏརྫྫ་ཡ། ཏརྫྫ་ཡ། རྟོགས་ཤིག །རྟོགས་ཤིག །ཤོ་ཥ་ཡ་ཤོ་ཥ་ཡ། སྒོམས་ཤིག་སྒོམས་ཤིག །སཔྟ་སཱ་ག་རཱ་ན། མཚོ་བདུན་རྣམས། བནྡྷ་བནྡྷ། ཆིངས་ཤིག་ཆིངས་ཤིག ། ནཱ་གཱཥྚ་ཀཱ་ན། ཀླུ་བརྒྱད་རྣམས། གྲཧྞ་གྲཾཧྞ། ཟུང་ཤིག་ཟུང་ཤིག །ཤ་ཏྲཱུན། དགྲ་བོ་རྣམས། ཧ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧོ་ཧཽ་ཧཾ། ཧཿཕཊཿསྭཱ་ཧཱ། བོས་ཤིག་ལེགས་པ་སྦྱིན། ༀ་དེ་ཝ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ལྷ་འཇམ་པའི་རྡོ་རྗེ། ༀ་བཛྲ་ཀ་རི་ཧེ་བཛྲཱ་ཡ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཡབ་ཀྱི་རྩ་སྔགས་སྙིང་པོ་ཉེ་སྙིང་ངོ་། །ༀ་ཨཱཿ ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཧཱུྃ་ཕཊ་སྭཱ་ཧཱ། ཨཾ་ཨཱཿཨཾ་ཧཱུྃ་ཕཊ་སྭཱ་ཧཱ། ༀ་ཨཱཿནྂ་བཛྲ་ནཻ་རཱཏྨཱ། རྡོ་རྗེ་གྲི་གུག །ཀྱེ་རྡོ་རྗེ། ཡ་ཧཱུྃ་ཕཊ་སྭཱ་ཧཱ། རྣལ་འབྱོར་མ་རྣམས་དང་ཡུམ་གྱིའོ། །ༀ་ཨཱཿགཾ་ཧཱུྃ་ཕཊ་སྭཱ་ཧཱ། ༀ་ཨཱཿགཾ་བཛྲ་གཽ་རཱི་ཧཱུྃ་ཕཊ་སྭཱ་ཧཱ། ༀ་ཨཱཿཙཾ་ཧཱུྃ་ཕཊ་སྭཱ་ཧཱ། ༀ་ཨཱཿཙཾ་བཛྲ་ཙཽ་རཱི་ཧཱུྃ་ཕཊ་སྭཱ་ཧཱ། ༀ་ཨཱཿབཾ་ཧཱུྃ་ཕཊ་སྭཱ་ཧཱ། ༀ་ཨཱཿབྂ། རྡོ་རྗེ་བདག་མེད་མ་ཡི་ཆེད། བཛྲ་བེ་ཏཱ་ལཱི་ཧཱུྃ་ཕཊ་སྭཱ་ཧཱ། ༀ་ཨཱཿགྷཾ་ཧཱུྃ་ཕཊ་སྭཱ་ཧཱ། ༀ་ཨཱཿགྷཾ་བཛྲ་གྷསྨ་རཱི་ཧཱུྃ་ཕཊ་སྭཱ་ཧཱ། ༀ་ཨཱཿསཾ་ཧཱུྃ་ཕཊ་སྭཱ་ཧཱ། ༀ་ཨཱཿསཾ་བཛྲ་པུཀྐ་སཱི་ཧཱུྃ་ཕཊ་སྭཱ་ཧཱ། ༀ་ཨཱཿཤཾ་ཧཱུྃ་ཕཊ་སྭཱ་ཧཱ། ༀ་ཨཱཿཤཾ་བཛྲ་ཤ་ཝ་རི་ཧཱུྃ་ཕཊ་སྭཱ་ཧཱ། ༀ་ཨཱཿལཾ་ཧཱུྃ་ཕཊ་སྭཱ་ཧཱ། ༀ་ཨཱཿལཾ་བཛྲ་ཙཎྜ་ལི་ཧཱུྃ་ཕཊ་སྭཱ་ཧཱ། ༀ་ཨཱཿཌཾ་ཧཱུྃ་ཕཊ་སྭཱ་ཧཱ། ༀ་ཨཱཿཌཾ་བཛྲ་ཌོཾ་བི་ནི་ཧཱུྃ་ཕཊ་སྭཱ་ཧཱ། འཁོར་གྱི་སྟེ་ཡབ་ཡུམ་ལ་ཇི་ཙམ་ཟློས་པའི་བཅུ་ཆ་བཟླས་ལ། ཐལ་མོ་སྦྱར་ཏེ། བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱིས་བདག་དང་སེམས་ཅན་ཐམས་ཅད་ལ་བྱིན་གྱིས་བརླབ་ཏུ་གསོལ། མྱུར་ཏུ་ཕྱག་རྒྱ་ཆེན་པོ་མཆོག་གི་དངོས་གྲུབ་སྙིང་པོ་ཀྱཻ་རྡོ་རྗེའི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། ཞེས་བརྗོད། གོང་དུ་དཀྱིལ་འཁོར་བ་བསྡུས་ན།
― LT14_Page_075A ―
[མ་དཔེ་གཟིགས་ན་འདིར་གནོན།]
རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དུ་ཞུ་ནས་སྲུང་བའི་འཁོར་ལོ་ལ་ཐིམ། སྲུང་བའི་འཁོར་ལོ་དུར་ཁྲོད་བརྒྱད་ལ། དུར་ཁྲོད་བརྒྱད་གཞལ་ཡས་ཁང་ལ། གཞལ་ཡས་ཁང་ལྷ་མོ་བརྒྱད་ལ། ལྷ་མོ་བརྒྱད་ཞལ་བརྒྱད་ལ་ཐིམ་པར་བསམས་པ། ཐོ་རང་ཀྱི་ཐུན་མ་ཡིན་པའི་ཐུན་གཞན་གསུམ་གྱི་རྗེས་སམ། གཏོར་མ་དང་འབྲེལ་ན་དེའི་རྗེས་སུ།ཀལྤ་ཀྲེལླའི་རིང་གནས་རྡོ་རྗེ་དང་།ཨི་རཱེཨ་བོ་ལཱ། མུམྨུ་མམྨུ་ནི་རག་ནས་པདྨའོ།ཎི་རེ་ཀཀྐོ་ལཱ། གྷ་ཀྱེ་རྟ་ཚོགས་སུ་ཅང་ཏེའུ་དཀྲོལ།ཎེ་ཀྲྀ་བིཊ་ཧོ་ཨི། ཀ་སྙིང་རྗེསཀུ་ཙ་མི་བྱའོ། རུ་ཎེ་ཀི་ཨ་ཨི་ན་རོ་ལཱ། ཏ་དོ་རུ་ཤ་རི་བཟའ་བར་བྱ།ཧིཾ་བ་ལ་ཁཱ་ཛྫ་ཨི། གཱཥྷེཾ་འབད་པས་ཆང་ནི་བཏུང་བར་བྱ།མ་ཨ་ཎཱ་བིཛྫ་ཨི། ཧ་ཀྱེ་ཧོ་སྐལ་ལྡན་གཞུག་པར་བྱ།ལེ་ཀཱ་ལིཉྫར་པ་ཎི་ཨ་ཨི། དུནྟུ་སྐལ་མེད་རྣམས་ནི་སྤང་བར་བྱ། ར་བཱཛྫི་ཨ་ཨ། ཙ་བཞི་མཉམ་ཀླ་ཙི་ཏུ་ཨུས་མ་ཀཙྪུ་རཱི་སི་ཧླཱ། ཀཱ་ག་བུར་རྣམས་ནི་བྱུག་པར་བྱ།པྤུ་ར་ལཱ་ཨི་ཨ་ཨི། མཱ་ཚོད་མ་དང་ནི་ཤ་ཆེན་པོ། ལ་ཨིནྡྷ་ཎ་སཱ་ལིཉྫ། ཧ་ཧིཾ་དེར་ནི་མང་དུ་བཟའ་བར་བྱ། བྷ་རུ་ཁ་ཨི་ཨ་ཨི། ཕྲེ་ཁ་འོང་བ་དང་ནི་འགྲོ་བ་བྱ།ཎ་ཁ་ཊ་ཀར་ནྟ། ཤུངྔྷ་དག་དང་མ་དག་དམིགས་མི་བྱ། ཨ་མུ་ཎི་ཨ་ཨི། ནི་རུས་པའི་རྒྱན་ནི་ལུས་ལ་གདགས། རཾ་སུ་ཨཾ་གེ་ཙ་ཌཱ་ཝི། ཏ་ཧིཾ་ཛ་དེར་ནི་སྐྱེས་པའི་རོ་བཞུག་བྱ། ས་རཱ་ཝ་ས་ཎི་ཨ་ཨི། མ་ལ་འདུ་བར་འཁྲིག་ལ་འཇུག་པར་བྱ། ཨ་ཛེ་ཀུན་དུ་རུ་བཱ་ཏ་ཨི། ཌི་ཎྜི་མ་ཏ་ཧིནྣ་བཱ་ཛྫ་ཨ་དེར་ནི་རེག་མིན་སྤང་མི་བྱ། ཨི། ཞེས་རྡོ་རྗེའི་གླུ་བླང་། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྒྱས་པ་འདབ་འདྲའི་སྤྱན་མངའ་བ། །དེ་ནི་འཇིག་རྟེན་དགེ་བའི་བཀྲ་ཤིས་དང་པོ་ཡིན། །དེ་ཡེས་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་དགུ་རྣམས་ལ་ཞི་བྱེད་པ། །དེ་ནི་འཇིག་རྟེན་དགེ་བའི་བཀྲ་ཤིས་གཉིས་པའོ། །དགེ་འདུན་དམ་པ་ཆོས་ལྡན་ཐོས་པའི་བཀྲ་ཤིས་ཕྱུག །མི་དང་ལྷ་དང་ལྷ་མ་ཡིན་གྱིས་
― LT14_Page_075B ―
[མ་དཔེ་གཟིགས་ན་འདིར་གནོན།]
མཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །དེ་ནི་འཇིག་རྟེན་དགེ་བའི་བཀྲ་ཤིས་གསུམ་པ་ཡིན། །ཞེས་བཀྲ་ཤིས་བརྗོད། རིགས་སུ་སྐྱེ་དང་དམ་ཚིགས་ཅན། །སྨྱོ་མེད་ཀྱཻ་ཡི་རྡོ་རྗེ་སྟོན། །བླ་མ་ལ་གུས་སྙིང་རྗེར་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པས་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང་། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་སྐྱོན་མེད་པར། །གང་གིས་ལམ་གྱིས་གྲོལ་འགྱུར་པ། །དེ་ཡིས་སངས་རྒྱས་མྱུར་ཐོབ་ཤོག །ཅེས་སྨོན་ལམ་བཏབ། སྤྱོད་ལམ་ལ་འཇུག་པའི་ཚེ་རང་གཙོ་བོ་ཡབ་ཡུམ་གྱི་ང་རྒྱལ་གྱིས་ཡུལ་དང་ཡུལ་ཅན་ཐམས་ཅད་ལྷའི་འཁོར་ལོར་ཤེས་པར་བྱས་སྡང་ཞེན་མེད་པར་ལོངས་སྤྱད། ཁ་ཟས་ཟ་བའི་ཚེ་ཁ་ཟས་ལ་ལག་པ་གཡོན་པའི་མཐེབ་སྲིན་གྱིས་རེག་སྟེ། ༀ་ཨཱཿཧཱུྃ་ཞེས་པས་བཟའ་བཏུང་བདུད་རྩིར་བསམས་ལ། སྙིང་གའི་ཧཱུྃ་ལྷ་ཐམས་ཅད་ཀྱི་ངོ་བོ་མཆོད་པར་མོས་ཤིང་ཆགས་ཞེན་མེད་པར་བཟའ། ལྷག་མ། ༀ་ཨུ་ཙྪིཥྚ་བ་ལིཾ་ཏ་བྷཀྵ་སི་སྭཱ་ཧཱ། ཞེས་སེ་གོལ་གྱི་སྒྲ་དང་བཅས་ཏེ་ལྷག་མ་ལ་དབང་བའི་འབྱུང་པོ་ལ་སྦྱིན། ཁྱིམ་པ་ཡིན་ན་འདུ་ཤེས་གསུམ་ལྡན་གྱི་སྒོ་ནས་རྗེས་ཆགས་ཀྱི་རྣལ་འབྱོར་བྱ། ཉལ་བའི་ཚེ་ཡུམ་ཡབ་ལ། ཡབ་ཀྱི་ཞལ་ཕྱག་ལྷག་མ་རྣམས་རྩ་བའི་ཞལ་ཕྱག་ལ། དེའང་ཐུགས་ཀའི་ཧཱུྃ་ལ། ཧཱུྃ་གི་ཞབས་ཀྱུ་ཁོག་པ་ལ། ཁོག་པ་མགོ་བོ་ལ། མགོ་བོ་ཟླ་ཚེས་ལ། ཟླ་ཚེས་ཐིག་ལེ་ལ། ཐིག་ལེ་ནཱ་ད་ལ། མཐར་ནཱ་ད་ཡང་མི་དམིགས་པར་བསམས་ལ་འོད་གསལ་ལྷན་ཅིག་སྐྱེས་པ་འཛིན་པ་དང་བྲལ་བའི་ངང་དུ་ཉལ། ཐོ་རང་གཉིད་སད་པ་ན་ཆུ་ལས་ཉ་འཕར་བའི་ཚུལ་གྱིས་ལྷའི་ང་རྒྱལ་གྱིས་ལངས་ལ། སྲོད་ཐུན་གྱི་རྗེས་གྱི་རྡོ་རྗེའི་གླུ་དང་བཀྲ་ཤིས་སྨོན་ལམ་རྣམས་བྱ། ཁྲུས་བྱེད་ན་དབང་གི་སྐབས་ཇི་ལྟ་བ་བཞིན་ནམ། རྣལ་འབྱོར་རྒྱས་བསྡུས་གང་རིགས་ཀྱིས་ངག་ཏུ་ཡི་གེ་བརྒྱ་པ་བཟླ་ཞིང་བཀྲུས་པ། མཆོད་གཏོར་གྱི་རྣལ་འབྱོར་ལོགས་ནས་འབྱུང་བ་ལྟར་བྱས་ཏེ་ཐོ་རངས་ཀྱི་ཐུན་ལ་འཇུག་ལ་སོགས་གོང་བཞིན་དུ་བྱའོ། །དེ་ལྟར་རྣལ་འབྱོར་རྣམ་ལ་ས་བཅུ་བར་མ་ཆད་
― LT14_Page_076A ―
[མ་དཔེ་གཟིགས་ན་འདིར་གནོན།]
པར་ཉམས་སུ་བླང་ན་གནས་སྐབས་སུ་གྲུབ་མཐའ་རྣམས་རིམ་པས་སྙོགས་ཤིང་། མཐར་ཐུག་རྡོ་རྗེ་འཛིན་པའི་ས་མངོན་དུ་འགྱུར་བ་ནི་ངེས་པའོ། །ཁམས་དྲུག་ཡུལ་དྲུག་འགྲོ་དྲུག་དབང་པོ་དྲུག །ཁ་དོག་དྲུག་དང་ཕུང་པོ་དབྱིངས་བཅས་དྲུག །སྦྱངས་ནས་རྒྱལ་བ་རིགས་དྲག་ཐོབ་བྱེད་པའི། །སྒྲུབ་ཐབས་འདི་ནི་ཡན་ལག་དྲུག་པ་ཡིན། །དེ་ཡི་ངག་འདོན་མངོན་རྟོགས་མཛེས་རྒྱན་འདི། །བློ་ལྡན་སློབ་མ་མང་པོས་བསྐུལ་བའི་ངོར་། །རྗེ་བཙུན་གོང་མའི་གསུང་རབ་ལ་གཏུགས་ཏེ། །འདྲེན་མཆོག་བླ་མའི་དགོངས་པ་ཇི་བཞིན་བཀོད། །སྔགས་རྣམས་ཕལ་ཆེར་རྒྱ་དཔེ་དུ་མ་ལ། །གཏུགས་ཏེ་ཤིན་ཏུ་དག་པར་བགྱིས་པས་ན། །རིང་ཐུང་གཅོད་མཚམས་འདི་བཞིན་ཤེས་གྱིས་ལ། །དཔྱོད་ལྡན་རྣམས་ཀྱིས་དག་པར་ཉམས་སུ་ལོང་། །བདག་གིས་འབད་དེ་ལེགས་པར་དཔྱད་ན་ཡང་། །ཟབ་དོན་འབྱེད་ལ་བྱིས་བློ་མཐུ་ཆུང་བས། །ནོངས་པ་མཆིས་ན་བླ་མ་ལྷར་བཅས་ཀྱིས། །བཟོད་པ་མཛད་དེ་སྡིག་ཀུན་སྦྱང་དུ་གསོལ། །འདིར་འབད་དགེ་དང་དགེ་བཞན་ཅི་མཆིས་དེས། །འདྲེན་མཆོག་བླ་མའི་ཐུགས་དགོངས་རྫོགས་པ་དང་། །མཁའ་མཉམ་སེམས་ཅན་ཀུན་གྱི་དོན་བསྒྲུབ་ཕྱིར། །བདག་གིས་བླ་མེད་བྱང་ཆུབ་མྱུར་ཐོབ་ཤོག །དཔལ་ཀྱཻ་རྡོ་རྗེའི་མངོན་པར་རྟོགས་པ་འབྲིང་དུ་བྱ་བ་ཡན་ལག་དྲུག་པའི་མཛེས་རྒྱན་ཞེས་བྱ་བ་འདི་ནི། ཁྱབ་བདག་རྡོ་རྗེ་སེམས་དཔའི་ངོ་བོར་གྱུར་པ་འདྲེན་མཆོག་ཆོས་ཀྱི་རྒྱལ་པོ་རཏྣ་ཝརྡྷའི་ཞལ་སྔ་ནས་དང་། ཚད་མེད་ཐུགས་རྗེའི་མངའ་བདག་མུས་ཆེན་སངས་རྒྱས་རིན་ཆེན་དང་། །མཁྱེན་རབ་ཀྱི་དབང་ཕྱུག་ལོ་ཙཱ་བ་འཇམ་པའི་དབྱངས་ཆེན་པོ་ལ་སོགས་པ་ཡོངས་འཛིན་དམ་པ་སྤྲུལ་པའི་སྐུ་དུ་མའི་ཞབས་ཀྱི་རྡུལ་ཕྲན་རྙོག་པ་མེད་པ་གཙུག་གིས་བླངས་པ་ལ་བརྟེན་ནས། འཛམ་གླིང་བསྟན་པའི་མངའ་བདག་རྗེ་བཙུན་ས་སྐྱ་པ་ཡབ་སྲས་ཀྱི་གསུང་རབ་རིན་པོ་ཆེ་རྣམས་ཀྱི་ཚིག་དོན་ལ་ཤེས་
― LT14_Page_076B ―
[མ་དཔེ་གཟིགས་ན་འདིར་གནོན།]
ནས་དད་པ་ཐོབ་པ་མང་དུ་ཐོས་པའི་བཙུན་པ་དཀོན་མཆོག་ལྷུན་གྲུབ་ཀྱིས་ལས་དང་པོ་པ་རྣམས་འཇུག་པ་བདེ་བའི་ཆེད་དུ། མུས་ཆེན་སེམས་དཔའ་ཆེན་པོས་མཛད་པའི་སྒྲུབ་ཐབས་ཀྱི་ཡི་གེ་ལ་གཞི་བྱས། རྗེ་བཙུན་གོང་མ་ཡབ་སྲས་ཀྱི་གསུང་རབ་རྣམས་ལ་ཞུས་དག་གི་ཚུལ་དུ་གཏུགས་ཤིང་། བླ་མ་མཁས་པ་རྣམས་ཀྱི་གསུང་སྒྲོས་ཀྱིས་ཀྱང་བརྒྱན་ཏེ། ལྕགས་མོ་ཕག་གི་ལོ་སྟོན་ཟླ་འབྲིང་པོའི་ཡར་ཚེས་བཅུའི་ཉིན། རྗེ་བླ་མ་ཡབ་སྲས་གསུམ་གྱི་དུས་དྲན་གྱི་མཆོད་པར་དམིགས་ཏེ། དཔལ་ཨེ་ཝཾ་ཆོས་ལྡན་གྱི་གཙུག་ལག་ཁང་དུ་སྦྱར་བ་དགེ་ལེགས་མཆོག་ཏུ་གྱུར་ཅིག །འདིའི་རྒྱབ་བརྟེན་དུ་དཔལ་ས་སྐྱ་པ་ཡབ་སྲས་ཀྱི་གསུང་རབ་རྣམས་རྟོག་དཔྱོད་ཞིབ་མོས་བལྟ་བ་གལ་ཆེའོ། །སརྦ་མངྒ་ལམ།། །།
གདམས་ངག་མཛོད་པོད་ལྔ་པ།
དཔལ་ཀྱཻ་རྡོ་རྗེའི་གཏོར་ཆོག་མཛེས་རྒྱན།
― LT14_Page_077A ―
[མ་དཔེ་གཟིགས་ན་འདིར་གནོན།]
དཔལ་ཀྱཻ་རྡོ་རྗེའི་གཏོར་ཆོག་མཛེས་རྒྱན་བཞུགས་སོ།། །།
― LT14_Page_077B ―
[མ་དཔེ་གཟིགས་ན་འདིར་གནོན།]
ན་མཿ ནཱ་ཐ་རཏྣ་ཝརྡྷཱ་ཡ། དབང་ཐོབ་ཅིང་དམ་ཚིག་དང་ལྡན་པའི་སྒྲུབ་པ་པོས་ཡི་དམ་ཆོས་སྐྱོང་ལ་གཏོར་མ་འབུལ་བར་འདོད་པས། གནས་ཁང་བླ་རེ་དང་ཡོལ་བ་ལ་སོགས་པས་བརྒྱན། ཆོས་སྐྱོང་གི་བྲིས་སྐུ་ཡོད་ན་ཞལ་ཤར་རམ་ལྷོར་ཕྱོགས་པར་དགྲམ། དེའི་མདུན་དུ་སྟེགས་བུ་ཇི་ལྟར་རིགས་པ་རས་ལ་སོགས་པས་བཀབ་པའི་སྟེང་དུ་འབྲུ་སྣ་ཚོགས་གཅལ་དུ་བཀྲམ། དེའི་སྟེང་དུ་འཇིག་རྟེན་དང་འཇིག་རྟེན་ལས་འདས་པའི་གཏོར་མ་གཉིས་སམ་ལྔ་ལ་སོགས་པ་པདྨའི་དབྱིབས་ཅན་བསད་ཤ་མ་ཡིན་པའི་རྒྱན་སྣ་ཚོགས་ཀྱིས་བརྒྱན་པ་དང་། ཆུ་གཉིས་སྔོན་འགྲོའི་ཉེར་སྤྱོད་ལ་སོགས་པ་གཙང་ཞིང་བཀོད་པ་མཛེས་པར་བཤམ། རྣལ་འབྱོར་པ་རྣམས་ཀྱི་མདུན་དུ་རྡོ་རྗེ་དྲིལ་བུ་དང་ནང་མཆོད་ལ་སོགས་པ་ཉེ་བར་མཁོ་བའི་ཡོ་བྱད་རྣམ་ཀྱང་མ་ཚང་བ་མེད་པར་བཤམས་ལ། ལྷའི་རྣལ་འབྱོར་སྔོན་དུ་འགྲོ་བས་གཏོར་མ་ནང་མཆོད་ཆུ་ཆང་གིས་སྦྱངས་ལ་རྡོ་རྗེའི་རྩེས་ནང་མཆོད་ནས་གཏོར་ཏེ། ༀ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ༀ་སྭཱ་བྷཱ་ཝ་ཤུདྡྷཿསརྦྦ་དྷརྨ་ཿསྭ་བྷཱ་ཝ་ཤུདྡྷོ་྅་ཧཾ། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སྔོན་པོ་གཞུ་བདུངས་པ་ལྟ་བུ་བ་དན་གྱིས་མཚན་པ། དེའི་སྟེང་དུ་
― LT14_Page_078A ―
[མ་དཔེ་གཟིགས་ན་འདིར་གནོན།]
རཾ་ལས་མེའི་དཀྱིལ་འཁོར་གྲུ་གསུམ་དམར་པོ་འབར་བས་མཚན་པ། དེའི་སྟེང་དུ་ཨ་ལས་ཐོད་པ་དཀར་པོ་དུམ་བུ་གསུམ་པ་དཔྲལ་བ་རང་ལ་བསྟན་པ། དེའི་སྟེང་དུ་ཨ་ལས་ཟླ་བའི་དཀྱིལ་འཁོར། དེའི་སྟེང་དུ་ཤར་དུ་གོ་ལས་བ་ལང་གི་ཤ །ལྷོར་ཀུ་ལས་ཁྱིའི་ཤ །ནུབ་ཏུ་ད་ལས་རྟའི་ཤ །བྱང་དུ་ཧ་ལས་གླང་པོ་ཆེའི་ཤ །དབུས་སུ་ན་ལས་མིའི་ཤ །ཤ་དེ་རྣམས་རེ་རེའི་སྟེང་དུ་ཡང་། ཤར་དུ་བྷྲཱུཾ་ལས་དྲི་ཆེན། ལྷོར་ཨཱཾ་ལས་རཀྟ། །ནུབ་ཏུ་ཛྲཱིཾ་ལས་བྱང་སེམས། བྱང་དུ་ཁཾ་ལས་ཤ་ཆེན་གྱི་དྭངས་མ། དབུས་སུ་ཧཱུྃ་ལས་དྲི་ཆུ། དེ་རྣམས་ཀྱི་སྟེང་དུ་ཤར་དུ་བྷྲཱུཾ་མེ་ལོང་ལྟ་བུའི་ཡེ་ཤེས། ལྷོར་ཨཱཾ་མཉམ་པ་ཉིད་ཀྱི་ཡེ་ཤེས། ནུབ་ཏུ་ཛྲཱིཾ་སོ་སོར་རྟོག་པའི་ཡེ་ཤེས། བྱང་དུ་ཁཾ་བྱ་བ་གྲུབ་པའི་ཡེ་ཤེས། དབུས་སུ་ཧཱུྃ་ཆོས་ཀྱི་དབྱིངས་ཀྱི་ཡེ་ཤེས། ཟླ་བའི་མཐར་གཡོན་སྐོར་གྱིས་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཱཿ གཡས་སྐོར་གྱིས་ཀ་ཁ་ག་གྷ་ང་།
― LT14_Page_078B ―
[མ་དཔེ་གཟིགས་ན་འདིར་གནོན།]
ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། དེ་རྣམས་ཀྱི་སྟེང་གི་ནམ་མཁའ་ལ་ༀ་དཀར་པོ་མགོ་བོ་ཐུར་དུ་བལྟས་ལ། དེའི་སྟེང་དུ་རཾ་ལས་ཉི་མའི་དཀྱིལ་འཁོར། དེའི་སྟེང་དུ་ཧཱུྃ་ལས་རྡོ་རྗེ་དཀར་པོ་རྩེ་ལྔ་པ་ལྟེ་བ་ལ་ཧཱུྃ་གིས་མཚན་པ། རྡོ་རྗེའི་ལྟེ་བའི་ཧཱུྃ་ལས་འོད་ཟེར་འོག་ཏུ་འཕྲོས་པས་རླུང་གི་བ་དན་ལ་ཕོག་པས་རླུང་གཡོས་མེ་སྦར་བས་ཤ་ལྔ་བདུད་རྩི་ལྔ་རྣམས་སྐོལ་ཞིང་འོད་དུ་ཞུ་བའི་རླངས་པ་གྱེན་ལ་སོང་བས། ༀ་དང་རྡོ་རྗེ་ལྟེ་བའི་ཧཱུྃ་ལ་ཕོག་པས་བདུད་རྩིའི་རྒྱུན་འཛག །ཡང་ཧཱུྃ་ལས་འོད་ཟེར་ཕྱོགས་བཅུར་འཕྲོས་པས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡང་དག་པའི་ཡེ་ཤེས་ཀྱི་བདུད་རྩི་རྣམས་ཧེ་རུ་ཀ་ཕྱག་གཉིས་པའི་རྣམ་པར་བྱོན་ཏེ་རྡོ་རྗེ་ལྟེ་བའི་ཧཱུྃ་ལ་ཐིམ་པས་རྡོ་རྗེ་ལྗིད་དང་ལྡན་པར་གྱུར། རྡོ་རྗེ་ཉི་མ་ༀ་དང་བཅས་པ་ཐོད་པའི་ནང་དུ་ལྷུང་བ་འོད་དུ་ཞུ་ནས་སྔར་གྱི་བདུད་རྩི་རྣམས་དང་གཉིས་སུ་མེད་པར་གྱུར་ཏེ་ཁ་དོག་དང་དྲི་དང་རོ་དང་ནུས་པ་ཕུན་སུམ་ཚོགས་པའི་བདུད་རྩིའི་རྒྱ་མཚོ་ཆེན་པོར་གྱུར། ༀ་ཨཱཿཧཱུྃ་ཧ་ཧོ་ཧྲཱིཿ ཞེས་གསུམ་མམ་ལྔ་བརྗོད་དེ་བྱིན་གྱིས་བརླབས་ལ། གཏོར་མའི་སྟེང་གི་ནམ་མཁར་ཨེ་ཨེ་ཨེ་ལས་ཆོས་ཀྱི་འབྱུང་གནས་གྲུ་གསུམ་སུམ་བརྩེགས་ཀྱི་ནང་དུ་པཾ་པཾ་པཾ་ལས་པདྨ་འདབ་བརྒྱད་རེ་རེ། སྟེང་གི་ཆོས་འབྱུང་ལ་གནས་པའི་པདྨ་ལྟེ་བ་དང་འདབ་མ་བརྒྱད་ལ་ༀ་དགུ་ཡོངས་སུ་གྱུར་པ་ལས་དབུས་སུ་སྐུ་རྡོ་རྗེ། ཤར་དུ་དབང་ཕྱུག་ཆེན་པོ། །ལྷོར་ལྷའི་དབང་པོ། །ནུབ་ཏུ་ཚངས་པ། བྱང་དུ་ཁྱབ་འཇུག །ཤར་ལྷོར་འདོད་པའི་རྒྱལ་པོ། །ལྷོ་ནུབ་ཏུ་ཚོགས་ཀྱི་བདག་པོ། །ནུབ་བྱང་དུ་བྷྲྀངྒི་རི་ཏི། བྱང་ཤར་དུ་གཞོན་ནུ་ཀཱརྟི་ཀ་ཏེ་ཐམས་ཅད་ཀྱང་སྐུ་མདོག་དཀར་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་རང་འདྲའི་རིག་མ་ལ་
― LT14_Page_079A ―
[མ་དཔེ་གཟིགས་ན་འདིར་གནོན།]
འཁྱུད་པ། བར་གྱིས་ཆོས་འབྱུང་ལ་གནས་པའི་པདྨའི་ལྟེ་བར་དབུས་སུ་ཧཱུྃ་ལས་དཔལ་ཀྱེ་རྡོ་རྗེ་སྐུ་མདོག་སྔོན་པོ་ཞེས་པ་ནས་གར་དགུའི་རོ་དང་ལྡན་པ་ཉིད། དེའི་པང་དུ་ཨཾ་ལས་ཡུམ་རྡོ་རྗེ་བདག་མེད་མ་ནག་མོ་ཞེས་སོགས་ནས་དབུས་ན་བཞུགས་པ། ཤར་དུ་གཾ་ལས་གཽ་རི་ནག་མོ་ཞེས་སོགས་ཞལ་ཕྱག་གསལ་བཏབ། དེ་བཞིན་དུ་ལྷོར་ཙཾ་ལས་ཙཽ་རཱི་སོགས། ནུབ་ཏུ་བཾ་ལས་བེ་ཏཱ་ལཱི་སོགས། བྱང་དུ་གྷཾ་ལས་གྷསྨ་རཱི་སོགས། བྱང་ཤར་དུ་པཾ་ལས་པུཀྐ་སི་སོགས། ཤར་ལྷོར་ཤཾ་ལས་རི་ཁྲོད་མ་སོགས། ལྷོ་ནུབ་ཏུ་ལཾ་ལས་གདོལ་པ་མོ་སོགས། ནུབ་བྱང་དུ་ཌཾ་ལས་གཡུང་མོ་ཁ་དོག་སྣ་ཚོགས་ཞེས་སོགས་ནས་དབུས་ན་བཞུགས་པ། འདབ་མ་བརྒྱད་ལ་ཧཱུྃ་བརྒྱད་ཡོངས་སུ་གྱུར་པ་ལས་ཤར་དུ་བརྒྱ་བྱིན། ལྷོར་གཤིན་རྗེ། ནུབ་ཏུ་ཆུ་ལྷ། བྱང་དུ་གནོད་སྦྱིན། ཤར་ལྷོར་མེ་ལྷ། །ལྷོ་ནུབ་ཏུ་སྲིན་པོ། །ནུབ་བྱང་དུ་རླུང་ལྷ། བྱང་ཤར་དུ་དབང་ལྡན་ཏེ་ཐམས་ཅད་ཀྱང་སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་རང་འདྲའི་རིག་མ་ལ་འཁྱུད་པ། འོག་གི་ཆོས་འབྱུང་ལ་གནས་པའི་པདྨའི་ལྟེ་བ་དང་འདབ་མ་བརྒྱད་ལ་ཨཱཿདགུ་ཡོངས་སུ་གྱུར་པ་ལས། དབུས་སུ་གསུང་རྡོ་རྗེ། ཤར་དུ་སྟོབས་ཀྱི་རྒྱུ། ལྷོར་དུང་སྐྱོང་། ནུབ་ཏུ་མཐའ་ཡས། བྱང་དུ་ནོར་རྒྱས། ཤར་ལྷོར་འཇོག་པོ། །ལྷོ་ནུབ་ཏུ་རིགས་ལྡན། ནུབ་བྱང་དུ་པདྨ། བྱང་ཤར་དུ་པདྨ་ཆེན་པོ་སྟེ་ཐམས་ཅད་ཀྱང་སྐུ་མདོག་དམར་པོ་རྡོ་རྗེ་དང་དྲིལ་བུ་འཛིན་པས་རང་འདྲའི་རིག་མ་ལ་འཁྱུད་པ། འབྱུང་པོ་ཉེར་བཞི་པོ་འདི་དག་ཐམས་ཅད་པདྨ་དང་ཉི་མའི་གདན་ལ་གཡས་བརྐྱང་གི་སྟབས་ཀྱིས་བཞུགས་པ་རུས་པའི་རྒྱན་གྱིས་བརྒྱན་པ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་སྟེང་གི་ལྷ་ཐམས་ཅད་ལྷ་ཆེན་བརྒྱད་ལ་ཐིམ། ས་སྟེང་ན་གནས་པའི་སེམས་ཅན་ཐམས་ཅད་ཕྱོགས་
― LT14_Page_079B ―
[མ་དཔེ་གཟིགས་ན་འདིར་གནོན།]
སྐྱོང་བརྒྱད་ལ་ཐིམ། ས་འོག་ན་གནས་པའི་སེམས་ཅན་ཐམས་ཅད་ཀླུ་ཆེན་བརྒྱད་ལ་ཐིམ། དེ་ཐམས་ཅད་ཀྱི་མིག་ཏུ་གཏི་མུག་རྡོ་རྗེ་མ་ཞེས་སོགས་ནས། ཐུགས་ཀར་ཐུགས་རྡོ་རྗེ་མ། རང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱེ་རྡོ་རྗེ་ལྷ་དགུ་སྐུ་གསུང་ཐུགས་རྡོ་རྗེའི་ལྷ་ཚོགས་དང་བཅས་པའི་རྣམ་པར་ༀ་བཛྲ་ས་མཱ་ཛཿ ཞེས་དང་སེ་གོལ་གྱི་སྒྲས་སྤྱན་དྲངས། སོ་སོའ་ཕྱག་རྒྱ་བཅས་ཏེ། ༀ་བཛྲ་གཽ་རཱི་ཨ་ཀརྵ་ཡ་ཛཿ ཞེས་སོགས་ནས། ཝ་ཤཾ་ཀུ་རུ་ཧོཿ སླར་ཡང་སྙིང་གའི་ཧཱུྃ་ལས་འོད་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ༀ་བཛྲ་ས་མཱ་ཛཿ ཐལ་མོ་སྦྱར་ཏེ། དཀར་མོ་རི་དྭགས་སོགས་ནས།འཁྱུད་པ་ཉིད། བཅོམ་ལྡན་དེ་བཞིན་སོགས་ནས།འདི་ལ་དབང་བསྐུར་སྩོལ། ཞེས་གསོལ་བ་བཏབ་པས། སངས་རྒྱས་རྣམས་ནི་སོགས་ནས།ཨ་བྷི་ཥིཉྩ་ཧཱུྃ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་སྐུ་རྡོ་རྗེ་ལྷ་ཆེན་བརྒྱད་དང་བཅས་པ་ལ་རྣམ་པར་སྣང་མཛད། གཙོ་བོ་ཡབ་ཡུམ་གཉིས་གཽ་རཱི་དང་། ཞེས་སོགས་ནས། ཌོཾ་བི་ནཱི་ལ་འོད་དཔག་མེད། །ཕྱོགས་སྐྱོང་བརྒྱད་ལ་མི་བསྐྱོད་པ། །གསུང་རྡོ་རྗེ་ཀླུ་ཆེན་བརྒྱད་དང་བཅས་པ་ལ་འོད་དཔག་མེད་ཀྱིས་དབུར་བརྒྱན་པར་བསམས་ལ།ༀ་བྷ་ག་ཝཱན་མ་ཧཱ་ཀ་རུ་ཎི་ཧེ་བཛྲ་ས་པཱ་རི་ཝཱ་ར་ༀ་ནཱི་རཱི་ཧཱུྃ་ཁཾ་སྭཱ་ཧཱ། ༀ་བཛྲ་ནི་ཝི་ཏི་ཧཱུྃ་ཁཾ་སྭཱ་ཧཱ། ༀ་སརྦ་ས་ཤོ་བྷ་ནི་སྭཱ་ཧཱ། ༀ་ཛཿཧཱུྃ་བཾ་ཧོཿ ཁཾ་རཾ་མ་ཧཱ་ཨཱརྒྷཾ་པྲ་ཏཱིཙྪ་སྭཱ་ཧཱ། ཞེས་པ་རྣམས་ཕྱག་རྒྱ་དང་བཅས་པས་ཆུ་བཞི་ཕུལ། ལྷ་རྣམས་ཀྱི་ལྗགས་ཧཱུྃ་ལས་བྱུང་བའི་རྡོ་རྗེ་ནས་འབྲས་ཙམ་གྱིས་མཚན་པ་ལས་འོད་ཀྱི་སྦུ་གུ་བྱུང་ནས་གཏོར་མ་དྲངས་ཏེ་གསོལ་བར་བསམ་ཞིང་། པད་སྐོར་སྔོན་དུ་འགྲོ་བས། རྡོ་རྗེ་ཐལ་མོ་ཁ་
― LT14_Page_080A ―
[མ་དཔེ་གཟིགས་ན་འདིར་གནོན།]
གྱེན་དུ་ཕྱེ་ལ། ༀ་བྷ་ག་ཝཱན་སོགས་ནས། ས་པ་རི་ཝཱ་ར་ཨིནྡ། ཛ་མ་ཛ་ལ། ཛཀྑ། བྷཱུ་ཏ། བྷི། བཱ་ཨུ། རཀྑ། ཙནྡ། སུཛྫ་མ་ད། བསྤ། ཏ་ལ། པཱ་ཏཱ་ལེ། ཨཱཊྚ་སཔྶ་སྭཱ་ཧཱ། ཨི་དཾ་བ་ལིཾ། ། །ཛིགྷ། ཕུལླ། ། མཱཾ་ས། པིཾ་གྷ། ཨཱམྦྷ། སཔྤ། གཛྫ། སཱ་ད། ཁནྟི། ཁུ་ཎི། ཕེ་ཌ་གཱ་ད། ༀ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤནྣ་ཎཱཾ་ཏྭཱ་ཏ་ༀ་ཨཱཿཧཱུྃ་ཕཊ་སྭཱ་ཧཱ། ཞེས་བརྗོད་ཅིང་སེ་གོལ་བརྡབ། དེ་ལྟ་བུ་གསུམ་མམ་ལྔ་ལ་སོགས་པས་གཏོར་མ་ཕུལ་ལ། སོ་སོའ་ཕྱག་རྒྱ་དང་བཅས་ཏེ། ༀ་བཛྲ་པུཥྤེ་ཨཱཿཧཱུྃ། དེ་བཞིན་དུ་ཐོག་མཐའ་འདྲ་བར་སྦྱར་ལ། དྷཱུ་པེ། ཨཱ་ལོ་ཀེ །གནྡྷེ། ནཻ་ཝི་དྱེ། ཤབྡ་ཞེས་པས་མཆོད།ཧཱུྃ་ༀ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ༀ་ཨཱཿཧཱུྃ་ཀྱེ་རྡོ་རྗེ་ལྷ་དགུ་སྐུ་གསུང་ཐུགས་རྡོ་རྗེའི་ལྷ་ཚོགས་དང་བཅས་པའི་ཞལ་དུ་མཆོད་པ་དམ་པ་འབུལ་ལོ། །ཞེས་དང་། མཐེ་བོའི་ཐོར་མས་ནང་མཆོད་ཕུལ་ལ། རྡོ་རྗེ་དང་བཅས་པའི་ཐལ་མོ་དང་། དྲིལ་བུ་སུམ་བརྡུང་བྱ་ཞིང་། དཀར་མོ་རི་དྭགས་སོགས་ནས། འཁྱུད་པ་ཉིད། ཁྱོད་ནི་རྣལ་འབྱོར་མ་ཚོགས་སོགས་ནས་ཡིད་ཀྱིས་དགྱེས། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོར་ཕྱག་འཚལ་བསྟོད། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་གྱིས་ནི་འོད་གསལ་མཆོག །སངས་རྒྱས་མཁའ་འགྲོར་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པས་གོས་པ་མེད། །རིན་ཆེན་མཁའ་འགྲོར་ཕྱག་འཚལ་བསྟོད། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་རྡོ་རྗེ་ནམ་མཁའ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོར་ཕྱག་འཚལ་བསྟོད། །དོན་ཡོད་རྒྱལ་པོ་
― LT14_Page_080B ―
[མ་དཔེ་གཟིགས་ན་འདིར་གནོན།]
རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །དངོས་ཉིད་དག་པ་ཉིད་ལས་བྱུང་། །སྣ་ཚོགས་མཁའ་འགྲོར་ཕྱག་འཚལ་བསྟོད། །ཞེས་པས་བསྟོད། རྡོ་རྗེ་ཐུགས་ཀར་བཟུང་། དྲིལ་བུ་ཆིག་བརྡུང་བྱ་ཞིང་། ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་བ་བརྒྱད་པོ་དང་། །གནོད་སྦྱིན་ཚོགས་རྣམས་མ་ལུས་དང་། །སྲིན་པོའི་ཚོགས་རྣམས་མ་ལུས་དང་། །འབྱུང་པོའི་ཚོགས་རྣམས་མ་ལུས་དང་། །ཡི་དྭགས་ཚོགས་རྣམས་ཤ་ཟའི་ཚོགས་སྨྱོ་བྱེད་བརྗེད་བྱེད་མཁའ་འགྲོའི་མ་མོའི་ཚོགས་རྣམས་མ་ལུས་དང་། །དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་ཡོད་པ་རྣམས། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་དང་། །དགེ་ལེགས་ཐམས་ཅད་འབྱུང་བ་དང་། །ཡིད་ལ་འདོད་པ་ཀུན་འགྲུབ་ཤོག །ཅེས་ཕྲིན་ལས་གཞོལ། གཏོར་མ་གཞན་རྣམས་ཀྱི་བྱིན་རླབས་སྔར་དུས་གཅིག་ལ་གྲུབ་ཟིན་ཡང་། བྱིན་རླབས་དྲན་པའི་ཕྱིར་གཏོར་མ་ལག་པ་གཡོན་པ་བསྟན་ཏེ་ༀ་ཞེས་བརྗོད་པས་སྟོང་པར་བསམ། གཡས་
― LT14_Page_081A ―
[མ་དཔེ་གཟིགས་ན་འདིར་གནོན།]
པ་བསྟན་ཏེ་ཨཱཿཞེས་བརྗོད་པས་ཐོད་པ་དཀར་པོ་ཡངས་ཤིང་རྒྱ་ཆེ་བ་དཔྲལ་བ་རང་ལ་བསྟན་པ། གཉིས་ཀ་བསྟན་ཏེ་ཧཱུྃ་ཞེས་བརྗོད་པས་ཤ་ལྔ་བདུད་རྩི་ལྔས་གང་བ། བྱ་ཁྱུང་གི་ཕྱག་རྒྱ་བསྟན་ཏེ་ཧོཿཞེས་བརྗོད་པས་ཡེ་ཤེས་ཀྱི་བདུད་རྩིར་གྱུར་པར་བསམས་ལ། ༀ་ཨཱཿཧཱུྃ་ཧ་ཧོ་ཧྲཱིཿལན་གསུམ་བརྗོད། འདི་ཡན་གྱི་ཚིག་ཁ་སྐོང་དགོས་པ་རྣམས་མངོན་རྟོགས་དང་། ཕྱག་རྒྱ་རྣམས་དབང་ཆུ་མཛེས་རྒྱན་དུ་བལྟའོ། །དེ་ནས། མདུན་གྱི་ནམ་མཁའི་གནས་སུ་པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་མཐིང་ནག་ལས་འོད་འཕྲོས། དགྲ་བགེགས་གདུག་པ་ཅན་ཐམས་ཅད་ཚར་བཅད་ཚུར་འདུས་ཡོངས་སུ་གྱུར་པ་ལས་རྡོ་རྗེ་ནག་པོ་ཆེན་པོ་ཆེར་འབར་བ་ཞལ་གཅིག་ཕྱག་གཉིས་པ། གཡས་གྲི་གུག་དང་གཡོན་ཐོད་པ་ཁྲག་གིས་གང་བ་ཐུགས་ཀར་སྟེང་འོག་ཏུ་འཛིན་པ། ཕྱག་གཉིས་ཆར་གྱི་དབུས་ན་རྣམ་འཕྲུལ་གྱི་གཎྜི་བསྣམས་པ། སྤྱན་གསུམ་དང་ལྡན་པ་ཞལ་གྱི་མཆེ་བ་གཙིགས་པ། །དབུ་སྐྲ་སེར་པོ་གྱེན་དུ་བརྫེས་པ། མི་མགོ་སྐམ་པོ་ལྔའི་དབུ་རྒྱན་དང་རློན་པ་ཁྲག་འཛག་པ་ལྔ་བཅུའི་དོ་ཤལ་ཅན། རུས་པའི་རྒྱན་དྲུག་དང་སྦྲུལ་གྱིས་བརྒྱན་པ། སྟག་གི་པགས་པའི་ཤམ་ཐབས་ཅན། དར་སྣ་ཚོགས་ཀྱི་ཅོད་པན་དང་ལྷབ་ལྷུབ་གྱིས་བཀླུབས་པ། མིའུ་ཐུང་གེལ་པའི་འདུག་སྟངས་ཀྱིས་རོའ་སྟེང་ན་བཞུགས་པ། དེའི་གཡས་ན་བྱ་ནག །གཡོན་ན་ཁྱི་ནག །རྒྱབ་ན་ལྕེ་སྤྱང་། མདུན་ན་མི་ནག །སྟེང་ན་ནམ་མཁའ་ལྡིང་གི་སྤྲུལ་པའི་ཕོ་ཉ་འཕྲོ་བ། མི་བསྐྱོད་པའི་ཅོད་པན་ཅན། ཡེ་ཤེས་ཀྱི་མེ་འབར་བའི་དབུས་ན་བཞུགས་པ། དེའི་གཡོན་དུ་ཊཾ་ལས་ཨེ་ཀ་ཛ་ཊཱི་སྐུ་མདོག་སྔོན་མོ་ཞལ་གཅིག་ཕྱག་གཉིས་ཀྱིས་བདུད་རྩིས་གང་བའི་བུམ་པ་ཐུགས་ཀར་འཛིན་པ། དར་དཀར་གྱི་ན་བཟས་སྟོད་གཡོགས་ཤིང་། སྟག་གི་པགས་པའི་ཤམ་ཐབས་ཅན།
― LT14_Page_081B ―
[མ་དཔེ་གཟིགས་ན་འདིར་གནོན།]
རལ་པ་ལན་བུ་གཅིག་ཏུ་གྱུར་ནས་གཡོན་དུ་འཕྱང་བ་ཁྲོ་མོའི་རྣམ་པ་ཅན། དེའི་ལྟོ་བ་ཡངས་པའི་ནང་དུ་ཏྲག་ལས་ཁྲག་གི་རྒྱ་མཚོའི་ནང་དུ་བྷྱོཿལས་དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ། བོང་བུ་ག་པ་ལ་ཞོན་པ་སྐུ་མདོག་སྔོ་ནག་ཞལ་གཅིག་ཕྱག་བཞི་མ། གཡས་ཀྱི་དང་པོ་ན་རལ་གྲི། གཉིས་པ་ན་ཐོད་པ་ཁྲག་གིས་གང་བ་འཛིན་པ། གཡོན་གྱི་དང་པོ་ན་མདུང་ཐུང་། གཉིས་པ་ན་རྩེ་གསུམ་འཛིན་པ། མི་མགོ་སྐམ་པོ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ་ཅན། རུ་པའི་རྒྱན་དྲུག་དང་ལྡན་པ། གླང་པོ་ཆེའི་ཀོ་བས་སྟོད་གཡོགས་ཤིང་བ་ལང་གི་ཀོ་བས་སྨད་གཡོགས་པ། རེ་ལྡེའི་ཤམ་ཐབས་ཅན། ཀླུའི་དབང་པོའི་སྐ་རགས་བཅིངས་པ། སྤྱན་གསུམ་དང་ལྡན་ཞིང་མི་རོ་རེངས་པ་ཁར་བཅུག་ནས་མཆེ་བ་གཙིགས་པ། སྙན་གཡས་པ་ལ་དུག་སྦྲུལ་དང་གཡོན་པ་ལ་སེང་གེས་བརྒྱན་པ། སྐུ་ལ་ཁྲག་གི་ཐིག་ལེ་དང་ཞག་གི་ཟོ་རིས་དང་ཐལ་ཆེན་གྱི་ཚོམ་བུ་བཀོད་པ། ཤིན་ཏུ་རིང་པ། ལྟེ་བའི་ཐད་ཀ་ནས་ཉི་ཟླ་འཆར་བ། མ་མོ་མཁའ་འགྲོ་ཤ་ཟ་འབུམ་སྡེའི་དབུས་ན་ཧཱུྃ་དང་བྷྱོ་འི་སྒྲ་སྒོགས་པ། ལྕམ་དྲལ་གཉིས་ཀའི་དཔྲར་བར་ༀ། །མགྲིན་པར་ཨཱཿ ཐུགས་ཀར་ཧཱུྃ། ཐུགས་ཀའི་ཧཱུྃ་ལས་འོད་ཟེར་འཕྲོས་པས་འོག་མིན་རྣམ་པར་སྣང་མཛད་ཀྱི་ཐུགས་ཀ་ནས་མགོན་པོ་དང་། རང་བཞིན་གྱི་གནས་ནས་ལྷ་མོ་འཁོར་དང་བཅས་པ་ༀ་བཛྲ་ས་མཱ་ཛཿ ཞེས་དང་སེ་གོལ་གྱི་སྒྲ་བྱ། ཐལ་མ་ཁང་སྟོང་དུ་སྦྱར་བ་མགོན་པོའི་དམ་རྒྱ་བཅས་ཏེ། མཛུབ་མོའི་གཡབ་པའམ། རྡོ་རྗེས་གཡབ་ཅིང་དྲིལ་བུ་བཅད་གཏུབས་སུ་དཀྲོལ་ལ། མགོན་པོ་ཀུན་གཤེགས་གདན་ལས་བཞེངས། །ད་ལྟ་སྙིགས་མ་ལྔ་ཡི་དུས། །གཤེགས་ཤིང་བཞུགས་པའི་གནས་ངན་ཡང་། །ཤཱཀྱའི་བསྟན་པ་སྲུང་བ་
― LT14_Page_082A ―
[མ་དཔེ་གཟིགས་ན་འདིར་གནོན།]
དང་། །བདག་ཅག་རྣམས་ལ་ཕན་གདགས་ཕྱིར། །གནས་འདི་ཉིད་དུ་གཤེགས་སུ་གསོལ། །ༀ་ཤྲཱི་མ་ཧཱ་ཀཱ་ལ་ཨེ་ཧྱེ་ཧི་ཞེས་དང་། སོར་མོ་ཕན་ཚུན་ཅུང་ཟད་བསྣོལ་བའི་རྡོ་རྗེ་ཐལ་མོ་སྦྱར་བ་ལྷ་མོའི་དམ་རྒྱ་གཡབ་པའམ། རྡོ་རྗེ་དྲིལ་བུ་འཛིན་པས། ལྷ་མོ་ཀུན་གཤེགས་སོགས་ནས།གཤེགས་སུ་གསོལ། ༀ་མ་ཧཱ་ཀཱ་ལི་དེ་ཝཱི་ཨེ་ཧྱེ་ཧི་ཞེས་པས་སྤྱན་དྲངས། ཛ་ཧཱུྃ་བཾ་ཧཱོཿསོ་སོ་ལ་ཐིམ། ཐལ་མོ་སྦྱར་བའི་སོར་མོ་དབུས་མ་གསུམ་སོ་སོར་བསྐྱེད་དེ། ༀ་པདྨ་ཀ་མ་ལཱ་ཡ་སྟྭཾ། ཞེས་པས་པདྨའི་གདན་ཕུལ། ༀ་ཤྲཱི་མ་ཧཱ་ཀཱ་ལ་གྲྀཧྣེ་དཾ་མ་ཧཱ་ཀཱ་ལཱ་དེ་ཝཱི་གྲྀཧྣེ་དཾ་ཨཱརྒྷཾ་སྭཱ་ཧ། པཱདྱེ་སྭཱ་ཧཱ། ༀ་བཛྲ་པུཥྤེ་སོགས་ནས། ཤབྡ་ཨཱ་ཧཱུྃ། ཞེས་པས་མཆོད། མགོན་པོའི་དམ་རྒྱ་སྙིང་གར་བཅས་ཏེ་དེའི་སྤྱི་བོར་བཞག་པར་བསམས་ལ། ཡི་དམ་གྱི་ང་རྒྱལ་བརྟན་པོས། ༀ་ཤྲཱི་མ་ཧཱ་ཀཱ་ལཱ་ཡ་ས་མ་ཡ་སྨར། ས་མ་ཡ་མཱ་ཏི་ཀྲ་མ། ས་མ་ཡ་རཀྵནྟུ། ལྷ་མོའི་དམ་རྒྱ་སྙིང་གར་བཅས་ཏེ་དེའི་སྤྱི་བོར་བཞག་པར་བསམས་ལ། ༀ་མ་ཧཱ་ཀཱ་ལཱི་དེ་ཝཱི་ས་མ་ཡ་སྨར་ཞེས་སོགས་ཀྱིས་དམ་ལ་བཞག །སྤྲོ་ན།དཔལ་རྡོ་རྗེ་ནག་པོ་ཆེན་པོ་ལྕམ་དྲལ་བྲན་གཡོག་བཀའ་སྡོད་འཁོར་དང་བཅས་པ་ཐམས་ཅད། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་དང་དམ་ལས་མ་འདའ་བར། དམ་ཚིག་སྲུངས། བསྟན་པ་སྐྱོངས། དཀོན་མཆོག་གི་དབུ་འཕང་བསྟོད། ཁྱད་པར་དུ་ཡང་སངས་རྒྱས་ཀྱི་བསྟན་པ་དང་། བསྟན་པ་འཛིན་པ་རྣམས་དང་རྣལ་འབྱོར་པ་བདག་ཅག་འཁོར་དང་བཅས་པ་ལ་གནོད་ཅིང་འཚེ་བ་དང་། བདག་གིས་ལམ་སྒྲུབ་པ་ལ་བར་དུ་གཅོད་པར་བྱེད་པའི་དགྲ་བགེགས་ལོག་པར་འདྲེན་པའི་ཚོགས་རྣམས་ཀྱི་བསམ་ངན་སྦྱོར་རྩུབ་ཐམས་ཅད་ཞི་བའི་ཐབས་ཀྱིས་འདོར་བར་མཛད་དུ་གསོལ། གལ་ཏེ་ཞི་བའི་ཐབས་ཀྱིས་འདུལ་དུ་མ་འཚལ་ན།
― LT14_Page_082B ―
[མ་དཔེ་གཟིགས་ན་འདིར་གནོན།]
གང་ལ་གང་འཚམ་པའི་ཆད་པས་བཅད་པ་དང་། བསྐྲད་ཅིང་གཟེར་བ་དང་། དབྱེ་བ་དང་། བསྡིགས་ཤིང་སྤ་བཀོང་བར་མཛད་དུ་གསོལ། མདོར་ན་ཆོས་སྒྲུབ་པའི་བར་ཆད་ཐམས་ཅད་ཞི་བ་དང་། བསམ་སྦྱོར་ཆོས་མཐུན་ཡིད་བཞིན་དུ་འགྲུབ་ཅིང་བསྟན་པ་དང་བསྟན་པ་འཛིན་པ་དང་འཇིག་རྟེན་པ་ཀུན་ཏུ་དར་ཞིང་རྒྱས་པར་མཛད་དུ་གསོལ། ཞེས་བརྗོད་ཅིང་ཐལ་མོ་བརྡབ། རྡོ་རྗེ་ཐལ་མོ་ཁ་ཕྱེ་སྟེ། ༀ་ཤྲཱི་མ་ཧཱ་ཀཱ་ལཱ་ས་པ་རི་ཝ་ར་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨཱ་ཏེ། སྥར་ཎ་ཨི་མཾ། ག་ག་ན་ཁཾ་གྲྀ་ཧ་དཾ་བ་ལྱཱ་དི་སྭཱ་ཧཱ། ཞེས་གསུམ་མམ། ལྔ་དང་། ༀ་ཤྲཱི་མ་ཧཱ་ཀཱ་ལཱ་ཡ། ཤཱ་ས་ན་ཨུ་པ་ཧཱ་རི་ཎི། ཨེ་ཥ་ཨ་པཤྩི་མ་ཀཱ་ལོ་ཨ་ཡཾ་ཨི་དཾ་རཏྣ་ཏྲ་ཡ། ཨ་པ་ཀཱ་རི་ཎཾ། ཡ་དི་པྲ་ཏི་ཛྙཱ་སྨ་ར་སི་ཏ་དཱ། ཨི་དཾ་དུཥྚཾ་ཁ་ཁཱ་ཁཱ་ཧི་ཁཱ་ཧི། མ་ར་མ་ར། གྲྀཧྞ་གྲྀཧྞ། བྷནྡྷ་བྷནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན། མཱ་ར་ཡ་ཧཱུྃ་ཕཊ། ཅེས་གསུམ་མམ་ལྔས་མགོན་པོ་དང་། ༀ་ཤྲཱི་མ་ཧཱ་ཀཱ་ལཱི་དེ་ཝཱི་ས་པཱ་རི་ཝཱ་ར་ན་མཿསརྦ་ཏ་ཐཱ་ག་ཏེ་ཞེས་སོགས་གསུམ་མམ་ལྔས་ལྷ་མོ་ལ་ཕུལ་ཏེ། ༀ་ཤྲཱི་མ་ཧཱ་ཀཱ་ལཱ་ཡ་གྲྀཧྞེ་དཾ་ཞེས་སོགས་ནས།ཤབྡའི་བར་གྱིས་གོང་ལྟར་མཆོད། ནང་མཆོད་ཕུལ་ཏེ།ༀ་མ་ཧཱ་ཀཱ་ལཱ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་དང་། ༀ་རོ་རུ་རོ་རུ་བི་ཏིཥྛ། ཀཱ་མ་ལ་རཀྑ་སི་ཧཱུྃ་བྷྱོ་ཧཱུྃ་དཔལ་རྡོ་རྗེ་ནག་པོ་ཆེན་པོ་ལྕམ་དྲལ་གྱི་ཞལ་དུ་མཆོད་པ་དམ་པ་འབུལ་ལོ། །སངས་རྒྱས་ཀྱི་བསྟན་པ་དར་བ་དང་། འཇིག་རྟེན་དུ་དགེ་ལེགས་རྒྱ་ཆེན་པོ་འབྱུང་བ་དང་། བདག་ཅག་དཔོན་སློབ་འཁོར་དང་བཅས་པ་རྣམས་ཀྱི་འགལ་རྐྱེན་བར་ཆད་ཐམས་ཅད་ཞི་ཞིང་། མཐུན་རྐྱེན་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། ཞེས་བརྗོད། རྡོ་རྗེ་དང་བཅས་པའི་ཐལ་མོ་དང་། དྲིལ་བུ་ཆིག་བརྡུང་བྱ་ཞིང་། ཧཱུྃ་གི་ཡེ་ཤེས་ལས་བྱུང་བའི། །ནག་པོ་ཆེན་པོ་ཕྱག་གཉིས་པ། །ཞལ་གཅིག་མདོག་
― LT14_Page_083A ―
[མ་དཔེ་གཟིགས་ན་འདིར་གནོན།]
སྔོན་ཆེར་འབར་ཞིང་། །ཟངས་གྲི་ཐོད་པ་བསྣམས་ལ་བསྟོད། །མགོ་བོའི་ཕྲེང་བས་དོ་ཤལ་བྱས། །མཆེ་བ་གཙིགས་ཤིང་འཇིགས་སུ་རུང་། །བོང་ཐུང་གཟི་བརྗིད་ཆེན་པོ་སྟེ། །ཞལ་དམར་རྣམ་པར་གཡོ་ལ་བསྟོད། །སློབ་དཔོན་ལ་རྟག་སྡང་བ་དང་། །གང་ཞིག་དཀོན་མཆོག་གསུམ་ལ་གནོད། །སེམས་ཅན་སྣ་ཚོགས་གཅོད་པ་རྣམས། །ཟ་བྱེད་ནག་མོ་ཆེ་ལ་བསྟོད། །བྷྱོཿ རྒྱ་མཚོའི་ཀློང་ནས་མེ་འབར་ཁྱོད། །མཚོ་རྣམས་སྐེམས་པར་ནུས་མ་སྟེ། །བུད་མེད་ཐམས་ཅད་ཞི་མཛད་ཕྱིར། །ལྷ་ཆེན་སྐུ་ཡི་ཕྱེད་དུ་བཞག །རྫོང་དང་བཀའ་ཟློག་ནག་མོ་སྟེ། །ལྷ་དང་ལྷ་མིན་ཕྱག་བྱས་པ། །མི་ནད་གང་ཡིན་ཁྱོད་མིང་ཤེས། །དེ་ལ་འཇིགས་པ་མེད་པར་མཛད། །གཤིན་རྗེའི་ལྕམ་མོ་བདུད་ཀྱི་ཡུམ། །འདོད་ཁམས་དབང་ཕྱུག་མ་ལ་བསྟོད། །ཅེས་པས་བསྟོད། རྡོ་རྗེ་སྙིང་གར་བཟུང་སྟེ། དཔལ་ལྡན་མགོན་པོ་འཁོར་དང་བཅས་པ་དང་། །དཔལ་ལྡན་ལྷ་མོ་འཁོར་དང་བཅས་པ་རྣམས། །ཕྱི་ནང་གསང་བའི་མཆོད་སྤྲིན་རྒྱ་མཚོ་དང་། །ཏིང་འཛིན་སྔགས་དང་ཕྱག་རྒྱས་བྱིན་རླབས་པའི། །རྒྱ་ཆེན་མཆོད་སྦྱིན་གཏོར་མ་འདི་བཞེས་ལ། །བདེ་གཤེགས་བསྟན་པ་ཕྱོགས་བཅུར་རྒྱས་པ་དང་། །དཀོན་མཆོག་གསུམ་གྱི་དབུ་འཕང་ཆེར་མཐོ་ཞིང་། །བསྟན་འཛིན་ཐམས་ཅད་སྐུ་ཚེ་ལེགས་བརྟན་ནས། །རྣམ་དཀར་ཕྲིན་ལས་རྒྱས་པར་མཛད་དུ་གསོལ། །ཁྱད་པར་རྣལ་འབྱོར་བདག་ཅག་འཁོར་བཅས་ཀྱི། །འགལ་རྐྱེན་ནད་གདོན་བར་ཆད་ཞི་བ་དང་། །ཚེ་དང་བློ་གྲོས་བསོད་ནམས་རབ་རྒྱས་ནས། །ཐོས་བསམ་སྒྲུབ་པ་འཕེལ་བར་མཛད་དུ་གསོལ། །བདག་གི་འདོད་པའི་ཕྲིན་ལས་ཞུ་བ་ནི། །འཆི་བདག་བདུད་ཀྱི་བར་ཆད་ཀུན་ཞི་ཞིང་། །རྡོ་རྗེ་ཐེག་
― LT14_Page_083B ―
[མ་དཔེ་གཟིགས་ན་འདིར་གནོན།]
པའི་རྒྱུད་སྡེ་ཆེན་པོ་བཞིའི། །བཤད་སྒྲུབ་བསྟན་པ་རྒྱས་པའི་ཕྲིན་ལས་མཛོད། །ཅེས་བརྗོད་དེ་ནས་གདོང་བཞི་པའི་གཏོར་མ་མགོན་པོའི་སྐབས་ལྟར་བྱིན་རླབས་དྲན་པར་བྱས་ལ། མདུན་དུ་པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་གྲི་གུག་ཧཱུྃ་གིས་མཚན་པ་ཡོངས་སུ་གྱུར་པ་ལས། དཔལ་རྡོ་རྗེ་ནག་པོ་ཆེན་པོ་གདོང་བཞི་པ། རྩ་ཞལ་བརྩེགས་མ་གཉིས་ནག་པོ། །གཡས་གཡོན་གཉིས་ལྗང་ནག །ཕྱག་བཞིའི་གཡས་གཡོན་གྱི་དང་པོ་གཉིས་ཀྱིས་གྲི་གུག་དང་ཐོད་ཁྲག་ཐུགས་ཀར་སྟེང་འོག་ཏུ་འཛིན་པ། གཡས་འོག་མས་རལ་གྲི་དང་། གཡོན་འོག་མས་རུས་ཕྲེང་འཕྱར་ཐབས་སུ་མཛད་པ། སྐྲ་ཁམ་པ་གྱེན་དུ་བརྫེས་ཤིང་སྤྱན་གསུམ་པ། ཞལ་མཆེ་བ་གཙིགས་ཤིང་མ་མཆུ་འཕྱང་བ། ཐོད་པ་སྐམ་པོ་ལྔའི་དབུ་བརྒྱན་དང་། རློན་པ་ལྔ་བཅུའི་དོ་ཤལ་ཅན། ཚངས་པའི་སྐུད་པ་དང་རུས་པ་དང་སྦྲུལ་གྱིས་བརྒྱན་ཞིང་ཞབས་གཡས་བསྐུམ་གཡོན་བརྐྱངས་པའི་སྟབས་ཀྱིས་བཞུགས་པ། །དྲག་ལ་རྔམས་པའི་ཆ་ལུགས་ཅན། ངག་ཏུ་ཧ་ཧ་དང་། ཧཱུྃ་ཧཱུྃ་དང་། ཀྵིཾ་ཀྵིཾ་གི་སྒྲ་སྒྲོགས་པ། དེའི་གཡས་སུ་གཡུང་མོ་ནག་མོ། །གཡོན་དུ་གཏུམ་མོ་ལྗང་གུ། མདུན་དུ་སྲིན་མོ་དམར་མོ། །རྒྱབ་ཏུ་སིཾགྷ་ལཱི་མ་སེར་ནག །བཞི་ཀའང་ཞལ་གཅིག་ཕྱག་གཉིས་གྲི་གུག་དང་ཐོད་པ་འཛིན་པ། གཅེར་བུ་རྒྱན་མེད་པ་རབ་ཏུ་གྲིམས་ཤིང་ཁྲོས་པའི་ཆ་ལུགས་ཅན། གཡོན་བརྐྱང་གཡས་བསྐུམ་བཞེངས་པའི་ཚུལ་གྱིས་བཞུགས་པ། གཙོ་འཁོར་ལྔ་ཀའི་དཔྲལ་བར་ༀ་སོགས་ནས།ཧཱུྃ་ལས་འོད་འཕྲོས་པས་ཏི་སེ། བསིལ་བའི་ཚལ། པོ་ཏ་ལ། ཧ་ཧ་དགོད་པའི་དུར་ཁྲོད་ནས་ནག་པོ་ཆེན་པོ་གདོང་བཞི་པ་ཡུམ་ཆེན་སྲིང་མོ་བཞི་དང་བཅས་པ་ༀ་བཛྲ་ས་མ་ཛཿ ཞེས་དང་སེ་གོལ་གྱི་སྒྲ་བྱ། ཐལ་མོ་སྦྱར་བའི་སྲིན་ལག་ནང་དུ་བཀུག་ལ་མཛུབ་མོ་གུང་མོའི་རྒྱབ་
― LT14_Page_084A ―
[མ་དཔེ་གཟིགས་ན་འདིར་གནོན།]
ནས་རྭ་ལྟར་བྱས་པ་རྡོ་རྗེ་རྩེ་ལྔ་པའི་ཕྱག་རྒྱ་ལས་མཛུབ་མོ་གཡབ་པའམ། རྡོ་རྗེ་དྲིལ་བུ་འཛིན་པས། སྔོན་ཚེ་རྡོ་རྗེ་འཆང་གི་སྤྱན་སྔ་རུ། །གཏུམ་པོ་ཁྱོད་ཀྱིས་ཇི་ལྟར་ཁས་བླངས་བཞིན། །ཕྲིན་ལས་རྣམ་བཞིའི་ལས་ལ་སྤྱན་འདྲེན་ན། །སངས་རྒྱས་བསྟན་པ་སྲུང་ཕྱིར་གཤེགས་སུ་གསོལ། །ༀ་མ་ཧཱ་ཀཱ་ལཱ་ཀཱ་ལཱ། བི་ཀཱ་ལ། རཱ་ཏྲྀ་ཏ། ཌོཾ་བི་ནཱི། ཙཎྜ་ལཱི། རཀྑ་སཱི། སཱི་གྷ་ལཱི། དེ་ཝཱི་ས་པ་རི་ཝཱ་ར་ཨེ་ཧྱེ་ཧི། ཞེས་པས་སྤྱན་དྲངས། ཛཿཧཱུྃ་བཾ་ཧོཿ ཞེས་པས་བསྟིམ། སྔར་ལྟར། པདྨ་ཀ་མ་ལཱ་ཡ་སྟྭཾ་གྱིས་གདན་ཕུལ། ༀ་མ་ཧཱ་ཀཱ་ལཱ་ཀཱ་ལཱ་སོགས་ནས། དེ་ཝཱི་ས་པ་རི་ཝཱ་ར་གྲྀཧྞེ་དཾ་ཨཱརྒྷཾ་སོགས་ནས་ཤབྡའི་བར་གྱིས་མཆོད། རྡོ་རྗེ་རྩེ་ལྔ་པའི་ཕྱག་རྒྱ་སྙིང་གར་བཅས་ཏེ་དེའི་སྤྱི་བོར་བཞག་པར་བསམས་ལ། ༀ་མ་ཧཱ་ཀཱ་ལཱ་ཀཱ་ལཱ་སོགས་ནས་དེ་ཝཱི་ས་མ་ཡ་སྨ་ར་སོགས་ཀྱིས་དམ་ལ་བཞག །སྤྲོ་ན། དཔལ་རྡོ་རྗེ་ནག་པོ་ཆེན་པོ་གདོང་བཞི་པ་འཁོར་དང་བཅས་པ་རྣམས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། ཞེས་སོགས་ཀྱིས་བཀའ་བསྒོས་ལ། རྡོ་རྗེ་ཐལ་མོ་ཁ་ཕྱེ་སྟེ། ༀ་མ་ཧཱ་ཀཱ་ལཱ་ཀཱ་ལཱ་སོགས་ནས། དེ་ཝཱི་ན་མཿསརྦ་ཏ་ཐཱ་ག་ཏེ་ཞེས་སོགས་བཏགས་པ་གསུམ་མམ་ལྔ་དང་། སྤྲོ་ན་འོག་གི་སྔགས་རིང་གིས་ཀྱང་ཕུལ། གོང་ལྟར་མཆོད་ལ་ནང་མཆོད་ཕུལ་ཏེ། ༀ་མ་ཧཱ་ཀཱ་ལཱ་ཀཱ་ལཱ་སོགས་ནས།དེ་ཝཱིའི་མཐར། ༀ་ཨཱཿཧཱུྃ་དཔལ་རྡོ་རྗེ་ནག་པོ་ཆེན་པོ་གདོང་བཞི་པ་འཁོར་དང་བཅས་པའི་ཞལ་དུ་མཆོད་པ་དམ་པ་འབུལ་ལོ། །ཞེས་སོགས་གོང་ལྟར་བརྗོད་ལ། དྲིལ་བུ་ཆིག་བརྡུང་བྱ་ཞིང་། ཧཱུྃ་མི་རྟོག་དབྱིངས་ལས་ཐུགས་རྗེའི་སྐུར་བཞེངས་ཤིག །འབྱུང་བ་གུར་ཆེན་བརྩེགས་པའི་གཞལ་ཡས་ནས། །བདེ་གཤེགས་བཀའ་ཡི་སྲུང་མ་དམ་ཚིག་ཅན། །རྡོ་རྗེ་ནག་པོ་ཆེན་པོ་དབྱིངས་ལས་བཞེངས། །དཔལ་ལྡན་དབང་ལྡན་སྲིད་གསུམ་དབང་བསྒྱུར་ཞིང་། མཆེ་བ་གཙིགས་ཤིང་མཆུ་འཕྱང་ཤུགས་ཆེ་བ། །སྒྲ་སྒྲོགས་དྲིལ་བུའི་ཕྲེང་བས་བརྒྱན་པ་ཡི།
― LT14_Page_084B ―
[མ་དཔེ་གཟིགས་ན་འདིར་གནོན།]
གདོང་བཞི་ལྡན་ཁྱོད་ཏི་སེའི་ཞིང་སྐྱོང་མཛད། །རྫོགས་པའི་སངས་རྒྱས་སྤྱན་སྔ་རུ། །བསྟན་པ་བསྲུང་བར་ཞལ་བཞིས་པའི། །ནག་པོ་ཆེན་པོ་ཞལ་བཞི་པ། །ཡུམ་ཆེན་སྲིན་མོ་བཞི་དང་བཅས། །ཤ་ཆེན་ཟན་དང་མེ་ཏོག་སྤོས། །ཆང་ཕུད་ཤ་ཁྲག་དག་གིས་མཆོད། །རྒྱལ་བའི་བསྟན་པ་སྐྱོང་བ་དང་། །བཅོལ་པའི་ཕྲིན་ལས་གྲུབ་པར་མཛོད། །ཅེས་བརྗོད། དེ་ནས་ལས་མགོན་གྱི་གཏོར་མ་བྱིན་བརླབས་སྔར་ལྟར་དྲན་པར་བྱས་ལ། མགོན་པོའི་ཐུགས་ཀ་ནས་ཡ་དང་། །ལྷ་མོའི་ཐུགས་ཀ་ནས་མྨཾ་མདུན་དུ་སྤྲོས་པས། པདྨ་དང་ཉི་མའི་སྟེང་དུ། ཡ་ལས་ནག་པོ་གནོད་སྦྱིན་སྐུ་མདོག་ནག་པོ་ཞལ་གཅིག་ཕྱག་གཉིས་པ། གཡས་གྲི་གུག་གཡོན་ཐོད་པ་ཁྲག་གིས་གང་བ་འཛིན་པ། མི་ལྤགས་ཀྱི་གཡང་གཞི་གྱོན་ཞིང་གསེར་གྱི་རྣ་ཆ་ཅན། དེའི་མྨཾ་ལས་ནག་མོ་གནོད་སྦྱིན་ཞལ་གཅིག་ཕྱག་གཉིས། གཡས་གསེར་གྱི་སྤུ་གྲི། གཡོན་ཀླད་ཁྲག་གིས་གང་བའི་ཐོད་པ་འཛིན་པ། དར་ནག་གི་ན་བཟའ་གྱོན་ཞིང་བྱི་རུའི་ལན་ཚར་ཅན། དེ་གཉིས་ཀྱི་ཐུགས་ཀ་ནས་ཡབ་ལས་ཏྲི་གཉིས་དང་ཡུམ་ལས་བྷྱོཿགཅིག་མདུན་དུ་སྤྲོས་པ་ལས་པུ་ཏྲ་མིང་སྲིང་གསུམ་དུ་གྱུར་ཏེ། ཏྲི་ལས་པུ་ཏྲ་ནག་པོ་ཞལ་གཅིག་ཕྱག་གཉིས་པ་གཡས་རལ་གྲི་དང་། གཡོན་ཐོད་པ་ཁྲག་གིས་གང་བ་འཛིན་པ། དར་གྱི་ཨང་རག་དང་། དར་ནག་གི་ན་བཟས་བརྒྱན་པ། ཏྲི་ལས་བྷ་ཊ་ནག་པོ་སྟག་སླག་ཅན། གཡས་དམ་ཤིང་དང་། གཡོན་མིའི་སྙིང་འཛིན་པ། བྷྱོཿལས་སྲིན་མོ་རལ་གཅིག་མ། གཡས་གསེར་གྱི་སྤུ་གྲི་དང་། གཡོན་རྒྱུ་མ་འཛིན་ཞིང་ཁ་ནས་མེ་འབར་བ། ལྔ་ཀའང་སྐུ་མདོག་མཐིང་ནག་རབ་ཏུ་ཁྲོས་པའི་སྤྱན་གསུམ་དང་ལྡན་པ། རུས་པའི་ཕྲེང་བ་དང་མི་མགོ་རློན་པའི་དོ་ཤལ་གྱིས་བརྒྱན་པ། རྔམ་ཞིང་འཁྲུགས་པས་གདུག་པ་ཅན་ཚར་གཅོད་པའི་ཚུལ་གྱིས་བཞུགས་པ།
― LT14_Page_085A ―
[མ་དཔེ་གཟིགས་ན་འདིར་གནོན།]
གཞན་ཡང་གཡས་ཀྱི་རུ་འདྲེན་པ་སྐྱེས་པ་སྟག་ཆས་བརྒྱན་པ་བརྒྱ། གཡོན་གྱི་རུ་འདྲེན་པ་དགེ་སློང་གི་གཟུགས་ཅན་བརྒྱ། སླད་ཀྱི་རྗེས་སུ་འབྲང་བ་སྔགས་པ་ནག་པོ་བརྒྱ། མདུན་གྱི་ཤུལ་བྱང་འདྲེན་པ་བུད་མེད་ནག་མོ་བརྒྱ། གཞན་ཡང་དམ་ཉམས་ཀྱི་རྗེས་གཅོད་པའི་བྱ་ནག་ཁྱི་ནག་མི་ནག་ཅེ་སྤྱང་ལ་སོགས་པ་ཕོ་ཉ་བསམ་གྱིས་མི་ཁྱབ་པས་བསྐོར་བ། རང་གི་སྙིང་ག་ནས་འོད་ཟེར་འཕྲོས་པས་རང་བཞིན་གྱི་གནས་ནས་ལས་ཀྱི་མགོན་པོ་རྣམས་ལ་བཀའ་སྡོད་ཕོ་ཉའི་ཚོགས་ཀྱིས་བསྐོར་བ་ༀ་བཛྲ་ས་མཱ་ཛཿ ཞེས་པས་སྤྱན་དྲངས། ཛཿཧཱུྃ་བཾ་ཧོཿ ཞེས་པས་ཐིམ་པར་བསམ། མགོན་པོའི་སྐབས་ཀྱི་དམ་རྒྱ་བཅས་ཏེ་དེ་རྣམས་ཀྱི་སྤྱི་བོར་བཞག་པར་བསམས་ལ། ཨ་ལི་ཨ་ལི་མ། ཛ་ཛ། ཤཾ་ཤཾ། ལི་ཤི་དེད། ཨ་ཤྭ་དེད། མོ་སྨུགས། པུ་ཏྲཱི། ཨ་ལི་མ། ཛ་ཛ། ནག་མོ་ཤ་ལ་རུ་བ། ཛ་ཛ། ༀ་རོ་རུ་རོ་རུ་ཏྲི་ཙ་ཡ་ལ། ཨ་ཤུག་མེ་མ་ཧཱུྃ་མ་བྷྱོཿཛཿཛཿས་མ་ཡ་སྨ་ར་སོགས་ཀྱིས་དམ་ལ་བཞག །སྤྲོ་ན། ལས་ཀྱི་མགོན་པོ་བཀའ་སྡོད་ཕོ་ཉ་འཁོར་དང་བཅས་པ་ཐམས་ཅད་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་སོགས་ཀྱིས་བཀའ་བསྒོས་ལ། རྡོ་རྗེ་ཐལ་མོ་ཁ་ཕྱེ་སྟེ། ཨ་ལི་ཨ་ལི་མ་སོགས་ནས།མ་ཧཱུྃ་མ་བྷྱོ་ཛཿཛཿཨི་དཾ་བ་ལིཾ་། ཁ་ཁ། ཁཱ་ཧི་ཁཱ་ཧི། ཞེས་པ་གསུམ་མམ་ལྔ་ལ་སོགས་པས་གཏོར་མ་ཕུལ་ལ། ༀ་ཨཱརྒྷཾ་སོགས་ཀྱིས་མཆོད་ནས། ནང་མཆོད་ཕུལ་ཏེ། དམ་ཅན་གནོད་སྦྱིན་ཡབ་ཡུམ། བཀའ་སྡོད་པུ་ཏྲ་མིང་སྲིང་། སྤྲུལ་པའི་རུ་འདྲེན་སྡེ་བཞི། དྲེགས་པ་ཕོ་རྒྱུད་མོ་རྒྱུད། ཕོ་ཉ་ལས་མཁན་འཁོར་དང་བཅས་པའི་ཞལ་དུ་མཆོད་པ་དམ་པ་འབུལ་ལོ། །ཞེས་སོགས་གོང་ལྟར་བརྗོད་ལ། དྲིལ་བུ་ཆིག་བརྡུང་བྱ་ཞིང་། ཧཱུྃ་གནོད་སྦྱིན་ཡབ་ཡུམ་འཇིགས་པའི་གཟུགས། །རྔམ་ཞིང་འཁྲུགས་པའི་ཆ་ལུགས་ཀྱིས། །བདུད་དང་དགྲ་བགེགས་འཇོམས་མཛད་པ། །བསྟན་སྲུང་ཡབ་ཡུམ་ཆེ་ལ་
― LT14_Page_085B ―
[མ་དཔེ་གཟིགས་ན་འདིར་གནོན།]
བསྟོད། །མོན་བུ་པུ་ཏྲ་ནག་པོ་སྐྱོང་། །མོན་གྱི་ག་ཤ་སྐུ་ལ་གསོལ། །ཤིང་ཤིང་གསེར་ཤང་ཕྱག་ན་བསྣམས། །པུ་ཏྲ་ནག་པོ་ཁྱོད་ལ་བསྟོད། །མོན་བུ་བྷ་ཊ་སྟག་སླག་བཀྲ། །དར་གྱི་ག་ཤ་སྐུ་ལ་གསོལ། །ཕྱག་ན་དོམ་ཤིང་རྣོན་པོ་བསྣམས། །མོན་བུ་བྷ་ཊ་ཁྱོད་ལ་བསྟོད། །མོན་མོ་གསེར་གྱི་སྤུ་གྲི་མ། །ནག་མོ་ཆེན་མོ་ཁ་འབར་མ། །ཕྱག་ན་གསེར་གྱི་སྤུ་གྲི་བསྣམས། །ནག་མོ་ཁྱོད་ལ་བསྟོད་པ་འབུལ། །བུད་མེད་ནག་མོ་ཆེན་མོ་བརྒྱ། །གཤེགས་ཀྱི་དེ་ནི་ཤུལ་ཡང་འདྲེན། །གཡས་ཀྱི་ཕྱོགས་ནས་རུ་འདྲེན་པ། །སྐྱེས་བུ་སྟག་ཆས་བརྒྱན་པ་བརྒྱ། །གཡོན་གྱི་ཕྱོགས་ནས་རུ་འདྲེན་པ། །དགེ་སློང་ཉན་ཐོས་དགྲ་བཅོམ་བརྒྱ། །སླད་ཀྱི་རྗེས་འབྲང་འཇིགས་རུང་བ། །བནྡེ་ནག་པོ་ཕུར་ཐོགས་བརྒྱ། །འཁོར་འདས་ཀུན་ལ་བསྟོད་པ་འབུལ། །སྐབས་གསུམ་དག་ཀྱང་བསྟོད་པ་འབུལ། །ཞེས་པས་བསྟོད། རྡོ་རྗེ་སྙིང་གར་གཟུང་སྟེ། ལས་ཀྱི་མགོན་པོ་ཕོ་ཉ་འཁོར་བཅས་རྣམས། །ཕྱི་ནང་གསང་བ་ཞེས་སོགས་སྔར་ལྟར་སྦྱར་ལ་ཕྲིན་ལས་གཞོལ། མཁའ་འགྲོ་སྤྱི་གཏོར་བྱིན་རླབས་དྲན་པ་གོང་ལྟར་བྱས་ལ། ལག་པའི་འཛུམ་མོ་གཉིས་ལུ་གུ་རྒྱུད་དུ་སྤྲེལ། མཐེ་བོང་གཉིས་དང་གུང་མོ་གཉིས་སོ་སོར་སྦྱར། སོར་མོ་ལྷག་མ་རྣམས་འབར་བ་ལྟར་རྒྱས་པ་དཔྲལ་བའི་སྟེང་དུ་གཡོན་དུ་བསྐོར། གདོང་བསྒྱུར་ཞིང་མིག་གྱེན་དུ་བལྟ་བ་དང་བཅས་པས། ཕཻཾ་ཞེས་དང་། ༀ་བཛྲ་ཨ་རལླི་ཧོཿཛཿཧཱུྃ་བཾ་ཧོཿ། བ་ཛྲ་ཌཱ་ཀི་ནྱཿས་མ་ཡ་སྟྭཾ་དྲྀ་ཤྱ་ཧོཿ། ཞེས་བརྗོད་དེ་སྙིང་གའི་ཧཱུྃ་གིས་འོད་ཟེར་གྱིས་འཛམ་བུའི་གླིང་ན་གདོད་ནས་གྲུབ་པའི་དུར་ཁྲོད་བརྒྱད་མདུན་གྱི་ནམ་མཁར་བྱོན་པར་བསམས་ལ། དེ་རྣམས་ལ་གཏོར་མ་ཕུལ་བར་བསམས་ཏེ། ཐལ་མ་ཁ་གྱེན་དུ་ཕྱེ་ལ། ༀ་ཁ་ཁ། ཁཱ་ཧི་ཁཱ་ཧི། སརྦ་ཡཀྵ། རཱཀྵ་ས། བྷཱུ་ཏ། པྲེ་ཏ། པི་ཤཱ་ཙི། ཨུནྨཱ་ད། ཨ་པ་སྨར། ཌཱ་ཀ །ཌཱ་ཀི་ནྱཱ་ད་ཡ། ཨི་མ་བ་ལིཾ་གྲྀཧྞ་ན། ས་མ་ཡ་རཀྵནྟུ། མ་མ་སརྦ་སིདྡྷིམྨེ་པྲ་ཡཙྪནྟུ།
― LT14_Page_086A ―
[མ་དཔེ་གཟིགས་ན་འདིར་གནོན།]
ཡ་ཐཻ་བཾ། ཡ་ཐེཥྚྃ། བྷུཉྫ་ཐ། ཛི་གྷ་ཐ། པི་པ་ཐ། མཱ་ཏི་ཀྲ་མ་ཐ། མ་མ་སརྦ་ཀརྟ་ཡཱ། སཏྶུ་ཁཾ་བི་ཤུདྡྷ་ཡེ། ས་ཧཱ་ཡི་ཀ་བྷ་ཝནྟུ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་ལན་གསུམ་གྱིས་ཕུལ། ༀ་ཨཱརྒྷཾ་སྭཱ་ཧཱ། པཱ་དྱཾ་སྭཱ་ཧཱ། ༀ་བཛྲ་པུཥྤེ་སོགས་ནས། ཤབྡའི་བར་གྱིས་མཆོད། ནང་མཆོད་ཕུལ་ཏེ། སངས་རྒྱས་མཁའ་འགྲོ། རྡོ་རྗེ་མཁའ་འགྲོ། རིན་ཆེན་མཁའ་འགྲོ། པདྨ་མཁའ་འགྲོ། སྣ་ཚོགས་མཁའ་འགྲོ་ལ་སོགས་པ་གནས་གསུམ་གྱི་དཔའ་བོ་མཁའ་འགྲོ་རྣམས་ཀྱི་ཞལ་དུ་མཆོད་པ་དམ་པ་འབུལ་ལོ་ཞེས་སོགས་གོང་ལྟར་བརྗོད་ལ། དྲིལ་བུ་ཆིག་བརྡུང་བྱ་ཞིང་། ལྷ་ཡི་ཚོགས་རྣམས་མ་ལུས་དང་། །ཀླུ་ཡི་ཚོགས་རྣམས་མ་ལུས་དང་། །གནོད་སྦྱིན་ཚོགས་རྣམས་མ་ལུས་ཞེས་སོགས་ནས། མ་ལུས་པ་ནི་ཐམས་ཅད་དག །འདིར་གཤེགས་བདག་ལ་དགོངས་སུ་གསོལ། །བསྟན་པ་སྲུང་དང་འགྲོ་བའི་དོན་མཛད་ཕྱིར། །ཐུགས་དམ་བཅས་ཤིང་ཞལ་གྱིས་བཞེས་པ་རྣམས། །དཔལ་ཆེན་བཀའ་སྡོད་ཡིད་ལྟར་མགྱོགས་པ་ཡི། །འཇིགས་པའི་གཟུགས་ཅན་དྲག་གཏུམ་མི་བཟད་པ། །གདུག་པ་འདུལ་མཛད་ནག་པོའི་ཚོགས་རྣམས་འཇོམས། །རྣལ་འབྱོར་ལས་ལ་འབྲས་བུ་སྟེར་མཛད་ཅིང་། །མཐུ་སྟོབས་བྱིན་རླབས་བསམ་གྱིས་མི་ཁྱབ་པའི། །གནོད་སྦྱིན་ཚོགས་སོགས་བརྒྱད་ལ་ཕྱག་འཚལ་བསྟོད། །སྡེ་བརྒྱད་བཙུན་མོ་སྲས་དང་གཡོག་བཅས་ཀྱིས། །དངོས་གྲུབ་ཀུན་གྱི་བཀའ་དྲིན་བདག་ལ་སྩོལ། །རྣལ་འབྱོར་བདག་ཅག་འཁོར་བཅས་ལ། །ཞེས་སོགས་ནས། ཡིད་ལ་འདོད་པ་ཀུན་འགྲུབ་ཤོག །ཅེས་བརྗོད། ༈ བཟླས་པ་བྱེད་ན། ཡུངས་དཀར། གུ་གུལ། དུག །ཚིལ་ཆེན་རྣམས་བསྲེས་པའི་བདུག་སྤོས་བསྲེག་ཅིང་། དེ་ཝ་པི་ཙུ་ཕྲེང་སྐོར་གཅིག་བཟླས་ལ། རང་ཡི་དམ་དུ་གསལ་བའི་ཐུགས་ཀ་ནས་སྔགས་འོད་ཟེར་དང་བཅས་པ་འཕྲོས། མགོན་པོ་འཁོར་བཅས་ཀྱི་
― LT14_Page_086B ―
[མ་དཔེ་གཟིགས་ན་འདིར་གནོན།]
ཐུགས་ཀར་ཕོག་པས། ཐུགས་རྒྱུད་བསྐུལ་ཏེ་གང་བསྒོ་བ་ཉན་པར་བསམས་ལ། ༀ་མ་ཧཱ་ཀཱ་ལ་ཧཱུྃ་ཕཊ། ཅེས་ཡི་གེ་བདུན་པ་དང་། ༀ་མ་ཧཱ་ཀཱ་ལ་ཡ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་བཅུ་གཉིས་པ་དང་། ཤཱ་ས་ན་རྣམས་ཅི་ནུས་བཟླ། སྔགས་གསུམ་པོ་གོ་རིམ་སྤྱི་དང་མཐུན་པར་བཟླས་ཀྱང་རུང་ངོ་། །དེ་ནས་ལྷ་མོ་ལ་དམིགས་པ་གཏད་ལ་རོ་རུ་སོགས་དང་། སྤྲོ་ན། ༀ་ཧཱུྃ་ཤྲཱི་ཡ་དེ་ཝཱི་ཀཱ་ལི་ཧཱུྃ་བྷྱོཿཞེས་པ་བཟླ། དེ་བཞིན་དུ་ཞལ་བཞི་པ་ལ་དམིགས་ལ། ༀ་མ་ཧཱ་ཀཱ་ལ་ཀཱ་ལ་བི་ཀཱ་ལ་ར་ཏྲྀ་ཏ་ཧཱུྃ་ཕཊ་སྭཱ་ཧཱ། ཞེས་པ་གཙོ་བོར་བཟླ། རྗེས་སུ། ༀ་མ་ཧཱ་ཀཱ་ལ་ཀཱ་ལ། བི་ཀཊྚ་ཀ་རཱ་ལ། ལམྦི་ཏ་ཨོ་ཋ། ལམྦ་ཀ་བེ་ཀད།ལམྦ་ཀ་བཱ་ལེ། ར་ཝི་། རུ་ཏྲ་མཱ་ལ་བི་ཧུ་རེ། ཙྪེ་ད་ཧ་ཀ་ལེ། ཧ་ལེ་ན་ཧ་ལེ་པིམྦི་ཛཱ་ལི། བཱ་མེ་གྷུནྡི་དྷ་རི་ཡཾ་མ་ཨཾ། ད་ཧི་ན་རྟི་ཀ་ཀཱ་རོ་ཊི། བི་བྷི་ཥ་ཎ་དྷ་ཨཾ། བཱ་མི། འདི་ནས་མི་མཛད། མཆན། ལ་པཱ་ཎི། ཧ་ར་དོ་ར་ན་ར་སཱི་རམྤ་ལ། ས་ཏ་ལེ་ཀྵིཾ། ཀཱ་ར་ཀ་ལ། མ་ཧཱ་པོ་ཊ་ལེ། མ་ཧཱ་ཀཱ་ལ། ཤྲཱི་ཀ་བཱི་ལ། ཀེ་ལ་སཾ་ཀྵེ་ཊ་པ་ལ། ཧཱ་ཧཱ་ཀཱ་རེ་ཧཱུྃ་ཧཱུྃ་ཀཱ་རེ། སུརྦ་བྷཱ་ཥ་བྷི་ཨུཾ། ཛཽ་ཛནྟི་མི་ས་བྷ་ཏ། ཕུལླ་དྷཱུ་པ། ཨི་ཀཱ་ཧ་བ་ལི་ཛི་གྷ་ཧ། ད་ཤ་དི་ཀ་ཨུརྟ་ར་ཝུ་རི། །ཌོམ་བྷི་ནཱི་ཙཎྜ་ལཱི་རཀྑ་སཱི་སིཾ་གྷ་ལཱི་དེ་ཝཱི། ཧ་ན་ཧ་ན། བྷབྡྷ་བྷནྡྷ། མ་ར་མ་ར། ད་ཧ་ད་ཧ། པ་ཙ་པ་ཙ། ཀྵིཾ་ཀྵིཾ། ལེ་བ་ལིཾ་དེ་ཧི་སིདྡྷི། བི་ཀཱ་ལ་ཤ་ཏྲཱུ་ན་མཱ་ར་ཡ་ཧཱུྃ་ཕཊ། ཅེས་ཅི་ནུས་བཟླ། དེ་ནས་ལས་མགོན་རྣམས་ལ་དམིགས་པ་གཏད་ལ། འཇིག་རྟེན་པ་རྣམས་མོས་ཕོ་བསྐུལ་བ་ཡིན་པས་ཐོག་མར། ༀ་རོ་རུ་རོ་རུ་ཏྲི་ཙ་པ་ལ་ཞེས་སོགས་མོའི་བོད་པ་ཆ་གཉིས་སུ་བཟླ། དེ་ནས་ཨ་ལི་ཨ་ལི་མ་ཞེས་སོགས་ཕོའི་བོད་པ་ཆ་གཅིག་ཏུ་བཟླ། བཟླས་པ་རྫོགས་པ་ན། ༀ་ཤྲཱི་མ་ཧཱ་ཀཱ་ལཱ་ཡ་དཾ་ཨཱརྒྷཾ་སོགས་ནས། ཤབྡའི་བར་གྱིས་མཆོད། ནང་མཆོད་འབུལ་ཞིང་སྔགས་རྣམས་ཀྱི་མཐར། དཔལ་རྡོ་རྗེ་ནག་པོ་ཆེན་པོ་ལྕམ་དྲལ་འཁོར་དང་བཅས་པ་རྣམས་དང་། མཐུ་སྟོབས་ཀྱིས་དབང་ཕྱུག་ནག་པོ་ཆེན་པོ་གདོང་བཞི་པ་འཁོར་དང་བཅས་པ་རྣམས་ཀྱི་
― LT14_Page_087A ―
[མ་དཔེ་གཟིགས་ན་འདིར་གནོན།]
ཞལ་དུ་མཆོད་པ་དམ་པ་འབུལ་ལོ། །ཞེས་སོགས་སྔར་བཞིན་བརྗོད། རྡོ་རྗེ་དྲིལ་བུ་འཛིན་པས། བསྟོད་པ་གསར་རྙིང་གང་རུང་ཤ་ལོ་ཀ་རེས་བསྟོད་ལ། རྡོ་རྗེ་སྙིང་གར་བཟུང་། དྲིལ་བུ་ལྡིང་ཁུགས་སུ་དཀྲོལ་ཏེ། རྡོ་རྗེའི་གླུ་བཀྲ་ཤིས་སྨོན་ལམ་རྣམས་སྒྲུབ་ཐབས་ལྟར་བྱ། གཏོར་མ་སྐྱོང་ན་འདས་གཏོར་བར་ཆད་བསྲུང་བའི་ཆེད་དུ་བཞག །འཇིག་རྟེན་པའི་གཏོར་མ་མཚན་མོ་ཡིན་ན་དཔལ་འབར་དང་བཅས་ནས་ཁྱེར་ཏེ་འོག་ནས་འབྱུང་བ་ལྟར་སྤྱི་བསྟབས་བྱས་ལ། ནང་དུ་ལོག་ནས་ལྷག་ཆད་ཁ་བསྐངས་བ་སོགས་རྗེས་ཀྱི་ཆོ་ག་རྣམས་བྱའོ། །གལ་ཏེ་དེ་དང་འབྲེལ་བར་བསྐང་བཤགས་ལ་སོགས་པ་བྱེད་ན་བཟླས་པའི་རྗེས་ཀྱི་མཆོད་པ་ཡན་ཚད་རྫོགས་པར་བྱས་ནས་རྟེན་ལ་ཁ་ཕྱོགས་པར་ལངས་ཏེ། བླ་མ་ཡི་དམ་ཆོས་སྐྱོང་དང་བཅས་པ་ལ་ཕྱག་འཚལ་བའི་ཚིག་གང་རིགས་སྔོན་དུ་འགྲོ་བས་མེ་ཏོག་དང་བཅས་ཏེ་བཤགས་པའི་ཚིག་རྣམས་ལན་གསུམ་བརྗོད། བསྐང་གསོ་དང་འབྲེལ་ན་གུར་མགོན་གྱི་བསྐང་གསོ་སྐབས་འདིར་བྱ་ཞིང་། གདོང་བཞི་པའི་བསྐང་གསོ་ནི་ཕྱག་ལེན་ལ་གཏོར་འབུལ་དང་འབྲེལ་བར་གོང་དུ་མཛད་ལ་འདིར་བྱེད་པར་སྤྲོ་ན་སྤྱན་འདྲེན་གྱི་ཚིག་རྣམས་གོང་དུ་བྱས་ནས། བསྐང་གཏོར་བྱིན་རླབས། འབུལ་བ། བསྐང་གསོ་དངོས་གཞི་རྣམས་འདིར་བྱས་ཀྱང་ཉེས་པ་མེད་དོ། །བསྟོད་པ་ལ་དབྱངས་བྱེད་ན་གོང་དུ་མཆོད་གཏོར་འབུལ་བ་ཙམ་ལས་བསྟོད་པ་དང་བསྟབས་པའི་ཚིག་རྣམས་མི་བྱ་བར། སྐབས་འདིར་མགོན་པོ་ལྕམ་དྲལ་དང་གདོང་བཞི་པའི་བསྟོད་པ་དང་བསྟབས་པ་རྣམས་རིམ་པས་བྱས་ལ། དེའི་རྗེས་སུ་སྲིད་ཞིའི་དཔལ་འབྱོར་མ་ལུས་འབྱུང་བའི་གཞི། །ཐུབ་པའི་བསྟན་པ་ཡུན་རིང་གནས་པ་དང་། །དེ་འཛིན་བྱེད་པའི་སྐྱེས་བུ་དམ་པ་ཀུན། །དཔལ་འབྱོར་གྱིས་བརྒྱན་ཡུན་རིང་ཞབས་བརྟན་མཛོད། །བདག་ཅག་འཁོར་དང་བཅས་པ་ཐམས་ཅད་ལ། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །དོན་རྣམས་ཐམས་ཅད་ཡིད་བཞིན་འགྲུབ་པ་དང་། །འགྲོ་བའི་དོན་ལ་མཐུ་དང་ལྡན་པར་མཛོད། །ཅེས་ཐུན་མོང་དུ་ཕྲིན་ལས་བཅོལ། རྡོ་རྗེ་དྲིལ་བུ་འཛིན་པས། ལྷ་ཡི་ཚོགས་རྣམས་མ་ལུས་དང་། །ཞེས་སོགས་དང་རྡོ་རྗེའི་གླུ་བཀྲ་ཤིས་སྨོན་ལམ་བཅས་བྱ། དེ་ནས་ལས་མགོན་གྱི་བསྟོད་བསྐུལ་བྱས་
― LT14_Page_087B ―
[མ་དཔེ་གཟིགས་ན་འདིར་གནོན།]
ལ། གནས་ཁང་དེ་ཉིད་དམ། ཁང་ཐོག་ལ་སོགས་པའི་ཕྱོགས་གཙང་མར་སྤོས་ཀྱིས་སྣ་དྲངས་ཏེ། འཇིག་རྟེན་པའི་གཏོར་མ་རྣམས་མཐའ་ནས་རིམ་པས་བཏེགས་ལ་རོལ་མོ་དང་བཅས་པས། ཧཱུྃ། དཔལ་ལྡན་མགོན་པོ་མ་ཧཱ་ཀཱ་ལ་དང་། །དཔལ་ལྡན་ལྷ་མོ་མི་ཕམ་སྲིད་གསུམ་བདག །ལྕམ་དྲལ་ཁྱེད་ཀྱི་བཀའ་ལས་མི་འདའ་བའི། །དུར་ཁྲོད་བདག་པོ་ཞིང་སྐྱོང་འཁོར་དང་བཅས། །སྣང་སྲིད་ལྷ་སྲིན་སྡེ་བརྒྱད་འཁོར་དང་བཅས། །དྲེགས་པ་ཕོ་རྒྱུད་མོ་རྒྱུད་འཁོར་དང་བཅས། །མཁའ་ལྡིང་བྱ་ཁྱི་ལྕེགས་སྤྱང་འཁོར་དང་བཅས། །པུ་ཏྲ་ལ་སོགས་ལས་མཁན་འཁོར་དང་བཅས། །སྲུང་མ་རྒྱ་མཚོའི་ཚོགས་རྣམས་འཁོར་དང་བཅས། །འདིར་གཤེགས་རྒྱན་གྱི་གཏོར་མ་འདི་བཞེས་ཤིག །ཤ་ཁྲག་དམར་གྱི་གཏོར་མ་འདི་བཞེས་ཤིག །ཛམྦུ་ཏི་ཀའི་ཞལ་ཟས་འདི་བཞེས་ཤིག །ཆང་དང་ཕུད་ཀྱི་མཆོད་པ་འདི་བཞེས་ཤིག །སྔར་བཅོལ་ལས་ཀྱི་གཏང་རག་གཉན་པོ་འབུལ། །ད་བཅོལ་ལས་ཀྱི་གསལ་འདེབས་གཉན་པོ་བཞེས། །འཁོར་རྣམས་སྲུང་ཞིང་རྐྱེན་རྣམས་བཟློག་པ་དང་། །སྡང་བའི་དགྲ་དང་གནོད་པའི་བགེགས་ལ་སོགས། །བདུད་དང་བར་དུ་གཅོད་པ་རྣམ་མང་པོ། །ཐམས་ཅད་ཉེ་བར་ཞི་བར་མཛད་དུ་གསོལ། །བསྟན་པ་རྒྱས་པའི་ལས་འདི་མྱུར་ཏུ་སྒྲུབས། །ཞེས་བརྗོད་ལ་ཤཱ་ས་ན་བཟླ་ཞིང་གཏོར་མ་ས་གཙང་སར་བཏང་། མགྲོན་རྣམས་གཏོར་མས་ཚིམ་སྟེ་དགེས་བཞིན་དུ་རང་གནས་སུ་གཤེགས་པར་བསམ། ནང་དུ་འོངས་ཏེ་ཡི་གེ་བརྒྱ་པས་ལྷག་ཆད་ཁ་བསྐངས། མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་མཛོད། །ཅེས་བརྗོད། རྟེན་ཡོད་ན། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་
― LT14_Page_088A ―
[མ་དཔེ་གཟིགས་ན་འདིར་གནོན།]
ལ་མ་བཞག་གི་བར་དུ་རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། བྱེ་བྲག་ཏུ་ཡང་སྐུ་གཟུགས་ཀྱི་རྟེན་འདི་རྣམས་ལ་བསྐྱེད་ཅིང་སྤྱན་དྲངས་པའི་ལྷ་ཚོགས་རྣམས་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ། བརྟན་པར་བཞུགས་ནས་བདག་དང་སེམས་ཅན་ཐམས་ཅད་ཀྱི་མགོན་དང་སྐྱབས་དང་དཔུང་གཉེན་དམ་པ་མཛད་དུ་གསོལ། ༀ་སུ་པྲ་ཏིཥྛ་བཛྲཱ་ཡ་སྭཱ་ཧཱ། ཞེས་བརྗོད་ཅིང་རྟེན་ལ་མེ་ཏོག་གཏོར། རྟེན་མེད་པ་རྣམས་ལ། ༀ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །བཛྲ་མུཿཞེས་དང་མཐེབ་སྲིན་གྱིས་སེ་གོལ་བྱས་ལ། རྟེན་ལ་མ་བརྟེན་པའི་གཏོར་མགྲོན་གྱི་ཡེ་ཤེས་པ་རྣམས་གཤེགས། དམ་ཚིག་པ་རྣམས་རང་ལ་གཉིས་སུ་མེད་པར་ཐིམ། ཛཿཧཱུྃ་བཾ་ཧོཿ། །རང་གི་མིག་ཏུ་གཏི་མུག་རྡོ་རྗེ་མ། ཞེས་སོགས་ནས། ཐུགས་ཀར་ཐུགས་རྡོ་རྗེ་མ། ༀ་སརྦ་ཏ་ཐཱ་ག་ཏ་ཀཱ་ཡ་ཝཱཀྐ་ཙིཏྟ་བཛྲ་སྭཱ་བྷཱ་ཝ་ཨཱཏྨ་ཀོ྅་ཧཾ། ཞེས་པས་བསྲུང་བ་བྱས་ལ། དགེ་རྩ་བྱང་ཆུབ་ཏུ་བསྔོ་ཞིང་ཆོས་མཐུན་གྱི་སྤྱོད་པས་དུས་འདའ་བར་བྱའོ། །འདི་ནི་གཏོར་བསྔོ་ཙམ་དང་འབྲེལ་བར་བསྐང་བཤགས་ལ་སོགས་པ་བྱ་བའི་ཚུལ་ཡིན་ལ། གཏོར་མ་ལ་བརྟེན་ནས་ལས་བསྒྲུབ་པ་ལ་གཏོར་སྒྲུབ་ཅེས་གྲགས་པའི་ཆོ་གའི་རིམ་པ་ནི་གཏོར་ཆོག་དགྲ་ལས་རྣམ་རྒྱལ་དང་། དེའི་ལྷན་ཐབས་གཡུལ་ལས་རྣམ་རྒྱལ་ནས་འབྱུང་བའི་དོན། མན་ངག་དང་ཕྱག་ལེན་གྱིས་བརྒྱན་ཤེས་པར་བྱ་དགོས་ཀྱི། དབྱངས་དང་རྔ་བརྡུང་མི་བྱེད་པ་ལ་གཏོར་བསྔོ་དང་། དེ་རྣམས་བྱེད་པ་ལ་གཏོར་སྒྲུབ་ཏུ་འཛིན་པ་ལ་སོགས་པའི་ལོག་རྟོག་རྣམས་རྒྱང་རིང་དུ་དོར་ལ། ལེགས་པར་བསླབས་ཏེ་བརྡའ་དང་ཐ་སྙད་ཙམ་ལ་ཡང་མཁས་པར་བྱས་ནས་བསྟན་པ་རིན་པོ་ཆེའི་ཞབས་ཏོག་ཏུ་ཅི་འགྱུར་གྱི་ཐབས་ལ་འབད་དགོས་སོ་ཞེས་ལག་ལེན་པ་རྣམས་ལ་གསོལ་བ་འདེབས་སོ། །དེ་ལྟར་ཡི་དམ་ཆོས་སྐྱོང་གི །གཏོར་མའི་ཆོ་ག་མཛེས་རྒྱན་འདི། །
― LT14_Page_088B ―
[མ་དཔེ་གཟིགས་ན་འདིར་གནོན།]
བཀའ་དྲིན་མཉམ་མེད་འཁོར་ལོའ་མགོན། །རཏྣ་ཝརྡྷ་ཡབ་སྲས་ཀྱི། །ཞབས་ཀྱི་རྡུལ་ཕྲང་ལ་རེག་པའི། །བཙུན་པ་དཀོན་མཆོག་ལྷུན་གྲུབ་ཀྱིས། །བློ་དམན་འཇུག་པ་བདེ་བའི་ཕྱིར། །ཨེ་ཝཾ་ཆོས་ལྡན་དགོན་པར་སྦྱར། །སྔགས་རྣམས་ཕལ་ཆེར་རྒྱ་དཔེ་ལ། །གཏུགས་ཏེ་དག་པར་བགྱིད་པས་ན། །རིང་ཐུང་གཅོད་མཚམས་ལ་སོགས་པ། །འདི་ཉིད་ཁོ་ན་དང་དུ་ལོང་། །འདི་ལ་ནོངས་གང་སྒོ་གསུམ་གྱི། །སྡིག་དང་ལྷན་ཅིག་མགོན་ལ་བཤགས། །ལེགས་པའི་དགེ་དེས་བདག་གཞན་ཀུན། །བདུད་བཞིའི་དགྲ་ལས་རྒྱལ་གྱུར་ཅིག །དགེའོ།། །།
གདམས་ངག་མཛོད་པོད་ལྔ་པ།
དཔལ་ཀྱཻ་རྡོ་རྗེའི་དབང་གི་ཆུ་བོ་ཆེན་མོ་མཛེས་པར་བྱེད་པའི་རྒྱན།
― LT14_Page_089A ―
[མ་དཔེ་གཟིགས་ན་འདིར་གནོན།]
དཔལ་ཀྱཻ་རྡོ་རྗེའི་དབང་གི་ཆུ་བོ་ཆེན་མོ་མཛེས་པར་བྱེད་པའི་རྒྱན་ཞེས་བྱ་བ་བཞུགས་སོ།། །།
― LT14_Page_089B ―
[མ་དཔེ་གཟིགས་ན་འདིར་གནོན།]
ན་མཿཤྲཱི་ཙཀྲ་ནཱ་ཐ་རཏྣ་ཝརྡྷཱ་ཡ། །དཔལ་ལྡན་དགེས་པ་རྡོ་རྗེ་དང་། །དབྱེར་མེད་བླ་མ་ལ་བཏུད་ནས། །དབང་གི་ཆུ་བོ་མཛེས་པའི་རྒྱན། །བློ་དམན་དོན་དུ་བཤད་ཀྱིས་ཉོན། །རྗེས་བཟུང་བསྙེན་པས་ཆོ་ག་དང་། །སྟ་གོན་བྲི་རྒྱན་སྒྲུབ་ཅིང་མཆོད། །འཇུག་ཅིང་དབང་བླང་མཇུག་ཆོག་ལྟེ། །སྤྱི་སྡོམ་བརྒྱད་ལས་དང་པོ་གསུམ། །གཞན་དུ་ཤེས་བྱ་སྟ་གོན་ལ། །སྦྱོར་དངོས་རྗེས་ཀྱི་དང་པོ་ནི། །གང་དུ་དཀྱིལ་འཁོར་བྱ་བའི་སར། །ཐིག་ཆེན་བརྒྱད་དམ་དཀྱིལ་འཁོར་གྱི། །སྐྱ་ཐིག་རྫོགས་པར་བཏབ་པའི་དབུས། །དྲི་ཡི་ཐིག་ལེ་གྲུ་བཞི་དང་། །ཕྱོགས་མཚམས་རྣམས་སུ་ཟླུམ་པོའི་སྟེང་། །མེ་ཏོག་ཚོམ་བུ་རེ་རེ་དགོད། །དེ་ཡི་དབུས་སུ་མཉྫི་ལ། །སོགས་པའི་སྟེང་དུ་ས་ལྷ་ཡི། །མཎྜལ་ཚོམ་བུ་ལེགས་པར་བཤམ། །རས་བྲིས་ལྟར་ན་ལྷ་དགུ་ཡི། །ཚོམ་བུའང་མཎྜལ་ལ་བཀོད་དེ། །ས་ལྷ་འོག་དང་ལྷ་དགུ་ཡི། །མཎྜལ་སྟེང་དུ་བཤམས་ན་མཛེས། །དེ་ཡི་ཕྱི་རོལ་བྱང་ཤར་གྱི། །མཚམས་སུ་མཚམས་འཛིན་མེ་ཏོག་དང་། །ཤར་དུ་ཞབས་བསིལ་ཞལ་བསིལ་གཉིས། །ཤར་ལྷོར་འཐོར་འཐུང་ལྷོར་མཆོད་ཡོན། །ལྷོ་ནུབ་མཚམས་སུ་མེ་ཏོག་དང་། །ནུབ་ཏུ་བདུག་སྤོས་མར་མེ་གཉིས། །ནུབ་བྱང་དྲི་ཆབ་བྱང་ཞལ་ཟས། །དེ་རྣམས་གྲུ་བཞིར་བཤམས་ནང་དུ། །ཤར་ནུབ་གཉིས་སུ་ལྷག་རེ་དང་། །བཅས་པའི་ཕྱོགས་
― LT14_Page_090A ―
[མ་དཔེ་གཟིགས་ན་འདིར་གནོན།]
བཞི་མཚམས་བཞི་རུ། །བདུག་སྤོས་མར་མེ་ཞལ་ཟས་རེ། །གཡས་སྐོར་དག་ཏུ་གྲུ་བཞིར་བཤམས། །ས་ལྷའི་མཎྜལ་ཉེ་ལོགས་སུ། །གཏོར་མ་གཅིག་བཤམས་འབྱོར་བྱུང་ན། །སྒོས་མཆོད་ཀྱང་བཤམས་དཀྱིལ་འཁོར་གྱི། །བྱང་ཤར་ནས་བརྩམས་ཤར་ལྷོའི་བར། །འདས་པའི་ལྷ་དང་འཇིག་རྟེན་པའི། །གཏོར་མ་གཉིས་སམ་ལྔ་ལ་སོགས། །གང་དགོས་བཤམ་ཞིང་ལོགས་ཤིག་ཏུ། །སྔོན་དུ་འགྲོ་བའི་གཏོར་མ་དང་། །གྲུབ་ན་ལས་ཀུན་པའི་མཆོད་པ། །མེ་ཏོག་ལ་སོགས་རྣམ་ལྔ་ཡང་། །བཤམས་ན་ལེགས་པར་བདག་གིས་མཐོང་། །སློབ་དཔོན་མདུན་དུ་རྡོར་དྲིལ་དང་། །ནང་མཆོད་གོས་ཟུང་ལ་སོགས་བཤམ། །མཚན་ལྡན་བུམ་པ་གཉིས་སམ་བཅུ། །ལེགས་བཀྲུས་ཁ་ཚར་མ་ཉམས་པའི། །རས་བཟང་མགུལ་ཆིང་པྲོག་ལྔ་པའམ། །བདུན་བ་ལེགས་བཅིངས་ལྷ་སོ་སོའ། །གཡས་ཀྱི་ཕྱག་མཚན་བྲིས་ལ་གདགས། །གཉིས་ལས་མེད་ན་རྣམ་རྒྱལ་ལ། །པདྨར་གནས་པའི་ཐོད་པ་ནི། །སྣ་ཚོགས་རྡོ་རྗེས་མཚན་པ་དང་། །གྲི་གུགས་ལེགས་གདགས་ལས་བུམ་ལ། །སྣ་ཚོགས་རྡོ་རྗེ་བྲིས་ཏེ་གདགས། །འཁྱིལ་པ་བཟླ་ཞིང་གུ་གུལ་གྱིས། །ལེགས་བདུག་ཡུངས་ཀར་དག་གིས་བྲབ། །གཙང་མའི་ཆུ་ཡིས་སུམ་གཉིས་དགང་། །ནས་གྲོ་སྲན་འབྲས་ཏིལ་འབྲུ་
― LT14_Page_090B ―
[མ་དཔེ་གཟིགས་ན་འདིར་གནོན།]
ལྔ། །གསེར་དངུལ་བྱི་རུ་མུ་ཏིག་དང་། །མུ་མན་ཞེས་བྱ་རིན་ཆེན་ལྔ། །སླེ་ཏྲེས་ཀཎྜ་ཤུ་དག་དམར། །རྒྱ་མཚོ་ལྦུ་པ་དབང་ལག་སྨན། །ལན་ཚྭ་བུ་རམ་རོ་མ་དང་། །མར་དང་སྦྲང་རྩི་སྙིང་པོ་ལྔ། །ཙནྡན་དཀར་དམར་གུར་གུམ་དང་། །ག་བུར་ཛཱ་ཏི་དྲི་བཟང་ལྔ། །ཤ་ལྔ་བདུད་རྩི་རྣམ་ལྔ་སྟེ། །སུམ་ཅུ་རྩ་ལྔ་ཅི་འབྱོར་གཞུག །ཀུ་ཤས་ཁ་བརྒྱན་བུམ་གདན་སྟེང་། །ལྷ་ཡི་བཀོད་པ་ཇི་བཞིན་བཤམ། །ལས་བུམ་པུཀྐ་སཱིའི་གཡས་བཞག །གཉིས་ལས་མེད་ན་རྣམ་རྒྱལ་གཡས། །ལས་བུམ་གཡོན་བཞག་བཟློག་པའང་ཡོད། །རྣམ་རྒྱལ་སྟེང་དུ་དུང་ཆོས་སོགས། །དྲི་བཟང་ཆུ་ཡིས་བཀང་བ་དང་། །གཟུངས་ཐག་བཏགས་པའི་རྡོ་རྗེ་བཞག །སློབ་མ་སྟ་གོན་བྱ་དགོས་ན། །ཉེར་སྤྱོད་སོ་ཤིང་ཁྱོར་ཆུ་དང་། །དཔུང་སྐུད་ཀུ་ཤ་སོགས་བཤམ་མོ། །ཞེས་ཏེ་ཇི་སྐད་བཤད་པ་དེ་དག་ནི་དབང་གི་ཆུ་བོ་ཆེན་མོའི་དགོངས་པ་ཐོ་ཙམ་ཞིག་བཀོད་པ་སྟེ། ཞིབ་ཏུ་བརྒྱུད་པའི་ཕྱག་ལེན་མཐོང་བ་ལས་ཤེས་པར་བྱའོ། །དངོས་གཞི་བདག་བསྐྱེད་བཟླས་མཆོད་རྗེས། །དཀྱིལ་འཁོར་བསྡུས་ནས་ས་ལྷ་དང་། །ལྷ་དང་བུམ་པ་སློབ་མ་རྣམས། །ལྷག་པར་གནས་པ་རིམ་བཞིན་བྱ། །ཞེས་ཏེ་དེ་ཡང་རང་ལྷའི་ང་རྒྱལ་དང་ལྡན་པས། སྔོན་འགྲོ་གཏོར་མ་རྡོ་རྗེའི་རྩེས་ནང་མཆོད་གཏོར་ལ། ཨ་མྲྀ་ཏ་ས་བསང་། སྭ་བྷཱ་ཝས་སྦྱངས་ཏེ། འོག་ཏུ་བསང་སྦྱངས་ཞེས་འབྱུང་བ་རྣམས་སུའང་འདི་དྲན་པར་བྱའོ། །དེ་ནས་གཏོར་མ་ལ་ལག་པ་གཡོན་པ་བསྟན་ཏེ་ༀ། གཡས་པ་བསྟན་ཏེ་ཨཱཿ གཉིས་ཀ་བསྟན་ཏེ་ཧཱུྃ། ལག་པ་གཉིས་ནི་བཀན་བྱས་ལ། །སྲིན་ལག་གཉིས་ནི་ཕན་ཚུན་དཀྲི། །གུང་མོ་དང་ནི་མཐེབ་རྩེ་སྦྱར། །ཁྲོ་བོ་གཉིས་ཀྱིས་མནན་པར་བྱ། །ཞེས་པ་ལྟར་བྱ་ཁྱུང་གི་ཕྱག་རྒྱ་བསྟན་ཏོ་ཧོཿ ཞེས་དང་། ༀ་ཨཱཿཧཱུྃ་ཧ་ཧོ་ཧྲཱིཿ ཞེས་ལན་གསུམ་གྱིས་བྱིན་གྱིས་བརླབས་ནས། ཧཱུྃ་མཛད་ཀྱི་ཕྱག་རྒྱ་ལས་མཛུབ་མོ་གཉིས་བཀུག་ལ། ༀ་མ་ཧཱ་བྷུ་ཏ་ས་པ་རི་ཝཱ་ར་ཨཱ་ཀརྵ་ཡ་ཛཿ ཞེས་པས་གཏོར་མགྲོན་སྤྱན་དྲངས། པད་སྐོར་དང་བཅས་པའི་རྡོ་རྗེ་ཐལ་མོ་ཁ་གྱེན་དུ་ཕྱེ་ལ། ༀ་ཨིནྡྲ་ཛ་མ་ཞེས་སོགས་ལན་གསུམ་གྱིས་ཕུལ། ༀ་བཛྲ་པཱུཥྤེ་ཨཱཿཧཱུྃ༔ ཞེས་སོགས་ཀྱིས་མཆོད། ༀ་མ་ཧཱ་བྷཱུ་ཏ་ས་པ་རི་ཝཱ་ར་ༀ་ཨཱཿཧཱུྃ། འབྱུང་པོ་བརྒྱད་གསུམ་ཉི་ཤུ་རྩ་
― LT14_Page_091A ―
[མ་དཔེ་གཟིགས་ན་འདིར་གནོན།]
བཞིའི་ཞལ་དུ་མཆོད་པ་དམ་པ་འབུལ་ལོ། །ཞེས་དང་། གཡོན་པའི་མཐེབ་སྲིན་གྱིས་ནང་མཆོད་ཕུལ། །རྡོ་རྗེ་ནུ་མ་གཡས་སྟེང་བཟུང་། །དྲིལ་བུ་སྙིང་གའི་ཐད་དུ་དཀྲོལ། །ལག་པ་ནུ་མའི་སྟེང་དུ་བསྒྱིངས། །སྒྲ་ནི་སྐུ་གསུང་ཐུགས་སུ་སྒྲོགས། །ཞེས་པ་ལྟར་དྲིལ་བུ་སུམ་བརྡུང་བྱས་ལ། དཀར་མོ་རི་དྭགས་སོགས་ཀྱིས་མཆོད། མི་བསྐྱོད་རྡོ་རྗེ་སོགས་ཀྱིས་བསྟོད། རྡོ་རྗེ་སྙིང་ག་དང་དྲིལ་བུ་ཆིག་བརྡུང་བྱས་ལ། ལྷ་ཆེན་བརྒྱད་པོ་འཁོར་དང་བཅས། ཞེས་སོགས་ཀྱི་རྗེས་སུ། དཔལ་ལྡན་བླ་མ་དམ་པ་རྣམས་ཀྱི་ཐུགས་དགོངས་རྫོགས་པ་དང་། སེམས་ཅན་ཐམས་ཅད་ཀྱི་དོན་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་སྙིང་པོ་ཀྱཻ་རྡོ་རྗེའི་གོ་འཕང་ཐོབ་པར་བྱ་བའི་ཆེད། སའི་ཕྱོགས་འདིར་དཀྱིལ་འཁོར་ཆེན་པོ་བཞེངས་ཏེ་སྒྲུབ་ཅིང་མཆོད་པ་དང་། བདག་ཉིད་འཇུག་ཅིང་དབང་བླང་བར་འཚལ་ན་ཞེས་པ་ཙམ་མམ། སློབ་མ་གཞུག་ཅིང་དབང་བསྐུར་བར་འཚལ་ན། ཞེས་སྐབས་དང་སྦྱར་ལ། སྲུང་མའི་དབང་པོ་ཁྱེད་རྣམས་ཀྱིས་དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ། བར་དུ་གཅོད་པ་ཐམས་ཅད་བསྲུང་བ་དང་། དེ་ནས་ཀྱང་བྱང་ཆུབ་མ་ཐོབ་ཀྱི་བར་གྱི་བར་ཆད་ཐམས་ཅད་སྲུང་བ་དང་སྡོང་གྲོགས་མཛོད་ཅིག །མུཿ ཞེས་བརྗོད་དེ་ལག་པ་གཡས་ས་ལ་རེག་པས་གཏོར་མགྲོན་རྣམས་སྒྲུབ་ཁང་གི་ཕྱི་རོལ་གྱི་ཕྱོགས་མཚམས་རྣམས་སུ་གཤེགས་པ་རེ་བསམ། གང་དག་ནག་པོའི་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་གསང་སྤྱོད་བལྟ་བར་མི་དབང་བ་དེ་དག་སའི་ཕྱོགས་འདིར་མ་གནས་པར་གཞན་དུ་དེངས་ཤིག །ཅེས་དང་། ཨཱཥྚཱ་བཟླ་ཞིང་རྡོ་རྗེ་གསོར་ཞིང་དྲིལ་བུ་དྲག་ཏུ་དཀྲོལ་ལོ། །གཏོར་མགྲོན་གྱི་ཕྱི་འབྲང་གི་བགེགས་རྣམས་རིང་དུ་བསྐྲད་པར་བསམས་ཏེ། གཏོར་མ་གཙང་སར་བསྐྱལ་ལོ། །དེ་ནས་གནས་དང་མཆོད་པའི་ཡོ་བྱས་རྣམས་བསང་སྦྱངས། སྟོང་པའི་ངང་ལས་གནས་ཁང་བྷྲཱུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་པོའི་
― LT14_Page_091B ―
[མ་དཔེ་གཟིགས་ན་འདིར་གནོན།]
གཞལ་ཁང་གྲུ་བཞི་པ་སྒོ་བཞི་པ་རྟ་བབས་བཞིས་མཛེས་ཤིང་རྒྱན་ཐམས་ཅད་ཀྱིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་མཆོད་རྫས་རྣམས་ཨ་ལས་བྱུང་བའི་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི། ཞབས་བསིལ། ཞལ་བསིལ། འཐོར་འཐུང་། མཆོད་ཡོན། མེ་ཏོག །བདུག་སྤོས། མར་མེ། དྲི་མཆོག །ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ་རྒྱུ་འཇིག་རྟེན་དང་འཇིག་རྟེན་ལས་འདས་པའི་དགེ་བ་ལས་གྲུབ་པ་ངོ་བོ་བཟང་ཞིང་གཙང་བ་ཡུལ་ནམ་མཁའི་མཐའ་ཁྱབ་པ་དུས་འཁོར་བ་ཇི་སྲིད་མ་སྟོངས་ཀྱི་བར་དུ་རྒྱུན་མི་འཆད་པར་གྱུར། ཞེས་དང་སོ་སོའ་ཕྱག་རྒྱ་བྱས་ཏེ། ༀ་ནཱི་རཱི་ཧཱུྃ་ཁཾ་སྭཱ་ཧཱ། ༀ་བཛྲ་ནི་ཝི་ཏི་ཧཱུྃ་ཁཾ་སྭཱ་ཧཱ། ༀ་སརྦ་སཾ་ཤོ་དྷ་ནི་སྭཱ་ཧཱ། ༀ་ཛཿཧཱུྃ་བཾ་ཧོ་ཁཾ་རཾ་མ་ཧཱ་ཨཱརྒྷཾ་སྭཱ་ཧཱ། ༀ་བཛྲ་པུཥྤེ་ཨཱཿཧཱུྃ། དེ་བཞིན་དུ་ཐོག་མཐའ་གཉིས་འོག་མ་རྣམས་ལའང་སྦྱར་ཏེ། དྷུ་པེ། ཨཱ་ལོ་ཀེ །གནྡྷེ། ནེ་ཝི་དྱེ། ཤབྡའི་བར་དང་། མཐར་རྡོ་རྗེ་སྙིང་གར་གཟུང་དྲིལ་བུ་རྒྱུན་དཀྲོལ་དང་རོལ་མོ་ཇི་སྙེད་པ་འབུད་དཀྲོལ་བྱ་སྟེ། ༀ་བཛྲ་གྷཎྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵ་ཏེ། པྲ་ཙ་ལི་ཏེ། པ་ར་མི་ཏ། ནཱ་ད་སྭཱ་བྷཱ་ཝེ། བཛྲ་དྷརྨ་ཧྲི་ད་ཡ། སནྟོ་ཥ་ཎི་ཧཱུྃ་ཧཱུྃ་ཧཱུྃ་ཧོ་ཧོ་ཧོ་ཨ་ཁཾ་སྭཱ་ཧཱ། །ཞེས་ལན་གསུམ་བརྗོད་དེ་གནས་དང་མཆོད་པའི་ཡོ་བྱད་རྣམས་སངས་རྒྱས་བྱང་སེམས་ཐམས་ཅད་ཀྱིས་ཀྱང་བྱིན་གྱིས་བརླབས་པར་བསམ་མོ། མཆོད་པ་རྣམས་ཀྱི་ཕྱག་རྒྱ་ནི། །ཁུ་ཚུར་ཁ་སྦྱར་གུང་མོ་གཉིས། །བརྐྱངས་ཏེ་རྩེ་སྦྱར་ཆུ་བཞིའི་རྒྱ། །ཁུ་ཚུར་གྱེན་འཐོར་མེ་ཏོག་གི །ཐུར་དུ་བླུགས་པ་བདུག་པའི་འོ། །མཐེ་བོང་གྱེན་བསྒྲེང་མར་མེའི་སྟེ། །ཐལ་མོ་ཕྱིར་བསྟན་དྲི་མཆོག་གི །དེ་ཉིད་གྱེན་བཀན་ཞལ་ཟས་སོ། །སེ་གོལ་གཏོག་པ་རོལ་མོའི་སྒྲ། །ཞེས་པ་ལྟར་རོ། །དེ་ནས་ཚོགས་པ་ཆེ་ཞིང་སློབ་དཔོན་དུ་འོས་པ་ཡོད་པ་དང་ཞུ་འབུལ་བྱེད་པར་སྤྲོ་ན།
― LT14_Page_092A ―
[མ་དཔེ་གཟིགས་ན་འདིར་གནོན།]
ལས་ཀྱི་སློབ་མས་ཐུན་མོང་དུ་ཕྱག་གསུམ་བྱས་ལ། མཎྜལ་ཚོམ་བུ་བདུན་མ་ཕུལ་ཏེ། མ་ཚང་བ་མེད་པ་འདི་ཉིད་དུས་གསུམ་སངས་རྒྱས་ཐམས་ཅད་ཀྱི་ངོ་བོ་དཔལ་ལྡན་བླ་མ་དམ་པ་དང་རིག་པ་འཛིན་པའི་དགེ་འདུན་རྣམས་ལ་རིམ་པ་གཉིས་ཀྱི་ཏིང་ངེ་འཛིན་ཟབ་མོ་ལ་གནས་པར་ཞུ་བའི་ཡོན་དུ་དབུལ་བར་བགྱིའོ། ཞེས་སོགས་བརྗོད། ཕྱག་གསུམ་བྱས་ལ་སློབ་དཔོན་གྱི་མདུན་དུ་མེ་ཏོག་གིས་བཀང་བའི་སྣོད་སྤོས་རེང་དང་བཅས་པ་དང་། གཞན་རྣམས་ལ་སོ་སོར་མེ་ཏོག་རེ་ཕུལ། ཕྱག་གསུམ་བྱས་ལ་འགྲེང་སྟེ་འདུད་པ་དང་བཅས་པའམ། པུས་མོ་ས་ལ་བཙུགས་པ་མེ་ཏོག་དང་བཅས་པས་ཐལ་མོ་སྦྱར་ཏེ། ཀུན་བཟང་རྣམ་འཕྲུལ་མཆོད་པའི་སྤྲིན་ཕུང་གིས། །དཔའ་བོ་རྣལ་འབྱོར་མ་རྣམས་མཆོད་པ་དང་། །ཡོན་བདག་བགེགས་ཞི་ཚོགས་གཉིས་རྫོགས་བྱའི་ཕྱིར། །གཉིས་མེད་ཏིང་འཛིན་དག་ལ་གནས་པར་མཛོད། ཅེས་ལན་གསུམ་བརྗོད་ཅིང་རེ་རེའི་མཐར་མེ་ཏོག་རེ་གཏོར། ཕྱག་གསུམ་བྱས་ལ་སློབ་དཔོན་མེ་ཏོག་གི་གཞན་རྣམས་ལས་མེ་ཏོག་རེ་བསྡུ། ཕྱག་གསུམ་བྱས་ལ་ཐམས་ཅད་ཀྱིས་ཐུན་མོང་དུ་མཎྜལ་འབུལ་བཞུ། ཞེས་བསྐུལ་ཏེ་ཚོགས་པ་ཐམས་ཅད་ཀྱི་བླ་མ་ལ་ཚོགས་ཀྱི་རྡོ་རྗེ་སློབ་དཔོན་ཞུ་བའི་ཡོན་དུ་མཎྜལ་ཕུལ་ནས་མཎྜལ་ཚོམ་བུ་དང་བཅས་པ་སློབ་དཔོན་གྱི་དྲུང་དུ་གཞུག །སློབ་དཔོན་གྱིས་ཀྱང་མེ་ཏོག་ཚོམ་བུ་དེ་ཉིད་ཀྱི་སྟེང་དུ་སླར་ཡང་མེ་ཏོག་བསྣན་ལ་མཎྜལ་ཕུལ་ཏེ། མ་ཚང་བ་མེད་པ་འདི་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་དབུལ་བར་བགྱིའོ། །ཞེས་སོགས་བརྗོད། ལས་ཀྱི་སློབ་མས་མཎྜལ་རྟེན་གྱི་དྲུང་སོགས་གང་རིགས་སུ་བཞག་སྟེ། ཕྱག་གསུམ་བྱས་ལ་རང་ཉིད་གྲལ་ལ་འདུག་གོ །དེ་དག་གི་སྡོམ་ནི། ཕྱག་གསུམ་བཙལ་ལ་མཎྜལ་དབུལ། །ཕྱག་གསུམ་བཙལ་ལ་མེ་ཏོག་དགྲམ། །ཕྱག་གསུམ་བཙལ་ལ་ཞུ་འབུལ་བྱ། །ཕྱག་གསུམ་བཙལ་ལ་མེ་ཏོག་བསྡུ། །ཕྱག་གསུམ་བཙལ་ལ་མཎྜལ་བསྐུལ། །ཕྱག་གསུམ་བཙལ་ལ་
― LT14_Page_092B ―
[མ་དཔེ་གཟིགས་ན་འདིར་གནོན།]
གྲལ་ལ་འདུག །ཅེས་པ་ལྟར་རོ། དེ་ནས་སྐྱབས་འགྲོ་ནས་བརྩམས་ཏེ་རྫོགས་རིམ་གྱི་རྗེས་སུ་དག་པ་དྲན་པ་དང་བཟླས་པ་བྱ་བའི་བར་བདག་བསྐྱེད་ཡན་ལག་དྲུག་པ་བཞིན་རྫོགས་པར་བསྒོམ་ལ་བཟླས་པའི་རྗེས་སུ། བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱིས་བདག་དང་སེམས་ཅན་ཐམས་ཅད་ལ་བྱིན་གྱིས་བརླབ་ཏུ་གསོལ། མྱུར་ཏུ་ཕྱག་རྒྱ་ཆེན་པོ་མཆོག་གི་དངོས་གྲུབ་སྙིང་པོ་ཀྱེ་རྡོ་རྗེའི་གོ་འཕང་ཐོབ་པར་བྱིན་གྱིས་བརླབ་ཏུ་གསོལ། ཞེས་པའི་མཐར་ཡིད་ཀྱིས་སྤྲུལ་པའི་མཆོད་པ་རྣམས་བསང་སྦྱངས། སྟོང་པའི་ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཞེས་སོགས་གོང་བཞིན་ལས། རོལ་མོ་རྣམས་དངས་ཤིང་ཐོག་པ་མེད་པ་ནམ་མཁའི་མཐའ་ཀླས་པར་གྱུར་ཞེས་དང་། སོ་སོའ་ཕྱག་རྒྱ་བཅས་ཏེ། ༀ་ནཱི་རཱི་ཞེས་སོགས་ནས་ཤཔྡའི་བར་གོང་ལྟར་བརྗོད། འདི་མན་གྱི་མཆོད་པ་བྱིན་བརླབས་ཐམས་ཅད་འདི་བཞིན་གོ་བར་བྱའོ། །དེ་ནས་པད་སྐོར་སྔོན་དུ་འགྲོ་བས་སོ་སོའ་ཕྱག་རྒྱ་དང་བཅས་ཏེ། ༀ་བྷ་ག་ཝཱན་མ་ཧཱ་ཀ་རུ་ཎི་ཀ་ཧེ་བཛྲ་ས་པ་རི་ཝཱ་ར་ཞེས་པ་རེ་རེའི་མགོར་སྦྱར་བའི་ༀ་ནཱི་རཱི་ཧཱུྃ་ཁཾ་སྭཱ་ཧཱ་ཞེས་སོགས་ནས་ཤཔྡའི་བར་འདོན་ལ་ཁ་བསྒྱུར་བའི་ཕྱི་མཆོད། ཧཱུྃ་ཨཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ༀ་ཨཱཿཧཱུྃ་ཀྱེ་རྡོ་རྗེ་ལྷ་དགུའི་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ་མཆོད་པ་དམ་པ་འབུལ་ལོ་ཞེས་པས་ནང་མཆོད། ཐལ་མོ་སྦྱར་ཏེ། དཀར་མོ་རི་དྭགས་སོགས་ཀྱིས་ཡིད་མཆོད། ཁྱོད་ནི་རྣལ་འབྱོར་མ་ཚོགས་ཡོངས་སུ་བསྐོར། །ཁྱོད་ནི་ཉིད་ཀྱི་ཐུགས་ཀྱི་མཆོག་བརྙེས་པ། །སོགས་ཀྱིས་བསྟོད་པ་རྣམས་བྱས་ལ། རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དུ་ཞུ་སྟེ་སྲུང་པའི་འཁོར་ལོ་ལ་ཐིམ་ཞེས་པ་ནས། ལྷ་མོ་བརྒྱད་ཞལ་བརྒྱད་ལ་ཐིམ། ཡུམ་ཡབ་ལ་ཐིམ། ཞལ་ཕྱག་ལྷག་མ་རྣམས་རྩ་བའི་ཞལ་ཕྱག་ལ་ཐིམ། རང་ཧེ་རུ་ཀ་ཞལ་གཅིག་ཕྱག་གཉིས་པར་གྱུར་ཞེས་བརྗོད་པས་དཀྱིལ་འཁོར་བསྡུའོ། །དེ་ནས་ས་ལྷའི་སྒོས་མཆོད་ཡོད་དམར་མེ་ལ་སོགས་པ་སྤར་ཏེ་མཆོག་དང་འབྲེལ་ན་སྔར་ནམ་མཁར་བཏེག་པའི་
― LT14_Page_093A ―
[མ་དཔེ་གཟིགས་ན་འདིར་གནོན།]
སའི་ལྷ་མོ་མདུན་གྱི་མཎྜལ་གྱི་སྟེང་དུ་བྱོན་པར་བསམ་ནས། དེ་ལ་མཆོད་གཏོར་ཕུལ་བ་ཙམ་གྱིས་ཆོག་ལ། དེ་དང་མ་འབྲེལ་ན་ཚོམ་བུ་བསང་སྦྱངས། སྟོང་པའི་ངང་ལས་པཱཾ་ལས་པདྨ་དང་ཨཱཿལས་ཟླ་བའི་སྟེང་དུ་བཾ་ལས་སའི་ལྷ་མོ་སྐུ་མདོག་སེར་མོ་ཞི་བའི་ཉམས་ཅན། རིན་པོ་ཆེའི་རྒྱན་གྱིས་བཀླུབས་པ། ཕྱག་གཉིས་ཀྱིས་རིན་པོ་ཆེའི་བུམ་པ་ཐུགས་ཀར་འཛིན་པ། དེའི་མིག་ཏུ་གཏི་མུག་རྡོ་རྗེ་མ་སོགས་ནས་ཐུགས་ཀར་ཐུགས་རྡོ་རྗེ་མ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ས་འོག་ནས་སའི་ལྷ་མོ་ༀ་བཛྲ་ས་མཱ་ཛཿ ཞེས་དང་ཁུ་ཚུར་གཉིས་དཔུང་མགོར་བསྣོལ་ཏེ་སེ་གོལ་གྱི་སྒྲ་བྱས་ནས་འཛུབ་མོ་གཉིས་ལྕགས་ཀྱུ་ལྟར་བཀུག་པ་རྡོ་རྗེ་བསྡུ་བའི་སྔགས་རྒྱས་སྤྱན་དྲངས། འོག་ནས་རྡོ་རྗེ་བསྡུ་བའི་སྔགས་རྒྱ་ཞེས་འབྱུང་བ་རྣམས་སུ་འདི་དྲན་པར་པར་བྱའོ། །ༀ་བཛྲ་གོ་རཱི་ཨཱ་ཀརྵ་ཡ་ཛཿ ཞེས་སོགས་བཞིས་དགུག་གཞུག་གཅིང་དབང་བྱ། དེ་དག་གི་ཕྱག་རྒྱ་ནི། ཁུ་ཚུར་གཡོན་གྱི་མཐེ་ཆུང་དང་། །གཡས་པའི་མཛུབ་སྦྲེལ་ལྕགས་ཀྱུ་སྟེ། །ཁུ་ཚུར་རྒྱབ་སྦྱར་ཞགས་མིག་ལྟར། །བྱས་པ་ཞགས་པའི་ཕྱག་རྒྱའོ། །མཐེ་ཆུང་མཛུབ་མོ་ཕན་ཚུན་དུ། །སོ་སོར་སྦྲེལ་ལ་བ་ལྕགས་སྒྲོག་ཡིན། །ཁུ་ཚུར་བཅངས་པའི་འཁྲིགས་མ་གཉིས། །བསྣོལ་བའི་རྒྱབ་སྦྱར་དྲིལ་བུའོ། །ཞེས་པ་སྟེ་འོག་ཏུ་གོ་རཱི་ལ་སོགས་པའི་སྔགས་རྒྱ་ཞེས་འབྱུང་བ་རྣམས་སུའང་འདི་རྣམས་དྲན་པར་བྱའོ། །སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ༀ་བཛྲ་ས་མཱ་ཛཿ ཞེས་པས་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་བ་བསྩལ་དུ་གསོལ། ཞེས་གསོལ་བ་བཏབ་པས། ༀ་བཛྲི་བྷ་ཝ་ཨཱབྷི་ཥིཉྩ་ཧཱུྃ། །ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར་སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུར་བརྒྱན་པར་བསམས་ལ། ༀ་པྲི་ཐི་ཝཱི་དེ་ཝི་ཞེས་པ་སོ་སོའ་མགོར་སྦྱར་བའི་ནཱི་རི་ཧཱུྃ་ཁཾ་སྭཱ་ཧཱ། ཞེས་སོགས་ནས་
― LT14_Page_093B ―
[མ་དཔེ་གཟིགས་ན་འདིར་གནོན།]
ཤབྡའི་བར་དང་། གྷནྡྷེ་ར་ནཱི་རོལ་ཆེན་དང་མཆོད་པས་མཆོད། གཏོར་མ་ཆབ་ཀྱིས་བྲན་ལ། ༀ་ཨཱཿཧཱུྃ། ལན་གསུམ་གྱི་མཐར། གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཞེས་བརྗོད། ལག་པ་གཡས་པ་མཆོག་སྦྱིན་བྱས་ལ། ༀ་པྲི་ཐི་ཝཱི་དེ་ཝཱི་ༀ་ཨ་ཀཱ་རོ་མུ་ཁཾ་ཞེས་སོགས་ལན་གསུམ་སེ་གོལ་དང་བཅས་པས་ཕུལ། རྡོར་དྲིལ་འཛིན་པས་ཚིགས་བཅད་རེ་རེའི་མཚམས་སུ་རྡོ་རྗེ་གསོར་དྲིལ་བུ་བཅད་གཏུབས་སུ་དཀྲོལ་ལ། མ་མ་རིན་ཆེན་སྣ་ཚོགས་འཛིན། །ཀྱེ་ཡི་རྡོ་རྗེ་ཁྲོས་མཆོད་པའི། །ལྷ་མོ་ཁྱོད་ནི་དབང་དུ་གྱུར། །ས་འདིར་དཀྱིལ་འཁོར་བྲི་བར་བྱ། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་འབྲི། །ཞེས་ལན་གསུམ་བརྗོད། སྤྲོ་ན་རྡོ་རྗེ་སྙིང་གར་བཟུང་དྲིལ་བུ་ཆིག་བརྡུང་བྱས་ལ། དཔལ་ལྡན་བླ་མ་དམ་པ་རྣམས་ཀྱི་ཐུགས་དགོངས་རྫོགས་པ་དང་ཞེས་སོགས་གོང་བཞིན་ལས་འཚལ་ན་ཞེས་པའི་མཐར་སའི་ཕྱོགས་འདི་བདག་ལ་གནང་ཞིང་ལས་ཀྱི་དངོས་གྲུབ་ཀྱང་སྩལ་དུ་གསོལ། ཞེས་བརྗོད་པས། རིག་པ་འཛིན་པ་ཁྱོད་དཀྱིལ་འཁོར་གྱི་ལས་ཅི་བདེ་བར་གྱིས་ཤིག །ཅེས་གནང་བ་ཐོས་པར་བསམ། ལག་པ་གཡས་ས་ལ་རེག་སྟེ། ༀ་བཛྲ་མུཿསའི་ལྷ་མོས་དེ་ཉིད་ལ་ཐིམ་ཞེས་བརྗོད་ལ། །ས་ལྷའི་ཚོམ་བུ་དང་མཆོད་གཏོར་དམན་པ་རྣམས་བསྡུའོ། །ལྷ་སྟ་གོན་ནི་ཚོམ་བུ་བཀོད་མ་ཚར་བ་དཀྱིལ་འཁོར་གྱི་གཞི་དྲི་བཟང་གིས་བྱུག་པ་དང་བསྟུན་ཏེ། ༀ་མེ་དི་ནི་བཛྲ་བྷ་ཝ་བྷནྡྷ་ཧཱུྃ་ཧཱུྃ་ཧཱུྃ་ཕཊ། ཅེས་དང་། ༀ་རཀྟ་རཀྟ་ཧཱུྃ་ཧཱུྃ་ཧཱུྃ་ཕཊ། ཅེས་བརྗོད་པས་ས་ཕྱོགས་དེར་སྲུང་བའི་འཁོར་ལོ་དུར་ཁྲོད་བརྒྱད་དང་བཅས་པ་སྐད་ཅིག་གིས་བསམ། དེར་མེ་ཏོག་གཅིག་བཞག་ལ་དེའི་ནང་དུ་གཞལ་ཡས་ཁང་གདན་དང་བཅས་པའང་སྐད་ཅིག་གིས་བསྐྱེད་ལ། སོ་སོའ་ཚོམ་བུ་བཀོད་པ་དང་བསྟུན་ནས་ལྷ་རྣམས་འོག་ནས་འབྱུང་བ་ལྟར་བསྐྱེད་པས་ཀྱང་རུང་ལ། ཕྱག་ལེན་ལ་བསངས་སྦྱངས། སྟོང་པའི་ངང་ལས་པཾ་ལས་
― LT14_Page_094A ―
[མ་དཔེ་གཟིགས་ན་འདིར་གནོན།]
པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་སྣ་ཚོགས་རྡོ་རྗེ་ཞེས་པ་ནས་མི་རི་རབ་ཏུ་འབར་བས་གང་བར་གྱུར། ༀ་རཀྵ་ཞེས་སོགས་ཀྱི་བར་སྒྲུབ་ཐབས་བཞིན། དེ་ལྟ་བུའི་སྲུང་བའི་འཁོར་ལོའ་ནང་དུ་ཨེ་ལས་ཆོས་ཀྱི་འབྱུང་གནས་གྲུ་གསུམ་ཕྱི་དཀར་ལ་ནང་དམར་བ་གདེངས་ཁ་ཆེ་བ་གྱེན་དུ་བསྟན་པ། རྩ་བ་ཕྲ་བ་ཐུར་དུ་ཟུག་པ། དེའི་ནང་དུ་ཡཾ་ལས་རླུང་གི་དཀྱིལ་འཁོར། དེའི་སྟེང་དུ་རཾ་ལས་མེའི་དཀྱིལ་འཁོར། དེའི་སྟེང་དུ་པཾ་ལས་ཆུའི་དཀྱིལ་འཁོར། དེའི་སྟེང་དུ་ལཾ་ལས་སའི་དཀྱིལ་འཁོར། དེའི་སྟེང་དུ་བྷྲཱུཾ་ལས་འཁོར་ལོ་སེར་པོ་རྩིབས་བཅུ་པ་བྷྲཱུཾ་གྱིས་མཚན་པ། དེ་རྣམས་རང་གི་སེམས་ཀྱི་སྣང་བར་རོ་གཅིག་ཏུ་འདྲེས་པ་ལས་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་། ཞེས་སོགས་སམ། ཡང་ན་དབང་ཆུ་ཆེན་མོ་ལས་སྲུང་འཁོར་དང་གཞལ་ཡས་ཁང་གི་བར་འབྲིང་གི་མངོན་རྟོག་བཞིན་བསྒོམ་ཞེས་གསུང་པའི་དོན། ཆོས་འབྱུང་གི་ནང་དུ་འབྱུང་བཞི་བསྐྱེད་པ་ནས་ཧོ་དམར་པོ་གཉིས་ཀྱིས་མཐའ་བརྟེན་པའི་བར་དོའ་རྣམ་པར་ཤེས་པ་ཞེས་པའི་བར་སྒྲུབ་ཐབས་བཞིན་བརྗོད་ནས། དེ་རྣམས་འབྱུང་བཞི་འཁོར་ལོ་དང་བཅས་པ་ལ་ཐིམ་སྟེ་ཐམས་ཅད་རོ་གཅིག་ཏུ་འདྲེས་པ་ལས་ཞེས་སོགས་ཀྱིས་བསྐྱེད་དེ་འདི་ལྟར་བྱས་ན་ལེགས་སོ། །གོང་ལྟར་ཡང་དེ་མན་ཆད་འདྲ་བར་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་ཞེས་པ་ནསརྒྱན་དུ་མས་བརྒྱན་པ་ཞེས་པའི་བར་སྒྲུབ་ཐབས་བཞིན་བརྗོད། དེའི་ཕྱི་རོལ་དུ་དུར་ཁྲོད་ཆེན་པོ་བརྒྱད། དེ་དག་ལ་གནས་པའི་ཤིང་བརྒྱད། ཤིང་གི་རྩ་བ་ལ་གནས་པའི་ཕྱོགས་སྐྱོང་བརྒྱད། སྟེང་གི་ནམ་མཁའ་ལ་གནས་པའི་སྤྲིན་བརྒྱད། དེ་དག་ལ་གནས་པའི་ཀླུ་བརྒྱད་ཤིང་གི་ཡལ་ག་ལ་གནས་པའི་ཞིང་སྐྱོང་བརྒྱད། གཞན་ཡང་ཆུ་བརྒྱད། མེ་བརྒྱད། མཆོད་རྟེན་བརྒྱད། གྲུབ་པ་ཐོབ་པའི་དཔའ་བོ་དང་། རྣལ་འབྱོར་མ་དང་། འདྲེ་དང་། སྲིན་པོ་དང་། མཁའ་འགྲོ་དང་། མཁའ་འགྲོ་མ་དང་། རོ་དང་
― LT14_Page_094B ―
[མ་དཔེ་གཟིགས་ན་འདིར་གནོན།]
རོ་ལངས་ལ་སོགས་པས་ཡོངས་སུ་གང་བའི་དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་གཞལ་ཡས་ཁང་པའི་ནང་གི་ལྷ་སྣམ་ཤར་དཀར་ཞེས་པ་ནས་ཐགས་ཟངས་རིས་དུད་ཀ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་དང་བཅས་པར་གྱུར། །ཞེས་པའི་བར་སྒྲུབ་ཐབས་བཞིན། དེ་ནས་ཧཱུྃ་ཤྲཱི་ཧེ་བཛྲ་ནཱ་མ་དབུས་ཀྱི་གདན་གྱི་སྟེང་དུ་བཅོམ་ལྡན་འདས་ཀྱེ་རྡོ་རྗེ་སྐུ་མདོག་སྔོན་པོ། ཞེས་པ་ནས། གར་དགུའི་རོ་དང་ལྡན་པ་ཉིད། ཅེས་པའི་བར་དང་། ནཾ་ནཻ་རྭཏྨ་ན་མ། དེའི་པང་ན་ཡུམ་རྡོ་རྗེ་བདག་མེད་མ། ཞེས་པ་ནས། ཡེ་ཤེས་ཀྱི་མེ་འབར་བའི་དབུས་ན་བཞུགས་པ། གཾ་གཽ་རཱི་ན་མ། ཤར་དུ་གཽ་རི་ནག་མོ་གཡས་གྲི་གུག །གཡོན་ཉ་རོ་ཧི་ཏ་འཛིན་པ། ཞེས་དང་། དེ་བཞིན་དུ་ཙཾ་ཙཽ་རཱི་ནཱ་མ། ལྷོར་ཙཽ་རཱི། བཾ་བེ་ཏཱ་ལཱི་ནཱ་མ། ནུབ་ཏུ་བེ་ཏཱ་ལཱི། གྷཾ་གྷསྨ་རཱི་ནཱ་མ། བྱང་དུ་གྷསྨ་རི། པཾ་པུཀྐ་སཱི་ནཱ་མཱ། བྱང་ཤར་དུ་པུཀྐ་སཱི། ཤཾ་ཤ་ཝ་རཱི་ནཱ་མ། ཤར་ལྷོར་རི་ཁྲོད་མ། ལཾ་ཙཱཎྜ་ལཱི་ནཱ་མ། ལྷོ་ནུབ་ཏུ་གདོལ་པ་མོ། ཌཾ་ཌཾ་བི་ནཱི་ནཱ་མ། ནུབ་བྱང་དུ་གཡུང་མོ་ཞེས་སོགས་ནས་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། ཞེས་པའི་བར་སྒྲུབ་ཐབས་བཞིན་བརྗོད། དེ་ཐམས་ཅད་ཀྱི་མིག་ཏུ་གཏི་མུག་རྡོ་རྗེ་མ་སོགས་ནས་ཐུགས་ཀར་ཐུགས་རྡོ་རྗེ་མ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་རང་བཞིན་གྱི་གནས་ནས་ཀྱེ་རྡོ་རྗེ་ལྷ་དགུའི་དཀྱིལ་འཁོར་ལ་སངས་རྒྱས་དང་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ་རྡོ་རྗེ་བསྡུ་བའི་སྔགས་རྒྱས་སྤྱན་དྲངས། ༀ་བྷ་ག་ཝཱན་མ་ཧཱ་ཀ་རུ་ཎི་ཀ་ཧེ་བཛྲ་ས་པ་རི་ཝཱ་ར་ཞེས་མཚན་སྔགས་ལན་ཅིག་སྦྱར་བའི་ནི་རི་ཧཱུྃ་ཁཾ་སྭཱ་ཧཱ། ཞེས་སོགས་ནས་ཤབྡའི་བར་གྱིས་མཆོད་ལ། གཽ་རཱི་ལ་སོགས་པའི་སྔགས་རྒྱས་བསྟིམ། སླར་ཡང་རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ། བསྡུ་བའི་སྔགས་རྒྱས་སྤྱན་དྲངས། ༀ་པཉྩ་ཀུ་ལ་ས་པ་རི་ཝཱ་ར་ༀ་ནཱི་རཱི་སོགས་ནས་ཤབྡའི་བར་གྱིས་མཆོད་དེ། ཡེ་ཤེས་པ་དང་དབང་ལྷའི་མཆོད་
― LT14_Page_095A ―
[མ་དཔེ་གཟིགས་ན་འདིར་གནོན།]
པ་དམིགས་བསལ་མ་གཏོགས་འོག་མ་རྣམས་ལའང་འདི་བཞིན་ཤེས་པར་བྱའོ། །དེ་ནས་བཅོམ་ལྡན་དེ་བཞིན་གཤེགས་པ་ཀུན། ཞེས་སོགས་ནས་ཁྱེད་ཀྱིས་འདི་ལ་དབང་བསྐུར་སྩོལ། ཞེས་གསོལ་བ་བཏབ་པས། སངས་རྒྱས་རྣམས་ནི་ཐམས་ཅད་ཀྱི། །ཞེས་སོགས་ནས། ༀ་བཛྲཱ་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་གཙོ་བོ་ཡབ་ཡུམ་གཉིས་གཽ་རཱི་དང་ཞེས་སོགས་ནས་གྷསྨ་རཱི་དང་ཌོམྦི་ནཱི་ལ་འོད་དཔག་མེད་པས་དབུར་བརྒྱན་ཞེས་པའི་བར་སྒྲུབ་ཐབས་བཞིན། དེ་ནས་མར་མེ་ལ་སོགས་པ་སྦར་ལ། མཆོད་པ་རྣམས་བསང་སྦྱངས་བྱིན་གྱིས་བརླབ་ནས་མདུན་བསྐྱེད་ཀྱི་གཙོ་བོའི་རང་གི་རྩ་བའི་བླ་མ་དང་ཐ་མི་དད་པར་བསམས་ལ། དཀུ་གཡོན་པར་ཁུ་ཚུར་གཉིས་སྟེང་འོག་ཏུ་ཁ་སྦྱར་ཏེ། དྲི་མེད་ཡིད་དུ་འོང་བ་ཡི། །ལྷ་རྫས་དམ་པའི་ཞབས་བསིལ་འདི། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་བདག་ལ་དགེས་པར་མཛོད། ༀ་བྷ་ག་ཝཱན་ཞེས་སོགས་བརྗོད་ཅིང་ཕྱག་རྒྱ་དཀྲོལ་ཏེ་རྣམ་ལྔ་འདོད་སྐོར་སྔོན་དུ་འགྲོ་བས་གོང་དུ་བཤད་པའི་ཕྱག་རྒྱ་བཅས་ལ། ༀ་ནཱི་རི་ཧཱུྃ་ཁཾ་སྭཱ་ཧཱ། ཞེས་བརྗོད་ཅིང་མཐར་སེ་གོལ་གཏོགས། དེ་བཞིན་དུ་ཚིགས་བཅད་དང་སྔགས་ཀྱི་ཐོག་མཐའ་དང་ཕྱག་རྒྱ་རྣམས་འདྲ་བ་ལས། ལྷ་རྫས་དམ་པའི་ཞལ་བསིལ་འདི། །ༀ་བཛྲ་ནི་ཝི་ཏེ་ཧཱུྃ་ཁཾ་སྭཱ་ཧཱ། ལྷ་རྫས་དམ་པའི་འཐོར་འཐུང་འདི། སརྦ་སཾ་ཤོ་དྷ་ནི་སྭཱ་ཧཱ། ལྷ་རྫས་དམ་པའི་མཆོད་ཡོན་འདི། ཛཿཧཱུྃ་བཾ་ཧོཿ ཁཾ་རཾ་མ་ཧཱ་ཨཱརྒྷཾ་པྲ་ཏཱིཙྪ་སྭཱ་ཧཱ། ཞེས་པས་ཆུ་བཞི་དབུལ། དེ་བཞིན་དུ་མེ་ཏོག་ལ་སོགས་པ་སོ་སོའ་ཕྱག་རྒྱ་བྱས་ཏེ། མེ་ཏོག་འདི་ནི་བཟང་ཞིང་དགེ །དག་པའི་སྐྱེ་གནས་ལས་དག་པ། །བདག་གིས་དད་པས་འབུལ་ལགས་ཀྱི། །བཞེས་ནས་བདག་ལ་དགེས་པར་མཛོད། ༀ་བྷ་ག་ཝཱན་ཞེས་སོགས་དང་། ༀ་བཛྲ་པཱུཥྤེ་ཨཱཿཧཱུྃ་སྭཱ་ཧཱ། དེ་བཞིན་དུ་གཞན་རྣམས་འདྲ་བ་ལས། ཚལ་དག་རོ་ནི་ཕན་པ་དང་། །གང་ཞིག་དྲི་དང་བདུག་སྤོས་མཆོག །བདག་གིས་སོགས་གོང་བཞིན་ལས། དྷཱུ་པེ །སྲིན་པོ་འཇོམས་ཤིང་དག་བྱེད་ལ། །དགེ་ཞིང་མུན་པ་
― LT14_Page_095B ―
[མ་དཔེ་གཟིགས་ན་འདིར་གནོན།]
རྣམས་སེལ་བ། ཨཱ་ལོ་ཀེ །འདི་ནི་དྲི་བཟང་དགེ་བ་སྟེ། །དག་པའི་སྐྱེ་གནས་ལས་དག་པ། གྷཱནྡྷེ །སྨན་རྣམས་བཅུད་གཙང་ཡི་གར་འོང་། །སྔགས་ཀྱི་ཞལ་ཟས་བཤོས་འདི་དག །ནཻ་ཝི་དྱ །དྲི་མེད་ཡིད་དུ་འོང་བ་ཡི། །ལྷ་རྫས་དམ་པའི་རོལ་མོ་འདི། །བཅོམ་ལྡན་སོགས་དང་ཤབྡའི་མཐར་རོལ་ཆེན་རྒྱུན་དཀྲོལ་དུ་བྱ་སྟེ། གྷཱནྡྷེ་ར་ཎི་སོགས་བརྗོད། གོས་ཟུང་བསང་སྦྱངས། སྟོང་པའི་ངང་ལས་ཧཱུྃ་ལས་བྱུང་བའི་ལྷ་རྫས་ལས་གྲུབ་པའི་གོས་སྲབ་པ། འཇམ་པ། ཡང་བ། དངས་ཤིང་ཐོགས་པ་མེད་པ་ཟུང་དུ་སྦྱར་བ་དང་ལྡན་པར་གྱུར། ཞེས་དང་། །སྲབ་འཇམ་ཡང་བ་ལྷ་ཡི་གོས། །མི་ཕྱེད་རྡོ་རྗེའི་སྐུ་ལ་གསོལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ༀ་བྷ་ག་ཝཱན་ཞེས་སོགས་དང་། ༀ་བཛྲ་ཝཥྚ་ཡ་ཨཱཿཧཱུྃ་སྭཱ་ཧཱ། ཞེས་བརྗོད་ཅིང་པད་སྐོར་སྔོན་དུ་འགྲོ་བའི་ཁུ་ཚུར་གཉིས་ཀྱིས་ན་བཟའ་བླངས་ཏེ་ཐོག་མར་སྨད་གཡོགས་དང་དེ་ནས་སྟོད་གཡོགས་འབུལ་བའི་ཚུར་བྱ་ཞིང་ལྷ་རེ་རེ་ལ་ཕུལ་བར་བསམ་མོ། །དེ་ནས་གཡོན་པའི་སྲིན་ལག་གིས་ནང་མཆོད་ནས་བླངས་ཏེ་མཐེ་བོའི་རྩེས་གཏོར་ལ་ལྷ་ཐམས་ཅད་ཀྱི་ཕྱག་ཏུ་ཐོད་པ་བདུད་རྩིས་གང་བ་རེ་རེ་བྱང་བར་བསམས་ཤིང་། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོ། མཁྱེན་པའི་ཡེ་ཤེས་བརྩེ་བའི་ཐུགས་རྗེ་མཛད་པའི་ཕྲིན་ལས་བསམ་གྱིས་མི་ཁྱབ་པ་མངའ་བ། དྲིན་ཅན་རྩ་བའི་བླ་མའི་མཚན་ནས་བརྗོད་ལ། ཞལ་དུ་ༀ་ཨཱཿཧཱུྃ་ཞེས་བརྗོད། དེ་ནས་རྡོ་རྗེ་འཆང་། ནས་རང་གི་རྩ་བའི་བླ་མའི་བར་གྱི་ལམ་འབྲས་བརྒྱུད་པ་རྩམས་ཀྱི་མཚན་ནས་བརྗོད་ཅིང་དབུལ། གཞན་ཡང་དབང་བསྐུར། རྒྱུད་བཤད། མན་ངག་མནོས། ཆོས་ཀྱི་འབྲེལ་བ་ཐོབ་པའི་བླ་མ་དམ་པ་རྣམས་ཀྱི་ཞལ་དུ་ༀ་ཨཱཿཧཱུྃ། དེ་ནས་ཨཥྚ་དང་། དེ་ཝ་པི་ཙུ་དང་། ཀརྟ་རི་དང་། ༀ་ཨཱཿཨ་ཨཱཿ
― LT14_Page_096A ―
[མ་དཔེ་གཟིགས་ན་འདིར་གནོན།]
ཨི་ཨཱི་སོགས་དང་། ༀ་ཨཱ་གཾ་ཧཱུྃ་ཕཊ་སྭཱ་ཧཱ། ༀ་ཨཱཿཌཾ་ཧཱུྃ་ཕཊ་སྭཱ་ཧཱ་ཞེས་པའི་བར་བརྗོད་ཅིང་དཔལ་ཀྱེ་རྡོ་རྗེ་ལྷ་དགུའི་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ་ༀ་ཨཱཿཧཱུྃ། གཞན་ཡང་བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་གྱི་རྒྱུད། རྣལ་འབྱོར་ཆེན་པོ་བླ་ན་མེད་པའི་རྒྱུད་དེ། རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་རྣམས་ཀྱི་ཞལ་དུ་ༀ་ཨཱཿཧཱུྃ། དེ་ནས་རང་གི་ལྕེ་རྩེ། སྨིན་མཚམས། སྤྱི་གཙུག་རྣམས་སུ་ཐིག་ལེ་བྱས་ལ། ༀ་ཨཱཿཧཱུྃ། ཞེས་པས་ལུས་ཀྱི་ལྷ་རྣམས་མཆོད་པར་བསམ། སྟ་གོན་གྱི་ཉིན་སྐབས་འདིར་གཏོར་མ་རྣམས་ལ་བར་ཕུད་བྲན་ལ། དེ་ནས། ༀ་ཤྲཱི་མ་ཧཱ་ཀཱ་ལཱ་ཡ་ༀ་ཨཱཿཧཱུྃ། ༀ་ཤྲཱི་་དྷརྨ་པཱ་ལ་ཙ་ཏུརྨུ་ཁཱ་ཡ་ༀ་ཨཱཿཧཱུྃ། གཞན་ཡང་ཆོས་འཁོར་སྲུང་ཞིང་བསྟན་པ་སྐྱོང་བར་ཞལ་གྱིས་བཞེས་པའི་དཔལ་མགོན་དམ་ཚིག་ཅན་རྣམས་ཀྱི་ཞལ་དུ་ༀ་ཨཱཿཧཱུྃ། གནས་དང་ཉེ་བའི་གནས། ཞིང་དང་ཉེ་བའི་ཞིང་། ཚོན་དྷོ་དང་ཉེ་བའི་ཚོན་དྷོ། འདུ་བ་དང་ཉེ་བའི་འདུ་བ། འཐུང་གཅོད་དང་ཉེ་བའི་འཐུང་གཅོད། དུར་ཁྲོད་དང་ཉེ་བའི་དུར་ཁྲོད། ཡུལ་སུམ་ཅུ་སོ་གཉིས། གནས་ཉི་ཤུ་རྩ་བཞི། དུར་ཁྲོད་ཆེན་པོ་བརྒྱད་ན་བཞུགས་པའི་དཔའ་བོ་དང་རྣལ་འབྱོར་མ་བསམ་གྱིས་མི་ཁྱབ་པ་སྤྲུལ་པའི་སྐུ་འགྲོ་བ་སེམས་ཅན་གྱི་དོན་མཛད་པ་རྣམས་ཀྱི་ཞལ་དུ་ༀ་ཨཱཿཧཱུྃ། ཞིང་སྐྱོང་བཞི་བཅུ་རྩ་བརྒྱད། ཕོ་ཉ་གནས་ལས་སྐྱེས་པ། རིགས་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པའི་མཁའ་འགྲོའི་ཚོགས་དང་། གནས་གསུམ་གྱི་རྡོ་རྗེ་མཁའ་འགྲོ་རྣམས་ཀྱི་ཞལ་དུ་ༀ་ཨཱཿཧཱུྃ། གཞན་ཡང་གནོད་སྦྱིན། སྲིན་པོ། འབྱུང་པོ། ཡི་དྭགས། ཤ་ཟ། སྨྱོ་བྱེད། བརྗེད་བྱེད། མ་མོ། ཞིང་སྐྱོང་། ཕོ་ཉ། འཕྲོག་མ། །གྲུབ་པ་རྣམས་ཀྱི་ཞལ་དུ་ༀ་ཨཱཿཧཱུྃ། བོད་ཁམས་སྐྱོང་བར་ཞལ་གྱིས་བཞེས་པའི་བརྟན་མ་བཅུ་གཉིས་
― LT14_Page_096B ―
[མ་དཔེ་གཟིགས་ན་འདིར་གནོན།]
འཁོར་དང་བཅས་པ་རྣམས་དང་། གནས་བདག །གཞི་བདག །ཡུལ་བདག །གྲོང་བདག །གཉུག་མར་གནས་པ་རྣམས་དང་། འགྲོ་བ་རིགས་དྲུག །ལམ་རྒྱུད་ལྔ། སྐྱེ་གནས་བཞིས་བསྡུས་པའི་སེམས་ཅན་ཐམས་ཅད་ཚིམ་ཞིང་ཟག་པ་མེད་པའི་བདེ་བས་རྒྱུད་གང་ནས་མྱུར་ཏུ་བླ་ན་མེད་པའི་སངས་རྒྱས་ཀྱི་གོ་འཕང་ཐོབ་པའི་སྐལ་པ་དང་ལྡན་པར་གྱུར་ཅིག །ༀ་ཨཱཿཧཱུྃ། ཞེས་དང་རང་གིས་ཀྱང་མྱུར་ལ། ༀ་སརྦ་ཏ་ཐ་ག་ཏ་ཨ་མྲྀ་ཏ་སྭཱ་ད་ན་བཛྲ་སྭ་བྷ་ཝ་ཨཱཏྨ་ཀོ྅་ཧཾ། ཞེས་བརྗོད། དེ་ནས་དྲིལ་བུ་སུམ་བརྡུང་བྱ་ཞིང་། རང་གི་སྙིང་ག་ནས་ལྷ་མོ་བརྒྱད་སྤྲུལ་ཏེ་མཆོད་པར་བསམས་ལ། དཀར་མོ་རི་དྭགས་སོགས་དང་། དེ་རྣམས་ཀྱིས་བསྟོད་པར་བསམས་ཏེ། ཁྱོད་ནི་རྣལ་འབྱོར་མ་ཚོགས་སོགས་དང་། བསྟོད་པ་ཉི་ཤུ་པ་སོགས་ཅི་ཤེས་པས་བསྟོད་ལ། པུས་མོ་བཙུགས་ཏེ་སྤོས་དང་བཅས་པའི་རྡོར་དྲིལ་འཛིན་པས། དྲིལ་བུ་བཅད་གཏུབ་ཏུ་དཀྲོལ་ཞིང་། ཧེ་རུ་ཀ་དཔལ་དཔའ་བོ་ཆེ། །རིག་པའི་རྒྱལ་པོར་ཕྱག་འཚལ་བསྟོད། །དཀྱིལ་འཁོར་ཐུགས་རྗེའི་བདག་ཉིད་ཅན། །མགོན་པོ་བདག་ནི་འདྲེ་བར་འཚལ། །སློབ་མ་རྣམས་ལ་བརྩེ་བ་དང་། །ཁྱེད་ལ་མཆོད་པར་བྱ་བའི་ཕྱིར། །བཅོམ་ལྡན་བདག་ནི་གུས་པ་ལགས། །དེ་བས་བཀའ་དྲིན་མཛད་པར་འོས། །འགྲོ་བ་འཁོར་ལོའ་དོན་མཛད་པའི། །སངས་རྒྱས་བདག་ལ་དགོངས་སུ་གསོལ། །འབྲས་གནས་བྱང་ཆུབ་སེམས་དཔའ་དང་། །སྔགས་ཀྱི་ལྷ་གཞན་གང་ལགས་དང་། །འཇིག་རྟེན་སྐྱོང་བའི་ལྷ་རྣམས་དང་། །གང་ཡང་འབྱུང་པོ་མཐུ་ཆེན་དང་། །སངས་རྒྱས་བསྟན་ལ་དགའ་བ་དང་། །གང་སུ་རྡོ་རྗེའི་སྤྱན་ལྡན་རྣམས། །བདག་ལ་དགོངས་པར་མཛད་དུ་གསོལ། །རིག་པ་འཛིན་པ་བདག་གིས་ནི། །ཧེ་ཞེས་བྱ་བའི་དཀྱིལ་འཁོར་འདི། །ཡོ་བྱད་ཅི་འབྱོར་པ་དག་གིས། །འགྲོ་བ་
― LT14_Page_097A ―
[མ་དཔེ་གཟིགས་ན་འདིར་གནོན།]
དག་ཕྱིར་དག་འདྲི་བས། །བདག་དང་སློབ་མར་བཅས་པ་ལ། །ཐུགས་རྗེས་ཐུགས་དཔག་མཛད་ནས་ཀྱང་། །དཀྱིལ་འཁོར་པར་བཅས་ཐམས་ཅད་ཀྱི། །ཐུགས་རྗེས་དགོངས་ནས་གནང་བར་མཛོད། ཅེས་ལན་གསུམ་བརྗོད་པས། རིག་པ་འཛིན་པ་ཁྱོད་གཞན་དོན་རྒྱ་ཆེ་བར་གྱིས་ཤིག །ཅེས་གནང་བ་ཐོབ་པར་བསམ། བུམ་པ་སྟ་གོན་ནི། སྐབས་འདིའམ་གནས་སྐབས་གཞན་དུའང་རུང་། གོང་དུ་བཤམས་པའི་བུམ་པ་བསང་སྦྱངས། སྟོང་པའི་ངང་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གཉིས་ཀྱི་སྟེང་དུ། བྷྲཱུཾ་ལས་རིན་པོ་ཆེའི་བུམ་པ་གཉིས་ཡངས་ཤིང་རྒྱ་ཆེ་བ། ཞབས་ཞུམ་པ། ལྟོ་བ་ལྡིར་བ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷའི་གོས་ཀྱིས་མགུལ་པ་བཅིངས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བའི་རྣམ་རྒྱལ་བུམ་པར་སྣ་ཚོགས་པདྨ་འདབ་མ་བརྒྱད་པའི་ལྟེ་བར་ཉི་མའི་དཀྱིལ་འཁོར་གྱི་སྟེང་དུ་ཉོན་མོངས་པ་ལ་སོགས་པ་བདུད་བཞིའི་ངོ་བོ་ཚངས་པ་སེར་པོ་སོགས་ནས། སྟེང་ནས་སྟེང་དུ་བརྩེགས་པ། །འདབ་མ་བརྒྱད་ལ་ཟླ་བའི་དཀྱིལ་འཁོར་གྱི་སྟེང་དུ་ཤར་དུ་ཚངས་པ་སེར་པོ་ཞེས་སོགས་ནས་ཐག་བཟངས་རིས་དུད་ཀ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་ཞེས་དང་། བུམ་པ་བཅུ་ཡོད་ན་པདྨ་དང་ཟླ་བའི་དཀྱིལ་འཁོར་བཅུའི་སྟེང་དུ་ཞེས་སོགས་དང་། རྣམ་རྒྱལ་བུམ་པ་པདྨ་དང་ཉི་མའི་སྟེང་དུ་ཉོན་མོངས་པ་ལ་སོགས་པ་བདུད་བཞིའི་ངོ་བོ་ཚངས་པ་སོགས་དང་། ཕྱོགས་མཚམས་ཀྱི་བུམ་པ་བརྒྱད་ཀྱི་ནང་དུ་པདྨ་དང་ཟླ་བའི་གདན་རེ་རེའི་སྟེང་དུ་ཤར་དུ་ཚངས་པ་སེར་པོ། །ཞེས་སོགས་འདྲ། ལས་ཐམས་ཅད་པའི་བུམ་པར་པདྨ་དང་ཉི་མའི་གདན། རྣམ་རྒྱལ་བུམ་པའི་དབུས་ཀྱི་གདན་གྱི་སྟེང་དུ་སངས་རྒྱས་ཀྱི་མཚན་བཟང་པོ་སུམ་ཅུ་རྩ་གཉིས་ཀྱི་ངོ་བོ་སྐར་མའི་ཕྲེང་བ་ལྟ་བུའི་ཨ་ཨཱ། ཞེས་སོགས་སྒྲུབ་ཐབས་བཞིན་ལས། དེ་ལས་སྐུ་ཡོངས་སུ་རྫོགས་པ་
― LT14_Page_097B ―
[མ་དཔེ་གཟིགས་ན་འདིར་གནོན།]
ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ་བཅོམ་ལྡན་འདས་སྙིང་པོ་ཀྱེ་རྡོ་རྗེ་སྐུ་མདོག་སྔོན་པོ་ཞེས་སོགས་ནས་གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །ཡུམ་གྱི་མཁའ་མི་དམིགས་ཏེ། ཞེས་སོགས་འདྲ་བ་ལས། སྐུའི་དབྱིབས་བརྒྱུད་རྡོ་རྗེའི་ལམ་ནས་ཡུམ་གྱི་མཁར་བབས་པས་ཐིག་ལེ་ཆ་དགུར་གྱུར། དེ་རྣམས་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཧཱུྃ་རྣམས་སུ་གྱུར། དེ་རྣམས་ལྷ་མོ་བརྒྱད་བདུད་རྩི་འཁྱིལ་བ་དང་བཅས་པ་རྣམས་སུ་གྱུར་ནས་ཡུམ་གྱི་མཁའ་ནང་ནས་ཕྱིར་འཐོན་ཏེ་གདན་སོ་སོའ་སྟེང་དུ་འཁོད་པ་ནི། ཤར་དུ་གོ་རཱི་ནག་མོ་གཡས་གྲི་གུག །གཡོན་ཉ་རོ་ཧི་ཏ་འཛིན་པ། ཞེས་པ་ནས། ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །ཞེས་པའི་བར་གྱིས་ལྷ་མོ་རྣམས་དང་། ལས་ཐམས་ཅད་པའི་བུམ་པར་བདུད་རྩི་འཁྱིལ་བ་སྐུ་མདོག་ལྗང་གུ་ཞལ་གཅིག་ཕྱག་གཉིས་པ། གཡས་སྣ་ཚོགས་རྡོ་རྗེ་གཡོན་དེས་ཡུབ་བྱས་པའི་དྲིལ་བུ་དཀུར་བརྟེན་པ། རིན་པོ་ཆེ་དང་སྦྲུལ་གྱིས་བརྒྱན་པ་སྟག་གི་པགས་པའི་ཤམ་ཐབས་ཅན། ཞབས་གཡོན་བརྐྱངས་ཤིང་གཡས་བསྐུམ་པའི་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །དེ་ཐམས་ཅད་ཀྱི་མིག་ཏུ་གཏི་མུག་རྡོ་རྗེ་མ་ཞེས་སོགས་ནས་ཐུགས་ཀར་ཐུགས་རྡོ་རྗེ་མ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱཻ་རྡོ་རྗེ་ལྷ་དགུ་བདུད་རྩི་འཁྱིལ་བ་དང་བཅས་པའི་རྣམ་པར་རྡོ་རྗེ་བསྡུ་བའི་སྔགས་རྒྱས་སྤྱན་དྲངས། མཆོད་པ་དང་། དགུག་གཞུག་བྱ་བ་དང་། དབང་ལྷ་སྤྱན་དྲངས་ཏེ་མཆོད་ཅིང་གསོལ་བ་གདབ་པ་དང་། དབང་བསྐུར་ཞིང་རིགས་ཀྱི་བདག་པོའི་རྒྱས་འདེབས་པ་རྣམས་གོང་བཞིན་ལས། ཌོམྦི་ནཱི་ལ་འོད་དཔག་མེད། ཅེས་པའི་རྗེས་སུ། བདུད་རྩི་འཁྱིལ་པ་ལ་དོན་ཡོད་གྲུབ་པས་དབུར་བརྒྱན་ཞེས་བརྗོད། དེ་ནས་ༀ་བྷ་ག་ཝཱན་ཞེས་
― LT14_Page_098A ―
[མ་དཔེ་གཟིགས་ན་འདིར་གནོན།]
སོགས་རེ་རེའི་མགོར་སྦྱར་བའི་ཆུ་བཞི་ཉེར་སྤྱོད་རོལ་མོ་དང་བཅས་པ་དང་། ཧཱུྃ་ཨཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཧཱུྃ་ༀ་ཨཱཿཧཱུྃ་ཀྱེ་རྡོ་རྗེ་ལྷ་དགུ་བདུད་རྩི་འཁྱིལ་བ་དང་བཅས་པའི་ཞལ་དུ་མཆོད་པ་དམ་པ་འབུལ་ལོ། །ཞེས་པས་ནང་མཆོད་ཕུལ། དཀར་མོ་རི་དྭགས་སོགས་དང་། ཁྱོད་ནི་རྣལ་འབྱོར་མ་སོགས་ཀྱི་མཐར། འཇིགས་པའི་ཧཱུྃ་སྒྲ་ངེས་སྒྲོགས་ཤིང་། ཞེས་སོགས་ཀྱིས་བསྟོད་ལ། པད་སྐོར་བྱས་ནས་གཟུང་ཐག་བླངས་ཏེ། བདག་གི་སྙིང་ག་ས་སྔགས་ཀྱི་ཕྲེང་བ་དམར་པོ་གཟུངས་ཐག་ལ་བརྟེན་ཏེ་སོང་བས་བུམ་ནང་གི་ལྷ་རྣམས་ལ་ཕོག་པས་ལྷ་རྣམས་དམར་ལམ་སོང་སྟེ་བདག་གི་དབང་དུ་འདུས་ཤིང་བ་སྤུའི་བུ་ག་ནས་བདུད་རྩིའི་རྒྱུན་བྱུང་བས་བུམ་པ་གང་བར་བསམས་ལ། ཡབ་ཡུམ་གྱི་སྙིང་པོ་གཉིས་དང་། འཁོར་གྱི་སྔགས་ཐུང་རྣམས་དང་། ལས་བུམ་ལ་འཁྱིལ་བའི་སྔགས་རྣམས་བརྒྱ་རྩ་རེ་བཟླ། སླར་ཡང་གོང་ལྟར་མཆོད་བསྟོད་བྱས་ལ། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་ཐམས་ཅད་སྩལ་དུ་གསོལ། ཞེས་བརྗོད། ༀ་ཤྲཱི་བཛྲ་ཧེ་རུ་ཀ་ཞེས་སོགས་ཡི་གེ་བརྒྱ་པ་ལན་གསུམ་བརྗོད་དེ། གཟུངས་ཐག་བསྡུས་ལ། མ་འབྱོར་པ་དང་ཉམས་པ་དང་། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་ལ། །དེ་ཀུན་མགོན་པོས་བཟོད་པར་མཛོད། ཅེས་པའི་མཐར་པད་སྐོར་སྔོན་དུ་འགྲོ་བས་དུང་ཆོས་བླངས་ནས་བུམ་པ་རྣམས་སུ་ཆུ་ཐིག་རེ་བླུགས་ཏེ། ༀ་ཨཱཿཧཱུྃ། ཞེས་པའི་མཐར། མཆོད་ཡོན་ཕུལ་བའི་རྐྱེན་གྱིས་ལྷ་རྣམས་འོད་དུ་ཞུ་བ་ལས་བྱུང་བའི་བུམ་པའི་ཆུ་བདུད་རྩིའི་རང་བཞིན་དུ་གྱུར། ཞེས་བརྗོད། དེ་ནས་གཏོར་མ་རྣམས་བསང་སྦྱངས། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་ཞེས་པ་ནས་ཧ་ཧོ་ཧྲཱིཿཞེས་པའི་བར་སྒྲུབ་ཐབས་བཞིན་བརྗོད་ལ། མདུན་བསྐྱེད་ཀྱི་དུར་ཁྲོད་བརྒྱད་དུ་
― LT14_Page_098B ―
[མ་དཔེ་གཟིགས་ན་འདིར་གནོན།]
ཧཱུྃ་བརྒྱད་ཡོངས་སུ་གྱུར་པ་ལས་ཤར་དུ་བརྒྱ་བྱིན་ཞེས་སོགས་དང་། དབང་ལྡན་གྱི་དུར་ཁྲོད་ཀྱི་སྟེང་གི་ཆར་ཆོས་འབྱུང་ལ་གནས་པའི་པདྨའི་ལྟེ་བ་དང་འདབ་མ་བརྒྱད་ལ་ༀ་དགུ་ཡོངས་སུ་གྱུར་པ་ལས་དབུས་སུ་སྐུ་རྡོ་རྗེ། ཤར་དུ་དབང་ཕྱུག་ཆེན་པོ་ཞེས་སོགས་དང་། སྲིན་པོའི་དུར་ཁྲོད་ཀྱི་འོག་གི་ཆར་ཆོས་འབྱུང་ལ་གནས་པའི་པདྨའི་ལྟེ་བ་དང་འདབ་མ་བརྒྱད་ལ་ཨཱཿདགུ་ཡོངས་སུ་གྱུར་པ་ལས། དབུས་སུ་གསུང་རྡོ་རྗེ། ཤར་དུ་སྟོབས་ཀྱི་རྒྱུ་ཞེས་སོགས་ནས་ཐུགས་རྡོ་རྗེ་མ། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་འབྱུང་པོ་བརྒྱད་གསུམ་ཉི་ཤུ་རྩ་བཞིའི་རྣམ་པར་རྡོ་རྗེ་བསྡུ་བའི་སྔགས་རྒྱས་སྤྱན་དྲངས། དགུག་གཞུག་བྱ། དབང་ལྷ་སྤྱན་དྲངས་ཏེ་མཆོད་ཅིང་གསོལ་བ་གདབ་པ་དང་། དབང་བསྐུར་བ་རྣམས་གཏོར་ཆོག་ལྟར་བྱས་ལ། ཆུའི་ལྷག་མ་ཡར་ལུད་པ་ལས་སྐུ་རྡོ་རྗེ་ལྷ་ཆེན་བརྒྱད་དང་བཅས་པ་ལ་རྣམ་པར་སྣང་མཛད། ཕྱོགས་སྐྱོང་བརྒྱད་ལ་མི་བསྐྱོད་པ། གསུང་རྡོ་རྗེ་ཀླུ་ཆེན་བཅས་པ་ལ་འོད་དཔག་མེད་ཀྱིས་དབུར་བརྒྱན་པར་བསམས་ལ། མཆོད་གཏོར་འབུལ་བ་ནས་མཆོད་བསྟོད་ཕྲིན་ལས་བཅོལ་བའི་བར་གཏོར་ཆོག་ལྟར་བྱ། སྒོས་ཀྱི་ཆོས་སྐྱོང་རྣམས་ཀྱི་གཏོར་མ་དང་། མཁའ་འགྲོ་སྤྱི་གཏོར་ལོགས་ནས་འབྱུང་བ་ལྟར་ཕུལ་ལ་རྡོ་རྗེའི་གླུ་བཀྲ་ཤིས་བསྔོ་བ་སྨོན་ལམ་གྱི་བར་དུ་བྱའོ། །སློབ་མ་སྟ་གོན་ནི། ལུས་ཀྱི་བྱ་བ་ངེས་འབྱུང་བསྐྱེད། །ནང་དབང་བསྐུར་ལ་ཁྱད་དོན་ཞུ། །སྤྲོ་བ་བསྐྱེད་དེ་རྒྱུན་བཤགས་བྱ། །བསྲུང་བ་བྱས་ཏེ་མཆོད་པས་མཆོད། །སོ་ཤིང་དོར་ལ་ཁྱོར་ཆུ་བླུད། །སྲུང་སྐུད་བཏགས་ཏེ་ཀུ་ཤ་སྦྱིན། །ཟབ་མོའི་ཆོས་བཤད་རྨི་ལམ་བརྟག །ཅེས་པ་ལྟར་རོ། །རྗེས་ཆོག་ནི། མཆོད་པ་རྣམས་བསངས་སྦྱངས་བྱིན་གྱིས་བརླབས་ལ། རེ་རེའི་མགོར་ༀ་བྷ་ག་ཝཱན་ཞེས་སོགས་སྦྱར་བའི་ཆུ་བཞི་ཉེར་སྤྱོད་རོལ་ཆེན་དང་བཅས་པ་དང་། །ནང་མཆོད་ཕུལ་ལ་ཧཱུྃ་ཨཾ་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ༀ་ཨཱཿཧཱུྃ་ཀྱེ་རྡོ་རྗེ་ལྷ་དགུའི་ཞལ་དུ་མཆོད་པ་དམ་པ་འབུལ་ལོ། །ཞེས་དང་། རོལ་ཆེན་དང་བཅས་
― LT14_Page_099A ―
[མ་དཔེ་གཟིགས་ན་འདིར་གནོན།]
ཏེ། དཀར་མོ་རི་དྭགས་སོགས་དང་། ཁྱོད་ནི་རྣལ་འབྱོར་མ་ཚོགས་སོགས་བྱ། འོག་ཏུ་ཕྱི་ནང་ཡིད་བྱུང་བསྟོད་པ་རྣམས་བྱ་ཞེས་འབྱུང་བ་རྣམས་སུ་འདི་བཞིན་ཤེས་པར་བྱའོ། །དེ་ནས་ཐལ་མོ་སྦྱར་ཏེ་ཧེ་རུ་ཀའི་ཡི་གེ་བརྒྱ་བ་ལན་གསུམ་བཟླ། མ་འབྱོར་བ་དང་ཉམས་པ་དང་། ཞེས་སོགས་ཀྱི་མཐར་ཁུ་ཚུར་གཉིས་ཀྱི་མཐེའུ་ཆུང་སྦྲེལ། མཛུབ་མོ་བརྐྱངས་ཏེ་རྩེ་སྤྲད་པ་གཙུག་ཏོར་གྱི་ཕྱག་རྒྱ་སྤྱི་བོར་བཟློག་སྟེ། ༀ་བཛྲ་ཨུཏྟིཥྛ་སྟ་གོན་གྱི་རྟེན་དང་བརྟེན་པར་བཅས་པའི་དཀྱིལ་འཁོར་བ་ཐམས་ཅད་པ་སྤྱན་དྲངས་ཀྱི་བར་དུ་མདུན་གྱི་ནམ་མཁར་བཞུགས་ནས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་ཐམས་ཅད་སྩལ་དུ་གསོལ། ཞེས་བརྗོད་ལ་སླར་ཡང་ཕྱི་ནང་ཡིད་བྱུང་བསྟོད་པ་རྣམས་བྱས་ཏེ། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་ཐམས་ཅད་སྩལ་དུ་གསོལ། ཞེས་གསོལ་བ་བཏབ། ཆོས་སྐྱོང་གི་བྲིས་སྐུ་སོགས་གཏོར་མགྲོན་གྱི་རྟེན་ཡོད་པ་རྣམས་ལ་ཐལ་མོ་སྦྱར་ཏེ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། བྱེ་བྲག་ཏུ་ཡང་སྐུ་གཟུགས་ཀྱི་རྟེན་འདི་རྣམས་ལ་བསྐྱེད་ཅིང་སྤྱན་དྲངས་པའི་ལྷ་ཚོག་རྣམས་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ། བརྟན་པར་བཞུགས་ནས་བདག་དང་སེམས་ཅན་ཐམས་ཅད་ཀྱི་མགོན་དང་སྐྱབས་དང་དཔུང་གཉེན་དམ་པ་མཛད་དུ་གསོལ། ༀ་སུ་པྲ་ཏིཥྛ་བཛྲཱ་ཡ་སྭཱ་ཧཱ། ཞེས་བརྗོད་ཅིང་མེ་ཏོག་གཏོར། སྐུ་གཟུགས་ཀྱི་རྟེན་མེད་ན་དེ་རྣམས་མི་དགོས་སོ། །དེ་ནས་རྟེན་མེད་པ་རྣམས་ལ། ༀ་ཁྱེད་ཀྱིས་སེམས་ཅན་དོན་ཀུན་མཛོད། །
― LT14_Page_099B ―
[མ་དཔེ་གཟིགས་ན་འདིར་གནོན།]
རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །ༀ་ཨཱཿཧཱུྃ་བཛྲ་མུཿ ཞེས་དང་མཐེབ་སྲིན་གྱིས་སེ་གོལ་བྱས་ལ་ཡེ་ཤེས་པ་གཤེགས། དམ་ཚིག་པ་རང་ལ་གཉིས་སུ་མེད་པར་ཐིམ། ཛཿཧཱུྃ་བཾ་ཧོཿ ཞེས་དང་། མིག་ཏུ་གཏི་མུག་རྡོ་རྗེ་མ་སོགས་གསལ་བཏབ་ལ་མཆོད་གཏོར་དམན་མར་རྣམས་བསྡུས་ཏེ། ལས་ཐིག་གི་ཆ་དབྱེ་བ་དང་ཐིག་ཚོན་བྱིན་རླབས་མི་དགོས་ན་སྤྱོད་ལམ་ལ་འཇུག་པའི་ཉལ་བའི་རྣལ་འབྱོར་བྱ། རྡུལ་ཚོན་གྱི་ཕྱོགས་ལྟར་ན་འོག་ནས་འབྱུང་བའི་དཀྱིལ་འཁོར་བྲི་ཞིང་རྒྱན་དགྲམ་པ་ཡན་ཆད་གྲུབ་ནས་ཉལ་བའི་རྣལ་འབྱོར་གྱིས་ཉལ་ལ་སང་ནངས་པར་ལྡང་བའི་རྣལ་འབྱོར་གྱིས་ལངས་ཏེ། ༀ་སྭ་བྷཱ་ཝ་ཤུདྡྷཿསརྦ་དྷརྨཱ་སྭ་བྷཱ་བ་ཤུདྡྷོ་྅་ཧཾ། ༀ་བཛྲ་ཤུདྡྷཿསརྦ་དྷརྨ་བཛྲ་ཤུདྡྷོ྅་ཧཾ། ༀ་ཡོ་ག་ཤུདྡྷོཿསརྦ་དྷརྨཱ་ཡོ་ག་ཤུདྡྷོ྅་ཧཾ། ཞེས་བརྗོད་ཅིང་དག་པ་རྣམ་པ་གསུམ་དྲན་པར་བྱའོ། །ལྔ་པ་བྲི་ཞིང་རྒྱན་དགྲམ་པ་ནི་ལག་ལེན་བཞིན་དུ་ལས་ཐིག་བཏབ་ལ། དཀྱིལ་འཁོར་གྱི་དབུས་སམ་ཇི་ལྟར་རིགས་པའི་གཞིར་དབུས་སུ་ཚོན་སྔོན་པོ་ལ་རྡོ་རྗེའི་རྩེས་ཧཱུྃ་བྲི། དེ་བཞིན་དུ་ཤར་དུ་དཀར་པོ་ལ་བྷྲཱུཾ། ལྷོར་སེར་པོ་ལ་ཨཱཾ། ནུབ་ཏུ་དམར་པོ་ལ་ཛྲིཾ། བྱང་དུ་ལྗང་ཁུ་ལ་ཁཾ་བྲི། ཚོན་སོ་སོའ་སྟེང་ཁ་དོག་དང་མཐུན་པའི་ཐིག་སྐུད་རྣམས་ཀྱང་བཞག །མདུན་དུ་མཆོད་པ་ལྔ་དང་གཏོར་མ་གཅིག་བཤམས་ལ་རང་ཀྱེ་རྡོ་རྗེའི་ང་རྒྱལ་གྱིས་ཐིག་ཚོན་བསང་སྦྱང་། སྟོང་པའི་ངང་ལས་པཱཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་ལྔའི་སྟེང་དུ་ཐིག་ཚོན་སྔོན་པོ་ཧཱུྃ་ལས་མི་བསྐྱོད་པ་ཞལ་བརྒྱད་ཕྱག་བཅུ་དྲུག་པ། གཡས་བརྒྱད་རྡོ་རྗེ་གཡོན་བརྒྱད་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་མ་མཱ་ཀི་སྔོན་མོ་གྲི་གུག་དང་ཐོད་པ་འཛིན་
― LT14_Page_100A ―
[མ་དཔེ་གཟིགས་ན་འདིར་གནོན།]
པ་དང་མཉམ་པར་སྦྱོར་བ། །དེ་བཞིན་དུ་དཀར་པོ་བྷྲཱུཾ་ལས་རྣམ་སྣང་དཀར་པོ་གཡས་བརྒྱད་འཁོར་ལོ་གཡོན་བརྒྱད་དེས་ཡུ་བ་བྱས་པའི་དྲིལ་བུ། ཡུམ་སངས་རྒྱས་སྤྱན་མ་དཀར་མོ་ཕྱག་མཚན་ཀུན་ལ་འདྲ། སེར་པོ་ཨཱོཾ་ལས་རིན་འབྱུང་སེར་པོ་གཡས་བརྒྱད་རིན་པོ་ཆེ་གཡོན་འདྲ། ཡུམ་རིན་ཆེན་སྒྲོལ་མ་སེར་མོ། དམར་པོ་ཛྲཱཾ་ལས་འོད་དཔག་མེད་དམར་པོ་གཡས་བརྒྱད་པདྨ་གཡོན་འདྲ། ཡུམ་གོས་དཀར་མོ་དམར་མོ། ཁཾ་ལས་དོན་ཡོད་གྲུབ་པ་ལྗང་གུ་གཡས་བརྒྱད་རལ་གྲི་གཡོན་འདྲ། ཡུམ་དམ་ཚིག་སྒྲོལ་མ་ལྗང་གུ་ཕྱག་མཚན་འདྲ། བསྡུ་ན་རིགས་ལྔ་ཞལ་གཅིག་ཕྱག་གཉིས་པར་བསྐྱེད་ཀྱང་རུང་། ཐམས་ཅད་ཀྱི་དཔྲལ་བར་ༀ། །མགྲིན་པར་ཨཱཿ ཐུགས་ཀར་ཧཱུྃ། རང་གི་མིག་གཡས་པ་མ་ལས་ཉི་མ། གཡོན་པ་ཊ་ལས་ཟླ་བ་མིག་འབྲས་གཉིས་ཧཱུྃ་ཡིག་འབར་བར་གྱུར་པར་བསམ་ལ། མིག་གི་རྫི་མ་གྱེན་ཐུར་དུ་བརྡེབ་ཅིང་། སྟ་གོན་གྱི་ལྷ་དང་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་ཐིག་ཚོན་རིགས་ལྔའི་རྣམ་པས་བྱོན་ཏེ། དམ་ཚིག་པ་ལ་གཉིས་སུ་མེད་པར་ཐིམ། ནམ་མཁའི་ལྷ་རྣམས་ཀྱིས་ༀ་བཛྲི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རིགས་ལྔ་སོ་སོས་དབུ་བརྒྱན་པར་བསམ། ༀ་བཛྲ་པུཥྤེ་སོགས་ཀྱིས་མཆོད། མི་བསྐྱོད་རྡོ་རྗེ་སོགས་ཀྱིས་བསྟོད། གཏོར་མ་ༀ་ཨཱཿཧཱུྃ་ལན་གསུམ་གྱིས་བྱིན་གྱིས་བརླབས་ལ། གཡས་མཆོག་སྦྱིན་དང་ཨ་ཀཱ་རོས་ཕུལ་ཏེ། ༀ་བཛྲ་ཙི་ཏྲ་ས་མ་ཡ་མཱ་ཏི་ཀྲ་མ་ཧཱུྃ་ཉེར་གཅིག་བཟླས། གཡོན་པའི་མཐེབ་སྲིན་གྱིས་ཚོན་རྣམས་ལ་རེག་ཅིང་ཡི་གེ་རྣམས་བསུབས་ལ། ལྷ་རྣམས་
― LT14_Page_100B ―
[མ་དཔེ་གཟིགས་ན་འདིར་གནོན།]
འོད་དུ་ཞུ་སྟེ་དེ་བཞིན་གཤེགས་པའི་རྡུལ་ཕྲ་རབ་ལས་གྲུབ་པའི་ཐིག་ཚོན་དུ་གྱུར་ཞེས་བརྗོད། ཐིག་སྐུད་རྣམས་སློབ་དཔོན་གྱི་ལག་པར་བླངས་ཏེ། གོ་རཱིའི་ང་རྒྱལ་འཛིན་པའི་སློབ་མ་ལ་ཐིག་སྐུད་སྔོ་དཀར་སེར་དམར་ལྗང་གུའི་རིམ་པས་ཐིག་སྣ་གཏད་དེ་བརྐྱངས་ལ། ཕན་ཚུན་རྗེས་སུ་རྟོགས་པ་སྟེ། །ཆོས་ཀུན་ཕན་ཚུན་རྗེས་སུ་རྟོགས། །ཆོས་རྣམས་ཐམས་ཅད་ཤིན་ཏུ་ཡང་། །ཀུན་ཏུ་འགྲོ་བར་ཆོས་ཀུན་བརྗོད། །ཅེས་བརྗོད་ཅིང་དང་པོ་སོ་སོ་དང་དེ་ནས་ལྷན་ཅིག་ཏུ་བསྒྲིལ་བས་དེ་བཞིན་གཤེགས་པ་ཐམས་ཅད་གཉིས་སུ་མེད་པར་གྱུར་པར་བསམས་ལ། རྡོ་རྗེ་ལ་དཀྲིས་ཏེ་མཐེབ་སྲིན་གྱི་བདུད་རྩི་གཏོར་ལ་བཞག་གོ །དེ་ནས་སློབ་དཔོན་ལངས་ལ་དཀྱིལ་འཁོར་གྱི་ནུབ་ནས་ཤར་དུ་བལྟས་ཏེ། ཐིག་སྐུད་དཀྲིལ་པའི་རྡོ་རྗེ་རང་གི་ལྟེ་བའི་ཐད་དུ་བཟུང་ལ། ཤར་ནས་ནུབ་ཏུ་ཕྱོགས་པའི་སློབ་མ་ལ་ཛྫཿགཉིས་བརྗོད་ཅིང་ཐིག་སྣ་གཏད། དེས་ཀྱང་ཛྫཿགཉིས་བརྗོད་ཅིང་བླངས་ཏེ་ལྟེ་བའི་ཐད་དུ་བཟུང་། སློབ་དཔོན་གྱིས་ༀ་བཛྲ་སཱུ་ཏྲཾ་ས་མ་ཡ་མཱ་ཏི་ཀྲ་མ་ཧཱུྃ། ནམ་མཁའ་གང་བའི་དེ་བཞིན་གཤེགས། །འགྲོ་དོན་མཛད་དུས་འདི་ལགས་པས། །ཁྱེད་རྣམས་འདིར་ནི་གཤེགས་གསོལ་བར། །ཐིག་སྐུད་སྒྲས་ནི་སྐུལ་མ་འདེབས། །ཞེས་བརྗོད་ཅིང་། དང་པོར་སྟེང་ནས་འོག་ཏུ་གཅུས་ཏེ་ནམ་མཁའ་ལ་གྱེན་དུ་གདབ། དེ་ནས་ས་ལ་ཕབ་སྟེ་ཐིག་ཆེན་བརྒྱད་པོའི་སྟེང་དུ་བཏབ་པས་དཀྱིལ་འཁོར་དུ་ལམ་གྱིས་བྱུང་བར་བསམ། དེའི་ཚེ་ཐིག་སྐུད་ཀྱི་སྒྲས་སངས་རྒྱས་ཐམས་ཅད་བསྐུལ་ཏེ་ནམ་མཁའི་ཁམས་སུ་བྱོན་ནས་བྱིན་གྱིས་བརླབ་པར་བསམ་ལ་གདབ་བོ། །འདེབས་པའི་གོ་རིམས་ནི། ནུབ་ཤར་བྱང་ལྷོ་མེ་དབང་ལྡན། །རླུང་སྲིན་རླུང་དབང་མེ་སྲིན་པོ། །གཡས་སྐོར་
― LT14_Page_101A ―
[མ་དཔེ་གཟིགས་ན་འདིར་གནོན།]
རྒྱབ་འགྲོས་ཚངས་ལོགས་གདབ། །མེ་རླུང་སྲིན་དབང་གཡས་སྐོང་དུ། །རྒྱབ་འགྲོས་སྤངས་ཏེ་ཟུར་ཐིག་གདབ། །ནུབ་ཤར་གནས་པས་ཐིག་སྐུད་བསྡུ། །གཉིས་སྡེབས་དང་པོ་སློབ་དཔོན་དང་། །ཕྱི་མ་སློབ་མར་ཤེས་པར་བྱ། །ཞེས་སོ། །དེ་ནས་གཙུག་ཏོར་གྱི་ཕྱག་རྒྱ་སྤྱི་བོར་བཟློག་སྟེ། ༀ་བཛྲ་བེ་གཱ་ཀྲ་མ་ཧོཿ ཞེས་བརྗོད་པས་ཡེ་ཐིག་ནམ་མཁར་བཏེགས་ནས་སློབ་དཔོན་ནང་དུ་ཞུགས་ཏེ། གཞི་བཅའ་པད་སྐོར་སྔོན་དུ་འགྲོ་བས་རྡོ་རྗེ་སྙིང་ག་དང་། དྲིལ་བུ་དཀུར་བརྟེན་ཏེ། ཧྲཱིཿཧྲཱིཿཞེས་བརྗོད་ཅིང་ཁྲོ་བོའི་ལྟ་བས་སྒོ་བཞི་ལ་ཤར་ནས་གཡས་སྐོར་དུ་བལྟས་པས་སྒོ་རྣམས་བྱེ་བར་བསམ། སྒོ་བཞིའི་ཐད་ཀྱི་རྩ་ཐིག་རྣམས་དྲི་བཟང་གི་ཆུས་ཕྱིས་ལ། ཐར་པ་དང་ཐམས་ཅད་མཁྱེན་པའི་གེགས་སུ་གྱུར་པ་ཐམས་ཅད་དབྱེ་བར་བགྱིའོ་ཞེས་བརྗོད། དེ་ནས་སློབ་དཔོན་དཀྱིལ་འཁོར་གྱི་དབུས་སུ་ཤར་དུ་ཕྱོགས་པས་འདུག་ལ། །ཆོས་དབྱིངས་འདི་ནི་རྣམ་པར་དག །སེམས་ཅན་ཁམས་ནི་སྒྲོལ་བར་བྱེད། །ཀྱེ་ཡི་རྡོ་རྗེ་རྒྱལ་པོ་ཆེའི། །དཀྱིལ་འཁོར་སྙིང་པོ་བྲི་བར་བྱ། །ༀ་བཛྲ་ཙི་ཏྲ་ས་མ་ཡ་མཱ་ཏི་ཀྲ་མ་ཧཱུྃ་ཞེས་བརྗོད་ཅིང་། ནང་ནས་རིམ་པ་བཞིན་ནག་པོ་ལྗང་གུ་དམར་པོ་སེར་པོ་དཀར་པོའི་རིམ་པས་སྒོ་ཚད་གཅིག་ཙམ་བྲིས་ལ་ཐོད་པ་ལ་སོགས་པས་ཁ་བཅད་ནས་སྟེང་དུ་རྡོ་རྗེ་གཅིག་བཞག་སྟེ་མཆོད་པ་ལྔས་མཆོད། དབུས་ཀྱི་ཕུར་ཁུང་འོག་ནས་དཀར་པོ་ལ་སོགས་པའི་རིམ་པས་བཀང་ལ་སློབ་མ་ལ་སོགས་པས་དབུས་ནས་རིམ་པས་བྲི། རྩིག་པ་སྦྲེལ་རན་པ་ནས་ཐོད་པ་བསལ་ཏེ་སྦྲེལ། མཚན་མ་བརྟགས་ལ་ངན་ན་ནམ་མཁའི་ལྷ་ལ་མཆོད་གཏོར་ཕུལ་ཏེ་འཁྱིལ་བས་བསྲུང་ངོ་། །ཚོན་གྱི་ཁ་དོག་ནི། དབུས་ཀྱི་ཉི་མ་དམར་པོ་ལ། །པད་ལྟེ་སྔོན་པོ་ཟེའུ་འབྲུ་ལྗང་།
― LT14_Page_101B ―
[མ་དཔེ་གཟིགས་ན་འདིར་གནོན།]
པད་འདབ་ལྷ་མོའི་མདོག་ཅན་ནམ། །ཕྱོགས་མདོག་མཛེས་ཚོན་གང་རུང་བྱ། །གདུང་ཟླུམ་ནག་པོ་རྡོ་རྗེ་སེར། །ལྷ་སྣམ་ཕྱོགས་མདོག་བུམ་པས་བརྒྱན། །གཙོ་བོའི་གནས་སུ་ཐོད་པ་ནི། །སྣ་ཚོགས་རྡོ་རྗེས་མཚན་པ་དང་། །གྲི་གུག་ནག་པོ་གདན་བཅས་བྲི། །ལྷ་མོའི་གནས་སུ་རང་རང་གི། །གཡས་ཀྱི་ཕྱག་མཚན་གདན་བཅས་བྲི། །འདོད་ཡོན་དམར་པོ་ཕ་གུ་སེར། །དྲྭ་བའི་གཞི་སྔོ་དྲྭ་བ་དཀར། །མདའ་ཡབ་ཁྲ་བོ་ཕྱི་ཐིག་སྔོ། །མུན་པ་གླང་རྒྱབ་གཉིས་ཀ་ནས། །ཀ་བ་ཀ་རྒྱན་རྭ་ཕྱོགས་མདོག །རྟ་བབས་དམར་སྔོ་ལྗང་སེར་རིམ། །པདྨ་ཆོས་འཁོར་གདུགས་ཅི་མཛེས། །ཉི་དཀྱིལ་ལྗང་གུ་པདྨ་ཡི། །འདབ་མ་སྣ་ཚོགས་ཕྱི་དམར་སྐྱ། །དུར་ཁྲོད་གཞི་ནག་མཚན་མ་རྣམས། །སོ་སོའ་མདོག་ཅན་ཅི་ནུས་པ། །རྡོ་ར་ནག་པོ་རྡོ་རྗེ་དཀར། །མེ་རི་སྣ་ཚོགས་སུ་བྲིའོ། །བྲི་བ་རྫོགས་ནས་ཚོན་གྱི་ལྷག །ཡེ་ཐིག་སྲད་བུར་བཅས་བསྡུས་ལ། །མཆོད་པ་ལྔས་མཆོད་ༀ་ཨཱཿཧཱུྃ། །བཛྲ་མུཿཡིས་ཡེ་ཤེས་པ། །གཤེགས་ཤིང་སྤྲུལ་པ་རང་ལ་བསྡུ། །དེ་ནས་དཀྱིལ་འཁོར་གྱི་ཉེ་ལོགས་ཀུན་འབྱུང་དང་དྲི་བཟང་པོས་བྱུགས་ལ་མཆོད་པ་ཅི་འབྱོར་བ་བཤམ། སྤོས་དང་རོལ་མོ་དང་བཅས་ཏེ་སློབ་དཔོན་གྱི་ལག་པ་གཡས་རྡོ་རྗེ་དང་བཅས་པས་རྣམ་རྒྱལ་དང་། སློབ་མ་རྣམས་ཀྱིས་བུམ་པ་ལྷག་མ་རྣམས་རིམ་པས་བཟུང་ནས་དཀྱིལ་འཁོར་ལ་བསྐོར་བ་བྱ་སྟེ། སློབ་དཔོན་གྱིས་ལྷ་སོ་སོའ་སྔགས་ཀྱི་མཐར་བདག་ལ་མངོན་པར་དབང་བསྐུར་བ་སྩལ་དུ་གསོལ། ཞེས་བརྗོད་ཅིང་ལྷ་སོ་སོའ་གནས་སུ་དེ་དང་དེའི་བུམ་པ་ལན་རེ་ཕུལ་ལ། མཐར་དཀྱིལ་འཁོར་གྱི་ཕྱོགས་མཚམས་རྣམས་སུ་བུམ་གདན་གྱི་སྟེང་དུ་བཞག །བུམ་པ་གཉིས་ལས་
― LT14_Page_102A ―
[མ་དཔེ་གཟིགས་ན་འདིར་གནོན།]
མེད་ན་རྣམ་རྒྱལ་ལྷ་གྲངས་བཞིན་བསྐྱར་ཏེ་ཕུལ་ལ་མཐར་ཤར་ངོས་སུ་བཞག །ལས་བུམ་འབུལ་བའི་ཚེ་འཁྱིལ་པ་བཟླས་ལ་བདག་དང་དཀྱིལ་འཁོར་པ་རྣམས་ཀྱི་བར་ཆད་ཐམས་ཅད་སྲུང་དུ་གསོལ་ཞེས་བརྗོད་དེ་ཕྱིའི་བྱང་ཤར་ལ་ཉེ་བར་བཞག་གོ །དངོས་གཞིའི་ཉིན་པར་དཀྱིལ་འཁོར་ལ། །སྤྱི་དང་སོ་སོའ་མཆོད་པ་རྣམས། །རྡུལ་ཚོན་ལྟར་ན་ཟླུམ་པོ་དང་། །རས་བྲིས་ལྟར་ན་གྲུ་བཞིར་བཤམ། །འདས་དང་འཇིག་རྟེན་སྔོན་འགྲོ་དང་། །ཕྱི་རོལ་གཏོར་མ་མཆོད་སོགས་བཅས། །སློབ་མ་དབང་བསྐུར་བྱེད་དགོས་ན། །དེ་ལ་དགོས་པའི་མཎྜལ་དང་། །མིག་རས་མེ་ཏོག་གུ་གུལ་ཏིལ། །རིགས་དྲུག་མཆོད་པ་དབུ་རྒྱན་དང་། །རྡོར་དྲིལ་མིག་ཐུར་མེ་ལོང་དང་། །འབུད་དུང་འཁོར་ལོ་པུ་སྟི་དང་། །མདའ་གཞུ་སྣམ་སྦྱར་བདུད་རྩི་སོགས། །ཉེར་མཁོ་ཐམས་ཅད་ཚོགས་བྱའོ། །དྲུག་པ་སྒྲུབ་ཅིང་མཆོད་པ་ནི་ཕྱི་འཕྲད་དམ་ཇི་ལྟར་འོས་པའི་དུས་སུ་སློབ་དཔོན་སྟན་ལ་འདུག །སྔོན་འགྲོ་རྣམ་གསུམ་ནས་བརྩམས་ཏེ་བཟླས་པའི་རྗེས་ཀྱི་གསོལ་གདབ་ཀྱི་བར་སྟ་གོན་གྱི་སྐབས་ཇི་ལྟ་བ་བཞིན་བྱས་ལ། དཀྱིལ་འཁོར་བསྡུ་བའི་ཚེ་རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་ཁམས་གསུམ་སྣོད་བཅུད་ཐམས་ཅད་འོད་དུ་ཞུ་ནས་སྲུང་བའི་འཁོར་ལོ་ལ་ཐིམ། ལྷ་མོ་བརྒྱད་ཞལ་བརྒྱད་ལ་ཐིམ་ཞེས་བརྗོད། དེ་ནས་མདུན་བསྐྱེད་བསྒྲུབ་པ་ནི། །བྲིས་ལ་བདག་ཉིད་བསྲེས་བྱས་ལ། །མངལ་འབྱིན་སྟ་གོན་དམ་ཡེ་བསྲེ། །དེ་ལ་ཡེ་ཤེས་སྤྱན་དྲངས་པས། །རྟེན་ལ་དྲུག་དང་འཁོར་ལ་ལྔ། །གཙོ་བོ་དྲུག་བསྲེས་བསྡུས་པའི་ལུགས། །ཞེས་ཏེ་རྟེན་གྱི་བསྐྱེད་ཆོག་མི་དགོས་པར་བྲིས་པ་ཙམ་ལ། བདག་
― LT14_Page_102B ―
[མ་དཔེ་གཟིགས་ན་འདིར་གནོན།]
མདུན་འོག་ནས་འབྱུང་བ་ལྟར་བསྲེས་ལ་མངལ་འབྱིན་མན་ཆད་འདྲ་བར་བྱས་ན་བསྡུས་པར་འགྱུར་རོ། །བྲས་དང་བསྐྱེད་དང་བདག་ཉིད་བསྲ། །མངལ་འབྱིན་སྟ་གོན་དམ་ཡེ་དང་། །ཡེ་ཤེས་བསྲེས་པས་ལྷ་འདྲ་ཡང་། །རྟེན་ལ་བདུན་བསྲེས་འབྱུང་ཕྱིར་རྒྱས། །ཞེས་ཏེ་དེའི་སྒྲུབ་ཚུལ་ནི། བྲིས་པའི་དཀྱིལ་འཁོར་བསང་སྦྱངས། སྟོང་པའི་ངང་ལས་པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་སྣ་ཚོགས་རྡོ་རྗེ་ཞེས་སོགས་ཀྱིས་ཐུན་མོང་བའི་སྲུང་འཁོར་བསྐྱེད་པ་ནས། ཐགས་ཟངས་རིས་དུད་ཀ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་ཞེས་པའི་བར་གོང་སྟ་གོན་གྱི་སྐབས་ལྟར་བྱས་ལ། དེ་ནས་བདག་གིས་བསྒོམས་པའི་སྲུང་བའི་འཁོར་ལོ་དང་མདུན་བསྐྱེད་ཀྱི་སྲུང་བའི་འཁོར་ལོ་གཉིས་སུ་མེད་པར་གྱུར། བདག་གིས་བསྒོམས་པའི་དུར་ཁྲོད་བརྒྱད་དང་མདུན་བསྐྱེད་ཀྱི་དུར་ཁྲོད་བརྒྱད་གཉིས་སུ་མེད་པར་གྱུར། བདག་གིས་བསྒོམས་པའི་གཞལ་ཡས་ཁང་གདན་དང་བཅས་པ་དང་མདུན་བསྐྱེད་ཀྱི་གཞལ་ཡས་ཁང་གདན་དང་བཅས་པ་གཉིས་སུ་མེད་པར་གྱུར། རང་དཀྱིལ་འཁོར་གྱི་དབུས་སུ་གཙོ་བོ་ཡབ་ཡུམ་དུ་གསལ་བའི་ཡུམ་གྱི་མཁའ་མི་དམིགས་ཏེ་ཞེས་སོགས་སྒྲུབ་ཐབས་བཞིན་ལས་ཡུམ་གྱི་མཁར་བབ་པས་ཐིག་ལེ་ཆ་གཉིས་སུ་གྱུར། ཆ་གཅིག་ཡོངས་སུ་གྱུར་པ་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་པ་གྲུ་བཞི་པ་སྒོ་བཞི་པ། རྟ་བབས་བཞིས་མཛེས་ཤིང་རྒྱན་ཐམས་ཅད་ཀྱིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པའི་ཕྱི་རོལ་དུ་དུར་ཁྲོད་བརྒྱད་སྲུང་བའི་འཁོར་ལོ་དང་བཅས་པར་གྱུར། ཆ་གཅིག་ཆ་དགུར་གྱུར་པ་གདན་སོ་སོའ་སྟེང་དུ་
― LT14_Page_103A ―
[མ་དཔེ་གཟིགས་ན་འདིར་གནོན།]
རིམ་པ་བཞིན་དུ་འཁོད་པ་ནི། དབུས་ཀྱི་ཐིག་ལེ་བཅོམ་ལྡན་འདས་སྙིང་པོ་ཀྱེ་རྡོ་རྗེ་ཞེས་པ་ནས་གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ་ཞེས་པའི་བར་དང་། ཤར་གྱི་ཐིག་ལེ་གཽ་རཱི་ནག་མོ་ཞེས་སོགས་དང་། ལྷོའི་ཐིག་ལེ་ཙཽ་རཱི། ནུབ་ཀྱི་ཐིག་ལེ་བེ་ཏཱ་ལཱི། བྱང་གི་ཐིག་ལེ་གྷསྨ་རི། བྱང་ཤར་གྱི་ཐིག་ལེ་པུཀྐ་སི། ཤར་ལྷོའི་ཐིག་ལེ་རི་ཁྲོད་མ། ལྷོ་ནུབ་ཀྱི་ཐིག་ལེ་གདོལ་པ་མོ། །ནུབ་བྱང་གི་ཐིག་ལེ་གཡུང་མོ་ཁ་དོག་སྣ་ཚོགས་པ་ཞེས་སོགས་ནས་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །ཞེས་པའི་བར་གྱིས་གསལ་བཏབ་པའམ་མི་ནུས་ན་ལྷ་རྣམས་ཀྱི་མིང་བརྗོད་པ་ཙམ་བྱའོ། །དེ་ནས་མཁའ་ནང་གི་གཙོ་བོ་ཡབ་ཡུམ་དཔག་ཏུ་མེད་པ་སྤྲོས། ནམ་མཁའི་ཁམས་ཐམས་ཅད་ཁྱབ། སེམས་ཅན་ཐམས་ཅད་ཀྱི་ཞེ་སྡང་དང་རྣམ་པར་ཤེས་པའི་ཕུང་པོ་སྦྱངས། ཆོས་ཀྱི་དབྱིངས་ཀྱི་ཡེ་ཤེས་ལ་བཀོད། ཚུར་འདུས་རང་ལ་ཐིམ་པ་ནི་རང་ཉིད་བཅོམ་ལྡན་འདས་སྙིང་པོ་ཀྱེ་རྡོ་རྗེ་སྐུ་མདོག་སྔོན་པོ་ཞེས་པ་རྣམས་གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །ཞེས་པའི་བར་བརྗོད། དེ་བཞིན་དུ་མཁའ་ནང་གི་གཽ་རཱི་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་གཏི་མུག་དང་གཟུགས་ཀྱི་ཕུང་པོ་སྦྱངས། མེ་ལོང་ལྟ་བུའི་ཡེ་ཤེས་ལ་བཀོད། ཚུར་འདུས་ཤར་དུ་ཚངས་པའི་གདན་ལ་འཁོད་པ་ནི། གཽ་རཱི་ནག་མོ་གཡས་གྲི་གུག །གཡོན་ཉ་རོ་ཧི་ཏ་འཛིན་པ། མཁའ་ནང་གི་ཙཽ་རཱི་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་ང་རྒྱལ་དང་སེར་སྣ་དང་ཚོར་བའི་ཕུང་པོ་སྦྱངས། མཉམ་པ་ཉིད་ཀྱི་ཡེ་ཤེས་ལ་བཀོད། ཚུར་འདུས་ལྷོར་དབང་པོའི་གདན་ལ་འཁོད་པ་ནི། ཙཽ་རཱི་དམར་
― LT14_Page_103B ―
[མ་དཔེ་གཟིགས་ན་འདིར་གནོན།]
མོ་ཞེས་སོགས་ཞལ་ཕྱག་ཀུན་ལ་གསལ་བཏབ། མཁའ་ནང་གི་བེ་ཏ་ལཱི་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་འདོད་ཆགས་དང་འདུ་ཤེས་ཀྱི་ཕུང་པོ་སྦྱངས། སོ་སོར་རྟོག་པའི་ཡེ་ཤེས་ལ་བཀོད། ཚུར་འདུས་ནུབ་ཏུ་ཉེར་དབང་གི་གདན་ལ་འཁོད་པ་ནི་བེ་ཏཱ་ལི་སེར་མོ་སོགས་དང་། མཁའ་ནང་གི་གྷསྨ་རཱི་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་ཕྲག་དོག་དང་འདུ་བྱེད་ཀྱི་ཕུང་པོ་སྦྱངས། བྱ་བ་གྲུབ་པའི་ཡེ་ཤེས་ལ་བཀོད། ཚུར་འདུས་བྱང་དུ་དྲག་པོའི་གདན་ལ་འཁོད་པ་ནི། གྷསྨ་རཱི་ལྗང་གུ་སོགས་དང་། མཁའ་ནང་གི་པུཀྐ་སི་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་སའི་ཁམས་སྦྱངས། བྱམས་པ་ཚད་མེད་པ་ལ་བཀོད། ཚུར་འདུས་བྱང་ཤར་དུ་གཤིན་རྗེའི་གདན་ལ་འཁོད་པ་ནི། པུཀྐ་སཱི་སྔོན་མོ་ཞེས་སོགས་དང་། མཁའ་ནང་གི་རི་ཁྲོད་མ་དཔག་ཏུ་མེད་པ་སྤྲོས། །སེམས་ཅན་ཐམས་ཅད་ཀྱི་ཆུའི་ཁམས་སྦྱངས། སྙིང་རྗེ་ཚད་མེད་པ་ལ་བཀོད། ཚུར་འདུས་ཤར་ལྷོར་ནོར་བདག་གི་གདན་ལ་འཁོད་པ་ནི་རི་ཁྲོད་མ་དཀར་མོ་ཞེས་སོགས་དང་། མཁའ་ནང་གི་གདོལ་པ་མོ་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་མེའི་ཁམས་སྦྱངས། དགའ་བ་ཚད་མེད་པ་ལ་བཀོད། ཚུར་འདུས་ལྷོ་ནུབ་ཏུ་སྲིན་པོའི་གདན་ལ་འཁོད་པ་ནི་གདོལ་པ་མོ་སྔོན་མོ་ཞེས་སོགས་དང་། མཁའ་ནང་གི་གཡུང་མོ་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་རླུང་གི་ཁམས་སྦྱངས། བཏང་སྙོམས་ཚད་མེད་པ་ལ་བཀོད། ཚུར་འདུས་ནུབ་བྱང་དུ་ཐགས་བཟང་རིས་ཀྱི་གདན་ལ་འཁོད་པ་ནི་གཡུང་མོ་ཁ་དོག་སྣ་ཚོགས་པ་ཞེས་པ་ནས་ཡེ་ཤེས་ཀྱི་མེ་འབར་བའི་དབུས་ན་
― LT14_Page_104A ―
[མ་དཔེ་གཟིགས་ན་འདིར་གནོན།]
བཞུགས་པའོ་ཞེས་པའི་བར་དང་། མཁའ་ནང་གི་གཞལ་ཡས་ཁང་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་མ་དག་པ་སྣོད་ཀྱི་འཇིག་རྟེན་སྦྱངས། དག་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་རྟོགས་པ་ལ་བཀོད། ཚུར་འདུས་མདུན་བསྐྱེད་ཀྱི་གཞལ་ཡས་ཁང་ལ་ཐིམ། མཁའ་ནང་གི་དུར་ཁྲོད་བརྒྱད་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་འཇིག་རྟེན་ཆོས་བརྒྱད་ཀྱི་རྣམ་རྟོག་སྦྱངས། སྒྱུ་མ་ལ་སོགས་པའི་དཔེ་བརྒྱད་རྟོགས་པ་ལ་བཀོད། ཚུར་འདུས་མདུན་བསྐྱེད་ཀྱི་དུར་ཁྲོད་བརྒྱད་ལ་ཐིམ། མཁའ་ནང་གི་སྲུང་བའི་འཁོར་ལོ་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་ལུས་ངག་ཡིད་གསུམ་གྱི་བར་དུ་གཅོད་པ་ཐམས་ཅད་སྦྱངས། སྐུ་གསུང་ཐུགས་རྡོ་རྗེ་གསུམ་གྱི་གོ་འཕང་ལ་བཀོད། ཚུར་འདུས་མདུན་བསྐྱེད་ཀྱི་སྲུང་བའི་འཁོར་ལོ་ལ་ཐིམ། ཞེས་བརྗོད་དེ་རྐང་ཐོན་དུ་སྤྲོ་བའོ། །བྱུང་རྫོགས་སུ་སྤྲོ་ན་མངལ་དུ་དཀྱིལ་འཁོར་བསྐྱེད་ནས། མཁའ་ནང་གི་རྟེན་དང་བརྟེན་པར་བཅས་པའི་དཀྱིལ་འཁོར་ཡོངས་སུ་རྫོགས་པ་ཡུམ་གྱི་བྷ་ག་ནས་ཕྱིར་སྤྲོས། ནམ་མཁའི་ཁམས་ཐམས་ཅད་ཁྱབ་སྟེ། སེམས་ཅན་ཐམས་ཅད་ཀྱི་དོན་བྱས་ཚུར་འདུས་མདུན་བསྐྱེད་ཀྱི་རྟེན་དང་བརྟེན་པར་བཅས་པའི་དཀྱིལ་འཁོར་དང་གཉིས་སུ་མེད་པར་གྱུར་པར་བསམ་མོ། །ཡང་ན་གཞན་རྣམས་གོང་བཞིན་ལས། རང་ཉིད་ཤར་གྱི་སྒོ་ཁང་དུ། གཙོ་བོ་ཡབ་ཡུམ་རྣལ་འབྱོར་གྱིས། །གནས་པས་མངལ་འབྱིན་བྱས་ཀྱང་རུང་། །དེ་ཚེ་གཙོ་བོ་ལྔ་བསྲེས་འགྱུར། །ཞེས་ཏེ་ཆོ་ག་གོང་འོག་གཞན་ཐམས་ཅད་འདྲ་བ་ལས། བདག་མདུན་བསྲེ་བའི་ཚེ་རང་ཉིད་དཀྱིལ་འཁོར་གྱི་དབུས་སུ་
― LT14_Page_104B ―
[མ་དཔེ་གཟིགས་ན་འདིར་གནོན།]
ཕྱིན་པའི་དམིགས་པ་དོར་ནས། དཀྱིལ་འཁོར་གྱི་ཤར་ཕྱོགས་ཀྱི་སྒོ་ཁང་དུ་གཙོ་བོ་ཡབ་ཡུམ་དུ་གསལ་བའི་མཁའ་གསང་བྱིན་རླབས་མན་གོང་དུ་བཤད་པ་བཞིན་བྱས་ལ་གཙོ་བོ་མངལ་འབྱིན་བྱས་པའི་རྗེས་སུ་ཚུར་འདུས་དབུས་སུ་གདན་གྱི་སྟེང་དུ་འཁོད་པ་ནི། ཞེས་སོགས་ཀྱིས་གསལ་གདབ། འོག་ཏུ་རང་དཀྱིལ་འཁོར་གྱི་གཙོ་བོ་ལས་ཧེ་རུ་ཀར་བྱེ་བའི་དམིགས་པ་དོར་ལ་ཤར་སྒོར་གནས་བཞིན་པ་དེ་ཉིད་ཀྱིས་མཆོད་པ་འབུལ་བ་སོགས་ལ་འཇུག་པ་ནི་ལུགས་གཅིག་སྟེ་ལས་ཀྱི་སློབ་མས་སྒྲུབ་མཆོད་བྱེད་ན་འདི་ལྟར་བྱས་པ་བདེའོ། །དེ་ནས་ལྷ་དེ་ཐམས་ཅད་ཀྱི་མིག་ཏུ་གཏི་མུག་རྡོ་རྗེ་མ་ཞེས་སོགས་ནས་ཐུགས་ཀར་ཐུགས་རྡོ་རྗེ་མ་ཞེས་པའི་བར་དུ་བརྗོད་ལ། དངོས་གཞི་དང་པོའི་ཚེ་ལག་པས་རྡོ་རྗེ་གསོར་ཞིང་། སྙིང་གའི་ཧཱུྃ་གི་འོད་ཟེར་གྱིས་སྟ་གོན་གྱི་ལྷའི་ཕྱི་འབྲང་གི་བགེགས་ཐམས་ཅད་བསྐྲད་པར་བསམས་ལ། ངག་ཏུ་ཨཱཥྚཱ་བཟླ། སྟ་གོན་གྱི་ལྷ་ནམ་མཁར་བཞུགས་པ་ལ། ༀ་ཨེ་ཧྱེ་ཧི་བྷ་ག་ཝཱན་ཞེས་སོགས་ལན་ཅིག་སྔོན་དུ་འགྲོ་བའི། ༀ་ནཱི་རི་ཞེས་སོགས་ཆུ་བཞི་ཙམ་ཕུལ་ལ། གཽ་རཱི་ལ་སོགས་པའི་སྔགས་རྒྱས་དགུག་གཞུག་བྱ་སྟེ། འདི་དངོས་གཞི་གཉིས་པ་མན་ཆད་ལ་མི་དགོས་སོ། །དེ་ནས་རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས། རང་བཞིན་གྱི་གནས་ནས་བཅོམ་ལྡན་འདས་ཀྱེ་རྡོ་རྗེའི་དཀྱིལ་འཁོར་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་རྡོ་རྗེ་བསྡུ་བའི་སྔགས་རྒྱས་སྤྱན་དྲངས་གོང་ལྟར་ཆུ་བཞིས་མཆོད་ལ། གོ་རཱི་ལ་སོགས་པས་དགུག་གཞུག་བྱའོ། །སླར་ཡང་རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་དབང་ལྷ་སྤྱན་དྲངས་པ་དེ་ལ་མཆོད་པ། དབང་བསྐུར་ཞིང་རིགས་ཀྱི་བདག་པོའི་རྒྱས་གདབ་པ་རྣམས་ལྷ་སྟ་
― LT14_Page_105A ―
[མ་དཔེ་གཟིགས་ན་འདིར་གནོན།]
གོན་བཞིན་བྱ། དེ་ནས་ལྷ་རྣམས་ལ་དམིགས་ལ། ཧཱུྃ་ཤྲཱི་ཧེ་བཛྲ་ༀ་ཤྲཱི་བཛྲ་ཧེ་རུ་ཀ་ཞེས་སོགས་ཡིག་བརྒྱ་ཅི་རིགས་བཟླ། དེ་བཞིན་དུ། ནཾ་ནཻ་རཱཏྨ་ༀ་ཤྲཱི་བཛྲ་ཞེས་སོགས་དང་། གཾ་གཽ་རཱི་ཨཾ་ཤྲཱི་བཛྲ བཾ་བཻ་ཏཱ་ལི་ༀ་ཤྲཱི་བཛྲ གྷྃ་གྷསྨ་རཱི་ༀ་ཤྲཱི་བཛྲ པཾ་པུཀྐ་སཱི་ༀ་ཤྲཱི་བཛྲ ཤཾ་ཤ་ཝ་རཱི་ༀ་ཤྲཱི་བཛྲ ལཾ་ཙཎྜ་ལཱི་ༀ་ཤྲཱི་བཛྲ ཌཾ་ཌམྦི་ནཱི་ༀ་ཤྲཱི་བཛྲ་ཧེ་རུ་ཀ་ཞེས་སོགས་ཅི་རིགས་བཟླས་པའི་རྗེས་སུ་རྡོ་རྗེ་ཐལ་མོ་སྦྱར་ལ། རྟེན་དང་བརྟེན་པར་བཅས་པའི་དཀྱིལ་འཁོར་པ་ཐམས་ཅད་བརྟན་པར་བཞུགས་སུ་གསོལ། བརྟན་པར་བཞུགས་ནས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་ཐམས་ཅད་སྩལ་དུ་གསོལ། ཞེས་པའི་མཐར་རང་ཉིད་དཀྱིལ་འཁོར་གྱི་གཙོ་བོ་ཐུགས་ཀ་ནས་ཧེ་རུ་ཀ་ཞལ་གཅིག་ཕྱག་གཉིས་པའི་རྣམ་པས་བྱེ་སྟེ། ཤར་ཕྱོགས་ཀྱི་སྒོ་ཁང་དུ་འཁོད་པར་གྱུར་ཞེས་བརྗོད། དེ་ནས་མཆོད་པ་བྱིན་རླབས་ནས་བརྩམས་ཏེ། ཆུ་བཞི་ཉེར་སྤྱོད་གོས་ཟུར་ནང་མཆོད་ཡིད་བྱུང་བསྟོད་ཐུང་བསྟོད་རིང་རྣམས་སྟ་གོན་གྱི་སྐབས་སུ་བཤད་པ་བཞིན་བྱས་ལ་རང་གི་ལྕེ་བདུད་རྩི་མྱངས་ཏེ། ༀ་ཨཱཿཧཱུྃ། ཞེས་བརྗོད་པས་སྙིང་གའི་ཧཱུྃ་ལྷ་ཐམས་ཅད་ཀྱི་ངོ་བོ་མཉེས་པར་བསམ་ཏེ་འདི་མ་ཆད་པ་གལ་ཆེའོ། །དེ་ནས་སྒྲུབ་གྲོགས་གཅིག་ཨཱཥྚཱ་བཟླ་ཞིང་དཀྱིལ་འཁོར་བསྲུང་དུ་བཅུག་ལ། རང་ཉིད་གྲོགས་དང་བཅས་པས་སྒྲུབ་ཁང་གི་ཕྱིའམ། དཀྱིལ་འཁོར་དང་ཡོལ་བས་བར་དུ་ཆོད་པའི་སར་ཕྱིན་ལ། ཇི་ལྟར་འོས་པའི་སྟེགས་ལ་གཏོར་མ་གཅིག་དང་། དེའི་གཡས་སུ་ཆུ་བཞི་དང་། གཡོན་དུ་ཉེར་སྤྱོད་ལྔ་མདུན་ནས་རྒྱབ་ཏུ་སྒྲེང་ཚར་དུ་བཤམས། མདུན་དུ་ནང་མཆོད་ཀྱང་བཤམས་ལ། གཏོར་མ་ཆབ་ཀྱིས་བྲན་ཏེ་རྡོ་རྗེ་དྲིལ་བུ་དང་བཅས་པས་གཏོར་མ་ནང་
― LT14_Page_105B ―
[མ་དཔེ་གཟིགས་ན་འདིར་གནོན།]
མཆོད་ལྟར་བྱིན་གྱིས་བརླབ་ལ། གཏོར་མའི་སྟེང་གི་ནམ་མཁར་ཨེ་ཨེ་ཨེ་ལས་ཆོས་ཀྱི་འབྱུང་གནས་གྲུ་གསུམ་སུམ་བརྩེགས་ཀྱི་ནང་དུ་པཾ་པཾ་པཾ་ལས་པདྨ་འདབ་མ་བརྒྱད་པ་རེ་རེ། སྟེང་གི་ཆོས་འབྱུང་ལ་གནས་པའི་པདྨའི་ལྟེ་བ་དང་འདབ་མ་བརྒྱད་ལ་ༀ་དགུ་ཡོངས་སུ་གྱུར་པ་ལས་དབུས་སུ་སྐུ་རྡོ་རྗེ་སོགས་དང་། བར་གྱི་ཆོས་འབྱུང་ལ་གནས་པའི་པདྨའི་ལྟེ་བ་དང་འདབ་མ་བརྒྱད་ལ་ཧཱུྃ་དགུ་ཡོངས་སུ་གྱུར་པ་ལས་དབུས་སུ་ཐུགས་རྡོ་རྗེ། ཤར་དུ་བརྒྱ་བྱིན་སོགས་དང་། འོག་གི་ཆོས་འབྱུང་ལ་གནས་པའི་པདྨའི་ལྟེ་བ་དང་འདབ་མ་བརྒྱད་ལ་ཨཱཿདགུ་ཡོངས་སུ་གྱུར་བ་ལས་དབུས་སུ་གསུང་རྡོ་རྗེ་ཞེས་སོགས་ནས་དབང་བསྐུར་བའི་བར་སྔར་དང་འདྲ་བ་ལས། སྐུ་རྡོ་རྗེ་ལྷ་ཆེན་བརྒྱད་དང་བཅས་པ་ལ་རྣམ་པར་སྣང་མཛད། ཐུགས་རྡོ་རྗེ་ཕྱོགས་སྐྱོང་བརྒྱད་དང་བཅས་པ་ལ་མི་བསྐྱོད་པ། གསུང་རྡོ་རྗེ་ཀླུ་ཆེན་བརྒྱད་དང་བཅས་པ་ལ་འོད་དཔག་མེད་ཀྱིས་དབུར་བརྒྱན་ཞེས་པའི་མཐར། ༀ་ནཱི་རི་ཞེས་སོགས་ཀྱིས་ཆུ་བཞི་དང་། ༀ་ཨིནྟ་ཛ་མ་ཞེས་སོགས་ཀྱིས་གཏོར་མ་ཕུལ་ལ། མཆོད་པ་ནས་བར་ཆད་ཐམས་ཅད་སྲུང་བ་དང་སྟོང་གྲོགས་མཛོད་ཅིག །ཅེས་པའི་བར་སྔོན་འགྲོའི་གཏོར་མའི་སྐབས་བཞིན་བརྗོད། དེ་ནས་དྲིལ་བུ་རྒྱུན་ཆགས་སུ་དཀྲོལ་ལ། རྡོ་རྗེའི་གླུ་བཀྲ་ཤིས་སྨོན་ལམ་རྣམས་བྱ། དེའི་ཚེ་སྒྲུབ་གྲོགས་ཀྱིས་ཞལ་ཟས་ནས་བརྩམས་ཏེ་འཐོར་འཐུང་གི་བར་གྱི་མཆོད་པ་རྣམས་གཡས་སྐོར་གྱི་རིམ་པས་གཏོར་སྣོད་དུ་བསྡུ་ལ། སློབ་དཔོན་གྱིས་མཆོད་ཡོན་གྱི་ཕྱག་རྒྱ་དང་། ༀ་ཧྲཱིཿབི་ཤུདྡྷཿསརྦ་དྷརྨཱཿསརྦ་པཱ་པཾ་ནི་ཙ་སྱ་སཾ་ཤོ་དྷ་ཡ་སརྦ་བི་ཀ་ཝཱན་ཨ་པ་ན་ཡ་ཧཱུྃ་ཞེས་བརྗོད། དེའི་ཚེ་སློབ་མས་མཆོད་ཡོན་གྱི་ཆུ་གཏོར་སྣོད་ལ་བསྐོར་ཏེ་ལྷག་མ་གཏོར་མ་འགྲོ་ཕྱོགས་
― LT14_Page_106A ―
[མ་དཔེ་གཟིགས་ན་འདིར་གནོན།]
སུ་བསྒྲེང་ལ། ༀ་བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། ཤ་ཤྭ་ཏོ་མེ་བྷ་ཝ། ཧྲྀ་ད་ཡམྨེ་ཨ་དྷི་ཏིཥྛ། སརྦ་སིདྡྷིམྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲི་ཡཿཀུ་རུ་ཧཱུྃ། ཧ་ཧ་ཧ་ཧ་ཧོ། བྷ་ག་ཝཱན་སརྦ་ཏ་ཐཱ་ག་ཏ་བཛྲ་མཱ་མ་མུཉྩ། བཛྲཱི་བྷ་ཝ་མ་ཧཱ་ས་མ་ཡ་ས་ཏྭ་ཨཱཿ ཞེས་གུར་ནས་འབྱུང་བའི་ཡི་གེ་བརྒྱ་པའི་མཐར་མུཿཞེས་དང་ལག་པ་གཡས་ས་ལ་རེག་པས་གཏོར་མགྲོན་སྒྲུབ་ཁང་གི་ཕྱོགས་མཚམས་རྣམས་སུ་གཤེགས་པར་བསམས་ཤིང་། སྒྲུབ་མཆོད་རྗེས་མའི་ཉིན་ཡེ་ཤེས་པ་གཤེགས། དམ་ཚིག་པ་རང་ལ་ཐིམ་ཞེས་བརྗོད། གང་ལྟར་ཡང་ༀ་ཨཱཿཧཱུྃ་ཞེས་པས་རང་དང་སྒྲུབ་གྲོགས་ཀྱི་གནས་གསུམ་བསྲུངས་ལ། གཏོར་མ་རོལ་མོ་དང་བཅས་པས་གཙང་སར་བསྐྱལ་ཏེ། ཨཱཥྚཱ་བཟླ་ཞིང་རོལ་མོ་རྒྱུན་ཆགས་དང་བཅས་པས་སློབ་དཔོན་གྱིས་རྟིང་མནན་ནས་ནང་དུ་ལོག་སྟེ་ཡི་གེ་བརྒྱ་པ་བཟླ་ཞིང་ཤོང་ན་དངོས་སུ་དཀྱིལ་འཁོར་ལ་བསྐོར་བ་གསུམ་མམ་བདུན་ལ་སོགས་པ་བྱ། མི་ཤོང་ན་འདོད་སྣམ་གྱི་སྟེང་ནས་བྱས་པར་བསམས་ལ། མཐར་དཀྱིལ་འཁོར་གྱི་ཤར་ཕྱོགས་ནས་རྡོ་རྗེ་ཐལ་མོ་སྦྱར་ཏེ། བདག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས། ཏིང་ངེ་འཛིན་མི་གསལ་བ་དང་། བྱིང་བ་དང་རྒོད་པའི་དབང་དུ་གྱུར་པ་དང་ཆོ་ག་ལྷག་ཆད་དུ་གྱུར་པ་དང་། མཆོད་པའི་ཡོ་བྱད་མ་འབྱོར་པ་དང་ཉམས་པ་ལ་སོགས་པ་དཀྱིལ་འཁོར་ཆེན་པོ་བསྒྲུབ་བ་ལ་སྐྱོན་དུ་གྱུར་པ་གང་ལགས་པ་དེ་དག་ཐམས་ཅད་བཟོད་པར་མཛད་དེ་ལྷག་ཆད་ཁ་སྐོང་བར་མཛད་དུ་གསོལ་ཞེས་བརྗོད་ཅིང་།
― LT14_Page_106B ―
[མ་དཔེ་གཟིགས་ན་འདིར་གནོན།]
རྡོར་དྲིལ་འཛིན་བཞིན་པས་ཕྱག་བྱས་ནས་གྲལ་ལ་འདུག་གོ །གལ་ཏེ་རབ་གནས་རྟེན་ཡོད་ན། །སྐབས་འདིར་རབ་གནས་སྟ་གོན་བྱ། །ཕྱི་དྲོའི་དུས་སུ་བདག་འཇུག་བླང་། །སང་ཉིན་སྔ་བར་དཀྱིལ་འཁོར་གྱི། །སྒྲུབ་མཆོད་བྱས་ཏེ་རབ་གནས་དང་། །གྲུབ་ན་རྒྱས་པའི་སྦྱིན་སྲེག་བྱ། །ཕྱི་མ་རེད་དུས་སུ་བདག་འཇུག་དང་། །སློབ་མ་དབང་བསྐུར་སོགས་བྱའོ། །རབ་གནས་སྦྱིན་སྲེག་སོགས་མེད་ན། །སྐབས་འདི་ཉིད་དུ་བདག་འཇུག་དང་། །སློབ་མ་དབང་བསྐུར་ལ་སོགས་བྱ། །དངོས་གཞི་གཉིས་པ་མན་ཆད་ནས། །སྐབས་འདིར་བུམ་བསྐྱེད་སྔར་བཞིན་དུ། །བྱས་ཏེ་བདག་འཇུག་སོགས་བྱའོ། །བདུན་པ་འཇུག་ཅིང་དབང་བླང་བ་ལ་ཐོག་མར་བདག་ཉིད་འཇུག་པ་ནི། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་བགྱིའོ། །ༀ་སརྦ་ཏ་ཐཱ་ག་ཏཱ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ་ཞེས་བརྗོད། ལས་བུམ་གྱི་ཆུས་ཁ་བཤལ་ལ། མདུན་བསྐྱོད་ཀྱི་གཙོ་བོ་དེ་རང་གི་རྩ་བའི་བླ་མར་མོས་ཏེ། བླ་མས་མཛད་དགོས་པ་རྣམས་དཀྱིལ་འཁོར་གྱི་གཙོ་བོ་དང་། དབང་རྫས་འགྲིམ་པ་རྣམས་དེའི་ཐུགས་ཀ་ནས་བྱཻ་བའི་ཧེ་རུ་ཀ་ཞིག་གིས་མཛད་པར་བསམས་ཤིང་དངོས་སུ་ཐམས་ཅད་རང་ཉིད་ཀྱིས་བྱས་ལ། དཀྱིལ་འཁོར་འཇུག་པའི་ཆོས་རྣམས་ཞུ་བའི་ཡོན་དུ་མཎྜལ་ཕུལ། བདག་མེད་མ་ཡིས་མགྲིན་འཁྱུད་པའི། །དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་
― LT14_Page_107A ―
[མ་དཔེ་གཟིགས་ན་འདིར་གནོན།]
བདག་ཀྱང་བདག་ལ་སྩལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ཞེས་ལན་གསུམ་བརྗོད། སྡོམ་པ་བསྒྲག་པ་བདག་འཇུག་གི་སྐབས་སུ་མཛད་པའི་ཕྱག་ལེན་ཡང་སྣང་བས་དེ་བཞིན་བྱེད་པར་སྤྲོ་ན། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །སྡོམ་པ་བརྟན་པོར་གྱུར་པའོ། །རྡོ་རྗེ་དྲིལ་བུའི་ཕྱག་རྒྱ་ཡང་། །བློ་ཆེན་ཁྱོད་ཀྱིས་གཟུང་བྱ་སྟེ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་སུ་བཤད། །སློབ་དཔོན་ཁྱོད་ཀྱིས་གཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའི། །སྡོམ་པ་དམ་ཚིག་ཡིན་པར་བཟུང་། །རིན་ཆེན་རིགས་མཆོག་ཆེན་པོ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཕྱི་ནང་གསང་བ་ཐེག་པ་གསུམ། །དམ་ཆོས་ཁྱོད་ཀྱིས་གཟུང་བར་བྱ། །འདི་ནི་པདྨའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བྱོས། །དེ་ལས་གཞན་ཡང་བཅུ་བཞི་ནི། །ཕས་ཕམ་པར་ནི་རབ་ཏུ་བཤད། །སྤང་ཞིང་དོར་བར་མི་བྱ་སྟེ། །རྩ་བའི་ལྟུང་བ་ཞེས་བཤད་དོ། །ཉིན་དང་མཚན་མོ་ལན་གསུམ་དུ། །ཉིན་རེ་བཞིན་ནི་བཟླ་བར་བྱ། །གལ་ཏེ་ཉམས་གྱུར་རྣལ་འབྱོར་པ། །ཁ་ན་མ་ཐོ་སྦོམ་པོར་འགྱུར། །ཁྱོད་ཀྱིས་སྲོག་ཆགས་བསད་མི་བྱ། །
― LT14_Page_107B ―
[མ་དཔེ་གཟིགས་ན་འདིར་གནོན།]
མ་བྱིན་པར་ཡང་མི་བླང་ངོ་། །འདོད་ལ་ལོག་པར་མི་སྤྱད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡི། །ཆང་ནི་རྣམ་པར་སྤང་བྱར་བྱ། །སེམས་ཅན་དོན་ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤང་། །དམ་པ་ཉེ་བར་བསྟེན་བྱ་ཞིང་། །རྣལ་འབྱོར་པ་ཀུན་བསྙེན་བསྐུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་དག་ནི། །ཅི་ནུས་པར་ནི་རྗེས་སུ་བསྐྱང་། །ཐེག་པ་དམན་ལ་འདོད་མི་བྱ། །སེམས་ཅན་དོན་ལ་རྒྱབ་ཕྱོགས་མིན། །འཁོར་བ་དག་ཀྱང་ཡོངས་མི་སྤང་། །རྟག་ཏུ་མྱ་ངན་འདས་མི་ཆགས། །ལྷ་དང་ལྷ་མིན་གསང་བ་པ། །ཁྱོད་ཀྱིས་བརྙས་པར་མི་བྱ་ཞིང་། །ཕྱག་རྒྱ་བཞོན་པ་མཚོན་ཆ་དང་། །མཚན་མ་འགོམ་པར་མི་བྱའོ། །འདི་དག་དམ་ཚིག་ཡིན་པར་བཤད། །ཁྱོད་ཀྱིས་རྟག་ཏུ་བསྲུང་བར་བྱ། །རྗེས་མཐུན་སྡོམ་པ་རྒྱ་ཆེར་ནི། །གསང་བའི་རྒྱུད་ལས་རབ་ཏུ་བཤད། །ཅེས་ལན་གཅིག་བསྒྲག །འདི་བདག་འཇུག་གི་ཚེ་མ་བྱས་ཀྱང་རུང་ངོ་། །དེ་ནས། །དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་རྒྱུན་བཤགས་ལན་གསུམ་དང་། །སྲས་བཅས་སངས་རྒྱས་ཐམས་ཅད་དང་། །ཞེས་སོགས་རིགས་ལྔའི་སྡོམ་གཟུང་ལན་གསུམ་བྱས་ལ། ཨཱ་ཁཾ་ཝི་ར་ཧཱུྃ་ཞེས་པས་མིག་རས་འཆིང་ཚུལ་བྱ། སྔགས་དེ་ཉིད་ཀྱིས་མེ་ཏོག་གི་ཕྲེང་བ་བླངས། གཙོ་བོའི་ཐུགས་ཀ་ནས་ཁྲོ་བོ་བདུད་རྩི་འཁྱིལ་པའི་ཚོགས་དཔག་ཏུ་མེད་པ་སྤྲོས་ཏེ་དབང་ལེན་པ་ལ་བར་དུ་གཅོད་པའི་བགེགས་དང་ལོག་འདྲེན་ཐམས་ཅད་རྒྱང་རིང་དུ་བསྐྲད་པར་བསམས་ལ། ཨ་མྲྀ་ཏ་བཟླ་ཞིང་ལས་བུམ་གྱི་ཆུས་གཏོར། བུ་ཁྱོད་སུ་ཡིན་ཅི་ལ་དགའ་ཞེས་དང་། སྐལ་བཟང་བདག་བདེ་བ་ཆེན་པོ་ལའོ། །ཞེས་པས་དྲིས་ལན་དང་པོ་དང་།
― LT14_Page_108A ―
[མ་དཔེ་གཟིགས་ན་འདིར་གནོན།]
དེ་ཡིས་སུ་ལ་ཅི་ཞིག་བྱ་ཞེས་དང་། །སངས་རྒྱས་མཆོག་གི་དམ་ཚིག་གོ །ཞེས་དྲིས་ལན་གཉིས་པ་བྱས་པར་བསམས་ལ། རང་གི་སྙིང་གར་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བ་དང་བཅས་པར་གྱུར། །ༀ་སརྦ་ཡོ་ག་ཙིཏྟ་ཨུཏྤ་ད་ཡ་མཱི། ཞེས་དང་། སྙིང་གར་རྡོ་རྗེ་བཞག་ལ། སུ་ར་ཏི་ས་མ་ཡ་སྟྭཾ་ཧོ། །སིདྡྷི་བཛྲ་ཡ་ཐཱ་སུ་ཁཱཾ་ཞེས་བརྗོད། གསང་བར་གདམས་པ་ནི་རྡོ་རྗེ་སྤྱི་བོར་བཞག་སྟེ། དེང་ཁྱོད་དེ་བཞིན་གཤེགས་པ་ཐམས་ཅད་དང་དཔའ་བོ་དང་རྣལ་འབྱོར་མ་ཐམས་ཅད་ཀྱི་རིགས་སུ་རབ་ཏུ་ཞུགས་ཀྱི་དེ་བཞིན་གཤེགས་པ་ཐམས་ཅད་ཀྱི་གསང་ཆེན་དམ་པ་འདི། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་མ་ཞུགས་པ་རྣམས་ཀྱི་མདུན་དུ་སྨྲ་བར་མི་བྱ་སྟེ། མ་དད་པ་རྣམས་ལ་ཡང་མ་ཡིན་ནོ། །ཞེས་བརྗོད། །ཧཱུྃ་ཛཿཧཱུྃ་ཞེས་པའམ་ཛཿཧཱུྃ་བཾ་ཧོ། །ཞེས་པས་གཙོ་བོའི་དྲུང་དུ་བཞག་པར་བསམས་ལ་དཀྱིལ་འཁོར་ལ་མགོ་དུད་ཙམ་བྱ། ཕན་ཡོན་གྱི་སྒོ་ནས་དམ་ལ་བཞག་པ་ནི་རྡོ་རྗེ་སྤྱི་བོ་དང་། ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་ལྟ་སྨོས་ཀྱང་ཅི་དགོས། དེ་ལྟ་བུའི་རྡོ་རྗེའི་ཡེ་ཤེས་བསྐྱེད་པར་བྱའི། ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ་བུ་ཁྱོད་དམ་ཚིག་ཉམས་པར་འགྱུར་ཏ་རེ་ཞེས་བརྗོད། ཉེས་དམིགས་ཀྱི་སྒོ་ནས་དམ་པ་བཞག་པ་ནི་རྡོ་རྗེ་སྙིང་ག་དང་། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་འགྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་དང་། སླར་ཡང་སྤྱི་བོར་རྡོ་རྗེ་བཞག་སྟེ། འདི་ནི་ཁྱོད་ཀྱི་དམ་ཚིག་གི་རྡོ་རྗེ་སྟེ་གལ་ཏེ་ཚུལ་འདི་སུ་ཡང་རུང་བ་ལ་སྨྲས་ན་
― LT14_Page_108B ―
[མ་དཔེ་གཟིགས་ན་འདིར་གནོན།]
འདིས་ཁྲོད་ཀྱི་མགོ་བོ་འགེམས་པར་འགྱུར་རོ། །ཞེས་བརྗོད། གཉིས་ཀའི་སྒོ་ནས་དམ་ལ་བཞག་པ་ནི་རྣམ་རྒྱལ་གྱི་ཆུ་དུང་ཆོས་སུ་བླུགས་པའམ། བདག་འཇུག་གི་སྐབས་འདིར་ནང་མཆོད་ནས་མྱང་ལ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་བསྲག་པར་བྱེད། །དམ་ཚིག་བསྲུང་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ༀ་པཉྩ་ཨ་མྲྀ་ཏ་ཨུ་ད་ཀ་ཋ་ཋ་ཋ། ཞེས་བརྗོད། བླ་མའི་བཀའ་གཉན་པའི་སྒོ་ནས་དམ་ལ་བཞག་པ་ནི་རྡོ་རྗེ་སྤྱི་བོ་དང་། །དེང་ཕྱིན་ཆད་བུ་ཁྱོད་ཀྱི་དཔལ་ཧེ་རུ་ཀ་ང་ཡིན་གྱི་ངས་འདི་བྱོས་ཤིག་ཅེས་བྱ་བ་དེ་ཁྱེད་ཀྱིས་བྱ་དགོས་སོ། །ང་ལ་ཡང་བརྙས་པ་མ་བྱེད་ཅིག །བྱས་ན་ཡ་ང་བ་མ་སྤངས་པར་འཆི་བའི་དུས་བྱས་ནས་སེམས་ཅན་དམྱལ་བ་ཆེན་པོར་ལྟུང་བར་འགྱུར་ཏེ་རེ་ཞེས་པས་དམ་ལ་བཞག །མཎྜལ་གླིང་བཞི་རི་རབ་ཅེས་སོགས་ནས་ཡེ་ཤེས་དབབ་པ་ཞུ་བའི་ཡོན་དུ་དབུལ་བར་བགྱིའོ། །ཞེས་སོགས་བརྗོད། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རློབས་ཤིག །དཔལ་ཧེ་རུ་ཀ་བདག་ལ་དབབ་ཏུ་གསོལ། ཞེས་ལན་གསུམ་བརྗོད་ལ། རང་ཉིད་ཧེ་རུ་ཀར་གསལ་བའི་རྐང་པའི་འོག་ཏུ་ཡཾ་ལས་རླུང་གི་དཀྱིལ་འཁོར་སྔོན་པོ་གཞུ་གདུངས་པ་ལྟ་བུ་ཆང་ཟུང་ཐུར་དུ་བསྟན། མཆོག་མ་གཉིས་གྱེན་དུ་བསྟན་པ་ལ་གཡོ་བའི་བ་དན་གྱིས་མཚན་པ། དེའི་སྟེང་དུ་རྐང་པ་གཉིས་བགྲད་ནས་གནས་པའི་རྐང་མཐིལ་གཉིས་སུ་ཡི་གེ་ཛྷེཾ་ལྗང་གུ་དྲག་ཅིང་བཟོད་པར་དཀའ་བ་རྐང་པའི་བར་དུ་རཾ་ལས་བྱུང་བའི་མེའི་དཀྱིལ་འཁོར་གྲུ་གསུམ་དམར་པོ་འབར་བས་མཚན་པ། །སྙིང་གར་ལཾ་ལས་བྱུང་བའི་སའི་དཀྱིལ་འཁོར་གྲུ་བཞི་སེར་པོ་ཟུར་བཞིར་རྡོ་རྗེ་རྩེ་གསུམ་པས་མཚན་པའི་ལྟེ་བ་ལ་ཧཱུྃ། མགྲིན་པར་པཾ་ལས་བྱུང་བའི་ཆུའི་
― LT14_Page_109A ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་དཀར་པོ་ཟླུམ་པོ་བུམ་པ་ལ་ཨས་མཚན་པ། སྤྱི་བོར་ཡཾ་ལས་བྱུང་བའི་རླུང་གི་དཀྱིལ་འཁོར་དུ་བ་འཁྲིགས་པ་ལྟ་བུ་ཧས་མཚན་པ། གཙོ་བོའི་ཐུགས་ཀ་ནས་འོད་ཟེར་འཕྲོས་པ། རྐང་འོག་གི་རླུང་ལ་ཕོག་པས་རླུང་གཡོས་ཏེ་སུམ་མདོའ་མེ་སྦར། རྐང་མཐིལ་གྱི་ཛྷཱིཾ་མེར་འབར་བ་ལོང་བུ་གཉིས་ནས་ཞུགས་སུམ་མདོའ་གནས་སུ་འཛོམ་སྟེ་དྲག་ཏུ་འབར་བས་སྙིང་གའི་ས་བསྲོས། མགྲིན་པའི་ཆུ་བསྐོལ་བའི་ཟེག་མ་སྙིང་གའི་སའི་སྟེང་དུ་བབ། དེ་ནས་རྐང་འོག་གི་རླུང་གིས་གྱེན་ལ་བཏེག །སྤྱི་བོའི་རླུང་གིས་ཐུར་ལ་མནན་ཏེ་བར་སྣང་དུ་ཡེད་ཡེད་ཡོད་པར་བསམས། དེའི་ཚེ་གཙོ་བོའི་ཐུགས་ཀ་ནས་འོད་ཟེར་འཕྲོས་པས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཁ་བ་ཆེན་པོ་བབ་པ་བཞིན་དུ་རང་གི་བ་སྤུའི་བུ་ག་རྣམས་ལ་སིབ་སིབ་ཐིམ་པར་བསམས་ལ། གཙོ་བོས་མཛད་པར་བསམས་ཤིང་རྡོ་རྗེ་དྲིལ་བུ་དཀྲོལ་ཏེ། ཧཱུྃ་ཨ་ཧ་ཛྷཻཾ་ཞེས་དང་། ཨ་ཝེ་ཤ་ཡ་སྟ་བྷ་ཡ་སྟྭྃ་བྷ་ཡ། ར་ར་ར་ར། ཙ་ལ་ཡ་ཙ་ལ་ཡ། ཧཱུྃ་ཨ་ཧ་ཛྷཱེཾ་ཞེས་མང་དུ་བརྗོད། བདག་འཇུག་གི་ཚེ་རྫས་ཀྱི་དུད་པ་དང་། སྤོག་ཆོག་མི་མཛད། བརྟན་པའི་ཕྱིར་སྤྱི་བོར་རྡོ་རྗེ་རྒྱ་གྲམ་དུ་བཞག་སྟེ་ཏིཥྛ་བཛྲ་ཞེས་བརྗོད། དྲིལ་བུ་བཅད་གཏུབ་ཏུ་དཀྲོལ་ལ། དེ་བཞིན་གཤེགས་པ་ཀུན་གྱི་གནས། ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །ལྷ་ཡེ་རིགས་ཀྱི་རིམ་པ་དང་། །བསོད་ནམས་རིམ་པའང་དེ་བཞིན་ཤོག །རིགས་ནི་གང་གི་སྣོད་དུ་འགྱུར། །འདི་ལ་བསོད་ནམས་ཅི་ཡོད་པ། །དཀྱིལ་འཁོར་འདིར་ནི་དེ་བཞིན་ཤོག །ཅེས་ལན་གསུམ་བརྗོད། ནམ་མཁའི་ཁ་དོག་བརྟགས་
― LT14_Page_109B ―
[མ་དཔེ་གཟིགས་ན་འདིར་གནོན།]
དཀར་སེར་དམར་ནག་ལྗང་གུའམ་སྣ་ཚོགས་རྣམས་མཐོང་ན། ཞི་རྒྱས་དབང་དྲག་སྣ་ཚོགས་རྣམས་འགྲུབ་པོ་སྙམ་དུ་དྲན་པར་བྱས། དྲིལ་བུ་རྒྱུན་ཆགས་སུ་དཀྲོལ་ཞིང་། ཞེ་སྡང་རྡོ་རྗེར་ཕྱག་འཚལ་བསྟོད། ཅེས་སོགས་ཀྱིས་བསྟོད་དེ། གཙོ་བོའི་དབུ་ལ་མེ་ཏོག་ཕུལ་བར་བསམས་ལ། ༀ་པྲ་ཏཱིཙྪ་བཛྲ་ཧོཿ། ཞེས་བརྗོད་ཅིང་དབུལ། ཧེ་རུ་ཀ་དེས། ༀ་པྲ་ཏི་གྲྀཧྞ་སྟྭཾ་ཨི་མཾ་ས་ཏྭ་མ་ཧཱ་བ་ལ། ཞེས་མེ་ཏོག་ཕོག་པའི་ལྷ་ལ་ཞུས་པས་ལྷ་དེས་མེ་ཏོག་རང་གི་སྤྱི་བོར་བཞག་པར་བསམ་ཏེ། ༀ་རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བ་ཐམས་ཅད་མཐོང་འགྱུར་བ། །རྡོ་རྗེའི་མིག་ནི་བླ་ན་མེད། །ཧེ་བཛྲ་པ་ཤྱ། ཞེས་པས་མིག་རས་བཀྲོལ་པར་བསམས་ལ། ཐར་པ་ཆེན་པོའི་གྲོང་ཁྱེར་མཆོག །ལྟོས་ཤིག་ལྟོས་ཤིག་སེམས་དཔའ་ཆེ། །མེ་ཏོག་གང་དུ་ལྷུང་གྱུར་པ། །དེ་ནི་ཁྱེད་ཀྱི་ཧེ་རུ་ཀ་།དཀྱིལ་འཁོར་བཟང་པོ་འདི་ལ་ལྟོས། །ང་ནི་དད་པ་རབ་ཏུ་སྐྱེད། །ཁྱོད་ཀྱང་སངས་རྒྱས་རིགས་སུ་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །ཁྱོད་ནི་རྣལ་འབྱོར་མ་རིགས་སྐྱེས། །དམ་ཚིག་ཐམས་ཅད་བསྐྱང་བ་དང་། །སྔགས་རྣམས་ལ་ཡང་བརྩོན་པར་གྱིས། །ཞེས་དང་། ལྷ་ངོ་སྤྲད་པ་ཡང་བླངས་ཏེ་དཀྱིལ་འཁོར་བསྟན་པས་ཡེ་ཤེས་ཀྱི་སྣང་བ་ལས་གྲུབ་པའི་རྟེན་དང་བརྟེན་པར་བཅས་པའི་དཀྱིལ་འཁོར་པ་ཐམས་ཅད་མཐོང་བར་མོས་ལ། བླ་མའི་ཞབས་ལ་ཕྱག་བྱས་པར་བསམ་ཏེ། །ༀ་རྡོ་རྗེའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་ཞུགས་སོ། །ༀ་རྣལ་འབྱོར་དཀྱིལ་འཁོར་ཆེན་པོ་ཡི། །དཀྱིལ་འཁོར་དེ་རིང་བདག་གིས་མཐོང་། །ༀ་གསང་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་དབང་བསྐུར། །ས་མ་ཡ་ཧོཿཧོཿཧོཿཞེས་བརྗོད། མཎྜལ་གླིང་བཞི་རི་རབ་ཅེས་སོགས་ནས། རྡོ་རྗེ་
― LT14_Page_110A ―
[མ་དཔེ་གཟིགས་ན་འདིར་གནོན།]
སློབ་མའི་དབང་ཞུ་བའི་ཡོན་དུ་དབུལ་བར་བགྱིའོ་ཞེས་སོགས་དང་། བྱང་ཆུབ་རྡོ་རྗེ་སོགས་ལན་གསུམ་གྱིས་གསོལ་བ་བཏབ།དཀྱིལ་འཁོར་གྱི་ཤར་ཕྱོགས་སུ་དབང་སྟེགས་ཀྱི་དཀྱིལ་འཁོར་གྲུ་བཞི་པ། སྒོ་བཞི་པ་རྟ་བབས་བཞིས་མཛེས་པ་འདོད་སྣམས་ཕ་གུ་དྲྭ་བ་དྲྭ་ཕྱེད་མདའ་ཡབ་པུ་ཤུ་ལ་སོགས་པ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སེང་གེས་བཏེགས་པའི་རིན་པོ་ཆེའི་ཁྲི་པདྨ་ཉི་མ་བཞི་བརྩེགས་པའི་གདན་གྱི་སྟེང་དུ་རང་ཉིད་བཅོམ་ལྡན་འདས་སྙིང་པོ་ཀྱེ་རྡོ་རྗེ་སྐུ་མདོག་སྔོན་པོ་ཞལ་བརྒྱད་ཕྱག་བཅུ་དྲུག་པ་ཡུམ་རྡོ་རྗེ་བདག་མེད་མ་དང་མཉམ་པར་སྦྱོར་བའི་སྐུར་གྱུར་ཞེས་པ་ཙམ་མམ། སྤྲོ་ན་ཞལ་ཕྱག་རྫོགས་པར་གསལ་བཏབ། དེའི་གཡས་གཡོན་དུ་སྦྱར་བའི་ཡོ་བྱད་རྣམས་དང་། སྟེང་དུ་བླ་བྲེ། གཡས་སུ་གདུགས། གཡོན་དུ་རྒྱལ་མཚན། མཐའ་སྐོར་ཀུན་དུ་དུང་དང་། འཕེན་དང་། མེ་ཏོག་གི་ཕྲེང་བ་ལ་སོགས་པའི་མཆོད་པའི་རྣམ་གྲངས་བསམ་གྱིས་མི་ཁྱབ་པས་བསྐོར་བ་དང་བཅས་པར་གྱུར་པར་བསམས་ལ། ༀ་ནཱི་རི་ཞེས་སོགས་གསུམ་དང་། ༀ་ཨཱརྒྷཾ་པྲ་ཏཱི་ཙྪ་ཧཱུྃ་ཞེས་ཆུ་བཞིས་སྦྱངས་ལ། །བདག་གིས་ཚེ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྡིག་པའི་ས་བོན་ཀཾ་ཡིག་གི་རྣམ་པས་སྣ་སྒོར་ཐོན་ནས་མདུན་ཏིལ་ལ་ཐིམ་པ། ཧེ་རུ་ཀས་མེར་བསྲེགས་ཤིང་ཆུར་དོར་བར་བསམས་པའམ། ཡང་ན་ཡུངས་ཀར་གྱིས་སྦྱངས་པར་བསམས་ལ། ༀ་སརྦ་པཱ་པཾ་ད་ཧ་ན་བཛྲཱ་ཡ། བཛྲ་ས་ཏྭ་སྱ། སརྦ་པཱ་པཾ་ད་ཧ་ན་སྭཱ་ཧཱ། ཞེས་བརྗོད་ཅིང་གཡས་པས་གཡས་དང་། གཡོན་པས་གཡོན་དང་། གཉིས་ཀས་གཡས་སུ་བསྐོར་ལ་མེ་དང་ཆུར་དོར་བར་བསམ། དེ་བཞིན་དུ། ༀ་ཧཱུྃ་ཌ་ཌི་ཏ་ཕཊ་ཅེས་བརྗོད་ལ་བསྐོར་ཞིང་བྱམས་ཏེ་གཉིས་ཀའང་ལན་གསུམ་གསུམ་བྱས་ནས་མེ་ཆུར་བཅུག་སྟེ་དོར་བར་བསམ་ལ། བདག་གི་བྱུར་དང་སྐལ་བ་ངན་པ་དང་། བཀྲ་མི་ཤིས་པ་ཐམས་ཅད་ཉེ་བར་
― LT14_Page_110B ―
[མ་དཔེ་གཟིགས་ན་འདིར་གནོན།]
ཞི་བར་གྱུར་ཅིག །ཅེས་བརྗོད། དཀྱིལ་འཁོར་པ་རྣམས་ཀྱིས་བདག་ལ་བཀྲ་ཤིས་པར་བསམས་ལ། དྲིལ་བུ་བསིལ་ཞིང་མེ་ཏོག་གཏོར། སྒྲུབ་གྲོགས་ཀྱིས་རྣམ་རྒྱལ་བུམ་པ་བཏེགས་ཏེ། ཕུན་སུམ་ཚོགས་པ་ལ་སོགས་པའི་ཚིགས་བཅད་གསུམ་མམ། སྤྲོ་ན་མཛད་པ་བཅུ་གཉིས་ཀྱི་བཀྲ་ཤིས་ཀྱང་བྱ་བར་གསུངས་པས་བོགས་ནས་འབྱུང་བ་ལྟར་བྱས་ལ། མཐར་བདག་ཅག་འཁོར་དང་བཅས་པ་རྣམས་སྤང་བྱ་མི་མཐུན་པའི་ཕྱོགས་ཐམས་ཅད་ལས་རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག་ཅེས་བརྗོད། དབང་དངོས་ལ་གཉིས། རྡོ་རྗེ་སློབ་མའི་དབང་ནི། ༀ་སྭ་བྷཱ་ཝ་སོགས་དང་། བདག་གི་རྣམ་པར་ཤེས་པའི་ཕུང་པོ་དང་དབང་རྫས་རྣམ་རྒྱལ་བུམ་པའི་ཆུ་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་གཉིས་ཀའང་མི་བསྐྱོད་པ་ཀྱེ་རྡོ་རྗེ་སྐུ་མདོག་སྔོན་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་གཡས་བརྒྱད་རྡོ་རྗེ། གཡོན་བརྒྱད་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་མཱ་མ་ཀི་སྔོན་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་པ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་གཏི་མུག་རྡོ་རྗེ་མ་ཞེས་པ་ནས། ཐུགས་ཀར་ཐུགས་རྡོ་རྗེ་མ་ཐུགས་ཀའི་ཧཱུྃ་ལས་འོད་ཟེར་འཕྲོས་པས། ཕྱོགས་བཅུའི་དེ་བཞིན་གཤེགས་པ་ཐམས་ཅད་མི་བསྐྱོད་པ་ཀྱེ་རྡོ་རྗེ་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ ཞེས་ཕྱག་རྒྱ་དང་བཅས་པས་སྤྱན་དྲངས། ཛཿཧཱུྃ་བ་ཧོཿ ཞེས་པ་ལན་གཉིས་སམ། སྤྲོ་ན་སོ་སོའ་སྔགས་རྒྱས་བསྟིམ། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་དེ་བཞིན་གཤེགས་པ་རིགས་ལྔ།
― LT14_Page_111A ―
[མ་དཔེ་གཟིགས་ན་འདིར་གནོན།]
ཡུམ་བཞི། བྱང་ཆུབ་སེམས་དཔའ་བརྒྱད། ལྷ་མོ་དྲུག །ཁྲོ་བོ་བཅུ་དང་བཅས་པ་རྡོ་རྗེ་བསྡུ་བའི་སྔགས་རྒྱས་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱི་འདི་ལ་མངོན་པར་དབང་བསྐུར་བ་སྩལ་དུ་གསོལ་ཞེས་གསོལ་བ་བཏབ་པས། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུངས་ཤིང་དབང་རྫས་ཀྱི་ལྷའི་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུར་བརྒྱན། དབང་རྫས་ཀྱི་མི་བསྐྱོད་པ་ཡབ་ཡུམ་སྙོམས་པར་ཞུགས་ཞུ་བ་ལས་བྱུང་བའི་དབང་རྫས་རྣམ་རྒྱལ་བུམ་པའི་ཆུར་གྱུར། བཅོམ་ལྡན་དེ་བཞིན་གཤེགས་པ་ཀུན། ཞེས་སོགས་ཀྱིས་གསོལ་བ་བཏབ་པས། །སངས་རྒྱས་རྣམས་ནི་ཐམས་ཅད་ཀྱི། །ཞེས་སོགས་ནས། ༀ་བཛྲི་བྷ་ཝ་ཞེས་སོགས་གསུངས་ཤིང་། དེ་བཞིན་གཤེགས་པ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར། རིག་མ་རྣམས་ཀྱིས་རྡོ་རྗེའི་གླུ་ལེན། །བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་བརྗོད། ཁྲོ་བོ་རྣམས་ཀྱིས་བགེགས་བསྐྲད། ལྷ་མོ་རྣམས་ཀྱིས་མཆོད་པ་དང་བཅས་ཏེ་དབང་བསྐུར་བས། དབང་གི་ཆུ་རྒྱུན་དེས་སྨིན་མཚམས་ཡན་ཆད་གང་བུམ་པའི་དབང་ཐོབ། མགྲིན་པ་ཡན་ཆད་གང་གསང་བའི་དབང་ཐོབ། སྙིང་ག་ཡན་ཆད་གང་ཤེས་རབ་ཡེ་ཤེས་ཀྱི་དབང་ཐོབ། ལུས་ཐམས་ཅད་གང་མཆོག་ཏུ་བདེ་བ་ཆེན་པོ་བཞི་པའི་དབང་ཐོབ། ལུས་ངག་ཡིད་གསུམ་གྱི་དྲི་མ་བག་ཆགས་དང་བཅས་པ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུར་བརྒྱན། དེ་ལ། ༀ་བཛྲ་པུཥྤེ་ཨཱཿཧཱུྃ། ཞེས་པ་ནས་ནཻ་ཝཱི་དྱེ་ཨཱཿཧཱུྃ། ཞེས་པའི་བར་གྱིས་མཆོད། དེ་ལྟར་
― LT14_Page_111B ―
[མ་དཔེ་གཟིགས་ན་འདིར་གནོན།]
ན་མི་བསྐྱོད་པའི་སྒོ་ནས་ཆུའི་དབང་བསྐུར་བ་ཐོབ་ཅེས་པ་ནས་མི་བསྐྱོད་པའི་ས་བོན་རྒྱུད་ལ་བཞག །ཅེས་པའི་བར་ལམ་དུས་བཞིན་བརྗོད། དབང་ལྷ་སྤྱན་དྲངས་པ་དང་མི་བསྐྱོད་པའི་ཁྱད་ཆོས་རྣམས་དོར་བ་མ་གཏོགས་འོག་མ་རྣམས་ལའང་འདིའི་རིགས་འགྲེས་སྦྱར་ཏེ་ཤེས་པར་བྱའོ། །སྭ་བྷཱ་ཝ། བདག་གི་ཚོར་བའི་ཕུང་པོ་དང་དབང་རྫས་དབུ་རྒྱན་མི་དམིགས་ཏེ་སྟོང་པའི་ངང་ལས་པདྨ་དང་ཉི་མའི་སྟེང་དུ་ཨཱཾ་ལས་རིན་པོ་ཆེ་ཨཱཾ་གིས་མཚན་པ། །དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་གཉིས་ཀའང་རིན་ཆེན་འབྱུང་ལྡན་ཀྱེ་རྡོ་རྗེ་སྐུ་མདོག་སེར་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་གཡས་བརྒྱད་རིན་པོ་ཆེ། གཡོན་བརྒྱད་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་རིན་ཆེན་སྒྲོལ་མ་སེར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་ཞེས་སོགས་ནས།ཐུགས་ཀའི་ཨཱཾཿལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རིན་ཆེན་འབྱུང་ལྡན་ཀྱེ་རྡོ་རྗེ་ཡབ་ཡུམ་གྱི་རྣམ་པར་གོང་ལྟར་སྤྱན་དྲངས་ཏེ་སོ་སོ་ལ་བསྟིམ། འདི་ཡན་ཆད་ལ་ཆོ་ག་ཟོར་ཡང་བའི་ཕྱིར་དབང་ལྷ་སྤྱན་འདྲེན་གོང་གི་དེ་ཉིད་ལས་མི་མཛད་པས།དེ་བཞིན་གཤེགས་པ་སོགས་ཀྱིས་གསོལ་བ་བཏབ་ལ། བཛྲཱི་བྷ་ཝ་སོགས་ཀྱིས་དབང་རྫས་ཀྱི་ལྷའི་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུར་བརྒྱན། དབང་རྫས་ཀྱི་རིན་ཆེན་འབྱུང་ལྡན་ཡབ་ཡུམ་སྙོམས་པར་ཞུགས་ཞུ་བ་ལས་བྱུང་བའི་དབང་རྫས་དབུ་རྒྱན་དུ་གྱུར། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས། སངས་རྒྱས་རྣམས་ནི་ཞེས་སོགས་
― LT14_Page_112A ―
[མ་དཔེ་གཟིགས་ན་འདིར་གནོན།]
ཀྱི་མཐར། རིན་ཆེན་དབང་བསྐུར་ཆེན་པོ་སྦྱིན། ༀ་བཛྲ་རཏྣ་མུ་ཀུ་ཊ། ཞེས་སོགས་ཀྱིས་དབུ་རྒྱན་བཅིངས་ཏེ་དབང་བསྐུར་བར་བསམ། ༀ་བཛྲཱི་བྷ་ཝ་ཞེས་སོགས་གསུངས་ཤིང་བུམ་པའི་ཆུས་ཀྱང་དབང་བསྐུར་རིན་ཆེན་འབྱུང་ལྡན་གྱིས་དབུར་བརྒྱན་པུཥྤེ་སོགས་ལྔས་མཆོད། དེ་ལྟར་ན་རིན་ཆེན་འབྱུང་ལྡན་གྱི་སྒོ་ནས་ཅོད་པན་གྱི་དབང་ཐོབ། ཞེས་པ་ནས་རིན་ཆེན་འབྱུང་ལྡན་གྱི་ས་བོན་རྒྱུད་ལ་བཞག་ཅེས་པའི་བར་བརྗོད། སྭ་བྷཱ་ཝ བདག་གི་འདུ་ཤེས་ཀྱི་ཕུང་པོ་དང་དབང་རྫས་རྡོ་རྗེ་མི་དམིགས་ཏེ་སྟོང་པའི་ངང་ལས་པདྨ་དང་ཉི་མའི་སྟེང་དུ་ཛྷཱིཾ༔ལས་པདྨ་ཛྲིཾ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་གཉིས་ཀ་འོད་དཔག་མེད་ཀྱེ་རྡོ་རྗེ་སྐུ་མདོག་དམར་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་གཡས་བརྒྱད་པདྨ། གཡོན་བརྒྱད་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་གོས་དཀར་མོ་དམར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་གཏི་མུག་ཅེས་སོགས་ནས། ཐུགས་ཀའི་ཛྲི་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་འོད་དཔག་མེད་ཀྱི་རྡོ་རྗེ་ཡབ་ཡུམ་གྱི་རྣམ་པར་སྤྱན་དྲངས་ལ་བསྟིམ། དེ་བཞིན་གཤེགས་པ་སོགས་འདྲ། བཛྲཱི་བྷ་ཝ་སོགས་ཀྱིས་དབང་རྫས་ཀྱི་ལྷའི་སྤྱི་བོ་ནས་དབང་བསྐུར་འོད་དཔག་མེད་ཀྱིས་དབུར་བརྒྱན། དབང་རྫས་ཀྱི་འོད་དཔག་མེད་ཡབ་ཡུམ་སྙོམས་པར་ཞུགས། ཞུ་བ་ལས་བྱུང་བའི་དབང་རྫས་རྡོ་རྗེར་གྱུར། དེ་བཞིན་གཤེགས་པ་སོགས་ཀྱིས་གསོལ་བ་བཏབ་པས།སངས་རྒྱས་ཀུན་གྱི་རྡོ་རྗེའི་དབང་། །ཞེས་སོགས་ནས་ཁྱོད་ཀྱིས་ལོངས། ༀ་མ་ཧཱ་བཛྲ་ཧཱུྃ། །
― LT14_Page_112B ―
[མ་དཔེ་གཟིགས་ན་འདིར་གནོན།]
ཞེས་པས་ལག་པ་གཡས་སུ་རྡོ་རྗེ་བྱིན་པར་བསམ། བཛྲཱི་བྷ་ཝ་ཞེས་སོགས་ཀྱིས་ཆུའི་དབང་བསྐུར་འོད་དཔག་མེད་ཀྱིས་དབུར་བརྒྱན་པུཥྤེ་སོགས་ལྔས་མཆོད། དེ་ལྟར་ན་འོད་དཔག་མེད་ཀྱི་སྒོ་ནས་རྡོ་རྗེའི་དབང་ཐོབ། ཅེས་སོགས་ནས། འོད་དཔག་མེད་ཀྱི་ས་བོན་རྒྱུད་ལ་བཞག །ཅེས་པའི་བར་བརྗོད། སྭ་བྷཱ་ཝ། བདག་གི་འདུ་བྱེད་ཀྱི་ཕུང་པོ་དང་དབང་རྫས་དྲིལ་བུ་མི་དམིགས་ཏེ་སྟོང་པའི་ངང་ལས་པདྨ་དང་ཉི་མའི་སྟེང་དུ་ཁཾ་ལས་རལ་གྲི་ཁཾ་གིས་མཚན་པ། །དེ་ལས་འོད་ཟེར་འཕྲོས་ཡོངས་སུ་གྱུར་པ་ལས་གཉིས་ཀའང་དོན་ཡོད་གྲུབ་པ་ཀྱེ་རྡོ་རྗེ་སྐུ་མདོག་ལྗང་གུ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་གཡས་བརྒྱད་རལ་གྲི། གཡོན་བརྒྱད་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་དམ་ཚིག་སྒྲོལ་མ་ལྗང་གུ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ། ཞེས་སོགས་ནས། ཐུགས་ཀའི་ཁཾ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་དོན་ཡོད་གྲུབ་པ་ཀྱེ་རྡོ་རྗེ་ཡབ་ཡུམ་གྱི་རྣམ་པར་སྤྱན་དྲངས་ཏེ་སོ་སོ་ལ་བསྟིམ། དེ་བཞིན་གཤེགས་པ་སོགས་འདྲ། བཛྲཱི་བྷ་ཝས་དབང་རྫས་ཀྱི་ལྷའི་སྤྱི་བོ་ནས་དབང་བསྐུར། དོན་ཡོད་གྲུབ་པས་དབུར་བརྒྱན། དབང་རྫས་ཀྱི་དོན་ཡོད་གྲུབ་པ་ཡབ་ཡུམ་སྙོམས་པར་ཞུགས། ཞུ་བ་ལས་བྱུང་བའི་དབང་རྫས་དྲིལ་བུར་གྱུར། དེ་བཞིན་གཤེགས་པ་སོགས་ཀྱིས་གསོལ་བ་བཏབ་པས། ༀ་བཛྲ་ཨ་དྷི་པ་ཏི་སྟྭཾ། ཞེས་སོགས་ཀྱིས་དྲིལ་བུ་ལག་པ་གཡོན་དུ་བྱིན་པར་བསམས་ཏེ། བཛྲཱི་བྷ་ཝ་སོགས་ཀྱིས་ཆུའི་དབང་བསྐུར།དོན་ཡོད་གྲུབ་པས་དབུར་རྒྱན་པུཥྤེ་སོགས་ལྔས་མཆོད། དེ་ལྟར་ན་དོན་ཡོད་གྲུབ་པའི་སྒོ་ནས་དྲིལ་བུའི་དབང་ཐོབ། ཅེས་སོགས་ནས།
― LT14_Page_113A ―
[མ་དཔེ་གཟིགས་ན་འདིར་གནོན།]
དོན་ཡོད་པའི་གྲུབ་པའི་ས་བོན་རྒྱུད་ལ་བཞག །ཅེས་པའི་བར་བརྗོད། སྭ་བྷཱ་ཝ། བདག་གི་གཟུགས་ཀྱི་ཕུང་པོ་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་བྷྲཱུཾ་ལས་འཁོར་ལོ་བྷྲཱུཾ་གྱིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་རྣམ་པར་སྣང་མཛད་ཀྱེ་རྡོ་རྗེ་སྐུ་མདོག་དཀར་པོ་ཞལ་བརྒྱད། ཕྱག་བཅུ་དྲུག་པ། ཞབས་བཞི་པ། ཕྱག་གཡས་བརྒྱད་འཁོར་ལོ། །གཡོན་བརྒྱད་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་སངས་རྒྱས་སྤྱན་མ་དཀར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་ཞེས་སོགས་ནས། ཐུགས་ཀའི་བྷྲཱུཾ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རྣམ་པར་སྣང་མཛད་ཀྱེ་རྡོ་རྗེ་ཡབ་ཡུམ་གྱི་རྣམ་པར་སྤྱན་དྲངས་ཏེ་བསྟིམ། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས་དབང་བསྐུར་བར་བསམ་ལ། ༀ་བཛྲ་ས་ཏྭ་སྟཾ། ཞེས་སོགས་ཀྱི་མཐར་རང་གི་གསང་མཚན་ནས་བརྗོད་དེ། ཆེ་གེ་མོ་རྡོ་རྗེ་ཞེས་བྱ་བའི་དེ་བཞིན་གཤེགས་པའོ། །ཞེས་བརྗོད་ཅིང་རྡོ་རྗེ་དྲིལ་བུ་ལྷན་ཅིག་སྤྱི་བོར་དཀྲོལ། ཆུའི་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རྣམ་པར་སྣང་མཛད་ཀྱིས་དབུར་བརྒྱན། པུཥྤེ་སོགས་ལྔས་མཆོད། དེ་ལྟར་ན་རྣམ་པར་སྣང་མཛད་ཀྱི་སྒོ་ནས་མིང་གི་དབང་ཐོབ། ཅེས་པ་ནས། རྣམ་པར་སྣང་མཛད་ཀྱི་ས་བོན་རྒྱུད་ལ་བཞག་པ་ཡིན་ནོ། །ཞེས་བརྗོད། རིགས་ལྔ་པོ་དེ་དག་གི་ཕྱག་མཚན་རྣམས་རྡོ་རྗེ་གུར་ནས་འབྱུང་བ་ལྟར་གསལ་བཏབ་ཀྱང་རུང་ངོ་། །དེ་ནས། དངོས་ཀུན་གང་དང་གང་སྣང་བ། ཞེས་སོགས་བརྗོད་དེ།
― LT14_Page_113B ―
[མ་དཔེ་གཟིགས་ན་འདིར་གནོན།]
ཆོས་ཅན་གྱི་སྣང་བ་གང་དང་གང་སྣང་བ་ཐམས་ཅད་ཐ་མལ་པ་མ་ཡིན་པར་ལྷག་པའི་ལྷ་དེ་བཞིན་གཤེགས་པ་རིགས་ལྔ་དང་ཡེ་ཤེས་ལྔའི་རང་བཞིན་ཡིན་ནོ། །སྙམ་དུ་བསམ་མོ། །ༀ་སྭ་བྷཱ་ཝ། བདག་གི་ཕུང་པོ་ལྔའི་ཆོས་ཉིད་ལ་ཐ་མལ་དུ་འཛིན་པའི་རྣམ་རྟོག་མི་དམིགས་ཏེ་སྟོང་པའི་ངང་ལས་པདྨ་དང་ཉི་མའི་སྟེང་དུ་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་བདག་གི་ཕུང་པོ་ལྔའི་ཆོས་ཉིད་རྡོ་རྗེ་སེམས་དཔའ་སྐུ་མདོག་དཀར་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་མཚན་མི་བསྐྱོད་པ་བཞིན་བསྐྱེད། ཡུམ་རྡོ་རྗེ་སྙེམས་མ་དཀར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ། ཞེས་སོགས་ནས། ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རྡོ་རྗེ་སེམས་དཔའ་ཡབ་ཡུམ་གྱི་རྣམ་པར་སྤྱན་དྲངས་ཏེ་བསྟིམ། དེ་བཞིན་གཤེགས་པ་སོགས་ཀྱིས་གསོལ་བ་བཏབ་པས། བཛྲཱི་བྷ་ཝ་སོགས་ཀྱིས་ཆུའི་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུར་བརྒྱན། དེ་ནས་ཧཱུྃ་ལས་བྱུང་བའི་རྡོ་རྗེ་ལྷ་ཉི་ཤུ་རྩ་བརྒྱད་ཀྱི་རང་བཞིན་དུ་གྱུར་པ། འདི་དེ་སངས་རྒྱས་ཐམས་ཅད་དེ། ཞེས་སོགས་སྔགས་དང་བཅས་པས་ལག་པ་གཡས་སུ་བྱིན་པར་བསམ་ལ། གསོལ་ཏེ་སྙིང་གར་བཟུང་བས། དེང་ཕྱིན་ཆད་ཐ་མལ་པའི་སྤྱོད་པ་ཐུལ་ལ། རྡོ་རྗེ་འཆང་ཆེན་པོའི་སྐུ་གསུང་ཐུགས་ཀྱི་རང་བཞིན་ལ་ཞུགས་པར་གྱིས་ཤིག །ཅེས་གསུང་བར་བསམ། རྡོ་རྗེ་སློབ་དཔོན་གྱི་དབང་ཞུ་བའི་ཡོན་དུ་མཎྜལ་ཕུལ་ལ། མི་ལྡོག་འཁོར་ལོའ་དབང་བསྐུར་བ། ཞེས་སོགས་ལན་གསུམ་
― LT14_Page_114A ―
[མ་དཔེ་གཟིགས་ན་འདིར་གནོན།]
གྱིས་གསོལ་བ་བཏབ། རང་ཉིད་དབང་སྟེགས་ཀྱི་སྟེང་དུ་རྡོ་རྗེ་འཆང་ཆེན་པོའི་རྣམ་པས་འཁོད་པར་བསམས་ལ། འདི་དེ་སོགས་སྔགས་དང་བཅས་པས་གཡས་སུ་རྡོ་རྗེ་བྱིན་པ་སྙིང་གར་གཟུང་སྟེ།ཐོག་མཐའ་མེད་པའི་སེམས་དཔའ་ནི། །ཞེས་སོགས་བརྗོད། རྡོ་རྗེ་འདི་ནི་ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བ་རིག་སྟོང་དབྱེར་མེད་ཀྱི་ངོ་བོ་མཚོན་པར་བྱེད་པ་ཡིན་ལ། རང་གི་སེམས་ཐོག་མ་དང་ཐ་མ་མེད་པའི་བྱང་ཆུབ་ཀྱི་སེམས་སྤྲོས་པའི་མཐའ་ཐམས་ཅད་དང་བྲལ་བ་ངེས་དོན་གྱི་རྡོ་རྗེ་ཡིན་ནོ་སྙམ་དུ་བསམ། དེ་ནས་ཨཿལས་བྱུང་བའི་དྲིལ་བུ་ལྷ་ཉི་ཤུ་རྩ་གསུམ་གྱི་རང་བཞིན་དུ་གྱུར་པ། འདི་ནི་རྣལ་འབྱོར་མ་ཀུན་གྱི། །ཞེས་སོགས་ཀྱིས་ལག་པ་གཡོན་དུ་བྱིན་པ་དཀྲོལ་ཏེ། དཀུ་གཡོན་པར་ཁ་གྱེན་དུ་ཕྱོགས་པས་བཟུང་ལ། ཨཿསྲིད་པ་ངོ་བོ་ཉིད་ཀྱིས་དག །ཅེས་སོགས་བརྗོད་དེ། དྲིལ་བུ་འདི་ནི་ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བ་སྐྱེ་འགས་གནས་གསུམ་གྱིས་སྟོང་པ་མཚོན་པར་བྱེད་པ་ཡིན་ལ། རང་གི་ངག་སྲིད་པ་ཐམས་ཅད་རང་བཞིན་གྱིས་རྣམ་པར་དག་པ་སྟོན་པར་བྱེད་པའི་ངེས་དོན་གྱི་དྲིལ་བུ་ཡིན་ནོ་སྙམ་དུ་བསམ། དེ་ནས་རང་ཉིད་རྡོ་རྗེ་སེམས་དཔའ་བཤད་མ་ཐག་པ་ལྟར་རམ། ཕྱག་གཉིས་པ་གང་རུང་དུ་བསྒོམ་ནས་ཡན་ལག་བཞི་རྫོགས་མི་བྱེད་པར། ཤེས་རབ་བཅུ་དྲུག་ལོན་པ་ལ། །ཞེས་སོགས་རིམ་བཞིན་བརྗོད་པ་ཙམ་མམ་ཕྱག་ལེན་ལ། རང་ཉིད་རྡོ་རྗེ་འཆང་སྐུ་མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། དེའི་པང་ན་ཡུམ་རྡོ་རྗེ་སྙེམས་མ་སྐུ་མདོག་དཀར་མོ་གྲི་གུག་ཐོད་པ་འཛིན་པ། ལོ་གྲངས་བཅུ་དྲུག་ལོན་པ་ལྟ་བུ་དང་མཉམ་པར་སྦྱོར་བའི་སྐུར་གྱུར། མིག་ཏུ་ཞེས་སོགས་ནས།རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རྡོ་རྗེ་འཆང་ཡབ་ཡུམ་གྱི་རྣམ་པར་རྡོ་རྗེ་བསྡུ་བའི་སྔགས་རྒྱས་སྤྱན་དྲངས་ལ་བསྟིམ། ཤེས་རབ་བཅུ་དྲུག་སོགས་དང་། །རྡོ་རྗེ་ཆེ་དང་དྲིལ་བུ་ཆེ། །ཞེས་སོགས་བརྗོད། ལག་པ་གཉིས་སྙིང་གར་བསྣོལ་ལ། སྲིད་པའི་
― LT14_Page_114B ―
[མ་དཔེ་གཟིགས་ན་འདིར་གནོན།]
བདེ་བ་སོགས་བརྗོད་དེ། ཐ་མལ་པའི་བདེ་བ་ནི་མ་དག་པའོ། །སྲིད་པའི་སྡུག་བསྔལ་ཟད་པར་བྱ་བའི་ཕྱིར་རང་གི་ལྷག་པའི་ལྷའི་རྣལ་འབྱོར་བྱ་སྟེ་འདོད་པའི་ལོངས་སྤྱོད་ཐམས་ཅད་ལ་ལོངས་སྤྱོད་ཅིག །ཐམས་ཅད་ལ་མཆོད་པ་གྱིས་ཤིག །འདིས་རྡོ་རྗེ་འཆང་ཆེན་པོ་ཁ་སྦྱོར་གྱི་སྐུ་ཐོབ་པ་ལས་མི་འདའ་འོ། །དེ་བས་ན་ཏིང་ངེ་འཛིན་འདི་ལ་གནས་པར་གྱིས་ཤིག །ཅེས་གསུང་བར་བསམས་ལ་དེ་བརྟན་པའི་ཆེད་དུ་ནམ་མཁའ་གང་བའི་དེ་བཞིན་གཤེགས་པ་འཁོར་དང་བཅས་པ་རྣམས་ཀྱིས་མཆོད་པའི་ཡོ་བྱད་སྣ་ཚོགས་དང་། ཡེ་ཤེས་ཀྱི་ཆུས་གང་བའི་བུམ་པས་དབང་བསྐུར་བར་བསམས་ལ། རྣམ་རྒྱལ་བུམ་པ་ཐོགས་ཏེ།སངས་རྒྱས་རྣམས་ནི་ཐམས་ཅད་ཀྱི། །ཞེས་སོགས་ནས། ལུས་ངག་ཡིད་གསུམ་གྱི་དྲི་མ་བག་ཆགས་དང་བཅས་པ་ཐམས་ཅད་དག །ཅེས་པའི་བར་མི་བསྐྱོད་པ་ཆུ་དབང་གི་སྐབས་ལྟར་བརྗོད་ལ། ཆུའི་ལྷག་མ་ཡར་ལུད་པ་ལས་སྤྱི་བོར་དེ་བཞིན་གཤེགས་པ་ཐམས་ཅད་ཀྱི་ངོ་བོ་རྡོ་རྗེ་སེམས་དཔས་དབུར་བརྒྱན་པར་བསམ། སྤྲོས་པ་ལ་དགའ་ན་གོང་གི་སངས་རྒྱས་རྣམས་ནི་ཞེས་སོགས་ཀྱི་མཐར་བུམ་པ་སོ་སོས་ཆུ་དབང་རྒྱས་པར་བསྐུར་ལ་མཐར་རིགས་ཀྱི་བདག་པོས་རྒྱས་གདབ་བོ། །གང་ལྟར་ཡང་། ༀ་སུ་པྲ་ཏིཥྛ་བཛྲཱ་ཡ་སྭཱ་ཧཱ་ཞེས་བརྗོད་ཅིང་མེ་ཏོག་གཏོར་ཏེ་རབ་གནས་བྱས་ལ། པུཥྤེ་སོགས་ལྔས་མཆོད་དེ་རྡོ་རྗེ་དྲིལ་བུ་དང་དབུ་རྒྱན་སོགས་བཞག་ལ། དེ་ལྟར་ན་ཁྱོད་ལ་རྡོ་རྗེ་འཆང་ཆེན་པོའི་དབང་བསྐུར་བ་འདིས་ཁྱོད་ཀྱི་ཕུང་པོ་དང་ཁམས་དང་། སྐྱེ་མཆེད་ཀྱི་དྲི་མ་ཐམས་ཅད་དག་པར་བྱས་པ་ཡིན་པས་དེ་ཐམས་ཅད་རང་གི་སེམས་སུ་འདུ་ལ་སེམས་དེ་ཉིད་མི་བསྐྱོད་པའི་རང་བཞིན་རྡོ་རྗེ་སེམས་དཔའ་ཡིན་པས་རང་གི་སེམས་རྣམ་པར་དག་པ་ཉིད་དཀྱིལ་འཁོར་གྱི་འཁོར་ལོ་ཡིན་ཏེ། །དཀྱིལ་འཁོར་ཞེས་ནི་གང་བཤད་པ། །ཡིད་ཀྱི་དཀྱིལ་འཁོར་དམ་པ་ཉིད། །གཞལ་མེད་ཁང་ཞེས་བཤད་པ་ནི། །སེམས་ནི་གཞལ་མེད་ཁང་བརྩེགས་ཉིད། །དེ་ཡི་ཕྱི་རོལ་གྲུ་བཞི་ནི། །མཉམ་པ་ཉིད་ཀྱི་རང་བཞིན་ནོ། །གང་ཞིག་བྱམས་པ་ལ་སོགས་སེམས། །ཐིག་སྐུད་བཞིར་ནི་བཤད་པའོ། །རྡོ་རྗེའི་ཐིག་ཏུ་གང་བཤད་པ། །ཆོས་ནི་རྗེས་སུ་དྲན་པའོ། །ལྟ་བ་ཀུན་ལས་
― LT14_Page_115A ―
[མ་དཔེ་གཟིགས་ན་འདིར་གནོན།]
རྣམ་གྲོལ་བ། །ཡེ་ཤེས་ཐིག་ཏུ་བཤད་པ་ཡིན། །རྒྱན་གང་ཡང་དག་བཤད་པ་ནི། །ཚུལ་ཁྲིམས་སོགས་ཀྱི་སྡོམ་པའོ། །དབང་པོ་ལྔ་སོགས་སེམས་གང་ཡིན། །ར་བ་ལྔར་ནི་འབྱུང་བ་ཉིད། །གང་ཞིག་སྒོ་ཞེས་བཤད་པ་ནི། །རྣམ་པར་ཐར་པ་རྣམ་པ་བཞི། །རྟ་བབས་ཀ་བ་བཞི་པོ་ནི། །ཡང་དག་སྤོང་བ་བཞི་ཞེས་བརྗོད། །དྲན་པ་ཉེར་གཞག་བཞི་པོ་ནི། །ཁ་ཁྱེར་བཞིར་ནི་བརྗོད་པ་ཉིད། །སྒོ་ཁྱུད་བཞི་ནི་གང་ཡིན་པ། །རྫུ་འཕྲུལ་རྐང་པ་རྣམ་པ་བཞི། །དེ་བཞིན་མེ་ཏོག་ཕྲེང་རྒྱན་པ། །བྱང་ཆུབ་ཡན་ལག་བདུན་པོ་ཡིན། །འཕགས་ལམ་ཡན་ལག་བརྒྱད་པོ་ནི། །ཀ་བ་བརྒྱད་པོ་ཞེས་བརྗོད་དོ། །ལམ་གྱི་ཡེ་ཤེས་ཁྱད་པར་ནི། །རྔ་ཡབ་ཏུ་ནི་རབ་ཏུ་གྲགས། །གང་ཞིག་དོ་ཤལ་བཤད་པ་ནི། །ཉོན་མོངས་ཐམས་ཅད་གཅོད་པ་སྟེ། །ཀུན་ཏུ་གཅོད་པའི་ངོ་བོ་ཡིན། །ཉོན་མོངས་འཕྲོག་པས་དྲན་པ་ཉིད། །ཚོགས་གཉིས་དག་པའི་སྦྱོར་བ་ཡིས། །འཁོར་ལོ་བསྐོར་བ་གང་ཡིན་པ། །ཉོན་མོངས་ཕྱེད་ནི་གཅོད་པས་ན། །དོ་ཤལ་ཕྱེད་པ་ཉིད་དུ་བརྗོད། །དེ་བས་ན་སེམས་ཉིད་ནི་བྱང་ཕྱོགས་སོ་བདུན་གྱི་ངོ་བོ་གཞལ་ཡས་ཁང་པ་ཡིན་ལ། །སེམས་ལ་ཕུང་པོ་ཁམས་དང་སྐྱེ་མཆེད་ལ་སོགས་པ་དུ་མར་སྣང་བ་ནི་གདན་གསུམ་ཚང་བའི་ལྷ་ཡིན་ཏེ། དེ་ཡང་ཕུང་པོ་ལྔ་ནི་དེ་བཞིན་གཤེགས་པའི་གདན། འབྱུང་བ་བཞི་ནི་རིག་མའི་གདན། ནང་གི་སྐྱེ་མཆེད་ནི་བྱང་ཆུབ་སེམས་དཔའི་གདན། ཕྱིའི་སྐྱེ་མཆེད་ནི་ལྷ་མོའི་གདན། །ཉོན་མོངས་པའི་སྒྲིབ་པ་ལ་སོགས་པ་ཟད་པར་བྱེད་པ་ནི་ཁྲོ་བོ་དང་ཁྲོ་མོའི་གདན་ཡིན་ནོ། །ཞེས་བརྗོད། བསྡུ་ན་ཚིགས་བཅད་རྣམས་དོར་ལ་དཀྱིལ་འཁོར་གྱི་འཁོར་ལོ་ཡིན་ཏེ་ཞེས་པའི་མཇུག་ཏུ། སེམས་ཉིད་ནི་བྱང་ཕྱོགས་སོ་བདུན་གྱི་ངོ་བོ་ཞེས་པ་མན་ཆད་སྦྲེལ་བཙམ་བྱས་ཀྱང་རུང་ཞིང་། ཤིན་ཏུ་རྒྱས་པ་ལ་སྤྲོ་ན་ཕུང་ཁམས་སྐྱེ་མཆེད་ཀྱི་དག་པ་རྣམས་བརྗོད་དོ། །རྗེས་གནང་བསྡུས་དང་ཅུང་ཟད་རྒྱས།།ཤིན་ཏུ་རྒྱས་པ་རྣམ་པ་གསུམ། །ཞེས་ཏེ་བསྡུས་པ་ནི། དེ་རིང་རྡོ་རྗེ་སློབ་དཔོན་གྱུར། །སློབ་མ་བསྡུ་
― LT14_Page_115B ―
[མ་དཔེ་གཟིགས་ན་འདིར་གནོན།]
བ་ཉིད་དུ་གྱིས། །ཞེས་གསུངས་པས་ཐབས་སྣ་ཚོགས་ཀྱིས་སེམས་ཅན་གྱི་དོན་གྱིས་ཤིག་ཅེས་པ་ཙམ་དང་། ཅུང་ཟད་རྒྱས་པར་བྱེད་ན་དེའི་སྟེང་དུ་འོག་ནས་འབྱུང་བ་ལྟར་རིགས་ལྔའི་སྤྲུལ་པ་གང་ཙམ་བྱའོ། །རྒྱས་པ་ལ་གསུམ་ལས། ལྷ་མཆོད་པའི་རྗེས་གནང་ནི། གང་སྐོར་སྔོན་དུ་འགྲོ་ནས་རྡོ་རྗེ་ཁུ་ཚུར་གཉིས་དཀུ་གཡས་གཡོན་དུ་བཞག་སྟེ། །དེང་ནས་བརྩམས་ཏེ་རྫོགས་སངས་རྒྱས། །སྲས་དང་བཅས་ལ་རྣམ་རོལ་ཞིང་། །རྡོ་རྗེ་སྙེམས་མའི་རྣལ་འབྱོར་གྱིས། །དགའ་སྟོན་བདེ་བའི་མཆོད་པ་གྱིས། །ཨཱཿདེ་བཞིན་དུ་ཁུ་ཚུར་གཉིས་ཁ་འགྲམ་གཡས་གཡོན་དུ་བཞག་སྟེ། །སྒེག་དང་བཅས་པས་ཕྲེང་བ་འཕང་། །སངས་རྒྱས་ཐམས་ཅད་མཆོད་པར་བྱ། །དེས་ནི་བཅོམ་ལྡན་འབྲལ་མི་འགྱུར། །ཕྲེང་བ་དེ་ཡི་རྒྱན་ཡིན་ནོ། །ༀ་ཁུ་ཚུར་གཉིས་ཁ་ནས་ཚིག་འབྱིན་པ་ལྟར་བྱས་ཏེ།ལུས་ཅན་ཀུན་ལ་དམ་ཆོས་ཀྱི། །གླུ་ནི་ཁྱོད་ཀྱིས་བླངས་པར་བྱ། །དེ་ཡིས་བདེ་གཤེགས་དངོས་གྲུབ་ནི། །མྱུར་ཏུ་བདེ་བ་མྱོང་བར་འགྱུར། །གཱི་རྡོ་རྗེ་ཐལ་མོ་སྤྱི་བོར་བསྐོར་བའི་གར་བྱས་ཏེ། །དེ་ཉིད་ཐལ་མོའི་གར་གྱིས་ནི། །སངས་རྒྱས་ཐམས་ཅད་མཆོད་པར་བྱ། །སངས་རྒྱས་འདུ་བའི་ཕྲིན་ལས་ཀྱིས། །གར་མཁན་ཚུལ་དུ་སྒྱུར་བར་གྱིས། །ཧོཿཁུ་ཚུར་གཉིས་བདུག་སྤོས་ཀྱི་ཕྱག་རྒྱ་དང་། །རྫོགས་སངས་རྒྱས་ལ་སྤོས་ཕུལ་བས། །བརྟུལ་ཞུགས་བཟང་པོས་ལེགས་ཚིམ་གྱིས། །ལུས་ཅན་འདི་གཤེགས་ཆ་ལུགས་སུ། །ཡེ་ཤེས་ཀྱིས་ནི་ཚིམ་པར་གྱིས། ཧཱུྃ་མེ་ཏོག་གི་ཕྱག་རྒྱ་དང་། །སངས་རྒྱས་རྣམས་ལ་མེ་ཏོག་གཏོར། །བྱང་ཆུབ་ཡན་ལག་ཚོགས་གྱུར་པས། །མཚན་དང་དཔེ་བྱད་ལྡན་པ་ཡི། །བདེ་གཤེགས་སྐུ་ནི་ཐོབ་པར་གྱིས། །བྷྲཱུཾ་མར་མེའི་ཕྱག་རྒྱ་དང་། །ཆོས་ཀྱི་མེ་ནི་ལེགས་སྦར་བས། །རྡོ་རྗེ་ཆོས་དང་འདྲ་བ་རུ། །སེམས་ཅན་མ་རིག་ལྡོངས་པ་ལ། །ཡེ་ཤེས་སྒྲོན་མེས་གསལ་བར་གྱིས། པྲ་གཡོན་པས་དུང་ཆོས་འཛིན་ཅིང་གཡས་པས་དྲི་བཟང་བྱུག་པའི་ཚུལ་དང་། །རྒྱལ་བ་རྣམས་ལ་དྲི་ཕུལ་བས། །ཚུལ་ཁྲིམས་ཏིང་འཛིན་ཤེས་རབ་དང་། །རྣམ་གྲོལ་ཡེ་ཤེས་མཐོང་བ་ཡི། །བྱང་ཆུབ་ལུས་ཅན་རྣམས་ལ་བསྒོམ། །གཱ་ཞེས་བརྗོད། སེམས་ཅན་གྱི་དོན་བྱ་བའི་རྗེས་གནང་ནི། རྩ་བའི་སྔགས་ཀྱིས་མངོན་པར་བསྔགས་
― LT14_Page_116A ―
[མ་དཔེ་གཟིགས་ན་འདིར་གནོན།]
པའི་བུར་མའམ། མེད་ན་རྡོ་རྗེས་མིག་འབྱེད་པའི་ཚུལ་བྱ་ཞིང་། །ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཐོག་བསལ་བ་ལྟར། །བུ་ཁྱོད་ཀྱིས་ནི་མི་ཤེས་པའི། །ལིང་ཐོག་རྒྱལ་བ་རྣམས་ཀྱིས་བསལ། །ༀ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲཱིཿཔྲཾ་ཞེས་བརྗོད། མེ་ལོང་ལེན་པའི་ཚུལ་བྱ་ཞིང་། །ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་འབྱུང་། །ངོ་བོ་ཉིད་མེད་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཀྱང་སྐྱོབ་པའི་སྲས་སུ་སྐྱེ། །ཞེས་བརྗོད། ཨཱཿལས་སྐྱེས་པའི་དྲིལ་བུ་བླངས་ཏེ། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ནི་མཚན་ཉིད་མེད། །ནམ་མཁའ་དང་ནི་མཉམ་སྦྱོར་བས། །ཀུན་མཆོག་མཉམ་པ་ཉིད་དུ་གསལ། །ཞེས་བརྗོད་ཅིང་དཀྲོལ། །ཧོཿཞེས་པས་མདའ་གཞུ་བྱིན་ནས། །དེ་བཞིན་གཤེགས་པ་ཐམས་ཅད་དང་རྗེས་སུ་ཆགས་པར་བྱོས་ཤིག །ཅེས་གསུང་བར་བསམ་ལ་ཕྱོགས་བཞི་དང་སྟེང་འོག་གཉིས་སུ་མདའ་འཕེན་ཚུལ་བྱའོ། །མེ་ལོང་རྡོ་རྗེ་དང་བཅས་པ་ལེན་ཚུལ་བྱའོ། ། ༀ་བཛྲ་ས་ཏྭ། རྡོ་རྗེ་སེམས་དཔའ་མེ་ལོང་ལྟར། །གསལ་ཞིང་དག་ལ་རྙོག་པ་མེད། །བུ་ཁྱོད་ཀྱི་ནི་སྙིང་ལ་ཞུགས། །རྡོ་རྗེ་སེམས་དཔའི་རང་བཞིན་གཙོ། །གང་ཡང་སངས་རྒྱས་ཐམས་ཅད་ཀྱི་བདག་པོ་བྱང་ཆུབ་ཀྱི་སེམས་ནི་འདི་ཡིན་པར་ཤེས་པར་གྱིས་ཤིག་ཅེས་བརྗོད། །ཆོས་བཤད་པའི་རྗེས་གནང་ནི། ༀ་བཛྲ་ཧེ་ཏུ་མཾ། ཞེས་པས་རྐང་པའི་འོག་ཏུ་འཁོར་ལོ། །ༀ་བཛྲ་བྷ་ཥ་རཾ་ཞེས་པས་ལག་པ་གཡས་སུ་དུང་། ༀ་བཛྲ་གྷཎྜེ་ཨཿ ཞེས་པས་གཡོན་དུ་དྲིལ་བུ། ཨ་ཞེས་པས་ལག་ངར་གྱི་སྟེང་དུ་པུསྟི་རྣམས་བྱིན་པར་བསམ་ལ། །དེང་ནས་བརྩམས་ཏེ་སེམས་བསྐྱེད་པ། །ཙམ་གྱིས་ཆོས་ཀྱི་འཁོར་ལོ་བསྐོར། །ཁྱེད་ཀྱིས་ཐེ་ཚོམ་དོགས་མེད་པར། །ཡིད་གཉིས་མེད་པའི་སེམས་ཀྱིས་སུ། །ཆོས་ཀྱི་དུང་ནི་བླ་མེད་པ། །དྲི་མེད་ཀུན་ཏུ་
― LT14_Page_116B ―
[མ་དཔེ་གཟིགས་ན་འདིར་གནོན།]
གང་བར་གྱིས། །སྔགས་སྤྱོད་ཚུལ་གྱི་ཆོ་ག་ཡིས། །སྐྱེ་བོ་རྣམས་ལ་རྟག་ཏུ་ཤོད། །དེ་ལྟར་བྱས་ན་སངས་རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཡང་། །ཁྱེད་ལ་རྟག་ཏུ་སྲུང་བ་མཛད། །ཅེས་བརྗོད། གར་སྐོར་སྔོན་དུ་འགྲོ་བས་རིགས་ལྔ་སོ་སོའ་ཕྱག་ཆེན་རྣམས་རིམ་བཞིན་བཅས་ལ། །སེམས་ཅན་ཀུན་ལ་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་འགྱུར་བའི། །ཆོས་ཀྱི་འཁོར་ལོ་རབ་ཏུ་བསྐོར། །ཞེས་པའི་ཚེ་རྣམ་སྣང་དང་། དེ་བཞིན་དུ་ཚིག་རྐང་དང་པོ་གསུམ་འདྲ་བ་ལས་རྡོ་རྗེའི་འཁོར་ལོ་རབ་ཏུ་བསྐོར་ཞེས་དང་མི་བསྐྱོད་པ། རིན་ཆེན་འཁོར་ལོ་རབ་ཏུ་བསྐོར་ཞེས་དང་རིན་འབྱུང་། པདྨའི་འཁོར་ལོ་རབ་ཏུ་བསྐོར་ཞེས་དང་འོད་དཔག་མེད། སྣ་ཚོགས་འཁོར་ལོ་རབ་ཏུ་བསྐོར་ཞེས་དང་དོན་གྲུབ་ཀྱི་ཕྱག་རྒྱ་བྱས་ལ། དེ་ལྟར་ན་ཁྱེད་ཀྱིས་སེམས་ཅན་ཐམས་ཅད་ལ་ཆོས་ཀྱི་འཁོར་ལོ། །རྡོ་རྗེའི་འཁོར་ལོ། །རིན་ཆེན་འཁོར་ལོ། །པདྨའི་འཁོར་ལོ། །སྣ་ཚོགས་འཁོར་ལོ་རྣམས་བསྐོར་ལ། །སེམས་ཅན་ཐམས་ཅད་ལ་ཆོས་ཀྱི་དུང་བུས། །སྒྲ་སྒྲོགས། བཤད་པ་གྱིས་ཤིག་ཅེས་གནང་བ་བྱིན་པར་བསམ། དེ་ལྟར་ན་བསྐྱེད་པ་རྡུལ་ཚོན་ནམ། རས་བྲིས་གང་ཡིན་སྐབས་དང་སྦྱར་ལ། དཀྱིལ་འཁོར་དུ་བུམ་པའི་དབང་ཐོབ་གཙོ་བོར་ལུས་ཀྱི་དྲི་མ་དག །དམ་ཚིག་རྩ་བ་དང་ཡན་ལག་གི་དམ་ཚིག་ཉི་ཤུ་རྩ་གཉིས་བསྲུང་བ་ལ་དབང་བར་བྱས། བརྡ་ལྔ་བསྡུས་རྩེ་མོས་མནན་པ། ལམ་བསྐྱེད་པའི་རིམ་པ་བསྒོམ་པ་ལ་དབང་། འབྲས་བུ་སྤྲུལ་པའི་སྐུའི་ས་བོན་རྒྱུད་ལ་བཞག་པ་ཡིན་ནོ་ཞེས་རྟོགས་པ་བསྐྱེད་དོ། །གསང་དབང་ཞུ་བའི་ཡོན་དུ་མཎྜལ་ཕུལ་ལ། ཁྱོད་ནི་རྣལ་འབྱོར་མ་ཚོགས་སོགས་ཀྱིས་བསྟོད། །བཅོམ་ལྡན་ཞི་བ་ཆེན་པོ་ཀྱེ། །ཞེས་སོགས་ལན་གསུམ་གྱིས་གསོལ་བ་གདབ། ༀ་ཨཱཿཧཱུྃ་གིས་མིག་རས་བཅིངས་ལ། བླ་མ་ཧེ་རུ་
― LT14_Page_117A ―
[མ་དཔེ་གཟིགས་ན་འདིར་གནོན།]
ཀ་ཡབ་ཡུམ་སྙོམས་པར་ཞུགས་པའི་དགའ་བའི་སྒྲས་དེ་བཞིན་གཤེགས་པ་ཐམས་ཅད་སྤྱན་དྲངས་ཏེ། ཡབ་ཀྱི་ཞལ་དུ་ཞུགས་ཐུགས་ཀར་རྗེས་སུ་ཆགས་པའི་མེས་འོད་དུ་ཞུ། བྱང་ཆུབ་ཀྱི་སེམས་རྡོ་རྗེ་ནོར་བུའི་ལམ་ནས་ཡུམ་གྱི་མཁར་བབས་པའི་ཐིག་ལེ་མུ་ཏིག་གི་རྡོག་མ་ལྟ་བུ་བདག་གི་ལྕེ་ཐོག་ཏུ་བཞག་པར་བསམས་ཤིང་དངོས་སུ་བདུད་རྩི་མྱངས་ལ། ཇི་ལྟར་འདས་པའི་སངས་རྒྱས་ཀྱིས། །ཞེས་སོགས་བརྗོད། ༀ་ཨཱཿཧཱུྃ་ཧོཿཞེས་བརྗོད་ཅིང་མྱངས་པས་མགྲིན་པ་ནས་ཐིག་ལེ་འཕེལ་ཏེ་ལུས་ཐམས་ཅད་གང་བས་རང་བཞིན་བརྒྱད་ཅུའི་རྟོག་པ་ཐམས་ཅད་འགགས་ཏེ། གསལ་སྟོང་གི་ཏིང་ངེ་འཛིན་རྒྱུད་ལ་སྐྱེས་པར་བསམས་ལ། ༀ་ཨཱཿཧཱུྃ་ཞེས་པས་བསྲུངས་ཏེ་མིག་རས་ཕྱེ་བར་བསམ། དེ་ནས་བླ་མ་ཤཱཀྱ་ཐུབ་པའི་རྣམ་པར་འཕོས་ནས་ཆོས་གོས་ཀྱི་གྲྭ་རི་དྭགས་ཀྱི་རྣ་བ་ལྟ་བུ་དང་གཡས་པས་རྡོར་དྲིལ་འཛིན་པའི་སྐྱབས་སྦྱིན་གྱི་ཕྱག་རྒྱས་རང་གི་གསང་མཚན་ནས་ལུང་སྟོན་པར་བསམས་ལ། དངོས་སུ་རང་གིས་དེ་ལྟར་བྱས་ཏེ། །འདིར་ནི་ཁྱོད་ལ་ངས་ལུང་བསྟན། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་རྣམས་ལས་བཏོན། །ཀྱེ་དཔལ་ཆེ་གེ་མོ་རྡོ་རྗེ་ཞེས་བྱ་བའི་དེ་བཞིན་གཤེགས་པ། ས་འོག་ས་སྟེང་ས་བླ་རྣམས་སུ་བྷུརྦྷུ་ཝཿསྭཿགང་ལ་ངས་ལུང་བསྟན་པ་འདི་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། དཀྱིལ་འཁོར་གྱི་འཁོར་ལོ་དང་བཅས་པ་ཐམས་ཅད་ཀྱིས་མགྲིན་གཅིག་ཏུ་ལུང་སྟོན་པར་མཛད་དེ་སྔགས་འདི་དང་ཕྱག་རྒྱ་འདིའི་མཐུ་ཡིན་ནོ། །ཞེས་བརྗོད། དེ་ལྟར་ན་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་གསང་བའི་དབང་ཐོབ། ངག་གི་དྲི་མ་དག །དམ་ཚིག་ཤ་ལྔ་དང་བདུད་རྩི་ལྔའི་རིལ་བུ་བསྟེན་པ་ལ་དབང་བར་བྱས། བརྡ་མཐེབ་སྲིན་ཨེ་ལ་རིག་བྱེད་གཅིག །ལམ་བདག་བྱིན་གྱིས་བརླབ་པའི་རིམ་པ་བསྒོམ་པ་ལ་དབང་། འབྲས་བུ་ལོངས་སྤྱོད་རྫོགས་པའི་སྐུའི་ས་བོན་རྒྱུད་ལ་བཞག་པ་ཡིན་ནོ། །
― LT14_Page_117B ―
[མ་དཔེ་གཟིགས་ན་འདིར་གནོན།]
ཞེས་རྟོགས་པ་བསྐྱེད་དོ། །ཤེས་རབ་ཡེ་ཤེས་ཀྱི་དབང་ཞུ་བའི་ཡོན་དུ་མཎྜལ་ཕུལ་ལ། བསྟོད་པ་དང་གསོལ་གདབ་གོང་ལྟར་བྱས་ཏེ། ༀ་ཨཱཿཧཱུྃ་གིས་མིག་རས་བཅིངས། བླ་མས་མཚན་ཉིད་དང་ལྡན་པའི་ཕྱག་རྒྱ་མ་ཞིག་བདག་ལ་གཏད་པར་བསམས་ཏེ། དགའ་སྟེར་གནས་སྟེར་སོགས་བརྗོད། ཕྱག་རྒྱ་དེས། བཤང་གཅི་དག་ནི་ཟ་བ་དང་། །ཞེས་པ་ནས། བུ་ཁྱོད་ཅི་དགར་སྤྲོ་གྱུར་ཏམ། །ཞེས་པའི་བར་གྱིས་དྲི་བ་བྱས་པར་བསམ། བདག་གིས་ཀྱང་བཤང་གཅི་དག་ནི་ཞེས་པ་ནས། བདག་ཉིད་ཅི་དགར་སྤྲོ་གྱུར་ཏོ། །ཞེས་པའི་བར་གྱིས་ལན་བཏབ་པས་ཕྱག་རྒྱ་དེ་དགེས་ནས་ལུས་གཅེར་བུར་ཕྱུང་། ཆུ་སྐྱེས་གུར་གུམ་ལ་སོགས་པས་དྲི་ཞིམ་པར་བྱས། རྩ་མཆོག་ཏུ་རྒྱས་པའི་པདྨ་སྟོན་བཞིན་དུ། །ཨེ་མ་ང་ཡི་པདྨ་འདི། །ཞེས་སོགས་གྱི་རྗེས་སུ་སྟཾ་པདྨ་བྷཉྫ་མོཀྵ་ཧོཿ ཞེས་གསུངས་ཤིང་རང་གི་པང་དུ་བྱོན་པར་བསམ། རང་ཉིད་ཀྱེ་རྡོ་རྗེ་དང་ཕྱག་རྒྱ་བདག་མེད་མར་གསལ་བ་ལྷའི་འདུ་ཤེས་མཁའ་གསང་བྱིན་རླབས་སྒྲུབ་ཐབས་ལྟར་དྲན་པ་སྔགས་ཀྱི་འདུ་ཤེས། ཐབས་འདི་ལ་བརྟེན་ནས་ལྷན་སྐྱེས་མངོན་དུ་བྱའོ་སྙམ་པ་ཆོས་ཀྱི་འདུ་ཤེས་ཏེ། རིམ་པ་བཞིན་སྤྲུལ་ལོངས་ཆོས་གསུམ་ལམ་དུ་བྱེད་ཐབས་འདུ་ཤེས་གསུམ་དང་མ་བྲལ་བའི་སྒོ་ནས་སྙོམས་པར་ཞུགས་པས། ཡས་བབ་དང་མས་བརྟན་གྱི་དགའ་བ་བཞིའི་རྟོགས་པ་སྐྱེད་པར་མོས་ལ། ༀ་ཨཱཿཧཱུྃ་གིས་མིག་རས་ཕྱེ་བར་བསམ། དེ་ནས་ལམ་གྱི་དབུགས་དབྱུང་བསྡུས་པ་ནི། །བྱང་ཆུབ་སེམས་ནི་སྤང་མི་བྱ། །རྡོ་རྗེ་ཞེས་བྱའི་ཕྱག་རྒྱ་སྟེ། །གང་ཞིག་བསྐྱེད་པ་ཙམ་གྱིས་ནི། །སངས་རྒྱས་ཉིད་འགྱུར་ཐེ་ཚོམ་མེད། །དམ་པའི་ཆོས་ནི་སྨད་མི་བྱ། །ནམ་ཡང་དོར་བར་ཡོངས་མི་བྱ། །མི་ཤེས་པའམ་རྨོངས་པ་ཡིས། །དེ་ཉིད་བརྟན་པར་མི་བྱའོ། །རྡོ་རྗེ་དྲིལ་བུ་མི་སྤང་སྟེ། །སློབ་དཔོན་ནམ་ཡང་སྨད་མི་བྱ། །སངས་རྒྱས་ཀུན་དང་མཚུངས་པ་ཡི། །རང་བདག་ཡོངས་སུ་
― LT14_Page_118A ―
[མ་དཔེ་གཟིགས་ན་འདིར་གནོན།]
སྤངས་ནས་སུ། །དཀའ་ཐུབ་ཀྱིས་ནི་གདུང་མི་བྱ། །ཇི་ལྟར་བདེ་བར་བདེ་བཟུར་ན། །འདི་ནི་མ་འོངས་རྫོགས་སངས་རྒྱས། །ཞེས་པའམ། རྒྱས་པར་ན། །སློབ་དཔོན་སྨད་པར་མི་བྱ་ཞིང་། །བདེ་གཤེགས་བཀའ་ལས་འདའ་མི་བྱ། །སྤུན་ལ་སྨད་པ་ཉིད་མི་བྱ། །སེམས་ཅན་རྣམས་ལ་གདུག་བྱམས་དང་། །བྱང་ཆུབ་སེམས་ནི་སྤང་མི་བྱ། །བདག་གཞན་ཆོས་ལ་སྨད་མི་བྱ། །སྐལ་མེད་དེ་ཉིད་གཏམ་མི་བྱ། །བདག་གི་ལུས་ལ་ངེས་མི་སྨད། །ཆོས་ལ་ཡིད་གཉིས་སྤང་བྱ་ཞིང་། །གདུག་ལ་བྱམས་པ་ཉིད་མི་བྱ། །ཆོས་ཉིད་ཚད་ནི་གཟུང་མི་བྱ། །སྐལ་ལྡན་སེམས་ཅན་སྤང་མི་བྱ། །དམ་ཚིག་རྟག་ཏུ་བསྐྱང་བར་བྱ། །བུད་མེད་ཉིད་ལ་སྨད་མི་བྱ། །ཇི་སྲིད་བྱང་ཆུབ་སྙིང་པོའི་བར། །དཀོན་མཆོག་གསུམ་ནི་སྤང་མི་བྱ། །རྟག་ཏུ་དམ་ཚིག་བསྲུང་བར་བྱ། །རྡོ་རྗེ་དྲིལ་བུ་གཟུང་བར་བྱ། །གཙུག་ཏོར་རྟག་ཏུ་བཅང་བར་བྱ། །རྟག་ཏུ་སྦྱིན་སྲེག་དགང་བར་བྱ། །རྟག་ཏུ་དཀྱིལ་འཁོར་བཞེངས་པར་བྱ། །རྟག་ཏུ་བདེ་གཤེགས་རབ་གནས་བྱ། །འབྱུང་པོ་ཆེ་ལ་གཏོར་མ་སྦྱིན། །ཕྱག་རྒྱ་བཅིང་བ་རྣམས་སྤང་ཞིང་། །མཆོད་རྟེན་ལས་ནི་མི་བྱ་སྟེ། །རྡོ་རྗེ་གསུམ་མཆོག་ཕྱག་མི་བྱ། །དཀྱིལ་འཁོར་ལ་སོགས་ལུས་ཀྱི་ལས། །རྨི་ལམ་དུ་ཡང་མི་བྱའོ། །སློབ་དཔོན་གཞན་ལ་ཕྱག་མི་བྱ། །བླ་མའི་རྒན་རབས་ཕྱག་འཚལ་ལོ། །རྟག་པར་རྒྱུན་དུ་སྔགས་བཟླ་ཞིང་། །བསམ་གཏན་ཉིད་ཀྱང་རྣམ་པར་སྤྱད། །རྟག་ཏུ་སློབ་མ་བསྡུ་བྱ་ཞིང་། །རྟག་པ་རུ་ནི་བཤད་པ་གྱིས། །རྟག་ཏུ་སེམས་ཅན་བསྐྱང་བར་བྱ། །རྟག་ཏུ་སངས་རྒྱས་ཆེར་མཉེས་བྱ། །ཛམྦྷ་ལྷ་ལ་ཆུ་སྦྱིན་ཞིང་། །ལས་རྣམས་ཐམས་ཅད་ཡང་དག་སྤྱད། །བྱེ་མའི་ལས་ལ་མཆོད་རྟེན་ཡང་། །མཁས་པས་ཆོ་ག་བཞིན་དུ་བྱ། །ཞེས་བརྗོད་དེ། དོན་ཡིད་ལ་དྲན་པར་བྱའོ། །འབྲས་བུའི་དབུགས་དབྱུང་ནི། །
― LT14_Page_118B ―
[མ་དཔེ་གཟིགས་ན་འདིར་གནོན།]
འདོད་ཆགས་བྲལ་བ་ལྟ་བུ་ཡི། །ཁམས་གསུམ་ན་ནི་སྡིག་མེད་དེ། །དེ་བས་འདོད་ལ་ཆགས་བྲལ་བར། །ཁྱོད་ཀྱིས་ནམ་ཡང་མི་བྱའོ། །མ་ཧཱ་ས་མ་ཡ་ཧཱ་ན་ཧཱུྃ་ཕཊ། ཅེས་པ་སྟེ་དེའི་དོན་ནི་དད་པ་ཆེན་པོས་ལྷ་དང་བླ་མ་ལ་ཆགས་པ། སྙིང་རྗེ་ཆེན་པོས་སེམས་ཅན་གྱི་དོན་ལ་ཆགས་པ། ཤེས་རབ་ཆེན་པོས་ཆོས་ཀྱི་དེ་ཁོ་ན་ཉིད་ལ་ཆགས་པ་ཞེས་བྱ་བ་འདི་གསུམ་དང་བྲལ་ན་སྡིག་ཆེ་བ་ཡིན་པས་འདི་གསུམ་དང་མ་བྲལ་བ་ལ་བསླབ་པར་བྱའོ། །དེ་ནས་རང་ཉིད་ཀྱིས་དཀྱིལ་འཁོར་ལ་བརྐྱང་ཕྱག་ལན་གསུམ་བྱས་པའི་ཐ་མལ་དཀྱིལ་འཁོར་པ་རྣམས་ལ་ལུས་ཕུལ་བར་བསམས་ལ། །སྔགས་དང་རྒྱུད་རྣམས་འཛིན་འགྱུར་བའི། །སློབ་མ་འདི་ནི་འབུལ་བ་ལགས། །ཞེས་ཕུལ་བས་དེ་རྣམས་ཀྱིས་འབྲས་བུའི་དབུགས་དབྱུང་བར་བསམས་ཏེ། སྔགས་དང་རྒྱུད་རྣམས་འཛིན་འགྱུར་པར། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་ཀུན་གྱིས་མཐུན་པར་གསུངས། །སེམས་ཅན་རྣམས་ལ་རྗེས་བརྩེ་བས། །དཀྱིལ་འཁོར་ཆོ་ག་བཞིན་དུ་བྲིས། །ཁྱོད་ཀྱིས་ནན་ཏན་བསྐྱེད་ནས་སུ། །སྒྲུབ་པ་པོ་རྣམས་སྔགས་ལ་སྦྱོར། །དེ་ལྟར་བྱས་ན་སངས་རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །ཁམས་གསུམ་གྱི་ནི་རྒྱལ་སྲིད་ཆེ། །དཔལ་ལྡན་ཡོན་ཏན་འབྱུང་བའི་གནས། །བདུད་ཚོགས་ཀུན་ལས་ངེས་རྒྱལ་ཏེ། །གྲོང་ཁྱེར་མཆོག་ཏུ་ཞུགས་པ་ཡིན། །ཞེས་བརྗོད། དེ་ལྟར་ན་ཕྱག་རྒྱའི་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་ཐོབ། སེམས་ཀྱི་དྲི་མ་དག །དམ་ཚིག་བུད་མེད་ལ་མི་སྨོད་པ་ལ་དབང་། བརྡ་བྱང་ཆུབ་མཆོག་གི་ཕྱག་རྒྱ། ལམ་དཀྱིལ་འཁོར་འཁོར་ལོ་བསྒོམ་པ་ལ་དབང་འབྲས་བུ་ཆོས་སྐུའི་ས་བོན་རྒྱུད་ལ་བཞག་པ་ཡིན་ནོ་ཞེས་རྟོགས་པ་བསྐྱེད་དོ། །དབང་བཞི་པ་ཞུ་བའི་ཡོན་དུ་མཎྜལ་ཕུལ་ལ། །མགོན་པོ་ཐུགས་རྗེ་ཆེ་ལྡན་པ། ཞེས་སོགས་ལན་གསུམ་གྱིས་གསོལ་བ་བཏབ། ༀ་ཨཱཿཧཱུྃ།
― LT14_Page_119A ―
[མ་དཔེ་གཟིགས་ན་འདིར་གནོན།]
གིས་མིག་རས་བཅིང་། ཡེ་ཤེས་འདི་ནི་སོགས་བརྗོད་ལ། །ལུས་བསམ་གཏན་གྱི་ཆོས་དང་ལྡན་པར་བྱས། ངག་རླུང་རྒྱུ་བ་སོར་བཞག །སེམས་དུས་གསུམ་གྱི་རྟོག་པའི་རྒྱུ་འགྲུལ་གཞན་ཐམས་ཅད་བཅད་ལ་བརྟན་གཡོ་སྣོད་བཅུད་ཐམས་ཅད་ཀྱི་རྩ་བ་རང་གི་སེམས་སུ་ངེས་པའི་ཤེས་པ་བསྐྱེད་དེ། སེམས་ཀྱི་མཚན་ཉིད་གསལ་བ། རང་བཞིན་སྟོང་པ། ངོ་བོ་ཟུང་འཇུག་གསུམ་དབྱེར་མི་ཕྱེད་པ་རང་བཞིན་གྱིས་རྣམ་པར་དག་པའི་སྐུ་བཞི་རང་ཆས་སུ་གནས་པ་དེ་ཉིད་འབྲས་དུས་ཀྱི་སྐུ་བཞི་དང་ངོ་བོ་དབྱེར་མེད་དུ་ངེས་ཤེས་བསྐྱེད་དེ། དེ་མངོན་དུ་བྱེད་པའི་ཐབས་གཞན་གྱིས་ཚིག་ཏུ་བརྗོད་པ་ལ་སོགས་པས་རྟོགས་པར་མི་ནུས་པས། དཔེ་དབང་གསུམ་པའི་ཡེ་ཤེས་ཀྱི་སྟེང་དུ་ངོ་སྤྲད་དེ་རྟོགས་པར་བྱ་བ་ནི། རང་ཉིད་དབང་གསུམ་པའི་གནས་སྐབས་སུ་ལྷ་སྐུ་ཞལ་ཕྱག་གི་རྣམ་པ་སྣང་ལ་རང་བཞིན་མེད་པ་སྒྱུ་མ་ལྟ་བུའི་སྐུ་ཅན་དུ་སྣང་བ་སྤྲུལ་པའི་སྐུ་དང་། དེའི་སེམས་རྒྱུད་ཕྱག་རྒྱ་དང་མཉམ་པར་སྦྱར་བ་ལས་བྱུང་བའི་བདེ་བ་ཆེན་པོའི་ཡེ་ཤེས་ཀྱི་རྣམ་པར་ཤར་བ་ལོངས་སྤྱོད་རྫོགས་པའི་སྐུ་དང་། ལྷ་སྐུ་བདེ་བ་ཆེན་པོའི་རྣམ་པར་སྣང་ཙམ་དེ་ཉིད་སྐྱེ་འགག་གནས་གསུམ་ཐམས་ཅད་དང་བྲལ་བ་ཆོས་ཀྱི་སྐུ་དང་། །དེ་གསུམ་ལྡོག་ཚུལ་ཐ་དད་ཀྱང་རང་བཞིན་སོ་སོར་དབྱེར་མི་ཕྱེད་པ་ངོ་བོ་ཉིད་ཀྱི་སྐུ་སྟེ། མདོར་ན་སེམས་ཀྱི་གཤིས་ཅིར་ཡང་མ་ཡིན་པ། །གདངས་བདེ་ཆེན་དུ་མ་འགགས་པ། རྩལ་སྣ་ཚོགས་སུ་འཆར་བ། བསྒོམ་བྱ་སྒོམ་བྱེད་ཐམས་ཅད་ལས་འདས་པ་ནམ་མཁའ་ལྟ་བུར་ཤེས་པར་བྱས་ལ་ནམ་མཁའ་དང་ནམ་མཁའ་རོ་གཅིག་པ་ལྟར། སེམས་དང་བདེ་སྟོང་རོ་གཅིག་པའི་ངང་ལ་འཛིན་མེད་དུ་ཁོང་ལྷོད་ཀྱིས་གློད་དེ་མཉམ་པར་བཞག །མཐར་ༀ་ཨཿཧཱུྃ་གིས་མིག་རས་ཕྱེ་ལ། མཆོག་ཏུ་གསང་བའི་དཀྱིལ་འཁོར་འདིར། །བཙུད་པ་དང་ནི་མཐོང་བ་
― LT14_Page_119B ―
[མ་དཔེ་གཟིགས་ན་འདིར་གནོན།]
ཡིས། །དེ་རིང་སྡིག་ལས་རྣམ་གྲོལ་འགྱུར། །དེ་རིང་ཁྱེད་རྣམས་བདེ་བར་གནས། །བདེ་ཆེན་ཐེག་པ་འདི་ལ་ནི། །ཕྱིན་ཆད་འཆི་བ་ཡོད་མ་ཡིན། །མི་ཐུབ་པ་དང་མི་འཆི་བས། །ཅིས་ཀྱང་མ་འཇིགས་དགའ་བར་གྱིས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་རྣམས་ལས་བཏོན། །ཞེས་བརྗོད་དེ། དོན་ཡིད་ལ་དྲན་པའི་སྒོ་ནས་གཟེངས་བསྟོད་དོ། །དེ་ལྟར་ན་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་དབང་བཞི་པ་ཐོབ། ལུས་ངག་ཡིད་གསུམ་ཆར་གྱི་དྲི་མ་བག་ཆགས་དང་བཅས་པ་དག །དམ་ཚིག་དགོངས་ཏེ་གསུངས་པའི་དམ་ཚིག་བསྲུང་བ་ལ་དབང་། བརྡ་མཛུབ་མོ་ནམ་མཁའ་མཚོན་པ། ལམ་རྡོ་རྗེའི་རྦ་རླབས་བསྒོམ་པ་ལ་དབང་། འབྲས་བུ་ངོ་བོ་ཉིད་སྐུའི་ས་བོན་རྒྱུད་ལ་བཞག་པ་ཡིན་ནོ་ཞེས་རྟོགས་པ་བསྐྱེད་ལ། གནས་སྐབས་དེ་དག་ཏུ་ཐོབ་པའི་དམ་ཚིག་ལ་བསྲུང་སྡོམ་བགྱིང་སྙམ་པས། །གཙོ་བོས་ཇི་ལྟར་སོགས་ལན་གསུམ་དང་།དབང་ཡོངས་སུ་རྫོགས་པར་ཐོབ་པའི་གཏོང་རག་ཏུ་མཎྜལ་རྒྱས་པ་ཕུལ་ཏེ། ལུས་དང་ལོངས་སྤྱོད་ཐམས་ཅད་ཀྱང་འབུལ་ན་ཆ་ཤས་ནས་ལོངས་སྤྱད་དུ་གསོལ་སྙམ་པས། དེང་ནས་བརྩམས་ཏེ་སོགས་ལན་གསུམ་བརྗོད། །དེ་ནས་དམ་ཚིག་གསུམ་གྱི་གླུ་བླང་བ་ནི། །གང་དུ་དབང་བསྐུར་བའི་དཀྱིལ་འཁོར་དང་། །གང་གིས་དབང་སྐུར་བའི་སློབ་དཔོན་དང་། གང་ལ་བསྐུར་བའི་སློབ་མ་སྟེ། འཁོར་གསུམ་ཀ་སྣང་ལ་རང་བཞིན་མེད་པ་སྐྱེ་མེད་བདེ་བ་ཆེན་པོའི་རང་བཞིན་ལས་མ་འདས་པ་དེའི་མཐུས་བདག་གིས་ཀྱང་དེ་ལྟར་རྟོགས་པར་གྱུར་ཅིག་སྙམ་པས། །ཚིགས་བཅད་རེ་རེའི་མཚམས་སུ་རྡོ་རྗེ་གསོལ། དྲིལ་བུ་བཅད་གཏུབས་སུ་བཀྲོལ་ཏེ། །ༀ་ནམ་མཁའ་སྐྱེ་བ་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །ཀྱེ་ཡི་རྡོ་རྗེ་བདག་འགྲུབ་མཛོད། །ཀུན་མཆོག་དངོས་གྲུབ་ཆེན་པོ་སྟེ། །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་པ་ཀུན་གྱི་རྒྱལ། །མི་འགྱུར་མཆོག་ཏུ་བདག་གྲུབ་མཛོད། །
― LT14_Page_120A ―
[མ་དཔེ་གཟིགས་ན་འདིར་གནོན།]
ཉེས་པ་མི་མངའ་རྟག་པ་སྟེ། །འདོད་ཆགས་ཀུན་གྱི་རྗེས་སུ་ཆགས། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་དེ་ཉིད་ཀྱིས་གྲུབ་མཛོད། །ཤིན་ཏུ་དག་པ་ཀུན་གྱི་མཆོག །གདོད་ནས་གྲོལ་བ་དེ་བཞིན་གཤེགས། །ཀུན་ཏུ་བཟང་པོ་ཀུན་བདག་ཉིད། །བྱང་ཆུབ་སེམས་སུ་བདག་སྒྲུབ་མཛོད། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་ཕྱག་རྒྱའི་མཆོག །གྲུབ་པའི་རྡོ་རྗེ་ཆེར་བསྟོད་པ། །རྡོ་རྗེ་སྙེམས་བདག་བདག་སྒྲུབ་མཛོད། །སེམས་ཅན་ཀུན་གྱི་ཡིད་ཁྱབ་པ། །སེམས་ཅན་ཀུན་གྱི་ཡིད་ལ་ཞུགས། །སེམས་ཅན་ཀུན་གྱི་ཡབ་གྱུར་ཉིད། །འདོད་ཆགས་མཉམ་པའི་དམ་ཚིག་མཆོག །ཅེས་ལན་གཅིག་དང་། དཀྱིལ་འཁོར་གྱི་འཁོར་ལོ་གཟུགས་བརྙན་གྱི་ཚུལ་དུ་སྣང་བ་ཡང་ཆོས་སྐུ་སྟོང་པ་དང་སྙིང་རྗེ་གཉིས་སུ་མེད་པ་ལས་བྱུང་བའི་བྱིན་རླབས་དང་། སློབ་དཔོན་གྱིས་ཀྱང་དེ་ལྟར་རྟོགས་པའི་བྱིན་རླབས་ཀྱིས། །སློབ་མ་རྣམས་ཀྱིས་ཀྱང་མཚན་མ་ཙམ་མ་ཡིན་པར་སྣང་ལ་རང་བཞིན་མེད་པར་གཟུགས་ཀྱི་སྐུར་མཐོང་བར་གྱུར་ཅིག་སྙམ་པས། ཤེས་རབ་ཐབས་བདག་དཀྱིལ་འཁོར་གྱི། །བདེན་པའི་བྱིན་རླབས་གང་ཡིན་པ། །བདེན་པ་དེ་ཡིས་མགོན་བདག་ལ། །ཁྱོད་ཀྱི་འདོད་པ་རབ་རྫོགས་མཛོད། །ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་འབྱུང་། །དེ་བཞིན་དེ་ཉིད་ངེས་པར་འབྱུང་། །བདེན་པ་དེ་ཡིས་དཀྱིལ་འཁོར་ནི། །གཟུགས་བརྙན་གསལ་བར་སློབ་མ་རྣམས། །ཀུན་གྱིས་དྲི་མེད་མཐོང་བར་ཤོག །ཅེས་བདེན་སྟོབས་བརྗོད་དོ། །སྐབས་འདིར་གཏོར་མ་རྣམས་ནང་མཆོད་ཆུ་ཆང་གིས་བྲན་ལ། སྔར་སྟ་གོན་གྱི་སྐབས་སུ་བཤད་པ་ལྟར་གྱི་ཆོ་གས་འཇིག་རྟེན་དང་འཇིག་རྟེན་ལས་འདས་པའི་གཏོར་མ་རྣམས་དབུལ་བའོ། །སློབ་མ་གཞུག་ཅིང་དབང་བསྐུར་ནི། །ལྷག་གནས་བྱས་པའི་སློབ་མ་རྣམས། །ཁྲུས་བྱས་གྲལ་རིམ་བཞིན་དུ་དགོད། །
― LT14_Page_120B ―
[མ་དཔེ་གཟིགས་ན་འདིར་གནོན།]
མཎྜལ་ཕུལ་ལ་གསོལ་བ་གདབ། །སྤོམ་པ་བསྒྲག་གཟུང་རིམ་བཞིན་བྱ། །གདོང་བཅིང་མེ་ཏོག་ཕྲེང་བ་གཏད། །འཁྱིལ་བས་བསངས་ཏེ་དྲིས་ལན་བྱ། །ནང་གི་སེམས་བསྐྱེད་གསང་བར་གདམས། །དཀྱིལ་འཁོར་ནང་བཅུག་དམ་ལ་བཞག །མཎྜལ་ཕུལ་ཏེ་གསོལ་བ་གདབ། །ཡེ་ཤེས་དབབ་ཅིང་བརྟན་པར་བྱ། །གསོལ་གདབ་ཁ་དོག་དྲིས་ལ་བསྟོད། །མེ་ཏོག་དབུལ་ཞིང་མིག་རས་དབྱེ། །དཀྱིལ་འཁོར་བསྟན་པ་འཇུག་པའོ། །དབང་ལ་ཡོན་འབུལ་གསོལ་བ་གདབ། །ལྷར་བསྐྱེད་བྱུང་བསལ་ཤིས་པ་བརྗོད། །ཆུ་དང་ཅོད་པན་རྡོ་རྗེ་དང་། །དྲིལ་བུ་མིང་དང་བརྟུལ་ཞུགས་དང་། །སློབ་དཔོན་དབང་བསྐུར་རྣམ་དག་བསྟན། །རྗེས་གནང་གསང་དབང་ལུང་བསྟན་བྱ། །ཤེས་རབ་ཡེ་ཤེས་དབུགས་དབྱུང་དང་། །བཞི་པ་གཟེངས་བསྟོད་པར་བཅས་སོགས། །མཚམས་སྦྱོར་བརྡ་སྤྲོད་དང་བཅས་ཏེ། །སྔ་མའི་རིགས་པས་ཤེས་པར་བྱ། །ཞེས་པ་ལྟར་རོ། །བརྒྱད་པ་མཇུག་གི་ཆོ་ག་ནི་མཆོད་པ་རྣམས་ཁ་གསོས་ལ། །བསང་སྦྱངས་བྱིན་གྱིས་བརླབས་ཏེ་ཕྱི་ནང་ཡིད་བྱུང་བསྟོད་པ་རྣམས་བྱ། ཡིག་བརྒྱ་ལན་གསུམ་དང་མ་འབྱོར་བ་དང་སོགས་ཀྱིས་ནོངས་པ་བཟོད་པར་གསོལ་ལ། རས་བྲིས་ཡིན་ན་ཕྱོགས་བཅུ་ན་བཞུགས་པའི་ཞེས་སོགས་ཀྱི་མཐར། ཁྱད་པར་དུ་ཡང་རས་བྲིས་ཀྱི་དཀྱིལ་འཁོར་ལ་བསྐྱེད་ཅིང་སྤྱན་དྲངས་པའི་ལྷ་ཚོགས་རྣམས་ཇི་སྲིད་འབྱུང་བ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ་ཞེས་སོགས་དང་། རྡུལ་ཚོན་གྱི་ཕྱོགས་ཡིན་ན། །གཤེགས་གསོལ་གྱི་ཉིན་མ་གཏོགས་པའི་ཉི་མ་སྔ་མ་རྣམས་ལ། གོང་གི་ཁྱད་པར་དུ་ཡང་ཞེས་པའི་རྗེས་སུ་རྡུལ་ཚོན་གྱི་དཀྱིལ་འཁོར་ལ་བསྐྱེད་ཅིང་སྤྱན་དྲངས་པའི་ལྷ་ཚོགས་རྣམས་ཇི་སྲིད་གཤེགས་གསོལ་གྱི་ཆོ་ག་མ་བྱས་བར་དུ་ཞེས་སོགས་བརྗོད་ལ། རྟེན་མེད་པའི་གཏོར་མགྲོན་གྱི་ཡེ་ཤེས་པ་གཤེགས་
― LT14_Page_121A ―
[མ་དཔེ་གཟིགས་ན་འདིར་གནོན།]
སུ་གསོལ་བ་དང་། །དམ་ཚིག་པ་བསྡུ་བ་སོགས་སྟ་གོན་གྱི་སྐབས་ལྟར་བྱའོ། །རྡུལ་ཚོན་གཤེགས་གསོལ་གྱི་ཉིན་རྗེས་ཆོག་གི་ཚེ། །བུམ་པ་རྣམས་ཁྱམས་ཀྱི་སྟེང་དུ་བཞག་ལ། །ཆོ་ག་གཞན་རྣམས་སྔ་མ་དང་འདྲ་བ་ལས། །མ་འབྱོར་པ་དང་ཐོགས་ཀྱི་རྗེས་སུ།བདག་ལས་དང་པོ་པའི་རྟེན་གྱི་གང་ཟག་ཏུ་གྱུར་པས་སོགས་ཀྱིས་ནོངས་པ་བཟོད་པར་གསོལ་ལ། གཏོར་མགྲོན་རྟེན་ཡོད་པ་རྣམས་ལ་བརྟན་བཞུགས་བྱས་ལ། །ༀ་ཁྱེད་ཀྱིས་སོགས་ཀྱི་མཐར། །མཐེབ་སྲིན་གྱི་སེ་གོལ་བྱས་ཏེ། བཛྲ་མུཿ རྟེན་ལ་མ་བརྟེན་པའི་གཏོར་མགྲོན་གྱི་ཡེ་ཤེས་པ་རྣམས་དང་། རྡུལ་ཚོན་གྱི་ཡེ་ཤེས་པ་དང་། བུམ་ནང་གི་ཡེ་ཤེས་པ་རྣམས་ཆོས་ཀྱི་དབྱིངས་སུ་གཤེགས། དམ་ཚིག་པ་རྣམས་ཛཿཧཱུྃ་བཾ་ཧོཿརང་ལ་གཉིས་སུ་མེད་པར་ཐིམ་ༀ་ཨཱཿཧཱུྃ་ཞེས་བརྗོད་དེ་ནས་རོལ་མོ་དང་བཅས་པས། ༀ་ཨ་ཀཱ་རོ་མུཿཁཾ་སརྦ་དྷརྨ་ཎཱཾ་ཨཱདྱ་ནུཏྟནྣ་ཏྭ་ཏ་ཅེས་དང་། ༀ་གི་ལི་གི་ལི་ཧཱུྃ་ཛཿཞེས་བརྗོད་ཅིང་དེ་ཁོ་ན་ཉིད་དྲན་པས་རྡོ་རྗེའི་རྩེས་དབང་ལྡན་གྱི་རྩིག་པ་དང་པོར་གཤིགས། དེ་ནས་གཡས་སྐོར་གྱི་རིམ་པས་ཅི་བདེ་བར་གཤེགས་སུ་གསོལ། རྡུལ་ཚོན་འདོད་པ་ཡོད་ན་ལྷའི་མཚན་མ་ནས་བླངས་ལ་སྦྱིན། གཞན་རྣམས་མཐའ་ནས་རིམ་པས་བསྡུས་ཏེ། ཟ་མ་ཏོག་ལ་སོགས་པར་བླུགས་ལ་རྡུལ་ཚོན་ཆུ་བོར་སྤྱན་དྲངས་པའི་ཆོ་གའམ། དེ་ཙམ་མི་ནུས་ན་བཀུར་སྟི་ཆེན་པོས་རྒྱ་མཚོར་འབབ་པའི་ཆུ་ཀླུང་ངམ་ཁྲོན་པ་ལ་སོགས་པར་གཤེགས་སུ་གསོལ་ལ། ཐིག་རྗེས་མ་རྣམས་དྲི་ཞིམ་པོའི་ཆུས་མཐའ་ནས་རིམ་པ་བཞིན་ཕྱིས་ཏེ་རྗེས་མི་མངོན་པར་བྱས་ལ། གྲུབ་ན་སྐབས་འདིར་ཞི་བའི་སྦྱིན་སྲེག་བྱ་ཞིང་། ཕྱོགས་ཀུན་ཏུ་མེ་ཏོག་གི་སིལ་མས་གཏོར་ཏེ་བཀྲ་ཤིས་ཀྱི་གླུ་དང་། རོལ་མོའི་སྒྲ་སྣ་ཚོགས་དང་། ཚོགས་ཀྱི་འཁོར་ལོའམ་དཔའ་བོའི་སྟོན་མོ་ལ་སོགས་པས་དགའ་སྟོན་རྒྱ་ཆེན་པོ་བྱས་ནས་ཆོས་དང་མཐུན་པའི་སྤྱོད་པས་གནས་པར་བྱའོ། །དེ་ལྟར་དགེས་
― LT14_Page_121B ―
[མ་དཔེ་གཟིགས་ན་འདིར་གནོན།]
པ་རྡོ་རྗེ་ཡི། །དཀྱིལ་འཁོར་སྒྲུབ་ཅིང་མཆོད་པ་དང་། །དབང་བསྐུར་ལམ་དུ་བྱེད་པའི་ཐབས། །འདི་ནི་དབང་ཆུ་མཛེས་རྒྱན་ཡིན། །བློ་དམན་རྣམས་ལ་ཕན་པའི་ཕྱིར། །བདག་ཉིད་འཇུག་པ་གཙོར་བྱས་མོད། །ལེགས་པར་བརྟགས་ན་དབང་ཆོག་ཀྱང་། །བདེ་བླག་ཉིད་དུ་ཤེས་པར་འགྱུར། །ཚིག་ཉུང་གཟུང་བདེ་དགོས་པ་ཚང་། །རྒྱས་འབྲིང་བསྡུས་པའི་རྣམ་དབྱེ་ཕྱེད། །མཁས་རྨོངས་ཀུན་གྱི་རྣར་སྙན་པ། །འདི་འདྲ་གང་གིས་ཤེས་དེ་མཁས། །གོང་མའི་ལེགས་བཤད་ལ་བརྟེན་ཞིང་། །དམ་པའི་ཕྱག་བཞེས་མང་མཐོང་ཡང་། །ནོངས་གྱུར་མཆིས་ན་འཕགས་རྣམས་ལ། །སྒོ་གསུམ་སྡིག་དང་ལྷན་ཅིག་བཤགས། །ལེགས་པར་འབད་པ་ལས་བྱུང་བའི། །དགེ་དེས་མཐའ་ཡས་འགྲོ་བ་ཀུན། །གསང་ཆེན་ལམ་བཟང་མཐར་ཕྱིན་ནས། །རྒྱལ་བའི་ཕྲིན་ལས་ཀུན་སྒྲུབས་ཤོག །ཅེས་དབང་གི་ཆུ་བོ་ཆེན་མོ་ལག་ཏུ་བླང་བའི་རིམ་པར་ཕྱེ་བ་འདི་ནི། ཁྱབ་བདག་འཁོར་ལོའ་མགོན་པོ་དང་དབྱེར་མ་མཆིས་པ་འདྲེན་མཆོག་རཏྣ་ཝརྡྷའི་ཞལ་སྔ་ནས་གཙོ་བོར་སྨོས་པའི་ཡོངས་འཛིན་ཆོས་བཞིན་དུ་སྤྱོད་པ་མང་པོའི་ཞབས་ཀྱི་རྡུལ་ཕྲེང་རྙོག་པ་མེད་པ་སྤྱི་བོས་བླངས་པ་ལ་བརྟེན་ནས། རྡོ་རྗེ་འཆང་གཉིས་པ་རྗེ་བཙུན་ས་སྐྱ་པ་ཡབ་སྲས་ཀྱི་གསུང་རབ་རིན་པོ་ཆེ་རྣམས་ཀྱི་ཚིག་དོན་ལ་ཤེས་ནས་དད་པ་ཐོབ་པའི་བཙུན་པ་དཀོན་མཆོག་ལྷུན་གྲུབ་ཀྱིས། བློ་གསལ་དོན་གཉེར་ཅན་མང་པོས་བསྐུལ་བའི་ངོར་དགེ་བྱེད་ཅེས་པ་ཆུ་ཕོ་སྟག་གི་ལོ་སྣྲོན་གྱི་ཟླ་བའི་ཉེར་ལྔའི་ཉིན། དཔལ་ཨེ་ཝཾ་ཆོས་ལྡན་གྱི་རི་ཁྲོད་དུ་སྦྱར་བའི་ཡི་གེ་པ་ནི། ལུང་རིགས་སྨྲ་བ་མགོན་པོ་རིན་ཆེན་དཔལ་བཟང་གིས་གུས་པས་བགྱིས་པའོ། །འདིའི་རྒྱབ་རྟེན་དུ་དབང་གི་ཆུ་བོ་ཆེན་མོ་ཡང་དང་ཡང་དུ་བལྟ་བར་གྱིས་ཤིག །སླར་ཡང་ཚིག་དོན་གྱི་ཆ་མི་བདེ་བ་རྣམས་རྩོམ་པ་པོ་དེ་ཉིད་ཀྱིས་ཅུང་ཟད་བཅོས་ཏེ་དག་པར་བྱས་སོ། །སརྦ་མངྒ་ལཾ།། །།དགེའོ། །དགེའོ།། །།
གདམས་ངག་མཛོད་པོད་ལྔ་པ།
དཔལ་ཀྱཻ་རྡོ་རྗེ་མན་ངག་ལུགས་ཀྱི་དབང་ཆོག་ལུང་དང་མན་ངག་གི་སྙིང་པོ་བསྡུས་པ།
― LT14_Page_122A ―
[མ་དཔེ་གཟིགས་ན་འདིར་གནོན།]
དཔལ་ཀྱཻ་རྡོ་རྗེ་མན་ངག་ལུགས་ཀྱི་དབང་ཆོག་ལུང་དང་མན་ངག་གི་སྙིང་པོ་བསྡུས་པ་ཞེས་བྱ་བ་བཞུགས་སོ།། །།
― LT14_Page_122B ―
[མ་དཔེ་གཟིགས་ན་འདིར་གནོན།]
ན་མཿཤྲཱི་ཙཀྲ་ནཱ་ཐ་རཏྣ་ཝརྦྷ་ཡ། །བདེ་སྟོང་ཆེ་ལས་མ་གཡོས་ཀྱང་། །ངོ་མཚར་གཟུགས་སྐུའི་རྣམ་འཕྲུལ་གྱིས། །མཐའ་ཡས་གདུལ་བྱ་སྨིན་མཛད་པའི། །བླ་མ་ཀྱཻ་ལི་རྡོ་རྗེར་འདུད། །དེ་ཡི་དཀྱིལ་འཁོར་ཆེན་པོར། །སློབ་མ་གཞུག་ཅིང་དབང་བསྐུར་བའི། །ཆོ་གའི་མཚམས་སྦྱོར་བརྡ་སྤྲོད་ཀྱི། །རྣམ་དབྱེ་མདོར་བསྡུས་བཤད་ཀྱིས་ཉོན། །སྡོམ་ནི། །ཕན་ཡོན་ཉེས་དམིགས་ལེགས་ཤེས་པའི། །མཚན་ལྡན་སློབ་དཔོན་སློབ་མ་ཡིས། །དུས་གནས་དཀྱིལ་འཁོར་ངེས་བྱས་ཏེ། །ངེས་ཚིག་ལྡན་པའི་ཆོ་ག་རྩམ། །དཔལ་ཀྱཻ་རྡོ་རྗེའི་དཀྱིལ་འཁོར་དུ་དབང་བསྐུར་བ་དོན་དུ་གཉེར་བའི་སློབ་མ་རྣམས་ཁྲུས་བྱས་ཏེ། ཕྱག་དང་ཡོན་ཕུལ་ནས་རྒན་རིམ་བཞིན་འཁོད་པ་ལ། ལས་ཀྱི་སློབ་མས་མེ་ཏོག་བགྱེ་བསྡུ་བྱས་ལ། སློབ་དཔོན་གྱིས། ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་རྡོ་རྗེ་ཐེག་པའི་ལམ་གྱི་རྩ་བ་མངོན་པར་དབང་བསྐུར་བ་ཟབ་མོ་གསན་ལ་དམ་ཚིག་དང་སྡོམ་པ་ལ་སྲུང་སྡོམ་བགྱི་སྙམ་པས་བྱང་ཆུབ་ཀྱི་མཆོག་ཏུ་ཐུགས་བསྐྱེད་པ་དང་། ཆོས་གསན་པའི་ཀུན་ཏུ་སྤྱོད་པ་ཡང་ཐེག་པ་ཆེན་པོའི་གཞུང་ལུགས་དྲི་མ་མེད་པ་རྣམས་ནས་ཇི་ལྟར་བྱུང་བ་བཞིན་གསལ་བཏབ་ནས་གསན་འཚལ། དེ་ལ་
― LT14_Page_123A ―
[མ་དཔེ་གཟིགས་ན་འདིར་གནོན།]
ཡང་དག་པར་རྫོགས་པའི་སངས་རྒྱས་ཀྱིས་གདུལ་བྱ་རྣམས་ཀྱི་བསམ་པ་དང་མཐུན་པར་དམ་པའི་ཆོས་ཀྱི་བདུད་རྩི་བསམ་གྱིས་མི་ཁྱབ་པ་ཞིག་གསུངས་པ་ལས། །འདིར་ཐེག་པ་ཆེན་པོ་ཕ་རོལ་ཏུ་ཕྱིན་པའི་ཐེག་པ་ལས་ཀྱང་ཁྱད་ཆོས་བཞིས་ཁྱད་པར་དུ་འཕགས་པ་སྔགས་ཀྱི་ཐེག་པ་ཡིན། དེ་ལ་རྒྱུད་སྡེ་ཆེན་པོ་བཞི་ལས། རྣལ་འབྱོར་བླ་ན་མེད་པའི་རྒྱུད་ཡིན། དེ་ལའང་ཐབས་ཀྱི་རྒྱུད་དང་། ཤེས་རབ་ཀྱི་རྒྱུད་དང་། གཉིས་སུ་མེད་པའི་རྒྱུད་དང་རྣམ་པ་གསུམ་ལས། འདི་གཉིས་སུ་མེད་པའི་རྒྱུད་ཀྱི་རྒྱལ་པོ་དཔལ་ཀྱཻ་རྡོ་རྗེའི་རྩ་བ་དང་བཤད་པའི་རྒྱུད་རྣམས་ཀྱི་རྗེས་སུ་འབྲང་ནས་རྣལ་འབྱོར་གྱི་དབང་ཕྱུག་ཆེན་པོ་བིར་ཝ་པའི་ཞལ་སྔ་ནས་བཀྲལ་བའི་སྙིང་པོ་ཀྱཻ་རྡོ་རྗེའི་དཀྱིལ་འཁོར་ཆེན་པོར་དབང་བསྐུར་བསྒྲུབ་པར་བགྱི། དེ་ལ་སྤྱིར་དབང་བསྐུར་བ་ཐོབ་པའི་ཕན་ཡོན་ནི། གང་ཟག་དབང་པོ་ཡང་རབ་རྣམས་དབང་རྗེས་དེ་མ་ཐག་གྲོལ་བར་འགྱུར་ལ། གང་ཟག་མཆོག་མ་ཡིན་པས་ཀྱང་དབང་ཉིད་རྟག་ཏུ་གོམས་པར་བྱས་ན་ལམ་གཞན་མ་བསྒོམས་ཀྱང་སྐྱེ་བ་
― LT14_Page_123B ―
[མ་དཔེ་གཟིགས་ན་འདིར་གནོན།]
བདུན་ནས་མཆོག་གི་དངོས་གྲུབ་འགྲུབ་པར་གསུངས་ཤིང་། དབང་ཐོབ་ནས་རྩ་བའི་ལྟུང་བས་མ་གོས་ན་སྐྱེ་བ་བཅུ་དྲུག་ནས་འགྲུབ་པར་གསུངས་པ་དང་། དབང་གིས་གྲོལ་བར་མ་ནུས་པའི་གང་ཟག་གཞན་རྣམས་ལ་གྲོལ་བྱེད་ཀྱི་ལམ་སྟོན་པའི་སྣོད་རུང་དུ་བྱེད་པའི་ཐབས་ཀྱང་དབང་ཉིད་ཡིན་པར་གསུངས་པས་ན། དབང་བསྐུར་བ་རྡོ་རྗེ་ཐེག་པའི་ལམ་གྱི་རྩ་བར་གྲུབ་པའི་ཕྱིར་དང་། དབང་བསྐུར་བས་ཚེ་རབས་མང་པོའི་སྡིག་པ་འདག་ཅིང་དངོས་གྲུབ་ཐམས་ཅད་དབང་བསྐུར་བ་ལ་བརྟེན་ནས་འབྱུང་བར་གསུངས་པའི་ཕྱིར། ཡོན་ཏན་ཐམས་ཅད་ཀྱི་འབྱུང་ཁུངས་སུ་གྱུར་པའི་དབང་ལེན་པ་ལ་ཤིན་ཏུ་སྤྲོ་བར་མཛོད་ཅིག །དེ་ལྟར་དབང་ཐོབ་པའི་ཕན་ཡོན་ངེས་པར་བྱས་ནས་ཕན་ཡོན་ཅན་གྱི་དབང་དེ་མ་ཐོབ་པའི་ཉེས་དམིགས་ནི། གལ་ཏེ་དབང་མ་ཐོབ་ཀྱང་ལམ་ལ་འབད་པར་བྱས་ན་འབྲས་བུ་འཐོབ་པར་འགྱུར་རམ་སྙམ་ན། དེ་ལྟ་བུ་ནི་སངས་རྒྱས་ཀྱིས་གསུངས་པ་མ་ཡིན་ཏེ། དབང་མ་ཐོབ་པར་རྒྱུད་འཆད་པ་དང་བསྐྱེད་རྫོགས་ཀྱི་དོན་བསྒོམས་ཀྱང་དངོས་གྲུབ་མི་ཐོབ་ཅིང་། འཇིག་རྟེན་པའི་དངོས་གྲུབ་ཕྲ་མོ་ཙམ་ཐོབ་སྲིད་ཀྱང་ཕྱི་མ་ངན་སོང་དུ་འགྲོ་བར་གསུངས་པའི་ཕྱིར་རོ། །རྡོ་རྗེ་ཐེག་པའི་ལམ་ལ་བརྟེན་ནས་རང་གཞན་གྱི་དོན་སྒྲུབ་པར་འདོད་པའི་བློ་གྲོས་ཅན་དག་གིས་དབང་ལ་ཤིན་ཏུ་གུས་པར་བྱ་དགོས་པ་ཡིན། དེ་ལྟར་ཐོབ་ན་ཕན་ཡོན་དང་མ་ཐོབ་ན་ཉེས་དམིགས་ཡོད་པའི་དབང་དེ་གང་གིས་སྐུར་བར་བྱེད་པ་ལ། སློབ་དཔོན་གྱི་མཚན་ཉིད་ནི་མདོར་བསྡུ་ན། སྔགས་དང་རྒྱུད་དང་མན་ངག་ཤེས། །ཆོ་གའི་ལས་ལ་རབ་ཏུ་མཁས། །སྙིང་རྗེས་སློབ་མ་རབ་འཛིན་པ། །དབང་བསྐུར་བ་ཡི་སློབ་དཔོན་མཆོག །ཅེས་གསུངས་པ་ལྟར་གྱི་
― LT14_Page_124A ―
[མ་དཔེ་གཟིགས་ན་འདིར་གནོན།]
མཚན་ཉིད་ཚང་བ་ཞིག་ཅིས་ཀྱང་དགོས་པ་ཡིན། །གང་ལ་བསྐུར་བ་སློབ་མའི་མཚན་ཉིད་ནི། །དད་དང་སྙིང་རྗེས་སེམས་རབ་དུལ། །རྣམ་རྟོག་ཉུང་ཞིང་བློ་དང་ལྡན། །སྔགས་ཀྱི་ལམ་མཆོག་དོན་གཉེར་བ། །མཐུན་ཞིང་གྲངས་དང་ལྡན་པ་བཟུང་། །ཞེས་པ་ལྟར་གྱི་མཚན་ཉིད་དང་ལྡན་པའི་སློབ་མ་ནང་གཤིན་པ་གཅིག་ནས་ཉེར་ལྔའི་བར་གྲངས་ཁ་ཡར་བ་རེ་ཕྱག་ལེན་ལ་མཛད་པ་ལགས། དེ་ལྟར་སློབ་དཔོན་དང་སློབ་མའི་མཚན་ཉིད་ངེས་པར་བྱས་ནས། གང་གི་ཚེ་བསྐུར་བའི་དུས་ནི། གཟའ་སྐར་དང་སྦྱོར་བྱེད་བཟང་པོ་འཛོམ་པའི་ཡར་གྱི་ངོའམ། དེ་རྣམས་ལྷག་པར་འཛོམ་ན་མར་གྱི་ངོ་ལའང་ཉེས་པ་མེད་པར་བཤད་པ་ལགས། གང་དུ་དབང་བསྐུར་བའི་གནས་ནི། ས་ཕྱོགས་ཆོས་ལྡན་གྱི་རྒྱལ་པོས་སྐྱོང་ཞིང་ཕྱི་ནང་གི་ཉེར་འཚེ་མེད་པ། ཁྱད་པར་དུ་རང་ངམ་བླ་མ་གོང་མས་སའི་ཆོ་ག་ཚུལ་བཞིན་དུ་བྱས་ཤིང་། སྣོད་དང་མི་ལྡན་པའི་སྐྱེ་བོས་དབེན་པ་ཞིག་ཅིས་ཀྱང་དགོས་པ་ལགས། །གང་ལ་བརྟེན་ནས་དབང་བསྐུར་བའི་དཀྱིལ་འཁོར་ལ། མཚོན་པར་བྱ་བ་ངེས་དོན་དོན་དམ་པའི་དཀྱིལ་འཁོར་ནི། སྙིང་པོ་བདེ་བ་ཆེན་པོ་ལེན་ཅིང་འཛིན་པར་བཤད་ལ། དེ་ཉིད་མཚོན་པར་བྱེད་པའི་དྲང་དོན་ཀུན་རྫོབ་པའི་དཀྱིལ་འཁོར་ལ་གྲུབ་ཆེན་སོ་སོས་བཀྲལ་བའི་དཀྱིལ་འཁོར་གྱི་རྣམ་གཞག་མང་དུ་བཤད་ཀྱང་། མདོར་བསྡུ་ན། རྡུལ་ཚོན། རས་བྲིས། ལུས་དཀྱིལ་ཏེ་གསུམ་མམ། ཏིང་ངེ་འཛིན་གྱི་དཀྱིལ་འཁོར་ཏེ་བཞི་ལས། དེང་སང་གི་གང་ཟག་ཕལ་ཆེར་སྨིན་བྱེད་དུ་རུང་བའི་དཀྱིལ་འཁོར་ནི་རྡུལ་ཚོན་དང་རས་བྲིས་ཉིད་གཙོ་ཆེར་གསུངས་པ་ཡིན་ལ། གང་ཞིག་བསྐུར་བ་དབང་གི་ངེས་ཚིག་ནི། གཏོར་ཞིང་བླུགས་པ་སྟེ་དབང་བཞི་པོ་རིམ་པ་བཞིན་སྤྱི་བོ་དང་། ལྕེ་
― LT14_Page_124B ―
[མ་དཔེ་གཟིགས་ན་འདིར་གནོན།]
དང་། དབང་གི་གནས་དང་། རླུང་སེམས་ལ་གཏོར་ཞིང་བླུགས་པ་ལ་བརྟེན་ནས། སྐུ་བཞིའི་མྱུ་གུ་འབྱུང་བས་ན་དབང་ཞེས་བྱ་བ་ཡིན། ཇི་ལྟར་བསྐུར་བའི་ཆོ་ག་ལ་ལམ་ལ་སྦྱོར་བས་བྱེད་པ་རྒྱུའི་དབང་། ཀུན་ནས་གོམས་པར་བྱེད་པ་ལམ་གྱི་དབང་། མི་འཕྲོག་པ་ལ་སྦྱོར་བར་བྱེད་པ་འབྲས་བུའི་དབང་སྟེ། གནས་སྐབས་ཀྱི་སྒོ་ནས་གསུམ་དུ་གསུངས་ཀྱང་། གང་ཟག་གི་སྒོ་ནས་དུ་མ་ཞིག་ཏུ་འགྱུར་བ་ལས། འདིར་སྨིན་བྱེད་ཀྱི་ཆོ་ག་དང་མཐུན་པར་འཆད་པ་ལགས། དེ་བས་ན་རྒྱུད་སྡེའི་དགོངས་པ་གྲུབ་པའི་བླ་མ་བརྒྱུད་པ་ལས་རིམ་པར་འོངས་པའི་ཉམས་ལེན་གྱི་རིམ་པ་ལ་དབང་གི་མངོན་པར་རྟོགས་པ་བདུན་ནམ་བརྒྱད་དང་ལྡན་པའི་སྒོ་ནས་རྡུལ་ཚོན་གྱི་དཀྱིལ་འཁོར་དུ་མངོན་པར་དབང་བསྐུར་བའི་ཚུལ་དང་། སྟ་གོན་དང་དངོས་གཞི་གཉིས་ཀྱི་སྒོ་ནས་རས་བྲིས་ཀྱི་དཀྱིལ་འཁོར་དུ་དབང་བསྐུར་བའི་ཚུལ་གཉིས་ལས། རྡུལ་ཚོན་ལྟར་ན་བཞི་པ་སྟ་གོན་དུ་གནས་པའི་ཆོ་གའམ། རས་བྲིས་ལྟར་ན་ནུབ་དང་པོ་སྟ་གོན་གྱི་སྐབས་སུ་བབས་པ་ཡིན། དེ་ལ་སའི་ལྷ་མོ་སྟ་གོན་དང་། ལྷ་དང་བུམ་པ་ལྷག་གནས་ཏེ། ལྷག་གནས་དང་པོ་གསུམ་ཁོ་བོས་བགྱིས་ཟིན་ནས། སློབ་མ་ལྷག་གནས་ལ། ལུས་ཀྱི་བྱ་བ་ངེས་འབྱུང་བསྐྱེད། །ནང་དབང་བསྐུར་ལ་ཁྱད་དོན་ཞུ། །སྤྲོ་བ་བསྐྱེད་དེ་རྒྱུན་བཤགས་བྱ། །བསྲུང་བ་བྱས་ཏེ་མཆོད་པས་མཆོད། །སོ་ཤིང་དོར་ལ་ཁྱོར་ཆུ་བླུད། །སྲུང་སྐུད་བཏགས་ཏེ་ཀུ་ཤ་སྦྱིན། །ཟབ་མོའི་ཆོས་བཤད་རྨི་ལམ་བརྟག །ཅེས་པ་ལྟར་བཅུ་བཞི་ལས། ལུས་ཀྱི་བྱ་བ་ནི་བུས་བྱས་ཕྱག་དང་འཇུག་པའི་ཡོན་ཕུལ་ནས་རང་རང་གི་གྲལ་ལ་སྙིམས་པ་མེ་ཏོག་དང་བཅས་པས་གུས་པའི་སྒོ་ནས་འཁོད་དུ་གཞུག་ཅེས་འབྱུང་བས། སློབ་དཔོན་ལ་སངས་རྒྱས་ཐམས་ཅད་ཀྱི་ངོ་བོ་ཀྱི་རྡོ་རྗེ་དང་ཐ་མི་དད་སྙམ་པའི་
― LT14_Page_125A ―
[མ་དཔེ་གཟིགས་ན་འདིར་གནོན།]
མོས་གུས་དང་ལྡན་པས་སློབ་མ་སྟ་གོན་གྱི་ཆོས་རྣམས་ཞུ་བའི་ཡོན་དུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་མྱང་འདས་ཀྱི་བསམ་པ་བརྟན་པོར་བསྐྱེད་དུ་གཞུག་པ་ནི། སྔགས་ཀྱི་དངོས་གྲུབ་དོན་གཉེར་གང་། །དཀྱིལ་འཁོར་འདིར་ནི་གཞུག་པར་བྱ། །བསོད་ནམས་འདོད་པས་དེ་ལས་གཞན། །བདག་གཞན་འཇིག་རྟེན་ཕ་རོལ་གཉེར། །དད་པ་ཆེན་པོ་ལྡན་པ་དག །བློ་ལྡན་དཀྱིལ་འཁོར་གཞུག་བྱ་སྟེ། །འདི་ཡི་འབྲས་བུ་གཉེར་མི་བྱ། །གལ་ཏེ་འདི་འབྲས་དོན་གཉེར་ན། །འཇིག་རྟེན་ཕ་རོལ་འགྲུབ་མི་འགྱུར། །འཇིག་རྟེན་ཕ་རོལ་ལ་དམིགས་ན། །འབད་པ་མེད་པར་འདི་འབྲས་འགྲུབ། །ཅེས་གསུངས་ཏེ། སྔགས་ཀྱི་དངོས་གྲུབ་རྡོ་རྗེ་འཛིན་པའི་ཡེ་ཤེས་དོན་དུ་གཉེར་བ་དག་དཀྱིལ་འཁོར་ཆེན་པོར་གཞུག་པར་བྱའི། ཚེ་འདིའི་བདེ་སྐྱིད་དང་ཕྱི་མ་ལྷ་མིའི་གོ་འཕང་དང་། རང་དོན་དུ་ཉན་རང་གི་བྱང་ཆུབ་འདོད་པ་རྣམས་ནི་མ་ཡིན་ཏེ། དེ་དག་ནི་དཀྱིལ་འཁོར་དུ་འཇུག་པ་ལ་མ་ལྟོས་པར་ཐབས་དམན་པ་གཞན་ལ་བརྟེན་ནས་བསྒྲུབ་ཏུ་ཡོད་པའི་ཕྱིར་རོ། །དེ་བས་ན་བདག་གཞན་ཐམས་ཅད་སྲིད་ཞིའི་ཕ་རོལ་ཏུ་སོན་པའི་མི་གནས་པའི་མྱ་ངན་ལས་འདས་པ་དོན་དུ་གཉེར་བའི་དད་པ་ཅན་བློ་གྲོས་དང་ལྡན་པ་དག་དཀྱིལ་འཁོར་ཆེན་པོར་གཞུག་པར་བྱ་སྟེ། ཚེ་འདིའི་བདེ་འབྲས་དོན་དུ་གཉེར་བས་ཞུགས་ན་ཕ་རོལ་གྱི་དོན་མི་འགྲུབ་ཅིང་། གཞན་དོན་དུ་མི་གནས་པར་མྱ་ངན་ལས་འདས་པ་ཐམས་ཅད་མཁྱེན་པའི་སངས་རྒྱས་ལ་དམིགས་ཏེ་ཞུགས་ན་རང་གཞན་གཉིས་ཀའི་དོན་བདེ་བླག་ཏུ་འགྲུབ་པ་ཡིན། དེ་ལྟར་ངེས་པར་བྱས་ནས་བསམ་པ་འདི་བཞིན་མཛོད། ཁམས་གསུམ་འཁོར་བ་གང་དུ་གནས་ཀྱང་སྡུག་བསྔལ་དང་སྐྱོན་དང་ཉེས་དམིགས་ཀྱི་རང་བཞིན་ལས་མ་འདས་པ་ཡིན་ཏེ། དེ་རྣམས་ལ་སྡུག་བསྔལ་གྱི་རྣམ་པ་ཇི་ལྟ་བུ་ཡོད་ན།
― LT14_Page_125B ―
[མ་དཔེ་གཟིགས་ན་འདིར་གནོན།]
དམྱལ་བ་པ་རྣམས་ལ་ཚ་གྲང་གི་སྡུག་བསྔལ། ཡི་དྭགས་རྣམས་ལ་བཀྲེས་སྐོམ་གྱི་སྡུག་བསྔལ། དུད་འགྲོ་རྣམས་ལ་གཅིག་ལ་གཅིག་ཟ་བ་དང་གསོད་པ་དང་བཀོལ་སྤྱོད་ཀྱི་སྡུག་བསྔལ། མི་རྣམས་ལ་འདོད་པ་བཙལ་བས་མ་རྙེད་པ་དང་། མི་འདོད་པ་ཐོག་ཏུ་བབ་པའི་སྡུག་བསྔལ། ལྷ་མ་ཡིན་རྣམས་ལ་འཐབ་རྩོད་དང་ལུས་བཅད་ཅིང་དྲལ་བ་ལ་སོགས་པའི་སྡུག་བསྔལ། ལྷ་རྣམས་ལ་འཆི་འཕོ་བ་དང་། གོང་མ་ནས་འོག་མར་ལྷུང་ལྷུང་བ་དང་། མཐར་ངན་སོང་དུ་སྐྱེ་བར་ཤེས་པ་ན། དམྱལ་བའི་ལུས་ཀྱི་སྡུག་བསྔལ་ལས་ཀྱང་ཆེས་ཆེ་བའི་སེམས་ཀྱི་སྡུག་བསྔལ་ཡོད་པར་བཤད། འོ་ན་སྡུག་བསྔལ་དེ་ལས་རང་ཉིད་གཅིག་པུ་ཐར་པའི་ཉན་རང་གི་བྱང་ཆུབ་ཐོབ་པར་བྱ་དགོས་པ་ཡིན་ནམ་སྙམ་ན། ཉན་རང་གི་བྱང་ཆུབ་ནི་རང་དོན་དུ་སྤངས་རྟོགས་ཀྱི་ཡོན་ཏན་མ་རྫོགས་ཤིང་། གཞན་དོན་གྱི་ཕྲིན་ལས་རྒྱ་ཆེན་པོ་མི་འབྱུང་། མཐར་འཚང་རྒྱ་བ་ལ་ཡུན་རིང་དུ་བྱེད་པས་བློ་གྲོས་དང་ལྡན་པ་རྣམས་ཀྱིས་དོན་དུ་གཉེར་བྱའི་འབྲས་བུ་མ་ཡིན། འོ་ན་ཅི་ཞིག་དོན་དུ་གཉེར་བྱ་ཡིན་ན། ཤེས་རབ་ཆེན་པོས་འཁོར་བའི་མཐའ་ལ་མི་གནས་པས་ཁམས་གསུམ་གྱི་སྡུག་བསྔལ་ལས་འདས་ཤིང་། སྙིང་རྗེ་ཆེན་པོས་མྱ་ངན་ལས་འདས་པའི་མཐའ་ལ་མི་གནས་པས་སེམས་ཅན་གྱི་དོན་རྒྱུན་མི་འཆད་པར་འབྱུང་བ་མི་གནས་པའི་མྱ་ངན་ལས་འདས་པ་ཐམས་ཅད་མཁྱེན་པའི་སངས་རྒྱས་ཀྱི་གོ་འཕང་ཐོབ་པར་བྱ་དགོས་ཤིང་། དེའང་རང་ཉིད་གཅིག་པུའི་དོན་དུ་མ་ཡིན་ཏེ། ནམ་མཁའ་ལ་མཐའ་མེད་པ་བཞིན་དུ་སེམས་ཅན་ལ་མཐའ་མེད། མཐའ་མེད་པའི་སེམས་ཅན་རེ་རེས་ཀྱང་བདག་གི་ཕ་མ་བྱས་ཤིང་། བྱས་རེས་ཀྱིས་གནོད་པ་མཐའ་དག་ལས་བསྐྱབས་ཤིང་། ཕན་པ་ཚད་མེད་པ་བཏགས་པའི་དྲིན་ཅན་ཤ་སྟག་ཡིན་པ་ལ། འདི་རྣམས་འདོད་པ་ནི་བདེ་བ་འདོད་
― LT14_Page_126A ―
[མ་དཔེ་གཟིགས་ན་འདིར་གནོན།]
ཀྱང་ཐབས་ལ་མི་མཁས་པའི་དབང་གིས་ལ་ལ་ནི་སྡུག་བསྔལ་དངོས་ལ་ལོངས་སྤྱད། །ལ་ལ་ནི་སྡུག་བསྔལ་གྱི་རྒྱུ་མི་དགེ་བ་རྔམ་པོ་ཆེ་ལ་ལོངས་སྤྱོད། མ་རིག་པའི་ལིང་ཏོག་གིས་ནི་ལྡོངས། ཐར་པའི་རྟེན་གྱི་འཁར་བ་དང་ནི་བྲལ། །དགེ་བའི་བཤེས་གཉེན་གྱི་དམིགས་བུས་ནི་མ་ཟིན། མཐོ་རིས་དང་ཐར་པའི་ལམ་ནས་བརྡེག་འཆོས་ཤིང་། ངན་སོང་གསུམ་གྱི་གཡང་སར་འགྲིམས་པ་འདི་རྣམས་སྙིང་རེ་རྗེ་སྙམ་དུ་མོས་པ་མཛོད། སྙིང་རྗེའོ་བྱས་ནས་བཞག་པས་མི་ཕན་པས། འདི་རྣམས་སྡུག་བསྔལ་ལས་བསྒྲལ་བདེ་བ་ལ་འགོད་དགོས། དེའི་ནུས་པ་ད་ལྟ་བདག་ལ་མེད། བདག་ལས་ལྷག་པའི་ཚངས་པ་དང་བརྒྱ་བྱིན་དང་ཉན་ཐོས་དང་རང་སངས་རྒྱས་ལ་སོགས་པ་ལའང་མེད། སུ་ལ་ཡོད་ན་རྫོགས་པའི་སངས་རྒྱས་ཁོ་ན་ལ་ཡོད་པས། བདག་གིས་མ་རྒན་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་ཅི་ནས་ཀྱང་ཐོབ་པར་བྱ། དེ་ཡང་རྒྱུ་མེད་རྐྱེན་མེད་ལས་མི་ཐོབ་པས་རྒྱུ་རྐྱེན་གཙོ་བོ་རྡོ་རྗེ་ཐེག་པའི་ལམ་གྱི་རྩ་བ་དབང་བསྐུར་བ་ལེགས་པར་བླངས་ཏེ་དམ་ཚིག་དང་སྡོམ་པ་ལ་སྲུང་སྡོམ་བགྱིས་ཤིང་ལམ་ལ་ཅི་ནུས་སུ་འབད་པར་བགྱིའོ་སྙམ་པའི་བྱང་ཆུབ་ཀྱི་སེམས་དུང་པ་ཞིག་བསྐྱེད་འཚལ། བསམ་པ་དེ་ལྟ་བུས་ཀུན་ནས་བསླངས་པའི་སྒོ་གསུམ་གྱི་དགེ་བ་ཐམས་ཅད་སངས་རྒྱས་ཀྱི་རྒྱུར་འགྱུར་ཞིང་། ཚེ་འདིའི་བདེ་འབྲས་དང་། ཕྱི་མ་ལྷ་མིའི་གོ་འཕང་ལ་སོགས་པ་ཞར་འབྱུང་གི་ཚུལ་གྱིས་འགྲུབ་པ་ཡིན་ཏེ། དཔེར་ན་འབྲས་དཀར་མོ་ལོ་ལེགས་ན་རྩྭ་དང་ཕུབ་མ་ཞར་ལས་འབྱུང་བ་དང་འདྲ་བ་ལགས། ནང་གི་དབང་བསྐུར་བའི་སླད་དུ་དམིགས་པ་འདི་བཞིན་མཛོད། སློབ་དཔོན་དཔལ་ཀྱཻ་རྡོ་རྗེ་ཡབ་ཡུམ་དུ་གསལ་བའི་ཐུགས་ཀ་ནས་འོད་ཟེར་འཕྲོས་པས། ཁྱེད་རང་རྣམས་ཀྱི་ལུས་ལ་ཕོག་པས་ཚེ་ཐོག་
― LT14_Page_126B ―
[མ་དཔེ་གཟིགས་ན་འདིར་གནོན།]
མ་མང་པོ་ནས་བསགས་པའི་སྡིག་སྒྲིབ་ཐམས་ཅད་བསྲེགས་ཤིང་སྦྱངས་ཏེ་ལུས་འོད་ཀྱི་གོང་བུར་གྱུར། དེ་ཉིད་ལ་དམིགས་ཏེ་སློབ་དཔོན་གྱིས་ཧཱུྃ་ཞེས་བརྗོད་པའི་རྐྱེན་གྱིས་ཁྱེད་རྣམས་སློབ་དཔོན་གྱི་ཞལ་དུ་ཞུགས། །ཐུགས་ཀའི་ཧཱུྃ་གི་འོད་ཟེར་གྱིས་སླར་ཡང་སྦྱངས་ནས། སྐུའི་དབྱིབས་བརྒྱུད་དེ་ལྷ་མོའི་པདྨར་བབས་པ་ཁྱེད་རྣམས་སྐད་ཅིག་གིས་དཔལ་ཧེ་རུ་ཀ་ཕྱག་གཉིས་པའི་རྣམ་པ་ཅན་རེ་རེར་གྱུར། སླར་ཡང་སློབ་དཔོན་གྱི་ཐུགས་ཀའི་ཧཱུྃ་ལས་འོད་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་སྤྱན་དྲངས། ཡབ་ཀྱི་ཞལ་དུ་ཞུགས་སྐུའི་དབྱིབས་བརྒྱུད་དེ། ལྷ་མོའི་པདྨར་བབས་པ་ཁྱེད་རྣམས་ཧེ་རུ་ཀར་གསལ་བའི་སྤྱི་བོ་ནས་ཐིམ་པས་དབང་བསྐུར་བ་དང་ཡེ་ཤེས་པ་འདྲེས་པ་ལྷན་གཅིག་ཏུ་བྱུང་བའི་མོས་པ་མཛོད། སླར་ཡང་འོད་ཟེར་འཕྲོས་སློབ་དཔོན་གྱིས་ཧཱུྃ་ཞེས་བརྗོད་པའི་རྐྱེན་གྱིས་ཁྱེད་རང་རྣམས་ཧེ་རུ་ཀའི་ང་རྒྱལ་གྱིས་ཡུམ་གྱི་དཀུ་གཡོན་པ་ནས་འཐོན་ཏེ་རང་རང་གི་གྲལ་ལ་འཁོད་པའི་མོས་པ་མཛོད། དེ་ལྟར་བྱས་པའི་དགོས་པ་ནི་དབང་གི་དངོས་གཞི་མ་ཐོབ་ཀྱི་བར་གྱི་གསང་པའི་ཆོས་རྣམས་ཉན་པའི་སྣོད་རུང་དུ་བྱ་བ་དང་། དེ་དག་གི་སྐབས་སུ་སློབ་དཔོན་ལའང་གསང་སྒྲོགས་ཀྱི་ཉེས་པ་མི་འབྱུང་བའི་ཕྱིར་དུ་བསྒྲུབས་པ་ལགས། ཁྱད་པར་ཅན་གྱི་དོན་ཞུ་བ་ནི། སློབ་དཔོན་ཀྱཻ་རྡོ་རྗེ་ཡབ་ཡུམ་དང་གཉིས་སུ་མེད་པར་བཞུགས་པའི་སྤྱན་སྔར་ཐུན་མོང་མ་ཡིན་པའི་སྐྱབས་འགྲོ་དང་སེམས་བསྐྱེད་པ་སྔོན་དུ་འགྲོ་བ་ཅན་གྱི་རྡོ་རྗེ་ཐེག་པའི་དམ་ཚིག་དང་སྡོམ་པ་སྩལ་དུ་གསོལ་སྙམ་པས་སྙིམས་པ་མེ་ཏོག་དང་བཅས་པའི་ཐལ་མོ་སྦྱར་ནས་འདིའི་རྗེས་ཟློས་ལན་གསུམ་མཛོད། བདག་མེད་མ་ཡིས་མགྲིན་འཁྱུད་པའི། །དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་
― LT14_Page_127A ―
[མ་དཔེ་གཟིགས་ན་འདིར་གནོན།]
དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ཞེས་གསོལ་བ་བཏབ་སྟེ། དེའི་དོན་ནི། སློབ་དཔོན་ལ་དགའ་ཆེན་ཞེས་པོས་ནས། བྱང་ཆུབ་ཆེན་པོའི་ཚུལ་བསྟན་པའི་སངས་རྒྱས་ཀྱི་གོ་འཕང་དེ་བདག་ལ་འཚལ་བའི་སླད་དུ་དམ་ཚིག་སྟེ་སྔགས་ཀྱི་སྡོམ་པ་དང་། དེའི་རྟེན་དུ་ཐུན་མོང་མ་ཡིན་པའི་རྒྱུན་བཤགས་ལས་ཐོབ་པའི་བྱང་ཆུབ་སེམས་དཔའི་སྡོམ་པ་དང་། དེའི་རྟེན་དུ་རྡོ་རྗེ་ཐེག་པའི་དཀོན་མཆོག་གསུམ་ལ་སྐྱབས་སུ་འགྲོ་བ་དང་བཅས་པའི་སོ་སོར་ཐར་པའི་སྡོམ་པ་སྩལ་བའི་སྒོ་ནས་ཐར་པ་ཆེན་པོ་སངས་རྒྱས་ཀྱི་གྲོང་ཁྱེར་དུ་གཞུག་ཏུ་གསོལ་ཞེས་པ་ལགས། དེ་ལྟར་ཁྱད་པར་ཅན་གྱི་ལམ་རྡོ་རྗེ་ཐེག་པ་ལ་དོན་གཉེར་གྱི་བློ་སྐྱེས་པ་དེ་ཉིད་ཤིན་ཏུ་ལེགས་པ་ཡིན་ནོ། །ཞེས་ཤེས་པའི་ཕྱིར་དུ་སྤྲོ་བ་བསྐྱེད་པ་འདི་ལ་གསན་པས་ཁྱབ་པར་གདའ་སྟེ། བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་བྱོན་དང་། །ད་ལྟར་བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་ཞུགས་པ་ཀུན། །དེ་དག་ཀུན་གྱི་གསང་སྔགས་ཀྱི། །ཆོ་ག་ཟབ་མོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བརྙེས། །གསང་སྔགས་སྦྱོར་བ་མཉམ་མེད་དེས། །ཤཱཀྱ་སེང་གེ་སྐྱོབ་པ་ཡིས། །དྲག་པོ་ཆེན་པོ་བདུད་ཀྱི་སྡེ། །སྟོབས་ཆེན་དག་ཀྱང་དེས་བཅོམ་སྟེ། །འཇིག་རྟེན་མཐུན་པར་གཤེགས་ནས་ནི། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །
― LT14_Page_127B ―
[མ་དཔེ་གཟིགས་ན་འདིར་གནོན།]
ཅེས་གསུངས་ཏེ། དེའི་དོན་ནི། ཁྱེད་རང་རྣམས་ཆོ་གའི་སྒོ་ནས་བུར་བྱས་ཟིན་པ་དེ་ལ་བུ་ཞེས་ཉེ་བའི་ཚིག་གིས་བོས་ཏེ། ཁྱེད་རྣམས་ཐེག་ཆེན་གྱི་ཆོས་ཀྱི་སྣོད་ཡིན་ལ། ཐེག་ཆེན་ལའང་ཕ་རོལ་ཏུ་ཕྱིན་པ་དང་། སྔགས་ཀྱི་ཐེག་པ་གཉིས་ལས། མཆོག་ཏུ་གྱུར་པ་གསང་སྔགས་རྡོ་རྗེ་ཐེག་པ་དེ་ཁྱོད་ལ་བསྟན་པར་བྱ་སྟེ། རྡོ་རྗེ་ཐེག་པ་འདི་ནི་སྤྱིར་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་བགྲོད་པ་གཅིག་པའི་ལམ་ཡིན་ཅིང་། ཁྱད་པར་དུ་ཡང་འོ་སྐོལ་གྱི་སྟོན་པ་མཉམ་མེད་ཤཱཀྱའི་རྒྱལ་པོ་འདི་ཉིད་བསྐལ་པ་དཔག་ཏུ་མེད་པའི་སྔོན་རོལ་ཏུ་སྔགས་ཀྱི་ལམ་ལ་བརྟེན་ནས་བདུད་བཏུལ་ཞིང་སངས་རྒྱས་སུ་ཟིན་ཀྱང་། འཇིག་རྟེན་པ་རྣམས་དྲང་བའི་ཕྱིར་དུ་སླར་ཡང་མཛད་པ་བཅུ་གཉིས་ཀྱི་ཚུལ་གྱིས་འཛམ་བུའི་གླིང་དུ་འཚང་རྒྱ་བའི་ཚུལ་བསྟན་ཏེ་ཆོས་ཀྱི་འཁོར་ལོ་བསྐོར་ནས་རྟག་པར་ཞེན་པ་བཟློག་པའི་ཕྱིར་དུ་མྱ་ངན་ལས་འདའ་བར་བསྟན་པ་ཡིན་ནོ། །དེ་བས་ན་དུས་གསུམ་གྱི་དེ་བཞིན་གཤེགས་པ་ཐམས་ཅད་གྱི་བགྲོད་པ་གཅིག་པའི་ལམ་རྡོ་རྗེ་ཐེག་པ་དང་མཇལ་བ་འདི་ཤིན་ཏུ་སྐལ་བ་བཟང་བ་ཡིན་པས་ཀུན་མཁྱེན་རྡོ་རྗེ་འཆང་ཆེན་པོ་ཐོབ་པར་བྱ་བའི་ཕྱིར་ཆོས་ཀྱི་བུར་གྱུར་པ་ཁྱེད་རྣམས་སྔགས་ཀྱི་ཐེག་པ་ལས་བློ་གཞན་དུ་མི་འགྱུར་བ་གྱིས་ཤིག་ཅེས་པའི་དོན་ལགས། རྒྱུན་བཤགས་སྔོན་དུ་འགྲོ་བའི་སེམས་བསྐྱེད་པའི་སླད་དུ་དམིགས་པ་འདི་བཞིན་མཛོད། མདུན་གྱི་ནམ་མཁར་བླ་མ་དང་གཉིས་སུ་མེད་པའི་བཅོམ་ལྡན་འདས་དགྱེས་པ་རྡོ་རྗེ་ལྷ་དགུའི་དཀྱིལ་འཁོར་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བསྐོར་བ་སྤྲིན་ཕུང་འཐིབས་པ་ལྟར་དུ་བཞུགས་པའི་མོས་པ་བྱས། དེ་རྣམས་ཀྱི་སྤྱན་སྔར་བདག་དང་མཐའ་ཡས་པའི་སེམས་ཅན་ཐམས་ཅད་འཁོད་ནས་ཚེ་ཐོག་མ་མེད་པ་ནས་
― LT14_Page_128A ―
[མ་དཔེ་གཟིགས་ན་འདིར་གནོན།]
བསགས་པའི་སྡིག་སྒྲིབ་ཐམས་ཅད་ཡུལ་ཐུན་མོང་མ་ཡིན་པ་རྡོ་རྗེ་ཐེག་པའི་དཀོན་མཆོག་གསུམ་གྱི་སྤྱན་སྔར་སྟོབས་བཞི་ཚང་བའི་སྒོ་ནས་ཚུལ་བཞིན་བཤགས་པར་བགྱིའོ་སྙམ་པ་དང་། འཁོར་འདས་ཀུན་གྱི་དུས་གསུམ་དུ་བསགས་པའི་དགེ་བ་ལ་དགའ་ཞིང་རྗེས་སུ་ཡི་རང་སྙམ་པ་དང་། སངས་རྒྱས་ཐམས་ཅད་ཀྱི་ཉེ་བར་བསྟེན་པའི་དོན་དམ་བྱང་ཆུབ་ཀྱི་སེམས་སྟོང་པ་ཉིད་ཀྱི་མཚན་ཉིད་ཅན་དེ་བདག་གིས་ཀྱང་བསྒོམ་པར་བགྱིའོ་སྙམ་དུ་ཡིད་དམ་བཅའ་བ་དང་། ཡུལ་ཐུན་མོང་མ་ཡིན་པ་རྡོ་རྗེ་ཐེག་པའི་དཀོན་མཆོག་གསུམ་ལ་སྐྱབས་སུ་འགྲོ་སྙམ་པ་དང་། བདག་གཞན་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་སངས་རྒྱས་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱ་སྙམ་པ་སྨོན་པའི་བདག་ཉིད་ཅན་དང་། དེའི་ཆེད་དུ་ཐེག་པའི་ཐབས་ཚུལ་རྣམས་ལ་རིམ་པ་བཞིན་དུ་བསླབ་པར་བགྱིའོ་སྙམ་པ་འཇུག་པའི་བདག་ཉིད་ཅན་དང་དེ་ལྟར་བགྱིས་པའི་དགེ་བའི་རྩ་བ་དེས་བདག་གིས་སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་རྫོགས་པའི་སངས་རྒྱས་ཐོབ་པར་ཤོག་ཅིག་སྙམ་པ་ཡོངས་སུ་བསྔོ་བ་སྟེ། དོན་དེ་རྣམས་ཡིད་ལ་དྲན་པ་དང་བཅས་པས་ཐལ་མོ་སྦྱར་ཏེ་ཐུན་མོང་མ་ཡིན་པའི་ཡན་ལག་བདུན་པ་འདིའི་རྗེས་ཟློས་ལན་གསུམ་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་
― LT14_Page_128B ―
[མ་དཔེ་གཟིགས་ན་འདིར་གནོན།]
སྤྱོད་མཆོག་ཡིད་འོང་དཔྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་པའི་རྒྱུན་བཤགས་ལན་གསུམ་བྱས་པ་ལ་བརྟེན་ནས་ཐུན་མོང་མ་ཡིན་པའི་སོ་ཐར་དང་བྱང་སེམས་ཀྱི་སྡོམ་པ་སྔར་མ་ཐོབ་པ་གསར་དུ་ཐོབ་ཅིང་ཐོབ་ཟིན་ཡར་འཕེལ་དུ་བྱེད་ལ། ཉམས་ན་སོར་ཆུད་པར་བྱེད་པ་ཡིན་ནོ། །དེ་ལྟར་བྱང་ཆུབ་ཏུ་སེམས་བསྐྱེད་པ་ལ་བར་ཆད་མ་འབྱུང་བའི་ཕྱིར་དུ་བསྲུང་བར་བྱ་བ་ནི། སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཁྱེད་རྣམས་ཀྱི་ལུས་ལ་ཕོག་པས། སྡིག་པ་དང་གདོན་བགེགས་ཐམས་ཅད་སྲེགས་ཤིང་སྦྱངས་པའི་མོས་པ་མཛོད། ཅེས་དང་། རྡོ་རྗེ་གསོར་ཞིང་། ༀ་ཨཱཥྚཱ་ན་ནཱ་ཡ། པིངྒ་ལེརྡྷྭ་ཀེ་ཤ་ཝརྟྨ་ནེ། ཙ་ཏུརྦི་ཏི་ནེ་ཏྲཱ་ཡ། ཥོ་ཌ་ཤ་བྷུ་ཛཱ་ཡ། ཛཱི་མཱུ་ཏ་ཝ་པུ་ཥེ། ཀཱ་པཱ་ལཱ་མཱ་ལཱ་ནཻ་ཀཱ་དྷཱ་རི་ཎི། ཨདྷྨཱཏ་ཀྲཱུར་ཙིཏྟཱ་ཡ། དཾཥྚཱིཾ་ཎི། མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། གརྫཡ་གརྫ་ཡ། ཏརྫྫཡ་ཏརྫྫ་ཡ། ཤོ་ཥ་ཡ་ཤོ་ཥ་ཡ། སཔྟ་སཱ་ག་རཱ་ན། བྷནྷ་བྷནྡྷ། ནཱ་གཱཥྚ་ཀཱན། གྲྀཧྞ་གྲྀཧྞ། ཤ་ཏྲཱུ་ན། ཧ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧོ་ཧཽ་ཧཾ་ཧཾཿཕཊ་སྭཱ་ཧཱཿ། ཞེས་བཟླས་པས་བར་ཆད་བསྲུངས་ཏེ། སློབ་དཔོན་གྱིས་དྲིའི་ཆུ་རྡོ་རྗེ་དང་བཅས་པས་ཁྱེད་རྣམས་ཀྱི་གནས་གསུམ་དུ་རེག་སྟེ། ༀ་ཨཱཿཧཱུྃ། ཞེས་བརྗོད་པས་ཁྱེད་རང་རྣམས་ཧེ་རུ་ཀར་གསལ་བའི་དཔྲལ་བར་ༀ་ལས་འཁོར་ལོ་ༀ་གྱིས་མཚན་པ་ལས་སྐུ་རྡོ་རྗེ་མ། མགྲིན་པར་ཨཱཿལས་པདྨ་ཨཱཿས་མཚན་པ་ལས་གསུང་རྡོ་རྗེ་མ། ཐུགས་ཀར་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས་ཐུགས་རྡོ་རྗེ་མ་རྣམས་ལམ་གྱིས་བྱུང་བའི་མོས་པ་མཛོད། སླར་ཡང་མས་ཡར་རེག་སྟེ། ཧཱུྃ་ཨཱཿༀ་ཞེས་བརྗོད་པས་གསལ་བཏབ་ཅིང་། ཡས་མར་རེག་སྟེ། ༀ་ཨཱཿཧཱུྃ་ཞེས་བརྗོད་པས་བརྟན་པར་བྱས་
― LT14_Page_129A ―
[མ་དཔེ་གཟིགས་ན་འདིར་གནོན།]
པའི་མོས་པ་མཛོད། དེ་ལྟར་བྱས་པས་ཁྱེད་རྣམས་ཀྱི་ལུས་ངག་ཡིད་གསུམ་གདོད་མ་ནས་རྡོ་རྗེ་གསུམ་གྱི་ངོ་བོར་གནས་པ་དེ་ཆོ་ག་འདིས་ངོ་འཕྲོད་ཅིང་གསལ་བར་བྱས་པ་ཡིན། དེ་ལྟར་སེམས་བསྐྱེད་པ་དང་སྒོ་གསུམ་ལྷར་བྱས་མ་ཐག་པ་དེ་མཆོད་པའི་ཡུལ་དུ་བཟང་བ་ཡིན་པས། མེ་ཏོག་དབུ་ལ་ཕུལ་ནས་མཆོད་པའི་མོས་པ་མཛོད། ༀ་བཛྲ་པུཥྤེ་ཨཱཿཧཱུྃ། ཞེས་དང་། བདུག་སྤོས་ཤངས་ལ། དྷཱུ་པེ། མར་མེ་སྤྱན་ལམ་དུ། ཨ་ལོ་ཀེ །ཐུགས་ཀར་དྲིའི་བྱུག་པ། གནྡྷེ། ཞལ་ཟས་ལྗགས་ལ། ནཻ་ཝི་དྱ་ཨཱཿཧཱུྃ། ཞེས་མཆོད་པ་ནི་ལུས་ངག་ཡིད་གསུམ་ལྷར་ཤེས་པའི་སྒོ་ནས་འདོད་ཡོན་ལ་མ་ཆགས་པར་ལོངས་སྤྱོད་ཅེས་པའི་དོན་ཡིན། དེ་ལྟར་འགལ་རྐྱེན་བར་ཆད་བསྲུངས་ཏེ་ལྷར་བསྐྱེད་ཅིང་མཆོད་ནས་མཐུན་རྐྱེན་དངོས་གྲུབ་ཀྱི་མཚན་ལྟས་བརྟག་པ་ལ་ཐོག་མར་སོ་ཤིང་ལ་བརྟེན་ནས་བརྟག་པ་ནི། སོ་ཤིང་རྩ་སྔགས་ཀྱིས་མངོན་པར་བསྔགས་ལ། སྭ་བྷཱ་ཝས་སྦྱངས་ཏེ། སྟོང་པའི་ངང་ལས་ཧཱུྃ་ལས་བྱུང་བའི་སོ་ཤིང་སོར་བཅུ་གཉིས་པ་རྩེ་མོར་མེ་ཏོག་གི་ཅོད་པན་དང་བཅས་པ་རྡོ་རྗེ་སློབ་མ་རྣམས་ཀྱི་དངོས་གྲུབ་ཀྱི་མཚན་ལྟས་བརྟག་པའི་ནུས་པ་དང་ལྡན་པར་གྱུར། ཞེས་པས་བྱིན་གྱིས་བརླབས་པ་དེ་ཉིད་ཁྱེད་རྣམས་ཀྱི་ཕྱག་ཐལ་མོ་སྦྱར་བའི་བར་དུ་དངོས་གྲུབ་ཀྱི་མཚན་ལྟས་བརྟག་པའི་སླད་དུ་བྱིན་པའི་མོས་པ་མཛོད། ༀ་ཨཱཿཛི་ཧྭ་བཛྲ་སཾ་ཝརྟ་ནི་སྭཱ་ཧཱ། ཞེས་པས་བྱིན་པའི་སོ་ཤིང་དེ་རྒྱུ་རིན་པོ་ཆེ་གསེར་རམ་དངུལ་ལས་གྲུབ་པར་མོས་ཏེ། སོ་དྲུད་པ་བཞིན་བྱས་པས་རྩེ་མོའི་མེ་ཏོག་ལས་འོད་ཟེར་བྱུང་བ་ཞལ་ནས་བརྒྱུད་དེ་ཁོང་པར་སོང་བས་ཚེ་ཐོག་མ་མེད་པ་ནས་བསགས་པའི་སྡིག་པ་དང་དབང་གི་ཡེ་ཤེས་སྐྱེ་བ་ལ་གེགས་བྱེད་ཀྱི་སྒྲིབ་པ་ཐམས་ཅད་སྨན་པ་མཁས་པས་སྐྱུག་
― LT14_Page_129B ―
[མ་དཔེ་གཟིགས་ན་འདིར་གནོན།]
སྨན་བཏང་བ་བཞིན་སྐྱུགས་པར་མོས་ཏེ། ༀ་བཛྲ་ཧ་ས་ཧཾ། ཞེས་གསུང་ཞིང་ཐལ་མོ་ཁ་ཕྱེ་སྟེ་སོ་ཤིང་གི་ར་བར་ལྟོས་པ་མེད་པར་དོར་ཅིག་ཅེས་བརྗོད་ལ། སོ་ཤིང་གི་ར་བ་ཁྲུ་གང་གྲུ་བཞིར་དྲི་བཟང་གིས་བྱུག་པ་ལ་ཚོམ་བུ་དགུ་བཀོད་པར་དོར་ཏེ།རྩེ་མོ་བདག་ཉིད་ལ་ཕྱོགས་ན་མཆོག་གྲུབ། སྟེང་དུ་མཁའ་སྤྱོད། འོག་ཏུ་ས་སྤྱོད། ཤར་དུ་ཞི་བ། ལྷོར་མངོན་སྤྱོད། ནུབ་ཏུ་དབང་། བྱང་དུ་རྒྱས་པ། མཚམས་རྣམས་སུ་བུམ་པ་བཟང་པོ་ལ་སོགས་པའི་དངོས་གྲུབ་ཕྲན་ཚོགས་འགྲུབ་པར་འགྱུར་རོ། །དེ་ནི་རྣལ་འབྱོར་ཆེན་པོའི་བུམ་དབང་གི་སྣོད་རུང་དུ་བྱེད་པའི་ཐབས་ཡིན་ཏེ། སོ་ཤིང་གིས་ཁ་དང་སོ་ལ་སོགས་པ་ལུས་གཙོ་ཆེ་བའི་དྲི་མ་སྦྱོང་བ་བཞིན་བུམ་དབང་གིས་ཀྱང་གཙོ་བོར་ལུས་ཀྱི་དྲི་མ་སྦྱོང་བར་བྱེད་པ་ལ་ཤས། རྨི་ལམ་གསལ་པོར་འབྱུང་བ་དང་ངག་གི་དྲི་མ་སྦྱོང་བྱེད་ཁྱོར་ཆུ་བླུད་པ་ནི། ༀ་ཧྲཱིཿབི་ཤུདྡྷཿསརྦ་ཿསརྦ་པཱ་པཾ་ནི་ཙ་སྱ་སཾ་ཤོ་དྷ་ཡ། སརྦ་བི་ཀ་ན་ཨ་པ་ན་ཡ་ཧཱུྃ། ཞེས་པས་ལན་གསུམ་སྦྱིན་ལ། དེ་ནི་གསང་དབང་གི་སྣོད་རུང་དུ་བྱེད་པའི་ཐབས་ཡིན་ཏེ། ཁྱོར་ཆུས་ངག་གི་དྲི་མ་སྦྱོང་བ་བཞིན་གསང་དབང་གིས་ཀྱང་ངག་གི་དྲི་མ་སྦྱོང་བར་བྱེད་པ་ལགས། རྨི་ལམ་དུ་བར་ཆད་མི་འབྱུང་བའི་ཕྱིར་དུ་སྲུང་སྐུད་སྦྱིན་པ་ནི། ཧཱུྃ་བཟླས་ཤིང་རྡོ་རྗེའི་མདུད་པ་གསུམ་བཏབ་བའི་སྲང་བུ་གོང་ལྟར་བསང་སྦྱང་། སྟོང་པའི་ངང་ལས་ཧཱུྃ་ལས་བྱུང་བའི་སྲད་བུ་དམར་པོ་རྡོ་རྗེ་སློབ་མ་རྣམས་ཀྱི་ལུས་ཚད་དང་མཉམ་པ་སུམ་བསྒྲིལ་དུ་བྱས་པ་རྡོ་རྗེའི་མདུད་པ་གསུམ་གྱིས་བཏབ་པ་རྡོ་རྗེ་སློབ་མ་རྣམས་ཀྱི་སྒོ་གསུམ་གྱི་བར་ཆད་བསྲུང་བའི་ནུས་པ་དང་ལྡན་པར་གྱུར། སློབ་དཔོན་གྱི་སྙིང་གའི་ཧཱུྃ་ལས་འོད་ཟེར་འཕྲོས་པས་སྟ་གོན་གྱི་ལྷ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་སྲད་བུའི་ཚོགས་སྤྱན་དྲངས་ཏེ་དམ་ཚིག་སྲད་བུ་ལ་ཐིམ་ཞེས་དང་། སྲུང་སྐུད་ཐལ་མོའི་བར་དུ་བཟུང་ལ་རྩ་སྔགས་བཟླ།ཞེས་པས་བྱིན་གྱིས་
― LT14_Page_130A ―
[མ་དཔེ་གཟིགས་ན་འདིར་གནོན།]
བརླབས་པ་དེ་སྐྱེས་པའི་དཔུང་པ་གཡོན་དང་བུད་མེད་ཀྱི་གཡས་ལ་ཉིས་སྐོར་དུ་བཅིང་སྟེ། ཞེས་བརྗོད་ཅིང་ཕྱག་ལེན་ལྟར་བཅིང་། བུམ་ཆུ་གཏོར་ཞིང་གུར་ནས་འབྱུང་བའི་ཡི་གེ་བརྒྱ་པས་བརྟན་པར་བྱའོ། །དེ་ནི་ཤེས་རབ་ཡེ་ཤེས་ཀྱི་དབང་གི་སྣོད་རུང་དུ་བྱེད་པའི་ཐབས་ཡིན་ཏེ། སྲུང་སྐུད་འདོགས་པ་ཤེས་རབ་ཡེ་ཤེས་ཀྱི་སྦྱང་གཞི་ཁམས་ཀྱི་བར་ཆད་བསྲུང་བའི་ཆེད་དུ་ཡིན་པ་བཞིན། ཤེས་རབ་ཡེ་ཤེས་ཀྱང་ཁམས་བདུད་རྩི་ལ་བསྐུར་པ་ལགས། རྨི་ལམ་མི་འཁྲུགས་པ་དང་མལ་སྟན་ལྷག་པར་གནས་པའི་ཕྱིར་དུ་ཀུ་ཤ་སྦྱིན་པ་ནི། ཀུ་ཤའི་ཆུན་པོ་ཆེ་ཆུང་གཉིས་གོང་བཞིན་བསང་སྦྱངས། སྟོང་པའི་ངང་ལས་དྷཱིཿལས་བྱུང་བའི་ཀུ་ཤ་ཆེ་ཆུང་རྩ་བ་དང་རྩེ་མོ་མ་ཉམས་པ་རྡོ་རྗེ་སློབ་མ་རྣམས་ཀྱི་རྨི་ལམ་མི་འཁྲུགས་པའི་ནུས་པ་དང་ལྡན་པར་གྱུར། ཞེས་པས་བྱིན་གྱིས་བརླབས་ནས། དྷཱིཿབཟླས་པའི་ཀུ་ཤ་ཆུང་བ་ཕྱག་གཡས་དང་། ཧ་བཟླས་པའི་ཆེ་བ་གཡོན་དུ་སྦྱིན་ཏེ། དེའི་དོན་ཀུ་ཤ་དག་བྱེད་ཀྱི་རྫས་བླ་ན་མེད་པ་ཡིན་པ་ལྟར། དབང་བཞི་པའི་ཡེ་ཤེས་ཀྱང་མཚན་མ་དང་རྣམ་པར་རྟོག་པ་ཐམས་ཅད་འདག་པར་བྱེད་པས་ཀུ་ཤ་སྦྱིན་པ་དབང་བཞི་པའི་སྔོན་འགྲོ་ལགས་ཤིང་། སྔོན་བྱུང་བཅོམ་ལྡན་འདས་ཀུ་ཤ་མ་འཁྲུགས་པའི་སྟན་ལ་བཞུགས་ནས་སངས་རྒྱས་པ་བཞིན་ཀུ་ཤའི་སྟན་ལ་ཉལ་ཏེ། རྨི་ལམ་སྒྱུ་མ་ལྟ་བུ་མངོན་དུ་བྱས་ནས་སངས་རྒྱས་པའི་རྟེན་འབྲེལ་ལམ་དུ་བྱེད་པ་ལགས། ཆོས་ཟབ་མོ་བཤད་པའི་སྒོ་ནས་སྤྲོ་བ་བསྐྱེད་པ་ནི། འཇིག་རྟེན་དུ་ནི་ཀུན་མཁྱེན་དག །ཨུ་དུམྦཱ་རའི་མེ་ཏོག་ལྟར། བརྒྱ་ལམ་ན་ནི་རེ་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་དཀོན་པ་སྟེ། །གང་གི་སེམས་ཅན་མཉམ་མེད་དོན། །བླ་མེད་བྱེད་པར་ནུས་པ་ཡིན། །བསྐལ་
― LT14_Page_130B ―
[མ་དཔེ་གཟིགས་ན་འདིར་གནོན།]
པ་བྱེ་བ་དུ་མར་ན། །སྔོན་དུ་སྡིག་པ་བྱས་པ་གང་། །དཀྱིལ་འཁོར་འདི་འདྲ་མཐོང་མ་ཐག །དེ་དག་ཟད་པར་འགྱུར་ཡིན་ན། །གྲགས་པ་མཐའ་ཡས་སྔགས་སྤྱོད་པ། །ཚུལ་ལ་གནས་ན་སྨོས་ཅི་དགོས། །སྐྱོབ་པའི་གསང་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །གང་དག་སྤྱོད་པ་མཆོག་འདི་ལ། །བློ་གྲོས་ཤིན་ཏུ་མི་གཡོ་ན། །སྡུག་བསྔལ་ཐམས་ཅད་འབྱུང་བ་ཡི། །ངན་འགྲོ་འདི་ཡིས་གཅོད་པར་འགྱུར། །བདག་ཉིད་ཆེན་པོ་ཁྱེད་རྣམས་ཀྱི། །རྙེད་པ་མཉམ་མེད་དེ་རིང་རྙེད། །གང་ཕྱིར་རྒྱལ་བ་སྲས་བཅས་པ། །བདག་ཉིད་ཆེན་པོ་ཀུན་གྱི་ནི། །བསྟན་པ་འདི་ལ་ཁྱེད་རྣམས་ཀུན། །ཡོངས་སུ་བཟུང་སྟེ་སྐྱེ་བཞིན་པ། །དེ་ཕྱིར་ཁྱེད་རྣམས་ཐེག་ཆེན་དུ། །སང་ནི་རབ་ཏུ་སྐྱེ་བར་འགྱུར། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །ཁྱེད་རྣམས་འདིར་ནི་དོང་བས་ན། །རང་བྱུང་སྐལ་བ་ཆེན་པོ་པ། །འཇིག་རྟེན་ཐམས་ཅད་མཁྱེན་པ་ཡི། །དེ་བཞིན་གཤེགས་པ་ཉིད་དུ་འགྱུར། །ཞེས་གསུངས་ཏེ། དེའི་དོན་ནི། འཇིག་རྟེན་ན་ཨུ་དུམྦཱ་རའི་མེ་ཏོག་དཀོན་པ་ལྟར་སངས་རྒྱས་དཀོན་ཏེ། སངས་རྒྱས་གཅིག་འཇིག་རྟེན་དུ་འཚང་རྒྱ་བའི་ཚུལ་སྟོན་པ་ན། དེ་དང་ཁད་ཉེ་བའི་ས་ཕྱོགས་ཤིག་ཏུ་ཨུ་དུམྦཱ་རའི་མེ་ཏོག་གཅིག་འབྱུང་དེ་ཡང་རྒྱལ་རིགས་ལས་འབྱུང་ན་དཀར་པོ་དང་། བྲམ་ཟེའི་རིགས་ལས་འབྱུང་ན་སེར་པོར་འཁྲུངས་ལ། སངས་རྒྱས་དེ་ལྷུམས་སུ་ཞུགས་པ་ན་མེ་ཏོག་དེ་ཁ་འབུས། བལྟམས་པ་ན་ཁ་བྱེ། གཞོན་ནུ་རོལ་རྩེད་མཛད་པ་ན་རྒྱས། དཀའ་ཐུབ་མཛད་པ་ན་ཅུང་ཟད་རྙིང་། འཚང་རྒྱ་བའི་ཚུལ་སྟོན་པ་ན་རྒྱས། ཆོས་ཀྱི་འཁོར་ལོ་བསྐོར་བ་ན་ཤིན་ཏུ་རྒྱས། མྱ་ངན་ལ་འདའ་བའི་ཚུལ་བསྟན་པ་ན་སྐམ་ནས་འགྲོ་སྟེ། དེས་ན་དེ་དེ་གཉིས་དཀོན་མཚུངས་ཡིན་པས་སངས་རྒྱས་
― LT14_Page_131A ―
[མ་དཔེ་གཟིགས་ན་འདིར་གནོན།]
འཇིག་རྟེན་དུ་འབྱོན་པ་དཀོན། བྱོན་ནས་ཆོས་གསུངས་པ་དཀོན། ཆོས་ཀྱི་ནང་ནས་ཐེག་པ་ཆེན་པོ་གསུངས་པ་དཀོན། ཐེག་ཆེན་གྱི་ནང་ནས་ཀྱང་གསང་སྔགས་རྡོ་རྗེ་ཐེག་པ་གསུངས་པ་ནི་ཤིན་ཏུ་དཀོན། དཀོན་པས་ཅི་ཕན། རི་བོང་གི་རྭ་དང་ནམ་མཁའི་མེ་ཏོག་ཀྱང་དཀོན་ནོ་སྙམ་ན་དེ་དག་དང་མི་མཚུངས་པར་དཀོན་ལ་ཕན་ཡོན་ཆེན་པོ་དང་ལྡན་པ་ཡིན་ཏེ། བསྐལ་པ་བྱེ་བ་དུ་མ་ནས་བསགས་པའི་སྡིག་པ་རྣམས་དཀྱིལ་འཁོར་ཆེན་པོ་མཐོང་བའི་མོད་ལ་འདག་པར་འགྱུར་ན། དབང་བླངས་ཏེ་དམ་ཚིག་དང་སྡོམ་པ་ལ་ནན་ཏན་དུ་བྱས་ནས་སྔགས་ཀྱི་སྤྱོད་པ་ཡིད་མཚན་རྟོག་ལས་སྐྱོབ་པའི་ཐབས་ཉམས་སུ་ལེན་པ་དང་། གསང་སྔགས་ཀྱི་བཟླས་བརྗོད་ལ་བརྩོན་པའི་སྒོ་ནས་ལམ་འདི་ལ་བློ་བརྟན་པར་བྱས་ན་ངན་འགྲོ་དང་སྲིད་པའི་སྡུག་བསྔལ་གྱི་རྒྱུན་གཅོད་པར་འགྱུར་བ་དང་། དེ་བས་ན་ཁྱེད་རྣམས་ཀྱི་རྙེད་པའི་མཆོག་ལེགས་པར་རྙེད་ཅིང་། རྒྱལ་བ་སྲས་དང་བཅས་པ་རྣམས་ཀྱི་མཁྱེན་བརྩེ་ནུས་པས་ཡོངས་སུ་བཟུང་སྟེ་དེའི་རིགས་སུ་སྐྱེ་བཞིན་པར་འབྱུང་བས་ན། ཐེག་ཆེན་གྱི་ལམ་མཆོག་ཏུ་གྱུར་པ་འདི་ལ་བརྟེན་ནས་མྱུར་ཏུ་འཇིག་རྟེན་གྱི་གནས་ལུགས་མངོན་སུམ་དུ་མཁྱེན་པའི་དེ་བཞིན་གཤེགས་པ་ཉིད་དུ་འགྱུར་བར་གདོན་མི་ཟ་བས་དོན་དེ་ལ་དགའ་བ་ཁྱད་པར་ཅན་དང་ལྡན་པར་མཛོད་ཅིག །ཅེས་འབྲས་བུ་ལ་སྤྲོ་བ་བསྐྱེད་ནས། རྨི་ལམ་བརྟག་ཅིང་ངན་ན་བསྲུང་བར་བྱ་བ་ནི། །བུ་ཀྱེས་ང་ནི་དཀྱིལ་འཁོར་དང་། །མཐོང་བར་འགྱུར་རོ་ཉོལ་ཞིག་དང་། །རྨི་ལམ་མཐོང་བ་གང་ཡིན་པ། །དེ་ཀུན་ང་ལ་དྲང་པོར་སྨྲོས། །ཞེས་བཤད་པས། རང་གི་སྒྲུབ་པའི་ཁང་པར་བདེ་བའི་མལ་ཞིག་བཅས་ཏེ། སློབ་དཔོན་གྱིས་གནང་བའི་ཀུ་ཤ་ཆུང་བ་སྔས་དང་། ཆེ་བསྟན་དུ་བཏིང་། གོས་དྲི་མ་མེད་པ་གྱོན། གློ་གཡས་པ་འོག་
― LT14_Page_131B ―
[མ་དཔེ་གཟིགས་ན་འདིར་གནོན།]
ཏུ་ཕབ་ནས་སེང་གེའི་ཉལ་སྟབས་ཀྱིས་ཉལ་ཏེ་སེམས་དུག་གསུམ་གྱི་རྣམ་རྟོག་ཐམས་ཅད་རྒྱང་རིང་དུ་བྱས། ལྷ་དང་བླ་མ་ཡིད་ལ་དྲན་བཞིན་པས་སང་ཉིན་ཡི་དམ་ལྷའི་དཀྱིལ་འཁོར་མཐོང་བར་འགྱུར་རོ་སྙམ་པའི་དགའ་སྤྲོ་དུང་ངེ་བའི་སྒོ་ནས་དྲན་ཤེས་བཞིན་དང་ལྡན་པར་ཉལ་ན་ལུང་སྟོན་པའི་རྨི་ལམ་འབྱུང་བར་འགྱུར་ཏེ། དེ་ཡང་རྨི་ལམ་བཟང་བའི་ལྟས་ནི། རྨི་ལམ་སངས་རྒྱས་མཐོང་ན་ནི། །ཡོན་ཏན་རྒྱ་མཚོ་མངོན་སུམ་བཞིན། །མཆོད་རྟེན་དང་ནི་སྐུ་གཟུགས་མཐོང་། །དེ་ལ་མཆོད་པ་བརྩོམས་པ་དང་། །དགེ་སློང་དག་ལ་ཆོས་ཉན་ཏམ། །ཡང་ན་མི་ཉན་ན་ཡང་རུང་། །ཆོས་ནི་རྣམ་པར་སྤྱོད་པ་དང་། །དེ་བཞིན་མདོ་སྡེ་རྣམ་པར་སྤྱོད། །ཅེས་བྱ་བ་ལ་སོགས་པ་གསུངས་ཏེ། རྨི་ལམ་གྱི་གནས་སྐབས་སུ་དེ་བཞིན་གཤེགས་པའི་སྐུ་གཟུགས་དང་མཆོད་རྟེན་མཐོང་པ། དམ་པའི་ཆོས་ཀྱི་གླེགས་བམ་ཐོགས་པ། དགེ་འདུན་གྱི་སྡེའི་དབུས་སུ་བཞུགས་པ། རང་གི་བླ་མ་ལས་ཆོས་ཉན་པ། ཉི་ཟླ་ཤར་བ། རྒྱལ་པོར་དབང་བསྐུར་བ། རྟ་དང་གླང་པོར་ཞོན་པ། ཉི་ཕུག་དག་ཏུ་ཉི་མ་ལྡེ་བ། དགེ་སློང་དག་དང་ཆོས་ཀྱི་འབེལ་གཏམ་བྱེད་པ། ཟས་བཟང་པོ་རོ་བརྒྱ་དང་ལྡན་པ་ཐོབ་པ་དང་། འབྲུའི་བང་མཛོད་ལ་སོགས་པའི་གཏེར་རྙེད་པ་དང་། སྐྱེ་བོ་མང་པོས་བདག་ལ་འདུད་བསྟོད་བྱེད་པ་དང་། སྐྱེ་བོ་མང་པོ་ལ་བདག་ཉིད་ཀྱིས་ཆོས་བཤད་པ། ཕ་མ་དང་བླ་མ་དང་མཛའ་བཤེས་དང་ཕྲད་པ། གོས་རྒྱན་བཟང་པོས་བརྒྱན་པ་ལ་སོགས་པ་རྨིས་ན་རྨི་ལམ་བཟང་བ་ཡིན་པས་སྔགས་ཀྱི་དངོས་གྲུབ་རབ་འབྲིང་ཐ་མ་གསུམ་གང་རུང་འགྲུབ་པར་ཤེས་པར་བྱས་ནས་ཞེན་པ་མེད་པའི་དགའ་བ་བསྒོམ་ཞིང་དགའ་སྟོན་བྱ། གལ་ཏེ་ངན་པའང་འབྱུང་སྲིད་དེ། དེའི་ལྟས་ནི། རྒྱ་སྐྱེགས་ཀྱི་རི་ལ་འཛེགས་པ་དང་། ཀ་ར་ཝཱི་རའི་མེ་ཏོག་རྒྱས་པ་འཐུ་བ།
― LT14_Page_132A ―
[མ་དཔེ་གཟིགས་ན་འདིར་གནོན།]
མཆོད་སྡོང་དང་བྱེ་མ་དང་ཐལ་ཕུང་ལ་འཛེགས་པ། སྤྲེའུ་དང་བོང་བུ་ལ་ཞོན་ནས་ཁ་ཕྱིར་ཕྱོགས་ཏེ་འགྲོ་བ། ཕག་དང་རྔ་མོ་དང་མ་ཧེ་ལ་ཞོན་པ། བུད་མེད་ནག་མོ་གོས་ནག་ཅན་ལ་འདོད་ལོག་སྤྱོད་པ། གཡང་ས་དང་། གཅོང་རོང་དུ་ཞུགས་པ། རི་དང་ཤིང་ལས་ལྷུང་བ། ཁྱི་དང་ཁྭ་དང་སྲིན་པོས་ཟོས་པ། མི་ནག་པོ་ལྕགས་ཀྱི་དབྱུག་པ་ཅན་གྱིས་བསྡིགས་པ། སྐྲ་བྲེགས་པ། ལུས་ལ་ཏིལ་མར་གྱིས་བྱུགས་པ། ཕྲེང་བ་དམར་པོས་ཐོད་བཅིངས་པ་ལ་སོགས་པ་བྱུང་ན་ཅུང་ཟད་ངན་པ་ཡིན་པས་གཉིད་སད་མ་ཐག་ཏུ་ཆོས་ཐམས་ཅད་རྨི་ལམ་གྱི་སྣང་བ་དང་ཁྱད་མེད་དེ། དོན་མ་གྲུབ་པ་ཅུང་ཟད་ཀྱང་མེད་སྙམ་དུ་བདེན་མེད་ཀྱིས་སྦྱངས་པས་རྒྱས་འདེབས་པ་དང་། སངས་རྒྱས་སྤྱན་གྱི་རྣལ་འབྱོར་བླ་མ་བརྒྱུད་པའི་མན་ངག་ལས་བྱུང་བ་བཞིན་ལུང་བླངས་ཏེ་ཉམས་སུ་ལེན་པ་དང་། ཞི་བའི་སྦྱིན་སྲེག་བླུགས་པ་ལ་སོགས་པ་རྨི་ལམ་ངན་པའི་འབྲས་བུ་མི་འབྱུང་བའི་ཐབས་ལ་བརྩོན་པར་བྱ་དགོས་པ་ཡིན། དེ་རྣམས་ཀྱིས་སློབ་མ་སྟ་གོན་གྱི་བྱ་བ་རྣམས་ལེགས་པར་གྲུབ་ཟིན་ནས། དངོས་གཞི་དབང་བསྐུར་བའི་ཆོ་ག་སང་ཉིན་འབྱུང་བ་ལགས་ཞེས་བརྗོད་དོ། །དངོས་གཞི་དབང་བསྐུར་བའི་བརྡ་སྤྲོད་པ་ནི། སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་སངས་རྒྱས་རྡོ་རྗེ་འཆང་ཆེན་པོའི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་ཟབ་པ་ལས་ཀྱང་ཆེས་ཟབ་པའི་དབང་བསྐུར་བ་གསན་ལ་དོན་ཚུལ་བཞིན་དུ་ཉམས་སུ་བླང་བར་བགྱིའོ་སྙམ་པའི་བྱང་ཆུབ་ཀྱི་མཆོག་ཏུ་ཐུགས་བསྐྱེད་པ་དང་། ཆོས་གསན་པའི་ཀུན་ཏུ་སྤྱོད་པའང་རྡོ་རྗེ་ཐེག་པའི་རྒྱུད་སྡེ་རིན་པོ་ཆེ་རྣམས་ནས་ཇི་ལྟར་འབྱུང་བ་བཞིན་གསལ་བཏབ་ནས་གསན་པར་ཞུ། དེ་ལ་རང་རེ་རྣམས་ཀྱིས་རྙེད་པར་དཀའ་བའི་དལ་འབྱོར་གྱི་མི་ལུས་རྙེད། མཇལ་བར་དཀའ་བའི་སངས་རྒྱས་ཀྱི་
― LT14_Page_132B ―
[མ་དཔེ་གཟིགས་ན་འདིར་གནོན།]
བསྟན་པ་དང་མཇལ། བསྟན་པའི་སྙིང་པོ་རྡོ་རྗེ་ཐེག་པའི་ལམ་ཉམས་སུ་བླང་དུ་ཡོད་པའི་སྐབས་འདིར་དམ་པའི་ཆོས་རྣམ་པར་དག་པ་རེ་བྱེད་དགོས། དེའི་རྒྱུ་མཚན་དོན་དམ་པར་སེམས་ཅན་ཐམས་ཅད་རང་བཞིན་གྱིས་རྣམ་པར་དག་པའི་སངས་རྒྱས་ཀྱི་སྙིང་པོ་ཅན་ཡིན་ནའང་གནས་སྐབས་སུ་གློ་བུར་གྱི་དྲི་མ་སྒྲིབ་གཉིས་བག་ཆགས་དང་བཅས་པ་མ་སྤངས་ཀྱི་བར་ལ་རྒྱུན་ཆད་མེད་པར་སྡུག་བསྔལ་གྱི་ཁོར་མོ་ཡུག་ཏུ་གྱུར་པའི་འཁོར་བར་སྐྱེ་ཞིང་། འཁོར་བའི་སྐྱེ་གནས་གང་དུ་སྐྱེས་ཀྱང་བཟོད་པར་དཀའ་བའི་སྡུག་བསྔལ་མེ་འོབས་བཞིན་ལས་མ་འདས་པ་ཡིན། སྡུག་བསྔལ་ཅན་གྱི་སེམས་ཅན་དེ་རྣམས་ཀྱིས་ཕ་མ་མ་བྱས་པ་གཅིག་ཀྱང་མེད་པས་འདི་རྣམས་སངས་རྒྱས་ཀྱི་ས་ལ་བཞག་པའི་སླད་དུ་ཚེ་འདིའི་བྱ་བ་སྙིང་པོ་མེད་པ་ཐམས་ཅད་སྤངས་ཏེ་དམིགས་པ་ཚད་མེད་པའི་སྙིང་རྗེ་ཆེན་པོ་དང་། ཤེས་རབ་ཆེན་པོ་ཟུང་དུ་འཇུག་པའི་བདག་ཉིད་ཅན་གྱི་དཔལ་ཀྱཻ་རྡོ་རྗེའི་གོ་འཕང་ཐོབ་པར་བྱ་དགོས། དེའི་ཆེད་དུ་བདེན་གཉིས་ཟུང་འཇུག་ཏུ་རྟོགས་པའི་ལྟ་བས་རྒྱུད་སྦྱངས་ནས་བསྐྱེད་རིམ་བསྒོམ་པ་ལ་དབང་བར་བྱེད་པ་བུམ་པའི་དབང་བསྐུར་བ་དང་རྫོགས་རིམ་བསྒོམ་པ་ལ་དབང་བར་བྱེད་པ་དབང་གོང་མ་གསུམ་མཐའ་རྟེན་དང་བཅས་པ་བླངས་ལ་ཉམས་སུ་བླང་བར་བགྱིའོ་སྙམ་པའི་འདུན་པ་དུང་པ་རེ་བསྐྱེད་མཛོད། དེ་ལ་སྟ་གོན་དུ་གནས་པ་ཡན་ཆད་གྲུབ་ཟིན་ནས། དངོས་གཞིའི་ཆོ་ག་ལ་བྲི་ཞིང་རྒྱན་དགྲམ་པ། སྒྲུབ་ཅིང་མཆོད་པ། འཇུག་ཅིང་དབང་བླང་བ། མཇུག་གི་ཆོ་ག་སྟེ་རྣམ་པ་བཞི་ཡོད་པ་ལས། བྲི་བ་ལའང་། ཐིག་གིས་བྲི་བ། ཚོན་གྱིས་བྲི་བ། མཚན་མ་དགོད་པ། རྒྱན་དགྲམ་པ་སྟེ་བཞི་དང་། སྒྲུབ་ཅིང་མཆོད་པ་ལ་བདག་བསྐྱེད་སྔོན་དུ་སོང་བའི་སྒོ་ནས་དམ་ཚིག་གི་དཀྱིལ་འཁོར་འབྱིན་པའི་ཚུལ་གྱིས་སྒྲུབ་པ་དང་། སྐྱེ་མཆེད་
― LT14_Page_133A ―
[མ་དཔེ་གཟིགས་ན་འདིར་གནོན།]
སྐུ་གསུང་ཐུགས་བྱིན་གྱིས་བརླབས་པའི་ཚུལ་གྱིས་སྒྲུབ་པ་དང་། ཡེ་ཤེས་ཀྱི་དཀྱིལ་འཁོར་སྤྱན་དྲངས་པའི་ཚུལ་གྱིས་སྒྲུབ་པ་དང་། དབང་བསྐུར་ཞིང་རིགས་ཀྱི་བདག་པོས་རྒྱས་བཏབ་པའི་ཚུལ་གྱིས་སྒྲུབ་པ་སྟེ་རྣམ་པ་བཞིས་བསྒྲུབ་ནས་ནང་དུ་དཀྱིལ་འཁོར་པ་མཆོད་པས་མཉེས་པར་བྱ་བ་དང་། ཕྱི་རོལ་ཏུ་འབྱུང་པོའི་ཚོགས་རྣམས་གཏོར་མས་ཚིམས་པར་བྱ་བ་རྣམས་དགོས་ཏེ། ཁོ་བོས་སྔོན་དུ་ལེགས་པར་གྲུབ་ཟིན་པ་ཡིན་ཞེས་བརྡ་སྤྲད། རས་བྲིས་ལྟར་ན། གོང་གི་དངོས་གཞིའི་ཆོ་ག་ལ་ཞེས་པའི་སྔོན་དུ།བདག་བསྐྱེད་སྔོན་དུ་སོང་བའི་ཞེས་པ་ནས།ལེགས་པར་གྲུབ་ཟིན་པ་ཡིན་ཅེས་པའི་བར་གྱིས་ཆོག །འཇུག་ཅིང་དབང་བསྐུར་བ་ལ། སློབ་དཔོན་བདག་ཉིད་འཇུག་ཅིང་དབང་བླང་བ་དང་། སློབ་མ་བདག་ཉིད་འཇུག་ཅིང་དབང་བསྐུར་བ་གཉིས་ལས། དང་པོ་བདག་ཉིད་འཇུག་ཅིང་དབང་བླང་བ་ནི། སློབ་མ་ལ་ཇི་ཙམ་བསྐུར་བའི་དབང་ཐམས་ཅད་བདག་འཇུག་གི་ཚུལ་དུ་ལེན་པ་སྟེ། དེ་དག་ཀྱང་སྔོན་དུ་ལེགས་པར་གྲུབ་ཅིང་། དེའི་རྗེས་སུ་ཕྱི་ནང་གི་མཁའ་འགྲོ་མཉེས་པར་བྱ་བའི་ཕྱིར་དུ་འཇིག་རྟེན་དང་འཇིག་རྟེན་ལས་འདས་པའི་གཏོར་མ་དབུལ་བ་དང་། སློབ་མ་གཞུག་པའི་ཕྱིར་དུ་དམ་ཚིག་གསུམ་གྱིས་གླུ་བླངས་ཤིང་། དེ་ཁོ་ན་ཉིད་ཀྱི་བདེན་པ་བསྒྲགས་པ་རྣམས་གྲུབ་པར་བྱས་པ་ལགས། ད་ཁྱེད་རྣམས་ཀྱི་ངོ་སྐལ་དུ་གྱུར་པ་སློབ་མ་འཇུག་ཅིང་དབང་བསྐུར་བ་ལ་ལྷ་དང་སྐལ་པ་མཉམ་པའི་ཆེད་དུ་དཀྱིལ་འཁོར་དུ་འཇུག་པའི་ཆོ་ག་དང་། ཞུགས་ནས་མངོན་པར་དབང་བསྐུར་བའི་ཆོ་ག་གཉིས་ཡོད་པ་ལས། འཇུག་པ་ལ་མཎྜལ་ཕུལ་ཏེ་གསོལ་བ་གདབ། །སྡོམ་པ་བསྒྲགས་བཟུང་གཉིས་ཀ་བྱ། །གདོང་བཅིངས་མེ་ཏོག་ཕྲེང་བ་གཏད། །འཁྱིལ་པས་བསངས་ཤིང་དྲིས་ལན་བྱ། །ནང་གི་
― LT14_Page_133B ―
[མ་དཔེ་གཟིགས་ན་འདིར་གནོན།]
སེམས་བསྐྱེད་གསང་བར་གདམས། །ཡོལ་བའི་ནང་འཇུག་དམ་ལ་བཞག །ཡེ་ཤེས་དབབ་སྟེ་གསོལ་བ་གདབ། །ཁ་དོག་དྲིས་ལན་བསྟོད་པ་བྱ། །མེ་ཏོག་ཕུལ་ཏེ་མིག་རས་ཕྱེ། །དཀྱིལ་འཁོར་བསྟན་པ་འཇུག་པའོ། །ཞེས་པ་ལྟར་ལས། ཐོག་མར་སློབ་དཔོན་ལ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ངོ་བོ་དཔལ་ཀྱཻ་རྡོ་རྗེ་དངོས་ཡིན་སྙམ་པའི་མོས་པ་དང་ལྡན་པའི་སྒོ་ནས་དཀྱིལ་འཁོར་དུ་འཇུག་པའི་ཆོས་རྣམས་ཞུ་བའི་ཡོན་དུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། བདག་མེད་མ་ཡིས་མགྲིན་འཁྱུད་པའི། །དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ཞེས་གསོལ་བ་བཏབ་པའི་སྒོ་ནས་དོན་དུ་གཉེར་བྱའི་གཙོ་བོ་དམ་ཚིག་དེ་ཉིད་ཅེས་པའི་དམ་ཚིག་ཐོབ་པར་བྱེད་པ་ལ་ཁས་བླངས་དང་ཆོ་གའི་སྒོ་ནས་ཐོབ་པར་བྱ་བ་གཉིས་ཡོད་པ་ལས། ཁས་བླངས་ཀྱི་སྒོ་ནས་ཐོབ་པར་བྱ་བ་ལ་འཛིན་རྒྱུའི་དམ་ཚིག་ངོ་ཤེས་པར་བྱ་བའི་ཆེད་དུ་སྡོམ་པ་བསྒྲགས་པ་འདི་ལ་གསན་པས་ཁྱབ་པར་གདའ་སྟེ། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །སྡོམ་པ་བརྟན་པོར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་ཡང་། །བློ་ཆེན་ཁྱོད་ཀྱིས་གཟུང་བྱ་སྟེ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་
― LT14_Page_134A ―
[མ་དཔེ་གཟིགས་ན་འདིར་གནོན།]
དྲིལ་བུ་ཞེས་སུ་བཤད། །སློབ་དཔོན་ཁྱེད་ཀྱིས་གཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའི། །སྡོམ་པ་དམ་ཚིག་ཡིན་པར་གསུངས། །རིན་ཆེན་རིགས་མཆོག་ཆེན་པོ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཕྱི་ནང་གསང་བ་ཐེག་པ་གསུམ། །དམ་ཆོས་ཁྱོད་ཀྱིས་གཟུང་བར་བྱ། །འདི་ནི་པདྨའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བྱོས། །དེ་ལས་གཞན་ཡང་བཅུ་བཞི་ནི། །ཕས་ཕམ་པར་ནི་རབ་ཏུ་བཤད། །སྤང་ཞིང་དོར་བར་མི་བྱ་སྟེ། །རྩ་བའི་ལྟུང་བ་ཞེས་བཤད་དོ། །ཉིན་དང་མཚན་མོ་ལན་གསུམ་དུ། །ཉིན་རེ་བཞིན་ནི་བཟླ་བར་བྱ། །གལ་ཏེ་ཉམས་གྱུར་རྣལ་འབྱོར་པ། །ཁ་ན་མ་ཐོ་སྦོམ་པོར་འགྱུར། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ངོ་། །འདོད་ལ་ལོག་པར་མི་སྤྱད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡི། །ཆང་ནི་རྣམ་པར་སྤང་བར་བྱ། །སེམས་ཅན་དོན་ཕྱིར་མ་གཏོགས་པ། །བྱ་བ་མ་ཡིན་ཐམས་ཅད་སྤངས། །དམ་པ་ཉེ་བར་བསྟེན་བྱ་ཞིང་། །རྣལ་འབྱོར་པ་ཀུན་བསྙེན་བཀུར་བྱ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་དག་ནི། །ཅི་ནུས་པར་ནི་རྗེས་སུ་བསྐྱང་། །ཐེག་པ་དམན་ལ་འདོད་མི་བྱ། །སེམས་ཅན་དོན་ལ་རྒྱབ་ཕྱོགས་མིན། །འཁོར་བ་དག་ཀྱང་ཡོངས་མི་སྤངས། །རྟག་ཏུ་མྱ་ངན་འདས་མི་ཆགས། །ལྷ་དང་ལྷ་མིན་གསང་བ་པ། །ཁྱོད་ཀྱིས་བརྙས་པར་མི་བྱ་ཞིང་། །ཕྱག་རྒྱ་བཞོན་པ་མཚོན་ཆ་དང་། །མཚན་མ་
― LT14_Page_134B ―
[མ་དཔེ་གཟིགས་ན་འདིར་གནོན།]
འགོམ་པར་མི་བྱའོ། །འདི་དག་དམ་ཚིག་ཡིན་པར་བཤད། །ཁྱོད་ཀྱིས་རྟག་ཏུ་བསྲུང་བར་བྱ། །རྗེས་མཐུན་སྡོམ་པ་རྒྱ་ཆེར་ནི། །གསང་བའི་རྒྱུད་ལས་རབ་ཏུ་གྲགས། །ཞེས་གསུངས་ཏེ། དེའི་དོན་ནི་སངས་རྒྱས་ཏེ་རྣམ་སྣང་གི་དམ་ཚིག་ཏུ་ཕྱི་ནང་གསང་བའི་དཀོན་མཆོག་གསུམ་སྐྱབས་གནས་སུ་འཛིན་པ་ཡིན་ཏེ། རྣམ་སྣང་སངས་རྒྱས་ཐམས་ཅད་ཀྱི་སྐུ་ཡིན་པས་ཡོན་ཏན་གྱི་རྟེན་བྱེད་པ་ལྟར་སྐྱབས་གསུམ་འཛིན་པའི་སྡོམ་པས་ཀྱང་སྡོམ་པ་ཐམས་ཅད་ཀྱི་རྟེན་བྱེད་པའི་ཕྱིར་རོ། །རྡོ་རྗེ་མི་བསྐྱོད་པའི་དམ་ཚིག་ནི་ཕྱི་ནང་གསང་བའི་རྡོ་རྗེ་དྲིལ་བུ་ཕྱག་རྒྱ་སློབ་དཔོན་རྣམས་འཛིན་པ་སྟེ། མི་བསྐྱོད་པ་ཐུགས་རྡོ་རྗེ་བྱང་ཆུབ་སེམས་ཀྱི་ངོ་བོ་ཡིན་པ་ལྟར་དམ་ཚིག་གསུམ་དང་སློབ་དཔོན་ཡང་བྱང་ཆུབ་ཀྱི་སེམས་ཀྱིས་འཛིན་པས་སོ། །རིན་ཆེན་ཏེ་རིན་འབྱུང་གི་དམ་ཚིག་ནི། ཟང་ཟིང་མི་འཇིགས་ཆོས་བྱམས་པའི་སྦྱིན་པ་རྣམས་ཉིན་ལན་གསུམ་མཚན་ལན་གསུམ་སྟེ་དུས་དྲུག་ཏུ་བཏང་བའམ། དངོས་སུ་མི་ནུས་ན་འདུན་པ་དང་མ་བྲལ་བར་བྱ་བ་སྟེ། རིན་འབྱུང་སྦྱིན་པའི་ངོ་བོ་སེར་སྣ་རྣམ་པར་དག་པ་ཡིན་པ་ལྟར། སྦྱིན་པའང་དབུལ་པོ་འདོར་བར་བྱེད་པ་དང་སེར་སྣའི་གཉེན་པོ་ཡིན་པས་སོ། །པདྨ་སྟེ་འོད་དཔག་མེད་ཀྱི་དམ་ཚིག་ནི་ཕྱི་བྱ་སྤྱོད་ནང་རྣལ་འབྱོར་གསང་བ་རྣལ་འབྱོར་བླ་མེད་དེ་རྒྱུད་སྡེ་བཞི་དང་། ཉན་ཐོས་རང་སངས་རྒྱས་བྱང་ཆུབ་སེམས་དཔའ་སྟེ་ཐེག་པ་གསུམ་དང་བཅས་པའི་དམ་པའི་ཆོས་འཛིན་པར་དམ་བཅའ་བ་སྟེ། འོད་དཔག་མེད་ཤེས་རབ་ཀྱི་ངོ་བོ་གསུང་རྣམ་པར་དག་པ་ཡིན་པ་ལྟར། ཆོས་ཀྱང་ཤེས་རབ་ཀྱིས་འཛིན་ཅིང་གསུང་གིས་སྟོན་པར་བྱེད་པའོ། །ལས་ཀྱི་རིགས་ཏེ་དོན་ཡོད་གྲུབ་པའི་དམ་ཚིག་ནི་སྡོམ་པ་ཐམས་ཅད་འཛིན་པ་དང་མཆོད་པའི་ལས་ལ་བརྩོན་པར་བྱ་བ་ཡིན་ཏེ། དོན་ཡོད་གྲུབ་པ་བརྩོན་འགྲུས་ཀྱི་ངོ་བོ་ཕྲིན་ལས་ཀྱི་
― LT14_Page_135A ―
[མ་དཔེ་གཟིགས་ན་འདིར་གནོན།]
རང་བཞིན་ཡིན་པ་ལྟར། དགེ་བ་ལ་སྤྱོད་པའི་བརྩོན་འགྲུས་ཀྱི་སྡོམ་པ་འཛིན་པ་དང་། སངས་རྒྱས་ལ་མཆོད་པ་བྱེད་པ་གཉིས་ཀའང་སངས་རྒྱས་ཀྱི་ཕྲིན་ལས་རྗེས་སུ་སྐྱོང་བ་ཡིན་པས་སོ། །དེ་རྣམས་ཀྱིས་རིགས་ལྔ་སོ་སོའ་དམ་ཚིག་བསྒྲགས་ནས། རིགས་ལྔ་སྤྱིའི་དམ་ཚིག་བསྒྲགས་པ་ལ་ཚུལ་ཁྲིམས་གསུམ་སྤྱིར་བཤད་པ་དང་། སོ་སོར་བཤད་པ་གཉིས་ལས། དང་པོ་ནི། དེ་ལས་གཞན་ཡང་བཅུ་བཞི་ནི། །ཞེས་སོགས་ཤློ་ཀ་གཉིས་ཏེ། ནམ་མཁའི་སྙིང་པོའི་མདོ་ལས་བཤད་པའི་བྱང་ཆུབ་སེམས་དཔའ་རྒྱལ་པོ་ལ་འབྱུང་བའི་ལྟུང་བ་གཅིག །བློན་པོ་ལ་འབྱུང་བ་གཅིག །རྒྱལ་བློན་ཐུན་མོང་དུ་འབྱུང་བ་བཞི། བྱང་སེམས་ལས་དང་པོ་པ་ལ་འབྱུང་བའི་བརྒྱད་དེ་བཅུ་བཞི་པོ་འདིར་ཡང་བསྲུང་དགོས་པར་སྟོན་པ་ལགས། གཉིས་པ་སོ་སོར་བཤད་པ་ལ། ཉེས་སྤྱོད་སྡོམ་པ། །དགེ་བ་ཆོས་སྡུད། སེམས་ཅན་དོན་བྱེད་ཀྱི་ཚུལ་ཁྲིམས་གསུམ་ལས། །དང་པོ་ནི། ཁྱོད་ཀྱིས་སྲོག་ཆགས་གསད་མི་བྱ། །ཞེས་སོགས་ཤློ་ཀ་གཉིས་ཏེ། ཉེས་སྤྱོད་སྡོམ་པའི་ཚུལ་ཁྲིམས་ནི། བྱང་ཆུབ་སེམས་དཔའི་རྒྱུད་ཀྱི་སོ་ཐར་རིགས་བདུན་གང་རུང་ཡིན་པས་རང་རང་གི་ཆོ་ག་ལས་ཐོབ་པའམ། དེས་མ་ཐོབ་ན་སྟ་གོན་དང་འཇུག་པའི་སྐབས་སུ་ཡོངས་རྫོགས་དགེ་བསྙེན་གྱི་སྡོམ་པ་དང་ན་མཉམ་པའི་སོ་ཐར་གྱི་སྡོམ་པ་ཐོབ་པས་ན་དེའི་བསླབ་བྱ་རྩ་བཞི་ཆང་དང་ལྔ་པོ་གཞན་དོན་དུ་འགྱུར་ན་མ་གཏོགས་སྤང་དགོས་པར་སྟོན་པ་ལགས། དགེ་བ་ཆོས་སྡུད་ནི། དམ་པ་ཉེ་བར་བསྟེན་བྱ་ཞིང་། །ཞེས་སོགས་རྐང་པ་དྲུག་སྟེ་དགེ་བ་སྤྱོད་པའི་གྲོགས་སྐྱེས་བུ་དམ་པ་དང་། རྣལ་འབྱོར་པ་རྣམས་ལ་བརྟེན་ནས་དགེ་བ་བཅུ་སྤྱོད་པ་སྟེ། བཅུ་པོ་དེར་ཕ་རོལ་ཏུ་ཕྱིན་པའི་ཉམས་ལེན་ཐམས་
― LT14_Page_135B ―
[མ་དཔེ་གཟིགས་ན་འདིར་གནོན།]
ཅད་འདུས་པས་སོ། །སེམས་ཅན་དོན་བྱེད་ནི། ཐེག་པ་དམན་ལ་འདོད་མི་བྱ། །ཞེས་སོགས་ཤློ་ཀ་གཅིག་སྟེ། སེམས་ཅན་གྱི་དོན་བྱེད་པའི་མི་མཐུན་ཕྱོགས་རྣམས་སྤངས་པའི་སྒོ་ནས་སེམས་ཅན་གྱི་དོན་བསྒྲུབ་དགོས་པར་སྟོན་པ་ཡིན། དེ་དག་མདོར་བསྡུས་ཏེ་བསྒྲགས་པ་ནི། ལྷ་དང་ལྷ་མིན་ཞེས་སོགས་ཤློ་ཀ་གཅིག་སྟེ། གཞན་ལ་གནོད་པ་དང་། གཞན་མ་དད་པར་འགྱུར་བའི་སྤྱོད་པ་རྣམས་སྤོང་བ་དང་། སོ་ཐར་བྱང་སེམས་གཉིས་སུ་མ་ཟད་གསང་བ་སྤྱི་རྒྱུད་སོགས་རྒྱུད་སྡེ་འོག་མ་ནས་བཤད་པའི་དམ་ཚིག་རྣམས་ཀྱང་བསྲུང་དགོས་པར་སྟོན་པ་སྟེ། རྒྱུད་སྡེ་གོང་མའི་སྡོམ་པའི་ནང་དུ་འོག་མའི་སྡོམ་པའང་འདུ་བས་སོ། །དེ་ལྟར་བཤད་པའི་དོན་དེ་དག་ཡིད་ལ་དྲན་པ་དང་བཅས་པའི་སྒོ་ནས་དམིགས་པ་འདི་བཞིན་མཛོད། ཅེས་སོགས་ཀྱིས་བརྡའ་སྤྲད་ལ་སྟ་གོན་གྱི་སྐབས་དཀོན་མཆོག་སོགས་ནས་འགྲུབ་པར་ཤོག །ཅེས་པས་རྒྱུད་དག་པར་བྱས་ནས་རིགས་ལྔ་སྤྱི་དང་ཁྱད་པར་གྱི་དམ་ཚིག་རྣམས་ཀྱང་འཛིན་སྙམ་པས་འདིའི་རྗེས་ཟློས་ལན་གསུམ་མཛོད། སྲས་བཅས་སངས་རྒྱས་ཐམས་ཅད་དང་། །དཔའ་བོ་རྣལ་འབྱོར་མ་རྣམས་ཀུན། །ཐམས་ཅད་བདག་ལ་དགོངས་སུ་གསོལ། །རིག་པ་འཛིན་པ་བདག་གིས་ནི། །དུས་འདི་ནས་ནི་བཟུང་ནས་སུ། །ཇི་སྲིད་བྱང་ཆུབ་སྙིང་པོའི་བར། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་ནི། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་དེང་ནས་བརྟན་པོར་གཟུང་། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་
― LT14_Page_136A ―
[མ་དཔེ་གཟིགས་ན་འདིར་གནོན།]
མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་དུ་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་མཆོག །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང་། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱུང་བ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་འགོད། །ཅེས་པས་དམ་ཚིག་དང་སྡོམ་པ་འཛིན་པར་ཁས་བླངས་ནས། འཛིན་རྒྱུའི་དམ་ཚིག་དང་སྡོམ་པའི་གཙོ་བོ་དབང་བསྐུར་བ་ལས་སྐྱེ་བར་འགྱུར་ཞིང་། དབང་བསྐུར་བའང་དཀྱིལ་འཁོར་དུ་འཇུག་པ་སྔོན་དུ་འགྲོ་བ་ཅན་ཡིན་པས་སྔོན་ཆད་ཀྱཻ་རྡོ་རྗེའི་དཀྱིལ་འཁོར་དུ་མ་ཞུགས་པའམ། ཞུགས་ཀྱང་བསྐུར་ནས་འཇུག་པའི་མཚོན་བྱེད་དུ་རས་ཡུག་དམར་པོ་རེས་གདོང་བཅིངས་པའི་མོས་པ་མཛོད། ཨཱ་ཁཾ་ཝཱི་ར་ཧཱུྃ་ཞེས་པས་གདོང་བཅིང་ནས།དཀྱིལ་འཁོར་གྱི་ལྷ་དང་མཇལ་བའི་ཚེ་ཕྱག་སྟོང་པར་མཇལ་དུ་མི་བཏུབ་པས་ཕྱག་རྟེན་གྱི་སླད་དུ་མེ་ཏོག་རིགས་ལྔ་བརྒྱུས་པའི་ཕྲེང་བ་རེ་བྱིན་པའི་མོས་པ་མཛོད། ཨཱ་ཁཾ་སོགས་ཀྱིས་སྦྱིན།སློབ་དཔོན་གྱི་ཐུགས་ཀ་ནས་བདུད་རྩི་འཁྱིལ་བའི་ཚོགས་བསམ་གྱིས་མི་ཁྱབ་པ་བྱོན་ནས་དབང་ལེན་པ་ལ་བར་དུ་གཅོད་པའི་བགེགས་དང་ལོག་པར་འདྲེན་པ་ཐམས་ཅད་རྒྱང་རིང་དུ་བསྐྲད་པའི་མོས་པ་མཛོད། ཅེས་དང་། ལས་བུམ་གྱི་ཆུ་གཏོར་ལ། ༀ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་
― LT14_Page_136B ―
[མ་དཔེ་གཟིགས་ན་འདིར་གནོན།]
ན་ཧཱུྃ་ཧཱུྃ་ཧཱུྃ་ཕཊ། ཅེས་པས་བར་དུ་གཅོད་པ་བསྲུངས་ནས། རིགས་ངེས་པར་བྱ་བའི་སླད་དུ། བུ་ཁྱོད་སུ་ཡིན་ཅི་ལ་དགའ། ཞེས་དྲིས་པའི་ལན་བཏབ་པའི་མོས་པ་མཛད་ནས་འདིའི་རྗེས་ཟློས་མཛོད། སྐལ་བཟང་བདག་བདེ་བ་ཆེན་པོ་ལའོ། །དེས་བུ་ལ་ཅི་ཞིག་བྱ། ཞེས་དྲིས་པའི་ལན་བཏབ་པའི་མོས་པ་མཛད་ནས་འདིའི་རྗེས་ཟློས་མཛོད། སངས་རྒྱས་མཆོག་གི་དམ་ཚིག་གོ །མཆོག་ཏུ་མི་འགྱུར་བའི་བདེ་བ་ཆེན་པོ་སངས་རྒྱས་མཆོག་གི་དམ་ཚིག་འདོད་པ་དེས། །གསང་སྔགས་ནང་གི་སེམས་བསྐྱེད་པའི་སླད་དུ་དམིགས་པ་འདི་བཞིན་མཛོད། སེམས་ཅན་ཐམས་ཅད་ལ་ཕན་པ་བླ་ན་མེད་པ་བསྒྲུབ་པར་བགྱིའོ་སྙམ་པའི་ཀུན་རྫོབ་བྱང་ཆུབ་ཀྱི་སེམས་དུང་པ་ཞིག་བསྐྱེད། དེ་ཉིད་གཟུགས་ཀྱི་རྣམ་པར་ལངས་པ་ལས་བྱུང་བའི་ཟླ་བའི་དཀྱིལ་འཁོར་ཆ་ཤས་ཡོངས་སུ་རྫོགས་པ་ཉ་གང་བ་ལྟ་བུ་ཞིག་ལམ་གྱིས་བྱུང་བའི་མོས་པ་མཛོད། །ཆོས་ཐམས་ཅད་ཀྱི་གནས་ལུགས་སྤྲོས་པའི་མཐའ་ཐམས་ཅད་དང་བྲལ་བ་བདེ་སྟོང་ནམ་མཁའ་ལྟ་བུའོ་སྙམ་དུ་ཡིད་ལ་བྱས་ཏེ། དེ་ཉིད་གཟུགས་ཀྱི་རྣམ་པར་ལངས་པ་ལས་བྱུང་བའི་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་དཀར་པོ་རྩེ་ལྔ་པ་འོད་ཟེར་འཕྲོ་བ་དང་བཅས་པ་ཞིག་གསལ་ལམ་གྱིས་བྱུང་བར་མོས་ཏེ། དེ་གཉིས་དབྱེར་མེད་དུ་སེམས་བསྐྱེད་སྙམ་པས་འདིའི་རྗེས་ཟློས་མཛོད། ༀ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི། ཐམས་ཅད་རྣལ་འབྱོར་དུ་སེམས་བསྐྱེད་པ་དེ་སྙིང་གར་རྡོ་རྗེ་བཞག་ནས་བརྟན་པར་བྱས་པའི་མོས་པ་མཛོད། ༀ་སུ་ར་ཏེ་ས་མ་ཡ་སྟཱཾ་ཧོཿསིདྱ་བཛྲ་ཡ་ཐཱ་སུ་ཁཾ་ཞེས་པས་སེམས་བསྐྱེད་པ་རྣམས་ཕྱི་འཇུག་གི་གཙོ་བོ་ཡིན་པས་བརྡ་དོན་འཕྲོད་པ་གལ་ཆེ་བ་ལགས། །དེ་ལྟར་སེམས་བསྐྱེད་པ་དང་འོག་ནས་འབྱུང་བའི་གསང་སྔགས་ཀྱི་ཀུན་ཏུ་སྤྱོད་པ་རྣམས་སྣོད་དང་མི་ལྡན་པ་རྣམས་ཀྱི་མདུན་དུ་སྨྲ་བར་མི་བཏུབ་བོ་ཞེས་
― LT14_Page_137A ―
[མ་དཔེ་གཟིགས་ན་འདིར་གནོན།]
གསང་བར་གདམས་པ་ནི། དེང་ཁྱོད་དེ་བཞིན་གཤེགས་པ་ཐམས་ཅད་དང་དཔའ་བོ་དང་རྣལ་འབྱོར་མ་ཐམས་ཅད་ཀྱི་རིགས་སུ་རབ་ཏུ་ཞུགས་ཀྱི་དེ་བཞིན་གཤེགས་པ་ཐམས་ཅད་ཀྱི་གསང་ཆེན་དམ་པ་འདི། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་མ་ཞུགས་པ་རྣམས་ཀྱི་མདུན་དུ་སྨྲ་བར་མི་བྱ་སྟེ། མ་དད་པ་རྣམས་ལ་ཡང་མ་ཡིན་ནོ། །ཞེས་པས་གསང་བར་གདམས་པ་རྣམས་ཕྱིའི་འཇུག་པ་ཡིན། ནང་འཇུག་གི་སླད་དུ་ཁྱེད་རང་རྣམས་སློབ་དཔོན་གྱི་ལག་གི་རྡོ་རྗེ་ལ་འཇུས་ཏེ་དཀྱིལ་འཁོར་གྱི་ཤར་སྒོ་ནས་ཞུགས་པའི་མོས་པ་བྱས་ཏེ་དཀྱིལ་འཁོར་གྱི་ཕྱོགས་ལ་དབུ་དུད་པ་དང་བཅས་པས་འདིའི་རྗེས་ཟློས་མཛོད། ཧཱུྃ་ཛཿཧཱུྃ་ཞེས་སམ། ཛཿཧཱུྃ་བཾ་ཧོཿ གང་མོས་བརྗོད་པས་དཀྱིལ་འཁོར་གྱི་ཤར་སྒོའི་སྒོ་ནང་དུ་འཁོད་པའི་མོས་པ་མཛོད། ནང་གི་འཇུག་པ་ལ་སྔོན་འགྲོ་དམ་ལ་བཞག་པ་བཞིའི་དང་པོ་ཕན་ཡོན་གྱི་སྒོ་ནས་དམ་ལ་བཞག་པ་ནི། ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན་དངོས་གྲུབ་གཞན་ལྟ་སྨོས་ཀྱང་ཅི་དགོས། དེ་ལྟ་བུའི་རྡོ་རྗེའི་ཡེ་ཤེས་བསྐྱེད་པར་བྱའི། །ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ་བུ་ཁྱོད་དམ་ཚིག་ཉམས་པར་འགྱུར་ཏ་རེ་ཞེས་དང་ཉེས་དམིགས་ཀྱི་སྒོ་ནས་དམ་ལ་བཞག་པ་ནི། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་དང་། འདིའང་ཉེས་དམིགས་ཀྱི་སྒོ་ནས་དམ་ལ་བཞག་པ་ཡིན་ཏེ། འདི་ནི་ཁྱོད་ཀྱི་དམ་ཚིག་གི་རྡོ་རྗེ་སྟེ་གལ་ཏེ་ཚུལ་འདི་སུ་ཡང་རུང་བ་ལ་སྨྲས་ན་ཁྱོད་ཀྱི་མགོ་བོ་འགེམ་པར་འགྱུར་རོ། །ཞེས་དང་། མནའ་ཆུ་སྦྱིན་པའི་སྒོ་ནས་དམ་ལ་བཞག་པ་ནི། རྣམ་རྒྱལ་བུམ་པའི་ཆུ་དུང་ཆོས་སུ་
― LT14_Page_137B ―
[མ་དཔེ་གཟིགས་ན་འདིར་གནོན།]
བླུགས་པ་སྦྱིན་ལ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ༀ་པཉྩ་ཨ་མྲྀ་ཏ་ཨུ་ད་ཀ་ཋ་ཋ་ཋ་ཞེས་དང་། བླ་མའི་བཀའ་ཉན་པའི་སྒོ་ནས་དམ་ལ་བཞག་པ་ནི། དེང་ནས་བརྩམས་ཏེ་བུ་ཁྱོད་ཀྱི་དཔལ་ཧེ་རུ་ཀ་ང་ཡིན་གྱི་ངས་འདི་བྱོས་ཤིག་ཅེས་བྱ་བ་དེ་ཁྱོད་ཀྱིས་བྱ་དགོས་སོ། །ང་ལ་ཡང་བརྙས་པ་མ་བྱེད་ཅིག །བྱས་ན་ཡ་ང་བ་མ་སྤངས་པར་འཆི་བའི་དུས་བྱས་ནས་སེམས་ཅན་དམྱལ་བ་ཆེན་པོར་ལྟུང་བར་འགྱུར་ཏ་རེ་ཞེས་པ་རྣམས་སྔོན་འགྲོ་དམ་ལ་བཞག་པ་ཡིན། །ནང་འཇུག་གི་དངོས་གཞི་ཡེ་ཤེས་དབབ་པ་ཞུ་བའི་ཡོན་དུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་ཧེ་རུ་ཀ་བདག་ལ་དབབ་ཏུ་གསོལ། ཞེས་པས་གསོལ་བ་བཏབ་ནས། ཁྱེད་རང་རྣམས་ལུས་ཙོག་པུ་གང་ལ་ཡང་མ་སྙེས་པར་མེ་ཏོག་དང་བཅས་པའི་ཐལ་མོ་སྦྱར་ཏེ་སེམས་གཞན་ཏུ་མ་ཡེངས་པར་མཛད་ནས་དམིགས་པ་འདི་བཞིན་མཛོད། ཆོས་ཐམས་ཅད་སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ནམ་སྒྱུ་མ་ལྟ་བུར་ཤེས་པར་བྱས་ཏེ། དེའི་ངང་ལས་ཁྱེད་རང་རྣམས་ཧེ་རུ་ཀར་གསལ་བའི་རྐང་པའི་འོག་ཏུ་ཡཾ་ལས་རླུང་གི་དཀྱིལ་འཁོར་སྔོན་པོ་གཞུ་བདུངས་བ་ལྟ་བུ་ཆང་ཟུང་ཐུར་དུ་བསྟན། མཆོག་མ་གཉིས་གྱེན་དུ་བསྟན་པ་ལ་གཡོ་བའི་བ་དན་གྱིས་མཚན་པ། དེའི་སྟེང་དུ་རྐང་པ་གཉིས་བགྲད་ནས་གནས་པའི་རྐང་མཐིལ་གཉིས་སུ་ཡི་གེ་ཛྷཻཾ་ལྗང་གུ་དྲག་ཅིང་བཟོད་པར་དཀའ་བ་རྐང་པའི་བར་དུ་རཾ་ལས་བྱུང་བའི་མེའི་དཀྱིལ་འཁོར་གྲུ་གསུམ་དམར་པོ་འབར་བས་མཚན་པ། སྙིང་གར་ལཾ་ལས་བྱུང་
― LT14_Page_138A ―
[མ་དཔེ་གཟིགས་ན་འདིར་གནོན།]
བའི་སའི་དཀྱིལ་འཁོར་གྲུ་བཞི་སེར་པོ་ཟུར་བཞིར་རྡོ་རྗེ་རྩེ་གསུམ་པས་མཚན་པའི་ལྟེ་བ་ལ་ཧཱུྃ། མགྲིན་པར་ཝཾ་ལས་བྱུང་བའི་ཆུའི་དཀྱིལ་འཁོར་དཀར་པོ་ཟླུམ་པོ་བུམ་པ་ལ་ཨས་མཚན་པ། སྤྱི་བོར་ཡཾ་ལས་བྱུང་བའི་རླུང་གི་དཀྱིལ་འཁོར་དུ་བ་འཁྲིགས་པ་ལྟ་བུ་ལ་ཧས་མཚན་པ། སློབ་དཔོན་ལ་རྡོ་རྗེ་སེམས་དཔའ་དངོས་ཡིན་སྙམ་པའི་མོས་གུས་བྱས་པས། སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་པས་ཁྱེད་རང་གི་རྐང་འོག་གི་རླུང་ལ་ཕོག་པས་རླུང་གཡོས་ཏེ་སུམ་མདོར་མེ་སྦར། རྐང་མཐིལ་གྱི་ཛྷཻཾ་མེར་འབར་བ་ལོང་བུ་གཉིས་ནས་ཞུགས་སུམ་མདོའ་གནས་སུ་འཛོམ་སྟེ་དྲག་ཏུ་འབར་བས་སྙིང་གའི་ས་བསྲོས། དེས་མགྲིན་པའི་ཆུ་བསྐོལ་བའི་ཟེག་མ་སྙིང་གའི་སའི་སྟེང་དུ་བབ། དེ་ནས་རྐང་འོག་གི་རླུང་གིས་གྱེན་ལ་བཏེགས། སྤྱི་བོའི་རླུང་གིས་ཐུར་ལ་མནན་པའི་བར་སྣང་དུ་ཡེད་ཡེད་ཡོད་པར་གྱུར། དེའི་ཚེ་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས་པས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཁ་བ་ཆེན་པོ་བབ་པ་བཞིན་དུ་ཁྱེད་རང་རྣམས་ཀྱི་བ་སྤུའི་བུ་ག་རྣམས་ནས་སིབ་སིབ་ཐིམ་པའི་མོས་པ་མཛོད། རྡོ་རྗེ་དྲིལ་བུ་དཀྲོལ་ཏེ། ཧཱུྃ་ཨ་ཧ་ཛྷཻཾ་ཞེས་དང་།ཨཱ་ཝེ་ཤ་ཡ་སྟྭཾ་བྷ་ཡ་སྟྭཾ་བྷ་ཡ། ར་ར་ར་ར། ཙ་ལ་ཡ། ཙ་ལ་ཡ། ཧཱུྃ་ཨ་ཧ་ཛྷཻཾ་ཞེས་མང་དུ་བརྗོད་ཅིང་སྤོས་རོལ་བྱ།རྒྱུ་དབང་གི་ཚེ་སྤོགས་པའི་སླད་དུ་དམིགས་པ་འདི་བཞིན་མཛོད། ཁྱེད་རང་རྣམས་ཀྱི་སྤྱི་བོར་བླ་མ་དམ་པ་སྐུ་དར་ལ་བབ་པ་ཕྱག་གཉིས་མཉམ་བཞག་གི་ཕྱག་རྒྱ་ཅན། ཞབས་གཉིས་རྡོ་རྗེའི་སྐྱིལ་ཀྲུང་གིས་བཞུགས་པ་གཅིག་བསྒོམ་སྟེ། དེ་ལ་མོས་གུས་དྲག་ཏུ་བྱས་པའི་རྐྱེན་གྱིས་ཁྱེད་རང་རྣམས་ཀྱི་སྤྱི་བོ་ནས་ཐིམ་པས་རྒྱུད་བྱིན་གྱིས་བརླབས་པའི་མོས་པ་མཛོད། ཅེས་བརྗོད། རྩ་སྔགས་མང་དུ་བརྗོད་ཅིང་སྤོས་དང་རོལ་མོ་བྱ། དེ་ལྟར་ཡེ་ཤེས་ཕབ་པའི་བྱིན་རླབས་ཀྱི་རྒྱུན་སྤྱི་བོར་རྡོ་རྗེ་རྒྱ་གྲམ་བཞག་སྟེ་བརྟན་
― LT14_Page_138B ―
[མ་དཔེ་གཟིགས་ན་འདིར་གནོན།]
པར་བྱས་པའི་མོས་པ་མཛོད། ཏིཥྛ་བཛྲ་ཞེས་པས་བརྟན་པར་བྱས་ནས། ཕེབས་པའི་རྟགས་ནི་སྐུ་བབས་ན་ནམ་མཁའ་ལ་གར་བྱེད། གསུང་བབས་ན་སཾ་སྐྲྀ་ཏའི་སྐད་སྨྲ། ཐུགས་བབས་ན་དུས་གསུམ་ཤེས་པ་ལ་སོགས་པ་འབྱུང་བར་འགྱུར་བས་དེ་ཉིད་ངོ་ཤེས་པར་བྱས་ནས་ལམ་དུ་སྲོལ་བར་གྱིས་ཤིག །དེ་ལྟར་ཡེ་ཤེས་ཕེབས་པ་དེ་ལྷག་པའི་ལྷ་དང་ངོ་སྤྲོད་པའི་སླད་དུ་དཀྱིལ་འཁོར་ལ་གསོལ་བ་འདེབས་པ་སློབ་དཔོན་གྱིས་བགྱི་བར་གདའ་སྟེ། དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །ལྷ་ཡི་རིགས་ཀྱི་རིམ་པ་དང་། །བསོད་ནམས་རིམ་པའང་དེ་བཞིན་ཤོག །རིགས་ནི་གང་གི་སྣོད་དུ་འགྱུར། འདི་ལ་བསོད་ནམས་ཅི་ཡོད་པ། །དཀྱིལ་འཁོར་འདིར་ནི་དེ་བཞིན་ཤོག །ལན་གསུམ་དང་། ཞེས་གསོལ་བ་བཏབ་ནས། དངོས་གྲུབ་ཀྱི་ལྟས་བརྟག་པའི་ཆེད་དུ་ཁྱེད་རང་རྣམས་མིག་རས་དང་བཅས་བཞིན་དུ་དཀྱིལ་འཁོར་གྱི་ཐད་ཀྱི་བར་སྣང་ལ་བལྟས་ཏེ་མིག་གི་ལམ་དུ་ཁ་དོག་གང་མཐོང་བ་ཞིག་ངེད་ལ་སྨྲ་དགོས་པས། ཀྱེ་ཁྱེད་ཀྱི་མིག་ལམ་ན་ཅི་སྣང་། ཞེས་དྲིས་ལ། དཀར་པོ་མཐོང་ན་ཞི་བ། སེར་པོ་རྒྱས་པ། དམར་པོ་དབང་། སྔོན་པོའམ་ནག་པོ་མངོན་སྤྱོད། ལྗང་གུའམ་སྣ་ཚོགས་སམ་ཁྲ་བོ་མཐོང་ན་ལས་སྣ་ཚོགས་འགྲུབ་པར་འགྱུར་རོ། །ཞེས་པས་དངོས་གྲུབ་ཀྱི་མཚན་ལྟས་བརྟག་ནས། སློབ་དཔོན་གྱིས་ལྷ་ཐམས་ཅད་གདན་གསུམ་ཚང་བའི་རང་བཞིན་དུ་ཤེས་པའི་སྒོ་ནས་བསྟོད་པ་ནི། ཞེ་སྡང་རྡོ་རྗེར་ཕྱག་འཚལ་བསྟོད། །གཏི་མུག་རྡོ་རྗེར་ཕྱག་འཚལ་བསྟོད། །སེར་སྣ་རྡོ་རྗེ་བདག་ལ་སྩོལ། །འདོད་ཆགས་རྡོ་རྗེ་བདག་ལ་སྐྱོབས། །ཡིད་དང་ཕྲག་དོག་ཆེན་པོ་ཀུན། །རྡོ་རྗེ་ཀུན་གྱི་དམ་ཚིག་མཆོག །ལས་རྣམས་ཐམས་
― LT14_Page_139A ―
[མ་དཔེ་གཟིགས་ན་འདིར་གནོན།]
ཅད་སྒྲུབ་བྱེད་པ། །རྡོ་རྗེ་ཅན་ཀུན་བདག་དགྱེས་མཛོད། །ཅེས་པས་བསྟོད། དེ་ནས་དཀྱིལ་འཁོར་ལ་མེ་ཏོག་དབུལ་བ་ནི། འདི་ན་བཅོམ་ལྡན་འདས་དཔལ་ཀྱཻ་རྡོ་རྗེའི་དཀྱིལ་འཁོར་བཞུགས་པ་ཡིན་ཏེ། དེའང་ཡང་དག་པར་རྫོགས་པའི་སངས་རྒྱས་ཀྱི་ཡེ་ཤེས་གཅིག་ཉིད་གདུལ་བྱ་འདུལ་བའི་ཆེད་དུ་གཙོ་འཁོར་གྱི་རྣམ་པ་ཅན་དུ་བསྟན་པ་ཙམ་མ་གཏོགས་ངོ་བོ་ལ་བཟང་ངན་གཅིག་ཀྱང་མེད་མོད། འོན་ཀྱང་རང་གི་ལས་བསགས་པའི་ལྷ་ཞིག་ལ་འབབ་པར་ཤོག་ཅིག་སྙམ་པའི་བློས། ༀ་པྲ་ཏཱིཙྪ་བཛྲ་ཧོཿ ཞེས་གསུང་ཞིང་འབུལ་བའི་ཚུལ་མཛོད་ཅིག །ཅེས་བསྒོམ་ལ་ཕུལ་ཏེ་གང་ལ་ལྷུང་བ་ལས་ཉེ་བ་དེའི་རིགས་སུ་ངེས་པར་བྱས་ལ་མེ་ཏོག་དེ་སློབ་དཔོན་གྱིས་བླངས་ཏེ། ༀ་པྲ་ཏི་གྲྀཧྞ་སྟྭཾ་ཨི་མཾ་སྟྭ་མ་ཧཱ་བ་ལ། ཞེས་ལྷ་ལ་བོས་ནས་དེས་ཀྱང་མེ་ཏོག་གི་ཕྲེང་བ་སླར་སྦྱིན་པར་བསམས་ལ། མེ་ཏོག་སློབ་མའི་སྤྱི་བོར་བཞག་མིག་རས་བསལ་ཏེ། །ༀ་རྡོ་རྗེ་སེམས་དཔའ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་འགྱུར་པ། །རྡོ་རྗེའི་མིག་ནི་བླ་ན་མེད། ཧེ་བཛྲ་པཱ་ཤྱ། ཞེས་པ་ནི། ཀྱེ་རྡོ་རྗེ་ལྟོས་ཤིག་ཅེས་བསྐུལ་བ་ཡིན་པས། །དཀྱིལ་འཁོར་ལེགས་པར་གཟིགས་ཤིག །ཅེས་བསྒོ། །སླར་ཡང་དཀྱིལ་འཁོར་ལྟ་བར་བསྐུལ་བ་ནི། །ཐར་པ་ཆེན་པོའི་གྲོང་ཁྱེར་མཆོག །ལྟོས་ཤིག་ལྟོས་ཤིག་སེམས་དཔའ་ཆེ། །མེ་ཏོག་གང་དུ་ལྷུང་གྱུར་པ། །དེ་ནི་ཁྱོད་ཀྱི་ཧེ་རུ་ཀ །དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་རབ་ཏུ་བསྐྱེད། །ཁྱོད་ཀྱང་སངས་རྒྱས་རིགས་སུ་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །ཁྱོད་ནི་རྣལ་འབྱོར་མ་རིགས་སྐྱེས། །དམ་ཚིག་ཐམས་ཅད་བསྐྱངས་པ་དང་། །སྔགས་རྣམས་ལ་ཡང་བརྩོན་པར་གྱིས། །ཞེས་བརྗོད་ལ། དེའང་འདི་ན་དཔལ་ཀྱཻ་རྡོ་རྗེའི་དཀྱིལ་འཁོར་གྱི་འཁོར་ལོ་བཞུགས་ཏེ། ཕྱི་རོལ་རྡོ་རྗེའི་
― LT14_Page_139B ―
[མ་དཔེ་གཟིགས་ན་འདིར་གནོན།]
རྭ་བ་གུར་མེ་རི་དང་བཅས་པའི་བསྲུང་བའི་འཁོར་ལོའ་ནང་དུ་དུར་ཁྲོད་བརྒྱད། དེ་དག་ལ་གནས་པའི་ཤིང་བརྒྱད། ཤིང་གི་རྩ་བ་ལ་གནས་པའི་ཕྱོགས་སྐྱོང་བརྒྱད། སྟེང་གི་ནམ་མཁའ་ལ་གནས་པའི་སྤྲིན་བརྒྱད། དེ་དག་ལ་གནས་པའི་ཀླུ་བརྒྱད། ཤིང་གི་ཡལ་ག་ལ་གནས་པའི་ཞིང་སྐྱོང་བརྒྱད། གཞན་ཡང་ཆུ་བརྒྱད། མེ་བརྒྱད། །མཆོད་རྟེན་བརྒྱད། གྲུབ་པ་ཐོབ་པའི་དཔའ་བོ་དང་། རྣལ་འབྱོར་མ་དང་། འདྲེ་དང་། སྲིན་པོ་དང་། མཁའ་འགྲོ་དང་། མཁའ་འགྲོ་མ་དང་། རོ་དང་རོ་ལངས་ལ་སོགས་པས་ཡོངས་སུ་གང་བའི་དུར་ཁྲོད་བརྒྱད་ཀྱིས་བསྐོར་བའི་ནང་དུ་ཆོས་འབྱུང་གི་ནང་དུ་ཚུད་པའི་སྣ་ཚོགས་པདྨ་འདབ་མ་སུམ་ཅུ་རྩ་གཉིས་པའི་ལྟེ་བར་ཉི་མའི་དཀྱིལ་འཁོར་གྱི་སྟེང་དུ། ཐར་པ་ཆེན་པོའི་གཞལ་ཡས་ཁང་གྲུ་བཞི་པ། སྒོ་བཞི་པ། ནང་ནས་རིམ་པ་བཞིན་ནག་པོ། ལྗང་གུ། དམར་པོ། སེར་པོ། དཀར་པོའི་རྩིག་པ་རིམ་པ་ལྔ་དང་ལྡན་པ། དེའི་སྟེང་དུ་རིན་པོ་ཆེའི་ཕ་གུ་སེར་པོ་ལ་དྲྭ་བ་དང་དྲྭ་བ་ཕྱེད་པ་འཕྱང་བ། དེའི་སྟེང་དུ་རིན་པོ་ཆེའི་མདའ་ཡབ་དང་པུ་ཤུས་བརྒྱན་པ། རྩིག་པའི་ཕྱི་རོལ་དུ་འདོད་ཡོན་གྱི་སྣམ་བུ་དམར་པོ་ལ་མཆོད་པའི་ལྷ་མོ་བཅུ་དྲུག་གིས་མཆོད་རྫས་དུ་མ་ཐོགས་ནས་བཅོམ་ལྡན་འདས་ལ་མཆོད་པ། ནང་ཀ་བ་བརྒྱད་དང་ལྡན་པ། སྟེང་རྡོ་རྗེའི་གདུང་བཞིས་མིག་མངས་རིས་སུ་བྲིས་ཤིང་མཛེས་པར་ཕུབ་པ། དབུས་ཕྱུར་བུར་གྱུར་པའི་སྟེང་དུ་རྡོ་རྗེ་དང་རིན་པོ་ཆེའི་ཏོག་གིས་བརྒྱན་པ། སྒོ་བཞིའི་ཐད་སོར་ཀ་བ་བཞི་བཞིས་བཏེགས་པའི་རྟ་བབས་བང་རིམ་བཞི་དང་ལྡན་པའི་སྟེང་དུ་པདྨ་ལ་གནས་པའི་ཆོས་ཀྱི་འཁོར་ལོ་དང་། གདུགས་དང་རི་དྭགས་དང་བཅས་པ། གཞན་ཡང་གོས་དང་། འཕན་དང་། མེ་ཏོག་གི་ཕྲེང་བ་དང་།
― LT14_Page_140A ―
[མ་དཔེ་གཟིགས་ན་འདིར་གནོན།]
ཕྲེང་བ་དང་། ཟླ་བ་རླུང་གིས་བསྐྱོད་པ་དང་། རྔ་ཡབ་ནོར་བུའི་ཡུ་བ་ཅན་ལ་སོགས་པ་རྒྱན་དུ་མས་བརྒྱན་པའི་གཞལ་ཡས་ཁང་གི་ནང་གི་ལྷ་རྣམས། ཤར་དཀར། ལྷོ་སེར། ནུབ་དམར། བྱང་ལྗང་། དབུས་སྔོ་བའི་དབུས་སུ་སྡོང་བུ་དང་བཅས་པའི་སྣ་ཚོགས་པདྨ་འདབ་མ་བརྒྱད་པའི་ལྟེ་བར་ཉི་མའི་དཀྱིལ་འཁོར་གྱི་སྟེང་དུ་ཚངས་པ་ལ་སོགས་པ་བདུད་བཞིའི་གདན་དང་། འདབ་མ་བརྒྱད་ལ་ཟླ་བའི་དཀྱིལ་འཁོར་རེ་རེའི་སྟེང་དུ་ཤར་དུ་ཚངས་པ་སེར་པོ། ལྷོར་དབང་པོ་དཀར་པོ། ནུབ་ཏུ་ཉེ་དབང་སྔོན་པོ། བྱང་དུ་དྲག་པོ་ནག་པོ། བྱང་ཤར་དུ་གཤིན་རྗེ་སྔོན་པོ། ཤར་ལྷོར་ནོར་བདག་སེར་པོ། ལྷོ་ནུབ་ཏུ་སྲིན་པོ་ནག་པོ། ནུབ་བྱང་དུ་ཐག་ཟངས་རིས་དུད་ཀ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་དང་བཅས་པ་རྣམས་ནི་རྟེན་གཞལ་ཡས་ཁང་པ་ཡིན་ལ། བརྟེན་པ་ལྷ་ནི་ཤར་དུ་གཽ་རཱི་ནག་མོ་གཡས་གྲི་གུག །གཡོན་ཉ་རོ་ཧི་ཏ་འཛིན་པ། ལྷོར་ཙཽ་རཱི་དམར་མོ་གཡས་ཅང་ཏེའུ། གཡོན་ཕག་པ་འཛིན་པ། ནུབ་ཏུ་བེ་ཏཱ་ལཱི་སེར་མོ་གཡས་རུས་སྦལ། གཡོན་ཐོད་པ་འཛིན་པ། བྱང་དུ་གྷསྨ་རཱི་ལྗང་གུ་གཡས་སྦྲུལ། གཡོན་ཐོད་པ་འཛིན་པ། བྱང་ཤར་དུ་པུཀྐ་སཱི་སྔོན་མོ་གཡས་སེང་གེ་གཡོན་དགྲ་སྟྭ་འཛིན་པ། ཤར་ལྷོར་རི་ཁྲོད་མ་དཀར་མོ་གཡས་དགེ་སློང་། གཡོན་གསིལ་བྱེད་འཛིན་པ། ལྷོ་ནུབ་ཏུ་གདོལ་པ་མོ་སྔོ་དམར་གཡས་འཁོར་ལོ། །གཡོན་ཐོང་གཤོལ་འཛིན་པ། ནུབ་བྱང་དུ་གཡུང་མོ་ཁ་དོག་སྣ་ཚོགས་པ། གཡས་རྡོ་རྗེ། གཡོན་སྡིགས་མཛུབ་མཛད་པ་སྟེ་ལྷ་མོ་བརྒྱད་ཀྱིས་བསྐོར་བའི་དབུས་སུ། བཅོམ་ལྡན་འདས་སྙིང་པོ་ཀྱཻ་རྡོ་རྗེ་སྐུ་མདོག་སྔོན་པོ་ཞལ་བརྒྱད། ཕྱག་བཅུ་དྲུག་པ། ཞབས་བཞི་པ།
― LT14_Page_140B ―
[མ་དཔེ་གཟིགས་ན་འདིར་གནོན།]
རྩ་བའི་ཞལ་སྔོན་པོ། གཡས་དཀར། གཡོན་དམར། སྟེང་ཞལ་དུད་ཀ་ཞལ་ལྷག་མ་གཉིས་གཉིས་གནག་པ། ཞལ་རེ་རེ་ལ་སྤྱན་གསུམ་གསུམ་དང་ལྡན་ཞིང་མཆེ་བ་བཞི་བཞི་གཙིགས་པ། དབུ་སྐྲ་སེར་པོ་གྱེན་དུ་བརྫེས་པ། སྤྱི་བོར་སྣ་ཚོགས་རྡོ་རྗེས་མཚན་པ། ཕྱག་བཅུ་དྲུག་གིས་ཐོད་པ་བཅུ་དྲུག་བཟུང་བའི་གཡས་ཀྱི་དང་པོ་ན་གླང་པོ་ཆེ་དཀར་པོ། གཡོན་གྱི་དང་པོ་ན་སའི་ལྷ་སེར་པོ། དེ་གཉིས་ཀྱིས་ཡུམ་ལ་འཁྱུད་པ། གཡས་ཀྱི་གཉིས་པ་ན་རྟ་སྔོན་པོ། གསུམ་པ་ན་བོང་བུ་གྭ་པ། བཞི་པ་ན་གླང་སེར་པོ། ལྔ་པ་ན་རྔ་མོང་ཐལ་ཀ །དྲུག་པ་ན་མི་དམར་པོ། བདུན་པ་ན་ཤ་ར་བྷ་སྔོན་པོ། བརྒྱད་པ་ན་བྱི་བླ་གྭ་པ། གཡོན་གྱི་གཉིས་པ་ན་ཆུའི་ལྷ་དཀར་པོ། གསུམ་པ་ན་མེའི་ལྷ་དམར་པོ། བཞི་པ་ན་རླུང་གི་ལྷ་ལྗང་གུ། ལྔ་པ་ན་ཟླ་བའི་ལྷ་དཀར་པོ། དྲུག་པ་ན་ཉི་མའི་ལྷ་དམར་པོ། བདུན་པ་ན་གཤིན་རྗེ་སྔོན་པོ། བརྒྱད་པ་ན་ནོར་འཛིན་སེར་པོ། དབུ་རེ་རེ་ལ་མི་མགོ་སྐམ་པོ་ལྔ་ལྔས་དབུ་བརྒྱན་ཅིང་རློན་པ་ལྔ་བཅུའི་དོ་ཤལ་ཅན། རུས་པའི་རྒྱན་དྲུག་དང་ལྡན་པ། ཞབས་གཡས་གཉིས་བརྐྱངས་པའི་བརླ་ལ་གཡོན་གཉིས་བསྐུམ་པའི་སོར་མོ་རྣམས་གཏད་པའི་སྐྱིལ་ཀྲུང་ཕྱེད་པའི་གར་སྟབས་ཀྱིས་བཞུགས་པ། །སྒེག་ཅིང་དཔའ་བ་མི་སྡུག་པ། །དགོད་ཅིང་དྲག་ཤུལ་འཇིགས་སུ་རུང་། །སྙིང་རྗེ་རྔམ་དང་ཞི་བ་ཡི། །གར་དགུའི་རོ་དང་ལྡན་པ་ཉིད། །དེའི་པང་ན་ཡུམ་རྡོ་རྗེ་བདག་མེད་མ་སྐུ་མདོག་སྔོན་མོ། ཞལ་གཅིག་ཕྱག་གཉིས་སྤྱན་གསུམ་མ། སྐྲ་སེར་པོ་གྱེན་དུ་བརྫེས་པ། གཡས་གྲི་གུག །གཡོན་ཐོད་པ་འཛིན་པས་ཡབ་ལ་འཁྱུད་པ། མི་མགོ་སྐམ་པོ་ལྔའི་དབུ་རྒྱན་དང་། སྐམ་པོ་ལྔ་བཅུའི་དོ་ཤལ་ཅན། རུས་པའི་རྒྱན་ལྔ་
― LT14_Page_141A ―
[མ་དཔེ་གཟིགས་ན་འདིར་གནོན།]
དང་ལྡན་པ། ཞབས་གཡོན་བརྐྱངས་ཤིང་གཡས་བསྐུམ་པས་ཡབ་ལ་འཁྱུད་པ། གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། དེ་ལྟར་ན་ལྷག་པའི་ལྷའི་རྟེན་དང་བརྟེན་པར་བཅས་པའི་དཀྱིལ་འཁོར་ཐམས་ཅད་མཐོང་ངོ་སྙམ་པའི་དགའ་བའི་བློས་སློབ་དཔོན་གྱི་ཞབས་ལ་ཕྱག་བྱས་པར་མོས་ཏེ་འདིའི་རྗེས་ཟློས་མཛོད། ༀ་རྡོ་རྗེའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་ཞུགས་སོ། །ༀ་རྣལ་འབྱོར་དཀྱིལ་འཁོར་ཆེན་པོ་ཡི། །དཀྱིལ་འཁོར་དེ་རིང་བདག་གིས་མཐོང་། །ༀ་གསང་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་དབང་བསྐུར། །ས་མ་ཡ་ཧོཿཧོཿཧོཿ། ཞེས་པ་རྣམས་ལྷ་དང་སྐལ་པ་མཉམ་པའི་ཆེད་དུ་དཀྱིལ་འཁོར་དུ་འཇུག་པའི་ཆོས་ཡིན། ཞུགས་ནས་མངོན་པར་དབང་བསྐུར་བ་ལ་རྡོ་རྗེ་སློབ་མའི་དབང་དང་སློབ་དཔོན་གྱི་དབང་གཉིས་ཀྱི་དང་པོ་ལ། མཎྜལ་དབུལ་ཞིང་གསོལ་བ་གདབ། །ལྷར་བསྐྱེད་བྱུར་བསལ་ཤིས་པ་བརྗོད། །ཆུ་དང་ཅོད་པན་རྡོ་རྗེ་དང་། །དྲིལ་བུ་མིང་དང་བརྟུལ་ཞུགས་སྦྱིན། །སྤྲོ་ན་སྔགས་ཀྱི་བཟླས་ལུང་སྦྱིན། །ཞེས་པ་ལྟར་ལས། དང་པོ་རྡོ་རྗེ་སློབ་མའི་དབང་ཞུ་བའི་ཡོན་དུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་པས་གསོལ་བ་བཏབ་སྟེ། སྔོན་འགྲོ་བྱུར་བསལ་བའི་སླད་དུ་དམིགས་པ་འདི་བཞིན་མཛོད། དཀྱིལ་འཁོར་གྱི་ཤར་ཕྱོགས་སུ་དབང་སྟེགས་ཀྱི་དཀྱིལ་འཁོར་གྲུ་བཞི་པ། སྒོ་བཞི་པ་རྟ་བབས་བཞིས་མཛེས་པ་འདོད་སྣམ་ཕ་གུ་དྲྭ་བ་དྲྭ་ཕྱེད་མདའ་ཡབ་པུ་ཤུ་ལ་སོགས་
― LT14_Page_141B ―
[མ་དཔེ་གཟིགས་ན་འདིར་གནོན།]
པ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སེང་གེས་བཏེགས་པའི་རིན་པོ་ཆེའི་ཁྲི་པདྨ་ཉི་མ་བདུད་བཞི་བརྩེགས་པའི་གདན་གྱི་སྟེང་དུ་ཁྱེད་རང་རྣམས་བཅོམ་ལྡན་འདས་སྙིང་པོ་ཀྱཻ་རྡོ་རྗེ་སྐུ་མདོག་སྔོན་པོ་ཞལ་བརྒྱད་ཕྱག་བཅུ་དྲུག་པ་ཡུམ་རྡོ་རྗེ་བདག་མེད་མ་དང་མཉམ་པར་སྦྱོར་བའི་སྐུར་གྱུར། དེའི་གཡས་གཡོན་དུ་སྦྱང་བའི་ཡོ་བྱད་རྣམས་དང་། སྟེང་དུ་བླ་བྲེ། གཡས་སུ་གདུགས། གཡོན་དུ་རྒྱལ་མཚན། མཐའ་སྐོར་ཀུན་ཏུ་དུང་དང་། འཕན་དང་། མེ་ཏོག་གི་ཕྲེང་བ་ལ་སོགས་པའི་མཆོད་པའི་རྣམ་གྲངས་བསམ་གྱིས་མི་ཁྱབ་པས་བསྐོར་བ་དང་བཅས་པར་གྱུར། དེ་ཉིད་ལ་ཆུ་བཞིས་སྦྱང་བ་བྱས་པའི་མོས་པ་མཛོད། ༀ་ནཱི་རཱི་ཧཱུྃ་ཁཾ་སྭཱ་ཧཱ། ༀ་བཛྲ་ནི་ཝི་ཏི་ཧཱུྃ་ཁཾ་སྭཱ་ཧཱ། ༀ་སརྦ་སཾ་ཤོ་དྷ་ནི་སྭཱ་ཧཱ། ༀ་ཨཱརྒྷཾ་པྲ་ཏཱི་ཙྪ་ཧཱུྃ།ཞེས་པས་སྦྱངས་ཏེ། ཁྱེད་རང་རྣམས་ཀྱི་ཚེ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྡིག་པའི་ས་བོན་ཀཾ་ཡིག་གི་རྣམ་པས་སྣ་སྒོར་ཐོན་ནས་མདུན་གྱི་ཏིལ་ལ་ཐིམ། སློབ་དཔོན་གྱི་ཐུགས་ཀ་ནས་ཧེ་རུ་ཀ་ཞིག་བྱེ་བ་ལས་ཀྱི་རྡོ་རྗེ་དང་ཐ་མི་དད་པར་གྱུར་ནས་ཁྱེད་རང་རྣམས་ཀྱི་སྡིག་སྒྲིབ་ཀྱི་ངོ་བོར་གྱུར་པའི་ཏིལ་དེ་གཡས་སུ་ཡེ་ཤེས་ཀྱི་མེས་བསྲེགས། གཡོན་དུ་ཆོས་ཉིད་ཀྱི་རྒྱ་མཚོར་དོར་བའི་མོས་པ་མཛོད། ༀ་སརྦ་པཱ་པཾ་ད་ཧ་ན་བཛྲཱ་ཡ། བཛྲ་ས་ཏྭ་སྱ། སརྦ་པཱ་པཾ་ད་ཧ་ན་སྭཱ་ཧཱ། ཞེས་དང་ཆུས་ཀྱང་སྦྱངས་པའི་མོས་པ་མཛོད། ༀ་ཧཱུྃ་ཌ་ཌི་ཏ་ཕཊ། རྡོ་རྗེ་སློབ་མ་རྣམས་ཀྱི་བྱུར་དང་སྐལ་པ་ངན་པ་དང་། བཀྲ་མི་ཤིས་པ་ཐམས་ཅད་ཉེ་བར་ཞི་བར་གྱུར་ཅིག །ཅེས་པས་བྱུར་བསལ་ནས། སློབ་དཔོན་དཀྱིལ་འཁོར་པ་དང་བཅས་པས་རྣམ་པར་རྒྱལ་བའི་བུམ་པ་ཐོགས་ནས་བཀྲ་ཤིས་ཀྱི་ཆོ་ག་བྱས་པའི་མོས་པ་མཛོད། ཕུན་སུམ་ཚོགས་འཛིན་གསེར་གྱི་རི་བོ་ལྟ་བུའི་མདོག །འཇིག་རྟེན་གསུམ་མགོན་དྲི་མ་གསུམ་
― LT14_Page_142A ―
[མ་དཔེ་གཟིགས་ན་འདིར་གནོན།]
ནི་རབ་ཏུ་སྤངས། །སངས་རྒྱས་ཆུ་སྐྱེས་འདབ་རྒྱས་ལྟ་བུའི་སྤྱན་མངའ་བ། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །དེ་ཡིས་ཉེ་བར་བསྟན་པའི་མཆོག་རབ་མི་གཡོ་བ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །དམ་ཆོས་རབ་མཆོག་སྐྱེ་དགུ་རྣམས་ལ་ཞི་བྱེད་པ། །འཇིག་རྟེན་བཀྲ་ཤིས་གཉིས་པ་དེང་འདིར་ཁྱོད་ལ་ཤོག །དམ་པའི་ཆོས་དང་ལྡན་ཞིང་ཐོས་པའི་བཀྲ་ཤིས་ཕྱུག །དགེ་འདུན་ལྷ་དང་ལྷ་མ་ཡིན་དང་མིས་མཆོད་པ། །ངོ་ཚ་དཔལ་གནས་ཚོགས་ཀྱི་ནང་ན་རབ་ཀྱི་མཆོག །འཇིག་རྟེན་བཀྲ་ཤིས་གསུམ་པ་དེང་འདིར་ཁྱོད་ལ་ཤོག །དགའ་ལྡན་ལྷ་ཡི་གཞལ་མེད་ཁང་ནི་སྙིང་པོར་བཅས། །འགྲོ་ལ་ཕན་ཕྱིར་འདིར་གཤེགས་དབང་པོར་བཅས་པའི་ལྷ། །རྗེས་སུ་འབྲང་བ་དེ་བཞིན་གཤེགས་པའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །འདབ་གསར་འཚེར་བའི་མེ་ཏོག་ཆར་འབབ་ལུམྦཱིའི་ཚལ། །མང་པོ་ལྷ་ཡིས་བསྟེན་པར་མགོན་པོ་བལྟམས་པ་ན། །སྲིད་པའི་མཐར་གྱུར་པ་ཡི་བཀྲ་ཤིས་གང་ལགས་པ། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །སྣ་ཚོགས་སྐྱོན་རྣམས་རྣམ་པར་གཞོམ་པར་བྱ་བའི་ཕྱིར། །དགེས་བས་དཀའ་ཐུབ་ཚལ་དུ་ནམ་ཕྱེད་མངོན་པར་བྱུང་། །དབང་བཅས་ལྷ་རྣམས་རྗེས་སུ་འབྲང་བའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །ཆུ་བོའི་འགྲམ་དུ་མཆོད་ཡོན་ཕྲེང་བས་ཡོངས་སུ་བསྐོར། །ཞི་ཕྱིར་ངོ་མཚར་གྱུར་པ་སྲིད་པ་དག་བྱེད་པ། །ཀླུ་ཡི་རྒྱལ་པོས་ལེགས་པར་བསྟོད་པའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །གྲོང་ཁྱེར་མཆོག་གྱུར་སེར་སྐྱ་ཞེས་ནི་བྱ་བ་དེར། །རྨད་དུ་གྲགས་པ་ཆེན་པོའི་ལྷ་ཡིས་མངོན་བསྟོད་པ། །བསམ་ཡས་དགེ་སྒྲུབ་དེ་བཞིན་
― LT14_Page_142B ―
[མ་དཔེ་གཟིགས་ན་འདིར་གནོན།]
གཤེགས་པའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །སེམས་ཅན་ཐམས་ཅད་ལ་ནི་ཕན་ཕྱིར་བྱང་ཆུབ་པ། །དམ་ཆོས་རིན་ཆེན་ཚོགས་ནི་ཐུབ་པ་ལས་བྱུང་བ། །སེམས་ཅན་དོན་བསྒྲུབ་རབ་རྒྱས་བརྩོན་པའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །རབ་ཏུ་འོད་འབར་གསེར་མདོག་ལྟ་བུའི་སྐུ་མངའ་བ། །བཻ་ཌཱུ་མདོག་ལྟ་བུའི་རྩ་གདན་སྟེང་དུ་བཞུགས། །སྐྱིལ་ཀྲུང་ལེགས་བཅས་མི་གཡོ་སྐུ་མངའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །ཤིང་གི་རྒྱལ་པོའི་རྩ་བར་བཅོམ་ལྡན་བྱམས་སྟོབས་ཀྱིས། །བདུད་ཚོགས་ཀུན་ལས་རྣམ་པར་རྒྱལ་ཚེ་ས་དང་མཁར། །རྣམ་པ་སྣ་ཚོགས་ངོ་མཚར་གྱུར་པའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །ཝཱ་ར་ཎཱ་སིར་བཞུགས་ནས་བདེ་བར་གཤེགས་སྟོན་པས། །ས་དང་མཁའ་ལ་ངོ་མཚར་ཤིན་ཏུ་གསལ་བྱུང་བ། །ཆོས་ཀྱི་འཁོར་ལོ་དམ་པ་བསྐོར་བའི་བཀྲ་ཤིས་གང་། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །བཀྲ་ཤིས་གང་ཞིག་ཕན་བྱེད་དམ་པ་མཆོད་ཕྱིར་ཐོགས། །བསོད་ནམས་བྱ་བྱེད་འཕགས་པའི་སྐྱེ་བོས་མངོན་བསྟོད་པ། །བཅོམ་ལྡན་ཐུབ་པ་ཤཱཀྱ་སེང་གེས་གང་གསུངས་པའི། །བཀྲ་ཤིས་དེས་ནི་དེང་འདིར་ཁྱོད་ལ་ཞི་བྱེད་ཤོག །རྡོ་རྗེ་སློབ་མ་རྣམས་ཀྱི་སྤང་པ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག །དེ་རྣམས་ཀྱིས་དབང་བསྐུར་བའི་སྔོན་དུ་འགྲོ་བའི་ཆོ་ག་རྣམས་གྲུབ་ནས། དངོས་གཞི་དབང་བསྐུར་བ་ལ་འདི་ལྟར་ངེས་པར་བྱ་སྟེ། དོན་དམ་ལྷན་ཅིག་སྐྱེས་པའི་རང་བཞིན་འོད་གསལ་ཆེན་པོས་སྐྱེ་འགྲོ་ཐམས་ཅད་ལ་ཁྱབ་པར་བཞུགས་ནའང་། ཀུན་རྫོབ་བག་ཆགས་འཁྲུལ་པའི་དབང་གིས་ང་དང་ང་ཡིར་བཟུང་
― LT14_Page_143A ―
[མ་དཔེ་གཟིགས་ན་འདིར་གནོན།]
བ་ལ་བརྟེན་ནས་བྱུང་བའི་ཕུང་ཁམས་སྐྱེ་མཆེད་དུ་སྣང་བ་མ་འགགས་ཀྱི་བར་དུ་སྡུག་བསྔལ་འབའ་ཞིག་ལ་ལོངས་སྤྱོད་པས་འཁོར་འདས་ཀྱི་གཞི་སེམས་ཉིད་ཀུན་ཏུ་སྦྱང་བར་བྱ་དགོས་ཤིང་། དེ་སྦྱངས་པས་ཕྱི་རོལ་ཕུང་སོགས་ཀྱི་ཆོས་ལྟར་སྣང་བ་རྣམས་རང་གི་ངང་གིས་ལྷག་པའི་ལྷར་འགྱུར་ཏེ། རང་སེམས་དག་མ་དག་ཏུ་སྣང་བ་ལས་གཞན་པའི་རང་ལ་འཁོར་འདས་འཆིང་གྲོལ་དུ་སྣང་བ་མེད་པས་སོ། །དེས་ན་སེམས་ཉིད་རང་བཞིན་ལྷན་ཅིག་སྐྱེས་པ་དོན་གྱི་སྡོམ་པར་ངེས་པའི་ཤེས་པ་བརྟན་པོ་དང་ལྡན་པའི་སྒོ་ནས་དབང་དོན་དག་བྱ་དག་བྱེད་ངོ་འཕྲོད་པ་གལ་ཆེ་སྟེ། ཆོས་རྗེ་ས་སྐྱ་པཎྜི་ཏས། དབང་བསྐུར་ཆོས་སྒོ་ཙམ་མ་ཡིན། །གསང་སྔགས་རྟེན་འབྲེལ་ལམ་བྱེད་པས། །རྟེན་འབྲེལ་བསྒྲིགས་པའི་གདམས་ངག་ཡིན། །ཕུང་པོ་ཁམས་དང་སྐྱེ་མཆེད་ལ། །སངས་རྒྱས་ས་བོན་བཏབ་ནས་ནི། །ཚེ་འདིར་སངས་རྒྱས་བྱེད་པ་ཡི། །ཐབས་ལ་དབང་བསྐུར་ཞེས་སུ་བཏགས། །ཞེས་འཚང་རྒྱ་བའི་ཕྱི་ནང་གི་རྟེན་འབྲེལ་ཐམས་ཅད་དབང་བཞི་སྒོ་ནས་སྒྲིགས་དགོས་པར་གསུངས་ཤིང་། དེ་ཡང་སྦྱང་གཞི་རང་བཞིན་གྱིས་དག་པ་ལ་དག་པར་ཤེས་པའི་ཤེས་རབ་དང་ལྡན་པའི་སྒོ་ནས་ཀུན་རྫོབ་ཏུ་མ་དག་པར་སྣང་བ་རྣམས་ལྷ་སོ་སོའ་དག་པས་སྦྱང་དགོས་ལ། དེས་གྲོལ་བར་འགྱུར་རམ་ཞེ་ན། རང་སེམས་འཁྲུལ་པའི་ངོ་བོར་མ་དག་པར་སྣང་བ་དེ་ཉིད་སྔགས་ཀྱིས་སྦྱངས་ཏེ་རང་རིག་པའི་ཡེ་ཤེས་སུ་ཤེས་པར་བྱས་ནས་ལྷར་བསྒོམ་པས་གྲོལ་ཏེ། རང་བཞིན་ཀྱིས་དག་པའི་ཕྱིར་སྦྱོང་དུ་རུང་ཞིང་གློ་བུར་གྱི་དྲི་མ་དག་པའི་ཕྱིར་སྦྱང་དགོས་ལ། རང་བཞིན་རྣམ་དག་གི་ཆ་དེ་གློ་བུར་དྲི་བྲལ་དུ་ཞེན་ནས་ཞུགས་པས་ཞེན་པས་འཇུག་ཅིང་འབྲེལ་བས་མི་བསླུ་བའི་ཕྱིར་ཐབས་དེས་གྲོལ་བར་འགྱུར་ཏེ། དེའང་སྦྱོངས་གཞི་རགས་པ་ཕུང་ཁམས་སྐྱེ་
― LT14_Page_143B ―
[མ་དཔེ་གཟིགས་ན་འདིར་གནོན།]
མཆེད་དུ་སྣང་བའི་ཆོས་སུམ་ཅུ་རྩ་གཉིས། སྦྱང་བྱ་དེ་རྣམས་ལ་ཐ་མལ་དུ་འཛིན་པའི་རྣམ་རྟོག་རགས་པ་སུམ་ཅུ་རྩ་གཉིས། སྦྱོང་བྱེད་གདན་གསུམ་ཚང་བའི་ལྷ་སུམ་ཅུ་རྩ་གཉིས། སྦྱོང་ཚུལ་སྦྱོང་གཞིའི་ཆོས་སུ་སྣང་བ་དེ་སྦྱོང་བྱེད་ལྷའམ་ཡེ་ཤེས་སུ་ཁ་དོག་བསྒྱུར་ཏེ་བསྒོམས་པས་སྦྱངས་འབྲས་གདན་གསུམ་ཚང་བའི་ལྷ་སུམ་ཅུ་རྩ་གཉིས་སུ་འགྱུར་བ་ཡིན། དེ་ལ་གདན་གསུམ་གྱི་འགྲོ་ལྡོག་ཤེས་དགོས་པས་གདན་གསུམ་ནི། དེ་བཞིན་གཤེགས་པ་དང་གཤེགས་མའི་གདན། བྱང་ཆུབ་སེམས་དཔའ་དང་སེམས་མའི་གདན། ཁྲོ་བོ་དང་ཁྲོ་མོའི་གདན་རྣམས་ཏེ་གསུམ་ཡིན་ལ། དེ་ཡང་འོག་ཏུ་སྤྱན་འདྲེན་པར་འགྱུར་བའི་ནམ་མཁའི་དཀྱིལ་འཁོར་ལ་གདན་གསུམ་དངོས་སུ་ཚང་། མདུན་བསྐྱེད་སློབ་དཔོན་དང་དབང་རྫས་ལྷར་བསྐྱེད་པ་དང་། བསྐྱེད་འགྱུར་རྣམས་ལ་གདན་གསུམ་རྣམ་དག་གི་སྒོ་ནས་ཚང་། དེ་བཞི་ཀའང་སློབ་མའི་ཕུང་ཁམས་སྐྱེ་མཆེད་གདན་གསུམ་ཚང་བར་བྱིན་གྱིས་རློབ་པའི་ཆ་ནས་གདན་གསུམ་ཕྲིན་ལས་ཀྱི་སྒོ་ནས་ཚང་ཞིང་། སློབ་མ་ལྷར་བསྐྱེད་པར་འགྱུར་པ་ལ་གདན་གསུམ་རྣམ་དག་གི་ཚུལ་གྱིས་ཚང་བར་ཤེས་ཤིང་སྒོམ་པ་དང་ལྡན་པའི་སྒོ་ནས་དབང་ལེན་དགོས་པས་འདི་རྣམས་ལ་གོ་བརྙེད་པ་གལ་ཆེ། ཆོ་ག་དངོས་ལ་རང་གི་ལྷག་པའི་ལྷའི་རྟེན་ལ་དེ་བཞིན་གཤེགས་པ་རིགས་ལྔའི་དབང་བསྐུར་བ་དང་། རྡོ་རྗེ་འཆང་ཆེན་པོའི་རྟེན་ལ་སྐུ་གསུང་ཐུགས་བྱིན་གྱིས་རློབ་པའི་དབང་གཉིས་ཀྱི་དང་པོ་ལ་རིག་པའི་དབང་ལྔ་པོ་རེ་རེའང་འཁོར་གསུམ་ཡོངས་སུ་དག་པ་བཞིས་བྱིན་གྱིས་བརླབ་པའམ། ཡང་ན་མི་བསྐྱོད་པ་ལ་འཁོར་གསུམ་ཡོངས་སུ་དག་པ་བཞིས་བྱིན་གྱིས་བརླབས་ནས་ཅོད་པཎ་གྱི་དབང་མན་ལ་སློབ་མ་དང་དབང་རྫས་ཀྱི་དམིགས་པ་འཕོ་ཞིང་། སློབ་དཔོན་མི་བསྐྱོད་པའི་རྣལ་འབྱོར་ཁོ་ནས་ཀྱང་
― LT14_Page_144A ―
[མ་དཔེ་གཟིགས་ན་འདིར་གནོན།]
རུང་བར་བཞེད་ལ། ཕྱག་ལེན་ཕལ་ཆེར་འདི་ལ་མཛད་པས་དམིགས་པ་འདི་བཞིན་མཛོད། སློབ་དཔོན་གྱིས། ༀ་སྭ་བྷཱ་ཝ་ཤུདྡྷཿསརྦ་ཿསྭ་བྷཱ་ཝ་ཤུདྡྷོ་྅་ཧཾ། ཞེས་བརྗོད་པས་ཁྱེད་རང་རྣམས་ཀྱི་རྣམ་པར་ཤེས་པའི་ཕུང་པོ་དབང་རྫས་རྣམ་རྒྱལ་བུམ་པའི་ཆུ་རྡོ་རྗེ་སློབ་དཔོན་དང་བཅས་པ་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དེ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས་གསུམ་ཀའང་མི་བསྐྱོད་པ་ཀྱཻ་རྡོ་རྗེ་སྐུ་མདོག་སྔོན་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་བཅུ་དྲུག་གི་གཡས་པ་རྣམས་ན་གླང་པོ་ཆེ་རྟ་བོང་བུ་གླང་རྔ་མོ་མི་ཤར་བྷ་བྱི་བླ། གཡོན་པ་རྣམས་ན་སའི་ལྷ་ཆུའི་ལྷ་མེའི་ལྷ་རླུང་གི་ལྷ་ཟླ་བའི་ལྷ་ཉི་མའི་ལྷ་གཤིན་རྗེ་ནོར་སྦྱིན་རྣམས་འཛིན་པ། སྤྱི་བོར་རྡོ་རྗེ་ནག་པོས་མཚན་པ། ཡུམ་མཱ་མ་ཀཱི་སྔོན་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་གཏི་མུག་རྡོ་རྗེ་མ། རྣ་བར་ཞེ་སྡང་རྡོ་རྗེ་མ། སྣ་ལ་སེར་སྣ་རྡོ་རྗེ་མ། ཁ་ལ་འདོད་ཆགས་རྡོ་རྗེ་མ། ལུས་ལ་ཕྲག་དོག་རྡོ་རྗེ་མ། ཡིད་ལ་བདག་མེད་རྣལ་འབྱོར་མ། སྤྱི་བོར་སྐུ་རྡོ་རྗེ་མ། མགྲིན་པར་གསུང་རྡོ་རྗེ་མ། ཐུགས་ཀར་ཐུགས་རྡོ་རྗེ་མ། ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་མི་བསྐྱོད་པ་ཀྱཻ་རྡོ་རྗེ་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཁྱེད་རང་རྣམས་ལ་ཐིམ། ཛཿཧཱུྃ་བཾ་ཧོཿ དབང་རྫས་ལྷར་བསྐྱེད་པ་ལ་ཐིམ། ཛཿཧཱུྃ་བཾ་ཧོཿ སློབ་དཔོན་ལ་ཐིམ་སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས་པས་དབང་གི་ལྷ་དེ་བཞིན་གཤེགས་པ་རིགས་ལྔ། ཡུམ་བཞི། བྱང་ཆུབ་སེམས་དཔའ་བརྒྱད། ལྷ་མོ་དྲུག །ཁྲོ་བོ་བཅུ་དང་བཅས་པ་ༀ་བཛྲ་ས་མཱ་ཛཿ ཞེས་རྡོ་རྗེ་བསྡུ་བའི་སྔགས་རྒྱས་སྤྱན་དྲངས།
― LT14_Page_144B ―
[མ་དཔེ་གཟིགས་ན་འདིར་གནོན།]
དེ་བཞིན་གཤེགས་པ་ཐམས་ཅད་ཀྱིས་བདག་དང་དབང་རྫས་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས། ༀ་བཛྲཱིར་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་སློབ་དཔོན་དང་དབང་རྫས་ཀྱི་ལྷའི་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུར་བརྒྱན། དབང་རྫས་ཀྱི་མི་བསྐྱོད་པ་ཡབ་ཡུམ་སྙོམས་པར་ཞུགས་ཞུ་བ་ལས་བྱུང་བའི་དབང་རྫས་རྣམ་རྒྱལ་བུམ་པའི་ཆུར་གྱུར། ཁྱེད་རང་རྣམས་ཡན་ལག་བཞི་རྫོགས་སུ་བསྒྲུབ་པའི་སླད་དུ་གསོལ་བ་འདེབས་པ་འདིའི་རྗེས་ཟློས་མཛོད། བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་རང་བཞིན་ཅན་རྣམས་ཀྱི། །ཁྱེད་ཀྱིས་བདག་ལ་དབང་བསྐུར་སྩོལ། །ཞེས་གསོལ་བ་བཏབ་པས། སྐུར་བྱེད་ནམ་མཁའི་དཀྱིལ་འཁོར་རྣམས་དང་སློབ་དཔོན་ལྷན་ཅིག་ཏུ་མི་བསྐྱོད་པའི་རང་བཞིན་ཅན་གྱི་ཡེ་ཤེས་ཀྱི་བདུད་རྩིས་གང་བའི་བུམ་པ་གདན་གསུམ་ཚང་བ་རེ་ཐོགས་ཏེ་ཁྱེད་རང་རྣམས་མི་བསྐྱོད་པར་གསལ་བའི་སྤྱི་བོ་ནས་དབང་བསྐུར་བའི་མོས་པ་མཛོད། སངས་རྒྱས་རྣམས་ནི་ཐམས་ཅད་ཀྱིས། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་པ། །རྡོ་རྗེའི་དབང་བསྐུར་ཆེན་པོ་སྦྱིན། །ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་དེ་བཞིན་གཤེགས་པ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར། རིག་མ་རྣམས་ཀྱིས་རྡོ་རྗེའི་གླུ་ལེན། བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་བརྗོད། ཁྲོ་བོ་རྣམས་ཀྱིས་བགེགས་བསྐྲད། ལྷ་མོ་རྣམས་ཀྱིས་མཆོད་པ་དང་བཅས་ཏེ་དབང་བསྐུར་བས། དབང་གི་ཆུ་རྒྱུན་དེས་སྨིན་མཚམས་ཡན་ཆད་གང་། བུམ་པའི་དབང་ཐོབ། མགྲིན་པ་ཡན་ཆད་གང་གསང་བའི་དབང་ཐོབ། སྙིང་ག་ཡན་ཆད་གང་ཤེས་
― LT14_Page_145A ―
[མ་དཔེ་གཟིགས་ན་འདིར་གནོན།]
རབ་ཡེ་ཤེས་ཀྱི་དབང་ཐོབ། ལུས་ཐམས་ཅད་གང་མཆོག་ཏུ་བདེ་བ་ཆེན་པོ་བཞི་པའི་དབང་ཐོབ། ལུས་ངག་ཡིད་གསུམ་གྱི་དྲི་མ་བག་ཆགས་དང་བཅས་པ་ཐམས་ཅད་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པའི་མོས་པ་མཛོད། དེ་ལ་ནམ་མཁར་བཞུགས་པའི་ལྷ་མོ་རྣམས་ཀྱིས་མཆོད་པའི་མོས་པ་མཛོད། ༀ་བཛྲ་པུཥྤེ་ཨཱཿཧཱུྃ། ༀ་བཛྲ་དྷཱུ་པེ་ཨཱཿཧཱུྃ། ༀ་བཛྲ་ཨཱ་ལོ་ཀེ་ཨཱཿཧཱུྃ། ༀ་བཛྲ་གནྡྷེ་ཨཱཿཧཱུྃ། ༀ་བཛྲ་ནཻ་ཝེདྱེ་ཨཱཿཧཱུྃ། ཞེས་པས་མཆོད་ནས། དེ་ལྟར་ན་མི་བསྐྱོད་པའི་སྒོ་ནས་ཆུའི་དབང་ཐོབ། ཞེ་སྡང་དག །རྣམ་པར་ཤེས་པའི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་བྱས། མི་བསྐྱོད་པའི་ས་བོན་རྒྱུད་ལ་བཞག་པ་ཡིན་ནོ། །འོག་མ་རྣམས་ལ་སློབ་དཔོན་ལྷར་བསྐྱེད་པ་དང་དབང་ལྷ་སྤྱན་དྲངས་པ་དོར་ནས་ལྷ་དང་དབང་རྫས་གོ་བསྒྱུར་བ་མ་གཏོགས་ཆོ་གའི་འགྲོས་འདི་ཉིད་སྦྱར་བར་བྱ་བ་ཡིན་པས། རིན་ཆེན་འབྱུང་ལྡན་ཅོད་པན་གྱི་དབང་གི་སླད་དུ་དམིགས་པ་འདི་བཞིན་མཛོད། སྭ་བྷཱ་ཝ་སོགས།ཁྱེད་རང་རྣམས་ཀྱི་ཚོར་བའི་ཕུང་པོ་དང་དབང་རྫས་དབུ་རྒྱན་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་ཨཱཾ་ལས་རིན་པོ་ཆེ་ཨཱོཾཿགིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་གཉིས་ཀའང་རིན་ཆེན་འབྱུང་ལྡན་ཀྱཻ་རྡོ་རྗེ་སྐུ་མདོག་སེར་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་བཅུ་དྲུག་གི་གཡས་པ་རྣམས་ན་བྱ་ཀ་རནྡ། དུར་པ། ལུག །བྱེའུ་ཙ་ཀོ་ར། བྱེ་ཁྲ། ཧོར་ཁྲ། འོལ་བ། ཉ་ཁྲ། གཡོན་པ་རྣམས་ན་སྟོབས་ཀྱི་རྒྱུ། དུང་སྐྱོང་། རིགས་ལྡན། པདྨ། པདྨ་ཆེན་པོ། འཇོག་པོ། ནོར་རྒྱས། མཐའ་ཡས་རྣམས་འཛིན་པ། སྤྱི་བོར་རིན་པོ་ཆེ་སེར་པོ་ཟུར་བརྒྱད་པས་མཚན་པ། ཡུམ་རིན་ཆེན་སྒྲོལ་མ་སེར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་
― LT14_Page_145B ―
[མ་དཔེ་གཟིགས་ན་འདིར་གནོན།]
ཀའང་རུས་པའི་རྒྱན་གྱིས་བརྒྱན་པའི་མིག་ཏུ་སོགས་ནས།ཐུགས་ཀའི་ༀ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རིན་ཆེན་འབྱུང་ལྡན་ཀྱཻ་རྡོ་རྗེ་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཁྱེད་རང་རྣམས་ལ་ཐིམ། ཛཿཧཱུྃ་བཾ་ཧོཿ དབང་རྫས་ལྷར་བསྐྱེད་པ་ལ་ཐིམ། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། དབང་རྫས་ལ་རྣམ་རྒྱལ་བུམ་ཆུ་འཐོར་བ་ཐོག་མ་ཀུན་ལ་འགྲེ། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་དབང་རྫས་ཀྱི་ལྷའི་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུར་བརྒྱན་དབང་རྫས་ཀྱི་རིན་ཆེན་འབྱུང་ལྡན་ཡབ་ཡུམ་སྙོམས་པར་ཞུགས་ཞུ་བ་ལས་བྱུང་བའི་དབང་རྫས་དབུ་རྒྱན་དུ་གྱུར། ཁྱེད་རང་རྣམས་ཡན་ལག་བཞི་རྫོགས་སུ་བསྒྲུབ་པའི་སླད་དུ་ནམ་མཁར་བཞུགས་པའི་དབང་གྱི་ལྷ་ལ་གསོལ་བ་འདེབས་པ་འདིའི་རྗེས་ཟློས་མཛོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས། སྐུར་བྱེད་ནམ་མཁའི་དཀྱིལ་འཁོར་རྣམས་དང་སློབ་དཔོན་ལྷན་ཅིག་པས་རིན་ཆེན་འབྱུང་ལྡན་གྱི་རང་བཞིན་ཅན་གྱི་ཅོད་པན་གདན་གསུམ་ཚང་བ་རེ་ཐོགས་ནས་ཁྱེད་རང་རྣམས་རིན་ཆེན་འབྱུང་ལྡན་དུ་གསལ་བའི་སྤྱི་བོར་བཅིངས་ནས་དབང་བསྐུར་བའི་མོས་པ་མཛོད། སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་པའི། །རིན་ཆེན་དབང་བསྐུར་ཆེན་པོ་སྦྱིན། །ༀ་བཛྲ་རཏྣ་མུ་ཀུ་ཊ་ཨ་བྷི་ཥིཉྩ་མི། བཛྲ་རཱ་ག་ཏ་བཛྲ་ཤ་ལི་ཧོཿ དེ་ཉིད་བརྟན་པའི་ཡན་ལག་ཏུ་བུམ་པའི་ཆུས་ཀྱང་སྤྱི་བོ་ནས་དབང་བསྐུར་བའི་མོས་པ་མཛད། རྣམ་རྒྱལ་བུམ་ཆུ་སྤྱི་བོར་འཐོར་བ་འོག་མ་ཀུན་ལ་འགྲེ། ༀ་བཛྲཱིར་
― LT14_Page_146A ―
[མ་དཔེ་གཟིགས་ན་འདིར་གནོན།]
བྷ་ཝ་ཨཱབྷི་ཥིཉྩ་ཧཱུྃ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུར་བརྒྱན་པའི་མོས་པ་མཛོད། དེ་ལ་ནམ་མཁར་བཞུགས་པའི་ལྷ་མོ་རྣམས་ཀྱིས་མཆོད་པ་ནི། ༀ་བཛྲ་པུཥྤེ་སོགས་ནས་ནཻ་ཝིདྱ་ཨཱཿཧཱུྃ། ཞེས་པ་མཆོད་ནས། དེ་ལྟར་རིན་ཆེན་འབྱུང་ལྡན་གྱི་སྒོ་ནས་ཅོད་པན་གྱི་དབང་ཐོབ། ང་རྒྱལ་དང་སེར་སྣ་དག །ཚོར་བའི་ཕུང་པོ་གནས་གྱུར། མཉམ་པ་ཉིད་ཀྱི་ཡེ་ཤེས་མངོན་དུ་བྱས། རིན་ཆེན་འབྱུང་ལྡན་གྱི་ས་བོན་རྒྱུད་ལ་བཞག་པ་ཡིན་ནོ། །འོད་དཔག་མེད་རྡོ་རྗེའི་དབང་གི་སླད་དུ་དམིགས་པ་འདི་བཞིན་མཛོད། སྭ་བྷཱ་ཝ་སོགས། ཁྱེད་རང་རྣམས་ཀྱི་འདུ་ཤེས་ཀྱི་ཕུང་པོ་དང་དབང་རྫས་རྡོ་རྗེ་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་ཛྲཱིཾ་ལས་པདྨ་ཛྲིཾ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་གཉིས་ཀའང་འོད་དཔག་མེད་ཀྱཻ་རྡོ་རྗེ་སྐུ་མདོག་དམར་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་བཅུ་དྲུག་གི་གཡས་པ་རྣམས་ན་དོམ། བྱ་རྒོད། བསེ། བ་མེན། སྟག །སྤྲེའུ། ཆུ་སྲིན་ན་ཀྲ། ཅེ་སྤྱང་། གཡོན་པ་རྣམས་ན་ཁྭ། འུག་པ། བྱ་དཀར། ནེ་ཙོ། སེང་གེ །ས་ར་ས། ཀྲྀཥྞ་ས་རི། ཕག་རྣམས་འཛིན་པ། སྤྱི་བོར་པདྨ་དམར་པོས་མཚན་པ། ཡུམ་གོས་དཀར་མོ་དམར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་སོགས་ནས། ཐུགས་ཀའི་ཛྲཱིཾ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་འོད་དཔག་མེད་ཀྱཻ་རྡོ་རྗེ་ཡབ་ཡུམ་གྱི་རྣམ་པར་ༀ་བཛྲ་ས་མ་ཛཿ ཛཿཧཱུྃ་བཾ་ཧོཿ ཁྱེད་རང་རྣམས་ལ་ཐིམ། ཛཿཧཱུྃ་བཾ་ཧོཿ
― LT14_Page_146B ―
[མ་དཔེ་གཟིགས་ན་འདིར་གནོན།]
དབང་རྫས་ལྷར་བསྐྱེད་པ་ལ་ཐིམ། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་བ་སྩལ་དུ་གསོལ་ཞེས་གསོལ་བ་བཏབ་པས། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་དབང་རྫས་ཀྱི་ལྷའི་སྤྱི་བོ་ནས་དབང་བསྐུར་སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་འོད་དཔག་མེད་ཀྱིས་དབུར་བརྒྱན། དབང་རྫས་ཀྱི་འོད་དཔག་མེད་ཡབ་ཡུམ་སྙོམས་པར་ཞུགས། ཞུ་བ་ལས་བྱུང་བའི་དབང་རྫས་རྡོ་རྗེར་གྱུར། ཁྱེད་རང་རྣམས་ཡན་ལག་བཞི་རྫོགས་སུ་བསྒྲུབ་པའི་སླད་དུ་ནམ་མཁར་བཞུགས་པའི་དབང་གི་ལྷ་ལ་གསོལ་བ་འདེབས་པ་འདིའི་རྗེས་ཟློས་མཛོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ་ཞེས་གསོལ་བ་བཏབ་པས། སྐུར་བྱེད་ནམ་མཁའི་དཀྱིལ་འཁོར་དང་སློབ་དཔོན་ལྷན་ཅིག་པས་འོད་དཔག་མེད་ཀྱི་རང་བཞིན་ཅན་གྱི་རྡོ་རྗེ་གདན་གསུམ་ཚང་བ་དེ་ཐོགས་ཏེ་ཁྱེད་རང་རྣམས་འོད་དཔག་མེད་དུ་གསལ་བའི་ཕྱག་གཡས་སུ་བྱིན་ནས་དབང་བསྐུར་བའི་མོས་པ་མཛོད། །སངས་རྒྱས་ཀུན་གྱི་རྡོ་རྗེའི་དབང་། །དེ་རིང་ཁྱེད་ལ་བསྐུར་བར་བྱ། །སངས་རྒྱས་ཀུན་ཏུ་རབ་བསྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོངས། །ༀ་མ་ཧཱ་བཛྲ་ཧཱུྃ། ཞེས་པས་ལག་གཡས་སུ་རྡོ་རྗེ་སྦྱིན། དེ་ཉིད་བརྟན་པའི་ཡན་ལག་ཏུ་བུམ་པའི་ཆུས་ཀྱང་སྤྱི་བོར་དབང་བསྐུར་བའི་མོས་པ་མཛོད། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་འོད་དཔག་མེད་ཀྱིས་དབུར་བརྒྱན། དེ་ལ་ནམ་མཁར་བཞུགས་པའི་ལྷ་མོ་རྣམས་ཀྱིས་མཆོད་པ་ནི། པུཥྤེ་སོགས། དེ་ལྟར་ན་འོད་དཔག་མེད་ཀྱི་སྒོ་ནས་རྡོ་རྗེའི་དབང་ཐོབ། འདོད་ཆགས་དག་འདུ་ཤེས་ཀྱི་ཕུང་པོ་
― LT14_Page_147A ―
[མ་དཔེ་གཟིགས་ན་འདིར་གནོན།]
གནས་གྱུར། སོ་སོར་རྟོག་པའི་ཡེ་ཤེས་མངོན་དུ་བྱས། འོད་དཔག་མེད་ཀྱི་ས་བོན་རྒྱུད་ལ་བཞག་པ་ཡིན་ནོ། །དོན་ཡོད་གྲུབ་པ་དྲིལ་བུའི་དབང་གི་སླད་དུ་དམིགས་པ་འདི་བཞིན་མཛོད། སྭ་བྷཱ་ཝ་སོགས། ཁྱེད་རང་རྣམས་ཀྱི་འདུ་བྱེད་ཀྱི་ཕུང་པོ་དང་དབང་རྫས་དྲིལ་བུ་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་ཁཾ་ལས་རལ་གྲི་ཁཾ་གིས་མཚན་པ། དེ་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས་གཉིས་ཀའང་དོན་ཡོད་གྲུབ་པ་ཀྱཻ་རྡོ་རྗེ་སྐུ་མདོག་ལྗང་གུ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་བཅུ་དྲུག་གི་གཡས་པ་རྣམས་ན་གཟའ་ལྷག་པ། ཕུར་བུ། འཇུག་རིངས། སྒྲ་གཅན། མིག་དམར། པ་སངས། སྤེན་པ། ཁྱབ་འཇུག །གཡོན་པ་རྣམས་ན་དབང་པོ། ཚངས་པ། དྲག་པོ། བདུད་སྡིག་ཅན། ཁྱབ་འཇུག་གི་བུ་མོ་གཤོལ་མདའ་འཛིན། ལྷ་རྒྱལ་བ་དམ་པ། ཐག་ཟངས་རིས། ལྷ་མ་ཡིན་སྟོབས་ལྡན་རྣམས་འཛིན་པ། སྤྱི་བོར་རལ་གྲི་དཀར་པོས་མཚན་པ། ཡུམ་དམ་ཚིག་སྒྲོལ་མ་ལྗང་གུ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་ཞེས་སོགས་ནས། ཐུགས་ཀའི་ཁཾ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་དོན་ཡོད་གྲུབ་པ་ཀྱཻ་རྡོ་རྗེ་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཁྱེད་རང་རྣམས་ལ་ཐིམ། ཛཿཧཱུྃ་བཾ་ཧོཿ དབང་རྫས་ལྷར་བསྐྱེད་པ་ལ་ཐིམ། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་དབང་རྫས་ཀྱི་ལྷའི་སྤྱི་བོ་ནས་དབང་བསྐུར་སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་དོན་
― LT14_Page_147B ―
[མ་དཔེ་གཟིགས་ན་འདིར་གནོན།]
ཡོད་གྲུབ་པས་དབུར་བརྒྱན། དབང་རྫས་ཀྱི་དོན་ཡོད་གྲུབ་པ་ཡབ་ཡུམ་སྙོམས་པར་ཞུགས་ཞུ་བ་ལས་བྱུང་བའི་དབང་རྫས་དྲིལ་བུར་གྱུར། ཁྱེད་རང་རྣམས་ཡན་ལག་བཞི་རྫོགས་སུ་བསྒྲུབ་པའི་སླད་དུ་ནམ་མཁར་བཞུགས་པའི་དབང་གི་ལྷ་ལ་གསོལ་བ་འདེབས་པ་འདིའི་རྗེས་ཟློས་མཛོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ་ཞེས་གསོལ་བ་བཏབ་པས། སྐུར་བྱེད་ནམ་མཁའི་དཀྱིལ་འཁོར་དང་སློབ་དཔོན་ལྷན་ཅིག་པས་དོན་ཡོད་གྲུབ་པའི་རང་བཞིན་ཅན་གྱི་དྲིལ་བུ་གདན་གསུམ་ཚང་བ་རེ་ཁྱེད་རང་རྣམས་དོན་ཡོད་གྲུབ་པར་གསལ་བའི་ཕྱག་གཡོན་དུ་བྱིན་ནས་དབང་བསྐུར་བའི་མོས་པ་མཛོད། ༀ་བཛྲཱི་ཨ་དྷི་པ་ཏི་སྟཱཾ་ཨ་བྷི་ཥིཉྩ་མི་ཏིཥྛ་བཛྲ་ས་མ་སྟྭཾ་ཞེས་པས་དྲིལ་བུ་ལག་པ་གཡོན་དུ་སྦྱིན། དེ་ཉིད་བརྟན་པའི་ཡན་ལག་ཏུ་བུམ་པའི་ཆུས་ཀྱང་དབང་བསྐུར་བའི་མོས་པ་མཛོད། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་དོན་ཡོད་གྲུབ་པས་དབུར་བརྒྱན། དེ་ལ་ནམ་མཁར་བཞུགས་པའི་ལྷ་མོ་རྣམས་ཀྱིས་མཆོད་པ་ནི། པུཥྤེ་སོགས། དེ་ལྟར་ན་དོན་ཡོད་གྲུབ་པའི་སྒོ་ནས་དྲིལ་བུའི་དབང་ཐོབ། ཕྲག་དོག་དག །འདུ་བྱེད་ཀྱི་ཕུང་པོ་གནས་གྱུར། བྱ་བ་གྲུབ་པའི་ཡེ་ཤེས་མངོན་དུ་བྱས། དོན་ཡོད་གྲུབ་པའི་ས་བོན་རྒྱུད་ལ་བཞག་པ་ཡིན་ནོ། །རྣམ་པར་སྣང་མཛད་མིང་གི་དབང་གི་སླད་དུ་དམིགས་པ་འདི་བཞིན་མཛོད། སྭ་བྷཱ་ཝ་སོགས། ཁྱེད་རང་རྣམས་ཀྱི་གཟུགས་ཀྱི་ཕུང་པོ་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་བྷྲཱུཾ་ལས་འཁོར་ལོ་བྷྲཱུཾ་གྱིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་རྣམ་པར་སྣང་མཛད་ཀྱཻ་རྡོ་རྗེ་སྐུ་མདོག་
― LT14_Page_148A ―
[མ་དཔེ་གཟིགས་ན་འདིར་གནོན།]
དཀར་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཕྱག་བཅུ་དྲུག་གི་གཡས་པ་རྣམས་ན་རྨ་བྱ། མ་ཧེ། ཆུ་སྲིན་མ་ཀ་ར། ཉ་རོ་ཧི་ཏ། རུས་སྦལ། འོག་གི་ཀླུ། ངང་སྐྱ། རི་བོང་། གཡོན་པ་རྣམས་ན་སྦལ་བ་ཐུའུ། སྤྲིན་ཤུགས། སྦྲུལ་ཧ་ལ། རྩངས་པ་ནག་པོ། བྱི་བ། གཡག །གླ་བ། བྱ་བཞད་རྣམས་འཛིན་པ། སྤྱི་བོར་འཁོར་ལོ་དཀར་པོས་མཚན་པ། ཡུམ་སངས་རྒྱས་སྤྱན་མ་དཀར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་ཞེས་སོགས་ནས། ཐུགས་ཀའི་བྷྲཱུཾ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རྣམ་པར་སྣང་མཛད་ཀྱི་རྡོ་རྗེ་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཞེས་པས་ཁྱེད་རང་རྣམས་ལ་ཐིམ། འདིར་དབང་རྫས་ལྷར་བསྒྲུབ་པ་མེད་པས་ཁྱེད་རྣམས་ཡན་ལག་བཞི་པར་བསྒྲུབ་པའི་སླད་དུ་གསོལ་བ་འདེབས་པ་འདིའི་རྗེས་ཟློས་མཛོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ་ཞེས་གསོལ་བ་བཏབ་པས། སྐུར་བྱེད་ནམ་མཁའི་དཀྱིལ་འཁོར་རྣམས་དང་སློབ་དཔོན་ལྷན་ཅིག་པས་རྣམ་སྣང་གི་རང་བཞིན་ཅན་གྱི་མིང་གདན་གསུམ་ཚང་བ་རེ་མེ་ཏོག་གང་ལས་ཕོག་པའི་ལྷ་ལས་དྲངས་ཏེ་བཏགས་པའི་མོས་པ་མཛོད། ༀ་བཛྲ་ས་ཏྭ་སྟྭཾ་ཨ་བྷི་ཥིཉྩཱ་མི། བཛྲ་ནཱ་མ་ཨ་བྷི་ཥེ་ཀ་ཏ་ཀྱེ་ཞེས་དྲི། གསང་མཚན་མེད་ན་གསར་དུ་བཏགས་ཏེ།དེ་ཡང་སྐྱེས་པ་ལ། བཞད་པའི་རྡོ་རྗེ་སྒེག་པའི་རྡོ་རྗེ་དང་། །རོལ་པའི་རྡོ་རྗེ་ཨ་ལ་ལ་རྡོ་རྗེ། །ཤིན་ཏུ་དགའ་བའི་མྱུ་གུའི་རྡོ་རྗེ་དང་། །ཞེ་སྡང་རྡོ་རྗེ་རྡོ་རྗེ་སེམས་དཔའ་དང་། །རྣམ་སྣང་ཆེན་པོའི་རྡོ་རྗེ་ཀྱཻ་རྡོ་རྗེ། །ཞེས་སོགས་དང་། བུད་མེད་ལ། རྡོ་རྗེ་སྙེམས་མ་རྡོ་རྗེ་མཚོན་ཆ་
― LT14_Page_148B ―
[མ་དཔེ་གཟིགས་ན་འདིར་གནོན།]
མ། །རྡོ་རྗེ་བདག་མེད་ཨེ་མ་ཧོ་བདེ་མ། །རྡོ་རྗེ་སྒེག་མ་ལ་སོགས་གང་རིགས་གདགས། །དེ་ཉིད་བརྟན་པའི་ཡན་ལག་ཏུ་བུམ་པའི་ཆུས་ཀྱང་དབང་བསྐུར་པའི་མོས་པ་མཛོད། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་རྣམ་པར་སྣང་མཛད་ཀྱིས་དབུར་བརྒྱན། དེ་ལ་ནམ་མཁར་བཞུགས་པའི་ལྷ་མོ་རྣམས་ཀྱིས་མཆོད་པ་ནི། པུཥྤེ་སོགས། དེ་ལྟར་ན་རྣམ་པར་སྣང་མཛད་ཀྱི་སྒོ་ནས་མིང་གི་དབང་ཐོབ། གཏི་མུག་དག །གཟུགས་ཀྱི་ཕུང་པོ་གནས་གྱུར། ཆོས་དབྱིངས་ཡེ་ཤེས་མངོན་དུ་བྱས། །རྣམ་པར་སྣང་མཛད་ཀྱི་ས་བོན་རྒྱུད་ལ་བཞག་པ་ཡིན་ནོ། །དབང་དེ་རྣམས་ཀྱི་དོན་ནི། དངོས་ཀུན་གང་དང་གང་སྣང་བ། །གཙོ་དེ་རང་གི་ལྷག་པའི་ལྷ། །ཆོས་རྣམས་རང་བཞིན་རྙོགས་མེད་དག །སངས་རྒྱས་ཡེ་ཤེས་བལྟ་བར་གྱིས། །ཞེས་གསུངས་ཏེ། དེའང་དངོས་པོ་ཏེ་ཆོས་ཅན་གྱི་སྣང་བ་གང་དང་གང་སྣང་བ་ནི་གཙོ་དེ་རང་གི་ལྷག་པའི་ལྷ་ཡིན་ལ། ལྷ་དེའང་གློ་བུར་དུ་བྱས་པས་མ་ཡིན་གྱི་ཆོས་ཐམས་ཅད་རང་བཞིན་གྱིས་རྙོག་པ་དང་བྲལ་བའི་ཕྱིར་གདོད་མ་ནས་ལྷར་རྣམ་པར་དག་ཅིང་གློ་བུར་གྱི་དྲི་མ་རྣམས་ཆོ་ག་འདིས་བསལ་བར་བྱེད་པས། དེང་ཕྱིན་ཆད་དེ་དག་ལ་ཐ་མལ་དུ་འཛིན་པའི་རྣམ་རྟོག་ཐམས་ཅད་སྤངས་ནས་སངས་རྒྱས་ཀྱི་ཡེ་ཤེས་སུ་ལྟ་བར་གྱིས་ཤིག །དེ་དག་གིས་ནི་མ་རིག་པ་ལ་སོགས་པའི་ཉོན་མོངས་པ་ལྔ་རིག་པ་ཡེ་ཤེས་ལྔར་སྒྱུར་བར་བྱེད་པས་རིག་པའི་དབང་ངམ། རིག་མ་སྤྱན་མ་ལ་སོགས་པའི་ཐབས་རིག་པ་ཡབ་ལྔའི་ལས་ཡིན་པས་རིག་པའི་དབང་ཞེས་བྱ་བ་ཡིན། དེ་རྣམས་ཀྱིས་ཆོས་ཅན་གྱི་སྣང་བ་ཐམས་
― LT14_Page_149A ―
[མ་དཔེ་གཟིགས་ན་འདིར་གནོན།]
ཅད་ལྷར་བྱིན་གྱིས་བརླབས་ནས་དེ་དག་གི་ཆོས་ཉིད་དྲུག་པ་རྡོ་རྗེ་སེམས་དཔའ་ངོ་སྤྲོད་དེ་སྐུ་གསུང་ཐུགས་བྱིན་གྱིས་རློབ་པར་བྱེད་པ་བརྟུལ་ཞུགས་ཀྱི་དབང་བསྐུར་བའི་སླད་དུ་དམིགས་པ་འདི་བཞིན་མཛོད། སྭ་བྷཱ་ཝ་སོགས། ཁྱེད་རང་རྣམས་ཀྱི་ཕུང་པོ་ལྔའི་ཆོས་ཉིད་ལ་ཐ་མལ་དུ་འཛིན་པའི་རྣམ་རྟོག་མི་དམིགས་ཏེ་སྟོང་པར་གྱུར། སྟོང་པའི་ངང་ལས་པདྨ་དང་ཉི་མའི་སྟེང་དུ་ཧཱུྃ་ལས་རྡོ་རྗེ་ཧཱུྃ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་ཁྱེད་རང་གི་ཕུང་པོ་ལྔའི་ཆོས་ཉིད་རྡོ་རྗེ་སེམས་དཔའ་སྐུ་མདོག་དཀར་པོ་ཞལ་བརྒྱད་ཕྱག་བཅུ་དྲུག་པ། །ཞབས་བཞི་པ། ཕྱག་བཅུ་དྲུག་གི་གཡས་པ་རྣམས་ན་གླང་པོ་ཆེ། རྟ། བོང་བུ། གླང་། རྔ་མོང་། མི། ཤ་ར་བྷ། བྱི་ལ། གཡོན་པ་རྣམས་ན་སའི་ལྷ། ཆུའི་ལྷ། མེའི་ལྷ། རླུང་གི་ལྷ། ཟླ་བའི་ལྷ། ཉི་མའི་ལྷ། གཤིན་རྗེ། ནོར་སྦྱིན་རྣམས་འཛིན་པ། སྤྱི་བོར་རྡོ་རྗེ་ནག་པོས་མཚན་པ། ཡུམ་རྡོ་རྗེ་སྙེམས་མ་དཀར་མོ་གྲི་གུག་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་ཞེས་སོགས་ནས།ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རྡོ་རྗེ་སེམས་དཔའ་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཁྱེད་རང་རྣམས་ལ་ཐིམ། སློབ་དཔོན་གྱིས་དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་བ་སྩལ་དུ་གསོལ། ཞེས་གསོལ་བ་བཏབ་པས། ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན། དེ་ཉིད་ལ་ཧཱུྃ་ལས་བྱུང་བའི་རྡོ་རྗེ་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་ལྟེ་བར་རྡོ་རྗེ་སེམས་
― LT14_Page_149B ―
[མ་དཔེ་གཟིགས་ན་འདིར་གནོན།]
དཔའ་ཡབ་ཡུམ། སྟེང་གི་རྭ་ལྔ་ལ་རྣམ་སྣང་ལ་སོགས་པའི་རིགས་ལྔ། དེའི་འོག་གི་པདྨ་འདབ་མ་བརྒྱད་ལ་སྤྱན་རས་གཟིགས་ལ་སོགས་པའི་བྱང་སེམས་བརྒྱད། འོག་གི་རྭ་ལྔ་ལ་ཡེ་ཤེས་མཁའ་འགྲོ་ལ་སོགས་པའི་མཁའ་འགྲོ་མ་ལྔ། དེའི་འོག་གི་པད་འདབ་བརྒྱད་ལ་ལྕགས་ཀྱུ་མ་ལ་སོགས་པའི་ལྷ་མོ་བརྒྱད་དེ་ལྷ་ཉི་ཤུ་རྩ་བརྒྱད་ཀྱི་རང་བཞིན་དུ་གྱུར་པ་ཁྱེད་རང་རྣམས་ཀྱི་ཕྱག་གཡས་པར་བརྟུལ་ཞུགས་ཀྱི་དབང་གི་སླད་དུ་བྱིན་པའི་མོས་པ་མཛོད། འདི་དེ་སངས་རྒྱས་ཐམས་ཅད་དེ། རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་ཟུངས། །ཕྱག་ན་རྡོ་རྗེའི་བརྟུལ་ཞུགས་བརྟན། །ༀ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷ་ར་ཡཱ་མི་བཛྲ་ས་ཏྭ་ཧཱིཿ ཧི་ཧི་ཧི་ཧི་ཧཱུྃ། ཞེས་པའི་སྒོ་ནས་བྱིན་པའི་རྡོ་རྗེ་དེ་གསོལ་ཏེ་སྙིང་གར་བཟུང་སྟེ། དེང་ཕྱིན་ཆད་ཐ་མལ་པའི་སྤྱོད་པ་ཐུལ་ལ། རྡོ་རྗེ་འཆང་ཆེན་པོའི་སྐུ་གསུང་ཐུགས་ཀྱི་རང་བཞིན་ལ་ཞུགས་པར་གྱིས་ཤིག །དེ་ལྟར་ན་རིག་པའི་དབང་ལྔ་ཐོབ་པས་བྱ་སྤྱོད་ཀྱི་ཆུ་ཅོད་པན་རྡོ་རྗེ་དྲིལ་བུ་མིང་སྟེ་ལྔ་ལས། ཐོབ་བྱེད་ཀྱི་སྒོ་ནས་ཁྱད་པར་དུ་འཕགས་པའི་རིགས་ལྔའི་སྡོམ་པ་ཐོབ་པས་བྱ་སྤྱོད་ཀྱི་རྒྱུད་འཆད་པ་དང་ཉན་པ་ལ་དབང་བའི་དབང་ཐོབ་ཅིང་། དེའི་སྟེང་དུ་ཐ་མལ་པའི་ལུས་ངག་ཡིད་གསུམ་བརྟུལ་ནས་རྡོ་རྗེ་འཆང་གི་སྐུ་གསུང་ཐུགས་སུ་བྱིན་གྱིས་རློབ་པར་བྱེད་པ་བརྟུལ་ཞུགས་ཀྱི་དབང་ཐོབ་པས་རྣལ་འབྱོར་རྒྱུད་ཀྱི་སློབ་མའི་དབང་ལས་ཐོབ་བྱེད་ཀྱི་སྒོ་ནས་ཁྱད་པར་དུ་འཕགས་པའི་བླ་མེད་ཀྱི་རྡོ་རྗེ་སློབ་མའི་དབང་ཐོབ་པས་རིགས་ལྔ་སྤྱི་དང་སོ་སོའ་དམ་ཚིག་བསྲུང་བ་ལ་དབང་བར་བྱས་ཤིང་རྣལ་འབྱོར་གྱི་རྒྱུད་འཆད་པ་ལ་མི་དབང་ཡང་ཉན་པ་ལ་དབང་བ་དང་རྣལ་འབྱོར་བླ་མེད་ཀྱི་རྒྱུད་ནས་བཤད་པའི་ལས་ཚོགས་དང་དངོས་གྲུབ་སྒྲུབ་པ་ལ་དབང་བ་ཡིན་ནོ། །དེ་བས་ན་ཁྱེད་རྣམས་མེ་ཏོག་གང་ལ་ཕོག་
― LT14_Page_150A ―
[མ་དཔེ་གཟིགས་ན་འདིར་གནོན།]
པའི་ལྷའི་བསྒོམ་བཟླས་ལ་བརྩོན་པར་གྱིས་ཤིག །དེས་སངས་རྒྱས་ཐམས་ཅད་བཟླས་པས་མཉེས་པར་འགྱུར་བས་ཁྱེད་རྣམས་ཀྱི་དམན་པ་དང་འབྲིང་གི་དངོས་གྲུབ་གང་འདོད་པ་ཐམས་ཅད་འགྲུབ་པར་འགྱུར་རོ། །ཞེས་བསྒོམས་ལ་སྤྲོ་ན། རྩ་སྔགས་ཀྱི་བཟླས་ལུང་སྦྱིན་ནོ། །དེ་ལྟར་ཐུན་མོང་གི་དབང་དྲུག་གིས་ཁྱེད་རང་རྣམས་ཀྱི་རགས་པ་ཕུང་ཁམས་སྐྱེ་མཆེད་དེ་བཞིན་ཉིད་དང་བཅས་པ་ལྷར་བྱིན་གྱིས་བརླབས་ནས་ཕྲ་བ་དཀྱིལ་འཁོར་བཞི་སྐུ་བཞིར་བྱིན་གྱིས་རློབ་བར་བྱེད་པ་ཐུན་མོང་མ་ཡིན་པའི་དབང་བཞིའི་དང་པོ་ཕྱིར་མི་ལྡོག་པ་འཁོར་ལོའ་དབང་ལ། ཡོན་ཕུལ་གསོལ་གདབ་དབང་སྟེགས་བཞག །དམ་ཚིག་གསུམ་སྦྱིན་ཆུ་དབང་བསྐུར། །རབ་གནས་མཆོད་དང་རྣམ་བཞག་བསྟན། །སྒེག་སོགས་མིག་ཐུར་མེ་ལོང་དང་། །དྲིལ་བུ་མདའ་གཞུ་ཡང་མེ་ལོང་། །ཆོས་བཤད་སྤྲུལ་བཤད་རྟོགས་པ་བསྐྱེད། །ཅེས་པ་ལྟར་ལས། དང་པོ་ཕྱིར་མི་ལྡོག་པ་སློབ་དཔོན་གྱི་དབང་ཞུ་བའི་ཡོན་དུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། མི་ལྡོག་འཁོར་ལོའ་དབང་བསྐུར་བ། །མགོན་པོས་བདག་ལ་སྩལ་ནས་ཀྱང་། །འཁོར་ལོ་ལྷ་ཡི་དེ་ཉིད་དང་། །སློབ་དཔོན་ཕྲིན་ལས་ཡོངས་སུ་གསུངས། །སངས་རྒྱས་ཀུན་གྱི་དམ་ཚིག་དང་། །སྡོམ་པའང་བླ་ན་མེད་པ་སྩོལ། །ཞེས་གསོལ་བ་བཏབ་ནས། སློབ་མ་དབང་སྟེགས་ཀྱི་སྟེང་དུ་བཞག །དེ་མེད་ན་ཁྱེད་རང་རྣམས་གོང་དུ་བཤད་པའི་དབང་སྟེགས་ཀྱི་སྟེང་དུ་ལྷར་བསྐྱེད་མ་ཐག་པའི་རྡོ་རྗེ་སེམས་དཔའི་ང་རྒྱལ་གྱིས་འཁོད་པའི་མོས་པ་མཛོད། དེའི་སྟེང་དུ་བླ་བྲེ། གཡས་སུ་གདུགས། གཡོན་དུ་རྒྱལ་མཚན། མཐའ་སྐོར་ཀུན་ཏུ་དུང་དང་། འཕན་དང་མེ་ཏོག་གི་ཕྲེང་བ་ལ་སོགས་པའི་
― LT14_Page_150B ―
[མ་དཔེ་གཟིགས་ན་འདིར་གནོན།]
མཆོད་པའི་རྣམ་གྲངས་བསམ་གྱིས་མི་ཁྱབ་པས་བསྐོར་བ་དང་བཅས་པར་གྱུར།ཞེས་བརྗོད། དེ་ཉིད་ལ་དམ་ཚིག་གསུམ་རིམ་གྱིས་སྦྱིན་དགོས་པ་ལས། ཐོག་མར་རྡོ་རྗེ་ཐུགས་ཀྱི་དམ་ཚིག་གི་སླད་དུ་ཧཱུྃ་ལས་བྱུང་བའི་རྡོ་རྗེ་བཤད་མ་ཐག་པའི་ལྷ་ཉི་ཤུ་རྩ་བརྒྱད་ཀྱི་རང་བཞིན་ཅན་དེ་ཁྱེད་རང་རྣམས་ཀྱི་ཕྱག་གཡས་སུ་བྱིན་པའི་མོས་པ་མཛོད། འདི་དེ་སངས་རྒྱས་ཐམས་ཅད་དེ། །རྡོ་རྗེ་སེམས་དཔའི་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཟུང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ༀ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷ་ར་ཡཱ་མི་བཛྲ་ས་ཏྭ་ཧཱིཿ ཧི་ཧི་ཧི་ཧི་ཧཱུྃ་ཞེས་པས་སྦྱིན་པའི་རྡོ་རྗེ་དེ་གསོར་ཏེ་སྙིང་གར་འགྱིང་བ་དང་བཅས་པས་བཟུང་ནས་རྡོ་རྗེའི་དེ་ཁོ་ན་ཉིད་ལ་ཐུགས་གཏོད་པར་ཞུ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སེམས་མའི་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུ་ལའོ། །ༀ་མ་ཧཱ་བཛྲ་ཧཱུྃ་ཞེས་གསུངས་ཏེ། དེའི་དོན་ནི། ཀྱཻ་རྡོ་རྗེ་འདི་ནི་ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བ་རིག་སྟོང་དབྱེར་མེད་ཀྱི་ངོ་བོ་མཚོན་པར་བྱེད་པ་ཡིན་ལ། རང་གི་སེམས་ཐོག་མ་དང་ཐ་མ་མེད་པའི་བྱང་ཆུབ་ཀྱི་སེམས་སྤྲོས་པའི་མཐའ་ཐམས་ཅད་དང་བྲལ་བ་ངེས་དོན་གྱི་རྡོ་རྗེ་ཡིན་ནོ་སྙམ་དུ་མོས་པ་མཛོད། དྲིལ་བུ་གསུང་གི་དམ་ཚིག་གི་སླད་དུ་ཨ་ལས་བྱུང་བའི་དྲིལ་བུ་མཚན་ཉིད་ཐམས་ཅད་ཡོངས་སུ་རྫོགས་པའི་བུམ་པའི་ནང་དུ་ཤེས་རབ་ཀྱི་ཕ་རོལ་ཏུ་ཕྱིན་མ་ཡབ་དང་བཅས་པ། སྟེང་གི་རྭ་ལྔ་ལ་རིགས་ལྔ། རྭའི་འོག་གི་པད་འདབ་བརྒྱད་ལ་བྱང་སེམས་བརྒྱད་ཁོག་པའི་སྟེང་གི་ཨུཏྤལ་ལ་སྒྲོལ་མ་ལ་སོགས་པ་བརྒྱད་དང་བཅས་པའི་ལྷ་ཉི་ཤུ་རྩ་གསུམ་གྱི་རང་བཞིན་དེ་
― LT14_Page_151A ―
[མ་དཔེ་གཟིགས་ན་འདིར་གནོན།]
ཁྱེད་རང་རྣམས་ཀྱི་ཕྱག་གཡོན་དུ་བྱིན་པའི་མོས་པ་མཛོད། འདི་ནི་རྣལ་འབྱོར་མ་ཀུན་གྱི། །དྲིལ་བུའི་སྒྲ་ཀུན་རྗེས་འགྲོར་བཤད། །ཁྱོད་ཀྱིས་ཀྱང་ནི་རྟག་ཏུ་ཟུང་། །བྱང་ཆུབ་མཆོག་ཏུ་རྒྱལ་བ་བཞེད། །ཅེས་པའི་སྒོ་ནས་བྱིན་པའི་དྲིལ་བུ་དེ་ཉིད་དཀུ་གཡོན་པར་ཁ་གྱེན་དུ་བསྟན་ནས་བཟུང་སྟེ། དྲིལ་བུའི་དེ་ཁོ་ན་ཉིད་ལ་ཐུགས་གཏོད་པར་ཞུ། ཨཿསྲིད་པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་ལྡན་པ། །སྲིད་པ་དམ་པ་བྱེད་པར་འགྱུར། །ༀ་བཛྲ་གྷཎྜེ་ཨཿ། ཞེས་གསུངས་ཏེ། དེའི་དོན་ནི། ཀྱཻ་དྲིལ་བུ་འདི་ནི་ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བ་སྐྱེ་འགག་གནས་གསུམ་གྱིས་སྟོང་པ་མཚོན་པར་བྱེད་པ་ཡིན་ལ། རང་གི་ངག་སྲིད་པ་ཐམས་ཅད་རང་བཞིན་གྱིས་རྣམ་པར་དག་པ་སྟོན་པར་བྱེད་པའི་ངེས་དོན་གྱི་དྲིལ་བུ་ཡིན་ནོ་སྙམ་དུ་མོས་པ་མཛོད། ཕྱག་རྒྱ་སྐུའི་དམ་ཚིག་གི་སླད་དུ་ཁྱེད་རང་རྣམས་བཅོམ་ལྡན་རྡོ་རྗེ་འཆང་སྐུ་མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། དེའི་པང་ན་ཡུམ་རྡོ་རྗེ་སྙེམས་མ་སྐུ་མདོག་དཀར་མོ་གྲི་གུག་ཐོད་པ་འཛིན་པ། ལོ་གྲངས་བཅུ་དྲུག་ལོན་པ་དང་མཉམ་པར་སྦྱོར་བའི་སྐུར་གྱུར་པའི་མོས་པ་མཛོད། དེའི་མིག་སོགས་ནས།སློབ་དཔོན་གྱི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རྡོ་རྗེ་འཆང་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཁྱེད་རང་རྣམས་ལ་གཉིས་སུ་མེད་པར་ཐིམ། དེ་ཉིད་ལ་རྡོ་རྗེ་སློབ་དཔོན་གྱི་དབང་གི་དངོས་གཞི་བྱིན་པའི་མོས་པ་མཛོད། ཤེས་རབ་བཅུ་དྲུག་ལོན་པ་ལ། །ལག་པ་དག་གིས་ཡང་དག་འཁྱུད། །རྡོ་རྗེ་དྲིལ་བུ་མཉམ་སྦྱོར་བ། །སློབ་དཔོན་གྱི་ནི་དབང་དུ་
― LT14_Page_151B ―
[མ་དཔེ་གཟིགས་ན་འདིར་གནོན།]
བརྗོད། །ཅེས་དང་། རྗེས་སུ་གནང་བ་མདོར་བསྡུས་པའི་སྒོ་ནས་བྱིན་པའི་མོས་པ་མཛོད། རྡོ་རྗེ་ཆེ་དང་དྲིལ་བུ་ཆེ། །ཟུངས་ཤིག་རྡོ་རྗེར་བྱིན་གྱིས་བརླབས། །དེ་རིང་རྡོ་རྗེ་སློབ་དཔོན་གྱུར། །སློབ་མའི་ཚོགས་རྣམས་བསྡུ་བར་གྱིས། །ཞེས་བརྗོད་ནས། ཕྱག་རྒྱའི་དེ་ཁོ་ན་ཉིད་རྒྱས་པར་བརྗོད་པ་ནི། ཁྱེད་རང་རྣམས་རྡོ་རྗེ་དང་དྲིལ་བུ་ཐུགས་ཀར་བསྣོལ་བའི་ཕྱག་རྒྱས་བཟུང་སྟེ་ཤེས་རབ་མ་ལོ་གྲངས་བཅུ་དྲུག་ལོན་པ་ལྟ་བུ་དེ་དང་ནུ་མ་ལ་སོགས་པ་ཕན་ཚུན་རེག་པའི་བདེ་བ་ཉམས་སུ་མྱོང་བ་ལ་བརྟེན་ནས་བྱུང་བའི་བྱང་ཆུབ་ཀྱི་སེམས་ཀྱིས་ལུས་ཐམས་ཅད་ཁྱབ་པར་གྱུར་པ་ཡིན་སྙམ་དུ་མོས་པ་མཛོད། སྲིད་པའི་བདེ་བ་ཤིན་ཏུ་ཆུང་། །སྡུག་བསྔལ་ཆེན་པོ་དག་བྱའི་ཕྱིར། །ཤིན་ཏུ་བདེ་བ་དམ་པའི་ཐབས། །དམ་ཚིག་འདི་ནི་ཁྱོད་ཀྱིས་ལོངས། །འདོད་པའི་ལོངས་སྤྱོད་ཐམས་ཅད་ལ། །ཅི་འདོད་པ་ནི་བསྟེན་བཞིན་དུ། །རང་གི་ལྷག་པའི་ལྷ་སྦྱོར་བས། །བདག་དང་གཞན་ལ་མཆོད་པར་གྱིས། །དེ་བཞིན་གཤེགས་པ་ཐམས་ཅད་ཀྱིས། །འདའ་བ་རུ་ནི་མི་མཛད་པའི། །ཕྱག་རྒྱའི་དམ་ཚིག་ཅེས་སུ་གྲགས། །ཡིད་ཀྱི་ལུས་ནི་བརྟན་ཕྱིར་རོ། །ཞེས་གསུངས་ཏེ། དེའི་དོན་ནི་ཐ་མལ་པའི་བདེ་བ་ནི་མ་དག་པའོ། །སྲིད་པའི་སྡུག་བསྔལ་ཟད་པར་བྱ་བའི་ཕྱིར་རང་གི་ལྷག་པའི་ལྷའི་རྣལ་འབྱོར་བྱ་སྟེ་འདོད་པའི་ལོངས་སྤྱོད་ཐམས་ཅད་ལ་ལོངས་སྤྱོད་ཅིག །ཐམས་ཅད་ལ་མཆོད་པ་གྱིས་ཤིག །འདིས་རྡོ་རྗེ་འཆང་ཆེན་པོ་ཁ་སྦྱོར་གྱི་སྐུ་ཐོབ་པ་ལས་མི་འདའོ། །དེ་བས་ཏིང་ངེ་འཛིན་འདི་ལ་གནས་པར་གྱིས་ཤིག་ཅེས་པའི་དོན་ཡིན། འོག་ཏུ་མཆོད་པ་རྒྱས་པས་མཆོད་པ་མ་བྱུང་གི་བར་དུ་ཕྱག་རྒྱ་དང་ཏིང་ངེ་འཛིན་དེ་ཉིད་ལས་མ་གཡོས་པ་མཛོད། དེ་ཉིད་བརྟན་པའི་ཕྱིར་དུ་ནམ་མཁའ་གང་བའི་དེ་བཞིན་གཤེགས་པ་འཁོར་དང་བཅས་པ་རྣམས་ཀྱིས་མཆོད་པའི་ཡོ་
― LT14_Page_152A ―
[མ་དཔེ་གཟིགས་ན་འདིར་གནོན།]
བྱད་སྣ་ཚོགས་པ་དང་ཡེ་ཤེས་ཀྱི་ཆུས་གང་བའི་བུམ་པ་ཐོགས་ཏེ་དབང་བསྐུར་བའི་མོས་པ་མཛོད། སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་ཀུན་གྱིས་ཕྱག་བྱས་པ། །རྡོ་རྗེའི་དབང་བསྐུར་ཆེན་པོ་སྦྱིན། །ༀ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ་ཞེས་གསུང་ཞིང་དེ་བཞིན་གཤེགས་པ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར། རིག་མ་རྣམས་ཀྱིས་རྡོ་རྗེའི་གླུ་ལེན། བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་བརྗོད། ཁྲོ་བོ་རྣམས་ཀྱིས་བགེགས་བསྐྲད། ལྷ་མོ་རྣམས་ཀྱིས་མཆོད་པ་དང་བཅས་ཏེ་དབང་བསྐུར་བས། དབང་གི་ཆུ་རྒྱུན་དེས་སྨིན་མཚམས་ཡན་ཆད་གང་བུམ་པའི་དབང་ཐོབ། མགྲིན་པ་ཡན་ཆད་གང་གསང་བའི་དབང་ཐོབ། སྙིང་ག་ཡན་ཆད་གང་ཤེས་རབ་ཡེ་ཤེས་ཀྱི་དབང་ཐོབ། ལུས་ཐམས་ཅད་གང་མཆོག་ཏུ་བདེ་བ་ཆེན་པོ་བཞི་པའི་དབང་ཐོབ། ལུས་ངག་ཡིད་གསུམ་གྱི་དྲི་མ་བག་ཆགས་དང་བཅས་པ་ཐམས་ཅད་དག །ཆུའི་ལྷག་མ་ཡར་ལུད་པ་ལས་སྤྱི་བོར་དེ་བཞིན་གཤེགས་པ་ཐམས་ཅད་ཀྱི་ངོ་བོ་རྡོ་རྗེ་སེམས་དཔས་དབུར་བརྒྱན་པའི་མོས་པ་མཛོད། དེ་ཉིད་ལ་སྐུར་བྱེད་ནམ་མཁའི་དཀྱིལ་འཁོར་དང་སློབ་དཔོན་ལྷན་ཅིག་པས་ཁམས་གསུམ་ཆོས་ཀྱི་རྒྱལ་པོར་རབ་ཏུ་གནས་པ་བྱས་པའི་མོས་པ་མཛོད། ༀ་སུ་པྲ་ཏིཥྛ་བཛྲཱ་ཡ་སྭཱ་ཧཱ། ཞེས་པས་རབ་ཏུ་གནས་པར་བྱས་ཏེ། དེ་ཉིད་ལ་མངའ་དབུལ་གྱི་སླད་དུ་ནམ་མཁར་བཞུགས་པའི་ལྷ་མོ་རྣམས་ཀྱིས་མཆོད་པ་རྒྱས་པས་མཆོད་པའི་མོས་པ་མཛོད། ༀ་བཛྲ་པུཥྤེ་སོགས་ནས་ནཻ་ཝིདྱ་ཨཱཿཧཱུྃ། དེ་ལྟར་ན་ཁྱེད་རང་རྣམས་ལ་རྡོ་རྗེ་འཆང་ཆེན་པོའི་དབང་བསྐུར་བ་འདིས་ཁྱོད་ཀྱི་ཕུང་
― LT14_Page_152B ―
[མ་དཔེ་གཟིགས་ན་འདིར་གནོན།]
པོ་དང་། ཁམས་དང་། སྐྱེ་མཆེད་ཀྱི་དྲི་མ་ཐམས་ཅད་དག་པར་བྱས་པ་ཡིན་པས་བདེ་ཐམས་ཅད་རང་གི་སེམས་སུ་འདུ་ལ་སེམས་དེ་ཉིད་མི་བསྐྱོད་པའི་རང་བཞིན་རྡོ་རྗེ་སེམས་དཔའ་ཡིན་པས་རང་གི་སེམས་རྣམ་པར་དག་པ་ཉིད་དཀྱིལ་འཁོར་གྱི་འཁོར་ལོ་ཡིན་ཏེ། དཀྱིལ་འཁོར་ཞེས་ནི་གང་བཤད་པ། །ཡིད་ཀྱི་དཀྱིལ་འཁོར་དམ་པ་ཉིད། །གཞལ་མེད་ཁང་ཞེས་བཤད་པ་ནི། །སེམས་ནི་གཞལ་མེད་ཁང་བརྩེགས་ཉིད། །དེ་ཡི་ཕྱི་རོལ་གྲུ་བཞི་ནི། །མཉམ་པ་ཉིད་ཀྱི་རང་བཞིན་ནོ། །གང་ཞིག་བྱམས་པ་ལ་སོགས་སེམས། །ཐིག་སྐུད་བཞིར་ནི་བཤད་པའོ། །རྡོ་རྗེའི་ཐིག་ཏུ་གང་བཤད་པ། །ཆོས་ནི་རྗེས་སུ་དྲན་པའོ། །ལྟ་བ་ཀུན་ལས་རྣམ་གྲོལ་བ། །ཡེ་ཤེས་ཐིག་ཏུ་བཤད་པ་ཡིན། །རྒྱན་གང་ཡང་དག་བཤད་པ་ནི། །ཚུལ་ཁྲིམས་སོགས་ཀྱི་སྡོམ་པའོ། །དབང་པོ་ལྔ་སོགས་སེམས་གང་ཡིན། །ར་བ་ལྔར་ནི་འབྱུང་བ་ཉིད། །གང་ཞིག་སྒོ་ཞེས་བཤད་པ་ནི། །རྣམ་པར་ཐར་པ་རྣམ་པ་བཞི། །རྟ་བབས་ཀ་བ་བཞི་པོ་ནི། །ཡང་དག་སྤོང་བ་བཞི་ཞེས་བརྗོད། །དྲན་པ་ཉེར་བཞག་བཞི་པོ་ནི། །ཁ་ཁྱེར་བཞིར་ནི་བརྗོད་པ་ཉིད། །སྒོ་ཁྱུད་བཞི་ནི་གང་ཡིན་པ། །རྫུ་འཕྲུལ་རྐང་པ་རྣམ་པ་བཞི། །དེ་བཞིན་མེ་ཏོག་ཕྲེང་བརྒྱན་པ། །བྱང་ཆུབ་ཡན་ལག་བདུན་པོ་ཡིན། །འཕགས་ལམ་ཡན་ལག་བརྒྱད་པོ་ནི། །ཀ་བ་བརྒྱད་པོ་ཞེས་བརྗོད་དོ། །ལམ་གྱི་ཡེ་ཤེས་ཁྱད་པར་ནི། །རྔ་ཡབ་ཏུ་ནི་རབ་ཏུ་གྲགས། །གང་ཞིག་དོ་ཤལ་བཤད་པ་ནི། །ཉོན་མོངས་ཐམས་ཅད་གཅོད་པ་སྟེ། །ཀུན་ཏུ་གཅོད་པའི་ངོ་བོ་ཡིན། །ཉོན་མོངས་འཕྲོག་པས་དྲྭ་བ་ཉིད། །ཚོགས་གཉིས་དག་པའི་སྦྱོར་བ་ཡིས། །འཁོར་ལོ་བསྐོར་བ་གང་ཡིན་པ། །ཉོན་མོངས་ཕྱེད་
― LT14_Page_153A ―
[མ་དཔེ་གཟིགས་ན་འདིར་གནོན།]
ནི་གཅོད་པས་ན། །དོ་ཤལ་ཕྱེད་པ་ཉིད་དུ་བརྗོད། །དེ་བས་ན་སེམས་ཉིད་ནི་བྱང་ཕྱོགས་སོ་བདུན་གྱི་ངོ་བོ་གཞལ་ཡས་ཁང་པ་ཡིན་ལ། སེམས་ལ་ཕུང་པོ་ཁམས་དང་སྐྱེ་མཆེད་ལ་སོགས་པ་དུ་མར་སྣང་བ་ནི་གདན་གསུམ་ཚང་བའི་ལྷ་ཡིན་ཏེ། དེ་ཡང་ཕུང་པོ་ལྔ་ནི་དེ་བཞིན་གཤེགས་པའི་གདན། འབྱུང་བ་བཞི་ནི་རིག་མའི་གདན། ནང་གི་སྐྱེ་མཆེད་ནི་བྱང་ཆུབ་སེམས་དཔའི་གདན། ཕྱིའི་སྐྱེ་མཆེད་ནི་ལྷ་མོའི་གདན། །ཉོན་མོངས་པའི་སྒྲིབ་པ་ལ་སོགས་པ་ཟད་པར་བྱེད་པ་ནི་ཁྲོ་བོ་དང་ཁྲོ་མོའི་གདན་ཡིན་ནོ། །ཞེས་པས་དཀྱིལ་འཁོར་དང་ལྷའི་རྣམ་བཞག་བསྟན་ནས། རྣམ་བཞག་རྟོགས་པའི་སློབ་མ་ལ་རྗེས་སུ་གནང་བ་རྣམས་རིམ་པ་བཞིན་དུ་སྒྲུབ་དགོས་པ་ལས། ཐོག་མར་ལྷ་མཆོད་པའི་རྗེས་སུ་གནང་བ་ནི་སྒེག་སོགས་བརྒྱད་ཀྱི་ཕྱག་རྒྱ་རྣམས་མཛད་པར་ཞུ། གར་སྒོར་སྔོན་དུ་འགྲོ་བས་རྡོ་རྗེ་ཁུ་ཚུར་གཉིས་དཀུ་གཡས་གཡོན་དུ་བཞག་སྟེ། དེང་ནས་བརྩམས་ཏེ་རྫོགས་སངས་རྒྱས། །སྲས་དང་བཅས་ལ་རྣམ་རོལ་ཞིང་། །རྡོ་རྗེ་སྙེམས་མའི་རྣལ་འབྱོར་གྱིས། །དགའ་སྟོན་བདེ་བའི་མཆོད་པ་གྱིས། །ཨཱཿདེ་བཞིན་དུ་ཁུ་ཚུར་གཉིས་ཁ་འགྲམ་གཡས་གཡོན་དུ་བཞག་སྟེ། སྒེག་དང་བཅས་པས་ཕྲེང་བ་འཕང་། །སངས་རྒྱས་ཐམས་ཅད་མཆོད་པར་བྱ། །དེས་ནི་བཅོམ་ལྡན་འབྲལ་མི་འགྱུར། །ཕྲེང་བ་དེ་ཡི་རྒྱན་ཡིན་ནོ། །ༀ། ཁུ་ཚུར་གཉིས་ཁ་ནས་ཚིག་འབྱིན་པ་ལྟར་བྱས་ཏེ། ལུས་ཅན་ཀུན་ལ་དམ་ཆོས་ཀྱི། །གླུ་ནི་ཁྱོད་ཀྱིས་བླང་བར་བྱ། །དེ་ཡི་བདེ་གཤེགས་དངོས་གྲུབ་ནི། །མྱུར་ཏུ་བདེ་བ་མྱོང་བར་འགྱུར། །གཱི། རྡོ་རྗེ་ཐལ་མོ་སྤྱི་བོར་བསྐོར་བའི་གར་བྱས་ཏེ། དེ་ཉིད་ཐལ་མོའི་གར་གྱིས་ནི། །སངས་རྒྱས་
― LT14_Page_153B ―
[མ་དཔེ་གཟིགས་ན་འདིར་གནོན།]
ཐམས་ཅད་མཆོད་པར་བྱ། །སངས་རྒྱས་འདུ་བའི་ཕྲིན་ལས་ཀྱིས། །གར་མཁན་ཚུལ་དུ་སྒྱུར་བར་གྱིས། །ཧོཿ བདུག་སྤོས་ཀྱི་ཕྱག་རྒྱ་དང་། རྫོགས་སངས་རྒྱས་ལ་སྤོས་འབུལ་བས། །བརྟུལ་ཞུགས་བཟང་པོས་ལེགས་ཚིམ་གྱིས། །ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱིས་ནི་ཚིམས་པར་གྱིས། །ཧཱུྃ། མེ་ཏོག་གི་ཕྱག་རྒྱ་དང་། སངས་རྒྱས་རྣམས་ལ་མེ་ཏོག་གཏོར། །བྱང་ཆུབ་ཡན་ལག་ཚོགས་གྱུར་པས། །མཚན་དང་དཔེ་བྱད་ལྡན་པ་ཡི། །བདེ་གཤེགས་སྐུ་ནི་ཐོབ་པར་གྱིས། །བྷྲཱུཾ། མར་མེའི་ཕྱག་རྒྱ་དང་། ཆོས་ཀྱི་མེ་ནི་ལེགས་སྦར་བས། །རྡོ་རྗེ་ཆོས་དང་འདྲ་བ་རུ། །སེམས་ཅན་མ་རིག་ལྡོངས་པ་ལ། །ཡེ་ཤེས་སྒྲོན་མས་གསལ་བར་གྱིས། །པྲ་གཡོན་པས་དུང་ཆོས་འཛིན་ཅིང་གཡས་པས་དྲི་བཟང་བྱུག་པའི་ཚུལ་དང་།རྒྱལ་བ་རྣམས་ལ་དྲི་ཕུལ་བས། །ཚུལ་ཁྲིམས་ཏིང་འཛིན་ཤེས་རབ་དང་། །རྣམ་གྲོལ་ཡེ་ཤེས་མཐོང་བ་ཡི། །བྱང་ཆུབ་ལུས་ཅན་རྣམས་ལ་བསྒོམ། །ག༔་དེང་ཕྱིན་ཆད་ལུས་ཀྱི་སྒོ་ནས་སྒེག་པ་དང་། ངག་གི་སྒོ་ནས་གླུ་ལེན་པ་ལ་སོགས་པ་སྤྱོད་ལམ་ཅི་བྱེད་པ་ཐམས་ཅད་མི་དགེ་བ་དང་ལུང་མ་བསྟན་མ་ཡིན་པར་ལྷ་མཆོད་པའི་བསམ་པས་ཟིན་པར་གྱིས་ཤིག །སེམས་ཅན་གྱི་དོན་བྱེད་པའི་རྗེས་གནང་ནི། མིག་གྲུར་རམ་རྡོ་རྗེ་ལ། ༀ་ཨཱཥྚཱ་ན་ནཱ་ཡ། པིངྒ་ལོརྡྷཱ་ཀེ་ཤ་ཝརྟྨ་ནེ། ཙ་ཏུརྦིངྴ་ཏི་ནེ་ཏྲཱ་ཡ། ཥོ་ཌ་ཤ་བྷཱུ་ཛཱ་ཡ། ཛཱི་མཱུ་ཏ་ཝ་པུ་ཥེ། ཀ་པཱ་ལ་མཱ་ལཱ་ནེ་ཀཱ་དྷཱ་ཏི་ཎི། ཨདྷྨཱཏ་ཀྲཱུ་ར་ཙིཏྟཱ་ཡ། དཾཥྚཱི་ཎེ། མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། གརྫྫ་ཡ། གརྫྫཡ། ཏརྫྫཡ་ཏརྫྫ་ཡ། ཤོ་ཥ་ཡ་ཤོ་ཥ་ཡ། སཔྟ་སཱ་ག་རཱ་ཎ། །བྷནྡྷ་བྷནྡྷ། ནཱ་གཱཥྚ་ཀཱན། གྲྀཧྞ་གྲྀཧྞ། ཤ་ཏྲཱུན། ཧ་ཧཱ་ཧི་ཧཱི་ཧུ་ཧཱུ་ཧེ་ཧེ་ཧོ་ཧོ་ཧཾ་ཧཿཕཊ་སྭཱ་ཧཱ། ཞེས་པའི་རྩ་སྔགས་ཀྱིས་མངོན་པར་བསྔགས་པའི་པྲཾ་ལས་བྱུང་
― LT14_Page_154A ―
[མ་དཔེ་གཟིགས་ན་འདིར་གནོན།]
བའི་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་ཅན་གྱི་ཐུར་མའམ་ཧཱུྃ་ལས་བྱུང་བའི་ཡེ་ཤེས་ཀྱི་རྡོ་རྗེས་ཁྱེད་རང་རྣམས་ཀྱི་མིག་གི་ཐད་ཀར་བྱུགས་པས་མ་རིག་པའི་ལིང་ཏོག་བསལ་ནས་སེམས་ཅན་གྱི་དོན་ལ་འཇུག་པའི་མཐུ་དང་ལྡན་པར་བྱས་པ་ཡིན་སྙམ་དུ་མོས་པ་མཛོད། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་ལིང་ཏོག་བསལ་བ་ལྟར། །བུ་ཁྱོད་ཀྱི་ནི་མི་ཤེས་པའི། །ལིང་ཏོག་རྒྱལ་བ་རྣམས་ཀྱིས་བསལ། །ༀ་བཛྲ་ནེ་ཏྲ་ཨ་པ་ཧ་ར་པ་ཊ་ལཾ་ཧྲཱིཿཔྲཾ་ཞེས་པས་སེམས་ཅན་གྱི་དོན་ལ་འཇུག་པའི་མཐུ་དང་ལྡན་པར་བྱས་ནས་ཆོས་ཅན་གྱི་སྣང་བ་ཐམས་ཅད་མེ་ལོང་ནང་གི་གཟུགས་བརྙན་ལྟར་ཤེས་པའི་སྒོ་ནས་སེམས་ཅན་གྱི་དོན་གྱིས་ཤིག་ཅེས་ཤེས་པའི་སླད་དུ་ཨ་ལས་སྐྱེས་པའི་མེ་ལོང་བསྟན་ཏེ། ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་འབྱུང་། །ངོ་བོ་ཉིད་མེད་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཀྱང་སྐྱོབ་པའི་སྲས་སུ་སྐྱེ། །ཞེས་མེ་ལོང་དང་པོའི་རྗེས་གནང་སྦྱིན་ནས། དེ་ལྟར་ཀུན་རྫོབ་ཀྱི་ཆོས་ཐམས་ཅད་རྒྱུ་རྐྱེན་རྟེན་འབྲེལ་ཚོགས་པ་ལས་དུ་མར་སྣང་ཡང་དྲིལ་བུའི་སྒྲ་ཁོག་པ་དང་ལྕེ་དང་སྐྱེས་བུའི་རྩོལ་བ་གསུམ་གང་ལས་བྱུང་དཔྱད་ན་མི་རྙེད་པས་རང་བཞིན་གྱིས་སྟོང་པ་ལྟར་ཆོས་ཉིད་སྐྱེ་འགགས་གནས་གསུམ་གྱིས་སྟོང་པ་ནམ་མཁའི་མཚན་ཉིད་ཅན་དེ་ཤེས་པའི་སྒོ་ནས་སེམས་ཅན་གྱི་དོན་གྱིས་ཤིག་ཅེས་ཤེས་པའི་སླད་དུ་དབྱངས་ཐ་མ་ལས་སྐྱེས་པའི་དྲིལ་བུ་སྦྱིན་ཏེ། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་ནི་མཚན་ཉིད་མེད། །ནམ་མཁའ་
― LT14_Page_154B ―
[མ་དཔེ་གཟིགས་ན་འདིར་གནོན།]
དང་ནི་མཉམ་སྦྱོར་བས། །ཀུན་མཆོག་མཉམ་པ་ཉིད་དུ་གསལ། །ཞེས་ཆོས་ཐམས་ཅད་ཀྱི་རང་བཞིན་སྟོང་པ་ཉིད་དུ་ཤེས་པར་བྱས་ནས། གནས་ལུགས་རྟོགས་པའི་ཤེས་རབ་དང་ལྡན་ཡང་ཐབས་མཁས་ཀྱི་ཁྱད་པར་དང་བྲལ་ན་ཉན་རང་གི་སར་ལྟུང་བར་འགྱུར་བས་རང་དོན་ཡིད་ལ་བྱེད་པའི་བསམ་པ་བཅོམ་དགོས་སོ་ཞེས་ཤེས་པའི་སླད་དུ། ཧོཿདེ་བཞིན་གཤེགས་པ་ཐམས་ཅད་དང་རྗེས་སུ་ཆགས་པར་བྱོས་ཤིག་ཅེས་པས། ཧོཿལས་སྐྱེས་པའི་མདའ་གཞུ་སྦྱིན་ཏེ་ཐབས་ཀྱི་མདའ་དྲུག་ཤེས་རབ་ཀྱི་གཞུ་ལ་བཀང་ནས་ཕྱོགས་བཞི་སྟེང་འོག་གཉིས་ཏེ་དྲུག་ཏུ་འཕངས་པས་རང་དོན་ཡིད་བྱེད་ཀྱི་བསམ་པ་བཅོམ་པའི་མོས་པ་མཛོད་ལ། དེ་བཞིན་གཤེགས་པ་ཐམས་ཅད་དང་རྗེས་སུ་ཆགས་པར་བྱའོ་ཞེས་གསུང་ཞིག །གནས་ལུགས་རྟོགས་པའི་ཤེས་རབ་དེའང་ཐོས་བསམ་ལས་བྱུང་བའི་ཤེས་རབ་ལྟར་དོན་སྤྱིའི་ཚུལ་གྱིས་རྟོགས་པ་ཙམ་མ་ཡིན་གྱི། དབང་གི་ཡེ་ཤེས་རྡོ་རྗེ་སེམས་དཔའ་མེ་ལོང་ནང་གི་གཟུགས་བརྙན་ལྟ་བུ་སྣང་ལ་རང་བཞིན་མེད་པ་རང་གི་སྙིང་ལ་ཞུགས་པ་ཡིན་ནོ་ཞེས་ཤེས་པའི་ཆེད་དུ་མེ་ལོང་རྡོ་རྗེ་དང་བཅས་པའི་རྗེས་སུ་གནང་བ་ནི། ༀ་བཛྲ་ས་ཏྭ། རྡོ་རྗེ་སེམས་དཔའ་མེ་ལོང་ལྟར། །གསལ་ཞིང་དག་ལ་རྙོག་པ་མེད། །བུ་ཁྱོད་ཀྱི་ནི་སྙིང་ལ་ཞུགས། །རྡོ་རྗེ་སེམས་དཔའི་རང་བཞིན་གཙོ། །གང་ཡང་སངས་རྒྱས་ཐམས་ཅད་ཀྱི་བདག་པོ་བྱང་ཆུབ་ཀྱི་སེམས་ནི་འདི་ཡིན་པས་ཤེས་པར་གྱིས་ཤིག་ཅེས་པ་རྣམས་སེམས་ཅན་གྱི་དོན་བྱེད་པའི་རྗེས་གནང་ཡིན། ཆོས་བཤད་པའི་རྗེས་གནང་ནི། ༀ་བཛྲ་ཧེ་ཏུ་མཱཾ་ཞེས་པས་ཞབས་ཀྱི་འོག་ཏུ་འཁོར་ལོ་བྱིན་ཏེ་སེམས་ཅན་འཁོར་བ་ནས་དྲོངས་ཤིག་ཅེས་པའི་དོན་ཡིན། འདྲེན་ལུགས་
― LT14_Page_155A ―
[མ་དཔེ་གཟིགས་ན་འདིར་གནོན།]
ཇི་ལྟར་བྱེད་ན་ༀ་བཛྲ་བྷཱ་ཥ་རཾ་ཞེས་པས་ཕྱག་གཡས་སུ་དུང་བྱིན་ཏེ། དུང་བུས་ལ་སེམས་ཅན་འཁོར་དུ་སྡུས་ཤིག་ཅེས་པའི་དོན་ཡིན། ཚུལ་ཇི་ལྟར་ན་བཛྲ་གྷཎྜེ་ཨཿ ཞེས་པས་ཕྱག་གཡོན་དུ་དྲིལ་བུ་བྱིན་ཏེ་ཆོས་ཀྱི་སྒྲ་སྒྲོགས་ཤིག་ཅེས་པའི་དོན་ཡིན། ཆོས་གང་གིས་ན་ཨཿ ཞེས་པས་རྒྱུད་ཀྱི་གླེགས་བམ་བྱིན་ཏེ་ཆོས་འདིའི་སྒྲ་སྒྲོགས་པར་གྱིས་ཤིག་ཅེས་པའི་དོན་ཡིན་པས་དེ་ལྟར་ངེས་པའི་སྒོ་ནས་དུང་འབུད་པ་དང་དྲིལ་བུ་འཁྲོལ་བ་དང་གླེགས་བམ་ཀློག་པའི་ཚུལ་མཛོད། དེང་ནས་བརྩམས་ཏེ་སེམས་བསྐྱེད་པ། །ཙམ་གྱིས་ཆོས་ཀྱི་འཁོར་ལོ་བསྐོར། །ཁྱོད་ཀྱིས་ཐེ་ཚོམ་དོགས་མེད་པར། །ཡིད་གཉིས་མེད་པའི་སེམས་ཀྱིས་སུ། །ཆོས་ཀྱི་དུང་ནི་བླ་མེད་པ། །དྲི་མེད་ཀུན་ཏུ་གང་བར་གྱིས། །སྔགས་སྤྱོད་ཚུལ་གྱི་ཆོ་ག་ཡིས། །སྐྱེ་བོ་རྣམས་ལ་རྟག་ཏུ་ཤོད། །དེ་ལྟར་བྱས་ན་སངས་རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཡང་། །ཁྱོད་ལ་རྟག་ཏུ་སྲུང་བ་མཛད། །ཅེས་པས་སྤྱིར་བཏང་ཆོས་བཤད་པའི་རྗེས་གནང་བྱིན་ནས། ཆོས་བཤད་པ་དེའང་དེ་བཞིན་གཤེགས་པ་རིགས་ལྔ་དང་འབྲེལ་བའི་རྡོ་རྗེ་ཐེག་པའི་ཆོས་སྟོན་དགོས་སོ་ཞེས་ཤེས་པའི་ཆེད་དུ་རིགས་ལྔའི་སྤྲུལ་བཤད་ཀྱི་རྗེས་སུ་གནང་བ་ནི། རིགས་ལྔ་སོ་སོའ་ང་རྒྱལ་དང་ལྡན་པས་ཕྱག་རྒྱ་རྣམས་ཀྱང་སློབ་དཔོན་ལ་གཟིགས་ནས་མཛད་པར་ཞུ། སེམས་ཅན་ཀུན་ལ་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་འགྱུར་བའི། །ཆོས་ཀྱི་འཁོར་ལོ་རབ་ཏུ་བསྐོར། །ཞེས་པའི་ཚེ་རྣམ་སྣང་དང་། དེ་བཞིན་དུ་ཚིག་རྐང་དང་པོ་གསུམ་འདྲ་བ་ལས། རྡོ་རྗེའི་འཁོར་ལོ་རབ་ཏུ་བསྐོར། །ཞེས་དང་མི་བསྐྱོད་པ། རིན་ཆེན་འཁོར་
― LT14_Page_155B ―
[མ་དཔེ་གཟིགས་ན་འདིར་གནོན།]
ལོ་རབ་ཏུ་བསྐོར། །ཞེས་དང་རིན་ཆེན་འབྱུང་ལྡན། པདྨའི་འཁོར་ལོ་རབ་ཏུ་བསྐོར། །ཞེས་དང་འོད་དཔག་མེད། སྣ་ཚོགས་འཁོར་ལོ་རབ་ཏུ་བསྐོར། །ཞེས་དང་དོན་གྲུབ་ཀྱི་ཕྱག་རྒྱ་བྱས་ལ། དེ་ལྟར་ན་ཁྱོད་ཀྱིས་སེམས་ཅན་ཐམས་ཅད་ལ་ཆོས་ཀྱི་འཁོར་ལོ། །རྡོ་རྗེའི་འཁོར་ལོ། །རིན་ཆེན་འཁོར་ལོ། །པདྨའི་འཁོར་ལོ། སྣ་ཚོགས་འཁོར་ལོ་རྣམས་བསྐོར་ལ། སེམས་ཅན་ཐམས་ཅད་ལ་ཆོས་ཀྱི་དུང་བུས། སྒྲ་སྒྲོགས། བཤད་པ་གྱིས་ཤིག་ཅེས་པའི་དོན་ཡིན། དེ་ལྟར་ན་བསྐྱེད་པ་རྡུལ་ཚོན་ནམ། རས་བྲིས་གང་ཡིན་སྐབས་དང་སྦྱར་ལ།དཀྱིལ་འཁོར་དུ་བུམ་པའི་དབང་ཐོབ་གཙོ་བོར་ལུས་ཀྱི་དྲི་མ་དག །དམ་ཚིག་རྩ་བ་དང་ཡན་ལག་གི་དམ་ཚིག་ཉི་ཤུ་རྩ་གཉིས་བསྲུང་བ་ལ་དབང་བར་བྱས། བརྡ་ལྔ་བསྡུས་རྩེ་མོས་མནན་པ། ལམ་བསྐྱེད་པའི་རིམ་པ་བསྒོམ་པ་ལ་དབང་། འབྲས་བུ་སྤྲུལ་པའི་སྐུའི་ས་བོན་རྒྱུད་ལ་བཞག་པ་ཡིན་ནོ། །ཞེས་རྟོགས་བསྐྱེད་བྱའོ། །གསང་དབང་གི་སྡོམ་ནི། །མཎྜལ་བསྟོད་དང་གསོལ་བ་གདབ། །དབང་བསྐུར་ལུང་བསྟན་རྟོགས་པ་བསྐྱེད། །ཅེས་པ་ལྟར་ལས། ཐོག་མར་གསང་དབང་ཞུ་བའི་སླད་དུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་མཚན་ཉིད་དང་ལྡན་པའི་ཕྱག་རྒྱ་ཞིག་ཀྱང་སློབ་དཔོན་ལ་ཕུལ་བའི་མོས་པ་བྱས་ཏེ་བསྟོད་པ་འདིའི་རྗེས་ཟློས་མཛོད། ཁྱོད་ནི་རྣལ་འབྱོར་མ་ཚོགས་ཡོངས་སུ་བསྐོར། །ཁྱོད་ནི་ཉིད་ཀྱི་ཐུགས་ཀྱི་མཆོག་བརྙེས་པ། །ཁྱོད་ཀྱིས་རྒྱུ་དང་མི་རྒྱུའི་འགྲོ་བ་ཀུན་བརྒྱན་ཏེ། །སྙིང་རྗེའི་ཐུགས་ཀྱིས་སེམས་ཅན་སད་མཛད་པ། །སྒྱུ་མའི་སྤྲོས་པ་རྡོ་རྗེ་བསྒྲུབ་པའི་ཡིད། །ཧེ་རུ་ཀ་དཔལ་རྡོ་རྗེ་ཡིད་ཀྱིས་དགེས། །ཞེས་པས་བསྟོད་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། །བཅོམ་ལྡན་ཞི་བ་ཆེན་པོ་ཀྱེ། །རྡོ་རྗེ་རྣལ་འབྱོར་
― LT14_Page_156A ―
[མ་དཔེ་གཟིགས་ན་འདིར་གནོན།]
གཅིག་བཞེད་པ། །མི་ཕྱེད་ཕྱག་རྒྱ་སྒྲུབ་པ་པོ། །རྡོ་རྗེ་སྦྱོར་ལས་ཡང་དག་བྱུང་། །ཇི་ལྟར་ཁྱོད་ནི་བདག་ཉིད་ཆེ། །མངའ་བདག་བདག་ལའང་དེ་ལྟར་མཛོད། །འཁོར་བ་འདམ་གྱི་ཚོགས་ནང་དུ། །བྱིང་བ་སྐྱབས་མེད་བདག་ལ་སྐྱོབས། །ཞེས་གསོལ་བ་བཏབ་ནས། སྔོན་ཆད་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་མ་མཐོང་བའི་མཚོན་བྱེད་དུ་ༀ་ཨཱཿཧཱུྃ་ཞེས་གསུང་ཞིང་མིག་རས་རྣམས་འཆིང་བར་ཞུ། དམིགས་པ་འདི་བཞིན་མཛོད། བླ་མ་ཧེ་རུ་ཀ་ཡབ་ཡུམ་སྙོམས་པར་ཞུགས་པའི་དགའ་བའི་སྒྲས་དེ་བཞིན་གཤེགས་པ་ཐམས་ཅད་སྤྱན་དྲངས་ཏེ། ཡབ་ཀྱི་ཞལ་དུ་ཞུགས་ཐུགས་ཀར་རྗེས་སུ་ཆགས་པའི་མེས་འོད་དུ་ཞུ། བྱང་ཆུབ་ཀྱི་སེམས་རྡོ་རྗེ་ནོར་བུའི་ལམ་ནས་ཡུམ་གྱི་མཁར་བབས་པའི་ཐིག་ལེ་མུ་ཏིག་གི་རྡོག་མ་ལྟ་བུ་སློབ་དཔོན་ཉིད་ཀྱི་མཐེབ་སྲིན་གྱིས་བླངས་ཏེ་ཁྱེད་རང་རྣམས་ཀྱི་ལྕེ་ཐོག་ཏུ་བཞག་པའི་མོས་པ་མཛོད། ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་རྣམས་དབང་བསྐུར་ལྟར། །བདག་གིས་གསང་བའི་དབང་གི་ནི། །སེམས་ཀྱི་རྒྱུན་གྱིས་དབང་བསྐུར་རོ། །ཞེས་པས་བྱིན་པའི་བདུད་རྩི་དེ་སངས་རྒྱས་ཐམས་ཅད་འདུས་པའི་ངོ་བོར་མོས་ཏེ་ༀ་ཨཱཿཧཱུྃ་ཧོཿཞེས་གསུང་ཞིང་མྱང་བར་ཞུ། དེ་ལྟར་མྱངས་པས་མགྲིན་པ་ན་གཞིར་གནས་ཀྱི་ཡ་ར་ལ་ཝ་ཞེས་པའི་ཡི་གེ་བྱང་ཆུབ་ཀྱི་སེམས་ཀྱིས་གང་བ་དམ་ཚིག་པའི་ཚུལ་དུ་གནས་པ་ལ། སློབ་དཔོན་གྱིས་བྱིན་པའི་བྱང་ཆུབ་ཀྱི་སེམས་གདན་གསུམ་ཚང་བ་དེ་ཉིད་ཡེ་ཤེས་པའི་ཚུལ་དུ་འདྲེས་པས་སྣང་མཆེད་ཐོབ་གསུམ་གྱི་འཁོར་དུ་བྱུང་བའི་རང་བཞིན་བརྒྱད་ཅུའི་རྟོག་པ་རགས་པ་རྣམས་འགགས་ནས་སྟོང་པ་དང་ཤིན་ཏུ་སྟོང་པ་དང་། སྟོང་པ་ཆེན་པོའི་ཉམས་
― LT14_Page_156B ―
[མ་དཔེ་གཟིགས་ན་འདིར་གནོན།]
སྐྱེས་ཏེ་སྣང་བ་གསུམ་གྱི་རང་བཞིན་སྟོང་པ་གསུམ་རོ་གཅིག་ཏུ་གྱུར་པ་གསལ་ཞིང་ཡངས་ལ་མི་རྟོག་པ་རང་བྱུང་གི་ཡེ་ཤེས་སྟོང་གསལ་མཆོག་གི་ཏིང་ངེ་འཛིན་རྒྱུད་ལ་སྐྱེས་པའི་མོས་པ་མཛོད། དེ་གསང་དབང་གི་དངོས་གཞི་ཡིན། དབང་དེ་ཐོབ་པའི་བརྡར་ༀ་ཨཱཿཧཱུྃ་ཞེས་གསུང་ཞིང་མིག་རས་རྣམས་འགྲོལ་བར་ཞུ། དེའི་མཐའ་རྟེན་དུ་ལུང་བསྟན་པ་ནི། ལུང་ཕལ་ཆེར་སྤྲུལ་སྐུས་སྟོན་པ། སྐབས་འདིར་སློབ་དཔོན་ཤཱཀྱ་ཐུབ་པའི་ང་རྒྱལ་དུ་བསྒྱུར་ནས་ལག་པ་གཡོན་པས་ཆོས་གོས་ཀྱི་གྲྭ་རི་དྭགས་བག་ཕེབས་པའི་རྣ་བ་ལྟར་འཛིན་ཅིང་། གཡས་རྡོ་རྗེ་དྲིལ་བུ་དང་བཅས་པའི་སྐྱབས་སྦྱིན་གྱི་ཕྱག་རྒྱས་ཁྱེད་རང་རྣམས་ཀྱི་གསང་མཚན་དང་མཐུན་པའི་དེ་བཞིན་གཤེགས་པར་འགྱུར་རོ་ཞེས་དཀྱིལ་འཁོར་པ་དང་བཅས་པས་མགྲིན་གཅིག་ཏུ་ལུང་བསྟན་པའི་མོས་པ་མཛོད། ༀ་འདིར་ནི་ཁྱོད་ལ་ངས་ལུང་བསྟན། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་རྣམས་ལས་བཏོན། །ཀྱེ་དཔལ་ཆེ་གེ་མོ་རྡོ་རྗེ་ཞེས་བྱ་བའི་དེ་བཞིན་གཤེགས་པ། ས་འོག་ས་སྟེང་ས་བླ་རྣམས་སུ་བྷུརྦྷུ་ཝཿསྭཿ ཞེས་ངས་ལུང་བསྟན་པ་འདི་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། དཀྱིལ་འཁོར་གྱི་འཁོར་ལོ་དང་བཅས་པ་ཐམས་ཅད་ཀྱིས་མགྲིན་གཅིག་ཏུ་ལུང་སྟོན་པར་མཛད་དེ་སྔགས་འདི་དང་ཕྱག་རྒྱ་འདིའི་མཐུ་ཡིན་ནོ། །ཞེས་པའི་སྒོ་ནས་ལུང་བསྟན་པས་དེ་ལྟར་དུ་འགྱུར་ངེས་སྙམ་པའི་དགའ་བ་བསྐྱེད་མཛོད། དེ་ལྟར་ན་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་གསང་བའི་དབང་ཐོབ། ངག་གི་དྲི་མ་དག །དམ་ཚིག་ཤ་ལྔ་དང་བདུད་རྩི་ལྔའི་རིལ་བུ་བསྟེན་པ་ལ་དབང་བར་
― LT14_Page_157A ―
[མ་དཔེ་གཟིགས་ན་འདིར་གནོན།]
བྱས། བརྡ་མཐེབ་སྲིན་ཨེ་ལ་རིག་བྱེད་གཅིག །ལམ་བདག་བྱིན་གྱིས་བརླབ་པའི་རིམ་པ་བསྒོམ་པ་ལ་དབང་། འབྲས་བུ་ལོངས་སྤྱོད་རྫོགས་པའི་སྐུའི་ས་བོན་རྒྱུད་ལ་བཞག་པ་ཡིན་ནོ། །ཞེས་རྟོགས་བསྐྱེད་བྱ། ཤེས་རབ་ཡེ་ཤེས་ཀྱི་དབང་གི་སྡོམ་ནི། མཎྜལ་གཏོད་གསོལ་རིག་མ་གཏད། །དྲིས་ལན་སོགས་བྱ་དབང་དངོས་བསྐུར། །དབུགས་དབྱུང་སྦྱིན་ལ་རྟོགས་པ་བསྐྱེད། །ཅེས་པ་ལྟར་ལས། ཐོག་མར་ཤེས་རབ་ཡེ་ཤེས་ཀྱི་དབང་ཞུ་བའི་ཡོན་དུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་བསྟོད་པ་དང་གསོལ་བ་འདེབས་པ་འདིའི་རྗེས་ཟློས་མཛོད། ཁྱོད་ནི་སོགས་ནས་བདག་ལ་སྐྱོབས་ཞེས་པའི་བར་གསང་དབང་བཞིན། ཞེས་པས་གསོལ་བ་བཏབ་ནས། སྔོན་ཆད་ཕྱག་རྒྱ་བྷ་གའི་དཀྱིལ་འཁོར་མ་མཐོང་བའི་མཚོན་བྱེད་དུ་ༀ་ཨཱཿཧཱུྃ་ཞེས་པས་མིག་རས་འཆིང་བར་ཞུ། དམིགས་པ་འདི་བཞིན་མཛོད། སློབ་དཔོན་གྱི་ཐུགས་ཀ་ནས་མཚན་ཉིད་དང་ལྡན་པའི་རིག་མ་ཡིད་དུ་འོང་བ་ལང་ཚོ་ལ་བབས་པ་རྒྱན་ཐམས་ཅད་ཀྱིས་བརྒྱན་པ་ཞིག་སྤྲུལ་སྟེ་ཁྱེད་རང་རྣམས་ལ་གཏད་པའི་མོས་པ་མཛོད། །དགའ་སྟེར་གནས་སྟེར་ལྷ་མོ་ནི། །སྣ་ཚོགས་གཟུགས་ཅན་ཡིད་འོང་མ། །ཁྱེར་ཅིག་ཁྱེར་ཅིག་སེམས་དཔའ་ཆེ། །ཁྱེར་ལ་མཆོད་པ་དག་ཏུ་གྱིས། །ཞེས་པའི་སྒོ་ནས་བྱིན་པའི་ཕྱག་རྒྱ་དེས་ཁྱེད་རྣམས་གསང་བའི་ཀུན་དུ་སྤྱོད་པ་རྣམས་ཀྱི་སྣོད་དང་མི་ལྡན་པ་བརྟག་པའི་ཕྱིར་དྲི་བ་བྱས་པའི་མོས་པ་མཛོད། བཤང་གཅི་དག་ནི་ཟ་བ་དང་། །ཁྲག་དང་ཁུ་བ་དེ་བཞིན་ཏེ། །ཤ་ཆེན་བསྟེན་པར་བུ་སྤྲོའམ། །བུད་མེད་རྣམས་ལ་རྟག་གུས་དང་། །བྷ་གའི་པདྨར་འོ་བྱེད་པར། །བུ་ཁྱོད་ཅི་དགར་སྤྲོ་གྱུར་ཏམ། །ཞེས་དྲིས་པས་དེ་ལྟར་སྤྲོ་ཞེས་ལན་
― LT14_Page_157B ―
[མ་དཔེ་གཟིགས་ན་འདིར་གནོན།]
བཏབ་པའི་མོས་པ་བྱས་ནས་འདིའི་རྗེས་ཟློས་མཛོད། བཤང་གཅི་དག་ནི་ཟ་བ་དང་། །ཁྲག་དང་ཁུ་བ་དེ་བཞིན་ཏེ། །ཤ་ཆེན་བསྟེན་པར་ཅིས་མི་སྤྲོ། །བུད་མེད་རྣམས་ལ་རྟག་གུས་དང་། །བྷ་གའི་པདྨར་འོ་བྱེད་པར། །བདག་ཉིད་ཅི་དགར་སྤྲོ་གྱུར་ཏོ། །ཞེས་པས་ལན་བཏབ་པས་ཕྱག་རྒྱ་དེས། །ཨེ་མ་ང་ཡི་པདྨ་འདི། །བདེ་བ་ཐམས་ཅད་འབྱུང་བའི་གནས། །གལ་ཏེ་ཆོ་ག་བཞིན་བསྟེན་ན། །དེ་ཡི་མདུན་ན་བདག་འདུག་སྟེ། །སངས་རྒྱས་བསྙེན་པ་ལ་སོགས་པ། །པདྨར་བྱ་བ་ཇི་བཞིན་བྱེད། །བདེ་ཆེན་རྒྱལ་པོ་རང་ཉིད་དེ། །འདི་ཉིད་དུ་ནི་རྟག་ཏུ་བཞུགས། །བླུན་པོ་གང་ཞིག་འདི་སྤོང་བ། །དེ་ལ་མཆོག་གི་དངོས་གྲུབ་མེད། །སྟྭཾ་པདྨ་བྷཉྫ་མོཀྵ་ཧོཿ ཞེས་གསུང་ཞིང་ཁྱེད་རང་རྣམས་ཀྱི་པང་དུ་བྱོན་པའི་མོས་པ་མཛོད། དེ་ནས་ཁྱེད་རང་རྣམས་བཅོམ་ལྡན་འདས་ཀྱཻ་རྡོ་རྗེ་དང་ཕྱག་རྒྱ་བདག་མེད་མར་གསལ་བ་སྤྲུལ་སྐུ་ལམ་དུ་བྱེད་པ་ལྷའི་འདུ་ཤེས། ཡུམ་གྱི་མཁའ་མི་དམིགས་ཏེ་སྟོང་པའི་ངང་ལས་ཨཱཿལས་པདྨ་དམར་པོ་འདབ་མ་བརྒྱད་པ་ཟེའུ་འབྲུ་ལ་ཨཱཿས་མཚན་པ། ༀ་པདྨ་སུ་ཁ་དྷཱ་ར། མ་ཧཱ་རཱ་ག་སུ་ཁནྡ་ད། ཙ་ཏུ་རཱ་ནནྡ་བྷ་ག་བི་ཤཱ །ཧཱུྃ་ཧཱུྃ་ཧཱུྃ། མ་ཀུ་རུ་ཥྭ་མེ། ཁྱེད་རང་རྣམས་ཀྱི་གསང་བའི་གནས་མི་དམིགས་ཏེ་སྟོང་པའི་ངང་ལས་ཧཱུྃ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཧཱུྃ་གིས་མཚན་པ། ༀ་བཛྲ་མ་ཧཱ་དྭེ་ཥ། ཙ་ཏུ་རཱ་ནནྡ་ད་ཡ་ཀཿ ཁ་ག་མུ་ཁ་ཨེ། ཀཱ་ར་སོ་ནཱ་ཐ། ཧཱུྃ་ཧཱུྃ་ཧཱུྃ། མ་ཀུ་རུ་ཥྭ་མེ་ཞེས་པས་མཁའ་གསང་བྱིན་གྱིས་བརླབས་པ་ལོངས་སྐུ་ལམ་དུ་བྱེད་པ་སྔགས་ཀྱི་འདུ་ཤེས། ཐབས་འདི་ལ་བརྟེན་ནས་ལྷན་སྐྱེས་མངོན་དུ་བྱའོ་སྙམ་པ་ཆོས་སྐུ་ལམ་དུ་བྱེད་པ་ཆོས་ཀྱི་འདུ་ཤེས་ཏེ། སྐུ་གསུམ་ལམ་བྱེད་འདུ་ཤེས་གསུམ་དང་མ་བྲལ་བའི་སྒོ་ནས་
― LT14_Page_158A ―
[མ་དཔེ་གཟིགས་ན་འདིར་གནོན།]
ཐོག་མར་ཕྱག་རྒྱའི་གཟུགས་ལ་བལྟ་བ་དང་། སྒྲ་ལ་མཉན་པ་དང་། དྲི་ལ་བསྣམ་པ་དང་། མ་མཆུའི་སྦྲང་རྩི་མྱང་བ་དང་། འོ་དང་འཁྱུད་པ་དང་ཙུམྤ་ལ་སོགས་པ་བྱས་པའི་སྐད་ཅིག་དང་པོ་ལ་དགའ་བའི་ཡེ་ཤེས། བོ་ལ་དང་ཀཀྐོ་ལ་སྦྱར་བའི་སྐད་ཅིག་མ་གཉིས་པ་ལ་མཆོག་དགའི་ཡེ་ཤེས། བསྲུབ་ཅིང་བསྲུབ་པའི་སྦྱོར་བ་བྱས་པའི་སྐད་ཅིག་མ་གསུམ་པ་ལ་དགའ་བྲལ་གྱི་དགའ་བའི་ཡེ་ཤེས། རྡོ་རྗེ་དབྱིངས་ཀྱི་དབང་ཕྱུག་མའི་རང་བཞིན་གྱི་རྩ་བཙལ་ཏེ་སྙོམས་པར་ཞུགས་པའི་སྐད་ཅིག་མ་བཞི་པ་ལ་ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང་བའི་མོས་པ་མཛོད། དེ་དག་ནི་ཕྱི་གོ་རིམ་ལ་ལྟོས་པའི་དགའ་བ་བཞི་ཡིན། ནང་གནས་ལ་ལྟོས་པའི་དགའ་བ་ནི། དེ་ལྟར་སྙོམས་པར་ཞུགས་པའི་རྗེས་ཆགས་ཀྱི་མེས། ཁམས་དྭངས་མ་ཐམས་ཅད་ཞུ་ནས་སྤྱི་བོའི་ཧཾ་ལ་འདུས་ཏེ། བྱང་ཆུབ་ཀྱི་སེམས་སྤྱི་བོ་ནས་མགྲིན་པར་བྱོན་པས་དགའ་བའི་ཡེ་ཤེས་མངོན་དུ་བྱས། སྤང་བྱ་ཉོན་མོངས་པ་ཀུན་བཏགས་ཞི་བ་ཉན་ཐོས་ཀྱི་ལམ་ཆོད། མགྲིན་པ་ནས་སྙིང་གར་བྱོན་པས་མཆོག་དགའི་ཡེ་ཤེས་མངོན་དུ་བྱས། སྤང་བྱ་ཉོན་མོངས་པ་ལྷན་སྐྱེས་མངོན་འགྱུར་ཞི་བ་རང་རྒྱལ་གྱི་ལམ་ཆོད། སྙིང་ག་ནས་ལྟེ་བར་བྱོན་པས་དགའ་བྲལ་གྱི་ཡེ་ཤེས་མངོན་དུ་བྱས། སྤང་བྱ་ཉོན་མོངས་པ་ཐམས་ཅད་ཞི་ནས་བྱང་ཆུབ་སེམས་དཔའི་ལམ་ཆོད། ལྟེ་བ་ནས་གསང་གནས་ཀྱི་བར་དུ་བྱོན་པས་ཐབས་ཀྱི་རིགས་ཀྱི་བདག་པོའི་རྩེ་དང་ཤེས་རབ་ཀྱི་རྩ་མཛེས་པའི་སྤྱི་བོར་བྱང་ཆུབ་ཀྱི་སེམས་དཀར་དམར་མཇལ་བས་སྤང་བྱ་ཉོན་མོངས་པ་ཐམས་ཅད་ཞི་བ་བརྟན་པ་བྱང་ཆུབ་ཆེན་པོའི་ལམ་ཆོད་དེ་མདོར་ན་སངས་རྒྱས་ཀྱི་ཡེ་ཤེས་ཀྱང་མཚོན་པར་ནུས་པའི་མཚོན་བྱེད་དཔེའི་ཡེ་ཤེས་ཞེས་བྱ་བ་ཡིན་ནོ། །དེ་ཡིས་
― LT14_Page_158B ―
[མ་དཔེ་གཟིགས་ན་འདིར་གནོན།]
བབས་ཀྱི་དགའ་བ་བཞི་ཡིན། མས་བརྟན་གྱི་དགའ་བ་བཞི་བསྒྲུབ་པའི་སླད་དུ་བྱང་ཆུབ་ཀྱི་སེམས་མཁའ་གསང་གི་རྩེ་མོར་རླུང་འཕོ་བ་མེད་པའི་སྟོབས་ཀྱིས་བཟུང་བ་དེ་སླར་ཡི་གེ་ཧཱུྃ་གི་གདངས་ཅན་གྱི་རླུང་གིས་དྲངས་པས་རྩ་དབུ་མའི་ལམ་ནས་གྱེན་དུ་བྱོན་ཏེ། ལྟེ་བའི་འཁོར་ལོ་གནས་བརྟན་པའི་མིང་ཅན་གྱི་དབུས་སུ་བརྟན་པས་དགའ་བས་བསྡུས་པའི་དགའ་བཞི་ཉམས་སུ་མྱོང་། རྒྱུ་མཐུན་གྱི་འབྲས་བུ་སྤྲུལ་སྐུ་འགྲུབ་པའི་སྐལ་པ་ཅན་དུ་བྱས། ལྟེ་བ་ནས་སྙིང་གའི་འཁོར་ལོ་ཐམས་ཅད་ཡོད་པར་སྨྲ་བའི་མིང་ཅན་གྱི་དབུས་སུ་བརྟན་པས་མཆོག་དགས་བསྡུས་པའི་དགའ་བ་བཞི་ཉམས་སུ་མྱོང་། རྣམ་སྨིན་གྱི་འབྲས་བུ་ཆོས་སྐུ་འགྲུབ་པའི་སྐལ་པ་ཅན་དུ་བྱས། སྙིང་ག་ནས་མགྲིན་པའི་འཁོར་ལོ་ཀུན་གྱིས་བཀུར་བའི་མིང་ཅན་གྱི་དབུས་སུ་བརྟན་པས་དགའ་བྲལ་གྱི་དགའ་བས་བསྡུས་པའི་དགའ་བ་བཞི་ཉམས་སུ་མྱོང་། སྐྱེས་བུ་བྱེད་པའི་འབྲས་བུ་ལོངས་སྐུ་འགྲུབ་པའི་སྐལ་པ། མགྲིན་པ་ནས་སྤྱི་བོའི་འཁོར་ལོ་ཕལ་ཆེན་པའི་མིང་ཅན་གྱི་དབུས་སུ་བརྟན་པས་ལྷན་སྐྱེས་ཀྱིས་བསྡུས་པའི་དགའ་བ་བཞི་ཉམས་སུ་མྱོང་། དྲི་མ་མེད་པའི་འབྲས་བུ་ངོ་བོ་ཉིད་ཀྱི་སྐུ་འགྲུབ་པའི་སྐལ་པ་ཅན་དུ་བྱས། དེའི་ཚེ་བྱང་ཆུབ་སེམས་ཀྱིས་ལུས་ཐམས་ཅད་ལ་ཁྱབ། དེ་ཐམས་ཅད་ལ་བདེ་བས་ཁྱབ། བདེ་བ་ལ་མི་རྟོག་པས་ཁྱབ། བདེ་སྟོང་དབྱེར་མེད་ཀྱི་ཏིང་ངེ་འཛིན་རྒྱུད་ལ་སྐྱེས་པའི་མོས་པ་མཛོད། ཅེས་སམ་བསྡུ་ན་ལམ་དུས་བཞིན་ངོ་སྤྲད་དོ། །དེ་ཤེས་རབ་ཡེ་ཤེས་ཀྱི་དབང་གི་དངོས་གཞི་ཡིན། དབང་དེ་ཐོབ་པའི་བརྡར་ༀ་ཨཱཿཧཱུྃ་ཞེས་གསུང་ཞིང་མིག་རས་རྣམས་འགྲོལ་བར་ཞུ། དེའི་མཐའ་རྟེན་དུ་དབུགས་དབྱུང་བ་ནི། སློབ་དཔོན་སྨད་པར་མི་བྱ་ཞིང་། །བདེ་གཤེགས་
― LT14_Page_159A ―
[མ་དཔེ་གཟིགས་ན་འདིར་གནོན།]
བཀའ་ལས་འདའ་མི་བྱ། །སྤུན་ལ་སྨད་པ་ཉིད་མི་བྱ། །སེམས་ཅན་རྣམས་ལ་གདུག་བྱམས་དང་། །བྱང་ཆུབ་སེམས་ནི་སྤང་མི་བྱ། །བདག་གཞན་ཆོས་ལ་སྨད་མི་བྱ། །སྐལ་མེད་དེ་ཉིད་གཏམ་མི་བྱ། །བདག་གི་ལུས་ལ་ངེས་མི་སྨད། །ཆོས་ལ་ཡིད་གཉིས་སྤང་བྱ་ཞིང་། །གདུག་ལ་བྱམས་པ་ཉིད་མི་བྱ། །ཆོས་ཉིད་ཚད་ནི་གཟུང་མི་བྱ། །སྐལ་ལྡན་སེམས་ཅན་སྤང་མི་བྱ། །དམ་ཚིག་རྟག་ཏུ་བསྐྱང་བར་བྱ། །བུད་མེད་ཉིད་ལ་སྨད་མི་བྱ། །ཇི་སྲིད་བྱང་ཆུབ་སྙིང་པོའི་བར། །དཀོན་མཆོག་གསུམ་ནི་སྤང་མི་བྱ། །རྟག་ཏུ་དམ་ཚིག་བསྲུང་བར་བྱ། །རྡོ་རྗེ་དྲིལ་བུ་གཟུང་བར་བྱ། །གཙུག་ཏོར་རྟག་ཏུ་བཅང་བར་བྱ། །རྟག་ཏུ་སྦྱིན་སྲེག་དགང་བར་བྱ། །རྟག་ཏུ་དཀྱིལ་འཁོར་བཞེངས་པར་བྱ། །རྟག་ཏུ་བདེ་གཤེགས་རབ་གནས་བྱ། །འབྱུང་པོ་ཆེ་ལ་གཏོར་མ་སྦྱིན། །ཕྱག་རྒྱ་བཅིང་བ་རྣམ་སྤང་ཞིང་། །མཆོད་རྟེན་ལས་ནི་མི་བྱ་སྟེ། །རྡོ་རྗེ་གསུམ་མཆོག་ཕྱག་མི་བྱ། །དཀྱིལ་འཁོར་ལ་སོགས་ལུས་ཀྱི་ལས། །རྨི་ལམ་དུ་ཡང་མི་བྱའོ། །སློབ་དཔོན་གཞན་ལ་ཕྱག་མི་བྱ། །བླ་མའི་རྒན་རབ་ཕྱག་འཚལ་ལོ། །རྟག་པར་རྒྱུན་དུ་སྔགས་བཟླ་ཞིང་། །བསམ་གཏན་ཉིད་ཀྱང་རྣམ་པར་སྤྱད། །རྟག་ཏུ་སློབ་མ་བསྡུ་བྱ་ཞིང་། །རྟག་པ་རུ་ནི་བཤད་པ་གྱིས། །རྟག་ཏུ་སེམས་ཅན་བསྐྱང་བར་བྱ། །རྟག་ཏུ་སངས་རྒྱས་ཆེར་མཉེས་བྱ། །ཛམྦྷ་ལྷ་ལ་ཆུ་སྦྱིན་ཞིང་། །ལས་རྣམས་ཐམས་ཅད་ཡང་དག་སྤྱད། །བྱེ་མའི་ལས་ལ་མཆོད་རྟེན་ཡང་། །མཁས་པས་ཆོ་ག་བཞིན་དུ་བྱ། །ཞེས་གསུངས་ཏེ། དེའི་དོན་སྤང་བྱ་སྤོང་བའི་དབང་དུ་བྱས་ནས་རྩ་བའི་ལྟུང་བ་བཅུ་བཞི་དང་། བསྟེན་བྱ་བསྟན་པའི་དབང་དུ་བྱས་ནས་ལས་དང་པོ་པས་བསྒྲུབ་བྱའི་ཆོས་བདུན་དང་། སེམས་ཅུང་ཟད་
― LT14_Page_159B ―
[མ་དཔེ་གཟིགས་ན་འདིར་གནོན།]
བརྟན་པས་བསླབ་བྱ་རྣམ་པ་ལྔ་དང་དེའི་ཤུགས་ཀྱིས་བརྟན་པ་ཆེར་ཐོབ་ནས་དམ་ཚིག་སྡོམ་ལས་རྣམ་པར་གྲོལ་ཞེས་པའི་ཚུལ་གྱིས་བླང་དོར་མེད་པར་སྤྱད་དགོས་པ་རྣམས་བསྟན་པས་ན་དེ་དག་ངོ་ཤེས་པར་བྱས་ནས་སྤང་བླང་ཚུལ་བཞིན་དུ་གྱིས་ཤིག་ཅེས་པའི་དོན་ཡིན། འབྲས་བུའི་དབུགས་དབྱུང་བ་ལ་ཐོག་མར་དཀྱིལ་འཁོར་གྱི་གསང་བའི་ཡེ་ཤེས་ལ་བསླབ་པ་ནི། འདོད་ཆགས་བྲལ་བ་ལྟ་བུ་ཡི། །ཁམས་གསུམ་ན་ནི་སྡིག་མེད་དེ། །དེ་བས་འདོད་ལ་ཆགས་བྲལ་བར། །ཁྱོད་ཀྱིས་ནམ་ཡང་མི་བྱའོ། །མ་ཧཱ་ས་མ་ཡ་ཧ་ན་ཧཱུྃ་ཕཊ། ཅེས་པ་སྟེ། དེའི་དོན་ནི་དད་པ་ཆེན་པོས་ལྷ་དང་བླ་མ་ལ་ཆགས་པ། སྙིང་རྗེ་ཆེན་པོས་སེམས་ཅན་གྱི་དོན་ལ་ཆགས་པ། ཤེས་རབ་ཆེན་པོས་ཆོས་ཀྱི་དེ་ཁོ་ན་ཉིད་ལ་ཆགས་པ་ཞེས་བྱ་བ་འདི་གསུམ་དང་བྲལ་ན་སྡིག་ཆེ་བ་ཡིན་པས། འདི་གསུམ་དང་མ་བྲལ་བ་ལ་བསླབ་པར་བྱའོ་ཞེས་པའི་དོན་ཡིན། དེ་ནས་ཁྱེད་རང་རྣམས་ཧེ་རུ་ཀའི་ང་རྒྱལ་གྱིས་གདུགས་དཀར་པོ་གསེར་གྱི་ཡུ་བ་ཅན་རེ་ཐོགས་ཏེ་དཀྱིལ་འཁོར་ལ་བསྐོར་བ་ལན་གསུམ་བྱས་པའི་རྗེས་སུ་གདུགས་ལོགས་སུ་བཞག་སྟེ་དཀྱིལ་འཁོར་གྱི་ཤར་སྒོ་ནས་ལུས་ཐམས་ཅད་ས་ལ་ཕབ་པའི་ཕྱག་བྱས་པའི་མཐར་ཁྱེད་རང་རྣམས་སློབ་དཔོན་གྱི་དཀྱིལ་འཁོར་པ་རྣམས་ལ་ཕུལ་བར་མོས་ཏེ་དཀྱིལ་འཁོར་གྱི་ཕྱོགས་ལ་དབུ་དུད་ཙམ་དེ་མཛོད། སྔགས་དང་རྒྱུད་རྣམས་འཛིན་འགྱུར་བའི། །སློབ་མ་འདི་ནི་འབུལ་བ་ལགས། །ཞེས་ཕུལ་བས་དཀྱིལ་འཁོར་པ་ཐམས་ཅད་ཀྱིས་མགྲིན་གཅིག་ཏུ་འབྲས་བུའི་དབུགས་དབྱུང་བའི་མོས་པ་མཛོད། སྔགས་དང་རྒྱུད་རྣམས་འཛིན་གྱུར་པར། །སངས་རྒྱས་བྱང་ཆུབ་སེམས་དཔའ་དང་། །ལྷ་རྣམས་ཀུན་གྱིས་
― LT14_Page_160A ―
[མ་དཔེ་གཟིགས་ན་འདིར་གནོན།]
མཐུན་པར་གསུངས། །སེམས་ཅན་རྣམས་ལ་རྗེས་བརྩེ་བས། །དཀྱིལ་འཁོར་ཆོ་ག་བཞིན་དུ་བྲིས། །ཁྱོད་ཀྱིས་ནན་ཏན་བསྐྱེད་ནས་སུ། །སྒྲུབ་པ་པོ་རྣམས་སྔགས་ལ་སྦྱོར། །དེ་ལྟར་བྱས་ན་སངས་རྒྱས་ལ། །ཕན་འདོགས་དྲིན་དུ་གཟོ་ཞེས་བྱ། །ཁམས་གསུམ་གྱི་ནི་རྒྱལ་སྲིད་ཆེ། །དཔལ་ལྡན་ཡོན་ཏན་འབྱུང་བའི་གནས། །བདུད་ཚོགས་ཀུན་ལ་ངེས་རྒྱལ་ཏེ། །གྲོང་ཁྱེར་མཆོག་ཏུ་བཞུགས་པ་ཡིན། །ཞེས་གསུངས་ཏེ། དེའི་དོན་ནི་ཁྱེད་རང་རྣམས་སྔགས་དང་རྒྱུད་དང་མན་ངག་འཛིན་པའི་རྡོ་རྗེ་སློབ་དཔོན་ཆེན་པོར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་དཀྱིལ་འཁོར་གྱི་ལྷ་ཚོགས་རྣམས་ཀྱིས་མཐུན་པར་གསུངས་ཤིང་བུ་སྡུག་པ་ལྟར་ཡོངས་སུ་དགོངས་པའི་ཕྱིར། དེང་ཕྱིན་ཆད་སེམས་ཅན་རྣམས་ལ་སྙིང་བརྩེ་བའི་སྒོ་ནས་རྡོ་རྗེ་སློབ་དཔོན་གྱི་ལས་སུ་བྱ་བ་རྣམས་ཚུལ་བཞིན་དུ་བསྒྲུབས་ཏེ་སེམས་ཅན་གྱི་དོན་རྒྱ་ཆེན་པོ་གྱིས་ཤིག །ཁམས་གསུམ་གྱི་རྒྱལ་སྲིད་ཆེན་པོ་སངས་རྒྱས་ཀྱི་གྲོང་ཁྱེར་དུ་ཞུགས་པ་དང་མཚུངས་པ་ཡིན་ནོ། །དེ་ལྟར་ན་ཕྱག་རྒྱའི་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་ཐོབ། སེམས་ཀྱི་དྲི་མ་དག །དམ་ཚིག་བུད་མེད་ལ་མི་སྨོད་པ་ལ་དབང་། བརྡ་བྱང་ཆུབ་མཆོག་གི་ཕྱག་རྒྱ། ལམ་དཀྱིལ་འཁོར་འཁོར་ལོ་བསྒོམ་པ་ལ་དབང་། འབྲས་བུ་ཆོས་སྐུའི་ས་བོན་རྒྱུད་ལ་བཞག་པ་ཡིན་ནོ། །ཞེས་རྟོགས་བསྐྱེད་བྱ། དབང་བཞི་པའི་སྡོམ་ནི། མཎྜལ་གསོལ་གདབ་ཚིག་དབང་བསྐུར། །གཟེངས་བསྟོད་རྟོགས་བསྐྱེད་ལ་སོགས་བྱ། །ཞེས་པ་ལྟར་ལས། ཐོག་མར་དབང་བཞི་པ་ཞུ་བའི་ཡོན་དུ་མཎྜལ་འབུལ་མཛོད། དེ་ལྟར་
― LT14_Page_160B ―
[མ་དཔེ་གཟིགས་ན་འདིར་གནོན།]
མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། མགོན་པོ་ཐུགས་རྗེ་ཆེ་ལྡན་པས། །དབང་བསྐུར་གསུམ་པོ་བདག་ལ་གནང་། །རྣམ་པ་ཀུན་གྱི་མཆོག་ལྡན་པའི། །བཞི་པ་ཡང་ནི་བྱིན་གྱིས་རློབས། །ཞེས་གསོལ་བ་བཏབ་ནས། སྔོན་ཆད་དོན་དམ་བྱང་ཆུབ་སེམས་ཀྱི་དཀྱིལ་འཁོར་མ་མཐོང་བའི་མཚོན་བྱེད་དུ་ༀ་ཨཱཿ ཧཱུྃ་ཞེས་གསུང་ཞིང་མིག་རས་རྣམས་འཆིང་བར་ཞུ། དེ་ལ་དབང་བཞི་པའི་རྣམ་གྲངས་ནི་ཚིག་གི་བཞི་པ། དོན་གྱི་བཞི་པ། བཞི་པ་རྟེན་ཅན། ལམ་དུ་བྱེད་པའི་བཞི་པ། འབྲས་བུ་མངོན་དུ་བྱེད་པའི་བཞི་པ་སྟེ་ལྔ་ལས། ཚིག་གི་བཞི་པ་གང་ལ་བསྟན་པའི་ཡུལ་ནི། སམ་བུ་ཊ་ལས། ཟབ་ཅིང་རྒྱ་ཆེ་ལ་མོས་ན། །ཚིག་གི་རིན་ཆེན་བཞི་པ་སྦྱིན། །ཞེས་གསུངས་པས། སློབ་མ་བླ་མ་དང་ཤེས་རབ་ཡེ་ཤེས་ཀྱི་ཉམས་མྱོང་དང་། ཟབ་མོའི་སྟོང་པ་ཉིད་དང་ཐབས་རྒྱ་ཆེ་བའི་རིམ་པར་མོས་པ་ལ་སྦྱིན་པར་བྱ་ཡི། དེ་ལས་གཞན་ལ་ནི་མ་ཡིན་ཏེ། བླ་མ་ལ་མོས་པ་མེད་ན་བླ་མའི་ཚིག་ལ་ངེས་པ་མི་སྐྱེ། དབང་གི་ཉམས་མྱོངས་ལ་མོས་པ་མེད་ན་ཐོས་བསམ་གྱི་ལྟ་བ་དང་ཁྱད་པར་མེད། སྤྲོས་བྲལ་ལ་མོས་པ་མེད་ན་ཐ་མལ་པའི་འདོད་ཆགས་དང་ཁྱད་པར་མེད། ཐབས་བསམ་གྱིས་མི་ཁྱབ་པ་ལ་མོས་པ་མེད་ན་གཞན་རྗེས་སུ་འཛིན་པའི་མཐུ་མེད་པས། མཚན་ཉིད་དེ་དག་དང་ལྡན་ཞིང་བུམ་པ་ལ་སོགས་པའི་དབང་སྔ་མ་རྣམས་ཐོབ་པའི་སློབ་མ་ལ་དབང་བཞི་པ་སྦྱིན་པར་གསུངས་ལ། དེ་ཉིད་ཚིག་གི་སྒོ་ནས་ངོ་སྤྲད་པའི་ཚུལ་ནི་འདི་ཉིད་ཀྱི་རྩ་རྒྱུད་ལས། ཡེ་ཤེས་འདི་ནི་ཆེས་ཕྲ་ཞིང་། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་རང་ཡང་ནི་དེ་ཡི་ཕ། །ཞེས་གསུངས་ཏེ། །དེའི་དོན་ནི་དབང་གསུམ་པའི་གནས་སྐབས་སུ་ཉམས་སུ་མྱོང་
― LT14_Page_161A ―
[མ་དཔེ་གཟིགས་ན་འདིར་གནོན།]
བའི་ཡེ་ཤེས་འདི་ནི་དཔེ་དང་གཏན་ཚིགས་ལ་སོགས་པས་རྟོགས་པར་དཀའ་བས་ཆེས་ཕྲ་ཞིང་མཚན་མ་དང་རྣམ་པར་རྟོག་པས་མི་ཕྱེད་པས་རྡོ་རྗེ། མཐའ་དབུས་དང་བྲལ་བས་ནམ་མཁའི་དཀྱིལ་ལྟ་བུ། ཉོན་མོང་པའི་རྡུལ་དང་བྲལ་བས་རྡུལ་བྲལ།སྲིད་པ་ཟད་པ་རྡོ་རྗེ་འཆང་གི་གོ་འཕང་སྦྱིན་པས་ན་མཐར་ཕྱིན། གདོད་མ་ནས་མ་སྐྱེས་པས་ན་ཞི་བ། འཇིག་རྟེན་ན་རང་གི་རིགས་རང་གིས་སྤེལ་དགོས་པ་ལྟར་རང་རྒྱུད་ལ་ཡེ་ཤེས་བསྐྱེད་པའང་རང་གིས་བསྒོམ་པ་ལ་རག་ལས་པས་ཁྱེད་རང་ཡང་ནི་དེའི་ཕ། །ཞེས་གསུངས་ཏེ། དེའི་དོན་ཉམས་སུ་བླང་བའི་ཆེད་དུ་ཁྱེད་རང་རྣམས་ལུས་བསམ་གཏན་གྱི་ཆོས་དང་ལྡན་པར་བྱས། ངག་རླུང་རྒྱུ་བ་སོར་བཞག །སེམས་དུས་གསུམ་གྱི་རྟོག་པའི་རྒྱུ་འགྲུལ་གཞན་ཐམས་ཅད་བཅད་ལ། བརྟན་གཡོ་སྣོད་བཅུད་ཐམས་ཅད་ཀྱི་རྩ་བ་རང་གི་སེམས་སུ་ངེས་པའི་ཤེས་པ་བསྐྱེད་དོ། །སེམས་ཀྱི་མཚན་ཉིད་གསལ་བ། རང་བཞིན་སྟོང་པ། ངོ་བོ་ཟུང་འཇུག་གསུམ་དབྱེར་མི་ཕྱེད་པ་རང་བཞིན་གྱིས་རྣམ་པར་དག་པའི་སྐུ་བཞི་རང་ཆས་སུ་གནས་པ་དེ་ཉིད། འབྲས་དུས་ཀྱི་སྐུ་བཞི་དང་ངོ་བོ་དབྱེར་མེད་དུ་ངེས་ཤེས་བསྐྱེད་དེ། དེ་མངོན་དུ་བྱེད་པའི་ཐབས་གཞན་གྱིས་ཚིག་ཏུ་བརྗོད་པ་ལ་སོགས་པས་རྟོགས་པར་མི་ནུས་པས། དཔེ་དབང་གསུམ་པའི་ཡེ་ཤེས་ཀྱི་སྟེང་དུ་ངོ་སྤྲད་དེ་རྟོགས་པར་བྱ་བ་ནི། རང་ཉིད་དབང་གསུམ་པའི་གནས་སྐབས་སུ་ལྷ་སྐུ་ཞལ་ཕྱག་གི་རྣམ་པ་སྣང་ལ་རང་བཞིན་མེད་པ་སྒྱུ་མ་ལྟ་བུའི་སྐུ་ཅན་དུ་སྣང་བ་སྤྲུལ་པའི་སྐུ་དང་། དེའི་སེམས་རྒྱུད་ཕྱག་རྒྱ་དང་མཉམ་པར་སྦྱར་བ་ལས་བྱུང་བའི་བདེ་བ་ཆེན་པོའི་ཡེ་ཤེས་ཀྱི་རྣམ་པར་ཤར་བ་ལོངས་སྤྱོད་རྫོགས་པའི་སྐུ་དང་། ལྷ་སྐུ་བདེ་བ་ཆེན་པོའི་
― LT14_Page_161B ―
[མ་དཔེ་གཟིགས་ན་འདིར་གནོན།]
རྣམ་པར་སྣང་ཙམ་དེ་ཉིད་སྐྱེ་འགག་གནས་གསུམ་ཐམས་ཅད་དང་བྲལ་བ་ཆོས་ཀྱི་སྐུ་དང་། དེ་གསུམ་ལྡོག་ཚུལ་ཐ་དད་ཀྱང་རང་བཞིན་སོ་སོར་དབྱེར་མི་ཕྱེད་པ་ངོ་བོ་ཉིད་ཀྱི་སྐུ་སྟེ། མདོར་ན་སེམས་ཀྱི་གཤིས་ཅིར་ཡང་མ་ཡིན་པ་གདངས་བདེ་ཆེན་དུ་མ་འགགས་པ། རྩལ་སྣ་ཚོགས་སུ་འཆར་བ། བསྒོམ་བྱ་སྒོམ་བྱེད་ཐམས་ཅད་ལས་འདས་པ་ནམ་མཁའ་ལྟ་བུར་ཤེས་པར་བྱས་ལ། ནམ་མཁའ་དང་ནམ་མཁའ་རོ་གཅིག་པ་ལྟར། སེམས་དང་བདེ་སྟོང་རོ་གཅིག་པའི་ངང་ལ་འཛིན་མེད་དུ་ཁོང་ལྷོད་ཀྱིས་གློད་དེ་མཉམ་པར་འཇོག་པར་ཞུ། དེ་དབང་བཞི་པའི་དངོས་གཞི་ཡིན། དབང་དེ་ཐོབ་པའི་བརྡར་ༀ་ཨཱཿཧཱུྃ་ཞེས་གསུང་ཞིང་མིག་རས་རྣམས་འགྲོལ་བར་ཞུ། དེའི་མཐའ་རྟེན་དུ་གཟེངས་བསྟོད་པ་ནི། མཆོག་ཏུ་གསང་བའི་དཀྱིལ་འཁོར་འདིར། །བཙུད་པ་དང་ནི་མཐོང་བ་ཡིས། །དེ་རིང་སྡིག་ལས་རྣམ་གྲོལ་འགྱུར། །དེ་རིང་ཁྱེད་རྣམས་བདེ་བར་གནས། །བདེ་ཆེན་ཐེག་པ་འདི་ལ་ནི། །ཕྱིན་ཆད་འཆི་བ་ཡོད་མ་ཡིན། །མི་ཐུབ་པ་དང་མི་འཆི་བས། །ཅིས་ཀྱང་མི་འཇིགས་དགའ་བར་གྱིས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་རྣམས་ལས་བཏོན། །ཞེས་གསུངས་ཏེ། དེའི་དོན་ནི། སྙིང་པོ་བདེ་བ་ཆེན་པོ་ལེན་ཅིང་འཛིན་པར་བྱེད་པའི་མཆོག་ཏུ་གསང་བ་དམ་པའི་དཀྱིལ་འཁོར་འདིར་ཁྱེད་རྣམས་བཅུད་ཅིང་མཐོང་བ་ལ་བརྟེན་ནས་དེང་ཕྱིན་ཆད་སྡིག་པ་དང་སྡུག་བསྔལ་ལས་གྲོལ་ཏེ་བདེ་བ་ཆེན་པོ་འབྲས་བུའི་ཐེག་པ་འདིར་ཚུད་པས་ན་ལམ་འདི་ལ་དགའ་བ་ཁྱད་པར་ཅན་དང་ལྡན་པར་གྱིས་ཤིག །དེ་ལྟར་བྱས་ན་སྲིད་པ་ཤིན་ཏུ་དག་པ་སྐུ་བཞིའི་འབྱོར་པ་ཐོབ་སྟེ་སེམས་ཅན་གྱི་དོན་རྒྱ་ཆེན་པོ་འགྲུབ་པར་འགྱུར་བ་
― LT14_Page_162A ―
[མ་དཔེ་གཟིགས་ན་འདིར་གནོན།]
ཡིན་ན། །དེ་ལྟར་ན་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་དབང་བཞི་པ་ཐོབ། ལུས་ངག་ཡིད་གསུམ་ཆར་གྱི་དྲི་མ་བག་ཆགས་དང་བཅས་པ་དག །དམ་ཚིག་དགོངས་ཏེ་གསུངས་པའི་དམ་ཚིག་བསྲུང་བ་ལ་དབང་། བརྡ་མཛུབ་མོས་ནམ་མཁའ་མཚོན་པ། ལམ་རྡོ་རྗེའི་རྦ་རླབས་བསྒོམ་པ་ལ་དབང་། འབྲས་བུ་ངོ་བོ་ཉིད་སྐུའི་ས་བོན་རྒྱུད་ལ་བཞག་པ་ཡིན་ནོ། །ཞེས་རྟོགས་བསྐྱེད་བྱ། དེ་རྣམས་ཀྱིས་དབང་བསྐུར་བ་ཡོངས་སུ་རྫོགས་པར་གྲུབ་པས་ན་གནས་སྐབས་སུ་དེ་དག་ཏུ་ཐོབ་ཅིང་ཁས་བླངས་པའི་དམ་ཚིག་ཐམས་ཅད་ལ་སྲུང་སྡོམ་བགྱིད་སྙམ་པས་འདིའི་རྗེས་ཟློས་ལན་གསུམ་མཛོད། གཙོ་བོས་སོགས།ཞེས་པས་དམ་ཚིག་བསྡུས་ཏེ་འཛིན་པར་ཁས་བླངས་ནས་དབང་ཡོངས་སུ་རྫོགས་པར་ཐོབ་པའི་གཏང་རག་ཏུ་མཎྜལ་འབུལ་མཛོད། དེ་ལྟར་མཎྜལ་ཕུལ་ནས་ལུས་ལོངས་སྤྱོད་ཐམས་ཅད་སློབ་དཔོན་ལ་དྲིན་ལན་དུ་འབུལ་ན་ཆ་ཤས་ནས་ལོངས་སྤྱད་དུ་གསོལ་སྙམ་པས་འདིའི་རྗེས་ཟློས་ལན་གསུམ་མཛོད། དེང་ནས་བརྩམས་ཏེ་སོགས།ཞེས་པ་དེ་རྣམས་ཀྱིས་རྣལ་འབྱོར་གྱི་དབང་ཕྱུག་ཆེན་པོ་དཔལ་ལྡན་བིར་ཝ་པས་བཀྲལ་ཞིང་རྡོ་རྗེ་འཆང་གཉིས་པ་དཔལ་ས་སྐྱ་པ་ཡབ་སྲས་རྣམས་ཀྱིས་ཐུགས་ཉམས་སུ་བཞེས་པའི་བཅོམ་ལྡན་འདས་ཀྱཻ་རྡོ་རྗེའི་དཀྱིལ་འཁོར་ཆེན་པོར་དབང་བསྐུར་བ་ལེགས་པར་གསན་པས་ལམ་ལ་འབད་པ་དང་དམ་ཚིག་དང་སྡོམ་པ་སྲུང་སྡོམ་ལ་སོགས་པའི་སྒོ་ནས་རང་གཞན་གྱི་དོན་རྒྱ་ཆེན་པོ་མཛད་པར་ཞུ། ཞེས་བརྗོད་ལ་རྗེས་ཀྱི་ཆོ་ག་རྣམས་བྱའོ། །དེ་ལྟར་དགེས་པ་རྡོ་རྗེ་ཡི། །དབང་བཤད་སྙིང་པོ་བསྡུས་པ་འདི། །སྦྱར་བའི་དགེ་བས་འགྲོ་བ་ཀུན། །རྡོ་རྗེ་འཆང་དབང་ཐོབ་པར་ཤོག །དཔལ་ཀྱཻ་རྡོ་རྗེའི་དབང་གི་ཆོ་ག་སྙིང་པོ་བསྡུས་པ་ཞེས་བྱ་བ་འདི་ཡང་དོན་གཉེར་གྱི་སློབ་མ་མང་པོས་བསྐུལ་བའི་ངོར་བཙུན་པ་དཀོན་མཆོག་ལྷུན་གྲུབ་ཀྱིས་དབང་བཤད་ཆེན་མོ་ལས་མདོར་བསྡུས་ཏེ་དབང་ཆུ་མཛེས་རྒྱན་ལྷན་ཐབས་སུ་
― LT14_Page_162B ―
[མ་དཔེ་གཟིགས་ན་འདིར་གནོན།]
སྦྱར་བའི་ཡི་གེ་པ་ནི་ནཱ་ཐ་རཏྣའོ། །རྒྱས་པ་ལ་མོས་ན་དབང་བཤད་ཆེན་མོ་མན་ངག་གི་གཏེར་མཛོད་ལས་ཤེས་པར་བྱའོ། །དེ་ལྟར་ངོར་ཆེན་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས་མཛད་པའི་ཀྱཻ་རྡོ་རྗེ་དབང་གི་མཚམས་སྦྱོར་འདི་ལ་སོགས་ཁོང་རིགས་རྣམས་དཀྱུས་སུ་བཅུག་ནས་དབང་ཆོག་ཅེས་མཚན་གསོལ་ཏེ་འཇུག་བདེ་བར་བློ་གཏེར་དབང་པོས་ཐར་རྩེ་རྡོ་རྗེ་འཆང་གི་དགོངས་བཞེད་ལྟར་རྒྱུད་སྡེ་རབ་འབྱམས་ཀྱི་བཀའི་བསྡུ་བ་ཆེན་པོ་བགྱིད་སྐབས་བྲིས་པའི་ཡི་གེ་པ་ནི་རྒྱུད་གཞུང་ལ་དད་པ་ཐོབ་པ་དགེ་སློང་ཤཱཀྱ་རྒྱལ་མཚན་གྱིས་བགྱིས་པའོ། །འདིས་ཀྱང་བདག་སོགས་འགྲོ་ཀུན་དཔལ་དགེས་པ་རྡོ་རྗེའི་གོ་འཕང་ལ་རེག་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། དགེའོ། །དགེའོ། །དགེའོ།། །།
གདམས་ངག་མཛོད་པོད་ལྔ་པ།
གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་བརྒྱུད་འདེབས།
― LT14_Page_163A ―
[མ་དཔེ་གཟིགས་ན་འདིར་གནོན།]
གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་བརྒྱུད་འདེབས་བཞུགས་སོ།། །།
― LT14_Page_163B ―
[མ་དཔེ་གཟིགས་ན་འདིར་གནོན།]
རྣམ་དག་དཀྱིལ་འཁོར་བཞི་ཡི་འཛིན་མ་ལ། །རྣམ་དཀར་དབང་བཞིའི་ཆར་རྒྱུན་ལེགས་ཕབ་ནས། །རྣམ་གྲོལ་སྐུ་བཞིའི་ལོ་ཏོག་རྒྱས་མཛད་པ། །རྣམ་མཁྱེན་བླ་མ་བཞི་ལ་གསོལ་བ་འདེབས། །ཁྱབ་བདག་རྡོ་རྗེ་འཆང་དབང་བདག་མེད་མ། །མཐུ་སྟོབས་དབང་ཕྱུག་གྲུབ་ཆེན་ནག་པོ་པ། །ཌ་མ་རུ་པ་ཨ་ཝ་དྷཱུ་ཏི་པ། །ག་ཡ་དྷ་ར་རྣམས་ལ་གསོལ་བ་འདེབས། །བླ་ཆེན་འབྲོག་མི་སེ་སྟོན་ཀུན་རིག་དང་། །ཞང་སྟོན་ཆོས་འབར་དཔལ་ལྡན་ས་སྐྱ་པ། །རྗེ་བཙུན་སྐུ་མཆེད་ཆོས་རྗེ་པཎྜི་ཏ། །ཆོས་རྒྱལ་འཕགས་པ་རྣམས་ལ་གསོལ་བ་འདེབས། །དཀོན་མཆོག་དཔལ་དང་ཆོས་རྗེ་བསོད་ནམས་དཔལ། །བསོད་ནམས་རྒྱལ་མཚན་དཔལ་ལྡན་ཚུལ་ཁྲིམས་ཞབས། ཁ་སྐོང་ཚོགས་བཤད་དཔལ་ཨེ་ཝཾ་པའི་རྒྱལ་ཚབ་ཁོ་ན་ལས་བརྒྱུད་པ་ལྟར་ན། བུ་དྷ་ཤྲཱི་ངོར་ཆེན་རྡོ་རྗེ་འཆང་། སེམས་དཔའ་ཆེན་པོ་རྣམས་ལ་གསོལ་བ་འདེབས། །རྒྱལ་ཚབ་ཀུན་དབང་ཡོངས་འཛིན་དཀོན་མཆོག་འཕེལ། །ལྷ་མཆོག་སེང་གེ་དཀོན་མཆོག་ལྷུན་གྲུབ་དང་། །སངས་རྒྱས་སེང་གེ་ནམ་མཁའ་དཔལ་བཟང་པོ། །བསོད་ནམས་ལྷུན་གྲུབ་རྣམས་ལ་གསོལ་བ་འདེབས། །དཔལ་མཆོག་རྒྱལ་མཚན་སངས་རྒྱས་ཕུན་ཚོགས་དང་། །བསོད་ནམས་དཔལ་ལྡན་དཔལ་ལྡན་ཆོས་སྐྱོང་
― LT14_Page_164A ―
[མ་དཔེ་གཟིགས་ན་འདིར་གནོན།]
ཞབས། །ཆོས་སྐྱོང་བཟང་པོ་ནམ་མཁའ་འཆི་མེད་དཔལ། །རྩ་བའི་བླ་མ་རྣམས་ལ་གསོལ་བ་འདེབས། །ཤེས་སོ། །ཡང་དཔལ་ས་སྐྱ་ནས་བརྒྱུད་པ་ལྟར་ན། །ལྷ་མཆོག་སེང་གེ་དཀོན་མཆོག་ལྷུན་གྲུབ་དང་། །ཞེས་པ་ཡོན་གང་ལྟར་མཚམས་སུ། །སྔགས་འཆང་ཆོས་རྗེ་ཀུན་དགའ་རིན་ཆེན་དང་། །བསོད་ནམས་དབང་པོ་རྣམས་ལ་གསོལ་བ་འདེབས། །ཀུན་དགའ་བསོད་ནམས་ཀུན་དགའ་བཀྲ་ཤིས་དང་། །བསོད་ནམས་རིན་ཆེན་ཀུན་དགའ་བློ་གྲོས་ཞབས། །ནམ་མཁའ་འཆི་མེད་སྐྱབས་ཀུན་འདུས་པའི་དངོས། །རྩ་བའི་བླ་མ་རྣམས་ལ་གསོལ་བ་འདེབས། །ཞེས་སྦྱར་ཏེ། དེས་མཚོན་ནས་རང་རང་གིས་ཐོབ་ཡུལ་དང་སྤྲེལ་ཤེས་པར་བྱའོ། །སློབ་བཤད་ཀྱི་བརྒྱུད་པ་ལྟར་ན། སེམས་དཔའ་ཆེན་པོ་རྣམས་ལ་གསོལ་བ་འདེབས། །ཞེས་པའི་མཚམས། བརྒྱུད་སྲོལ་ཀུན་འདུས་བདག་ཆེན་རྡོ་རྗེ་འཆང་། །ཀུན་སྤངས་ཆོས་རྗེ་བློ་གསལ་རྒྱ་མཚོའི་ཞབས། །མཁྱེན་བརྩེའི་དབང་ཕྱུག་བསླབ་གསུམ་རྒྱལ་མཚན་དང་། །དབང་ཕྱུག་རབ་བརྟན་རྣམས་ལ་གསོལ་བ་འདེབས། །བསོད་ནམས་མཆོག་ལྡན་བསོད་ནམས་མཆོག་གྲུབ་དང་། །མཁྱེན་རབ་བྱམས་པ་རྨོར་ཆེན་གནས་གསར་རྗེ། །ཀུན་དགའ་བློས་གྲོས་ནམ་མཁའ་འཆི་མེད་དཔལ། །རྩ་བའི་བླ་མ་རྣམས་ལ་གསོལ་བ་འདེབས། །ཞེས་སོ། །དེ་ལྟར་གསོལ་བ་བཏབ་པའི་བྱིན་རླབས་
― LT14_Page_164B ―
[མ་དཔེ་གཟིགས་ན་འདིར་གནོན།]
ཀྱིས། །ངེས་འབྱུང་བྱང་ཆུབ་སེམས་གཉིས་སྙིང་ལ་ཤར། །འབྲས་བུའི་ཡོན་ཏན་ཐོས་པས་ཡིད་སྤྲོ་སྟེ། །གསང་ཆེན་ལམ་ལ་འཇུག་པར་བྱིན་གྱིས་རློབས། །བསྐྱེད་པ་ཕྱི་དབྱིབས་རྡུལ་ཚོན་དཀྱིལ་འཁོར་དུ། །བུམ་པའི་དབང་བསྐུར་བསྐྱེད་རིམ་ལམ་བསྒོམ་པས། །རྩ་ཡི་འགྲོས་ཀྱིས་ལུས་ཀྱི་སྒྲིབ་སྦྱངས་ནས། །སྤྲུལ་སྐུའི་གོ་འཕང་ཐོབ་པར་བྱིན་གྱིས་རློབས། །བྷ་ག་བྱང་སེམས་ནང་གི་དཀྱིལ་འཁོར་དུ། །གསང་བའི་དབང་བསྐུར་གཏུམ་མོའི་ལམ་བསྒོམས་པས། །ཡི་གེའི་འགྲོས་ཀྱིས་ངག་གི་སྒྲིབ་སྦྱངས་ནས། །ལོངས་སྐུའི་གོ་འཕང་ཐོབ་པར་བྱིན་གྱིས་རློབས། །ཀུན་རྫོབ་བྱང་སེམས་གསང་བའི་དཀྱིལ་འཁོར་དུ། །གསུམ་པའི་དབང་བསྐུར་ཕོ་ཉའི་ལམ་བསྒོམས་པས། །བདུད་རྩིའི་འགྲོས་ཀྱིས་ཡིད་ཀྱི་སྒྲིབ་སྦྱངས་ནས། །ཆོས་སྐུའི་གོ་འཕང་འགྲུབ་པར་བྱིན་གྱིས་རློབས། །དོན་དམ་བྱང་སེམས་མཐར་ཐུག་དཀྱིལ་འཁོར་དུ། །བཞི་པའི་དབང་བསྐུར་རྦ་རླབས་ལམ་བསྒོམས་པས། །རླུང་གི་འགྲོས་ཀྱིས་སྒོ་གསུམ་སྒྲིབ་སྦྱངས་ནས། །ངོ་བོ་ཉིད་སྐུ་ཐོབ་པར་བྱིན་གྱིས་རློབས། །དེ་མ་ཐོབ་པའི་གནས་སྐབས་ཐམས་ཅད་དུ། །མཐུན་རྐྱེན་རྒྱལ་བས་བསྔགས་པ་ཀུན་ཚང་ནས། །བསམ་དོན་ཆོས་དང་མཐུན་པར་ལེགས་གྲུབ་སྟེ། །སྲིད་ཞིའི་ཕུན་ཚོགས་རྒྱས་པའི་བཀྲ་ཤིས་ཤོག །ཅེས་པའང་ངོར་ཆེན་རྡོ་རྗེ་འཆང་ཆེན་པོས་མཛད་པའི་ཞལ་སྐོང་འདིའང་བྱ་བྲལ་བ་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག། །།སརྦ་མང་ག་ལཾ།།
གདམས་ངག་མཛོད་པོད་ལྔ་པ།
ལམ་འབྲས་བུ་དང་བཅས་པའི་གཞུང་ཇི་ལྟ་བ་བཞིན་དཀྲི་བའི་ཁྲིད་ཡིག་སྦས་དོན་ཀུན་གསལ།
― LT14_Page_165A ―
[མ་དཔེ་གཟིགས་ན་འདིར་གནོན།]
ལམ་འབྲས་བུ་དང་བཅས་པའི་གཞུང་ཇི་ལྟ་བ་བཞིན་དཀྲི་བའི་ཁྲིད་ཡིག་སྦས་དོན་ཀུན་གསལ་ཞེས་བྱ་བ་བཞུགས་སོ། །
― LT14_Page_165B ―
[མ་དཔེ་གཟིགས་ན་འདིར་གནོན།]
ༀ་སྭ་སྟི། །ལམ་འབྲས་བུ་དང་བཅས་པའི་གཞུང་ཇི་ལྟ་བ་བཞིན་དཀྲི་བའི་ཁྲིད་ཡིག་སྦས་པའི་དོན་གསལ་བ་ཞེས་བྱ་བ། བླ་མ་དང་རྡོ་རྗེ་མཁའ་འགྲོ་རྣམས་ལ་ཕྱག་འཚལ་ལོ། །མཐུ་སྟོབས་དབང་ཕྱུག་བིརྦ་པ་ཡི་གསུང་། །སྙན་ནས་སྙན་དུ་བརྒྱུད་པ་རྡོ་རྗེའི་ཚིག །གསང་མཛོད་སྒྱུར་བྱེད་གཞན་ལ་ལེགས་སྟོན་པའི། །བླ་མ་ལྷག་པའི་ལྷར་བཅས་ལ་བཏུད་ནས། །གདམས་པ་མཆོག་འདི་ནུབ་པར་མི་འགྱུར་ཞིང་། །རང་དགའི་དྲི་མས་གོས་པ་བསལ་བའི་ཕྱིར། །གཞན་ལ་བརྩེ་བའི་བསམ་པས་གསོལ་བཏབ་ནས། །བརྒྱུད་པའི་སྲོལ་བཞིན་ཁྲིད་རིམ་གསལ་བར་བྱ། །དེ་ལ་སློབ་མ་དད་པ་དང་སྙིང་རྗེ་དང་ལྡན་ཞིང་དབང་ལེགས་པར་ཐོབ་པ་འཁོར་བའི་དུཿ ཁ་ལས་ཐར་བར་འདོད་ཅིང་། གསང་སྔགས་རྡོ་རྗེ་ཐེག་པའི་སྒོ་ནས་ཐམས་ཅད་མཁྱེན་པ་ཐོབ་པར་འདོད་པས་བླ་མ་ལ་ཚོགས་གཏོར་སྔོན་དུ་འགྲོ་བས་ཁྲིད་ཡོན་ཕུལ་ཏེ། མཎྜལ་སྔོན་དུ་འགྲོ་བས་གསོལ་བ་གདབ་སྟེ། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གྱིས། །གཙོ་བོས་བདག་ལ་བཀའ་དྲིན་སྐྱོབས། །ཁྱོད་ཞབས་པདྨོ་སྤངས་ནས་ནི། །གཙོ་བོས་གཞན་ལ་སྐྱབས་མ་མཆིས། །འགྲོ་བའི་དཔའ་བོ་ཐུབ་ཆེན་གྱིས། །བློ་མཆོག་བདག་ལ་གནང་བར་མཛོད། །
― LT14_Page_166A ―
[མ་དཔེ་གཟིགས་ན་འདིར་གནོན།]
ཅེས་པའི་ཚིག་ལན་གཅིག་གིས་སོ། །ཡང་ལག་ཏུ་མེ་ཏོག་བྲིམ། ཕྱག་གསུམ་འཚལ་ལ་མེ་ཏོག་བླ་མའི་ཕྱག་ཏུ་ཕུལ་ལ་གསོལ་བ་ལན་གཅིག་གདབ། ཡང་དེ་ལྟ་བུ་གཅིག་སྟེ་ལན་གསུམ་གྱི་རྗེས་ལ། བླ་མ་རིན་པོ་ཆེའི་སྤྱན་སྔ་ནས་བདག་ཅག་འདིར་འདུས་པ་གདུལ་བྱར་གྱུར་པའི་སློབ་མ་རྣམས་ལ་ཤིན་ཏུ་ཟབ་པའི་ཁྲིད་ཀྱི་རིམ་པ་རྗེས་སུ་བཟུང་སྟེ་བཀའ་དྲིན་ནོད་པར་འཚལ་ལོ་ཞེས་བརྗོད། མཎྜལ་ཕྱག་ཏུ་ཕུལ་ནས་གྲལ་དུ་འཁོད་པ་ལ། བླ་མས་གསོལ་བ་གདབ་པ་ལ་སོགས་པ་འདི་རྣམས་སློབ་དཔོན་གྱི་ཆེ་ཐབས་ཚོལ་བའམ། གེ་བློ་ལྟ་བུ་གཅིག་མིན་གྱི། སངས་རྒྱས་ཀྱིས་རྒྱུད་སྡེ་རྣམས་ནས་གསུངས་པའི་དོན་གྲུབ་པ་བརྙེས་པའི་སློབ་དཔོན་བརྒྱུད་པ་དང་བཅས་པ་རྣམས་ཀྱི་མན་ངག་ལས་འབྱུང་བ་ཡིན་ཏེ། རིམ་ལྔ་ལས། དེ་ཉིད་མི་ཟབ་འདོད་པ་ཡིས། །ཤིན་ཏུ་གཅེས་པ་གང་དང་གང་། །ཤིན་ཏུ་ཁྱད་པར་ཅན་ཉིད་དག །དེ་དང་དེ་ནི་བླ་མར་དབུལ། །ཡང་། མཆོད་པ་ཐམས་ཅད་ཡོངས་སྤངས་ནས། །བླ་མ་མཆོད་པ་ཡང་དག་བརྩམ། །དེ་མཉེས་པས་ནི་ཀུན་མཁྱེན་པའི། །ཡེ་ཤེས་མཆོག་ནི་འཐོབ་པར་འགྱུར། །ཞེས་དང་། དེ་ཉིད་དུ། གང་གིས་སློབ་དཔོན་གསོལ་མ་བཏབ། །འདིར་ནི་རིགས་སུ་སྐྱེ་བ་མེད། །ཅེས་དང་། བླ་མ་ལྔ་བཅུ་པ་ལས། དཀྱིལ་འཁོར་མེ་ཏོག་བཅས་ཐལ་མོས། །
― LT14_Page_166B ―
[མ་དཔེ་གཟིགས་ན་འདིར་གནོན།]
ཉན་སོགས་འདོད་པས་གསོལ་གསུམ་གདབ། ཅེས་གསུངས་པས་སོ། །ཞེས་བརྗོད་དོ། །དེའི་ཚེ་བླ་མས་ལྟས་བརྟག་པར་བྱ་སྟེ། དཔོན་སློབ་གཉིས་ཀའི་རླུང་གཡས་ནས་རྒྱུ་བའི་དུས་སུ་མན་ངག་བསྟན་ན་ཉམས་མྱུར་དུ་སྐྱེ་ཡང་མི་བརྟན་ཞིང་བར་ཆད་འབྱུང་ལ། གཉིས་ཀ་ནས་རྒྱུ་ན་མ་ནིང་གི་རླུང་ཞེས་པ་འཕོ་མཚམས་ཡིན་པས་དེའི་ཚེ་ཏིང་ངེ་འཛིན་གཤའ་མ་མི་སྐྱེ་བས་མི་བརྟན་ཞིང་། གཡོན་ནས་རྒྱུ་བའི་ཚེ་བསྟན་ན་ཉམས་སྐྱེ་བུ་ལ་ཡང་སྐྱེས་པ་བརྟན་ཞིང་བར་ཆད་ཆུང་བས་དེ་དུས་བསྟན་ནོ། །དེའང་ཡུན་རིང་པོར་གཡས་སུ་རྒྱུ་ན་གཡོན་དུ་འཕོ་བར་བསྒོམ་པས་འཕོ་སྲིད་ལ། མ་འཕོས་ན་ནུ་མ་གཅུད་ལ་བོར་བ་ཞེས་བྱ་བ། ལག་གཡས་པའི་གྲུ་མོས་ནུ་མ་མཉེ། ལག་མཐིལ་གྱིས་འགྲམ་པ་གཡས་ལ་མཉེ་ཞིང་གཉིས་ཀའང་དྲག་ཏུ་བྱས་པས་འཕོ། །དེས་ཀྱང་འཕོར་མ་ཉན་ན། ཞག་གཅིག་གཉིས་ལ་སོགས། །ཞོག་གཡས་འོག་ཏུ་བཅུག་སྟེ་ནུ་མ་གཅུད་ལ་བོར་བའི་སྦྱོར་བ་བྱས་པས་འཕོའོ། །དེའི་ཚེ་ཁྲིད་ཀྱི་རིམ་པ་བསྟན་པར་བྱ་སྟེ། འདི་ལ་སྔོན་དུ་འགྲོ་བ་དང་། དངོས་གཞི་ལམ་སྒོམ་པ་གཉིས་ཀྱི་དང་པོ་ལ་ཁྲིད་ཀྱི་སྔོན་འགྲོ་དང་། ཐུན་གྱི་སྔོན་འགྲོའོ། །དང་པོ་ལའང་བསག་སྦྱང་གཉིས་བསྒོམ་པ་དང་། སྦྱོང་བ་གསུམ་ཉམས་སུ་བླང་བའོ། །དང་པོ་ལ་གཉིས་ལས། ཚོགས་བསགས་པའི་ཕྱིར་མཎྜལ་དབུལ་བ་ནི། གསང་འདུས་ལས། ཞིང་འདི་རིན་ཆེན་བདུན་རྣམས་ཀྱིས། །མཁས་པ་དག་གིས་ཡོངས་བཀང་སྟེ། །དངོས་གྲུབ་འདོད་པས་དངོས་གྲུབ་ཕྱིར། །ཤེས་རབ་ཅན་གྱིས་ཉིན་རེ་དབུལ། །ཞེས་པ་ལྟར་ཉམས་སུ་བླང་སྟེ། བླ་མ་དང་དཀོན་མཆོག་གསུམ་ལ་སྐྱབས་སུ་འགྲོ་བ་ལན་གསུམ་སྔོན་དུ་སོང་ནས་སེམས་ཅན་གྱི་དོན་དུ་སངས་རྒྱས་ཐོབ་པར་བྱ། །དེའི་དོན་དུ་བསོད་ནམས་ཀྱི་ཚོགས་བསགས་སྙམ་པའི་བྱང་ཆུབ་ཀྱི་སེམས་ཡུན་རིང་དུ་བསྒོམ། དེ་ནས་སྭ་བྷཱ་བའི་སྔགས་ཀྱིས་རང་འདུག་པའི་གནས་སྟོང་
― LT14_Page_167A ―
[མ་དཔེ་གཟིགས་ན་འདིར་གནོན།]
པར་བསྒོམ། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་གཞལ་ཡས་ཁང་གི་ནང་དུ་རིན་པོ་ཆེའི་ཁྲི་ཆེན་པོའི་སྟེང་དུ་པདྨ་དང་ཉི་ཟླ་བརྩེགས་པའི་གདན་སྟེང་ན་དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་ཧེ་རུ་ཀའི་རང་བཞིན་དུ་བཞུགས་པར་བསམ། དེའི་མཐའ་མར་བླ་མ་བརྒྱུད་པ་རྣམས་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བསྐོར་བ་བཞུགས་པར་བསམ། དངོས་པོ་རྣམ་པར་དག་པ་མེ་ཏོག་གཙང་མས་ཚོམ་བུ་བདུན་བྱས་པའི་དབུས། རིའི་རྒྱལ་པོ་རི་རབ། ཤར་ཤེལ། ལྷོར་བཻ་། ནུབ་པདྨ་རཱ་ག་།བྱང་གསེར་ལས་གྲུབ་པ། ཅོག་ཆེན་པོ་བརྒྱད་ཀྱིས་ཉེ་བར་མཛེས་པར་བྱས་པ་དང་། ཡང་ཤར་ལུས་འཕགས་པོ། ལྷོ་འཛམ་བུ་གླིང་། ནུབ་བ་ལང་སྤྱོད། བྱང་སྒྲ་མི་སྙན། ཤར་དང་དབུས་ཀྱི་བར་དུ་ཉི་མ། དབུས་དང་ནུབ་ཀྱི་བར་དུ་ཟླ་བ། སྟེང་དུ་ལྷ་དང་མིའི་ལོངས་སྤྱོད། རིན་ཆེན་སྣ་བདུན། འདོད་འཇོའ་བ། མ་རྨོས་པའི་ལོ་ཏོག །དཔག་བསམ་གྱི་ཤིང་། གསེར་དངུལ། འབྲུ་དང་ཟས་གོས་ལ་སོགས་པ་དངོས་པོ་བཟང་ལ་གྱ་ནོམ་པ་བསམ་གྱིས་མི་ཁྱབ་པས་གང་བར་བསམ་ཞིང་། དེ་ལྟོས་པ་མེད་པར་མདུན་གྱི་མགྲོན་རྣམས་ལ་ཕུལ་བར་བསམས་ལ། དུས་གསུམ་གྱི་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོར་གྱུར་པ་བླ་མ་དམ་པས་བདག་གི་རྒྱུད་ལ་བསོད་ནམས་དང་ཡེ་ཤེས་ཀྱི་ཚོགས་རྫོགས་པར་མཛད་དུ་གསོལ། །ཞེས་ལན་གསུམ་གསོལ་བ་གདབ། དེ་ལྟ་བུ་བསྐྱར་ལ་ལན་མང་དུ་དབུལ་གྲངས་བཟུང་། བླ་མ་ལ་མོས་གུས་དྲག་ཏུ་བྱའོ། །གཉིས་པ་འགལ་རྐྱེན་སྡིག་པ་སྦྱོང་བ་ནི། ཡི་གེ་བརྒྱ་པའི་བསྙེན་པ་བྱེད་དུ་གཞུག་སྟེ། དེའང་སྤྱི་བོར་རྡོ་རྗེ་སེམས་དཔའ་རྡོ་རྗེ་དང་དྲིལ་བུ་འཛིན་ཞིང་ཡུམ་རྡོ་རྗེ་སྙེམས་མ་གྲི་གུག་དང་ཐོད་པ་
― LT14_Page_167B ―
[མ་དཔེ་གཟིགས་ན་འདིར་གནོན།]
འཛིན་པ། གཉིས་ཀའང་སྐུ་མདོག་དཀར་པོ་རིན་པོ་ཆེའི་རྒྱན་ཅན་སྐྱིལ་ཀྲུང་གིས་སྙོམས་པར་ཞུགས་པ། དེའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཧཱུྃ་དཀར་པོ་བསྒོམས་ལ་དེ་ལས་བདུད་རྩིའི་ཆུ་རྒྱུན་བྱུང་སྟེ། བཅོམ་ལྡན་འདས་ཡབ་ཡུམ་གང་དེ་ལས་ཆར་བབ་པ་བཞིན་རང་གི་སྤྱི་བོ་ནས་མར་བྱུང་སྟེ། སྡིག་པ་ཐམས་ཅད་ནག་པོའི་རྣམ་པར་བདུད་རྩིའི་རྒྱུན་གྱིས་དེད་པས་དྲི་མའི་ལམ་གཉིས་དང་རྐང་མཐིལ་གཉིས་ནས་འཐོན། ཤུལ་ཐམས་ཅད་ཡེ་ཤེས་ཀྱི་བདུད་རྩིས་བེངས་པར་བསམས་ལ་ཡི་གེ་བརྒྱ་པ་བཟླའོ། །དེ་ལྟར་བསགས་སྦྱང་གཉིས་ཐུན་རེ་ལ་བརྒྱ་སྟོང་ལ་སོགས་པའི་ཚུལ་གྱིས་ཐུན་གསུམ་མམ་བཞིའི་རིམ་པས་རབ་ཀྱིས་ལོ། །འབྲིང་གིས་ཟླ་བ། ཐ་མས་ཀྱང་ཞག་གསུམ་ལྔ་བདུན་གྱི་བར་རམ་སྡིག་པ་དག་པའི་རྟགས་ཁྲུས་བྱས་པ་དང་། ལུས་ལ་རྣག་ཁྲག་དང་། མི་གཙང་བ་དང་། སེམས་ཅན་ལ་སོགས་པ་འཐོན་པ་དང་། གོས་དཀར་པོ་གོན་པ་དང་། རྒྱན་དང་མེ་ཏོག་དཀར་པོས་བརྒྱན་པ་དང་། ནམ་མཁའ་ལ་འཕུར་བ་ལ་སོགས་པ་རྨི་བ་དང་། དངོས་སུ་ལུས་ཡང་བ་དང་། ཁམས་བདེ་བ་དང་། ཤེས་པ་དྭངས་ཤིང་ཏིང་ངེ་འཛིན་གསལ་བ་འགྱུང་ངོ་། །བསོད་ནམས་འཕེལ་བའི་རྟགས་ནི། རང་ཁྲི་ཆེན་པོ་ལ་འདུག་པ་དང་། གོས་གསར་པ་བཟང་པོ་གྱོན་པ་དང་། ཟས་བཟང་པོ་ཟོས་པ་དང་། རྒྱན་བཟང་པོས་བརྒྱན་པ་དང་། ཉི་ཟླ་ཤར་བ་དང་། རི་བོ་ཆེན་པོ་ལ་འཛེག་པ་དང་། རྔ་བརྡུང་བ་དང་། དུང་འབུད་པ་དང་། ཀུན་གྱིས་བསྟོད་པ་ལ་སོགས་པ་རྨི་ལམ་དུ་མ་བྱུང་བར་དུ་བྱ་ཞིང་། བསག་སྦྱང་གཉིས་མང་གིན་ཏིང་ངེ་འཛིན་སྐྱེ་སླ་ཞིང་གེགས་ཆུང་བ་ཡིན་ནོ། །དེ་ལྟར་བསག་སྦྱང་གཉིས་ཀའི་གྲངས་བཟུང་ལ་གྲངས་དང་མེ་ཏོག་བླ་མ་ལ་དབུལ། བླ་མས་ལྟས་བརྟག་སྟེ་གྲངས་ཁ་འཆམ་ན་བར་ཆད་ཆེ་ཞིང་ཏིང་ངེ་འཛིན་ངན་པས་
― LT14_Page_168A ―
[མ་དཔེ་གཟིགས་ན་འདིར་གནོན།]
སླར་བསག་སྦྱང་ལ་འབད་དུ་གཞུག །ཁ་ཡར་ན་བར་ཆད་ཆུང་ཞིང་ཏིང་ངེ་འཛིན་བཟང་བས་ཐུན་སྤོའོ།། །།གཉིས་པ་སྦྱང་བ་གསུམ་ཉམས་སུ་བླང་བ་ལ་གསུམ་ལས། ལུས་སྦྱང་བ་ནི། ལུས་ཐམས་ཅད་ཆང་ངམ་དྲི་ཆུས་བཀྲུས་ལ། བཀུ་མཉེ་བྱ། ཉི་མ་ལ་བདུག །གནས་ཁང་དབེན་སར་བསྡད་ཅིང་རྡུལ་མི་ཐོན་ཙམ་དུ་རན་པར་བཅག །བསྐོར་བ་བྱ། དེ་ནས། མགོ་བོ་མཇིང་པ་བསྒྱུར་བྱ་ཞིང་། །ལག་པ་གཉིས་ནི་སོ་སོར་བསལ། །རྐང་པ་གཉིས་ཀྱང་དྲག་ཏུ་སྤྲུག །ཡན་ལག་ལྔ་ཡི་སྦྱང་བའོ། །ཞེས་པ་ལྟར་ཉམས་སུ་བླང་སྟེ། མགོ་བོ་ལ་གཡས་གཡོན་དུ་བསྐོར་བ་གཉིས། ཕྱོགས་བཞིར་འཕང་བ་དང་། གཡས་གཡོན་དུ་འཕང་བ་གཉིས་ཏེ་བཞིའོ། །དེའང་རྡོ་རྗེ་ཁུ་ཚུར་སྙིང་གར་བསྣོལ་ནས་མིག་མི་འཛུམ་པར་བྱ་སྟེ། བཙུམ་ན་མིག་ལ་སྐྱོན་འོང་བས་སོ། །ལག་པ་ལ་སོ་སོར་སྤྲུག་པ། མགོ་བོ་ལ་བསྐོར་ནས་རུས་གཅིག་ཏུ་སྤྲུགས་པ་དང་། མ་བསྐོར་བར་མདུན་ཏུ་པུས་མོའི་སྟེང་དུ་དུས་གཅིག་སྤྲུགས་པ་དང་། མདའ་གཞུ་འགེངས་པ་སྟེ་བཞིའོ། །རྐང་པ་ཕྱོགས་བཞིར་སྤྲུགས་པ་རེས་མོས་སུ་བྱེད་པ་བཞི་སྟེ། ཚུལ་དེ་ལྟ་བུ་ལུས་དུབ་དུབ་ཀྱི་བར་དུ་བྱས་པས་རྩ་ཐམས་ཅད་མཉེན་ཏུ་འགྲོ་བས་རྩ་རླུང་གི་ཟུག་དྲག་པོ་མི་འབྱུང་བ་ཡིན་ནོ། །དེ་ནས་ལུས་ངག་ཁོང་ཀློད་དེ་གསལ་བ་རང་སོ་བཟུང་། ལྷུག་པ་རང་སོ་བཟུང་བར་བྱའོ། །དང་པོ་ནི། སེམས་ཀྱི་མཚན་ཉིད་ངོས་བཟུང་ནས་དེའི་སྟེང་དུ་འཇོག །གཉིས་པ་ནི། སེམས་ཀྱི་ངོ་བོའི་སྟེང་དུ་ཟུང་འཇུག་ཏུ་ཤེས་པས་ཀློད་ནས་བཞག་གོ །ངག་སྦྱང་བ་ནི། ཁ་ཏོན་དང་བཟླས་བརྗོད་གླེང་སློང་ལ་སོགས་པ་ངག་གི་ལས་བསྐྱུངས་ལ་མི་སྨྲ་བར་འདུག་པ་སྟེ། དེས་དབུགས་འཇམ་ཞིང་བདེ་བར་འགྱུར་རོ། །ཡིད་སྦྱོང་བ་ནི། ལྷ་སྒོམ་པ་ལ་སོགས་པ་ཆོས་ཀྱི་བསམ་མནོ་དང་
― LT14_Page_168B ―
[མ་དཔེ་གཟིགས་ན་འདིར་གནོན།]
མོས་གུས་དང་སྙིང་རྗེ་ལ་སོགས་པ་ཡིད་ལ་ལས་མི་འཆོལ་བར་སྐྱོ་སེ་བཞག །དེས་སེམས་དམིགས་པ་ལ་འཇུག་པར་འགྱུར་ཏེ། མདོར་ན་ལུས་ཀྱི་འཕྲུལ་འཁོར་གྱིས་ལུས་དང་། ངག་དབེན་པར་གནས་པས་ངག་དང་། སེམས་དལ་བར་གནས་པས་སེམས་སྦྱང་སྟེ། དེ་གསུམ་ནི་རྟ་རྒྱུག་པའི་སྔོན་དུ་སྦྱང་ཁུག་བྱེད་པ་དང་འདྲ་སྟེ། དེ་ལྟ་བུ་ལོ་དང་ཟླ་བའི་བར་དུ་བྱས་པས་ཏིང་ངེ་འཛིན་རང་ཤུགས་ཀྱིས་སྐྱེ་བའང་སྲིད་དེ། །ཐ་མལ་པ་ཡི་ལུས་ངག་ཡིད། །སྦྱངས་པས་ཡེ་ཤེས་འཆར་བར་འགྱུར། །ཞེས་སོ། །དེ་ལྟར་བྱས་པས་ལུས་འབྱོངས་པའི་རྟགས་ལུས་བདེ་བ་དང་། ལྡང་བ་ཡང་བ་དང་། ལུས་གནད་གང་བྱས་པ་ལ་ཡུན་རིང་དུ་འདུག་ཚུགས་པ་ལ་སོགས་པ་འབྱུང་ལ། ངག་འབྱོངས་པའི་རྟགས་རླུང་འགྲོ་འོང་མི་ཚོར་བ་དང་། ཕྱི་ནང་དུ་མི་རྒྱུ་བ་ལ་མི་བདེ་བ་མེད་པ་ལ་སོགས་པ་དང་། སེམས་འབྱོངས་པའི་རྟགས་གསལ་ཞིང་དྭངས་ལ་གཞན་ཏུ་མི་འཕྲོ་བ་ལ་སོགས་པ་འབྱུང་བས་རྟགས་དེ་དག་མ་བྱུང་གི་བར་སྦྱང་བ་ལ་འབད་པར་བྱའོ།། །།གཉིས་པ་ཐུན་མོང་གི་སྔོན་འགྲོ་ལ་གཉིས་ཀྱི། དང་པོ་གནད་ལ་དབབ་པ་རྣམ་པ་གསུམ་ལས། ལུས་གནད་ལ་དབབ་པ་ནི། ལུས་སྐྱིལ་ཀྲུང་ངམ་ཙོག་པུ་གང་བདེ་བ་ལས་སྐྱིལ་ཀྲུང་ལྟར་ན། སེམས་དཔའམ་རྡོ་རྗེ་སྐྱིལ་ཀྲུང་ངམ། ལག་པ་མཉམ་བཞག་གི་ཕྱག་རྒྱ་བཅའ། ཙོག་བུ་ལྟར་ན་རྐང་པ་གཉིས་བསྣོལ་ནས། རྐང་པ་གཉིས་སྣག་པོ་ཆེ་དང་གསུམ་སྒྱེད་པུ་བཙུགས་པ་བཞིན་མཉམ་ཐངས་བཏང་། གཅིག་ལ་ཁལ་བཀུར་ན་མི་ཟུག་པ་ཡིན། ལག་པ་སྒོམ་ཐག་གི་ཕྱག་རྒྱའམ་ཐབ་འགལ་གྱི་ཕྱག་རྒྱ་བཅའ། དེ་གཉིས་ཀ་ལ་མགོ་ཅུང་ཟད་རྒུ། མིག་སྣ་རྩེར་དབབ། ལྕེ་རྐན་ལ་སྦྱར། སོ་དང་མཆུ་མཉམ་པར་སྦྱར་རོ། །དེ་དག་ཀྱང་ན་སོ་རྒན་པ་དང་། ནམ་ཟླ་སྟོན་དཔྱིད་དང་། ནད་ཁྲག་མཁྲིས་དང་། དྲོ་
― LT14_Page_169A ―
[མ་དཔེ་གཟིགས་ན་འདིར་གནོན།]
བ་དང་། ཚ་བ་ཤས་ཆེ་བའི་དུས་ཐམས་ཅད་དུ་གཙོར་སྐྱིལ་ཀྲུང་བྱ། གཞོན་པ་དང་། ནམ་ཟླ་དགུན་དང་། །ནད་གྲང་བ་དང་། བད་ཀན་ཤས་ཆེ་བ་དང་། གྲང་བ་ཐམས་ཅད་དུ་ཙོག་པུ་ལ་བསླབ་པོ། །དེའང་ལུས་གནད་ལ་ཕབ་པས་རྩ་མི་འཁྲུགས། དེས་སེམས་གནས་པས་ཏིང་ངེ་འཛིན་རང་ཤུགས་ཀྱིས་སྐྱེ་སྟེ་ཁང་པ་རྩིགས་པའི་འགྲམ་དང་འདྲའོ། །ངག་གནད་ལ་དབབ་པ་ནི། མགྲིན་པ་མི་བདེ་བ་སངས་ཀྱིས་བར་དུ་སྣ་སྒོ་ནས་རླུང་དྲག་ཏུ་ཕྱིར་འབུད་པ་སྟེ་ཁང་པའི་མི་གཙང་བ་ཕྱག་དར་བྱེད་པ་དང་འདྲའོ། །སེམས་གནད་ལ་དབབ་པ་ནི། དར་ཅིག་སེམས་ལྷོད་གློད་ནས་འཇོག་པ་སྟེ་རྟ་བང་འདོན་ཁར་དབུགས་འདོན་པ་དང་འདྲའོ། །གཉིས་པ་སྒོམ་པ་ལ་གསུམ་ལས། དང་པོ་བསགས་པའི་ལས་ཐམས་ཅད་གཞན་དོན་དུ་འགྱུར་བ་དང་། ཐེག་པ་ཆེན་པོའི་ལམ་དུ་སྒྲུབ་པའི་ཕྱིར་བྱང་ཆུབ་ཀྱི་སེམས་བསྒོམ་པ་ནི། སེམས་ཅན་ཐམས་ཅད་ཀྱི་དོན་ཏུ་བདག་གིས་སངས་རྒྱས་ཐོབ་པར་བྱ། དེའི་དོན་དུ་ཏིང་ངེ་འཛིན་བསྒོམ་སྙམ་དུ་བསམ་པའོ། །གཉིས་པ་ཚོགས་རྫོགས་པའི་ཡན་ལག་ཏུ་བླ་མ་བསྒོམ་པ་ནི། སྤྱི་བོར་པད་ཟླ་ཉི་མའི་སྟེང་དུ་བླ་མ་བསྒོམས་ལ་མོས་གུས་དྲག་ཏུ་བྱས་ཤིང་། བདག་གི་རྒྱུད་ལ་ཏིང་ངེ་འཛིན་ཁྱད་པར་ཅན་སྐྱེ་བར་བྱིན་གྱིས་བརླབ་ཏུ་གསོལ། ཞེས་སྙིང་ཐག་པ་ནས་ཡང་དང་ཡང་དུ་གསོལ་བ་གདབ། མཐར་མོས་གུས་བྱས་ལ་བླ་མ་སྤྱི་བོར་བསྟིམ་མོ། །གསུམ་པ་ཐ་མལ་གྱི་རྟོག་པ་སྤང་བའི་དོན་དུ་ལྷ་བསྒོམ་པ་ནི། ཧཱུྃ་ཞེས་བརྗོད་པས་སྲུང་བའི་འཁོར་ལོ་དང་། ཡང་ཧཱུྃ་ཞེས་བརྗོད་པས་དལ་རྒྱས་པའམ། ཧེ་རུ་ཀ་ཕྱག་གཉིས་པ་གང་རུང་བསྒོམས་ལ་ལུས་ལ་བར་ཆད་མི་འཇུག་པར་བྱ་བའི་ཕྱིར་སྤྱི་བོར་ཟླ་བ་ལ་ༀ་དཀར་པོ། ངག་ལ་བར་ཆད་མི་འཇུག་པར་བྱ་བའི་ཕྱིར་
― LT14_Page_169B ―
[མ་དཔེ་གཟིགས་ན་འདིར་གནོན།]
མགྲིན་པར་པདྨ་ལ་ཨཱཿདམར་པོ། ཡིད་ལ་བར་ཆད་མི་འཇུག་པར་བྱ་བའི་ཕྱིར་སྙིང་གར་ཉི་མ་ལ་ཧཱུྃ་ནག་པོ་བསམས་ལ། ངག་ཏུ་ༀ་ཨཱཿཧཱུྃ་ཞེས་ལན་གསུམ་བརྗོད་དེ་གསལ་བཏབ་པས་བར་ཆད་བསྲུང་ངོ་། །སྦྱང་བ་གསུམ། གནད་ལ་དབབ་པ་གསུམ། སྒོམ་པ་གསུམ་སྟེ་བསམ་གཏན་གྱི་ཡན་ལག་དགུ་པོ་དེ་ནི་བསམ་གཏན་ཐམས་ཅད་ཀྱི་སྔོན་དུ་འགྲོ་བ་ཡིན་ནོ། །གཉིས་པ་ལམ་གྱི་དངོས་གཞི་ལ། སྣང་བ་གསུམ་གྱིས་དཀྲི་བ་དང་། གཞུང་ཐམས་ཅད་རྒྱུད་གསུམ་དུ་འདུ་བས་རྒྱུད་གསུམ་གྱིས་དཀྲི་བ་དང་གཉིས་ཀྱི་དང་པོ་ལ་མ་དག་པའི་སྣང་བ་ཉམས་ཀྱི་སྣང་བ་དག་པའི་སྣང་བས་དཀྲི་བ་གསུམ་གྱི་དང་པོ་ནི། རྡོ་རྗེའི་ཚིག་རྐང་ལས། སེམས་ཅན་ལ། ཞེས་གསུངས་པས། སེམས་ཅན་གྱི་ཁམས་ལ་བརྟགས་པས་འཁོར་བའི་ཉེས་དམིགས་ཤེས་པས་ཐོག་མར་འཁོར་བའི་ཉེས་དམིགས་བསམ་པ་དང་། ཉོན་མོངས་པ་ལ། ཞེས་པས་ཉོན་མོངས་པ་དུག་གསུམ་ཆེ་འབྲིང་ཆུང་གསུམ་དུ་སྤྱད་པས་ངན་སོང་གསུམ་དུ་ཁྲིད་ལ། དེ་ལས་ཐར་བའི་དལ་འབྱོར་ནི་རྙེད་པར་དཀའ་བས། དེ་ནས་དལ་འབྱོར་རྙེད་དཀའ་བསྒོམ་པ་དང་། མ་དག་པའི་སྣང་བ་ཞེས་པས་མ་དག་པ་འཁྲུལ་སྣང་ལ་བརྟེན་ནས་ལས་སགས་པས། དེ་ནས་ལས་རྒྱུ་འབྲས་ལ་ཡིད་ཆེས་པ་བསྒོམ་པ་དང་གསུམ་གྱི་དང་པོ་ནི། འཁོར་བ་པའི་སྡུག་བསྔལ་གྱི་རྣམ་པ་བསམ་གྱིས་མི་ཁྱབ་ཀྱང་། རིགས་བསྡུ་ན་སྡུག་བསྔལ་གསུམ་དུ་འདུས་པས་དུཿཁ་གྱི་དང་། འགྱུར་བའི་དང་། འདུ་བྱེད་ཀྱི་སྡུག་བསྔལ་སྒོམ་པ་གསུམ་གྱི་དང་པོ་ལ་དམྱལ་བ། ཡི་དགས། དུད་འགྲོའི་སྡུག་བསྔལ་བསམ་པ་གསུམ་གྱི་དང་པོ་ལ། ཚ་དམྱལ། གྲང་དམྱལ། ཉི་ཚེ་ཉི་འཁོར་གྱི་བསམ་པ་གསུམ་གྱི་དང་པོ་ནི། བཤེས་སྤྲིང་དུ། སེམས་ཅན་ཉེས་པར་སྤྱད་པ་སྤྱོད་རྣམས་ལ། །ཡང་སོས་ཐིག་ནག་རབ་ཏུ་ཚ་བ་དང་། །བསྡུས་
― LT14_Page_170A ―
[མ་དཔེ་གཟིགས་ན་འདིར་གནོན།]
འཇོམས་ངུ་འབོད་མནར་མེད་ལ་སོགས་པ། །དམྱལ་བ་རྣམས་སུ་རྟག་ཏུ་སྡུག་བསྔལ་གྱུར། །ཞེས་པ་ལྟར། ཡང་སོས། ཐིག་ནག །བསྡུས་འཇོམས། ངུ་འབོད། ངུ་འབོད་ཆེན་པོ། ཚ་བ། རབ་ཏུ་ཚ་བ། མནར་མེད་པ་རྣམས་ཀྱི་སྡུག་བསྔལ་བཟོད་བླག་མེད་དེ། ཡང་སོས་པ་རྣམས་ཕན་ཚུན་དགྲ་མི་ཤ་བོའི་འདུ་ཤེས་ཀྱིས་ལག་ཏུ་གང་བླངས་པ་མཚོན་ཆར་གྱུར་ཏེ་གཅིག་ལ་གཅིག་བརྡེག་པས་སྲོག་ཆད་པ་དང་། རླུང་གྲང་མོ་ལངས་པའམ། ནམ་མཁའ་ལས་ཡང་སོས་པར་གྱུར་ཅིག་ཅེས་པའི་སྒྲས་ལུས་སྔར་བཞིན་དུ་སོས་པ་དང་། ཡང་གཅིག་ལ་གཅིག་རྡེག་པ་ལ་སོགས་པ་སྔ་མ་བཞིན་དུ་བྱེད་པས་སྡུག་བསྔལ་ལོ། །ཐིག་ནག་ནི། དམྱལ་བ་པའི་ལུས་ལ་ཐིག་བཞིའམ་བརྒྱད་ལ་སོགས་པ་བཏབ་སྟེ། དེའི་སྟེང་ནས་སྤྱི་གཙུག་ནས་རྐང་མཐིལ་བར་དུ་སོག་ལེས་འདྲ་བ་དང་། སྟ་རེས་གཅོད་ཅིང་དེའི་ཚེའང་ལུས་ཀྱི་སྨད་གཏུབས་པ་དང་། སྟོད་ཀྱི་རྨ་རྣམས་འཚོ་ཞིང་སྟོད་གཞོགས་པ་ན་སྨད་ཀྱི་རྨ་འདྲུབ་ཅིང་དེ་ལྟ་བུའི་སྡུག་བསྔལ་ལས་མ་ཟད་བར་དུ་མྱོང་ངོ་། །བསྡུས་འཇོམས་ནི། རི་ལུག་དང་། ར་དང་། རྟའི་གདོང་པ་ཅན་ལ་སོགས་པའི་བར་དུ་དམྱལ་སྲུང་རྣམས་ཀྱིས་དམྱལ་བ་བའི་སེམས་ཅན་རྣམས་བཙངས་པ་དང་རི་གཉིས་འདུས་ཏེ་ཏིལ་མར་བཞིན་དུ་འཚིར་ཞིང་ཕྱེ་མར་བྱེད་ལ་ཡང་རི་གཉིས་ཕྱིར་གྱེད་པ་དང་ལུས་སྔར་བཞིན་དུ་གྱུར་ནས། ཡང་ཕྱེ་མར་བྱེད་པའི་སྡུག་བསྔལ་མྱོང་ངོ་། །ངུ་འབོད་ནི། ཁང་པ་ཞིག་ཏུ་ཕྱིན་པ་ན་ལས་ཀྱི་དབང་གིས་ལྕགས་ཁང་སྒོ་མེད་དུ་གྱུར་ནས་དེའི་ནང་མེ་འབར་བས་བསྲེགས་ཏེ་ཤིན་ཏུ་ཉེན་པས་ངུ་ཞིང་ཆོ་ངེས་འདེབས་པའི་སྡུག་བསྔལ་མྱོང་ངོ་། །ངུ་འབོད་ཆེན་པོ་ནི། ལྕགས་ཁང་ཉིས་རིམ་མེ་འབར་བས་བསྲེགས་པས་ཆེར་ངུས་ཤིང་ཆོ་ངེས་འདེབས་པའི་སྡུག་བསྔལ་མྱོང་ངོ་། །ཚ་བ་ནི། ལྕགས་ཀྱི་
― LT14_Page_170B ―
[མ་དཔེ་གཟིགས་ན་འདིར་གནོན།]
གསལ་ཤིང་མེ་འབར་བས་གཤང་ལམ་ནས་སྤྱི་བོའི་བར་ཐལ་བྱུང་དུ་ཕུག་ནས། བུ་ག་རྣམས་ནས་དུ་བ་འཐུལ་བ་དང་མེ་འབར་བ་ལ་སོགས་པའི་སྡུག་བསྔལ་མྱོང་ངོ་། །རབ་ཏུ་ཚ་བ་ནི། ལྕགས་གྱི་གསལ་ཤིང་མེ་འབར་བ་རྩེ་གསུམ་ཡོད་པས་དཔུང་པ་གཉིས་དང་སྤྱི་བོར་ཕུག་ནས་ལུས་ཀྱི་ནང་མེར་འབར་ཏེ་མགྲིན་པ་དང་ཁ་ནས་མེ་ལྕེ་འབར་བ་དུ་བ་དང་བཅས་པ་བཏུད་མར་འབྱུང་ཞིང་ལྟོ་བ་གས་ནས་ནང་ཁྲོལ་རྣམས་ལུག་པ་ལ་སོགས་པའི་སྡུག་བསྔལ་མྱོང་ངོ་། །མནར་མེད་ནི། ཕྱོགས་བཞི་སྟེང་འོག་ནས་མེ་འབར་བས་དམྱལ་བའི་ལུས་མ་དང་ཐ་མི་དད་གྱུར་ནས་སྲེག་པའི་སྡུག་བསྔལ་མྱོང་ལ་དེ་ན་སེམས་ཅན་ཡོད་པ་ཡང་ཉམ་ཐག་པའི་སྐད་འབྱིན་པ་ལས་རྗེས་སུ་དཔོག་པ་མ་གཏོགས་རྣམ་དབྱེ་ཐ་དད་དུ་མཚོན་པར་མི་ནུས་ལ། གཞན་ཡང་ལྕགས་ཞིབ་ཏུ་འདགས་མ་མེ་འབར་བ་དང་ལྷན་ཅིག་ཏུ་བཀྲབ་པ་དང་། ལྕགས་ཀྱི་སྣོད་དུ་འབྲུ་མར་མེ་འབར་བའི་ནང་དུ་འཚོད་པ་དང་། ལྕགས་ཀྱི་ཐང་མེ་འབར་བར་ལྕེ་བརྒྱངས་ནས་ཕུར་པས་འདེབས་པ་དང་། ཁྲོ་ཆུ་བཞུས་པའི་ཁུ་བ་ལྡུད་པ་དང་། བྱེ་མ་མེ་སྟགས་འཕྲོ་བའི་ས་གཞིར་འགྲོར་འཇུག་པ་ལ་སོགས་པའི་སྡུག་བསྔལ་དཔག་ཏུ་མེད་པ་མྱོང་སྟེ། དམྱལ་བ་ཕྱི་མ་ཕྱི་མ་རྣམས་ལ་སྔ་མ་སྔ་མའི་སྡུག་བསྔལ་དེ་སྙེད་འབྱུང་བའི་སྟེང་དུ་རང་རང་གི་སྡུག་བསྔལ་ཡ་ཐོན་དུ་མྱོང་ལ། དེ་དག་ཡུན་ཇི་སྲིད་གཅིག་ཏུ་ཉམས་སུ་མྱོང་ན། མཛོད་དུ། མི་རྣམས་ལོ་ནི་ལྔ་བཅུ་ན། །འདོད་པ་དག་གི་ལྷ་རྣམས་ལས། །འོག་མ་དག་གི་ཉིན་ཞག་གཅིག །ཡང་སོས་ལ་སོགས་དྲུག་རིམ་བཞིན། །འདོད་ལྷའི་ཚེ་དང་ཉིན་ཞག་མཉམ། །དེས་ན་དེ་དག་རྣམས་ཀྱི་ཚེ། །འདོད་པའི་ལྷ་དང་འདྲ་བ་ཡིན། །རབ་ཏུ་ཚ་ཕྱེད་མནར་མེད་ནི། །བར་གྱི་བསྐལ་པར་ཞེས་འབྱུང་བས་རྒྱལ་ཆེན་རིགས་བཞི་པས་མི་ལོ་ལྔ་བཅུ་ལ་ཞག་རེར་བྱས་
― LT14_Page_171A ―
[མ་དཔེ་གཟིགས་ན་འདིར་གནོན།]
པའི་ལོ་ལྔ་བརྒྱ། སུམ་ཅུ་རྩ་གསུམ་པས་མི་ལོ་བརྒྱ་ལ་ཞག་རེར་བྱས་པའི་ལོ་སྟོང་། འཐབ་བྲལ་བས་ཉིས་བརྒྱ་ལ་ཞག་རེར་བྱས་པའི་ལོ་ཉིས་སྟོང་། དགའ་ལྡན་པས་བཞི་བརྒྱ་ལ་ཞག་རེར་བྱས་པའི་ལོ་བཞི་སྟོང་། འཕྲུལ་དགའ་བས་བརྒྱད་བརྒྱ་ལ་ཞག་རེར་བྱས་པའི་བརྒྱད་སྟོང་། གཞན་འཕྲུལ་དབང་བྱེད་པས་མི་ལོ་སྟོང་དྲུག་བརྒྱ་ལ་ཞག་རེར་བྱས་པའི་ལོ་ཁྲི་དྲུག་སྟོང་ཐུབ་ཅིང་། ལྷ་དེ་རྣམས་ཀྱི་ཚེ་ལ་ཞག་རེར་བྱས་པའི་ལོ་གྲངས་དེ་སྙེད་རེ་ཡང་སོས་ལ་སོགས་པ་དྲུག་གིས་རིམ་པ་ལྟར་ཐུབ་ལ། རབ་ཏུ་ཚ་བས་བར་བསྐལ་ཕྱེད། མནར་མེད་ཀྱིས་བར་བསྐལ་གཅིག་ཐུབ་བོ། །གྲང་དམྱལ་ལ། ཆུ་བུར་ཅན། ཆུ་བུར་རྡོལ་བ་ཅན། ཨ་ཆུ་ཟེར་བ། ཀྱི་ཧུད་ཟེར་བ། སོ་ཐམ་ཐམ་པ། ཨུཏྤལ་ལྟར་གས་པ། པདྨ་ལྟར་གས་པ། པདྨ་ལྟར་ཆེར་གས་པ་སྟེ་བརྒྱད་ཡོད་ལ། འདི་རྣམས་ཚ་དམྱལ་རྣམས་ཀྱི་ཐད་ཀ་ན་ཡོད་ཅིང་སྡུག་བསྔལ་གྱི་ཁྱད་པར་ཡང་། དང་པོ་ལ་ཁང་ཁྱིམ་དང་གོས་ཉི་མ་ལ་སོགས་པ་དྲོ་བའི་རྐྱེན་མེད་གངས་རི་ཆེན་པོའི་ཁྲོད་ན་འདུག་ཅིང་། རླུང་དང་བུ་ཡུག་གྲང་བས་བཏབ་སྟེ་ཉེན་པས་ལུས་ཆུ་བུར་གྱིས་གང་བར་གྱུར་བའི་སྡུག་བསྔལ་མྱོང་ངོ་། །གཉིས་པ་ནི། གྲང་དྲག་པས་ཆུ་བུར་ཡང་རྡོལ་ཏེ་དེའི་ནང་ནས་སྐྱེས་པའི་ལྕགས་ཀྱི་འབུ་མཆུ་རྣོན་གྱིས་པགས་པ་འདྲལ་ཏེ། དེ་ནས་ཁྲག་དང་ཆུ་སེར་འཛག་པའི་སྡུག་བསྔལ་མྱོང་ངོ་། །གསུམ་པ་ནི། གྲང་བས་ཉེན་ནས་བསྲན་མ་བཟོད་པར་ཨ་ཆུ་ཟེར་བའི་སྐད་དྲག་པོས་ཆོ་ངེས་འདེབས་པའོ། །བཞི་པ་ནི། གྲང་བས་ཉེན་ནས་ལུས་སེམས་འབྲལ་བ་ལྟར་གྱུར་ཅིང་མིག་སྣ་ནས་ཆུ་སེར་འཛག་ཅིང་ལྐོག་མ་སྐམས་ཏེ་སྐད་ཤིབ་ཤིབ་པོས་ཀྱི་ཧུད་ཟེར་བའི་སྨྲེ་སྔགས་འདོན་པའི་སྡུག་བསྔལ་མྱོང་ངོ་། །ལྔ་པ་ནི། གྲང་དྲག་པས་སྐད་ཀྱང་
― LT14_Page_171B ―
[མ་དཔེ་གཟིགས་ན་འདིར་གནོན།]
མི་ཐོན་པར་ཤིན་ཏུ་ཉེན་ནས་ཀོས་ཐག་ཐག་སོ་ཏམ་ཏམ་བྱེད་པའི་སྡུག་བསྔལ་དང་། དྲུག་པ་ནི། དེ་བས་ཀྱང་ཉེན་པས་ལྷགས་པའི་ཤུགས་ཀྱིས་ལུས་སྔོན་པོར་གྱུར་ཏེ་ཁ་ལྔའམ་དྲུག་ཏུ་གྱེས་པའི་སྡུག་བསྔལ་དང་། བདུན་པ་ནི། དེ་བས་ཀྱང་ཆེར་ལྷགས་པས་གདུངས་པས་པགས་པའི་མདོག་དམར་པོ་ཁྲག་ཟད་ལ་ཁད་པར་འགྱུར་ཏེ། ཚལ་པ་བརྒྱད་དམ་བཅུར་གྱེས་པའི་སྡུག་བསྔལ་དང་། བརྒྱད་པ་ནི། དེ་བས་ཀྱང་གྲང་བས་པགས་པ་ཤུས་ཏེ་དམར་པོར་གྱུར་པ་ཁ་བརྒྱའམ་སྟོང་ལ་སོགས་པར་གས་ནས་དེ་དག་ལས་ཞག་ཆུ་སེར་རྐང་མར་ལ་སོགས་པ་འཛག་པའི་སྡུག་བསྔལ་མྱོང་སྟེ། སློབ་སྤྲིང་དུ། ལྷགས་པ་དཔེ་མེད་རུས་པ་ལ་ཡང་ཐིམ་པ་ཡིས། །ལུས་བྲེད་འདར་ཤིང་བསྐུར་བ་ཀུམ་ཀུམ་པོར་འདུག་པ། །ཆུ་བུར་བརྒྱ་བྱུང་བ་རྡོལ་བ་ལས་བྱུང་སྲོག་ཆགས་ཀྱིས། །རལ་གྲིས་དབང་ནས་ཞག་དང་ཆུ་སེར་རྐང་བཅས་འཛག །ཀོས་ཐག་སོ་འཐམས་སྐྲ་དང་སྤུ་རྣམས་མེད་གྱུར་པ། །མིག་དང་རྣ་བ་ལྐོག་མ་གནོད་པས་ཀུན་གཟིངས་ཤིང་། །ལུས་དང་སེམས་ཀྱི་བར་དག་རབ་ཏུ་གླང་གྱུར་ནས། །གྲང་བའི་དམྱལ་བར་གནས་ཤིང་ཤིན་ཏུ་འོ་དོད་འབོད། །ཅེས་སོ། །དེ་དག་གི་ཚེའི་ཚད་ཀྱང་། མཛོད་དུ། ཏིལ་སྦྱང་ནང་ནས་ལོ་བརྒྱ་ཞིང་། །ཏིལ་གཅིག་ཕྱུང་བས་ཟད་གྱུར་པ། །ཆུ་བུར་ཅན་གྱི་ཚེ་ཡིན་ཏེ། །གཞན་གྱི་ཚེ་ནི་ཉི་ཤུ་འགྱུར། །ཞེས་པའི་འགྲེལ་པར། བཅོམ་ལྡན་འདས་ཀྱིས་དེ་དག་གི་ཚེའི་ཚད་དཔེ་ཙམ་དུ། དགེ་སློང་དག །དཔེར་ན་འདི་ན་ཡུལ་མ་ག་དྷའི་ཏིལ་གྱི་སྦྱང་ཁལ་བརྒྱད་ཅུ་པ་ཞིག་ཏིལ་གྱིས་ཕྱུར་བུར་བཀང་ཏེ། དེ་ནས་ལ་ལ་ཞིག་གིས་ལོ་བརྒྱ་བརྒྱ་འདས་ཤིང་ཏིལ་རེ་རེ་བོར་ན། དགེ་སློང་དག་རིམ་པ་དེས་ན་ཡུལ་མ་ག་ཏའི་ཏིལ་གྱི་སྦྱང་ཁལ་བརྒྱད་ཅུ་པོ་དེ་མ་ལུས་པར་ཡོངས་སུ་ཟད་པར་འགྱུར་བ་ནི་ཆེས་མྱུར་གྱི། ཆུ་བུར་ཅན་དུ་སྐྱེས་པའི་ཚེ་ཡོངས་སུ་གཏུགས་པར་ནི་ང་མི་སྨྲའོ་ཞེས་པའི་མདོ་དྲངས་ཤིང་།
― LT14_Page_172A ―
[མ་དཔེ་གཟིགས་ན་འདིར་གནོན།]
གཞན་ཕྱི་མ་ཕྱི་མ་རྣམས་ཉི་ཤུ་འགྱུར་དུ་འགྲེས་པ་ཐུབ་པར་བཤད་དོ། །ཉེ་ཚེ་ཉི་འཁོར་གྱི་སྡུག་བསྔལ་བསམས་པ་ནི། ཚ་དམྱལ་བརྒྱད་ཀྱི་ཕྱོགས་བཞི་ན། མེ་མ་མུར་གྱི་འོབས། རོ་མྱགས་ཀྱི་འདམ། སྤུ་གྲིའི་ཐང་། རལ་གྲི་ལོ་མའི་ནགས་ཚལ། ཤལ་མ་རིའི་སྡོང་པོ་ལ་སོགས་པའི་མཚོན་ཆ་དང་། ཆུ་ཀླུང་རབ་མེད་རྣམས་སུ་ཚ་བའི་དམྱལ་བ་པ་རྣམས་སྡུག་བསྔལ་དཔག་ཏུ་མེད་པ་མྱོང་སྟེ། མཛོད་དུ། བརྒྱད་པོ་ཀུན་ལས་ལྷག་བཅུ་དྲུག །དེ་དག་གི་ནི་ངོས་བཞི་ན། །མེ་མ་མུར་དང་རོ་མྱགས་འདམ། །སྤུ་གྲིའི་ལམ་སོགས་ཆུ་བོ་ཡིན། །ཞེས་སོ། །སྡུག་བསྔལ་ཇི་ལྟ་བུ་མྱོང་ན། ཚ་བའི་དམྱལ་བ་པ་རྣམས་ཀྱི་ཚ་དམྱལ་དངོས་གཞི་ལས་ཐར་ནས་ཕྱོགས་གཞན་དུ་ཕྱིན་པ་དང་། མེ་མ་མུར་གྱིས་གང་བའི་འོབས་ནང་དུ་ལྷུང་ནས་རྐང་པ་མནན་པ་ན་ཤ་ཐམས་ཅད་ཚིག་ནས་རུས་པར་འགྱུར་ཞིང་། བཏེགས་པ་ན་སོས་ལ། ཡང་བཞག་པ་ན་འཚིག་སྟེ་དེ་ལྟ་བུས་ཡུན་དུ་གནས་སོ། །དེ་ནས་ཐར་བ་ན་ཕྱི་སའི་འདམ་རུལ་པ་དྲི་ང་བས་གང་བའི་རོ་མྱགས་ཀྱི་འདམ་དུ་བྱིང་སྟེ་འབུ་ལྕགས་ཀྱི་མཆུ་ཅན་གྱིས་ཟ་བས་སྡུག་བསྔལ་ལོ། །དེ་ལས་ཐར་བ་དང་སྤུ་གྲིའི་སོ་རྣོན་བལྟམས་པའི་ཐང་ལ་ཕྱིན་ཏེ་རྐང་པས་མནན་པ་ན་དུམ་བུར་བྱེད་ཅིང་བཏེགས་པ་ན་སོས་པར་འགྱུར་ལ། དེ་ནས་ཐར་ནས་ལྗོན་ཤིང་ཡིད་དུ་འོང་བར་སྣང་བའི་དྲུང་དུ་ཐང་ཆད་ནས་རྒྱུག་པ་དང་། ལོ་མ་རྣམས་མཚོན་ཆར་གྱུར་པ་ལྷུང་ནས་ལུས་གཅོད་པའི་སྡུག་བསྔལ་མྱོང་ལ། དེ་ནས་ཐར་པ་དང་ལྕགས་ཀྱི་ཁྱི་དང་བོང་བུ་ལྕེ་སྤྱང་ལ་སོགས་པས་དེད་ནས་བྲེད་དེ་ཤལ་མ་རིའི་རྩེར་མཐོང་བ་ན་མྱུར་ཏུ་འཛེགས་པས་ལྕགས་ཀྱི་ཚེར་མ་སོར་བཅུ་དྲུག་པ་ཁ་ཐུར་དུ་བལྟས་པས་ལུས་དབང་ཅིང་ཁོང་དུ་ནུབ་པས་སྡུག་བསྔལ་ཏེ་རྩེ་མོར་ཕྱིན་པ་དང་། ཁྭ་ཏ་དང་། བྱ་དཀར་དང་། རྒོད་ལྕགས་ཀྱི་མཆུ་ཅན་གྱིས་མིག་དག་འདྲུ་ཞིང་ཤ་འཐོག་པ་རྣམས་ཉམ་ཐག་
― LT14_Page_172B ―
[མ་དཔེ་གཟིགས་ན་འདིར་གནོན།]
པས་བར་འབྱིན་ཞིང་། ཐུར་དུ་བབ་པ་ན་ཚེར་མ་རྣམས་ཁ་གྱེན་དུ་བལྟས་ཏེ་ལུས་ཕུག་སྟེ་དྲན་པ་ཉམས་པ་ལ་སོགས་པའི་སྡུག་བསྔལ་མྱོང་ལ། དེ་ལས་ཐར་བ་དང་། ཐལ་སྐྱོ་མེ་འབར་བས་གང་བའི་ཆུ་བོ་རབ་མེད་དུ་དམྱལ་སྲུང་གིས་བཏབ་སྟེ་དེར་ཡུན་རིང་དུ་སྡུག་བསྔལ་ལོ། །མདོར་ན་དེ་དག་ཏུ་སྐྱེ་བའི་ཐབས་མི་འདུག་པས་མི་སྐྱེ་བའི་ཐབས་ལ་འབད། ཐབས་ཀྱང་ལམ་ཉམས་སུ་ལེན་པ་ཡིན་ལ། ལམ་རྣམས་ཀྱི་ནང་ནས་ཀྱང་མཆོག་ལམ་འབྲས་བུ་དང་བཅས་པའི་གདམས་ངག་འདི་ཉིད་ཡིན་པས་འདི་ཉིད་རྩེ་གཅིག་ཏུ་ཉམས་སུ་བླང་སྙམ་དུ་བསམ། དེ་ལྟར་བསྒོམས་པས་ལུས་སེམས་ཀྱི་ཤུགས་ཆད་པ་དང་ཁོང་ཀློད་ལ་བཞག་གོ །གཉིས་པ་ཡི་དྭགས་ཀྱི་དུཿཁ་བསམ་པ་ནི། དམྱལ་བ་ལས་ཐར་ནས་གཤིན་རྗེའི་འཇིག་རྟེན་དུ་སྐྱེས་ན་ཡང་དུཿཁ་དཔག་ཏུ་མེད་དེ། འདི་ལ་ཕྱིའི་སྒྲིབ་པ་ཅན། ནང་གི་སྒྲིབ་པ་ཅན། ཟས་སྐོམ་གྱི་སྒྲིབ་པ་ཅན་གསུམ་གྱི་དང་པོས་ཟས་སྐོམ་ཅི་མཐོང་བ་ཐམས་ཅད་རྣག་ཁྲག་ལ་སོགས་མི་གཙང་བས་གང་བའི་ཆུ་དང་། མ་ལ་ཡའི་ཚལ། ཡང་ནགས་བསྲེགས་པའི་ཚལ་ལ་སོགས་པ་ཕྱིན་ཅི་ལོག་འབའ་ཞིག་ཏུ་སྣང་སྟེ། སློབ་སྤྲིང་དུ། ཤིན་ཏུ་མི་བཟད་ལས་ཡོངས་སྨིན་པས་རྣམ་རྨོངས་པ། །འདི་ལ་སྣ་ཚོགས་འདི་ཀུན་ཕྱིན་ཅི་ལོག་ཏུ་སྣང་། །ཞེས་སོ། །གཉིས་པ་ནི། ཁབ་མིག་ཙམ་གྱི་ཁ་ལ་དཔག་ཚད་ཙམ་འཇིགས་པའི། །ལྟོ་ཆེན་ཉམ་ཐག་རྒྱ་མཚོ་ཆེན་པོའི་ཆུ་འཐུངས་ཀྱང་། །མགུལ་ཕུག་ཡངས་པ་ཉིད་དུ་ཕྱིན་པར་མི་འགྱུར་པ། །ཁ་ཡི་དུག་གིས་ཆུ་ཐིགས་པའང་སྐོམ་པར་འགྱུར། །ཞེས་པ་ལྟར་དུཿཁ་མྱོང་ལ། གསུམ་པས་ནི། བཤེས་སྤྲིང་དུ། ཁ་ཅིག་མཚན་ཞིང་ཁ་ནས་འབར་བ་སྟེ། ཟས་སུ་འབར་བའི་ཁར་འབབ་བྱེ་མ་འཚལ། ཞེས་པ་ལྟར་ཟས་ཅི་མྱོང་བ་ཐམས་ཅད་མེ་འབར་བར་གྱུར་ནས་རྒྱུ་ལྟོ་ལ་སོགས་པ་ཚིག་པའི་དུཿཁ་ལ་སོགས་དུ་མ་མྱོང་སྟེ། དེ་དག་ཀྱང་ཟླ་བ་ལ་ཞག་ཏུ་བརྩིས་པའི་ལོ་བརྒྱ་ཐུབ་སྟེ། མཛོད་དུ། ཡི་དྭགས་རྣམས་
― LT14_Page_173A ―
[མ་དཔེ་གཟིགས་ན་འདིར་གནོན།]
ཟླ་བ་ཉིན་ཞག་གི་ལྔ་བརྒྱ། ཞེས་པ་ལྟར་དུཿཁ་སྟེ། དེར་སྐྱེ་བའི་ཐབས་མེད་པས་སྔ་མ་བཞིན་བསམ་མོ། །གསུམ་པ་དུད་འགྲོའི་དུཿཁ་བསམ་པ་ནི། དུད་འགྲོ་ལ་གཉིས་ལས། བྱིང་ན་གནས་པ་རྒྱ་མཚོ་དང་གླིང་བར་གྱི་མུན་པ་ན་ཡོད་ལ། ཁ་འཐོར་བ་ནི། ལྷ་དང་མའི་གནས་ན་ཡོད་དེ། དེ་དག་ལའང་བཤེས་སྤྲིང་དུ། དུད་འགྲོའི་སྐྱེ་གནས་ན་ཡང་བསད་པ་དང་། །བཅིངས་དང་བརྡེག་སོགས་དུཿཁ་སྣ་ཚོགས་དང་། །ཞི་འགྱུར་དགེ་བ་སྤངས་པ་རྣམས་ལ་ནི། །གཅིག་ལ་གཅིག་བཟའ་ཤིན་ཏུ་མི་བཟད་པ། །ཁ་གཅིག་མུ་ཏིག་བལ་དང་རུས་པ་དང་། །ཤ་དང་པགས་པའི་ཆེད་དུ་འཆི་བར་འགྱུར། །དབང་མེད་གཞན་དག་རྔོག་པ་ལག་པ་དང་། །ལྕགས་དང་ལྕགས་ཀྱུས་གདབ་པས་བཏབ་སྟེ་བཀོལ། །ཞེས་སོ། །དེ་དག་གི་ཚེ་ཚད་ཀྱང་། དུད་འགྲོ་རྣམས་མཆོག་རིང་བསྐལ་པའོ། །ཞེས་མཛོད་དུ་གསུངས་པ་ལྟར་དུཿཁ་སྟེ། དེར་སྐྱེ་བའི་ཐབས་མེད་པ་སྔ་མ་བཞིན་བསམ་མོ། །གཉིས་པ་འགྱུར་བའི་དུཿཁ་བསམ་པ་ལ་གཉིས་ཀྱི་སྤྱིར་ཐུན་མོང་དུ་འགྱུར་བའི་དུཿཁ་བསམ་པ་ནི། འཁོར་བའི་བདེ་བ་ཇི་ཙམ་ཐོབ་ཀྱང་མི་བརྟན་པས། སླར་དེ་དང་བྲལ་ནས་དུཿཁ་དུ་མ་མྱོང་དགོས་པའི་ཕྱིར་སྙིང་པོ་མེད་དེ། བརྒྱ་བྱིན་དུ་སྐྱེས་ནས་སླར་ས་སྟེང་དུ་ལྷུང་སྟེ་དུཿཁ་ལང་ལས་ནུ་ལྟ་བུ་དང་། འཁོར་ལོས་སྒྱུར་བར་སྐྱེས་ནས་ཀུན་གྱི་ཐ་མར་སྐྱེ་བ་དང་། འདོད་གཟུགས་ཀྱི་ལྷའི་བདེ་བ་ཐོབ་ནས་དམྱལ་བར་སྐྱེ་བ་དང་། ཉི་ཟླར་སྐྱེས་ནས་ཀྱང་མུན་པར་འཇུག་པ་ལ་སོགས་པ་འགྱུར་བའི་དུཿཁ་དཔག་ཏུ་མེད་དེ། བཤེས་སྤྲིང་དུ། བརྒྱ་བྱིན་འཇིག་རྟེན་མཆོད་འོས་གྱུར་ནས་ནི། །ལས་ཀྱི་དབང་གིས་ཕྱིར་ཡང་ས་སྟེང་ལྷུང་། །འཁོར་ལོས་སྒྱུར་བ་ཉིད་དུ་གྱུར་ནས་ཀྱང་། །འཁོར་བ་དག་ཏུ་ཡང་བྲན་ཉིད་དུ་འགྱུར། །ཞེས་དང་། ལྷ་ཡུལ་འདོད་བདེ་ཤིན་ཏུ་ཆེན་པོ་དང་། །ཚངས་ཉིད་
― LT14_Page_173B ―
[མ་དཔེ་གཟིགས་ན་འདིར་གནོན།]
ཆགས་བྲལ་བདེ་བ་ཐོབ་ནས་སླར། །མནར་མེད་མེ་ཡི་བུད་ཤིང་གྱུར་པ་ཡི། །དུཿཁ་རྒྱུན་མི་འཆད་པ་བསྟེན་འཚལ་ལོ། །ཉི་མ་ཟླ་བ་ཐོབ་ནས་རང་ལུས་ཀྱི། །འོད་ཀྱིས་འཇིག་རྟེན་མཐའ་དག་སྣང་བྱས་ཏེ། །སླར་ཡང་མུན་ནག་སྨག་ཏུ་ཕྱིན་གྱུར་ནས། །རང་གི་ལག་པ་བརྐྱང་དེའང་མཐོང་མི་འགྱུར། །ཞེས་པ་ལྟར་དེར་སྐྱེ་བའི་ཐབས་མེད་པ་སོགས་སྔ་མ་བཞིན་ནོ། །གཉིས་པ་བྱེ་བྲག་ཏུ་མིའི་འགྱུར་བའི་དུཿཁ་བསམ་པ་ནི། སྤྱིར་འཁོར་བ་ན་འགྱུར་བའི་དུཿཁ་དེ་ལྟ་བུ་ཡོད་ཀྱང་མངོན་དུ་མ་གྱུར་པས་ཡིད་མི་ཆེས་སུ་ཆུག་ནའང་། སྒོས་སུ་མི་ལ་ལེགས་པར་བརྟགས་ན་ཕྱུགས་པོ་སྤྲང་པོར་འགྲོ་བ་དང་། ཁ་དྲག་པོ་ཞན་པོར་སོང་བ། དགྲར་གྱུར་པ་བཤེས་དང་། བཤེས་སུ་གྱུར་པ་དགྲར་སོང་བ་ལ་སོགས་པ་ཡུལ་མི་དང་ཉེ་འབྲེལ་དང་། རྒྱལ་ཁམས་ཀྱི་མི་ལ་བལྟས་པས་སྔར་གྱི་ས་ན་མེད་པར་རིམ་པ་བཞིན་འགྱུར་ནས་འགྲོ་སྟེ། མདོར་ན་བསགས་པ་ཀུན་གྱི་མཐར་འཛད་ཅིང་། །མཐོན་པོའི་མཐའ་ནི་དམའ་བ་ཡིན། །འདུས་པའི་མཐའ་ནི་འབྲལ་བ་ཡིན། །ཞེས་པ་ལྟར་དེར་སྐྱེ་བའི་ཐབས་མེད་པ་སོགས་སྔ་མ་བཞིན་ནོ། །གསུམ་པ་འདུ་བྱེད་ཀྱི་དུཿཁ་བསམ་པ་ནི། འཁོར་བར་དུཿཁ་སྤངས་ཏེ་བདེ་བ་བསྒྲུབ་པའི་ཆེད་དུ་ལོངས་སྤྱོད་དང་འཁོར་འདབ་བསྒྲུབ་པའི་བྱ་བ་ལ་འབད་དོ་སྙམ། འདོད་པ་ལ་ཆོག་མི་ཤེས་པས་གཅིག་གྲུབ་ཀྱང་གཞན་དང་གཞན་ཡང་དོན་དུ་གཉེར་བས་རྒས་རྒས་ཤི་ཤི་ལས་བྱས་ཀྱང་ཚིམས་པ་མེད་ལ་ཚེ་རབས་བརྒྱུད་མར་ལས་བྱས་སུ་ཟིན་ཡང་། ལས་ལ་ཟིན་པ་ངང་ཚིམ་པ་མེད་དེ། བཞི་བརྒྱ་པར། ལས་ནི་འབད་པས་བྱེད་འགྱུར་ཞིང་། །བྱས་ཟིན་འབད་པ་མེད་པར་འཇིག །དེ་ལྟར་གྱུར་ཀྱང་ཆོས་ལ་ཀོ །ལས་ལ་ཆགས་བྲལ་འགའ་ཡོད་མིན། །ཞེས་སོ། །དེར་སྐྱེ་བའི་ཐབས་མེད་པ་སོགས་སྔ་མ་བཞིན་ཏེ། དེ་ལྟར་བསམ་པས་འགྲོ་བ་
― LT14_Page_174A ―
[མ་དཔེ་གཟིགས་ན་འདིར་གནོན།]
གང་དུ་སྐྱེས་ཀྱང་སྐྱིད་མེད་པའི་བསམས་པ་ལ་ཐག་ཆོད་ན་ཅི་བྱས་ཆོས་སུ་འགྲོ་བ་ཡིན་ནོ། །གཉིས་པ་དལ་འབྱོར་རྙེད་དཀའ་བ། ཕན་འདོགས་ཆེ་བ། ཡུན་རིང་དུ་མི་གནས་པ་བསམ་པ་གསུམ་གྱི་དང་པོ་ནི། དུཿཁ་ཅན་གྱི་འཁོར་བ་དེར་མི་སྐྱེ་བའི་ཐབས་ལ་འབད་དགོས་ཤིང་། དེ་སྒྲུབ་པའི་རྟེན་ཡང་དལ་འབྱོར་གྱི་ལུས་འདི་ཉིད་ཡིན་ལ། དལ་འབྱོར་ཡང་། བཤེས་སྤྲིང་དུ། །ལོག་པར་ལྟ་བ་འཛིན་པ་དུད་འགྲོ་ཉིད། ཡི་དྭགས་ཉིད་དང་དམྱལ་བར་སྐྱེ་བ་ཉིད། །རྒྱལ་བའི་བཀའ་མེད་པ་དང་མཐའ་འཁོབ་ཏུ། །ཀླ་ཀློར་སྐྱེ་དང་གླེན་ཞིང་ལྐུགས་པ་ཉིད། །ཚེ་རིང་ལྷ་ཉིད་གང་ཡང་རུང་བར་ནི། །སྐྱེ་བ་ཞེས་བགྱི་མི་ཁོམས་སྐྱོན་བརྒྱད་དོ། །ཞེས་པ་རྣམས་སྤངས་ཤིང་། མི་ཉིད་དང་། ཡུལ་དབུས་སུ་སྐྱེས་པ་དང་། དབང་པོ་ཚང་བ། གནས་ལ་དད་པ་སྟེ་འདུལ་བ་ལ་གུས་པ་དང་། ལས་མཐའ་མ་ལོག་པ་ནི་མཚམས་མེད་པ་ལྔ་རང་གིས་མ་བྱས་ཤིང་གཞན་བྱེད་དུ་མ་བཅུག་པ་སྟེ་རང་འབྱོར་ལྔ་དང་། སངས་རྒྱས་འཇིག་རྟེན་དུ་བྱོན་པ། དེས་ཆོས་གསུངས་པ། དེའི་བསྟན་པ་གནས་པ། བསྟན་པ་ལ་འཇུག་པ་གཞན་ཡང་ཡོད་པ། གཞན་གྱི་ཕྱིར་སྦྱིན་བདག་སོགས་རྗེས་སུ་སྙིང་བརྩེ་བའི་གཞན་འབྱོར་ལྔ་ནི། འབྱོར་པ་བཅུ་དང་ལྡན་པའོ། །འདི་ཉིད་ཤིན་ཏུ་རྙེད་དཀའ་སྟེ། སྤྱོད་འཇུག་ཏུ། དེ་ཉིད་ཕྱིར་ན་བཅོམ་ལྡན་གྱིས། །རྒྱ་མཚོ་ཆེར་གཡེངས་གཉའ་ཤིང་གི །བུ་གར་རུ་སྦལ་མགྲིན་ཆུད་ལྟར། །མི་ཉིད་ཤིན་ཏུ་ཐོབ་དཀའ་གསུངས། །ཞེས་སོ། །རྙེད་དཀའ་བའི་རྒྱུ་མཚན་ཡང་། སེམས་ཅན་གྱི་ཁམས་ལ་བལྟས་ན་ལུས་མ་ཐོབ་པ་བསམ་གྱིས་མི་ཁྱབ། ལུས་ཐོབ་པ་ལའང་མི་ལུས་མ་ཐོབ་པ་བསམ་གྱིས་མི་ཁྱབ། མི་ལུས་ཐོབ་པ་ལའང་དལ་འབྱོར་ཐོབ་པ་
― LT14_Page_174B ―
[མ་དཔེ་གཟིགས་ན་འདིར་གནོན།]
སྲིད་པ་ཙམ་ཡིན་པས་སོ། །དེ་བས་རྙེད་དཀའ་བའི་དལ་འབྱོར་ཐོབ་པའི་དུས་འདིར་སྙིང་པོ་བླང་དགོས་ཤིང་དེའང་ལམ་ཉམས་སུ་ལེན་པ་ཉིད་ཡིན། ལམ་གྱི་མཆོག་ལམ་འབྲས་བུ་དང་བཅས་པའི་མན་ངག་འདི་རྩེ་གཅིག་ཏུ་ཉམས་སུ་བླང་བསམ་པའོ། །གཉིས་པ་ཕན་ཐོགས་ཆེ་བ་བསམ་པ་ནི། དལ་འབྱོར་རྙེད་དཀའ་ཡང་ཐོབ་པ་ལ་དགོས་པ་ཅི་ཡོད་སྙམ་ན་ཕན་ཡོན་ཤིན་ཏུ་ཆེ་སྟེ། དལ་འབྱོར་གྱི་ལུས་འདིས་ཚེ་ཕྱི་མའི་མཐོ་རིས། ཐེག་པ་འོག་མའི་མྱང་འདས། རྣམ་མཁྱེན་གྱི་སངས་རྒྱས་ཀྱང་སྒྲུབ་པར་ནུས་པས་ཤིན་ཏུ་ཕན་འདོགས་ཆེ་སྟེ། སློབ་སྤྲིང་དུ། བདེ་གཤེགས་ལམ་རྟེན་འགྲོ་བའི་འདྲེན་པར་ཆས་གྱུར་ཞིང་། །སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པའི། །ལམ་དེ་ལྷ་དང་ཀླུ་ཡིས་མི་རྙེད་ལྷ་མིན་དང་། །མཁའ་ལྡིང་རིག་འཛིན་མིའམ་ཅི་དང་ལྟོ་འཕྱེས་མིན། །མི་ཡི་དངོས་པོ་ཤིན་ཏུ་རྙེད་དཀའ་རྙེད་གྱུར་ནས། །དོན་དུ་བརྣག་པ་གང་ཡིན་དེ་ནི་བསྟུན་ཏེ་བསྒྲུབ། ཅེས་པ་ལྟར་རོ། །གསུམ་པ་ཡུན་དུ་མི་གནས་པ་བསམ་པ་ལ། ངེས་པར་འཆི་བ། ནམ་འཆི་ཆ་མེད་པ། འཆི་བ་ལ་ཅིས་ཀྱང་མི་ཕན་པ་བསམ་པ་དང་གསུམ་གྱི་དང་པོ་ནི། རྙེད་དཀའ་བའི་དལ་འབྱོར་དེ། རྟག་པའི་ཆོས་ཅན་ཡིན་པས་ཡུན་རིང་དུ་གནས་པའི་ཕྱིར་ལམ་སྒྲུབ་པ་ལ་རིངས་ཅི་དགོས་སྙམ་ན། དལ་འབྱོར་ལ་རྟག་པའི་དངོས་པོ་ཅུང་ཟད་ཀྱང་མེད་དེ། སྤྱོད་འཇུག་ཏུ། ཉིན་མཚན་སྡོད་པར་ཡོངས་མེད་པར། །ཚེ་ནི་རྟག་ཏུ་གུད་འགྱུར་ཞིང་། །བསྣོན་པའང་གུད་ནས་ཡོད་མེད་པས། །བདག་ལྟ་འཆི་བར་ཅིས་མི་འགྱུར། །ཞེས་པ་ལྟར། ངེས་པར་འཆི་བའི་ཆོས་ཅན་ཡིན་ཏེ། འགའ་ཞིག་ཕྱི་ནང་གི་འབྱུང་བ་འཁྲུགས་པས་འཆི། འགའ་ཞིག་ལོག་འདྲེན་གྱི་བགེགས་འཁྲུགས་པས་འཆི། །འགའ་ཞིག་སྐྱོབས་པའི་ལྷ་ལ་སོགས་པ་འཁྲུགས་པས་རྐྱེན་བྱས་ནས་འཆི་བས་ན་སེམས་ཅན་གྱི་རིགས་ལ་མཐར་མི་འཆི་བ་ཅུང་ཟད་ཀྱང་མེད་དོ། །གཉིས་པ་མཐར་འཆིའང་རེ་ཞིག་མི་འཆི་བར་གནས་པས་ད་ལྟ་ཉིད་དུ་དལ་འབྱོར་ལ་སྙིང་པོ་
― LT14_Page_175A ―
[མ་དཔེ་གཟིགས་ན་འདིར་གནོན།]
བླང་ཅི་དགོས་སྙམ་ན། །སྤྱོད་འཇུག་ལས། དེ་རིང་ཁོ་ན་མི་འཆི་ཞེས། །བདེ་བར་འདུག་པ་རིགས་མ་ཡིན། །ཞེས་པ་ལྟར་ནམ་འཆི་ཆ་མེད་པས་ད་ལྟ་ཉིད་དུ་ལམ་ཉམས་སུ་བླང་དགོས་ཏེ། དེའི་རྒྱུ་མཚན་འཛམ་བུ་གླིང་པའི་ཚེ་ལ་ངེས་པ་མེད་པ་དང་། མི་མཐུན་པའི་ཕྱོགས་ཀྱི་རྐྱེན་མང་བ་དང་། མཐུན་པའི་རྐྱེན་དཀོན་པས་ནམ་འཆི་ཆ་མེད་དེ། མཛོད་དུ། འདི་ན་མ་ངེས་ཐ་མར་ནི། །ལོ་བཅུ་དང་པོ་དཔག་ཏུ་མེད། །ཅེས་དང་། སློབ་དཔོན་ཀླུ་སྒྲུབ་ཀྱིས། འཆི་བའི་རྐྱེན་ནི་མང་བ་སྟེ། །གསོན་པའི་རྐྱེན་ནི་ཅུང་ཟད་ཅིག །དེ་དག་ཉིད་ཀྱང་འཆི་བའི་རྐྱེན། །དེ་བས་རྟག་ཏུ་ཆོས་མཛོད་ཅིག །ཅེས་རིན་ཆེན་ཕྲེང་བ་ལས་སོ། །གསུམ་པ་ནི་འཆི་བ་ན། ཚེ་འདིར་བསགས་པའི་ཟས་ནོར་དང་། བསྐྱངས་པའི་གཡོག་འཁོར་དང་མཛའ་བཤེས་ལ་སོགས་པ་རྣམས་ཀྱིས་ཕན་ཡོང་སྙམ་ན། ངེས་པར་འཆི་བའི་དུས་ལ་བབ་པའི་ཚེ་ཟས་ནོར་ལ་སོགས་པའི་རྫས་ཀྱིས་མི་བཟློག་སྔགས་ཀྱིས་མི་བཟློག །རྟེན་འབྲེལ་གྱིས་མི་བཟློག་སྟེ། རྒྱལ་པོ་ལ་གདམས་པའི་མདོ་ལས། རྒྱལ་པོ་ཆེན་པོ་ན་བ་ནི་ནད་མེད་པ་འཇོམས་ཤིང་འང་། རྒ་བ་ནི་དར་ལ་བབ་པ་འཇོམས་ཤིང་འོང་། རྒུད་པ་ནི་ཕུན་སུམ་ཚོགས་པ་ཐམས་ཅད་འཇོམས་ཤིང་འོང་། །འཆི་བ་ནི་སྲོག་འཇོམས་ཤིང་འོང་། དེ་དག་ལ་མགྱོགས་པས་འབྲོས་པའམ། ནོར་གྱིས་བཟློག་པའམ། རྫས་དང་སྔགས་དང་སྨན་རྣམས་ཀྱིས་ཞི་བར་བྱ་སླ་བ་མ་ཡིན་ནོ་ཞེས་སོ། །གསུམ་པ་ལས་རྒྱུ་འབྲས་ལ་ཡིད་ཆེས་བསྒོམ་པ་ནི། མི་དགེ་བ་དང་། དགེ་བ་དང་། ལུང་མ་བསྟན་གྱི་ལས་འབྲས་བསམ་པ་གསུམ་གྱི་དང་པོ་མི་དགེ་བའི་ལས་བསམ་པ་ནི། སྲོག་གཅོད། མ་བྱིན་ལེན། འདོད་ལོག་སྟེ་ལུས་ཀྱི་ལས་གསུམ་དང་། རྫུན། ཕྲ་མ། །ཚིག་རྩུབ། ངག་འཁྱལ་ཏེ་ངག་གི་ལས་བཞི་དང་། བརྣབ་སེམས། གནོད་སེམས། ལོག་ལྟ་སྟེ་ཡིད་ཀྱི་ལས་གསུམ་སྟེ་མི་དགེ་བཅུ་དང་། དེས་ཐོག་དྲངས་པའི་དུག་གསུམ་གྱིས་ཀུན་ནས་བསླངས་པའི་ལུས་ངག་གི་ལས་ཐམས་ཅད་མི་དགེ་བ་སྟེ། འདོད་ཆགས་
― LT14_Page_175B ―
[མ་དཔེ་གཟིགས་ན་འདིར་གནོན།]
ཞེ་སྡང་གཏི་མུག་གསུམ། །དེས་བསྐྱེད་ལས་ནི་མི་དགེ་བ། །ཞེས་པ་ལྟར་རོ། །འབྲས་བུ་བསམ་པ་ནི། མཛོད་དུ། དུཿཁ་ཕྱིར་དང་གསད་ཕྱིར་དང་། །ཟི་བྱིན་མེད་ཕྱིར་འབྲས་རྣམ་གསུམ། །ཞེས་པ་ལྟར། སྲོག་གཅོད་པས་གསད་བྱ་དུཿཁ་བསྐྱེད་པ་དང་། གསད་པ་དང་། གཟི་བྱིན་མེད་པར་བྱས་པས་རྣམ་སྨིན་གྱི་འབྲས་བུ་ངན་སོང་གསུམ་དུ་དུཿཁ། རྒྱུ་མཐུན་གྱི་འབྲས་བུ་ལ། བྱེད་པ་རྒྱུ་མཐུན་གང་དུ་སྐྱེས་པར་སྲོག་གཅོད་པ་ལ་དགའ། མྱོང་བ་རྒྱུ་མཐུན་ཚེ་ཐུང་། བདག་པོའི་འབྲས་བུ་ཕྱི་ཡི་སྨན་གཟི་མཐུ་ཆུང་བར་འགྱུར་རོ། །དེ་བཞིན་དུ་མ་བྱིན་ལེན་སོགས་ལ་ཡང་འབྲས་བུ་གསུམ་གསུམ་འབྱུང་སྟེ་མི་དགེ་བ་ཆེ་འབྲིང་ཆུང་གསུམ་དུ་སྤྱད་པས་རིམ་པ་ལྟར་ངན་སོང་གསུམ་དུ་དུཿཁ་རྣམ་སྨིན་གྱི་འབྲས་བུ་དང་། རྒྱུ་མཐུན་གྱི་འབྲས་བུ་ལས་གང་སྐྱེས་སུ་མི་དགེ་བ་དེ་དང་དེ་སྤྱོད་པ་ལ་འགའ་བ་བྱེད་པ་རྒྱུ་མཐུན་དང་། རིན་ཆེན་ཕྲེང་བར། གསོད་པ་ཡིས་ནི་ཚེ་ཐུང་འགྱུར། །རྐུ་བ་ཡིས་ནི་ལོངས་སྤྱོད་ཕོངས། །བྱི་བོ་བྲེད་པ་དགྲ་ཟླར་བཅས། །རྫུན་དུ་སྨྲ་བས་སྐུར་པ་མང་། །ཕྲ་མ་ཡིས་ནི་བཤེས་དང་དབྱེ། །ཚིག་རྩུབ་པོས་ནི་མི་སྙན་ཐོས། །མ་འབྲེལ་པས་ནི་ཚིག་མི་བཙུན། །བརྣབ་སེམས་ཡིད་ལ་རེ་བ་འཇོམས། །གནོད་སེམས་འཇིགས་པ་སྦྱིན་པར་བཤད། །ལོག་པར་ལྟ་བས་ལྟ་ངན་ཉིད། །ཅེས་པ་རྣམས་སོ། །བདག་པོའི་འབྲས་བུ་ནི། རིམ་པ་བཞིན། ཕྱི་རོལ་མཐུ་ཆུང་སེར་ཆར་མང་། །རྡུལ་འཁྲིགས་དྲི་ང་མཐོ་དམན་ཅན། །ཚ་སྒོ་ཅན་སོགས་དུས་ལོག་དང་། །འབྲས་བུ་ཕྲ་ཁ་ཆུང་བའམ་མེད། །ཅེས་པ་རྣམས་སོ། །གསུམ་པ་དེ་སྤང་བར་བསམ་པ་ནི། དེ་ལྟར་མི་དགེ་བ་ལས་འབྲས་བུ་དུཿཁ་འབྱུང་བར་འདུག་པས། དུས་རིང་བ་དེ་ནས་སངས་རྒྱས་མ་ཐོབ་ཀྱི་བར་དང་། ཇི་སྲིད་མ་ཤིའི་བར་དང་། ཐུང་བ་ཇི་སྲིད་སང་པ་ཙམ་གྱི་བར་ལ་སྒོ་གསུམ་གྱི་མི་དགེ་བ་སྐད་ཅིག་ཀྱང་མི་སྤྱད་བསམ་མོ། །གཉིས་པ་ལ་དགེ་བའི་ལས་བསམ་པ་ནི། གསད་བྱ་ནས་སྐུར་པ་གདབ་པའི་བར་མངོན་
― LT14_Page_176A ―
[མ་དཔེ་གཟིགས་ན་འདིར་གནོན།]
དུ་གྱུར་ཀྱང་། མི་གསོད་པ་ནས་སྐུར་པ་མི་འདེབས་པའི་བར་བཅུ་ནི་དགེ་བ་བཅུ་སྟེ། དེས་གཙོར་བྱས་པའི་མ་ཆགས་པ། ཞེ་སྡང་མེད་པ། གཏི་མུག་མེད་པའི་དགེ་རྩ་གསུམ་གྱིས་ཀུན་ནས་བསླངས་པའི་ལུས་ངག་ཡིད་གསུམ་གྱི་ལས་ཐམས་ཅད་དགེ་བ་སྟེ། ཆགས་སྡང་གཏི་མུག་མེད་ལས་སྐྱེས། །དེས་བསྐྱེད་ལས་ནི་དགེ་བ་ཡིན། །ཞེས་ལ་ལྟར་རོ། །གཉིས་པ་འབྲས་བུ་བསམ་པ་ནི། །དགེ་བ་སྤྱད་པའི་རྣམ་སྨིན་གྱི་འབྲས་བུས་བདེ་འགྲོར་སྐྱེ་བ་དང་བྱང་ཆུབ་གསུམ་ཐོབ་པ་ཡིན་ལ། རྒྱུ་མཐུན་གྱི་འབྲས་བུ་ལ་བྱེད་པ་རྒྱུ་མཐུན་གང་དུ་སྐྱེས་པ་དེར་དགེ་བ་སྤྱོད་པ་ལ་དགའ་བ་དང་མྱོང་བ་རྒྱུ་མཐུན་ཚེ་རིང་བ་ལ་སོགས་པ་བཅུ་པོ་ཡིན་ཞིང་། བདག་པོའི་འབྲས་བུ་ས་ཕྱོགས་གཟི་མདངས་ཆེ་བ་ལ་སོགས་པ་བཅུའོ། །གསུམ་པ་དེ་བསྒྲུབ་པར་བསམས་པ་ནི། དགེ་བ་ལ་ཕན་ཡོན་དེ་ལྟ་བུ་འདུག་པས། སྤྱིར་ད་ནས་བྱང་ཆུབ་མ་ཐོབ་ཀྱི་བར་དང་། ཁྱད་པར་ཇི་སྲིད་འཚོའི་བར་དང་། ཡང་དགོས་སང་ད་ཙམ་གྱི་བར་དུ་སྒོ་གསུམ་དགེ་བ་དང་མི་འབྲལ་བར་བྱ་སྙམ་དུ་བསམ་མོ། །གསུམ་པ་ལུང་མ་བསྟན་གྱི་ལས་བསམ་པ་ནི། ཀུན་སློང་དགེ་མི་དགེའི་བསམ་པ་གང་གིས་ཀྱང་མ་ཟིན་ལ། འབྲས་བུ་དགེ་མི་དགེར་ལུང་བསྟན་དུ་མེད་པའི་ལས་ཟས་ཟ་བ་དང་། འགྲོ་འཆག་ལ་སོགས་པའོ། །གཉིས་པ་དེའི་འབྲས་བུ་བསམ་པ་ནི། ལས་དེ་སྤྱད་ཀྱང་འབྲས་བུ་དགེ་མི་དགེ་ཡིད་དུ་འོང་མི་འོང་གོང་ཡང་འབྱིན་མི་ནུས་སོ། །གསུམ་པ་དེ་དགེ་བར་བསྒྱུར་བ་ནི། ལས་དེ་སྤྱད་ཀྱང་རྣམ་སྨིན་མི་བསྐྱེད་པས་འཁོར་བ་ལས་ཐར་པའི་རྒྱུར་མི་འགྱུར་བར་འདུག་པས། ཅི་ནས་ཀྱང་དགེ་བར་བསྒྱུར་སྙམ་དུ་བསམས་ལ། སྒོ་གསུམ་གྱི་ལས་ཅི་བྱེད་ཐམས་ཅད་བྱང་ཆུབ་ཀྱི་སེམས་ཀྱིས་ཟིན་པར་བྱས་ཏེ། བཞི་བརྒྱ་པར། བསམ་པ་བྱང་ཆུབ་སེམས་དཔའ་ལ། །དགེ་བའམ་གལ་ཏེ་མི་དགེའང་རུང་། །ཐམས་ཅད་དགེ་ལེགས་ཉིད་འགྱུར་ཏེ། །གང་ཕྱིར་ཡིད་དེའི་དབང་གྱུར་ཕྱིར། །ཞེས་པ་ལྟར་རོ། །གཉིས་པ་ཉམས་ཀྱི་སྣང་བ་ནི། །རྣལ་འབྱོར་པ་ལ་ཏིང་ངེ་འཛིན་ལ་ཉམས་ཀྱི་སྣང་བ་ཞེས་པས་ཉམས་ཀྱི་སྣང་བ་
― LT14_Page_176B ―
[མ་དཔེ་གཟིགས་ན་འདིར་གནོན།]
བསྒོམ་པ་དང་། ཐུན་མོང་གི་རྣལ་འབྱོར་པས་ཐུན་མོང་གི་ཉམས་སྣང་རྒྱུད་ལ་སྐྱེས་སྐྱེས་སྒོམ་པ་དང་། ཐུན་མོང་མ་ཡིན་པའི་རྣལ་འབྱོར་པས་ཉམས་སྐྱེ་འགྱུར་ལ་ངེས་ཤེས་སྐྱེས་སྐྱེས་བསྒོམ་པ་གཉིས་ཀྱི་དང་པོ་ལ། བྱམས་པ། སྙིང་རྗེ། བྱང་ཆུབ་ཀྱི་སེམས་བསྒོམ་པ་གསུམ་གྱི་དང་པོ་ནི། འཇུག་པར། འགྲོ་ལ་ཕན་པར་ཉེར་སྒྲུབ་པ། །བྱམས་པ་ཆེན་པོ་ཞེས་བྱའོ། །ཞེས་པ་ལྟར་བསམས་ལ། གཉེན། དགྲ། ཐ་མལ་པ་ལ་བྱམས་པ་བསྒོམ་པ་གསུམ་གྱི་དང་པོ་ནི། ད་ལྟར་ལུས་བསྐྱེད་པའི་མ་དེ་ཉིད་མདུན་དུ་དམིགས་ནས། མ་འདིས་དང་པོར་མངལ་དུ་ཉིང་མཚམས་སྦྱར་ཏེ། དཀའ་བ་བརྒྱས་ཀྱང་མི་རྙེད་པའི་དལ་འབྱོར་གྱི་ས་ལ་བཞག །དེ་ནས་ཟླ་བ་དགུའམ་བཅུའི་བར་དུ་ལྟོར་བཟུང་ནས་གནོད་པའི་སྤྱོད་ལམ་སྤང་། མཐུན་པའི་རིམ་གྲོ་བརྟེན། མངལ་ནས་ཕྱིར་ཐོན་པ་ན་བརྩེ་སེམས་ཀྱིས་བག་ཟོན་བཅས་ཏེ་བླངས་ནས་ནུ་ཞོ་བསྣུན། བཟའ་བཏུང་ཁས་བསྙོད། མི་གཙང་བ་ལག་གིས་ཕྱིས། བདག་གི་དོན་དུ་སྡིག་སྡུག་གཏམ་ངན་དུ་མ་བསགས་ནས། མ་རང་ལ་ཡོད་པའི་དངོས་པོ་ཅི་ཡོད་པ་ཐམས་ཅད་བདག་ལ་བྱིན་ཏེ། མདོར་ན་གཅེས་པའི་ལུས་གསོས། འཆི་བའི་སྲོག་བསྐྱབས། ཕོངས་པའི་ཡོ་བྱད་བྱིན་པས། མ་འདི་ཤིན་ཏུ་དྲིན་ཆེ་སྙམ་དུ་བསམ། དེ་ཤེས་ན་དྲིན་ཅན་འདི་ལ་དྲིན་ལན་ལན་གྱིས་བླན་དགོས་ལ། མ་བླན་ན། བདག་ལས་ཁྲེལ་བོར་བ་སུ་ཡང་མེད་དེ། སློབ་སྤྲིང་དུ། བྱིས་པ་པང་ན་བཙའ་བ་ཅི་ཡང་མི་ནུས་པས། །གང་གི་ནུ་ཞོ་བྱམས་པའི་ཤུགས་ཀྱི་གཟག་འཐུངས་པ། །དལ་བ་མང་བརྟེན་བྱམས་ལ་བརྟེན་པ་དེ་དག་འདིར། །ཤིན་ཏུ་མ་རབས་ཞིག་ནའང་སུ་ཞིག་སྤང་བར་སྤྲོ། །གང་གིས་ཁོང་ན་འདི་སྐབས་རྙེད་ནས་གནས་བཅས་ཤིང་། །གང་གིས་བརྩེ་བག་ཟོན་བཅས་སེམས་ཀྱིས་འདི་བླངས་པ། །ཉོན་མོངས་དེ་དག་སྡུག་བསྔལ་སྐྱབས་མེད་འདི་བོར་ནས། །
― LT14_Page_177A ―
[མ་དཔེ་གཟིགས་ན་འདིར་གནོན།]
འགྲོ་བར་མ་རབས་ཐ་ཤལ་ཞིག་ནའང་སུ་ཞིག་སྤྲོ། །ཞེས་སོ། །དེ་ལྟར་བྱས་པས་དྲིན་ལན་ལེན་ན། བདེ་བ་ཕུན་སུམ་ཚོགས་པ་ལ་སྦྱར་ན་དྲིན་ལོན་པས། མ་འདི་གནས་སྐབས་ལྷ་མི་དང་མཐར་ཐུག་སངས་རྒྱས་ཀྱི་བདེ་བ་དང་འཕྲད་ན་དགའ་སྙམ་དུ་བསམ། བདེ་བ་དེ་ཡང་རྒྱུ་དགེ་བ་མ་བསགས་ན་མི་ཐོབ་པས། བདེ་བའི་རྒྱུ་དགེ་བའི་ལས་དང་འཕྲད་ན་ཅི་མ་རུང་སྙམ་དུ་བསམས་ལ། བདག་གི་མ་འདི་བདེ་བ་དང་བདེ་བའི་རྒྱུ་དང་འཕྲད་པར་གྱུར་ཅིག་ཅེས་སྒོ་གསུམ་གྱི་འཇུག་པ་རྩེ་གཅིག་ཏུ་དྲིལ་ལ་བརྒྱའམ་སྟོང་ལ་སོགས་པ་བགྲང་། ཡང་དྲིན་བསམ་ཞིང་བགྲང་བ་ལ་སོགས་པ་སྔ་མ་བཞིན་བྱ་སྟེ། ལུས་ཀྱི་བ་སྤུ་ལྡང་བའམ་མཆི་མ་འཁྲུགས་པའི་བར་དུ་བྱའོ། །དེ་ནས་ཕ་མ་ལ་སོགས་པའི་གཉེན་རྣམས་ཀྱང་མདུན་དུ་དམིགས་ལ། འདི་རྣམས་ཀྱང་ད་ལྟ་ཉེ་དུ་འབྲེལ་བའི་སྒོ་ནས་བདག་ལ་ཕན་བཏགས་པས་དྲིན་ཆེ་ལ། དེར་མ་ཟད་སྐྱེ་བ་སྔ་མར་བདག་གི་མ་མང་དུ་བྱས་ཤིང་། མ་བྱས་རེས་ཀྱིས་རྩ་བའི་མ་བཞིན་དུ་ཕན་བཏགས་པ་ལ་སོགས་པ་བསམ་ནས་སྔར་བཞིན་དུ་བགྲང་། དེ་ལ་རྩ་བའི་མ་བཞིན་དུ་མར་འདུ་ཤེས་ནས། བྱམས་པ་བཅོས་མ་མ་ཡིན་པ་སྐྱེས་པ་ན། བདག་ལ་དངོས་དང་བརྒྱུད་པས་གནོད་པ་བྱེད་པའི་དགྲ་བོ་གང་ཡིན་མདུན་དུ་དམིགས་ལ། འདི་སྨྱོན་པ་དང་། རང་དབང་མེད་པར་གྱུར་ནས། བདག་བུར་མ་ཤེས་པར་ད་ལྟ་བདག་ལ་གནོད་པ་བྱེད་ཀྱང་། སྐྱེ་བ་སྔ་མའི་མ་ཡིན་པ་སོགས་བསམ་ལ་སྔ་མ་ལྟར་བྱམས་པ་བསྒོམ། དེ་ལ་སྐྱེས་པ་དང་དགྲ་གཉེན་དུ་མ་གྱུར་པའི་ནམ་མཁས་ཁྱབ་ཚད་ཀྱི་སེམས་ཅན་རྣམས་དམིགས་ཡུལ་དུ་བྱས་ལ། བཤེས་སྤྲིང་དུ། རེ་རེའི་བདག་ཉིད་རུས་པའི་ཕུང་པོ་ནི། །ལྷུན་པོའི་མཉམ་པ་ཉིད་ཅིག་འདས་གྱུར་ཏེ། །མ་ཡི་ཐུག་མཐའ་རྒྱ་ཤུགས་ཚིག་གུ་ཙམ། །རིལ་བུར་བགྲངས་ཀྱང་ས་ཡིས་ལངས་མི་འགྱུར། །ཞེས་པའི་ཚུལ་གྱིས་སེམས་ཅན་རེ་རེས་མ་བྱས་པའི་ལན་གྲངས་ལ་ཐུག་པ་མེད་ཅིང་། མ་བྱས་
― LT14_Page_177B ―
[མ་དཔེ་གཟིགས་ན་འདིར་གནོན།]
རེས་ཀྱིས་ཕན་བཏགས་པ་ལ་སོགས་པའི་རྒྱུ་མཚན་སྔར་བཞིན་བསམས་ལ་བྱམས་པ་བསྒོམ་མོ། །གཉིས་པ་སྙིང་རྗེ་ནི། འཇུག་པར། དུཿཁ་ཅན་རྣམས་ཡོངས་སྐྱོབ་པ། ཐུགས་རྗེ་ཆེན་པོའི་ཞེས་བསྒོམ་པ་ལ། སེམས་ཅན་དང་། །ཆོས་ལ་དམིགས་པའི་དང་། དམིགས་པ་མེད་པོའི་སྙིང་རྗེ་བསྒོམ་པ་གསུམ་གྱི་དང་པོ་ནི། སེམས་ཅན་མར་གྱུར་པ་རྣམས་བདེ་བ་དང་བདེ་བའི་རྒྱུ་དང་འཕྲད་ན་དགའ་བ་ལས། སེམས་ཅན་གྱི་ཚུལ་དེ་ལས་ལོག་ནས་དངོས་སུ་དུཿཁ་གསུམ་གྱིས་གདུངས་ཤིང་དུཿཁའི་རྒྱུ་ལས་མི་དགེ་བ་ལ་སྤྱོད་པ་འདི་རྣམས་སྙིང་རེ་རྗེ་ན་སྙམ་དུ་ཞེ་ཐག་པ་ནས་བསམས་ལ་སེམས་ཅན་མར་གྱུར་པ་དུཿཁ་ཡིས་གདུངས་པ་འདི་རྣམས་སྙིང་རེ་རྗེ་ན་ཞེས་བརྒྱ་སྟོང་གི་བར་དུ་བགྲང་། ཅིས་སྙིང་རྗེ་ན་དུཿཁ་ཡིས་གདུངས་པས་སྙིང་རྗེ་བ་ཡིན་པས་དུཿཁ་གསུམ་དང་། དེའི་རྒྱུ་མི་དགེ་བ་སྤྱོད་པ་དང་བྲལ་ན་ཅི་མ་རུང་སྙམ་པ་དང་། བདག་གི་མ་འདི་རྣམས་དུཿཁ་དང་། དུཿཁའི་རྒྱུ་དང་བྲལ་བར་གྱུར་ཅིག་ཅེས་བརྒྱའམ་སྟོང་ལ་སོགས་པ་བགྲང་ངོ་། །གཉིས་པ་ནི། བདག་གི་མ་འདི་རྣམས་སེམས་ཅན་ནམ་གང་ཟག་གི་བདག་ཏུ་མ་གྲུབ་ཀྱང་མ་རིག་པ་ལས་བདག་དང་སེམས་ཅན་དུ་བཏགས་ཏེ་དུཿཁ་བར་གྱུར་པ་འདི་རྣམས་སྙིང་རེ་རྗེ་སྙམ་དུ་བསམ་པ་ལ་སོགས་པ་སྔར་བཞིན་སྙིང་རྗེ་བསྒོམ་མོ། །གསུམ་པ་ནི། སེམས་ཅན་འདི་དག་རང་བཞིན་གྱིས་བདེན་པར་གྲུབ་པ་མ་ཡིན་ཡང་། གང་ཟག་དང་ཆོས་སུ་བདེན་པར་མངོན་པར་ཞེན་པས་འཁོར་བར་འཁྱམས་ཏེ་དུཿཁ་བ་འདི་དག་སྙིང་རེ་རྗེ་ན་ཞེས་སོགས་སྔར་བཞིན་དུ་བསྒོམ་པའོ། །གསུམ་པ་བྱང་ཆུབ་ཀྱི་སེམས་བསྒོམ་པ་ལ། སྨོན་པ། འཇུག་པ། དོན་དམ་བྱང་ཆུབ་ཀྱི་སེམས་བསྒོམ་པ་གསུམ་གྱི་དང་པོ་ནི། མངོན་རྟོགས་རྒྱན་དུ། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་པ་ལྟར་མར་གྱུར་པའི་སེམས་ཅན་འདི་ཐམས་ཅད་དུཿཁ་རྒྱུ་བཅས་ལས་སྒྲོལ་བ་བདག་བུ་ལ་འབབ་སྟེ། མ་མ་
― LT14_Page_178A ―
[མ་དཔེ་གཟིགས་ན་འདིར་གནོན།]
བསྒྲལ་བར་བདག་གཅིག་པུ་ཐར་བར་བྱེད་ན་ཁྲེལ་ལས་འདས་པར་གྱུར་པའི་ཕྱིར་ཏེ། སློབ་སྤྲིང་དུ། ཉེ་དུ་འཁོར་བའི་རྒྱ་མཚོའི་ཁོངས་སུ་ཆུད་གྱུར་པ། །ཀློང་གི་ནང་དུ་ལྷུང་བ་ལྟ་བུར་སྣང་བཞིན་དུ། །སྐྱེ་ཤི་འཕོས་པས་ངོ་མ་ཤེས་པ་དེ་བོར་ནས། །གལ་ཏེ་གཅིག་ཐར་བྱེད་ན་དེ་ལས་ཁྲེལ་བོར་མེད། །ཅེས་སོ། །དེ་དག་སྒྲོལ་བའི་ནུས་པ་རང་ལ་ཡོད་པ་ལྟ་ཅི་སྨོས་ཏེ། ཚངས་པ་བརྒྱ་བྱིན་ཉན་རང་རྣམས་ལ་ཡང་མེད་ལ། འོ་ན་སུ་ལ་ཡོད་ན། སངས་རྒྱས་ཁོ་ན་ལ་ཡོད་པས་བདག་གིས་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ་སྙམ་པ་དང་། སངས་རྒྱས་ཐོབ་ནས་སེམས་ཅན་ཐམས་ཅད་ཐེག་པ་གསུམ་གྱི་སྒོ་ནས་མྱ་ངན་ལས་འདས་པའི་ས་ལ་བཞག་སྙམ་པ་དང་། རིགས་ཅན་གསུམ་ཀའང་རིམ་གྱིས་སྦྱངས་ནས་སངས་རྒྱས་ཀྱི་ས་ལ་དགོད་སྙམ་དུ་བསམ་སྟེ། སྐོམ་པ་ཆུ་འདོད་པ་ལྟ་བུ་སངས་རྒྱས་ལ་འདོད་པའི་འདུན་པ་མ་སྐྱེས་ཀྱི་བར་དུའོ། །གཉིས་པ་ལ། བདག་གཞན་མཉམ་པ་དང་། བརྗེ་བ་བསྒོམ་པ་དང་། དེ་དག་གི་སྤྱོད་པ་ལ་བསླབ་པ་གསུམ་གྱི་དང་པོ་ནི། སྤྱོད་འཇུག་ཏུ། བདག་དང་གཞན་དུ་མཉམ་པ་ནི། དང་པོ་ཉིད་དུ་འབད་དེ་བསྒོམ། ཞེས་པ་ལྟར་ཏེ་ཚུལ་ཇི་ལྟར་ན། གང་ཚེ་བདག་དང་གཞན་གཉིས་ཀ །བདེ་བ་འདོད་དུ་མཚུངས་པ་ལ། །བདག་དང་ཁྱད་པར་ཅི་ཡོད་ན། །གང་ཕྱིར་བདག་ཅིག་བདེ་བར་བརྩོན། །གང་ཚེ་བདག་དང་གཞན་གཉིས་ཀ་།དུཿཁ་མི་འདོད་མཚུངས་པ་ལ། །བདག་དང་ཁྱད་པར་ཅི་ཡོད་ན། །གང་ཕྱིར་གཞན་མིན་བདག་སྲུང་བྱེད། །ཅེས་པ་ལྟར་བསམ་སྟེ། སེམས་ཅན་བདག་གི་མ་ཡིན་པས་དེའི་འདོད་པ་ཅི་ཡོད་བདག་གིས་བསྒྲུབ་དགོས་པར་འདུག་པ་ལ་སེམས་ཅན་རྣམས་བདག་དང་མཚུངས་པར་བདེ་བར་འདོད་དུ་དུཿཁ་མི་འདོད་པར་འདུག་པས། ད་ཕྱིན་རང་ཉིད་ལ་ཇི་ལྟར་སྒྲུབ་པ་ལྟར་སེམས་ཅན་གྱི་དུཿཁ་ཐམས་ཅད་བདག་གིས་སྤང་བདེ་བ་ཐམས་ཅད་བདག་གིས་སྒྲུབ་སྙམ་དུ་ཞེ་ཐག་པ་ནས་བསམས་ལ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །ཅེས་
― LT14_Page_178B ―
[མ་དཔེ་གཟིགས་ན་འདིར་གནོན།]
བརྗོད་ཅིང་བློ་བཅོས་མ་མ་ཡིན་པ་སྐྱེས་སྐྱེས་སུ་བསྒོམ་མོ། །གཉིས་པ་ནི། སྤྱོད་འཇུག་ཏུ། གང་ཞིག་བདག་དང་གཞན་རྣམས་ནི། །མྱུར་ཏུ་བསྐྱབ་པར་འདོད་པ་དེས། །བདག་དང་གཞན་དུ་བརྗེ་བྱ་ནི། །གསང་བའི་དམ་པ་སྤྱད་པར་བྱ། །ཞེས་པ་ལྟར་ཏེ་ཚུལ་ཇི་ལྟར་ན། བདག་ཉིད་གཞན་ལ་བཏང་བྱ་དང་། །གཞན་རྣམས་བདག་བཞིན་བཟུང་བར་བྱ། །ཞེས་པ་ལྟར་ཏེ། བདག་ལ་གཅེས་འཛིན་འདོད་པའི་དོན་དུ་སེམས་ཅན་མདུན་དུ་དམིགས་ནས་བདག་བཞིན་དུ་གཅེས་པར་བཟུང་ཞིང་བདག་ལ་གཅེས་འཛིན་གྱི་བློ་དོར་ནས་བདག་གི་རྒྱུད་ལ་སེམས་ཅན་གྱི་རྒྱུད་ཀྱི་དུཿཁ་དང་ལས་ངན་ཐམས་ཅད་སྨིན། བདག་གི་ལུས་ལོངས་སྤྱོད་དགེ་བ་དང་། བདེ་བ་ཐམས་ཅད་སེམས་ཅན་ལ་ལྟོས་མེད་དུ་བཏང་སྙམ་དུ་བསམས་ལ། སེམས་ཅན་ཀུན་གྱི་དུཿཁ་བདག་ལ་སྨིན་པར་གྱུར་ཅིག །བདག་གི་བདེ་བ་དང་དགེ་བ་ཐམས་ཅད་སེམས་ཅན་གྱི་རྒྱུད་ལ་སྨིན་པར་གྱུར་ཅིག་ཅེས་བརྒྱའམ་སྟོང་ལ་སོགས་པ་བགྲང་ཞིང་བློ་བཅོས་མ་མ་ཡིན་པ་སྐྱེས་སྐྱེས་ཀྱི་བར་བསྒོམ་མོ། །གསུམ་པ་ནི། སྤྱོད་འཇུག་ཏུ། འདི་ནི་བདེ་ལས་ཉམས་བྱ་ཞིང་། །བདག་གི་གནོད་དང་རྟག་སྦྱར་བྱ། །ཞེས་པ་ལྟར་བསམས་ཏེ། ཅི་ལྟར་ན་བདག་གི་ལུས་ལོངས་སྤྱོད་དགེ་བ་ཐམས་ཅད་སེམས་ཅན་ལ་རྒྱངས་ཀྱིས་བཏང་བས་སེམས་ཅན་རེ་རེས་ཀྱང་ཡོངས་སུ་རྫོགས་པར་ཐོབ་སྟེ་བདེ་ཞིང་སྐྱིད་པར་བསམ། སེམས་ཅན་གྱི་རྒྱུད་ལ་ཡོད་པའི་གསོད་གཅོད་རྡེག་འཚོག་ཚ་གྲང་། བཀྲེས་སྐོམ། ངལ་དུབ་ལ་སོགས་པའི་མི་འདོད་པ་ཐམས་ཅད་བདག་གི་ཐོག་ཏུ་སྨིན་ནས་ན། འཆི། ཟུག་རྔུ། བཀྲེས་སྐོམ་དཔག་ཏུ་མེད་པས་དུཿཁ་བར་བསམས་ཏེ། གཙོ་བོར་གང་དུཿཁ་བར་མཐོང་བའི་སེམས་ཅན་དེ་ཉིད་ཀྱི་དུཿཁ་གྱིས་ཐོགས་དྲངས་པ་བླང་ངོ་། །བསམ་པ་ད་ལྟ་བུས་རྗེས་ཐོབ་ཏུ་གཞན་གྱི་ཁུར་ཁུར་བ་ལ་སོགས་པ་དགའ་བའི་སྤྱོད་པ་ལ་བསླབ་བོ།། །།གསུམ་པ་ནི། གསང་འདུས་ལས། དངོས་པོ་ཐམས་ཅད་དང་བྲལ་བ། །ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་
― LT14_Page_179A ―
[མ་དཔེ་གཟིགས་ན་འདིར་གནོན།]
རྣམ་སྤངས་པ། །ཆོས་བདག་མེད་པ་མཉམ་ཉིད་པས། །རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ཞེས་པ་ལྟར་བསྒོམ་པ་སྟེ། ཅི་ལྟར་ན་བདག་གཞན་བརྗེ་བའི་ཡུལ་སེམས་ཅན། རྗེ་བ་པོ་བདག་ཉིད། བརྗེ་བའི་བདེ་སྡུག་རྣམས་ཀྱིས་ཐོག་དྲངས་པའི་ཕྱི་ནང་གིས་བསྡུས་པའི་ཆོས་ཐམས་ཅད་རང་གི་སེམས་ཀྱི་སྣང་བ་ཡིན་ཞིང་། དེ་སེམས་སུའང་མ་གྲུབ་སྟེ་སེམས་འདས་པ་འགགས་མ་འོངས་པ་མ་སྐྱེས་ད་ལྟ་བ་སྐད་ཅིག་གཉིས་སུ་མི་གནས་པས་རང་བཞིན་གྱིས་སྟོང་པ་ཡིན་སྙམ་དུ་ཐག་བཅད་དེ། དེའི་ངང་དུ་བློ་གནས་ཚད་དུ་ལྷོད་ཀྱིས་ཀློད་ནས་འཇོག་པའོ། །གཉིས་པ་ཐུན་མོང་མིན་པའི་རྣལ་འབྱོར་པས་ཉམས་སྐྱེ་འགྱུར་ལ་ངེས་ཤེས་སྐྱེས་སྐྱེས་བསྒོམ་པ་ནི། གུར་དུ། དང་པོ་སྤྲིན་གྱི་རྣམ་པ་སྟེ། །གཉིས་པ་དུ་བ་འདྲ་བ་ཡིན། །གསུམ་པ་མེ་ཁྱེར་རྣམ་པ་ཡིན། །བཞི་པ་མར་མེ་ཉེར་འབར་བ། །ལྔ་པ་རྟག་ཏུ་སྣང་བ་སྟེ། །སྤྲིན་མེད་ནམ་མཁའ་འདྲ་བ་ཉིད། །དེ་ནི་ཐམས་ཅད་མཁྱེན་པའི་རྒྱུ། །དངོས་གྲུབ་ཉེ་བར་འགྱུར་བ་ཡིན། །ཞེས་དང་། རྡོ་རྗེའི་ཚིག་རྐང་ལས། སྒོམ་པ་མི་འཆོར་བའི་མཐོང་སྣང་། རྨི་ལམ། ཉམས་གསུམ་གསུམ་ནི་རྣམ་རྟོག་མངོན་དུ་སོང་བ་ལྟར་ཁམས་གསུམ་ཀུན་ཏུ་སྣང་ངོ་། །ཞེས་པ་ལྟར་རྣལ་འབྱོར་པ་རྡོ་རྗེ་ཐེག་པའི་ལམ་ཟབ་མོ་ལ་ཞུགས་ནས་ཉམས་ཀྱི་སྣང་བ་བསམ་གྱིས་མི་ཁྱབ་པ་ཞིག་སྐྱེ་ཡང་། བསྡུ་ན་བཅོ་ལྔར་འདུ་སྟེ། འཇུག་པ་སེལ་བ། ཆགས་པ་གཅོད་པ། བྱང་ཆུབ་ཆེན་པོའི་ལམ་སྟེ་ལམ་གསུམ། ལུས། སེམས། རྨི་ལམ་ཉམས་ཏེ་ཉམས་གསུམ། རླུང་ལོག །མཐོང་སྣང་། རྨི་ལམ་ཉམས་ཀྱི་རྟེན་འབྲེལ་ཏེ་རྟེན་འབྲེལ་གསུམ། རྣམ་རྟོག་སྔོན་སོང་། ཁམས་དགུ་འདུས་པ། ཐིག་ལེ་འབར་ཞིང་བརྟན་པའི་དྲོད་དེ་དྲོད་གསུམ། མཚན་ཉིད་སྣ་ཚོགས། རང་བཞིན་སྟོང་པ། ངོ་བོ་ཟུང་འཇུག་སྟེ་ཏིང་ངེ་འཛིན་གསུམ་སྟེ་དེ་དག་ཏུ་འདུའོ། །བཅོ་ལྔ་པོའང་ཏིང་ངེ་འཛིན་འབའ་
― LT14_Page_179B ―
[མ་དཔེ་གཟིགས་ན་འདིར་གནོན།]
ཞིག་ཏུ་འདུ་ལ། དེ་རྣམས་ཀྱང་རང་གི་ལུས་ཀྱི་རྩ་དང་། རྩ་ཡི་གེ་དང་། ཁམས་བདུད་རྩི་དང་། སྙིང་པོ་ཡེ་ཤེས་རླུང་གི་རྟེན་འབྲེལ་སེམས་ཀྱིས་དབང་བྱས་པ་ལ་བརྟེན་ནས་བྱུང་བ་ཡིན་པས་དེ་རྣམས་ཀྱིས་མཐུན་པའི་རྐྱེན་ལ་དགའ་བ་བྱ་རྒྱུ་ཡང་མེད། མི་མཐུན་པའི་ཕྱོགས་ལ་མི་དགའ་བ་བྱ་རྒྱུ་ཡང་མེད་སྙམ་དུ་སྤྲོས་པ་ཆོད་པར་བྱས་ལ་ཡང་ཡང་བསྒོམ། ལན་ཅིག་ཉམས་སྐྱེས་པའི་ཚེ་འདི་ནི་ལུས་ཉམས་སོ་འདི་ནི་སེམས་ཉམས་སོ་ཞེས་པ་ལ་སོགས་པ་ངོ་ཤེས་པར་བྱས་ལ་བྱུང་རྒྱལ་དུ་བསྐྱང་ངོ་། །གསུམ་པ་དག་པའི་སྣང་བས་དཀྲི་བ་ནི། འོན་ཏེ་ཉམས་སྣང་འདི་ལྟ་བུ་སྣ་ཚོགས་སྐྱེས་པ་ལམ་དུ་བསྲེལ་བ་ལ་ཕན་ཡོན་ཅི་ཡོད་སྙམ་ན། དེ་དག་ལམ་དུ་བསྲེལ་ཏེ་བསྒོམ་པས་ཁམས་འདུས་པ་གསུམ་གྱི་ལམ་ཆོད་དེ་གྲུབ་མཐའ་སྙོགས་ནས་ས་རྣམས་རིམ་གྱིས་བགྲོད་དེ་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་མངོན་དུ་འགྱུར་རོ། །དེ་ཡང་སྐུ་མི་ཟད་པ་ནི་སྐུའི་གསང་བ་བསམ་གྱིས་མི་ཁྱབ་པ་གཙུག་ཏོར་ལྟར་མི་མངོན་པ་སོགས་དང་། སྐུ་ཐམས་ཅད་པ་གང་ལ་ཅི་འདུལ་དེ་ལ་དེའི་རྣམ་པར་སྣང་བ་དང་། གསུང་མི་ཟད་པ་ནི་གསུང་བསམ་གྱིས་མི་ཁྱབ་པ་ཉེ་རིང་མེད་པས་ཐོས་པ་དང་། གསུང་ཐམས་ཅད་པ་གདུལ་བྱ་རང་རང་གི་སྐད་དུ་ཆོས་སྟོན་པ་དུས་གཅིག་ཏུ་ཐམས་ཅད་ཀྱིས་གོ་བ་དང་། ཐུགས་མི་ཟད་པ་ནི་ཐུགས་བསམ་གྱིས་མི་ཁྱབ་པ་ཅི་སྙེད་པ་མཁྱེན་པའོ། །རྒྱན་གྱི་འཁོར་ལོ་ནི་རང་གཞན་གཉིས་ཀ་མཛེས་པར་བྱེད་པའི་མཛད་པ་ཕྲིན་ལས་ཀྱི་འཁོར་ལོ་རྒྱུན་མི་འཆད་པས་སོ། །གདུལ་བྱ་གྲོལ་བར་མཛད་པ་སྟེ་དེ་ལྟ་བུ་ལ་སོགས་པ་སངས་རྒྱས་ལ་ཡོན་ཏན་དཔག་ཏུ་མེད་པ་མངའོ་སྙམ་དུ་བསྒོམ། དེ་ནས་ངས་ཉམས་སུ་བླངས་པས་འབྲས་བུ་འདི་ལྟ་བུ་འཐོབ་པ་ཡིན་སྙམ་དུ་འབྲས་བུ་ལ་སྤྲོ་བ་ཁྱད་པར་ཅན་སྐྱེས་སྐྱེས་སུ་བསྒོམ་མོ། །གཉིས་པ་རྒྱུད་གསུམ་གྱིས་དཀྲི་བ་ལ། རྒྱུ་རྐྱེན་འཁོར་བའི་གནས་ལུགས། ལམ་བསྒོམ་པའི་ཚུལ། འབྲས་བུ་སངས་རྒྱས་ཀྱི་ས་དང་གསུམ་གྱི་དང་པོ་ནི།
― LT14_Page_180A ―
[མ་དཔེ་གཟིགས་ན་འདིར་གནོན།]
མ་དག་པའི་སྣང་བའི་སྐབས་ལྟར་རྒྱས་བསྡུས་ཅི་རིགས་པ་ཞིག་བསྟན་ལ་ཡིད་ཆེས་བསྐྱེད་དོ། །གཉིས་པ་ལ། གཞི་དམ་ཚིག་ལ་གནས་པར་བྱ་བ། གང་ཟག་ཅི་ལྟར་དཀྲི་བའི་ཚུལ། ངེས་ཤེས་ཁྱད་པར་ཅན་བསྐྱེད་ལ་ཏིང་ངེ་འཛིན་ངོ་ཤེས་པར་བྱ་ཞིང་ལམ་གྱི་ས་མཚམས་རྣམ་པར་གཞག་པའོ། །དང་པོ་ནི། ལམ་ཐམས་ཅད་ཀྱི་རྩ་བ་དང་གང་ཟག་འབྲིང་གི་ལམ་གྱི་གཙོ་བོ་དབང་དང་དམ་ཚིག་ལ་གནས་པ་ཡིན་ཏེ་དེ་ལ་གནས་པས་གང་ཟག་ཐམས་ཅད་དཀྲིར་རུང་བས་སོ། །དེས་ན་དམ་ཚིག་ཉམས་ན་དབང་བླང་ཞིང་ཡན་ལག་གི་ཉེས་པ་རྣམས་བཤགས་བསྡམས་ལ་སོགས་པས་དག་པར་བྱས་ནས་དམ་ཚིག་སོར་ཆུད་པར་བྱས་ཏེ་ཚུལ་བཞིན་དུ་སྐྱོང་བྱ་ཡིན་ནོ། །གཉིས་པ་ལ་གསུམ། ལྟ་བས་སྤྲོས་པ་བཅད་པའི་ཕྱིར་ཀུན་གཞི་རྒྱུ་རྒྱུད་ལ་འཁོར་འདས་དབྱེར་མེད་བསྒོམ། ལམ་གྱི་ཉམས་བསྐྱེད་པའི་ཕྱིར་ལུས་ཐབས་རྒྱུད་བསྒོམ། འབྲས་བུ་སྐུ་ལྔ་མངོན་དུ་འགྱུར་ཚུལ་ལོ། །དང་པོ་ལ་ལྷན་ཅིག་སྐྱེས་པའི་ཆོས་གསུམ་གྱི་སྒོ་ནས་འཁོར་འདས་དབྱེར་མེད་ཀྱི་ལྟ་བ་མདོར་བསྟན། ཉམས་སུ་བླང་བའི་གནད་གསུམ་གྱིས་རྒྱས་པར་བཤད། རྒྱུད་གསུམ་གྱི་སྒོ་ནས་ཤིན་ཏུ་རྒྱས་པར་བཤད་པ་དང་གསུམ་གྱི་དང་པོ་ལ་གཉིས་ལས། ལྷན་ཅིག་སྐྱེས་པའི་ཆོས་གསུམ་གྱི་སྒོ་ནས་ཉམས་སུ་བླང་ཚུལ་དངོས་ནི་སྒོམ་པ་གསུམ་གྱི་སྐབས་དང་འདྲ་བར་བླ་མ་ལ་མོས་གུས་ཞག་འགའ་བྱེད་དུ་བཅུག་ལ། དེའི་བར་དུ་ཤེས་པ་ཀློད་ནས་ངོས་འཛིན་དུ་གཞུག །དེ་ནས་ཕྱི་ནང་གིས་བསྡུས་པའི་ཆོས་ཐམས་ཅད་རང་གི་སེམས་སུ་འདུས་ཏེ། སེམས་ལས་མ་གཏོགས་པའི་ཕྱི་རོལ་ན་ཆོས་འགའ་ཡང་མེད་ལ། སེམས་ཀྱང་རང་གི་ངོ་བོ་གྲུབ་ཙམ་ནས་གསལ་བ་མི་འདོར་བས། གསལ་བ་སེམས་ཀྱི་མཚན་ཉིད་དོ་ཞེས་ངོས་བཟུང་། གསལ་བ་དེའང་བརྟགས་ན་རིགས་ཁ་དོག་དབྱིབས་སོགས་གང་དུ་ཡང་མི་རྙེད་དེ། རང་བཞིན་གྱིས་སྟོང་པས་གསལ་བ། བཙལ་བས་མ་རྙེད་པ་ལ་སྟོང་པ་ཅེས་
― LT14_Page_1780B ―
[མ་དཔེ་གཟིགས་ན་འདིར་གནོན།]
བྱ་ལ། དེ་ལྟ་བུའི་གསལ་བའི་དུས་ཉིད་ན་སྟོང་ལ། སྟོང་པའི་དུས་ཉིད་ན་གསལ་བས་གསལ་སྟོང་གཉིས་སོ་སོར་སུས་ཀྱང་དབྱེར་མེད་པ་དེ་ལ་གཉིས་མེད་ཟུང་འཇུག་བརྗོད་བྲལ་བཅོས་མིན་སེམས་ཀྱི་ངོ་བོ་ཅེས་བྱ་སྟེ། ཚུལ་དེ་ལྟར་བློས་ཐག་བཅད་ནས་དེའི་ངང་ལ་མ་ཡེངས་པར་འཇོག་པའོ། །དེའི་ཚེ་རྟོག་པ་འཕྲོ་ན་རྒྱུན་མི་མཐུད་པར་དྲན་འཛིན་གྱི་རྟོག་པ་གང་སྐྱེས་དེའི་ངོ་བོ་གསལ་སྟོང་ཟུང་འཇུག་ཏུ་དྲན་པར་བྱས་ལ་མཉམ་པར་བཞག་གོ །དེ་ལས་དོན་སྤྱི་ཙམ་མ་ཡིན་པར་ཟུང་འཇུག་ཏུ་རང་གི་བློས་ཉམས་སུ་མྱོང་བ་ན་ལྟ་བ་ལ་ཉམས་སུ་མྱོང་བ་ཅེས་བྱ་སྟེ། སྣང་ཕྱོགས་སྟོང་ཕྱོགས་ཟུང་འཇུག་གི་ངོ་བོ་ཉིད་གསུམ་གང་སྐྱེས་ངོས་ཟིན་པར་བྱའོ། །དེ་ནས་གཉིས་པ་ལྷན་ཅིག་སྐྱེས་པའི་ཆོས་ཉི་ཤུ་རྩ་བདུན་གྱི་སྒོ་ནས་ཉམས་སུ་བླང་བ་ནི་དེ་ལྟ་བུའི་ཆོས་གསུམ་པོ་དེ་མ་རྟོགས་པའི་དབང་གིས་འཁོར་བར་འཁྱམས་ཏེ། རང་བཞིན་གསལ་བ་ལ་བདེན་པར་འཁྲུལ་པས་འདོད་ཆགས་དང་། རླུང་ནང་འཇུག །ཡི་གེ་ༀ། རྩ་རྐྱང་མ། ཁམས་ཁུ་བ། ནད་ཁྲག་མཁྲིས། གདོན་མོ་རིགས། རགས་པ་ལུས་སྐྱེ་བ། རང་བཞིན་སྟོང་པ་ལ་འཁྲུལ་ནས་མི་སྟོང་པར་བརྟགས་པས་ཞེ་སྡང་། རླུང་ཕྱིར་འགྲོ། ཡི་གེ་ཧཱུྃ། རྩ་རོ་མ། ཁམས་རཀྟ། ནད་རླུང་། གདོན་ཕོ་རིགས། རགས་པ་དག་སྐྱེ་བ། ཟུང་འཇུག་ལ་འཁྲུལ་ནས་གསལ་སྟོང་ཐ་དད་དུ་བརྟགས་པས་གཏི་མུག་དང་། རླུང་གནས་པ། ཡི་གེ་ཨཱཿ རྩ་དབུ་མ། ཁམས་ཁུ་ཁྲག་འདྲེས་པ། ནད་བད་ཀན། གདོན་ཀླུ་རིགས། རགས་པ་ཐམས་ཅད་ཀྱི་རྩ་བ་སྐྱེད་བྱེད་དུ་གྱུར་པ་ཡིན་པར་འདུག་སྙམ་དུ་སྤྲོས་པ་བཅད་དེ། དེའི་ངང་ལ་མཉམ་པར་གཞག །འཕྲོ་ན། གསལ་བ། མི་སྟོང་བ། གསལ་སྟོང་ཐ་དད་གང་ལ་བདེན་པར་འཛིན་བརྟགས་ལ་སྔར་ལྟར་འཁོར་བའི་ཆོས་འདི་དང་འདིའི་རྩ་བར་འདུག་པས་ཐར་པ་དོན་གཉེར་གྱིས་འདི་ལྟ་བུའི་སྤྲོས་པ་བྱར་མི་རུང་སྙམ་དུ་དྲན་པར་བྱས་ལ་འཕྲོ་བ་བསལ་ཏེ་རྩེ་གཅིག་ཏུ་མཚན་ཉིད་གསུམ་གང་རུང་ལ་མཉམ་པར་བཞག་གོ །
― LT14_Page_181A ―
[མ་དཔེ་གཟིགས་ན་འདིར་གནོན།]
གཉིས་པ་ལ་ཆོས་ཐམས་ཅད་སེམས། སེམས་སྒྱུ་མ། སྒྱུ་མ་རང་བཞིན་མེད་པར་སྒྲུབ་པ་གསུམ་གྱི་དང་པོ་ལ་གཙོ་བོའི་དཔེ་བཞི། ཡན་ལག་གི་དཔེ་བཞིས་སེམས་སུ་སྒྲུབ་པ་གཉིས་ཀྱི་དང་པོ་ལ་བཞི། གཉིད་ཀྱིས་བསླད་པའི་དཔེས་སེམས་སུ་སྒྲུབ་པ་ལ་གསུམ་གྱི་སྦྱོར་བ་སྒོམ་པ་གསུམ་སྔོན་དུ་འགྲོ་བས་དངོས་གཞི་ལ་དཔེ་དྲན་དུ་གཞུག་པ་ནི། རང་གི་རྨི་ལམ་ཤིན་ཏུ་གསལ་བ་ཞིག་ཡིད་ཡུལ་དུ་བྱས་ལ་འདི་ལྟར་བསམ་སྟེ། སྔར་གྱི་རྨི་ལམ་གྱི་སྣང་བ་སྣ་ཚོགས་པ་འདི་དག་ནི་རྨི་བའི་དུས་ན་ཉིན་པར་གྱི་སྣང་བ་འདི་འདྲ་བར། བདེན་པ་ལྟར་སྣང་ཡང་གཉིད་སད་པའི་གནས་སྐབས་ན་རྨི་ལམ་གྱི་དོན་གང་ཡང་མ་གྲུབ་པར་འདུག་པས་ཕྱིའི་དོན་ཡང་མིན་ལ་བདག་ཉིད་ཀྱིས་གསལ་བར་མྱོང་བས་གཏན་མེད་ཀྱང་མིན་པའི་ཕྱིར་སེམས་ཉིད་འཁྲུལ་པའི་དབང་གིས་དེ་ལྟར་སྣང་བའོ་ཞེས་ངེས་ཤེས་སྐྱེད་དོ། །དེ་དང་སྣང་བ་བསྲེ་བ་ནི། རྨི་ལམ་གྱི་སྣང་བ་དེ་དང་ད་ལྟར་གྱི་སྣང་བ་འདི་ལ་ཁྱད་ཅི་ཞིག་ཡོད་ཉམས་སུ་ནི་རྨི་ལམ་ཡང་བདག་གིས་མྱོང་ལ། བདེན་ནི་ད་ལྟར་གྱི་སྣང་བ་འདིའང་མི་བདེན་ཏེ། བདེན་ན་སྣང་ཚུལ་གཅིག་ཏུ་སྣང་དགོས་པ་ལ། སྣང་བ་གཅིག་ཀྱང་རྐྱེན་གྱི་བྱེ་བྲག་གིས་ཡིད་དུ་འོང་མི་འོང་དུ་མར་ཉིན་ཞག་ཕྲུག་གཅིག་ལའང་སྣང་བས་སོ། །ཞེས་ངེས་ཤེས་བསྐྱེད། དེའི་ངང་ལ་བཞག་པ་ནི་ངེས་ཤེས་བསྐྱེད་པ་དེ་ཀའི་ངང་ལ་ཤེས་པ་ཀློད་ནས་འཇོག་ལ། འཕྲོ་བ་ན་འདི་དང་རྨི་ལམ་ན་ཁྱད་པར་ཅི་ཡོད་སྙམ་དུ་དྲན་འཛིན་གྱིས་བཟུང་ལ་མི་རྟོག་པར་བཞག་གོ །རྗེས་ལ་གསུམ་གྱི་བསྔོ་བ་ནི། དགེ་བའི་རྩ་བ་རྒྱ་ཆེན་པོ་དེ་ལ་བརྟེན་ནས་འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག་ཅེས་སྨོན་ལམ་འདེབས་པའོ། །དེ་མ་རྟོགས་པ་ལ་སྙིང་རྗེ་ནི། ཆོས་ཀུན་རྨི་ལམ་ལྟར་མ་རྟོགས་པའི་སེམས་ཅན་བདག་དང་བདག་གིར་འཛིན་པ་དམ་པོས་བཅིངས་ནས་འཁོར་བར་རང་གིས་སྡུག་བསྔལ་བར་བྱེད་པ་འདི་དག་སྙིང་རེ་རྗེ་ན་སྙམ་དུ་བསྒོམ་པའོ། །དཔེ་དོན་རྟག་ཏུ་དྲན་པར་བྱ་བ་ནི།
― LT14_Page_181B ―
[མ་དཔེ་གཟིགས་ན་འདིར་གནོན།]
ཉིན་པར་གནས་གྲོགས་ལོངས་སྤྱོད་ལ་སོགས་གང་དང་གང་སྣང་བ་ཙམ་ཉིད་ན་རྨི་ལམ་གྱི་སྣང་བ་ཡིན་སྙམ་དུ་རྒྱུན་མ་ཆད་པར་བྱེད་པའོ། །དེ་ལྟར་སྦྱོར་དངོས་རྗེས་དགུའི་སྒོ་ནས་དཔེ་དང་པོ་ལ་ངེས་ཤེས་སྐྱེས་སྐྱེས་བསྒོམ་གྱི། ཡུན་རིང་དུ་འགོར་ཡང་དཔེ་དང་པོ་ལ་ངེས་ཤེས་མ་སྐྱེས་པར་གཉིས་པ་མན་ཆད་ཀྱི་དམིགས་པ་མི་སྤོའོ། །སྦྱོར་དངོས་རྗེས་ཀྱི་ཆོས་དགུ་པོ་འདི་དག་འོག་མ་རྣམས་ལའང་སྦྱར་ཞིང་ཉམས་སུ་བླང་ངོ་། །འདིར་དཔེའི་ངོ་བོ་རྣམས་རིམ་པ་བཞིན་བསྟན་ན། གཉིས་པ་རྫས་ཀྱིས་བསླད་པས་སེམས་སུ་བསྒྲུབ་པ་ནི་ཆང་གིས་བཟི་བ་ན་གང་ལའང་འཇིགས་པ་མེད་པའམ། དགའ་བ་དང་གདུང་བའི་རྒྱུར་སྣང་བ་ལྟ་བུ་དང་། གསུམ་པ་ནད་ཀྱིས་ནི་མིག་སེར་གྱི་ནད་ཀྱི་དབང་གིས་སྣང་བ་སེར་པོ་དང་། བདག་ཉིད་དུ་མར་སྣང་བ་དང་། བཞི་པ་གདོན་གྱིས་ནི། བདག་ཉིད་འདྲེས་མནན་པའམ། གཞན་གདོན་གྱིས་ཟིན་པ་ན་མེད་བཞིན་དུ་འཇིགས་པ་སྣ་ཚོགས་གསལ་བ་ལྟ་བུའོ།། །།གཉིས་པ་ཡན་ལག་ལ་བཞི་ལས་མིག་ཡོར་ནི། མིག་བཙིར་བ་ན་ཀ་བུམ་སོགས་ཀྱི་དངོས་པོ་གཅིག་ཉིད་གཉིས་སུ་མཐོང་བ་དེ། མིག་གང་རུང་ཅིག་བཙུམ་པ་ན་མེད་པར་འགྱུར་བས་ཕྱི་རོལ་ན་མེད་ཅིང་། བདག་ཉིད་ཀྱིས་མཐོང་བས་གཏན་མེད་ཀྱང་མིན་པའི་ཕྱིར། རང་གི་སེམས་ཉིད་འཁྲུལ་པའི་དབང་གིས་དེར་སྣང་བའོ། །གཉིས་པ་རབ་རིབ་ནི། མིག་གི་དབང་པོ་རབ་རིབ་ཀྱིས་ཟིན་པས་ནམ་མཁའ་ལ་བལྟས་པའི་ཚེ་སྐྲ་ཤད་དམ་སྦྲང་བུའི་ཚོགས་མེད་བཞིན་དུ་མཐོང་བ་ལྟ་བུ་དང་། གསུམ་པ་མགལ་མེ་ནི། ཤིང་བུ་ཕྲ་མོའི་རྩེ་ལ་མེ་སྦར་ཏེ་མྱུར་ཏུ་བསྐོར་བ་ན་འཁོར་ལོ་ལྟར་སྣང་ཡང་། མེ་དེ་ཕྱོགས་གཅིག་ན་ཡོད་པའི་ཚེ་ཕྱོགས་གཞན་ན་མེད་པ་ལྟ་བུའོ། །བཞི་པ་མྱུར་ཏུ་འཁོར་བ་ནི། ལག་པ་བརྐྱངས་ཏེ་ལུས་ཕྱོགས་ཀུན་ཏུ་བསྐོར་བས་ས་ནམ་མཁའ་དང་། ནམ་མཁའ་སར་འགྲོ་བ་སོགས་སུ་སྣང་བ་ལྟ་བུའོ། །དེ་དག་ལ་བརྟེན་ནས་ཕྱི་
― LT14_Page_182A ―
[མ་དཔེ་གཟིགས་ན་འདིར་གནོན།]
རོལ་གྱི་སྣང་བ་འདི་ཕྱྭའམ་དབང་ཕྱུག་གམ་རྡུལ་ཕྲན་ལ་སོགས་པས་བྱས་པ་མིན་གྱི། རང་གི་སེམས་ཀྱི་རྣམ་འཕྲུལ་ལོ། །ཞེས་སྤྲོས་པ་གཅོད་པའོ། །དེ་དག་ཀྱང་གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་གང་ཟག་མེད། །རྣམ་པར་ཤེས་པའི་གནས་དོན་ནམ། །ཕྱི་རོལ་གྱུར་པ་ཅུང་ཟད་མེད། །ཅེས་དང་། ལང་ཀར་གཤེགས་པ་ལས། བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །དོན་ཡོད་མ་ཡིན་སེམས་དེ་ཉིད། །ཕྱི་རོལ་དོན་མཐོང་ལོག་པ་ཡིན། །ཞེས་དང་། ཚིག་རྐང་ལས། ཆོས་རྣམས་སེམས་ཉིད་སྣང་བ་ཅེས་པའི་དོན་ཏོ། །གཉིས་པ་སེམས་སྒྱུ་མར་སྒྲུབ་པ་ལ་གཉིས་ལས། གཙོ་བོའི་དཔེ་བཞི་ལས་སྒྱུ་མ་བདེན་ནམ་སྙམ་ན་མ་ཡིན་གྱིས། དཔེར་ན་སྒྱུ་མའི་རྫས་གྱོ་མོ་དང་སྤྲེ་མཇུག་ལ་སོགས་པ་ལ་སྔགས་ཀྱིས་བཏབ་པ་ལས། མེད་བཞིན་དུ་རྟ་གླང་དང་ཁང་ཁྱིམ་ལ་སོགས་པ་དུ་མར་སྣང་བ་བཞིན་དུ། སེམས་ཉིད་སྣ་ཚོགས་སུ་འཁྲུལ་པའི་བག་ཆགས་ཀྱི་རྒྱུ་ལས། ད་ལྟར་རང་གི་སེམས་ཉིད་སྣ་ཚོགས་སུ་སྣང་བར་སྐྱེའི། བག་ཆགས་མེད་ན་མི་སྐྱེ་བས་དོན་དམ་དུ་གྲུབ་ཅིང་རང་དབང་ཅན་དུ་འབྱུང་བ་འགའ་ཡང་མེད་དོ། །གཉིས་པ་སྨིག་རྒྱུ་ནི་སའི་རླངས་པ་རླུང་གིས་བཏབ་པ་ཐག་རིང་པོ་ནས་ལུང་པ་ཆུས་གང་བར་མཐོང་བའོ། །གསུམ་པ་ཆུ་ཟླ་ནི། ནམ་མཁའ་སྤྲིན་གྱིས་མ་བསྒྲིབས་པ། ཟླ་བའི་དཀྱིལ་འཁོར་ཤར་བ་དང་། ཆུ་དྭངས་པའི་རྐྱེན་གསུམ་ཚོགས་པ་ན་ཆུ་ནང་དུ་ཟླ་བའི་གཟུགས་བརྙན་སྣང་ལ་མ་ཚོགས་ན་མི་སྣང་བའོ། །བཞི་པ་གློག་ནི་བར་སྣང་གི་ཆུ་བུར་དང་རླུང་གི་རྐྱེན་ཚོགས་པ་ན་ཤིན་ཏུ་གསལ་བའི་འོད་ཟེར་འཁྱུག་པར་སྣང་བའོ། །གཉིས་པ་ཡན་ལག་གི་དཔེ་བཞི་ལས་འཕྲོག་པའི་ཟླ་བ་ནི། ཤར་ལྷོ་ཧ་རི་ཀེལླ་ན་མཚན་མོ་ཆར་བབ་པའི་ནང་པར་སྤྲིན་དེངས་ན་རྒྱ་མཚོའི་ནང་དུ་གྲོང་ཁྱེར་གྱི་དངོས་པོ་མེད་བཞིན་དུ་སྣང་བའམ། ཡང་ན་རྒྱལ་པོ་སེང་གེ་ཟླ་བའི་གྲོང་
― LT14_Page_182B ―
[མ་དཔེ་གཟིགས་ན་འདིར་གནོན།]
ཁྱེར་གྱི་ལོགས་ཤིན་ཏུ་དྭངས་པར་ཡོད་པ་ལ་ཁང་ཁྱིམ་མི་དང་རྟ་གླང་ལ་སོགས་པའི་གཟུགས་བརྙན་ཤར་བ་ཡིན་ནམ་སྙམ་པའོ། །གཉིས་པ་དྲི་བའི་གྲོང་ཁྱེར་ནི། ཡུལ་གྱི་ཁྱད་པར་དང་སྤྲིན་ཉེ་བའི་རྒྱུད་ལས་གྲོང་དུ་སྣང་བའོ། །གསུམ་པ་སྤྲིན་ནི། མཁའ་ལ་སྤྲིན་ཕུང་སྣང་བ་དེ་དང་པོ་སྐྱེ་བ་ན་གང་ནས་འོང་བ་དང་། དེངས་པ་ན་གང་དུ་སོང་བའི་ས་མི་རྙེད་ཀྱང་སའི་རླངས་ནམ་མཁར་ཆགས་པའི་རྒྱུ་ལས་སྣང་བའོ། །བཞི་པ་འཇའ་ཚོན་ནི། ཉི་ཟེར་དང་སྤྲིན་གྱི་གྲིབ་མ་ཚོགས་པ་ལས་ཁ་དོག་སྣ་ཚོགས་སུ་ཐག་རིང་པོ་ནས་སྣང་ལ་དྲུང་དུ་ཕྱིན་ན་གང་ཡང་མི་སྣང་བའོ། །དེ་དག་གིས་ནི་སེམས་རང་ལའང་བདེན་པའི་རང་བཞིན་མེད་དེ་སེམས་ཉིད་ཀྱི་འགྱུར་བ་སྣ་ཚོགས་ཀྱི་སྟོབས་ཀྱིས་རྒྱུ་རྐྱེན་སྣ་ཚོགས་ལ་བརྟེན་ནས་འབྲས་བུ་སྣ་ཚོགས་སྐྱེ་བས་སོ་ཞེས་སྤྲོས་པ་གཅོད་པ་སྟེ། བརྟག་གཉིས་ལས། རང་བཞིན་གདོད་ནས་མ་སྐྱེས་པ། །བདེན་མིན་རྫུན་མིན་དེ་བཞིན་དུ། །ཐམས་ཅད་ཆུ་ཡི་ཟླ་བ་ལྟར། །འདོད་པས་རྣལ་འབྱོར་མས་ཤེས་གྱིས། །ཞེས་དང་། སམྦུ་ཊིར། དྲི་ཟའི་གྲོང་ཁྱེར་ལྟ་བུ་དང་། །སྒྱུ་མ་སྨིག་རྒྱུ་འདྲ་བ་དང་། །འཕྲོག་པ་ཟླ་བའི་གྲོགས་མཚུངས་དང་། །རྨི་ལམ་རྩེ་བ་ལྟ་བུར་བལྟ། །ཞེས་དང་། ཡུམ་ལས་གཟུགས་ནས་རྣམ་མཁྱེན་གྱི་བར་སྒྱུ་མ་ལྟ་བུར་གསུངས་པ་དང་། སློབ་དཔོན་གྱིས་གཟུགས་བརྙན་ཡིན་ཕྱིར་ཞེས་པའི་དོན་ཏོ། །གསུམ་པ་སྒྱུ་མ་རང་བཞིན་མེད་པར་སྒྲུབ་པ་ལ། སྣང་བ་རྟེན་འབྲེལ་དང་། རྟེན་འབྲེལ་བརྗོད་བྲལ་དུ་སྒྲུབ་པ་གཉིས་ཀྱི་དང་པོ་ལ། །གཉིས་ཀྱི་གཙོ་བོའི་དཔེ་བཞི་ལས། ཁ་ཏོན་ནི། རྒྱུ་རྐྱེན་ཚོགས་པ་ལས་བྱུང་བར་བདེན་ནམ་སྙམ་ན་མ་ཡིན་ཏེ། བླ་མའི་ཁ་ཏོན་ལས་སློབ་མའི་ཁ་ཏོན་བྱུང་བའི་ཚེ་བླ་མའི་ཁ་ཏོན་ལ་མ་བརྟེན་པར་ཡང་སློབ་མའི་ཁ་བཏོན་མི་འབྱུང་ལ། སློབ་མར་འཕོས་པ་ལ་མ་ཡིན་པ་བཞིན་དུ་བརྗོད་པ་སྔ་
― LT14_Page_183A ―
[མ་དཔེ་གཟིགས་ན་འདིར་གནོན།]
ཕྱི་དང་། སྐྱེ་འཆི་དང་། སྐད་ཅིག་གོང་འོག་གི་གནས་སྐབས་ཀུན་ཏུ་སྔ་མ་སྔ་མ་ལ་མ་བརྟེན་པར་ཕྱི་མ་ཕྱི་མ་མི་འབྱུང་བས་འགག་པ་མེད་པ་ཞེས་བྱ་ལ། སྔ་མ་ཕྱི་མར་འཕོས་པ་མེད་པས་སྐྱེ་བ་མེད་པ་སྟེ། དེས་ན་དབུས་སུ་གནས་པ་མེད་པས་སྐྱེ་འཇིག་འགྲོ་འོང་མཐའ་དབུས་མེད་པའི་ཕྱིར་སྒྲོ་སྐུར་གྱི་མཐའ་ལས་གྲོལ་བའོ། །ཞེས་ངེས་ཤེས་བསྐྱེད་དོ། །གཉིས་པ་མར་མེ་ནི། སྡོང་བུ་རླན་དང་བྲལ་བ་དང་། འབྲུ་མར་དང་། མེའི་རྐྱེན་ཚོགས་པ་ལས་སྣང་བའོ། །གསུམ་པ་མེ་ལོང་ནི། མེ་ལོང་གཡའ་ཡོངས་སུ་དག་པ་བྱད་བཞིན་གྱི་གཟུགས་དང་འཕྲད་པ་ལས་མེ་ལོང་གི་ནང་དུ་གཟུགས་བརྙན་འཆར་བའོ། །བཞི་པ་རྒྱ་ནི། ར་ལ་སོགས་པ་ལ་བྱས་པའི་རྒྱ། ལ་ཆའམ་འཇིམ་པ་ལ་བཏབ་པས་རྒྱའི་ནང་གི་རི་མོ་དང་འདྲ་བའི་གཟུགས་བརྙན་འབྱུང་བའོ། །གཉིས་པ་ཡན་ལག་གི་དཔེ་ལ་བཞི་ལས། མེ་ཤེལ་ནི། སྒྲིབ་བྱེད་སྤྲིན་དང་བྲལ་བ། མེ་ཤེལ་ཤིན་ཏུ་དྭངས་པ། ཉི་མའི་འོད་ཟེར་ཤིན་ཏུ་གསལ་བ་གསུམ་འཚོགས་པ་ན་སྤྲ་བ་རླན་མེད་པ་ལས་མེ་མྱུར་ཏུ་སྐྱེ་བའོ། །གཉིས་པ་ས་བོན་ནི། སཱ་ལུ་ལྗང་པའི་མདོའ་ཡང་དོན་ཏེ། ཞིང་ས་གཤིན་པ་རྐྱེན་ནམ་ཟླ་དྲོད་གཤེར་འཛོམ་པ་ས་བོན་སྐྱོན་མེད་པ་གསུམ་འཚོགས་པས་མྱུ་གུ་སྡོང་པོ་སྙེ་མ་ནས་ཀྱི་བར་དུ་སྐྱེ་བའོ། །གསུམ་པ་སྐྱུར་ནི། ཤིང་ཐོག་སྐྱུར་པོ་འགའ་ཞིག་རང་གིས་ཟོས་པའི་བག་ཆགས་རྒྱུད་ལ་ཡོད་པ་ཕ་རོལ་པོས་རང་གིས་ཟོས་པ་དེའི་རིགས་ཅན་གྱི་ཤིང་ཐོག་སྐྱུར་པོ་ཟ་བ་མཐོང་བས་སད་པར་བྱས་པ་ན་བདག་འགྲམ་ཆུ་ལྡང་ཞིང་ཁར་ཆུ་འབྱུང་བའོ། །བཞི་པ་བྲག་ཆ་ནི། ཁང་པའམ་བྲག་དཔང་མཐོན་པོའི་དྲུང་དུ་སྐད་གསལ་པོ་གཅིག་བརྗོད་པ་ལས། དེ་དང་འདྲ་བའི་སྒྲ་གྲགས་པར་འགྱུར་བའོ། །དེ་ཐམས་ཅད་ཀྱང་རང་རང་གི་རྒྱུ་ལ་མ་བརྟེན་པར་མི་འབྱུང་བས་འགགས་མེད། རྒྱུ་སྔ་མ་སྔ་མ་འབྲས་བུ་
― LT14_Page_183B ―
[མ་དཔེ་གཟིགས་ན་འདིར་གནོན།]
ཕྱི་མ་ཕྱི་མར་འཕོས་པ་མིན་པས་སྐྱེ་མེད་དོ་ཅེས་སྔ་མ་བདུན་པོ་ཀུན་ལ་སྦྱར་རོ། །དེ་དག་ནི་སྒྱུ་མ་ཞེས་བྱ་བའི་རྒྱུ་རྐྱེན་བདེན་པར་གྲུབ་པ་གཅིག་ཀྱང་མེད་ལ། རྒྱུ་འབྲས་བུར་འོངས་པའང་མེད་ཅིང་། རྒྱུ་ལ་མ་བརྟེན་པར་འབྲས་བུ་འབྱུང་བའང་མེད་པས་འགྲོ་འོང་སྐྱེ་འགག་མེད་པའོ་ཞེས་སྒྲུབ་པའི་དོན་ཏེ། བརྟག་གཉིས་ལས། འདི་ལྟ་སྟེ། གཙུབས་ཤིང་དང་གཙུབས་སྟན་དང་། སྐྱེས་བུའི་ལག་པའི་རྩོལ་བ་ལས་མེ་སྐྱེ་བར་འགྱུར་རོ། །མེ་འདི་གཙུབས་ཤིང་ལ་ཡང་མི་གནས། གཙུབས་སྟན་ལ་ཡང་མ་ཡིན་སྐྱེས་བུའི་ལག་པ་དག་ལ་ཡང་མ་ཡིན་ཏེ། རྣམ་པ་ཐམས་ཅད་དུ་ཡོངས་སུ་བཙལ་ན་གཅིག་ན་ཡང་ཡོད་པ་མ་ཡིན་པས། མེ་དེ་ཡང་བདེན་པ་ཡང་མ་ཡིན་རྫུན་པ་ཡང་མ་ཡིན་ནོ། །དེ་ལྟར་ཆོས་ཐམས་ཅད་རྣལ་འབྱོར་མས་ཡིད་ལ་གྱིས་ཤིག་ཅེས་དང་། །སཱ་ལུ་ལྗང་པའི་མདོ་ལས། ཆུ་ཟླའི་གཟུགས་བརྙན་ཇི་བཞིན་པ། །དེ་བཞིན་འདི་ནས་འཆི་འཕོ་བ། །འགའ་མེད་འགྲོ་བར་སྐྱེ་བར་སྣང་། །ཞེས་དང་། འཕགས་པ་ཀླུ་སྒྲུབ་ཀྱིས། །ཁ་ཏོན་མར་མེ་མེ་ལོང་རྒྱ། །མེ་ཤེལ་ས་བོན་སྐྱུར་དང་སྒྲས། །ཕུང་པོ་ཉིང་མཚམས་སྦྱོར་བ་དག །མི་འཕོ་བར་ཡང་མཁས་རྟོགས་བྱ། །ཞེས་དང་། སློབ་དཔོན་གྱིས་ཕྱི་ནང་རྟེན་ཅིང་འབྲེལ་བར་འབྱུང་བའི་ལམ་གྱིས་ཞེས་པའི་དོན་ཏོ། །གཉིས་པ་བརྗོད་བྲལ་དུ་བསྒྲུབ་པ་ལ་གཉིས་ཀྱི་རྩ་བའི་དཔེ་ལ་བཞིའི་གཞོན་ནུའི་རྒོད་པ་ནི། བུ་ཆུང་སྨྲ་མི་ཤེས་པར་རྒོད་པའི་ཚེ། རྒོད་པའི་རྒྱུ་མཚན་ཅིག་ཡོད་ཀྱང་དེའི་རང་བཞིན་སྨྲ་མི་ཤེས་པའོ། །གཉིས་པ་ལྐུགས་པའི་རྨི་ལམ་ནི། ལྐུགས་པ་ལ་རྨི་ལམ་བྱུང་ཡང་འདི་ལྟ་བུ་ཞེས་སྨྲ་མི་ཤེས་པའོ། །གསུམ་པ་གནད་ལ་ཕྲུགས་པ་ནི་མཆན་ཁུང་ལ་སོགས་པ་གཡའི་གནས་འགའ་ཞིག་ཏུ་གཞན་གྱིས་ཕྲུགས་པ་ན་གཡའ་བ་དེ་ཉམས་སུ་མྱོང་ཡང་འདིའོ་ཞེས་སྨྲ་མི་ཤེས་པའོ། །བཞི་པ་དབང་པོའི་བདེ་བ་ནི། འཁྲིག་པའི་བདེ་བ་མྱོང་ཡང་
― LT14_Page_184A ―
[མ་དཔེ་གཟིགས་ན་འདིར་གནོན།]
སྨྲ་མི་ཤེས་པའོ། །གཉིས་པ་ཡན་ལག་གི་དཔེ་ལ་བཞིའི་གསུམ་པའི་ཡེ་ཤེས་ནི། དབང་གསུམ་པའི་དུས་སུ་མྱོང་བའི་ཡེ་ཤེས་སོ། །གཉིས་པ་གསང་བའི་སྙོམས་འཇུག་ནི། འོག་དཀྱིལ་འཁོར་འཁོར་ལོའ་སྐབས་སུ་འཆད་པ་ལྟར་ལག་པའི་ཕྱག་རྒྱ་ལ་བརྟེན་པའི་ཡེ་ཤེས་སོ། །གསུམ་པ་ལོངས་སྤྱོད་ཀྱི་རླབས་ནི། མགྲིན་པ་ནས་རྩ་གསུམ་རྒྱུ་བའི་ཐིག་ལེ་དང་ཁྲག་རྒྱུ་བའི་སྲང་བོར་ནས་རླུང་རྒྱུ་བའི་སྲང་མནན་པ་ལས་སྐྱེས་པའི་ཡེ་ཤེས་སོ། །བཞི་པ་དཀྱིལ་འཁོར་འཁོར་ལོ་ནི། འོག་ལྟར་དངོས་སམ་ཡེ་ཤེས་ཀྱི་ཕྱག་རྒྱ་ལ་བརྟེན་ནས་སྐྱེས་པའི་ཡེ་ཤེས་ཏེ། དེ་དག་ཉམས་སུ་མྱོང་ཡང་འདིའོ་ཞེས་བརྗོད་པར་མི་ནུས་པ་བཞིན་དུ། ཆོས་ཐམས་ཅད་ཟུང་འཇུག་གམ་རང་བཞིན་མེད་བཞིན་དུ་རྒྱུ་རྐྱེན་འཚོགས་པའི་རྟེན་འབྲེལ་ལས་བྱུང་བར་ངེས་ཤེས་སྐྱེས་ཀྱང་འདིའོ་ཞེས་བརྗོད་མི་ཤེས་པས་བརྗོད་བྲལ་དུ་འདུག་སྙམ་དུ་ངེས་ཤེས་བསྐྱེད་ལ་མཉམ་པར་བཞག་གོ །དེ་དག་ཀྱང་བརྟག་གཉིས་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །ཅེས་དང་། མདོ་བདེན་གཉིས་བསྟན་པར། ལྷའི་བུ་དོན་དམ་པའི་བདེན་པ་ནི་ཐ་སྙད་ཐམས་ཅད་ལས་ཤིན་ཏུ་འདས་པ་སྟེ། བྱེ་བྲག་མེད་པ། མ་སྐྱེས་པ་མ་འགགས་པ་བརྗོད་པར་བྱ་བ་དང་རྗོད་པར་བྱེད་པ་དང་། ཤེས་པ་དང་ཤེས་བྱ་དང་བྲལ་བའོ་ཞེས་དང་། ཏོག་ཙེ་བས། གཉིས་སུ་མེད་པ་མིང་ཙམ་སྟེ། །དེ་ལ་མིང་ནི་ཡོད་མ་ཡིན། །གཉིས་མེད་མིང་དུ་བཟུང་བ་ལ། །བདག་ལ་རྣལ་འབྱོར་པས་བཟོད་མཛོད། །ཅེས་དང་། རྡོ་རྗེའི་ཚིག་རྐང་ལས། དེ་ཁོ་ན་ཉིད་མཚོའི་དོན་དང་མ་བྲལ་བ་ཞེས་སོ། །དེ་དག་གིས་ནི་ཚུལ་བཞི། དཔེ་སུམ་ཅུ་རྩ་གཉིས་ཀྱིས་གཏན་ལ་ཕབ་ནས། ཡང་གསལ་བར་འདོད་པས་དཔེའི་གཙོ་བོ་བཞི་བཏུས་ལ། དེ་རེ་རེའང་ཆོས་བཞི་བཞིས་གཏན་ལ་ཕབ་པའི་ཚུལ་གྱིས་
― LT14_Page_184B ―
[མ་དཔེ་གཟིགས་ན་འདིར་གནོན།]
ཉམས་སུ་བླང་ན། སེམས་སུ་བསྒྲུབ་པའི་དཔེའི་ནང་ནས་རྨི་ལམ་གྱི་དཔེས་ཆོས་བཞི་གཏན་ལ་དབབ་པ་ནི། རྨི་ལམ་གང་གསལ་བ་ཅིག་དྲན་དུ་བཅུག་ལ། དེ་ཉིད་ནི་སེམས་ལས་མ་གཏོགས་པ་ཕྱི་རོལ་ཏུ་གྲུབ་པ་མེད་པས་སེམས། དེ་ཉིན་མོའི་རྟོག་པ་སྣ་ཚོགས་ཀྱི་རྒྱུ་ལས་བྱུང་བས་སྒྱུ་མ་རྨི་ལམ་དང་། གཉིད་སད་པའི་གནས་སྐབས་སུ་སྔ་མ་ལ་མ་བརྟེན་པར་ཕྱི་མ་མི་འབྱུང་ལ། སྔ་མ་ཕྱི་མར་མ་འཕོས་པས་འགྲོ་འོང་མེད་པའི་ཕྱིར་རྟེན་འབྲེལ། དེ་དག་འགལ་བ་ལྟར་མྱོང་ཞིང་མྱོང་ཡང་འདི་ལྟ་བུ་ཞེས་བརྗོད་དུ་མི་བཏུབ་པས་བརྗོད་བྲལ་ལོ། །དེ་བཞིན་དུ་སྒྱུ་མའི་དཔེའི་ནང་ནས་ཆུ་ཟླ་དང་། རྟེན་འབྲེལ་གྱི་དཔེའི་ནང་ནས་ས་བོན་དང་། བརྗོད་བྲལ་གྱི་དཔེའི་ནང་ནས་གནད་ལ་ཕྲུགས་པའི་བདེ་བ་དྲན་དུ་བཅུག་ལ། དེ་རེ་རེའང་། སེམས། སྒྱུ་མ། རྟེན་འབྲེལ། བརྗོད་བྲལ་དུ་གཏན་ལ་ཕབ་ལ་ངེས་ཤེས་སྐྱེད་དེ། དེ་དང་སྣང་བ་བསྲེ་བ་སོགས་སྔར་བཞིན་སྦྱར་ཞིང་ཉམས་སུ་བླང་ངོ་། །དཔེའི་གཙོ་བོ་གཅིག་ཏུ་བཏུས་པ་ལའང་ངེས་ཤེས་བསྐྱེད་པ་ནི། ལོངས་སྤྱོད་ཀྱི་རླབས་ལ་བརྟེན་ནས་ལྷན་སྐྱེས་ཀྱི་ཡེ་ཤེས་བསྐྱེད་ལ་དེ་ཉིད་སེམས་སོགས་བཞིར་གཏན་ལ་ཕབ་པ་ལ་སོགས་པ་སྔར་ལྟར་ཉམས་སུ་བླང་ངོ་། །དེ་ལྟར་སྣང་བ་སེམས་སུ་བསྒོམས་པས་ཕྱི་རོལ་ཏུ་ཞེན་པའི་བློ་ལྡོག །སེམས་སྒྱུ་མར་བསྒོམ་པས་སེམས་སུ་བདེན་འཛིན་གྱི་བློ་ལྡོག །སྒྱུ་མ་རྟེན་འབྲེལ་དུ་བསྒོམས་པས་འགྲོ་འོང་རྟག་ཆད་དུ་འཛིན་པའི་བློ་ལྡོག །རྟེན་འབྲེལ་བརྗོད་བྲལ་དུ་བསྒོམས་པས་སེམས་ཉིད་ཀྱང་ནམ་མཁའ་ལྟར་མཐའ་དང་བྲལ་བར་ཁོང་དུ་ཆུད་དོ། །གསུམ་པ་རྒྱུད་གསུམ་གྱི་སྒོ་ནས་རྒྱས་པར་བཤད་པ་ལ་ཀུན་གཞི་རྒྱུ་རྒྱུད། །ལུས་ཐབས་རྒྱུད། ཕྱག་རྒྱ་ཆེན་པོ་འབྲས་བུའི་རྒྱུད་ཀྱི་ཁྲིད་དོ། །དང་པོ་ནི། དེ་ལྟར་བརྟེན་ངལ་བཞི་ལ་མེ་ཏོག་དང་མེ་ཏོག་གི་དྲིའི་ཚུལ་གྱིས་བརྟེན་པའི་སེམས་ཀུན་གཞི་འདི་ཉིད་ལ་འཁོར་འདས་རྒྱུ་ལམ་འབྲས་བུས་བསྡུས་པའི་ཆོས་ཐམས་ཅད་བག་ཆགས་
― LT14_Page_185A ―
[མ་དཔེ་གཟིགས་ན་འདིར་གནོན།]
སམ་ས་བོན་གྱི་ཚུལ་དུ་ཚང་ལ། དེའང་། སད་བྱེད་ཀྱི་རྐྱེན་དང་འཕྲད་པས་མཚན་ཉིད་སྣ་ཚོགས་སུ་སྣང་ཡང་། སྣང་བ་ལྟར་བདེན་པར་མ་གྲུབ་པས་རང་བཞིན་སྟོང་པ། སྟོང་བཞིན་དུ་སྣང་། སྣང་བཞིན་དུ་སྟོང་པས་རང་བཞིན་ཟུང་དུ་འཇུག་པའོ་ཞེས་ངེས་ཤེས་བསྐྱེད་དེའི་ངང་ལ་རྩེ་གཅིག་ཏུ་བཞག་གོ །དེ་དག་ཀྱང་བརྟག་གཉིས་སུ། འདི་ཉིད་འཁོར་བ་ཞེས་བྱ་སྟེ། །འདི་ཉིད་མྱ་ངན་འདས་པ་ཉིད། །ཅེས་དང་། ཀླུ་སྒྲུབ་ཀྱིས། འཁོར་བ་སྤངས་བར་གྱུར་པ་ཡི། །མྱ་ངན་འདས་ཁྱེད་མི་བཞེད་ཀྱིས། །འཁོར་བ་མི་དམིགས་པ་ཉིད་ནི། །ཞི་ཉིད་མགོན་པོ་ཁྱོད་ཀྱིས་བསྟན། །ཞེས་དང་། རྡོ་རྗེའི་ཚིག་རྐང་ལས། ཀུན་གཞི་རྒྱུ་རྒྱུད་ལ་འཁོར་འདས་ཚང་། ཞེས་སོ། །གཉིས་པ་ལ། དབང་། ལམ། ཉམས་ལ་ངེས་ཤེས་བསྐྱེད་པའོ། །དང་པོ་ལ་གསུམ་ལས། དལ་ལ་འཁོར་འདས་བསྲེ་བ་ནི། བུམ་དབང་རྒྱ་ཆེ་བའི་དབང་དུ་བྱས་ན། སངས་རྒྱས་ཀྱིས་ཕུང་པོ་ལྔ། རིག་མས་འབྱུང་བ་ལྔ། བྱང་སེམས་ཀྱིས་ནང་གི་སྐྱེ་མཆེད། ལྷ་མོས་ཕྱིའི་སྐྱེ་མཆེད། ཁྲོ་བོ་ཁྲོ་མོས་ཚིགས་ཆེན་བརྒྱད། །སྤྱི་བོ་དང་རྐང་གཉིས་ཏེ་བཅུ་སྦྱོང་ལ། དེ་དག་ཀྱང་སྦྱང་གཞི་འཁོར་བ། སྦྱོང་བྱེད་མྱ་ངན་ལས་འདས་པ་སྟེ། སྦྱང་གཞི་རྣམས་སྦྱོང་བྱེད་དེ་དང་དེའི་ངོ་བོར་གསལ་བཏབ་ནས་བསྒོམས་པས་འཁོར་འདས་དབྱེར་མེད་དོ། །མཆོག་དབང་ཟབ་པའི་དབང་དུ་བྱས་ན་ཡི་གེ་བྷ་གའི་དལ་ལ། སྙིང་གའི་བུ་ཨཱཾ་ཛྲཱིཾ་ཁཱཾ་ཧཱུྃ་སངས་རྒྱས་ནི། ལཱཾ་མཱཾ་ཨཱཾ་ཏཱཾ་ཡུམ་བཞིའི། པུ་ཛ་ལ་སོགས་པའི་ཡི་གེ་ཡུལ་ཉི་ཤུ་རྩ་བཞི་དང་། ཨཱ་ལི་ཀཱ་ལི་ལྔ་བཅུ་བྱང་སེམས་ལྷ་མོ། ཚིག་བརྒྱད་རྐང་མཐིལ་སྤྱི་བོ་རྣམས་ན་ཧཱུྃ་བཅུ་གནས་པ་ཁྲོ་བོ་ཁྲོ་མོའོ། །བྱང་ཆུབ་སེམས་ཀྱི་དལ་ལ་བདུད་རྩི་ལྔའི་དྭང་མ་སངས་རྒྱས། འབྱུང་བཞི་བདེ་བ་ནམ་མཁའི་རང་བཞིན་དང་བཅས་པ་ལྔ་རིག་མ། མིག་སོགས་དབང་པོ་རྣམས་དང་སོ་དང་སེན་མོ་སོགས་ཡུལ་ཉི་ཤུ་རྩ་བཞིའི་དྭངས་མ་བྱང་ཆུབ་སེམས་དཔའི། བདག་གི་ལུས་ཀྱི་ཡུལ་གཟུགས་སོགས་རྣམས་ཀྱི་དྭངས་
― LT14_Page_185B ―
[མ་དཔེ་གཟིགས་ན་འདིར་གནོན།]
མ་ལྷ་མོ། །ལུས་ཀྱི་ཡན་ལག་དང་ཉིང་ལག་ཐམས་ཅད་ཀྱི་དྭངས་མ་ཁྲོ་བོ་ཁྲོ་མོའོ། །སྙིང་པོ་ཡེ་ཤེས་རླུང་གི་དབང་དུ་བྱས་ན། གཞི་རྩ་བའི་རླུང་ལྔ་རེ་རེ་གཙོ་བོར་གྱུར་པ་དགུ་བརྒྱ་པ་ཕྲག་རེ་རེ་སངས་རྒྱས། དེ་རེ་རེ་ལ་སོགས་འབྱུང་བཞིས་ཕྱེ་བ་ཉིས་བརྒྱ་ཉི་ཤུ་རྩ་ལྔ་པ་རེ་རེ་མཉམ་པར་གྱུར་པ་རིག་མ་དེ་ཉིད་མིག་སོགས་ནས་རྒྱུ་བ་དང་། ཡན་ལག་གི་རླུང་དགུ་བརྒྱ་པ་ཕྲག་ཉི་ཤུ་རྩ་བཞི་པོ་བྱང་སེམས་དང་ལྷ་མོ། ཡན་ལག་གི་རླུང་ཁྱབ་བྱེད་པགས་པ་དང་བ་སྤུའི་ཚོགས་ལ་གནས་པ་ཁྲོ་བོ་ཁྲོ་མོའོ། །གཉིས་པ་དབང་ལ་འཁོར་འདས་བསྲེ་བ་ནི། བུམ་དབང་གི་དབང་དུ་བྱས་ན་དབང་རྫས་བུམ་པ་ལ་སོགས་པ་དང་། བསྐུར་བྱ་སློབ་མའང་རིགས་ལྔ་ཡབ་ཡུམ་དུ་བསྐྱེད། སྐྱེ་མཆེད་བྱིན་གྱིས་བརླབས་པ་ལ་སོགས་པ་བྱ་སྟེ། གདན་གསུམ་ཚང་བའི་ལྷས་དབང་བསྐུར་བས་འབྱུང་ལྔ་ཕུང་ལྔ་ཉོན་མོངས་ལྔ་ཡུམ་ལྔ་སངས་རྒྱས་ལྔ་ཡེ་ཤེས་ལྔར་བྱིན་གྱིས་རློབས་པ་དང་། གསང་དབང་ལ་ཡང་གདན་གསུམ་ཚང་བའི་བླ་མས་བསྒྲུབས་པའི་ཐིག་ལ་བྱང་ཆུབ་ཀྱི་སེམས་ཀྱིས་གདན་གསུམ་ཚང་བའི་སློབ་མ་ལ་དབང་བསྐུར་བ་ན་ཕུང་པོ་དང་བདུད་རྩི་ལྔའི་དྭངས་མ་སངས་རྒྱས། སྐྱེ་མཆེད་ཀྱི་དྭངས་མ་བྱང་སེམས། འབྱུང་བའི་དྭངས་མ་ལྷ་མོ། །ཚིགས་སྤྱི་བོ་རྐང་མཐིལ་བཅུའི་དྭངས་མ་ཁྲོ་བོ་ཁྲོ་མོའི་གདན་ནོ། །ཤེས་རབ་ཡེ་ཤེས་ཀྱི་དབང་ལ་ཡང་སློབ་མའི་ལུས་བྷ་ག་བྱང་སེམས་ལ་གདན་གསུམ་ཚང་བ་དེ་ལ་ཕྱག་རྒྱ་གདན་གསུམ་ཚང་བ་གཏད་དེ། འདུ་ཤེས་གསུམ་གྱིས་སྙོམས་པར་ཞུགས་པས་རྟེན་ཀུན་རྫོབ་ཀྱི་བྱང་སེམས་གདན་གསུམ་ཚང་བ་དེ་དབབ་བཟུང་ལྡོག་ཁྱབ་མི་ཉམས་པར་བཟུང་བའི་ཚུལ་གྱིས་བསྐུར་བའོ། །བཞི་པའི་དབང་ལའང་སློབ་དཔོན་གདན་གསུམ་ཚང་བས་སློབ་མ་གདན་གསུམ་ཚང་བ་ལ་བཞི་པ་ལྔ་གང་རུང་བསྐུར་བའི་སྒོ་ནས་འཁོར་འདས་དབྱེར་མེད་དུ་ངོ་སྤྲོད་པ་བྱེད་པའོ། །དེ་དག་ཀྱང་སྦྱང་གཞི་འཁོར་བ་སྦྱང་བྱེད་མྱ་ངན་ལས་འདས་པ། དེ་གཉིས་རོ་གཅིག་རྟོགས་པ་འཁོར་འདས་དབྱེར་མེད་དོ། །
― LT14_Page_186A ―
[མ་དཔེ་གཟིགས་ན་འདིར་གནོན།]
གསུམ་པ་དབང་གི་ཡེ་ཤེས་ལ་འཁོར་འདས་བསྲེ་བ་ནི། བུམ་དབང་ལས་སྐྱེས་པའི་ཡེ་ཤེས་ཡུལ་སྣང་སྟོང་ཟུང་འཇུག །གསང་དབང་ལས་སྐྱེས་པའི་ཡེ་ཤེས་གསལ་སྟོང་ཟུང་འཇུག །དབང་གསུམ་པ་ལས་སྐྱེས་པའི་ཡེ་ཤེས་ལུས་བདེ་སྟོང་ཟུང་འཇུག་གི་ཏིང་ངེ་འཛིན། དབང་བཞི་པ་ལས་སྐྱེས་པའི་ལྟ་བ་ཤིན་ཏུ་རྣམ་དག་བདེ་སྟོང་མཆོག་གི་ཏིང་ངེ་འཛིན་ཏེ། དེ་དག་སྦྱང་གཞི་ཕུང་པོ་དང་། འབྱུང་བ་ལྔ་སྦྱོང་བ་དང་། དེ་དག་གི་དྭངས་མ་དང་རླུང་བཅུ་ཟིན་པ་ལས་སྐྱེས་པའི་ཆ་ནས་སངས་རྒྱས་དང་རིག་མ། སྐྱེ་མཆེད་དང་ཡུལ་དྲུག་སྦྱོང་ཞིང་དེ་དག་གི་དྭངས་མ་དང་ཡན་ལག་གི་རླུང་དགུ་བརྒྱ་པ་ཕྲག་ཉི་ཤུ་པོ་ཟིན་པ་ལས་སྐྱེས་པའི་ཆ་ནས་བྱང་སེམས་དང་ལྷ་མོ། ཚིགས་སྤྱི་བོ་རྐང་མཐིལ་གྱི་དྭངས་མ་དང་། ཁྱབ་བྱེད་ཀྱི་རླུང་པགས་པ་དང་བ་སྤུ་ལ་གནས་པ་ཟིན་པའི་ཆ་ནས་ཁྲོ་བོ་དང་ཁྲོ་མོའི་གདན་ཡིན་ལ། དེ་ལྟར་གདན་གསུམ་ཚང་བའི་ཡེ་ཤེས་དེ་རྣམས་ཀྱིའང། སྣང་བ། གསལ་བ། དགའ་བ་དང་པོ་གསུམ་འཁོར་བ། སྟོང་པ་དང་ལྷན་སྐྱེས་མྱང་འདས། དེ་དག་ཤེས་པ་གཅིག་གི་ངོ་བོར་རོ་གཅིག་པ་དབྱེར་མེད་དོ། །དེ་དག་ཀྱང་གསང་འདུས་ལས། མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔ་ནི་རབ་ཏུ་བཤད། །རྡོ་རྗེ་སྐྱེ་མཆེད་ཉིད་དག་ནི། །བྱང་ཆུབ་སེམས་དཔའི་ད་ལ་མཆོག །ས་ནི་སྤྱན་ཞེས་བྱ་བ་སྟེ། །ཆུ་ཡི་ཁམས་ནི་མ་མཱ་ཀི །དཀར་དང་སྒྲོལ་མ་ཞེས་བྱ་བ། །མེ་དང་རླུང་དུ་རབ་ཏུ་གྲགས། །ཞེས་དང་། རྡོ་རྗེའི་ཚིག་རྐང་ལས། གདན་སོགས་གསུམ་པ་བཞིས་རྒྱུའི་དབང་བསྟན་ཞེས་སོ། །གཉིས་པ་ལམ་ལ་ངེས་ཤེས་བསྐྱེད་པ་ལ་གསུམ་ལས། བསྐྱེད་རིམ་ལ་འཁོར་འདས་བསྲེས་ལ་ངེས་ཤེས་བསྐྱེད་པ་ནི། སྔོན་འགྲོ་ཚོགས་བསགས་པ་ལ་སྦྱང་བྱ་སྔ་མའི་ལས། སྦྱོང་བྱེད་ཚོགས་གཉིས་ནི་འཁོར་འདས་ཀྱི་རྒྱུ། དེ་གཉིས་ཀྱི་སྒྲུབ་པ་པོའི་སེམས་རྒྱུད་གཅིག་གིས་བསྡུས་པས་དབྱེར་མེད། ཆོས་འབྱུང་གིས་རྣམ་ཐར་སྒོ་གསུམ་མཚོན་ལ། རྣམ་ཐར་ལས་འཁོར་འདས་གཉིས་ཀ་བྱུང་བ་དང་། གཞལ་ཡས་
― LT14_Page_186B ―
[མ་དཔེ་གཟིགས་ན་འདིར་གནོན།]
ཁང་གིས་སྣོད་སྦྱོང་ལ། གཉིས་ཀའང་འབྱུང་བཞི་ལས་བྱུང་ཞིང་འཁོར་འདས་ཀྱི་སྣང་བ་ཡིན་ལ། དེ་གཉིས་རོ་གཅིག་ཏུ་རྣལ་འབྱོར་པས་བསྒོམས་པས་དབྱེར་མེད་དོ། །བསྐྱེད་ཆོག་ལ་ཡང་མངོན་བྱང་ལྔ་ལས་དྲོད་གཤེར་སྐྱེས་ཐིག་ལེ་ལས་བཞེངས་པས་སྒོང་སྐྱེས། མངལ་ནས་འབྱིན་པས་མངལ་སྐྱེས། སྙིང་པོ་ཚིག་ཙམ་ལས་སྐྱེས་པས་བརྫུས་སྐྱེས་སྦྱོང་བ། ལྷའི་སྐུ་མདོག་ཕྱག་མཚན་ལ་ཡང་། དག་བྱ་ཉོན་མོངས་ལྔ། དག་བྱེད་ཡེ་ཤེས་ལྔའི་རང་བཞིན། སངས་རྒྱས་ལྔའི་སྐུ་མདོག་ཕྱག་མཚན་དུ་བསྒོམས་པས་དག་པར་བྱེད་ལ། ཕྱག་ཞབས་ལ་ཡང་གཡས་གཡོན་འཁོར་འདས། ཕྱེད་ཀྲུང་དང་སྐྱིལ་ཀྲུང་སོགས་སུ་བཞུགས་པ་ཟུང་འཇུག །མཉམ་བཞག་མྱང་འདས། ཐུན་མཚམས་ཀྱི་རྣལ་འབྱོར་འཁོར་བ་དང་ཆོས་མཐུན་ལ། དེ་དག་སྒྲུབ་པ་པོ་གཅིག་གི་རྒྱུད་ལ་ཡང་དབྱེར་མི་ཕྱེད་པས་འཁོར་འདས་དབྱེར་མེད་དོ། །གཉིས་པ་རང་བྱིན་རླབས་ལ། འཁོར་འདས་བསྲེས་ལ་ངེས་ཤེས་བསྐྱེད་པ་ནི། རླུང་ནང་དུ་འཇུག་པ་ཡི་གེ་ༀ། སྦྱང་བྱ་འདོད་ཆགས། ཉམས་གསལ་བའི་ཆ། འབྲས་བུ་སྤྲུལ་སྐུ། རླུང་གནས་པ་ཡི་གེ་ཨཱཿ དག་བྱ་གཏི་མུག །ཉམས་ཟུང་འཇུག །འབྲས་བུ་ལོངས་སྐུ། རླུང་ཕྱིར་འགྲོ་ཡི་གེ་ཧཱུྃ། དག་བྱ་ཞེ་སྡང་། ཉམས་སྟོང་ཆ། འབྲས་བུ་ཆོས་སྐུ་སྟེ། དེ་དག་རོ་གཅིག་པར་རྟོགས་པ་འཁོར་འདས་དབྱེར་མེད་དོ། །གསུམ་པ་དལ་འཁོར་ལོ་ལ་འཁོར་འདས་བསྲེས་ལ་ངེས་ཤེས་བསྐྱེད་པ་ནི། བདག་དང་ཕྱག་རྒྱའི་ཕུང་པོ་ལྔ་ཉོན་མོངས་ལྔ། སྐྱེ་མཆེད་ཡུལ་རྣམ་རྟོག་སོགས་འཁོར་བ། འདུ་ཤེས་གསུམ་གྱིས་བྱིན་གྱིས་བརླབས་ནས། སྙོམས་པར་ཞུགས་ནས་དགའ་བ་བཞིའི་ཡེ་ཤེས་སྐྱེ་བ་མྱང་འདས། དེ་གཉིས་སྒྲུབ་པ་པོ་གཅིག་གི་རྒྱུད་ལ་དབྱེར་མི་ཕྱེད་པར་ཉམས་སུ་ལེན་པས་དབྱེར་མེད་དོ། །བཞི་པ་རྦ་རླབས་གྱི་ལམ་ལ་འཁོར་འདས་བསྲེས་ལ་ངེས་ཤེས་བསྐྱེད་པ་ནི།
― LT14_Page_187A ―
[མ་དཔེ་གཟིགས་ན་འདིར་གནོན།]
བདག་དང་ཕྱག་རྒྱ་པདྨ་ཅན་གྱི་རྟེན་དལ་བཞི་འཁོར་བ། བརྟེན་པ་བདེ་སྟོང་མཆོག་གི་ཡེ་ཤེས་མྱང་འདས། ཟུང་དུ་འཇུག་པས་དབྱེར་མེད་དོ། །གསུམ་པ་ཉམས་ལ་ངེས་ཤེས་བསྐྱེད་པའི་ཐབས་གསུམ་ལས། མ་དག་པའི་ཉམས་ཀྱི་སྣང་བ་ལ་བརྟེན་ནས་ལས་རྒྱུ་འབྲས་ལ་ངེས་ཤེས་ཁྱད་པར་ཅན་བསྐྱེད་པ་ནི། བདག་རྒྱུད་ལ་རྟེན་དལ་བཞིའི་རྟེན་འབྲེལ་གྱིས་འཁོར་བ་ཁམས་གསུམ་རིགས་དྲུག་སྐྱེ་གནས་བཞི་སྣོད་བཅུད་གཉིས་ཀྱིས་བསྡུས་པའི་ཉམས་དུ་མ་སྐྱེས་པའི་ཚེ་ད་ལྟར་བདག་གི་ལུས་འདི་ལས་རྣམ་ཤེས་མ་འཕོས་བཞིན་དུ་རིགས་དྲུག་གི་ཉམས་སྣང་སྣ་ཚོགས་འདི་ལྟ་བུ་འཆར་ན། ཤི་ནས་ལས་ཀྱི་དབང་གིས་རིགས་དྲུག་སོ་སོའ་ལུས་བླངས་ནས་རིགས་དྲུག་གི་ཉམས་སྣ་ཚོགས་ཅི་ལྟར་མི་འཆར་ཏེ་འཆར་ངེས་ལ། དེ་ཐམས་ཅད་དུང་ལས་ཀྱིས་བསླད་པའི་རང་གི་སེམས་ཀྱི་སྣང་བ་ཡིན་ཏེ། བདག་འདུག་ས་གཅིག་ན་འདུག་བཞིན་དུརིགས་དྲུག་གི་སྣང་བ་ཐ་དད་དུ་འབྱུང་བའི་ཕྱིར་སྙམ་དུ་ངེས་ཤེས་བསྐྱེད་དོ། །དེ་ལ་བརྟེན་ནས་ལས་རྒྱུ་འབྲས་ལ་ཡིད་ཆེས་ཤིང་ལོག་ལྟ་སྤང་བར་འགྱུར་རོ། །གཉིས་པ་ལམ་གྱི་ཉམས་ལ་བརྟེན་ནས་ལམ་ཐམས་ཅད་ཐེག་པ་གཅིག་ཏུ་སྒྲུབ་པ་ནི། དལ་བཞིའི་འདུ་འཕྲོད་ལ་རྟེན་ནས་རྟག་ཆད་དུ་བལྟ་བ་དང་། བེམ་པོའི་བདག་ཏུ་བལྟ་བ་དང་། ཚངས་པ་དབང་ཕྱུག་སོགས་འཇིག་རྟེན་གྱི་བྱེད་པ་པོར་འཛིན་པ་དང་། རྡུལ་ཕྲན་དང་འབྱུང་བ་རྒྱུར་གྱུར་དང་། བརྗོད་དུ་མེད་པའི་བདག་དང་། བྱེ་བྲག་ཏུ་སྨྲ་བ་དང་། མདོ་སྡེ་པ། སེམས་ཙམ་པའི་ལྟ་བ་ལ་སོགས་པ་ཉམས་ཀྱི་སྣང་བ་དུ་མ་སྐྱེས་པའི་ཚེ་འདི་ཐམས་ཅད་དལ་བཞིའི་རྒྱུད་ཚུལ་ལ་བརྟེན་ནས་རང་གི་ཉམས་ལ་སྐྱེས་པ་ཙམ་ཡིན་པས་འཁྲུལ་པའི་སྣང་བ་ཡིན་གྱི་ཡང་དག་པར་ན་བདེན་པར་མ་གྲུབ་པས་ཐེག་པ་ཐ་དད་པ་ཅུང་ཟད་ཀྱང་མེད་སྙམ་དུ་ངེས་ཤེས་བསྐྱེད་ཅིང་བསྒོམ་མོ། །དེ་ལ་བརྟེན་ནས་ཐེག་པ་གཅིག་ཏུ་རྟོགས་པར་འགྱུར་
― LT14_Page_187B ―
[མ་དཔེ་གཟིགས་ན་འདིར་གནོན།]
རོ། །གསུམ་པ་ཡིག་འབྲུའི་ཉམས་ཀྱི་སྣང་བ་ལ་བརྟེན་ནས་སངས་རྒྱས་ལ་མོས་གུས་དང་སྤྲོ་བ་ཁྱད་པར་ཅན་བསྐྱེད་པ་ནི། སྙིང་པོའི་ཨར་རླུང་སེམས་འདུས་པས་ཆོས་སྐུ་དང་། སྙིང་གའི་རིགས་ལྔའི་ཡི་གེར་རླུང་སེམས་འདུས་པས་ལོངས་སྤྲུལ་གྱི་ཉམས་སྐྱེས་ཏེ་འདི་ཉིད་སྐུ་གསུམ་གྱི་རང་བཞིན་ནོ་ཞེས་འདུ་ཤེས་པའི་ཚེ་འདི་སངས་རྒྱས་དངོས་མིན་གྱི་ཉམས་སྣང་ཡིན་ལ། སངས་རྒྱས་པ་ན་འདི་བས་ཀྱང་མཆོག་ཏུ་གྱུར་པའི་ཡོན་ཏན་བསམ་མི་ཁྱབ་པའི་འབྱུང་གནས་སུ་འདུག་སྙམ་པའི་མོས་གུས་དང་། བདག་གིས་ཀྱང་དེ་ཐོབ་ན་ཅི་མ་རུང་སྙམ་པའི་སྤྲོ་བ་ཡང་ཡང་དུ་བསྐྱེད་དོ། །གསུམ་པ་གནས་གྱུར་ལྷུན་གྲུབ་མི་འགལ་བའི་སྒོ་ནས་འབྲས་བུ་འཁོར་འདས་དབྱེར་མེད་ལ་ངེས་ཤེས་བསྒོམ་པ་ནི་རྒྱུ་རྟེན་དལ་བཞི་ལ་རང་བཞིན་གྱིས་སྐུ་བཞིའི་ས་བོན་གནས་པ་ནི། མངོན་དུ་གྱུར་པ་ན་སྐུ་བཞིར་ལྷུན་གྱིས་གྲུབ་པས་འབྲས་བུ་ལྷུན་གྲུབ་སྟེ། རྒྱུ་དེ་འཁོར་བའི་ཆོས་ཉིད་དང་ཚུལ་མཚུངས་པས་འཁོར་བ། རང་བཞིན་དེ་ལྟར་ཡིན་བཞིན་དུ་སྐུ་བཞིའི་ཡོན་ཏན་བསམ་གྱིས་མི་ཁྱབ་པ་མངོན་དུ་འགྱུར་བ་ནི། གནས་བརྟེན་དལ་བཞི་ལམ་གྱིས་སྐུ་བཞིར་སྒྱུར་བའི་ཡོན་ཏན་ཡིན་པས་གནས་གྱུར་མྱ་ངན་ལས་འདས་པ་ཞེས་བྱ་སྟེ། ཆོས་ཉིད་ལ་ལྟོས་ནས་ལྷུན་གྲུབ། ཡོན་ཏན་ལ་ལྟོས་ནས་གནས་གྱུར་ཡིན་པས་མི་འགལ་ཞིང་འབྲས་བུ་ཡང་ཆོས་ཉིད་དང་གནས་གྱུར་གྱི་སྒོ་ནས་དབྱེར་མེད་དུ་ངེས་ཤེས་བསྐྱེད་དོ། །དེ་ལ་ངེས་ཤེས་སྐྱེས་ན་ཐོས་བསམ་གྱི་ལྟ་བ་མཐར་ཕྱིན་ཅིང་། སྒོམ་བྱུང་གི་ཡེ་ཤེས་ཅུང་ཟད་སྐྱེས་པ་ཞེས་བྱ་བ་ཡིན་ནོ། །ཀུན་གཞི་རྒྱུ་རྒྱུད་ཀྱི་ཁྲིད་བསྟན་ཟིན་ཏོ། །གཉིས་པ་ལམ་གྱི་ངེས་ཤེས་བསྐྱེད་པའི་ཕྱིར་ལུས་ཐབས་རྒྱུད་བསྒོམ་པ་ལ། བུམ། གསང་། ཤེས་རབ་ཡེ་ཤེས། བཞི་པའི་དབང་གི་ལམ་བསྒོམ་པའོ། །དང་པོ་ལ་བསྐྱེད་རིམ་གྱི་བྱ་བ་དང་། དེ་ལ་སེམས་བཟུང་བ་གཉིས་ཀྱི་དང་པོ་ནི། སྒྲུབ་པ་ལ་འཇུག་པའི་སྔོན་དུ། བླ་མ་ལས་ལམ་དུས་ཀྱི་དབང་བླང་སྟེ་དམ་ཚིག་གསོ། བླ་མ་མི་བཞུགས་ན་བདག་ཉིད་ཀྱིས་སྒྲུབ་པའི་དལ་བྲིས་ལ་བདག་འཇུག་
― LT14_Page_188A ―
[མ་དཔེ་གཟིགས་ན་འདིར་གནོན།]
རྒྱས་པར་བྱ། མི་མཐུན་པའི་རྐྱེན་སྤངས་ནས་མཐུན་པའི་ཆས་འགྲིགས་པའི་ཚེ་སྒྲུབ་པ་ལ་འཇུག་སྟེ། དེའང་ཕྱི་ནང་གི་བསྐྱེད་པའི་རིམ་པ་བསྒོམས་ནས་བསྙེན་པ་བཞི་འབུམ་ལ་སོགས་པ་ཅི་འགྲུབ་བཟླ། དེའི་བཅུ་ཆ་ཞི་བའི་སྦྱིན་སྲེག་བྱེད་པའོ། །གཉིས་པ་ནི། ཕྱི་ནང་གི་བསྐྱེད་རིམ་ཐ་མལ་རྣམ་རྟོག་གིས་བར་མ་ཆོད་པར་གསལ་ཞི་དྲག་ལ་ཡུན་ཐུང་བར་བསྒོམ་པ་ཡོངས་སུ་རྫོགས་པའི་མཐར། །གནད་ལ་དབབ་པ་གསུམ་སྔོན་དུ་སོང་བས་ལྷ་ཐམས་ཅད་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟར་གསལ་བཏབ། ཁྱད་པར་དུ་སྤྱན་དབུ་མ་གསལ་བཏབ་སྟེ། དེ་ལ་སེམས་རྩེ་གཅིག་ཏུ་བཟུང་། གསལ་ན་གསལ་ཏེ་འཕྲོ་བཅད་ལ་དངོས་པོ་གཞན་ཞིག་ལ་སེམས་ཡོངས་སུ་གཞུག །ཡང་གསལ་བཏབ་ལ་བསྒོམ། མི་གསལ་ན་མི་གསལ་ཏེ་འཕྲོ་བཅད། ཅུང་ཞིག་རྩོལ་བ་ཀློད། ཡང་བསྒོམ། དེས་ཀྱང་མི་གསལ་ན་བྲིས་པའི་སྤྱན་དབུ་མ་ལ་བལྟ་ཞིང་གསལ་བཏབ། དེས་ཀྱང་གསལ་བར་མ་གྱུར་ན་རང་གི་དཔྲལ་བའི་དབུས་སུ་སྤྱན་དབུ་མ་བྲིས་ནས་མདུན་གྱི་ཉེ་རིང་དང་མཐོ་དམན་རན་པར་མེ་ལོང་ཤིན་ཏུ་གསལ་བ་ཅིག་བཞག་ནས་བལྟ། ཡང་མིག་བཙུམ་ཞིང་བསྒོམ། ཡང་བལྟ། ཡང་བསྒོམ། དེ་ལྟ་བུ་ཡང་ཡང་བྱས་པས་དམིགས་པ་གསལ་བར་འགྱུར་རོ། །དེ་ལྟར་བསྒོམ་པས་གང་ལ་གསལ་བར་འདོད་པ་དེ་ལ་གསལ་བ་བྱུང་ན་ལྷ་སོ་སོའ་དག་པ་སོ་རུ་སླེབས་པ་ཡིན། གསལ་འཕྲོ་ལ་མེད་པར་འདོད་ན་མེད་པར་བྱ་བར་ནུས་ན་དེ་བཞིན་ཉིད་ཀྱི་དག་པ་སོ་རུ་སླེབ། དེ་དག་ལ་བརྟེན་ནས་ཞི་གནས་ཀྱི་ཉམས་ཁྱད་པར་ཅན་སྐྱེས་པ་ནི་རང་རིག་པའི་དག་པ་སོ་རུ་སླེབ་པའོ། །ཚུལ་དེ་ལྟ་བུས་ལམ་སྦྱང་། དེ་ལ་བརྟེན་ནས་སྐྱེས་པའི་ལྟ་བ་ངོ་བོ་ཉིད་གསུམ་བསྐྱང་སྟེ། སྤྱན་ལ་སོགས་པ་ཡུལ་གྱི་སྟེང་དུ་སེམས་ཟིན་ན་སྣང་ཕྱོགས། དམིགས་པ་ཅི་ཡང་མི་སྣང་བར་སྟོང་ཉམས་འབའ་ཞིག་སྐྱེ་ན་སྟོང་ཕྱོགས། དུ་སོགས་ཀྱི་རྟགས་ལ་སེམས་ཟིན་ན་ཟུང་འཇུག་གི་ངོ་བོ་ཉིད་དོ། །དེ་ལས་
― LT14_Page_188B ―
[མ་དཔེ་གཟིགས་ན་འདིར་གནོན།]
སྐྱེས་པའི་རྗེས་ཐོབ་ཀྱི་ངོ་བོ་ཉིད་ཉམས་སུ་ལེན་ཚུལ། མ་སྐྱེས་ན་བསྐྱང་ཚུལ་རྣམས་གཞུང་ཅི་ལྟ་བ་བཞིན་དུ་ཉམས་སུ་བླང་ངོ་། །དེ་ནས་སྤྱན་གསུམ་ཀ་ལ་དམིགས་པ་གཏད་ལ་སྔ་མ་བཞིན་བསྒོམ། དེ་ནས་དབུ་རིལ་པོ། དེ་ནས་སྐུ་རིལ་པོ། དེ་ནས་གདན་དེ་ནས་དལ་གྱི་ལྷ་རྣམས་དང་། གཞལ་ཡས་ཁང་སྲུང་བའི་འཁོར་ལོ་དང་བཅས་པ་སྔ་མ་བཞིན་དུ་བསྒོམ་ཞིང་། སྤྱན་དབུ་མའི་ཏིང་ངེ་འཛིན་གོམས་པ་བཞིན་དུ་གོམས་པར་མ་གྱུར་གྱི་བར་དུ་བསླབ་པར་བྱའོ། །དེ་ལྟར་བདག་བསྐྱེད་ཀྱི་ལྷ་ལ་དམིགས་པ་གསལ་བ་དང་ཕྱི་རོལ་གྱི་དངོས་པོ་གང་ཡང་རུང་བ་ཞིག་རང་གིས་ལྷར་བསྒོམ་སྟེ་མཉམ་པར་བཞག་གོ །དེ་ལ་གོམས་པ་དང་རིམ་གྱིས་རྒྱ་བསྐྱེད་ཅིང་རང་གིས་མཐོང་ཚད་ཀྱི་སྣང་བ་རྣམས་ལྷར་བསྒོམ་ཞིང་གོམས་པར་བྱའོ། །དེ་ནས་རང་གིས་བསྒོམས་པའི་ལྷ་དང་དལ་གྱི་ཚད་ཀྱང་རྒྱ་བསྐྱེད་ཅིང་མཐར་འཇིག་རྟེན་གྱི་ཁམས་ཐམས་ཅད་ཁྱབ་པར་བསྒོམ་པར་བྱའོ། །དེ་ནས་ལྷ་དང་དལ་ཚད་ཇེ་ཆུང་ཇེ་ཆུང་བསྡུས་ནས་ཡུངས་འབྲུའི་ཚད་ཙམ་གྱི་ནང་དུ་ལྷའི་དལ་རྫོགས་པར་བསྒོམ་ཞིང་གདབ། དམིགས་པའི་རིམ་པ་དེ་རྣམས་ཀྱང་སྤྱན་དབུ་མའི་དམིགས་པ་ལྟར་གོམས་ཀྱི་བར་དུ་བསྒོམ། དེ་རྣམས་ལ་གོམས་པ་དང་ཡུངས་འབྲུའི་ཚད་ཙམ་གྱི་ལྷ་དང་དལ་གྱིས་འཇིག་རྟེན་གྱི་ཁམས་རྒྱ་ཆེན་པོ་ཁྱབ་པར་བསྒོམས་ཀྱང་འཇིག་རྟེན་གྱི་ཁམས་རྒྱ་ཆུང་ངུ་མི་འགྲོ་ཞིང་ལྷའི་སྐུ་ཆེར་མི་འགྲོ་བར་བསྒོམ་ཞིང་གོམས་པར་བྱའོ། །ལྷའི་རྣམ་པ་དེ་ཐམས་ཅད་ཀྱང་སྣང་ལ་རང་བཞིན་མེད་པའི་ངོ་བོ་ཟུང་འཇུག་ཏུ་བསྒོམ་མོ། །གཉིས་པ་གསང་དབང་གི་ལམ་ལ། ཁྱབ་བྱེད་མན་ངག་གི་གནད་དོ། །དང་པོ་ལ་གཉིས་ལས། ཁྱབ་བྱ་མན་ངག་གི་གནད་དོ། །བསམ་གཏན་གྱི་སྔོན་འགྲོ་ནི། གྲུབ་ན་བླ་མ་ལས་དབང་བླང་། མ་གྲུབ་ན་བདག་འཇུག་བྱ། དེའང་མ་གྲུབ་ན་མཎྜལ་དང་ཡིག་བརྒྱ་ལ་བརྟེན་ནས་མཐུན་པའི་
― LT14_Page_189A ―
[མ་དཔེ་གཟིགས་ན་འདིར་གནོན།]
པའི་རྐྱེན་ཚོགས་བསགས་པ་དང་། འགལ་བའི་རྐྱེན་སྒྲིབ་པ་སྦྱངས་ལ། ལུས་སྦྱོང་རྒྱས་པ་ཕྲིན་ལས་སུམ་ཅུ་རྩ་གཉིས་སམ་བསྡུས་པ་ཡན་ལག་ལྔ་སྦྱོང་ཅི་འགྲུབ་བྱས་པས་ལུས་སྦྱོང་འབྱོངས་འབྱོངས་སྦྱངས་ཏེ། རེ་ཞིག་འབྱོངས་པའི་ཚད་ནི་དཀའ་ལས་མི་འབྱུང་ཞིང་ན་ཚ་མེད་ལ་ལུས་བདེ་ཞིང་ཡངས་པ་ཡིན་ནོ། །ཁ་ཅིག་ལ་སྐབས་དེར་ཏིང་ངེ་འཛིན་ཤུགས་ཀྱིས་སྐྱེ་བ་ཡང་སྲིད་ལ། གང་ལྟར་ཡང་ལུས་སྦྱོང་ཡུན་རིང་དུ་བྱས་ན་ཏིང་ངེ་འཛིན་ཡུན་རིང་དུ་སྐྱེ་ཞིང་བར་ཆད་མི་འབྱུང་བ་ཡིན་ནོ། །དེ་ནས་སྦྱང་བ་གཞན་གཉིས་དང་གནད་དབབ་གསུམ་སྒོམ་པ་གསུམ་ཀྱང་སྔ་མ་བཞིན་བྱའོ། །གཉིས་པ་བསམ་གཏན་གྱི་དངོས་གཞི་ལ། དམིགས་པའི་ལུགས་མང་ན་ཡང་རྣལ་འབྱོར་གྱི་དབང་ཕྱུག་འདི་ནི་ཁམས་འདུས་པ་དང་པོ་གཏུམ་མོ་རླུང་དྲོད་རྟགས་ཀྱིས་ལམ་ཁྲིད་པ་ཡིན་པས་རླུང་གི་རྣལ་འབྱོར་གཙོ་བོར་བཞེད་ལ། དེའི་མན་ངག་ཡང་དག་པར་རྫོགས་པའི་སངས་རྒྱས་ཀྱིས་བསམ་གྱིས་མི་ཁྱབ་པ་ཞིག་གསུངས་ཀྱང་། བསྡུ་ན་རླུང་ལྡང་འཇུག་གནས་པར་འདུ་ལ། དེ་ལམ་དུ་བྱེད་པ་ལ་སྲོག་རྩོལ་ལམ་རྡོ་རྗེའི་བཟླས་པ། ཕྱིར་བཏང་བའི་མན་ངག་གསུམ། ནང་དུ་དགང་བའི་མན་ངག་གཉིས། གནས་པ་ལམ་དུ་བྱེད་པ་ཁ་སྦྱོར་ཏེ་བདུན་གྱི་དང་པོ་ལ་བཞི་ལས། ཉམས་སུ་བླང་བའི་ཐབས་ནི། བསམ་གཏན་གྱི་ཡན་ལག་དགུ་སྔོན་དུ་སོང་ནས་འཁོར་གཅིག་གཉིས་སྣ་གཡས་བཀག་ནས་གཡོན་རྒྱུར་གཞུག །དེ་ནས་གོང་ལྟར་བདེ་བར་རྒྱུར་གཞུག་སྟེ། དེའང་སྐྱོན་ཅན་ཕྱིར་འདོན་པ་དང་འདྲ་བས་ཐོག་མར་རྩོལ་བ་ནས་མགོ་འཛིན་ཏེ་ཡིད་སྣ་རྩེ་གཡས་པར་གཏད་ལ་རླུང་ཕྱིར་རྒྱུ་བའི་དུས་སུ་ཕྱིར་རྒྱུས། ནང་དུ་འཇུག་པའི་ཚེ་ནང་དུ་རྒྱུས། ཅུང་ཟད་གནས་པའི་ཚེ་གནས་ཞེས་དྲན་པར་བྱ། དེ་ཉིད་ལ་སེམས་རྩེ་གཅིག་ཏུ་ཟིན་ནས་རྟོག་པ་གཞན་མི་རྒྱུ་ན་འཇུག་པ་སེལ་བའི་ལམ། དམིགས་
― LT14_Page_189B ―
[མ་དཔེ་གཟིགས་ན་འདིར་གནོན།]
མེད་ཀྱི་ངང་དུ་རྩེ་གཅིག་ཏུ་གནས་ན་ཆགས་པ་གཅོད་པའི་ལམ། དུ་སོགས་ཀྱི་རྟགས་ལ་སེམས་ཟིན་ན་བྱང་ཆུབ་ཆེན་པོའི་ལམ་ཞེས་བྱ་སྟེ། ཏིང་ངེ་འཛིན་དེ་དག་གང་རུང་སྐྱེས་ནས་བོགས་དབྱུང་བའི་ཕྱིར་རྩོལ་བ་ལ་རྔན་དགས་རིམ་གྱིས་བྱིན་ཏེ། །ཕྱིར་འགྲོ་ཇེ་རིང་། འཇུག་གནས་སུ་ཐུང་ངུ་བྱ་ཞིང་སེམས་ཀྱིས་ཕྱིར་རིང་དུ་རྒྱུས། ནང་དུ་ཐུང་ངུ་རྒྱུས། ནང་དུ་གནས་ཞེས་དྲན་པར་བྱས་པས་ཕྱིར་ཇེ་རིང་འགྲོ། དེའི་ཚེ་གཡོན་ནས་མི་རྒྱུ་ནས་གཡས་ནས་རྒྱུ་ན་སྣ་གཡས་རས་བལ་ལ་སོགས་པས་བཀག་ལ་གཡོན་ནས་རྒྱུ་བ་ལ་བསླབ། བཀག་ཀྱང་མ་འགྱུར་ན་གཡོན་ནས་རྒྱུ་བར་བསམས་ལ་བསླབ་བོ། །དེ་ལ་ཏིང་ངེ་འཛིན་སྐྱེས་པ་དང་གོ་བཟློག་པའི་གནད་ཡིན་པས་སྲོག་ནས་མགོ་བཟུང་སྟེ་ནང་དུ་རྒྱུས། གནས། ཕྱིར་རྒྱུས་སྙམ་དུ་དྲན། རྡོ་རྗེའི་བཟླས་པ་བྱེད་ན་ནང་དུ་རྒྱུ་བར་ༀ། གནས་པ་ཨཱཿ ཕྱིར་འགྲོ་བ་ཧཱུྃ་ཞེས་དྲན་པར་བྱས་ཀྱང་གཏུབ་བོ། །དེ་ལ་ཏིང་ངེ་འཛིན་སྐྱེས་པ་ན་དེ་བརྟན་པའི་ཡན་ལག་ཏུ་སྲོག་ལ་རྔན་དགས་རིམ་གྱིས་བྱིན་ཏེ། ནང་དུ་འཇུག་ཇེ་རིང་། ཕྱིར་འགྲོ་ཇེ་ཐུང་བཏང་ལ་དེ་དང་མཐུན་པར་ཡིད་ཀྱིས་ཀྱང་ནང་དུ་རིང་དུ་རྒྱུས། ནང་དུ་གནས། ཕྱིར་ཐུང་ངུ་རྒྱུས་ཞེས་དྲན་པར་བྱས་ཏེ། འདི་ནང་དུ་ཡུན་རིང་དུ་གནས་ཤིང་ཏིང་ངེ་འཛིན་བསམ་གྱིས་མི་ཁྱབ་པ་སྐྱེའོ། །རྗེས་ལ་རླུང་སེམས་ཀྱི་རྩོལ་བ་ཀློད་ལ་ལྟ་ཁྲིད་ཀྱི་སྐབས་ལྟར་ཆོས་གསུམ་གྱིས་ལྷ་བ་བསྐྱངས་པས་ཉམས་མཆོག་ཏུ་གྱུར་པ་སྐྱེའོ། །གཉིས་པ་སྲོག་རྩོལ་མཐར་ཕྱིན་པའི་ཚད་ལ་གཉིས་ལས། རྒྱུ་བ་གསལ་བ་ཞེས་བྱ་བ་ནི་རླུང་ལྔ་སྣ་བུག་གང་ནས་རྒྱུ་ཡང་གཡས་གཡོན་སྟེང་འོག་གི་སྦུགས་ལ་འཁྲིས་ནས་རྒྱུ་བ་ལ་སོགས་པ་འབྱུང་བ་བཞིའི་རླུང་འབྱུང་བའི་གནས་དང་། ཁ་དོག་དབྱིབས་དང་རིང་ཐུང་གི་ཚད་མིག་གིས་མཐོང་བ་ཡིན་ནོ། །རྣམ་པ་ངེས་པ་ཞེས་བྱ་བ་རླུང་གཡས་གཡོན་སྤོ་བ་དང་། དབང་པོ་གཞན་གྱི་སྒོ་ནས་
― LT14_Page_190A ―
[མ་དཔེ་གཟིགས་ན་འདིར་གནོན།]
བཏོང་བ་དང་བཟློག་པར་ནུས་པ་ཡིན་ནོ། །བསྒོམ་པའི་ཡོན་ཏན་ནི། ཕྲིན་ལས་བཞི་འགྲུབ་པ་སྟེ། དེའང་ས་རླུང་རྒྱུ་བ་གསལ་བའི་དུས་སུ་སྔགས་ཙམ་མམ་བསམ་པའམ། སྨོན་ལམ་བཏབ་པ་ཙམ་གྱིས་རྒྱས་པའི་ལས་འགྲུབ། དེ་བཞིན་དུ་ཆུ་རླུང་གིས་ཞི་བ། མེ་རླུང་གིས་དབང་། རླུང་གི་རླུང་གིས་མངོན་སྤྱོད་ཀྱི་ལས་རྣམས་འགྲུབ་པ་ཡིན་ནོ། །ཡང་ཕ་རོལ་གྱི་སྲོག་གི་རླུང་གི་ལམ་ནས་བཅུག་ནས་ཕ་རོལ་གྱི་ནང་དུ་ཀུན་ཏུ་བལྟས་ན་ཕ་རོལ་ཀྱི་སེམས་ཤེས་པའི་མངོན་ཤེས་ཀྱང་འབྱུང་ངོ་། །སྐྱོན་གང་སེལ་ན། གཡང་ས་དང་རྡིབ་རི་དང་ཐོག་ལ་སོགས་པ་གློ་བུར་གྱིས་འཆི་བའི་རྐྱེན་གང་གིས་ཀྱང་བར་ཆད་མི་འབྱུང་སྟེ། ཚེ་ལ་ཅུང་ཟད་དབང་བ་ཡིན་ནོ། །འདི་ཡོན་ཏན་ཐམས་ཅད་ཀྱི་གཞི་ཡིན་པས་རྟགས་མ་བྱུང་གི་བར་དུ་བསྒོམ་པ་གལ་ཆེའོ། །དེ་ནས་རླུང་བརྟན་ཞིང་བོགས་དབྱུང་བའི་ཕྱིར་བཏང་བའི་ཡན་ལག་གསུམ་ལས། དང་པོ་རྩོལ་བ་བཀག་སྟེ་སྲོག་ནས་བཏང་བའི་མན་ངག་ལ་བཞི་ལས་ཉམས་སུ་བླང་བའི་ཐབས་ནི། ལུས་ཙོག་པུར་གཏན་ལ་དབབ་པའི་བསམ་གཏན་གྱི་ཡན་ལག་དགུ་སྔོན་དུ་སོང་བར་བྱས་ནས། མགོ་ཅུང་ཟད་བསྟོད་པ། སེམས་སྣ་རྩེའམ་སྣ་བུག་གཡོན་དུ་གཏད་ལ། སྡིགས་མཛུབ་གཡས་ཀྱི་གུང་མཛུབ་བརྩེགས་པས་སྣ་བུག་གཡས་པ་བཀག་ལ་རླུང་ནང་དུ་རྔུབ་སྟེ། གཡོན་ནས་ཕར་གུས་ལ་གཏོང་ངོ་། །ཕྱིར་མ་རྫོགས་པར་ནང་དུ་མི་རྔུབ་པ་དང་ཕྱིར་ལྷག་མ་མེད་པར་སངས་བཏང་བ་དང་། རྗེས་ལ་དམིགས་པ་དང་རྩོལ་བ་མེད་པར་དལ་བུས་འོང་དུ་གཞུག་པ་གསུམ་མན་ངག་ཡིན་ཞིང་བཏང་བའི་ཡན་ལག་ལ་རླུང་ནང་དུ་འོང་དུ་མི་གཞུག་པ་གནད་དུ་ཆེའོ། །འདི་ནི་སྐྱོན་ཅན་ཕྱིར་བཏོན་པ་ཡིན་པས་མི་རྟོག་པའི་ཏིང་ངེ་འཛིན་ཤུགས་ལ་སྐྱེའོ། །ཐུན་འཇོག་ཁར་ཅིར་ཡང་མི་རྟོག་པའི་ངང་ལ་མཉམ་པར་གཞག་གོ །མཐར་ཕྱིན་པའི་ཚད་ནི་ཕྱིར་བཏང་
― LT14_Page_190B ―
[མ་དཔེ་གཟིགས་ན་འདིར་གནོན།]
རྒྱུ་མེད་པས་ན་ཅི་ཙམ་འདོད་པར་ཕྱིར་བཞག་ནས་ནང་དུ་འོང་དུ་མི་གཞུག་པར་ཁེགས་པ་ཡིན་ནོ། །ཡོན་ཏན་ལུས་བདེ་བས་ཁེངས་པ་དང་། མི་རྟོག་པ་མྱུར་ཏུ་སྐྱེའོ། །སྐྱོན་ནི་རོ་སྟོད་གཟེར་བ་དང་། སྙིང་མི་བདེ་བ་སེལ་ལོ། །འདི་ལམ་བསྒོམ་པའི་ཚེ་ཡང་ཉམ་ང་བའི་གནས་སུ་འགྲོ་བའམ། ཆུ་ལས་བརྒལ་བའི་ཚེ་རྩོལ་བ་བཀག་སྟེ་སྲོག་ནས་བཏང་བ་འཁོར་བདུན་བདུན་ཙམ་བྱས་ན་བར་ཆད་ངེས་པར་སེལ་ལོ། །གཉིས་པ་ཤུགས་བསྐྱེད་དེ་གཉིས་ཀ་ནས་བཏང་བ་ལ་བཞི་ལས། ཉམས་སུ་བླང་བའི་ཐབས་ནི་སྔར་ལྟར་བསམ་གཏན་གྱི་ཡན་ལག་ཚང་བར་བྱས་ལ། རང་གི་ཤེས་པ་མཛོད་སྤུར་གཏད། རླུང་གི་གནད་གཉིས་ཀ་ནས་ཤུགས་བསྐྱེད་དེ་དྲག་ཏུ་བུས་ལ་བཏང་། ཕྱིར་ཐུབ་ཚད་གཅིག་བཞག །བཏང་བ་ལ་འོང་དུ་མི་གཞུག་པ་གནད་དུ་ཆེ། ནང་དུ་འཇུག་པའི་ཚེ་དམིགས་པ་དང་རྩོལ་བ་མེད་པར་འོང་དུ་གཞུག །ཡང་སྔ་མ་ལྟར་བཏང་། རླུང་གི་གནད་སྔ་མ་དང་འདྲ། དེ་ལ་ཞག་གསུམ་ཙམ་བསྒོམ། དེ་ནས་རང་གི་མདུན་ཁྲུ་གང་ཙམ་གྱི་ནམ་མཁའ་ལ་ཡིད་གཏད། དེ་ནས་འདོམ་གང་ཙམ། དེ་ནས་མདུང་གང་ཙམ། དེ་ནས་རྒྱ་ཆེ་བའི་ལུང་པ་ཙམ། དེ་ནས་ས་སྐོར་ཅིག་ཙམ། དེ་ནས་གླིང་བཞི་དེ་ནས་སྟོང་གསུམ། མཐར་འཇིག་རྟེན་གྱི་ཁམས་ཀྱི་ནམ་མཁའ་ཐམས་ཅད་ལ་ཡིད་གཏད་པའམ། ཡང་ན་ཤིས་པ་ཅི་ཡང་མི་རྟོག་པ་ལ་གཏད་ལ་བསྒོམ། རྗེས་ལྟ་བ་གསལ་སྟོང་གི་ཏིང་ངེ་འཛིན་ངོས་བཟུང་ལ་མཉམ་པར་བཞག་གོ །མཐར་ཕྱིན་པའི་ཚད་འདྲ། ཡོན་ཏན་གསལ་བའི་ཉམས་སུ་མྱོང་བ་མཐར་ཐུག་པ་སྐྱེ། སྐྱོན་མགོ་ན་བ་དང་མིག་ཁྲག་ཏུ་འོང་བ་ལ་སོགས་པ་ཐམས་ཅད་སེལ་བར་ནུས་སོ། །གསུམ་པ་ཁ་ནས་སྒྲ་བཅས་སུ་བཏང་བ་ནི། སྔར་ལྟར་བསམ་གཏན་གྱི་ཡན་ལག་རྣམས་ཚང་བར་བྱས་ལ་སོ་བསྒྲིགས་ནས། སེམས་ཀྱི་གནད་རང་གི་འདོམ་གང་ཙམ་གྱི་འཁོར་ཡུག་གི་ནམ་མཁའ་ལ་སེམས་
― LT14_Page_191A ―
[མ་དཔེ་གཟིགས་ན་འདིར་གནོན།]
གཏད་པའམ། སིའི་སྒྲ་ལ་སེམས་གཏད་ལ། རླུང་གི་གནད་སོ་བར་ན་སིའི་སྒྲ་དང་བཅས་པས་བུས་ལ་བཏང་། ཕྱིར་ཐུབ་ཚད་མནན། བཏང་བ་ལ་ནང་དུ་འོང་དུ་མི་གཞུག་པ་གནད་དུ་ཆེ། ནང་དུ་འཇུག་པ་ན་དམིགས་པ་མེད་པར་རིམ་གྱིས་འོད་དུ་གཞུག་སྟེ། ཁྲག་མཁྲིས་ཤས་ཆེ་ན་སྒྲ་བཅས། གྲང་རླུང་ཤས་ཆེན་སྒྲ་མེད་དུ་དྲང་། མཐར་ཕྱིན་པའི་ཚད་སྔ་མ་དང་འདྲ། ཡོན་ཏན་ལུས་ལྡང་བ་ཡང་བ་དང་ཟོ་བདོག་བདེ་བ་འབྱུང་ངོ་། །སྐྱོན་ཁྲག་རོ་དང་རིམས་གློ་བུར་བ་ལ་སོགས་པ་ཚད་ནད་མཐའ་དག་སེལ་བར་ནུས་སོ། །དེ་གསུམ་ལ་བོགས་དབྱུང་བ་ནི་ཐབས་འགལ་གྱི་ཕྱག་རྒྱ་བཅས་ལ། དཔུང་པ་གྱེན་དུ་རེ་མོས་ཀྱིས་བཏེགས། སྟེང་རླུང་ཤུགས་བསྐྱེད་དེ་བཏང་ལ་འོག་རླུང་དྲག་ཏུ་དྲངས་ལ་རྒྱུ་ཞབས་དྲག་ཏུ་བསྐུམ། དེ་ལ་བོགས་དབྱུང་བ་ནི་སྤྱོད་ལམ་དེས་སྤྱི་བོ་ནས་རླུང་སྤོས་ཀྱི་དུད་པ་ལྟ་བུ་བྱུང་། གཤང་ལམ་ནས་ཐོན། འོག་གི་ཁྲུ་གང་གང་ཙམ་དུ་འཁྱིལ་བ་ལ་ཤེས་པ་གཏད། སྟེང་རླུང་ཐུབ་ཚད་མནན། འོག་རླུང་ཅུང་ཟད་བསྐུམ། དེའི་ཚེའང་གསུས་པ་ཕྱིར་འཕེལ་དུ་མི་གཞུག་གོ །གསུམ་པ་ནང་དུ་དགང་བའི་མན་ངག་གཉིས་ཀྱི་དང་པོ་རྩོལ་བ་བཀག་སྟེ་སྲོག་ནས་དགང་བ་ནི། ལུས་གནད་སྐྱིལ་ཀྲུང་དུ་གཏན་ལ་ཕབ་པའི་བསམ་གཏན་གྱི་ཡན་ལག་དགུ་ཚང་བར་བྱས་ལ་ལྟེ་བར་སྒོ་ངའི་ལྐོག་པ་འདྲ་བ་ཕྱི་དཀར་ལ་ནང་སེར་བ་ཅིག་གི་ནང་ན་མར་ལ་རླུང་སིབ་སིབ་འགྲོ་བར་བསམ། མགོ་ཅུང་ཟད་མདུན་དུ་སྒུ་བར་བྱ་སྟེ་གཡས་ཀྱི་གུང་མཛུབ་བརྩེགས་པས་སྣ་གཡས་པ་བཀག་ལ་གཡོན་ནས་རིམ་གྱིས་རླུང་རྔུབས་ནས་རྫོགས་པ་དང་མགོ་གཡས་བསྐོར་དུ་ལན་ཅིག་བསྐོར་ཞིང་གསིག །རླུང་གི་རྟ་མཆིལ་མ་སྒྲ་མེད་པར་མིད་ལ་རླུང་ཐུབ་ཚད་དུ་བསྣན། ལན་ཅིག་ལ་རླུང་རྫོགས་པར་རྔུབ་ཀྱི་ཡང་ཡང་མི་རྔུབ་པ་དང་། མི་ཐུབ་པའི་ཚེ་སེམས་དམིགས་པ་མེད་པར་དལ་བུས་ཕྱིར་གཏོང་བ་གནད་དུ་ཆེའོ། །མཐར་ཕྱིན་
― LT14_Page_191B ―
[མ་དཔེ་གཟིགས་ན་འདིར་གནོན།]
པའི་ཚད་ཅི་ཙམ་འདོད་ཚང་ཐུབ་ཅིང་ན་ཚ་མེད་པ་ཡིན། ཡོན་ཏན་དྲོད་དང་བདེ་བ་བསམ་གྱིས་མི་ཁྱབ་པ་སྐྱེ་སྟེ། རྣལ་འབྱོར་དབང་ཕྱུག་གི་ཉམས་ཀྱང་འདི་ལ་སྐྱེས་པ་ཡིན་གསུང་ངོ་། །སྐྱོན་གྲང་བ་དང་། སྐྲན་དང་། མ་ཞུ་བའི་ནད་རྣམས་སེལ་ལོ། །གཉིས་པ་ཁ་ནས་སྒྲ་མེད་དུ་དགང་བ་ལ། ཉམས་སུ་བླང་ཚུལ་ནི། སྔར་ལྟར་བསམ་གཏན་གྱི་ཡན་ལག་རྣམས་ཚང་བར་བྱས་ནས། ལྟེ་བར་ཆོས་འབྱུང་གྲུ་གསུམ་སྔོན་པོའི་ནང་ན་མར་རླུང་ཐམས་ཅད་སིབ་སིབ་འགྲོ་བར་བསམ་ཞིང་ཁ་ཕྱེ་ལ་རླུང་ཁ་ནས་སྒྲ་མེད་དུ་དལ་བུས་རིང་བར་རྔུབ། རྫོགས་པ་དང་མཆིལ་མ་སྒྲ་མེད་དུ་མིད་ལ་མགོ་གསིག །ནོར་བུ་ལྐོག་མས་མནན་ལ་ཐུབ་ཚད་དུ་བཟུང་། གཏོང་དུས་དམིགས་པ་མེད་པར་དལ་བུས་བཏང་། རྗེས་ལྟ་བ་བསྐྱང་། མཐར་ཕྱིན་པའི་ཚད་ཉིན་མཚན་མེད་པར་མནན་ཡང་ན་ཚ་མེད་པར་ཐུབ་པ་ཡིན། ཡོན་ཏན་དྲོད་དང་བསྡོངས་ནས་བདེ་གསལ་སྐྱེ། སྐྱོན་དམུ་ཆུ་ལ་སོགས་པའི་ལྟེ་བའི་ནད་སེལ་བ། ཁྱད་པར་དུ་གང་ན་སར་རླུང་མནན་ལ་འབིགས་པ་ལྟ་བུ་བྱས་ན་འབྱུང་བ་ལུས་འཁྲུགས་ཐམས་ཅད་སེལ་ལོ། །དེ་གཉིས་ཀྱི་ཐུན་མོང་དུ་གཉིས་ཀའི་དམིགས་པ་སྔ་མའི་མཇུག་ཐོག་ཏུ་བསྒོམ་བྱའི་དམིགས་པ་ནི་ལྟེ་བར་འོད་དཀར་པོ་གཅིག་གི་ནང་ན་ཨ་དམར་པོ་མཚལ་གྱི་ཤད་ལྟ་བུ་ཞིག་ལ་རླུང་སིབ་སིབ་འགྲོ་བར་དམིགས་པའམ། འོད་དཀར་པོ་མེད་པར་དམར་པོ་ཉིད་ལ་སིབ་སིབ་སོང་བས་མེ་སོར་གཉིས་སམ་བཞིའི་བར་ལ་དམིགས་པའམ། ལྟེ་བར་ཆོས་འབྱུང་དམར་པོའམ་སེར་པོ་དམིགས་ལ་དེ་ས་གཞི་ལྟར་རྒྱ་བསྐྱེད་དེ་རླུང་མནན་པས་ཆོས་འབྱུང་དེ་རྒྱ་ཇེ་ཆེ་ལ་སོང་མཐར་ས་གཞི་ཐམས་ཅད་ཁྱབ། དེའི་ནང་སྟོང་པར་སོང་བའི་ནང་དུ་རླུང་འཇུག་པ་དང་། ཡང་རྒྱ་མཚོ་ལྟར་གཏིང་ཟབ་པར་བསྒོམས་ཏེ་ཚུལ་ཡང་རླུང་མནན་པས་གཤང་ལམ་གྱི་ནང་དུ་ཆོས་འབྱུང་གི་ཞབས་ཟངས་དུང་གི་ཁ་
― LT14_Page_192A ―
[མ་དཔེ་གཟིགས་ན་འདིར་གནོན།]
ལྟར་དམར་སང་ངེ་བ་གཏིང་མི་མངོན་པའི་ནང་དུ་རླུང་ཐམས་ཅད་སོང་བར་བསམས་ལ་རླུང་བཟུང་། ཡང་ནམ་མཁའ་ལྟར་དབང་བསྟོད་དེ་ཚུལ་ཡང་རླུང་ཐམས་ཅད་འཇུག་པའི་དམིགས་པ་བྱས་པས་སེམས་དང་ནམ་མཁའ་འདྲེས་ནས་རོ་གཅིག་ཏུ་གྱུར་ཏེ་སྟོང་ཉིད་ཀྱི་ཏིང་ངེ་འཛིན་མཐའ་དབུས་མེད་པ་མཆོག་ཏུ་གྱུར་པ་སྐྱེའོ། །སྐབས་སུ་བྱི་ལའི་སྤྱོད་པ་བྱའོ། །དེ་གཉིས་ལ་བོགས་དབྱུང་བ་ནི། སྐྱིལ་ཀྲུང་བཅས་ཏེ་ལག་པ་གཉིས་ཀྱིས་རྐང་པའི་བསྣོལ་མཚམས་ནས་བཟུང་སྟེ། སྒུལ་ཞིང་འོག་རླུང་མི་བསྡམ་པར་སྟེང་རླུང་དྲངས་ལ་མནན། སྨད་ཀྱི་གསུས་པ་བཏུབ་ཚད་ཀྱིས་ཕྱིར་ཕུལ་ལ་བསྒོམ། གཉེར་མ་མེད་པ་དང་། མ་ཞུ་བ་སེལ་བ་འགྲུབ། དེ་ལ་བོགས་དབྱུང་བ་ནི། སྔར་ལྟར་བྱས་ལ་གསང་གནས་ཀྱི་རྩ་རུ་འདོམ་ནས་རླུང་སྤོས་ཀྱི་དུད་པ་ལྟ་བུ་བུན་གྱིས་བྱུང་ནས་ཡང་ཡང་སོང་ནས་སྤྱི་གཙུག་ནས་འཐོན་ནས་ཁྲུ་གང་ཙམ་དུ་སྔོ་རྒྱང་ངེ་འཕུར་བ་ལ་ཤེས་པ་གཏད་དེ་འོག་རླུང་ཐུབ་ཚད་བསྐུམ་སྟེ་སྟེང་རླུང་ཅུང་ཟད་མནན་ལ་བསྒོམ། དེའི་དུས་སུ་ཡང་གསུས་པ་ཚུར་ལ་ཞུམ་དུ་མི་གཞུག་གསུངས། དེ་ལ་ལུས་ཐམས་ཅད་དྲོད་ཀྱིས་ཁྱབ་པ་འབྱུང་སྟེ། དྲོད་བྱུང་རྒྱལ་དུ་བསྐྱང་ངོ་། །དེ་ལྟར་རླུང་གོམས་པ་དང་དམིགས་པ་སྣ་རྩེ་ལས་མི་རིང་བར་བཞག །སེམས་ཀློད་ལ་གནས་པར་བྱའོ། །དེ་ནི་རིག་པ་སེམས་ཀྱི་རང་སོ་བཟུང་བའོ། །ད་ནི་བཞི་པ་ཁ་སྦྱར་ཞེས་བྱ་བ་ལམ་ཐམས་ཅད་ཀྱི་རྩ་བ། ཡོན་ཏན་ཐམས་ཅད་སྐྱེད་པའི་རྒྱུ་ཡིན་པས་འདི་སྒོམ་པའི་ཚུལ་ལ་བཞི་ལས། ཉམས་སུ་ལེན་པའི་ཚུལ་ནི། རྐང་པ་སྐྱིལ་ཀྲུང་། ལག་པ་མཉམ་གཞག་གི་ཕྱག་རྒྱ་ལྟེ་འོག་ཏུ་མནན་པའམ་པུས་མོ་ལ་བཀབ་པའི་བསམ་གཏན་གྱི་ཡན་ལག་དགུ་ཚང་བར་བྱས་ལ་ལྟེ་བར་གཏུམ་མོའི་མེ་ཨ་ཤད་ཀྱི་རྣམ་པ་ལྟ་བུ་ཕྲ་ཞིང་ཚ་ལ་རྣོ་བ་ངར་དང་ལྡན་པར་བསམ། དེ་ནས་དང་པོར་འོག་རླུང་ཅུང་ཟད་བསྐུམ། དེ་ནས་
― LT14_Page_192B ―
[མ་དཔེ་གཟིགས་ན་འདིར་གནོན།]
སྟེང་རླུང་སྒྲ་མེད་པར་མགོ་ས་ལ་ཐུག་པ་ཙམ་གྱི་རྩོལ་བས་རིམ་གྱིས་དྲངས་ལ་རླུང་ཐམས་ཅད་ལྟེ་བའི་མེ་ལ་ཐིམ་པར་བསྒོམ་པའམ་དམིགས་པ་ཅི་ལའང་མི་གཏད་པར་བསྒོམ། སྟེང་རླུང་རྫོགས་པ་དང་མཆིལ་མ་ཅིག་མིད་ལ་འོག་རླུང་དྲག་ཏུ་འཐེན་ནས་རླུང་ལྟེ་བའི་གནས་སུ་ཁ་སྦྱོར་ལ་ཕོ་བ་ཚིགས་པ་ལ་གཅེར། གསུས་པོ་ཆེ་ཕྱིར་ཕུལ་ལ་མགྲིན་པ་ཅུང་ཟད་དགུག །ནོར་བུ་ཨོག་མས་ནོན་ཙམ་བྱས་ལ་རླུང་ཐུབ་ཚད་དུ་བཟུང་། དེའི་ཚེ་འོག་རླུང་བསྐུམ་པས་སྟེང་རླུང་རང་འགགས་སུ་འགྲོ་བ་དང་། སྟེང་རླུང་མནན་པས་འོག་རླུང་ཤུགས་ཀྱིས་འཐེན་པར་འགྲོ་ཞིང་ཕྱིར་བཏང་ཡང་འགྲོར་མ་འདོད་ན་ཡོན་ཏན་རིན་པོ་ཆེ་སྐྱེ་བའི་མཆོག་ཡིན་ནོ། །དེའང་རླུང་ནོན་པའི་ཚད་ནི། རྩོལ་བ་ཡང་རབ་རྒྱུན་མི་ཆད། །རྩོལ་བ་རབ་ལ་དྲུག་ཅུ་བཞི། །རྩོལ་བ་འབྲིང་ལ་སུམ་ཅུ་གཉིས། །རྩོལ་བ་ཐ་མ་ངེས་པ་མེད། །ཅེས་བྱ་སྟེ་ཐུན་ལ་སྦྱར་ན། ཡང་རབ་ཀྱིས་ཁ་སྦྱར་རྒྱུན་མི་ཆད་པར་འོང་། རབ་ཀྱིས་ཐུན་རེ་ལ་ཁ་སྦྱར་དྲུག་ཅུ་རྩ་བཞི་རེ་འོང་། འབྲིང་གིས་ཐུན་རེ་ལ་སུམ་ཅུ་རྩ་གཉིས། ཐ་མས་ངེས་པ་མེད་པར་བསྒོམ་ཞེས་གསུང་ཞིང་འདི་ནི་གཙོར་མི་མཛད་དོ། །ཁ་སྦྱར་རེའི་ཚད་ལ་སྦྱར་ན། པུས་མོ་ལ་བསྐོར་བ་རེ་དང་སེ་གོལ་གཏོགས་པ་རེ་སྤེལ་བ་སྟེ། དེའང་ཁམས་དང་ཟས་བཟང་བ། དད་བརྩོན་ཆེ་བའི་གང་ཟག་གིས་ཐུན་གྱི་ངེས་པ་མེད་པར་ཉིན་མཚན་རྒྱུན་མི་འཆད་པར་འོང་། དེ་བས་ཁམས་དང་རྩོལ་བ་ཞན་པའི་གང་ཟག་གིས་དབྱུ་གུ་དྲུག་ཅུ་རྩ་བཞི་དག་པའི་དབང་དུ་བྱས་ནས་ཐུན་གཅིག་ལ་ཁ་སྦྱར་དྲུག་ཅུ་རྩ་བཞི་འོང་། དེ་ལས་ཁམས་དང་རྩོལ་བ་ཞན་པའི་གང་ཟག་འབྲིང་པོས་ཆུ་ཚོད་སུམ་ཅུ་རྩ་གཉིས་དག་པའི་དབང་དུ་བྱས་ནས་ཐུན་གཅིག་ལ་ཁ་སྦྱར་སུམ་སེ་གོལ་ཅུ་རྩ་གཉིས་འོང་། དད་པ་དང་བརྩོན་འགྲུས་ཐ་མས་ཐུན་རེ་ལ་བདུན་ནམ་བཅུ་སེ་གོལ། འམ་ཉེར་གཅིག་ལ་སོགས་པ་ངེས་པ་མེད་པར་འབྱུང་བ་ཡིན་ནོ། །དེ་ལ་ཉི་མ་རེ་རེའམ་ཐུན་རེ་རེ་ལ་རེ་རེ་འཕེལ་དུ་
― LT14_Page_193A ―
[མ་དཔེ་གཟིགས་ན་འདིར་གནོན།]
བཅུག་ནས་ཐ་མ་ཡང་རབ་ཏུ་འགྱུར་བ་ཡིན་ནོ། །དེ་ལྟར་ལུས་སྐྱིལ་ཀྲུང་ལ་ཅི་ཙམ་འདོད་པ་ཐུབ་ནས་སྤྱོད་ལམ་གྱི་སྒོ་ནས་སྦྱང་བར་བྱ་སྟེ། ཙོག་པུར་སྦྱང་། དེ་ལ་འབྱོངས་ནས་ལངས་ལ་སྦྱང་། དེ་ནས་ལས་བྱེད་པ་ལ་སོགས་པ་བྱ་བ་ཐམས་ཅད་ཀྱི་སྒོ་ནས་ཀྱང་སྦྱང་བར་བྱའོ། །རྗེས་ལ་ལྟ་བ་བསྐྱང་བ་ནི། གསལ་བ་རང་སོ་བཟུང་བ་དང་། ལྷུག་པར་རང་སོ་བཟུང་བར་བྱའོ། །མཐར་ཕྱིན་པའི་ཚད་ཉིན་མཚན་དུ་མ་ཁ་སྦྱར་ཐུབ་ཅིང་ལུས་ཀྱི་འཕྲུལ་འཁོར་བཅས་པ་ཙམ་གྱིས་ཏིང་ངེ་འཛིན་དུ་འགྱུར་བའོ། །འོག་རླུང་དྲན་པ་ཙམ་གྱིས་ཐམས་ཅད་རང་འགགས་སུ་འགྲོ་བའོ། །སྐྱོན་འབྱུང་བ་ལུས་འཁྲུགས་ལ་སོགས་པའི་སྐྱོན་སེལ། ཡོན་ཏན་བདེ་སྟོང་གི་ཏིང་ངེ་འཛིན་མཉམ་རྗེས་མེད་པར་སྐྱེ། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་འགྲུབ་པ་ཡིན་ནོ། །དེ་དག་གི་གེགས་བསལ་བ་གཞུང་ཉིད་དུ་ཤེས་པར་བྱའོ། །གཉིས་པ་ཁྱབ་བྱ་མན་ངག་གི་གནད་ནི། སྤྱིར་ཙཎྜ་ལཱི་སྒོམ་པའི་རྣལ་འབྱོར་པ་ལ་དམིགས་པ་གསལ་བ་གཅེས། རླུང་ནོན་ཆུང་ཡང་དམིགས་པ་གསལ་ན་ཉམས་བཟང་པོ་སྐྱེ། མི་གསལ་ན་རླུང་ནོན་ཆེ་ཡང་དམིགས་པ་མི་གསལ་བ་ལྟར་ཉམས་སྐྱེ་བ་བུལ་ལ། འདིར་འབར་འཛག་ཐམས་ཅད་སྙིང་ག་ཡན་ཆད་དུ་དམིགས་པ་གཏད་ན་ཉམས་གསལ་བའི་ཏིང་ངེ་འཛིན་སྐྱེ། རླུང་ནོན་ཆུང་། ལྟེ་བ་མན་ཆད་ལ་གཏད་ན་དྲོད་བདེ་བ་གཙོར་སྐྱེ། རླུང་ནོན་ཆེ་བ་ཡིན་ནོ། །དམིགས་པ་ཐམས་ཅད་ཡང་ཡང་སྤོང་པ་བས། དམིགས་པ་གཅིག་ལ་གནད་ཟིན་པ་གལ་ཆེ་ཞིང་། རླུང་དང་གཏུམ་མོ་དེ་དག་ཀྱང་། །ནམ་ཟླ་དང་། ན་ཚོད་དང་། ནད་གཞི་དང་སྦྱར་དགོས་ཏེ། རླུང་དབྱར། གཏུམ་མོ་དགུན། མི་རྟོག་པ་དཔྱིད། བདེ་བའི་ཉམས་མྱོང་སྐྱེ་བར་འདོད་ན་སྟོན་སྒོམ་པ་ཡིན་ནོ། །ཡང་གཞོན་དུས་རླུང་། དར་ལ་བབ་པ་ན་གཏུམ་མོ། །རྒས་པ་ན་མི་རྟོག་པ། ཡང་ཁྲག་མཁྲིས་ཆེ་བ་ལ་རླུང་། རླུང་ཤས་ཆེ་
― LT14_Page_193B ―
[མ་དཔེ་གཟིགས་ན་འདིར་གནོན།]
ན་གཏུམ་མོ་བསྒོམ་པའོ། །དེ་དག་གི་ཉམས་སུ་བླང་བའི་མན་ངག་མདོར་བསྡུ་ན་དགུར་འདུས་ཏེ། འཁོར་ལོ་ལ་མ་བརྟེན་པ་ལྔ། བརྟེན་པ་གསུམ། མན་ངག་གི་གནད་ལ་བརྟེན་པ་མྱུར་བའོ། །དང་པོ་ལ་ལྔའི། མར་མེ་གསོ་བ་ལ་བརྒྱད་ལས། ལམ་སྦྱང་བ་ནི། ལུས་ཙོག་པུ་ལག་པ་སྒོམ་ཐག་གི་ཕྱག་རྒྱར་གནད་ལ་ཕབ་པའི་བསམ་གཏན་གྱི་ཡན་ལག་དགུ་སྔོན་དུ་སོང་བས་སྲོག་རྩོལ་གྱི་རླུང་གང་རུང་གིས་བསམ་གཏན་གྱི་ལམ་བཙལ་ཏེ་ལྟེ་བའི་འོག་སོར་བཞིར་ཀྵ་ཡིག་དམར་ནག་མགོ་ཐུར་ལ་བལྟ་བ་མེའི་རང་བཞིན་དུ་གནས་པ་དང་། ལྟེ་བར་ཨཾ་ཁ་དོག་དམར་སྐྱ་མགོ་གྱེན་དུ་བལྟ་བ་གསལ་བཏབ་ལ་འོག་སྒོ་འབྱེད་འཛུམ་གྱི་སྦྱོར་བ་ལན་གསུམ་གྱི་ཐ་མ་ལ་བསྡམས་པས་རླུང་མར་རྩེ་སྤྲད་པས་སུམ་མདོའ་མེ་འབར་བ་ཀྵ་ཡིག་ལ་ཕོག་པས་མེ་ཆེར་འབར། དེ་ལྟེ་བའི་ཨཾ་ལ་ཕོག་པ་ལས་ཁམས་བདུད་རྩིའི་རྒྱུན་ཆ་ཕྲ་བ་བབས་པས་མར་མེའི་སྡོང་བུ་ལ་འབྲུ་མར་བླུགས་པ་ལྟར་ཀྵའི་མེ་གསོས་པར་བསམ། དམིགས་པ་དེ་དག་བསྒོམ་པའི་ཚེ་མི་གསལ་ན་མིག་བཙུམ་སྟེ་བསྒོམས་ཀྱང་ཆོག་ལ། གསལ་ཞིང་དྲག་ལ་ཡུན་ཐུང་བ། །གཏུམ་མོའི་སྦྱོར་བ་དག་ལ་བསླབ། །ཅེས་པ་ལྟར་བསླབ་སྟེ། དམིགས་པ་འཛིན་པའི་བར་ལ་རླུང་མི་འཇུག་པ་ཡིན་ནོ། །དེ་ལྟར་དམིགས་པ་གསལ་བ་དང་སྟེང་རླུང་རྔུབས་ཏེ་རླུང་གི་རྟ་མཆིལ་མ་གཅིག་ཀྱང་སྒྲ་མེད་དུ་མིད་ལ་ཀོས་ཀོས་ཨོལ་མདུད་ནོན་པར་བྱ་སྟེ་འབར་འཛག་སྒྲ་ཤད་འཛིང་པ་ལྟ་བུའི་རྣམ་པ་ལ་དྲག་ཏུ་དམིགས་ཤིང་འོག་སྒོ་འཐེན་ནས་རླུང་རན་ཚད་དུ་ཁ་སྦྱོར་རོ། །གཉིས་པ་ལྟ་བ་བསྐྱང་བ་ནི་ཏིང་ངེ་འཛིན་དངོས་ཏེ་སྔར་གྱི་དམིགས་པ་དེ་ལས་ལུས་སེམས་ལ་ཉམས་ཅི་སྐྱེས་བརྟགས་པས་ཉམས་བཅོ་ལྔ་པོ་གང་རུང་ཞིག་སྐྱེས་ནས་དེ་ལ་སེམས་རྩེ་གཅིག་ཏུ་གནས་ན་རླུང་སེམས་ཀྱི་རྩོལ་བ་ཀློད་དེ། ལུས་སེམས་ཁོང་ལྷོད་ཀློད་ལ་གསལ་བའམ་ལྷུག་པ་ངོས་བཟུང་ལ་མི་གཡོ་བར་བཞག་གོ །
― LT14_Page_194A ―
[མ་དཔེ་གཟིགས་ན་འདིར་གནོན།]
ཡང་སེམས་འཕྲོ་ན་ལམ་སྦྱང་བའི་རླུང་སེམས་ཀྱི་རྩོལ་བ་དེ་ཉིད་དྲག་ཏུ་བསྒོམ་པའོ། །དེ་ལྟར་ལམ་སྦྱང་བ་དང་། ལྟ་བ་བསྐྱང་བ་གཉིས་སྤེལ་ཞིང་བྱ་བའམ། ཡང་ན་ལམ་སྦྱང་བ་གཙོ་བོར་བྱས་ནས་ཐུན་ཞབས་སུ་ལྟ་བ་སྐྱོང་བ་བློ་ལ་གང་བདེ་བྱའོ། །གསུམ་པ་དྲོད་བྱུང་རྒྱལ་དུ་བསྐྱང་བ་ནི། མཚན་ཉིད་སྣ་ཚོགས་ལ་སོགས་པ་ཉམས་མཐོ་དམན་བདེ་སྡུག་ཅི་སྐྱེས་ཀྱང་ནང་གི་རྟེན་འབྲེལ་ལས་བྱུང་བའི་ཏིང་ངེ་འཛིན་དུ་ངོ་ཤེས་པར་བྱས་ལ་སྐྱོན་ཡོན་དུ་མི་ལྟ་ཞིང་དགའ་མི་དགའི་རྣམ་རྟོག་སྤངས་ཏེ་ལམ་དུ་བསྲལ་ལོ། །བཞི་པ་ཐུན་གྲངས་མེད་པ་ནི། ཉི་མ་གཅིག་ལ་ཐུན་བཞི་དང་དྲུག་ལ་སོགས་པའི་ངེས་པ་མེད་པར་བསྒོམ་པའོ། །ལྔ་པ་ཐུན་ཚད་མེད་པ་ནི། ཐུན་རེ་ལ་གྲངས་ཉེར་བཞིར་བཅད་ནས་བསྒོམ་པ་ལ་སོགས་པའི་ཚད་མེད་པའོ། །དྲུག་པ་ཡིད་འཇུག་ཡུལ་བརྟགས་པ་ནི། ཡིད་སྤྲོ་ན་བསྒོམ་ལ་མི་སྤྲོ་ན་མི་བསྒོམ་སྟེ། སྤྲོ་བཞིན་དུ་མ་བསྒོམ་ན་བོགས་མི་འབྱུང་། མི་སྤྲོ་བཞིན་བསྒོམ་ན་གེགས་སུ་གྱུར་ཏེ། རྟ་གདོང་འདྲོག་ཅན་དང་འདྲ་བར་ལན་ཅིག་སྒོམ་དང་འགྲས་ན་ཕྱིས་ཀྱང་ངན་ལང་དུ་སོང་ནས་བསྒོམ་དུ་མི་བཏུབ་བའོ། །བདུན་པ་ཁམས་ཚོད་བཟུང་བ་ནི། ཁམས་བཟང་ན་བསྒོམ་ལ་ངན་ན་ཁམས་གསོ་ཞིང་རེ་ཞིག་ཀློད་པ་སྟེ། ཁམས་ཇན་བཞིན་དུ་སྒོམ་ན་འབྱུང་བ་ལུས་འཁྲུགས་སུ་འགྱུར་བའོ། །བརྒྱད་པ་ཁ་ཟས་དང་སྤྱོད་ལམ་གྱི་ལྕག་གིས་བསྣུན་པ་ནི། ཁ་ཟས་ཡང་ཞིང་བཅུད་ཆེ་བ་ཟ། སྤྱོད་ལམ་ཧ་ཅང་གཅུར་བ་མ་ཡིན་པ་བག་ཡངས་བརྟེན། ཉི་མ་དང་མེ་དང་རླུང་ལ་མི་བསྡད། རྔུལ་འོང་དུ་མི་གཞུག །ལུས་གནད་སྐྱིལ་ཀྲུང་ངམ་ཙོག་པུ་ལ་བསླབ་བོ། །གཉིས་པ་ཚངས་པའི་ཐོག་ལ་བརྒྱད་ལས། །ལམ་སྦྱང་བ་ནི། བླ་མའི་གསུང་གིས། རླུང་གི་གཞུ་ལ་མེ་ཡི་མདའ། །བྱང་སེམས་ཧཾ་གི་འབེན་ལ་བརྡེག །
― LT14_Page_194B ―
[མ་དཔེ་གཟིགས་ན་འདིར་གནོན།]
མྱུར་ཏུ་ཡེ་ཤེས་འཆར་བར་འགྱུར། །བསྐྱར་བའི་སྦྱོར་བ་མེད་པའོ། །ཞེས་པའི་དོན་ཏེ། ལུས་སྐྱིལ་ཀྲུང་། ལག་པ་གཉིས་པུས་མོ་ལ་དགབ། ལུས་གནད་གཞན་སྔར་དང་འདྲ་བའི་བསམ་གཏན་གྱི་ཡན་ལག་དགུ་སྔོན་དུ་བཏང་ནས་སེམས་ཀྱི་གནད་གཤང་སྒོར་རླུང་གི་གཞུ་ལ་མེའི་མདའ་ཚ་བ་རྩུབ་པ་རྣོ་ངར་དང་ལྡན་པ་མར་རྩེ་གཤང་ལམ་དུ་བསྟན་པ་གསལ་གདབ། རྩ་དབུ་མ་ཡང་གསང་གནས་ནས་སྤྱི་གཙུག་གི་བར་དུ་དྲང་པོར་ཡོད་པའི་ཡས་སྣར་ཧཾ་མགོ་ཐུར་བསྟན་བྱང་སེམས་ཀྱིས་གང་བ་བསྒོམས་ལ། རླུང་གི་གནད་འོག་རླུང་དྲག་ཤུལ་དུ་བསྐུམ། ལྟོ་བའི་སྨད་ཚིགས་པ་ལ་སྦྱར་བས་རྒྱབ་ཕྱོགས་ངོས་ནས་མདའ་གཞུ་སྟེང་འོག་འགྱུར་ཏེ་མདེལ་རྩེ་དབུ་མར་ཞུགས་པར་བསམ། དེ་ནས་རོ་སྟོད་གྱེན་དུ་འཐེན་པས་གཞུ་ཁེངས་པར་གྱུར་པ་ན་ལྟོ་བའི་སྨད་དང་འོག་རླུང་སྟེང་དུ་དྲག་ཏུ་དྲངས། མིག་སྟེང་དུ་བགྲད་པས་མེའི་མདའ་དེ་དབུ་མའི་ལམ་ནས་སོང་། སྤྱི་གཙུག་གི་ཧཾ་ལ་ཕོག་པས་ཧཾ་ལས་བདུད་རྩིའི་རྒྱུན་པ་ཐག་ནར་བའམ། མུ་ཏིག་གི་རྡོག་མ་ལྟ་བུ་དཀར་ཀྲིག་ཀྲིག་འཛག་པ་རིགས་གཉིས་པོ་བློ་ལ་བདེ་ཏིང་ངེ་བའི་བར་དུ་འབབ་པར་བསྒོམས་ལ་འོག་རླུང་དང་རོ་སྟོད་དུས་གཅིག་ཏུ་ཀློད། གསུས་པོ་ཆེ་ཕྱིར་དྲག་ཏུ་ཕུལ་ལ་ལྟོ་བ་ཚིགས་པ་ལ་གཅེར། དེ་ཉིད་ཀྱིས་སྟེང་རླུང་རང་འགགས་སུ་འགྲོ་བས་ཆེད་དུ་བཟུང་མི་དགོས་ལ། ཆེད་དུའང་མི་གཏོང་སྟེ་འདི་ནི་རླུང་ཞི་བ་ཞེས་བྱ་བའི་གནད་ཡིན་ནོ། །དེའི་ཚེ་སེམས་འཕྲོ་ན་མདའ་གཞུའི་དམིགས་པ་ནི་མི་བསྒོམ་གྱི། སྙིང་གའམ་ལྟེ་བ་ཡན་ཆད་དུ་ཐིག་ལེ་འཛག་པ་ལ་ཡིད་གཏད། ཏིང་ངེ་འཛིན་ཤུགས་དྲག་པས་བརྒྱལ་ན། ཚིགས་པ་བདུན་པའི་ཕྱི་ནང་དུ་ཁུ་ཚུར་དང་ཐལ་ལྕག་གིས་བསྣུན། དེས་མ་ཕན་ན་ཆུ་ལྕག་ལ་སོགས་པ་བྱ་ཞིང་མན་ངག་གི་གནད་བརྒྱད་ཀྱིས་ཉམས་སུ་བླང་བ་སྔར་བཞིན་ནོ། །ཐུན་ཕྱི་མ་ཕྱི་མ་མདའ་གཞུའི་དམིགས་པ་རེ་རེ་བསྒོམ་དུ་ཡོད་དོ། །ལྟ་བ་བསྐྱང་
― LT14_Page_195A ―
[མ་དཔེ་གཟིགས་ན་འདིར་གནོན།]
བ་ལ་སོགས་པ་སྔར་བཞིན་ནོ། །འདི་ལས་གཙོ་བོར་དྲོད་དང་བདེ་བ་སྐྱེའོ། །གསུམ་པ་རྩའི་རྣལ་འབྱོར་ལ། ལམ་སྦྱོང་བ་ནི། ལུས་སྐྱིལ་ཀྲུང་ལ་སོགས་པ་ཅི་བདེར་གནད་ལ་དབབ། སྔོན་འགྲོ་གཞན་རྣམས་ཀྱང་ཚང་བར་བྱས་ནས་རླུང་ཕྱིར་ལྡང་བ་དང་བསྟུན་ཏེ་གཡས་རོ་མ་མའི་རང་བཞིན་ཁ་དོག་དམར་པོ་གསང་གནས་ནས་རྣ་བ་གཡས་ཀྱི་བར་ལ་གསལ་གདབ། དབུགས་ནང་དུ་གནས་པ་དང་བསྟུན་ཏེ་གཡོན་རྐྱང་མ་ཟླ་བ་ཆུའི་རང་བཞིན་ཁ་དོག་དཀར་པོ་གསང་གནས་ནས་རྣ་བ་གཡོན་པའི་བར་དུ་གསལ་བཏབ་སྟེ། དེ་གཉིས་ནི་སྦོམ་ཕྲ་སྙུག་མ་འབྲིང་པོ་ཙམ་མོ། །དབུགས་ནང་དུ་གནས་པ་དང་བསྟུན་ཏེ་གསང་གནས་ནས་ཚངས་བུག་གི་བར་དུ་གནས་པའི་དབུ་མ་ཆོས་བཞི་ལྡན་དུ་གསལ་གདབ་པ་ནི་པདྨའི་སྣལ་མ་ལྟར་ཕྲ། ཆུ་ཤིང་གི་སྡོང་པོ་ལྟར་དྲང་། ཏིལ་གྱི་མར་མེ་ལྟར་གསལ། རྒྱ་སྐག་གི་མེ་ཏོག་ལྟར་དམར་ཞེས་དྲན་པར་བྱ་སྟེ། ཐོག་མར་ཕྱིར་འགྲོ་བ་ཇེ་ཐུང་ནང་དུ་འཇུག་པ་ཇེ་རིང་། ཕྱི་ནས་གནས་པ་ཇེ་རིང་ལ་བསླབ་བོ། །དེ་ལྟར་ཡང་ནས་ཡང་དུ་སྦྱངས་པས་ཡིད་གར་གནས་ངེས་པ་མེད་པར་གང་གནས་སར་གཏད་ལ་བསྒོམས་པས་ཉམས་དཔག་ཏུ་མེད་པ་སྐྱེ་ལ། དྲོད་ཉམས་ཐམས་ཅད་བྱུང་རྒྱལ་དུ་བཏང་ཞིང་ཐུན་ཚད་ལ་སོགས་པ་ངེས་པ་མེད་པར་བྱ་བ་སོགས་སྔར་བཞིན་ནོ། །འདི་ལས་མི་རྟོག་པ་གཙོ་བོར་སྐྱེའོ། །བཞི་པ་སྲུབ་ཤིང་གི་འཁོར་ལོ་ནི། ལམ་སྦྱང་བ་ནི་ལུས་ཙོག་པུ། ལག་པ་སྒོམ་ཐག་གི་ཕྱག་རྒྱ་བཅའ། སྔོན་འགྲོ་གཞན་སྔར་དང་འདྲ་བར་བྱས་ནས་སེམས་ཀྱི་གནད་ལུས་ཀྱི་དབུས་ལྟེ་བ་ནས་སྤྱི་གཙུག་གི་བར་དུ་རྩ་དབུ་མ་ཁ་དོག་དམར་པོ། སྦོམ་ཕྲ་ཅི་རིགས་པ་ཞིག་གསལ་གདབ། རྩ་གཡས་གཡོན་གཉིས་ཁ་དོག་དཀར་པོ་སྦོམ་ཕྲ་ཅི་རིགས་པ་གསལ་བཏབ་ལ་རླུང་སྟེང་རླུང་མནན་པས་རྩ་གཡས་གཡོན་གཉིས་ལྟང་གང་པས་ལག་པས་བསྲུབས་
― LT14_Page_195B ―
[མ་དཔེ་གཟིགས་ན་འདིར་གནོན།]
ཤིང་སྒྲིལ་བ་ལྟར་རྩ་གཉིས་ཀྱི་མདུད་པས་བཅེར་ཏེ་དབུ་མ་ལ་བསྲུབ་ཅིང་བསྒྲིལ་བར་བསྒོམ་པའམ། ཡང་ན་རྩ་གཉིས་ཀྱིས་སྲུབ་ཐག་གི་ཚུལ་གྱིས་ལན་གསུམ་དུ་དཀྲིས་པས་དབུ་མ་བསྒྲིལ་བས་དབུ་མའི་མས་སྣས་ལྟེ་བའི་ཨ་ཐུང་སྲུབ་གཏན་གྱི་ཚུལ་དུ་འོག་ན་ཡོད་པ་ལ་བསྲུབས་པས་ཕྲ་ཕྲ་ཧར་ཧར་སོང་བར་བསམས་ལ། འོག་རླུང་བསྐུམ་སྟེ་སྟེང་རླུང་དང་འོག་རླུང་གཉིས་དྲག་ཏུ་ཁ་སྦྱར་རོ། །འདིའང་ཟས་དང་སྤྱོད་ལམ་གྱི་ལྕག་གིས་བསྐུལ་ཞིང་ཐུན་གྲངས་དང་ཐུན་ཚད་མེད་པར་ལམ་སྦྱང་། ལྟ་བ་བསྐྱང་། ཉམས་ཅི་སྐྱེས་བྱུང་རྒྱལ་དུ་བསྐྱང་བ་ལ་སོགས་པ་སྔར་བཞིན་ནོ། །འདི་ལ་གཙོ་བོར་དྲོད་དང་བདེ་བ་སྐྱེའོ། །ལྔ་པ་ཐིག་ལེའི་རྣལ་འབྱོར་ནི་བཞི་ལས། གསལ་བར་འདོད་ན་སྙིང་གའི་ཉི་ཟླ་ཁ་སྦྱོར། གནས་པར་འདོད་ན་ལྟེ་བའི་དཔའ་བོ་འབའ་ཞིག །བདེ་བ་ཆེ་བ་འདོད་ན་གསང་གནས་བདེ་བའི་ཐིག་ལེ། ལུས་སྟོབས་འཕེལ་བར་འདོད་ན་མཛོད་སྤུ་སྐྲ་དཀར་ས་བོན་ལ་བསླབ་བོ། །དང་པོ་ནི། མཱ་ཧཱ་མཱ་ཡཱའི་དགོངས་པ་སྟེ། སྐྱིལ་ཀྲུང་དང་ལག་པ་པུས་མོ་ལ་དགབ་པའམ་མཉམ་གཞག་གང་རུང་དུ་གནད་ལ་ཕབ་པའི་ལུས་གནད་སོགས་བསམ་གཏན་གྱི་ཡན་ལག་དགུ་ཚང་བར་བྱས་ནས། སྙིང་སྒོ་ང་སྟོང་པ་ལྟ་བུའི་ནང་དུ་འོག་ཏུ་ཟླ་བ། སྟེང་དུ་ཉི་མ། དེ་གཉིས་སྲན་མ་བཀས་པ་ཙམ། བར་དུ་ཐིག་ལེ་ཉུངས་འབྲུ་ཙམ་ཁ་དོག་དཀར་དམར་རྣམ་པ་གསལ་བ། ངོ་བོ་བདེ་སྟོང་ཆོས་གསུམ་ལྡན་ཅིག་བསམ། དེ་ལ་ཡིད་གཏད་པས་ཐིག་ལེ་ལས་སིང་ཟེར་བའི་སྒྲ་ལ་བསྟེན་ནས་སྟེང་གི་ཉི་མ་ལ་བུ་ག་རྟ་རྔ་ཤོང་བ་ཙམ་ཅིག་བྱུང་བར་བསམ། དེ་ན་མར་ཡིད་ཀྱིས་ལྟ་ཞིང་རླུང་ཁ་ནས་སྒྲ་མེད་དུ་བཀང་བས་བུ་ག་ནས་ཐིག་ལེ་ལ་སིབ་སིབ་ཐིམ། དེ་ལ་བརྟེན་ནས་རླུང་གནས་པའི་ཚེ་ན་ཐིག་ལེ་དེ་ལས་འོད་ཟེར་གྱི་སྐུད་པ་ཤིན་ཏུ་ཕྲ་བ་ཅིག་བྱུང་སྟེ། བུག་པ་ནས་འཐོན་ནས་ཉི་ཟླ་ཐིག་ལེ་དང་བཅས་པ་ལ་དཀྲིས་ཕྱེད་དང་བདུན་དཀྲིས་པར་བསམ་ཞིང་རླུང་ཐུབ་ཚད་མནན། མི་ཐུབ་པ་དང་སྣ་ནས་སྒྲ་མེད་དུ་དལ་བུས་བཏང་ཞིང་སྔར་གྱི་ཐག་པ་དེ་ནང་དུ་བསྔོགས་ནས་ཐིག་ལེ་ལ་ཐིམ་པར་བསམ་མོ། །དེ་ལ་ཉི་ཟླ་ནི་ཐབས་ཤེས། ཐིག་ལེ་ནི་ཀུན་གཞི།
― LT14_Page_196A ―
[མ་དཔེ་གཟིགས་ན་འདིར་གནོན།]
དེ་ལས་བྱུང་བའི་དཀྲིས་ཕྱེད་ནི་ཉོན་ཡིད། ཧྲིལ་བོ་དྲུག་ནི་རྣམ་ཤེས་ཚོགས་དྲུག་སྟེ་དེ་ལྟར་བསྒོམ་པས་ཏིང་ངེ་འཛིན་དམིགས་པ་གསལ་བ་རབ་ཀྱི་མཐར་ཐུག་པ་སྐྱེ་ཞིང་། གཞན་མངོན་ཤེས་མྱུར་དུ་འཆར་རོ། །མན་ངག་གི་གནད་ནི་སྔ་མ་བཞིན་ནོ། །གཉིས་པ་ནི། སྔོན་འགྲོ་སྤྱི་དང་མཐུན་པ་ལས་ཁྱད་པར་དུ་ལུས་སྐྱིལ་ཀྲུང་དུ་བྱ། ལྟེ་བར་ཐིག་ལེ་ཅན་ཀའི་ཚད་ཙམ་ཁ་དོག་དཀར་བ། རྣམ་པ་གསལ་བ། བདེ་སྟོང་ཟུང་དུ་ཆུད་པ་ཆོས་གསུམ་ལྡན་པ་ཅིག་བསམས་ལ། སྟེང་རླུང་རྩོལ་བ་བཀག་སྟེ་སྲོག་ནས་སམ། ཁ་ནས་སྒྲ་མེད་དུ་དགང་སྟེ་མནན་པས་ཐིག་ལེ་ལ་ཐིམ་པར་བསམས་པས་ལྟེ་བར་དྲང་སྐྱེ་ཞིང་ཁྱད་པར་དུ་མི་རྟོག་པའི་ཏིང་ངེ་འཛིན་ནི་གཉིད་མཐུག་པོ་ཙམ་མྱུར་དུ་སྐྱེའོ། །མན་ངག་གི་གནད་རྣམས་སྔ་མ་བཞིན་ནོ། །གསུམ་པ་ནི་སྔོན་འགྲོ་སྔར་དང་འདྲ། སེམས་ཀྱི་གནད་ཐབས་ཀྱི་རྡོ་རྗེ་བུམ་པའམ་ཤེས་རབ་ཀྱི་བྷ་གའི་ནང་དུ་ཐིག་ལེ་ཁ་དོག་པདྨ་རཱ་ག་ལྟ་བུ། རྣམ་པ་བདེ་གསལ། ངོ་བོ་ཟུང་འཇུག་ཆོས་གསུམ་ལྡན་ཡུངས་འབྲུ་ཙམ་ཞིག་བསམས་ལ་འོག་སྒོ་འབྱེད་འཛུམ་གྱི་སྦྱོར་བས་འོག་རླུང་ཐིག་ལེ་ལ་ཐིམ་པར་བསམ། དེའང་འོག་སྒོ་འཛུམ་པ་དང་། འོག་རླུང་ཆེར་བསྐུམ་ལ་བསྒོམ་གློད་ཙ་ན་དལ་བུས་གློད། དྲག་ཤུལ་དུ་གློད་ན་ཐིག་ལེ་ཉམས་ཏེ་འགྲོ་གསུང་། དེ་ལྟར་བསྒོམས་པས་ནོར་བུ་འགས་པ་སྙམ་བྱེད་པའི་བདེ་བ་འབྱུང་། ཐིག་ལེ་འཛག་པའམ་ཆགས་པ་སྐྱེས་ན་བགྲད་པའི་མཐས་བསྲུང་། མཛོད་སྤུར་ཤེས་པ་གཏད། དེས་ཞི། དེ་ཙམ་ན་ལྟོ་བ་འགྱུར་བ་བྱས་པས་ལུས་ཐམས་ཅད་ལ་བདེ་བས་ཁྱབ་པ་སྐྱེའོ། །དེ་ལྟར་བསྒོམས་པས་སྐྱུགས་པ་འཕྲོ་འཆད། འབྱངས་ན་ནད་འཐོན་ཏེ་བདེ་མཆོག་ནས་འབྱུང་བའོ། །མན་ངག་གི་གནད་རྣམས་སྔར་བཞིན་ནོ། །འདི་ལ་འོག་རླུང་འབའ་ཞིག་གཙོར་བྱ། ཏིང་ངེ་འཛིན་བདེ་བ་
― LT14_Page_196B ―
[མ་དཔེ་གཟིགས་ན་འདིར་གནོན།]
མྱུར་དུ་སྐྱེའོ། །བཞི་པ་སྔོན་འགྲོ་སྔར་དང་འདྲ། སེམས་ཀྱི་གནད་མཛོད་སྤུའི་ནང་གི་སྤྱི་བོའི་གནས་སུ་ཧཾ་འཁྱོག་པོ་ཁ་ནང་བསྟན་མགོ་ཐུར་དུ་བལྟ་བ་དར་གྱི་སྣལ་མ་འདྲ་བ་འོད་དཀར་པོ་འཕྲོ་ཞིང་བདེ་བའི་ཉམས་དང་ལྡན་པ་དང་། ལྕེ་ཆུང་གི་རྩ་བར་སུཾ་དཀར་པོ་མགོ་ཐུར་བསྟན་སྙིང་གར་ཧཱུྃ་སྔོན་པོ་མགོ་གྱེན་བསྟན་བསམས་ལ་རྩོལ་བའི་རླུང་ཕྱིར་རྒྱུ་བའི་དུས་སུ་ལྕེ་ཆུང་གི་རྒྱབ་ནས་སོང་ནས་ཧཾ་ལ་ཕོག་པས་ཧཾ་བསྲོས་ཏེ། དེ་ལས་བདུད་རྩིའི་རྒྱུན་ལྕེ་ཆུང་གི་སུཾ་ལ་བབས། དེ་ཁེངས་ནས་དེ་ལས་ཀྱང་བདུད་རྩི་བབས་པས་སྙིང་གའི་ཧཱུྃ་ཚིམ་པར་བསམ། དེ་ལ་ཤེས་པ་གཏད། ཡང་ནང་དུ་འཇུག་པ་ན་ཡང་སྔ་མ་ལྟར་བབས་པར་བསྒོམས་ལ་འཛག་པ་གཉིས་སེམས་ཉམས་དང་སྦྱར། སྐབས་སུ་ལྕེ་རྩ་འགུལ་བ་ཙམ་བྱ། ལྐོག་མས་ཨོལ་མདུད་མནན། ལྕེ་རྐན་ལ་སྦྱར་ཏེ་བསྒོམས་པས་མཆིལ་མ་ཐོག་མར་སྐ་རུ་འགྲོ། དེ་ནས་ཞོ་ཙམ། དེ་ནས་མང་དུ་སོང་སྟེ་ཁམས་ཀྱི་ཟས་ལ་འདོད་ཆགས་དང་བྲལ་བ་འབྱུང་། མཆིལ་མ་ཕྱིར་མི་འདོར་བ་གནད་ཡིན། དོར་ན་ཁམས་ངན་ཞིང་ལོངས་སྤྱོད་དམན་དུ་འགྲོ་གསུང་། རླུང་སྲོག་རྩོལ་འབའ་ཞིག་དང་བསྟུན། ཡོན་ཏན་ལུས་ཟུང་ཤིན་ཏུ་རྒྱས་པ་དང་། ལུས་རྟ་ལྟར་འགྲོ། སྐྲ་དཀར་དང་གཉེར་མ་སྤོང་ཞིང་ཤེས་པ་གསལ་ཞིང་དྭངས་པར་འགྱུར་རོ། །མན་ངག་གི་གནད་རྣམས་སྔར་བཞིན་ནོ། །དེ་དག་གིས་འཁོར་ལོ་ལ་མ་བརྟེན་པ་ལྔ་བསྟན་ཏོ། །གཉིས་པ་འཁོར་ལོ་ལ་བརྟེན་པ་ལ། འཁོར་ལོ་གཅིག་ལ་བརྟེན་པ་རྣོ་བ་ནི། ལུས་ཙོག་པུར་གནད་ལ་ཕབ། བསམ་གཏན་གྱི་ཡན་ལག་གཞན་རྣམས་ཚང་བར་བྱས་ལ། གཤང་སྒོར་ལས་ཀྱི་རླུང་དང་། སུམ་མདོར་ཡེ་ཤེས་ཀྱི་མེ་རང་བཞིན་གྱིས་གནས་པ་གསལ་གདབ། ལྟེ་བའི་འཁོར་ལོའ་ཕྱི་སྐོར་དྲུག་ཅུ་རྩ་བཞི་ལ་ཡི་གེ་བཀོད་པ་དང་བྲལ་བ། ནང་སྐོར་འདབ་མ་བརྒྱད་ལ་སྡེ་ཚན་གྱི་
― LT14_Page_197A ―
[མ་དཔེ་གཟིགས་ན་འདིར་གནོན།]
གཙོ་བོ་ཨ་ཀ་ཙ་ཊ་ཏ་པ་ཡ་ཤ་བརྒྱད་གཡས་བསྐོར། ལྟེ་བར་ཨཾ་ཤིན་ཏུ་ཆ་ཕྲ་བ་ལྟེ་བའི་རྩ་མདུད་གྲུ་གསུམ་གྱི་དབུས་སུ་གནས་པ་བསམས་ཏེ། ཡིག་འབྲུ་ཐམས་ཅད་ཁ་དོག་དམར་པོ་གསལ་གདབ། འོག་རླུང་ཨ་ལོང་འབྱེད་འཛུམ་གྱི་སྦྱོར་བས་མར་རྩེ་སྤྲད་པས་སུམ་མདོའ་མེ་སྦར། དེས་ལྟེ་བའི་ཨཾ་ལ་ཕོག་པས། ཨཾ་ལས་མེ་ཁ་དོག་དམར་ཞིང་ངོ་བོ་ཚ་བ་སོར་བཞི་ཙམ་ལ་སོགས་པར་འབར་བ་ལ་དམིགས་པ་གཏད་དེ་རླུང་རིམ་གྱིས་ཁ་སྦྱར། །ཀོས་ཀོས་ཨོལ་མདུད་མནན། རླུང་ཐུབ་ཚད་དུ་བཟུང་། དེས་ལྟེ་བའི་འོག་ཏུ་དྲོད་ཚ་འུར་གྱིས་འོང་བའམ། བདེ་བས་བརྒྱལ་ནས་འགྲོ་བའམ། གྲང་སིང་གིས་འགྲོ་བའམ། སྨིན་མཚམས་ན་བ་ལ་སོགས་པ་འབྱུང་སྲིད་པས་བྱུང་རྒྱལ་དུ་བཏང་། ལྟེ་བ་བསྐྱང་བ་ལ་སོགས་པ་གནད་རྣམས་སྔ་མ་བཞིན་ནོ། །ཉམས་མྱུར་དུ་སྐྱེ་བའི་དམིགས་པ་ཡིན་པས་རྣོ་བ་ཞེས་བྱའོ། །འཁོར་ལོ་གཉིས་ལ་བརྟེན་པ་མྱུར་བ་ནི། སྔོན་འགྲོ་སྔར་བཞིན་བྱས་ལ་སེམས་ཀྱི་གནད་སྔར་གྱི་ལྟེ་བའི་འཁོར་ལོའ་སྟེང་དུ་སྙིང་གར་རྩ་འདབ་བརྒྱད་ལ་ཡི་གེ་བཀོད་པ་དང་བྲལ་བ་ཁ་ཐུར་དུ་བལྟ་བ། ལྟེ་བ་ལ་ཧཱུྃ་སྔོ་སྐྱ་དངུལ་ཆུ་ལྟ་བུར་ཐུར་ལ་བལྟས་པ་ཐིགས་ལ་ཁད་པ་ཞིག་བསམ། དེ་ནས་ཨཾ་དང་ཧཱུྃ་གཉིས་རྩ་དབུ་མ་ཤིན་ཏུ་ཆ་ཕྲ་བས་ཟུང་སྦྲེལ་བར་བསམས་ལ་དེ་ནས་ཡང་རླུང་མར་རྩེ་སྤྲད་དེ། འབྱེད་འཛུམ་ལན་གསུམ་གྱི་ཐ་མ་ལ་བསྡམས་པས་སུམ་མདོའ་མེ་འབར་ནས། ལྟེ་བའི་ཨཾ་ལ་བསྣོན་པས། ཨཾ་ལས་མེ་ཤིན་ཏུ་ཕྲ་བ་དབུ་མའི་ནང་ནས་ཧཱུྃ་གི་བར་དུ་འབར། ཧཱུྃ་ལས་བྱང་སེམས་ཆ་ཕྲ་བ་ཨཾ་གི་བར་དུ་འཛག་པས་འབར་འཛག་དཀར་དམར་གྱི་རྣམ་པ་ལ་བློ་གཏད་དེ་བསྒོམ་མོ། །དམིགས་པ་འཛིན་པའི་བར་ལ་སྟེང་རླུང་བཅུག་ན་མགྲོན་པོ་ཚོང་མ་ཚར་བར་ཟོང་ཟད་པ་དང་འདྲ་བས་མི་གཞུག །དམིགས་པ་གསལ་གདབ་པ་
― LT14_Page_197B ―
[མ་དཔེ་གཟིགས་ན་འདིར་གནོན།]
ཚར་བ་དང་སྟེང་རླུང་དལ་བུས་མནན། འོག་རླུང་དྲག་པོས་བསྐུམ། མནན་དྲག་ན་དམིགས་པ་མི་གསལ་དུའགྲོ་སྲིད་ཅིང་། དམིགས་པ་མི་གསལ་ན་རླུང་ནོན་ཡང་ཡོན་ཏན་མི་སྐྱེ་བས་རན་པར་བྱ། མི་ཐུབ་ན་དལ་བུས་བཏང་། མན་ངག་གི་གནད་སྔར་བཞིན་ནོ། །དེ་ལ་དྲོད་ཀྱིས་བསྡུས་པའི་མཐོང་སྣང་འབྱུང་བ་ནི་རྟགས་ལྔ་དང་། རྟགས་ཀྱི་རྟགས་ལྔ་དང་བཅུའོ། །དང་པོ་ནི་སྣ་གཡས་ནས་འབྱུང་བ་ལྔའི་རླུང་ལུགས་འབྱུང་དུ་རྒྱུ་བ་ཟིན་པའི་དབང་དུ་བྱས་ན། དུ་བ། སྨིག་རྒྱུ། སྲིན་བུ་མེ་ཁྱེར། མར་མེ་འབར་བ། ནམ་མཁའ་སྤྲིན་མེད་ལྟ་བུ་འབྱུང་ངོ་། །གཡོན་གྱི་འབྱུང་བ་ལྔའི་རླུང་ལུགས་ལྡོག་ཏུ་རྒྱུ་བ་ཟིན་པའི་དབང་དུ་བྱས་ན། མུན་ནག །འཇའ་ཚོན། གློག །ཟླ་བའི་འོད་ཟེར། ཉི་མའི་འོད་ཟེར་ལྟ་བུ་རྣམས་འབྱུང་སྟེ། མཉམ་རྗེས་གཉིས་ཀ་ལ་མཐོང་སྣང་དང་། རྨི་ཉམས་སུ་ཅི་རིགས་པར་འབྱུང་བས་ངོ་ཤེས་པར་བྱས་ལ་ཉམས་ཐམས་ཅད་བྱུང་རྒྱལ་དུ་བསྐྱང་ངོ་། །གསུམ་པ་འཁོར་ལོ་བཞི་ལ་བརྟེན་པ་ནི། སྔོན་འགྲོ་རྣམས་སྔར་བཞིན་བྱས་ལ་ལས་བྱེད་པའི་འཁོར་ལོ་གཉིས་ཀྱང་གསལ་གདབ། ལྟེ་བའི་འཁོར་ལོ་ཕྱི་སྐོར་འདབ་མ་དྲུག་ཅུ་རྩ་བཞི་ལ་ཨཱ་ལི་བཅུ་དྲུག་ཕྲག་གཉིས་གཡོན་སྐོར། ཧ་དང་ཀྵ་སྤངས་པའི་ཀཱ་ལི་གཡས་སྐོར། ནང་སྐོར་འདབ་མ་བརྒྱད་སྔ་མ་དང་འདྲ་སྟེ་ཡི་གེ་ཐམས་ཅད་ཀྱང་ཁ་དོག་དམར་པོ་མགོ་གྱེན་ལ་བལྟ་བའོ། །དེ་ནས་སྙིང་གའི་འདབ་མ་བརྒྱད་ལ་ཕྱོགས་བཞིར། བྷྲཱུཾ་ཨཱཾ་ཛྲཱིཾ་ཁཾ་བཞི། མཚམས་བཞིར་ལཱཾ་མཱཾ་བཱཾ་ཏཱཾ་བཞི། དབུས་སུ་ཧཱུྃ་ཡིག་འབྲུ་ཐམས་ཅད་ཀྱང་ཁ་དོག་ནག་པོ་མགོ་ཐུར་ལ་བལྟ་བའོ། །མགྲིན་པ་འདབ་མ་བཅུ་དྲུག་ལ་ཨཱ་ལི་བཅུ་དྲུག་གཡོན་བསྐོར་ལྟེ་བར་ༀ། ཡིག་འབྲུ་ཐམས་ཅད་ཀྱང་ཁ་དོག་དམར་པོ་མགོ་གྱེན་ལ་བལྟ་བའོ། །སྤྱི་བོར་འདབ་མ་སུམ་ཅུ་རྩ་གཉིས་ལ་ཨཱ་ལི་བཅུ་དྲུག་གཡོན་སྐོར། །ཀ་ནས་ཏ་རྣམས་སོའ་བར་བཅུ་དྲུག་གཡས་སྐོར། ལྟེ་བ་ལ་ཧཾ་
― LT14_Page_198A ―
[མ་དཔེ་གཟིགས་ན་འདིར་གནོན།]
སྟེ་ཡིག་འབྲུ་ཐམས་ཅད་ཁ་དོག་དཀར་པོ་མགོ་ཐུར་ལ་བལྟ་བའོ། །དེ་བཞིན་དུ་རྩ་གསུམ་ཡང་གསལ་གདབ་སྟེ། གཡས་རོ་མ་དམར་པོ། གཡོན་རྐྱང་མ་དཀར་པོ་ལྟེ་བ་ནས་སྤྱི་བོའི་བར་དུ་ཟུག་པ། དབུས་སུ་དབུ་མ་ཆོས་བཞི་ལྡན་ལྟེ་བ་ནས་ཚངས་སྒོར་སླེབས་པར་བསྒོམ། དེ་ནས་འོག་སྒོ་འབྱེད་འཛུམ་ཀྱི་སྦྱོར་བས་རླུང་མེ་མ་དང་གཉིད་མ་གཉིས་རྩེ་སྤྲད་པས་སུམ་མདོའ་མེ་སྦར། ལྟེ་བའི་ཨཾ་ལ་ཕོག་པས་རླུང་དྲོད་ཀྱི་རང་བཞིན་ཅན་དེ་གཡས་རོ་མ་ནས་སོང་། སྙིང་གའི་ཡིག་འབྲུའི་ཁམས་རྣམས་བསྲེགས། ཡང་རོ་མ་ནས་སོང་མགྲིན་པའི་ཡིག་འབྲུའི་ཁམས་རྣམས་བཅོམ། ཡང་རོ་མ་ནས་སོང་སྟེ་སྤྱི་གཙུག་གི་ཧཾ་ལ་ཕོག་པས། ཧཾ་འོད་དུ་ཞུ་ནས་རྐྱང་མ་ནས་བབས། མགྲིན་པའི་ཡིག་འབྲུ་རྣམས་སྤར་བཞིན་གསོལ་བཏབ་རྒྱས་པར་བྱས། རྐྱང་མ་ནས་སོང་སྙིང་གའི་ཡིག་འབྲུ་རྣམས་གསོས་བཏབ་རྒྱས་པར་བྱས། ཡང་རྐྱང་མ་ནས་སོང་སྟེ་ལྟེ་བའི་ཨཾ་ལ་ཕོག་པས་ཨཾ་ཆེར་འབར་ཏེ་དབུ་མ་ཉིད་ཅུང་ཟད་ཁ་བྱེ་ནས་གློག་གི་ཟེར་མའི་ཚུལ་གྱིས་དབུ་མ་ནས་སོང་སྟེ་སྙིང་གའི་ཧཱུྃ་དང་མགྲིན་པའི་ༀ་གཉིས་ཀྱང་ཞེན་ཐོགས་མེད་པར་བཅོམ་སྟེ། རེག་པ་ཙམ་གྱིས་ཧཾ་ལས་བདུད་རྩིའི་ཆུ་རྒྱུན་ཆ་ཕྲ་བ་དབུ་མ་ཉིད་ནས་བབས། ༀ་དེ་རིམ་གྱིས་མར་བདས་ནས་མགྲིན་པའི་གནས་སུ་འབར་འཛག་ལ་བློ་གཏད་ལ་བསྒོམ། ཡུན་རིང་ན་རླུང་ནོན་དཀའ་ཞིང་། ལྕེ་ཆུང་འབབ་ཉེན་ཡོད། དེ་ནས་སྙིང་གང་གཏད་དེ་བསྒོམ། ཡུན་རིང་ན་སྙིང་འདར་ཞིང་སྤྲུགས་ཉེན་ཡོད། མཐར་ལྟེ་བའི་སྟེང་སོར་བཞི་ཙམ་གྱི་གནས་སུ་ཡིད་འཇུག་པའི་སར་འབར་འཛག་ལ་དམིགས་ལ་རླུང་རན་ཆད་དུ་ཁ་སྦྱར་དུ་བསྐྱང་། ལྷག་མ་ནི་སྔ་མ་བཞིན་ནོ། །གསུམ་པ་མན་ངག་གི་གནད་ལ་བརྟེན་པ་ལ་བདུན་ལས། མེ་དམར་སྐྱའི་དམིགས་པ་ནི། ལུས་ཙོག་བུ་རྐང་པ་བསྣོལ། ལག་པ་གཉིས་དཔུང་པ་ལ་བསྣོལ་མར་དགབ་སྟེ་ཕྱི་ལུས་ཀྱི་ཐབ་
― LT14_Page_198B ―
[མ་དཔེ་གཟིགས་ན་འདིར་གནོན།]
འགལ་དྲུག །ནང་རྩའི་ཐབ་འགལ་དྲུག །གསང་བ་བྱང་ཆུབ་སེམས་ཀྱི་ཐབ་འགལ་དྲུག་སྟེ་བཅོ་བརྒྱད་བཅའ། བསམ་གཏན་གྱི་ཡན་ལག་གཞན་རྣམས་ཚང་བར་བྱ། དེ་ནས་རང་གི་ལུས་ཁོང་སྟོང་རྒྱུ་མ་བུས་པ་ལྟར་དམིགས་ལ་གང་ནས་བྱུང་ཆ་མེད་པར་མེ་དམར་སྐྱས་ལུས་ཀྱི་ནང་གང་བར་བསམ་ཞིང་ཤེས་པ་མེ་ལ་གཏད། རླུང་རྩོལ་བ་བཀག་སྟེ་སྲོག་ནས་རྔུབས་ནས་ཐུབ་ཚད་དུ་བསྣན་ལ་ཡིད་ཀྱིས་གཅིག་གཉིས་ལ་སོགས་པའི་གྲངས་བགྲངས་པའི་རླུང་སྦྱོར་བཅུ་གཉིས་དང་། གྲངས་མ་བཟུང་བར་ཐུབ་ཚད་དུ་མནན་པའི་གྲངས་མེད་ཀྱི་རླུང་སྦྱོར་བཅུ་གཉིས་སྤེལ་ཞིང་བྱ། ཐམས་ཅད་བསྡམས་པས་གྲངས་ཅན་གྲངས་མེད་ཉི་ཤུ་རྩ་བཞིས་ཐུན་ཚད་བཟུང་སྟེ། གྲངས་ཅན་རྩོལ་བ་སྟེ་ཚར་བཅད་པ་གྲངས་མེད་གློད་པ་སྟེ་ཕན་གདགས་པ། ཡང་གྲངས་ཅན་ལམ་དུ་འཇུག་པ་གྲངས་མེད་ལྟ་བ་བསྐྱང་བའོ། །ཡིད་འཇུག་ཡུལ་མི་རྟག་སྟེ་ཐུན་ཚད་ཐུན་གྲངས་མ་རྫོགས་བར་དུ་ཡིད་མི་འཇུག་ཀྱང་འབད་དེ་བསྒོམ། རྫོགས་ནས་ཡིད་སྤྲོ་ཡང་མི་བསྒོམ། ཁམས་ཚོད་མི་བཟུང་སྟེ་ཁམས་ངན་ཡང་ངལ་གསོ་ཡིན་ཚད་དུ་བསྐྱངས། དེ་ནས་ཁམས་བདེ་ཡང་མི་བསྒོམ། ཟས་དང་སྤྱོད་ལམ་གྱི་ལྕག་གིས་བསྐུལ། ཉམས་ཐམས་ཅད་བྱུང་རྒྱལ་དུ་བཏང་། ལྟ་བ་བསྐྱང་། ཐུན་བཞིའི་ངེས་པས་བྱ། གང་ཟག་རབ་ཞག་གསུམ། འབྲིང་ལྔ། ཐ་མ་དགུ་ན་དམིགས་པ་འཕོ་སྟེ། རབ་འབྲིང་ཡང་དྲོད་ཉམས་སྐྱེ་བ་མྱུར་བུལ་ལོ། །དེ་ནས་སྐྱེས་པ་བརྟན་པའི་དོན་དུ་སེམས་ཀྱི་གནད་སྣ་ཚོགས་སུ་འཕྲོ་བ་ལས། གཉིས་པ་མེ་འབར་བའི་དམིགས་པ་ནི། སྔོན་འགྲོ་དང་། དངོས་གཞི་སྔར་དང་འདྲ་བ་ལས་རྐང་མཐིལ་གཉིས་སུ་རཾ་དམར་ནག་བསམ། དེ་ནས་རྐང་པའི་རྒྱུ་མ་ཁུག་བརྐྱང་བསྐུམ་གྱི་སྦྱོར་བས། མེ་འབར་ལོང་བུའི་རྩ་ནས་ཡོང་། བརླའི་རྩ་བོ་ཆེ་ནས་ཞུགས། གསང་གནས་སུ་འཛོམ་པས། རྣོ་བ། མྱུར་བ། དྲག་པ་རྩུབ་པའི་མེ་ལ་དམིགས་པ་གཏད་དེ།
― LT14_Page_199A ―
[མ་དཔེ་གཟིགས་ན་འདིར་གནོན།]
རྣོ་བ་ནི་ཁབ་ཀྱི་རྩེ་ལྟ་བུ། མྱུར་བ་ནི་མར་མེ་རླུང་གིས་བསྐྱོད་པ་ལྟ་བུ། དྲག་པ་ནི་རེག་བྱ་ཚ་བ། རྩུབ་པ་ནི་མེ་སྟག་འཕྲོ་བ་སྟེ་གཞན་ཐམས་ཅད་ཚུལ་སྔ་མ་བཞིན་ནོ། །དམིགས་པ་དེ་གསལ་བ་དང་། གསུམ་པ་ཐིག་ལེའི་འཐབ་མོ་ནི། སྔར་གྱི་མེ་དེའི་རྩེར་ཐིག་ལེ་དཀར་པོ་སྲན་མ་ཙམ་བསམ་དེའི་སོར་བཞི་ཙམ་གྱི་སྟེང་དུ་ཐིག་ལེ་དམར་པོ་རིལ་མ་ཙམ་བསམས་ཏེ། དེ་གཉིས་རླུང་ཁ་སྦྱར་བའི་ཚེ་སྒོང་འཐབས་པ་ལྟར་གཅིག་གིས་གཅིག་ལ་ཐུག་ཐུག་བརྒྱབ་པས་ལུས་ཐམས་ཅད་མེ་སྟག་ཏུ་ཕྲ་ཕྲ་བས་གང་བ་ལ་ཡིད་གཏད་དོ། །དེ་ལ་བརྟན་པ་དང་། བཞི་པ་འཁོར་ལོའ་དམིགས་པ་ནི། གསང་གནས་ཀྱི་མེ་དེ་མཆོད་རྟེན་གྱི་སྲོག་ཤིང་ལྟར་དྲང་ཐང་གིས་སོང་བའི་སྟེང་དུ་ཐིག་ལེ་དེའི་སྟེང་དུ་ཡང་མེའི་འཁོར་ལོ་རྩིབས་བཞི་པའམ་བརྒྱད་པ་རྩིབས་རེ་ལ་ཨཱ་ལི་རིང་ཐུང་གཉིས་གཉིས་མགོ་སྤྲོད་དུ་འཕྱང་བ། མདུན་རྒྱབ་དང་། གཡས་གཡོན་དུ་ལྟེ་བ་དང་ཚིགས་པ་མཁལ་མ་གཉིས་ལ་མ་རེག་པར་ཡོད་པ་དེ་གཡས་གཡོན་གང་བདེར་འཁོར་བས་ལུས་ཀྱི་ནང་ཐམས་ཅད་མེ་སྟག་གིས་གང་བར་བསམ་སྟེ། འོག་རླུང་དྲག་ཏུ་བསྐུམ། སྟེང་རླུང་ཁ་སྦྱོར། འདི་ལ་ནང་སྲོག་ཤིང་གི་གནད་དང་བར་འཁོར་ལོའ་གནད། ཕྱི་ཡི་གེ་འབྲུ་བཀོད་གྱི་གནད་གསུམ་གསུམ་གཅེས་སོ། །ལྔ་པ་མེ་དྲག་ཏུ་འབར་བའི་དམིགས་པ་ནི། དམིགས་པ་སྔ་མའི་སྟེང་དུ་མེའི་འཁོར་ལོ་ལས་མེ་ཁ་དོག་དམར་ནག་ངོ་བོ་ཚ་བ། རང་བཞིན་མཉེན་པས་མགྲིན་པ་མན་ཆད་གང་བ་ཤུག་པའི་ལོ་མ་ལ་མེ་འབར་བའི་ཚུལ་དུ་མེ་ལྕེ་ཕྲ་ཕྲ་འཕྲོ་བ་དང་བཅས་པ་བསམ། ང་ལ་བརྟན་པ་དང་། །དྲུག་པ་མེ་ཆེར་འབར་བ་ལ་དམིགས་པ་ནི། མེ་དེ་ཆེར་སོང་བས་ལུས་ཕྱི་ནང་ཐམས་ཅད་ལྕགས་ཀྱི་གོང་བྱ་བསྲེགས་པ་བཞིན་མེ་འབར་བར་བསམ། དེ་ནས་བདུན་པ་ཐམས་ཅད་མེ་འབར་བ་ལ་དམིགས་པ་ནི། མེ་དེ་རྒྱ་ཇེ་ཆེ་ཇེ་ཆེར་སོང་ནས་སྣང་བའི་དངོས་པོ་ཐམས་ཅད་མེར་འབར་བ་ལ་ཤེས་པ་གཏད། རྗེས་ལྟ་བ་སྐྱོང་བ་ནི་ཐུན་ཞབས་སུ་སེམས་དམིགས་པ་འཛིན་པའི་
― LT14_Page_199B ―
[མ་དཔེ་གཟིགས་ན་འདིར་གནོན།]
རྩོལ་བ་གློད་ལ། མིག་ཐད་ཀར་ཧུར་རེ་བཞག་པས་མི་རྟོག་པ་མཐའ་དབུས་མེད་པའི་ཉམས་སྐྱེས་ཏེ། དེ་ཉིད་ལ་སེམས་བླན་ནས་བཞག་པས་ཟུང་འཇུག་གི་ཏིང་ངེ་འཛིན་དུ་འགྱུར་རོ། །གནད་གཞན་སྔ་མ་རྣམས་དང་འདྲ་ཞིང་། དམིགས་པ་རྣམས་སྔ་མ་སྔ་མའི་སྟེང་དུ་ཕྱི་མ་ཕྱི་མ་བསྟན་ནས་བསྒོམ་པ་ཡིན་ནོ། །འདི་དག་ཀྱང་རབ་ཀྱིས་ཞག་ཉི་ཤུ་རྩ་གཅིག །འབྲིང་གིས་སོ་ལྔ། ཐ་མས་དྲུག་ཅུ་རྩ་གསུམ་བསྒོམས་པས་མཐར་ཕྱིན་པ་ཡིན་ནོ། །དེ་རྣམས་ཀྱི་གེགས་བསལ་ཐབས་རྣམས་གཞུང་ཉིད་དུ་ཤེས་པར་བྱའོ། །འདི་རྣམས་ཀྱི་སྐབས་སུ་བོགས་འབྱིན་རྣམ་པ་བརྒྱད་ཀྱིས་བོགས་དབྱུང་བ་དང་། གདམས་ངག་དྲུག་གི་གནད་ཀྱང་འདི་དག་གི་སྐབས་སུ་དགོས་པ་ཡིན་ནོ། །དེ་ལྟར་གཏུམ་མོའི་མན་ངག་གིས་ལམ་སྦྱང་ཞིང་། ལྟ་བ་རང་བྱུང་གི་ཡེ་ཤེས་རྙེད་རྙེད་དུ་བསྒོམ་མོ། །འདིས་ཁམས་འདུས་པ་དང་པོར་འགྲོ་སྟེ་བསྲུང་བ་སུམ་ཅུ་དང་གེགས་སེལ་རྣམས་ཀྱང་ལྷས་ཆེ་པར་འདི་དག་གི་སྐབས་སུ་དགོས་པ་ཡིན་ནོ། །དེ་ནས་གསུམ་པ་ཤེས་རབ་ཡེ་ཤེས་ཀྱི་ལམ་བསྒོམ་པ་ལ། ལམ་རྒྱས་པ་དང་། བསྡུས་པ་གཉིས་ཀྱི་དང་པོ་ལ་སྦྱོར་བ་འདུ་ཤེས་གསུམ་གྱི་བྱིན་གྱི་བརླབས་པ། དངོས་གཞི་དབབ་བཟུང་གིས་ངོས་བཟུང་བ། རྗེས་ལྡོག་ཁྱབ་ཀྱིས་མི་ཉམས་པར་བསྲུང་བའོ། །དང་པོ་ནི། ཡེ་ཤེས་ཀྱི་རིག་མ་ལ་བརྟེན་པ་ཡིན་པས་བདག་དང་ཡེ་ཤེས་ཀྱི་རིག་མ་གཉིས་ཀ་ཡན་ལག་བཞིའམ་སྐད་ཅིག་གིས་ལྷར་གསལ་བཏབ་ལ། གཉིས་ཀས་ཟློས་པར་བསམས་ཏེ་ཡི་དམ་གྱི་རྩ་སྔགས་ལ་སོགས་པ་ཅི་རིགས་པར་བཟླ། དེ་ནས་མཁའ་གསང་བྱིན་གྱི་བརླབས་ཏེ། ཡུམ་གྱི་མཁའ་ཐ་མལ་པ་མི་དམིགས་ཏེ་སྟོང་པ་ལས་ཨཱཿལས་པདྨ་དམར་པོ་འདབ་མ་བརྒྱད་པ་ཟེའུ་འབྲུ་ལ་ཨཱཿས་མཚན་པར་བྱིན་གྱིས་བརླབ། ཡབ་ཀྱི་ཐ་མལ་པའི་གསང་གནས་མི་དམིགས་པའི་སྟོང་པ་ལས་ཧཱུྃ་ལས་རྡོ་རྗེ་སྔོན་པོ་རྩེ་མོ་ལྔ་པ་ལྟེ་བ་ལ་ཧཱུྃ་གིས་མཚན་པ།
― LT14_Page_200A ―
[མ་དཔེ་གཟིགས་ན་འདིར་གནོན།]
སྦུ་གུར་ཕཊ་དམར་ནག་མགོ་གྱེན་ལ་བལྟ་བ་ནོར་བུ་ལ་མུ་ཏིག་གི་ཕྲེང་བའི་དོད་ༀ་གྱི་ཕྲེང་བས་བྱིན་གྱིས་བརླབས་པ། ས་ལས་རིན་པོ་ཆེའི་ཏོག་དང་བཅས་པ་བསམ། དེ་ནས་བདག་གིས་ཡེ་ཤེས་ཀྱི་རིག་མ་ལ་བརྟེན་ནས་ཐ་མལ་གྱི་རྣམ་རྟོག་སྤངས་ཏེ་ལྷན་སྐྱེས་ཀྱི་ཡེ་ཤེས་མངོན་དུ་བྱས་ནས་ཆོས་སྐུ་ཐོབ་པར་བྱ་སྙམ་དུ་འདུན་པ་དར་ཅིག་བཏང་ངོ་། །གཉིས་པ་ནི། ཡེ་ཤེས་ཀྱི་ཕྱག་རྒྱ་དེའི་གཟུགས་ལ་བལྟ་ཞིང་འདོད་ཆགས་ཀྱི་མེ་སྦར་བས་ཐིག་ལེ་དབབ། བདེ་བ་གར་སྐྱེས་ངོས་གཟུང་ལ་གང་སྐྱེས་པ་དེ་ཉིད་ལ་ཡིད་རྩེ་གཅིག་ཏུ་བཞག །ཉམས་པ་འདྲ་ན་བགྲད་པའི་མཐས་བསྲུང་སྟེ། རྡོ་རྗེ་ཁུ་ཚུར་གཉིས་བྲང་དུ་བསྣོལ། ལྟོ་བ་ཚིགས་པ་ལ་བཅར། མིག་ནམ་མཁའ་ལ་ཟློག །གསང་ཐུབ་པར་བྱ་སྟེ། དངོས་སུ་སྙོམས་འཇུག་མི་བྱའོ། །དེ་ཐམས་ཅད་ལ་ཉམས་བྱུང་རྒྱལ་དུ་བསྐྱང་། དེའང་ཆགས་པའི་གཏམ་གྱི་སྒྲ། ཕྱག་རྒྱའི་ལུས་ཀྱི་དྲི། མ་མཆུའི་སྦྲང་རྩི་ལ་སོགས་པའི་རོ། །ལུས་ཀྱི་སྟོད་སྨད་ལ་རེག་པ་དང་། སོ་དང་སེན་མོ་གདབ་པ་དང་། འཁྱུད་པ་དང་ཙུམྦྷ། དཀར་འཛིན་ཉེད་པ་ལ་སོགས་པ་རེག་བྱ་སྣ་ཚོགས་ལ་རེག་པར་བསམ། དེས་འདོད་ཆགས་ཀྱི་མེ་སྦར་བ་སོགས་སྔ་མ་བཞིན་ནོ། །དེ་ནས་བོ་ལ་དང་ཀཀྐོ་ལ་སྦྱར་བར་བསམ་ཞིང་། ཐིག་ལེ་དབབ། བདེ་བ་བསྒོམ། བགྲད་པའི་མཐས་བསྲུང་། གསང་ཐུབ་པར་བྱ། བསྲུབ་པའི་དམིགས་པའི་སྦྱོར་བ་མི་བྱ། དེ་ནས་རུ་སྦལ་གྱི་འགྲོས་ཏེ་དལ་བུས་བསྲུབས་པས་ཐིག་ལེ་དབབ། བདེ་བ་ཉམས་པ་འདྲ་ན་སྟེང་གི་ནམ་མཁའ་དང་ཚངས་པའི་འཇིག་རྟེན་དང་འོག་མིན་ལ་སོགས་པར་འཕང་། བགྲང་བའི་མཐས་བསྲུང་། ཐིག་ལེ་བཟུང་དཀའ་ན་སྟེང་རླུང་རྣམ་པར་འགོག་པའི་སྦྱོར་བས་དྲངས་ཏེ། གཡོན་པའི་སྲིན་ལག་གིས་སྣ་བུག་གཡས་བཀག་སྟེ་སྲོག་ནས་བཀང་ལ་མགོ་ལུས་ཐམས་ཅད་གཡས་བསྐོར་དུ་བསྐོར་ལ་རོ་སྟོད་གསིག །མགོ་སྤྲུག །དེ་ལས་
― LT14_Page_200B ―
[མ་དཔེ་གཟིགས་ན་འདིར་གནོན།]
ཐིག་ལེ་ཟིན་ན་རྟགས་གཞུང་དུ་བསྟན་པ་བཞིན་དུ་འབྱུང་། དེའི་ཚེ་བདེ་སྟོང་ཟུང་དུ་ཆུད་ནས་བདེ་བ་ངོས་གཟུང་དང་བྲལ་བའི་ཏིང་ངེ་འཛིན་སྐྱེ་བས་ངོས་ཟིན་པར་བྱས་ལ་ཡུན་ཅི་རིང་དུ་བསྐྱང་ངོ་། །གསུམ་པ་ལ་གསུམ་ལས། ཐིག་ལེ་གྱེན་དུ་བཟློག་པ་ནི། ལུས་འགྱུར་བཞི། ངག་སེམས་ཀྱི་འགྱུར་བ་གཉིས་ཏེ། འགྱུར་བ་དྲུག་གིས་སྟེང་དུ་འཕངས་པའོ། །དྲུག་པ་ན། རྒྱ་མཚོ་རི་རབ་ལ་སྐམ། གླིང་བཞི་དབང་དུ་བསྡུ། རོ་འཛིན་རང་གི་གནས་སུ་སྦྱར། དབང་པོའི་མཆོག་སྟེང་དུ་བགྲང་། ངག་སྟོབས་ཀྱི་ཧཱུྃ་དྲག་ལ་རིང་བས་དྲངས། ཏིང་ངེ་འཛིན་ཧཱུྃ་ཕཊ་ཀྱི་མདའ་གཞུ་འཕང་བ་སྟེ། དང་པོ་ནི། གསུས་པོ་ཆེ་ཕྱིར་ཕུལ་ལ། ལྟོ་བ་སྒལ་ཚིགས་ལ་བཅེར་བ། གཉིས་པ་རྐང་ལག་གི་སོར་མོ་རྣམས་དུས་གཅིག་ཏུ་དྲག་ཏུ་བསྐུམས་ནས་རྡོ་རྗེ་ཁུ་ཚུར་གཉིས་སྙིང་གར་བསྣོལ་ཏེ་ཉྭ་བཞི་བསྒྲིམ་པ། གསུམ་པ་ལྕེ་རྐན་ལ་སྦྱར་ནས་ནང་དུ་ཟློག་པ། བཞི་པ་མིག་བགྲད་ནས་སྤྱི་གཙུག་གི་ནམ་མཁའ་ལ་བལྟ་བ། ལྔ་པ་རླུང་ནང་དུ་འཇུག་པ་དང་བསྟུན་ནས་ཧཱུྃ་གི་སྒྲ་དྲག་ལ་རིང་བས་ནང་རླུང་གྱེན་དུ་དྲང་ཞིང་རྒྱུ་ཞབས་རིམ་གྱིས་བསྐུམ། དྲུག་པ་སྔར་བྱིན་གྱིས་བརླབས་པའི་དུས་ཀྱི་གསང་བའི་ཧཱུྃ་དེས་ཕཊ་འདྲེན། ཕཊ་ཀྱིས་ཧཱུྃ་ཕུལ་ཏེ་གསང་གནས་ནས་སྤྱི་གཙུག་གི་བར་དུ་རིམ་གྱིས་དྲངས་པར་བསམ་སྟེ། དེ་རྣམས་དུས་གཅིག་ལ་བྱའོ། །གཉིས་པ་ལུས་ཀུན་ལ་ཁྱབ་པར་བྱ་བ་ནི། རླུང་གི་སྐ་རགས་བཅིངས། ཞགས་པ་འཕངས། ལུས་གཏུན་ཤིང་གི་འཁོར་ལོ་ལྟར་བསྐོར། བུ་ཆུང་གི་སྤྱོད་ལམ་བྱེད་པ་སྟེ། དང་པོ་ལུས་སྐྱིལ་ཀྲུང་བཅས་ལ། རླུང་ནང་དུ་རྔུབ་སྟེ་ཐུབ་ཚད་དུ་བསྣན་ལ་ལག་པ་གཉིས་རྡོ་རྗེ་ཁུ་ཚུར་དྲག་ཏུ་བཅང་སྟེ་ཁ་སྟེང་དུ་བསྟན་པ་བསྣོལ་ལ་མདུན་དུ་སྐེད་པ་ལ་སྐ་རགས་འཆིང་བའི་ཚུལ་དུ་བྱེད་པའོ། །གཉིས་པ་ནི། གན་རྐྱལ་དུ་འགྱེལ་ལ་རྐང་ལག་བཞི་རེ་མོས་སུ་གཡབ་ཅིང་བརྐྱང་པའོ།
― LT14_Page_201A ―
[མ་དཔེ་གཟིགས་ན་འདིར་གནོན།]
གསུམ་པ་ནི་སྐྱིལ་ཀྲུང་བཅས་ནས་ལག་པ་གཉིས་པུས་མོ་ལ་བཀབ་ནས་ལྟོ་བ་བསྐོར་བའོ། །བཞི་པ་ནི། ལུས་གནད་དེ་ལྟ་བུ་ལས་མགོ་མདུན་དང་གཡས་གཡོན་དུ་ལྕོག་ལྕོག་ལན་གསུམ་གསུམ་བྱ་ཞིང་སྤྲུག །ཕྱོགས་བཞིར་པར་འགྱེལ་ཚུར་འགྱེལ་བྱ། དབུགས་སིའི་སྒྲས་སོ་བར་ནས་དྲག་ཏུ་རྔུབ་པའོ། །དེ་དག་གིས་ནི་བྱང་ཆུབ་ཀྱི་སེམས་ཀྱིས་ལུས་ཐམས་ཅད་ལ་ཁྱབ་པར་གྱུར་ཏེ་བདེ་སྟོང་མཆོག་ཏུ་གྱུར་པའི་ཉམས་སྐྱེའོ། །གསུམ་པ་མི་ཉམས་པར་བསྲུང་བ་ནི། འཛག་པ་དྲུག་པ་སྲུང་བའི་སྐབས་བཞིན་དུ་ཉམས་སུ་ལེན་པའོ། །གཉིས་པ་ལམ་བསྡུས་པ་ལ་གསུམ་ལས། སྦྱོར་བ་ཐུར་སེལ་དབང་དུ་བྱ་བ་ནི། །ལུས་ཀྱི་སྤྱོད་ལམ་ལྡན་བྱས་ནས། །ལག་གཡས་ཉི་མ་གཡོན་པ་ཟླ། །དཔུས་མོ་གཉིས་ལ་བསྣོལ་མར་དགེ་བ། །ཧཱུྃ་རིང་ཧཱུྃ་ཐུང་མདུན་དུ་དགུ། །གཡས་གཡོན་དག་ཏུ་གསུམ་གསུམ་སྟེ། །འབུད་པ་གསུམ་དང་རྔུབ་པ་གསུམ། །འཁོར་མ་དག་ཏུ་སྦྱར་བར་བྱ། །ཉི་མ་དག་ནི་གསུམ་པ་ནི། །སྦ་བ་སྦུབས་སུ་ནུབ་པར་འགྱུར། །ཞེས་པའི་སྒོ་ནས་ཐུར་སེལ་སྦྱངས་ཏེ་ཚུལ་ཡང་གནས་ཁང་དཔངས་མཐོ་བར་ཙོག་པུ་ལག་གཡས་ཉི་མ་གཡོན་ཟླ་བར་དྲན་པར་བྱས་ལ་པུས་མོ་གྲུ་ཁགས་སུ་ཆུབ་པའི་སྒོ་ནས་ལག་མཐིལ་བསྣོལ་མར་ཕྱི་ནས་བཀབ་ལ་རྐེད་པ་བསྲང་། མགྲིན་པ་མདུན་དུ་དགུག་ལ་ཕྱི་རླུང་ནང་འཇུག་དང་བསྟུན་ནས་ནང་རླུང་ཧཱུྃ་གི་སྒྲས་ཐོག་མར་རིང་བར་དྲང་བ་གཅིག །དེ་རྫོགས་མ་ཐག་བསྐྱར་ནས་འདྲེན་པ་གཅིག །དེའི་མཇུག་ཏུ་ཤིན་ཏུ་ཐུང་བ་གཅིག་སྟེ་གསུམ་འབྲེལ་པ་ཅན་དུ་བྱ། འོག་རླུང་ཡང་དེ་དང་མཐུན་པར་ལན་གསུམ་གྱི་བར་དུ་རྒྱུན་མི་འཆད་པར་དྲང་ཞིང་། དེའི་ཚེ་སྲིན་པོའི་ལམ་ཡང་དུས་གཅིག་ཏུ་ལན་གསུམ་གྱི་བར་དུ་འཐེན། གསུམ་ཀའི་མཐར་མགོ་གྱེན་ལ་དགྱེད་དགྱེད་པ་ལན་གསུམ་གསུམ་བྱ། དེའི་རྗེས་ལ་རླུང་ཐུབ་ཚད་དུ་བཟུང་། མིག་གྱེན་ལ་བགྲད་དོ། །གཡས་སུ་ཡང་དེ་ལྟ་བུ་ཁོར་ཅིག །དེ་ནས་
― LT14_Page_201B ―
[མ་དཔེ་གཟིགས་ན་འདིར་གནོན།]
ཡང་དབུས་སུ་ཁོར་ཅིག །དེ་ནས་ཡང་གཡོན་དུ་ཁོར་ཅིག །དེ་ནས་ཡང་དབུས་སུ་ཁོར་ཅིག །དེ་ནས་སྣ་ནས་རླུང་ཕྱིར་འབུད་པ་བཏུད་མ་དྲག་པོ་གསུམ། རྔུབ་པ་བཏུད་མ་གསུམ། དེ་བཞིན་དུ་གཡས་སུ་གསུམ། དེ་ནས་གཡོན་དུ། དེ་ལྟ་བུ་གཅིག་རྟིང་གཅིག་འཁོར་མར་སྦྱངས་པས་རླུང་ཆུན་ཆེ་ན་ཉིན་ཕྱེད། ཐ་མས་ཀྱང་ཉི་མ་གསུམ་པ་ན་སྦ་བ་སྦུབས་སུ་ནུབ་སྟེ་ཐུར་སེལ་གྱི་རླུང་ལ་དབང་ཐོབ་པར་འགྱུར་རོ། །མ་ནུབ་ཀྱང་གསང་གནས་ཤིན་ཏུ་ཐུང་བར་སོང་ནས་ཐིག་ལེ་མི་འཆོར་བ་ཡིན་ཞིག་ཚུལ་དེ་ལྟ་བུ་ཁམས་ཀྱིས་མ་ལྕོགས་ན་དབུས་སུ་གསུམ། གཡས་གཡོན་དུ་རེ་རེ་བྱ། དེའི་ཚེ་མགོ་ན་བ་དང་། སྐྱུག་བྲོ་བ་བྱུང་ན་སྲིན་པོའི་ལམ་གློད། སྙིང་ཚི་བའམ་དྲི་ཆེན་དྲི་ཆུ་བསྡམས་ན་གྱེན་ཐུར་ལ་འགྲོ་བ་དང་བཅག་པ་གལ་ཆེའོ། །གཉིས་པ་དངོས་གཞི་དབབ་བཟུང་གཉིས་བསྟན་པ་ནི། བྱིན་གྱིས་རླབས་སོགས་བྱས་ནས་ནི། །སྲིན་པོའི་ལམ་ནི་ཅུང་ཟད་བསྡམས། །གུང་མཛུབ་གཉིས་ནི་དྲག་ཏུ་གཞིབ། །མིག་གཉིས་སྟེང་དུ་བགྲད་པར་བྱ། །འདིས་ནི་ཐིག་ལེ་ཟིན་པར་བྱ། །ཡང་ན་ཧ་ཧལ་དྲག་ཏུ་བརྗོད། །ལུས་ཀྱི་འཁྲུལ་འཁོར་གཞན་ཡང་བྱ། །འདིས་ཀྱང་ཐིག་ལེ་ཟིན་པར་འགྱུར། །ཞེས་པའི་ཚུལ་གྱིས་ཉམས་སུ་ལེན་པ་སྟེ། ལུས་ཙོག་པུར་གནད་ལ་དབབ། ཡེ་ཤེས་ཀྱི་ཕྱག་རྒྱ་འདུ་ཤེས་གསུམ་གྱིས་བྱིན་གྱིས་བརླབས། བོ་ལ་དང་ཀཀྐོ་ལ་སྦྱར་ཕར་བསྐྱོད་ཚུར་དྲུད་པ་ཙམ་གྱིས་ཐིག་ལེ་དབབ། བདེ་བས་མི་བཟོད་པ་དང་ཐིག་ལེ་བཟུང་བའི་ཕྱིར་སྲིན་པོའི་ལམ་ཅུང་ཟད་བསྡམས་པ་དང་ཕྱིར་ཕུལ་བ་རེས་འཇོག་ཏུ་བྱ། མིག་མི་འཛུམ་པ་སྟེང་དུ་བགྲད། ལག་པ་གཡས་གཡོན་གྱི་གུང་མཛུབ་གཉིས་རེ་མོས་ཀྱིས་ཁར་བཅུག་ལ་ཁ་ནས་མི་ཕྱིན་ཙམ་དུ་རླུང་ནང་དུ་འདྲེན་པ་དང་དུས་གཅིག་ཏུ་དྲག་ཏུ་གཞིབ་སྟེ་གཡས་ཀྱི་སོར་མོ་འཇིབ་ཙ་ན་གཡོན་གྱི་མིག་བགྲད། གཡོན་གྱི་སོར་མོ་འཇིབ་ཙ་ན་གཡས་ཀྱི་མིག་བགྲད། ལུས་འགྱུར་གསུམ་པོ་དེ་དུས་གཅིག་ཏུ་བྱ་སྟེ་ཐིག་ལེ་ངེས་པར་ཟིན་ནོ། །ཡང་ན་ངག་གཅིག་པུའི་འདྲེན་
― LT14_Page_202A ―
[མ་དཔེ་གཟིགས་ན་འདིར་གནོན།]
པས་ཧས་རླུང་དྲག་ཏུ་དྲངས་པའི་མཐར། ཧལ་གྱིས་ཕྱིར་འཕུལ་བ་ལན་གྲངས་མང་དུ་བྱ། མཐར་རླུང་ཐུབ་ཚད་ཅིག་བཟུང་། ལུས་ཀྱི་འཕྲུལ་འཁོར་གཞན་སྟེང་རླུང་རྣམ་པར་འགོག་པའི་སྦྱོར་བས་ཀྱང་དྲང་ངོ་།། །།གསུམ་པ་རྗེས་བཟློག་ཅིང་ཁྱབ་བར་བྱ་བ་ནི། གླང་ཆེན་ཧིང་དང་སྟག་མོ་ངུར། །གཅན་གཟན་སྐྱུགས་དང་ཝ་ལྟར་བསྣོམ། །ལྟེ་བ་སྙིང་ག་མགྲིན་པ་དང་། །སྤྱི་གཙུག་དག་ཏུ་རིམ་གྱིས་དྲང་། །རྣམ་གྲོལ་རྒྱ་ཡིས་ལུས་ལ་དགྲམ། །ཞེས་པའི་དོན་ཏེ། སྐྱིལ་ཀྲུང་ཙོག་པུ་ལ་རྐང་པའི་བྲང་བ་ས་ལ་བཙུག །རྟིང་པ་བཏེག་པའི་སྟེང་དུ་ལུས་ཀྱི་ལྗིད་བོར་བ་གང་རུང་བྱ། ལག་པ་རྡོ་རྗེ་ཁུ་ཚུར་དྲག་ཏུ་བཅངས་པ་སྙིང་གར་བསྣོལ། སེམས་ཀྱི་གནད་བྱང་སེམས་རྡོ་རྗེ་ནོར་བུའི་རྩེ་ནས་ལྟེ་བར་བྱོན་པར་བསམ་ཞིང་། ངག་གི་གནད་ཧིའི་སྒྲས་རླུང་ཕྱིར་འགྲོ་དང་བསྟུན་ཏེ་ཕྱིར་ཕུལ། ཧིང་གི་ནང་ནས་རླུང་འདྲེན་པ་དང་བསྟུན་ནས་སྟེང་དུ་དྲངས། དེ་ལྟ་བུ་བཏུད་མར་རླུང་གིས་ཐུབ་ཚད་དུ་བྱ། དེ་བཞིན་དུ་སྙིང་གར་དྲང་པར་བསམ་ཞིང་ཧུས་ཕུལ། ཧཱུྃ་གིས་དྲང་བ་བཏུད་མ་མང་དུ་བྱ། མགྲིན་པར་དྲང་པར་བསམ་ཞིང་ཧག་ཧག་ཞེས་པའི་སྒྲ་བཏུང་མས་ནང་ནས་དྲངས། སྤྱི་གཙུག་ཏུ་དྲངས་པར་བསམ་ཞིང་རླུང་སྣ་ནས་ལན་འགའ་རྔུབས་པའི་རྗེས་སུ་ཧིཀ་ཅེས་བརྗོད་ལ་ལྟག་པ་བགྱེད་བྱས། མིག་སྟེང་དུ་བགྲད་ནས་རླུང་ཐུབ་ཚད་ཅིག་བཟུང་། གོང་གི་ངག་འདྲེན་སྔ་ཕྱིའི་མཚམས་སུ་ཡང་རླུང་ཐུབ་ཚད་རེ་བཟུང་། དེ་ནས་སེང་གེ་རྣམ་གྲོལ་གྱི་ཕྱག་རྒྱས་ཁྱབ་པར་བྱ་བ་ནི། ལག་པ་གཉིས་ཀྱི་མཐེ་བོས་རྣ་བ་གཉིས། མཛུབ་མོས་མིག་གཉིས། གུང་མོས་སྣ་བུག་གཉིས། མཐེའུ་ཆུང་དང་སྲིན་ལག་གི་བར་དུ་མཆུ་བསྡམས་ལ་གྲུ་མོ་གཉིས་ཐད་ཀར་བསྲང་སྟེ། ཐོག་མར་གཡས་སུ་བསྐོར། དེ་ནས་གཡོན་དུ་བསྐོར། དེ་ནས་གསོར་ལྟར་བསྒྲིལ། དེའི་རྗེས་སུ་སྣ་བུག་མཐིབ་མཛུབ་ཀྱི་བར་དུ་བཅར་ལ་རླུང་དྲག་ཏུ་རྔུབ་ཅིང་མགོ་སྤྲུགས་ལུས་སྤྲུགས་བྱའོ། །ལམ་འདིའི་ཐུན་རེའི་མགོར་བསམ་
― LT14_Page_202B ―
[མ་དཔེ་གཟིགས་ན་འདིར་གནོན།]
གཏན་གྱི་ཡན་ལག་དགུ་དང་། ཐུན་ཞབས་སུ་ལྟ་བ་བསྐྱང་། དགེ་རྩ་བསྔོ། མ་རྟོགས་ཀྱི་སེམས་ཅན་ལ་སྙིང་རྗེ་བསྒོམ་པ་སྔར་ལྟར་སྦྱར་བར་བྱ་བ་ལས། འདིའི་ལྟ་བ་ནི་བདེ་སྟོང་གི་ཏིང་ངེ་འཛིན་ཡིན་པས་ངས་བཟུང་ནས་ལུས་སེམས་ཁོང་གློད་ནས་འཇོག་པའོ། །འདི་ནི་ཁམས་འདུས་པ་བར་པ་ཐིག་ལེ་བདེ་སྟོང་གི་ལམ་ཁྲིད་པ་ཞེས་བྱ་བ་ཡིན་ནོ། །བཞི་པ་དབང་བཞི་པའི་ལམ་ལ་གཉིས་ཀྱི་སྔོན་འགྲོ་ནི། གནས་དབེན་པར་ཉི་ཟེར་དང་ལྷགས་པ་མེད་པར་སྟན་འབོལ་བ་རྒྱ་ཆེ་བའི་སྟེང་དུ་སྔོན་འགྲོ་གསུམ་བྱས་ལ། ཕྲིན་ལས་སུམ་ཅུ་རྩ་གཉིས་སོ། །དང་པོ་ཡས་རིམ་དུ་ཚར་གཅིག །དེ་ནས་མས་རིམ་དུ་ཚར་གཅིག །དེ་ནས་གང་ཟིན་ཟིན་ནས་ཐམས་ཅད་ཚང་བར་ཚར་གཅིག་སྟེ་དེ་ལྟར་དགུ་བཅུ་རྩ་དྲུག་ཐུན་རེ་ལ་བྱ་སྟེ། དེ་ལྟ་བུ་ཐུན་གསུམ་མམ། གཉིས་སམ་གཅིག་གང་གྲུབ་བྱ། དེ་མ་གྲུབ་ན་ཡན་ལག་ལྔ་སྦྱོང་ཐུན་བཞིའམ་གསུམ་བུ་ཉམས་སུ་བླང་བ་སྔོན་དུ་འགྲོ་བའི་བསམ་གཏན་གྱི་ཡན་ལག་དགུ་ཡུན་ཅི་རིང་དུ་ཉམས་སུ་ལེན་པའོ།། །།གཉིས་པ་དངོས་གཞི་ལ་གསུམ་ལས། སྲོག་རྩོལ་ལ་སོགས་སྔོན་དུ་འགྲོ་བའི་འོག་རླུང་བསྐྱོད་པའི་ལུས་ཀྱི་རྦ་རླབས་ན། དང་པོ་སྦྱོར་རྗེས་སྔར་དང་འདྲ་བ་ལ་རླུང་སྦྱོར་བདུན་ལ་རྟགས་ཐོན་ཐོན་གྱི་བར་དུ་བསྒོམ། དེ་ནས་ལུས་ཀྱི་རྦ་རླབས་དངོས་བསྒོམ་སྟེ། དེའང་སྐྱིལ་ཀྲུང་། ལག་པ་པུས་མོ་གཉིས་ལ་བཀབ་ལ་མནན། རྐེད་པ་དྲང་པོར་བསྲང་། ལྟོ་བ་ཚིགས་པ་ལ་སྦྱར། རླུང་འབུད་གསུམ། རྔུབ་གསུམ་གྱི་ཚུལ་གྱིས་སྟེང་རླུང་མནན། ཚང་ར་གཡས་གཡོན་འོག་ཏུ་བསྣོན་པ་རེ་མོས་ཀྱིས་དལ་གྱིས་བསྐུམ་སྟེ་དྲག་ཏུ་འཐེན། དྲག་ཤུལ་དུ་བསྐུམ་ན་ཤུགས་ཆད་ནས་འགྲོ། བཏང་ཙ་ན་འོག་རླུང་སྔོན་དུ་གཏོང་། དེ་ལྟ་བུ་ཐུན་གྲངས་དང་ཐུན་ཚད་མེད་པ་སྦྱངས་པས་ལུས་ལ་བདེ་བ་དང་། སེམས་གསལ་བའི་ཏིང་ངེ་འཛིན་དུ་འགྱུར་བ་འབྱུང་། ཁམས་འཆུག་པ་འདྲ་ན་ལྟོ་བ་བསྐྱོད། རོ་སྟོད་གཅུ། བགྲད་པའི་མཐའ་བསྲུང་།
― LT14_Page_203A ―
[མ་དཔེ་གཟིགས་ན་འདིར་གནོན།]
སེམས་ནམ་མཁར་འཕང་། སྐབས་སུ་བོགས་འབྱིན་བརྒྱད་ཅི་རིགས་པས་བོགས་དབྱུང་ངོ་། །དེའི་ཚེ་འོག་རླུང་བཏང་བས་སྟེང་རླུང་ཕྱིར་མི་འགྲོ་ན་གནད་ཟིན་པ་ཡིན་ནོ། །གཉིས་པ་ངག་འདྲེན་པ་ཞི་དྲག་གི་རྦ་རླབས་ལ་གཉིས་ལས། ངག་འདྲེན་ཞི་བ་ནི། གནས་དབེན་པར་ཕྱིན་ལ་ལུས་སྐྱིལ་ཀྲུང་ལག་པ་རྡོ་རྗེ་ཁུ་ཚུར་སྙིང་གར་བསྣོལ། མགོ་མདུན་དུ་ས་ལ་མ་རེག་ཙམ་བཏུད་ལ་ཨིའི་གདངས་ཀྱིས་ཁ་ནས་སྒྲ་མེད་པར་རླུང་སོ་བར་ནས་བཞུར་ཏེ། ནང་རླུང་གྱེན་དུ་འདྲེན་པ་དང་དུས་གཅིག་ཏུ་ཁ་ནས་དལ་བུས་འདྲོངས་ཚད་དུ་དྲངས། དེ་དང་བསྟུན་ནས་རྒྱུ་ཞབས་དང་འོག་རླུང་ཡང་རིམ་གྱིས་དྲག་ཏུ་བསྐུམ། མཐར་མགོ་དགྱེད་བྱས་ལ་མིག་སྟེང་དུ་བགྲད། རླུང་ཐུབ་ཚད་དུ་མནན། མི་ཐུབ་པ་དང་དལ་བུས་བཏང་། ཕྱིར་སོང་རྫོགས་མ་ཐག་ཡང་དྲང་། དེ་ལྟ་བུ་མདུན་དུ་གསུམ། གཡས་སུ་གསུམ། གཡོན་དུ་གསུམ། དེ་ལྟ་བུ་འཁོར་བདུན་བདུན་ལ་ཐུན་རེར་བྱས་པའི་ཐུན་བཞིར་ཉམས་སུ་བླང་། རྗེས་ལ་བདེ་སྟོང་མཆོག་གི་ལྟ་བ་བསྐྱང་ངོ་། །གོམ་ནས་གླིང་བུ་ལྟ་བུའི་སྒྲ་འབྱུང་ངོ་། །གཉིས་པ་ངག་འདྲེན་དྲག་པོ་ནི། ལུས་ངག་གི་གནད་སྔར་དང་འདྲ་བ་ལས་ཁྱད་པར་ཧཱུྃ་གི་སྒྲ་དང་བཅས་པས་དྲང་། རིམ་གྱིས་སྐད་ངར་ཇེ་ཆེར་བཏང་བས་མཐར་ཕྱིན་པ་ན་རྒྱང་རིང་པོ་ནས་ཐོས་པ་རག་དུང་གི་སྐད་ལྟ་བུ་འབྱུང་ངོ་། །གཞན་ཐུན་ཚད་ལ་སོགས་པ་གོང་དང་འདྲའོ། །གསུམ་པ་ཏིང་ངེ་འཛིན་སེམས་ཀྱི་རྦ་རླབས་ནི། ཡེ་ཤེས་ཀྱི་ཕྱག་རྒྱ་ལ་བརྟེན་ནས་ཏིང་ངེ་འཛིན་བསྒོམ་པ་སྟེ། འདི་ལ་གསུམ་ལས། ཐབས་རྒྱུད་དག་པར་བྱ་བ་ནི། ཡབ་ཡུམ་གྱི་འདུ་ཤེས་གྱིས་བྱིན་གྱིས་བརླབས་ནས་སྐད་ཅིག་གིས་སྙོམས་པར་ཞུགས་པས། ཡབ་ཡུམ་གཉིས་ཀའི་ཁམས་དྭངས་མ་དབུ་མའི་སྣ་རྩར་བྱོན། འོད་ཟེར་གྱི་རྣམ་པར་གྱུར། གཡས་རོ་མ་ནས་སོང་། ལྟེ་བར་བྱོན། ལྟེ་བའི་འཁོར་ལོ་ནམ་ལངས་པ་བཞིན་ཡལ་ཡལ། ཉི་མ་ཤར་བ་བཞིན་སལ་སལ་གློ་བ་བུས་པ་བཞིན་ལྟང་ལྟང་། ཡང་རོ་མ་ནས་སོང་སྙིང་གར་ཆོས་གསུམ་ལྡན་དུ་དྲན།
― LT14_Page_203B ―
[མ་དཔེ་གཟིགས་ན་འདིར་གནོན།]
ཡང་རོ་མ་ནས་སོང་མགྲིན་པར་བྱོན་ཆོས་གསུམ་ལྡན་དུ་དྲན། ཡང་རོ་མ་ནས་སོང་རྣ་བ་གཡས་པ་ནས་འོད་ཟེར་གྱི་རྣམ་པར་འཕྲོས་འོད་ཟེར་གྱི་སྒོ་ལས་ལྷག་པ་ལྷའི་དལ་འཕྲོས། སེམས་ཅན་གྱི་རྒྱུད་ལ་དབང་བཞི་བསྐུར། སྣོད་གཞལ་ཡས་ཁང་བཅུད་ཀྱི་སེམས་ཅན་རྣམས་ལྷག་པའི་ལྷར་བྱས། སྣོད་བཅུད་ཐམས་ཅད་འོད་ཟེར་གྱི་རྣམ་པར་གྱུར། ཕར་སྤྲོས་པའི་འོད་ཟེར་དང་འདྲེས། བདུད་རྩིའི་བཅུད་དུ་གྱུར་ཚངས་པའི་སྒོར་ཞུགས། སྤྱི་བོར་ཆོས་སུམ་ལྡན་དུ་དྲན། མགྲིན་པར་བྱོན་ཉི་མ་སྟོང་གི་གཟི་བརྗིད་དང་ལྡན། སྙིང་གར་བྱོན་བདག་གི་རྒྱུད་སྐུ་ལྔར་བསྒྱུར་བའི་རྟགས་སུ་འོང་ཁ་དོག་ལྔར་གྱུར། རྩ་དག་པའི་ལམ་ལྟེ་བ་ནས་བྱུང་ནས་ཡུམ་གྱི་མཁར་སྔ་མ་བཞིན་གནས་པར་བསམ་མོ། །དེས་གཟུང་རྟོག་ནུབ་རོ་མ་དབང་དུ་འདུས། རྩོལ་བའི་རླུང་ལ་དབང་ཐོབ། རྣམ་པར་ཐར་པའི་སྒོ་མཚན་མ་མེད་པ་མངོན་དུ་བྱས་སྙམ་དུ་མོས་པ་ཙམ་བྱའོ། །དེ་བཞིན་དུ་གཡོན་དུའང་བྱ་སྟེ། འཛིན་རྟོག་ནུབ། རྐྱང་མ་དབང་དུ་འདུས། སྲོག་རླུང་ལ་དབང་ཐོབ། རྣམ་པར་ཐར་པའི་སྒོ་སྨོན་པ་མེད་པ་མངོན་དུ་བྱས་པར་བསམ། དེ་བཞིན་དུ་དབུ་མར་ཡང་བྱ་སྟེ། གཟུང་འཛིན་གཉིས་ཀའི་རྟོག་པ་ཕྲ་མོ་ནུབ། དབུ་མ་སྦྱངས། རླུང་གནས་པ་ལ་དབང་ཐོབ། རྣམ་པར་ཐར་པའི་སྒོ་སྟོང་པ་ཉིད་མངོན་དུ་བྱས་པར་བསམ་མོ། །གཉིས་པ་ཤེས་རབ་ཀྱི་རྒྱུད་དག་པར་བྱ་བ་ནི། ཡུམ་གྱི་རྩ་གསུམ་སྦྱོང་བའི་དམིགས་པ་སྔར་བཞིན་བྱ་སྟེ། རྩ་གཡས་གཡོན་གཉིས་ནས་ནི་རྣ་བ་གཡས་གཡོན་གཉིས་ཀྱི་སྒོར་བྱོན་པ་ཙམ་ལས་ཕྱིར་སྤྲོ་བ་ནི་མེད་ལ། ཚངས་པའི་སྒོ་ལས་སྤྲོ་བ་དང་བསྡུ་བ་བྱས་ཀྱང་རུང་མ་བྱས་ཀྱང་རུང་སྟེ་འདྲ་བར་བཞེད་དོ། །གསུམ་པ་རྒྱུད་སོ་སོར་དག་པར་བྱ་བ་ནི། ཡབ་ཀྱི་དབུ་མ་ནས་ཁམས་དྭངས་མ་འོད་ཟེར་གྱི་རྣམ་པར་སོང་ནས་གཙུག་ཏོར་མཆོག་ཏུ་ཐིམ། ཡུམ་གྱི་ཡང་དེ་བཞིན་དུ་ཐིམ་སྟེ་གཉིས་ཀའང་སྐུ་ལྔ་ལྷུན་གྱིས་གྲུབ་པར་དྲན་པ་ཙམ་བྱ་སྟེ། འདི་དག་རླུང་ལྡང་འཇུག་དང་བསྟུན་པ་དང་། ཐུན་བཞིའི་
― LT14_Page_204A ―
[མ་དཔེ་གཟིགས་ན་འདིར་གནོན།]
ངེས་པ་མི་དགོས་པར་བཞེད་དོ། །དེའི་ཚེ་ཉམས་གར་སྐྱེས་ངེས་པ་མེད་ལ། ཅི་སྐྱེས་བྱུང་རྒྱལ་དུ་བསྐྱངས་པས་ལྟ་བ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད་མས་བརྟན་གྱི་དགའ་བ་བཞིའི་ཉམས་མྱོང་རྒྱུད་ལ་སྐྱེས་ཏེ་འདིས་ཁམས་འདུས་པ་ཐ་མ་སྐྱོན་མེད་གཉུག་མ་ཡེ་ཤེས་ཀྱི་ལམ་ཁྲིད་པ་ཡིན་ནོ། །འདི་དག་ནི་གང་ཟག་ཐ་མ་རིམ་གྱིས་དཀྲི་བ་ལ་དགོངས་པ་སྟེ་ཐུན་བརྒྱ་ཉི་ཤུ་རྩ་ལྔར་བྱས་ནས་འཁྲིད་པ་ཡིན་ནོ། །ཁ་ཅིག་ལ་སྣང་གསུམ་གྱི་ཁྲིད་བོར་ཏེ་ལྟ་བ་ནས་སྐྱོང་བ་ཡང་ཡོད། སྣང་བ་གསུམ་དང་། ཀུན་གཞི་རྒྱུ་རྒྱུད་དང་། ལམ་ཐབས་རྒྱུད་བཞི་ཀ་དང་། ལམ་བཞི་རེ་རེས་འཁྲིད་པ་ཡང་ཡོད་དེ། རྒྱུ་རྒྱུད་མ་གཏོགས་པ་ཀུན་ལ་སྔོན་འགྲོ་གཉིས་དང་། ལྟ་བས་ཐག་བཅད་པ་རྒྱས་བསྡུས་ཅི་རིགས་པ་སྔོན་དུ་སོང་ནས་ཉམས་སུ་ལེན་པ་ཡིན་མོད་ཀྱང་། རྣལ་འབྱོར་དབང་ཕྱུག་གི་བཞེད་པས་བསྐྱེད་རིམ་ཅུང་ཟད་ཅིག་བརྟན་པར་བྱས་ནས་ལུས་སྦྱོང་དང་། རླུང་ཁོ་ན་གཙོར་བྱེད་པ་ཡིན་ནོ། །རླུང་དང་གཏུམ་མོའི་དམིགས་པ་རྣམས་ལ་ཏིང་ངེ་འཛིན་གྱི་རྒྱུའམ་ལམ་ཞེས་བྱ། ལྟ་བ་རང་བྱུང་གི་ཡེ་ཤེས་ལ་ཏིང་ངེ་འཛིན་ཉིད་ཅེས་བྱ་སྟེ། དེ་ནམ་སྐྱེས་པ་ན་སྐྱོང་བ་ཡིན་ནོ། །སྔར་ཐོས་བསམ་གྱིས་གཏན་ལ་ཕབས་པའི་ལྟ་བ་དེ་ནི་སྐྱོན་ཅན་ཡིན་ལ། འདི་ནི་ལྟ་བ་སྐྱོན་མེད་དམ། དཔེའི་ཡེ་ཤེས་བྱ་བའམ། ཕྱག་རྒྱ་ཆེན་པོ་བྱ་བ་ཡིན་ནོ། །དེས་ན་རྒྱུ་མེད་པར་འབྲས་བུ་མི་འབྱུང་བས། རྒྱུ་རླུང་དང་གཏུམ་མོའི་དམིགས་པ་ལ་བརྟེན་ནས་ལྟ་བ་རང་བྱུང་གི་ཡེ་ཤེས་ལམ་ཕྱག་རྒྱ་ཆེན་པོ་ནས་སྐྱེ་བར་འགྱུར་བས་ན་རྒྱུ་ལ་ནན་ཏན་བྱའོ། །ཡང་གང་ཟག་གི་རིགས་ཁ་ཅིག་སྔར་བསྟན་པའི་ཁྲིད་ཐམས་ཅད་ལོ་གཅིག་ཙམ་གྱིས་སྦྱངས་ནས། ངག་འདྲེན་ཞི་བའང་ལོ་གཅིག་ཙམ་སྦྱང་། དེ་ནས་ངག་འདྲེན་དྲག་པོས་རླུང་ཁ་སྦྱར་ལ་བརྟེན་ནས་ཏིང་ངེ་འཛིན་སེམས་ཀྱི་རྦ་རླབས་འབའ་ཞིག་བསྒོམ་པ་ཡོད་དེ། འདི་བརྩོན་འགྲུས་མཆོག་གི་འཇུག་པ་ཡིན་ནོ། །གསུམ་པ་ངེས་ཤེས་ཁྱད་པར་ཅན་བསྐྱེད་ལ།
― LT14_Page_204B ―
[མ་དཔེ་གཟིགས་ན་འདིར་གནོན།]
ཏིང་ངེ་འཛིན་ཤེས་པར་བྱ་ཞིང་ལམ་གྱི་ས་མཚམས་རྣམ་པར་གཞག་པ་ལ་གསུམ། ཚད་མ་བཞི་དང་སྙན་བརྒྱུད་བཞིས་ངེས་ཤེས་བསྐྱེད་པ། ཏིང་ངེ་འཛིན་ངོ་ཤེས་ཤིང་ས་མཚམས་བཞག་པ། འཁོར་ལོ་བསྐོར་བས་གྲུབ་པའི་རྟགས་དང་བཅས་པའོ། །དང་པོ་གཞུང་དུ་སྟོན་ལ། །གཉིས་པ་ཁམས་འདུས་པ་གསུམ། གསུམ་པ་གྲུབ་མཐའ་བཞི་སྟེ། དེ་དག་གིས་གང་ཟག་གི་ས་མཚམས་གང་སླེབས་རྟོགས་པས་གནས་སྐབས་དེའི་ལམ་གྱིས་དཀྲི་བའི་དགོས་པ་ཡོད་དོ། །འབྲས་བུ་སྐུ་ལྔ་རང་བཞིན་གྱི་ལྷུན་གྲུབ་ནི་འབྲས་བུའི་སྐབས་སུ་བསྟན་ཟིན་ཏོ། །ལམ་འབྲས་སྙིང་པོའི་ཁྲིད་ཡིན་ལ། །དེ་ཡི་ཟབ་དོན་གཞུང་ཁྲིད་ལས། ཟབ་རྒྱས་གཞུང་ཤིང་ཇི་ལྟ་བའི། །ཁྲིད་ཡིག་སྦས་དོན་གསལ་བར་བགྱིས། །སྙིགས་དུས་ནུབ་པས་འཇིགས་པའི་ཕྱིར། །བརྒྱུད་པའི་མན་ངག་ཇི་བཞིན་དུ། །སྦས་དོན་གསལ་བར་ཕྱེ་བ་ལ། །བླ་མ་མཁའ་འགྲོས་བཟོད་པར་དགོངས། །དགེ་བས་བདག་སོགས་འགྲོ་བ་ཀུན། །སྐྱེ་ཞིང་སྐྱེ་བ་ཐམས་ཅད་དུ། །ལམ་ཟབ་འདི་དང་མི་འབྲལ་ཞིང་། །མྱུར་བར་སྐུ་བཞི་མངོན་གྱུར་ཅིག །ལམ་འབྲས་བུ་དང་བཅས་པའི་ཁྲིད་ཡིག་སྦས་པའི་དོན་གསལ་བ་ཞེས་བྱ་བ་འདི་ལྟ་བུ། རྗེ་བཙུན་གོང་མའི་ཁྲིད་ཡིག་གི་གསལ་བྱེད་བྲི་བའི་འདུན་པ་ཡོད་ཀྱང་། བཀའ་སྲུང་གཉན་པ་དང་། ལེ་ལོའ་དབང་གིས་ཡུན་རིང་པོར་བྲི་བར་མ་སྤོབས་པ་ལས། ཐོག་མར་ལམ་འདི་ལ་ཆེས་ཆེར་མོས་པའི་བསམ་གཏན་པ་ཤཱཀྱ་བཟང་པོ་ཞེས་བྱ་བས་གསེར་ཡོན་དང་བཅས་པས་གསལ་བ་བཏབ་ཅིང་། བར་དུ་ཕྱི་ནང་གི་གསུང་རབ་ཀྱིས་རྒྱུད་ཡོངས་སུ་སྦྱངས་པས་རིག་པ་དང་གྲོལ་བར་སྨྲ་བའི་སྤོབས་པ་ཅན་རྡོ་རྗེ་འཛིན་པ་གྲགས་པ་བཟང་པོ་དང་། དགེ་བའི་བཤེས་གཉེན་གྲུབ་པ་དཔལ་བཟང་ལ་སོགས་པས་གཏོར་མ་མེ་ཏོག་དང་བཅས་པས་ཆེས་ཆེར་བསྐུལ་ཞིང་། མཐར་དགེ་བའི་བཤེས་གཉེན་དམ་པའི་དབོན་པོ་ཀུན་དགའ་ཡེ་ཤེས་ལ་སོགས་པ་མང་པོས་གསོལ་བ་བཏབ་པའི་ངོར། དགེ་སློང་རྡོ་རྗེ་འཛིན་པ་བསོད་ནམས་རྒྱལ་
― LT14_Page_205A ―
[མ་དཔེ་གཟིགས་ན་འདིར་གནོན།]
མཚན་དཔལ་བཟང་པོས། ཐམས་ཅད་འདུལ་གྱི་ལོ་སངས་རྒྱས་དབང་བསྐུར་བའི་ཟླ་བའི་དུས་ཁྱད་པར་ཅན་མཁའ་འགྲོ་འདུ་བའི་དུས་ཉེར་དགུའི་སྔ་ཆ་སྐར་མ་ཐ་སྐར་ལ་བབ་པའི་ཚེ་ཡོངས་སུ་གྲུབ་པའི་ཡི་གེ་པ་ནི་དགེ་བའི་བཤེས་གཉེན་ཤེས་རབ་རྡོ་རྗེ་དང་། མཉྫུ་ཤྲཱི་ཞེས་བྱ་བ་བགྱིས་ཏེ་ལེགས་པར་སྦྱར་བ་གནས་སྐབས་ཀུན་ཏུ་ལམ་སྒྲུབ་པའི་བར་ཆད་ཐམས་ཅད་ཞི་བར་གྱུར་ཅིག །ཤིན་ཏུ་བཀྲ་ཤིས་ཤིང་དགེའོ། ༈ །གནད་བཅུ་གཅིག་གིས་དཀྲི་བ་གནད་དུག་གིས་དཀྲི་བ། དབང་པོ་རབ་འབྲིང་གསུམ་གྱིས་དཀྲི་བ་གསུམ་གྱི་ཁྲིད་བཞུགས་སོ། །ༀ་སྭ་སྟི་སིདྡྷཾ། གནད་བཅུ་གཅིག་གིས་དཀྲི་བའི་ཁྲིད་ཀྱི་གསལ་བྱེད་གནད་ཀྱི་སྒོ་འབྱེད་ཅེས་བྱ་བ། བླ་མ་དམ་པ་རྣམས་ལ་ཕྱག་འཚལ་ལོ། །ཏིང་ངེ་འཛིན་སྐྱེ་བའི་རྒྱུ་ལམ་ཐམས་ཅད་མན་ངག་གི་གནད་བཅུ་གཅིག་གིས་བགྲོད་པ་ལས། འཇིག་རྟེན་པའི་ལམ་ལ་གསུམ་གྱི་འདུས་པ་དང་པོ་ལམ་སྦྱང་བ་ཁྱད་པར་ཅན་གྱི་གནད། སྲོག་རྩོལ་ལ་སོགས་པ་སྔོན་དུ་སོང་ནས། འོག་རླུང་བསྐྱོད་པ། ལུས་ཀྱི་རྦ་རླབས་ཀྱི་གནད། ངག་འདྲེན་པ་ཞི་བའི་གནད། ངག་འདྲེན་པ་དྲག་པོའི་གནད་དེ་བཞི། འདུས་པ་བར་པ་ལ་ལྟ་བ་གསོ་བ་ཕྱག་རྒྱ་ཆེན་པོའི་གནད། བོགས་འབྱིན་པ་རྣམ་པ་བརྒྱད་ཀྱི་གནད། དྲན་པ་ཉེར་བཞག་བཞིའི་གནད་དེ་གསུམ། འདུས་པ་ཐ་མ་ལ་ཡང་དག་པར་སྤོང་བ་བཞིའི་གནད། ཏིང་ངེ་འཛིན་སེམས་ཀྱི་རྦ་རླབས་ཀྱི་གནད་དེ་གཉིས། འདས་པའི་ལམ་ས་བཅུ་གཉིས་ལ་དབང་བཞི་དང་དཀྱིལ་འཁོར་གསུམ་གྱི་གནད། མཐར་ཕྱིན་གྱི་ལམ་ས་ཕྱེད་ལ་འགྲོས་བཞི་ཐིམ་པའི་གནད་དེ་བཅུ་གཅིག་གིས་ལམ་བགྲོད་པ་ཡིན་ནའང་། ཉམས་ལེན་ལ་དང་པོ་བཞི། བར་པའི་ཐོག་མ་གཅིག །གསུམ་པའི་ཕྱི་མ་སྟེ་གནད་དྲུག་གིས་ཉམས་སུ་ལེན་པ་ལ་སྔོན་འགྲོ་དང་། དངོས་གཞི་གཉིས་ཀྱི་དང་པོ་ཁྲིད་ཀྱི་སྔོན་འགྲོ་བསགས་སྦྱང་དང་། ཐུན་གྱི་སྔོན་འགྲོ་གནད་ལ་དབབ་པ་གསུམ། སྒོམ་པ་གསུམ། ཤེས་རབ་ཀྱི་བྱ་བ་གསུམ། དེ་དགུ་ལམ་རྒྱས་པ་དང་། དབང་པོ་རབ་
― LT14_Page_205B ―
[མ་དཔེ་གཟིགས་ན་འདིར་གནོན།]
འབྲིང་གསུམ་གྱི་ཁྲིད་ལྟར་ཉམས་སུ་བླང་ངོ་། །གཉིས་པ་དངོས་གཞི་ལ། སྦྱང་བ་ཁྱད་པར་ཅན་གྱི་གནད་ལ་གསུམ་གྱི། ལུས་སྦྱངས་པ་ནི་གནས་དབེན་པར་ཉི་ལྷག་མེད་པའི་ས་བདེ་བར་སྟན་འབོལ་ལ་རྒྱ་ཆེ་བའི་སྟེང་དུ་སྔོན་འགྲོ་དགུ་སྔོན་དུ་སོང་བས། ཕྲིན་ལས་སུམ་ཅུ་སོ་གཉིས་པོ་དང་པོ་ཡས་རིམ་དུ་ཚར་གཅིག །དེ་ནས་མས་རིམ་དུ་ཚར་གཅིག །དེ་ནས་གང་ཟིན་ནས་ཐམས་ཅད་ཚང་བས་ཚར་གཅིག་སྟེ་དེ་ལྟར་དགུ་བཅུ་རྩ་དྲུག་ཐུན་རེ་ལ་བྱས་ཏེ། དེ་ལྟ་བུ་ཐུན་གསུམ་མམ་གཉིས་སམ། གཅིག་གང་གྲུབ་ཀྱི་བར་དུ་བྱའོ། །དེའང་སྐྱེ་བ་འདི་ལ་དངོས་གྲུབ་ཐོབ་པར་འདོད་ན། ལུས་སྦྱོང་བ་གནད་དུ་ཆེ་བ་ཡིན་གསུངས། དེ་ནས་ངག་སེམས་སྦྱོང་བ་ལམ་རྒྱས་པ་ལྟར་བྱའོ། །གཉིས་པ་སྲོག་རྩོལ་ལ་སོགས་པ་སྔོན་དུ་སོང་ནས་འོག་རླུང་བསྐྱོད་པས་ལུས་ཀྱི་རྦ་རླབས་ཀྱི་གནད་ནི་རླུང་སྦྱོར་བདུན། གཏུམ་མོའི་དམིགས་པ་བཅོ་བརྒྱད་ལམ་རྒྱས་པ་ལྟར་བསྒོམ། དེ་དག་གི་སྐབས་སུ་བོགས་འབྱིན་བརྒྱད་ཀྱི་གནད་ཀྱིས་བོགས་དབྱུང་སྟེ། ཐུན་བྲི་སྐྱེད་གཉིས། ཤེས་པ་སྒྲིམ་ལྷོད་གཉིས། ཁ་ཟས་རེས་འཇོག་སྤྱོད་ལམ་བག་ཡངས་སེམས་ཀྱི་གནད་སྣ་ཚོགས་སུ་འཕྲོ་བ། ཡུལ་སྣ་ཚོགས་ཀྱི་བདུད་རྩི་བསྟེན་པ་སྟེ་བརྒྱད་ལམ་བསམ་མི་ཁྱབ་ལྟར་ཉམས་སུ་ལེན་པ་སྐབས་དང་སྦྱར་གྱི། ཐུན་དུ་བཅད་ནས་སྒོམ་པ་ནི་མེད་དོ། །དེ་ནས་འོག་རླུང་བསྐྱོད་པ་ལུས་ཀྱི་རྦ་རླབས་དངོས། དེ་ནས་ངག་འདྲེན་པ་ཞི་བའི་གནད། དེ་ནས་ངག་འདྲེན་པ་དྲག་པོའི་གནད། དེ་ནས་ལྟ་བ་གསོ་བ་ཕྱག་རྒྱ་ཆེན་པོའི་གནད། དབང་གསུམ་པའི་ལམ་སྟེ་གཞུང་ཇི་ལྟ་བ་བཞིན་ནོ། །དེ་ནས་ཏིང་ངེ་འཛིན་སེམས་ཀྱི་རྦ་རླབས་ཀྱི་གནད་གཞུང་བཞིན་ནོ། །དེ་དག་ཀྱང་སྦྱོང་བ་གསུམ་ལ་ཐུན་གསུམ། རླུང་སྦྱོར་བདུན། གཏུམ་མོའི་དམིགས་པ་བཅོ་བརྒྱད་ལ་ཐུན་ཉེར་ལྔ། ལུས་ཀྱི་རྦ་རླབས། ངག་འདྲེན་ཞི་བ། དྲག་པོ་ལ་རེ་རེ། གསུམ་པའི་ལམ་ལ་བརྒྱད། སེམས་ཀྱི་རྦ་རླབས་ལ་གསུམ་སྟེ། ཐུན་ཞེ་གཉིས་
― LT14_Page_206A ―
[མ་དཔེ་གཟིགས་ན་འདིར་གནོན།]
ཀྱིས་ལམ་འཁྲིད་པ་ཡིན་ནོ། །དེ་དག་ཀྱང་ཐམས་ཅད་ཀྱི་སྦྱོར་བའི་ཆོས་དགུ། རྗེས་གསུམ་ཐུན་ཐམས་ཅད་ལ་སྦྱར་རོ། །རྒྱས་པའི་ལམ་གྱི་མངོན་རྟོགས་ཁྲིད། །གནད་ཀྱི་གདམས་པ་བཅུ་གཅིག་ལས། །ཁྲིད་ཀྱི་ལག་ལེན་གནད་དྲུག་ལ། །ཉམས་སུ་བླང་ཐབས་མདོ་ཙམ་བཀོད། གནད་བཅུ་གཅིག་གིས་དཀྲི་བའི་ཁྲིད་ཀྱི་གསལ་བྱེད་གནད་ཀྱི་སྒོ་འབྱེད་ཅེས་བྱ་བ། བཙུན་པ་བསོད་ནམས་ཀྱིས་སྦྱར་བ་དགེའོ། །འདི་ལའང་ཚིག་ཁྲིད་ཀྱི་སྲོལ་མེད། ཉམས་ཁྲིད་ཁོ་ན་ཡིན་གསུང་ངོ་། །ཤུ་བྷཾ། ༈ །གནད་དྲུག་གིས་དཀྲི་བའི་ཁྲིད་ཀྱི་གསལ་བྱེད་གནད་ཀྱི་ལྡེའུ་མིག་ཅེས་བྱ་བ། བླ་མ་དང་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །དཔལ་བིར་ཝ་པའི་བཞེད་པ་ལ་རྒྱས་འབྲིང་གསུམ་དང་། ཟབ་འབྲིང་གསུམ་གང་བསྟན་ཡང་དོན་གྱི་གནད་དྲུག་ཏུ་འདུས་པར་བཞེད་དེ། རྒྱུ་ལ་གནས་པ། དབང་ལས་ཐོབ་པ། ལམ་ལ་གོམས་པ། ལྟ་བ་ལ་ཉམས་མྱོང་སྐྱེས་པ། གྲུབ་མཐའ་ལ་རྟགས་སུ་ཤར་བ། འབྲས་བུ་ལ་དོན་མ་ལུས་པ་མངོན་དུ་གྱུར་པ་དྲུག་གིས་བསྡུས་པར་བཞེད་ལ། འདི་ཉམས་སུ་ལེན་པ་ལ་གཉིས་ཀྱི་སྔོན་འགྲོ་ལ་ཁྲིད་ཀྱི་སྔོན་འགྲོ། བསགས་སྦྱང་གཉིས། ཐུན་གྱི་སྔོན་འགྲོ་གནད་ལ་དབབ་པ་གསུམ། སྒོམ་པ་གསུམ། ཤེས་རབ་ཀྱི་བྱ་བ་ལ་གསུམ་སྟེ་དགུ་ལམ་རྒྱས་པ་དང་། དབང་པོ་རབ་འབྲིང་གསུམ་གྱི་ཁྲིད་ལྟར་ཉམས་སུ་བླང་སྟེ། འདི་ནི་ཁྲིད་རིམ་ལྔ་ཆར་གྱི་སྔོན་འགྲོར་དགོས་པའི་ཆོས་ཡིན་ནོ། །གཉིས་པ་དངོས་གཞི་ལ་ལམ་བཞི་རིམ་བཞིན་དཀྲི་བ་དང་། བུམ་གསང་ཤེས་རབ་ཡེ་ཤེས་དབང་བཞི་པའི་ལམ་གྱིས་དཀྲི་བའོ། །དང་པོ་ལ་བཞི་ལས། བུམ་དབང་གི་ལམ་ལ་དྲུག་ལས། རྒྱུ་ལ་གནས་པ་ནི་ཐུན་གྱི་སྔོན་འགྲོ་གསུམ་དང་། སྔོན་འགྲོ་གསུམ་སྔོན་དུ་སོང་ནས། རྟེན་ལུས་ལ་རྩ་འཁོར་ལོ་བཞི། གཙོ་མོ་གསུམ་སྟེ། རྩ་རིན་པོ་ཆེའི་ཕོ་བྲང་བདུན་ལ། བརྟེན་པ་ཀུན་གཞི་གཉུག་མ་མེ་ཏོག་དང་དྲི་ཡི་ཚུལ་གྱིས་གནས་
― LT14_Page_206B ―
[མ་དཔེ་གཟིགས་ན་འདིར་གནོན།]
རྟེན་དང་བརྟེན་པ་དེ་གཉིས་ཀ་ལ་ཡང་འཁོར་འདས་ཀྱི་ཆོས་ཐམས་ཅད་ས་བོན་དང་བག་ཆགས་ཀྱི་ཚུལ་གྱིས་ཚང་སྙམ་པའི་ངེས་ཤེས་བསྐྱེད། དེའི་ངང་ལ་རྩེ་གཅིག་ཏུ་བཞག །རྟོག་པ་འཕྲོ་ན་འཁོར་འདས་ཀྱི་སྣང་བ་གང་ཤར་ཡང་རྟེན་དང་བརྟེན་པ་ལུས་སེམས་ལྷན་ཅིག་ཏུ་ཚོགས་པའི་ནང་གི་རྟེན་འབྲེལ་དུ་ཤེས་པར་བྱས་ལ་ལྟ་བ་བསྐྱང་། རྗེས་ལ་དགེ་རྩ་བསྔོ། རྨི་ལམ་སྒྱུ་མ་ལྟ་བུའི་རྒྱས་གདབ། དེ་མ་རྟོགས་ཀྱི་སེམས་ཅན་ལ་སྙིང་རྗེ་སྒོམ་པའོ། །གཉིས་པ་དབང་ལས་ཐོབ་པ་ནི། བླ་མ་ལས་བུམ་དབང་བླང་། བླ་མ་མི་བཞུགས་ན་དཀྱིལ་འཁོར་བླ་མ་དང་ཐ་མི་དད་པ་དམིགས་པ་ལས་བུམ་དབང་རྒྱས་པར་བླང་། དཀྱིལ་འཁོར། དབང་། སློབ་དཔོན། དྲི་མ་དག་པ། ལམ་ལྟ་བ། གྲུབ་མཐའ་འདའ་ཁ་མ། བར་དོ། བརྡ། དཔེ། དམ་ཚིག །འབྲས་བུ་རྣམས་ལ་ངེས་ཤེས་བསྐྱེད་དོ། །གསུམ་པ་ལམ་ལ་གོམས་པ་ནི། ལུས་ཀྱི་དཀྱིལ་འཁོར་རྟེན་དང་བརྟེན་པ་ལྷ་བརྒྱ་ལྔ་བཅུ་རྩ་བདུན་གསལ་བཏབ། དབང་འབྲིང་དུ་བླང་བའི་ཚིགས་བཅད་བཞིས། ཆུ་རྒྱུན་གཅིག་ལས་དབང་བཞི་རྫོགས་པར་བླངས་ནས་ཐུགས་རྡོ་རྗེ་ལ་བཟུང་། དེ་ནས་ལྟེ་བ། དེ་ནས་གསང་གནས། དེ་ནས་མགྲིན་པ། དེ་ནས་སྤྱི་བོ། དེ་ནས་ཡུལ་ཡུལ་ཅན་གྱི་ལྷ་བཅུ་གཉིས་ནས་སྣོད་བཅུད་ལྷར་གསལ་བའི་བར་ལ་སེམས་བཟུང་སྟེ། ངོ་བོ་ཉིད་གསུམ་གྱི་ཉམས་སྐྱེས་སྐྱེས་སུ་སྒོམ། བཞི་པ་ལྟ་བ་ལ་ཉམས་སུ་མྱོང་བ་ནི། སྔར་གྱི་ཉམས་མྱོང་བརྟན་པར་བྱེད་པ་སྟེ། གཞུང་གི་གདམས་ངག་དྲུག་གི་སྐབས་བཞིན་དུ་ལྟ་བ་སྐྱོང་བ་སྟེ། དོན་རང་བཞིན་ལྷན་སྐྱེས་སོ། །ལྔ་པ་གྲུབ་མཐའ་ལ་རྟགས་སུ་ཤར་བ་ནི། བསྐྱེད་རིམ་གྱི་ལམ་བསྒོམ་པ་ལས། བུམ་དབང་ས་དྲུག་ལ་ཕྱི་ནང་དེ་ཁོ་ན་ཉིད་ཀྱི་རྟགས་གསུམ་གྱིས་བསྡུས་པའི་ཡོན་ཏན་འདི་ལྟ་བུ་སྐྱེའོ་སྙམ་དུ་གཞུང་ནས་བཤད་པའི་ཡོན་ཏན་རྣམས་དྲན་པའི་ཚུལ་གྱིས་རྟགས་ཅན་ལམ་ལ་གོམས་པར་བྱེད་པའོ།། །།
― LT14_Page_207A ―
[མ་དཔེ་གཟིགས་ན་འདིར་གནོན།]
དྲུག་པ་འབྲས་བུ་ལ་མངོན་དུ་གྱུར་པ་ནི་སྤྲུལ་སྐུ་རང་བཞིན་གྱིས་ལྷུན་གྲུབ་སྟེ་ཡུལ་སྣང་སྟོང་ཟུང་འཇུག་ཏུ་ཤེས་པ་ཡིན་ལ། དེའི་ངང་ལ་རྩེ་གཅིག་ཏུ་འཇོག་པ་ཡིན་ལ་དོན་རང་བཞིན་ལྷན་སྐྱེས་སོ། །དེའང་བཞི། ལྟ་བ། གྲུབ་མཐའ། མཐར་ཕྱིན་པའི་འབྲས་བུས་བསྡུས་པའི་སྐུ་བཞི་ལྷུན་གྲུབ་སྟེ་བཞིར་འགྱུར་རོ། །གཉིས་པ་གསང་དབང་གི་ལམ་དྲུག་ལས། རྒྱུ་ལ་གནས་པ་ནི། རྟེན་ངག་རྩ་ཡི་གེ་སྟེ། བྷ་གའི་དཀྱིལ་འཁོར་དུ་ཡི་གེ་བཅུ་བཞི། ལྟེ་བར་ཡི་གེའི་ཕྱི་མོ་བརྒྱད། ཨཱ་ལི་ཀཱ་ལི་ལྔ་བཅུ་ཐམ་པ་བརྟེན་པ་ཀུན་གཞི་མེ་ཏོག་དང་དྲི་ཡི་ཚུལ་དུ་གནས་པ་སོགས་སྔ་མ་བཞིན་ནོ། །གཉིས་པ་དབང་ལས་ཐོབ་པ་ནི། བླ་མ་ལས་གསང་དབང་ལ་སོགས་པ་སྔ་མ་བཞིན་སྦྱར་རོ། །གསུམ་པ་ལམ་ལ་གོམས་པ་ནི། སྦྱོང་བ་གསུམ་རླུང་སྦྱོར་བདུན། གཏུམ་མོའི་དམིགས་པ་བཅོ་བརྒྱད་ལམ་རྒྱས་པ་ལྟར་ཐུན་ཉེར་ལྔར་བཅད་ནས་བསྒོམ་སྟེ། རང་བྱུང་གི་ཡེ་ཤེས་བཞིའི་ཉམས་གང་རུང་སྐྱེས་སྐྱེས་ཀྱི་བར་དུ་ཉམས་སུ་བླང་ངོ་། །བཞི་པ་ལྟ་བ་ལ་ཉམས་སུ་མྱོང་བ་ནི། སྔར་གྱི་ཉམས་བརྟན་པར་བྱེད་པ་སྟེ། གཞུང་གི་གདམས་ངག་དྲུག་གི་སྐབས་བཞིན་དུ་ལྟ་བ་སྐྱོང་བ་ཡིན་ལ། དོན་རང་རིག་ལྷན་སྐྱེས་སོ། །དེའི་ཚེ་ཤེས་པ་གསལ་སྟོང་ཟུང་དུ་མ་ཆུད་ན། གནས་ཁང་ཅུང་ཟད་དཔངས་མཐོ་བར་ལུས་ལ་སོགས་པ་གནད་ལ་དབབ་ལ་མིག་ཕྱེ་བཙུམས་རན་པར་བྱས་ལ། གསལ་བ་སེམས་ཀྱི་མཚན་ཉིད་སྟོང་པ་སེམས་ཀྱི་རང་བཞིན་བཅོས་མིན་སེམས་ཀྱི་ངོ་བོ་ཞེས་བྱ་བ་ཐབས་ཤེས་རབ་གཉིས་མེད་ཟུང་འཇུག་ཏུ་ཤེས་པར་བྱ་སྟེ་བྱུང་རྒྱལ་དུ་བསྐྱང་ངོ་། །ལྔ་པ་གྲུབ་མཐའ་ལ་རྟགས་སུ་ཤར་བ་ནི། གསང་དབང་གི་ལམ་བསྒོམས་པས་གསང་དབང་ས་བཞི་ལ་ཕྱི་ནང་སོགས་སྔར་ལྟར་རོ། །དྲུག་པ་འབྲས་བུ་ལ་མངོན་དུ་གྱུར་པ་ནི། ལོངས་སྐུ་རང་བཞིན་གྱི་ལྷུན་གྲུབ་སྟེ་ཤེས་པ་
― LT14_Page_207B ―
[མ་དཔེ་གཟིགས་ན་འདིར་གནོན།]
གསལ་སྟོང་ཟུང་འཇུག་ཏུ་རྟོགས་པ་རང་རིག་ལྷན་སྐྱེས་ཡིན་ལ། དབྱེ་ན་བཞིར་འགྱུར་ཚུལ་སྔར་བཞིན་ནོ། །གསུམ་པ་དབང་གསུམ་པའི་ལམ་ལ་དྲུག་ལས། རྒྱུ་ལ་གནས་པ་ནི། རྟེན་ཁམས་བདུད་རྩི་ལ་གནས་པ་སྟེ། བྱང་ཆུབ་ཀྱི་སེམས་ཀྱི་ཁམས་དགུའི་དྭངས་མ་རྩ་བཞིའི་དཀྱིལ་འཁོར་ལ་བརྟེན་པ་ཀུན་གཞི་སོགས་སྔར་བཞིན་སྦྱར་བ་ལ་ངེས་ཤེས་སྐྱེད་དོ། །གཉིས་པ་དབང་ལས་ཐོབ་པ་ནི། བླ་མ་ལས་དབང་གསུམ་པ་བླང་བ་སོགས་སྔ་མ་བཞིན་སྦྱར་རོ། །གསུམ་པ་ལམ་ལ་གོམས་པ་ནི། དབང་གསུམ་པའི་ལམ་ཐུན་བརྒྱད་དུ་བཅད་ནས་ལམ་རྒྱས་པ་བཞིན་ཉམས་སུ་བླང་སྟེ། བདེ་སྟོང་གི་ཉམས་སྐྱེས་སྐྱེས་སྒོམ་མོ། །བཞི་པ་ལྟ་བ་ལ་ཉམས་སུ་མྱོང་བ་ནི། སྔར་གྱི་ཉམས་བརྟན་པར་བྱེད་པ་སྟོན། གཞུང་གི་གདམས་ངག་དྲུག་གི་སྐབས་བཞིན་དུ་བསྐྱང་བ་ཡིན་ལ་དོན་ཞུ་བདེ་ལྷན་སྐྱེས་སོ། །དེའི་ཚེ་ལུས་བདེ་སྟོང་ཟུང་དུ་ཆུད་ནས། སྒོམ་སྟོར་རྐྱེན་གྱིས་བཙལ་བ་བཞིན་ལོངས་སྤྱོད་ཀྱི་རླབས་སམ་གསང་བའི་སྙོམས་འཇུག་གང་རུང་ལ་བརྟེན་ཏེ་སྐྱེའོ། །ལྔ་པ་གྲུབ་མཐའ་རྟགས་སུ་ཤར་བ་དབང་གསུམ་པའི་ལམ་ལ་ཤེས་རབ་ཡེ་ཤེས་ཀྱི་ས་གཉིས་ལ་ཕྱི་ནང་སོགས་སྦྱར་བ་སྔར་ལྟར་ཉམས་སུ་བླང་ངོ་། །དྲུག་པ་འབྲས་བུ་ལ་མངོན་དུ་གྱུར་པ་ནི། ཆོས་སྐུ་རང་བཞིན་ལྷུན་གྲུབ་སྟེ། བདེ་སྟོང་ཟུང་འཇུག་ཏུ་རྟོགས་པ་ཞུ་བདེ་ལྷན་སྐྱེས་ཡིན་ལ། དབྱེ་ན་བཞིར་འགྱུར་བ་སྔར་བཞིན་ནོ། །བཞི་པ་དབང་བཞི་པའི་ལམ་ལ་དྲུག་ལས། རྒྱུ་ལ་གནས་པ་ནི། རྟེན་དཀྱིལ་འཁོར་གསུམ་ལ་ཁྱབ་ཅིང་དབང་བྱེད་པའི་སྙིང་པོ་ཡེ་ཤེས་རླུང་ལ་བརྟེན་པ་ཀུན་གཞི་སོགས་སྔར་བཞིན་སྦྱར་བ་ལ་ངེས་ཤེས་བསྐྱེད་དོ། །གཉིས་པ་དབང་ལ་ཐོབ་པ་ནི། བླ་མ་ལ་དབང་བཞི་པ་ལ་སོགས་སྔར་བཞིན་སྦྱར་རོ། །གསུམ་པ་ལམ་ལ་གོམས་པ་ནི། དབང་བཞི་པའི་ལམ་ཐུན་བརྒྱད་དུ་བཅད་ནས་ལམ་རྒྱས་པ་བཞིན་ཉམས་སུ་བླང་སྟེ་བདེ་
― LT14_Page_208A ―
[མ་དཔེ་གཟིགས་ན་འདིར་གནོན།]
སྟོང་མཆོག་གི་ཉམས་སྐྱེས་སྐྱེས་བསྒོམ་མོ། །བཞི་པ་ལྟ་བ་ལ་ཉམས་སུ་མྱོང་བ་ནི། སྔར་གྱི་ཉམས་བརྟན་པར་བྱེད་པ་སྟེ། གཞུང་གི་གདམས་ངག་དྲུག་གི་སྐབས་ལྟར་སྐྱོང་བ་ཡིན་ལ། དོན་རྣམ་ཀུན་མཆོག་ལྡན་གྱི་ལྷན་སྐྱེས་སོ། །ལྔ་པ་གྲུབ་མཐའ་ལ་རྟགས་སུ་ཤར་བ་ནི། དབང་བཞི་པའི་ལམ། བཞི་པའི་ས་ཕྱེད་ལ་ཕྱི་ནང་དེ་ཁོ་ན་ཉིད་ཀྱི་རྟགས་གསུམ་གྱིས་བསྡུས་པའི་ཡོན་ཏན་འདི་ལྟ་བུ་སྐྱེའོ་ཞེས་ཡོན་ཏན་དྲན་པར་བྱས་ནས་རྟགས་ཅན་ལ་བསྒོམ་པའི་འདུན་པ་རྩེ་གཅིག་ཡང་ཡང་བསྐྱེད་དོ། །དྲུག་པ་འབྲས་བུ་མངོན་དུ་གྱུར་པ་ནི་ངོ་བོ་ཉིད་སྐུ་རང་བཞིན་ལྷུན་གྲུབ་སྟེ། ཡུལ་སེམས་འདུས་པ་ལ་སོགས་པས་བསྡུས་པའི་ཆོས་ཀུན་སྟོང་པར་རྟོགས་པ་རྣམ་ཀུན་མཆོག་ལྡན་གྱི་ལྷན་སྐྱེས་ཏེ་བཞིར་འགྱུར་ཚུལ་སྔར་བཞིན་ནོ། །དེ་ལྟར་ན་བུམ་དབང་ལ་བཅུ་གཉིས། གསང་དབང་ལ་སོ་གཅིག །དབང་གསུམ་པ་དང་བཞི་པ་ལ་བཅུ་གསུམ་བཅུ་གསུམ་སྟེ། དྲུག་ཅུ་རྩ་དགུས་ལམ་ཁྲིད་པ་ཡིན་ནོ། །གཉིས་པ་བུམ་དབང་གི་ལམ་གྱིས་དཀྲི་བ་ལ་སྔོན་འགྲོ། དངོས་གཞི། སྔར་དང་འདྲ་བ་ལས་ལམ་མ་གོམས་པའི་མཇུག་ཏུ། དེ་ནས་བུམ་དབང་གཅིག་པུས་ཀྱང་ལམ་ཐམས་ཅད་མཐར་ཕྱིན་པས་ན་གཞན་གསུམ་རང་གིས་འབྱུང་སྟེ། ལྷ་གསལ་སྟོང་དུ་རྟོགས་པ་གསང་དབང་གི་ལམ། བདེ་སྟོང་དུ་རྟོགས་པས་གསུམ་པའི་ལམ། སྣང་གསལ་བདེ་གསུམ་གང་ཡང་ཟུང་དུ་ཆུད་པར་རྟོགས་པ་བཞི་པའི་ལམ་དུ་ངོ་སྤྲོད་པ་དང་། འབྲས་བུའི་སྐབས་སུ་སྐུ་བཞི་ལྷུན་གྲུབ་སྟེ་ཡུལ་སྣང་སྟོང་། ཤེས་པ་གསལ་སྟོང་། ལུས་བདེ་སྟོང་། འཁོར་འདས་ཐམས་ཅད་རང་སྟོང་དུ་ཤེས་པ་སྤྲུལ་ལོངས་ཆོས་ངོ་བོ་ཉིད་སྐུ་སྟེ། རང་བཞིན་རང་རིག་ཞུ་བདེ། རྣམ་ཀུན་མཆོག་གི་ལྷན་སྐྱེས་ཡིན་ལ། དེ་རེ་རེའང་བཞི། ལྟ་བ། གྲུབ་མཐའ། མཐར་ཕྱིན་གྱིས་བསྡུས་པའི་སྐུ་བཞི་བཞིར་འགྱུར་བས་བསྟན་ཏོ། །གསུམ་པ་གསང་དབང་གི་ལམ་གྱིས་
― LT14_Page_208B ―
[མ་དཔེ་གཟིགས་ན་འདིར་གནོན།]
དཀྲི་བ་ལ། སྔོན་འགྲོ་དང་། དངོས་གཞི་ཐུན་སོ་གཅིག་བཅད་པ་སྔར་བཞིན་ལ། ལམ་གྱི་མཇུག་ཏུ་ཉམས་སྣ་ཚོགས་སྣང་བཞིན་སྟོང་པ་བུམ་པའི་དབང་གི་ལམ། བདེ་བཞིན་དུ་སྟོང་པ་གསུམ་པའི་ལམ། ཟུང་འཇུག་བཞི་པའི་ལམ་མོ་ཞེས་ངོ་སྤྲད་དོ། །བཞི་པ་དབང་གསུམ་པའི་ལམ་ལ་སྔོན་འགྲོ་གཉིས་དང་། དངོས་གཞི་ལ་ལམ་གྱི་མགོར་རླུང་སྦྱོར་བདུན་བསྣན། མཇུག་ཏུ་དགའ་བ་བཞིའི་ལམ་དུ་ཡེ་ཤེས་དབང་བཞིའི་ལམ་དུ་ངོ་སྤྲད་དོ། །གཞན་སྔར་བཞིན་སྦྱར་བས་དངོས་གཞི་ཐུན་ཉི་ཤུར་བཅད་ནས་ཁྲིད་པའོ། །ལྔ་པ་བཞི་པའི་ལམ་ལ་སྔོན་འགྲོ་གཉིས། དངོས་གཞི་ལ་ལམ་སྐབས་སུ་སྦྱང་བ་གསུམ་ཐུན་རེར། རླུང་སྦྱོར་བདུན་ལུས་ཀྱི་རྦ་རླབས། ངག་འདྲེན་ཞི་དྲག་གཉིས་སྐད་ཅིག་གསུམ་ལ་ཐུན་རེ་རེ་བྱས་ལ་ཉམས་སུ་བླང་སྟེ། དེས་ན་བཞི་པའི་ལམ་གཅིག་པུས་ཀྱང་ལམ་མཐར་ཕྱིན་པས་གཞན་གསུམ་ངང་གིས་འབྱུང་སྟེ། ཉམས་སྣང་སྟོང་སྣང་བཞིན་དུ་སྟོང་པ་བུམ་དབང་གི་ལམ། གསལ་བཞིན་དུ་སྟོང་པ་གསང་དབང་ལམ། སྣང་རུང་གསལ་རུང་རང་རང་གི་ངོ་བོས་སྟོང་པས་ངོས་འཛིན་གྱིས་བསྐྱེད་པའི་རྡུལ་མེད་པས་བདེ། བདེ་བཞིན་དུ་སྟོང་པས་གསུམ་པའི་ལམ། དེ་ལྟར་རང་རང་གི་ངོ་བོས་སྟོང་པ་དེ་ཡང་འཕྲལ་དུ་བྱས་པ་མ་ཡིན་གྱི། གདོད་ནས་དག་པར་འཇུག་པས་བཞི་པའི་ལམ་དུ་ངོ་སྤྲད་དོ། །གཞན་བཞི་པའི་ལམ་སྔར་བཞིན་ཏེ། ཐུན་ཉེར་གཅིག་གིས་ཁྲིད་པ་ཡིན་ལ། སྦྱོར་རྗེས་ཀྱི་ཆོས་སྔར་བསྟན་པ་ལྟར་ཐུན་ཐམས་ཅད་ལ་སྦྱར་རོ། །དེ་དག་ལས་རིམ་གྱིས་དཀྲི་བ་ཚིག་ཁྲིད་དུའང་མཛད་ཅིང་། རྐང་ཐོན་དུ་དཀྲི་བ་བཞི་པོ་འདི་དོན་ཁྲིད་ཁོ་ན་ཡིན་ལ། བཞི་པོ་འདི་ཁྲིད་རིམ་གཅིག་ཏུ་བྱེད་པ་མིན་གྱི། ཁྲིད་རྫོགས་པ་བཞི་ཡིན་པས་གང་ཟག་རེ་རེའི་ལམ་མ་ཚང་བ་མེད་པ་རེ་རེ་ཡིན་ནོ། །རྒྱས་འབྲིང་བསྡུས་དང་ཟབ་འབྲིང་གསུམ། །ཁྲིད་ཚུལ་གཉིས་ཀྱིས་གང་ཟག་གསུམ། །དཀྲི་བའི་གནད་ཀྱི་གདམས་ངག་དྲུག །
― LT14_Page_209A ―
[མ་དཔེ་གཟིགས་ན་འདིར་གནོན།]
ཉམས་ལེན་ཉུང་གསལ་འཁྲུལ་མེད་བཀོད། གནད་དྲུག་གིས་དཀྲི་བའི་ཁྲིད་རིམ་གྱི་གསལ་བྱེད་གནད་ཀྱི་ལྡེའུ་མིག་ཅེས་བྱ་བ། བཙུན་པ་བསོད་ནམས་ཀྱིས་སྦྱར་བའོ། །ཤུ་བྷཾ། ༈ ༀ་སྭ་སྟི་སིདྡྷཾ། དབང་པོ་རབ་འབྲིང་གསུམ་གྱིས་དཀྲི་བའི་ཁྲིད་རིམ་གྱི་གསལ་བྱེད་ཉུང་ངུ་རྣམ་གསལ་ཞེས་བྱ་བ། རྗེ་བཙུན་བླ་མ་ཐུགས་རྗེ་ཆེན་པོ་རྣམས་ལ་ཕྱག་འཚལ་ལོ། །སློབ་དཔོན་ཆེན་པོ་བིར་ཝ་པའི་བཞེད་པས་ལམ་ལ་འཇུག་པའི་གང་ཟག་ཐམས་ཅད་རིགས་བསྡུ་ན། ཐབས་ཀྱི་ཕྱོགས་སུ་ལྷུང་བའི་རྣལ་འབྱོར་པ་གསུམ། ཤེས་རབ་ཀྱི་ཕྱོགས་སུ་ལྷུང་བའི་རྣལ་འབྱོར་པ་གསུམ། ཐབས་ཤེས་ཟུང་འཇུག་གི་རྣལ་འབྱོར་པ་སྟེ་བདུན་དུ་བཞེད་ལ། དང་པོ་ལ་ཐ་མ་ཚོགས་ཙམ་གསོག་པར་འདོད་པ། འབྲིང་པོ་ལམ་གྱི་ཐུན་བཞི་ལ་དབང་བཞི་ལེན་པ། རབ་བཟླས་བརྗོད་སྦྱིན་སྲེག་ལ་བརྟེན་ནས་ལས་མཐའ་དག་བསྒྲུབ་པར་འདོད་པ་དང་། གཉིས་པ་ལ་བརྩོན་པ་ཐ་མ་ཆོས་བདག་མེད་ཙམ་སྒོམ་པ། འབྲིང་བསྐྱེད་རིམ་ལ་སེམས་འཛིན་པ། རབ་རླུང་གི་རྣལ་འབྱོར་ལ་སེམས་འཛིན་པ་གསུམ་མོ། །དེ་དག་གང་ཡང་རུང་བ་ཞིག་བླ་མའི་དྲུང་དུ་འོང་ནས་དབང་དང་དམ་ཚིག་དང་ལྡན་པར་བྱས། ལྷ་གང་ཡིན་གྱི་བསྐྱེད་རིམ་དང་། དེའི་སྙིང་པོ་དང་བཅས་པ་དེ་ཁྲིད་ཀྱིས་བསྐྱང་བར་འདོད་ན་ཇི་ལྟར་ཁྲིད་ཚུལ་ལ། སྔོན་འགྲོ། དངོས་གཞི་གཉིས་ལས། །དང་པོ་ལ་ཆོས་བཅོ་ལྔ་ཡོད་ཀྱང་བསྡུ་ན་བཅུ་གཉིས་སུ་འདུ་བས། དང་པོར་ཁྲིད་ཀྱི་སྔོན་འགྲོ་ལ་གསུམ་ནི། མི་མཐུན་པའི་ཕྱོགས་སྤྱོད་པ་ཡིག་བརྒྱ། མཐུན་པའི་ཕྱོགས་ཚོགས་བསགས་པ་མཎྜལ། ངེས་འབྱུང་སྐྱེད་པའི་ཐབས་འཁོར་བའི་ཉེས་དམིགས་བསམ་པ་སྟེ་གཞུང་ཇི་ལྟ་བ་བཞིན་ནོ། །གཉིས་པ་ཐུན་གྱི་སྔོན་འགྲོའི་གནད་ལ་གསུམ། སྔོན་འགྲོ་གསུམ། ཤེས་རབ་ཀྱི་བྱ་བ་གསུམ་སྟེ། ཐབས་ཀྱི་བྱ་བ་གསུམ་ནི་བར་པ་གསུམ་དུ་འདུ་བས་ཉམས་ལེན་ལ་སོགས་པ་མེད་དོ། །དང་པོ་བར་པ་ནི། བྱམས་སྙིང་
― LT14_Page_209B ―
[མ་དཔེ་གཟིགས་ན་འདིར་གནོན།]
རྗེ་བྱང་ཆུབ་ཀྱི་སེམས་སྒོམ་པ་སྟེ། གཞུང་ཇི་ལྟ་བ་བཞིན་ནོ། །གསུམ་པ་ལ་ཆོས་ཐམས་ཅད་སེམས། སེམས་སྒྱུ་མ། སྒྱུ་མ་རང་བཞིན་མེད་པར་ཐག་བཅད་པ་གསུམ་གྱི་དང་པོ་ནི། ཐུན་གྱི་སྔོན་འགྲོ་དྲུག་སྔོན་དུ་སོང་ནས། འདི་ལྟར་ཕྱི་ནང་གསང་བ་ཐམས་ཅད་རང་གི་སེམས་ཡིན་ཏེ། ཕྱྭ་འམ་དབང་ཕྱུག་གིས་བྱས་པའམ་རྡུལ་ཕྲ་རབ་ལས་གྲུབ་པའམ་དེ་བཞིན་གཤེགས་པས་སྤྲུལ་པ་ལྟ་བུ་མ་ཡིན་ཏེ། དཔེར་ན་གཉིད་ཀྱིས་བསླད་པའི་རྨི་ལམ་ལ་སོགས་པ་བཞིན་དུ་རང་གི་སེམས་ཐོག་མ་མེད་པ་ནས་ལས་དང་བག་ཆགས་ངན་པས་བསླད་པའི་རྣམ་པ་ཡིན་གྱིས། ཕྱི་ནང་གྲུབ་པ་གང་ཡང་མེད་སྙམ་དུ་བསམ། དེ་ནས་འཇོག་ཁར་ཡང་ངར་རེ་ཙམ་རང་གི་སེམས་གསལ་སིང་ངེ་བ་དེར་བཞག་གོ །ཞག་གསུམ་མམ་ལྔའམ་བདུན་ལ་སོགས་པར་གོམས་པར་བྱའོ། །གཉིས་པ། རྨི་ལམ། སྒྱུ་མ། གཟུགས་བརྙན། མིག་ཡོར་བཞི་ལ་བསླབ་སྟེ། དེ་རྣམས་ཀྱིའང་སྔོན་ལ་མིག་ཡོར་ལ་བསླབ། མིག་གཡོ་གྱིས་གཉིས་སུ་སྣང་བ་དེ་གཅིག་བདེན་ན་གཅིག་བརྫུན་པས་གཅིག་ཏུ་མི་འགྲོ་ལ། ངོས་གཅིག་བདེན་ན་ངོས་གཅིག་བརྫུན་པས་གཅིག་ཏུ་ཐིམ་འགྲོ་བ་བཞིན་ནོ། །དེ་གཉིས་ཀ་གང་ཡང་བདེན་པ་མེད་དེ། དེ་བཞིན་དུ་སེམས་འདི་ཡང་མི་བདེན་པར་འདུག་སྙམ་དུ་བསྒོམ། གཟུགས་བརྙན་ལ་གཉིས་ཏེ། མེ་ལོང་གི་ནང་དང་ཆུ་ཟླ་གཉིས་ལས། དེ་གཉིས་ལ་འདི་ལྟར་བསླབ་སྟེ། གཟུགས་བརྙན་དེ་ཡོད་དུ་སོ་སོར་ཡོད་པ་རིགས་པར་མི་འདུག །མེད་ན་མི་སྣང་བར་རིགས་པ་ལ་སྣང་གིན་མི་འདུག །དེ་བཞིན་དུ་སེམས་ཀྱང་སྒྱུ་མ་ལྟ་བུར་འདུག་སྙམ་དུ་བསམ་མོ། །སྒྱུ་མའང་རྫས་ཀྱི་དངོས་པོ་ཇོ་མོ་དང་། སྤྲེའུ་མཇུག་དང་། གྱི་ན་ལ་རྟ་གླང་སོགས་སྣང་བ་དང་། ཡོད་ན་བདེན་པར་རིགས། མེད་ན་མི་སྣང་བར་རིགས་པ་ལས་སྣང་བ་ལྟར་སེམས་འདི་སྒྱུ་མ་ལྟར་འདུག་སྙམ་དུ་བསམ། དེ་ལྟར་རྨི་ལམ་ལ་བསམས་པས་སྒྱུ་མར་འདུག་པར་སྒྲོ་འདོགས་ཆོད། དེས་སེམས་ལ་བདེན་འཛིན་ལྡོག་གོ །དེ་ལྟར་དཔེ་བཞི་སོ་སོ་རེ་རེ་
― LT14_Page_210A ―
[མ་དཔེ་གཟིགས་ན་འདིར་གནོན།]
ལ་ཞག་གསུམ་གསུམ་ཙམ་རེ་བསླབ་སྟེ་ཞས་བཅུ་གཉིས་ཙམ་རེ་བསླབ་གསུང་ངོ་། །གསུམ་པ་ནི། རང་བཞིན་མེད་པ་ཞེས་བྱ་བ་ནི་ངོ་བོ་མེད་པ་གཏད་མེད་པ་ཞིག་ལ་ཟེར་བ་ཡིན་ཏེ། དེས་ན་སྒྱུ་མ་རང་བཞིན་མེད་པར་བློས་ཐག་བཅད་ལ་དེའི་ངང་ལ་ཅུང་ཟད་བཞག་གོ །དེ་དག་ཐག་བཅད་པ་གསུམ་མོ། །དེ་ལྟར་སྔོན་འགྲོ་དེ་དག་སྔོན་དུ་སོང་ནས། གཉིས་པ་དངོས་གཞི་ལ་གཉིས་ལས། ཐབས་ཀྱི་ཕྱོགས་སུ་ལྷུངས་པའི་རྣལ་འབྱོར་པ་གསུམ་གྱིས་བརྩོན་པ་ཐ་མ་ལ་རིགས་གཉིས་ལས། རྡོ་རྗེ་སློབ་དཔོན་དབང་ལས་མ་ཐོབ་པས་ནི། སྔོན་འགྲོ་དགུ་སྔོན་དུ་སོང་བས་ལྷ་དཔའ་བོ་གཅིག་པ་བསྒོམ། ཐུགས་རྗེའི་འོད་ཟེར་གྱི་སྤྲོ་བསྡུས་སྣོད་བཅུད་དཀྱིལ་འཁོར་དང་ལྷ་གསལ་བཏབ་ནས་དེའི་བཟླས་པ་བྱེད་པའོ། །རྗེས་འོག་ལྟར་ངོ་བོ་ཉིད་གསུམ་དྲན་པར་བྱས་ནས་གཏོར་མ་ལ་སོགས་པ་སྤྱོད་ལམ་གྱི་རྣལ་འབྱོར་གྱིས་དུས་འདའ་བར་བྱའོ། །དེ་ལྟ་བུ་ཐུན་གཅིག་གམ་གཉིས་སམ་གསུམ་ལ་སོགས་པ་གང་འགྲུབ་བྱེད་ཅིང་ལུས་ཀྱི་དཀྱིལ་འཁོར་བསྒོམ་ཡང་ལེགས། མ་བསྒོམས་ཀྱང་འགལ་བ་མེད་དོ། །དེ་ནས་འོག་ལྟར་ལྟ་བས་རྒྱས་གདབ་བོ། །སློབ་དཔོན་གྱི་དབང་ཐོབ་པ་ཡིན་ན། དཀྱིལ་འཁོར་འཁོར་ལོ་བསྒོམ་པ་ཡིན་ལ་གཞན་སྔ་མ་དང་འདྲའོ། །བརྩོན་པ་འབྲིང་གིས་སྔོན་འགྲོ་དགུ་ཟིན་ནས་ཚོགས་ཀྱི་ཞིང་སྤྱན་དྲངས་པ་ནས་བརྩམས་ཏེ། ཡེ་ཤེས་པ་གཞུག་པའི་བར་རྣམ་རྟོག་གཞན་གྱིས་བར་མ་ཆོད་པར་བསྒོམ། དེ་ནས་ལུས་ཀྱི་དཀྱིལ་འཁོར་གསལ་བཏབ་ནས་སེམས་ཞོགས་ཚད་ཅིག་འཇོག །རྗེས་སྔར་དང་འདྲ། དེ་ནས་རྒྱས་འབྲིང་བསྡུས་གསུམ་གང་རུང་ཞིག་བླང་། དེ་ནས་ངོ་བོ་ཉིད་གསུམ་བསྒོམ་སྟེ། ལྷར་སྣང་བ་སྣང་ཕྱོགས་ཀྱི་ངོ་བོ་ཉིད། དེ་རང་བཞིན་མེད་པ་སྟོང་ཕྱོགས་ཀྱི་ངོ་བོ་ཉིད། དེ་གཉིས་དབྱེར་མེད་ཟུང་འཇུག་གི་ངོ་བོ་ཉིད་དོ། །ཟུང་འཇུག་གི་ངོ་བོ་ཉིད་ལ་བློ་ཅུང་ཟད་བཞག་ལ། དེ་ནས་བཟླས་པ་བྱེད་དམ་མི་བྱེད་རང་གང་མོས་བྱ། ལངས་ནས་འགྲོ་ན་རྗེས་
― LT14_Page_210B ―
[མ་དཔེ་གཟིགས་ན་འདིར་གནོན།]
ཀྱི་ངོ་བོ་ཉིད་གསུམ་དྲན་པར་བྱས་ནས་འགྲོ་སྟེ། དཀར་དམར་དུ་སྣང་བ་སྣང་ཕྱོགས། དེ་རང་བཞིན་མེད་པ་སྟོང་ཕྱོགས། དེ་གཉིས་དབྱེར་མེད་པ་ཟུང་འཇུག་གི་ངོ་བོ་ཉིད་དེ། དེ་ལྟར་དྲན་པར་བྱས་ལ་སྤྱོད་ལམ་བྱའོ། །དེ་ལྟར་ན་ཐུན་བཞི་ཁོ་ནར་གྲངས་ངེས་པ་དང་། ལྟ་བ་ངོ་བོ་ཉིད་བསྐྱང་བ་ནི་ཅི་ནས་ཀྱང་བསྒོམ་མོ། །གཏོར་མ་ཐུན་ཐམས་ཅད་ལ་མ་འབྱོར་ནའང་ཐུན་ཐ་མ་ལ་རེ་རེ་མེད་ཀ་མེད་ཡིན། །བརྩོན་པ་རབ་ལ་གསུམ་ལས། ལྷ་བསྒོམ་པའི་ཚུལ་དང་ལྟ་བ་བསྐྱང་བ་ནི་སྔ་མ་དང་འདྲ་བ་ཐུན་བཞིའི་མཇུག་ཏུ་བྱེད་ལ། གཙོ་བོ་ནི་ལྟ་བ་བསྐྱང་བ་ཡིན་ནོ། །ལས་ཚོགས་བསྒྲུབ་པ་ནི། བསྙེན་པ་འབུམ་ཕྲག་བཞི་དང་། སྦྱིན་སྲེག་ཁྲི་ཕྲག་བཞི་བྱས་ལ་རྒྱུད་ལས་གསུངས་པའི་ལས་ཚོགས་བསྒྲུབ་པ་སྟེ། དེ་ཙམ་གྱིས་མ་གྲུབ་ན། སླར་ཡང་དེ་ཙམ་གཅིག་བྱ། དེས་ཀྱང་མ་གྲུབ་ན་དེ་ཙམ་གཅིག་བྱ་སྟེ། མདོར་ན་བསྙེན་པ་འབུམ་ཕྲག་བཅུ་གཉིས། སྦྱིན་སྲེག་ཁྲི་ཕྲག་བཅུ་གཉིས་བྱས་ནས་ལས་བསྒྲུབ་པའོ། །ཤེས་རབ་ཀྱི་ཕྱོགས་སུ་ལྷུང་བའི་གང་ཟག་ལའང་གསུམ་ལས། བརྩོན་པ་ཐ་མ་ནི། སྔོན་འགྲོ་དགུ་སྔར་དང་འདྲ་བར་བྱས་ལ། དངོས་གཞི་ལ་གསུམ་ལས། གསལ་བ་སེམས་ཀྱི་མཚན་ཉིད་ངོས་བཟུང་བ་ནི། ཕྱི་ནང་གང་ལ་བལྟས་ཀྱང་གསལ་བའི་ངོ་བོར་འདུག་པ་དེ་ལ་ཆེར་བལྟས་ནས་དེའི་ངང་ལ་རྟོག་པ་མེད་པར་འཇོག་པའོ། །དེ་ལྟ་བུ་ཐུན་གྲངས་མེད་པས་མཉམ་གཞག་ལ་བསྒོམ་ཞིང་། རྗེས་དགེ་རྩ་བསྔོ། རྨི་ལམ་སྒྱུ་མ་ལྟ་བུའི་རྒྱས་གདབ། དེ་མ་རྟོགས་ཀྱི་སེམས་ཅན་ལ་སྙིང་རྗེ་བསྒོམ་མོ། །གཉིས་པ་སྟོང་པ་སེམས་ཀྱི་རང་བཞིན་ངོས་གཟུང་བ་ནི། ཕྱི་ནང་གང་ལ་བལྟས་ཀྱང་རང་བཞིན་གྱིས་སྟོང་སྟེ་གནས་པ་ལུས་ཀྱི་ནང་ན་ཡང་མི་འདུག །ཕྱི་རོལ་ན་ཡང་མི་འདུག །དབྱིངས་ལ་བལྟས་ན་དབྱིངས་ལ་ཡང་མི་འདུག་ལ། དེས་ན་རང་བཞིན་སྟོང་པར་འདུག་པ་དེའི་ངང་ལ་ཆེར་བལྟས་ནས་རྟོག་པ་མེད་པར་འཇོག་པའོ། །རྗེས་སྔ་མ་དང་འདྲའོ། །གསུམ་པ་བཅོས་མིན་སེམས་ཀྱི་ངོ་བོ་ངོས་གཟུང་བ་ནི། དེ་ལྟར་མཉམ་པར་གཞག་པའི་དུས་ན། གསལ་བའི་དུས་ཉིད་ན་སྟོང་། སྟོང་པའི་དུས་ཉིད་ན་གསལ་བས་གསལ་སྟོང་གི་ངོ་བོ་དེ་ལ་མ་བཅོས་
― LT14_Page_211A ―
[མ་དཔེ་གཟིགས་ན་འདིར་གནོན།]
པར་ནམ་མཁའི་དཀྱིལ་ལྟ་བུ་ལ་སེམས་འཇོག་པའོ། །རྗེས་སྔ་མ་དང་འདྲའོ། །བརྩོན་པ་འབྲིང་གིས་ནི། སྔོན་འགྲོ་དགུ་སྔོན་དུ་སོང་ནས། དངོས་གཞི་ལ་གསུམ་ལས། ལྷ་བསྒོམ་པ་ནི། ཚོགས་ཞིང་སྤྱན་དྲངས་པ་ནས་བརྩམས་ཏེ། རིགས་བདག་གིས་རྒྱས་གདབ་པའི་བར་གསལ་ཞིང་དྲག་ལ་ཡུན་ཐུང་བར་ཐུན་བཞི་ལ་སོགས་པར་ཉམས་སུ་བླངས་ནས་དེ་ལ་སེམས་ཅུང་ཟད་འཇོག་པའོ། །རྗེས་ངོ་བོ་ཉིད་གསུམ་བསྐྱང་སྟེ་སྔ་མ་དང་འདྲའོ། །གཉིས་པ་དབང་བླང་བ་ནི། ལམ་དུས་ཀྱི་དབང་རྒྱས་བསྡུས་གང་རུང་ཞིག་ལེན་པའོ། །གསུམ་པ་སེམས་གཟུང་བ་ལ་སྤྱི་ལ་སེམས་གཟུང་བ་དང་། བྱེ་བྲག་ལ་སེམས་གཟུང་བ་ལ་གཉིས་ལས། དང་པོ་ལ་བཞི་ལས། བསྒོམ་པ་གསལ་གདབ་པ་ནི། དཀྱིལ་འཁོར་གྱི་འཁོར་ལོ་ཙམ་ལ་དམིགས་ནས་གསལ་ན་གསལ་ཏེ་འཕྲོ་བཅད། མི་གསལ་ན་མི་གསལ་ཏེ་འཕྲོ་བཅད། ཅེས་པའི་ཚུལ་གྱིས་བསྒོམ། དེ་ལྟར་བྱས་ཀྱང་མི་གསལ་ན། རང་གི་བརྗོད་པས་གསལ་གདབ་པ་ནི། སྤྱན་དབུ་མ་སྤྱན་རྩ་ཁྲོ་ཞིང་དམར་བ་ཞེས་བརྗོད་ལ་སྔ་མ་བཞིན་དུ་བསམ་གཏན་གྱི་དུག་དབྱུང་ཞིང་བསྒོམ། དེས་ཀྱང་མི་གསལ་ན་གཞན་གྱིས་བརྗོད་པས་གསལ་གདབ་པ་ནི། གཞན་གཅིག །སྤྱན་དབུ་མ་ཞེས་བརྗོད་དུ་བཅུག་ལ། ཡང་བསམ་གཏན་གྱི་དུག་དབྱུང་ལ་བསྒོམ། དེས་ཀྱང་མི་གསལ་ན་བལྟས་པས་གསལ་གདབ་ཅེས་བྱ་བ་སྤྱན་དབུ་མ་ཤིན་ཏུ་མཛེས་པ་ཞིག་བྲིས་ལ་དེ་ལ་བལྟས་ནས་བསམ་གཏན་གྱི་དུག་དབྱུང་ཞིང་བསྒོམ་མོ། །གཉིས་པ་བྱེ་བྲག་ལ་སེམས་བཟུང་ཚུལ་ལ་ཕྱི་ནས་འཛིན་པ་དང་ནང་ནས་འཛིན་པ་ལུགས་གཉིས་ལས། དང་པོ་ལྟར་ན་ལམ་རྒྱས་པ་ལྟར་རང་གི་སྤྱན་དབུ་མ་ནས་བརྩམ་སྟེ་སྣོད་བཅུད་ལྷར་གསལ་བའི་བར་ལ་སེམས་འཛིན་ལ། གཉིས་པ་ལྟར་ན་དབུའི་གཙུག་ཏོར་གྱི་འཁོར་ལོ་གསལ་གདབ་པ་ནས་བརྩམས་ཏེ་ཕོ་བྲང་དྲུག་གི་ལྷ་ནས་སྣོད་བཅུད་ལྷར་གསལ་ལ་རིམ་གྱིས་སེམས་འཛིན་ཏེ། བཟུང་བའི་ཐབས་ནི་སྔ་མ་བཞིན་ནོ། །བཟུང་ཚུལ་གཉིས་པ་འདི་རང་
― LT14_Page_211B ―
[མ་དཔེ་གཟིགས་ན་འདིར་གནོན།]
གི་བློ་ལ་གར་འཕྲོད་པ་དེ་བསྒོམ་གྱི། གཉིས་པ་བསྒོམ་དགོས་པ་ནི་མ་ཡིན་ནོ། །རྗེས་སྔ་མ་དང་འདྲའོ། །རྣལ་འབྱོར་ནང་ལ་མཆོག་ཏུ་གཞོལ་བ་ཡིས་ནི་བཟླས་པ་དང་། གཏོར་མ་དང་། མདོ་ཟློས་ལ་སོགས་མི་བྱེད་པར་མཉམ་གཞག་བསྐྱེད་རིམ་ལ་སེམས་བཟུང་ཞིང་གོམས་ནས་རྗེས་ཀྱི་ལྟ་བ་དང་བསྲེ་གསུང་བས་ངོ་བོ་ཉིད་གསུམ་བསྒོམ་ཞིང་། ཐུན་བཞི་ལ་སོགས་པར་ཉམས་སུ་ལེན་པའོ། །བརྩོན་པ་རབ་ཀྱིས། སྔོན་འགྲོ་སྔར་དང་འདྲ་བར་བྱས་ནས། དངོས་གཞི་ལ་ཉམས་ལེན་གྱི་བྱེ་བྲག་ཞེ་ལྔ་ལས། གསལ་བ་སེམས་ཀྱི་མཚན་ཉིད་སྟོང་པ་སེམས་ཀྱི་རང་བཞིན། བཅོས་མིན་སེམས་ཀྱི་ངོ་བོ་གསུམ་ནི་སྔ་མ་དང་འདྲ་ལ། དེ་ནས་སྦྱང་བ་ཁྱད་པར་ཅན་གྱི་གནད་ལ། ལུས་སྦྱང་བ་ཟླ་བ་དྲུག་སྔོན་དུ་འགྲོ་དགོས་ཏེ། དེའི་སྔོན་དུ་མཐུན་རྐྱེན་དང་འགལ་རྐྱེན་གྱི་གསག་སྦྱང་གཉིས་སྔོན་དུ་སོང་ནས། གནས་དབེན་པར་ཉི་ཟེར་དང་ལྷགས་པ་མེད་པ། ས་བདེ་བར་སྟན་འབོལ་བ་རྒྱ་ཆེ་བའི་སྟེང་དུ་སྔོན་འགྲོ་གསུམ་བྱས་ལ། ཕྲིན་ལས་སུམ་ཅུ་རྩ་གཉིས་དང་པོ་ཡས་རིམ་དུ་ཚར་གཅིག །དེ་ནས་མས་རིམ་དུ་ཚར་གཅིག། གང་ཟིན་ནས་ཐམས་ཅད་ཚང་བར་ཚར་གཅིག་སྟེ་དེ་ལྟར་དགུ་བཅུ་རྩ་དྲུག་དྲུག་ཐུན་རེ་ལ་བྱ་སྟེ། དེ་ལྟ་བུ་ཐུན་གསུམ་མམ་གཉིས་སམ་གཅིག་གང་འགྲུབ་ཟླ་བ་དྲུག་ཏུ་བྱའོ། །དེའང་སྐྱེ་བ་འདི་ལ་དངོས་གྲུབ་ཐོབ་པར་འདོད་ན་ལུས་སྦྱང་བ་གནད་དུ་ཆེ་བ་ཡིན་གསུང་ངོ་། །དེ་ནས་ངག་སེམས་སྦྱང་བ་ལམ་རྒྱས་པ་ལྟར་བྱ། སྲོག་རྩོལ་ལ་སོགས་པ་སྔོན་དུ་སོང་ནས་འོག་རླུང་སྐྱོད་པ་ལུས་ཀྱི་རྦ་རླབས་ཀྱི་གནད་ནི་རླུང་སྦྱོར་བདུན། གཏུམ་མོའི་དམིགས་པ་བཅོ་བརྒྱད་ལ་ལམ་རྒྱས་པ་ལྟར་བསྒོམ། དེ་དག་གི་སྐབས་བོགས་འབྱིན་བརྒྱད་ཀྱི་གནད་ཀྱིས་བོགས་དབྱུང་ངོ་། །དེ་ནས་འོག་རླུང་སྐྱོད་པ་ལུས་ཀྱི་རྦ་རླབས་དངོས། དེ་ནས་ངག་འདྲེན་པ་ཞི་བའི་གནད། དེ་ནས་ངག་འདྲེན་པ་དྲག་པོའི་གནད། དེ་ནས་ལྟ་བ་གསོ་བ་ཕྱག་རྒྱ་ཆེན་པོའི་གནད། དབང་གསུམ་པའི་ལམ་སྟེ་ལམ་རྒྱས་པའི་གཞུང་དང་འདྲ་ལ་དེ་ནས་ཏིང་ངེ་འཛིན་སེམས་ཀྱི་རྦ་རླབས་ཀྱི་གནད་དེ་གཞུང་ཇི་ལྟ་བའོ། །ད་ནི་ཐུན་གྱི་ངེས་པ་བྲི་བར་བྱ་སྟེ། གང་ཟག་ཐམས་ཅད་ལ་དགོས་པའི་སྔོན་འགྲོ་ལ་གཉིས་ལས། ཁྲིད་ཀྱི་སྔོན་འགྲོ་ལ་གསག་སྦྱང་གཉིས། འཁོར་བའི་
― LT14_Page_212A ―
[མ་དཔེ་གཟིགས་ན་འདིར་གནོན།]
ཉེས་དམིགས་བསམ་པ་གསུམ། ཐུན་གྱི་སྔོན་འགྲོ་ལ་ལུས་ངག་ཡིད་གསུམ་གནད་ལ་དབབ་པ་གསུམ། སྔོན་འགྲོ་གསུམ་ལས་བྱམས་པ་སྒོམ་བ་ལ་གསུམ། སྙིང་རྗེ་ལ་གསུམ། བྱང་ཆུབ་ཀྱི་སེམས་སྒོམ་པ་ལ་ལྔ། ཤེས་རབ་ཀྱིས་བྱ་བ་ལ་ཐག་བཅད་པ་ལ་གསུམ་སྟེ་ཐུན་ཉི་ཤུའོ། །དངོས་གཞིའི་ཐབས་ཀྱི་ཐ་མ་ལ་ལྷ་བསྒོམ་པ་དང་ལྟ་བས་རྒྱས་གདབ་པ་གཉིས། འབྲིང་ལ་ལྷ་བསྐྱེད་པ། དབང་བླང་གི་རྒྱས་གདབ་པ་སྟེ་གསུམ། རབ་ལ་ལྷ་སྒོམ། ལྟ་བ་བསྐྱང་། ལས་ཚོགས་སྒྲུབ་པ་སྟེ་གསུམ་མོ། །ཤེས་རབ་ཀྱི་ཐ་མ་ལ། གསལ་བ་སེམས་ཀྱི་མཚན་ཉིད་སྟོང་པ་སེམས་ཀྱི་རང་བཞིན། བཅོས་མིན་སེམས་ཀྱི་ངོ་བོ་སྟེ་གསུམ། འབྲིང་ལ་ལྷ་སྒོམ་པ། དབང་བླང་བ། སྤྱི་ལ་སེམས་བཟུང་བ་ལ་བཞི། བྱེ་བྲག་ཏུ་སེམས་བཟུང་བ་ལ་གཅིག་སྟེ་ལྔ། རབ་ལ་གསལ་བ་སེམས་ཀྱི་མཚན་ཉིད། སྟོང་པ་སེམས་ཀྱི་རང་བཞིན། བཅོས་མིན་སེམས་ཀྱི་ངོ་བོ་སྟེ་གསུམ། སྦྱང་བ་ཁྱད་པར་ཅན་གྱི་གནད་ལ་གསུམ། རླུང་སྦྱོར་བདུན། གཏུམ་མོའི་དམིགས་པ་བཅོ་བརྒྱད། ལུས་ཀྱི་རྦ་རླབས། ངག་འདྲེན་ཞི་བ། དྲག་པོ། གསུམ་པའི་ལམ་ལ་སྔོན་འགྲོ་ལམ་བསྡུས་པ་བཞིན་བྱ། དངོས་གཞི་ལ་བསླབ་ཚུལ་ལྔ། མཉམ་པར་སྦྱར་བ་བསླབ་ཚུལ་ཏེ་བརྒྱད་དོ། །རྗེས་ནི་ཞར་བྱུང་ངོ་། །སེམས་ཀྱི་རྦ་རླབས་ལ་གསུམ་སྟེ། ཐུན་ཞེ་ལྔའོ། །གང་ཟག་དབང་པོ་རབ་འབྲིང་གསུམ་གྱི་ཁྲིད། །རྗེ་བཙུན་བླ་མའི་གསུང་དང་མི་འགལ་བར། །གསལ་བར་བགྱིས་ལ་ནོངས་པ་བཟོད་མཛད་ཅིང་། །དགེ་བས་ལྷན་སྐྱེས་ཡེ་ཤེས་མཐར་ཕྱིན་ཤོག །དབང་པོ་རབ་འབྲིང་གསུམ་གྱིས་དཀྲི་བའི་ཁྲིད་རིམ་གྱི་གསལ་བྱེད་ཉུང་ངུ་རྣམ་གསལ་ཞེས་བྱ་བ་འདི། བསམ་གཏན་པ་ཤཱཀྱ་བཟང་པོ་ཞེས་བྱ་བས་ཡང་ཡང་དུ་བསྐུལ་བའི་ངོར་བཙུན་པ་བསོད་ནམས་ཀྱིས་སྦྱར་བ་དགེའོ། །སརྦ་དཱ་མངྒ་ལཾ།
གདམས་ངག་མཛོད་པོད་ལྔ་པ།
ལམ་སྦས་ཏེ་བཤད་པ་མན་ངག་གི་ཟིན་བྲིས།
― LT14_Page_213A ―
[མ་དཔེ་གཟིགས་ན་འདིར་གནོན།]
ལམ་སྦས་ཏེ་བཤད་པ་མན་ངག་གི་ཟིན་བྲིས་བཞུགས་སོ། །བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས་མཛད།
― LT14_Page_213B ―
[མ་དཔེ་གཟིགས་ན་འདིར་གནོན།]
དཔལ་ལྡན་མཐུ་སྟོབས་དབང་ཕྱུག་དང་། །རྗེ་བཙུན་དམ་པ་སྙིང་པོའི་ཞབས། །དབྱེར་མེད་དཀོན་མཆོག་མཚན་ཅན་ལ། །བཏུད་དེ་འཁྲིད་ཚུལ་མདོ་ཙམ་བྲི། །དེ་ཡང་རྣལ་འབྱོར་དབང་ཕྱུག་བིར་ཝ་པས། རྗེ་བཙུན་ས་སྐྱ་པ་ལ་དངོས་སུ་གནང་བའི་གདམས་ངག །དཔལ་ལྡན་ས་སྐྱའི་ལྕགས་རིའི་ཁང་ནས་མི་འདའ་བའི་ཟབ་ཆོས་བཞིར་གྲགས་པའི་ནང་ནས་ལམ་སྦས་ཏེ་བཤད་པ། མཆོག་སྒྲུབ་པ་དང་ཐུན་མོང་གི་དངོས་གྲུབ་སྒྲུབ་པའི་ཐབས་གཉིས་ལས། འདིར་མཆོག་གི་དངོས་གྲུབ་ཚེ་འདིར་རྡོ་རྗེ་འཆང་ཆེན་པོ་མངོན་དུ་བྱེད་པའི་ཐབས། ལུས་ཀྱི་འཁྲུལ་འཁོར་ལ་བརྟེན་ནས། དབང་བཞི་གཅིག་ཆར་དུ་ཉམས་སུ་ལེན་པའི་ཚུལ་ལ། དེའང་མཚན་ཉིད་དང་ལྡན་པའི་རྡོ་རྗེ་སློབ་དཔོན་གྱིས། སློབ་ལམ་རྒྱས་པའི་ཁྲིད་ཡོངས་སུ་རྫོགས་པའམ། མ་རྫོགས་ཀྱང་རུང་སྟེ། དབང་དང་དམ་ཚིག་དང་ལྡན་པ་ཚུལ་བཞིན་ཁྲིད་ཅིང་། གདམས་པ་སྟོན་པ་ལ། སྔོན་འགྲོ་དངོས་གཞི་གཉིས་ལས། དང་པོ་ཐུན་མོང་དང་ཐུན་མོང་མ་ཡིན་པ་གཉིས་ལས། དང་པོ་སྐྱབས་འགྲོ་སེམས་བསྐྱེད་བསགས་སྦྱོང་གི་རྣལ་འབྱོར་ལམ་རྒྱས་པ་བཞིན་ཞག་གྲངས་ཅི་རིགས་སུ་བྱ། གཉིས་པ་ལ། བྱིན་རླབས་འཇུག་པ་བླ་མའི་རྣལ་འབྱོར་དང་། རྫོགས་རིམ་གྱི་རྟེན་བསྐྱེད་པའི་རིམ་པ་གཉིས། ཐུན་རེའམ་ཟུང་འབྲེལ་དུ་སྒོམ་པ་མཛད་དེ། དེའང་བསམ་གཏན་གྱི་གདན་ལ་ལུས་གནད་དང་ལྡན་པས། སྐྱབས་འགྲོ་སེམས་བསྐྱེད་སྔོན་དུ་སོང་ནས། བདག་གི་སྤྱི་བོར་རིན་པོ་ཆེའི་ཁྲི་པདྨ་ཉི་ཟླའི་གདན་གྱི་སྟེང་དུ། སངས་རྒྱས་ཐམས་ཅད་ཀྱི་ངོ་བོ། བླ་མ་ཧེ་རུ་ཀ་ཕྱག་བཅུ་དྲུག་པའམ། རྡོ་རྗེ་འཆང་ཆེན་པོའི་རྣམ་པར་གསལ་ལ། གནས་གསུམ་དུ་ཡི་གེ་བསྒོམས།
― LT14_Page_214A ―
[མ་དཔེ་གཟིགས་ན་འདིར་གནོན།]
ཐུགས་ཀའི་ས་བོན་ལས་འོད་འཕྲོས་པས། བླ་མ་བརྒྱུད་པ་ཡི་དམ་སངས་རྒྱས་བྱང་སེམས་མཁའ་འགྲོ་སྲུང་མ་ཐམས་ཅད་སྤྱན་དྲངས་བསྟིམ་ལ། སྐྱབས་གནས་ཀུན་འདུས་ཀྱི་ངོ་བོར་དམིགས་ཤིང་། གུས་འདུད་དྲག་པོ་དང་བཅས་པས། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་ལ་གསོལ་བ་འདེབས་སོ། །བདག་གི་རྒྱུད་བྱིན་གྱིས་བརླབ་ཏུ་གསོལ། ཅེས་པ་ལ་སོགས་པའི་གསོལ་གདབ་དྲག་པོ་བྱས་པའི་མཐར། བླ་མ་ཉིད་བྱང་སེམས་བདེ་བ་ཆེན་པོའི་རྣམ་པར་ཞུ་སྟེ། སྤྱི་བོར་ཐིམ་པས་ལུས་ངག་ཡིད་གསུམ་དང་། སྐུ་གསུང་ཐུགས་དབྱེར་མེད་དུ་འདྲེས་པར་བསམ་ལ་མཉམ་པར་བཞག །ཉམས་ཅི་སྐྱེས་བྱུང་རྒྱལ་དུ་བསྐྱང་། གཉིས་པ་བསྐྱེད་པའི་རིམ་པ་ནི། དེ་ཉིད་ཀྱི་རྗེས་སུ་སྒོམ། འདིར་དབང་པོ་རྣོན་པོའི་ལམ་ཡིན་པས་མངོན་རྟོགས་རྒྱས་པ་སྒོམ་མི་དགོས། བདག་བླ་མས་དལ་དུ་བཅུག་པའི་དུས་སུ་དཔལ་ཀྱཻ་རྡོ་རྗེར་བསྐྱེད། དེ་ལ་ཡེ་ཤེས་པ་བཅུག་དབང་བསྐུར་ཕྱིན་ཆད། ཀྱཻ་རྡོ་རྗེ་ཡིན་སྙམ་པ་བྱས་ལ། སྐད་ཅིག་གིས་ཀྱཻ་རྡོ་རྗེ་ཞལ་བརྒྱད་ཕྱག་བཅུ་དྲུག་པར་གསལ་བཏབ་ལ། སྐུ་ཡོངས་སུ་རྫོགས་པ་ལ་དམིགས་པ་གཏད་ཅིང་སྒོམ། ལམ་རྒྱས་པ་ལྟར་དམིགས་པ་དུམ་ཁྲིད་བྱས་ནས་སྒོམ་མི་དགོས་ཅེས་གསུངས་སོ། །དེ་དག་ནི་སྔོན་དུ་འགྲོ་བའོ། །གཉིས་པ་དངོས་གཞི་ལ། རྩ་བ་དང་ཡན་ལག་གི་དམིགས་པ་གཉིས་ཀྱི་དང་པོ་ནི། བཅའ་བ་ལུས་ཀྱི་གནད། སྒོམ་པ་དམིགས་པའི་གནད། དགང་བ་རླུང་གི་གནད་གསུམ་ལས། དང་པོ་ནི་འདི་ཉིད་ལུས་ཀྱི་འཁྲུལ་འཁོར་ལ་བརྟེན་ནས་ཉམས་སུ་ལེན་པ་ཡིན་པས་རྗེའམ་ཤིང་ལས་བྱས་པའི་འཁོར་ལོ་དཔང་སོར་དྲུག་པ། སྦོམ་དུ་མཐེབ་མཛུབ་རྩེ་སྤྲད་པའི་བར་དུ་
― LT14_Page_214B ―
[མ་དཔེ་གཟིགས་ན་འདིར་གནོན།]
ཤོང་བ། རྩེ་མོ་ཅུང་ཟད་ཕྲ་ཞིང་ཤིན་ཏུ་འཇམ་པ་ཚགས་བྱས་ཏེ། བསམ་གཏན་གྱི་དངོས་གཞི་ལ་འཇུག་པའི་ཚེ། འབོལ་ལ་སོགས་པའི་སྟན་བདེ་བ་ལ་གནས་ནས་སྐྱབས་འགྲོ་སེམས་བསྐྱེད་ཡི་དམ་བསྒོམ་པའི་བར་སྔར་བཞིན་བྱ། དེ་ནས་གླང་པོ་ཆེའི་རྣ་བ་ལྟ་བུའི་སྐྱིལ་ཀྲུང་ཡངས་པར་བྱས། སྔར་གྱི་འཁོར་ལོ་སྲིན་བུའི་ལམ་གྱི་ཐད་ཀར་བཞག་ལ། བརླ་རེས་མོས་བཏེགས་པ་དང་། འོག་རླུང་འདྲེན་པ་བསྟུན་ཏེ། སྲིན་བུའི་ལམ་བསྡམས་ནས། འཁོར་ལོའ་སྟེང་དུ་བཞག །ཅུང་ཟད་མཐོ་བས་མི་བདེ་ན། སྨད་ཅེས་པ་སྣག་པོ་ཆེའི་འོག་ཏུ་སྟེགས་མཚམས་པར་གཞུགས། ལག་པ་གཉིས་པུས་མོ་ལ་བཀབ། ཚིགས་པ་དྲང་པོར་བསྲངས་ཏེ་བཅའ་བ་ལུས་ཀྱི་གནད་དོ། །གཉིས་པ་ནི། ལུས་ལ་རང་བཞིན་གྱི་གནས་ཚུལ། གློ་བ་ཁ་མཐུར་ལ་བསྟན་ལ། མཆིན་པ་འདེབས་ལ་འབྱར་ཏེ་གནས་པ་ལ། དེ་གཉིས་སྒོམ་དུས་གོང་འོག་རྗེས་ནས་འདབ་བརྒྱད་གློ་བ་དཀར་པོ་ཁ་གྱེན་ལ་བསྟན་པ་མཆིན་པ་པདྨ་དམར་སྨུག་འདབ་བརྒྱད་ཁ་ཐུར་ལ་བསྟན། དེ་གཉིས་རྩེ་ཅུང་ཟད་བསྣོལ་བ་གཞལ་ཡས་ཁང་གི་ཚུལ་དུ་བསམ། རྡོ་རྗེ་ལུས་ཀྱི་གནས་ལུགས་ལ། སྙིང་ག་ཐུར་ལ་བསྟན་ནས་གནས་ཀྱང་། བློས་གྱེན་ལ་བསླངས་ཏེ། པདྨ་གཉིས་ཀྱི་བར་དུ་གནས་པར་བསམ། སྙིང་དེའི་དབུས་སུ་རྩ་གསུམ་འདུས་པའི་མདུད་པ་ཧཱུྃ་གི་གཟུགས་སུ་གྲུབ་པ་ལ་དམིགས་པ་གཏད། དེ་ནས་རྡོ་རྗེ་མཁའ་འགྲོ་བསྒོམ་སྟེ། སྙིང་དབུས་ཀྱི་དེ་ཧེ་རུ་ཀ་སྐུ་མདོག་སྔོ་ནག་སྤྱན་གསུམ་པ་དམར་ཞིང་ཟླུམ་པ། མཆེ་བ་གཙིགས་ཤིང་། ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། ཞབས་གཡས་གཉིས་སྟེང་དུ་བརྒྱད་གཡོན་ཟླ་སྟེང་དུ་བསྐུམ་པ།
― LT14_Page_215A ―
[མ་དཔེ་གཟིགས་ན་འདིར་གནོན།]
དབུའི་གཙུག་ཏོར་དང་བཅས་ཤིང་། རལ་པ་ལྔ་གཡོན་དུ་འཕྱང་བ། ཡེ་ཤེས་ཀྱི་མེ་འབར་བའི་དབུས་ན་བཞུགས་པར་སྒོམ། ཡུམ་དྲན་ཙམ་ལས་ཞལ་ཕྱག་རྒྱས་པར་གསལ་གདབ་མི་དགོས་གང་དེའང་ཧཱུྃ་དེ་རང་བཞིན་གྱི་ཧེ་རུ་ཀའི་རྣམ་པར་གནས་པ་གསལ་འདེབས་པ་ཡིན་གྱིས། ས་བོན་ལྟ་བུར་བསྒྱུར་ནས་སྒོམ་པ་ནི་མ་ཡིན་ནོ། །དེ་ནི་སྒོམ་པ་དམིགས་པའི་གནད་དོ། །གསུམ་པ་དགང་བ་རླུང་གི་གནད་ནི། རླུང་རོ་ལན་གསུམ་བུས་ལ་ལྟོ་བ་ཅུང་ཟད་གཅེར། ལྕེ་རྐན་ལ་སྦྱར། མིག་ཅུང་ཟད་བགྲད། སྤྱི་བོ་ས་ལ་ཐུག་པ་སྟེ་རླུང་ཧའི་གདངས་ཀྱིས་དྲངས་ཤིང་། རྔུབ་སྟེ་རོ་སྟོད་སྦུབ་ཅིང་སིབ་ཀྱིས་མནན། སྟེང་འོག་གི་རླུང་ཁ་སྦྱར་ལ། སེམས་ཀྱི་དམིགས་པ་ཐུགས་རྡོ་རྗེའི་གདན་གྱི་པད་འདབ་རྣམས་འདར་ཁྲི་ལི་ལི་གཡོ་བར་བསམ་མོ། །མི་ཐུབ་དལ་བུས་བཏང་། ཡང་སྤྱི་བོར་ས་ལ་ཐུག་པར་རྔུབ་སྟེ། རླུང་ས་ལེན་མ་བྱ་བ་ཡིན་གསུངས། དེ་ལྟར་རྩ་བའི་འཁྲུལ་འཁོར་བདུན་དང་བསྲེལ་ཞིང་སྒོམ་པས་སྣང་བ་དཀར་དམར་ལམ་པ་འོང་ཞེས་པའི་དོན་དཀར་ལམ་ལམ་བྱུང་ན་འོང་བའི་རྟགས་དམར་ལམ་ལམ་བྱུང་ན་མི་འོང་བའི་རྟགས། ཟས་བཅུད་ཅན་བཏང་ཞིང་སྒོམ། ལྟེ་བར་དམིགས་པ་མང་པོ་སྒོམ་པས་གལ་ཏེ་རྣམ་ཤེས་འཕོ་བ་སྙམ་བྱེད། སྙིང་ག་ཚ་ལམ་ལམ་བྱེད་ན་བཙན་འཕྱོང་བཏང་། འོ་དོད་འབོད། དེས་ངེས་པར་སེལ་ལོ། །གཉིས་པ་ཡན་ལག་གི་དམིགས་པ་ནི། འབར་དང་གཡོ་དང་བརྟན་པ་དང་། ཞེས་པའི་དོན་ཉམས་སུ་ལེན་པ་ཡིན་ཏེ། ལུས་སྐྱིལ་ཀྲུང་། ལག་པ་མཐེ་བོས་སྲིན་ལག་གི་རྩ་བ་མནན་པའི་རྡོ་རྗེ་ཁུ་ཚུར་སྙིང་གར་བསྣོལ་ལ། སེམས་ཀྱི་དམིགས་པ་ལུས་ཀྱི་སྤྱི་གཙུག་ནས་གསང་གནས་ཀྱི་བར་ལ། རྩ་དབུ་
― LT14_Page_215B ―
[མ་དཔེ་གཟིགས་ན་འདིར་གནོན།]
མ་སྦོམ་ཕྲ་གྲོ་སོགས་ཙམ་ཁ་དོག་དམར་པོ་ཡ་ཡོ་དང་ཁྱག་ཁྱོག་མེད་པ་ཐད་ལ་པི་རི་བ་གཅིག་བསམ། རྡོ་རྗེའི་རྩ་བར་བདུད་བཞིས་ཟིལ་གྱིས་མི་གནོན་པའི་ཧཱུྃ་མེ་འབར་བ་མགོ་བོ་གྱེན་བསྟན་ཅིག་བསམ། སྤྱི་གཙུག་ཏུ་བྱང་སེམས་ཀྱིས་གང་བའི་ཧཾ་མགོ་ཐུར་བསྟན་ཅིག་བསམ། མགོ་ས་ལ་བཏུད་དེ་རླུང་སྣ་བུག་གཉིས་ནས་རྔུབ་ལ་ཁ་སྦྱར་བས་ཧཱུྃ་ལས་ཧཱུྃ་མེ་འབར་བ་མང་པོ་མཆེད། དབུ་མར་ཡར་མར་ཁྲོལ་ཁྲོལ་སོང་བས་ཧཾ་གི་བྱང་སེམས་ལ་ཞུ་བས། སྤྱི་བོའི་རྩ་འདབ་སོ་གཉིས་མེར་གྱིས་གང་བར་བསྒོམས་ཏེ། དེ་ནས་ཧཱུྃ་དེ་ཐེམ་བུ་བཀག་པ་བཞིན་བསམ། མར་འཛག་པ་ལྟ་བུ་ནི་མ་ཡིན་ནོ། །སྐབས་སུ་མན་ངག་བཞིན་ཧ་རིང་བགྲང་། དེ་ལ་གསལ་བ་དང་། མགྲིན་པ་སྙིང་གའི་འཁོར་ལོ་རྣམས་ཀྱང་གང་བར་བསམ། མཐར་ལུས་ཐམས་ཅད་གང་བར་བསྒོམས་ཏེ། བདེ་བཞིན་དུ་སྟོང་། སྟོང་བཞིན་དུ་བདེ་བ། བདེ་སྟོང་གཉིས་མེད་དུ་བསམ། དེ་ལྟ་བུའི་ལྷའི་སྐུ་འཇའ་ཚོན་ལྟ་བུ་ལ་དམིགས་པ་གཏད་དོ། །ཉམས་ཅི་སྐྱེས་བྱུང་རྒྱལ་དུ་བསྐྱང་། དེ་དག་གི་སྐབས་སུ་རྡུལ་ཆེར་བྱུང་ན་ལག་པས་སྐེམ་མཉེ། སྟེང་དུ་གཅུན་དྲག་པས་སྣ་ཁྲག་བྱུང་ན་གན་རྐྱལ་དུ་ཉལ་ཏེ། ཅུང་ཟད་མིག་ལ་ལག་པ་གཉིས་ཁུ་ཚུར་མགྲིན་པར་བརྐྱང་བས་འཆད། དེས་མ་ཆད་ན་སྒྲོ་བ་འཁྱིག་པ་ལག་ལེན་བཞིན་བྱ། འཛག་པ་བྱུང་ན་དབང་བཞི་པའི་ལག་ལེན་བཞིན་ནོ། །དེ་ལྟར་རྩ་བ་དང་ཡན་ལག་གི་དམིགས་པ་རེས་མོས་སུ་བསྒོམས་ཏེ་དངོས་གཞིའོ། །གཞན་རྣམས་ནི་འཁྲིད་ཡིག་ཏུ་གསལ་ལ་འཁྲིད་ཡིག་ཏུ་གློ་བ་སྟེང་དང་། མཆིན་པ་འོག་ཏུ་བསྒོམ་པར་གསུངས་ལ། འདིར་སྟེང་འོག་བརྗེ་བ་ནི་བླ་མའི་མན་ངག་དང་། སྙིང་རྩ་འབྲེལ་བས་ལས་དང་པོ་ལ་སྙིང་གྱེན་དུ་བསླང་བའི་
― LT14_Page_216A ―
[མ་དཔེ་གཟིགས་ན་འདིར་གནོན།]
དམིགས་པ་བདེ་བའི་ཕྱིར་ཡིན་གསུངས། འཕྲུལ་འཁོར་སོ་གཉིས་ནི་རྩ་བ་ནས་མ་བཤད་པས་ཅིས་ཀྱང་དགོས་པ་མ་ཡིན་ལ། བྱས་ན་འགལ་བ་མེད་ཅེས་གསུངས་སོ། །ལམ་སྦས་ཏེ་བཤད་པའི་མན་ངག་གི་སྙིང་ཁུ་རྗེ་བཙུན་དམ་པ་དཀོན་མཆོག་རྒྱལ་མཚན་དཔལ་བཟང་པོའི་གསུང་ལས་ཇི་ལྟར་བྱོན་པ་བཞིན། བྱ་བཏང་པ་མ་ཏིའི་མིང་ཅན་གྱིས་རང་གི་བརྗེད་བྱང་ཙམ་དུ་ཡི་གེར་བཀོད་པ་ལ། ཆོས་བདག་མཁའ་འགྲོའི་ཚོགས་ཀྱིས་བཟོད་པར་མཛད་ནས་བྱིན་གྱིས་བརླབ་ཏུ་གསོལ། བདག་ཅག་གི་ལམ་ཟབ་མོ་སྒྲུབ་པའི་རྣལ་འབྱོར་པ་རྣམས་ཀྱི་བར་དུ་གཅོད་པ་ཞི་ཞིང་། རིམ་གཉིས་ཀྱི་རྣལ་འབྱོར་མཐར་ཕྱིན་ནས་སེམས་ཅན་དཔག་ཏུ་མེད་པའི་དོན་བྱེད་པར་གྱུར་ཅིག །སརྦ་མངྒ་ལཾ།། །།
གདམས་ངག་མཛོད་པོད་ལྔ་པ།
བརྡའ་དོན་གསལ་བའི་ཁྲིད་ཡིག
― LT14_Page_217A ―
[མ་དཔེ་གཟིགས་ན་འདིར་གནོན།]
བརྡའ་དོན་གསལ་བའི་ཁྲིད་ཡིག་བདག་ཆེན་རྡོ་རྗེ་འཆང་གིས་མཛད་པ་བཞུགས་སོ། །
― LT14_Page_217B ―
[མ་དཔེ་གཟིགས་ན་འདིར་གནོན།]
རྗེ་བཙུན་མཁྱེན་པའི་གཏེར་ལ་ཕྱག་འཚལ་ལོ། །འདིར་ཤིན་ཏུ་ཉེ་བརྒྱུད་ལས་འོངས་ཤིང་མཚོན་བྱེད་བརྡའི་མཎྜལ་གྱི་སྒོ་ནས་མཚོན་བྱ་ལམ་འབྲས་བུ་དང་བཅས་པའི་དོན་གཏན་ལ་འབབས་པའི་འཁྲིད་ཡིག་ཀྱི་རིམ་པ་ནི། གཞུང་འཁྲིད་རྒྱས་པ་ཐོབ་ཅིང་འདིའི་བྱིན་རླབས་ཐོབ་པའི་རྣལ་འབྱོར་པས་ཉམས་སུ་བླང་བ་ལ་གཉིས་ཀྱི་དང་པོ་སྔོན་འགྲོ་ལ་བསགས་སྦྱངས་གཉིས། སྦྱང་བ་རྣམ་གསུམ་རྒྱས་པ་བཞིན་ནོ། །གཉིས་པ་ཐུན་གྱི་སྔོན་འགྲོ་ལ། སྒོམ་པ་གསུམ་དང་གནད་ལ་དབབ་པ་གསུམ་རྒྱས་པ་བཞིན་ལ་སྒོམ་པ་སྔོན་ལ་བྱེད། གཉིས་པ་དངོས་གཞི་ལ་གཉིས་ཀྱི་དང་པོ་ཤེས་རབ་ལྟ་བས་ཐག་བཅད་པ་ནི། ཆུ་ཟླ་ལྟ་བུ་གཅིག་གི་སྟེང་དུ་སྣང་བ་སེམས། དེ་སྒྱུ་མ། དེ་རྟེན་འབྲེལ་དང་བརྗོད་བྲལ་དུ་གཏན་ལ་དབབ་ཚུལ་རྒྱས་པ་བཞིན་ནོ། །གཉིས་པ་ཐབས་དེ་ཉམས་སུ་བླང་བ་ལ་བཞིའི་དང་པོ་བུམ་དབང་གི་ལམ་ལ། དྲུག་གི་དང་པོ་ལམ་བསྐྱེད་རིམ་ལ་གཉིས་ཀྱི་
― LT14_Page_218A ―
[མ་དཔེ་གཟིགས་ན་འདིར་གནོན།]
དང་པོ་ཕྱི་བསྐྱེད་རིམ་ནི། སྭ་བྷཱ་ཝས། སྟོང་བའི་ངང་ལས་བྷྲཱུཾ་ལས་གཞལ་ཡས་ཁང་བསྡུས་པའི་དབུས་རང་ཉིད་སྐད་ཅིག་གིས་ཀྱེ་རྡོ་རྗེ་ཡབ་ཡུམ་དུ་བསྐྱེད། ཐུགས་ཀའི་ཧཱུྃ་ལས་འོད་འཕྲོས་སྣོད་བཅུད་ཐམས་ཅད་ལ་ཕོག་ལྷ་དང་གཞལ་ཡས་ཁང་དུ་གྱུར། ཡང་ཧཱུྃ་ལས་འོད་འཕྲོས་དབང་ལྷ་སྤྱན་དྲངས། མཆོད་བསྟོད་དབང་འབྲིང་པོ་བཞིན་བླང་། རྒྱས་གདབ་མི་བྱ། དེ་ནས་སྣོད་ལྷ་དང་གཞལ་ཡས་ཁང་དུ་གསལ་བ་ལ་སེམས་འཛིན་པའམ། རང་གི་སྤྱན་དབུས་མ་ལ་སེམས་འཛིན་ནོ། ༈ གཉིས་པ་བསྐྱེད་རིམ་ནི། ཕྱི་གསལ་འདེབས་སྔོན་དུ་སོང་ནས། ཡང་ཧཱུྃ་ལས་འོད་འཕྲོས། བླ་མ་དང་ལྷག་པའི་ལྷ་དབྱེར་མེད་པ་སྤྱན་དྲངས་རང་ལ་ཐིམ། སྙིང་གར་ཐུགས་རྡོ་རྗེ་གསལ་གདབ་པ་ལ་སེམས་འཛིན་པའམ། དེའི་སྤྱན་དབུ་མ་ལ་སེམས་འཛིན་ནམ། གཉིས་པ་ལྟ་བ་ངོ་བོ་ཉིད་གསུམ་དང་། གསུམ་པ་གྲུབ་མཐའ་འཁོར་འདས་དབྱེར་མེད་ནི་རྒྱས་
― LT14_Page_218B ―
[མ་དཔེ་གཟིགས་ན་འདིར་གནོན།]
པ་བཞིན་ནོ། །བཞི་པ་འདའ་ཁ་མ་གོང་དུ་འཕོ་བ་གཉིས་ཀྱི་དང་པོ་འཆི་ལྟས་བརྟགས་ཏེ་འཆི་བསླུ་བསྟན་པ་ནི། འཆི་བའི་རྐྱེན་ངན་པ་ལངས་ན་རིམ་གྲོ་དང་སྤྱོད་ལམ་གཟབ་པས་བཟློག །ཚེ་ཟད་ན་ཚེ་བསྲིངས། བསོད་ནམས་ཟད་ན་བསོད་ནམས་བསོག །ལས་ཟད་ན་མར་མེ་སྣུམ་ཟད་པ་དང་འདྲ་སྟེ། ལས་ཀྱི་རྣམ་སྨིན་གང་ལའང་མ་ལྟོས་པའི་ཕྱིར་སྤྱིར་འཆི་ལྟས་མང་དུ་གསུངས་ཀྱང་ཕྱི་ནང་གསང་གསུམ་གྱི་རྟགས་འཛོམ་ན་ངེས་པར་འཆིའོ། །དེའང་ཕྱི་ནང་རྩ་ཐིག་རླུང་གསུམ་གྱི་ནུས་པ་ཉམས་པས་དེ་རིམ་བཞིན་སྤྱན་གཟིགས་ནང་དུ་བ་མེད་པ། མིག་རྩིར་ན་འོང་མེད་པ། རྣ་བ་བཀག་ན་འུར་སྒྲ་མེད་པ་གསུམ་འཛོམ་ན་ངེས་པའོ། །ཅུང་ཞིག་མི་གསལ་ན་ནད་དྲག་པོ་འབྱུང་བའི་ལྟས་སོ། །ནང་རྟགས་ནི་རླུང་ཁ་ཕྱོགས་གཅིག་ཏུ་འབྱམས་པ་ལས་རླུང་གྱེན་ལ་ཅུང་ཟད་ལོག །རྩོལ་བ་འབའ་ཞིག་ནས་རྒྱུ་བ་དང་། སྤྱི་གཙུག་གི་ཐིག་ལེ་ཅུང་ཟད་གཡོ་ཞིང་། རྩ་ཁ་ཀློད་པས་ཐུར་བསལ་ནུས་པ་ཉམས་པ་དང་། མ་ཉམས་པས་རྐྱེན་མེད་པར་ས་བོན་རྫོགས་པར་འབྱུང་ཞིང་། དེ་ཡང་དཀར་པོའི་གསེབ་ན་ནག་ཐོར་ཐོར་ཡོང་བ་ནི་འཆི་ལྟས་ཀྱི་མཇུག །གསང་རྟགས་ནི། འཆི་དུས་སུ་བསོད་ནམས་བྲི་ཞིང་ཟད་པར་འགྱུར་བས། དགེ་སྦྱོར་དྭངས་པ་དེ་འགྲིབ་ཅིང་མཉམ་པར་འཇོག་མི་ནུས་པ་དང་། རྐྱེན་མེད་པར་བློ་ལས་སུ་མི་རུང་བ། ཡུལ་དང་གྲོང་ལ་སྐྱོ་ཞིང་སྔར་བས་མིག་རྩ་ལོག་པ་དང་། ཤིས་པ་སྤྱོད་ལམ་འགྱུར་བའོ། །དེ་ལྟར་ཀུན་ཚང་ནས་འཆི་བའི་རྣལ་འབྱོར་ལ་འཇུག་པ་རེ་རེ་གཉིས་འཆོལ་ན་འཆི་བསླུ་རླུང་སྦྱོར་ལས་ལྷག་པ་མེད་པས་རླུང་བུམ་པ་ཅན་བརྒྱ་རྩ་རེ་ཙམ་བཟུང་བ་དང་། ཉིན་ཞག་གཅིག་གི་ནང་དུ་སྲོག་རྩོལ་སྟོང་ཕྲག་བཅོ་ལྔ་བགྲངས་བ། ནམ་མཁའ་ཟས་
― LT14_Page_219A ―
[མ་དཔེ་གཟིགས་ན་འདིར་གནོན།]
སུ་ཟ་བ་དང་བ་འཇོ་བའི་བསམ་གཏན་བྱ་བ་དང་། ལྟ་བ་འཁོར་འདས་དབྱེར་མེད་ལ་སེམས་རྩེ་གཅིག་ཏུ་འཇོག་པ་དང་། ཐུན་འཚམས་ཀྱི་འཆི་བསླུ་འཁོར་གསུམ་ཡོངས་སུ་དག་པའི་སྤང་ཐག་བྱེད་པ་དང་། སྡོམ་གསུམ་ཉམས་པ་ཕྱིར་བཅོས་བྱས་ཤིང་། སེམས་བསྐྱེད་དབང་ཞུ་བ་དང་། རང་གིས་བླང་བ་དང་། དེ་བཞིན་གཤེགས་པའི་སྐུ་གཟུགས་བཞེང་བ་ལ་སོགས་པ་བྱ་སྟེ། འཆི་ལྟས་རྣམས་ལ་བརྟགས་པས་སོར་ཆུད་ནས་འཆི་བ་བསླུ་བའོ། །གཉིས་པ་འཆི་བ་མ་བསླུས་ན་འཕོ་བ་བྱ་བ་ལ་བཞིའི། དང་པོ་ཕྱི་འབྱུང་བ་དང་། དབང་པོ་ཇི་ལྟར་ཐིམ་པ་ནི། འགའ་ཞིག་ལ་རྟགས་འདི་རྣམས་རིམ་གྱིས་ཡོད་པས་དེ་ལྟར་ན་དང་པོར་རྡོ་རྗེའི་ལུས་གྲུབ་པའི་ཚེ་སྤྲུལ་པའི་འཁོར་ལོ་ཐོག་མར་ཆགས་ཤིང་། དེ་ལ་བརྟེན་ནས་རིམ་གྱིས་འཁོར་ལོ་ལྔ་དང་། དྭངས་མའི་ཡི་གེའི་གཟུགས་སུ་གནས་པ་རྣམས་བཅུའི་བར་དུ་རྫོགས་པར་ཆགས་ནས་ལོ་ཉི་ཤུ་རྩ་ལྔའི་བར་ལ་ནུས་པ་ཆེར་འགྲོ་ཞིང་། ཞེ་ལྔའི་བར་ལ་སོར་གནས། དེ་ནས་རིམ་གྱིས་འབྲི་བ་ལས། འཆི་བའི་དུས་སུ་ལས་རླུང་གྱེན་ལ་ལོག་པས་རླུང་ཐམས་ཅད་དབང་དུ་བྱས། འཁོར་ལོ་ལྔའི་རྩ་མདུད་འཇིག །རླུང་ལྔའི་མལ་འཆུགས། ཁམས་དངས་མ་རྣམས་བསྡུད་པ་སྟེ། དེའང་མཉམ་གནས་འཆུགས་པས་ཟས་མི་འཇུ། སྲོག་འཛིན་འཆུག་པས་ཤེས་པ་མི་གསལ་ཞིང་འཚུབས། ཐུར་སེལ་འཆུག་པས་རྩ་ཆུ་རྣམས་རང་ལུགས་སུ་འོང་། གྱེན་དུ་འཆུགས་པས་ནང་དུ་ཟས་མི་འབུལ། དབུགས་ཐུང་། ཁྱབ་བྱེད་འཆུགས་པས་ཡན་ལག་ལས་སུ་མི་རུང་རྩ་འཐུལ་བའོ། །འཇིག་དུས་ཀྱང་ཐོག་མར་ཆགས་པའི་ལྟེ་བའི་རྩ་མདུད་ཀྱི་ཡིག་གཟུགས་འཇིག །ས་ཆུ་མལ་འཆུགས་ཤིང་དབུ་མར་ཅུང་ཟད་རྒྱུ་བས་ཕྱི་རྟགས་
― LT14_Page_219B ―
[མ་དཔེ་གཟིགས་ན་འདིར་གནོན།]
སུ་ས་མཁར་ཞིག་ནས་འོག་ཏུ་ནོད་པ་སྙམ་བྱེད་པ་དང་། ལུས་ཀྱི་མགོ་མི་ཐེག །རྐང་པས་ལུས་མི་ཐེག་ལག་པས་ཟས་སྣོད་མི་ཐེག་ཅིང་། ལུས་འོད་དུ་ལྷུང་བྱད་རུད་ཅིང་ཧམ། སོ་ལ་ནི་དྲེག་ནག་ཆག །ཁ་ཆུ་སྣ་ཆུ་ལ་སོགས་པ་འབྱུང་ངོ་། །ནང་རྟགས་སུ་ལུས་ལྕི། ཤེས་པ་འཐིབ་ཅིང་མི་གསལ། ས་འོག་བྱིང་བྱིང་འགྲོ་བ་སྙམ་བྱེད་པས་སློང་ཐིག་ཟེར། གོས་གསོལ་ལག་པ་ཕྱིར་འཐེན། མིག་མཐོང་ཀར་བལྟའོ། །གསང་རྟགས་སུ་དུ་བ་བན་བོན་གྱི་སྣང་བ་འབྱུང་ངོ་། །སྙིང་གའི་རྩ་མདུད་འཇིག །ཆུ་རླུང་མལ་འཆུགས་ཤིང་། དྭངས་མ་ནང་དུ་སྡུད་པའི་དུས་སུ་ཕྱི་རྟ་ཁ་སྣ་སྐམ། ལྕེ་གྱོང་། ལྕེ་རྩེ་མི་མཐོང་། སྣ་བུག་ཚ། སྣ་ཞམ། ནང་རྟགས་ཤེས་པ་འཚུབ་ཅིང་ཚིག་པ་ཟ། གསང་རྟགས་སྨིག་རྒྱུ་ལྟ་བུ་ཧྲབ་ཧྲིབ་འབྱུང་ངོ་། །མགྲིན་པའི་རྩ་མདུད་འཇིག །གྱེན་རྒྱུ་མལ་འཆུགས་ཤིང་། དྭངས་མ་སྡུད་པས། ཕྱི་རྟགས་སུ་དྲོད་མཐའ་ནས་སྡུད། ནང་གི་དྲོད་ཕྱིར་གཤེར་གྱི་རླངས་ཐོལ་འབྱུང་། མེ་རླུང་ལ་ཐིམ་པས་ཁ་སྣའི་རླུང་དྲང་སིབ་འགྲོ། ནང་རྟགས་སྣང་བ་འདི་རེས་གསལ་རེས་མི་གསལ་ཞིང་ངོ་མི་ཤེས་པ་འབྱུང་ངོ་། །གསང་རྟགས་སུ་སྲིན་བུ་མེ་ཁྱེར་ལྟ་བུ་དམར་ཁྱེམ་ཁྱེམ་ཡོང་། གསང་གནས་ཀྱི་རྩ་མདུད་འཇིག །རླུང་གི་རླུང་མལ་འཆུགས་ཤིང་དྭངས་མ་སྡུད་པས། ཕྱི་རྟགས་སུ་དབུགས་ཕྱིར་རྒྱུ་བ་རིང་། ནང་དུ་སྡུད་མི་ཤེས། །དབུགས་རྩེགས་ཤིང་ཤང་ཤང་ཟེར། སྒྲ་ངར་ངར་པོ་འདྲེན་ཅིང་མིག་གྱེན་དུ་ལྡོག་པའོ། །ནང་རྟགས་ཤེས་པར་འགྱུར། རྩ་མདུད་ཞིག་པའི་མཐོང་སྣང་མང་དུ་འབྱུང་། ཁྱད་པར་སྡིག་ཅན་ལ་གཤིན་རྗེའི་བང་ཕྱིན་འོངས་ཏེ་ཁ་གདབས། མཆེ་བ་གཙིགས་ཤིང་འཇིགས་པའི་གཟུགས་སྟོན། མི་
― LT14_Page_220A ―
[མ་དཔེ་གཟིགས་ན་འདིར་གནོན།]
མཚམས་པ་དུ་མ་བྱེད་དོ། །རྣལ་འབྱོར་པ་ལ་དཔའ་བོ་དང་མཁའ་འགྲོའི་བསུ་མ་ཡོང་ངོ་། །གསང་རྟགས་མར་མེ་འབར་བ་ལྟ་བུ་ཡལ་ཡལ་འབྱུང་ངོ་། །དེ་དག་ཐིམ་པ་ན་དེ་དང་དུས་མཚུངས་པར་དབང་པོ་རྣམས་ཀྱང་ཐིམ་པར་འགྱུར་ཏེ། དེ་ཡང་ཡན་ལག་གི་རླུང་ལྔ་མལ་འཆུགས། རྩ་ཁམས་རྣམས་ནུས་པ་ཉམས་པ་ལ་མིག་དབང་ཐིམ་པས་མི་ངོ་མི་ཤེས། གཟུགས་ཕྲ་མོ་མི་མཐོང་། རྣ་དབང་ཐིམ་པས་སྒྲ་ཆུང་ངུ་མི་ཐོས། སྣ་དབང་ཐིམ་པས་དྲི་མི་ཚོར། ལྕེ་དབང་ཐིམ་པས་རོ་མི་ཚོར། ལུས་དབང་ཐིམ་པས་མལ་བདེ་མི་བདེ་མི་ཚོར་ཏེ། དེ་ལྟར་རླུང་བཅུའི་མལ་འཆུགས་པས་འབྱུང་བཞི་དང་དབང་པོ་ཐིམ་པའོ། །འབྱུང་བཞིའི་རླུང་འགགས། ནམ་མཁའི་རླུང་སྤྱི་བོ་ནས་མལ་འཆུགས་པ་རླུང་མལ་དུ་མི་སློབ་པར་ཕྱི་རོལ་ཏུ་ཤ་ཤ་འགྲོ་བའོ། །དེ་རྣམས་ཐུན་མོང་གི་འཆི་ལྟས་ཏེ། ཁ་ཅིག་ལ་ནད་གདོན་གྱི་བྱེད་པས་མཚམས་ཅིག་ནས་ཚུར་ལྡོག་པའང་སྲིད་གསུངས། གཉིས་པ་ན་སྣང་བ་གསུམ་གྱི་རྟོག་པ་ཇི་ལྟར་འགགས་པ་ནི། དེ་ལྟར་རྟེན་བརྟེན་པའི་མལ་འཆུགས་པ་ལས་སྣང་རྟོག་ཐིམ་པ་སྟེ། འདི་ཕན་ཆད་བཟློག་མི་སྲིད་པས་ཐུན་མོང་མ་ཡིན་པའི་འཆི་ལྟས་སོ། །དེའང་རྒྱུད་ལས། ལུས་ཅན་རྣམས་ནི་འཆི་བས་ན། །ཟླ་བ་བདུད་རྩི་མཐུར་དུ་འཛག །ཉི་རྡུལ་གྱེན་ལ་གཤེགས་པར་འགྱུར། །ཞེས་པས་དབུ་མའི་ཡས་སྣ་སྤྱི་བོ་ནས་ཕ་ལས་ཐོབ་པའི་ཀུནྡའི་དངས་མ་ཧཾ་གི་གཟུགས་སུ་ཡོད་པ་དེ་རྐྱང་མའི་ནུས་པ་ཉམས་ཏེ། སྟོད་རླུང་མ་ལུས་པར་རྫོགས་པས་མལ་འཆུགས་ཏེ་འཐུར་དུ་འགྲོ་བ་ལས་དཀར་ལམ་ཞེས་པ་སྣང་བ་ཐམས་ཅད་དཀར་ལམ་མེ་འགྲོ། དེ་ཉིད་སྣང་བ་ཐིམ་པ་ཡིན། དེའི་ཚེ་ཞེ་སྡང་ལས་གྱུར་པའི་རྟོག་པ་སུམ་ཅུ་སོ་
― LT14_Page_220B ―
[མ་དཔེ་གཟིགས་ན་འདིར་གནོན།]
གསུམ་འགགས། དབུ་མའི་མས་སྣ་ལྟེ་བ་ན་མ་ལས་ཐོབ་པའི་འི་དངས་མ་ཨ་ཤད་ཀྱི་གཟུགས་སུ་ཡོད་པ་དེ་རོ་མའི་ནུས་པ་ཉམས་ཏེ་འོག་རླུང་མ་ལུས་པ་རྫོགས་པས་མལ་འཆུགས་ནས་གྱེན་དུ་འགྲོ་བས་ནི་དམར་ལམ་ཞེས་བྱ་བ་སྣང་བ་ཐམས་ཅད་དམར་ལམ་འབྱུང་ཏེ། དེས་སྣང་བ་མཆེད་པ་ཐམས་ཅད་ཐིམ་པ་ཡིན། དེའི་ཚེ་འདོད་ཆགས་ལས་གྱུར་པའི་རྟོག་པ་བཞི་བཅུ་འགགས། དེ་ནས་སྤྱི་བོ་ནས་ཁྱབ་བྱེད་རླུང་མལ་འཆུགས་པས། རང་རིག་སེམས་ཀྱི་རྒྱལ་པོ་ཁྱབ་བྱེད་ལས་ཀྱི་རླུང་གིས་བསྡུས་ཏེ་མལ་འཆུགས་པས་ནག་ལམ་ཞེས་བྱ་བ་སྣང་བ་ཐམས་ཅད་ནག་པོར་འབྱུང་སྟེ། དེ་སྣང་བ་ཉེར་ཐོབ་ལ་ཐིམ་པ་ཡིན། དེའི་ཚེ་གཏི་མུག་ལས་གྱུར་པའི་རྟོག་པ་བདུན་འགགས། དེ་ལྟར་ན་ནམ་མཁའི་རླུང་འགགས་པས་ཕྱི་དབུགས་ཆད། དེའི་ཚེ་བེམ་རིག །འབྲལ་བའི་མནར་གཅོད་ཀྱི་སྡུག་བསྔལ་མྱོང་བར་འགྱུར་རོ། །གསུམ་པ་གསང་བ་འོད་གསལ་ཆོས་སྐུའི་སུན་མ་ཇི་ལྟར་འཆར་བ་ནི། ནང་དབུགས་མ་ཆད་པའི་དུས་དེར་ཉི་མ་ཡས་བྱོན་པ་དང་ཟླ་བ་མས་བྱོན་པ་གཉིས་དབུ་མར་བྱོན་པ་གཉིས་དབུ་མར་འཛོམས་ནས་དེའི་དུས་སུ་རླུང་སེམས་ཚུད་དེ་དེ་གསུམ་དབུ་མར་ཚུད་དེ། དེ་གསུམ་དབུ་མར་གནས་པའི་དུས་སུ་ལྷན་ཅིག་སྐྱེས་པའི་ཡེ་ཤེས་ཀྱི་དགའ་བ་ཉམས་སུ་མྱོངས་ཏེ། འདི་ཉིད་ནི་འཆི་བ་དོན་དམ་པ་རང་བཞིན་གྱིས་འོད་གསལ་བ་ནམ་མཁའ་དྭངས་པའི་དཀྱིལ་ལྟ་བུ་རྗེན་ལྷང་བ་ཅིག་འཆར་སྟེ། སེམས་ཅན་གྱི་བསོད་ནམས་ཀྱི་ཁྱད་པར་གྱིས་ཁ་ཅིག་ཡུན་རིང་དུ་གནས། ཁ་ཅིག་ཡུན་ཐུང་སྟེ། ལག་པ་རྐྱང་བསྐུམ་ཙམ་ཅིག་ནི་འཇག་མའི་སིན་བུ་ཚུན་ཆད་ལ་འཆར་ཏེ། ཤར་ཡང་སྔར་མ་འཕྲོད་པས་ངོ་མི་ཤེས། གོམས་འདྲིས་ཆུང་བས་གནས་མི་ནུས། དེའི་
― LT14_Page_221A ―
[མ་དཔེ་གཟིགས་ན་འདིར་གནོན།]
དུས་སུ་རོ་མདངས་ཡལ་འོང་ངོ་། །དེ་ནས་སྤྱི་བོ་བདེ་ཆེན་གྱི་འཁོར་ལོ་སྡིག །མགྲིན་པ་ལོངས་སྤྱོད་ཀྱི་འཁོར་ལོ་ཟད། སྙིང་ག་ཆོས་ཀྱི་འཁོར་ལོ་རལ། ལྟེ་བ་སྤྲུལ་པའི་འཁོར་ལོ་འཆོལ་བའི་དུས་སུ་ཨ་དང་ཧཾ་གི་བར་དུ་རླུང་རྒྱུ་བའི་ནད་དབུགས་ཆད། ཧཾ་མར་སོང་བས་གསང་གནས་སུ་ཐིག་ལེ་འབྱུང་། ཨ་ཡར་བྱུང་བས་ཁྲག་གམ་ཆུ་སེར་ཁ་སྣ་སོགས་ནས་འཐོན་ཏེ། རྣམ་ཤེས་ནམ་མཁའི་རླུང་དང་ཐ་མི་དད་པར་སྒོ་དགུ་གང་རུང་ནས་ཐོན་འགྲོའོ། །བཞི་པ་འཕོ་བ་དངོས་ལ་གསུམ་གྱི་དང་པོ་འོད་ཀྱི་གོང་བུའི་འཕོ་བ་ལ་དང་པོ་སྦྱོང་གཞི་གོམས་པ་ནི། མདུན་དུ་བླ་མ་ཡི་དམ་དབྱེར་མེད་སྤྱན་དྲངས་མོས་གུས་དྲག་པོས་རྒྱུན་བཤགས་དང་། གསོལ་བ་བཏབ་ནས་ལུས་ཙོག་པུར་བྱ། རྟིང་པ་གཉིས་ཀྱིས་བཤངས་ཅིའི་སྒོ་བཀག །ལག་མཐིལ་བསྣོལ་བ་བལྟག་པའི་ཕྱོགས་སུ་བགག །རང་ཉིད་ལྷའམ་ཐ་མ་ལ་གང་རུང་། ལུས་སྒོ་ང་སྟོང་པ་ལྟ་བུའི་སྙིང་གར་ཐིག་ལེ་མཐེ་བོང་ཙམ་ཅིག་བསམ་ལ། དེ་ལས་དེ་འདྲ་བ་རེ་རེ་ཆད་ནས་བཤང་ལྕི་གཉིས། ལྟེ་བ། ཁ། སྣ། མིག་གཉིས། སྤྱི་གཙུག་རྣམས་སུ་དགག་གོ །དེ་ནས་ལྟེ་བའི་ཐད་ཀར་རླུང་གི་དལ་གཞུའི་དབྱིབས་ཅན་གྱི་སྟེང་། ཟླ་བ་དེའི་སྟེང་དུ་སེམས་ཉིད་ཧཱུྃ་ནག་པོར་བསམ། མིག་གྱེན་དུ་ལྟ་ཞིང་། འོག་རླུང་རྒྱུ་མཇུག་གཉིས་པོ་གྱེན་ལ་འཐེན། སྟོབས་ཀྱི་ཧཱུྃ་དྲག་པོའི་ཧིག་ཉི་ཤུས་རླུང་ཟླ་ཧཱུྃ་གསུམ་མགྲིན་པའི་བར་དུ་དྲངས། ཡང་ཀ་ཧིས་ལྟེ་བའི་བར་དུ་ཕབ་བཞག །འཕོ་གྲབས་སོགས་གེགས་བྱུང་ན་རྐང་མཐིལ་དུ་ཕབ་པའམ། ཡང་ན་རྐང་མཐིལ་དུ་ཐིག་ལེ་ནག་པོ་སྲན་མ་ཙམ་ལ་སེམས་གཏད་དོ། །གཉིས་པ་ལས་ལ་སྦྱར་བ་ནི། འཆི་བའི་ཚེ་དབེན་པར་དུས་
― LT14_Page_221B ―
[མ་དཔེ་གཟིགས་ན་འདིར་གནོན།]
གསུམ་གྱི་སྤྲོས་པ་ཐམས་ཅད་བཅད་དེ། ནོར་རྫས། ཁང་པ། འཁོར། སློབ་དཔོན། སློབ་མ། ཡི་དམ། རང་ལུས་སོགས་ལ་སྐད་ཅིག་ཀྱང་མ་ཆགས་པར་ཚེ་འདིའི་སྣང་ཞེན་སྐད་ཅིག་ཀྱང་མེད་པར་བྱས། དམ་ཉམས། ཚུལ་འཆལ། གྲིབ་ཅན། མི་སྐྱ་སོགས་ཙར་མི་བཞག །བླ་མ་བཞུགས་ན་དབང་ཞུ། མི་བཞུགས་ན་གྲོགས་སམ། སློབ་མ་ཉམས་མྱོང་ཅན་ལ་ཡང་ཞུ། དགེ་སྦྱོང་གསོལ་འདེབས་སུ་འཇུག །བླ་མ་ཡི་དམ་གྱི་སྐུའི་སྤྱན་སྔར་མཆོད་པ་རྒྱ་ཆེན་པོ་དང་། ཆོས་སྐྱོང་ལ་གཏོར་མ་ཕུལ། ལམ་གྱི་བར་ཆད་མི་འབྱུང་བར་གསོལ་བ་གདབ་བོ། །དེ་ནས་བླ་མ་སྤྱན་འདྲེན་སོགས་སྦྱང་བའི་སྐབས་དང་འདྲ་བ་ལས་སྤྱི་གཙུག་མི་བགག་ཧཱུྃ་ཉེར་གཅིག་གིས་ཕུག་རོན་སྐར་ཁུང་ནས་ཐར་བ་བཞིན་རྣམ་ཤེས་འཕངས་ཏེ་བླ་མའི་ཐུགས་ཀར་བསྟིམ་མོ། །ལག་པ་ཕྲལ་ཞིང་ལྟག་པ་དགྱེད། ཡང་མིའི་རྒྱལ་པོ་སོགས་སུ་སྐྱེ་བར་འདོད་ན་མིག་གཡས་མི་བསྒག་ཅིང་། མངལ་སྒོ་ཡིད་ལ་བྱ། བདེ་བ་ཅན་དུ་སྐྱེ་བར་འདོད་ན་པདྨ་ཡིད་ལ་བྱའོ། །གཉིས་པ་སྣང་བ་སྒྱུར་བའི་འཕོ་བ་ལ་སྔ་མ་ལྟར་གཉིས་ཀྱི་དང་པོ་ནི། ལུས་སྐྱིལ་ཀྲུང་སོགས་གང་བདེ་བྱས། མདུན་དུ་བླ་མ་ལ་གསོལ་འདེབས་པར་འདྲ། དེ་ནས་སྐུ་གཟུགས་དང་གཤིན་རྗེ་ལ་སོགས་པ་བདག་ལ་མི་འཚམས་བ་དུ་མ་བྱེད་པ་དང་། འབྱུང་བཞིའི་ཐིམ་སྡུད་བྱེད་པའི་རྟགས་རྣམས་ཀྱང་དྲན་པར་བྱས་ནས། ཅི་སྣང་ཐམས་ཅད་ལྟ་བ་བདེན་མེད་ཀྱིས་རྒྱས་བཏབ་ནས་ཡི་དམ་དུ་བསྒྱུར་ནས་རང་སེམས་དང་བསྲེས་ཏེ་རྩེ་གཅིག་ཏུ་མཉམ་པར་བཞག་པའོ། །གཉིས་པ་ནི། སྔ་མ་བཞིན་ལ་འཇིགས་པའི་དགྲ་བཞི་ལ་སོགས་པ་འཁྲུལ་སྣང་མང་དུ་འབྱུང་བ་ཐམས་ཅད་ཀྱང་ཉམས་ལེན་གྱིས་ཟིན་ནས་ཉམས་པ་
― LT14_Page_222A ―
[མ་དཔེ་གཟིགས་ན་འདིར་གནོན།]
མེད་པ་གཅེས་སོ། །གསུམ་པ་སྒྲས་འཕོ་བ་འདིར་མི་གསུངས་སོ། །ལྔ་པ་བར་དོ་ཡི་དམ་ལྷ་དང་སྣང་སེམས་བསྲེ་བ་ལ་གསུམ་གྱིས། དང་པོ་སྐྱེ་ཤི་བར་དོ་ནི། རྣལ་འབྱོར་པ་ཉིན་བར་གྱི་དུས་ད་ལྟར་བར་དོའ་གནས་སྐབས་ཡིན་སྙམ་དུ་བསམ་སྟེ། ལུས་ཀྱང་ཡིད་ལུས། ཅི་སྣང་ཐམས་ཅད་ཀྱང་བར་དོའ་སྣང་བ། གཞན་ཡང་འཇིགས་པའི་སྒྲ་བཞི། ཡ་ང་བའི་གཡང་ས་གསུམ་ཕྱོགས་ལ་རིགས་དྲུག་ཏུ་སྐྱེ་བའི་རྟགས་དང་། རྣམ་བྱང་ལྔ་ལ་སོགས་པའི་རྣམ་བཞག་འོག་ཏུ་འཆད་པ་རྣམས་འདིར་ཡང་དྲན་པར་བྱས་ལ། ཐམས་ཅད་ཀྱང་ལྟ་བས་ཟིན་ཞིང་བདེ་ཆེན་ལྷའི་ངོ་བོར་བསྒྱུར་ནས་རང་སེམས་དང་རྩེ་གཅིག་ཏུ་བཞག །ཡང་ཕྱི་སྒྲོ་འདོགས་སྤྱོད་པའི་བླ་མ་དྲན། དེས་བསྟན་པའི་ལྷ་རྗེས་སུ་དྲན། ལྷ་ལས་དྲས་པའི་གསང་མཚན་རྗེས་སུ་དྲན་པར་བྱའོ། །གཉིས་པ་རྨི་ལམ་བར་དོ་ནི། རྨི་ལམ་བཟུང་། སྦྱང་། སྤེལ་གསུམ་ནུས་པ་དང་། རྨི་ལམ་དུ་ད་ལྟ་བར་དོའ་གནས་སྐབས་ཡིན་སྙམ་དུ་བསམ། གནས་ལུས་སོགས་ཐམས་ཅད་ཀྱང་བར་དོའ་གནས་ལུས་སུ་བསམ། འཇིགས་པའི་སྒྲ་སོགས་བར་དོའ་སྣང་བ་ཐམས་ཅད་དྲན་པར་བྱས་ལ་ལྟ་བའི་ངང་ནས་ལྷར་བསྒྱུར་ནས་རང་སེམས་དང་བསྲེས་ཏེ་རྩེ་ཅིག་ཏུ་དྲན་པ་རྣམ་པ་གསུམ་དྲན་པར་བྱའོ། །གསུམ་པ་སྲིད་པ་བར་དོ་ལ་གཉིས་ཀྱི་དང་པོ་རང་བཞིན་བསྟན་པ་ནི། བར་དོའ་ཤེས་པ་དེ་ཤིན་ཏུ་གསལ་ཞིང་དྲིམ་པ་ལ། མི་བརྟན་ཅིང་རྣ་བ། གཏད་སེམས་མེད་པ་སྣ་ཚོགས་སུ་འཆར་བ། བག་ཆགས་གསོ་སླ་བ་ཡིན་ནོ། །དེ་སྐད་དུ། སྔོན་བྱུང་སྲིད་པའི་ཤ་ཚུགས་ཅན། །དབང་པོ་ཀུན་ཚང་ཐོག་མེད་རྒྱུ། །ལས་ཀྱི་རྫུ་འཕྲུལ་ཤུགས་དང་ལྡན། །རིགས་མཐུན་ལྷ་མིག་དག་པས་མཐོང་། །ཞེས་
― LT14_Page_222B ―
[མ་དཔེ་གཟིགས་ན་འདིར་གནོན།]
གོང་དུ་སྐྱེ་འགྱུར་གྱི་བྱད་གཟུགས་སུ་འཆར་བར་གསུངས་སོ། །འདིར་ཚེ་ཚད་ཞག་བདུན་གྱི་ཚེ། ཕྱེད་བཞིར་བག་ཆགས་དང་འབྲེལ་བའི་ལུས་ཀྱི་སྣང་བ་འཆར། ཕྱེད་བཞིར་རྣམ་སྨིན་དང་འབྲེལ་པའི་ལུས་ཀྱི་སྣང་བ་འཆར་སྟེ། གོང་གི་ནར་འགྱུར་གྱི་བྱད་གཟུགས་སུ་འཆར་རོ། །དེའང་དང་པོ་རང་ཉིད་ཤི་བར་མི་ཤེས་པས། ཉེ་དུ་སོགས་ལ་ཕར་གཏམ་སྨྲས་ཀྱང་ཚུར་ལེན་མི་ཡོང་། ཟས་སྐོམ་གྱིས་སྐལ་བ་གཅོད། འདུག་གནས་སོགས་ཕྲོག་དོག་པས་རང་གི་ནོར་རྫས་ལ་ཆགས་སྡང་སྐྱེ་ཞིང་གཉེན་ལ་ཡི་ཆད་པ་འོང་། དེ་ནས་རང་ཤི་བར་ཤེས་ནས། ཐོག་མར་གཉེན་དང་བྲལ་བའི་སྡུག་བསྔལ། མི་འཚམས་པ་དུ་མ་བྱེད་པའི་གཤིན་རྗེ་ལ་སོགས་པ་རྣམས་ཀྱིས་དེད་ཅིང་བདས་པའི་སྡུག་བསྔལ་སོགས་བཟོད་ཐབས་མེད་པ་འབྱུང་། དེའི་ཚེ་ཉེ་དུ་དོར་ནས་གོས་བསྐྱུར། སྐྲ་འབལ་བ་མཐོང་ནས་མུན་པའི་སྣང་བ་འབྱུང་། མཆི་མ་བཏང་བས་སེར་དྲག་དང་། ཁྲག་གི་ཆར་པ་འབབ། འོ་དོད་བྱས་པས་གཤིན་རྗེ་ལ་སོགས་པ་རྣམས་ཀྱིས་རྒྱོབ་སོད་ཅེས་པའི་སྒྲར་སྣང་ཞིང་རི་བོ་གྲུམས་པའི་དང་། རྒྱ་མཚོ་འཆོལ་བའི་དང་། བསྐལ་པའི་མེ་འབར་བའི་དང་། དུས་མཐའི་རླུང་གཡོས་པ་ལྟ་བུའི་སྒྲ་འབྱུང་ལ། དེའང་འབྱུང་བཞི་ཐིམ་པའི་བག་ཆགས་ཀྱི་དབང་གིས་ཡིན་ནོ། །ཡ་ང་བའི་གཡང་ས་གསུམ་ནི། ངན་སོང་གསུམ་གྱི་གནས་མཐོང་ནས་དེར་སྐྱེས་ཀྱིས་དོགས་པའི་སྡུག་བསྔལ་ཡང་མྱོང་ངོ་། །རིགས་དྲུག་གང་དུ་སྐྱེ་བའི་རྟགས་རྣམས་དང་རྣམ་བྱ་རྣམ་པ་ལྔ་ཡང་འཆར་སྟེ། དམྱལ་བར་སྐྱེ་ན་ཁ་དོག་ནག་པོ་ལ་སེམས་ཟིན་ཅིང་། སྐྱེ་གནས་དེ་རེ་རུལ་ལམ་སོལ་བའི་ཕུང་པོར་སྣང་། ཡི་དྭགས་སུ་སྐྱེ་ན་སེར་པོ་ལ་ཟིན་ཅིང་། གནས་དེ་སྡོང་རུལ་ལམ་རྩ་
― LT14_Page_223A ―
[མ་དཔེ་གཟིགས་ན་འདིར་གནོན།]
སྤྱིལ་དུ་སྣང་། དུད་འགྲོར་སྐྱེ་ན་སྔོན་པོ་ལ་ཟིན་ཅིང་། གནས་དེ་ཁོང་རུལ་ལམ་ས་ཕུག་ཏུ་སྣང་། ལྷ་མིན་དུ་སྐྱེས་ན་ལྗང་གུ་ལ་ཟིན་ཅིང་། གནས་དེ་ནགས་ཚལ་ཉམས་དགའ་བར་སྣང་། ལྷར་སྐྱེས་ན་དཀར་པོའམ་དམར་པོ་ལ་ཟིན་ཅིང་གནས་དེ་རིན་པོ་ཆེའི་གཞལ་ཡས་ཁང་ངམ། གུར་དཀར་དུ་སྣང་། མིར་སྐྱེས་ན་ཁ་དོག་སྣ་ཚོགས་པར་སེམས་ཤིང་སྐྱེ་གནས་དེ་ལྷ་ཁང་དུ་སྣང་ངོ་། །དེ་ཡང་གླིང་བཞི་དབུས་དང་ལྔ་ལས། དབུས་སུ་སྐྱེ་ན་སེང་གེ་ཕོ་མོའི་འཁྲིག་པ་སྤྱོད་པ་དང་དེས་བརྒྱན་པའི་མཚོར་སྣང་། ཤར་དུ་སྐྱེ་ན་གླང་པོ་དེ་ལྟ་བུ་དང་། དེས་སོགས། ལྷོར་སྐྱེས་ན་རྟ་དེ་ལྟ་བུ་དང་། དེས་སོགས། ནུབ་ཏུ་རྨ་བྱ་དེ་ལྟ་བུ་དང་། དེས་སོགས། བྱང་དུ་སྐྱེ་ན་ཤང་ཤང་ཕོ་མོ་འཁྲིག་པ་སྤྱོད་པ་དང་དེས་བརྒྱན་པའི་མཚོར་སྣང་ངོ་། །རང་གིས་ཡིད་དེ་ཡང་གང་དུ་སྐྱེ་འགྱུར་གྱི་རྣམ་བྱ་དེའི་ཁ་དོག་ཏུ་ཡོང་ངོ་། །བརྫུས་ཏེ་སྐྱེས་ན་མེ་ཏོག་ལ་སེམས་ཟིན། དྲོད་གཤེར་ལ་སྐྱེ་ན་དྲི་རོ་ལ་ཤིན་ཏུ་སྲེད་པར་འགྱུར། ལྷུན་པོ། སྐུ་གཟུགས། རྡོ་རྗེ་གདན། མའི་མངལ་དང་བཞི་མ་གཏོགས་ཐམས་ཅད་ལ་ཐོགས་པ་མེད་དེ། ལས་དབང་གིས་རྫུ་འཕྲུལ་དང་མངོན་ཤེས་ཅུང་ཟད་ཡོད། བར་དོ་ནང་ཕན་ཚུན་དང་ལྷའི་མིག་དག་པས་མཐོང་། དེ་ཡང་ངེས་མེད་དུ་འགྲོ་སྟེ། བརྟེན་པ་ལ་ཤེས་པ་མེད་དེ། མཆོད་རྟེན་དང་ལྗོན་ཤིང་སོགས་ཀུན་ལ་བརྟེན། གནས་ལ་ངེས་པ་མེད་དེ། ཅང་རོང་དང་། ཚེར་མ་དང་། ལྷ་ཁང་ལ་སོགས་པ་ཀུན་ལ་བརྟེན། གྲོགས་ངེས་མེད། ཕན་སྐྱེལ་བ་དང་། གནོད་སྐྱེལ་བའི་གྲོགས་ཀུན་དང་འགྲོགས། ཟས་ངེས་མེད་དྲི་ཟ་བ་ལས། རེས་འགའ་དྲི་ཞིམ་པ་དང་། ཕལ་ཆེར་མི་ཞིམ་པ་ཟ་བའོ། །སྤྱོད་ལམ་ངེས་མེད་མི་བརྟེན་པའི་
― LT14_Page_223B ―
[མ་དཔེ་གཟིགས་ན་འདིར་གནོན།]
སྤྱོད་ལམ་སྣ་ཚོགས་བྱད་དོ། །ཚེ་ངེས་མེད་ཚེ་ཟད་ཞག་བདུན་ཡིན་ཡང་ཞག་གཅིག་དང་གཉིས་ལ་སོགས་པ་ཡུད་ཀྱིས་ཀྱང་འཆིའོ། །གཞན་ཡང་ལུས་ལ་འོད་ཀྱི་རྣམ་པ་ཅུང་ཟད་ཡོད། བྱང་སེམས་དཀར་དམར་དང་རྩ་ཕྲན་མེད་པས་ཉི་ཟླ་དཀར་གསུམ་གྱི་སྣང་བ་མེད། གྲིབ་མ་དང་རྐང་རྗེས་མེད། ལྷན་ཅིག་སྐྱེས་པའི་ལྷ་དང་འདྲེ་གཉིས་ཀྱིས་ཆོས་རྒྱལ་གྱི་མདུན་དུ་ཁྲིད་དེ་རྡེའུ་དཀར་ནག་བཞག་ནས། དགེ་སྡིག་མང་ཉུང་བལྟ་བའི་ཚེ་ནག་པོ་མང་བ་དང་དཀར་པོ་ཉུང་གིས་དོགས་པའི་སྡུག་བསྔལ་བསམ་ལས་འདས་སོ། །གཉིས་པ་ལམ་དུ་སློང་བའི་ཚུལ་ནི། རིགས་དྲུག་ཏུ་སྐྱེ་བའི་རྟགས་དང་རྣམ་བྱ་ལྔ་ལ་ཞེན་མེད། ཕྱོགས་ལྔར་སྐྱེ་བའི་རྟགས་ལ་མི་ཆགས། སྒྲ་བཞི་དང་གཡང་ས་བཞི་ལ་མི་འཇིགས་ཤིང་། གཤིན་རྗེས་མི་འཚམས་པ་དུ་མ་སྟོན་ནའང་འདི་ལྟར་བར་དོར་གདོས་བཅས་ཀྱི་ལུས་ནི་མེད། ཡིད་ལུས་སྟོང་པ་འདི་ལ་གནོད་པར་བྱར་མེད་དོ། །འཇིག་རྟེན་ཐམས་ཅད་དང་དགྲར་ལངས་ཀྱང་གནོད་མི་ནུས་སྙམ་དུ་བསམ་ཞིང་། དྲན་པ་གསུམ་ཡང་དྲན་ནོ། །དགའ་མི་དགའི་སྣང་བ་ཅི་ཤར་ཡང་། ཕྱི་རོལ་དུ་ཁ་བཞིན་དུ་ནང་རླུང་སེམས་ཀྱི་འཕྲོ་འདུ་ལས་བྱུང་བའི་འཁྲུལ་སྣང་དུ་ཤེས་པར་བྱས། བལྟ་བའི་རྩིས་བཟུང་། བདེ་ཆེན་ལྷའི་འཁོར་ལོ་བསྒྱུར་ནས་རང་སེམས་དང་བསྲེས་ལ་རྩེ་གཅིག་ཏུ་བཞག་གོ །ཡང་གཉེན་པོ་གསུམ་གྱིས་མངལ་སྒོ་བགག་ཏེ། ལྟ་བ་དང་། ལྷ་དང་། མངལ་སྡུག་བསྔལ་གྱི་རང་བཞིན་དུ་ཤེས་ནས་སྤང་བའོ། །མ་ཁོག་ན་མངལ་འདམས་པ་ནི། ངན་སོང་ལ་སོགས་པར་སྐྱེ་བའི་རྟགས་བྱུང་ན་ཡང་རྒྱལ་རིགས་སུ་སྐྱེ་བ་བླངས། བདེ་བ་ཅན་ལ་སོགས་པར་འགྲོ་སྙམ་དུ་འདུན་པ་དྲག་ཏུ་བཏང་བས་དེར་སྐྱེ་བའི་རྟེན་འབྲེལ་ཡིན་ནོ། །དེའང་ད་ལྟར་གོམས་ཤིང་འདྲིས་དགོས། ད་ལྟ་མ་
― LT14_Page_224A ―
[མ་དཔེ་གཟིགས་ན་འདིར་གནོན།]
གོམས་ན་དེའི་དུས་མི་འབྱུང་། དེས་ན་ད་ལྟ་ཉིན་པར་སྐྱེ་ཤི་བར་དོ་སྦྱོང་། མཚན་མོ་རྨི་ལམ་བར་དོ་སྦྱང་། འཆི་ཁར་དྲན་འདུན་དྲག་པོ་དུང་ངེ་བ་བྱ། བར་དོའ་ཚིག་དོན་འདི་རྣམས་ཁྱིས་བདས་ཀྱང་ཐོན་ཅིང་ཡིད་ལ་འཇག་ན་བར་དོ་གང་ཤར་ཉམས་སུ་ལོངས་ནས་གྲུབ་མཐའ་སྙོགས་གསུངས། དྲུག་པ་རྨི་ལམ་ལ་བཞིའི་དང་པོ་བཟུང་བ་གསུམ་གྱི་དང་པོ་བཟུང་བ་དངོས་ལ་གཉིས་ཀྱིས་དང་པོ་སྔོན་འགྲོ་ནི། །དབེན་པའི་གནས་སུ་ཁ་ཟས་མཉམ་ཞིང་སྤྱོད་ལམ་དལ་ལ་སྨྲ་བ་ཉུང་བར་བྱའོ། །གཉིས་པ་དངོས་གཞི་ནི། སྔ་དྲོ་ནས་ཕྱི་མ་རེད་ཀྱི་བར་དུ་བདག་གི་དོ་ནུབ་རྨི་ལམ་བཟུང་བར་བྱ། རྨི་ལམ་དུ་ངོ་ཤེས་པར་བྱ་སྙམ་དུ་འདུན་པ་དྲག་པོ་བཏང་ངོ་། །ཕྱི་མ་རེད་ནས་ཉལ་ཁའི་བར་འདུན་པ་མི་བཏང་། ཉལ་ཁར་དྲག་ཏུ་བཏང་། གཉིད་ཁར་མགྲིན་པའི་དབུས་སུ་པདྨ་དམར་པོ་འདབ་མ་བཞི། ལྟེ་བར་ༀ་དཀར་པོ། ཕྱོགས་བཞིར། ཨ། ནུ་ཏ་ར་དཀར་པོའམ་དམར་པོ་མདུན་ནས་གཡོན་སྐོར་དུ་བཀོད། ཨ་ནས་རིམ་གྱིས་སེམས་བཟུང་བའི་མཐར། ༀ་ལ་དམིགས་པ་གཏད་དེ་གཉིད་ལོག །རྨི་ལམ་ཟིན་པའི་རྟགས་སུ་གཡང་ས་དང་རི་རྩེར་གནས་པ་སོགས་འཇིགས་སྐྲག་སྣ་ཚོགས་འབྱུང་ངོ་། །གཉིས་པ་འབྱམས་པ་བཅད་པ་ནི། གལ་ཏེ་རྨི་ལམ་མ་ཟིན་ན་འདུན་པ་དྲག་ཏུ་བཏང་ལ་གཉིད་ཁར་སྨིན་འཚམས་སུ་ཐིག་ལེ་ནག་པོ་སྲན་མ་ཙམ་ཅིག་གསལ། དེས་ཀྱང་མ་ཟིན་ན། སྨིན་འཚམས་ཀྱི་ནང་དུ་ཐིག་ལེ་དཀར་པོ་དང་། ཕྱིར་གོང་བཞིན་བསམ། དེས་ཀྱང་མ་ཟིན་པར་ཆེར་འབྱམས་ན་གསུམ་པ་གོལ་ས་སྤང་བ་ནི། ལུང་སྟོང་སོགས་སུ་གཅེར་བུར་འཕྱང་རྒྱུག་དང་འོ་དོད་དང་གླུ་དབྱངས་སྣ་ཚོགས་དང་། འཇིགས་སྐྲག་འབྱུང་བའི་གཡང་ས་མཐོན་པོར་བསྡད་
― LT14_Page_224B ―
[མ་དཔེ་གཟིགས་ན་འདིར་གནོན།]
ལ་སྐྲག་ཏུ་གཞུག །དེ་ནས་འདོན་པ་སྔོན་བཞིན་ལ་ལུས་ཕྱིར་བསྒྱུར་བ་གཉིད་ཁར་བྱས་ལ། སྨིན་འཚམས་སུ་ཐིག་ལེ་དཀར་པོ་ཡུངས་ཀར་ཙམ་གསལ་ལ་གཉིད་ལོག་པས་ངེས་པར་ཟིན། གཏན་ནས་མ་ཟིན་ན་བླ་མ་ལ་དབང་ཞུ་དཔའ་བོའི་སྟོན་མོ་དང་མ་སོགས་བྱ། ཟིན་འཕྲོ་ལ་མ་ཟིན་ན་ཡིག་བརྒྱ་དང་། སྒྲིབ་སེལ་གྱི་གདམས་པ་བྱའོ། །གཉིས་པ་སྦྱང་བ་ལ་གཉིས་ཀྱི་དང་པོ་སྔོན་འགྲོ་ནི། ཉིན་པར་གྱི་དུས་སུ་རྨི་ལམ་བཟུང་ཞིང་སྦྱང་བར་བྱའོ་སྙམ་པའི་འདུན་པ་དྲག་ཏུ་བཏང་། ད་ལྟ་རྨི་ལམ་གྱི་སྐབས་ཡིན་སྙམ་དུ་བསམ་ཏེ། རི་རབ་ཀྱི་སྟེང་དུ་ཕྱིན་ནས་གླིང་བཞི་བལྟ་བ་དང་། ཉི་ཟླའི་སྟེང་དུ་འདུག་པ་དང་། སུམ་ཅུ་རྩ་གསུམ་དུ་ཕྱིན་ནས་དེའི་ཁང་བཟང་བལྟ་བ་དང་། ཨོ་རྒྱན་དང་། དགའ་ལྡན་དང་བདེ་བ་ཅན་ལ་སོགས་སུ་ཕྱིན་ནས་ཆོས་ཉན་ཞིང་སྒྲོ་འདོགས་གཅོད་པའི་འདུན་པ་བྱའོ། །གཉིས་པ་དངོས་གཞི་ནི། རྨི་ལམ་བཟུང་བའི་དུས་བཞིན་གཉིད་ལོག་པས་རྨི་ལམ་ཟིན་ན་ཨོ་རྒྱན་སོགས་སུ་འགྲོ་བ་སྔར་བཞིན་ནོ། །གསུམ་པ་སྤེལ་བ་ལ་གཉིས་ཀྱི་དང་པོ་སྔོན་འགྲོ་ནི། ཉིན་པར་རྨི་ལམ་བཟུང་སྦྱང་སྤེལ་བར་བྱའོ། །སྙམ་པའི་འདུན་པ་དྲག་ཏུ་བཏང་། གཞན་གོང་བཞིན་ལས་རྨི་ལམ་དུ་གང་རྨི་པ་དེ་མང་དུ་སྤེལ་ཞིང་། དེ་དག་ལ་ཆོས་ཞུ་བ་ལ་སོགས་བྱ། གཡང་ས་ལ་སོགས་པ་ཅིར་སྣང་ཐམས་ཅད་ཌཱ་ཀི་མ་ཁྱིའི་གདོང་པ་ཅན་ནམ་ཡི་དམ་དུ་གྱུར་ནས་རང་དང་བཅས་པ་བརྒྱ་ཕྲག་དུ་མར་སྤྲོ་བར་བྱའོ། །དེ་ལྟ་བུའི་ངང་ནས་གཉིད་ལོག་པས་གཉིས་པ་དངོས་གཞིའི་དུས་སུ་ཇི་ལྟར་འདོད་པ་བཞིན་སྤེལ་བའོ། །དེ་ལྟར་རྨི་ལམ་སྦྱང་སྤེལ་ཅུང་ཟད་ནུས་ན་སྤང་། ལུས་ལ་བདེ་བ་མ་སྐྱེས་ན། བཞི་པ་དེ་ཁོ་ན་ཉིད་བསྒོམ་པས་རྟོགས་པ་ཕུལ་དུ་བྱུང་བ་གསུམ་གྱི་དང་པོ་ནི། སྨིན་མའི་དབུས་སུ་
― LT14_Page_225A ―
[མ་དཔེ་གཟིགས་ན་འདིར་གནོན།]
དབུ་མའི་ཡར་སྣེར་ཐིག་ལེ་དཀར་པོ་ཡུངས་འབྲུ་ཙམ་ཅིག་བསམ་ནས་གཉིད་ལོག་ཅིང་ཕྱག་རྒྱ་སྙོམས་པར་འཇུག་གི་སྦྱོར་བ་བྱས་ལ་བདེ་བ་བསྐྱེད་པར་བྱ་ཞིང་། དེ་ཡང་བདེ་སྟོང་གིས་རྒྱས་བཀབ་ནས་ཉམས་སུ་བླང་ངོ་། །དེ་ལྟར་བྱས་ཀྱང་ལུས་ཀྱི་བདེ་བའི་ཆ་ཞེན་ན། གཉིས་པ་ཉོན་མོངས་ལྡོང་བའི་རོ་སྤང་བ་ནི། ཆོས་ཐམས་ཅད་ཀྱི་གནས་ལུགས་དེ་ཁོ་ན་ཉིད་སྒོམ་ཞིང་། ཁྱད་པར་རྨི་ལམ་བརྗོད་བྲལ་གྱི་དོན་ལ་མཉམ་པར་བཞག་གོ །དེ་ལྟར་སེམས་སྒྱུ་མར་རྟོགས་ཀྱང་ལུས་སྒྱུ་མར་མ་རྟོགས་ན། གསུམ་པ་འཁོར་བ་ལྡོག་པའི་དུས་ཆད་བསྟན་པ་ནི། སྒྱུ་ལུས་སྦྱང་དགོས་པ་ཡིན་ཏེ། དེ་ལ་གསུམ་གྱི་དང་པོ་དག་པའི་སྒྱུ་ལུས་སྒྱུ་མར་སྦྱོང་བ་ནི། མ་དག་པའི་དུས་འདི་ཉིད་སྣང་ལ་རང་བཞིན་མེད་པ་མེ་ལོང་ནང་གི་གཟུགས་བརྙན་ཤར་བ་དང་འདྲ་བས་རང་གི་གཟུགས་བརྙན་མེ་ལོང་དུ་ཤར་བ་ལ་བསྟོད་སྨད་བྱས་ཀྱང་དགའ་མི་དགའི་རྣམ་རྟོག་མེད་པ་ལྟར་རང་ལ་བསྟོད་སྨད་བྱེད་པ་དེ་དང་འདྲ་བར་བསམས་ཏེ། འཇིག་རྟེན་ཆོས་བརྒྱད་སྒྱུ་མའི་དཔེ་དང་འདྲ་བར་ཤེས་པར་བྱ་ཞིང་། མི་སྙན་པར་སྨྲ་བ་བྲག་ཆ་དང་འདྲ་བར་ཤེས་ནས་མི་དགའ་བ་མེད་པར་ཉམས་སུ་བླང་ཞིང་དེ་ལྟར་མ་དག་པའི་སྒྱུ་ལུས་སྦྱངས་བའོ། །གཉིས་པ་དག་པའི་སྒྱུ་ལུས་སྒྱུ་མར་སྦྱང་བ་ནི། ལོངས་སྤྲུལ་ལ་སོགས་པ་དེ་བཞིན་གཤེགས་པ་ཐམས་ཅད་མེ་ལོང་དུ་གཟུགས་བརྙན་ཤར་བ་ལྟར་སྣང་ལ་རང་བཞིན་མེད་པར་ཉམས་སུ་བླངས་ཤིང་སྣོད་བཅུད་ཐམས་ཅད་ལྷ་སྐུ་སྒྱུ་མར་ལྟ་བུར་ཉམས་སུ་བླངས་སོ། །དེ་ལྟར་ཤར་ན་དག་པའི་སྒྱུ་ལུས་འབྱངས་པའོ། །གསུམ་པ་གཉིས་བསྡུས་ཀྱིས་སྒྱུ་ལུས་སྒྱུ་མར་སྦྱང་བ་ནི་སེམས་ཅན་ནས་སངས་རྒྱས་ཀྱི་བར་སྣང་བ་སྣ་ཚོགས་འདི། ཡང་དག་པར་གྲུབ་པ་མེད་དེ། སྣང་དུས་ཉིད་ངོ་བོས་
― LT14_Page_225B ―
[མ་དཔེ་གཟིགས་ན་འདིར་གནོན།]
སྟོང་པའི་ཕྱིར་རོ། །སྒྱུ་མ་མཁན་གྱིས། ར་རྔ་དང་སྤྲེལ་མཇུག་ལ་སོགས་པའི་རྫས་ལ་ཨཾ་གུ་སཾ་གུ་ལ་སོགས་སྔགས་བཏབ་པའི་དུས་ན་རྟ་གླང་དང་སྐྱེས་པ་བུད་མེད་སོགས་སུ་སྣང་ཡང་། སྣང་དུས་ན་ཅིར་ཡང་གྲུབ་པ་མེད་དེ། སྔར་ཡོད་ཅིག་མེད་པར་སོང་བ་མ་ཡིན། མེད་པ་ལ་མེད་པར་རྟོགས་པ་ཡིན་མོད། དེ་ལྟར་རྟ་གླང་སྤྲུལ་པའི་གོང་དང་། སྤྲུལ་པའི་དུས་དང་། བཤིག་པའི་དུས་གསུམ་ཆར་དུ་རྟ་གླང་ཡོད་མ་མྱོང་བ་དེ། ཐོག་མར་སྐྱེ་བ། བར་དུ་གནས་པ། མཐར་འགག་པས་སྟོང་། དེ་ལྟར་རྫུན་སྣང་སྟེ། ཡང་དག་ཏུ་མ་གྲུབ་ཀྱང་སྣང་ཙམ་དུ་གྲུབ་པ་ཡིན་ནོ། །དེ་བཞིན་དུ་བློ་འཁྲུལ་པའི་སྣང་ངོར་འཁོར་འདས་ཀྱི་སྣང་བ་སྣ་ཚོགས་ཤར་ཡང་། སྣང་དུས་ནས་མ་གྲུབ་ཅིང་ངོ་བོས་སྟོང་། འོ་ན་སྣང་བ་ཅི་ཞེ་ན། ཡོད་ནས་སྣང་བ་མ་ཡིན་གྱིས་ལས་དང་བག་ཆགས་ཀྱི་རྟེན་འབྲེལ་ཚོགས་པའི་དབང་བའི་སྣང་བ་ཡིན་མོད། རྫུན་སྣང་དེ་རྟོག་པ་མ་ཤར་གྱི་བར་དུ་མེད་པར་མི་འགྲོ། རྟོག་པ་སྐྱེས་པའི་དུས་ན་ཡོད་མ་མྱོང་བའི་ཐོག་ཏུ་འགྲོ་སྟེ། སྔར་ཡོད་པ་ཅིག་ཕྱིས་མེད་པར་སོང་བ་མ་ཡིན། མེད་པ་ལ་མེད་པར་ངོ་ཤེས་ཤིང་རྟོགས་པ་ཡིན་ནོ། །དེས་ན་ད་ལྟའི་སྣང་བ་སྣ་ཚོགས་པ་འདི་མ་སྐྱེས་པ་དང་སྐྱེས་པ་དང་གྲོལ་བ་གསུམ་ཆར་གྱི་དུས་སྐྱེས་མ་མྱོང་བ་དང་། སྐྱེ་གནས་འགག་གསུམ་གྱིས་སྟོང་པར་མཚུངས་པ་ཡིན་ནོ། །དེ་ལྟར་སྣང་བཞིན་དུ་གྲུབ་པ་མེད་ལ། མེད་བཞིན་དུ་ཅིར་ཡང་འཆར་བས་སྒྱུ་མ་སྟེ་སྣང་ཙམ་ལ་བཀུར་པ་མི་འདེབས་ཤིང་། གནས་ལུགས་ལ་སྒྲོ་མི་འདོགས་པས་སྒྲོ་བཀུར་ཡོད་མེད། རྟག་ཆད། བདེན་རྫུན་ལ་སོགས་པ་མཐའ་ཐམས་ཅད་ལས་འདས་པའི་མཐའ་བྲལ་གྱི་ལྟ་ཉམས་སྐྱེས་པ་ནི་སྒྱུ་ལུས་མཐར་ཐུགས་འབྱངས་པའོ། །འདི་ལུས་ཕྱི་བསྒྱུར་གྱི་སྦྱོང་བ་ཡང་བྱས་ལ། རྨི་
― LT14_Page_226A ―
[མ་དཔེ་གཟིགས་ན་འདིར་གནོན།]
ལམ་དུ་ཡང་རྐྱེན་བྱས། རྣམ་བྱ་ལྔ་སྒྲ་བཞི། གཡང་ས་གསུམ། གཤིན་རྗེ་ལ་སོགས་པ་འཇིགས་སྐྲག་གི་སྣང་བ་ཅི་བྱུང་ཡང་། རྨི་ལམ་ཡིན། འཇིགས་རྒྱུ་གང་ཡང་མེད། དེ་དག་ཏུ་འཆང་བ་དང་། མ་ཕོད་པ་ཐམས་ཅད་ལ་ཐོག་རྫིས་བྱས་ལ་དྲན་པ་རྣམས་གསུམ་ཡང་དྲན་པར་བྱའོ། །ཐམས་ཅད་ཡི་དམ་དུ་བསྒྱུར་ནས་རང་སེམས་དང་བསྲེས་ནས་རྩེ་གཅིག་ཏུ་བཞག །གཉིད་སད་ནས་ཀྱང་མདངས་གསུམ་གྱི་རྨི་ལམ་དང་། དེ་རིང་ཉིན་བར་གྱི་སྣང་བ་ལ་བྱད་པར་ཅི་ཡང་མི་འདུག །གཉིས་ཀ་སྒྱུ་མ་ལྟ་གུར་འདུག་སྙམ་དུ་ཤེས་པར་བྱས་ནས་རྨི་ལམ་གྱི་ཉམས་ལ་ཞེན་པ་མེད་པ་བྱའོ། །དེ་ལྟར་ཉིན་བར་སྣང་བ་རྨི་ལམ་དུ་སྦྱང་། རྨི་ལམ་དད་ཉིན་པར་བསྲེས་ནས་ཉམས་སུ་བླངས་ན་དུས་གསུམ་ཤེས་པའི་མངོན་ཤེས་དང་། མཁའ་འགྲོས་དངོས་སུ་ལུང་སྟོན་པ་ཡང་སྲིད་གསུངས་ངོ་། །གཉིས་པ་གསང་དབང་ལ་དྲུག་གི་དང་པོ་རང་བྱིན་རླབས་ལ་གཉིས་ཀྱི་དང་པོ་ཁྱབ་བྱེད་དམིགས་པའི་གནད་ནི། ཐུན་གྱི་སྔོན་འགྲོ་བུམ་དབང་བཞིན་ལ། ལུས་ཀྱི་དབུས་སུ་སྤྱི་གཙུག་ནས་ལྟེ་བའི་བར་ལ་རྩ་དབུ་མ་གསལ་བཏབ། རླུང་ཡང་རྩོལ་བ་ནས་ཕྱིར་རྒྱུས། སྲོག་ནས་ནང་དུ་ཞུགས། ནང་དུ་གནས་པ་གསུམ་དང་། ཧཱུྃ་ཨ་ཨཱཿཡིད་ཀྱིས་བརྗོད་པ་དང་། རྩ་གསུམ་ཡང་རིམ་པ་བཞིན་དུ་གསལ་གདབ། སེམས་ཀྱིས་ཡང་རླུང་རྒྱུ་བ་དང་བསྟུན་ནས་ཕྱིར་རྒྱུས། ནང་དུ་ཞུགས་གནས་མཉམ་དུ་བསམ། ཡང་རླུང་དེ་ཉིད་ཧཱུྃ་སྔོན་པོ། ༀ་དཀར་པོ། ཨཱཿདམར་པོའི་རྣམ་པར་བསྒོམས་ལ་རླུང་ལྡང་འཇུག་གནས་གསུམ་གྱི་རྗེས་ལ་སེམས་འགྲོ་བ་བོགས་ཆེ་གསུངས། རྔན་དགས་བྱིན་པ་ནི་རླུང་རྒྱུ་བ་དང་བསྟུན་ལ། རྩོལ་བ་ནས་ཕྱིར་རིང་དུ་རྒྱུས། སྲོག་ནས་ནང་དུ་ཐུང་དུ་རྒྱུས། ནང་དུ་
― LT14_Page_226B ―
[མ་དཔེ་གཟིགས་ན་འདིར་གནོན།]
ཐུང་ངུ་གནས་མཉམ་དུ་བསམ། དེ་ཞག་འགའ་ཞིག་གི་བར་སྦྱངས་ནས་ཡང་རྩོལ་བ་ནས་ཕྱིར་ཐུང་ངུ་རྒྱུས། སྲོག་ནས་ནང་དུ་རིང་དུ་རྒྱུས། ནང་དུ་རིང་དུ་གནས་སྙམ་དུ་བསམ་ཏེ། རྣམ་པ་ངེས་པ་དང་། རྒྱུ་བ་གསང་བའི་བར་དུ་སྦྱང་ངོ་། །གཉིས་པ་ཁྱབ་བྱ་དམིགས་པའི་གནད་ནི། རྩ་གསུམ་འཁོར་ལོ་བཞི་དང་བཅས་པ་རྒྱས་པ་བཞིན་ནམ། རྩ་འདབས་རྐྱང་པ་གང་རུང་གསལ་གདབ་ལ་སྟེང་བླུད་སྣ་གཉིས་ནས་མཉམ་དུ་རྔུབས་པས་རོ་རྐྱང་གཉིས་ནས་རླུང་ཞུགས་ཏེ། དབུ་མའི་མར་སྣར་འཕྲོད་པ་འོག་རླུང་ཅུང་ཟད་འཐེན། ལྟེ་བའི་ཨཾ་ལ་བསྣུན། ༀ་ལས་མེ་འབར་དབུ་མ་ནས་ཞུགས། སྙིང་ཁའི་ཧཱུྃ་དང་མགྲིན་པའི་ཨ་བསྲེས་ནས་སྤྱི་བོའི་ཧཾ་ལ་བསྣུན། དེ་ལས་བྱང་སེམས་བབས། ༀ་དང་ཧཱུྃ་གཉིས་བསྲེས་ནས་ལྟེ་བའི་གོང་གི་སོར་བཞི་ཙམ་དུ་འབར་འཛག་བྱ། སྟེང་རླུང་གཉིས་ཀྱི་བར་དུ་འོག་རླུང་གཅིག་འཐེན་ལ་མནན། མི་ཐུབ་ན་དལ་བུས་བཏང་ལ་སླར་ཡང་སྔར་བཞིན་བྱའོ། །གཉིས་པ་ལྟ་བ་དང་གསུམ་པ་གྲུབ་མཐའ་གཉིས་ནི་རྒྱས་པ་བཞིན་ནོ། །གཉིས་པ་འདའ་ཁ་མ་ལ་གཉིས་ཀྱི་དང་པོ་སྦྱང་བ་ནི། ལས་སྦྱར་དང་གཉིས་པའི་སྔོན་དུ་བླ་མ་སྤྱན་དྲང་བ། གསོལ་བ་གདབ་བ། ཞེན་པ་སྤོངས་པ་རྣམས་གོང་དང་འདྲ། འདིར་འབྱུང་བཞི་ཐིམ་སྡུད་བྱེད་པའི་ཕྱི་ནང་གསང་གསུམ་གྱི་རྟགས་རྣམས་དྲན་པར་བྱས་ལ། དེ་དག་ཀྱང་འོད་གསལ་སྟོང་པ་ཉིད་དུ་ཤེས་པར་བྱས་ཏེ། རང་སེམས་དང་བསྲེས་ལ་རྩེ་གཅིག་ཏུ་བཞག་གོ །གཉིས་པ་ལས་སྦྱར་ནི་འཆི་བའི་ཚེ། འབྱུང་བཞི་ཐིམ་སྡུད་བྱེད་པའི་རྟགས་དང་མཚན་མ་ཐམས་ཅད་དངོས་སུ་འབྱུང་བས་དེ་ཐམས་ཅད་འོད་གསལ་སྟོང་པ་ཉིད་དུ་ཁ་ལོ་སྒྱུར་ཏེ་རང་སེམས་དང་བསྲེས་ཏེ་རྩེ་གཅིག་ཏུ་བཞག །དེ་ལྟར་བྱས་པས་རླུང་
― LT14_Page_227A ―
[མ་དཔེ་གཟིགས་ན་འདིར་གནོན།]
སེམས་ཐམས་ཅད་དབུ་མར་བྱས་ནས་འོད་གསལ་མ་བུ་ངོ་འཕྲོད་དེ་གྲུབ་མཐའ་སྙོག་པར་འགྱུར་རོ། །ལྔ་པ་བར་དོ་ལ་གཉིས་ཀྱི་དང་པོ་སྔོན་འགྲོ་སྦྱང་བ་ནི། བར་དོའ་རྣམ་བཞག་ཐམས་ཅད་བུམ་དབང་གི་སྐབས་བཞིན་དྲན་པར་བྱ། དེ་ཐམས་ཅད་འོད་གསལ་སྟོང་ཉིད་དུ་བསྒྱུར་ནས་སེམས་དང་བསྲེས་ནས་རྩེ་གཅིག་ཏུ་བཞག །ཡང་དེའི་ཚེ་ལྟ་བ་རང་གི་སྟོན་པའི་བླ་མ། དེས་བསྟན་པའི་ལམ་ཙཎྜ་ལི། རང་བྱུང་གི་ཡེ་ཤེས་དངོས་ཏེ་གསུམ་དྲན་པར་བྱའོ། །གཉིས་པ་དངོས་གཞི་ནི། བར་དོའ་གནས་སྐབས་སུ་སྣང་བ་ཐམས་ཅད་དངོས་སུ་འབྱུང་བས་དེ་དུས་ཉམས་ལེན་འདི་བཞིན་བྱ་སྟེ། སྣང་བ་ཐམས་ཅད་ཨ་ལི་ཀ་ལིའི་གཟུགས་སུ་ཤར་ནས་རང་བྱུང་གི་ཡེ་ཤེས་སྐྱེས་ཏེ་གྲུབ་མཐའ་སྙོགས་པར་འགྱུར་རོ། །དྲུག་པ་རྨི་ལམ་གཟུགས་སྦྱང་སོགས་གང་བཞིན་ལ། དེ་དག་ཐམས་ཅད་འོད་གསལ་སྟོང་ཉིད་དུ་སྒྱུར་ནས་དུ་མ་སྒྲོ་བ་དང་། འདིའི་དྲན་པ་གསུམ་དྲན་པར་བྱའོ། །གསུམ་པ་ཤེས་རབ་ཡེ་ཤེས་ཀྱི་ལམ་ལ་དྲུག་གི་དང་པོ་ལ་དལ་འཁོར་ནི། ཐུན་གྱི་སྔོན་དུ་འགྲོ་བ་སོགས་བྱས་ནས་ཕྱག་རྒྱ་སྙོམས་འཇུག་གི་སྦྱོར་བ་བྱས་པས་གཉིས་ཀའི་སྤྱི་བོའི་ཧཾ་ལས་བྱང་སེམས་དཀར་དམར་བྱུང་། དགའ་བཞིའི་རིམ་པས་གསང་བའི་གནས་སུ་ཕབ་ནས་བྱང་སེམས་གཉིས་པོ་ཉི་ཟླ་ཁ་སྦྱར་བ་བཞིན་བྱས་པས་ལྷན་ཅིག་ཡེ་ཤེས་སྐྱེའོ། །སླར་ཡང་མས་བརྟན་གྱི་དགའ་བཞི་ཉམས་སུ་བླངས། འཛག་པ་ཤས་ཆེ་ན་དུད་འགྲོའི་འགྱུར་བ་བཞི་བྱའོ། །གཉིས་པ་ལྟ་བ་དང་། གསུམ་པ་གྲུབ་མཐའ་ནི་རྒྱས་པ་བཞིན་ནོ། །བཞི་པ་འདའ་ཀ་མ་ལ་གཉིས་ཀྱི་དང་པོ་སྦྱང་བ་ནི། བླ་མ་སྤྱན་འདྲེན་སོགས་གོང་བཞིན་དང་། འཁོར་ལོ་ལྔའི་རྩ་མདུད་འཇིག །ཅིང་དངས་མ་སྡུད་ལ་རླུང་མལ་འཆུགས་པའི་ཐིམ་
― LT14_Page_227B ―
[མ་དཔེ་གཟིགས་ན་འདིར་གནོན།]
སྡུད་ཀྱི་རྟགས་འདི་དག་དངོས་སུ་འབྱུང་བས་བདེ་སྟོང་གི་རྣམ་པར་ཉམས་སུ་བླང་། དེ་ལྟར་བྱས་པས་རླུང་སེམས་དབུ་མར་ཞུགས་པའི་རྡོ་རྗེ་སྟོང་པ་དང་སེམས་དཔའ་བདེ་བ་སྟེ། རྡོ་རྗེ་སེམས་དཔའ་དངོས་སུ་བྱོན་ནས་གྲུབ་མཐའ་སྙོགས་པར་འགྱུར་རོ། །ལྔ་པ་བར་དེས་གཉིས་ཀྱི་དང་པོ་སྔོན་འགྲོ་སྦྱོང་བ་ནི། བར་དོའ་རྣམ་བཞག་ཀུན་དྲན་པར་བྱའོ། །གཉིས་པ་དངོས་གཞི་ནི་བར་དོའ། དེ་ཐམས་ཅད་བདེ་སྟོང་དུ་བསྒྱུར་ནས་རང་སེམས་སུ་བསྲེས་ལ་རྩེ་གཅིག་ཏུ་བཞག །འདིར་ལྷན་ཅིག་སྐྱེས་པའི་ཡེ་ཤེས་སྟོན་པའི་བླ་མ། ཕོ་ཉའི་ལམ། ལྷན་ཅིག་སྐྱེས་པའི་ཡེ་ཤེས་དངོས་དང་གསུམ་དྲན་པར་བྱའོ། །གཉིས་པ་དངོས་གཞི་ནི་བར་དོའ་སྐབས་སུ་སྣང་བ་དེ་ཐམས་ཅད་དངོས་སུ་འབྱུང་བས་ཉམས་ལེན་འདི་བཞིན་བྱ། དེ་ལྟར་བྱས་པས་སྣང་བ་ཐམས་ཅད་བྱང་སེམས་མུ་ཏིག་གི་ཕྲེང་བ་ལྟ་བུར་ཤར་ནས་ལྷན་སྐྱེས་ཀྱི་ཡེ་ཤེས་སྐྱེས་ཏེ་གྲུབ་མཐའ་སྙོགས་པར་འགྱུར་རོ། །དྲུག་པ་རྨི་ལམ་ནི་གཟུགས་སྦྱང་སོགས་སྔར་བཞིན་ལ། རྨི་ལམ་གྱི་སྣང་བ་དེ་ཐམས་ཅད་དུ་མ་སྤྲོ་ཞིང་། བདེ་སྟོང་དུ་བསྒྱུར་ནས་འདིའི་དྲན་པ་གསུམ་དྲན་པར་བྱའོ། །བཞི་པ་དབང་བཞི་པའི་ལམ་ལ་དྲུག་གི་དང་པོ་རྡོ་རྗེ་རྦ་རླབས་ལ་གསུམ་གྱི་དང་པོ་ཐབས་རྒྱུད་དག་པ་ནི། སྔོན་འགྲོ་སྔར་བཞིན་ལ། རང་གི་སྤྱི་བོ་ནས་གསང་གནས་ཀྱི་བར་ལ་རྩ་གསུམ་གསལ་གདབ། །ཕྱག་རྒྱ་དང་སྙོམས་འཇུག་གི་སྦྱོར་བ་བྱས་པས། གཉིས་ཀའི་ཧཾ་ལས་བྱང་སེམས་མར་བྱུང་། དགའ་བཞིའི་རིམ་པས་གསང་བའི་གནས་སུ་དབབ་པས་དབུ་མའི་མར་སྣ་བྱང་སེམས་གཉིས་པོ་འདྲེས་ནས་འོད་ཟེར་ལྔའི་རང་བཞིན་དུ་གྱུར། དེ་ཉིད་ཐབས་ཀྱི་རོ་མ་ནས་ཞུགས་སྟེ་ལྟེ་བ། སྙིང་ཁ། མགྲིན་པའི་འཁོར་ལོ་གསུམ་ལངས་བ་བཞིན་ཡལ་ཡལ། ཉི་མ་ཤར་བ་བཞིན་གསལ་གསལ། གློ་བ་བུས་པ་བཞིན་བཏང་
― LT14_Page_228A ―
[མ་དཔེ་གཟིགས་ན་འདིར་གནོན།]
བཏང་སོང་བར་བསམས་ཏེ། ཆོས་གསུམ་ལྡན་དུ་བྱས། དེ་ཉིད་རྣ་བ་གཡོན་པ་ནས་ཐོན་ནས་འཇིག་རྟེན་གྱི་ཁམས་ཐམས་ཅད་འོད་ཟེར་ལྔས་ཁེབས་པར་གྱུར། འོད་ཀྱི་སྣ་ལ་ཀྱཻ་རྡོ་རྗེའི་དལ་དཔག་ཏུ་མེད་པ་སྤྲོས། དེས་སྣོད་ཐམས་ཅད་གཞལ་ཡས་ཁང་དང་བཅུད་ཐམས་ཅད་ལྷར་གྱུར་ནས་དབང་བཞི་བསྐུར་བའི་ཚུལ་གྱིས་སེམས་ཅན་གྱི་དོན་བྱས། དེ་ཐམས་ཅད་འོད་ཟེར་ཁ་དོག་ལྔའི་རྣམ་པར་བསྒྱུར་ནས་སྤྱི་བོ་ནས་ཞུགས་ཏེ། སྤྱི་བོའི་སོགས་འཁོར་ལོ་ཡས་མར་སྔར་བཞིན་གསལ་བཏབ་རོ་མ་ནས་བརྒྱུད་གསང་བའི་གནས་སུ་དབབ་བོ། །དེའང་སྤྱི་བོ་མགྲིན་པར་བྱོན་པས་ཉི་མ་སྟོང་གི་གཟི་བརྗིད་དང་ལྡན། སྙིང་ཁར་བྱོན་པས་བདག་རྒྱུད་ཡི་ཤེས་ལྔར་བྱིན་གྱིས་བརླབས་པའི་རྟགས་འོད་ཟེར་ཁ་དོག་ལྔར་གྱུར་པར་བསམ། དེ་ལྟར་བྱས་པས་རོ་མའི་རྩ་ལམ་དག །བཟུང་རྟོག་རེངས་ཤིང་རོ་མ་དཔང་དུ་འདུས་པས་རྩོལ་བའི་རླུང་ལ་དབང་ཐོབ། རྣམ་པར་ཐར་པའི་སྒོ་མཚན་མ་མེད་པ་མངོན་དུ་བྱས་པར་བསམ་ལ། དེའི་ངང་ལ་མཉམ་པར་བཞག །སླར་ཡང་འོད་ཟེར་རྐྱང་མའི་ལམ་ནས་ཞུགས་ཏེ། རྣ་བ་གཡོན་ནས་སྤྲོ་བ་སོགས་འགྲོ་འོང་ཐམས་ཅད་སྔ་མ་བཞིན་བྱས་པས་འཛིན་རྟོག་རེངས་ཤིང་རྐྱང་མ་དབང་དུ་འདུས་སྲོག་གི་རླུང་ལ་དབང་ཐོབ། རྣམ་པར་ཐར་པའི་སྒོ་སྨོན་པ་མེད་པ་མངོན་དུ་བྱས་པར་བསམ་ལ། དེའི་ངང་དུ་གནས་པར་བཞག །སླར་ཡང་འོད་ཟེར་དུ་དབུ་མ་ནས་འགྲོ་འོང་བྱེད་ཅིང་མས་ཡར་དུས་སུ་སྤྱི་བོའི་འཁོར་ལོ་གསལ་གདབ། གཞན་ཐམས་ཅད་སྔར་བཞིན་བྱས་པས་གཟུང་འཛིན་གཉིས་ཀྱི་རྣམ་རྟོག་རེངས། དབུ་མ་དབང་དུ་འདུས། གནས་པའི་རླུང་ལ་དབང་ཐོབ། རྣམ་པར་ཐར་པའི་སྒོ་སྟོང་པ་ཉིད་མངོན་དུ་བྱས་པར་བསམ་ལ། དེའི་ངང་དུ་མཉམ་པར་བཞག་
― LT14_Page_228B ―
[མ་དཔེ་གཟིགས་ན་འདིར་གནོན།]
གོ །གཉིས་པ་ཤེས་རབ་ཀྱི་རྒྱུད་དག་པ་ནི། སྔར་བཞིན་ལས་ཁྱད་པར་ནི་རོ་རྐྱང་གི་དུས་སུ་རྣ་བ་ནས་འོད་ཟེར་སྤྲོ་བ་མེད་ཅིང་། དབུ་མའི་དུས་སུ་སྤྲོའམ་མ་སྤྲོས་ཀྱང་རུང་ངོ་། །གསུམ་པ་གཉིས་ཀའི་རྒྱུད་དག་པར་བྱ་བ་ནི། ཐབས་ཤེས་གཉིས་ཀྱིས་དབུ་མའི་མར་སྣ་ནས་སོ་སོའ་ཁམས་དཀར་དམར་ཞུགས་པའི་ཚེ། རྩ་གསུམ་ཞུགས་པ་བཟློག་པ་བཞིན་སོང་ནས་གཙུག་ཏོར་མཆོག་ཏུ་ཐིམ་པར་བསམ་མོ། །གཉིས་པ་ལྟ་བ་དང་གསུམ་པ་གྲུབ་མཐའ་ནི་རྒྱས་པ་བཞིན་ནོ། །བཞི་པ་འདའ་ཁ་མ་གཉིས་ཀྱི་དང་པོ་ནི་སྦྱང་གཞི་གོམས་པ་ལ། གསུམ་གྱི་དང་པོ་སྒྲ་ལ་གོམས་པ་ནི། རླུང་གི་སྦྱོར་བ་ཞག་གྲངས་ཞེ་གཉིས་ཀྱི་བར་དུ་གཞུང་ནས་བཤད་པར་བཞིན་བྱ། བུམ་དབང་གི་སྐབས་བཞིན་ལུས་གནད་དང་ལྡན་པས་ཧི་ཀི་ཉི་ཤུས་མགྲིན་པར་དྲངས་ཤིང་། ཉེར་གཅིག་པ་འདིར་མེད་པས་ཧི་ཀི་ཉི་ཤུས་ངལ་བསོ་བར་བྱའོ། །གཉིས་པ་ཕྱིའི་ཡི་གེ་ལ་གོམས་པ་ནི། བཤང་། གཅི། ལྟོ་བ། ཁ། མིག །རྣ་བ། སྤྱི་བོ། །སྤྱི་གཙུག་རྣམས་འཕོས་ན་རིམ་བཞིན། དམྱལ་བ། དུད་འགྲོ། འདོད་ལྷ། ཡི་དྭགས། གནོད་སྦྱིན། མི། མིའམ་ཅི། གཟུགས་ཁམས། གཟུགས་མེད་ཀྱི་ལྷར་སྐྱེ་བས། སྒོ་དགུ་ཡི་གེས་བསྒག་པ་གཞུང་བཞིན་ནོ། །གསུམ་པ་ནང་གི་ཡི་གེ་ལ་གོམས་པ་ནི། ལུས་ལ་རྩ་གསུམ་འཁོར་ལོ་བཞི་དང་བཅས་པ་གཏུམ་མོ་འཁོར་ལོ་བཞི་ལ་སྟོན་པའི་སྐབས་བཞིན་གསལ་ལ། རོ་རྐྱང་གཉིས་སུ་ཨི་བཅུ་དྲུག་ཁ་དོག་དམར་པོ་གྱེན་དུ་ལྟ་བ་དེའི་བར་དུ་ཀ་ལི་སོ་བཞི་ཁ་དོག་དཀར་པོ་མགོ་མཐུར་དུ་བསྟན་པ་བསམ། ཕྱིར་རྒྱུ་རྩོལ་དུས་སུ་ལྟེ་བ་ནས་ཡས་མར་རྩ་གསུམ་འཁོར་ལོ་བཞི། ཡི་ཤེས་རྣམས་གསལ་བཏབ། ནང་རྒྱུ་སྲོག་གི་དུས་སུ་ཡང་སྤྱི་བོ་ནས་བརྩམས་ཏེ། མས་ཡས་
― LT14_Page_229A ―
[མ་དཔེ་གཟིགས་ན་འདིར་གནོན།]
དེ་བཞིན་དུ་གསལ་གདབ་བོ། །གཉིས་པ་ལས་སྤྱིར་ནི། འཆི་བའི་དུས་སུ་ཙོག་པུའམ་སྐྱིལ་ཀྲུང་གང་བདེ་བྱས་ལ། རྩ་གསུམ་འཁོར་ལོ་བཞི། ཡི་གེ་དང་བཅས་པ་གོམས་པའི་དུས་བཞིན་གསལ་གདབ་ལ། ཕྱིར་རྒྱུས་དུས་སུ་རོ་རྐྱང་གཉིས་ཀྱི་རླུང་ཨ་ཡིག་ནས་དབུ་མར་ཞུགས་པར་བསམ། ནང་རྒྱུའི་དུས་སུ་དེ་བཞིན་དུ་ཧཾ་ཡིག་ནས་ཡར་ཞུགས་པར་བསམ། དེ་ལྟར་བྱས་པས་འཆི་བ་འོད་གསལ་གྱི་གནས་སྐབས་སུ་རླུང་སེམས་ཐིག་ལེ་ཐམས་ཅད་དབུ་མར་ཞུགས་པའི་ཚེ་གནས་ལུགས་དེ་ཁོ་ན་ཉིད་ཀྱི་ཉམས་ཤར་ནས་གྲུབ་མཐའ་སྙོགས་པར་འགྱུར་རོ། །ལྔ་པ་བར་དོ་ལ་གཉིས་ཀྱི་དང་པོ་སྔོན་འགྲོ་སྦྱང་བ་ནི་བར་དོའ་རྣམ་བཞག་རྣམས་སྔར་བཞིན་དྲན་པར་བྱས་ལ། དེ་ཐམས་ཅད་གནས་ལུགས་དེ་ཁོ་ན་ཉིད་དུ་ཉམས་སུ་བླངས་ཤིང་རང་སེམས་དང་བསྲེས་ལ་རྩེ་གཅིག་ཏུ་མཉམ་པར་བཞག །དེའི་ཚེ་དེ་ཁོ་ན་ཉིད་སྟོན་པའི་བླ་མ་དྲན་པ། དེས་བསྟན་པའི་ལམ་རྡོ་རྗེའི་རྦ་རླབས་དྲན་པ། ལྟ་བ་དེ་ཁོ་ན་ཉིད་དྲན་པའོ། །གཉིས་པ་དངོས་གཞི་ནི། སྲིད་པ་བར་དོའ་སྐབས་སུ་འཇིགས་པའི་སྒྲ་བཞི་ལ་སོགས་པ་དངོས་སུ་འཆར་བས། དེ་ཐམས་ཅད་ལྟ་བ་ཁོ་ན་ཉིད་ཀྱིས་རྒྱས་བཏབ་ལ། འདིའི་དྲན་པ་རྣམ་པ་གསུམ་དྲན་པར་བྱའོ། །དེ་ལྟར་ཉམས་སུ་བླང་བས་ཅི་སྣང་ཐམས་ཅད་ལྟ་བའི་ངོ་བོར་འཆར་ཞིང་། ལུས་ལ་རྩ་གསུམ་འཁོར་ལོ་བཞི་ཡི་གེ་དང་གསལ་བར་རྫོགས་ནས་གྲུབ་མཐའ་སྙོགས་པར་འགྱུར་རོ། །དེ་ལྟར་ན་དབང་བཞི་ཆར་གྱི་བར་དོའ་སྐབས་སུ་ཉིན་པར་དང་། མཚན་མོའི་དུས་སྐྱེ་ཤི་བར་དོ་དང་། རྨི་ལམ་བར་དོའ་རྣམ་བཞག་རང་རང་གི་སྐབས་བཞིན་ཉམས་སུ་བླང་ངོ་། །དྲུག་པ་རྨི་ལམ་ནི་བཟུང་སྦྱང་སོགས་གང་བཞིན་ལ། སྐབས་དེར་ཅི་སྣང་ཐམས་ཅད་ལྟ་བ་དེ་ཁོ་ན་ཉིད་ཀྱིས་རྩིས་ཟིན་པར་བྱས་ལ་རང་དང་བཅས་པ་དུ་མར་སྤྲོ་ཞིང་སྐབས་འདིའི་དྲན་པ་རྣམ་གསུམ་ཡང་དྲན་པར་བྱའོ།། །།
གདམས་ངག་མཛོད་པོད་ལྔ་པ།
ལམ་འབྲས་བུ་དང་བཅས་པའི་ཁྲིད་ཡིག་འབྲིང་པོའི་ཟིན་བྲིས།
― LT14_Page_230A ―
[མ་དཔེ་གཟིགས་ན་འདིར་གནོན།]
ལམ་འབྲས་བུ་དང་བཅས་པའི་ཁྲིད་ཡིག་འབྲིང་པོ་དཔལ་ཕག་མོ་གྲུ་བའི་གསུང་ལ་བདེ་བར་གཤེགས་པ་དཔལ་སྟག་ལུང་པ་ཆེན་པོས་ཟིན་བྲིས་མཛད་པ་བཞུགས་སོ།།
― LT14_Page_230B ―
[མ་དཔེ་གཟིགས་ན་འདིར་གནོན།]
དབང་བཞི་རབ་རྫོགས་སྐུ་ལྔ་ལྷུན་གྱིས་གྲུབ། །ཕྱི་ནང་མཁའ་འགྲོའི་ཚོགས་ལ་མངའ་བརྙེས་པའི། །རྗེ་བཙུན་རིན་ཆེན་བིར་ཝའི་ཞབས་པད་ལ། །ཡང་དག་གུས་པ་མཆོག་གིས་རབ་བཏུད་ནས། །འདུས་པ་གསུམ་ལ་ཉམས་བཞིའི་གདམས་པ་དེ། །རིན་ཆེན་གསུང་སྒྲོས་ཡི་གེར་གསལ་བར་བྱ། ལམ་འབྲས་ཀྱི་ལུགས་ཀྱི་ནང་ཉམས་མྱོང་མ་སྐྱེས་པར་ཕྱི་སྒྲོ་འདོགས་མི་ཆོད། སྒྲོ་འདོགས་ཆོད་པར་བྱེད་པ་ལ་གཞུང་གདམས་ངག་དང་སྦྱོར་བའི་དུས་སུ་ལུང་དང་མི་སྦྱོར། གཞུང་ལུགས་དང་སྦྱོར་བའི་དུས་སུ་གདམས་ངག་མི་སྦྱོར། ནང་ཉམས་མྱོང་སྐྱེ་བར་བྱེད་པ་ལ། དང་པོ་མཎྜལ་ལ་བརྟེན་ཏེ་ཚོགས་བསགས་པ་དང་། ཡི་གེ་བརྒྱ་པ་ལ་བརྟེན་ཏེ་སྒྲིབ་པ་སྦྱང་བ་གཉིས་སྔོན་དུ་འགྲོ་བ་ནི། དཔེར་ན་སྣམ་བུ་ཞིག་ཆོས་སུ་འཚོད་པ་ཝ་དག་པར་བཀྲུས་ནས་བཅོས་ན་ཚོས་ཁ་གསལ་བ་དང་འདྲ་བར། མི་ཞིག་བླ་ན་མེད་པའི་བྱང་ཆུབ་པར་བྱེད་པ་ལ། ཚོགས་གསོག་པ་དང་། སྒྲིབ་པ་དག་པར་བྱེད་དགོས་པ་ལ། མཎྜལ་གྱི་དུས་སུ་རང་ཡི་དམ་དུ་བསྒོམ། སྤྱི་བོར་བླ་མ་དྲན་པ་ཙམ་བྱ་གསུང་། ཁྲིད་རྒྱས་བསྡུས་གང་བྱེད་ཀྱང་། ཁྲིད་འགོ་ནི་ཡར་གྱི་ཚེས་གསུམ་མམ་ལྔའམ་ཁ་ཡར་ཅིག་ལ་འཇུག །གཏོར་མའང་མཐེབ་སྐྱུ་གསུམ་མམ་ལྔ་པ་བྱ། མཎྜལ་གསུམ་ཡང་འབུལ་ལོ། །ཡི་གེ་བརྒྱ་པ་
― LT14_Page_231A ―
[མ་དཔེ་གཟིགས་ན་འདིར་གནོན།]
ཚར་གསུམ་ཡང་བཟླ། འདིའི་ལུགས་ཀྱི་ཁ་ན་ཡར་ལ་བྱེད་པ་ནི། བླ་མ་ལ་རྟེན་འབྲེལ་གྱིས་བྱེད་པ་མིན་པ་གཞན་མེད་གསུང་། མདུན་གྱི་ནམ་མཁའ་ལ་བདག་མེད་མ་ལྷ་མོ་བཅོ་ལྔ། རྗེ་བིརྦ་པ། ནག་པོ་པ། ཌཱ་མ་རུ་པ། ཨ་ཝ་དྷཱུ་ཏི་པ། ག་ཡ་དྷ་ར། འབྲོག་མི། སེ་སྟོན་ཀུན་རིག །ཞང་དགོན་པ་བ། བླ་མ་ས་སྐྱ་པ་ཆེན་པོ་རྣམས་བཞུགས་པར་བསམས་ལ། མཎྜལ་ཚོམ་བུ་བདུན་པ་དེ་གླིང་བཞི་རི་རབ་ཉི་ཟླ་དང་བཅས་པ་རིན་པོ་ཆེས་གང་བར་བསམ་ཞིང་གྲངས་བཟུང་ནུས་ཚད་འབུལ་བ་ནི་མཎྜལ་ལ་བརྟེན་ཏེ་ཚོགས་བསགས་པའོ། །དེ་ནས་ཡི་གེ་བརྒྱ་པ་ལ་བརྟེན་ཏེ་སྡིག་པ་སྦྱང་བ་ནི། རང་གི་སྤྱི་བོར་པདྨ་དང་ཟླ་བའི་སྟེང་དུ་རྡོ་རྗེ་སེམས་དཔའ་ཞབས་གཡོན་བསྐུམ་པ། ཞབས་གཡས་ཀྱི་མཐེ་བོང་རང་གི་ཚངས་བུག་ནས་མར་རེག་གེ་འདུག་པ། དུང་དང་ཀུནྡ་ལྟར་དཀར་བ། རུས་པའི་རྒྱན་དྲུག་དང་ལྡན་པ། ཞལ་གཅིག་སྤྱན་གསུམ་པ་ཁྲོ་བོའི་ཚུལ་དུ་འདུག་པ། ཕྱག་གཉིས་ཀྱིས་རྡོ་རྗེ་དྲིལ་བུ་བསྣམས་པ་རྡོ་རྗེ་སྙེམས་མ་ལ་འཁྱུད་པ། ཡུམ་སྐུ་མདོག་ཞལ་ཕྱག་རྒྱན་ཆ་ཡབ་དང་འདྲ་བ། མེ་རིའི་ནང་ན་ཕྱག་ཞབས་གཉིས་ཀས་ཡབ་ལ་འཁྱུད་པ། ཞལ་སྦྱོར་དུ་བཞུགས་པ། དེ་ལྟ་བུའི་རྡོ་རྗེ་སེམས་དཔའི་ཐུགས་ཀར་ཟླ་བའི་སྟེང་དུ་ཧཱུྃ་དཀར་པོ་དངུལ་ཆུའི་མདོག་འདྲ་བ་ཞིག་བསམས་ལ། དེ་ལས་འོད་འཕྲོས་པས་རང་བཞིན་གྱི་གནས་ནས་དཔའ་བོ་
― LT14_Page_231B ―
[མ་དཔེ་གཟིགས་ན་འདིར་གནོན།]
མཁའ་འགྲོ་སངས་རྒྱས་བྱང་ཆུབ་སེམས་དཔའི་ཐུགས་ཀ་ནས་གཉིས་སུ་མེད་པའི་ཡེ་ཤེས་ཀྱི་བདུད་རྩི་བཀུག་སྟེ། རྡོ་རྗེ་སེམས་དཔའི་ཚངས་བུག་ན་མར་བྱོན། ལུས་ཀྱི་ནང་སྐྱ་ལྟེམ་གྱིས་གང་ནས། ཞབས་གཡས་པའི་ཤ་དང་སེན་མོའི་བར་ནས་རང་གི་ཚངས་འུག་ན་མར་བྱོན། སྡིག་པ་དང་སྒྲིབ་པ་ཁ་དོག་ནག་པོ་སོལ་ཁུ་ལྟ་བུར་ཡོད་པ་དེ་དྲི་ཆེན་དང་དྲི་ཆུའི་ལམ་དང་སོར་མོ་བཅུའི་བར་ན་མར་དེད་པར་བསམ་ཞིང་། ངག་ཏུ་རྩིས་འཛིན་ལ་ༀ་བཛྲ་སྟྭ་ཧཱུྃ་ནུས་ཚད་བཟླའོ། །དེ་ནས་ཁྲིད་གོང་ལྟར་བྱེད་ཀྱང་བར་ཆད་འོང་ངམ་མི་འོང་གི་རླུང་བལྟ་བ་ནི། རླུང་ཞག་གཅིག་ལ་གཡས་གཡོན་དུ་རྒྱུ་བ་ལན་ལྔ། བལྟ་བའི་དུས་ནི། བླ་མས་བསྟན་པའི་དུས་དེ་རང་དང་། དོ་ནུབ་ཉལ་བ་དང་། ནང་པར་སད་པའི་དུས་དང་། ལམ་མམ་མལ་ནས་བླ་མའི་དྲུང་དུ་འོང་བ་དང་། བླ་མའི་དྲུང་དུ་ཕྱིན་ནས་བླ་མས་དྲིས་པའི་སྔོན་ལ་བལྟ་བ་དང་ལྔའོ། །དེ་ལ་བལྟ་བ་བླ་མས་དྲིས་པའི་དུས་སུ། དེ་གསུམ་གྱི་གྲངས་མ་ནོར་བར་བླ་མ་ལ་བཟླའོ། །བླ་མས་དེའི་ཚེ་སྲོག་དང་སྒྲུབ་པ་ལ་བར་ཆད་འོང་ངམ་མི་འོང་བལྟ་བ་ནི། ཡི་གེ་བརྒྱ་བ་དང་མཎྜལ་ཡང་མ་ཚང་ན་བར་ཆད་འོང་བས་བླ་མ་ལ་དབང་བསྐུར་ཞུ། ཚང་ན་མི་འོང་། རླུང་གཡས་སུ་རྒྱུ་བ་མང་ན་ཚེ་ལ་བར་ཆད་འོང་། སྒྲུབ་པ་ལ་བར་ཆད་འོང་བས། ཁྭ་ཏས་ནུ་མ་བཅུད་ལ་འབོར། །འཕྲལ་དུ་འབྱུང་བ་ངོ་མཚར་ཚེ། ཞེས་པས་ས་དེར་བསླུ་བའི་ཐབས་ནི། ལག་པ་གཡོན་པས་གཡས་པའི་གྲུ་མོ་ལ་བཟུང་ལ་ནུ་མ་གཡས་པ་མནན་ནས་སམ། ཡ་གཅིག་ཀྱང་ལག་པའི་ཞབས་སུ་བཅུག་ལ་ལག་མཐིལ་འགུམ་པ་ལ་བླ་ན་ཏེ་རླུང་གཡོན་དུ་འཕོའམ་བལྟ། འཕོས་ན་ང་སླུས་པ་ཡིན་པས་ཕྱིས་རླུང་ཐུན་རེ་མནན་པས་ཆོག་གོ །གཡོན་དུ་མ་འཕོས་ན་མ་བསླུས་པ་ཡིན་པས་ཐབས་གཞན་བྱའོ། །སྔ་ནས་རླུང་རྒྱུ་བ་གཡོན་མང་ན་ཚེ་སྲོག་ལ་བར་ཆད་མི་འོང་། དེའི་མཎྜལ་བླ་མ་
― LT14_Page_232A ―
[མ་དཔེ་གཟིགས་ན་འདིར་གནོན།]
ལ་ཕུལ་བས་ཚོགས་བསགས་པ་དང་། ཡི་གེ་བརྒྱ་པ་འདོན་པ་ལ་བརྟེན་ནས་སྒྲིབ་པ་སྦྱང་བའོ། །རླུང་གཡས་གཡོན་དུ་རྒྱུ་བ་གོང་གི་ལྟས་ཀྱིས་ཚེ་སྲོག་དང་སྒྲུབ་པ་ལ་བར་ཆད་འོང་ངམ་མི་འོང་བལྟ་བ་དེ་རྟེན་སྒྲུབ་པའོ། །སྒོམ་པ་ལ་སྔོན་དུ་འགྲོ་བའི་ཆོས་དགུ་ནི། དབེན་པ་རྣམ་པ་གསུམ། སྔོན་དུ་འགྲོ་བ་གསུམ། གནད་ལ་དབབ་པ་གསུམ་སྟེ་དགུའོ། །དེ་ལ་དབེན་པ་གསུམ་ནི། ལུས་དབེན་པ་འགྲོ་འདུག་དང་། གཡེང་བ་ངལ་དུབ་སྤང་། ངག་དབེན་པ་སྨྲ་བརྗོད་དང་། འདོན་ཟློས་སྤང་། སེམས་དབེན་པ་ནི། རྣམ་རྟོག་སྤང་། སྐྱོ་ཤས་བསྐྱེད། གནད་ལ་དབབ་པ་གསུམ་ལ། དང་པོ་ལུས་གནད་ལ་དབབ་པ་ནི། སྟན་ཟླ་ཚང་ཅན། རྒྱབ་སོར་བཞིས་མཐོ་བ། མདུན་སོར་བཞིས་དམའ་བར་བྱས་པའི་སྟེང་དུ། ཁྲག་མཁྲིས་ཅན་ཡིན་ན་མཉམ་པའི་སྐྱིལ་ཀྲུང་བྱ། བསམ་གཏན་གྱི་ཡན་ལག་ལྔས་གནས་པར་བྱ། གྲང་བ་ཅན་ཡིན་ན། ལུས་གཏུམ་མོ་བསྒོམ་པའི་འཁྲུལ་འཁོར་བཞིན་ཙོག་བུར་བསྡད། རྐང་པ་བསྣོལ། ལག་པ་སྒོམ་ཐག་བྱ། དེ་ཁང་པའི་རྨེངས་བྱེད་པ་དང་འདྲའོ། །སྔོན་དུ་འགྲོ་བ་གསུམ་ནི། བྱང་ཆུབ་ཀྱི་སེམས་བསྒོམ་པ། ཡི་དམ་གྱི་ལྷ་བསྒོམ་པ། བླ་མ་བསྒོམ་པ་དང་གསུམ་མོ། །དང་པོ་བྱང་ཆུབ་ཀྱི་སེམས་བསྒོམ་པ་ནི། མ་ནམ་མཁའ་དང་མཉམ་པའི་སེམས་ཅན་ཐམས་ཅད་བདེ་བ་དང་ལྡན། སྡུག་བསྔལ་དང་བྲལ། སངས་རྒྱས་ཐོབ་པར་བྱ་བའི་ཆེད་དུ། བདག་གིས་ལམ་འབྲས་བུ་དང་བཅས་པའི་ཁྲིད་བསྒོམ་སྙམ་དུ་བསམས་ལ། ཡི་དམ་བསྒོམ་པ་ནི། ཆུན་ན་བྲེད་ལྔའི་ལྷར་སྐད་ཅིག་གིས་གསལ་གདབ། དེ་མ་ཆུན་ན་རིགས་ལྔར་བསྒོམ། དེའང་མ་ཆུན་ན་ཡི་དམ་དུ་བསྒོམ། ཡི་དམ་མེད་ན་དེའི་དོད་བོ་ཐུགས་མི་བསྐྱོད་པའམ་ཁྲོ་བོ་གང་རུང་རུས་པའི་རྒྱན་དྲུག་དང་ལྡན་པ། རོ་མགོ་གཡོན་དུབསྟན་
― LT14_Page_232B ―
[མ་དཔེ་གཟིགས་ན་འདིར་གནོན།]
པ་ཞིག་གི་གདན་ལ་བཞུགས་པ་གཅིག་ཏུ་བསྒོམ། བླ་མ་བསྒོམ་པ་ནི་སངས་རྒྱས་ཡེ་ཤེས་ཞབས་ཀྱི་གསུང་སྣང་བ་མཐའ་ཡས་དེ་བླ་མའི་ངོ་བོ་ཡིན་གསུངས། རྗེ་བིརྦ་པས་ཐུགས་མི་བསྐྱོད་པ་བླ་མའི་ངོ་བོ་ཡིན་གསུངས་པས། འདིར་ཐུགས་མི་བསྐྱོད་པ་བསྒོམ་པ་ནི། རང་གི་ཐུགས་ཀའི་ཉི་མའམ་ཟླ་བའི་སྟེང་ན་ཧཱུྃ་གནས་པ་ལས་འོད་འཕྲོས་ནས་རང་བཞིན་གྱི་རེས་གཅིག་ངོ་བོ་ནི་བླ་མ། རྣམ་པ་ནི་མི་བསྐྱོད་པ་རྐྱང་པ་མདུན་གྱི་ནམ་མཁའ་ལ་བསམ་ཡང་གསུངས།གནས་ནས་ངོ་བོ་ནི་བླ་མ། རྣམ་པ་ནི་མི་བསྐྱོད་པ་ཡབ་ཡུམ་གཉིས་ཀྱི། ཡབ་ཞལ་གཅིག་ཕྱག་གཉིས་ཀྱི་གཡས་རྡོ་རྗེ་གཡོན་དྲིལ་བུ་བསྣམས་ནས། ཡུམ་མཱ་མ་ཀི་ལ་འཁྱུད་པ། རུས་པའི་རྒྱན་དྲུག་དང་ལྡན་པ། སྤྱན་གསུམ་པ་ཡུམ་ཡང་ཞལ་གཅིག་སྤྱན་གསུམ་པ། ཕྱག་གཉིས་ཀྱི་གཡས་གྲི་གུག །གཡོན་ཐོད་ཁྲག་བསྣམས་ནས་ཡབ་ལ་འཁྱུད་པ། རུས་པའི་རྒྱན་ལྔ་དང་ལྡན་པ། དེ་ལྟ་བུ་ཞིག་སྤྱན་དྲངས་ལ། མདུན་གྱི་ནམ་མཁའ་ལ་བསམས་ལ་ཕྱི་ནང་དེ་ཁོ་ན་ཉིད་ཀྱི་མཆོད་པ་གསུམ་འབུལ་བ་ནི། ཕྱིའི་མཆོད་པ་རང་གི་ཐུགས་ཀའི་ས་བོན་ལས་མར་མེ་ལ་སོགས་པ་སྤྲོས་ནས་མཆོད་པར་བསམ། ནང་གི་མཆོད་པ་ནི། རང་གི་ཐུགས་ཀའི་ས་བོན་ལས་མཁའ་འགྲོ་མ་ལཱ་མ་རེས་གཅིག་མི་བསྐྱོད་པ་རྐྱང་པ་བསམས་ལ། ལུས་ལོངས་སྤྱོད་བུལ་ནས། རང་གི་སྤྱི་བོར་ཐིམ་པ་ལ་བླ་མ་རཏྣ་གསུམ་གྱི་ངོ་བོ་ཡིན་ཨང་སྙམ་པས་ཆོག་ཀྱང་རེས་གཅིག་གསུངས།དུ་མ་སྐྱེས་གཟུགས་ཅན་མ་རྣམས་སྤྲོས་ནས་ཤ་ལྔ་བདུད་རྩི་ལྔ་སྤྲོས་ནས་མཆོད་པར་བསམ། དེ་ཁོ་ན་ཉིད་ཀྱི་མཆོད་པ་ནི། ཡབ་ཡུམ་སྙོམས་འཇུག་ཏུ་བཞུགས་པར་བསམ་པ་ནི། བདེ་བའི་མཆོད་པའོ། །དེ་ནས་ཡིད་ཀྱིས་ནི། བླ་མ་མི་བསྐྱོད་པའི་རྣམ་པ་ཅན་དེ་རང་གི་སྤྱི་བོ་ན་མར་ཐིམ་ནས། མར་མེས་མུན་པ་བསལ་བ་བཞིན་དུ་རང་ལྷར་གསལ་བར་བསམ། ངག་ཏུ་ནི། བླ་མ་སངས་
― LT14_Page_233A ―
[མ་དཔེ་གཟིགས་ན་འདིར་གནོན།]
རྒྱས་བླ་མ་ཆོས། །བླ་མ་ཡང་ནི་དགེ་འདུན་ཡིན། །ཨང་སྙམ་པ་ལན་གསུམ་བསམ། དེ་ནི་སྔོན་དུ་འགྲོ་བ་གསུམ་མོ། །གནད་ལ་དབབ་པ་གསུམ་གྱི། ལུས་གནད་ལ་དབབ་པ་གོང་དུ་ཐལ། གཉིས་པ་ངག་གནད་ལ་དབབ་པ་ནི། གཡས་གཡོན་གྱི་ཕྲག་གོང་མཐོང་བར་སྐེ་གཅུ་ལ་སྣ་སྒོར་ལན་གསུམ་དྲག་ཏུ་བུས་པས། རྩའི་སྐྱོན་བསལ་བ་ནི། ཁང་པ་ཕྱག་བདར་བྱེད་པ་དང་འདྲའོ། །གསུམ་པ་སེམས་ཞི་བ་ལྷུག་པར་ལ་ཤོག་ཙམ་བཞག་པ་ནི། རྟ་ལ་ཤུགས་འབྱིན་པ་དང་འདྲ་སྟེ། སེམས་གནད་ལ་དབབ་པའོ། །དེ་ནི་སྔོན་དུ་འགྲོ་བའི་ཆོས་རྣམ་པ་དགུའོ། །དེ་བསྒོམ་པ་ནི། ཁམས་འདུས་པ་དང་པོ་ལ། རླུང་གཏུམ་མོ་དྲོད་རྟགས་ཀྱི་ལམ་ཁྲིད། ཁམས་འདུས་པ་བར་པ་ལ། ཐིག་ལེ་བདེ་སྟོང་གི་ལམ་ཁྲིད། ཁམས་འདུས་པ་ཐ་མ་ལ། གཉུག་མ་ཡེ་ཤེས་ཀྱི་ལམ་ཁྲིད་པའོ། །འདུས་པ་དང་པོ་སྲོག་དང་རྩོལ་བས་བསམ་གཏན་གྱི་ལམ་ཁྲིད་པ་ནི། ཞི་བ་ལྷུག་པ་ལ་བཞག་པའི་རྟིང་ལ། རླུང་ཕྱིར་རྒྱུ་བ་ནས་མགོ་བཙུགས་ནས། ཕྱིར་རྒྱུས་ནང་དུ་རྒྱུས་སྙམ་པར་བསམ་པ་ཐུན་གྲངས་དང་ཐུན་མཚམས་མེད་པར་བསྒོམ། འཇོག་ཁར་ནང་དུ་རྒྱུས་པ་ལ་བཞག་གོ །རླུང་རྒྱུ་བ་བསམ་པ་ལ་རྔན་གདགས་སྦྱིན་པ་ཟེར་གསུངས། སྔོན་དུ་འགྲོ་བ་དགུ་པོ་བྱས་པའི་རྟིང་ལ་རླུང་གི་འགྲོ་ལྡོག་མི་བརྩི་བར་ཕྱིར་རིང་དུ་རྒྱུས། ཕྱིར་རིང་དུ་རྒྱུས་སྙམ་པ་བཅུ། ནང་དུ་རྒྱུས་སྙམ་པ་རེ། དེ་བཞིན་དུ་སྒ་ར་ར་ཡིད་ཀྱིས་བསམས་ལ། སྒོམ་ཙམ་ན་ཕྱིར་རྒྱུས་པ་ནས་མགོ་གཟུགས། འཇོག་ཙམ་ན་ནང་དུ་རྒྱུས་པ་ལ་བཞག་གོ །དེ་ལྟར་ཐུན་གྲངས་དང་། ཐུན་མཚམས་མེད་པར་བྱའོ། །དེ་ནི་སྐྱོན་ཅན་ཕྱིར་འདོན་པའོ། །ད་ནི་སྐྱོན་ཅན་ནང་དུ་སྦ་བ་བྱ་བ་ཡིན་པས། སྔོན་འགྲོ་དགུ་པོ་འདི་ནམ་ཡང་དགོས་
― LT14_Page_233B ―
[མ་དཔེ་གཟིགས་ན་འདིར་གནོན།]
པས། དེ་སྔོན་དུ་སོང་བའི་རྗེས་ལ་ནང་དུ་རྒྱུས་པར་བསམ་པ་ནས་མགོ་བཙུགས་ལ་ནང་དུ་རིང་དུ་རྒྱུས་ནང་དུ་རིང་དུ་རྒྱུས་སྙམ་པ་བཅུ་བཅུ། ཕྱིར་ཐུང་ངུ་རྒྱུས་སྙམ་པ་རེ་རེ་བྱ། འཇོག་ཙམ་ན་ནང་དུ་རིང་དུ་རྒྱུས་པ་ལ་བཞག་གོ །འདི་པའི་ལུགས་ཀྱིས་ཉམས་སུ་ལེན་པའི་དུས་སུ་སྲོག་རྩོལ་འདིའི་མིང་ནི་རྔན་གདགས་རིམ་གྱིས་སྦྱིན་པ་ཟེར། གཞན་དུ་ནི་སྲོག་གི་རྣལ་འབྱོར་ཅེས་ཟེར། ཡང་རེ་ཞིག་སེམས་མ་ཟིན་ནའང་། འདི་ལྟར་ཡང་བྱ་གསུངས་པས། རླུང་ལྔའི་ཁ་དོག་དང་མེའི་ཁ་དོག་དང་སྦྱར་ལ་མེ་ཁ་དོག་དཀར་པོ་ལ་ཆུ་རླུང་འཛིན་དུ་གཞུག །གཞན་ལ་དེས་འགྲེའོ། །འདི་པའི་ལུགས་ནི་མིན་གསུངས། སྲོག་དང་རྩོལ་བ་བསམ་གཏན་གྱི་ལམ་ལ་བཞི་སྟེ། སེམས་གནས་པའི་གདམས་ངག་སྐྱོན་གང་སྐྱེ་བ་དང་། ཏིང་ངེ་འཛིན་གང་སྐྱེ་བ་དང་། མཐར་ཕྱིན་པའི་ཚད་དོ། །དེ་ལ་གོང་གི་དམིགས་པ་གསུམ་པོའམ་རེ་རེ་ལའང་བཞི་ཀ་ཚང་སྟེ། གསུམ་ཀ་བསྡུས་ན། སེམས་གནས་པའི་གདམས་ངག་ཡིན། རླུང་རྒྱུ་བ་བསམ་པ་ཙམ་གྱིས་སེམས་ཟིན་པ་འཇུག་པ་སེལ་བའི་ལམ། གནས་པ་དེའང་སྟོང་སངས་ཀྱིས་སོང་ན་ཆགས་པ་གཅོད་པའི་ལམ། དེའི་ངང་ལ་དུ་བ། སྨིག་རྒྱུ་ལ་སོགས་པ་མཐོང་ན་བྱང་ཆུབ་ཆེན་པོ་ཟུང་འཇུག་གི་ལམ། སྐྱོན་གང་སེལ་ན། སྲོག་དང་རྩོལ་བ་བསྒོམས་པས་འཆི་བ་བསླུ། སྲོག་དང་རྩོལ་བ་གང་ཞེ་ན། གཡས་ནས་རྒྱུ་བ་རྩོལ་བ། གཡོན་ནས་རྒྱུ་བ་སྲོག །ཕྱིར་རྒྱུ་བ་རྩོལ་བ་ནང་དུ་རྒྱུ་བ་སྲོག་གོ །ཏིང་ངེ་འཛིན་མང་སྐྱེ་ན། ཉམས་བཅོ་ལྔ་པོ་གང་རུང་སྐྱེ་བ་དང་། མཐར་ཕྱིན་པའི་ཚད་ནི། རྒྱུ་བ་ངེས་པ་དང་། རྣམ་པ་གསལ་བ་གཉིས་ཏེ། སྲོག་དང་རྩོལ་བ་གོམས་ནས། ས་རླུང་རྒྱུ་བའི་དུས་སུ་ས་རླུང་རྒྱུས་སྙམ་པ་ནི་རྒྱུ་བ་ངེས་པ། དེའི་དུས་སུ་རླུང་ཁ་དོག་སེར་པོར་མཐོང་བ་ནི་རྣམ་པ་གསལ་བའོ། །མེ་རླུང་ལ་སོགས་པ་བཞི་པོའང་དེས་འགྲེའོ། །དེའི་དུས་
― LT14_Page_234A ―
[མ་དཔེ་གཟིགས་ན་འདིར་གནོན།]
སུ་ཞི་རྒྱས་དབང་དྲག་གི་ལས་གང་བསྒྲུབ་ཀྱང་འགྲུབ་བོ། །རྒྱས་པར་བསྒྲུབ་པར་འདོད་ན། ས་རླུང་རྒྱུ་བའི་དུས་སུ་གོང་བཞིན་བྱའོ། །ཞི་བར་འདོད་ན་ཆུ་རླུང་རྒྱུ་བའི་དུས་སུ། གང་དང་གང་ཡིན་པ་དབང་དུ་བྱ་བར་འདོད་ན། མེ་རླུང་རྒྱུ་བའི་དུས་སུ་གོང་བཞིན་བྱའོ། །དྲག་པོའི་ལས་གང་བསྒྲུབ་པར་འདོད་ཀྱང་རླུང་གི་རླུང་དང་། ནམ་མཁའི་རླུང་རྒྱུ་བའི་དུས་སུ་སྔགས་དང་ཐབས་གཞན་གང་ཡང་མི་དགོས་པར།གང་རྒྱས་པར་འདོད་པ་དེ་རྒྱས་པར་བསམས་ནས། རླུང་མནན་པས་ཆོག་གསུངས། གོང་བཞིན་དུ་བྱས་ན། དྲག་པོའི་ལས་གང་ཡང་འགྲུབ་པར་འགྱུར་རོ། །སྔོན་དུ་འགྲོ་བ་དགུ་པོ་བྱས་པའི་རྗེས་ལ། གཡས་ཀྱི་མཛུབ་གུས་སྣ་བུག་གཡས་མནན་ལ། རླུང་སྣ་བུག་གཡོན་ན་ཕར་ལ་འཕུལ་ཞིང་ཕར་བཀག །དམིགས་པ་སྣ་བུག་གཡོན་པའི་ནང་དུ་གཏད། མ་ཐུབ་ཙམ་ན་སྣ་ནང་ཚུར་ལ་ཧྲིལ་ཧྲིལ་གཏོང་ངོ་། །འདིའི་མིང་ནི་རྩོལ་བ་བཀག་སྟེ་སྲོག་ནས་འདོན་པའོ། །འདི་ལའང་བཞི་སྟེ། རླུང་གནས་པའི་གདམས་ངག་ནི། རྩོལ་བ་བཀག་སྟེ་སྲོག་ནས་འདོད་པ་དེ་རང་ཡིན། སྐྱོན་གང་སེལ་ན་མཁར་ཁང་ཞིག་པ་ལ་སོགས་པའི་ཡེ་འདྲོགས་གློ་བུར་སེལ། ཏིང་ངེ་འཛིན་གང་སྐྱེ་ན་བདེ་དྲོད་སྐྱེ། མཐར་ཕྱིན་པའི་ཚད་ནི། རླུང་ཕར་ལ་བཀག་ནས་ཚུར་ལ་འོང་རྒྱུ་མེད་ན། རླུང་རང་གནས་སུ་ཞི་བ་ཡིན་ཏེ་མཐར་ཕྱིན་པའི་ཚད་དོ། །དེ་ཡང་སྔོན་འགྲོ་དགུ་པོ་བྱས་པའི་རྗེས་ལ། སྣ་གཉིས་ཀ་ནས་ཕར་ལ་རླུང་འཕུལ་ཞིང་བཏང་། དམིགས་པ་སྨིན་མཚམས་སུ་འདི་ལ་གཏད་ཟེར་རྒྱུ་མེད་པར་གཏད་ལ། རླུང་ཕར་བཀག་མ་ཐུབ་ན། སྣ་གཉིས་ནས་ཚུན་ལ་ཧྲིལ་ཧྲིལ་བཏང་ངོ་། །དེ་ལྟར་ཐུན་གྲངས་དང་ཐུན་མཚམས་མེད་པར་བསྒོམ་མོ། །ལར་འདིའི་རེ་རེ་ལའང་བླ་མས་བཞི་བཞིར་བྱེད་དེ་མིང་དང་ལྔར་འདུག་གསུངས། འདིའི་མིང་ནི་ཤུགས་བསྐྱེད་དེ་གཉིས་ཀ་ནས་གདོན་པའོ། །འདི་ལ་བཞི།
― LT14_Page_234B ―
[མ་དཔེ་གཟིགས་ན་འདིར་གནོན།]
སེམས་གནས་པའི་གདམས་ངག་འདི་རང་ཡིན། སྐྱོན་གང་སེལ་ན་འགོ་བའི་ནད་ཐམས་ཅད་སེལ། ཏིང་ངེ་འཛིན་གང་སྐྱེ་ན། ཉམས་བཅོ་ལྔ་པོ་གང་རུང་སྐྱེ། མཐར་ཕྱིན་པའི་ཚད་ནི། རླུང་ཕར་མནན་ནས་ཚུར་ལའང་རྒྱུ་བ་མེད་པར་རང་གནས་སུ་ཞི་བ་སྟེ་མཐར་ཕྱིན་པའི་ཚད་དོ། །སྔོན་འགྲོ་བྱས་པའི་རྗེས་ལ། ཁ་ནས་སྒྲ་བཅས་སུ་འདོན་པ་སྟེ། སོ་བར་དུ་རྟ་རྔ་ཐར་པ་ཙམ་བྱས་ལ་སཾ་ཞེས་ཕར་ལ་རླུང་མནན། སེམས་མི་རྟོག་པ་ལ་དམིགས། རླུང་མ་ཐུབ་ཙམ་ན་ཁ་ན་ཚུར་ལ་ཧྲིལ་ཧྲིལ་བཏང་ངོ་། །འདི་ལའང་སེམས་གནས་པའི་གདམས་ངག་ཁ་ནས་སྒྲ་བཅས་སུ་འདོན་པ་དེ་རང་ཡིན། སྐྱོན་གང་སེལ་ན། ཁྲག་མཁྲིས་ཀྱི་ན་ཚ་སེལ། དེའང་ཁོ་བོས་མྱང་བས་གྲུབ་པས་ཁམས་མ་བདེ་ཚད་པ་སྐྱིས་པའི་དུས་སུ་ཐུན་རེ་བསྒོམ་ཙ་ན་བསིལ་སིང་སིང་བྱུང་གསུངས། ཡོན་ཏན་ཏིང་ངེ་འཛིན་གང་སྐྱེ་ན། ཉམས་བཅོ་ལྔ་པོ་གང་རུང་སྐྱེ་ཟེར་ཏེ། ཁོ་བོས་འདི་ཙུག་བསྒོམས་ཙམ་ན་བདེ་བས་བསྡུས་པའི་གསལ་བ་དེ་སྐྱེ་བར་འདུག་གསུངས། མཐར་ཕྱིན་པའི་ཚད་ནི། རླུང་རང་གནས་སུ་ཞི་བ་སྟེ་གོང་དང་མཐུན། དེར་སྲོག་དང་རྩོལ་བའི་རྒྱུ་བ་རྣམ་པ་གསུམ་དང་གཅིག །ཕྱིར་འདོན་པ་རྣམ་པ་གསུམ་ཐལ། ད་དགང་བ་གཉིས་ཀྱི་དང་པོ་རྩོལ་བ་བཀག་སྟེ་སྲོག་ནས་དགང་བ་ནི། སྔོན་དུ་འགྲོ་བ་བྱས་པའི་རྗེས་ལ་སྣ་བུག་གཡས་པ་མཛུ་གུས་མནན་ལ། རླུང་སྣ་བུག་གཡོན་པ་ནས་ཚུར་ལ་དགང་། དམིགས་པ་སྣ་ཕོར་ནང་དུ་གཏད་ཅིང་བསྒོམ་མོ། །འདི་ལའང་སེམས་གནས་པའི་གདམས་ངག་རྩོལ་བ་བཀག་སྟེ་སྲོག་ནས་དགང་བ་དེ་རང་ཡིན། ཕྲིན་ལས་བཞི་གང་བྱེད་ན། ཐོག་བབས་པའམ་ཁང་པ་ཞིག་པ་ལ་སོགས་པ་ཡེ་འདྲོགས་གློ་བུར་བ་སེལ། ཏིང་ངེ་འཛིན་གང་སྐྱེ་ན། བདེ་དྲོད་གཉིས་བསྐྱེད། མཐར་ཕྱིན་པའི་ཚད། རླུང་རང་གནས་སུ་ཞི་བ་ཡིན་ཏེ་གོང་དང་མཐུན། གཉིས་པ་
― LT14_Page_235A ―
[མ་དཔེ་གཟིགས་ན་འདིར་གནོན།]
ཁ་ནས་སྒྲ་མེད་དུ་དགང་བ་ནི། སྔོན་འགྲོ་དགུ་པོ་བྱས་པའི་རྗེས་ལ། རང་གི་ལྟེ་བའི་རྩ་འདབ་ཀྱི་དབུས་སུ་རྩ་གྲུ་གསུམ་དམར་པོ་ནང་སྟོང་པ་ཞིག་བསམ། དེའི་ནང་དུ་རྩ་སྒོ་ང་གཏུབ་པའི་ཕྱེད་ཚལ་ལྟ་བུ་ཕྱི་དཀར་ལ་ནང་དམར་བ་ཞིག་བསམ། དེའི་ནང་གི་ནམ་མཁའ་སྟོང་པ། མར་སྒོ་ང་ལ་མ་རེག་པའི་ནང་དུ་ཡིན། ཨ་ཐུང་ཡིན་པའི་ཨ་ཤད་སེར་པོ་ཞིག་བསམས་ལ། རང་གི་སོ་བར་དུ་རྟ་རྔ་ཐར་ཙམ་བྱ། རླུང་ཁ་ན་ཚུར་ལ་དགང་ཞིང་། ཨ་ཤད་ལ་ཐིམ་པར་བསམ་པ་མིན་པའི་རླུང་གི་ཁ་དོག་ནི་མི་བསམ་གསུངས། རླུང་དགང་ཟིན་པ་དང་། ཨ་ཤད་ལ་དམིགས་ལ་རླུང་མནན་མ་ཐུབ་ན་སྣར་མི་བཏང་ལ་ཁ་ནས་ཕར་ལ་བཏང་། དེ་ལྟར་ཐུན་གྲངས་དང་ཐུན་མཚམས་མེད་པར་བསྒོམ་མོ། །འདི་ལའང་བཞི། རླུང་གནས་པའི་གདམས་ངག །ཁ་ནས་སྒྲ་མེད་དུ་དགང་བ་དེ་ཡིན། སྐྱོན་གང་སེལ་ན། སྐྲན་དང་མ་ཞུ་བ་སེལ། ཡོན་ཏན་ཏིང་ངེ་འཛིན་གང་བསྐྱེད་ན། ཉམས་བཅོ་ལྔ་པོ་གང་རུང་བསྐྱེད། མཐར་ཕྱིན་པའི་ཚད། རླུང་རང་གནས་སུ་ཞི་བ་ཡིན་ཏེ་གོང་དང་མཐུན། རྦ་རླབས་གསུམ་གྱི་དང་པོ་འོག་སྒོ་བསྐྱོད་པ་ལུས་ཀྱི་རྦ་རླབས་བསྒོམ་པ་ནི། ལུས་རྡོ་རྗེ་སྐྱིལ་ཀྲུང་བཅའ། ལག་པ་མཉམ་བཞག་བྱ། སྒལ་ཚིགས་བསྲང་། མིག་སྣ་རྩེར་ཕབ་ལ་འདིར་ཙོག་བུ་མི་བྱ། སྔོན་འགྲོ་གཞན་གོང་དང་མཐུན། དེ་བརླ་གཡས་པ་དང་པོ་གཡོན་དུ་ཚུར་ལ་བསྐྱོད། དེ་ནས་གཡོན་པ་ཚུར་ལ་གཡས་སུ་བསྐྱོད་པས་རླུང་ངན་ཕྱིར་སོང་ནས་འོག་སྒོ། འོག་རླུང་རང་སོ་བཟུང་བ་ཞེས་བྱ་བས། ད་རུང་འོག་རླུང་ཡར་མི་འཐེན་པར་རང་སོར་བཟུང་། ཚུར་དམ་དུ་འོང་། དེ་ནས་རླུང་སྣ་ནས་ཚུར་ལ་རྔུབས་ལ་རང་གི་ལྟེ་བ་ན་རྩ་མདུད་གྲུ་གསུམ་གློ་ན་ཚུར་བུ་ག་སྔོ་སེང་ངེ་བ་ཞིག་ཡོད་པར་བསམས་ལ་དམིགས་པ་དེ་ལ་གཏད། རླུང་
― LT14_Page_235B ―
[མ་དཔེ་གཟིགས་ན་འདིར་གནོན།]
སྟེང་འོག་ཁ་སྦྱར། ཐུན་གྲངས་དང་ཐུན་མཚམས་མེད་པར་བསྒོམ། རླུང་ཕར་གཏོང་བའི་དུས་སུའང་སྣ་ནས་ཕར་བཏང་། ཚངས་བུག་ཏུ་འགྲོ་བར་བསམ་ཡང་མི་དགོས་གསུངས། འདིའི་མིང་ནི། རྒྱ་གར་སྐད་དུ། ཞི་བ་ཤཱནྟི་ཀ །བོད་སྐད་དུ། ཁ་སྦྱོར་རམ། བུམ་པ་ཅན་ཞེས་བྱའོ། །འདི་ལའང་བཞི། རླུང་གནས་པའི་གདམས་ངག །ཞི་བ་ཤཱནྟི་ཀ་དེ་རང་ཡིན། སྐྱོན་གང་སེལ་ན། རྣལ་མར་བསྒོམས་ན་ནད་འདུ་བ་རྣམ་བཞི་ནམ་མཁའ་ལ་སྤྲིན་དེངས་པ་བཞིན་དུ་འགྲོ། ཡོན་ཏན་ཏིང་ངེ་འཛིན་གང་སྐྱེ་ན། ཉམས་བཅོ་ལྔ་མ་ལུས་པ་བསྐྱེད། མཐར་ཕྱིན་པའི་ཚད། རླུང་རང་གནས་སུ་ཞི་བ་ཡིན་པས་སྟེང་འོག་ཁ་སྦྱོར་ཞིང་བསྒོམས་པས་ཕྱིར་འོང་རྒྱུ་མེད་པ་ཡིན་ཏེ་གོང་དང་མཐུན། འདི་ལའང་ཞག་མང་བར་ཁྲིད་བྱས་ན། དང་པོ་སྐྱིལ་ཀྲུང་ལ་ཞག་གསུམ་ཁྲིད། དེ་ནས་ཕྱིན་གན་དུ་ཉལ་ཞིང་བསྒོམ་པ་ལ་ཞག་གསུམ་དུ་ཁྲིད་དོ། །འདི་ལ་གནད་གསུམ་མ་འཁྲུལ་བ་གལ་ཆེ་གསུངས་པས། གནད་གསུམ་ནི། ཁ་ནས་དགང་རྒྱུ་སྣ་ནས་ཚུར་ལ་བཀག་ནའང་འཁྲུལ། ཁ་ནས་གདོན་རྒྱུ་སྣ་ནས་བཏོན་ནའང་འཁྲུལ། སྣ་ནས་དགང་རྒྱུ་ཁ་ནས་བཀང་ནའང་འཁྲུལ། ཡང་རེས་གཅིག་སེམས་ཞི་བ་ལྷུག་པར་བཞག་ལ། རྐང་པ་སྐྱིལ་ཀྲུང་བྱས་ལ། ལག་པ་གཡས་མདུན་དུ། གཡོན་རྒྱབ་ཏུ་བརྐྱངས། རེས་ཅུང་ཞིག་གཅུ་ཞིང་ཡང་བརྐྱངས། རེས་གཡོན་མདུན་དུ། གཡས་རྒྱབ་ཏུ། དེ་བཞིན་བྱ། དེ་ནས་རྐང་པ་གཡོན་མདུན་དུ། གཡས་རྒྱབ་ཏུ། དེ་བཞིན་བྱ། དེ་ནས་རྐང་པ་གཉིས་ཀྱང་གཡུགས་ཤིང་རྐྱོང་རེས་བྱ། དེ་ལྟར་བྱེད་དུས་སུ་རྩ་ཆད་དོགས་ཡོད་པས། རླུང་ཅུང་ཞིག་བསྡམ་པ་གལ་ཆེ་གསུངས། ཞི་བ་ཤཱནྟི་ཀའི་རིགས་གཅིག་ཡིན་གསུངས། སྣ་ནས་གདོན་རྒྱུ་ཁ་ནས་གཏོང་ནའང་འཁྲུལ། སྲོག་ནས་དགང་རྒྱུ་རྩོལ་བ་ནས་བཀང་ནའང་འཁྲུལ། སྲོག་ནས་བཏོན་རྒྱུ་རྩོལ་བ་ནས་བཏོན་ནའང་འཁྲུལ་པས་དེ་མ་འཁྲུལ་བ་གལ་ཆེ་གསུངས། ཡང་ན་འཁྲུལ་པའི་གནད། མ་འཁྲུལ་པའི་གནད།
― LT14_Page_236A ―
[མ་དཔེ་གཟིགས་ན་འདིར་གནོན།]
ཡོན་ཏན་ཁྱད་པར་ཅན་གྱི་གནད་དང་གསུམ་ལས། དང་པོ་འཁྲུལ་བའི་གནད་ནི་འོག་རླུང་ཡར་འཐེན་ཡང་མ་ཟིན། སྟེང་རླུང་མར་མནན་ཡང་མ་ཟིན་ན་འཁྲུལ་པའི་གནད་ཡིན། འོག་རླུང་ཡར་ལ་འཐེན་ཡང་ཟིན། སྟེང་རླུང་མར་ལ་མནན་ཡང་ཟིན། མ་འཁྲུལ་པའི་གནད་ཡིན། འོག་རླུང་ཡར་འཐེན་པ་ཙམ་གྱིས་སྟེང་རླུང་ཡང་ཟིན། སྟེང་རླུང་མར་མནན་པ་ཙམ་གྱིས་འོག་རླུང་ཡང་ཟིན་ན། ཡོན་ཏན་ཁྱད་པར་ཅན་གྱི་གནད་ཡིན། དེར་དེ་ཡན་ཆོད་དུ་ཅི་ཐལ་ན། སྲོག་དང་རྩོལ་བའི་རྒྱུ་བ་རྣམ་པ་གསུམ་གཅིག་ཏུ་བརྩི་བ་དང་གཅིག །རྩོལ་བ་བཀག་སྟེ་སྲོག་ནས་གདོན་པ། ཤུགས་བསྐྱེད་དེ་གཉིས་ཀ་ནས་གདོན་པ། ཁ་ནས་སྒྲ་བཅས་སུ་གདོན་པ་དང་གདོན་པ་རིགས་གསུམ། ཁ་ནས་སྒྲ་མེད་དུ་དགང་བ་དང་། རྩོལ་བ་བཀག་སྟེ་སྲོག་ནས་དགང་བ་དང་དགང་བ་རིགས་གཉིས། ཁ་སྦྱོར་ཞིང་ཤཱན་ཏི་ཀི་རླུང་གནས་པའི་ཡན་ལག་ཡིན་པ་དང་བདུན་གྱིས། ལམ་ན་བཞི། སྦྱོར་བ་ན་རྣམ་པ་བདུན་ཐལ། འདུས་པ་དང་པོ་རླུང་གཏུམ་མོ་དྲོད་རྟགས་ཀྱི་ལམ་ཁྲིད་པའི་རླུང་གི་སྦྱོར་བ་བདུན་ཐལ། དབའ་རླབས་གསུམ་གྱི་འོག་སྒོ་བསྐྱོད་པ་ལུས་ཀྱི་རྦ་རླབས་ཐལ། ཏིང་ངེ་འཛིན་སེམས་ཀྱི་དབའ་རླབས་དབང་གསུམ་པའི་སྐབས་སུའང་འདིར་མི་འོང་། ངག་ཞི་རགས་འདྲེན་པ་ངག་གིས་དབའ་རླབས་བསྒོམ་པ་ནི། སྔོན་དུ་འགྲོ་བ་བྱས་པའི་རེས་གཅིག་རིམ་གྱིས་ཁྲིད་པས་ཁ་སྦྱོར་ཞི་བ་ཤཱན་ཏི་ཀའི་རིང་ལ་ལམ་བཞི་བསྒོམ་པས་ཉམས་བཞི་སྐྱེད་པར་བྱེད་པ་ཁྲིད་པ་ནི། རང་ཡི་དམ་གྱི་ཐུགས་ཀར་ཧཱུྃ་མཐིང་ནག་ཅིག་བསམ། དེ་གྱུར་པ་ལས་མི་བསྐྱོད་པ་ཡབ་ཡུམ་དུ་བསམ་པའི་ཡབ་ཀྱི་སྤྱན་དབུས་ལ་དམིགས་པ་གཏད་ཅིང་ཡང་ཡང་བསྒོམ། རླུང་མི་བསྒོམ་ཡང་གསུངས། རེས་གཅིག་མི་བསྐྱོད་པའི་སྤྱན་དབུས་མ་ལ་གཏད་ཅིང་བསྒོམས་པའི་རྟིང་ལ། ལུས་སྟོང་པའི་ནང་དུ་མེ་དམར་སྐྱ་བསྒོམ་ཡང་གསུངས།རྗེས་ལ་སྐྱིལ་ཀྲུང་མི་བྱ། ཙོག་པུར་བསྡད་པའི་པུས་མོའི་བར་ལ་མར་ལ་མགོ་གཏད་ལ། ངག་ཏུ་ཧཱུྃ་ཞེས་ཞི་
― LT14_Page_236B ―
[མ་དཔེ་གཟིགས་ན་འདིར་གནོན།]
བ་དྲངས་ལ། མགོ་ཇེ་བཀྱག་ལ་བཏང་ངོ་། །གཡས་དང་གཡོན་དུ་ཡང་དེ་ལྟར་ཞི་བ་དྲང་ངོ་། །ཡང་པུས་མོ་གཉིས་ཀྱི་བར་ན་ཧཱུྃ་ཞེས་རགས་པ་དྲང་ངོ་། །གཡས་དང་གཡོན་དུའང་དེ་ལྟར་རགས་པ་དྲང་ངོ་། །ཁམས་སྙོམས་མ་སྙོམས་བྱུང་ན། ཁམས་དང་སྦྱང་ལ་རགས་པ་བཞག་ལ་ཞི་བ་དྲང་། དེ་ལྟར་ཐུན་གྲངས་དང་ཐུན་མཚམས་མེད་པར་བསྒོམ། འདི་མན་ཆད་ལ་སྐྱོན་ཡོན་གྱི་བཤད་པ་མེད་གསུངས། སྔོན་འགྲོ་དགུ་པོ་མ་ལུས་པར་བྱས་པའི་རྗེས་ལ། རང་གི་སྙིང་དེ་སྟོང་པར་བསམ་པའི་ནང་དུ་ཐུགས་མི་བསྐྱོད་པ་སྐུ་མདོག་མཐིང་ནག་ཞལ་གཅིག །སྤྱན་གསུམ་པ་ཕུག་རོན་གྱི་མིག་འདྲ་བ་དམར་ཀྱི་ལི་བ། མཆེ་བ་བཞི་གཙིགས་པ། རལ་པའི་ཅོད་པན་ཅན། ཕྱག་གཉིས་ཀྱི་གཡས་རྡོ་རྗེ། གཡོན་དྲིལ་བུ་རྡོ་རྗེ་ལ་ཡུ་བ་བྱས་པ་བསྣམས་ནས་ཡུམ་ལ་འཁྱུད་པ། ཞབས་གཡས་བརྐྱངས། གཡོན་བསྐུམས་ནས། སྙིང་སྟོང་པར་ཟེར་ཀྱང་པདྨ་འདབ་བརྒྱད་དུ་ཡོད་པ་ལ་བྱས་ནས་བཞུགས་པ། རུས་པའི་རྒྱན་དྲུག་དང་ལྡན་པ་དེ་ལྟ་བུ་ལ་ཡུམ་ཆུ་ཡོངས་སུ་དོག་པ་མཱ་མ་ཀི་ཡང་སྐུ་མདོག་ཞལ་སྤྱན་མཆེ་བ་ཡབ་དང་འདྲ་བ་ཕྱག་གཉིས་གཡས་གྲི་གུག་གཡོན་ཐོད་ཁྲག་བསྣམས་ནས་ཡབ་ལ་འཁྱུད་པ། རུས་པའི་རྒྱན་ལྔ་དང་ལྡན་པའི་ཡུམ་དེ་ལྟ་བུ་དང་སྙོམས་པར་འཇུག་པར་ངེས་མ་པའམ། མི་བསྐྱོད་པ་ཐུགས་ཀར་བསམ་པ་ལ་དམིགས་ལ་རླུང་སྟེང་འོག་ཁ་སྦྱར་ལ་གོང་བཞིན་བསྒོམ་མོ། །སྔོན་འགྲོ་བྱས་པའི་རྗེས་ལ་རང་གི་མགྲིན་པར་གསུང་སྣང་བ་མཐའ་ཡས་སྐུ་མདོག་དམར་བ། ཕྱག་གཡས་ན་པདྨ། གཡོན་ན་པདྨས་ཡུ་བ་བྱས་པའི་དྲིལ་བུ་བསྣམས་ནས་ཡུམ་མེ་ན་བཟའ་དཀར་མོ་ལ་འཁྱུད་པ། གཞན་ཡབ་ཡུམ་གྱི་ཞལ་ཕྱག་རྒྱན་ཆ་ལུགས་ཐམས་ཅད་གོང་དང་མཐུན་ནོ། །སྒོམ་ལུགས་ཀྱང་གོང་དང་མཐུན། སྤྱི་བོར་སྐུ་རྣམ་པར་སྣང་མཛད་སྐུ་མདོག་དཀར་པོ་ཕྱག་གཡས་ན་འཁོར་ལོ་དཀར་པོ། གཡོན་པ་དེས་ཡུ་བ་བྱས་པའི་དྲིལ་བུ་བསྣོམས་
― LT14_Page_237A ―
[མ་དཔེ་གཟིགས་ན་འདིར་གནོན།]
ནས་ཡུམ་ཆོས་ཀྱི་དབྱིངས་ཀྱི་དབང་ཕྱུག་མ་ལ་འཁྱུད་པ། འདིའི་ཡང་ཡབ་ཡུམ་ཐམས་ཅད་རྒྱན་ཆ་ལུགས་ཞལ་ཕྱག་སྒོམ་ཐབས་ཐམས་ཅད་གོང་དང་མཐུན་ནོ། །ལྟེ་བ་རིན་ཆེན་འབྱུང་ལྡན་སྐུ་མདོག་གསེར་བཙོ་མ་འདྲ་བ་ཕྱག་གཡས་རིན་པོ་ཆེ་གཡོན་དེས་ཡུ་བ་བྱས་པའི་དྲིལ་བུ་བསྣམས་ནས་ཡུམ་ས་རྣམ་པར་དག་པ་སྤྱན་མ་ལ་འཁྱུད་པ། འདིའི་ཡང་རླུང་གི་སྒོམ་ཐབས་ཐམས་ཅད་གོང་དང་མཐུན་ནོ། །གསང་གནས་སུ་དོན་ཡོད་གྲུབ་པ་སྐུ་མདོག་སྔོན་པོ་ཕྱག་གཡས་ན་རྡོ་རྗེ་རྒྱ་གྲམ་བསྣམས་པ། གཡོན་པ་དེས་ཡུ་བ་བྱས་པའི་དྲིལ་བུ་བསྣམས་ནས་ཡུམ་རླུང་དམ་ཚིག་སྒྲོལ་མ་ལ་འཁྱུད་པ། གཞན་ཡབ་ཡུམ་གྱི་ཞལ་ཕྱག་རྒྱན་ཆ་ལུགས་བཞུགས་ཚུལ། རླུང་གི་སྒོམ་ཐབས་སྔོན་འགྲོ་ཐམས་ཅད་གོང་གི་མི་བསྐྱོད་པའི་སྒོམ་ཐབས་དང་འདྲ། ཡུམ་ཐམས་ཅད་ཁ་དོག་རང་རང་གི་ཡབ་དང་འདྲ། ཀུན་གྱིས་ཀྱང་གཡས་གྲི་གུག །གཡོན་ཐོད་ཁྲག་བསྣམས་ནས་ཡབ་ལ་འཁྱུད་པ་ཡིན། ཁྲིད་ཡུན་རིང་དུ་བྱེད་ན། འདི་རྣམས་རེ་རེ་ལའང་ཞག་གསུམ། འབྲིང་ལྔ། ཐ་མ་དགུ། དེ་ཙམ་བྱེད་པ་ཡིན། ལུས་སྟོང་པའི་ནང་དུ་མེ་དམར་སྐྱ་བསྒོམ་པ་ནི། སྔོན་འགྲོ་བྱས་པའི་རྗེས་ལ། རང་གི་ལུས་དེ་སྟོང་པར་བསམ་པའི་ནང་དུ་ཅི་ཙུག་བྱུང་ཆ་མེད་པར་མེ་དམར་སྐྱ་ཞིག་གིས་ལྷག་གིས་གང་ནས། བ་རྟའི་སྒྲོ་ཕྱིར་སྒྱུར་བྱས་པ་བཞིན་དུ་བསམས་ལ། ཡང་རེས་གཅིག་དེ་ལྟར་མི་གསལ་ན། གེགས་སེལ་ཡིན་པས་འདི་ལྟར་བྱ་གསུངས་པས། ཡི་དམ་དུ་གསལ་གདབ་པའི་སྤྱི་བོར་བླ་མ་བསྟིམ་པས་ལྟེ་བར་ཨ་སེར་པོ། །ཐུགས་གར་ཧཱུྃ་སྔོན་པོ། །མགྲིན་པར་ཨཱཿདམར་པོ། །སྤྱི་བོར་ༀ་དཀར་པོ། །གསང་གནས་སུ་ཏཱཾ་ལྗང་གུ་དེ་རྣམས་ཀྱུར་གྱིས་གྱུར་པ་ལས། རིན་འབྱུང་། མི་བསྐྱོད་པ། སྣང་བ་མཐའ་ཡས། རྣམ་སྣང་། དོན་གྲུབ་ཡབ་ཡུམ་རྣམས་རིམ་པ་བཞིན་དུ་གསལ་གདབ་ཅིང་བསྒོམ། དེ་ནི་ཡོན་ཏན་ཏིང་ངེ་འཛིན་སྣང་སྟོང་མཐར་ཐུག་པ་བསྐྱེད། སྐྱོན་ལུས་ལ་མཚན་
― LT14_Page_237B ―
[མ་དཔེ་གཟིགས་ན་འདིར་གནོན།]
མི་སྡུགས་པ་ཡོད་ན་དག་པ་འབྱུང་། མཐར་ཐུག་གི་ཚད་རེག་པ་དང་། སྣང་བའི་མཚན་མ་འོང་སྟེ། དཔེར་ན་ནག་བསྒོམ་བསོད་ནམས་རྒྱལ་མཚན་བཞིན་ནོ། །རླུང་སྟེང་འོག་ཁ་སྦྱར་ལ། ཐུན་གྲངས་དང་ཐུན་མཚམས་མེད་པར་བསྒོམ་མོ། །ཁྲིད་འབྲིང་དུ་བྱེད་ན། རླུང་གི་དམིགས་པ་བདུན་པོ་དང་གཏུམ་མོའི་མགོ །ཁྲིད་བྱེད་ཙམ་ན་འདི་ཡིན་པས། འདི་དང་གསང་གནས་ནས་མེ་འབར་བ་དང་སྒྲོལ་ལ་ཁྲིད་དོ། །དབང་གསུམ་པའི་བསྒོམ་པ་ནི། སྔོན་དུ་འགྲོ་བ་བྱས་པའི་སྟིང་ལ། བདག་ཉིད་ཧེ་རུ་ཀར་བསྒོམས་པའི་མདུན་དུ་མིའི་བུ་མོ་ངོ་བོ་ནི་བདག་མེད་པའམ། ཇོ་མོ་རྡོ་རྗེ་རྣལ་འབྱོར་མའམ་མཱ་མ་ཀི་ཡིན་པ་གཟུགས་དང་ལོང་ཚོ་དང་ལྡན་པ། སྐུ་སྟོད་ཀྱི་ཤ་ཤིན་ཏུ་མཁྲིགས་ལ་ནུ་མ་འབུར་བ། སྨད་ཀྱི་ཤ་ཤིན་ཏུ་རྒྱས་ལ་ཟླུམ་པ། རྐེད་པ་མཁྲིག་མ་གང་ཡོད་པ། སྐྲ་སེར་ལ་ལྡི་བ་དེ་ལྟ་བུ་ཞིག་བསམ་པ་དེ་དང་ལྷན་ཅིག་སྙོམས་པར་ཞུགས་པར་བསམ། ཐིག་ལེ་ཉམས་ཉམས་འདྲ་ན་ཧཱུྃ་གིས་ཡར་དྲངས་ཤིང་བསྒོམ། ཡང་ན་བསྒྲད་པའི་མཐས་ཀྱང་བསྲུང་གསུངས། དེ་ལྟར་སྲོག་དང་རྩོལ་བས་བསམ་གཏན་གྱི་ལམ་བཙལ་བའི་རླུང་གི་སྦྱོར་བ་བདུན་པོ་ཐལ། ལམ་བཞི་བསྒོམས་པས་ཉམས་བཞི་སྐྱིད་པར་བྱེད་པ་ལ། དང་པོ་བསྐྱེད་པའི་རིམ་པ་དབྱིབས་བསྒོམ་པ་ཐལ། གཏུམ་མོ་ཙཎྜ་ལཱི་བསྒོམ་པ་ཐལ། དཀྱིལ་འཁོར་འཁོར་ལོ་ཐབས་ཀྱི་ལམ་དབང་གསུམ་པ་ཡང་ཐལ། ནས། རྡོ་རྗེ་དབའ་རླབས་གསུམ་དུ་རེངས་པའི་ལམ་བསྒོམ་པ་ནི། སྔོན་དུ་འགྲོ་བ་བྱས་པའི་རྟིང་ལ། རང་ཡི་དམ་ཧེ་རུ་ཀ་གང་རུང་བསྒོམས་པའི་མདུན་དུ་ངོ་བོ་ནི་ཇོ་མོ་རྣལ་འབྱོར་མའམ། བདག་མེད་མའམ། རང་གང་མོས་སུ་བསམ་པའི་རྣམ་པ་ནི་མིའི་བུ་མོ་པད་ཅན་མའམ། རི་དྭགས་ཅན་མ་ལྟ་བུ། ཤ་རྩ་དམར་སེར་དུ་འདུག་པ། རྐང་ལག་གི་མཐིལ་དམར་བ། སྐྲ་སེར་ལ་ལི་བ། སྟོད་ཀྱི་ཤ་འཁྲིགས་ལ་ནུ་མ་འབུར་བ། སྨད་ཀྱི་ཤ་
― LT14_Page_238A ―
[མ་དཔེ་གཟིགས་ན་འདིར་གནོན།]
རྒྱས་ལ་ཟླུམ་པ། རྐེད་པ་ལ་ལག་པའི་མཁྲིགས་མ་གང་ལས་མེད་པ། གསུང་ཁུ་བྱུག་གི་སྐད་དང་འདྲ་བ་དེ་ལྟ་བུ་དང་རང་སྙོམས་པར་ཞུགས་པར་བསམས་ལ། རེས་གཅིག་ཐིག་ལེ་ཉམས་ཉམས་འདྲ་ན། ཧཱུྃ་གིས་ཡར་དྲངས་ཤིང་བསྐྲད་པའི་མཐས་བསྲུང་བ་བྱ། རང་གི་རྩ་གསུམ་གྱི་གཡས་དམར་བ། གཡོན་དཀར་བ། དབུ་མ་ཕྱི་དཀར་ནང་དམར་བ་གསུམ་ཀའི་མར་སྣ་གསང་བའི་རྡོ་རྗེ་ལ་ཐུག་པ། ཡར་སྣ་ཧཾ་ལ་ཞུག་པར་བསམས་ལ། ཐིག་ལེ་དཀར་དམར་གཉིས་ཀ་རང་གི་རྩ་གསུམ་གྱི་ནང་ན། ཧཾ་ལ་ཐིམ་པར་བསམ། ཐིག་ལེ་ཉམས་པའི་ཚད་ནི། དེ་མི་དགོས་ཀྱང་གསུང་པ། རང་གི་ཐིག་ལེ་ཡུམ་གྱི་མཁའ་ཀློང་དུ་ཕྱིན་ནས་དེ་ནས་ཐིག་ལེ་དཀར་དམར་གཉིས་ཁ་ཁ་རང་རང་གི་རྩ་དབུ་མ་ནས་ཧཾ་ལ་ཐིམ་ནས་འགྲོས་བཞི་ཐིམ་པའི་རྟེན་འབྲེལ་རྫོགས་ཨང་སྙམ་དུ་བསམ་ཞིང་རླུང་སྟེང་འོག་ཁ་སྦྱར་ལ་བསྒོམ་མོ། །སྔོན་དུ་འགྲོ་བ་བྱས་པའི་རྗེས་ལ། རང་གི་མདུན་དུ་རིག་མ་མཚན་དང་ལྡན་པ། གོང་གི་ཇི་སྐད་བཤད་པ་ལྟ་བུའི་ཕྱག་རྒྱ་ཞིག་བསམ། དེའི་སྨིན་མཚམས་སུ་དམིགས་པ་གཏད་ལ་རང་རླུང་སྟེང་འོག་ཁ་སྦྱར་ལ་བསྒོམ། མགྲིན་པ་དང་། སྙིང་ག་དང་། ལྟེ་བ་དང་། གསང་གནས་སུའང་རེས་གཅིག་ཡང་མི་གསུངས།གཏད་ཅིང་རླུང་སྟེང་འོག་ཁ་སྦྱར་ལ་བསྒོམ། དེ་རྣམས་རི་མོས་བྱས་ཤིང་བསྒོམ། སྲོག་དང་རྩོལ་བ་བསམ་གཏན་གྱི་ལམ་ཁྲིད་པའང་ཐལ། ལམ་བཞི་བསྒོམས་ནས་ཉམས་བཞི་བསྐྱེད་པའང་ཐལ་ནས། ཁམས་འདུས་པ་དང་པོ་ལ། རླུང་གཏུམ་མོ་དྲོད་རྟགས་ཀྱི་ལམ་ཁྲིད་པ་གོང་གི་དེའང་ཡིན་ཡང་མགོ་འདི་ཡིན་གསུང་བས་སྔོན་དུ་འགྲོ་བ་བྱས་པའི་རྗེས་ལ་རེའུ་མིག་ལྟར་བསྣོལ་བའི་ཙོག་པུ་འཕོངས་སོར་བཞིས་མཐོ་བར་འདིའི་ལུགས། ལག་ལ་སྒོམ་ཐག་བྱས་ནས་རྐང་པའི་རྒྱུ་ཞབས་ཀུང་ཀུང་གི་ནང་དུ། རམ་སྐོང་བུའམ་གྲུ་གསུམ་ཉིས་བརྩེགས་སམ། གང་རུང་རེ་བསམ་
― LT14_Page_238B ―
[མ་དཔེ་གཟིགས་ན་འདིར་གནོན།]
ནས། དེ་ལས་མེ་ཁྱུག་ཁྱུག་བརླའི་རྩ་བོ་ཆེའི་ནང་ནས་གསང་གནས་ན་ཡར་ལ་མེ་སོར་བཞི་ཙམ་འབར་བ་ལ་དམིགས་ལ། འོག་སྒོ་ཡར་ཐོན། མར་ཕུལ་ཡར་ཡར་འཐེན། མར་འཕུལ་ལ་རླུང་ངན་ཕྱིར་ཕུད་ལ། ས་ན་ཚུར་འོག་སྒོ་བསྡམས་པ། སྟེང་སྒོ་མར་མནན་ལ། མེ་ལ་དམིགས་ལ་ཐུན་གྲངས་དང་ཐུན་མཚམས་མེད་པར་བསྒོམ་མོ། །རེག་གཅིག་གྲངས་ཅན་གྲངས་མེད་པ་ལ་མེ་སྐོར་བུ་ནས་གྲངས་ཅན། །རེས་གཅིག་དང་པོ་སྟེང་རླུང་མར་མནན། དེ་ལ་འོག་རླུང་ཡར་འཐེན་གསུངས། འདིའི་དུས་སུ་ཡང་གྲངས་མེད་ཡིན་པ་ལ། ཁྲིད་ཡུན་རིང་བར་བྱེད་ན་གསང་གནས་ནས་མེ་འབར་བ་འདི་ནས་གྲངས་ཅན་བྱེད་དགོས་པ་ཡིན་པས། རླུང་ཐུན་གཅིག་གི་ནང་དུ་འདིར་བརྩིར་མེད་པ་བཅུ་གཉིས་ལ་སོགས་པ་བརྩེ་བ་གཉིས་གཉིས། མང་མེད་ལ་དམིགས་པ་མིན་པའི་མི་བརྩི་བར་རླུང་ཐུན་གཅིག་མནན། དེ་བཞིན་དུ་མི་བརྩི་བར་རླུང་མནན་པ་བཅུ་གཉིས། བར་བར་དུ་བཅུ་གཉིས་ལ་སོགས་པ་བཅུ་གཉིས་བར་དུ་བརྩི་ཞིང་། རླུང་ཐུན་རེ་མནན་པའི་རླུང་གྲངས་ཅན་བཅུ་གཉིས་མནན། གྲངས་མེད་ཐུན་བཅུ་གཉིས་མནན་པའི་རླུང་གྲངས་ཅན་གྲངས་མེད་པ། ཉི་ཤུ་རྩ་བཞི་ལ་ཐུན་གཅིག་ཏུ་བརྩིས་པའི་ཐུན་བཞིའི་དེས་པ་བསྒོམ་མོ། །འདིའི་མིང་ནི་གསང་གནས་ནས་མེ་འབར་བ་ཟེར། སྔོན་དུ་འགྲོ་བ་བྱས་ནས། གསང་གནས་ཀྱི་རེས་གཅིག་འདི་ཐམས་ཅད་གྲངས་ཅན། གྲངས་མེད་འཕྲུལ་འཁོར་ལ་སོགས་གོང་དང་འདྲ། དམིགས་པ་འཕྲོ་བ་ཐིག་ལེའི་འཐབ་མོ་ཡིན། རླུང་ཕྱིར་བཏང་བའི་རྟིང་ལ་ཐིག་ལེ་གཉིས་གསང་གནས་ཀྱི་རྩེ་མོའི་སྟེང་དུ་བརྩེགས་མར་འདུག་པར་བསམ་གསུངས།མེའི་སྟེང་དུ། མེའི་རྡོག་པོ་རིལ་མ་ཙམ་ཞིག་བསམ། ལྟེ་བའི་ཐད་སོའ་ནམ་མཁའ་སྟོང་པ་ལ་ཡང་མེའི་རྡོག་པོ་རིལ་མ་ཙམ་ཞིག་བསམས་ལ། སྟེང་རླུང་འོག་ཁ་སྦྱར་བ་ཙམ་གྱིས་མེའི་རྡོག་པོ་གཉིས་ཐུག་ནས། ཁོང་པའི་ནང་ཐམས་ཅད་མེས་དམར་ཐག་གིས་གང་བར་བསམ། རླུང་ཕྱིར་གཏོང་ཙ་ན་མེ་གཉིས་ཁ་ཁ་མལ་དུ་ཕྱིན་པར་བསམ་ཞིང་ཐུན་གྲངས་དང་ཐུན་མཚམས་མེད་པར་བསྒོམ། འདིའི་མིང་ནི་ཐིག་
― LT14_Page_239A ―
[མ་དཔེ་གཟིགས་ན་འདིར་གནོན།]
ལེ་གཉིས་ཀྱི་འཐབ་མོ་ཟེར། འདི་མན་ཆད་ལ་ཐུན་གྲངས་དང་ཐུན་མཚམས་མེད་གསུང་པས། འདི་མན་ཆད་ལ་ཐུན་གྲངས་དང་ཐུན་མཚམས་ཀྱང་ཡོད་གསུངས། སྔོན་འགྲོ་ཐམས་ཅད་བྱས་པའི་རྗེས་ལ། རང་གི་གསང་གནས་ཀྱི་མེ་སོར་བཞི་བའི་སྟེང་དུ་ཐིག་ལེ་གཉིས་བརྩེགས་ནས་སྤྱིར་སོར་བརྒྱད་ཡོད་པས། ལྟེ་བའི་ཐད་སོར་སླེབ་བའི་སྟེང་དུ། མེའི་སྐོར་བུ་མཁལ་མ་ལ་སོར་གསུམ་གྱིས་ཅུང་མ་སླེབ་པ་ཞིག་བསམས་ལ། རླུང་སྟེང་འོག་ཁ་སྦྱར་བ་ཙམ་གྱིས་མེ་དེ་གཡོན་དུ་ཀྱི་ལི་ལི་འཁོར་བ་ལ་དམིགས་ཤིང་རླུང་མནན་པ་གཅིག །ཡང་མདུན་དུ་རེས་གཅིག་འདི་ནས་སྐོར་བུ་རེ་རེའི་རྩེ་མོར་ཧཱུྃ་གཉིས་གཉིས་ཡོད་པར་བསམ་ཞིང་། ཕྱིའི་ཕྱག་རྒྱ་མ་མི་བསམ། རྩིས་ཀྱི་གྲངས་ཅན་གྲངས་མེད་གོང་བཞིན་བསྒོམ་གསུངས།གོང་དུ་ཇི་ལྟར་བཤད་པ་ལྟ་བུའི་ཕྱག་རྒྱ་གཟུགས་དང་ལང་ཚོ་ལྡན་པ་ཞིག་བསམ། སྒོས་སུ་འདིར་གཏད་ཟེར་རྒྱུ་ནི་མེད། གཟུགས་སྤྱི་ལ་དམིགས་ལ་རླུང་ཐུན་གཅིག་མནན། དེ་བཞིན་དུ་རེས་མོས་ནང་དུ་མེ་འཁོར་བ་ལ་དམིགས་པ་བཅུ་གཉིས་ཀྱི་ཕྱག་རྒྱ་ལ་དམིགས་པ་བཅུ་གཉིས་དང་། ཉི་ཤུ་རྩ་བཞི་ཐུན་གཅིག་ཏུ་བྱས་པའི་བཞིར་བསྒོམ་མོ། །འདིའི་མིང་ནི་མེ་སྐོར་བུ་ཟེར། སྔོན་དུ་འགྲོ་བར་བྱས་པའི་རྗེས་ལ། ལྟེ་བའི་འོག་ཏུ་གོང་དུ་ཇི་ལྟར་བཤད་པའི་མེ་སྐོར་བུའི་རྩེ་མོ་བཞིར་ཧཱུྃ་མེའི་རང་བཞིན་སོར་རེ་བ་ཙམ་བཞི་བསམས་ནས་གཡོན་དུ་འཁོར་བ། རེས་འགའ་ཧཱུྃ་ལ་མེ་གཅུ་ཞིང་འབར་བར་མང་བསམ། སྐོར་བུའི་རྩེ་མོར་ཧཱུྃ་ཡོད་མེད་དེ་མིན་པའི་གོང་མ་དང་ཁྱད་མེད་དོ། །སྔོན་འགྲོ་བྱས་ནས་སྐོར་བུའི་རྩེ་མོ་བཞིར་ཧཱུྃ་གཉིས་གཉིས་བརྒྱད་བསམས་ནས་གཡོན་དུ་འཁོར་བ་དང་། ཕྱག་རྒྱ་ལ་དམིགས་པ་དང་། ཐུན་གྲངས་དང་ཐུན་ཚད་གོང་དང་འདྲ། སྔོན་དུ་འགྲོ་བ་ཐམས་ཅད་བྱས་ནས། རང་གི་ལྟེ་བའི་སྐོར་བུའི་སྣེ་མོ་རེ་རེ་ལའང་ཧཱུྃ་དམར་ཤད་དེ་བ་
― LT14_Page_239B ―
[མ་དཔེ་གཟིགས་ན་འདིར་གནོན།]
མགོ་སྤྲད་ནས་སྐོར་བུ་ལ་ཚུར་བསྟན་པའི་བཞི་ཡོད་པར་བསམ། རེས་གཅིག་མེའི་སྐོར་བུ་སྣེ་མོར་ཧཱུྃ་བཞི་བཞི་རེ་ནི་བསམ། སྐོར་བུའི་ལྟེ་བའི་མེ་དེ་ནི་མི་བསམ་ཞིང་། རྩིས་ཀྱི་གྲངས་ཅན་དང་གྲངས་མེད་ཐམས་ཅད་གོང་དང་འདྲ། བདེ་བ་ཤས་ཆུང་ན་གསང་སྔགས་ཀྱི་ལམ་བདེ་བ་ཡིན་པས། བར་བར་དང་སྐབས་སུ་བདེ་བ་བོགས་འདོན་བྱ་གསུང་བས། བདེ་བ་ཆུང་ན་མདུན་དུ་ཕྱག་རྒྱ་མ་རང་གང་མོས་པའི་གཟུགས་དང་ལང་ཚོ་ལྡན་པ་ཞིག་བསམ་ཞིང་། རྩིས་ཀྱི་གྲངས་ཅན་གྲངས་མེད་སྒོམ་པའི་དུས་སུ་བར་བར་དུ་དེ་ལ་ཕྱིར་སེམས་གཏད་གསུངས། སྐོར་བུའི་ལྟེ་བ་ན་མེ་རྩེ་ལྔ་པ་སོར་བཞི་ཙམ་ཞིག་འབར་བར་བསམ་ཞིང་བསྒོམ། གཞན་ཐུན་གྲངས་ལ་སོགས་པ་ཐམས་ཅད་གོང་དང་ཁྱད་མེད་འདྲའོ། །འདིའི་མིང་མེ་འབར་བ་ཟེར། ཧཱུྃ་བཞིས་ཕྱག་རྒྱ་དང་སྦྱར་ན་དགའ་བཞི་མཚོན། ཧཱུྃ་བརྒྱད་ཀྱིས་དགའ་བ་དང་སྦྱར་ན་དགའ་བ་བརྒྱད་མཚོན། ཧཱུྃ་བཅུ་དྲུག་གིས་ཐིག་ལེ་དང་སྦྱར་ན་དགའ་བ་བཅུ་དྲུག་མཚོན། སྔོན་འགྲོ་བྱས་ནས། རང་གི་ལྟེ་བའི་སྐོར་བུའི་སྟེང་གི་མེ་སོར་བཞི་རྩེ་ལྔ་པ་དེ་ཡར་ནི་རིང་དུ་མ་སྐྱེས་རེས་གཅིག་ལ་སྐོར་བུའི་སྣ་སོར་བཞི་ལྟེ་བ་དང་ལྔར་མེ་མཛུབ་རེ་ཙམ་པ་ལྔ་ཡར་འབར་བར་བསམ། གཞན་ཐམས་ཅད་གོང་དང་འདྲའོ། །མེའི་འཁོར་ལོ་གསུང་། རེས་གཅིག་ཀྱང་འདི་རང་གི་རྟིང་ལ་མེ་རྩེ་ལྔ་པ་དེ་ཡར་སྐྱེས་ནས་སྙིང་ག་ཙམ་ན་ཡར་འབར་བ་ལ། ཧཱུྃ་མེའི་རང་བཞིན་ཆུང་ངུ་ན་ཆར་པ་བཞིན་བབ་པས་ལུས་ཀྱི་ནང་གང་བར་བསམ་ཞིང་བསྒོམ། འཁོར་རང་མི་བསམ། གཞན་ཐམས་ཅད་ཐུན་ལ་སོགས་པ་གོང་དང་འདྲའོ། །རེས་གཅིག་མེ་རྩེ་ལྔ་པ་དེ་ཡར་སྐྱེས་ནས་མགྲིན་པར་སླེབ་པ་ལ། ཨཱཿམེའི་རང་བཞིན་ཅན་གྱི་ཆར་བབ་པར་བསམ། གཞན་སྔོན་འགྲོ་ལ་སོགས་པ་མེ་ཆེར་འབར་བ་ཐམས་ཅད་གོང་དང་འདྲ་གསུང་། རེས་གཅིག་ཀྱང་གཞན་ཐམས་ཅད་གོང་དང་འདྲ། མགྲིན་པའི་མེ་དེས་རང་གི་ཚངས་བུག་ནས་ཕྱི་ནང་སྣོད་བཅུད་དངོས་པོ་ཐམས་ཅད་མེ་འབར་བར་བསམ་ཞིང་བསྒོམ། འདིའི་མིང་ནི་མ་ལུས་པ་མེར་འབར་བ་ཞེས་གསུངས། རྩེ་མོ་ཕྱིར་འཁྱིལ་ནས་མཚོན་ཆའི་འཁོར་ལོའ་དབྱིབས་འདྲ་བའི་ཟུར་དྲུག་པ་ཞིག་གི་ཟུར་རེ་རེའི་སྟེང་དུ་ཧཱུྃ་སོར་ངེ་
― LT14_Page_240A ―
[མ་དཔེ་གཟིགས་ན་འདིར་གནོན།]
བ་ཙམ་རེ་རེ་དྲུག་བསམས་པ། རླུང་སྟེང་འོག་ཁ་སྦྱར་བ་ཙམ་གྱིས་འོག་གི་སྐོར་དུ་ནི་མི་འཁོར། སྟེང་གི་མེའི་འཁོར་ལོ་ཟུར་དྲུག་པ་དེ་གཡས་སུ་བསྐྱོད་གཡོན་དུ་བསྐྱོད་པར་བསམ་པ་ལ་ཐུན་གཅིག །ཡང་གོང་གི་ཇི་ལྟར་བཤད་པའི་ཕྱག་རྒྱ་ལ་དམིགས་ནས་རླུང་མནན་པ་ཐུན་གཅིག །ཡང་ནང་གི་མེའི་འཁོར་ལོ་སྐྱེས་ནས་ལུས་གང་བ་ལ་དམིགས་པ་གཅིག །དེ་ལྟར་ནང་དུ་གོང་བཞིན་བཅུ་གཉིས། ཕྱག་རྒྱ་ལའང་དམིགས་པ་བཅུ་གཉིས་གོང་བཞིན་རེས་མོས་བྱའོ། །སྔོན་དུ་འགྲོ་བ་ཐམས་ཅད་བྱས་ནས། རང་ལྟེ་བའི་སྟེང་གི་མེའི་འཁོར་ལོ་དེ་སྐྱེས་ནས། སྙིང་གའི་སྟེང་ན་ཡར་སོར་བཞི་ཙམ་འབར་བ་ཡིན། མེ་སྟག་ཡིན་ཡང་ཨཱ་ལི་ཀཱ་ལིའི་རྣམ་པ་མེའི་ཕྲོམ་ཕྲོམ་བྱེད་པ། དེའང་ལྷག་པར་ཨཱ་ལིའི་རྣམ་པར་བྱེད་པར་བསམས་ལ་རླུང་ཐུན་གཅིག་མནན། ཡང་མེས་ལུས་ཐམས་ཅད་གང་བར་དམིགས་ལ་རླུང་ཐུན་གཅིག་མནན། དེ་ལྟར་ཐུན་བཅུ་གཉིས་རེ་ཉི་ཤུ་རྩ་བཞི་གོང་བཞིན་བྱ། ཕྱིར་ལ་ཕྱག་རྒྱ་ལ་དམིགས་པ་འདིར་མི་དགོས་གསུངས། སྔོན་འགྲོ་བྱས་ནས། རང་གི་སྙིང་གའི་མེ་དེ་མགྲིན་པ་ན་ཡར་ལ་འབར་ནས་རྩེ་མོ་དེ་པདྨ་འདབ་མ་བཅུ་དྲུག་པ་བཞིན་དུ་ཡོད་ནས། འདབ་མ་རེ་རེའི་སྟེང་ན་ཨཱ་ལི་བཅུ་དྲུག་གཡོན་སྐོར་དུ་མེའི་རང་བཞིན་དུ་སོང་བར་བསམས་ལ། རླུང་གོང་བཞིན་དུ་ཐུན་གྲངས་གོང་བཞིན་བསྒོམ་མོ། །སྔོན་འགྲོ་ཐམས་ཅད་བྱས་ནས། རང་གི་མགྲིན་པའི་མེ་པདྨ་བཅུ་དྲུག་པ་འདྲ་བའི་སྟེང་ན་ཡར་མེ་མར་མེ་ལྔ་འབར་ལྟ་བུའི་རྩེ་ལྔ་པ་ཞིག་ཧཾ་ལ་ཅུང་མ་སླེབ་པ་ཙམ་དུ་འབར་བར་བསམས་ལ། རླུང་མནན་པ་དང་ཐུན་གྲངས་གོང་དང་མཐུན་ནོ། །སྔོན་འགྲོ་བྱས་ནས་རླུང་ཐུན་གཅིག་མནན། རང་གི་ལུས་སྤྱི་མེ་འབར་བ་ལ་ཐུན་གཅིག་དམིགས་པ་གཏད། ཡང་རླུང་ཐུན་གཅིག་མནན། ཕྱིར་ལ་ཕྱག་རྒྱ་གོང་དུ་ཇི་ལྟར་བཤད་པ་ལྟ་བུ་ཞིག་ལ་དམིགས་པ་གཏད། དེ་ལྟར་ཐུན་གྲངས་དང་སྒོམ་ཐབས་གོང་དང་འདྲའོ། །
― LT14_Page_240B ―
[མ་དཔེ་གཟིགས་ན་འདིར་གནོན།]
སྔོན་འགྲོ་བྱས་ནས། སྟོང་གསུམ་ཙམ་མེར་འབར་བ་ལ་དམིགས་ལ་རླུང་གོང་ལྟར་བྱའོ། །མེ་འབར་བ། ཆེར་འབར་བ། སྟོང་གསུམ་ཙམ་འབར་བ་ཞེས་བྱའོ། །དེ་ལྟར་རླུང་བརྔན་དགས་རིམ་གྱིས་སྦྱིན་པ་ཞེས་བྱ་བ་སྲོག་དང་རྩོལ་བ་བསམ་གཏན་གྱི་ལམ་བཙལ་བའི་རླུང་གི་དམིགས་པ་བདུན་པོ་དེ་ཁྲིད་བསྡུས་པ་བྱེད་ན་འདུས་པ་གསུམ་ཀ་ལ་འོང་བ་ཡིན་པ་ལ། འདིར་རྒྱས་པ་བྱེད་པས་འདུས་པ་གསུམ་གང་ལའང་མ་གཏོགས་སོ། །སྲོག་དང་རྩོལ་བ་བསམ་གཏན་གྱི་ལམ་ཁྲིད་པ་སྔོན་དུ་འགྲོ་བ་ཡིན། འདུས་པ་དང་པོ་ལ་རླུང་གཏུམ་མོ་དྲོད་རྟགས་ཀྱི་ལམ་ཁྲིད་པས་རླུང་། གཏུམ་མོ་བསྒོམས་པས་རླུང་ལོག་དེས་རྩ་དྲལ། དེས་གཏུམ་མོའི་མེ་འབར་བས་ཁམ་བྱང་ཆུབ་ཀྱི་སེམས་བཞུས་པས་ལྷན་སྐྱེས་ཀྱི་བདེ་བའི་ཉམས་བསྐྱང་ངོ་། །དེར་བདེ་བ་མ་སྐྱེས་ན། འདུས་པ་བར་པ་ལ་ཐིག་ལེ་བདེ་སྟོང་ཉམས་ཀྱི་ལམ་ཁྲིད་པའི་དུས་སུ་བདེ་བ་སྐྱེ་བར་བྱེད་པའི་ཐབས་ནི། གོང་དུ་རང་གིས་མཐོང་མཐོང་བའི་མིའི་བུ་མོ་གཟུགས་དང་ལང་ཚོར་ལྡན་པ་རང་གང་ཆགས་པ་གཅིག་གམ་བཅུ་ལ་སོགས་པ་སྔོན་འགྲོ་བྱས་ནས། མདུན་དུ་ཡོལ་བས་བཅད་པའི་རྒྱབ་ཏུ་བསམས་ལ། ཁྲོ་མོ་རྣལ་འབྱོར་མ་དྲན་ཙམ་བྱ། དེ་ནས་ཆགས་པའི་མེ་སྦར། ཐིག་ལེ་དབབ། བགྲད་པའི་མཐས་བསྲུང་། གསང་ཐུབ་པར་བྱ། ཞེས་བཞི་ཡོད་པ་ལས། དང་པོ་ཆགས་པའི་མེ་སྦར་བ་ནི། མདུན་གྱི་ཕྱག་རྒྱ་དེ་བཤུག་གླུ་ལེན་པ་དང་། རྩེད་མོ་བྱེད་པ་ལ་སོགས་པའི་སྒྲ་ལ་ཉན་པ་དང་། གཟུགས་ལ་བལྟས་པས། ལྷན་སྐྱེས་ཀྱི་བདེ་བ་ཅི་སྐྱེ་བྱ། དེས་བདེ་བ་མ་སྐྱེས་ན། ཐིག་ལེ་དབབ་པ་ནི། རང་གི་ལག་པའི་མཐེ་བོང་གཉིས་ཚངས་པའི་ནང་དུ་བཙུག་ལ། ཁུ་ཚུར་བཅངས་ལ་བྲང་དུ་བསྣོལ། མིག་གཉིས་ནམ་མཁའ་ལ་བཏས་ལ། ལུས་དུམ་ཙམ་བསྒུལ། དེ་ནས་ཐིག་ལེ་ཉམས་ཚད་ན། བགྲད་པའི་མཐས་བསྲུང་བ་ནི།
― LT14_Page_241A ―
[མ་དཔེ་གཟིགས་ན་འདིར་གནོན།]
མིག་དང་ལག་པ་གོང་ལྟར་བྱས་ལ། ལྟེ་བ་སྒལ་པ་ལ་བཅར་ལ། རོ་སྟོད་དུམ་ཞིག་བསྒུལ་ལོ། །དེ་ནས་གསང་ཐུབ་པར་བྱ། ཞེས་པ་ནི། སྔགས་པ་ཡིན་ན་ལྷན་ཅིག་ཏུ་གནས་པར་མི་བྱ། དཀའ་ཐུབ་ཡིན་ན། ཡོལ་བའི་ནང་དུ་ཕྱག་རྒྱ་དེ་མི་བསམ་མོ། །དེ་ལྟར་བདེ་བ་མ་སྐྱེས་ཀྱི་བར་དུ་ཐུན་གྲངས་དང་ཐུན་མཚམས་མེད་པར་བསྒོམ། རླུང་མནན་མི་དགོས་སོ། །དེ་ལྟར་བྱས་པས་དགའ་བ་བཅུ་དྲུག་སྐྱེས་ན་དེས་ཆོག །མ་སྐྱེས་ན་ཡང་འདི་ལྟར་བྱ། སྔོན་དུ་འགྲོ་བ་བྱས་ནས་རང་གི་སྣ་བུག་གཉིས་ནས་ཕར་ལ་རླུང་སྔོ་ནར་གྱིས་བྱུང་། མདུན་དུ་ཡོལ་བའི་རྒྱབ་ཏུ་ཕྱག་རྒྱ་གོང་བཞིན་བསམ་པའི་སྣ་གཉིས་ན་ཕར་སོང་། གསང་གནས་ནས་ཚུར་བྱུང་། ཡང་རང་གི་སྣ་ནས་ཕར་སོང་། དེ་ལྟར་སྒ་ར་ར་ཐུན་གྲངས་ཐུན་མཚམས་མེད་པར་བྱའོ། །སྔོན་དུ་འགྲོ་བ་བྱས་ནས། རང་གི་མདུན་གྱི་ཡོལ་བའི་ནང་དུ་གོང་བཤད་པའི་ཕྱག་རྒྱ་དེ་བསམས་ལ། དེའི་ལུས་ལ་ནི་མི་རེག་པར་རྟ་བོང་ལ་སོགས་པའི་ཆགས་པའི་གཏམ་བྱ་བར་བསམ། སྨིན་མཚམས་དང་། མགྲིན་པ་དང་། ནུ་མ་གཉིས་ཀྱི་བར་དང་། ལྟེ་བ་དང་། གསར་གནས་ལ་སོགས་པ་གང་ཆགས་པའི་སར་བལྟ་ཞིང་། རྩེད་མོ་དང་ཀུ་རེ་ཆགས་པའི་གཏམ་བྱ་ཞིང་གཟུགས་ལ་བལྟ། སྒྲ་ལ་ཉན། དེ་ལྟར་ཆགས་པའི་མེ་སྦར་བས། བདེ་བ་སྐྱེས་ནས་ཐིག་ལེ་ཉམས་ཚད་ན། བསྒྲད་པའི་མཐས་བསྲུང་བ་གོང་བཞིན་བྱ། དེ་ནས་གསང་ཐུབ་པར་བྱ་བ་ནི། ཕྱག་རྒྱ་དང་ལྷན་ཅིག་ཏུ་སྙོམས་པ་བཞུགས་པར་མི་བསམ་མོ། །རླུང་ནི་གནོན་མེ་དགོས་པའི་ཐུན་གྲངས་དང་། ཐུན་མཚམས་མེད་པར་བསྒོམ་མོ། །ཕྱག་རྒྱ་བཞིའི་དབང་དུ་བྱས་ན། བཞི་ལ་སོ་ལས་ཀྱི་ཕྱག་རྒྱ་མངོན་གྱུར་ལ་བརླབ་པ་ནི། སྔགས་པས་དངོས་སུ་ཕྱག་རྒྱ་བསྟེན་པ་ཡིན། ཆོས་ཀྱི་ཕྱག་རྒྱ་ལྐོག་གྱུར་ལ་སློབ་བཞི། སྒོམ་པའི་དུས་ཀྱི་རྩལ་དམིགས་པ་དེ་རང་ཡིན། ཡེ་ཤེས་ཕྱག་རྒྱ་རང་སྣང་གི་རིག་པ་ལ་བསླབ་པ་ནི། ད་ལྟ་མདུན་དུ་བསམས་ནས་ཁྲིད་པ་འདི་རང་ཡིན། ཕྱག་རྒྱ་ཆེན་པོ་གཉིས་སུ་མེད་པ་ལ་
― LT14_Page_241B ―
[མ་དཔེ་གཟིགས་ན་འདིར་གནོན།]
བསླབ་པ་ཡིན། འདི་པའི་ལུགས་ཀྱིས་ཕྱེད་དང་བཅུ་གསུམ་ན་གྲུབ་པ་ཐོབ་པའི་དུས་ལ་ཕྱེད། འདི་ཡང་བླ་མས་རིག་ཙམ་གསུང་བཟུང་བ་ཡིན་གསུངས། དེར་མ་མཐོང་བའི་སྒྲ་ལ་བསླབ་པ་ཐལ། མཐོང་བའི་གཟུགས་ལ་བསླབ་པ་ཐལ་ནས། སྔོན་དུ་འགྲོ་བ་བྱས་ལ། གོང་གི་ཕྱག་རྒྱ་གཟུགས་དང་ལང་ཚོར་ལྡན་པ་དེ་ཇོ་མོར་བསམས་ལ། དེའི་ནུ་མ་མཉེ་བ་དང་། བགད་བཞད་བྱེད་པར་བསམ་ཞིང་ཆགས་པའི་མེ་སྤར། དེས་བདེ་བ་སྐྱེས་ན་ཐིག་ལེ་ཕེབས་ནས་ཉམས་ཚད་ན། གོང་བཞིན་བགྲད་པའི་མཐས་བསྲུང་། གསང་ཐུབ་པར་བྱ་བ་ནི། ད་རུང་ཡང་ལྷན་ཅིག་ཏུ་སྙོམས་པར་ཞུགས་པར་མི་བྱའོ། །སྔོན་དུ་འགྲོ་བ་བྱས་ནས་གོང་གི་ཕྱག་རྒྱ་དེའི་གསང་བ་དང་། རང་གི་གསང་བ་གཉིས་འཕྲད་ཙམ་འཕྲད་ཙམ་བྱེད་པར་བསམ་ཞིང་བསྒོམ། ད་རུང་སྲུབ་པ་དང་སྲུབ་པའི་སྦྱོར་བ་བྱེད་པ་ནི་མིན། དེར་ཆགས་པའི་མེ་སྤར་བས་ཐིག་ལེ་ཕེབས་ནས་ཉམས་ཚད་ན་གོང་བཞིན་བསྒྲདབསྐྲད་པའི་མཐསམཐུས་བསྲུང་། གསང་ཐུབ་པར་བྱ་བ་ནི། ཐིག་ལེ་ཉམས་སུ་མི་བོ་ལ་ཀཀྐོ་ལ་བཅུག་པའོ། །དེས་དགའ་དང་། དགའ་བྲལ་བསྙན་ནས། དེས་ལྷན་ཅིག་སྐྱེས་པའི་ཡེ་ཤེས་མ་སྐྱེས་ན། སྔོན་ཏུ་འགྲོ་བ་བྱས་པའི་རྗེས་ལ་གོང་གི་ཆོས་བཞི་འདིར་ཡོད་དགོས་པས། དང་པོ་ཆགས་པའི་མེ་སྤར་བས། སྲུབ་པ་དང་། སྲུབ་པའི་སྦྱོར་བ་བྱས་པས། ཐིག་ལེ་ཕེབས་ནས་ཉམས་ཚད་ན། འདི་ལམ་འབྲས་རང་གི་ལུགས་ཡིན་གསུངས། ཉམས་སུ་མི་བཅུག་པར་བསྒྲདབསྐྲད་པའི་མཐས་བསྲུང་བ་གོང་བཞིན་བྱ། གསང་ཐུབ་པར་བྱ་བ་ནི། ཐིག་ལེ་ཉམས་སུ་མི་བཅུག་པ་ཡིན་ནོ། །དེས་ཀྱང་ལྷན་ཅིག་སྐྱེས་པའི་ཡེ་ཤེས་མ་སྐྱེས་ན་སྐྱེ་བའི་ཐབས་ནི། སྔོན་དུ་འགྲོ་བ་བྱས་ལ། གོང་གི་ཆོས་བཞི་འདིར་ཡང་དགོས་པས། དང་པོ་ཆགས་པའི་མེ་སྤར་བས་ལྷན་ཅིག་སྙོམས་པར་ཞུགས་ནས། ཐིག་ལེ་དབབ་པའི་ཐབས་སྲུབ་པ་དང་སྲུབ་པའི་སྦྱོར་བ་བྱས་ལ། དེས་ཐིག་ལེ་ཕེབས་ནས་གཉིས་ཤོར་གཉིས་མ་ཤོར་བའི་དུས་སུ་བསྒྲདབསྐྲད་པའི་མཐས་བསྲུང་བས་གཉིས་མ་ཤོར་བ་འདི་དགྱེས་རྡོར་བའི་ལུགས་
― LT14_Page_242A ―
[མ་དཔེ་གཟིགས་ན་འདིར་གནོན།]
ཡིན་གསུངས།དེའི་དུས་སུ་རྟགས་ཅི་འོང་ན་བཤང་བའི་ལམ་ཚལ་འཚུབ་པའམ་སྤུ་ཟིང་ཟིང་བ་འོང་། ཐིག་ལེ་གཉིས་ཤོར་གཉིས་ལུས་པའི་དུས་དེར་ཐིག་ལེའི་ཟུག་མི་བཟོད་པས་ངུ་བའི་སྐད་འོང་བདེ་བ་དེ་ལྟ་བུ་འོང་བའི་དུས་སུ། སྟོང་པ་དང་ཟུང་དུ་འཇུག་པའི་ཐབས་ལ། རང་གི་རྩ་གཉིད་ལོག་མཛུ་གུས་མནན་ན་མི་རྟོག་པར་འགྲོ་བས། གོང་གི་ལྷན་ཅིག་སྐྱེས་པའི་ཡེ་ཤེས་སྐྱེས་ཟེར་བ་དེ་དེ་ཡིན་གསུངས། ཐིག་ལེ་གཉིས་དེ་མ་ཤོར་བ་ལ་གསང་ཐུབ་ཟེར། དེས་ཁམས་འདུས་པ་བར་པ་ལ་ཐིག་ལེ་བདེ་སྟོང་ཉམས་ཀྱི་ལམ་ཁྲིད་པ་དེ་ཚར་བ་ཡིན། ད་དེ་ཡུལ་སྣང་སྟོང་ཟུང་འཇུག་གི་ཏིང་ངེ་འཛིན་མ་སྐྱེས་ན། ད་འདུས་པ་ཐ་མ་ལ་སྐྱོན་མེད་གཉུག་མ་ཡེ་ཤེས་ཀྱི་ལམ་ཁྲིད་པ་ནི། མཚོ་མཚེའུའི་འགྲམ་དུ་འགྲོ་ལ། སྔོན་དུ་འགྲོ་བ་བྱས་ལ། ཤིང་ངམ། རྡོའི་གྲིབ་མ་མཚོ་འམ། མཚེའུ་ཡི་ནང་ན་མར་ལ་ཤར་བ་ལ། སྔ་དྲོ་ཁ་ཤར་དུ་གྱུ། ཕྱི་འཕྲེད་ནུབ་ཏུ་གྱུ་ལ་བལྟ། ཡང་སེམས་ཞི་བ་ལྷུག་པ་ལ་བཞག །ཡང་རྡོའམ་ཤིང་ལ་བལྟ་ཞིང་བསྒོམ། ཡང་སེམས་ཞི་བ་ལྷུག་པ་ལ་བཞག །དེ་གསུམ་སྒ་ར་ར་བྱ། ཡུན་རིང་དུ་ཁྲིད་བྱེད་ན་དེ་རེ་རེ་ལའང་ཤོག་རེ་བསྒོམ་པ་ཡིན་གསུངས། དེས་ཡུལ་སྣང་སྟོང་ཟུང་འཇུག་གི་ཏིང་ངེ་འཛིན་སྐྱེའོ། །ཤེས་པ་གསལ་སྟོང་ཟུང་འཇུག་གི་ཏིང་ངེ་འཛིན་མ་སྐྱེས་ན་སྐྱེ་བའི་ཐབས་ནི། རང་གི་མདུན་གྱི་ས་གཞི་བས་ཡར་ལ་འདོམ་གང་གིས་མཐོ་བའི་ཐད་སོར་དམིགས་ལ་བསྒོམ་ཡང་མིག་བཙུམ་ལ། སེམས་ཞི་བ་ལྷུག་པ་ལ་བཞག །དེས་ཤེས་པ་གསལ་སྟོང་ཟུང་འཇུག་གི་ཏིང་ངེ་འཛིན་སྐྱེའོ། །གོང་གི་ཁྲིད་ཀྱིས་ལུས་བདེ་སྟོང་ཟུང་འཇུག་གི་ཏིང་ངེ་འཛིན་གོང་དུ་མ་སྐྱེས་ན། སྐྱེ་བར་བྱེད་པ་ནི་རབ་བྱུང་ངམ་ཡེ་ཤེས་ཀྱི་ཡིན་ན་ནི་བསམ་པར་བྱ། དངོས་སུ་ལས་ཀྱི་ཕྱག་རྒྱ་ཡིན་ན། མདུན་དུ་གཅེར་བུར་ཕུད་ལ་དེའི་སྨིན་མཚམས་སུ་ཤེས་པ་གཏད་ལ་བསྒོམ། ཡང་རང་གི་སེམས་ཞི་བ་ལྷུག་པར་བཞག །དེས་ཀྱང་མ་སྐྱེས་ན། དེ་བཞིན་དུ་ནུ་མའི་
― LT14_Page_242B ―
[མ་དཔེ་གཟིགས་ན་འདིར་གནོན།]
བར་དང་། ལྟེ་བ་དང་། གསང་གནས་སུ་ཡང་གཏད་ཅིང་སེམས་ཞི་བ་ལྷུག་པ་ལ་བཞག་པ་རེ་མོས་སྒ་ར་ར་བྱའོ། །དེས་ལུས་བདེ་སྟོང་ཟུང་འཇུག་གི་ཏིང་ངེ་འཛིན་སྐྱེའོ། །དེར་གཉུག་མའི་སེམས་ཀྱི་རང་སྒོ། །བཅོས་མིན་སེམས་ཀྱི་ངོ་བོ། །ཉམས་བདེ་སྟོང་མཉམ་རྗེས་མེད་པར་སྐྱེ་བ་འདུས་པ་ཐ་མའི་ཏིང་ངེ་འཛིན་ཡིན། དེའི་དུས་སུ་མངོན་ཤེས་མེད་ན་སྐྱེད་པར་བྱེད་པའི་ཐབས་ནི། གོང་དུ་མཐོང་བའི་ཕྱག་རྒྱ་གཅིག་གི་མཁའ་ཀློང་དུ་རང་གི་རྩ་གསུམ་ནས་ཐིག་ལེ་དབབ་པ། ཡང་རྩ་གསུམ་ན་ཡར་དྲངས་ལ་མིག་གི་མངོན་པར་ཤེས་པ་འདོད་ན་མིག་རྩ་གཉིས་སུ་ཡང་ཡང་དྲང་ངོ་། །རྣ་བའི་རྣམ་པར་ཤེས་པ་འདོད་ན་རྣ་བའི་རྩ་གཉིས་སུ་ཡང་ཐིག་ལེ་དྲང་ངོ་། །སྣའི་མངོན་པར་ཤེས་པ་འདོད་ན་སྣ་རྩ་གཉིས་སུ་ཐིག་ལེ་ཡང་ཡང་དྲང་ངོ་། །ལྕེའི་མངོན་པར་ཤེས་པ་འདོད་ན་ལྕ་ཆུང་གཉིས་སུ་ཐིག་ལེ་ཡང་ཡང་དྲང་ངོ་། །ཡིད་ཀྱི་མངོན་པར་ཤེས་པ་འདོད་ན། ལུས་སྤྱི་ཁྱབ་པར་བསམ་མོ། །དེས་མངོན་པར་ཤེས་པ་འོང་དེས། དེས་སྲོག་དང་རྩོལ་བས་བསམ་གཏན་གྱི་ལམ་ཁྲིད་པ་སྔོན་དུ་ཐལ་ལ། ལམ་བཞི་བསྒོམ་པས་ཉམས་བཞི་སྐྱེ་བ་ཡང་ཐལ། དེ་ནས་ཁམས་འདུས་པ་དང་པོ་ལ་རླུང་གཏུམ་མོ་དྲོད་རྟགས་ཀྱི་ལམ་ཁྲིད་པ་ཐལ། འདུས་པ་བར་པ་ལ་ཐིག་ལེ་བདེ་སྟོང་ཉམས་ཀྱི་ལམ་ཁྲིད་པ་ཐལ། འདུས་པ་ཐ་མ་ལ་སྐྱོན་མེད་གཉུག་མ་ཡེ་ཤེས་ཀྱི་ལམ་ཁྲིད་པའང་ཐལ་ལ། ཁྲིད་བསྡུས་པར་བྱེད་ན། རླུང་གི་སྦྱོར་བ་བདུན་པོ་རྐྱང་པ་བྱ། དེའི་ཁྲིད་ལུགས་ནི། ཁམས་འདུས་པ་དང་པོ་ལ་སྲོག་དང་རྩོལ་བས་བསམ་གཏན་གྱི་ལམ་བཙལ། འདུས་པ་བར་པ་ལ་གདོན་པ་གསུམ་ལ་སོགས་པའི་རླུང་གི་སྦྱོར་བ་བར་གྱི་ལྔ་པོས་བཙལ། འདུས་པ་ཐ་མ་ལ་སྦྱོར། ཞི་བ་ཤཱན་ཏི་ཀས་ལམ་བཙལ། དེའི་དུས་སུ་དབང་པོ་རབ་ལ་ཉམས་སྐྱོན་མེད་རྣམ་པ་གསུམ་སྐྱེས་ཀྱང་། ཁྲིད་འོག་མ་ཀུན་སློབ་པས་ཆོག །ཁྲིད་མི་དགོས། དབང་པོ་འབྲིང་ལ་ཁྲིད་འབྲིང་དུ་བྱེད་ན། འདུས་པ་དང་པོ་ལ་སྲོག་དང་རྩོལ་བས་བསམ་གཏན་གྱི་ལམ་བཙལ། འདུས་པ་
― LT14_Page_243A ―
[མ་དཔེ་གཟིགས་ན་འདིར་གནོན།]
བར་པ་ལ་ཁ་སྦྱོར་ཞི་བ་ཤཱན་ཏི་ཀ་པར་གཏོགས་ཀྱི་རླུང་གི་སྦྱོར་བ་དྲུག་པོས་བསམ་གཏན་གྱི་ལམ་བཙལ། འདུས་པ་ཐ་མ་ལ་མན་ངག་གི་གནད་ལ་བརྟེན་པའི་གཏུམ་མོས་བསམ་གཏན་ཀྱི་ལམ་བཙལ། དེའི་དུས་སུ་ཉམས་སྐྱོན་མེད་གསུམ་སྐྱེས་ཀྱང་ཁྲིད་འོག་མ་ཀུན་སློབ་པས་ཆོག །ཁྲིད་མི་དགོས། རྒྱས་པར་བྱེད་ན་གྲགས་ཚོད་མ་ལུས་པར་བྱེད་པ་ཡིན་ཏེ་འདི་རང་ཡིན། རླུང་གི་སྦྱོར་བ་བདུན་པོ་ནས་སྔོན་དུ་ཁྲིད་པས་སྔོན་དུ་འགྲོ་བ་མིན་པའི་འདུས་པ་གསུམ་གང་ལའང་མ་གཏོགས། ལར་ཁྲིད་རྒྱས་བསྡུས་གང་ལྟར་བྱེད་ཀྱང་ཉམས་སྐྱོན་མེད་རྣམ་པ་གསུམ་གར་སྐྱེས་ཀྱང་དེ་ནས་གཞན་པ་སློབ་པ་མིན་པའི་ཁྲིད་མི་དགོས་སོ། །བླ་མས་རླུང་སྦྱོར་བདུན་པོའི་གོང་གི་རྒྱུ་བ་གསུམ་གཅིག་ཏུ་བརྩེ་བ་ལ་སྲོག་རྩོལ་ཞེས་ཟེར། སྲོག་རྩོལ་ལ་རྔན་དགས་རིམ་གྱིས་སྦྱིན་པས་དྲིད་ནས་རླུང་གནས་པར་བྱེད་འདོད་ཙམ་ན། རླུང་ལ་བཅས་བཅོས་བྱེད་པ་ཀུན་རླུང་གནས་པའི་ཐབས་ཡིན་པས་རླུང་གི་སྦྱོར་བ་བདུན་པོ་ཀུན་ལ་རྔན་དགས་ཟིམ་གྱིས་སྦྱིན་པ་ཟེར་བ་གོ་གསུངས། འོག་རླུང་གི་བྱེད་ལུགས་རེས་ནམ་བྱུང་བས་མ་ཤེས་ནས། ལམ་འབྲས་པའི་ལུགས་ཀྱི་ངེས་པའི་ནམ་ནས་རན་པ་ཡིན་ཞུས་པས། རིན་པོ་ཆེའི་ཞལ་ནས། མ་མཐུན་པ་དེ་རྣམས་བཤད་པ་གདམས་ངག་ཅི་ཚར་གྱི་ཐབས་ཡིན། ད་དེ་ཁྱེད་ལ་ཟློ་འཚལ། སྙིང་ཐག་པ་ནས་ཉམས་སུ་ལེན། ཡོན་ཏན་ཅི་སྐྱེ་བྱེད་ན། སྟེང་རླུང་མནན་པ་ཙམ་གྱིས་འོག་རླུང་དང་བསྡམས་ལ་ནམ་བྱུང་བའི་དུས་སུ་འོག་རླུང་རན་པ་ཡིན། དེ་མིན་བར་འོག་རླུང་སྔས་ན་ཟོང་པོ་ཟོང་ཟད་དུ་འགྲོ་བས་ཡོན་ཏན་མི་འབྱུང་། མཁལ་རྐེད་ལ་སོགས་པའི་སྐྱོན་དུ་འགྱུར་གསུང་ངོ་། །ༀ་སྭ་སྟི། བླ་མ་དམ་པ་རྣམས་ལ་ཕྱག་འཚལ་ལོ། །ལམ་འབྲས་ཀྱི་ཁྲིད་བྱེད་པའི་དུས་སུ། རྨི་ཉམས་དང་། ལུས་ཉམས་དང་། སེམས་ཉམས་གསུམ། མཐོང་སྣང་གི་ཉམས་དང་བཞི་ལས། དང་པོ་སྲོག་རྩོལ་གྱི་གནས་སྐབས་སུ་ཕོ་རོག་གིས་སྐྱ་ཀའི་མགོ་བཏོག་པ་རྨིས་ན། དུད་འགྲོའི་ས་བོན་དུཿཡིག་དུད་ཁར་རླུང་སེམས་གཉིས་མཉམ་པར་འདུས། ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། ཕྱིང་པ་དཀར་པོ་ལ་ནག་ཐིག་ཡོད་པ་གྱོན་པར་རྨིས་ན་གྲིབ་བྱུང་བའི་རྟགས་ཡིན། དེའང་རང་གི་བླ་མ་འདྲ་བ་ཞིག་ལ་མ་གུས་པའམ་མ་མོས་པ་བྱས་པའི་རྟགས་རྨི་ཉམས་ཡིན་པས་དེ་
― LT14_Page_243B ―
[མ་དཔེ་གཟིགས་ན་འདིར་གནོན།]
སེལ་བའི་ཐབས་ནི། རང་གི་མདུན་གྱི་ནམ་མཁར་རང་མ་ཀུས་པ་བྱས་པ་གང་ཡིན་པའི་བླ་མ་དེ་བསམས་པ། རང་གི་སྨིན་མཚམས་སུ་བསམ་པ་ཡང་ཡང་བྱ། དེས་སེལ་ལོ། ཐད་སྟོངས་པའི་དཀྱིལ་ན་འདུག་པ་ལ་དགྲས་ཁྱེར་དོགས་ཡོད་སྙམ་པ་རྨིས་པ་ན་ལྷ་མ་ཡིན་གྱི་ས་བོན་སུཿཡིག་སེར་པོར་རླུང་སེམས་འདུས་པའི་རྨི་ཉམས་ཡིན། ཆུ་དམར་ཆེན་པོ་ལ་འགྲོ་ཚད་པ་རྨིས་ན་ཆུ་རླུང་རང་གནས་སུ་ཟིན་པའི་རྨི་ཉམས་ཡིན། རང་གི་ཕ་མའམ་ཉེ་དུ་རྨིས་ན། རྣམ་རྟོག་སྔོན་དུ་སོང་བའི་དྲོད་བྱ་རྩ་གཡས་པའི་མར་སྣར་རླུང་སེམས་འདུས་པའི་རྨི་ཉམས་ཡིན། བུ་སྲིང་ལྟ་བུ་རྨིས་ན། རྩ་དབུ་མའི་མར་སྣ་ཌཱ་ཀིའི་གདོང་བྱ་བ་རླུང་སེམས་འདུས་པའི་རྨི་ཉམས་ཡིན། གདོན་ས་གསུམ་གྱི་གནས་སྐབས་སུ་ཉམས་བཞི་ལ་རྨི་ཉམས་སུ་མེ་ཆེན་པོ་ལ་འགྲོ་ཚད་པ་ལ་སོགས་པ་རྨིས་ན། མགྲིན་པར་མེ་རླུང་རང་གནས་སུ་ཟིན་པའི་རྨི་ཉམས་ཡིན། བཙོན་གྱི་བདག་པོ་བྱེད་པ་རྨིས་ན། ནྲྀ་ཡིག་སྔོན་པོར་རླུང་སེམས་འདུས་པའི་རྨི་ཉམས་ཡིན། རང་གི་གཞོགས་གནས་པ་ན་ཡང་སྦྲུལ་ཆེན་པོ་འགྲོ་བ་ལྟ་བུ་རྨིས་ན་རྩ་གཡས་པའི་ནང་དུ་རླུང་སེམས་འདུས་པའི་རྨི་ཉམས་ཡིན། འདྲེ་མིན། ལུས་ཉམས་ལ་གཞོགས་གཡས་པ་ན་ཡར་འབར་བ་ལྟ་བུ་བྱུང་ན། ཕོ་རླུང་གི་འཕར་བྱ་བ་ལ་སོགས་པ་ཡིན་པས། རྩ་གཡས་པ་ལ་བརྟེན་ཏེ་ཐེས་སུ་ཕོ་རླུང་རྒྱུ་བ་ཡིན་པས་དེའི་ཉམས་ཡིན། རྨི་ལམ་དུ་ཤི་བ་ཁོ་ན་རྨིས་ན། ཉམ་ང་མྱ་ངན་འདྲེའི་རྩ་བྱ་བ་མཐེ་བོང་རྩ་བར་རླུང་སེམས་འདུས་པའི་རྨི་ཉམས་ཡིན། རྟ་སྔོན་པོ་ཞོན་པ་རྨིས་ན་རླུང་གི་རླུང་ཟིན་པའི་རྨི་ཉམས་ཡིན། ཁ་ནས་སྒྲ་གེང་དུ་དགང་བ་ལ་སོགས་པའི་དགང་བ་གཉིས་ཀྱི་གནས་སྐབས་སུ། ཉམས་བཞི་པོ་ལ་རྨི་ཉམས་སུ་རང་གི་སྤྱི་བོ་ན་ཡར་རྡོལ་ལ་ཁད་པ་རྨིས་ན་མ་ལས་ཐོབ་པའི་་སྤྱི་བོ་ན་ཡར་འབུས་པའི་རྨི་ཉམས་ཡིན། ནམ་ཕྱེད་ཡིན་པ་ལ་དཀར་སང་ངེ་འདུག་སྙམས་པ་རྨིས་ན་ཕ་ཐོབ་པའི་བྱང་སེམས་དཀར་པོ་བག་ཙམ་དབུ་མའི་ནང་འདུས་པའི་རྨི་ཉམས་ཡིན། ཁ་སྦྱོར་ཞི་བ་ཤཱན་ཏཱི་
― LT14_Page_244A ―
[མ་དཔེ་གཟིགས་ན་འདིར་གནོན།]
ཀའི་གནས་སྐབས་སུ་ཉམས་བཞི་ལ། རྨི་ཉམས་སུ་སྦལ་པ་དང་ལ་ཕུག་རྨིས་ན། དུད་འགྲོའི་ས་བོན་དུཿཡིག་དུད་ཁའི་ཡན་ལག་སྦལ་པ་དང་། ལ་ཕུག་འདྲ་བ་ཡོད་པའི་ནང་དུ་རླུང་སེམས་ཅུང་ཞིག་འདུས། ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། འདམ་ལ་ནུབ་ནས་མི་ཐོན་པའམ། ས་ལས་བྱེད་པ་ལ་སོགས་པ་རྨིས་ན། ས་རླུང་རང་གནས་སུ་ལྟེ་བར་ཟིན་པས་ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། བ་ལ་མཐུར་བཅུག་པ་རྨིས་ན། ནི་ཡིག་སྔོན་པོ་ལས་འཁོར་འདས་ཐམས་ཅད་ཀྱི་རྩས་ཁྱབ་ནས་ཡོད་པའི་སྟོད་ཕྱོགས་ནས། རྩ་བའི་གཟུགས་འདྲ་བ་ལོད་པ་ལ་རྩ་ཕྲ་མོ་མང་པོས་མཐུར་བཅུག་པ་བཞིན་དུ་དཀྲིས་ནས་ཡོད་པའི་ནང་དུ་རླུང་སེམས་ཅུང་ཞིག་འདུས། ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། མི་མགོ་ཁ་ཉེར་ཉེར་བྱེད་པ་རང་གི་མདུན་ན་སྣང་བ་རྨིས་ན། ཡི་གེ་བཅུ་བཞི་པོ་མིན་པའི་ཡི་གེ་བསམ་གྱིས་མི་ཁྱབ་པའི་ནང་དུ་རླུང་སེམས་ཅུང་ཞིག་འདུས། ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། རང་གི་ཐིག་ལེ་ཤོར་བས་རང་གི་གོས་ལྟེམས་ཀྱིས་གང་བ་རྨིས་ན། གོས་ཀྱི་ཕྱོགས་གཡོན་པ་ཡིན་ན་རྩ་གཡོན་པ་ཡིན། གོས་ཀྱི་ཕྱོགས་གཡས་པ་གང་བ་རྨིས་ན། རྩ་གཡས་པའི་ནང་དུ་བྱང་སེམས་དཀར་པོ་དེ་གནས་པའི་ཐིག་ལེའི་རྨི་ཉམས་ཡིན། རང་གི་ལུས་ལ་སྦྲུལ་གྱིས་དཀྲིས་པ་རྨིས་ན། རྩ་གཡས་གཡོན་གྱི་མདུད་པ་ཅུང་ཞིག་གྲོལ་ནས། སྦྲུལ་གཅུས་པ་བཞིན་དུ་རང་གི་ལུས་དཀྲིས་པའི་ནང་དུ་རླུང་སེམས་ཅུང་ཞིག་འདུས་པའི་རྩའི་རྨི་ཉམས་ཡིན། རང་རྟ་པ་ལྟ་བུའི་ཟླ་ལ་སོད་བ་ཤིན་ཏུ་མགྱོགས་པ་རྨིས་ན། རླུང་གི་རླུང་རང་གནས་སུ་ཟིན་པའི་རྨི་ཉམས་ཡིན། འདིའི་དུས་སུ་རྨི་ལམ་ཡེ་མ་བྱུང་ན། མ་ཀི་ཤེས་རབ་ཀྱི་ཨར་རླུང་སེམས་འདུས་པའི་རྨི་ཉམས་ཡིན། ལམ་བཞི་བསྒོམས་པས་ཉམས་བཞི་སྐྱེད་པར་བྱེད་པའི་རིམ་པ་དབྱིབས་བསྒོམས། དེའི་དང་པོ་མི་བསྐྱོད་པའི་སྤྱན་ལ་དམིགས་པའི་གནས་སྐབས་སུ། ཉམས་བཞི་ལ་རྨི་ཉམས་སུ་ཆུ་ཚན་ལ་ཞུགས་པ་རྨིས་ན། ཆུ་རླུང་རང་
― LT14_Page_244B ―
[མ་དཔེ་གཟིགས་ན་འདིར་གནོན།]
གནས་སུ་སྟིང་གར་ཟིན་པ་རྨི་ཉམས་སུ་ཡིན། ལུས་པོ་ཁོང་སྟོང་གི་ནང་དུ་མེ་དམར་སྐྱ་འབར་བའི་གནས་སྐབས་སུ་ཉམས་བཞི་པ་ལ་རྨི་ཉམས་ཡིན། མ་བྱུང་ན་ལམ་འབྲས་བུའི་ལུགས་ཀྱིས་རྟེན་འབྲེལ་བཞིའི་ཉམས་བྱ་བ་བཟང་པོར་བྱེད་པ་ཡིན། དེ་ལ་ཐབས་ཀྱི་ལམ་དབང་གསུམ་པ་བསྒོམ་པའི་གནས་སྐབས་སུ་ཉམས་བཞི་པོ་ལ་རྨི་ཉམས་སུ། ཞིང་ལ་ཆུ་འགྱེད་ཅིང་ཚིགས་བཅད་ཟློ་ཞིང་འདུག་པ་མཐོང་བ་རྨིས་ན། ས་རླུང་ཆུ་རླུང་གཉིས་དུས་མཉམ་དུ་རང་གནས་སུ་ཅུང་ཞིག་ཟིན་པའི་རྨི་ཉམས་ཡིན། བུད་མེད་འགའ་རེ་ཙམ་གྱི་ནང་དུ་རང་གིས་ཆགས་པ་བྱས་པ་ལ་འགའ་རེ་དགའ། འགའ་རེ་མི་དགའ་བར་འདུག་པ་རྨིས་ན། ཚེ་སྔ་མ་ཡང་སྔ་ལ་རང་ལ་དམ་ཚིག་གི་སེལ་ལམ་གྲིབ་བྱུང་བ་ཡིན་པས། ཉིན་རེ་ཡི་གེ་བརྒྱ་པ་ཉི་ཤུ་རྩ་གཅིག་རེ་ཤོག་ཅིག་བརྗོད་པར་བྱ། ནུབ་མོ་དཀར་སངས་སངས་པ་བྱུང་ན། ཐིག་ལེའི་ཉམས་མིན། རྡོ་རྗེ་རྦ་རླབས་གསུམ་དུ་རེངས་པའི་གནས་སྐབས་སུ་ཉམས་བཞི་ལ་རྨི་ཉམས་སུ་རང་གི་དྲི་ཆེན་གྱི་ནང་དུ་རིང་བསྲེལ་འོད་དང་ལྡན་པའམ་མཆོད་རྟེན་ནམ་གདུགས་རྟེན་བྱོན་པ་རྨིས་ན་བདག་ད་ལའི་ཡི་གེ་བཅུ་བཞི་པོའ། ༀ་དཀར་པོའི་ནང་དྲི་ཆེན་གྱི་དྭངས་མ་དང་བྱང་སེམས་དཀར་པོ་གཉིས་ཅུང་ཞིག་འདྲེས་པའི་རྨི་ཉམས་ཡིན། འཕུར་བ་རྨིས་ན་རླུང་གི་རླུང་ངང་གནས་སུ་ཅུང་ཞིག་ཟིན་པའི་རྨི་ཉམས་ཡིན། འཇིགས་ཤིང་དགྲས་ཁྱེར་དོགས་པ་རྨིས་ན། རང་གི་མཁལ་མ་གཉིས་གྱི་སྟེང་ན་འཇིགས་ཤིང་ཉམ་ང་བའི་རྩ་བྱ་བ་ལུག་རུ་ལྟ་བུ་གཉིས་ཡོད་པའི་ནང་དུ་རླུང་སེམས་ཅུང་ཞིག་འདུས་པའི་དུས་སུ་བླ་མ་བརྒྱས་མཐའ་མ་བསྐོར་ཡང་འཇིགས་ཤིང་སྐྲག་པ་འོང་བ་ཡིན་པས་དེའི་རྨི་ཉམས་ཡིན། གསང་གནས་ནས་མེ་འབར་བའི་གནས་སྐབས་སུ་ཉམས་བཞི་པོ་ལ་རྨི་ཉམས་སུ་ཤར། དམར་པོ་བྲག་འདྲ་འབྱུང་བ་ལ་གབ་བའམ་བྲོས་པ་རྨིས་ན་བྱང་སེམས་ཁྲག་གི་ཆ་དེ་ཅུང་ཞིག་འདུས་པའི་རྨི་ཉམས་ཡིན། བུད་མེད་ཕྱེ་བཏགས་པའི་རོགས་རང་གིས་བྱེད་པ་རྨིས་ན། རྩ་དབུ་མའི་མར་སྣ་ཌཱ་ཀིའི་གདོང་བྱ་བར་རླུང་སེམས་ཅུང་ཞིག་གནས་པའི་རྨི་ཉམས་ཡིན། ཐིག་ལེ་
― LT14_Page_245A ―
[མ་དཔེ་གཟིགས་ན་འདིར་གནོན།]
གཉིས་ཀྱི་འཐབ་མོའི་གནས་སྐབས་སུ་ཉམས་བཞི་ལས། ལྟོ་བའི་འོག་སྤུ་ནེ་གུའི་ལྟག་རུ་ན་རླུང་གི་རླུང་རང་གནས་སུ་ཟིན་པའི་ལུས་ཉམས་ཡིན། བླ་མ་རབ་གནས་བྱེད་པ་ལ་བུ་ཚ་མང་པོས་ནམ་མཁའ་ན་ཚུར་སྐོར་བ་བྱེད་པ་རྨིས་ན་འགས་ལྷའི་བུ་ཡིན་ཟེར། འགས་ཆོས་སྐྱོང་ཡིན་ཟེར་ཏེ། དེ་གཉིས་གང་ཡང་མིན་པས། འདི་པའི་ལུགས་ཀྱི་མི་བསྐྱོད་པ་དང་བླ་མ་གཉིས་གཅིག་པས། དེའི་ས་བོན་དེ་རང་གི་ཐུགས་ཀའི་ཧཱུྃ་མཐིང་ནག་དེ་ཡིན་པས། དེ་ལ་བྱང་ཆུབ་སེམས་ཅུང་ཞིག་བབས་ནས་མར་བྱོན་པས་ལྟེ་བའི་ནི་ཡིག་སྔོན་པོའི་ནང་དུ་འདུས་པས་ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། མེ་སྐོར་བུའི་སྣེ་མོ་རེ་རེར་ཧཱུྃ་གཉིས་ཡོད་པའི་གནས་སྐབས་སུ་ཉམས་བཞི་ལ་རང་གི་ལུས་ཆེར་སོང་སྙམ་པ་བྱུང་ན། ས་རླུང་རང་གནས་སུ་ཟིན་པའི་ལུས་ཉམས་ཡིན། སྤྲང་པོ་མང་པོའི་ནང་དུ་འདུག་པར་རྨིས་ན་རླུང་དང་བྱང་སེམས་ཀྱི་དྭངས་མ་མིན་པའི་སྙིགས་མ་ཅུང་ཞིག་འདུས་པའི་ཉམས་ཡིན། མེ་སྐོར་བུའི་སྣེ་མོར་ཧཱུྃ་བཞི་བཞི་ཡོད་པའི་གནས་སྐབས་སུ་ཉམས་བཞི་ལ་རྨི་ཉམས་སུ་མིའི་ཤའམ་ཀླད་པ་ཟ་བ་རྨིས་ན་སྡིག་པ་དག་པའི་རྟགས་ཀྱང་ཡིན། མ་ཀི་ཤེས་རབ་ཀྱི་ཨར་རླུང་སེམས་ཅུང་ཞིག་འདུས་ཀུན་གཞི་བྱིན་གྱིས་བརླབས་པའི་ཉམས་ཡིན། མིས་མདའ་རྒྱབ་བ་རྨིས་ན་ལྷ་མ་ཡིན་གྱི་ས་བོན་སུཿཡིག་སེར་པོར་རླུང་སེམས་འདུས་པའི་རྨི་ཉམས་ཡིན། མེ་རྩེ་ལྔ་པ་འབར་བའི་གནས་སྐབས་སུ་ཉམས་བཞི་ལ་རྨི་ལམ་དུ་རང་རྟ་ལ་ཞོན་ནས་ཁྱི་དང་། ར་ལུག་གི་ནང་དུ་འགྲོ་བ་ལ་ཁྱི་བུ་མོས་བཀག་ཅིང་འདུག་ཙམ་ན། རང་ཡང་བུ་མོར་སོང་བ་རྨིས་ན། དུད་འགྲོའི་ས་བོན་དུཿཡིག་དུད་ཁར་མ་ལས་ཐོབ་པའི་་དེ་ཅུང་ཞིག་འདུས་ནས་ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། རྟ་ཞོན་པ་དེའི་དུས་སུ་རླུང་གི་རླུང་རང་གནས་སུ་ཟིན་པ་ཡིན། མེ་རྩེ་ལྔ་པ་ལ་ཧཱུྃ་མེའི་རང་བཞིན་འཕྲོ་བའི་མེ་འབར་བའི་གནས་སྐབས་སུ་ཉམས་བཞི་ལ་རྨི་ཉམས་སུ་མུན་རུབ་པ་རྨིས་ན། ཐིག་ལེ་དཀར་དམར་གཉིས་ཅུང་ཞིག་དབུ་མའི་ནང་དུ་འདུས་པས་ཀུན་གཞི་བྱིན་གྱིས་བརླབས་པའི་རྨི་ཉམས་ཡིན། ཕ་
― LT14_Page_245B ―
[མ་དཔེ་གཟིགས་ན་འདིར་གནོན།]
ཀི་ན་མར་ཐོབ་པའི་གནས་སྐབས་སུ་ཕྱི་རྟགས་སུ་མུན་རུབ་ལྟ་བུར་ཟེར་བ་དེ་ཡིན། མེ་ཆེར་འབར་བ་ཞེས་པ་མགྲིན་པར་སླེབ་པ་ལ་ཨའི་ཆར་འབབ་པར་བསམ་པའི་གནས་སྐབས་སུ་ཉམས་བཞི་ལ་རྨི་ལམ་དུ་རྟ་ཞོན་པའམ་མཁར་ཁ་མཐོན་པོར་ཕྱིན་པ་རྨིས་ན་རླུང་གི་རླུང་དང་ས་རླུང་གཉིས་རང་གནས་སུ་ཅུང་ཞིག་ཟིན་པའི་ཉམས་ཡིན། མ་ལུས་པ་མེར་འབར་བའི་གནས་སྐབས་སུ་ཉམས་བཞི་ལ་རྨི་ཉམས་སུ་དཀའ་ཐུབ་ཆས་ཆོས་གོས་གྱོན་ནས་དཔའ་བོའི་མཆོད་པ་བྱེད་པ་ལྟ་བུ་རྨིས་ན། དབུ་མའི་རྟེན་འབྲེལ་འཁོར་ལོ་དྲུག་གི་ཡ་ཐ་ཌཱ་ཀི་ཕོ་བྲང་ཧཾ་གི་རྩར་བྱང་སེམས་དཀར་པོ་ཤུན་ཞིག་གནས་པའི་ཉམས་ཡིན། ཧཾ་གི་རྩར་ཡིན་པས་དཔའ་བོ་ཡིན། རྩ་དབུ་མ་བྱང་ཆུབ་ཀྱི་ཤིང་དྲུང་ཡིན་པས་དཀའ་ཐུབ་མཚོན། ཉམས་བཞི་མན་ངག་ཞལ་གདམས་དེ། །སྐལ་ལྡན་རྣམས་ལ་ཕན་དོན་དུ། །བཀྲ་ཤིས་དཔལ་གྱིས་ཡི་གེར་བཀོད། །བླ་མ་མཁའ་འགྲོར་བཟོད་པར་གསོལ། །ལམ་འབྲས་ཀྱི་ཁྲིད་བླ་མ་རིན་པོ་ཆེའི་ཞལ་ལས་བརྒྱུད་པའི་གདམས་ངག་རྫོགས་སོ། །ཨི་ཐི། དགེའོ། །ཤུ་བྷཾ།། །།
གདམས་ངག་མཛོད་པོད་ལྔ་པ།
འཕགས་མ་མཁའ་འགྲོ་མ་རྡོ་རྗེ་གུར་གྱི་རྒྱུད་ཀྱི་དགོངས་པ་དག་པ་གསུམ་གྱི་ཁྲིད་ཡིག
― LT14_Page_246A ―
[མ་དཔེ་གཟིགས་ན་འདིར་གནོན།]
འཕགས་མ་མཁའ་འགྲོ་མ་རྡོ་རྗེ་གུར་གྱི་རྒྱུད་ཀྱི་དགོངས་པ་དག་པ་གསུམ་གྱི་ཁྲིད་ཡིག་བཞུགས་སོ། །
― LT14_Page_246B ―
[མ་དཔེ་གཟིགས་ན་འདིར་གནོན།]
ༀ་སྭ་སྟི། སིདྡྷཾ། བླ་མ་དམ་པའི་ཞབས་ལ་ཕྱག་འཚལ་ལོ། །ལམ་གྱི་སྔོན་དུ་འགྲོ་བ་ལ་གཉིས་ལས། བསོད་ནམས་བསག་པ་ནི། གནས་དབེན་པར་སྟན་བདེ་བ་ལ་བསྡད། བླ་མ་དང་དཀོན་མཆོག་གསུམ་ལ་སྐྱབས་སུ་འགྲོ་བ་ལན་གསུམ་བྱ། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། དེའི་དོན་དུ་བསོད་ནམས་ཀྱི་ཚོགས་བསག་སྙམ་པའི་བྱང་ཆུབ་ཀྱི་སེམས་ཡུན་རིང་དུ་བསྒོམ། དེ་ནས་སྭ་བྷཱ་བའི་སྔགས་ཀྱིས་རང་འདུག་པའི་གནས་སྟོང་པར་བསྒོམ། སྟོང་པའི་ངང་ལས་བྷྲཱུཾ་ལས་རིན་པོ་ཆེའི་གཞལ་ཡས་ཁང་གི་ནང་དུ་རིན་པོ་ཆེའི་ཁྲི་ཆེན་པོ་པདྨ་དང་ཉི་ཟླ་བརྩེགས་པའི་གདན་སྟེང་ན། དུས་གསུམ་གྱི་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་བཞུགས་པར་བསམ། དེའི་མཐའ་མར་བླ་མ་བརྒྱུད་པ་རྣམས་དང་། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བསྐོར་བ་བཞུགས་པར་བསམ། དེ་ནས་རང་གི་ལུས་དཔག་ཏུ་མེད་པར་སྤྲུལ་ནས་སེམས་ཅན་ཐམས་ཅད་དང་སྟབས་གཅིག་ཏུ་ཕྱག་འཚལ་བར་བསམ་ཞིང་། ན་མོ་གུ་རུ་བྷྱཿ ན་མོ་བུདྡྷཱ་ཡ། ན་མོ་དྷརྨ་ཡ། ན་མསྶཾ་གྷཱ་ཡ། ཞེས་བརྗོད་ཅིང་ཕྱག་འཚལ། དེ་ནས། ༀ་ཨཱརྒྷཾ། པཱ་དྱཾ། བཛྲ་པུཥྤེ་ཨཱཿཧཱུྃ། བཛྲ་དྷཱུ་པེ་ཨཱཿཧཱུྃ། བཛྲ་ཨཱ་ལེ་ཀེ་ཨཱཿཧཱུྃ། བཛྲ་གནྡྷེ་ཨཱཿཧཱུྃ། བཛྲ་ནཻ་ཝི་དྱ་ཨཱཿཧཱུྃ། ཞེས་བརྗོད་པས་ཕྱིའི་མཆོད་པ་ཕུལ་བར་བསམ། དེ་ནས་མཎྜལ་མེ་ཏོག་ཚོམ་བུ་བདུན་བཀོད་ནས། དབུས་སུ་རིའི་རྒྱལ་པོ་རི་རབ།
― LT14_Page_247A ―
[མ་དཔེ་གཟིགས་ན་འདིར་གནོན།]
ཤར་ལུས་འཕགས་པོ། །ལྷོ་འཛམ་བུའི་གླིང་། ནུབ་བ་ལང་སྤྱོད། བྱང་སྒྲ་མི་སྙན། ཉི་མ། ཟླ་བ། ལྷ་དང་མིའི་ལོངས་སྤྱོད་ཕུན་སུམ་ཚོགས་པ་ཞེས་བརྗོད་ཅིང་། དེ་དག་ཏུ་མོས་ནས་བླ་མ་དམ་པ་ལ་ཕུལ་བར་བསམ། དེ་ནས་དུས་གསུམ་གྱི་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་ངོ་བོར་གྱུར་པ་བླ་མ་དམ་པས་བདག་གི་རྒྱུད་ལ་བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པར་བྱིན་གྱིས་བརླབ་ཏུ་གསོལ། ཞེས་ལན་གསུམ་དུ་གསོལ་བ་གདབ་བོ། །དེ་ནས་སྡིག་པ་སྦྱང་བའི་ཕྱིར། སྤྱི་བོར་ཟླ་བའི་སྟེང་དུ་ཧཱུྃ་ལས་རྡོ་རྗེ་དཀར་པོ་ཧཱུྃ་གིས་མཚན་པ་ཞུ་བ་ལས། རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་པ་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། ཡུམ་རྡོ་རྗེ་སྙེམས་མ་དཀར་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། གཉིས་ཀའང་རུས་པ་དང་རིན་པོ་ཆེས་བརྒྱན་པའི་དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུྃ་བསམ། ཛཿཧཱུྃ་བཾ་ཧོཿས་སངས་རྒྱས་ཐམས་ཅད་གཉིས་སུ་མེད་པར་བསྟིམ། དེ་ལ་བདག་གི་སྡིག་པ་དང་། སྒྲིབ་པ་ཐམས་ཅད་སྦྱང་དུ་གསོལ། ཞེས་གསོལ་བ་བཏབ་པས་ཡེ་ཤེས་ཀྱི་བདུད་རྩིའི་རྒྱུན་བབས་པས། རང་གི་ཕྱི་ནང་གི་སྡིག་པ་དང་། དྲི་མ་ཐམས་ཅད་དག་པར་བསམ་ཞིང་། ངག་ཏུ། ཨེ་ཤྲཱི་བཛྲ་ཧེ་རུ་ཀ་ས་མ་ཡ། མ་ནུ་པཱ་ལ་ཡ། ཧེ་རུ་ཀ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་ཝ། སུ་ཏོཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོཥྱོ་མེ་བྷ་ཝ། སརྦ་
― LT14_Page_247B ―
[མ་དཔེ་གཟིགས་ན་འདིར་གནོན།]
སིདྡྷིམྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿ ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། བཛྲ་ཧེ་རུ་ཀ །མཱ་མེ་མུཉྩ་ཧེ་རུ་ཀོ་བྷ་ཝ། མ་ཧཱ་ས་མ་ཡ་ས་ཏྭཱ་ཨཱཿཧཱུྃ་ཕཊ། ཅེས་བརྗོད་དོ། །ཚུལ་འདི་ཇི་ཙམ་གྲུབ་པ་བྱས་པའི་མཐར་རྡོ་རྗེ་སེམས་དཔའ་རང་ལ་བསྟིམ། དགེ་བའི་རྩ་བ་དེས་སེམས་ཅན་ཐམས་ཅད་སངས་རྒྱས་ཐོབ་པར་གྱུར་ཅིག་ཅེས་བསྔོ། །མདུན་གྱི་བླ་མ་འཁོར་དང་བཅས་པ་རྣམས་ལ་ༀ་བཛྲ་མུཿཞེས་བརྗོད་པས་རང་བཞིན་གྱི་གནས་སུ་གཤེགས་པར་བསམ། ཇི་སྲིད་སྡིག་པ་དག་པ་དང་། བསོད་ནམས་འཕེལ་བའི་རྟགས་མ་བྱུང་གི་བར་དུ་བྱའོ། །སྔོན་དུ་འགྲོ་བའི་བྱ་བའོ། །དེ་ནས་དངོས་གཞི་དག་པ་གསུམ་གྱིས་བསྡུས་པ་ལས། ཐོག་མར་དེ་བཞིན་ཉིད་ཀྱི་དག་པ་ལྟ་བ་སྒོམ་པའི་ཚུལ་ནི། ཐོག་མར་ཕྱི་ནང་གི་ཆོ་ག་ཐམས་ཅད་བརྟགས་ན་ཕྱོགས་དང་དུས་མེད་པ་ལ། ཕྱོགས་དང་དུས་ཀྱིས་ཕྱེ་ཙ་ན་གཅིག་ཏུ་མ་གྲུབ་ཅིང་། གཅིག་མེད་ན་དུ་མ་མི་འབྱུང་ལ། གཅིག་དང་དུ་མ་མེད་པས་ཡོད་པ་མི་འཇུག་ཅིང་ཡོད་པ་མེད་ཙ་ན་དེ་ལ་ལྟོས་པ་མེད་པ་མི་འགྲུབ་པས། ཆོས་ཐམས་ཅད་ཀྱི་རང་བཞིན་ཡོད་མེད་གང་གིའང་ངོ་བོར་མ་གྲུབ་ཅིང་སྤྲོས་བྲལ་ཡིན་པས། རང་གི་སེམས་ཀྱི་རང་བཞིན་ཡང་སྤྲོས་པ་དང་བྲལ་བ་ཡིན་ཞེས་ཐོས་པ་དང་བསམ་པའི་སྒོ་ནས་སྒྲོ་འདོགས་བཅད་ནས་བསྒོམ་པའི་ཚེ། སྟན་བདེ་བ་ལ་ལུས་སྐྱིལ་ཀྲུང་གིས་བསྡད་ནས། བླ་མ་དང་དཀོན་མཆོག་གསུམ་ལ་སྐྱབས་སུ་འགྲོ་བ་ནི་ཡན་ལག་དང་པོའོ། །དེ་ནས་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། དེའི་དོན་དུ་དེ་ཁོ་ན་ཉིད་ལ་མཉམ་པར་གཞག་སྙམས་ནས་བྱང་ཆུབ་ཀྱི་སེམས་བསྒོམ་པ་ནི་ཡན་ལ་གཉིས་པ་བའོ། །དེ་ནས་སྐད་ཅིག་གི་རང་གི་ལུས་ཡི་དམ་གྱི་ལྷ་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟ་བུར་གསལ་བཏབ་ལ། དེ་ལ་རེ་ཞིག་མཉམ་པར་གཞག་པ་ནི་ཡན་ལག་གསུམ་པའོ། །དེ་ནས་སྤྱི་བོར་བླ་མ་དམ་པ་བསྒོམས་ནས། སངས་རྒྱས་ཐམས་ཅད་ཀྱི་ངོ་བོ་ཡིན་སྙམ་དུ་མོས་གུས་
― LT14_Page_248A ―
[མ་དཔེ་གཟིགས་ན་འདིར་གནོན།]
དྲག་ཏུ་བསྒོམ་པ་ནི་ཡན་ལག་བཞི་པའོ། །དེ་ནས་དངོས་གཞི་ནི་སྔ་མ་ལྟར་ཆོས་ཐམས་ཅད་རང་བཞིན་མེད་པར་སྤྲོས་པ་བཅད་ནས། ནམ་མཁའ་ལ་སྤྲིན་དྭངས་པའམ། ཆུ་ལ་འཁྱགས་པ་ཞུ་བ་ལྟར་རྟོག་པ་ཐམས་ཅད་རང་ཡལ་ལ་སོང་ནས། མི་རྟོག་པའི་ངང་ལ་མཉམ་པར་གཞག །སེམས་ལ་དམིགས་པ་དང་འཛིན་པ་མེད་པ་ཁོ་ན་བསྒོམ་པ་ཡིན་གྱི། དེ་ལས་གཞན་པ་ནི་བསྒོམ་རྒྱུ་མེད། དངོས་གཞིའི་ཡན་ལག་སྟེ་ལྔ་པའོ། །དེ་ནས་ཆོས་ཐམས་ཅད་རང་བཞིན་མེད་པ་ལ། དེ་ལྟར་མ་རྟོགས་པའི་དབང་གིས་འཁོར་བའི་སྡུག་བསྔལ་གྱི་རྒྱ་མཚོར་འཁྱམས་པའི་སེམས་ཅན་ཐམས་ཅད་སྙིང་རེ་རྗེ་སྙམ་པའི་སྙིང་རྗེ་དྲག་ཏུ་བསྒོམ་པ་ནི་རྗེས་ཀྱི་ཡན་ལག་ཐོག་མ་སྟེ་དྲུག་པའོ། །དེ་ནས་དགེ་བའི་རྩ་བ་འདིས་བདག་དང་སེམས་ཅན་ཐམས་ཅད་ཀྱིས་རྫོགས་པའི་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །ཅེས་བསྔོ་བར་བྱའོ། །རྗེས་ཀྱི་ཡན་ལག་གཉིས་པ་སྟེ་ཡན་ལག་བདུན་པའོ། །དེ་ལྟར་ཡན་ལག་བདུན་པོ་འདི་ནི་མཉམ་པར་གཞག་པ་ཡིན་ལ། མཉམ་པར་གཞག་པ་ལས་ལོངས་ནས་སྤྱོད་ལམ་སྣ་ཚོགས་ལ་འཇུག་པའི་ཚེ། སྣང་བ་དང་། གྲགས་པ་དང་། མྱོང་བའི་ཆོས་ཐམས་ཅད་ཡང་དག་པར་ན་རང་བཞིན་མེད་བཞིན་དུ་སྣང་བ་འདི་རྨི་ལམ་དང་སྒྱུ་མ་དང་འདྲ་སྙམ་དུ་བསམས་ནས། གང་ལ་ཡང་ཆགས་པ་དང་ཞེན་པ་མེད་པར་བཟང་ངན་དང་། བདེ་སྡུག་གིས་ཀྱང་དགའ་མི་དགར་མི་འགྱུར་བར་སྣང་བ་ཐུག་ཕྲད་དུ་སྤྱད་པར་བྱའོ། །དེ་ལྟར་དེ་བཞིན་ཉིད་ཀྱི་དག་པ་བསྒོམས་པས་ལྟ་བ་ཕྱིན་ཅི་ལོག་གི་དབང་དུ་མི་འགྲོ་ཞིང་མཚན་མ་དང་རྣམ་པར་རྟོག་པ་མེད་པར་མི་རྟོག་པའི་ཡེ་ཤེས་སྐྱེས་ནས་འཇིག་རྟེན་ལས་འདས་པའི་ཡེ་ཤེས་སྐྱེ་བར་འགྱུར་རོ། །དེ་བཞིན་ཉིད་ཀྱི་དག་པ་ཉམས་སུ་བླང་བའོ། །དེ་ནས་ལྷ་སོ་སོའ་དག་པ་བསྐྱེད་པའི་རིམ་པ་བསྒོམ་པ་ནི་དཀྱིལ་འཁོར་རྫོགས་པའམ། དཔའ་བོ་གཅིག་པ་ལྟ་བུ་ལྷ་གང་ཡང་རུང་བ་ཞིག་རྫོགས་པར་བསྒོམས་པའི་མཐར།
― LT14_Page_248B ―
[མ་དཔེ་གཟིགས་ན་འདིར་གནོན།]
ལུས་སྐྱིལ་ཀྲུང་། ལག་པ་མཉམ་གཞག །སྒལ་ཚིགས་དྲང་པོར་བསྲང་། ལྷའི་རྣམ་པ་ཐམས་ཅད་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟ་བུར་ཝལ་གྱིས་གསལ་བཏབ་ནས། སྤྱན་དབུས་མ་ཁོ་ན་བྱེ་བྲག་ཏུ་གསལ་བ་ལ་དམིགས་པ་གཏད་ནས། མི་གསལ་ན་བྲིས་པའི་སྤྱན་དབུས་མ་ལའང་བལྟ་ཞིང་གསལ་བཏབ། དེས་ཀྱང་གསལ་བར་མ་གྱུར་ན་རང་གི་དཔྲལ་བའི་དབུས་སུ་སྤྱན་དབུས་མ་བྲིས་ནས། མདུན་གྱི་ཉེ་རིང་དང་མཐོ་དམན་རན་པར་མེ་ལོང་ཤིན་ཏུ་གསལ་བ་ཞིག་བཞག་ནས་དེ་ལ་བལྟ། ཡང་མིག་བཙུམས་ཤིང་བསྒོམ། ཡང་བལྟ། ཡང་བསྒོམ། དེ་ལྟ་བུ་ཡང་ཡང་བྱས་པས་དམིགས་པ་གསལ་བར་འགྱུར་རོ། །དེ་ནས་སྤྱན་དབུས་མ་ཡོད་པ་སྙམ་བྱེད་པ་དང་། ཇི་ཙམ་འདོད་ཀྱི་བར་དུ་མཉམ་པར་གཞག་ཀྱང་། ཡིད་མི་འཕྲོ་བར་གྱུར་གྱི་བར་དུ་བསྒོམ་པར་བྱའོ། །དེ་ནས་སྤྱན་གསུམ་ཀ་ལ་དམིགས་པ་གཏད་ལ་སྔ་མ་བཞིན་བསྒོམ་མོ། །དེ་ནས་དབུ་རིལ་པོ་དང་། དེ་ནས་སྐུ་རིལ་པོ་དང་། དེ་ནས་གདན་དང་། དེ་ནས་དཀྱིལ་འཁོར་བསྒོམས་པ་ཡིན་ན་དཀྱིལ་འཁོར་གྱི་ལྷ་རྣམས་དང་། དེ་ནས་གཞལ་ཡས་ཁང་སྲུང་བའི་འཁོར་ལོ་དང་བཅས་པ་སྔ་མ་བཞིན་བསྒོམ་ཞིང་། སྤྱན་དབུས་མའི་ཏིང་ངེ་འཛིན་གོམས་པ་བཞིན་མ་གྱུར་གྱི་བར་དུ་བསླབ་པར་བྱའོ། །དེ་ལྟར་བདག་བསྐྱེད་ཀྱི་ལྷ་ལ་དམིགས་པ་གསལ་བ་དང་། ཕྱི་རོལ་གྱི་དངོས་པོ་གང་ཡང་རུང་བ་ཞིག་རང་གི་ལྷག་པའི་ལྷར་བསྒོམ་ཞིང་མཉམ་པར་གཞག །དེ་ལ་གོམས་པ་དང་རིམ་གྱིས་རྒྱ་བསྐྱེད་ཅིང་། རང་གིས་མཐོང་ཚད་ཀྱི་སྣང་བ་རྣམས་ལ་ལྷར་བསྒོམ་ཞིང་གོམས་པར་བྱའོ། །དེ་ནས་རང་གིས་བསྒོམས་པའི་ལྷ་དང་། དཀྱིལ་འཁོར་གྱི་ཚད་ཀྱང་རྒྱ་བསྐྱེད་ཅིང་། མཐར་འཇིག་རྟེན་གྱི་ཁམས་ཐམས་ཅད་ཁྱབ་པར་བསྒོམ་པར་བྱའོ། །དེ་ནས་རིམ་པ་བཞིན་ལྷ་དང་དཀྱིལ་འཁོར་གྱི་ཚད་ཇེ་ཆུང་ཇེ་ཆུང་དུ་བསྡུས་ནས། མཐར་ཤིན་ཏུ་ཆུང་བ་ཡུངས་འབྲུའི་ཚད་ཙམ་གྱི་ནང་དུ་ལྷའམ་དཀྱིལ་འཁོར་རྫོགས་པར་བསྒོམ་ཞིང་གསལ་གདབ། དམིགས་པའི་རིམ་པ་དེ་
― LT14_Page_249A ―
[མ་དཔེ་གཟིགས་ན་འདིར་གནོན།]
རྣམས་ཀྱང་། སྤྱན་དབུས་མའི་དམིགས་པ་ལྟར་གོམས་གོམས་ཀྱི་བར་དུ་བསྒོམ། དེ་རྣམས་ལ་གོམས་པ་དང་། ཡུངས་འབྲུའི་ཚད་ཙམ་གྱི་ལྷ་དང་དཀྱིལ་འཁོར་གྱིས་འཇིག་རྟེན་གྱི་ཁམས་རྒྱ་ཆེན་པོར་ཁྱབ་པར་བསྒོམས་ཀྱང་འཇིག་རྟེན་གྱི་ཁམས་ཆེར་མི་འགྲོ་ཞིང་། ལྷའི་སྐུ་ཆུང་ངུ་མི་འགྲོ་བར་བསྒོམ་ཞིང་། ཏིང་ངེ་འཛིན་དེ་ཉིད་གོམས་པ་མཐར་མ་སོན་གྱི་བར་དུ་བསྒོམ། དེ་བཞིན་དུ་ཡུངས་འབྲུ་ལྟ་བུ་ཆུང་ངུ་ཞིག་གི་ནང་དུ་ཤིན་ཏུ་རྒྱ་ཆེ་བའི་དཀྱིལ་འཁོར་བསྒོམས་པས་ལྷ་དང་དཀྱིལ་འཁོར་ཆུང་ངུ་མི་འགྲོ་ཞིང་། ཡུངས་འབྲུ་ཆེར་མི་འགྲོ་བའི་ཚུལ་དུ་བསྒོམ་ཞིང་གོམས་པར་བྱའོ། །ལྷའི་རྣམ་པ་དེ་དག་ཐམས་ཅད་ཀྱང་། རྣམ་པ་སྣང་བ། རང་བཞིན་སྟོང་པ། ངོ་བོ་ཟུང་དུ་འཇུག་པར་བསྒོམ་པར་བྱའོ། །དམིགས་པ་དེ་ལྟ་བུ་གྲུབ་པ་དང་། བསྐྱེད་པའི་རིམ་པ་མཐར་ཕྱིན་པ་ཡིན་ནོ། །ལྷ་སོ་སོའ་དག་པ་བསྐྱེད་པའི་རིམ་པའོ། །དེ་ནས་རང་རིག་པའི་དག་པ་བསྒོམ་པ་ལ། ཐོག་མར་བསམ་གཏན་གྱི་ཡན་ལག་དགུས་སྦྱང་བ་ནི། གནས་དབེན་པར་སྟན་བདེ་བ་ལ་བསྡད། རླུང་ནང་དུ་དྲངས་ལ་ཁ་སྦྱར་བ་ཐམས་ཅད་ཀྱི་སྔོན་དུ་བྱས་ལ། མགོ་བོ་མཇིང་པ་བསྒྱུར་བྱ་ཞིང་། །ལག་པ་གཉིས་ནི་སོ་སོར་གཡབ། །རྐང་པ་གཉིས་ནི་དྲག་ཏུ་སྤྲུགས། །ཡན་ལག་ལྔ་ཡི་སྦྱང་བ་ཡིན། །ཞེས་པ་ལྟར་ལུས་བདེ་བ་དང་ཡང་བ་དང་། ཡན་ལག་གི་ནང་ཡོངས་སུ་བྱང་བ་ལ་སོགས་པ་འབྱོངས་པའི་རྟགས་མ་བྱུང་གི་བར་དུ་བྱའོ། །ལུས་སྦྱང་བའོ། །ངག་ཏུ་ཁ་ཏོན་དང་། བཟླས་བརྗོད་དང་། གླིང་བསླང་ལ་སོགས་བདག་གི་ལས་གང་ཡང་མི་བྱེད་པར་མི་སྨྲ་བར་འདུག་པ་ནི་དག་སྦྱང་བའོ། །སེམས་ཀྱིས་འཇིག་རྟེན་གྱི་བྱ་བའི་བསམ་མནོ་དང་། ཆོས་ཀྱི་བསམ་མནོ་དང་། མོས་གུས་དང་སྙིང་རྗེ་ལ་སོགས་པ་ཡིད་ཀྱི་ལས་གང་ཡང་མི་བྱེད་པར་ཡིད་དལ་བར་བྱེད་པ་ནི་ཡིད་སྦྱང་བའོ། །དེ་ལྟར་སྦྱང་བ་གསུམ་པོ་ཟླ་བའམ། ལོའ་བར་དུ་བསྒོམས་པས་དེ་ཉིད་ལ་བརྟེན་ནས་ཀྱང་ཏིང་ངེ་འཛིན་གྱི་རྣམ་གྲང་བསྐྱེ་བ་སྲིད་
― LT14_Page_249B ―
[མ་དཔེ་གཟིགས་ན་འདིར་གནོན།]
ལ། དེ་ནས་གནད་ལ་དབབ་པ་གསུམ་ནི། དུས་ནམ་ཡང་ལུས་ཀྱི་སྐྱིལ་ཀྲུང་བཅའ། ལག་པ་མཉམ་གཞག་བྱ། སྒལ་ཚིགས་དྲང་དུ་བསྲང་། མགོ་ཅུང་ཟད་རྒུ། སོ་དང་མཆུ་སྦྱར། མིག་སྣ་རྩེར་ཕབ། ལུས་ལྷོད་ལྷོད་པ་ནི་ལུས་གནད་ལ་དབབ་པའོ། །དེ་ནས་སྣའི་སྒོ་ནས་རླུང་དྲག་ཏུ་ལན་གསུམ་ཕྱིར་བུས་ནས། རླུང་གི་སྐྱོན་ཐམས་ཅད་ཕྱིར་བསལ་བར་བསྒོམ་པ་ནི་ངག་གི་རྟེན་རླུང་ཡིན་པས་ངག་གནད་ལ་དབབ་པའོ། །དེ་ནས་སེམས་མ་ཡེངས་པར་ཀློད་ལ་ཡིད་ལ་མི་བསམ་པར་འཇོག་པ་ནི་སེམས་གནད་ལ་དབབ་པའོ། །འདི་ཟླ་བ་དང་ལོའ་བར་དུ་བསྒོམས་པས་སེམས་གནས་པ་དང་། ཡིད་བདེ་བ་ལ་སོགས་པའི་ཏིང་ངེ་འཛིན་འབྱུང་ངོ་། །དེ་ནས་འོག་ནས་འཆད་པའི་ཏིང་ངེ་འཛིན་གང་བསྒོམ་ཡང་། དེའི་སྔོན་འགྲོ་གསུམ་ནི། བདག་གིས་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། དེའི་དོན་དུ་ཏིང་ངེ་འཛིན་བསྒོམ་སྙམ་དུ་བྱང་ཆུབ་ཀྱི་སེམས་ཡུན་རིང་དུ་བསྒོམ་པ་དང་གཅིག །ཧཱུྃ་ཞེས་བརྗོད་པས་རང་ཡི་དམ་གྱི་ལྷ་སྣང་ལ་རང་བཞིན་མེད་པ་མེ་ལོང་གི་གཟུགས་བརྙན་ལྟ་བུར་བསྒོམ་པ་དང་གཉིས། སྤྱི་བོར་བླ་མ་དམ་པ་བསྒོམས་ནས། དེ་ལ་མོས་གུས་དྲག་པོ་བྱས་པ་དང་གསུམ་ནི་སྔོན་འགྲོ་གསུམ་སྟེ་བསམ་གཏན་གྱི་ཡན་ལག་དགུའོ། །དེ་ནས་བསམ་གཏན་གྱི་དངོས་གཞི་ལ་རླུང་འབྱོངས་ན། གཞན་ཐམས་ཅད་ལ་དབང་འབྱོར་པར་འགྱུར་བས། རླུང་གི་རྣལ་འབྱོར་བདུན་ནི། སྲོག་རྩོལ་བསྒོམ་པ། ཕྱིར་བཏང་བ་ལ་རྩོལ་བ་བཀག་སྟེ་སྲོག་ནས་གཏོང་བ། ཤུགས་བསྐྱེད་དེ་གཉིས་ཀ་ནས་གཏོང་བ། ཁ་ནས་སྒྲ་བཅས་སུ་གཏོང་བ་དང་གསུམ་མོ། །དགང་བ་ནི། རྩོལ་བ་བཀག་སྟེ་སྲོག་ནས་དགང་བ། ཁ་ནས་སྒྲ་མེད་དུ་དགང་བ་དང་གཉིས་སོ། །གནས་པ་ལམ་དུ་བྱེད་པ་ལ་རླུང་ཁ་སྦར་ཏེ་དེ་ལྟར་ན་བདུན་ནོ། །དེ་ནས་སྲོག་རྩོལ་བསྒོམ་པའི་ཚུལ་ནི། ཐོག་མར་བསམ་གཏན་གྱི་ཡན་ལག་དགུ་སྔོན་དུ་སོང་བར་བྱས་ལ། རླུང་སྣ་བུག་ནས་ཕྱིར་འགྲོ་བའི་ཚེ་ཕྱིར་སོང་སྙམ་དུ་བསྒོམ། དེ་བཞིན་དུ་ནང་དུ་འཇུག་པའི་ཚེ་ནང་
― LT14_Page_250A ―
[མ་དཔེ་གཟིགས་ན་འདིར་གནོན།]
དུ་ཞུགས། གནས་པའི་ཚེ་གནས་སྙམ་དུ་བསྒོམ་ཞིང་། ཚུལ་དེ་ཉིད་ཟླ་བ་ལ་སོགས་པའི་བར་དུ་བསྒོམ་པས་ཏིང་ངེ་འཛིན་སྐྱེ་བ་དང་། ཕྱིར་རྒྱུ་བ་ལ་བསྣན་ཏེ། ཕྱིར་རིང་དུ་རྒྱུས། ནང་དུ་ཐུང་ངུ་རྒྱུས། ནང་དུ་གནས་སྙམ་དུ་བསྒོམ་ཞིང་ཟླ་བ་ལ་སོགས་པའི་བར་དུ་སྦྱང་། དེ་ནས་རླུང་ནང་དུ་ཞུགས་ནས་ཕྱིར་རྒྱུས་སྙམ་དུ་བསྒོམ་ཞིང་ཟླ་བ་ལ་སོགས་པའི་བར་དུ་སྦྱང་། དེ་ནས་ནང་དུ་འཇུག་པ་ལ་བསྣན་ཏེ། ནང་དུ་རིང་དུ་རྒྱུས། ནང་དུ་གནས། ཕྱིར་ཐུང་ངུ་རྒྱུས་སྙམ་དུ་དྲན་ཞིང་། ཟླ་བ་ལ་སོགས་པའི་བར་དུ་སྦྱང་། དེ་དག་ནི་རླུང་འགྲོ་འོང་ཇི་ལྟར་སྒོམ་པའི་ཚུལ་དང་བསྟུན་ཞིང་བྱའོ། །མཐར་ཕྱིན་པའི་ཚད་ནི། རྒྱུ་བ་གསལ་བ་ཞེས་བྱ་བ་སྣ་སྒོ་ནས་ས་རླུང་སེར་པོ་རྒྱུ་བ་དང་། ཆུ་རླུང་དཀར་པོ། མེ་རླུང་དམར་པོ། རླུང་གི་རླུང་ལྗང་སྔོན་རྣམས་མངོན་སུམ་དུ་མཐོང་བ་འབྱུང་ངོ་། །རྣམ་པར་ངེས་པ་ཞེས་བྱ་བ། གཡས་ནས་རྒྱུ་བའི་རླུང་གཡོན་དུ་སྤོ་ནུས་པ་འབྱུང་སྟེ། དེ་གཉིས་ནི་མཐར་ཕྱིན་པའི་ཚད་དོ། །ཡོན་ཏན་ནི་རླུང་ལ་བརྟེན་ནས་ཕྲིན་ལས་བཞི་འགྲུབ་པ་དང་། གཞན་གྱི་སེམས་ཤེས་པའི་མངོན་ཤེས་ལྟ་བུ་ཡང་ཅི་རིགས་པ་འབྱུང་། གཟའ་དང་ཐོག་ལ་སོགས་པ་དུས་མ་ཡིན་པར་འཆི་བའི་འཇིགས་པའི་སྐྱོན་སེལ་ལོ། །འདི་ཡོན་ཏན་ཐམས་ཅད་ཀྱི་གཞི་ཡིན་པས་རྟགས་མ་བྱུང་གི་བར་དུ་བསྒོམ་པ་གལ་ཆེའོ། །སྲོག་རྩོལ་བསྒོམ་པའི་རིམ་པ་ནི་རླུང་གི་རྣལ་འབྱོར་དང་པོའོ། །དེ་ནས་གཏོང་བའི་ཡན་ལག་རྩོལ་བ་བཀག་སྟེ། སྲོག་ནས་གཏོང་བ་ནི། བསམ་གཏན་གྱི་ཡན་ལག་དགུ་སྔོན་དུ་སོང་ནས་རང་གི་ཤེས་པ་སྣ་བུག་གཡོན་པའི་སྒོར་གཏད་ལ། མཛུབ་མོ་གཡས་པས་སྣ་བུག་གཡས་པའི་སྒོ་བཀག་ནས། སྣ་བུག་གཡོན་ནས་རླུང་རིམ་གྱིས་གཏོང་། ཕྱིར་ཐུབ་ཚད་ཅིག་བཞག །ནང་དུ་འཇུག་པའི་ཚེ། དམིགས་པ་དང་རྩོལ་བ་མེད་པར་རིམ་གྱིས་འོང་དུ་གཞུག །ཡང་སྔ་མ་བཞིན་དུ་གཏོང་། དེ་ལྟ་བུ་རྟགས་མ་བྱུང་གི་བར་དུ་བསྒོམ། རྟགས་ནི་རླུང་ཕྱིར་བཏང་ནས། རླུང་ཟད་ཀྱང་མི་བདེ་བ་མེད་པ་
― LT14_Page_250B ―
[མ་དཔེ་གཟིགས་ན་འདིར་གནོན།]
ཇི་ཙམ་འདོད་པའི་བར་དུ་ཕྱིར་བཞག་ནུས་པ་འབྱུང་ངོ་། །ཡོན་ཏན་ནི་མི་རྟོག་པའི་ཏིང་ངེ་འཛིན་རྒྱུད་ལ་སྐྱེ། རོ་སྟོད་གཟེར་བ་དང་། གྲང་བ་ལ་སོགས་པའི་སྐྱོན་ཐམས་ཅད་སེལ། བཏང་བའི་ཡན་ལག་དང་པོའོ། །དེ་ནས་ཤུགས་བསྐྱེད་དེ་གཉིས་ཀ་ནས་གཏོང་བ་ནི། བསམ་གཏན་གྱི་ཡན་ལག་དགུ་སྔ་མ་ལྟར་བསྒོམས་ལ། རང་གི་ཤེས་པ་སྨིན་མཚམས་སུ་གཏང་ནས། སྣ་བུག་གཉིས་ཀ་ནས་རླུང་ཕྱིར་དྲག་ཏུ་གཏང་། ཕྱིར་ཐུབ་ཚད་ཅིག་བཞག །ནང་དུ་འཇུག་པའི་ཚེ་དམིགས་པ་དང་རྩོལ་བ་མེད་པར་འོང་དུ་གཞུག །ཡང་སྔ་མ་ལྟར་གནང་། དེ་ལྟ་བུ་ཞག་འགའི་བར་དུ་བསྒོམ། དེ་ནས་དམིགས་པ་རང་གི་མདུན་འདོམ་གང་གི་སར་གཏད། དེ་ནས་འདོམ་བཅུ་ཙམ་གྱི་སར་གཏད། དེ་ནས་རིམ་པ་བཞིན་འདོམ་བརྒྱ་དང་། སྟོང་དང་། ཁྲི་དང་། འབུམ་དང་། མཐར་ནམ་མཁའི་མཐའ་ཚད་མེད་པ་ལ་ཤེས་པ་གཏད་ལ་རླུང་བཏང་ཞིང་སྔ་མ་ལྟར་བསྒོམ། གོམས་པའི་ཚད་སྔ་མ་དང་འདྲ། ཡོན་ཏན་མགོ་ནད་མིག་ནད་དང་། དབུགས་ཀྱི་ནད་མ་ལུས་པ་སེལ། བཏང་བའི་ཡན་ལག་གཉིས་པའོ། །དེ་ནས་ཁ་ནས་སྒྲ་བཅས་སུ་གཏོང་བ་ནི། བསམ་གཏན་གྱི་ཡན་ལག་དགུ་ཚང་བར་བྱས་ནས་ཤེས་པ་ཁའི་ཕྱི་སོའ་ཐད་ཀར་གཏད་ལ། སོ་བསྒྲིགས་ནས་སོའ་སྒྲ་དང་བཅས་ནས། རླུང་སོའ་བར་ནས་རིམ་གྱིས་གཏང་། ནང་དུ་འཇུག་པའི་ཚེ། དམིགས་པ་མེད་པར་རིམ་གྱིས་འོད་དུ་གཞུག །དེ་ལྟ་བུ་རྟགས་མ་བྱུང་གི་བར་དུ་བསྒོམ་མཐར་ཕྱིན་པའི་ཚད་སྔ་མ་དང་འདྲ། ཡོན་ཏན་ལུས་ལྡང་བ་ཡང་བ་དང་། ཟོ་མདོག་བདེ་བར་འགྱུར་རོ། །ཁྲག་གི་ནད་དང་རིམས་གློ་བུར་བ་དང་། ཚད་པའི་ནད་སེལ། བཏང་བའི་ཡན་ལག་གསུམ་པའོ། །དེ་ནས་དགང་བའི་ཡན་ལག་ནི། རྩོལ་བ་བཀག་སྟེ་སྲོག་ནས་དགང་བ་ནི། བསམ་གཏན་གྱི་ཡན་ལག་དགུ་སྔོན་དུ་སོང་ནས། རང་གི་ལྟེ་བའི་ནང་དུ་སྒོ་ང་ཁོག་སྟོང་ལྟ་བུའི་འོད་ཀྱི་གོང་བུ་ཕྱི་དཀར་ལ་ནང་སེར་བ་སྟོང་
― LT14_Page_251A ―
[མ་དཔེ་གཟིགས་ན་འདིར་གནོན།]
སང་ངེ་བ་ཞིག་བསྒོམ། རླུང་ཐམས་ཅད་དེའི་ནང་དུ་སིབ་སིབ་འཇུག་པ་ལ་ཤེས་པ་གཏད་ལ། །མཛུབ་མོ་གཡས་པས་སྣ་བུག་གཡས་པ་བཀག་ནས། གཡོན་པ་ནས་རིམ་གྱིས་རླུང་རྔུབས་ནས་རླུང་རྫོགས་པ་དང་། མཆིལ་མ་སྒྲ་མེད་པར་མིད་ལ་རླུང་ཐུབ་ཚད་ཅིག་མནན་ནོ། །མ་ཐུབ་པ་དང་སེམས་ཀྱི་དམིགས་པ་མེད་པར་དལ་བུས་ཕྱིར་བཏང་ངོ་། །ཡང་སྔ་མ་བཞིན་དུ་དྲང་ཞིང་། དེ་ལྟ་བུ་རྟགས་མ་བྱུང་གི་བར་དུ་བྱའོ། །མཐར་ཕྱིན་པའི་ཚད་ནི་ཇི་ཙམ་འདོད་པར་མནན་ཐུབ་པ་དང་། མནན་ཡང་མི་བདེ་བ་མེད་པ་ཡིན་ནོ། །ཡོན་ཏན་དྲོད་དང་བདེ་བ་སྐྱེ། གྲང་བ་དང་། སྐྲན་དང་མ་ཞུ་བའི་སྐྱོན་སེལ་ལོ། །དེ་ནས་ཁ་ནས་སྒྲ་མེད་དུ་དགང་བ་ནི་བསམ་གཏན་གྱི་ཡན་ལག་དགུ་སྔོན་དུ་སོང་ནས། ལྟེ་བར་ཆོས་འབྱུང་ཕྱི་སྔོ་ལ་ནང་དམར་བ་ཞིག་བསྒོམས་ནས། རླུང་ཁ་ནས་སྒྲ་མེད་པར་དལ་བུས་རྔུབ་ཅིང་རྔུབ་ཚར་བ་དང་། མཆིལ་མ་སྒྲ་མེད་པར་མིང་ལ་ཐུང་ཚད་ཅིག་མནན་ནོ། །ཕྱིར་གཏོང་བའི་ཚེ་དམིགས་པ་མེད་པར་རིམ་གྱིས་གཏང་། དེ་ལྟ་བུ་རྟགས་མ་བྱུང་གི་བར་དུ་སྦྱང་། མཐར་ཕྱིན་པའི་ཚད་ནི། རླུང་ཇི་ཙམ་འདོད་པ་ནང་དུ་གནས་པ་དང་། མི་བདེ་བ་མེད་པ་ཡིན། ཡོན་ཏན་དྲོད་དང་བདེ་བ་སྐྱེ་ཞིང་ཁམས་རྒྱས་པར་འགྱུར། དམུ་ཆུ་དང་ལྟོ་བའི་སྐྱོན་མ་ལུས་པ་སེལ་ལོ། །དགང་བའི་ཡན་ལག་གཉིས་པའོ། །དེ་ནས་གནས་པ་ལམ་དུ་བྱེད་པ་ཁ་སྦྱོར་བསྒོམ་པ་ནི། བསམ་གཏན་གྱི་ཡན་ལག་དགུ་སྔོན་དུ་སོང་ནས། ལག་པ་མཉམ་གཞག་གི་ཕྱག་རྒྱ་ལྟེ་བའི་འོག་ཏུ་མནན་ནས། ལྟེ་བར་གཏུམ་མོའི་མེ་ཨ་ཤད་ཀྱི་རྣམ་པ་ལྟ་བུ་ཕྲ་ཞིང་ཚ་ལ་ངར་དང་ལྡན་པ་ཞིག་བསྒོམ། དེ་ནས་འོག་རླུང་ཅུང་ཟད་ཡར་འཐེན་ནས། སྟེང་རླུང་གང་ནས་རྒྱུ་བའི་སྣ་སྒོ་ནས་རིམ་གྱིས་དྲངས་ནས་རླུང་ཐམས་ཅད་ལྟེ་བའི་ཨ་ལ་ཐིམ་པར་བསམ། རླུང་རྫོགས་པ་དང་། མཆིལ་མ་ཞིག་མིད་ནས། སྟེང་རླུང་གིས་འོག་རླུང་
― LT14_Page_251B ―
[མ་དཔེ་གཟིགས་ན་འདིར་གནོན།]
དྲག་ཏུ་འཐེན་ནས། རླུང་གཉིས་ལྟེ་བའི་གནས་སུ་ཁ་སྦྱར་བས། གཏུམ་མོའི་ནུས་པ་བསྐྱེད་པར་བསམ་ཞིང་ཐུབ་ཚད་གཟུང་ངོ་། །དེ་ལྟ་བུ་ཐུན་བཞི་ལ་སོགས་པའི་ངེས་པས་རྟགས་མ་བྱུང་གི་བར་དུ་བསྒོམ། དེའང་དང་པོ་སྐྱིལ་ཀྲུང་བཅས་ནས་སྦྱང་། དེ་ནས་ཙོག་པུ་དང་། ཉལ་བ་དང་། ལངས་པ་དང་། འགྲོ་བ་ལ་སོགས་པ་ཐམས་ཅད་བསླབ་ཅིང་གོམས་པར་བྱའོ། །མཐར་ཕྱིན་པའི་ཚད་ནི། སྤྱོད་ལམ་ཇི་ལྟར་གནས་ཀྱང་རུང་། ཁ་སྦྱར་འདོད་ཚད་དུ་ཐུབ་པའོ། །ཡོན་ཏན་ནི་ཏིང་ངེ་འཛིན་གྱི་སྒོ་མང་པོ་སྐྱེའོ། །ལུས་ཀྱི་འབྱུང་བ་འཁྲུགས་པའི་སྐྱོན་ཐམས་ཅད་སེལ་ལོ། །ཁ་སྦྱོར་སྒོམ་པའི་ཚུལ་ཏེ་རླུང་གི་རྣལ་འབྱོར་རྣམ་པ་བདུན་ནོ། །དེ་ནས་གཏུམ་མོའི་རྣལ་འབྱོར་ནི། ལས་ཙོག་པུ་ཐབ་འགལ་གྱི་ཕྱག་རྒྱ་བཅའ། བསམ་གཏན་གྱི་ཡན་ལག་བཞི་སྔར་དང་འདྲ། ལྟེ་བའི་སོར་བཞིའི་འོག་ཏུ་གཏུམ་མོའི་མེ་རྟ་རྔ་བརྒྱར་གཤགས་པ་ལྟར་ཕྲ་བ་སོར་ཕྱེད་ཀྱི་ཚད་དང་ལྡན་པ་ཚབ་ངར་དང་ལྡན་པ་ཞིག་བསྒོམས་ནས། སྟེང་རླུང་མནན་འོག་རླུང་བསྡམས་ལ། ཁ་སྦྱར་གྱི་ཚུལ་སྔ་མ་ལྟར་བསྒོམས་ནས། སྟེང་འོག་གི་རླུང་ཐམས་ཅད་ལྟེ་བའི་གཏུམ་མོའི་མེ་ལ་ཐིམ་པར་བསྒོམ། མ་ཐུབ་ཙ་ན་དལ་བུས་གཏོང་ངོ་། །དེ་ལྟ་བུ་རྟག་ཏུ་བསྒོམས་པས་ཐོག་མར་ལྟེ་བའི་གནས་སུ་དྲོད་སྐྱེ། དེ་ནས་ལུས་ཐམས་ཅད་ལ་དྲོད་ཅི་རིགས་པ་འབྱུང་ངོ་། །དེ་ནས་གཏུམ་མོའི་མེ་དེ་ཆེར་བསྐྱེད་དེ། ལྟོ་བའི་གནས་གང་ལ་དམིགས་པ་གཏད་ལ་བསྒོམ། དེ་ནས་རིམ་པ་བཞིན་དུ་ལུས་ཀྱི་ནང་ཐམས་ཅད་གང་བ་དང་། ཕྱི་རོལ་ཏུ་འདོམ་གང་གི་ཁོར་ཡུག་གང་བ་དང་། རྒྱང་གྲགས་དང་། དཔག་ཚད་དང་། ཡུལ་འཁོར་དང་། གླིང་དང་། འཇིག་རྟེན་གྱི་ཁམས་དང་། མཐར་ནམ་མཁའི་མཐས་ཁྱབ་པ་ཐམས་ཅད་མེས་ཡོངས་སུ་གང་བ་ལ་དམིགས་ཤིང་རླུང་ཁ་སྦྱར་སྔ་མ་ལྟར་བསྒོམ། མཐར་ཕྱིན་པའི་ཚད་ནི། རྩོལ་བ་མ་བྱས་ཀྱང་དྲོད་རྒྱུན་མི་འཆད་པ་འབྱུང་། ཡོན་ཏན་དྲོད་ཀྱིས་གཙོ་བྱས་
― LT14_Page_252A ―
[མ་དཔེ་གཟིགས་ན་འདིར་གནོན།]
པའི་ལུས་ཐམས་ཅད་ལ་བདེ་བ་སྐྱེའོ། །གཏུམ་མོའི་རྣལ་འབྱོར་རོ། །དེ་ནས་ཐིག་ལེའི་རྣལ་འབྱོར་ནི། ལུས་སྐྱིལ་མོ་ཀྲུང་དུ་བཅས་ནས། རང་གི་སྙིང་གི་ནང་དུ་ཟླ་བའི་དཀྱིལ་འཁོར་སེན་མོ་ཟླུམ་པ་ཙམ་ཞིག་བསམ། དེའི་སྟེང་དུ་བྱང་ཆུབ་ཀྱི་སེམས་ཀྱི་ཐིག་ལེ་དཀར་ལ་ཟླུམ་པ་སྲན་མ་ཙམ་ཞིག་བསྒོམ། དེ་ལ་ཡིད་གཏད་ནས་རླུང་ཅི་བདེ་བར་རྒྱུར་གཞུག །དེ་ལྟ་བུ་ཐུན་ཚོད་དང་ཐུན་གྲངས་མེད་པར་དུས་རྟག་ཏུ་བསྒོམ། དེ་ལ་གོམས་པ་དང་སྨིན་མཚམས་སུ་བྱང་ཆུབ་ཀྱི་སེམས་ཀྱི་ཐིག་ལེ་སྔ་མ་ལྟ་བུ་ཞིག་བསྒོམས་ལ། དེ་ལ་ཡིད་གཏད་ལ་སྔ་མ་ལྟར་བསྒོམ། དེ་ལ་གོམས་པ་དང་། གསང་གནས་ཀྱི་ནང་དུ་ཐིག་ལེ་དམར་པོ་ཞིག་བསྒོམས་ནས། དེ་ལ་ཡིད་གཏད་ནས་སྔ་མ་བཞིན་བསྒོམ། དེ་ལ་གོམས་པ་དང་། ཐིག་ལེ་གསུམ་ཀ་ཅིག་ཅར་བུ་སྒོམསབསྒོམས་ནས་གསུམ་ཀའང་འོད་ཀྱི་སྐུད་པ་ཕྲ་མོ་ཞིག་གིས་སྤྲེལ་ནས། དབུགས་ཕྱིར་རྒྱུ་བའི་ཚེ། གསང་གནས་ཀྱི་ཐིག་ལེའི་ནུས་པ་སྙིང་གི་ནང་གི་ཐིག་ལེ་ལ་ཐིམ། ནང་དུ་འཇུག་པའི་ཚེ་སྨིན་མཚམས་ཀྱི་ཐིག་ལེའི་ནུས་པ་སྙིང་གི་ནང་གི་ཐིག་ལེ་ལ་ཐིམ། གནས་པའི་ཚེ་སྙིང་གི་ཐིག་ལེའི་ནུས་པས་ལུས་ཡན་ལག་གི་རྩ་དང་། ཡི་གེའི་སྦུབས་ན་གནས་པའི་ཁམས་ཐམས་ཅད་ཀྱི་ནུས་པ་རྒྱས་པར་བསྒོམ་ཞིང་། ཐུན་གྲངས་མེད་པར་ཡིད་ཇི་ལྟར་འཇུག་པ་བཞིན་བསྒོམ་མོ། །གོམས་པའི་ཚད་ཏིང་ངེ་འཛིན་དེའི་ངང་དུ་ཉིན་མཚན་ཁོར་ཡུག་ཏུ་འགྲོ་བ་དང་། བཟའ་བ་དང་། བཏུང་པ་མེད་ཀྱང་ཁམས་རྒྱས་པར་འགྱུར་རོ། །ཡོན་ཏན་ནི་བདེ་བ་ཆེན་པོའི་ཏིང་ངེ་འཛིན་སྐྱེའོ། །ལུས་དང་དབང་པོ་རྒུད་པ་དང་། ཡིད་མི་བདེ་བའི་སྐྱོན་ཐམས་ཅད་སེལ་ལོ། །ཐིག་ལེའི་རྣལ་འབྱོར་རོ། །དེ་ནས་རླུང་དང་། གཏུམ་མོ་དང་། ཐིག་ལེའི་རྣལ་འབྱོར་སྣ་ཚོགས་པར་སྒོམ་པའི་ཚུལ་ལ་ཚུལ་མང་དུ་གསུངས་པ་པས། འཁོར་ལོ་བཞི་ལ་བརྟེན་པའི་རྣལ་འབྱོར་ནི་བསམ་གཏན་གྱི་ཡན་ལག་དགུ་སྔོན་དུ་སོང་ནས་རང་གི་ལུས་ཀྱི་དབུས་ཀྱི་ཆ་ལ་རྩ་ཨ་ཝ་དྷུ་ཏི་ཤིན་ཏུ་ཕྲ་ཞིང་དྲང་བ་ཞིག་ཡོད་པར་བསམ། དེའི་གཡས་ཀྱི་ཆ་ལ་ར་ས་ནཱ་མེའི་རང་བཞིན་དམར་པོ་ཁ་གྱེན་དུ་བལྟ་བ་བསམ། གཡོན་གྱི་ཆ་ལ་ལ་ལ་ནཱ་དཀར་པོ་ཆུའི་རང་བཞིན་ཁ་ཐུར་དུ་བལྟ་བ་བསམ། རྩ་དབུ་མའི་ཆ་ལ་
― LT14_Page_252B ―
[མ་དཔེ་གཟིགས་ན་འདིར་གནོན།]
བརྟེན་པའི་ལྟེ་བར་སྤྲུལ་པའི་འཁོར་ལོ་འདབ་མ་དྲུག་ཅུ་རྩ་བཞི་པའི་ལྟེ་བར་ཨ་ཁ་དོག་སྣ་ཚོགས་མགོ་གྱེན་དུ་བལྟ་བ། དེའི་ནང་སྐོར་བརྒྱད་ལ། ཨ་ཀ་ཙ་ཊ་ཏ་པ་ཡ་ཤ་བརྒྱད། ཕྱི་སྐོར་འདབ་མ་དྲུག་ཅུ་རྩ་བཞི་ལ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ། ཞེས་པ་ཕྲག་གཉིས་དང་། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས། ཞེས་པ་རྣམས་ཡོད་པར་བསམ། སྙིང་ག་ལ་བརྟེན་པར་ཆོས་ཀྱི་འཁོར་ལོ་འདབ་མ་བརྒྱད་པའི་ལྟེ་བར་ཧཱུྃ་ནག་པོ་མགོ་ཐུར་དུ་བལྟ་བ། ཕྱོགས་བཞིར་བྷྲཱུཾ་ཨཱཾ་ཛྲིཾ་ཁཱཾ། མཚམས་བཞིར་ལཱཾ་མཱཾ་པཱཾ་ཏཱཾ་རྣམས་ཡོད་པར་བསམ། མགྲིན་པ་ལ་བརྟེན་པར་ལོངས་སྤྱོད་ཀྱི་འཁོར་ལོ་འདབ་མ་བཅུ་དྲུག་པའི་ལྟེ་བར་ༀ་དམར་པོ་མགོ་གྱེན་དུ་བལྟ་བ། འདབ་མ་རྣམས་ལ་ཨཱ་ལི་ཕྲག་གཉིས་བསམ། སྤྱི་བོ་ལ་བརྟེན་པ་བདེ་བ་ཆེན་པོའི་འཁོར་ལོ་འདབ་མ་སུམ་ཅུ་རྩ་གཉིས་པའི་ལྟེ་བར་ཧཾ་དཀར་པོ་མགོ་ཐུར་དུ་བལྟ་བ། འདབ་མ་རྣམས་ལ་ཨཱ་ལི་ཕྲག་གཉིས་བསམ། དེ་ནས་འོག་རླུང་བསྐྱོད་པའི་སྦྱོར་བས་ལྟེ་བའི་གཏུམ་མོའི་མེ་སྤར་བ། གཡས་རོ་མའི་མེ་དང་བསྡོངས་ནས་སོང་བས་སྙིང་གའི་འཁོར་ལོ་བསྲེགས། མགྲིན་པའི་འཁོར་ལོའང་བསྲེགས། མེ་དེ་སྤྱི་གཙུག་ནས་སོང་ནས་སངས་རྒྱས་ཐམས་ཅད་ཀྱི་ཞབས་ཀྱི་ལོང་བུ་གཡས་པ་ནས་ཞུགས། སངས་རྒྱས་ཀྱི་ལྟེ་བའི་གཏུམ་མོའི་མེ་སྦར། དེས་སངས་རྒྱས་ཀྱི་སྤྱི་གཙུག་ནས་བྱང་ཆུབ་ཀྱི་སེམས་ཀྱི་ཐིག་ལེ་ཕབ་པ་དེ། གཏུམ་མོའི་མེའི་ནུས་པས་དྲངས་ནས་སྤྱི་གཙུག་ནས་བབ། གཡོན་རྐྱང་མའི་ཐིག་ལེ་དང་བསྡོངས་ནས་བབས་པས་སྤྱི་གཙུག་གི་འཁོར་ལོ་གསལ་བཏབ། ཡང་གཡོན་རྐྱང་མའི་ཐིག་ལེ་དང་བསྡོངས་ནས་བབས། མགྲིན་པའི་འཁོར་ལོ་གསལ་གདབ། ཡང་མར་བབ་ནས་ལྟེ་བའི་འཁོར་ལོ་གསལ་གདབ། དེ་ནས་ཐིག་ལེའི་ཐིགས་པ་ཕྲ་མོ་ཞིག་ལྟེ་བའི་ཨ་ལ་ཕོག་པས། ཨ་ལས་མེའི་འོད་ཟེར་ཆ་ཤིན་ཏུ་ཕྲ་བ་ཞིག་དབུས་ཀུན་འདར་མའི་ནང་ན་ཡར་སོང་། སྤྱི་གཙུག་གི་
― LT14_Page_253A ―
[མ་དཔེ་གཟིགས་ན་འདིར་གནོན།]
ཧཾ་ལ་ཕོག་པས་ཧཾ་ལས་བྱང་ཆུབ་ཀྱི་སེམས་ཀྱི་ཐིག་ལེ་ཤིན་ཏུ་ཕྲ་བའི་རྒྱུན་དབུས་ཀུན་འདར་མ་ནས་བབ། ཐིག་ལེའི་གནས་ནས་བརྒྱུད་ནས་ལུས་ཀྱི་རྩ་དང་ཡི་གེ་ཐམས་ཅད་ལ་ཁྱབ། གཏུམ་མོའི་མེ་ཤིན་ཏུ་ཕྲ་བའང་ཀུན་འདར་མའི་ནང་ན་ཡར་འབར། དེའི་ནུས་པས་ལུས་ཐམས་ཅད་དྲོད་ཀྱིས་གང་། དེ་ལ་དམིགས་པ་གཏད་ནས་རླུང་ཁ་སྦྱར་སྔ་མ་ལྟར་བསྒོམ། དེ་ལྟ་བུ་ཅི་ནུས་པ་རྒྱུན་མི་འཆད་པར་བསྒོམ། མཐར་ཕྱིན་པའི་རྟགས་དང་ཡོན་ཏན་དུ་རླུང་གི་ནུས་པ་ནང་དུ་ཇི་ཙམ་གནས་པར་ཐུབ་པ་དང་། ཕྱིར་ཇི་ཙམ་འདོད་པར་གཏོང་བ་དང་། སྟེང་འོག་གི་ནད་སྟེང་འོག་ཏུ་འབྱུང་བར་ནུས། ཐིག་ལེའི་ནུས་པས་ཐིག་ལེ་མི་ཉམས་པ་དང་། ཁམས་རྒྱས་པ་དང་། ཏིང་ངེ་འཛིན་དང་མངོན་པར་ཤེས་པ་འབྱུང་། གཏུམ་མོའི་ནུས་པས་ལུས་དྲོད་དང་ལྡན་པ་དང་། ཟོ་མདོག་བཟང་བ་དང་། ཕྱི་ནང་གི་ནད་མ་ལུས་པ་སེལ་བ་འབྱུང་། རྩའི་ནུས་པས་འབྱུང་བ་འཁྲུགས་པའི་ནད་ཐམས་ཅད་སེལ་བ་དང་རྫུ་འཕྲུལ་སྟོན་ནུས་པ་འབྱུང་ངོ་། །དེ་ལྟར་རླུང་སེམས་ལ་དབང་འབྱོར་བ་དང་། དབང་གསུམ་པའི་ལམ་རྗེས་སུ་ཆགས་པའི་རྣལ་འབྱོར་དང་མཐུན་པར་དཔྱད་པས་འཇིག་རྟེན་ལས་འདས་པའི་ཡེ་ཤེས་སྐྱེ་བར་འགྱུར་ལ། དེ་ནས་སངས་རྒྱས་དང་བྱང་ཆུབ་སེམས་དཔའ་རྣམས་ལས་ཟབ་པ་དང་རྒྱ་ཆེ་བའི་མན་ངག་ཐོས་ཤིང་བསྒོམས་ནས། སངས་རྒྱས་ཀྱི་སའི་བར་དུ་བགྲོད་པར་འགྱུར་བས་འཇིག་རྟེན་ལས་འདས་པའི་ལམ་ནི་འདིར་མ་བྲིས་སོ། །དེ་ལྟར་དག་པ་རྣམ་པ་གསུམ་གྱི་སྒོ་ནས་རྣལ་འབྱོར་པས་ཉམས་སུ་བླངས་པས། འཇིག་རྟེན་ལས་འདས་པའི་གོ་འཕང་ལ་སྦྱོར་བར་བྱེད་པའི་ཚུལ། ཆོས་རྗེ་ས་སྐྱ་པ་ཡབ་སྲས་ཀྱི་མན་ངག་བཞིན། རྡོ་རྗེ་འཛིན་པ་འཕགས་པས་བྲིས་ནས་རྒྱལ་པོ་ཆེན་པོ་དང་བཙུན་མོ་ལ་ཕུལ་བའོ། །སརྦ་དཱ་མངྒ་ལཾ། །དགེའོ། །
| 
