གདམས་ངག་མཛོད།གླེགས་བམ་བཅོ་ལྔ་པ།འཇམ་མགོན་ཀོང་སྤྲུལ་བློ་གྲོས་མཐའ་ཡས། 'jam mgon kong sprul blo gros mtha' yas, Lodro Thaye
Nitartha Publication
ཆོས་ཚུལ་འདི་ཡང་ཉི་ཟླའི་དཀྱིལ་འཁོར་བཞིན། །ཕྱོགས་ཀྱི་ཐ་གྲུ་ཀུན་དུ་གྲགས་གྱུར་ཏེ། །བློ་གྲོས་པདྨོ་རབ་ཏུ་རྒྱས་བྱེད་ཅིང༌། །སངས་རྒྱས་བསྟན་པ་དར་ཞིང་རྒྱས་པར་ཤོག །
—ཀློང་ཆེན་པ།
གདམས་ངག་མཛོད་པོད་བཅོ་ལྔ་པ།
རྡོ་རྗེའི་རྣལ་འབྱོར་ཡན་ལག་དྲུག་པའི་རྒྱུད་དང་མན་ངག་གི་སྙིང་པོའི་གཞུང་།
― LT24_Page_001A ―
[མ་དཔེ་གཟིགས་ན་འདིར་གནོན།]
རྡོ་རྗེའི་རྣལ་འབྱོར་ཡན་ལག་དྲུག་པའི་རྒྱུད་དང་མན་ངག་གི་སྙིང་པོའི་གཞུང་བཞུགས་སོ།། །།
― LT24_Page_001B ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཤྲཱི་ཀཱ་ལ་ཙཀྲ་གརྦྷ་ནཱ་མ་ཏནྟྲ། བོད་སྐད་དུ། དཔལ་དུས་ཀྱི་འཁོར་ལོ་ཞེས་བྱ་བའི་རྒྱུད་ཀྱི་སྙིང་པོ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཐམས་ཅད་མཁྱེན་པའི་ཡེ་ཤེས་སྐུ། །ཉིན་མོར་བྱེད་པའི་འོད་ལྟ་བུ། །པདྨའི་འདབ་མ་འདྲ་བའི་སྤྱན། །སངས་རྒྱས་སེང་གེའི་གདན་ལ་བཞུགས། །ལྷ་ཡི་མཆོག་གིས་ཕྱག་བྱས་པར། །སྤྱི་བོས་གཏུགས་ཏེ་ཕྱག་འཚལ་ལོ། །རྒྱལ་པོ་ཟླ་བ་བཟང་པོས་ཞུས། །ཡན་ལག་པདྨ་སྦྱར་བ་ནི། །ཡན་ལག་མ༢ཆོག་ལ་བཞག་བྱས་ཏེ། །དུས་ཀྱི་འཁོར་ལོའི་སྦྱོར་བ་ནི། །རྩོད་པ་དག་གི་དུས་ཀྱི་ནི། །མི་རྣམས་གྲོལ་བའི་རྒྱུ་རུའོ། ༈ །སོ་སོར་སྡུད་པ་རྣམ་པ་བཅུ། །རྒྱལ་བ་ཡི་ནི་དབང་པོར་འགྱུར། །དེ་བཞིན་བསམ་གཏན་མི་སྐྱོད་པ། །སྲོག་དང་རྩོལ་བ་རལ་གྲི་ཅན། །སླར་ལ་ཡང་ནི་རྣམ་པ་བཅུ། །གཟུང་བ་རིན་ཆེན་ཕྱག་རྒྱ་ཅན། །གཡུང་མོ་རྗེས་སུ་དྲན་པ་ནི། །པདྨ་འཛིན་པ་རུ་ནི་འགྱུར། །དཔལ་གྱི་ཏིང་འཛིན་འཁོར་ལོ་ཅན། །རེ་རེ་ཡང་ནི་ལྔ་རུ་དབྱེ། །སླར་ལ་ཡང་ནི་གང་དབྱེ་བ། །ཨ་ལ་སོགས་དང་ཀ་ལ་སོགས། ༈ །སོ་སོར་སྡུད་པ་ཡུལ་དང་ནི། །ཡུལ་ཅན་རྣམ་པ་བཅུ་པོ་རྣམས། །ལུས་ལ་འཇུག་པ་མེད་པའོ། །ཤེས་རབ་རྟོག་དང་དཔྱོད་པའོ། །དགའ་བ་མི་གཡོ་བདེ་བ་དང༌། །བསམ་གཏན་སེམས་ནི་རྩེ་གཅིག་པའོ། །སྲོག་དང་རྩོལ་བ་གཉིས་ཀྱི་ལམ། །མི་འཁྲུག་པ་རུ་འགྱུར་བ་ནི། །དབུ་མར་སྲོག་ནི་འཇུག་པའོ། །ཐིག་ལེ་རུ་ནི་སྲོག་
― LT24_Page_002A ―
[མ་དཔེ་གཟིགས་ན་འདིར་གནོན།]
འཇུག་ཅིང༌། །གཉིས་ཀ་འགྲོ་དང་འོང་བ་དག །གཟུང་བ་ཡིད་ནི་སེམས་གཅིག་པ། །གཏུམ་མོ་ཡི་ནི་སྣང་བ་གང༌། །ལུས་ལ་ངེས་པར་གསལ་འགྱུར་བ། །ནམ་མཁའ་དེ་ནི་རྗེས་དྲན་འགྱུར། །ཤེས་རབ་ཐབས་ཀྱི་བདག་ཉིད་ཀྱི། །ལྷན་ཅིག་སྐྱེས་པའི་བདེན་དབང་གིས། །ཡེ་ཤེས་སྐུ་ནི་ཏིང་འཛིན་ཏེ། །འདི་ནི་ཆུ་སོགས་དབྱེ་བ་ཡིས། །གསུམ་དུ་ཡང་ནི་འགྱུར་བ་ཡིན། །སྣ་ཚོགས་བདག་པོའི་སྒྲུབ་ཐབས་སོ། །ཕྱག་རྒྱ་གསུམ་དང་ཚད་ནི་གསུམ། །རྣམ་པ་གསུམ་གྱི་སྲིད་དབང་གིས། །ལས་དང་ཀུན་རྟོག་བཟང་པོ་ཡི། ༈ །སོ་སོར་སྡུད་པ་རྣལ་འབྱོར་པ། །ཡུལ་དུ་རྣམ་པར་བྲལ་བ་དང༌། །སྔགས་ཀུན་གྱིས་ནི་བྱིན་གྱིས་བརླབ། །བསམ་གཏན་སྦྱོར་བ་དག་པ་ཡིས། །མངོན་ཤེས་ལྔ་ནི་ཐོབ་པར་འགྱུར། །སྲོག་དང་རྩོལ་བ་དག་པས་ནི། །ཟླ་བ་དྲི་མ་དག་པས་བྲལ། །བྱང་ཆུབ་སེམས་དཔའ་རྣམས་ཀྱིས་མཆོད། །གཟུང་བ་ཡི་ནི་སྟོབས་ཀྱིས་ནི། །ཉོན་མོངས་ལ་སོགས་བདུད་འཇོམས་ཤིང༌། །སྟོབས་བཅུ་ལ་ནི་འཇུག་པར་འགྱུར། །དྲི་མེད་འོད་འཕྲོ་དཀྱིལ་འཁོར་ཏེ། །གཞན་སྤང་ཡེ་ཤེས་སྐུ་ལས་སོ། །དེ་ཕྱིར་དག་པ་ཏིང་འཛིན་གྱིས། །ཉི་མ་ཅུང་ཟད་ཙམ་གྱིས་ནི། །ཡེ་ཤེས་སྐུ་ནི་འགྲུབ་པར་འགྱུར། ༈ །སོ་སོར་སྡུད་ལ་སོགས་པ་ཡིས། །གལ་ཏེ་གཟིར་བར་དེ་འགྱུར་ན། །སྔགས་པ་རྣམས་ཀྱིས་འདོད་མི་འགྲུབ། །སྒྲ་ལ་གོམས་པ་ཡན་ལག་མའི། །པད་སོགས་རྡོ་རྗེ་ནོར་བུ་ཡི། །ཐིག་ལེ་བསྒྲུབ་པ་སོང་བར་བྱ། །བསྙེན་པ་དང་པོ་སྦྱོར་བ་ནི། །
― LT24_Page_002B ―
[མ་དཔེ་གཟིགས་ན་འདིར་གནོན།]
ནམ་མཁའ་རུ་ནི་རྣམ་པ་བཅུ། །འཁོར་ལོ་ཅན་ནི་ཁྲོ་ལྟ་བའོ། །བགེགས་ནི་མཐར་བྱེད་ཀྱི་ལྟ་བ། །བདུད་རྩི་ལམ་དུ་སོང་བ་ཡང༌། །ཉེ་བའི་བསྙེན་པ་ཡན་ལག་དྲུག །ཤེས་རབ་ལས་འཕྲོས་ཟླ་ཐིག་ལེ། །གཞན་ཡང་རྡོ་རྗེ་ནོར་བུ་སྟེ། །ཡི་གེ་གསུམ་ནི་སྒྲུབ་པར་འགྱུར། །བདེ་བ་མ་ཉམས་གཅིག་ཞི་བ། །ལྷན་ཅིག་སྐྱེས་པ་རུ་ནི་འགྱུར། །སྒྲུབ་ཆེན་ཡེ་ཤེས་སྦྱོར་བའོ། ༈ །སྲོག་དང་རྩོལ་བ་ཀུན་ནས་ནི། །མགོ་བོའི་བར་ནི་ཕན་པ་སྟེ། །མཉམ་པའི་བདེ་བ་འབྲས་སྟེར་བ། །དེ་ལས་སྟེང་ནི་མི་ཕན་པ། །འཆི་བའི་འཇིག་པ་བྱེད་པའོ། །སེམས་ཅན་ངེས་པར་ཀློག་པའི་རྒྱུ། །གཙུག་ཏོར་སྒོ་ནི་ཕུག་ནས་སུ། །མཆོག་ཏུ་བདེ་བའི་གོ་འཕང་དུ། །འདི་ནི་སྦྱར་བ་བྱ་བ་ཉིད། །ཕུང་པོ་མེད་པའི་རྣལ་འབྱོར་མ། །མཉམ་པའི་བདེ་བ་ལ་བཞུགས་མོད། །འོན་ཀྱང་འཇིག་རྟེན་གྲགས་པ་མེད། ༈ །དབུས་སུ་སྲོག་དང་འཇུག་པ་ནི། །ཡུལ་དང་རྣམ་པར་བྲལ་བ་ཉིད། །སྣ་ཚོགས་ཡུམ་གྱིས་འཁྱུད་པའོ། །པདྨར་འཇུག་པའི་རང་རྡོ་རྗེ། །སྤྲོ་བ་ཡང་ནི་དེ་བཞིན་ཏེ། །རྡོ་རྗེ་དབུས་སུ་གཞག་པར་བྱ། །ས་བོན་མ་ལྷུང་བ་བདེ་བ། །ཤིན་ཆུ་ཆགས་པའི་ཆགས་པར་སོང༌། །རྣལ་འབྱོར་པ་ཡི་འབྱོར་པ་ཉིད། །མཆོག་ཏུ་ཡང་ནི་ཁྱབ་པའི་བདག །དཔལ་ནི་གསང་ལ་གསང་བ་པོ། །གཙུག་ཏོར་དུ་ནི་རྩེ་ལྔ་པའོ། །རྡོ་རྗེ་ཡི་ནི་འགྱུར་བ་ཡིན། །ཕྱི་ཡི་རྩེ་མོ་ཉིས་འགྱུར་དུ། །འགྱུར་བ་ཆོས་ཀྱི་དཀྱིལ་འཁོར་རོ། །དེ་ནི་གཉིས་སུ་འདྲེས་པ་དང༌། །དེ་ནི་གཞན་ཡང་ཉིས་འགྱུར་རོ། །དེ་ཡི་ཡང་ནི་གཞན་ཉིས་འགྱུར། །ལྷན་ཅིག་སྐྱེས་དང་ལོངས་སྤྱོད་རྫོགས། །སྤྲུལ་པ་ཡི་ནི་འཁོར་ལོར་རོ། །དེ་ཡི་ནང་དུ་རྩེ་གཅིག་གོ །མཉམ་པའི་བདེ་བའི་འབྲས་སྟེར་བ། །གསང་བའི་པདྨའི་ནང་གསང་བའོ། །རྣལ་འབྱོར་པ་དང་སྲོག་གཅོད་པ། །ཉིན་དང་མཚན་དུ་ཕྱེ་བ་ནི། །དེ་ནི་སྲོག་འཇིགས་པ་རུ་གསུངས། །སྒྲ་གང་ཁ་དང་བྲལ་བ་ནི། །སྙིང་ལ་ཡོད་པར་རབ་འགྱུར་པ། །དེ་ནི་བརྫུན་དུ་སྨྲ་བ་ཉིད། །ཀུན་མཁྱེན་གྱི་ནི་ཡེ་ཤེས་པར། །
― LT24_Page_003A ―
[མ་དཔེ་གཟིགས་ན་འདིར་གནོན།]
འཛིན་པར་ཡང་ནི་དབྱེ་བ་གང༌། །རྣལ་འབྱོར་པ་ལ་དེ་གསུངས་སོ། །བདེ་བའི་ཐིག་ལེ་མ་ལྷུང་བ། །གཞན་གྱི་བུད་མེད་དུ་ནི་འགྱུར། །བདེན་པ་ཆགས་བྲལ་མིན་པའོ། །སྲོག་དང་རྩོལ་བའི་མེ་ཡིས་ནི། །རི་བོང་ཅན་ལ་ཞུ་བ་ཡི། །བཏུང་བ་ཆང་གི་བཏུང་བའོ། །མཐེ་བོའི་ཚིགས་ནས་གཙུག་ཏོར་དུ། །ཆོས་ཀྱི་དབང་གིས་འགྲོ་བ་ནི། །ཉ་མཐར་ཐུག་པ་རང་གི་སེམས། །གཙུག་ཏོར་གནས་ནས་མཐེ་བོ་རུ། །ཡང་ནི་འདིར་ནི་འགྲོ་འགྱུར་ཏེ། །ནག་པོའི་ཕྱོགས་ཀྱི་མཐར་ཐུག་པར། །རྣལ་འབྱོར་མ་སྤྱོད་པ་དེས་ནི། །ཉི་མ་རེ་རེའི་དུས་སུ་ནི། །འདོད་པའི་དངོས་གྲུབ་རབ་ཏུ་སྟེར། ༈ །སྤྱོད་དང་འདོད་པས་ལུས་ཚ་ན། །མཆོག་གི་ཁ་ཡི་པདྨ་ལས། །ཚིག་མི་འབྱུང་དང་གཉིད་ལོག་དང༌། །འགུལ་དང་ན་བ་ལྐུགས་པ་དང༌། །ཡིད་ནི་འཁྲུགས་དང་བརྒྱལ་བ་ནི། །དུ་བ་ལ་སོགས་རྡོ་རྗེ་ཅན། །དེ་རྣམས་གསལ་བ་རྣམ་པ་བཅུ། །སྲོག་ཅན་ལུས་ཀྱི་གནས་སྐབས་སོ། །འཇིག་རྟེན་འདོད་པའི་གནས་སྐབས་ནི། །ངེས་པ་ཁོ་ན་གསལ་བ་ལས། །སུ་ཞིག་རྒྱལ་བ་སུ་འདོད་པ། །ཐིག་ལེ་དཀར་པོའི་རྒྱུན་ནི་གང༌། །ཉིན་དང་མཚན་མོར་ལྟུང་བ་ནི། །མ་མཱ་ཀཱི་ནི་དེ་ཆད་དོ། །གོ་ཀུ་ལ་སོགས་མིག་ལ་སོགས། །ཉི་མ་རེ་རེ་བཞིན་སྤྲོ་བས། །ཤ་གཞན་རེ་འགའ་ཡང་མ་ཡིན། །བདུད་རྩི་ལྔ་རྣམས་བརྟན་པ་ནི། །རང་གི་རིགས་ཀྱི་སར་སོང་བ། །ལྷ་རྣམས་དགེ་བའི་ལུས་ལས་སོ། །སྟོང་པའི་སེམས་དེ་རྩོད་པ་ཡིས། །ལྷན་ཅིག་སྐྱེས་པ་ཁྱབ་བདེ་བས། །དེ་ནི་སྐྱེ་གནས་འཁྲིག་པ་མེད། ༈ །ནོར་གྱི་སྦྱིན་པ་བཏང་བ་དང༌། །བུད་མེད་སྦྱོར་ལ་ཡིད་ཀྱིས་ནི། །མི་འཛག་པ་ནི་ཚུལ་ཁྲིམས་སོ། །བཟོད་པ་སྒྲ་སོགས་མི་འཇུག་པ། །གཉི་གར་འགྲོ་བའི་ལེ་ལོ་ནི། །རྣམ་པར་འཇིག་པ་བརྩོན་འགྲུས་སོ། །བསམ་གཏན་ཤེས་རབ་སེམས་དང་ནི། །བདེ་བ་ལྷན་ཅིག་པར་སོང་བ། །ཀུན་འགྲོ་ཐམས་ཅད་བརྗོད་པའོ། །སེམས་ཅན་དོན་དུ་དེ་རྫུ་འཕྲུལ། །སྲིད་པ་དོན་ནི་མེད་བྱེད་པ། །ཐོབ་པ་གཞན་ནི་བཞི་པའོ། ༈ །ལུས་གཅིག་ལ་ནི་ནུས་
― LT24_Page_003B ―
[མ་དཔེ་གཟིགས་ན་འདིར་གནོན།]
ལྡན་པ། །ཆ་དགུ་དང་ནི་ལྷན་ཅིག་པ། །ཉི་ཤུ་རྩ་ལྔ་བདག་ཉིད་སོགས། །བསམ་གཏན་ཕྱག་རྒྱའི་གཉིས་དག་ཉིད། །ཅུང་ཟད་ཙམ་གྱི་ཉི་མ་ཡིས། །དངོས་གྲུབ་ཡང་དག་འབྱུང་བར་འགྱུར། །ཞི་བ་དབང་དང་རེངས་པ་དང༌། །སྲིད་པ་འཇིགས་པར་བྱེད་པ་ནི། །ཞལ་གྱི་དབྱིབས་ཕྱེ་བ་ཉིད། །འབྱུང་བ་རྣམས་ཀྱི་དཀྱིལ་འཁོར་གནས། །ལྷ་མིན་ལག་འགྲོ་དག་གི་རིགས། །འདི་བསྒོམས་ནས་ནི་བསྒྲུབ་པར་བྱ། །དཔལ་དམ་པ་དང་པོའི་སངས་རྒྱས་སྟོང་ཕྲག་བཅུ་གཉིས་པ་ལས་གསུངས་པ་དཔལ་དུས་ཀྱི་འཁོར་ལོ་ཞེས་བྱ་བ་ལས་ཐབས་དང་ཤེས་རབ་གཉིས་སུ་མེད་པ། སྦྱོར་བ་ཡན་ལག་དྲུག་གི་སྒྲུབས་ཐབས་བཀོལ་བའི་དུམ་བུའོ། །རྒྱ་གར་གྱི་མཁན་པོ་ཤྲཱི་བྷ་དྲ་བོ་དྷིའི་ཞལ་སྔ་ནས་དང༌། བོད་ཀྱི་ལོ་ཙཱ་བ་གྱི་ཇོ་བནྡྷེ་ཟླ་བའི་འོད་ཟེར་གྱིས་འབྲོ་དགེ་སློང་གི་ཕྱིར་བསྒྱུར་ཅིང་ཞུས་ཏེ་གཏན་ལ་ཕབ་པ།⁽1763⁾འདི་དཔལ་དུས་ཀྱི་འཁོར་ལོ་རྩ་བའི་རྒྱུད་ལས། སྦྱོར་བ་ཡན་ལག་དྲུག་པའི་སྒྲུབ་ཐབས་ཟུར་དུ་བཀོལ་བ་སྦྱོར་དྲུག་གི་རྒྱུད་ཆུང་ཞེས་གྲགས་པ་རྡོ་རྗེའི་རྣལ་འབྱོར་གྱི་མན་ངག་གི་རྩ་བར་གྱུར་པ་སྟེ། སྔ་རབ་རྣམས་ཀྱིས་བསྡུས་དོན་མཆན་བུ་སོགས་མང་དུ་སྣང་ཞིང༌། བསྡུས་དོན་གྱི་སྙིང་པོའོ། །གླེང་༡གཞི་དང་ནི་སྦྱོར་དྲུག་གི། །རིགས་༢བདག་བརྐྱང་༣ཐབས་འབྲས་བུ་༤དང༌། །ཡན༥་ལག་བཞི་དང་འཕོ་བ་དང་༦། །ཆགས་༧ཅན་ལམ་དང་གེགས་སེལ་བ༨། །གནས་༩སྐབས་མཐར་ཐུག་༡༠འབྲས་བུའོ། །ཞེས་སོ། ༈ །རྒྱ་གར་སྐད་དུ། ཥོཌངྒ་ཡོ་ག་ཨུ་པ་དེ་ཤ་ནཱ་མ། བོད་སྐད་དུ། སྦྱོར་བ་ཡན་ལག་དྲུག་པའི་མན་ངག་ཅེས་བྱ་བ། །དཔལ་ལྡན་བླ་མ་དམ་པ་རྣམས་དང་དཔལ་དུས་ཀྱི་འཁོར་ལོ་ལ་ཕྱག་འཚལ་ལོ། །སྦྱོར་བ་ཡན་ལག་དྲུག་གི་མན་ངག་དུས་ཞབས་སྙན་བརྒྱུད་དུ་གྲགས་པའི་རྡོ་རྗེའི་ཚིག་རྐང་འདི་ལ་གསུམ། ཀླད་དང༌། །གཞུང་དང༌། མཇུག་གོ །དང་པོ་ལ་གཉིས། མཆོད་པར་བརྗོད་པ་དང༌། བརྩམ་པར་དམ་བཅའ་བའོ། །དང་པོ་ནི། དུས་ཀྱི་འཁོར་ལོར་ཕྱག་འཚལ་ནས། གཉིས་པ་ནི། རྣལ་འབྱོར་ཡན་ལག་དྲུག་བཤད་བྱ། །གཉིས་པ་གཞུང་གི་དོན་ལ་གསུམ། མདོར་བསྟན། རྒྱས་བཤད། དོན་བསྡུ་བའོ། །དང་པོ་ལ་གཉིས། མདོར་བསྟན་དངོས་དང་དབང་པོའི་རིམ་པས་ཁྲིད་ཚུལ་ལོ། །དང་པོ་ནི། ༈ །
― LT24_Page_004A ―
[མ་དཔེ་གཟིགས་ན་འདིར་གནོན།]
སོ་སོར་སྡུད་དང་བསམ་གཏན་དང༌། །སྲོག་རྩོལ་དེ་བཞིན་འཛིན་པ་དང༌། །རྗེས་སུ་དྲན་དང་ཏིང་ངེ་འཛིན། །རྣལ་འབྱོར་ཡན་ལག་དྲུག་ཏུ་ནི། །རྒྱུད་དུ་སངས་རྒྱས་མཆོག་གིས་གསུངས། །ཀུན་ལ་དྲུག་ཏུ་ཤེས་བྱ་སྟེ། །གཉིས་པ་ནི། ༈ །རབ་ཀྱིས་དང་པོ་རྟོག་པའོ། །འབྲིང་གིས་སྲོག་རྩོལ་ལ་སོགས་ཡིན། །ཐ་མས་དྲུག་པོ་རིམ་པས་བསྒོམ། གཉིས་པ་རྒྱས་པར་བཤད་པ་ལ་བཞི། ཉམས་སུ་ལེན་པའི་རྟེན་གྱི་གང་ཟག །དེ་ཉམས་སུ་བླང་བའི་ལམ། ལམ་དེས་འབྲས་བུ་གྲུབ་ཚུལ། ཞར་བྱུང་གི་མན་ངག་གཞན་བཤད་པའོ། །དང་པོ་ནི། ༈ བྱིས་པ་གཞུག་དང་བུམ་པ་དང༌། །གསང་བ་ཡེ་ཤེས་སྔོན་སོང་བས། །བཞི་པ་ཡི་ནི་དབང་བྱས་ཏེ། །དམ་ཚིག་རྩ་བ་ཡན་ལག་ཅན། །དེ་ཡིས་དབེན་པར་གནས་བྱས་ལ། ༈ །གཉིས་པ་ལ་གསུམ། སྐུ་རྡོ་རྗེ་སོར་བསམ་གྱི་ཡན་ལག །གསུང་རྡོ་རྗེ་སྲོག་འཛིན་གྱི་ཡན་ལག །ཐུགས་རྡོ་རྗེ་རྗེས་ཏིང་གི་ཡན་ལག་གོ །དང་པོ་ལ་གཉིས། རྒྱས་པར་བཤད་པ་དང༌། དོན་བསྡུ་བའོ། །དང་པོ་ལ་གཉིས། སོ་སོར་སྡུད་པའི་ཡན་ལག་དང༌། བསམ་གཏན་གྱི་ཡན་ལག་གོ །དང་པོ་ནི། ༈ །སོ་སོར་སྡུད་པ་འདི་ལྟར་བསྒོམ། །བསྒོམ་པ་སྟོང་ཉིད་བསྒོམས་པ་ཡིས། །འགག་པ་རླུང་ནི་འགག་པར་བྱེད། །སྐྱེ་བ་ཤུགས་ལ་བདེ་བ་སྐྱེ། །འབྱུང་བ་ལམ་རྟགས་དངོས་སུ་འབྱུང༌། །ངོ་བོ་སྟོང་པ་ཉིད་ཡིན་ཏེ། །སོ་སོའི་རྟོག་པ་ཐམས་ཅད་སྡུད། །དབྱེ་བ་བཅུ་རུ་གསུངས་པ་ཡིན། །དབང་པོའི་མངོན་སུམ་དག་ཏུ་བཞེད། །ཡེ་ཤེས་ཕུང་པོ་ཤེས་རབ་བོ། །འབོལ་བའི་སྟན་ལ་བྱེད་པ་ནི། །ལུས་བསྲང་རྡོ་རྗེ་སྐྱིལ་ཀྲུང་བཅའ། །ལྕེ་བཟློག་གསུས་སྦྱར་མིག་གྱེན་བཟློག །གཙུག་ཏོར་སྒྱུར་བའི་ལྟ་སྟངས་སོ། །ལག་གཉིས་རྡོ་རྗེ་བསྡམ་པར་བྱ། །དེས་ནི་རླུང་རྣམས་འཆིང་བྱེད་པའོ། །དཔྲལ་བའི་ཐིག་ལེར་སྲོག་བཅུག་ལ། །གཡས་པ་ས་ཡི་རླུང་དུས་བསྒོམ། །མཚན་མོ་བླ་གབ་བཅས་པ་རུ། །ནམ་མཁའ་ལ་དམིགས་སྟོང་ཉིད་བསྒོམ། །སྲོད་དང་ཐོ་རངས་གུང་ལ་མིན། །ཉིན་མོ་བླ་གབ་མེད་པ་སྟེ། །
― LT24_Page_004B ―
[མ་དཔེ་གཟིགས་ན་འདིར་གནོན།]
ནམ་མཁའ་ལ་བལྟས་སྔ་དྲོ་ཕྱི། །ཉི་ཟེར་ཉི་མའི་གུང་ལ་མིན། །དེ་ལྟར་བསྒོམས་པས་ཡུལ་སོགས་དགག །ནང་དུ་ལྷ་ཡི་མིག་སོགས་ཏེ། །སྟོང་ཉིད་གཟུགས་ཏེ་དམིགས་བཅས་མཐོང༌། །ཆོས་ལ་ཕ་རོལ་བཅུ་གནས་ལ། །ལྷ་ལ་ལྷ་མོ་བཅུ་ཞེས་བྱ། །རྟགས་སུ་ལམ་ལ་བཅུ་མཐོང་འགྱུར། །དུ་བ་སྨིག་རྒྱུ་མཁའ་སྣང་དང༌། །མར་མེ་འབྱུང་སྟེ་འབྱུང་རླུང་ཐིམ། །ཐ་མ་སྤྲིན་མེད་ནམ་མཁའ་ནི། །རྟགས་ཅན་ཤེས་རབ་ཕ་རོལ་ཕྱིན། །འབར་བ་ཟླ་ཉི་གློག་སྒྲ་གཅན། །ཐིག་ལེ་དྲུག་སྟེ་ཐ་མ་ཡིན། །ཐམས་ཅད་རྒྱུར་མཐོང་རྟགས་ཅན་ཏེ། །འབྱུང་ལྔ་ཡེ་ཤེས་ཕུང་པོ་ལྔ། །གསང་འདུས་མཚན་བརྗོད་ནས་ཕྱེད་ཕྱེད། །སྤྲུལ་སྐུ་ལོངས་སྐུ་རྟོགས་མེད་དོ། །རྡོ་རྗེ་བསླང་བའི་བདེ་བ་འབྱུང༌། །བསྒོམས་པས་དུས་དཀར་རི་མོ་ནག །མཐོང་བ་ནང་དུ་སྟོང་གཟུགས་སོ། །དེས་ནི་སྟོང་གཟུགས་རྟོགས་པར་བྱེད། །སོ་སོར་སྡུད་ལ་སྙོམས་ཞུགས་ནས། །སྔགས་ཀུན་བྱིན་གྱིས་རློབ་བྱེད་ལ། །ངག་གི་བདེན་པར་འགྲུབ་པའོ། །གཟུང་བའི་ཡུལ་དང་བྲལ་བར་འགྱུར། །གཉིས་པ་ནི། ༈ །གཉིས་པ་བསམ་གཏན་ཡན་ལག་ནི། །སྟོང་གཟུགས་བརྟན་ཕྱིར་བྱེད་པའོ། །ངོ་བོ་ཡུལ་ནི་སྟོང་གཟུགས་ཏེ། །དུས་ནི་ནམ་མཁའ་རྒྱུ་དུས་སོ། །དབྱེ་བ་རྣམ་པ་ལྔ་ཞེས་བྱ། །ལྟ་སྟངས་དེ་ཉིད་ཕྱག་རྒྱ་ནི། །མཉམ་གཞག་ཡིད་ཀྱི་མངོན་སུམ་སྟེ། །སྒོམ་པ་སྔར་གྱི་སྟོངས་གཟུགས་ལ། །སེམས་བཞག་ནམ་མཁར་ལྟ་བ་ཡིན། །འབྱུང་བའི་རིམ་པས་གོང་ཐིམ་པས། །ས་སོགས་གང་མཐོང་སྒྱུ་མ་ལྟར། །མཉམ་གཞག་རྗེས་ཐོབ་མེད་པར་མཐོང༌། །བསམ་གཏན་ཆགས་པའི་བདེ་བ་འབྱུང༌། །ལྷ་མོས་བསྐུལ་ལ་ལུང་བསྟན་ཐོབ། །སྟོང་ཉིད་སེམས་འཇུག་ཤེས་རབ་སྟེ། །དངོས་རྣམས་སེམས་འཛིན་རྟོག་པའོ། །དེ་འཛིན་འཇུག་པ་སྤྱོད་པའོ། །སེམས་ཀུན་གཞག་པ་དགའ་བའོ། །བདེ་བ་ཕུན་སུམ་མི་གཡོ་བདེ། །མཁའ་ཡི་བདག་ཉིད་རྣམ་
― LT24_Page_005A ―
[མ་དཔེ་གཟིགས་ན་འདིར་གནོན།]
ཤེས་སོ། །བསམ་གཏན་ལ་ནི་སྙོམས་ཞུགས་ན། །མངོན་པར་ཤེས་པ་ཐོབ་པར་འགྱུར། །གཉིས་པ་དོན་བསྡུ་བ་ནི། ༈ །དེ་གཉིས་ཐོག་མར་དགེ་བ་སྟེ། །སྟོང་གཟུགས་རྟོགས་པས་བསྙེན་པར་གསུངས། །གཉིས་པ་སྲོག་འཛིན་གྱི་ཡན་ལག་ལ་གཉིས། རྒྱས་པར་བཤད་པ་དང༌། དོན་བསྡུ་བའོ། །དང་པོ་ལ་གཉིས། སྲོག་རྩོལ་གྱི་ཡན་ལག་དང༌། འཛིན་པའི་ཡན་ལག་གོ དང་པོ་ནི། ༈ །དེ་ནས་སྟོང་གཟུགས་མཐོང་ནས་ནི། །མི་འགྱུར་བདེ་བ་སྐྱེ་བའི་ཕྱིར། །སྲོག་རྩོལ་ཡན་ལག་བསྒོམ་པར་བྱ། །རྐང་པ་གཅིག་གིས་གཅིག་མནན་ཅིང༌། །མཐེ་བོང་ནང་བཅུག་ཁུ་ཚུར་བསྡམ། །ཡུལ་ནི་རྩ་གསུམ་རླུང་ཡིན་ནོ། །འདུ་བྱེད་ཕུང་པོའི་རླུང་རྒྱུའི་དུས། །ལྟ་སྟངས་བདུད་རྩི་འཁྱིལ་པའོ། །ཕྱི་རུ་དང་པོ་རླུང་གཏོར་ནས། །ནང་དུ་མྱུར་དང་རྣམ་སྡུད་དང༌། །རེངས་དང་སྔགས་སྦྱོར་བརྡའ་ཡིས་ནི། །བུམ་པ་ཅན་དང་རྡུལ་མཐའ་ཡིས། །རླུང་གཉིས་དབུས་སུ་རབ་བཅུག་ནས། །རླུང་བཅུ་རབ་ཏུ་ཞི་བར་བྱ། །རྡོ་རྗེ་མི་ལ་སྲོག་ཞུགས་པའི། །བདེ་བ་ངེས་པར་སྐྱེ་བར་འགྱུར། །ཟླ་བ་དྲུག་ཏུ་བརྩོན་བྱས་པས། །ཞག་རེ་རླུང་བཅུ་འགག་འགྱུར་ཏེ། །ཉི་ཁྲི་ཆིག་སྟོང་དྲུག་བརྒྱ་འགག །དེ་ཡིས་ལྟེ་བར་རླུང་གཉིས་འདོམ། །ཡེ་ཤེས་གཏུམ་མོ་འབར་བ་ཡིས། །སངས་རྒྱས་ལྷ་མོ་བཅུ་སད་ནས། །ཁུ་བ་བཅས་པའི་བདེ་བ་འབྱུང༌། །སྟེང་དུ་འོག་ཏུ་གནས་གཉིས་འདོད། །མ་ཟོས་བཀྲེས་མེད་ཟོས་ཀྱང་འཇུ། །ཐུར་སེལ་མི་འཛག་བདེ་བ་འཛག །སྒྱུ་འཕྲུལ་རྡོ་རྗེ་གསུས་པོ་ཆེ། །ལུས་ཡང་ལ་སོགས་མི་རྟོག་བདེ། །ཡིད་ཀྱི་མངོན་སུམ་ཞེས་བྱའོ། །སྲོག་དང་རྩོལ་བས་ངེས་པར་ནི། །སངས་རྒྱས་བྱང་ཆུབ་སེམས་དཔའ་གཟིགས། །གཉིས་པ་ནི། ༈ །རླུང་སེམས་རབ་ཏུ་བརྟན་བྱའི་ཕྱིར། །འཛིན་པའི་ཡན་ལག་བསྒོམ་པར་བྱ། །ཡུལ་ནི་བདེ་བའི་རླུང་ཉིད་དོ། །བརྟན་པར་འཛིན་པས་འཛིན་པའོ། །ཚོར་བའི་ཕུང་པོ་དབུ་མར་གནས། །ལྟ་སྟངས་ལ་སོགས་དེ་འདྲ་ལ། །ལག་པ་གཉིས་བསྡམ་ནམ་མཁའི་དུས། །དྷཱུ་ཏཱིར་
― LT24_Page_005B ―
[མ་དཔེ་གཟིགས་ན་འདིར་གནོན།]
རླུང་ནི་ཚུད་ཙམ་ནི། །ལམ་དུ་མི་འགྱུར་ཐིག་ལེར་གཞུག །ལུས་སོགས་ཐིག་ལེ་བཞི་པོ་ལ། །རིམ་དང་ཅིག་ཅར་རླུང་སེམས་ནི། །ངེས་པར་བཙུད་ནས་མི་གཡོ་བྱ། །དེ་ལ་མི་གཡོ་བརྟན་གྱུར་པས། །ཐིག་ལེར་ཆགས་པའི་བདེ་བ་སྐྱེ། །བུད་མེད་ཀུན་ལ་སྙོམས་འཇུག་ཀྱང༌། །ཐིག་ལེ་ལྷུང་བར་མི་འགྱུར་རོ། །ལུས་སྟོན་བདེ་སྐྱེ་ལུས་བརྟན་འགྱུར། །དེ་ཡང་ཡིད་ཀྱིས་མངོན་སུམ་མོ། །རྟག་ཏུ་འཛིན་པའི་སྟོབས་ཀྱིས་ནི། །རྡོ་རྗེ་སེམས་དཔའ་ཡང་དག་འཇུག །འཆི་བདག་ལ་སོགས་ཀྱིས་མི་ཚུགས། །འགྲོ་དང་འོང་བ་ཟད་བྱེད་ཅིང༌། །ཉོན་མོངས་ལ་སོགས་ཟད་པར་བྱེད། །སྟོབས་བཅུ་ལ་ནི་འཇུག་པར་འགྱུར། །ཚེ་རིང་ནད་མེད་ཁམས་ཆ་སྙོམས། །གཉིས་པ་དོན་བསྡུ་བ་ནི། ༈ །དེ་གཉིས་བར་དུ་དགེ་བ་སྟེ། །ཉེ་བར་བསྒྲུབ་པ་ཞེས་བཤད་ལ། །དྲག་ཤུལ་སྤྱོད་པར་གསུངས་པའོ། ༈ །གསུམ་པ་རྗེས་ཏིང་གི་ཡན་ལག་ལ་གཉིས། རྒྱས་པར་བཤད་པ་དང༌། དོན་བསྡུ་བའོ། །དང་པོ་ལ་གཉིས། རྗེས་དྲན་གྱི་ཡན་ལག་དང༌། ཏིང་ངེ་འཛིན་གྱི་ཡན་ལག་གོ །དང་པོ་ནི། ༈ །དེ་ནས་བདེ་བ་སྤེལ་བྱའི་ཕྱིར། །རྗེས་སུ་དྲན་པའི་ཡན་ལག་བྱ། །ཡུལ་ནི་བདེ་བ་ཉིད་ཡིན་ཏེ། །བདེ་བ་རྒྱུད་ལ་དྲན་པའོ། །ཡེ་ཤེས་རླུང་རྒྱུའི་དུས་སུའོ། །ལྟ་སྟངས་ལྷ་ཡི་ལྟ་བ་སྟེ། །འདུ་ཤེས་ཕུང་པོར་མཐེའུ་ཆུང་གཞུག །དབྱེ་བ་གསུམ་སྟེ་བསྒོམས་སྟོབས་དང༌། །ལག་པ་བུད་མེད་སྦྱོར་བ་ཡིས། །འཁོར་ནས་དཔྲལ་གནས་བྱང་སེམས་དབབ། །རྡོ་རྗེ་ནོར་བུར་རབ་བཟུང་བ། །དངུལ་ཆུའི་དཔེ་ཡིས་ཤེས་བྱས་ལ། །སྟེང་ནས་འོག་ཏུ་རྡོ་རྗེ་གཅིག །དེ་འདྲར་རླུང་སེམས་གཏད་པས་ནི། །དགའ་བ་བཞི་ལ་བཅུ་དྲུག་སྐྱེད། །ཡར་ངོ་ཆགས་ཆེན་མཚན་ཉིད་དོ། །རས་བལ་སྟག་ལ་བེམ་ཤིང་དཔེ། །སྤྲོས་བཅས་སྤྲོས་མེད་ཤིན་ཏུ་མེད། །འཕོ་བའི་བག་ཆགས་སྤངས་བྱས་པས། །སྒྲིབ་པ་གསུམ་པོ་དག་པར་འགྱུར། །ཆགས་པ་ཤིན་ཏུ་སྦྱང་བར་བྱ། །དེ་དོན་བསྒོམས་པས་བདེ་ཆེན་ནི། །ལྷན་ཅིག་སྐྱེས་པ་སྐྱེ་བར་འགྱུར། །མངོན་ཤེས་དྲུག་ཀྱང་
― LT24_Page_006A ―
[མ་དཔེ་གཟིགས་ན་འདིར་གནོན།]
ཆེར་འགྱུར་ཞིང༌། །གཟུགས་སྐུ་རྣམ་གཉིས་མངོན་སུམ་མཐོང༌། །ངེས་པར་ལུང་བསྟན་ཐོབ་པར་འགྱུར། །རང་རིག་མངོན་སུམ་དུ་ནི་འདོད། །རྗེས་དྲན་ལ་ནི་སྙོམས་འཇུག་པ། །འོད་ཀྱི་དཀྱིལ་འཁོར་འབྱུང་བར་འགྱུར། །གཞན་ཡང་ཡེ་ཤེས་སྐུ་ལས་སོ། །བསྒྲུབ་པ་ཞེས་ནི་གསུངས་པའོ། །གཉིས་པ་ནི། དེ་ནས་མི་འགྱུར་བདེ་བསྒྲུབ་ཕྱིར། །ཏིང་ངེ་འཛིན་ནི་ངེས་པར་བསྒོམ། །ངོ་བོ་བདེ་སྟོང་གཉིས་མེད་དེ། །དེ་ལ་རྩེ་གཅིག་གནས་པའོ། །གཟུགས་ཀྱི་དབྱིངས་ཀྱི་ཕུང་པོ་སོགས། །ཡེ་ཤེས་རླུང་རྒྱུའི་དུས་སུའོ། །སངས་རྒྱས་ཞི་བའི་ལྟ་སྟངས་ཏེ། །ལག་པ་ཏིང་འཛིན་ཕྱག་རྒྱའོ། །བསྒོམ་པ་དམིགས་བཅས་སྟོང་གཟུགས་དང༌། །དམིགས་མེད་བདེ་བ་རོ་མཉམ་ལ། །སེམས་ནི་མི་གཡོ་བརྟན་པར་གནས། །དངོས་པོ་ཐམས་ཅད་བདེ་འཆར་རོ། །དཔལ་ལྡན་མི་འགྱུར་བདེ་བ་སྐྱེ། །སངས་རྒྱས་དངོས་སུ་ཡང་དག་མཐོང༌། །དེ་ལ་བརྟན་པར་གྱུར་པ་དེས། །ཐིག་ལེ་གྱེན་བཟློག་སྤྱི་བོར་འགྲོ། །རྡོ་རྗེ་ནོར་བུ་ངོ་བོ་ཉིད། །ཐོབ་ནས་ཆོས་སྐུ་ལོངས་སྐུ་དང༌། །སྤྲུལ་སྐུ་གནས་བཞིར་ཐོབ་པར་འགྱུར། །རྡོ་རྗེ་བཞི་དང་རྣམ་ཐར་དང༌། །བྱང་ཆུབ་བཞི་ཡང་རྟོགས་པར་འགྱུར། །གསང་གནས་སྤྱི་བོར་རླུང་དག་ནི། །སྟོང་དང་བརྒྱད་བརྒྱ་འགགས་པ་ཡིས། །ས་ནི་བཅུ་གཉིས་རིམ་པས་ཐོབ། །སྐུ་ནི་བཅུ་དྲུག་དག་པར་འགྱུར། །ཐིག་ལེ་སྤྱི་བོ་རྡུལ་ནོར་བུ། །མི་གནས་མྱ་ངན་འདས་པར་བརྗོད། །ཡོན་ཏན་ཐམས་ཅད་རྫོགས་པར་འགྱུར། །ཏིང་འཛིན་དབང་བསྒྱུར་ཙམ་གྱིས་ནི། །སྒྲིབ་པ་ཐམས་ཅད་བྲལ་བར་འགྱུར། །དྲི་མ་མེད་པར་དག་པར་འགྱུར། །གཟུགས་ཀྱི་ཕུང་པོར་གསུངས་པའོ། །གཉིས་པ་དོན་བསྡུ་བ་ནི། ༈ སྒྲུབ་པ་ཆེན་པོ་ཞེས་བཤད་དེ། །རྣལ་འབྱོར་མངོན་སུམ་ཡིན་པར་འདོད། །དེ་གཉིས་ཐ་མར་དགེ་བར་འདོད། །གསུམ་པ་ལམ་དེ་འགྲུབ་ཚུལ་ལ་
― LT24_Page_006B ―
[མ་དཔེ་གཟིགས་ན་འདིར་གནོན།]
གཉིས། གནས་སྐབས་དང༌། མཐར་ཐུག་གོ །དང་པོ་ནི། ༈ དེ་ལྟར་ཡན་ལག་དྲུག་པོ་ལ། །ལོ་གསུམ་ཟླ་ཕྱེད་གསུམ་གྱིས་ནི། །སངས་རྒྱས་འདྲ་བར་འགྱུར་བ་སྟེ། །ས་དང་ཐོབ་པ་ཞེས་ཀྱང་འདོད། །ཁམས་དྲུག་སྦྱངས་བ་ཡེ་ཤེས་དྲུག །རིགས་དྲུག་ཕ་རོལ་ཕྱིན་དྲུག་འདོད། །མངོན་ཤེས་དྲུག་དང་རྗེས་དྲན་དྲུག །རླུང་དྲུག་ཡེ་ཤེས་བླ་མ་གསུངས། །ལུས་གཟིར་འཕགས་ལ་ཕྱག་རྒྱ་གསལ། གཉིས་པ་ནི། ༈ དེ་ནས་སྤྱོད་པ་གསུམ་བྱས་པས། །དག་པའི་སྐུ་བཞི་ཡེ་ཤེས་འགྲུབ། །སྟོབས་སོགས་ཡོན་ཏན་ཀུན་རྫོབ་པ། །ཚེ་འདིར་ངེས་པར་འགྱུར་བའོ། ༈ །བཞི་པ་འཕྲོས་དོན་ལ་གཉིས། བར་དོ་སངས་རྒྱས་པའི་མན་ངག་དང༌། ཆགས་ཅན་ཕྱག་རྒྱའི་མན་ངག་གོ །དང་པོ་ནི། ༈ བར་དོ་སངས་རྒྱས་མན་ངག་འདི། །འོག་རླུང་སྟེང་གི་བུ་གར་གདོན། །སྦྱོར་དྲུག་མན་ངག་ཡོད་པ་དག །མ་བསྒོམ་ན་ཡང་སྐྱེ་བདུན་འགྲུབ། །སོ་སོར་སྡུད་པའི་རྟགས་བྱུང་ཞིང༌། །གལ་ཏེ་ཤི་བར་གྱུར་པ་ན། །དེ་ནི་ལམ་ངེས་ས་དང་འཕྲད། །དེ་ནས་དངོས་གྲུབ་ཐོབ་པར་འགྱུར། །གཉིས་པ་ནི། ༈ ཆགས་ཅན་སྦྱོར་དྲུག་མན་ངག་ནི། །དབབ་དང་གཟུང་དང་བཟློག་པ་དང༌། །གནས་སུ་བསྐྱལ་ལ་རྩ་དམིགས་གདབ། །རླུང་བསྲེ་སྦྱོར་བ་དྲུག་པོས་བྱ། །སོ་སོར་སྡུད་པའི་སྤོག་པ་ནི། །དྲག་ཏུ་བྱེད་བཅིང་འཚམ་པར་བྱ། །བསམ་གཏན་སྟོང་གཟུགས་དྲག་ཏུ་བསྒོམ། །བཙན་ཐབས་སྐོར་བས་རླུང་གཟུང་བ། །མགོ་བོ་མི་ནའི་བར་དུ་བྱ། །རླུང་སེམས་དྲག་ཏུ་ཐིག་ལེར་གཟུང༌། །ཆགས་ལ་ལས་རྒྱ་མང་ལ་སྦྱར། །བདེ་ཆེན་རོ་མཉམ་དག་ཏུ་བྱ། །གསུམ་པ་སྒྲུབ་པ་ལ་སྙིང་པོར་གདམས་པས་སྤྱིའི་མཇུག་བསྡུ་བ་ནི། ༈ འདི་མིན་མཆོག་ནི་མི་འགྲུབ་ཅེས། །གསུངས་པས་ངེས་པར་འདི་བསྒྲུབ་བྱ། །རྟོག་བསྒོམ་འཇིག་རྟེན་འཁོར་གསུངས་པས། །བསྐྱེད་རིམ་ལ་སོགས་ཅི་ཞིག་བྱ། །དུས་འཁོར་ཞབས་ཀྱིས་གསུངས་པ་ཡིན། །གསུམ་པ་མཇུག་གི་དོན་ནི། ༈ སྦྱོར་བ་ཡན་ལག་དྲུག་གི་མན་ངག་དུས་འཁོར་ཞབས་ཀྱིས་མཛད་པའི་སྙན་བརྒྱུད་ཞལ་གྱི་མན་ངག་རྫོགས་སོ། །པཎྜི་ཏ་སེ་མ་ནཱ་ཐ་དང༌། ལོ་ཙཱ་བ་འབྲོ་ཤེས་རབ་གྲགས་ཀྱིས་བསྒྱུར་བའོ། །དུས་ཞབས་སྙན་རྒྱུད་
― LT24_Page_007A ―
[མ་དཔེ་གཟིགས་ན་འདིར་གནོན།]
ཅེས་ཡོངས་སུ་གྲགས་པ་འདི་ནི། །སྦྱོར་དྲུག་རིང་བརྒྱུད་ཀྱི་མན་ངག་གི་རྩ་བའི་ཚིགས་སུ་བཅད་པའི་གདམས་པ་ཁྱད་པར་ཅན་ཏེ། ཞིབ་པར་རྣམ་བཤད་དང་ཁྲིད་ཡིག་རྣམས་ལས་རྒྱ་ཆེར་ཤེས་པར་བྱའོ། ༈ །དུས་འཁོར་ཉེ་བརྒྱུད་ཀྱི་མན་ངག །དཔལ་ཤ་བ་རིའི་སྦྱོར་བ་ཡན་ལག་དྲུག་པའི་གཞུང་ཆུང་འདི་འཆད་པ་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ཏོ། །དང་པོ་ནི། རྒྱ་གར་སྐད་དུ། ཡོ་ག་ཥོ་ཌངྒ་ནཱ་མ། བོད་སྐད་དུ། རྣལ་འབྱོར་ཡན་ལག་དྲུག་པ་ཞེས་བྱ་བ། གཉིས་པ་ནི། དཔལ་རྡོ་རྗེ་འཛིན་པ་ལ་ཕྱག་འཚལ་ལོ། །གསུམ་པ་ལ་གཉིས། མདོར་བསྟན་པ་དང༌། རྒྱས་པར་བཤད་པའོ། །དང་པོ་ནི། ༈ སོ་སོར་གཅོད་དང་བསམ་གཏན་དང༌། །སྲོག་རྩོལ་དེ་བཞིན་འཛིན་པ་དང༌། །རྗེས་སུ་དྲན་པ་ཏིང་ངེ་འཛིན། །རྣལ་འབྱོར་ཡན་ལག་དྲུག་ཏུ་གསུངས། །གཉིས་པ་ལ་དྲུག་ལས། དང་པོ་སོ་སོར་གཅོད་པའི་ཡན་ལག་ནི། ༈ མི་གཡོ་བ་ནི་གསུམ་ལྡན་གྱིས། །དྷཱུ་ཏཱིར་རླུང་བཅུ་ཆུད་གྱུར་པ། །ཕྱི་ནང་རྟོག་འགགས་རྟགས་བྱུང་བ། །སོ་སོར་གཅོད་པའི་ཡན་ལག་ཡིན། །གཉིས་པ་བསམ་གཏན་གྱི་ཡན་ལག ༈ རྟགས་རྣམས་བརྟན་པར་མཐོང་འགྱུར་པ། །ཤེས་རབ་རྟོག་དཔྱོད་དགའ་བདེ་དང༌། །རྩེ་གཅིག་མི་གཡོ་རྟོག་མེད་ནི། །བསམ་གཏན་གྱི་ནི་ཡན་ལག་ཡིན། །གསུམ་པ་སྲོག་རྩོལ་གྱི་ཡན་ལག ༈ རླུང་བཅུ་དབུ་མར་ཚུད་གྱུར་པས། །འཁོར་ལོ་བཞི་ཡི་ཐིག་ལེའི་ནང༌། །རླུང་ཉིད་འགྲོ་འོང་བྱེད་པ་ནི། །སྲོག་རྩོལ་གྱི་ནི་ཡན་ལག་ཡིན། བཞི་པ་འཛིན་པའི་ཡན་ལག ༈ སྲོག་རླུང་ཐིག་ལེའི་ནང་ཆུད་པས། །རླུང་སེམས་བདེ་ཆེན་འཁོར་ལོ་ཡི། །ཧཾ་གི་ཐིག་ལེ་ཟིན་པ་ནི། །འཛིན་པ་ཡི་ནི་ཡན་ལག་ཡིན། ལྔ་པ་རྗེས་དྲན་གྱི་ཡན་ལག ༈ རླུང་སེམས་ཐིག་ལེར་ཟིན་སྟོབས་ཀྱིས། །གཏུམ་མོའི་མེ་འོད་སྣང་བ་དང༌། །བདེ་དྲོད་ཁྱད་པར་ཅན་འབྱུང་བ། །རྗེས་སུ་དྲན་པའི་ཡན་ལག་ཡིན། །དྲུག་པ་ཏིང་འཛིན་ཡན་ལག ༈ རྟགས་བཅུ་རྫོགས་པར་གྱུར་པ་ན། །ཐིག་ལེ་ཆེན་པོའི་སྣང་བ་འབྱུང༌། །སྣ་ཚོགས་
― LT24_Page_007B ―
[མ་དཔེ་གཟིགས་ན་འདིར་གནོན།]
ཐིག་ལེ་ཆེན་པོ་ལ། །རེ་ཁཱ་ནག་པོའི་རི་མོ་འབྱུང༌། །དེ་ནས་འགྲོ་དྲུག་ལ་སོགས་དང༌། །ཤིན་ཏུ་ཕྲ་བའི་སྤྲུལ་སྐུ་དང༌། །ལོངས་སྐུ་དུ་མ་མཐོང་གྱུར་པ། །སྣ་ཚོགས་གཟུགས་བརྙན་འོད་གསལ་ཡིན། །དེ་ལ་སེམས་ནི་ཐིམ་པ་ན། །ཏིང་འཛིན་ཡན་ལག་མཐར་ཕྱིན་པའོ། །བཞི་པ་མཇུག་གི་དོན་ནི། རྣལ་འབྱོར་ཡན་ལག་དྲུག་པ་ཞེས་བྱ་བ། དཔལ་ཤ་བ་རི་དབང་ཕྱུག་གིས་པཎྜི་ཏ་མ་ཧཱ་བི་བྷཱུ་ཧི་ཙནྡྲ་ལ་གསུངས་པའོ། །དེས་སྒྲ་རང་འགྱུར་དུ་བསྒྱུར་ནས་གསུངས་པའོ། །འདི་ནི་ཤ་བ་རིའི་ལུགས་ཀྱི་སྦྱོར་དྲུག་ཉེ་བརྒྱུད་ཀྱི་གཞུང་ཁྱད་པར་ཅན་ནོ། །མངྒ་ལཾ།། ༈ །རྡོ་རྗེའི་རྣལ་འབྱོར་གཅེས་བཏུས་སྤར་ལྡེབ་རི་བོའི་གྲངས་ལྡན་འདི། །བླ་མའི་མདུན་དགེ་རྩ་འབྲེལ་འཇོག་ཞུ་བ་པོ། ལྷུ་མཚོ། ལྷ་མཚོ་ཨ་ཕྲུག་གསུམ་ནས་སོ། །ཤུ་བྷཾ།།
གདམས་ངག་མཛོད་པོད་བཅོ་ལྔ་པ།
དཔལ་དུས་ཀྱི་འཁོར་ལོའི་རྣལ་འབྱོར་ཡན་ལག་དྲུག་གི་འགྲེལ་པ་སྙིང་པོ་བསྡུས་པ།
― LT24_Page_008A ―
[མ་དཔེ་གཟིགས་ན་འདིར་གནོན།]
དཔལ་དུས་ཀྱི་འཁོར་ལོའི་རྣལ་འབྱོར་ཡན་ལག་དྲུག་གི་འགྲེལ་པ་སྙིང་པོ་བསྡུས་པ་ཞེས་བྱ་བ་བཞུགས་སོ།། །།ཤ་བ་རིའི་གཞུང་ཆུང་གི་འགྲེལ་པའོ། །
― LT24_Page_008B ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཡོ་ག་ཥཊ་ཨཾ་ག་བྲྀ་ཏི་ཧྲི་ད་ཡཾ་པཎྜི་ནཱ་མ། བོད་སྐད་དུ། རྣལ་འབྱོར་ཡན་ལག་དྲུག་པའི་འགྲེལ་པ་སྙིང་པོ་བསྡུས་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྣལ་འབྱོར་ཡན་ལག་དྲུག་བཤད་བྱ། །དེ་ལྟར་མཆོད་པར་བརྗོད་དེ་བཤད་པར་དམ་བཅས་ནས། དམ་བཅས་པའི་མན་ངག་ཉམས་སུ་བླང་བ་ལ་གཉིས་ལས། དང་པོ་ཉམས་སུ་བླང་བའི་ཚུལ་ལའང་གསུམ་ལས། མདོར་བསྟན་པ་ནི། དབང་པོ་ལྔས་ཡུལ་ལྔ་སོ་སོར་འཛིན་པའི་རྣམ་པར་རྟོག་པ་གཅོད་པ་དང༌། དུ་བ་ལྟ་བུ་ལ་སོགས་པའི་སྣ་ཚོགས་སྟོང་གཟུགས་མཐོང་བ་ལས་བསམ་པ་གཞན་དུ་མི་གཡོ་བར་གཏན་དུ་གནས་པ་དང༌། སྲོག་རླུང་གཡས་དང་གཡོན་ནས་རྒྱུ་བ་རྩོལ་བ་འགོག་པ་ལས་དབུ་མའི་ཐིག་ལེར་ཆུད་པ་དང༌། རླུང་དབུ་མར་ཆུད་པ་དེ་བཞིན་དུ་སྤྱི་གཙུག་ཧཾ་གི་ཐིག་ལེར་ཟིན་པ་དང༌། རླུང་ཧཾ་གི་ཐིག་ལེར་ཟིན་པའི་སྟོབས་ཀྱིས་བྱང་སེམས་ཞུ་བ་དུས་མེར་ཞུགས་པའི་གཏུམ་མོའི་མེ་ལྟེ་བར་འབར་བའི་རྗེས་སུ་ཕྱག་རྒྱ་དྲན་པ་དང༌། ཕྱག་རྒྱ་ཆེན་མོ་སྟོང་གཟུགས་བསྟེན་པ་ལས་བྱུང་བའི་འགྱུར་མེད་བདེ་སྟོང་གི་ཏིང་ངེ་འཛིན་ཏེ། དེ་ལྟར་ན་གཞི་སེམས་ཅན་གྱི་སེམས་ཉིད། ལམ་རྣམ་པར་མི་རྟོག་པའི་ཏིང་ངེ་འཛིན་རྣལ་འབྱོར་མས། འབྲས་བུ་རྟོག་མེད་ཀྱི་ཡེ་ཤེས་ཀྱི་སྐུས་སེམས་ཅན་གྱི་དོན་མཛད་པའི་སངས་རྒྱས་སུ་རྣལ་འབྱོར་པར་བྱེད་པའི་ཐབས་ཀྱི་ཡན་ལག་དྲུག་ཏུ་དཔལ་དུས་ཀྱི་འཁོར་ལ་སོགས་པའི་རྒྱུད་ཀྱི་རྒྱལ་པོ་རྣམས་ལས་གསུངས་སོ། །གཉིས་
― LT24_Page_009A ―
[མ་དཔེ་གཟིགས་ན་འདིར་གནོན།]
པ་རྒྱས་པར་བཤད་པ་ལ་དྲུག་ལས། དང་པོ་སོ་སོར་གཅོད་པ་གསུམ་ལས། སོ་སོར་གཅོད་པའི་དོན་ནི། མིག་ལ་སོགས་པའི་དབང་པོ་ལྔས་གཟུགས་ལ་སོགས་པའི་ཡུལ་ལྔ་མི་ལེན་པའོ། །ཐབས་ལ་གསུམ་ལས། དང་པོ་ཉིན་མཚན་གྱི་རྣལ་འབྱོར་སྒོམ་པ་ལ་གཉིས་ལས། མཚན་མོའི་རྣལ་འབྱོར་སྒོམ་པ་ནི། དབེན་ཁང་མཚན་ཉིད་དང་ལྡན་པར། སྟན་བདེ་བ་ལ་འདུག་སྟེ། མི་གཡོ་གསུམ་ལྡན་གྱིས་སྒོམ་པར་བྱའོ། །དེ་ལ་ལུས་མི་གཡོ་བར་བཞག་པ་ནི། རྐང་པ་སྐྱིལ་ཀྲུང་བཅའ། རྒལ་ཚིགས་དྲང་པོར་བསྲང༌། ལག་པ་གཉིས་པུས་མོའི་སྟེང་དུ་བཀབ་པའམ། མཉམ་གཞག་གི་ཕྱག་རྒྱ་འཆའ། མགྲིན་པ་ཅུང་ཟད་དགུ་བར་བྱ་བའི་ལུས་མི་འགུལ་བར་གནས་ནས། མིག་འབྱེད་འཛུམས་མི་བྱེད་པར་སོ་མར་བཞག་པའི་མིག་འབྲས་མི་འགུལ་བར་ཧྲིག་གེ། སྣ་སྒོ་ནས་སོར་བཅུ་གཉིས་སམ་བཅུ་དྲུག་གི་ནམ་མཁར་བལྟ་སྟེ། དེ་སྐད་དུ། མིག་གཉིས་ཕྱེ་མ་བཙུམ་པས་ཞེས་གསུངས་སོ། །ངག་མི་གཡོ་བར་བཞག་པ་ནི། དབུགས་ཆེད་དུ་མི་བཟུང༌། ཆེད་དུ་ཕྱིར་མི་བཏང་བར་རང་སོར་བཞག་གོ །དེ་ལྟར་མ་བཞག་པས་རླུང་ནང་དུ་ཟིན་དྲགས་པའི་གེགས་ཚད་ནད་དང༌། ཕྱིར་བཏང་དྲགས་པའི་གེགས་གྲང་ནད་མི་འབྱུང་བའོ། །སེམས་མི་གཡོ་བར་བཞག་པ་ནི་སེམས་མ་བཅོས་གཉུག་མའི་ངང་དུ་ཤེས་པ་ད་ལྟར་བརྩེ་གཅིག་ཏུ་ཅིར་ཡང་མི་བསམ་པར་ལྷོད་གློད་ནས་མ་ཡེངས་པར་ཏིང་ངེ་འཛིན་ལ་གནས་པའོ། །དེ་ལ་བཞི་ལས།
― LT24_Page_009B ―
[མ་དཔེ་གཟིགས་ན་འདིར་གནོན།]
ཤེས་པ་ད་ལྟར་པ་འཛིན་མེད་དུ་བཞག་པ་ནི། ལུས་མི་གཡོ་མི་འགུལ་བར་མིག་ཧྲིག་གེ་བཞག །ངག་མི་གཡོ་རྔམ་པ་རང་སོར་བཞག་ནས། སེམས་འདས་པའི་རྗེས་མི་བཅད། མ་འོངས་པའི་སྔོན་མི་བསུ། ད་ལྟར་བརྩི་བགྲང་མི་བྱ་བར། ཤེས་པ་ད་ལྟར་མ་བཅོས་གཉུག་མ་འཛིན་མེད་གྱི་ངང་ལ་མ་ཡེངས་པར་ཏིང་ངེ་འཛིན་པའོ། །དེ་སྐད་དུ་ཡང༌། དང་པོ་ཐོག་མཐའ་དང་བྲལ་ཞིང༌། །བར་མ་ཙམ་གཅིག་བསྟན་པར་བྱ། །དེ་ལ་གནས་ཤིང་དེ་སྤོང་གང༌། །དེ་ལ་མཚན་མ་བཅུ་འབྱུང་ངོ༌། །ཞེས་གསུངས་པའོ། །དེ་ནི་དུས་གསུམ་པར་མ་འཛིན་མེད་དུ་བཞག་ལ། སྤུན་གསུམ་བར་མ་དང་འགྲོགས་པའི་ཏིང་ངེ་འཛིན་ནི། །ཤེས་པ་རྩེ་གཅིག་ཏུ་གཞག་པ་ནི་ལུས་ངག་མི་གཡོ་བར་སྔར་བཞིན་བཞག་ནས་ཡིད་མིག་རླུང་གསུམ་སྨིན་མཚམས་ཀྱི་ཐད་ཀའི་ནམ་མཁར་རྩེ་གཅིག་ཏུ་ཏིང་ངེ་འཛིན་པའོ། །དེ་སྐད་དུ་ཡང༌། ཡིད་མིག་རླུང་གསུམ་བར་སྣང་དུ། །རྣལ་འབྱོར་མཁས་པས་དུས་མཉམ་བྱ། །རྒྱལ་བའི་ཡོན་ཏན་ངེས་པར་འབྱུང༌། །ཀུན་མཁྱེན་ཀུན་གྱི་གསུང་འདི་ཉིད། །ཅེས་གསུངས་སོ། །དེ་ནི་རྣམ་ཤེས་སྒོ་གཅིག་ཏུ་བསྟན་ནས་བཞག་པ། སྤྲེའུ་སྒོ་གཅིག་ཏུ་བཏགས་པ་ལྟ་བུའི་མན་ངག་གོ །སེམས་ཅི་ཡང་མི་སེམས་པར་བཞག་པ་ནི། ལུས་ངག་མི་གཡོ་བར་སྔར་བཞིན་བཞག་ནས། སེམས་མ་བཅོས་གཉུག་མའི་ངང་དུ་ཅི་ཡང་མི་སེམས་པར་ཅི་ཡང་ཡིད་ལ་མི་བྱེད་པ་མ་ཡེངས་པར་ཏིང་ངེ་འཛིན་པའོ། །དེ་སྐད་དུ་ཡང༌། དངོས་མིན་དངོས་པོར་བསྟེན་ནས་སུ། །དངོས་པོ་དངོས་པོ་མིན་པར་བྱ། །སེམས་ནི་སེམས་མིན་བྱས་ནས་སུ། །ཅི་ཡང་སེམས་པར་མི་བྱའོ། །ཞེས་གསུངས་སོ། །དེ་ནི་ཅི་ཡང་མི་སེམས་པར་བཞག་པ། ལྷ་ཁང་ལྡེང་སོ་ལྟ་བུའི་མན་ངག་གོ །སེམས་གློད་ནས་བཞག་པ་ནི། ལུས་ངག་མི་གཡོ་བར་སྔར་བཞིན་བཞག་ནས། སེམས་མ་བཅོས་གཉུག་མའི་ངང་དུ་ལྷོད་གློད་ནས་གང་དུ་ཡང་མི་རྟོག་པར་མ་ཡེངས་
― LT24_Page_010A ―
[མ་དཔེ་གཟིགས་ན་འདིར་གནོན།]
པར་ཏིང་ངེ་འཛིན་པའོ། །དེ་སྐད་དུ་ཡང༌། བཅིངས་ན་ཕྱོགས་བཅུར་རྒྱུགས་ནས་འགྲོ། །བཀྲོལ་ན་གཡོ་མེད་གནས་པ་ལྟར། །མཛའ་མོ་བདག་གིས་རྔ་མོ་མཐོང༌། །བདག་ལ་ཕྱིན་ཅི་ལོག་པར་སྣང༌། །ཞེས་གསུངས་པའོ། །དེ་ནི་སེམས་གློད་ནས་རང་གྲོལ་དུ་གནས་པ་རྔ་མོ་བཀྲོལ་བ་ལྟ་བུའི་མན་ངག་གོ །དེ་ལྟར་རྟོག་པ་གཅོད་པའི་མན་ངག་བཞི་པོ་ཀུན་ལ་མ་ཡེངས་པར་ཏིང་ངེ་འཛིན་པ་ནི་ཁྱད་པར་དུ་གཅེས་ཏེ། མདོ་ལས། །སེམས་གཡེངས་པས་ནི་བདག་གི་དོན་ཡང་མི་ནུས་ན། གཞན་གྱི་དོན་ལྟ་སྨོས་ཀྱང་ཅི་དགོས། །སེམས་མ་ཡེངས་པའི་ཏིང་ངེ་འཛིན་ནི་དུས་གསུམ་སངས་རྒྱས་ཐམས་ཅད་ཀྱི་ལམ་མོ། །ཞེས་གསུངས་སོ། །དེ་ལྟར་མི་གཡོ་བ་གསུམ་ལྡན་དུ་བསྒོམས་པས་དུ་བ་ལྟ་བུའི་རྟགས་ཐུན་གཅིག་ལའང་འབྱུང་གསུངས་དེ་ཀའི་ངང་ལས། མི་གཡོ་བ་གསུམ་དང་མ་བྲལ་བར་ལྡན་པར་རྟོགས་པ་ཅུང་ཟད་ཀྱང་མ་བྱུང་ན་སྨིག་རྒྱུ་ལྟ་བུ་ལ་སོགས་པ་རྣམ་ཀྱང་རིམ་པ་བཞིན་འབྱུང་སྟེ། དེ་སྐད་དུ་ཡང༌། བསམ་པ་ཐམས་ཅད་ཡོངས་སྤངས་ནས། །ཉིན་ཞག་གཅིག་ནི་བརྟགས་པར་གྱིས། །དེ་ལ་ཡིད་ཆེས་མེད་ན་ནི། །དེ་ཚེ་ང་ཡིས་བརྫུན་སྨྲས་ཡིན། །ཞེས་གསུངས་སོ། །དེ་ནས་ཉིན་མོའི་རྣལ་འབྱོར་བསྒོམ་པ་ནི། །མཚན་མོའི་རྟགས་རྣམས་རྫོགས་པར་མཐོང་ནས་དབེན་གནས་མཚན་ཉིད་དང་ལྡན་པར་ས་བདེ་བ་ལ་འདུག་སྟེ། སྔ་དྲོ་དང་ཕྱི་དྲོ་ཉི་མ་ལ་རྒྱབ་བསྟན་ནས་རང་འདི་ན་ཡོད་པ་ལ་མི་བལྟ། ཡུལ་ཕ་གི་ན་ཡོད་པ་ལ་མི་བལྟ་བར། སྤྲིན་མེད་པའི་ནམ་མཁའ་དྭངས་པའམ། བར་སྣང་དུ་བལྟ་སྟེ། མི་གཡོར་གསུམ་དང་ལྡན་པས་སྔར་བཞིན་བསྒོམ་པར་བྱའོ། །ཉིན་གུང་མི་སྒོམ་ཏེ་མིག་ལ་གནོད་པས་སོ། །དེ་ནས་སེམས་དབེན་པར་གནས་པར་བྱའོ། །གཉིས་པ་བསྒོམས་པས་མཐོང་བའི་རྟགས་ནི་དེ་ལྟར་དུ་ཉིན་མཚན་གྱི་རྣལ་འབྱོར་བསྒོམ་པས། །ཨ་ཝརྟུ་ཏི་བ་གཡས་ནས་ས་ཆུ་མེ་རླུང་ནམ་མཁའི་རླུང་སྡུད་རིམ་གྱིས་
― LT24_Page_010B ―
[མ་དཔེ་གཟིགས་ན་འདིར་གནོན།]
རྒྱུ་བ་དང་ལྔ་དང༌། གཡོན་ནས་ནམ་མཁའ་རླུང་མེ་ཆུ་སའི་རླུང་ལྔ་སྐྱེད་རིམ་གྱིས་རྒྱུ་བ་ལྔ་སྟེ་རླུང་བཅུ་རང་ཤུགས་ཀྱིས་ཆུད་པར་གྱུར་པས། ཕྱི་བཟུང་བ་ཡུལ་གྱི་རྟོག་པ་དང༌། ནང་འཛིན་པ་སེམས་ཀྱི་རྟོག་པ་ཕྲ་རགས་ཅི་རིགས་པ་འགགས་ཏེ། རྣམ་པར་མི་རྟོག་པའི་ཏིང་ངེ་འཛིན་སྐྱེས་པའི་ཚེ། མཚན་མོའི་རྣལ་འབྱོར་གྱི་ངེས་པའི་རྟག་དུ་བ་ལྟ་བུ་དང༌། སྨྲིག་རྒྱུ་ལྟ་བུ་དང༌། སྲིན་བུ་མེ་ཁྱེར་ལྟ་བུ་དང༌། མར་མེ་ལྟ་བུ་དང༌། སྤྲིན་མེད་ནམ་མཁའ་ལྟ་བུ་རྣམས་མཐོང་བའོ། །ཉིན་མོའི་རྣལ་འབྱོར་གྱི་ངེས་པའི་རྟགས། འབར་བ་ལྟ་བུ་དང༌། ཟླ་བ་ལྟ་བུ་དང༌། ཉི་མ་ལྟ་བུ་དང༌། རཱ་ཧུ་ལའི་དཀྱིལ་འཁོར་ལྟ་བུ་དང༌། གློག་ལྟ་བུ་རྣམས་མཐོང་བའོ། །དེ་ནས་རྟགས་ཅན་ཡེ་ཤེས་ཀྱི་ཐིག་ལེ་ལྗང་གུ་དང༌། ཐིག་ལེ་ནག་པོ་ཆེན་པོ་སྣང་བ་འབྱུང་ངོ༌། །དེ་ལྟར་ཡང་ཡང་དུ་བསྒོམས་པས་ཐིག་ལེར་སྣ་ཚོགས་སྟོང་གཟུགས་མཐོང་བ་ནི་སོ་སོར་གཅོད་པའི་ཡན་ལག་གོ །དེ་སྐད་དུ། སེམས་ནི་གཡོ་བ་མེད་བྱས་ནས། །དུ་བ་ལ་སོགས་སྒོམ་པར་བྱ། །ཞེས་གསུངས་སོ། །གསུམ་པ་སྒོམ་གྱི་གེགས་བྱིང་རྒོད་སྤང་བ་ནི། རྒྱུད་ལས། བཀྲེས་པ་དང་ནི་གཉིད་དང་ངལ་བ་དང༌། །དབང་ཕྱུགས་དང་ནི་ལོང་སྤྱོད་ཡིད་ཆགས་དང༌། །ནོར་དང་བསྟོད་སྒྲ་ཆོས་དང་རིགས་རྣམས་ཀུན། །མི་དེས་སྐྱོན་བཅར་ཤེས་པར་བྱས་ལ་སྤང༌། ཞེས་གསུངས་པས། བྱིང་རྒོད་ཀྱི་རྒྱུ་མ་ལུས་པ་སྤངས་ལ་སྒོམ་མོ། །གལ་ཏེ་བྱིང་ན་སྟན་བདེ་བ་ལ་འདུག་ཏེ་སྐྱིལ་ཀྲུང་བཅས་ལ། ལག་པ་གཉིས་པུས་མོ་ལ་འཇུས་ལ་རླུང་ཁ་ནས་དྲངས་ཏེ། ཐུབ་ཚད་བཟུང༌། མི་ཐུབ་པའི་པ་དུས་སུ་ཁ་སྣ་གསུམ་ནས་དག་ཏུ་འབུད་དོ། །དེ་ལྟར་ཡང་དང་ཡང་དུ་བྱས་ཏེ། ལྟ་སྟངས་གཏོད་ལ་བསྒོམ་མོ། །གལ་ཏེ་རྒོད་ན་རང་ཉིད་སྐད་ཅིག་གིས་ཡི་དམ་ལྷར་བསྐྱེད་ལ་ཐུགས་ཀའི་ས་བོན་ལས་འོད་འཕྲོས་པས་སྣོད་བཅུད་མ་ལུས་པ་ལ་ཕོག་པས་
― LT24_Page_011A ―
[མ་དཔེ་གཟིགས་ན་འདིར་གནོན།]
འོད་དུ་གྱུར། འོད་ཚུར་འདུས་པས་བདག་ཉིད་ཀྱང་འོད་དུ་གྱུར་ཏེ་ཇེ་ཆུང་ཇེ་ཆུང་ལས་རིམས་གྱིས་བསྡུས་ནས་སྟོང་པར་བསམ་ཏེ། ལྟ་སྟངས་སྨད་ལ་སྒོམ་མོ། །དེ་ལྟར་ཡང་དང་ཡང་དུ་བྱས་པས་བྱིང་རྒོད་སེལ་བར་འགྱུར་རོ། །གཉིས་པ་བསམ་གཏན་ལ་གཉིས་ལས། བསམ་གཏན་གྱི་དོན་ནི། དུ་བ་ལྟ་བུ་ལ་སོགས་པའི་རྟགས་རྣམས་བརྟན་པོར་མཐོང་བར་གྱུར་པ་ལས་སེམས་གཞན་དུ་མི་འཕྲོ་བར་རྩེ་གཅིག་ཏུ་བརྟན་པར་འགྱུར་པའོ། །ཐབས་ལ་དྲུག་ལས། ཤེས་རབ་ནི་སྟོང་པའི་གཟུགས་ཅན་དེ་ཉིད་སྣང་བའོ། །རྟོག་པ་ནི་སྟོང་པའི་དངོས་པོ་འཛིན་པའོ། །དཔྱོད་པ་ནི་དེའི་དོན་ངེས་པར་བྱེད་པའོ། །དགའ་བ་ནི་སྟོང་པའི་གཟུགས་བརྙན་ལ་ཆགས་པའོ། །བདེ་བ་ནི་སྟོང་པའི་གཟུགས་ཅན་དང་ལྷན་གཅིག་པའི་སེམས་སོ། །རྩེ་གཅིག་པ་ནི་སྣ་ཚོགས་སྟོང་པ་ཉིད་ཀྱི་གཟུགས་ཅན་སྣང་བ་དེ་ཉིད་ལ་སེམས་མི་གཡོ་མི་བརྡེག་པར་རྟོག་མེད་དུ་གནས་པའོ། །དེ་རྣམས་ནི་བསམ་གཏན་གྱི་ཡན་ལག་གོ །དེ་སྐད་དུ་ཡང༌། མཆོག་ཏུ་མི་འགྱུར་སྒོམ་པ་ཡིས། །དབུ་མ་ཡོངས་སུ་སྦྱང་བར་བྱ། །ཞེས་གསུངས་སོ། །གསུམ་པ་སྲོག་རྩོལ་ལ་གཉིས་ལས། སྲོག་རྩོལ་གྱི་དོན་ནི། སྲོག་ནི་རླུང་ཡིན། རྩོལ་བ་ན་འགོག་པ་སྟེ། གཡས་དང་གཡོན་ནས་རྒྱུ་བའི་རླུང་གི་དཀྱིལ་འཁོར་བཅུ་དབུ་མར་ཆུད་པས་གཅིག་ཏུ་གྱུར་པའོ། །ཐབས་ནི་སྣ་ཚོགས་སྟོང་པ་ཉིད་ཀྱི་གཟུགས་མི་གཡོ་མི་བརྡེག་པར་བསྒོམས་པས། རླུང་བཅུ་དབུ་མར་ཆུད་ནས། ལྟེ་བ་དང༌། སྙིང་ག་དང༌། མགྲིན་པ་དང༌། དཔྲལ་བའི་འཁོར་ལོ་བཞིའི་ཐིག་ལེའི་ནང་ནས་རླུང་འགྲོ་འོང་བྱེད་པ་ནི་སྲོག་རྩོལ་གྱི་ཡན་ལག་ཡིན་ཏེ། དེ་སྐད་དུ། སྲོག་གི་ཐིག་ལེར་གཞུག་པར་བྱ། །ཐིག་ལེ་འཁོར་ལོ་རྣམས་རིམ་པས། །ཞེས་གསུངས་སོ། །བཞི་པ་འཛིན་པ་ལ་གཉིས་ལས། འཛིན་པའི་དོན་ནི། སྲོག་རླུང་དབུ་མའི་ཐིག་ལེའི་ནང་དུ་ཆུད་པ་དེ་བརྟན་པར་འཛིན་པའོ། །ཐབས་
― LT24_Page_011B ―
[མ་དཔེ་གཟིགས་ན་འདིར་གནོན།]
ནི་གཟུང་བར་བྱ་བ་སྟོང་པ་ཉིད་ཀྱི་གཟུགས་ཅན་ལ་འཛིན་པར་བྱེད་པའི་སེམས་ཞུགས་པར་བསྒོམས་པས་རླུང་སེམས་སྤྱི་གཙུག་བདེ་ཆེན་གྱི་འཁོར་ལོའི་ཧཾ་གི་ཐིག་ལེར་འཛིན་པ་ནི་འཛིན་པའི་ཡན་ལག་གོ །དེ་སྐད་དུ། འཕོ་བ་རྡོ་རྗེར་བཀག་པ་ཡིས། །མཚན་མ་འཁྲང་པོའི་རྣལ་འབྱོར་པ། །ཞེས་གསུངས་སོ། །ལྔ་པ་རྗེས་སུ་དྲན་པ་ལ་གཉིས་ལས། རྗེས་སུ་དྲན་པའི་དོན་ནི། ལྟོགས་ན་ཟས་དང༌། སྐོམས་ན་བཏུང་བ་དྲན་པ་ལྟར་བདེ་བ་ཆེན་པོའི་ཐིག་ལེར་རླུང་སེམས་ཟིན་པས་ལྟེ་བར་གཏུམ་མོའི་མེ་འབར་བའི་རྗེས་སུ་ཕྱག་རྒྱ་དྲན་པའོ། །ཐབས་ནི་སྟོང་པའི་གཟུགས་ཅན་ལ་འཁྱུད་པའི་སེམས་དེ་རྣམ་པར་རྟོག་པ་ཐམས་ཅད་དང་བྲལ་བར་བསྒོམས་པས་རླུང་སེམས་བདེ་ཆེན་འཁོར་ལོའི་ཧཾ་གི་ཐིག་ལེར་ཟིན་པའི་སྟོབས་ཀྱིས་ལྟེ་བར་གཏུམ་མོའི་མེ་འབར་བས། སྐུ་གཟུག་ཅན་དང་རང་ལ་འོད་ཀྱིས་བསྐོར་བ་སྣང་བ་དང༌། ལུས་ལ་བདེ་དྲོད་ཁྱད་པར་འབྱུང་བ་ནི་རྗེས་སུ་དྲན་པའི་ཡན་ལག་ཡིན་ཏེ། དེ་སྐད་དུ། །པདྨར་རྡོ་རྗེ་བཅུག་བྱས་ལ། །གྱེན་དུ་བྱང་སེམས་རྒྱུ་བར་བྱ། །ཞེས་གསུངས་སོ། །དྲུག་པ་ཏིང་ངེ་འཛིན་ལ་གཉིས་ལས། །ཏིང་ངེ་འཛིན་གྱི་དོན་ནི། གཟུང་བའི་ཡུལ་སྣང་སྟོང་དང༌། འཛིན་པའི་ཤེས་པ་གསལ་སྟོང་དང༌། ཉམས་སུ་མྱོང་བའི་ཚོར་བ་བདེ་སྟོང་ཟུང་འཇུག་ལ་སེམས་རྩེ་གཅིག་ཏུ་ཏིང་ངེ་འཛིན་པའོ། །ཐབས་ནི་མི་གཡོ་བ་གསུམ་གྱིས་བསྒོམས་པས། སོ་སོའི་རྟོག་པ་ཕྲ་རགས་ཅི་རིགས་པར་ཆོད་དེ་རླུང་བཅུ་དབུ་མར་ཆུད་པའི་རྟགས་བཅུ་རྫོགས་པར་མཐོང་བ་ན་ཐིག་ལེ་ལྗང་གུ་དང༌། ནག་པོ་ཆེན་པོ་ལ་སོགས་པའི་སྣང་བ་འབྱུང་ཞིང༌། དེ་ནས་འོད་ཟེར་གྱི་ཐིག་ཕྲན་ཤིན་ཏུ་ཆ་ཕྲ་བ་སྣ་ཚོགས་དང་ལྡན་པའི་ཐིག་ལེ་ཆེན་པོ་དེ་ལ། རེ་ཁཱ་ནག་པོའི་རི་མོ་རྣམས་འབྱུང་ངོ༌། །རེ་ཁཱ་དེའི་ནང་དུ་རགས་པ་འགྲོ་བ་རིགས་དྲུག་ལྟ་བུ་ལ་སོགས་པའི་གཟུགས་ཅན་སྣ་ཚོགས་པ་མཐོང་བ་དང༌། དེའི་དུས་སུ་གཞོམ་དུ་མེད་པའི་སྒྲ་བརྙན་སྣ་ཚོགས་ཐོས་པ་དང༌། །དུས་ཀྱི་
― LT24_Page_012A ―
[མ་དཔེ་གཟིགས་ན་འདིར་གནོན།]
རྩའི་ཐིག་ལེའི་རེ་ཁཱ་ནག་པོའི་ནང་དུ་ཤིན་ཏུ་ཕྲ་བའི་སྤྲུལ་པའི་སྐུ་དང༌། ལོངས་སྤྱོད་རྫོགས་པའི་སྐུ་གཟུགས་དུ་མ་མཐོང་བར་གྱུར་བ་དེ་ཉིད་ནི་སྣ་ཚོགས་གཟུགས་ཅན་འོད་གསལ་བ་ཡིན་ཞིང༌། ཕྱག་རྒྱ་ཆེན་པོ་ཡང་དེ་ཡིན། དབང་བཞི་པའི་དོན་ཡང་དེ་ཡིན་ནོ། །དེའི་དུས་སུ་རྣལ་འབྱོར་པ་ལ་མཐོང་ལམ་རྣམ་པར་མི་རྟོག་པའི་ཡེ་ཤེས་སྐྱེའོ་གསུངས་སོ། །དེ་ལྟ་བུའི་སྣང་བ་གཟུགས་སྐུ་འོད་གསལ། དེ་ལ་རྣལ་འབྱོར་པའི་སེམས་ཆོས་སྐུ་འོད་གསལ་ལ་ཐིམ་སྟེ། དབྱེར་མེད་གཅིག་ཏུ་གྱུར་པ་ན། ཏིང་ངེ་འཛིན་གྱི་ཡན་ལག་མཐར་ཕྱིན་པའོ། །དེ་སྐད་དུ། ཕྱག་རྒྱ་ཆེ་ལ་རབ་འཁྱུད་པས། །རྡོ་རྗེ་འབེབས་པར་བྱིན་གྱིས་བརླབ། །སྟོང་ཕྲག་ཉི་ཤུ་རྩ་གཅིག་དང༌། །དྲུག་བརྒྱ་མཆོག་ཏུ་མི་འགྱུར་བ། །སྐད་ཅིག་གང་ལ་རྒྱལ་པོ་ཀྱེ། །རྡོ་རྗེ་སེམས་དཔར་བདག་ཉིད་འགྱུར། །ཞེས་གསུངས་སོ། །གསུམ་པ་དོན་བསྡུ་བ་ནི། སྦྱོར་བ་ཡན་ལག་དྲུག་ལ་ལག་ལེན་གྱི་དུས་སུ་རིམ་པ་བཞིན་དུ་སླབ་མི་དགོས། དྲུག་ཀ་མི་གཡོ་བ་གསུམ་ལྡན་གྱིས་བསྒོམ་མོ། །དེ་ཡང་མཚན་མོའི་རྟགས་མ་རྫོགས་ཀྱི་བར་དུ་མཚན་མོའི་རྣལ་འབྱོར་བསྒོམ། དེ་ནས་ཉིན་མོའི་རྣལ་འབྱོར་བསྒོམ། རྟགས་བཅུ་རྫོགས་པར་བྱུང་ན་མཚན་མོ་མཚན་མོའི་རྣལ་འབྱོར་སྒོམ། ཉིན་མོ་ཉིན་མོའི་རྣལ་འབྱོར་བསྒོམས་ཀྱང་ཆོག །སྔར་བཞིན་རེས་མོས་སུ་བསྒོམས་ཀྱང་ཆོག་གསུངས་སོ། །དེ་ནས་ཀྱང་རྟགས་བྱུང་ཙམ་ལ་མི་བཞག་པར་བླ་ན་མེད་པའི་བྱང་ཆུབ་མ་ཐོབ་བར་དུ་རྒྱུན་མ་ཆད་པར་བསྒོམ་པར་བྱའོ་གསུངས་སོ། །གཉིས་པ་དེ་ལྟར་ཉམས་སུ་བླངས་པའི་འབྲས་བུ་ནི། །གནས་སྐབས་སུ་དེ་བཞིན་གཤེགས་པའི་ཞལ་མཐོང་ཞིང༌། ཚིག་གི་མཆོག་སྦྱིན་པ་ལ་སོགས་པ་དང༌། མཐར་ཐུག་དམིགས་པ་དང་བཅས་པའི་སྟོང་པ་ཉིད་དང༌། དམིགས་པ་མེད་པའི་བདེ་བ་ཆེན་པོ་ཟུང་དུ་ཆུད་པ་མཆོག་ཏུ་མི་འགྱུར་བའི་ཡེ་ཤེས་ཀྱི་སྐུ་བཞི་དབྱེར་མེད་པའི་སངས་
― LT24_Page_012B ―
[མ་དཔེ་གཟིགས་ན་འདིར་གནོན།]
རྒྱས་དཔལ་དུས་ཀྱི་འཁོར་ལོ་ལ་སོགས་པའི་གོ་འཕང་མྱུར་དུ་ཐོབ་པར་འགྱུར་རོ། །རྣལ་འབྱོར་ཞག་ཟླ་ལོར་བསྒོམས་པས། །རྡོ་རྗེ་འཛིན་པའི་ས་ཐོབ་ཤོག །རྣལ་འབྱོར་ཡན་ལག་དྲུག་པའི་འགྲེལ་པ་སྙིང་པོ་བསྡུས་པ་ཞེས་བྱ་བ། སོ་སོར་གཅོད་པའི་ལམ་ཡོངས་སུ་རྫོགས་པའི་དོན། སྤྲུལ་པའི་སྐུ་དཔལ་ཤ་བ་རི་དབང་ཕྱུག་གིས་མ་ཧཱ་པཎྜི་ཏ་བྷཱུ་ཏི་ཙནྡྲ་ལ་གསུངས་པའི་མན་ངག་ཁ་འཐོར་བ་རྣམས། དཔལ་དུས་ཀྱི་འཁོར་ལོའི་རྣལ་འབྱོར་པ་དཔལ་མི་བསྐྱོད་རྡོ་རྗེས། སྐྱེས་མཆོག་དམ་པ་རྣམས་ཀྱིས་ཞུས་པའི་དོན་ཏུ་ཕྱོགས་གཅིག་ཏུ་བཀོད་པའོ།། །།རྫོགས་སོ། །འདིས་བསྟན་པ་དང་འགྲོ་བ་མཐའ་དག་མ་ལུས་པའི་དོན་འབྱུང་བར་གྱུར་ཅིག །།ཤུ་བྷཾ།། གྲུབ་ཆེན་ཡུ་མོ་བ། ༈ །དགེ་མ་བོ་དྷིས་མིང་གི་གུས་པས་སྤར་དུ་སྒྲུབས་པའོ། །
གདམས་ངག་མཛོད་པོད་བཅོ་ལྔ་པ།
དུས་འཁོར་ལྷ་དགུའི་སྒྲུབས་ཐབས་རྒྱས་པ།
― LT24_Page_013A ―
[མ་དཔེ་གཟིགས་ན་འདིར་གནོན།]
དུས་འཁོར་ལྷ་དགུའི་སྒྲུབས་ཐབས་རྒྱས་པ་བཞུགས་སོ།། །།
― LT24_Page_013B ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་བུདྡྷ་བོ་དྷི་ས་ཏྭེ་བྷྱཿ །དཔལ་དུས་ཀྱི་འཁོར་ལོ་ལྷ་དགུའི་སྒྲུབ་ཐབས་རྒྱས་པ། བླ་མ་དང་ལྷག་པའི་ལྷ་ལ་ཕྱག་འཚལ་ལོ། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །རང་གི་སྤྱི་བོར་པདྨ་དང་ཟླ་བའི་སྟེང་དུ་ཧཱུྃ་ལས་བཅོམ་ལྡན་འདས་རྡོ་རྗེ་སེམས་དཔའ་དཀར་པོ་ཞལ་གཅིག་གཉིས་པ། །གཡས་རྡོ་རྗེ་དང་གཡོན་དྲིལ་བུ་འཛིན་པས་ཡུམ་ལ་འཁྱུད་པ། བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། །ཨོཾ་ཤྲཱི་བཛྲ་ཧེ་རུ་ཀ་ས་མ་ཡ། །མ་ནུ་པཱ་ལ་ཡ། བཛྲ་ཧེ་རུ་ཀ་ཏྭེ་ནོ་པ་ཏིཥྛ་ཌྀ་ཌྷོ་མེབྷ་ཝ། སུ་ཏོཥྱོ་མེབྷ་ཝ། ཨ་ནུ་རཀྟོ་མེ་བྷ་ཝ། སུ་བོ་ཥྱོ་མེབྷ་ཝ། སརྦ་སིདྡྷམྨེ་པྲ་ཡ་ཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲེ་ཡ་ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། བཛྲ་ཧེ་རུ་ཀ་མཱ་མེ་མུཉྩ། །ཧེ་རུ་ཀོ་བྷ་ཝ། མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། །བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་
― LT24_Page_014A ―
[མ་དཔེ་གཟིགས་ན་འདིར་གནོན།]
སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། །ཨོཾ་སྭཱ་བྷཱ་ཝ་ཤུདྡྷཿསརྦ་དྷརྨཱཿསྭཱ་བྷཱ་ཝ་ཤུདྡྷོ་ཧཾ། དཔྲལ་བར་ཨོཾ་དཀར་པོ་ལས་སྣང་བ་མཐའ་ཡས་དཀར་པོ། །མགྲིན་པར་ཨཱཿདམར་པོ་ལས་རིན་ཆེན་འབྱུང་ལྡན་དམར་པོ། །སྙིང་གར་ཧཱུྃ་ནག་པོ་ལས་དོན་ཡོད་གྲུབ་པ་ནག་པོ། ལྟེ་བར་ཧོཿསེར་པོ་ལས་རྣམ་པར་སྣང་མཛད་སེར་པོ། །གཙུག་གཏོར་དུ་ཧཾ་ལྗང་གུ་ལས་མི་བསྐྱོད་པ་པ་ལྗང་གུ། གསང་བར་ཀྵ་སྔོན་པོ་ལས་རྡོ་རྗེ་སེམས་དཔའ་སྔོན་པོ་རྣམས་འཁོད་པར་གྱུར། །ཨོཾ་ཨཱཿཧཱུྃ་ཧོཿཧྃ་ཀྵཿཧྲཱཿཧྲཱཿཧྲཱཿཧྲཱཿར་ར་ར་ར་བཛྲ་ཨ་ན་ལ། སརྦ་ཨཱ་བ་ར་ཎ་དྷརྨ་པྲ་ལ་ཡ་སྭ་བྷཱ་ཝ་སརྦ་མཱ་ར་ཀཱ་ཡི་ཀ་བིགྷྣ་བི་ནཱ་ཡ་ཀ་ཨཱ་དཱི་ནཱཾ། ད་ཤ་དི་ཀ་ག་ཏཱ་ནི། ཀཱ་ཡ་ཝཱ་ཀིཏྟཱ་ནི། ད་ཧ་ད་ཧ། པ་ཙ་པ་ཙ། བྷ་སྨི་ཀུ་རུ་ཀུ་རུ་ཧཱུྃ་ཧཱུྃ་ཕཊ། ཅེས་ལན་གསུམ་སོགས་འདོན་ནོ། །བདག་ཉིད་སྐད་ཅིག་གིས་དུས་ཀྱི་འཁོར་ལོའི་སྐུར་གསལ་བའི་སྙིང་གར་པཾ་ལས་བྱུང་བའི་པདྨ་དམར་པོ་འབབ་མ་བརྒྱད་པའི་ལྟེ་བར་ཨཾ་ཡིག་ཡོངས་སུ་གྱུར་པ་ལས། ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་ལས་བྱུང་བའི་རྡོ་རྗེ་སྔོན་པོ་རྩེ་ལྔ་པ་དང༌། དེ་ལས་རྡོ་རྗེ་ཉི་མ་བཞིན་ཏུ་འོད་ཟེར་ཁ་དོག་ལྔ་རྣམས་འཕྲོས་པས། བླ་མ་དང་དེ་བཞིན་གཤེགས་པ་སྲས་དང་བཅས་པ་ཐམས་ཅད་དུས་ཀྱི་འཁོར་ལོའི་དཀྱིལ་འཁོར་གྱི་རྣམ་པས་ནམ་མཁའི་མཐིལ་དུ་བཛྲ་ས་མཱ་ཛཿ འོད་ཟེར་གྱི་ཚོགས་རྣམས་
― LT24_Page_014B ―
[མ་དཔེ་གཟིགས་ན་འདིར་གནོན།]
རང་གི་སྙིང་གའི་རྡོ་རྗེ་ལ་ཞུགས་པར་གྱུར། །གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །སྟོང་ཉིད་སྙིང་རྗེའི་བདག་ཉིད་ཅན། །སྲིད་གསུམ་སྐྱེ་འཇིག་མེད་པའི་དངོས། །ཤེས་དང་ཤེས་བྱ་གཅིག་པའི་སྐུ། །དཔལ་ལྡན་དུས་འཁོར་ལ་ཕྱག་འཚལ། །ཕྲ་རབ་རྡུལ་གྱི་ཆོས་ཉིད་འདས། །ཕྲ་རབ་པ་ཡི་རང་བཞིན་ཅན། །རྣམ་པ་ཀུན་གྱི་མཆོག་ལྡན་མ། ཕྱག་རྒྱ་ཆེན་མོ་དེ་ལ་འདུད། །ཨོཾ་ྩྪྫྫྷྙ་བཛྲ་གནྡྷེ་གནྡྷ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྩྪྫྫྷྙཱ་བཛྲ་མཱ་ལེ་མཱ་ལ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྚྛྜྜྷྞ་བཛྲ་དྷཱུ་པེ་དྷཱུ་པ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྚྛྜྜྷྞཱ་བཛྲ་པྲ་དཱི་པེ་པྲ་དཱི་བ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྤྥྦྦྷྨ་བཛྲ་ཨཱམྲྀ་ཏེ་ནི་ཝི་དྱ་པཱུ་ཛཱི་ཀུ་རུ་ཀུ་རུ་སྭཱ་ཧཱ། ཨོཾ་ྤྥྦྦྷྨཱ་བཛྲ་ཨཱཀྵ་ཏེ་ཨཱཀྵ་ཏ་ཕལ་ཨཱརྩ་ན་ཀུ་རུ་ཀུ་རུ་སྭཱ་ཧཱ། ཨོཾ་ྟྠྡྡྷྣ་བཛྲ་ལ་སྱེ་ཝསྟ་ཨཱ་བྷར་ཎ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྟྠྡྡྷྣཱ་བཛྲ་ཧཱ་སྱེ་གྷཱཎྜ་ཨཱ་དརྵ་པཱུ་ཛཱེ་ཀུ་རུ་ཀུ་རུ་སྭཱ་ཧཱ། ཨོཾ་ྐྑྒྒྷྔ་བཛྲ་ཝཱ་དྱེ་བཱ་དྱ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྐྑྒྒྷྔཱ་བཛྲ་ནྲྀ་ཏྱེ་ནྲྀ་ཏྱ་པཱུ་ཛཱ་ཀུ་རུ་ཀུ་རུ་སྭཱ་ཧཱ། ཨོཾ་ྶཉྤྵྴྈྐ་བཛྲ་གཱི་ཏེ་གཱི་ཏ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྶཉྤྵྴྈྐཱ་བཛྲ་ཀཱ་མེ་སརྦ་བུདྡྷ་བོདྷི་ས་ཏྭ་ནཱཾ་ཀྲོ་དྷ་ཨཱ་དཱི་ནཱཾ་བཛྲ་སཱུ་ར་ཏ་པཱུ་ཛཱ་ཀུ་རུ་ཀུ་རུ་སྭཱ་ཧཱ། སྲིད་འགྲོ་ཉམ་ངར་བྱིས་པའི་བློ་ཡིས་ནི། །ཤིན་ཏུ་མི་བཟད་སྡིག་པ་གང་བགྱིས་པ། སྟོབས་བཅུ་མངའ་བའི་སྤྱན་སྔར་མཆིས་ནས་ནི། །སྡིག་པ་དེ་ཀུན་སོ་སོར་བཤགས་པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་རྣམས་དང་འཕགས་པའི་ཚོགས་ཀྱིས་རྣམ་མང་དགེ་བ་གང་མཛད་པ། །དེ་དག་མཐའ་དག་ལ་ནི་སྡིག་པ་རྣམས་བྲལ་བྱང་ཆུབ་སྤྱོད་ལ་རྗེས་སུ་གནས་པས་རྗེས་ཡི་རང༌། །སངས་རྒྱས་ཆོས་དང་དགེ་འདུན་སྲིད་པའི་འཇིག་འཕྲོག་ལ་ཡང་བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གི་ལུས་འབུལ་ཆོས་ཀྱི་འཁོར་ལོ་
― LT24_Page_015A ―
[མ་དཔེ་གཟིགས་ན་འདིར་གནོན།]
བསྐོར་ཞིང་མྱ་ངན་མི་འདའ་ཡུན་རིང་བཞུགས་པར་གསོལ་བ་འདེབས། །རྫོགས་སངས་རྒྱས་སུ་བདག་གྱུར་ཅིག་ཅེས་འདིར་ནི་སྨོན་ལམ་སེམས་ཅན་དོན་གྱི་སླད་དུ་བདག་བགྱིད་དོ། །དངོས་པོ་མེད་ལ་སྒོམ་པ་མེད། །སྒོམ་པ་སྒོམ་པ་ཉིད་མ་ཡིན། །དེ་ལྟར་དངོས་པོ་དངོས་མེད་པས། །སྒོམ་པ་དམིགས་སུ་མེད་པའོ། །ཨོཾ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅་ཧཾ། །རྡོ་རྗེའི་རང་བཞིན་རྩིབས་བཅུ་པ་ཟླུམ་པོའི་དབུས་སུ་ཆོས་འབྱུང་ནམ་མཁའི་ཁམས་ལ། ཡཾ་ལས་རླུང་གི་དཀྱིལ་འཁོར་ནག་པོ་དབུས་སུ་གཞུའི་རྣམ་པ་རྒྱལ་མཚན་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་དབུས་སུ་གྲུ་གསུམ་གྱི་རྣམ་པ་བཀྲ་ཤིས་ཀྱིས་མཚན་པ། །དེའི་སྟེང་དུ་པཾ་ལས་ཆུའི་དཀྱིལ་འཁོར་དཀར་པོ་དབུས་སུ་ཟླུམ་པོའི་རྣམ་པ་པདྨས་མཚན་པ། །དེའི་སྟེང་དུ་ལཾ་ལས་སའི་དཀྱིལ་འཁོར་སེར་པོ་དབུས་སུ་གྲུ་བཞིའི་རྣམ་པ་རྡོ་རྗེས་མཚན་པ། དེ་ཐམས་ཅད་ཀྱི་སྟེང་དང་འོག་ཏུ་ཧཱུྃ་ལས་བྱུང་བའི་སྣ་ཚོགས་རྡོ་རྗེ་གཉིས་གཉིས་དང་ལྡན་པར་གྱུར། སའི་སྟེང་དུ་མཾ་ལས་རི་རབ་ལྷུན་པོའོ། །དེའི་སྟེང་དུ་ཀྵཾ་ལས་སྣ་ཚོགས་ཆུ་སྐྱེས་ལྟེ་བ་པདྨའི་སུམ་ཆའི་ཚད་དང་ལྡན་པ། དེའི་སྟེང་དུ་ཧཾ་ལས་ཟླ་བའི་དཀྱིལ་འཁོར་པདྨའི་ལྟེ་བ་དང་མཉམ་པ། །དེའི་སྟེང་དུ་རྣམ་པར་བཅད་པ་ལས་ཉི་མའི་དཀྱིལ་འཁོར་ཟླ་བ་དང་མཉམ་པ། དེའི་སྟེང་དུ་ཐིག་ལེ་ལས་སྒྲ་གཅན་གྱི་དཀྱིལ་འཁོར་མཐོན་མཐིང་ཉི་མ་དང་མཉམ་པ། དེ་རྣམས་གཅིག་ཏུ་འདྲེས་པར་ྷྐྵྨླྺྼྻྃ་གྱུར་པ་ལས་ཞེས་པའི་ས་བོན་གྱི་ཡི་གེ་ཡོངས་སུ་གྱུར་པ་ལས་འཇིག་རྟེན་གྱི་ཁམས་སྔ་མ་བཞིན་ཏུ་གྲུབ་པར་གྱུར། ལྷུན་པོའི་སྟེང་དུ་ཧཱུྃ་ལས་བྱུང་བའི་རྡོ་རྗེའི་གུར་རབ་ཏུ་ཡངས་པའི་དབུས་སུ་རྡོ་རྗེའི་ས་གཞི་ཕྱོགས་ཀྱི་མདོག་ཅན་གྱི་གཞི་ལ་བྷྲཱུཾ་ཡོངས་སུ་གྱུར་པ་ལས། ཡེ་ཤེས་རིན་པོ་ཆེ་ལྔའི་རང་བཞིན་གྱི་དཀྱིལ་འཁོར་གྲུ་བཞི་བསྒོ་བཞི་དང་ལྡན་པ་ཀུན་ནས་དྭངས་ཤིང་སྒྲིབ་པ་མེད་ལ་ཕྱི་ནང་ཀུན་ཏུ་འོད་གསལ་ཞིང་མཚན་ཉིད་ཐམས་ཅད་ཡོངས་སུ་རྫོགས་པ། རྒྱན་གྱི་རྣམ་
― LT24_Page_015B ―
[མ་དཔེ་གཟིགས་ན་འདིར་གནོན།]
པ་མཆོག་ཏུ་བཀྲ་བ་དུ་མས་མཛེས་པར་གྱུར། །དབུས་སུ་སྣ་ཚོགས་པདྨའི་ལྟེ་བ་ལ་གནས་པའི་ཟླ་བ་ཉི་མ་སྒྲ་གཅན་གྱི་སྟེང་དུ། མཚན་སུམ་ཅུ་རྩ་གཉིས་ཀྱི་ངོ་བོ། །ཨ་ཨི་རི་ཨཱུ་ལྀ། ཨ་ཨེ་ཨ་རུ་ཨོ་ཨ་ལ། ཧ་ཡ་ར་ཝ་ལ་ཨཾ་ཞེས་པ་རྣམས་གཡོན་བསྐོར་དང༌། ལཱ་ཝཱ་རཱ་ཡཱ་ཧཱ། ཨཱལ་ཨཽ་ཨཱར་ཨཻ་ཨཱ། ལཱྀ་ཨཱུ་རཱྀ་ཨཱི་ཨཱ་ཨཿ ཞེས་པ་རྣམས་གཡས་བསྐོར་དུ་གནས་པ་ཡོངས་སུ་གྱུར་པ་ལས། ཟླ་བའི་དཀྱིལ་འཁོར་དབྱངས་དང་ལྡན་པ་མེ་ལོང་ལྟ་བུའི་ཡེ་ཤེས་སོ། །དེའི་འོག་ཏུ་དཔེ་བྱད་བཟང་པོ་བརྒྱད་བཅུའི་ངོ་བོ། །ལླ་ཝྺ་ཡྻ་ཌྜ་ཌྷྲ། ལླ་ཝྺ་རར་ཡྻ་ྷྷ། སྶ་ཉྤཉྤ་ཥྵ་ཤྴ་ྈྐྈ། ཏྟ་ྠྠ་དྡ་ྡྷྡྷ་ནྣ། པྤ་ྥྥ་བྦ་ྦྷྦྷ་མྨ། ཊྚ་ྛྛ་ཌྜ་ྜྷྜྷ་ཎྞ། ཙྩ་ཚྪ་ཛྫ་ྫྷྫྷ་ཉྙ། ཀྐ་ཁྑ་གྒ་གྷྒྷ་ངྔ། ཞེས་པ་རྣམས་གཡས་བསྐོར་དང༌། ང་གྷ་ག་ཁ་ཀ །ཉ་ཛྷ་ཛ་ཚ་ཙ། ཎ་ཌྷ་ཌ་ཐ་ཊ། མ་བྷ་བ་ཕ་པ། ན་དྷ་ད་ཐ་ཏ། ྈྐ་ཤ་ཥ་ཉྤ་ས། ཧ་ཡ་ར་ཝ་ལ། ཌྷ་ཌ་ཡ་ཝ་ལ། ཞེས་པ་རྣམས་གཡོན་བསྐོར་དུ་གནས་པ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་གསལ་བྱེད་དང་ལྡན་པ་མཉམ་པ་ཉིད་ཀྱི་ཡེ་ཤེས་སོ། །ཟླ་བའི་དབུས་སུ་ཧཱུྃ་ཡིག་ཟླ་བའི་མཚན་མ་ལྟ་བུ་སོ་སོར་ཀུན་ཏུ་རྟོག་པའི་ཡེ་ཤེས་སོ། །དེ་རྣམས་གཅིག་ཏུ་གྲུབ་པ་ཀྵཾ་ཡིག་དང་བཅས་པ་བྱ་བ་གྲུབ་པའི་ཡེ་ཤེས་སོ། །དེ་ལས་ལྷའི་སྐུ་ཡོངས་སུ་རྫོགས་པ་ཧཾ་ཡིག་དང་བཅས་པ་ནི་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། བདག་ཉིད་དཔལ་དུས་ཀྱི་འཁོར་ལོ་དྲི་མ་མེད་པའི་འོད་ཟེར་ལྔ་རྣམས་འགྱེད་ཅིང༌། བདུད་དང་ཉོན་མོངས་པའི་སྙིང་གར་མནན་པའི་ཞབས་གཉིས་པ། མགྲིན་པ་གསུམ་པ། ཞལ་བཞི་པ། ཕྲག་པ་དྲུག་པ། དཔུང་པ་བཅུ་གཉིས་པ། ཕྱག་གི་པདྨ་ཉི་ཤུ་རྩ་བཞི་པ། མཚོན་ཆ་རྣམས་དང༌། རྡོ་རྗེའི་རྒྱན་གྱིས་རྣམ་པར་བརྒྱན་པ། ཞབས་གཡས་པ་དམར་པོ་བརྐྱང་པས་འདོད་ལྷ་དམར་པོ་གདོང་གཅིག་པ། ལག་པ་བཞིའི་གཡས་གཉིས་ཀྱིས་མེ་ཏོག་གི་མདའ་ལྔ་དང༌། ལྕགས་ཀྱུ། གཡོན་གཉིས་ཀྱིས་གཞུ་དང་ཞགས་པ་འཛིན་པའི་སྙིང་གར་མནན་པ། གཡོན་པ་དཀར་པོ་
― LT24_Page_016A ―
[མ་དཔེ་གཟིགས་ན་འདིར་གནོན།]
བསྐུམས་པས། དྲག་པོ་དཀར་པོ་གདོང་གཅིག་པ། མིག་གསུམ་པ། ལག་པ་བཞིའི་གཡས་གཉིས་ཀྱིས་རྩེ་གསུམ་དང་ཌཱ་མ་རུ། གཡོན་གཉིས་ཀྱིས་ཁ་ཊྭཱཾ་ག་དང་ཐོད་པ་འཛིན་པའི་སྙིང་གར་མནན་པ། བདུད་ཀྱི་དགའ་མ་དང་དྲག་པོའི་ཨུ་མ་དག་ནི་དམན་པའི་གདོང་གིས་བཅོམ་ལྡན་འདས་ཀྱི་ཞབས་ཀྱི་མཐིལ་ལ་འཛིན་པར་བྱེད་ཀྱང་གཡོ་བ་མེད་པར་གནས་པ། སྐུ་མདོག་སྔོན་པོ་གཡས་དང་གཡོན་དང་དབུས་ཀྱི་མགྲིན་པ་ཉི་མ་དང་ཟླ་བ་དང་བུང་པའི་མདོག་ཅན། མདུན་ཞལ་ནག་པོ་མཆེ་བ་ཕྱེད་གཙིགས་པ། །གཡས་ཞལ་དམར་པོ་ཆགས་པ་དང་བཅས་པ། གཡོན་ཞལ་དཀར་པོ་རབ་ཏུ་ཞི་བ། རྒྱབ་ཞལ་སེར་པོ་ཏིང་ངེ་འཛིན་ལ་གནས་པ་སྟེ། ཞལ་རེ་རེ་ལ་སྤྱན་གསུམ་གསུམ་དང་ལྡན་པའོ། །རལ་པའི་ཅོད་པན་ལ་སྣ་ཚོགས་རྡོ་རྗེ་དང༌། ཟླ་བ་ཕྱེད་པ་དང༌། རྡོ་རྗེ་སེམས་དཔའི་དབུ་བརྒྱན་ཅན། སྤྱི་གཙུག་ཏུ་རྡོ་རྗེ་ནོར་བུ་དང༌། རྡོ་རྗེ་རྣ་རྒྱན་དང༌། རྡོ་རྗེ་མགུལ་རྒྱན་དང༌། རྡོ་རྗེ་གདུ་བུ་དང༌། རྡོ་རྗེ་སྐེ་རགས་དང༌། རྡོ་རྗེ་རྐང་གདུབ་དང༌། རྡོ་རྗེ་དར་དབྱངས་དང༌། རྡོ་རྗེ་ཕྲེང་བ་དང༌། སྟག་གི་པགས་པའི་ན་བཟའ་དང་ལྡན་པ། གཡས་དང་གཡོན་གྱི་ཕྲག་པ་དང་པོ་ནག་པོ། །གཉིས་པ་དམར་པོ། གསུམ་པ་དཀར་པོ། དེ་བཞིན་ཏུ་དཔུང་པ་གཉིས་ནག་པོ། གཉིས་དམར་པོ། གཉིས་དཀར་པོ། ཕྱག་ངར་བཞི་ནག་པོ། བཞི་དམར་པོ། བཞི་དཀར་པོ། དེ་དག་རེ་རེ་ལ་ཡང་སོར་གདུབ་རྣམས་ཀྱིས་སྤྲས་པའི་མཐེ་བོང་སེར་པོ། མཛུབ་མོ་དཀར་པོ། གུང་མོ་དམར་པོ། སྲིན་ལག་ནག་པོ། མཐེའུ་ཆུང་ལྗང་གུ། དེ་རྣམས་རེ་རེ་ལའང་ཕྱག་གི་མཐིལ་ནས་བརྩམས་ཏེ་ཚིགས་ཀྱི་ཕྲེང་བ་དང་པོ་ནག་པོ། གཉིས་པ་དམར་པོ། གསུམ་པ་དཀར་པོའོ། །དེ་ལྟ་བུའི་ཕྱག་གཡས་པ་རྣམས་ཀྱི་ནག་པོ་བཞིས། རྡོ་རྗེ། རལ་གྲི། རྩེ་གསུམ། གྲི་གུང༌། དམར་པོ་བཞིས་མདའ། རྡོ་རྗེའི་ལྕགས་ཀྱུ། སྒྲ་དང་བཅས་པའི་ཌཱ་མ་རུ། ཐོ་བ། དཀར་
― LT24_Page_016B ―
[མ་དཔེ་གཟིགས་ན་འདིར་གནོན།]
པོ་བཞིས། འཁོར་ལོ། །མདུང༌། དབྱུག་པ། དགྲ་སྟྭ་རྣམས་འཛིན་ཅིང༌། གཡོན་པ་རྣམས་ཀྱི་ནག་པོ་བཞིས། རྡོ་རྗེ། དྲིལ་བུ། ཕུབ། ཁ་ཊྭཱཾ་ག་ཁ་ཕྱེ་བ། ཁྲག་གིས་གང་བའི་ཐོད་པ། དམར་པོ་བཞིས་གཞུ། ཞགས་པ། རིན་པོ་ཆེ། པདྨ་དཀར་པོ། དཀར་པོ་བཞིས། དུང༌། མེ་ལོང༌། རྡོ་རྗེ། ལྕགས་སྒྲོག །ཚངས་པའི་མགོ་བོ་གདོང་བཞི་པ་འཛིན་ཅིང༌། ཕྱག་དང་པོ་གཉིས་ཀྱིས་ཡུམ་ལ་འཁྱུད་པ་སྟེ། དམིགས་པ་མེད་པའི་སྙིང་རྗེ་ཆེན་པོ་དང༌། ལྷན་ཅིག་སྐྱེས་པའི་དགའ་བ་མཆོག་ཏུ་མི་འགྱུར་བའི་ཡེ་ཤེས་དོན་དམ་པའི་བདེ་བའོ། །དེ་ལ་འཁྱུད་པའི་སྣ་ཚོགས་ཡུམ་སེར་མོ་ཞལ་བཞི་ཕྱག་བརྒྱད་མ། བཅོམ་ལྡན་འདས་ཀྱི་ནུབ་ཞལ་གཙོ་བོར་བཞག་པ་ལྟ་བུར་མདུན་ཞལ་སེར་མོ། གཡས་ཞལ་དཀར་པོ། རྒྱབ་ཞལ་ནག་པོ། གཡོན་ཞལ་དམར་པོ། ཞལ་རེ་རེ་ལ་སྤྱན་གསུམ་གསུམ་དང་ལྡན་པའོ། །ཕྱག་གཡས་པ་རྣམས་ཀྱིས་གྲི་གུག །ལྕགས་ཀྱུ། སྒྲ་དང་བཅས་པའི་ཌཱ་མ་རུ། བགྲང་ཕྲེང་རྣམས་འཛིན་ཅིང༌། གཡོན་པ་རྣམས་ཀྱིས་ཐོད་པ། ཞགས་པ། འདབ་མ་བརྒྱད་པའི་པདྨ་དཀར་པོ། རིན་པོ་ཆེ་རྣམས་འཛིན་པ། རྡོ་རྗེ་སེམས་དཔའི་ཅོད་པན་ཅན། རུས་པའི་ཕྱག་རྒྱ་ལྔ་དང་ལྡན་པ། གཡོན་བརྐྱང་གིས་བཅོམ་ལྡན་འདས་ལ་འཁྲིལ་ཞིང༌། དེས་ཀྱང་སྙོམས་པར་ཞུགས་པ་སྟེ། རང་བཞིན་གྱིས་འོད་གསལ་བ་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་དོ། །འདབ་མ་བརྒྱད་ལ། ཤར་དུ་ནག་མོ་འབར་མ། ལྷོར་དམར་མོ་འབར་མ། བྱང་དུ་དཀར་མོ་འབར་མ། ནུབ་ཏུ་སེར་མ་འབར་མ། མེར་དུ་བ་མ། བདེན་བྲལ་དུ་སྨྲིག་རྒྱུ་མ། དབང་ལྡན་དུ་མེ་ཁྱེར་མ། རླུང་དུ་མར་མེ་མ། དེ་རྣམས་ཀྱི་ཞལ་གྱི་ཁ་དོག་ནི་གཡས་བསྐོར་གྱིས། །བུང་བའི་མདོག་ཅན་ཉིན་བྱེད་ལྟ་བུ་གསེར་དང་རྣམ་པར་དཀར་བའི་མདོག །པདྨ་རཱ་ག་གསེར་གྱི་མདོག་མཚུངས་རབ་དཀར་ཨིནྡྲ་ནཱི་ལའི་མདངས། །ཀུནྡའི་མདོག་ཅན་ཤིན་ཏུ་དཀར་མིན་དམར་པོ་མཆོག་གི་
― LT24_Page_017A ―
[མ་དཔེ་གཟིགས་ན་འདིར་གནོན།]
གསེར་དང་མཚུངས། ཀར་ཀེ་ཏ་འདྲ་ཟླ་བའི་དཔལ་འཛིན་གནག་དང་ཉི་མ་འཆར་ཀའི་འོད། །དེ་བཞིན་ཏུ་ཕྱག་མཚན་ནི། །ནག་མོ་འབར་མ་བདུག་སྤོས་ཙནྡན་གུར་གུམ་དང་ནི་ས་ཕུར་སྣོད། །དྲིལ་བུ་པདྨ་ཡོངས་འདུའི་མེ་ཏོག་སྣ་ཚོགས་མེ་ཏོག་ཕྲེང་ལྡན་མ། །དམར་མོའི་གཡས་ན་མར་མེ་དོ་ཤལ་ཅོད་པན་དང་ནི་གདུ་བུ་སྟེ། །གཡོན་ན་གོས་དང་སྐ་རགས་དང་ནི་རིན་ཆེན་རྣ་རྒྱན་རྐང་གདུབ་འཛིན། །དཀར་མོའི་གཡས་ན་འོ་མ་ཆུ་དང་སྨན་མཆོག་ཆང་གི་སྣོད་རྣམས་ཏེ། །གཡོན་ན་བདུད་རྩི་གྲུབ་པའི་བཅུད་དང་བདུད་རྩིའི་འབྲས་བུ་འབྲས་ཆན་སྣོད། །སེར་མོ་འབར་མ་དུང་དང་གླིང་བུ་ནོར་བུ་དང་ནི་ཌཱ་མ་རུ། །པི་ཝཾ་རྔ་དང་འཁར་རྔ་ཟངས་དུང་རང་ཕྱོགས་གཙོ་བོའི་ཞལ་ལྡན་མ། དེ་དག་དང་མཚུངས་དུ་བ་སྨིག་རྒྱུ་མེ་ཁྱེར་དང་ནི་མར་མེ་མ། །རང་མདོག་དང་མཚུངས་རྔ་ཡབ་བརྒྱད་ལྡན་ཕྱག་རྒྱ་ལྔ་ཡིས་རྣམ་བརྒྱན་མ། །རྡོ་རྗེ་སེམས་པའི་ཅོད་པན་དང་ལྡན་རྡོ་རྗེ་སེམས་དཔའ་རབ་མཆོད་མ། །མཉམ་པའི་སྟབས་ཅན་ཕ་རོལ་ཕྱིན་རྫོགས་སྲོག་གི་དཀྱིལ་འཁོར་བགགས་ལ་འདུད། །འདི་དག་གི་རྒྱབ་ཏུ་ཡང་གྲ་བཞིར། །ཆོས་ཀྱི་དུང་དཀར་པོ། །ཆོས་ཀྱི་གཎྜི་དམར་པོ། ཡིད་བཞིན་གྱི་ནོར་བུ་ནག་པོ། དཔག་བསམ་ཤིང་སེར་པོ་རྣམས་སུ་གྱུར། འདོད་ཆགས་ཆེན་པོས་གདུལ་བར་བྱ་བའི་སེམས་ཅན་རྣམས་དང་པོའི་སངས་རྒྱས་སུ་བསྟན་པའི་སྣོད་དུ་མངོན་པར་གཟིགས་ནས། ཡུམ་ལ་སྙོམས་པར་ཞུགས་པ་ལས་བྱུང་བའི་ཤིན་ཏུ་དགའ་བའི་སྒྲས། ནམ་མཁའ་གང་བར་བཞུགས་པའི་དེ་བཞིན་གཤེགས་པ་ཐམས་ཅད་རྟེན་དང་བརྟེན་པར་བཅས་པའི་དཀྱིལ་འཁོར་གྱི་འཁོར་ལོའི་རྣམ་པས་རང་གི་ལུས་ལ་ཞུགས་པར་གྱུར། སླར་ཡང་རང་ཉིད་ལས་འཕྲོས་ཏེ་སྣ་ཚོགས་ཡུམ་ལ་ཞུགས་པར་གྱུར། དེ་ལས་ཀྱང་ལོག་ནས་སླར་རང་ཉིད་ལ་ཞུགས་ཏེ། ཟླ་བ་བྱང་ཆུབ་ཀྱི་སེམས་ཀྱི་རྣམ་པར་ཞུ་བ་རྣམས་རྡོ་རྗེའི་ལམ་ནས་ཡུལ་གྱི་པདྨར་སྤྲོས་ཏེ། ཨ་ཡིག་ལས་བྱུང་བའི་མི་བསྐྱོད་པ་ཞལ་གསུམ་
― LT24_Page_017B ―
[མ་དཔེ་གཟིགས་ན་འདིར་གནོན།]
ཕྱག་དྲུག་པ། རྩ་བའི་ཞལ་དང་སྐུ་མདོག་ལྗང་གུ། གཡས་ཞལ་དམར་ཞིང་གཡོན་ཞལ་དཀར་བ། ཕྱག་གཡས་པ་གསུམ་གྱིས་རྡོ་རྗེ། གྲི་གུག །དགྲ་སྟྭ། གཡོན་པ་གསུམ་གྱིས་རྡོ་རྗེ། དྲིལ་བུ། ཐོད་པ། ཚངས་པའི་མགོ་བོ་གདོང་བཞི་པ་འཛིན་པ། རང་དང་འདྲ་བའི་རྡོ་རྗེ་དབྱིངས་ཀྱི་དབང་ཕྱུག་མས་འཁྱུད་པ་ནམ་མཁར་སྤྲོས་ནས་སེམས་ཅན་གྱི་དོན་བྱས་ཏེ། སླར་པང་རང་ཉིད་ལ་བདག་པོར་ཞུགས་པར་བྱུང༌། དེ་ལྟར་ཡེ་ཤེས་ལྔའི་བདག་ཉིད་བཅོམ་ལྡན་འདས་དུས་ཀྱི་འཁོར་ལོ་རྡོ་རྗེ་སེམས་དཔའི་དབུ་རྒྱན་ཅན། ཤིན་ཏུ་རྣམ་པར་དག་པའི་ཆོས་ཀྱི་དབྱིངས་ཀྱི་ཡེ་ཤེས་འཁོར་དང་བཅས་པར་གྱུར། ཨོཾ་སུ་བི་ཤུདྡྷ་དྷརྨཱ་ཏུ་སཱ་བྷཱ་ཝ་ཨཱཏྨ་ཀོ྅་ཧྃ། ཐུགས་ཀ་ནས་འཕྲོས་བའི་འོད་ཟེར་དཔག་ཏུ་མེད་པ་དག་གིས་འགྲོ་བ་དྲུག་ན་གནས་པའི་སེམས་ཅན་ཐམས་ཅད་བཀུག་ནས་དཀྱིལ་འཁོར་ཆེན་པོར་བཅུག་པར་གྱུར། དེ་ནས་ཕྱོགས་བཅུའི་དེ་བཞིན་གཤེགས་པ་ཡུམ་དང་བཅས་པ་ཐམས་ཅད་བཀུག་ནས་རང་གི་སྙིང་གར་རབ་ཏུ་ཞུགས་ཏེ། བྱང་ཆུབ་ཀྱི་སེམས་སུ་ཞུ་བར་གྱུར་པ་རྣམས། གསང་བའི་རྡོ་རྗེ་ལས་སྤྲོས་ནས་སེམས་ཅན་ཐམས་ཅད་ལ་དབང་བསྐུར་བར་གྱུར། དེ་ལྟར་བྱང་ཆུབ་ཀྱི་སེམས་ཀྱི་འོད་ཟེར་རྣམས་ཀྱིས་རེག་པའི་སེམས་ཅན་དེ་རྣམས་མཆོག་གི་དགའ་བ་དང་བདེ་བས་གང་བའི་ལྷའི་སྐུ་ཐབས་དང་ཤེས་རབ་ཀྱི་བདག་ཉིད། ཞལ་དང་སྐུ་མདོག་ལ་སོགས་པ་སྣ་ཚོགས་དང་ལྡན་པ་དང༌། དེ་དག་རེ་རེ་བཞིན་སྐད་ཅིག་གིས་ལྷ་སུམ་ཅུ་རྩ་གཉིས་ཀྱི་དཀྱིལ་འཁོར་གྱི་འཁོར་ལོའི་རང་བཞིན་ཏུ་གྱུར། ཀྵ་ཀྵི་ཀྵྼཱྀཀྵུ་ཀྵཱྀ་ལས་ཕུང་པོ་ལྔ་རྣམས་རྣམ་པར་དག་པ་སངས་རྒྱས་ལྔ་དང༌། ཀྵཱ་ཀྵཱི་ཀྵྀ་ཀྵཱུ་ཀྵླྀ་ལས་ཁམས་ལྔ་རྣམ་པར་དག་པ་ཡུམ་ལྔ་དང༌། ཀྵ་ཀྵེ་ཀྵར་ཀྵོ་ཀྵལ་ཀྵཾ་ལས་དབང་པོ་དྲུག་རྣམ་པར་དག་པ་སེམས་དཔའ་དྲུག་དང༌། ཀྵཱ་ཀྵཱཻ་ཀྵཱར་ཀྵཱཽ་ཀྵཱལ་ཀྵཾཿལས་ཡུལ་དྲུག་རྣམ་པར་དག་པ་སེམས་མ་དྲུག་དང༌། ཀྵྷ་ཀྵྻ་ཀྵྼཀྵྭ་ཀྵླ་ལས་ལས་ཀྱི་དབང་པོ་ལྔ་རྣམ་པར་དག་པ་ཁྲོ་བོ་ལྔ་དང༌། ཀྵཱ་ཀྵྻཱ་ཀྵྼཱ་ཀྵྭཱ་ཀྵླཱ་ལས། ལས་ཀྱི་དབང་པོའི་ཡུལ་ལྔ་རྣམ་པར་དག་པ་ཁྲོ་མོ་ལྔ་སྟེ་མཚན་སུམ་ཅུ་རྩ་གཉིས་ཀྱི་དཀྱིལ་
― LT24_Page_018A ―
[མ་དཔེ་གཟིགས་ན་འདིར་གནོན།]
འཁོར་གྱི་འཁོར་ལོའི་རྣམ་པར་གྱུར་ཏེ། སླར་ཡང་དེ་རྣམས་རང་རང་གི་ཞིང་དུ་གཤེགས་སུ་གསོལ། །ལྟེ་བ་དང་གཙུག་གཏོར་གྱི་ཨ་ཝ་དྷཱུ་ཏིའི་ལམ་དུ་ཧོཿཡིག་དག་དང༌། དཔྲལ་བ་དང་མགྲིན་པ་དང་སྙིང་ག་རྣམས་སུ་སྐུ་གསུང་ཐུགས་ཀྱི་རྡོ་རྗེ་ཨོཾ་ཨཱཿཧཱུྃ་རྣམས་ལས་བྱུང་བའི་ཟླ་བ་དང་ཉི་མ་དང་སྒྲ་གཅན་གྱི་དཀྱིལ་འཁོར་རྣམས་འཁོད་པར་གྱུར། ཧོཿཡིག་དུས་ཀྱི་མེའི་འོད་ཟེར་གྱིས་སྟེང་དང་འོག་ནས་སྐུ་གསུང་ཐུགས་ཀྱི་རྡོ་རྗེ་རྣམས་བཞུ་སྟེ། གཏུམ་མོ་ཤེས་རབ་ཀྱི་ཆགས་པས་ཡབ་ཡུམ་གཉིས་ནུས་མ་བརྒྱད་དང་བཅས་པ་ཟླ་བ་ཞུ་བ་ལྟར་གྱུར། །དེ་ནས་རང་བཞིན་གྱིས་གྲུབ་པའི་ལྷ་མོ་རྣམས་ཀྱིས་འདི་སྐད་དུ། །སེམས་ཅན་ཀུན་ལ་ཕན་པར་མཛད་པ་པོ། །བཅོམ་ལྡན་ཁྱོད་ཀྱིས་བདག་ཅག་བསྲུང་དུ་གསོལ། །ལྷ་མིའི་བླ་མ་རྡོ་རྗེ་གདན་པ་སྟེ། །འདོད་པ་དོན་གཉེར་རྣམས་ལ་འདོད་པ་མཛོད། །ཅེས་བསྐུལ་བས། བཅོམ་ལྡན་འདས་རབ་ཏུ་སད་སྟེ་འགྲོ་བ་མཐའ་དག་སྒྱུ་མ་ལྟ་བུར་གཟིགས་ནས་གཞན་གྱི་དོན་ཏུ་སླར་ཡང་བསྐྱེད་པར་མཛད་པ་ནི། ཧཱུྃ་ལས་རྡོ་རྗེ་རྩེ་ལྔ་པ་དང༌། དེ་ལས་བྱུང་བའི་དུས་ཀྱི་འཁོར་ལོ་དྲི་མ་མེད་པའི་འོད་ཟེར་ལྔ་རྣམས་འཕྲོ་བ། རྡོ་རྗེའི་རྒྱན་གྱིས་རྣམ་པར་བརྒྱན་ཅིང་མི་བསྐྱོད་པའི་ཅོད་པན་ཅན། རྡོ་རྗེ་དབྱིངས་ཀྱི་དབང་ཕྱུག་མའི་ངོ་བོ་སྣ་ཚོགས་ཡུམ་གྱིས་འཁྱུད་པའི་སྐུར་གྱུར་པ་དང༌། འདབ་མ་བརྒྱད་ལ་ནུས་མ་བརྒྱད། ཕྱི་རོལ་གྱི་གྲ་བཞི་ལ་རྡོ་རྗེ་བཞི་དང་བཅས་པ་རྣམས་སྐད་ཅིག་གིས་བཞེངས་པར་གྱུར་པ་ནི། ཟླ་བའི་སྐུ་དང་ཟུང་གི་ཞབས་ཏེ་མེ་ཡི་མགྲིན་པ་ཆུ་གཏེར་དཔལ་ལྡན་ཞལ་ནི་སྣ་ཚོགས་མདོག །ཕྲག་པ་དྲུག་དང་ཉི་མིའི་དཔུང་པ་རྒྱལ་བའི་ཕྱག་གི་པདྨ་སྟོང་པ་དྲུག་དང་མེ་ཡི་ཚིགས། ཞབས་དག་གིས་ནི་ཟླ་བ་ཉི་མ་སྲེག་ཟའི་དཀྱིལ་འཁོར་དག་ལ་བདུད་དང་དྲག་པོ་སྐྲག་བཞིན་པ། །རོལ་བས་མནན་པའི་གྲིད་མེད་སྲིད་པ་མཉམ་པ་དུས་ཀྱི་འཁོར་ལོ་གཅིག་པུ་དེ་ལ་ཕྱག་འཚལ་ལོ། །རྡོ་རྗེ་རལ་གྲི་རྩེ་གསུམ་གྲི་གུག་མདའ་དང་ལྕགས་ཀྱུ་ཌཱ་མ་རུ། །ཐོ་བ་འཁོར་ལོ་མདུང་དབྱུག་དགྲ་སྟས་གཡས་ཀྱི་ཕྱག་བརྒྱན་
― LT24_Page_018B ―
[མ་དཔེ་གཟིགས་ན་འདིར་གནོན།]
གཡོན་པ་ཡང༌། །དྲིལ་བུ་ཕུབ་དང་ཁྭ་ཊྭཱཾ་ཐོད་པ་གཞུ་དང་ཞགས་པ་རིན་པོ་ཆེ། །པད་དཀར་དུང་དང་མེ་ལོང་ལྕགས་སྒྲོག་ཚངས་མགོས་བརྒྱན་ལ་ཕྱག་འཚལ་ལོ། །སྟག་ལྤགས་དང་ནི་རྡོ་རྗེའི་རྒྱན་ལྡན་རྡོ་རྗེའི་སྐུ་ཅན་བདེ་བ་ཆེ། །འོད་གསལ་སྟོང་ཉིད་སྣ་ཚོགས་ཡུམ་གྱིས་ཀུན་ནས་རབ་འཁྱུད་གསེར་མདོག་མ། །ཞལ་བཞི་ཕྱག་བརྒྱད་གྲི་གུག་ལྕགས་ཀྱུ་ཌཱ་མ་རུ་དང་བགྲང་ཕྲེང་དང༌། །ཐོད་པ་ཞགས་པ་པདྨ་དཀར་དང་རིན་ཆེན་འཛིན་མར་བཅས་ལ་འདུད། །ནག་མོ་འབར་མ་བདུག་སྤོས་ཙནྡན་གུར་གུམ་དང་ནི་ག་བུར་སྣོད། །དྲིལ་བུ་པདྨ་ཡོངས་འདུའི་མེ་ཏོག་སྣ་ཚོགས་མེ་ཏོག་ཕྲེང་ལྡན་མ། །དམར་མོའི་གཡས་ན་མར་མེ་དོ་ཤལ་ཅོད་པན་དང་ནི་གདུ་བུ་སྟེ། གཡོན་ན་གོས་དང་སྐ་རགས་དང་ནི་རིན་ཆེན་རྣ་རྒྱན་རྐང་གདུབ་འཛིན། །དཀར་མོའི་གཡས་ན་འོ་མ་ཆུ་དང་སྨན་མཆོག་ཆང་གི་སྣོད་རྣམས་ཏེ། །གཡོན་ན་བདུད་རྩི་གྲུབ་པའི་བཅུད་དང་བདུད་རྩིའི་འབྲས་བུ་འབྲས་ཆན་སྣོད། །སེར་མོ་འབར་མདུང་དང་གླིང་བུ་དང་ནི་ཌཱ་མ་རུ། །པི་ཝཾ་རྔ་དང་མཁར་རྔ་ཟངས་དུང་རང་ཕྱོགས་གཙོ་བོའི་ཞལ་ལྡན་མ། །དེ་དག་དང་མཚུངས་དུ་བ་སྨིག་རྒྱུ་མེ་ཁྱེར་དང་ནི་མར་མེ་མ། །རང་མདོག་དང་མཚུངས་རྔ་ཡབ་བརྒྱད་ལྡན་ཕྱག་རྒྱ་ལྔ་ཡིས་རྣམ་བརྒྱན་མ། །རྡོ་རྗེ་སེམས་དཔའི་ཅོད་པན་དང་ལྡན་རྡོ་རྗེ་སེམས་དཔའ་རབ་མཆོད་མ། །མཉམ་པའི་སྟབས་ཅན་ཕ་རོལ་ཕྱིན་རྫོགས་སྲོག་གི་དཀྱིལ་འཁོར་འགགས་ལ་འདུད། །ཚད་མེད་རྣམ་ཐར་རྡོ་རྗེའི་རྣལ་འབྱོར་དབང་དང་བསྙེན་བསྒྲུབ་དགའ་བ་བཞིས། །ལུས་ངག་སེམས་དང་ཆགས་པའི་ཐིག་ལེ་གནས་སྐབས་རྣམ་བཞི་རྣམ་དག་པ། །སྐད་ཅིག་མཁྱེན་པ་སྐུ་དང་རྡོ་རྗེ་བྱང་ཆུབ་རྣམ་བཞི་སེམས་དཔའ་བཞི། །ཆོས་ཀྱི་དུང་དང་གཎྜཱི་ནོར་བུ་དཔག་བསམ་ཤིང་ལ་ཕྱག་འཚལ་ལོ། །ཡབ་ཡུམ་སྙོམས་པར་ཞུགས་པའི་དགའ་བའི་སྒྲས། །ནམ་མཁའ་བཞུགས་པའི་སངས་རྒྱས་སྲས་དང་བཙུན་མོར་བཅས་པ་རྣམས་རང་གི་ལུས་ལ་རབ་ཏུ་བཅུག་ནས།
― LT24_Page_019A ―
[མ་དཔེ་གཟིགས་ན་འདིར་གནོན།]
བྱང་ཆུབ་ཀྱི་སེམས་ཀྱི་རྣམ་པར་ཞུ་བར་གྱུར་པ་རྣམས་རྡོ་རྗེའི་ལམ་ནས་ཡུམ་གྱི་པདྨར་སྤྲོས་ཏེ། ཨོཾ་ཡིག་ལས་བྱུང་བའི་རྡོ་རྗེ་སེམས་དཔའ་ཞལ་གསུམ་ཕྱག་དྲུག་པ། རྩ་བའི་ཞལ་དང་སྐུ་མདོག་སྔོན་པོ། གཡས་ཞལ་དམར་ཞིང་གཡོན་ཞལ་དཀར་བ། ཕྱག་གཡས་པ་གསུམ་གྱིས་རྡོ་རྗེ། གྲི་གུག །དགྲ་སྟྭ། གཡོན་པ་གསུམ་གྱིས་རྡོ་རྗེ་དྲིལ་བུ། ཐོད་པ། ཚངས་པའི་མགོ་བོ་གདོང་བཞི་པ་འཛིན་པ་ལ། །རང་དང་འདྲ་བའི་ཤེར་ཕྱིན་མས་འཁྱུད་པ། ནམ་མཁར་སྤྲོས་ནས་སེམས་ཅན་གྱི་དོན་བྱས་ཏེ། སླར་རང་ཉིད་ལ་བདག་པོར་ཞུགས་པར་གྱུར། །དེ་ནས། བདག་ཉིད་ཀྱི་ཐུགས་ཀར་ཧཱུྃ་ཡོངས་སུ་གྱུར་པ་ལས་རྡོ་རྗེ་སྔོན་པོ་རྩེ་ལྔ་པ་དང༌། དེ་ལས་བྱུང་བའི་རྡོ་རྗེ་ཤུགས་རྐང་པ་བརྒྱད་པའི་ཤིང་རྟ་ལ་གནས་པ་ནམ་མཁའི་ཁམས་སུ་སྤྲོས་ཏེ། ཡེ་ཤེས་འཁོར་ལོ་སྤྱན་དྲངས་པར་གྱུར། ཨོཾ་ཤྲཱི་ཀཱ་ལ་ཙཀྲ་ས་པ་རི་ཝཱ་ར་ཛཿ ཁྲོ་བོའི་དབང་པོ་སླར་ཡང་རང་ཉིད་ལ་ཞུགས་པར་གྱུར། ཨོཾ་ཤྲཱི་ཀཱ་ལ་ཙཀྲ་ས་པ་རི་ཝཱ་རེ་བྷྱཿ བཛྲ་གནྡྷཾ་པྲ་ཏཱིཙྪ་ན་མཿ བཛྲ་པུཥྤཾ། བཛྲ་དྷཱུ་པཾ། བཛྲ་དཱི་པཾ། བཛྲ་ནི་ཝི་དྱཾ། བཛྲ་ཨཱཀྵ་ཏཾ། བཛྲ་ལཱ་སྱཾ། བཛྲ་ཧཱ་སྱཾ། བཛྲ་ཝཱ་ཏྱཾ། བཛྲ་ནྲྀ་ཏྱཾ། བཛྲ་གཱི་ཏཾ། བཛྲ་ཀཱ་མི་པྲ་ཏཱིཙྪ་ན་མཿཧཱུྃ་བཾ་ཧོཿཧཱི། ལྷ་རྣམས་ཀྱི་དཔྲལ་བར་ཨོཾ། མགྲིན་པར་ཨཱཿ སྙིང་གར་ཧཱུྃ། ལྟེ་བར་ཧོཿ གསང་བར་སྭཱ། གཙུག་ཏོར་དུ་ཧཱ་རྣམས་འཁོད་པར་གྱུར། །དཔྲལ་བར་ཨཱཿལས་ཟླ་བའི་དཀྱིལ་འཁོར་ལ། ཨོཾ་ལས་བྱུང་བའི་འཁོར་ལོ་དཀར་པོ་རྩིབས་བརྒྱད་པ་ཡོངས་སུ་གྱུར་པ་ལས་སྐུ་རྡོ་རྗེ། མགྲིན་པར་རཿལས་ཉི་མའི་དཀྱིལ་འཁོར་ལ། ཨཱཿལས་བྱུང་བའི་པདྨ་དམར་པོ་འདབ་མ་བརྒྱད་པ་ཡོངས་སུ་གྱུར་པ་ལས་གསུང་རྡོ་རྗེ། སྙིང་གར་ཨཾ་ལས་སྒྲ་གཅན་གྱི་དཀྱིལ་འཁོར་ལ། ཧཱུྃ་ལས་བྱུང་བའི་རྡོ་རྗེ་ནག་པོ་ཡོངས་སུ་གྱུར་པ་ལས་ཐུགས་རྡོ་རྗེ། དེ་རྣམས་རང་དང་འདྲ་བའི་ཡུམ་དང་བཅས་པ་རྣམས་འཁོད་པ་ལས་རབ་ཏུ་སྤྲོས་ཏེ་ནམ་མཁའི་ཁམས་ཐམས་ཅད་ཡོངས་
― LT24_Page_019B ―
[མ་དཔེ་གཟིགས་ན་འདིར་གནོན།]
སུ་གང་བར་གྱུར། །སྐུ་དང་གསུང་དང་ཐུགས་རྡོ་རྗེས་འདུལ་བའི་སེམས་ཅན་རྣམས་ལ་ཆོས་བསྟན་ནས་སླར་ཡང་མདུན་གྱི་ནམ་མཁར་བཞུགས་པ་ལ། སྐུའི་རྡོ་རྗེ་འཛིན་པ་དང༌། གསུང་གི་རྡོ་རྗེ་འཛིན་པ་དང༌། ཐུགས་ཀྱི་རྡོ་རྗེ་འཛིན་པ་རྣམས་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། །ཞེས་གསོལ་བ་བཏབ་པས་སྐུ་རྡོ་རྗེ་དང༌། གསུང་རྡོ་རྗེ་དང༌། །ཐུགས་རྡོ་རྗེའི་རིགས་ཀྱི་ལྷ་མོ་རྣམས་ཀྱིས་བདུད་རྩིའི་བུམ་པས་བདག་ཉིད་ལ་དབང་བསྐུར་བར་གྱུར། །དཔྲལ་བར་ཟླ་བའི་དཀྱིལ་འཁོར་ལ་སྐུ་རྡོ་རྗེ་དང༌། །མགྲིན་པར་ཉི་མའི་དཀྱིལ་འཁོར་ལ་གསུང་རྡོ་རྗེ་དང༌། སྙིང་གར་སྒྲ་གཅན་གྱི་དཀྱིལ་འཁོར་ལ་ཐུགས་རྡོ་རྗེ་རྣམས་འཁོད་པར་གྱུར། །དཔལ་ལྡན་སྐུ་ཡི་རྡོ་རྗེ་འཛིན། །མི་ཕྱེད་རྡོ་རྗེ་གསུམ་བསྒོམས་པས། །སྐུ་ཡི་རྡོ་རྗེ་ཅན་གྱི་ནི། །བྱིན་རླབས་གནས་སུ་དེང་བདག་མཛོད། །ཕྱོགས་བཅུར་བཞུགས་པའི་སངས་རྒྱས་རྣམས། །མི་ཕྱེད་རྡོ་རྗེ་གསུམ་བསྒོམས་པས། །སྐུ་ཡི་རྡོ་རྗེ་ཅན་གྱི་ནི། །བྱིན་རླབས་གནས་སུ་དེང་བདག་མཛོད། །དེ་ཉིད་གསུང་དང༌། ཐུགས་ལའང་འདོན་པ་སྤོའོ། །ཞེས་གསོལ་བ་བཏབ་པས་སྐུ་གསུང་ཐུགས་ཀྱི་རྡོ་རྗེ་མ་རྣམས་ཀྱིས་བདག་ལ་བྱིན་གྱིས་བརླབས་ཤིང་རྡོ་རྗེ་གསུམ་གཅིག་ཏུ་འདུས་པའི་ངོ་བོར་གྱུར། ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་སྭབྷཱ་ཝ་ཨཱཏྨ་ཀོ྅་ཧཾ། ཤེས་རབ་ཀྱི་ལྟེ་བར་ཧོཿལས་སྐུ་རྡོ་རྗེ། །གསང་བར་སྭཱ་ལས་གསུང་རྡོ་རྗེ། །གཙུག་ཏོར་དུ་ཧཱ་ལས་ཐུགས་རྡོ་རྗེ་རྣམས་འཁོད་པར་གྱུར། དེ་ལྟར་དབང་བསྐུར་བས་དྲི་མ་མཐའ་དག་སྦྱངས་ཏེ་རྒྱས་བཏབ་པར་གྱུར་པ་ནི། ལྷ་ཐམས་ཅད་ཀྱི་གཙུག་ཏོར་དུ་ནམ་མཁའི་དཀྱིལ་འཁོར་ལ་ཨ་ཡིག་མི་བསྐྱོད་པ་དང༌། སྙིང་གར་སྒྲ་གཅན་གྱི་དཀྱིལ་འཁོར་ལ་ཨི་ཡིག་དོན་ཡོད་གྲུབ་པ་དང༌། མགྲིན་པར་ཉི་མའི་དཀྱིལ་འཁོར་ལ་རྀ་ཡིགས་རིན་ཆེན་འབྱུང་ལྡན་དང༌། །དཔྲལ་བར་ཟླ་བའི་དཀྱིལ་འཁོར་ལ་ཨུ་ཡིག་སྣང་བ་མཐའ་ཡས་དང༌། ལྟེ་བར་དུས་མེའི་དཀྱིལ་འཁོར་ལ་ལྀ་ཡིག་རྣམ་པར་སྣང་མཛད་དང༌། གསང་བར་ཡེ་ཤེས་ཀྱི་དཀྱིལ་འཁོར་ལ་ཨཾ་
― LT24_Page_020A ―
[མ་དཔེ་གཟིགས་ན་འདིར་གནོན།]
ཡིག་རྡོ་རྗེ་སེམས་དཔལ་རྒྱས་བཏབ། ལྷ་རྣམས་ཀྱི་ལྟེ་བ་སྙིང་ག་མགྲིན་པ་དཔྲལ་བ་གཙུག་ཏོར་རྣམས་སུ་ས་ཆུ་མེ་རླུང་ནམ་མཁའི་དཀྱིལ་འཁོར་རྣམས་ལ་ལྀ་ཨཱུ་རྀ་ཨི་ཨའོ། །ལྷ་རྣམས་ཀྱི་དཔྲལ་བ་མགྲིན་པ་སྙིང་ག་ལྟེ་བ་རྣམས་སུ། ཟླ་བ་ཉི་མ་སྒྲ་གཅན་དུས་མེའི་དཀྱིལ་འཁོར་རྣམས་ལ་ཨོཾ་ཨཱཿཧཱུྃ་ཧོཿའོ། །རྡོ་རྗེ་ནོར་བུར་གཞོམ་དུ་མེད་པའི་ཨ་ཡིག་གོ །ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང༌། །སྤྱན་མ་མིག་ལ་སོགས་པ་དག །བསྲེགས་པ་ས་རི་བོང་ཅན་ཧཾ་འཛག །ཡས་བབས་ཀྱི་དགའ་བ་བཞི་མངོན་ཏུ་བྱས་སོ། །ཨོཾ་ཛྙཱ་ན་པཱུ་ཛ་ཨ་ནུ་རཀྟོ་སྭཱ་བྷཱ་ཝ་ཨཱཏྨ་ཀོ྅་ཧཾ། སླར་ཡང་མས་བརྟན་པའི་དགའ་བ་བཞི་སྐུ་བཞི་དང་འབྲས་བུ་བཞི་མངོན་ཏུ་བྱས་པར་གྱུར། །ཨོཾ་སརྦ་ཏ་ཐཱ་ག་ཏ་ཨ་དྷི་པ་ཏི་བཛྲ་ས་ཏྭཱ་ཧཾ་དུ་རྡཱནྟ་ད་མ་ཀ་ཧུཾ་ཧཱུྃ་ཕཊ་ཕཊ། དེ་ནས། ཨོཾ་བཛྲ་གནྡྷཾ་པྲ་ཏིཙྪ་སོགས་ཀྱིས་མཆོད། སྟོང་ཉིད་སྙིང་རྗེའི་བདག་ཉིད་ཅན། །སྲིད་གསུམ་སྐྱེ་འཇིག་མེད་པའི་དངོས། །ཤེས་དང་ཤེས་བྱ་གཅིག་པའི་སྐུ། །དཔལ་ལྡན་དུས་འཁོར་ལ་ཕྱག་འཚལ། །ཕྲ་རབ་རྡུལ་གྱི་ཆོས་ཉིད་འདས། །པྲ་ཕབ་པ་ཡི་རང་བཞིན་ཅན། །རྣམ་པ་ཀུན་གྱི་མཆོག་ལྡན་མ། །ཕྱག་རྒྱ་ཆེན་མོ་དེ་ལ་འདུད། །ཅེས་བསྟོད། དུས་ཀྱི་འཁོར་ལོ་ཤེས་རབ་མ་དང་བཅས་པའི་སྔགས། ཨོཾ་ྷྐྵྨླྺྼྻྃ་སྭཱ་ཧཱ། ཞེས་དབྱེ་བ་བཟླས་བས་བསྙེན་པ་ཡོངས་སུ་རྫོགས་པའོ། །ཡང་ན། ཨོཾ་ཨཱཿཧཱུྃ་ཧོཿཧཾ་ཀྵཿ ཞེས་པའམ། ཨོཾ་ཧྲཱི་ཧྲཱིཾ་ཧྲཱི་ཧྲཱི་ཧྲཱཾ་ཏྲཿསྭཱ་ཧཱ། ཞེས་པས་ཀྱང་བསྟེན་པའོ། །མཐར། ཨོཾ་བཛྲ་གནྡྷ་པྲ་ཏཱིཙྪ་ན་མཿ ཞེས་པའི་གནྡྷཾ་གྱི་གནས་སུ། པུཥྤཾ་དྷཱུ་པཾ་ནི་བི་དྱཾ། ཨཀྵ་ཏཾ་ལཱ་སྱཾ་ཧཱ་སྱཾ་ཝཱ་ཏྱཾ་མྲྀ་དཾ་གཱི་ཏི་ཀཱ་མཾ་སོགས་བཅུ་གཉིས་ཀྱིས་མཆོད་པར་བྱའོ། །མཆོག་སྦྱིན་རྡོ་རྗེ་མཆོག་ཁྱོད་འདུད། །ཡང་དག་མཐའ་གྱུར་ཁྱོད་ལ་འདུད། །སྟོང་ཉིད་སྙིང་པོ༴ སངས་རྒྱས་བྱང་ཆུབ༴ སངས་རྒྱས་ཆགས་པ༴ སངས་རྒྱས་འདོད་ལ་ཕྱག་འཚལ་འདུད། །སངས་རྒྱས་དགྱེས་པ་ཁྱོད༴ སངས་རྒྱས་རོལ་ལ་
― LT24_Page_020B ―
[མ་དཔེ་གཟིགས་ན་འདིར་གནོན།]
ཕྱག་འཚལ༴ སངས་རྒྱས་འཛུམ་པ་ཁྱོད་ལ༴ སངས་རྒྱས་བཞད་ལ༴ སངས་རྒྱས་གསུང་ཉིད་ཁྱོད༴ སངས་རྒྱས་ཐུགས་ལ་ཕྱག༴ མེད་པ་ལས་བྱུང་ཁྱོད༴ སངས་རྒྱས་འབྱུང་བ༴ ནམ་མཁའ་ལས་བྱུང་༴ ཡེ་ཤེས་ལས་བྱུང་༴ སྒྱུ་འཕྲུལ་དྲྭ་བ༴ སངས་རྒྱས་རོལ་སྟོན༴ ཐམས་ཅད་ཐམས་ཅད༴ ཡེ་ཤེས་སྐུ་ཉིད་ཁྱོད་ལ་འདུད། །ཅེས་འདུད་ཉི་ཤུས་བསྟོད། དཀྱིལ་འཁོར་གྱི་འཁོར་ལོ་རང་གི་ཐུགས་ཀར་ཐིམ། །དེ་ནས་སྤྱོད་ལམ་གྱི་རྣལ་འབྱོར་ལ་འཇུག་ན་སྨོན་ལཾ་གདབ་ཅིང་བཀྲ་ཤིས་ཀྱི་ཚིགས་སུ་བཅད་པ་གང་ཡང་རུང་བ་བརྗོད་ནས་ཐུན་མཚམས་ལ་འཇུག་གོ །གཏོར་མ་འབུལ་བར་འདོད་ན་ཡང་གཏོར་མ་བཤམ། ཨོཾ་ཨཱཿཧཱུྃ་ཧྲཿཕཊ་ཀྱིས་བསང༌། སྭཱ་བྷཱ་ཝས་སྦྱང༌། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་ནག་པོ་གཞུའི་དབྱིབས་ཅན་རྒྱལ་མཚན་གྱིས་མཚན་པ། །དེའི་སྟེང་སྟེང་དུ་རཾ་ལས་མེ་ཡི་དཀྱིལ་འཁོར་དམར་པོ་གྲུ་གསུམ་འབར་བས་མཚན་པ། །དེའི་སྟེང་དུ་ཨ་ལས་མི་མགོའི་སྐྱེད་བུ་གསུམ་ལ་གནས་པའི་ཨོཾ་ཡོངས་སུ་གྱུར་པ་ལས་ཐོད་པ་དུམ་བུ་གཅིག་པ། དེའི་ནང་གི་དབུས་སུ་ཨ་ལས་བྱང་སེམས། ཤར་དུ་ཨི་ལས་རྐང་མར། ལྷོར་ར་ལས་རཀྟ། བྱང་དུ་ཨུ་ལས་དྲི་ཆུ། ནུབ་ཏུ་ལྀ་ལས་དྲི་ཆེན། རླུང་མཚམས་སུ་ལཱྀ་ལས་གླང་པོ་ཆེའི་ཤ །དབང་ལྡན་དུ་ཨཱུ་ལས་བ་གླང་གི་ཤ །བདེན་བྲལ་དུ་རཱྀ་ལས་རྟའི་ཤ །མེ་མཚམས་སུ་ཨཱ་ལས་ཁྱིའི་ཤ །དབུས་ཀྱི་སྟེང་དུ་ཨཱ་ལས་མིའི་ཤ །རླུང་གཡོས་མེ་སྦར་རྫས་རྣམས་ཞུ། ལག་པ་གཡོན་པའི་མཐིལ་དུ་ཟླ་བ་ལ་གནས་པའི་ཨོ་སྐུ་རྡོ་རྗེའི་ངོ་བོ། །དེའི་འོད་ཟེར་གྱིས་མ་དག་པའི་རྫས་རྣམས་སྦྱངས་པར་གྱུར། ཨོཾ་ཨོཾ་བཛྲ་ཙནྡྲ་སརྦ་དྷརྨ་སུ་པ་ཤུདྡྷ་སྭ་བྷཱ་ཝ་སརྦ་དྷརྨཱ་ན་སུ་བི་ཤུདྡྷ་སྭཱ་བྷཱ་ཝན་ཀུ་རུ་ཀུ་རུ་སྭཱ་ཧཱ། ལག་པ་གཡས་པའི་མཐིལ་དུ་ཉི་མ་ལ་གནས་པའི་ཨཿགསུང་རྡོ་རྗེའི་ངོ་བོ། །དེའི་འོད་ཟེར་གྱིས་དག་པའི་རྫས་རྣམས་སྤེལ་བར་གྱུར། ཨོཾ་ཨཱཿབཛྲ་སཱུརྻ་སརྦ་དྷརྨ་པྲ་པོ་དྷ་ཀ་སརྦ་དྷརྨཱ་ན་ཕྲ་ཕོ་དྷ་ཡ་སྭཱ་ཧཱ། ལག་པ་གཉིས་ཀ་སྦྱར་བའི་དབུས་
― LT24_Page_021A ―
[མ་དཔེ་གཟིགས་ན་འདིར་གནོན།]
སུ་སྒྲ་གཅན་གྱི་དཀྱིལ་འཁོར་ལ་གནས་པའི་ཧཱུྃ་ཐུགས་རྡོ་རྗེའི་ངོ་བོ། དེའི་འོད་ཀྱིས་རྫས་རྣམས་ཁ་དོག་དྲི་རོ་ནུས་མཐུའི་གཟི་བརྗིད་ཕུན་སུམ་ཚོགས་པར་འབར་བར་གྱུར། ཨོཾ་ཧོཿསརྦ་དྷརྨ་བཛྲ་ཨཱམྲྀ་ཏ་ཀ་ར་སརྦ་དྷརྨཱ་ན་བཛྲ་ཨ་མྲྀ་ཏ་ཀུ་རུ་ཀུ་རུ་སྭཱ་ཧཱ། བརྗོད་པ་ནི་གཏོར་མ་བྱིན་གྱིས་བརླབ་པའོ། །དེ་ནས་མགྲོན་སྤྱན་དྲངས་པ་ནི། །སངས་རྒྱས་ཡབ་ཡུམ་སྲས་དང་བཅས་པ་གཡོག་འཁོར་དང༌། གྲོགས་བཅས་གཉེན་རྣམས་དག་གིས་བསྐོར་བའི་ཚོགས་པ་ནི། །ལྷ་དང་ལྷ་མོ་དག་གིས་མཉེས་པར་བྱེད་རྣམས་དང༌། །མཆོག་གི་རྡོ་རྗེ་སེམས་དཔའ་དག་ནི་གཤེགས་སུ་གསོལ། །འཇིག་རྟེན་དང་འཇིག་རྟེན་ལས་འདས་པའི་ལྷ་ཚོགས་ཐམས་ཅད་མདུན་གྱི་ནམ་མཁར་བཞུགས་པར་གྱུར། ཨོཾ་ཧ་ཧཱ་ཧི་ཧཱུྃ་བཛྲ་བྷཻ་ར་ཝཱ། ཨཱ་ཀརྵཾ་ཡ། ཨཱ་ཀརྵ་ཡ། པྲ་བེ་ཤ་ཡ། པྲ་བེ་ཤ་ཡ། བནྡྷ་ཡ་བནྡྷ་ཡ། ཏོ་ཥ་ཡ། ཏོ་ཥ་ཡ། ཛཿཧཱུྃ་བྃ་ཧོཿ བཛྲ་ཌཱ་ཀི་ནཱི་ཧྲྀ་ད་ཡཾ་ཧུཾ་ཧཱུྃ་པྲེ་ཕྲེཾ་སྭཱ་ཧཱ། ཅེས་པས་མཁའ་འགྲོ་མ་རྣམས་ཀྱང་སྤྱན་དྲངས། ཨོཾ་བཛྲ་གནྡྷཾ་ནས། ཀཱ་མཾ་གྱི་བར་བརྗོད། ཨོཾ་ཨཱཿཧུཾ་ཧོཿ ཤྲཱི་ཀཱ་ལ་ཙཀྲ་བྷཻ་ར་ཝ་བྷཱི་ཀ་ར་ཡ། ས་པ་རི་ཝཱ་རེ་བྷྱཿ ཨི་དཾ་བ་ལིཾ། གནྡྷཾ། པུཥྤཾ། དྷཱུ་པཾ། དཱི་པཾ། ཨཱཀྵ་ཏཾ། ད་དཱ་མ་ཧེ་ཏེ་ཙ་ཨཱ་ག་ཏྱ་ས་པ་ར་ཝཱ་ར་ཤྲཱི་གྷྲཾ། ཨི་དཾ་བ་ལིཾ་གྲྀ་ཧྞནྟ། ཁཱ་དནྟུ། པི་བནྟུ། ཛཿཧཱུྃ་བཾ་ཧོཿ ས་ཏྲཾཔྟཱཿ སརྦ་ས་ཏྭཱ་ནཱཾ། ཤཱནྟིཾ། པུཥྚིཾ། རཀྵཾ། ཨཱ་པ་ར་ཎ་གུཔྟི་ཀུརྦནྟུ་ཧུཾ་ཧཱུྃ་ཕཊ། བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། རྡོ་རྗེའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ ཨུ་ཥྞི་ཥ། སུམྦྷ་ནི་སུམྦྷ། བིགྷྣ་ཨཱ་ནྟ་ཀ །ནཱི་ལ་དཎྜ། པྲཛྙ་ཨཱནྟ་ཀ །ཊཱཀྐི་རཱ་ཛ། པདྨ་ཨཱནྟ་ཀ །ཨ་ཙ་ལ། ཡ་མ་ཨནྟ་ཀ །མ་ཧཱ་བ་ལེ་བྷྱཿ གྲི་གུག་གི་ཕྱག་རྒྱ་དང༌། ཨོཾ་ཨཱཿཧུཾ་ཧོཿ ཨཱ་ཀ་ཤ །བཱ་ཡུ། ཏེ་ཛཿ ཨུ་ད་ཀ །པྲྀ་ཐཱི། སཱ་དྷི་ཏེ་བྷྱཿ རལ་གྲིའི་ཕྱག་རྒྱ་དང༌། ཨོཾ་ཨཱཿཧུཾ་ཧོཿ པྲཧྨ། བིཥྞུ། ནཻ་རརེ་ཏྱ། ཝཱ་ཡུ། ཡ་མ། ཨགྣི། ས་མུ་དྲ། ཨི་ཤྭ་ར། ཨིནྡྲ། ཡཀྵེ་བྷྱཿ རིན་པོ་ཆེའི་ཕྱག་རྒྱ་དང༌། ཨོཾ་ཨཱཿཧུཾ་ཧོཿ རཱ་ཧུ། ཀཱ་ལ་
― LT24_Page_021B ―
[མ་དཔེ་གཟིགས་ན་འདིར་གནོན།]
ཨཱགྣི །ཙནྡྲ། སཱུརྻ། བུདྡྷ། མ་གལ། ཤུ་ཀྲ། བྲྀ་ཧསྦ་ཏེ། ཀེ་ཏུ། ཤ་ནི་བྷྱཿ པདྨའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ ཛ་ཡ། བི་ཛ་ཡ། པདྨ། ཀ་ཀོ་ཊ་ཀ །ཝཱ་སུ་ཀི །ཤཾ་ཁ་པཱ་ལ། ཀྲ་ལིག །ཨནནྟ། ཏཀྵ་ཀ །མ་ཧཱ་པདྨེ་བྷྱཿ འཁོར་ལོའི་ཕྱག་རྒྱ་དང༌། ཨོཾ་ཨཱཿཧུཾ་ཧོཿ བེ་ཏཱ་ཊ། བི་ཀྲྀ་ཏ་མུ་ཁ། ཤྭཱ། ཀཱཀ །སཱུ་ཀར། གྲྀདྷ། བྱཱ་གྷྲ། ཨཱུ་ལཱུ་ཀ །ཛམྦུ་ཀ །ག་རུ་ཌ་མུ་ཁེ་བྷྱཿ ཞེས་པ་རྣམས་ཀྱི་མཐར། ས་པ་རི་ཝཱ་རེ་བྷྱཿ ཨི་དཾ་བ་ལིཾ། གནྡྷཾ། པུཥྤཾ། དྷཱུཥྤཾ། དི་པཾ། ཨཀྵ། ཏཾ། ད་ད་མ་ཧེ། ཏེ་ཙ་ཨཱ་ག་རྒྱ་ས་པ་རི་ཝཱ་ར། ཤྲཱི་གྷྲཾ། ཨི་དཾ་བ་ལིཾ་གྲྀ་ཧྣནྟུ། ཁཱ་དནྟུ། པི་ཝནྟུ། ཛཿཧཱུྃ་བཾ་ཧོཿ སཾ་ཏྲྀ་པྟཱཿ སརྦ་ས་ཏྭཱ་ནཱཾ། ཤཱནྟི། པུཥྚིཾ། རཀྵཾ། ཨཱ་ཝ་ར་ཎ་གུ་བྷིཾ་ཀུརྦནྟུ་ཧཱུྃ་ཧཱུྃ་ཕཊ། བཛྲ་དྷ་ར་ཨཱཛྙཱ་པ་ཡ་ཏི་སྭཱ་ཧཱ། ཕྱི་མཆོད་ནི། བཛྲ་བཻ་ར་ཝ་བྷཱི་ཀ་ར་ཡ། ས་པ་རེ་ཝཱ་ར་བྷྱཿ བཛྲ་གནྡྷཾ་པྲ་ཏཱིཙྪ་ན་མཿ བཛྲ་པུཥྤཾ་པྲ་ཏཱིཙྪ་ན་མཿ བཛྲ་དྷཱུ་པཾ༴ བཛྲ་དཱི་པཾ༴ བཛྲ་ནཻ་པི་དྱཾ༴ བཛྲ་ཨཱཀྵ་ཏཾ༴ བཛྲ་ལཱ་སྱཾ༴ བཛྲ་ཧཱ་སྱཾ༴ བཛྲ་ཝཱ་བྱཾ༴ བཛྲ་ནྲི་ཏྱཾ༴ བཛྲ་གཱི་ཏཾ་པྲ་ཏཱིཙྪ་ན་མཿ བཛྲ་ཀཱ་མཾ་པྲ་ཏིཙྪ་ན་མཿ ནང་མཆོད་ནི། ཨོཾ་བཛྲ་བྷཻ་ར་ཝ། ཧ་ཡ་ར་ཝ་ལ། ད་ཉ་ཎ་མ་ན། གྷ་ཛྷ་ཌྷ་བྷ་དྷ། ག་ཛ་ཌ་བ་ང༌། ཁ་ཆ་ཐ་ཕ་ཐ། ཀ་ཙ་ཊ་པ་ཏ། ཨོཾ་ཨཱཿཧཱུྃ། བསྟོད་པ་ནི། རྡོ་རྗེ་འཇིགས་བྱེད་འཇིགས་པར་བྱེད། །དཔའ་བོ་གདུལ་དཀའ་འདུལ་བ་པོ། །དུས་ཀྱི་འཁོར་ལོ་ཐོར་པ་ཅན། །ཁམས་གསུམ་རྣམ་རྒྱལ་ལ་ཕྱག་འཚལ། །རྗེ་བོ་སྣ་ཚོགས་རྡོ་རྗེ་འཛིན། །ཁྲོ་བོའི་རྒྱལ་པོ་རྣམས་ཀྱི་གཙོ། །དུས་མཐའི་སྤྲིན་མཚུངས་ཧེ་རུ་ཀ །རྡོ་རྗེ་ཤུགས་ལ་ཕྱག་འཚལ་ལོ། འདོད་དོན་གསོལ་བ་ནི། །སྡེ་དྲུག་སྲུང་མ་དྲུག་ཅུ་འཁོར་བཅས་ལ། །མཆོད་གཏོར་འདི་དང་དྲི་དང་མེ་ཏོག་དང༌། །བདུག་སྤོས་སྣང་གསལ་མ་ཉམས་བདག་འབུལ་གྱིས། །དེ་རྣམས་འཁོར་དང་བཅས་པ་ཚུར་བྱོན་ལ། །གཏོར་མ་འདི་དག་ལེན་ཅིང་གསོལ་བ་དང༌། །བཏུད་བར་མཛད་དེ་ཤིན་ཏུ་མཉེས་པ་ཡིས། །འགྲོ་ལ་ཞི་རྒྱས་སྲུང་སྐྱོབ་སྦ་བ་
― LT24_Page_022A ―
[མ་དཔེ་གཟིགས་ན་འདིར་གནོན།]
རྣམས། །རྡོ་རྗེ་འཛིན་པའི་བཀའ་བཞིན་མཛད་དུ་གསོལ། །བར་འདིར་ཆོས་སྐྱོང་ཡེ་ཤེས་པ་རྣམས་ལ་སོ་སོའི་གཏོར་ཆོག་ལྟར་གཏོར་མ་འབུལ། ཨོཾ་ཨཱཿཧཱུྃ་ཧོཿ བཛྲ་ཌཱ་ཀི་ནཱི་བྷྱཿ ཨི་དཱཾ་བ་ལིཾ། གནྡྷཾ། པུཥྤཾ། དྷཱུ་པཾ། དཱི་པཾ་སོགས་ཀྱིས་རྡོ་རྗེ་མཁའ་འགྲོ་མ་རྣམས་ལ་གཏོར་མ་འབུལ། སྤྱི་གཏོར་དང་གཞི་བདག་གཏོར་མ་སོགས་ཀྱང་དགོས་ན་སྐབས་འདིར་བཏང༌། ཨོཾ་བཛྲ་གནྡྷཾ་པྲ་ཏཱི་ཙྪ་ན་མཿ སོགས་མཆོད་པ་བཅུ་གཉིས་ཕུལ། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོར་ཕྱག་འཚལ་བསྟོད། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་གྱི་ནི་འོད་གསལ་མཆོག །སངས་རྒྱས་མཁའ་འགྲོར་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པས་གོས་པ་མེད། །རིན་ཆེན་མཁའ་འགྲོར་ཕྱག་འཚལ་བསྟོད། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོར་ཕྱག་འཚལ་བསྟོད། །དོན་ཡོད་རྒྱལ་པོ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །དངོས་ཉིད་དག་པ་ཉིད་ལས་བྱུང༌། །སྣ་ཚོགས་མཁའ་འགྲོར་ཕྱག་འཚལ་བསྟོད། ཅེས་བསྟོད། །ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་པ་བརྒྱད་པོ་དང༌། །གནོད་སྦྱིན་ཚོགས་རྣམས་མ་ལུས་དང༌། །སྲིན་པོའི་ཚོགས་རྣམས་མ་ལུས་དང༌། །འབྱུང་པོའི་ཚོགས་རྣམས་མ་ལུས་དང༌། །ཡི་དྭགས་ཚོགས་རྣམས་མ་ལུས་དང༌། །ཤ་ཟའི་ཚོགས་རྣམས་མ་ལུས་དང༌། །སྨྱོ་བྱེད་ཚོགས་རྣམས་མ་ལུས་དང༌། །རྗེད་བྱེད་ཚོགས་རྣམས་མ་ལུས་དང༌། །མཁའ་འགྲོའི་ཚོགས་རྣམས་མ་ལུས་དང༌། །མ་མོའི་ཚོགས་རྣམས་མ་ལུས་དང༌། །དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་མཆིས་པ་རྣམས། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་སྣོམས་ལ། །རྣལ་འབྱོར་སོགས་ཕྲིན་ལས་བཅོལ་
― LT24_Page_022B ―
[མ་དཔེ་གཟིགས་ན་འདིར་གནོན།]
སྟེང་ན་བྱང་ཆུབ་སེམས་དཔའ་གང་དག་བདུད་ཀྱི་ཕྱོགས་གནས་ལྷ་མ་ཡིན་རྣམས་མཆོག་ཏུ་འཇིགས་བྱེད་དང༌། །མི་ཡི་འཇིག་རྟེན་དག་ན་ཕྱོགས་དང་ཕྱོགས་བྲལ་དུ་གནས་ཁྲོ་བོའི་རྒྱལ་པོ་བཙུན་མོར་བཅས་རྣམས་དང༌། །ས་འོག་དག་ན་གདེངས་ཅན་དབང་པོ་གང་དག་གདོན་ཚོགས་མི་དགེ་དུས་ཀུན་ཏུ་ནི་འཆིང་བྱེད་པ། །དེ་རྣམས་ཐམས་ཅད་ཉིན་ཞག་སོ་སོའི་དུས་སུ་མི་ཤིས་འཇིག་རྟེན་ཀུན་ནས་སྐྱོང་བར་བྱེད་གྱུར་ཅིག །ཅེས་ཤིས་པ་བརྗོད། ཡིག་བརྒྱའི་མཐར་བཟོད་གསོལ་གཤེགས་གསོལ་རྣམས་སྤྱི་དང་འདྲ་བ་ལས། ཡེ་ཤེས་ཀྱི་འཁོར་ལོ་རང་ཉིད་ལ་ཐིམ། གསང་བར་ཧཾ་ཡིག་ལ་ཁྲོ་བོའི་འཁོར་ལོ་རྣམས་གཤེགས་སུ་གསོལ། །གཙུག་གཏོར་དུ་ཨཾ་ཡིག་ལ་ཟད་པར་གྱི་འཁོར་ལོ། །དཔྲལ་བར་ཨི་ཡིག་ལ་ཕྱོགས་སྐྱོང་གི་འཁོར་ལོ། །མགྲིན་པར་རྀ་ཡིག་ལ་གཟའི་འཁོར་ལོ། །སྙིང་གར་ཨུ་ཡིག་ལ་ཀླུའི་འཁོར༴ ལྟེ་བར་ལྀ་ཡིག་ལ་འབྱུང་པོའི་འཁོར་ལོ་རྣམས༴ བསོད་རྣམས་འདི་ཡིས་འགྲོ་རྣམས་དུ་བ་ལ་སོགས་ལམ་གྱི་ལྷན་སྐྱེས་བདེ་བ་མཆོག་བསྒོམས་ཏེ། །འགྲོ་བའི་བླ་མ་སུམ་ཅུ་རྩ་གཉིས་མཚན་ལྡན་སྐུ་ནི་ཆོས་ཀྱི་འཁོར་ལོར་ཡང་དག་གནས། །ལྷ་རྣམས་མགོ་ཡི་གཙུག་གི་ནོར་བུའི་འོད་ཟེར་ཚོགས་ཀྱིས་ཞབས་ཀྱི་པདྨ་ལ་གཏུགས་ཤིང༌། །དམ་པའི་ལམ་སྟོན་ཉིན་བྱེད་བཞིན་ཏུ་མུན་པ་ཀུན་འཇོམས་དུས་ཀྱི་འཁོར་ལོ་ཉིད་གྱུར་ཅིག །ཉི་མ་དང་བཅས་ཐུབ་པའི་རིགས་རྣམས་ཀྱིས་ནི་ཤེས་རབ་ཡེ་ཤེས་ཐོབ་པར་གྱུར་འདི་ཇི་ལྟར་བར། །རྣམ་གསུམ་སྲིད་པ་གནས་པའི་སེམས་ཅན་རྣམས་ནི་དུས་ཀྱི་འཁོར་ལོའི་དྲིན་ལས་ཨེ་ཝཾ་ཉིད་གྱུར་ཅིག །སྐྱེས་བུ་གང་དག་བདུད་ཀྱི་གྲོགས་ཀྱིས་རྟག་ཏུ་མི་བདེན་མུན་པར་སོང་ཞིང་ལམ་ཉམས་པ། །དེ་རྣམས་ལམ་འདི་ཐོབ་ནས་རྡོ་རྗེ་ནོར་བུའི་ཁྱིམ་དང་རིང་བ་མིན་པར་འོང་གྱུར་ཅིག །དགྲ་དང་སེང་གེ་གླང་ཆེན་དབང་པོ་མེ་དང་ལྟོས་འགྲོའི་བདག་དང་ཆོམ་རྐུན་ཞགས་པས་འཆིང༌། །ཆུ་གཏེར་འཁྲུགས་དང་ཤ་ཟ་འཆི་བའི་འཇིགས་བྱེད་ནད་དང་དབང་པོས་ཉེ་བར་འཚོ་བ་དང༌། །དབུལ་དང་བུད་མེད་དང་བྲལ་མི་བདག་འཁྲུགས་པའི་འཇིགས་དང་རྡོ་རྗེ་ལྟུང་དང་དོན་
― LT24_Page_023A ―
[མ་དཔེ་གཟིགས་ན་འདིར་གནོན།]
ཉམས་རྣམས། །བདག་གིས་རྣལ་འབྱོར་མ་རྣམས་ཞབས་ནི་གསལ་བར་དྲན་པའི་མཐུ་ལས་རབ་ཏུ་ཉམས་གྱུར་ཅིག །དགེ་བ་འདི་ཡིས་མྱུར་དུ་བདག །སོགས་དང༌། རིགས་སུ་སྐྱེ་དང་དམ་ཚིག་ཅན། སོགས་དང༌། ལྷ་མོ་ཚད་མ་དམ་ཚིག་ཚད་མ་དང༌། སོགས་དང༌། སེམས་ཅན་ཐམས་ཅད་བདེ་གྱུར་ཅིག །ཅེས་སོགས་སྨོན་ལམ་ཇི་ལྟར་རིགས་པ་གདབ་པར་བྱའོ། །ཞེས་པ་དུས་ཀྱི་འཁོར་ལོ་ལྷ་དགུའི་སྒྲུབས་ཐབས་ཅུང་ཟད་རྒྱས་པ་སྟེ། ལམ་འདི་དང་ཆོས་འདི་ལ་མོས་པ་རྣམས་ཀྱི་ཉམས་ལེན་ལ་ཤིན་ཏུ་མཁོ་བར་མཐོང་ཞིང༌། ཁྲིད་ཀྱི་སྔོན་འགྲོའི་དབང་བྱེད་པ་སོགས་ལའང་འདི་ཙམ་སྒོམ་པ་ཁྱེར་བདེ་ཞིང་ལེགས་པར་ཤེས་ནས་ཏཱ་ར་ནཱ་ཐས་ཉེ་བར་སྦྱར་བའོ།། །།
གདམས་ངག་མཛོད་པོད་བཅོ་ལྔ་པ།
དཔལ་དུས་ཀྱི་འཁོར་ལོའི་མཆོད་ཆོག་ཉེར་མཁོ།
― LT24_Page_024A ―
[མ་དཔེ་གཟིགས་ན་འདིར་གནོན།]
དཔལ་དུས་ཀྱི་འཁོར་ལོའི་མཆོད་ཆོག་ཉེར་མཁོ་བཞུགས་སོ།།
― LT24_Page_024B ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི་པྲ་ཛེ་བྷྱཿ དཔལ་དུས་ཀྱི་འཁོར་ལོ་ལ་ཕྱག་འཚལ་ལོ། །སྐབས་འདིར་ལས་དང་པོ་པ་ལ་ཉེ་བར་མཁོ་བའི་ལག་ལེན་འདི་ལྟ་བུ་དག་ཡོད་དེ། དེ་ལ་གསུམ་མཎྜལ་སྒྲུབ་མཆོད་དང་ཏིང་ངེ་འཛིན་གྱི་བདག་འཇུག་དང༌། རྣལ་འབྱོར་མ་རིགས་བརྒྱ་མཆོད་པའི་ཆོ་གའོ། །དང་པོ་ནི། བྲིས་སྐུ་ལ་སོགས་པ་རྟེན་དགྲམ། །མཎྜལ་འཆའ་བ་བདག་བསྐྱེད་ཀྱི་རྗེས་སུ་བྱེད་པ་ཐོབ་ཐང་ཡིན་ཡང༌། ལག་ལེན་སྟབས་བདེ་བའི་ཕྱིར་སྐབས་འདིར་འཆའ་ན། ཆོ་གའི་རྡོ་རྗེ་སློབ་དཔོན་ནམ་ལས་ཀྱི་རྡོ་རྗེ་སློབ་དཔོན་དེས། རང་སྐད་ཅིག་གིས་དུས་ཀྱི་འཁོར་ལོའི་སྐུར་གྱུར། འོག་ནས་འབྱུང་བ་ལྟར་ནང་མཆོད་འདུ་བྱས་བྱིན་གྱིས་བརླབས་ནས། མཎྜལ་བསང་སྦྱང༌། ཨོཾ་ཨཱཿཧཱུྃ་ཧོ་ཧཾ་ཀྵ། ཞེས་བརྗོད་བཞིན་དུ་མཎྜལ་ལ་ནང་མཆོད་ཀྱིས་བྱུགས། སླར་ཡང་མཐེབ་སྲིན་གཡོན་པས་ནང་མཆོད་ནས་བླངས་ཏེ། མཎྜལ་ལ་ཆོས་འབྱུང་གྲུ་གསུམ་འབྲི། དབུས་སུ་བདུད་རྩིའི་ཐིག་ལེ་ཟླུམ་པོ་ཞིག་བྱ། དེའི་སྟེང་དུ་སྤྲོས་པ་ལ་དགའ་ན་རྡུལ་ཚོན་བཀྲམ་སྟེ། ཆོས་འབྱུང་དམར་པོ། གོང་རས་ལྗང་གུ། ཐིག་ལེ་དཀར་པོ་བྱ། མདོར་བསྡུས་སུ་བྱེད་ན་བདུད་རྩིའི་ཐིག་ལེའི་སྟེང་དུ་འབྲུའི་ཚོམ་བུ་ཙམ་འགོད། དེ་དག་གི་མདུན་དུ་མཆོད་པ་རྒྱ་ཆེར་བཤམ། གཙོ་བོའི་ཟླུམ་གཏོར་གཅིག །སྡེ་དྲུག་ལ་ཟུར་གསུམ་རེ་རེ། གཞན་ཡང་ཆོས་སྐྱོང་དང་གཞི་བདག་གི་གཏོར་མ་སོགས་ཇི་ལྟར་འོས་པ་བཤམ། རྣལ་འབྱོར་མ་རིགས་བརྒྱའི་མཆོད་པ་དང་སྦྲེལ་ནས་བྱེད་ན། དེ་དང་ཉེ་བའི་ཕྱོགས་གང་ཡང་རུང་བར་འཆད་པར་འགྱུར་བའི་མཎྜལ་དང་མཆོད་གཏོར་རྣམས་ཀྱང་འདུ་བྱས་ལ་སྐབས་འདིར་བཤམ་པའམ། འོག་ཏུ་དུས་ལ་བབས་པའི་ཚེ་བཤམ་པ་གང་བདེར་བྱའོ། །སློབ་དཔོན་གྱི་དྲུང་དུ་ནང་མཆོད་རྡོ་དྲིལ་ཅང་ཏེའུ་སོགས་ཚོགས་པར་བྱས་ནས། གཞན་ཡང་རོལ་མོ་ལ་སོགས་པ་ལེགས་པར་
― LT24_Page_025A ―
[མ་དཔེ་གཟིགས་ན་འདིར་གནོན།]
བསྟར་ཏེ། སྔོན་འགྲོ་གཏོར་མ་ལ་ཆབ་བཏང༌། ཐོག་མར་ནང་མཆོད་ལ་དམིགས་ཏེ། ཨོཾ་ཨཱཿཧཱུྃ་ཧྲིཿཕཊ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷ་ཝ་ཤུདྡྷོ྅་ཧཾ། ཨོཾ་ཨཱཿཧཱུྃ་ཧོཿ ཞེས་བྱིན་གྱིས་བརླབ། ཨོཾ་ཨཱཿཧཱུྃ་ཧྲིཿཕཊ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅་ཧཾ། ཨོཾ་ཨོཾ་བཛྲ་ཙནྡྲ་སརྦ་དྷརྨ་སུ་བི་ཤུདྡྷ་སྭ་བྷཱ་ཝ་སརྦ་དྷརྨཱ་ན་བི་ཤོ་དྷ་ཡ་སྭཱ་ཧཱ། ཨོཾ་ཨཱཿབཛྲ་སཱུརྻ་སརྦ་དྷརྨ་པྲ་བོ་དྷ་ཀ་སརྦ་དྷརྨཱ་ན་པྲ་བོ་དྷ་ཡ་སྭཱ་ཧཱ། ཨོཾ་ཧཱུྃ་བཛྲ་ཨ་ན་ལ་སརྦ་དྷརྨ་པྲ་དཱི་པ་ཀ་སརྦ་དྷརྨཱ་ན་པྲ་དཱི་པ་ཡ་སྭཱ་ཧཱ། ཨོཾ་ཧོཿསརྦ་དྷརྨ་བཛྲ་ཨ་མྲྀ་ཏ་ཀ་ར་སརྦ་དྷརྨཱ་ན་བཛྲ་ཨ་མྲྀ་ཏ་ཀུ་རུ་ཀུ་རུ་སྭཱ་ཧཱ། ཞེས་སྔགས་ཚན་བཞིས་བྱིན་གྱིས་བརླབ། ཨོཾ་ཕཻཾ་བཛྲ་ཨཱ་རལླི་ཧོཿ ཛཿཧཱུྃ་བཾ་ཧོཿ བཛྲ་ཌ་ཀི་ནཱི་ས་མ་ཡ་སྟྭཾ། དྲྀ་ཤྱ་ཧོཿ ཨོཾ་ཁ་ཁ་ཁཱ་ཧི་ཁཱ་ཧི། སརྦ་ཡཀྵ་རཱཀྵ་ས་བྷཱུ་ཏ་པྲེ་ཏ་པི་ཤཱ་ཙ། ཨུན་མཱ་ད། ཨ་པ་སྨཱ་ར། ཌཱ་ཀ་ཌཱ་ཀི་ནྱཱ་ད་ཡ། ཨི་དཾ་བ་ལིཾ་གྲྀཧྞནྟུ། ས་མ་ཡ་རཀྵནྟུ། མ་མ་སརྦ་སིདྡྷི་མྨེ་པྲ་ཡ་ཙྪནྟུ། ཡ་ཐཻ་བཾ། ཡ་ཐཻཥྚཾ། བྷུ་ཉྫ་ཐ། ཛི་གྷྲ་ཐ། པི་པ་ཐ་མཱ་ཏི་ཀྲ་མ་ཐ། མ་མ་སརྦཱ་ཀཱ་ར་ཏཱ་ཡཱ་སད་སུ་ཁ་བི་ཤུདྡྷ་ས་ཧ་ཡི་ཀཱཾ། བྷ་ཝནྟུ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་གནྡྷཾ་པྲ་ཏཱི་ཙྪ་ན་མཿ བཛྲ་པུཥྤཾ། བཛྲ་དྷུ་པཾ། བཛྲ་དཱི་པཾ། བཛྲ་ནཻ་ཝི་དྱཾ། བཛྲ་ཨཱཀྵ་ཏཾ། བཛྲ་ལཱ་སྱཾ། བཛྲ་ཧཱ་སྱཾ། བཛྲ་པཱ་དྱཾ། བཛྲ་ནྲྀ་ཏྱེ། བཛྲ་གཱི་ཏཾ། ཨོཾ་བཛྲ་ཀཱ་མཾ་པྲ་ཏཱི་ཙྪ་ན་མཿ །མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོ་ཕྱག་འཚལ་བསྟོད།
― LT24_Page_025B ―
[མ་དཔེ་གཟིགས་ན་འདིར་གནོན།]
རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་གྱི་ནི་འོད་གསལ་མཆོག །སངས་རྒྱས་མཁའ་འགྲོར་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པས་གོས་པ་མེད། །རིན་ཆེན་མཁའ་འགྲོར་ཕྱག་འཚལ་བསྟོད། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་ནམ་མཁའ་རྡོ་རྗེ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོར་ཕྱག་འཚལ་བསྟོད། །དོན་ཡོད་རྒྱལ་པོ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །དངོས་ཉིད་དག་པ་ཉིད་ལས་བྱུང༌། །སྣ་ཚོགས་མཁའ་འགྲོར་ཕྱག་འཚལ་བསྟོད། །ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་བ་བརྒྱད་པོ་དང༌། །གནོད་སྦྱིན་ཚོགས་རྣམས་མ་ལུས་དང༌། །སྲིན་པོའི་ཚོགས་རྣམས་མ་ལུས་དང༌། །འབྱུང་པོའི་ཚོགས་རྣམས་མ་ལུས་དང༌། །ཡི་དྭགས༴ ཤ་ཟའི༴ སྨྱོ་བྱེད༴ བརྗེད་བྱེད༴ མཁའ་འགྲོའི༴ མ་མོའི་ཚོགས་རྣམས་མ་ལུས་དང༌། །དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་མཆིས་པ་རྣམས། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་སྣམས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་པ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྟོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཞིང་ཆོས་འཕེལ་དང༌། །དགེ་ལེགས་ཐམས་ཅད་འབྱུང་བ་དང༌། །ཡིད་ལ་འདོད་པ་ཀུན་འགྲུབ་ཤོག །ཅེས་པའི་མཐར།
― LT24_Page_026A ―
[མ་དཔེ་གཟིགས་ན་འདིར་གནོན།]
ཨོཾ་ཨཱཿཧཱུྃ་ཧོཿཧཾ་ཀྵ་ཧྲཿཧྲཿཧྲཿཧྲཿ ར་ར་ར་ར་བཛྲ་ཨ་ན་ལ། སརྦ་ཨཱ་པ་ར་ཎ་དྷརྨ་པྲ་ལ་ཡ་སྭ་བྷཱ་ཝ། སརྦ་མཱ་ར་ཀཱཾ་ཡི་ཀ །བིགྷྣཱ་བི་ནཱ་ཡ་ཀ་ཨཱ་དཱི་ནཱཾ། ད་ཤ་དི་ཀ་ག་ཏཱ་ནཱཾ། ཀཱ་ཡ་ཝཱ་ཀྩིཏྟཱ་ནཾ། ད་ཧ་ད་ཧ། པ་ཙ་པ་ཙ། བྷ་སྨི་ཀུ་རུ་ཀུ་རུ་ཧཱུྃ་ཧཱུྃ་ཕཊ་ཕཊ། ཅེས་བདུད་བསྲེག་པའི་སྔགས་ཀྱིས་བགེགས་བསྐྲད། ཚམས་རྔམས་དང་རོལ་མོའི་སྒྲ་བྱ། །དེ་ནས་གནས་དང་ཡོ་བྱད་བྱིན་གྱིས་བརླབ་པ་ནི། ཨོཾ་ཨཱཿཧཱུྃ་ཧྲཿཕཊ་ཀྱིས་བསང༌། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། སྟོང་པར་གྱུར། སྟོང་པའི་ངང་ལས་གནས་ཁང་བྷྲཱུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་གྲུ་བཞི་པ་སྒོ་བཞི་པ། །མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་ཤེལ་གྱི་སྣོད་སོར་བཅུ་གཉིས་པ་རྣམས་ཀྱི་ནང་དུ། ཨོཾ་ཨཱཿཧཱུྃ་ཧོཿརྣམས་ལས་བྱུང་བའི་ཆུ་དང་མཆོད་ཡོན་དང༌། དྲི་དང་མེ་ཏོག་དང་བདུག་པ་དང་སྣང་གསལ་དང༌། །ཞལ་ཟས་དམ་པ་དག་དང་རྣམ་པ་མང་པོའི་འབྲས་བུ་མ་ཉམས་པ་དང༌། གོས་དང་རྒྱན་དང༌། བ་དན་དང་བླ་བྲེ་ལ་སོགས་པ་དང༌། གླུ་དང་གར་དང་མེ་ལོང་དང་དྲིལ་བུ་ལ་སོགས་པ་སིལ་སྙན་གྱི་ཚོགས་དུ་མ་དང༌། ཨིནྡྲ་ནཱི་ལ་ལ་སོགས་པ་རྣམ་པ་མང་པོའི་རིན་པོ་ཆེ་དང༌། ནང་གི་དམ་ཚིག་རྣམས་དང༌། དམ་ཚིག་རྣམ་པ་བཞིའི་རྫས་ལ་སོགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་ཕུང་ལྟ་བུ་དཔག་ཏུ་མེད་ཅིང་དྲི་མ་དང་བྲལ་བར་གྱུར། ཨོཾ་བཛྲ་གནྡྷཾ་སྭཱ་ཧཱ། ཨོཾ་བཛྲ་པུཥྤཾ་སྭཱ་ཧཱ། དེ་བཞིན་ཏུ་སྦྱར་ཏེ། བཛྲ་དྷཱུ་པཾ། བཛྲ་དཱི་པཾ། བཛྲ་ནེ་ཝི་དྱཾ། བཛྲ་ཨ་ཀྵ་ཏཾ། བཛྲ་ལཱ་སྱཾ། བཛྲ་ཧཱ་སྱཾ། བཛྲ་ཝ་དྱཾ། བཛྲ་ནྲཾ་ཏྱཾ། བཛྲ་གཱི་ཏཾ། ཨོཾ་བཛྲ་ཀཱ་མཾ་སྭཱ་ཧཱ། རེལ་ཐོན་དང་བཅས་ཏེ། ཨོཾ་ཧོཿབཛྲ་གྷཱཎྜེ་སརྦ་དྷརྨ་ཨེ་ཀ་པྲཛྙཱ་དྷཱ་ནི་སྭཱ་བྷ་ཝ། སརྦ་ཨཱ་ཀ་རེ་སརྦ་དྷརྨ་པྲ་བོ་དྷ་ནི་སརྦ་དྷརྨ་ཎ་སྭ་བྷཱ་ཝཱན་པྲ་བོ་དྷ་ཡ་པྲ་བོ་དྷ་ཡ་སྭཱ་ཧཱ། ཞེས་ལན་གསུམ་བརྗོད། དེ་དག་ནི་སྔོན་འགྲོའི་རིམ་པའོ། །དངོས་གཞི་ལ་དང་པོ་བདག་བསྐྱེད་ནི། །སངས་རྒྱས་ཆོས་དང་ཚོགས་ཀྱི་མཆོག་རྣམས་
― LT24_Page_026B ―
[མ་དཔེ་གཟིགས་ན་འདིར་གནོན།]
ལ། ཞེས་པ་ནས། དཀྱིལ་འཁོར་གྱི་འཁོར་ལོ་རང་གི་ཐུགས་ཀར་ཐིམ། ཞེས་པའི་བར་ལྷ་དགུའི་སྒྲུབ་ཐབས་སུ་ཇི་སྐད་བཤད་པ་བཞིན་བསྒོམ་པར་བྱའོ། །དེ་ནས་མདུན་བསྐྱེད་མཆོད་པ་དང་བཅས་པ་ནི་མཎྜལ་སྒྲུབ་མཆོད་དངོས་ཡིན་པས་དེ་བྱ་སྟེ། དེ་ཡང་བདག་བསྐྱེད་དཀྱིལ་འཁོར་འཁོར་ལོ་རྒྱས་བསྡུས་གང་བསྒོམ་ཡང་རུང༌། མདུན་བསྐྱེད་དཀྱིལ་འཁོར་གྱི་འཁོར་ལོ་རྒྱས་པ་བསྒོམ་ཚུལ་དཀྱིལ་འཁོར་གྱི་ཆོ་ག་རྒྱས་པར་བཤད་པའི་མདུན་བསྐྱེད་བསྒྲུབ་ཚུལ་མཆོད་བསྟོད་གཏོར་མ་དང་བཅས་པ་རྣམས་མཐའ་རྒྱས་སུ་བྱེད་པ་ནི་ཤིན་ཏུ་རྒྱས་པ་ཡིན་ལ། ཡང་ཆོ་ག་དེ་ཉིད་ཐུགས་དཀྱིལ་ཙམ་ལ་སྦྱར་ནའང་ཅུང་ཟད་རྒྱས་པར་འགྱུར་ཞིང༌། དཀྱིལ་འཁོར་ཡོངས་རྫོགས་སམ་ཐུགས་དཀྱིལ་ས་བོན་ཙམ་ལས་བསྐྱེད་ནའང་ཆོ་ག་འབྲིང་པོར་འགྱུར་རོ། །འཆད་པར་འགྱུར་བ་འདི་ནི་བསྡུས་པ་ཡིན་ལ། བདག་བསྐྱེད་ཀྱི་དཀྱིལ་འཁོར་རྒྱས་བསྡུས་གང་ཡིན་ཡང་དེ་མ་བསྡུས་པར་དེའི་གཟུགས་བརྙན་མཎྜལ་ལ་ཤར་བའི་ཚུལ་གྱིས་སྐད་ཅིག་གིས་བསྐྱེད་ནས་མཆོད་པ་བྱེད་པ་ནི་ཤིན་ཏུ་བསྡུས་པ་ཡིན་ནོ། །འོན་ཀྱང་འདི་ལྟར་ལག་ལེན་ཏུ་བྱ་སྟེ། ནང་མཆོད་ཁ་གསོ་བ་ཙམ་གྲུབ་ན་ལེགས། ཨོཾ་ཨཱཿཧཱུྃ་ཧྲཿཕཊ་ནས་ཨ་མྲྀ་ཏ་ཀུ་རུ་ཀུ་རུ་སྭཱ་ཧཱའི་བར་ནང་མཆོད་བྱིན་རླབས་རྒྱས་པ་གཏོར་མ་བྱིན་རླབས་ལྟར་བྱ། ཨོཾ་ཨཱཿཧཱུྃ་ཧོཿཧཾ་ཀྵ། ཞེས་ལན་གསུམ་ལ་སོགས་པ་ཇི་ལྟར་འོས་པ་བརྗོད། མཎྜལ་ཆོས་འབྱུང་ཐིག་ལེ་དང་བཅས་པ་གྲུབ་པར་མོས་པ་ཙམ་བྱས། ཨོཾ་ཨཱཿཧཱུྃ་ཧྲཿཕཊ། ཨོཾ་སྭཱ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། སྟོང་པའི་ངང་ལས་ཆོས་འབྱུང་ནམ་མཁའི་ཁམས་ལ་གནས་པའི་ྷྐྵྨླྺྼྻྃ་བརྩེགས་པའི་ཡི་གེ་ཡོངས་སུ་གྱུར་པ་ལས་འབྱུང་བ་རིམ་བརྩེགས་ལྷུན་པོ་དང་བཅས་པའི་སྟེང་དུ་ཐུགས་གསུང་སྐུའི་དཀྱིལ་འཁོར་རྣམས་མཚན་ཉིད་ཐམས་ཅད་ཡོངས་སུ་རྫོགས་པ་ཕྱོགས་ཀུན་ཏུ་ཡེ་ཤེས་ཀྱི་འོད་ཟེར་མཐའ་ཡས་པ་ཀུན་ཏུ་འཕྲོ་བ། དབང་པོའི་གཞུ་དང་མེ་ལོང་གི་གཟུགས་བརྙན་དང་པྲ་ཕབ་བརྒྱད་དང་མཚུངས་པ། སྣང་ལ་རང་བཞིན་མེད་པ། རང་གི་སེམས་ཉིད་ཀྱིས་སོ་སོར་སྣང་བ་གཞོམ་དུ་མེད་ཅིང་རྡུལ་ཕྲ་རབ་ཀྱི་ཆོས་ལས་འདས་པ། དྭངས་ཤིང་སྒྲིབ་པ་མེད་ལ་ཕྱི་ནང་ཀུན་ཏུ་འོད་གསལ་བ། མཚན་ཉིད་ཐམས་ཅད་ཡོངས་སུ་རྫོགས་ཤིང་
― LT24_Page_027A ―
[མ་དཔེ་གཟིགས་ན་འདིར་གནོན།]
རྒྱན་གྱི་རྣམ་པ་མཆོག་ཏུ་བཀྲ་བ་དུ་མས་མཛེས་པ། དབུས་སུ་སྣ་ཚོགས་པདྨའི་ལྟེ་བ་ལ་ཟླ་བ་ཉི་མ་སྒྲ་གཅན་གྱི་དཀྱིལ་འཁོར་ལ་སོགས་པ་གནས་ཐམས་ཅད་དུ་ལྷའི་གདན་ཐམས་ཅད་ཀྱིས་མཛེས་པའོ། །གདན་རྣམས་ཀྱི་སྟེང་དུ་བཅོམ་ལྡན་འདས་དཔལ་དུས་ཀྱི་འཁོར་ལོ་ཡབ་ཡུམ། ནུས་མ་བཅུ། དེ་བཞིན་གཤེགས་པ་ཡབ་ཡུམ་བཅུ། སེམས་དཔའ་ཡབ་ཡུམ་བཅུ་གཉིས། ཁྲོ་བོ་ཁྲོ་མོ་བརྒྱད། གཟུང་མ་བཅུ་གཉིས་ཏེ་ཐུགས་ཀྱི་དཀྱིལ་འཁོར་གྱི་ལྷ་ཚོགས་རྣམས་དང༌། རྣལ་འབྱོར་མ་བརྒྱད་ཐབས་དང་བཅས་པ་རྣལ་འབྱོར་མ་དྲུག་ཅུ་རྩ་བཞིས་བསྐོར་བ་དང༌། འདོད་མ་སུམ་ཅུ་རྩ་དྲུག་སྟེ་གསུང་གི་ལྷ་ཚོགས་རྣམས་དང༌། ལྷ་ཆེན་པོ་བཅུ་གཉིས་སོ་སོར་ཤེས་རབ་མ་དང་བཅས་ཤིང༌། པད་འདབ་ལ་གནས་པའི་ལྷ་མོ་ཉེར་བརྒྱད་ཀྱིས་བསྐོར་བ། ཚེས་ཀྱི་ལྷ་སུམ་བརྒྱ་དྲུག་ཅུའི་ཚོགས་རྣམས་དང༌། སྒོ་སྐྱོང་གི་ཁྲོ་བོའི་རྒྱལ་པོ་དྲུག་པོ་སོ་སོར་ཡུམ་དང་བཅས་པ་དང༌། ཕྱིར་འདོད་མ་སུམ་བཅུ་རྩ་དྲུག་དང༌། ཀླུ་རྒྱལ་ཆེན་པོ་བཅུ་ཤེས་རབ་མ་དང་བཅས་པ་སྟེ། སྐུའི་དཀྱིལ་འཁོར་གྱི་གཞལ་མེད་ཁང་ལ་གནས་པ་རྣམས་དང༌། དུར་ཁྲོད་འཁོར་ལོར་བཞུགས་པའི་རབ་གཏུམ་མ་བཅུ་ཐབས་དང་བཅས་པ་དང༌། རླུང་གི་དཀྱིལ་འཁོར་ལ་གནས་པའི་འབྱུང་པོ་བྱེ་བ་ཕྲག་ཕྱེད་དང་སོ་བཞི་ལ་སོགས་པ་དང་བཅས་པ་རྣམས་སྐད་ཅིག་གིས་གྲུབ་པར་གྱུར་པ་ནི། སྟོང་པ་ཉིད་དང་སྙིང་རྗེའི་བདག །སྲིད་གསུམ་སྐྱེ་འཇིག་མེད་པའི་དངོས། །ཤེས་དང་ཤེས་བྱ་གཅིག་པའི་སྐུ། །དཔལ་ལྡན་དུས་འཁོར་ལ་ཕྱག་འཚལ། །རླུང་མེ་ཆུ་དང་ས་ཡི་དཀྱིལ་འཁོར་ལྷུན་པོ་པདྨ་དང༌། །ཟླ་ཉི་དུས་མེའི་སྟེང་དུ་དབང་ཕྱུག་དང་ནི་བདུད་ཀྱི་མགོར། །ཞབས་ནི་སྲིད་པའི་ཡུམ་གྱི་ཞབས་དང་ལྷན་ཅིག་བཀོད་གྱུར་པ། །ལྷ་ཡི་དབང་པོས་བཏུད་པའི་གཙོ་ལ་སྤྱི་བོར་ཕྱག་འཚལ་ལོ། །ཟླ་བའི་སྐུ་དང་ཟུང་གི་ཞབས་ཏེ་མེ་ཡི་མགྲིན་པ་ཆུ་གཏེར་དཔལ་ལྡན་ཞལ་ནི་སྣ་ཚོགས་མདོག །ཕྲག་བ་དྲུག་དང་ཉི་མའི་དཔུང་པ་རྒྱལ་བའི་ཕྱག་གི་པདྨོ་སྟོང་པ་དྲུག་དང་མེ་ཡི་ཚིགས། །ཞབས་དག་
― LT24_Page_027B ―
[མ་དཔེ་གཟིགས་ན་འདིར་གནོན།]
གིས་ནི་ཟླ་བ་ཉི་མ་སྲེག་ཟའི་དཀྱིལ་འཁོར་དག་ལ་བདུད་དང་དྲག་པོ་སྐྲག་བཞིན་པ། །རོལ་པས་མནན་པའི་སྲིད་མེད་སྲིད་པ་མཉམ་པ་དུས་ཀྱི་འཁོར་ལོ་གཅིག་པུ་དེ་ལ་ཕྱག་འཚལ་ལོ། །རྡོ་རྗེ་རལ་གྲི་རྩེ་གསུམ་གྲི་གུག་མདའ་དང་ལྕགས་ཀྱུ་ཌཱ་མ་རུ། །ཐོ་བ་འཁོར་ལོ་མདུང་དབྱུག་དགྲ་སྟྭ་གཡས་ཀྱི་ཕྱག་བརྒྱད་གཡོན་པ་ཡང༌། །དྲིལ་བུ་ཕུབ་དང་ཁ་ཊྭཱཾ་ཐོད་པ་གཞུ་དང་ཞགས་པ་རིན་པོ་ཆེ། །པད་དཀར་དུང་དང་མེ་ལོང་ལྕགས་སྒྲོགས་ཚངས་མགོས་བརྒྱན་ལ་ཕྱག་འཚལ་ལོ། །སྟག་ལྤགས་དང་ནི་རྡོ་རྗེའི་རྒྱན་ལྡན་རྡོ་རྗེ་སྐུ་ཅན་བདེ་བ་ཆེ། །འོད་གསལ་སྟོང་ཉིད་སྣ་ཚོགས་ཡུམ་གྱིས་ཀུན་ནས་རབ་འཁྱུད་གསེར་མདོག་མ། །ཞལ་བཞི་ཕྱག་བརྒྱད་གྲི་གུག་ལྕགས་ཀྱུ་ཌཱ་མ་རུ་དང་བགྲང་ཕྲེང་དང༌། །ཐོད་པ་ཞགས་པ་པདྨ་དཀར་དང་རིན་ཆེན་འཛིན་མར་བཅས་ལ་འདུད། །ནག་མོ་འབར་མ་བདུག་སྤོས་ཙནྡན་གུར་གུམ་དང་ནི་ག་བུར་སྣོད། །དྲིལ་བུ་པདྨ་ཡོངས་འདུའི་མེ་ཏོག་སྣ་ཚོགས་མེ་ཏོག་ཕྲེང་ལྡན་མ། །དམར་མོའི་གཡས་ན་མར་མེ་དོ་ཤལ་ཅོད་པན་དང་ནི་གདུ་བུ་སྟེ། །གཡོན་ན་གོས་དང་སྐ་རགས་དང་ནི་རིན་ཆེན་རྣ་རྒྱན་རྐང་གདུབ་འཛིན། །དཀར་མོའི་གཡས་ན་འོ་མ་ཆུ་དང་སྨན་མཆོག་ཆང་གི་སྣོད་རྣམས་ཏེ། །གཡོན་ན་བདུད་རྩི་གྲུབ་པའི་བཅུད་དང་བདུད་རྩིའི་འབྲས་བུ་འབྲས་ཆེན་སྣོད། །སེར་མོ་འབར་མ་དུང་དང་གླིང་བུ་ནོར་བུ་དང་ནི་ཌཱ་མ་རུ། །པི་ཝང་རྔ་དང་འཁར་རྔ་ཟངས་དུང་རང་ཕྱོགས་གཙོ་བོའི་ཞལ་ལྡན་མ། །དེ་དག་དང་མཚུངས་དུ་བ་སྨྲིག་རྒྱུ་མེ་ཁྱེར་དང་ནི་མར་མེ་མ། །རང་མདོག་དང་མཚུངས་རྔ་ཡབ་བརྒྱད་ལྡན་ཕྱག་རྒྱ་ལྔ་ཡིས་རྣམ་བརྒྱན་མ། །རྡོ་རྗེ་སེམས་དཔའི་ཅོད་པན་དང་ལྡན་རྡོ་རྗེ་སེམས་དཔའ་རབ་མཆོད་མ། །མཉམ་པའི་སྟབས་ཅན་ཕ་རོལ་ཕྱིན་རྫོགས་སྲོག་གི་དཀྱིལ་འཁོར་འགགས་ལ་འདུད། །ཚད་མེད་རྣམ་ཐར་རྡོ་རྗེའི་རྣལ་འབྱོར་དབང་དང་བསྙེན་བསྒྲུབ་དགའ་བ་བཞིས། །ལུས་ངག་སེམས་དང་ཆགས་པའི་ཐིག་ལེ་གནས་སྐབས་རྣམ་བཞི་རྣམ་དག་པ། །སྐད་ཅིག་མཁྱེན་པ་སྐུ་དང་རྡོ་རྗེ་བྱང་ཆུབ་རྣམ་བཞི་སེམས་དཔའ་བཞི། །ཆོས་ཀྱི་དུང་དང་གཎྜི་ནོར་དུ་
― LT24_Page_028A ―
[མ་དཔེ་གཟིགས་ན་འདིར་གནོན།]
དཔག་བསམ་ཤིང་ལ་ཕྱག་འཚལ་ལོ། །ཁུ་ཁྲག་རྐང་དང་ཁྲག་གི་ཚོགས་ཆེན་དྲི་ཆེན་དྲི་ཆུ་རབ་འགགས་པ། །འཆི་མེད་རབ་སྟེར་འཆི་མེད་རྒྱུན་གྱིས་མངོན་པར་གང་བའི་ཐོད་པའམ། །ཟླ་བའི་རང་བཞིན་ཟླ་བའི་འོད་ལྟར་རབ་ཏུ་དཀར་བའི་བུམ་པ་ནི། །བདུད་ཀྱི་ཚོགས་འཇོམས་བདུད་རྩིའི་ཚོགས་གྱིས་ཤིན་ཏུ་གང་བ་རྣམས་ལ་འདུད། །འདུ་བྱེད་རླུང་དང་ངག་གི་དབང་པོ་སྣ་དང་རེག་གཞན་འདུས་མ་བྱས། །དོན་ཡོད་སྒྲོལ་མ་བགེགས་ཀྱི་དགྲ་དང་ནམ་མཁའི་སྙིང་པོ་རེག་བྱ་མ། །རལ་གྲི་གྲི་གུག་རྩེ་གསུམ་ཕུབ་དང་དཔལ་ལྡན་ཐོད་པ་ཁ་ཊྭཱཾ་ག །ཉི་ཟླའི་གདོང་ལྡན་སྤྲིན་ནག་དང་མཚུངས་ས་ཡི་རིགས་ཀྱིས་འཁྱུད་ལ་འདུད། །ཚོར་བ་མེ་དང་ལག་པའི་དབང་པོ་མིག་དང་རོ་གཞན་བདེ་བ་ཆེ། །རིན་ཆེན་དབང་པོ་གོས་དཀར་མོ་དང་རྨུགས་བྱེད་ས་ཡི་སྙིང་པོའོ། །མདའ་དང་ལྕགས་ཀྱུ་ཌཱ་མ་རུ་དང་གཞུ་དང་ཞགས་པ་ནོར་བུའི་ཕྱག །དཀར་ནག་གདོང་ལྡན་ཉིན་མོར་བྱེད་འདྲ་ཆུ་ཡི་རིགས་ཀྱིས་འཁྱུད་ལ་འདུད། །འདུ་ཤེས་ཆུ་དང་རྐང་པའི་དབང་པོ་ལྕེ་དང་གཟུགས་གཞན་ཡེ་ཤེས་སྐུ། །སྣང་བ་མཐའ་ཡས་མ་མཱ་ཀི་དང་ཁེངས་བྱེད་འཇིག་རྟེན་དབང་པོའི་གཟུགས། །ཐོ་བ་མདུང་དང་རྩེ་གསུམ་པད་ཀར་མེ་ལོང་དང་ནི་བགྲང་ཕྲེང་དང༌། །ནག་དང་དམར་བའི་གདོང་ལྡན་དཀར་མོ་མེ་ཡི་རིགས་ཀྱི་འཁྱུད་ལ་འདུད། །གཟུགས་ཀྱི་ཕུང་པོ་ས་དང་བཤང་ལམ་ལུས་དང་དྲི་གཞོན་འོད་གསལ་གཟུགས། །རྟག་པ་སྤྱན་མ་རེངས་བྱེད་དང་ནི་རྣམ་སེལ་དྲི་ཡི་རྡོ་རྗེ་མ། །འཁོར་ལོ་དབྱུག་པ་ཁྲོ་བོའི་རྡོ་རྗེ་དུང་དང་ལྕགས་སྒྲོག་དྲིལ་བུའི་ཕྱག །དཀར་ནག་གདོང་ལྡན་གསེར་གྱི་རི་འདྲ་རླུང་གི་རིགས་ཀྱིས་འཁྱུད་ལ་འདུད། །རྣ་བ་ཆོས་ཁམས་ཡིད་དང་སྒྲ་གཞན་ཕྱག་ན་རྡོ་རྗེ་ཆོས་ཁམས་མ། །ཀུན་བཟང་སྒྲ་ཡི་རྡོ་རྗེ་མ་སྟེ་ལྗང་སྔོན་ཕན་ཚུན་ཡང་དག་སྦྱོར། །གཡས་གཡོན་ཉི་ཟླའི་ཞལ་གྱིས་རབ་བརྒྱན་རྡོ་རྗེ་དྲིལ་བུ་དགྲ་སྟྭ་དང༌། །དྲིལ་བུ་ཐོད་པ་ཚངས་པའི་གདོང་ལྡན་སྟོང་པའི་རིགས་ལ་ཕྱག་འཚལ་ལོ། །རབ་དཀར་ཆུ་སྐྱེས་མདངས་བཀྲའི་ཟེའུ་འབྲུར་འོད་
― LT24_Page_028B ―
[མ་དཔེ་གཟིགས་ན་འདིར་གནོན།]
སྟོང་བདག་པོའི་དཀྱིལ་འཁོར་ལ། །རྡོ་རྗེའི་གདན་དང་གཡས་བརྐྱང་སྟབས་བཞུགས་རྒྱལ་དང་རྒྱལ་སྲས་ཁྲོ་རྒྱལ་དང༌། །འདམ་སྐྱེས་དམར་པོའི་གེ་སར་སྙིང་པོར་རི་བོང་འཛིན་པའི་དཀྱིལ་འཁོར་ལ། །པདྨའི་གདན་བཞུགས་རིག་མ་རྣམས་དང་རྡོ་རྗེ་མ་རྣམས་ལ་ཕྱག་འཚལ། །དེ་ལྟར་ལྷ་ཡི་འཁོར་ལོ་ལེགས་མཆོད་དྲི་དང་ཕྲེང་བ་བདུག་སྤོས་མ། །སྣང་གསལ་བདུད་རྩི་འབྲས་བུ་མ་དང་སྒེག་མོ་བཞད་མ་སིལ་སྙན་མ། །གར་དང་གླུ་ཡི་སྦྱོར་བ་ལ་བརྩོན་འདོད་མ་འདོད་ལ་རབ་དགའ་མ། །རྒྱན་དང་ཆ་བྱད་རྣམ་འགྱུར་དུ་མས་ཡིད་རང་འཛིན་མ་རྣམས་བསྟོད་དོ། །ཕྱོགས་དང་མཚམས་སུ་ཆུ་སྐྱེས་དམར་དང་དཀར་པོ་ལ་གནས་རྣལ་འབྱོར་མ། །ལྟེ་བའི་རྩ་བརྒྱད་དྲུག་ཅུ་རྩ་བཞི་རྣམ་པར་དག་པའི་ཆོས་ཅན་མ། །ཐུན་ཚོད་དང་ནི་དབྱུག་གུ་རྣམ་དག་ཀུན་ནས་བདེ་ལ་སྙོམས་འཇུག་མ། །སྤྱན་གསུམ་ཕྱག་བཞི་རོལ་པས་ཡོངས་བསྐོར་ས་གའི་སྟབས་ཀྱིས་ལེགས་གནས་མ། །ཡི་དྭགས་ལ་གནས་ཙ་རྩི་ཀཱ་ནི་དབང་པོས་འཁྱུད་ཅིང་འཇིག་མ་དང༌། །རླུང་ཤུགས་མ་དང་དྲག་མོ་དུས་ཀྱི་མཆེ་བ་མ་དང་མེ་འབར་གདོང༌། །རབ་གཏུམ་དྲག་མིག་སྣ་ཆེན་མས་བསྐོར་དུས་མཐའི་སྤྲིན་མཚུངས་ཟླ་ཞལ་མ། །ཐམས་ཅད་གྲི་གུག་རྩེ་གསུམ་ཐོད་པ་ཁ་ཊྭཱཾ་ག་ཡིས་བརྒྱན་ལ་འདུད། །མཁའ་ལྡིང་ལ་གནས་ཁྱབ་འཇུག་མ་ནི་ཚངས་པས་འཁྱུད་ཅིང་དཔལ་མོ་དང༌། །རྣམ་པར་རྒྱལ་མ་སྒྱུ་མ་གྲགས་མ་བཀྲ་ཤིས་མ་དང་དཔལ་རྒྱལ་མ། །དཔལ་རྒྱལ་བྱེད་མ་འཁོར་ལོ་མས་བསྐོར་འཁོར་ལོ་དབྱུག་ཐོ་པདྨ་དང༌། །དུང་གི་ཕྱག་ལྡན་སྤྲིན་ནག་དང་མཚུངས་ཟླ་བའི་ཞལ་ལ་ཕྱག་འཚལ་ལོ། །མ་ཧེར་གནས་པའི་ཕག་མོ་ལ་ནི་དྲག་པོས་འཁྱུད་ཅིང་ཀེང་རུས་མ། །གཅིགས་མ་དུས་མཚན་རབ་ཁྲོས་གདོང་མ་དུས་ཀྱི་ལྕེ་མ་ནག་མོ་དང༌། །དྲག་མོ་དང་ནི་གཟུགས་ངན་མས་བསྐོར་མེ་ཡི་མདོག་ཅན་ཟླ་ཞལ་མ། །དབྱུག་པ་རལ་གྲི་ལྕགས་སྒྲོག་ཕུབ་ཀྱིས་རྣམ་བརྒྱན་རྣམས་ལ་ཕྱག་འཚལ་ལོ། །རྨ་བྱར་གནས་པའི་གཞོན་ནུ་མ་ནི་ཚོགས་བདག་གིས་འཁྱུད་པདྨ་མ། །རིན་ཆེན་ཕྲེང་མ་ལུས་མེད་གཞོན་ནུ་རི་དྭགས་བདག་པོའི་འགྲོས་
― LT24_Page_029A ―
[མ་དཔེ་གཟིགས་ན་འདིར་གནོན།]
མ་དང༌། །མིག་མཛེས་རུལ་མ་བཟང་མོས་ཡོངས་བསྐོར་བྱི་རུའི་འོད་འཕྲོ་གདོང་དྲུག་མ། །ཤཀ་ཏི་ལྕགས་ཀྱུ་རིན་ཆེན་ཞགས་པས་ཉེ་བར་མཛེས་ལ་ཕྱག་འཚལ་ལོ། །ཁྱུར་མཆོག་ལ་གནས་དྲག་མོ་ལ་ནི་གཤིན་རྗེས་འཁྱུད་ཅིང་ཕྱོགས་ཀུན་ནས། །གཽ་རི་འདེགས་མ་གཾ་ག་མ་དང་རྟག་མ་མྱུར་མ་མཚོན་བྱེད་མ། །དམར་སེར་མ་དང་ནག་མོས་ཡོངས་བསྐོར་ཟླ་བའི་མདོག་ཅན་ཟླ་བའི་ཞལ། །རྩེ་གསུམ་ཅང་ཏེའུ་ཁ་ཊྭཱཾ་ག་དང་ལྟོས་འགྲོས་མཚན་ལ་ཕྱག་འཚལ་ལོ། །སེང་གེར་གནས་པའི་དཔལ་མོ་ལ་ནི་གཞོན་ནུས་འཁྱུད་ཅིང་དཔལ་དཀར་མོ། །འཛིན་མ་ཟླ་བའི་རི་མོ་ཅན་དང་རི་བོང་འཛིན་ཞལ་ངང་པའི་མདོག །པདྨའི་དབང་མོ་སྐར་མིག་མ་དང་དྲི་མེད་རི་བོང་འཛིན་མས་བསྐོར། །ཟླ་འོད་ཟླ་ཞལ་པདྨ་བགྲང་ཕྲེང་ཆུ་སྐྱེས་རིན་ཆེན་འཛིན་ལ་འདུད། །གླང་པོར་གནས་པའི་དབང་མོ་ལ་ནི་སྲིན་པོས་འཁྱུད་ཅིང་རྡོ་རྗེའི་འོད། །བཀྲ་བའི་རི་མོ་རྡོ་རྗེའི་ལུས་མ་གསེར་ལྡན་མ་དང་ཨུར་བ་སཱི། །རཾ་བྷ་ཟུག་རྔུ་མེད་མ་དང་ནི་ཤིན་ཏུ་སྒྲོལ་མས་ཡོངས་བསྐོར་མ། །གསེར་མདོག་ཟླ་ཞལ་རྡོ་རྗེ་མདའ་དང་དྲིལ་བུ་གཞུ་ཡིས་མཚན་ལ་འདུད། །ངང་པར་གནས་པའི་ཚངས་མ་ལ་ནི་ནོར་ལྷས་འཁྱུད་ཅིང་མཆོད་སྦྱིན་འདོན། །ངག་གི་དབང་ཕྱུག་པདྨའི་སྤྱན་མཆུ་སྐྱེས་ལྡན་མ་བློ་གྲོས་མ། །གླུ་མ་གློག་མ་དྲན་མས་ཡོངས་བསྐོར་རིག་བྱེད་གདོང་མ་གསེར་མདོག་མ། །ཕྱག་གི་པདྨ་པདྨ་ཚངས་དབྱུག་སྤྱི་བླུགས་པར་བུས་མཚན་ལ་འདུད། །ཟླ་བ་ཚིགས་ཆེན་ཉི་མའི་ཚེས་དང་རྩ། །རྣམ་དག་ལྷ་ཆེན་བཅུ་གཉིས་འཁོར་དང་བཅས། །སྤྱན་གསུམ་ཉི་ཟླའི་མདོག་ཅན་པདྨའི་སྟེང༌། །རོལ་པས་ཡོངས་བསྐོར་རྡོ་རྗེའི་གདན་བཞུགས་པ། །སྲིན་མོས་འཁྱུད་ཅིང་ཡི་དྭགས་ལ་གནས་པའི། །བདེན་བྲལ་ལ་སོགས་ནག་པའི་ཚེས་རྣམས་གཞན། །རལ་གྲི་གྲི་གུག་ཕུབ་དང་ཐོད་པ་ཅན། །དུས་མཐའི་སྤྲིན་མཚུངས་ཟླ་བའི་ཞལ་ལ་འདུད། །གཏུམ་མོས་འཁྱུད་ཅིང་རི་དྭགས་ལ་གནས་པའི། །རླུང་སོགས་ས་གའི་ཚེས་གཞན་དཔག་བསམ་ཤིང༌། །ཡོངས་འདུས་མེ་ཏོག་ནོར་བུ་
― LT24_Page_029B ―
[མ་དཔེ་གཟིགས་ན་འདིར་གནོན།]
ཨུཏྤལ་འཛིན། །ཟླ་ཞལ་མིག་སྨན་མདོག་ལ་ཕྱག་འཚལ་ལོ། །ལུག་ལ་གནས་ཤིང་ཆུ་བདག་མོས་འཁྱུད་པའི། །མེ་ལྷ་ལ་སོགས་སྣོན་གྱི་ཚེས་རྣམས་གཞན། །མདུང་ཐུང་དབྱུག་པ་ཆུ་སྐྱེས་སྤྱི་བླུགས་འཛིན། །ཞལ་གཅིག་པདྨ་རཱ་གའི་མདོག་ལ་འདུད། །དཔལ་མོས་འཁྱུད་ཅིང་རྨ་བྱ་ལ་གནས་པའི། །གདོང་དྲུག་ལ་སོགས་ཆུ་སྟོད་ཚེས་རྣམས་གཞན། །ཤཀྲ་ཏི་མདུང་དང་ནོར་བུ་མེ་ལོང་ཅན། །བྱེ་རུའི་འོད་འཕྲོ་གདོང་དྲུག་ལྡན་པས་སྐྱོངས། །ཕག་མོས་འཁྱུད་ཅིང་ཆུ་སྲིན་ལ་གནས་པའི། །རྒྱ་མཚོ་ལ་སོགས་གྲོ་བཞིན་ཚེས་རྣམས་གཞན། །ཞགས་པ་རིན་ཆེན་སྦྲུལ་ཞགས་ཆུ་ཤེལ་འཛིན། །ཟླ་བའི་འོད་ཅན་ཟླ་བའི་ཞལ་མཆོད་དོ། །བྱི་བར་གནས་ཤིང་གཞོན་ནུ་མས་འཁྱུད་པའི། །ཚོགས་བདག་ལ་སོགས་ཁྲུམས་སྟོད་ཚེས་རྣམས་གཞན། །དགྲ་སྟ་རྡོ་རྗེ་ཞགས་པ་ནོར་བུའི་ཕྱག །ཟླ་ཞལ་ཟླ་འོད་ལྟ་བུར་དཀར་ལ་འདུད། །གླང་པོར་གནས་ཤིང་རླུང་ལྷ་མོས་འཁྱུད་པའི། །བརྒྱ་བྱིན་ལ་སོགས་ཐ་སྐར་ཚེས་རྣམས་གཞན། །རྡོ་རྗེ་མདའ་དང་དྲིལ་བུ་གཞུ་ཡིས་མཚན། །གསེར་མདོག་ཟླ་བའི་ཞལ་ལ་ཕྱག་འཚལ་ལོ། །གློག་མས་འཁྱུད་ཅིང་ངང་པ་ལ་གནས་པའི། །ཚངས་པ་ལ་སོགས་སྨིན་དྲུག་ཆོས་རྣམས་གཞན། །ཁབ་དང་བགྲང་ཕྲང་ཆུ་སྐྱེས་སྤྱི་བླུགས་འཛིན། །ཆུ་ཡི་གསེར་མཚུངས་ཆུ་ཡི་ཞལ་གྱིས་སྐྱོངས། །ཨུ་མས་འཁྱུད་ཅིང་ཁྱུ་མཆོག་ལ་གནས་པའི། །དྲག་པོ་ལ་སོགས་མགོ་ཡི་ཚེས་རྣམས་གཞན། །རྩེ་གསུམ་མདའ་དང་སྦྲུལ་ཞགས་ཁ་ཊྭཱཾ་གཞུ། །རི་བོང་འཛིན་ཞལ་མཁའ་ལྟར་སྔོ་ལ་འདུད། །གླང་པོར་གནས་ཤིང་ནོར་སྦྱིན་མོས་འཁྱུད་པའི། །ནོར་བདག་ལ་སོགས་རྒྱལ་གྱི་ཚེས་རྣམས་གཞན། །ནོར་བུ་བེ་ཅོན་ནེའུ་ལེ་པདྨའི་ཕྱག །སྔོན་པོ་རི་དྭགས་མཚན་པའི་ཞལ་མཆོད་བགྱི། །དཔལ་མོས་འཁྱུད་ཅིང་མཁའ་ལྡིང་ལ་གནས་པའི། །ཁྱབ་འཇུག་ལ་སོགས་མཆུ་ཡི་ཚེས་རྣམས་གཞན། །འཁོར་ལོ་དབྱུག་ཐོ་པདྨ་དུང་གིས་མཚན། །ཞལ་གཅིག་མ་རྒད་མདོག་ལ་ཕྱག་འཚལ་ལོ། །གཤིན་རྗེ་
― LT24_Page_030A ―
[མ་དཔེ་གཟིགས་ན་འདིར་གནོན།]
མས་འཁྱུད་མ་ཧེ་ལ་གནས་པའི། །གཤིན་རྗེ་ལ་སོགས་དཔེ་ཡི་ཆོས་རྣམས་གཞན། །དབྱུག་པ་རལ་གྲི་ལྕག་སྒྲོག་ཞགས་པས་བརྒྱན། །ལྗང་གུ་རི་དྭགས་ཅན་ཞལ་ལ་ཕྱག་འཚལ། །འོད་ཟེར་ཅན་འཁྱུད་དབྱུག་སྔོན་ནག་པོ་རལ་གྲི་དང་ནི་རྡོ་རྗེ་ཕུབ་དང་ལྟོ་འགྲོ་འཛིན། །ཙུན་དས་ལེགས་འཁྱུད་ཊཱ་ཀི་དམར་པོ་མེ་མདའ་དང་ནི་ལྕགས་ཀྱུ་གཞུ་དང་ཞགས་པས་མཚན། །ཁྲོ་གཉེར་མས་འཁྱུད་མི་གཡོ་དཀར་པོ་ཐོ་བ་དང་ནི་མདུང་དང་པདྨ་མེ་ལོང་འཛིན། །ལྕགས་སྒྲོག་མས་འཁྱུད་སྟོབས་ཆེན་སེར་པོ་འཁོར་ལོ་དང་ནི་དབྱུག་པ་དུང་དང་ནོར་བུའི་ཕྱག །སྔོན་མོས་འཁྱུད་པའི་གཙུག་ཏོར་ལྗང་གུ་དགྲ་སྟ་དང་ནི་རྩེ་གསུམ་སྦྲུལ་ཞགས་ཁ་ཊྭཱཾ་ག །དྲག་སྤྱན་མས་འཁྱུད་གནོད་མཛེས་སྔོན་པོ་གྲི་གུག་དང་ནི་རྡོ་རྗེ་ཐོད་པ་དྲིལ་བུ་འཛིན། །ཕག་རྟ་སེང་གེ་གླང་པོ་མཁའ་ལྡིང་རྐང་བརྒྱད་ཀྱིས་ནི་ཤིང་རྟ་ལ་གནས་གཡས་བརྐྱང་སྟབས། །མཐིལ་བཞི་གཤང་ལམ་གཙུག་གི་རྩ་དག་ཁྲོ་བོའི་ཚོགས་ནི་ཞལ་གཅིག་ཕྱག་བཞིས་བརྗིད་ལ་འདུད། །སྟོབས་ཀྱི་རྒྱུ་དང་པདྨ་ཆར་སྤྲིན་མདོག །ནོར་རྒྱས་དུང་སྐྱོང་བྱེ་རུའི་ཕུང་པོ་འདྲ། །མཐའ་ཡས་རིགས་ལྡན་ཀུན་དའི་མདོག་ལྟར་གསལ། །འཇོག་པོ་པདྨ་ཆེན་པོ་རབ་ཏུ་སེར། །རྒྱལ་དང་རྣམ་རྒྱལ་ལྗང་སྔོན་འབྱུང་བ་ལ། །རྡོ་རྗེ་གདན་བཞུགས་རིན་ཆེན་རྒྱན་གྱིས་བརྒྱན། །བུམ་པ་རྡོ་རྗེ་པདྨ་ནོར་བུའི་ཕྱག །རྐང་སོར་ཀླུ་ཆེན་གཏུམ་མོས་འཁྱུད་ལ་འདུད། །མདུང་གིས་འབིགས་དང་ལྷག་མ་བསྲེགས་པའི་རོ། །དྲག་པོའི་གཡུལ་དང་རུལ་པ་བྱིས་པ་གསོད། །རྣག་གི་དྲི་དང་སྦྲུལ་གྱིས་ཟོས་པ་ཡིས། །དུར་ཁྲོད་ཆེན་པོར་བསེ་དང་དྷེ་རུ་ཎ་ཌ། །དོམ་དང་ཁྲུང་ཁྲུང་འབྲི་དང་བྱ་མ་བྱི། །སེང་གེ་མིག་སྔོན་ལ་གནས་འཁོར་ལོའི་སྟེང༌། །ཟླུམ་པོའི་སྟབས་ཅན་མི་མགོའི་ཕྲེང་ལྡན་མ། །གཅེར་བུ་སྤྱན་གསུམ་གྲི་གུག་ཐོད་པ་མ། །ཕྱག་རྒྱ་ལྔ་ལྡན་ཀླུ་ཡིས་རབ་འཁྱུད་མ། །ལུས་ལ་ལག་པའི་སོར་མོ་རྣམ་དག་མ། །ཁྱི་གདོང་མ་དང་ཁྭ་གདོང་ཕག་གདོང་མ། །བྱ་རྒོད་
― LT24_Page_030B ―
[མ་དཔེ་གཟིགས་ན་འདིར་གནོན།]
གདོང་མ་སྟག་གདོང་འུག་གདོང་མ། །ལྕེ་སྤྱང་གདོང་མ་ནམ་མཁའ་ལྡིང་གདོང་མ། །སྟེང་འོག་ཤིང་རྟ་སྔོན་མོ་རྡོ་རྗེའི་མིག །སྐྲ་དང་བ་སྤུ་རྣམ་དག་གྲུབ་པ་དང༌། །འབྱུང་པོའི་ཚོགས་ཀྱིས་བསྐོར་ལ་ཕྱག་འཚལ་ལོ། །ཤིན་ཏུ་སྟོབས་མ་རྨུགས་བྱེད་མ་དང་ང་རྒྱལ་ཅན་མ་རེངས་བྱེད་མ། །ལྕགས་སྒྲོག་མ་དང་ཁྲོ་གཉེར་ཅན་མ་ཙུན་ད་དང་ནི་འོད་ཟེར་ཅན། །དྲག་སྤྱན་མ་དང་ཤིན་ཏུ་སྔོན་མོ་རང་རང་རིགས་ཀྱི་ཁྲོ་བོ་ཡི། །ཞལ་ཕྱག་མཚོན་ཆ་ཁ་དོག་རྒྱན་ལྡན་ཁྲོ་མོ་རྣམས་ལའང་ཕྱག་འཚལ་ལོ། །དེ་བཞིན་སྒྲོལ་མ་རེག་བྱ་མ་དང་ཁྱབ་འཇུག་ལྕགས་སྒྲོག་ཁ་གདོང་མ། །རབ་སྔོན་རབ་བརྩོན་ཙ་རྩི་ཀཱ་དང་ཁྱི་གདོང་མས་བསྐྱེད་བརྒྱ་བྱིན་དུ། །དབྱེ་བ་གོས་དང་མཆིལ་འདོར་རེག་བྱ་ལྷག་མ་ཟ་བ་ཀུན་ཏུ་གདུང༌། །སྒྲོད་དང་ལུས་འཕྲུགས་ཡན་ལག་བསྐྱོད་པར་འདོད་དང་ཕྱིར་འདོད་མ་ལ་འདུད། །གོས་དཀར་རོ་མ་གཞོན་ནུ་མ་དང་ཁྲོ་གཉེར་ཅན་མ་བྱ་རྒོད་མ། །དྲག་སྤྱན་རྨུགས་མ་ཕག་མོ་དང་ནི་ཕག་གདོང་མས་བསྐྱེད་ལྷོ་ཕྱོགས་སུ། །བསྐྱོད་པ་ཟས་དང་གར་འགུགས་གཡུལ་དང་རྒྱུག་པ་དང་ནི་སྐེམ་པ་དང༌། །ལུས་ལ་དྲི་མ་བཤང་གཅི་ཟག་པར་འདོད་དང་ཕྱིར་འདོད་མ་རྣམས་མཆོད། །མ་མཱ་ཀི་དང་གཟུགས་མ་དཔལ་མོ་ཙུན་ད་དང་ནི་འུག་གདོང་མ། །སྒྲ་མ་ཁེངས་མ་དྲག་མོ་དང་ནི་སྟག་གདོང་མས་བསྐྱེད་ནོར་སྦྱིན་ཏུ། །རྒྱས་པ་རྒྱན་དང་རྒྱལ་སྲིད་འཆིང་བ་བྱིས་པ་བསྡིགས་དང་རོལ་མོའི་སྒྲ། །འཇམ་པར་སྨྲ་དང་མལ་སྟན་རྩོད་མ་འདོད་དང་ཕྱིར་འདོད་མ་རྣམས་རྒྱལ། །སྤྱན་མ་དྲི་མ་ཚངས་མ་དང་ནི་འོད་ཟེར་ཅན་མ་མཁའ་ལྡིང་མ། །ཆོས་ཀྱི་ཁམས་མ་རེངས་མ་དབང་མོ་ལྕེ་སྤྱང་མས་བསྐྱེད་ཆུ་བདག་ཏུ། །རེངས་པ་དྲི་དང་ཆུ་ལ་རྐྱལ་པ་ཕུར་བུས་འདེབས་དང་སྤྲུལ་འཆིང་འཁྲིག །གཉེན་འདུན་མལ་བསྙེས་སེམས་ཅན་བསླུ་འདོད་ཕྱིར་འདོད་མ་རྣམས་གཞན་ལ་འདུད། །ཁྱོད་ནི་སྲིད་པ་གསུམ་ལས་འདས་ཀྱང་སྲིད་པ་གསུམ་གྱི་རྣམ་པ་ཅན། །ཕྲ་རབ་རྡུལ་གྱི་ཆོས་དང་བྲལ་ཡང་བརྟན་དང་གཡོ་བ་ཀུན་གྱི་གཟུགས། །ལུས་དང་དབང་པོའི་སྦྱོར་བ་སྤངས་ཀྱང་
― LT24_Page_031A ―
[མ་དཔེ་གཟིགས་ན་འདིར་གནོན།]
རྟག་ཏུ་འདོད་ཆགས་ཆེ་ལ་རོལ། །བསམ་གྱིས་མི་ཁྱབ་བརྟག་པར་དཀའ་བ་དུས་ཀྱི་འཁོར་ལོས་བདག་སྐྱོངས་ཤིག །གཟའ་དང་དྲང་སྲོང་རྒྱུ་སྐར་ཁྱིམ་དང་ཆ། །ཕྱོགས་སྐྱོང་ཞིང་སྐྱོང་ཕོ་ཉ་འཕྲོག་མ་དང༌། །གྷཱཎྜ་ཀརྣ་དགའ་བྱེད་ནག་པོ་ཆེ། །བྷྲྀཾ་གི་ནི་སོགས་འཁོར་མང་རྒྱལ་གྱུར་ཅིག །དེ་ལྟར་བསྟོད་པས་ཕུང་པོ་ཁམས་སོགས་གཞན། །བདེ་གཤེགས་སྙིང་པོ་དེ་བཞིན་ཉིད་ཀྱི་དབྱིངས། །བློ་བུར་དྲི་མའི་སྤུབས་ལས་ངེས་གྲོལ་ཏེ། །སྲིད་གསུམ་དྭངས་བ་མངོན་དུ་བྱེད་གྱུར་ཅིག །ཅེས་བསྟོད་ཆེན་འདོན་བཞིན་ཏུ་ལྷ་རྣམས་གསལ་གདབ་བོ། །དེ་ནས་མཆོད་པ་བྱིན་གྱིས་བརླབ་པར་བྱ་སྟེ། །གོང་གི་གནས་དང་ཡོ་བྱད་བྱིན་གྱིས་བརླབ་པ་དང་འདྲ་བ་ལས། གནས་ཁང་བསྐྱེད་ཆོག་གི་ཚིག་དོར་བ་སྟེ། སྟོང་པའི་ངང་ལས་ཤེལ་གྱི་སྣོད་སོར་བཅུ་གཉིས་པ། ཞེས་སོགས་བརྗོད་པའི་ཁྱད་པར་ཙམ་མོ། །དེ་ནས་མཆོད་པའི་མགྲོན་སྤྱན་དྲངས་ནས་མཆོད་པ་ནི། །རང་གི་སྙིང་ག་ནས་འོད་ཟེར་འཕྲོས། །རང་བཞིན་གྱི་གནས་ནས་བླ་མ་ཡི་དམ་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་ཐམས་ཅད་མཆོད་པའི་ཡུལ་དུ་བཛྲ་ས་མཱ་ཛཿ ཛཿཧཱུྃ་བཾ་ཧོཿ སངས་རྒྱས་སྲས་དང་བཙུན་མོར་བཅས་པ་ནམ་མཁའ་གང་བར་བཞུགས། ཨོཾ་ཨཱཿཧཱུྃ་ཧོཿཏྲཻ་དྷཱ་ཏུ་ཀེ་ཤྭ་ར་ཀཱ་ལ་ཙ་ཀྲ་ཨརྒྷཾ་པྲ་ཏཱིཙྪ་ས་པ་རི་ཝཱ་ར་ཏྭཾ་བྷ་ག་ཝཱན་མེ་ཝ་ར་དོ་བྷཱ་ཝ་ཤི་ཥྱཱ་ནི་ཙ། ཞེས་པ་ལན་གསུམ། །རྣམ་དག་ཡེ་ཤེས་བདུད་རྩིའི་ཆུ་གཏེར་ནི། །རབ་དྭངས་ཁ་དོག་དྲི་རོ་ཕུན་སུམ་ཚོགས། །ཞལ་གྱི་རྙོགས་པའི་དྲི་སེལ་ཡོན་ཆབ་འདི། །དུས་ཀྱི་འཁོར་ལོའི་ལྷ་ཚོགས་མཉེས་ཕྱིར་འབུལ། །ཨོཾ་ཨཱཿཧྲི་པྲ་ཝ་ར་སད་ཀ་རཾ་ཨཱརྠ་ཨཱཉྩ་མ་ནཾ་པ་ཏིཙྪ་ན་མཿ །རྣམ་དག་ཡེ་ཤེས་བདུད་རྩིའི་ཆུ་གཏེར་ནི། །རབ་དྭངས་ཁ་དོག་དྲི་རོ་ཕུན་སུམ་ཚོགས། །ཞབས་ཀྱི་པདྨའི་དྲི་སེལ་སྤོས་ཀྱི་ཆུ། །དུས་ཀྱི་འཁོར་ལོའི་ལྷ་ཚོགས་མཉེས་ཕྱིར་འབུལ། །ཨོཾ་ཨཱཿཧྲི་པྲ་ཝར་སད་ཀ་རཾ་ཨརྠཾ་པཱ་དྱཾ་པྲ་ཏཱིཙྪ་ན་མཿ ཚིག་རྐང་དང་པོ་གཉིས་དང་ཕྱི་མ་འདྲ་བའོ། །རྣམ་དག་ཡེ་ཤེས༴ རབ་དངས༴ ཀུན་ཏུ་འཕོ་བའི་གདུང་སེལ་འཐོར་འཐུང་འདི། །
― LT24_Page_031B ―
[མ་དཔེ་གཟིགས་ན་འདིར་གནོན།]
དུས་ཀྱི་འཁོར་ལོའི༴ ཨོཾ་ཨཱཿཧྲི་པྲ་ཝ་ར་སད་ཀ་རཾ་ཨརྠཾ་པྲོཀྵ་ཎཾ་པྲ་ཏཱིཙྪ་ན་མཿ རྣམ་དག་ཡེ་ཤེས༴ རབ་དྭངས་ཁ་དོག༴ ཡན་ལག་བརྒྱད་ལྡན་རྡོ་རྗེ་ཨརྒྷཾའི་རྒྱུན། །དུས་ཀྱི་འཁོར་ལོའི༴ ཨོཾ་ཨཱཿཧྲི་པྲ་ཝ་ར་སད་ཀ་རཾ་ཨརྠཾ་ཨརྒྷཾ་པྲ་ཏཱིཙྪ་ན་མཿ ཞེས་པས་ཆུ་བཞི་ཕུལ། །ཁམས་གསུམ་དབང་ཕྱུག་བཅོམ་ལྡན་འདས། །དུས་ཀྱི་འཁོར་ལོ་འཁོར་བཅས་རྣམས། །རྣམ་དག་རྡོ་རྗེའི་དྲི་མཆོག་འདི། །བཞེས་ནས་བདག་ལ་མཆོག་སྩོལ་མཛོད། །ཨོཾ་ཤྲཱི་ཀཱ་ལ་ཙཀྲ་ས་པ་རི་ཝ་རེ་བྷྱཿ བཛྲ་གནྡྷཾ་པྲ་ཏཱིཙྪ་ན་མཿ །རྐང་པ་གསུམ་ཡང་སྔ་མ་བཞིན་ཀུན་ལ་སྦྱར་ཏེ། །ཁམས་གསུམ་དབང་ཕྱུག༴ དུས་ཀྱི་འཁོར་ལོ༴ རྡོ་རྗེ་མེ་ཏོག་རྣམ་བཀྲའི་ཚོགས། །བཞེས་ནས༴ བཛྲ་པུཥྤཾ་པྲ་ཏཱི་ཙྪ་ན་མཿ ཁམས་གསུམ༴ དུས་ཀྱི༴ རྡོ་རྗེ་བདུག་སྤོས་བླ་ན་མེད། །བཞེས་ནས༴ བཛྲ་དྷཱུ་པཾ་པྲ་ཏཱིཙྪ་ན་མཿ ཁམས་གསུམ༴ དུས་ཀྱི༴ རྡོ་རྗེ་སྒྲོན་མ་འོད་རབ་འབར། །བཞེས་ནས༴ བཛྲ་དཱི་པཾ་པྲ་ཏཱིཙྪ་ན་མཿ །ཁམས་གསུམ༴ དུས་ཀྱི་འཁོར༴ རྡོ་རྗེ་ཞལ་ཟས་རོ་མཆོག་ལྡན། །བཞེས་ནས༴ བཛྲ་ནཻ་ཝི་དྱཾ་པྲ་ཏཱིཙྪ་ན་མཿ །ཁམས་གསུམ༴ དུས་ཀྱི༴ རྡོ་རྗེ་མ་ཉམས་འབྲས་བུའི་མཆོག །བཞེས་ནས༴ བཛྲ་ཨཱཀྵ་ཏཾ་པྲ་ཏཱིཙྪ་ན་མཿ །ཁམས་གསུམ༴ དུས་ཀྱི༴ རྡོ་རྗེ་སྒེག་མོའི་མཆོད་པ་ནི། །བཞེས་ནས༴ བཛྲ་ལཱ་སྱེ་པྲ་ཏཱིཙྪ་ན་མཿ །ཁམས་གསུམ༴ དུས་ཀྱི༴ རྡོ་རྗེ་བཞད་མའི་མཆོད་པ་འདི། །བཞེས་ནས༴ བཛྲ་ཧཱ་སྱཾ་པྲ་ཏཱིཙྪ་ན་མཿ །ཁམས་གསུམ༴ དུས་ཀྱི༴ རྡོ་རྗེ་སིལ་སྙན་རྣམ་མང་པོ། །བཞེས་ནས༴ བཛྲ་པཱ་དྱཾ་པྲ་ཏཱིཙྪ་ན་མཿ །ཁམས་གསུམ༴ དུས་ཀྱི༴ རྡོ་རྗེ་གར་གྱི་མཆོད་སྤྲིན་འདི། །བཞེས་ནས༴ བཛྲ་ནྲྀ་ཏྱཾ་པྲ་ཏཱིཙྪ་ན་མཿ །ཁམས་གསུམ༴ དུས་ཀྱི༴ རྡོ་རྗེ་གླུ་དབྱངས་ཡིད་འཕྲོག་ལྡན། །བཞེས་ནས༴ བཛྲ་གཱི་ཏཾ་པྲ་ཏཱིཙྪ་ན་མཿ །ཁམས་གསུམ་དབང་ཕྱུག་བཅོམ་ལྡན་འདས། །དུས་ཀྱི་འཁོར་ལོ་འཁོར་བཅས་རྣམས། །རྡོ་རྗེ་འདོད་པའི་མཆོད་པ་མཆོག །བཞེས་ནས་བདག་ལ་མཆོག་སྩོལ་མཛོད། །བཛྲ་ཀཱ་མཾ་པྲ་ཏཱིཙྪ་ན་མཿ །
― LT24_Page_032A ―
[མ་དཔེ་གཟིགས་ན་འདིར་གནོན།]
ཙ་སྡེ་ཐུང་རིང་ལས་སྐྱེས་པའི། །དྲི་ཆབ་མོ་དང་ཕྲེང་བ་མོ། །ནམ་མཁའ་ཁྱབ་པའི་ཚོགས་སྤྲུལ་ནས། །དཀྱིལ་འཁོར་ལྷ་ལ་མཆོད་པ་འབུལ། །ཨོཾ་ྩྪྫྫྷྙ་བཛྲ་གནྡྷེ་གནྡྷ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྩྪྫྫྷྙཱ་བཛྲ་མཱ་ལེ་མཱ་ལ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྚྛྜྜྷྞ་བཛྲ་དྷཱུ་པེ་དྷཱུ་པ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྚྛྜྜྷྞཱ་བཛྲ་པྲ་དཱི་པེ་པྲ་དཱི་བ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྤྥྦྦྷྨ་བཛྲ་ཨཱམྲྀ་ཏེ་ནི་ཝི་དྱ་པཱུ་ཛཱི་ཀུ་རུ་ཀུ་རུ་སྭཱ་ཧཱ། ཨོཾ་ྤྥྦྦྷྨཱ་བཛྲ་ཨཱཀྵ་ཏེ་ཨཱཀྵ་ཏ་ཕལ་ཨཱརྩ་ན་ཀུ་རུ་ཀུ་རུ་སྭཱ་ཧཱ། ཨོཾ་ྟྠྡྡྷྣ་བཛྲ་ལ་སྱེ་ཝསྟ་ཨཱ་བྷར་ཎ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྟྠྡྡྷྣཱ་བཛྲ་ཧཱ་སྱེ་གྷཱཎྜ་ཨཱ་དརྵ་པཱུ་ཛཱེ་ཀུ་རུ་ཀུ་རུ་སྭཱ་ཧཱ། ཨོཾ་ྐྑྒྒྷྔ་བཛྲ་ཝཱ་དྱེ་བཱ་དྱ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྐྑྒྒྷྔཱ་བཛྲ་ནྲྀ་ཏྱེ་ནྲྀ་ཏྱ་པཱུ་ཛཱ་ཀུ་རུ་ཀུ་རུ་སྭཱ་ཧཱ། ཨོཾ་ྶཉྤྵྴྈྐ་བཛྲ་གཱི་ཏེ་གཱི་ཏ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྶཉྤྵྴྈྐཱ་བཛྲ་ཀཱ་མེ་སརྦ་བུདྡྷ་བོདྷི་ས་ཏྭ་ནཱཾ་ཀྲོ་དྷ་ཨཱ་དཱི་ནཱཾ་བཛྲ་སཱུ་ར་ཏ་པཱུ་ཛཱ་ཀུ་རུ་ཀུ་རུ་སྭཱ་ཧཱ། ཞེས་རེག་མ་བཅུ་གཉིས་ཀྱི་མཆོད། །སྲབ་འཇམ་ཡང་པ་ལྷ་ཡི་གོས། །མི་ཕྱེད་རྡོ་རྗེའི་སྐུ་བརྙེས་ལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ར་བའི་བར་ནོར་བུ་རིན་ཆེན་ཨིནྡྲ་རྙིལ། །གསེར་དངུལ་ལ་སོགས་རིན་ཆེན་མེ་ཏོག་དང༌། །རིག་མ་བདེ་བ་རྣམ་མ་དགོས་ཀྱི་ཚོགས། །ཙནྡན་ལ་སོགས་དྲི་བཟང་
― LT24_Page_032B ―
[མ་དཔེ་གཟིགས་ན་འདིར་གནོན།]
སྦྱར་བའི་ཆབ། །དྲི་ཞིམ་བདུག་སྤོས་བསྲེག་པའི་སྤྲིན་ཚོགས་དང༌། །རྩི་བཅུད་འབྲུ་མར་དང་བཅས་སྒྲོན་མེའི་ཚོགས། །གྲགས་སྟོང་གཉིས་སུ་མེད་པ་དྲིལ་བུའི་སྒྲ། །གསལ་སྣང་གཟུགས་བརྙན་འཆར་བའི་མེ་ལོང་དང༌། །ལྷ་རྫས་བླ་བྲེ་ནམ་མཁའི་ཚད་འཇལ་བྱེད། །རྣམ་མང་འབྲས་བུ་སྣ་ཚོགས་བཅུད་སྟེར་ཞིང༌། །ལྷབ་ལྷུབ་གཡོ་བ་བ་དན་རྣམ་ལྔའི་ཚོགས། །འཇོ་སྒེག་རྣམ་འགྱུར་སྤྲོ་བའི་གར་མཁན་དང༌། །སྒྲ་སྙན་སྣ་ཚོགས་རོལ་མོའི་མཆོད་པ་སྟེ། །བཅུ་གསུམ་དཀྱིལ་འཁོར་ལྷ་ཚོགས་རྣམས་ལ་འབུལ། །ཡན་ལག་བཅུ་གཉིས་འཕོ་བ་རབ་འགགས་ནས། །བཅུ་གསུམ་རྡོ་རྗེ་འཛིན་པའི་ས་ཐོབ་ཤོག །རབ་དྭངས་ཡན་ལག་བརྒྱད་ལྡན་ཆུ་གཙང་དང༌། །འོ་ཆབ་མེ་ཏོག་བཅས་པའི་མཆོད་ཡོན་བཟང༌། །རླུང་གིས་བསྐྱོད་པའི་དྲི་བཟང་མཁའ་ཁྱབ་དང༌། །ལྷན་ཅིག་སྐྱེས་དང་སྦྱར་བའི་བདུག་སྤོས་དང༌། །ཨུཏྤལ་པདྨ་ལ་སོགས་མེ་ཏོག་བཀྲ། །མ་ཉམས་ས་ཧཱ་ཀ་རའི་འབྲས་བུ་སྨིན། །སྨན་མཆོག་དབང་པོ་ལ་སོགས་འབྲུ་སྣ་ཚོགས། །ཉི་ཟླ་ནོར་བུ་ལ་སོགས་སྣང་གསལ་ཚོགས། །བདུད་རྩི་རོ་བརྒྱ་ལྡན་པའི་ལྷ་བཤོས་དང༌། །པཉྩ་ལི་ཀཱ་ལྷ་ཡི་གོས་ཀྱི་མཆོག །མཆོད་པ་རྣམ་བཅུ་ཕུལ་བས་ས་བཅུ་ཐོབ། །དཀྱིལ་འཁོར་རྣམ་བཅུ་སྒྲིབ་བྲལ་ཐོབ་པར་ཤོག །ཇི་ལྟར་སྔོན་གྱི་སངས་རྒྱས་ལ། །བཀྲ་ཤིས་དཔལ་བེའུ་གཡུང་དྲུང་འཁྱིལ། །དགེ་བའི་དོན་ཏུ་མངའ་བ་ལྟར། །དེ་བཞིན་བདག་ཀྱང་དབུལ་བར་བགྱི། །ཇི་ལྟར་སྔོན་གྱི་སངས་རྒྱས་ལ། །གསེར་གྱི་འཁོར་ལོ་མུ་ཁྱུད་ཅན། །ཚངས་པ་ཆེན་པོས་ཕུལ་བ་ལྟར། །དེ་བཞིན་བདག་ཀྱང་དབུལ་བར་བགྱི། །ཇི་ལྟར༴ འདམ་གྱིས་སྐྱོན་གྱིས་མ་གོས་པའི། །པདྨ་དཀར་པོ་ཕུལ་བ་ལྟར། །དེ་བཞིན༴ ཇི་ལྟར་སྔོན༴ ཉོན་མོངས་བདུད་ལས་རྒྱལ་བ་ཡི། །ཆོས་ཀྱི་རྒྱལ་མཚན་ཕུལ་བ་ལྟར། །དེ་བཞིན༴ ཇི་ལྟར༴ གདུགས་དཀར་གསེར་གྱི་ཡུ་བ་ཅན། །ཕུལ་བ་དེ་བཞིན་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཇི་ལྟར༴ རེ་བ་ཐམས་ཅད་རྫོགས་མཛད་པའི། །
― LT24_Page_033A ―
[མ་དཔེ་གཟིགས་ན་འདིར་གནོན།]
བུམ་པ་བཟང་པོ་ཕུལ་བ་ལྟར། །དེ་བཞིན༴ ཇི་ལྟར༴ སྙན་པ་ཕྱོགས་བཅུར་སྒྲོག་པ་ཡི། །འབུང་དུད་གཡས་འཁྱིལ་ཕུལ་བ་ལྟར། །དེ་བཞིན་བདག་ཀྱང་དབུལ་བར་བགྱི། །ཇི་ལྟར་སྔོན་གྱི་སངས་རྒྱས་ལ། །ན་བཟའ་གསེར་གྱི་ཉ་རིས་ཅན། །ཕུལ་བ་དེ་བཞིན་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཕྱོགས་ལས་རྣམ་རྒྱལ་གསེར་གྱི་འཁོར་ལོ་དང༌། །དགོས་འདོད་མ་ལུས་སྩོལ་བའི་ཡིད་བཞིན་ནོར། །གཟུགས་མཛེས་སྐྱོན་ཀུན་བྲལ་བ་བཙུན་མོའི་མཆོག །བང་མཛོད་མ་ལུས་འགེངས་བྱེད་བློན་པོའི་ཕུལ། །ཡིད་འོང་སྟོབས་ལྡན་གླང་པོའི་བདག་པོ་དང༌། །ཅང་ཤེས་སྤྲིན་གྱི་ཤུགས་ཅན་རྨད་བྱུང་རྟ། །རྒོལ་བ་ཀུན་འཇོམས་ཁྱིམ་བདག་དཔའ་བོ་ཆེ། །དེ་ལྟར་རིན་ཆེན་བདུན་གྱིས་དཀྱིལ་འཁོར་མཆོད། །དྲི་མེད་ཆོས་ཀུན་གསལ་བའི་མེ་ལོང་དང༌། །གཡས་འཁྱིལ་ཆོས་སྒྲ་མི་ཟད་སྒྲོག་པའི་དུང༌། །དུག་གསུམ་ཉོན་མོངས་འཇོམས་པའི་གི་ཧཾ་དང༌། །རྩི་བཅུད་སྙིང་པོ་བདུད་རྩིའི་རང་བཞིན་ཞོ། །ཁམས་གསུམ་དབང་དུ་སྡུད་པ་ལི་ཁྲིའི་རྫས། །རྡོ་རྗེ་སེམས་དཔའི་ཚེ་སྒྲུབ་དཱུར་བའི་རྩ། །དོན་མཆོག་བླ་མེད་སྒྲུབ་པ་བིལ་བའི་འབྲས། །བགེགས་དང་བར་ཆད་ཀུན་འཇོམས་ཡུངས་དཀར་ཏེ། །རྒྱལ་བས་བྱིན་བརླབས་བཀྲ་ཤིས་རྫས་བརྒྱད་པོ། །ཕུལ་བས་འགྲོ་ལ་དགེ་ལེགས་འཕེལ་བར་ཤོག །ཉོན་མོངས་མ་ལུས་གཅོད་པའི་སྟག་ལྤགས་དང༌། །སྒྲིབ་པ་ཀུན་བལ་གླང་ཆེན་ལྤགས་པའི་གོས། །འཇིགས་བྱེད་ཧེ་རུ་ཀ་དཔལ་མཉེས་བྱེད་པ། །སྣ་ཚོགས་ན་བཟའི་མཆོད་པ་འབུལ་བར་བགྱི། །དབང་སྔོན་ཀ་རྐེ་ཏ་ན་ཆུ་ཤེལ་དང༌། །པདྨ་རཱ་ག་མར་གཏི་མུ་ཏིག་དང༌། །ཛམ་བུ་ཆུ་བོའི་གསེར་དང་དངུལ་ལ་སོགས། །བཟའ་དང་བཅའ་བ་རྣམ་པ་དུ་མ་དང༌། །རྩ་བ་སྡོང་བུ་འདབ་མ་མེ་ཏོག་དང༌། །ལྗོན་ཤིང་ལ་སོགས་རྣམ་པ་སྣ་ཚོགས་པ། །བསོད་ནམས་སྤེལ་ཕྱིར་དཀྱིལ་འཁོར་ལྷ་ལ་འབུལ། །རལ་གྲི་ཁང་པ་ལྤགས་པ་སྐྱེད་མོས་ཚལ། །མལ་ཆ་གོས་དང་མཆིལ་ལྷམ་
― LT24_Page_033B ―
[མ་དཔེ་གཟིགས་ན་འདིར་གནོན།]
རིན་པོ་ཆེ། །པདྨ་ཅན་སོགས་བཀྲ་ཤིས་ལྷ་མོ་བརྒྱད། །སྣ་ཚོགས་རིན་ཆེན་ལས་གྲུབ་ཁང་བཟང་དང༌། །དཔག་བསམ་ཤིང་དང་བུམ་པ་བཟང་པོ་དང༌། །འདོད་འཇོའི་བ་དང་རིན་ཆེན་རི་བོ་སོགས། །མཆོད་སྤྲིན་རྒྱ་མཚོས་དཀྱིལ་འཁོར་ལྷ་ཚོགས་མཆོད། །ཀུན་ཏུ་རབ་ཏུ་ཁྱབ་བྱེད་དྲི་བཟང་དང༌། །རྣམ་དག་ཉི་མས་དག་བྱེད་མེ་ཏོག་ཕྲེང༌། །དོན་དམ་དབྱིངས་ཀྱི་དཀྱིལ་འཁོར་ལྷ་ལ་འབུལ། །འགྲོ་བས་རྣམ་དག་ཟླ་ཉི་ཐོབ་པར་ཤོག །གཏུམ་མོ་འབར་བས་ཀུན་རྟོག་བསྲེགས་པའི་སྤོས། །སྙིང་ནང་གཞོམ་མེད་འབར་བའི་སྣང་གསལ་ཚོགས། །དོན་དམ་དབྱིངས་ཀྱི་དཀྱིལ་འཁོར་ལྷ་ལ་འབུལ། །སྤྲོས་བྲལ་ཡེ་ཤེས་སྣང་བ་ཐོབ་པར་ཤོག །འདོད་ཡོན་གཞན་མཆོག་བདུད་རྩི་ཞལ་ཟས་ལྔ། །ཐིག་ལེ་ནོར་བུར་བཅིངས་པའི་མ་ཉམས་འབྲུ། །དོན་དམ༴ སྟོང་པའི་གཟུགས་ཀྱི་བྱང་སེམས་འཆིང་བར་ཤོག །མ་དག་གནས་གྱུར་ཡེ་ཤེས་སྒེག་མོའི་ལུས། །ལས་རླུང་དྷཱུ་ཏིར་ཐིམ་པ་བཞད་སྒྲའི་དབྱངས། །དོན་དམ༴ རྡོ་རྗེའི་སྐུ་དང་བཅུ་གཉིས་ས་ཐོབ་ཤོག །གཞོམ་མེད་ནཱ་དའི་སིལ་སྙན་རོལ་མོ་མཆོག །རྣམ་གསུམ་ཕྱག་རྒྱའི་རོལ་པ་བདེ་གའི་གར། །དོན་དམ༴ གྲགས་སྟོང་སྒྲ་དང་སྒྱུ་རྩལ་མཆོག་ཐོབ་ཤོག །སྒྲ་དབྱངས་རྒྱ་མཚོ་ཆོས་ཉིད་རྡོ་རྗེའི་གླུ། །མི་འགྱུར་བདེ་སྒྲུབ་ཕྱག་ཆེན་འདོད་པ་མོ། །དོན་དམ༴ རྡོ་རྗེའི་གསུང་དང་མི་འགྱུར་བདེ་ཐོབ་ཤོག །ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུངྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། །ལན་གསུམ་ལ་སོགས་པ་ཅི་རིགས་པར་བརྗོད། ནང་མཆོད་གཏོར་མ་ལྟར་བྱིན་གྱིས་བརླབས། །ན་མོ་སངས་རྒྱས་དང་ཆོས་དང་དགེ་འདུན་ཐམས་ཅད་ཀྱི་ངོ་བོ། །དཀྱིལ་འཁོར་ཐམས་ཅད་ཀྱི་བདག་པོ། །ལྷ་དང་བཅས་པའི་འགྲོ་བ་ཐམས་ཅད་ཀྱི་སྐྱོབ་པ་དྲིན་ཅན་རྩ་བའི་བླ་མ་རྡོ་རྗེ་འཆང་འདི་ཞེས་བྱ་བའི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུྃ། །དངོས་གྲུབ་རྒྱ་མཚོ་ཡོན་ཏན་རིན་ཆེན་གཏེར། །སྲིད་དང་ཞི་བའི་གདུང་བ་སེལ་བའི་སླད། །ལྷ་དང་བཅས་པའི་འགྲོ་བ་ཀུན་གྱི་སྐྱབས། །
― LT24_Page_034A ―
[མ་དཔེ་གཟིགས་ན་འདིར་གནོན།]
དཔལ་ལྡན་རྡོ་རྗེ་འཆང་ལ་མཆོད་པ་འབུལ། །ཨོཾ་ཨཱཿཧཱུྃ། །ཉི་མའི་འོད་དང་ཟླ་བཟང་ལྷ་དབང་དང༌། །གཟི་བརྗིད་ཟླས་བྱིན་ལྷ་ཡི་དབང་ཕྱུག་དང༌། །སྣ་ཚོགས་གཟུགས་དང་ལྷ་ཡི་དབང་ལྡན་ཏེ། །ཆོས་རྒྱལ་ཆེན་པོ་བརྒྱད་ལ་མཆོད་པ་འབུལ། །འཇམ་དབྱངས་གྲགས་པ་པདྨ་དཀར་པོ་དང༌། །བཟང་པོ་རྣམ་རྒྱལ་བཤེས་གཉེན་བཟང་པོ་དང༌། །ཕྱག་ན་རིན་ཆེན་ཁྱབ་འཇུག་སྦས་པ་དང༌། །ཉི་མ་གྲགས་དང་ཤིན་ཏུ་བཟང་པོ་མཆོད། །རྒྱ་མཚོ་རྣམ་རྒྱལ་རྒྱལ་དཀའ་ཉི་མ་དང༌། །སྣ་ཚོགས་གཟུགས་དང་ཟླ་འོད་མཐའ་ཡས་དང༌། །ས་སྐྱོང་དཔལ་སྐྱོང་སེང་གེ་རྣམ་གནོན་དང༌། །སྟོབས་ཆེན་མ་འགགས་མི་ཡི་སེང་གེ་མཆོད། །དབང་ཕྱུག་ཆེན་པོ་མཐའ་ཡས་རྣམ་རྒྱལ་དང༌། །དྲག་པོ་ཞེས་བྱ་ཉི་ཤུ་རྩ་ལྔ་པོ། །ས་ཡི་འཁོར་ལོ་རྫོགས་པར་སྐྱོང་བ་སྟེ། །ཚངས་པ་ལྷ་དབང་ཕྱེད་ཕྱེད་སྐྱོང་རྣམས་མཆོད། །འོད་སྲུང་ལ་སོགས་དུམ་བུར་སྐྱོང་བ་བརྒྱད། །དེ་ལྟར་ས་སྐྱོང་སུམ་ཅུ་རྩ་ལྔ་ནི། །རིགས་ཀུན་གཅིག་ཏུ་བྱེད་པ་གསང་སྔགས་ཀྱི། །རིགས་ལྡན་བརྒྱུད་པ་རྣམས་ལ་མཆོད་པ་འབུལ། །དུས་ཞབས་གཉིས་དང་ན་ལེནྡྲ་པ་དང༌། །ཟླ་བ་མགོན་པོ་འབྲོ་སྟོན་ལོ་ཙཱ་དང༌། །ལྷ་རྗེ་སྒོམ་པ་སྒྲོ་སྟོན་གནམ་བརྩེགས་དང༌། །གྲུབ་ཆེན་ཡུ་མོ་རྣམས་ལ་མཆོད་པ་འབུལ། །ཆོས་ཀྱི་དབང་ཕྱུག་ནམ་མཁའ་འོད་ཟེར་དང༌། །སྤྲུལ་སྐུ་ཇོ་འབུམ་གྲུབ་ཐོབ་སེ་ཆེན་དང༌། །ཆོས་རྗེ་འཇམ་གསར་ཆོས་སྐུ་འོད་ཟེར་དང༌། །ཀུན་སྤང་ཆོས་རྗེ་རྣམས་ལ་མཆོད་པ་འབུལ། །བྱང་སེམས་ཆེན་པོ་ཡོན་ཏན་རྒྱ་མཚོ་དང༌། །ཀུན་མཁྱེན་ཆོས་རྗེ་སྒྲ་བསྒྱུར་སྐུ་མཆེད་དང༌། །ཕྱོགས་ལས་རྣམ་རྒྱལ་ཉ་དབོན་ཆོས་རྗེ་དང༌། །གྲུབ་ཆེན་ཀུན་བློ་རྣམས་ལ་མཆོད་པ་འབུལ། །འཇམ་དབྱངས་དཀོན་བཟང་ནམ་མཁའ་ཆོས་སྐྱོང་དང༌། །ནམ་མཁའ་དཔལ་བཟང་རཏྣ་བྷ་དྲ་དང༌། །གྲོལ་མཆོག་ཞབས་དང་ལུང་རིགས་རྒྱ་མཚོ་མཆོད། །ཀུན་དགའ་སྙིང་པོ་རིན་ཆེན་རྒྱ་མཚོ་བ། །བློ་གྲོས་རྣམ་རྒྱལ་
― LT24_Page_034B ―
[མ་དཔེ་གཟིགས་ན་འདིར་གནོན།]
ངག་དབང་ཕྲིན་ལས་དང༌། །ཀུན་བཟང་དབང་པོ་ཚེ་དབང་ནོར་བུ་མཆོད། །འཇམ་མགོན་བླ་མ་ཆོས་ཀྱི་འབྱུང་གནས་ཞབས། །བཀའ་བརྒྱུད་གདུང་འཚོབ་ཕྲིན་ལས་རྣམ་པར་རྒྱལ། །དང་པོའི་སངས་རྒྱས་པདྨ་ཉིན་མོར་བྱེད། །དྷརྨཱ་ཀ་ར་ནས་བརྒྱུད་སྲོལ་ལུགས་གཅིག་ཚེ་དབང་ཀུན་ཁྱབ་དབང་རྒྱལ་རྡོ་རྗེ་མཆོད། །གཙུག་ལག་ཆོས་རྒྱལ་ཐེག་མཆོག་རྡོ་རྗེའི་ཞབས། །རྩ་བའི་བླ་མ་རྡོ་རྗེ་འཆང་ཆེན་ཏེ། །རྡོ་རྗེའི་རྣལ་འབྱོར་མངོན་སུམ་སྟོན་མཛད་པའི། །རྩ་བརྒྱུད་བླ་མ་རྣམས་ལ་མཆོད་པ་འབུལ། །ཨོཾ་ཀཱ་ལ་ཙཀྲ་ཡ་ཧཱུྃ་སྭཱ་ཧཱ། ཨོཾ་ཨཱཿཧཱུྃ། །ཨོཾ་བི་ཤྭ་མཱ་ཏྭ་ཧོཿཕྲཻཾ་སྭཱ་ཧཱ། །ཨོཾ་ཨ་ཨཱཿཨཾ་ཨཿཧ་ཧ་ཧྃ་ཧ་སྭཱ་ཧཱ། ཨོཾ་ཨཱཿཧཱུྃ་ཧོཿཨ་ཨཱ་ཨི་ཨཱི་རྀ་རཱྀ་ཨུ་ཨཱུ་ལྀ་ལཱྀ་ཧ་ཧཱ་ཧི་ཧཱི་ཧྲྀ་ཧྲཱྀ་ཧུ་ཧཱུ་ཧླྀ་ཧླཱྀ་ཧཾ་ཧཿཨ་ཨཱ་ཨེ་ཨཻ་ཨར་ཨཱར་ཨོ་ཨཽ་ཨ་ལ་ཨཱ་ལ་ཧ་ཧཱ་ཡ་ཡཱ་ར་རཱ་ཝ་ཝཱ་ལ་ལཱ། ཨོཾ་ཨཱཿཧཱུྃ། ཨོཾ་སྐུ་བཞི་རྡོ་རྗེ་བཞི་ཡི་བདག་ཉིད་དང༌། །ཚད་མེད་རྣམ་ཐར་ཆོས་ཀྱི་ཕུང་པོ་དང༌། །དམ་ཆོས་སྟོན་པ་འཕགས་པའི་ཚོགས་རྣམས་ཏེ། །སྐྱབས་གནས་དཀོན་མཆོག་གསུམ་ལ་མཆོད་པ་འབུལ། །དུས་འཁོར་རྡོར་སེམས་ཤཱཀྱ་ཐུབ་པ་དང༌། །ནུས་མ་བུམ་པ་བཅུ་དང་རྡོ་རྗེ་བཞི། །སངས་རྒྱས་བྱང་ཆུབ་སེམས་དང་ཁྲོ་བོའི་རྒྱལ། །རང་རང་ལྷ་མོར་བཅས་པ་རྣམས་ལ་མཆོད། །གཟུངས་མ་རྣལ་འབྱོར་མ་དང་འདོད་མ་དང༌། །ཚེས་ཀྱི་ལྷ་དང་གདེངས་ཅན་ཕྱིར་འདོད་མ། །རབ་གཏུམ་གཟའ་སྐར་ཕྱོགས་སྐྱོང་ཞིང་སྐྱོང་སོགས། །ཕྱེད་བཅས་བྱེ་བ་གསུམ་གྱི་འབྱུང་པོ་མཆོད། །བླ་མ་ཡི་དམ་མཁའ་འགྲོའི་ཚོགས་བཅས་དང༌། །མཆོད་ཡུལ་རྒྱ་མཚོའི་ཚོགས་ལ་མཆོད་པ་འབུལ། །འགྲོ་ཀུན་ཡེ་ཤེས་བདུད་རྩིའི་རྒྱ་མཚོ་ལ། །མཆོག་ཏུ་རོལ་པས་བདེ་ཆེན་ཐོབ་པར་ཤོག །ཨོཾ་ཨཱཿཧཱུྃ། ཨོཾ་གུ་རུ་བུདྡྷ་བོདྷི་ས་ཏྭེ་བྷྱོ་ཿན་མོ་ན་མཿ གཞན་ཡང་རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་ཐམས་ཅད་ལ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུྃ། བཀའ་སྡོད་ཆོས་སྐྱོང་སྲུང་མ་ཐམས་ཅད་ལ་འབུལ་ལོ། །ཡུལ་
― LT24_Page_035A ―
[མ་དཔེ་གཟིགས་ན་འདིར་གནོན།]
བདག་གྲོང་བདག་གཉུག་མར་གནས་པ་ཐམས་ཅད་ལ་འབུལ་ལོ། །ཟག་པ་མེད་པའི་བདེ་བས་རྒྱུད་ཚིམས་ནས་མངོན་པར་རྫོགས་པར་འཚང་རྒྱ་བར་གྱུར་ཅིག །བསྟོད་པ་ནི། རོལ་ཆེན་དང་བཅས་ཏེ། མཆོག་སྦྱིན་རྡོ་རྗེ་མཆོག་ཁྱོད་འདུད། །ཡང་དག་མཐར་གྱུར་ཁྱོད་ལ་འདུད། །སྟོང་ཉིད་སྙིང་པོ་ཁྱོད་ལ་འདུད། །སངས་རྒྱས་བྱང་ཆུབ་ཁྱོད་ལ་འདུད། །སངས་རྒྱས་ཆགས་པ་ཁྱོད་ལ་འདུད། །སངས་རྒྱས་འདོད་ལ་ཕྱག་འཚལ་འདུད། །སངས་རྒྱས་དགྱེས་པ་ཁྱོད་ལ་འདུད། །སངས་རྒྱས་རོལ་ལ་ཕྱག་འཚལ་འདུད། །སངས་རྒྱས་འཛུམ་པ་ཁྱོད་ལ་འདུད། །སངས་རྒྱས་བཞད་ལ་ཕྱག་འཚལ་འདུད། །སངས་རྒྱས་གསུང་ཉིད་ཁྱོད་ལ་འདུད། །སངས་རྒྱས་ཐུགས་ལ་ཕྱག་འཚལ་འདུད། །མེད་པ་ལས་བྱུང་ཁྱོད་ལ་འདུད། །སངས་རྒྱས་འབྱུང་བ་ཁྱོད་ལ་འདུད། །ནམ་མཁའ་ལས་བྱུང་ཁྱོད་ལ་འདུད། །ཡེ་ཤེས་ལས་བྱུང་ཁྱོད་ལ་འདུད། །སྒྱུ་འཕྲུལ་དྲྭ་བ་ཁྱོད་ལ་འདུད། །སངས་རྒྱས་རོལ་སྟོན་ཁྱོད་ལ་འདུད། །ཐམས་ཅད་ཐམས་ཅད་ཁྱོད་ལ་འདུད། །ཡེ་ཤེས་སྐུ་ཉིད་ཁྱོད་ལ་འདུད། །ཅེས་མཚན་བརྗོད་ཀྱི་འདུད་ཉི་ཤུས་བསྟོད། །དེ་ནས་དྲིལ་གསིལ་དང་བཅས་ཏེ། །སྟོང་ཉིད་སྙིང་རྗེའི་བདག་ཉིད་ཅན། །སྲིད་གསུམ་སྐྱེ་འཇིག་མེད་པའི་དངོས། །ཤེས་དང་ཤེས་བྱ་གཅིག་པའི་སྐུ། །དཔལ་ལྡན་དུས་འཁོར་ལ་ཕྱག་འཚལ། །ཕྲ་རབ་རྡུལ་གྱི་ཆོས་ཉིད་འདས། །ཕྲ་ཕབ་པ་ཡི་རང་བཞིན་ཅན། །རྣམ་པ་ཀུན་གྱི་མཆོག་ལྡན་མ། །ཕྱག་རྒྱ་ཆེན་མོ་དེ་ལ་འདུད། །དུས་ཀྱི་འཁོར་ལོ་བདེ་ཆེན་པོ། །སྐུ་གསུམ་མཆོག་དང་དཀྱིལ་འཁོར་གསུམ། །རྡོ་རྗེ་གསུམ་མཆོག་རྡོ་རྗེ་དབྱིངས། །འགྱུར་བ་མེད་ལ་ཕྱག་འཚལ་ལོ། །རྣམ་རྟོག་སྒོམ་པ་ལས་འདས་པ། །ཕྱག་རྒྱ་ཆེན་པོ་མི་འགྱུར་བདེ། །གཟུང་པ་འཛིན་པ་དབྱིངས་དག་དང༌། །རྟོག་དང་དཔྱོད་པ་རྣམ་པར་སྤངས། །དྲི་ཟའི་གྲོང་ཁྱེར་རྣམ་པ་དང༌། །པྲ་ཕབ་པ་ཡི་རང་བཞིན་ཅན། །ཤེས་རབ་ཐབས་ཀྱི་བདག་ཉིད་སྦྱོར། །ཨེ་ཝཾ་ཡི་གེ་དེ་ལ་འདུད། །སངས་རྒྱས་ཀུན་གྱི་སྐྱེད་མཛད་མ། །སྐྱེ་བ་དང་ནི་འཇིག་
― LT24_Page_035B ―
[མ་དཔེ་གཟིགས་ན་འདིར་གནོན།]
པ་སྤངས། །ཀུན་ཏུ་བཟང་པོའི་སྤྱོད་པ་ཅན། །སྣ་ཚོགས་ཡུམ་དེ་ལ་ཕྱག་འཚལ། །ཨཱ་ལི་ཀཱ་ལི་སྙོམས་འཇུག་དང༌། །ཧཱུྃ་ཕཊ་ཡི་གེ་སོགས་སྤངས་ཀྱང༌། །འགྱུར་བ་མེད་ལས་འཁྲུངས་པའི་སྐུ། །དུས་ཀྱི་འཁོར་ལོ་དེ་ལ་འདུད། །ཀུན་མཁྱེན་ཡེ་ཤེས་སྐུ་ཞེས་པ། །ཁྱབ་རྟག་ཉི་མ་ལྟ་བུའི་སྐུ། །པདྨ་འདབ་མ་རྒྱས་པའི་སྤྱན། །དེ་ཉིད་བཅུ་དྲུག་དབྱེ་བ་ལས། །སྐུ་བཞིའི་བདག་ཉིད་སངས་རྒྱས་ནི། །རྡོ་རྗེ་སེང་གེའི་གདན་བཞུགས་པ། །ལྷ་དང་ལྷ་མིན་གྱིས་བསྟོད་སྔོན། །ཟླ་བཟང་གིས་གསོལ་དེ་ལ་འདུད། །རྣམ་པར་བཅས་ཀྱང་རྣམ་མེད་བཅོམ་འདས་མ་ཤེས་རབ་མ་སྟེ་དེ་ཡིས་འཁྱུད། །སྐྱེ་འཇིག་སྤངས་པའི་འགྱུར་མེད་བདེ་བ་དང་ལྡན་རྒོད་པ་ལ་སོགས་བདེ་བ་སྤངས། །སངས་རྒྱས་རྣམས་ཀྱི་སྐུ་གསུམ་རྣམས་དང་ལྡན་ཞིང་དུས་གསུམ་ཡང་དག་རིག །ཀུན་མཁྱེན་མཆོག་གི་དང་པོའི་སངས་རྒྱས་བཅོམ་ལྡན་གཉིས་མེད་དེ་ཉིད་ལ་ཕྱག་འཚལ། །གང་ལ་ཐོག་མཐའ་དབུས་མེད་གནས་དང་འཆི་དང་སྲེད་པ་དང་ནི་སྒྲ་དང་དྲི་དང་རོ་དག་དང༌། །རེག་བྱ་གཟུགས་དང་སེམས་མེད་རང་བཞིན་དང་ནི་སྐྱེས་བུ་མེད་ཅིང་འཆིང་དང་གྲོལ་དང་བྱེད་པོ་མེད། །ས་བོན་དང་ནི་གསལ་བར་དུས་མེད་མཐའ་དག་སྲིད་པའི་སྡུག་བསྔལ་བདེ་བ་ཉིད་ཀྱི་རང་བཞིན་མེད། །མྱ་ངན་འདས་པ་མཚན་མ་མེད་ཅིང་བྱེད་པ་རྣམས་ཕྲལ་ཡོན་ཏན་མེད་པ་དེ་ལ་ཕྱག་འཚལ་ལོ། །དུས་དང་སྣ་ཚོགས་ལ་སོགས་རྡོ་རྗེ་དང་ནི་སྐྱེས་བུ་དཔེ་མེད་ཀུན་འགྲོ་སྤྲོས་པ་མེད་པ་སྟེ། །ཐེར་ཟུག་ཏུ་གནས་སྙན་དང་ཤངས་དང་ཞལ་དང་སྤྱན་དང་དབུ་དང་ཕྱག་དང་ཞབས་ནི་ཐམས་ཅད་པ། །འབྱུང་པོའི་མཐའ་སྟེ་འབྱུང་པོའི་མགོན་པོ་མཆོག་གི་སྲིད་པ་གསུམ་འཛིན་རྒྱུད་རྣམས་དག་གི་རྒྱུར་གྱུར་པ། །རིག་པ་ལ་སོགས་རྣལ་འབྱོར་དག་གིས་རྟོགས་བྱ་མཆོག་བདེའི་གོ་འཕང་དུས་ཀྱི་འཁོར་ལོ་ལ་ཕྱག་འཚལ། །སྤྲོ་བྱེད་ནུས་མའི་གཟུགས་གཞན་གློག་གི་མེ་དང་མཚུངས་ཤིང་ཉི་མ་བཅུ་གཉིས་དག་གི་གཟི་བརྗིད་ཅན། །ཡེ་ཤེས་རྡོ་རྗེའི་སྣང་བ་མཆོག་གི་གོ་འཕང་བགྲོད་བྱེད་རྣམ་པར་བཅད་པ་དེ་ལ་ཕྱག་འཚལ་ལོ། །དཀར་པོ་འཇིག་
― LT24_Page_036A ―
[མ་དཔེ་གཟིགས་ན་འདིར་གནོན།]
རྟེན་གསུམ་གྱི་མགོན་པོ་རི་བོང་འཛིན་པ་ལས་འཛག་འཇིག་རྟེན་སྤྱི་བོར་ཡང་དག་གནས། །བདུད་རྩི་འཆི་བ་སེལ་ཞིང་སྲིད་པའི་འཇིགས་པ་འཇོམས་པར་བྱེད་པ་ཐིག་ལེའི་གཟུགས་ལ་ཕྱག་འཚལ་ལོ། །སེམས་ཙམ་སྔགས་ཀྱི་ངོ་བོ་ལྷ་ཡིས་ཡོངས་སུ་བསྐོར་བ་སྡུག་བསྔལ་དང་ནི་བདེ་བའི་རང་བཞིན་ཏེ། །དམ་པ་རྣམས་ལ་ཞི་བའི་གཟུགས་ནི་རང་གིས་བྱས་པའི་ཉམས་མྱོང་མི་ཟད་རྣམས་ལ་མི་ཟད་པ། །གང་གིས་ལས་གང་རབ་བྱས་རང་གི་སེམས་ལ་ཆོ་ག་བཞིན་ཏུ་དེ་ཡི་འབྲས་བུ་དེ་བསྐྱེད་པ། །འཇིག་རྟེན་དབང་པོ་སྣ་ཚོགས་གཟུགས་ཅན་སྲིད་གསུམ་སྐྱེད་མཛད་རྡོ་རྗེ་སེམས་དཔའ་ལ་ཡང་ཕྱག་འཚལ་ལོ། །གཅིག་དང་དུ་མ་དག་ཀྱང་གཅིག་ཅིང་མཉམ་དང་མི་མཉམ་པ་དང་མཉམ་པ་གཡས་གཡོན་མདུན་རྒྱབ་དང༌། །སྟེང་འོག་ཀུན་ནས་དཀར་ལྗང་སྣ་ཚོགས་ཁ་དོག་ཆེན་པོ་གཅིག་གི་གཟུགས་ཏེ་ཐུང་དུ་རིང་པོ་དང༌། །ཤིན་ཏུ་རིན་པོ་ཡོན་ཏན་མེད་ཅེས་ཡོན་ཏན་དང་བཅས་བུད་མེད་སྐྱེས་པའི་མ་སྐྱེས་པ་བུད་མེད་མིན། །གང་ཞིག་ཀུན་གྱི་རྟེན་གཅིག་བྷ་ག་བཟང་མོ་མཆོག་གི་བྷ་ག་ཁྱོད་ལ་འདུད་དེ་ཁྱོད་ལ་འདུད། །ཅེས་པ་ལ་སོགས་པ་ཇི་ལྟར་འོས་པས་བསྟོད། །དེ་ནས་ཏིང་ངེ་འཛིན་གྱི་བདག་འཇུག་མི་བྱེད་ན། །སྐབས་འདིར་སྒྲུབ་ཐབས་ནས་འབྱུང་བ་ལྟར་གཏོར་མ་ཕུལ་ལ་རྗེས་ཀྱི་ཆོ་ག་རྣམས་བྱའོ། །གཉིས་པ་བདག་འཇུག་བྱེད་པར་འདོད་ན། ཐོག་མར་བུམ་པ་སྒྲུབ་དགོས་པས་བུམ་པ་སྒྲུབ་ཚུལ་ནི། །བུམ་པ་བཅུའམ་ལྔ་ལ་སོགས་པ་ཡོད་ནའང་ལེགས་ལ། བསྡུ་ན་བུམ་པ་གཅིག་ཉིད་ལ་བུམ་པ་བཅུར་མོས་པས་ཆོག་སྟེ། བུམ་པའི་སྟེང་དུ་རྣམ་རྒྱལ་ཆེན་པོ་ཞེས་བྱ་བ་དུང་ཆོས་བཀོད། གཟུངས་ཐག་སོགས་ཀྱང་སྤྱི་དང་མཐུན་པར་ལག་ལེན་ལ་མཛད་དོ། །ཨོཾ་ཨཱཿཧཱུྃ་ཧྲཿཕཊ། ཀྱིས་བསང༌། སྭ་བྷ་ཝས་སྦྱང༌། སྟོང་པའི་ངང་ལས་ཧཾ་ཧཱྃ་ཧིཾ་ཧཱིཾ་ཧྲྀཾ་ཧྲཱྀཾ་ཧུྃ་ཧཱུཾ་ཧླིཾ་ཧླཱིཾ་རྣམས་ཡོངས་སུ་གྱུར་པ་ལས། །དབུས་སུ་ཁུ་བ་དང་རྡུལ་འགགས་པའི་བུམ་པ་གཉིས་དང༌། ཤར་དང་མེར་རྐང་འགགས་པའི་བུམ་པ་གཉིས་དང༌། ལྷོ་དང་བ་དན་བྲལ་དུ་ཁྲག་འགགས་པའི་བུམ་པ་གཉིས་དང༌། བྱང་དང་དབང་ལྡན་དུ་གཅི་བ་འགགས་པའི་བུམ་པ་གཉིས་དང༌། ནུབ་དང་རླུང་དུ་གཤང་བ་འགགས་པའི་བུམ་པ་
― LT24_Page_036B ―
[མ་དཔེ་གཟིགས་ན་འདིར་གནོན།]
གཉིས་ཏེ་བདུད་རྩིའི་བུམ་པ་དཀར་པོ་པདྨ་ལ་གནས་ཤིང་པདྨས་ཁ་བརྒྱན་པ་རྣམས་སུ་གྱུར། རང་གི་སྙིང་གར་ཟླ་བ་སྒྲ་གཅན་གྱི་སྟེང་དུ། ཧཱུྃ་ལས་བྱུང་བའི་རྡོ་རྗེ་ཡོངས་སུ་གྱུར་པ་ལས་དུས་ཀྱི་འཁོར་ལོ་སྣ་ཚོགས་ཡུམ་དང་བཅས་པར་གསལ་བའི་ཡབ་ཀྱི་ཐུགས་ཀར་ཟླ་བ་དང༌། ཡུམ་གྱི་ཐུགས་ཀར་ཉི་མའི་དཀྱིལ་འཁོར་ཏེ། །དེ་དག་ཁ་སྦྱར་བ་ལས་རྡོ་རྗེ་ལྕགས་ཀྱུ་དྲི་མ་མེད་པའི་འོད་ཟེར་འཕྲོ་བ་སྤྲོས་ནས་ཕྱོགས་བཅུའི་སངས་རྒྱས་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་སྤྱན་དྲངས། ཛཿཧཱུྃ་བཾ་ཧོཿ རྡོ་རྗེའི་བདུད་རྩིའི་བུམ་པ་རྣམས་དང་རོ་གཅིག་ཏུ་གྱུར། ཨོཾ་ཧཾ་ཧཱཾ་ཧིཾ་ཧཱིཾ་ཧྲྀཾ་ཧྲཱྀཾ་ཧུཾ་ཧཱུྃ་ཧླྀཾ་ཧླཱྀཾ་བཛྲ་ཨ་མྲྀ་ཏ་སྟ་ཊ་སུ་བི་ཤུདྡྷ་དྷརྨ་དྷཱ་ཏུ་སྭ་བྷཱ་ཝ་སརྦ་དྷརྨཱ་ན་སུ་བི་ཤུདྡྷ་དྷརྨཱ་དྷཱ་ཏུ་སྭ་བྷཱ་ཝཱན་ཀུ་རུ་ཀུ་རུ་སྭཱ་ཧཱ། ཞེས་པ་མང་དུ་བཟླས། ཨོཾ་བཛྲ་གནྡྷཾ་པྲ་ཏཱིཙྪ་ན་མཿ ནས། ཀཱ་མཾ་པྲ་ཏཱིཙྪ་ན་མཿ ཞེས་པའི་བར་མཆོད་པ་བཅུ་གཉིས་འབུལ། །དེ་དག་ནི་བུམ་པ་སྒྲུབ་པའི་ཆོ་གའོ། །དེ་ནས། ལྷག་གནས་ཀྱི་དོན་ཏུ་མཎྜལ་ཕུལ། །སྐྱེ་རྒ་འཆི་བ་ན་ཀྲ་ཡི། །ཆུ་སྲིན་ལ་སོགས་འཇིགས་རུང་བ། །འཁོར་བའི་མཚོ་ལས་བདག་སྒྲོལ་མཛོད། །དགའ་ཆེན་སྟོན་པ་ཁྱོད་གཅིག་པུ། བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་གཞུག་ཏུ་གསོལ། །ཅེས་ལན་གསུམ། །དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རངས། །སངས་རྒྱས་བྱང་ཆུབ་ཡིད་ཀྱིས་བཟུང༌། །ཞེས་པ་ལེན་གསུམ་གྱིས་སྐྱབས་འགྲོ་སེམས་བསྐྱེད་བཟུང༌། །སྲས་བཅས་སངས་རྒྱས་ཐམས་ཅད་དང༌། །དཔའ་བོ་རྣལ་འབྱོར་མ་རྣམས་ཀུན། །ཐམས་ཅད་བདག་ལ་དགོངས་སུ་གསོལ། །རིག་པ་འཛིན་པ་བདག་གིས་ནི། །དུས་ནི་འདི་ནས་བཟུང་ནས་སུ། །ཇི་སྲིད་བྱང་ཆུབ་སྙིང་པོའི་བར། །ཇི་ལྟར་དུས་གསུམ་མགོན་པོ་རྣམས། །
― LT24_Page_037A ―
[མ་དཔེ་གཟིགས་ན་འདིར་གནོན།]
བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང༌། །དགེ་བའི་ཆོས་ནི་སྡུད་པ་དང༌། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་བཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་དེང་ནས་བརྟན་པོར་བཟུང༌། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང༌། །ཡང་དག་ཉིད་དུ་བཟུང་བར་བགྱི། །སློབ་དཔོན་དག་ཀྱང་བཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་བཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་མཆོག །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང༌། །མ་བསྒྲལ་བ་རྣམས་བདག་གིས་བསྒལ། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང༌། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ་གྱིས་རིགས་ལྔའི་སྡོམ་པ་བཟུང༌། ཨོཾ་ཨཱཿཧཱུྃ་ཧོཿཧཾ་ཀྵ་བཛྲ་དན་ཏ་ཀཱཥྛ་ཙ་ཏུ་ར་བི་མོཀྵ་མུ་ཁ་བི་ཤུདྡྷེ་སྭ་བྷཱ་ཝ་ཀཱ་ཡ་ཝཱཀ་ཙིཏྟ་ཛྙཱ་ན་མུ་ཁ་དནྟ་ཨཱ་དཱི་མ་ལཾ་བི་ཤྭོ་དྷ་བི་ཤྭ་དྷ་ཡ་སྭཱ་ཧཱ། རང་གི་དཔྲལ་བར་ཟླ་བའི་དཀྱིལ་འཁོར་ལ་ཨོཾ། མགྲིན་པར་ཉི་མའི་དཀྱིལ་འཁོར་ལ་ཨཱཿ སྙིང་གར་སྒྲ་གཅན་གྱི་དཀྱིལ་འཁོར་ལ་ཧཱུྃ། ལྟེ་བར་དུས་མེའི་དཀྱིལ་འཁོར་ལ་ཧོཿ གཙུག་གཏོར་དུ་ནམ་མཁའི་དཀྱིལ་འཁོར་ལ་ཧཾ། གསང་བར་ཡེ་ཤེས་ཀྱི་དཀྱིལ་འཁོར་ལ་ཀྵ་རྣམས་སུ་གྱུར། ཨོཾ་ཨ་ཨཱ་ཨཾ་ཨཿབཛྲ་ས་
― LT24_Page_037B ―
[མ་དཔེ་གཟིགས་ན་འདིར་གནོན།]
ཏྭ་མ་ཧཱ་སུ་ཁ་ཀཱ་ལ་ཙཀྲ་བཛྲ་ཤིཥྱ་སྱ་ཨཱ་བྷི་མུ་ཁོ་ཏ་བྷ་ཝ་སནྟུ་ཥྚོ་བྷ་ཝ་བ་ར་དེ་བྷ་ཝ་ཀཱ་ཡ་ཝཱ་ཀ་ཙིཏྟ་ཨ་དྷིཥྛ་ནཾ་ཀུ་རུ་ཀུ་རུ་སྭཱ་ཧཱ། ཞེས་ལན་གསུམ་ལ་སོགས་པ་བརྗོད་ཅིང་རོལ་མོའི་སྒྲ་བྱ་སྟེ་རྡོ་རྗེ་སེམས་དཔའ་བསྐུལ་བའོ། །དངོས་གཞི་དཀྱིལ་འཁོར་དུ་འཇུག་པའི་དོན་ཏུ་མཎྜལ་ཕུལ། །མི་བཟད་འཁོར་བས་འཇིགས་པ་བདག་ནི་དེ་རིང་ཉིད་ནས་རྒྱལ་པོ་རྣམས་ལ་སྐྱབས་སུ་ལྷག་པར་མཆི། །ཁྱོད་ཀྱི་ཞབས་ཀྱི་ཆུ་སྐྱེས་ངེས་པར་སྲིད་པའི་འཇིགས་འཕྲོག་དག་ལ་ལུས་ངག་སེམས་ནི་དག་པས་སོ། །ལན་གསུམ། འདོད་པའི་རྡོ་རྗེ་ལ་ནི་རྡོ་རྗེ་དྲིལ་བུ་ཕྱག་རྒྱ་བླ་མ་དག་ཀྱང་སྤྱི་བོར་བཟུང་བར་བགྱི། །རིན་ཆེན་ལ་ནི་སྦྱིན་པ་སྦྱིན་བགྱི་འཁོར་ལོ་འདི་ལ་རྒྱལ་བ་མཆོག་གི་དམ་ཚིག་བསྐྱང་བར་བགྱི། །རལ་གྲི་ལ་ནི་མཆོད་པ་བགྱི་སྟེ་གསལ་བར་ཆུ་སྐྱེས་རིགས་ལ་སྡོམ་པ་དག་ཀྱང་བསྐྱང་བར་བགྱི། །སེམས་ཅན་རྣམས་ནི་ཐར་པའི་སླད་དུ་རྒྱལ་བ་སྐྱེད་མཛད་རིགས་ལ་བྱང་ཆུབ་བདག་གིས་བསྐྱེད་པར་བགྱི། །དཔྲལ་བར་ཟླ་བའི་དཀྱིལ་འཁོར་ལ་ཨོཾ་སོགས་གོང་བཞིན་བཀོད། ཨོཾ་ཨཱཿཧཱུྃ། བདུད་རྩི་མྱང༌། སངས་རྒྱས་དང་བྱང་ཆུབ་སེམས་དཔའ་ཁྲོ་བོའི་དབང་པོ་བཙུན་མོར་བཅས་པ་ཐམས་ཅད་སྤྱན་དྲངས་ཏེ་རང་གི་སྙིང་གར་ཐིམ། ཨོཾ་ཨཱཿར་ར་ར་ར་ལ་ལ་ལ་ལ་བཛྲ་ཨཱ་བེ་ཤ་ཡ་ཧཱུྃ། ཞེས་རོལ་མོའི་སྒྲ་དང་བཅས་ཏེ་ཡེ་ཤེས་དབབ། ཨོཾ་ཨཱཿཧཱུྃ་ཧོཿཧཾ་ཀྵཿ འཚེ་དང་མི་བདེན་གཞན་གྱི་བུད་མེད་སྤང་བྱ་གཞན་གྱི་ནོར་དང་ཆང་གི་བཏུང་བ་དེ་བཞིན་ཉིད། །འཁོར་བར་རྡོ་རྗེའི་ཞགས་པ་དག་སྟེ་རང་གི་དགེ་བ་འཇོམས་བྱད་སྡིག་པ་ལྔ་པོ་འདི་རྣམས་སོ། །གང་ཞིག་གང་གི་དུས་སུ་བྱུང་བའི་ལྷ་དང་མི་ཡི་བླ་མ་དེ་ཡི་མཚན་གྱིས་རབ་སྦྱིན་བྱ། །སྣ་ཚོགས་གཙོ་བོའི་བཀའ་འདིས་སྲིད་པའི་འཇིགས་པ་འཇོམས་པ་དག་སྟེ་ཁྱོད་ཀྱིས་ཀྱང་ནི་བསྐྱང་བར་བྱ། །ཆོ་ལོ་ཁ་ན་མ་ཐོས་ཅས་པའི་ཟས་དང་ཚིག་ངན་ཀློག་དང་འབྱུང་པོ་ལྷ་མིན་དབང་པོའི་ཆོས། །བ་ལང་བྱིས་པ་བུད་མེད་སྐྱེས་པ་རྣམས་དང་ལྷ་མིའི་བླ་མ་གསོད་པ་ལྔ་ནི་མི་བྱའོ། །གྲོགས་པོ་རྗེ་བོ་རྣམས་དང་ལྷ་དང་མི་ཡི་བླ་མ་དགེ་འདུན་ཡིད་བརྟན་རྣམས་ལ་
― LT24_Page_038A ―
[མ་དཔེ་གཟིགས་ན་འདིར་གནོན།]
འཁུ་བ་ཡང༌། །དབང་པོ་རྣམས་ནི་ཀུན་ནས་ཆགས་པ་དག་སྟེ་དེ་ལྟར་སྲིད་པའི་བདག་པོའི་བརྟུལ་ཞུགས་ཉི་ཤུ་ལྔ། །ཞེས་ཚར་གཅིག་བརྗོད། །སྲིད་པའི་འཇིགས་པ་འཇོམས་མཛད་པའི། །བརྟུལ་ཞུགས་ཉི་ཤུ་རྩ་ལྔ་པོ། །སྣ་ཚོགས་གཙོ་བོའི་གསུང་ཇི་བཞིན། །བདག་གིས་བརྟན་པོར་བཟུང་བར་བགྱི། ལན་གསུམ། །ཨོཾ་དྭཱ་ད་ཤ་ཨཾ་ག་ནི་རོ་དྷ་ཀཱ་རི་ཎེ་ཧཱུྃ་ཕཊ། མིག་དར་བཅིང་ཞིང་གོས་སེར་པོ་བགོས་པར་མོས། ཨོཾ་ཨཱཿཧཱུྃ་ཧོཿཧཾ་ཀྵཿ ལན་གཅིག །ཨོཾ་ཨཱཿཧཱུྃ། ལན་བདུན། ཨོཾ་སརྦ་ཏ་ཐཱ་ག་ཏ་ཀུ་ལ་བི་ཤོ་དྷ་ནི་སྭཱ་ཧཱ། ཞེས་མེ་ཏོག་ཕུལ་བར་མོས། ཨོཾ་དེ་བྱཱ་ནེ་ཏྲཱི་ཡཱ་ནྱུ་ཊ་གྷཱ་ཊ་སྭཱ་ཧཱ། ཨོཾ་དི་བྱ་ན་མུ་ད་གྷཱ་ཊ་ཡཱ་མི་སྭཱ་ཧཱ། ཞེས་མིག་དར་ཕྱེ་བས་དཀྱིལ་འཁོར་མཐོང་བར་མོས། །དེ་ནས་མཎྜལ་ཚོམ་བུ་དགུ་མ་ཕུལ། །བདག་གཞན་ལུས་ངག་ཡིད་གསུམ་དུས་གསུམ་དགེ་ཚོགས་བཅས། །རིན་ཆེན་མཎྜལ་ཀུན་བཟང་མཆོད་པའི་ཚོགས་བཅས་པ། །བློ་ཡིས་བླངས་ནས་བླ་མ་དཀྱིལ་འཁོར་ལྷ་ལ་འབུལ། །ཐུགས་རྗེའི་དབང་གིས་བཞེས་ནས་བྱིན་གྱིས་བརླབ་ཏུ་གསོལ། ཅེས་བརྗོད། །རང་གི་སྙིང་ག་ནས་འོད་ཟེར་འཕྲོས། །དབང་གི་ལྷ་འཁོར་དང་བཅས་པ་བཛྲ་ས་མཱ་ཛཿ ཨོཾ་བཛྲ་གནྡྷཾ་ནས་ཀཱ་མ་པྲ་ཏཱིཙྪ་ན་མཿ ཨོཾ་བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་སྐྱེད་བྱེད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཨོཾ་ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །སོགས་ཀྱང་བརྗོད། །སྒྲིབ་པ་ཀུན་སྤངས་དུས་ཀྱི་འཁོར་ལོ་དང༌། །བླ་མ་དབྱེར་མེད་ཡེ་ཤེས་སྐུ་ཁྱོད་ལ། །ཕྱི་ནང་མཆོད་རྫས་བཟང་དགུ་འབུལ་བར་བགྱི། །འཇིག་རྟེན་འཇིག་རྟེན་འདས་པའི་དབང་རབ་སྩོལ། །ཅེས་ལན་གསུམ་གསོལ་བ་གདབ། དུང་ཆོས་ཀྱི་ཆུས་གནས་ལྔར་གཏོར། ཨོཾ་ཨ་ཨི་རྀ་ཨུ་ལྀ་པཉྩ་དྷཱ་ཏུ་བི་ཤོ་དྷ་ནི་སྭཱ་ཧཱ། ཁམས་ལྔ་སྦྱོང་བྱེད་ཡེ་ཤེས་བདུད་རྩི་འདིས། །གནས་ལྔར་དབང་བསྐུར་རང་བཞིན་གཉུག་
― LT24_Page_038B ―
[མ་དཔེ་གཟིགས་ན་འདིར་གནོན།]
མ་ཡི། །གཤེགས་མ་ཡུལ་ལྔའི་དངོས་གྲུབ་མྱུར་རྟོགས་ནས། །འབྲས་བུ་ས་ནི་དང་པོ་ཐོབ་གྱུར་ཅིག །ཨོཾ་ཨ་ཨི་རྀ་ཨུ་ལྀ་པཉྩ་ཏ་ཐཱ་ག་ཏ་པ་རི་ཤུདྡྷ་སྭཱ་ཧཱ། ཕུང་པོ་ལྔ་རྣམས་སྦྱོང་བྱེད་ཅོད་པན་འདིས། །གནས་ལྔར་དབང་བསྐུར་རང་བཞིན་གཉུག་མ་ཡི། །རྒྱལ་བ་རིགས་ལྔའི་དངོས་གྲུབ་མྱུར་རྟོགས་ནས། །འབྲས་བུ་ས་ནི་གཉིས་པ་ཐོབ་གྱུར་ཅིག །ཨོཾ་ཨ་ཨཱ་ཨཾ་ཨཿཧ་ཧཱ་ཧཾ་ཧཿཕྲཻཾ་ཧོ་ད་ཤ་པ་ར་མི་ཏཱ་པ་རི་པཱུ་ར་ཎི་སྭཱ་ཧཱ། རླུང་བཅུ་སྦྱོང་བྱེད་དར་དཔྱངས་ཕྲེང་བ་འདིས། །གནས་ལྔར་དབང་བསྐུར་རང་བཞིན་གཉུག་མ་ཡི། །ནུས་མ་བཅུ་ཡི་དངོས་གྲུབ་མྱུར་རྟོགས་ནས། །འབྲས་བུ་ས་ནི་གསུམ་པ་ཐོབ་གྱུར་ཅིག །ཨོཾ་ཨཱཿཧུཾ་ཧོཿསཱུརྻ་ཙནྡྲ་བི་ཤོ་དྷ་ཀ་སྭཱ་ཧཱ། །རོ་རྐྱང་སྦྱོང་བྱེད་རྡོ་རྗེ་དྲིལ་བུ་འདིས། །གནས་ལྔར༴ གཙོ་བོ་ཡབ་ཡུམ་དངོས་གྲུབ༴ འབྲས་བུ་ས་ནི་བཞི་པ༴ ཨོཾ་ཨ་ཨཱ་ཨཻ་ཨཻ་ཨར་ཨཱར་ཨོ་ཨཽ་ཨ་ལ་ཨཱ་ལ། བི་ཥ་ཡ་ཨིནྡྲ་ཡ་བི་ཤོ་དྷ་ནི་སྭཱ་ཧཱ། དབང་ཡུལ་སྦྱོང་བྱེད་མེ་ཏོག་སིལ་མ་འདིས། །གནས་ལྔར༴ སེམས་དཔའ་ཡབ་ཡུམ་དངོས་གྲུབ༴ འབྲས་བུ་ས་ནི་ལྔ་པ༴ ཨོཾ་ཧ་ཧཱ་ཡ་ཡཱ་ར་རཱ་ཝ་ཝཱ་ལ་ལཱ་ཙ་ཏུ་རྦྭཧྨ་བི་ཧཱ་ར་བི་ཤུདྡྷེ་སྭཱ་ཧཱ། ཀྱཻ་དཔལ་བརྗོད་ཅིང་གསང་བའི་མིང་དྲན་པ་རང་བྱ། ལས་དབང་བྱ་བ་སྦྱོང་བྱེད་གདུ་བུ་འདི། །གནས་ལྔར༴ ཁྲོ་བོ་ཡབ་ཡུམ་དངོས་གྲུབ༴ འབྲས་བུ་ས་ནི་དྲུག་པ༴ ཨོཾ་ཧཾ་ཀྵ་དྷརྨ་ཙཀྲ་པྲ་ཝརྡྷ་ཀ་སྭཱ་ཧཱ། འགྱུར་བདེ་སྦྱོང་བྱེད་ཆོས་ཀྱི་འཁོར་ལོ་འདིས། །གནས་ལྔར༴ རྡོར་སེམས་ཡབ་ཡུམ་དངོས་གྲུབ༴ འབྲས་བུ་ས་ནི་བདུན་པ༴ སླར་ཡང་རང་གི་ལག་ཏུ་རྡོ་རྗེ་དང་དྲིལ་བུ་སྦྱིན་པར་གྱུར། ངེས་པར་རྡོ་རྗེའི་རིགས་དག་ལ་ནི་སྲོག་གཅོད་བྱ་སྟེ་རལ་གྲི་ལ་ཡང་བདེན་པ་མིན་པའི་ཚིག །རིན་ཆེན་ལ་ནི་གཞན་ནོར་དབྲོག་བྱ་མཆོག་གི་པདྨའི་རིགས་ཉིད་ལ་ཡང་གཞན་གྱི་བུད་མེད་དབྲོག །ཆང་དང་སྒྲོན་མ་སངས་རྒྱས་རྣམས་དང་བཟང་པོའི་ཡུལ་རྣམས་མཐའ་དག་འཁོར་ལོ་ལ་ནི་བསྐྱོད་པར་བྱ། །གཡུང་མོ་ལ་སོགས་མཐའ་དག་བུད་མེད་རྣམས་ནི་གྲི་གུག་ལ་ཡང་མཁའ་ཡི་པདྨར་སྨད་མི་བྱ། །སེམས་ཅན་དོན་གྱི་སླད་དུ་ནོར་དང་བཅས་པའི་ལུས་འདི་སྦྱིན་པར་བྱ་སྟེ་ཁྱོད་ཀྱིས་བཟུང་མི་བྱ། །རིགས་ཀྱི་བུ་ཀྱེ་
― LT24_Page_039A ―
[མ་དཔེ་གཟིགས་ན་འདིར་གནོན།]
སངས་རྒྱས་ཉིད་དུ་འགྱུར་བ་གཞན་དུ་མཐའ་ཡས་བསྐལ་པས་མིན་པར་རྒྱལ་བས་གསུངས། །ཞེས་བརྗོད། དེ་ནས་དམ་ཚིག་རྣམས་དྲན་པར་བྱ་སྟེ། གལ་ཏེ་གཡོ་སྒྱུའི་དབང་གིས་རྩ་བའི་ལྟུང་བ་བྱུང་ན་དམྱལ་བར་འགྲོ་སྟེ་འདི་དག་སྡུག་བསྔལ་ལོ། །དཔལ་ལྡན་བླ་མའི་ཐུགས་དཀྲུག་པས་ནི་བུ་རྣམས་ཀྱི་ནི་རྩ་བའི་ལྟུང་བ་རི་བོང་འཛིན་པར་འགྱུར། །དེ་ཡི་བཀའ་ལ་འགོངས་པས་གཞན་ཏུ་འགྱུར་ཏེ་ངེས་པར་དེ་བཞིན་སྤུན་ལ་ཁྲོས་པས་གསུམ་པའོ། །བྱམས་པ་བཏང་བས་བཞི་པར་འགྱུར་ཏེ་བྱང་ཆུབ་སེམས་ནི་རབ་ཏུ་ཉམས་པ་ལས་ཀྱང་མདའ་རུ་འགྱུར། །དྲུག་པ་གྲུབ་པའི་མཐའ་ལ་སྨོད་པ་རི་བོ་དག་ཀྱང་མ་སྨིན་མི་ལ་གསང་བ་སྦྱིན་ལས་སོ། །ཕུང་པོ་ཉོན་མོངས་པ་ལས་གླུ་རུ་འགྱུར་ཏེ་སླར་ཡང་དགུ་པ་དག་པའི་ཆོས་ལ་མ་དད་གང༌། །རྒྱུ་ཡི་བྱམས་པ་དང་ནི་མིང་སོགས་བྲལ་བའི་བདེ་བ་སྟེར་ལ་རྟོག་པ་ཕྱོགས་དང་དྲག་པོའོ། །དག་པའི་སེམས་ཅན་དག་ལ་སྐྱོན་བརྗོད་པ་ལས་ཉི་མ་དམ་ཚིག་ཐོབ་པ་གཏོང་བ་ལས་ཀྱང་གཞན། །བུད་མེད་ཐམས་ཅད་ལ་སྨོད་ངེས་པར་མ་ནུར་འགྱུར་ཏེ་རྡོ་རྗེའི་ཐེག་པར་གནས་པ་རྣམས་ལའོ། །ཞེས་བརྗོད། དབང་གོང་མའི་དོན་ཏུ་གསོལ་བ་འདེབས་པ་ནི། །སྒྲིབ་པ་ཐམས་ཅད་བཅོམ་པ་ཡི། །དུས་ཀྱི་འཁོར་ལོ་ཁྱོད་ལ་འདུད། །མཆོག་ཏུ་མི་འགྱུར་བདེས་གང་བ། །ཡེ་ཤེས་སྐུ་ཁྱོད་ལ་ཕྱག་འཚལ། །སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་ནི་འགྱུར་མེད་གང༌། །དབང་བསྐུར་དེ་ཡིས་བདག་ལ་ནི། །མགོན་པོ་ད་ནི་བཀའ་དྲིན་མཛོད། །བུ་དང་ཆུང་མ་སོགས་བཅས་པ། །བདག་ནི་དུས་ཀུན་ཁྱོད་ཀྱི་འབངས། །ཇི་སྲིད་བྱང་ཆུབ་སྙིང་པོའི་བར། །བདག་ལ་སྐྱབས་གཞན་ཡོད་མ་ཡིན། །ཅེས་དབང་གོང་མ་སྤྱིར་གསོལ་བ་བཏབ། ཨོཾ་ཨོཾ་པྲཛྙཱ་ཨུ་པཱ་ཡཽ་ཀ་ལ་ཤ་ཨ་བྷི་ཥེ་ཀཾ་མེ་ད་དཱ་ཏཱཾ་ཧཱུྃ་ཧཱུྃ་ཕཊ། །སད་པའི་གནས་སྐབས་སྦྱོང་བྱེད་བུམ་དབང་གིས། །དགེ་ཚུལ་རྡོ་རྗེ་འཛིན་པར་དབང་བསྐུར་པས། །སྒྱུ་འཕྲུལ་དྲྭ་བས་མངོན་པར་བྱང་ཆུབ་སྟེ། །འབྲས་བུ་ས་ནི་བརྒྱད་པ་ཐོབ་གྱུར་ཅིག །ཨོཾ་ཨཱཿཔྲཛྙ་ཨུ་པཱ་ཡཽ་གུ་ཧྱ་ཨ་བྷི་ཥེ་ཀཾ་མེ་ད་དཱ་ཏཾ་ཧཱུྃ་ཧཱུྃ་ཕཊ། བདུད་རྩི་བྱང་ཆུབ་ཀྱི་སེམས་མྱོང་ཞིང་གསང་
― LT24_Page_039B ―
[མ་དཔེ་གཟིགས་ན་འདིར་གནོན།]
བའི་དཀྱིལ་འཁོར་མཐོར་བར་གྱུར། རྨི་ལམ་གནས་སྐབས་སྦྱོང་བྱེད་གསང་དབང་གིས། །དགེ་སློང་རྡོ་རྗེ་འཛིན་པར་དབང་བསྐུར་བས། །རྣམ་པ་ཉི་ཤུས་མངོན་པར་བྱང་ཆུབ་སྟེ། །འབྲས་བུ་ས་ནི་དགུ་པ་ཐོབ་པར་ཤོག །ཨོཾ་ཧཱུྃ་པྲཛྙ་ཨུ་པཱ་ཡོ་བཛྲ་ས་ཏྭ་བི་ཤྭ་མཱ་ཏ་རཽ་པྲཛྙ་ཛྙཱ་ན་ཨ་བྷི་ཥེ་ཀཾ་མེ་ད་དཱ་ཏཾ་ཧུཾ་ཧཱུྃ་ཕཊ། ལག་བཅང་དང་གཉིས་སྦྱོར་གྱི་བདེ་བ་འཕོ་མེད་དུ་མྱོང་བར་གྱུར། ཨོཾ་ཛྙཱ་ན་པཱུ་ཛ་ཨ་ནུ་རཀྟོ་སྭ་བྷཱ་ཝ་ཨཱཏྨ་ཀོ྅་ཧཾ། གཉིད་འཐུག་གནས་སྐབས་སྦྱོང་བྱེད་གསུམ་པ་འདིས། །གནས་བརྟན་རྡོ་རྗེ་འཛིན་པར་དབང་བསྐུར་བས། །རྣམ་པ་ལྔ་ཡིས་མངོན་པར་བྱང་ཆུབ་སྟེ། །འབྲས་བུ་ཕྱོགས་དང་དྲག་པོའི་ས་ཐོབ་ཤོག །བཅོམ་ལྡན་འདས་བདག་ལ་དབང་བསྐུར་བའི་རབ་ཏུ་བྱེད་པའི་བཀའ་དྲིན་གནང་བར་མཛད་དུ་གསོལ། ལན་གསུམ། ཆགས་བྲལ་དང་པོ་ཆགས་པ་ཆེ། །ཁ་དོག་སྣ་ཚོགས་འབར་བའི་འོད། །རྡོ་རྗེ་རྫོགས་སངས་རྒྱས་པའི་གནས། །སངས་རྒྱས་བརྗོད་པའི་ཆོས་འཛིན་པ། །རྣམ་པ་ཀུན་ལྡན་རྣམ་པ་མེད། །བཅུ་དྲུག་ཕྱེད་ཕྱེད་ཐིག་ལེ་འཆང༌། །ཆ་མེད་ཆ་ལས་འདས་པ་པོ། །བསམ་གཏན་བཞི་པའི་རྩེ་མོ་འཆང༌། །ཨོཾ་ཧོཿཔྲཛྙ་ཨུ་པཱ་ཡ་ཨཱཏྨ་ཀཾ། བཛྲ་ས་ཏྭ་མ་ཧཱ་མུ་དྲ་ཛྙཱ་ན་ཨ་བྷི་ཥེ་ཀཾ་མེ་པྲ་ཡཙྪ་ཨོཾ་ཨཱཿཧཱུྃ་ཧོཿཕཊ། །དངོས་པོ་མེད་ལ་སྒོམ་པ་མེད། །སྒོམ་པ་སྒོམ་པ་ཉིད་མ་ཡིན། །དེ་ལྟར་དངོས་པོ་དངོས་མེད་པས། །སྒོམ་པ་དམིགས་སུ་མེད་པའོ། །ཆགས་རྟོག་གནས་སྐབས་སྤྱོད་བྱེད་བཞི་པ་འདིས། །སྐྱེ་དགུའི་བདག་པོ་ཆེན་པོར་དབང་བསྐུར་བས། །སྐད་ཅིག་གཅིག་གིས་མངོན་པར་བྱང་ཆུབ་སྟེ། །འབྲས་བུ་ས་ནི་བཅུ་གཉིས་ཐོབ་པར་ཤོག །དེ་ནས་དམ་ཚིག་ཁས་བླང་བ་ནི། །དུས་འདི་ནས་ནི་བཟུང་ནས་སུ། །ཇི་སྲིད་བྱང་ཆུབ་སྙིང་པོའི་བར། །སངས་རྒྱས་དང་ནི་བྱང་ཆུབ་སེམས། །དཔལ་ལྡན་བླ་མ་ཁྱོད་སྤངས་ནས། །བླ་མ་གཞན་དག་རྨི་ལམ་དུའང༌། །སྲོག་དོར་ནས་ནི་བསྟེན་མི་བྱ། །གཞན་ཡང་དེ་བཞིན་དུས་གསུམ་དུ། །གཡོ་སྒྱུ་མེད་པར་ནུས་ཚད་ཀྱིས། །ལུས་ངག་སེམས་དང་གསུམ་པོ་འདི། །གཙོ་བོའི་སྤྱན་སྔར་དབུལ་བར་བགྱི། །དེ་ནས་རྗེས་ནི། གཙོ་བོས་
― LT24_Page_040A ―
[མ་དཔེ་གཟིགས་ན་འདིར་གནོན།]
ཇི་ལྟར་བཀའ་སྩལ་པ། སོགས། བཀའ་དྲིན་གཏོང་རག་གི་ཡོན་ཏུ་མཎྜལ་དང༌། །དེང་ནས་བརྩམ་ཏེ་སོགས་བརྗོད་དེ་དབང་བཅུ་གཅིག་གི་བདག་འཇུག་ཏིང་ངེ་འཛིན་ཙམ་གྱི་སྒོ་ནས་བླང་བའོ། །དེ་ནས་གསུམ་པ་རྣལ་འབྱོར་མ་རིགས་བརྒྱའི་མཆོད་པ་བྱེད་ན་སྐབས་འདིར་བྱ། མི་བྱད་པར་གཏོར་མ་འབུལ་བར་འདོད་ན། གཏོར་མ་བཤམ། ཨོཾ་ཨཱཿཧཱུྃ་ཧྲཿཕཊ་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་ནག་པོ་གཞུའི་དབྱིབས་ཅན་རྒྱལ་མཚན་གྱིས་མཚན་པ། །དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་འབར་བས་མཚན་པ། །དེའི་སྟེང་དུ་ཨ་ལས་མི་མགོའི་སྒྱེད་བུ་གསུམ་ལ་གནས་པའི་ཨོཾ་ཡོངས་སུ་གྱུར་པ་ལས་ཐོད་པ་དུམ་བུ་གཅིག་པ། དེའི་ནང་གི་དབུས་སུ་ཨ་ལས་བྱང་སེམས། ཤར་དུ་ཨི་ལས་རྐང་མྀར། ལྷོར་རྀ་ལས་རཀྟ། བྱང་དུ་ཨུ་ལས་དྲི་ཆུ། ནུབ་ཏུ་ལྀ་ལས་དྲི་ཆེན། རླུང་མཚམས་སུ་ལཱྀ་ལས་གླང་པོ་ཆེའི་ཤ །དབང་ལྡན་ཏུ་ཨཱུ་ལས་བ་གླང་གི་ཤ །བདེན་བྲལ་དུ་རཱྀ་ལས་རྟའི་ཤ །མེ་མཚམས་སུ་ཨཱི་ལས་ཁྱིའི་ཤ །དབུས་ཀྱི་སྟེང་དུ་ཨཱ་ལས་མིའི་ཤ །རླུང་གཡོས་མེ་སྦར་རྫས་རྣམས་ཞུ། །ལག་པ་གཡོན་པའི་མཐིལ་དུ་ཟླ་བ་ལ་གནས་པའི་ཨོཾ་སྐུ་རྡོ་རྗེའི་ངོ་བོ། །དེའི་འོད་ཟེར་གྱིས་མ་དག་པའི་རྫས་རྣམས་སྦྱངས། ཨོཾ་ཨོཾ་བཛྲ་ཙནྡྲ་སརྦ་དྷརྨ་སུ་བི་ཤུདྡྷ་སྭཱ་བྷཱ་ཝ་སརྦ་དྷརྨཱ་ན་བི་ཤོ་དྷ་ཡ་སྭཱ་ཧཱ། ལག་པ་གཡས་པའི་མཐིལ་དུ་ཉི་མ་ལ་གནས་པའི་ཨཱཿགསུང་རྡོ་རྗེའི་ངོ་བོ། །དེའི་འོད་ཟེར་གྱིས་དག་པའི་རྫས་རྣམས་སྤེལ་བར་གྱུར། ཨོཾ་ཨཱཿབཛྲ་སུརྻ་སརྦ་དྷརྨ་པྲ་བོ་དྷ་ཀ་སརྦ་དྷརྨཱ་ན་པྲ་བོ་དྷ་ཡ་སྭཱ་ཧཱ། ལག་པ་གཉིས་ཀ་སྦྱར་བའི་དབུས་སུ་སྒྲ་གཅན་གྱི་དཀྱིལ་འཁོར་ལ་གནས་པའི་ཧཱུྃ་ཐུགས་རྡོ་རྗེའི་ངོ་བོ། །དེའི་འོད་ཀྱིས་རྫས་རྣམས་ཁ་དོག་དྲི་རོ་ནུས་མཐུ་གཟི་བརྗིད་ཕུན་སུམ་ཚོགས་པ་འབར་བར་གྱུར། ཨོཾ་ཧུཾ་བཛྲ་ཨ་ན་ལ་སརྦ་དྷརྨ་པྲ་དཱི་པ་ཀ་སརྦ་དྷརྨཱ་ན་པྲ་དཱི་པ་ཡ་སྭཱ་ཧཱ། མཁའ་ལྡིང་གི་ཕྱག་རྒྱའི་དབུས་སུ་དུས་མེ་ལ་གནས་པའི་ཧོཿཡིག་ཡེ་ཤེས་རྡོ་རྗེའི་ངོ་བོ། དེའི་འོད་ཟེར་གྱིས་ཟག་མེད་ཡེ་ཤེས་མཆོག་གི་བདུད་རྩིར་བྱས་པར་གྱུར།
― LT24_Page_040B ―
[མ་དཔེ་གཟིགས་ན་འདིར་གནོན།]
ཨོཾ་ཧོཿསརྦ་དྷརྨ་བཛྲ་ཨ་མྲྀ་ཏ་ཀ་ར་སརྦ་དྷརྨཱ་ནྲ་བཛྲ་ཨ་མྲྀ་ཏཾ་ཀུ་རུ་ཀུ་རུ་སྭཱ་ཧཱ། བརྗོད་པ་ནི་གཏོར་མ་བྱིན་གྱིས་བརླབ་པའོ། །དེ་ནས་མགྲོན་སྤྱན་དྲངས་པ་ནི། སངས་རྒྱས་ཡབ་ཡུམ་སྲས་དང་བཅས་པ་གཡོག་འཁོར་དང༌། །གྲོགས་བཅས་གཉེན་རྣམས་དག་གིས་བསྐོར་བའི་ཚོགས་ནི། །ལྷ་དང་ལྷ་མོ་དག་གིས་མཉེས་པར་བྱེད་རྣམས་དང༌། །མཆོག་གི་རྡོ་རྗེ་སེམས་དཔའ་དག་ནི་གཤེགས་སུ་གསོལ། །འཇིག་རྟེན་དང་འཇིག་རྟེན་ལས་འདས་པའི་ལྷ་ཚོགས་ཐམས་ཅད་མདུན་གྱི་ནམ་མཁར་བཞུགས་པར་གྱུར། ཨོཾ་ཧ་ཧ་ཧི་ཧཱི་བཛྲ་བྷཻ་ར་ཝ། ཨཱ་ཀརྵ་ཡ་ཨཱ་ཀརྵ་ཡ། པྲ་བེ་ཤ་ཡ་པྲ་བེ་ཤ་ཡ། བནྡྷ་ཡ་བནྡྷ་ཡ། ཏོ་ཥ་ཡ་ཏོ་ཥ་ཡ། ཛཿཧཱུྃ་བཾ་ཧོཿ བཛྲ་ཌཱ་ཀི་ནཱི་ཧྲི་ད་ཡཾ་ཧུཾ་ཧཱུྃ་ཕེཾ་ཕེཾ་ཕཊ། ཅེས་པས་མཁའ་འགྲོ་མ་རྣམས་སྤྱན་དྲངས། ཨོཾ་བཛྲ་གནྡྷཾ་ནས་ཀཱ་མཾ་གྱི་བར་བརྗོད། ཨོཾ་ཨཱཿཧཱུྃ་ཧོཿ ཤྲཱི་ཀཱ་ལ་ཙཀྲ་བྷཻ་ར་ཝ་བྷཱི་ཀ་ར་ཡ། ས་པ་རེ་ཝཱ་རེ་བྷྱེཿ ཨི་དཾ་བ་ལིཾ། གནྡྷཾ། པུཥྤཾ། དྷཱུ་པཾ། དཱི་པ། ཨ་ཀྵ་ཏཾ། ད་དྭ་མ་ཏེ་ཏེ་ཙ་ཨཱ་ག་ཏྱ་ས་པ་རི་ཝཱ་ར་ཤཱི་གྷྲཾ། ཨི་དཾ་བ་ལིཾ་གྲྀ་ཧྞནྟུ། ཁཱ་དནྟུ། པི་བནྟུ། ཛཿཧཱུྃ་བཾ་ཧོཿ སཾ་ཏྲྀཔྟཱཿ སརྦ་ས་ཏྭཱ་ནཱཾ། ཤཱནྟིཾ། པུཥྚིཾ། རཀྵཾ། ཨཱ་པ་ར་ཎ་གུཔྟིཾ་ཀུརྦནྟུ་ཧུཾ་ཧཱུྃ་ཕཊ། བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། རྡོ་རྗེ་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ ཨུཥྞཱི་ཥ། སུམྦྷ་ནི་སུམྦྷ། བིགྷྣ་ཨནྟ་ཀ །ནཱི་ལ་དཎྜ། པྲ་ཛྙཱ་ཨཱནྟ་ཀ ཊཱཀྐི་རཱ་ཛ། པདྨ་ཨཱནྟ་ཀ །ཨ་ཙ་ལ། ཡ་མ་ཨནྟ་ཀ །མ་ཧཱ་བ་ལེ་བྷྱཿ གྲི་གུག་གི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ ཨཱ་ཀ་ཤཱ། བཱ་ཡུ། ཧེ་ཛཿ ཨུ་ད་ཀ །པྲྀ་ཐཱི། སཱ་དྷི་ཏེ་བྷྱཿ རལ་གྲིའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ པྲཧྨ། བིཥྚུ། ནཻ་རྀར་ཏྱ། ཝཱ་ཡུ། ཡ་མ། ཨགྣི། ས་མུ་དྲ། ཨཱི་ཤྭ་ར། ཨིནྡྲ། ཡཀྵེ་བྷྱཿ རིན་པོ་ཆེའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ རཱ་ཧུ། ཀཱ་ལ་ཨགྣི། ཙནྡྲ། སཱུརྻ། བུདྷ། མཾ་ག་ལ། ཤུ་ཀྲ། བྲྀ་ཧ་སྤ་ཏི། ཀེ་ཏུ། ཤ་ནི་བྷྱཿ པདྨའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ ཛ་ཡ། བི་ཛ་ཡ། པདྨ། ཀརྐོ་ཊ་ཀ །ཝཱ་སུ་ཀི། ཤཾ་ཁ་པཱ་ལ། ཀུ་ལི་ཀ །ཨ་ནནྟ། ཏཀྵ་ཀ །མ་ཧཱ་པདྨེ་བྷྱཿ འཁོར་ལོའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ བེ་ཏཱ་ཌ། བི་ཀྲྀ་ཏ་མུ་ཁ།
― LT24_Page_041A ―
[མ་དཔེ་གཟིགས་ན་འདིར་གནོན།]
ཤྭཱ། ཀཱ་ཀ །སཱུ་ཀ་ར། གྲྀ་དྷ། བྱཱ་གྷྲ། ཨཱུ་ལུ་ཀ །ཛམྦུ་ཀ །ག་རུ་ཌ་མུ་ཁེ་བྷྱཿ ཞེས་པ་རྣམས་ཀྱིས་མཐར། ས་པ་རི་ཝཱ་རེ་བྷྱཿ ཨི་དཱཾ་བ་ལིཾ། གནྡྷཾ། པུཥྤཾ། དྷཱུ་པཾ། དཱི་པཾ། ཨཱཀྵ་ཏཾ། ད་དཱ་མ་ཧེ། ཏེ་ཙ་ཨཱ་ག་ཏྱ་ས་པ་རི་ཝཱ་ར། ཤྲཱི་གྷྲཾ། ཨི་དཾ་བ་ལིཾ་གྲྀ་ཧྞཱནྟུ། ཁཱ་དནྟུ། པི་ཝནྟུ། ཛཿཧཱུྃ་བཾ་ཧོཿ སཾ་ཏྲྀ་པྟཱ། སརྦ་ས་ཏྭ་ནཱཾ། ཤཱནྟིཾ། པུཥྚིཾ། རཀྵཾ། ཨཱ་ཝ་ར་ཎ་གུཔྟིཾ་ཀུརྦནྟུ་ཧཱུྃ་ཧཱུྃ་ཕཊ། བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། ཕྱི་མཆོད་ནི། བཛྲ་བྷཻ་ར་ཝ་བྷཱི་ཀ་ར་ཡ། ས་པ་རི་ཝཱ་རེ་བྷྱཿ བཛྲ་གནྡྷཾ་པྲ་ཏཱིཙྪ་ན་མཿ བཛྲ་པུཥྤཾ་པྲ་ཏཱིཙྪ་ན་མཿ བཛྲ་དྷུ་པཾ། བཛྲ་དཱི་པཾ༴ བཛྲ་ནཻ་བི་དྱཾ༴ བཛྲ་ཨཀྵ་ཏཾ༴ བཛྲ་ལཱ་སྱཾ༴ བཛྲ་ཧཱ་སྱཾ༴ བཛྲ་ཝཱ་དྱཾ༴ བཛྲ་ནྲྀ་ཏྱཾ༴ བཛྲ་གཱི་ཏཾ་པྲ་ཏཱིཙྪ་ན་མཿ བཛྲ་ཀཱ་མཾ་པྲ་ཏཱི་ཙྪ་ན་མཿ ནང་མཆོད་ནི། ཨོཾ་བཛྲ་བྷཻ་ར་ཝ། ཧ་ཡ་ར་ཝ་ལ། ད་ཉ་ཎ་མ་ན། གྷ་ཛྷ་ཌྷ་བྷ་དྷ། ག་ཛ་ཌ་བ་ད། ཁ་ཚ་ཋ་ཕ་ཐ། ཀ་ཙ་ཊ་པ་ཏ། ཨོཾ་ཨཱཿཧཱུྃ། བསྟོད་པ་ནི། རྡོ་རྗེ་འཇིགས་བྱེད་འཇིགས་པར་བྱེད། །དཔའ་བོ་གདུལ་དཀའ་འདུལ་བ་པོ། །དུས་ཀྱི་འཁོར་ལོ་ཐོད་པ་ཅན། །ཁམས་གསུམ་རྣམ་རྒྱལ་ལ་ཕྱག་འཚལ། །རྗེ་བོ་སྣ་ཚོགས་རྡོ་རྗེ་འཛིན། །ཁྲོ་བོའི་རྒྱལ་པོ་རྣམས་ཀྱི་གཙོ། །དུས་མཐའི་སྤྲིན་མཚུངས་ཧེ་རུ་ཀ །རྡོ་རྗེ་ཤུགས་ལ་ཕྱག་འཚལ་ལོ། །འདོད་དོན་གསོལ་བ་ནི། །སྡེ་དྲུག་སྲུང་མ་དྲུག་ཅུ་འཁོར་བཅས་ལ། །མཆོད་གཏོར་འདི་དང་དི་དང་མེ་ཏོག་དང༌། །བདུག་སྤོས་སྣང་གསལ་མ་ཉམས་བདག་འབུལ་གྱིས། །དེ་རྣམས་འཁོར་དང་བཅས་པ་ཚུར་བྱོན་ལ། །གཏོར་མ་འདི་དག་ལེན་ཅིང་གསོལ་བ་དང༌། །བཏུང་བར་མཛད་དེ་ཤིན་ཏུ་མཉེས་པ་ཡིས། །འགྲོ་ལ་ཞི་རྒྱས་སྲུང་སྐྱོབ་སྦ་བ་རྣམས། །རྡོ་རྗེ་འཛིན་པའི་བཀའ་བཞིན་མཛད་དུ་གསོལ། །ཀླུ་དང་འབྱུང་པོས་ལུས་ཀྱི་ཁམས་སྲུང་ཞིང༌། །གཟའ་དང་ཕྱོགས་སྐྱོང་དག་གི་ཁམས་སྲུང་སྟེ། །ཟད་པར་ཁྲོ་བོས་སེམས་ཀྱི་ཁམས་སྲུང་ཞིང༌། །ཁམས་དྲུག་ལྡན་པས་ཁམས་ཀུན་རབ་སྲུང་ནས། །འཁོར་ལོ་དྲུག་ཏུ་རླུང་སེམས་རབ་འཆིང་སྟེ། །རྒྱལ་བ་རིགས་དྲུག་གོ་འཕང་མྱུར་ཐོབ་
― LT24_Page_041B ―
[མ་དཔེ་གཟིགས་ན་འདིར་གནོན།]
ཤོག །བར་འདིར་ཆོས་སྐྱོང་ཡེ་ཤེས་པ་རྣམས་ལ་སོ་སོའི་གཏོར་ཆོག་ལྟར་གཏོར་མ་འབུལ། །ཨོཾ་ཨཱཿཧཱུྃ་ཧོཿ བཛྲ་ཌ་ཀི་ནཱི་བྷྱཿ ཨི་དཾ་བ་ལིཾ། གནྡྷཾ། པུཥྤཾ། དྷཱུ་པཾ། པྲ་དཱི་པཾ། ཨཱཀྵ་ཏཾ། ད་དཱ་མ་ཧེ། ས་པ་རི་ཝཱ་ར། ཤྲཱི་གྷྲཾ། ཨཱ་གཙྪ་ཏུ། ཛཿཧཱུྃ་བཾ་ཧོཿ ཨི་དཾ་བ་ལིཾ་གྲྀ་ཧྞ་ཏུ། ཁཱ་ད་དུ། པི་ཝ་ཏུ། ས་པ་རི་ཝཱ་ར་ཀ །སརྦ་ས་ཏྭཱ་ནཱཾ། ཤཱནྟི། པུཥྚིཾ། རཀྵཾ་ཨཱ་ཝར་ཎ། གུཔྟིཾ། ཀ་རོ་ཏུ། ཨི་དཾ་སྠཱ་ན། ཏྱཀྟཱ་བཱ་ཧྱ་མཎྜལ་བྷཱུ་མྱཱཾ་ཏིཥྛནྟུ་ཧཱུྃ་ཧཱུྃ་ཕཊ། བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། ཞེས་རྡོ་རྗེ་མཁའ་འགྲོ་མ་རྣམས་ལ་གཏོར་མ་འབུལ། གཞི་བདག་གཏོར་མ་ནི། འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་བཅས་ཏེ། ཨོཾ་ཨཱཿཧཱུྃ། ཡུལ་གྱི་བདག་པོ་ས་པ་རི་ཝཱ་རཱ་ཡ། ཨི་དཾ་བ་ལི། གནྡྷཾ། པུཥྚིཾ། དྷཱུ་པཾ། པྲ་དཱི་པཾ། ཨ་ཀྵ་ཏཾ། ད་དཱ་མ་ཧེ། ས་པ་རི་ཝཱ་ར། ཤཱི་གྷྲཾ། ཨཱ་གཙྪ་ཏུ། ཛཿཧཱུྃ་བཾ་ཧོཿ ཨི་དཾ་བ་ལིཾ། གྲྀ་ཧྞ་ཏུ། ཁཱ་ད་ཏུ། པི་བ་ཏུ། ས་པ་རི་ཝཱ་ར་ཀ །སརྦ་ས་ཏྭ་ནཱཾ། ཤཱནྟི། པུཥྚིཾ། རཀྵ་ཨཱ་ཝ་ར་ཎ། གུཔྟིཾ། ཀ་རོ་ཏུ། ཨི་དཾ་སྠཱ་ནཾ། ཏྱཀྟཱ། བཱ་དྱ་མཎྜལ་བྷཱ་མྱཱཾ་བྷམྱཱཾ་ཏི་ཥྛནྟ་ཧཱུྃ་ཧཱུྃ་ཕཊ། བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། ཁྱིའི་ཕྱག་རྒྱ་བཅས་ལ། ཨོཾ་ཨཱཿཧཱུྃ། གྲོང་གི་བདག་པོ་ཨཱ་གཙྪ་ཨ་གཙྪ། ཤཱི་གྷྲཾ། ཨི་དཾ་བ་ལིཾ། གྲྀ་ཧྞ་གྲྀ་ཧྞ། བྡུཀྟ། པིཏྭཱ་ཏྲྀ་པ་ཏི་ཀྲྀ་ཏྭཱ་སརྦ་ས་ཏྭཱ་ནཱཾ། ཤཱནྟིཾ། ཙིཏྟཾ། ཀྲྀ་ཏྭཱ། ཨ་པ་ར་སྠཱ་ནཾ་གཙྪ་གཙྪ་སྭཱ་ཧཱ། སྤྱི་གཏོར་ནི། ཨོཾ་ཕེ་བཛྲ་ཨཱ་རལླི་ཧོཿ སོགས་ནས། མཆོད་པ་བཅུ་གཉིས། མི་བསྐྱོད་རྡོ་རྗེ་སོགས། ཡིད་ལ་འདོད་པ་ཀུན་འགྲུབ་མཛོད། ཀྱིས་ཕྲིན་ལས་གཞོལ་བའི་བར་བྱས་ལ། །སྟེང་ན་བྱང་ཆུབ་སེམས་དཔའ་གང་དག་བདུད་ཀྱི་ཕྱོགས་གནས་ལྷ་མ་ཡིན་རྣམས་མཆོག་ཏུ་འཇིགས་བྱེད་དང༌། །མི་ཡི་འཇིག་རྟེན་དག་ན་ཕྱོགས་དང་ཕྱོགས་བྲལ་དུ་གནས་ཁྲོ་བོའི་རྒྱལ་པོ་བཙུན་མོར་བཅས་རྣམས་དང༌། །ས་འོག་དག་ན་གདེངས་ཅན་དབང་པོ་གར་དག་གདོན་ཚོགས་མི་དགེ་དུས་ཀུན་ཏུ་ནི་འཆིང་བྱེད་པ། །དེ་རྣམས་ཐམས་ཅད་ཉིན་ཞག་སོ་སོའི་དུས་སུ་མི་ཤིས་འཇིག་རྟེན་ཀུན་ནས་སྐྱོང་བར་བྱེད་གྱུར་ཅིག །ཅེས་ཤིས་པ་བརྗོད། ཡིག་བརྒྱའི་མཐར་བཟོད་གསོལ་གཤེགས་གསོལ་རྣམས་སྤྱི་དང་འདྲ་བ་ལས། གསང་བར་ཧཾ་ཡིག་ལ་ཁྲོ་བོའི་འཁོར་ལོ་
― LT24_Page_042A ―
[མ་དཔེ་གཟིགས་ན་འདིར་གནོན།]
རྣམས་གཤེགས་སུ་གསོལ། །གཙུག་ཏོར་དུ་ཨཾ་ཡིག་ལ་ཟད་པར་གྱི་འཁོར་ལོ་རྣམས༴ དཔྲལ་བར་ཨྃ་ཡིག་ལ་ཕྱོགས་སྐྱོང་གི་འཁོར་ལོ་རྣམས༴ མགྲིན་པར་རྀ་ཡིག་ལ་གཟའི་འཁོར་ལོ་རྣམས༴ སྙིང་གར་ཨུ་ཡིག་ལ་ཀླུའི་འཁོར་ལོ་རྣམས་གཤེགས་སུ་གསོལ། ལྟེ་བར་ལྀ་ཡིག་ལ་འབྱུང་པོའི་འཁོར་ལོ་རྣམས་གཤེགས་སུ་གསོལ། །ཅེས་གཏོར་ཆོག་བྱས་ལ། འཁོར་ལོའི་མཆོད་པ་སོགས་བྱེད་ནའང་སྐབས་འདིར་བྱེད་པ་ཡིན་ཏེ། དེ་དག་གི་མཐར་རྗེས་ཆོག་བྱའོ། །གལ་ཏེ་རྣལ་འབྱོར་མ་རིགས་བརྒྱའི་མཆོད་པ་བྱེད་ན། སྡེ་དྲུག་གི་གཏོར་ཆོག་ཀྱང་དེའི་ཞོར་ལ་སྦྱར་ཏེ་ཆབ་གཅིག་ཏུ་གྲུབ་པར་བྱས་ན་ལེགས་སོ། །རྣལ་འབྱོར་མ་སུམ་ཅུ་རྩ་བདུན་མཆོད་པ་དང༌། རྣལ་འབྱོར་མ་དྲུག་ཅུ་རྩ་བཞི་མཆོད་པ་ཡང་མཆོད་ཆོག་མི་འདྲ་བ་རེ་རེ་ཡིན་པའི་ཕྱིར། སྡེ་དྲུག་དང་སོ་བདུན་དང་དྲུག་ཅུ་རྩ་བཞི་རྣམས་གཅིག་གི་ཡན་ལག་ཏུ་གཅིག་ཤོས་ངེས་པར་སྦྱར་དགོས་པ་ནི་མ་ཡིན་ནོ། །འོན་ཀྱང་རྣལ་འབྱོར་མ་སོ་བདུན་དང་དྲུག་ཅུ་རྩ་བཞི་གཉིས་ཀ་དུས་མཉམ་དུ་མཆོད་པ་ལ་རྣལ་འབྱོར་མ་རིགས་བརྒྱ་མཆོད་པ་ཅེས་གྲགས་ཤིང༌། །མཆོད་ཆོག་ལོགས་པ་གཅིག་ཏུ་འགྱུར་ལ། སྡེ་དྲུག་གི་གཏོར་ཆོག་ནི། རྣལ་འབྱོར་མ་མཆོད་པའི་ཡན་ལག་མིན་ཀྱང་མཎྜལ་སྒྲུབ་མཆོད་ཀྱི་ཆ་ལག་ཏུ་ངེས་པར་དགོས་པའི་ཕྱིར་དང༌། རིགས་བརྒྱ་དང་ལྷན་ཅིག་ཏུ་མཆོད་ན་ཐབས་ཤེས་ཀྱི་ལྷ་ཆ་ཚང་ཞིང་ཕྲིན་ལས་མཐའ་དག་སྒྲུབ་པ་ལ་སྟོབས་ཆེ་བར་འགྱུར་བས་ཀྱང་ཤིན་ཏུ་ལེགས་པ་ཁོ་ནའོ། །དེ་ལ་རྣལ་འབྱོར་མ་སུམ་ཅུ་རྩ་བདུན་ནམ་རིགས་བརྒྱའི་དཀྱིལ་འཁོར་རས་བྲིས་ལ་སོགས་པ་ཡོད་ན་དགྲམ། གལ་ཏེ་མེད་ན་མཎྜལ་ཟླུམ་སྐོར་ལྔ་ལ་འདྲི་བའམ། མཎྜལ་གཅིག་ལ་ལྷ་སུམ་ཅུ་རྩ་བདུན་ཐོད་པ་བཞི་དང་བཅས་པའི་ཚོམ་བུ་བཀོད། དེའི་ཕྱི་རོལ་ཕྱོགས་མཚམས་བརྒྱད་དུ་ཚོམ་བུ་དགུ་པ་རེ་རེ་འགོད་པའམ། འབྲུ་བརྡལ་བའི་མཎྜལ་ཟླུམ་པོ་རེ་ལ་ཚོམ་བུ་རེ་རེ་འགོད། རིགས་སུམ་ཅུ་རྩ་བདུན་ནམ་རིགས་བརྒྱའི་ཙ་ཀ་ལི་ཡོད་ན་ལེགས་པར་དགྲམ། ཡང་ཕྱི་མ་འདི་མཎྜལ་ལོགས་པ་ལ་བཀོད་དེ་མཎྜལ་གཉིས་བྱས་ཀྱང་རུང༌། དེའི་ཚེ་དེ་ལ་དབུས་སུ་ཆོས་འབྱུང་འདྲི་བའམ། ཚོམ་བུ་ཆེ་བ་རེ་འགོད་དོ། །སྤྱིར་རིགས་བརྒྱའི་འགོད་ཚུལ་ལ་དཀྱིལ་འཁོར་གཉིས་སུ་བྱས་ནས་གཅིག་ལ་སོ་བདུན་དང་གཅིག་ཤོས་ལ་དབུས་སུ་དུས་ཀྱི་འཁོར་ལོའམ་རྡོ་རྗེ་སེམས་དཔའ། །ཕྱོགས་མཚམས་བརྒྱད་དུ་གསུང་དཀྱིལ་
― LT24_Page_042B ―
[མ་དཔེ་གཟིགས་ན་འདིར་གནོན།]
བཞིན་མ་མོ་བརྒྱད་ཡབ་དང་བཅས་པ་དང༌། །རྣལ་འབྱོར་མ་དྲུག་ཅུ་རྩ་བཞི་འགོད་པའི་ལུགས་ཀྱང་ཡོད་ལ། ཡང་ལུགས་གཅིག་ལ་གཞལ་ཡས་ཁང་སྒོ་རྐྱང་གཅིག་གི་སྒོའི་ནང་ཚུན་ཆད་དུ་རྣལ་འབྱོར་མ་སོ་བདུན་དང༌། ཁོར་ཡུག་ལ་རྣལ་འབྱོར་མ་དྲུག་ཅུ་རྩ་བཞི་འགོད་པའི་ལུགས་ཀྱང་སྣང་བ་དང༌། །ཡང་སོ་བདུན་གྱི་དཀྱིལ་འཁོར་ཉིད་ལ་གསུང་འཁོར་གྱི་མ་མོ་བརྒྱད་ཀྱི་མཐའ་བསྐོར་དུ་བརྒྱད་པ་བརྒྱད་ཀྱིས་བསྐོར་བ་བྱེད་པའི་ལུགས་ཀྱང་ཡོད་པ་དེ་རྣམས་ཀྱང་མི་རུང་བ་ནི་མ་ཡིན་ལ། འོན་ཀྱང་འདིར་འོག་ནས་འཆད་པ་ལྟར་གཞལ་ཡས་ཁང་ཕྱི་ནང་རིམ་པ་གཉིས་བྱེད་པ་དང་ལག་ལེན་ལ་ཁྱེར་བདེ་བས་བྱ་ལ། འདི་ལྟར་གྱི་ཚེ་རྣལ་འབྱོར་མ་བརྒྱད་ཚར་གཉིས་སྒོམ་དགོས་ཀྱང་ངོ་བོ་གཅིག་པས་རིགས་བརྒྱའི་གྲངས་དང་མི་འགལ་ལ། ཐབས་ལྷ་ཆེན་བརྒྱད་ཞོར་བྱུང་ཡིན་ཏེ། དུར་ཁྲོད་གནས་པའི་ལྷ་དང་འདྲའོ། །དེས་ན་གསུང་འཁོར་གྱི་རྩིབས་རེ་རེ་ལ་ལྷ་དགུ་དགུ་འགོད་པ་དེ་རས་བྲིས་སམ་ཚོམ་བུ་འགོད་པ་ལ་ལག་ལེན་ཅུང་མི་བདེ་བར་འོང་ཡང་མི་རུང་བ་ནི་མ་ཡིན་ནོ། །དེས་ན་ལུགས་དེ་དག་གང་མོས་པ་ཞིག་བྱ་བ་ཡིན་པས་མཎྜལ་གྱི་ཚོམ་བུ་འགོད་ཚུལ་ཡང་དེ་དང་དེ་ལས་དཔགས་ཏེ་ཤེས་པར་བྱའོ། །གཏོར་མ་བསྡུ་ན་སྤུངས་གཏོར་གཅིག་གིས་ཆོག་པ་སོགས་ཡོད་ཀྱང་རིགས་སུམ་ཅུ་རྩ་བདུན་ལ་ཕྱོགས་ཀྱི་དབྱེ་བས་བཅུ་གཅིག་ཟླུམ་གཏོར་མཐེབ་ཀྱུ་ཅན་དུ་བྱེད་ཅིང༌། རྣལ་འབྱོར་མ་དྲུག་ཅུ་རྩ་བཞི་ལ་སྣོད་བརྒྱད་དུ་ཟན་རིལ་སྤུངས་པ་རྣམས་བཤམས། དམ་རྫས་རྣམས་དངོས་སུ་བསྲེ་རྒྱུ་ཡོད་ན་རབ། མེད་ན་གཟུགས་བརྙན་དང་མིང་ཡིག་ཙམ་གྱིས་ཀྱང་བརྒྱན་པར་བྱ་བ་ཡིན་མོད་ཀྱི། དེ་ཡང་མ་གྲུབ་ན་ཡིད་ཀྱི་མོས་པ་ཙམ་གྱིས་ཀྱང་མི་རུང་བ་མ་ཡིན་ནོ། །དེ་དག་གིས་མཐའ་བསྐོར་རམ་མདུན་དུ་མཆོད་པ་རྒྱ་ཆེར་བཤམས་ཤིང༌། དབུས་སུ་ཤིང་ཕོར། ཤར་སོགས་ཕྱོགས་བཞིར་ཉ་ཕྱིས་བེ་ཏ་ཐོད་པ་རྫ་ཕོར་རྣམས་མཆོད་ཡོན་ཕྱི་སྣོད་དང༌། དེའི་རིམ་པས་མི་ལྤགས། ཁྱི་ལྤགས། རྟ་ལྤགས། བ་ལང་གི་པགས་པ། གླང་ཆེན་གྱི་པགས་པ་རྣམས་ཀྱི་སྡེར་བཟའ་བཅའི་སྣོད་དུ་བྱ་བར་གསུངས་པ་ལྟར་དངོས་སམ་གཟུགས་བརྙན་ཇི་ལྟར་འབྱོར་པ་བཤམས་སླར་ཡང་གོང་དུ་བཤད་པ་ལྟར་མཆོད་པ་བྱིན་གྱིས་བརླབ། གཏོར་མ་ལ་ཨོཾ་ཨཱཿཧཱུྃ་ཧྲིཿཕཊ་ཀྱིས་བསང་བ་ནས། ཨ་མྲྀ་ཏ་ཀུ་རུ་ཀུ་རུ་སྭཱ་ཧཱའི་བར་གྱི་བྱིན་རླབས་ཐམས་ཅད་ཐུན་མོང་དུ་བྱ། སངས་རྒྱས་ཡབ་ཡུམ་ཅེས་པ་ནས། རྡོ་རྗེ་འཛིན་པའི་བཀའ་བཞིན་མཛད་དུ་གསོལ། ཞེས་པ་ཡན་ཆད་ཀྱིས་
― LT24_Page_043A ―
[མ་དཔེ་གཟིགས་ན་འདིར་གནོན།]
གཙོ་བོ་དུས་ཀྱི་འཁོར་ལོ་སྡེ་དྲུག་དང་བཅས་པ་ལ་གཏོར་མ་ཕུལ། དེ་ནས་མཎྜལ་བསང་སྦྱང༌། སྟོང་པའི་ངང་ལས་་ྷྐྵྨླྺྼྻཾ་གི་ཡི་གེ་ཡོངས་སུ་གྱུར་པ་ལས་འབྱུང་བཞི་རི་རབ་བརྩེགས་པའི་སྟེང་དུ་རྡོ་རྗེའི་ས་གཞིའི་སྟེང་རྡོ་རྗེའི་གུར་གྱི་ནང་དུ། གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པ། ཕྱི་ནང་རིམ་པ་གཉིས་ལྷ་སྣམ་ཕྱོགས་ཀྱི་མདོག་ཅན་དུ་གནས་པ། ནང་གི་ལྷ་སྣམ་གྱི་དབུས་སུ་སྐུའི་འཁོར་ལོ་དཀར་པོ་རྩིབས་བརྒྱད་པ། དེའི་ནང་དུ་གསུང་གི་འཁོར་ལོ་དམར་པོ་རྩིབས་བརྒྱད་པ། དེའི་ནང་དུ་ཐུགས་ཀྱི་འཁོར་ལོ་ནག་པོ་རྩིབས་བརྒྱད་པ། དེའི་ལྟེ་བར་བདེ་བ་ཆེན་པོའི་འཁོར་ལོ་པདྨ་ལྗང་ཁུ་འདབ་མ་བརྒྱད་པ་སྟེ། དེ་ལྟར་འཁོར་ལོ་ལྔ་ནི་སྣ་ཚོགས་རྡོ་རྗེ་དང༌། པདྨ་དང༌། རལ་གྲི་དང༌། གྲི་གུག་གི་ཕྲེང་བས་རིམ་པ་བཞིན་དུ་བསྐོར་བའོ། །བདེ་ཆེན་འཁོར་ལོའི་པདྨར་བཞུགས་པ་ནི། །ལྟེ་བར་མི་ལྤགས་གདན་ལ་གཡུང་མོ་སྟེ། །ཤར་དུ་ཁྱི་ཡི་པགས་པར་དམངས་རིགས་མོ། །ལྷོ་ཕྱོགས་རྟ་ཡི་པགས་པར་རྒྱལ་རིགས་མ། །བྱང་དུ་བ་ལང་ལྤགས་པར་བྲམ་ཟེ་མོ། །ནུབ་ཏུ་གླང་ཆེན་ལྤགས་པར་རྗེ་རིགས་མོ། །མཚམས་ཀྱི་འདབ་མ་བཞི་ལ་སྣོད་བཞི་སྟེ། །མེ་རུ་རྐང་དང་བདེན་བྲལ་ཁྲག་གི་སྣོད། །དབང་ལྡན་དྲི་ཆུ་རླུང་དུ་བཤང་བ་སྟེ། །ཟླ་བ་ལྟར་དཀར་ཐོད་པ་བདུད་རྩིས་གང༌། །ཐུགས་འཁོར་ཤར་དུ་ལུག་ལྤགས་འཁར་བ་མཁན། །ལྷོ་རུ་སྦྱང་ལྤགས་འོད་མའི་གར་མཁན་མ། །བྱང་དུ་རྔ་མོའི་ལྤགས་པར་ནོར་བུ་མཁན། །ནུབ་ཕྱོགས་འདམ་སེང་ལྤགས་པར་ཕྲེང་མཁན་མོ། །ཤར་ལྷོར་ར་ལྤགས་གདན་ལ་ཐགས་མཁན་མ། །ལྷོ་ནུབ་རི་དྭགས་ལྤགས་པར་ཆང་འཚོང་མ། །བྱང་ཤར་བོང་བུའི་པགས་པར་གསེར་མགར་མོ། །ནུབ་བྱང་ཕག་གི་པགས་པར་ཕྲེང་བརྒྱུད་མཁན། །དེ་ཡི་ཕྱི་རོལ་གསུང་འཁོར་ཤར་ཕྱོགས་སུ། །ཆུ་སྲིན་པིར་གྱི་པགས་པར་ཤ་འཚོང་མ། །ལྷོ་ཡི་རྩིབས་ལ་སྦལ་པ་ཀརྐ་ཊའི། །རུས་པའི་གདན་ལ་ཁུར་པ་མཁན་མོ་དང༌། །བྱང་རྩིབས་རུས་སྦལ་ཁོག་པར་གར་མཁན་མ། །ནུབ་རྩིབས་མགར་ར་ལ་ཚེ་མ་བུམ། བསྲེག་ཟང་
― LT24_Page_043B ―
[མ་དཔེ་གཟིགས་ན་འདིར་གནོན།]
མགྲོན་བུའི་ཕུང་པོར་རྫ་མཁན་མ། །སྲིན་པོར་ཉ་སྐམ་ཕུང་པོར་སྨད་འཚོང་མ། །དབང་ལྡན་དུང་དཀར་སྟེང་དུ་ཚོགས་མཁན་མ། །རླུང་ཕྱོགས་སྦལ་པའི་པགས་པར་ཉ་པ་མོ། །ཕྱི་རོལ་སྐུ་འཁོར་དབང་པོའི་ཕྱོགས་རྩིབས་སུ། །བསྲེ་ཡི་པགས་པའི་གདན་ལ་ལྕགས་མགར་མོ། །ལྷོ་རུ་རྒྱ་སྐྱེགས་མཁན་མོ་སྟག་ལྤགས་ལ། །སྲེ་མོང་པགས་པར་ཏིལ་བརྡུང་བྱང་དུའོ། །སྲིན་བལ་མཁན་མོ་ནུབ་ཏུ་དོམ་ལྤགས་ལ། །ཤར་ལྷོར་འབྲི་ཡི་ལྤགས་པར་སྨྱིག་མ་མཁན། །ལྷོ་ནུབ་ལྕེ་སྦྱང་ལྤགས་པར་ཤིང་བཟོ་མ། །འབྱུང་པོར་བྱི་ལའི་པགས་པར་འདྲེག་མཁན་མོ། །རླུང་མཚམས་སྲམ་གྱི་པགས་པར་ཀོ་ལྤགས་མཁན། །ཕྱི་རོལ་ནམ་མཁའི་འཁོར་ལོའི་ཤར་སྒོ་རུ། །གོ་དའི་པགས་པར་ཀླ་ཀློ་ཨོཾ་འི་མ། །ལྷོ་སྒོ་བྱི་བའི་པགས་པར་ཕྱག་དར་མཁན། །བྱང་སྒོ་སྤྲེའུའི་པགས་པར་སྟག་གཟིག་མོ། །ནུབ་སྒོ་སཱ་ལི་ཛཱ་ཏ་ཀ་ཞེས་བྱའི། །པགས་པའི་གདན་ལ་གཏུམ་མོ་གདོལ་པ་མོ། །མེ་མཚམས་རི་བོང་ལྤགས་པར་སྨྱོན་ཐབས་མོ། །སྲིན་མཚམས་བྱི་དུར་ལྤགས་པར་རོ་སྲེག་མ། །དབང་ལྡན་རྩངས་པའི་པགས་པར་རི་ཁྲོད་མ། །ནུབ་བྱང་ཕྱོགས་སུ་ཨཱི་ཤུ་ཀ་པ་ཤུའི། །པགས་པར་བྷི་ལ་ལི་མོ་རྣམས་འཁོད་པར་གྱུར། །ཐམས་ཅད་ལང་ཚོ་ལྡན་པའི་བུད་མེད་ཚུལ། །རང་རང་ལས་ཀྱི་མཐའ་ལ་གནས་པར་སྟོན། སླར་ཡང་བསང་སྦྱང༌། །རིགས་སུམ་ཅུ་རྩ་དྲུག་གི་ཕོ་ཉ་མོ་དེ་རྣམས་སྟོང་པ་ཉིད་དུ་གྱུར། །སྟོང་པའི་ངང་ལས་དབུས་སུ་ཨ་དང་རྡོ་རྗེ་ལས་རྡོ་རྗེ་དབྱིངས་ཀྱི་དབང་ཕྱུག་མ། རྩ་བའི་ཞལ་དང་སྐུ་མདོག་ལྗང་ཁུ། གཡས་ཞལ་དམར་ཞིང་གཡོན་ཞལ་དཀར་བ། ཕྱག་གཡས་པ་གསུམ་གྱིས་རྡོ་རྗེ་གྲི་གུག་དགྲ་སྟྭ། གཡོན་པ་གསུམ་གྱིས་རྡོ་རྗེ་དྲིལ་བུ་ཐོད་པ་ཚངས་པའི་མགོ་བོ་གདོང་བཞི་པ་འཛིན་པ། ཐབས་བཅོམ་ལྡན་འདས་དཔལ་དུས་ཀྱི་འཁོར་ལོའི་རང་བཞིན་མི་བསྐྱོད་པ་སྔོན་པོས་འཁྱུད་པའོ། །བདེ་ཆེན་འཁོར་ལོའི་འདབ་མ་བརྒྱད་པོ་རྣམས་ལ་ནི། །ཨི་དང་རལ་གྲི་ལས་བྱུང་སྒྲོལ་མ་ནག་མོ་ཤར། །རྀ་དང་རིན་ཆེན་ལས་བྱུང་གོས་དཀར་དམར་མོ་ལྷོ། །ཨུ་དང་པདྨ་ལས་
― LT24_Page_044A ―
[མ་དཔེ་གཟིགས་ན་འདིར་གནོན།]
སྐྱེས་བདག་མ་དཀར་མོ་བྱང༌། །ལྀ་དང་འཁོར་ལོ་ལས་སྐྱེས་སྤྱན་མ་སེར་མོ་ནུབ། གོས་དཀར་མོ་མེའི་མདའ་ལས་བསྐྱེད་པར་ཡང་བཤད་པས་ཅི་བདེ་བར་བྱའོ། །མཚམས་བཞིར་ཧཱི་ཧྲཱྀ་ཧཱུྃ་ཧླཱཾ་རྣམས་ལས་བྱུང་བའི་ཐོད་པ་བཞིའོ། །ཐུགས་ཀྱི་འཁོར་ལོའི་རྩིབས་ལ་གནས་པའི་ལྷ་མོ་ནི། །ཨཱ་ཡིག་རྒྱུད་མང་ལས་བྱུང་ཤར་ཕྱོགས་སྒྲ་ཡི་རྡོ་རྗེ་སྔོ། །ཧཱཿཡིག་རྡོ་རྗེ་ལས་བྱུང་གཤིན་སྔོན་མཐོན་མཐིང་ལྷོ། །ཨཾ་ཡིག་ཆོས་འབྱུང་ལས་བྱུང་ཆོས་ཁམས་ལྗང་ཁུ་བྱང༌། །ཧཾ་ཡིག་ཏོག་རྩེ་ལས་སྐྱེས་དྲག་སྤྱན་ལྗང་ཁུ་ནུབ། །ཨཻ་ཡིག་དར་གོས་ལས་སྐྱེས་རེག་མ་ནག་མོ་མེ། །ཨཱ་རུ་ཡིག་ཆད་སྣོད་ལས་སྐྱེས་རོ་འོད་མའི་དབྱུག །མ་དམར་མོ་སྲིན། །ཨཽ་ཡིག་མེ་ལོང་ལས་སྐྱེས་གཟུགས་མ་དཀར་མོ་དབང༌། །ཨ་ཝ་ཡིག་འཁོར་ལོ་ལས་སྐྱེས་དྲི་མ་སེར་མོ་རླུང༌། །དེ་ལྟར་གཙོ་འཁོར་བཅུ་གསུམ་ནི་པདྨའི་སྐྱིལ་ཀྲུང་གིས་བཞུགས་པའོ། །གསུང་འཁོར་རྩིབས་ལ་གནས་པའི་རྣལ་འབྱོར་མ་རྣམས་ནི། །ཤར་དུ་ཧ་དང་གྲི་གུག་ཙར་ཙི་ཀཱ་ནག་མོ། །ལྷོ་ཕྱོགས་ཧཿདང་གཅུ་གཟར་ཕག་མོ་མེ་ཏོག་ཕྲེང་དམར་མོ་སྟེ། །བྱང་ཕྱོགས་ཧཾ་དང་རྩེ་གསུམ་དྲག་མོ་དཀར་མོའོ། །ནུབ་ཕྱོགས་ཧཱཾ་དང་ཁབ་ལས་དབང་མོ་སེར་བའི་མདངས། །ཤར་ལྷོར་ཀྵ་དང་བུམ་པ་ཁྱབ་འཇུག་མོ་ནི་གནག །བདེན་བྲལ་ཀྵཿདང་གོས་སེར་དམར་མོ་གཞོན་ནུ་མ། དབང་ལྡན་ཀྵཾ་དང་རྡོ་ལེབ་དཔལ་མོ་ཟླ་བའི་མདངས། །རླུང་མཚམས་ཀྵ་དང་ཉ་ལས་ཚངས་མ་གསེར་གྱི་འོད། །མ་མོ་བརྒྱད་པོ་འདི་རྣམས་ནི་ས་གའི་སྟབས་ཀྱིས་བཞུགས་པའོ། །སྐུ་འཁོར་རྩིབས་ལ་བཞུགས་པའི་ཁྲོ་མོ་བརྒྱད་པོ་ནི། །དཀར་མིན་ཡཿལས་ཆུ་གྲི་བརྩོན་གྲུས་མ་ནི་ཤར། །རབ་དམར་རཿལས་ཆོས་སྣོད་རྨུགས་བྱེད་དམར་མོ་ལྷོ། །རབ་དཀར་ཝཿལས་ཀུ་ཤ་ཁེངས་བྱེད་མ་ནི་བྱང༌། །གསེར་འོད་ལཿལས་དར་སྲིན་རེངས་བྱེད་མ་ནི་ནུབ། །ཡཱ་དང་སྨྱུག་གདུགས་ལས་སྐྱེས་ལྕགས་སྒྲོག་མ་ནི་ནག །རཱ་དང་ཤིང་ལྷམ་ལས་སྐྱེས་ཁྲོ་གཉེར་ཅན་མ་དམར། །ཝཱ་དང་སྤུ་གྲི་
― LT24_Page_044B ―
[མ་དཔེ་གཟིགས་ན་འདིར་གནོན།]
ལས་སྐྱེས་སྐུལ་བྱེད་མ་ནི་དཀར། །ལཱ་དང་མཐིལ་ལྷྭམ་ལས་སྐྱེད་འོད་ཟེར་ཅན་མ་སེར། །དེ་རྣམས་མེ་སྲིན་འབྱུང་པོ་གཡོ་བའི་ཕྱོགས་ལ་གནས། །ཐམས་ཅད་ཀྱང་གཡོན་བརྐྱང་གི་སྟབས་ཀྱིས་བཞུགས་པའོ། །སྒོ་མཚམས་རྣམས་སུ་ྐྑྒྒྷྔ་ྐྵྻྼྺླ་ྷྻྼྺླ་ྈྐྴྵཉྤྶ་ྙྫྷྫྪྩ་ྞྜྷྜྛྚ་ྨྦྷྦྥྤ་ྣྡྷྡྠྟ་རྣམས་ཡོངས་སུ་གྱུར་པ་ལས། །བ་ལང་ར་ལས་ཤར་སྒོར་ཁྱི་གདོང་མ་ནི་གནག །རྫ་ཕོར་ལས་སྐྱེས་ལྷོ་སྒོར་ཕག་གདོང་མ་ནི་དམར། །འཕང་ལས་སྐྱེས་པ་བྱང་སྒོར་སྟག་གདོང་མ་ནི་དཀར། །ནུབ་སྒོར་པི་ཝཾ་ལས་སྐྱེས་ཅེ་སྤྱང་གདོང་མ་སེར། །གསལ་ཤིང་ལས་སྐྱེས་ཤར་ལྷོར་ཁྭ་གདོང་མིག་སྨན་མདོག །ཀིན་ན་རི་ལས་ལྷོ་ནུབ་བྱ་རྒོད་གདོང་མ་དམར། །རྨ་བྱའི་སྒྲོ་ལས་བྱང་ཤར་འུག་གདོང་ཆུ་ཤེལ་མཚུངས། །ཤིང་མདའ་ལས་འཁྲུངས་ནུབ་བྱང་མཁའ་ལྡིང་གདོང་མ་སེར། །དེ་རྣམས་ནི་ཟླུམ་པོའི་སྟབས་ཀྱིས་བཞུགས་པའོ། །འཁོར་འདི་རྣམས་ཀྱི་ཕྱག་མཚན་སྐུ་གསུང་ཐུགས་ཡོངས་རྫོགས་ཀྱི་དཀྱིལ་འཁོར་ལས་བཤད་པ་ལྟར་སྒོམ་པའམ། བསྡུ་ན་ཞལ་གཅིག་ཕྱག་གཉིས་གྲི་གུག་དང་ཐོད་པ་འཛིན་པ་ཁོ་ནར་བྱས་ཀྱང་ཆོག་གོ །གཞལ་ཡས་ཁང་ཕྱི་མའི་ནང་གི་ལྷ་སྣམ་ལ་སླར་ཡང་མ་མོ་བརྒྱད་ཐབས་དང་བཅས་པ་རྣལ་འབྱོར་མ་དྲུག་ཅུ་རྩ་བཞིས་བསྐོར་བ་སྐད་ཅིག་གིས་གྲུབ་པར་གྱུར་པ་ནི། ཕྱོགས་དང་མཚམས་སུ་ཆུ་སྐྱེས་དམར་དང་དཀར་པོ་ལ་གནས་རྣལ་འབྱོར་མ། ཞེས་པ་ནས། བར་བུས་མཆན་ལ་ཕྱག་འཚལ་ལོ། །ཅེས་པའི་བར་བསྟོད་ཆེན་ལས་འབྱུང་བ་ལྟར་ངག་ཏུ་བརྗོད་ཅིང་ཡིད་ལ་ཡང་བསམ་མོ། །སྤྲོས་པ་ལ་དགའ་ན་འདི་རྣམས་ཀྱང་ས་བོན་ཕྱག་མཚན་ལས་བསྐྱེད་ཅིང༌། རིགས་བརྒྱའི་རྣལ་འབྱོར་མ་ཐམས་ཅད་ལ་ཡེ་ཤེས་སྤྱན་འདྲེན་གནས་གསུམ་བྱིན་རླབས་དབང་བསྐུར་རྒྱས་གདབ་རིགས་བདག་སོ་སོའི་བར་དུ་མཐའ་རྒྱས་སུ་བྱ་ལ། མདོར་བསྡུ་ན་རང་གི་སྙིང་ག་ནས་འོད་ཟེར་འཕྲོས། །རང་བཞིན་གྱི་གནས་ནས་སངས་རྒྱས་བྱང་ཆུབ་སེམས་དཔའ་ཐམས་ཅད་རྣལ་འབྱོར་མ་རིགས་བརྒྱའི་རྣམ་པར་ཨོཾ་བཛྲ་ས་མཱ་ཛཿ ཨོཾ་བཛྲ་གནྡྷཾ་སོགས་མཆོད་པ་བཅུ་གཉིས་ཀྱིས་མཆོད། ཧཱུྃ་བཾ་ཧོཿཧི་གཉིས་སུ་མེད་པར་ཐིམ།
― LT24_Page_045A ―
[མ་དཔེ་གཟིགས་ན་འདིར་གནོན།]
ཁམས་གསུམ་དབང་ཕྱུག་བཅོམ་ལྡན་འདས། །རིགས་བརྒྱ་རྣལ་འབྱོར་མ་ཚོགས་བཅས། །རྣམ་དག་རྡོ་རྗེ་དྲི་མཆོག་འདི། །ཅེས་སོགས་འདོན་པ་སྤོས་ལ་མཆོད་པ་བཅུ་གཉིས་ཀྱིས་མཆོད། ཨོཾ་ཨ་ཨཱ་ཨི་ཨཱི་རྀ་རཱྀ་ཨུ་ཨཱུ་ལྀ་ལཱྀ་སྭཱ་ཧཱ། ཨོཾ་ཨཱཿཧཱུྃ། ཨོཾ་ཨཱཿཧ་ཨཿཧཾ་ཨཻ་ཨཱ་རུཨཽ་ཨཱ་ལྲ་སྭཱ་ཧཱ། ཨོཾ་ཧ་ཧཿཧཾ་ཧཱ་ཀྵ་ཀྵཿཀྵཾ་ཀྵཱ་སྭཱ་ཧཱ། ྐྑྒྒྷྔ་ྐྵྻྼྺླ་ྷྻྼྺླ་ྈྐྴྵཉྤྶ་ྙྫྷྫྪྩ་ྞྜྷྜྛྚ་ྨྦྷྦྥྤ་ྣྡྷྡྠྟ་སྭཱ་ཧཱ། ཨོཾ་ཡཿརཿཝཿལཿཡ་ར་ཝ་ལ་སྭཱ་ཧཱ། ཨོཾ་ཨཱཿཧཱུྃ། ཨོཾ་ཧི་ཧཱི་ཡ་ཡི་ཡརྀ་ཡུ་ཡལྀ་ཡཾ་སྭཱ་ཧཱ། ཨོཾ་ཀྵི་ཀྵཱི་ཡཱ་ཡཱི་ཡརཱྀ་ཡཱུ་ཡལཱྀ་ཡཿསྭཱ་ཧཱ། ཨོཾ་ཧྲྀ་ཧྲཱྀ་ར་རི་རརྀ་རུ་རླྀ་རཾ་སྭཱ་ཧཱ། ཨོཾ་ཀྵྼྀ་ཀྵྼྀ་རཱ་རཱི་རླཱྀ་རླུ་རླཱྀ་རཿསྭཱ་ཧཱ། ཨོཾ་ཧུ་ཧཱུ་ཝ་ཝི་ཝརྀ་ཝུ་ཝཱྀ་ཝྀ་སྭཱ་ཧཱ། ཨོཾ་ཀྵུ་ཀྵཱུ་ཝཱ་ཝཱི་ཝརཱྀ་ཝཱུ་ཝལྀ་ཝཿསྭཱ་ཧཱ། ཨོཾ་ཧླྀ་ཧླྀ་ལ་ལི་ལརྀ་ལུ་ལླི་ལཾ་སྭཱ་ཧཱ། ཨོཾ་ཀྵླྀ་ཀྵླྀ་ལཱ་ལི་ལརཱྀ་ལཱུ་ལླཱི་ལཿསྭཱ་ཧཱ། ཨོཾ་ཨཱཿཧཱུྃ། དེ་ལྟར་སྔགས་ཚན་བཅུ་གསུམ་པོ་རེ་རེའི་མཐར་འབྲུ་གསུམ་སྦྱར་བའི་ལན་གསུམ་གྱིས་ནང་མཆོད་ཕུལ། །དེ་ནས་སྟོང་ཉིད་སྙིང་རྗེའི་སོགས་དང༌། ཕྲ་རབ་རྡུལ་གྱི་སོགས་སྔོན་དུ་འགྲོ་བས། གང་གི་ཞབས་ནི་དྲན་པས་ཀྱང༌། །འཇིགས་པ་བཅུ་དྲུག་ལས་ཐར་མཛད། །རྫུ་འཕྲུལ་དངོས་གྲུབ་སྩོལ་མཛད་པ། །རྣལ་འབྱོར་མ་ཚོགས་རྣམས་ལ་འདུད། །དེ་བཞིན་གཤེགས་ཡུམ་རྣམ་པ་ལྔ། །བདུད་རྩིའི་སྣོད་དང་བཅས་རྣམས་དང༌། །རྡོ་རྗེ་མ་དྲུག་ཁྲོ་བོ་གཉིས། །ཐུགས་ཀྱི་འཁོར་ལོ་ལ་གནས་དང༌། །འཆི་མེད་ན་ཆུང་མ་མོ་བརྒྱད། །གསུང་གི་འཁོར་ལོ་མཆོག་ལ་གནས། །སྐུ་ཡི་འཁོར་ལོ་བདེ་བ་ཆེ། །ཁྲོ་མོ་བརྒྱད་པོ་ཡང་དག་རོལ། །རབ་གཏུམ་ཆེན་མོ་འཇིགས་རུང་རྣམས། །སྒོ་མཚམས་དུར་ཁྲོད་འཁོར་ལོར་གནས། །བརྒྱད་པ་བརྒྱད་ཀྱི་རིགས་བྱུང་རྣམས། །འཇིག་རྟེན་འཕེལ་ཟད་ལས་ལ་བརྩོན། །དངོས་གྲུབ་སྩོལ་བའི་གཏོང་གྲོགས་མཛོད། །རིགས་བརྒྱ་རྣལ་འབྱོར་གཙོ་མོ་རྣམས། །བྱེ་བ་བགྲང་ཡས་ཚད་མེད་པའི། །རྣལ་འབྱོར་མ་ཚོགས་རྣམས་ལ་བསྟོད། །གང་ལ་ཐོག་མཐའ་དབུས་མེད་སོགས་ཡེ་ཤེས་ལྔའི་བསྟོད་པ་གོང་བཞིན་གྱི་མཐར་རོལ་མོའི་སྒྲ་བྱའོ། །དེ་ནས་གཏོར་མ་འབུལ་བ་ནི། ཨོཾ་ཨཱཿཧཱུྃ་ཧོཿ
― LT24_Page_045B ―
[མ་དཔེ་གཟིགས་ན་འདིར་གནོན།]
ཞེས་ལན་མང་དུ་བརྗོད་པ་བྱིན་རླབས་ཁ་གསོས་ནས། ཨོཾ་ཨ་ཨཱ་ཨི་ཨཱི་རྀ་རཱྀ་ཨུ་ཨཱུ་ལྀ་ལཱྀ་སྭཱ་ཧཱ། ཅེས་པའི་མཐར་ཨོཾ་ཨཱཿཧཱུྃ་ཧོཿཅེས་སོགས་སྡེ་དྲུག་གི་གཏོར་སྔགས་བཏགས་ཏེ་ཕུལ་ཀྱང་རུང་མོད། འོན་ཀྱང་མཁའ་འགྲོ་མ་སྤྱི་གཏོར་སྔགས་ཉིད་སྦྱོར་བ་ལེགས་པས། དེ་ཉིད་བོད་སྐད་དུ་སྦྱར་ན་ནོར་སོ་ཆུང་བས་འདི་སྐད་ཅེས་བྱ་སྟེ། ཨོཾ་ཨཱཿཧཱུྃ། རྡོ་རྗེ་མཁའ་འགྲོ་མ་རྣམས་འཁོར་བཅས་རྣམས། །འདི་སྟེ་གཏོར་མ་དྲི་དང་མེ་ཏོག་དང༌། །བདུག་སྤོས་སྒྲོན་མེ་མ་ཉམས་བདག་འབུལ་གྱི། །འཁོར་དང་བཅས་པ་མྱུར་དུ་ཚུར་བྱོན་ལ། །ཛཿཧཱུྃ་བཾ་ཧོཿའདིར་ནི་གཏོར་མ་ཟུང༌། །བཟའ་བར་མཛོད་ལ་བཏུང་བར་མཛད་དུ་གསོལ། །འཁོར་དང་བཅས་པས་སེམས་ཅན་རྣམས་ལ་ནི། །ཞི་རྒྱས་སྲུང་སྐྱོབ་སྦ་བར་མཛད་དུ་གསོལ། །རང་གནས་བཞུགས་ལ་ཕྱི་རོལ་དཀྱིལ་འཁོར་གྱི། །ས་ལ་གནས་པར་མཛོད་ཅིག་ཧཱུྃ་ཧཱུྃ་ཕཊ། རྡོ་རྗེ་འཛིན་པའི་བཀའ་བཞིན་མཛོད་སྭཱ་ཧཱ། །ཞེས་བཏགས་པས་གཏོར་མ་འབུལ། །དེ་བཞིན་དུ་སྔགས་ཚན་གཞན་རྣམས་རེ་རེའི་མཐར་ཡང་གཏོར་སྔགས་དེ་ཉིད་སྦྱར་བས་འབུལ་ཏེ། ཨོཾ་ཀྵླྀ་ཀྵླཱྀ་ལཱ་ལཱི་ལརཱྀ་ལཱུ་ལླཱྀ་ལཿསྭཱ་ཧཱ། ཨོཾ་ཨཱཿཧཱུྃ། རྡོ་རྗེ་མཁའ་འགྲོ་མ་རྣམས་ཞེས་པ་ནས། བཀའ་བཞིན་མཛོད་སྭཱ་ཧཱའི་བར་སྦྱར་བའོ། །དེ་ནས་སྡེ་དྲུག་ནང་ཚན་ཕྱོགས་སྐྱོང་གི་གཏོར་མ་དང༌། །རྣལ་འབྱོར་མའི་གཏོར་མ་རྣམས་སྔར་ཕྱོགས་ཕྱོགས་སུ་བཤམས་ཡོད་ན་ཕྱོགས་ཀྱི་རིམས་པ་དང་མཐུན་པར་བྱེད་དགོས་པས། །ཤར་གྱི་གཏོར་མ་གཉིས་པོ་དེ་གཏོང་དགོས་པ་ཡིན་ལ། །གཏོར་མ་གྲལ་བསྒྲིགས་སུ་བཤམས་ཡོད་ན་ཟླུམ་གཏོར་བཅུ་གཅིག་གི་གྲལ་འགོ་མ་དེ་བཞག་པའི་དེའི་འོག་ནས་གྲལ་རིམ་དུ་བྱེད་དགོས་པས་གྲལ་འགོ་མའི་འཁྲིས་ཀྱི་ཟླུམ་གཏོར་དེ་དང༌། སྤུངས་གཏོར་བརྒྱད་ཀྱི་ཐོག་མ་གཅིག་སྟེ། དེ་རྣམས་གཏོར་བྲལ་ནས་བླངས་ཤར་ཕྱོགས་ཀྱི་སྟེགས་བུའི་སྟེང་དུ་བཞག་ལ། སླར་ཡང་ཆབ་ཀྱིས་བྲན་ནས་འདི་སྐད་ཅེས་གྱེར་རོ། །ཤར་ཕྱོགས་ལྷ་མོ་སྒྲོལ་མ་འཁོར་བཅས་ལ། །ཁྱི་ཤ་ཁུག་རྟའི་ཤ་དང་ཤ་ཁམས་ཀྱི། །གཏོར་མ་འདི་འབུལ་རླུང་གི་བར་ཆད་སོལ། །བསད་བསྐྲད་དབྱེ་བའི་ལས་ཀུན་གྲུབ་པར་མཛོད། །ཙ་མུཎྜ་ལ་ཀུམྦྷིར་ཁྲུང་ཁྲུང་ཤ །རྣག་དང་བཅས་པའི་གཏོར་མ་འདི་འབུལ་གྱི། །མ་མོའི་
― LT24_Page_046A ―
[མ་དཔེ་གཟིགས་ན་འདིར་གནོན།]
གདོན་འཇོམས་རིམས་ནད་ཞི་བར་མཛོད། །ཤར་ཕྱོགས་འགྲོ་རྣམས་ནད་མེད་དགེ་བར་སྩོལ། །ཤིན་ཏུ་སྟོབས་མར་བསེ་དང་ཧོར་པའི་ཤ །རྐང་དང་བཅས་པའི་གཏོར་མ་འདི་འབུལ་གྱི། །ཤར་གྱི་ཕྱོགས་ཀྱི་བགེགས་ཀུན་ཞི་བར་མཛོད། །སྡང་དང་གདུག་ཅན་ཐམས་ཅད་ཚར་ཆོད་ཅིག །ཁྱི་གདོང་མ་ལ་གོ་དྷ་མིག་སྔོན་ཤ །སྣ་ཡི་དྲི་མར་བཅས་པའི་གཏོར་མ་འབུལ། །ཤར་གྱི་ཕྱོགས་ནས་ཕྲིན་ལས་ཀུན་སྒྲུབས་ཤིག །ལོངས་སྤྱོད་སྩོལ་ཞིང་དབང་བསྒྱུར་དངོས་གྲུབ་སྩོལ། །ཤར་ཕྱོགས་རྒྱུ་བའི་རྣལ་འབྱོར་མ་བརྒྱད་ལ། །སོ་བཞི་སེན་མོ་གསུམ་དང་ཐོད་དུམ་གཅིག །དམ་རྫས་བཅས་པའི་གཏོར་མ་འདི་འབུལ་བས། །བགེགས་རྣམས་ཉམས་ཤིང་འདོད་དོན་གྲུབ་པར་མཛོད། །ཕྱོགས་སྐྱོང་བཅུ་པོ་འཁོར་དང་བཅས་རྣམས་ལ། །མཆོད་གཏོར་འདི་དང་དྲི་དང་མེ་ཏོག་དང༌། ཅེས་པ་ནས། རྡོ་རྗེ་འཛིན་པའི་བཀའ་བཞིན་མཛད་དུ་གསོལ། །རོལ་མོའི་སྒྲ་དང་བཅས་ཏེ་གཏོར་མ་དེ་རྣམས་ཕྱི་རོལ་ཏུ་བཏང་ངོ༌། །ཡང་དེའི་རྗེས་ཀྱི་འཕྲོ་ལས་རྣལ་འབྱོར་མའི་ཟླུམ་གཏོར་གཅིག་དང་སྤུངས་གཏོར་གཅིག་ཤར་ལྷོར་སྟེགས་བུའི་སྟེང་དུ་བཤམས་ལ་འདི་སྐད་ཅེས་གྱེར་རོ། །ཤར་ལྷོ་རེག་བྱ་རྡོ་རྗེ་འཁོར་བཅས་ལ། །ར་ཤ་ངུར་བའི་ཤ་དང་བཤང་ལམ་བཅས། །གཏོར་མ་འདི་འབུལ་རེག་བྱའི་བར་ཆད་སོལ། །འགྲོ་ལ་རེག་མཆོག་སྟེར་བའི་ཕྲིན་ལས་མཛོད། །ཁྱབ་འཇུག་མ་ལ་མགྲོན་བུ་ཁུ་བྱུག་བཅས། །བད་ཀན་བཅས་པའི་གཏོར་མ་འདི་འབུལ་གྱི། །མ་མོའི་གདོན་དང་རིམས་ནད་ཞི་བར་མཛོད། །ཤར་ལྷོའི་འགྲོ་རྣམས་ནད་མེད་དགེ་བར་སྩོལ། །ལྕགས་སྒྲོག་མ་ལ་འབྲི་དང་འོལ་པའི་ཤ །མཆིན་པར་བཅས་པའི་གཏོར་མ་འདི་འབུལ་གྱི། །ཤར་ལྷོ་ཕྱོགས་ཀྱི་བགེགས་ཀུན་ཞི་བར་མཛོད། །སྡང་དང་གདུག་ཅན་ཐམས་ཅད་ཚར་ཆོད་ཅིག །ཁྭ་གདོང་མ་ལ་རི་བོང་ནེ་ཙོའི་ཤ །བཤང་སྒོའི་དྲི་མར་བཅས་པའི་གཏོར་མ་འབུལ། །ཤར་ལྷོའི་ཕྱོགས་ནས་ཕྲིན་ལས་ཀུན་སྒྲུབས་ཤིག །ལོངས་སྤྱོད་འཕེལ་དང་དབང་བསྒྱུར་དངོས་གྲུབ་སྩོལ། །མེ་མཚམས་རྒྱུ་བའི་རྣལ་འབྱོར་མ་བརྒྱད་ལ། །སེན་
― LT24_Page_046B ―
[མ་དཔེ་གཟིགས་ན་འདིར་གནོན།]
མོ་གཉིས་དང་སོ་བཞི་ཐོད་དུམ་གཉིས། །དམ་རྫས་བཅས་པའི་གཏོར་མ་འདི་འབུལ་བས། །བགེགས་རྣམས་ཉམས་ཤིང་འདོད་དོན་གྲུབ་པར་མཛོད། །མཚམས་རྣམས་སུ་སྲུང་མ་དྲུག་ཅུའི་གཏོར་མ་གཏོང་བ་མེད་པས་སྐབས་འདིར་རོལ་མོའི་སྒྲ་དང་བཅས་ཏེ་གཏོར་མ་ཕྱི་རོལ་ཏུ་དོར། ཕྱོགས་གཞན་གསུམ་དང་ཕྱོགས་མཚམས་གསུམ་ལའང་རིགས་འགྲེ་སྟེ། རྣལ་འབྱོར་མའི་གཏོར་མ་གཉིས་དང་གཟའི་གཏོར་མ་ལྷོ་ཕྱོགས་སུ་བཏེག །ལྷོ་ཕྱོགས་ལྷ་མོ་གོས་དཀར་འཁོར་བཅས་ལ། །རྟ་ཤ་སྔགས་ཅན་ཤ་དང་ཁྲག་ཁམས་ཀྱི། །གཏོར་མ་འདི་འབུལ་མེ་ཡི་བར་ཆད༴ དབང་དགུག་བསྐྱོད་པའི་ལས༴ ཕག་མོར་ཀརྐ་ཊ་དང་སྲིན་བྱའི་ཤ །ལུས་སྐྱེས་ཕྲར་བཅས་གཏོར་མ༴ མ་མོའི༴ ལྷོ་ཕྱོགས་འགྲོ་རྣམས༴ རྨུགས་བྱེད་མ་ལ་སྟག་དང་བྱ་རོག་ཤ །རྒྱུ་མང་བཅས་པའི་གཏོར་མ༴ ལྷོ་ཡི་ཕྱོགས་ཀྱི༴ སྡང་དང་༴ ཕག་གདོང་མ་ལ་བྱི་བ་ཙ་ཀོར་ཤ །རྣ་བའི་དྲི་མར་བཅས་པའི༴ ལྷོ་ཡི་ཕྱོགས་ནས༴ ལོངས་སྤྱོད༴ ལྷོ་ཕྱོགས་རྒྱུ་བའི་རྣལ་འབྱོར་མ༴ སོ་བཞི༴ དམ་རྫས༴ བགེགས་རྣམས༴ གཟའ་མཆོག་བཅུ་པོ་འཁོར་དང་བཅས༴ མཆོད་གཏོར་འདི་དང་༴ བཀའ་བཞིན་མཛད་དུ་གསོལ། །གཏོར་མ་གསུམ་པོ་ལྷོ་ཕྱོགས་སུ་དོར། ཡང་རྣལ་འབྱོར་མའི་གཏོར་མ་གཉིས་ལྷོ་ནུབ་ཏུ་བཏེག་ལ། །ལྷོ་ནུབ་རོ་ཡི་རྡོ་རྗེ་འཁོར་བཅས་ལ། །རི་དྭགས་ཕུག་རོན་ཤ་དང་ཤ་ཁམས་ཀྱི། །གཏོར་མ་འདི་འབུལ་རོ་ཡི༴ འགྲོ་ལ་རོ་མཆོག༴ གཞོན་ནུ་མ་ལ་ཉ་དང་ཀྱུང་ཀའི་ཤ །སྲིན་བུར་བཅས་པའི༴ མ་མོའི༴ ལྷོ་ནུབ་འགྲོ་རྣམས༴ ཁྲོ་གཉེར་ཅན་ལ་ཅེ་སྤྱང་ཁྱིམ་བྱའི་ཤ །གློ་བུར༴ ལྷོ་ནུབ་ཕྱོགས་ཀྱི༴ སྡང་དང་གདུག་ཅན༴ བྱ་རྒོད་གདོང་ལ་གཟུག་མོ་ཅོ་གའི་ཤ །བྷ་གའི་དྲི་མར༴ ལྷོ་ནུབ་ཕྱོགས་ནས༴ ལོངས་སྤྱོད༴ ལྷོ་ནུབ་རྒྱུ་བའི༴ སེན་མོ་གཉིས་དང་༴ དམ་རྫས༴ བགེགས་རྣམས༴ གཏོར་མ་གཉིས་པོ་ལྷོ་ནུབ་ཏུ་དོར་རོ། །རྣལ་འབྱོར་མའི་གཏོར་མ་གཉིས་དང་ཀླུའི་གཏོར་མ་བྱང་ཕྱོགས་སུ་བཏེག་ལ། །བྱང་ཕྱོགས་ལྷ་མོ་བདག་མ་འཁོར་
― LT24_Page_047A ―
[མ་དཔེ་གཟིགས་ན་འདིར་གནོན།]
བཅས་ལ། །བ་ལང་ཁུ་བྱུག་ཤ་དང་དྲི་ཆུ་ཡི། །གཏོར་མ་འདི་འབུལ་ཆུ་ཡི་དྲི། །ཞི་རྒྱས་གཞིལ་བའི༴ དག་མོ་ལ་ནི་རུས་སྦལ་སོ་བྱའི་ཤ །བ་སྤུར་བཅས་པའི༴ མ་མོ༴ བྱང་ཕྱོགས་འགྲོ་རྣམས༴ ཁེངས་བྱེད་མ་ལ་ནེའུ་ལེ་འུག་པའི་ཤ །རུས་པར༴ བྱང་གི་ཕྱོགས་ཀྱི༴ སྡང་དང་༴ སྟག་གདོང་མ་ལ་སྤྲེའུ་ཕ་ཝང་ཤ །ལྕེ་ཡི་དྲི་མར༴ བྱང་གི་ཕྱོགས་ནས༴ ལོངས་སྤྱོད༴ བྱང་ཕྱོགས་རྒྱུ་བའི༴ སོ་བཞི༴ དམ་རྫས༴ བགེགས་རྣམས༴ ཀླུ་རྒྱལ་བཅུ་པོ་འཁོར་དང་བཅས་རྣམས་ལ། །མཆོད་གཏོར༴ མཛད་དུ་གསོལ། །གཏོར་མ་གསུམ་བྱང་དུ་དོར། རྣལ་འབྱོར་མའི་གཏོར་མ་གཉིས་བྱང་ཤར་དུ་བཏེག །བྱང་ཤར་གཟུགས་ཀྱི་རྡོ་རྗེ་འཁོར་བཅས་ལ། །བོང་བུ་བྱ་གར་ཤ་དང་མིག་ཁམས་ཀྱི། །གཏོར་མ་འདི་འབུལ་གཟུགས་ཀྱི༴ འགྲོ་ལ་གཟུགས་མཆོག༴ དཔལ་མོ་ལ་ནི་དུང་དང་ཆུ་སྐྱར་ཤ །སྐྲ་དང་བཅས་པའི༴ མ་མོའི༴ བྱང་ཤར་འགྲོ་རྣམས༴ སྐུལ་བྱེད་མ་ལ་བྱི་ལ་ཁྱིམ་བྱའི་ཤ །རྩ་རྒྱུས་བཅས་པའི༴ བྱང་ཤར་ཕྱོགས་ཀྱི༴ སྡང་དང་༴ འུག་གདོང་མ་ལ་རྩངས་པ་ཨཱམྦྷ་རི། །མཆན་ཁུང་དྲི་མར༴ བྱང་ཤར་ཕྱོགས་ནས༴ ལོངས་སྤྱོད༴ བྱང་ཤར་རྒྱུ་བའི༴ སེན་མོ་གཉིས༴ དམ་རྫས༴ བགེགས༴ གཏོར་མ་གཉིས་བྱང་ཤར་དུ་དོར་རོ། །ཡང་རྣལ་འབྱོར་མའི་གཏོར་མ་གཉིས་དང་འབྱུང་པོའི་གཏོར་མ་ནུབ་ཏུ་བཏེག་ལ། །ནུབ་ཕྱོགས་ལྷ་མོ་སྤྱན་མ་འཁོར་བཅས་ལ། །གླང་ཆེན་རི་སྐེག་ཤ་དང་བཤང་ཁམས་ཀྱི། །གཏོར་མ་འདི་འབུལ་ས་ཡི༴ རྨོངས་རེངས་གདབ་པའི༴ དབང་མོ་ལ་ནི་མ་ཀར་སྲེག་པའི་ཤ །ཆུ་སེར་བཅས་པའི༴ མ་མོའི༴ ནུབ་ཕྱོགས་འགྲོ་རྣམས༴ རེངས་བྱེད་མ་ལ་དོམ་དང་བྱ་རྒོད་ཤ །མཁྲིས་པར་བཅས་པའི༴ ནུབ་ཀྱི་ཕྱོགས་ཀྱི༴ སྡང་དང་༴ ལྕེ་སྤྱང་གདོང་ལ་ཤཱ་ལི་ཛ་ཏི་དང༌། །ཨཱ་ནི་ལ་དང་མིག་དྲིའི་གཏོར་མ་འབུལ། །ནུབ་ཀྱི་ཕྱོགས་ནས༴ ལོངས་སྤྱོད༴ ནུབ་ཕྱོགས་རྒྱུ་བའི༴ སོ་བཞི༴ དམ་རྫས༴
― LT24_Page_047B ―
[མ་དཔེ་གཟིགས་ན་འདིར་གནོན།]
བགེགས་རྣམས༴ འབྱུང་པོ་བཅུ་པོ་འཁོར་དང་བཅས་རྣམས་ལ། །མཆོད་གཏོར༴ མཛད་དུ་གསོལ། །གཏོར་མ་གསུམ་པོ་ནུབ་ཕྱོགས་སུ་དོར་རོ། །རྣལ་འབྱོར་མའི་གཏོར་མ་གཉིས་ནུབ་བྱང་དུ་བཏེག་ལ། །ནུབ་བྱང་དྲི་ཡི་རྡོ་རྗེ་འཁོར་བཅས་ལ། །ཕག་ཤ་མཆིལ་པའི་ཤ་དང་སྣ་ཁམས་ཀྱི། །གཏོར་མ་འདི་འབུལ་དྲི་ཡི༴ འགྲོ་ལ་དྲི་མཆོག༴ ཚངས་མ་ལ་ནི་སྦལ་པ་བཞད་དཀར་ཤ །ཞག་དང་བཅས༴ མ་མོའི༴ ནུབ་བྱང་འགྲོ་རྣམས༴ འོད་ཟེར་ཅན་ལ་སྲམ་དང་རྨ་བྱའི་ཤ །ལྤགས་པར་བཅས་པའི༴ ནུབ་བྱང་ཕྱོགས་ཀྱི༴ སྡང་དང་༴ མཁའ་ལྡིང་གདོང་ལ་ཨཱི་ཤུ་བྷེ་རུཎྜ། །རྟགས་ཀྱི་དྲི་མར༴ ནུབ་བྱང་ཕྱོགས་རྣམ༴ ལོངས་སྤྱོད༴ ནུབ་བྱང་རྒྱུ་བའི༴ སེན་མོ་གཉིས༴ དམ་རྫས༴ བགེགས་རྣམས༴ གཏོར་མ་གཉིས་ནུབ་བྱང་དུ་དོར། སྟེང་དུ་རྣལ་འབྱོར་མའི་ཟླུམ་གཏོར་གཅིག་དང་ཟད་པར་གྱི་གཏོར་མ་གཏོང་དགོས་པས་ཁང་སྟེང་ངམ། ཤར་གྱི་ཤར་དུ་གཏོར་མ་གཉིས་པོ་བཏེག་ལ། །སྟེང་ཕྱོགས་ཆོས་ཁམས་རྡོ་རྗེ་འཁོར་བཅས་ལ། །རྔ་བོང་ངང་པའི་ཤ་དང་བྷ་གར་བཅས། །གཏོར་མ་འདི་འབུལ་ཆོས་ཁམས༴ འགྲོ་ལ་ཆོས་མཆོག༴ དྲག་ཆེན་མ་ལ་སེང་གེ་བྱ་ཁྲའི་ཤ །སྙིང་དང་བཅས་པའི༴ སྟེང་གི་ཕྱོགས་ཀྱི༴ སྡང་དང་༴ ཟད་པར་བཅུ་པོ་འཁོར་དང་བཅས་རྣམས་ལ། །མཆོད་གཏོར༴ མཛད་དུ་གསོལ། །གཏོར་མ་གཉིས་པོ་སྟེང་དུ་དོར། རྣལ་འབྱོར་མའི་ཟླུམ་གཏོར་གཅིག་དང༌། ཁྲོ་བཅུའི་གཏོར་མ་ནུབ་ཀྱི་ནུབ་ཏུ་བཏེག་ལ། །འོག་ཕྱོགས་སྒྲ་ཡི་རྡོ་རྗེ་འཁོར་བཅས་ལ། །ལུག་དང་བ་ལང་ཤ་དང་རྣ་བ་ཡི། །གཏོར་མ་འདི་འབུལ་སྒྲ་ཡི་བར་ཆད་སོལ། །འགྲོ་ལ་སྒྲ་མཆོག་སྟེར་བའི་ཕྲིན་ལས་མཛོད། །སྔོན་མོར་འབྲོག་དགོན་ཁྱི་དང་ལྗོན་ཤིང་སྒྲ། །ཚིལ་བུར་བཅས་པའི་གཏོར་མ་འདི་འབུལ་གྱི། །འོག་གི་ཕྱོགས་ཀྱི་བགེགས་ཀུན་ཞི་བར་མཛོད། །སྡང་དང་གདུག་ཅན་ཐམས་ཅད་ཚར་ཆོད་ཅིག །ཁྲོ་རྒྱལ་བཅུ་པོ་འཁོར་དང་བཅས་རྣམས་ལ། །
― LT24_Page_048A ―
[མ་དཔེ་གཟིགས་ན་འདིར་གནོན།]
མཆོད་གཏོར་འདི་དང་༴ བཀའ་བཞིན་མཛད་དུ་གསོལ། །གཏོར་མ་གཉིས་པོ་ནུབ་ཕྱོགས་ཐག་རིང་པོར་མདོར་ས་ཡོད་ན་འོག་ཕྱོགས་སུ་དོར། རྣལ་འབྱོར་མའི་གཏོར་མ་ཟླུམ་གཏོར་གྲལ་འགོ་མ་ཁ་གསོས་ཆབ་ཀྱིས་བྲན། །དཔལ་ལྡན་རྡོར་དབྱིངས་དབང་ཕྱུག་འཁོར་བཅས་ལ། །ཤུ་ཀྲ་མེ་ཏོག་དམ་རྫས་ཐམས་ཅད་ཀྱི། །གཏོར་མ་འདི་འབུལ་བར་ཆད་ཐམས་ཅད་སོལ། །ལས་དང་དངོས་གྲུབ་ཐམས་ཅད་སྩལ་དུ་གསོལ། །རིགས་བརྒྱ་རྣལ་འབྱོར་མ་རྣམས་ཀུན། །མཆོད་སྦྱིན་གཏོར་མ་འདི་བཞེས་ལ། །ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག་གི་བར་སྤྱི་དང་མཐུན་པར་བརྗོད་ཅིང་རོལ་མོའི་སྒྲ་བྱ། གཏོར་མ་དེ་ཡང་ཁང་སྟེང་དུ་འབུལ་ལོ། ༈ །ཡང་ཚོགས་མཆོད་བྱེད་ནའང་སྐབས་འདིར་བྱ་སྟེ། ཚོགས་རྫས་འདུ་བྱས་ལ། ཨོཾ་ཕེཾ་བཛྲ་ཌཱ་ཀི་ནཱི་བཛྲ་དྷཱ་ཏྭཱི་ཤྭ་རི་ག་ག་ན་སྭཱ་བྷཱ་ཝ་སརྦ་དྲ་བྱཾ་བི་ཤོདྷ་ནི། སརྦ་དྲ་བྱཱ་ནི་བི་ཤྭོ་དྷ་ཡ་ཧཱུྃ་ཕྲེཾ་ཕཊ། ཅེས་ལན་གསུམ་མམ་ལྔའམ་བདུན་བརྗོད། ཨོཾ་ཨཱཿཧཱུྃཿཧྲིཿཕཊ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སོགས་གཏོར་ཆོག་ལྟར་བྱིན་བརླབ། ན་མོ་ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ་རང་བཞིན་རྣམ་པར་དག་པ་སྐྱེ་བ་མེད་པ། མཚན་ཉིད་རྣམ་པ་ཨཱ་ལི་ཀཱ་ལི། ངོ་བོ་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི་ཉིད། བྱིན་རླབས་ཀྱི་རྩ་བ་རྩ་བརྒྱུད་བླ་མ་རྣམས་ལ་འབུལ་བར་བགྱིའོ། །ཨོཾ་ག་ཎ་ཙཀྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། །དེ་བཞིན་ཏུ་སྦྱར་ཏེ། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས༴ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས༴ དམ་ཚིག་གི་རྩ་བ་མཆེད་གྲོགས་རྡོ་རྗེ་སྤུན་གྲོགས་རྣམས་ལ་འབུལ་བར་བགྱིའོ། །ཨོཾ་ག་ཎ་ཙཀྲ༴ ཨོཾ་མི་འབྲལ་སྙིང་གི་གཞལ་མེད་ཁང༌། །མོས་གུས་གཞོམ་མེད་ཕོ་གང་ན། །དྲིན་ཅན་རྩ་བའི་བླ་མ་མཆོག །བཀའ་དྲིན་མཉམ་མེད་དམ་པ་རྗེ། ༈ །རྣམ་འཕྲུལ་མཁའ་ལ་སྤྲིན་བཞིན་གཏིབས། །འདིར་གཤེགས་ཚོགས་ཀྱི་མཆོད་པ་
― LT24_Page_048B ―
[མ་དཔེ་གཟིགས་ན་འདིར་གནོན།]
བཞེས། །གནས་ཁང་འདི་ལ་བྱིན་ཕོབ་ལ། །ཚོགས་རྫས་འདི་ལ་བཅུད་ཅིག་ཆུག །འདིར་འདུས་རྣལ་འབྱོར་བདག་ཅག་ལ། །མཆོག་དང་ཐུན་མོང་དངོས་གྲུབ་སྩོལ། །རྣམ་དག་བདེ་ཆེན་འགྱུར་མེད་དངོས། །བདེ་གཤེགས་རྒྱ་མཚོའི་དཀྱིལ་འཁོར་དུ། །དུས་ཀྱི་འཁོར་ལོ་རྡོ་རྗེ་སེམས། །མཁའ་ཁྱབ་དང་པོའི་སངས་རྒྱས་ཉིད། །རྣམ་འཕྲུལ་སོགས་དང་པོ་དྲུག་ཀུན་ལ་འགྲེ། །སྤྲོས་བྲལ་དག་པ་ཨེ་ཡིག་དབྱིངས། །རྣམ་ཀུན་མཆོག་ལྡན་མཁའ་སྤྱོད་ནས། །འཁོར་ལོའི་དབང་མོ་སྣ་ཚོགས་ཡུམ། །དབྱིངས་ཕྱུག་ཤེས་རབ་ཕ་རོལ་ཕྱིན། །རྣམ་འཕྲུལ༴ རྣམ་གསུམ་སྲིད་པའི་གནས་ཀྱི་མཆོག །ཚངས་པའི་འཇིག་རྟེན་སྤྲུལ་སྐུའི་ཞིང༌། །སངས་རྒྱས་བྱང་སེམས་ཁྲོ་བོའི་གཙོ། །དཀྱིལ་འཁོར་ལྷ་མོའི་ཚོགས་བཅས་ཀྱང༌། །རྣམ་འཕྲུལ༴ རྣལ་འབྱོར་མ་དང་མཁའ་འགྲོའི་ཚོགས། །འཆི་མེད་གདེངས་ཅན་ལྷ་མིན་སྐྱེས། །འཁོར་བ་གནས་འགྱུར་ཡེ་ཤེས་ཀྱི། །སྲིད་གསུམ་ལྷ་ཚོགས་ཐམས་ཅད་ཀྱང༌། །རྣམ་འཕྲུལ༴ ས་བཅུའི་དབང་ཕྱུག་རྣམ་འཕྲུལ་མཆོག །ཆོས་རྒྱལ་རིགས་ལྡན་འཁོར་བཅས་དང༌། །རྩོད་ལྡན་དུས་འདིར་རྡོ་རྗེ་འཆང༌། །བརྒྱུད་ལྡན་བླ་མའི་ཚོགས་ཀུན་ཀྱང༌། །རྣམ་འཕྲུལ། །ས་ལ་སྤྱོད་པའི་འོག་མིན་མཆོག །བཞི་བཅུ་རྩ་བརྒྱད་གནས་མཆོག་ནས། །སྒྲུབ་ལ་དངོས་གྲུབ་མཆོག་སྩོལ་བ། །གནས་གསུམ་དཔའ་བོ་མཁའ་འགྲོ་ཡང༌། །རྣམ་འཕྲུལ༴ གང་ལ་གང་འདུལ་སྐུར་སྟོན་པ། །ཕྱོགས་བཅུ་དུས་གསུམ་འཕགས་པའི་ཚོགས། །གདུལ་དཀའ་མ་ལུས་འདུལ་མཛད་པའི། །ཕྱག་བརྙན་ཕོ་ཉ་འབྱུང་པོའི་ཚོགས། །རྣམ་འཕྲུལ༴ བདུད་ཚོགས་ཀུན་འདུལ་ཕྲིན་ལས་ཞིང༌། །དུར་ཁྲོད་ཆེན་པོ་བཅུ་དྲུག་ནས། །བགེགས་འཇོམས་འདོད་དོན་ཀུན་སྒྲུབ་པ། །ཆོས་སྐྱོང་བསྟན་སྲུང་ཚོགས་རྣམས་ཀྱང༌། །རྣམ་འཕྲུལ༴ བླ་མ་ཡི་དམ་མཁའ་འགྲོའི་ཚོགས། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རྒྱན་ཆ་མང་པོ་ཁྲ་ལ་
― LT24_Page_049A ―
[མ་དཔེ་གཟིགས་ན་འདིར་གནོན།]
ལ། །རོལ་མོ་མང་པོ་དི་རི་རི། །གླུ་ལེན་གར་བྱེད་ཁྱུགས་སེ་ཁྱུག །འཁོར་ཚོགས་འབུམ་སྡེ་ཤ་ར་ར། །སྒྱུ་མའི་རང་སྣང་རྗེན་ནེ་ནེ། །གཏད་མེད་རིག་པ་ས་ལ་ལ། །བརྗོད་མེད་དབྱིངས་སུ་ཐ་ལ་ལ། །བདེ་མ་ཆེན་པོ་ཁྲི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབ་ལ། །སྒྲུབ་མཆོག་བདག་ལ་དངོས་གྲུབ་སྩོལ། །བགེགས་དང་ལོག་འདྲེན་བར་ཆད་སོལ། །འཁོར་གསུམ་གཉིས་སུ་མེད་པར་རོལ། །དེ་ནས་ཕུད་དང་པོ་བཅད་ལ། གཏོར་མ་ལ་ཡང་ཅུང་ཟད་བསྒྲོན། །དངོས་སུ་འབྱོར་དང་ཡིད་ཀྱིས་སྤྲུལ་བ་དང༌། །ཕྱོགས་དུས་ཀུན་གྱི་མཆོད་རྫས་བཟང་རྒུ་རྣམས། །བླ་མ་རྒྱལ་བ་སྲས་དང་བཅས་ལ་འབུལ། །མཁའ་ཁྱབ་འགྲོ་བའི་དོན་ཏུ་བཞེས་སུ་གསོལ། །དེ་ནས་ལས་ཀྱི་རྡོ་རྗེའི་ལག་པ་གཡོན་པས་ཐོད་པ་བདུད་རྩིས་གང་བ་བཟུང༌། །གཡས་རྩེ་གསུམ་གྱི་ཕྱག་རྒྱས་ཀ་པཱ་ལ་ཐོགས་ཏེ། སྟེང་འོག་ཁ་སྦྱོར་གྱི་ཚུལ་གྱིས་བཟུང་ལ། །ཀྱེ་འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་རྣམས། །རང་བཞིན་གཅིག་པ་ཉིད་དུ་རོལ། །ཅེས་ཚོགས་ཀྱི་གཙོ་བོ་ནས་བརྩམས་ཏེ་རིམ་པས་བསྐོར། སོ་སོས་ཀྱང། །བདེ་གཤེགས་ཆོས་ལ་རིན་ཐང་མེད། །འདོད་ཆགས་ལ་སོགས་དྲི་མ་བྲལ། །གཟུང་དང་འཛིན་པ་དང་བྲལ་བ། །དེ་བཞིན་ཉིད་ལ་བདག་ཕྱག་འཚལ། །ཞེས་བླངས། སླར་ཡང་ཚོགས་རྫས་གཞན་རྣམས་ལ་བསྲེ། ཡང་ཕུད་གཅིག་བཅད་དེ། ཕྱེད་སྔར་གྱི་ཕུད་དང་བསྲེ། ཕྱེད་ལྷག་གཏོར་ལ་བསྲེ་པའི་ཕྱིར་ལོགས་སུ་བཞག་གོ །ཞལ་ཟས་རོ་བརྒྱ་ལྡན་པའི་ཡིད་འཕྲོག་པ། །ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་བས་འགྲོ་བ་འདི་རྣམས་ཀྱང༌། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཨོཾ་ཨཱཿཧཱུྃ། །དངོས་གྲུབ་རྒྱ་མཚོ་ཡོན་ཏན་རིན་ཆེན་གཏེར། །རྩ་བརྒྱུད་བླ་མ་རྣམས་ལ་མཆོད་པ་འབུལ། ཨོཾ་ཨཱཿཧཱུྃ། །ཞེས་པའི་བར་གོང་གསལ་ལྟར་དང༌། །ཨོཾ་སྐུ་བཞི་རྡོ་རྗེ་བཞི་ཡི་བདག་ཉིད་དང༌། །ཚད་མེད་རྣམ་
― LT24_Page_049B ―
[མ་དཔེ་གཟིགས་ན་འདིར་གནོན།]
ཐར་ཆོས་ཀྱི་ཕུང་པོ་དང༌། །དམ་ཆོས་སྟོན་པ་འཕགས་པའི་ཚོགས་རྣམས་ཏེ། །སྐྱབས་གནས་དཀོན་མཆོག་གསུམ་ལ་མཆོད་པ་འབུལ། །དུས་འཁོར་རྡོར་སེམས་ཤཱཀྱ་ཐུབ་པ་དང༌། །ནུས་མ་བུམ་པ་བཅུ་དང་རྡོ་རྗེ་བཞི། །སངས་རྒྱས་བྱང་ཆུབ་སེམས་དང་ཁྲོ་བོའི་རྒྱལ། །རང་རང་ལྷ་མོར་བཅས་པ་རྣམས་ལ་མཆོད། །གཟུང་མ་རྣལ་འབྱོར་མ་དང་འདོད་མ་དང༌། །ཚེས་ཀྱི་ལྷ་དང་གདེངས་ཅན་ཕྱིར་འདོད་མ། །རབ་གཏུམ་གཟའ་སྐར་ཕྱོགས་སྐྱོང་ཞིང་སྐྱོང་སོགས། །བྱེད་བཅས་བྱེ་བ་གསུམ་གྱི་འབྱུང་པོ་མཆོད། །བླ་མ་ཡི་དམ་མཁའ་འགྲོའི་ཚོགས་བཅས་དང༌། །མཆོད་ཡུལ་རྒྱ་མཚོའི་ཚོགས་ལ་མཆོད་པ་འབུལ། །འགྲོ་ཀུན་ཡེ་ཤེས་བདུད་རྩིའི་རྒྱ་མཚོ་ལ། །མཆོག་ཏུ་རོལ་པས་བདེ་ཆེན་ཐོབ་པར་ཤོག །དམན་པའི་ཡུལ་ལས་རབ་འདས་ཤིང༌། །རྒྱལ་བ་ཀུན་གྱི་དམ་ཚིག་མཆོག །དངོས་གྲུབ་ཀུན་གྱི་གཞིར་གྱུར་པ། །བདུད་རྩི་མཆོག་གིས་མཆོད་པར་བགྱི། །སྒྲིབ་པའི་དྲི་མ་ཀུན་སེལ་ཞིང༌། །རྟོག་པ་ཀུན་ལས་ངེས་གྲོལ་བ། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོས་མཉེས་གྱུར་ཅིག །དེ་ནས་སོ་སོའི་ཕུད་བཅད་ནས། །ཨོཾ་ཨཱཿགུ་རུ་བུདྡྷ་བོ་དྷི་ས་ཏྭ་བྷྱཿབཛྲ་ནཻ་ཝི་དྱ་ཧཱུྃ། ཆང་བུ་གཉིས་བྱས། ཨོཾ་ཧ་རི་ཏྱཻ་པཎྜི་ཀེ་པྲ་ཏཱིཙྪ་སྭཱ་ཧཱ། ཡང་ཆང་བུ་གསུམ་བྱས་ལ། ཨོཾ་སརྦ་ཌཱུ་ཏཱི་ཀེ། ཨ་གྲཱ་གྲ་སཾ་པྲ་ཏཱིཙྪ་སྭཱ་ཧཱ། དེ་ནས་ནང་གི་སྦྱིན་སྲེག་གི་དམིགས་པ་གསལ་བཏབ་ལ་སོ་སོར་ལོངས་སྤྱོད། ལྷག་མ་བསྡུས་ལ་བསང་སྦྱང༌། །སྟོང་པའི་ངང་ལས་ལྷག་མའི་གཏོར་མ་བཟང་ཞིང་རྒྱ་ཆེ་བ་འདོད་དགུའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ཨོཾ་ཨ་ཀཱ་རོ་སོགས་དང༌། ཨོཾ་ཁ་ཁ་ཁཱ་ཧི་ཁཱ་ཧི་ཨུ་ཙྪིཥྚ་བྷ་ཀྵ་བྷ་ཀྵ་སྭཱ་ཧཱ། ལེན་གསུམ། རོལ་མོའི་སྒྲ་དང་བཅས་ཏེ་ཕྱིར་བཏང༌། །དྲག་སྔགས་ཀྱིས་མཚམས་བཅད། དེ་ནས་རྡོ་རྗེའི་གླུ་བླངས་པ་ནི། དྲིལ་བུའི་སྒྲ་དང་བཅས། ཀོལླ་ཨི་རེ་ཊཋ་ཨ་བོལླ། མུམྨུ་ནི་རེ་ཀཀྐོ་ལ། གྷ་ཎ་ཀྲི་པི་ཏ་ཧོ་བཛྫ་ཨི། ཀ་རུ་ཎི་ཀི་ཨ་ཨི་ཎ་རོ་ལ་ཏཱ་ཧི་བ་ལ་ཁཱ་ཛྫཱ་ཨཱི། གཱ་ཌེཾ་མ་ཨ་ཎཱ་བིཛྫ་ཨ་ཨི།
― LT24_Page_050A ―
[མ་དཔེ་གཟིགས་ན་འདིར་གནོན།]
ཧ་ལེ་ཀ་ལིཉྩ་ར་ས་ནི་ཨ་ཨི། དུ་དྷུ་ར་བཛྫི་ཨ་ཨི། ཙ་ཨུ་པ་མ་ཀཙྪུ་རི་སིཧླ། ཀ་པུ་ར་ལ་ཨི་ཨ་ཨི། མ་ལ་ཨིནྡྷ་ན་པ་ལིཾ་ཛཿ ཏ་ཧིཾ་བྷ་རུ་ཁ་ཨི་ཨ་ཨི། ཕྲེཾ་ཁ་ཎ་ཁེ་ཊ་ཀ་རནྟེ། ཤུདྡྷ་ཨ་ཤུདྡྷཎྞ་མ་ནི་ཨ་ཨི། ནི་རཾ་སུ་ཨཾ་ག་ཙ་ཌ་བི། ཏ་ཧིཾ་ཛ་ས་རཱ་བ་པ་ཎི་ཨ་ཨི། མ་ལ་ཨ་ཙ་ཀུནྡུ་རུ་པ་ཌ་ཨི། ཌི་ཎ་ཌི་མ་ཏཾ་ཧི་ན་པཛྫ་ཨ་ཨི། ཞེས་བརྗོད། ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང༌། །སྤྱན་མ་མིག་ལ་སོགས་པ་དག །བསྲེགས་པས་རི་བོང་ཅན་ཧཾ་འཛག །ཅེས་བརྗོད་ཅིང་དོན་སྒོམ། སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་སྐྱོན་མེད་པར། །གང་གི་ལམ་གྱིས་གྲོལ་འགྱུར་བ། །དེ་ཡིས་སངས་རྒྱས་མྱུར་ཐོབ་ཤོག །མ་བསྒྲལ་བ་རྣམས་བསྒྲལ་བ་དང༌། །མ་གྲོལ་བ་རྣམས་གྲོལ་བར་བགྱི། །རྣལ་འབྱོར་གཙུག་ལག་བསྟན་བཅོས་ལ། །ད་ལྟ་ཉིད་དུ་གནས་པར་ཤོག །ཅེས་སྨོན་ལམ་བཏབ། དེ་ནས་རྗེས་ཆོག་ནི། མཆོད་པ་རྣམས་ཁ་གསོས། གོང་བཞིན་བྱིན་གྱིས་བརླབ། ཨོཾ་ྩྪྫྫྷྙ་བཛྲ་གནྡྷེ་གནྡྷ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྩྪྫྫྷྙཱ་བཛྲ་མཱ་ལེ་མཱ་ལ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྚྛྜྜྷྞ་བཛྲ་དྷཱུ་པེ་དྷཱུ་པ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྚྛྜྜྷྞཱ་བཛྲ་པྲ་དཱི་པེ་པྲ་དཱི་བ་ཨ་རྩ་ནཾ་ཀུ་རུ་ཀུ་རུ་སྭཱ་ཧཱ། ཨོཾ་ྤྥྦྦྷྨ་བཛྲ་ཨཱམྲྀ་ཏེ་ནི་ཝི་དྱ་པཱུ་ཛཱི་ཀུ་རུ་ཀུ་རུ་སྭཱ་ཧཱ། ཨོཾ་ྤྥྦྦྷྨཱ་བཛྲ་ཨཱཀྵ་ཏེ་ཨཱཀྵ་ཏ་ཕལ་ཨཱརྩ་ན་ཀུ་རུ་ཀུ་རུ་སྭཱ་ཧཱ། ཨོཾ་ྟྠྡྡྷྣ་བཛྲ་ལ་སྱེ་ཝསྟ་ཨཱ་བྷར་ཎ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྟྠྡྡྷྣཱ་བཛྲ་ཧཱ་སྱེ་གྷཱཎྜ་ཨཱ་དརྵ་པཱུ་ཛཱེ་ཀུ་རུ་ཀུ་རུ་སྭཱ་ཧཱ། ཨོཾ་ྐྑྒྒྷྔ་བཛྲ་ཝཱ་དྱེ་བཱ་དྱ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྐྑྒྒྷྔཱ་བཛྲ་ནྲྀ་ཏྱེ་ནྲྀ་ཏྱ་པཱུ་ཛཱ་ཀུ་རུ་ཀུ་རུ་སྭཱ་ཧཱ། ཨོཾ་ྶཉྤྵྴྈྐ་བཛྲ་གཱི་ཏེ་གཱི་ཏ་པཱུ་ཛཱཾ་ཀུ་རུ་ཀུ་རུ་སྭཱ་ཧཱ། ཨོཾ་ྶཉྤྵྴྈྐཱ་བཛྲ་ཀཱ་མེ་སརྦ་བུདྡྷ་བོདྷི་ས་ཏྭ་ནཱཾ་ཀྲོ་དྷ་ཨཱ་དཱི་ནཱཾ་བཛྲ་སཱུ་ར་ཏ་པཱུ་ཛཱ་ཀུ་རུ་ཀུ་རུ་སྭཱ་ཧཱ། ཞེས་མཆོད་རོལ་མོའི་སྒྲ་དང་བཅས། མཆོག་སྦྱིན་རྡོ་རྗེ་སོགས་ཀྱིས་གོང་བཞིན་བསྟོད། སྤྲོ་ན་རྒྱུད་གཞན་ལས་འབྱུང་བའི་རྡོ་རྗེའི་གླུ་ཡང་བླང༌། མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་བདག་ལ་དགོངས་སུ་གསོལ།
― LT24_Page_050B ―
[མ་དཔེ་གཟིགས་ན་འདིར་གནོན།]
ཁྱེད་རྣམས་ལ་མཁྱེན་པའི་ཡེ་ཤེས། བརྩེ་བའི་ཐུགས་རྗེ། ནུས་མཐུའི་ཕྲིན་ལས་བསམ་གྱིས་མི་ཁྱབ་པ་མངའ་བ་ལགས་པས། སྤྱིར་ཕན་བདེའི་འབྱུང་གནས་སངས་རྒྱས་ཀྱི་བསྟན་པ་དར་བ་དང༌། སེམས་ཅན་ལ་བདེ་སྐྱིད་འབྱུང་བ་དང༌། བླ་མ་གོང་མ་རྣམས་ཀྱི་ཐུགས་དགོངས་རྫོགས་ཤིང༌། ཞལ་བཞུགས་པ་རྣམས་སྐུ་ཁམས་བཟང་བ་དང༌། ཁྱད་པར་དུ་ཡང་བདག་ཅག་དཔོན་སློབ་རྒྱུ་སྦྱོར་བ་དང་བཅས་པས་ཐོག་དྲངས། སེམས་ཅན་ཐམས་ཅད་ཀྱི་རྒྱུད་ལ་ཚོགས་རྫོགས་སྒྲིབ་པ་དག་ནས་མྱུར་དུ་མངོན་པར་རྫོགས་པར་འཚང་རྒྱ་བར་བྱིན་གྱིས་བརླབ་ཏུ་གསོལ། གནས་སྐབས་སུ་ཡང་སྔོན་གྱི་ལས་ལས་གྱུར་པ་དང༌། འཕྲལ་གྱི་རྐྱེན་ལས་གྱུར་པའི་བར་ཆད་མི་མཐུན་པའི་ཕྱོགས་ཐམས་ཅད་ཞི་ཞིང༌། ཚེ་དང་བསོད་ནམས་དང་དབང་ཕྱུག་ཕུན་སུམ་ཚོགས་པ་ཐོབ་པར་མཛད་དུ་གསོལ། ཇི་ལྟར་ཡིད་ལ་བསམ་པའི་དོན་ཐམས་ཅད་འབད་པ་མེད་པར་འགྲུབ་པར་མཛད་དུ་གསོལ། ཞེས་བྱ་བ་ལ་སོགས་གསོལ་བ་དྲག་ཏུ་བཏབ། སྟེང་ན་བྱང་ཆུབ་སེམས་དཔའ་གང་དག་བདུད་ཀྱི་ཕྱོགས་གནས་ལྷ་མ་ཡིན་རྣམས་མཆོག་ཏུ་འཇིགས་བྱེད་དང༌། །མི་ཡི་འཇིག་རྟེན་དག་ན་ཕྱོགས་དང་ཕྱོགས་བྲལ་དུ་གནས་ཁྲོ་བོའི་རྒྱལ་པོ་བཙུན་མོར་བཅས་རྣམས་དང༌། །ས་འོག་དག་ན་གདེངས་ཅན་དབང་པོ་གང་དག་གདོན་ཚོགས་མི་དགེ་དུས་ཀུན་ཏུ་ནི་འཆིང་བྱེད་པ། །དེ་རྣམས་ཐམས་ཅད་ཉིན་ཞག་སོ་སོའི་དུས་སུ་མི་ཤིས་འཇིག་རྟེན་ཀུན་ནས་སྐྱོང་བར་བྱེད་གྱུར་ཅིག །ཨོཾ་ཕུན་སུམ་ཚོགས་པ་མངའ་བ་སོགས་ཀྱིས་ཤིས་པ་བརྗོད། ཡིག་བརྒྱ་མང་དུ་བཟླས། །མ་འབྱོར་པ་དང་ཉམས་པ་དང༌། །གང་ཡང་བདག་བློ་རྨོངས་པ་ཡིས། །ཉེས་བྱས་ཅུང་ཟད་གང་བགྱིས་པ། །གང་ཕྱིར་ལུས་ཅན་སྐྱབས་ཡིན་ཕྱིར། །མགོན་ཁྱོད་དེ་ཀུན་བཟོད་པར་མཛོད། །གཙོ་བོ་ནུས་པ་མ་མཆིས་པས། །མ་རྙེད་ཡོངས་སུ་མ་ཤེས་དང༌། །འདིར་ནི་བྱ་བ་གང་ནོངས་པ། །དེ་ཀུན་ཁྱེད་ཀྱིས་བཟོད་མཛད་རིགས། །
― LT24_Page_051A ―
[མ་དཔེ་གཟིགས་ན་འདིར་གནོན།]
རྟེན་ཡོད་ན། སྤྱན་དྲངས་པའི་ཡེ་ཤེས་པ་རྣམས་སྐུ་གསུང་ཐུགས་ཀྱི་རྟེན་འདི་རྣམས་ལ་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། རྟེན་མེད་ན། ཨོཾ་ཁྱེད་ཀྱིས་སེམས་ཅན་དོན་ཀུན་མཛོད། སོགས། ཨོཾ་ཨཱཿཧཱུྃ་བཛྲ་མཱུཿ ཞེས་མགྲོན་རྣམས་གཤེགས་སུ་གསོལ། །གསང་བར་ཧཾ་ཡིག་ལ་ཁྲོ་བོའི་འཁོར་ལོ་རྣམས་གཤེགས་སུ་གསོལ། །གཙུག་གཏོར་དུ་ཨོཾ་ཡིག་ལ་ཟད་པར་གྱི་འཁོར་ལོ་རྣམས༴ དཔྲལ་བར་ཨཾ་ཡིག་ལ་ཕྱོགས་སྐྱོང་གི་འཁོར་ལོ༴ མགྲིན་བར་རྀ་ཡིག་ལ་གཟའི་འཁོར་ལོ། །སྙིང་གར་ཨུ་ཡིག་ལ་ཀླུའི་འཁོར་ལོ༴ ལྟེ་བར་ལྀ་ཡིག་ལ་འབྱུང་པོའི་འཁོར་ལོ་རྣམས་གཤེགས་སུ་གསོལ། །ཞེས་སྲུང་མ་དྲུག་ཅུ་ཡང་རང་གི་ལུས་ལ་བསྟིམ། བྲིས་སྐུ་དང་ཙཀླི་སོགས་རྟེན་རྣམས་ལ་བརྟན་བཞུགས་སྤྱི་དང་མཐུན་པར་བྱ། ཡེ་ཤེས་ཀྱི་དཀྱིལ་འཁོར་རང་ཉིད་ལ་ཐིམ། །བསོད་ནམས་འདི་ཡིས་འགྲོ་རྣམས་དུ་བ་ལ་སོགས་ལམ་གྱི་ལྷན་སྐྱེས་བདེ་བ་མཆོག་བསྒོམ་སྟེ། །འགྲོ་བའི་བླ་མ་སུམ་ཅུ་རྩ་གཉིས་མཚན་ལྡན་སྐུ་ནི་ཆོས་ཀྱི་འཁོར་ལོར་ཡང་དག་གནས། །ལྷ་རྣམས་མགོ་ཡི་གཙུག་གི་ནོར་བུའི་འོད་ཟེར་ཚོགས་ཀྱིས་ཞབས་ཀྱི་པདྨ་ལ་གཏུགས་ཤིང༌། །དམ་པའི་ལམ་སྟོན་ཉིན་བྱེད་བཞིན་ཏུ་མུན་པ་ཀུན་འཇོམས་དུས་ཀྱི་འཁོར་ལོ་ཉིད་གྱུར་ཅིག །ཉི་མ་དང་བཅས་ཐུབ་པའི་རིགས་རྣམས་ཀྱིས་ནི་ཤེས་རབ་ཡེ་ཤེས་ཐོབ་པར་གྱུར་འདི་ཇི་ལྟ་བར། །རྣམ་གསུམ་སྲིད་པར་གནས་པའི་སེམས་ཅན་རྣམས་ནི་དུས་ཀྱི་འཁོར་ལོའི་དྲིན་ལས་ཨེ་ཝཾ་ཉིད་གྱུར་ཅིག །སྐྱེས་བུ་གང་དག་བདུད་ཀྱི་གྲོགས་ཀྱིས་རྟག་ཏུ་མི་བདེན་མུན་པར་སོང་ཞིང་ལམ་ཉམས་པ། །དེ་རྣམས་ལམ་འདི་ཐོབ་ནས་རྡོ་རྗེ་ནོར་བུའི་ཁྱིམ་དང་རིང་བ་མིན་པར་འོང་གྱུར་ཅིག །རྣལ་འབྱོར་བདག་ཅག་རྣལ་འབྱོར་མ་ཐོབ་རབ་ཏུ་གཡོ་བའི་ཡིད་ཀྱིས་གལ་ཏེ་ཤི་བར་གྱུར་ན་ཡང༌། །དཔལ་ལྡན་མི་ཡི་འཇིག་རྟེན་དུ་ནི་རབ་མཆོག་ཐུབ་པའི་རིགས་སུ་རྣལ་འབྱོར་ལྡན་པར་སྐྱེ་བ་དང༌། །སྔོན་གྱི་གོམས་པ་དེ་ཡིས་སླར་ཡང་
― LT24_Page_051B ―
[མ་དཔེ་གཟིགས་ན་འདིར་གནོན།]
ཡེ་ཤེས་རྣལ་འབྱོར་ཡངས་པ་དག་ནི་ཀུན་ཏུ་འཛིན་པ་དང༌། །ཡེ་ཤེས་ཐོབ་ནས་མི་ཟད་མཆོག་གི་གནས་སུ་རབ་བགྲོད་སླར་ཡང་གང་དུའང་སྐྱེ་ལྡན་མིན་གྱུར་ཅིག །དགྲ་དང་སེང་གེ་གླང་ཆེན་དབང་པོ་མེ་དང་ལྟོས་འགྲོའི་བདག་དང་ཆོམ་ཀུན་ཞགས་པས་འཆིང༌། །ཆུ་གཏེར་འཁྲུགས་དང་ཤ་ཟ་འཆི་པའི་འཇིགས་བྱེད་ནད་དང་དབང་པོས་ཉེ་བར་འཚེ་བ་དང༌། །དབུལ་དང་བུད་མེད་དང་བྲལ་མི་བདག་འཁྲུགས་པའི་འཇིགས་དང་རྡོ་རྗེ་ལྟུང་དང་དོན་ཉམས་རྣམས། །བདག་གིས་རྣལ་འབྱོར་མ་རྣམས་ཞབས་ནི་གསལ་བར་དྲན་པའི་མཐུ་ལས་རབ་ཏུ་ཉམས་གྱུར་ཅིག །དགེ་བ་འདི་ཡིས་མྱུར་དུ་བདག །དུས་ཀྱི་འཁོར་ལོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །རིགས་སུ་སྐྱེ་དང་དམ་ཚིག་ཅན། །བསྙོན་མེད་དུས་ཀྱི་འཁོར་ལོ་སྟོན། །བླ་མ་ལ་གུས་སྙིང་བརྩེ་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པས་རྡོ་རྗེ་དྲིལ་བུ་འཛིན། །ཟབ་མོའི་ཆོས་ནི་ཀློག་པ་དང༌། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །ལྷ་མོ་ཚད་མ་དམ་ཚིག་ཚད་མ་དང༌། །དེས་གསུངས་ཚིག་ཀྱང་ཚད་མའི་མཆོག་ཡིན་ཏེ། །བདེན་པ་དེ་ཡིས་ལྷ་མོ་དེ་དག་གིས། །བདག་ལ་རྗེས་སུ་འཛིན་པའི་རྒྱུར་གྱུར་ཅིག །ལྷ་བདེ་གཤེགས་སྙིང་པོའི་བཀའ་དྲིན་གྱིས། །ཡིད་རྣམ་རྟོག་འགྱུ་བ་སོ་སོར་བཅད། །ཉམས་འོད་གསལ་རྟགས་བཅུ་མངོན་གྱུར་ནས། །ལམ་སོར་སྡུད་འབྱོངས་པར་བྱིན་གྱིས་རློབས། །ཕ་དྲིན་ཅན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ལྷ་བདེ་གཤེགས༴ ཡིད་རླུང་སེམས་དག་རྣམས་མི་གཡོ་ཞིང༌། །ཉམས་ཤེས་རབ་རྟོག་དཔྱོད་དགའ་བདེ་འཕེལ། །ལམ་བསམ་གཏན་འབྱོངས་པར་བྱིན༴ ཕ་དྲིན་ཅན༴ འདྲེན་མཆོག༴ ལྷ་བདེ༴ རྩ་རོ་རྐྱང་རླུང་བཅུ་དབུ་མར་ཚུད། །ཉམས་གཏུམ་མོ་འབར་བས་ཧཾ་ཡིག་ཞུ། །ལམ་སྲོག་རྩོལ་འབྱོངས་པར༴ ཕ་དྲིན༴ འདྲེན་མཆོག༴ ལྷ་བདེ༴ ཁམས་
― LT24_Page_052A ―
[མ་དཔེ་གཟིགས་ན་འདིར་གནོན།]
འཛག་མེད་ཐིག་ལེ་དཔྲལ་བར་བརྟེན། །ཉམས་ཞུ་བདེ་འགྱུར་མེད་རྒྱུད་ལ་སྐྱེས། །ལམ་འཛིན་པ་འབྱོངས་པར་བྱིན༴ ཕ་དྲིན་ཅན། །འདྲེན་མཆོག༴ ལྷ་བདེ༴ ལུས་རྩ་འདབ་བདེ་ཆེན་ཐིག་ལེས་གང༌། །ཉམས་ཕྱག་རྒྱ་གསུམ་ལ་མངའ་བརྙེས་པས། །ལམ་རྗེས་དྲན་འབྱོངས༴ ཕ་དྲིན༴ འདྲེན་མཆོག༴ ལྷ་བདེ༴ རྩ་འཁོར་ལོ་དྲུག་པོ་བདེ་བས་གང༌། །ཉམས་སྤྲོས་པ་མེད་ལ་དབང་འབྱོར་བའི། །ལམ་ཏིང་འཛིན་འབྱོངས༴ ཕ་དྲིན༴ འདྲེན་མཆོག༴ ལྷ་བདེ༴ ལུས་བྱིང་བཅིངས་གནད་དང་མ་བྲལ་ཞིང༌། །ཆོས་མ་ནོར་མན་ངག་ཟབ་མོ་ཡིས། །ལམ་སྦྱོར་དྲུག་འབྱོངས་པར༴ ཕ་དྲིན་ཅན༴ འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ཅེས་སོགས་སྨོན་ལམ་ཇི་ལྟར་འོས་པ་བཏབ། །དེ་ནས་དྲིལ་བསིལ་མེ་ཏོག་རོལ་མོ་སོགས་དང་བཅས་པས་འདི་སྐད་བརྗོད་དེ། །བཀྲ་ཤིས་འབྱུང་གནས་དཔལ་ལྡན་བླ་མ་དང༌། །བཀྲ་ཤིས་རང་བཞིན་དུས་ཀྱི་འཁོར་ལོ་ལ། །བཀྲ་ཤིས་འགྲོ་ལ་སྤེལ་ཕྱིར་ཕྱག་འཚལ་ནས། །བཀྲ་ཤིས་རྒྱ་མཚོའི་སྒྲ་དབྱངས་བརྗོད་པར་བྱ། །པདྨའི་ལྟེ་བར་བདུད་དང་དྲག་པོའི་སྟེང༌། །རོལ་པའི་གདན་བཞུགས་བདེ་བ་ཆེན་པོའི་སྐུ། །སྟོང་ཆེན་འོད་གསལ་སྣ་ཚོགས་ཡུམ་དང་སྦྱོར། །བདེ་སྟོང་དུས་ཀྱི་འཁོར་ལོའི་བཀྲ་ཤིས་ཤོག །རྣམ་བཅུ་དབང་ལྡན་འོད་གསལ་འདུས་མ་བྱས། །ཕ་རོལ་ཕྱིན་བཅུ་རྣམ་དག་ལྷ་མོ་བཅུ། །རྡོ་རྗེ་བཞི་ཡིས་གྲྭ་ནས་རབ་མཛེས་པ། །བདེ་ཆེན་འཁོར་ལོས་དེང་འདིར་བཀྲ་ཤིས་ཤོག །ཕུང་པོ་རྣམ་དག་དེ་བཞིན་གཤེགས་པའི་ཚོགས། །ཁམས་དྲུག་དག་པའི་ཡུམ་དང་མཉམ་པར་སྦྱོར། །འཆི་མེད་གྲུབ་པའི་བུམ་པས་རབ་བརྒྱན་པ། །རྒྱལ་བའི་འཁོར་ལོས་དེང་འདིར་བཀྲ་ཤིས་ཤོག །དབང་པོ་རྣམས་དག་བྱང་ཆུབ་སེམས་དཔའི་ཚོགས། །ཡུལ་དྲུག་དག་པའི་ལྷ་མོས་རབ་ཏུ་འཁྱུད། །གདོད་ནས་ཟག་མེད་བདེ་བའི་དཔལ་འབྱོར་ཅན། །སེམས་དཔའི་འཁོར་ལོས་དེང་འདིར༴ ལས་དབང་རྣམ་དག་ཁྲོ་ཆེན་འབར་བའི་ཚོགས། །
― LT24_Page_052B ―
[མ་དཔེ་གཟིགས་ན་འདིར་གནོན།]
བྱ་བ་རྣམས་དག་ཁྲོ་མོར་མཉམ་པར་སྦྱོར། །མཐུ་སྟོབས་ཡོན་ཏན་ཕུན་སུམ་ཚོགས་པའི་དཔལ། །ཁྲོ་རྒྱལ་འཁོར་ལོས༴ ལྟེ་བའི་རྩ་རྣམས་དག་པ་ལྷ་མོའི་ཚོགས། །ཙ་རྩི་ཀ་སོགས་གཞན་མཆོག་ཆོས་ཀྱི་དབྱིངས། །ཟུང་འཇུག་རོལ་པའི་ལྷ་མོ་འཁོར་དང་བཅས། །གསུང་གི་འཁོར་ལོས༴ ལས་དང་བྱ་བའི་འཁོར་ལོ་རྣམ་དག་པ། །དོན་དམ་ལྷ་ཆེན་བཅུ་གཉིས་འཁོར་དང་བཅས། །མཐིལ་བཞི་གསང་གཙུག་རྣམ་དག་ཤིང་རྟ་དཔུང༌། །སྐུ་ཡི་འཁོར་ལོས༴ སོར་མོ་རྣམས་དག་ཀླུ་དང་གཏུམ་མོའི་ཚོགས། །འདོད་ཡོན་དགའ་བདེའི་རང་བཞིན་གཟུགས་ཀྱི་ལྷ། །སྐྲ་དང་བ་སྤུ་རྣམ་དག་གྲུབ་པ་དང༌། །འབྱུང་པོའི་འཁོར་ལོས༴ གཟའ་དང་དྲང་སྲོང་རྒྱུ་སྐར་ཁྱིམ་དང་ཆ། །ཕྱོགས་སྐྱོང་ཞིང་སྐྱོང་ཕོ་ཉ་འཕྲོག་མ་དང༌། །གྷཱཎྜ་ཀརྑ་དགའ་བྱེད་ནག་པོ་ཆེ། །བྷྲྀཾ་གི་ནི་སོགས་འཁོར་གྱིའང་བཀྲ་ཤིས༴ དོན་དམ་སྐྱབས་གསུམ་ཐུགས་གསུང་སྐུ་ཡི་བདག །ལྷུན་གྲུབ་ཡེ་ཤེས་འོད་གསལ་གཞལ་ཡས་ཁང༌། །ཆོས་སྐུའི་ཡོན་ཏན་འོད་ཀྱི་དྲྭ་བ་ཅན། །དཀྱིལ་འཁོར་ཆོས་དབྱིངས་ཆེན་པོའི་བཀྲ༴ དཀྱིལ་འཁོར་བཀྲ་ཤིས་དགེ་ལེགས་རྒྱ་མཚོའི་དབྱངས། །རྡོ་རྗེ་འཛིན་པ་བློ་གྲོས་རྒྱ་མཚོའི་སྒྲས། །རྣམ་པར་བསྒྲགས་ཏེ་སྐྱེ་དགུ་རྒྱ་མཚོའི་ཚོགས། །རྒྱལ་བ་རྒྱ་མཚོའི་གོ་འཕང་མྱུར་ཐོབ་ཤོག །ཅེས་པ་ལ་སོགས་བཀྲ་ཤིས་ཀྱི་ཚིགས་བཅད་ཇི་ལྟར་འོས་པ་བརྗོད་དོ། །དེ་ལྟར་ན་དཔལ་དུས་ཀྱི་འཁོར་ལོ་ལྷ་དགུའི་སྒྲུབ་ཐབས་ཉམས་ལེན་པ་རྣམས་ལ་ཉེ་བར་མཁོ་བ་མཆོད་པའི་ཆོ་ག་ཆ་ཚང་མདོ་ཙམ་འདི་ཡང་རྒྱལ་ཁམས་པ་ཏཱ་ར་ནཱ་ཐས་དཔལ་གྱི་ཇོ་ནང་དུ་སྨྲས་པའོ།། །།མངྒ་ལཾ།། །།
གདམས་ངག་མཛོད་པོད་བཅོ་ལྔ་པ།
དཔལ་དུས་ཀྱི་འཁོར་ལོའི་དབང་གོང་མའི་ཆོ་ག
― LT24_Page_053A ―
[མ་དཔེ་གཟིགས་ན་འདིར་གནོན།]
དཔལ་དུས་ཀྱི་འཁོར་ལོའི་དབང་གོང་མའི་ཆོ་ག་བཞུགས་སོ།། །།
― LT24_Page_053B ―
[མ་དཔེ་གཟིགས་ན་འདིར་གནོན།]
ན་མཿཤྲཱི་ཀ་ལ་ཙཀྲཱ་ཡ། འདིར་ཟབ་ལམ་རྡོ་རྗེའི་རྣལ་འབྱོར་གྱི་འཁྲིད་ཀྱི་སྔོན་དུ་ངེས་པར་སྒྲུབ་དགོས་པ། བྱིན་རླབས་ཀྱི་བརྒྱུད་པ་མ་ཉམས་པས། ཏིང་ངེ་འཛིན་ཁྱད་པར་ཅན་བསྐྱེད་པར་བྱེད་པའི་དབང་བསྐུར་བ་མཆོག་དབང་གོང་མ་ཉིད་བསྐུར་བའི་ཚུལ་ནི། བྲིས་སྐུ་ལ་སོགས་པའི་མདུན་དུ་མཆོད་པ་རྒྱ་ཆེར་བཤམས། །འཇིག་རྟེན་པ་དང་འཇིག་རྟེན་ལས་འདས་པའི་གཏོར་མ་གཉིས་སམ། གཙོ་བོའི་ཟླུམ་གཏོར་གཅིག །སྡེ་དྲུག་ལ་ཟླུམ་གཏོར་རམ་ཟུར་གསུམ་རེ་རེ། །ཆོས་སྐྱོང་དང་མཁའ་འགྲོ་སྤྱི་གཏོར་སོགས་བཤམས། བུམ་པ་དུང་ཆོས་གཟུངས་ཐག་རྡོ་རྗེ་སོགས་ཀྱང་སྤྱི་དང་མཐུན་པར་འཆའ། །སློབ་དཔོན་གྱི་དྲུང་དུ་ནང་མཆོད་རྡོར་དྲིལ་ཅང་ཏེའུ་སོགས་ཚོགས་པར་བྱས་ནས། སྔོན་འགྲོ་གཏོར་མ་ལ་ཆབ་བཏང༌། །ཐོག་མར་ནང་མཆོད་ལ་དམིགས་ཏེ། ཨོཾ་ཨཱཿཧཱུྃ་ཧྲིཿཕཊ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། ཨོཾ་ཨཱཿཧུཾ་ཧོཿ ཞེས་བྱིན་གྱིས་བརླབས། ཨོཾ་ཨཱཿཧུཾ་ཧྲཿཕཊ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཿསྭ་བྷཱ་ཝ་ཤུདྡྷོ྅་ཧཾ། ཨོཾ་ཨོཾ་བཛྲ་ཙནྡྲ་སོགས། ཨོཾ་ཨཱཿབཛྲ་སཱུརླ་སོགས་དང༌། ཨོཾ་ཧུཾ་བཛྲ་ཨ་ན་ལ་སོགས་དང༌། ཨོཾ་ཧོཿསརྦ་དྷརྨ་སོགས་སྔགས་མཚན་བཞིས་བྱིན་གྱིས་རླབས། ཨོཾ་ཕེཾ་བཛྲ་ཨཱར་ལླི་ཧོ། ཛཿཧཱུྃ་བཾ་ཧོཿ བཛྲ་ཌཱ་ཀི་ནཱི་ས་མ་སྟྭཾ། དྲྀ་ཤྱ་ཧོ། །ཨོཾ་ཁ་ཁ། ཁཱ་ཧི་ཁཱ་ཧི། སརྦ་ཡཀྵ་རཀྵ་ས། བྷཱུ་ཏ་པྲེ་ཏ་པི་ཤཱ་ཙ། ཨུན་མན་ད། ཨ་པ་སྨ་ར། ཌཱ་ཀ་ཌཱ་ཀི །ནྱ་ད་ཡ། ཨི་དཾ་བ་ལིཾ། གྲྀཧྞ་ཏུ། ས་མ་ཡ་རཀྵནྟ། མ་མ་སརྦ་སིདྡྷི་མྨེ་པྲ་ཡཙྪནྟུ། ཡ་ཐེ་བཾ་ཡ་ཐེཥྚཾ། བྷཱུ་ཛ་ཐཱ། ཛི་གྷྲ་ཐ། བི་བ་ཐ་མ་ཏིཀྲ་མ་ཐ། མ་མ་སརྦ་ཀ་རྟ་ཡ། སད་སུ་ཁཾ་བི་ཤུདྡྷ། སཱ་ཧ་ཡི་ཀ་བྷ་ཝཱ་ནྣུ། ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཨོཾ་བཛྲ་གནྡྷཾ་པྲ་ཏཱིཙྪ་ན་མཿབཛྲ་
― LT24_Page_054A ―
[མ་དཔེ་གཟིགས་ན་འདིར་གནོན།]
པུཥྤཾ། བཛྲ་དྷཱུ་པཾ། བཛྲ་དཱི་པཾ། བཛྲ་ནཻ་ཝི་ཏྱཾ། བཛྲ་ཨཱཀྵ་ཏྱཾ། བཛྲ་ལཱ་སྱཾ། བཛྲ་ཧཱ་སྱཾ། བཛྲ་ཝཱ་དྱཾ། བཛྲ་ནྲྀ་ཏྱཾ། བཛྲ་གཱི་ཏཾ། ཨོཾ་བཛྲ་ཀཱ་མཾ་པྲ་ཏཱིཙྪ་ན་མཿ །མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོར་ཕྱག་འཚལ་བསྟོད། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་གྱིས་ནི་འོད་གསལ་མཆོག །སངས་རྒྱས་མཁའ་འགྲོར་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པ་གོས་པ་མེད། །རིན་ཆེན་མཁའ་འགྲོ༴ རྡོ་རྗེ་དཔག་མེད་རྒྱལ་པོ་ཆེ། །མི་རྟོག་རྡོ་རྗེ་ནམ་མཁའ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོ༴ དོན་ཡོད་རྒྱལ་པོ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །དངོས་ཉིད་དག་པ་ཉིད་ལས་བྱུང༌། །སྣ་ཚོགས་མཁའ་འགྲོ༴ ལྷ་ཆེན་བརྒྱད་པོ་འཁོར་དང་བཅས། །ཀླུ་ཆེན་བརྒྱད་པོ༴ འཇིག་རྟེན་སྐྱོང་བ་བརྒྱད་པོ་དང༌། །གནོད་སྦྱིན་ཚོགས་རྣམས་མ་ལུས་དང༌། །སྲིན་པོའི༴ འབྱུང་པོའི༴ ཡི་དྭགས༴ ཤ་ཟའི༴ སྨྱོ་བྱེད༴ བརྗེད་བྱེད༴ མཁའ་འགྲོའི༴ མ་མོའི་ཚོགས་རྣམས་མ་ལུས་དང༌། །དེ་ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་མཆིས་པ་རྣམས། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བསྣམས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་པ་བཟང༌། །
― LT24_Page_054A ―
[མ་དཔེ་གཟིགས་ན་འདིར་གནོན།]
ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྟོངས་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཞིང་ཆོས་འཕེལ་དང༌། །དགེ་ལེགས་ཐམས་ཅད་འབྱུང་བ་དང༌། །ཡིད་ལ་འདོད་པ་ཀུན་འགྲུབ་ཤོག །གང་དག་དཀར་པོའི་ཕྱོགས་ལ་མངོན་པར་དགའ་བ་རྣམས་མཆོད་པ་དང་གཏོར་མ་འདི་བཞེས་ལ། དཀྱིལ་འཁོར་ཆེན་པོ་སྒྲུབ་ཅིང་མཆོད་པའི་བྱ་བ་ལ་བར་ཆད་ཐམས་ཅད་མི་འབྱུང་བའི་ཕྲིན་ལས་མཛོད་ཅིག །ནག་པོའི་ཕྱོགས་ལ་དགའ་བ་དང༌། གསང་སྤྱོད་བལྟ་བར་མི་དབང་བ་ཐམས་ཅད་སའི་ཕྱོགས་འདིར་མ་གནས་པར་གཞན་དུ་སོང་ཞིག །ཅེས་པའི་མཐར་བདུད་བསྲེག་པའི་སྔགས་ཀྱིས་བགེགས་བསྐྲད་ལ། འཚམས་རྔམས་དང་རོལ་མོའི་སྒྲ་དྲག་པོ་བྱ། རྡོ་རྗེའི་ར་གུར་ས་གཞི་ལ་སོགས་པ་དང༌། མེའི་གུར་སོགས་ཡིད་ཀྱིས་བསམས་ཏེ་མཚམས་བཅད་པར་བྱའོ། །དེ་ནས་གནས་དང་ཡོ་བྱད་ལ་རྡོ་རྗེའི་རྩེ་མོས་ནང་མཆོད་གཏོར། ཨོཾ་ཨཱཿཧུཾ་ཧྲཿཕཊ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཱ་སྭ་བྷཱ་ཝ་ཤུདྡྷོ྅་ཧཾ། སྟོང་པར་གྱུར། སྟོང་པའི་ངང་ལས་བྷཱུྂ་ལས་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་པ་གྲུ་བཞི་སྒོ་བཞི་པ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། ཤེལ་གྱི་སྣོད་སོར་བཅུ་གཉིས་པ་རྣམས་ཀྱི་ནང་དུ་ཨོཾ་ཨཱཿཧུཾ་ཧོཿརྣམས་ལས་བྱུང་བའི་ཆུ་དང་མཆོད་ཡོན་དང་དྲི་དང༌། མེ་ཏོག་དང༌། བདུག་པ་དང༌། སྣང་གསལ་དང༌། ཞལ་ཟས་དམ་པ་དག་དང༌། །རྣམ་པ་མང་པོའི་འབྲས་བུ་མ་ཉམས་པ་དང༌། གོས་དང༌། རྒྱན་དང༌། བ་དན་དང༌། བླ་བྲེ་ལ་སོགས་པ་དང༌། གླུ་དང་གར་དང༌། མེ་ལོང་དང༌། དྲིལ་བུ་ལ་སོགས་པ་སིལ་སྙན་གྱི་ཚོགས་དུ་མ་དག་དང༌། ཨིནྡྲ་ནཱི་ལ་ལ་སོགས་རྣམ་པ་མང་པོའི་རིན་པོ་ཆེ་དང༌། ནང་གི་དམ་ཚིག་རྣམས་
― LT24_Page_055A ―
[མ་དཔེ་གཟིགས་ན་འདིར་གནོན།]
དང༌། དམ་ཚིག་རྣམ་པ་བཞིའི་རྫས་ལ་སོགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་ཕུང་ལྟ་བུ་དཔག་ཏུ་མེད་ཅིང་དྲི་མ་དང་བྲལ་བར་གྱུར། ཨོཾ་བཛྲ་གནྡྷཾ་སྭཱ་ཧཱ། བཛྲ་པུཥྤཾ། བཛྲ་དྷཱུ་པཾ། བཛྲ་དཱི་པཾ། བཛྲ་ནཻ་བི་དྱཾ། བཛྲ་ལཱ་སྱཾ། བཛྲ་ཧཱ་སྱཾ༴ བཛྲ་ཝཱ་དྱཾ། བཛྲ་ནྲྀ་ཏྱཾ། བཛྲ་གཱི་ཏཾ། བཛྲ་ཀཱ་མཾ་སྭཱ་ཧཱ། རོལ་ཆེན་དང་བཅས་ཏེ། ཨོཾ་ཧོཿབཛྲ་གྷཱནྜེ་སརྦ་དྷརྨཱ་ཨཻ་ཀ་པྲཛྙཱེ་དྷཱ་ནི། སྭ་བྷཱ་ཝེ། སརྦ་ཨཱ་ཀ་རེ། སརྦ་དྷརྨ་པྲ་བོ་དྷ་ནི། སརྦ་དྷརྨ་ཎི་སྭ་བྷཱ་ཝཱན་པྲ་བོ་དྷ་ཡ་པྲ་བོ་དྷ་ཡ་སྭཱ་ཧཱ། ཅེས་ལན་གསུམ་བརྗོད། དེ་དག་ནི་སྔོན་དུ་བྱ་བའི་རིམ་པ་ཡིན་ནོ། །ད་ནི་བདག་བསྐྱེད་ཀྱི་དཀྱིལ་འཁོར་བསྒྲུབ་པར་བྱ་སྟེ། སྤྲོ་ཞིང་ནུས་པ་ཤིན་ཏུ་རྒྱས་པ་སྤྲོས་པ་ལ་དགའ་བས་སྐུ་གསུང་ཐུགས་ཀྱི་དཀྱིལ་འཁོར་ཡོངས་སུ་རྫོགས་པར་བསྒོམ་པར་བྱ་བ་ལ་འབྲིང་དུ་ན། ཐུགས་དཀྱིལ་རྒྱས་བསྡུས་གང་རུང་བསྒོམ་ཀྱང་ཤིན་ཏུ་ལེགས་པར་འགྱུར་ཞིང༌། བསྡུས་པ་ལ་དགའ་བས་ལྷ་བཅུ་གསུམ་དང་ལྷ་དགུ་སོགས་ཅི་རིགས་པ་དང་ཤིན་ཏུ་བསྡུས་པ་ལ་དགའ་བས། ལྷན་སྐྱེས་རྒྱས་བསྡུས་གང་རུང་ལ་བརྟེན་ནས་ཀྱང༌། མཆོག་དབང་གོང་མ་བསྐུར་དུ་རུང་ལ། སྤྱིར་དབང་གོང་མ་ནི་བསྐྱེད་པའི་རིམ་པ་ལ་མི་ལྟོས་ཞིང༌། རྫས་སྔགས་ཏིང་འཛིན་གྱི་ཆོ་གའི་སྤྲོས་པ་གཙོ་བོར་གྱུར་པ་ན་ཡིན་པའི་ཕྱིར་སློབ་དཔོན་དེ་ཡན་ལག་དང་པོའི་རྣལ་འབྱོར་ལ་བརྟེན་པ་ཐོབ་ཅིང༌། བར་པ་བཞིའི་རྣལ་འབྱོར་རྗེས་མཐུན་པ་རྣམས་སུ་མྱོང་བ་ཡན་ཆད་ཀྱིས། བདག་མདུན་གྱི་ཆོ་ག་མེད་པར་ཡང་བསྐུར་བས་ཆོག་པ་ཁོ་ན་སྟེ། རྒྱུ་མཚན་དབང་གོང་མ་རྣམས་ཀྱི་དཀྱིལ་འཁོར་གདོད་ནས་གྲུབ་པ་རྣལ་འབྱོར་པའི་ཡེ་ཤེས་ཀྱིས་ཉམས་སུ་མྱོང་བ་ཉིད་འདིའི་དཀྱིལ་འཁོར་སྒྲུབ་པའི་ཆོ་ག་ཡིན་གྱི་རྟོག་པས་སྒོམ་པའི་དཀྱིལ་འཁོར་དང༌། རྡུལ་མཚོན་དང་རས་བྲིས་ལ་སོགས་པ་དབྱིབས་སུ་བཀོད་པའི་དཀྱིལ་འཁོར་ནི། དབང་གོང་མ་རྣམས་ཀྱི་དཀྱིལ་འཁོར་མ་ཡིན་པའི་ཕྱིར་དང༌། སློབ་མ་ལ་བྱིན་རླབས་འཇུག་པ་ཡང་དེ་འདྲ་ལ་མ་ལྟོས་པའི་ཕྱིར་རོ། །འོན་ཀྱང་དེ་འདྲ་དེས་བསོད་ནམས་ཀྱི་ཚོགས་ཀྱི་སླད་དུ་དེ་ལྟར་བྱེད་པ་ཡང་མི་འགལ་ལོ། །ད་ལྟའི་དུས་ཀྱི་རྡོ་རྗེ་སློབ་དཔོན་དུ་གྲགས་པ། གྲངས་ཀྱི་བསྙེན་པ་ཙམ་ལ་བརྟེན་པ་དང་བསྐྱེད་རིམ་ཁོ་ན་ལ་གནས་པ་དང༌། རྫོགས་རིམ་གྱི་ཉམས་མྱོང་ཅུང་ཟད་སྐྱེས་སུ་ཆུག་ཀྱང༌། ཡན་ལག་དང་པོ་ལ་བརྟན་པ་མ་ཐོབ་པ་དང༌། དེ་ཙམ་ཐོབ་ཀྱང་
― LT24_Page_055B ―
[མ་དཔེ་གཟིགས་ན་འདིར་གནོན།]
ཡན་ལག་ཕྱི་མ་རྣམས་རྗེས་མཐུན་པ་རྒྱུད་ལ་མ་སྐྱེས་པ་དག་གིས་ནི། བདག་བསྐྱེད་དང་ཕྱི་རོལ་གྱི་མཆོད་གཏོར་ངེས་པར་བྱ་སྟེ། དབང་གོང་མའི་ཡན་ལག་ཏུ་དགོས་པ་མ་ཡིན་ཀྱང༌། བདག་ཉིད་བསོད་ནམས་སྤེལ་ཞིང༌། ལྷའི་བྱིན་རླབས་སློབ་མ་ལ་འཇུག་པའི་དགོས་པ་ཆེན་པོ་ཡོད་པས་སོ། །ཅི་སྟེ་རྗེས་དྲན་གྱི་ཡན་ལག་དངོས་ཐོབ་པ་ཡན་ཆད་ཀྱི་རྣལ་འབྱོར་པས་ནི་བདག་ཉིད་ཡེ་ཤེས་ཀྱི་རྣམ་རོལ་ལ་དབང་འབྱོར་པ་ཡིན་པའི་ཕྱིར། རྫས་སྔགས་ཏིང་ངེ་འཛིན་གྱི་ཆོ་གའི་ཡན་ལག་ཕྲ་མོ་ལ་མ་ལྟོས་ཏེ། བསམ་གྱིས་མི་ཁྱབ་པའི་སྤྱོད་ཡུལ་ལོ་ཞེས་རྟོགས་པར་བྱའོ། །དེས་ན་སྐབས་འདིར་ལྷ་དགུའི་བདག་ཉིད་ཅན་གྱི་སྒྲུབ་ཐབས་རྒྱས་པ་ལོགས་སུ་བསྟན་པ་ལྟར། སྐྱབས་འགྲོ་སེམས་བསྐྱེད་ནས་བརྩམས་ནས། དཀྱིལ་འཁོར་གྱི་འཁོར་ལོ་རང་གི་ཐུགས་ཀར་ཐིམ་གྱི་བར་རྫོགས་པར་བསྒོམ་ཏེ་བདག་བསྐྱེད་དོ། །དེ་ནས་བུམ་པ་སྒྲུབ་པ་ནི། ཨོཾ་ཨཱཿཧུཾ་ཧྲ་ཕཊ་ཀྱིས་བསངས། སྭ་བྷཱ་ཝཱས་སྦྱངས། སྟོང་པའི་ངང་ལས། ཧཾ་ཧཱཾ་ཧིཾ་ཧཱིཾ་ཧྲིཾ་ཧྲཱིཾ། ཧཱུཾ་ཧཱུྃ་ཧླིཾ་ཧླཱིཾ་རྣམས་ཡོངས་སུ་གྱུར་པ་ལས། དབུས་སུ་ཁུ་བ་དང་རྡུལ་འགགས་པའི་བུམ་པ་གཉིས་དང་ཤར་དང་མེར་རྐང་འགགས་པའི་བུམ་པ་གཉིས་དང༌། ལྷོ་དང་བདེན་བྲལ་དུ་ཁྲག་འགགས་པའི་བུམ་པ་གཉིས་དང༌། བྱང་དང་དབང་ལྡན་དུ་གཅིབ་འགགས་པའི་བུམ་པ་གཉིས་དང༌། བདུད་རྩིའི་བུམ་པ་དཀར་པོ་པདྨ་ལ་གནས་ཤིང་པདྨས་ཁ་བརྒྱན་པ་རྣམས་སུ་གྱུར། རང་གི་སྙིང་གར་ཟླ་བ་ཉི་མ་སྒྲ་གཅན་གྱི་སྟེང་དུ། ཧཱུྃ་ལས་བྱུང་བའི་རྡོ་རྗེ་ཡོངས་སུ་གྱུར་པ་ལས། དུས་ཀྱི་འཁོར་ལོ་སྣ་ཚོགས་ཡུམ་དང་བཅས་པར་གསལ་བའི། །ཡབ་ཀྱི་ཐུགས་ཀར་ཟླ་བ་དང༌། །ཡུམ་གྱི་ཐུགས་ཀར་ཉི་མའི་དཀྱིལ་འཁོར་ཏེ། དེ་དག་ཁ་སྦྱར་པ་ལས་རྡོ་རྗེ་ལྕགས་ཀྱུ་དྲི་མ་མེད་པའི་འོད་ཟེར་འཕྲོ་བ་སྤྲོས་ནས། ཕྱོགས་བཅུའི་སངས་རྒྱས་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་སྤྱན་དྲངས། ཛཿཧཱུྃ་བཾ་ཧོཿ རྡོ་རྗེ་བདུད་རྩིའི་བུམ་པ་རྣམས་དང་རོ་གཅིག་ཏུ་གྱུར། ཨོཾ་ཧཾ་ཧཱཾ་ཧི་ཧཱི་ཧྲིཾ་ཧྲཱིཾ་ཧུཾ་ཧཱུྃ་ཧླིཾ་ཧླཱིཾ་བཛྲ་པདྨ་ཨ་མྲྀ་ཏ་གྷ་ཊ་སུ་བི་ཤུདྡྷ་དྷརྨ་དྷཱ་ཏུ་སྭ་བྷཱ་ཝ་སརྦ་དྷརྨཱ་ན་སུ་བི་ཤུདྡྷ་དྷརྨཱ་དྷཱ་ཏུ་སྭ་བྷཱ་ཝཱན་ཀུ་རུ་ཀུ་རུ་སྭཱ་ཧཱ། །
― LT24_Page_056A ―
[མ་དཔེ་གཟིགས་ན་འདིར་གནོན།]
ཞེས་མང་དུ་བཟླས། ཨོཾ་བཛྲ་གྷནྡྷཾ་པྲ་ཏིཙྪ་ན་མཿནས། ཀཱ་མཾ་པྲ་ཏཱིཙྪ་ན་མཿ ཞེས་པའི་བར་མཆོད་པ་བཅུ་གཉིས་ཕུལ། དེ་དག་ནི་བུམ་པ་བསྒྲུབ་པའི་ཆོ་གའོ། །འདི་ལ་འོག་ཏུ་སློབ་མ་ལ་ཁྱོར་ཆུ་སྦྱིན་པ་ཙམ་ལས། དགོས་དོན་གཞན་མེད་པའི་ཕྱིར། བུམ་པ་བསྒྲུབ་པ་འདི་མཐའ་ཅིག་ཏུ་དགོས་པ་མིན་པ་ལྟར་སྣང་ཡང་རྡོ་རྗེ་འཆང་དང་གཉིས་སུ་མ་མཆིས་པའི་བླ་མ་དམ་པ་རྣམས་ཀྱི་ཕྱག་ལེན་ཡིན་པའི་ཕྱིར། ནན་ཏན་དུ་བྱ་བ་ཁོ་ནའོ། །དེ་ནས་མཆོད་གཏོར་འབུལ་བ་ནི། བསངས་སྦྱངས། སྟོང་པའི་ངང་ལས། ྷྐྵྨླྺྼྻྃ་ཞེས་པ་ཡོངས་སུ་གྱུར་པ་ལས། མདུན་གྱི་ནམ་མཁའི་གནས་སུ་རང་གི་རྩ་བའི་བླ་མ་དང་གཉིས་སུ་མེད་པ། བཅོམ་ལྡན་འདས་དཔལ་དུས་ཀྱི་འཁོར་ལོའི་དཀྱིལ་འཁོར་ཡོངས་སུ་རྫོགས་པར་བཞུགས་པར་གྱུར། ཨོཾ་ཨཱཿཧུཾ་ཧཱོཿཧཾཀྵཿ ཞེས་ལན་མང་དུ་བརྗོད་ཅིང་དཀྱིལ་འཁོར་རྒྱས་བསྡུས་གང་ཡང་རུང་བ་རང་གི་བློ་དང་འཚམས་པར་ཡིད་ཀྱིས་གསལ་བཏབ་བོ། །སྤྲོ་ན་བསྟོད་ཆེན་གྱི་ཚིག་ཇི་ལྟར་འོས་པ་འདོན་པ་སོགས། མངོན་རྟོགས་རྒྱས་བསྡུས་གང་ཡང་རུང་བ་དང་མཐུན་པར་དག་ནས་བརྗོད་ཀྱང་ལེགས། འོན་ཀྱང་ཡིད་ཀྱིས་བསམས་པ་ཙམ་གྱིས་ཆོག་ཅིང་གཙོ་བོ་ཡབ་ཡུམ་ཁོ་ན་སྒོམ་པས་ཀྱང་རུང་ངོ༌། །དེ་ནས་མགྲོན་སྤྱན་དྲངས་ཤིང་མཆོད་པ་འབུལ་བ་ནི། རང་གི་སྙིང་ག་ནས་འོད་ཟེར་འཕྲོས། རང་བཞིན་གྱི་གནས་ནས་བླ་མ་ཡི་དམ་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་ཐམས་ཅད་མཆོད་པའི་ཡུལ་དུ་བཛྲ་ས་མཱ་ཛཿ ཛཿཧཱུྃ་བཾ་ཧོཿ སངས་རྒྱས་སྲས་དང་བཙུན་མོར་བཅས་པ་ནམ་མཁའ་གང་བར་བཞུགས། ཨོཾ་ཨཱཿཧུཾ་ཧོཿ ཏྲཻ་དྷཱ་ཏུ་ཀེ་ཤྭ་ར་ཀཱ་ལ་ཙཀྲ་ཨརྒྷཾ་པྲ་ཏཱིཙྪ་ས་པ་རི་ཝཱ་རཱཿ ཏྭཾ་བྷ་ག་ཝཱན་མེ་ཝ་ར་དོ་བྷ་ཝ་ཤིཥྱ་ཎཱཉྩ། ཅེས་པ་ལན་གསུམ་གྱི། ཨོཾ་ཤྲཱི་ཀཱ་ལ་ཙཀྲ་ས་པ་རི་ཝཱ་རེ་བྷྱཿ པ་དྱཾ་པྲ་ཏཱིཙྪ་ན་མཿ དེ་བཞིན་དུ་སྦྱར་ཏེ། ཨཱཉྩ་མ་ནཾ་པྲ་ཏཱིཙྪ་ན་མཿ པྲོ་ཀྵ་ནཾ་པྲ་ཏཱིཙྪ་ན་མཿ ཁམས་གསུམ་དབང་ཕྱུག་བཅོམ་ལྡན་འདས། དུས་ཀྱི་འཁོར་ལོ་འཁོར་བཅས་རྣམས། །རྣམ་དག་རྡོ་རྗེའི་དྲི་མཆོག་འདི། །བཞེས་ནས་བདག་ལ་མཆོག་སྩོལ་མཛོད། ཨོཾ་ཤྲཱི་ཀ་ལ་ཙཀྲ་ས་པཱ་རི་ཝཱ་རེ་བྷྱཿ ཞེས་ཀུན་ལ་སྦྱར་ཏེ། བཛྲ་གནྡྷཾ་པྲ་ཏཱིཙྪ་ན་མཿ རྐང་པ་
― LT24_Page_056B ―
[མ་དཔེ་གཟིགས་ན་འདིར་གནོན།]
གསུམ་སྔ་མ་བཞིན་ཀུན་ལ་སྦྱར་ཏེ། །རྡོ་རྗེ་མེ་ཏོག་རྣམ་བཀྲའི་ཚོགས། །བཛྲ་པུཥྤཾ་པྲ་ཏཱིཙྪ་ན་མཿ རྡོ་རྗེ་བདུག་སྤོས་བླ་ན་མེད། བཛྲ་དྷཱུ་པཾ་པྲ་ཏཱིཙྪ་ན་མཿ རྡོ་རྗེ་སྒྲོན་མེ་འོད་རབ་འབར། བཛྲ་དཱི་པཾ་པྲ་ཏཱིཙྪ་ན་མཿ །རྡོ་རྗེ་ཞལ་ཟས་རོ་མཆོག་ལྡན། །བཛྲ་ནཻ་ཝི་ཏྱེ་པྲ་ཏཱི་ཙྪ་ན་མཿ རྡོ་རྗེ་མ་ཉམས་འབྲས་བུའི་མཆོག །བཛྲ་ཨཱཀྵ་ཏཾ་པྲ་ཏཱིཙྪ་ན་མཿ །རྡོ་རྗེ་སྒེག་མོའི་མཆོད་པ་ནི། བཛྲ་ལཱ་སྱཾ་པྲ་ཏཱིཙྪ་ན་མཿ རྡོ་རྗེ་བཞད་མའི་མཆོད་པ་ནི། བཛྲ་ཧ་སྱཾ་པྲ་ཏཱིཙྪ་ན་མཿ །རྡོ་རྗེ་སིལ་སྙན་རྣམ་མང་པོ། བཛྲ་བཱ་ཏྱཾ་པྲ་ཏཱིཙྪ་ན་མཿ །རྡོ་རྗེ་གར་གྱི་མཆོད་སྤྲིན་འདི། བཛྲ་ནྲྀ་ཏྱཾ་པྲ་ཏཱིཙྪ་ན་མཿ །རྡོ་རྗེ་གླུ་དབྱངས་ཡིག་འཕྲོག་ལྡན། བཛྲ་གཱི་ཏཾ་པྲ་ཏཱིཙྪ་ན་མཿ རྡོ་རྗེ་འདོད་མའི་མཆོད་པ་མཆོག །བཛྲ་ཀཱ་མཾ་པྲ་ཏཱིཙྪ་ན་མཿ །ནང་མཆོད་ནི་གོང་ལྟར་བྱིན་གྱིས་བརླབ། སངས་རྒྱས་ཆོས་དང་དགེ་འདུན་ཐམས་ཅད་ཀྱི་ངོ་བོ། །དཀྱིལ་འཁོར་ཐམས་ཅད་ཀྱི་བདག་པོ། །ལྷ་དང་བཅས་པའི་འགྲོ་བ་ཐམས་ཅད་ཀྱི་སྐྱོབ་པ། དྲིན་ཅན་རྩ་བའི་བླ་མ་རྡོ་རྗེ་འཆང་འདི་ཞེས་བྱ་བའི་ཞལ་དུ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུྃ། དངོས་གྲུབ་རྒྱ་མཚོ་ཡོན་ཏན་རིན་ཆེན་གཏེར། །སྲིད་དང་ཞི་བའི་གདུང་བ་སེལ་བའི་སྨན། །ལྷ་དང་བཅས་པའི་འགྲོ་བ་ཀུན་གྱི་སྐྱབས། །དཔལ་ལྡན་རྡོ་རྗེ་འཆང་ལ་མཆོད་པ་འབུལ། ཨོཾ་ཨཱཿཧཱུྃ། །ཉི་མའི་འོད་དང་ཟླ་བཟང་ལྷ་དབང་དང༌། །གཟི་བརྗིད་ཟླས་སྦྱིན་ལྷའི་དབང་ཕྱུག་དང༌། །སྣ་ཚོགས་གཟུགས་དང་ལྷ་ཡི་དབང་ལྡན་ཏེ། །ཆོས་རྒྱལ་ཆེན་པོ་བརྒྱད་ལ་མཆོད་པ་འབུལ། །འཇམ་དབྱངས་གྲགས་པ་པདྨ་དཀར་པོ་དང༌། །བཟང་པོ་རྣམ་རྒྱལ་བཤེས་གཉེན་བཟང་པོ་དང༌། །ཕྱག་ན་རིན་ཆེན་ཁྱབ་འཇུག་སྦས་པ་དང༌། །ཉི་མ་གྲགས་དང་ཤིན་ཏུ་བཟང་པོ་མཆོད། ༈ །རྒྱ་མཚོ་རྣམ་རྒྱལ་རྒྱལ་དཀའ་ཉི་མ་དང༌། །སྣ་ཚོགས་གཟུགས་དང་ཟླ་འོད་མཐའ་ཡས་དང༌། །ས་སྐྱོང་དཔལ་སྐྱོང་སེང་གེ་རྣམ་གནོན་དང༌། །སྟོབས་ཆེན་མ་འགགས་མི་ཡི་སེང་གེ་མཆོད། ༈ །དབང་ཕྱུག་ཆེན་པོ་མཐའ་ཡས་རྣམ་
― LT24_Page_057A ―
[མ་དཔེ་གཟིགས་ན་འདིར་གནོན།]
རྒྱལ་དང༌། །དྲག་པོ་ཞེས་བྱ་ཉི་ཤུ་རྩ་ལྔ་པོ། །སའི་འཁོར་ལོ་རྫོགས་པར་སྐྱོང་བ་སྟེ། །ཚངས་པ་ལྷ་དབང་ཕྱེད་ཕྱེད་སྐྱོང་རྣམས་མཆོད། །འོད་སྲུངས་ལ་སོགས་དུམ་བུ་སྐྱོང་བ་བརྒྱད། །དེ་ལྟར་ས་སྐྱོང་སུམ་ཅུ་རྩ་ལྔ་ནི། །རིགས་ཀུན་གཅིག་ཏུ་མཛད་པ་གསང་སྔགས་ཀྱི། །རིགས་ལྡན་བརྒྱུད་པ་རྣམ་ལ་མཆོད་པར་འབུལ། ༈ །དུས་ཞབས་གཉིས་དང་ན་ལེནྡྲ་པ་དང༌། །ཟླ་བ་མགོན་པོ་འབྲོ་སྟོན་ལོ་ཙཱ་དང༌། །ལྷ་རྗེ་སྒོམ་པ་སྒྲོ་སྟོན་རྣམ་བརྩེགས་དང༌། །གྲུབ་ཆེན་ཡུ་མོ་རྣམས་ལ་མཆོད་པ་འབུལ། །ཆོས་ཀྱི་དབང་ཕྱུག་ནམ་མཁའ་འོད་ཟེར་དང༌། །སྤྲུལ་སྐུ་ཇོ་འབུམ་གྲུབ་ཐོབ་བསེ་ཆེན་དང༌། །ཆོས་རྗེ་འཇམ་གསར་ཆོས་སྐུ་འོད་ཟེར་དང༌། །ཀུན་སྤངས་ཆོས་རྗེ་རྣམས་ལ་མཆོད་པ་འབུལ། །བྱང་སེམས་ཆེན་པོ་ཡོན་ཏན་རྒྱ་མཚོ་དང༌། །ཀུན་མཁྱེན་ཆོས་རྗེ་སྒྲ་བསྒྱུར་སྐུ་མཆེད་དང༌། །ཕྱོགས་ལས་རྣམ་རྒྱལ་ཉང་བོན་ཆོས་རྗེ་དང༌། །གྲུབ་ཆེན་ཀུན་བློ་རྣམས་ལ་མཆོད་པར་འབུལ། །འཇམ་དབྱངས་དཀོན་བཟང་ནམ་མཁའི་མཚན་ཅན་གཉིས། །ནམ་མཁའ་དཔལ་བཟང་རཏྣ་བྷ་དྲ་དང༌། །གྲོལ་མཆོག་ཞབས་དང་ལུང་རིག་རྒྱ་མཚོ་དང༌། །རྩ་བའི་བླ་མ་རྡོ་རྗེ་འཆང་ཆེན་ཏེ། །རྡོ་རྗེའི་རྣལ་འབྱོར་མངོན་སུམ་སྟོན་མཛད་པའི། །རྩ་བརྒྱུད་བླ་མ་རྣམས་ལ་མཆོད་པར་འབུལ། །ཕྱིས་ཀྱང་མཇུག་གི་ཚིག་རིམ་པས་འདོན་པ་བསྒྱུར་བར་བྱའོ། །ཨོཾ་ཀཱ་ལ་ཙཀྲ་ཡ་ཧཱུྃ་སྭཱ་ཧཱ། ཨོཾ་ཨཱཿཧཱུྃ། ཨོཾ་བི་ཤྭ་མཱ་ཏ་ཧོཿཕྲཻཾ་སྭཱ་ཧཱ། ཨོཾ་ཨ་ཨཱ་ཨཾ་ཨཿ ཧ་ཧཾ་ཧཾ་ཧཿསྭཱ་ཧཱ། ཨོཾ་ཨཱཿཧཱུྃ་ཧོཿ ཨ་ཨཱ་ཨི་ཨཱི་རྀ་རཱྀ་ཨུ་ཨཱུ་ལྀ་ལཱྀ། ཧ་ཧཱ་ཧི་ཧཱི་ཧྲྀ་ཧྲཱྀ་ཧུ་ཧཱུ་ཧླྀ་ཧླཱྀ་ཧཾ་ཧ། ཨ་ཨཱ་ཨེ་ཨཻ་ཨར་ཨཱར་ཨོ་ཨཽ་ཨལྲ་ཨཱལྲ། ཧ་ཧཱ་ཡ་ཡཱ་ར་རཱ་ཝ་ཝཱ་ལ་ལཱ། ཨོཾ་ཨཱཿཧཱུྃ། ཅེས་པས་དཀྱིལ་འཁོར་ལ་འབུལ། བར་འདིར་སྒོས་ཀྱི་ཆོས་སྐྱོང་ལའང་ཕུལ། །ཐམས་ཅད་ཀྱི་མཐར། ཨོཾ་གུ་རུ་བུདྡྷ་བོ་དྷི་ས་ཏྭེ་བྷྱ་ན་མོ་ན་མཿ གཞན་ཡང་རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་ཐམས་ཅད་ལ་མཆོད་པ་དམ་པ་འབུལ་ལོ། །ཨོཾ་ཨཱཿཧཱུྃ། བཀའ་སྡོད་ཆོས་
― LT24_Page_057B ―
[མ་དཔེ་གཟིགས་ན་འདིར་གནོན།]
སྐྱོང་སྲུང་མ་ཐམས་ཅད། ཡུལ་བདག་གྲོང་བདག་གཉུག་མར་གནས་པ་ཐམས་ཅད། རིགས་དྲུག་གིས་བསྡུས་པའི་སེམས་ཅན་ཐམས་ཅད་ལ་འབུལ་ལོ། །ཨོཾ་ཨཱཿཧཱུྃ། ཟག་པ་མེད་པའི་བདེ་བས་རྒྱུད་ཚིམས་ནས། །མྱུར་དུ་མངོན་པར་རྫོགས་པར་སངས་རྒྱ་བར་གྱུར་ཅིག །དེ་ནས་བསྟོད་པ་ནི། །མཆོག་སྦྱིན་རྡོ་རྗེ་མཆོག་ཁྱོད་འདུད། །ཡང་དག་མཐའ་གྱུར་ཁྱོད་ལ་འདུད། །སྟོང་ཉིད་སྙིང་པོ་ཁྱོད་ལ་འདུད། །སངས་རྒྱས་བྱང་ཆུབ་ཁྱོད་ལ་འདུད། །སངས་རྒྱས་ཆགས་པ་ཁྱོད་ལ་འདུད། །སངས་རྒྱས་འདོད་ལ་ཕྱག་འཚལ་འདུད། །སངས་རྒྱས་དགྱེས་པ་ཁྱོད་ལ་འདུད། །སངས་རྒྱས་རོལ་ལ་ཕྱག་འཚལ་འདུད། །སངས་རྒྱས་འཛུམ་པ་ཁྱོད་ལ་འདུད། །སངས་རྒྱས་བཞད་ལ་ཕྱག་འཚལ་འདུད། །སངས་རྒྱས་གསུང་ཉིད་ཁྱོད་ལ་འདུད། །སངས་རྒྱས་དགྱེས་པ་ཁྱོད་ལ་འདུད། །སངས་རྒྱས་རོལ་ལ་ཕྱག་འཚལ་འདུད། །སངས་རྒྱས་འཛུམ་པ་ཁྱོད་ལ་འདུད། །སངས་རྒྱས་བཞད་ལ་ཕྱག་འཚལ་འདུད། །སངས་རྒྱས་གསུང་ཉིད་ཁྱོད་ལ་འདུད། །སངས་རྒྱས་ཐུགས་ལ་ཕྱག་འཚལ་འདུད། །མེད་པ་ལས་བྱུང་ཁྱོད་ལ་འདུད། །སངས་རྒྱས་འབྱུང་བ་ཁྱོད་ལ་འདུད། །ནམ་མཁའ་ལས་བྱུང་ཁྱོད་ལ་འདུད། །ཡེ་ཤེས་ལས་བྱུང་ཁྱོད་ལ་འདུད། །སྒྱུ་འཕྲུལ་དྲྭ་བ་ཁྱོད་ལ་འདུད། །སངས་རྒྱས་རོལ་སྟོན་ཁྱོད་ལ་འདུད། །ཐམས་ཅད་ཐམས་ཅད་ཁྱོད་ལ་འདུད། །ཡེ་ཤེས་སྐུ་ཉིད་ཁྱོད་ལ་འདུད། །ཅེས་འདུད་ཉི་ཤུས་བསྟོད། སྤྲོ་ཞིང་ནུས་ན། གང་ལ་ཐོག་མཐའ་དབུས་མེད་གནས་དང་འཆི་དང་སྲིད་པ་དང་ནི་སྒྲ་དང་དྲི་དང་རོ་དག་དང༌། །རེག་བྱ་གཟུགས་དང་སེམས་མེད་རང་བཞིན་དང་ནི་སྐྱེས་བུ་མེད་ཅིང་འཆིང་དང་གྲོལ་དང་བྱེད་པོ་མེད། །ས་བོན་དང་ནི་གསལ་བར་དུས་མེད་མཐའ་དག་སྲིད་པར་སྡུག་བསྔལ་བདེ་བ་ཉིད་ཀྱི་རང་བཞིན་མེད། །མྱ་ངན་འདས་པ་མཚན་མ་མེད་ཅིང་བྱེད་པ་རྣམས་བྲལ་ཡོན་ཏན་མེད་པ་དེ་ལ་ཕྱག་འཚལ་ལོ། །དུས་དང་སྣ་ཚོགས་ལ་སོགས་རྡོ་རྗེ་དང་ནི་སྐྱེས་བུ་དཔེ་མེད་ཀུན་འགྲོ་སྤྲོས་པ་མེད་པ་སྟེ། །
― LT24_Page_058A ―
[མ་དཔེ་གཟིགས་ན་འདིར་གནོན།]
ཐེར་ཟུག་ཏུ་གནས་སྙན་དང་ཤངས་དང་ཞལ་དང་སྤྱན་དང་དབུ་དང་ཕྱག་དང་ཞབས་ནི་ཐམས་ཅད་པ། །འབྱུང་བའི་མཐའ་ཏེ་འབྱུང་པོའི་མགོན་པོ་མཆོག་གི་སྲིད་པ་གསུམ་འཛིན་རྒྱུ་རྣམས་དག་གི་རྒྱུར་གྱུར་པ། །རིག་པ་ལ་སོགས་རྣལ་འབྱོར་དག་གིས་རྟོགས་བྱ་མཆོག་བདེའི་གོ་འཕང་དུས་ཀྱི་འཁོར་ལོ་ལ་ཕྱག་འཚལ། །སྤྲོ་བྱེད་ནུས་མའི་གཟུགས་གཞན་གློག་གི་མེ་དང་མཚུངས་ཤིང་ཉི་མ་བཅུ་གཉིས་དག་གི་གཟི་བརྗིད་ཅན། །ཡེ་ཤེས་རྡོ་རྗེའི་སྣང་བ་མཆོག་གི་གོ་འཕང་བགྲོད་བྱེད་རྣམ་པར་བཅད་པ་དེ་ལ་ཕྱག་འཚལ་ལོ། །དཀར་པོ་འཇིག་རྟེན་གསུམ་གྱི་མགོན་པོ་རི་བོང་འཛིན་པ་ལས་འཛག་འཇིག་རྟེན་སྤྱི་བོར་ཡང་དག་གནས། །བདུད་རྩི་འཆི་བ་སེལ་ཞིང་སྲིད་པའི་འཇིགས་པ་འཇོམས་པར་བྱེད་པ་ཐིག་ལེའི་གཟུགས་ལ་ཕྱག་འཚལ་ལོ། །སེམས་ཙམ་སྔགས་ཀྱི་ངོ་བོ་ལྷ་ཡིས་ཡོངས་སུ་བསྐོར་བ་སྡུག་བསྔལ་དང་ནི་བདེ་བའི་རང་བཞིན་ཏེ། །དམ་པ་རྣམས་ལ་ཞི་བའི་གཟུགས་ནི་རང་གིས་བྱས་པའི་ཉམས་མྱོང་མི་བཟད་རྣམས་ལ་མི་བཟད་པ། །གང་གིས་ལས་གང་རབ་བྱས་རང་གི་སེམས་ལ་ཆོ་ག་བཞིན་དུ་དེ་ཡི་འབྲས་བུ་དེ་བསྐྱེད་པ། །འཇིག་རྟེན་དབང་པོ་སྣ་ཚོགས་གཟུགས་ཅན་སྲིད་གསུམ་བསྐྱེད་མཛད་རྡོ་རྗེ་སེམས་དཔའ་ལ་ཡང་ཕྱག་འཚལ་ལོ། །གཅིག་དང་དུ་མ་དག་ཀྱང་གཅིག་ཅིང་མཉམ་དང་མི་མཉམ་པ་དང་མཉམ་པ་གཡས་གཡོན་མདུན་རྒྱབ་དང༌། །སྟེང་འོག་ཀུན་ནས་དཀར་ལྗང་སྣ་ཚོགས་ཁ་དོག་ཆེན་པོ་གཅིག་གི་གཟུགས་ཏེ་ཐུང་ངུ་རིང་པོ་དང༌། །ཤིན་ཏུ་རིང་པོ་ཡོན་ཏན་མེད་ཅེས་ཡོན་ཏན་དང་བཅས་བུད་མེད་སྐྱེས་པའམ་སྐྱེས་པ་བུད་མེད་མིན། །གང་ཞིག་ཀུན་གྱི་བརྟེན་གཅིག་བྷ་ག་བཟང་མོ་མཆོག་གི་བྷ་ག་ཁྱོད་ལ་འདུད་དེ་ཁྱོད་ལ་འདུད། ཅེས་པས་ཀྱང་བསྟོད་དོ། །ཨོཾ་ཛྙཱ་ན་པཱུ་ཛ་ཨ་ནུ་རཀྟོ་སྭ་བྷཱ་ཝ་ཨཱཏྨ་ཀོ྅་ཧཾ། ཅེས་རྗེས་ཆགས་ཀྱིས་མཆོད་ཅིང་ང་རྒྱལ་བཟུང་དེ་ནས་ལྷ་དགུའི་སྒྲུབ་ཐབས་སུ་བཤད་པ་ལྟར། གཏོར་མ་བསངས་སྦྱངས་ནས་བརྩམས། །ཡིད་ལ་འདོད་པ་ཀུན་འགྲུབ་ཤོག །གི་བར་གྱི་ཕྲིན་ལས་བཅོལ་བ་ཡན་ཆད་གཏོར་ཆོག་
― LT24_Page_058B ―
[མ་དཔེ་གཟིགས་ན་འདིར་གནོན།]
གཏོར་མ་འབུལ། འབྱུང་པོ་སྤྱི་གཏོར་དང་གཞི་བདག་གཏོར་མ་སོགས་ཀྱང་བཏང༌། སྟེང་ན་བྱང་ཆུབ་སེམས་དཔའ་གང་དག་ཅེས་སོགས་ཤིས་བརྗོད་བྱ། མཆོད་གཏོར་གྱི་རིམ་པའོ། །དེ་ནས་སྤྲོ་ཞིང་ལྕོགས་ན་བླ་མ་རྣམས་ཀྱི་ཕྱག་ལེན་ལ་མཛད་པ་ལྟར། ཚོགས་རྫོགས་པའི་དོན་ལ་སྔོན་འགྲོའི་མཎྜལ་ནས་བརྩམས་ཏེ། མཆོག་དབང་མཐའ་དག་བདག་འཇུག་གི་ཚུལ་དུ་རྫོགས་པར་བླངས་ན་ཤིན་ཏུ་ལེགས་ཤིང༌། །སྤྱིར་སློབ་དཔོན་གྱིས་བདག་འཇུག་མ་བླངས་ཀྱང༌། སློབ་མ་དབང་བསྐུར་བའི་ཆོ་གའམ་ཡན་ལག་ཉམས་པར་འགྱུར་བ་ནི་མ་ཡིན་ནོ། །དེ་དག་གི་སྐབས་འདི་ལ་ལྟོས་པའི་སློབ་དཔོན་གྱི་བྱ་བ་རྒྱས་པའི་དབང་དུ་བྱས་པའོ། །དེ་ནས་སློབ་མ་རྣམས་དཀྱིལ་འཁོར་ཁང་བའི་ཕྱི་རོལ་ལམ། ཡོལ་ཁང་གི་ཕྱི་རོལ་དུ་མངོན་ཏུ་ཕྱོགས་པ་ལ་སྦྱང་བ་ནི། བགེགས་གཏོར་རྣམས་བཤམས། བསངས་སྦྱང་འབྲུ་གསུམ་གྱིས་བྱིན་གྱིས་བརླབ། གཏོར་མའམ་མཐེབ་ཀྱུ་གསུམ་པོ་རིམ་གྱིས་བསྐོར་ལ། ཨོཾ་སརྦ་བིགྷཱ་བྷྱཿ ན་མཿསརྦ་ཏ་ཐ་ག་ཏེ་བྷྱོ་བི་ཤྭ་མུ་ཁ་བྷྱཿ སརྦ་ཐཱ་ཁཾ་ཨུད་ག་ཏེ་སྥ་ར་ཎ་ཨི་མཾ་ག་ག་ཎ་ཁཾ་གྲྀ་ཧྞི་དཾ་བ་ལིཾ་ཏེ་སྭཱ་ཧཱ། ཅེས་ལན་གསུམ། འདིར་སློབ་མ་རྣམས་ལ་དབང་གི་ཡེ་ཤེས་སྐྱེ་བ་ལ་བར་དུ་གཅོད་པར་བྱེད་པའི་བགེགས་ཀྱི་ཚོགས་གང་ཡིན་པ་ཐམས་ཅད། མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་ཚིམ་ནས། ཕན་པ་དང་བདེ་བའི་སེམས་དང་ལྡན་པས་གཞན་དུ་དེངས་ཤིག །ཞི་བས་སྦྱང་བའོ། །ཨོཾ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ། ཨོཾ་གྲྀ་ཧྞ་གྲྀ་ཧྞ་ཧུཾ་ཧཱུྃ་ཕཊ། ཨོཾ་གྲྀ་ཧྞ་པཱ་ཡ་གྲྀ་ཧྞ་པཱ་ཡ་ཧུཾ་ཧཱུྃ་ཕཊ། ཨོཾ་ཨཱ་ན་ཡ་ཧོ་བྷ་ག་ཝཱན་བིརྻ་རཱ་ཛ་ཧུཾ་ཕཊ། ལན་གསུམ་བཟླས་ཤིང་རྡོ་རྗེ་གསོར་ལ། ཏིང་ལོའམ་ཆང་བུ་བསྐོར། འདིར་སློབ་མ་འདི་རྣམས་ལ་དབང་གི་ཡེ་ཤེས་བསྐྱེད་པ་ལ་བར་དུ་གཅོད་པའི་བགེགས་ཀྱི་ཚོགས་གང་ཡིན་པ་དེ་ཐམས་ཅད། གཏོར་མ་ལམ་བརྔན། ཏིང་ལོ་ལམ་སྒྲོན། ཆང་བུ་ལམ་རྒྱགས་ཀྱི་ཚུལ་དུ་ཁྱེར་ལ། སའི་ཕྱོགས་འདིར་མ་གནས་པར་གཞན་དུ་སོང་ཞིག །ཅེས་པ་ནི་ཞི་དྲག་བྱེད་མས་སྦྱང་བའོ། །ཧཱུྃ་མཛད་ཀྱི་ཕྱག་རྒྱ་བཅས་ནས་བདེན་སྟོབས་བརྗོད་ལ། མཐར་དྲག་པོའི་མཚམས་རྔམས་རོལ་ཆེན་དང་བཅས་པས་བསྐུལ་བ་ནི། འདི་ལྟར། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་
― LT24_Page_059A ―
[མ་དཔེ་གཟིགས་ན་འདིར་གནོན།]
བཀའ་བདེན་པ་དང༌། ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་རྣམས་ཀྱི་བཀའ་བདེན་པ་དང༌། དཔལ་མགོན་དམ་པ་ཆོས་སྐྱོང་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ཀྱི་བཀའ་བདེན་པ་དང༌། སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་བཀའ་བདེན་པ་དང༌། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་བདེན་པ་དང༌། ཀུན་རྫོབ་རྒྱུ་འབྲས་བསླུ་བ་མེད་པའི་བདེན་པ་དང༌། བདེན་པ་ཆེན་པོའི་བྱིན་གྱིས་བརླབ་ཀྱིས་འདིར་སློབ་མ་འདི་རྣམས་ལ་དབང་གི་ཡེ་ཤེས་བསྐྱེད་པ་ལ་བར་དུ་གཅོད་པར་བྱེད་པའི་འབྱུང་པོ་གདོན་བགེགས་ཀྱི་རིགས་གང་ཡིན་པ་དེ་དག །དེང་དཔལ་རྡོ་རྗེ་ཤུགས་ཀྱི་བཀའ་ཐོས་པས། སའི་ཕྱོགས་འདིར་མ་གནས་བར་མྱུར་བ་ཉིད་དུ་སོང་ཤིག །གང་དག་མི་འགྲོ་བ་དེ་དག་ཐམས་ཅད། དུས་གསུམ་གྱི་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ལས་བྱུང་བའི་ཁྲོ་བོའི་རྡོ་རྗེ་འབར་ཞིང་རབ་ཏུ་འབར་བ་འདིས་ཁྱེད་རྣམས་ཀྱི་མགོ་བོ་ཚལ་པ་བརྒྱར་འགས་པར་བྱའོ། །བསྡུ་ན་དེ་ཙམ་མམ་ཤིན་ཏུ་སྤྲོས་པ་ལ་དགའ་ན་ཕྱག་རྒྱ་དང་མཚོན་ཆ་དགོད་པ་སོགས་བྱས་ནས། བསྟོད་དབྱངས་རྒྱས་པ་སྔོན་དུ་འགྲོ་བར་བྱས་ཀྱང་རུང་ལ་སྤྲོས་པ་འབྲིང་ཙམ་གྱི་དབང་དུ་བྱས་ན། རྡོ་རྗེ་འཇིགས་བྱེད་སོགས་དང༌། རྗེ་བོ་སྣ་ཚོགས་སོགས་དང༌། ང་ནི་སངས་རྒྱས་ཀུན་གྱི་དངོས། །ང་ནི་ཁྲོ་རྒྱལ་ཧེ་རུ་ཀ། །ང་ནི་དཔལ་ལྡན་དུས་འཁོར་ལོ། །ང་ཡི་བཀའ་ལས་མ་འདའ་ཞིག །ལུས་ངག་སེམས་ལ་གནས་པ་ཡིན། །བགེགས་ཀྱི་ཚོགས་ཀུན་ང་ལ་ཉོན། །ང་ནི་དཔལ་ལྡན་རྡོ་རྗེ་ཤུགས། །བཀའ་ཡི་འཁོར་ལོ་རབ་སྦྱོར་བར། །རྡོ་རྗེ་རབ་ཏུ་འབར་བ་འདིས། །ལུས་གསུམ་ལས་སྐྱེས་དགས་པར་བྱ། །གལ་ཏེ་ཁ་ཅིག་བདག་ཚིག་འདའ། །འདིར་ནི་འཇིག་འགྱུར་གཞན་དུ་མིན། །རྡོ་རྗེའི་རཱ་གུར་རབ་ཏུ་བརྟན། །རྡོ་རྗེ་ཁྲོ་བོའི་སྤྲིན་སྤྲོས་ནས། །མཚོན་ཆ་ཡིག་འབྲུ་མེ་ཕུང་འབར། བར་མཚམས་མེད་པར་མཚམས་བཅད་དོ། །ཅེས་ཉུངས་ཀར་གཏོར་གུ་གུལ་སོགས་ཀྱི་
― LT24_Page_059B ―
[མ་དཔེ་གཟིགས་ན་འདིར་གནོན།]
དུད་པས་བདུག་རོལ་མོའི་སྒྲ་བསྒྲོགས་ཏེ། བགེགས་བསྐྲད་ཅིང་གཏོར་མ་ཕྱི་རོལ་དུ་དོར་ཏེ། དྲག་པོས་སྦྱོང་བའོ། །བསྡུས་པ་ལ་མོས་ན། བཀའ་བསྒོ་བ་ཡིད་ཀྱིས་བྱས་ནས་སྔགས་ཙམ་བརྗོད་དོ། །བདག་གཞན་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་སྙིང་གར་ཡི་གེ་པཾ་གྱི་རྣམ་པར་གནས་པ་ལྟེ་བའི་གཏུམ་མོ་འབར་བའི་འོད་ཟེར་གྱིས་དེད་སྟེ། སྣ་སྒོར་སྡིག་པ་རྭ་ཅན་གྱི་རྣམ་པར་གྱུར་པ་མདུན་གྱི་ཏིལ་ལམ་ཉུང་དཀར་ལ་ཐིམ། བསངས་སྦྱངས་འབར་བའི་མེ་ནང་དུ་ཁྲོ་བོ་རྡོ་རྗེ་མཁའ་འགྲོ་རྡོ་རྗེ་དྲིལ་བུ་འཛིན་པ་ཞལ་གདངས་པའོ། །ཨོཾ་བཛྲ་ཌ་ཀི་ཁ་ཁ་ཁཱ་ཧི་ཁཱ་ཧི། སརྦ་པཱ་པཾ་ད་ཧ་ན་བྷསྨིཾ་ཀུ་རུ་སྭཱ་ཧཱ། ལན་གསུམ་བརྗོད། ལས་ཀྱི་རྡོ་རྗེས་ཏིལ་ལམ་ཡུངས་ཀར་གཡས་གཡོན་ཏུ་བསྐོར་ནས། གཡས་སུ་མེ་དང་གཡོན་དུ་ཆུ་དོར་བས། རྡོ་རྗེ་མཁའ་འགྲོའི་ཞལ་དུ་གསོལ་བ་དང༌། རྒྱ་མཚོ་ཆེན་པོར་བསྐྱུར་བར་བསམ། མཐར་མེ་ཡང་ཆུ་ནང་དུ་བླུག་གོ །སྡིག་པ་སྦྱང་བའོ། །སྐབས་འདིར་སྤྲོས་པ་ལ་དགའ་ན་དྲུག་བཞི་ལྡན་གྱི་སྒོ་ནས་བྱུར་གསལ་བར་མཛད་པའི་ཕྱག་ལེན་ཡང་གདའ་ཏེ་མི་འགལ་ལོ། །དེ་ནས་འདི་སྐད་ཅེས། ཁྱེད་རང་རྣམས་ཀྱི་མགོ་བོར་ཨཱུ་ཡིག་དང༌། སྙིང་གར་ཨཱི་ཡིག་དང༌། གཙུག་ཏོར་ཏུ་ཨཱ་ཡིག་སྟེ། ཐབས་ཀྱི་རིགས་གསུམ་དང༌། ལྟེ་བར་ལཱྀ་ཡིག་དང༌། མགྲིན་པར་རཱྀ་ཡིག་དང༌། གསང་བར་ཨཱཿཡིག་སྟེ་ཤེས་རབ་ཀྱི་རང་བཞིན་ཡི་གེ་གསུམ་གྱིས་སྲུངས་ཤིང་རྒྱས་བཏབ་པར་མོས་ཤིག །དེ་ནས་སེམས་བསྐྱེད་གསལ་འདེབས་པ་དང་ཆོས་སྤྱི་འགྲོའི་བཤད་པ་ཅུང་ཟད་བྱས་ནས། འདིར་རྫོགས་རིམ་ཐམས་ཅད་ཀྱི་མཐར་ཐུག་ཟབ་ལམ་རྡོ་རྗེའི་རྣལ་འབྱོར་སྒོམ་པ་ལ་སྔར་མ་སྨིན་ན་སྨིན་བྱེད་ཀྱི་དབང་དགོས་ལ། སྔར་སྨིན་ཡང་ཡེ་ཤེས་མ་སྐྱེས་པ་བསྐྱེད་པའི་ཕྱིར་དུ། སྐབས་འདིར་ངེས་པར་དབང་གོང་མ་རྣམས་བསྐུར་དགོས་ཤིང༌། །གང་ཟག་དབང་པོ་དམན་པ་ལ་དཔལ་དུས་ཀྱི་འཁོར་ལོའི་རྒྱུད་ལས་གསུངས་པའི་དཀྱིལ་འཁོར་རྒྱས་འབྲིང་བསྡུས་གསུམ་གང་ཡང་རུང་བར། ཐུན་མོང་གི་སྨིན་བྱེད་བྱིས་པ་འཇུག་པའི་དབང་བདུན་ཐོབ་ན་
― LT24_Page_060A ―
[མ་དཔེ་གཟིགས་ན་འདིར་གནོན།]
ལེགས་མོད། ཡང་གསང་འདུས་བདེ་མཆོག་དགྱེས་རྡོར་སོགས་ཀྱི་དཀྱིལ་འཁོར་དུ། བསྡུས་རྒྱུད་ཕལ་ཅིག་གི་རྗེས་སུ་འབྲངས་ཏེ། འཕགས་ཡུལ་གྱི་པཎ་གྲུབ་ཕལ་ཆེར་ལ་གྲགས་པའི། ཆོ་ག་རྣམ་དག་གཅིག་གི་སྟེང་ནས་བུམ་དབང་དུ་གྲགས་པ་དེ་ཐོབ་ན་ཡང༌། །བྱིས་འཇུག་དང་དོན་གྱི་གནད་གཅིག་པས་ལེགས་ཏེ། གོ་རིམ་མ་འཆོལ་ཞིང༌། སྤྱིར་བཏང་གྱི་བཤད་པའི་རིམ་པ་དང་མཐུན། དབང་པོ་དམན་པ་རྣམས་ལ་དེ་ལྟར་འཐད་ཆ་ཤས་ཆེ། འོན་ཀྱང་དབང་པོ་རྣོན་པོ་རྣམས་དང༌། དབང་བརྟུལ་ལ་ཡང་བསམ་པ་དང་དགོས་པའི་ཁྱད་པར་གྱི་དམིགས་བསལ་ལ་བྱིས་འཇུག་གི་དབང་ངམ། དེའི་དོད་པོ་སྔོན་དུ་མ་སོང་བར་ཡང༌། མཆོག་དབང་བསྐུར་དུ་མི་རུང་བ་མ་ཡིན་ཏེ། དབང་བསྐུར་བ་ནི་སྡོམ་པ་འབོག་པའི་ཆོག་ཡིན་ལ། སྡོམ་པ་འབོགས་ཡུལ་ལ་འབོགས་ཆོག་བྱེད་པ། གསངས་སྒྲོགས་སུ་འགྱུར་བའི་གོ་སྐབས་ནམ་ཡང་ཡོད་པ་མ་ཡིན་ཞིང༌། འོན་ཀྱང་གོ་རིམ་བསྒལ་བའི་སྐྱོན་ཡོད་སྙམ་ན་དེ་ཡང་སྤྱིར་བཏང་དམིགས་གསལ་ཀྱི་ཁྱད་ཡིན་ཏེ། དགེ་བསྙེན་ལ་སོགས་པའི་སྡོམ་པ་སྔོན་དུ་མ་སོང་བར་སྙེན་རྫོགས་ཀྱི་སྡོམ་པ་སྐྱེ་བ་བཞིན་ཡིན་པའི་ཕྱིར་རོ། །འདིར་སྐབས་སློབ་མ་རྣམས་སྔར་དབང་ཇི་ལྟར་རིགས་པ་ཐོབ་མ་ཐོབ་དང་བསྟུན་ནས། དེ་དང་མཐུན་པའི་བརྡ་སྤྲོད་བྱ། སྔོན་འགྲོའི་དོན་དུ་མཎྜལ་འབུལ་བར་ཞུ་ཞེས་བརྗོད་ལ། སློབ་མས་མཎྜལ་འབུལ། མི་བཟད་འཁོར་བས་འཇིགས་པ་བདག་ནི་དེ་རིང་ཉིད་ནས་རྒྱལ་བ་རྣམས་ལ་སྐྱབས་སུ་ལྷག་པར་མཆི། །ཁྱེད་ཀྱི་ཞབས་ཀྱི་ཆུ་སྐྱེས་ངེས་པར་སྲིད་པའི་འཇིགས་འཕྲོག་ལུས་ངག་སེམས་ནི་དག་པས་སོ། །ཅེས་ལན་གསུམ་གསོལ་བ་བཏབ། སྡོམ་པ་བཟུང་བ་འདིའི་རྗེས་ཟློས་བྱར་གཞུགས་ཏེ། འདོད་པའི་རྡོ་རྗེ་ལ་ནི་རྡོ་རྗེ་དྲིལ་བུ་ཕྱག་རྒྱ་བླ་མ་དག་ཀྱང་སྤྱི་བོས་བཟུང་པར་བགྱི། །རིན་ཆེན་ལ་ནི་སྦྱིན་པ་སྦྱིན་བགྱི་འཁོར་ལོ་འདི་ལ་རྒྱལ་བ་མཆོག་གི་དམ་ཚིག་བསྐྱོང་བར་བགྱི། །རལ་གྲི་ལ་ནི་མཆོད་པ་བགྱི་སྟེ་གསལ་བར་ཆུ་སྐྱེས་རིགས་ལ་སྡོམ་པ་
― LT24_Page_060B ―
[མ་དཔེ་གཟིགས་ན་འདིར་གནོན།]
རྣམས་ནི་བསྐྱོང་བར་བགྱི། །སེམས་ཅན་རྣམས་ནི་ཐར་པའི་སླད་དུ་རྒྱལ་བ་བསྐྱེད་མཛད་རིགས་ལ་བྱང་ཆུབ་བདག་གིས་བསྐྱེད་པར་བགྱི། ཅེས་ལན་གསུམ་མོ། །བསྡུས་པ་ལ་མོས་ན་སྔོན་འགྲོ་ད་ཙམ་གྱིས་ཆོག་ལ། འབྲིང་པོ་ལ་མོས་ན། དེ་རྗེས་སློབ་མའི་གནས་དྲུག་ཏུ་དྲི་བཟང་གི་ཐིག་ལེ་དངོས་སུ་བྱེད་པའམ་བྱས་པར་མོས་ལ། དཔྲལ་བར་ཨོཾ་མགྲིན་པར་ཨཱཿཐུགས་ཀར་ཧཱུྃ་ལྟེ་བར་ཧོཿགཙུག་ཏོར་དུ་ཧཾ། གསང་བར་ཀྵཿརྣམས་སུ་གྱུར། ཅེས་བརྗོད་ཨོཾ་ཨཱཿཧཱུྃ་ཞེས་ནང་མཆོད་ནས་སློབ་མའི་ལུས་ལ་བདུད་རྩི་གཏོར་ལ་སྲུང་བ་བྱས་པར་མོས། དེ་ནས་ཅུང་ཟད་སྤྲོ་ན་བུམ་ཆུ་ནས་བསྲེས་པའི་དྲི་བཟང་གི་ཆུ་བླུད་ལ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་སྲུང་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་བཛྲ་ཨ་མྲྀ་ཏ་ཨུ་ད་ཀ་ཋ་ཋ་ཧཱུྃ། ཅེས་བརྗོད། བླ་མ་དང་དུས་ཀྱི་འཁོར་ལོ་གཉིས་སུ་མེད་པའི་ཐུགས་ཀ་ནས་འོད་ཟེར་འཕྲོས་པས། བཅོམ་ལྡན་འདས་དུས་ཀྱི་འཁོར་ལོ་རྡོ་རྗེ་སེམས་དཔའ་མདུན་གྱི་ནམ་མཁར་སྤྱན་དྲངས། དེའི་སྐུ་གསུང་ཐུགས་ཀྱི་བྱིན་རླབས་འོད་ཟེར་གྱི་རྣམས་པ་དཔག་ཏུ་མེད་པ་འཕྲོས་ཏེ། ཁྱེད་རང་རྣམས་ཀྱི་ལུས་ལ་ཐིམ་པས། ལུས་ངག་ཡིད་གསུམ་བྱིན་གྱིས་བརླབ་པར་མོས་པ་གྱིས་ཤིག །རོལ་མོའི་སྒྲ་དང་བཅས་ཏེ། ཨོཾ་ཨཱ་ཨ་ཨཾ་ཨཿབཛྲ་ས་ཏྭ་མ་ཧཱ་སུ་ཁ་བཛྲ་ཀཱ་ལ་ཙཀྲ་ཤིཉྩ་སྱ་ཨ་བྷི་མུ་ཁོ་དྦྷྲ་ཝ་སནྟུཥྚོ་བྷ་ཝ་བ་ར་དོ་བྷ་བ། ཀཱ་ཡ་བཱ་ཀ་ཙིཏྟ་ཏ་ཨ་དྷིཥྛ་ནཾ་ཀུ་རུ་ཀུ་རུ་སྭ་ཧཱ། ཅེས་མང་དུ་བཟླས་སྟེ་རྡོ་རྗེ་སེམས་དཔའ་བསྐུལ་བའོ། །ཅུང་ཟད་སྤྲོས་པ་ལ་དགའ་ན་རྡོ་རྗེ་སེམས་དཔའི་བརྟུལ་ཞུགས་ཉེར་ལྔ་སྦྱིན་པར་ཡང་བཞེད་དེ་མི་འགལ་ལོ། །དེ་ནས་བུམ་ཆུ་དུད་ཆོས་ཀྱིས་བླངས་ནས། ཨོཾ་ཧཾ་ཧཾ་སོགས་བུམ་པའི་ས་བོན་རྣམས་ལན་མང་དུ་བརྗོད་ལ། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་ཨ་ཨི་རྀ་ཨུ་ལི་པཉྩ་དྷ་ཏུ་བི་ཤྭོདྷ་ནི་སྭཱ་ཧཱ། ཞེས་པས་ཁྲུས་གསོལ་ཞིང་འཐུང་ངུ་གཞུག་གོ །འདི་སྐབས་ཕྱག་ལེན་ལུགས་གཅིག་ལ་སློབ་མ་ལྟ་གོན་གྱི་ཁྱོར་ཆུའི་སྔགས་ཀྱིས་སྦྱིན་པར་མཛད་པའང་ཡོད་མོད་ཀྱི། བུམ་སྒྲུབ་དང་འབྲེལ་པའི་
― LT24_Page_061A ―
[མ་དཔེ་གཟིགས་ན་འདིར་གནོན།]
ཕྱིར་འདི་ཉིད་ལེགས་སོ། །སྔོན་འགྲོ་ཤིན་ཏུ་སྤྲོས་པ་ལ་མོས་ན། ལོ་ཙཱ་བ་བློ་གྲོས་དཔལ་གྱིས་མཛད་པའི་གོང་མའི་དབང་མཆོག་བདུད་རྩིའི་འབྱུང་གནས་སུ་བཤད་པ་ལྟར། སློབ་མ་སྟ་གོན་གྱི་ཆོས་ཐུན་མོང་མ་ཡིན་པ་རྣམས་དང༌། ཕྱི་དཀྱིལ་གྱི་འཇུག་པའི་ཆོ་ག་རགས་པ་རྣམས་སྦྱོར་བའི་ལུགས་ཀྱང་ཡོད་པ། དབང་གོང་མའི་ཡན་ལག་ཏུ་མི་དགོས་མོད། སློབ་མའི་མོས་པ་དང་བསྟུན་ནས་བྱེད་པ་ཡང་མི་འགལ་ལོ། །དངོས་གཞིའི་ཐོག་མར་འདི་སྐད་ཅེས་བྱ་སྟེ། དེ་ཡང་རྩ་བའི་རྒྱུད་ལས། རྡོ་རྗེའི་ཐིག་ནི་གདབ་པ་དང༌། །མཚོན་རྩི་དག་ནི་དགྱེ་བ་དག །སྔགས་ཀྱི་དེ་ཉིད་ཀྱིས་མི་བྱ། །བྱས་ན་བྱང་ཆུབ་རྙེད་པར་དཀའ། །ཞེས་གསུངས་པས། དབང་གོང་མ་རྣམས་ནི་རྡུལ་ཚོན་ལ་སོགས་པ་ཕྱི་དབྱིབས་བཀོད་པའི་དཀྱིལ་འཁོར་དུ་བསྐུར་བ་མ་ཡིན་ལ། ཆུ་དབང་ལ་སོགས་པ་བུམ་དབང་དུ་བཤད་པ་ཡང༌། དེ་ལྟར་མིང་བཏགས་པ་ཙམ་སྟེ་དབང་བཞིའི་ནང་ཚན་གྱི་བུམ་དབང་མ་ཡིན་པ་དང་དབང་བཞི་ནི་གོང་མ་ཁོ་ན་ལས་ཕྱེ་བ་ཡིན་པར་མཐར་ཐུག་གི་རྒྱུད་སྡེ་རྣམས་ལས་གསུངས་པ་ཡིན་ཞིང༌། དེས་ན་ཕྱག་རྒྱའི་ལུས་ཀྱི་དཀྱིལ་འཁོར་དུ་བུམ་དབང༌། བྷ་གའི་དཀྱིལ་འཁོར་དུ་གསང་དབང་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་ཤེས་རབ་ཡེ་ཤེས་འཇིག་རྟེན་པའི་དབང༌། དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་བཞི་པ་འཇིག་རྟེན་ལས་འདས་པའི་དབང་རྣམས་བསྐུར་བ་ཡིན་པས། དེ་ལྟར་གོ་དགོས་ཤིང་དབང་བསྐུར་བ་པོ་ནི་ཐམས་ཅད་ལ་རྡོ་རྗེ་སློབ་དཔོན་ཏེ། དེ་ཡང་བླ་མ་དུས་ཀྱི་འཁོར་ལོའི་གཡས་ཞལ་སྐུ་རྡོ་རྗེ་ལ་བུམ་དབང༌། གཡོན་ཞལ་གསུང་རྡོ་རྗེ་ལ་གསང་དབང༌། མདུན་ཞལ་ཐུགས་རྡོ་རྗེ་ལ་ཤེར་དབང༌། རྒྱབ་ཞལ་ཡེ་ཤེས་རྡོ་རྗེ་ལ་བཞི་པ་རྣམས་ཞུ་བའི་བསམ་པ་བསྐྱེད་དགོས། དེ་ལ་ཐོག་མར་མཆོག་དབང་བཞི་པོ་སྤྱི་ཁྱབ་ཀྱི་དོན་དུ། མཚན་ཉིད་ཐམས་ཅད་ཡོངས་སུ་རྫོགས་པའི་རིགས་ཀྱི་ཕྱག་རྒྱ་དང༌། ཞིང་ཁམས་རྣམ་པར་དག་པ་རིན་པོ་ཆེས་ཕྱུར་བུར་བཀང་བར་མོས་ལ་མཎྜལ་འབུལ་བར་ཞུ། ཅེས་བརྗོད་ཅིང་སློབ་མས་ཀྱང༌། མཎྜལ་ཕུལ་ཏེ། སྒྲིབ་པ་ཐམས་ཅད་བཅོམ་པ་ཡི། །དུས་ཀྱི་འཁོར་ལོ་ཁྱོད་ལ་འདུད། །
― LT24_Page_061B ―
[མ་དཔེ་གཟིགས་ན་འདིར་གནོན།]
མཆོག་ཏུ་མི་འགྱུར་བདེས་གང་བ། །ཡེ་ཤེས་སྐུ་ཁྱོད་ལ་ཕྱག་འཚལ། །སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་ནི་འགྱུར་མེད་བདེ། །དབང་བསྐུར་དེ་ཡིས་བདག་ལ་ནི། །མགོན་པོས་ད་ནི་བཀའ་དྲིན་མཛོད། །བུ་དང་ཆུང་མ་སོགས་བཅས་པ། །བདག་ནི་དུས་ཀུན་ཁྱོད་ཀྱི་འབངས། །ཇི་སྲིད་བྱང་ཆུབ་སྙིང་པོའི་མཐར། །བདག་ལ་སྐྱབས་གཞན་ཡོད་མ་ཡིན། །ཅེས་པས་ཐུན་མོང་དུ་གསོལ་བ་བཏབ། །དེ་ནས་བུམ་དབང་ཉིད་ཀྱི་དོན་དུ་མཎྜལ་ཕུལ་ལ། །ལུས་ལ་སྐུ་རྡོ་རྗེའི་བྱིན་བརླབས་འཇུག་པའི་དོན་དུ་གསོལ་བ་གདབ་པ་ནི། དཔལ་ལྡན་སྐུ་ཡི་རྡོ་རྗེ་འཛིན། །མི་ཕྱེད་རྡོ་རྗེ་གསུམ་སྒོམ་པས། །སྐུ་ཡི་རྡོ་རྗེ་ཅན་གྱིས་ནི། །བྱིན་རླབས་གནས་སུ་དེང་བདག་མཛོད། །ཕྱོགས་བཅུར་བཞུགས་པའི་སངས་རྒྱས་རྣམས། །མི་ཕྱེད་རྡོ་རྗེ་གསུམ་སྒོམ་པས། །སྐུ་ཡི་རྡོ་རྗེ་ཅན་གྱིས་ནི། །བྱིན་རླབས་གནས་སུ་དེང་བདག་མཛོད། །ཅེས་ལན་གསུམ་གསོལ་བ་བཏབ། སླར་ཡང་བུམ་དབང་དངོས་གཞིའི་དོན་ཏུ་གསོལ་བ་ལན་གསུམ་འདེབས་པ་ནི། ཨོཾ་ཨོཾ་པྲཛྙཱ་ཨུ་པ་ཡཽ་ཀ་ལ་ཤ་ཨ་བྷི་ཥེ་ཀཾ་ད་དཱ་ཏཱཾ་ཧཱུྃ་ཧཱུྃ་ཕཊ། ཅེས་པའོ། །བླ་མའི་ཐུགས་ཀའི་འོད་ཟེར་གྱིས་སྤྱན་དྲངས་པའི་ཕྱོགས་བཅུའི་དེ་བཞིན་གཤེགས་པ་ནམ་མཁའ་གང་བར་བཞུགས་པ་ཐམས་ཅད་ཀྱི་དཔྲལ་བའི་ཨོཾ་ཡིག་དཀར་པོ་ལས། ཨོཾ་ཡིག་འོད་ཟེར་དཀར་པོ་འཕྲོ་བ་དཔག་ཏུ་མེད་པ་བྱོན་ནས། ཁྱེད་རང་རྣམས་ཀྱི་དཔྲལ་བ་ནས་ཞུགས། ལུས་ཐམས་ཅད་གང་བས། ལུས་ཀྱི་དྲི་མ་དག །སངས་རྒྱས་ཐམས་ཅད་ཀྱི་སྐུ་རྡོ་རྗེས་བྱིན་གྱི་བརླབས་པར་མོས་པ་མཛོད། བྱས་ལ། རོལ་ཆེན་བྱ་ཞིང༌། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་སློབ་མ་འདིའི་ལུས་ཀྱི་ཐིག་ལེ་དང༌། སད་པའི་གནས་སྐབས་འགགས་ཤིང༌། དགའ་བའི་དགའ་བ་རྫོགས་ནས། སྐུ་རྡོ་རྗེ་སྤྲུལ་པའི་སྐུ། སྒྱུ་འཕྲུལ་དྲྭ་བས་མངོན་པར་རྫོགས་པར་བྱང་ཆུབ་པ་ཐོབ་པར་བྱིན་གྱིས་བརླབ་ཏུ་གསོལ། ཅེས་སློབ་མའི་ཆེད་དུ་སངས་རྒྱས་རྣམས་ལ་བླ་མས་གསོལ་བ་གདབ་བོ། །དེ་ནི་བུམ་དབང་གི་བྱིན་བརླབས་དབབ་པའོ། །དེ་ནས་བུམ་དབང་དངོས་ནི། སྔར་
― LT24_Page_062A ―
[མ་དཔེ་གཟིགས་ན་འདིར་གནོན།]
ཕུལ་བའི་ཕྱག་རྒྱ་དེ་ཉིད་སྣ་ཚོགས་ཡུམ་དུ་བྱིན་གྱིས་བརླབས་ནས། ལྷ་མོ་དགའ་སྦྱིན་གནས་སྦྱིན་མ། །སྣ་ཚོགས་གཟུགས་ཅན་ཡིད་འོང་མ། །ཟུང་ཞིག་ཁྱེར་ཅིག་སེམས་དཔའ་ཆེ། །ཟུང་ལ་མཆོད་པ་དག་ཏུ་གྱིས། །ཞེས་རིག་མ་གཏད། དེའི་ནུ་མ་ལ་ལག་པས་རེག་པས། དེ་ལས་བྱུང་བའི་བདེ་བ་ཉམས་སུ་མྱོང་བའི་འཇིག་རྟེན་ཀུན་རྫོབ་ཀྱི་དགའ་བའི་དགའ་བ་སྟེ། དེ་ཉིད་བུམ་པའི་དབང་གི་དོན་ནོ། །དེ་ལྟར་ན་ཕྱག་རྒྱའི་ལུས་ཀྱི་དཀྱིལ་འཁོར་དུ་བུམ་པའི་དབང་བསྐུར་བ་ཐོབ་པས། སྔགས་ཀྱི་ཚུལ་ལ་དགེ་ཚུལ་དུ་གྱུར་ཅིང༌། ས་བརྒྱད་པ་མི་གཡོ་བར་ལུང་བསྟན་པ་ཐོབ་པ་སངས་རྒྱས་ཀྱི་སྲས་སུ་གྱུར་པ་ཡིན་ནོ། །ཞེས་བརྡ་སྤྲད། ཨོཾ་ཨོཾ་བཛྲ་ས་ཏྭ་ན་བཛྲ་ཀ་ལ་ཤ་ཨ་བྷི་ཥེ་ཀ་ཎ་ཨ་བྷི་ཥིཀྟོ་བཛྲ་ས་ཏྭ་པུ་ཏྲོ་ཨ་ཙ་ལཱ་བྷཱུ་མི་ལ་ྦྷྡྷོ་ཧཾ་ཞེས་རྗེས་ཟློས་བྱེད་དུ་བཅུག་པས་ང་རྒྱལ་བཟུང་བར་བྱ་སྟེ་བུམ་པའི་དབང་ངོ༌། །དེ་ནས་གསང་དབང་གི་དོན་དུ་མཎྜལ་འབུལ། ངག་ལ་གསུང་རྡོ་རྗེའི་བྱིན་བརླབས་གཞུག་པའི་དོན་དུ་གོང་གི་ཚིག་བཅད་ལ། དཔལ་ལྡན་གསུང་གི་རྡོ་རྗེ་འཛིན། ཅེས་འདོན་པ་སྤོས་ཏེ་ལན་གསུམ་གསོལ་བ་གདབ། གསང་དབང་དངོས་གཞིའི་དོན་དུ། ཨོཾ་ཨཱཿཔྲཛྙཱ་ཨུ་པ་ཡོ་གུ་ཧྱ་ཨ་བྷི་ཥེ་ཀཾ་མེ་ད་དཱ་ཏཱཾ་ཧུཾ་ཧཱུྃ་ཕཊ། ཅེས་པས་གསོལ་བ་གདབ། བླ་མའི་ཐུགས་ཀའི་འོད་ཟེར་གྱིས་སྤྱན་དྲངས་པའི། ཕྱོགས་བཅུའི་དེ་བཞིན་གཤེགས་པ་ནམ་མཁའ་གང་བར་བཞུགས་པ་ཐམས་ཅད་ཀྱི། མགྲིན་པའི་ཨཱཿཡིག་དམར་པོ་ལས། ཨཱཿཡིག་འོད་ཟེར་དམར་པོ་འཕྲོ་བ་དཔག་ཏུ་མེད་པ་བྱོན་ཏེ། ཁྱེད་རང་རྣམས་ཀྱི་མགྲིན་པ་ནས་ཞུགས། ལུས་ཐམས་ཅད་གང་བས་ངག་གི་དྲི་མ་དག །སངས་རྒྱས་ཐམས་ཅད་ཀྱི་གསུང་རྡོ་རྗེས་བྱིན་གྱིས་བརླབས་པར་མོས་པ་མཛོད། རོལ་ཆེན་བྱ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱིས་སློབ་མ་འདིའི་ངག་གི་ཐིག་ལེ་དང༌། རྨི་ལམ་གྱི་གནས་སྐབས་འགགས་ཤིང༌། མཆོག་དགའ་དགའ་བ་རྫོགས་ནས། གསུང་རྡོ་རྗེ་ལོངས་སྤྱོད་
― LT24_Page_062B ―
[མ་དཔེ་གཟིགས་ན་འདིར་གནོན།]
རྫོགས་པའི་སྐུ་རྣམ་པ་ཉི་ཤུས་མངོན་པར་རྫོགས་པ་བྱང་ཆུབ་ཐོབ་པར་བྱིན་གྱིས་བརླབ་ཏུ་གསོལ། ཅེས་བླ་མས་བརྗོད་དེ་གསང་དབང་གི་བྱིན་བརླབས་འབེབས་པའོ། །དེ་ནས་གསང་དབང་དངོས་ནི། ཨོཾ་དྭཱ་ད་ཤ་ཨད་ག་ནི་རོ་དྷ་ཀ་རི་ཎི་ཧཱུྃ་ཕཊ། གདོང་གཡོགས་བཅིངས་པར་བསམ་པའམ་དངོས་སུ་བཅིངས། །དེ་ནས་བླ་མ་དུས་ཀྱི་འཁོར་ལོ་ཡབ་ཡུམ་སྙོམས་པར་ཞུགས་པའི་ཐུགས་ཀའི་ས་བོན་གྱི་འོད་ཟེར་གྱིས། སངས་རྒྱས་སྲས་དང་བཙུན་མོར་བཅས་པ་ཐམས་ཅད་སྤྱན་དྲངས་ནས་སྐུ་ལ་ཞུགས་པ། ཆགས་པ་ཆེན་པོས་ཞུ་བར་གྱུར། ཨ་ཝ་དྷུ་ཏཱིའི་ལམ་ནས་བརྒྱུད་དེ་ནོར་བུར་བྱོན་པའི་བདུད་རྩི་མཐེ་བོང་དང་མིང་མེད་ཀྱིས་བཟུང་ནས་ལྕེ་ཐོག་ཏུ་བཞག་པར་གྱུར། །འདས་པའི་རྡོ་རྗེ་འཆང་སོགས་ཀྱིས། །ཇི་ལྟར་སངས་རྒྱས་སྲས་དབང་བསྐུར། །བྱང་ཆུབ་སེམས་ནི་བཟང་པོ་ཡིས། །དེ་ལྟར་བུ་ཁྱོད་དབང་བསྐུར་བགྱི། །ཞེས་དང༌། བླ་མེད་དེ་ནི་འདི་ཉིད་དེ། །གཉིས་སུ་མེད་ཅིང་མི་འགྱུར་བ། །ཆོས་ཀྱི་དབྱིངས་ནི་དམ་པ་ཡི། །ཡང་དག་བདེ་བ་མྱང་བར་གྱིས། །ཞེས་བརྗོད་པས། དེ་བཞིན་གཤེགས་པ་ཐམས་ཅད་འདུས་པའི་ངོ་བོར་བསམ་ཏེ། ཨ་ཧོ་མ་ཧཱ་སུ་ཁ། ཞེས་བརྗོད་དེ། དངོས་སུ་བདུད་རྩི་རིལ་བུ་སྦྱར་བའི་ནང་མཆོད་ཀྱི་ཐིགས་པ་ལན་གཉིས་སུ་ལྕེ་ལ་བཞག་ཅིང་བཏུང་བར་བྱའོ། །མིག་དར་བསལ། ཨོཾ་དེ་བྱེན་དྲ་ཡ་ཎ་རྒྱུ་ད་གྷ་ཊ་ཡ་སྭཱ་ཧཱ། ཕྱག་རྒྱའི་བྷ་ག་གསལ་བར་བྱས་པ་ཡང་བལྟས་ཏེ། དེ་ལས་བྱུང་བའི་བདེ་བ་ཉམས་སུ་མྱོང་བ་འཇིག་རྟེན་ཀུན་རྫོབ་ཀྱི་མཆོག་དགའི་དགའ་བ་སྟེ། དེ་ལྟར་ན་ཕྱག་རྒྱའི་བྷ་གའི་དཀྱིལ་འཁོར་དུ་གསང་བའི་དབང་བསྐུར་ཐོབ་པས། སྔགས་ཀྱི་ཚུལ་ལ་དགེ་སློང་དུ་གྱུར་ཅིང༌། ས་དགུ་པ་ལེགས་པའི་བློ་གྲོས་སུ་ལུང་བསྟན་པ་ཐོབ་པ་སངས་རྒྱས་ཀྱི་རྒྱལ་ཚབ་ཏུ་གྱུར་པ་ཡིན་ནོ། །ཅེས་བརྡའ་སྤྲད་ལ། ཨོཾ་ཨཱཿབཛྲ་ས་ཏྭེ་ན་གུ་ཧྱ་ཨ་བྷི་ཥིཀྟོ་བཛྲ་ས་ཏྭ། ཡུ་བ་རཱ་ཛོ་ན་བྷུ་མི་ལབྡྷོ་ཧཾ། ཞེས་རྗེས་ཟློས་བྱེད་དུ་བཅུག་པས་ང་རྒྱལ་བཟུང་བར་བྱ་སྟེ། གསང་བའི་དབང་ངོ༌། །དེ་ནས་ཤེས་རབ་ཡེ་ཤེས་ཀྱི་དབང་གི་དོན་དུ་མཎྜལ་ཕུལ། ཡིད་ལ་ཐུགས་རྡོ་རྗེའི་བྱིན་བརླབས་འཇུག་པའི་དོན་དུ། དཔལ་ལྡན་ཐུགས་ཀྱི་རྡོ་རྗེ་འཛིན། ཅེས་གོང་གི་ཚིག་བཅད་ལ་འདོན་
― LT24_Page_063A ―
[མ་དཔེ་གཟིགས་ན་འདིར་གནོན།]
བ་སྦོས་ཏེ་གསོལ་བ་གདབ། ཤེས་རབ་ཡེ་ཤེས་དངོས་གཞིའི་དོན་དུ། ཨོཾ་ཧུཾ་པྲཛྙཱ་ཨུ་པ་ཡཽ་བཛྲ་ས་ཏྭ་བི་ཤྭ་མཱ་ཏ་རཽ། པྲཛྙཱ་ཛྙཱ་ན་ཨ་བྷི་ཥེ་ཀཾ་མེ་ད་དཱ་ཏཱཾ་ཧུཾ་ཧཱུྃ་ཕཊ། ཅེས་པས་གསོལ་བ་བཏབ། དེ་ནས་བླ་མའི་ཐུགས་ཀའི་འོད་ཟེར་ཞེས་སོགས། །བྱིན་རླབས་དབབ་པ་སྔ་མ་རྣམས་ཀྱིས་རིགས་འགྲེ་བ་ལས། ཐུགས་ཀའི་ཧཱུྃ་ཡིག་སྔོན་པོ་ལས། ཧཱུྃ་ཡིག་འོད་ཟེར་སྔོན་པོ་འཕྲོ་བ། སྙིང་ག་ནས་ཞུགས་ཡིད་ཀྱི་དྲི་མ་དག །ཐུགས་རྡོ་རྗེས་བྱིན་གྱིས་བརླབས། །ཅེས་དང༌། ཡིད་ཀྱི་ཐིག་ལེ་དང༌། གཉིད་སྟུག་གི་གནས་སྐབས་འགགས། ཁྱད་དགའི་དགའ་བ་རྫོགས། ཐུགས་རྡོ་རྗེ་ཆོས་ཀྱི་སྐུ་རྣམ་པ་ལྔས་མངོན་པར་རྫོགས་པར་བྱང་ཆུབ་པ། ཅེས་ཀྱང་འདོན་པ་སྤོའོ། །དེ་ནས་ཤེས་རབ་ཡེ་ཤེས་ཀྱི་དབང་དངོས་ནི་བླ་མས། སྔར་ཕུལ་བའི་རིག་མ་དེ་སློབ་མ་ལ་གཏད་པར་མོས་ལ། འདིར་ནི་ཁྱེད་རྣམས་དཔང་པོ་ལགས། །བདག་གིས་འདི་ལ་འདི་གཏད་དོ། །ཞེས་རྡོ་རྗེ་སེམས་དཔའི་དཔང་པོར་བྱས་ནས། །གཟུང་མ་ཡིད་འོངས་འདི་ཁྱོད་ཀྱི། །བསྟེན་བྱར་སངས་རྒྱས་རྣམས་ཀྱིས་བརྟགས། །འཁོར་ལོའི་རིམ་པའི་སྦྱོར་བ་ཡི། །བདེ་བ་དམ་པ་མྱང་བར་གྱིས། །རྡོ་རྗེ་སྐྱིལ་ཀྲུང་གིས་སེམས་ནི། །ནོར་བུའི་ནང་དུ་གནས་བལྟ་བས། །ཞེས་གོ་བར་བྱས། ཕྱག་རྒྱ་སྣ་ཚོགས་ཡུམ་དུ་བྱས་པའི་དཔྲལ་བར་ཨོཾ། མགྲིན་པར་ཨཱཿ སྙིང་གར་ཧཱུྃ། ལྟེ་བར་ཧོཿ གསང་བར་སྭཱ། གཙུག་ཏོར་དུ་ཧཱ་རྣམས་འཁོད་པར་གྱུར། ཕྱག་རྒྱ་དེས་ཀྱང་ཆུ་སྐྱེས་གུར་གུམ་ལ་སོགས་པའི་དྲི་བཟང་པོར་བྱས་པ་སྟོན་ཅིང༌། ཨེ་མ་བདག་གི་པདྨ་འདི། །བདེ་བ་ཐམས་ཅད་ཡང་དག་ལྡན། །གང་ཞིག་ཆོ་གས་བསྟན་བྱེད་པ། །དེ་ཡི་མདུན་ན་བདག་གནས་ཏེ། །སངས་རྒྱས་བསྟེན་པ་ལ་སོགས་པ། །པདྨར་བྱ་བ་ཇི་བཞིན་གྱིས། །བདེ་ཆེན་རྒྱལ་པོ་རང་ཉིད་ནི། །འདི་ཉིད་དུ་ནི་རྟག་ཏུ་གནས། །བྷཉྫ་མོཀྵ་ཧོཿ བདག་ཉིད་དུས་ཀྱི་འཁོར་ལོར་གསལ་བའི་དཔྲལ་བར་ཨོཾ། མགྲིན་པར་ཨཱཿ སྙིང་གར་ཧཱུྃ། ལྟེ་བ་ཧོཿ གསང་བར་སྭཱ། གཙུག་ཏོར་དུ་ཧཱ་རྣམས་འཁོད་པར་གྱུར། ཤེས་རབ་ཀྱི་པདྨ་ཨཱཿལས་
― LT24_Page_063B ―
[མ་དཔེ་གཟིགས་ན་འདིར་གནོན།]
པདྨ་འདབ་མ་བརྒྱད་པ་ཟེའུ་འབྲུ་ལ་ཧཱུྃ་ལས་བྱུང་བའི་རྡོ་རྗེས་མཚན་པ། ཐབས་ཀྱི་རྡོ་རྗེ་ཧཱུྃ་ལས་རྡོ་རྗེ་རྩེ་ལྔ་པ། དབུས་སུ་ཨཱཿལས་བྱུང་བའི་པདྨ་འདབ་མ་བརྒྱད་པས་མཚན་པར་གྱུར། ལག་བཅངས་དང་གཉིས་སྦྱོར་གྱི་སྒོ་ནས་སྙོམས་པར་ཞུགས། ཨོཾ་ཛྙཱ་ན་པཱུ་ཛ་ཨ་ནུ་རཀྟོ་སྭ་བྷཱ་བ་ཨཱཏྨ་ཀོ྅་ཧཾ། ཞེས་བརྗོད། དེ་ལྟ་བུའི་སྦྱོར་བ་ལས་བྱུང་བའི་བདེ་བ་ཉམས་སུ་མྱོང་བར་གྱུར་པ་ནི། འཇིགས་རྟེན་ཀུན་རྫོབ་ཀྱི་དགའ་བྲལ་གྱི་དགའ་བ་དང༌། ལྷན་ཅིག་སྐྱེས་པའི་དགའ་བ་སྟེ། །ཤེས་རབ་ཡེ་ཤེས་ཀྱི་དབང་གི་དོན་ཏོ། །དེ་རྣམས་ནི་དགའ་བ་བཞིའི་དབྱེ་བས། ཀུན་རྫོབ་ཀྱི་དབང་རྣམ་པ་བཞིའོ། །དེ་ལྟར་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་ཏུ་ཤེས་རབ་ཡེ་ཤེས་ཀྱི་དབང་བསྐུར་བ་ཐོབ་པས། སྔགས་ཀྱི་ཚུལ་ལ་གནས་བརྟན་ཏུ་གྱུར་ཅིང༌། ས་བཅུ་པ་ཆོས་ཀྱི་སྤྲིན་ལ་གནས་པར་ལུང་བསྟན་པ་ཐོབ་པ་རྡོ་རྗེ་འཆང་གཉིས་པར་གྱུར་པ་ཡིན་ནོ། །ཞེས་བརྡ་སྤྲད་ལ། ཨོཾ་ཧུཾ་བཛྲ་ས་ཏྭེ་ན། པྲཛྙ་ཛྙཱ་ནེ་ན་ཨ་བྷི་ཥེ་ཀེ་ན་ཨ་བྷི་ཥི་ཀྟོ་དྭཱི་ཏཱི་ཡ། བཛྲ་དྷ་རོ྅་ཧཾ། དྷརྨ་མེ་གྷ་བྷུ་མི་ལབྡྷོ྅་ཧཾ། ཞེས་རྗེས་ཟློས་བྱེད་དུ་བཅུག་པས་ང་རྒྱལ་བཟུང་བར་བྱ་སྟེ། གསུམ་པ་ཤེས་རབ་ཡེ་ཤེས་ཀྱི་དབང་དངོས་སོ། །དེ་ནས་བླ་མས། དམ་ཚིག་གི་ངེས་པ་སྦྱིན་པ་ནི། འཇིག་རྟེན་ཀུན་རྫོབ་ཀྱི་ལྷན་ཅིག་སྐྱེས་པའི་དགའ་བ་དེ་ནི་དོན་དམ་པ་མ་ཡིན་གྱི། དོན་དམ་པར་རྣལ་འབྱོར་པ་རྣམས་ཀྱི་བདེ་བ་ནི་ཐིག་ལེ་འཕོ་བ་མེད་པ་ཡིན་པས་བདེ་བ་ཆེན་པོའི་རྟེན་ཐིག་ལེ་ནི་ཁྱོད་ཀྱིས་བསྲུང་བར་བྱའོ། །ཞེས་བྱ་བ་ནི། ལས་ཀྱི་ཕྱག་རྒྱའི་རབ་སྦྱོར་དང༌། །ཡེ་ཤེས་ཕྱག་རྒྱའི་རྗེས་ཆགས་ལའང༌། །བདེ་བ་ཆེན་པོ་བྱང་ཆུབ་སེམས། །བརྟུལ་ཞུགས་བརྟན་པོས་བསྲུང་བར་བྱ། །བྷ་གར་ལིང་ག་རབ་བཞག་ནས། །བྱང་ཆུབ་སེམས་ནི་སྤྲོ་མི་བྱ། །ཁམས་གསུམ་པོ་ནི་མ་ལུས་པའི། །སངས་རྒྱས་གཟུགས་ནི་བསྒོམ་པར་བྱ། །སྲུང་བ་འདི་ཉིད་ཁོ་ན་ཡིས། །སྐྱེ་བ་འདི་ལ་སངས་རྒྱས་ཉིད། །ཚུལ་ཁྲིམས་ཚོགས་ནི་ཡང་དག་རྫོགས། །བསོད་ནམས་ཡེ་ཤེས་ཡང་དག་ལྡན། །ཕ་རོལ་ཕྱིན་བཅུ་ཐོབ་
― LT24_Page_064A ―
[མ་དཔེ་གཟིགས་ན་འདིར་གནོན།]
པ་ཡི། །རྫོགས་པའི་སངས་རྒྱས་དུས་གསུམ་འཇུག །འདི་ཡིས་རྫོགས་སངས་རྒྱས་ཀུན་གྱི། །ཆོས་ཀྱི་འཁོར་ལོ་རབ་ཏུ་བསྐོར། །རང་དང་གཞན་དོན་སྒྲུབ་པའི་སླད། །སྟོང་ཉིད་སྙིང་རྗེ་དབྱེར་མེད་པ། །ཁམས་གསུམ་ཕྱག་བྱས་ཡེ་ཤེས་ནི། །འདི་ལས་གཞན་པ་ཡོད་མ་ཡིན། །སྐྱོབ་པ་ཀུན་གྱི་སྡོམ་པ་ནི། །གལ་ཏེ་ཁྱོད་སྲུངས་བདག་གི་བུ། །དེ་ཚེ་སངས་རྒྱས་ཐམས་ཅད་ཀྱིས། །བྱིན་རླབས་རྫོགས་བྱང་ཆུབ་ཐོབ་གྱུར། །ཅི་ཏེ་ཆགས་པས་ཟིལ་མནན་བདག །གཙོ་བོའི་མདུན་དུ་བླངས་ནས་ནི། །སྡོམ་པ་སྐྱོང་བར་མི་བྱེད་ན། །དེ་ཚེ་ངུ་འབོད་དུ་འགྲོར་འགྱུར། །དམན་པའི་སེམས་ལས་སྐྱེ་གནས་སུ། །གང་ཚེ་བྱང་ཆུབ་སེམས་ལྷུང་འགྱུར། །དེ་ཚེ་ཕྱག་རྒྱར་ཤེས་ནས་ནི། །པདྨའི་ཕྱི་རོལ་རང་ལྕེས་བླངས། །ཞེས་བརྗོད་པར་བྱ་སྟེ། སྡོམ་པ་སྦྱིན་པའི་ངེས་པའོ། །སྤྲོས་པ་ལ་དགའ་ན་སྐབས་འདིར་གལ་ལྟེ་གཡོ་སྒྱུའི་དབང་གིས་ཞེས་སོགས་རྩ་ལྟུང་བཅུ་བཞི་སྟོན་པའི་རྒྱུད་ཚིག་རྣམས་བརྗོད་ནས་དོན་ཡང་བཤད་དོ། །སླར་ཡང་མཎྜལ་ཕུལ་ནས། བཅོམ་ལྡན་འདས་བདག་ལ་དབང་བསྐུར་བའི་རབ་ཏུ་བྱེད་པའི་བཀའ་དྲིན་གནང་བར་མཛད་དུ་གསོལ། །ཞེས་པས་གསོལ་བ་གདབ་པོ། །དེ་ནས་བླ་མས་བུ་ཁྱོད་ཉོན་ཅིག་ཀུན་རྫོབ་ཇི་ལྟ་བ་བཞིན་དུ་སེམས་ཅན་ཐམས་ཅད་ཀྱི་ཐུན་མོང་གི་བདེ་བ། དགའ་བ་བཅུ་དྲུག་གི་མཚན་ཉིད་ནི། །འདོད་པ་སྤྱོད་པར་བྱེད་པས་འགྲོ་བ་རང་གི་ཡིད་ལའོ་གང་བ་དག་ནི་གང་བ་ཉིད་དུ་འགྱུར། །གང་བ་ཡན་ལག་མཆོག་ལ་རི་བོང་འཛིན་པ་ཁུ་པར་བྱས་ནས་འབར་བའི་ཐིག་ལེ་བཟང་པོ་འཛག །ཨོཊྚས་བཀུག་པ་མཆོག་གི་བདེ་བ་རང་བཞིན་གྱིས་སྟེར་ཐིག་ལེ་གྲོལ་བ་དག་ནི་གསུམ་གྱི་མཐར། བལྟ་དང་རེག་དང་འགྲོགས་ལས་འཛག་པའི་བདེ་བ་འདི་དག་གིས་ནི་དགའ་བ་ལ་སོགས་དབྱེ་བས་ཏེ། །འདོད་པ་དགའ་བ་བྱེད་དེ་དང་པོ་དག་ཀྱང་མི་རྣམས་ཀྱིས་ནི་མིག་གིས་བལྟ་བ་རྣམས་ཀྱིས་སོ། །ཕྱི་ནས་གང་བས་རབ་ཏུ་སྦྱར་བ་ཡིས་ཏེ་སླར་ཡང་མཆོག་གི་དགའ་བ་ཉིད་དེ་རང་ལུས་
― LT24_Page_064B ―
[མ་དཔེ་གཟིགས་ན་འདིར་གནོན།]
ལ། །འབར་བ་ཉིད་ལ་ཐིག་ལེ་འཛག་པའི་དགའ་བ་ཡིས་ཀྱང་ཁྱད་པར་དགའ་བ་རྡོ་རྗེ་པདྨ་ལ། །ཨོཊྚ་ཐིག་ལེ་གསུམ་གྱི་མཐའ་རུ་འགྱུར་བ་ལ་གནས་ལྷན་ཅིག་སྐྱེས་པའི་དགའ་བ་རྡོ་རྗེ་བྱེད། ཅེས་དགའ་བ་བཞི་དང་དེ་དག་རེ་རེ་ལ་ཡང༌། ལུས་དང༌། ངག་དང༌། སེམས་དང༌། ཡེ་ཤེས་ཀྱི་དབྱེ་བས་ཕྱེ་བ་དགའ་བ་བཅུ་དྲུག་ཏུ་འགྱུར་བ་ཇི་ལྟ་བ་བཞིན་དུ། ཆགས་བྲལ་དང་པོ་ཆགས་པ་ཆེ། །ཁ་དོག་སྣ་ཚོགས་འབར་བའི་འོད། །རྡོ་རྗེ་རྫོགས་སངས་རྒྱས་པའི་གནས། །སངས་རྒྱས་བརྗོད་པའི་ཆོས་འཛིན་པ། །ཞེས་དང༌། རྣམ་པ་ཀུན་ལྡན་རྣམ་པ་མེད། །བཅུ་དྲུག་ཕྱེད་ཕྱེད་ཐིག་ལེ་འཆང༌། །ཆ་མེད་ཆ་ལས་འདས་པ་པོ། །བསམ་གཏན་བཞི་པའི་རྩེ་མོ་འཆང༌། །ཞེས་ཐིག་ལེ་འཕོ་བ་མེད་པ་དོན་དམ་པའི་དགའ་བ་བཞི་ཡང་སྐུ་གསུང་ཐུགས་ཡེ་ཤེས་ཀྱི་དབྱེ་བས་ཕྱེ་བ་ནི་དེ་ཁོ་ན་ཉིད་བཅུ་དྲུག་ཡིན་ལ། འཇིག་རྟེན་ཀུན་རྫོབ་པའི་ཤེས་རབ་ཡེ་ཤེས་ནི་མཚོན་བྱེད་དཔེའི་ཡེ་ཤེས་ཙམ་སྟེ། དོན་དམ་པ་མ་ཡིན་གྱི་དེས་ཉེ་བར་མཚོན་པ་འཇིག་རྟེན་ལས་འདས་པ་དབང་བཞི་པའི་ཡེ་ཤེས་ནི་དོན་གྱི་ཡེ་ཤེས་ཏེ། དེ་ཁོ་ན་ཉིད་ཀྱི་དོན་ཡིན་ནོ། །ཞེས་འཕོ་བ་མེད་པའི་དོན་དམ་པ་སྤྲོས་པ་དང་བྲལ་ཞིང་སྟོང་པ་ཉིད་དང་སྙིང་རྗེ་ཟུང་དུ་འཇུག་པའི་ཡེ་ཤེས་ལ་འདུན་པར་བྱ་སྟེ། དེ་ཡན་ཆད་དབང་གོང་མ་ཆུང་ངུ་ཞེས་བྱ་སྟེ་འཇིག་རྟེན་པའི་དབང་གསུམ་པའི་ཆོ་ག་ཡན་ལག་དང་བཅས་པའོ། །དེ་ནས་འཇིག་རྟེན་ལས་འདས་པའི་དབང་བཞི་པ་ཞུ་བའི་ཡོན་དུ་མཎྜལ་ཕུལ་ནས། ཡེ་ཤེས་ལ་ཡེ་ཤེས་རྡོ་རྗེའི་བྱིན་བརླབས་གཞུག་པའི་དོན་དུ། དཔལ་ལྡན་ཡེ་ཤེས་རྡོ་རྗེ་འཛིན། །མི་ཕྱེད་རྡོ་རྗེ་བཞི་བསྒོམ་པས། །ཞེས་པ་དང་ཕྱོགས་བཅུར་བཞུགས་པའི་སངས་རྒྱས་རྣམས། །མི་ཕྱེད་རྡོ་རྗེ་བཞི་བསྒོམ་པས། ཞེས་གོང་གི་ཚིག་བཅད་ལ་གདོན་པ་སྤོས་ཏེ་གསོལ་བ་བཏབ། དབང་བཞི་པ་དངོས་གཞིའི་དོན་དུ། ཨོཾ་ཧོཿཔྲཛྙཱ་ཨུ་པཱ་ཡཽ། ཨཱཏྨ་ཀཾ་བཛྲ་སཏྭ་མ་ཧཱ་མུ་དྲ་ཛྙཱ་ན་ཨ་བྷི་ཥེ་ཀཾ་མེ་དྲ་ཡཙྪ། ཨོཾ་ཨཱཿཧུཾ་ཧོཿཕཊ། ཅེས་པས་གསོལ་བ་བཏབ། བླ་མའི་ཐུགས་ཀའི་སོགས། །བྱིན་བརླབས་དབབ་པ་
― LT24_Page_065A ―
[མ་དཔེ་གཟིགས་ན་འདིར་གནོན།]
སྔ་མ་རྣམས་ཀྱིས་རིགས་འགྲེ་བ་ལས། །ལྟེ་བའི་ཧོཿཡིག་འོད་ཟེར་འཕྲོ་བ། ལྟེ་བ་ནས་ཞུགས། ཆགས་རྟོག་གི་དྲི་མ། ཅེས་དང༌། ཡེ་ཤེས་ཀྱི་ཐིག་ལེ་དང་བཞི་པའི་གནས་སྐབས་ལྷན་སྐྱེས་ཀྱི་དགའ་བ། ཡེ་ཤེས་རྡོ་རྗེ་ངོ་བོ་ཉིད་ཀྱི་སྐུ་སྒྱུ་འཕྲུལ་དྲྭ་བས་མངོན་པར་ཅེས་ཀྱང་འདོན་པ་སྤོའོ། །དེ་ནས་དབང་བཞི་པ་དངོས་ནི། ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་རྣམས་དབང་བསྐུར་ལྟར། །བདག་གིས་གསང་ཆེན་དབང་གིས་ནི། །ཁྱོད་ཀྱི་སེམས་རྒྱུན་དབང་བསྐུར་རོ། །ཞེས་བརྗོད་ལ་རྐང་པ་སྐྱིལ་ཀྲུང༌། །ལུས་དྲང་པོར་སྲོང༌། ལྟ་སྟངས་གཡོ་བ་མེད་པར་བྱེད་དུ་བཅུག་ལ། འདི་སྐད་ཅེས་དེ་ལྟར་ཡང་རྩ་བའི་རྒྱུད་ལས། དངོས་པོ་མེད་ལ་སྒོམ་པ་མེད། །སྒོམ་པ་སྒོམ་པ་ཉིད་མ་ཡིན། །ད་ལྟར་དངོས་པོ་དངོས་མེད་པས། །སྒོམ་པ་དམིགས་སུ་མེད་པའོ། །ཞེས་གསུངས་ཤིང༌། རྒྱུད་ཀྱི་རྒྱལ་པོ་ལས་གསུངས་པ། །ཤེས་རབ་ཡེ་ཤེས་དག་ནི་སེམས་དང་དེའི་སྣང་བ་དག་ཀྱང་རྣམ་པ་བཅུ་པོ་ཉིད་དུ་འགྱུར། །དབང་ནི་དྲི་མེད་རི་བོང་ཅན་མཚུངས་མེ་ལོང་གཟུགས་བརྙན་ལྟ་བུ་འདི་ལ་ཞུགས་པ་གང་ཡིན་པ། །དེ་ལས་མྱ་ངན་འདས་པའི་བདེ་བ་འཕོ་མེད་ལྷན་ཅིག་སྐྱེས་པ་འགྱུར་མེད་ཉིད་ནི་བཞི་པ་སྟེ། །སངས་རྒྱས་ཞལ་ནི་གང་གི་ཐུགས་དང་ཞལ་ལ་གནས་པར་གྱུར་པ་དེ་ནི་དཔལ་ལྡན་བླ་མའོ། །ཞེས་པའི་དོན་ཆོས་ཐམས་ཅད་ཀྱི་གནས་ལུགས་སྤྲོས་པ་དང་བྲལ་ཞིང༌། བློ་རྣམ་པར་རྟོག་པ་སྣང་བ་དང་བཅས་པ་ཐམས་ཅད་འཁྲུལ་པའི་སྣང་བ་ཡིན་པར་ཤེས་པར་བྱས་ནས། ཅི་ཡང་རྣམ་པར་མི་རྟོག་པའི་ངང་ནས་རྣམ་པ་ཐམས་ཅད་པའི་མཆོག་དང་ལྡན་པའི་སྟོང་པ་ཉིད་ལ་མཉམས་པར་བཞག་པར་བྱའོ། །དེ་ལས་ཡན་ལག་དྲུག་གི་རིམ་པས་ཐོབ་པ། ཕྱག་རྒྱ་ཆེན་པོ་དང་མི་འགྱུར་པའི་བདེ་བ་བཟུང་དུ་འཇུག་པའི་ཡེ་ཤེས་སོ་སོ་རང་གིས་རིག་པར་འགྱུར་བ་ནི། གོང་མའི་གོང་མ་ཆེན་པོ་བཞི་པའི་ཡེ་ཤེས་སོ། །དེ་ལྟར་དོན་དམ་པ་བྱང་ཆུབ་སེམས་ཀྱི་དཀྱིལ་འཁོར་དུ་ཕྱག་རྒྱ་ཆེན་པོ་མཆོག་ཏུ་མི་འགྱུར་པའི་
― LT24_Page_065B ―
[མ་དཔེ་གཟིགས་ན་འདིར་གནོན།]
དབང་བསྐུར་བ་ཐོབ་པས། སྐྱེ་དགུའི་བདག་པོ་ས་བཅུ་གཉིས་པ་རྡོ་རྗེ་འཆང་གི་གོ་འཕང་ཐོབ་པར་གྱུར་པ་ཡིན་ནོ། །ཞེས་བརྡ་སྤྲད་ལ། ཨོཾ་ཧོཿདྷརྨ་དྷཱ་ཏུ་ཨཱཀྵ་ར་ཙ་ཏུརྠ་ཨ་བྷི་ཥེ་ཀེ་ཎ་ཨ་བྷི་ཥིཀྟོ། བཛྲ་ས་ཏཱེ་ན། ཨཱཏྨ་ནཱ་ཧཾ། དྭི་ཏཱི་ཡོ། དྭ་ད་ཤ་བྷུ་མི་ལབྡྷོ། བཛྲ་ས་ཏྭ། མ་ཧཱ་ཨཱརྠཿས་ར་མ་ཨ་ཀྵ་རཿ ཏྲཻ་ལོ་ཀྱ་བི་ཛ་ཡཿཀཱ་ལ་ཙ་ཀྲོ་བྷ་ག་བཱ་ན། ཨེ་བཾ་ཀ་རཿ ཞེས་རྗེས་ཟློས་བྱེད་དུ་བཅུག་པས་ང་རྒྱལ་བཟུང་བར་བྱ་སྟེ། དོན་དམ་པ་འཇིག་རྟེན་ལས་འདས་པའི་ཤེས་རབ་ཡེ་ཤེས་དབང་གོང་མ་ཆེན་པོ་ཞེས་བྱ་བ་དབང་བཞི་པའོ། །དེ་ནས། དུས་འདི་ནས་ནི་བཟུང་ནས་སུ། །བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་དང་ནི་བྱང་ཆུབ་སེམས། །དཔལ་ལྡན་བླ་མ་ཁྱེད་སྤངས་ནས། །བླ་མ་གཞན་དག་རྨི་ལམ་དུའང༌། །སྲོག་དོར་ནས་ནི་སྟེན་མི་བྱ། །གཞན་ཡང་དེ་བཞིན་དུས་ཀུན་ཏུ། །གཡོ་སྒྱུ་མེད་པར་ནུས་ཚད་ཀྱིས། །ལུས་ངག་སེམས་དང་གསུམ་པོ་ནི། །གཙོ་བོའི་སྤྱན་སྔར་དབུལ་བར་བགྱི། །ཞེས་རྗེས་ཟློས་ཀྱིས་དམ་འཆའ་རུ་བཅུག །གཙོ་བོས་ཇི་ལྟར་སོགས་དང༌། བཏང་རག་གི་མཎྜལ་དབུལ་བར་བྱའོ། །དེང་ནས་བརྩམས་ཏེ་བདག་བྲན་དུ། །ཁྱོད་ལ་བདག་ནི་འབུལ་ལགས་ཀྱི། །ཁྱོད་ཀྱི་སློབ་མར་བཟུང་བ་དང༌། །ཆ་ཤས་ཀྱིས་ཀྱང་སྤྱད་དུ་གསོལ། །ཅེས་རྗེས་ཟློས་ལན་གསུམ་དང་དགེ་བ་བསྔོ། །བར་འདིར་ཚོགས་ཀྱི་འཁོར་ལོའམ་དཔའ་བོའི་སྟོན་མོ་བྱ། །གཏོར་མ་གསར་དུ་བཤམ་པའམ་སྔ་མ་རྣམས་ཁ་གསོས་ལ། ལྷ་དགུའི་སྒྲུབ་ཐབས་ཀྱི་གཏོར་ཆོག་སྐབས་ནས་འབྱུང་བ་ལྟར། གཏོར་མ་བྱིན་བརླབས་ནས་གཞི་བདག་གཏོར་མའི་བར་རྣམས་བཏང་ལ། སྤྱི་དང་མཐུན་པར་རྡོ་རྗེའི་གླུ་བླངས་པའམ། མ་བླངས་ཀྱང་རུང་སྟེ། སྟེང་ན་བྱང་ཆུབ་སེམས་དཔའ་གང་དག་སོགས་ཤིས་པ་བརྗོད་དོ། །རྗེས་ཆོག་གི་མཆོད་པ་རྣམས་ཁ་གསོས། ཨོཾ་ཨཱཿཧུཾ་ཧ་ཕཊ་ནས་དྲི་མ་དང་བྲལ་བར་གྱུར། ཞེས་བྱིན་གྱིས་བརླབས། ཨོཾ་ཨཱཿཧུཾ་ཧོ་ཏྲཻ་དྷཱ་ཏུ་ནས་ཤིཥྱ་ཎཱཉྩ། གནྡྷཾ་སོགས་མཆོད་པ་བཅུ་གཉིས་སྔགས་ཙམ་གྱིས་ཕུལ་ནས། ཨོཾ་ཀཱ་ལ་ཙཀྲ་སོགས་ཀྱིས་གོང་བ་ཟིན་ནང་མཆོད་ཕུལ། མཆོག་སྦྱིན་རྡོ་རྗེ་སོགས་རོལ་མོའི་སྒྲ་དང་བཅས་ཏེ་བསྟོད། མགོན་པོ་ཐུགས་རྗེ་ཆེན་པོ་དང་
― LT24_Page_066A ―
[མ་དཔེ་གཟིགས་ན་འདིར་གནོན།]
ལྡན་པ་རྣམས་བདག་ཅག་ལ་དགོངས་སུ་གསོལ། ཁྱེད་རྣམས་ལ་མཁྱེན་པའི་ཡེ་ཤེས། བརྩེ་བའི་ཐུགས་རྗེ། ནུས་མཐུའི་ཕྲིན་ལས་བསམ་གྱིས་མི་ཁྱབ་པ་མངའ་བ་ལགས་པས། སྤྱིར་གྱི་ཕན་བདེའི་འབྱུང་གནས་སངས་རྒྱས་ཀྱི་བསྟན་པ་དར་བ་དང༌། སེམས་ཅན་ལ་བདེ་སྐྱིད་འབྱུང་བ་དང༌། བླ་མ་གོང་མ་རྣམས་ཀྱི་ཐུགས་དགོངས་རྫོགས་ཤིང༌། ཞལ་བཞུགས་པ་རྣམས་སྐུ་ཁམས་བཟང་བ་དང༌། ཁྱད་པར་དུ་ཡང་བདག་ཅག་དཔོན་སློབ་རྒྱུ་སྦྱོར་བ་དང་བཅས་པས་ཐོག་དྲངས་སེམས་ཅན་ཐམས་ཅད་ཀྱི་རྒྱུད་ལ་ཚོགས་རྫོགས་སྒྲིབ་པ་དག་ནས། མྱུར་དུ་མངོན་པར་རྫོགས་པར་སངས་རྒྱ་བར་བྱིན་གྱིས་བརླབ་ཏུ་གསོལ། ཡིག་བརྒྱ་ཚར་གསུམ། མ་འབྱོར་བ་དང་ཉམས་པ་སོགས། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། སོགས། བཛྲ་མུཿམགྲོན་རྣམས་རང་བཞིན་གྱི་གནས་སུ་གཤེགས། རྟེན་ཡོད་ན་བརྟན་བཞུགས་བྱ། མེད་ན་ཡེ་ཤེས་ཀྱི་འཁོར་ལོ་རང་ཉིད་ལ་ཐིམ། །ཞེས་བརྗོད། གསང་བར་ཧཾ་ཡིག་ཞེས་པ་དང༌། འབྱུང་པོའི་འཁོར་ལོ་རྣམས་གཤེགས་སུ་གསོལ། བསོད་ནམས་འདི་ཡིས་འགྲོ་རྣམས་སོགས་དང༌། བཀྲ་ཤིས་ཀྱི་ཚིག་གང་འོས་བྱའོ། །ཅེས་པ་ཟབ་ལམ་རྡོ་རྗེའི་རྣལ་འབྱོར་གྱི་ཁྲིད་ཀྱི་སྔོན་དུ་འགྲོ་བའི་དབང་གོང་མ་བསྐུར་ཚུལ། རིགས་ལྡན་སྤྲུལ་པའི་སྐུ་ཀུན་མཁྱེན་ཇོ་ནང་པ་ཆེན་པོ་ཡབ་སྲས་ཀྱི་ཕྱག་བཞེས་ཕྱིན་ཅི་མ་ལོག་པ་དེ་བསྟན་ཟིན་ཏོ། །ཅེས་པ་འདིའང་དོན་གཉེར་དུ་མས་བསྐུལ་བའི་ངོར༌། ཏཱ་ར་ནཱ་ཐས་སྨྲས་པ་སྟེ། ནགས་རྒྱལ་གྱི་དབེན་གནས་དཔལ་ཇོ་མོ་ནང་དུའོ།། །།བཀྲ་ཤིས།། །།
གདམས་ངག་མཛོད་པོད་བཅོ་ལྔ་པ།
ཟབ་ལམ་རྡོ་རྗེའི་རྣལ་འབྱོར་གྱི་འཁྲིད་ཡིག་མཐོང་བ་དོན་ལྡན།
― LT24_Page_067A ―
[མ་དཔེ་གཟིགས་ན་འདིར་གནོན།]
ཟབ་ལམ་རྡོ་རྗེའི་རྣལ་འབྱོར་གྱི་འཁྲིད་ཡིག་མཐོང་བ་དོན་ལྡན་ཞེས་བྱ་བ་བཞུགས་སོ།། །།
― LT24_Page_067B ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི། ན་མོ་གུ་རུ་བུདྡྷ་བོ་དྷི་ས་ཏྭེ་བྷྱཿ རྒྱལ་བ་སྲས་བཅས་ཐམས་ཅད་ཀྱི་བགྲོད་པ་གཅིག་པའི་ཟབ་ལམ་རྡོ་རྗེའི་རྣལ་འབྱོར་གྱི་འཁྲིད་ཡིག་མཐོང་བ་དོན་ལྡན་ཞེས་བྱ་བ། བླ་མ་དང་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །མི་འགྱུར་བའི་བདེ་བ་དང༌། ཕྱག་རྒྱ་ཆེན་པོ་ཟུང་དུ་འཇུག་པའི་ཡེ་ཤེས་ལ་ཕྱག་འཚལ་ལོ། །གྲུབ་པ་མཆོག་གི་བདུད་རྩིས་ཡང་དག་པར་ངོམ་པའི་དམ་པ་རྣམས་ལའང་ཕྱག་འཚལ་ལོ། །གང་ཞིག་ཕུན་ཚོགས་ཀུན་གྱི་གཞི། །བླ་མེད་གོ་འཕང་ཡིད་བཞིན་ངོར། །འགྲོ་བ་ཀུན་ལ་ཉེར་སྩོལ་བ། །བླ་མའི་ཞབས་ལ་གུས་པས་འདུད། །ཀུན་ཁྱབ་དབྱིངས་ནི་རྣམ་པ་ཐམས་ཅད་པ། །སེམས་ཉིད་རང་བཞིན་ཡོན་ཏན་ཀུན་གྱི་གཏེར། །དབྱེར་མེད་གདོད་ནས་རྣམ་གྲོལ་ཆོས་ཀྱི་སྐུ། །ནང་རིག་འགྱུར་མེད་དོན་དམ་རྒྱལ་གྱུར་ཅིག །གང་ཡང་རྒྱུད་སྡེའི་ཆུ་བོ་འབུམ་ཕྲག་གིས། །བློ་ཡི་མཚོ་ཆེན་བྲེས་ལས་མངོན་འཕགས་པ། །དེ་ལས་སྙིང་གི་བུམ་པ་གང་གྱུར་པའི། །གདམ་པའི་རྒྱུན་གྱིས་ཕྱོགས་
― LT24_Page_068A ―
[མ་དཔེ་གཟིགས་ན་འདིར་གནོན།]
འདི་སྐལ་བཟང་བྱ། །འདིར་མདོ་རྒྱུད་ཐམས་ཅད་ཀྱི་སྙིང་པོ་བླ་ན་མེད་པ། །འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་ཀྱི་འབྱུང་གནས་དུས་གསུམ་གྱི་སངས་རྒྱས་ཐམས་ཅད་ཀྱི་བགྲོད་པ་གཅིག་པའི་ལམ་མཆོག་མཐར་ཐུག །རྣལ་འབྱོར་གྱི་དབང་ཕྱུག་མ་ལུས་པའི་འཇུག་ངོགས། ཁམས་དྲུག་ལྡན་པ་རྡོ་རྗེའི་ལུས་དང་ལྡན་པའི་གང་ཟག་རྣམས་ཚེ་གཅིག་ལུས་གཅིག་སྐྱེ་བ་གཅིག་ཉིད་ཀྱིས་སངས་རྒྱས་ཀྱི་འབྲས་བུ་མཆོག་ལ་ཡང་དག་པར་འགོད་ནས་པའི་ཉེ་ལམ་མྱུར་ལམ་ཁྱད་པར་ཅན་བསྡུས་པའི་རྒྱུད་ཀྱི་རྒྱལ་པོ་གཞན་དུ་མ་རྣམས་སུ་རྡོ་རྗེའི་ཚིག་གིས་སྦས་པའི་དོན། །དཔལ་དུས་ཀྱི་འཁོར་ལོའི་རྒྱུད་དུ་མ་སྦས་ཤིང་གསལ་བར་བསྟན་ལ། མཆོག་གི་དང་པོའི་སངས་རྒྱས་ལ་སོགས་པ་རྩ་བའི་རྒྱུད་རྒྱས་པ་ཐམས་ཅད་དུ་དགོངས་པ་གཅིག་དང་དབྱངས་གཅིག་གིས་བསྟན་པའི་དོན་མཆོག །ཕྱག་རྒྱ་ཆེན་པོའི་རྣལ་འབྱོར་སྦྱོར་བ་ཡན་ལག་དྲུག་པའམ། ཟབ་ལམ་རྡོ་རྗེའི་རྣལ་འབྱོར་ཞེས་བྱ་བ་འདི་ནི་ཡིད་ཆེས་པ་རྣམ་པ་གསུམ་དང་ལྡན་པའི་ལམ་
― LT24_Page_068B ―
[མ་དཔེ་གཟིགས་ན་འདིར་གནོན།]
ཡིན་ནོ། །འདི་ལྟ་བུས་འཁྲིད་པར་བྱེད་པ་ལ། ཟབ་ལམ་རྡོ་རྗེའི་རྣལ་འབྱོར་གྱི་སྣོད་དུ་རུང་བར་བྱེད་པ་སྔོན་འགྲོའི་འཁྲིད་དང༌། ཟབ་ལམ་རྡོ་རྗེའི་རྣལ་འབྱོར་དངོས་གཞི་སྒོམ་པའི་རིམ་པ་དང༌། རྗེས་ལམ་གྱི་ཡན་ལགས་མཚམས། །རྣལ་འབྱོར་གྱི་ཚོགས་པ་དང་བཅས་པ་སྟེ་གསུམ་ལས། །དང་པོ་ལ་ཐུན་མོང་གི་སྔོན་འགྲོ་དང༌། ཐུན་མོང་མ་ཡིན་པའི་སྔོན་འགྲོའོ། །དང་པོ་ཐུན་མོང་གི་སྔོན་འགྲོ་ལ། ཆོས་སྤྱོད་ཐམས་ཅད་ཀྱི་སྔོན་འགྲོ་སྐྱབས་འགྲོ་སེམས་བསྐྱེད། སྡིག་སྒྲིབ་སྦྱོང་བར་བྱེད་པ་རྡོ་རྗེ་སེམས་དཔའི་བསྒོམ་བཟླས། ཚོགས་རྫོགས་ཤིང་བྱིན་རླབས་འཇུག་པར་བྱེད་པ་མཎྜལ་བླ་མའི་རྣལ་འབྱོར་དང་བཅས་པ་ཞེས་དམིགས་བསྐོར་གསུམ་དུ་མཛད་པའི་ལུགས་ཀྱང་ཡོད་མོད་ཀྱི། རིམ་པས་མྱོང་འཁྲིད་སྐྱོང་བ་ལ་དམིགས་བསྐོར་ལྔར་བྱས་ན་བདེ་བས། འདི་ལྟར་བྱ་སྟེ། ཆོས་སྤྱིའི་རྩ་བ་སྐྱབས་འགྲོའི་འཁྲིད། ཐེག་ཆེན་གྱི་རྩ་བ་སེམས་བསྐྱེད་ཀྱི་འཁྲིད། སྡིག་སྒྲིབ་སྦྱང་བ་ཡིག་བརྒྱའི་འཁྲིད། ཚོགས་བསགས་པ་མཎྜལ་གྱི་འཁྲིད། བྱིན་རླབས་ཀྱི་རྩ་བ་བླ་མའི་རྣལ་འབྱོར་གྱི་འཁྲིད་དེ་ལྔའོ། །དང་པོ་ནི། དབེན་པའི་གནས་སུ་བདེ་བའི་སྟན་ལ་ལུས་གནད་དཀྱུས་མཐུན་ཙམ་བཅས། སེམས་རྣལ་དུ་ཕབ་ནས། རང་གང་དུ་གནས་པའི་ས་ཕྱོགས་འདི་ཉིད་དག་པའི་ཞིང་ཁམས་ཆེན་པོ་ཡངས་ཤིང་རྒྱ་ཆེན་པོར་གྱུར་པའི་དབུས་སུ། རིན་པོ་ཆེ་སྣ་ཚོགས་ལས་གྲུབ་པའི་ཁང་བཟང་གཞལ་མེད་ཁང་རྒྱ་དང་ཚད་ཡོངས་སུ་ཆད་པ་མེད་པ། །དེའི་དབུས་སུ་དཔག་བསམ་གྱི་སྡོང་པོ་ཡལ་ག་ལོ་འདབ་མེ་ཏོག་འབྲས་བུ་རབ་ཏུ་རྒྱས་པ། དེའི་རྩེ་མོ་ལ་སེང་གེས་བཏེགས་པའི་རིན་པོ་ཆེའི་ཁྲི་སྣ་ཚོགས་པདྨ་ཉི་མ་ཟླ་བ་རྣམས་བརྩེགས་པའི་གདན་དཔངས་མཐོ་
― LT24_Page_069A ―
[མ་དཔེ་གཟིགས་ན་འདིར་གནོན།]
ཞིང་རྒྱ་ཆེ་བ་ལ། རྩ་བའི་བླ་མ་རྡོ་རྗེ་འཆང་གི་རྣམ་པ་ཅན་ལ་བརྒྱུད་པའི་བླ་མ་རྣམས་དང༌། ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས་བསྐོར་བ་དང༌། ཤིང་དེའི་རྩ་བ་ན། མཁའ་འགྲོ་ཆོས་སྐྱོང་བའི་བསྲུང་མ་ཡེ་ཤེས་ཀྱི་སྤྱན་དང་ལྡན་པ་བསྟན་བསྲུང་རྒྱ་མཚོའི་ཚོགས་རྣམས་ཀྱང་བདག་ལ་སྐྱོབ་པའི་ཚུལ་གྱིས་བཞུགས་པ་དང༌། དཔག་བསམ་གྱི་ཤིང་གི་ཕྱོགས་བཞིར་གཞལ་ཡས་ཁང་གི་ནང་གི་ས་གཞི་ལ་སེང་ཁྲི་པདྨ་ཉི་ཟླའི་གདན་དཔངས་མཐོ་ཞིང་རྒྱ་ཆེ་བ་རེ་རེ་གསལ་བཏབ་སྟེ། བླ་མའི་སྐུའི་མདུན་གྱི་ཕྱོགས་སུ། །དཔལ་རྒྱལ་བ་ཤཱཀྱ་ཐུབ་པ་སོགས་ཕྱོགས་བཅུ་དུས་གསུམ་གྱི་སངས་རྒྱས་མཆོག་གི་སྤྲུལ་པའི་སྐུ་རྣམས་དང༌། གཡས་ཕྱོགས་སུ་འཇམ་དཔལ་ལ་སོགས་པ་བྱང་ཆུབ་སེམས་དཔའི་དགེ་འདུན་དང༌། གཡོན་ཕྱོགས་སུ་ཤཱ་རིའི་བུ་ལ་སོགས་པ་ཉན་ཐོས་དང་རང་སངས་རྒྱས་འཕགས་པའི་ཚོགས་དང༌། རྒྱབ་ཕྱོགས་སུ་ཆོས་དཀོན་མཆོག་རྣམས་རྣམ་པ་གླེགས་བམ་གྱི་ཚུལ་ཅན་རྣམས་བཞུགས་པར་མོས། ཡང་ན་རྒྱབ་ཏུ་སངས་རྒྱས་དང༌། མདུན་དུ་དམ་ཆོས་བཞུགས་པར་མོས་ཀྱང་ཆོག་སྟེ། བློ་ལ་གང་བདེ་བ་ཞིག་བྱའོ། །དེ་ནས་རང་དང་ལྷན་ཅིག་ཏུ་མཁའ་མཉམ་གྱི་སེམས་ཅན་ཐམས་ཅད་ཀྱང༌། བླ་མ་དཀོན་མཆོག་སྐྱབས་གནས་རྒྱ་མཚོའི་ཚོགས་ལ་མོས་གུས་ཀྱི་གདུང་བ་ཆེན་པོས་སྐྱབས་འགྲོ་བྱེད་པར་མོས་ཤིང༌། ཁྱད་པར་སེམས་ཅན་ཐམས་ཅད་ལ་སྙིང་རྗེ་ཆེན་པོས་ཀུན་ནས་བསླངས་ཏེ། འདི་རྣམས་འཁོར་བའི་སྡུག་བསྔལ་ལས་སྐྱབས་ཏུ་གསོལ་སྙམ་པ་ཆེད་ཐང་དུ་གསལ་བཏབ་ནས། །ནམ་མཁའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། །ཆོས་རྗེ་དཔལ་ལྡན་
― LT24_Page_069B ―
[མ་དཔེ་གཟིགས་ན་འདིར་གནོན།]
བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ༴ རྫོགས་པའི་སངས་རྒྱས་བཅོམ་ལྡན་འདས་རྣམས་ལ༴ དམ་པའི་ཆོས་རྣམས་ལ་སྐྱབས༴ འཕགས་པའི་དགེ་འདུན་རྣམས་ལ་སྐྱབས༴ མཁའ་འགྲོ་ཆོས་སྐྱོང་བསྲུང་མ་རྣམ་ཡེ་ཤེས་གྱི་སྤྱན་དང་ལྡན་པ་རྣམས་ལ་སྐྱབས་སུ་མཆིའོ། །ཞེས་བརྗོད་ཅིང་བླ་མ་དཀོན་མཆོག་གི་ཡོན་ཏན་དྲན་པ་དང༌། འཁོར་བའི་སྡུག་བསྔལ་གྱི་འཇིགས་པས་དཀོན་མཆོག་ལ་བློ་ལིངས་ཀྱིས་བཀལ་ནས་སྐྱབས་འགྲོ་ཅི་ནུས་སུ་བྱའོ། །ཐུན་འཇོག་ཁར། བླ་མ་དཀོན་མཆོག་རིན་པོ་ཆེ་རྣམས་ཀྱི་བདག་དང་སེམས་ཅན་ཐམས་ཅད་ལ་བྱིན་གྱིས་བརླབ་ཏུ་གསོལ། ཅེས་ལན་གསུམ་གསོལ་བ་གདབ། སྐྱབས་ཡུལ་རྣམས་འོད་དུ་ཞུ་སྟེ་རང་ལ་ཐིམ། སྐྱབས་འགྲོའི་དགེ་བ་བསྔོ་བ་ཡང་བྱ་སྟེ། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང༌། །བསོད་ནམས་ཡེ་ཤེས་ལས་བྱུང་བའི། །དམ་པ་གཉིས་པོ་ཐོབ་པར་ཤོག །ཅེས་པ་ལ་སོགས་པ་ཇི་ལྟར་རིགས་པ་བརྗོད། དམིགས་བསྐོར་དང་པོ་སྐྱབས་འགྲོའི་འཁྲིད་ཚར། །དེ་ལྟར་དམིགས་པ་ཕོག་རྗེས་སློབ་མ་རྣམས་ཞག་གསུམ་སོགས་ཅི་རིག་པར་སྐྱབས་འགྲོའི་དམིགས་པ་སྐྱང་དུ་འཇུག །གཞན་ཡང་སློབ་མ་ཉན་པར་སྤྲོ། བླ་མ་འཆད་པར་སྤྲོ། སློབ་མས་གོ་རུ་རུང༌། སློབ་དཔོན་གྱིས་འཆད་ཤེས་དགོས་དོན་གལ་ཆེ་བ་བཤད་ན་གོ་ཞིང་བློ་ཆོས་སུ་འགྱུར། མ་བཤད་ན་སྔར་མ་གོ་བས་བློ་སྣ་ཆོས་ལ་མི་འགྱུར་བ་སོགས། ངེས་པར་བཤད་དགོས་པའི་རིགས་ཡིན་ན། སློབ་མ་རྣམས་དམིགས་པ་སྐྱོང་བའི་སྐབས་སུ། ཉིན་རེ་བཞིན་མདོ་དང་སྔགས་སམ། ཐེག་པ་ཆེ་ཆུང་གི་སྐྱབས་འགྲོའི་གོ་དོན་རྣམས་བློ་ལ་འབྱོར་ངེས་པ་རིམ་གྱིས་བཤད་དོ། །
― LT24_Page_070A ―
[མ་དཔེ་གཟིགས་ན་འདིར་གནོན།]
འདི་སྐབས་ཉལ་བའི་རྣལ་འབྱོར་ནི། སྐྱབས་ཡུལ་རྣམས་མ་བསྡུས་པར་བླ་མའི་སྐུའི་མདུན་གྱི་ཕྱོགས་ཀྱི་ས་གཞི་ལ་པད་ཟླའི་གདན་ལ་རང་ཉིད་ཉལ་བར་མོས་ཏེ། སྐྱབས་ཡུལ་ལ་མོས་སྒོམ་བཞིན་པས་གཉིད་དུ་འགྲོ་བར་བྱའོ། །ཞར་བྱུང་གི་མན་ངག་གོ །གཉིས་པ་ནི། སྐྱབས་འགྲོ་སྔར་བཞིན་ལས། ལན་མང་ཉུང་རན་ཙམ་བྱས་ཏེ། སྐྱབས་ཡུལ་རང་ལ་བསྟིམ་པའི་རྗེས་སུ། ཕྱོགས་བཅུའི་འཇིག་རྟེན་གྱི་ཁམས་ལ་བློས་གཞིག་འབྲེལ་ཞིག་བཏང་ལ། ཕྱོགས་བཅུ་ག་ལ་ཕྱིན་ཀྱང་ནམས་མཁའ་ལ་མཐའ་མེད་པ་བཞིན་དུ་འཇིག་རྟེན་གྱི་ཁམས་ལ་མཐའ་མེད། འཇིག་རྟེན་གྱི་ཁམས་ཐམས་ཅད་རིགས་དྲུག་གི་སེམས་ཅན་གྱིས་གོ་མཚམས་མེད་པར་ཁྱབ། སེམས་ཅན་དེ་ཐམས་ཅད་དྲིན་ཅན་གྱི་ཕ་མ་ཡིན། དེ་ཐམས་ཅད་འདོད་ནི་བདེ་བ་འདོད་ཀྱང༌། བདེ་བ་སྒྲུབས་པའི་ཐབས་ལ་ནི་མི་མཁས་པས། སྡུག་བསྔལ་འབའ་ཞིག་ལ་སྤྱོད་པ་སྙིང་རེ་རྗེ། །དེ་རྣམས་འཁོར་བའི་སྡུག་བསྔལ་ལས་དྲངས། ཐར་པ་རྣམས་ཀྱི་མཆོག་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་ས་ལ་མྱུར་དུ་འགོད་པར་བྱ། །ད་ལྟ་དེའི་ནུས་པ་བདག་ལ་མེད་པས་ནུས་པ་དང་ལྡན་པའི་སངས་རྒྱས་ཀྱི་གོ་འཕང་མྱུར་དུ་ཐོབ་པར་བྱ། །དེའི་ཕྱིར་དུ་ཟབ་ལམ་རྡོ་རྗེའི་རྣལ་འབྱོར་བསྒོམ་པར་བགྱིའོ། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་དང་བྲལ་བའི་བཏང་སྙོམས་ཚད་མེད་པ་ལ་གནས་པར་གྱུར་ཅིག །ཅེས་བརྗོད་ཅིང་དོན་བསམ་པ་ཅི་ནུས་སུ་བྱ། ཐུན་འཇོག་ཁར་དགེ་བ་བསྔོ་བ་སྐྱབས་འགྲོའི་སྐབས་བཞིན་ནོ། །དམིགས་
― LT24_Page_070B ―
[མ་དཔེ་གཟིགས་ན་འདིར་གནོན།]
བསྐོར་གཉིས་པ་སེམས་བསྐྱེད་ཀྱི་འཁྲིད་ཚར། འདིར་ཡང་སྤྲོ་ཞིང་དགོས་ན། ཞག་གསུམ་སོགས་སེམས་བསྐྱེད་བསྒོམ་པའི་རིང་ལ། བྱམས་སྙིང་རྗེ་བྱང་ཆུབ་ཀྱི་སེམས་ཀྱི་དོན་ཞིབ་མོར་བཤད་པར་བྱའོ། །གསུམ་པ་ནི། སྐྱབས་འགྲོ་སེམས་བསྐྱེད་ཚད་མེད་བཞི་རྣམས་སེམས་བསྐྱེད་ཀྱི་སྐབས་ལྟར་ལས། དེ་རྣམས་དམིགས་པ་གསལ་ཞིང་འཇུར་ལ་ཡུན་ཐུང་བ་རེ་བྱས་ནས། ཚད་མེད་བཞི་བསྒོམས་པའི་དེ་མ་ཐག་དུ། རང་གི་སྤྱི་བོར་པཾ་ལས་པདྨ་དང༌། ཨ་ལས་ཟླ་བའི་དཀྱིལ་འཁོར་གྱི་སྟེང་དུ། ཧཱུྃ་ལས་རྡོ་རྗེ་དཀར་པོ་རྩེ་ལྔ་པ། ལྟེ་བ་ལ་ཧཱུྃ་གིས་མཚན་པ། དེ་ལ་འོད་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། ཚུར་འདུས་ཧཱུྃ་ལ་ཐིམ་དེ་འོད་དུ་ཞུ་བ་ཡོངས་སུ་གྱུར་བ་ལས། བཅོམ་ལྡན་འདས་རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་པ། གཡས་རྡོ་རྗེ་དང་གཡོན་དྲིལ་བུ་འཛིན་པས་ཡུམ་ལ་འཁྱུད་པ། ཡུམ་རྡོ་རྗེ་སྙེམས་མ་དཀར་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པ་དང་རིན་པོ་ཆེའི་རྒྱན་གྱི་བརྒྱན་པ། རྡོ་རྗེ་དང་པདྨའི་སྐྱིལ་མོ་ཀྲུང་གི་བཞུགས་པའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་ཧོཿ ཐུགས་ཀའི་ཧཱུྃ་ལས་འོད་འཕྲོས། སངས་རྒྱས་ཐམས་ཅད་ཀྱི་བྱིན་རླབས་ཡེ་ཤེས་ཀྱི་བདུད་རྩིའི་རྣམ་པར་སྤྱན་དྲང༌། ཛཿཧཱུྃ་བཾ་ཧོཿ གཉིས་སུ་མེད་པར་བསྟིམ། བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཨོཾ་ཤྲཱི་བཛྲ་ཧེ་རུ་ཀ་ས་མཱ་ཡ། མ་ནུ་པ་ལཱ་ཡ། བཛྲ་ཧེ་རུ་ཀ་ཏྭེ་ནོ་པ་ཏིཥྛ། ཌི་ཌྷོ་མེ་བྷ་ཝ།
― LT24_Page_071A ―
[མ་དཔེ་གཟིགས་ན་འདིར་གནོན།]
སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ལ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མི། །ཙིཏྟཾ་ཤྲི་ཡཾ། ཀུ་རུ་ཧཱུྃ་ཧ་ཧ་ཧ་ཧ་ཧོཿ བྷ་ག་ཝཱན། བཛྲ་ཧེ་རུ་ཀ་མ་མེ་མུཙྪ། ཧེ་རུ་ཀོ་བྷ་ཝ། མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། ཅེས་ཅི་ནུས་བཟླས་མཐར། །བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། །རྡོ་རྗེ་སེམས་དཔའ་ཡབ་ཡུམ་འོད་དུ་ཞུ་སྟེ་རང་ལ་ཐིམ། །སྐབས་འདིར་དགེ་བ་བསྔོ་བ་ནི། །དགེ་བ་འདི་ཡིས་མྱུར་དུ་བདག །རྡོ་རྗེ་སེམས་དཔའ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་པ་དང༌། དགེ་བ་འདི་ཡིས་སྐྱེ་བོ་ཀུན། །སོགས་གོང་བཞིན། དམིགས་བསྐོར་གསུམ་པ་ཡི་གེ་བརྒྱ་པའི་འཁྲིད་ཚར། །འདི་ལ་ལོང་སྐབས་ཡོད་ཅིང་ནུས་ན། །ཟླ་བ་གཅིག་གཉིས་སུ་བསྒོམ་བཟླས་བྱེད་དུ་བཞུག་དགོས། །སྡིག་སྒྲིབ་དག་པའི་རྟགས་བྱུང་བྱུང་དུ་བསྒོམ་དགོས་པ་ཡིན། །དེ་ལ་རྟགས་ནི་ནམ་མཁའ་ལ་འཕུར་བ་དང༌། ཁྲུས་བྱས་པ་དང༌། ཆུ་བོ་ཆེན་པོ་ལས་བརྒལ་བ་དང༌། །འཁྲུ་སྐྱུགས་དང༌། ལུས་ལས་རྣགས་ཁྲག་ཟག་པ་ལ་སོགས་པ་ཉམས་ཀྱི་ཚུལ་དུ་བྱུང་བའམ། །རྨི་ལམ་ཤིན་ཏུ་གསལ་བ་ལ་ལན་མང་དུ་བྱུང་ན་ཡིན། །གཞན་
― LT24_Page_071B ―
[མ་དཔེ་གཟིགས་ན་འདིར་གནོན།]
ཡང་འདི་བསྒོམ་པས་དངོས་སུ་སྔར་ལས་རིག་པ་དྭངས་པ་དང༌། དམིག་པ་གསལ་བ་དང༌། །ལུས་ཡང་བ་དང༌། དད་པ་དང་སྙིང་རྗེ་ངེས་འབྱུང་སོགས་ཆེར་སོང་བ་དང༌། །གཉིད་རྨུགས་ལེ་ལོ་ཆགས་སྡང་སོགས་ཆུང་དུ་སོང་བར་མངོན་ན་སྡིག་སྒྲིབ་དག་པའི་རྟགས་མཆོག་ཡིན་ནོ། །ཡང་མགྱོགས་ཁྲིད་ཀྱི་སྐབས་ཞག་གཉིས་གསུམ་སོགས་ལས་བྱེད་ལོང་མ་བྱུང་ན། །འཁྲིད་གྲོལ་གྱི་བར་ལ། །ཐུན་འགོ་ལ་འདི་མ་ཆག་པར་རྟག་ཏུ་སྒོམ་དགོས་སོ། །འདིར་ཡང་སྤྲོ་ཞིང་དགོས་ན། སྡིག་པའི་ཉེས་དམིགས་དང༌། །བཤགས་བསྡམ་བྱེད་ཚུལ་དང༌། སྒོམ་བཟླས་ཀྱི་གོ་དོན་རྣམས་ཀྱང་ཞིབ་མོར་བཤད་དོ། །བཞི་པ་ནི། སྐྱབས་སེམས་གོང་བཞིན་སྔོན་དུ་འགྲོ་བས། །མདུན་གྱི་ནམ་མཁའ་བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་རྣམས་སྐྱབས་ཡུལ་གྱི་སྐབས་ལྟར་ཡིད་ཀྱིས་གསལ་བཏབ། དེ་ནས་ཕྱག་འཚལ། སྐྱབས་འགྲོ། མཎྜལ་རྣམས་བྱ་བ་ནི། གང་གིས་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཅེས་པའམ། །གང་གི་བཀའ་དྲིན་འོད་ཀྱིས་གསལ་བྱས་བདག་ཉིད་ཀྱི། །དེ་ཉིད་རིན་ཆེན་འོད་ཀྱི་ཚོགས་ཀྱིས་མུན་བཅོམ་ནས། །མིག་སྐྱོན་མེད་རྣམས་རོལ་པར་བཅས་པས་སྟེང་དུ་ནི། །ལྟ་གྱུར་བླ་མ་ཉི་མ་དེ་ལ་ཕྱག་འཚལ་ལོ། །ཞེས་པས་ཕྱག་བྱ། ཁྱོད་ནི་མ་དང་ཁྱོད་ནི་ཕ་སྟེ་ཁྱོད་ནི་འགྲོ་བའི་བླ་མ་ཁྱོད་ནི་གཉེན་དང་གྲོགས་བཟང་ཡང༌། །ཁྱོད་ནི་མགོན་པོ་ཁྱོད་ནི་བྱེད་པོ་ཕན་དང་སྡིག་འཕྲོག་ཁྱོད་ནི་གོ་འཕང་ཕུན་སུམ་ཚོགས་པ་ཡང༌། །ཁྱོད་ནི་འབའ་ཞིག་གནས་དང་ཁྱོད་ནི་ཡོན་ཏན་མཆོག་གི་གནས་ཏེ་སྐྱོན་རྣམས་བཅོམ་པ་ཁྱོད་ཉིད་དེ། །ཁྱོད་ནི་དམན་
― LT24_Page_072A ―
[མ་དཔེ་གཟིགས་ན་འདིར་གནོན།]
པ་རྣམས་ཀྱི་མགོན་དང་ཡིད་བཞིན་ནོར་བུ་རྒྱལ་བའི་དབང་པོ་ཁྱོད་ལ་བདག་སྐྱབས་མཆི། །ཞེས་པའམ། །བསྡུ་ན། །དཔལ་ལྡན་བླ་མ་དམ་པ་དུས་གསུམ་གྱི་སངས་རྒྱས་རིན་པོ་ཆེ་ལ་སྐྱབས་སུ་མཆིའོ། །ཞེས་པས་སྐྱབས་འགྲོ་བྱ། །དེ་ནས་ལུས་ཀྱི་ལས་སུ་མཎྜལ་གྱི་ཚོམ་བུ་བཀོད། །ཡིད་ཀྱི་དམིགས་པ། འོག་གཞི་འབྱུང་བ་བཞིའི་དཀྱིལ་འཁོར་ལ་རྟེན་པའི་གླིང་བཞི་རི་རབ་འཁོར་ཡུག་དང་བཅས་པ། །སྟེང་ཕྱོགས་སྲིད་པའི་རྩེ་མོ་མན་ཆད་ཁམས་གསུམ་ཡོངས་སུ་རྫོགས་པའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་ལ་སོགས་པ་ལྷ་དང་མིའི་དངོས་པོ་བཟང་ལ་གྱ་ནོམ་པས་གོ་མཚམས་མེད་ཅིང་ཕྱུར་བུར་བཀང་སྟེ། །བླ་མ་དཀོན་མཆོག་གསུམ་ལ་ཕུལ། །དེའི་རྗེས་སུ་བདག་མྱུར་དུ་སངས་རྒྱས་ཐོབ་པ་དང༌། །ཟབ་ལམ་རྡོ་རྗེའི་རྣལ་འབྱོར་གྱི་ཉམས་རྟོགས་སྐྱེ་བར་གསོལ་བ་འདེབས་པ་ཡིན། དེ་དག་གི་སྐབས་ངག་ཏུ་འདི་སྐད་ཅེས། །ཨོཾ་བཛྲ་བྷུ་མི་ཨཱཿཧཱུྃ། གཞི་ཡོངས་སུ་དག་པ་དབང་ཆེན་གསེར་གྱི་ས་གཞིའི་སྟེང་དུ། །ཨོཾ་བཛྲ་རེ་ཁེ་ཨཱཿཧཱུྃ། ཕྱི་ལྕགས་རི་ཁོར་ཡུག་གི་བསྐོར་བའི་དབུས་སུ། །ཧཱུྃ་རིའི་རྒྱལ་པོ་རི་རབ། །ཤར་ལུས་འཕགས་པོ། །ལྷོ་འཛམ་བུ་གླིང༌། །བྱང་སྒྲ་མི་སྙན། །ནུབ་བ་ལང་སྤྱོད། །སྒྲ་གཅན། །ཉི་མ། །ཟླ་བ། །དུས་མེ། །དབུས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་པ་གང་ཡང་མ་ཚང་བ་མེད་པའི་འདི་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང༌། ཡི་དམ་དཀྱིལ་འཁོར་གྱི་ལྷ་ཚོགས། །སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་དབུལ་བར་བགྱིའོ། །ཐུགས་རྗེས་འགྲོ་
― LT24_Page_072B ―
[མ་དཔེ་གཟིགས་ན་འདིར་གནོན།]
བའི་དོན་དུ་བཞེས་སུ་གསོལ། །བཞེས་ནས་བྱིན་གྱི་བརླབ་ཏུ་གསོལ། །བདག་གཞན་ལུས་ངག་ཡིད་གསུམ་དུས་གསུམ་དགེ་ཚོགས་བཅས། །རིན་ཆེན་མཎྜལ་བཟང་པོ་ཀུན་བཟང་མཆོད་པའི་ཚོགས་བཅས་པ། །བློ་ཡིས་དམིགས་ནས་བླ་མ་དཀོན་མཆོག་རྣམས་ལ་འབུལ། །ཐུགས་རྗེའི་དབང་གི་བཞེས་ནས་བྱིན་གྱིས་བརླབ་ཏུ་གསོལ། །ཞེས་པའམ། །ས་གཞི་སྤོས་ཆུས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །ཅེས་བརྗོད། །ཚུལ་དེས་མཎྜལ་ཅི་ནུས་སུ་འབུལ། །ཐུན་འཇོག་ཁར། །མཆོད་ཡུལ་རྣམས་འོད་དུ་ཞུ་སྟེ་རང་ལ་གཉིས་སུ་མེད་པར་ཐིམ། །དགེ་བ་བསྔོ་བ་གང་སྐྱབས་འགྲོའི་སྐབས་བཞིན་བྱ། །དམིགས་བསྐོར་བཞི་པ་མཎྜལ་གྱི་འཁྲིད་ཚར། །འདི་ཡང་འཁྲིད་ཀྱི་དངོས་གཞིའི་ཉམས་རྟོགས་སྐྱེ་བའི་རྒྱུ་གསར་དུ་ཚོགས་བསགས་ཐུབ་པའི་རྟགས་བྱུང་བྱུང་དུ་བྱེད་དགོས་པས་ཟླ་བ་ལ་སོགས་པར་སྐྱོང་དགོས། །རྟགས་ནི་སེང་གེའི་ཁྲི་ལ་འདུག་པ་དང༌། །ཅོད་པན་བཅིངས་པ་དང༌། ཆོས་གོས་བཟང་པོ་དང༌། སྐྱེ་བོ་མང་པོས་རང་ལ་ཕྱག་འཚལ་བ་སོགས་ཉམས་དང་རྨི་ལམ་དུ་བྱུང་ན་ཡིན། །དངོས་ཀྱི་རྟགས་ནི་སྡིག་སྒྲིབ་དག་པའི་རྟགས་དང་འདྲ། །མགྱོགས་ཁྲིད་ལ་ཞག་གསུམ་སོགས་ལས་བྱེད་ལོང་མ་བྱུང་ན། །འཁྲིད་རྫོགས་ཀྱི་བར་དུ་ཐུན་འགོ་ལ་འདི་ཡང་བྱེད་དགོས་ལ། །སྐབས་འདིར་ཡང་སྤྲོ་ཞིང་དགོས་ན། །མཎྜལ་གྱི་ཕན་ཡོན་དང་དུས་འཁོར་རང་ལུགས་ཀྱི་འཇིག་རྟེན་ཁམས་གྱི་བཀོད་པ་དང༌། །བསོད་ནམས་ཀྱི་ཚོགས་སྒོ་དུ་མ་ནས་བསགས་དགོས་པའི་རྒྱུ་མཚན་ཞིབ་མོར་བཤད་དོ། །
― LT24_Page_073A ―
[མ་དཔེ་གཟིགས་ན་འདིར་གནོན།]
ལྔ་པ་ནི། སྐྱབས་སེམས་སྔར་བཞིན། །གནས་ཁང་དག་པའི་ཞིང་དུ་གསལ་བའི་དབུས་སུ། །སེང་ཁྲི་པདྨ་ཉི་ཟླའི་གདན་ལ་རྩ་བའི་བླ་མ་ཁྱབ་བདག་རྡོ་རྗེ་འཆང་ཆེན་པོ་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་ཐུགས་ཁར་བསྣོལ་ནས་བཟུང་བ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། །དར་དང་རིན་པོ་ཆེའི་རྒྱན་ཐམ་ཅད་ཀྱིས་བརྒྱན་པ། །མཚན་དང་དཔེ་བྱད་ཐམས་ཅད་ཡོངས་སུ་རྫོགས་ཤིང༌། །རང་ལ་དགྱེས་པའི་ཞལ་འཛུམ་བག་དང་ལྡན་པ། །འོད་དང་འོད་ཟེར་གྱིས་ཚོགས་མཐའ་ཡས་པ་འཕྲོ་བའི་སྐུ་ཅན། །མཐའ་སྐོར་དུ་བརྒྱུད་པའི་བླ་མ་རྣམས་དང༌། །ཡི་དམ་དཀྱིལ་འཁོར་གྱི་ལྷ་ཚོགས། །སངས་རྒྱས་བྱང་སེམས། འཕགས་པ་ཉན་རང༌། ཆོས་སྐྱོང་སྲུང་མ་ཐམས་ཅད་བཞུགས་པར་གྱུར། སྤྲོས་པ་ལ་དགའ་ན་ཕྱག་མཆོད་ཡན་ལག་བདུན་པ་རྒྱས་པར་བྱ། བསྡུ་ན་ཡིད་ཀྱིས་སྤྲུལ་པའི་མཆོད་པ་བསམ་གྱིས་མི་ཁྱབ་པ་བློས་ཕུལ་ཏེ། དཔལ་ལྡན་བླ་མ་དམ་པ་ལ་བདག་ཕྱག་འཚལ་ལོ། །མཆོད་དོ། །སྡིག་པ་བཤགས་སོ། །དགེ་བ་ལ་རྗེས་སུ་ཡི་རང་ངོ༌། །ཆོས་ཀྱི་འཁོར་ལོ་བསྐོར་བར་བསྐུལ་ལོ། །མྱ་ངན་ལས་མི་འདའ་བར་གསོལ་བ་འདེབས་སོ། །དགེ་བ་བླ་ན་མེད་པའི་བྱང་ཆུབ་ཏུ་བསྔོ་བར་བགྱིའོ། །སྐྱབས་སུ་མཆིའོ། །བྱང་ཆུབ་ཏུ་སེམས་བསྐྱེད་དུ། བླ་ན་མེད་པའི་ལམ་བསྟན་པར་བགྱིའོ། །བདག་ལ་ཐུགས་རྗེས་བཟུང་དུ་གསོལ། །ཞེས་བརྗོད་ཅིང་དོན་བསམ། བར་འདིར་སྤྲོ་ན་རྩ་བརྒྱུད་ཀྱི་བླ་མའི་གསོལ་འདེབས་ལོགས་ན་ཡོད་པ་རྣམས་བྱ་ཞིང༌། བསྡུས་པ་ལ་དགའ་ན་མ་བྱས་ཀྱང་ཆོག །ངེས་པར་གདུང་བ་དྲག་པོས་གསོལ་བ་འདི་ལྟར་གདབ་སྟེ།
― LT24_Page_073B ―
[མ་དཔེ་གཟིགས་ན་འདིར་གནོན།]
སངས་རྒྱས་ཀུན་འདུས་ཀྱི་ངོ་བོ་ཆོས་རྗེ། དཔལ་ལྡན་བླ་མ་རིན་པོ་ཆེ་ལ་གསོལ་བ་འདེབས་སོ། །དེ་བཞིན་ཏུ་སྦྱར་ཏེ། སྐུ་བཞིའི་བདག་ཉིད་བླ་མ༴ སྐྱབས་མཆོག་མཚུངས་མེད༴ འདྲེན་མཆོག་མཚུངས་མེད༴ ཐར་པའི་ལམ་སྟོན༴ དངོས་གྲུབ་འབྱུང་གནས༴ མ་རིག་མུན་སེལ་བླ་མ་རིན་པོ་ཆེ་ལ་གསོལ་བ་འདེབས་སོ། །བདག་ལ་དབང་བསྐུར་བྱིན་གྱིས་བརླབ་ཏུ་གསོལ། བདག་རྩེ་གཅིག་སྒྲུབ་པ་ནུས་པར་སྒྲུབ་པ་ལ་བར་ཆད་མི་འབྱུང་བར༴ སྒྲུབ་པ་སྙིང་པོ་ཉམས་སུ་ལོངས་པར༴ སྒྲུབ་པ་རབ་ཀྱི་མཐར་ཕྱིན་པར༴ བྱམས་སྙིང་རྗེ་བྱང་ཆུབ་ཀྱི་སེམས་འབྱོངས་པར༴ ཞི་གནས་ལྷག་མཐོང་ཟུང་དུ་འབྲེལ་བའི་ཏིང་ངེ་འཛིན་ལ་དབང་ཐོབ་པར་ཉམས་མྱོང་དང་རྟོགས་པ་ཁྱད་པར་ཅན་རྒྱུད་ལ་སྐྱེ་བར༴ ཟབ་ལམ་རྡོ་རྗེའི་རྣལ་འབྱོར་གྱི་རིམ་པ་མཐར་ཕྱིན་པར༴ ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་བྱིན་གྱིས་བརླབ་ཏུ་གསོལ། བླ་མའི་སྐུའི་དཔྲལ་བར་ཨོཾ། མགྲིན་པར་ཨཱཿ སྙིང་གར་ཧཱུྃ། ལྟེ་བར་ཧོཿ རྣམས་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་ངོ་བོ་ཞུགས། ཨོཾ་ལས་འོད་ཟེར་དཀར་པོ་འཕྲོས། རང་གི་དཔྲལ་བར་ཐིམ། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། སྐུའི་བྱིན་བརླབ་ཞུགས། །ཨཱཿལས་འོད་ཟེར་དམར་པོ་འཕྲོས། རང་གི་མགྲིན་པར་ཐིམ། ངག་གི་སྡིག་སྒྲིབ་དང༌། །གསང་བའི་དབང་ཐོབ། གསུང་གི་བྱིན་བརླབ་ཞུགས། ཧཱུྃ་ལས་འོད་ཟེར་མཐིང་ནག་འཕྲོས། རང་གི་སྙིང་ཁར་ཐིམ། ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་བྱིན་བརླབ་ཞུགས། ཧོཿལས་འོད་ཟེར་སེར་པོ་འཕྲོས།
― LT24_Page_074A ―
[མ་དཔེ་གཟིགས་ན་འདིར་གནོན།]
རང་གི་ལྟེ་བར་ཐིམ། ཆགས་རྟོག་གི་བག་ཆགས་དག །བཞི་པ་ཡེ་ཤེས་རྡོ་རྗེའི་དབང་ཐོབ། ཡེ་ཤེས་རྡོ་རྗེའི་བྱིན་བརླབ་ཞུགས། སླར་ཡང་མོས་གུས་དུང་པ་དང་ཡིད་ཀྱིས་གསོལ་བ་བཏབ་པས། སངས་རྒྱས་བྱང་སེམས་འཁོར་གྱི་ཚུལ་དུ་བཞུགས་པ་རྣམས་བླ་མ་ཉིད་ལ་ཐིམ། དེ་ཉིད་ཤིན་ཏུ་དགྱེས་པའི་ཚུལ་གྱིས་རང་གི་སྤྱི་བོར་བྱོན། འོད་ཟེར་རམ་བདུད་རྩིའི་ཚུལ་དུ་ཞུ་སྟེ་རང་ལ་ཐིམ། བླ་མ་དང་རང་སེམས་དབྱེར་མེད་པའི་ངང་ལ་ཅུང་ཟད་མཉམ་པར་གཞག །དེ་ལྟ་བུ་བསྐྱར་འདབ་བྱེད་ཀྱིན་ཅི་ནུས་སུ་བསྒོམས། རྗེས་དགེ་བ་བསྔོ་བ་གོང་དང་འདྲ། །གཞན་ཡང་སྐྱེ་བ་ཀུན་ཏུ་ཡང་དག་བླ་མ་དང༌། །ཞེས་སོགས་ཅི་རིགས་པའང་བརྗོད། དམིགས་བསྐོར་ལ་པ་བླ་མའི་རྣལ་འབྱོར་གྱི་འཁྲིད་ཚར། སྔགས་ལམ་གྱི་ཉམས་རྟོགས་ཐམས་ཅད་བླ་མའི་བྱིན་བརླབས་ཀྱི་སྒོ་ནས་ལམ་དུ་བྱེད་དགོས་པས། འདི་ཡང་ལོ་དང་ཟླ་བསྒོམ་དགོས། མགྱོགས་ཁྲིད་ཀྱི་སྐབས་ཞག་གཉིས་གསུམ་ཙམ་ལས་སྒོམ་ལོངས་མ་བྱུང་ན། འདི་ཡང་འཁྲིད་ཡོངས་སུ་རྫོགས་མཚར་གྱི་བར་དུ་ཐུན་འགོར་མ་ཆག་པ་སྒོམ་པ་གལ་ཆེ། སྐབས་འདི་དག་ཏུའང་སྤྲོ་ཞིང་དགོས་ན། བླ་མའི་མོས་གུས་ལམ་དུ་བྱེད་དགོས་ཚུལ། མོས་གུས་ཀྱི་ཕན་ཡོན། བླ་མའི་མཚན་ཉིད། བླ་མ་བསྟེན་ཚུལ་སོགས་ཞིབ་ཏུ་བཤད་དོ། །དམིགས་པ་འདིའི་ཡན་ལག་ཉལ་བའི་རྣལ་འབྱོར་ནི། རང་གི་སྙིང་པདྨ་འདབ་བརྒྱད་ཀྱི་ལྟེ་བ་ལ་བླ་མ་སྐུ་ཚད་མཚོན་གང་ཙམ་དགྱེས་པའི་འཛུམ་ཞལ་དུ་བཞུགས་པ་ལ་མོས་གུས་དུང་ངེ་བའི་ངང་ལས་གཉིད་དུ་འགྲོ་བར་བྱའོ། །གཉིས་པ་ཐུན་མོང་མ་ཡིན་པའི་སྔོན་འགྲོ་ལ་རྫོགས་རིམ་གྱི་རྟེན་བསྐྱེད་པའི་རིམ་པ་དང༌། རྫོགས་རིམ་གྱི་ཉེར་བསྡོགས་ཁྱད་པར་ཅན་དབེན་པ་གསུམ་བསྟེན་པ་གཉིས་ལས་
― LT24_Page_074B ―
[མ་དཔེ་གཟིགས་ན་འདིར་གནོན།]
དང་པོ་ནི་བསྐྱེད་རིམ་ལ་གཙོ་བོར་ཕྱེད་པའི་སྐབས་ཡིན་ནོ། །སྐུ་གསུང་ཐུགས་ཡོངས་སུ་རྫོགས་པའི་དཀྱིལ་འཁོར་ནས། ལྷ་ལྔའམ་ལྷ་དགུ་མའི་བར་དུ་རྒྱས་བསྡུས་སྣ་ཚོགས་པ་ཡོད་པ་བསྙེན་སྒྲུབ་ཡན་ལག་བཞི་ཚང་བའི་ཚུལ་གྱིས་བསྒོམ་པ་ཡིན་ཀྱང༌། འདིར་རྫོགས་རིམ་གཙོ་བོར་བྱེད་པའི་སྐབས་ཡིན་པས་གཙོ་བོ་ཡབ་ཡུམ་ཙམ་གྱི་ལྷའི་རྣལ་འབྱོར་བསྡུས་པས་ཆོག་ཅིང༌། དེ་ལས་ཀྱང་ལྷག་པར་བསྡུས་པ་ལྷན་སྐྱེས་ཉིད་བསྔགས་པས། དེའི་སྒོམ་ཚུལ་ནི། སྐྱབས་སེམས་སྔར་བཞིན་བསྒོམ། ཨོཾ་ཤུནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས། རང་སྐད་ཅིག་གི་དུས་འཁོར་ལྷན་སྐྱེས་སུ་གྱུར་པ་ནི། འབྱུང་བཞི་རི་རབ་པད་ཟླ་ཉི་མ་སྒྲ་གཅན་རྣམས་བརྩེགས་པའི་གདན་ལ། བདག་ཉིད་དཔལ་དུས་ཀྱི་འཁོར་ལོ་སྐུ་མདོག་སྔོན་པོ་ཞལ་གཅིག་ཕྱག་གཉིས་སྤྱན་གསུམ་པ། རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། ཞབས་གཡོན་པ་དཀར་པོ་བསྐུམ་པས་དབང་ཕྱུག་དཀར་པོ་དང༌། གཡས་པ་དམར་པོ་བརྒྱད་པས་འདོད་ལྷ་དམར་པོའི་སྙིང་ཁར་མནན་པ། རལ་པའི་ཐོར་ཚུགས་དང༌། ཡིད་བཞིན་གྱི་ནོར་བུ་དང༌། ཟླ་བ་ཕྱེད་པས་དབུ་ལ་བརྒྱན་པ། རྡོ་རྗེའི་རྒྱན་དང༌། སྟག་གི་པགས་པའི་ཤམ་ཐབས་ཅན། ཕྱག་སོར་རྣམས་ཁ་དོག་ལྔ་པ་དང༌། སོར་ཚིགས་རྣམས་ཁ་དོག་གསུམ་པ། རྡོ་རྗེ་སེམས་དཔས་དབུ་བརྒྱན་ཅིང༌། མེ་རི་ཁ་དོག་སྣ་ལྔ་པའི་དབུས་ན་བཞུགས་པ། ཁྲོ་ཆགས་འདྲེས་པའི་ཉམས་ཅན་ནོ། །དེ་འཁྲུད་པའི་སྣ་ཚོགས་ཡབ་ཡུམ་སྐུ་མདོག་སེར་མོ། །ཞལ་གཅིག་ཕྱག་གཉིས་སྤྱན་གསུམ་མ། གཡས་གྲི་གུག་དང༌། གཡོན་ཐོད་པ་འཛིན་པས་ཡབ་ལ་འཁྱུད་ཅིང༌། ཞབས་གཡས་བསྐུམ་གཡོན་བརྐྱང་པས་ཡབ་དང་སྦྱོར་བ། གཅེར་བུ་རུས་པའི་ཕྱག་རྒྱ་
― LT24_Page_075A ―
[མ་དཔེ་གཟིགས་ན་འདིར་གནོན།]
ལྔས་བརྒྱན་ཅིང༌། དབུ་སྐྲ་ཕྱེད་གྲོལ་བའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། གསང་གནས་སུ་སྭཱ། གཙུག་ཏོར་དུ་ཧཱ་རྣམས་འཁོད་པར་གྱུར། རང་གི་སྙིང་ཁ་ནས་འོད་ཟེར་འཕྲོས་སྣོད་ཐམས་ཅད་གཞལ་ཡས་ཁང་དང༌། བཅུད་ཐམས་ཅད་དུས་ཀྱི་འཁོར་ལོའི་ལྷ་ཚོགས་སུ་གྱུར། དེ་ཐམས་ཅད་འོད་དུ་ཞུ་ནས། རང་ལ་ཐིམ། ལྷ་སྐུ་གསལ་སྟོང་དེ་ལ་ཅི་ནུས་སུ་མཉམ་པར་གཞག །དེ་ལྟར་ཡང་ཡང་བསྒོམས་ཀྱང་ལེགས། ཐུན་འཇོག་པའི་ཚེ་ལྷ་སྐུ་འོད་གསལ་སྟོང་པ་ཉིད་ཀྱི་ངང་དུ་སྦྱང༌། དགེ་བ་འདི་ཡིས་མྱུར་དུ་བདག །དུས་ཀྱི་འཁོར་ལོ་སོགས་དང༌། གོང་བཞིན་དགེ་བ་བསྔོ། འདི་འཁྲིད་ཀྱི་སྐབས་ཡིན་པས་ལྷ་སྐུ་ལ་སེམས་འཛིན་པ་མ་ཏོག་བཟླས་པ་བྱེད་མི་དགོས། འོན་ཀྱང་ཅུང་ཟད་སྔགས་བཟླ་བར་སྤྲོ་ན། བཟླས་ཀྱང་མི་འགལ་བས་ལྷ་སྐུ་སྟོང་ཉིད་དུ་བསྡུ་བའི་སྔོན་དུ། ཨོཾ་ྷྐྵྨླྺྼྻྃ་སྭཱ་ཧཱ། ཞེས་པ་ཉིད་ཅི་རིགས་པར་བཟླ་བ་ཡིན། འདི་ལ་ཡེ་ཤེས་དགུག་གཞུག་དང་དབང་བསྐུར་རྒྱས་གདབ་རྒྱས་པའི་སྲོལ་ཡང་གདའ་བ། དེ་ལྟར་བྱས་ན་རྒྱས་པའི་ལུགས་སུ་འགྱུར་བས་ཤིན་ཏུ་རུང་མོད། རོལ་པའི་རྡོ་རྗེའི་གཞུང་ལས་འདི་ཙམ་ལས་མ་བཤད་ཅིང༌། ལྷན་སྐྱེས་ཀྱི་ཕྱོགས་ལ་འདི་ཁོ་ནས་གོ་ཆོད་པས། འཇུག་པ་བདེ་བ་འདི་ལེགས་སོ། །བླ་མ་གོང་མ་འགའ་རེས་ཡི་དམ་ཀུན་གྱི་སྨར་འཁྲིད་ཀྱི་མན་ངག་འདི་ལ་སྦྱར་བ་ཡང་ཡོད་དོ། །དམིགས་བསྐོར་དྲུག་པ་བསྐྱེད་རིམ་གྱི་འཁྲིད་ཚར། བསྐྱེད་རིམ་གྱི་གོ་དོན་རྒྱས་པ་སྐབས་འདིར་བཤད་ཀྱིས་མི་ལོང་ཞིང་ལོགས་སུ་ཡོད་པས་འདིར་མི་འཆང༌། སྤྲོ་ཞིང་དགོས་ན་ལྷན་སྐྱེས་སྒྲུབ་ཐབས་ཀྱི་གོ་དོན་ཞིབ་ཏུ་བཤད་དོ། །གཉིས་པ་ནི། བར་འདིར་རྫོགས་རིམ་གྱི་ཡེ་ཤེས་མ་སྐྱེས་པ་བསྐྱེད་པའི་དོན་དུ། མཆོག་
― LT24_Page_075B ―
[མ་དཔེ་གཟིགས་ན་འདིར་གནོན།]
དབང་གོང་མ་བླ་མའི་མན་ངག་དང་ལྡན་པ་བསྐུར་དགོས་ཏེ། དེའི་ཡི་གེ་ལོགས་སུ་ཡོང་པ་ལྟར་ཡིན་ལ། དེ་ཡང་དབྱེ་ན་གསུམ་གྱི། རྗེས་སོ་སོར་བསྡུད་པའི་སྔོན་དུ་བྱེད་པ་ཐོབ་ཐང་གི་དུས་སྐབས་ཡིན་བྱང་དེང་སང་དེ་ལག་ལེན་མི་བདེ་བས་སྐབས་འདིར་བྱེད་པའི་ལག་ལེན་གཙོ་ཆེའོ། །དེ་ནས་འཁྲིད་འབོགས་པ་ནི་རྒྱུད་ལས་བདུད་རྩི་ལྔ་ལ་སོགས་དང་ཆུ་གཏེར་རྡོ་རྗེ་རྣམས་དང་སྔགས་ཀྱི་བཟླས་པ་སོགས་ཀྱིས་བསྙེན་པ་སྟེ། ཞེས་གསུངས་པའི་དོན་འགྲེལ་བར་ལྟོས་མེད་བཞི་ལྡན་དུ་གསུངས་ཤིང༌། གསང་འདུས་ལས་ཀྱང་ལུས་ངག་སེམས་རྣམས་སྒོམ་པ་ནི། རྣམ་པར་མི་རྟོག་མི་དམིགས་པ། །གང་ནའང་མི་གནས་མཉམ་པ་ཉིད། །སྐུ་གསུང་ཐུགས་ཀྱི་རྡོ་རྗེར་སྒོམ། །ཞེས་གསུངས་པའི་མན་ངག་སྟེ། ལྟོས་མེད་བཞི་ལྡན་ནམ། དབེན་པ་གསུམ་ལྡན་ཞེས་བྱའོ། །དེ་ཡང་ལུས་ཀྱི་ལོངས་སྤྱོད་དང༌། །བདེ་སྡུག་སོགས་གང་ལའང་ཆགས་སྡང་སྤངས་ཤིང༌། ཇི་སྙམ་པ་མི་བྱེད་ལ། དགག་སྒྲུབ་བླང་དོར་གྱི་རྟོགས་པ་སྤངས་པ་ནི། ལུས་ཀྱི་ལོངས་སྤྱོད་ལ་ལྟོས་པ་མེད་པ་ཞེས་བྱ་བ་ཡིན། དེ་བཞིན་དུ་ངག་དང༌། ཡིད་དང༌། འཕོ་བའི་ལོངས་སྤྱོད་ལའང་སྦྱར་བས། ལྟོས་མེད་བཞི་ལྡན་གྱི་གདམས་པ་ཞེས་བྱ་ལ། སྔོན་འཁོར་བ་ཐོག་མ་མེད་པ་ནས་ལུས་ངག་ཡིད་གསུམ་བྱ་བྱེད་ཁོ་ན་ལ་འདས་ཀྱང་དོན་མེད་དང་དོན་ལོག་པར་སོང་ནས། ཡང་དག་པའི་འབྲས་བུ་གང་ཡང་མ་གྲུབ། ད་ཕྱིན་ཆད་བྱར་མེད་དུ་བཞག་ན། གྲུབ་བ་དང་བདེ་བ་བླ་ན་མེད་པ་ཐོབ་ངེས་པས། ནང་གི་ཁམས་འཁྲུགས་པ་སོགས་གེགས་དང་གོལ་ས་སྤང་བའི་ཕྱིར་དུ། ལུས་གནད་བཅའ་ཞིང༌། རླུང་རོ་གསལ་བ་དང༌། །ཡང་དག་པའི་དོན་ལ་སེམས་གནས་པའི་ཕྱིར་དྲན་པ་བསྟེན་རྩམ་མ་གཏོག །མི་དགེ་བ་དང་ལུང་མ་བསྟན་ལྟ་ཅི་སྨོས། །ཏིང་ངེ་འཛིན་འདི་ལ་བརྟན་པ་ཅུང་ཟད་མ་ཐོབ་ཀྱི་བར་དུ་དགེ་ལས་ཀྱི་སྤྲོས་པ་ཡང་ཕལ་ཆེར་བསྐྱུངས་ནས་ལུས་བྱ་བྱེད་ཀྱིས་དབེན་པ། ག་
― LT24_Page_076A ―
[མ་དཔེ་གཟིགས་ན་འདིར་གནོན།]
སྨྲ་བརྗོད་ཀྱིས་དབེན་པ། སེམས་རྣམ་རྟོག་གི་དབེན་པ་གཅིག་རྣམས་དགོས་པས། དབེན་པ་གསུམ་བསྟེན་པ་ཞེས་བྱ་བ་ཡིན་ནོ། །དེ་ལ་འདི་སྐབས་སུ། མུན་ཁང་དང་བལྟ་སྟངས་ངེས་པ་ཅན་ལ་སོགས་པ་མཐའ་གཅིག་ཏུ་དགོས་པ་མ་ཡིན་ཡང་དངོས་བཞི་སོར་བསྡུད་ལ་མྱུར་དུ་འཇུག་དགོས་པས་དེའི་ལམ་བྱང་བར་འགྱུར་བའི་ཕྱིར། མུན་ཁང་དང་བལྟ་སྟངས་ངེས་པ་ཅན་ཡང་ཕྱག་ལེན་ལ་མཛད་པར་གདའ། དེས་ན་འདི་ལྟར་བྱ་སྟེ། གནས་སྤྱིའི་མཚན་ཉིད་ནི། དུས་འཁོར་རྩ་རྒྱུད་ལས། གང་ནས་སྐྱོང་ཆོས་ལྡན་ཞིང༌། གང་ཞིག་ཁོ་ནར་སྐྱེ་དགུ་རྣམས། བདེ་བ་གནས་ས་འཛིན་རྩོད་མེད་པ། དེར་ནི་རྣལ་འབྱོར་ཡང་དག་བཙམས། །ཞེས་གསུངས་པ་ལྟར་གྱི་ཡུལ་ཕྱོགས་དང་མདོ་སྡེ་རྒྱན་ལས། བློ་ལྡན་གང་དུ་སྒྲུབ་པའི་ཡུལ། །ལེགས་པར་རྙེད་དང་གནས་བཟང་དང༌། །ས་བཟང་པ་དང་གྲོགས་བཟང་དང༌། །རྣལ་འབྱོར་བདེ་བའི་ཡོན་ཏན་ལྡན། །ཅེས་དང༌། ཇི་སྐད་དུ། ལས་དང་པོ་ཡི་གང་ཟག་གིས། །ལུང་དབེན་པ་ལ་མ་བརྟེན་པར། །སེམས་དབེན་རྙེད་པར་མི་འགྱུར་བས། །འདྲིས་སྤངས་དབེན་པར་གནས་པར་བྱ། །འདྲིས་པས་འདྲིས་ཤིང་ཆགས་པར་བྱེད། །དེ་ཡིས་འཁོར་བའི་འཁོར་ལོ་བསྐོར། །དེ་བས་འདྲིས་པ་སྤང་བ་ལ། །རྟག་ཏུ་བག་དང་ལྡན་པར་བྱ། །ཞེས་པ་ལྟར། ཉིན་མོ་སྐྱེ་བོའི་རྒྱུ་འགྲུལ་མེད་པ། །མཚན་མོའི་བརླག་ཅོར་མེད་པ། འཚེ་བའི་འཇིགས་པ་མེད་ཅིང༌། འཐུང་རྒྱུའི་ཆུ་ལུས་ལ་མི་གནོད་པ་ཅིག་དགོས། ཐུན་མོང་མ་ཡིན་པའི་གནས་ཀྱི་ཁང་པར་འབྱོར་ལྡན་ཡིན་ན། སྟེང་ཁང་ངམ་བར་ཁང་མུན་ཁང་སྒོ་ཁྱོག་རིམ་པ་གསུམ་པ། སྐར་ཁུང་ཕྱི་ཆུང་ལ་ནང་ཡངས་པ། ཕྱི་ན་མཐོང་དཀར་ཞིང༌། དེ་འབོ་རྡོ་སོགས་ཀྱིས་བཀག་ན་སྣང་བ་རྟ་རྔ་ཙམ་ཡང་མི་འབྱུང་བ་ཞིག་དགོས་པ་ཡིན་ལ། ཀུན་སྤངས་ཀྱི་གནས་ནི། ས་ཕུག་དང༌། བྲག་ཕུག་དང༌། ཁྱིམ་ལ་སོགས་པ་
― LT24_Page_076B ―
[མ་དཔེ་གཟིགས་ན་འདིར་གནོན།]
ཇི་ལྟར་རིགས་པ་སྟེ། འོན་ཀྱང་སྐམ་ཞིང་ས་རླངས་མེད་པ་མུན་པ་ཤིན་ཏུ་གནག་པ་ཞིག་དགོས་ལ། དེ་ལྟར་ཡོད་ན་གང་དུའང་རུང་ངོ༌། །གནས་དེར་སྔོན་འགྲོ་སྒོམ་པའི་ཚུལ་ནི། ཐུན་དང་པོ་ལ་སྐྱབས་འགྲོ་སེམས་བསྐྱེད། བླ་མའི་རྣལ་འབྱོར་བསྐྱེད་རིམ་རྣམས་ལུས་གནད་ཅི་བདེ་བའི་ངང་ནས་བྱ། ཐུན་ཕྱི་མ་རྣམས་ལ་སྐྱབས་འགྲོ་སེམས་བསྐྱེད་བསྡུས་པ་དང༌། བླ་མ་ལ་མོས་གུས་དུང་ཙམ་བྱས་པས་ཆོག །སྔར་བསགས་སྦྱང་གི་འཁྲིད་གཉིས་ལ་ཉམས་མྱོང་མ་སྐྱེས་ན། ཐུན་དང་པོ་ལ་ཡིག་རྒྱ་དང་མཎྜལ་ཡང་བྱེད་དགོས་པས། སྐྱབས་འགྲོ་སེམས་བསྐྱེད་གྲུབ་མ་ཐག་རྡོ་རྗེ་སེམས་དཔའི་སྒོམ་བཟླས་དང༌། དེའི་རྒྱུན་ལ་མཎྜལ་དང༌། བླ་མའི་རྣལ་འབྱོར་དང༌། ཤུནྱ་ཏས་སྟོང་པར་སྦྱང་བ་ནས། སེམས་འཛིན་པའི་བར་གྱིས་བསྐྱེད་རིམ་ཀྱང་བྱེད། དེའི་ནང་ནས་ཀྱང་ཅུང་ཟད་རྒྱས་པ་ལ་སྤྲོ་ན་སྔར་བཤད་པ་བཞིན་དང༌། བསྡུ་ན་སྐྱབས་འགྲོའི་སྐབས་སྐྱབས་ཡུལ་རང་ལ་མ་བསྟིམ་པར་མདུན་དུ་བཞུགས་སུ་གསོལ་བ་ལ། མཎྜལ་གྱི་སྐབས་སུ་མཎྜལ་འབུལ་བ་དང༌། དེ་ཁོ་ལ་གསོལ་འདེབས་མན་ཆད་ཀྱི་བླ་མའི་རྣལ་འབྱོར་རྣམས་བྱས་པས་ཟོར་ཡང་ཞིང་གནད་ལ་འབྱོར་བར་འོང༌། ཐུན་གྱི་སྔོན་འགྲོ་ཉམས་སུ་ལེན་ལུགས་དབེན་གསུམ་གྱི་སྐབས་འདིར་མ་ཟད། འདི་མན་ཆད་དངོས་གཞིའི་སྐབས་སོགས་ཐམས་ཅད་དུ་འདྲ་བ་ཡིན་ནོ། །དབེན་གསུམ་གྱི་ཉམས་ལེན་དངོས་ནི། མུན་ཁང་དེར་བསམ་གཏན་འབོལ་ཆུང་བཏིངས་ནས། ལུས་གནད་རྐང་པ་རྡོ་རྗེའི་སྐྱིལ་ཀྲུང༌། སྒལ་ཚིགས་དང་ལྟག་པ་བསྲང༌། ལྐོག་མས་ཨོལ་མདུད་ནོན་ཙམ་གྱིས་མགྲིན་པ་དགུག །སོ་མཆུ་རང་བས་བཞག །ལྕེ་རྩེ་རྐན་ལ་སྦྱར། མིག་གི་ལྟ་སྟོང་ས་དང་ལག་པ་ནི་སྐབས་འདིར་ཇི་ལྟར་བདེ་བ་ཡིན་མོད་ཀྱང༌། དངོས་བཞིའི་སྐབས་ལག་པ་ཁུ་ཚུར་བརླར་བཞག་དགོས་པས་དེ་འབྱོངས་པའི་ཕྱིར་འདིར་ཡང་བྱ་སྟེ།
― LT24_Page_077A ―
[མ་དཔེ་གཟིགས་ན་འདིར་གནོན།]
མཐེ་བོས་སྲིན་ལག་གི་རྩ་བ་མནན་པ་ལ་སོར་མོའི་རྣམས་ཀྱིས་ཕྱི་ནས་བསྡམས་པའི་ཁུ་ཚུར་ཀྱིས་བརླའི་རྩ་བར་མནན་ལ་ལག་ངར་བསྲང༌། མིག་ཀྱང་དངོས་གཞི་དང་ཕྱོགས་མཚུངས་པར་སྟེང་ཕྱོགས་ཀྱི་ནམ་མཁའ་ལ་བལྟ་བའི་ཚུལ་གྱི་གྱེན་དུ་བསྒྲིལ་ནས་འབྱེད་འཛུམ་སོགས་མི་བྱེད་པར་གཡོ་མེད་དུ་བཞག །དེ་དེ་ལྟར་ལུས་གནད་བཅས་མ་ཐག་ཏུ་སྔར་རླུང་འཁྲུགས་པ་དང་འཁྱམས་པ་སེལ་ཅིང་ཕྱིས་རླུང་སྐྱོན་མི་འབྱུང་བའི་ཕྱིར་རླུང་རོ་ལན་གསུམ་སྣ་སྒོ་ནས་སངས་ཀྱིས་འབུད། དེ་རྗེས་ནས་ཐུན་གྲོལ་གྱི་བར་དུ་རླུང་རང་བབས་སུ་བཞག །ཅི་བདེར་རྒྱུ་རུ་གཞུག །སེམས་ཀྱི་གནད་གང་ཡང་བསམ་དུ་མེད་པ། ཅི་ཡང་ཡིད་ལ་མི་བྱེད་པ། ཆེད་དུ་མ་སྒྲིམ། ཆེད་དུ་མ་གློད། བར་ནམ་མཁའ་སོགས་ལ་ཆེར་གྱིས་བལྟ་བ་ཡང་མ་ཡིན། ཚུར་རང་ཉིད་ལ་ཆེད་དུ་ལྟ་བ་ཡང་མ་ཡིན། གང་ལ་ཡང་མི་བརྟེན་ཅིར་ཡང་འཆར་རུང་ཙམ་དེ་ལ། བཟོ་བཅོས་མེད་པར་ལྷོད་དེ་བཞག །དེ་ཁ་ལ་གནས་ཤིང་སྒོམ་དུ་བཏུབ་ན་ལེགས། གལ་ཏེ་སེམས་འཕྲོ་ན་དེའི་གཉེན་པོ་བརྟེན་དགོས། དེ་ལ་འཕྲོ་ལུགས་གཉིས་ཏེ། སེམས་གནས་འཕྲོ་ལ་རྣམ་རྟོག་ཐོལ་ཐོལ་སྐྱེ་ཞིང་གཟུགས་སོགས་ཡུལ་གྱི་རྣམ་པ་ཡིད་ལ་ཝལ་ཝལ་འཆར་ལ། ཤར་མ་ཐག་ཏུ་སེམས་འཕྲོས་པ་རང་གི་ཤེས་ཀྱིན་འདུག་ན། དེ་ལ་དགའ་མི་དགའ་དང་རྟོག་དཔྱོད་གང་ཡང་མི་བྱ་བ་དེ་ཉིད་འཕྲོ་རྦད་ཀྱིས་བཅད་ནས། སེམས་འཇོག་ཚུལ་སྔར་གྱི་དེ་ཁ་བསྐྱངས་པས་ཆོག །ཡང་རྣམ་རྟོག་གཅིག་ལ་གཅིག་བརྒྱུད་པ་སྣ་ཚོགས་པ་འཕྲོ་ཞིང་ཡུན་རིང་པོར་འབྱམས་འགྲོ་ན་སྐྱོན་ཆེ་སྟེ། འོན་ཀྱང་འདི་ལ་ནམ་དྲན་པས་ཟིན་མ་ཐག་ཏུ། ད་ཕྱིན་ཆད་འོག་འགྱུ་རྒྱ་འབྱམས་སུ་འགྲོ་བ་འདི་མ་བྱུང་བ་བྱེད་དགོས། ནམ་འཕྲོ་བ་ན་དྲན་པས་ཟིན་པར་བྱའོ་སྙམ་པའི་འདུན་པ་དྲག་པོས་སྐབས་
― LT24_Page_077B ―
[མ་དཔེ་གཟིགས་ན་འདིར་གནོན།]
སྐབས་སུ་བཏང༌། གང་ཡང་བསམ་དུ་མེད་པའི་ངང་ནས་རིག་པ་ཁོང་སྒྲིམ། སེམས་གནས་སམ་མི་གནས། འཕྲོ་འམ་མི་འཕྲོ་སྙམ་པའི་དྲན་ཤེས་ཀྱི་བྱ་ར་ཡང་ཡང་བཏང་བས། འོག་འགྱུ་རྒྱ་འབྱམས་ཀྱི་སོང་བ་དེ་ཇེ་ཆུང་ཇེ་ཆུང་ལ་སོད་པ། མི་རིང་བ་ན་སོངས་ཏེ་འགྲོ། །དེ་ལྟར་རྩེ་གཅིག་ཏུ་འཇུར་ལ་སྒོམ་ཞིང༌། ཐུན་འཇོག་ཁར་དགེ་བ་བསྔོ་བ་གོང་དང་འདྲ། ཐུན་མཚམས་སུའང་སེམས་བཟོ་མེད་ཀྱི་གདངས་དང་མ་བྲལ་བ་བྱ་ཞིང༌། གཏམ་ཅལ་ཅོལ་མི་སྨྲ། སྐུ་མཉེ་དང་ཁ་ཟས་ཀྱི་ལྕག་གིས་བསྐུལ། །འདི་ལྟར་བསྒོམ་པས་ལུས་ཉམས། ངག་ཉམས་སེམས་ཉམས། མཐོང་ཉམས། རྨི་ལམ་སོགས་གང་བྱུང་ཀྱང༌། ཉམས་ཀྱི་སྣེ་མི་བསྐྱིལ་མི་བཀག་པར་རང་བབས་ལ་གང་བྱུང་དེ་ཀ་བྱུང་རྒྱལ་ལྷུག་པར་བསྐྱང་དགོས། ཇི་སྐད་དུ། གང་ལའང་སྐྱོན་དུ་མི་བལྟ་ཞིང༌། །ཅི་ཡང་མ་ཡིན་ཉམས་སུ་བླངས། །དྲོད་རྟགས་ལ་སོགས་འདོད་མི་བྱ། །སྒོམ་དུ་མེད་པར་བསྟན་མོད་ཀྱང༌། །ལེ་ལོ་བཏང་སྙོམས་དབང་མི་བཏང༌། །ཞེས་གསུངས་པ་ལྟར་ཡིན། ཐུན་ཐུན་མཚམས་ཐམས་ཅད་དུ་བཟང་དུ་རེ་བ་དང༌། སྐྱོན་གྱིས་དོགས་པ་མི་བྱ། སྤྱོད་ལམ་དྲག་ཤུལ་དང༌། འདོད་ཡོན་ལ་དགའ་བ་སོགས་ཀྱི་རྣམ་རྟོག་སྤངས། ཀུན་ཏུ་བྱང་ཆུབ་ཀྱི་སེམས་མ་ཉམས་པར་བསྲུང༌། གོས་སོགས་གྲང་དྲོ་རན་པ་དང༌། མཚན་མོའི་གཉིད་ཚིམ་པར་ལོག །ཉིན་མོའི་གཉིད་སྤངས། ཐུན་གྱི་སྐབས་རྩེ་གཅིག་ཏུ་ཤུགས་ཕྱུང་ལ་སྒོམ་ཞིང༌། ཐུན་ཡུན་བསྲིང་བ་ལེགས་སོ། དམིག་བསྐོར་བདུན་པ་དབེན་གསུམ་གྱི་འཁྲིད་ཚར། འདི་སྐབས་ཞག་གཉིས་གསུམ་སྒོམ་དུ་བཅུག་ཅིང༌། དེ་བར་ལ་སྤོ་ཞིང་དགོས་ན། དབེན་པའི་ཕན་ཡོན་དང༌། ཞི་ལྷག་གི་རང་བཞིན། དབེན་གསུམ་གྱི་གནད་རྣམས་ཞིབ་མོར་བཤད། དེ་ལྟར་ལེགས་པོར་ངེས་སུ་བཅུག་
― LT24_Page_078A ―
[མ་དཔེ་གཟིགས་ན་འདིར་གནོན།]
ནས་ལག་ལེན་བསླབ། བྱིན་རླབས་བྱ། ལག་ལེན་སྤྲོས་པ་ལ་དགའ་ན། བྱིན་རླབས་འབེབས་ཤིང་གཏོར་དབང་ཡང་བསྐུར་ཏེ། དེའི་ཚུལ་ནི་བླ་མ་གོང་མ་རྣམས་ཀྱིས་ལོགས་སུ་ཡི་གེ་མཛད་པ་ལྟར་ཤེས་པར་བྱའོ། །དེ་རྗེས་ནས་མུན་འཁྲིད་ཀྱི་མཚམས་ལ་འཇུག །འཁྲིད་ལྟ་ཡང་ཡང་བྱ་ཞིང༌། གནད་དུ་མ་འབྱོར་བ་རྣམས་བཅོས། གེགས་སེལ་དང་ངོ་སྤྲོད་པ་སོགས་སྐབས་སུ་གང་བབ་བྱའོ། །དེ་དག་གིས་ནི་ཟབ་ལམ་རྡོ་རྗེའི་རྣལ་འབྱོར་གྱི་སྔོན་འགྲོའི་འཁྲིད་རྣམས་ཚར་བ་ཡིན་ནོ། །གཉིས་པ་ཟབ་ལམ་རྡོ་རྗེའི་རྣལ་འབྱོར་གྱི་དངོས་བཞི་སྒོམ་པའི་རིམ་པ་ནི། དུས་འཁོར་རྩ་རྒྱུད་དང༌། གསང་འདུས་རྒྱུད་ཕྱི་མ་ལས། སོ་སོར་བསྡུད་དང་བསམ་གཏན་དང༌། །སྲོག་རྩོལ་དེ་བཞིན་འཛིན་པ་དང༌། །རྗེས་སུ་དྲན་དང་ཏིང་ངེ་འཛིན། །སྦྱོར་བ་ཡན་ལག་དྲུག་ཏུ་འདོད། །ཅེས་གསུངས་ཤིང༌། བདེ་མཆོག་རྩ་རྒྱུད་ལས། སྔགས་བཟླས་པ་དང་བསམ་གཏན་དང༌། བདེ་བས་ཀྱང་ནི་འགྲུབ་པར་འགྱུར། ཅེས་དང༌། དགྱེས་རྡོར་ལས་ཀྱང༌། ཡན་ལག་དྲུག་བསྒོམ་རྣལ་འབྱོར་བས། །ཞེས་སོགས་མང་དུ་གསུངས་ཏེ། མདོར་ན་ཡན་ལག་དྲུག་ནི། སོར་སྡུད་གྱི་ཡན་ལག་བསམ་གཏན་སྲོག་རྩོལ་འཛིན་པ། རྗེས་དྲན་ཏིང་ངེ་འཛིན་གྱི་ཡན་ལག་སྟེ། དྲུག་པོ་དེ་ཡིན་ལ་དེ་དག་རྡོ་རྗེ་བཞིའི་རྣལ་འབྱོར་གྱི་དབང་དུ་བྱས་ན། སོར་བསམ་སྐུ་རྡོ་རྗེའི་རྣལ་འབྱོར། སྲོག་འཛིན་གསུང་རྡོ་རྗེའི་རྣལ་འབྱོར། རྗེས་དྲན་ཐུགས་རྡོ་རྗེའི་རྣལ་འབྱོར། ཏིང་ངེ་འཛིན་ཡེ་ཤེས་རྡོ་རྗེའི་རྣལ་འབྱོར་རོ། །བསྙེན་བསྒྲུབ་ཡན་ལག་བཞི་ལྟར་ན། །སོར་བསམ་བསྙེན་པ། སྲོག་འཛིན་ཉེར་སྒྲུབ། རྗེས་དྲན་སྒྲུབ་པ། ཏིང་ངེ་འཛིན་སྒྲུབ་ཆེན་ནོ། །དགེ་བ་གསུམ་ལྟར་ན། སོར་བསམ་ཐོག་མར་དགེ་བ། སྲོག་འཛིན་བར་དུ་དགེ་བ། དྲན་ཏིང་ཐ་མར་དགེ་བའོ། །རྒྱུ་འབྲས་གཉིས་ལྟར་ན། །སོར་སྡུད་སྲོག་
― LT24_Page_078B ―
[མ་དཔེ་གཟིགས་ན་འདིར་གནོན།]
རྩོལ་རྗེས་དྲན་གསུམ་རྒྱུའི་ཡན་ལག་བསམ་གཏན་འཛིན་པ། ཏིང་ངེ་འཛིན་གསུམ་འབྲས་བུའི་ཡན་ལག་གོ །ཐམས་ཅད་ཀྱང་ཕྱག་རྒྱ་ཆེན་པོའི་རྣལ་འབྱོར་དུ་གཅིག་ལ། ཡན་ལག་དངོས་རྣམས་ནི་སྔ་མ་སྔ་མ་མཐར་ཕྱིན་ནས་ཕྱི་མ་ཕྱི་མ་རྒྱུད་ལ་སྐྱེ་བས་ཐོག་མར་སྐྱེ་བའི་དུས་སྐབས་རིམ་ཅན་དུ་གནས་ཤིང༌། དེ་དག་སྐྱེ་བའི་རྒྱུ་ཚོགས་ལ་བསླབ་པ་ཡན་ལག་དྲུག་རྗེས་མཐུན་པ་ནི། ཐོག་མར་སོ་སོར་ཞུས་ཤིང་སྦྱང་ནས། དེ་རྗེས་སྟན་ཐོག་གཅིག་ཏུ་རྫོགས་པར་ཉམས་སུ་ལེན་ནོ། །དེས་ན་སྐབས་འདིར་དངོས་གཞི་ལ། ཐོག་མར་དགེ་བའི་འཁྲིད། བར་དུ་དགེ་བའི་འཁྲིད། ཐ་མར་དགེ་བའི་འཁྲིད་དེ་གསུམ་ལས། དང་པོ་ལ། སོ་སོར་བསྡུད་པའི་འཁྲིད་དང༌། བསམ་གཏན་གྱི་འཁྲིད་དོ། །དང་པོ་ནི། གོང་མ་མང་པོ་དག་དུས་ཞབས་སྙན་བརྒྱུད་ལས། ཀུན་ལའང་དྲུག་ཏུ་ཤེས་བྱ་སྟེ། ཞེས་པའི་གོ་དོན་དུ་མཛད་ནས། ཡན་ལག་ཐམས་ཅད་ལ་ས་བཅད་དྲུག་གིས་འཆད་པ་གདའ། ས་བཅད་ནི་བཤད་པ་ཡིན་པས་ཇི་ལྟར་སྦྱར་ཀྱང་རུང་མོད། སྐབས་འདིར་གོང་མའི་གསུང་ལས་ཀྱང་མི་འདའ་ཞིང༌། གོ་བདེ་བར་སྦྱར་ན་འདི་ལྟར་ལེགས་ཏེ། སོར་སོར་བསྡུད་པའི་འཁྲིད་སྟོན་པར་བྱེད་པ་ལ། ཉམས་ལེན་དམིགས་པའི་གནད་དང༌། སྒོམ་དོན་བློ་ལ་འགོད་པ་གཉིས་སོ། །དང་པོ་ལ། སོར་བསྡུད་དངོས་དང༌། བོགས་འདོན་སྤོགས་པའི་ཆོ་ག་གཉིས་སོ། །དང་པོ་སོར་བསྡུད་དངོས་ལ། མཚན་མོ་གསེང་མེད་ནམ་མཁའི་རྣལ་འབྱོར་དང༌། ཉིན་མོ་སྤྲིན་མེད་ནམ་མཁའི་རྣལ་འབྱོར་རོ། །དང་པོ་ནི། རྒྱུད་ལས། ནམ་མཁར་ཀུན་ནས་ཞེན་པའི་སེམས་དང་མིག་ནི་མི་འཛུམ་རྡོ་རྗེའི་ལམ་དུ་རབ་ཏུ་ཞུགས་པ་ཡིས། ཅེས་གསུངས་ཏེ། སྔོན་འགྲོ་སྔར་བཞིན་བཏང༌། གནས་ཁང་སྐབས་འདིར་ངེས་པར་མུན་ཁང་ཁོ་ན་ཡིན་ཅིང༌། རྐང་པ་རྡོ་རྗེའི་སྐྱིལ་ཀྲུང་ངེས་པར་དགོས་ཏེ། དྲི་མེད་འོད་
― LT24_Page_079A ―
[མ་དཔེ་གཟིགས་ན་འདིར་གནོན།]
ལས། བླ་མའི་ངེས་པའི་དབང་གིས་སྒོམ་པའི་དུས་དང༌། འདོད་པའི་ལྷ་ལ་བསྟོད་པའི་དུས་སུ་གྲགས་བཞིན་དུ་སངས་རྒྱས་པ་རྣམས་ལ་རྡོ་རྗེའི་གདན་བསྔགས་ཤིག །ཅེས་གསུངས། ལག་པའང་མཉམ་བཞག་གམ་ཁུ་ཚུར་བརླར་བཞག་གང་རུང་ཞིག་དགོས་པར་གསུངས་པས་གཞན་མི་བྱ། ལྟ་སྟངས་ནི་རྒྱུད་ལས་བསྙེན་པ་ལ་ནི་དང་པོའི་རྣལ་འབྱོར་རྣམ་བཅུ་མཁའ་ལ་འཁོར་ལོ་ཅན་གྱི་ཁྲོ་བོའི་ལྟ་བས་སོ། །ཞེས་འབྱུང་བས། གཙུག་ཏོར་འཁོར་ལོས་བསྒྱུར་བའི་ལྟ་སྟངས་ཞེས་བྱ་བ། སྨིན་མཚམས་ནས་སོར་བཅུ་དྲུག་གཞལ་བའི་སྟེང་གི་ནམ་མཁའ་ལ་ལྟ་བ་འདི་ཁོ་ན་དགོས། དེ་ཡང་དབང་མདོར་བསྟན་ལས། བཀབ་དང་མ་བཀབ་མིག་དག་གིས། །ཞེས་གསུངས་པས། མིག་ཧ་ཅང་གདངས་པ་མ་ཡིན་པ། །ཧ་ཅང་བཙུམ་པ་མ་ཡིན་པ། །རང་བབས་ཀྱི་ངང་ནས་མིག་འབྲས་གྱེན་ལ་བཟློག་པ་ཡིན། དམིགས་གསལ་ཅན་རྣམས་མ་གཏོགས། སོར་བསམ་གཉིས་ཀྱི་སྐབས་ཐམས་ཅད་དུ་ལུས་གནད་ལྟ་སྟངས་འདི་ཁོ་ནར་ངེས་སོ། །དེ་ལྟར་ལུས་གནད་བཅས་ནས། བྱ་བ་གཞན་སྤངས་ཏེ་བཞག་པས་རྩ་རྣམས་གཡོ་མེད་དུ་གནས་པ་ནི་ལུས་མི་གཡོ་བ། ངག་གནད་དབེན་གསུམ་གྱི་སྐབས་བཞིན་བྱས་པས་ངག་མི་གཡོ་བ། སེམས་ཀྱི་གནད་ཀྱང་ཕལ་ཆེར་དབེན་གསུམ་དང་འདྲ་བ་ལས། གང་དུ་མིག་ལྟ་བའི་ཐད་ནམ་མཁའི་མུན་པ་ལ་སེམས་ཆེ་རེ་གཏད་ནས་འཇོག་པ་ཡིན་ཏེ། དྲི་མེད་འོད་ལས། དང་པོར་སྟོང་ཉིད་བྱང་ཆུབ་ནི་མུན་པ་ལ་ཅི་ཡང་བསམ་པར་མི་བྱའོ། །ཞེས་གསུངས་ཏེ། ཡིད་མི་གཡོ་བའོ། །དེ་ལྟར་ན། གྲུབ་ཐོབ་ཤཱ་ཝ་རི་པའི་ཞལ་ནས། མི་གཡོ་བ་ནི་གསུམ་ལྡན་གྱིས། དྷུ་ཏཱིར་རླུང་བཅུ་ཚུད་གྱུར་པས། ཕྱི་ནང་རྟོག་འགགས་རྟགས་བཅུ་འབྱུང༌། སོ་སོར་གཅོད་པའི་ཡན་ལག་ཡིན། །ཞེས་གསུངས་པའི་དོན་ཚང་བར་བྱ་ཞིང༌། དཔལ་ས་ར་ཧས་ཀྱང༌།
― LT24_Page_079B ―
[མ་དཔེ་གཟིགས་ན་འདིར་གནོན།]
མང་དུ་སྨྲས་པས་ཅི་ཞིག་བྱ། །ཆོས་ཀྱི་ཚང་ནི་འདི་ཡིས་ཆོག །སིག་ཕྱེད་གྱེན་དུ་ལྟ་བ་ན། །མཐོང་བ་བརྟན་པ་ཏིང་གྱིས་ཤེས། ཞེས་དང༌། །བར་སྣང་ལ་ནི་ཡིད་དང་རླུང་དང་མིག །དུས་གཅིག་ཏུ་ནི་གལ་ཏེ་ངེས་སྦྱར་ན། །རིན་ཆེན་རྒྱལ་བའི་ཡོན་ཏན་ངེས་པར་སྐྱེ། །འདི་དག་མཐའ་དག་དེ་བཞིན་གཤེགས་པས་གསུངས། །ཞེས་དང༌། ལྟ་སྟངས་ངེས་པར་གྱེན་དུ་བལྟ་དགོས་པ་ཡང༌། འབྲེལ་ཆེན་ལས། མིག་མི་འཛུམ་པར་སྟེང་དུ་ལྟ་བས། མཚན་མར་འགྱུར་བ་ཡིན་ཏེ། ཞེས་གསུངས་སོ། །དེ་ལྟར་ན། ལུས་གནད་བྱེད་བཅིང་དང་ལྡན་པས་ཡིད་མིག་རླུང་གསུམ་གཙུག་ཏོར་ཐད་ཀྱི་ནམ་མཁའ་དང་དབྱེར་མེད་དུ་བསྲེས་ཏེ། གང་ཡང་ཡིད་ལ་མི་བྱེད་པར་སྒོམ་དགོས་སོ། །སོར་སྡུད་ཀྱི་དམིགས་པ་དངོས་ཏེ། དངོས་བཞིའི་དམིགས་པ་དང་པོའོ། །ཡང་པཎ་ཆེན་བོ་དྷུ་ཏི་ཙནྡྲའི་མན་ངག་ལས། དམིགས་པ་གཏོད་ཚུལ་མི་འདྲ་ཙམ་བཞི་བྱུང་བའི་མན་ངག་ནི་འདི་ཡིན་ཏེ། སོར་སྡུད་ཀྱི་དམིགས་པའི་རྩ་བ་སྔར་བཤད་པ་དེ་ཉིད་བསམ་མེད་ཀྱི་རྣལ་འབྱོར་ཞེས་བྱ་བ། དཔེ་ལྷ་ཁང་ནང་གི་ལྡེ་བཟོ་ལྟ་བུ་ཟེར། དེ་སྐབས་སེམས་མ་གཞུར་བའི་སྐྱོན་གྱིས་རྟོག་པ་འཕྲོ་བའམ། སྒོམ་སྐྱོན་ཅན་ཐེབས་ཏེ། ཤེས་པ་ལྟེང་པོར་སོང་ནས་སྒོམ་མིན་གཉིད་མིན་དུ་འགྲོ་ན། །ལྟ་སྟངས་ཀྱི་ལམ་ནས། དྲངས་ཏེ། ནམ་མཁའི་དབུས་སུ་སེམས་ཐིམ་འགྲོ་བ་ལྟ་བུ་ཤེས་པ་དྲག་ཏུ་གཏད། རིམ་པ་ཧུར་ཕྱུང་ཏེ་སྒྲིམས་ནས་སྒོམ་པ་ནི། རྩེ་གཅིག་པའི་རྣལ་འབྱོར་ཞེས་བྱ་སྟེ། སྤྲེའུ་སྒོ་གཅིག་ཏུ་གཏགས་པ་ལྟ་བུའོ། །དམིགས་བསྐོར་གཉིས་པའོ། །དེ་ལྟར་སྒོམས་པས་རླུང་སྟོད་དུ་འཚང་བ་དང༌། མིག་རུས་ན་བ་དང༌། ཡེ་ཤེས་ཕེབས་པ་མ་ཡིན་པར་བརྒྱལ་བ་དང༌། ཟུག་གཟེར་སྐྱེ་བ་སོགས་བྱུང་ན། བྱེད་བཅིང་སྔར་ལས་མ་གཡོས་བཞིན་དུ་སེམས་གསལ་རིག་གི་སྟེང་
― LT24_Page_080A ―
[མ་དཔེ་གཟིགས་ན་འདིར་གནོན།]
ཆེ་རེ་བཟོ་བཅོས་མེད་པར་བཞག་ཅིང༌། འདས་མ་འོང་གི་རྣམ་པར་རྟོག་པར་སྤངས་ཏེ། ད་ལྟར་བའི་ཤེས་པ་སོ་མ་ལ་རང་ངོ་ཤེས་པའི་དྲན་པ་བསྟེན་པ་ནི། རང་གྲོལ་གྱི་རྣལ་འབྱོར་ཏེ། དཔེ་སྤུན་གསུམ་གྱི་བར་མ་དང་འགྲོགས་པ་ཞེས་བྱ་སྟེ། དམིགས་བསྐོར་གསུམ་པའོ། །དམིགས་པ་དེ་ཉིད་ཀྱི་སྐབས་སུ། སེམས་སྒྲིམས་པས་ཡུད་ཙམ་རེ་གནས་ཤིང༌། དེའི་འཕྲོ་ལ་ཇི་ཙམ་སྒྲིམས་ཀྱིན་འཕྲོ་རྐོང་དུ་སོང་ན། ཧ་ཅང་གྲིམས་དྲགས་པའི་སྐྱོན་ཡིན་པས། མ་ཡེངས་པའི་དྲན་པའི་བྱ་ར་ཙམ་བཞག་ནས། གང་ཡང་མི་བསྒོམ་པར་ལྷོང་ཀྱིས་གློད་དོ། །འདི་ནི་རྩོལ་བྲལ་ཀྱི་རྣལ་འབྱོར་ཏེ། དཔེ་རྔ་མོ་བཏགས་གྲོལ་ལྟ་བུའོ། །དམིགས་བསྐོར་བཞི་བའོ། །དམིགས་པ་ཕྱི་མ་གསུམ་པོ་འདི་རྣམས་ཀྱང་དང་པོའི་སྟེང་དུ་ཚང་བར་བྱ་སྟེ། རེས་འགའ་སྒྲིམ། རེས་འགའ་གློད། རེས་འགལ་སེམས་གསལ་རིག་གི་ངོ་བོ་ལ་ལྟ། ཕལ་ཆེར་རྩོལ་བྲལ་བཟོ་མེད་དུ་འཇུག་པ་ཉིད་མཐིལ་དུ་བྱས་དེ་སྒོམ་མོ། །དམིགས་བསྐོར་ལྔ་པའོ། །མཚན་མོའི་རྣལ་འབྱོར་གྱི་དམིགས་པ་དང་པོ་ཕོག་པའི་མཚམས་སམ། སྐབས་འདི་གཉིས་གང་འོས་ཤིག་ཏུ་དངོས་གཞིའི་མུན་འཁྲིད་དམ་པོ་ལ་འཇུག་པར་བྱའོ། །གཉིས་པ་ནི། ཉིན་མོའི་རྣལ་འབྱོར་ཡིན་ཏེ། དེ་ལ་གནས་ཀྱི་ཁྱད་པར་ནི། འབྱོར་ལྡན་གྱི་གནས་ཕྱེད་གཡབ་ཁ་ཤར་བསྟན་དང་ནུབ་བསྟན་ལྟ་བུ་ཡིན་ལ། ཀུན་སྤངས་ཀྱི་གནས་ནི། སྐྱོར་འམ། བྲག་དང་ཤིང་ལ་སོགས་པས་རང་གི་ལུས་ལ་གྲི་མ་མ་འབྱུང་ཞིང༌། སྐྱེ་བོ་གཞན་གྱིས་ཚུར་མི་མཐོང་བ་ཞིག་དགོས་ལ། གཉིས་ཀ་ལ་ཡང་མཚུངས་པར་ནམ་མཁའ་རྒྱ་ཆེན་པོ་མཐོང་བའི་སར་སྒོམ་དགོས་པ་ཡིན་ནོ། །མིག་ལམ་ན་མར་ཆུ་འབབ་པ་དང༌། མཚོ་རྫིང་སྟེང་ཀ་སོགས་མཐོང་སར་མི་སྒོམ། ཞེས་བླ་མ་གོང་མ་འགའ་ཞིག་བཞེད་ཅིང༌། ནུབ་བྱང་ལ་མི་ལྟ་ཞེས་ཀྱང་ཁ་ཅིག་འདོད་ལ།
― LT24_Page_080B ―
[མ་དཔེ་གཟིགས་ན་འདིར་གནོན།]
ཉི་འོད་དང༌། གངས་རི་སོགས་འོད་འཚེར་བས་མིག་ལ་གནོད་པས། དེ་དག་ཀྱང་མིག་ལམ་དུ་མི་འབྱུང་བའི་སའོ། །དུས་ནི་སྔ་གྲོ་ཉི་མར་རྒྱབ་ཕྱོགས་ཏེ། །ཕྱི་དྲོ་ཡང་ནི་དེ་བཞིན་ནོ། །ཉི་ཕྱེད་མིག་ལ་གནོད་པས་སྤངས། །ཞེས་པ་ལྟར། སྔ་དྲོ་ཁ་ནུབ་ཏུ་ཕྱོགས། །ཕྱི་དྲོ་ཁ་ཤར་དུ་ཕྱོགས་པར་སྒོམ་ཞིང༌། ཕྱེད་གཡབ་བྱང་བསྟན་ནམ། བྲག་དང་རྩིག་པ་ལ་སོགས་པའི་གྲིབ་མ་ཆེ་བར་ཡོད་ན། ཉིན་གུང་ཡང་བྱང་དུ་ཕྱོགས་པས་སྒོམ་དུ་རུང༌། དེ་དག་ཀྱང་སྤྲིན་སེར་བུ་ལ་སོགས་པ་མེད་པའི་དུས་སུ་སྒོམ་ཞེས་གསུངས་པ་ལྟར་ཡིན་པས། སྲོད་ཐོ་རངས་ཉིན་གུང་རྣམས་དང༌། གཞན་ཡང་སྤྲིན་དང་རླུང་པོ་ཡོང་བའི་དུས་ཉིན་མོའི་རྣལ་འབྱོར་མི་སྒོམ་སྟེ། མུན་ཁང་དུ་མཚན་མོའི་རྣལ་འབྱོར་ཉིད་བསྒོམ་པར་བྱས་ལ། གནས་དུས་སོགས་མཐུན་རྐྱེན་འཛོམ་ན་འདི་ཉིད་སྒོམ་པ་ཡིན་ནོ། །བསྒོམ་བྱ་དངོས་ནི་གོང་དུ་བསྟན་པའི་མི་གཡོ་གསུམ་ལྡན་དེ་ཉིད་ཡིན་ལ་རྩེ་གཅིག་པའི་རྣལ་འབྱོར་སོགས་གནད་ཕྱི་མ་གསུམ་པོ་དེའང་གེགས་སེལ་གཉིད་འདོན་དུ་དགོས་པ་བྱུང་ན་བསྒོམས་པས། བསྒོམ་བྱ་དངོས་ཉིད་མཚན་གྱི་རྣལ་འབྱོར་གཅིག་པ་ཡིན་ལ། འོན་ཀྱང་མི་འདྲ་བའི་ཁྱད་པར་ནི་རྒྱུད་ལས། ནམ་མཁའ་ཆུ་འཛིན་བྲལ་བ་བདག་ཉིད་ནི་རྣལ་འབྱོར་པ་ཡི་བགྲད་པའི་མིག་གིས་ལྟ་བར་བྱ་བ་སྟེ། ཞེས་གསུང་པས་ཉིན་མོའི་རྣལ་འབྱོར་བསྟན་ཏེ། ལྟ་སྟངས་ཀྱི་གནད་ཁྲོ་བོའི་ལྟ་བ་སྣང་མིག་འབྲུ་ཚུགས་སུ་ལྟ་ཚུལ་དགོས་པ་ཡིན། དེ་བཞིན་དུ་དམིགས་པའི་ཡུལ་གྱི་གནད་ཀྱང་མུན་ནག་གི་ནམ་མཁའ་ལྟ་བའི་ཚབ་ཏུ། སྤྲིན་མེད་ཀྱི་ནམ་མཁའ་སྔོ་སང་ངེ་བ་དང༌། རང་སེམས་གསལ་ཧྲིག་གེ་བ་དབྱེར་མེད་པ་ལྟ་བུ་ལ་འཇོག་གོ །དངོས་གཞིའི་དམིགས་བསྐོར་དྲུག་པའོ། །གཉིས་པ་བོགས་འདོན་སྤོགས་ཆོག་ལ། ཉིན་པར་དང་འབྲེལ་པའི་སྤོགས་ཆོག་དང༌། མཚན་མོ་གཉིས་ཀྱི་འོད་
― LT24_Page_081A ―
[མ་དཔེ་གཟིགས་ན་འདིར་གནོན།]
གསལ་འཛིན་པའོ། །དང་པོ་ནི། དེ་ལ་སྤྱིར་ཡན་ལག་དྲུག་ཀར་གྱི་སྤོགས་ཆོག་བཙན་ཐབས་སྦྱོར་བ་རྣམ་པ་གསུམ་ཡིན་པར་རྒྱུད་ལས་གསུངས། དེ་དག་རྒྱས་པར་གཞན་དུ་ཤེས་པར་བྱ་ལ། འདིར་དང་པོའི་ལས་ཅན་ལ་སོར་སྡུད་ཁོ་ན་དང་འབྲེལ་བ་ནི། དུས་ཞབས་སྙན་རྒྱུད་ལས། སོ་སོར་བསྡུད་པའི་སྤོགས་པ་ནི། བྱེད་བཅིང་དྲག་ཏུ་བརྩམ་པར་བྱ། ཞེས་པ་དང༌། བྱེད་བཅིང་གང་ལ་ཟེར་ན། རྣལ་འབྱོར་གསུམ་གྱི་སྙིང་པོ་གསལ་བ་ལས། མཚན་མོ་གསེང་མེད་ཁྱིམ་དུ་ནི། ཤིན་ཏུ་མཉམ་བཞག་སྒྲུབ་པ་པོས། །བྱེད་པ་ལྔ་ལ་བཅིང་པ་གཉིས། །བླ་མའི་ཞལ་ལས་ཤེས་པར་བྱ། །ཞེས་བལྟར་ཡིན་པས། འདི་ཡང་རྒྱུད་ལས་གསུངས་པའི་སྤོགས་ཆོག་བཙན་ཐབས་ཀྱི་སྦྱོར་བའི་ནང་དུ་གཏོག་པ་ཡིན་ནོ། །དེ་ཡང་བྱེད་པ་ལྔ་ནི་དབང་པོ་ལྔའི་རླུང༌། བཅིང་བ་གཉིས་ནི་སྲོག་དང་ཐུར་སེལ་བཅིང་བ་ཡིན་པས། འདིར་ལག་ལེན་ནི་ཉིན་མཚན་གྱི་རྣལ་འབྱོར་གང་གི་སྐབས་ཡིན་ཡང་འདྲ། མིག་གཉིས་ལྟ་ས་རྒྱ་ཆེན་པོ་མ་ཡིན་པ་ཕྲ་མོ་གཅིག་ལ་དྲག་ཏུ་བསྒྲིལ། ལྕེ་ཕུགས་སུ་བཟློག །མཆུ་དང་སྣ་དང་རྣ་བ་གསུམ་བཅུད། བཞིན་ཁྲོ་བོའི་གདོང་དུ་བྱ། ལུས་ཉྭ་བཞི་བསྒྲིམ་ཞིང་རྐང་སོར་རྣམས་བཀུག །ཁུ་ཚུར་དང་སྐྱིལ་ཀྲུང་དམ་དུ་བྱ། དཔུང་པ་དྲག་ཏུ་རྒྱངས། །དེས་དབང་པོ་ལྔའི་རླུང་འཆིང༌། ལྟོ་བ་ཚིགས་བ་ལ་གཅེར་བ་དང༌། ཕྱིར་འཕེལ་ཁ་བསྐྱེད་པ་གཉིས་རེས་མོས་བྱ། །དེ་ཡང་རེ་མོས་མྱུར་པོ་མ་ཡིན་པར་ཆུ་ཚོད་རེར་ཙམ་སྤེལ་དགོས། དེས་སྲོག་ཐུར་གཉིས་བཅིངས་པར་འགྱུར། དེ་ལྟ་བུ་ཐུན་གྱི་གསུམ་ཆའམ་བཞི་ཆ་ཙམ་རེ་བསྒོམ། ཐུན་གྱི་ལྷག་མ་རྣམས་དཀྱུས་བཞིན་བསྒོམ་པས། སོར་སྡུད་ཡུན་རིང་དུ་བསྒོམས་ཀྱང་ཉམས་རྟོགས་མ་སྐྱེས་པ་རྣམས་སྐྱེ། དང་པོ་ཅུང་ཟད་སྐྱེས་ཀྱང་ཉམས་པ་རྣམས་གསོ་ཐུབ། སྔར་ཅུང་
― LT24_Page_081B ―
[མ་དཔེ་གཟིགས་ན་འདིར་གནོན།]
ཟད་སྐྱེས་པ་མ་ཉམས་ཀྱང་དང་པོ་སྐྱེས་བ་དེ་ལས་ཡར་བསྐྱེད་མ་བྱུང་ནའང༌། འདི་བསྒོམས་པས་གོང་འཕེལ་དུ་འགྲོ། དེས་ན་སྤོགས་པའི་ཆོ་ག་ཞེས་བྱའོ། །ཐོག་མ་ཉིད་ནས་འདི་བསྒོམས་ཀྱང་ཚེགས་ཆེ་ཞིང་གེགས་སྡང་ལ། ཕྱིས་བོགས་སྐྱེད་ཆུང་བར་ཡོང་བས། གོང་གི་གནས་སྐབས་གསུམ་པོ་དེ་བྱུང་ན་སྒོམ་གྱི་གཞན་མི་དགོས་སོ། །དམིགས་བསྐོར་བདུན་པའོ། །ཡང་རྩ་མི་དང༌། རྒྭ་ལོའི་མན་ངག་ལས། སྒར་ཁུང་ལ་ལྟ་བ་དང༌། སྣོད་ཆུས་གང་བ་ལ་ལྟ་བའི་མན་ངག་རེ་ཡོད་ཀྱང་སྟོང་གཟུགས་ཀྱི་སྤོགས་ཆོག་ཏུ་ཅུང་ཟད་འགྲོ་མོད་ཀྱི། གནད་གལ་ཆུང་བར་མངོན་ནོ། །གཉིས་པ་ནི། མཚན་མོ་ཉལ་བའི་སྐབས་སོར་སྡུད་ཀྱི་ལུས་གནད་མ་འབྱོངས་མར་དུ་ནི། རང་བབས་སུ་བཞག་པ་ཉིད་ལེགས་ལ། ལུས་གནད་ལྟ་སྟངས་འབྱོངས་ནས། ཙོག་པུ་འམ། གློ་གཡས་པ་འོག་ཏུ་བཅུག་པ་སེང་གེའི་ཉལ་སྟབས་གྱིས་ཉལ་ཞིང༌། མིག་བཙུམ་ནས་མིག་འབྲས་གྱེན་ལ་བཟློག་པའི་ལྟ་སྟངས་དང༌། སེམས་ཀྱི་གནད་ལྟ་སྟངས་ཀྱི་ལམ་ནས་དྲངས་ཏེ་ནམ་མཁའ་ལ་ལྟ་བ་ཉིད་ཡིན་པས། དེའི་ངང་ནས་གཉིད་དུ་འགྲོ་བར་བྱའོ། །ཉིན་མོའི་སྒོམ་ཤུགས་དང༌། གཉིད་དུ་འགྲོ་ཁར་མཚམས་སྦྱར་བའི་རྐྱེན་གྱིས། ཞག་བདུན་ནམ། ཟླ་བ་ཕྱེད་དམ། ཟླ་བ་གཅིག་ལ་སོགས་པ་ནས་གཉིད་ཀྱི་འོད་གསལ་ཟིན་པར་འགྱུར། ཅི་སྟེ་མ་ཟིན་ན། རང་དུས་འཁོར་ལོར་གསལ་བའི་ཐུགས་ཀ་ནས་འོད་ཟེར་འཕྲོས། སྣོད་བཅུད་ཐམས་ཅད་འོད་དུ་ཞུ་ནས་རང་ལ་ཐིམ། རང་ཡང་འོད་དུ་ཞུ། འོད་ཕུང་གི་མཐའ་ནས་རིམ་གྱིས་ཡལ། སྙིང་ཁའི་ཐད་དུ་ཏིལ་འབྲུ་ཙམ་མམ་སྤུ་ཤང་ཙམ་ལ་རིགས་དུ་སེམས་བཟུང༌། །དེ་ཡང་ཡལ་ཏེ་ནམ་མཁའ་སྟོང་པ་ལ་སེམས་གཏད། དེ་ལྟ་བུ་ལན་བདུན་ཙམ་བསྒོམས་ནས་སྔར་བཞིན་བྱས་པས་མྱུར་དུ་ཟིན་པར་འགྱུར་རོ། །
― LT24_Page_082A ―
[མ་དཔེ་གཟིགས་ན་འདིར་གནོན།]
དེ་ལ་གཉིད་ཀྱི་འོད་གསལ་ཟིན་པའི་ཚད་མང་པོ་ཡོད་ཀྱང༌། རེ་ཞིག་གཉིད་འཐུག་པོའི་སྐབས་སུ་གསལ་སྟོང་གི་རིག་པ་རྣམ་རྟོག་གི་གཡའ་དང་བྲལ་ཞིང༌། རང་ངོ་སྐྱོང་ཤེས་པ་ལ་རྟགས་སྣང་སྣ་ཚོགས་པ་འཆར་བ་ཞིག་བྱུང་ན་གཉིད་ཀྱི་འོད་གསལ་ཟིན་པའི་གྲང་སུ་ཆུད་པ་ཡིན་ནོ། །དམིགས་བསྐོར་བརྒྱད་པའོ། །གཉིས་པ་སྒོམ་དོན་བློ་ལ་འགོད་པ་ནི། གང་ཟག་ཤིན་ཏུ་བློ་དམན་པ་བཤད་ཀྱང་མི་གོ་བ་དང༌། བློ་གྲོས་ཆེན་པོའི་རིགས་བཤད་མི་དགོས་པ་དང༌། མགྱོགས་ཁྲིད་བྱེད་པའི་སྐབས་རྣམས་སུ་མ་བཤད་ཀྱང་ཆོག །གནས་སྐབས་གཞན་དུ་ཅི་རིགས་པར་འཆད་པ་བླ་མ་རྣམས་ཀྱི་ཕྱག་ལེན་གྱི་རྒྱན་ཡིན་ཅིང༌། གལ་ཡང་ཆེ་བ་ཡིན་ཏེ་འོག་མ་རྣམས་ལའང་དེ་དང་འདྲའོ། །དེ་ཡང་མདོ་ཙམ་སྨོས་ན། སོ་སོར་བསྡུད་པའི་མཚན་དོན། སྒོམ་པའི་དུས་མཚམས། སྒོམ་ཚུལ་གྱི་ཡན་ལག །བསྒོམ་པའི་རྟགས་ཚད། དག་བྱ་དག་བྱེད་ཀྱི་དབྱེ་བ། བསྒོམས་པས་ཐོབ་པའི་འབྲས་བུ་སྟེ་དྲུག་གོ །དང་པོ་ནི། ལེགས་པར་སྦྱར་བ་སཾ་སྐྲྀ་ཏའི་སྐད་དུ། པྲ་ཏི་སོ་སོར། ཨཱ་ཧ་ར་སྐབས་ཐོབ་ཀྱིས་བསྡུད་པ། སྤོང་བ། ཟ་བ། གཅོད་པ་ལེན་པ་སོགས་ལ་འཇུག་པ་ལས། སྐབས་འདིར་བསྡུད་པ་སྟེ། མཚམས་སྦྱར་བས་པྲ་ཏྱ་ཧ་ར་སོ་སོར་བསྡུད་པའོ། །ཐ་མལ་པའི་དབང་པོ་ལྔ་དང་ཡུལ་ལྔའི་འབྲེལ་པ་གཅོད་ཅིང་ཡུལ་ལ་རྣམ་ཤེས་ཡན་པ་བསྡུད་པ་དང༌། ཡེ་ཤེས་ཀྱི་རང་བཞི་གྱི་དབང་པོ་གཞན་ལྔ་འོད་གསལ་གྱི་རང་བཞིན་གྱི་ཡུལ་ལྔ་ལ་ལོངས་སྤྱོད་ཅིང་ཟ་བ་དང་ལེན་པའི་དོན་ཡིན་ཏེ། མདོར་ན་ཐ་མལ་གྱི་སྣང་བ་ལ་སེམས་བསྡུད་ནས་ཡེ་ཤེས་ཀྱི་སྣང་བ་ལ་འཇུག་པའི་དོན་ནོ། །དེ་ལྟར་ཡང་རྒྱུད་ལས། སོ་སོར་བསྡུད་པ་ལུས་ལ་ཡུལ་དང་ཡུལ་
― LT24_Page_082B ―
[མ་དཔེ་གཟིགས་ན་འདིར་གནོན།]
ཅན་བཅུ་པོ་རྣམས་ནི་རབ་ཏུ་འཇུག་པ་མེད་པའོ། ཞེས་སོ། །གཉིས་པ་ནི་སོར་སྡུད་ཐོག་མར་རང་སྒོམ་པའི་སྐབས་ཀྱི་ལན་གཅིག་པོ་དེ་ལ། རླུང་སྣ་བུག་གཡོན་ནས་གཡས་སུ་འཕོས་མ་ཐག་པས་རླུང་འབབ་པའི་དུས་དེར་བསྒོམས་ན། གཡས་ཀྱི་འཕོ་བ་རྣམས་འབྱུང་བ་སྡུད་རིམ་གྱི་རྒྱུ་བ་ཡིན་པས་མ་དག་པའི་སྣང་བ་དབྱིངས་སུ་བསྡུ་བའི་རྟེན་འབྲེལ་ཁྱད་པར་ཅན་དུ་འགྱུར། གཞན་ཡང་ལས་དང་པོ་པས་གཉིད་ཀྱི་དུས་མ་གཏོགས་འབད་ནས་སྒོམ་པ་གལ་ཆེ་ཞིང་ལུས་གནད་འབྱོངས། ཏིང་ངེ་འཛིན་གྱི་ཉམས་ཅི་རིགས་པ་བརྟན་ནས་ཉིན་གུང་དང༌། ཕྱི་ཕྲེང་ཀྱི་དུས་ཐུན་མཚམས་ཀྱི་རྣལ་འབྱོར་ཙམ་སྒོ་ནས་བསྐྱོངས་ན་གེགས་མི་སྡང་ཞིང་བོགས་ཆེ་བ་ཡིན་ནོ། །གསུངས་སོ། །གསུམ་པ་ལས། སོར་སྡུད་ཀྱི་ངོ་བོ་ནི་རྣམ་པར་མི་རྟོག་པ་མི་གཡོ་གསུམ་ལྡན་གྱིས་རླུང་དབུ་མར་སྡུད་པའི་ནུས་པ་ཅན་ཞིག་སྟེ། ཉིན་མཚན་གྱི་རྣལ་འབྱོར་གཉིས་ནི་སྣོད་ཀྱི་འཇིག་རྟེན་ལ་ཆགས་འཇིག་གཉིས། བཅུད་ཀྱི་སེམས་ཅན་ལ་སྐྱེ་འཆི་གཉིས། ལོ་ལ་བགྲོད་པ་གཉིས། ཟླ་བ་ལ་ཕྱོགས་གཉིས། ཞག་ལ་ཉིན་མཚན་གཉིས། ཁམས་འཕོ་བ་ལ་གཡས་གཡོན་གཉིས། དུས་སྦྱོར་དང་རླུང་གི་འཕོ་བ་ལའང་མཉམ་པ་དང་མི་མཉམ་པ་གཉིས་སོགས་ཐབས་ཤེས་ཀྱི་དབྱེ་བའི་དག་པས་ཉིན་མཚན་གྱི་རྣལ་འབྱོར་གཉིས་ངེས་པར་དགོས་པ་ཡིན་ནོ། །དེ་ལྟར་ཡང་རྒྱུད་ཕྱི་མ་ལས། མཚན་མོ་དུ་བ་ལ་སོགས་རྣལ་འབྱོར་སླར་ཡང་ཉིན་མོ་ནམ་མཁའ་ལ་ནི་འབར་བ་ལ་སོགས་ཀྱང༌། ཞེས་དང༌། ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་ལས་ཀྱང༌། ཀོའུ་ཤི་ཀ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བྱེད་པ་དེས་ནམ་མཁའ་ལ་རྣལ་འབྱོར་དུ་བྱའོ། །ཀོའུ་ཤི་ཀ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་
― LT24_Page_083A ―
[མ་དཔེ་གཟིགས་ན་འདིར་གནོན།]
དུ་བྱེད་པ་དེས་བླ་གམ་མེད་པ་ལ་རྣལ་འབྱོར་དུ་བསླབ་པར་བྱའོ། །ཅེས་གསུངས་པས། གནས་ལུགས་རྟོགས་པའི་ཐབས་ལ་ཉིན་མཚན་གྱི་རྣལ་འབྱོར་གཉིས་ཚང་པ་དགོས་པ་མདོ་སྔགས་གཉིས་ཀའི་དགོངས་པ་ཡིན་ཅིང༌། འོན་ཀྱང་ལུས་ལ་གནད་དུ་བསྣུན་པ་སོགས་ཐབས་ཁྱད་པར་ཅན་གཞན་གྱི་སྒོ་ནས་གསང་སྔགས་ཁྱད་པར་དུ་འཕགས་པ་ཡིན་ནོ། །ཁྱད་པར་དུ་ཡང་འདིའི་གནད་ནི། མཚན་མའི་རྣལ་འབྱོར་གྱི་གཡས་ཀྱི་དཀྱིལ་འཁོར་ལྔ་དང༌། ཉིན་མོའི་རྣལ་འབྱོར་གྱིས་གཡོན་གྱི་ལྔ་རྣམས་དབུ་མར་བསྡུས་པས་མཚན་རྟགས་ངེས་པ་རྟགས་བཅུ་སོགས་འཆར་བ་ཡིན་ཏེ། གཙོ་ཆེ་བའི་དབང་དུ་བྱས་པའོ། །བཞི་པ་ནི། སོ་སོར་སྡུད་པའི་ཏིང་ངེ་འཛིན་གྱི་ཡུལ་རྟགས་བཅུ་སྟེ། རྒྱུད་ལས། སྟོང་པ་ལ་ནི་དུ་བ་སྨྲིག་རྒྱུ་རབ་གསལ་དྲི་མ་མེད་པའི་མཁའ་སྣང་ཉིད་དང་མར་མེ་དང༌། ཞེས་མཚན་མོའི་རྣལ་འབྱོར་གྱི་རྟགས་བཞི་དང༌། འབར་བ་དང་ནི་ཟླ་བ་ཉི་མ་རྡོ་རྗེ་རྣམས་དང་མཆོག་གི་ཆ་དང་ཐིག་ལེ་མཐོང་བར་འགྱུར། ཞེས་ཉིན་མོའི་རྣལ་འབྱོར་གྱི་རྟགས་དྲུག་སྟེ། རྟགས་བཅུ་ངེས་པའི་རྟགས་ཡིན་ལ། བཅུ་པོ་དེ་དག་གང་རུང་རེའི་ཁོངས་སུ་གཏོགས་པ་ཡིན་ཀྱང༌། རྣམ་པ་མ་ངེས་པའི་རྟགས་ནི་མཐའ་ཡས་པ་ཞིག་གོ །སྣ་ཚོགས་གཟུགས་བརྙན་མཐོང་བ་ཞེས་བྱའོ། །དེ་ཡང་ཆོས་ཉིད་དོན་དམ་པའི་ཡེ་ཤེས་རང་ལ་བཞུགས་ཤིང༌། ལམ་བསྒོམ་པས་དེ་མངོན་དུ་གྱུར་པ་ལ་ཡིད་ཆེས་སྐྱེ་བའི་རྒྱུ་ཡིན་པའི་ཕྱིར་རྟགས་ཞེས་བྱ་ཡིས། ཀུན་རྫོབ་འཁྲུལ་སྣང་གི་རྟགས་ཙམ་ནི་མ་ཡིན་ནོ། །དེ་ལྟར་རྟགས་དེ་རྣམས་མཐོང་བའི་ཤེས་པ་ནི་ཚད་མ་སྟེ། དེ་ཡང་རྒྱུད་ལས། ལྷ་ཡི་དམིགས་པ་གང་ཡིན་མངོན་སུམ་དང་ནི་རྗེས་སུ་དཔག་པ་རྣམས་པ་
― LT24_Page_083B ―
[མ་དཔེ་གཟིགས་ན་འདིར་གནོན།]
གཉིས་སུ་འགྱུར་བ་སྟེ། མངོན་སུམ་དག་ནི་དེ་ཉིད་སྦྱོར་བས་མཁའ་ལ་སྐར་མ་བཞིན་དུ་དུ་མ་ལོངས་སྤྱོད་རྫོགས་པའི་སྐུ། ཞེས་གསུངས་པ་ལྟར་བསྐྱེད་རིམ་གྱི་ཚད་མ་ནི་རྗེས་དཔག་ཡིན་ལ། རྣལ་འབྱོར་ཡན་ལག་དྲུག་གི་ཚད་མ་ཐམས་ཅད་མངོན་སུམ་ཡིན་ནོ། །མངོན་སུམ་ཡང་མཚན་ཉིད་ཀྱི་སྒོ་ནས་རྣམ་པ་བཞི་ཡོད་ལ། ངོ་བོའི་སྒོ་ནས་མངོན་སུམ་གཅིག་ཡིན་པས། ཡན་ལག་དྲུག་པོ་སོ་སོའི་སྐབས་ཀྱི་མངོན་སུམ་ཐམས་ཅད་ལ་མངོན་སུམ་བཞི་ཅར་གྱི་མཚན་ཉིད་ཆ་ཤས་རེ་ཚང་ཡོད་ཀྱང༌། སྐབས་འདིར་དབང་པོའི་མངོན་སུམ་གྱི་མཚན་ཉིད་གཙོ་ཆེ་བ་ཡིན་ལ། དེའི་བརྟེན་དབང་པོ་ཡང་སྤྱན་ལྔ་ལས་ཤའི་མིག་ཡིན་ནོ། །དེ་ལྟར་ཡང་དྲི་མེད་འོད་ལས། འདིར་དང་པོར་ལས་དང་པོའི་རྣལ་འབྱོར་པས་མངོན་པར་ཤེས་པ་མེད་པར་ཤའི་མིག་གིས་སྣ་ཚོགས་མཐོང་ངོ༌། །ཞེས་སོ། །མིག་གི་སྒྲ་ནི། ཨཱཀྵ་ཞེས་བྱ་བའི་སྒྲ་ལས་དྲངས་ན། དབང་པོ་ཐམས་ཅད་ལའང་འཇུག་པས། གཟུགས་ཀྱི་རྣམ་ཆ་མཐོང་བའི་རྟེན་ཁོ་ན་ལ་མི་བཟུང་གིས། སྟོང་པ་ཉིད་ཀྱི་གཟུགས་སྒྲ་དྲི་རོ་རེག་བྱ་འཛིན་པ་མཐའ་དག་ལ་འཇུག་གོ །འོག་མ་རྣམས་ལའང་འདིས་རིགས་འགྲེའོ། །ལྔ་པ་ནི། ཡན་ལག་དྲུག་པོ་ཐམས་ཅད་ཀྱིས་དྲི་མ་སྦྱང་བར་བྱ་བའི་གཞི་ནི་ཆོས་ཉིད་བདེ་གཤེགས་སྙིང་པོ་ཁོ་ན་ཡིན་པས་དབྱེ་བ་མང་ལ། དག་བྱ་ལ་དབྱེ་ན་སྤྱིར་ཕུང་ཁམས་སུམ་བཅུ་སོ་དྲུག་ཡོད་པ་ལས། སོ་སོར་བསྡུད་པའི་ངོ་སྐལ་གྱི་དག་བྱ་ཡེ་ཤེས་ཀྱི་ཕུང་པོ་ལ་སོགས་པ་ཡེ་ཤེས་ཀྱི་ཁམས་དྲུག་ཚན་གཅིག་པོ་དེ་ཡིན་ལ། དག་བྱེད་སོར་སྡུད་ཉིད་ལ་དབྱེ་ན་བཅུ་སྟེ། རྟགས་བཅུ་རིམ་པས་འཆར་བའི་དབང་གིས་ཉམས་རྟོགས་མཐོ་དམན་གྱི་དབྱེ་བ་བཅུ་ཡོད་པས་སོ། །དྲུག་པ་ནི། གནས་
― LT24_Page_084A ―
[མ་དཔེ་གཟིགས་ན་འདིར་གནོན།]
སྐབས་ཀྱི་འབྲས་བུ་བདེན་ཚིག་འགྲུབ་པ་དང༌། སྔགས་འབྲས་གྲུབ་པ་སྟེ། སོ་སོར་བསྡུད་པས་རྣལ་འབྱོར་པ་ནི་ཡུལ་དང་རྣམ་པར་བྲལ་བ་སྔགས་རྣམས་ཀུན་གྱིས་བྱིན་གྱིས་རློབ། ཅེས་གསུངས། མཐར་ཐུག་གི་འབྲས་བུ་ནི། ནམ་ཞིག་རྫོགས་པའི་སངས་རྒྱས་ཀྱི་གོ་འཕང་ཐོབ་པའི་དུས་ན་རྡོ་རྗེ་སེམས་དཔའ་ལ་སོགས་པ་ལྷ་ཡེ་ཤེས་ཁམས་པ་དྲུག་ཚན་གཅིག་གི་དཀྱིལ་འཁོར་རབ་འབྱམས་འབྱུང་བའོ། །དེ་ལྟར་སོར་སྡུད་ཀྱི་སྒོམ་དོན་བློ་ལ་འགོད་པ་འདི་བསྡུ་ན་ཐུན་གཅིག་ལ་ཚང་བར་བྱ། རྒྱས་པ་ལ་སྤྲོ་ན་ཐུན་མང་པོར་བཤད་དེ། །མཐའ་ཆོད་ལ་ངེས་པ་བརྟན་པོར་བྱའོ། །དེས་སོ་སོར་བསྲུང་བའི་འཁྲིད་ཚར་རོ། །དེ་ཙམ་གྱིས་ཆོག་ཤེས་པར་བྱེད་ན། འོག་ཏུ་འཆད་པར་འགྱུར་བའི་རྗེས་ཀྱི་འཁྲིད་རྣམས་སྐབས་འདིར་བཤད་དེ། རེ་ཞིག་འཁྲིད་རྫོགས་པའི་ལུགས་སུ་བྱས་ལ། ཡང་སྐབས་འདི་ནས་བསམ་གཏན་གྱི་འཁྲིག་སྟོན་པར་འདོད་ན། སོར་སྡུད་ཀྱི་སྒོམ་དོན་བློ་ལ་འགོད་པ་སོང་བའི་རྗེས་ཐོགས་ཁོ་ནར་བསམ་གཏན་གྱི་འཁྲིད་རིམ་གྱིས་འབོགས་པ་བྱའོ། །གཉིས་པ་བསམ་གཏན་གྱི་འཁྲིད་སྟོན་པར་བྱེད་པ་ལ། ཉམས་ལེན་དམིགས་པའི་གནད་དང༌། སྒོམ་དོན་བློ་ལ་འགོད་པའོ། །དང་པོ་ལ། བསམ་གཏན་དངོས་དང༌། སྤོགས་ཆོག་བོགས་འདོན་དང་བཅས་སྟེ་གཉིས་སོ། །དང་པོ་ནི། མཚན་མོའི་རྣལ་འབྱོར་གྱི་གནས་སུ་བསྒོམས་པ་གཙོ་ཆེ་ཞིང༌། སྤྱིར་ཉིན་མཚན་གྱི་རྣལ་འབྱོར་གྱི་གནས་གཉིས་ཀར་དུ་བསྒོམས་སྟེ། ལུས་གནད་ངག་གནད་གཉིས་པོ་སྔར་སོར་སྡུད་ཀྱི་སྐབས་དང་འདྲ། སེམས་གནད་ཀྱང་མི་གཡོ་བར་འཇོག་ཚུལ་སོགས་ཕལ་ཆེར་འདྲ་མོད་ཀྱིས་ཁྱད་པར་ཅུང་ཟད་ཡོད་པ་ནི། སྔར་སོར་སྡུད་ཀྱི་སྐབས་སུ་ནི། སྟོང་གཟུགས་མ་མཐོང་ན་ལྟ་ཅི་སྨོས། །
― LT24_Page_084B ―
[མ་དཔེ་གཟིགས་ན་འདིར་གནོན།]
མཐོང་བའི་དུས་ནའང་སྟོང་གཟུགས་ལ་སེམས་མི་འཇོག་པར། ནམ་མཁའ་ཁོ་ན་ལ་སེམས་གཏོད་པ་ཡིན་ལ། འདིར་ནི་ནམ་མཁའ་ལ་སེམས་འཇོག་པའི་ཚབ་ཏུ་སྟོང་གཟུགས་ལ་སེམས་འཇོག་པ་སྟེ། སྟོང་གཟུགས་མཐོང་བའི་དུས་དེ་ཉིད་དུ། རིག་པ་སྟོང་གཟུགས་ལ་ཆེ་རེ་གཏད་ཅིང༌། འདིར་ཡིན་འདི་མིན་སོགས་ཀྱི་སྤྱོད་པ་དང༌། རྣམ་རྟོགས་ཡེ་མི་བྱེད། ལྟ་མཁན་གྱི་རིག་པ་ཁོ་རང་གིས་རིག་ག་བ་ཁོ་རང་ལ་ལྟ་ཤེས་ཙམ་བྱའོ། །འདི་སྟོང་གཟུགས་བརྟན་པ་ཐོབ་ནས་སྒོམས་པ་ཡིན་པས། སྒོམ་ལ་བཞག་པའི་དུས་སྟོང་གཟུགས་མེད་པ་ཆེར་མི་ཡོད་ལ། ཅི་སྟེ་མེད་པའི་སྐབས་སེང་ཅུང་ཟད་བྱུང་ན། །སོར་སྡུད་བཞི་སྒོམ། སྟོང་གཟུགས་གཡས་གཡོན་སྟོང་འོག་སོགས་སུ་ཡལ་ཡོལ་བྱེད་ན་ཡང་དེའི་རྗེས་སུ་མིག་དང་སེམས་གཉིས་ཀ་མི་འབྲང་བར། ལྟ་སྟངས་རིག་པ་ཐོག་མིའི་གཏད་ས་དེ་ཁར་གཏོད་དགོས། དེ་ལྟར་བྱས་པས་སེམས་གཏོད་པ་དེ་ཁར་རིམ་གྱིས་སྟོང་གཟུགས་འདུས་འོང༌། དེ་གཡོ་བའི་རྗེས་སུ་ལྟ་སྟངས་དང་སེམས་འབྲངས་ན། བྱེད་བཅིང་དང་དམིགས་པའི་གནས་འཆུགས་པས་སྟོང་གཟུགས་རང་ཡང་མི་བརྟན་པ་འགྲོ་བ་ཤས་ཆེ། མ་སོང་ཡང་དམིགས་པའི་གནད་ལ་བརྟན་པ་མི་ཐོབ་པ་རེ་ཞིག་ལྟ་སྟངས་དང༌། སེམས་གཏོད་པ་གཡོ་མེད་དུ་བྱེད་པ་གལ་ཆེའོ། །དམིགས་བསྐོར་དགུ་པའོ། །གཉིས་པ་ལ། སྤོགས་ཆོག་དང༌། བོགས་འདོན་གཉིས་སོ། །དང་པོ་ནི། དུས་ཞབས་སྙན་བརྒྱུད་ལས། བསམ་གཏན་སྟོང་གཟུགས་དྲག་ཏུ་སྒོམ། །ཞེས་གསུངས། སོར་སྟུང་གྱི་སྤོགས་ཆོག་ལྟར་བྱེད་པ་ཅིང་དྲག་པོ་བཙན་ཐབས་ཀྱི་སྦྱོར་བ་དེ་བྱེད་ཅིང་དམིགས་པ་ཡང་སྟོང་ས་གཟུགས་ཀྱི་ཆ་ཤས་ཕྲ་མོ་ཞིག་གི་དབུས་སུ་སེམས་ཞུགས་འགྲོ་བ་ལྟ་བུར་དྲག་ཏུ་
― LT24_Page_085A ―
[མ་དཔེ་གཟིགས་ན་འདིར་གནོན།]
གཟིར་བ་ཉིད་དོ། །དམིགས་བསྐོར་བཅུ་པའོ། །གཉིས་པ་ལ། ཉིན་མོའི་རྣལ་འབྱོར་དང་འབྲེལ་བ་དང་གཉིད་ཀྱི་འོད་གསལ་དང་འབྲེལ་པའོ། །དང་པོ་ནི། ཡེ་ཤེས་སྤྱན་སྒྲུབ་ལ། སྣང་བའི་སྟོང་དུ་འོད་གསལ་བཟུང༌། ཕྲ་བའི་འོད་ལ་བརྟེན་ནས་ནི། རགས་པའི་འོད་ཅན་ངོ་སྤྲད་པས། རྟོགས་མེད་འོད་ལས་སྲིད་འདས་སྣང༌། ཞེས་གསུངས་པའི་མན་ངག་ནི། སྣང་བ་གསལ་པོ་དང་བཅས་པའི་ཕྱོགས་སུ་ཡང་སྟོང་གཟུགས་བརྟན་པོ་འཆར་ན། ལྟ་སྟངས་སྔར་གྱི་ལས་ཅུང་ཟད་སྨད་ནས་ཞག་གསུམ་བཞི་ཙམ་པ་སྒོམས་པ་ན། སྔར་གྱི་ལས་རྟགས་སྣང་ཅུང་ཟད་མི་གསལ་དུ་འགྲོ་ཡིན་འདུག་ན། ད་དུང་བོགས་འདོན་དེ་བསྒོམ་མ་རན་པ་ཡིན་པས། ལྟ་སྟངས་སྟེང་ངེ་སྔར་བཞིན་ཞག་ཤས་འཇུར་དུ་སྒོམ། ཡང་སྔར་བཞིན་ལྟ་སྟོངས་སྨད་ནས་བསྒོམས་པས། དེ་ལ་སྟོངས་གཟུགས་བརྟན་པོར་ཡོང༌། དེ་བཞིན་དུ་རིམ་གྱིས་རིམ་གྱིས་ལྟ་སྟངས་ཕབ་ཀྱིན་བསྒོམས་པས་མི་རིང་བར་ཐད་ཀར་ལྟ་བ་དང༌། ཐུར་དུ་ལྟ་བ་སོགས་ཐམས་ཅད་ལ་སྟོང་གཟུགས་བརྟན་པོར་འགྲོ་སྟེ། དེ་ནས་རྡོ་ནག་པོའམ། བོང་བ་ལ་སོགས་པ་མིག་ལ་མི་གནོད་པའི་དངོས་པོ་ཧ་ཅང་ཆེ་བ་མ་ཡིན་པ་ཞིག་རང་གི་མདུན་དུ་བཞག་ལ། ལྟ་སྟངས་ཀྱི་ལམ་ནས་རིམ་པས་སྟོང་གཟུགས་དེ་དངོས་པོ་དེའི་སྟེང་དུ་ཕབ་ལ། དངོས་པོ་དེ་ཡང་མཐོང་བཞིན་པའི་ངང་ནས་སྟོང་གཟུགས་ལ་སེམས་གཞུར་ཏེ་སྒོམ་མོ། །དེ་ལྟར་བསྒོམས་པས་སྟོང་གཟུགས་དང་ལས་སྣང་གི་དངོས་པོ་དེ་གཉིས་ཀར་ཆ་མཉམ་དུ་མཐོང་གིན་འདུག་ན་འཆར་ཚུལ་ཐ་མ་ཡིན་ཏེ། བོགས་ཆེ་རྒྱུ་མེད་ནའང་ཡུན་རིང་གོམས་ན་གནད་དུ་འགྲོ། འགའ་ཞིག་དེ་མ་ཐག་ལས་སྣང་གི་དངོས་པོ་དེ་མི་མཐོང་བར། འོད་གསལ་གྱི་རྟགས་དེ་མཐོང་བ་ཞིག་ཡོང་སྟེ། འཆར་ཚུལ་
― LT24_Page_085B ―
[མ་དཔེ་གཟིགས་ན་འདིར་གནོན།]
བཟང་བཟང་འབྲི་སྟེ་འབྲིང་ཡིན་པས། བསྐྱེད་ཧ་ཅང་ཆེ་བ་མི་ཡོང༌། ཡང་རྟགས་སྣང་དང་ལས་སྣང་གཉིས་ཀར་དུས་གཅིག་ཏུ་ཡལ་ཏེ། རེ་ཞིག་གང་ཡང་སྣང་བ་མེད་པ་ཞིག་བྱུང་ན་མྱུར་དུ་ལས་སྣང་འགག་ཅིང༌། འོད་གསལ་གྱི་སྣང་བ་རབ་འབྱམས་འཆར་བར་འགྱུར། འདིའི་རིགས་བོགས་ཆེ་ཞིང་འཆར་སྒོ་བཟང་བ་ཡིན་ནོ། །རྟགས་སྣང་ཡལ་ནས་ལས་སྣང་འདུག་པའམ། རྟགས་སྣང་མི་གསལ་དུ་སོང་ཞིང་ལས་སྣང་གསལ་དུ་སོང་ན། བོགས་འདོན་བསྒོམ་མ་རན་པ་ཡིན་པས། དམིགས་པའི་རྩ་བ་ཉིད་སྒོམ་པར་བྱའོ། །དེ་ལ་གོམས་ནས་དངོས་པོ་རྒྱ་ཇེ་ཆེ་ཇེ་ཆེ་ལ་བསླབས་པས། མཐར་རི་ཆེན་པོ་སོགས་སྟོང་གཟུགས་སུ་འཆར་བས་མཚོན་ཏེ་སྣང་བ་ཐམས་ཅད་ལ་སྦྱར་རོ། །དམིགས་བསྐོར་བཅུ་གཅིག་པའོ། །དྷུ་ཏིའི་ནང་དུ་འོད་གསལ་གཟུང་བ་དང༌། སྲོག་རྩོལ་གྱི་སྒོར་འོད་གསལ་བཟུང་བ་གཉིས་ནི། སྲོག་རྩོལ་གྱི་གདམས་ངག་དང་འབྲེལ་བ་ཡིན་ཅིང༌། །བསམ་གཏན་ལ་ཤིན་ཏུ་བརྟན་པ་ཐོབ་པ་ཡིན་ན་མ་གཏོགས། ལས་དང་པོ་པས་འགྲུབ་དཀའ་བས་སྐབས་འདིར་མ་བཤད་དོ། །སྟོང་པའི་སྒྲ་ཐོས་པ་བརྟན་པོ་ཡོད་ན་ལས་སྣང་གི་སྒྲ་དང་བསྲེ་ཏེ། འབབ་ཆུའི་སྒྲ་ལྟ་བུ་དང༌། སྟོང་པའི་སྒྲ་གཉིས་ཀ་ཚོར་བར་བྱས་ཏེ། དེ་གཉིས་མཉམ་པོ་ལ་སེམས་གཏད། དེས་འབབ་ཆུའི་སྒྲ་འགགས་ཏེ་སྟོང་པའི་སྒྲ་འབའ་ཞིག་ཏུ་འགྱུར། དེ་ནས་སྐྱེ་བོ་མང་པོ་འདུས་པའི་སྒྲ་ལྟ་བུ་ལ་སྦྱང༌། །དེ་ནས་རང་གཞན་གྱི་སྒྲ་ཐམས་ཅད་ལ་སྦྱངས་པས། །སྒྲ་ཕལ་ཆེར་སྟོང་པའི་སྒྲར་འགྱུར། །འདིས་དྲི་རོ་རེག་བྱ་གསུམ་ལའང་རིགས་འགྲེ་མོང༌། རེ་ཞིག་མ་སྨོས་སོ། །དམིགས་བསྐོར་བཅུ་གཉིས་པའོ། གཉིས་པ་ནི། སོར་སྡུད་ཀྱི་སྐབས་དང་ཕལ་ཆེར་འདྲ་
― LT24_Page_086A ―
[མ་དཔེ་གཟིགས་ན་འདིར་གནོན།]
བ་ལས། ཉལ་བའི་ཚེ་སྟོང་གཟུགས་ཉིད་ལ་སེམས་གཏད་ཅིང༌། རྣམས་རྟོག་གིས་བར་མཆོད་པར་གཉིད་དུ་འགྲོ་བར་བྱས་པས། གཉིད་ཀྱི་འོད་གསལ་མྱུར་དུ་ཟིན་ཡོང་ལ། སྟོང་གཟུགས་རང་ལུས་ཀྱི་ནང་དུ་འཆར་ཐུབ་ཀྱི་ཡོད་ན། སྟོང་གཟུགས་སྙིང་ཁར་དྲངས་ནས། དེ་ལ་སེམས་གཏད་པའི་ངང་ནས་གཉིད་དུ་འགྲོ་བར་བྱས་ན། དུས་དེ་ཉིད་དུ་གཉིད་ཀྱི་འོད་གསལ་ཟིན་པར་ཐེ་ཚོམ་མེད་དོ། །དམིགས་བསྐོར་བཅུ་གསུམ་པའོ། །གཉིས་པ་སྒོམ་དོན་བློ་ལ་འགོད་པ་ལ། བསམ་གཏན་གྱི་མཚན་དོན། སྒོམ་པའི་དུས་མཚམས། སྒོམ་ཚུལ་གྱི་ཡན་ལག །བསྒོམས་པའི་རྟགས་ཚད། དག་བྱ་དག་བྱེད་ཀྱི་དབྱེ་བ་བསྒོམ་པས་ཐོབ་པའི་འབྲས་བུ་སྟེ་དྲུག་ལས། དང་པོ་ནི། དྷཱུ་ན་ཞེས་པ། དམིགས་པ་ལ་སེམས་གཡོ་བ་མེད་པའི་དོན་ཏེ། དེ་ཡང་སྒོ་གཏན་ལེགས་པོ་བཙུད་ན། སྒོ་གླེགས་ཁྱར་ཁྱོར་དུ་མི་གཡོ་བར། སྒོ་འབྱེད་གཅོད་ལ་རང་དབང་ཐོབ་པ་ལྟར། དམིགས་པ་ལ་དབང་བར་བྱེད་པའི་དོན་ཏེ། དྲི་མེད་འོད་ལས། ཡུལ་དང་ཡུལ་ཅན་བཅུ་པོ་རྣམས་གཅིག་ཉིད་དུ་སྣ་ཚོགས་གཟུགས་ལ་བསམ་གཏན་པའོ། །ཞེས་གསུངས་པས། རྣམ་ཀུན་མཆོག་ལྡན་གྱི་སྟོང་གཟུགས་འོད་གསལ་དེ་ལ་སེམས་རྩེ་གཅིག་ཏུ་བྱེད་ཅིང༌། གནས་པ་དང་འགྱུ་བ་ལ་རང་ཅི་འདོད་དུ་དབང་ཐོབ་པར་བྱེད་པའི་དོན་ཏེ། ཐེག་པ་སྤྱི་ལྡོག་ནས་ཀྱང་བསམ་གཏན་གྱི་དོན་དམིགས་པ་ལ་རྩེ་གཅིག་ཏུ་བཤད་པ་དང་འདྲའོ། །གཉིས་པ་ནི། སོར་སྡུད་མཐར་ཕྱིན་ན་རབ་ཡིན་ལ། མིན་ནའང་འོད་གསལ་གྱི་རྟགས་སྣང་བརྟན་པོ་ཤར་བའི་དུས་སོ། །གསུམ་པ་ནི། དབང་མདོར་བསྟན་ལས། རྨི་ལམ་བཞིན་དུ་གཟུགས་མཐོང་འགྱུར། །
― LT24_Page_086B ―
[མ་དཔེ་གཟིགས་ན་འདིར་གནོན།]
རྟག་ཏུ་གཟུགས་དེ་བསྒོམ་པར་བྱ། །ཅེས་བསམ་གཏན་གྱི་ངོ་བོ་ནི། འོད་གསལ་རྟགས་སྣང་ལ་རྩེ་གཅིག་དམིགས་པའི་ཏིང་ངེ་འཛིན་ཏེ། དེའི་ཡན་ལག་ནི། བསྡུས་རྒྱུད་ལས། བསམ་གཏན་དག་ཀྱང་ཤེས་རབ་རྟོག་དང་དཔྱོད་པ་དགའ་དང་གཡོ་མེད་པ་དེ་བརྩེ་གཅིག་སེམས་དཔའ་འོ། །ཞེས་གསུངས་ཏེ། དེ་ཡང་འོད་གསལ་རྟགས་བཅུ་ལ་རྩེ་གཅིག་པའི་ཤེས་རབ་ཡིན་ལ། ཇི་སྐད་དུ་རྟོག་པ་ཞེས་པ་ནི་དངོས་པོ་འཛིན་པའོ། །ཞེས་པས་དངོས་པོའི་མིང་ཅན་སྟོང་གཟུགས་ཀྱི་མཚན་ཉིད་ཤེས་པ་ནི་རྟོག་པ་ཡིན་ལ། མཚན་ཉིད་ཤེས་ཚུལ་ཡང་རང་སེམས་ཙམ་ཡིན་པར་ཉམས་སུ་མྱོང་བའོ། །སེམས་ཉིད་སྟོང་གཟུགས་སུ་ཤར་བ་དེ་ལ་གཟུང་འཛིན་ནམ། ཡུལ་ཡུལ་ཅན་གྱི་རྣམས་རྟོག་དང་སྤྲོས་པའི་མཚན་མ་གང་གིས་ཀྱང་མ་གོས་པར་མྱོང་ཞིང་ངེས་པ་ནི་སྤྱོད་པའི་ཡན་ལག་ཡིན་ནོ། །ཏིང་ངེ་འཛིན་གྱིས་དྲངས་པའི་སེམས་ཀྱི་བདེ་བ་ཕྱི་ལ་དམིགས་པ་དང་ནང་ལ་དམིགས་པ་གཉིས་རིམ་གྱིས་འབྱུང་བའི། ཕྱི་ལ་དམིགས་པ་ནི་སྔར་མེད་ཀྱི་ནོམ་པ་ཆེན་པོ་རྙེད་པ་ལྟར་དགའ་ཞིང་སྐྱིད་སྣང་ཤར་བ་སྟེ་བདེ་བའི་ཡན་ལག་ཡིན་ལ། ནང་ལ་དམིགས་པ་ནི་ཏིང་ངེ་འཛིན་དེ་ཉིད་བདེ་བར་ཤར་བ་མྱོང་བ་ཡིན་ཏེ་གཡོ་མེད་བདེ་བའི་ཡན་ལག་ཡིན། དེས་རྐྱེན་བྱས་ནས་ལུས་ལ་ཤིན་ཏུ་སྦྱངས་པའི་བདེ་བ་ཁྱད་པར་ཅན་གྱིས་ཁྱབ་པ་ནི་གཡོ་མེད་བདེ་བའི་ཡང་ཕན་ཡོན་ནོ། །དེ་ཡང་དང་པོར་ཤེས་རབ་རྐྱང་པ་སྐྱེ། དེས་ནས་རྟོག་པ་དང་གཉིས་ལྡན་དུ་འབྱུང༌། དེ་བཞིན་དུ་སྤྱོད་པ་དང་གསུམ་ལྡན། དགའ་བ་དང་བཞི་ལྡན། གཡོ་མེད་བདེ་བ་དང་ལྔ་ལྡན་དུ་འབྱུང་སྟེ། དེ་ཙམ་ན་བསམ་གཏན་གྱི་ཡན་ལག་རྫོགས་པར་རྒྱུད་ལ་སྐྱེས་པ་ཡིན་པས། དེ་ཉིད་རྒྱུན་བསྲིངས་ཏེ་བསྒོམས་ན་མཐར་ཕྱིན་པའི་ཡོན་ཏན་རྣམས་མྱུར་དུ་སྐྱེ་བར་འགྱུར་
― LT24_Page_087A ―
[མ་དཔེ་གཟིགས་ན་འདིར་གནོན།]
རོ། །བཞི་བ་ནི། རྒྱུད་ལས། དེའི་དབུས་སུ་སངས་རྒྱས་གཟུགས་ནི་ཡུལ་དང་རྣམས་པར་བྲལ་བ་དུ་མ་ལོངས་སྤྱོད་རྫོགས་པའི་སྐུ། ཞེས་གསུངས་པ་འདིས་བསམ་གཏན་གྱི་ཐུན་མོང་མ་ཡིན་པའི་རྟགས་བསྟན་པ་ཡིན་ཏེ། རྟགས་བཅུས་བསྡུས་པ་སྲིད་པ་གསུམ་མཐའ་དག་གི་གཟུགས་བརྙན་སྔར་སོར་སྡུད་སྐབས་སུ་མཐོང་བ་ལས་ཆེས་ལྷག་པ། གཟུགས་སྒྲ་དྲི་རོ་རེག་བྱ་སྣ་ཚོགས་པའི་སྣང་བརྙན་ཁ་དོག་སྣ་ཚོགས་པ་དེ་དག་ཀྱང༌། འོད་ཟེར་འཕྲོ་བ། ཆ་ཕྲ་བ། འཚེར་བ། འདར་བ། གཞིག་པར་དཀའ་བ། ཅེས་པ་ཆོས་ལྔ་ལྡན་རྣམས་ཐིག་ལེ་དུ་མས་མཚན་པ་མཐོང་ཞིང༌། ཐིག་ལེའི་དབུས་སུ་སངས་རྒྱས་ཀྱི་གཟུགས་བརྙན་དུ་མ་འཆར་བ་ཡིན་ལ། དེ་ཡང་སེམས་ཉིད་དག་པའི་སྣང་བར་རྟོགས་པས། ཀུན་རྫོབ་ལས་སྣང་ཐམས་ཅད་སྒྱུ་མ་ལྟ་བུར་རང་འཆར་བ་ཡིན་ཏེ། རྒྱུད་ཕྱི་མ་ལས། དེ་ལ་སེམས་ནི་བརྟན་པའི་བསམ་གཏན་གྱིས་ཀྱང་ཕྱི་རོལ་གྱི་ནི་དངོས་པོ་རྣམ་པར་སྤོང་བ་བྱེད། ཅེས་སོ། །ཚད་མ་ནི་སོར་སྡུད་དང་མཚུངས་པ་ལས། དེའི་རྟེན་དབང་པོ་ནི་ལྷའི་སྤྱན་ཏེ། འདིའི་རྒྱུ་མཚན་ཀྱིས་མངོན་ཤེས་ལྔ་འགྲུབ་པའང་ཡིན་ནོ། །ལྔ་པ་ལ། དག་གཞི་ནི་སྔར་སོར་སྡུད་ཀྱི་སྐབས་སུ་བཤད་པ་བཞིན་ཡིན་ལ་དག་བྱ་ལ་དབྱེ་ན། རྣམ་ཤེས་ཀྱི་ཕུང་པོ་སོགས་ཕུང་ཁམས་ནམ་མཁའི་ཁམས་པ་དྲུག་ཚན་གཅིག་ཏུ་དབྱེ། དག་བྱེད་བསམ་གཏན་གྱི་ཡན་ལག་ཉིད་ལ་དབྱེ་ནའང་ཡུལ་ཅན་བསམ་གཏན་གྱི་ཡན་ལག་ལྔ་དང༌། དེའི་ཡུལ་སྟོང་གཟུགས་ལྔ་སྟེ་བཅུའོ། །དྲུག་པ་ནི་རྒྱུད་ལས། མངོན་པར་ཤེས་པ་ལྔ་ནི་ཐོབ་པར་འགྱུར་ཏེ་མི་ཡི་བདག་པོ་བསམ་གཏན་སྦྱོར་བས་དག་པའོ། །ཞེས་གསུངས་པས། བསམ་གཏན་མཐར་
― LT24_Page_087B ―
[མ་དཔེ་གཟིགས་ན་འདིར་གནོན།]
ཕྱིན་པས་གནས་སྐབས་ཀྱི་འབྲས་བུ་མངོན་ཤེས་ལྔ་རང་ཤར་དུ་འབྱུང་བ་ཡིན་ཅིང༌། མཐར་ཐུག་གི་འབྲས་བུ་རྒྱལ་བ་མི་བསྐྱོད་པ་ལ་སོགས་པ་ལྷ་ནམ་མཁའི་ཁམས་པ་དྲུག་ཚན་གཅིག་མངོན་དུ་འགྱུར་པ་ཡིན་ནོ། །འདིར་འཕྲོས་དོན་གྱི་མན་ངག་ཅུང་ཟད་ཙམ་བརྗོད་ན། ཤེས་རབ་ཀྱི་ཡན་ལག་རྒྱུད་ལ་སྐྱེས་པས། སེམས་གང་དུ་གཏད་སར་སྟོང་གཟུགས་འཆར་བ་ཞིག་འབྱུང་ལ། དེ་ནས་སྣང་བའི་སྟེང་དུ་འོད་གསལ་འཛིན་པའི་གདམ་ངག་བསྒོམས་པས། ཕྱི་རོལ་གྱི་སྣང་བ་གང་ལ་སེམས་བཞག་པ་དེར་སྐད་ཅིག་ལ་ལས་སྣང་འགགས་ཏེ་འོད་གསལ་གྱི་སྣང་བར་འགྱུར་བ་ཞིག་ཡོང་ན། དེས་སྔ་དྲོ་ཕྱི་དྲོའི་དུས་སུ་རང་གཅེར་བུར་ཕྱུང་བའི་གྲིབ་གཟུགས་ཀྱི་སྙིང་ཁ་ལ་ལྟ་བའམ། ཉིན་གུང་ལྗོན་ཤིང་གི་གྲིབ་མ་ལ་ལྟ་བས་ཀྱང་རུང་སྟེ། མིག་སྤྲིད་སྤྲིད་དུ་གཡོ་བ་མེད་པར་ལྟ། དེ་ནས་ནམ་མཁའ་ལ་བལྟས་པས། གྲིབ་གཟུགས་ཀྱི་རྣམས་སའི་དབུས་སུ་རྟགས་སྣང་དཔག་ཏུ་མེད་པར་འཆར། ཟླ་བ་དྲུག་ཏུ་འདི་ཡང་ཡང་བསྒོམས་པས་ས་འོག་གི་གཏེར་སོགས་ཀྱང་མཐོང་བར་འགྱུར། དེ་བཞིན་དུ་ཁང་པའི་སྐར་ཁུང་སོགས་ལ་སྦྱངས་པས། ཁྱིམ་ནང་གི་དངོས་པོ་ལྐོག་གྱུར་ཡང་མཐོང་བ་ཡོད་ཅིང༌། དེ་བཞིན་དུ་ལས་སྣང་གི་སྒྲ་སྟོང་པའི་སྒྲར་ཐིམ་འགྲོ་ན། སྟོང་པའི་སྒྲ་དང༌། འགྲོ་བ་སྣ་ཚོགས་པའི་སྐད་བསྲེས་པ་ལ་མཉམ་པར་བཞག་བཟླ་བ་དྲུག་བསྒོམས་པས་རྣ་བའི་མངོན་ཤེས་ཅི་རིགས་པར་ཐོབ་པར་འགྱུར་རོ། །རང་གི་སྙིང་ཁ་ཆོས་འཁོར་གྱི་རྩ་ཆུ་ཤིང་གི་མེ་ཏོག་ལྟ་བུའི་ནང་དུ་སྟོང་གཟུགས་ཤར་བ་ལ་སེམས་གཏད་ན་སྔོན་གྱི་རྗེས་སུ་དྲན། དེ་ཉིད་གཞན་ལ་སྤོས་ན། གཞན་གྱི་སེམས་ཤེས་ཏེ། ཉི་མ་ལ་ནི་རྒྱབ་ཀྱིས་ཕྱོགས་ནས། ཞེས་སོགས་དང༌། སྒྲ་ནི་གང་ཞིག་སྙིང་གི་ཕྱོགས་ན་ཞེས་སོགས། རྒྱུད་ཀྱི་ལུང་
― LT24_Page_088A ―
[མ་དཔེ་གཟིགས་ན་འདིར་གནོན།]
དང་སྦྱར་རོ། དེ་ལྷར་གྲིབ་གཟུགས། ཤིང་གྲིབ་སྒྲ་སྐད། རང་དང་གཞན་གྱི་སྙིང་ཁའི་རྩ་ལ་དམིགས་པ་སྟེ། ལྔ་པོ་འདི་རྣམས་དམིགས་ཕྲན་ཡིན་པས་དཀྱུས་ཀྱི་དམིགས་བསྐོར་ལ་མི་འདྲེན་ནོ། །སྒོམ་དོན་བློ་ལ་འགོད་པ་འདི་ལ་ཐུན་གཅིག་ལ་སོགས་པའོ། །དེས་བསམ་གཏན་གྱི་འཁྲིད་ཚར་རོ། །རེ་ཞིག་སྲོག་རྩོལ་མན་ཆད་མི་འབོགས་ཤིང༌། དེ་ཙམ་གྱིས་ཆོག་ཤེས་པར་བྱེད་ན། རྗེས་ཀྱི་འཁྲིད་རྣམས་སྐབས་འདིར་བླངས་པར་བྱའོ། །གཉིས་པ་བར་དུ་དགེ་བའི་འཁྲིད་ལ། ལས་རླུང་ཨ་ཝ་དྷཱུ་ཏིར་འགག་པར་བྱེད་པ་དང༌། དབུ་མའི་ནང་དུ་མི་ཤིགས་པའི་ཐིག་ལེ་ལ་ཐིམ་པར་བྱེད་པའི་དབྱེ་བ་གཉིས་ལས། སྲོག་རྩོལ་གྱི་འཁྲིད་དང༌། འཛིན་པའི་འཁྲིད་དོ། །དང་པོ་སྲོག་རྩོལ་གྱི་འཁྲིད་སྟོན་པར་བྱེད་པ་ལ། ཉམས་ལེན་དམིགས་པའི་གནད་དང༌། སྒོམ་དོན་བློ་ལ་འགོད་པའོ། །དང་པོ་ནི། སྲོག་རྩོལ་གྱི་ཡན་ལག་དངོས་མཚན་ཉིད་ཚང་བ་དང༌། སྲོག་རྩོལ་རྗེས་མཐུན་པ་ལས་དང་པོས་བསྒྲུབ་པར་བྱ་བ་གཉིས་སུ་འགྱུར་རོ། །རེ་ཞིག་ཕྱི་མའི་དབང་དུ་བྱས་ནས་བཤད་པར་བྱ་སྟེ། དེ་ལ་པཎ་ཆེན་ཤཱཀྱ་ཤྲཱི་ནས་བརྒྱུད་པའི་གདམས་ངག་དང༌། པཎ་ཆེན་ཟླ་བ་མགོན་པོའི་མན་ངག་འབྲོ་ལུགས་སུ་གྲགས་པ་དང༌། ཇོ་བོས་མནྟ་ཤྲཱིའི་མན་ངག་ར་ལུགས་སུ་གྲགས་པ་སྟེ། གསུམ་པོ་འདི་གཞུང་ཤིང་དུ་བྱ་ལ། ལུགས་གཞན་ཐོར་བུ་བ་རྣམས་ཀྱང་ཕལ་ཆེར་དེ་དག་དང་མཐུན་ཅིང༌། ཅུང་ཟད་ཁྱད་པར་ཡོད་པ་རྣམས་འཆད་པར་ཡང་འགྱུར་རོ། །དེ་ལས་པཎ་ཆེན་ཤཱཀྱ་ཤྲཱིའི་མན་ངག་འདི་ལ། སྔོན་འགྲོ་རྡོ་རྗེའི་བཟླས་པས་རྩ་ལམ་སྦྱང་བ། འབྱོངས་ནས་འཇམ་རླུང་དགང་བཏང་གི་སྦྱོར་བས་སྲོག་དབུ་མར་གཞུག་པ། ཞུགས་ནས་རྩུབ་རླུང་བུམ་པ་ཅན་གྱི་སྦྱོར་བས་སྲོག་དབུ་མར་འཆིང་བ། མཆུད་ཅིང་མ་འཆིངས་ན་བཙན་ཐབས་ཀྱི་སྦྱོར་
― LT24_Page_088B ―
[མ་དཔེ་གཟིགས་ན་འདིར་གནོན།]
བས་ཉི་ཟླའི་ལམ་དགག་ཅིང༌། བཀག་པས་འོག་སྒོ་བཙན་ཐབས་སུ་འགགས་ན་སྟེང་གི་སྦྱོར་བས་དགྲོལ་བ། ལྕེ་གསུམ་སྤྱོད་པའི་སྦྱོར་བས་ནང་གི་བདུད་རྩིའི་བཅུད་མྱང་བ། གཏུམ་མོ་སྦར་བའི་སྦྱོར་བས་སྲོག་ཐུར་བསྲེ་ཞིང་འཆི་མེད་བསྒྲུབ་པ་སྟེ་རྡོ་རྗེའི་ཚིག་དྲུག་ཅེས་བྱ་བ་ཡིན་པ་ལས། དང་པོ་བཞི་པོ་སྲོག་རྩོལ་གྱི་མན་ངག་དང༌། ཕྱི་མ་གཉིས་འཛིན་པའི་མན་ངག་ཏུ་འཛད་དོ། །སྐབས་འདིར་འདི་ལྟར་བྱ་སྟེ། སྲོག་རྩོལ་གྱི་མན་ངག་དངོས་དང༌། བོགས་འདོན་གེགས་སེལ་དང་བཅས་པའོ། །དང་པོ་ལ། ལུས་སྦྱོངས་འཁྲུལ་འཁོར་གྱི་ཡི་གེ་ལོགས་སུ་བཀོད་པ་ལྟར། སྔོན་འགྲོའི་འཁྲུལ་འཁོར་དང་བཅས་བཞིན་དུ་འདི་རྣམས་སྒོམ་ཏེ། དེ་ཡང༌། པཎ་ཆེན་ཤཱཀྱ་ཤྲཱིའི་ལུགས་ཀྱི་དབང་དུ་བྱས་ན། སྔར་བཤད་པའི་རླུང་སྦྱོར་དང་པོ་གསུམ་སྟེ། དེ་ལ་དང་པོ་རྡོ་རྗེའི་བཟླས་པས་རྩ་ལམ་སྦྱང་བ་ནི། ལྟ་སྟངས་ཀྱི་ཁྱད་པར་ནི། བགེགས་མཐར་བྱེད་དམ་བདུད་རྩི་འཁྱིལ་པའི་ལྟ་སྟངས་ཞེས་བྱ་བ། ཐད་ཀ་ལ་ཅུང་ཟད་གྱེན་དུ་ཕྱོགས་པ། སྨིན་མཚམས་སུ་ཧྲིག་གེ་ལྟ་བ་ཡིན། དམིགས་བསལ་ཅན་རྣམས་མ་གཏོག་སྲོག་རྩོལ་འཛིན་པའི་སྐབས་ཀྱི་ལྟ་སྟངས་ཐམས་ཅད་འདི་ཁོ་ནར་ངེས་སྟེ། རྒྱུད་ལས། བགེགས་མཐར་བྱེད་པའི་ལྟ་བ་བདུད་རྩིའི་ལམ་དུ་སོན་པ་ཡིས་ཀྱང་ཉེ་བར་བསྒྲུབ་པ་ཡན་ལག་དྲུག །ཅེས་གསུངས་སོ། །ལུས་གནད་གཞན་རྣམས་སྔར་དང་འདྲ། རླུང་རོ་ལན་གསུམ་བསལ་ལ། དང་པོར་རླུང་ཕྱི་འགྲོ་ནང་འགྲོ་གནས་པ་གསུམ་ལ་སེམས་མ་འཁྲུལ་བར་གཏོད་དེ། རྡོར་བཟླས་ཀྱི་དམིགས་པ་དང་པོའོ། །དེ་ནས་རྩ་གསུམ་གསལ་གདབ་སྟེ། ལུས་ཀྱི་ནང་དུ་རྩ་དབུ་མ་སྔོན་པོ་སྦོམ་ཕྲ་མདའ་སྨྱུག་འབྲིང་པོ་ཙམ་ཡར་སྣེ་གཙུག་ཏོར་དུ་ཟུག །མར་སྣ་ལྟེ་བར་གནས་པ། །དེའི་གཡས་སུ་རོ་མ་དམར་པོ་དང༌། །གཡོན་དུ་རྐྱང་མ་དཀར་པོ་སྟེ། དེ་གཉིས་དབུ་མ་ལས་ལྡབས་འགྱུར་གྱིས་ཕྲ་བ། །དབུ་མ་དང་སུམ་གཞིབས་སུ་འདུག་པར་མོས། རླུང་ཕྱིར་འགྲོ་དུས་ལྟེ་
― LT24_Page_089A ―
[མ་དཔེ་གཟིགས་ན་འདིར་གནོན།]
བ་ནས་བརྩམས་ཏེ་དབུ་མ་དང་རོ་མ་གཉིས་ནས་སོང༌། མགྲིན་པ་ནས་སྤྱི་བོའི་བར་གྱི་རྩ་གཉིས་པོའི་ཆ་ཐམས་ཅད་ནས་ཐོན། སྣ་བུག་ནས་ཕྱིར་འགྲོ་བར་བསམ། ནང་དུ་ཡོང་དུས་སྣ་བུག་ནས་ཞུགས། གཙུག་ཏོར་ནས་མགྲིན་པའི་བར་གྱི་དབུ་མ་དང་རྐྱང་མའི་བར་གྱི་ཆ་ཐམས་ཅད་ནས་ཐོགས་མེད་དུ་སོང་སྟེ། རྩ་གཉིས་པོའི་ལམ་བརྒྱུད་ལྟེ་བར་ཕྱིན། གནས་པའི་ཚེ་དབུ་མ་ཁོ་ནའི་ནང་གང་བར་བསམ། ཐོག་མར་འབྱུང་འཇུག་གནས་གསུམ་མཉམ་བཙམ་བྱས་པས། རིམ་གྱིས་གནས་པ་ཇེ་རིང་ལ་འགྲོའོ། །དེ་ཡང་སྣ་བུག་གཡས་ནས་རྒྱུ་བའི་སྐབས་ཡིན་ན། རླུང་རྣམས་འོད་དམར་པོ་དང༌། གཡོན་ནས་རྒྱུ་ན་དཀར་པོ་དང༌། མཉམ་རྒྱུར་འདུག་ན་ལྗང་ཁུའམ་སྔོན་པོ་འགྲོ་འོད་གནས་གསུམ་བྱེད་པར་སྒོམ་པ་སྟེ། རྡོར་བཟླས་ཀྱི་གཉིས་པའོ། །འབུད་པའི་ཚེ་སྣ་བུག་གཡོན་འགགས་པ་དང༌། རྔུབ་པའི་ཚེ་གཡས་འགགས་པ་ལག་ལེན་ཁ་ཅིག་ལ་འདུག་ཀྱང༌། རྡོར་བཟླས་ཀྱི་སྐབས་དེ་ལྟར་མི་དགོས་སོ། །དེ་ནས་སྔར་དང་འདྲ་བ་ལས་ཕྱིར་འགྲོ་བའི་ཚེ་འོད་ཟེར་ཨཱཿའི་སྒྲ་དང་བཅས། འོད་ཟེར་གྱི་སྣེ་ལ་ཨཱ་ཡིག་དང་བཅས་ཏེ་འགྲོ་བ་དང༌། དེ་ཉིད་ནང་དུ་འོང་བའི་ཚེ་ཨོཾ་གྱི་སྒྲ་དང་བཅས་པ། ཚུར་འོང་བའི་སྣེ་ལ་ཨོཾ་ཡིག་དང་བཅས་ཏེ་འོང་བར་བསམ། ཡི་གེ་དེ་གཉིས་རོ་རྐྱང་ནས་འགྲོ་འོང་མི་བྱེད་དེ་དབུ་མ་ཁོ་ན་ནས་འགྲོ་བར་བསམ། གནས་པའི་སྐབས་དབུ་མའི་ནང་དུ་ཧཱུྃ་གི་སྒྲ་དང་བཅས་ཤིང་ལྟེ་བར་ཧཱུྃ་ཡིག་ལ་སེམས་གཏད་དོ། །ཡི་གེའི་ཁ་དོག་ཀྱང་རླུང་དང་འདྲ་བར། གཡས་གཡོན་མཉམ་རྒྱུའི་དབྱངས་དམར་དཀར་སྔོ་བའོ། །དེ་དག་ནི་དམིགས་བཅས་ཀྱི་རྡོ་རྗེའི་བཟླས་པ་སྟེ། རྡོར་བཟླས་ཀྱི་གསུམ་པ་དངོས་གཞི་ཡིན་ལ། དེ་གསུམ་ཀར་བསྡོམས་པ་དམིགས་ཆེན་གཅིག་ཡིན་པས། དངོས་གཞིའི་དམིགས་བསྐོར་བཅུ་བཞི་པའོ། །ད་ལྟ་ལས་དང་པོ་པའི་རྡོ་རྗེའི་བཟླས་པ་ནི། འདི་ལྟ་བུ་ལས་འོས་མེད་ལ། དོན་དམ་རྡོ་རྗེའི་བཟླས་པ་ནི། རླུང་གི་འགྲོ་འོང་གནས་གསུམ་དང༌། སྟོང་
― LT24_Page_089B ―
[མ་དཔེ་གཟིགས་ན་འདིར་གནོན།]
གཟུགས་ཕྱག་རྒྱ་ཆེན་མོ་དབྱེར་མེད་དུ་ཤེས་པ་ན་མིང་ཚིག་བརྗོད་པ་ཐམས་ཅད་སྒྱུ་མ་ལྟ་བུར་རྟོགས་པའི་མིང་ངོ༌། །གཉིས་པ་འཇམ་རླུང་དགང་གཏང་གི་སྦྱོར་བས་སྲོག་དབུ་མར་གཞུག་པ་ནི། རླུང་གང་ནས་རྒྱུ་བརྟགས་ཏེ། སྣ་བུག་གཡོན་ནས་རྒྱུ་ན། ལག་པ་གཡས་པའི་ཐལ་མོས་མཆན་ཁུང་གཡོན་ནུ་མ་དང་བཅས་ཏེ་བསྡམ་པའི་སྟེང་ནས། བར་ལྷུ་གཡོན་པས་མནན། རླུང་རོ་བསལ་གཡོན་པའི་འཛུམ་མོས་སྣ་བུག་གཡས་པ་བཀག །སྣ་བུག་གཡོན་ནས་རླུང་ཤུགས་ཆེ་ལ་རིང་བར་རྔུབས་ཏེ་ལྟེ་བར་མནན། ཅུང་ཞིག་བསྡམས་ནས་མི་བདེ་བ་འབྱུང་ཚད་པ་ནས། སྣ་བུག་གཡོན་འཛུབ་མོ་གཡོན་པས་བཀག་ནས། གདོད་གཡས་སུ་ཕྱོགས་པས་སྣ་གཡས་ནས་རླུང་དྲག་ཏུ་འདུད། ཡང་སྣ་བུག་གཡས་པ་བཀག །གཡོན་ནས་རྔུབས་པ་སོགས་གང་བཞིན་བསྐྱར་གྱིན་སྦྱང༌། འདི་སྐབས་རྐང་པ་བརྐྱང་བསྐུམ་གྱི་འདུག་སྟངས་བཤད་ནའང་སྐྱིལ་ཀྲུང་ཉིད་ཀྱིས་ཆོག་ལ། འོག་རླུང་རང་གནས་སུ་བཅིང་དགོས་ཤིང༌། དེས་རླུང་སྣ་བུག་གཡས་སུ་འཕོ་བའམ། མཉམ་རྒྱུར་འགྱུར་བ་དང༌། ཡང་སྣ་བུག་གཡས་ནས་རྒྱུ་ན་ཕྱག་རྒྱ་དེ་ཉིད་གོ་བཟློག་པས་གཡོན་རྒྱུའམ་མཉམ་རྒྱུར་འགྱུར་བ་དང༌། གཡས་གཡོན་ཕན་ཚུན་དུ་ལན་འགའ་རེ་སྤྲོས་ན་ངེས་པར་མཉམ་རྒྱུར་འགྱུར་ལ། མཉམ་རྒྱུར་སོང་ནས་ལུགས་འདི་ལ་རྡོར་བཟླས་བྱེད་ཅིང༌། ཡང་གཡས་གཡོན་དུ་ཡོ་ན། སྔ་མའི་སྦྱོར་བ་ཡོན་པོ་སྲོང་ངོ༌། །ཞེས་བཞེད་ལ། འོན་ཀྱང་མཉམ་རྒྱུར་ནམ་སོང་བའི་ཚེ། དགང་པའི་རྣལ་འབྱོར་རམ། བུམ་ཅན་བསྒོམས་ན་བཟང་བས། བར་འདིར་དགོང་བའི་རླུང་སྦྱོར་ཞིག་བཅུག་ན་ལེགས་པར་མཐོང་ངོ༌། །འདི་ཚེ་རིང་པོ་སྒྲུབ་པ་ལ་ལྷག་པར་བསྔགས་སོ། །དམིགས་བསྐོར་བཅོ་ལྔ་པའོ། །གསུམ་པ་རྩུབ་རླུང་བུམ་པ་ཅན་གྱི་སྦྱོར་བས་སྲོག་རླུང་དབུ་མར་འཆིང་བ་ནི། ཐོག་མ་ནས་
― LT24_Page_090A ―
[མ་དཔེ་གཟིགས་ན་འདིར་གནོན།]
མཉམ་རྒྱུར་འདུག་ན་ལེགས། ཡོན་པོར་འདུག་ན་གོང་གི་སྦྱོར་བས་མཉམ་རྒྱུར་བཏང་སྟེ། རྐང་པ་ཟླུམ་པོའི་འདུག་སྟངས་དང༌། ལག་པ་ཁུ་ཚུར་སྙིང་ཁར་བསྣོལ་བར་བཤད་ནའང༌། རྐང་པ་སྐྱིལ་ཀྲུང་གི་སྟེང་ནས་བྱས་པས་ཆོག་གཡས་གཡོན་དབུས་གསུམ་ནས། རླུང་རོ་དལ་བ་དང༌། དྲག་པོ་དང༌། ཤིན་ཏུ་དྲག་པོའི་ཚུལ་གྱིས་ལན་གསུམ་གསུམ་སྟེ། དགུ་ཕྲུགས་སུ་བུས། འདི་སྐབས་ཐུར་སེལ་གྱི་རླུང་འཐན་གྱིས་བྱ། །དེ་ནས་སྟེང་རླུང་ཅུང་ཟད་མྱུར་བར་རྔུབས་ཏེ་ལྟེ་བར་བསྐྱུར་སྟབས་སུ་མནན་པ་དང་ལྷན་ཅིག་མཆིལ་མ་མིད། དེ་རྗེས་ཐུར་སེལ་གཡས་གཡོན་དབུས་གསུམ་ནས་དྲངས་ཏེ། ཁ་སྦྱོར་ལྟེ་བར་ཐུབ་ཚད་ཟུང༌། མི་ཐུབ་པ་འདྲ་ན་ཕྱིར་མ་ཤོར་བར་རྔུབ་ཆུང་ལན་གསུམ་བྱས་ཏེ་མནན། དེ་ནས་ཀྱང་མི་ཐུབ་པ་འདུག་ན་དལ་བུས་ཕྱིར་བཏང་ལ་མཐར་སངས་ཏེ་འབུད་དོ། །འདི་ལག་ལེན་བཞིན་པུས་མོ་ལ་བསྐོར་ཏེ་སེ་གོལ་ཏོག་པ་སོ་དྲུག་ཁོགས་ན་ཐ་མ། དོན་གཉིས་ཁོགས་ན་འབྲིང་བརྒྱ་བརྒྱད་ཁོགས་ན་ཆན་པོའི་ཞེས་གྲགས་སོ། །འདི་དག་ལ་དམིགས་པའི་གནད་ནི། ལུས་ནང་དུ་འོད་གསལ་རྟགས་སྣང་འཆར་ན་ལྟེ་བར་སྟོང་གཟུགས་ཤར་བ་ལ་སེམས་གཏོད་པ་ཡིན། དེ་བཞིན་མ་ཡིན་ནོ། །སེམས་སྟོང་གཟུགས་གང་དུ་ཤར་ས་དེར་གཏོད་ཅིང༌། མ་ཤར་བའི་བར་བར་ལ་བློས་བཅོས་ཏེ་སྒོམ་པའི་དམིགས་རྟེན་ནི་མི་དགོས། ལུས་ཀྱི་དབུས་ལྟེ་བའི་ཐད་ཙམ་དུ་སེམས་ཀྱི་གཏད་སོ་ཙམ་བྱའོ། །དམིགས་བསྐོར་བཅུ་དྲུག་པའོ། །པཎ་ཆེན་ཟླ་མགོན་གྱི་མན་ངག་འབྲོ་ལུགས་ཀྱི་བླ་མ་གོང་མ་རྣམས་ཀྱི་བཞེད་པ་ནི། རྡོ་རྗེའི་བཟླས་པ་དང༌། དགུགས་པ་དང༌། དགང་བ་དང་རེངས་པ་དང༌། རྡུལ་མཐའ་ཅན་ཏེ་ལྔ་ཡོད་པ་ལས། ཕྱི་མ་སྦོགས་ཆོག་ཡིན་པས་མན་ངག་དངོས་གཞི་སྔ་མ་བཞིའོ། །རྡོ་རྗེའི་བཟླས་པ་ནི་སྔ་མ་དང་འདྲ་བ་ལས། རོ་རྐྱང་ནས་འགྲོ་བའི་དམིགས་པ་མི་མཛད། གཡས་
― LT24_Page_090B ―
[མ་དཔེ་གཟིགས་ན་འདིར་གནོན།]
གཡོན་མཉམ་རྒྱུ་གང་ཡིན་ཡང་འདྲ་སྟེ། ཕྱིར་འགྲོ་བ་དམར་པོ། ནང་དུ་འཇུག་པ་དཀར་པོ། གནས་པ་ནག་པོར་སྒོམ་པ་དང༌། རྡོར་བཟླས་ཀྱི་སྔོན་འགྲོ་གཉིས་པོ་མི་དགོས་པའོ། །འདི་སྔ་མ་དང་དོན་གཅིག་པས་དམིགས་སྐོར་ལོགས་པར་མི་འདྲེན་ནོ། །རྡོར་བཟླས་འདི་གྲུབ་ཆེན་ཡུ་མོའི་དབང་པོ་རབ་འབྲིང་གསུམ་གྱི་སྒོར་དྲུག་ན་གསལ་བར་ཡོད་སྤྱིར་འགྲོས་གོང་མ་རྣམས་བུམ་པ་ཅན་ཉིད་ལ་རྡོར་བཟླས་ཚང་བར་བཞེད་དེ་རྒྱུད་དོན་དང་ཤིན་ཏུ་འབྱོར་རོ། །གཉིས་པ་འགུག་པ་ནི། སྣ་བུག་གཡས་ནས་རླུང་རྒྱུ་བའི་སྐབས་ལྟ་སྟངས་ཅུང་ཟད་གཡས་ཕྱོགས་སུ་སྒྱུར་ཞིང༌། རླུང་ནང་དུ་དལ་བུས་དྲངས་ནས་གསང་གནས་སུ་མནན་ལ་ཐུབ་ཚད་དུ་བསྡམ། མི་ཐུབ་ན་སུད་ཙམ་སུད་ཙམ་བར་བཅད་ཀྱིན་བཅད་ཀྱིན་མཐར་སངས་ཀྱིས་བཏང་ངོ༌། །དམིགས་བསྐོར་བཅུ་བདུན་པའོ། །གསུམ་པ་དགང་བ་ནི། སྣ་བུག་གཡོན་ནས་རླུང་རྒྱུ་བའི་ཚེ། །ལྟ་སྟངས་ཅུང་ཟད་གཡོན་དུ་སྒྱུར། ནང་དུ་ཅུང་ཟད་མགྱོགས་པར་ཤར་ཏེ་རྔུབས་ལ་གསུས་པ་ལྡིར་གྱི་དགང༌། གཏོར་བ་སྔར་དང་འདྲ། །དམིགས་བསྐོར་བཅོ་བརྒྱད་པའོ། །བཞི་པ་རེངས་པ་ནི། སྔར་གྱི་འཇམ་རླུང་དགང་གཏང་དང་ཕྱོགས་མཚུངས་ཤིང༌། ལུགས་འདིའི་བུམ་པ་ཅན་ཡང་འདིས་འགྲུབ་པར་བཞེད་ལ། དོན་ལ་བར་འཇམ་རླུང་གི་བུམ་ཅན་ཡིན་ནོ། །དེ་ཡང་རླུང་རོ་བསལ་ལ་སྣ་བུག་གཡོན་ནས་རྒྱུ་ན་ལྟ་སྟངས་གཡས་སུ་བསྒྱུར། འོག་སྒོ་བསྡམས་གཡས་ནས་དལ་ལ་རིང་བར་རྔུབས་ཏེ། གསང་གནས་སུ་བཟུང་ལ་མཐར་གཡས་ནས་བཏང་གཡས་ནས་རྒྱུ་ན་ལྟ་སྟངས་གཡོན་དུ་བསྒྱུར། གཡོན་ནས་དལ་བུས་རྔུབས། འོག་སྒོ་བསྡམས། ལྟོ་བ་ལྟིར་གྱིས་བྱ། མཐར་གཡོན་ནས་བཏང་ངོ༌། །དེ་ལྟར་རེ་མོས་སུ་སྤེལ་གྱིན་བསྒོམ། མཉམ་རྒྱུར་འདུག་ན་ལྟ་སྟངས་ཐད་ཀར་བྱས་ལ་མྱུར་བར་རྔུབས། ལྟེ་བར་ཁ་སྦྱོར་དྲག་པོའི་ངང་ནས་ལྟེ་བ་ཅུང་ཟད་ཚིག་པ་ལ་གཅེར། ཕྱིར་དལ་བུས་གཏོང༌། དེ་ལྟར་ན་བུམ་པ་ཅན་ཏེ་
― LT24_Page_091A ―
[མ་དཔེ་གཟིགས་ན་འདིར་གནོན།]
དམིགས་བསྐོར་བཅུ་དགུ་པའོ། །ལུགས་འདི་ཡང་སྲོག་རྩོལ་གྱི་མན་ངག་ཆ་ཚང་བ་གཅིག་གོ །གྲུབ་ཆེན་མན་ལུང་པའི་བཞེད་པ་ཡིན་གསུངས། རྗེ་ཕྱོགས་ལས་རྣམ་རྒྱལ་དང་བུ་སྟོན་སོགས་གདམས་བསྐྱར་བཟློས་མཛད་པ་དེ་ཡང་ཕལ་ཆེར་འདི་དང་འདྲའོ། །རྭ་ལུགས་ཀྱི་མན་ངག་ནི། དང་པོ་སྲོག་རླུང་དངོས་གཞུག་པ་ནི། ལུས་གནད་སོགས་སྤྱི་དང་འདྲ་བ་ལས། དང་པོ་སྣ་བུག་གཡས་ལྟ་བུ་ཞིག་འཛུམ་མོས་བཀག་ནས་རླུང་བུས་ཤིང་རྔུབས། འོག་རླུང་བག་ཙམ་བསྡམས་པའི་བུམ་པ་ཅན་བཟུང༌། ཡང་སྣ་བུག་གཡོན་བཀག །གཡས་ནས་འབུད་ཅིང་བཟུང་བ་སོགས་བུམ་ཅན་འཛིན་པ་གཡས་གཡོན་སྤེལ་གྱིན་སྒོམ། དམིགས་བསྐོར་ཉི་ཤུ་པའོ། །ཐུར་སེལ་གྱི་རླུང་དངོས་སུ་གཞུག་པ་ནི། སྟེང་རླུང་སྔ་མ་བཞིན་དུ་བྱས་ལ། འོག་སྒོ་འབྱེད་འཛུམ་དྲག་པོའི་སྦྱོར་བས་ཨོཾ་ཨཱཿདང་ལྷན་ཅིག་དྲག་ཏུ་འཐེན་པ་དེ་སྟེང་རླུང་དང་ལྷན་ཅིག་གསང་གནས་སུ་གཟིར་བར་བྱའོ། །འདིའི་མན་ངག་གི་ཡི་གེ་ལས། སྲོག་དང་ཐུར་སེལ་གྱི་བུམ་ཅན་དེ་འཁོར་ལོ་གཞན་རྣམས་སུའང་དྲག་ཏུ་འདྲེན་པར་བཤད་དེ། །ལྟེ་བར་བརྟན་པ་ཐོབ་པའི་དབང་དུ་བྱས་པ་ཡིན་ལ། དེ་བཞིན་དུ་སྲོག་རླུང་གི་བུམ་ཅན་བཅོ་བརྒྱད་འགྱུར་ཐུར་སེལ་གྱི་བུམ་ཅན་ལ་བྱེད་པ་སོགས་ཀྱང་རླུང་ལ་དབང་ཐོབ་པའི་དབང་དུ་བྱས་པ་ཡིན་པས། །དེ་དག་རེ་ཞིག་ལས་དང་པོ་པ་ལ་མི་དགོས་ཤིང༌། འགའ་ཞིག་རང་ཤུགས་ཀྱིས་འགྲུབ་ལ། འགའ་ཞིག་ཞོར་ལ་འོག་ཏུ་སྟོན་པར་ཡང་འགྱུར་རོ། །དམིགས་བསྐོར་ཉེར་གཅིག་པའོ། །འདིར་ཡང་དེ་ཙམ་གྱི་སྐབས་འདིར་སྲོག་རྩོལ་གྱི་མན་ངག་ཆ་ཚང་བར་འགྱུར་ལ། སྔར་གྱི་འཕྲོས་ལས་མཉམ་གནས་ཀྱི་རླུང་གཞུག་པ་ནི། གཞན་སྔར་དང་འདྲ་བ་ལས་སྣ་བུག་གཉིས་ཀར་ནས་འབུད་རྔུབ་བྱ། གཙུག་ཏོར་མ་གཏོགས་པའི་འཁོར་ལོ་ལྔ་དང༌། ཡན་ལག་ཉིན་ལག་གི་རླུང་རྣམས་ཐམས་ཅད་གཅིག་ཏུ་འདུས་པར་བསམ་ཞིང༌། ཨོཾ་ཞེས་འོག་
― LT24_Page_091B ―
[མ་དཔེ་གཟིགས་ན་འདིར་གནོན།]
སྒོ་དྲག་ཏུ་བསྡམས་ལ་སྟེང་དུ་དྲངས། ཨཱཿཞེས་འོག་སྒོ་དབྱེ་བས་ཐུར་དུ་བསྡིགས་པ་དང༌། གྱེན་རྒྱུ་གཞུག་པ་དེ་དང་འདྲ་བ་ལས། མགྲིན་པ་དང་རོ་སྟོད་དྲག་ཏུ་གཅུད། ཁྱབ་བྱེད་གཞུག་པ་ཡང་དེ་དང་འདྲ་བ་ལས་སོར་མོ་རྣམས་བསྐུམ། ཉ་བཞི་སྒྲིམ་མོ་ཞེས་བཤད་ནའང༌། དེ་གསུམ་པོ་ཡན་ལག་གི་དམིགས་པ་ཡིན་པ་དང༌། དིང་སང་ཉམས་འཁྲིག་མི་སྐྱོང་བས་དམིགས་བསྐོར་ལོགས་པར་མི་འདྲེན་ནོ། །མན་ལུང་བའི་མཚན་བརྗོད་སྦྱོར་དྲུག་གི་ལུགས་ནི། དལ་བུས་རྔུབས་པ་ན་ཨོཾ་གྱིས་ཡིད་བཟླས་དང༌། ཁ་སྦྱོར་བུམ་ཅན་རྔུབས་ཆུང་དང་བཅས་ཏེ་འཛིན་པ་ན་ཧཱུྃ་གི་ཡིད་བཟླས་དང༌། དལ་བུས་རྒྱུ་བ་མི་མངོན་པ་ཙམ་དུ་འབུད་པ་ན་ཨཱཿའི་ཡིད་བཟླས་བྱ་བར་བཞེད་དེ། འབོ་ལུགས་ཀྱི་བླ་མ་གོང་མ་རྣམས་ཀྱང་དོན་གྱིས་འདི་ཉིད་བཞེད་དོ། །འདི་ནི་རླུང་སྦྱོར་གཅིག་ལ་རྡོར་བཟླས་བུམ་ཅན་གཉིས་ཀ་ཚང་པའི་ལུགས་ཏེ། ཤིན་ཏུ་ལེགས་པར་མངོན་ནོ། །དེ་བཞིན་དུ། གྱི་ཅོ། ཁྲོམ་ལོ། །ཙ་མི། རྒྭ་ལོ་ལུགས་གཞན་གྱི་དགང་བ་དང༌། དབྱུང་བ་དང༌། བུམ་པ་ཅན་རྣམས་ཀྱང་དེ་རྣམས་ལ་དོན་ཚང་བར་ཤེས་པས་ལོགས་སུ་བཤད་མི་དགོས་སོ། །འདི་ཐམས་ཅད་ལ་ཐུན་མོང་དུ་མན་ངག་སྦྱར་བ་ནི། རླུང་ཕྱིར་འགྲོ་དུས་རྟགས་སྣང་ལ་དག་ཏུ་སེམས་གཏད། ནང་དུ་འཇུག་དུས་སེམས་ཉིད་དང་བསྲེ། གནས་པའི་དུས་སུ་སེམས་དང་སྟོང་གཟུགས་བསྲེས་པའི་མྱོང་བ་དང་འཛིན་པ་དེ་བཤིག་པར་བྱ་སྟེ། ཤིན་ཏུ་ཟབ་པའི་ཉམས་ལེན་ཏིང་འཛིན་སེམས་ཀྱི་གནད་རྣ་བ་ནས་རྣ་བ་དང༌། ཞལ་ནས་ཞལ་དུ་བརྒྱུད་པ་རྒྱུད་གཞུང་ཚད་ལྡན་ཀུན་གྱི་དགོངས་པ་རྨ་མེད་པའོ། །དམིགས་བསྐོར་ཉེར་གཉིས་པའོ། །གཉིས་པ་ལ་སྤོགས་ཆོག་བོགས་འདོན་དང༌། སྲོག་རྩོལ་ཉིད་ཀྱི་སྒོ་ནས་གེགས་བསལ་བ་གཉིས་སོ། །དང་པོ་ནི། མ་ཆུད་ཅིང་མ་འཆིངས་ན། བཙན་ཐབས་ཀྱི་སྦྱོར་བས་ཉི་ཟླའི་
― LT24_Page_092A ―
[མ་དཔེ་གཟིགས་ན་འདིར་གནོན།]
ལམ་དགག་པ་ནི་སྤོགས་ཆོག་ཡིན་ཏེ། པཎ་ཆེན་ཤཱཀྱ་ཤྲཱིའི་བཞེངས་པས། ལུས་གནད་ལྟ་སྟངས་སྤྱི་དང་མཐུན་པར་བཅས། རླུང་རོ་བསལ་རྗེས་རླུང་རང་སོར་བཞག །རྩ་བཟང་ན་ལག་པ་གཉིས་གང་རུང་གཅིག་གི་མཐེབ་མཛུབ་ཀྱིས་མགྲིན་པའི་འཕར་རྩ་མནན། རྩ་ངན་ན་གཡས་ཀྱི་མཐེ་བོས་གཡས་ཀྱི་འཕར་རྩ་དང༌། གཡོན་གྱི་མཐེ་བོས་གཡོན་གྱི་འཕར་རྩ་མནན། སོར་མོ་ལྷག་མ་རྣམས་ཀྱིས་ལྟག་པ་ནས་བརྟེན་ཏེ། རན་པར་གཙིར་བས། རབ་ལ་བདེ་སྟོང་གི་ཉམས་དང་འོད་གསལ་གྱི་ཉམས་ཁྱད་པར་ཅན་སྐྱེ། འབྲིང་ལ་རྣམས་རྟོག་འགག་ཅིང་རྟགས་སྣང་གསར་པ་ཅུང་ཟད་འཆར། ཐ་མལ་ལའང་རྣམ་རྟོག་ཅུང་ཟད་འགག་གོ །དང་པོར་ཤུགས་ཆུང་བ་མི་འགྱེལ་ཙམ་དུ་མནན་ཅིང༌། ཕྱིས་ཤུགས་ཇེ་དྲག་ཇེ་དྲག་ཏུ་མནན་པས་ཉམས་ཇེ་བཟང་ཇེ་བཟང་དུ་འགྱུར་རོ། །འབྲོ་ལུགས་ཀྱི་མན་ངག་ལས་ནི། འདི་ལ་རྡུལ་མཐའ་ཅན་ཟེར་ཞིང༌། རྟིང་པ་གཡས་པས་བཤང་ལམ་དགག །བརླ་དང་བྱིན་པའི་བར་དུ་གསང་རྩ་ལྟེམ་པའམ། རྟིང་པ་གཡས་པས་གསང་རྩ་ལྟེམ། ལག་པ་ཕྱོགས་གཅིག་གདན་ལ་བརྟེན། ཅིག་ཤོས་ཀྱིས་གཉིད་ལོག་མནན། རླུང་ཡོངས་རྫོགས་བཟུང་བའམ། ཅུང་ཟད་ཅིག་ཕྱིར་བཏང་བའི་ལྷག་མ་བཟུང་བ་གང་བདེ་བྱ། ཞེས་བཤད་དོ། །འདི་ལས་འཕྲོས་པའི་འཕོ་བའི་གདམས་པ་ནི་འོག་ཏུ་བསྟན་པར་བྱའོ། །དམིགས་བསྐོར་ཉེར་གསུམ་པའོ། །བོགས་འདོན་ནི། ཡེ་ཤེས་སྤྱན་སྒྲུབ་ལས་འབྱུང་བའི་མན་ངག་གཉིས་ལས། དང་པོ་ནི། །དྷཱུ་ཏཱིའི་ནང་དུ་འོད་གསལ་བཟུང༌། །རྟོག་མེད་སེམས་ཀྱི་དེ་ཉིད་ཤེས། །རྡོ་རྗེའི་ལུས་ཀྱི་དེ་ཉིད་མཐོང༌། །གསང་སྔགས་ཆོས་ལ་མཁས་པར་འགྱུར། །ཞེས་གསུངས་ཏེ། བུམ་པ་ཅན་དང་སྟོང་གཟུགས་ལ་མཉམ་པར་གཞག་པ་ཡང་ཡང་གོམས་པས་ལུས་ཀྱི་ནང་དུ་སྟོང་གཟུགས་འཆར། དེའི་རྒྱུན་གོམས་པས་ལུས་ཀྱི་ནང་གང་འདོད་དུ་
― LT24_Page_092B ―
[མ་དཔེ་གཟིགས་ན་འདིར་གནོན།]
འཆར་ཐུབ། དེ་སྐབས་ནས། ལྟེ་བ་སྤྲུལ་འཁོར་གྱི་དབུས་དབུ་མ་གང་དུ་ཡོད་པའི་ཐད་དེ་ཙམ་དུ་སྟོང་གཟུགས་ཤར་བ་ལ་སེམས་རྩེ་གཅིག་ཏུ་གཏད་པས་དྲོད་ཚ་འུར་བ་སོགས་བདེ་དྲོད་ཀྱི་ཉམས་འཕྲལ་དུ་ཤར་བྱུང་ན་གནད་དུ་སོང་བ་ཡིན། བདེ་དྲོད་མི་སྐྱེ་བ་དང༌། སྟོང་གཟུགས་མི་གསལ་དུ་སོང་ན་གནད་འཕྱུགས་པ་ཡིན་པས། རྩ་དབུ་མའི་གནས་ཚུལ་ངེས་པར་བྱས་ཏེ་བསྒོམས་པས། དེའི་ནང་དུ་སྟོང་གཟུགས་ཤར་བ་ན་སྔར་བཞིན་བསྒོམ། དེ་ནས་ཉམས་ཀྱི་ཚུལ་གྱིས་རྩ་དབུ་མར་རྩ་འཁོར་སོགས་ཅི་རིགས་པ་མཐོང་བ་འབྱུང༌། དེ་བཞིན་དུ་སྙིང་ཁ་ལ་སོགས་པ་རྩ་གནས་གཞན་ལའང་སྦྱར་གྱིན་བསྒོམ། དེས་རྩ་གནས་རགས་པ་ཕལ་ཆེ་བའི་རྣམས་པ་ཉམས་ཀྱི་ཚུལ་དུ་འཆར་ལ། དེ་ནས་ཡུན་བསྲིངས་ཏེ་བསྒོམས་པས་རྩ་རླུང་ཐིག་ལེའི་གནས་ཚུལ་མངོན་སུམ་དུ་མཐོང་བར་འགྱུར་རོ། །དམིགས་བསྐོར་ཉེར་བཞི་པའོ། །ཡང་ཇི་སྐད་དུ། སྲོག་རྩོལ་སྒོ་རུ་འོད་གསལ་བཟུང༌། །རྒྱུ་བ་རླུང་གི་ད་ཉིད་ཤེས། །རླུང་ལྔའི་ཁ་དོག་མཐོང་བར་འགྱུར། །ཞི་རྒྱས་ལ་སོགས་དབང་དུ་འདུ། །ཞེས་གསུངས་ཏེ། སྣ་བུག་ནས་སོར་བཅུ་དྲུག་གི་སྟེང་གི་ནམ་མཁར་སྟོང་གཟུགས་ཤར་བ་ལ་སེམས་གཏོད། དེ་ལ་གཏན་ན་རིམ་གྱིས་ཇེ་ཉེ་ཇེ་ཉེ་ལ་གཏད་སྟེ། མཐར་སྣའི་ནང་དུ་སྟོང་གཟུགས་ཤར་བ་ལ་སེམས་གཏོད་པའི་བར་དུ་བྱ། དེ་ནི་ནམ་མཁའི་རླུང་གི་ལམ་ལ་སྒོམ་པ་ཡིན་ལ། དེ་བཞིན་དུ་འབྱུང་བ་གཞན་གྱི་རླུང་ལའང་སྦྱར་ཏེ་སྒོམ། མཐར་ཐམས་ཅད་དུ་འབྱོངས་པ་ན་སྣའི་བར་ཐད་དུ་སྟོང་གཟུགས་ཤར་བ་ལ་སེམས་གཏད་དོ། །དབུགས་དང་འགྲོགས་ཏེ་སྟོང་གཟུགས་ཡལ་ཡོལ་བྱེད་ཀྱང་དེའི་རྗེས་སུ་མི་འབྲང་བར་ཐོག་མ་སེམས་བཞག་པ་དེ་ཀར་བསྒྲིམ། འདི་བསྒོམས་པས་སྣ་སྒོར་སྟོང་གཟུགས་རྟག་ཏུ་གནས་པ་འབྱུང༌། དེ་ལ་རྩེ་གཅིག་ཏུ་གོམས་པ་ལས། རིམ་པས་རླུང་རྣམས་ཀྱི་ཁ་དོག་དང་དབྱིབས་དང༌། ཚད་དང་རྒྱུ་བའི་གྲངས་ཀྱི་རྣམས་པ་ངེས་པ་འབྱུང༌།
― LT24_Page_093A ―
[མ་དཔེ་གཟིགས་ན་འདིར་གནོན།]
དེ་བྱུང་ནས་ཀྱང་བུམ་པ་ཅན་དང་ལྷན་གཅིག་བསྒོམས་ན་ཟླ་བ་དྲུག་ལ་སོགས་པས་བརྟན་པ་ཐོབ་པར་འགྱུར། དེ་ནས་རླུང་རྒྱུ་བ་དང་བསྟུན་ཏེ་འདུན་པ་བསྒྱུར་བ་ཙམ་གྱིས་ཀྱང་ཞི་རྒྱས་ལ་སོགས་པའི་ལས་ཆེན་བརྒྱད་ཐོགས་མེད་དུ་འགྲུབ་པ་ཡིན་ནོ། །འདི་ནི་མཚོན་པ་ཙམ་སྟེ། གཞན་ཡང་གཏུམ་མོ་དང༌། ལས་རྒྱ་དང༌། བཙན་ཐབས་ཀྱི་སྦྱོར་བ་མང་པོ་ཞིག་སྲོག་རྩོལ་གྱི་བོགས་འདོན་ཏུ་འབྱུང་ངོ༌། །དམིགས་བསྐོར་ཉེར་ལྔ་པའོ། །སྐབས་འདིར་སྲོག་རྩོལ་ཉིད་ཀྱི་སྒོ་ནས་གེགས་བསལ་བ་དང༌། པཎ་ཆེན་རྡོ་རྗེའི་ཚིག་ལྔ་པའི་འཕྲོས་ལ་བཀག་པས། འོག་སྒོ་བཙན་ཐབས་སུ་འགགས་ན་སྟེང་གི་སྦྱོར་བས་ལ་བརྟེན་ཏེ་གྲོལ་བ་ཡང་ཤེས་དགོས་ལ། གཞན་ཡང་སྲོག་རྩོལ་བསྒོམས་པས་ཐོད་པ་འགོགས་པ་སྙམ་བྱེད་པ་དང༌། མགོ་དང་སྙིང་ཁ་ན་བ་དང༌། ལྟེ་བ་གཟེར་ཞིང་སྤྱི་གཙུག་གི་པགས་པ་ལ་ཁབ་བཙུགས་པ་ལྟ་བུར་བྱུང་བ་དང༌། ཁོག་པར་ཤིང་བཅུག་པ་ལྟ་བུར་འོད་ཟེར་གྱི་འཁོར་ལོ་ལུས་ནང་དུ་དྲག་ཏུ་འཁོར་ན། སྦྱོར་བས་དབུ་མར་འཛུད་དགོས་པ་ཡིན་ཀྱང་དེ་མི་འགྲུབ་ན། རེ་ཞིག་སྲོག་རྩོལ་སྒོམ་པའི་རྩོལ་བ་གློད་ན། སྐུ་མཉེ་དང་ཁ་ཟས་བཟང་དུ་བསྟེན། འབེབས་ཀྱི་འཁྲུལ་འཁོར་དང༌། ཧ་འཕྲབ་དང༌། རླུང་ཕྱིར་འདོན་པ་མང་དུ་བྱས་པས་སེལ་བར་འགྱུར་རོ། །སྤྱིར་གེགས་བསལ་བ་དང༌། གེགས་ཆུང་ངུ་ལ་སེལ་བྱེད་ཀྱང་ཞི་བ་དང༌། བར་པ་ལ་བར་པ་དང༌། ཆེན་པོ་ལ་ཤུགས་དྲག་པོ་རྣམས་གལ་ཆེ། དེ་ལས་བཟློག་ན་ཆུང་ངུ་ཆེན་པོར་འགྱུར་བ་དང༌། ཆེན་པོ་བཅོས་དཀའ་བ་རྣམས་སུ་འགྱུར་རོ། །ཉིན་དང་ཉིན་ལ་ཡེ་ཤེས་ཀྱི་ཉམས་ཕེབས་པར་འགྱུར་ན་དེ་ཉིད་བྱུང་རྒྱལ་དུ་བསྐྱངས་པས་གེགས་ཕལ་ཆེར་སེལ་བར་འགྱུར་ལ། གཞན་དུ་གེགས་སེལ་གྱི་གདམས་ངག་ལ་ཡང་མཁས་པ་དང༌། ལུས་སྦྱོངས་ལ་བརྩོན་པར་བྱེད་དགོས་ཏེ། དེ་དག་གི་ཡི་གེ་ལོགས་སུ་ཡོད་པ་ལྟར་ཉམས་མྱོང་ཅན་གྱི་ལག་ཁྲིད་དང་བཅས་ཏེ་ཤེས་པར་བྱའོ། །གཉིས་པ་སྒོམ་དོན་བློ་ལ་འགོད་
― LT24_Page_093B ―
[མ་དཔེ་གཟིགས་ན་འདིར་གནོན།]
པ་ལ། སྲོག་རྩོལ་གྱི་མཚན་དོན། སྒོམ་པའི་དུས་མཚམས། སྒོམས་ཚུལ་གྱི་ཡན་ལག །བསྒོམ་པའི་རྟགས་ཚད། དག་བྱ་དག་བྱེད་ཀྱི་དབྱེ་བ། བསྒོམས་པས་ཐོབ་པའི་འབྲས་བུ་སྟེ་དྲུག་ལས། དང་པོ་ནི། རྒྱ་གར་གྱི་སྐད་དུ། པྲ་ཎ་ཅེས་བསྲོག །ཨཱ་ཡ་མ་ཅེས་པ་འགོག་པའམ། རྩོལ་བའམ། རིང་དུ་བྱེད་པ་ལ་འཇུག་པས། དེ་མཚམས་སྦྱར་བས། པྲ་ཎཱ་ཡ་མ་ནི་སྲོག་རྩོལ་ལམ། སྲོག་འགོག་པ་ཅེས་བྱའོ། །དེ་ལ་སྲོག་ནི་རླུང་གི་མིང་ཡིན་ལ། དེ་འགོག་པའམ་རྩོལ་བ་ནི་འཇུག་པར་བྱེད་པའི་དོན་ནོ། །གཉིས་པ་ལ་སྲོག་རྩོལ་གྱི་ཡན་ལག་དངོས་ནི། བསམ་གཏན་གྱི་ཡན་ལག་ལྔ་པ་རྒྱུད་ལ་སྐྱེས་ནས་བསྒོམ་པ་ཡིན་ལ། རྗེས་མཐུན་པ་ནི་ལས་དང་པོ་པས་ཀྱང་བསྒོམ་དུ་རུང་ཞིང༌། ཁྱད་པར་དུ་ཡང་ཐོག་མར་དགེ་བའི་སོར་བསམ་གང་རིགས་ལ་ཉམས་མྱོང་ཅུང་ཟད་རེད་ནས་བསྒོམ་ནས་ཤིན་ཏུ་ལེགས་སོ། །གསུམ་པ་བསྒོམ་ཚུལ་གྱི་ཡན་ལག་ལ་དོན་ཚན་ལྔའི་དང་པོ་སྲོག་རྩོལ་གང་ལ་བྱ་བའི་ཡུལ་ནི། སྤྱིར་རྡོ་རྗེ་ལུས་ཀྱི་རྩ་རླུང་ཐིག་ལེ་མཐའ་དག་ཡིན་ལ། དེའི་གཙོ་བོ་ལྟེ་བ་ཡན་ཆད་ན་རོ་རྐྱང་དབུ་མ་གསུམ། ལྟེ་བའི་འོག་ཏུ་བཤང་གཅི་ཁུ་བའི་རྩ་གསུམ་སྟེ་དྲུག །རླུང་སྲོག་དང་ཐུར་སེལ་གཉིས་རྣམས་ཏེ། སྤྲོ་ན་སྐབས་འདིར་རྩ་རླུང་ཐིག་ལེའི་གནས་ཚུལ་རྒྱས་པར་བཤད་ན་ལེགས་སོ། །དོན་ཚན་གཉིས་པ་སྲོག་རྩོལ་བསྒོམ་པའི་དགོས་པ་ནི། རྒྱུད་ལས། དེ་ཕྱིར་ལུས་ཀྱི་དོན་གྱི་རྒྱུད་ནི། ཉིན་ཞག་སོ་སོའི་དུས་སུ་རྩའི་སྦྱོར་བ་བསྒོམ་པར་བྱ། ཞེས་དང༌། དུས་ཞབས་པའི་མན་ངག་ལས་ཀྱང༌། །མི་འགྱུར་བདེ་བ་སྐྱེ་བའི་ཕྱིར། །སྲོག་རྩོལ་ཡན་ལག་བསྒོམ་པར་བྱ། །ཞེས་པ་ལྟར་འགྱུར་མེད་བདེ་བ་རྒྱུ་ཚོགས་ཀྱི་ཕྱོགས་གཅིག་སྟོང་གཟུགས་ཕྱག་ཆེན་ཡིན་པ་སོར་བསམ་གྱི་དུས་ནས་ཀྱང་བསྒྲུབས་པ་ཡིན་ལ། ཕྱོགས་གཅིག་ཤོས་རླུང་ལས་རྣམ་པར་རྒྱལ་བ་ཐོབ་ཅིང༌། ཨ་ཝ་དྷཱུ་ཏཱིར་བཅིངས་པས་རྡོ་རྗེའི་ལུས་རྣམ་པར་དག་པ་གྱུར་ནས་
― LT24_Page_094A ―
[མ་དཔེ་གཟིགས་ན་འདིར་གནོན།]
འཆི་བ་མེད་པ་དང༌། ཐིག་ལེ་ལ་དབང་འབྱོར་པར་བྱེད་པ་ནི་སྲོག་རྩོལ་གྱི་དགོས་པའོ། །དོན་ཚན་གསུམ་པ་སྲོག་རྩོལ་དུ་ས་ཇི་ཙམ་གྱི་བར་དུ་སྒོམ་པ་ནི། རྣལ་འབྱོར་བསྒོམ་པའི་ཚེ་རླུང་རྣམས་དབུ་མ་འབའ་ཞིག་ནས་འབབ་པར་འགྱུར་གྱི་བར་དུ་སྟེ། དེས་བྱང་ཆུབ་ཀྱི་སེམས་རགས་པ་བཟུང་བཟློག་ལ་དབང་ཐོབ་པར་འགྱུར་ཞིང༌། དབང་པོ་རྣོན་པོས་ཟླ་བ་དྲུག་གིས་དེ་འགྲུབ་པའི་དབང་དུ་མཛད་ནས། རྒྱུད་ལས། ཟླ་བ་དྲུག་གིས་སྡོམ་བརྩོན་རྣམས་ལ་རེག་བྱས་དམན་པའི་བདེ་བ་མཉམ་པ་ལམ་གྱི་སེམས་སུ་འགྱུར། ཞེས་གསུངས། དོན་ཚན་བཞི་པ་སྲོག་རྩོལ་གྱི་ངོ་བོ་ནི། སྲོག་རྩོལ་དག་ཀྱང་ལམ་ནི་གཉིས་པོ་བསྒྱེལ་ཞིང་དབུ་མར་སྲོག་ནི་རབ་ཏུ་ཞུགས་པ་དག་ཏུ་འགྱུར། ཞེས་གསུངས་ཏེ། རོ་རྐྱང་གི་རླུང་དབུ་མར་དགག་ཅིང་འོག་ཏུ་བཤང་གཅིའི་རྩར་རྒྱུ་བའི་རླུང་ཡང་དུང་ཅན་མར་དགག་པ་ཡིན་ལ། དེ་བཞིན་དུ་དབུ་མར་རྒྱུ་བའི་སྲོག་དང༌། དུང་ཅན་མར་རྒྱུ་བའི་ཐུར་སེལ་ཡང་གཅིག་ཏུ་བསྡུ་བར་བྱེད་པའི་ཏིང་ངེ་འཛིན་ནོ། །དོན་ཚན་ལྔ་པ་སྲོག་རྩོལ་ཇི་ལྟར་སྒོམ་པའི་ཚུལ་ལ། རྡོ་རྗེའི་བཟླས་པ་ནི། རྒྱུད་ལས། ཟླ་བ་ཉི་མས་ཨ་སོགས་ཀ་སོགས་རྣམས་ཀྱི་རྣམ་གསུམ་བགྲོད་གནས་སྐུ་ཡི་རྡོ་རྗེ་སོགས་བཟླས་པ། ཞེས་པས་བསྟན་ཅིང༌། འཇམ་རླུང་གང་གཏོང་གི་དབུགས་ཡོ་བ་བསྲང་བ་ནི། ཇི་སྐད་དུ། མཆན་ཁུང་གཡས་དང་གཡས་མིན་དག་ལས་ནུ་མ་དག་ཀྱང་སྟོབས་ལྡན་མནན་ཏེ་སྲོག་ནི་བཀག་པ་ལས། གཡས་ནས་གཡོན་པའི་རྩར་ནི་འཕྲལ་ལ་རབ་འབབ་གཡོན་པའི་མཆན་ཁུང་ལས་ཀྱང་གཡས་སུའོ། །ཟླ་བ་ཕྱེད་ཀྱིས་ཀྱང་ནི་འཆི་སྟེར་འཆི་ལྟས་འཕྲོག་སྟེ་རྣལ་འབྱོར་ལྡན་པའི་རྣལ་འབྱོར་པ་ཡིས་སོ། །ཞེས་པས་བསྟན། དགང་བ་དང་བུམ་པ་ཅན་ནི། ཁ་ཡང་བཙུམ་སྟེ་སྣ་ཡི་བུ་ག་གཉིས་པོ་དག་ནས་ཕྱི་རོལ་དག་གི་རླུང་ནི་མ་ལུས་པ། སྲོག་གི་ཤུགས་ཀྱིས་བཀུག་སྟེ་དྲི་མ་མེད་པའི་
― LT24_Page_094B ―
[མ་དཔེ་གཟིགས་ན་འདིར་གནོན།]
གློག་དང་མཚུངས་པར་ཐུར་སེལ་རླུང་དང་སྦྱར་བྱས་ཏེ། ཞེས་པས་བསྟན་ཅིང༌། དེའི་ཕན་ཡོན་ཡང༌། ལུས་ལ་ཟས་ལ་སོགས་པ་དང་ནི་བཀྲེས་དང་སྐོམ་པ་འཕྲོག་ཅིང་འཆི་བ་མེད་པ་ཉིད་ཀྱང་སྟེ། ཞེས་སོ། །གཞན་ཡང་དྲི་མེད་འོད་ལས། དབྱུང་བ་དང་དགང་བ་དང༌། བུམ་པ་ཅན་གྱི་སྦྱོར་བས་ནི་རྟག་ཏུ་བསྙེན་པའོ། །ཞེས་གསུངས་པས། སྲོག་རྩོལ་གྱི་མན་ངག་ཐ་དད་པ་ཐམས་ཅད་ཀྱང་བསྟན་པ་ཡིན་ནོ། །འདིར་བུམ་པ་ཅན་གཙོ་བོ་ཡིན་པས་ངེས་པར་དགོས་ལ། གཞན་དག་ནི་ཇི་ལྟར་རིགས་པར་ཡང་སྦྱར་རོ། །གནས་སྐབས་སུ་སྲོག་གེགས་མི་འབྱུང་བའི་དོན་དུ། རླུང་སྟོབས་རྒྱས་པ་དབུ་མར་འཛུད་པའམ། གེགས་སེལ་གཞན་ཡང་རུང་སྟེ། དེའི་དུས་བསྟན་པ་ནི། སྲོག་རྩོལ་རབ་ཏུ་བྱ་སྟེ་སྙིང་ཁ་དེ་བཞིན་མགོ་བོ་དག་ནི་ཇི་སྲིད་མེ་ཡིས་གདུང་གྱུར་པ། ཞེས་པ་སོགས་པའོ། །བཞི་པ་ནི། སྲོག་རྩོལ་གྱི་རྟགས་ཐམས་ཅད་གཡས་གཡོན་གྱི་རླུང་བཅུ་དབུ་མར་འགགས་པའི་མཐུ་ལས་བྱུང་བའི་ལུས་ཉམས། ངག་ཉམས། སེམས་ཉམས། མཐོང་ཉམས། རྨི་ཉམས་ཏེ་རྣམས་པ་ལྔར་འདུས་པ་ཡིན་ནོ། །ཚད་མ་ནི། །རྣམ་རྟོག་གི་རྒྱུ་རླུང་རྣམས་དབུ་མར་འགགས་པའི་ཡེ་ཤེས་ཡིན་པས་ཡིད་ཀྱི་མངོན་སུམ་གཙོ་བོར་གྱུར་པའི་མངོན་སུམ་བཞིའོ། །ལྔ་པ་ནི། དག་བྱ་ལ་དབྱེ་ན་འདུ་ཤེས་སོགས་ཕུང་ཁམས་དྲུག་ཚན་གཅིག་ཡོད་ལ། དག་བྱེད་སྲོག་རྩོལ་ཉིད་ལ་དབྱེ་ན། གཡས་གཡོན་གྱི་དཀྱིལ་འཁོར་བཅུ་དབུ་མར་འདྲེས་པའི་དབྱེ་བས་བཅུའོ། །དྲུག་པ་ལས། གནས་སྐབས་ཀྱི་འབྲས་བུ་ནི། རྒྱུད་ལས། སྲོག་རྩོལ་གྱིས་ནི་དག་པ་རི་བོང་ཅན་དང་ཉི་མ་རྣམས་བྲལ་བྱང་ཆུབ་སེམས་དཔའ་རྣམས་ཀྱིས་མཆོད། ཅེས་གསུངས་པ་ལྟར། རོ་རྐྱང་དུ་རྒྱུ་བའི་རླུང་ཡོན་པོ་འགགས་པའི་ཕན་ཡོན་ལས། སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ལུང་སྟོན་ཅིང་བྱིན་གྱིས་རློབས། ཡེ་ཤེས་ཀྱིས་སྣང་
― LT24_Page_095A ―
[མ་དཔེ་གཟིགས་ན་འདིར་གནོན།]
བར་གྱུར་པའི་གཟུགས་སོགས་ཡུལ་དྲུག་གི་འདོད་ཡོན་ལ་སྤྱོད། །དབང་པོ་དྲུག་གི་མངོན་ཤེས་སྐྱེ། མི་དང་མི་མ་ཡིན་པ་དབང་དུ་འདུ་བ་ཡིན་ལ། མཐར་ཐུགས་གི་འབྲས་བུ་ནི། དོན་ཡོད་གྲུབ་པ་སོགས་ལྷ་རླུང་ཁམས་པ་དྲུག་ཚན་གཅིག་ཐོབ་པར་འགྱུར་པ་ཡིན་ནོ། །སྒོམ་དོན་བློ་ལ་འགོད་པ་འདི་ལ་ཐུན་གཅིག་ལ་སོགས་པའོ། །དེས་སྲོག་རྩོལ་གྱི་འཁྲིད་ཚར་རོ། །གཉིས་པ་འཛིན་པའི་འཁྲིད་སྟོན་པར་བྱེད་པ་ལ། ཉམས་ལེན་དམིགས་པའི་གནད་དང༌། སྒོམ་དོན་བློ་ལ་འགོད་པའོ། །དང་པོ་ལ་འཛིན་པའི་མན་ངག་དངོས་དང༌། བོགས་འདོན་སྤོགས་པའི་ཆོ་གའོ། །དང་པོ་ནི། །གང་དུ་ཇི་སྐད་བསྟན་པ་ལྟར། བུམ་པ་ཅན་གྱི་སྦྱོར་བས་སྲོག་དབུ་མའི་ཐིག་ལེ་ལ་ཐིམ་པར་བྱེད་པ་ཡིན་ཏེ། སྲོག་རྩོལ་དང་འཛིན་པའི་སྐབས་ཀྱི་བུམ་ཅན་ནི་བུམ་པ་ཅན་ཙམ་དུ་འདྲ་ཡང་སྲོག་རྩོལ་གྱི་བུམ་ཅན་ནི། རོ་རྐྱང་གི་ལམ་དགག་པ་དང༌། སྲོག་ཐུར་འདྲེ་བའི་ཕྱིར་སྒོམ་པ་ཡིན་ལ། འདིར་ནི་སྲོག་ཐུར་འདྲེས་ཟིན་པའི་རླུང་དེ་ཉིད་དབུ་མའི་ཐིག་ལེར་ཐིམ་པར་བྱེད་པའི་དོན་ཡིན་ནོ། །དེ་ལ་ལྟེ་བའི་བུམ་ཅན་ནི་སྔར་དང་འདྲ་སྟེ། འོན་ཀྱང་འཛིན་པའི་རྗེས་མཐུན་པ་བསྒོམ་པའི་སྐབས་འདིར་རླུང་རྣམས་ལྟེ་བའི་ཐིག་ལེ་ལ་ཐིམ་པའི་མོས་པ་ཙམ་ཡང་ཡང་བྱེད་པ་ནི་ཁྱད་པར་རོ། །དམིགས་བསྐོར་ཉེར་དྲུག་པའོ། །དེ་བཞིན་དུ་སྙིང་ཁའི་བུམ་ཅན་ཡང་ཕལ་ཆེར་དེ་དང་འདྲ་བ་ལས། ལྟེ་བའི་བུམ་ཅན་བཅས་ཟིན་འཚམས་ནས་སྙིང་ཁར་འདྲེན་པ་དང༌། ལག་པ་གཉིས་རྒྱབ་ཏུ་བསྣོལ། རྡོ་རྗེའི་སྐྱིལ་ཀྲུང་གི་མཐེ་བོང་གཡས་གཡོན་ནས་འཐེན་པའི་ལུས་གནད་སྦྲགས་ཏེ་བྱའོ། །དམིགས་བསྐོར་ཉེར་བདུན་པའོ། །མགྲིན་པའི་བུམ་ཅན་ནི། རྐང་པ་སྐྱིལ་ཀྲུང་བཅས་ཏེ། པུས་མོའི་ནང་ཁུགས་སུ་གྲུ་མོ་བཙུགས། སོར་མོ་བསྣོལ་བས་ལྟག་པ་ནས་མནན་ཏེ་མགོ་བསྒྱུར། རླུང་ཁ་ནས་རྔུབས་ཏེ། ལྟག་པའི་ཐད་ཀར་ཐུགས་བསྒྱིལ་ལ་ལྐོག་མས་ཨོལ་མདུད་མནན།
― LT24_Page_095B ―
[མ་དཔེ་གཟིགས་ན་འདིར་གནོན།]
ཐུར་སེལ་མགྲིན་པའི་ཐད་ཀར་ཕུལ་ལོ། །དམིགས་བསྐོར་ཉེར་བརྒྱད་པའོ། །དཔྲལ་བའི་བུམ་ཅན་ནི། ཕལ་ཆེར་དེ་དང་འདྲ་བ་ལ་ལག་པ་གཉིས་སྔར་བཞིན་ལས་སྤྱི་བོ་ནས་འཐེན། རླུང་ཡང་ཁ་ནས་རྔུབས་པ་རྐན་གྱི་ཕུགས་སུ་ཡར་བསྒྱིལ་བ་ནི་ཁྱད་པར་རོ། །དམིགས་བསྐོར་ཉེར་དགུ་པའོ། །གཙུག་ཏོར་གྱི་བུམ་ཅན་ཡང་དམིགས་པ་གཙུག་ཏོར་དུ་བྱེད་པའི་ཁྱད་པར་མ་གཏོགས་དེ་དང་འདྲའོ། །དམིགས་བསྐོར་སུམ་བཅུ་པའོ། །མན་ངག་ཁོ་ན་ལས་འབྱུང་བའི་གསུངས་བུམ་ཅན་ནི། རྟིང་པ་གཅིག་གིས་བཤང་སྒོ་རྟེན། གཅིག་གིས་གསང་བ་ནས་མནན། ལག་པ་གཉིས་གཞུག་ཆུང་ནས་ཕར་འཁྱིད་གང་ཙམ་གཞལ་བའི་སར་བཙུགས། གདོང་གྱེན་དུ་ཕྱོགས་པས་རླུང་དྲག་ལ་རིང་བར་མནན། བཤང་སྒོ་དང་གསང་སྒོ་གཉིས་ཀ་ནས་ཐུར་སེལ་ལན་མང་དུ་དྲངས་པ་དེ་དང་སྟེང་རླུང་གཉིས་ཀར་རྒྱུ་ཞབས་ཀྱི་འོག་ཏུ་མནན་ཏེ་བཞག་པའོ། །དམིགས་བསྐོར་སོ་གཅིག་པའོ། །འགའ་ཞིག་སྙིང་ཁ་ཡན་ཆད་ཀྱི་བུམ་ཅན་ལས་དང་པོ་པས་སྒོམ་དུ་མི་རུང་བར་འདོད་ནའང༌། རིན་ཙམ་སྒོམ་པ་ལ་སྐྱོན་མེད་ཅིང༌། ལས་དང་པོ་པས་སྒོམ་ན་ལག་ལེན་འདི་ལྟར་བྱེད་དེ། ལྟེ་བའི་བུམ་ཅན་ཉི་ཤུ་ཙམ་སོང་ནས་སྙིང་ཁའི་བུམ་ཅན་ལན་གཅིག་གཉིས་ཙམ་བྱེད་པ་སྟེ། ལྟེ་བའི་བུམ་ཅན་དེ་སྙིང་ཁར་དྲང༌། སྔར་ཡང་ལྟེ་བར་ཕབ་ནས་རླུང་གཏོང༌། མགྲིན་པ་དཔྲལ་བ་གཙུག་ཏོར་རྣམས་ལ་ལྟེ་བའི་བུམ་ཅན་ཡང་མི་འདྲེན་ཡང༌། རླུང་གཏོང་ཁར་བུམ་ཅན་ལྟེ་བར་འབེབས་དགོས་སོ། །སླར་ཡང་དེ་རྣམས་ཀྱི་མཐར་གསང་བའི་བུམ་ཅན་ཚར་རེ་བྱ། རླུང་རོ་འཁྱིམས་ཀྱི་དོགས་པ་ཡོད་ན་སྙིང་ཁའི་བུམ་ཅན་གྱི་མཐར་རོ་སྟོད་གཅུད་ཅིང་ཧ་འདོན། མགྲིན་པའི་མཐར་ཁ་བཙུམ་ནས་མགྲིན་པའི་རླུང་དྲངས་ཏེ་འབུད། དཔྲལ་བ་དང་གཙུག་ཏོར་གྱི་མཐར་སྣ་བཀག་ནས་ཐོད་པའི་རླུང་དྲངས་ནས་འབུད་པ་སོགས་ཀྱང་ལགས་ལེན་བཞིན་ཤེས་པར་བྱའོ། །གཉིས་པ་
― LT24_Page_096A ―
[མ་དཔེ་གཟིགས་ན་འདིར་གནོན།]
ལ། རླུང་གི་སྤོགས་ཆོག་ནི། རྡོ་རྗེའི་ཚིག་དྲུག་གི་གཏུམ་མོ་སྦར་བའི་སྦྱོར་བས་སྲོག་ཐུར་བསྲེ་ཞིང་འཆི་མེད་སྒྲུབ་པ་སྟེ། འཛིན་པའི་མན་ངག་སྔར་བསྟན་པ་དེ་ལྟར་བསྒོམས་ཀྱང་ཡོན་ཏན་སྐྱེ་མ་འདོད་ན། བུམ་ཅན་ཙམ་གྱི་སྲོག་ཐུར་བསྲེ་མ་ཐུབ་པ་ཡིན་པས། སྐྱིལ་ཀྲུང་གཡས་གཡོན་གྱི་རོལ་སྟབས་སམ། རྡོ་རྗེའི་སྐྱིལ་ཀྲུང་གིས་ཀྱང་ཆོག་ལ། ལག་པ་པུས་མོ་ལ་བཀབ། ཐོག་མར་འོག་སྒོ་སྟེང་དུ་འཐེན། སྟེང་རླུང་ཧཱུྃ་རིང་གི་གདངས་ཀྱིས་ཕྱིར་འབུད། སླར་ནང་དུ་ཧུཾ་ཐུང་གིས་མནན་ཏེ་ཅུང་ཟད་སོང་ནས་གསང་རླུང་ཧཱུྃ་གི་ཁོང་སྒྲ་དང་བཅས་ཏེ་ཡར་དྲངས། ལྕེ་རྩེ་རྐན་ལ་སྦྱར། ཕཊ་ཅེས་ཡིད་ལ་དྲན་པས་ཁ་སྦྱོར་དྲག་པོ་དེ་ལྟེ་བར་བཟུང་བཞིན་པས། ལྟོ་བ་ཕྱིར་འཕུལ་བ་ལན་འགའ་བྱ། དེ་ནས་འབུད་པ་སོགས་སྔར་དང་འདྲ་སྟེ། དེ་ཉིད་ཡང་ཡང་སྒོམ་པ་ཡིན་ནོ། །འདི་ནི་པཎ་ཆེན་ཤཱཀྱ་ཤྲིའི་མན་ངག་ཡིན་ལ། གྲུབ་ཐོབ་ཤཱ་བཱ་རི་པའི་མན་ངག །བི་བྷུ་ཏི་ཙནྡྲའི་ཉེ་རྒྱུད་ལ་སྲོག་ཐུར་བསྲེ་བའི་མན་ངག་གསུམ་ཡོད་པ་ནི་གཞན་དུ་བཤད་པར་བྱའོ། །དམིགས་བསྐོར་སོ་གཉིས་པའོ། །འཁྲུལ་འཁོར་གྱི་སྤོགས་ཆོག་ནི། རླུང་གནད་སྔ་མ་དང་འདྲ་བ་ལས། རླུང་ཕྱིར་འབུད་པའི་ཚེ། རྐང་སོར་ནས་ལག་པས་འཇུས་ཏེ་སྒུར་ལངས་སུ་བྱེད། ནང་དུ་རྔུབས་ཏེ་བཟུང་བའི་སྐབས་སུ་འཕོང༌། སྟན་གྱི་སྟེང་དུ་བཞག་སྟེ་ཙོག་སུ་བྱ། གསང་རླུང་འཐེན་སྐབས་ལུས་བསྒྱུར། ལྟོ་བ་ཕྱིར་འཕུལ་བའི་སྐབས་ལྟག་པ་སྤྱོད་དོ། །དམིགས་བསྐོར་སོ་གསུམ་པའོ། །རྩའི་སྤོགས་ཆོག་ནི། གོང་དུ་བཤད་པའི་བཙན་ཐབས་ཀྱི་སྦྱོར་བས་ཉི་ཟླའི་ལམ་དགག་པ་ཉིད་དོ། །ཐིག་ལེའི་སྤོགས་ཆོག་གཙོ་བོ་ནི། དམིགས་བཅས་ཀྱི་གཏུམ་མོ་ཡིན་ཡང་འོག་ཏུ་འཆད་པར་འགྱུར་བས་འདིར་མི་བརྗོད་ལ། རྡོ་རྗེའི་ཚིག་དྲུག་གི་ལྕེ་གསུམ་ག་སྐྱོད་པའི་སྦྱོར་བས་ནང་གི་བདུད་རྩིའི་བཅུད་མྱང་བ་ནི། དམིགས་
― LT24_Page_096B ―
[མ་དཔེ་གཟིགས་ན་འདིར་གནོན།]
མེད་དང་དམིགས་བཅས་གཉིས་ལས། འདིར་དམིགས་བཅས་ཀྱི་དབང་དུ་བྱས་ན། ལག་གཉིས་ས་གནོན་བྱ། གཞན་ལུས་གནད་སྤྱི་དང་འདྲ། དཔྲལ་བར་ཧཾ་དཀར་པོ་ལ་དབྱངས་བཅུ་དྲུག་དཀར་པོས་བསྐོར་བའམ། ཡི་གེ་གསལ་མི་ཐེབས་ན་ཐིག་ལེ་དཀར་པོ་བསྒོམས་ཀྱང་རུང་ངོ༌། །ཐུར་སེལ་འཐེན་བྱས་པས་རླུང་དྲོད་ཀྱི་རང་བཞིན་ཙན་ཁོགས་པ་ནས་ཡར་སོང༌། ཡི་གེའམ་ཐིག་ལེ་ལ་ཕོག་པས་བདུད་རྩི་དཀར་པོ་རླན་དྲོད་ཀྱི་རང་བཞིན་ཅན་འོ་མའི་རྒྱུན་ལྟར་བབས། ཡ་ཐོད་ཁེངས། རླུང་རོ་བསལ་ལ། རླུང་ཁ་ནས་ཤིད་ཀྱི་སྒྲ་དང་བཅས་ཏེ་ལྕེ་ཐོག་ཏུ་དྲངས། མཆིལ་མ་དང་ལྷན་ཅིག་མིག །ལྕེ་རྩེ་ཕུགས་སུ་བཟློག་ནས་ལྕེའུ་ཆུང་ལ་རེག །རླུང་སྟོད་སྨད་དུ་མཉམ་པར་དགགས་ཞིང་བཟུང༌། ལྕེ་ཆུང་ལས་བདུད་རྩིའི་རྒྱུན་བབས། རྩའི་ནང་ཐམས་ཅད་ཁེངས་པར་མོས། དེ་ཉིད་ཡང་ཡང་བསྒོམས་པས། ལྕེའུ་ཆུང་ལས་རང་བྱུང་གི་བདུད་རྩི་བབས་པར་འགྱུར་རོ། །གཞན་ཡང་ལས་དང་པོ་པས་བུམ་ཅན་རྣམས་སྒོམ་པའི་སྐབས་རླུང་འདུས་པའི་རྟགས་འགོར་ན། དམིགས་པ་འདི་ལྟ་བུ་སྒོམ་པར་བཤད་དེ། རྩ་འཁོར་སོ་སོར་བཤད་ཚོད་དང་མཐུན་པར་སྒོམ་ཐུབ་ན་ལེགས། མ་ཐུབ་ན། རྩ་འཁོར་རྣམས་ཀྱི་འཁོར་ལོ་ནང་ཁོ་ན་གསལ་བཏབ་པས་ཆོག་པ། ལྟེ་བ་སོགས་འཁོར་ལོ་ལྔ་ལ་རྩ་འདབ་བཞི་བཞི་ཡིན་ལ། གསང་གནས་ལ་དྲུག་གོ །དེ་ཡང་ལྟེ་བའི་བུམ་ཅན་སྒོམ་ན། ལྟེ་བ་སྤྲུལ་འཁོར་སེར་པོ་རྩ་འདབ་བཞི་པའི་ལྟེ་བར་དབུ་མའི་ནང་དུ་ཟླ་བ་ལ་ཨོཾ་དཀར་པོ་གསལ་བཏབ། དེར་གཡས་གཡོན་སྲོག་ཐུར་གྱི་རླུང་རྣམས་ཐིམ་པར་མོས་པར་བྱེད། དེ་བཞིན་དུ། སྙིང་ཁའི་འཁོར་ལོ་དཀར་པོ་དང༌། མགྲིན་པོའི་འཁོར་ལོ་དམར་པོ་དང༌། སྤྱི་བོའི་འཁོར་ལོ་ནག་པོ་དང༌། གཙུག་གཏོར་གྱི་འཁོར་ལོ་ལྗང་གུ་དང༌། གསང་བའི་འཁོར་ལོ་སྔོན་པོ་རྣམས་སྒོམ་པའི་ཁྱད་པར་མ་ཏོགས། བུམ་ཅན་གཞན་རྣམས་
― LT24_Page_097A ―
[མ་དཔེ་གཟིགས་ན་འདིར་གནོན།]
ལའང་དམིགས་པ་སྔར་མས་རིགས་འགྲེའོ། །ཐིག་ལེའི་རྣལ་འབྱོར་དྲུག་པོ་དེ་རྣམས་དམིགས་བསྐོར་གཅིག་ཏུ་བསྡུ་སྟེ། དམིགས་བསྐོར་སོ་བཞི་པའོ། །སྤྱིར་ནས་འཛིན་པའི་བོགས་འདོན་ནི། སྲོག་རྩོལ་གྱི་བོགས་འདོན་དང་འདྲ་ཞིང༌། འདིའི་སྤོགས་ཆོག་བོགས་འདོན་རྣམས་ཀྱང་སྲོག་རྩོལ་གྱི་སྐབས་སུ་འཇུག་པ་ཡིན་ནོ། །གཉིས་པ་སྒོམ་དོན་བློ་ལ་འགོད་པ་ལ། འཛིན་པའི་མཚན་དོན། སྒོམ་པའི་དུས་མཚམས། སྒོམ་ཚུལ་གྱི་ཡན་ལག །བསྒོམས་པའི་རྟགས་ཚད། དག་བྱ་དག་བྱེད་ཀྱི་དབྱེ་བ། བསྒོམས་པས་ཐོབ་པའི་འབྲས་བུ་སྟེ་དྲུག་ལས། དང་པོ་ནི། དྷཱ་ར་ཎ་ཞེས་འཛིན་པ་དང༌། གཟུང་བྱ་གཉིས་ཀ་ལ་འཇུག་པས་སྣ་ཚོགས་སུ་བསྒྱུར་བ་ཡོད་ཀྱང༌། འདིར་ནི་རླུང་འགྲོ་འོང་དང་བྲལ་བ་འཛིན་པའི་དོན་ནོ། །འཛིན་པའི་ཡན་ལག་དངོས་ཀྱི་དབང་དུ་བྱས་ན། རླུང་དབུ་མར་རྟག་ཏུ་བབས་ཅིང་སྲོག་དང་ཐུར་སེལ་འདྲེས་པའི་དུས་ན་འཛིན་པ་སྒོམ་མོ། །རྗེས་མཐུན་པ་ནི་སྲོག་རྩོལ་དང་འདྲའོ། །གསུམ་པ་སྒོམ་ཚུལ་གྱི་ཡན་ལག་ལ་དོན་ཚན་ལྔའི་དང་པ་འཛིན་པ་གང་ལ་བྱ་བའི་ཡུལ་ནི། བདེ་བའི་རླུང་སྟེ། མི་ཤིགས་པའི་ཐིག་ལེ་དང་འདྲེས་པའི་རླུང་ངོ༌། །གཉིས་པ་བསྒོམས་པའི་དགོས་པ་ནི། བྱང་ཆུབ་ཀྱི་སེམས་གཡོ་མེད་དུ་འཆིང་བ་དང༌། མི་འགྱུར་བ་བདེ་བ་དངོས་སུ་འདྲེན་པའི་སྟོང་གཟུགས་ཁྱད་པར་ཅན་འབྱུང་བའི་རྩ་བ་གཏུམ་མོའི་འབར་སྣང་བསྒྲུབ་པའི་ཕྱིར་ཡིན་ནོ། །གསུམ་པ་དུས་ཇི་ཙམ་གྱི་བར་དུ་སྒོམ་པ་ནི་འཁོར་ལོ་ལྔའམ་དྲུག་ཏུ་བུམ་ཅན་ཇི་ལྟར་འདོད་པ་དགང་ནུས་པ་ལ་དབང་འབྱོར་བར་དེ་སྲིད་དུའོ། །བཞི་པ་འཛིན་པ་རང་གི་ངོ་བོ་ནི། རྒྱུད་ལས། ཐིག་ལེར་སྲོག་ནི་རབ་ཏུ་ཞུགས་ཤིང་གཉིས་ཀའི་བགྲོད་པ་བཅོམ་སྟེ་རྩེ་གཅིག་སེམས་ལ་འཛིན་པའོ། །ཞེས་གསུངས་སྟེ། སྤྱིར་འཁོར་ལོ་ལྔའམ་དྲུག་གི་གནས་སུ་དབུ་མའི་ཐིག་ལེ་ལ་སྟེང་འོག་གཡས་གཡོན་གྱི་རླུང་རྣམས་
― LT24_Page_097B ―
[མ་དཔེ་གཟིགས་ན་འདིར་གནོན།]
ཐིམ་པ་དང༌། ཁྱད་པར་མཐར་ཕྱིན་པ་ན། དཔྲལ་བའི་ཐིག་ལེ་ལ་སྲོག་རབ་ཏུ་ཞུགས་པས་ཐིག་ལེ་འཛག་མེད་དཔྲལ་བར་བརྟན་པ་ལ་སེམས་ཟིན་པའི་ཏིང་ངེ་འཛིན་ནི། ལྔ་པ་འཛིན་པ་ཇི་ལྟར་སྒོམ་པའི་ཚུལ་ལ། ལས་དང་པོ་པས་འཛིན་པ་རྗེས་མཐུན་པ་སྒོམ་ཚུལ་ནི་གོང་དུ་བཤད་པ་དེ་ཉིད་ཡིན་ཅིང༌། དངོས་ནི་བུམ་པ་ཅན་གྱི་རྣལ་འབྱོར་གྱིས་འཁོར་ལོ་དྲུག་ཏུ་སྔར་གཡས་གཡོན་སྲོག་ཐུར་འདྲེས་ཟིན་པའི་དབུ་མའི་རླུང་དེ་ཉིད་ཐིག་ལེ་ལ་ཞུགས་པའི་ཚུལ་གྱིས་སྟོང་པར་ཐིམ་པས་གཏུམ་མོ་འབར་བར་བྱེད་པ་སྟེ། འདི་ལ་རྒྱུད་འགྲེལ་གྱིས་འཛིན་པ་སྟོན་པའི་སྐབས་ཕལ་ཆེར་ན། འཁོར་ལོ་བཞིའི་རྣམ་བཞག་ལས་མ་གསུངས་པ་མང་ལ། དབྱེ་བ་རྣམ་པ་བཅུའི་སྐབས་ན་གཙུག་ཏོར་གྱི་འཁོར་ལོར་ཡང་འགྲོ་བ་བཤད་པས། གཙུག་ཏོར་དུ་ཡང་འཛིན་པ་སྒྲུབ་དགོས་པ་ནི་ཡིན་ལ། དེས་ན་ལྟེ་བ་སྙིང་ཁ་མགྲིན་པ་སྤྱི་བོ་གཙུག་ཏོར་ཏེ་ལྔ་ལ་སྔར་མ་ཐོབ་པ་ཐོབ་པར་བྱེད་པའི་ཐབས་རེ་དང༌། སྔར་ཐོབ་ཟིན་བརྟན་ཅིང་གོང་ནས་གོང་དུ་འཕེལ་བའི་ཐབས་རེ་སྟེ་གཉིས་གཉིས་ཡོད་དོ། །དེས་ན་དཔྲལ་བའི་ཐིག་ལེ་ཞེས་བྱ་བ་ཡང་དབུ་མའི་ཡལ་ག་ཞིག་གཙུག་ཏོར་ནས་སྨིན་འཚམས་སུ་འཁྱོགས་པའི་གནས་ཡིན་པ་ཤེས་པར་བྱ་ཞིང༌། གསང་བའི་བུམ་ཅན་ནི། རྒྱུད་འགྲེལ་ནས་དངོས་སུ་མ་གསུངས་ཀྱང་དོན་ལ་གནས་ཤིང་སྔ་མ་རྣམས་ཀྱི་གེགས་སེལ་བོགས་འདོན་དུ་འགྱུར་བ་ཡིན་པས་ངེས་པར་སྒྲུབ་ནི་དགོས་ལ། ལོགས་སུ་མི་བགྲང་བ་ནི་གཙུག་ཏོར་གྱི་བུམ་ཅན་གྱི་ཆ་ལག་ཏུ་སྦྱོར་བས་སོ། །བཞི་པ་ནི། སྤྱིར་སྔ་མ་རྣམས་དང་འདྲ་བ་ལས། ཁྱད་པར་རྒྱུད་ལས་རེ་ཁཱ་ནག་པོ་དྲི་མེད་འོད་ཟེར་འཕྲོ་བ་དུས་ཀྱི་རྩ་ལ་མཐོང་བར་གྱུར་གྱི་བར་དུའོ། །ཅེས་དབུ་མ་རེ་ཁཱ་ནག་པོ་འཆར་བ་དང༌། གཏུམ་མོའི་འབར་སྣང་དང༌། གཞོམ་མེད་ཀྱི་སྒྲའི་སྒོ་ནས་ཆེས་ལྷག་པ་ཡིན་ལ། ཚད་མ་ནི་སྲོག་རྩོལ་དང་འདྲའོ། །ལྔ་
― LT24_Page_098A ―
[མ་དཔེ་གཟིགས་ན་འདིར་གནོན།]
པ་ནི་དག་བྱ་ལ་དབྱེ་ན། ཚོར་བའི་ཕུང་པོ་སོགས་ཕུང་ཁམས་མེ་ཁམས་པ་དྲུག་ཚན་གཅིག་ཡིན་ལ། དག་བྱེད་འཛིན་པའི་ལམ་ཉིད་ལ་དབྱེ་ན། ཇི་སྐད་དུ། དྲི་མེད་འོད་ལས། སྲོག་གི་འཛིན་པ་ལྟེ་བ་དང༌། སྙིང་ཁ་དང༌། མགྲིན་པ་དང༌། དཔྲལ་བ་དང༌། གཙུག་ཏོར་གྱི་པདྨ་ལ་འགྲོ་བ་དང་འོང་བའི་དབྱེ་བས་རྣམས་པ་བཅུའོ། །ཞེས་པ་ལྟར། འཛིན་པ་ལ་ཉམས་རྟོགས་མཐོ་དམན་གྱི་དབྱེ་བ་བཅུ་ཡོད་དོ། །དྲུག་པ་ལ་གནས་སྐབས་ཀྱི་འབྲས་བུ་ནི་རྒྱུད་ལས། བདུད་དང་ཉོན་མོངས་ལ་སོགས་ཉམས་ཤིང་སྟོབས་བཅུ་ལ་ནི་འཇུག་པར་འགྱུར་ཏེ་འཛིན་པའི་སྟོབས་ཀྱིས་སོ། །ཞེས་པ་ལྟར། རྒས་པ་དང་ནད་ལ་སོགས་པ་ཕུང་པོའི་སྡུག་བསྔལ་སེལ། ཉོན་མོངས་པའི་རང་བཞིན་ཤེས་པས་ལམ་དུ་བྱེད་ནུས། ཚེ་ལ་ཅུང་ཟད་དབང་ཐོབ། འདོད་ཡོན་གྱི་ཞེན་པས་མི་འཆིང་བས་བདུད་བཞི་ཅུང་ཟད་ཆོམས་པ་ཡིན་ལ། ཉོན་མོངས་པའི་དབང་དུ་མི་འགྱུར་བའང་ཡིན་ནོ། །རླུང་བཅུ་ཐིམ་པའི་མཐུ་ལས། ལུས་ངག་སེམས་ཀྱི་སྟོབས་ཁྱད་པར་ཅན་ཡང་གྲུབ་སྟེ། དུས་ཞབས་སྙན་བརྒྱུད་ལས། །མ་ཟོས་བཀྲེས་མེད་ཟོས་ཀྱང་འཇུ། །ཐུར་སེལ་མི་འཛག་བདེ་བ་རྒྱས། །སྒྱུ་འཕྲུལ་རྡོ་རྗེ་གསུས་པོ་ཆེ། །ལུས་ཡང་ལ་སོགས་མི་རྟོག་བདེ། །ཞེས་པ་དང༌། ཚེ་རིང་ནད་མེད་ཁམས་ཆ་སྙོམས། །ཞེས་གསུངས་མཐར་ཐུག་གི་འབྲས་བུ་ནི། །རིན་ཆེན་འབྱུང་ལྡན་སོགས་ལྷ་མེ་ཁམས་པ་དྲུག་ཚན་གཅིག་མངོན་དུ་འགྱུར་བ་ཡིན་ནོ། །སྒོམ་དོན་འདི་ལ་ཐུན་གཅིག་ལ་སོགས་པའོ། །དེས་འཛིན་པའི་འཁྲིད་ཚར་རོ། །རེ་ཞིག་རྗེས་དྲན་གྱི་འཁྲིད་མི་འབོགས་ཤིང་དེ་ཙམ་གྱིས་ཆོག་པར་བྱེད་ན། རྗེས་ཀྱི་འཁྲིད་རྣམས་སྐབས་འདིར་བླང་བར་བྱའོ། །གསུམ་པ་ཐ་མར་དག་པའི་འཁྲིད་ལ་གཉིས་ཏེ། རྗེས་དྲན་དང༌། ཏིང་ངེ་འཛིན་ནོ། །དང་པོ་ལ་ཉམས་ལེན་དམིགས་
― LT24_Page_098B ―
[མ་དཔེ་གཟིགས་ན་འདིར་གནོན།]
པའི་གནད་དང༌། སྒོམ་དོན་བློ་ལ་འགོད་པའོ། །དང་པོ་ལ་རྗེས་དྲན་དངོས་ནི། ལུས་སྦྱོར་དང་རླུང་གི་རྩོལ་བ་སོགས་ལ་མ་ལྟོས་ཏེ། འཁོར་ལོ་དྲུག་པའི་རྩ་མདུད་གྲོལ། བདེ་བའི་རླུང་ལ་དབང་ཐོབ། གཏུམ་མོའི་འབར་སྣང་ལ་ཅི་དགར་སྤྱོད་པའི་སྐབས་ཡིན་པས། རྒྱུད་ཀྱི་དངོས་བསྟན་ལས་ཇི་སྐད་བཤད་པ་ཁོ་ན་ཉམས་སུ་བླངས་པས་ཆོག་གོ །འདིར་རྗེས་མཐུན་པའི་དབང་དུ་བྱས་ཏེ་འཁྲིད་པ་ལ། དངོས་དང་ཡན་ལག་གོ །དང་པོ་ནི། སོར་བསམ་ལ་མྱོང་བ་ཅི་རིགས་པར་ཐོན་པ། སྲོག་འཛིན་གྱིས་བུམ་ཅན་ཕལ་བ་ཡན་ཆད་ལེགས་པར་འབྱོངས་པ། སྲོག་ཐུར་བསྲེ་བ་ལ་མྱོང་བ་ཐོན་པ་ཞིག་གི་དབང་དུ་བྱས་ནས་སྒོམ་མོ། །དེ་ལ་སྔོན་འགོ་རླུང་སྦྱངས་པ་དང༌། དངོས་གཞི་ཇི་ལྟར་སྒོམ་པའི་ཚུལ་ལོ། །དང་པོ་ལ། འདུག་སྟངས་ལ་བསླབ་པས་སྲོག་ཐུར་བསྲེ་བ་བརྟན་པོར་བྱེད་པ་དང༌། དེའི་ཡན་ལག་བཟུང་བཟློག་སོགས་ཀྱི་རླུང་སྦྱང་བ་དང༌། བྱེད་བཅིང་ལུས་ཀྱི་འཁྲུལ་འཁོར་ལ་བསླབ་པ་སྟེ་གསུམ་མོ། །དང་པོ་ལ། ཁྲོ་བོ་སེང་གེའི་འདུག་སྟངས་ནི། རྐང་པ་བཤང་སྒོར་བསྣོལ། པུས་མོ་བསྲངས་ཏེ་ཙོག་པུ་བྱ། སྒལ་ཚིགས་བསྲང༌། ལག་པ་ཐབ་འགལ་བྱ། ཡང་ན། པུས་བཙུགས་རྐེད་པ་བསྲང༌། ལག་གཉིས་བརླ་སྦོམ་ཕྲའི་མཚམས་སུ་གཏད་ཅེས་ཀྱང་གཞན་ལས་བཤད། གང་ལྟར་མཇིང་པ་བསྟུང་ཞིང་ལྟ་སྟངས་གཙུག་ཏོར་འཁོར་ལོས་སྒྱུར་བའོ། །འདི་མདུན་རྩ་ལ་གནད་དུ་བསྣུན་པ་ཡིན། ཡང་དེ་ཉིད་ལས། པུས་མོ་དང་གྲུ་མོས་ལ་འཛུགས་པའམ་ཡང་ན་སྐྱིལ་ཀྲུང་སྐེད་པ་བསྲང༌། ལག་པ་གཉིས་དཔྱི་མགོའི་ཐད་ཀྱིས་ལ་འཛུགས། ལུས་སྒྱེད་ཅིང་མགྲིན་པ་དགུག །འདི་རྒྱབ་ཀྱི་རྩ་ལ་གནད་དུ་བསྣུན་པ་ཡིན། ཞི་མ་ཁྲོ་གླང་པོ་ཆེའི་འདུག་སྟངས་ནི། པུས་བཙུགས་ལག་གཉིས་ཁུ་ཚུར་གྱིས་འགྲམ་
― LT24_Page_099A ―
[མ་དཔེ་གཟིགས་ན་འདིར་གནོན།]
པ་སྐྱོར། གྲུ་མོ་སྟེགས་བུ་ལ་གཙུགས་པའམ་ཡང་ན་རྐང་པ་བརྐྱང་བ་སྟེ། འདི་ནི་མཉམ་པའི་རླུང་སྦྱོར་གྱི་སྟེང་ནས་ཐུར་སེལ་སྟེང་དུ་འགྲོ་བར་བྱེད་པའོ། །ཡང་སྐྱིལ་ཀྲུང་ལུས་ལྟག་སྒྱེད་དུ་བྱེད་པ་ལས། ལག་པ་གཉིས་རྡོ་རྗེ་ཁུ་ཚུར་གྱིས་སྐེད་པའི་རྒྱབ་ནས་བརྟེན་པའམ། ཡང་ན་གན་རྐྱལ་རྐང་པ་གཉིས་ཅུང་ཟད་བརྐྱང་པ་པདྨའི་ཁ་སྦྱོར་དང༌། ལག་པ་ཁུ་ཚུར་སྙིང་ཁ་བསྣོལ་བ་སྟེ་སྲོག་ཐུར་དུ་འདྲེན་པར་བྱེད་པའོ། །འདི་གཉིས་ལ་ལྟ་སྟངས་ནི་བདུད་རྩི་འཁྱིལ་པའོ། །ཞི་བ་དྲང་སྲོང་གི་འདུག་སྟངས་ལ། སེང་གེའི་འདུག་སྟངས་དང་འདྲ་བ་ལས་རྡོ་རྗེ་ཁུ་ཚུར་སྙིང་ཁར་བསྣོལ་བ་དང༌། ཡང་ན་ཙོག་པུ་རྟིང་པ་བཏེག །ལག་པ་ཁུ་ཚུར་བསྣོལ་བས་རྣ་བ་ནས་བཟུང་བ་དང༌། ཟླུམ་པོའི་རྐང་སྟབས་ལ། རྡོ་རྗེའི་ཁུ་ཚུར་བརླའི་རྩ་བར་བཙུགས་ཞེས་ཀྱང་བཤད་དེ། འདི་དག་ཀྱང་སྟོད་སྨད་གཉིས་ཀྱི་རྩ་ལ་སོ་སོར་གནད་དུ་བསྣུན་པ་ཡིན་ལ། འདི་གཉིས་ལ་ལྟ་སྟངས་ནི་ཐུར་དུ་བལྟ་བའོ། །དེ་ལྟར་ནི་འདུག་སྟངས་དེ་དག་ཀྱང་གཉིས་སྡེབས་གཉིས་བསྡེབས་ཀྱིས་ཆོག་པར་བཞེད་ཀྱང༌། དྲུག་པ་ཐམས་ཅད་བྱས་ན་ལེགས་ལ། དྲུག་ཀ་ལ་ལུགས་གཉིས་བྲིས་པའི་སྔ་མ་རྣམས་ནི། ཆོས་རྒྱལ་ཕྱོགས་ལས་རྣམས་རྒྱལ་ལ་སོགས་པའི་གསུངས་བཞིན་ཡིན་ལ། །ཡང་ན་ཞེས་པ་རྣམས་གྲུབ་ཆེན་ཡུ་མོའི་མན་ངག་ཐོར་བུ་བ་དང༌། ཀུན་སྤངས་ཆེན་པོའི་ཐུགས་སྲས་ལ་སྟོད་པ་དབང་རྒྱལ་ལ་སོགས་པའི་ལག་ལེན་འགའ་ཞིག་ལ་སྣང་བ་ལྟར་བཀོད་པ་ཡིན་པ་ལས། ཕྱི་མ་འདི་རྣམས་འཆུན་ཆེ་ཆེ་ཙམ་དུ་སྣང་ཞིང༌། དྲུག་ཚན་གཉིས་པོ་འདི་གང་རུང་ཞིག་གིས་ཆོག་པས། གཉིས་ཀ་ཕྲུགས་གཅིག་ལ་སྦྱོར་མི་དགོས་སོ། །འདི་ལ་ཐུན་གསུམ་དུ་བྱེད་པའང་ཡོད་ལ། མགྱོགས་འཁྲིད་ལ་ཐུན་གཅིག་ཏུ་བྱས་པས། དམིགས་བསྐོར་
― LT24_Page_099B ―
[མ་དཔེ་གཟིགས་ན་འདིར་གནོན།]
སོ་ལྔ་པའོ། །དེ་ནས་དག་འདྲེན་ནི། འོག་རླུང་འཐེན་ཅིང་ཧཱུྃ་རིང་གིས་སྟེང་རླུང་ཕྱིར་བསལ། ཛཿཧཱུྃ་བཾ་ཧོཿཧི་ཞེས་པས་འཁོར་ལོ་ལྔ་ལ་རིམ་པས་དམིགས་ཤིང༌། སྟེང་རླུང་དྲག་ཏུ་མནན། ལཱྀ་ཨཱུ་རཱྀ་ཨཱི་ཨཱ། ཞེས་པས་ཁོང་སྒྲ་དང་བཅས་ཏེ་འཁོར་ལོ་ལྔ་ལ་རིམ་པས་དམིགས་ཤིང༌། གསང་རླུང་དྲག་ཏུ་སྟེང་དུ་དྲངས། དེ་མ་ཐག་ཁ་སྦྱོར་ལྟེ་བར་བཟུང་ལ་ཕྱིར་བསྐྱེད། འོག་སྒོ་བསྡམས་ཤིང་ཤེས་པ་དཔྲལ་བར་གཏད་དོ། །སྔར་གྱི་ལུས་གནད་དྲུག་པ་སོ་སོའི་སྟེང་དུ་རླུང་སྦྱོར་འདི་རྣམས་ལ་འབད་དགོས་ཏེ། ལུས་གནད་ཀྱི་ཁྱད་པར་མ་གཏོག །རླུང་གནད་ནི་འཛིན་པའི་སྤོགས་ཆོག་དང་ཕལ་ཆེར་འདྲ་བ་ཡིན་ནོ། །དམིགས་བསྐོར་སོ་དྲུག་པའོ། །ཡང་སྒོམ་སྟེགས་དང་པུས་འཁྱུད་བཅུག །མེ་ཐབ་དྲུག་ཆིངས་སུ་གྲགས་པ་བྱས་ལ་ཧཱ་རིང་དང་བསྟུན་ལག་པ་ཁུ་ཚུར་བཅང༌། གྲུ་མོ་པུས་མོ་ལ་ཐུག་གི་བར་དུ་ལག་པ་བརྐྱང་སྟེ་རླུང་ཕྱིར་འབུད། དེ་ལྟར་ལན་བདུན་བདུན་ན་ལག་པ་ཐབ་འགལ་བྱས། འཇམ་རླུང་བཟུང་སྟེ་ངལ་གསོ་ལེན་རེ་བྱའོ། །དམིགས་བསྐོར་སོ་བདུན་པའོ། །དེ་དག་མ་མཐའ་ཡང་ཟླ་བ་ཙམ་སྒོམ་མོ། །གཉིས་པ་ནི། ཙོག་པུ་འཕོང་སྟེགས་བཅུག །ལག་པ་བརླ་ནང་ནས་འཁྱུད་དེ་ངར་གདོང་བཟུང༌། རླུང་ཁ་ནས་ཕྱིར་དྲག་ཏུ་བུས། འོག་སྒོ་གློད། ཡང་རྔུབས་ཏེ་ལྟོ་བ་ཕྱིར་བསྐྱེད་པའི་ངང་ནས། སླར་ཡང་འོག་སྒོ་གློད་དེ་རླུང་གང་ཐུབ་བཟུང་ངོ༌། །རླུང་གནད་དང་པོ་ཡིན་ཅིང་འོག་ལ་བསྲེ་བ་དང་འཛིན་པ་སྟེ་དབྱེ་བསྡུད་ཅེས་བྱའོ། །ཡང་དེ་དང་འདྲ་བ་ལས། དགང་གཏོང་གཉིས་ཀའི་སྐབས་ལྟོ་བ་ཚིགས་པ་ལ་བཅར་ཞིང་ཐུར་སེལ་དྲག་ཏུ་དྲངས། རོ་སྟོད་འཐེན། ངར་གདོང་མནན་པའོ། །རླུང་གནད་གཉིས་པ་ཡིན། སྟེང་ལ་བསྲེ་བ་དང་བསྐྱིལ་བ་སྟེ། སྒོ་གླེགས་ཅེས་བྱའོ། །ཡང་ལུས་གནད་དེའི་ངང་ནས།
― LT24_Page_100A ―
[མ་དཔེ་གཟིགས་ན་འདིར་གནོན།]
ཐུར་སེལ་དྲག་ཏུ་བསྣོལ་རྗེས་ཕྱིར་བུས་ཏེ། སྟོང་འདྲེན་དྲག་ཏུ་བྱ། ཡང་རྔུབས་ཏེ་ཁ་སྦྱོར་དགང་འཐེན་གྱི་ངང་ནས་ལྟོ་བ་བསྐྱོད་སྒྱེད་བསྐྱོག །རོ་སྟོད་གཅུ། ལག་པ་བརྐྱང་ནས་ལག་སོར་གཅུད། མགྲིན་པ་གཅུ་ཞིང་མགོ་སྤྲུགས་ནས་རླུང་ཕྱིར་འབུད། ཕྱིར་བཟུང་ཀ་བ་བཙུགས་ནས་མགོ་དགུག་བསྐྱོད། མགྲིན་པ། རོ་སྟོད། ལྟེ་བའི་བར་སྔར་བཞིན་བྱ། དེ་དག་ཐམས་ཅད་ལ་འདར་སྤྲུག་དང༌། མཇུག་ཏུ་འབེབས་བྱ། རླུང་གནད་གསུམ་པ་ཡིན། འདི་ལ་ཀུན་འདུས་ཅེས་བྱའོ། །སྐྱིལ་ཀྲུང་ལག་གཉིས་ཁུ་ཚུར་བརླ་གནོན་བྱ། ཅུང་ཟད་སྒུར་ནས་ཧཱུྃ་ཞེས་ཐུར་སེལ་འཐེན། སྟོང་འདྲེན་གཡས་གཡོན་དབུས་གསུམ་དུ་བྱ། ཡང་རླུང་ཁ་སྦྱོར་གྱེན་འཐེན་མགོ་སྒྱེད་ཅིང་སྤྲུལ་པ་ཡང་གཡས་གཡོན་དབུས་གསུམ་དུ་བྱའོ། །རླུང་གནད་བཞི་པ་ཡིན་ནོ། །འདི་ལ་འདུས་པ་ཅེས་བྱ་སྟེ། དེ་གཉིས་འདྲེན་ཁྱབ་བོ། །དེ་རྣམས་གཅིག་རྟིང་ལ་གཅིག་བྱ་ཞིང༌། ལུས་སྦྱོང་ལའང་འབད་པར་བྱའོ། །དམིགས་བསྐོར་སོ་བརྒྱད་པའོ། །འདི་དག་མགྱོགས་འཁྲིད་ཀྱི་དབང་དུ་བྱས་པ་ཡིན་གྱི། འགྲུབ་ན་རླུང་སྦྱོར་རེ་ལ་དམིགས་བསྐོར་རེར་བྱེད་པ་ལེགས་ཤིང༌། དེ་ཐམས་ཅད་ལ་ཡང་སེམས་ཀྱི་བཞག་སྟངས་ནི། མི་གཡོ་གསུམ་ལྡན་གྱི་ངང་ནས་སྟོང་གཟུགས་ལ་དམིགས་ཤིང༌། དེའི་ངང་ནས་རླུང་གི་གནད་གང་དུ་གཅུད་པ་དེར་སེམས་གཏད་ཅིང་ལྷོད་ཀྱིས་གློད་པར་བྱེད་དགོས། དམིགས་པ་དེ་དང་རླུང་སྦྱོར་དེ་དག་སྦྲགས་ནས་སྒོམ་པ་ཆུ་ཚོད་གཅིག་གཉིས་ཀྱི་ཡུན་རེ་བྱ་ཞིང༌། ལྷག་མ་བུམ་ཅན་གྱི་རྣལ་འབྱོར་ལ་བརྩོན་པར་བྱེད་དགོས་ཏེ། དམིགས་བསྐོར་སོ་དགུ་པའོ། །དེ་དག་ལ་ཡང་ཟླ་གཅིག་ཙམ་མ་མཐར་སྒོམ་མོ། །འདི་སྐབས་དམིགས་གསལ་མེད་པ་རྣམས་ལ་ལྟ་
― LT24_Page_100B ―
[མ་དཔེ་གཟིགས་ན་འདིར་གནོན།]
སྟངས་ཐད་ཀར་ལྟ་བ་གཙོ་ཆེ་ལ་འོག་དངོས་གཞིའི་སྐབས། ཡན་ལག་མེད་པའི་ལྟ་བ་ཞེས་བྱ་བ། བདེ་བ་གང་དུ་སྐྱེས་པའི་ཕྱོགས་ལ་ལྟ་བ་ཡིན་པས་གཅིག་ཏུ་མ་ངེས་སོ། །གསུམ་པ་ནི། དེ་ནས་འདི་ཉིད་ཀྱི་ཐུན་མོང་མ་ཡིན་པའི་འཁྲུལ་འཁོར་རྣམས་བྱ་སྟེ། དེ་ཡང༌། སྦྱོར་བ་དྲུག་པ་སྟག་མོའི་སྐྱུག །གླང་ཆེན་འགྱིང་བ་ཝ་ཡི་བསྣོལ། །སེང་གེ་རྣམས་གྲོལ་ཁོང་དཀྲུགས་དང༌། །པྲེ་ཏ་ཀ་དང་ཡོངས་འཛིན་དང༌། །འདྲེན་ཆུང་ཁོང་འདྲེན་འདྲེན་ཆེན་དང༌། །སྤགས་འདྲེན་འཕར་གཡོ་ཕུར་འདོན་དང༌། །རབ་བརྐྱང་དང་ནི་སེང་གེའི་རྩལ། །གཅུ་འཐེན་དང་ནི་གསུམ་འདྲེན་དང༌། །སེང་གེའི་འགྱིང་དང་རྨ་བྱའི་འགྱུར། །ཞེས་པ་ལྟར་གྱི། འཁྲུལ་འཁོར་ལག་ལེན་རིམ་པས་བསླབས་ནས། བུམ་པ་ཅན་དང་སྔར་གྱི་རླུང་སྦྱོར་རྣམས་དང་བཅས་པ་སྒོམ་དུ་གཞུག་དགོས་པ་ལས། སོར་བསམ་སྲོག་འཛིན་རྣམས་ལ་མྱོང་བ་ཅུང་ཟད་ཐོན་པ་ཞིག་གིས། ཐུན་དྲུག་ཏུ་འཁྲུལ་འཁོར་དེ་དག་ཚར་རེ་རེ་ནུས་ན། ཟླ་གཅིག་ཙམ་ན་དངོས་གཞི་སྒོམ་དུ་རུང་བའི་རྟགས་རྣམས་འབྱུང་ངོ༌། །རྩོལ་བ་ཆེ་ཆུང་ལ་ལྟོས་ཏེ་ཡུན་རིང་ཐུང་ཇི་ལྟར་བསྐྱང་དགོས་པའང་འདིས་རིགས་འགྲེ་སྟེ། དམིགས་བསྐོར་བཞི་བཅུ་པའོ། །གཉིས་པ་དངོས་གཞི་ལ། རྗེས་དྲན་གྱི་ཡན་ལག་རྗེས་མཐུན་པའི་དབང་དུ་བྱས་ཏེ། ཕྱག་རྒྱ་ཆེན་མོ་གཅིག་སྦྱོར་མོས་པའི་ཡུལ་དུ་བཞག་ནས། འདིར་གསུམ་སྟེ། སྒོམ་པ་ཡེ་ཤེས་ཀྱི་ཕྱག་རྒྱ་ལ་བསླབས་པ་རང་ལུས་ལག་པའི་ཕྱག་རྒྱ་ལ་བསླབ་པ། གཞན་ལུས་ལས་ཀྱི་ཕྱག་རྒྱ་ལ་བསླབ་པའོ། །དང་པོ་ནི། ལུས་གནད་སྤྱི་དང་འདྲ་བ་ལས། །ལག་པ་ཁུ་ཚུར་སྙིང་ཁར་བསྣོལ། །ལྟ་སྟངས་ཐད་ཀར་གཡོ་མེད་དུ་ལྟ་བའོ། །རང་ཉིད་དུས་འཁོར་ལྷན་སྐྱེས་ཡབ་ཡུམ་ལ་སོགས་པར་གསལ་
― LT24_Page_101A ―
[མ་དཔེ་གཟིགས་ན་འདིར་གནོན།]
གདབ། དེའི་ཤུལ་དུ་སྟོང་གཟུགས་ཀྱི་སྣང་བ་ལེགས་པར་དྲངས། ལྷ་སྐུར་སྣང་བ་སྟོང་གཟུགས་ཀྱིས་ཁྱབ་པར་བྱས་ལ། དེ་ལ་ཡིད་མི་གཡོ་བར་ཅུང་ཟད་བཞག །སྟོང་གཟུགས་ཀྱི་སྣང་བ་དེ་ལྟར་འདྲེན་མི་ཐུབ་ན། ལྷ་སྐུ་གསལ་སྟོང་ལ་དམིགས་ཏེ་ཅུང་ཟད་བཞག །དེ་ནས་དཔྲལ་བར་ཨོཾ་དཀར་པོ། །མགྲིན་པར་ཨཱཿདམར་པོ། །ཐུགས་ཀར་ཧཱུྃ་ནག་པོ། །ལྟེ་བར་ཧཾཿསེར་པོ། །གསང་བར་སྭཱ་སྔོན་པོ། གཙུག་ཏོར་དུ་ཧཾ་ལྗང་ཁུའོ། །ཡུམ་གྱི་མཁའ་ཨཱཿལས་པདྨ་དམར་པོ་འདབ་མ་བརྒྱད་པའི་ལྟེ་བར་ཧཱུྃ་ལས་བྱུང་བའི་རྡོ་རྗེ་སྔོན་པོ་ཕྲ་མོས་མཚན་པ། ཡབ་ཀྱི་གསང་གནས་ཧཱུྃ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བའི་ནང་དུ་ཨཱཿལས་བྱུང་བའི་པདྨ་དམར་པོ་འདབ་བརྒྱད་ཕྲ་མོས་མཚན་པ་གསལ་བཏབ། དེ་ནས་འཁྱུད་པ་ལ་སོགས་པ་རྗེས་ཆགས་ཀྱི་སྤྱོད་པ་མཛད་པས་གཙུག་ཏོར་གྱི་ཐིག་ལེ་ཞུ་ནས་དཔྲལ་བའི་འཁོར་ལོ་ཡན་ཆད་གང་བར་མོས་སྟོང་གཟུགས་དང་བསྲེ། ལུས་གནད་དེ་ཀའི་སྟེང་ནས་གཙུག་ཏོར་དང་དཔྲལ་བའི་བུམ་ཅན་ཡུན་ཐུང་ངུ་རེ་བྱ། དགའ་བ་དང་པོའི་སྐད་ཅིག་མའོ། །རྡོ་རྗེ་དང་པདྨ་མཉམ་པར་སྦྱར་བས་སྔར་གྱི་ཐིག་ལེའི་རྒྱུན་དེ་ཉིད་ཆེར་རྒྱས་ཤིང་ཞུ་སྟེ། མགྲིན་པ་དང་སྙིང་ཁའི་འཁོར་ལོ་ཡན་ཆད་གང་བར་མོས། སྟོང་གཟུགས་དང་བསྲེ། མགྲིན་པ་དང་སྙིང་ཁའི་བུམ་ཅན་སྔ་མ་གཉིས་ལས་ཡུན་རིང་ཙམ་རེ་བཟུང༌། མཆོག་ཏུ་དགའ་བའི་སྐད་ཅིག་མའོ། །དབང་པོ་གཉིས་སྲུབ་པའི་སྦྱོར་བ་ལས། བྱང་ཆུབ་ཀྱི་སེམས་སྔ་མའི་རྒྱུན་ལས་ཀྱང་ཆེར་རྒྱས་ཤིང་ཞུ་བས། ལྟེ་བ་དང༌། གསང་བའི་འཁོར་ལོ་ཡན་ཆད་གང་བར་བསམ་ལ་ལྟེ་བ་དང་གསང་བའི་བུམ་ཅན་ཡུན་རིང་བར་བསྒོམ། ཁྱད་པར་དགའ་བའི་སྐད་གཅིག་མའོ། །
― LT24_Page_101B ―
[མ་དཔེ་གཟིགས་ན་འདིར་གནོན།]
ཡང་དྲག་ཏུ་སྲུབ་པ་ལས། གསང་བ་ནས་རྡོ་རྗེ་ནོར་བུས་བར་དུ་བྱང་ཆུབ་ཀྱི་སེམས་ཀྱིས་གང་བར་མོས། སྟོང་གཟུགས་ལ་རིང་དུ་མཉམ་པར་འཇོག་བཞིན་པས། བུམ་པ་ཅན་གྱི་སྦྱོར་བ་གཅིག་དང༌། སྦྱོར་བ་དྲུག་པ་ཞེས་བྱ་བའི་འཁྲུལ་འཁོར་བཅས་པས་རྡོ་རྗེ་ནོར་བུར་བྱང་ཆུབ་ཀྱི་སེམས་ཕྱིར་འཕོ་བ་འགགས་ཏེ་ཁྱིལ་ལི་ལི་འཁྱིལ་བར་བསམ། ལྷན་སྐྱེས་དགའ་བའི་སྐད་ཅིག་མའོ། །དེ་ནས་ཐོག་མར་ཡོངས་འཛིན་གྱི་འཁྲུལ་འཁོར་གྱིས་བྱང་ཆུབ་ཀྱི་སེམས་བརྟན་པར་བྱས་པར་མོས། དེའི་རྗེས་སུ། ཁོད་འདྲེན་དང༌། འདྲེན་ཆེན་དང༌། སྦགས་འདྲེན་དང༌། སྟག་མོ་དང༌། གླང་ཆེན་དང༌། ཝ་སྣོམ་རྣམས་ཀྱིས་གཙུག་ཏོར་གྱི་བར་དུ་བཟློག་པར་བསམ། དེ་ནས་པྲ་ཏ་ཀ་དང་རྣམས་གྲོལ་དང༌། གཡང་སྤྲུགས་དང༌། འཕར་གཡོ་དང༌། ཕུར་འདོན་དང༌། རབ་བརྐྱང་རྣམས་ཀྱིས་ལུས་ཐམས་ཅད་ལ་ཁྱབ་པར་བྱས་པར་བསམ། སེང་གེའི་རྩལ་དང༌། གཅུད་འཐེན་དང༌། གསུམ་འགྲེམས་དག་སེང་གེ་འགྱིང་དང༌། རྨ་བྱའི་འགྱུར་རྣམས་ཀྱིས་གཟུང་བཟློག་འགྲེམས་གསུམ་ཀར་བྱས་པར་བསམ། སྤྱིར་ནི་བཟུང་ཞིང་བཟློག །བཟློག་ཅིང་འགྲེམས། འགྲེམས་ཤིང་རླུང་དང་བསྲེ། བསྲེ་ཞིང་ཡེ་ཤེས་ཆེན་པོར་བསྐྱལ་ཞེས་བྱ་བ་ཡིན་པས། གོང་གི་རིམ་པ་རྣམས་ནི་གཙོ་ཆེ་བའི་དབང་དུ་བྱས་པ་ཡིན་གྱི། རེ་རེ་ལའང་གནད་བཞི་ཅར་ཚང་བའི་མན་ངག་གིས་གནད་དུ་འགྲོ་བར་བྱའོ། །ཅི་སྟེ་དམིག་པ་གསལ་བས་དངོས་སུ་ཞུ་བདེ་བསྐྱེད་ཐུབ་ན། སྦྱོར་བ་དྲུག་པོས་བཟུང་མ་ཐག་ཏུ་འཁྲུལ་འཁོར་སྤང་བའི་རླུང་སྦྱོར་རྣམས་ཀྱིས་བཟུང་བཟློག་ཁྱབ་པ་རྣམས་བཏུད་མར་སྦྱངས་ལ། དེའི་རྗེས་སུ་འཁྲུལ་འཁོར་རྣམས་བྱ་ཞིང༌། ཐོག་མར་སྤྱོད་པའི་སྐབས་ཞུ་བདེ་བསྐྱེད་ཐུབ་རུང་མི་ཐུབ་རུང༌། དེ་ཐམས་ཅད་རྫོགས་པར་བྱ་དགོས་ལ། ཕྱིས་ཤིན་ཏུ་བྱང་ནས་བཟློག་པ་དང་འགྲམ་པ་གནད་ཆ་བ་རེ་ཙམ་གྱིས་ཆོག་གོ །གང་ལྟར་ཡང༌། མཐར་རླུང་དང་
― LT24_Page_102A ―
[མ་དཔེ་གཟིགས་ན་འདིར་གནོན།]
བསྲེ་བའི་ཕྱིར་བུམ་པ་ཅན་མང་དུ་སྒོམ་ཞིང༌། ཡེ་ཤེས་ཆེན་པོར་སྐྱེལ་བའི་ཕྱིར་ཞུ་བདེའི་ཉམས་དང་འོད་གསལ་རྟགས་སྣང་ལ་དམིགས་ནས་མི་གཡོ་གསུམ་ལྡན་གྱི་ངང་བསྐྱང་བར་བྱའོ། །དམིགས་བསྐོར་ཞེ་གཅིག་པའོ། །གཉིས་པ་ནི། རྒྱུད་ལས། བསྟེན་པའི་དོན་དུ་ལག་པའི་ཕྱག་རྒྱ་རང་གི་སྙིང་གི་དབང་པོའི་སྐྱོན་རྣམས་ཀུན་ལས་རྣམ་པར་གྲོལ། ཞེས་གསུངས་པ་ལྟར། ལག་པའི་ཕྱག་རྒྱ་སྟེ། གནད་རྣམས་གོང་ཡི་རྒྱ་དང་འདྲ་ལ། འདི་ནི་ཡེ་ཤེས་ཀྱི་ཕྱག་རྒྱ་དང་ལས་ཀྱི་ཕྱག་རྒྱའི་མཚམས་སྦྱོར་བ་ཡིན་ལ། ཕྱག་རྒྱ་གསུམ་གྱི་ནང་ནས་ཡེ་ཤེས་ཀྱི་ཕྱག་རྒྱར་གཏོགས་སོ། །དམིགས་བསྐོར་ཞེ་གཉིས་པའོ། །གསུམ་པ་ནི། འགྲེལ་ཆེན་དུ་རྩ་རྒྱུད་ཀྱི་ལུང་དྲངས་པ་ལས། །བཅུ་དྲུག་ལོ་ལོན་རིགས་ཅན་མ། །གཟུགས་དང་ལང་ཚོས་བརྒྱན་པ་ལ། །དང་པོར་ལེགས་པར་བསླབ་བྱས་ནས། །དབང་བསྐུར་ནས་ནི་བསྒྲུབ་པར་བརྩམ། སྐུ་གསུང་ཐུགས་དང་ཆགས་པ་ནི། །དཔྲལ་བ་ལ་སོགས་རྣམས་སུ་དགོད། །སྭཱ་ཧཱ་གསང་བ་གཙུག་ཏོར་ཆེ། །ཅེས་སོགས་དང༌། དེ་ནས་རྡོ་རྗེ་འཛིན་པའི་སྙེམས། །འཛིན་ཅིང་རྣལ་འབྱོར་ཧཱུྃ་ཕཊ་བྱ། །བྷ་གར་ལིང་ག་རབ་བཀོད་ནས། །བྱང་ཆུབ་སེམས་ནི་སྤྲོ་མི་བྱ། །ཁམས་གསུམ་པོ་ནི་མ་ལུས་པའི། །སངས་རྒྱས་གཟུགས་ནི་བསྒོམ་པར་བྱ། །ལྟེ་བ་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང༌། །སྤྱན་མ་མིག་ལ་སོགས་པ་ཡང༌། །བསྲེགས་ནས་རི་བོང་ཅན་ཧཾ་འཛག །བདུད་རྩི་ཁུ་བའི་ཆོས་ཅན་ནི། །ཐིག་ལེའི་གཟུགས་ཀྱིས་འཛག་པར་བྱེད། །ཐིག་ལེའི་རྣལ་འབྱོར་ཞེས་པར་གྲགས། །ཞེས་གསུངས་པ་ལྟར་ཏེ། སྔར་ཡེ་ཤེས་ཀྱི་ཕྱག་རྒྱའི་སྐབས་སུ་བཤད་པ་
― LT24_Page_102B ―
[མ་དཔེ་གཟིགས་ན་འདིར་གནོན།]
ཡིད་ངོར་སྒོམ་པ་དང༌། འདིར་དངོས་སུ་སྒྲུབ་པའི་ཁྱད་པར་ཏེ་གཞན་ནི་ཕལ་ཆེར་འདྲའོ། །དེ་ལྟར་ན་ཡིད་ཀྱི་ཕྱག་རྒྱ་དང༌། ལག་པའི་ཕྱག་རྒྱ་དང༌། ལས་ཀྱི་ཕྱག་རྒྱ་གསུམ་ཅར་ལ་སྟོང་གཟུགས་ཕྱག་རྒྱ་ཆེན་མོ་དང༌། བསྲེ་བ་ཡོད་ན་ནི་དྲན་རྗེས་མཐུན་པར་འགྱུར་ལ། སྟོང་གཟུགས་དང་བསྲེ་བ་མེད་ན་སྤྱིར་གནད་དུ་འགྲོ་བ་ཡོད་ཀྱང་རྗེས་དྲན་གྱི་ཕྱོགས་སུ་ནི་མི་གཏོགས་ལ། ཡན་ལག་སྔ་མ་རྣམས་ཀྱི་བོགས་འདོན་སྤོགས་ཆོག་ཏུ་འགྱུར་བ་ནི་ཡོད་དོ། །ལས་རྒྱ་ད་ལྟ་དངོས་སུ་མི་འགྲུབ་ཀྱང༌། ལམ་གྱི་འགང་གཅིག་ཡིན་པས་ཆོས་མཐུན་གཅིག་སྟེ། དམིགས་བསྐོར་ཞེ་གསུམ་པའོ། །གཉིས་པ་ཡན་ལག་གི་དམིགས་པ་ནི། གཏུམ་མོའི་རྣལ་འབྱོར་ཏེ། དེ་ཡང་ལུས་གནད་སྔར་དང་མཐུན་པའམ། ལག་པ་རྡོ་རྗེ་བསྡམས་པས་སྤྱི་བོ་བཀག །ལྕེ་རྐན་ལ་སྦྱར། ལྟོ་བ་ཚིགས་པ་ལ་བཅེར་བར་འདོད་པ་ཡོད་པ་ལྟར་བྱས་ཀྱང་རུང༌། རྩ་འཁོར་རྣམས་ལ་དམིགས་པ་གསལ་ན་རྡོ་རྗེ་ལུས་ཀྱི་གནས་ཚུལ་དང་མཐུན་པར་རྒྱས་པ་སྒོམ་སྟེ། ལྟེ་བ་ལ་ནང་བསྐོར་འདབ་མ་བཞི། དེའི་ཕྱི་རོལ་བརྒྱད། དེའི་ཕྱི་རོལ་བཅུ་གཉིས། དེའི་ཕྱི་བསྐོར་དྲུག་ཅུའམ་དྲུག་ཅུ་རྩ་བཞིའོ། དེ་བཞིན་དུ། སྙིང་ཁའི་ནང་བསྐོར་ལ་བཞི། ཕྱི་བསྐོར་ལ་བརྒྱད། མགྲིན་པའི་ནང་བསྐོར་ལ་བཞི། བར་བསྐོར་ལ་བརྒྱད། ཕྱི་བསྐོར་ལ་སུམ་ཅུ་སོ་གཉིས། སྤྱི་བོའི་ནང་བསྐོར་ལ་བཞི། བར་བསྐོར་ལ་བརྒྱད། ཕྱི་བསྐོར་ལ་བཅུ་དྲུག་གོ །གཙུག་ཏོར་ལ་ཕྱི་བསྐོར་ནང་བསྐོར་གྱི་དབྱེ་བ་མེད་དེ་འདབ་མ་བཞིའོ། །གསང་བའི་ནང་བསྐོར་ལ་དྲུག །བར་བསྐོར་ལ་བཅུ། ཕྱི་བསྐོར་ལ་བཅུ་དྲུག་གོ །འོན་ཀྱང་དེ་ཙམ་གསལ་འདེབས་པ་དཀའ་བ་བྱུང་ན། འཁོར་ལོ་
― LT24_Page_103A ―
[མ་དཔེ་གཟིགས་ན་འདིར་གནོན།]
ལྔ་པོ་རྣམས་ལ་རྩ་འདབ་བཞི་བཞི་དང༌། གསང་གནས་ཀྱི་འཁོར་ལོ་ལ་རྩ་འདབ་དྲུག་པ་རྣམས་གསལ་བཏབ་པས་ཆོག །སྐབས་དེར་བསྡུས་པ་འདིའི་དབང་དུ་བྱས་ན། འདི་ལྟར་སྒོམ་ཏེ། རང་ལུས་ལྷ་སྐུར་གསལ་བ་ཁོང་སྟོང་དུ་གནས་པའི་གཡས་གཡོན་གང་ལ་ཡང་མ་ཡོ་བར་དབུས་དྲང་ཐད། མདུན་དུ་རྒྱབ་གཉིས་ལས་རྒྱབ་ལ་ལྷག་པར་ཉེ་བ་ན། རྩ་དབུ་མ་ལྟེ་བ་སྤྲུལ་འཁོར་ཡན་ཆད་ལ་ཁ་དོག་ལྗང་ཁུ་ཡར་སྣ་སྤྱི་བོ་ཚངས་བུག་ལ་ཟུག་པ། དེའི་གཡས་སུ་རོ་མ་དམར་པོ་དང༌། གཡོན་དུ་རྐྱང་མ་དཀར་པོ་དབུ་མ་ལས་པ་ལྡབས་འགྱུར་གྱིས་ཕྲ་བ། དེ་གསུམ་སུམ་གཞིབས་སུ་གསལ་འདེབས་ལ། ཡས་སྣ་ནས་སོར་གང་ཙམ་གྱི་འོག་ཏུ་གཙུག་ཏོར་གྱི་འཁོར་ལོ། །སྨིན་མཚམས་ཏེ་དཔྲལ་བའི་གུང་སྨད་ཀྱི་ཚད་ཙམ་ན་དཔྲལ་བའམ་སྤྱི་བོའི་འཁོར་ལོ། །ཕྲག་པ་གཡས་གཡོན་སྐྱེ་བའི་མཚམས་ཀྱི་ཐད་དུ་མགྲིན་པའི་འཁོར་ལོ། །ནུ་མ་གཉིས་ཀྱི་བར་ཀའི་ཐད་ཙམ་དུ་སྙིང་ཁའི་འཁོར་ལོ། །ལྟེ་བའི་ཁུང་བུའི་ཐད་ཙམ་དུ་ལྟེ་བའི་འཁོར་ལོ། །འཁོར་ལོ་རྣམས་ཀྱི་ཐད་དུ་རོ་རྐྱང་གི་ལག་རེ་དབུ་མ་དང་སྤུབས་འབྲེལ་བ། ཕྱི་རོལ་རོ་རྐྱང་དབུ་མ་གསུམ་ལ་རྩའི་རྐེད་དཀྲིས་བྱས་པ་ལྟ་བུ། སྐེད་དཀྲིས་དེ་ལས་རྩ་འདབ་རྣམས་ཡལ་ག་སྦུབས་ཅན་ལྟ་བུ་སྐྱེས་པར་བསྒོམ་ལ། དེ་ཡང་གཙུག་ཏོར་དང༌། སྤྱི་བོ་དང༌། མགྲིན་པའི་འཁོར་ལོ་རྣམས་གདུགས་ཀྱི་རྩིབས་མ་བཞིན་དུ་ཁ་ཐུར་བསྟན་དང༌། སྙིང་ཁ་དང༌། ལྟེ་བ་གདུགས་འདེགས་བཞིན་དུ་ཁ་གྱེན་བསྟན་ནོ། །འཁོར་ལོ་རྣམས་ཀྱི་ཁ་དོག་སྐབས་འདིར་གཙུག་ཏོར་གྱི་ལྗང་ཁུ། སྤྱི་བོའི་ནག་པོ། །མགྲིན་པའི་དམར་པོ། སྙིང་ཁའི་དཀར་པོ། ལྟེ་བའི་སེར་པའོ། །མིའི་ལུས་ཀྱི་དབང་དུ་བྱས་ན་ལྟེ་བ་ནས་འོག་ཏུ་སོར་
― LT24_Page_103B ―
[མ་དཔེ་གཟིགས་ན་འདིར་གནོན།]
བརྒྱད་དམ་བཅུ་ཙམ་གཞལ་ལ། རྒྱུ་ཞབས་ཀྱི་ཕྱོགས་ལུས་ཀྱི་དབུས་ནད་གསང་གནས་བདེ་སྐྱོང་གྱི་འཁོར་ལོ་ཁ་དོག་སྔོན་པོ་ཁ་གྱེན་བསྟན་ཞིག་བསྒོམ། །དེའི་བར་གྱི་དབུ་མའི་མས་སྣ་ནི་དུང་ཅན་མ་སྟེ། ཁ་དོག་སྔོན་པོ་དང༌། རོ་རྐྱང་གཉིས་པོ་ལྟེ་བའི་འཁོར་ལོའི་འོག་འཚམས་ནས་གསང་གནས་ཀྱི་འཁོར་ལོའི་བར་དུ་གཡས་སུ་རོ་མའི་མས་སྣ་ནག་པོ་དང༌། གཡོན་དུ་བརྐྱང་མའི་མས་སྣ་སེར་པོ་སྟེ། རྩ་གསུམ་སུམ་གཞིབས་སོ། །དེ་ལྟར་འཁོར་ལོ་དྲུག་ལ་དབུ་མ་ཡང་སྦོམ་ཕྲ་མདའ་སྨྱུག་ཙམ་བསམ། གསང་གནས་ཀྱི་འཁོར་ལོའི་ལྟེ་བའི་འོག་ནས་དབུ་མའམ་དུང་ཅན་མའི་མས་སྣ་ཆ་ཕྲ་བ་གཡས་ཀྱི་ཕྱོགས་དང༌། རོ་མའི་མས་སྣ་གཡོན་གྱི་ཕྱོགས་བཟུང་སྟེ། ཉིས་གཞིབས་ལྟ་བུར་བྱས་ནས་ཅུང་ཟད་མདུན་དུ་འཁྱོགས་ཏེ་གསང་བར་ཟུག་ལ་རྐྱང་མའི་མས་སྣ་འཁོར་ལོའི་ལྟེ་བ་ནས་དབུས་ཀྱི་ཕྱོགས་བཟུང་ནས་ཅུང་ཟད་རྒྱབ་ཕྱོགས་སུ་འཁྱོགས་ཏེ་བཤང་སྒོ་ལ་ཟུག་པར་སྒོམ། དབུ་མའི་ནང་གསང་བའི་འཁོར་ལོའི་དབུས་སུ་ཨཱཿསྔོན་པོ་དང༌། ལྟེ་བར་ཧོཿཡིག་སེར་པོ་ཡི་གེའི་མགོ་ལྟེ་བའི་འཁོར་ལོའི་ནང་དུ་ཚུད་ཙམ། དེའི་སྟེང་སོར་གང་ཙམ་མ་རེག་པ་ཡི་གེ་ལྀ་ཡིག་སེར་པོ། སྙིང་གར་ཨུ་ཡིག་དཀར་པོ། མགྲིན་པར་རི་ཡིག་དམར་པོ། །སྤྱི་བོ་ཨི་ཡིག་ནག་པོ། གཙུག་ཏོར་གྱི་འཁོར་ལོའི་འོག་མཚམས་སུ་ཨ་ཡིག་ལྗང་ཁུ། གཙུག་ཏོར་གྱི་འཁོར་ལོའི་ལྟེ་བར་ཀླད་ཀོར་ཆུད་ཅིང་གཙུག་ཏོར་གྱི་འཁོར་ལོའི་སྟེང་ནས་ཡི་གེའི་གཟུགས་མགོ་ཞབས་བཟློག་པའི་ཧཾ་ཡིག་དཀར་པོ་རྣམས་གསལ་བཏབ། དེ་ནས་བུམ་པ་ཅན་བསྒོམས་པས་གསང་བའི་དབུས་ཀྱི་ཨཱཿལས་རླུང་དྲོད་ཀྱི་རང་བཞིན་ཅན་དུང་ཅན་མ་ནས་སོང༌། དེ་ནས་ཧོ་ཡིག་བསྐུལ་བས་དེ་ལས་གཏུམ་མོ་ཡེ་ཤེས་ཀྱི་མེ་ཕྲ་བ། འཚོར་བ། མཁྲང་བ། རྣོ་བ། ཚྭ་བ། རྩུབ་པ།
― LT24_Page_104A ―
[མ་དཔེ་གཟིགས་ན་འདིར་གནོན།]
གསེར་གྱི་ཁ་དོག་ཅན་གཙོ་ཆེ་བའི་ཁ་དོག་སྣ་དྲུག་པ་འབར་བས། འཁོར་ལོ་ལྔ་ལ་གནས་པའི་ལྀ་ཨུ་རྀ་ཨི་ཨ་རྣམས་ཕུག་ཅིང་བསྲེགས། ཧཾ་ལ་རེག་པས་བྱང་ཆུབ་ཀྱི་སེམས་ཞུ་སྟེ། ཨ་ཨི་རི་ཨུ་ལྀ་རྣམས་ཀྱང་རིམ་པས་གསོས་ལ། དེ་རྣམས་ཀྱི་དྭངས་མ་ཞུ་བའི་བདུད་རྩི་དང་འདྲེས་ཏེ་ཧོཿཡིག་ལ་ཁྲུས་གསོལ་ཞིང་རྩ་འཁོར་ལོ་དྲུག་གང་བར་མོས། དམིགས་བསྐོར་ཞེ་བཞི་པའོ། །ཡང་གཏུམ་མོ་བསྡུས་པ་ནི། རྩ་འཁོར་ལོ་དྲུག་གསལ་བཏབ། གཙུག་ཏོར་གྱི་དབུ་མའི་ནང་དུ་ཐིག་ལེ་དཀར་པོ་བའི་ནུ་མ་ལྟ་བུ་རིང་ཐུང་སོར་བཞི་ཙམ་དང༌། ལྟེ་བར་གཏུམ་མོ་དབྱུག་པའི་གཟུགས་ཅན་ཁ་དོག་དམར་པོ་སོར་བཞི་པ་གསལ་བཏབ་ལ། བུམ་པ་ཅན་བཟུང་བའི་གཏུམ་མོའི་མེ་འོད་རབ་ཏུ་རྒྱས་ཏེ། རྩ་འཁོར་ལོ་དྲུག་སོགས་ལུས་ཀྱི་ནང་ཐམས་ཅད་ཁ་དོག་དམར་ལམ་པ་དང༌། དྲོད་ཚ་འུར་བྱུང་བར་མོས། རིམ་པས་སྤྱི་བོའི་ཐིག་ལེ་ཞུ་བས་དབུ་མར་བབས་པས། དེའི་འོད་ཀྱིས་ལུས་ནང་ཐམས་ཅད་དཀར་ལམ་པ་དང༌། བདེ་ཆིལ་གྱིས་བྱུང་བར་བསམ། མཐར་ཐིག་ལེ་གཏུམ་མོ་ལ་ཐིམ། མི་རྟོག་པར་ཅུང་ཟད་བཞག །གཏུམ་མོའི་རྣམ་གྲངས་གཞན་ནི། སྙིང་ཁའི་འཁོར་ལོ་ནག་པོ་དང༌། ལྟེ་བའི་འཁོར་ལོ་སེར་པོ་ཁ་སྦྱོར་གྱི་འབར་འཛག་དང༌། མགྲིན་པར་དམར་པོ་དང་སྤྱི་བོ་དཀར་པོ་ཁ་སྦྱོར་གྱི་འབར་འཛག་དང༌། གཙུག་ཏོར་ལྗང་ཁུ་དང་གསང་བ་སྔོན་པོ་ཁ་སྦྱོར་གྱི་འབར་འཛག་བྱེད་པའང་ཡོད་དོ། །གཏུམ་མོ་འདི་ལྟ་བུ་ལ་སོགས་པ་དམིགས་བཅས་དང་མོས་སྒོམ་གྱི་རྫོགས་རིམ་དུ་གྲགས་པ་འདི་རྣམས་ངོ་བོ་བསྐྱེད་རིམ་དུ་གཏོགས་ཀྱང༌། རྫོགས་རིམ་གྱིས་ཡེ་ཤེས་སྐྱེ་བའི་རྒྱུ་ཁྱད་པར་ཅན་བྱ་བའི་ཕྱིར་དེའི་ཐ་བསྙད་བརྟགས་པ་སྟེ། ལས་དང་པོ་པ་རྣམས་ལ་ངེས་
― LT24_Page_104B ―
[མ་དཔེ་གཟིགས་ན་འདིར་གནོན།]
པར་དགོས་ཤིང༌། རྫོགས་རིམ་དངོས་ཀྱི་ཡེ་ཤེས་སྐྱེས་ནས་ཀྱང་འདི་དག་བོགས་འདོན་དུ་འགྱུར་བའི་ཕྱིར། ཅི་རིགས་པར་སྒོམ་པར་བྱ་བ་ཁོ་ནའོ། །དམིགས་བསྐོར་ཞེ་ལྔ་པའོ། །རྗེས་དྲན་དངོས་རྒྱུད་ལ་སྐྱེས་པའི་དུས་རྡོ་རྗེའི་ལུས་ལ་གཏུམ་མོ་ཡོངས་རྫོགས་སུ་འབར་ཞིང༌། དགའ་བཞི་ཡོངས་རྫོགས་འདྲེན་ཐུབ་པ་ཡིན་ལ། ད་ལྟ་གཏུམ་མོ་སྒོམ་པ་ནི་དེ་ལྟ་བུའི་རྣམ་པ་ལམ་བྱེད་དང༌། དེ་ཡང་སྟོང་གཟུགས་དང་བསྲེ་ཐུབ་ན་ནི་རྗེས་དྲན་རྗེས་མཐུན་པ་ཡིན་ནོ། །གཉིས་པ་སྒོམ་དོན་བློ་ལ་འགོད་པ་ལ་རྗེས་དྲན་གྱི་མཚན་དོན། སྒོམ་པའི་དུས་མཚམས། སྒོམ་ཚུལ་གྱི་ཡན་ལག །བསྒོམས་པའི་རྟགས་ཚད། དག་བྱ་དག་བྱེད་དབྱེ་བ། བསྒོམས་པས་ཐོབ་པའི་འབྲས་བུ་སྟེ་དྲུག་ལས། དང་པོ་ནི། རྒྱ་སྐད་དུ། ཨ་ནུ་ཞེས་པ་རྗེས་སུ་དང༌། སྨྲྀ་ཏི་ཞེས་པ་དྲན་པར་བསྒྱུར་ལ། །ཨ་ནུའི་སྒྲ་ནི་དམན་པ་དང༌། ལྷག་པ་ལ་འཇུག་པ་གཉིས་ལས། སྐབས་འདིར་ལྷག་པའི་དོན་ཏེ། ཨ་ནུ་སྨྲྀ་ཏི་ཞེས་པ་རྗེས་སུ་དྲན་པ་ལྷག་པར་དྲན་པའི་དོན་ཏེ། སྔར་བསྒོམས་པ་སླར་ཡང་དྲན་ཞིང་ཤིན་ཏུ་དྲན་པ་སྟེ། སྟོང་གཟུགས་ཕྱག་རྒྱ་ཆེན་པོ་ལ་ཡང་ཡང་སྒོམ་ཞིང་དྲག་ཏུ་རྩོལ་བའི་དོན་ནོ། །གཉིས་པ་ནི། འཛིན་པ་མཐར་ཕྱིན་པས་རྩ་རླུང་ཐིག་ལེ་གསུམ་ལ་དབང་འབྱོར། གཏུམ་མོའི་སྣང་བ་རྣམ་ཀུན་མཆོག་ལྡན་གྱི་ལྷ་སྐུ་རབ་འབྱམས་སུ་ཤར་ན་ངེས་པར་རྗེས་དྲན་སྒོམ་རན་པའོ། །གསུམ་པ་སྒོམ་ཚུལ་གྱི་ཡན་ལག་ལ། དོན་ཚན་ལྔ་ལས་རྗེས་དྲན་གང་ལ་བྱ་བའི་ཡུལ་ནི། སྤྱིར་རྩ་རླུང་ཐིག་ལེ་ཐམས་ཅད་དང༌། གཙོ་བོ་གཏུམ་མོའི་འབར་སྣང་གི་སྟོང་གཟུགས་དང༌། རྟེན་འཁོར་ལོ་བཞིའམ་དྲུག་གི་ཐིག་ལེ། བརྟེན་པ་ཞུ་བདེ་དང་བཅས་པའོ། །དོན་ཚན་གཉིས་པ་དགོས་པ་ནི། །མི་འགྱུར་པའི་བདེ་བ་དངོས་སུ་སྒྲུབ་པའི་ཕྱིར་ཏེ། །ཞུ་བདེ་འཛག་མེད་ལ་བསླབ་པའོ། །དོན་
― LT24_Page_105A ―
[མ་དཔེ་གཟིགས་ན་འདིར་གནོན།]
ཚན་གསུམ་པ་དུས་ཇི་ཙམ་གྱི་བར་དུ་སྒོམ་པ་ནི། མི་འགྱུར་བའི་བདེ་བ་སྐད་ཅིག་མ་དང་པོ་མ་སྐྱེས་ཀྱི་བར་དུའོ། །མི་འགྱུར་བའི་བདེ་བ་སྐྱེས་ཟིན་པའི་རྗེས་སུ་ཡང་རྗེས་དྲན་གྱི་རྒྱུན་བོར་ནས། དམིགས་རྣམ་མི་འདྲ་བའི་ལམ་གསལ་པོ་སྒོམ་དུ་མེད་ཀྱི། རྗེས་དྲན་གྱི་རྒྱུན་ཉིད་ཏིང་ངེ་འཛིན་དུ་གནས་གྱུར་པ་ཡིན་ནོ། །དོན་ཚན་བཞི་པ་རྗེས་དྲན་རང་གི་ངོ་བོ་ནི། རྒྱུད་ལས། གཏུམ་མོའི་སྣང་བར་གང་ཞིག་གྱུར་པ་ངེས་པར་ལུས་དང་ནམ་མཁའ་ལ་ཡང་རྗེས་སུ་དྲན་པར་འགྱུར། ཞེས་གསུང་ཏེ། གྲོགས་ཕྱག་རྒྱ་གཞན་ཡོད་ཀྱང་རུང༌། མེད་ཀྱང་རུང༌། གཏུམ་མོའི་འབར་སྣང་གི་ལྷ་ཡབ་ཡུམ་མཉམ་སྦྱོར་གཙོ་བོར་གྱུར་པའི་སྟོང་གཟུགས་ཕྲ་རགས་སྲིད་པ་གསུམ་གྱི་རྣམས་པ་ཅན་ལ་རྟོག་བྲལ་མ་འཁྲུལ་བའི་ཚུལ་གྱིས་མཉམ་པར་གཞག་པས། ཞུ་བདེ་འཛག་མེད་ཡང་ཡང་བསྐྱེད་པ་ལ་རྩེ་གཅིག་པའི་ཏིང་ངེ་འཛིན་ནོ། །དོན་ཚན་ལྔ་པ་རྗེས་དྲན་ཇི་ལྟར་སྒོམ་པའི་ཚུལ་ནི། རྒྱུད་ལས། འདི་དག་དམན་པ་ལ་སོགས་དབྱེ་བ་རྣམས་ཀྱིས་སྣ་ཚོགས་གཙོ་བོའི་སྒྲུབ་ཐབས་རྣམ་པ་གསུམ་དུ་འགྱུར། ཕྱག་རྒྱ་གསུམ་དང་གནས་སྐབས་གསུམ་ནི་རྣམ་གསུམ་བགྲོད་པའི་དབང་གིས་ལས་དང་ཀུན་རྟོག་མཆོག་རྣམས་སོ། །ཞེས་གསུངས་པ་ལྟར། དང་པོ་དབང་པོ་བརྟུལ་ཞིང་ཐིག་ལེ་སླ་བའི་གནས་སྐབས་ན། ལས་ཀྱི་ཕྱག་རྒྱ་ལ་མ་བསྟེན་པར། དགའ་བཞི་རྫོགས་པར་འདྲེན་མི་ཐུབ་པའི་སྐབས་ན། ལས་དང་ཡེ་ཤེས་ཕྱག་ཆེན་གསུམ་ཀར་གཅིག་ཏུ་དྲིལ་བའི་རྗེས་དྲན་སྒོམ། དེ་ནས་དབང་པོ་ན་འཕོས་ཏེ་བར་སྐབས་དེར་དབང་པོ་འབྲིང་དུ་གྱུར་པ། ཐིག་ལེ་ཅུང་ཟད་བསྐ་བའི་གནས་སྐབས་སུ་སོང་བ་ན། ཕྱག་ཆེན་ཁོ་ནས་ནི་བདེ་བ་རྫོགས་པར་འདྲེན་མི་ཐུབ་ལ། ལས་རྒྱ་ནི་མེད་ཀྱང་ཆོག་པའི་སྐབས་སུ། ལས་རྒྱ་སྤངས་ཏེ། ཡེ་རྒྱ་དང་ཕྱག་ཆེན་གཅིག་ཏུ་དྲིལ་བའི་རྗེས་
― LT24_Page_105B ―
[མ་དཔེ་གཟིགས་ན་འདིར་གནོན།]
དྲན་སྒོམ། ཡང་དབང་པོ་ན་འཕར་ཏེ་རྣོན་པོར་སོང༌། བྱང་ཆུབ་ཀྱི་སེམས་ཤིན་ཏུ་བསྐ་བའི་གནས་སྐབས་སུ་གྱུར་པ་ན། ཕྱག་ཆེན་ཁོ་ནས་ཞུ་བདེ་རྫོགས་པར་ནི་འདྲེན་ཐུབ། མི་འགྱུར་བའི་བདེ་བ་མ་ཐོབ་པའི་སྐབས་དེར་ཕྱག་ཆེན་ཁོ་ན་ལ་བརྟེན་པའི་རྗེས་དྲན་སྒོམ། དེ་དག་ཀྱང་མཉམ་བཞག་གཙོ་ཆེ་བའི་དབང་དུ་བྱས་ཀྱི། རྗེས་ཐོབ་ཏུ་བརྟུལ་ཞུགས་ཀྱི་སྤྱོད་པ་དང་འབྲེལ་བ་ལ་ནི་ངེས་པ་མེད་དོ། །གནས་སྐབས་གསུམ་པོ་འདི་རྣམས་ལ་ཕྱག་ཆེན་བཞི་སྦྱོར་དང༌། ཕྱག་རྒྱ་གསུམ་སྦྱོར་དང༌། ཕྱག་རྒྱ་གཉིས་སྦྱོར་ཞེས་འདོད་པ་དང༌། ཡང་གསུམ་སྦྱོར། གཉིས་སྦྱོར། གཅིག་སྦྱོར་ཞེས་རིམ་པས་སྦྱོར་བའང་ཡོད་དོ། །བཞི་པ་ལས། རྟགས་ནི་དགའ་བཞི་རྫོགས་པར་འདྲེན་ཐིངས་རེ་ལས་གཏུམ་མོའི་འབར་སྣང་མཐའ་ཡས་པ་འཕྲོ་ཚུལ་གོང་ནས་གོང་དུ་ཁྱད་ཞུགས་པར་འབྱུང་ལ། ཀུཎྜ་བྱང་ཆུབ་ཀྱི་སེམས་ལྷུང་བར་རྩོལ་ཀྱང་མི་ལྷུང་སྟེ། ནོར་བུ་ནས་ཤུགས་དྲག་པོས་གྱེན་ལ་རང་བཟློག་ཏུ་འགྲོ་བ་དང༌། རང་གི་ལུས་ཀྱང་སྟོང་གཟུགས་འོད་ཀྱི་དཀྱིལ་འཁོར་དུ་སྣང་བ་དང༌། དག་པ་དང་མ་དག་པའི་སྲིད་པ་གསུམ་གྱི་གཟུགས་བརྙན་རྟག་པར་སྤྲོ་ཞིང་བསྡུ་བའོ། །ཚད་མ་ནི་མངོན་སུམ་བཞི་ཅར་ཚད་ཡང་ནང་གི་བདེ་བ་དམ་པ་ཉམས་སུ་མྱོང་ཞིང་རིག་པའི་ཡེ་ཤེས་ཡིན་པའི་ཕྱིར། རང་རིགས་མངོན་སུམ་གཙོ་ཆེའོ། །ལྔ་པ་ནི། དག་བྱ་ལ་དབྱེ་ན་འདུ་ཤེས་ལ་སོགས་པ་ཕུང་ཁམས་ཆུའི་ཁམས་པ་དྲུག་ཚན་གཅིག་ཏུ་དབྱེ། དག་བྱེད་རྗེས་དྲན་གྱི་ཡན་ལག་ལ་དབྱེ་ན་བཅུ་སྟེ་རྒྱུད་ལས། བསམ་དང་འདོད་དང་ལུས་ལ་རིམས་དང་ཁ་མཆོག་པདྨ་སྐམས་དང་ཟས་ལ་རབ་ཏུ་མི་འཇུག་དང༌། འདར་དང་སྨྱོ་དང་རབ་ཏུ་རྨོངས་པར་འགྱུར་དང་ཡིད་ནི་རྣམས་པར་འཁྲུལ་དང་དྲག་ཏུ་བརྒྱལ་བ་དག །རྡོ་རྗེ་ཅན་གྱི་དུ་བ་ལ་སོགས་རབ་གསལ་རྣམ་པ་བཅུ་སྟེ་སྲོག་ཆགས་ལུས་ལ་འཇིག་
― LT24_Page_106A ―
[མ་དཔེ་གཟིགས་ན་འདིར་གནོན།]
རྟེན་དུ། རབ་ཏུ་གསལ་ཞིང་ངེས་པ་དེ་རྣམས་ཡིད་གསུམ་གནས་སྐབས་སུ་ཞིག་རྒྱལ་བར་འདོད་པ་དེ་ནི་སུ། ཞེས་གསུངས་པ་ལྟར་ཏེ། རྟགས་བཅུའི་དབྱེ་བ་ཅན་གྱི་སྟོང་གཟུགས་སོ་སོས་རིམ་པས་བདེ་བ་འདྲེན་པ་ན། བསམ་པའི་གནས་སྐབས་དང་མཚུངས་ཤིང༌། དེ་རྣམ་པར་དག་པའི་བདེ་བ་དང་པོ་ཐོབ་པ་ལ་སོགས་པ། བདེ་བ་མི་འདྲ་བ་བཅུ་རིམ་གྱིས་ཐོབ་པ་ཡིན་ནོ། །དྲུག་པ་ལས། གནས་སྐབས་ཀྱི་འབྲས་བུ་ནི། རྒྱུད་ལས། རྗེས་སུ་དྲན་པས་ལེགས་པར་དག་པ་དྲི་མེད་འོད་ཀྱི་དཀྱིལ་འཁོར་དག་ཀྱང་ཡེ་ཤེས་གཟུགས་ལས་སོ། །ཞེས་པ་ལྟར། རྩ་ནང་ཐམས་ཅད་བྱང་ཆུབ་ཀྱི་སེམས་ཀྱིས་གང་བས་ཕྱི་ནང་ཐམས་ཅད་ཀྱི་འོད་ཀྱི་དཀྱིལ་འཁོར་གྱིས་ཁྱབ་པ་དང༌། རྣམ་སྨིན་གྱི་ལུས་གནས་མ་འགྱུར་ཡང་རང་སེམས་ལྷ་སྐུར་དངོས་སུ་གྱུར་པ་དང༌། གཞན་ཡང་མངོན་ཤེས་དང་རྫུ་འཕྲུལ་ལ་སོགས་པ་མཐའ་ཡས་པ་ཐོབ་ཅིང༌། བདེ་སྟོང་གི་ཉམས་མྱོང་རྒྱུན་མི་འཆད་པ་ཡིན་ལ་མཐར་ཐུག་གི་འབྲས་བུ་ནི། རྒྱལ་བ་འོད་དཔག་མེད་ལ་སོགས་ལ་ལྷ་ཆུ་ཁམས་པ་དྲུག་ཚན་གཅིག་གི་དཀྱིལ་འཁོར་མངོན་དུ་འགྱུར་རོ། །སྒོམ་དོན་འདི་ལ་ཐུན་གཅིག་ལ་སོགས་པའོ། །དེས་རྗེས་དྲན་གྱི་འཁྲིད་ཚར་རོ། །གཉིས་པ་ཏིང་ངེ་འཛིན་གྱི་འཁྲིད་སྟོན་པར་བྱེད་པ་ལ། ཉམས་ལེན་དམིགས་པའི་གནད་དང༌། སྒོམ་ཚུལ་བློ་ལ་འགོད་པའོ། །དང་པོ་ཏིང་ངེ་འཛིན་གྱི་ཡན་ལག་དངོས་ཀྱི་དབང་ལྟར་བྱས་ནས། ཕྱག་ཆེན་ཁོ་ནའི་རྗེས་དྲན་དང་ཕལ་ཆེར་འདྲ་བ་ལས། སྦོགས་ཆོག་ཏུ་ལས་ཀྱི་ཕྱག་རྒྱ་ཐ་དད་པ་མང་དུ་སྒྲུབ་པར་བཤད་པ་ཡིན་ལ། འདིར་ནི་མོས་པ་ལམ་བྱེད་ཙམ་དུ་སྒོམ་ན། རྗེས་དྲན་རྗེས་མཐུན་པ་དང་འདྲ་བ་ལས། ལག་པ་མཉམ་བཞག་གི་ཕྱག་རྒྱ་དང༌། ལྟ་སྟོངས་སྣ་རྩེ་རང་བབ་པའི་ཚུལ་གྱིས་ལྟ་གསུང༌། དམིགས་པའི་སྐབས་སུ་ཡས་བརྟེན་དགའ་
― LT24_Page_106B ―
[མ་དཔེ་གཟིགས་ན་འདིར་གནོན།]
བཞི་ནི་རྗེས་དྲན་དང་འདྲ། མས་བརྟན་ལ་རྩ་འཁོར་སོ་སོར་བུམ་ཅན་ཡུན་རིང་དུ་སྒོམ་ཞིང༌། སྟོང་གཟུགས་དང་བདེ་བ་ལ་མཉམ་པར་འཇོག །ཏིང་ངེ་འཛིན་གྱིས་བཅུ་གཉིས་ཐོབ་པར་མོས་པ་ཙམ་བྱའོ། །དམིགས་བསྐོར་ཞེ་དྲུག་པའོ། །དམིགས་བསྐོར་འདི་མཐའ་གཅིག་ཏུ་མ་བྱས་ཀྱང་ཆོག་མོད། བླ་མ་གོང་མ་རྣམས་ཀྱིས། ཡན་ལག་དྲུག་གི་དམིགས་པའི་ས་བཅད་མི་སྟོངས་པའི་ཕྱིར་མཛད་པའོ། །གཉིས་པ་སྒོམ་དོན་བློ་ལ་འགོད་པ་ལ། ཏིང་ངེ་འཛིན་གྱི་མཚན་དོན། སྒོམ་པའི་དུས་མཚམས། སྒོམ་ཚུལ་གྱི་ཡན་ལག །བསྒོམས་པའི་རྟགས་ཚད། དག་བྱ་དག་བྱེད་ཀྱི་དབྱེ་བ། བསྒོམས་པས་ཐོབ་པའི་འབྲས་བུ་སྟེ་དྲུག་ལས། དང་པོ་ནི། རྒྱ་གར་སྐད་དུ། ས་མ་དྷི་ཞེས་པ་ཏིང་ངེ་འཛིན་ཏེ། དེ་ཡང་མཉམ་པར་ཀུན་ཏུ་འཛིན་པའི་དོན་ཡིན་པས། གཟུང་འཛིན་དང་བྲལ་ཞིང༌། ཡུལ་ཡུལ་ཅན་དབྱེར་མེད་པ་སེམས་གནས་པའི་དོན་ནོ། །གཉིས་པ་ནི། རྗེས་དྲན་གྱི་ཡན་ལག་མཐར་ཕྱིན་ཏེ། མི་འགྱུར་བའི་བདེ་བ་འཕྲལ་དུ་བསྐྱེད་ནུས་པ་ནའོ། །གསུམ་པ་ལ། དོན་ཚན་ལྔའི་དང་པོ་ཏིང་ངེ་འཛིན་གྱི་ཡུལ་ནི། སྟོང་གཟུགས་དང་བདེ་ཆེན་གཉིས་ཡིན་ལ། དོན་ཚན་གཉིས་པ་བསྒོམ་པའི་དགོས་པ་ནི། མི་འགྱུར་བའི་བདེ་བ་གོང་ནས་གོང་དུ་འཕེལ་བའི་དོན་དང༌། རྣམ་པར་སྨིན་པའི་ལུས་དབྱིངས་སུ་དག་སྟེ། གཉིས་སུ་མེད་པའི་ཡེ་ཤེས་ཀྱི་སྐུ་ཐོབ་པའི་ཕྱིར་རོ། །དོན་ཚན་གསུམ་པ་དུས་ཇི་ཙམ་གྱི་བར་དུ་བསྒོམ་པ་ནི། ཏིང་ངེ་འཛིན་གྱི་ཐོག་མ་མི་འགྱུར་བའི་བདེ་བ་སྐད་གཅིག་གཅིག་ཐོབ་ནས། ཉི་ཁྲི་ཆིག་སྟོང་དྲུག་བརྒྱ་ཡོངས་སུ་རྫོགས་པར་ཐོབ་ཀྱི་བར་དུའོ། །དོན་ཚན་བཞི་པ་ཏིང་ངེ་འཛིན་གྱི་ངོ་བོ་ནི་རྒྱུད་ལས། ཤེས་རབ་ཐབས་
― LT24_Page_107A ―
[མ་དཔེ་གཟིགས་ན་འདིར་གནོན།]
ཀྱི་བདག་ཉིད་ཀྱིས་ནི་འགྱུར་མེད་བདེ་བའི་དབང་གིས་ཡེ་ཤེས་གཟུགས་ལ་ཏིང་ངེ་འཛིན་ནི། ཞེས་ཏེ། ཡེ་ཤེས་གཅིག་ཉིད་ལ། ལྡོག་ཆའི་དབྱེ་བས་ཤེས་རབ་མི་འགྱུར་བའི་བདེ་བ་དང༌། ཐབས་རྣམ་ཀུན་མཆོག་ལྡན་ཡེ་ཤེས་ཀྱི་སྐུ་གཉིས་སོ་སོར་མཐོང་བའི་གཉིས་སྣང་གི་ཆ་མེད་པར་ཟུང་འཇུག་ཏུ་ཉམས་སུ་མྱོང་བའི་ཏིང་ངེ་འཛིན་ཏེ། ཞུ་བདེ་འཛག་མེད་མཐར་ཕྱིན་པས་རྐྱེན་བྱས་ནས། ལས་རླུང་གཅིག་འགགས། རྩ་གསུམ་བཅུ་ཆ་གཅིག་དབུ་མར་ཐིམ། ཁམས་དཀར་དམར་གྱི་བགྲོད་པ་རེ་རེ་དབུ་མའི་ནང་དུ་གཡོ་མེད་དུ་བརྟན་ཞེས་བྱ་སྟེ། དེ་ལྟར་རྩ་དང༌། རླུང་དང༌། ཁམས་རྣམས་ཕྱིན་ཆད་དུ་འཇིག་ཏུ་མེད་ཅིང་རྒྱུན་མི་འཆད་པའི་སྟོང་གཟུགས་སུ་གྱུར་པ་ན། དེ་དང་ངོ་བོ་གཅིག་པའི་ཡེ་ཤེས་ནི། མི་འགྱུར་བའི་བདེ་བ་ཞེས་བྱའོ། །དེ་ཕྱིར། སྟོང་གཟུགས་བདེ་བས་རིག་པ་ལ། །བདེ་བ་ཆེན་པོ་རང་གི་རིག །ཅེས་གསུངས་སོ། །དོན་ཚན་ལྔ་པ་ཏིང་ངེ་འཛིན་ཇི་ལྟར་བསྒོམ་པའི་ཚུལ་ནི། རྒྱུད་ལས། བདེ་བ་མ་ཉམས་གཅིག་པུ་ཞི་བ་ལྷན་སྐྱེས་ཡེ་ཤེས་རྣལ་འབྱོར་འདིར་ནི་སྒྲུབ་པ་ཆེན་པོ་ལ། ཞེས་དང༌། དུས་ཞབས་སྙན་བརྒྱུད་ལས་ཀྱང༌། སྒོམ་པ་དམིགས་བཅས་སྟོང་གཟུགས་དང༌། །དམིགས་མེད་བདེ་བ་རོ་མཉམ་ལ། །སེམས་ནི་མི་གཡོ་བརྟན་པར་གནས། །དངོས་པོ་ཐམས་ཅད་བདེ་བར་འཆར། །ཞེས་པ་ལྟར་སྔར་གནས་གྱུར་ཟིན་གྱི་ཐིག་ལེ་རྣམས་ཀྱི་མི་འགྱུར་བའི་བདག་དང༌། ཕྱིས་གནས་འགྱུར་རྒྱུད་ལྟ་གནས་མི་འགྱུར་བའི་ཐིག་ལེ་དབབ་བཟློག་གི་ཞུ་བདེ་འཛག་མེད་གཉིས་ཚོགས་པ་གཅིག་ཏུ་གྱུར་པས། སེམས་བདེ་བ་ཐོབ་པའི་ངང་ན། སྟོང་གཟུགས་ལ་རབ་ཏུ་ཆགས་པས་ཞུ་བདེ་འཛག་མེད་ཡང་ཡང་བསྒྲུབ་པར་ཡིན་ལ། རྗེས་ཐོབ་
― LT24_Page_107B ―
[མ་དཔེ་གཟིགས་ན་འདིར་གནོན།]
ཏུ་སྤྲོས་བཅས་ཀྱི་སྤྱོད་པ་རྟག་ཏུ་སྤྱོད་པའམ། །བོགས་འདོན་སྤོགས་ཆོག་གི་ཚུལ་དུ་ཅི་རིགས་པར་སྤྱོད་དགོས་པ་ཡིན་ནོ། །བཞི་པ་ནི། ཕྱོགས་བཅུའི་འཇིག་རྟེན་གྱི་ཁམས་གཅིག་གི་མཐར་ཐུག་པ་མ་མཐོང་བའི་དོན་ཡང་དག་པར་མཐོང་བ་ནས། འཇིག་རྟེན་གྱི་ཁམས་སྟོང་དང་ཉི་ཤུ་རྩ་བཞིའི་དོན་ཡང་དག་པར་མཐོང་བའི་བར་དུ་སྟེ། ཚད་མ་ནི་མངོན་སུམ་བཞི་ཅར་ཚང་བ་ལས། ཐུན་མོང་མ་ཡིན་པའི་ཁྱད་པར་གྱི་དབང་དུ་བྱས་ནས། འཕགས་པའི་ཡེ་ཤེས་རྗེས་མཐུན་པ་ཡིན་པས་རྣལ་འབྱོར་མངོན་སུམ་ཞེས་བྱའོ། །ལྔ་པ་ནི། དག་བྱ་ལ་དབྱེ་ན་གཟུགས་ཕུང་སོགས་ཕུང་ཁམས་ས་ཁམས་པ་དྲུག་ཚན་གཅིག་ཡིན་ལ། དག་བྱེད་ཏིང་ངེ་འཛིན་ལ་དབྱེ་ན། འཁོར་ལོ་དྲུག་ཏུ་ལས་རླུང་འགགས་པའི་དབྱེ་བས་ས་བཅུ་གཉིས་སམ། །ཏིང་ངེ་འཛིན་རྣམ་པ་བཅུ་ནི་རླུང་བཅུ་པོ་རྣམས་འགོག་པའི་ཕྱིར་རོ། །ཞེས་པས། ཐུར་སེལ་ལ་སོགས་པའི་རླུང་བཅུ་ཕྱིན་ཆད་མི་སྐྱེ་བའི་ཆོས་ཅན་དུ་རྩ་བ་ནས་འགགས་པའི་དབྱེ་བས་རིམ་པ་བཅུའོ། །དྲུག་པ་ལ་གནས་སྐབས་ཀྱི་འབྲས་བུ་ནི། རྒྱུད་ལས། དེ་ནས་ཏིང་ངེ་འཛིན་གྱིས་དག་པ་ཉེན་ཞག་འགའ་ཞིག་རྣམས་ཀྱི་ཡེ་ཤེས་སྐུ་ནི་འགྲུབ་པར་གྱུར། །ཞེས་གསུངས་ཏེ། ཏིང་ངེ་འཛིན་དང་པོ་སྐྱེས་པ་ནས། རྒྱུན་མ་ཆད་པར་བསྒོམ་ན། ལོ་གསུམ་དང་ཕྱོགས་གསུམ་གྱིས་གནས་ལུགས་ཡང་དག་པ་བདེན་པའི་ས་མངོན་དུ་བྱེད་ཅིང་རྣམ་པར་སྨིན་པའི་ལུས་དབྱིངས་སུ་ཐིམ་ནས། གཉིས་སུ་མེད་པ་ཟུང་འཇུག་ཡེ་ཤེས་ཆེན་པོའི་སྐུ་འགྲུབ་བོ། །དེ་ནི་དབང་བཅུ་ལ་སོགས་པ་ཡོན་ཏན་དུ་མས་བརྒྱན་པའི་བྱང་ཆུབ་སེམས་དཔའ་ཆེན་པོ་ཡིན་ལ། མཐར་ཐུག་གི་འབྲས་བུ་ནི། རྒྱལ་བ་རྣམ་པར་སྣང་མཛད་
― LT24_Page_108A ―
[མ་དཔེ་གཟིགས་ན་འདིར་གནོན།]
ལ་སོགས་པ་ལྷ་ས་ཁམས་པ་དྲུག་ཚན་གཅིག་གི་དཀྱིལ་འཁོར་མངོན་དུ་འགྱུར་རོ། །སྒོམ་དོན་འདི་ལ་ཐུན་གཅིག་ལ་སོགས་པའོ། །དེས་ཏིང་ངེ་འཛིན་གྱི་འཁྲིད་ཚར་ཏེ། སྦྱོར་བ་ཡན་ལག་དྲུག་གི་དངོས་གཞིའི་དམིགས་པ་རྣམས་བསྟན་ཟིན་ཏོ། །གསུམ་པ་རྗེས་ལམ་གྱི་ཡན་ལག །ས་མཚམས། རྣལ་འབྱོར་གྱི་ཚོགས་པ་དང་བཅས་པ་ལ་གསུམ་སྟེ། ལམ་གྱི་ཡན་ལག་དང༌། ས་ལམ་འབྲས་བུ་དང་བཅས་པ་དང་རྣལ་འབྱོར་མི་ཉམས་ཤིང་འཕེལ་བའི་ཡན་ལག་གོ །དང་པོ་ནི། ཉེར་མཁོ་ཅུང་ཟད་བརྗོད་པ་ལ། །ཉལ་བ་གཉིད་ཀྱི་རྣལ་འབྱོར་དང༌། །འཆི་བ་འོད་གསལ་ངོས་འཛིན་དང༌། །འདའ་ཁ་འཕོ་བའི་གདམས་ངག་དང༌། །བར་དོ་འདུན་པས་འཛིན་པ་དང༌། །ཐུན་སྒོམ་གྱིས་མཉམ་རྗེས་བསྲེ་བ་སྟེ་ལྔ་ལས། དང་པོ་ནི། སྤྱིར་གཉིད་ཀྱི་རྣལ་འབྱོར་ལ་གཉིད་འཐུག་པོའི་འོད་གསལ་འཛིན་པ་དང༌། རྨི་ལམ་གྱི་གདམས་ངག་གཉིས་ཡོད། གཉིད་འཐུག་པོའི་འོད་གསལ་འཛིན་པ་ལ། ལས་དང་པོ་པས་འོད་གསལ་འཛིན་ཚུལ་ནི། སྔར་སོར་བསམ་པའི་སྐབས་སུ་བསྟན་པ་དེ་ཡིན་ལ། ཐབས་དེས་གཉིད་ཀྱི་འོད་གསལ་ཟིན་པའི་རྣལ་འབྱོར་པ་ལ་ནི། སྲོག་རྩོལ་ཕན་ཆད་དུ་གཉིད་ཀྱི་འོད་གསལ་འཛིན་པའི་གདམས་ངག་ལོགས་པར་མི་དགོས་མོད། སྤྱིར་ནི་ལུགས་འདི་ལ་མགྲིན་སྙིང་ཁ་སྦྱོར་གྱིས་འོད་གསལ་འཛིན་པའི་མན་ངག་དང༌། ལྟེ་སྙིང་ཁ་སྦྱོར་གྱིས་འོད་གསལ་སྤེལ་བའི་མན་ངག་ཀྱང་ཡོད་དོ། །དེས་ན་སྐབས་འདིར་རྨི་ལམ་གྱི་གདམས་ངག་ནི། རང་གི་མགྲིན་པའི་འཁོར་ལོའི་
― LT24_Page_108B ―
[མ་དཔེ་གཟིགས་ན་འདིར་གནོན།]
དབུས་སུ་ར་ཡིག་དམར་པོ་དང༌། སྤྱི་བོའི་འཁོར་ལོའི་དབུས་སུ་ཐིག་ལེ་དཀར་པོ་གསལ་བཏབ་ནས། འཇམ་རླུང་བག་ཙམ་བཟུང་བས་རྀ་ཡིག་ལས་གཏུམ་མོ་འབར། ཐིག་ལེ་ལ་རེག །དེ་ནས་བདུད་རྩིའི་རྒྱུན་བབས་ཏེ། རྀ་ཡིག་ལ་ཐིམ་པར་བསམ་ལ། དོ་ནུབ་ཅིས་ཀྱང་རྨི་ལམ་ཟིན་པར་བྱའོ། །ཞེས་འདུན་པ་དྲག་པོ་བཅུ་གནས་བསྒོམས་ནས་མྱུར་དུ་རྨི་ལམ་ཟིན་པར་འགྱུར་རོ། །དམིགས་བསྐོར་ཞེ་བདུན་པའོ། །རྨི་ལམ་ཟིན་ཅིང་ཟིན་པ་དེ་ཡང་བརྟན་པོར་སོང་ན། མགྲིན་པར་སྟོང་གཟུགས་དྲངས་ཏེ། སྔར་གྱི་དམིགས་པ་དེ་དང་བསྲེས་ནས། དོ་ནུབ་ཀྱིས་ཀྱང་རྨི་ལམ་དུ་རྡོ་རྗེའི་རྣལ་འབྱོར་བསྒོམ་པར་བྱའོ། །ཞེས་འདུན་པ་དྲག་པོ་བཏང་བས། རྨི་ལམ་དུ་སར་བསམ་ལ་སོགས་པ་རྡོ་རྗེའི་རྣལ་འབྱོར་སྒོམ་པའི་འདུན་པ་སྐྱེས་ཏེ། དམིགས་པ་ལ་སེམས་གཏད་པའི་ཚེ་སྟོང་གཟུགས་མང་པོ་བདེ་ཉམས་དང་བཅས་ཏེ་འཆར་བའང་ཡོད། དང་པོ་ཉིད་ནས་རྨི་ལམ་དང་སྟོང་གཟུགས་འདྲེས་མར་འཆར་བའང་ཡོད། རྩ་བཟང་ཞིང་དབང་པོ་རྣོ་བ་དང༌། ཕྱིས་ཤིན་ཏུ་གོམས་པར་གྱུར་ན། དབང་པོ་རྣོ་བརྟུལ་ཐམས་ཅད་ལ་ཡང་འཆར་སྟེ། གཉིད་ཀྱི་འོད་གསལ་དྲན་མེད་དེ་གསང་མ་ཐག་ཏུ་རྨི་ལམ་གྱི་དོད་ལ་སྟོང་གཟུགས་འབའ་ཞིག་འབར་བའང་ཡོད་དོ། །དམིགས་བསྐོར་ཞེ་བརྒྱད་པའོ། །གཉིས་པ་ལ། འཆི་ཀའི་གདམས་ངག་དངོས་དང༌། སྒོམ་འཕྲོ་ལ་ཤི་ཡང་རྣལ་འབྱོར་གོམས་སྟོབས་འཇུག་པར་བསྟན་པའོ། །དང་པོ་ནི། ད་ལྟའི་དུས་ནས་བདག་འཆི་བའི་ཚེ། ས་ཆུ་ལ་ཐིམ་པས་དུ་བ་ཞེས་པ་ལ་སོགས་
― LT24_Page_109A ―
[མ་དཔེ་གཟིགས་ན་འདིར་གནོན།]
པའི་རྟགས་སྣང་མང་པོ་དང༌། བྱིང་བ་དང༌། སྦྲིད་པ་དང༌། འཕར་གཡོ་ལ་སོགས་པའི་ལུས་ཉམས་དུ་མ་དང༌། དབུགས་འདར་བ་དང༌། རྔམ་རྒོད་ལ་སོགས་པའི་དག་ཉམས་དུ་མ་དང༌། གསལ་བ་དང་མི་གསལ་བ་དང༌། ཁྲོ་བ་དང༌། ཆགས་པ་ལ་སོགས་པ་སེམས་ཉམས་དུ་མ་འབྱུང་བར་འདུག་པ་ལ། དེ་རྣམས་རང་ངོ་ཤེས་པར་བྱས་ནས། སེམས་འོད་གསལ་དུ་འཇུག་དགོས་པར་འདུག་སྙམ་དུ་འདུན་པས་མཚམས་སྦྱོར་ལ། རང་འཆི་བའི་དུས་སུ་ཡང་སྒོམ་ཚུལ་འདི་ལྟ་བུ་ཡིན་སྙམ་པས། ཡན་ལག་དྲུག་པོ་གོང་སྐབས་སུ་བབ་པ་དེ་སྒོམ་ལ། ལུས་ཉམས། ངག་ཉམས། སེམས་ཉམས། མཐོང་ཉམས་གང་བྱུང་ཡང་འཆི་ཁའི་སྒོམ་ཚུལ་ཡང་འདི་ལྟ་བུ་བྱེད་སྙམ་པས། ཉམས་གང་ཤར་དེ་ལ་སྐྱེ་འགག་གནས་གསུམ་དང་བྲལ་བར་ངོས་གཟུང་ལ་མཉམ་པར་གཞག །ཁྱད་པར་གཉིད་དུ་འགྲོ་ཁ་དང༌། གཉིད་ཀྱི་འོད་གསལ་ལ་ཡང་འདུན་པ་དེ་བཞིན་དུ་སྦྱོངས་བ་གལ་ཆེ། དམིགས་བསྐོར་ཞེ་དགུ་པའོ། །ནམ་ཞིག་འཆི་བ་མངོན་དུ་བབས་པའི་ཚེ། མཐོང་སྣང་གང་ཤར་ཡང་དེ་ལ་མི་གཡོ་གསུམ་ལྡན་དུ་བཞག་པའི་ངང་ནས། སྐྱེ་འགགས་གནས་གསུམ་དང་བྲལ་བའི་དབྱིངས་དེ་ངོས་ཟིན་པར་བྱ། དེ་བཞིན་དུ་ལུས་ངག་ལ་བདེ་སྡུག་གི་ཉམས་གང་བྱུང་ཡང་འདྲ། སེམས་ལ་དགའ་སྡུག་ཆགས་སྡང་ཅི་ཤར་ཡང་འདྲ། རྣ་བར་སྒྲ་ཇི་ལྟར་ཐོས་ཀྱང་རུང་སྟེ་དེ་དང་དེ་ལ་མི་གཡོ་བ་གསུམ་ལྡན་གྱི་སྒོ་ནས་རིག་པ་གཏད་དེ། རང་བཞིན་ཅིར་ཡང་མ་གྲུབ་པ་དེ་རིག་ཐོག་ཏུ་བསྐྱང་ངོ༌། །སྲོག་རྩོལ་མན་ཆད་གོམས་པའི་
― LT24_Page_109B ―
[མ་དཔེ་གཟིགས་ན་འདིར་གནོན།]
རྣལ་འབྱོར་པ་ཡིན་ན། འཆི་ལྟས་བྱུང་ཞིང་འཆི་བ་མི་བཟློག་པར་ཤེས་པ་ཙམ་ན། བུམ་པ་ཅན་དང་སྟོང་གཟུགས་ལ་མཉམ་པར་འཇོག་པ་ལ་འབད་རྩོལ་བསྐྱེད། རླུང་སེམས་དྲག་ཏུ་དབུ་མར་འཇུག་པའི་ཐབས་རྣམས་བྱ། དེས་འོད་གསལ་གྱི་རྟགས་སྣང་དང་བདེ་སྟོང་གི་ཉམས་རྒྱ་ཆེར་མཆེད་ནས་རྒྱ་འབྱམས་སུ་འགྲོ། དེའི་ངང་ལ་དབྱིངས་སུ་འཕོ་ཐུབ་པའང་ཡོད། དེ་སྐབས་མ་འཕོས་ཀྱང་རུང་སྟེ་སྔར་གྱི་རྒྱུན་དེ་ཀ་བསྒོམ། ཐིམ་རིམ་རྣམས་ཤར་པའི་མགོ་བརྩམས་དུས་ནས་རྡོ་རྗེའི་བཟླས་པ་ཅི་འགྲུབ་བྱ། དེས་ངེས་པར་འཆི་བ་འོད་གསལ་རང་ངོ་འཕྲོད་པར་འགྱུར་བ་ཡིན་ནོ། །འདི་སྐབས་སུ་སྤྲོ་ཞིང་དགོས་ན། ཁམས་ཐིམ་རིམ་རྣམས་དང༌། སྣང་བ་བཞིའི་རྣམ་བཞག་ཞིབ་མོར་བཤད་དོ། །དམིགས་བསྐོར་ལྔ་བཅུ་པའོ། །གཉིས་པ་རྣལ་འབྱོར་གོམས་སྟོབས་འཇུག་པར་བསྟན་པ་ནི། ཆེས་སྐལ་པ་དམན་པའམ། ཚེ་གཏུགས་ནས་ཉམས་རྟོགས་ཁྱད་པར་ཅན་ཚེ་འདི་ལ་མ་སྐྱེས་ཀྱང༌། ཆོས་འདི་དང་མ་བྲལ་པ་བཞིན་དུ་དུས་ལས་འདས་ན། སྐྱེ་བ་ཕྱི་མ་ལ་ངེས་པར་གྲོལ་བ་ཐོབ་སྟེ། རྣལ་འབྱོར་དབང་པོ་རྣལ་འབྱོར་མ་ཐོབ་ཞེས་སོགས་ཀྱི་ལུང་དང་སྦྱར་རོ། །གསུམ་པ་ནི། ཆོས་རྗེ་ཀུན་སྤངས་ཆེན་པོའི་གསུང་གི། དབུ་ཡི་ནང་ས་བོན་རང་སེམས་ཧཾ་ཨ་ཧཱུྃ། ཟླ་ཉི་ནམ་མཁའི་མདོག་ཅན་གཙུགས་གསང་སྙིང༌། །སྲོག་རྩོལ་བསུ་སྐྱེལ་གཅིག་ཏུ་བསྡུས་བྱས་ནས། །འདུན་པ་རྩེ་གཅིག་གང་འདོད་གནས་སུ་འཕོ། །ཞེས་གསུངས་ཏེ། ལུས་གནད་སྤྱི་དང་མཐུན། ལུས་ཀྱི་ནང་དུ་རྩ་དབུ་མ་ཡང་གོང་དུ་བཤད་པ་བཞིན་དབུ་མའི་ནང་སྤྱི་བོར་ཧཾ་དཀར་པོ་མགོ་བོ་མཐུར་བསྟན། ལྟེ་བ་ཨ་དམར་
― LT24_Page_110A ―
[མ་དཔེ་གཟིགས་ན་འདིར་གནོན།]
པོ་དང༌། སྙིང་ཁ་ཧཱུྃ་སྔོན་པོ་གཉིས་མགོ་གྱེན་བསྟན། སྤྱི་བོའི་སྟེང་དུ་བླ་མའམ་ཡི་དམ་བཞུགས་པར་བསམ། རླུང་ཁ་སྦྱོར་ཞིག་བཟུང༌། སྟེང་རླུང་མནན་པས། ཧི་ཧཱུྃ་ལ་ཐིམ། འོག་རླུང་འཐེན་པས་ཨ་ཡང་ཧཱུྃ་ལ་ཐིམ། ཧུཾ་དེ་ཡང་འདར་ཁྲིལ་ལི་ལི་ཐིག་ལེ་ཁྲ་བོ་ཞིག་ཏུ་གྱུར་པར་བསམ། ཡང་འོག་རླུང་འཐེན། སྟེང་རླུང་སངས་ཀྱིས་བུས་པས་ཐིག་ལེ་དེ་དབུ་མའི་ལམ་བརྒྱུད། སྤྱི་གཙུག་ནས་རྒྱངས་ཀྱིས་ཐོན། བླ་མའི་ཐུགས་ཁར་ཐིམ། དེ་དང་འོད་གསལ་རྟགས་སྣང་འདྲེས་པ་ལ་ཅུང་ཟད་མཉམ་པར་གཞག །དེ་འདྲ་བ་ལ་ལན་འགའ་རེ་སོང་བ་ན། བླ་མའི་ཐུགས་ཀ་ནས་ཡི་གེ་རྣམས་བབས་ཏེ། སྔར་བཞིན་རང་གནས་སུ་གནས་པར་བསམ། བླ་མ་ཡེ་ཤེས་ཀྱི་བདུད་རྩིར་ཞུ་ནས་རང་ལ་ཐིམ། སྤྱི་གཙུག་ཚངས་པའི་བུ་ག་ཡང་ཟུམ་པར་མོས། དེ་ལྟར་ཡུན་རིང་དུ་སྦྱངས་པས་རྟགས་འབྱུང་ཞིང༌། ཅི་སྙེ་མ་བྱུང་ན་ཡར་འཕོ་བའི་དམིགས་པ་དང་བསྟུན་དྲག་རླུང་བཙན་ཐབས་ཀྱི་སྦྱོར་བ་བྱས་པས་འཕྲལ་དུ་རྟགས་འོང༌། ཧ་ཅང་དྲགས་ཏེ་ཐལ་གྱིས་དོགས་པའམ། སྟོད་མཚང་དང༌། མགོ་ལ་ཟུག་གཟེར་དྲག་པོ་འཕྲལ་དུ་སྐྱེ་བ་བྱུང་ན། དབུ་མའི་ནང་ནས་གསེར་གྱི་རྡོ་རྗེ་ལྗིད་དང་ལྡན་པ་ཞིག་ཐུར་དུ་སོང༌། བཤང་སྒོ་ནས་ཐོན། ས་འོག་ཐག་རིང་པོར་ཤུགས་དང་བཅས་ཏེ་སོང་ནས། དབང་ཆེན་གསེར་གྱི་ས་གཞིའི་སྟེང་དུ་གསེར་གྱི་འཁོར་ལོ་ཆེན་པོ་གཅིག་གི་ལྟེ་བར་ཐམས་ཀྱིས་ཟུག་པར་བསམ། དེ་ཡང་ཡང་བསྒོམས་པས་སེལ། འབེབས་སོགས་སྤྱི་དང་འདྲ། དེ་ཡན་ཆད་འཕོ་བ་སྦྱང་
― LT24_Page_110B ―
[མ་དཔེ་གཟིགས་ན་འདིར་གནོན།]
བའི་གདམས་ངག་ཡིན། ལས་ལ་སྦྱར་བའི་སྐབས་ནི་ཡར་འཕོ་བ་འབའ་ཞིག་ལས་མར་འབེབས་པ་མི་བྱེད། དྲག་རླུང་བཙན་ཐབས་ཀྱི་སྦྱོར་བའང་སྐབས་སུ་བབ་ན་བྱའོ། །འདིའི་གདམ་ངག་གི་ཡི་གེ་འགའ་ཞིག་ལས་ཨ་ཧུཾ་ལ་ཐིམ། ཧུཾ་ཧཾ་ལ་ཐིམ། དེ་ཐིག་ལེ་ཁྲ་བོར་གྱུར་བ་འདར་ཁྲིལ་ལི་ལི་འདུག །ཡང་རླུང་ལྟེ་བར་མནན་པས་ཡིག་འབྲུ་རྣམས་སྔར་ལུགས་བཞིན་འཁོད། དེ་ནས་འོག་རླུང་འཐེན། སྟེང་རླུང་འབུད་པས་ཧི་ཀྲ་དང་བཅས་པའམ། མེད་ཀྱང་རུང་སྟེ། ཡིག་འབྲུ་རྣམས་མས་རིམ་གྱིས་ཐིམ། དེ་ཐིག་ལེ་ཁྲ་བོར་གྱུར། སྤྱི་གཙུག་ནས་བླ་མའི་ཐུགས་ཁར་འཕོ་ཞེས་བཤད་དེ། དམིགས་པ་འདི་ངོས་རྣམ་པ་གསལ་བ་ཙམ་སྣང་ངོ༌། །དེ་ལྟར་ན་འཕོ་བའི་གདམས་ངག་སྟེ། དམིགས་བསྐོར་ང་གཅིག་པའོ། །བཞི་པ་ནི། ཅི་སྟེ་འཆི་བ་འོད་གསལ་ངོ་འཕྲོད་ཀྱང༌། གོམས་ཤུགས་ཆུང་ཞིང་སྒོམ་ཡུན་ཐུངས་པས་མ་གྲོལ་ན། བར་དོའི་སྣང་བ་འཆར་བར་འགྱུར་བས། དེར་ལམ་བསྒོམས་ན་གྲོལ་བར་འགྱུར་རོ། །དེ་ཡང་ད་ལྟ་ནས་འདུན་པས་མཚམས་སྦྱོར་དགོས་ཏེ། ནམ་ཞིག་བར་དོའི་སྣང་བ་ཤར་བའི་སྐབས་སུ་ཐ་མལ་གྱི་ཞེན་པ་དང་འགྲོགས་ན་འཁོར་བ་འཁྱམས་པས། གནས་སྐབས་དེར་ཡང་འདི་ལྟར་སྒོམ་སྙམ་དུ་མཚམས་སྦྱར་ནས། ཡན་ལག་དྲུག་པོ་གང་ཡང་རུང་བ་བདག་ཉིད་གང་ལ་གཙོ་བོར་བྱེད་པ་དེ་བསྒོམ། །བར་དོར་འདི་ལྟར་བསྒོམ་སྙམ་པའི་འདུན་པ་ཡང་ཡང་བཏང༌། རེས་འགའ་ནི། འདི་ཐམས་ཅད་བར་དོ་ཡིན་པར་འདུག །སྐབས་འདིར་མ་འཁྲུལ་བར་བྱ་དགོས་སྙམ་པའི་འདུན་པ་རྒྱུན་ཆགས་སུ་བསྟེན་ཅིང༌།
― LT24_Page_111A ―
[མ་དཔེ་གཟིགས་ན་འདིར་གནོན།]
ཆགས་སྡང་ལ་སོགས་པའི་བློ་སྤངས་ནས་རྡོ་རྗེའི་རྣལ་འབྱོར་ཉིད་བསྒོམ། རེས་འགའ་ན་བར་དོའི་མཚན་ཉིད་ལུས་ལ་གྲིབ་མ་མེད་པ་དང༌། ཉེ་དུ་ལ་སོགས་པས་ངོ་མི་ཤེས་པ་དང༌། ཡ་ང་བའི་གཡང་ས་གསུམ་འཇིགས་པའི་སྒྲ་བཞིའམ་ལྔ། མ་ངེས་པའི་རྣམ་འགྱུར་རྣམ་པ་དྲུག །འགྲོ་བའི་ལམ་བཞི་ལ་སོགས་པ། བར་དོའི་ལུས་དང་སྣང་བའི་མཚན་ཉིད་འདི་དང་འདི་ལྟ་བུ་དག་ཡིན་ན། ད་ལྟ་དེ་ལྟ་བུ་རེ་རེ་ནས་ཡོད་དམ་མེད། །ཚང་ངམ་མ་ཚང་ཞེས་བརྟག་ཅིང༌། །འཁོར་བའི་ཉེས་དམིགས་དྲན་པ་དང༌། བདེན་མེད་སྒྱུ་མ་ལྟ་བུར་ཤེས་པའི་སྒོ་ནས་ཆགས་སྡང་སྤངས་ཏེ། །རྡོ་རྗེའི་རྣལ་འབྱོར་ཉིད་སྒོམ་མོ། །ཁྱད་པར་ཐུན་མཚམས་འགྲོ་ཆགས་ཉལ་འདུག །ཟས་སྤྱོད་ལམ། གཏམ་སྨྲ་བརྗོད། དགྲ་གཉེན་གྱིས་འབྲེལ་པ་སོགས། སྣོད་བཅུད་ཀྱི་སྣང་བ་སྣ་ཚོགས་འཆར་བའི་སྐབས་སུ། ཡང་ཡང་དྲན་པས་ཟིན་པར་བྱས་ཏེ། འདི་རྣམས་སྒོམ་པ་གལ་ཆེ། དེ་ལྟར་ཉིན་མོ་སད་དུས་སུ་བསྒོམས་པས། རྨི་ལམ་དུའང་ཕལ་ཆེར་འཆར་ཀྱིན་འདུག་ན། བར་དོར་ལམ་བསྒོམས་པས་གྲོལ་བར་ཐེ་ཚོམ་མེད་དོ། །དམིགས་བསྐོར་ང་གཉིས་པའོ། །ལྔ་པ་ནི། མུན་ཁང་གསུམ་ལ་རིམ་གྱིས་བསླབ། བདེ་སྡུག་རྐྱེན་རྣམས་ཀུན་ལ་བསྲེ། །ཤུགས་ཆད་ལ་སོགས་རང་སར་བསྐྱོང༌། །ལོངས་སྤྱོད་སྤྱོད་ལམ་ཀུན་ལ་བསླབ། །ཅེས་པ་ལྟར་ཏེ། དེ་ཡང༌། དང་པོར་མུན་ཁང་དངོས་སུ་རྟགས་སྣང་རྟག་ཏུ་འོང་ཞིང་བརྟན་པོར་སོང་ན། མུན་ཁང་འབྲིང་པོ་ཞེས་བྱ་བ། གོས་ཀྱིས་མགོ་གཏུམས་ཏེ་ལུས་གནད་སྔར་དང་འདྲ་
― LT24_Page_111B ―
[མ་དཔེ་གཟིགས་ན་འདིར་གནོན།]
བའི་སྟེང་ནས་བསླབ། ཐོག་མར་རྟགས་སྣང་རྣམས་མུན་ཁང་ལས་ཅུང་མི་གསལ་ཙམ་འབྱུང༌། ཅུང་ཟད་གོམས་ནས་མུན་ཁང་དང་ཁྱད་མེད་པར་འཆར། །དེ་ནས་ལུས་གནད་གཞན་རྣམས་སྤྱི་དང་འདྲ་བར་བཅས། མིག་བཙུམ་སྟེ། མིག་འབྲས་གྱེན་ལ་བཟློག་པས་ནང་དུ་ལྟ་སྟངས་ཀྱི་གནད་མ་འཁྲུལ་བར་ཡོང༌། དེ་ལྟར་བསྒོམས་པས་ཐོག་མར་རྟགས་སྣང་ཉུང་བ་ཙམ་འབྱུང་ཞིང༌། གསལ་མི་གསལ་ལ་སྔར་དང་ཁྱད་མི་འདུག་ན། དེ་ཁ་བསྒོམ་པས་ཞག་འགའ་ཞིག་ནས་རྟགས་སྣང་ཤིན་ཏུ་མང་བ་འབྱུང༌། ཡང་སྔར་ལས་སྟོང་གཟུགས་མི་གསལ་དུ་སོང་སྙམ་བྱེད་ན། ད་དུང་མུན་ཁང་ཆུང་ངུ་སྒོམ་མ་རན་པ་ཡིན་པས། རེ་ཞིག་སྔ་མ་རྣམས་ལ་དམིགས་པ་དྲག་པོར་གཏད་དེ་བསྒོམ། སླར་ཡང་མུན་ཁང་ཆུང་ངུར་བསྒོམས་པས་སྔར་བཞིན་གསལ་བར་འོང་ངོ༌། གཞན་ཡང་མིག་ལ་དགབ་པའི་མུན་ཁུང་ཆུང་ངའི་ཁྱད་པར་གཞན་འགའ་ཞིག་བྱེད་པའི་ལུགས་ཀྱང་ཡོད་ལ། དེ་ལྟར་མུན་ཁང་ཆེ་འབྲིང་ཆུང་གསུམ་ལ་གོམས་ནས། དང་པོར་སྣང་བ་ཅུང་ཟད་དང་བཅས་པའི་ཁང་པར་བསླབ། དེ་ནས་སྣང་བ་ཆེས་གསལ་བའི་ཕྱོགས་སུའང་བསླབ། དེ་ནས་ཐུན་གྱི་སྐབས་ལྟ་སྟངས་ཀྱི་གནད་མ་འཆུག་པར་བྱ་ཞིང༌། ཐུན་མཚམས་སུ་ལྟ་སྟངས་གྱེན་ཐུར་ཐད་ཀ་གཡས་གཡོན་ལ་སོགས་པ་མ་ངེས་པ་དང༌། དེ་བཞིན་དུ་མིག་གདངས་པ་དང་བཙུམ་པ་དང༌། ཟིམ་མེར་ལྟ་བ་སོགས་ལྟ་ལུགས་ཀྱང་མ་ངེས་པ་ལ་བསླབས་པས། རིམ་གྱིས་ཐམས་ཅད་དུ་སྟོང་གཟུགས་ཀྱི་གསལ་སྣང་འབྱུང་བར་འགྱུར་རོ། །ཡང་བདེ་སྡུག་མཐོ་དམན་ཐམས་ཅད་ལ་བསྲེ་དགོས་ཏེ། དེ་ཡང་དང་པོར་ཚེར་མ་ཟུག་པའམ། སྣ་རྡོ་ཐུག་པའམ།
― LT24_Page_112A ―
[མ་དཔེ་གཟིགས་ན་འདིར་གནོན།]
རླུང་དང་ཉི་མ་དང་ཁ་ཆར་ལ་སོགས་པའི་ཚ་གྲང་ཕྲ་མོ་ཙམ་རང་ཤུགས་སུ་བྱུང་བའམ། ཆེད་ཀྱིས་ཀྱང་དེ་དག་གི་གནས་སུ་སོང་ན། ཚ་གྲང་གི་རེག་བྱ་ཅུང་ཟད་མྱོང་བ་དེ་ལ་ཆེ་རེ་བལྟས་ཏེ་མི་གཡོ་བ་གསུམ་ལྡན་གྱི་ངང་བསྐྱངས། ཐོག་མ་སེམས་འཇོག་སྟབས་མི་བདེ་བ་ཙམ་འབྱུང་ནའང༌། ཅུང་ཟད་གོམས་ནས་ཚ་གྲང་དུ་སྣང་བདེ་གསལ་ཆར་སོང༌། སེམས་གཏད་པས་དེ་ཉིད་ངོས་བཟུང་དང་བྲལ་ཏེ། ལུས་ཀྱི་རེག་བྱ་མྱོང་ཚུལ་དུ་མི་བདེ་ཡང༌། དེ་ཁའི་སྟེང་དུ་སེམས་འཇོག་སྟབས་ཤིན་ཏུ་བདེ་བ་ཞིག་འབྱུང༌། ད་དུང་དེའི་རང་ངོ་ལ་བལྟས་ཏེ་བསྒོམས་པས་ཚ་གྲང་དུ་སྣང་བ་དེ་སྣང་ལ་ངོས་བཟུང་མེད་པར་ཉམས་སུ་མྱོང་བར་འགྱུར། དེ་བཞིན་དུ། བཀྲེས་སྐོམ་དང་ངལ་དུབ་ལ་སོགས་པ་ལ་ཡང་སྦྱར་བས་མཐར་ན་ཚ་སྡུག་བསྔལ་ཆེན་པོ་ཐོག་ཏུ་བབ་ཀྱང་ལམ་དུ་ལོངས་པ་ཞིག་འོང༌། དེ་བཞིན་དུ། གཏམ་མི་སྙན་པ་རང་གི་ཡིད་ལ་མི་འཐད་པའི་ཚིག་དག་ཐོས་པས། སེམས་མི་བདེ་ཀར་གྱིས་བྱུང་བའི་དུས་ཀྱང༌། མི་བདེ་བ་དང་ཚིག་སྤྱི་དེ་ལ་ཆེར་གྱིས་བལྟས་ཏེ། བཙལ་ན་ངོས་བཟུང་མེད་པ་དེ་ངོས་ཟིན་པར་བྱས་ནས་མི་གཡོ་གསུམ་ལྡན་བསྐྱང་ངོ༌། །དེ་བཞིན་དུ། ཡིད་སྐྱོ་བ་དང༌། དགའ་བ་དང༌། འཇིག་པ་དང༌། སྤྲོ་བ་དང༌། ཁེངས་པ་དང༌། ཆགས་པ་དང༌། སྡང་པ་དང༌། སེར་སྣ་དང༌། ཕྲག་དོག་སོགས་གང་བྱུང་ཐམས་ཅད་ལ་དེ་བཞིན་བསྐྱང་པས་རང་སངས་སུ་འགྲོ་བ་ཡིན་ནོ། །གཞན་ཡང༌། ལམ་དུ་ཕྱིན་པའི་ངལ་དུབ་དང༌། ཁུར་ཆེན་པོ་འཁུར་བ་དང༌། བཟླས་པ་དང༌། མདོ་འདོན་དང༌། གསུང་སྒྲོག་སོགས་འཇུར་པོ་བྱས་པ་དང༌།
― LT24_Page_112B ―
[མ་དཔེ་གཟིགས་ན་འདིར་གནོན།]
བརྩིས་དང༌། མནོ་བསམ་དང༌། ལྟ་རྟོག་འཇུར་པོ་སོགས་རྗེས་སུའང་སྔར་གྱི་ལུས་ངག་ཡིད་གསུམ་གྱི་བྱ་རྩོལ་དྲག་པོ་དེས་རྣམ་རྟོག་གི་ཤུགས་ཆང་ཡོད་པས་དེ་དུས་རིག་པ་ལྟ་ཤེས་ཙམ་བྱས་ནས། ཡིད་མི་གཡོ་བར་བཞག་པ་ཉིད་ཀྱིས་རིག་པ་གསལ་སྟོང་མཐའ་དབུས་མེད་པར་འཆར་རོ། །གཞན་ཡང་གཟུགས་སྒྲ་དྲི་རོ་རེག་བྱ་ཡིད་དུ་འོང་བ་དང་ཕྲད་པའི་ཚེ་དགའ་ལྷང་སྟེ་ཡོང་བ་དང༌། གཟུགས་སོགས་མི་སྡུག་པ་གནོད་པ་ཅན་དང་ཕྲད་པའི་ཚེ། ཟུར་རྔུར་ལྷང་སྟེ་བྱང་བ་ཀུན་ལའང་གང་བྱུང་དེ་ལ་སེམས་གཏད་དེ། སྔར་བཞིན་མི་གཡོ་གསུམ་ལྡན་བསྐྱང༌། །གཞན་ཡང་མདོ་འདོན་སྔགས་བཟླས་ཕྱག་དང་བསྐོར་བ་སྙིང་རྗེ་ངེས་འབྱུང་སོགས། ལུས་ངག་ཡིད་གསུམ་གྱི་དགེ་བ་རྣམས་དང༌། འགྲོ་འཆག་ཉལ་འདུག་སྤྱོད་ལམ་ཀུན་ཏུ། འཕྲལ་འཕྲལ་འདུན་པས་སླེབ་པར་བྱས་ཏེ། གང་ཤར་དེ་ལ་བཟོ་མེད་དུ་བསྐྱངས་པས་རང་གྲོལ་དུ་འགྱུར་བའི་གནད་ཟིན་པར་བྱའོ། །འདི་དག་ཤིན་ཏུ་གལ་ཆེ་ཡང༌། དམིགས་ཐུན་གྲངས་ངེས་སུ་བཅད་པ་མེད་པས་ཅི་བདེ་བར་བྱའོ། །དམིགས་བསྐོར་ང་གསུམ་ལ་སོགས་པའོ། །གཉིས་པ་ས་ལམ་འབྲས་བུ་དང་བཅས་པའི་རྣམ་གཞག་ནི། དེ་ལྟར་སྔོན་འགྲོས་རྒྱུད་སྦྱངས། སོར་སྡུད་ཀྱིས་དབུ་མའི་ལམ་ཅུང་ཟད་དག །སེམས་གནས་པ་ལ་རང་དབང་ཐོབ་པའི། །རྣམ་རྟོག་གི་བར་ཆོད་མི་འབྱུང་ཞིང༌། འོད་གསལ་རྟགས་བཅུ་ཐོག་མར་བསྒྲུབས། བསམ་གཏན་གྱིས་དབུ་མའི་ལམ་ཤིན་ཏུ་སྦྱངས་ཤིང༌། རང་སེམས། སྟོང་གཟུགས། ལས་སྣང་དང་བཅས་པ་ཐམས་ཅད་རང་བཞིན་
― LT24_Page_113A ―
[མ་དཔེ་གཟིགས་ན་འདིར་གནོན།]
དབྱེར་མེད་སྤྲོས་བྲལ་དུ་ཤེས། རྟགས་བཅུ་བརྟན་ཅིང་སྔར་བས་ཀྱང་ཆེས་ཁྱད་པར་དུ་སོང༌། བསྐྱེད་རིམ་ལ་བརྟན་པ་ཐོབ་པའི་གང་ཟག་གིས་ཡན་ལག་འདི་ཉིད་མཐར་ཕྱིན་ན། སྦྱོར་ལམ་དྲོད་ཀྱི་དང་པོ་ལ་སླེབས་པ་ཡིན་ལ། བསྐྱེད་རིམ་མ་བརྟན་པར་འདི་རྣམས་བསྒོམས་ནས་མཐར་ཕྱིན་པ་ཡིན་ན། སྔགས་ཀྱི་ཚོགས་ལམ་ཆེན་པོ་ཙམ་ཡིན་ནོ། །དེ་ནས་སྲོག་རྩོལ་གྱི་ཡན་ལག་གིས་རླུང་བཅུ་དབུ་མར་ཐིམ་པས། གཟུང་འཛིན་ཐ་དད་པར་འཛིན་པའི་རྣམ་རྟོག་མངོན་འགྱུར་བ་འགག་ཅིང༌། ཕྱི་ནང་གི་འབྱུང་བ་ལ་ཅི་རིགས་པར་དབང་ཐོབ་པའི་རྫུ་འཕྲུལ་དང་མངོན་ཤེས་སོགས་ནུས་པའང་ཅུང་ཟད་རྙེད་པ་དང༌། གཏུམ་མོ་ཅུང་ཟད་འབར་བས་བདེ་སྟོང་གི་ཉམས་གསལ་པོར་ཤར་བ་ཡིན་ཏེ། སྔར་བསྐྱེད་རིམ་བརྟན་རུང་མ་བརྟན་རུང༌། དྲོད་ཆུང་འབྲིང་མན་ཆད་ཡན་ལག་འདིས་ཐོབ་པར་འགྱུར་རོ། །འཛིན་པའི་ཡན་ལག་གིས་རླུང་མཐའ་དག་དབུ་མའི་ཐིག་ལེ་རྣམས་ལ་ཐིམ་པས་གཏུམ་མོ་རང་འབར་རྒྱུན་མི་འཆད་ཅིང༌། ནུས་པ་དང་ཡོན་ཏན་སྔར་བས་བཅུ་འགྱུར་ནས་བརྒྱ་འགྱུར་གྱི་བར་དུ་འཕེལ། དྲོད་ཆེན་པོའི་ཡེ་ཤེས་རྒྱུད་ལ་སྐྱེས་ནས་རྩེ་མོ་ལ་མཚམས་སྦྱོར་བས་འགྱུར། རྗེས་དྲན་གྱིས་ཡེ་ཤེས་ཀྱི་སྐུ་ཆུང་ངུ་ཐོབ་ཅིང༌། གཏུམ་མོ་འབར་བ་ལྷག་པར་སྟོབས་སུ་གྱུར་པས་ཞུ་བདེ་འཛག་མེད་ཀྱི་དགའ་བཞི་རྫོགས་པར་འདྲེན། ཉོན་མོངས་རགས་པ་མངོན་འགྱུར་བ་སྤོང༌། རྩེ་མོ་མཐར་ཕྱིན་པའི་བར་དུའོ། །ཏིང་ངེ་འཛིན་ནི་བཟོད་པ་དང༌། ཆོས་མཆོག་སྟེ། ལས་རླུང་འགགས་ཤིང་ཐིག་ལེ་ལ་བརྟན་པ་སོགས་འཁོར་བའི་ལུས་ངག་ཡིད་གསུམ་དངོས་སུ་སྤོང་བར་བྱེད་པའི་ལམ་སྟེ། གསང་
― LT24_Page_113B ―
[མ་དཔེ་གཟིགས་ན་འདིར་གནོན།]
གནས་ཀྱི་འཁོར་ལོའི་ཕྱེད་མི་འགྱུར་བའི་བྱང་སེམས་ཀྱིས་གང་བས་ས་དང་པོའོ། །ཕྱེད་ཕྱི་མ་གང་བས་ས་གཉིས་པ། ཞེས་སོགས་འཁོར་ལོ་གཞན་ལྔ་ལའང་སྦྱར་བས། གཙུག་ཏོར་གྱི་ཕྱེད་ཕྱི་མ་གང་སྟེ། གཙུག་ཏོར་ཡང་ཧྲིལ་གྱིས་བརྟན་པས་ས་བཅུ་གཉིས་པའོ། །དེའི་སྐད་ཅིག་གཉིས་པར་གཉིས་སུ་མེད་པའི་ཡེ་ཤེས་ཀྱི་སྐུ་འགྲུབ་ཅེས་བྱ་སྟེ། དེ་ཡང་ཏིང་ངེ་འཛིན་གྱི་ས་བཅུ་གཉིས་པའི་སྐད་ཅིག་མ་ཐ་མ་དེར་ཡང་དག་པ་འཕགས་པའི་མཐོང་ལམ་རྒྱུད་ལ་སྐྱེས་ནས། འཁོར་བའི་ལུས་ངག་ཡིད་དང་ཆགས་རྟོག་རྣམས་སྤངས་ཟིན། དེའི་རྗེས་ཀྱི་སྐད་ཅིག་ལ་གཉིས་སུ་མེད་པ་སྟེ། ཟུང་འཇུག་གི་རང་བཞིན་སྐུ་གསུང་ཐུགས་ཡེ་ཤེས་རྡོ་རྗེ་མངོན་དུ་བྱེད། དེ་ནས་ཀུན་ཏུ་འོད་ལ་སོགས་པའི་ས་བཅུ་གཉིས་ཐོབ། གནས་ལ་སོགས་པའམ་རབ་ཏུ་དགའ་བ་ལ་སོགས་པའི་ས་བཅུ་གཉིས་སམ་བཅུ་ཅིག་རིམ་གྱིས་བགྲོད་པར་འགྱུར་ཏེ། མཐར་གྱིས་འབྲས་བུ་རྫོགས་པའི་སངས་རྒྱས་སྐུ་བཞིའི་བདག་ཉིད་ཅན། བདེན་དོན་རྣམ་པ་བཅུ་གཉིས་དང༌། དེ་ཉིད་རྣམ་པ་བཅུ་དྲུག་ཟུང་དུ་འཇུག་པའི་ངོ་བོ། །ཡོན་ཏན་དང༌། ཡེ་ཤེས་རྒྱ་མཚོ་ཟད་མི་ཤེས་པ། ཕྲིན་ལས་ནམ་མཁའ་དང་མཉམ་པའི་བདག་ཉིད་ཅན་རྒྱུན་མི་འཆད་པ་ཐོབ་པར་འགྱུར་ཏེ། སྐལ་པ་དང་ལྡན་ཞིང་བརྩོན་འགྲུས་ཅན་གྱིས་མ་ནོར་བའི་ལམ་མཆོག་འདི་ལ་འབད་ན་ཚེ་འདི་ཉིད་ཀྱིས་ཁྱབ་བདག་རྡོ་རྗེ་སེམས་དཔའ་དུས་ཀྱི་འཁོར་ལོའི་གོ་འཕང་མངོན་དུ་འགྱུར་བར་བྱེད་པ་ཉིད་དོ། །འདི་དག་རྒྱས་པར་གཞན་དུ་བཤད་པར་བྱའོ། །གསུམ་པ་རྣལ་འབྱོར་མི་ཉམས་ཤིང་འཕེལ་བར་བྱེད་པའི་ཡན་ལག་ནི། ལམ་གྱི་གེགས་སེལ་བོགས་འདོན་དང་
― LT24_Page_114A ―
[མ་དཔེ་གཟིགས་ན་འདིར་གནོན།]
རྣལ་འབྱོར་གྱི་རྒྱན་མི་ཉམས་ཤིང་བསྲུང་བ་གཉིས་སོ། །དང་པོ་ནི། གཞན་དུ་ཤེས་པར་བྱ་ལ། གཉིས་པ་ལ། བཀའ་རྒྱ་བཞི་ཡི་རྒྱས་བཏབ་པའི་ཡན་ལག །བར་ཆད་སྤང་བའི་ཡན་ལག །དམ་ཚིག་བསྲུང་བའི་ཡན་ལག །སྤྱོད་པ་སྐྱོང་བའི་ཡན་ལག་སྟེ་བཞི་ལས། དང་པོ་ནི། སྣོད་མིན་ལ་གསང་བར་གདམས་པ་སྟེ། བཀའ་རྒྱས་གདབ་བར་བྱ་བ་བཞི་ནི། སྔོན་འགྲོའི་གདམས་ངག །དངོས་གཞིའི་གདམས་ངག །རང་གི་ཉམས་མྱོང༌། བླ་མས་ཇི་ལྟར་ངོ་སྤྲོད་པ་སྟེ་བཞི་འམ། གདམས་ངག་ཇི་ལྟར་ཕོག་པ། ཉམས་མྱོང་ཇི་ལྟར་སྐྱེས་པ། ངོ་བོ་ཇི་ལྟར་སྤྲོད་པ། གེགས་སེལ་བོགས་འདོན་ཇི་ལྟར་བྱེད་པ་སྟེ་བཞི་ཡིན་ཞེས་ཀྱང་ཁ་ཅིག་འཆད་དེ། དོན་གཅིག་ཏུ་འབབ་པའི་ཕྱིར་གཉིས་ཀའང་མི་འགལ་ལོ། །སྐབས་འདིར་བཀའ་རྒྱས་གདབ་པར་བྱའོ། །གཉིས་པ་ལ། །ལམ་བཟང་འཕྲོག་པའི་ཆོམ་རྐུན་སྤང་བ། ལམ་བཟང་འདོད་པའི་རྒྱུ་གཡོ་ཅན་གྱི་སྟོན་པ་སྤང་བ་ལམ་བཟང་ལ་བར་དུ་གཅོད་པའི་བདུད་ངོ་ཤེས་པར་བྱ་བ། ལམ་ཟབ་མོ་བསྲུང་ཞིང་སྦེད་པར་གདམས་པ་སྟེ་བཞི་ལས། དང་པོ་ནི། དྲི་མེད་འོད་ལས། ལམ་བཟང་རིན་ཆེན་འདི་ནི་བག་མེད་པའི། །སེམས་ཅན་གཞན་པ་རྣམས་ལ་བྱིན་པ་ན། །རང་ཁྱིམ་དགོན་པ་དག་ཏུ་རབ་བཞགས་ཏེ། །ཡུལ་ངན་ཆོམ་ཀུན་རྣམས་ཀྱིས་འཕྲོག་པར་བྱེད། །ཐེ་ཚོམ་འགྱོད་པ་དག་དང་ཉིད་དང་ནི། །ལེ་ལོ་རྒོད་པའི་ཆོམ་རྐུན་རྣམས་ཀྱིས་ཀྱང༌། །གཉེན་འདུན་ཐིབ་བའི་ནང་དུ་ར་བཞུགས་ཏེ། རིན་པོ་ཆེ་ནི་རྟག་ཏུ་འཕྲོག་པར་བྱེད། །ཤིན་ཏུ་བཟའ་དང་བཏུང་བ་སྣ་ཚོགས་དང༌། །
― LT24_Page_114B ―
[མ་དཔེ་གཟིགས་ན་འདིར་གནོན།]
ལོངས་སྤྱོད་དུ་མའི་ཆོམ་རྐུན་རྣམས་ཀྱིས་ཀྱང༌། །བརྩོན་འགྲུས་ལྡན་དུ་ཟིན་ཀྱང་བག་མེད་ཅིང༌། །བརྒྱལ་བར་གྱུར་པ་ཉིད་ལ་འཕྲོག་པར་བྱེད། །ཅེས་གསུངས་ཏེ། རང་ཡུལ་དང་རང་ཁྱིམ་ལ་ཞེན་པ་དང༌། དགྲ་གཉེན་གྱི་ཆགས་སྡང་དང༌། གཉིད་སོགས་སྒྲིབ་པ་ལྔའི་དབང་དུ་གཏོང་བ་དང༌། ལོངས་སྤྱོད་སྣ་ཚོགས་ཀྱིས་གཡེངས་བ་དང༌། ཡུལ་ལྔ་ལ་སྲེད་པའི་ཁོང་སྐན་ཅན་རྣམས་ལ། ཏིང་ངེ་འཛིན་བཟང་པོ་དང་པོར་མི་སྐྱེ་ཞིང༌། ལན་གཅིག་སྐྱེས་ཀྱང་ཉམས་པར་འགྱུར་བས་དེ་དག་གི་དབང་དུ་མི་གཏོང༌། གཉིས་པ་ནི། །རང་ཉིད་ཡོངས་སུ་རྟོག་པ་པོ་མིན་ཕྱིར། །རིན་ཐང་ཆེན་པོར་འགྱུར་རམ་ཤེས་ཆེན་པ། །གཡོ་ཅན་གཞན་ལ་སྟོན་ཏེ་མི་འགྱུར་ཞེས། །དེ་ཡི་ཚིག་གིས་རིན་ཆེན་འདོར་བར་བྱེད། །གང་དག་རིན་ཆེན་བཟང་པོ་རིག་པ་རྣམས། །རིན་ཆེན་ཆེན་པོ་ཡོངས་སུ་རྟོག་ཏུ་གཞུག །དེ་དག་རྣམས་ཀྱིས་རྣམ་དག་ཚིག་གི་བཞི། །རང་གི་ཡིད་ཕྲེན་རྣམ་པར་ཤེས་པར་བྱ། །ཞེས་གསུངས་ཏེ། ལམ་འདི་ཉིད་ཀྱི་ཉམས་རྟོགས་ཁྱད་པར་ཅན་སྐྱེས་པའི་རྣལ་འབྱོར་པ་མ་གཏོགས། གཞན་ལ་རང་གི་ཉམས་རྟོགས་རྣམས་ཤིན་ཏུ་གསང་ཞིང་དགོས་གཅོད་མི་འདྲི་བའོ། །གསུམ་པ་ནི། རྫོགས་སངས་རྒྱས་དང་བྱང་ཆུབ་སེམས་དཔའ་དང༌། །ཕ་དང་མ་དང་བུ་མོ་སྲིན་མོ་དང༌། །བུ་དང་སྤུན་ཟླ་འདོད་པའི་ཆུང་མ་ཡི། །གཟུགས་རྣམས་ཀྱིས་ནི་བདུད་རྣམས་གེགས་བྱེད་དོ། །ཅེས་ཏེ། བར་ཆད་ངོ་ཤེས་ནས་དེའི་དབང་དུ་མི་གཏོང་བའོ། །བཞི་པ་ནི། །དེ་ཕྱིར་བླ་མ་དམ་པས་གནང་བ་ཡི། །ལམ་བཟང་རིན་པོ་ཆེ་ནི་སློབ་མ་ཡིས། །ཆོམ་རྐུན་རྩ་ལག་ཡོངས་སུ་སྤངས་བྱས་ཏེ། །འབད་པས་ཤིན་ཏུ་ལེགས་པར་སྦ་བར་བྱ། །ཞེས་གསུངས་སོ། །གསུམ་པ་དམ་ཚིག་དང་སྡོམ་པའི་ཡན་
― LT24_Page_115A ―
[མ་དཔེ་གཟིགས་ན་འདིར་གནོན།]
ལག་ནི། རྩ་བའི་ལྟུང་བ་བཅུ་བཞི་བསྲུང་ཞིང༌། རྡོ་རྗེ་སེམས་དཔའི་བརྟུལ་ཞུགས་ཉི་ཤུ་རྩ་ལྔ་ལ་གནས་པ་དང༌། བཟའ་བའི་དམ་ཚིག་གསང་སྟེ་བསྟེན་པ་དང༌། ལམ་བསྐྱེད་རྫོགས་གཉིས་སྒོམ་ཞིང༌། ཉམས་མྱོང་གི་མི་མཐུན་ཕྱོགས་རྣམས་སྤངས། མཐུན་རྐྱེན་རྣམས་བསྒྲུབ་པ་སྟེ། དམ་ཚིག་གི་རྣམ་བཞག་རྒྱས་བསྡུས་ཅི་རིགས་པར་བཤད་དོ། །བཞི་པ་སྤྱོད་པ་བསྐྱོང་བའི་ཡན་ལག་ནི། མི་དགེ་བ་བཅུ་སྤངས། །དགེ་བ་བཅུ་ལ་གནས། ཆོས་ལ་དད་པ་བརྟན་པོས་ལས་འབྲས་ལ་བླང་དོར་ཕྱིན་ཅི་མ་ལོག་པར་སྤྱོད་ཅིང༌། རང་གིས་ཇི་ལྟར་བླངས་པའི་བསླབ་པ་རྣམས་ལ་ནན་ཏན་སྙིང་པོར་བསྒྲུབ། གང་ཟག་ལ་དད་པས་སངས་རྒྱས་བྱང་སེམས་སོགས་འཕགས་པ་རྣམས་དང༌། སྐྱེས་བུ་དམ་པ་རྣམས་ལ་མོས་གུས་ཀྱི་སྒོ་ནས་སྐྱབས་སུ་འགྲོ། གསུང་བཞིན་བསྒྲུབ། སྐྱོན་ལ་མི་རྟོག །ཡོན་ཏན་བསམ། སྐྱབས་ཡུལ་ལོག་པ་ལ་ཡིད་མི་བརྟོན། དལ་འབྱོར་རྙེད་དཀའ། འཆི་བ་མི་རྟག་པ། འཁོར་བའི་ཉེས་དམིགས། ཆོས་ཀྱི་ཕན་ཡོན་བསམ་པ་སོགས་ཐེག་པ་ཐམས་ཅད་ཀྱི་ཐུན་མོང་གི་སྤྱོད་པ་ལེགས་པར་བསྐྱངས། བྱམས་པ་སྙིང་རྗེ་བྱང་ཆུབ་ཀྱི་སེམས་ཁྱད་པར་ཅན་ལ་བརྟན་ནས། ཕར་ཕྱིན་དྲུག་དང༌། བསྡུ་བའི་དངོས་པོ་བཞི་ལ་སོགས་པ་ལ་རང་བསླབ་ཅིང༌། གཞན་ཡང་སློབ་ཏུ་འཇུག །སྤྲོས་བྲལ་སྟོང་པ་ཉིད་ཀྱི་ལྟ་བ་དང༌། བདག་པས་གཞན་ཅེས་ཀྱི་སྤྱོད་པ་ཁྱད་པར་ཅན་ལ་སློབ་པ་ཐེག་ཆེན་ཐམས་ཅད་ཀྱི་སྤྱོད་པ་རྣམས་ཀྱང་སྐྱོང༌། གཞན་ཡང་གོང་དུ་བཤད་པའི་དམ་ཚིག་རྣམས་དང༌། རྫོགས་རིམ་ངེས་དོན་གྱི་སྤྱོད་པ་ལས་བརྩམས་ཏེ་དམ་ཚིག་གི་གཞིའི་སྤྱོད་པ། རིགས་དྲུག་གི་སྤྱོད་པ། ཕར་ཕྱིན་
― LT24_Page_115B ―
[མ་དཔེ་གཟིགས་ན་འདིར་གནོན།]
བཅུའི་སྤྱོད་པ་ལ་སོགས་པ་གསུངས་ཏེ། མདོར་ན་ངེས་དོན་གྱི་སྤྱོད་པ་རྣམས་སྟན་ཐོག་གཅིག་ཏུ་དྲིལ་ནས་ཉམས་སུ་ལེན་ཅིང་དྲང་དོན་གྱི་སྤྱོད་པ་རྣམས་ཀྱང་སེམས་ཅན་གྱི་དོན་དུ་སྦྱོར་བ་ལ་སོགས་པ་ཐབས་ལ་མཁས་པས་བསྒྲུབ་པར་བྱའོ། །འདི་དག་ཐམས་ཅད་རྒྱས་པ་ནི་བླ་མ་གོང་མ་རྣམས་ཀྱི་ཁྲིད་ཡིག་ཏུ་བལྟ་བར་བྱའོ། །འདིར་སྨྲས་པ། དུས་གསུམ་རྒྱལ་བའི་བགྲོད་གཅིག་ལམ་ནི་རྣལ་འབྱོར་ཡན་ལག་དྲུག་པ་སྟེ། བརྒྱད་ཁྲི་བཞི་སྟོང་ཆོས་ཀྱི་སྙིང་པོ་རྡོ་རྗེ་འཛིན་པ་ཀུན་གྱི་གསང༌། ཟབ་ཅིང་རྒྱ་ཆེ་རྟོགས་པར་དཀའ་བས་བདག་ལྟའི་སྤྱོད་ཡུལ་མ་ཡིན་མོད། སྐལ་མཉམ་གཞན་ལ་ཕན་པར་འགྱུར་སྙམ་གནས་འདིར་རྩོལ་ལའང་ཉེས་པ་ཅི། དེ་ལྟར་བླ་མ་དམ་པའི་མན་ངག་དང༌། །སྔོན་བྱོན་གྲུབ་པའི་རིང་ལུགས་ལས་བརྩམས་ནས། །རྡོ་རྗེའི་རྣལ་འབྱོར་ངེས་དོན་ཉམས་ལེན་ཚུལ། །ས་བཅུའི་དབང་ཕྱུག་རྣམས་ཀྱི་གསུང་བཞིན་བཤད། །ཟབ་དོན་ཡིད་བཞིན་ནོར་བུའི་ཕུང་པོ་དང༌། །མཁས་གྲུབ་གོང་མའི་ཐུགས་མཚོར་སྦས་པ་ལས། །ཆ་ཙམ་མངོན་དུ་ཕྱུང་ནས་འདིར་སྦྲེལ་གྱི། །དེ་ཡི་དགེ་བ་འགྲོ་བའི་དོན་དུ་བསྔོ། །སྲིད་པའི་གནས་འདིར་ཁྱབ་བདག་རྡོ་རྗེ་སེམས། །བརྟན་གཡོ་ཀུན་གྱི་མགོན་དུ་བཞུགས་པ་ཡང༌། །གཟུང་འཛིན་དྲི་མའི་དཔུང་ཚོགས་ཀུན་བཅོམ་སྟེ། །རང་གནས་རྟག་བདེའི་རྒྱལ་སྲིད་སྤྱོད་པར་ཤོག །ཅེས་ཟབ་ལམ་རྡོ་རྗེའི་རྣལ་འབྱོར་གྱི་འཁྲིད་ཡིག་མཐོང་བ་དོན་ལྡན་ཅེས་བྱ་བ་འདི་ནི། ཀུན་མཁྱེན་ཆོས་ཀྱི་རྒྱལ་པོ་ཇོ་ནང་པ་ཡབ་སྲས་ཀྱི་ཕྱག་ལེན་ཇི་ལྟ་བ་སྟེ། གྲུབ་ཐོབ་བརྒྱུད་པ་གོང་མ་རྣམས་ཀྱི་ཡི་གེ་སོ་སོའི་གནད་ཀྱང་ཚང་བར་བྱས་ཤིང༌། ཚིག་ལམ་མཛེས་ཁྲིགས་སྤངས་ཏེ། ཐ་མལ་བའི་སྐད་ཀྱིས་ཤིན་ཏུ་གོ་བདེ་བར་བརྗོད་པ་ཡིན་ལ། དེ་ཡང་གོང་
― LT24_Page_116A ―
[མ་དཔེ་གཟིགས་ན་འདིར་གནོན།]
མ་རྣམས་ཀྱི་འཁྲིད་ཡིག་སོ་སོ་དག །དོན་བཟང་ལ་ཚིག་ལེགས་པས། མཁས་པའི་འཇུག་ངོགས་བླ་ན་མེད་པ་ཡིན་ཀྱང༌། མན་ངག་ཕྱག་གཞེས་མང་པོ་ཞིག་གབ་པར་མཛད་ཅིང་ཚིག་དོན་རྒྱ་ཆེ་བས་ཕལ་ཆེར་གྱིས་རྟོགས་པར་དཀའ་བས་ན། ལམ་ཟབ་མོ་ལ་མི་འཇུག་པ་དག་མཐོང་བས། ཆོས་རྗེ་ཀུན་སྤང་ཆེན་པོ་དང༌། ཆོས་རྗེ་ཕྱོགས་ལས་རྣམ་རྒྱལ་ལ་སོགས་པའི་འཁྲིད་ཡི་གེ་གི་ཞབས་ཏོག་ཏུ་དམིགས་ནས་སྨྲས་པའོ། །དེ་ཡང་སྔ་ཕྱིར་དོན་གཉེར་དུ་མས་ཀྱང་བསྐུལ་བ་དང༌། ཁྱད་པར་མདོ་སྨད་བང་བོན་པོ་ཡོན་ཏན་ལྷུན་གྲུབ་ལ་སོགས་པས་འཕྲལ་དུ་བསྐུལ་བ་དང༌། གཞན་དུ་མ་ལ་ཡང་ཕན་པར་མཐོང་ནས། རྒྱལ་ཁམས་པ་ཏཱ་ར་ནཱ་ཐས་རང་ལོ་བཞི་བཅུ་པ་ལ་ནགས་རྒྱལ་གྱི་དབེན་གནས་དཔལ་ཇོ་མོ་ནང་དུ་སྦྱར་བའོ།། །།དགེའོ། །
གདམས་ངག་མཛོད་པོད་བཅོ་ལྔ་པ།
རྣལ་འབྱོར་ཡན་ལག་དྲུག་པའི་རྟགས་ཚད་ཀྱི་ཡི་གེ
― LT24_Page_117A ―
[མ་དཔེ་གཟིགས་ན་འདིར་གནོན།]
རྣལ་འབྱོར་ཡན་ལག་དྲུག་པའི་རྟགས་ཚད་ཀྱི་ཡི་གེ་བཞུགས་སོ།། །།
― LT24_Page_117B ―
[མ་དཔེ་གཟིགས་ན་འདིར་གནོན།]
ན་མོ་གུ་ར་ཝེ། ཟབ་ལམ་རྡོ་རྗེའི་རྣལ་འབྱོར་བསྒོམས་པའི་རྟགས་ཚད་ལ་འཕྲོས་ནས་རྟགས་ཀྱི་རྣམ་བཞག་རག་པ་རྣམས་བཤད་པར་བྱའོ། །འདི་དག་ཀྱང་རྩ་བ་རྣམས་རྒྱུད་འགྲེལ་ལས་གསལ་བར་གསུངས་ཤིང༌། བརྒྱུད་པ་གོང་མ་རྣམས་ཀྱིས་འདི་དག་མཐའ་དག་ཉམས་མྱོང་གིས་གྲུབ་པར་མཛད་ལ། ད་ལྟའི་བར་དུ་ཡང་ཡན་ལག་དང་པོ་དངོས་དང་གཞན་རྣམས་རྗེས་མཐུན་པའི་དབང་དུ་བྱས་ན། ཉམས་མྱོང་གི་གཙོ་བོ་གཙོ་བོ་རྣམས་ལ་རྟགས་ཐོན་པ་དང་ཡོན་ཏན་སྐྱེས་པའི་རྒྱུན་མ་ཆད་པའི་རིམ་པ་ཅན་ཡིན་ནོ། །དེ་ཡང་བོད་ཡུལ་གྱི་གདམས་པ་ཆོས་གཞན་རྣམས་ཀྱི་ཉམས་མྱོང་རྟགས་ཚད་རྣམས་ད་ལྟར་བསྒོམ་པའི་ཚེ། བཤད་ཚོད་དང་མཐུན་མི་མཐུན་ཅི་རིགས་ཡོད་ཅིང༌། ཆོས་འདི་རྣམས་ལ་རྟགས་རྣམས་འཁྲུལ་མེད་ཅན་དུ་འབྱུང་བ་ནི། རྒྱུད་དང་སེམས་འགྲེལ་སྐོར་གསུམ་ནས་མན་ངག་གི་རྩ་བ་ཐམས་ཅད་ལྷག་ཆད་མེད་པར་གསུངས་པས། གདམས་ངག་འདི་ནི་རྡོ་རྗེ་འཆང་གི་དགོངས་པ་ཟུར་མ་ཉམས་པ་ཡིན་ལ། གཞན་རྣམས་
― LT24_Page_118A ―
[མ་དཔེ་གཟིགས་ན་འདིར་གནོན།]
ལ་ནི་སེམས་འགྲེལ་སྐོར་གསུམ་ལྟ་བུའི་དབང་པོ་མེད་ཅིང༌། རྒྱུད་ཚིག་རྣམས་ཀྱང་ཞལ་མི་གསལ་ཞིང་གབ་པར་ཡོད་པས་བརྒྱུད་པ་མང་པོ་ཞིག་བརྒྱུད་པ་ལས་མན་ངག་གི་ཟུར་ཉམས་པའི་རྒྱུ་ལས་ཡིན་ནོ་གསུངས་སོ། །དེ་ལ་སྔོན་འགྲོ་དབེན་གསུམ་གྱི་སྐབས་སུ་མཐོང་ཉམས་དང་ལུས་ཉམས་སོགས་ནི་མ་ངེས་པ་སྣ་ཚོགས་འབྱུང༌། དབེན་གསུམ་དང་སོར་སྡུད་ཀྱི་སྐབས་ཅི་རིགས་སུ། ལུས་གནད་མདུན་དུ་བུབ་ན་སྙིང་གའི་དབུས་ཀྱི་ནང་མདུན་གྱི་རླུང་དང་ཕྲད་པས་ཤེས་པ་ཧོལ་ལེ་བ་འབྱུང༌། གཡས་སུ་ཡོ་ན་མེ་དང་ཕྲད་པས་འཚུབ་ལོང་བ་དང༌། གཡོན་དུ་ཡོ་ན་ཆུ་དང་ཕྲད་པས་ཉོག་གེ་བ་དང༌། རྒྱབ་ཏུ་ཡོ་ན་ས་དང་ཕྲད་པས་བྱིང་ཞིང་སྲ་འཐས་པའི་ཉམས་འབྱུང༌། དེ་དག་སྤངས་ཏེ་སྒལ་ཚིགས་བསྲངས་པས་སྙིང་ལྟེ་བར་གྱི་རྩ་འདྲོངས་པས་སྲོག་རླུང་འཆིང༌། རྡོ་རྗེ་སྐྱིལ་ཀྲུང་དང་འོག་ཚགས་ལེགས་པོར་བྱས་པས་ཐུར་སེལ་དང༌། མགྲིན་པ་དགུག་པས་གྱེན་རྒྱུ་དང༌། གསུས་པ་མཉམ་དགང་དུ་ཤུགས་ལ་ཡང་འབྱུང་བ་བྱེད་
― LT24_Page_118B ―
[མ་དཔེ་གཟིགས་ན་འདིར་གནོན།]
ཀྱང་དགོས་ཏེ་དེས་མཉམ་གནས་དང༌། ལྟ་སྟངས་ཀྱིས་མིག་ཏུ་རྒྱུ་བའི་རླུང་དང༌། མགྲིན་པ་བཀུག་ནས་སོ་མཆུ་རང་སོ་དང༌། ལྕེ་རྩེ་ཡར་རྐན་ལ་སྦྱར་བས་རྣ་བའི་རྩ་ཡང་ཁྱུར་ཏེ་འོང་བས་རྣ་བ་དང་ལྕེ་བའི་རླུང་འཆིང་བ་དང༌། སྦྱོར་བ་དེ་དང་རླུང་སྣ་ནས་དལ་བུས་བཏང་བས་སྣའི་རླུང་དང༌། ཁུ་ཚུར་བརླ་བཞག་ལུས་གྲིམས་ལྷོད་རན་པར་བྱས་པས་ལུས་དབང་ལ་རྒྱུ་བའི་རླུང་དང༌། ཐམས་ཅད་བསྡོམས་པས་ཁྱབ་བྱེད་ཀྱི་རླུང་འཆིང་སྟེ། དེ་ཡང་ལུས་གནད་ཁོ་ནས་འཆིང་ཐུབ་པ་རང་ཏ་མ་ཡིན་མོད། ལུས་གནད་དང་དམིགས་པ་སྦྱར་བས་ཡིན་ནོ། །དེ་ལྟར་བསྒོམས་པས། སེམས་ཉམས་གཙོ་ཆེ་བའི་དབང་དུ་བྱས་ན། ཉམས་གནས་སྐབས་དང་པོ་ནི། སེམས་སྐད་ཅིག་ཀྱང་མི་གནས་ཤིང་རྣམ་རྟོག་སྔར་བས་མང་བ་འཕྲོ་རྒོད་ཆེས་ཆེ་བ་འབྱུང༌། འགའ་ཞིག་གཅིག་རྟིང་ལ་གཅིག་བྲེང་མ་ཆད་ཅིང་རིགས་མི་འདྲ་བ་ཤ་སྟག་འབྱུང་བའང་ཡོད། འགའ་ཞིག་ཡུལ་གཅིག་ལ་བརྟེན་པ་ཉིད་རྣམ་འགྱུར་མི་འདྲ་ཙམ་གྱིས་ཡང་ཡང་དྲན་ཡོང་བའང་ཡོད། ད་སྒོམ་མི་སྐྱེ་བ་ཡིན་ནམ་སྙམ་པ་དང༌། འདི་བས་གཞན་ཞིག་བྱས་ན་དགའ་ལ་སྙམ་པ་ཡང་འབྱུང༌། དེ་ནི་སྔོན་སྒོམ་མ་བྱས་པའི་དུས་ན་རྣམ་རྟོག་མང་ཡང་ཁ་ཕྱིར་བལྟས་སུ་སོང་ནས་ངོ་མ་ཤེས། འདིར་ཁ་ནང་ལོག་གིས་བལྟས་པས་འགྱུར་བ་ལ་འགྱུ་བ་རིག་ཤེས་བྱུང་བ་ཙོམ་ཡིན་ཀྱི། རྣམ་རྟོག་སྔར་ལས་མང་དུ་སོང་བ་མིན། གཞན་ཡང་སྐབས་དེར་ཕར་ཆེར་ལ་ལུས་གནད་མ་འབྱོངས་པས་ལུས་ཀྱང་ན་ཟུག་ཆེ། དབུགས་འཐུམས་པ་དང་འདར་བ་འབྱུང༌། སེམས་ཀྱང་ཚིག་པ་ཟ་བ་དང༌། གཞན་དུ་འགྲོ་འདོད་པ་དང༌། གུ་དོག་པའི་རྣམ་པ་
― LT24_Page_119A ―
[མ་དཔེ་གཟིགས་ན་འདིར་གནོན།]
སྔར་གྱི་ནད་གཞི་རྙིང་པ་ཡོད་ན་ལྡང་བ་སྙམ་བྱེད། དེ་ནི་ཅུང་ཟད་སེམས་ཟིན་པའི་འབྲས་བུ་སྟེ། གཡོ་བ་ཞེས་བྱ་བའི་ཉམས་ཡིན་ལ། དཔེ་རི་གཟར་གྱི་འབབ་ཆུ་དང་འདྲའོ། །གནས་སྐབས་གཉིས་པ་ནི། དེ་དག་ལ་སྐྱོན་ཡོན་དགའ་སྡུག་གང་དུ་ཡང་མ་བལྟས་པར་བསྒོམས་པས། སྔ་མ་ལྟར་རྣམ་རྟོག་མང་པོ་ཡོང་འཕྲོ་ལ་ཅུང་ཟད་རེ་ཞི་མལ་སོང་བ་དང༌། ལུས་དང་དབུགས་ཀྱང་བདེ་བ་སྙམ་བྱེད། དེའི་འཕྲོ་ལ་སྔར་བཞིན་རྣམ་རྟོག་ལྡང་ཞིང༌། ལུས་དང་དབུགས་ཀྱང་མི་བདེ་བ་སྐྱེ། དེ་ནི་ཐོབ་པ་ཞེས་བྱ་བའི་ཉམས་ཏེ། དཔེ་བྱ་ཙི་ཙི་མོའམ། རོང་ཁུང་དོག་པའི་འབབ་ཆུ་དང་འདྲའོ། །གསུམ་པ་ནི་ད་དུང་བསྒོམས་པས་མགོ་དང་རོ་སྟོད་ལྗི་བ་ཙམ་འབྱུང༌། སྔར་ལས་རྣམ་རྟོག་དེ་ཕྲ་རུ་སོང་བ་སྙམ་བྱེད་ཅིང་ཤུགས་ཆུང་ལ། འཕྲལ་རང་ལ་ཡལ་འགྲོ་བ་མེ་སྟག་གནམ་དུ་ཡར་བ་ལྟ་བུ་དང༌། རེས་འགའ་རྣམ་རྟོག་འཆར་ཚད་པ་ལ་ཟློག །རེས་འགའ་རྣམ་རྟོག་མི་འགྱུར་བར་ཧར་རེ་ཚོམ་མེ་གསལ་ཆ་དྭངས་ཆ་ངར་ཆ་མེད་པ་ལ་ལུས་ཡོང༌། །དེ་སྐབས་སུ་ཧུར་ཕྱུང་ངར་བཏོན་ཏེ་བསྒོམ་པ་གལ་ཆེ། དེས་ཤེས་པ་གསལ་དྭངས་ཅན་ལ་ལྷན་ལྷན་གནས་པ་འོང༌། དེ་འཕྲོ་ལ་རྣམ་རྟོག་ཐོལ་ལོ་ལོ་སྐྱེ་དེ་ལྟར་སྤེལ་མར་འབྱུང་སྟེ། ལུས་ཉམས་ངག་ཉམས་སྔར་བས་ཆེས་འཇམ་ཞིང་བདེ་བའི་མགོ་ཟིན་ཏེ། གོམས་པ་ཞེས་བྱ་བའི་ཉམས་ཡིན་ལ། དཔེ་མི་རྒན་པོའི་སྤྱོད་ལམ་དང༌། རི་དྲུང་གི་རྫིང་བུའམ་སྦལ་པ་མཆོད་པ་དང་འདྲའོ། །བཞི་པ་ནི། ད་དུང་ཡུན་བསྲིངས་ཏེ་བསྒོམས་པས་རྣམ་རྟོག་ཆིག་སྐྱེར་བ་དང༌། གཉིས་བསྟུད་གསུམ་བསྟུད་ཐོལ་ཐོལ་བ་འབྱུང༌། ཕལ་ཆེར་རྩེ་གཅིག་ཏུ་འཇམ་ཉལ་ལེ་
― LT24_Page_119B ―
[མ་དཔེ་གཟིགས་ན་འདིར་གནོན།]
གསལ་སེང་ངེ་གནས། ལུས་ཉམས་ཕལ་ཆེར་བདེ་ཆམ་པ་འབྱུང༌། རླུང་ཡང་ཕལ་ཆེར་འཇམ་ཞིང་བདེ། རེས་འགའ་སྣ་སྒོའི་རླུང་གི་རེག་བྱ་དང་སྒྲ་ཤིན་ཏུ་གསལ་བས་སེམས་གནས་སུ་མི་སྟེར་བར་སུན་པ་སྙམ་བྱེད། རེས་འགའ་རྣམ་རྟོག་འགྱུ་འགྱུ་འདྲ་ཡང་ངོས་བཟུང་མེད་པར་ལྷན་ནེ་གནས། རེས་འགའ་སེམས་བཏང་ཡང་མི་འགྲོ་སྟེ། དེ་ནི་བརྟེན་པའི་ཉམས་ཞེས་བྱ་བ་ཡིན། དཔེ་རུས་སྦལ་མཁར་གཞོང་དུ་བཅུག་པ་དང༌། མཚོ་ཆུང་སེར་བུས་བསྐྱོད་པ་དང༌། ལྕགས་སྦུགས་སུ་ཆུ་བླུག་པ་ལྟ་བུའོ། །ལྔ་པ་ནི་ད་དུང་འབད་དེ་བསྒོམས་པས་སྔ་མ་ལས་ཀྱང་ལུས་ཉམས་ངག་ཉམས་བདེ་ཞིང་ལུས་ཡོད་པ་མི་ཤེས། རླུང་རྒྱུ་བ་མི་ཚོར་བ་དང༌། ཤེས་ཀྱང་བདེ་སྡུག་མེད་པའི་བཏང་སྙོམས་ལ་གནས་ཏེ་སེམས་མི་འཕྲོ་བ་དང༌། འགའ་ཞིག་བརྟགས་ན་ཤེས་མ་བརྟགས་ན་མི་ཤེས་པའང་འབྱུང༌། སེམས་ཞི་གནས་གཅིག་ཏུ་མེར་གྱིས་སོང་ནས། སེམས་གཞག་ན་སྡོད། བཏང་ན་འགྲོ། དགོས་དུས་སླེབ་ནས་རང་དབང་ཐོབ། སྒྲ་དྲག་པོ་སོགས་ཕྱིའི་རྐྱེན་བྱུང་བ་དང༌། ནང་གི་རྩོལ་པས་སད་པར་བྱས་ན་མ་གཏོགས་ཐུན་རེ་འཁྱོངས་པ་འབྱུང་སྟེ། མཐར་ཕྱིན་པའི་ཉམས་ཞེས་བྱ་བ། དཔེ་རྒྱལ་པོ་འཁོར་ལ་དབང་བསྒྱུར་བ་དང༌། རི་བོ་ཆེན་པོ་ལྟ་བུ་དང༌། མཚོ་ཆེན་རླབས་དང་བྲལ་བ་ལྟ་བུའོ། །དེ་ལྟར་ཡང་གཡོ་ཐོབ་གོམས་བརྟན་མཐར་ཕྱིན་ཏེ། བསམ་གཏན་ལམ་གྱི་སྐྱེ་ཚུལ་ཡིན། །ཞེས་གསུངས། ཡང་ཉམས་སྐྱེ་ཚུལ་ལྔ་པོ་དེ་དག་ལ་རིམ་པས། རྣམ་རྟོག་ངོས་འཛིན་གྱི་ཉམས། ངལ་གསོའི་ཉམས། ཐང་ཆད་ཀྱི་ཉམས། རླབས་བཅས་ཀྱི་ཉམས། རླབས་དང་
― LT24_Page_120A ―
[མ་དཔེ་གཟིགས་ན་འདིར་གནོན།]
བྲལ་བའི་ཉམས་ཞེས་གསུངས། ལྔ་པ་འདི་འོད་གསལ་རྟགས་བཅུའི་སྟེང་དུ་གནས་ཤིང་བརྟན་པ་ཐོབ་ན། རྐྱེན་དྲག་པོས་ཀྱང་སྒོམ་ལ་འདུ་འབྲལ་མི་འབྱུང་སྟེ། འབྲས་བུ་འོད་གསལ་ལ་སྦྱོར་ཐུབ་གསུང་ངོ༌། །དེ་དག་ལ་རེས་འགའ་སེམས་མི་གསལ་བ་དྭངས་ཆ་མ་རྙེད་པ་འབྱུང་སྟེ། དེ་ནི་ཞི་གནས་ལྟེང་སོར་གྲགས་པ་བྱེད་པ་དང་འདྲེན་པའི་སྐྱོན་ཡིན། ཕྱིས་སྐབས་གཅིག་ན་དེ་ལྟ་བུ་ཡང་བྱུང་རྒྱལ་དུ་བསྐྱངས་པས་མི་རྟོག་པ་སྐྱོན་མེད་དུ་འགྲོ་བ་ཡོད་ཀྱང༌། རེ་ཞིག་ཤེས་པ་གྲིམས་ཆ་ཐོན་པར་བྱས་ལ་སྦྱང་དགོས། དེ་དག་གི་བར་བར་དུ་འདོད་ཡོན་གྱི་གཡེང་བ་སྔར་བྱས་དྲན་པ་ནི་མི་རྒོད་པ་དང༌། ཕྱིས་བྱེད་འདོད་ནི་འདོད་པ་ལ་འདུན་པ་དང༌། བྱ་ཉེས་ཕྲ་མོ་ཚུན་ཆོད་ལའང་འགྱོད་པ་སྐྱེ་བ་དང༌། ཆོས་དང་བྱ་བ་གང་ལ་ཡང་ཡིད་གཉིས་ཐེ་ཚོམ་མང་པོ་འབྱུང་སྟེ། སྒོམ་ལ་བཞག་ནས་རིག་པ་དྭགས་པོ་བྱུང་བའི་ཚེ། དེ་དག་གང་རུང་ཞིག་བསྐྱར་གྱིན་བསྒྱར་གྱིས་བློ་ལ་འཆར་པས་སེམས་ལ་གནོད་པར་འབྱུང་སྟེ། ཕྱིས་སྐབས་གཅིག་ན་དེ་ལྟ་བུ་ཡང་བྱུང་རྒྱལ་དུ་བསྐྱངས་པས་གསལ་བའི་ཏིང་ངེ་འཛིན་གྱི་འགྲོ་བ་གྲོགས་སུ་འགྲོ་བ་ཅིག་ཡོད་ཀྱང༌། རེ་ཤིག་ཆེད་དུ་སྤངས་ན་ལེགས་པས། དེ་དག་གི་ཡུལ་རྣམས་བདེན་མེད་སྒྱུ་མ་ལྟ་བུར་ཤེས་པ་དང༌། རྒོད་འདུན་ལ་ངེས་འབྱུང་དང༌། འགྱོད་པ་ལ་སྤྲོ་བ་བསྐྱེད་པ་དང༌། ཐེ་ཚོམ་ལ་བློ་ཐག་བཅད་པ་རྣམས་ལན་ཁ་ཡར་ཤུགས་བསྐྱེད་དེ་བསྒོམས་པས་སེལ། དེ་དག་ནི་དཔེན་གསུམ་དང་པོར་སྡུད་ཀྱི་སྐབས་སུ་ཅི་རིགས་པར་དགོས་སོ། །དཔེན་གསུམ་དང་ཐུན་མོང་བ་རྣམས་བཤད་ཟིན་ཏོ། །ད་ནི་སོར་སྡུད་ཀྱི་ཉམས་རྣམས་
― LT24_Page_120B ―
[མ་དཔེ་གཟིགས་ན་འདིར་གནོན།]
བཤད་པར་བྱ་སྟེ། ནང་དུ་རླུང་སེམས་འགགས་པ་ལས་རྟགས་བཅུ་འཆར་བའི་ཚུལ་ནི། ཤེས་རབ་ཀྱི་ཕྱོགས་ལས་རླུང་དབུ་མར་འདུས་པས་དུ་བ་ལྟ་བུ་སྟེ་ཕྱུར་པ་དང༌། དུག་དང་ཆགས་པ་ལྟ་བུ་མེར་རེ་བ་དང༌། སྤོས་རེང་གི་དུ་བ་ལྟ་བུ་ཁྱུར་ཁྱུར་འགྲོ་བ་དང༌། ཆར་སྤྲིན་གསར་པ་འདྲ་བ་དང༌། རྨུགས་པ་འཐིབས་བ་ལྟ་བུ་འབྱུང་ཞིང༌། ཁ་དོག་སེར་དཀར་དམར་ནག་ལྗང་སྔོ་ཁྲ་བོ་སོགས་སྣ་ཚོགས་དང༌། ཁ་དོག་གཅིག་པ་དང༌། གཉིས་ལྡན་གསུམ་ལྡན་བཞི་ལྡན་ལྔ་ལྡན་ལ་སོགས་པ་སྣ་ཚོགས་དང༌། ཚད་ཀྱང་ཆེ་ཆུང་མ་ངེས་པ་བརྟན་པ་དང་གཡོ་བ་རྒྱུ་པའི་ཚུལ་ཀྱང་གཅིག་ཏུ་མ་ངེས་པ་འབྱུང་ངོ༌། །ངག་ཉམས་རླུང་ཐོན་དཀའ་བ་དང༌། ལུས་ཉམས་ལུས་བརྗི་སྙམ་བྱེད། སྙིང་ག་ལ་སོགས་པ་ནས་གཞན་གྱིས་མནན་པའམ་བཙིར་བ་སྙམ་བྱེད་པ་འབྱུང༌། སེམས་ཉམས་བྱིང་རྨུགས་ཤས་ཆེ་རྨི་ཉམས་སུ་དུ་བ་རླངས་པ་འཚུབ་མ་རྨུགས་པ་སོགས་དང༌། སའི་འོག་ཏུ་ནོན་པ་དང༌། ས་ཕུག་དང་ཁུང་དུ་ཉལ་བ་སོགས་འབྱུང༌། ཆུ་རླུང་དབུ་མར་འདུས་པས། སྨིག་རྒྱུ་ལྟ་བུ་སྟེ་ཤིག་ཤིག་པ་དང༌། ཆུ་བོ་ལྟ་བུར་རྒྱུག་པ་དང༌། ཆར་ཟིམ་རླུང་གིས་བསྐྱོད་པ་ལྟར་ཧྲིབ་ཧྲིབ་བ་འབྱུང༌། ཁ་དོག་དང་རྒྱ་ཆེ་ཆུང་དང་བརྟན་གཡོ་ལ་སོགས་པ་གོང་དུ་བཤད་པ་ལྟར་མ་ངེས་པའོ། །ལུས་ཉམས་འཇམ་ལ་མཉེན། ལུས་བསིལ་བ་དང་གང་ལྟར་འདུག་ཀྱང་བདེ་བའི་རྣམ་པ་འབྱུང་སེམས་ཉམས་གནས་པ་དང་རྣམ་རྟོག་རེས་མོས་སུ་འབྱུང་ཞིང༌། བདེ་མི་བདེ་རེས་མོས་སུ་འཆར། །རྨི་ཉམས་སུའང་ཆུ་བོ་དང་ཆར་དང་སྨིག་རྒྱུ་ལ་སོགས་པ་འབྱུང༌། །མེ་རླུང་འདུས་པས་སྲིན་བུ་མེ་ཁྱེར་ལྟ་བུ་སྟེ།
― LT24_Page_121A ―
[མ་དཔེ་གཟིགས་ན་འདིར་གནོན།]
འོད་ཕྲ་མོ་ཙིམ་ཙིམ་མང་པོ་ནམ་མཁའ་ལ་སྐྱེ་ཞིང་ཡལ་བ་དང༌། འཕྲོ་ཞིང་འདུ་བ་དང༌། ཏོག་ཡར་གྱིས་འགྲོ་བ་འབྱུང༌། ལུས་ཉམས་དྲོད་ཆེ་བ་སྐབས་སུ་རྡུལ་དང་བཅས་པ་དང༌། བཀྲེས་སྐོམ་གྱི་སྣང་བ་འབྱུང༌། ངག་ཉམས་སུ་དབུག་ཁ་ཐུང༌། སེམས་ཉམས་སུ་ཤེས་པ་གསལ་ལ་འཕྲོ་ཞིང་རྩུབ། རྨི་ཉམས་སུ་མེའི་སྣང་བ་མང་དུ་འབྱུང༌། །རླུང་གི་རླུང་འདུས་པས་མར་མེ་འབར་བ་ལྟ་བུ་སྟེ། འོད་ཚད་འབྲིང་ཙམ་གསལ་ཞིང༌། འབར་བ་ཡུན་རིང་དུ་གནས་ཤིང་གཡོ་བ་མེད་པ་དང༌། འདར་ཁྲིལ་བ་འབྱུང༌། འཕྲེང་དུ་བསྒྲིགས་པ་དང༌། གཅིག་ཏུ་ཆེར་འབར་བ་དང༌། གཅིག་རྟིང་ལ་གཅིག་འབྱུང་བ་སོགས་མདོག་དབྱིབས་ཚད་སོགས་མ་ངེས་པ་གོང་བཞིན་ནོ། །ལུས་ཉམས་ཡང་ཞིང་གཡོ། ངག་ཉམས་དབུགས་འཇམ་ཞིང་དལ། དབུགས་ཕྱི་ནང་དུ་འགག་པ་སྙམ་བྱེད། སེམས་ཉམས་ཡུལ་ཡུལ་བ་དང༌། བརྗེད་ངས་ཆེ་བ་དང༌། གཏད་མེད་དུ་ཆོ་ལང་ངེ་འབྱུང༌། རྨི་ཉམས་སུ་རླུང་ཚུབས་དང་བྱ་སོགས་ལྡིང་བ། རྟ་སོགས་སྲོག་ཆགས་རྒྱུག་པའི་རྣམ་པ་འབྱུང་སྟེ་མཚན་རྟགས་བཞིའོ། །དེ་ལྟར་བཞི་དང༌། འོག་ཏུ་འཆད་པའི་ཐིག་ལེ་ལྔ་ནི་ཤེས་རབ་ཕྱོགས་ཀྱི་འབྱུང་བ་ལྔ་འདུས་པ་ཡིན་པས། ཁམས་ལྔའི་རླུང་འདུས་པ་ཞེས་བྱའོ། །འདིའི་འཕྲོས་ལས་ནམ་མཁའི་རླུང་འདུས་ན་མཆོག་གི་ཆ་ལྟ་བུའི་རྟགས་སྐབས་འདིར་འབྱུང་ངོ༌། །ཞེས་གསུངས་ལ། ཉིན་མཚན་གཉིས་ཀར་གྱི་ཐུན་མོང་དུ་ནམ་མཁའ་སྤྲིན་མེད་པ་ལྟ་བུའི་རྟགས་ཀྱང་འབྱུང་སྟེ། འདི་ནི་ཉིན་རྟགས་རྣམས་འཆར་བའི་གཞི་ཡིན་པས་རྟགས་བཅུའི་ནང་དུ་ལོགས་སུ་མ་བགྲངས་པ་
― LT24_Page_121B ―
[མ་དཔེ་གཟིགས་ན་འདིར་གནོན།]
ཡིན་ནོ། །དེ་ཡང་སྐར་ཁུང་གི་བུ་ག་ལྟ་བུ་དང༌། གློ་སྐར་དང༌། མཐོངས་ཀ་དང༌། ཚགས་སེ་དང་གྲ་མིག་ལ་སོགས་པའི་རྣམ་པ་འབྱུང་ཞིང༌། མཐར་དེ་དག་གཅིག་ལ་གཅིག་འབྲེལ་ཏེ། ཇེ་ཡངས་ཇེ་ཡངས་སུ་གྱུར་ནས། ནམ་མཁའ་མཐའ་དབུས་མེད་པར་འགྲོ། ཁ་དོག་མ་ངེས་པ་སོགས་གོང་དང་འདྲ། འོན་ཀྱང་ནམ་མཁའ་ལྟ་བུའི་རྟགས་ཡིན་ན་གང་མི་སྒྲིབ་ཅིང་དྭངས་པ་ཞིག་འོང་ངོ༌། །ཐབས་ཀྱི་ཕྱོགས་མ་རླུང་གི་རླུང་དབུ་མར་འདུས་པས་སེར་པོ་འབར་བའི་རྣམས་པ་འབྱུང་སྟེ། སྤྲིན་མེད་པའི་ནམ་མཁའ་ལ་མེ་འོད་ཀྱིས་ཁྱབ་པ་དང༌། ཐབ་ཀྱི་མེ་འདྲ་བ། ནག་མེས་ཚིག་པ་ལྟ་བུའི་རྣམས་པ་དང༌། མེ་ལྕེ་གཡས་གཡོན་དུ་རྒྱུ་བ་སོགས་འབྱུང་སྟེ། དེ་ཡང་སེར་པོ་གཙོ་བོ་ཡིན་ལ་ཁ་དོག་མ་ངེས་པ་སྣ་ཚོགས་སུ་འབྱུང་བ་སོགས་གོང་དང་འདྲ། ཁྱད་པར་མུན་ཁང་དུ་དམར་པོ་ཤས་ཆེ་བ་དང༌། སྤྲིན་མེད་ཀྱིས་ནམ་མཁའ་ལ་དཀར་པོ་ཤས་ཆེ་བ་འབྱུང་ཞེས་གོང་མ་འགའ་ཞིག་གསུང༌། དེ་ཡང་གཅིག་ཏུ་མ་ངེས་པར་འདུག་ཅིང༌། ལྷབ་ལྷབ་འབར་བའི་རྣམ་པ་ཅན་དུ་བྱུང་ན། ཁ་དོག་ཇི་ལྟར་བྱུང་ཡང་རུང་སེར་པོ་འབར་བའི་ཕྱོགས་མཐུན་དུ་བསྡུའོ། །མེ་རླུང་དབུ་མར་འདུས་པས་དཀར་པོ་འབར་བ་ཞེས་བྱ་བ་ཟླ་བའི་རྣམ་པ་འཆར་ཏེ་འོད་དཀར་པོ་ནང་རྒྱུག་པ་དང༌། གློ་སྐར་དང༌། མཐོངས་ཀ་ནས་ཟླ་ཟེར་ཤར་བ་དང༌། ཚེས་གཅིག་ནས་བཅོ་ལྔའི་བར་གྱི་ཟླ་བའི་གཟུགས་སྣ་ཚོགས་པ་དང༌། ཕྱོགས་ཐམས་ཅད་འོད་ཟེར་དཀར་པོས་ཁྱབ་པ་སོགས་མདོར་ན་ཁ་དོག་དཀར་པོ་ཤས་ཆེ་བའི་སྣ་ཚོགས་པ་དག་འབྱུང་སྟེ། སྐར་མདའ་འཕོ་བ་ལྟ་བུ་དང་ལྕགས་སྒྲོག་ལྟར་
― LT24_Page_122A ―
[མ་དཔེ་གཟིགས་ན་འདིར་གནོན།]
སྦྲེལ་བ་དང་སྐྱ་ལིང་བ་སོགས་འབྱུང་ངོ༌། །ཆུ་རླུང་དབུ་མར་འདུས་པས་དམར་པོ་འབར་བ་ཉི་མ་ལྟ་བུའི་ཉམས་འབྱུང་སྟེ། ཉི་མའི་དཀྱིལ་འཁོར་མཐོང་ཡང་རི་རྩེ་ཁང་ལོགས་ས་མཐིལ་སོགས་ལ་ཉི་འོད་འཕོག་པ་ལྟ་བུ་དང༌། གློ་སྐར་དང་ཐོངས་ཀ་ནས་ཉི་མཐོངས་བྱུང་བ་འདྲ་བ་དང༌། ཁུན་ཁང་གི་ནང་ཉིན་མོ་ལྟར་མཐོང་བ་དང༌། ཉི་མའི་དཀྱིལ་འཁོར་ལྟ་བུའི་འོད་ཟེར་གསལ་བ་དབྱིབས་དང་ཁ་དོག་མ་ངེས་པ་དང༌། འོད་ཟེར་གསལ་ཞིང་འཚེར་བས་མི་བཟོད་པ་དང༌། དམར་སྒོ་རེ་བ་འོད་མེད་པ་དང༌། དཀྱིལ་འཁོར་ལྗང་ཁུ་དང་ལྗང་སེར་སོགས་འབྱུང༌། ས་རླུང་དབུ་མར་འདུས་པས་ནག་པོ་འབང་བ་སྒྲ་གཅན་གྱི་ཉམས་འབྱུང་སྟེ། རིན་པོ་ཆེ་ནག་པ་ལྟ་བུ་དང༌། མིག་གི་རྣམ་པ་ལྟ་བུ་དང༌། མཚན་མོའི་སྤྲིན་དང་རྨུགས་པ་བཞིན་ནག་ལིང་ལིང་བ་དང༌། ནག་བུན་བུན་བ་དང༌། ནག་སྒོར་སྒོར་བ་དང༌། ནག་རིལ་རིལ་བ་སོགས་དྭངས་ཤིང་སྒྲིབ་པ་མེད་པ་ཆེ་ཆུང་མང་ཉུང་མ་ངེས་པ་ཁ་དོག་ཀྱང་ནག་པོ་ཤས་ཆེ་བའི་ཁ་དོག་མ་ངེས་པ་སྣ་ཚོགས་འབྱུང་ཞིང༌། ལྟོས་འགྲོའི་དབྱིབས་དང་ཁྲོ་ཞལ་གྱི་རྣམ་པར་སྣང་བ་ཀུན་ཀྱང་སྐབས་འདིར་འབྱུང་ཞེས་གོང་མ་འགའ་ཞིག་གསུང༌། སྟེང་ཕྱོགས་ན་གནས་པ་ནམ་མཁའི་རླུང་འདུས་པ་ལས་མཆོག་གི་ཆ་སྟེ། གློག་འོད་ཀྱི་རྣམ་པ་འབྱུང་བ་ནི། དང་པོ་འོད་ཁྱུག་ཁྱུག་པ་དང༌། དེ་ནས་འོད་ཆེམ་ཆེམ་པས་ཁྱབ་པ་སྔ་མ་ལས་ཡུན་རིང་བ་དང༌། མཐར་གོམས་ན་འོད་ཆེམ་མེ་བ་ཞིག་གིས་ཁྱབ་པའི་ངང་ནས་འོད་ཕྲ་མོ་མང་པོ་གཡོ་ཞིང་འཁྱུག་པ་འབྱུང་ངོ༌། །དེ་ལྟར་ལྔ་པོ་དེ་རྣམས་
― LT24_Page_122B ―
[མ་དཔེ་གཟིགས་ན་འདིར་གནོན།]
ཐབས་ཀྱི་ཕྱོགས་འབྱུང་བ་ལྔ་འདུས་པ་ཡིན་པས། ཕུང་པོ་ལྔའི་རླུང་འདུས་པ་ཞེས་བྱའོ། །འོག་ཏུ་ཡེ་ཤེས་ཀྱི་རླུང་ཀྱི་རླུང་འདུས་པ་ལས་ཐིག་ལེའི་རྣམ་པ་འབྱུང་སྟེ། ཁ་དོག་སྔོན་པོ་གཙོ་བོ་ཡིན་ཀྱང་གཅིག་ཏུ་མ་ངེས་པ་སྟེ། ཁ་དོག་དྲུག་པོ་རེ་རེ་དང༌། གཉིས་ལྡན་དྲུག་ལྡན་གྱི་བར་དུ་འབྱུང་ཞིང༌། ཐིག་ལེའི་ནང་སྟོང་པ་དང༌། ནང་ཐིག་ལེ་རང་དང་མདོག་འདྲ་བས་གང་བ་དང༌། ཁ་དོག་མི་འདྲ་བ་སྣ་ཚོགས་པས་གང་བ་དང༌། དབྱིབས་དང་ཆེ་ཆུང་མ་ངེས་པར་འབྱུང༌། དེ་ལྟར་ཉིན་རྟགས་དྲུག་ལ་ཤས་ཆེར་མཐུན་པར་ལུས་ཉམས་འཇམ་ཞིང་བདེ་བ། ལུས་ཡོད་དུ་མི་ཚོར་བ་དང༌། དག་ཉམས་རླུང་རྒྱུ་བ་མི་མངོན་པ་ཙམ་དང༌། སེམས་ཉམས་གསལ་སྟོང་རྟོག་མེད་དུ་སིང་ངེ་བ་གནས་པ་འབྱུང་ཞིང༌། སྐབས་འདིར་གཡང་ཟ་བ་སྙམ་བྱེད་པའི་འཇིགས་པ་དང༌། གང་ཡང་མེད་སྙམ་པ་འབྱུང་ཞེས་ཀྱང་གོང་མ་ཁ་ཅིག་གསུང༌། དེ་ལྟར་རྟགས་བཅུར་གྲགས་པ་ལ། དུ་བ་ལ་སོགས་པ་སོ་སོའི་མིང་དང་རྣམ་པ་མཐུན་པར་འཆར་བ་དེ་ལ་ལུས་ཉམས་སོགས་ཐམས་ཅད་ཚང་བ་གོ་རིམ་ངེས་ཅན་དུ་བྱུང་ན་ངེས་པའི་རྟགས་དང་ཕྱོགས་མཐུན་སྣང་བ་གཞན་འཆར་བདེ་ལ་མ་ངེས་པའི་རྟགས་ཞེས་ཐ་སྙད་སྦྱོར་བར་མཛད་དེ། མ་ངེས་པའི་རྟགས་དེ་ཡང་འདི་ལྟར་ས་རླུང་དབུ་མར་ཆུད་པས་རི་རབ་ཁང་ཁྱིམ་ལ་སོགས་པ་དང༌། ཆུ་རླུང་ལ་མཚོ་དང་འབབ་ཆུ་ལ་སོགས་པ་དང༌། མེ་རླུང་ལ་མེ་འབར་བ་ལ་སོགས་པ་དང༌། རླུང་གི་རླུང་ལ་འཚུབ་མ་དང་སེར་བུ་ལ་སོགས་པའི་སྣང་བ་དང༌། ནམ་མཁའི་རླུང་ལ་ནམ་མཁའ་དང༌། བར་སྣང་དང༌། ཕུག་སྟོང་སོགས་
― LT24_Page_123A ―
[མ་དཔེ་གཟིགས་ན་འདིར་གནོན།]
སྦུབས་སྟོང་བ་དང༌། རས་ཡུག་སྔོན་པོ་བརྐྱང་པ་འདྲ་བ་སོགས་སྣ་ཚོགས་འབྱུང༌། གཞན་ཡང་སྦྲང་གཤོག་ལ་ཉི་ཟེར་ཕོག་པ་འདྲ་བ་སོགས་དང༌། འཇའ་འོད་ཕྲ་མོ་དང༌། སྐྱ་ཁྱམ་ཁྱམ་པ་སོགས་འབར་བ་དང་ཟླ་བའི་རྣམ་པ་ཅི་རིགས་སུ་བསྡུ་བ་དང༌། གསོར་མིག་ལྟ་བུ་དང་སྔོ་ལྗང་སོགས་ཉི་མར་བསྡུ་བ་དང༌། ཤིང་སྡོང་གི་གྲིབ་མ་འདྲ་བ་དང༌། ཐག་པ་སྲད་བུ་ནག་པོ་སོགས་སྒྲ་གཅན་དང༌། སོག་མདའ་འཕངས་པ་འདྲ་བ་ཁ་དོག་མ་ངེས་པ་ཕྲ་མོ་རྒྱུག་པ་འབྱུང་བ་ནི་གློག་དང༌། ཁ་རླངས་ལྟ་བུ་དང་འགལ་མེ་སྐོར་བ་བྱེད་པ་ལྟ་བུ་དང༌། བྱ་ལྡིང་བ་འདྲ་བ་སོགས་ཐིག་ལེའི་རིགས་སུ་གཏོགས་ཞེས་གསུང་ཞིང༌། ཉམས་གཞན་ཡང་ཅི་རིགས་པ་ལ། ལུས་ཉམས་འགུལ་སྙིང་མི་འདོད་པ་དང༌། ངག་ཉམས་ལྕེ་སྒྱུར་བ་དཀའ་ཞིང་སྨྲ་མི་འདོད། སེམས་ཉམས་གསལ་ལ་བརྟན་པ་གཞན་དུ་མི་འཕྲོ་བ་རྣམས་ས་རླུང་གི་བྱེད་པ་ཡིན། ལུས་ཉམས་འཇམ་མཉེན་ཤེད་ཆུང་བ། སེམས་ཉམས་དགའ་ཤས་ཆེ་བ་ལ་རེས་འཕྲོ་རྒོད་ཐུང་རེས་ཏིང་ངེ་འཛིན་བཟང་ན་ཆུ་ཁམས་ཀྱི་ནུས་པ་ཡིན། ཧ་ཅང་འཕྲོ་རྒོད་ཆེ་ན་གློད་པས་ཕན། ལུས་ཉམས་ཁང་པའི་ནང་ནས་མེ་འབར་བ་ལྟ་བུ་དང༌། དུ་བས་འཚུབས་པ་འདྲ་བ་དང༌། ཤིན་ཏུ་སྐམ་དང་ཆེ་བ་དང༌། སེམས་ཉམས་བློ་རྒོད་ལ་རྩུབ་ཅིང་སྤྲོ་ཐུང༌། རྨི་ཉམས་སུའང་མེས་ཚིག་པ་སོགས་བྱུང་ན་མེ་ཁམས་ཀྱི་བྱེད་པ་ཡིན། སྤྲོ་ཐུང་བ་ལའང་གློད་པས་ཕན། ལུས་ཉམས་རླུང་གིས་ཁྱེར་བ་སྙམ་བྱེད། ནམ་མཁའ་ལ་འགྲོ་བ་སྙམ་བྱེད། དངོས་སུ་འོང་ལུས་གནད་མ་ཞིག་པར་
― LT24_Page_123B ―
[མ་དཔེ་གཟིགས་ན་འདིར་གནོན།]
རིང་དུ་འཕར་བ་འབྱུང༌། སེམས་ཉམས་སུ་གསལ་སྟོང་ཤས་ཆེ། ནམ་མཁའ་ལ་ལྡིང་ཞིང་ཡོད་པ་སྙམ་བྱེད་ན་རླུང་ཁམས་ཀྱི་བྱེད་པ་ཡིན། ལུས་ཉམས་ལུས་མེད་པར་སྙམ་བྱེད་ཅིང༌། སེམས་ཉམས་ས་རྡོ་རི་བྲག་སོགས་ཐོགས་བཅས་འདི་རྣམས་ཐམས་ཅད་སངས་པའམ་ཆ་ཤས་ཅི་རིགས་ཅི་རིགས་ནས་སངས་ཏེ། རང་ཉིད་ནམ་མཁའི་དབྱིངས་ཡ་གི་ན་ཡོད་པ་སྙམ་བྱེད་པ་བྱུང་ན་ནམ་མཁའ་ཁམས་ཀྱི་བྱེད་པ་ཡིན་ནོ། །གཉིད་ཀྱི་འོད་གསལ་ནི། དང་པོར་གཉིད་འཐུག་གི་སྐབས་སུ་གསལ་སྟོང་གི་ཉམས་སྐྱོང་ཐུབ་པ་ཙམ་འོང་ལ། རེས་འགའ་ནམ་ལངས་པ་དང༌། འོད་ཀྱིས་ཁྱབ་པ་སྙམ་བྱེད། རིག་པ་གསལ་བ། ཁམས་དྭངས་བ། གཉིད་དུ་མ་སོང་བ་འདྲ་བ་ལ་སད་རྒྱུ་ཡོད་པ། སད་མ་ཐག་མུན་ཁང་སྟོང་གཟུགས་ཀྱིས་ཁྱབ་པ་དང༌། གཞོམ་མེད་ཀྱི་སྒྲ་རྗེས་མཐུན་པར་ཚོར་བའང་ཡོད། གཉིད་ལ་འགྲོ་དུས་ས་ལ་བྱིང་བ་སྙམ་བྱེད། འོད་ཁྱུག་ཁྱུག་པ་འོང༌། རྣ་བར་སྒྲ་ཙི་རོང་གི་འོང༌། འོད་གསལ་ངོས་མ་ཟིན་གོང་དུ་གཉིད་མི་བདེ་བ་དང༌། འདྲེ་གནོན་འདྲ་བ་དང༌། ལུས་སྦྲིད་པ་འོང་མྱུར་དུ་ཟིན་པའི་རྟགས་ཡིན། དེ་ནས་གསལ་སྟོང་དང་རིམ་པས་བདེ་བ་འཆར་རོ། །མ་ངེས་པའི་རྟགས་འདི་དག་སོར་སྡུད་ནས་བསམ་གཏན་དངོས་གཞིའི་བར་དུ་ནམ་ཡང་ངེས་པ་མེད་དོ། །ཁྱབ་པར་རྡོ་རྗེ་འབེབས་པས་བྱིན་གྱིས་བརླབ་པ་ཞེས་བྱ་བ་དང་པོར་སེམས་མི་རྟོག་པར་ཅུང་ཟད་གནས་ཤིང༌། རྟགས་སྣང་ཅི་རིགས་པར་མཐོང་བ་ནས་བཟུང་སྟེ། སེམས་མི་རྟོག་པ་ལ་རང་ཤུགས་སུ་གནས་པའི་ངང་ནས། ལུས་ཉམས་དྲག་པོ་འདར་བ་དང་གཡོ་བ་དང་འཕར་
― LT24_Page_124A ―
[མ་དཔེ་གཟིགས་ན་འདིར་གནོན།]
བ་དང་རྒྱུག་པ་དང་བྲོ་གར་བྱེད་པ་ལ་སོགས་པ་དང༌། ངག་ཉམས་དྲག་པོ་སྨྲ་བ་དང་རྒོད་པ་དང་དུ་བ་དང་གླུ་ལེན་པ་དང་སྔགས་ཀྱི་ཚིག་དང་ཀུ་ཅོ་འདོན་པ་སོགས་འབྱུང་སྟེ། དང་པོ་གསལ་ལ་སྟོང་ཙམ་གྱི་ངང་ནས་འབྱུང་ལ། ཕྱིས་ནི་བདེ་ཉམས་ཆེན་པོ་དང་བཅས་ཏེ་འབྱུང་བ། དེ་ཡང་མཉམ་བཞག་གི་ངང་ནས་བྱེད་འདོད་རྟོག་པ་མེད་པར་འབྱུང་སྟེ་མི་རྟོག་པ་འཐུག་པོས་ནོན་པས་སོ། །ཡང་རྗེས་ཐོབ་ཏུ་སེམས་ཉམས་སྣ་ཚོགས་པ་འབྱུང་བ་ནི། དགའ་བ་སྐྱོ་བ་ཁྲོ་ཞིང་འཚིག་པ་དང་རྒྱུག་པར་འདོད་པ་སྣ་ཚོགས་པ་སྟེ་འདོད་མ་དང་ཕྱིར་འདོད་མ་སུམ་ཅུ་རྩ་དྲུག་པོ་རྣམས་ཀྱི་ཡེ་ཤེས་ཀྱི་ཆ་ཤས་བབས་པ་དག་ཡོད་ལ། ཉམས་དེ་ཐམས་ཅད་བྱུང་རྒྱལ་དུ་བསྐྱངས་པས་གེགས་དང་སྐྱོན་ལས་རང་སར་གྲོལ་ནས་ཡོན་ཏན་གོང་འཕེལ་དུ་འགྱུར་བ་ཡིན་ནོ། །དེ་རྣམས་སོར་སྡུད་དང་ཐུན་མོང་བ་ཡིན་ལ། སྤྱིར་ལྡོག་ནས་ཉམས་མྱོང་དང་ཡོན་ཏན་ཡར་ལྡན་དུ་འབྱུང་བས་གོང་མ་རྣམས་ལའང་འདི་དག་ཐམས་ཅད་འབྱུང་ངོ༌། །སོ་སོར་སྡུད་པའི་འབྱུང་བ་རྣམས་བཤད་ཟིན་ཏོ། །དེ་ནས་བསམ་གཏན་བསྒོམས་པས་རྟགས་བཅུའི་ཐ་མ་ཐིག་ལེའི་ནང་དུ་རྟགས་གཞན་དགུ་ཡང་རེ་རེ་དང༌། གཉིས་ལྡན་ནས་དགུ་ལྡན་བཅུ་ལྡན་གྱི་བར་དུ་རིམ་གྱིས་འཆར་བར་འགྱུར་ཞིང་རྟགས་བཅུ་ཆར་ཚང་བའི་ཐིག་ལེ་དེ་ལ་ནི། ཐིག་ལེ་ཆེན་པོའི་སྣང་བ་ཞེས་བྱའོ། །གཞན་ཡང་བསམ་གཏན་བསྒོམས་པས་སོར་སྡུད་ཀྱི་དུས་ཀྱི་རྟགས་སྣང་གི་རྒྱུན་རྣམས་ཆོས་ལྔ་ལྡན་དུ་འགྱུར་ཞིང་ངེས་པ་ཁོ་ནར་རགས་པ་རྣམས་ཤིན་ཏུ་ཕྲ་བར་འགྱུར་རོ། །དེས་ན་ཕལ་ཆེར་ལ་རྟགས་སྣང་ཐོག་མ་ཕྲ་རགས་གང་ཡིན་ཡང་ཅུང་
― LT24_Page_124B ―
[མ་དཔེ་གཟིགས་ན་འདིར་གནོན།]
ཟད་མི་གསལ་ཞིང༌། བར་དུ་རགས་པ་གསལ་བ་དང༌། མཐར་ཕྲ་ཞིང་གསལ་བ་འབྱུང་བ་ཡིན་ཀྱང༌། འགའ་ཞིག་ལ་སྔར་གྱི་རྟགས་སྣང་རགས་པ་དེ་བསམ་གཏན་བསྒོམས་པས་ཕྲ་མོར་སོང་པའི་མཚམས་སུ་རྟགས་སྣང་ནུབ་ཏེ། སྒོམ་སྟོར་བ་སྲིད་པས་དེ་ལ་རྗེས་བྲན་དུ་བཤད་པའི་ཡིད་ཀྱི་ཕྱག་རྒྱའི་རྣལ་འབྱོར་ཅུང་ཟད་དང་ཙམ་རླུང་བུམ་ཅན་བསྲེས་ཏེ་མི་གཡོ་གསུམ་ལྡན་བསྒོམས་པས་རྟགས་སྣང་སླར་ཡང་ཤར་འོང་ལ། སྔར་གྱི་རྒྱུན་ལ་རྟགས་སྣང་ཅུང་ཟད་ཡོད་ན། བསམ་གཏན་གྱི་སྤོགས་ཆོག་བཞིན་བསྒོམས་པས་སོར་ཆུད་འོང་སྟེ། ཕལ་ཆེར་ལ་མཚམས་དེ་ནས་ཕྲ་ཞིང་གསལ་ལ་བརྟན་པའི་རྟགས་སྣང་འབྱུང་ངོ༌། །ཐིག་ལེའི་སྣང་བ་ལ་དབུས་སུ་སེམས་གཏད་ན་ཕྲ་བར་འགྱུར་ཞིང༌། མཐའ་ལ་གཏད་ན་ཆེ་བར་འགྱུར་བ་ནི་སྟོང་གཟུགས་གཞན་ལའང་རིགས་འགྲེ་སྟེ། རགས་པ་ལ་བརྟན་པ་མ་ཐོབ་ཀྱི་བར་དུ་དེ་ལྟར་བྱས་ཀྱང་ཡོང་ངོ༌། །གཞན་ཡང་སྟོང་གཟུགས་ཀྱི་གསལ་ཆ་དང་སྤྲོས་བྲལ་དབྱེར་མེད་དེ་ལ་མཉམ་པར་བཞག་པས་གོམས་པས། སེམས་གནས་ན་སྟོང་གཟུགས་གནས། སེམས་གཡོ་ན་སྟོང་གཟུགས་གཡོ། སེམས་གནས་རྩ་ན་མཐོང་བྱ་མཐོང་བྱེད་ཐ་དད་པར་སྣང་བ་མངོན་གྱུར་འགགས་པ་ནི་ཤེས་རབ་ཀྱི་ཡན་ལག་རྒྱུད་ལ་སྐྱེས་པའི་ཚད་ཡིན། དེའི་ཚེ་སེམས་གང་དུ་གཏད་གཏད་དུ་སྟོང་གཟུགས་ཅི་རིགས་པ་རེ་འཆར་རོ། །ཐིག་ལེ་ཆེན་པོ་ལ་མཉམ་པར་བཞག་པས་དམར་སེར་ལ་སོགས་པ་ཁ་དོག་གཉིས་འདྲེས་ཀྱི་རྣམ་པ་དྭངས་ཤིང་གསལ་བ་ཞིག་གི་དབུས་སུ། དང་པོ་དབུ་ཕྱག་ལ་སོགས་པ་སྐུའི་ཆ་ཤས་ཙམ་འབྱུང་ཞིང༌། དེ་ཇེ་གསལ་ལ་ལྷའི་
― LT24_Page_125A ―
[མ་དཔེ་གཟིགས་ན་འདིར་གནོན།]
སྐུའི་རྣམ་པ་ཡོངས་རྫོགས་སུ་རྫོགས་པ་འཆར་རོ། །ཡང་བསམ་གཏན་ཤིན་ཏུ་བརྟན་པ་མཐར་ཕྱིན་ན། སངས་རྒྱས་ལོངས་སྤྱོད་རྫོགས་པའི་སྐུ་གཟུགས་དེ་ཡང་ཡུལ་ངེས་པ་ཐིག་ལེའི་དབུས། དུས་ངེས་པ་མཉམ་རྗེས་ཐམས་ཅད། རྣམ་པ་ངེས་པ་མཚན་དཔེ་ཡོངས་སུ་རྫོགས་པ་སྟེ། ངེས་པ་གསུམ་ལྡན་དུ་འགྱུར་རོ་ཞེས་དང༌། དེ་རྗེས་རེ་ཁཱ་ནག་པོ་ཡང་མཐོང་ངོ་ཞེས་བླ་མ་གོང་མ་འགའ་ཞིག་གསུང་ལ། བདག་གི་རྣམ་པར་རྟོག་པ་ནི། བསམ་གཏན་དུ་མཉམ་བཞག་ཏུ་སངས་རྒྱས་ཀྱི་གཟུགས་མཐོང་བ་ཙམ་ཡིན་ལ། མཉམ་རྗེས་ཐམས་ཅད་དུ་འཆང་བ་ནི་སོར་བསམ་མཐར་ཕྱིན་ནས་སྲོག་རྩོལ་མངོན་དུ་གྱུར་པའི་ཚེ་འབྱུང་སྟེ། དེར་བྱང་ཆུབ་སེམས་དཔའ་རྣམས་ཀྱིས་མཆོད་ཅེས་བྱ་བ་ལ་སོགས་རྒྱུ་མཚན་དུ་གོའོ། །ཡང་ཁ་ཅིག་འདི་སྙམ་དུ། འོ་ན་རྣམ་པ་ཀུན་ལྡན་རང་སེམས་དང་བྲལ་བ་དག་གོ །ཞེས་པའི་སྐབས་ན་འགྲེལ་པར། གཞན་སེམས་མ་ཡིན་ཏེ། གཞན་སེམས་ཤེས་པ་མེད་པའི་ཕྱིར། ཞེས་རེ་ཁཱ་ནག་པོའི་རྟགས་མཐོང་ནས་ཀྱང་གཞན་སེམས་ཤེས་པའི་མངོན་ཤེས་མེད་པར་བཤད་ལ། བསམ་གཏན་མཐར་ཕྱིན་ན་མངོན་ཤེས་ལྔ་ཀར་ཐོབ་པ་ཡིན་པས་རྟགས་དེ་རྣམས་ཐམས་ཅད་སོར་སྡུད་དམ་བསམ་གཏན་གྱི་གུང་ཡན་ཆད་ལ་རྫོགས་པ་ཡིན་ནོ། །ཞེ་ན། དེ་ནི་དེ་ལྟར་མ་ཡིན་ཏེ། སྤྱིར་སྟོང་གཟུགས་འདི་རང་སེམས་ཡིན་ཏེ། གཞན་སེམས་ཤེས་པའི་མངོན་ཤེས་མེད་པས་ཀྱང་ཤེས་ཤིང་ཉམས་སུ་མྱོང་བའི་ཕྱིར་རོ། །ཞེས་སྤྱི་ལྡོག་ནས་སྟོང་གཟུགས་ནི་བེམ་པོ་དང་མེད་བཞིན་སྣང་བ་ཡིན་པར་
― LT24_Page_125B ―
[མ་དཔེ་གཟིགས་ན་འདིར་གནོན།]
འདོད་པས་གཞན་དུ་བཀག་ཟིན་པས། ཤེས་པ་ཡིན་པར་གྲུབ་པ་ལས་ཤེས་པའི་ནང་ནས་གཞན་སེམས་མ་ཡིན་ཅིང་རང་སེམས་ཀྱི་སྣང་བ་ཡིན་པའི་སྒྲུབ་བྱེད་དུ་དེ་ལྟར་གསུངས་པ་ཡིན་གྱི། སངས་རྒྱས་གཟུགས་དང་རེ་ཁཱ་ནག་པོ་མཐོང་བའི་དུས་མངོན་ཤེས་མེད་ཅེས་པའི་གོ་བ་ཡི་རང་མ་ཡིན་ནོ། །ཡང་སྤྱིར་རྟགས་སྣང་ཐམས་ཅད་རྟགས་བཅུར་འདུས་པར་སྦྱོར་དྲུག་གི་མཁས་གྲུབ་ཆེན་པོ་ཐམས་ཅད་བཞེད་པ་བཞིན་དོན་ལ་གནས་ལ། དེ་ལས་ཁོ་བོ་ཅག་གི་བླ་མ་མཁས་གྲུབ་རྒྱ་གར་བ་འགའ་ཞིག་འདི་སྐད་གསུང་སྟེ། དཔེར་ན་སྟོང་གཟུགས་ལ་མ་ག་དྷའི་ཡུལ་ལྗོངས་ལྟ་བུ་ཞིག་མཐོང་བ་ལ། ལྗོངས་དེ་ཡུད་ཙམ་མི་གཡོལ། དེ་ནས་སངས་འགྲོ་ན་སྤྱིན་དང་འདྲ་བ་སྟེ་དུ་རྟགས་རགས་པ་ཡིན། རི་ནགས་གྲོང་ཁྱེར་སོགས་ཆ་ཤས་རགས་པ་རགས་པ་ནས་གཡོ་ཞིང་སྐྱེ་འཇིག་བྱེད་པ་ལྟར་སྣང་ན་དུ་རྟགས་དངོས་ཡིན། ཆ་ཤས་ཕྲ་མོ་ནས་གཡོ་ན་སྨིག་རྒྱུའི་རྟགས་ཡིན། འོད་དང་བཅས་པ་གཡོ་ཞིང་སྐྱེ་འཇིག་ཡང་ཡང་བྱེད་ན་མེ་ཁྱེར་གྱི་རྟགས་ཡིན། འོད་དང་བཅས་ཏེ་མི་གཡོ་བར་འདུག་ན་མར་མེའི་རྟགས་ཡིན། དེ་རྣམས་གཅིག་གིས་གཅིག་བསྒྲིབ་པའི་དབང་དུ་བྱས་ན། ཕན་ཚུན་མི་བསྒྲིབས་པར་དྭངས་གསལ་དུ་འདུག་ན་ནམ་མཁའི་རྟགས་སུ་བསྡུ། དེས་གཞན་ལའང་རིགས་འགྲེ་པ་ཡིན་ནོ་གསུང༌། དེ་ལྟར་ན་ཐོག་མར་དགེ་བའི་འཁྲིད་ཀྱི་ཉམས་མྱོང་རྒྱུད་ལ་སྐྱེས་པའི་གང་ཟག་དེས་ནི་དོན་དམ་པའི་བུམ་དབང་དངོས་ཐོབ་པ་ཡིན་ཏེ། དེ་བཞིན་དུ། བར་དགེས་གསང་དབང་དང༌། རྗེས་དྲན་གྱིས་ཤེར་དབང་དང༌། ཏིང་ངེ་འཛིན་གྱི་དོན་དམ་པའི་དབང་བཞི་པ་དངོས་ཐོབ་ཅེས་གསུངས་པའང་རྣམ་གྲངས་ཀྱི་སྒོ་ནས་དེ་ལྟར་ཡིན་
― LT24_Page_126A ―
[མ་དཔེ་གཟིགས་ན་འདིར་གནོན།]
ལ། སྤྱིར་ནི་སོར་སྡུད་རྐྱང་པ་རྒྱུད་ལ་སྐྱེས་པས་ཀྱང་དབང་བཞི་པའི་ཡེ་ཤེས་ཐུན་མོངས་མ་ཡིན་པ་ཅི་རིགས་པར་རྒྱུད་ལ་སྐྱེས་པ་ཡིན་ལ། རིགས་མཐུན་རྫོགས་པ་ནི་ནི་ཏིང་ངེ་འཛིན་མཐར་ཕྱིན་པ་ནའོ། །བསམ་གཏན་གྱི་རིམ་པ་དང་འབྲེལ་བ་རྣམས་བཤད་ཟིན་ཏོ། །ཐོག་མར་དགེ་བའི་ཉམས་མྱོང་ཁྱད་པར་ཅན་སྐྱེས་པས་རྩ་བཟང་བ་འགའ་ཞིག་ལ་སྲོག་རྩོལ་སྒོས་སུ་མ་བསྒོམས་ཀྱང༌། རླུང་དབུ་མར་ཆུད་ནས་གེགས་མེད་ཡོན་ཏན་ཕུན་སུམ་ཚོགས་པ་སྐྱེས་པའང་ཡོད། བུམ་པ་ཅན་ཆེད་ཀྱིས་མ་བསྒོམས་ཀྱང་རང་ཤུགས་ཀྱིས་བུམ་པ་ཅན་གྲུབ་པའང་ཡོད། གཙུག་ཏོར་དུ་རླུང་སེམས་འདུས་པས་རྡོ་རྗེ་བསླང་བའི་བདེ་བ་ཁྱད་པར་ཅན་ཐོབ་པའང་ཡོད། རླུང་དབུ་མར་འདུས་པ་ཙམ་དང་རྡོ་རྗེ་བསླང་བའི་ཉམས་ཕྱོགས་མཐུན་ལས་སྲོག་བསྡུད་ཀྱི་འཕོ་བའི་གེགས་དང་འཛག་གེགས་སུ་འགྱུར་བའང་སྲིད། རྩ་འབྲིང་བ་མན་ཆད་ལ་སོར་བསམ་གྱིས་དེ་རྣམས་མི་འབྱུང་སྟེ། སོར་བསམ་གྱི་རྗེས་སུ་སྲོག་རྩོལ་བསྒོམས་ན། ལྟེ་བར་དྲོད་སྐྱེ། སྨིན་མཚམས་སུ་བདེ་བའི་ཟུག་དང༌། སྤྱི་བོ་ཟ་འཁྲིག་གཡའ་བ་སོགས་སྟེ། རླུང་སྦྱོར་ཅི་རིགས་པར་སྒོམས་པས་གཏུམ་མོ་ཅུང་ཟད་འབར་བའི་རྟགས་ཡིན། མེ་སྟོབས་ཆུང༌། ཐིག་ལེ་སྟོབས་ཆེ་ན། མགོ་དང་མིག་རུས་མི་བདེ། བྱད་ཤ་འགྱུར། ལངས་ན་མགོ་འཁོར། མེ་སྟོབས་ཆེ་ན་འགའ་ཞིག་ལ་འཛག་གེགས་འབྱུང་ཉེན་ཡོད་པ། རླུང་སྦྱོར་གྱིས་བསལ་དགོས། རླུང་དབུ་མར་འཇུག་ཏུ་ཉེ་ན་རྟགས་སྣང་རྣམས་དབང་པོའི་སྒོ་ནས་འཚང་བ་དང༌། བ་སྤུའི་སྒོ་ནས་འཇུག་པ་སོགས་འབྱུང༌། མེ་སྟོབས་ཆུང་བ་ལ་རླུང་གྱེན་དུ་
― LT24_Page_126B ―
[མ་དཔེ་གཟིགས་ན་འདིར་གནོན།]
སོང་པས་སྤྱི་བོའི་ཐིག་ལེ་འཁྱགས་པའི་རྟགས་སུ་རྟགས་སྡང་ནམ་མཁའ་ལ་འཁོར་བ་དང་གྱེན་དུ་འགྲོ་བ་ཤས་ཆེ་ཁམས་ངན་པར་འགྱུར། མེ་སྟོབས་ཆེ་བས་སྤྱི་བོའི་ཐིག་ལེ་ཞུ་ན་རླུང་ཡང་ཅུང་ཟད་མར་ཟློག་པས་རྟགས་རྣམས་ཀྱང་ཕྱི་ནང་དུ་ཐུར་དུ་འགྲོ་ཁམས་བཟང་བར་འོང༌། བདེ་ཉམས་ཀྱང་གོང་འཕེལ་དུ་འགྲོ། རྟགས་སྣང་ནམ་མཁར་ལྡིང་བ་དེ་ཧ་ཅང་ཐལ་ན་གཙུག་ཏོར་གྱི་སྒོ་ཕུག་ནས་འཕོ་ཉེན་ཡོད་པས་དབབ་པར་བྱའོ། །ཁྱད་པར་ངེས་པ་ཅན་དུ་རྡོར་བཟླས་དང་འཇམ་རླུང་སྦྲགས་པས་སྙིང་ཚ་མགོ་བོ་ན་སྨིན་མཚམས་འདུས་ཤིང་བཅུས་པ་དང་འཁྱིལ་པ་སྙམ་བྱེད། སེམས་གསལ་སྟོང་འོད་གསལ་དུ་ཐིམ། འོད་ཀོར་དང་བཅས་པའི་རྟགས་སྣང་རང་གི་ལུས་ལ་ཉེ་བར་འཁོར། གཉིད་རྣམས་རང་སངས་ལ་སོང༌། རླུང་གི་རྒྱུ་བ་དང་རྣམ་པ་ཅུང་ཟད་མཐོང༌། མིག་ན་གཙུག་ཏོར་ཟ་འཁྲིགས་སོགས་གོང་དུ་བཤད་པ་བཞིན་བྱུང་ན། རླུང་དབུ་མར་ཆུག་ནི་ཐུབ། ད་ལྟ་བཅིང་མ་ཐུབ་པའི་རྟགས་ངེས་པ་ཅན་ཡིན། དེ་ལ་འབད་རྩོལ་གྱིས་དྲག་པོར་བསྒོམས་ན་ཟུག་གཟེར་རྣམས་སྔ་བས་ཆེར་འགྲོ། །སྨིན་མཚམས་ཡན་ཆད་སྦྲིད་ཅིང་མེད་པ་སྙམ་བྱེད། དེ་ནས་འོད་ཀོར་རང་གི་ལུས་ཀྱི་ནང་དུ་འཁོར་བ་འབྱུང་ངོ༌། །སྤྱིར་འོད་ཀོར་དམའ་ས་ནས་ལངས་ཏེ། གྱེན་དུ་དྲག་པོར་འཁོར་བ་དེ་ཤིན་ཏུ་བཟང་བ་ཡིན་ནོ། །དེ་ཡན་ཚད་ཙམ་ལ་བུམ་ཅན་གྱིས་དབུས་མར་བཅུག་ན་འབེབས་པ་སོགས་མ་བྱས་ཀྱང་འཕོ་བའི་གེགས་སུ་མི་འགྱུར་བ་ཤས་ཆེ་གསུང་ངོ༌། །བྱེད་བཅིངས་ལོག་པའམ། དེ་ལས་ཀྱང་ཐལ་ན་རྟགས་སྣང་སངས། ཐོག་པའི་འདུ་ཤེས་ནུབ། གཟུགས་མེད་བཞི་དང་ཕྱོགས་འདྲ་
― LT24_Page_127A ―
[མ་དཔེ་གཟིགས་ན་འདིར་གནོན།]
རུང་བའི་ཏིང་ངེ་འཛིན་སྐྱེ། འདི་སྐབས་དང་པོར་དལ་བུས་འབེབས་མང་དུ་བྱས་ནས། མཐར་འབེབས་དྲག་པོས་ཕབ་ན་སྲོག་བསྡུད་ཀྱི་གེགས་སེལ་བར་འགྱུར། དེ་ལས་ཅུང་ཟད་ཐལ་ནས་བརྒྱལ་བ་ལྟར་སོང་ན་འབེབས་དྲག་པོ་འབའ་ཞིག་གིས་འབེབས། འཇུག་ཏུ་འཕར་གཡོ་འདར་སྤྲུག་སྨྱོ་འབོག་ལྟ་བུ་རིང་དུ་འབྱུང་པའི་མཐར་སེལ་འགྲོའོ། །འཕོ་བའི་གེགས་འོག་ཏུ་འབྱུང་བ་རྣམས་ཀྱང་རིམ་པ་འདི་ཁོ་ན་དང་འདྲ་བས་ཚོད་བཟུང་ཞིང་བསལ་ལོ། །རྡོར་བཟླས་ལ་རླུང་འཇམ་ཞིང་ཕྲ་ལ་རིང༌། རྒྱུ་བ་མི་ཚོར། ཤེས་པ་གསལ། རྨི་ལམ་འཇམ་ཉལ་སོང༌། སྟོང་གཟུགས་གསལ་ཞིང་འཚེར་ལ་ཕྲ་སིལ་འགྲོ་ན་ཡོན་ཏན་ཤར་བ་ཡིན། འཇམ་རླུང་དང་རྡོར་བཟླས་ལ་མཉམ་རྒྱུའི་སྐབས་སུ་ཕྱིར་འགྲོ་ཇེ་ཐུང་དང་གནས་པ་ཇེ་རིང་བྱ། འཇམ་རླུང་མ་བྱང་བར་དུ་ཧ་ཅང་དྲག་ན་ནུ་མ་སྦོས་ཡོང་པ་དང༌། དལ་བུས་མ་མནན་པང་ཤུགས་དྲག་ན་མགོ་དང་རོ་སྟོད་ན་ཡོང་པའང་སྲིད། འཇམ་རླུང་ལ་ལྟེ་བ་ཀོག་ཀོག་ཟེར། སྤྱི་བོ་ཟ། དཔྲལ་བར་འབུར་ཡོང༌། སྤྱི་བོར་བུ་ག་ཟང་ཐལ་དོད་ཡོང་བའང་སྲིད། རེ་གློད་ཅིང་འབེབས་དགོས། གོམས་ན་མཐོང་སྣང་ཐམས་ཅད་ལྗང་མེར་འགྲོ། སྐུ་དང་ཐིག་ལེ་ལྗང་ཁུ་ཕྲ་མོ་དང༌། ཡོན་ཏན་འཆར་ཚུལ་སྔ་མ་དང་འདྲ་བ་ལས་ཆེས་བཟང་བར་འཆར་རོ། །ལུས་ཆུ་ལུད་པ་ལྟར་འཕྱར་བའི་ཉམས་དང༌། རྨི་ལྟས་རི་ལ་འབབ་འཛེག་དང༌། འཕུར་བ་དང༌། རྟ་རྒྱུག་པ་སོགས་འབྱུང༌། འབྱོངས་ན་རྨི་ལམ་འཇམ་ཞིང༌། ཟིན་སྦྱོར་སྤེལ་སྤྲུལ་རྣམ་ཐར་སོགས་ཤུགས་ལས་འབྱུང་ངོ༌། །དེ་ནས་སྲོག་རྩོལ་དངོས་གཞི་ལ།
― LT24_Page_127B ―
[མ་དཔེ་གཟིགས་ན་འདིར་གནོན།]
སྟོང་གཟུགས་རགས་ལ་གསལ་བ་དེ་འཇུག་དཀའ་སྟེ་འཆིང་བླ། ཕྲ་ཞིང་གསལ་བ་དེ་འཇུག་བླ་སྟེ་འཆིང་དཀའ། མི་གསལ་ན། འཇུག་པ་དང༌། འཆིང་བ་གཉིས་ཀ་ལ་དཀའ་ཞིང་བོགས་ཆུང་བ་ཡིན་ནོ། །རྩུབ་རླུང་བུམ་པ་ཅན་བསྒོམས་པས། རྩ་བཟང་ན་གེགས་མེད་པར་ཡོན་ཏན་སྐྱེ་མོད་ཀྱང་ཕལ་ཆེར་ལ་སྡུག་བསྔལ་གྱི་ཉམས་རེ་ཐོག་མར་འབྱུང་བས་རླུང་གཅིག་ཅར་འདུན་ལུས་རང་དབང་མེད་པར་འདར། གློ་བུར་དུ་དྲོད་སྐྱེ། ཉམས་རྣམས་ཁྲ་ཆེམ་པ་དང་དམར་ཐིང་བའི་ངང་ནས་ལུས་འགྱེལ་ཞིང་དྲན་མེད་དུ་བརྒྱལ་བ་སོགས་འབྱུང༌། རླུང་རིམ་གྱིས་འཇུག་ན་སྟོང་གཟུགས་རང་ལ་འཁོར། ལུས་བསྟུམས་ཤིང་བསྒྲིལ་བ་འདྲ་བ་དང༌། རླུང་སུབས་འགྲོ་བ་ལྟ་བུ་འབྱུང༌། དེ་ནས་ཅུང་ཟད་གོམས་པས་བདེ་སྡུག་སྤེལ་མར་འབྱུང་སྟེ། དེ་ཡང་གོམས་ན་མཐར་བཏང་སྙོམས་སུ་འགྲོ། གོང་དུ་བཤད་པའི་རྟགས་སྣང་ཐམས་ཅད་འབྱུང་བའི་སྟེང་དུ་ས་རླུང་འཆིངས་ན། ལུས་གནད་བཤིག་སྙིང་མི་འདོད་རྩུབ་ལ་ལྕི་བ་དང༌། སྣང་བ་སེར་པོར་སྣང༌། ཆུ་འཆིངས་ན་གྲང་ལ་མཉེན་པ་དང་ཆུའི་སྣང་བ་འཆར་བ་ཤས་ཆེ། ལར་ཆུ་ལ་གྲང་དྲོ་གཉིས་ཀའང་འབྱུང༌། མེ་འཆིངས་ན་དྲོད་འབར་ཞིང་མེའི་སྣང་བ་འབྱུང༌། རླུང་འཆིངས་ན་ལུས་ཡང་ཞིང་འཕར་བ་དང༌། རླུང་པོའི་སྣང་བ་འབྱུང༌། ནམ་མཁའི་རླུང་འཆིངས་ན། སྔོ་ཡམ་པ་དང༌། བདེ་སིང་བ་དང༌། ལག་
― LT24_Page_128A ―
[མ་དཔེ་གཟིགས་ན་འདིར་གནོན།]
པས་བྱུག་པ་སོགས་ཆེད་དུ་རེག་ན་མ་གཏོགས་ལུས་ཡོད་པར་མི་མངོན་ཞིང༌། བུ་གའི་རིགས་དང༌། བར་སྣང་དང༌། སྟེང་འོག་ཕྱོགས་མཚམས་སྟོང་པར་སོང་བའི་སྣང་བ་འབྱུང༌། ནམ་མཁའི་ནང་ཚན་དུ་ཡེ་ཤེས་ཀྱི་ཆ་ལ་ལྗང་གུ་དང་ཁྲ་ཆིལ་བ་འབྱུང་བ་ཡོད། དེ་འདྲ་རེ་རེ་ལའང་མཐར་རྟགས་སྣང་ཐམས་ཅད་ཐིག་ལེ་ལ་འདུས་ནས་ལུས་ཀྱི་དབུས་སུ་ཐིམ་འགྲོ་ན་གནད་དུ་སོང་བ་ཡིན། དེ་ལྟར་འབྱུང་བ་ཆ་མཉམ་དུ་ཞུགས་ན་གེགས་མི་འབྱུང་ལ། ཆ་མ་སྙོམས་ན་རྩུབ་ཉམས་སུ་འཆར་ཏེ། དེ་ཐལ་ན་གེགས་སུ་འགྲོ། དེ་ཡང་ས་རླུང་ཟིན་ན་རླུང་གི་སྟོབས་ཟད། སྨྲ་བརྗོད་མི་ཐུབ། གཡོ་འགུལ་མི་ཤེས་པ་ལྟ་བུ་དང༌། ས་ལ་བྱིང་བ་དང༌། གཞན་གྱིས་མནན་པ་དང༌། བྱིང་རྨུག་ལ་སོགས་པར་འགྱུར། མེ་ཟིན་ན་སའི་སྟོབས་ཉམས་ཏེ། མེ་ཆར་འབབ་པ་སོགས་ཚིག་པའི་སྣང་བ་དང༌། མྱུལ་ཆེ་ཞིང་ལུས་གཅིག་ཏུ་མི་ཟུག །ཆུ་ཟིན་ན་མེ་ཉམས་པས་ཁོང་འདར། གྲང་ཤུམ་བྱེད། གངས་རི་དང་རྦ་རླབས་ཀྱི་གསེབ་ཏུ་ཤོར་བ་སྙམ་འབྱུང༌། ཤེས་པ་དྲན་པ་མི་གསལ་བཀོལ་དུ་མི་གཏུབ་པ་འབྱུང༌། རླུང་འཕེལ་ན་ཆུ་ཉམས་ཏེ་འགྲོས་མགྱོགས་ཤིང་ལུས་ཡང༌། འགྲོ་སྙིང་འདོད། སེམས་བཟུང་ཀྱང་མི་ཟིན་པ་ཡོད། ནམ་མཁའ་ཐམས་ཅད་ཀྱི་གྲོགས་ཡིན་ཡང༌། ནམ་མཁའ་ཁོ་ན་འཕེལ་བས་གཡངས་ཟ་ཞིང་སྐྱོ་ཤེས་ཆེ་བར་འབྱུང༌། དེ་དག་ཀྱང་ཕལ་ཆེར་བྱུང་རྒྱལ་དུ་བསྐྱངས་ཤིང༌། ལུས་ལ་ནད་ཁམས་འཕེལ་བར་འདུག་ན་གེགས་སེལ་གྱིས་བཅོས། དེ་ལམ་དུ་གསུང་ཞིང་བསྐྱངས་པས་གཏུམ་མོ་འབར་བའི་སྣང་བ་ཅུང་ཟད་འབྱུང་ཞིང༌། བདེ་
― LT24_Page_128B ―
[མ་དཔེ་གཟིགས་ན་འདིར་གནོན།]
ཉམས་གོང་འཕེལ་དུ་འགྲོ་སྟེ། འདི་སྐབས་འདིར་རྡོར་བཟླས་དང༌། འཇམ་རླུང་དང་བུམ་ཅན་རྣམས་རིམ་ཅན་དུ་བསྒོམ་པའི་དབང་དུ་བྱས་ནས་བཤད་པ་ཡིན་ལ། སྤྱིར་ནས་རྟགས་རིམ་པ་གསུམ་པོ་དེ་རྣམས་རྩ་ལམ་བྱང་བ་དང༌། དབུ་མའི་སྒོར་འདུས་པ་དང༌། དྷཱུ་ཏིར་འཆིང་བའི་རྟགས་ཀྱི་རིམ་པ་ཙམ་ཡིན་པས་བུམ་ཅན་ལྟ་བུ་གཅིག་དང་པོ་ནས་མཐར་ཡུན་བསྲིངས་ཏེ་བསྒོམས་པས་ཀྱང་རྩ་ལམ་བྱང་བ་དང༌། དབུ་མར་འདུས་པ་དང༌། དེར་འཆིང་བ་རྣམས་རིམ་པས་འགྲུབ་པས་རྟགས་འདི་རྣམས་ཐམས་ཅད་ཡོང་ངོ༌། །རྩ་ཆད་གསོས་པས་དང་པོར་མཚོན་གྱིས་འབུག་པ་དང༌། སེམས་ཅན་གྱིས་རྨུགས་པ་འདྲ་བའི་ལུས་ཉམས་དང༌། ལུས་ཀྱི་ནང་དུ་སྲོག་ཆགས་རྒྱུག་པ་འདྲ་བའི་ཉམས་སྣང་དང༌། དོག་འཚང་བྱེད་པའི་རྨི་ཉམས་འབྱུང༌། རྩ་ཆད་འབྲིང་པོ་རྣམས་གསོས་པས་བགངས་པ་འགྲིལ་བ་འདར་སྤྲུག་འཕར་འཁྲིག་ཟུག་རྔུ་དང་བཅས་པ་ཡོང༌། རྩ་ཆད་ཕྲ་མོ་རྣམས་གསོས་པས། ཚ་ཙེག་ཙེག་པ་སོགས་ཟུག་ཆང་ཆུང་མང་པོ་ལྡང༌། འདི་དག་གང་དུ་འབྱུང་མ་ངེས་ཏེ། རྩ་ཆད་ཅི་རིགས་པ་གསོས་པ་ཡིན་ནོ། །དེ་ནས་བར་སྐབས་སུ་བཏང་སྙོམས་དང་བདེ་ཉམས་ཤས་ཆེ་བར་འབྱུང༌། ཡང་བར་སྐབས་ཞིག་ནས་རླུང་གིས་རྩ་གང་ནི་གང་ལ། དབྱིངས་སུ་ཐིམ་མ་ཐུབ་པས་སྲོག་ཐུར་འདྲེས་པའི་རླུང་སྟོབས་སུ་གྱུར་ཏེ། གོང་དུ་བཤད་པ་ལྟ་བུ་བུའི་འཕོ་བའི་གེགས་ཤིག་འབྱུང་ཉེན་ཡོད། རྟགས་རྣམས་གོང་དུ་བཤད་པ་དང་འདྲ་ཞིང༌། རྩ་རླུང་ཅུང་ཟད་བྱང་བའི་སྐབས་ཡིན་པས་འཕོ་བ་དང་འབེབས་པ་གཉིས་ཀ་སྔར་ལས་བླའོ། །བུམ་པ་ཅན་
― LT24_Page_129A ―
[མ་དཔེ་གཟིགས་ན་འདིར་གནོན།]
དབུ་མའི་ནང་དུ་ཉིན་ཞག་གཅིག་འཆིང་བར་ནུས་ན་ནད་མཐའ་དག་འབྱང་ཞིང་ཚེ་ལ་ཅུང་ཟད་དབང་བ་ཡིན་ལ། ཡང་སྲོག་ཐུར་འདྲེས་པའི་ཚད་ལ་ཕྱི་རྟགས་འོག་རླུང་ཁ་ནང་ཐོན་ན་ཐུར་སེལ་སྲོག་ལ་འདྲེས། དྲི་བཟང་ཁ་སྣར་རྔུབས་པ་འོག་སྒོ་ནས་མ་ཉམས་པར་འཐོན་ན་སྲོག་ཐུར་སེལ་ལ་འདྲེས་པར་ཟེར་ཏེ། འདི་ཙ་ནང་དུ་འདྲེས་པ་ནི་མ་ཡིན། ཁོག་ནང་ཙམ་དུ་ཕྱི་ལ་རྒྱུ་བའི་སྲོག་ཐུར་རགས་པ་འདི་འདྲེས་པ་ཙམ་ཡིན་པས་རྨོངས་པ་ངོ་མཚར་བསྐྱེད་པའི་རྟགས་ཙམ་ཡིན། ནང་རྟགས་སྟེང་བཟུང་ན་འོག་འཐེམས། འོག་བཟུང་ན་སྟེང་འཐེམས་པ་ཡིན་ཏེ། རྩ་ནང་ཅི་རིགས་པར་འདྲེས་པས་ལས་སྔ་མ་ལས་བཟང་ངོ༌། །གསང་རྟགས་འབར་སྣང་དང་བདེ་དྲོད་དངོས་སུ་སྐྱེ་སྟེ་ཆེས་མཆོག་རྩ་དབུ་མར་སྲོག་ཐུར་འདྲེས་པ་ཡིན་ནོ། །སྲོག་རྩོལ་གྱི་རིམ་པའི་ཕྱེད་ཕྱི་མའི་སྐབས་འདིར་སྲོག་གཟུགས་ཕལ་པ་འགྲུབ་པ་ཡིན་ཏེ། སྔ་ཕྱི་ནི་ཅི་རིགས་སུ་ཡོད་དོ། །གཞན་ཡང་ཐིག་ལེ་བཞིའི་སྣང་བ་ལས་འཁོར་འདས་ཀྱི་ཆོས་མཐའ་དག་འཆར་ཏེ། གྲུབ་མཐའ་བཞིའི་ལྟ་བ་དང༌། མུ་སྟེགས་བྱེད་ཀྱི་རྒྱུད་བཞི་དང༌། རིག་བྱེད་བཞི་དང༌། སྡེ་པ་བཞི་དང༌། གསང་སྔགས་རྒྱུད་སྡེ་བཞི་ལ་སོགས་པའི་ལྷའི་སྣང་བ་དང༌། སྔགས་ཀྱི་སྣང་བ་དང༌། ཚིག་དོན་རྣམ་པར་འབྱེད་པའི་བློ་གྲོས་དང༌། ལྟ་སྤྱོད་སྒོམ་གསུམ་གྱི་ཉམས་མཐའ་ཡས་པ་འབྱུང་ལ། དུད་འགྲོ་མི་ལྷ་དམྱལ་བ་ལ་སོགས་པའི་གནས་སུ་ལོངས་སྤྱོད་ཀྱི་སྣང་བ་དང༌། བདེ་སྡུག་ལ་སོགས་པའི་ཚོར་བ་དང༌། ཉོན་མོངས་པའི་ཁྱད་པར་མཐའ་ཡས་པ་སྣང་སྟེ། སྔོན་གྱི་མན་ངག་པ་རྣམས་ལ་གནས་སྤྱོད་དུ་གྲགས་པ་དག་ཡིན་ལ། མདོར་ན་སེམས་རང་བཞིན་གྱིས་འོད་གསལ་བ་རྣམ་པ་ཐམས་ཅད་པ་ཡིན་པའི་རྒྱུ་མཚན་གྱིས་ཤེས་བྱ་ལ་སྲིད་ཚད་སྣང་བ་ཡིན་ཅིང༌། དེས་ན་འོད་གསལ་བདེ་གཤེགས་སྙིང་པོའི་ངོ་བོ་ནི་དུས་རྟགས་ཏུ་གཅིག་ཅར་རྣམ་
― LT24_Page_129B ―
[མ་དཔེ་གཟིགས་ན་འདིར་གནོན།]
པ་ཐམས་ཅད་པ་ཡིན་ཀྱང་རྣལ་འབྱོར་པའི་བློ་ཡི་མཐོང་ཚུལ་ལ་རྣམ་པ་དེ་དང་དེ་འཆར་པའི་རྐྱེན་རེ་དང་ཕྲད་པའི་ཚེ་སྣང་བ་ཡིན་པས་ན་སྣ་ཚོགས་པ་རྣམས་རིམ་ཅན་དུ་སྣང་ངོ༌། །རྐྱེན་དེ་ཡང་གང་ཞེ་ན། ནང་གི་རྩ་རླུང་ཐིག་ལེའི་འཕྲོ་འདུའོ། །སེམས་ཀྱི་སྣང་ཆ་ཉིད་རྩ་དང་རླུང་དང་ཐིག་ལེ་སྣ་ཚོགས་སུ་སྣང་ཞིང༌། སྣ་ཚོགས་སུ་སྣང་བ་དེ་རྣམས་ཀྱང་སེམས་ཉིད་ཐིག་ལེ་བཞིར་སྣང་བ་ལ་བརྟེན་ནས་བྱང་བ་ཡིན་པས་རྣམ་པ་ཐམས་ཅད་པའི་ཁོངས་སུ་རྩ་རླུང་ཐིག་ལེའི་འདུ་འཕྲོད་ཀྱང་འདུས་པ་ཡིན་པས་དེ་དག་རྣམ་པ་ཐམས་ཅད་པའི་འཆར་སྒོ་ལས་གཞན་དུ་མི་བསམ་མོ། །འོད་ཀྱང་ཀུན་རྫོབ་རྟེན་འབྲེལ་སྣང་ཚུལ་ལ་བལྟོས་ནས་ལུས་ཀྱི་ཐིག་ལེ་དཔྲལ་བ་ནས་གནས། གཉིད་སད་དུས་ཀྱི་སྣང་བ་རགས་པ་ཐམས་ཅད་དེས་བསྐྱེད། ངག་གི་ཐིག་ལེ་མགྲིན་པ་ན་གནས། རྨི་ལམ་དང་བར་དོ་ལ་སོགས་པའི་སྣང་བ་ཐམས་ཅད་དེས་བསྐྱེད། ཡིད་ཀྱི་ཐིག་ལེ་སྙིང་ག་ན་གནས། གཉིད་འཐུག་པོ་དང་བརྒྱལ་བ་དང་འཆི་བ་ལ་སོགས་པའི་གནས་སྐབས་ཐམས་ཅད་དེས་བསྐྱེད། བཞི་པའི་ཐིག་ལེ་ལྟེ་བ་ན་གནས། གཉིས་སྦྱོར་ལ་སོགས་པའི་ཆགས་པ་དང༌། ཡུལ་བཟང་ངན་བར་མ་གསུམ་ལ་སྲེད་ཅིང་རྨོངས་པ་རྣམས་དེས་བསྐྱེད། དེ་བཞིན་དུ་རྩ་འཁོར་གཞན་ལའང་སྦྱར་དུ་ཡོད་དེ། ཐིག་ལེ་བཞི་བོ་དེ་ཉིད་དྲི་མ་དང་བཅས་པ་ནི་གཞི་དུས་ཀྱི་འཁོར་ལོའི་ཞལ་བཞི་ཡིན་ལ། སྒྲིབ་པ་ཕྱེད་ཙམ་དག་པ་ན་དཔལ་དུས་ཀྱི་འཁོར་ལོའི་ཞལ་བཞི་དང༌། ཤིན་ཏུ་སྒྲིབ་བྲལ་གྱི་གནས་སྐབས་སུ་འབྲས་བུ་དུས་ཀྱི་འཁོར་ལོའི་ཞལ་བཞིའོ། །རྒྱུད་ལས་དུས་ཀྱི་འཁོར་ལོའི་ཞལ་བཞི་ལས་འཁོར་འདས་ཐམས་ཅད་སྤྲུལ་པར་གསུངས་པའི་དགོངས་པའི་གཙོ་བོའང་འདི་
― LT24_Page_130A ―
[མ་དཔེ་གཟིགས་ན་འདིར་གནོན།]
འདི་ཡིན་ལ། དེར་གསུངས་པའི་བཞི་ཚན་རྣམས་ཀྱིས་ཀྱང་ངེས་པར་སྐྱེད་པར་བྱའོ། །སྲོག་རྩོལ་གྱི་རིམ་པ་དང་འབྲེལ་བ་རྣམས་བཤད་ཟིན་ཏོ། །འཛིན་པའི་སྐབས་སུ་རྟགས་ཐུན་མོང་མ་ཡིན་པ་རྣམས་ཀྱི་ཁྱད་པར་འདི་ལྟར་ཤེས་དགོས་ཏེ། རྟགས་ཀྱི་རྒྱུ་ནི་སྲོག་ཐུར་འདྲེས་པ་ལ་བརྟན་པ་ཐོབ་པས་གཏུམ་མོ་འབར་རྩ་ཁ་ཐམས་ཅད་དྲོས། རྩ་ཐིག་ཐམས་ཅད་གླུམ་ལངས་པ་ལྟར་ཁོལ་ཞིང་སང༌། རྩ་མདུད་ཐམས་ཅད་མེས་དྲལ་ཐིག་ལེ་རྣམས་གནས་སོ་སོར་འབར་ཞིང་གཡོ། ཁམས་རྣམས་ཡར་མར་དུ་འདུ་ཞིང་སྟེང་འོག་ཏུ་ཅུང་ཟད་གང་བ་རྣམས་ཡིན་ལ། རྟགས་དངོས་ནི་དབུ་མའི་ནང་དུ་ཕྲ་ཞིང་ཕྲ་བའི་རེ་ཁ་ནག་པོ་ནཱ་དའི་རྣམ་པ་ཅན་དང༌། རྟ་རྔ་ཟླུམ་པོར་བཀུག་པ་ལྟ་བུའི་ཐིག་ལེའི་རྣམ་པ་ཅན་འོད་ཟེར་དཔག་ཏུ་མེད་པ་འབར་བ། རེ་ཁཱ་ཕྲ་མོའི་ནང་ན་རྟགས་བཅུ་ཀར་རྫོགས་པར་འཆར་ཞིང༌། སྐུ་གཟུགས་ལ་སོགས་པ་དག་པ་དང་མ་དག་པའི་སྣང་བ་སྣ་ཚོགས་ཀྱིས་བརྒྱན་པ་ཞིག་འབྱུང་བ་དེ་ཡང་དྷཱུ་ཏཱིའི་ནང་དུ་གཏུམ་མོ་འབར་བའི་བར་སྣང་གི་དབུས་སུ་འབྱུང་བ་ཡིན། གཏུམ་མོ་འབར་བའི་མེའི་ཁ་དོག་ཀྱང་སྣ་ཚོགས་འབྱུང་ལ། རེ་ཁཱ་ཡང་ནག་པོ་གཙོ་བོ་ཡིན་པས་སྨོས་ཀྱི། གཞན་དུ་ན་ཁ་དོག་སྣ་ཚོགས་པའོ། །དེས་ན་ལས་འཕྲོ་ཅན་མ་གཏོག །སོར་སྡུད་ཅི་ལ་ཐིག་ལེའི་དབུས་སུ་སྐུ་གཟུགས་རེས་འགའ་འཆར་བ་དང༌། གཞན་ཡང་རིམ་པ་དང་པོ་གསུམ་ལ་རེ་ཁཱ་ནག་པོ་འདྲ་རུང་འཆར་སྲིད་ཀྱང་མ་ངེས་པའི་རྟགས་ཡིན་པར་ཤེས་པར་བྱའོ། །འཛིན་པའི་རྟོགས་པ་སྐྱེས་པའི་སྐབས་འདིར་སྲོག་གཟུགས་ཁྱད་པར་ཅན་འགྲུབ་པ་ཡིན་ཏེ།
― LT24_Page_130B ―
[མ་དཔེ་གཟིགས་ན་འདིར་གནོན།]
དེ་ཡང་སྔར་གྱི་སངས་རྒྱས་ཀྱི་གཟུགས་བརྙན་དེ་ཉིད་ཤིན་ཏུ་བརྟན་པར་གྱུར་བས་སྟོང་གཟུགས་དང་སྲོག་ཐུར་གོང་བུ་གཅིག་པའི་རླུང་འདྲེས་པ་དེ་བློས་བརྟགས་པ་ལ་མ་བལྟོས་པར་ལྷ་སྐུ་མཚན་དཔེ་ཅན་གྱི་རྣམ་པ་དང་པོར་གཅིག་འཆར་བ་ནས་བརྩམས་ཏེ་ཇེ་མང་ཇེ་འཕེལ་དུ་འགྱུར། མདོག་དབྱིབས་མཚན་མ་ནི་མ་ངེས་ཏེ། ཁ་གཅིག་ལ་ནི་རྣམ་པ་གཅིག་ཉིད་རྟག་ཏུ་འཆར་བའང་ཡོད། ཁ་ཅིག་ལ་ནི་འཕྲལ་འཕྲལ་འགྱུར་བར་སྣང་བའང་ཡོད་པ་དང༌། སྤྱིར་ཕྱི་ནང་ཐམས་ཅད་དུ་འཆར་བ་ཡིན་ཡང་དྷུ་ཏིའི་ནང་དུ་འཆར་བ་ནི་མར་མེ་ལྟ་བུ། གཞན་རྣམས་མར་མེའི་འོད་ལྟ་བུའོ། །འདི་ནི་སྲོག་དབུ་མའི་ཐིག་ལེ་ལ་ལན་གཅིག་ཐིམ་པ་ནས་འབྱུང་སྟེ་མཐར་བརྟན་པ་ཐོབ་ནས་ལས་སྣ་ཚོགས་པ་འགྲུབ་པར་འགྱུར་རོ། །དཔེར་ན་སྲོག་དང་འདྲེས་པའི་སྟོང་གཟུགས་ཀྱི་ལྷ་དེ་ཉིད་སྙིང་གར་ཆུའི་དཀྱིལ་འཁོར་དང་ཨུ་ཡིག་ཏུ་གྱུར་ཏེ། ལྷ་ཡབ་གཡོན་པདྨ་དཀར་པོ་དང༌། ཡུམ་གཡོན་ཨུཏྤལ་དཀར་པོ་འཛིན་པ། གཉིས་ཀའང་གཡས་མཆོག་སྦྱིན་མཛད་པ། གླང་པོ་ཆེས་སྲུང་ལ་ཞོན་པ་བསྒྲུབ་བྱའི་ཁྱིམ་དུ་སྤྲོས་ནས་ཞི་རྒྱས་ཀྱི་ལས་བྱེད་པར་བསམས་པས་གང་བློས་བསྒྱུར་བ་དེར་འགྱུར་ཏེ། སྟོང་གཟུགས་དེ་ཡང་དེ་ལྟ་བུའི་རྣམ་པར་སོང་བ་ན་སྙིང་གའི་བུམ་པ་ཅན་ལ་འབད་པས། དེ་མ་ཐག་ཏུ་ཞི་རྒྱས་ཀྱི་ལས་ཐོགས་པ་མེད་པར་འགྲུབ་བོ། །དེ་བཞིན་དུ་རྩ་འཁོར་དང་གདན་འབྱུང་བཞིའི་དཀྱིལ་འཁོར་དང་ས་བོན་དང་ལྷའི་སྐུ་མདོག་ཕྱག་མཚན་དང་གཞོན་པ་རྣམ་ལྡེ་ཁ་བསྒྱུར་བས་ལས་གཞན་ཐམས་ཅད་འགྲུབ་བོ། །དེ་བཞིན་དུ་ཟད་པར་རྣམས་ཀྱང་འགྲུབ་པར་བཤད་དོ། །དཔེར་ན་ལྟེ་བའི་ལ་ཡིག་
― LT24_Page_131A ―
[མ་དཔེ་གཟིགས་ན་འདིར་གནོན།]
ལས་སའི་ཟད་པ་ཟམ་པ་ལྟ་བུ་སྤྲོས་ཏེ། ལྟེ་བའི་བུམ་ཅན་ལ་འབད་པས་ཆུ་བོའམ་རྒྱ་མཚོའི་སྟེངས་ནས་མི་བྱིང་བར་འགྲོ་བ་ལ་སོགས་སོ། །ཉེར་འཚེ་གཞོམ་པ་ཕྲ་མོ་གཞན་ཡང་བཤད་དོ། །མགྲིན་པར་མེའི་དཀྱིལ་འཁོར་ར་ཡིག་ལས་བྱུང་བའི་སེང་གེར་གྱུར་ཞིང༌། སེང་གེ་སྤྲོས་པས་གླང་པོ་ཆེ་རྣམས་བསྐྲད་པར་བསམས་ཏེ། མགྲིན་པའི་བུམ་ཅན་བྱས་ན་གླང་པོ་ཆེའི་ཉེར་འཚོ་བཟློག་པ་ལ་སོགས་པ་དུད་འགྲོ་གདུག་པ་ཅན་རྣམས་དང༌། ལྷ་མིན་དང་འབྱུང་པོ་སྐྲོད་པར་བྱེད་པ་སོགས་མདོར་ན་ཕྱི་ནང་གི་རྟེན་འབྲེལ་མ་ནོར་བར་བསྒྲིགས་པས་བསམ་པ་ཐམས་ཅད་འགྲུབ་པར་འགྱུར་རོ། །སྐབས་འདིར་གཞོམ་མེད་ནཱ་དའི་སྒྲ་དབྱངས་ཀྱང་འབྱུང་བར་འགྱུར་ཏེ། དང་པོ་དྷཱུ་ཏཱིའི་ནང་དུ་སྟོང་པའི་སྒྲ་ཙམ་གྲག་པ་བྱུང་ན། དེ་ཉིད་གོང་འཕེལ་དུ་སོང་ནས་སྒྲ་དྲག་པོ་འབྲུག་སྒྲ་ལྟ་བུ་ལ་སྒྲ་གཞན་ཕྲ་མོ་སྣ་ཚོགས་པས་བསྐོར་བ་ལྟ་བུ་འབྱུང༌། དེ་ནས་མི་རིང་བ་ན་དུས་ཅིག་ཅར་དུ་སྲོག་ཆགས་སྣ་ཚོགས་པའི་ཚིག་འདྲ་བ་དང༌། འབྱུང་བ་སྣ་ཚོགས་པའི་སྒྲ་དང༌། གཏམ་སྣ་ཚོགས་པ་དང༌། ཆོས་ཀྱི་སྐད་སྣ་ཚོགས་པ་མང་པོ་སྒྲ་གཅིག་ལས་གྲུབ་པ་འབྱུང་ངོ༌། །ལས་དང་པོ་པས་སྲོག་འཛིན་རྗེས་མཐུན་པར་སྒོམ་པའི་སྐབས་ངག་ཏུ་མེ་ཤས་ཆེ་ན་ཐིག་ལེ་འབབ་པའི་སྣང་བ་དང༌། ལུས་དྲོད་ཆེ་བ་དང༌། རྔུལ་ཆུ་འབབ་པ་ལྟར་འབྱུང༌། ལྕེའུ་ཆུང་ལས་ཐིག་ལེ་འབབ་པ་ཚོར་བ་སོགས་འབྱུང་སྟེ། འགའ་ཞིག་ལ་འཛག་གེགས་དང་རྡུལ་བབས་དྲགས་པས་ལུས་སྟོབས་འཆོར་ན། འགྲེན་འགྲེམས་དང་ལུས་ཟུངས་མི་འཆོར་བའི་
― LT24_Page_131B ―
[མ་དཔེ་གཟིགས་ན་འདིར་གནོན།]
གདམས་ངག་བྱ། འགའ་ཞིག་བདེ་གསལ་གྱི་ཉམས་ཡོད་འཕྲོ་ལ་རླུང་ཁམས་ལྡང༌། ལུས་གྲང༌། མགོན་ན་ཐིག་ལེ་འཇུ་མ་ཐུབ་པ་ཡིན། འགའ་ཞིག་མཐོང་སྣང་གི་ཉམས་བཟང་ཡང་ལུས་སྔོ་ཞིང་སྐམས་བདེ་ཉམས་ཡལ། གཞན་གོང་དང་འདྲ་ན་ཐིག་ལེ་རྒྱས་མ་ཐུབ་པ་ཡིན། འདི་རིགས་ཆགས་ལམ་གྱིས་བདེ་བ་སྤེལ་བས་སེལ་ལོ། །འཛིན་པའི་སྐབས་འདིར་ཡང་གཏུམ་མོའི་འབར་སྣང་གིས་རྩ་སྒོ་ཕྱེ་ནས་སྲོག་སྡུད་ཀྱི་འཕོ་བ་འབྱུང་བའི་གེགས་ཅུང་ཟད་འབྱུང་བའི་སྐབས་ཡོད་ཀྱང༌། རླུང་སེམས་ལ་ཅི་རིགས་པར་དབང་ཐོབ་པས་གེགས་སེལ་གྱི་གདམས་ངག་ཕལ་པ་ལ་མ་ལྟོས་ཏེ། སྒྲུབ་པ་པོ་རང་ཉིད་ཀྱིས་ཤེས་པར་འགྱུར་རོ། །སྲོག་རྩོལ་མཐར་ཕྱིན་ནས་གེགས་ཕལ་ཆེར་ལས་གྲོལ་ཞིང༌། འཛིན་པའི་ཕྱེད་སྔ་མ་མཐར་ཕྱིན་ནས་སྒོམ་གེགས་ཀྱི་མིང་ཡང་མེད་དོ། །འཛིན་པའི་རིམ་པ་དང་འབྲེལ་པ་རྣམས་བཤད་ཟིན་ཏོ། །རྗེས་དྲན་གྱི་སྐབས་སུ་འདི་ལྟར་ངེས་པར་བྱེད་དགོས་ཏེ། སྤྱིར་སཾ་བུ་ཊི་དང༌། གདན་བཞི་ལ་སོགས་པ་རྒྱུད་སྡེ་དུ་མ་ནས་གསུངས་པ་ལ། དང་པོར་མར་མེའི་མཚན་མ་དང༌། གཉིས་པ་གློག་གམ་མཁའ་སྣང་གི་མཚན་མ་དང༌། གསུམ་པ་རྡུལ་ཕྲན་དཀར་པོའམ་དཀར་པོའི་འོད་ཀྱི་མཚན་མ་དང༌། བཞི་པ་འདོད་པའི་ལྷའི་ལོངས་སྤྱོད་ཀྱི་མཚན་མ་དང༌། ལྔ་པ་ལྷའི་གཟུགས་ཀྱི་མཚན་མ་དང༌། དྲུག་པ་གཟུགས་མེད་ཡེ་ཤེས་ཀྱི་མཚན་མ་དང༌། བདུན་པ་ཆོས་ཀྱི་དབྱིངས་ཀྱི་མཚན་མ་དང༌། བརྒྱད་པ་བདག་ཉིད་སངས་རྒྱས་སུ་གྱུར་པའི་མཚན་མ་སྟེ། རྫོགས་པའི་རིམ་པ་ལ་མཚན་མ་བརྒྱད་པོ་ནི་དེ་རྣམས་སོ། །འདི་དག་ལ་བཤད་ཚུལ་མི་འདྲ་བ་ཅི་རིགས་
― LT24_Page_132A ―
[མ་དཔེ་གཟིགས་ན་འདིར་གནོན།]
པར་ཡོད་མོད་ཀྱང༌། སྐབས་འདིར་འདི་ལྟར་བཤད་པར་བྱ་སྟེ། མར་མེའི་མཚན་མ་ནི་སོར་བསམ་གྱི་དུས་ཀྱི་རྟགས་རྣམས་ཐམས་ཅད་དེ། ཡན་ལག་ཕྱི་མ་རྣམས་ལ་ལྟོས་ནས་རྒྱ་ཤིན་ཏུ་ཆུང་ངུ་ཞིག་གསལ་བར་བྱེད་པས་སོ། །སྲོག་རྩོལ་གྱི་སྐབས་ཀྱི་རྟགས་ཐམས་ཅད་ནི་གཉིས་པ་གློག་གི་མཚན་མ་སྟེ། སྔ་མ་ལས་རྒྱ་ཆེ་ཡང་མི་བརྟན་པས་སོ། །གསུམ་པ་འོད་ཟེར་དཀར་པོའི་མཚན་མ་ནི་འཛིན་པའི་སྐབས་ཀྱི་མཚན་མ་ཐམས་ཅད་དོ། །དེར་ཞུ་བདེ་འཛག་མེད་གྲུབ་པས་བྱང་ཆུབ་ཀྱི་སེམས་རྒྱས་ཤིང༌། རྩ་ནང་ཐམས་ཅད་དུ་ཐིག་ལེ་འགྲོ་འོང་མཐོང་བ་དང༌། ཕྱི་རུའང་དེའི་མཐུ་ལས་ཟླ་འོད་ལ་སོགས་པའི་སྣང་བ་འཆར་བས་སོ། །བཞི་པ་ལ་སོགས་པ་བཞི་ནི་རྗེས་དྲན་གྱི་སྐབས་འདིར་འབྱུང་བ་ཡིན་ཏེ། བཞི་པ་འདོད་པའི་ལྷའི་ལོངས་སྤྱོད་དེ། ལྷ་འདོད་ཁམས་པ་དང་མཚུངས་པར་འདོད་ཡོན་ཐ་མལ་པ་འདི་རྣམས་མི་འབྱུང་བར། སྟོང་པ་ཉིད་ཀྱི་གཟུགས་སྒྲ་དྲི་རོ་རེག་བྱར་འཆར་ཞིང༌། དེ་ལས་འཇུག་ཤེས་དྲུག་དགའ་བདེ་ཁྱད་པར་ཅན་གྱིས་བརླན་པ་དང༌། ལྔ་པ་ལྷའི་གཟུགས་ཀྱི་མཚན་མ་ནི། གཟུགས་ཁམས་ཀྱི་ལྷ་འོད་ལུས་སུ་ཡོད་པ་ལྟར། རང་ཉིད་སྟོང་གཟུགས་ཀྱི་ལྷ་སྐུར་གྱུར་ཏེ། འོད་ཟེར་དཔག་ཏུ་མེད་པར་འཕྲོ་བ་འོད་ཀྱི་དཀྱིལ་འཁོར་གྱི་ནང་དུ་ཆུད་པ། དཀྱིལ་འཁོར་མཐའ་ཡས་པ་སྤྲོ་ཞིང་བསྡུ་བ་འབྱུང་སྟེ། སྟོང་གཟུགས་ཀྱི་ལྷ་ཡབ་ཡུམ་གྲུབ་ནས་སྔར་གྱི་འདོད་པའི་ལོངས་སྤྱོད་དང༌། ལྷག་པར་ཁམས་གསུམ་གྱི་གཟུགས་བརྙན་ཐམས་ཅད་ཀྱིས་ཀྱང་དགའ་བདེ་བསྐྱེད་པའོ། དྲུག་པ་གཟུགས་མེད་ནི། དེ་ནས་ཞུ་
― LT24_Page_132B ―
[མ་དཔེ་གཟིགས་ན་འདིར་གནོན།]
བདེ་ཁྱད་པར་ཅན་སྐྱེ་སྟེ། གཏུམ་མོའི་མེས་རྩ་སྟོང་ཕྲག་བདུན་བཅུ་རྩ་གཉིས་ཀྱི་བྱང་སེམས་ཐམས་ཅད་དྲོས་ཐུབ། རང་གནས་སུ་ཞུ་ཐུབ། སྤྱི་བོར་སྡུད་ཐུབ། དེར་ཤིན་ཏུ་ཞུ་ཞིང་དབུ་མའི་ལམ་དུ་དྲངས་ནས་བཟུང་གིན་བཟུང་གིན་འཁོར་ལོ་དྲུག་འགེངས་ནུས་ཏེ། གཏུམ་མོ་འབར་བའི་ནུས་པ་རྫོགས་ཤིང་བརྟན་པ་ཐོབ་ན་དེ་ལྟར་འབྱུང་གི་གཞན་མི་འབྱུང་ངོ༌། །དེ་ཡང་མཉམ་བཞག་དང་རླུང་སྟོབས་ཀྱིས་རླུང་དང་ཐིག་ལེ་འདྲེས་པ་དེ་ཉིད་ཞག་གཅིག་དབུ་མར་འཛིན་ནུས་ན་བརྒྱལ་བ་ཞེས་བྱ་སྟེ། དཔྲལ་བར་ཐིག་ལེ་འཛིན་ནུས། ཞག་བཅོ་ལྔ་དབུ་མར་ཁེགས་ན་བཅིངས་བཞེས་བྱ་སྟེ། མགྲིན་པར་འཛིན་ནུས། ཟླ་བ་གཅིག་ཏུ་ཁེགས་ན་བསད་པ་ཞེས་བྱ་སྟེ། སྙིང་གར་འཛིན་ནུས། ཟླ་བ་དྲུག་ཏུ་ཁེགས་ན་བསྲེགས་པ་ཞེས་བྱ་སྟེ། ལྟེ་བར་འཛིན་ནུས་པར་རྡོ་རྗེ་སྙིང་འགྲེལ་ལས་གསུངས་ལ། ལོ་གཅིག་ཁེགས་ན་གསང་བར་འཛིན་ནུས། རྟག་ཏུ་ཁེགས་ན་ནོར་བུ་འཛིན་ནུས། ཞེས་མན་ལུང་གུ་རུ་སོགས་བླ་མ་གོང་མ་རྣམས་གསུང་ངོ༌། །དེ་ལྟར་རྡོ་རྗེ་ནོར་བུར་བྱང་ཆུབ་ཀྱི་སེམས་བརྟན་པའི་ཡེ་ཤེས་དེ་ནི། མཆོག་ཏུ་བདེ་བ་གཟུགས་མེད་པ། །ཞེས་གསུངས་པ་ལྟར་གཟུགས་ཡིད་ཀྱི་ཡེ་ཤེས་སུ་མིང་བཏགས་པ་ཡིན་ནོ། །སྐབས་དེ་དང་དེར་ཐིག་ལེ་བཟུང་ནུས་ཞེས་བྱ་བ་ནི། ཁམས་ཀྱི་དྭངས་མ་དང་བདེ་བའི་ཡེ་ཤེས་གཉིས་གནས་དེ་དང་དེར་ནམ་དུ་ཡང་མི་ཉམས་ཤིང༌། རྐྱེན་གང་གིས་ཀྱང་གཡོ་མི་ཐུབ་པ་སྟེ། ཞུ་བདེ་འཛག་མེད་མཐར་ཕྱིན་པའི་གྲུབ་འབྲས་ཡིན་ནོ། །ཞུ་བདེ་འཛག་མེད་ལྷུན་གྱིས་གྲུབ་པ་ནི། རྩོལ་མེད་དུ་བཞག་ཀྱང་ནོར་བུ་ལས་བྱང་སེམས་མི་འཛག་པར་མ་
― LT24_Page_133A ―
[མ་དཔེ་གཟིགས་ན་འདིར་གནོན།]
ཟད་ཀྱི། ཆེས་གཏད་ཕྱིར་ཕབ་ཀྱང་འཛག་མི་ཐུབ་པ་ལ་ཟེར་རོ། །འཁོར་ལོ་འོག་མ་འོག་མ་རྣམས་སུ་བབས་པའི་སྐབས་ཀྱང་གོང་མ་གོང་མ་གང་བདེ་ཉམས་པ་མེད་ཅིང༌། སྐད་ཅིག་སྐད་ཅིག་ལ་བྱང་ཆུབ་ཀྱི་སེམས་འཕེལ་བས་འཕེལ་བའི་ཆ་གང་ཡིན་པ་དེ་འོག་མ་འོག་མར་འགྲོ་ཞིང་གསོག་པར་བྱེད་ཅིང༌། དེ་ལ་གོང་མ་གོང་མའི་རོ་བཅུད་དང་ངད་དང་ནུས་པའི་ཆ་ཤས་ཡོད་པས་གོང་མའི་ཐིག་ལེ་འོག་མར་སོ་ཞེས་བརྗོད་ལ། དེས་ན་འོག་མར་བབས་པའི་ཚེ་རྩ་འཁོར་གོང་མ་སྟོང་པར་སོང་བ་མིན་ཅིང༌། ཡར་ཟློག་པའི་ཚེ་ཡང་མས་རིམ་གྱིས་སྟོང་པར་སོང་བ་མིན་པས། གནས་སྐབས་འདི་ཙམ་གྱི་ཉམས་རྟོགས་རྒྱུད་ལ་སྐྱེས་པའི་དགའ་བཞི་ལུགས་འབྱུང་ལུགས་ཟློག་དང༌། ལས་དང་པོའི་དབབ་ཟློག་གི་རིམ་པར་ནི་ཁྱད་པར་ཤིན་ཏུ་ཆེ་བ་ཡིན་ལ། ཞག་གྲངས་འདི་སྙེད་དུ་ཁེགས་ཞེས་གོང་དུ་བཤད་པ་དེ་རྣམས་ཀྱང་མཉམ་བཞག་ཐུན་གཅིག་ལ་དེ་ཙམ་དུ་གནས་ནུས་ལ། དེ་ནས་ལྷག་པར་མི་ནུས་ཏེ། རྩ་འཁོར་གོང་འོག་གང་རུང་གཅིག་ཏུ་འགྲོ་དགོས་པའི་དོན་ཡིན་ནོ། །དེ་ལྟར་ཞུ་བདེ་འཛག་མེད་ལྷུན་གྱིས་གྲུབ་པ་དེ་ཐོབ་པའི་རྒྱུ་ནི་གཉིས་ཏེ། གཏུམ་མོ་འབར་བ་བརྟན་པ་དང༌། གནས་དེ་དང་དེའི་ཐིག་ལེས་གང་བའོ། །དེ་ཡང་གཏུམ་མོ་འབར་བ་གཡོས་ན་སྙིང་གའི་ནང་མ་སྟེ་རླུང་གི་ཐིག་ལེ་སྙིང་གར་གནས་པ་དེ་གཡོ་བར་བྱེད་ལ། དེ་གཉིས་གཡོས་པས་ཐིག་ལེ་རྩལ་མེད་དུ་ཁེགས་པ་མི་འབྱུང་ལ། གཏུམ་མོ་གཡོ་བའི་རྒྱུ་ནི་རོ་རྐྱང་གི་རྒྱུ་བ་ཡིན་ནོ། །དེ་ཁེགས་པས་གཏུམ་མོ་བརྟན། དེས་སྙིང་གི་ནང་བརྟན། དེ་
― LT24_Page_133B ―
[མ་དཔེ་གཟིགས་ན་འདིར་གནོན།]
གཉིས་གཡོས་པས་ཐིག་ལེ་རྩོལ་མེད་དུ་བརྟན་པར་འགྱུར་བ་ཡིན་ནོ། །གང་བས་གཡོ་མེད་དུ་གནས་པ་ནི་བུམ་པ་གང་བ་བཞིན་ནོ། །བདུན་པ་ཆོས་ཀྱི་དབྱིངས་ཀྱི་ཉམས་ནི་ཞུ་བདེ་དེས་རང་བཞིན་ལྷན་ཅིག་སྐྱེས་པ་ཆོས་ཐམས་ཅད་ཀྱི་ཆོས་ཉིད་གནས་ལུགས་དེ་དངོས་སུ་ཉམས་སུ་མྱོང་བ་སྙམ་བྱེད་ཅིང༌། གནས་ལུགས་དེ་ཤིན་ཏུ་གསལ་བར་མཚོན་པར་ནུས་པ་ཡིན་ནོ། །བརྒྱད་པ་བདག་ཉིད་སངས་རྒྱས་སུ་གྱུར་པའི་ཉམས་ནི། ཏིང་ངེ་འཛིན་གྱི་ཡན་ལག་སྟེ། སྐུ་དང་ཡེ་ཤེས་ཟུང་འཇུག་གི་ཆ་ཤས་ཐོབ་པས། རང་ཉིད་རྫོགས་པའི་སངས་རྒྱས་སུ་གྱུར་བ་དང་ཕྱོགས་འདྲ་བའི་ཕྱིར་རོ། །གཞན་ཡང་རྗེས་དྲན་གྱི་སྐབས་སུ་ཁམས་དྭངས་མ་ཐམས་ཅད་སྤྱི་བོར་འདུས། དྷཱུ་ཏིར་ལ་དུས་མེ་འབར། བྱང་སེམས་བབས་པས་ཕྱག་ཆེན་གྱིས་བཅིངས། དབུ་མ་ཐིག་ལེས་གང་བས་ལུས་ཀྱང་ཐིག་ལེས་གང༌། ཐིག་ལེའི་ཆ་ཤས་རྡུལ་ཕྲན་གྱི་ཚད་ཙམ་ལས་ཀྱང་རྟགས་སྣང་མཐའ་ཡས་པ་འཆར་བའི་ཕྱིར་འཁོར་འདས་ཁམས་གསུམ་གྱི་གཟུགས་བརྙན་དཔག་ཏུ་མེད་པ་ཅིག་ཅར་སྣང་བ་རྒྱུན་མི་ཆད་པར་འབྱུང་ཞིང༌། དེ་རེ་རེས་ཀྱང་ཞུ་བདེ་དང་ཞུ་བདེ་མ་ཡིན་པའི་དགའ་བདེའི་ཁྱད་པར་རེ་འགྲུབ་མོད་ཀྱང༌། བདེ་བ་སྐྱེད་བྱེད་གཙོ་བོ་ནི་དབུ་མར་གནས་པ་གཏུམ་མོའི་རང་བཞིན་ལས་གྲུབ་པའི་རྟགས་བཅུ་ལྷ་སྐུ་ཡབ་ཡུམ་གྱི་རྣམ་པ་ཅན་རྣམས་ཏེ། གཏུམ་མོའི་མེ་དང་རྟགས་བཅུ་དང༌། སྲོག་ཐུར་གཅིག་ཏུ་འདྲེས་པའི་རླུང་རྣམས་གཞི་གཅིག་ལ་འདུས་པའི་དཀྱིལ་འཁོར་གྱི་འཁོར་ལོའོ། །དྲན་ཏིང་གི་སྐབས་དང་འབྲེལ་པ་རྣམས་ཅུང་ཟད་བཤད་ཟིན་ཏོ། །གཞན་ཡང་འཛིན་པའི་སྐབས་སུ་
― LT24_Page_134A ―
[མ་དཔེ་གཟིགས་ན་འདིར་གནོན།]
གཏུམ་མོ་འབར་བཅུ་འགྲུབ་ཚུལ་དང༌། འཛིན་པ་ནས་རྗེས་དྲན་ལ་མཚམས་སྦྱོར་ཚུལ་དང༌། རྗེས་དྲན་གྱི་མགོ་ཐོབ་པ་ཙམ་ནས་སྟོང་གཟུགས་ཕྱག་རྒྱ་ཆེན་མོ་འདོད་པའི་ལྷ་དེ་གྲུབ་པ་ཡིན་ཀྱང་ཞུ་བདེ་རྫོགས་པར་འདྲེན་ཐུབ་མི་ཐུབ་ཀྱི་ཁྱད་པར་དང༌། སྟོང་གཟུགས་ཀྱིས་བདེ་བ་འཕེལ་ཐུབ་མི་ཐུབ་དང༌། མི་འགྱུར་བའི་བདེ་བ་བསྐྱེད་ཐུབ་མི་ཐུབ་ཀྱི་ཁྱད་པར་དང༌། དགའ་བ་བཞི་དང་བཅུ་དྲུག་གི་རབ་ཏུ་དབྱེ་བ་དང༌། འདོད་པའི་གནས་སྐབས་བཅུ་རྣམ་པར་དག་པའི་ཡེ་ཤེས་ཀྱི་རིམ་པ་དང༌། ཏིང་ངེ་འཛིན་སྐབས་སུ་ཁམས་ཐམས་ཅད་དྭངས་མ་བཅུར་གྱུར་གྱི་བར་དུ་བཞུ་གཏུལ་བྱེད་པ་ཡེ་ཤེས་དག་བྱེད་དང༌། ཕུང་ཁམས་དབང་ཡུལ་ལས་དབང་བྱ་བ་དང་བཅས་པ་ལྷ་སྐུ་ཤར་བས་ལུས་དག་པ་དང༌། ལས་རླུང་བསང་བས་ངག་དག་པ་དང༌། བྱང་སེམས་དག་པས་སེམས་ནམ་མཁའ་ལྟར་སྤྲོས་པ་དང་བྲལ་ཡང་རྟོག་མེད་ཀྱི་རིག་པས་ཇི་ལྟ་བ་དང༌། ཇི་སྙེད་པ་ཤེས་ཚུལ་དང༌། ས་བཅུ་གཉིས་ཀྱི་ཡོན་ཏན་སོགས་མང་པོ་བཤད་དུ་ཡོད་མོད་ཀྱི། གཞན་དུ་ཤེས་པར་བྱའོ། །འདིར་ནི་ལམ་འདི་འབད་པས་བསྒོམས་ན་དེང་སང་གི་གང་ཟག་མང་པོ་ཞིག་ལའང་འབྱུང་དུ་རུང་བའི་ལུས་ཉམས། ངག་ཉམས། སེམས་ཉམས་མཐོང་ཉམས་རྨི་ཉམས་ཏེ་རྟགས་ལྔར་གྲགས་པ་ཉེར་མཁོ་ཆེ་བ་རྣམས་གཏན་ལ་ཕབ་པ་ཡིན་པས། ཕྱོགས་མཚོན་འདི་ཙམ་ལས་དཔགས་ནས་མཐའ་ཡས་པའི་བར་དུའང་ཤེས་པར་བྱ་ཞིང༌། སློབ་དཔོན་ཉམས་མྱོང་དང་ཡོན་ཏན་ཅན་གྱིས་ངོ་སྤྲོད་པར་ཡང་བྱའོ། །ལམ་འདི་རྟགས་སྣང་གིས་ལམ་འཁྲིད་པ་ཡིན་པས་རྟགས་ཚད་ཤེས་པ་
― LT24_Page_134B ―
[མ་དཔེ་གཟིགས་ན་འདིར་གནོན།]
གལ་ཆེ་ཞིང༌། སྟོང་གཟུགས་ལ་གཅེས་སྤྲས་དང་རྩིས་པོ་ཆེར་བྱེད་དགོས། འོན་ཀྱང་སྟོང་གཟུགས་མཐོང་བ་ཙམ་གྱིས་མི་ཆོག་སྟེ། ངོ་སྤྲོད་ཚུལ་དང༌། ལམ་དུ་བསྲོལ་ཚུལ་དང༌། བོགས་འདོན་ཚུལ་མ་ནོར་བར་བྱེད་དགོས་སོ། །གང་དག་འོད་གསལ་སྟོང་གཟུགས་ལ་འཁྲུལ་སྣང་གི་ཉམས་ཙམ་མོ་ཞེས་སྨོད་པ་རེ་དག་ནི། རྒྱུད་སྡེ་མཐའ་ཡས་པའི་དོན་མ་གོ་བར་ལྟ་བ་མཐོ་རུ་རེ་བས་གཡང་སར་ལྷུངས་པ་ཡིན་ནོ། །དེ་བས་ན་བླ་མ་དམ་པའི་མན་ངག་ཡིད་བཞིན་ནོར་བུ་ལག་ཏུ་འོངས་པ་ཆུད་མ་ཟོས་པར་བྱའོ། །ཅེས་པ་ཟབ་ལམ་རྡོ་རྗེའི་རྣལ་འབྱོར་ཡན་ལག་དྲུག་པའི་རྟགས་ཚད་ཀྱི་ཡི་གེ་མདོ་ཙམ་བཀོད་པ་འདི་ཡང་རྒྱལ་ཁམས་པ་ཏཱ་ར་ན་ཐའི་སུག་ལས་སོ། །
གདམས་ངག་མཛོད་པོད་བཅོ་ལྔ་པ།
སྦྱོར་དྲུག་གེགས་སེལ།
― LT24_Page_135A ―
[མ་དཔེ་གཟིགས་ན་འདིར་གནོན།]
སྦྱོར་དྲུག་གེགས་སེལ་བཞུགས།
― LT24_Page_135B ―
[མ་དཔེ་གཟིགས་ན་འདིར་གནོན།]
ན་མོ་གུ་ར་ཝེ། སྐབས་འདིར་ཟབ་ལམ་རྡོ་རྗེའི་རྣལ་འབྱོར་སྒོམ་པ་ལ་ཉེར་མཁོའི་ཡན་ལག་ཏུ་གེགས་སེལ་གྱི་མན་ངག་ཅུང་ཟད་ཙམ་ཞིག་བཤད་པར་བྱའོ། །དེ་ལ་གེགས་ཐམས་ཅད་བསྡུ་ན་གསུམ་སྟེ། ལུས་སེམས་གཉིས་ཀ་ལ་གནོད་པ་བདུད་ཀྱི་གེགས་དང༌། གཙོ་བོར་སེམས་ལ་གནོད་པ་ཏིང་ངེ་འཛིན་གྱི་གེགས་དང༌། གཙོ་བོར་ལུས་ལ་གནོད་པ་འབྱུང་བ་ལུས་འཁྲུགས་རྗེས་འབྲངས་དང་བཅས་པའི་གེགས་སོ། །དེ་རྣམས་ཐུན་མོང་དུ་སེལ་བ་ནི། བླ་མའི་མོས་གུས་དང༌། གང་ཤར་སྒྱུ་མ་ལྟ་བུར་ཤེས་པའི་ལྟ་བ་དང༌། སེམས་ཅན་མཐའ་དག་ལ་བཅོས་མིན་གྱི་སྙིང་རྗེ་ཆེན་པོ་དང༌། སྡིག་པ་བཤགས་པ་དང༌། ཚོགས་གསོག་པ་ལ་ནན་ཏན་དུ་བྱེད་པ་རྣམས་ཡིན་པ་ལ། གེགས་སེལ་བོག་འདོན་ཐམས་ཅད་ཀྱི་གཙོ་བོ་ནི་བླ་མའི་མོས་གུས་ཁོ་ན་སྟེ། བསགས་སྦྱང་གི་གཙོ་བོ་ཡང་མོས་གུས་ཀྱི་སྒོ་ནས་བླ་མའི་ཕྱིར་དུ་དཀའ་སྤྱད་བྱེད་པ་ཡིན་ཅིང༌། གེགས་ཐམས་ཅད་མོས་
― LT24_Page_136A ―
[མ་དཔེ་གཟིགས་ན་འདིར་གནོན།]
གུས་གཅིག་པུས་རང་གྲོལ་དུ་འགྲོ་བ་བྱ་བརྒྱ་འུར་རྡོ་གཅིག་གིས་འདེད་པའི་ཚུལ་དུ་ཡོང་བས། མཁས་རློམས་གང་དག་བླ་མའི་མོས་གུས་བསྒོམ་པའི་ལམ་བླུན་པོ་དང་ཉི་མའི་ཆོས་ཡིན་པར་བརྩི་ཞིང༌། རང་ལ་ཡོན་ཏན་ཕྲ་མོ་ཡོད་པའི་ཡུས་ཀྱིས་བླ་མ་བསྟེན་ཚུལ་ཆོས་ནས་བཤད་བཞིན་མི་བྱེད་ཅིང་མན་ངག་ལ་ཐོབ་གཤའ་བྱེད་པའི་ཚུལ་དུ་དབང་ཆེའི་སྤྱོད་པས་ལེན་པར་བྱེད་པ་རྣམས་ལ་ནི་ཉམས་མྱོང་ཡེ་མི་སྐྱེ་བའམ། ཅུང་ཟད་སྐྱེས་ཀྱང་བར་ཆད་ཀྱིས་འཁྱེར་བར་ཐེ་ཚོམ་མེད་དོ། །དེས་ན་མོས་གུས་ལ་སོགས་པའི་གནས་ལྔ་པོ་འདི་རྣམས་བོར་ནས། དམིགས་པ་རླུང་སྦྱོར་ལུས་སྦྱོང་སད་སུད་ཙམ་དང༌། དབྱུག་ཆོས་དང་འཇིབ་རུ་ཁབ་བཙག་དང་མེ་གཏར་ལ་སོགས་པ་ནད་བཅོས་ཐན་ཐུན་རེས་གེགས་སེལ་ཞིང་བོགས་ཐོན་པར་རེ་བ་ནི་འཁྲུལ་པས་འཁྲུལ་པ་མགོ་བསྐོར་བ་ཡིན་ནོ། །སྔར་གྱི་གནད་ལྔ་པོ་དེ་ཚང་བའི་སྟེང་ནས། འབྱུང་བ་ལུས་འཁྲུགས་ཡིན་ན་བཅོས་ཕྲ་མོ་དེ་རྣམས་བྱས་ཀྱང་ལེགས་
― LT24_Page_136B ―
[མ་དཔེ་གཟིགས་ན་འདིར་གནོན།]
པར་འགྱུར་བའི་སྐབས་ཅུང་ཟད་ཡོད་མོད། ཉམས་དང་གེགས་ཀྱི་དབྱེ་བ་ངོ་མ་ཤེས་པ་དང༌། གེགས་རང་ཡིན་ཀྱང་སྐབས་འགར་ཕན་ལས་གནོད་ཆེ་བའང་འབྱུང་སྲིད་པས་ཉམས་མྱོང་ཅན་གྱིས་ལེགས་པར་བརྟག་པ་གལ་ཆེའོ། །གེགས་གསུམ་པོ་དེ་རྣམས་སོ་སོར་བསྲུང་ཞིང་སེལ་བ་ནི། བདུད་གེགས་ལ་རྒྱུད་སྡེ་ནས་གསུངས་པའི་བསྲུང་བཟློག་སྟོང་པ་ཉིད་དང་སྙིང་རྗེས་ཟིན་པའི་ཁོག་ནས་ཉམས་སུ་བླངས་པས་སེལ། སྤྱིར་ན་ཚ་དང་མི་འདོད་པ་དང་རྨི་ལམ་ངན་པ་དང་ལྟས་རྩུབ་པ་སོགས་བདུད་ཀྱི་བར་ཆད་ཡིན་པའི་ངེས་པ་མེད། རྐྱེན་དེས་ཆོས་ལ་བར་ཆད་ཆེ་བར་སོང་ན་བདུད་ཀྱི་བར་ཆད་ཡིན། རྐྱེན་དེས་ཆོས་དང་དགེ་བ་ལ་བསྐུལ། ཐ་ན་རིམ་གྲོ་ཚུན་ཆད་ཀྱིས་ཀྱང་དགེ་ལས་འཕེལ། སྙིང་རྗེ་ངེས་འབྱུང་མོས་གུས་སོགས་སྔ་ཕྱིར་ཇེ་འཕེལ་དུ་འགྲོ་བ་བྱུང་ན་དཀོན་མཆོག་གི་ཐུགས་རྗེས་ཆོས་ལ་བསྐུལ་མ་ཡིན། རྨི་ལྟས་བཟང༌། ལོངས་སྤྱོད་འཕེལ། མི་ཁ་བྱམས། གཏམ་སྙན། འཕྲལ་སྐྱིད་ཀྱང་དཀོན་མཆོག་གི་བྱིན་རླབས་ཡིན་པའི་ངེས་པ་མེད། དེ་ལ་བརྟེན་ནས་ཆོས་མི་འཕེལ་བར་སོང་ན་བདུད་ཀྱི་བར་ཆད་ཡིན། རང་གཞན་གྱི་དགེ་བ་གོང་འཕེལ་དུ་སོང་ན་དཀོན་མཆོག་གི་བྱིན་བརླབས་སམ་དཀར་ཕྱོགས་ཀྱི་ལྷའི་མཐུ་ཡིན་ནོ། །སེམས་ཀྱི་གེགས་སམ་ཏིང་ངེ་འཛིན་གྱི་གེགས་ནི། བྱིང་རྒོད་གཉིས་དང༌། རྣམ་རྟོག་རྒྱུན་ཆགས་དང༌། ཉོན་མོངས་དྲག་པོ་རྒྱུན་གཅོད་དཀའ་བ་རྣམས་ཡིན་པས། སེམས་བྱིངས་ན། ཡང་དག་པར་རྫོགས་པའི་སངས་རྒྱས་ཀྱི་མཛད་པ་དང༌། འཕགས་པ་རྣམས་ཀྱི་ཡོན་ཏན་དང༌། བླ་མ་གོང་མ་རྣམས་ཀྱི་རྣམ་ཐར་དང༌། ཆོས་ཀྱི་ཕན་ཡོན་རྣམས་
― LT24_Page_137A ―
[མ་དཔེ་གཟིགས་ན་འདིར་གནོན།]
བསམས་ནས་སྤྲོ་བ་རྒྱ་ཆེན་པོ་བསྐྱེད་དེ། རིག་པ་ཤུགས་བཏོན་ནས་བསྒྲིམ་ཞིང་བསྒོམ་པས་སེལ། གཞན་ཡང་ཐུན་ཆུང་ངུར་བཅད། ས་མཐོ་བ་དང༌། མཐོངས་དཀར་བ་དང༌། བསིལ་སར་བསྒོམ་པ་དང༌། ཆུ་ལྕག་དང༌། ཟླ་བའི་དཀྱིལ་འཁོར་ལ་ལྟ་བ་ལ་སོགས་པས་ཀྱང་སེལ། ཁ་ཟས་དང་སྤྱོད་ལམ་གྱིས་ཀྱང་བསལ་ལོ། །འདོད་ཡོན་དྲན་པ་སོགས་རྒོད་པ་ལ་འཁོར་བའི་སྡུག་བསྔལ་དང༌། ཚེ་འདི་མི་རྟག་པ་དང༌། མཐོ་དམན་འབྱོར་རྒུད་དང༌། འཁོར་བའི་ཆོས་གང་ལའང་སྙིང་པོ་མེད་ཚུལ་བསམས་ནས་སྐྱོ་ཤས་དྲག་པོ་བསྐྱེད། ཤེས་པ་ཁོང་གློད་པའམ་རིགས་གཅིག་ལ་དྲན་པའི་བྱ་ར་བ་བཞག་ནས་ཅུང་ཟད་བསྒྲིམ་པས་སེལ་བའང་ཡོད། གཞན་ཡང་བྱིང་བ་སེལ་བྱེད་ཀྱི་ལྡོག་ཕྱོགས་རྣམས་བསྟེན་ཅིང༌། ཁ་ཟས་དང་སྤྱོད་ལམ་གྱིས་ཀྱང་བསལ་ལོ། །རྣམ་རྟོག་རྒྱུན་ཆགས་ནི་འཕྲོ་བ་ངོས་འཛིན་པ་དང༌། རྣམ་རྟོག་གྲངས་ལ་འདེབས་པ་དང༌། ཐུན་འཕྲོ་བཅད་ཀྱིན་བཅད་ཀྱིན་དྲན་པས་བཟུང་བས་སེལ། རྣམ་གཡེང་གི་ཉེས་དམིགས་དང༌། སེམས་གནས་པའི་ཕན་ཡོན་བསམ། གྲིམ་ལྷོད་སྤེལ་མར་བྱས་ཏེ་བསྒོམས་ན་སེལ་བ་ཡིན་ནོ། །དེ་བཞིན་དུ་ཉོན་མོངས་སོ་སོ་ལ་སོ་སོའི་གཉེན་པོ་ཅི་རིགས་པ་བསྟེན་ནས་དབྱིངས་སུ་མཉམ་པར་འཇོག་པ་སྟེ། ཞེ་སྡང་ལ་སྙིང་རྗེ། འདོད་ཆགས་ལ་མི་གཙང་བ། སྲེད་ཞེན་སེར་སྣ་སོགས་ལ་ངེས་འབྱུང་སོགས་སོ་སོའི་གཉེན་པོར་མདོ་རྒྱུད་སོགས་ལས་གསུངས་པ་རྣམས་ཅི་རིགས་པར་བསྒོམ་པས། ཉོན་མོངས་ཡུལ་དང་བཅས་པ་སྒྱུ་མ་ལྟ་བུར་ཤེས་བཞིན་པས་དབྱིངས་ལ་
― LT24_Page_137B ―
[མ་དཔེ་གཟིགས་ན་འདིར་གནོན།]
མཉམ་པར་བཞག་ན་སེལ་བར་འགྱུར། འབྱུང་བ་ལུས་འཁྲུགས་རྗེས་འབྲངས་དང་བཅས་པ་སེལ་བ་ལ། དང་པོར་ནད་གདོན་བརྟག་པ་ནི། ལྟེ་བའི་རྩ་འདབ་རེ་བཞི་དང༌། གསང་གནས་ཀྱི་ཕྱི་སྐོར་བཅུ་དྲུག་སྟེ་བརྒྱད་བཅུ་ལས་གྲངས་ནད་བསྐྱེད་ཅིང་དེ་རྣམས་ཀྱི་སྐྱོན་རྣམས་ལས་ལུས་ཀྱི་སྨད་ལྕི། བཤང་གཅིའི་ལམ་མི་བདེ། རྩ་ཆུ་སྡོམས་པའམ་དགག་དཀའ་བ་འབྱུང༌། སེམས་འཕྲོ་ཞིང་གཉིས་མེད་པའམ་ཆུང༌། ཁ་ཟས་བསིལ་བ་གནོད། གཞན་ཡང་རླུང་རྐྱང་པའི་ནད་ཕལ་ཆེར་ཡང་རྩ་དེ་རྣམས་ལ་བརྟེན་པ་ཡིན་ནོ། །མགྲིན་པའི་རྩ་སོ་གཉིས་དང་སྙིང་གའི་བརྒྱད་དེ་བཞི་བཅུ་ལས་མཁྲིས་པ་དང་ཚ་བའི་ནད་གཙོ་བོར་བསྐྱེད་དེ་རྔུལ་ཆེ། སྐྱུག་སྟོངས་འབྱུང༌། ཟས་ཀྱི་རོ་མི་གསལ། གཉིད་ཆེ། མགོ་བོ་ལྕི། ཁ་ཟས་དྲོད་དང་བཅུད་གནོད། གཙུག་ཏོར་གྱི་རྩ་འདབ་བཞི་དང་དབྲལ་བའི་བཅུ་དྲུག་སྟེ་ཉི་ཤུ་ལས་ཚ་གྲང་གཉིས་ཀར་དང་བད་ཀན་བསྐྱེད་དེ། བཀྲག་མདངས་ཤོང༌། ཕོ་བ་མི་བདེ། ཆུ་སྐྱུར་སྐྱུག །ཟས་ཞུ་རྗེས་འཕོ་བ་ཚ། ལུས་ལྕི། རྙིང་པ་དང་བཅུད་ཅན་གནོད་པའོ། །གཞན་ཡང་མཆིན་པ་ལ་ནད་ཡོད་ན། མིག་མི་གསལ་ཞིང་ན་བ་དང༌། མཁལ་མ་ལ་ཡོད་ན་རྣ་བ་འོན་ཅིང་རྣག་སོགས་འབྱུང༌། གློ་བ་ལ་ཡོད་ན་སྣས་དྲི་མི་ཚོར་བསྣབས་མང༌། སྙིང་ལ་ཡོད་ན་ལྕེ་མི་བདེ་ཞིང་འབྲུམ་པ་འབྱུང༌། མཚེར་པ་ལ་ཡོད་ན་རེག་བྱ་མི་གསལ་ཞིང་ཁོལ་བུར་ན་བ་སོགས་དང༌། རུས་པ་ལ་ཡོད་ན་སོ་སེན་བཀྲག་མེད་པ་དང༌། ཤ་ལ་ཡོད་ན་དྲེག་པ་ཆགས་ཤིང་བ་སྤུ་ལོག །ཆུ་རྒྱུས་ལ་ཡོད་ན་རེངས་འཁུམ་འབྱུང༌། ཁྲག་ལ་ཡོད་ན་ཆུ་དམར་པའམ་སེར་བ་དང༌། ལྷ་བ་དང་སྦུབས་ལ་ཡོད་ན་སྐྲ་སྤུ་གྱེན་དུ་ལངས་པ་སོགས་འབྱུང་ངོ༌། །འབྱུང་བ་ལུས་འཁྲུགས་ཀྱི་རྗེས་འབྲངས་ནི་
― LT24_Page_138A ―
[མ་དཔེ་གཟིགས་ན་འདིར་གནོན།]
སྟེང་འོག་གི་གདོན་གཉིས་ཏེ། སྟེང་གདོན་ལ་ལུས་སྤྲིད། དྲན་པ་རྨོངས། རྨི་ལམ་དུ་མུན་ནག་སོགས་འབྱུང༌། འདིའི་གྲོགས་ནི་རྒྱལ་འགོང་སོགས་པོ་གདོན་རྣམས་ཀྱིས་བྱེད་པ་མང༌། འོག་གདོན་ནི་ལུས་སེམས་ལྕི། དུག་གསུམ་འཕེལ། ལུས་ཁོལ་བུ་ཁོལ་བུར་ན་ཚ་དང་འབྲུམ་པ་སོགས་འབྱུང༌། རྨི་ལམ་དུ་སྡིག་སྤྲུལ་སོགས་དུད་འགྲོ་སྣ་ཚོགས། གྲོགས་ནི་མོ་གདོན་དང་བདུད་ཀྱིས་བྱེད་པ་མང༌། གྲོགས་གང་ཡིན་པ་དེའི་དངོས་དང་རྨི་ལམ་གྱི་ལྟས་ཀྱང་འབྱུང་ངོ༌། །དེ་རྣམས་བཅོས་ཐབས་ལ་འབྱུང་བ་ལུས་འཁྲུགས་སྤྱིར་སེལ་བ་ནི་གདམས་ངག་འདི་ཉིད་ཀྱི་མན་ངག་ལས་འབྱུང་བའི་ལུས་སྤྱོད་རྣམས་ཡིན་ལ། དེ་དག་ཉིན་རེར་མ་ཆག་པར་བྱས་ན་སྔར་ཡོད་རྣམས་ཐོན་འགྲོ་ཞིང་ཕྱིན་ཆད་མི་འབྱུང་བ་ཡིན་ནོ། །སོ་སོའི་བཅོས་ཐབས་ལ་སྲོག་རྩོལ་གྱི་སྐབས་དང་འབྲེལ་བར། པཎ་ཆེན་ཤཱཀྱ་ཤྲཱིའི་མན་ངག་རྡོ་རྗེའི་ཚིག་དྲུག་གི་འཕྲོས་ལ། བཀག་པས་འོག་སྒོ་བཙན་ཐབས་སུ་འགགས་ན་སྟེང་གི་སྦྱོར་བ་ལ་བརྟེན་ནས་དཀྲོལ་བ་ནི། ལུས་གནད་གཞན་རྣམས་ཅི་བདེར་བཅས། འོག་གི་འབྱེད་འཛུམ་གྱི་སྤྱོད་པས་ཐུར་སེར་འཐེན་གློད་མང་དུ་བྱ། རླུང་རོ་བསལ་ལ་སྟེང་རླུང་དྲག་ཏུ་རྔུབས་ཏེ་གསང་བ་ཤུགས་ཆེན་པོས་མནན། དེ་བས་ཡར་འཐེན་ཏེ་སྟོད་དུ་སླེབ་པ་ཙམ་ན་ལག་པ་ཁུ་ཚུར་བརྐྱང་ཞིང་ནུ་ཁར་བརྡེག །ཁ་ནས་ཧཱ་རིང་ཧ་ཐུང་འདོན་ཅིང་ལུས་འཕར་རྡེབ་བྱ། དྲི་ཆུ་འགགས་པ་ཡིན་ན་དེ་རྗེས་རླུང་སྔར་བཞིན་བཟུང་ལ་སྣ་བུག་གཡས་ནས་མང་དུ་འབུད། དྲི་ཆེན་དགགས་པ་ཡིན་ན་གཡོན་ནས་མང་དུ་འབུད་དོ། །འདི་
― LT24_Page_138B ―
[མ་དཔེ་གཟིགས་ན་འདིར་གནོན།]
དང་ཕྱོགས་མཚུངས་པ་གཞན་ཡང་བུམ་ཅན་བསྒོམ་པས་ཐུར་སེལ་སྟོད་དུ་ཧགས་པ་དང༌། སྲོག་རླུང་ཐུར་དུ་ལྷུང་བ་གཉིས་འབྱུང་བ་འདྲ་སྲིད། ཐུལ་སེལ་གློ་བུར་དུ་གྱེན་རྒྱུའི་གནས་སུ་སླེབ་ན་སྨད་ཀྱི་དྲོད་བསྡུས། སྟོད་ལ་དྲོད་རྒྱས། མགོ་ནས་རླངས་པ་འཕྱུར། ཁོག་ནང་དུ་ཤིང་བརྗོངས་པ་བཞིན་ནོ། །འགའ་ཞིག་ལ་མགོ་བོ་ཟུར་ཟེར་ཆེན་པོ་སྐྱེ་བའང་ཡོད། དབུགས་ནང་དུ་སྡུད་དཀའ། ཁོག་ནང་ནས་ཡར་རླུང་ཕུབ་བསྐོར་བ་བཞིན་འགྲོ་བའི་སྣང་བ་དང༌། སྐར་ཁུང་གི་སྣང་བ་འབྱུང་བའང་ཡོད། དེ་ལ་བཅོས་ཐབས་ནི། ཕྱར་བ་ལྟ་བུའི་སྟེང་དུ་གན་རྐྱལ་དུ་བརྟགས་ནས་ཟུར་བཞི་ནས་བཏེགས་ཅིང༌། རྒྱབ་ལ་ཅུང་ཟད་བརྡེབ་པ་ཡང་ཡང་བྱ། དེ་ནས་མགོ་མདུན་དུ་བཀུག་ལ་སྒལ་ཚིག་དང་པོ་ནས་གཞུག་ཆུང་གི་བར་དུ་ཁུ་ཚུར་གྱིས་རིམ་པས་བརྡུང༌། ཤུགས་ཆེ་ཆུང་ནད་ཁམས་དང་སྦྱར། མར་རྙིང་པའི་བྱུག་པ་དང་རྐང་མཐིལ། དྲོད་དུགས་བྱ། དམིགས་པ་ལ་གནས་པ་འདུག་ན་བུ་ག་མང་པོའི་སྦྱོར་བ་དང༌། ནོར་བུར་ཐིག་ལེ་ནག་པོ་ལ་སེམས་གཏོང་དུ་གཞུག་གོ །ངེས་སེལ། གྱེན་རྒྱུ་སྲོག་རླུང་དང་བཅས་པ་དེ་ཐུར་སེལ་གྱི་གནས་སུ་གློ་བུར་དུ་ལྷུབ་ན། རྩ་ཆུ་བསྡམས་པའམ་འོག་སྒོ་སྡུད་མི་ཤེས། རྒྱུ་ཞབས་དང་གཤང་གཅིའི་ལམ་གཟེར། སྟོད་ཀྱི་དྲོད་བསྡུས། སྨད་ལྷག་པར་ཚ། དེ་བཅོས་པ་ནི་གཅིག་གིས་རྐང་པ་ནས་བཟུང་ཞིང༌། མགོ་ཞབས་སློག་པའི་ཚུལ་གྱིས་མགོ་ས་ལ་མ་རེག་ཙམ་རྒྱབ་ཏུ་ཁུར། གཅིག་གིས་གཞུག་རུག་ནས་ལྟག་པའི་ཚིགས་པ་ཟད་པའི་བར་བུ་ཁུ་ཚུར་གྱིས་རིམ་པས་བརྡུང༌། དེ་ནས་རས་སམ་སྣམ་བུ་དྲོན་མོས་དཀྲིས་ཤིང་ཕྱི་ནས་
― LT24_Page_139A ―
[མ་དཔེ་གཟིགས་ན་འདིར་གནོན།]
བསྡམས། ཡང་ཁ་བུང་སྤྱི་རྟིང་ལོག་ཚུལ་དུ་བཞགས་ནས་གོང་བཞིན་ཚིགས་པ་རྣམས་རིམ་པས་བརྡུངས། བུ་ག་མར་པོའི་སྦྱོར་བ་བསྒོམ་ཐུབ་ན་ལེགས་ཏེ་དེས་སེལ། བུམ་ཅན་བསྒོམ་པས་ཀོར་ལེན་ན་ཚ་བྱུང་ན་དལ་བུས་མཉེ་བ་དང་བུ་ག་གསུམ་པའི་སྦྱོར་བས་ཕན། ཀོར་ལེར་འབྲུམ་པ་དམར་ཙེམ་བྱུང་ན་དྲི་ཆུ་གྲང་མོས་བཀྲུས་པས་སེལ། གཞན་ཡང་མགོ་བོ་ན་བ་དང༌། སྙིང་འཚངས་པ་དང༌། རོ་སྟོད་ཚ་ཀྲམ་ཀྲམ་པ་བྱུང་ན། ཏེ་ཏེ་བརྡུང་པ་དང༌། ཐུར་སོགས་ལ་རྒྱུག་པ་དང༌། དཔྱངས་ཕྲུལ་བྱས་པས་ཀྱང་ཕན། སྙིང་ག་དང་རྩིབ་ཆུང་ནས་ཡར་ཚ་ཀྲེང་བྱུང་ན་སྐེད་པ་ཡན་ལ་ལས་མི་འཆོལ། འོག་རླུང་དྲག་ཏུ་འཐེན། བརླ་དང་བྱིན་པ་བསྒྲིམ། རྐང་སོར་རྣམས་བསྐུམས་ཏེ་རྐང་པ་བརྐྱང་བསྐུམ་མང་དུ་བྱས་པས་སེལ། བྱང་ཆུབ་ཀྱི་སེམས་མི་ཉམས་པར་བྱེད་པའི་དངོས་གཞི་ནི། ལམ་གྱི་དངོས་གཞི་རྣམས་བསྒོམ་ཞིང་འདྲེན་འགྲེམས་བྱས་པས་འཛག་གེགས་ཕལ་ཆེར་ཆོད་པ་ཡིན་ལ། འཛག་པའི་སྒོ་རྣམས་ནས་བསྲུང་བ་ནི། བཤང་གཅི་དང་བསྡོངས་ནས་འཆོར་བ་ལ་ཐིག་ལེ་རུལ་བ་རྣམས་ནད་དང་འདྲེས་པ་ཆུ་དང་བསྡོངས་ནས་འབྱུང་ཞིང༌། འགའ་ཞིག་ལ་བོང་བུའི་ཆུ་འདྲ་བ་འོང༌། དེ་ནི་སྙིགས་མ་ནང་དུ་གྱུར་ཟིན་པ་ཡིན་ལ། དྭངས་མ་འཆོར་བའི་རྟགས་སུ་རྩ་ཆུ་དོར་བས་ལུས་འདར་ཤིག་པ་དང་མགོ་འཁོར་བའམ་འགྱེལ་ཚད་པ་འབྱུང༌། དེ་ལ་རླུང་ཁ་སྦྱོར་ལྟེ་བ་ནས་རྒྱུ་ཞབས་ཀྱི་བར་དུ་འཐེན་གནོན་བཞི་ལྔ་ཞིག་བྱ། རྒྱ་མཚོ་རི་རབ་ལ་གཅེར་པ་སོགས་ལུས་ཀྱི་འགྱུར་བ་
― LT24_Page_139B ―
[མ་དཔེ་གཟིགས་ན་འདིར་གནོན།]
བཞི་དང་ལྡན་པས་རླུང་ཁ་སྦྱོར་འཐེན་ནེའི་ངང་ནས་རྩ་ཆུ་རང་འགྲོས་སུ་དོར་བས་ཕན། རྡུལ་དང་སྡོངས་ཏེ་འཛག་ན་བྲོད་ཆེ་ཞིང་རྡུལ་རྩབ་སྟེ་འབྱུང༌། དེ་རྗེས་ལུས་ཟི་ལྡབ་ཀྱི་འབྱུང་ཞིང་སྟོབས་ཆུང༌། དེ་ལ་ཙན་དན་དུམ་ཙམ་དྲི་ཆུར་བཏབ་སྟེ་དེས་ལུས་བཀྲུ། དེ་ནས་མར་གྱིས་བྱུག་པ་བྱས་ལ་སྲན་ཕྱེ་ལྷ་བུས་དྲིལ་ཕྱིས་བྱ། དམིགས་པ་བ་སྤུའི་བུ་ག་ཐམས་ཅད་ཐིག་ལེ་འོད་དཀར་པོ་ཅན་གྱིས་གང་བར་བསམ། སོ་ཁྲག་དང་སྡོངས་ནས་འཆོར་བ་ནི། ཁྲག་ནག་པོར་འདུག་ན་ནད་ཡིན་པས་ངོར། ཁྲག་མཚལ་ཁ་འབྱུང་ཞིང་མགོ་ཟི་ཡོར་བ་དང༌། ཉམས་སྣང་བཀྲག་འཆོར་བའི་རྣམ་པ་བྱུང་ན་ཟུངས་ཁྲག་དང་ཐིག་ལེ་འདྲེས་པ་ཡིན་པས་མཆུ་བཙུམས་པའི་ངང་ནས་ལྕིབས་ཀྱིས་འཇིག་ཚུལ་དང༌། བུམ་ཅན་དང་ལྟག་པ་བསྐྱེད་པ་ལྷན་ཅིག་བྱ། མཆིལ་མ་དང་ལྷན་ཅིག་འབྱུང་བ་ཡང་རྟགས་སྔ་མ་དང་འདྲ་ཞིང༌། དེ་ལ་བུམ་ཅན་བཟུང་ལུས་སྒྱེད་མིག་བཙུམ་བྱེད་པ་དང་རེས་འགའ་སྤྱི་བོའི་བུམ་ཅན་བཟུང་ཞིང་མིག་ནམ་མཁར་བལྟས་པས་ཕན། སྣ་ཁྲག་དང་སྡོངས་ནས་འཛག་པ་ཡང་རྟགས་གོང་དང་འདྲ། འདི་སྒོ་ཡངས་པས་གེགས་ཆེ་ཞིང་ཅུང་ཟད་སེལ་བ་དཀའ། ཁྲག་གཅོད་ཀྱི་མན་ངག་གཞན་ཡང་བྱ། ཁྱད་པར་བུམ་ཅན་གྱི་ངང་ནས་མཐེབ་འཛུབ་ཀྱིས་སྣ་སྟེམས། སྣའི་རླུང་ནང་དུ་དྲངས་ཞིང་མགོ་སྤྲུག །དེ་ནས་ལངས་ཏེ་ལག་པ་གཡབ་གཡུག་བཞིན་བསྐོར་དགོས་ཏེ། གཡས་གཡོན་གང་ནས་འཛག་པའི་ཕྱོགས་དེ་ཉིད་གཡབ་བོ། །སྣབས་དང་འདྲེས་ན་སྣབས་སྔོ་བསངས་ཚྭ་མི་བྲོ་བ་འབྱུང༌། རྟགས་གཞན་གོང་དང་འདྲ། དེ་ལ་བུམ་ཅན་གྱི་ངང་ནས་སྣ་བཀག་སྟེ་སྣའི་རླུང་
― LT24_Page_140A ―
[མ་དཔེ་གཟིགས་ན་འདིར་གནོན།]
རྔུབས་པ་དེ་ཀས་སེལ། རྣ་པགས་དང་ལྷན་ཅིག་འབྱུང་བ་ཡང་རྟགས་གཞན་འདྲ་བ་ལས། རྣ་བའི་གཏིང་ཟ་བར་འོང༌། དེ་ལའང་རླུང་སྦྱོར་བཤད་མ་ཐག་པ་དེ་ཁས་ཕན་ཅིང་རྣ་པགས་དེ་ཟོས་ནའང་ཕན་པར་བཤད་དོ། །དེ་དག་ནི་གེགས་སེལ་སྤྱི་ཁོག་བཤད་པའི་སྡེ་ཚན་ཏེ་དང་པོའོ། །གཞན་ཡང་རླུང་སྟོབས་འཕེལ་ཏེ་ལུས་ལྗི། ཉམས་ཤེད་ཆུང༌། ཆགས་པ་སྲབ་པར་འགྱུར་ཏེ། དེ་ལ་གཡས་ཀྱི་རླུང་འགྲོ་འོང་གི་བཟླས་པ་དང༌། གཡས་ནས་འབུད་རྔུབ་ཀྱི་བུམ་ཅན་བྱས་པས་སེལ། དེ་བཞིན་དུ་ཆུ་རླུང་འཕེལ་ཏེ་གྲང་ཤུལ་དང་ཁོང་འདར་བྱེད། ངག་སྨྲ་བརྗོད་དཀའ་བར་གྱུར་ན་དྲི་ཆུའི་རྩའི་ལམ་ནས་རྡོར་བཟླས་སོགས་བྱ། མེ་རླུང་འཕེལ་ཏེ་ལུས་རྔུལ། དྲོད་སྐྱེ་མིག་མི་གསལ་བར་སོང་ན་སྣ་གཡོན་ནས་བྱ། རླུང་གི་རླུང་འཕེལ་ཏེ་ལུས་ཡང་ཤེས་པ་འཕྱོ། སྡོད་མི་ཚུགས། སྣ་འགག་པའམ་དྲི་མི་ཚོར་ན་བཤད་པའི་རྩ་ལམ་ལ་དམིགས་ནས་རྡོར་བཟླས་སོགས་བྱ། མཁའ་ཁམས་འཕེལ་ཏེ་གཡང་ས་སྐྱེ། རིག་པ་སྐྱོ། སྟོང་ཉམས་འབའ་ཞིག་འཆར། རྣ་བ་འོན་པ་ལ་སོགས་པར་གྱུར་ན་འོག་སྒོ་གཉིས་འབྱེད་འཛུམ་ཡང་ཡང་བྱ། ཁུ་བའི་ལམ་ལ་དམིགས་ནས་རྡོར་བཟླས་སོགས་བྱ། ཡེ་ཤེས་ཀྱི་ཁམས་འཕེལ་ནས་ཆགས་པ་དྲག་པོ་སྐྱེ། འཛག་གེགས་འབྱུང༌། སྨྱོ་བ་ལྟར་གྱུར་ན་རླུང་མཉམ་རྒྱུར་བཏང༌། དབུ་མ་ལ་དམིགས་ནས་རྡོར་བཟླས་བུམ་ཅན་སོགས་བྱའོ། །ཡང་མཉམ་གནས་ལ་སོགས་པའི་རླུང་སྐྱོན་ཀྱང་འཆོས་དགོས་ཏེ། མཉམ་གནས་རྒྱས་པས་མང་དུ་ཟོས་
― LT24_Page_140B ―
[མ་དཔེ་གཟིགས་ན་འདིར་གནོན།]
ཀྱང་བཀྲེས་ཤིང་སྟོབས་ཆུང༌། ངལ་ཞིང་དུབ་ན་གཡས་ཀྱི་མེ་རླུང་ལ་དམིགས་ནས་བུམ་ཅན་དང་རྡོར་བཟླས་བྱས་པས་སེལ། མཉམ་གནས་སྟོབས་ཉམས་ན་ཟས་མི་འཇུ། དམུ་ཆུ་དང་སྐྲན་སོགས་སུ་འགྱུར་བས་གཡོན་གྱིས་རླུང་ལ་དམིགས། སྲོག་རླུང་འཕེལ་ན་དྲོད་ཉམས། རླུང་སེམས་རྒོད། སྨྱོ་འབོག་ཏུ་འགྱུར། དྲི་ཆུའི་ལམ་གྱི་རླུང་ལ་དམིགས། དེས་སྟོབས་ཉམས་ན་ལུས་སྟོབས་འཚོར། དྲན་པ་ཉམས་བརྒྱལ་བ་ལ་སོགས་པར་འགྱུར་ཏེ་བཤད་པའི་རྩའི་རླུང་ལ་དམིགས། གྱེན་རྒྱུ་འཕེལ་ན་དབུགས་ལྷག་པར་རྒོད། བཟའ་བཏུང་ལ་སྲེད། མང་དུ་སྨྲ། གཡོན་གྱི་ཆུ་རླུང་ལ་དམིགས། དེ་སྟོབས་ཉམས་ན་དབུགས་འགྲོ་འང་དཀའ། བཟའ་བཏུང་གི་རོ་མི་ཚོར། གཡལ་དང་སྐྱིགས་བུ་འབྱུང༌། གཡོན་པའི་རླུང་གི་རླུང་ལ་དམིགས་པའམ། དྲི་ཆུའི་ལམ་ལ་དམིགས། ཐུར་སེལ་འཕེལ་ན་བཤང་གཅི་ཁུ་བ་རླུང་སྟེ་འོག་གི་རྒྱུན་ལམ་བཞི་འཛག་པ་དང་ལུས་འདར་པ་སོགས་སུ་འགྱུར། དེ་ལ་གཡོན་གྱིས་རླུང་དམ་བཤང་བའི་རླུང་ལ་དམིགས། དེ་སྟོབས་ཉམས་ན་རྩ་ཆུ་བསྡོམས། རེས་མི་ཐོན། ཕོ་བ་འུར་སྒྲ་འབྱུང༌། གཡོན་གྱི་མེ་རླུང་ངམ་སྣ་གཡས་ཀྱི་རླུང་ལ་དམིགས། ཁྱབ་བྱེད་འཕེལ་ན་ཚིགས་རྣམས་སྐྲང༌། འགྲོ་འདུག་དཀའ་པགས་པ་དང་བ་སྤུའི་ཁུར་བུ་རྣམས་ཚ་ཞིང་གཟེར། གཡོན་གྱི་རླུང་གི་མཐའ་འམ་དུད་ཅན་མ་ལ་དམིགས། དེ་སྟོབས་ཉམས་ན་ལུས་སྐྲང༌། པགས་པ་འགོག །ཁ་སྤུ་བྱི། ཟ་ཕྲུག་ལ་སོགས་པར་འགྱུར། དེ་ལ་དབུ་མ་ལ་དམིགས་ཤིང་མཉམ་རྒྱུའི་སྟེང་ནས་རྡོར་བཟླས་དང་བུམ་ཅན་བྱས་པས་སེལ། རླུང་
― LT24_Page_141A ―
[མ་དཔེ་གཟིགས་ན་འདིར་གནོན།]
རེངས་བཅོས་པ་ནི། སྲོག་རླུང་སྙིང་ཁར་གཟེར་ན་སྟོད་འཚངས་དང་སྙིང་གཟེར་འོང༌། རེངས་ན་སྙིང་རླུང་དུ་འགྲོ་བས་ལུས་ཆུར་བཅུག་སྟེ་གང་ན་ས་དེ་ཆུའི་རྦ་ལ་གཏད། དེ་རྗེས་བསྐུ་མཉེ་བྱ། ནོར་བུ་སེམས་བཟུང་བས་སེལ། གྱེན་རྒྱུ་ཟིན་ན་ཕོ་བའོ། །མཁལ་སྐེད་ན། གཟེར་ཞིང་སྐྱུག །རེངས་ན་པོ་གཟེར་དང༌། དམུ་ཆུར་འགྲོ། དེ་ལ་ཆང་གི་ཁ་ཕྲུ་གདབ། ན་སར་དུགས་བྱ། སྐྱིགས་བུ་འདོན། ཤེས་པ་མགྲིན་པར་གཏོད། ཐུར་སེལ་ཟིན་ན་དབྱི་མིག་ན། རོ་སྨད་བཤལ། དྲི་ཆེན་ཧ་ཅང་བསྐ་བ་དང་སླ་བར་འགྱུར། རེངས་ན་སྨད་འཁྱལ་དུ་འགྲོ་བས་བཤང་གཅིའི་ལམ་གྱི་བར་དུ་དྲག་ཏུ་མཉེ་ཞིང་དུགས་བྱ། འོག་སྒོའི་རླུང་སྟེང་དུ་དྲག་ཏུ་དྲངས། ཤེས་པ་ཚངས་བུག་ཏུ་གཏོད། གྱེན་རྒྱུ་ཟིན་ན་མགྲིན་པ་སྐྲང༌། རྩེའུ་ཆུང་དང་རྩེ་མགོ་ན། རེངས་ན་ལྐོག་འབྲས་སུ་འགྲོ་བས། རླུང་ཐུར་དུ་མནན་ཅིང་མགྲིན་པ་སྐོར། རླུང་སྣ་ནས་འབུད་པ་དང་དྲག་ཏུ་འདོན། ཁྱབ་བྱེད་ཟིན་ན་མགོ་བོ་སོགས་ལུས་ཁོལ་བུར་ན། རེངས་ན་སྒུར་པོར་འགྲོ་བས་འཆོངས་རྒྱུག་དང་བསྐུ་མཉེ་བྱ། མིག་ཏུ་རྒྱུ་བའི་རླུང་རེངས་ན་རབ་རིམ་དང་སྐམ་ཚག་ལ་སོགས་པར་འགྱུར། ཆུ་གྲང་དང༌། གུར་གུམ་ལ་སོགས་པའི་བསིལ་སྨན་གདབ། མཐིལ་བཞི་དང་པོ་ལ་གོང་ལ་ཁྲུས་དང་བྱུག་པ་བྱ། རྣ་བ་ལ་མི་ན་བའི་ངོས་བཀབ་ནས། ན་བ་ངོས་ནས་རླུང་དྲག་ཏུ་དྲངས། ཁ་སྣ་ནས་འབུད། སྣ་ལ་ཡང་སྣ་བུག་བཀག་ནས་དེ་བཞིན་དུ་བྱ། ལྕེ་ལ་ཡང་ཁ་བཙུམ། ལྕེ་སྒྲིལ་བ་དང་གཅུ་བ་མང་དུ་བྱས་ནས། ལྕེ་བརྐྱང་ཞིང་ཁ་ནས་རླུང་མང་དུ་
― LT24_Page_141B ―
[མ་དཔེ་གཟིགས་ན་འདིར་གནོན།]
འདོན། བགས་པ་སོགས་ལུས་སྤྱི་དང་བྱེ་བྲག་ལ་རླུང་དྲག་ཏུ་རྔུབས། རྐང་པའི་སོར་མོ་བསྡུས་ལ་བྲོ་འཁྲབ། ལག་པའི་སོར་མོ་བསྐུམ་ལ་དྲག་ཏུ་སྤྲུགས་པས་སེལ། ལུས་ཀྱི་ཆ་ཤས་སོ་སོ་དང་རླུང་བཅུའི་གནས་གང་ལ་ཡང་རུང་སྟེ། སོ་སོའི་འཁྲུལ་འཁོར་བྱས་པས་མཆོག་ཏུ་ཕན་པར་འགྱུར་ཞིང༌། གང་ན་སར་གཏད་ནས་བུམ་པ་ཅན་འབུགས་པ་བཞིན་བཟུང་བ་དང༌། གང་ན་ས་དེ་ཉིད་སྟོང་པར་བསྒོམ་པ་དང༌། གང་ན་སར་བུ་གདོད་ཅིང༌། ཧ་ཞེས་ཀླུང་དྲག་ཏུ་བུས་པས་བུ་ག་ནས་རྒྱངས་རྒྱངས་ཐོན་པར་བསྒོམ་པས་ཀྱང་ཕལ་ཆེར་སེལ་བ་ཡིན་ནོ། །ཡང་སྲོག་རྩོལ་བསྒོམ་པས་ཐུར་རླུང་གྱེན་དུ་ལོག་ནས་སྟོད་འཚངས་སོགས་བྱུང་ན། ལུས་གནད་ཁུ་ཚུར་བརླ་བཞག་དང༌། རྐང་སོར་བསྐུམས། སྨད་ཀྱི་ཉ་བཞི་བསྒྲིམ། ཐུར་རླུང་དྲག་ཏུ་བསྐུམ་པས་ཀྱང་སེལ། ཡང་ནང་གི་ཁམས་འཁྲུགས་པ་ལས། བད་ཀན་རྒྱས་ཏེ་སྤྱི་བོ་དང་དཔྲལ་བ་ལྕི་ཞིང་མི་ཐེག་པ་སྙམས་བྱེད། ལུས་ལྡི་ཤེད་ཆུང་ན་དཔྲལ་བའི་བུམ་ཅན་གྱི་འདུག་སྟངས་ལྟ་བུའི་ངང་ནས་རླུང་རྒྱུ་ཞབས་སུ་དྲག་ཏུ་མནན་པས་སེལ། འདིས་ནི་འཁྲུ་ནད་དང༌། ཆུ་སྲིབ་ལའང་ཕན་མཁྲིས་པ་སྐྱེས་ཏེ་ཁ་སྐོམས་ཤིང་ཁ་བར་འགྱུར། སྐོམ་དང་ཆེ་ན་སྙིང་ག་དང་མགྲིན་པའི་བུམ་ཅན་བསྒོམ། འདིས་རྒྱབ་ཀྱི་ཟུག་རྔུ་ཡང་འཇོམ། འདུས་པའི་ནད་ལ་བརྟེན་པའི་ལུས་ཕྲུམ་གཟེར་འབྱུང་ན། ལུས་གནད་སོར་སྡུད་དང་འདྲ་བ་ལས་ཐོག་མར་སྟེང་རླུང་མནན། དེ་ནས་ཐུར་སེལ་འཐེན་པའི་ཁ་སྦྱོར་གྱིས་སེལ། རིམ་གྱི་ཚ་བའི་ཁྱད་པར་འགའ་ཞིག་ལ་མུན་ཁང་དུ་མཉམ་པའི་སྟབས་ཀྱིས་འདུག །སྐེད་པ་སོགས་ལུས་དྲང་པོར་
― LT24_Page_142A ―
[མ་དཔེ་གཟིགས་ན་འདིར་གནོན།]
བསྲངས། མཐེབ་མཛུབ་ཀྱིས་སྣའི་རྩ་བ་བསྡམས། ཁ་སྦྱོར་གོང་བཞིན་བཟུང་བས་ས་ལ་འགྱེལ་བར་མ་གྱུར་གྱི་བར་དུ་བསྒོམ་པས་སེལ། དམུ་ཆུ་དང་སྐྲན་དང་གཞང་འབྲུམ་དང་གློ་ནད་དང་སྐྱིགས་བུ་དང་དུག་དང་མགོ་ནད་དང་མིག་ནད་རྣམས་ཀྱང་བུམ་པ་ཅན་གྱི་སྦྱོར་བ་ཟླ་གཅིག་བསྒོམ་པས་སེལ་བར་བཤད་ཅིང༌། མ་ཞུ་བ་ལ་གན་རྐྱལ་དུ་འདུག་ལྟེ་བའི་བུམ་ཅན་བཟུང་ལག་པ་གཡོན་པས་ལྟེ་བའི་པགས་པ་བསྡུས་ཏེ་མགོ་དང་རྐང་པ་གྱེན་དུ་འདེགས་པས་ལྡང་བ་ལྟ་བུའི་ཚུལ་ཡང་ཡང་བྱེད་པས་སེལ་ལོ། །གཞན་ཡང་རླུང་མཁྲིས་བད་ཀན་འདུས་པའི་ནད་ཀུན་ལ་སོ་སོའི་ནད་ཀུན་ལ་སོ་སོའི་ནད་བསྐྱེད་པའི་རྩ་འཁོར་རྣམས་སུ་བུམ་ཅན་བསྒོམ་ཞིང་ནད་གཞི་དང་བསྟུན་པའི་ཁ་ཟས་དང་སྤྱོད་ལམ་མ་འཁྲུགས་པར་བྱས་པས་སེལ་ཏེ། དེ་ཡང་འདུས་པའི་ནད་ནི་གསང་གནས་ཀྱི་བར་སྐོར་འདབ་མ་བཅུ་དང་ནང་སྐོར་འདབ་མ་དྲུག་ལ་བརྟེན་པ་ཡིན་པས། གསང་བའི་བུམ་ཅན་བསྒོམ་པས་སེལ་ཞིང༌། གསང་བའི་བུམ་ཅན་སྤྱི་འགྲོ་དེས་མ་སེལ་ན་དམིགས་པ་རྩ་འཁོར་དེ་གཉིས་ལ་གཏད། གསང་བའི་བུམ་ཅན་གྱི་ངང་ནས་མཐའ་ནས་བསྐོར་ཞིང་དབུས་སུ་བསྡིགས་པ་མང་དུ་བྱས་ལ། མཐར་ཁ་སྣ་གཉིས་ནས་རླུང་རོ་དྲག་ཏུ་འདོན་པས་སེལ། དེ་བཞིན་དུ་གཞན་རྣམས་ལའང་རིགས་འགྲེ་སྟེ། རྩ་བཟང་བའི་རིགས་དང༌། ནད་སྟོབས་ཆུང་བ་རྣམས་སོ་སོའི་བུམ་ཅན་དཀྱུས་མ་དེ་ཁས་སེལ་ཞིང༌། རྩ་ངན་པ་དང་ནད་སྟོབས་ཆེན་གྱི་རིགས་ལ་དེས་མ་སེལ་ན་རྣོ་ཁྱད་རེ་གདགས་པས་སེལ་བ་ཡིན་ཏེ། བད་ཀན་སྐྱ་བོར་གྲགས་པ་ནི་སྲོག་རླུང་གི་སྐྱོན་ཡིན་པས་སྟེང་
― LT24_Page_142B ―
[མ་དཔེ་གཟིགས་ན་འདིར་གནོན།]
རླུང་དྲག་ཏུ་རྔུབས་ནས་ལྟེ་འོག་ཏུ་ཡང་ཡང་མནན། དཔྲལ་བའི་བུམ་ཅན་བསྒོམ་པས་སེལ་བར་འགྱུར། རླུང་དང་གྲང་བ་ནི་ཐུར་སེལ་གྱི་སྐྱོན་ཡིན་པས་ཐུར་སེལ་དྲག་ཏུ་བསྐུམས་ཏེ་བདེ་བ་སྐྱེས་སྐྱེས་སུ་བཟུང་བ་ལན་མང་དུ་བྱ། བཤང་སྒོ་རྟིང་པས་བཀག་སྟེ་གནས་པ་དང༌། ལུས་ཀྱི་སྨད་དུ་དྲོད་བསྐྱེད་པའི་སྤྱོད་ལམ་བྱས་པས་སེལ། ཚ་བ་ཐམས་ཅད་གྱེན་རྒྱུ་དང་མཉམ་གནས་ཀྱི་སྐྱོན་ཡིན་པས་སྟོབས་ཆུང་ན་སྟེང་འོག་གི་རླུང་ཅུང་ཟད་རེ་བཟུང་ཞིང་ཕྱི་ལ་དྲག་ཏུ་འབུད་ཅིང༌། འབུད་དུས་རླུང་ཞབས་བར་རླུང་ཅུང་ཟད་རེ་མ་བཟུང་ན་གྲང་བར་ཐལ་ཉེན་ཡོད། སྟོབས་ཆེ་ན་ཤིད་སྒྲ་དང་བཅས་ཏེ་ཁ་ནས་རླུང་གྲང་མོར་རྔུབས་ཏེ་བཟུང༌། གཏོང་པའི་སྐབས་སུ་སོ་བསྒྲིགས་ཏེ་སེང་སྒྲ་དང་བཅས་ཏེ་ཡུན་བསྲིང་ལ་བུས་པས་སེལ། འདུས་པ་ནི་ཁྱབ་བྱེད་ཀྱི་སྐྱོན་ཡིན་པས། ནད་གསུམ་ཀའི་རླུང་སྦྱོར་རེ་མོས་སུ་བྱས་པས་སེལ་བར་འགྱུར་རོ། །དེ་བཞིན་དུ་རླུང་གི་ནད་ནི་ལྟེ་བའི་ཕྱི་སྐོར་དྲུག་ཅུ་རྩ་བཞི་དང༌། གསང་གནས་ཀྱི་ཕྱི་སྐོར་བཅུ་དྲུག་གི་ནུས་པ་ཡིན་པས་སྐྱིལ་ཀྲུང་ལག་གཉིས་པུས་མོ་ལ་བཀབ་པའམ། ཙོག་བུ་ལག་གཉིས་པུས་འཁྱུད་ཀྱི་ཚུལ་བྱ། རླུང་རོ་བསལ། སྟེང་རླུང་རང་བབས་ལ་འོག་རླུང་བུས་ནས་སྟེང་དུ་དྲག་ཏུ་འཐེན། གསང་བ་ནས་ལྟེ་བའི་བར་དུ་རྒྱ་མཚོ་བསྐྱོད་པའི་ཚུལ་གྱིས་གཡས་གཡོན་རེས་མོས་སུ་བསྐོར། ཤུགས་ཟད་པ་ན་ཐུར་སེལ་དལ་བུས་གློད་ལ་བཞག །ཁ་དང་སྣ་ནས་རླུང་དྲག་ཏུ་འབུད་ཅིང་ལྟེ་བ་དང་གསང་བའི་བུམ་ཅན་ཅི་རིགས་པ་བསྒོམ་མོ། །འདིས་ནི་སྟོད་འཚངས་དང་གཟེར་བ་སོགས་
― LT24_Page_143A ―
[མ་དཔེ་གཟིགས་ན་འདིར་གནོན།]
རླུང་ནད་ཐམས་ཅད་སེལ། ལུས་གནད་དེ་ཉིད་དང་འདྲ་བ་ལས། རླུང་རོ་བུས། སྣ་ནས་དྲག་ཏུ་རྔུབས། ལྟེ་བར་ཐུབ་ཚུད་དུ་མནན། ཐུར་སེལ་རང་བབས་སུ་བཞག་པ་ལན་ཁ་ཡར་བྱས། དཔྲལ་བར་དང་གཙུག་ཏོར་གྱི་བུམ་ཅན་བཟུང་ཞིང་སྨིན་མཚམས་ཡན་ཆད་ཀྱི་མགོ་བོའི་པགས་པ་བསྐྱོད་ཅིང་བསྲུབས། མགོ་སྒྱེད་རྒུ་ཡང་ཡང་བྱ། མཐར་རྡོ་རྗེ་བསྡམས་པས་ཕོ་བར་བརྡེག་འདིས་བད་ཀན་གྱི་ནད་རྣམས་སེལ་བར་འགྱུར་ཞིང༌། ཁྱད་པར་བད་རླུང་མགོ་འཁོར་སོགས་ལ་བསྔགས་སོ། །དེ་ཡང་གཙུག་ཏོར་གྱི་རྩ་འདབ་བཞི་དང༌། དཔྲལ་བའི་བཅུ་དྲུག་བད་ཀན་སྐྱ་བོ་འཕེལ་ཟད་བྱེད་པའི་རྩ་ཡིན་པའི་གནད་ཀྱིས་སོ། །ལུས་གནད་དེ་དང་མཚུངས་པ་ལས། བདུད་རྩི་ལྕེ་སྦྱོར་གྱི་མན་ངག་བཞིན་དུ་རླུང་གྲང་མོ་རྔུབས་ལ་བཟུང༌། མགྲིན་པ་སྐོར་ཞིང་རོ་སྟོད་གཅུ། དེ་རྗེས་འོག་རླུང་རང་བབས་སུ་གློད་ནས་སྟེང་རླུང་དྲག་ཏུ་བཏང༌། དེ་ལྟར་ཡང་ཡང་བྱས་པས་ཚ་མཁྲིས་སེལ་བར་འགྱུར་ལ། གྲང་མཁྲིས་ལ་ནི་རླུང་སྣ་ནས་རྔུབས་པས་སེལ། དེ་ཡང་མགྲིན་པའི་རྩ་འདབ་སོ་གཉིས་དང་སྙིང་གའི་བརྒྱད་རྣམས་མཁྲིས་པ་འཕེལ་ཟད་བྱེད་པ་པོ་ཡིན་པའི་གནད་ཀྱིས་སོ། །གཞན་ཡང་མ་ནིང་གི་བུམ་ཅན་ཅུང་ཟད་བརྟན་པར་བྱས་ནས། སྟོད་སྨད་གཞན་ལ་ཐོ་མ་སོང་བར་བུམ་ཅན་ཉིད་ལྟེ་འོག་ཏུ་དྲག་ཏུ་བསྐོར་བས་སྐྲན་དང་དམུ་ཆུ་བད་ཀན་མཁྲིས་པ་སོགས་ཕལ་ཆེར་སེལ་བར་འགྱུར། ཡང་སྐྲན་མ་ཞུ་བ་ལ་རྒྱབ་རྟེན་ལ་ཅུང་ཟད་གན་ཀྱལ་དུ་འདུག་ལག་པ་གཡོན་པའི་རྡོ་རྗེ་བསྡོམས་པའི་ཁུ་ཚུར་ཁ་སྦྱོར་གྱིས་ཕོ་བ་བཟུང་ཞིང་
― LT24_Page_143B ―
[མ་དཔེ་གཟིགས་ན་འདིར་གནོན།]
སྐོར་པ་བུམ་ཅན་དང་བཅས་པས་སེལ་བར་འགྱུར་རོ། །དེ་ལྟར་ན་འབྱུང་བ་ལྔའི་རླུང་གི་གེགས་སེལ་དང༌། སྲོག་ལ་སོགས་པ་རླུང་ལྔའི་གེགས་སེལ་དང༌། རླུང་རེངས་བཅུ་བཅོས་པ་དང༌། འཁོར་ལོ་དྲུག་ལ་བརྟེན་པའི་གེགས་སེལ་ཏེ། དེ་དག་གི་སྲོག་རྩོལ་ཉིད་ཀྱི་སྒོ་ནས་གེགས་བསལ་བའི་སྡེ་ཚན་ཏེ་གཉིས་པའོ། །གཞན་ཡང་སྨན་གྱི་སྦྱོར་བས་བསལ་བ་ལ། སྤྱིར་ལན་ཚྭ་དང་སྐྱུར་བའི་སྨན་གྱིས་རླུང་དང༌། མངར་བ་དང་བསྐ་བས་མཁྲིས་པ་དང༌། ཁ་བ་དང་ཚ་བས་བད་ཀན་ཡང་ཞེས་པ་སྤྱིར་བཏང་ཡིན་ལ། རོ་ནུས་ཞུ་རྗེས་ཀྱི་རྣམ་པའི་དབྱེ་བ་མཐའ་ཡས་པ་ཡོད་པས་མཐའ་གཅིག་ཏུ་མ་ངེས་ལ། ཁྱད་པར་གྲོགས་དང་ཆོ་གའི་སྦྱོར་བ་སྣ་ཚོགས་ལས་ནུས་པ་ཐ་དད་པས་དུ་མར་འགྱུར་རོ། །སྐབས་འདིར་ཀུན་སྤངས་ཀྱི་སྨན་སྦྱོར་རྒྱུད་ལས་གསུངས་པ་ནི། རའི་འོ་མ་ཚ་བ་གསུམ་དང་བཅས་པས་བད་ཀན་དང༌། མ་ཧེའི་འོ་མ་ཀ་ར་དང་བཅས་པས་མཁྲིས་པ་དང༌། རྔ་མོའི་འོ་མ་རྒྱ་ཚྭ་དང་བཅས་པས་རླུང་འཇོམས་ཤིང༌། བའི་འོ་མ་ཉེས་པ་གསུམ་ཅར་འཇོམ་བྱེད་དེ། ཚ་བ་གསུམ་དང་བཅས་པས་བད་ཀན། ཀ་ར་དང་བཅས་པས་མཁྲིས་པ། རྒྱ་མཚོའི་ཚྭ་དང་བཅས་པས་རླུང་སེལ། སྔར་གྱི་སྨན་དེ་རྣམས་དང་བཅས་པ་བའི་མར་དང་བཅས་ཏེ་སྨན་མར་དུ་སྦྱར་བ་སྤེལ་གྱིན་བཏང་བས་ལྡན་འདུས་སེལ་ལ། འོ་མ་གསར་པ་རྟག་པར་མ་འབྱོར་ན་དེ་དག་གིས་བསྡུས་པའི་ཚེགས་མ་ལ་ཡང་སྦྱར་བར་བཤད་དོ། །ཛ་ཏིའི་འདབ་མའམ་འབྲས་བུ་ལ་རང་ལས་བརྒྱད་འགྱུར་གྱིས་མང་བའི་ཆུ་ལ་བསྐོལ་ཏེ་བཞི་ཆ་ཙམ་ལུས་པ་
― LT24_Page_144A ―
[མ་དཔེ་གཟིགས་ན་འདིར་གནོན།]
དེའམ། མི་བསྐྱོད་པ་ཅུང་ཟད་དྲོ་བ་ཡུན་རིང་དུ་ཁར་བཟུང་བས་ཁ་ནད་དང༌། ཟུག་མེད་པའི་སོ་སྲིན་སེལ། ཀཎྜ་ཀ་རིའི་འབྲས་བུའི་དུ་བ་སོ་ལ་བདུགས་པས་ཀྱང་ཟུག་དང་བཅས་པའི་སོ་སྲིན་ལ་ཕན། ཏིལ་མར་དང་ར་གཅིན་མཉམ་དུ་བསྐོལ་ནས་བཞི་ཆ་ཙམ་ལུས་པ་ལ་ཚ་བ་གསུམ་ཏིལ་མར་གྱི་བཞི་ཆ་བཏབ་རྣ་བར་བླུགས་པས་རྣ་བའི་ནད་འཇོམས་ཤིང་དེ་བཞིན་དུ་དྲི་ཆུ་དྲོན་མོ་བླུག་པས་ཀྱང་ངོ༌། །བ་མར་བརྒྱད་འགྱུར་བའི་འོ་མ་ལྷན་ཅིག་བསྐོལ་མར་ཁུ་ཙམ་ལུས་པ་ན། ནཱ་ག་གེ་སར་དང་གུར་གུམ་བསྲེས་པ་མར་གྱི་གཞི་ཆའི་ཚད་ཙམ་སྦྱར་ནས་སྣར་བླུག་པས་སྣ་ནད་སེལ། བནྡྷ་ཀ་རྐོ་ཊི་དང་ཤོག་ཤིང་དང༌། ཏིག་ཏིའི་ཕྱེ་མ་བོང་བུའི་ཆུ་ལ་སྦྱར་བ་བྱུགས་པས་འབྲས་དང༌། ཤ་རོ་དང༌། སྐྲངས་འབུར་ལ་ཕན། བནྡྷ་ཀ་རྐོ་ཊི་ནི་མཁན་པའི་འབྲུ་མེད་པ་ཡིན་ཟེར་བ་དང༌། བ་ཤ་ཀ་ནག་པོ་ཡིན་པར་འདོད་པ་གཉིས་ཡོད་པ་ཕྱི་མ་འཐད་དོ། །སྔ་མ་ཡང་ཚབ་མ་རུང་བར་འདོད་ཅིང་མྱོང་བས་གྲུབ་པ་ཡིན་ན་མི་འགལ་ལོ། །ཉི་མའི་ཤིང་གི་འདབ་མས་བསླན་པས་ཀྱང་དེ་ལྟར་འགྱུར་བར་གསུངས་ལ། འདི་བོད་ཀྱི་ཉི་ཤིང་བ་ཡིན་ཟེར་བ་མི་འཐད་ཅིང༌། ཚབ་མ་ལྕམ་པའི་འདབ་མ་བརྡུངས་བས་རུང་བར་བཞེད་དོ། །ལན་ཚྭའི་རིགས་རྙེད་ཀྱི་ཐུམ་བུ་མར་རྙིང་ཞུ་བར་བཅུག་ནས་དུགས་བྱས་པས་ཀྱང་འབྲས་སོགས་འཕེལ་བ་འཇོམས་ཤིང༌། ཐོ་རངས་དྲི་ཆུ་གྲང་མོ་སྣས་རྔུབས་ནས་རླུང་འབུད་པའམ། ཆུ་གང་སྣ་ནས་རྔུབས་པས་མགོ་ནད་ཞི་བར་བྱེད་ཅིང༌། དྲི་ཆུ་གྲང་མོ་མིག་ཏུ་བླུགས་པས་མིག་རིམ་
― LT24_Page_144B ―
[མ་དཔེ་གཟིགས་ན་འདིར་གནོན།]
ལ་ཕན། ཐོ་རངས་ཁ་བཀྲུས་པའི་སོ་ལ་སྲིན་ལག་གིས་བརྡར་ཏེ་མིག་ལ་བྱུགས་པ་དང༌། ཟླ་འོད་ཀྱིས་ཕོག་པའི་ཆུ་གྲང་ཐོ་རངས་བླངས་ནས་མིག་ལ་ཕྱར་ཏེ་བླུགས་པས་ཀྱང་མིག་ཁྲག་ཏུ་སོང་བ་སོགས་ལ་ཕན་ནོ། །ཚྭ་བ་གསུམ་དྲི་ཆུ་ལ་སྦྱར་བའི་ཁུ་བ་སྣར་བླུགས་པས་འབྱུང་པོས་ཟིན་པ་དང༌། དུག་སྦྲུལ་དང༌། ཁྱི་སྨྱོན་སོགས་གཡོ་བའི་དུག་རྣམས་སེལ་བར་འགྱུར། སྲོག་རྩོལ་དང་བཅས་ཏེ་སྙིང་ཁར་པད་ཟླའི་གདན་ལ་སྣ་ཚོགས་ཡུམ་དཀར་མོ་མཆོག་སྦྱིན་དང༌། པད་དཀར་འཛིན་པ་རྡོ་རྗེའི་སྐྱིལ་ཀྲུང་གིས་བཞུགས་པ་བསྒོམས་ནས། ཨོཾ་ཕེཾ་བི་ཤྭ་མཱ་ཏ་བཛྲ་ཀཎྜ་ཀཾ། ནཱ་ག་ཡ་ནཱ་ཤ་ཡ། མ་མ་ཤཱནྟིཾ་ཀུ་རུ་སྭཱ་ཧཱ། ཞེས་ཅི་ནུས་སུ་བཟླས་ཏེ། གནས་དྲུག་ཏུ་སྔགས་ཆུས་བྱུགས་པས་འབྲུམ་ནག་སོགས་བསྲུང་ཞིང༌། གཞན་ལ་བསྲུང་ན། མ་མ་ཞེས་པའི་གནས་སུ་སྒྲུབ་བྱའི་མིང་བཅུག་ནས་བཟླ། ནད་གདོན་གཞན་བསྲུང་ན། བཛྲ་ཀཎྜ་ཀཾ་གྱི་གནས་སུ་ནད་གདོན་དེ་དང་དེའི་མིང་བཅུག་པས་སེལ། འབྲུམ་ནད་བྱུང་བ་ན། སྐྱ་ནད་ཀྱི་དུས་སུ། སྲན་ཆུང་དང༌། རུ་རཱཀྵའི་འབྲུ་བཏགས་པས་ཆུ་བསྐོལ་བ་ལ་སྦྱར་ཏེ། སྔགས་བརྒྱ་རྩ་སོགས་བཏབ་ནས་འཐུང་ཞིང༌། ཉིན་ཞག་གསུམ་ལ་སོགས་ཚ་བ་ཅུང་ཟད་ཞི་ཞིང༌། འབྲུམ་བུ་ཕྱིར་ཐོན་པ་ན་འབྲུམ་བུའི་ནད་ཀྱིས་ཤི་བིའི་མི་ཐོད་དྲི་ཆུ་གྲང་མོ་ལ་བརྡར་ཏེ། ཁོར་དུ་བཏོང་བས་སེལ་བར་འགྱུར། འདིར་བུ་ལ་སོགས་པ་ཚད་པའི་ནད་ཀྱིས་ཟིན་པ་ལ། སྐྱུ་རུ་ར། འུ་སུ། ད་ལི་དཀར་ལོ་རྣམས་ཆ་མཉམ་པ་ཉི་མའི་འོད་ཀྱིས་རེག་པའི་ཆུ་བརྒྱད་འགྱུར་ལ་བསྐོར་བ།
― LT24_Page_145A ―
[མ་དཔེ་གཟིགས་ན་འདིར་གནོན།]
བཞི་ཆ་ལུས་པའི་ཁུ་བ་དེའི་བཞི་ཆའི་ཀ་ར་དང་བསྲེས་ཏེ། ཐོ་རང་ཞག་གསུམ་ལ་སོགས་པར་ཟོས་པས། ཚད་པ་ལས་གྲོལ་ཞིང༌། རིམ་གྱིས་བཏང་བ་ལ་སྨན་དེ་རྣམས་ཀྱི་སྟེང་དུ་འཛིམ་པ་དང་དེ་གསུམ་འགྱུར་ཨ་རུ་ར་བསྲེས་པས་སེལ་བར་འགྱུར་ལ། འཛིམ་པའི་ཚད་ནི་ནད་ཀྱི་ཚོད་དང་སྦྱར་རོ། །འབྱོར་ལྡན་གྱི་སྨན་དངུལ་ཆུའི་སྦྱོར་བ་མང་དུ་གསུངས་ཀྱང༌། བོད་ཡུལ་འདིར་དེང་སང་རྒྱུད་དོན་ལྟར་ལག་ལེན་ལ་ཁེལ་བ་དཀའ་བར་སྣང་ལ། སྨན་གྱི་ཁྱད་པར་རྣམས་ཀྱང་འབྱོར་བ་དཀའོ། །དེ་ལྟར་ན་བདུད་རྩི་ལྔའི་བཅུད་ལེན་དང༌། གསེར་གྱི་གོང་བུའི་བཅུད་ལེན་སོགས་རྣམ་གཞག་རགས་པ་ནི་རྒྱུད་འགྲེལ་ཉིད་ན་གསལ་ལོ། །དེ་དག་གི་སྐབས་ནས་བཤད་པའི་བཅུད་ལེན་མདོར་བསྡུས་གཉིས་ནི་འདི་ཡིན་ཏེ། གཞོན་ནུ་མའི་རྡུལ་ཟླ་བ་མར་ངོ་ལ་བས་པ་དང༌། བྷྲྀངྒ་རཱ་ཛའི་ཁུ་བ་རླུང་མཉམ་རྒྱུའི་དུས་སུ་སྣ་ནས་རྔུབས་ཏེ་བུམ་པ་ཅན་བཟུང་ན་རྒས་པ་སེལ་ཞིང་ལུས་ཀྱི་སྲིན་བུ་མེད་པར་འགྱུར་རོ། །དེ་ལ་བྷྲྀངྒ་རཱ་ཛ་ནི། བོད་ཡུལ་དུ་དོད་ཐུབ་ར་མོ་ཤ་ཡིན་ཞེས་སྐབས་འདི་དང་གཞན་དུ་བོད་རྣམས་ཕལ་ཆེར་གསུང་པ། མངོན་ཤེས་དང་ལྡན་པས་དོད་ཐུབ་ཀྱི་སྨན་ཡིན་པར་གཟིགས་ན་ནི་ངོ་མཚར་ཆེ་ལ། གཞན་དུ་ན་སྨན་གྱི་རྣམ་པ་དང༌། རོ་ནུས་ཞུ་རྗེས་ཡེ་མི་འདྲ་བས་མི་འཐད་པར་མངོན། བྷྲྀངྒ་རཱ་ཛ་ནི་སཾ་སྐྲྀ་ཏའི་སྐད་ཡིན་ལ། འཕྲལ་སྐད་དུ་བྷངྒ་ར་ཟེར་ཞིང༌། མོན་ཡུལ་ཕན་ཆད་ཀྱི་རྒྱ་བལ་ཀུན་ཏུ་སྐྱེ་ལ། དེ་ལ་དཀར་ནག་གཉིས་ལས་བཅུད་ལེན་ཕལ་ཆེར་ལ། ནག་པོ་སྦྱོར་གྱིན་སྣང་བས་འདིར་ཡང་ནག་པོ་ཡིན་ནོ། །
― LT24_Page_145B ―
[མ་དཔེ་གཟིགས་ན་འདིར་གནོན།]
རྒྱ་བལ་ཀུན་ཏུ་སྐྱེ་པས་བཙལ་ན་རྙེད་སླའོ། །ཡང་ཤ་ལྔ་པོ་རུལ་སུམ་མེད་ཅིང་ཆུ་སེར་བཏོན་ནས་སྐམ་པའི་ཕྱེ་མ་སྦྲང་རྩིའམ་སྦྲང་ཆང་དང་སྦྱར་ནས་ལོ་གཅིག་ཟོས་པས་ཀྱང་རྒས་པ་དང༌། ནད་མཐའ་དག་སེལ་ལ། དེ་བཞིན་དུ་མེ་ཏོག་དང་བྱང་ཆུབ་ཀྱི་སེམས་བསྲེས་པས་ཀྱང་ངོ༌། །ཞེས་བཤད་དོ། །འདི་དག་ནི་ཀུན་སྤངས་ཀྱི་རྫས་སྦྱོར་ལ་བརྟེན་ནས་གེགས་བསལ་བ་སྟེ་སྡེ་ཚན་གསུམ་པའོ། །ཡང་སྤྱི་ཁྱབ་ཏུ་ལོག་གནོན་གྱི་མན་ངག་ཀྱང་བསྟན་པར་བྱ་སྟེ། ཚ་བ་ཤས་ཆེ་ན་སྤྱི་བོའི་ཧ་ལས་བདུད་རྩི་ག་བུར་གྱི་ཆུ་ལྟ་བུ་བབས་པས། ལུས་གང་བ་དང༌། གྲང་ཤས་ཆེ་ན་ལྟེ་བའི་ཧོ་ལས་མེ་འབར་བས་གང་བ་དང༌། ལུས་ལྗིན་གསང་གནས་སུ་རླུང་གི་དཀྱིལ་འཁོར་ཡཾ་གྱིས་མཚན་པས་ལུས་ཡེར་ཡེར་དུ་འདེགས་པ་དང༌། རླུང་འགགས་པའི་རིགས་ལ་བཤད་ལམ་ནས་མཐོན་འགྲོ་བར་བསམ་པ་དང༌། རླུང་འཁྱིམས་པ་ལ་སྤྱི་གཙུག་ནས་མཐོན་པར་བསམ་པ་དང༌། ཁོལ་བུར་གཟེར་བ་ལ་གང་ན་སར་སའི་དཀྱིལ་འཁོར་གྱིས་མནན་པར་བསྒོམས་པས་སེལ་ལོ། །ལོག་གནོན་དྲུག་པོ་དེ་ནི་འགྲོ་བའི་བླ་མ་གོང་མ་རྣམས་ཀྱི་མན་ངག་ཡིན་ནོ། །ཡང་ལོག་གནོན་ལྔ་སྟེ། སྟོད་འཚངས་དང་ཕོ་བ་སྤོས་པ་སོགས་ལུས་གང་ནས་ནན། འཁོར་ལོ་ལྟར་བསྐོར་བ་བྱ་སྟེ། བུམ་ཅན་བཟུང༌། ལྟེ་བར་འཁོར་ལོ་རྩིབས་བརྒྱད་པ། གཡས་གཡོན་དུ་རེས་མོས་ཀྱི་འཁོར་བར་བསམས་ལ་ལྟེ་བ་བསྐོར་མཐར་ཇེ་ཆེ་ཇེ་ཆེ་ལ་ནམ་མཁའི་མཐར་ཀླས་པར་བསམ། ལུས་དམིགས་ཀྱི་ནན། གྲུ་གུ་ལྟར་འགྲིལ་བ་བསྒོམ་སྟེ། གང་ན་སར་བུ་ག་ཧུར་གྱིས་
― LT24_Page_146A ―
[མ་དཔེ་གཟིགས་ན་འདིར་གནོན།]
བྱུང༌། རླུང་བཟུང་ནས་གཏོང་བའི་དུས་སུ། བུ་ག་ནས་ཕར་རླུང་རོ་ནག་པོ་རྟ་རྔ་ལྟ་བུར་ནར་གྱིས་ཐོན། ཕྱི་རོལ་དུ་གྲུ་གུ་ལྟར་འགྲིལ་ནས་ནང་དུ་མི་བཟློག་པར་བསམ། རིམ་གྱིས་དེ་ཇེ་སྦོམ་དུ་བཏང༌། ལུས་ཕལ་ཆེར་ཁྱབ་པར་ན་བུ་ག་མང་པོའི་སྦྱོར་བ་བྱ་སྟེ། ལུས་ལྕགས་ཚགས་ལྟ་བུར་བསམ། རླུང་རོ་དྲག་ཏུ་གདོན། བུ་ག་ཐམས་ཅད་ནས་རླུང་འཚུབ་ཀྱི་རྣམ་པ་ཕྱུར་ཕྱུར་འགྲོ་བར་བསམ། ལུས་སྟོད་སྨད་ཕྱེད་མར་ན་བ་སོགས་བྱུང་ན། འཁོར་ལོ་མེད་པ་ཞེས་བྱ་བ་བསྒོམ་སྟེ། གང་ནས་དེ་སྦུབས་སྟོང་ཇེ་ཡངས་ཇེ་ཡངས་ལ་སོགས་སྟེ། ནམ་མཁའ་དང་འདྲེས་པར་བསམ། རླུང་གིས་ཤེས་པ་འཕྲོ་ཞིང་ཡེར་པ་དང༌། མཆོངས་རྒྱུག་བྱེད་པ་སོགས་བྱུང་ན་རབ་ཏུ་དམའ་བའི་སྦྱོར་བ་ཞེས་བྱ་བ་ལ་བསླབ་སྟེ། ཉལ་ས་ཡངས་པ་དོང་ལྟ་བུར་བྱ། དམིགས་པ་རང་ལུས་ས་འོག་ཏུ་ཐིམ་པའམ། ཆུ་དྲོན་མོའི་ནང་དུ་བྱིང་ཤིང་ལུས་ཞུ་བའམ། མར་ནག་གི་མཚོ་ནང་དུ་ལུས་བཅུག་པར་བསྒོམ་པས་སེལ། ལོག་གནོན་ལྔ་པོ་འདི་ནི་བསམ་མི་ཁྱབ་ཀྱི་གདམས་ངག་སོགས་ན་ཡང་སྣང་ངོ༌། །སྤྱིར་གེགས་སེལ་གྱི་གདམས་ངག་ནི་གཅིག་ཏུ་མ་ངེས་པ་མེད་དེ། ལམ་གྱི་ཆ་ལག་ཙམ་ཡིན་པའི་ཕྱིར་དང༌། གེགས་མི་འབྱུང་བ་ཡང་མང་ཞིང༌། ཕན་ཚུན་བསྲེ་སླད་དུ་འགྱུར་བའི་ཉེས་པ་འགའ་ཡང་མི་བསྐྱེད་པས་ན། གདམས་ངག་གཞན་ལས་འབྱུང་བ་རྣམས་ཀྱང་འདིར་བླངས་པས་ཆོག་ལ། དེ་ཡང་མན་ངག་ཁུངས་མ་ལག་ལེན་དང་འབྲེལ་བ་ཞིག་བླངས་དགོས་ཀྱི། ལག་ལེན་གྱི་རྒྱུན་མེད་ན་གནད་ལོངས་བ་དཀའ་ཞིང༌།
― LT24_Page_146B ―
[མ་དཔེ་གཟིགས་ན་འདིར་གནོན།]
མན་ངག་བསྡུས་པ་ལས་འབྱུང་བ་རྣམས་ཀྱི་ལག་ལེན་ཡོད་ཀྱང་གེགས་མི་སེལ་བའམ། ཕྱོགས་གཅིག་གི་གེགས་སེལ་ཀྱང་གེགས་གཞན་སྐྱེ་བ་སོགས་འབྱུང་བས། ལག་ལེན་ཁུངས་ལྡན་བཙལ་བར་བྱས་ལ། སྤྱིར་རྩའི་གེགས་སེལ་འཁྲུལ་འཁོར། རླུང་གི་གེགས་སེལ་རླུང་སྦྱོར། ཐིག་ལེའི་གེགས་སེལ་དེ་གཉིས་འཛོམ་པའི་བཞུ་བཏུལ། སེམས་ཀྱི་གེགས་ལ་དམིགས་པའི་གནད་སྣ་ཚོགས་སུ་འཕོ་བ་རྣམས་ཀྱིས་སེལ་བ་ཡིན་ནོ། །སྐབས་དེ་དག་ཐམས་ཅད་དུ། ཡེ་ཤེས་ཕེབས་པའི་ཉམས་དང༌། སྒོམ་ལོག་གི་གེགས་དང༌། སྒོམ་སྐྱོན་མ་ཡིན་པའི་འབྱུང་བ་ལུས་འཁྲུགས་ཀྱི་ནང་རྣམས་མ་ནོར་བ་གལ་ཆེ། ཡེ་ཤེས་ཕེབས་པའི་ཉམས་ལ། ཧ་འདོན་དང་དབྱུག་བཅོས་དང་སྨན་དང༌། མེ་གཏར་ལ་སོགས་པ་གང་ཡང་མི་བྱ་སྟེ། ཉམས་ངོ་སྤྲད་དེ་ཉམས་བྱུང་རྒྱལ་དུ་བསྐྱངས་པས་གེགས་མེད་ཅིང༌། ཡོན་ཏན་གོང་དུ་འགྱུར། བཅོས་གཞན་དེ་རྣམས་བྱས་ན། སྒོམ་ལོག་ཏུ་འགྱུར་ཞིང་གེགས་ཆེན་བོད་གདོད་སྐྱེ་བ་མང་ཞིང༌། ཉམས་བཟང་པོ་ཡལ་ཞིང་ཡོན་ཏན་སྐྱེ་འཕྲོ་འཆད་པ་ཡིན་ནོ། །སྒོམ་སྐྱོན་ཙམ་ཡིན་ན། དམིགས་པ་རླུང་སྦྱོར་འཁྲུལ་འཁོར་སོགས་ཀྱིས་སེལ་དགོས་ཤིང༌། སྨན་གཏོར་བ་ཡང་རུང་ལ། མེ་གཏར་དབྱུག་བཅོས་སོགས་ནི་ཕལ་ཆེར་ལ་མི་ལེགས་སོ། །སྒོམ་སྐྱོན་མ་ཡིན་པར། ནད་གཞི་ཙམ་གྱིས་ཁམས་མ་སྙོམས་པ་ཡིན་ན། ནང་གི་རྣལ་འབྱོར་དང་སྨན་སྤྱད་མེ་གཏར་ལ་སོགས་པ་གང་གིས་བཅོས་ཀྱང་རུང་བར་ཤེས་པར་བྱའོ། །དེ་དག་ནི་ལོག་གནོན་གེགས་སེལ་གྱི་སྡེ་ཚན་ཏེ་བཞི་པའོ། །ཡང་རྣལ་འབྱོར་
― LT24_Page_147A ―
[མ་དཔེ་གཟིགས་ན་འདིར་གནོན།]
ཡན་ལག་དྲུག་པའི་གེགས་སེལ་གྱི་མན་ངག་སྨན་དཔྱད་དང་ཤས་ཆེར་འབྲེལ་བ་ལུགས་གཞན་ཡང་བརྗོད་པར་བྱ་སྟེ། འདི་ལ་གཉིས་ཏེ། རྟེན་ལུས་ལས་བྱུང་བའི་གེགས་དང༌། བརྟེན་པ་སེམས་ལས་བྱུང་བའི་གེགས་སོ། །དང་པོ་ལ་རྩ་རླུང་ཐིག་ལེ་གསུམ་ལས། རྩ་ནི་རང་བཞིན་གྱིས་བཟང་བ་དང༌། ངན་པ་གཉིས་ཡོད་ཀྱང་རླུང་སེམས་ཀྱི་གནས་ཚུལ་ཡིན་པས་ལུས་དལ་བ་དང༌། སྐབས་སུ་ཁྲུས་དང༌། བསྐུ་མཉེ་དང༌། ལུས་ཀྱི་གནད་བཅུན་པ་དང༌། ལུས་མི་འགྲིམ་པ་ཁོ་ནས་ཆོག་གོ །འོན་ཀྱང་སྒོམ་པའི་རྐྱེན་རྣམས། ཁུར་སོའམ། བརྡབས་པ་ལ་སོགས་པས་མི་བདེ་བ་དང༌། རྩ་ཕྲན་ཆད་པ་ལྟ་བུ་ཐམས་ཅད་ལ་ལུས་དལ་བར་བྱ་སྟེ། མི་བསྐྱོད་པའམ། ཡང་ན་འོམ་བུ་དང༌། བལ་ལུ་དང༌། ཤུག་པ་དང༌། མཚེ་དང༌། མཁན་པ་བཙོས་པའི་ཆུས་བཀྲུས་ལ། སྐབས་སུ་བསྐུ་བྱུག་བྱ་སྟེ། དེས་བདེ་བར་འགྱུར་རོ། །རྩ་ཆད་པ་དང་རྨ་བྱུང་ན་དམིགས་པ་ནི་ཁམས་བྱང་ཆུབ་ཀྱི་སེམས་དཀར་དམར་འཐབ་པ་ལ་སེམས་གཏད་ལ་སྐབས་སུ་མི་བསྐྱོད་པས་བཀྲུའོ། །སྔོ་བྲེ་གམ་ཐང་དུ་བྱ་བའམ། སྤྲང་དང་སྦྱར་ལ་བཟའ། འདི་ནི་ཆད་པ་དང༌། མགོ་ལུས་ཀྱི་རྩ་སྐྱོན་དང་མཚོན་གྱི་རྨ་ཐམས་ཅད་ལ་ཕན་པ་ཡིན་ནོ། །རྩ་འཆུས་པ་ལྟ་བུ་ལ་ནི། ཐོག་མ་ཇི་ལྟར་བསྡད་པའི་ལུས་གནད་བྱས་ལ། དེ་ནས་ཁང་ཀྱི་རླུང་འཇམ་པོར་བཟུང་ལ། ལུས་གཡས་དང་གཡོན་དུ་གཅུ་ཞིང་ལག་མཐིལ་གྱིས་བྱུག །རྩའི་ནད་ཀྱི་གེགས་ཐམས་ཅད་ལ་འདི་རྣམས་ཀྱིས་ཕན་ནོ། །གཉིས་པ་རླུང་
― LT24_Page_147B ―
[མ་དཔེ་གཟིགས་ན་འདིར་གནོན།]
གི་གེགས་ལ་གསུམ་དུ་འདུས་སྟེ། རྩ་བའི་རླུང་ལྔ་དང་ཡན་ལག་གི་རླུང་ལྔ་དང༌། ཁྱད་པར་གྱི་རླུང་རེངས་ལྔའོ། །མཁྲིས་པ་དང༌། བད་ཀན་གཉིས་ཐིག་ལེའི་སྙིགས་མ་ཡིན་ཡང༌། རླུང་གིས་མ་དཀྲུགས་ན་ནད་མི་བྱེད་པས། མི་མཉམ་མཁྲིས་པ་དང་བསྡོངས་ནས་ཚད་པའི་ནད་ཐམས་ཅད་བསྐྱེད་པས་དེ་ནི་རྒྱུ་ཡིན་ཏེ། རྐྱེན་དུས་དང་གདོན་དང༌། ཟས་དང་སྤྱོད་ལམ་བཞིས་བྱེད་ལ། གནས་པའི་ས་མཆིན་མཁྲིས་ལ་བརྟེན་ནས་ནད་དུ་བྱེད་པ་ནི། ཁྲག་ཤ་ཚིལ་རུས་རྐང་ཁུ་བའི་གནས་སུ་སོང་ནས། དོན་སྣོད་ལ་གནད་དུ་འགྲོ་བ་ཡིན། ནད་རིགས་མང་ཡང་སྐབས་འདིར་ཁྲག་འཕེལ་བ་དང༌། མཁྲིས་པ་འཕེལ་བ་གཉིས་ལས། རྟགས་ནི་ཁ་ཁ་ཞིང༌། ལྕེ་གཞུང་སེར། ལུས་དྲོད་ཆེ་གཉིད་ཆེ། དྲོད་བཅུད་གནོད། ཉི་མས་དྲོན་ན། ཆུ་དམར་སེར་ལ་སྤྲིས་མ་འཐུག །རྙོག་མ་ཆེ། རྩ་དྲག་ཏུ་འཕར་ཞིང་གྲིམས། ཁྱད་པར་དུ་ཉིན་གུང་མཚན་གུང་ལ་མི་བདེ་བ་ཡིན། དེ་བསལ་བ་ནི། ཁ་ཟས་མི་ཟ། ལུས་རྩོག་བུའམ། སྐྱིལ་ཀྲུང་གང་བདེ་བྱ། རླུང་ཁ་ནས་སིད་སྒྲས་རྔུབས་ལ། ཕོ་བར་དགང༌། སྣ་ནས་ཧཱུྃ་གིས་དྲག་ཏུ་དབྱུང༌། རེ་མོས་ཀྱི་ཐུན་དུ་བཅད་ལ་བྱ། དམིགས་པ་ནི་ཕོ་བར་མེ་མཉམ་གནས་པའི་སར། ཟླ་བའི་དཀྱིལ་འཁོར་བསིལ་བ་དང་འོད་དང་བཅས་པ་ཡར་འགྲོ་མར་འགྲོ་ལ་སེམས་གཏད། དེས་ཀྱང་མི་ཕན་པའི་ནད་སྟོབས་ཆེ་ན། མི་བསྐྱོད་པ་གྲང་མོ་ལ། ཨ་རུ་ར། གླ་རྩི། ཙན་དན། ག་བུར་བཞི་གང་རྙེད་བཏབ་ལ་བཏུང༌། རླུང་མྱུར་དུ་སྐྱེ་རུ་འོང་བས་
― LT24_Page_148A ―
[མ་དཔེ་གཟིགས་ན་འདིར་གནོན།]
བརྟགས་ཤིང་བྱེད་པ་གལ་ཆེའོ། །ཁྱད་པར་དུ་གཉན་དང་ཚད་གཟེར་དྲག་པོ་བྱུང་ན། གོང་གི་དམིགས་པ་བྱ། རླུང་མི་བཟུང༌། དྲི་ཆུ། གླ་རྩི། ཐར་ནུ། བོང་ང༌། མིང་ཅན། རུ་རྟ། ལི་ཤི་གང་འཛོམ་བཏགས་ལ་ཆ་མཉམ་པར་བྱས་ལ་བཏང༌། གོང་གི་སྨན་དེ་རྣམས་མ་རྙེད་ཀྱང༌། ཆུ་གྲང་དང་མི་བསྐྱོད་པ་ཁོ་ནས་ཕན་པར་བཤད་དོ། །ནད་ཀྱི་རྩེ་ཆག་ནས་བཏུང་དུ་མི་བཏུབ། གྲང་བར་འགྲོ་འོང་བས་སོ། །གཉིས་པ་བད་ཀན་ལ་སྐྱ་སེར་སྨུག་པོ་གསུམ་ཡོད་ཀྱང༌། སྐྱ་བོ་ཕོ་སྟོད་ན་གནས། སེར་པོ་མཁྲིས་པ་དང་བསྡོངས་པ་ཡིན། སྨུག་པོ་ནི་ལུས་ཀྱི་ཁྲག་ཕོ་བར་བབས་པ་ཡིན། སྤྱིར་བརྟེན་པ་ནི་ཀླད་པ་ཡིན། རྟགས་ནི་ལུས་ལྕི། དང་ཁ་མི་བདེ། བསྣབས་དང༌། ཆུ་སྐྱུར་དང༌། སེར་པོ་དང༌། ཁྲག་རུལ་སྐྱུག །ཆུ་དཀར་ལ་རྙོག །སྨུག་པོ་ལ་སྨུག་ལ་རྙོག །དྲི་ཆེན་སོལ་བ་འདྲ་བའམ། ཁྲག་དང་སེར་བོར་འོང༌། ཟས་བཅུད་ཆེན་གནོད། རྩ་དལ་ཞིང་བྱིང་བ་ཡིན། ཁྱད་པར་དུ་དཔྱིད་དང༌། སྲོད་དང༌། སྔ་གྲོ་དང༌། དེ་བཅོས་པ་ནི། རླུང་སྟེང་འོག་ཁ་སྦྱར་ལ་བཟུང༌། ཁ་ཟས་རན་པར་བཟའ། སྐབས་སུ་སྣ་དང་ཁ་ནས་དབྱུང༌། སྐེད་པ་དང༌། རྐང་པ་དང༌། ལག་པ་རྣམས་མི་བདེ་ན་སྐེད་སྐོར་དང་སྤྲུག་པ་བྱ། སྨན་བྱེད་ན། སྐྱི་བོའི་སྣམས་སུ་སྐྱུག་པ་ལ། སེ་འབྲུ། སུག་སྨེལ། ཤིང་ཚྭ། པི་པི་ལིང་བཏང༌། འགྲིལ་པ་ལྟ་བུ་བྱུང་ན་ཅོང་ཞི་དང༌། ཚྭ་བསྲེགས་པ་བསྣན་ལ་བཏང༌། སེར་པོ་ལ་གོང་
― LT24_Page_148B ―
[མ་དཔེ་གཟིགས་ན་འདིར་གནོན།]
གི་སེ་འབྲུ་བཞི་པ་ལ། ཨ་རུ་ར་དང་བྲག་ཞུན་བསྣན་ལ་བཏང༌། ཕོ་བ་ལག་མཐིལ་གྱིས་མཉེ། དེ་རྣམས་ཀྱིས་མ་ཕན་ན། ཕོ་སྟོང་དུ་བེར་ཀ་བརྡེག་གོ །སྨུག་པོ་ལ་ནི། ཅོང་ཞི། བྲག་ཞུན། འུ་སུ། སྒ་སྐྱ། ཨ་རུ་ར། གུར་གུམ། པྲི་ཡང་ཀུ་རྣམས་སྦྱར་ལ་ཟ། དེས་ཀྱང་འགྲིལ་ཞིང་མ་ཕན་ན། མི་བསྐྱོད་པ་ལ་ཨ་རུ་ར། དོང་ག །ཚྭ་ལ་བསྲེགས་པ་བཏབ་ཅིང་འཐུངས་པས་སྦྱོངས་ཡོང༌། སྦྱོངས་རྗེས། སེ་འབྲུ་བཞི་པ་དང་གོང་མ་རྣམས་ཟ། བེར་ཀ་དང་འཁྲུལ་འཁོར་དྲག་པོ་རྣམས་མི་བྱའོ། །བྱས་ན་ཡང་ཁྲག་ཕོ་བར་བབས་ནས་ནར་འོང༌། ཁྱད་པར་དུ་ཅོང་ཞི་ཁྲོལ་བུར་ཟོས་ནས་ལུས་སྦྱོངས་སྔགས་སོ། །གསུམ་པ་རླུང་གི་ནད་ལ། སྤྱིར་རྩ་བ་དང་ཡན་ལག་གི་རླུང་ཐམས་ཅད་ཀྱི་གེགས་སེལ་བ་དང༌། བྱེ་བྲག་སོ་སོར་བསལ་བའོ། །དང་པོ་ལུས་ཐམས་ཅད་དྲི་བ་དང༌། འཁྱོམས་པ་དང་འཕྱོ་ཞིང་གཉིད་མེད་པ་དང༌། གཟིར་གཟུག་དང༌། ཆུ་སྔོ་ཞིང་སྦུ་བ་ཆེ། རྩ་དལ་མྱུར་གང་ཡིན་ཡང་སྟོང་ཞིང༌། དགོངས་ཁ་དང་ཐོ་རངས་ན་བ་ནི་རྟགས་ཡིན་ནོ། །གེགས་སེལ་ནི་ལུས་ལ་བསྐུ་བྱུག་བྱ། རྐང་པ་སྐྱིལ་ཀྲུང་ལག་པ་མཉམ་བཞག་བྱ། མིག་ཐུར་ལ་གཏད། དམིགས་པ་ལྟེ་འོག་ཏུ་སའི་དཀྱིལ་འཁོར་རམ། གསེར་གྱི་རྡོ་རྗེ་ཤིན་ཏུ་ལྕི་བ་ཞིག་པ་སྒོམ་ལ་འོག་སྒོ་དྲག་ཏུ་བསྡོམ་ཟུག་གི་དམིགས་ལ་རྡོའམ། གྱོ་དུམ་ཚ་མོས་བདུག །ཟས་དྲོད་བཅུད་བསྟེན་ནོ། །རླུང་གི་ནད་ཕལ་ཆེ་བ་དེས་སེལ་བར་འགྱུར་རོ། །བྱེ་བྲག་ཏུ་སེལ་བ་ལ་རྩ་བའི་རླུང་ལྔ་སྲོག་འཛིན་ལ་ནི།
― LT24_Page_149A ―
[མ་དཔེ་གཟིགས་ན་འདིར་གནོན།]
འཁྲུགས་པ་དང༌། རེངས་པ་དང༌། སྟོད་སྟེ་གནས་འཁྱམས་པ་གསུམ་སྟེ། དང་པོ་ནི་འཁྲུགས་པའི་རྐྱེན་ནི་སྒོམ་པ་དང༌། སློབ་གཉེར་དྲག་པོ་དང༌། མྱ་ངན་དང༌། སེམས་ལས་དྲག་པོས་བྱེད་ལ། ངོ་བོ་ནི་སྲོག་རྩའི་རླུང་འཁྲུགས་པ་ཡིན། རྟགས་ནི་མཆིན་སྲོག་དང་སྒལ་གཞུང་ན། སེམས་མི་བདེ། ཁ་ནས་ཤུགས་རིང་འདོན། སྙིང་འཕར་ཞིང༌། ཕྱི་རོལ་གྱི་སྐད་དང༌། རྡོག་སྒྲ་སྙིང་གི་ནང་དུ་གྲགས་པ་སྙམ་བྱེད། དེ་ལ་བཅོས་པ་ནི། ལུས་ཐམས་ཅད་སྦང་མའམ། མཁན་པའི་ཆུ་དང་མི་བསྐྱོད་པས་བཀྲུས་ལ་བསྐུ་བྱུག་བྱ། དམིགས་པ་ནི། ལུས་སྟོང་སང་ངེ་བལ། ནང་དུ་ཟླ་བའི་འོད་ཤར་བ་ལྟར་དཀར་སོང་ངེ་བར་བསམ། ལུས་སྐྱིལ་ཀྲུང་བཅས་ལ་པུས་མོ་གཉིས་ལ་ལག་པས་འཇུས་ཏེ་ལུས་བསྲང༌། མགྲིན་པར་དགྱེ་བོར་རྒྱབ་ཏུ་འཐེན་ལ་ཁ་ནས་ཧ་ཞེས་དྲག་ལ་རིང་བར་བརྗོད་ལ་རླུང་དབྱུང་ཟི་ཐོམ་བྱུང་བ་དང་བཞག །དེས་གྱེན་དུ་འཚངས་བྱུང་ན། འབེབས་པའི་འཁྲུལ་འཁོར་འགའ་བྱ། རྗེས་ལ་བསྐུ་བྱུག་བྱ། དེ་ལྟར་ཐུན་དུ་བཅད་ལ་བྱ། དུས་གཅིག་ལ་མང་གྲགས་ན་མི་བཟང༌། རིམ་གྱིས་ཇེ་མང་དུ་བྱའོ། །སྲོག་འཛིན་རེངས་པ་ནི། སྲོག་རྩའི་ནང་དུ་ཤིང་བཅུག་པ་འདྲ། རྟགས་གཞན་སྔར་དང་ཕྱོགས་མཐུན། དེ་བསལ་པ་ནི། ལུས་ཙོག་པུར་བྱས་ནས། རླུང་སྣ་ནས་ཧཱུྃ་གིས་དལ་བུས་དབྱུང༌། ཡང་སྐྱིལ་ཀྲུང་བྱས་ཏེ་ས་ལ་བརྡབ། དེ་གཉིས་རེས་མོས་བྱ། དམིགས་པ་ལྟེ་བར་ཐིག་ལེ་དཀར་དམར་འཐབ་པ་ལ་སེམས་གཏད། དེས་སེལ་ལོ། །སྲོག་
― LT24_Page_149B ―
[མ་དཔེ་གཟིགས་ན་འདིར་གནོན།]
རླུང་སྟེངས་ཏོ་གནས་འཁྱམས་ན། རྟགས་སྔ་མ་རྣམས་ཀྱི་ཐོག་ཏུ་ཤེས་པ་དང༌། རླུང་ནང་དུ་བསྡུད་ཅིང་བརྒྱལ་བ་ལྟ་བུ་འབྱུང༌། དེ་ལ་ལུས་སྦྱོངས་དང༌། རླུང་རྩོལ་དྲག་པོ་མི་བྱ་བར་ཀློད་ལ། རིག་པ་རང་སོར་བཞག །སྟེང་དུ་རླུང་སེམས་འགྲོ་བ་སྙམ་བྱེད་ན། འོག་ཏུ་ཤེས་པ་གཏད། བྱིང་བ་སྙམ་བྱེད་ན། མགྲིན་པའམ་དཔྲལ་བར་གཏད། ནང་དུ་འཐུམ་པ་སྙམ་བྱེད་ན་ཁ་སྣ་གཉིས་ཀ་ནས་དབྱུང་ངོ༌། །སྨན་བྱེད་ན། ཨ་ག་རུ་ནག་པོ། གོ་སྙོད། སྙིང་ཞོ་ཤ༌།དྲོད་སྨན་ཧྲིལ་འཇོང་གཉིས་ཀ །རུ་རྟ། སྤོས་དཀར། ཛཱ་ཏི་དེ་རྣམས་གང་འཚོགས་བཏང༌། རླུང་སྟོབས་ཤིན་ཏུ་ཆེ་ན། ཤ་ཆེན་ནམ། ཤིང་ཁུན། སྒོག་སྐྱ་བཏང༌། རླུང་སྐྱེ་བའི་སྤྱོད་ལམ་མི་བྱའོ། །གཉིས་པ་གྱེན་རྒྱུ་ལ་གསུམ་སྟེ། ཐུར་སེལ་ལ་བསྡོངས་ཏེ་སྟོད་དུ་འཚངས་པ་དང༌། འཁྲུགས་པ་དང༌། སྟོར་བའོ། །དང་པོ་ནི། སྒོམ་ཉེས་པ་དང༌། ཉལ་ཉེས་པ་དང༌། ལྷ་སྟངས་སྟེང་དུ་གྲགས་པས་བྱུང་བ་ཡིན། རྟགས་ནི་དང་པོ་ཕོ་བ་ནས་ཡར་ཕུས་བཏབ་པ་བཞིན་འོང་ཞིང༌། མགྲིན་པ་མན་ཆད་རྐྱལ་པ་ཕུས་བཏབ་པའམ། །ཁང་ཆུང་དུད་པས་འཚུབ་པ་བཞིན་འོང་ཞིང་གཟེར། སྐད་མི་ཐོན། འོག་སྒོ་སྡུད་མི་ཤེས། དེ་བཅོས་པ་ནི། ལུས་ཙོག་བུའམ། ཡང་ན་སྐྱིལ་ཀྲུང་བྱ། རང་གི་ལག་པ་གཉིས་ཀྱི་མཁའ་ལ་ལུས་བཏེག་ལ་བརྡབ། རང་གིས་མི་ནུས་ན། སྟན་གྱི་སྟེབས་སུ་བསྡད་ལ། མི་གཉིས་ཀྱིས་སོར་བཞི་ཙམ་བཏེག་ལ་བརྡབ། ལན་གསུམ་བཞི་ཙམ་ནས་ས་ལ་བཞག་ལ་ཚིགས་གཞུང་ཁུ་ཚུར་གྱིས་བརྡུང༌། རླུང་
― LT24_Page_150A ―
[མ་དཔེ་གཟིགས་ན་འདིར་གནོན།]
གི་གནད་ནི། འོག་སྒོ་དྲག་ཏུ་བསྡམ། སྟེང་ཡེ་མི་བཟུང༌། དམིགས་པ་ནི་ལུས་འདེགས་དུས་སུ། རླུང་ཐམས་ཅད་འོག་སྒོ་ནས་ཐོན་ནས་དབང་ཆེན་གསེར་གྱི་ས་གཞི་ལ་ཐིམ་པར་བསྒོམ་མོ། །འཁྲུགས་པ་ནི། རྟགས་གཞན་སྔར་དང་ཕྱོགས་མཐུན་པ་ལས། མི་ནོར་པའི་རྟགས་ནི། སྟོང་དུ་འཚངས་པ་དང༌། ཕུར་བུས་བཏབ་པ་བཞིན་གཟེར་ཡང་འོག་སྒོ་ནི་སྡུད་ཤེས་པའོ། །འདི་བཅོས་པ་ནི། གང་གཟེར་སར་གྲུ་གུའམ། ཕོ་རྡུ་ཁུ་ཚུར་ཙམ་བཅིངས་ལ། གྲོགས་གཅིག་གིས་རོ་སྟོད་སང་གིས་བཏབ་ལ་སྤྲུག །དེ་ནས་དལ་བུས་ས་ལ་བཞག་སྟེ། ཁུ་ཚུར་གྱིས་བརྡུང་བ་དང་བསྐུ་བྱུག་བྱའོ། །དེས་མ་ཕན་ན་སྔར་ལྟར་ཡང་བྱའོ། །འདི་གཉིས་ནི། ནད་རླུང་རྩ་ལ་རེངས་པའི་སྟོད་རེངས་ཀྱང་ཡིན་ནོ། །ཡང་འཁྲུགས་པའི་རིགས་གཅིག་ལ་སྐེ་དང་ལྐོག་མ་སྐྲངས་ཤིང་འགྱུར་མི་ཤེས་པ་དང༌། ཁ་འཐམ་པ་འོང་སྟེ། དེ་ལ་ནི་རླུང་ཁ་སྦྱོར་བྱས་ནས་མགྲིན་པར་དྲག་ཏུ་བཀང་ལ་ལག་པས་མཉེ། གཏོང་ཙ་ན་ཧ་ཞེས་སྣ་ནས་བཏང༌། ཧ་ཡང་སྐབས་སུ་བརྗོད། གཡེར་མ་གོ་སྙོད་ཚྭ་དང་གསུམ་མར་ནག་གམ་མར་གང་རུང་ལ་སྦྱར་ནས་བསྐོལ་ལ་འཇམ་ཙམ་གྱིས་བྱུགས་ལ་འཕུར། སྐབས་སུ་མི་སྐྱོད་པས་བཀྲུའོ། །སྟོང་པ་ནི་རླུང་གི་ནུས་པ་ཟད་པ་ཡིན་ཏེ། སྟོད་རྣམས་མི་བདེ་རླུང་བུས་ཙམ་ཤེད་མེད་པ་ཅིག་འོང༌། མགོ་ཟི་བ་ལ་སོགས་པའི་རླུང་རྟགས་འོང༌། དེ་བཅོས་པ་ནི། བསྐུ་བྱུག་དང་དྲོད་དུགས་བྱ། རླུང་ནང་དུ་བཟུང༌། དབྱུང་བ་བྱ་མི་ཉན།
― LT24_Page_150B ―
[མ་དཔེ་གཟིགས་ན་འདིར་གནོན།]
མདོར་ན་གྱེན་རྒྱུའི་ནུས་པ་སྐྱེ་དགོས་པ་ཡིན། གོང་གི་གཉིས་ནི་གྱེན་རྒྱུ་འཕེལ་བའི་སྐྱོན་ཡིན་པས་གཞི་ལ་དགོས་པ་ཡིན་ནོ། །གསུམ་པ་ཐུར་སེལ་ལ་སྐྱོན་གསུམ་སྟེ། གྱེན་རྒྱུ་དང་འགྲོགས་ཏེ་སྨད་དུ་འཚངས་པ་དང༌། འཁྲུགས་པ་དང་སྟོངས་པའོ། །དང་པོ་ནི། ཐུར་དུ་རླུང་མི་ཐོན་ཏེ། འོག་རྒྱངས་ནས་རྡོ་ལྟར་འགྲོ་ཞིང་གཟེར། རྩ་སྡུད་ཞག་གཅིག་ལུས་ན་སྲོག་གི་བར་ཆད་དུ་འགྲོ་སྟེ། དེ་བསལ་བ་ནི་ལུས་ཙོག་པུར་བྱས་ལ། ལག་པ་གཉིས་དཔུང་པ་ལ་བསྣོལ་མར་འཇུས་ཏེ། རླུང་སྣ་ནས་ཧཱུྃ་ཞེས་དལ་ལ་རིང་བར་བུས་ཏེ་ཕྱིར་བཀག་ལ། ལྟེ་བ། རྒལ་པ་ལ་སྦྱར་ལ་ཡར་ནུས་ཚད་འཐེན་ལ། ཡང་རླུང་རྔུབས་པ་དང་དུས་གཅིག་ཏུ་ལུས་ཀློད། དམིགས་པ་ནི་རླུང་ཐམས་ཅད་སྨིན་མཚམས་སུ་འདུས་པར་བསམས་ཏེ། ལྟ་སྟངས་སྨིན་ཕྲག་ཏུ་གཏད། དེ་ལྟར་མང་དུས་བྱས་པའི་རྗེས་ལ། འཕུར་བ་དང་བསྐུ་བྱུག་བྱ། དེས་སེལ་ལོ། །འཁྲུགས་པ་ནི། གོང་དང་འདྲ་ལ་ཁད་པ་ལ། ཁྱད་པར་ནི་རེས་ན་རེས་བདེ། དྲི་ཆུ་སེར་ལ་སྡོམ། རེས་བཤལ། ཚ་འཁྱུག་བྱེད། དེ་བསལ་བ་ནི། ལྟེ་འོག་ཏུ་འབོ་རྡོ་ཁུ་ཚུར་ཙམ་དུ་བཅིངས་ལ། ཁ་བུབ་ཏུ་ཉལ་ཏེ་རྐང་པའི་རྟིང་པས་འཕོངས་སུ་རྡེག་ཅིང་བརྐྱང་བསྐུམ་རེས་མོས་ཀྱིས་བྱའོ། །ཡང་ན་གྲོགས་གཅིག་གིས་རྐང་པ་གྱེན་དུ་བསྟན་ནས་ཁུར་ཐའམ་སང་གིས་འདེགས་པ་གང་བདེ་བྱས་ལ་སྤྲུག་རྗེས་སུ་རྒལ་ཚིགས་ལ་སོགས་པ་རྣམས་རན་པར་ཁུ་ཚུར་གྱིས་བརྡུང་བ་བསྐུ་བྱུག་བྱའོ། །སྟོངས་པ་ནི། ཐུར་སེལ་གྱི་ནུས་པ་ཉམས་པ་ཡིན་པས། རྩ་རྒྱུད་རྣམས་ནས་ཁོག་སྨད་ལྕི་འོག་རླུང་མི་ཐུབ་པ་ཡིན།
― LT24_Page_151A ―
[མ་དཔེ་གཟིགས་ན་འདིར་གནོན།]
དེ་ནི་ཁ་ཟས་དྲོད་བཅུད་བསྟེན། འོག་སྒོ་འཐེན་འཕུལ་བྱ། བཅུ་དྲུག་མདོར་ཁུ་ཚུལ་ཀྱིས་བརྡུང་སྟེ་དེས་སེལ་བར་འགྱུར་རོ། །དེ་ལྟར་སྟོད་སྨད་གཉིས་ཀ་ལ་རྗེས་ཕན་དཀའ་ན། གང་དམིགས་ཡོད་པར་བེར་ཀ་རྡེག་གོ །ཛཱ་ཏི། རྒྱཾ་ཚྭ། དྲོད་སྨན་ཧྲིལ་འཇོངས། ཤིང་ཁུན། སྒོག་སྐྱ་གང་འཛོམ་རུས་ཁུའམ། ཆང་གིས་ཕུལ་ལ་བཏང་བར་བྱའོ། །འདི་ནི་ཕོ་བའི་མཁྲིས་པ་འཇུ་བྱེད་སྟོངས་པའི་ནད་ཡིན་ནོ། །བཞི་པ་མེ་མཉམ་ལ་ནི་གེགས་གསུམ་སྟེ། གང་བ་དང༌། སྟོང་པ་དང༌། གཟེར་བའོ། །དང་པོ་ནི་ཕོ་བའི་རླུང་གིས་སྟོང་སྦོས་བྱས་ཏེ། མི་བདེ་ཞིང༌། འགྲངས་པ་དང༌། ལྟོགས་དུས་མི་བདེ་བ་ཡིན། དེ་ལ་རླུང་ཁ་ནས་ཕོ་བར་མིང་པ་བཞིན་བྱས་ཏེ་བཅུག་ལ་ལག་མཐིལ་གྱིས་མཉེ། དེ་ནས་སྦྲེག་པ་བཏོན་པས་ཆོག་གོ །སྨན་བྱེད་ན། སེ་འབྲུ། སུག་སྨེལ། ལི་ཤི། པི་པི་ལིང༌། ཙི་ཏྲ་ག །རྒྱམ་ཚྭ་གང་འཛོམ་ཆུ་བསྐོལ་གྱིས་ཕུལ་ལ་བཏང་ངོ༌། །འདི་ནི་ཕོ་བའི་བད་ཀན་མྱགས་བྱེད་དང་གཉིས་བསྡོངས་པ་ཡིན་པས་རླུང་ཁ་ནས་ཧ་ཞེས་བཏོན་ནས། རྗེས་སུ་བེར་ཀ་ཁྲུ་གང་ཙམ་གྱིས་རྩེ་མོ་ཕོ་ཁར་གཏད་དེ་བསྐོར་བ་དང༌། ཡང་ན་ལག་པའི་ཁུ་ཚུར་ཕོ་ཁར་གཏད་ལ། མགོ་བོ་ཐུར་དུ་བསྟན་ནས་བྱ། སྐྱུག་བ་བྱུང་ན་བདེ་བར་འགྱུར་རོ། །སྟོང་པ་ལ་རིགས་གཉིས་ཡོད་དེ། གྲང་བས་སྟོངས་པ་དང༌། ཚད་པས་སྟོངས་པའོ། །དེ་ལ་གྲང་བས་སྟོངས་པ་ནི། ཕོ་བར་འུར་སྒྲ་སྒྲོག་ཅིང༌། སྒྲ་བཅས་སུ་སྦྱོང༌། བེ་སྣབས་དང་ཟས་མདོག་འཁྲུ་བ་ཡིན། དེ་
― LT24_Page_151B ―
[མ་དཔེ་གཟིགས་ན་འདིར་གནོན།]
ལ་ནི་གོང་གི་སྨན་ནམ། ཡང་ན་ཚ་བ་གསུམ་པོ་གང་རྙེད་བཏང་ཞིང༌། སྐེང་སྐོར་མང་དུ་བྱས་པས་སེལ་ལོ། །ཆ་བས་སྟོངས་པ་ནི། ཁྲག་གམ་སེར་པོའམ། ཆུ་འཁྲུ་ཡང་དྲོད་ཆེན་པོ་ཚ་ཤ་ར་ར་སྦྱོང་པ་ཡིན། དེ་ལ་ནི་ཁ་ནས་རླུང་སྒྲ་བཅས་སུ་ཕོ་བར་བཅུག་ལ། ཕོ་བར་འཕུར་བསུབ་བྱ། འོག་སྒོ་མཐེམ་འཕུལ་བྱ། དེས་ཀྱང་མ་ཕན་ན། ཆུ་གྲང་ངམ། མི་བསྐྱོད་པ་གྲང་མོ་བཏུང་ལ་ལུས་སྦྱོངས་བྱ། རྒྱམ་ཚྭ། ཁ་རུ་ཚྭ། སྙ་ལོ། བཙོང༌། ཨ་རུ་ར། བྲག་ཞུན་གང་རྙེད་ཐད་དུ་བྱས་ལ་བཏུང་ངོ༌། །འདི་ནི་འཕོ་བའི་མཁྲིས་པ་འཇུ་བྱེད་དང་བསྡོངས་པའི་ནད་ཡིན་ནོ། །ཚ་གྲང་གཉིས་ཀའི་རྗེས་སུ་འབྲས་ཐུག་གམ་ཐ་རམས་སམ། རམ་བུའི་ཐུག་པས་སྦྱོངས་བཅད་དོ། །ཡང་ན་ད་ཏྲིག་གི་ཐང་བཏང་ངོ༌། །སྔ་མ་རྣམས་ཀྱིས་འཁྲུ་བ་ཆད་ན་དེ་ཚོ་བཏང་མི་དགོས་སོ། །གཟེར་བ་ནི། ཕོ་བའི་དཀྱིལ་དུ་གཟེར་བ་ཡིན་ཏེ། དེ་ལ་རླུང་གིས་ཕོ་བ་བཀང་ལ། ལག་པ་གཉིས་སྤྱི་བོར་བཏེག་ཅིང་ཕོ་བར་བརྡེག །ཡང་ན་མཉེ་ཞིང་ཁུ་ཚུར་གྱིས་བརྡུང༌། འདི་ལ་ཡང་ནང་དུ་ཚ་ལམ་ལམ་བྱེད་ན་ཚད་པ་ཡིན། གྲང་ལྷང་ལྷང་བྱེད་ན་གྲང་བ་ཡིན་པས། རླུང་འཛིན་ལུགས་དང་སྨན་ནི་སྔ་མ་དང་འདྲའོ། །གསུམ་ཀ་ལ་ལྟོ་བ་གྱང་ངམ་ཤིང་ངམ། རྡོ་ལྟ་བུ་ལ་བཀལ་ལ་རྐང་ལག་རེ་མོས་ཀྱི་གཡབ་ཅིང་ཧ་ཞེས་རླུང་ཁ་ནས་བཏོན་པས་ཀྱང་ཕན། གཟེར་བ་འདི་སྲིན་ལ་ཡང་ལོང་བས་སྲིན་ནད་ལ་ནི། ཨ་རུ་ར། ཟིལ་ཚྭ། རྒྱམ་ཚྭ། པི་པི་ལིང་ཆུ་བསྐོལ་གྱིས་ཕུལ་ལ་བཏང་བས་ཕན། དེས་ཀྱང་མི་ཕན་པའི་ཐུབ་ལ། ཐང་ཁྲོམ་གྱི་འབྲས་བུ་བསྣན། ཅིས་
― LT24_Page_152A ―
[མ་དཔེ་གཟིགས་ན་འདིར་གནོན།]
ཀྱང་མ་ཕན་ནམ། སྨན་མ་རྙེད་ན། སྲིན་འགྲིལ་སར་བེར་ཀ་བརྡེག་ཅིང༌། ཚྭ་ཆུ་བླུད་པས་ཕན་ནོ། །ད་ནི་ཞར་ལ་མ་ཞུ་པ་འཆོས་ན། མ་ཞུ་བ་གསང་པ་ལ་ནི། རླུང་ཁ་ནས་ཕོ་བར་བཅུག་ཅིང་ལུས་ཙོག་བུ་བསྡད་ལ། འོག་སྒོ་འཐེན་འཕུལ་བྱ་ཞིང༌། འཁྲུལ་འཁོར་གྱིས་དཀྲུགས་པས་སྦྱོངས་པར་འགྱུར་རོ། །ཡང་ཁ་ནས་སྒྲོའམ། མཛུབ་མོ་བཅུག་སྟེ་རླུང་ཁ་ནས་གྱེན་དུ་དྲངས་ལ་སྐྱུག་གོ །སྨན་གྱིས་བཅོས་ན། མར་དང་ཞོ་དར་དང་འོ་མ་རྣམས་མ་ཞུ་བ་ལ། ཆུ་ཁུར་བསྐོར་ལ་བཏུང༌། ཤ་མ་ཞུ་ན་སོགས་པའི་ཁྲུང་ཁྲུང་བསྐོལ་ལ་བཏུང༌། ཆང་མ་ཞུ་ན་སོག་ཚིགས་བསྐོལ་ལ་བཏུང༌། ཙམ་པ་མ་ཞུ་ན་བུལ་ཏོག་བསྐོལ་ལ་བཏུང༌། ཆུ་དང་སྨན་མ་ཞུ་ན་རྒྱམ་ཚ་བསྐོལ་ལ་བཏུང༌། མ་ཞུ་བ་རྙིང་པ་འགྲིལ་བ་དང༌། སྐྲན་ལ་ཕོ་བར་རླུང་བཅུག་སྟེ་ལག་པའི་སོར་མོས་ཡུན་རིང་དུ་མཉེས་ལ། རྗེས་སུ་ཨ་རུ་ར་དང་རྒྱམ་ཚའི་ཐང་རེས་མོས་ཀྱིས་བཏང༌། དེས་བདེ་བར་འགྱུར་རོ། །ལྔ་པ་ཁྱབ་བྱེད་ལ་གེགས་གསུམ་སྟེ། རེངས་པ་དང་འཁྲུགས་པ་དང་སྟོང་པའོ། །དང་པོ་ནི། དྲག་ཤུལ་དང་རླུང་གིས་རྐྱེན་གྱིས་རྐང་ལག་རྣམས་གློ་བུར་དུ་རེངས་ཤིང་འཁུམ་བར་འགྱུར་ཏེ། དེ་ལ་མར་རྙིང་པའམ་ཞུན་གྱིས་ལེགས་པར་བྱུག་ལ། རླུང་གིས་ལུས་ཐམས་ཅད་དལ་བུས་བཀང་ལ། ཕུར་ཞིང་ཁ་སྣ་གཉིས་ནས་ཧཱུྃ་དང་ཧེ་ཡིས་དབྱུང༌། དྲོད་སྨན་ཅི་རིགས་བཏང༌། དེས་འཚོའོ། །གཉིས་པ་འཁྲུགས་པ་ནི། ལུས་ཀྱི་ཡན་ལག་གི་རྩ་རྒྱུས་རྣམས་ན་ཞིང༌། ཁབ་གྱིས་གཙགས་པ་འདྲ་བ་འབྱུང་སྟེ། དེ་ལ་བསྐུ་བྱུག་བྱ་ཞིང༌། ཟས་བཅུད་
― LT24_Page_152B ―
[མ་དཔེ་གཟིགས་ན་འདིར་གནོན།]
ཅན་བསྟེན། མི་བསྐྱོད་པས་བཀྲུ། རླུང་ཁ་སྦྱོར་རན་པར་བཟུང་ངོ༌། །འཁྲུལ་འཁོར་མི་ཆེན་ལུགས་བྱ། ཡང་འཁྲུགས་པ་རིགས་གཅིག་པགས་པ་ཐམས་ཅད་རྩེ་ཞིང་ཆུ་བུར་ཐུག་ཐུག་པ་འབྱུང༌། དེ་ལ་མི་བསྐྱོད་པའམ། མཁན་པའི་ཆུས་བཀྲུ། ཆུ་གྲང་མོའམ་མི་བསྐྱོད་པ་ལ་སྤངས་པའི་རས་ཀྱིས་བཀྲིས་ལ། རླུང་ཁ་སྦྱོར་ནུས་ཚད་དུ་བསྡོམ་དེས་བདེ་བར་འགྱུར་རོ། །གསུམ་པ་སྟོངས་པ་ནི་ཡན་ལག་གི་ཤེད་ཤོར་ནས་སྒུལ་སྐྱོད་དཀའ་བ་དང༌། ཚིགས་རྣམས་ལྷོད་ཅིང་མི་ཐེག་པ་ཡིན། དེ་ལ་རླུང་བཟུང་ནས་ཕུར་བསྲུབ་ལེགས་པར་བྱ་ཞིང༌། །ཁོང་དུ་དབང་པོ་ལག་པ་ལ་སོགས་པའི་རྩ་བ་ལྔ། སྦྲང་རྩིའམ་མར་དཀར་དང་སྦྱར་ལ་ཟ། རླུང་བཟུང་ནས་རྩེད་མོ་དང་མཆོངས་རྒྱུག་བྱ། དེས་སྐྱོན་ལས་གྲོལ་ལོ། །ད་ནི་གཉིས་པ་ཡན་ལག་གི་རླུང་རྣམ་པ་ལྔ་ལས། མིག་དུ་རྒྱུ་བ་རེངས་ན། ཚ་གྲང་གཉིས་ལས། གྲང་བ་ལ་རླུང་དང་བད་ཀན་གཉིས་ཏེ། དང་པོ་ནི་རླུང་བསྒོམས་པས་མིག་འབུར་བ་དང་མི་གསལ་བར་གྱུར་ན། རས་ལ་མི་བསྐྱོད་པ་གྲང་མོ་བཏབ་ལ་མིག་དཀྲིས་ཏེ་ལྟག་ཁུང་དུ་མདུད་ལ་ཕྱི་གན་དུ་ཉལ་ལ། རྐང་ལག་དྲག་ཏུ་བརྐྱངས་ལ་གཅུད་ཅིང་བརྐྱང་བསྐུམ་བྱ། རྐང་པའི་རྟིང་པ་དང་ལྟག་ཁུང་རུ་བསྐུ་བྱུག་བྱ་ཞིང༌། དམིགས་པ་ནི་ལྟག་ཁུང་དུ་ཐིག་ལེ་དཀར་པོའམ། སེར་པོ་ལ་དམིགས་པ་གཏད། མིག་ཏུ་རླུང་རེངས་ནས་ཧ་རེ་ལོང་བ་ལྟ་བུར་གྱུར་ན། སྲིན་ལག་གི་ལག་པའི་མཐིལ་དུ་དྲུད་ལ་མིག་ཏུ་བླན། ལག་པའི་མཐིལ་གྱིས་དལ་བུས་ཕུར་ཞིང་ཟས་དྲོད་བཅུད་བསྟན་ནོ། །ཟས་ཟ་དུས་མིག་ལ་རླངས་པས་བདུག །མིག་གི་
― LT24_Page_153A ―
[མ་དཔེ་གཟིགས་ན་འདིར་གནོན།]
འཁྲུལ་འཁོར་བྱ། བད་ཀན་གྱི་མིག་སྐྱ་རིབ་ཏུ་གྱུར་ན། སྔ་དྲོ་ཁ་མ་བཤལ་བའི་སོ་ལ་སེན་མོས་དྲུང་ལ་མིག་ལ་བླན། རྟག་ཏུ་དུ་སྦྲང་དང་སྦྱར་ལ་བཟའ། ཡང་ན་ཨ་བ། གུར་གུམ། མདུང་རྩེ། གོ་སྙོད། དོམ་མཁྲིས། ལྕགས་སྤྲུལ་ཨ་རུའི་སྐྱོ་མ་ལྕགས་སྡེར་ལ་བྱུག་པ་རྣམས་སྦྲང་དང་སྦྱར་ལ་ལྟོ་སྟོང་ལ་ཐུན་རེ་བཟའ། བད་ཀན་ལ་གནོད་པའི་ཟས་མི་ཟའོ། །ཚད་པའི་རྐྱེན་ལས་བྱུང་བའི་མིག་ནད་ནི། ཁྲག་དང་མཁྲིས་པ་གཉིས་ལས། ཁྲག་གི་ནད་ཀྱིས་མིག་ཚག་པ་དང༌། ཤ་འཛེར་ཕྱུང་པ་དང༌། མཁྲིས་པས་མིག་དྲོད་ཆེ་ཞིང་སེར་བ་ཡོང༌། དེ་དག་ཐམས་ཅད་ལ་མི་བསྐྱོད་པྲ་གྲང་མོ་བྱས་ལ་མིག་ལ་བྱུག །དེས་ཀྱང་མ་ཕན་ན། ལྟག་ཁུང་གི་མིག་རྩ་ལ་དབྱུག་པ་རྒྱབ་ལ་ཁྲག་དབྱུང༌། མིག་གནད་ས་ལ་ཡང་མི་བསྐྱོད་པ་གྲང་མོ་བཏབ་ཅིང་ཁྲག་སྐྱེས་ན་གོང་ལྟར་བྱའོ། །ལིང་ཐོག་དང་ཤ་འཛེར་བྱུང་ན། ལིང་ཐོག་གི་དཀྱིལ་ན་ཕར་རླུང་ཐོན་པར་བསམ་ལ་དམིགས་པ་གཏད། ཨོཾ་ཐེབ་ལོང༌། ནེབ་ལོང༌། ཚ་ཏེ་ལོང༌། སུརྻ་ཙནྡྲ་འདི་ལོང་ཅིག་ཅེས་བཟླས་ལ་ལྟག་ཁུང་ནས་གདབ། ཕུག་རོན་གྱི་དོང་སྒྲོ་ལ་སྔགས་ལ། ལིང་ཐོག་བླངས། གོང་གི་སྨན་ཡང་བྱུག །ཤིན་ཏུ་བཅད་དཀའ་ན། མི་རུས་ཙ་ཅན། རྒྱ་ཚྭ། དུང་བསྲེགས་པའི་ཕྱེ་མ་བཏབ། རྗེས་སུ་གུར་གུམ་བྱུག་གོ །རྣ་བ་རུ་རྒྱུ་བ་རེངས་ན། ནད་རིགས་མང་ཡང་ཚད་པས་འགྲམ་པ་དང་རླུང་གཉིས་ལས་དང་པོ་ནི། རྣ་བ་ནས་ཁྲག་དང་ཆུ་སེར་དང་རྣག་འབབ་པ་དང་དྲོད་ཆེ་བའོ། །དེ་རྣམས་ལ་ཐོག་མར་སེང་གེ་རྣམ་གྲོལ་གྱི་ཕྱག་
― LT24_Page_153B ―
[མ་དཔེ་གཟིགས་ན་འདིར་གནོན།]
རྒྱ་ཅུང་ཟད་བྱ་སྤྲུགས་ལ། དེའི་འོག་ཏུ་རླུང་དབྱུང་བ་བྱས་ཏེ། རྣ་བ་རུ་རླུང་དང་རིག་པ་གཏད་པས་དེས་རྣག་ལ་སོགས་པ་ཐོན་ནོ། །རྣག་ཁྲག་སྐམས་ནས་འོན་ན་རྣ་བའི་གཏིང་དུ་སྔོ་བ་དང་དམར་བ་འབྱུང༌། དེ་ལ་རྒྱ་ཚྭ་དང༌། ཁུག་ཆོས་ཀྱི་འབྲས་བུ། རུ་རྟ་གསུམ་མི་བསྐྱོད་པ་དང་སྦྱར་ལ་རྣ་བར་བླུག་ཅིང་དལ་བུས་ཕྱེ་མ། རྗེས་སུ་མ་འགྲམ་པར་བྱའོ། །རླུང་གིས་འོན་པ་ལ། གཏུམ་མོའི་མེ་ལ་དམིགས་པ་གཏད་ཅིང་རྣ་བའི་མདུན་དུ་སྣུམ་བྱུགས་ལ་མཉེའོ། །རྣ་བ་རུ་རླུང་དང་རོལ་མོའི་སྒྲ་བྱུང་ཞིང་འོན་ན། མགོ་རུས་རྙིང་པ་བསྐོལ་བའི་ཆང་དུ། ཤིང་ཁུན། དབང་པོ་ལག་པ། རུ་རྟ། ཁ་རུ་ཚྭ། སེ་འབྲུ། སུག་སྨེལ། པི་པི་ལིང༌། མཁལ་མ་ཞོ་ཤ་རྣམས་ཕྱེ་མ་ཞིབ་ཏུ་བྱས་ལ་བཏབ་སྟེ་བསྐོལ་བའི་རླངས་པ་ལ་རྣ་བ་བདུག་ཅིང་རླང་པ་ཡལ་བ་དང༌། ཁུ་བ་ཕོར་ཆུང་རེ་བཏུང་དེས་རླུང་འོན་ལ་ཕན་ནོ། །སྣར་རྒྱུ་བ་རེངས་ན་དབུགས་དབྱུང་རྔུབ་དཀའ་ཞིང་དུ་བ་འཚུབ་པ་ལྟར་འགྱུར། ཧེའི་སྒྲས་རླུང་མང་དུ་དབྱུང་རྔུབ་བྱ། ཆུ་སེར་རམ་ཐོར་བུ་ལྟ་བུས་འགགས་ན། རུ་རྟ་དང༌། བཅའ་སྒ་མི་བསྐྱོད་པ་དང་སྦྱར་ལ་སྣར་རྔུབས་ཏེ་མཉེས་ལ། དྲག་ཏུ་བུས་རྗེས་སུ་མི་བསྐྱོད་པས་ཀྱང་བཀྲུ། སྣ་ཁྲག་ཤོར་ན། ལུས་སྐྱིལ་ཀྲུང་བྱས་ལ། ལག་པ་རྒྱབ་གཞུང་དུ་ཁུ་ཚུར་མི་དྲག་ཙམ་གྱིས་བརྡུང་ཞིང༌། སྤྲུག་པ་དང་རྡུང་བ་རེ་མོས་བྱའོ། །ཤིན་ཏུ་ཆོད་དཀའ་བ་ལ། སྐྲ་བསྲེགས་པ་དང༌། དེ་ཉིད་སྐམ་པའི་ཕྱེ་མ་སྣར་རྔུབ་ཅིང༌། སྨིན་མཚམས་དང་ཚིགས་པ་དྲུག་བདུན་གྱི་གཡས་གཡོན་དུ་བེར་ཀ་བརྡེག །རྡོ་གྲང་མོ་བླན་ནོ། །
― LT24_Page_154A ―
[མ་དཔེ་གཟིགས་ན་འདིར་གནོན།]
རླུང་གི་རྐྱེན་གྱིས་སྣ་ཁྲག་འོང་བ་ཡང་ཡོད་པས། རྐང་མཐིལ་དུ་སྒོག་པ་བྱུག་གོ །ལྕེ་ལ་རྒྱུ་བ་རེངས་ན་སྨྲ་བ་དཀའ་བ་དང༌། ལྕེ་དང་མཆུ་རྣམས་སུ་ཐོར་པ་འོང་བ་དང༌། སོ་ན་བ་འོང༌། དང་པོ་ལ་རླུང་མགྲིན་པར་བཟུང་ལ་ལག་མཐིལ་གྱིས་འཕུར་ཞིང༌། ལྕེའི་རྩ་བར་ཡཾ་རཾ་ལས་མེ་འབར་ཏེ། ངག་གི་སྐྱོན་ཐམས་ཅད་བསྲེགས་པར་བསྒོམ། ཐོར་པ་དང་ཁྲག་གིས་མི་བདེ་བ་ལ། ཨ་རུ་ར། མཚུར་ནག །ཞུ་མཁན་གོང་འཛམ་མི་བསྐྱོད་པ་ལ་སྦྱར་ཏེ་ཁར་བཟུང༌། ཡུན་རིང་དུ་སོང་བ་དང་ཕྱིར་ཕོ་ལ་འཇིབས་ནས་ཆུས་བཤལ་ལོ། །ཁྱད་པར་དུ་གགས་པ་ལྟ་བུ་ལ། རྒྱ་ཚྭ། ལི་ཤི། མེ་ཏོག་གསུམ་པའམ། དེ་མ་རྙེད་ན་ལྕེ་ཚ་བའམ། སྲུབ་ཀ་དང་སྦྱར་ལ་གདབ་པོ། །རླུང་གི་སོ་ན་བ་ལ་ནི་མི་བསྐྱོད་པ་དྲོན་མོའམ། མར་ཁུ་དྲོན་མོ་ཁར་བཟུང་བའམ། ཡང་ན་ཕྱིང་པ་སྣུམ་ཚོས་དྲོན་མོས་མནན་ནོ། །རླུང་སྲིན་ལ་མཁན་པ་དང་ཁྱིའི་སྤུ་མར་དུ་བཙོས་ལ་མནན་ནོ། །མི་མ་ཡིན་པའི་རྐྱེན་གྱིས་ངག་མནན་པར་གྱུར་ན། རང་ཡི་དམ་རྡོ་རྗེ་རྩེ་ལྔ་པའམ། རལ་གྲིར་བསྒོམས་ལ་སྔགས་ཀྱི་འོད་མེ་ལྟ་བུས་གནོད་བྱེད་བསྲེགས་པར་བསམ་སྟེ། ཨོཾ་ཨཱཿཧཱུྃ། བདག་གི་དག་ལ་རཀྵ་རཀྵ་ཀུ་རུ་སྭཱ་ཧཱ། ཞེས་བཟླས་སོ། །རྫས་ནི། ཤུ་དག །ག་བུར། གླ་རྩི། མཁན་པ་ཨ་ཀྲོང༌། ཕུར་མོ་མངར་གསུམ་དང་སྦྱར་ནས་རི་ལུ་བྱས་ཏེ། ཁར་མུར་ཆུས་བཤལ་ལོ། །པགས་པ་ལ་རྒྱུ་བ་རེངས་ན། ཟ་འཕྲུག་ལ་སོགས་པ་པགས་པའི་ནད་དུ་འགྱུར་ཏེ། དེ་བཅོས་པ་ནི། མི་བསྐྱོད་པ་དྲོན་མོས་ཁྲུས་བྱ་
― LT24_Page_154B ―
[མ་དཔེ་གཟིགས་ན་འདིར་གནོན།]
ཞིང༌། དེས་མ་ཕན་ན་ཚྭ་དང་གཡེར་མ། ཆུར་རྩའི་རྩ་བ་དུད་པ་མ་ཤོར་བར་བསྲེགས་པའི་ཐལ་བ་རྣམས་ཞིབ་ཏུ་བརྡུངས་ལ། མར་ནག་གམ། མར་གྱི་ནང་དུ་བཏབ་ལ་བསྐུས་ཤིང་ཉི་མས་བསྲེག །ཤུ་བ་རུ་གྱུར་ན་བདུད་རྩིའི་ཕྱེ་མ་མར་ཁུར་བཏབ་ལ། བདུད་རྩི་ཆེན་པོའི་མར་ཁུའམ། ཡང་ན་དུར་བྱིད་དང་ཆུར་རྩ་ཐར་ནུ་གང་འཛོམ་བསྲེགས་པའི་ཐལ་པ་མར་དང་སྦྱར་ལ་བསྐུའོ། །པགས་པའི་བར་དུ་ཆུ་སེར་གྱིས་གང་ནས་སྐྲངས་ན། ཐོག་མར་རླུང་ཧཱུྃ་གིས་དབྱུང་བ་མང་དུ་བྱས་ལ། ཕྱིར་བུས་ཏེ་སེང་གེ་རྣམ་གྲོལ་གྱི་ཕྱག་རྒྱ་བཅས་ལ་དྲག་ཏུ་སྤྲུག་གོ །སྨན་ནི་སོ་མ་རཱ་ཛ་བའམ་མཛོ་མོའི་དར་བ་གསར་པའམ། མི་བསྐྱོད་པས་ཕུལ་ཏེ་ཟའོ། །འདིས་ནི་ཤ་ལྤགས་ཀྱི་མཛེ་ནད་ཀྱང་སེལ་ལོ། །རྨ་རྙིང་དང༌། འབྲས་དང༌། ཕོལ་མིག་དང༌། སེར་ཀ་འཚོར་མེད་པ་རྣམས་ལ་ནི། རླུང་བཟུང་ནས་དམིགས་པ་དེར་གཏད་ནས་དྲག་ཏུ་བཅུད་དེ་བྱང་སེམས་དཀར་དམར་ཆུའི་ནང་དུ་འཐབ་པ་ལ་སེམས་གཏད། དྲི་ཆེན། སྦྱང་བྲུན། ཁྱི་ལུད་དཀར་པོ། པ་ཡག་དང༌། ལུག་ཐུག་གི་རྭ་གཞོབ། མི་དང་ཕག་པའི་ཚིལ་རྣམས་འབྲུ་མར་དང་སྦྱར་ལ་བསྐུའོ། །དེས་ངེས་པར་འཚོ་བར་འགྱུར་རོ། །འབྲས་དང་མེ་དཔལ་མཛེར་པ་ནག་པོའི་རིགས་ཤ་དང་རུས་པ་ལ་ཟིན་ཅིང་ཉུང་མ་འཁྱམས་པ་ལྟ་བུར་གྱུར་པ་རྣམས་ལ། ཐར་ནུ། རེ་ལྕག །སྤྱང་ཆོར་གསུམ་གྱི་རྩ་བ་དྲི་ཆེན་དྲི་ཆུ་ཚྭ་དུད་པ་རྣམས་སྦྱར་ལ་རྨ་ལ་བསྐུ་ཞིང༌། སྡང་མའི་ལུ་མས་སུ་བཅུག་ལ། རྗེས་ཐམས་ཅད་ཆོད་ནས་ཤིན་ཏུ་ཚ་བར་གྱུར་པ་དང༌། ཚོད་བཟུང་ནས་གོང་
― LT24_Page_155A ―
[མ་དཔེ་གཟིགས་ན་འདིར་གནོན།]
གི་སྨན་གྱིས་བསྐུས་ན་འཚོ་བར་འགྱུར་རོ། །འབྲུམ་ནག་ལ་སོགས་པ་འབྲུམ་པའི་ནད་ལ། བྱ་རྐང་གཟུགས་པའི་འཁྲུལ་འཁོར་བཅས་ལ། རླུང་ཁ་སྦྱོར་དུ་བཟུང་ལ། མནན་ཟིན་ནས་འགྱེལ་འགྱེལ་དུ་གཅུད་ཅིང་རྗེས་སུ་མི་བསྐྱོད་པ་ལ་སྲན་ཆུང་བཏབ་ལ། ཐོད་པའི་ནང་དུ་བཏགས་པ་བཏུང་ངོ༌། །དེ་དག་ནི་ཡན་ལག་དྲུག་གི་གེགས་སེལ་འཕྲོས་དང་བཅས་པའོ། །སྒ་སྐྱ། དྲོད་སྨན་འཇོང་མོ། བུར་དཀར་དང་གསུམ་བསྐོལ་ལ། ཇ་སུན་ཙམ་རེ། ཉིན་གཅིག་ཐེངས་གཉིས་འཐུངས་ན། འབུ་རྣོན་ལ་ཕན་ནོ། །ཐིག་ལེའི་གེགས་སེལ་བསྟན་པ་ནི། རྒྱུ་རྐྱེན་ངོས་ཟིན་པར་བྱ་སྟེ། དང་པོ་ཉོན་མོངས་པའི་བག་ཆགས་ཀྱིས་འཛག་པ་ནི། གཉེན་པོ་ཐེག་པ་ཐུན་མོངས་ཀྱི་ཐབས། མི་སྡུག་པ་བསྒོམ་པ་རིག་པ་ཀུན་རྟགས་སམ། ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་བསྒོམས་པའི་ཤེས་རབ་ཀྱིས་སོ་སོར་བརྟགས་ནས། སྒྱུ་མ་ལྟ་བུའི་སྟོང་པ་ཉིད་བསྒོམ་པ་སྟེ། གསུམ་པོ་འདི་གང་ཟག་གིས་བློ་རིགས་དང་སྦྱར་ནས་བསྒོམ་པ་གལ་ཆེ། གཉིས་པ་ཐིག་ལེ་གདོན་གྱིས་འཛག་པ་ནི། རྨི་ལམ་ན། རྟ་དང༌། ཁྱི་དང༌། བུད་མེད་ལ་སོགས་པ་རྨི་ཞིང༌། མི་འདོད་བཞིན་དུ་འཛག་པར་འགྱུར་རོ། །དེའི་གཉེན་པོ་ནི་སྤྱིར་ཡི་དམ་བསྒོམ་བཟླས་བྱ་བའམ། བྱེ་བྲག་ཏུ་གཏུམ་མོ་བསྒོམས་པ་ལྟ་བུ་ཡིན་ན། ཕག་མོ་མི་བསྒོམ་ན། བདག་ཉིད་ཡི་དམ་གང་ཡིན་པ་གནས་གྱུར་པ་ལས། པད་མ་ཉི་ཟླའི་སྟེང་དུ་བྱང་ཆུབ་སེམས་དཔའ་ཧ་ནུ་མནྡ། སྐུ་མདོག་དམར་སྨུག །ཞལ་གཅིག་ཕྱག་གཉིས་
― LT24_Page_155B ―
[མ་དཔེ་གཟིགས་ན་འདིར་གནོན།]
པ། གཡས་ན་རི་རབ། གཡོན་ན་ལྗོན་ཤིང་བསྣམས་པ། སྤྱན་བགྲང་ཅིང་མཆེ་བ་གཙིགས་པ། ལྗགས་རྡོ་རྗེའི་རྣམ་པ་མེ་འབར་བ། རྒྱན་མེད་ཅིང་ལུས་ལ་ཡེ་ཤེས་ཀྱི་མེ་རབ་ཏུ་འབར་བ། དེའི་གསང་བ་རྡོ་རྗེ་རྩེ་ལྔ་པ་མེ་རབ་ཏུ་འབར་བས་གནོད་བྱེད་བསྲེགས་པར་བསྒོམས་ལ། ཨོཾ་སིདྷ་བན་ཏ་ར་མུ་ཁ། ཨོཾ་བྷེ་ཏེ་བྷེ་ཏེ། མ་བྷེ་ཏེ་མ་བྷེ་ཏེ། མ་བྷི་ཤ་མ་ས་མ་ས་ཧཱུྃ་ཕཊ། ཅེས་ཅི་ནུས་བཟླས་ཤིང༌། དེའི་རྗེས་ལ། ཨོཾ་ན་ཤུ་ཀྲ་དྷ་ར་ནི་བྷ་དྷ་མི་སི་ཧ་ཧི་སྭཱ་ཧཱ། ཞེས་བརྒྱ་རྩ་བརྒྱད་རེ་བཟླས་སོ། །རྫས་ཀྱི་བསྲུང་བ་བྱེད་ན། པདྨ་རཀྟ་གཙང་མ་དང༌། སམ་སར་ཟེར་བའང་འདུག །བྱིན་བརླབས་ཅན་གྱི་དྲི་ཆུ་དང༌། ཡུངས་ཀར་བསྲེགས་པའི་ཐལ་བ་དང༌། གུ་གུལ་དང་དེ་རྣམས་ཞིབ་ཏུ་བཏགས་ཏེ་རིལ་བུ་ཡུངས་ཀར་ཙམ་བྱས་ལ་གོང་གི་ཤུ་ཀྲའི་སྔགས་བརྒྱའམ། སྟོང་ངམ་ཁྲིའམ། འབུམ་ཚུན་ཆོད་བཟླས་ཏེ། རིལ་བུ་མི་བསྐྱོད་པ་ལ་སྦྱར་དབང་པོའི་སྒོ་རྣམས་སུ་བྱུག་པའམ། ཡང་ན་རིལ་བུ་རེ་མིད་ནས་ཡི་གེ་ཧྲཱིཿམེ་འབར་བ་གཅིག་ཏུ་གྱུར་བར་བསྒོམས་ནའང་ཞག་མང་དུ་བསྲུང་ངོ༌། །ཡང་གཞོན་ནུ་མས་བ་སྐལ་བའི་སྐུད་པ་དཀར་པོའམ་ནག་པོ་ལ་གོང་གི་སྔགས་བཟླས་ནས་སྐེད་པ་ལ་བཅིངས་ན་ཡང་སྲུང་བར་འགྱུར་རོ། །ནད་གཞི་གྲང་བ་དང་འགྲམ་སྐྱོན་གཉིས་ལས་འབྱུང་བ་ཡོད་དེ། གྲང་པ་ལ་ནི་སེ་འབྲུ། སུག་སྨེལ། པི་པི་ལིང༌། རྒྱ་ཚྭ། རྒྱམ་ཚྭ། ཁ་རུ་ཚྭ། མཁལ་མ་ཞོ་ཤ །སྡིག་སྲིན། བྱེ་མ། སྔོ་བྲེ་ཁ་བ། དེ་རྣམས་གང་འཛོམས་སྦྲང་རྩིའམ་བུ་དཀར་ལ་སྦྱར་བའི་རིལ་བུའམ། ཡང་ན་རུས་
― LT24_Page_156A ―
[མ་དཔེ་གཟིགས་ན་འདིར་གནོན།]
ཁུས་ཕུལ་ལ་བཏང༌། གཅན་གཟན་ལ་སོགས་པའི་པགས་པ་དྲོན་མོས་མཁལ་ཁུང་དང༌། སྐེད་པ་ལ་བཅིངས་པའམ། ཡང་ན་གདན་དྲོ་བར་བྱ། ཁ་ཟས་བཅུད་ཅན་བཏང༌། དེས་ཀྱང་མ་ཕན་ན། གྲུ་མོས་སླེབ་པའི་མཁལ་ཁུང་ཐད་ཀའི་ཚིགས་པ་བཅུ་བཞི་པའི་གཡས་གཡོན་དུ་མཚོན་རེ་གཞལ་བའི་སར་བྱུག་ཆོས་བྱ་བའམ། ཡང་ན་མེ་བཙའ་བྱ། དེས་ངེས་པར་སེལ་བར་འགྱུར་རོ། །བརྡབས་པ་ལ་སོགས་པའི་འགྲམ་པ་ལ་ཨ་རུ་ར། བྲག་ཞུན། བྲེ་ག་བ་དེ་རྣམས་སྦྲང་རྩི་ལ་སྦྱར་ལ་གྲང་ཤས་ཆེ་ན་པི་པི་ལིང་བསྲེས་ལ་ཟའོ། །དེས་ངེས་པར་ཕན་ནོ། །སྤྱོད་ལམ་གྱིས་འཛག་པ་ནི། ངལ་དུབ་ལ་སོགས་པའི་རྐྱེན་གང་ཡིན་པ་དེ། ཆ་མཉམ་པས་སེལ་བར་འགྱུར་རོ། །དེ་རྣམས་ནི་ཕལ་པ་རྣམས་དང་བཅས་པ་སྤྱི་ལ་འབྱུང་བའི་གེགས་སེལ་ལོ། །ཁྱད་པར་དུ་རྩ་རླུང་བསྒོམས་པས་ཁམས་བྱང་ཆུབ་ཀྱི་སེམས་རྒྱས་པར་འཛག་པ་རྣམས་ལ། དང་པོ་ལུས་འཁྲུགས་པའི་དུས་སུ་བསྲུང་བ་བྱས་པས་དོན་ཆུང་ཞིང༌། ཕྱིས་གེགས་སེལ་གྱིས་མི་ཕན་པར་འགྱུར་བ་ཡིན་པས། རང་སོར་ཀློད་ལ་བཞག་གོ །ཕྱིས་ལུས་ཐམས་ཅད་དུ་བདེ་སྟོབས་རྒྱས་ཤིང་ཐུར་དུ་འཛག་ན་ལུས་ལ་བགྲམ་པར་བྱ་བ་གལ་ཆེ་བས། དང་པོར་རླུང་སྦྱངས་ཏེ། ཁ་སྣ་ནས་ཧ་དང་ཧཱུྃ་གིས་དབྱུང་བ་དང༌། དུས་གཅིག་ཏུ་ལུས་ཙོག་པུར་བྱས་ཏེ། ལྟོ་བ་སྒལ་པ་ལ་སྦྱར་ཞིང་འོག་གི་ལམ་གསུམ་གྱེན་དུ་འཐེན། དམིགས་པ་ཧཱུྃ་སྔོན་པོ་ཅིག་རྩ་དབུ་མ་ནས་སྨིན་མཚམས་སུ་ཧྲིལ་གྱིས་
― LT24_Page_156B ―
[མ་དཔེ་གཟིགས་ན་འདིར་གནོན།]
བྱུང་བར་བསམ། ཡང་ནང་དུ་རྔུབས་ནས་ལྟོ་བ་བགང་ཞིང་འོག་ཏུ་ཕུལ་ནས་ཧཱུྃ་དེ་དབུ་མའི་མས་སྣར་ཐལ་ཏེ་བྱུང་བར་བསམ། དེ་ལྟར་རླུང་བྱང་ནས། དམིགས་པ་གཏད་པ་ཙམ་གྱིས་འདྲེན་ཐུབ་པས་འཁྲུལ་འཁོར་གང་གིས་ཀྱང་ཕན་ནོ། །མི་ཤེས་ན་འདི་ལྟར་བྱས་ཏེ། ལུས་ཙོག་བུའམ། སྐྱིལ་ཀྲུང་གང་བདེ་ལ། ལག་པའི་སྲིན་ལག་གི་རྩ་མཐེ་བོང་གིས་མནན་ལ། ཁུ་ཚུར་བཅངས་ཏེ་མདུན་དུ་བསྣོལ་བ་ལྟར་བྱས་ནས། དེ་ནས་སྔར་ལྟར་རླུང་བཟུང་ཞིང༌། དང་པོ་སྟེང་རླུང་ནོན་པར་མནན་ལ། དེ་ནས་འོག་རླུང་ཡང་དྲག་ཏུ་འཐེན་པ་དང་དུས་གཅིག་ཏུ་ལྟོ་བ་སྒལ་པ་ལ་སྦྱར། ལྕེ་ཡར་ཀན་ལ་སྦྱར། མཆུ་དང་མིག་གྱེན་ལ་བཟློག །མདུན་དང་གཡས་གཡོན་དུ་ལུས་ཕར་གཅུ་ཚུར་གཅུ་བྱ་ཞིང༌། རེས་མོས་ཀྱིས་དྲངས་ཏེ། དམིགས་པ་ནི། ཧཱུྃ་གིས་ཐིག་ལེ་ཐམས་ཅད་དྲངས། སྨིན་ཕྲག་ཏུ་ཐིམ་པ་ལ་ཤེས་པ་གཏད་དེ་དྲག་འདྲེན་ཡིན་ནོ། །དལ་བུས་འདྲེན་ན་སྐྱིལ་ཀྲུང་བཅས་པའི་བུས་མོ་ལ་ལག་མཐིལ་གཏད་ནས་གཞན་རླུང་སྦྱོར་འདྲེན་ལུགས་སྔ་མ་བཞིན་དུ་དལ་བུས་ཀྱི། དེས་ནི་སྟེང་དུ་དྲངས་པར་ནུས་པས་དེ་ནས་དགྲམ་པ་ནི། ལུས་དྲག་ཏུ་སྤྲུག་པ་དང་འཕུར་བ་ཁོ་ནས་ཆོག་པ་ཤས་ཆེ་ལ། གལ་ཏེ་དེས་མ་ཆོག་ན་གན་རྐྱལ་དུ་ཉལ་ལ། རྐང་པ་དང་ལག་པ་རེ་མོས་སུ་སྤྲུག་པ་དང་འཕུར་བས་ཁྱབ་པར་འགྱུར་རོ། །དེ་ལྟར་བྱས་པས་སྟེང་ལྕེ་ཆུང་གི་དབུས་སུ་འཛག་ན། སེང་གེ་རྣམ་གྲོལ་གྱི་ཕྱག་རྒྱ་བྱས་ཏེ། རླུང་ཕྱིར་བཟུང་ནས་གནད་དུ་འགྲོ་བར་བྱའོ། །འགའ་ཞིག་ལ་བྱང་གྲགས་པའི་སྟོབས་
― LT24_Page_157A ―
[མ་དཔེ་གཟིགས་ན་འདིར་གནོན།]
ཀྱིས། གོང་གིས་འཁྲུལ་འཁོར་གྱིས་མི་ཕན་པ་ཡོད་དེ། དེ་ལ་དབུ་མའི་མས་སྣར་དགག་དགོས་པས་བགྲང་བའི་མཐའ་བསྲུང་བ་ཞེས་བྱ་བ། འོག་གི་རྩ་སྒོ་རྐང་པ་གཡོན་པའི་རྟིང་པས་མནན་ལ། ཐིག་ལེ་རླུང་གིས་ཐུར་དུ་ཕུལ་ཞིང༌། བར་གྱི་རླུང་ཐད་ཀར་བརྒྱངས་ནས་ཡུན་རིང་དུ་ཏིང་ངེ་འཛིན་ལ་མཉམ་པར་བཞག་ཅིང་དེ་ཉིད་བརྟན་པར་བྱ། འདི་རྣམས་ནི་བྱང་ཆུབ་སེམས་ཀྱི་གེགས་སེལ་ཡིན་ནོ། །བརྟེན་པ་སེམས་ལས་བྱུང་བའི་གེགས་སེལ་ནི། གོང་དུ་བཤད་པ་ཉིད་ལ་ཚང་ཞིང༌། གཞན་ཡང་ཐུན་ཆེ་ཆུང་ཁ་ཟས་དབྲི་སྐྱེད། དམིགས་པ་སྒྲིམ་ལྷོད་རྣམས་སྤེལ་བ་དང༌། སེམས་ཀྱི་གནད་སྣ་ཚོགས་སུ་འཕོ་བ་དང༌། ཡུལ་སྣ་ཚོགས་ཀྱི་བདུད་རྩི་བསྟེན་པ་དང༌། བླ་མ་ལ་མོས་གུས་དང༌། ཆོས་ལ་ཡིད་ཆེས་ཀྱི་དད་པ་དང༌། འགྲོ་བ་ལ་སྙིང་རྗེ་དང༌། ཆོས་ཐམས་ཅད་སྒྱུ་མ་ལྟ་བུར་ཤེས་པས། སེམས་ཀྱི་གེགས་ལས་རང་སར་གྲོལ་བར་འགྱུར་རོ། །གེགས་སེལ་ཐོར་བུ་སྣ་ཚོགས་བསྡུས་པའི་སྡེ་ཚན་ཏེ་ལྔ་པའོ། །དེ་ལྟར་ན་གེགས་སེལ་གྱི་ཡི་གེ་འདི་ཡང༌། བརྒྱུད་པའི་བླ་མ་གོང་མ་སོ་སོའི་མན་ངག་གི་ཡི་གེ་བཞིན་དུ་ཕྱོགས་གཅིག་ཏུ་བསྡུས་པ་ཡིན་ལ། འགའ་ཞིག་ལ་ཉམས་མྱོང་གིས་ཀྱང་ཅུང་ཟད་བརྒྱན་པ་སྟེ། ནགས་རྒྱལ་གྱི་དབེན་གནས་ཇོ་ནང་དུ་ཏཱ་ར་ནཱ་ཐས་སྨྲས་པའོ། །ལ་སྟོད་དབང་རྒྱལ་དང༌། སྲེན་ལུགས་ཀྱི་གེགས་སེལ་མང་དུ་ཡོད་པ་ནི་དེ་རྣམས་ཀྱི་གསུང་དུ་བལྟ་བར་བྱའོ།། །།
གདམས་ངག་མཛོད་པོད་བཅོ་ལྔ་པ།
བླ་མེད་སྔགས་ཆོས་ཀྱི་སྙིང་པོའི་བཅུད་ལེན་ལམ་ཟབ་བདུད་རྩིའི་ཐིག་ལེ།
― LT24_Page_158A ―
[མ་དཔེ་གཟིགས་ན་འདིར་གནོན།]
བླ་མེད་སྔགས་ཆོས་ཀྱི་སྙིང་པོའི་བཅུད་ལེན་ལམ་ཟབ་བདུད་རྩིའི་ཐིག་ལེ་ཞེས་བྱ་བ་བཞུགས་སོ།། །།
― LT24_Page_158B ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་ཤྲཱི་ཀཱ་ལ་ཙཀྲ་ཡེ། མི་འགྱུར་བདེ་ཆེན་སྟོང་གཟུགས་ཕྱག་རྒྱ་ཆེ། །ཟུང་འཇུག་ཨཱ་ལི་ཀཱ་ལི་མཉམ་སྦྱོར་བ། །རྣམ་ཀུན་མཆོག་ལྡན་རྣམ་པ་ཐམས་ཅད་མཁྱེན། །དཔལ་ལྡན་བླ་མ་དུས་ཀྱི་འཁོར་ལོར་འདུད། །བླ་མེད་སྔགས་ལམ་ཉིང་ཁུ་མཆོག །སྨིན་འཕེལ་བྱང་ཆུབ་ཆེན་པོའི་བར། །རིམ་པ་ལམ་ཟབ་ཅེས་བྱ་བ། །བླ་མའི་མན་ངག་བཞིན་བཤད་བྱ། རྣལ་འབྱོར་པ་བདེ་བའི་གདན་ལ་མཉམ་པར་བཞག་སྟེ་བདུད་རྩི་མྱང་ནས། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བདག་གི་ཕུང་པོ་ཁམས་སྐྱེ་མཆེད། །ཡུལ་བཅས་མ་དག་འཛིན་པའི་ཆ། །སྤྲོས་བྲལ་རང་བཞིན་རྣམ་དག་པ། །གདན་གསུམ་ཚང་བའི་དཀྱིལ་འཁོར་དངོས། །རང་སྣང་དག་པ་སྤྱི་བོའི་གཙུག །བདེ་བ་ཆེན་པོའི་སྙིང་གི་དཀྱིལ། །ཁམས་ལྔ་ལྡན་པ་ལག་གི་མཐིལ། །ཕྱོགས་བྲལ་ཁྱབ་བརྡལ་ནམ་མཁའི་
― LT24_Page_159A ―
[མ་དཔེ་གཟིགས་ན་འདིར་གནོན།]
དབྱིངས། །འབྱུང་ལྔ་འོད་ཀྱི་འཁོར་ལོའི་དབུས། །པདྨ་ཟླ་ཉི་སྒྲ་གཅན་སྟེ། །རིག་པ་ཧཱུྃ་ལས་ཀུན་རྫོབ་དུས། །དོན་དམ་འཁོར་ལོའི་བདག་ཉིད་ཆེ། །དཔལ་མཆོག་དང་པོའི་སངས་རྒྱས་ནི། །དཔལ་ལྡན་རྩ་བའི་བླ་མ་དངོས། །རྡོ་རྗེ་སེམས་དཔའ་ཧེ་རུ་ཀ །ཀུན་བྱེད་རྒྱལ་པོ་ཀུན་ཏུ་བཟང༌། །སྔོ་སངས་དེ་བཞིན་གཤེགས་པའི་སྐུ། །ཞི་ཁྲོ་འདྲེས་པ་ཆགས་པའི་ཉམས། །སྤྱན་གསུམ་མཆེ་བཞིའི་མྱུ་གུ་མཛེས། །རྡོ་རྗེའི་རྒྱན་དང་སྟག་ཤམ་ཅན། །དབུ་སྐྲ་བུང་བ་ལྟར་གནག་ཅིང༌། །འཚོགས་མར་སྣ་ཚོགས་རྡོ་རྗེའི་ལྟེར། །རིགས་བདག་བསྐྱེད་མཛད་རྒྱལ་བས་བརྒྱན། །ཐོར་ཅོག་གཡོན་དུ་ཟླ་ཚེས་དང༌། །རྩེ་མོར་ནོར་བུའི་འོད་འབར་བ། །ལྟ་བས་མི་ཚུགས་བསམ་མི་ཁྱབ། །ཕྱག་གཉིས་སོར་མོ་མཐེ་བོང་ནས། །བརྩི་རིམ་སེར་དཀར་དམར་ནག་ལྗང༌། །ཕྱག་སོར་རྩ་བ་ནས་བརྩམས་ཏེ། །ཚིག་ཕྲེད་རིམ་གསུམ་ནག་དམར་དཀར། །ཕྱག་མཐིལ་པདྨ་ལྟར་དམར་ཞིང༌། །ཕྱག་མཚན་རྡོ་རྗེ་དྲིལ་བུ་བཅས། །ཡུམ་
― LT24_Page_159B ―
[མ་དཔེ་གཟིགས་ན་འདིར་གནོན།]
ལ་རྣམ་རོལ་ཕྱག་རྒྱས་འཁྱུད། །ཞབས་གཡོན་དཀར་པོ་གཡས་དམར་པོ། །བསྐུམ་དང་བརྐྱང་བའི་འོག་ཏུ་ནི། །དཀར་པོ་དབང་ལྡན་མིག་གསུམ་པ། །རྩེ་གསུམ་ཐོད་པ་འཛིན་ཁ་སྦུབ། །དམར་པོ་འདོད་ལྷ་མེ་ཏོག་གི༌།མདའ་ལྔ་གཞུ་འཛིན་གན་རྐྱལ་མནན། །དབང་ལྡན་འདོད་ལྷའི་ཆུང་མ་ཡིས། །གུས་པས་ཞབས་སོར་དཔྲལ་བཏུད་དེ། །ལག་གི་བརྟེན་ཡང་གཡོ་མེད་པར། །རི་དབང་ལྟར་བརྗིད་དེར་འཁྱུད་པའི། །སྣ་ཚོགས་ཡུམ་གྱུར་གསེར་གྱི་མདོག །སྤྱན་གསུམ་ཁྲོ་འཛུམ་དབུ་སྐྲ་གྲོལ། །ཕྱག་རྒྱ་ལྔས་སྤྲས་གྲི་ཐོད་འཛིན། །གཡས་བསྐུམ་གཡོན་བརྐྱང་མཉམ་པར་རོལ། །རྡོར་པད་ཨེ་ཝཾ་ཟུང་འཇུག་སྙོམས། །མཚན་དཔེ་ཡོངས་རྫོགས་ཡབ་ཡུམ་སྐུ། །འོད་ཟེར་ཡེ་ཤེས་མེ་ལྔ་འབར། །དེ་ལྟར་གསལ་བའི་སྐུ་ཡི་གནས། །སྤྱི་མགྲིན་ཐུགས་ལྟེ་གསང་གཙུག་ཏོར། །ཨོཾ་ཨཱཿཧཱུྃ་ཧོ་སྭཱ་ཧཱ་དྲུག །དཀར་དམར་ནག་སེར་ལྗང་མཐིང་མདོག །ཡིག་འབྲུ་རྣམས་ལས་འོད་ཟེར་ནི། །མཁའ་ཁམས་ཇི་སྲིད་ཀུན་ཁྱབ་སྟེ། །རྩ་བརྒྱུད་བླ་མ་ཡི་དམ་ལྷ། །རབ་འབྱམས་རྒྱུད་སྡེ་བཞི་དྲུག་གཾ །ཡི་དམ་རབ་འབྱམས་རྒྱ་མཚོ་དང༌། །སངས་རྒྱས་བྱང་སེམས་ཉན་རང་འཕགས། །དཔའ་བོ་རྣལ་འབྱོར་ཞིང་སྐྱོང་བ། །ཆོས་སྲུང་དམ་ཅན་ཚོགས་བཅས་ཀུན། །མདུན་གྱི་ནམ་མཁར་སྤྱན་དྲངས་ཤིང༌། །དེ་རྣམས་ལ་ནི་མཆོད་པའི་སྤྲིན། །ཉེར་སྤྱོད་འདོད་ཡོན་ཤ་བདུད་རྩི། །སྙོམས་འཇུག་བདེ་ཆེན་མཉམ་པ་ཉིད། །མཆོད་དགྱེས་དཀོན་མཆོག་རྩ་གསུམ་ཚོགས། །བླ་མ་དུས་ཀྱི་འཁོར་ལོར་ཐིམ། །དབྱེར་མེད་དུ་མ་རོ་གཅིག་པས། །ཀུན་འདུས་ཡིད་བཞིན་ནོར་བུར་གྱུར། །
― LT24_Page_160A ―
[མ་དཔེ་གཟིགས་ན་འདིར་གནོན།]
དེ་ནས་གུས་པའི་ཡིད་ཀྱིས་རྩ་གཅིག་པས་སངས་རྒྱས་དུས་ཀྱི་འཁོར་ལོ་རྩ་གསུམ་འདུས་པའི་ངོ་བོར་ཕུར་ཚུགས་སུ་གསོལ་བ་བཏབ་པ་ནི། གང་ལ་རྒྱུ་དང་མཚན་ཉིད་མེད། །གཡོ་དང་དེ་བཞིན་རིས་མེད་པས། །ཀ་ལ་ཙཀྲར་མངོན་བརྗོད་པ། །གཉིས་མེད་དེ་ལ་གསོལ་བ་འདེབས། །དེ་བཞིན་དུས་འཁོར་བདེ་ཆེན་པོ། །སྐུ་གསུམ་མཆོག་དང་དཀྱིལ་འཁོར་གསུམ། །རྡོ་རྗེ་གསུམ་མཆོག་རྡོ་རྗེའི་དབྱིངས། །འགྱུར་བ་མེད་ལ་གསོལ་བ་འདེབས། །ཕྲ་རགས་རྡུལ་གྱི་ཆོས་ཉིད་འདས། །བྲ་ཕབ་པ་ཡི་རང་བཞིན་ཅན། །རྣམ་པ་ཀུན་གྱི་མཆོག་ལྡན་པ། །ཕྱག་རྒྱ་ཆེན་མོར་གསོལ་བ་འདེབས། བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །རྩ་བའི་བླ་མར་གསོལ་བ་འདེབས། །ཁྱོད་ནི་འགྲོ་བའི་བླ་མ་ཡང༌། །ཕ་མ་གཉེན་དང་གྲོགས་བཟང་པོ། །ཁྱོད་ནི་སྡིག་འཕྲོག་ཕན་བྱེད་མགོན། །ཁྱོད་ནི་གོ་འཕང་ཕུན་སུམ་ཚོགས། །ཁྱོད་མཆོག་འབའ་ཞིག་ཡོན་ཏན་གནས། །སྐྱོན་བཅོམ་དམན་རྣམས་མགོན་གྱུར་ཁྱོད། །ཡིད་བཞིན་ནོར་བུ་རྒྱལ་བའི་གཙོ། །བླ་མར་བདག་ནི་སྐྱབས་སུ་མཆིའོ། །སྐྱེ་རྒ་འཆི་དང་ན་བ་ཡི། །ཆུ་སྲིན་ལ་སོགས་འཇིགས་རུང་བ། །མི་ཟད་འཁོར་བའི་རྒྱ་མཚོ་ལས། །མགོན་པོས་བདག་ནི་བསྒྲལ་དུ་གསོལ། ཞེས་པས་གསོལ་བ་ནན་ཏན་དུ་གདབ། དེ་ལྟར་ཚིག་ཤ་ལོ་ཀ་བདུན་ལ་སྔ་མ་གསུམ་ནི་འཕགས་འགྲེ་ལ་དྲི་མེད་འོད་ན་གནས་པ་རྒྱུད་ཚིག་དར་ཕྱི་མ་གཅིག་པོ་ཡང་འགྱུར་ཆད་ཀྱིས་འཕགས་འགྲེལ་ལ་ལར་མི་གསལ་ཡང༌། དུས་འཁོར་རྒྱུད་ལས་ཕྱུང་བ་ཞིག་དང༌། བཞི་པ་སྒྱུ་འཕྲུལ་དྲྭ་བའི་ཚིག་དང༌། ལྔ་པ་དྲུག་པ་
― LT24_Page_160B ―
[མ་དཔེ་གཟིགས་ན་འདིར་གནོན།]
ཟུང་ནི་དུས་འཁོར་བསྡུས་རྒྱུད་ནང་ལེའི་མཐར་དང༌། འཇམ་དཔལ་ཞལ་ལུང་ཚིག་སྒྲོས་མཐུན་པ་ལས་བླངས་པ་སྟེ་རྒྱུད་ཚིག་ཤ་སྟག་གོ །དེ་མཐར་ཐལ་མོ་སྦྱར་ཏེ། སྒྲིབ་པ་ཐམས་ཅད་བཅོམ་པ་ཡི། །དུས་ཀྱི་འཁོར་ལོ་ཁྱོད་ལ་འདུད། །མཆོག་ཏུ་མི་འགྱུར་བདེས་གང་བ། །ཡེ་ཤེས་སྐུ་ཁྱོད་ལ་ཕྱག་འཚལ། །སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་དེ་འགྱུར་མེད་གང༌། །དབང་བསྐུར་དེ་ཡིས་བདག་ལ་ནི། །མགོན་པོ་ད་ནི་བཀའ་དྲིན་མཛོད། །ཅེས་པ་ལན་གསུམ་དུ་གསོལ་བ་གཏབ། དཔལ་ལྡན་བླ་མ་དུས་འཁོར་ལོ། །ཡབ་ཡུམ་མཛོད་སྤུ་ནས་འོད་དཀར། །ཟླ་ཞུན་འདྲ་བྱུང་བདག་དཔྲལ་ནས། །ཞུགས་ཤིང་ཕྱི་ནང་ལུས་ཀུན་སྦྱངས། །དབྱིབས་སྣང་དགའ་བ་བུམ་དབང་གི། སྨིན་གྲོལ་སྦྱང་ཐོབ་ལས་ཀུན་བྱས། །བླ་མ་ཡབ་ཡུམ་སྦྱོར་མཚམས་ནས། །དཀར་དམར་འདྲེས་པ་ཐིག་ལེའི་རྒྱུན། །བདག་ལྕེ་སྟེང་བབས་ལྕེ་ཆུང་ནས། །དབུ་མའི་ནང་བརྒྱུད་ལུས་ཀུན་ཁེངས། །སྔགས་མཆེད་ཁྱད་དགའ་གསང་དབང་གིས། །སྨིན་གྲོལ་སྦྱངས་ཐོབ་ལས་ཀུན་བྱས། །བླ་མ་ཡབ་ཡུམ་ཐུགས་ཀ་ནས། །ལྔ་ལྡན་འོད་ཟེར་སྲང་བུ་བཞིན། །བདག་གི་སྙིང་གར་ཡོངས་ཐིམ་ནས། །ཕྱི་ནང་འོད་ཟེར་དྲྭ་བས་གཡོགས། །ཆོས་ཐོབ་མཆོག་དགའ་ཤེར་དབང་གིས། །སྨིན་གྲོལ་སྦྱངས་ཐོབ་ལས་ཀུན་བྱས། །བླ་མ་ཡབ་ཡུམ་སྙིང་དབུས་ནས། །གསལ་དོང་རབ་མཚེར་རྒྱལ་བའི་སྐུ། །མི་འགྱུར་བདེ་བར་མཆོན་གང་བ། །བདག་གི་གཙུག་ནས་སྙིང་གར་ཐིམ། །ཉེར་ཐོབ་ལྷན་དགའ་དབང་བཞི་
― LT24_Page_161A ―
[མ་དཔེ་གཟིགས་ན་འདིར་གནོན།]
པའི། །སྨིན་གྲོལ་སྦྱངས་ཐོབ་ལས་ཀུན་བྱས། །དེ་ལྟར་ཏིང་ངེ་འཛིན་དབང་ཡིད་རྩེ་གཅིག་ཏུ་མཉམ་པར་བཞག་ནས་ཅི་ནུས་སུ་བླང་བར་བྱའོ། །དེ་ནས་བླ་མ་དུས་འཁོར་ལོ། །ཡབ་ཡུམ་རང་གི་སྤྱི་བོར་བྱོན། །འོད་ཞུ་བདག་གི་སྒོ་གསུམ་དང༌། །དུས་འཁོར་སྐུ་གསུང་ཐུགས་མཉམ་པས། །རང་ཉིད་དཀྱིལ་འཁོར་འཁོར་ལོའི་བདག །དང་པོའི་སངས་རྒྱས་དུས་འཁོར་ལོ། །མེ་ལོང་སྔགས་ཀྱི་པྲ་ཕབ་བཞིན། །རྡུལ་བྲལ་ཡེ་ཤེས་སྐུ་རུ་གྱུར། དེ་ལྟར་ལྷ་སྐུ་ཆ་མེད་རྣམ་པ་གསལ་བ་ལ་རྣམ་རྟོག་གཞན་སྤངས་ཏེ་ཅི་གནས་སུ་མཉམ་པར་བཞག་ཅིང༌། གལ་ཏེ་རྣམ་རྟོག་འཕྲོ་བ་སེལ་ཕྱིར་རང་སྔགས་བཟླ་བར་སྤྲོ་ན། དུས་འཁོར་ཐུགས་ཀ་ནས་འོད་འཕྲོས། །སྣང་བ་དག་པ་འོད་གསལ་ཞིང༌། །འགྲོ་ཀུན་དུས་ཀྱི་འཁོར་ལོའི་སྐུ། །ཡེ་ཤེས་རོལ་བ་ཆེན་པོར་གྱུར། །ཞེས་སྣང་སྲིད་དག་པར་བལྟས་ཏེ་མཉམ་པར་བཞག་གོ །ཡང་ཨོཾ་ྷྐྵྨླྺྼྻྃ་སྭཱ་ཧཱ། ཞེས་པ་ཟླ་སྐྱོན་ལྔ་སྤངས་ཏེ་ངག་བཟླས་སམ་ཡིད་བཟླས་སོགས་ཇི་ལྟར་འདོད་པ་བྱའོ། །མཐར་ཐུན་བསྡུ་ན། སྣང་སྲིད་ཞིང་ཁམས་ལྷ་ཚོགས་ཀུན། །འོད་ཞུ་རང་ཉིད་ཡུམ་ཀྱང་ཡབ། །རབ་ཕྲའི་ཐིག་ལེར་གྱུར་ཡལ་སྟོང༌། །སྤར་ཡང་རང་ཉིད་ལྷ་སྐུར་ལྡང༌། །དེ་ལྟར་རྫོགས་རིམ་བསྒོམ་པར་འདོད་ན་སྐབས་འདིར་ཡན་ལག་དྲུག་གང་རིགས་བསྒོམ་པར་བྱའོ། །དེ་ཡང་འདིར་ཡན་ལག་དྲུག་སྙིང་པོའི་དོན་དུ་གནད་དུ་དྲིལ་ནས་གདན་ཐོག་གཅིག་ཏུ་ཉམས་སུ་ལེན་པ་ནི། བསམ་སྟན་གྱི་གདན་ལ་ལུས་དྲང་ཞིང་སྐྱིལ་ཀྲུང་ཁུ་ཚུར་བརླ་བཞག་སོགས་བྱེད་པ་ཅིང་གནང་དང་ལྡན་པས་རླུང་རོ་ལེགས་པར་བསལ་ཏེ་སོ་བར་ནས་འབྲས་ཐར་ཙམ་དུ་བྱས་ཏེ་
― LT24_Page_161B ―
[མ་དཔེ་གཟིགས་ན་འདིར་གནོན།]
རླུང་རེ་ཞིག་རང་བབས་སུ་བཞག །མིག་ཧ་ཅང་གི་བཟློག་པ་མ་ཡིན་པར་སྨིན་ཕྲག་ཐད་དུ་འབྱེད་བཙུམ་རན་བ་མི་གཡོ་བར་ནམ་མཁའི་མུན་པ་ནག་ཐིང་ངེ་བར་གཏད་ལ་སེམས་རྣམ་རྟོག་གི་སྤྲོས་པ་དང་བྲལ་བར་དེ་ལྟར་གཡོ་མེད་གསུམ་ལྡན་དུ་བཞག་པར་བྱ་སྟེ། སོར་སྡུད་སྐབས་སྟོང་གཟུགས་ཤར་རུང་དེ་ལ་ཆེད་གཉེར་མེད་པ་ནམ་མཁའ་ལ་གཙོ་བོ་དང༌། བསམ་གཏན་ནི་སྟོང་གཟུགས་མི་ཤར་ཚེ་ནམ་མཁའ་དང་ཤར་ཕྱིན་སྟོང་གཟུགས་གཙོ་བོར་བྱས་ཏེ་གནས་གཞན་གཅིག་པ་ཉིད་དོ། །དེ་ཡང་དུ་བ་སྨིག་རྒྱུ་མེ་ཁྱེར་མར་མེ་མཁའ་སྣང་སེར་དཀར་དམར་ནག་དང་གློག་འོད་ཐིག་ལེ་ཐིག་ལེ་ཆེན་པོར་གྲགས་པའི་རྟག་པ་སྣང་ཀུན་སྟོང་གཟུགས་ཞེས་སེམས་ལ་སེམས་མ་མཆིས་པའི་སྟོང་ཉིད་རང་བཞིན་འོད་གསལ་གྱི་རང་མདངས་འཁྲུལ་ཤེས་ཀྱིས་མ་བསླད་པའི་མ་འཁྲུལ་བའི་རྣམ་ཀུན་མཆོག་ལྡན་གྱི་ཕྱག་རྒྱ་ཆེན་པོ་རྣམ་པ་ཐམས་ཅད་པ་སྟེ། དེ་ནི་དང་པོའི་སངས་རྒྱས་ཀྱི་ཆོས་སྐད་ཡང་དག་པའོ། །དེ་ལྟར་སོར་བསམ་ལ་གོམས་པའམ་མ་གོམས་ཀྱང་རུང༌། ཐོག་མ་དབུགས་རང་བབས་ལ་བརྡའ་འགྱུར་རྡོ་རྗེའི་བཟླས་པ་ཅི་ནུས་སུ་འབད་ཅིང་དེ་ནས་དལ་གྱིས་རླུང་ཇི་ནུས་འགོག་ཀྱིན་རྡོར་བཟླས་སྦྱར་ལ་དེ་ལྟས་མཐར་བུམ་པ་ཅན་རང་གྲུབ་ཏུ་ཡོང་བར་བཞེད་ལ། རླུང་འགོག་པའི་རྡོར་བཟླས་ནི་འགོག་བཟླས་ལྟ་བུ་མ་ཡིན་གྱི་རྔུབ་དགང་བཏང་གསུམ་པ་སྡོམས་པར་འབྲུ་གསུམ་ཚར་གཅིག་དང་སྦྱར་བ་ལས་མང་མི་དགོས་ཤིང༌། དྲག་རླུང་བུམ་པ་ཅན་སོགས་ལ་གཞིལ་ཞེས་འབྱུང་བ་རང་དང་དགོང་པ་དང་བཏང་བའི་བར་མཚམས་སུ་ལས་ཁྱད་པར་ཅན་བྱེད་རུང༌། ངོ་བོ་ནི་དགོང་པ་ལས་ལོགས་སུ་མེད་ཅིང༌། དེ་ལྟར་རྡོར་བཟླས་དང༌།
― LT24_Page_162A ―
[མ་དཔེ་གཟིགས་ན་འདིར་གནོན།]
སྦྱར་བའི་རླུང་སྦྱོར་ནི་སྲོག་རྩོལ་དངོས་དང་སྟོང་གཟུགས་དང་བསྲེ་བ་ན་ཐུན་མོང་མ་ཡིན་པའོ། །དེ་ལྟར་སྲོག་རྩོལ་གྱི་ནུས་པས་རླུང་དབུ་མར་ཞུགས་གནས་ཐིམ་པའི་བྱ་བ་ལྟེ་བ་མན་ཁྱད་གྲུབ་ནས། སླར་འཁོར་ལོ་གོང་མ་རྣམས་དང་གསང་བ་བཅས་པར་བཞུགས་གནས་ཐིམ་གསུམ་ཁྱད་པར་ཅན་གྱིས་དབྱིད་ཐིག་ཁ་སྦྱོར་ལ་བྱང་ནས་ཡས་བརྟན་པས་དང་པོའི་ས་ཐོབ་པར་བྱེད་པ་ནི་འཛིན་པ་སྟེ་དེའི་མན་ངག་ཟུར་དུ་བྱས་པ་ཡོད་ཀྱང་གྲུབ་པའི་སློབ་དཔོན་ཕལ་ཆེས་ནི་མན་ངག་སྲོག་རྩོལ་ཁོ་ནས་རུང་ལ་དེས་གྲུབ་བའི་འབྲས་བུ་འཛིན་པ་ཡིན་པར་བཞེད་དོ། །དེ་ནས་རྗེས་དྲན་དངོས་ནི། ཕྱག་རྒྱ་གསུམ་ལ་བརྟེན་ཡས་བརྟེན་གྱི་དགའ་བ་བཞི་པའི་མཐར་ཐུག་རྗེས་དྲན་བཅུ་དྲུག་གི་ཡོན་ཏན་ཡོངས་སུ་གྲུབ་ནས། དེའི་འབྲས་བུའི་ཚུལ་དུ་ཏིང་ངེ་འཛིན་མས་བརྟེན་གྱི་དགའ་བ་བཅུ་དྲུག་ཡོངས་སུ་རྫོགས་པ་ཡན་ལག་བདུན་དབང་ཕྱུག་བརྒྱད་ཟུང་འཇུག་ཉེར་གསུམ་གྱི་ཡོན་ཏན་གྲུབ་པ་རྡོ་རྗེ་སེམས་དཔའི་གནས་ཐོབ་པ་རྣམས་དངོས་གནས་ཀྱི་སྦྱོར་བ་ཡན་ལག་དྲུག་གི་རིམ་པ་དང༌། དེ་ཡན་ལག་ཕྱི་མ་གསུམ་མོས་པ་ལམ་དུ་བྱེད་པའི་དེའི་རྒྱུ་ཚོགས་ཁྱད་པར་ཅན་སྒྲུབ་པར་གཏུམ་མོའི་རྣལ་འབྱོར་ལ་འབད་པར་བསྔགས་ཏེ། དེ་ཡང་རང་ཉིད་དུས་འཁོར་ཡབ་ཡུམ་དུ་གསལ་བཏབ་པའི་རང་གིས་ལུས་དབུས་སུ་རྩ་དབུ་མ་མཚན་ཉིད་བཞི་ལྡན་མདའ་སྨྱུག་ཙམ་ལྟེ་བ་མན་ལྗང་གུ་དེ་ཡན་ཆད་མཐིང་ག་གཡས་གཡོན་རོ་རྐྱང་དཀར་དམར་དབུ་མ་ལས་འདབ་འགྱུར་ཕྲ་བ་ཡས་སྣ་སྣ་བུག་གཡས་གཡོན་དང་མས་ནད་དབུ་མར་ཆུད་པ་སྟེ་དབུ་མའི་ལྟེ་འོག་སོར་བཞིའི་མཚམས་ཚངས་པའི་མེ་དབྱུག་པའི་དབྱིབས་ཅན་ལྟེ་བར་ཧོཿསེར་སྙིང་གར་ཧཱུྃ་སྔོན་ཡས་སྣར་ཧཾ་ཅན་བ་ནུ་ལྟ་བུ་སྟེ།
― LT24_Page_162B ―
[མ་དཔེ་གཟིགས་ན་འདིར་གནོན།]
དེ་ཡང་ཟར་མའི་འབྲས་བུ་ལྟར་ཟླུམ་པའི་དབུས་བ་ནུ་ལྟར་ཅུང་ཟད་ནར་རེ་འཕྱངས་པས་དབུ་མའི་ཡས་སྣར་བཀབ་པའོ། །དེ་ནས་རླུང་རོ་བསལ། རླུང་སྦྱོར་བ་བཞི་ལྡན་ལ། དམིགས་པ་རོ་རྐྱང་རླུང་རྒྱུད་དབུ་མའི་མས་སྣ་རླུང་ཞུགས་ཚངས་པའི་མེ་འབར། ཧོ་ཡིག་ལ་རེག་ཧོཿཡིག་ལས་མེ་སེར་ཤས་ཆེ་བའི་ཁ་དོག་དྲུག་པ་འབར། རིམ་པས་ཇེ་མཐོར་སོང་སྟེ་སྙིང་གའི་ཧཱུྃ་བསྲེག་སྤྱི་བོའི་ཧཾ་ཅན་ལ་རེག་བདུད་རྩི་ཟླ་ཞུན་ལྟར་དཀར་འཚེར་འོད་ཟེར་འཕྲོ་བའམ་སྙིང་གའི་ཧཱུྃ་གསོས་ཏེ་ལྟེ་བའི་ཧོཿལ་ཐིམ་ཞིང༌། དེ་ཡང་མེ་བདུན་ལ་ཧོཿཅན་ལ་རྩེ་རེག་ཙམ་བར་མི་ཆད་དང་ཐིག་ལེ་རྒྱབ་ནས་ཧོཿཡིག་བར་མི་ཆད་པར་བབ་སྟེ་ཐིམ་པ་འབར་འཛག་སྐྲ་ཤད་འཛིངས་པ་ལྟར་བྱ་སྟེ། དེ་ལྟར་ཉམས་སུ་བླངས་པའི་ཐུན་མགོར་རླུང་རོ་ལེགས་པར་བསལ། བར་རླུང་བཏང་བའི་སྐབས་ཀུན་ཏུ་རླུང་ཞབས་འཛིན་པ་དང༌། མཐར་ཐུན་བཞག་སྐབས་ལུས་གཡས་སུ་གཅུད་དེ་ཐིག་ལེ་དཀར་ཆ་ཀུན་སྤྱི་བོར་ཧཾ་ལ་ཐིམ། གཡོན་དུ་གཅུད་དམར་ཆ་ཀུན་ལྟེ་བའི་ཧོཿལ་ཐིམ། དེ་ནས་ཐིག་ལེ་དཀར་དམར་འདྲེས་པར་བསམ་ལ་རླུང་གི་དུག་འདོན་ཧག་སྤུག་ཡང་དག་པར་བྱས་རྗེས་དམིགས་མེད་དང༌། རླུང་ཞབས་པར་རླུང་དུ་འཛིན་པ་རྣམས་བླ་མའི་མན་ངག་བར་མ་ཆད་པ་ཡིན་ལ། ལམ་ཕྱག་རྒྱ་ཆེན་པོ་བསྒོམ་པ་ལ་ཡང་ཤིན་ཏུ་གལ་ཆེ་བར་རྗེ་བཙུན་མི་ལས་མཉམ་མེད་སྒམ་པོ་བར་ངེད་ཀྱི་ཨ་ཐུང་འདི་བསྒོམ་དང་ད་བཟོད་ངོ་བོ་མཐོང་གསུང་བས་ཀྱང་ངེས་པར་མཚོན། ལྷག་ཏུ་ལྷ་སྐུ་གཏུམ་མོ་འབར་འཛག་ཀུན་སྟོང་གཟུགས་དང་བསྲེ་བ་ནི་དང་པོའི་སངས་རྒྱས་ཀྱི་རྫོགས་རིམ་ཁྱད་ཆོས་ཕུལ་དུ་བྱུང་བའོ། །དེ་ནས་ཐུན་མཚམས་ལ་
― LT24_Page_163A ―
[མ་དཔེ་གཟིགས་ན་འདིར་གནོན།]
འཇུག་པར་འདོར་ཚེ། དགེ་བ་འདི་ཡིས་མྱུར་དུ་བདག །དུས་ཀྱི་འཁོར་ལོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །རིགས་སུ་སྐྱེ་དང་དམ་ཚིག་ཅན། །སྙོན་མེད་དུས་ཀྱི་འཁོར་ལོ་སྟོན། །བླ་མ་ལ་གུས་སྙིང་བརྩེ་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པས་རྡོ་རྗེ་དྲིལ་བུ་འཛིན། །ཟབ་མོའི་ཆོས་ནི་ཀློག་པ་དང༌། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །ཅེས་སོགས་སྨོན་ལམ་ཅི་རིགས་པ་བྱ་ལ་དེ་ལྟར་རྫོགས་རིམ་བསྒོམས་པའི་མཐའ་འམ་མི་བསྒོམ་ཡང་རུང༌། ཐུན་ལས་ལྡང་བར་འདོད་ཚེ་དགེ་བ་རྫོགས་བྱང་དུ་བསྔོ་བ་དང་སྨོན་ལམ་གྱི་རྒྱས་བཏབ་པ་ཡང་ངེས་པར་མ་ཆད་པར་གཅེས་སོ། །དེ་ལྟར་བླ་མེད་རྡོ་རྗེ་ཐེག་པ་མཐའ་དག་གི་ཉིང་ཁུ་ལམ་ཟབ་ཁྱད་པར་ཅན་འདི་རྩ་བའི་ཁུང་འཕགས་ཡུལ་གྱི་གྲུབ་པའི་སློབ་དཔོན་རྡོ་རྗེ་གདན་པ་འཇིག་རྟེན་འབྱུང་གནས་སྦས་བའི་མན་ངག་དཔལ་རྒྭ་ལོ་དང༌། རྒྱལ་བ་ཞང༌། ཡང་དགོན་པ་རྣམས་ཀྱི་ཐུགས་དམ་ཡང་སྙིང་ཞང་གི་བཀའ་འབུམ་དང༌། ཡང་དགོན་པའི་རི་ཆོས་སུ་ཆེ་ཐང་དུ་མ་མཛད་པ་ཉིད་གཞིར་བཞག །དེ་ཡང་ཞང་གི་རྩ་བའི་བླ་མ་འཁོར་ལོས་བསྒྱུར་བའི་ཆོས་ཅན་དང༌། རྡོ་རྗེ་འཆང་དུ་བྱས་པ་གདམས་སོ་ཅན། རི་ཆོས་སུ་བདེ་མཆོག་ཏུ་བྱས་པ་ཡོད་ཀྱང་འདིར་དུས་འཁོར་དུ་བྱས་པ་དང༌། དུས་འཁོར་ལྷན་སྐྱེས་རོལ་པའི་རྡོ་རྗེའི་གཞུང་རྗེ་བཙུན་སྒྲོལ་མགོན་གྱི་ཁྲིད་རིམ་དུ་དྲངས་པའི་དོན་བཞིན་ལ་རྒྱུད་ཀྱི་ཤེས་པས་བླ་མའི་མན་ངག་རྒྱུད་དོན་མ་འཁྲུལ་བས་ཁ་ཅུང་ཟད་བསྐངས་ཏེ་བྱས་པས་ནོར་འཁྲུལ་མེད་ལ་
― LT24_Page_163B ―
[མ་དཔེ་གཟིགས་ན་འདིར་གནོན།]
ཞལ་ལུང་རྒྱུན་མ་ཆད་པས་བྱིན་རླབས་མ་ཉམས་པ་དང༌། སྦྱོར་དྲུག་གདན་ཐོག་གཅིག་པའི་མྱོང་ཁྲིད་ཀྱི་སྲོལ་ཀ་མ་ཉམས་པ་བྱུང་བའོ། །དེ་ལྟར་རྒྱལ་བའི་དབང་ཕྱུག་གི། བཀའ་གསང་རྒྱུད་སྡེ་ཀུན་མཐར་ཐུག །ཐུགས་ཀྱི་ཕྲིན་ལས་ཕུལ་བྱུང་ཆོས། །ལམ་ཟབ་ཤིང་རྟའི་སྲོལ་འདི་རྨད། །ཚུལ་འདིར་བདག་གིས་འབད་བགྱིས་དགེ་མཆིས་ཀུན། །འགྲོ་མགོན་བླ་མ་དགྱེས་མཛད་མཁའ་མཉམ་འགྲོར། །ཡོངས་བསྔོ་རེ་མཐུ་ཚེ་དབང་རྒྱལ་བ་ཡིས། །གོ་འཕང་ཡིད་བཞིན་ནོར་བུའི་གནས་ཐོབ་ཤོག །ཅེས་བླ་མེད་སྔགས་ཆོས་ཀྱི་སྙིང་པོའི་བཅུད་ལེན་ལམ་ཟབ་བདུད་རྩིའི་ཐིག་ལེ་ཞེས་བྱ་བ་འདི་ནི་སྒྲུབ་བརྒྱུད་བསྟན་པའི་མངའ་བདག་དཔལ་ལྡན་འབྲུག་པ་ཞེས་སྙན་པའི་བ་དན་སྲིད་རྩེར་འཕྱོ་བ་གང་གི་སྤྱི་ཕུད་ཡོངས་ཀྱི་འདྲེན་པ་འཇིག་རྟེན་དབང་ཕྱུག་གི་སྒྱུ་འཕྲུལ་འགོག་པ་མེད་པའི་རང་གདངས་རྗེ་འགྲོ་མགོན་རིན་པོ་ཆེ་སྤྲུལ་པའི་སྐུ་མཆོག་ཀུན་མཁྱེན་རྒྱལ་དབང་བཀའ་བརྒྱུད་ཕྲིན་ལས་ཤིང་རྟའི་ཞལ་སྔ་ནས་གོང་གི་བཀའ་སྩལ་དགྱེས་པ་བསྒྲུབ་པའི་སླད་དུ་རང་གི་ཉམས་ལེན་སྙིང་པོ་དང་མཐུན་པར་རབ་བྱུང་བཅུ་གཉིས་པའི་བགྲང་བྱ་རྔ་ཆེན་གྱི་ལོ་ས་ག་ཟླ་བའི་དམར་ཕྱོགས་ཀྱི་ཚེས་བཅུ་མཁའ་འགྲོ་འདུ་བའི་དུས་བཟང་པོར་ཀོང་ཡུལ་ཟང་ཁ་ལྕུགས་རི་འོད་གསལ་ལྡིང་དུ་རྣལ་འབྱོར་པ་ཚེ་དབང་ནོར་བུ་རྡོ་རྗེ་དཔལ་འབར་གྱིས་སྦྱར་བ་སརྦ་མངྒ་ལཾ།། །།
གདམས་ངག་མཛོད་པོད་བཅོ་ལྔ་པ།
དཔལ་མཆོག་དང་པོའི་སངས་རྒྱས་ཀྱི་མན་ངག་ཟབ་ལམ་རྡོ་རྗེའི་རྣལ་འབྱོར་བྱིན་རླབས་བཀའ་བརྒྱུད་བླ་མར་གསོལ་བ་འདེབས་པ་བརྒྱུད་འཛིན་མཆོག་རྒྱས།
― LT24_Page_164A ―
[མ་དཔེ་གཟིགས་ན་འདིར་གནོན།]
དཔལ་མཆོག་དང་པོའི་སངས་རྒྱས་ཀྱི་མན་ངག་ཟབ་ལམ་རྡོ་རྗེའི་རྣལ་འབྱོར་བྱིན་རླབས་བཀའ་བརྒྱུད་བླ་མར་གསོལ་བ་འདེབས་པ་བརྒྱུད་འཛིན་མཆོག་རྒྱས་ཞེས་བྱ་བ་བཞུགས་སོ། །ཨོཾ་ཨཱཿཧཱུྃ་ཧོཿ མཆོག་རྒྱས་དང་པོའི་སངས་རྒྱས་ཀུན་ཏུ་བཟང༌། །ཡན་ལག་བདུན་ལྡན་བཅོམ་ལྡན་དུས་འཁོར་ལོ། །གསོལ་བ་འདེབས་སོ་ཐུགས་རྗེས་བདག་བློ་ཟུངས། །བརྒྱུད་པ་འཛིན་ནོ་རྣམ་ཐར་མཚུངས་བྱིན་རློབས། །ཨེ་ཝཾ་རྡོ་རྗེ་འཆང་དབང་ཤཱཀྱ་ཐུབ། །རྒྱལ་བ་གཉིས་པ་གསང་བདག་ཟླ་བ་བཟང༌། །གསོལ་བ་འདེབས་སོ༴ བརྒྱུད་པ་འཛིན་ནོ༴ ས་བཅུའི་སེམས་དཔའ་ཆེ་དང་ཁྲོ་བོའི་གཙོའི། །རྣམ་འཕྲུལ་ཆོས་རྒྱལ་རིགས་ལྡན་སུམ་ཅུ་ལྔར། །གསོལ་བ༴ བརྒྱུད་པ༴ གྲུབ་པ་ཡོངས་གཙོ་དུས་ཞབས་འཇམ་རྡོ་རྗེ། །མཁས་གྲུབ་དུས་འཁོར་བྷ་དྲ་པ་ཡབ་སྲས། །གསོལ་བ༴ བརྒྱུད་པ༴ མཁས་ཤིང་མཆོག་གཟིགས་པཎ་ཆེན་ཟླ་བ་མགོན། །འཇིག་རྟེན་མིག་གྱུར་འབྲོ་ལོ་ཤེས་རབ་གྲགས། །གསོལ་བ༴ བརྒྱུད་པ༴ རྫོགས་སྦྱོར་ལམ་གྱིས་གྲུབ་བརྙེས་དཀོན་མཆོག་སྲུང༌། །མཁའ་འགྲོས་མཆོད་གྱུར་དཔའ་བོ་གནམ་ལ་བརྩེགས། །གསོལ་བ༴ བརྒྱུད་པ༴ འདུལ་འཛིན་ཡེ་ཤེས་ཆེ་བརྙེས་དད་པའི་རྒྱལ། །འཇམ་དཔལ་གཞོན་ནུའི་རྣམ་འཕྲུལ་ཆོས་དབང་ཕྱུག །གསོལ་བ༴། བརྒྱུད་པ༴ ལྷག་ལྷས་རྗེས་བཟུང་མཁས་པ་ནམ་མཁའ་འོད། །མཁའ་སྤྱོད་ཡོངས་གཙོ་འཇའ་ལུས་ཇོ་འབུམ་མ། །གསོལ་བ༴ བརྒྱུད་པ༴ ས་བཅུའི་དབང་ཕྱུག་ནམ་མཁའ་རྒྱལ་མཚན་པ། །འཇམ་དཔལ་དཔའ་བོས་རྗེས་བཟུང་ཤེས་རབ་འོད། །གསོལ་བ༴ བརྒྱུད་པ༴ སངས་རྒྱས་རབ་གསལ་ངོ་བོ་ཆོས་འོད་ཟེར། །རིགས་ལྡན་རྣམ་འཕྲུལ་ཀུན་སྤངས་ཞང་བརྩོན་འགྲུས། །གསོལ་བ༴ བརྒྱུད་པ༴ བྱང་སེམས་ཆེན་པོ་རྒྱལ་བ་ཡེ་ཤེས་པ། །མཁས་བཙུན་བཟང་པོའི་མཐར་ཐུག་ཡོན་ཏན་མཚོ། །གསོལ་བ༴ བརྒྱུད་པ༴ པད་
― LT24_Page_164B ―
[མ་དཔེ་གཟིགས་ན་འདིར་གནོན།]
དཀར་འཆང་དངོས་ཀུན་མཁྱེན་དོལ་པོ་པ། །དེ་བསྟན་འཛིན་མཁས་ཕྱོགས་ལས་རྣམ་རྒྱལ་ཞབས། །གསོལ་བ༴ བརྒྱུད་པ༴ སྨྲ་བའི་སེང་གེ་ཉ་དབོན་ཀུན་དགའ་དཔལ། །འཁྲུལ་ཞིག་རྣལ་འབྱོར་གྲུབ་ཆེན་ཀུན་བློ་གྲོས། །གསོལ་བ༴ བརྒྱུད་པ༴ ལུང་རྟོགས་བསྟན་པ་ཡོངས་རྫོགས་དཀོན་མཆོག་བཟང༌། །རིག་འཛིན་གསལ་སྒྲོན་ནམ་མཁའ་ཆོས་སྐྱོང་མཚན། །གསོལ་བ༴ བརྒྱུད་པ༴་གནས་ལྔ་རིག་པ་ནམ་མཁའ་དཔལ་བཟང་པོ། །འཕགས་པའི་རྣམ་འཕྲུལ་ཡོངས་གྲགས་རིན་ཆེན་བཟང༌། །གསོལ་བ༴ བརྒྱུད་པ༴ འཇམ་མགོན་གྲུབ་པ་སྤྱོད་འཆང་གྲོལ་མཆོག་ཞབས། །འདུལ་འཛིན་མཁས་གྲུབ་ལུང་རིག་རྒྱ་མཚོའི་སྡེ། །གསོལ་བ༴ བརྒྱུད་པ༴ འཇིགས་མེད་ཤིང་རྟ་ཀུན་སྙིང་རྡོ་རྗེ་འཆང༌། །རྒྱལ་ཚབ་གནས་བརྟན་རིན་ཆེན་རྒྱ་མཚོ་ཆེ། །གསོལ་བ༴ བརྒྱུད་པ༴ ཟབ་ལམ་བསྟན་པའི་སྲོག་འཛིན་བློ་གྲོས་རྒྱལ། །རྡོ་རྗེའི་རྣལ་འབྱོར་ངག་དབང་ཕྲིན་ལས་དཔལ། །གསོལ་བ༴ བརྒྱུད་པ༴ སྦས་པའི་སངས་རྒྱས་ཆོས་རྗེ་ཀུན་བཟང་དབང༌། །རྒྱལ་སྲས་རིག་འཛིན་ཚེ་དབང་ནོར་བུའི་སྡེ། །གསོལ་བ༴ བརྒྱུད་པ༴ ཁ་སྐོང་ནི། བྱམས་མགོན་ཀུན་མཁྱེན་དྷརྨཱ་ཀ་རའི་ཞབས། །བཤད་སྒྲུབ་ཕྲིན་ལས་ཐུགས་ཀྱི་རྡོ་རྗེ་ཅན། །གསོལ་བ༴ བརྒྱུད་པ༴ ཤྩོ་ཀ་འདི་པདྨ་ཉིན་བྱེད་དབང་པོས་མཛད། དེའི་ཞལ་སྐོང་ནི། མི་འགྱུར་མཆོག་བདེ་གྲུབ་པ་པདྨའི་མཚན། །འཇམ་པའི་དབྱངས་དངོས་བློ་གྲོས་མཐའ་ཡས་ཞབས། །གསོལ་བ༴ བརྒྱུད་པ༴ ཡང་ན་ངག་དབང་ཕྲིན་ལས་ཀྱི་རྗེས་སུ། སྙིང་པོའི་དོན་གཟིགས་ངག་དབང་རྣམ་པར་རྒྱལ། །རྗེས་དྲན་མངོན་གྱུར་ཀུན་དགའ་ཆོས་འཕེལ་ལ། །གསོལ་བ༴ བརྒྱུད་པ༴ བདེ་ཆེན་གྲུབ་པ་ངག་དབང་དྲི་མེད་དཔལ། །འོད་གསལ་མཁའ་ཁྱབ་ངག་དབང་ཆོས་འཕེལ་རྗེ། །གསོལ་བ༴ བརྒྱུད་པ༴
― LT24_Page_165A ―
[མ་དཔེ་གཟིགས་ན་འདིར་གནོན།]
ཤེས་དང་ཤེས་བྱ་དབྱེར་མེད་ཡེ་ཤེས་སྐུ། །དང་པོའི་སངས་རྒྱས་བློ་གྲོས་མཐའ་ཡས་ལ། །གསོལ་བ༴ བརྒྱུད་པ༴ ཞེས་མཉྫུ་གྷོ་ཥས་སོ།། གདུལ་བྱ་ཐར་ལམ་མཆོག་གྱུར་ཕྱག་རྒྱ་ཆེ། །སྟོན་མཛད་མཚུངས་མེད་རྩ་བའི་བླ་མ་ལ། །གསོལ་བ༴ བརྒྱུད་པ༴ རྒྱུད་སྡེའི་མཐར་ཐུག་ཡི་དམ་ཡོངས་ཀྱི་གཙོ། །དུས་ཀྱི་འཁོར་ལོ་བཅོམ་ལྡན་རྡོ་རྗེ་སེམས། །གསོལ་བ༴ བརྒྱུད་པ༴ རྒྱུད་ཀྱི་བདག་མོ་རྣལ་འབྱོར་མ་རིགས་བརྒྱ། །བར་ཆད་སེལ་མཛད་སྲུང་མ་དྲུག་ཅུ་ལ། །གསོལ་བ༴ བརྒྱུད་པ༴ དེ་ལྟར་ཟབ་ལམ་རྡོ་རྗེའི་རྣལ་འབྱོར་གྱི། །བརྒྱུད་པ་ཡིད་བཞིན་ནོར་བུར་གསོལ་བཏབ་མཐུས། །གང་གི་ཐུགས་རྗེས་བདག་བློ་དད་པ་དང༌། །ངེས་འབྱུང་ལྷག་བསམ་རྣམ་དག་སྡོམ་གསུམ་བརྟན། །བྱིན་རླབས་ཞུགས་མཐུས་གཞན་སྟོང་ལྟ་བའི་གནད། །ཅི་བཞིན་བློར་ཆུད་རྡོ་རྗེའི་རྣལ་འབྱོར་ལམ། །བསྒོམ་པས་ཚེ་གཅིག་ཉིད་ལ་དབང་བཞིའི་དོན། །མ་ནོར་རྡོར་སེམས་འབྲས་བུ་ཐོབ་བྱིན་རློབས། །ཅེས་རྒྱུད་རྒྱལ་དུས་ཀྱི་འཁོར་ལོའི་མན་ངག་ཟབ་ལམ་རྡོ་རྗེའི་རྣལ་འབྱོར་སྦྱོར་བ་ཡན་ལག་དྲུག་གི་བྱིན་རླབས་བརྒྱུད་པའི་བླ་མ་ལ་གསོལ་བ་འདེབས་པ་འདིའང་རྒྱལ་ཁམས་པ་ཚེ་དབང་ནོར་བུས་ལྷོ་ཕྱོགས་ཀྱི་ཤམྦྷ་ལ་ཇོ་ནང་དཔལ་གྱི་རི་ཁྲོད་དུ་ཤིང་སྟག་ནག་ཟླའི་ཆོས་ཉེར་གསུམ་ལ་ཆོས་འཆད་པའི་ཐུན་སྐབས་གཅིག་ཏུ་བརྗོད་པའོ། །དགེའོ། །
གདམས་ངག་མཛོད་པོད་བཅོ་ལྔ་པ།
དཔལ་དུས་ཀྱི་འཁོར་ལོའི་སྦྱོར་དྲུག་གི་སྔོན་འགྲོ་ཆོས་སྤྱོད་ཀྱི་ངག་འདོན་ཟུང་འཇུག་ཐེམ་སྐས།
― LT24_Page_166A ―
[མ་དཔེ་གཟིགས་ན་འདིར་གནོན།]
དཔལ་དུས་ཀྱི་འཁོར་ལོའི་སྦྱོར་དྲུག་གི་སྔོན་འགྲོ་ཆོས་སྤྱོད་ཀྱི་ངག་འདོན་ཟུང་འཇུག་ཐེམ་སྐས་ཞེས་བྱ་བ་བཞུགས་སོ།། །།
― LT24_Page_166B ―
[མ་དཔེ་གཟིགས་ན་འདིར་གནོན།]
ན་མོ་གུ་ར་ཝེ། གང་ཞིག་སྲིད་དང་ཞི་བའི་དངོས་པོ་རྣམས། །མི་འགྱུར་བདེ་བ་ཆེན་པོའི་དབྱིངས་ཉིད་དུ། །རྒྱས་གདབ་ལྷན་ཅིག་སྐྱེས་པའི་ཡེ་ཤེས་མཆོག །མངོན་པར་གསལ་སྟོན་དཔལ་ལྡན་བླ་མར་འདུད། །དུས་གསུམ་རྒྱལ་དང་རྒྱས་སྲས་ཀྱི། །འཇུག་ངོགས་བླ་ན་མེད་པ་ཡི། །ཟབ་མོའི་ལམ་མཆོག་འདིར་གུས་རྣམས། །སྔོན་འགྲོའི་ཆོས་ལ་འབད་པ་རིགས། །དེ་ཡང་གང་ཟག་སྐལ་པ་མཆོག་དང་ལྡན་ཞིང་དད་མོས་དམ་ཚིག་ཅན་གྱིས་ཟབ་ལམ་རྡོ་རྗེའི་རྣལ་འབྱོར་ཉམས་སུ་ལེན་པ་ལ་རྒྱུད་སྣོད་རུང་དུ་བྱ་ཕྱིར་ཐུན་མོང་སྔོན་འགྲོ་ཆོས་སྤྱོད་ཀྱི་རིམ་པ་ལ་ལྔ་སྟེ། ཐོག་མར་ཐེག་ཆེན་ལམ་གྱི་གཞི་རྟེན་སྐྱབས་སུ་འགྲོ་བ་དང་སེམས་བསྐྱེད་པ། སྡིག་སྒྲིབ་བག་ཆགས་སྦྱོང་བྱེད་རྡོར་སེམས་བསྐྱེད་བཟླས། །ཚོགས་གཉིས་མྱུར་དུ་རྫོགས་ཕྱིར་མཎྜལ་མཆོད་འབུལ། །ཐུགས་རྗེས་རྒྱུད་གྲོལ་སྨིན་བྱེད་བླ་མའི་རྣལ་འབྱོར་བཅས་དང༌། ཐུན་མོང་མིན་པའི་སྔོན་འགྲོ་རྫོགས་རིམ་གྱི་རྟེན་བསྐྱེད་རིམ་ལྷ་ཡི་རྣལ་འབྱོར་སོགས་ཀྱི་ངག་འདོན་རྣམས་ཐར་ཆགས་བསྟར་བ་ལ། དང་པོ་དབེན་པའི་གནས་སུ་བདེ་བའི་སྟན་ལ་ལུས་གནད་དཀྱུས་མཐུན་ཙམ་བཅའ་སེམས་རྣལ་དུ་ཕབ་ནས། །དག་པའི་ཞིང་ཁམས་ཡངས་ཤིང་རྒྱ་ཆེ་བའི་དབུས་སུ། ལྷའི་གཞལ་ཡས་ཁང་རིན་པོ་ཆེ་སྣ་ཚོགས་ལས་གྲུབ་པའི་རྒྱ་ཁྱོན་བཀོད་ལེགས་དེའི་དབུས་སུ། དཔག་བསམ་ལྗོན་པ་རྩ་བ་བརྟན་ལ་ཡལ་ག་དང་ལོ་འདབ་མེ་ཏོག་དང་འབྲས་བུ་རྒྱས་
― LT24_Page_167A ―
[མ་དཔེ་གཟིགས་ན་འདིར་གནོན།]
པའི་སྟེང་དུ་སེངྒེས་བཏེགས་པའི་རིན་པོ་ཆེའི་ཁྲི། སྣ་ཚོགས་པདྨ་དང་ཉི་ཟླའི་སྟེང་དུ། ངོ་བོ་རང་གི་རྩ་བའི་བླ་མ་རྣམ་པ་རྡོ་རྗེ་འཆང་གི་སྐུ་ཅན་ལ་བརྒྱུད་པའི་བླ་མ་ཐམས་ཅད་སྤྲིན་ལྟར་གཏིབས་པ། དེ་ལ་ཡི་དམ་རྒྱུད་སྡེ་བཞིའི་དཀྱིལ་འཁོར་ལྷ་ཚོགས་རྣམས་ཀྱིས་བསྐོར་ཞིང༌། ཕྱོགས་ཀྱི་ས་གཞི་ལ་སེང་ཁྲི་པདྨ་ཉི་ཟླའི་གདན་རེ་རེ་གསལ་བའི་མདུན་དུ་རྒྱལ་བ་ཤཱཀྱ་ཐུབ་པ་ལ་ཕྱོགས་བཅུ་དུས་གསུམ་གྱི་སངས་རྒྱས་སྤྲུལ་པའི་སྐུ་རྣམས་ཀྱིས་བསྐོར་བ་དང༌། གཡས་སུ་འཕགས་པ་འཇམ་དཔལ་ཉེ་བའི་སྲས་བརྒྱད་སོགས་བྱང་སེམས་འཕགས་པའི་དགེ་འདུན་རྣམས་དང༌། གཡོན་དུ་མཆོག་ཟུང་གཉིས་སོགས་ཉན་རང་འཕགས་པའི་དགེ་འདུན་གྱི་ཚོགས་དང༌། རྒྱབ་ཕྱོགས་སུ་ཆོས་དཀོན་མཆོག་དམ་པའི་ཆོས་གསུང་རབ་གླེགས་བམ་གྱི་རྣམ་པ། གདན་ཁྲི་རྣམས་ཀྱི་བར་མཚམས་སུ་ཡེ་ཤེས་ཆོས་སྐྱོང་རྣམས་དང༌། དཔའ་བོ་མཁའ་འགྲོ་ལ་སོགས་པ་ཐམས་ཅད་སྲུང་སྐྱོབ་ཀྱི་ཚུལ་དུ་བཞུགས་པར་མོས་ལ། དེ་རྣམས་ཀྱི་དྲུང་དུ་རང་དང་ལྷན་ཅིག་མ་གྱུར་མཁའ་མཉམ་སེམས་ཅན་ཐམས་ཅད་ཀྱིས་སྐྱབས་ཡུལ་རྣམས་ཀྱི་ཡོན་ཏན་དྲན་བཞིན་པའི་སྒོ་ནས་སྐྱབས་སུ་འགྲོ་བ་དང་རིགས་དྲུག་སེམས་ཅན་གྱི་སྡུག་བསྔལ་ལ་སྙིང་རྗེས་ཀུན་ནས་བསླང་སྟེ་ཐར་པའི་གནས་སུ་དྲངས་པའི་འདུན་པ་དང་ལྡན་པས། ནམ་མཁའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་
― LT24_Page_167B ―
[མ་དཔེ་གཟིགས་ན་འདིར་གནོན།]
བྱང་ཆུབ་སྙིང་པོ་ལ་མཆིས་ཀྱི་བར་དུ། ཆོས་རྗེ་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །མཁའ་འགྲོ་ཆོས་སྐྱོང་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ལ་སྐྱབས་སུ་མཆིའོ། །དེ་ལྟར་ཚོགས་ཞིང་རྣམས་ལ་བློ་གཏད་ལིང་བསྐྱུར་གྱིས་སྐྱབས་འགྲོ་ཅི་ནུས་བྱ་ཞིང༌། མཐར། བླ་མ་དཀོན་མཆོག་རིན་པོ་ཆེ་རྣམས་ཀྱིས་བདག་དང་སེམས་ཅན་ཐམས་ཅད་ལ་བྱིན་གྱིས་བརླབ་ཏུ་གསོལ། ཅེས་ལན་གསུམ་གསོལ་བ་གདབ། སྐྱབས་ཡུལ་རྣམས་འོད་དུ་ཞུ་སྟེ་རང་ལ་ཐིམ། ཅི་གནས་སུ་མཉམ་པར་བཞག །བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང༌། །བསོད་ནམས་ཡེ་ཤེས་ལས་བྱུང་བའི། །དམ་པ་གཉིས་པོ་ཐོབ་པར་ཤོག །ཅེས་བརྗོད། འདི་སྐབས་ཉལ་པའི་རྣལ་འབྱོར་ནི། སྐྱབས་ཡུལ་རྣམས་མ་བསྡུས་ཐར་བླ་མའི་སྐུའི་མདུན་ཕྱོགས་ཀྱིས་གཞིར་པད་ཟླའི་གདན་ལ་རང་ཉིད་ཉལ་བར་མོས་ཏེ། སྐྱབས་ཡུལ་ལ་མོས་གུས་སྒོམ་བཞིན་པས་གཉིད་དུ་འགྲོ་བར་བྱའོ། །ཞར་བྱུང་གི་མན་ངག་གོ །དེ་ནས་གཉིས་པ་སེམས་བསྐྱེད་ནི། ཕྱོགས་བཅུ་ནམ་མཁའི་མཐའ་དང་མཉམ་པའི་འཇིག་རྟེན་གྱི་ཁམས་ལ་བློས་གཞིག་བཏང་ནས། བདག་གཞན་ཐམས་ཅད་བདེ་བ་ལྟར་སྣང་ཉི་ཚེ་བའི་ངང་ནས། སྡུག་བསྔལ་མཐའ་མེད་ཁོར་མོ་ཡུག་ཏུ་སྤྱོད་བཞིན་བ་ལ་ཡིད་སྐྱོ་ཤས་དང་བཅས་སྨོན་འཇུག་གི་སེམས་བསྐྱེད་པ་དང༌། ཚད་མེད་བཞིའི་དོན་བསྒོམ་པ་རང་རྒྱུད་ལ་ཅི་འདྲེར་བྱ་ཞིང་ངག་ཏུ། ནམ་མཁའ་དང་མཉམ་པའི་སེམས་ཅན་ཐམས་ཅད་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་མྱུར་དུ་ཐོབ་པར་བྱ། དེའི་ཕྱིར་དུ་ཟབ་ལམ་རྡོ་རྗེའི་རྣལ་འབྱོར་བསྒོམ་པར་བགྱིའོ། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་
― LT24_Page_168A ―
[མ་དཔེ་གཟིགས་ན་འདིར་གནོན།]
བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་དང་བྲལ་བའི་བཏང་སྙོམས་ཚད་མེད་པ་ལ་གནས་པར་གྱུར་ཅིག །གང་ནུས་བརྗོད་མཐར་དགེ་བསྔོ་བཅས་བྱ། གསུམ་པ་རྡོར་སེམས་བསྒོམ་བཟླས་ནི། རང་གི་སྤྱི་བོར་པཾ་ལས་པདྨ་དང༌། ཨ་ལས་ཟླ་བའི་དཀྱིལ་འཁོར་གྱི་སྟེང་དུ། །ཧཱུྃ་ལས་རྡོ་རྗེ་དཀར་པོ་རྩེ་ལྔ་པ། །ལྟེ་བ་ལ་ཧཱུྃ་གིས་མཚན་པ། དེ་ལས་འོད་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། ཚུལ་འདུས་ཧཱུྃ་ལ་ཐིམ། དེ་འོད་དུ་ཞུ་བ་ཡོངས་སུ་གྱུར་པ་ལས་བཅོམ་ལྡན་འདས་རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་པ། གཡས་རྡོ་རྗེ་དང་གཡོན་དྲིལ་བུ་འཛིན་པས་ཡུམ་ལ་འཁྱུད་པ། ཡུམ་རྡོ་རྗེ་སྙེམས་མ་དཀར་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པ་དང་རིན་པོ་ཆེའི་རྒྱན་གྱིས་བརྒྱན་པ། རྡོ་རྗེ་དང་པདྨའི་སྐྱིལ་མོ་ཀྲུང་གིས་བཞུགས་པའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་ཧོཿ ཐུགས་ཀའི་ཧཱུྃ་ལས་འོད་འཕྲོས། སངས་རྒྱས་ཐམས་ཅད་ཀྱི་བྱིན་རླབས་ཡེ་ཤེས་ཀྱི་བདུད་རྩིའི་རྣམ་པར་སྤྱན་དྲངས། ཛཿཧཱུྃ་བཾ་ཧོ། གཉིས་སུ་མེད་པར་བསྟིམ། བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱིས་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཨོཾ་ཤྲི་བཛྲ་ཧེ་རུ་ཀ་ས་མ་ཡ། མ་ནུ་པཱ་ལ་ཡ། བཛྲ་ཧེ་རུ་ཀ་ཏྭེ་ནོ་པ་ཏིཥྛ། དྲྀཌོ་མེ་བྷ་ཝ། སུ་ཏོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲི་ཡཾ། ཀུ་རུ་ཧཱུྃ་ཧ་ཧ་ཧ་ཧ་ཧོཿ བྷ་ག་ཝཱན། བཛྲ་ཧེ་རུ་ཀ་མཱ་མེ་མུཉྩ། ཧེ་རུ་ཀོ་བྷ་ཝ་མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕཊ། ཅེས་ཅི་ནུས་བཟླ་ཞིང༌། སྔགས་དོན་དང་མཐུན་པར་གསོལ་བ་གདབ་པ་དང༌། ཐུགས་ཀར་ཟླ་སྟེང་ཧཱུྃ་
― LT24_Page_168B ―
[མ་དཔེ་གཟིགས་ན་འདིར་གནོན།]
མཐར་སྔགས་ཕྲེང་ཞལ་ནང་བསྟན་དེ་ལས་བདུད་རྩི་བབས་སྐུ་གང་རྡོ་རྗེའི་ལམ་ནས་ཡུམ་གྱི་པདྨར་སྤྲོས་སྦྱོར་མཚམས་དང་སྐུའི་ཆ་རྣམས་ལས་བདུད་རྩི་འོ་རྒྱུན་ལྟར་བབ་རང་ལུས་ཤེལ་བུམ་གང་བ་ལྟར། ནད་གདོན་བག་ཆགས་དྲི་མ་ཕྱིར་ལུད་པར་དམིགས་ནས་མཐར། བདག་ནི་མི་ཤེས་རྨོངས་པ་སྟེ། དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱོབ་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུམ་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱི་བརླབ་ཏུ་གསོལ། རྡོ་རྗེ་སེམས་དཔའི་ཡབ་ཡུམ་འོད་དུ་ཞུ་སྟེ་རང་ལ་ཐིམ། གནས་ལུགས་སྐྱོང༌། བསྔོ་བ་ནི། དགེ་བ་འདི་ཡིས་མྱུར་དུ་བདག །རྡོ་རྗེ་སེམས་དཔའ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །སྡིག་སྒྲིབ་དག་པའི་རྟགས་ཀྱང་ཡང་ཡང་འབྱུང་ངོ༌། །བཞི་པ་མཎྜལ་ནི། དངོས་འབྱོར་དང་ཡིད་ཀྱིས་སྤྲུལ་པའི་མཆོད་པ་འདི་སྐབས་དང་བླ་མའི་རྣལ་འབྱོར་བཅས་ལ་རྟེན་འབྱུང་གི་ཆེད་དུ་གཙོར་བཏོན་དགོས་པས། དཀོན་མཆོག་གི་རྟེན་བཀྲམ་པའི་དྲུང༌། །མཆོད་རྫས་གང་འབྱོར་ཚར་དུ་དངར་བ་དང༌། །མཎྜལ་རྒྱུ་རིན་པོ་ཆེ་ལས་གྲུབ་པ་སོགས་གང་རྙེད་དང༌། །དྲི་བཟང་གི་ཆུ་དང༌། འབྲུ་སྣ་ལ་སོགས་པ་བཅས་འདུ་བྱས། མདུན་གྱི་ནམ་མཁར་གཞལ་མེད་ཁང་དང་སྐྱབས་ཡུལ་ཚོགས་ཞིང་རྣམས་སྔར་ལྟར་དམིགས་ལ། བདག་གཞན་སེམས་ཅན་གྱི་ལུས་ཞིང་གི་རྡུལ་སྙེད་སྤྲུལ་ནས་ཕྱག་འཚལ་བ་ནི། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཅེས་དང༌། གང་གི་བཀའ་དྲིན་འོད་ཀྱིས་གསལ་བྱས་བདག་ཉིད་ཀྱི། །དེ་ཉིད་རིན་ཆེན་འོད་ཀྱི་ཚོགས་ཀྱིས་མུན་བཅོམ་ནས། །མིག་སྐྱོན་མེད་རྣམས་རོལ་པར་བཅས་པས་སྟེང་དུ་ནི། །བལྟ་གྱུར་བླ་མ་ཉི་མ་དེ་ལ་ཕྱག་འཚལ་ལོ། །ཞེས་པས་ཕྱག་བྱ། ཁྱོད་ནི་མ་དང་ཁྱོད་ནི་ཕ་སྟེ་ཁྱོད་ནི་འགྲོ་བའི་བླ་མ་ཁྱོད་ནི་གཉེན་དང་གྲོགས་བཟང་པོ། །ཁྱོད་ནི་མགོན་
― LT24_Page_169A ―
[མ་དཔེ་གཟིགས་ན་འདིར་གནོན།]
པོ་ཁྱོད་ནི་བྱེད་པོ་ཕན་དང་སྡིག་འཕྲོག་ཁྱོད་ནི་གོ་འཕང་ཕུན་སུམ་ཚོགས་པ་ཡང༌། ཁྱོད་ནི་འབའ་ཞིག་གནས་དང་ཁྱོད་ནི་ཡོན་ཏན་མཆོག་གི་གནས་ཏེ་སྐྱོན་རྣམས་བཅོམ་པ་ཁྱོད་ཉིད་དོ། །ཁྱོད་ནི་དམན་པ་རྣམས་ཀྱི་མགོན་དང་ཡིད་བཞིན་ནོར་བུ་རྒྱལ་བའི་དབང་པོ་ཁྱོད་ལ་བདག་སྐྱབས་མཆི། ཞེས་པའམ་བསྡུ་ན། དཔལ་ལྡན་བླ་མ་དམ་པ་དུས་གསུམ་གྱི་སངས་རྒྱས་རིན་པོ་ཆེ་ལ་སྐྱབས་སུ་མཆིའོ། །ཞེས་པས་སྐྱབས་འགྲོ་བྱ། དེ་ནས་ལུས་ཀྱི་ལས་སུ་མཎྜལ་གྱི་ཚམ་བུ་བཀོད། ཡིད་ཀྱི་དམིགས་པ་འོག་གཞི་འབྱུང་བ་བཞིའི་དཀྱིལ་འཁོར་ལ་བརྟེན་པའི་གླིང་བཞི་རི་རབ་འཁོར་ཡུག་དང་བཅས་པ། སྟེང་ཕྱོགས་སྲིད་པའི་རྩེ་མོ་མན་ཆད་ཁམས་གསུམ་ཡོངས་སུ་རྫོགས་པའི་འཇིག་རྟེན་གྱི་ཁམས་འདི་རིན་པོ་ཆེ་སྣ་བདུན་ལ་སོགས་པ་ལྷ་དང་མིའི་དངོས་པོ་བཟང་ལ་གྱ་ནོམས་བས་གོ་མཚམས་མེད་ཅིང་ཕྱུར་བུར་བཀང་སྟེ་བླ་མེད་དཀོན་མཆོག་རྣམས་ལ་འབུལ། དེའི་རྗེས་སུ་བདག་མྱུར་དུ་སངས་རྒྱས་ཐོབ་པ་དང༌། ཟབ་ལམ་རྡོ་རྗེའི་རྣལ་འབྱོར་གྱི་ཉམས་རྟོགས་སྐྱེ་བར་གསོལ་བ་འདེབས་པ་ཡིན། དེ་དག་གི་སྐབས་སུ་ངག་ཏུ། ཨོཾ་བཛྲ་བྷུ་མི་ཨཱཿཧཱུྃ། གཞི་ཡོངས་སུ་དག་པ་དབང་ཆེན་གསེར་གྱི་ས་གཞིའི་སྟེང་དུ། ཨོཾ་བཛྲ་རེ་ཁེ་ཨཿཧཱུྃ། ཕྱི་ལྕགས་རི་ཁོར་ཡུག་གིས་བསྐོར་བའི་དབུས་སུ། ཧཱུྃ་རིའི་རྒྱལ་པོ་རི་རབ། ཤར་ལུས་འཕགས་པོ། ལྷོ་འཛམ་བུ་གླིང༌། བྱང་སྒྲ་མི་སྙན། ནུབ་བ་ལང་སྤྱོད། སྒྲ་གཅན། ཉི་མ། ཟླ་བ། དུས་མེ། དབུས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་པ་གང་ཡང་མ་ཚང་བ་མེད་པ་འདི་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང༌། ཡི་དམ་དཀྱིལ་འཁོར་གྱི་ལྷ་ཚོགས། སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །བདག་གཞན་ལུས་ངག་ཡིད་གསུམ་དུས་གསུམ་དགེ་ཚོགས་བཅས། །རིན་ཆེན་མཎྜལ་བཟང་པོ་ཀུན་བཟང་མཆོད་པའི་ཚོགས་བཅས་པ། །བློ་ཡིས་དམིགས་ནས་
― LT24_Page_169B ―
[མ་དཔེ་གཟིགས་ན་འདིར་གནོན།]
བླ་མ་དཀོན་མཆོག་རྣམས་ལ་འབུལ། །ཐུགས་རྗེའི་དབང་གིས་བཞེས་ནས་བྱིན་གྱིས་བརླབས་ཏུ་གསོལ། ཞེས་པའམ། ས་གཞི་སྤོས་ཆུས་བྱུང་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམས་དག་ཞིང་ལ་སྤྱོད་པར་ཤོག །ཅེས་བརྗོད། ཚུལ་དེས་མཎྜལ་ཅི་ནུས་སུ་འབུལ། ཐུན་འཇོག་ཁར། མཆོད་ཡུལ་རྣམས་འོད་དུ་ཞུ་སྟེ་རང་ལ་གཉིས་སུ་མེད་པར་ཐིམ། ངོ་བོ་སྐྱོང་ཞིང་དགེ་བསྔོ་སོགས་བྱའོ། །ལྔ་པ་བླ་མའི་རྣལ་འབྱོར་ནི། གནས་ཁང་དག་པའི་ཞིང་དུ་གསལ་བའི་དབུས་སུ། སེང་ཁྲི་པདྨ་ཉི་ཟླའི་གདན་ལ་རྩ་བའི་བླ་མ་ཁྱབ་བདག་རྡོ་རྗེ་འཆང་ཆེན་པོ་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་ནས་བཟུང་བ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ་དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། མཚན་དང་དཔེ་བྱད་ཐམས་ཅད་ཡོངས་སུ་རྫོགས་ཤིང༌། རང་ལ་དགྱེས་པའི་ཞལ་འཛུམ་བག་དང་ལྡན་པ། འོད་དང་འོད་ཟེར་གྱི་ཚོགས་མཐའ་ཡས་པ་འཕྲོ་བའི་སྐུ་ཅན་མཐའ་བསྐོར་དུ་བརྒྱུད་པའི་བླ་མ་རྣམས་དང༌། ཡི་དམ་དཀྱིལ་འཁོར་གྱི་ལྷ་ཚོགས། སངས་རྒྱས་བྱང་སེམས། འཕགས་པ་ཉན་རང༌། ཆོས་སྐྱོང་སྲུང་མ་ཐམས་ཅད་བཞུགས་པར་གྱུར། སྤྲོས་པ་ལ་དགའ་ན་ཕྱག་མཆོད་ཡན་ལག་བདུན་པ་རྒྱས་པར་བྱ། བསྡུ་ན་ཡིད་ཀྱིས་སྤྲུལ་པའི་མཆོད་པ་བསམ་གྱིས་མི་ཁྱབ་པ་བློས་ཕུལ་ཏེ། དཔལ་ལྡན་བླ་མ་དམ་པ་ལ་ཕྱག་འཚལ་ལོ། །མཆོད་དོ། །སྡིག་པ་བཤགས་སོ། །དགེ་བ་ལ་རྗེས་སུ་ཡི་རང་ངོ༌། །ཆོས་ཀྱི་འཁོར་ལོ་བསྐོར་བར་བསྐུལ་ལོ། །མྱ་ངན་ལས་མི་འདའ་བར་གསོལ་བ་འདེབས་སོ། །དགེ་བ་བླ་ན་མེད་པའི་བྱང་ཆུབ་ཏུ་བསྔོ་བར་བགྱིའོ། །སྐྱབས་སུ་མཆིའོ། །བྱང་ཆུབ་ཏུ་སེམས་བསྐྱེད་དོ། །བླ་ན་མེད་པའི་ལམ་བརྟེན་པར་བགྱིའོ། །བདག་ལ་ཐུགས་རྗེས་བཟུང་དུ་གསོལ། ཞེས་བརྗོད་ཅིང་དོན་བསམ། བར་འདིར་སྤྲོ་ན་རྩ་བརྒྱུད་ཀྱི་བླ་མའི་གསོལ་འདེབས་ལོགས་ན་ཡོད་པ་རྣམས་བྱ་ཞིང་བསྡུས་
― LT24_Page_170A ―
[མ་དཔེ་གཟིགས་ན་འདིར་གནོན།]
པ་ལ་དགའ་ན་མ་བྱས་ཀྱང་ཆོག །ངེས་པར་གདུང་བ་དྲག་པོས་གསོལ་བ་འདི་ལྟར་གདབ་སྟེ། སངས་རྒྱས་ཀུན་འདུས་ཀྱི་ངོ་བོ་ཆོས་རྗེ་དཔལ་ལྡན་བླ་མ་རིན་པོ་ཆེ་ལ་གསོལ་བ་འདེབས་སོ། །དེ་བཞིན་དུ་སྦྱར་ཏེ། སྐུ་བཞིའི་བདག་ཉིད་བླ་མ༴ སྐྱབས་མཆོག་མཚུངས་མེད༴ འདྲེན་མཆོག་མཚུངས་མེད༴ ཐར་པའི་ལམ་སྟོན༴ དངོས་གྲུབ་འབྱུང་གནས༴ མ་རིག་མུན་སེལ་བླ་མ་རིན་པོ་ཆེ༴ བདག་ལ་དབང་བསྐུར་བྱིན་གྱིས་བརླབ་ཏུ་གསོལ། །བདག་རྩེ་གཅིག་སྒྲུབ་པ་ནུས་པར༴ སྒྲུབ་པ་ལ་བར་ཆད་མི་འབྱུང་བར༴ སྒྲུབ་པ་སྙིང་པོ་ཉམས་སུ་ལོངས་པར༴ །སྒྲུབ་པ་རབ་ཀྱི་མཐར་ཕྱིན་པར༴ །བྱམས་སྙིང་རྗེ་བྱང་ཆུབ་ཀྱི་སེམས་འབྱོངས་པར༴ ཞི་གནས་ལྷག་མཐོང་ཟུང་དུ་འབྲེལ་བའི་ཏིང་ངེ་འཛིན་ལ་དབང་ཐོབ་པར༴ ཉམས་མྱོང་དང་རྟོགས་པ་ཁྱད་པར་ཅན་རྒྱུད་ལ་སྐྱེ་བར༴ ཟབ་ལམ་རྡོ་རྗེའི་རྣལ་འབྱོར་གྱི་རིམ་པ་མཐར་ཕྱིན་པར༴ ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་བྱིན་གྱིས་བརླབ་ཏུ་གསོལ། དེ་ལྟར་རྒྱངས་འབོད་གསོལ་འདེབས་སྣང་བ་འགྱུར་ངེས་ཅི་ནུས་ཀྱི་མཐར་བྱིན་རླབས་བསྡུ་བ་ནི། བླ་མའི་སྐུའི་དཔྲལ་བར་ཨོཾ། མགྲིན་པར་ཨཱཿ སྙིང་གར་ཧཱུྃ། ལྟེ་བར་ཧོཿརྣམས་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་ངོ་བོར་བཞུགས། ཨོཾ་ལས་འོད་ཟེར་དཀར་པོ་འཕྲོས། རང་གི་དཔྲལ་བར་ཐིམ། ལུས་ཀྱི་སྡིག་སྒྲིབ་དག །བུམ་པའི་དབང་ཐོབ། སྐུའི་བྱིན་རླབས་ཞུགས། ཨཿལས་འོད་ཟེར་དམར་པོ་འཕྲོས། རང་གི་མགྲིན་པར་ཐིམ། ངག་གི་སྡིག་སྒྲིབ་དག །གསང་བའི་དབང་ཐོབ། གསུང་གི་བྱིན་རླབས་ཞུགས། ཧཱུྃ་ལས་འོད་ཟེར་མཐིང་ག་འཕྲོས། །རང་གི་སྙིང་གར་ཐིམ་ཡིད་ཀྱི་སྡིག་སྒྲིབ་དག །ཤེས་རབ་ཡེ་ཤེས་ཀྱི་དབང་ཐོབ། ཐུགས་ཀྱི་བྱིན་རླབས་ཞུགས། ཧོཿལས་འོད་ཟེར་སེར་པོ་འཕྲོས། རང་གི་ལྟེ་བར་ཐིམ། ཆགས་རྟོག་གི་བག་ཆགས་དག །བཞི་པ་ཡེ་ཤེས་རྡོ་རྗེའི་དབང་ཐོབ། ཡེ་ཤེས་རྡོ་རྗེའི་བྱིན་
― LT24_Page_170B ―
[མ་དཔེ་གཟིགས་ན་འདིར་གནོན།]
རླབས་ཞུགས། དབང་བཞི་ལེན་པར་གྲངས་གསོག་ཚེ། གང་གི་བླ་མའི་སྐུ་སོགས་ནས་བསྐྱར་ཞིང་མཐར། སླར་ཡང་མོས་གུས་དུང་པ་དང་ཡིད་ཀྱིས་གསོལ་བ་བཏབ་པས། སངས་རྒྱས་བྱང་སེམས་འཁོར་གྱི་ཚུལ་དུ་བཞུགས་པ་རྣམས་བླ་མ་ཉིད་ལ་ཐིམ། དེ་ཉིད་ཤིན་ཏུ་དགྱེས་པའི་ཚུལ་གྱིས་རང་གི་སྤྱི་བོར་བྱོན། འོད་ཟེར་བདུད་རྩིའི་ཚུལ་དུ་ཞུ་སྟེ་རང་ལ་ཐིམ། བླ་མ་དང་རང་སེམས་དབྱེར་མེད་པའི་ངང་ལ་ཅུང་ཟད་མཉམ་པར་བཞག །དགེ་བསྔོ་སོགས་བྱའོ། །གཞན་ཡང༌། སྐྱེ་བ་ཀུན་ཏུ་ཡང་དག་བླ་མ་དང༌། སོགས་སྨོན་ལམ་རྣམ་དག་ཅི་རིགས་པའང་བརྗོད། སྔགས་ལམ་གྱི་ཉམས་རྟོགས་ཡོན་ཏན་ཐམས་ཅད་བླ་མའི་བྱིན་རླབས་ཁོ་ནས་ལམ་ཏུ་བྱེད་དགོས་པས་དེས་ན་བླ་མའི་མཚན་ཉིད་དང་བསྟེན་ཚུལ། མོས་གུས་དད་པའི་ཕན་ཡོན་སོགས་ངེས་པར་བྱས་ནས་ཉམས་སུ་ཅི་ནུས་ལེན་པ་གྲུབ་གཉིས་ཀྱི་རྩ་བ་མཆོག་སྟེ་གལ་ཆེའོ། །དམིགས་པ་འདིའི་ཡན་ལག་ཉལ་བའི་རྣལ་འབྱོར་ནི། རང་གི་སྙིང་པདྨ་འདབ་བརྒྱད་ཀྱི་ལྟེ་བ་ལ་བླ་མ་སྐུ་ཚད་ཚོན་གང་ཙམ་དགྱེས་པའི་འཛུམ་ཞལ་དུ་བཞུགས་པ་ལ་མོས་གུས་དུང་ངེ་བའི་ངང་ལས་གཉིད་དུ་འགྲོ་བར་བྱའོ། །དེ་ནས་ཐུན་མོང་མིན་པའི་སྔོན་འགྲོ་ལ་རྫོགས་རིམ་གྱི་རྟེན་བསྐྱེད་པའི་རིམ་པ་ལྷན་སྐྱེས་ཉིད་བསྔགས་པས་དེའི་བསྒོམ་ཚུལ་ནི། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱརྨ་ཀོ྅ཧཾ། སྟོང་པའི་ངང་ལས་རང་ཉིད་སྐད་ཅིག་གིས་དུས་འཁོར་ལྷན་སྐྱེས་སུ་གྱུར་པ་ནི། འབྱུང་བཞི་རི་རབ་པད་ཟླ་ཉི་མ་སྒྲ་གཅན་རྣམས་བརྩེགས་པའི་གདན་ལ། བདག་ཉིད་དཔལ་དུས་ཀྱི་འཁོར་ལོ་སྐུ་མདོག་སྔོན་པོ་ཞལ་གཅིག་ཕྱག་གཉིས་སྤྱན་གསུམ་པ། རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། ཞབས་གཡོན་པ་དཀར་པོ་བསྐུམ་པས་དབང་ཕྱུག་དཀར་པོ་དང༌། གཡས་པ་དམར་པོ་བརྐྱང་པས་འདོད་ལྷ་དམར་པོའི་སྙིང་གར་མནན་པ། རལ་པའི་ཐོར་ཚུགས་དང་ཡིད་བཞིན་གྱི་ནོར་བུ་དང༌། ཟླ་བ་ཕྱེད་པས་དབུ་ལ་བརྒྱན་པ། རྡོ་རྗེའི་རྒྱན་དང་སྟག་གི་པགས་པའི་ཤམས་ཐབས་ཅན། ཕྱག་སོར་རྣམས་ཁ་དོག་ལྔ་པ། སོར་ཚིགས་རྣམས་ཁ་
― LT24_Page_171A ―
[མ་དཔེ་གཟིགས་ན་འདིར་གནོན།]
དོག་གསུམ་པ། རྡོ་རྗེ་སེམས་དཔས་དབུ་བརྒྱན་ཅིང༌། མེ་རི་ཁ་དོག་སྣ་ལྔ་པའི་དབུས་ན་བཞུགས་པ། ཁྲོ་ཆགས་འདྲེས་པའི་ཉམས་ཅན་ནོ། །དེ་ལ་འཁྱུད་པའི་སྣ་ཚོགས་ཡུམ་སྐུ་མདོག་སེར་མོ། ཞལ་གཅིག་ཕྱག་གཉིས་སྤྱན་གསུམ་མ་དང༌། གཡས་གྲི་གུག་དང༌། གཡོན་ཐོད་པ་འཛིན་པས་ཡབ་ལ་འཁྱུད་ཅིང༌། ཞབས་གཡས་བསྐུམ་གཡོན་བརྐྱང་པས་ཡབ་དང་སྦྱོར་བ། གཅེར་བུ་རུས་པའི་ཕྱག་རྒྱ་ལྔས་བརྒྱན་ཅིང༌། དབུ་སྐྲ་ཕྱེད་གྲོལ་བའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་ཧོཿ གསང་གནས་སུ་སྭཱ། གཙུག་གཏོར་དུ་ཧཱ་རྣམས་འཁོད་པར་གྱུར། རང་གི་སྙིང་ག་ནས་འོད་ཟེར་འཕྲོས། སྣོད་གཞལ་ཡས་ཁང་དང༌། བཅུད་ཐམས་ཅད་དུས་ཀྱི་འཁོར་ལོའི་ལྷ་ཚོགས་སུ་གྱུར། དེ་ཐམས་ཅད་འོད་དུ་ཞུ་ནས་རང་ལ་ཐིམ། ལྷ་སྐུ་གསལ་སྟོང་དེ་ལ་ཅི་ནུས་སུ་མཉམ་པར་བཞག །དེ་ལྟར་བསྒོམ་ཞིང་སྔགས་བཟླ་བ་ནི། ཨོཾ་ྷྐྵྨླྺྼྻྃ་སྭཱ་ཧཱ། ཅི་ནུས་དང་མཐར། ཐུན་འཇོག་པའི་ཚེ། ལྷ་སྐུ་འོད་གསལ་སྟོང་པ་ཉིད་ཀྱི་ངང་དུ་སྦྱོངས། དགེ་བ་འདི་ཡིས་མྱུར་དུ་བདག །སོགས། དབེན་གསུམ་ལྟོས་མེད་བཞི་ལྡན་དང༌། དངོས་བཞི་སོར་སྡུད་བསམ་གཏན་དང༌། སྲོག་རྩོལ་དེ་བཞིན་འཛིན་པ་དང༌། རྗེས་སུ་དྲན་དང་ཏིང་ངེ་འཛིན། །སྦྱོར་བ་ཡན་ལག་དྲུག་ཏུ་འདོད། དེ་དག་ཇི་བཞིན་འགྲུབ་པའི་འདོད་དོན་གསོལ་གདབ་ནི། ལྷ་བདེ་གཤེགས་སྙིང་པོའི་བཀའ་དྲིན་གྱིས། །ཡིད་རྣམ་རྟོག་འགྱུ་བ་སོ་སོར་བཅད། །ཉམས་འོད་གསལ་རྟགས་བཅུ་རྫོགས་གྱུར་ནས། །ལམ་སོར་སྡུད་འབྱོང་པར་བྱིན་གྱིས་རློབས། །ཕ་དྲིན་ཆེན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ལྷ་བདེ་གཤེགས་སྙིང་པོའི་བཀའ་དྲིན་གྱིས། །ཡིད་རླུང་སེམས་ངག་རྣམས་མི་གཡོ་ཞིང༌། །ཉམས་ཤེས་རབ་རྟོག་དཔྱོད་དགའ་བདེ་འཕེལ། །ལམ་བསམ་གཏན་འབྱོང་བར་བྱིན་གྱིས་རློབས། །ཕ་དྲིན་
― LT24_Page_171B ―
[མ་དཔེ་གཟིགས་ན་འདིར་གནོན།]
ཆེན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ལྷ་བདེ་གཤེགས་སྙིང་པོའི་བཀའ་དྲིན་གྱིས། །རྩ་རོ་རྐྱང་རླུང་བཅུ་དབུ་མར་ཚུད། །ཉམས་གཏུམ་མོ་འབར་བས་ཧཾ་ཡིག་ཞུ། །ལམ་སྲོག་རྩོལ་འབྱོང་བར་བྱིན་གྱིས་རློབས། །ཕ་དྲིན་ཆེན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ལྷ་བདེ་གཤེགས་སྙིང་པོའི་བཀའ་དྲིན་གྱིས། །ཁམས་འཛག་མེད་ཐིག་ལེ་དཔྲལ་བར་བརྟན། །ཉམས་ཞུ་བདེ་འགྱུར་མེད་རྒྱུད་ལ་སྐྱེས། །ལམ་འཛིན་པ་འབྱོང་བར་བྱིན་གྱིས་རློབས། །ཕ་དྲིན་ཆེན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ལྷ་བདེ་གཤེགས་སྙིང་པོའི་བཀའ་དྲིན་གྱིས། །ལུས་རྩ་འདབ་བདེ་ཆེན་ཐིག་ལེས་གང༌། །ཉམས་ཕྱག་རྒྱ་གསུམ་ལ་མངའ་བརྙེས་པ། །ལམ་རྗེས་དྲན་འབྱོང་བར་བྱིན་གྱིས་རློབས། །ཕ་དྲིན་ཆེན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ལྷ་བདེ་གཤེགས་སྙིང་པོའི་བཀའ་དྲིན་གྱིས། །རྩ་འཁོར་ལོ་དྲུག་པོ་བདེ་བས་གང༌། །ཉམས་སྤྲོས་པ་མེད་ལ་དབང་འབྱོར་བའི། །ལམ་ཏིང་འཛིན་འབྱོང་བར་བྱིན་གྱིས་རློབས། །ཕ་དྲིན་ཆེན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། དེ་ནས་བསྔོ་བ། ཆོས་དབྱིངས་བྱང་ཆུབ་སེམས་སོགས་སྨོན་ལམ་ནི། རིགས་སུ་སྐྱེ་དང་དམ་ཚིག་ཅན། །སྨྱོ་མེད་དུས་ཀྱི་འཁོར་ལོ་སྟོན། །བླ་མ་ལ་གུས་སྙིང་བརྩེ་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པས་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང༌། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །ལྷ་མོ་ཚད་མ་དམ་ཚིག་ཚད་མ་དང༌། །དེས་གསུང་ཚིག་ཀྱང་ཚད་མིའི་མཆོག་མིན་
― LT24_Page_172A ―
[མ་དཔེ་གཟིགས་ན་འདིར་གནོན།]
ཏེ། བདེན་པ་དེ་ཡིས་ལྷ་མོ་དེ་དག་གིས། །བདག་ལ་རྗེས་སུ་འཛིན་པའི་རྒྱུར་གྱུར་ཅིག །དེ་ལས་བྱུང་བའི་དགེ་བའི་འོད་ཟེར་གྱིས། །མཁའ་མཉམ་འགྲོ་བའི་བློ་ཡི་མུན་བསལ་ནས། །བདེ་ཆེན་ཐར་པའི་ལམ་ལ་འགོད་པ་དང༌། །ཀུན་ཁྱབ་བདེ་གཤེགས་སྙིང་པོ་མངོན་གྱུར་ཤོག །བཀྲ་ཤིས་ནི། སྐྱབས་གསུམ་འགྱུར་བ་མེད་པའི་དགེ་ལེགས་དང༌། །དོན་དམ་རྟག་བརྟན་བདེན་པའི་ཕུན་ཚོགས་ཀྱིས། །ངེས་དོན་སྙིང་པོའི་རྒྱུད་རྒྱལ་དུས་འཁོར་ལོའི། །ཕྲིན་ལས་དར་ཞིང་རྒྱས་པའི་བཀྲ་ཤིས་ཤོག །ཅེས་པའང་སྦྱོར་དྲུག་ཁྲིད་རིམ་ཀྱི་སྔོན་འགྲོའི་ངག་འདོན་གཞུང་ཅི་བཞིན་པ་ལ་ཅུང་ཟད་གསལ་བར་བྱས་པ་འདི་ལྟར། རྒྱལ་དབང་མཁྱེན་གཟིགས་རིན་པོ་ཆེའི་བཀའ་སྩལ་ལྟར། སི་ཏུ་པདྨ་ཉིན་བྱེད་དབང་པོས་བཀོད་པས་འགྲོ་རྣམས་རྡོ་རྗེའི་རྣལ་འབྱོར་ཆེན་པོའི་གོང་འཕང་མངོན་དུ་ཐོབ་པའི་རྒྱུར་གྱུར་ཅིག། མངྒ་ལཾ།།
གདམས་ངག་མཛོད་པོད་བཅོ་ལྔ་པ།
དཔལ་དུས་ཀྱི་འཁོར་ལོའི་རིམ་གཉིས་འབྲོ་ལུགས་ཀྱི་བརྒྱུད་པའི་གསོལ་འདེབས་རྡོ་རྗེ་འབེབས་པ་ཆེན་པོ།
― LT24_Page_173A ―
[མ་དཔེ་གཟིགས་ན་འདིར་གནོན།]
དཔལ་དུས་ཀྱི་འཁོར་ལོའི་རིམ་གཉིས་འབྲོ་ལུགས་ཀྱི་བརྒྱུད་པའི་གསོལ་འདེབས་རྡོ་རྗེ་འབེབས་པ་ཆེན་པོ་ཞེས་བྱ་བ་བཞུགས་སོ།། །།
― LT24_Page_173B ―
[མ་དཔེ་གཟིགས་ན་འདིར་གནོན།]
ཨོཾ་ཨཱཿཧཱུྃ་ཧོཿཧཾ་ཀྵཿ །རྣམ་ཀུན་མཆོག་ལྡན་ཐིག་ལེ་སྟོང་པ་དྲུག །འགྱུར་མེད་བདེ་བ་སྟོང་ཆེན་ཡི་གེ་ལྔ། །སྙོམས་ཞུགས་འོད་གསལ་བདེ་གཤེགས་སྙིང་པོ་ལ། །གསོལ་བ་འདེབས་སོ་རྡོ་རྗེའི་ཡེ་ཤེས་སྩོལ། །ཐོག་མཐའ་དབུས་གནས་དུས་དང་ཡོན་ཏན་མེད། །སྐད་ཅིག་གཅིག་གིས་བྱང་ཆུབ་ཐམས་ཅད་མཁྱེན། །ཡེ་ཤེས་རྡོ་རྗེ་ཕྱག་རྒྱ་ཆེན་མོ་ལ། །གསོལ་བ་འདེབས་སོ༴ མཆོག་ཏུ་མི་འགྱུར་སྐྱེ་འཇིགས་སྤངས་པའི་བདེ། །རྣམ་པ་ལྔ་ཡིས་བྱང་ཆུབ་ཡེ་ཤེས་སྐུ། །ཐུགས་ཀྱི་རྡོ་རྗེ་དང་པོའི་སངས་རྒྱས་ལ། །གསོལ་བ༴ གཞོམ་མེད་སྒྲ་བརྙན་བདེན་དོན་བཅུ་གཉིས་པ། །རྣམ་པ་ཉི་ཤུས་བྱང་ཆུབ་ཉིན་མོར་བྱེད། །གསུང་གི་རྡོ་རྗེ་དུས་ཀྱི་འཁོར་ལོ་ལ། །གསོལ་བ༴ ཞི་བའི་གཟུགས་བརྙན་དེ་ཉིད་བཅུ་དྲུག་རིག །སྒྱུ་དྲྭས་བྱང་ཆུབ་པདྨ་འདབ་རྒྱས་སྤྱན། །སྐུ་ཡི་རྡོ་རྗེ་ཤཱཀྱ་ཐུབ་པ་ལ། །གསོལ་བ༴ རྡོ་རྗེ་ཟླ་བ་དྲི་མེད་འོད་བཟང་པོ། །ལྷ་
― LT24_Page_174A ―
[མ་དཔེ་གཟིགས་ན་འདིར་གནོན།]
དབང་གཟི་བརྗིད་ཟླ་བྱིན་ལྷའི་དབང་ཕྱུག །སྣ་ཚོགས་གཟུགས་དང་ལྷ་ཡི་དབང་ལྡན་ལ། །གསོལ་བ༴ ས་བཅུའི་དབང་ཕྱུག་ཚོགས་ཀྱི་སྤྲུལ་པའི་སྐུ། །འཇམ་དཔལ་གྲགས་པ་པདྨ་དཀར་པོ་སོགས། །རིགས་ལྡན་ཉེར་ལྔ་ཕྱེད་སྐྱོང་དུམ་སྐྱོང་ལ། །གསོལ་བ༴ འཇམ་པའི་རྡོ་རྗེ་རྒྱུད་ཀྱི་བདག་པོའི་བདག །ཤྲཱི་བྷ་དྲ་སེམས་འགྲེལ་མཁའ་ཁྱབ་སྤེལ། །རྡོ་རྗེའི་སྐུ་བརྙེས་དུས་ཞབས་ཆེ་ཆུང་ལ། །གསོལ་བ༴ བོ་དྷི་བྷ་དྲ་ལས་ཆེན་ཐོགས་མེད་འགྲུབ། །སོ་མ་ནཱ་ཐ་ཕྲ་རགས་ཟག་པ་ཟད། །མཆོག་གི་གྲུབ་པ་པཎ་ཆེན་རྣམ་གཉིས་ལ། །གསོལ་བ༴ ཤེས་རབ་གྲགས་པ་གཞོམ་མེད་སྒྲ་སྐད་བསྒྱུར། །སྒོམ་པ་ཀུན་མཆོག་སྤྱན་སྔ་ཆགས་མེད་འཆང༌། །སྔགས་མཆོག་རིག་པའི་བདག་པོ་ནམ་གཉིས་ལ། །གསོལ་བ༴ སྒྲོ་སྟོན་གནམ་བརྩེགས་འཕོ་ཆེན་རྡཱུ་ཏིར་བཅིངས། །མི་བསྐྱོད་རྡོ་རྗེ་ཡེ་ཤེས་མཁའ་ལ་སྤྱོད། །ཉི་ཟླའི་བགྲོད་པ་དག་པ་རྣམ་
― LT24_Page_174B ―
[མ་དཔེ་གཟིགས་ན་འདིར་གནོན།]
གཉིས་ལ། །གསོལ་བ༴ ཆོས་ཀྱི་དབང་ཕྱུག་གཉུག་མའི་ཆོས་གཏེར་བརྡོལ། །ནམ་མཁའ་འོད་ཟེར་མཁྱེན་རྟོགས་གཟི་འོད་འཕྲོ། །ལུང་རྟོགས་ཆོས་ཀྱི་ཕུང་པོ་རྣམ་གཉིས་ལ། །གསོལ་བ༴ ཌཱ་ཀི་ཇོ་འབུམ་ལྷན་སྐྱེས་ལང་ཚོས་སྒེག །ནམ་མཁའ་རྒྱལ་མཚན་དུས་གསུམ་ས་ལེར་གཟིགས། །ཡེ་ཤེས་ལུས་ཅན་ལྕམ་དྲལ་རྣམ་གཉིས་ལ། །གསོལ་བ༴ ཤེས་རབ་འོད་ཟེར་ཤེས་དང་ཤེས་བྱའི་བདག །ཆོས་སྐུ་འོད་ཟེར་འོད་གསལ་ཕྱག་རྒྱས་འཁྱུད། །མཆོག་ཐུན་གྲུབ་པའི་རྒྱལ་པོ་རྣམ་གཉིས་ལ། །གསོལ་བ༴ ཀུན་སྤངས་ཆེན་པོ་ཕྲ་རག་རྡུལ་ཆོས་སྤངས། །བྱང་སེམས་ཆེན་པོ་བྱམས་པའི་གོ་ཆས་གཡོགས། །རིགས་ལྡན་སྤྲུལ་པའི་སྐུ་མཆོག་རྣམ་གཉིས་ལ། །གསོལ་བ༴ མཁས་བཙུན་ཆེན་པོ་ཡོན་ཏན་རྒྱ་མཚོར་འཁྱིལ། །དུས་གསུམ་སངས་རྒྱས་ཀུན་མཁྱེན་དོལ་པོ་པ། །རྒྱུད་འགྲོལ་མན་ངག་ཤིང་རྟ་ཆེན་པོ་ལ། །གསོལ་བ༴ སྒྲ་བསྒྱུར་སྐུ་མཆེད་ནཱ་དའི་རང་སྒྲ་སྒྲོགས། །ཕྱོགས་ལས་རྣམ་རྒྱལ་སྒྲིབ་གསུམ་གཡུལ་ལས་རྒྱལ། །རྒྱལ་ཚབ་ས་བརྙེས་སྐྱེས་ཆེན་རྣམ་གསུམ་ལ། །གསོལ་བ༴ ཀུན་དགའ་དཔལ་བ་ཤེས་བཅུ་རྣམ་དག་འཆང༌། །ཀུན་དགའ་བློ་གྲོས་རྣམ་བཅུའི་དབང་དང་ལྡན། །ནང་གི་ས་བཅུའི་མཐར་སོན་རྣམ་གཉིས་ལ། །གསོལ་བ༴ དཀོན་མཆོག་བཟང་པོ་གཉིས་འཛིན་འཆིང་བ་བཅད། །ནམ་མཁའ་ཆོས་སྐྱོང་རྟོགས་པ་མཁའ་དང་མཉམ། །རིམ་གཉིས་རྣལ་འབྱོར་དབང་ཕྱུག་རྣམ་གཉིས་ལ། །གསོལ་བ༴ ནམ་མཁའ་དཔལ་བཟང་རྣམ་ཤེས་རྒྱལ་ཁམས་བརྒལ། །
― LT24_Page_175A ―
[མ་དཔེ་གཟིགས་ན་འདིར་གནོན།]
རཏྣ་བྷ་དྲ་འཁོར་ལོ་བདེ་བས་གང༌། །མཁས་མཆོག་སྨྲ་བའི་སེང་གེ་རྣམ་གཉིས་ལ། །གསོལ་བ༴ འཇམ་མགོན་གྲོལ་མཆོག་གནས་གསུམ་འདུ་བ་ཐོབ། །ལུང་རིག་རྒྱ་མཚོ་སྲིད་མེད་སྲིད་པར་གནས། །ངེས་པ་དོན་གྱི་མཁས་གྲུབ་རྣམ་གཉིས་ལ། །གསོལ་བ༴ སྲོག་དང་ཐིག་ལེ་སྟོང་པའི་གཟུགས་ཀྱིས་བཅིངས། །པདྨ་རྡོ་རྗེ་ཉི་ཟླའི་དབུས་སུ་ཞུགས། །གསང་བདག་རྡོ་རྗེ་སེམས་དཔའ་སྒྲོལ་བའི་མགོན། །གསོལ་བ༴ ཡེ་ཤེས་རྒྱ་མཚོ་དྭངས་མ་སྒྲིབ་བྲལ་སྨིན། །རིན་ཆེན་རྒྱ་མཚོ་སྟོང་གཟུགས་བདེ་བར་གྲུབ། །འགྲན་ཟླ་ཀུན་བྲལ་རྒྱབ་ཚབ་རྣམ་གཉིས་ལ། །གསོལ་བ༴ བློ་གྲོས་རྣམ་རྒྱལ་བདེན་དོན་མཁའ་ཁྱབ་རྟོགས། །ངག་དབང་ཕྲིན་ལས་བྱིན་བརླབས་གཟི་བྱིན་འབར། །མངོན་སུམ་ལམ་གྱི་སྲོག་འཛིན་རྣམ་གཉིས་ལ། །གསོལ་བ༴ ཀུན་བཟང་དབང་པོ་ཟག་མེད་བདུད་རྩིས་མྱོས། །ཚེ་དབང་ནོར་བུ་རླུང་སེམས་དབང་དུ་མཛད། །བརྟུལ་ཞུགས་ཕྱོགས་མེད་གྲུབ་པ་རྣམ་གཉིས་ལ། །གསོལ་བ༴ བསྟན་པའི་ཉིན་བྱེད་ཡེ་ཤེས་འོད་བརྒྱ་འཕྲོ། །ཕྲིན་ལས་རྣམ་རྒྱལ་དགའ་བཞིའི་རྩེ་མོ་འཆང༌། །རླབས་ཆེན་འགྲོ་བའི་དེད་དཔོན་རྣམ་གཉིས་ལ། །གསོལ་བ༴ པདྨ་ཉིན་བྱེད་རྟག་བདེའི་རྒྱལ་ཐབས་སྐྱོང༌། །རྩ་བའི་བླ་མ་རིགས་བརྒྱའི་འཁོར་ལོས་སྒྱུར། །སངས་རྒྱས་ཀུན་དངོས་རྩ་བརྒྱུད་བླ་མ་ལ། །གསོལ་བ༴ ཡང་ན། ངག་དབང་ཕྲིན་ལས་ཀྱི་རྗེས་སུ། ངག་དབང་རྣམ་རྒྱལ་ཡིད་དཔྱོད་མཐའ་ལས་རྒྱལ། །ཀུན་དགའ་ཆོས་འཕེལ་ཀུན་དཱ་འཕེལ་ཞིང་བརྟན། །དེས་དོན་བསྟན་པའི་སྲོག་འཚོ་རྣམ་གཉིས་ལ། །
― LT24_Page_175B ―
[མ་དཔེ་གཟིགས་ན་འདིར་གནོན།]
གསོལ་བ༴ ངག་དབང་དྲི་མེད་འཕོ་བའི་དྲི་མ་བཅོས། །ངག་དབང་ཆོས་འཕེལ་འོད་གསལ་མཁའ་ཁྱབ་འཕེལ། །སྦས་པའི་རྣལ་འབྱོར་དབང་ཕྱུག་རྣམ་གཉིས་ལ། །གསོལ་བ༴ རྡོ་རྗེའི་རྣལ་འབྱོར་སྟོན་མཛད་བཀའ་དྲིན་ཅན། །རྩ་བའི་བླ་མ༴ སོགས། ཁྱད་ཆོས་བཞི་ལྡན་བརྟགས་པའི་རྣལ་འབྱོར་གྱིས། །དཔལ་ལྡན་རྒྱུ་སྐར་དཀྱིལ་འཁོར་གསལ་སྣང་གི། །རབ་མཐར་ཕྱིན་པས་ཞི་སོགས་ལས་ཆེན་འགྲུབ། །སྔགས་ཀྱི་དངོས་གྲུབ་ཐོབ་པར་བྱིན་གྱིས་རློབས། །ལྟོས་མེད་བཞི་ཡིས་རྣམ་པ་ཐམས་ཅད་པའི། །འཆར་སྒོ་འབྱམས་ཀླས་ཉམས་རྩལ་ཕྱོགས་མེད་རྒྱས། །རྒྱུད་དོན་མཐར་ཐུག་རྡོ་རྗེའི་རྣལ་འབྱོར་ལ། །ཡིད་ཆེས་རྣམ་གསུམ་ཐོབ་པར་བྱིན་གྱིས༴ མི་གཡོ་གསུམ་ལྡན་མི་རྟོག་ནང་གི་མཁར། །རྣམ་ཤེས་ཡུལ་དང་ཡུལ་ཅན་འབྲེལ་པ་བཅད། །སྟོང་པའི་ཡུལ་ལ་ཡེ་ཤེས་དབང་པོ་ཞུགས། །འོད་གསལ་རྟགས་བཅུ་རྫོགས་པར་བྱིན༴ སྲིད་གསུམ་གཟུགས་བརྙན་རང་གི་སེམས་ཉིད་དང༌། །རོ་མཉམ་ཡན་ལག་ལྔ་པོ་མཐར་ཕྱིན་པ། །བསམ་གཏན་ཐོག་མར་དགེ་བའི་བསྙེན་པ་ཡིས། །རྡོ་རྗེ་བསླང་བ་འགྲུབ་པར་བྱིན༴ རྡོ་རྗེ་གསུམ་བཟླས་བྱེད་པ་བཅིངས་པ་ཡིས། །སྲོག་གཟུགས་རབ་གྲུབ་ཉི་ཟླའི་རྒྱུ་པ་འགག །མུན་ཆེན་དབྱིངས་སུ་སྲོག་ཐུར་མཉམ་པར་འདྲེས། །འཆི་བའི་འཇིགས་པ་འཇོམས་པར་བྱིན༴ རླུང་གི་གོང་བུ་མི་ཤིགས་དཔྲལ་བར་ཐིམ། །གཞོམ་མེད་སྒྲ་སྒྲོགས་འབར་ཞུའི་བདུད་རྩིའི་བརླན། །བར་དུ་དགེ་བ་ཉེར་སྒྲུབ་རྡོ་རྗེའི་མེ། །ལྷ་སྐུའི་འདུ་འཕྲོ་ཤར་བར༴
― LT24_Page_176A ―
[མ་དཔེ་གཟིགས་ན་འདིར་གནོན།]
ཕྱག་རྒྱ་གསུམ་སྦྱོར་དགའ་བཞི་རྗེས་དྲན་པས། །བདེ་སྟོང་འཕེལ་བརྟན་འཁོར་ལོའི་བདག་པོ་ཡི། །ལུས་ལས་འཕྲོས་པའི་འོད་ཀྱི་དཀྱིལ་འཁོར་དུ། །དག་པའི་གཟུགས་བརྙན་གསལ་བར་བྱིན༴ ཉི་རྡུལ་ཚོགས་པ་ནོར་བུའི་རྩེ་མོར་བརྟན། །བྱང་སེམས་ཟླ་བ་གཙུག་ཏོར་དབུས་སུ་ཉ། །མཐར་དགེ་ཏིང་འཛིན་སྒྲུབ་པས་དབུགས་འགགས་ནས། །ཞུ་བདེ་འགྱུར་མེད་འགྲུབ་པར་བྱིན་གྱིས་བརློབས། །སྦྱང་གཞི་སྐུ་དང་འོད་གསལ་རྡོ་རྗེའི་བཞི། །སྦྱང་བྱ་འཕོ་བ་ཀུན་སྤྱོད་གནས་སྐབས་བཞི། །སྦྱོང་བྱེད་རྣམ་ཐར་དག་པ་དེ་ཉིད་བཞིས། །སྦྱངས་འབྲས་བྱང་ཆུབ་མཁྱེན་བཞི་མངོན་གྱུར་ཤོག །སྲིད་པའི་རྣམ་པ་གཞོམ་མེད་རབ་སད་ནས། །དངོས་དང་དངོས་མེད་གཅིག་གྱུར་མ་ནིང་དངོས། །ཁམས་གསུམ་དབང་ཕྱུག་མཁའ་ཁྱབ་ཟུང་འཇུག་སྐུ། །དུས་ཀྱི་འཁོར་ལོའི་གོ་འཕང་འགྲུབ་གྱུར་ཅིག །ཅེས་པ་འདི་འང་ཡོངས་རྫོགས་བསྟན་པའི་སྒྲོན་མེ་ཐར་རྩེ་མཆོག་སྤྲུལ་རིན་པོ་ཆེའི་བཀའ་ལྟར་ཡོན་ཏན་རྒྱ་མཚོས་ནག་ཟླའི་གྲལ་ཚེས་བཟང་པོར་གུས་པ་ཆེན་པོས་བྲིས་ནས་གསོལ་བ་བཏབ་པ་དགེ་ལེགས་འཕེལ།། །།
གདམས་ངག་མཛོད་པོད་བཅོ་ལྔ་པ།
བཅོམ་ལྡན་འདས་དུས་ཀྱི་འཁོར་ལོ་ལྷན་སྐྱེས་ཀྱི་རྒྱུན་ཁྱེར་དང་རྣལ་འབྱོར་ཡན་ལག་དྲུག་པ་སྟན་ཐོག་གཅིག་པའི་དམིགས་སྡོམ་ལྷན་སྐྱེས་གྲུབ་སྟེར།
བཅོམ་ལྡན་འདས་དུས་ཀྱི་འཁོར་ལོ་ལྷན་སྐྱེས་ཀྱི་རྒྱུན་ཁྱེར་དང་རྣལ་འབྱོར་ཡན་ལག་དྲུག་པ་སྟན་ཐོག་གཅིག་པའི་དམིགས་སྡོམ་ལྷན་སྐྱེས་གྲུབ་སྟེར་ཞེས་བྱ་བ་བཞུགས་སོ།། །།ན་མོ་གུ་རུ་ཤྲཱི་ཀཱ་ལ་ཙཀྲ་ཡ། འདིར་ལུས་ཀྱི་གནས་ལུགས་ལྷ་སྐུ་དང་སེམས་ཀྱི་གནས་ལུགས་བདེ་བར་ཤེས་ཏེ་སྤྲོས་པ་ལ་མི་དགའ་བར་ཡེ་ཤེས་ཀྱི་ལྷ་སྐུ་དང་རྣམ་པ་མཚུངས་པའི་རྫོགས་པའི་རྣལ་འབྱོར་ཉམས་སུ་ལེན་
― LT24_Page_176B ―
[མ་དཔེ་གཟིགས་ན་འདིར་གནོན།]
པར་འདོད་པས་སྐྱབས་སེམས་སྤྱི་མཐུན་བྱ། །དངོས་པོ་མེད་ལ་སྒོམ་པ་མེད། །སྒོམ་པ་སྒོམ་པ་ཉིད་མ་ཡིན། །དེ་ལྟར་དངོས་པོ་དངོས་མེད་པས། །སྒོམ་པ་དམིགས་སུ་མེད་པའོ། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅་ཧཾ། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་དོ། །ཞལ་ཕྱག་རྣམ་པའི་གཟུགས་ཅན་ཉིད། །མཆོག་ཏུ་བདེ་བས་གཟུགས་མེད་པ། །དེ་ཕྱིར་འགྲོ་ཀུན་ལྷན་ཅིག་སྐྱེས། །རང་བཞིན་ལྷན་ཅིག་སྐྱེས་ཞེས་བརྗོད། །རྣམ་དག་རྣམ་པའི་སེམས་ཀྱིས་ནི། །རང་བཞིན་མྱ་ངན་འདས་པ་ཉིད། །ལྷ་ཡི་རྣམ་པའི་གཟུགས་ཀྱིས་ནི། །བཞིན་ལག་ཁ་དོག་རྣམ་པར་ནི། །སྐྱེས་པ་ཙམ་གྱིས་རྣམ་པར་གནས། །ལུས་ཐོགས་བཅས་རྡུལ་ཆོས་ཀྱི་དབྱིབས་སྤངས་པ་དང༌། སེམས་རྟོག་བཅས་བློས་བཏགས་ཀྱི་སྒྲིབ་པ་སྤངས་པ་འགྱུར་བ་མེད་པའི་བདེ་བ་ཆེན་པོ་དང༌། སྲིད་པ་གསུམ་ན་གནས་པ་མཐའ་དག་གཟིགས་པའི་སྟོང་ཉིད་ཀྱི་ཡེ་ཤེས་རྣམ་པར་དག་པ་ངོ་བོ་དབྱེར་མེད་པ་ཁ་སྦྱོར་ལྷན་ཅིག་སྐྱེས་པའི་སྐུས་མཚོན་པ་ནི། འབྱུང་བཞི་རི་རབ་པདྨ་ཟླ་ཉི་སྒྲ་གཅན་རྣམས་བརྩེགས་པའི་གདན་ལ། བདག་ཉིད་དཔལ་དུས་ཀྱི་འཁོར་ལོ་སྐུ་མདོག་སྔོན་པོ་ཞལ་གཅིག་སྤྱན་གསུམ་པ། དྲི་མ་མེད་པའི་འོད་ཟེར་ལྔ་རྣམས་འགྱེད་ཅིང༌། ཕྱག་གཉིས་ཀྱི་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། མཐེ་བོང་སེར་པོ། །མཛུབ་མོ་དཀར་པོ། །གུང་མོ་དམར་པོ། །སྲིན་ལག་ནག་པོ། །མཐེའུ་ཆུང་ལྗང་གུ། ཕྱག་སོར་རྣམས་ཀྱི་ཚིགས་ཕྲེང་དང་པོ་ནག་པོ། །གཉིས་པ་དམར་པོ། །གསུམ་པ་དཀར་པོ། །རྡོ་རྗེ་སེམས་དཔའ་རང་ཉིད་དུ་མཚོན་པའི་
― LT24_Page_177A ―
[མ་དཔེ་གཟིགས་ན་འདིར་གནོན།]
དབུ་རྒྱན་ཅན། རལ་པའི་ཐོར་ཚུགས་ཡིད་བཞིན་གྱི་ནོར་བུ་དང༌། ཟླ་ཕྱེད་རྡོ་རྗེས་བརྒྱན་པ་རྡོ་རྗེའི་རྒྱན་སྣ་ཚོགས་དང༌། སྟག་གི་པགས་པའི་ཤམ་ཐབས་ཅན། ཞབས་གཡོན་པ་དཀར་པོ་བསྐུམ་པས་དྲག་པོ་དཀར་པོ་དང༌། གཡས་པ་དམར་པོ་བརྐྱང་པས་འདོད་ལྷ་དམར་པོའི་སྙིང་གར་མནན་པ། གཉིས་ཀའང་མཚོན་ཆ་སྤངས་པའི་ལག་པ་གཉིས་པ་དམན་པའི་ཚུལ་ཅན། ཁ་དོག་ལྔ་པའི་མེའི་དབུས་ན་ཁྲོ་ཆགས་འདྲེས་པའི་ཉམས་ཀྱིས་བཞུགས་པའོ། །དེ་ལ་འཁྱུད་པའི་སྣ་ཚོགས་ཡུམ་སེར་མོ་ཞལ་གཅིག་ཕྱག་གཉིས་སྤྱན་གསུམ་མ་གྲི་གུག་དང་ཐོད་པ་འཛིན་པ། གཅེར་མོ་རུས་པའི་ཕྱག་རྒྱ་ལྔས་བརྒྱན་ཅིང་དབུ་སྐྲ་ཕྱེད་གྲོལ་པ། གཡོན་བརྐྱང་གིས་བཅོམ་ལྡན་འདས་ལ་སྙོམས་པར་ཞུགས་པའོ། །གཉིས་ཀའི་དཔྲལ་བར་ཨོཾ་དཀར་པོ། །མགྲིན་པར་ཨཱཿདམར་པོ། །ཐུགས་ཀར་ཧཱུྃ་སྔོན་པོ། །ལྟེ་བར་ཧོ་སེར་པོ། །གཙུག་ཏོར་དུ་ཧཾ་ལྗང་གུ། གསང་བ་སྔོན་པོ་རྒྱལ་བ་རིགས་དྲུག་གི་དཀྱིལ་འཁོར་མ་ལུས་པ་འདུས་པའི་བདག་ཉིད་དུ་གྱུར། ཡང་ན། གསང་བར་སྭཱ་སྔོན་པོ། །གཙུག་ཏོར་དུ་ཧཱ་ལྗང་གུ་བསྒོམ། ཐུགས་ཀར་ཟླ་ཉི་སྒྲ་གཅན་གྱི་སྟེང་དུ་བརྟན་གཡོ་འཁོར་འདས་མ་ལུས་པ་གཅིག་ཏུ་འདུས་པ་དུས་ཀྱི་འཁོར་ལོའི་རྩ་བའི་སྙིང་པོ་རྣམ་བཅུ་དབང་ལྡན་བརྩེགས་པ་མཆོག་གི་དོན་དུ་སྔོན་པོའམ། ལས་ཐམས་ཅད་པར་ཁ་དོག་ལྗང་གུར་གནས་པ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། སྣོད་ཐམས་ཅད་གཞལ་ཡས་ཁང་དང༌། བཅུད་ཐམས་ཅད་དུས་ཀྱི་འཁོར་ལོའི་ལྷ་ཚོགས་སུ་གསལ། སླར་
― LT24_Page_177B ―
[མ་དཔེ་གཟིགས་ན་འདིར་གནོན།]
འདུས་ཏེ་སྙིང་པོར་ཐིམ་པར་བསམ་ལ། ཨོཾ་ྷྐྵྨླྺྼྻྃ་སྭཱ་ཧཱ། ཞེས་ཅི་ནུས་བཟླས་པའི་མཐར། སྣོད་བཅུད་སྟོང་ཉིད་འོད་གསལ་དུ་བསྡུས་ནས་མཉམ་པར་བཞག་ཅིང༌། སླར་གཉུག་མའི་ལྷ་སྐུ་རུ་ལྡང༌། རིགས་སུ་སྐྱེ་དང་སོགས། ལག་པས་རྡོ་རྗེ་སོགས། ལྷ་མོ་ཚད་མ་སོགས་ཐུན་མོང་མིན་པའི་སྨོན་ལམ་དང༌། །དགེ་བ་འདི་ཡིས་མྱུར་དུ་བདག །དུས་ཀྱི་འཁོར་ལོ་འགྲུབ་སོགས་དགེ་བསྔོ་བྱའོ། །འདི་ནི་བསྐྱེད་རྫོགས་ཐུན་མོང་ལ་ལྟོས་པ་སྟེ་རྫོགས་རིམ་ཁོ་ནའི་སྔོན་འགྲོར་ལྷན་སྐྱེས་བསྒོམ་ན་སྣོད་བཅུད་སྦྱངས་བསྡུའི་རྗེས་སུ་ལྷ་སྐུ་ལ་སེམས་འཛིན་པ་མ་གཏོགས་བཟླས་པའི་རྩོལ་བ་མི་དགོས་སོ། །ཞེས་པ་ནི་བསྡུས་པའི་ཚུལ་གྱིས་ལྷན་སྐྱེས་སྒོམ་པའི་ཐབས་སོ།། ༈ །སྤྲོས་པ་བྲལ་ཡང་དོན་དུ་གསལ། །གཅིག་ཉིད་རྣམ་པ་ཐམས་ཅད་ལ། །རྟོག་པ་མེད་ལ་འགྱུར་མེད་བདེ། །ཟུང་འཇུག་དེ་ལ་ཕྱག་འཚལ་ལོ། །དབེན་པར་འཆི་བས་རྒྱུད་བསྐུལ་ཏེ། །གསུམ་ལ་སྐྱབས་སུ་འགྲོ་བ་བརྩམ། །སེམས་བསྐྱེད་པས་ནི་གཞན་དོན་གཉེར། །ཚོགས་བསགས་སྒྲིབ་པ་སྦྱོང་བའི་ཐབས། །བྱང་ཆུབ་འདོད་པས་དེ་འདོད་བྱ། །ཁྱད་པར་རྡོ་རྗེ་ཐེག་པའི་ལམ། །བླ་མའི་རིམ་པ་ལས་འོངས་པས། །གང་ལ་མོས་པའི་ཤུགས་ཡོད་པ། །དེ་ལ་ཡེ་ཤེས་ལྷག་པར་འབར། །ཉོན་མོངས་རླན་དང་མ་བྲལ་བའི། །ལུས་སེམས་ཚང་ཚིང་མྱུར་དུ་བསྲེག །དམ་པའི་དོན་ཉིད་མཐོང་བར་འགྱུར། །རྗེས་སུ་དཔག་པའི་འདྲ་འབག་གིས། །མངོན་སུམ་ལམ་གྱི་གཞི་བཏིང་སྟེ། །གཉུག་མ་ལྷན་ཅིག་སྐྱེས་
― LT24_Page_178A ―
[མ་དཔེ་གཟིགས་ན་འདིར་གནོན།]
པ་ཡི། །བསྐྱེད་པའི་རིམ་པས་རྟོག་བཅས་བསྒོམ། །ལུས་ངག་སེམས་དང་འཕོ་བ་ལ། །རྣམ་པར་མི་རྟོག་ལྟོས་མེད་པར། །བྱ་བྱེད་སྨྲ་བརྗོད་རྣམ་རྟོག་གིས། །དབེན་པ་གསུམ་ལ་ཐོག་མར་བསླབ། །ཕྱིས་ནས་རྡོ་རྗེ་རྣལ་འབྱོར་ནི། །དྭངས་བའི་ཆུ་ལ་གཟུགས་བརྙན་བཞིན། །དབེན་ལས་རབ་ཏུ་སྐྱེ་བར་འགྱུར། །ལམ་གྱི་གཞི་དགོང་པ་རྣམས་སོ། །དང་པོར་མུན་པའི་ཁང་བུ་རུ། །རྡོར་སྐྱིལ་ཁུ་ཚུར་བརླ་སྟེང་བཞག །རྒལ་ཚིགས་བསྲང་ལ་རོ་སྟོད་འགྱེད། །མགྲིན་དགུག་ལྕེ་རྩེ་རྐན་ལ་སྦྱར། །ཧ་ཅང་འབྱེད་འཛུམ་བྲལ་བ་ཡི། །མིག་དག་སྟེང་དུ་བཟློག་ནས་ནི། །བསམ་པ་ཐམས་ཅད་ཡོངས་སྤངས་ནས། །སྨིན་མའི་དབུས་སུ་སེམས་བྱས་ཏེ། །མི་བཟང་མུན་པ་ལྟ་བུར་ནི། །ཉི་མ་གཅིག་ཏུ་ཡོངས་སུ་བརྟག །དུ་བ་སྨྲིག་རྒྱུ་མཁའ་མར་མ། །སྒྲུབ་པོས་དང་པོར་མཐོང་བར་འགྱུར། །དེ་ནས་སྤྲིན་བྲལ་ནམ་མཁའ་ལ། །འབར་བ་ཟླ་ཉི་རྡོ་རྗེ་དང༌། །མཆོག་གི་ཆ་དང་ཐིག་ལེའོ། །རླུང་སེམས་འགྱུ་བ་སོ་སོར་བཅད། །ངག་ལ་སྔགས་ཀྱིས་བྱིན་གྱིས་བརླབས། །ཡན་ལག་དང་པོའོ། །སྟོང་པའི་གཟུགས་ལ་སེམས་བསྡུས་ཏེ། །དེ་ཉིད་བློ་ཡིས་མ་རེག་པར། །མཉམ་རྗེས་ངོ་བོ་གོམས་པ་ལས། །སྤྲོས་བྲལ་ཤེས་རབ་དང་པོར་སྐྱེ། །སེམས་སུ་རྟོགས་པ་གཉིས་པའོ། །མཚན་བྲལ་སྤྱོད་པ་གསུམ་པ་སྟེ། །ལུས་སེམས་དགའ་བ་བཞི་པའོ། །འདྲེས་ལས་ཤིན་ཏུ་སྦྱངས་པ་ཡི། །བདེ་བས་བསམ་གཏན་ཡན་ལག་རྫོགས། །ཆོས་ལྔ་ལྡན་པའི་ཐིག་ལེའི་དབུས། །སངས་
― LT24_Page_178B ―
[མ་དཔེ་གཟིགས་ན་འདིར་གནོན།]
རྒྱས་གཟུགས་སུ་དུ་མར་སྣང༌། །མངོན་ཤེས་ལྔ་པོ་འགྲུབ་པར་འགྱུར། །ཡན་ལག་གཉིས་པའོ། །བྱེད་བཅིངས་བགེགས་མཐར་བྱེད་པས་བལྟ། །རྡོ་རྗེའི་བཟླས་པས་རྩ་ལམ་སྦྱོང༌། །རླུང་གཟུགས་སེམས་གསུམ་ཆ་མཉམ་སྟེ། །འཇམ་རྩུབ་གང་བཏང་བུམ་ཅན་གྱིས། །སྲོག་ནི་དབུ་མར་གཞུག་ཅིང་འཆིང༌། །བཙན་ཐབས་སྦྱོར་བས་ཉི་ཟླ་བཀག །ཟླ་བ་དྲུག་གིས་ཡོན་པོ་འགག །ཡེ་ཤེས་སྣང་བའི་ཡོན་ཏན་སྤྱོད། །ཡན་ལག་གསུམ་པའོ། །འཁོར་ལོ་ལྔ་རུ་བུམ་ཅན་བསྒྲུབ། །རླུང་སེམས་ཨ་བ་རྡཱུ་ཏིར་བཀག །མི་ཤིགས་པ་ཡི་ཐིག་ལེར་བསྟིམ། །གཏུམ་མོ་སྦར་བས་སྲོག་ཐུར་བསྲེ། །ལྕེ་གསུམ་བསྐྱོད་པའི་སྦྱོར་བ་ཡིས། །ནང་གི་བདུད་རྩིའི་བཅུད་མྱོང་བྱ། །བདེ་དྲོད་ཉམས་དང་གཞོམ་མེད་སྒྲ། །སྲིད་གསུམ་སྣང་བརྙན་རབ་འབྱམས་མཐོང༌། །ཡན་ལག་བཞི་པའོ། །འདུག་སྟངས་འཁྲུལ་འཁོར་བཟུང་བཟློག་རྣམས། །འབྱངས་ནས་ཡེ་ཤེས་རང་གི་ལུས། །ལས་ཀྱི་ཕྱག་རྒྱར་དབང་པོ་གཉིས། །བསྲུབས་པའི་སྦྱོར་བས་ལུགས་འབྱུང་དང༌། །ལུགས་ཟློག་སྐད་ཅིག་མ་བཞི་པོ། །སྟོང་གཟུགས་ཕྱག་རྒྱ་ཆེན་མོར་བསྲེ། །ཞུ་བདེ་འཛག་པ་མེད་ལ་བསླབ། །རྩ་འདབ་སྐ་བའི་ཐིག་ལེས་གང༌། །རང་ལུས་འོད་ཀྱི་དཀྱིལ་འཁོར་དང༌། །རང་སེམས་ལྷ་སྐུ་ཕྱག་རྒྱར་གྲུབ། །ཡན་ལག་ལྔ་པའོ། །སྤྲོས་བཅས་སྤྱོད་ལ་རྟག་གནས་པས། །ཆགས་པ་ཆེན་པོའི་ཐིག་ལེ་ཡི། །འགྲོས་ལས་ཤར་བའི་ལྷན་སྐྱེས་དང༌། །སྟོང་གཟུགས་ཕྱག་རྒྱ་ཆེན་མོ་འདྲེས། །ཉི་ཁྲི་ཆིག་སྟོང་དྲུག་བརྒྱའི་དབུགས། །འགགས་
― LT24_Page_179A ―
[མ་དཔེ་གཟིགས་ན་འདིར་གནོན།]
ལས་ཁྱབ་བདག་དེ་སྙེད་འཕེལ། །འཕོ་བ་བཅུ་གཉིས་འགགས་པས་སོ། །ཀུན་ཏུ་འོད་ལ་སོགས་པ་ཐོབ། །ཡས་མར་དཀར་དམར་བརྟན་པ་ལས། །བདེན་དོན་བཅུ་གཉིས་དེ་ཉིད་ནི། །རྣམ་པ་བཅུ་དྲུག་ཀུན་ཏུ་འགྱུར། །ཡན་ལག་དྲུག་པ་སྟེ་རྫོགས་སོ།། །།ཐོག་མཐའ་བར་དུ་དགེ་བ་ཡི། །རྡོ་རྗེ་གསུམ་གྱི་བསྙེན་སྒྲུབ་ནི། །ཡན་ལག་དྲུག་གི་རྣལ་འབྱོར་གྱིས། །རྡུལ་མུན་སྙིང་སྟོབས་འཛག་བདེ་དག །མི་ཕྱེད་རྡོ་རྗེ་བཞི་ཡི་དངོས། །སེམས་དཔའ་སྲིད་པ་གསུམ་གྱི་བདག །སྐྱེ་འདི་ཉིད་ལ་མངོན་ཏུ་འགྱུར། །དད་བརྩོན་བརྟུལ་ཞུགས་ལྡན་པས་སོ། །གལ་ཏེ་དམ་ཚིག་ལ་གནས་ན། །གཡེང་བས་འབྲས་བུ་མ་ཐོབ་ཀྱང༌། །ཡང་སྲིད་བདུན་ལས་མི་འདའ་བར། །མཆོག་གི་གོ་འཕང་ཉིད་ལ་སྦྱོར། །སྟོན་པའི་བསྟན་པ་མཁའ་འདྲ་ཡང༌། །འདི་ལས་ཟབ་པའི་རྣལ་འབྱོར་མེད། །རྩ་བའི་རྒྱུད་ལས་ཤིན་ཏུ་གསལ། །ས་བཅུ་པ་ཡི་འགྲེལ་པས་བཀྲལ། །གྲུབ་བརྙེས་དུ་མས་ཐུགས་སུ་བསྟར། །བྱིན་བརླབས་བརྒྱུད་པ་བར་མ་ཆད། །བསྒོམ་ན་ཡིད་ཆེས་རྟགས་ཚད་སྐྱེ། །འདི་འདྲར་འཇུག་པ་སྐལ་པ་རབ། །དགེ་བས་བརྟན་གཡོ་ཀུན་གྱི་སྲོག །ཟུང་འཇུག་རྡོ་རྗེ་སེམས་དཔའ་ཡི། །གོ་འཕང་བདག་གཞན་མ་ལུས་པས། །རྩོལ་བ་མེད་པ་འགྲུབ་པར་ཤོག །ཅེས་ལྷན་སྐྱེས་ཀྱི་རྒྱུན་ཁྱེར་དང༌། རྡོ་རྗེའི་རྣལ་འབྱོར་གྱི་བསྒོམ་དོན་རྩ་བའི་ཚིག་ཐོ་ཙམ་བཀོད་པ་འདི་དག་ཀྱང༌། ཞབས་དྲུང་རིན་པོ་ཆེའི་བཀའ་ལྟར་བློ་གྲོས་མཐའ་ཡས་ད་རི་དྲཱས་ས་ཟླའི་ཚེས་བཅོ་ལྔའི་ཐུན་མཚམས་སུ་དབེན་ཁྲོད་ཀུན་བདེ་གླིང་དུ་བྲིས་པ་དགེ་ལེགས་འཕེལ།།
གདམས་ངག་མཛོད་པོད་བཅོ་ལྔ་པ།
སྦྱོར་དྲུག་སྟན་ཐོག་གཅིག་མའི་དམིགས་ཁྲིད་མདོར་བསྡུས་སྙིང་གི་ཐིག་ལེ།
― LT24_Page_179B ―
[མ་དཔེ་གཟིགས་ན་འདིར་གནོན།]
སྦྱོར་དྲུག་སྟན་ཐོག་གཅིག་མའི་དམིགས་ཁྲིད་མདོར་བསྡུས་སྙིང་གི་ཐིག་ལེ་ཞེས་བྱ་བ་བཞུགས་སོ། །འགྱུར་མེད་བདེ་བའི་ཐིག་ལེ་ནི། །སྣ་ཚོགས་གཟུགས་བརྙན་འོད་གསལ་བ། །དངོས་པོ་ཀུན་གྱི་སྲོག་ཏུ་འགྲོ། །མངོན་སུམ་ཉིད་དུ་མཐོང་བས་འདུད། །དེ་ལ་འདིར་རྫོགས་རིམ་ཐམས་ཅད་ཀྱི་མཐར་ཐུག་པ་རྡོ་རྗེའི་རྣལ་འབྱོར་ཡན་ལག་དྲུག་པ་སྟན་ཐོག་གཅིག་ཏུ་ཉམས་སུ་ལེན་པའི་རིམ་པ་མདོར་བསྡུས་པ་བརྗོད་པར་བྱ་སྟེ། དེའང་ཇོ་ནང་ཀུན་སྤང་ཆེན་པོ་ལ་སྦྱོར་དྲུག་བཀའ་སྲོལ་མི་འདྲ་བ་བཅུ་བདུན་གྱི་རྒྱུན་བཞུགས་ཤིང་ཐམས་ཅད་ཐུགས་ཉམས་སུ་བཞེས་པ་ལས་ཁྱད་པར་དུ་འཕགས་པ་འབྲོ་ལུགས་ཀྱི་མན་ངག་ལ། རི་ཁྲོད་ཞབས་ཀྱི་བཀའ་གསར་པ་བསྣན་པས་གདམས་ངག་གི་ཟབ་ཁྱད་དང་བྱིན་བརླབས་ཀྱི་དྲོད་ཚད་ཁྱད་པར་དུ་འཕགས་པ་རྗེ་བཙུན་སྒྲོལ་བའི་མགོན་པོའི་ཁྲིད་གཞུང་མ་བུ་རྣམས་སུ་གསལ་བར་གསུངས་པ་ཉིད་མྱོང་ཁྲིད་དུ་རྫོགས་པ་ཞིག་གི་དབང་དུ་བྱས་ཏེ། ཐུན་གཅིག་གི་ཁོང་ངམ། ཉིན་ཞག་གཅིག་ལ་རྫོགས་པར་ཉམས་སུ་ལེན་པར་སྤྲོ་བ་གང་གིས། ཐོག་མར་སྐྱབས་འགྲོ། སེམས་བསྐྱེད། རྡོར་སེམས་བསྒོམ་བཟླས། མཎྜལ། བླ་མའི་རྣལ་འབྱོར། ལྷན་སྐྱེས་བདག་བསྐྱེད་བཅས་ཡུན་རིང་ཐུང་ལོང་ཁྱབ་དང་བསྟུན་ནས་རྫོགས་པར་བཏང༌། གལ་ཏེ་སྔོན་འགྲོ་ཚད་མ་མ་འགྲུབ་ཚེ་སྐྱབས་སེམས། བླ་མའི་རྣལ་འབྱོར་བཅས་ངེས་པར་མེད་དུ་མི་རུང་བས་མོས་གུས་ཀྱིས་རྒྱུད་འཁུལ་ངེས་བྱ། དེ་ནས་ལུས་གནད་ལྟ་སྟངས་སོར་སྡུད་དངོས་གཞི་དང་མཚུངས་པར་བྱས་ནས། ལུས་བྱེད་རྩོལ། ངག་སྨྲ་བ། སེམས་
― LT24_Page_180A ―
[མ་དཔེ་གཟིགས་ན་འདིར་གནོན།]
དུས་གསུམ་སྤྲོས་པ། འཕོ་བའི་བག་ཆགས་འཛག་བདེའི་ཆགས་རྟོག་ལ་མི་ལྟོས་པའི་ལྟོས་མེད་བཞི་ལ་བརྟེན་ནས་ལུས་བྱ་བྱེད། ངག་སྨྲ་བརྗོད། སེམས་རྣམ་རྟོག་གི་སྤྲོས་པས་དབེན་པའི་དབེན་གསུམ་ཁྱད་པར་ཅན་རྒྱུད་ལ་སྐྱེ་བ་ན་ཆོས་སྤྱི་སྐད་དུ་ཞི་ལྷག་ཟུང་འབྲེལ་དང༌། འདི་ཉིད་ཐུན་མོང་མིན་པའི་རང་སྐད་དུ་སོར་བསམ་གྱི་གཞི་ཐེངས་པ་ཡིན་པས་ཐོག་མར་གོམས་ཤུག་ཆུང་བའི་སྐབས་ཐུན་གྱི་ཕྱེད་ཆ་ཙམ་དབེན་གསུམ་ཁོ་ན་ལ་བསྒྲིལ་བ་གནད་དུ་ཆེ་ཞིང༌། དེ་ལྟ་ན་སོར་སྡུད་ཀྱི་ཉམས་མྱོང་རང་ཤུགས་སུ་འཆར་བར་འགྱུར། དངོས་གཞི་སོར་སྡུད་ལ། མཚན་མོའི་རྣལ་འབྱོར་ནི་འབྱོར་ན་མུན་ཁང་དུ། མ་འབྱོར་ན་ཤིན་ཏུ་གནག་པའི་མུན་པར། རྐང་པ་སྐྱིལ་ཀྲུང་བཅའ། ལག་པ་ཁུ་ཚུར་བརླར་བཞག །རྒལ་པ་མདུན་རྒྱབ་དགྱེ་རྒུ་མེད་པར་དྲང་པོར་བསྲང༌། མགྲིན་པས་ཨོལ་མདུད་མནན། ལྕེ་ཡ་རྐན་ལ་སྦྱར། མིག་སྨིན་མཚམས་སོར་བཅུ་དྲུག་གི་ནམ་མཁར་ཧ་ཅང་འབྱེད་པ་དང་བཙུམ་པ་མ་ཡིན་པར་མུན་པ་ནག་ཐིང་དེ་ལ་གྱེན་དུ་བཟློག་པའི་ཚུལ་གྱིས་བལྟ། ཡུན་ཐུང་དུ་ལའང་དམ་པོ་གྲུབ་ན་ལེགས། ཐོག་མར་རླུང་རོ་ལན་གསུམ་འཇམ་པར་དབྱུང༌། དེ་མཚམས་རང་བབ་རྒྱུ་རུ་གཞུག །སེམས་གནང་གང་ཡང་ཡིད་ལ་མི་བྱེད་པར་རྟོག་མེད་དུ་ཅི་གནས་བཞག །དབེན་གསུམ་གོམས་ཤུགས་ཆུང་བའི་དབང་གིས་བསམ་མེད་ཀྱི་རྣལ་འབྱོར་གནད་དུ་མ་སོང་བར་བྱིངས་རྒོད་ཀྱི་དབང་དུ་གྱུར་ན་རིག་པ་ཅུར་ཕྱུངས་ཏེ་ལྟ་སྟངས་ཀྱི་ལམ་ནས་ནམ་མཁའི་དབུས་སུ་ཤེས་པ་དྲག་ཏུ་གཏད། ད་ལྟར་བའི་ཤེས་པ་ལ་བཟོ་མ་བཅོས་པར་རྩོལ་མེད་དུ་བཞག་ཤེས་ན་མཉམ་བཞག་གི་སྐྱོན་འབྱུང་བའི་ཡུལ་
― LT24_Page_1780B ―
[མ་དཔེ་གཟིགས་ན་འདིར་གནོན།]
མེད་པས་བཟོ་མེད་དུ་འཇོག་པ་ལ་རྩ་བར་བྱ། ལུས་གནད་དགྱེ་རྒུ་སོགས་དང་སེམས་གནད་བྱིངས་རྒོད་སོགས་ཀྱི་སྐྱོན་ཐེབས་པ་ལ་ཡུན་རིང་དུ་བསྒོམས་ཀྱང་མྱོང་རྟགས་མི་སྐྱེ་བ་མ་ཟད་གེགས་ལྡང་བ་མང་བས་ཐོག་མ་ནས་ལུས་སེམས་གནད་ལེགས་པར་བཅོས་ཤིང་བཏང་སྙོམས་དབང་དུ་མ་ཤོར་བ་ཤིན་ཏུ་གལ་ཆེ། གནད་དུ་སོང་ན་རིང་པོར་མི་ཐོགས་པར་རླུང་དབུ་མར་ཞུགས་པས་བདེ་གཤེགས་སྙིང་པོའི་རང་བཞིན་ཕྱོགས་ཙམ་མཐོང་བའི་མཚོན་བྱེད་དུ། དུ་བ། སྨྲིག་རྒྱུ། མཁའ་སྣང༌། མར་མེ་བཅས་མཐོང་བར་འགྱུར་ཏེ་མཚན་མོའི་རྣལ་འབྱོར་རོ། །དེ་ཉིད་ཅུང་ཟད་འགྱངས་ནས་སྤྲིན་དང་སེར་བུ་མེད་པའི་སྐབས་ནམ་མཁའ་དྭངས་ཤིང་རྒྱ་ཆེ་བར་མཐོང་བའི་སར། རང་གི་ལུས་གྲིབ་མར་བསྡད་ནས་ཉི་འོད་མི་ཕོག་པར་བྱས། སྔ་གྲོ་ཁ་ནུབ། དགོངས་མོ་ཤར་དུ་ཕྱོགས་པས་མིག་ལའང་ཉི་འོད་དང་གངས་རི་སོགས་མ་ཕོག་པར་ཤིན་ཏུ་གདངས་ཏེ་འབྲུ་ཚུགས་སུ་ལྟ་བ་ཁྲོ་བོའི་ལྟ་སྟངས་ཀྱིས་སྤྲིན་མེད་ནམ་མཁའ་སྔོ་སང་ངེ་བ་ལ་བལྟས་ཏེ་རང་སེམས་གསལ་སྟོང་དང་དབྱེར་མེད་དུ་མཉམ་པར་བཞག་པས། འབར་བ། ཟླ་བ། ཉི་མ། རྡོ་རྗེ། མཆོག་གི་ཆ། ཐིག་ལེ་སྟེ་རྟགས་དྲུག་པོ་འཆར། སྔ་ཕྱི་བསྡམས་པའི་རྟགས་བཅུ་པོ་དེ་ངེས་པའི་རྟགས་ཡིན་ཞིང༌། དབང་པོའི་ཁྱད་པར་གྱིས་མ་ངེས་པའི་རྟགས་སྣང་མཐའ་ཡས་པ་འཆར་ནའང་སོར་སྡུད་ཀྱི་རྟགས་སྣང་སྟོང་གཟུགས་མཐོང་བ་ལམ་རྟགས་ཉིད་ཡིན་གྱི་བཟང་ངན་གང་དུའང་རྟོག་པར་མི་བྱའོ། །འདི་སྐབས་སྟོང་གཟུགས་ཇི་ཙམ་མཐོང་རུང་དེ་ལ་མིག་དང་སེམས་མི་གཏོད་པར་ནམ་མཁའ་
― LT24_Page_181A ―
[མ་དཔེ་གཟིགས་ན་འདིར་གནོན།]
རྟོག་མེད་དུ་བཞག་པ་ཁོ་ན་ཆེད་དུ་དགོས་སོ། །བསམ་གཏན་ནི། ལུས་གནད་ངག་གནད་སྔ་མ་དང་འདྲ། སེམས་གནད་སྟོང་གཟུགས་ཀྱི་སྣང་བ་གང་གསལ་གཅིག་ལ་སེམས་བཟོ་མེད་གསལ་རིག་དང་ལྟ་སྟངས་བཅས་ཆེ་རེ་གཏད། ལྟ་མཁན་མཐོང་མཁན་གྱི་རིག་པ་རང་ངོ་ཤེས་ཙམ་ལ་དགག་སྒྲུབ་མེད་པར་བཞག་པས་ཤེས་པ་ནང་དུ་མ་ལུས། སྣང་བ་ཕྱི་རུ་མ་ལུས། བརྗོད་མེད་སྤྲོས་བྲལ་ལ་ངོ་ཤེས་ཀྱི་དྲན་པ་རྒྱུན་ཆགས་པ་ནི་ཤེས་རབ་ཀྱི་ཡན་ལག །སྟོང་གཟུགས་རང་སེམས་ཀྱི་སྣང་ཆར་མྱོང་བ་རྟོག་པའི་ཡན་ལག །དེའང་ཡུལ་ཡུལ་ཅན་སོགས་སྤྲོས་མཚན་ཐམས་ཅད་ལས་འདས་པར་ཤེས་པ་དཔྱོད་པའི་ཡན་ལག །ལུས་སེམས་ལ་སྔར་མེད་བདེ་བས་ཁྱབ་པ་བདེ་བའི་ཡན་ལག །ཏིང་ངེ་འཛིན་ཉིད་བདེ་བར་ཤར་བ་གཡོ་མེད་བདེ་བ་ཤིན་ཏུ་སྦྱངས་པའི་ཡན་ལག་སྟེ། ཡན་ལག་ལྔ་ཆར་ཡར་ལྡན་ཏུ་རྫོགས་པ་ན་བསམ་གཏན་གྱི་རྣལ་འབྱོར་རྫོགས་པ་ཡིན་ཞིང༌། ཐུན་མོང་མ་ཡིན་པའི་རྟགས་ཀྱང༌། འོད་འཕྲོ་བ། ཕྲ་བ། འཚེར་བ། འདར་བ། གཞིག་དཀའ་བ་སྟེ་ཆོས་ལྔ་ལྡན་གྱི་ཐིག་ལེའི་དབུས་སུ་སངས་རྒྱས་ཀྱི་གཟུགས་བརྙན་དུ་མ་ཅན་གྱིས་མཚན་པའི་གཟུགས་སྒྲ་དྲི་རོ་རེག་བྱ་རྡོ་རྗེའི་སྣང་བརྙན་སྣ་ཚོགས་པ་འཆར་བས། ཀུན་རྫོབ་ལས་སྣང་སྒྱུ་མ་ལྟ་བུར་རང་ཤུགས་སུ་རྟོགས་པའོ། །འདི་སྐབས་ཐོག་མར་སྟོང་གཟུགས་གཏད་ས་དེར་མི་བརྟན་ཡལ་ཡོལ་བྱེད་ན་དེའི་རྗེས་སུ་མི་འབྲང་བར་ལྟ་སྟངས་རིག་པ་ཐོག་མར་གང་དུ་གཏད་པ་དེ་ཀར་གཟིར་བས་རིམ་གྱིས་སེམས་གཏད་པ་དེར་སྟོང་
― LT24_Page_181B ―
[མ་དཔེ་གཟིགས་ན་འདིར་གནོན།]
གཟུགས་འདུས་ཤིང་བརྟན་པ་ཐོབ་པ་འོང་བས་འདི་གལ་ཤིན་ཏུ་ཆེ། ཤེས་རབ་ཀྱི་ཡན་ལག་སྐྱེས་ནས་ཐོག་མར་རྡེའུ་ནག་པོ་ལྟ་བུ་མིག་ལམ་དུ་མི་གཟན་པའི་དངོས་པོ་ཆུང་ངུའི་ལས་སྣང་དང་བསྲེས་ལ་གོམས་ནས་ལས་སྣང་རྒྱ་ཇེ་ཆེར་བསྲེས་པས། མཐར་སྣང་བ་ཐམས་ཅད་སྟོང་གཟུགས་སུ་འཆར་བར་འགྱུར་བའི་སྒྲ་སོགས་ལའང་དེ་བཞིན་དུ་བསྲེའོ། །སྟོང་གཟུགས་ལ་བརྟན་པ་མ་ཐོབ་ན་མཉམ་བཞག་ཏུ་སོར་སྡུད་ཁོ་ན་ལ་གཟིར། རྗེས་ཐོབ་ཏུ་ལས་སྣང་གང་རུང་ལ་ཆེ་རེ་ལྟ་བའི་མཐོང་བྱ་མཐོང་བྱེད་དབྱེར་མེད་པའི་རང་བཞིན་གསལ་ལ་ངོས་བཟུང་མེད་པ་དེ་རང་ངོ་ཤེས་ཙམ་བྱས་ཏེ་བསྐྱང་བར་བྱའོ། །འདི་སྐབས་རྣམས་སུ་ཡེ་ཤེས་ཕེབ་པའི་ལུས་ཉམས་ངག་ཉམས་སེམས་ཉམས་བྱུང་ཚེ་སྨྱོ་བ་དང་རླུང་ནད་སོགས་སུ་བཟུང་ནས་བཅོས་བྱས་ན་གེགས་ཤིན་ཏུ་ཆེ་བས་ཉམས་བྱུང་རྒྱལ་དུ་བསྐྱང་ན་ལེགས་པའི་ཡོན་ཏན་ཡར་ངོའི་ཟླ་བ་ལྟར་འཕེལ་ལ། སྤྱིར་ཐུན་མཚམས་རྣམས་སུའང་ལྟ་སྟངས་མི་གཡོ་ཞིང༌། དྲན་ཤེས་རྒྱུན་ཆགས་སུ་བརྟེན་ན་ལམ་གྱི་ཡོན་ཏན་མྱུར་དུ་སྐྱེ་བར་འགྱུར་ཏེ། དེ་དག་གི་སྐུ་རྡོ་རྗེ་སོར་བསམ་གྱི་བསྙེན་པ་ཐོག་མར་དགེ་བའི་རྒྱུ་དང་འབྲས་བུའི་ཡན་ལག་གཉིས་སོ། །སོར་བསམ་ལེགས་པར་མ་འབྱོངས་བར་དུ་ཡན་ལག་ཕྱི་མ་བསྒོམ་ཀྱང་གཞུང་མཐུན་གྱི་ཡོན་ཏན་རྒྱུད་ལ་མི་སྐྱེ་བས་ལག་ལེན་ལའང་དེ་འདྲའི་རྒྱུན་མེད་ཀྱང་ཐུན་གཅིག་གི་ཁོངས་སུ་དམིགས་པའི་རྣམ་གྲངས་ཙམ་ལ་དགའ་བས་འབྲེལ་འཇོག་ལྟ་བུ་བྱེད་པར་སྤྲོ་ན། བྱེད་བཅིངས་སྔ་མ་དང་འདྲ། ལྟ་སྟངས་ཐད་ཀ་ལས་གྱེན་དུ་ཅུང་ཟད་ཕྱོགས་པ་སྨིན་མཚམས་སུ་ཐད་ཀར་ཧྲིག་གེར་
― LT24_Page_182A ―
[མ་དཔེ་གཟིགས་ན་འདིར་གནོན།]
བལྟ། དངོས་གཞི་མན་ལུང་པའི་མཚན་བརྗོད་སྦྱོར་དྲུག་ལུགས་འདི་ལ་གནད་ཐམས་ཅད་ཚང་ཞིང་ལག་ལེན་བདེ་བས། ཐོག་མར་སྣ་གཡས་གཡོན་དབུས་གསུམ་ནས་རླུང་རོ་དལ་བ་དང་དྲག་པོ་དང་ཤིན་ཏུ་དྲག་པོ་གསུམ་གསུམ་སྟེ་དགུ་ཕྲུགས་སུ་འབུད་ལ་ཕྱི་འཛིན་ཅུང་ཟད་ཀྱི་ཚེ། འོག་སྒོ་བསྡམས་ལ་ཐུར་སེལ་ཤུགས་དྲག་པོས་ལྟེ་བར་འཐེན། སྟེང་རླུང་དལ་བུས་རྔུབ་པ་དེ་ཉིད་ཨོཾ་གྱི་སྒྲར་མོས་ལ་ལྟེ་བར་མནན། སླར་འོག་རླུང་འཐེན་ཞིང་སྟེང་རླུང་མི་ཐུབ་ན་རྔུབ་ཆུང་དང་བཅས་ཁ་སྦྱོར་བུམ་ཅན་འཛིན་པ་དེ་ཧཱུྃ་གི་སྒྲ་གདངས་སུ་སེམས་གཏད། ཅིས་ཀྱང་མི་ཐུབ་ཚེ་དལ་བུས་རྒྱུ་བ་མི་མངོན་པ་ཙམ་ཕྲ་ལ་རེང་བར་ཨཱཿའི་ཡིད་བཟླས་བཅས་ཕྱིར་བཏང༌། དེ་ལྟ་བུ་བརྒྱའམ་ཉེར་གཅིག་ལ་སོགས་པ་གང་འགྲུབ་བྱ། གོམས་པ་ནས་གནས་པ་ཇེ་རིང་ལ་འགྲོ་བས་ཚར་གྲངས་ཉུང་དུ་བྱ། གལ་ཏེ་སྟོང་གཟུགས་གསལ་ན། རླུང་ཕྱིར་བཏང་བའི་ཚེ་སྟོང་གཟུགས་ལ་སེམས་དྲག་ཏུ་གཏད། ནང་དུ་འཇུག་དུས་རླུང་གཟུགས་སེམས་གསུམ་མཉམ་ཉིད་དུ་བསྲེ། གནས་པའི་དུས་སུ་འདྲེས་པའི་མྱོང་བའམ་བཤིགས་ཏེ་ཚོར་མཁན་གྱི་ཤེས་པ་དབྱིངས་སུ་ཡལ་བ་ལ་མཉམ་པར་བཞག་པ་ཤིན་ཏུ་གལ་ཆེ་བའི་ཟབ་གནད་དོ། །ལག་ལེན་ཤེས་ན་ཐུན་མཚམས་སུ་འཕུར་མཉེ། རྩ་སྦྱོང་སོགས་འཁྲུལ་འཁོར་སྐབས་བསྟུན་བྱས་པས་དབུ་མར་རླུང་སེམས་རྣམས་ཆུག་ཅིང་ལྟེ་བའི་བུམ་པ་ཅན་འགྲུབ་པར་འགྱུར་རོ། །རྩ་གསུམ་འཁོར་ལོ་བཞི་དང་བཅས་པ་གསལ་གདབ་སྟེ་ཡས་རིམ་གྱིས་ལྟེ་བ་ལ་སོགས་པའི་འཁོར་ལོ་བཞིའི་མི་ཤིགས་པའི་ཐིག་ལེ་ལ་རླུང་རྣམས་ཐིམ་པར་མོས་ཏེ་བུམ་པ་ཅན་སྔ་མ་ལྟར་བསྒོམ་
― LT24_Page_182B ―
[མ་དཔེ་གཟིགས་ན་འདིར་གནོན།]
པ་ནི་འཛིན་པའི་མོས་བསྒོམ་རྗེས་མཐུན་པ་སྟེ་འདི་ལས་གཏུམ་མོའི་འབར་སྣང་སྟོབས་སུ་གྱུར་པས་བདེ་དྲོད་དང་གཞོམ་མེད་ཀྱི་སྒྲ་སོགས་འབྱུང་བ་ཡིན་ནོ། །དེ་དག་ནི་གསུང་རྡོ་རྗེ་ཉེ་བར་བསྙེན་པ་སྲོག་འཛིན་བར་དུ་དགེ་བའི་རྒྱུ་དང་འབྲས་བུའི་ཡན་ལག་གཉིས་སོ། །རྗེས་དྲན་ཀྱང་མོས་སློབ་ཀྱི་དབང་དུ་བྱས་ཏེ་ལུས་གནད་སྤྱི་ལྟར་ལ་ལག་པ་ཁུ་ཚུར་སྙིང་གར་བསྣོལ། ལྟ་སྟངས་ཐད་ཀར་གཡོ་མེད་དུ་བལྟ། བདག་ཉིད་དུས་ཀྱི་འཁོར་ལོར་གསལ་བ་དང༌། ལས་རྒྱའམ་ཡེ་རྒྱ་གང་རུང་སྣ་ཚོགས་ཡུམ་དུ་གསལ། །གཉིས་ཀའང་སྟོང་གཟུགས་དང་རོ་གཅིག་ཏུ་བསྲེས་ནས་ཡིད་མི་གཡོ་བར་ཅུང་ཟད་བཞག །སྟོང་གཟུགས་ཀྱིས་རྒྱས་གདབ་མ་ནུས་ན་ལྷ་སྐུ་གསལ་སྟོང་ལ་སེམས་བཟུང༌། སྤྱི་མགྲིན་སྙིང་ལྟེ་གསང་བ་གཙུག་ཏོར་དྲུག་ཏུ་ཨོཾ་ཨཱཿཧཱུྃ་ཧོཿསྭཱ་ཧཾ་དཀར་དམར་ནག་སེར་སྔོ་ལྗང་གི་རྒྱས་བཏབ། ཡུམ་གྱི་མཁའ་ཨཱཿལས་པདྨ་དམར་པོ་འདབ་མ་བརྒྱད་པའི་ལྟེ་བར་ཧཱུྃ་ལས་བྱུང་བའི་རྡོ་རྗེ་སྔོན་པོ་ཕྲ་མོས་མཚན་པ། ཡབ་ཀྱི་གསང་གནས་ཧཱུྃ་ལས་རྡོ་རྗེ་སྔོན་པོ་རྩེ་ལྔ་པ་སྟེ་བར་ཨཱཿལས་བྱུང་བའི་པདྨ་འདབ་བརྒྱད་དམར་པོ་ཕྲ་མོས་མཚན་པར་གསལ་བཏབ། རྗེས་ཆགས་ཀྱི་སྤྱོད་པ་དང་དབང་པོ་མཉམ་པར་སྦྱོར་བས་དགའ་བ་བཞི་རིམ་པར་སྐྱེ་བ་རེ་རེ་ལའང་བཟུང་བཟློག་ཁྱབ་པའི་གནད་དང་ལྡན་པའི་མཐར། ནོར་བུར་སླེབ་པ་ན་ཐུར་སེལ་དྲག་ཏུ་གློད་ཅིང་སྲོག་ཕྱིར་བསལ། མ་ནིང་གི་རླུང་ཤུགས་ལྡན། ནང་གི་གཏུན་བརྡུང༌། སེམས་སྟོང་གཟུགས་ཕྱག་རྒྱ་ཆེན་པོ་ལ་མཉམ་པར་བཞག་པ་སྟེ་སྒོ་གསུམ་ལ་གནད་བཞི་དང་ལྡན་པས་རྩ་ལྟེམས་རླུང་ལྡོག །རྦ་རླབས་བཞི་ནས་འཕོ་མེད་
― LT24_Page_183A ―
[མ་དཔེ་གཟིགས་ན་འདིར་གནོན།]
དུ་གནས་པ་ན་ཧཱུྃ་རིང་དང་ཐུལ་སེལ་བསྣོལ་མའི་ཁོང་འདྲེན་གྱིས་ལུག་ཟློག་ཏུ་བཟློག །འཁོར་ལ་དྲུག་པོ་རེ་རེར་བཟློག་པའི་མཐར་ཡང་སྟོང་གཟུགས་ལ་སེམས་བཞག་སྟེ་ལུས་ཀྱི་གནས་རྣམས་དྲག་ཏུ་གཅུད་ཅིང་སྤྲུགས་ལ་བཀྲམ་སྟེ་ཁྱབ་པར་བྱས། མཐར་བུམ་ཅན་བསྒོམ་ཞིང་ཞུ་བདེའི་ཉམས་དང་འོད་གསལ་སྟོང་གཟུགས་ལ་དམིགས་ནས་མི་གཡོ་གསུམ་ལྡན་གྱི་ངང་སྐྱོང་བས་འཛིན་འདྲེན་བཀྲམ་པ་གསུམ་པ་གསུམ་ཀ་རང་ཤུགས་སུ་འགྲུབ་བོ། །འདིའི་ཡན་ལག་ཏུ་གཏུམ་མོའི་དམིགས་པ་བསྒོམ་པར་འདོད་ན། རང་ལུས་ལྷ་སྐུ་ཁོངས་སྟོང་དུ་གསལ་བའི་དབུས་སུ་རྩ་དབུ་མ་མདའ་སྨྱུག་ཙམ་པ་ལྗང་གུ་གཡས་རོ་མ་དམར་མོ། །གཡོན་རྐྱང་མ་དཀར་པོ་དབུ་མ་ལས་ལྡབ་འགྱུར་ཕྲ་བ། དབུ་མའི་ཡར་སྣེ་ཚངས་བུག་དང་རོ་རྐྱང་སྣ་བུག་ལ་ཟུག་པ། ལྟེ་བ་མན་ཆད་དབུ་མའི་མར་སྣེ་སྔོན་པོ་གཡས་རོ་མ་ནག་པོ། །གཡོན་གྱི་ཆར་ཡོད་པ་ཉིས་གཤིབ་མར་སྣེ་ཅུང་ཟད་འཁྱོག་ནས་གསང་བར་ཟུག་པ། རྐྱང་མའི་མར་སྣེ་སེར་པོ་དབུས་ཀྱི་ཕྱོགས་བཟུང་ནས་བཤང་ལམ་དུ་ཟུག་པ། དབུ་མའི་ཡས་སྣ་ནས་སོར་གང་ཙམ་གྱི་འོག་གཙུག་ཏོར་གྱི་འཁོར་ལོ་ལྗང་གུ། དཔྲལ་བ་ནག །མགྲིན་པ་དམར། སྙིང་ག་དཀར། ལྟེ་བ་སེར་པོ་སྟེ་འཁོར་ལོ་ལྔ་པོ་རྩ་འདབས་བཞི་བཞི། རྒྱུ་ཞབས་ཕྱོགས་སུ་གསང་འཁོར་སྔོན་པོ་རྩ་འདབ་དྲུག་པ། འཁོར་ལོ་སོ་སོའི་ཐད་དུ་རོ་རྐྱང་གི་ལག་རེ་རེ་དབུ་མ་དང་སྦུབ་འབྲེལ་བ། འཁོར་ལོ་རྣམས་རྩ་གསུམ་ལ་སྐེད་དཀྲིས་བྱས་པ་ལས་ཡལ་ག་སྦུབ་ཅན་སྐྱེས་
― LT24_Page_183B ―
[མ་དཔེ་གཟིགས་ན་འདིར་གནོན།]
པ་ལྟ་བུ། གཙུག་སྤྱི་མགྲིན་གསུམ་ཁ་ཐུར་བསྟན། སྙིང་སྟེ་གྱེན་བསྟན་བསྒོམ། གཙུག་ཏོར་གྱི་དབུ་མའི་ནང་དུ་ཐིག་ལེ་དཀར་པོ་བའི་ནུ་མ་ལྟ་བུ། ལྟེ་བར་གཏུམ་མོ་དབྱུག་པའི་གཟུགས་ཅན་དམར་པོ་གཉིས་ཀའང་སོར་བཞི་པ་གསལ་བཏབ། རླུང་བུམ་ཅན་དགང་བས་གཏུམ་མོའི་མེ་འོད་རབ་ཏུ་རྒྱས་ཏེ། རྩ་འཁོར་དང་ལུས་ནད་ཐམས་ཅད་དམར་འུབ་ཁྱབ་ཅིང་དྲོད་ཚ་འུར་གྱིས་སྐྱེས། ཐིག་ལེ་ཞུ་བར་དབུ་མར་བབ་པའི་འོད་དཀར་ལམ་ཁྱབ་ཅིང་བདེ་ཁྲིལ་ཁྲིལ་བྱུང་བར་བསམ། ལན་ཁ་ཤས་བསྒོམ་མཐར་འབར་འཛག་གཏུམ་མོ་ལ་བསྟིམས་ནས་མི་རྟོག་པར་བཞག་གོ །འདི་དངོས་བསྐྱེད་རིམ་གྱི་ཕྱོགས་སུ་གཏོགས་ཀྱང་རྫོགས་རིམ་གྱི་བོག་འདོན་ཁྱད་པར་ཅན་ཡིན་པས་འདིའི་ཡན་ལག་ཏུ་བཞག་ཅིང་ལས་དང་པོ་པ་ལ་གལ་ཆེའོ། །འདི་དག་གིས་ཞུ་བདེ་འཛག་མེད་བསྒྲུབ་པ་ནི་ཡོན་ཏན་ནོ། །ཏིང་འཛིན་ནི། ལུས་གནད་གཞན་འདྲ་བ་ལས་ལག་པ་མཉམ་བཞག་བྱ། ལྟ་སྟངས་སྣ་རྩེར་དབབ། རྗེས་དྲན་ལྟར་ཡས་བརྟན་དགའ་བཞི་རྫོགས་ནས། མས་བརྟན་སྐབས་འཁོར་ལོ་སོ་སོར་བུམ་ཅན་བསྒོམ་ཞིང༌། འཁོར་ལོ་རེ་རེར་ས་གཉིས་གཉིས་ཐོབ་ནས་གཙུག་ཏོར་དུ་བུམ་ཅན་བསྒོམ་པ་ན་ཏིང་ངེ་འཛིན་གྱི་ས་བཅུ་གཉིས་མཐར་ཕྱིན་པར་མོས། བུམ་ཅན་ཚད་ལྡན་མ་གྲུབ་ན་རྩ་འཁོར་སོ་སོར་སྟོང་གཟུགས་དང་བདེ་བ་དབྱེར་མེད་པ་ལ་སེམས་འཇོག་སྟེ་ཁུ་རྡུལ་རླུང་སེམས་ཀྱི་ཚོགས་པ་དག་ནས་འཁོར་བའི་ལུས་ངག་ཡིད་གསུམ་འཛག་བདེའི་བག་
― LT24_Page_184A ―
[མ་དཔེ་གཟིགས་ན་འདིར་གནོན།]
ཆགས་བཅས་སྤངས་ཏེ་སྐུ་གསུང་ཐུགས་ཡེ་ཤེས་རྡོ་རྗེའི་རང་བཞིན་རྡོ་རྗེའི་སེམས་དཔའི་གནས་ཐོབ་པའི་མོས་པ་བྱ་སྟེ། དེ་དག་ནི་ཐུགས་རྡོ་རྗེ་དྲན་ཏིང་གི་སྒྲུབ་པ་ཆེན་པོ་ཐ་མར་དགེ་བའི་རྒྱུ་དང་འབྲས་བུའི་ཡན་ལག་གོ །འདིར་མཁོ་བ་སོར་བསམ་སྐབས་བྱེད་བཅིངས་བཙན་ཐབས་དང༌། སྲོག་རྩོལ་སྐབས་སྲོག་ཐུར་བསྲེ་བ་རླུང་གི་སྤོག་ཆོག །རྗེས་དྲན་འཁྲུལ་འཁོར་ཁྱད་པར་སོགས་རྗེ་བཙུན་སྒྲོལ་མགོན་ཞབས་ཀྱི་གསུང་སྦྱོར་དྲུག་ཁྲིད་རྒྱས་པ་དང་སྟན་ཐོག་གཅིག་མར་གསལ་ཞིང༌། །འོན་ཀྱང་ལས་དང་པོ་པའི་མོས་སློབ་ལ་ནི་འདི་ཙམ་ལས་ལག་ཏུ་ཐེབ་པར་དཀའ་བས་འདིར་ཡི་གེ་མང་གི་དོགས་པས་མ་བྲིས་སོ། །འགྲོ་འཆག་ཉལ་འདུག་སྐྱིད་སྡུག་བཟང་ངན་གང་གི་ཚེ་ཡང་མི་གཡོ་གསུམ་ལྡན་གྱི་དང་མ་ཤོར་བར་བསྐྱང་བ་ནི་ལམ་ཁྱེར་མཆོག་ཡིན་ལ་རྨི་ལམ་འོད་གསལ་འཕོ་བ་སོགས་ཀྱི་དམིགས་ཕྲན་གཞན་བསྒོམ་པར་འདོད་ཚེ་ཁྲིད་གཞུང་ཉིད་དུ་གསལ་ཞིང༌། སྤྱིར་ཡན་ལག་དྲུག་པོ་སྔ་ཕྱི་རྒྱུ་འབྲས་ཀྱི་འབྲེལ་པར་གནས་པས་སྔ་མ་སྔ་མ་རྒྱུད་ལ་ཚད་ལྡན་སྐྱེས་ན་ཕྱི་མ་ལ་དཀའ་ཚེགས་མེད་པས་ཐོག་མར་སོར་སྡུད་གནད་དུ་སོང་ནས་བརྟན་པ་ཐོབ་ཚེ་རྨི་ལམ་སོགས་གདམས་པའི་ཡན་ལག་རྣམས་ཤུགས་ཀྱི་ཉམས་འོག་ཏུ་ཚུད་པར་འགྱུར། ལས་དང་པོ་པའི་མོས་སྒོམ་ཡལ་ཡོལ་ཙམ་ལ་ནི་གེགས་དང་བོག་གཉིས་ཀ་ཧ་ཅང་མི་འབྱུང་ལ། ལམ་རྟགས་གཞུང་ཚུགས་པ་ན་གེགས་སེལ་བོག་འདོན་ཏུ་མཁོ་བའི་གདམས་ངག་གཞན་ཏུ་གསལ་ཏེ་གལ་ཡང་ཆེའོ། །སྔོན་
― LT24_Page_184B ―
[མ་དཔེ་གཟིགས་ན་འདིར་གནོན།]
འགྲོ་དངོས་གཞིའི་གདམས་ངག །རང་གི་ཉམས་མྱོང༌། བླ་མས་ངོ་སྤྲད་ཚུལ་རྣམས་ཤིན་ཏུ་གསང་ཞིང་གདམས་ངག་འདི་ཉིད་མ་ཐོབ་པ་ལ་དཔེ་ཡང་བསྟན་པར་མི་བྱ། གཉིད་སོགས་སྒྲིབ་པ་ལྔའི་དབང་དུ་མི་གཏོང༌། ཁྱད་པར་བླ་མ་དང་ཆོས་ལ་ཐེ་ཚོམ་ཅུང་ཟད་ཀྱང་མི་བྱ། རྟགས་སྣང་གང་བྱུང་ལའང་དགའ་སྤྲོ་སྐྲག་འཇིགས་སོགས་སྤངས་ཏེ་གདམ་ངག་ངེས་ཤེས་བསྐྱེད། རྩ་བའི་དམ་ཚིག་མ་ཉམས་པར་བསྲུང༌། ཡན་ལག་རྣམས་ཀྱང་ཅི་ནུས་ཀྱིས་བསྲུང་ཞིང་ཉམས་ཆགས་སུ་གྱུར་པ་ལ་ཡིག་བརྒྱ་བདག་འཇུག་ཚོགས་བསྐང་མེ་མཆོད་སོགས་ཀྱིས་ཕྱིར་བཅོས་ཤིང་བཤགས། དུས་རྟག་ཏུ་ཐུན་མོང་མིན་པའི་ཟབ་གསང་ལ་ཡིད་ཆེས་ཤིང་སྙིང་ནས་དད་པས་སྨོན་ལམ་ཟབ་མོ་རྣམས་ཡང་ནས་ཡང་དུ་བཏབ་པས་སྐྱེ་བ་འདིའམ་གཞན་ཏུ་མཆོག་ཏུ་མི་འགྱུར་བའི་བདེ་བ་དང་རྣམ་ཀུན་མཆོག་ལྡན་སྟོང་པ་ཉིད་ཟུང་དུ་འཇུག་པའི་ཡེ་ཤེས་ཀྱི་སྐུ་གདོན་མི་ཟ་བར་མངོན་ཏུ་བྱེད་པར་འགྱུར་རོ། །དུས་གསུམ་རྒྱལ་བ་ཀུན་གྱི་བགྲོད་གཅིག་ལམ། །ས་བཅུའི་དབང་ཕྱུག་རྣམས་ཀྱི་ཐུགས་ཀྱི་བཅུད། །གྲུབ་བརྙེས་བྱེ་བའི་གཤེགས་ཤུལ་ཟླ་མེད་པ། །མཁས་གྲུབ་ཀུན་གྱིས་མགྲིན་གཅིག་གསལ་མཛད་པ། །རྨོངས་པའི་སླད་ཀྱིས་ཅི་བྱར་རང་མཉམ་ཕྱིར། །དམ་པའི་གསུང་བསྐུལ་མ་ལྡོག་ཙམ་བྲིས་པས། །ནོངས་པ་བཤགས་ཤིང་དགེ་བས་སྲིད་པ་གསུམ། །
― LT24_Page_185A ―
[མ་དཔེ་གཟིགས་ན་འདིར་གནོན།]
འཕོ་བའི་འཇིགས་བཅོམ་མི་འགྱུར་བདེ་ཐོབ་ཤོག །ཅེས་པའང་སེང་གེ་དང་ནཱ་དའི་སྒྲ་དབྱངས་ཅན་འོད་གསལ་ཕྱག་རྒྱ་ཆེན་པོས་འཁྱུད་པ་མཉྫུ་ཤྲཱིའི་བཀའ་ནན་ཕེབས་པ་མ་ལྡོག་ཙམ་དུ་རྣལ་འབྱོར་གྱི་གནས་ལ་མོས་པ་ལམ་དུ་བྱེད་པ་གུ་ཎས་བྲིས་པ་དགེ་ལེགས་འཕེལ།། །།
གདམས་ངག་མཛོད་པོད་བཅོ་ལྔ་པ།
གྲུབ་ཆེན་དཔེ་མེད་འཚོའི་ལུགས་ཀྱི་སྦྱོར་བ་ཡན་ལག་དྲུག་པའི་རྣལ་འབྱོར་གྱི་སྙིང་པོ་ངེས་པ།
― LT24_Page_186A ―
[མ་དཔེ་གཟིགས་ན་འདིར་གནོན།]
གྲུབ་ཆེན་དཔེ་མེད་འཚོའི་ལུགས་ཀྱི་སྦྱོར་བ་ཡན་ལག་དྲུག་པའི་རྣལ་འབྱོར་གྱི་སྙིང་པོ་ངེས་པ་བཞུགས་སོ། །
― LT24_Page_186B ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཥ་ཌངྒ་ཡོ་ག་ནཱ་མ། བོད་སྐད་དུ། སྦྱོར་བ་ཡན་ལག་དྲུག་པ་ཞེས་བྱ་བ། དཔལ་ལྡན་ཤ་བ་རི་ལ་ཕྱག་འཚལ་ལོ། །འདི་ལ་བཞི། སྒྲུབ་པའི་སྙིང་པོ་ལ་བསྐུལ་བ། དེས་གྲུབ་པའི་རྣལ་འབྱོར། རྣལ་འབྱོར་གྱིས་གྲུབ་པའི་འབྲས་བུ། རྣལ་འབྱོར་ཟབ་མོའི་དོན་ཉེ་བར་བཞུ་བའོ། །དང་པོ་ནི། ལས་དང་པོ་པའི་རྣལ་འབྱོར་བ་མ་ཉམས་པའི་མཆོག་བསྒྲུབ་པར་འདོད་པས། བླ་མ་དམ་པའི་མན་ངག་ཐོབ་པ། མ་རུངས་པའི་གྲོགས་སྤང་བ། དུ་བ་ལ་སོགས་པའི་མཚན་མ་ལ་གོམས་པ། རྩ་དབུ་མ་སྦྱངས་པ། སེམས་ཅན་ཐམས་ཅད་ལ་བུ་གཅིག་པའི་བསམ་པ་དང༌། འཇིག་རྟེན་དང་འཇིག་རྟེན་ལས་འདས་པའི་བདེན་པ་ལ་བརྟེན་པ། རང་ལུས་དང་བུ་དང་ཆུང་མ་ལ་སོགས་པ་ལ་ལྟོས་པ་མེད་པ། དགོན་པ་དང་གཙུག་ལག་ཁང་དང་བླ་མའི་ནོར་གྱི་ལོངས་སྤྱོད་ལས་ལོགས་པ། སངས་རྒྱས་དང་བྱང་ཆུབ་སེམས་དཔའི་ལམ་བསྟེན་པ། བྱམས་པ་སྙིང་རྗེ་དགའ་བ་བཏང་སྙོམས་ཏེ་ཚངས་པའི་གནས་བཞི་ལ་གནས་པ། ཞི་བ་ལ་སོགས་པ་འཇིག་རྟེན་གྱི་གྲུབ་པ་སྒྲུབ་པའི་འདོད་པ་དང་བྲལ་བ། ཐམས་ཅད་མཁྱེན་པའི་གོ་འཕང་ཐོབ་པར་འདོད་པ། ཆོས་དབྱིངས་རྣམ་པ་ཐམས་ཅད་དང་ལྡན་པའི་སྟོང་པ་ཉིད་ཀྱི་མེ་ལོང་ལ་པྲ་ཕབ་པ་བཞིན་དུ་མ་སྐྱེས་པའི་ཆོས་མཐོང་བ་མིག་ཡོར་དང་རྨི་ལམ་ལྟ་བུའི་རང་བཞིན་ཅན། རྡུལ་ཕྲ་རབ་
― LT24_Page_187A ―
[མ་དཔེ་གཟིགས་ན་འདིར་གནོན།]
ཀྱི་ཕུང་པོའི་ཆོས་ཀྱི་བརྟག་དཔྱད་དང་བྲལ་བ། ཆད་པའི་སྟོང་ཉིད་དུ་མ་བྱས་པ། ནང་གི་བདེ་བ་རང་རིག་པའི་ཆོས་ལ་རྗེས་སུ་ཆགས་པ། ཕྱིའི་དབང་པོའི་བདེ་བ་ཡོངས་སུ་སྤངས་པ། ཤེས་རབ་དང་ཐབས་ཀྱི་བདག་ཉིད་བྱང་ཆུབ་ཀྱི་སེམས་བརྟེན་པར་བྱེད་པ་ཁོ་ན་ལ་བརྩོན་པ་ཅན། བདེ་བ་ཆེན་པོའི་མཆོག་ཤེས་རབ་ཡེ་ཤེས་ཀྱི་ལམ་གྱི་མན་ངག་ཐོབ་པས་རྟེན་དང་བརྟེན་ཅན་དང་ཕྱག་མཚན་དང༌། མདོག་དང༌། དབྱིབས་དང༌། དཀྱིལ་འཁོར་གྱི་རྟོག་པ་མི་འདོད་པས། གཉིས་པ་ནི། ལམ་གྱི་རྒྱལ་པོ་འདི་རིམ་པས་བསྒོམ་པའི་གདམས་པ་དང་པོའི་སངས་རྒྱས་ཀྱི་མཆོག་ལ་བཅོམ་ལྡན་འདས་ཀྱིས་གསུངས་པ་འདི་ལྟ་སྟེ། དུ་བ་ལ་སོགས་བསྒོམས་ནས་སུ། །སེམས་ནི་ལོགས་སུ་བརྟན་པར་བྱ། །རྩ་དབུ་མ་ནི་སྦྱངས་ནས་སུ། །མ་ཉམས་མཆོག་ནི་བསྒྲུབ་པར་བྱ། །པདྨར་རྡོ་རྗེ་བཞག་ནས་སུ། །སྲོག་རླུང་ཐིག་ལེར་གནས་པར་བྱ། །ཐིག་ལེ་རྣམས་ལ་འཁོར་ལོས་བསྒྱུར། །རྡོ་རྗེ་ཐིག་ལེ་འགོག་བར་བྱ། །རྣལ་འབྱོར་རྟག་ཏུ་རྟག་འགྲེང་བ། །རྟག་ཏུ་བྱང་སེམས་གྱེན་དུ་རྒྱུ། །ཕྱག་རྒྱ་ཆེན་པོའི་སྦྱོར་བ་ཡིས། །རྡོ་རྗེ་དབབ་པས་བྱིན་བརླབས་པ། །རྒྱལ་ཆེན་དྲུག་བརྒྱ་དང་བཅས་པའི། །སྟོང་ཕྲག་ཉི་ཤུ་གཅིག་དང་ལྡན། །མ་ཉམས་བདེ་བའི་སྐད་ཅིག་ནི། །ཚངས་པས་རྡོ་རྗེ་སེམས་དཔར་འགྱུར། །ཇི་སྲིད་བཅུ་ནི་མ་
― LT24_Page_187B ―
[མ་དཔེ་གཟིགས་ན་འདིར་གནོན།]
སྐྱེས་པར། །ཤེས་རབ་མ་གཞན་མི་བྱའོ། །ཕྱི་རོལ་གཡེང་བ་འབྱུང་བའི་ཕྱིར། །མཚན་མ་རྣམས་ཀྱང་བསྒོམ་པའོ། །རྡོ་རྗེ་སེམས་ཉིད་སོ་སོར་རྟོག །བཅུ་སྟེ་བསམ་གཏན་མི་བསྐྱོད་དོ། །སྲོག་རྩོལ་དོན་གྲུབ་རྣམ་པ་བཅུ། །འཛིན་པ་རིན་ཆེན་འབྱུང་ལྡན་ཡིན། །ཌོཾ་བི་ལ་ནི་རྗེས་སུ་དྲན། །འོད་དཔག་མེད་དེ་དེ་བཞིན་ནོ། །རྣམ་པར་སྣང་མཛད་ཏིང་ངེ་འཛིན། །ཡུལ་དང་ཡུལ་ཅན་བཅུ་པོ་ནི། །འཇུག་པ་མེད་པར་སོ་སོར་རྟོག །ལུས་ལ་ཤེས་རབ་བསམ་གཏན་ནི། །རྟོག་པ་རྣམ་དཔྱོད་དགའ་བ་དང༌། །བདེ་བའི་སེམས་ནི་རྩེ་གཅིག་གོ །སྲོག་རྩོལ་ལམ་གཉིས་སྤངས་ནས་སུ། །སྲོག་རླུང་དབུ་མར་རྒྱུ་བའོ། །འཛིན་པ་རྒྱུ་བ་གཉིས་མེད་པར། །སྲོག་རླུང་ཐིག་ལེར་འཇུག་པའོ། །རྗེས་དྲན་ལུས་དང་ནམ་མཁའ་རུ། །གཏུམ་མོའི་བར་དུ་སྣང་བ་འབྱུང༌། །ཤེས་རབ་ཐབས་དང་སྦྱོར་བ་ཡིས། །མ་ཉམས་བདེ་བས་ཏིང་ངེ་འཛིན། །སོ་སོར་རྟོག་པའི་ཡུལ་བྲལ་ཞིང༌། །བྱིན་བརླབས་སར་འབྱུང་སྔགས་ཀུན་གྱི། །བསམ་གཏན་སྦྱོར་བས་དག་པ་ནི། །མངོན་ཤེས་ལྔ་ནི་ཐོབ་པར་འགྱུར། །ཉི་ཟླ་དང་བྲལ་སྲོག་རྩོལ་དག །བྱང་ཆུབ་སེམས་དཔའ་ཀུན་གྱིས་བསྔགས། །བདུད་དང་ཉོན་མོངས་སྲོག་བྲལ་བའི། །སྟོབས་བཅུར་འཛིན་པའི་སྟོབས་ཀྱིས་འཇུག །རྗེས་སུ་དྲན་པས་དག་པས་ན། །ཡེ་ཤེས་སྐུ་ལས་འོད་ཀོར་འབྱུང༌། །ཏིང་འཛིན་དག་ཞག་འགའ་ཞིག་གིས། །ཡེ་ཤེས་སྐུ་ནི་འགྲུབ་པར་འགྱུར། །སོ་སོར་རྟོག་ལ་སོགས་པ་ཡིས། །སྔགས་པས་དོན་གྲུབ་མ་གྱུར་ན། །ནཱ་ད་གོམས་པས་བཙན་ཐབས་ཀྱིས། །པདྨར་རྡོ་རྗེ་ནོར་བུ་ལ། །ཐིག་ལེ་འགོག་པས་བསྒྲུབ་པར་བྱ། །བསྙེན་པར་ཐིག་ལེའི་སྦྱོར་བ་ནི། །འཁོར་ལོ་ཅན་གྱི་ཁྲོ་སྟངས་ཀྱིས། །ནམ་མཁའ་རྣམ་པ་བཅུ་ཡིན་ནོ། །ཉེ་བའི་སྒྲུབ་པ་སྦྱོར་དྲུག་ནི། །བདུད་རྩིའི་ལམ་དུ་གནས་
― LT24_Page_188A ―
[མ་དཔེ་གཟིགས་ན་འདིར་གནོན།]
པ་ཡི། །བགེགས་མཐར་བྱེད་ཀྱི་ལྟ་བས་སོ། །ཤེས་རབ་སྦྱོར་བྱུང་ཐིག་ལེ་ནི། །རྡོ་རྗེའི་ནོར་བུར་ཕྱིན་ནས་སུ། །མ་ཉམས་གསུམ་འགྱུར་བསྒྲུབ་པར་རོ། །མ་ཉམས་བདེ་གཅིག་ཞི་བ་ནི། །ལྷན་སྐྱེས་ཡེ་ཤེས་སྒྲུབ་ཆེན་ལ། །དེ་ནི་སྦྱོར་བ་དྲུག་བཤད་དོ། །སོ་སོར་རྟོག་ནི་ལས་དང་པོར་རྡོ་རྗེ་སེམས་དཔའ་སྟེ་ཡེ་ཤེས་ཀྱི་ཕུང་པོའོ། །དེ་ཡང་མཚན་མའི་དབྱེ་བས་རྣམ་པ་བཅུ་སྟེ། དུ་བ་སྨིག་རྒྱུ་སྲིན་བུ་མེ་ཁྱེར། མར་མེ་འབར་བ་ཟླ་བ་ཉི་མ་རཱ་ཧུ་ལ་གློག །ཐིག་ལེ། སྣང་བའི་དབྱེ་བས་མ་བརྟགས་པའི་ཡེ་ཤེས་ཀྱི་ཕུང་པོའོ། །བསམ་གཏན་མི་བསྐྱོད་ནི་རྣམ་པ་བཅུ་སྟེ། །རྣམ་ཤེས་ཀྱི་ཕུང་པོའོ། །ཡུལ་དང་ཡུལ་ཅན་བཅུ་ནི། སྣ་ཚོགས་གཟུགས་ལ་གཅིག་ཏུ་གྱུར་པ་ནི་བསམ་གཏན་ནོ། །སྲོག་རྩོལ་ཡང་བཅུ་སྟེ། དོན་ཡོད་གྲུབ་པ་འདུ་བྱེད་ཀྱི་ཕུང་པོ་གཡོན་དང་གཡས་ཀྱི་དཀྱིལ་འཁོར་བཅུ་ནི་གཅིག་ཏུ་གྱུར་པའི་ཕྱིར་རོ། །འཛིན་པ་རིན་ཆེན་འབྱུང་ལྡན་ནི་ཚོར་བའི་ཕུང་པོའོ། །སྲོག་རླུང་འཛིན་པ་ནི་ལྟེ་བ། སྙིང་ག །མགུལ་པ། དཔྲལ་བ། སྤྱི་གཙུག་གི་པདྨ་ལ་འགྲོ་བ་དང༌། འོང་བའི་དབྱེ་བས་རྣམ་པ་བཅུའོ། །ཌོཾ་བི་ལ་ནི་རྗེས་སུ་དྲན་པ་འོད་དཔག་མེད་འདུ་ཤེས་ཀྱི་ཕུང་པོ་རྣམ་པ་བཅུའོ། །རྗེས་སུ་དྲན་པ་ནི། ཌོཾ་བི་ལ་སྟེ་རྩ་དབུ་མ་འདོད་པའི་གནས་སྐབས་བཅུའི་དབྱེ་བ་ཡིས་སོ། །རྣམ་པར་སྣང་མཛད་ཏིང་ངེ་འཛིན་ནི་རྣམ་པ་བཅུ་སྟེ་རླུང་བཅུ་འགོགས་པས་སོ། །དེ་ལྟར་བཅོམ་ལྡན་འདས་རླུང་རྣམས་མི་རྒྱུ་བས་རབ་ཏུ་མི་གནས་པའི་མྱ་ངན་ལས་འདས་པའོ། །ད་ནི་སོ་སོར་རྟོག་པ་ལ་སོགས་པའི་མཚན་ཉིད་བརྗོད་དེ། སོ་སོར་རྟོག་པ་ནི་ཡུལ་དང་ཡུལ་ཅན་བཅུའི་འབྲེལ་པས་རྣམ་པར་ཤེས་པ་མི་འཇུག་སྟེ། ལུས་ལ་ཤེས་རབ་ནི་ནམ་མཁའི་གཟུགས་བརྙན་སྟོང་པའི་ཡུལ་རྣམས་སུ་མིག་ལ་སོགས་པ་ལྔ་གཞན་གྱིས་
― LT24_Page_188B ―
[མ་དཔེ་གཟིགས་ན་འདིར་གནོན།]
རབ་ཏུ་འཇུག་པའོ། །དེ་བཞིན་དུ་ཡུལ་དེ་ཉིད་ལ་ཤེས་རབ་ཀྱིས་བལྟ་བའོ། །རྟོག་པ་ནི་དངོས་པོར་གཟུང་བའོ། །དཔྱོད་པ་ནི་ངེས་པའོ། །དགའ་བ་ནི་སྣ་ཚོགས་གཟུགས་ལ་ཞེན་པའོ། །བདེ་བ་མི་གཡོ་བའི་སྣ་ཚོགས་གཟུགས་དང་སེམས་གཅིག་ཏུ་བྱེད་པའོ། །དེ་ལྟར་གཟུང་བ་དང་འཛིན་པའི་དབྱེ་བས་བསམ་གཏན་ནི་རྣམ་པ་བཅུའོ། །སྲོག་རྩོལ་ལམ་གཉིས་སྤངས་ནས་ནི། །གཡོན་དང་གཡས་པའི་ལམ་སྤངས་པ་ནི། འགགས་ནས་ལམ་དབུ་མ་ལ་འཇུག་པའོ། །དེའང་བཅུ་སྟེ་དཀྱིལ་འཁོར་བཅུ་འགོག་པས་སོ། །ཐིག་ལེ་ནི་དཔྲལ་བར་སྲོག་རླུང་འཇུག་པའོ། །རྒྱུ་བ་གཉིས་བྲལ་བ་འགྲོ་འོང་དང་བྲལ་བའོ། །འཛིན་པ་ནི་དཔྲལ་བར་སྲོག་རླུང་འཛིན་པ་སྟེ་སེམས་རྩེ་གཅིག་གོ །གཏུམ་མོའི་བར་དུ་སྣང་བ་ནི་ནམ་མཁའ་སྲིད་པ་གསུམ་གྱི་སྣང་བ་རྗེས་སུ་དྲན་པ་སྟེ། །རྣམ་པ་བཅུ་ནི་སྔར་བཤད་པ་ཉིད་དོ། །ཤེས་རབ་ཐབས་དང་སྦྱོར་བ་ཡིས་ནི་ཤེས་པར་བྱ་བ་དང་རྣམ་ཤེས་གཅིག་ཏུ་གྱུར་པས་ཡེ་ཤེས་ཀྱི་གཟུགས་ལ་མ་ཉམས་པའི་བདེ་བའི་དབང་གིས་ཏིང་ངེ་འཛིན་རྣམ་པ་བཅུ་སྟེ། སྲོག་རླུང་ལ་སོགས་པ་རྒྱུ་བ་མེད་པས་སོ། །དེ་ལྟར་སྦྱོར་བ་ཡན་ལག་དྲུག་གི་བསྒྲུབ་པའོ། །གསུམ་པ་ནི། ད་ནི་སོ་སོར་རྟོག་པ་ལ་སོགས་པའི་ཕན་ཡོན་བརྗོད་དེ། །སོ་སོར་རྟོག་པས་དག་པར་འགྱུར་བ་ནི་སྣ་ཚོགས་གཟུགས་བརྙན་བརྟན་པར་གྱུར་ན་སྟེ། དེའི་ཚེ་སྔགས་ཀུན་གྱི་བྱིན་གྱིས་བརླབ་པར་འགྱུར་རོ། །སྨྲས་པ་ཙམ་གྱིས་མཆོག་སྦྱིན་ལ་སོགས་པ་སྟེར་རོ། །མངོན་ཤེས་ལྔ་ནི་གང་གི་ཚེ་མིག་བཙུམས་པ་མེད་པར་གྱུར་པ་དེའི་ཚེ་ལྷའི་མིག་འབྱུང་ངོ༌། །དེ་ལྟར་བསམ་གཏན་གྱི་དག་པས་ན་ལྷའི་རྣ་བའང་ངོ༌། །སྲོག་རྩོལ་གྱིས་དག་པས་ནི་གང་གི་ཚེ་ཉི་མ་དང་ཟླ་བའི་ལམ་དང་བྲལ་ཞིང་རྟག་ཏུ་དབུ་མར་རྒྱུར། །དེའི་ཚེ་སྲོག་རྩོལ་གྱིས་དག་པས་བྱང་ཆུབ་སེམས་དཔའ་རྣམས་ཀྱིས་བསྔགས་པ་བརྗོད་པར་འགྱུར་
― LT24_Page_189A ―
[མ་དཔེ་གཟིགས་ན་འདིར་གནོན།]
རོ། །བདུད་དང་ཉོན་མོངས་སོགས་བྲལ་བའི་སྟོབས་བཅུ་ནི་སྟོང་པའི་གཟུགས་བརྙན་ནི་གཟུང་བ་ཡིན་ཏེ། དེ་ལ་འཛིན་པའི་སེམས་འཇུག་པ་ནི་འཛིན་པའི་སྟོབས་ཀྱིས་སོ། །སྲོག་རླུང་གི་འགྲོ་འོང་ཟད་པས་རོ་གཅིག་ཏུ་འགྱུར་རོ། །རྗེས་སུ་དྲན་པས་དག་པ་ནི་སེམས་ཀྱིས་གཟུགས་བརྙན་འཁྱུད་པ་སྟེ། རྣམ་རྟོག་ཐམས་ཅད་དང་བྲལ་བ་ཉིད་དོ། །དེའི་ཚེ་དྲི་མ་མེད་པའི་འོད་ཀོར་འབྱུང་ངོ༌། །བ་སྤུ་རྣམས་ལས་འོད་ཟེར་ལྔ་ཡང་སྤྲོ་བའོ། །ཡེ་ཤེས་སྐུ་ལས་ནི་སྟོང་པ་ཉིད་ཀྱི་སྐུ་ལས་སོ། །ཏིང་ངེ་འཛིན་དག་པ་ནི་གཟུང་བ་དང་འཛིན་པའི་སེམས་གཉིས་གཅིག་ཏུ་གྱུར་པས་མ་ཉམས་པའི་བདེ་བ་དེ་ནི་ཏིང་ངེ་འཛིན་ཏེ། དེས་དག་པ་ནི་བྲལ་བར་གྱུར་པའོ། །ཞག་འགའ་ཞིག་གིས་ནི་ལོ་གསུམ་དང་ཕྱོགས་གསུམ་གྱིས་འགྲུབ་པའོ། །ཡེ་ཤེས་སྐུ་ནི་དབང་བཅུ་ལ་སོགས་པ་ཐོབ་པའི་བྱང་ཆུབ་སེམས་དཔར་འགྱུར་རོ་ཞེས་སོ་སོར་རྟོག་པ་ལ་སོགས་པའི་ངེས་པའོ། །བཞི་པ་ནི། གསང་འདུས་ཀྱི་རྒྱུད་ཕྱི་མ་ལས་ཀྱང༌། སོ་སོར་སྡུད་དང་བསམ་གཏན་དང༌། །སྲོག་རྩོལ་དེ་བཞིན་འཛིན་པ་དང༌། །རྗེས་སུ་དྲན་དང་ཏིང་ངེ་འཛིན། །སྦྱོར་བ་ཡན་ལག་དྲུག་ཏུ་འདོད། །འདིར་སོ་སོར་སྡུད་ནི་ཕྱིའི་གཟུགས་ལ་སོགས་པ་ལ་མིག་གི་དབང་པོས་མིག་གི་རྣམ་པར་ཤེས་པ་ལ་སོགས་པ་མི་འཇུག་པར་ནང་གི་ཡུལ་དུ་བ་ལ་སོགས་པ་རྣམས་ལྷའི་མིག་ལ་སོགས་པས་ལྷའི་མིག་གི་རྣམ་པར་ཤེས་པ་ལ་སོགས་པ་རབ་ཏུ་འཇུག་པ་སྟེ། ནང་གི་སྟོང་པ་ཉིད་ལ་དམིགས་པས་པྲ་ཕབ་པའི་གཞོན་ནུ་མས་མཐོང་བ་ལྟར་སྟོང་པ་ལ་མ་བརྟགས་པའི་དངོས་པོ་ཐམས་ཅད་མཐོང་བ་ནི་སོ་སོར་རྟོགས་པར་བརྗོད་དེ། ཁམས་གསུམ་གྱི་སྐུ་མཐོང་བའི་ཕྱིར་རོ། །བསམ་གཏན་ནི་ཆོས་ཐམས་ཅད་སྟོང་པར་མཐོང་བ་སྟེ། ཤེས་རབ་ནི་དེ་དག་ལ་སེམས་རབ་ཏུ་འཇུག་པའོ། །རྟོག་པ་ནི་སེམས་ཀྱི་དངོས་པོ་གཟུང་བའོ། །དཔྱོད་པ་ནི་དངོས་པོ་སོ་སོར་རྟོག་པའོ། །དགའ་བ་ནི་དངོས་པོ་ཐམས་
― LT24_Page_189B ―
[མ་དཔེ་གཟིགས་ན་འདིར་གནོན།]
ཅད་ལ་སེམས་གནས་པའོ། །མི་གཡོ་བའི་བདེ་བ་ནི་དངོས་པོ་ཐམས་ཅད་ལས་བདེ་བ་ཐམས་ཅད་ཕུན་སུམ་ཚོགས་པའོ། །དེ་ལྟར་བསམ་གཏན་ཡན་ལག་ལྔ་ལྡན་ནོ། །དེ་ནས་སྲོག་རྩོལ་རླུང་ནི་རྐྱང་མ་དང༌། རོ་མ་གཡོན་པ་དང་གཡས་པའི་ལམ་འགགས་ཏེ། ཨ་བ་དྷཱུ་ཏཱི་དབུ་མའི་ལམ་ལ་སྲོག་རླུང་རྟག་ཏུ་འཇུག་པ་སྟེ། དགང་བ་དང༌། བུམ་པ་ཅན་དང༌། འཕགས་པའི་སྦྱོར་བས་དབུ་མ་ཨོཾ་ཡིག་གིས་འཇུག་པ་དང༌། ཧཱུྃ་ཡིག་གིས་འགོག་པ་དང༌། ཨཱཿཡིག་གིས་ཕྱིར་འབྱུང་བ་སྟེ། ཟླ་བ་དང༌། རཱ་ཧུ་ལ་དང༌། ཉི་མའི་ཚུལ་གྱི་རྣལ་འབྱོར་གྱིས་བྱེད་དོ། །དེ་ནས་འཛིན་པ་དང་ནི་སྲོག་གི་ས་དང༌། །ཆུ་དང༌། མེ་དང༌། རླུང་གི་དཀྱིལ་འཁོར་ལྟེ་བ་དང༌། སྙིང་ག་དང༌། མགུལ་པ་དང༌། དཔྲལ་བར་འཇུག་ཅིང་ཕྱི་རོལ་དུ་མི་འབྱུང་ཞིང༌། ཐིག་ལེར་སྲོག་རླུང་འཇུག་པ་ནི་འཛིན་པའི་ཡན་ལག་ཏུ་བརྗོད་དོ། །རྗེས་སུ་དྲན་པ་ནི་རང་གི་ཡི་དམ་གྱི་ལྷའི་གཟུགས་བརྙན་རྟོག་པ་མེད་པར་མཐོང་བ་དང༌། དེ་ལས་འོད་ཟེར་རྣམ་པ་སྣ་ཚོགས་པའི་འོད་ཀོར་དང་ཁམས་གསུམ་གྱི་སྤྲོས་པ་རྣམ་པ་དུ་མིན་རྗེས་སུ་དྲན་པར་བརྗོད་དོ། །དེ་ནས་ཏིང་ངེ་འཛིན་ནི་ཡི་དམ་གྱི་ལྷ་ལ་རྗེས་སུ་ཆགས་པས་མ་ཉམས་པའི་བདེ་བ་ཐོབ་པ་གང་ཡིན་པ་དེ་དང་སེམས་གཅིག་ཏུ་གྱུར་ཅིང་གཟུང་འཛིན་དང་བྲལ་བ་ཏིང་ངེ་འཛིན་དུ་བརྗོད་དོ། །བསྙེན་པའི་དུས་སུ་ནམ་མཁའ་ཆོས་འབྱུང་ལ་སེམས་ཀྱི་རྡོ་རྗེ་རབ་ཏུ་བཞག་ལ་སོ་སོར་རྟོག་གིས་བསྒོམས་ཏེ། བསམ་གཏན་གྱིས་བརྟན་པར་བྱའོ། །དེ་ལ་བཅོམ་ལྡན་འདས་ཀྱིས་དམ་བཅས་པ། བསམ་པ་ཐམས་ཅད་ཡོངས་སྤོངས་ནས། །གང་ཞིག་ཡོངས་སུ་བརྟག་པར་བྱ། །གལ་ཏེ་ཡིད་ཆེས་མ་བྱུང་ན། །དེ་ཚེ་དེ་ཚིག་བདག་གི་རྫུན། །ཞེས་བྱའོ། །འདིར་ཡིད་ཆེས་པ་ནི་དུ་བ་ལ་སོགས་པའི་མཚན་མ་ཡིན་ཏེ། །སྔགས་ལ་སོགས་པ་གཞན་ནི་ཉིན་གཅིག་གིས་མི་འགྲུབ་པས་ཅི་སྟེ་ཡིད་ཆེས་པར་འགྱུར། དེ་བས་ཐེ་ཚོམས་མ་བྱས་པར་བློ་རྟེན་མེད་པར་བྱས་ལ་སྟོང་ཉིད་
― LT24_Page_190A ―
[མ་དཔེ་གཟིགས་ན་འདིར་གནོན།]
ཟབ་མོ་ལ་དམིགས་པའི་ཡེ་ཤེས་འབྱུང་ངོ༌། །ཞེས་ཐོག་མའི་སངས་རྒྱས་ལ་སོགས་པར་གསུངས་པ་སྦྱོར་བ་ཡན་ལག་དྲུག་པ་ཉེ་བར་བསྡུས་པ་རྫོགས་སོ། །གྲུབ་ཐོབ་དཔེ་མེད་མཚོས་མཛད་པའི་སྦྱོར་བ་ཡན་ལག་དྲུག་པའི་སྙིང་པོ་པཎྜི་ཏཱ་བི་བྷཱུ་ཏི་ཙནྡྲ་དང༌། གཉལ་ལོ་ཙཱ་བ་མི་མཉམ་བཟང་པོས་བསྒྱུར་བ་ལས་ཕྱུང་བའོ། །མངྒ་ལཾ།། ༈ །།རྡོ་རྗེའི་རྣལ་འབྱོར་རྩ་འགྲེལ་སྤར། །བླ་མའི་མདུན་དུ་འབྲེལ་འཇོག་གི །ཁས་བླངས་རྨུགས་སངས་དགེ་མ་ནི། །བོ་སྡིས་མིང་གི་གུས་པས་བསྒྲུབས། །མངྒ་ལཾ།། །།
གདམས་ངག་མཛོད་པོད་བཅོ་ལྔ་པ།
དཔེ་མེད་འཚོའི་ལུགས་ཀྱི་རྣལ་འབྱོར་ཡན་ལག་དྲུག་པའི་ཁྲིད་རྡོ་རྗེའི་ཚིག་འབྱེད།
― LT24_Page_191A ―
[མ་དཔེ་གཟིགས་ན་འདིར་གནོན།]
དཔེ་མེད་འཚོའི་ལུགས་ཀྱི་རྣལ་འབྱོར་ཡན་ལག་དྲུག་པའི་ཁྲིད་རྡོ་རྗེའི་ཚིག་འབྱེད་ཅེས་བྱ་བ་བཞུགས་སོ།། །།
― LT24_Page_191B ―
[མ་དཔེ་གཟིགས་ན་འདིར་གནོན།]
སྣ་ཚོགས་གཟུགས་ཅན་འོད་གསལ་ཉིད་ཕྱིར་རྡུལ་དང་བྲལ་བ་དམ་པའི་གཟུགས། །བརྗོད་པ་ཀུན་གྱི་རྒྱུ་ཡིན་པས་ན་ཚིག་རིགས་སྤངས་བ་ནཱ་དའི་དབྱངས། །ཡེ་ཤེས་ཆེན་པོའི་ཚུལ་ལུགས་འཚང་བས་རྣམ་པར་ཤེས་ལས་འདས་པའི་ཐུགས། །ཀུན་ལ་ཁྱབ་པས་བརྟག་པར་མ་ནུས་དང་པོའི་སངས་རྒྱས་དེ་ལ་འདུད། །དཔལ་ལྡན་རྡོ་རྗེ་ཐེག་པ་བགྲོད་པའི་ལམ། །ཟབ་མོ་རྡོ་རྗེའི་རྣལ་འབྱོར་ཡན་ལག་དྲུག །རྗེ་བཙུན་རྡོ་རྗེ་ཅན་གྱི་ཞལ་སྒོ་ནས། །འོངས་པའི་རྡོ་རྗེའི་ཚིག་འབྱེད་འདི་ན་ཀོ། །འདིར། རྣལ་འབྱོར་ཆེན་པོའི་རྒྱུད་ཐམས་ཅད་ལས་གསུངས་པའི་དོན་དམ་པའི་བདེན་པ་དཔལ་དང་པོའི་སངས་རྒྱས་ཚེ་གཅིག་ལ་སྟེར་བར་བྱེད་པའི་ཟབ་ལམ་རྡོ་རྗེའི་རྣལ་འབྱོར་སྦྱོར་བ་ཡན་ལག་དྲུག་པ་འཆད་པར་བྱེད་པ་ལ། བརྒྱུད་པའི་ལོ་རྒྱུས་དང༌། གདམས་པ་དངོས་གཉིས། དང་པོ་ནི། སློབ་དཔོན་ཆེན་པོ་ཨ་ནུ་པ་མི་ཏ་སྟེ་དཔེ་མེད་འཚོ་ཞེས་གྲགས་པ་ལྔ་རིག་པའི་གཙུག་རྒྱན་དུ་འོས་པ་དེ་བསྒོམ་པར་བཞེད་ནས་ཁ་སབ་ཎི་རང་བྱུང་གི་དྲུང་དུ་ལོ་བཅུ་གཉིས་བསྒྲུབས་ཀྱང་རྟོགས་པའི་ཁྱད་པར་ཅི་ཡང་མ་འཁྲུངས་ནས་ཐུགས་ཞུམ་པ་ན། རྨི་ལམ་དུ་རྡོ་རྗེ་རྣལ་འབྱོར་མ་བྱོན་ཏེ་སང་བི་ཀྲ་མ་ཤྲཱི་ལའི་གཙུག་ལག་ཁང་དུ་སོང་ཞིག་དེར་འདོད་པའི་དོན་འགྲུབ་པར་འགྱུར་རོ་ཞེས་ལུང་བསྟན་མནལ་སད་པ་དང༌། སཱ་དྷུ་པུ་དྲའམ་དཔལ་འཛིན་ཞེས་གྲགས་པའི་སློབ་མའི་གཙོ་བོ་དེ་དང་ལྷན་ཅིག་དེར་གཤེགས་པས་མཆོད་པ་ཞིག་དང་འགྲིག་སྟེ། མཚན་གཙུག་ལག་ཁང་ཆེན་པོ་དེའི་ཕྱོགས་དབེན་པ་ཞིག་ཏུ་བཞུགས་
― LT24_Page_192A ―
[མ་དཔེ་གཟིགས་ན་འདིར་གནོན།]
པ་འཕགས་པ་སྤྱན་རས་གཟིགས་དབང་ཕྱུག་ཨ་ཝ་དྷཱུ་ཏི་པའི་ཆ་བྱད་ཅན་བྱོན་ནས། བུ་དེ་ཁོ་ན་ཉིད་ནི་འདི་ཡིན་ནོ་ཞེས་ཚིག་ཏུ་དེ་ཙམ་ལས་མ་བསྟན་ཀྱང་བྱིན་བརླབས་ཀྱི་མོད་ལ་ཡེ་ཤེས་ཀྱི་སྐུ་གྲུབ་སྟེ་ཐམས་ཅད་གཟིགས་སོ། །དེ་ནས་རང་གི་རྟོགས་པ་དཔལ་འཛིན་ལ་བསྟན་པ་ནི་མན་ངག་འདི་ཡིན་ལ། དེས་པཎྜི་ཏ་འོད་མཛད་ལྷ་དང༌། དེས་ཆོས་འབྱུང་ཞི་བ་དང༌། དེས་ཉི་མ་དཔལ་ཡེ་ཤེས་དང༌། དེས་རཏྣ་རཀྵི་ཏ་དང༌། དེས་མི་དབང་བློ། དེས་ཕྱོགས་གྲོལ། དེས་ཤཱཀྱ་རཀྵི་ཏ་དང༌། དེས་ལེགས་སྐྱེས། དེས་སངས་རྒྱས་དབྱངས། དེས་རྒྱ་གར་ཤར་ཕྱོགས་སཏྣ་ག་རའི་མཁས་པ་ཆེན་པོ་ནགས་ཀྱི་རིན་ཆེན། དེས་རྒྱལ་བའི་དབང་པོ་ཀུན་དགའ་དཔལ་འབྱོར་ལ་གདམས་ཤིང༌། ཡང༌། མགོན་པོ་མི་ཕམ་དགའ་བ་སྟེ་བྱམས་པ་གླིང་པ། དཔལ་ཡིད་བཟངས་རོལ་པ་སྟེ་འགོས་གཞོན་ནུ་དཔལ་གཉིས་ལའང་གསན་ནོ། །རྗེ་དེས་ཞིབ་མོར་བསྙད་པ་ནི་དགེ་སློང་རིན་ཆེན་རྣམ་རྒྱལ། དེས་འཇམ་པའི་དབྱངས་ཆོས་ཀྱི་གྲགས་པ། དེས་དཔལ་སྒྱུ་མའི་གར་མཁན་དེ་དང༌། དཔལ་འབྲུག་པ་རིན་པོ་ཆེས་ཀྱང༌། རྒྱལ་དབང་རྗེ་ལ་བསྐྱར་མ་ཞིག་གསན་པས། རྗེ་དེ་གཉིས་ལ། བླ་མ་དམ་པ་བསྟེན་པ་ལ་མཁས་པ་པདྨ་དཀར་པོས་ཐོས་ཏེ། རྡོ་རྗེའི་ཚིག་ཐམས་ཅད་ཇི་བཞིན་པ་མཐོང་བའི་མིག་རྒྱས་པ་ཡིན་ནོ། །གཉིས་པ་གདམས་པ་དངོས་ལ་རྣལ་འབྱོར་གྱི་སྔོན་དུ་འགྲོ་བ་དང༌། རྡོ་རྗེའི་རྣལ་འབྱོར་དངོས་བཤད་པ་གཉིས། དང་པོ་ལ་སྤྱན་རས་གཟིགས་ཀྱི་སྒོམ་བཟླས། རྡོ་རྗེ་སེམས་དཔའི་སྒོམ་བཟླས། དུས་ཀྱི་འཁོར་ལོའི་བསྐྱེད་རིམ། བླ་མའི་རྣལ་འབྱོར། ཚོགས་ཀྱི་འཁོར་ལོ་ལྔ་ལས། དང་པོ་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ།
― LT24_Page_192B ―
[མ་དཔེ་གཟིགས་ན་འདིར་གནོན།]
བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་བསྙེན་སྒྲུབ་བགྱིས་པའི་བསོད་ནམས་འདི་དག་གིས། འགྲོ་ལ་ཕན་ཕྱིར་སངས་རྒྱས་མྱུར་དུ་ཐོབ་པར་ཤོག །སེམས་ཅན་ཐམས་ཅད་བདེ་ལྡན་སྡུག་བསྔལ་དང་བྲལ་ཞིང༌། །དགའ་དང་མི་འབྲལ་བཏང་སྙོམས་ཆེ་ལ་གནས་པར་ཤོག །ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་བ་ཤུདྡྷོ྅་ཧཾ། ཧྲཱིཿལས་ཁ་སརྦ་ཎི་རབ་མཛེས་སྐུ། ཟླ་ཤེལ་མདངས་ལྡན་ཕྱག་གཡས་མཆོག་སྦྱིན་གཡོན། །ཐུགས་དགར་པད་བསྣམས་རྒྱན་གྱིས་རབ་བརྒྱན་པ། །སྐྱིལ་ཀྲུང་ཕྱེད་པས་པདྨ་ཟླ་བར་འགྱིད། །མདུན་དུ་སྒྲོལ་མ་སྔོན་མོ་ཨུཏྤལ་འབྱེད། །གཡས་ན་ནོར་བཟང་གསེར་མདོག་ཐལ་མོ་པོ་ཏ། རྒྱབ་ན་ཁྲོ་གཉེར་ཅན་དཀར་ཞལ་གསུམ་ཕྱག །ཐལ་མོ་བགྲང་འཕྲེང་རྩེ་གསུམ་སྤྱི་བླུགས་འཛིན། །གཡོན་ན་རྟ་མགྲིན་དམར་པོ་ཐལ་མོ་དབྱུག །ཐམས་ཅད་བཞེངས་པ་གཙོ་བོའི་གནས་གསུམ་དུ། །ཨོཾ་ཨཱཿཧཱུྃ་དང་སྙིང་ཕུག་ཧྲཱིཿཡིག་སྤྲས། །འོད་འཕྲོས་ཡེ་ཤེས་སྤྱན་དྲངས་གཉིས་མེད་ཐིམ། །ཨོཾ་ཧྲཱིཿསྭཱ་ཧཱ། དགེ་འདིས་འཕགས་པས་རྗེས་སུ་འཛིན་གྱུར་ཅིག །མཐའ་མར་མི་དམིགས་སྟོང་པ་ཉིད་ལ་གཞག །གཉིས་པ་ནི། སྤྱི་བོར་ཧཱུྃ་ལས་རྡོ་རྗེ་རིགས་ཀུན་བདག །རབ་དཀར་རྡོ་རྗེ་སྙེམས་མ་དམར་མོས་འཁྱུད། །རྡོ་རྗེ་སྙིང་ག་དྲིལ་བུ་དཀུ་ལ་བཟུང༌། །ཡུམ་གྱི་གྲི་ཐོད་རབ་བརྒྱན་སེམས་སྐྱིལ་ཅན། །ཐུགས་ཀར་ཟླ་བ་ཧཱུྃ་སྔགས་འཕྲེང་བས་བསྐོར། །བདུད་རྩིའི་རྒྱུན་འཛག་སྦྱོར་མཚམས་ནས་བབས་ཏེ། །བདག་ལུས་ཕྱི་ནང་སྡིག་སྒྲིབ་ཐམས་ཅད་འཁྱུད། །ཨོཾ་བཛྲ་སྟྭ་སོགས། །བདག་དང་གཉིས་མེད་ཐིམ་དག་སྒྲིབ་བྱང་ཤོག །གསུམ་པ་ནི། སྐད་ཅིག་དང་པོའི་སངས་རྒྱས་ཁྲོ་ཆགས་སྔོ། །ཞལ་གཅིག་རྡོར་དྲིལ་དང་བཅས་ཡུམ་ལ་འཁྱུད། །ཕྱག་རྒྱས་བརྒྱན་ཏེ་ཉོན་མོངས་བདུད་ཀྱི་ཁར། །ཞབས་གཡས་དམར་བརྐྱང་གཡོན་པ་དཀར་པོ་བསྐུམ། །ཨོཾ་ཨཱཿཧཱུྃ་ཧོཿ་ྷྐྵྨླྺྼྻྃ་ཧཱུྃ་ཕཊ། བཞི་པ་ནི། སྤྱི་བོར་བླ་མ་བརྒྱུད་པ་ལོངས་སྐུར་བརྩེགས། །རྩེ་གཅིག་འདི་ཕྱི་ཀུན་གྱི་རེ་ལྟོས་གཏད། །ཅི་བྱུང་ཐབས་གཞན་མི་འཚོལ་བླ་མ་འབོད། །
― LT24_Page_193A ―
[མ་དཔེ་གཟིགས་ན་འདིར་གནོན།]
ཐུགས་རྗེས་གཟིགས་ཤིག་སངས་རྒྱས་མི་གཟུགས་རྣམས། །ཁྱབ་བདག་དང་པོའི་མགོན་པོ་བཅོམ་ལྡན་འདས། །འཇིག་རྟེན་དབང་ཕྱུག་དཔལ་ལྡན་དཔེ་མེད་མཚོ། །དཔལ་འཛིན་དགའ་བ་འོད་མཛད་ལྷ་ཡི་ཞབས། །ཆོས་འབྱུང་ཞི་བ་ཉི་མ་དཔལ་ཡེ་ཤེས། །རིན་ཆེན་བསྲུང་བ་མི་ཡི་དབང་པོའི་བློ། །ཕྱོགས་སུ་གྲོལ་བ་ཤཱཀྱ་རཀྵི་ཏ། །ལེགས་སྐྱེས་སངས་རྒྱས་དབྱངས་དང་རྗེ་བཙུན་ནི། །ནགས་ཀྱི་རིན་པོ་ཆེ་དང་དེ་ཡི་སྲས། །ངག་གི་དབང་པོའི་སྡེ་དང་རིན་རྣམ་པ། །ཆོས་ཀྱི་གྲགས་པ་སྒྱུ་མའི་གར་མཁན་དང༌། །རྩ་བའི་བླ་མ་རྣམས་ལ་གསོལ་བ་འདེབས། །མཚན་རྣམས་ཡོངས་རྫོགས་བླ་མའི་སྐུ། །སྤྱི་བོར་ལུས་ཀྱི་ཐིག་ལེ་ལ། །བཞུགས་ནས་བུམ་དབང་དགའ་བའི་ཆུས། །སད་པའི་དྲི་མ་སྦྱང་དུ་གསོལ། །ལོངས་སྤྱོད་རྫོགས་པ་ཀུན་གྱི་སྐད། །མགྲིན་པ་དག་གི་ཐིག་ལེ་ལ། །བཞུགས་ནས་གསང་དབང་མཆོག་དགའི་མེས། །རྨི་ལམ་བག་ཆགས་བསྲེག་ཏུ་གསོལ། །དཔལ་ལྡན་བླ་མ་ཆོས་ཀྱི་སྐུ། །སྙིང་གར་སེམས་ཀྱི་ཐིག་ལེ་ལ། །བཞུགས་ནས་ཤེས་རབ་ཡེ་ཤེས་གཉིས། །གཉིད་འཐུག་མུན་པ་བསལ་དུ་གསོལ། །མགོན་པོ་ལྷན་ཅིག་སྐྱེས་པའི་སྐུ། །ལྟེ་བར་ཡེ་ཤེས་ཐིག་ལེ་ལ། །བཞུགས་ནས་བཞི་པའི་དབང་བསྐུར་བས། །འཕོ་མེད་ཐོབ་པར་བྱིན་གྱིས་རློབས། །དེ་ལྟར་བདག་དང་འགྲོ་རྣམས་ཀྱིས། །ལུས་ངག་ཡིད་དང་ཡེ་ཤེས་ཚོགས། །རྡོ་རྗེ་བཞི་དང་མཉམ་སྦྱོར་བས། །སྐུ་བཞིའི་དབང་ཕྱུག་ཐོབ་པར་ཤོག །ལྔ་པ་ནི། རང་གི་རྣམ་ཤེས་སྣ་ཚོགས་ཡུམ་དུ་འཐོན། །གྲི་གུག་གིས་བཅད་ཐོད་པ་སྟོང་གསུམ་ཙམ། །དེ་ནང་ལུས་གཏུབས་ཨོཾ་ཨཱཿཧཱུྃ་ཧོཿཡིས། །སྦྱངས་རྟོགས་སྦར་བཞུ་ཕེཾ་སྒྲས་མགྲོན་བཞི་བཀུག །ཐམས་ཅད་ཚིམ་པར་བཞེས་ལ་དངོས་གྲུབ་སྩོལ། །མཐའ་མ་འཁོར་གསུམ་དག་པའི་ངང་ལ་གཞག །ལྟེ་བར་དབྱུག་གུ་ཉི་མའི་དབུགས། །སྒྲ་གཅན་གཡུང་མོས་རབ་ཟོས་ནས། །རྡོ་རྗེ་ཟླ་བའི་ཆ་ཤས་
― LT24_Page_193B ―
[མ་དཔེ་གཟིགས་ན་འདིར་གནོན།]
ནི། །བཅུ་དྲུག་རབ་ཏུ་རྫོགས་གྱུར་ཅིག །ཟག་བཅས་བདེ་བའི་སྨིག་རྒྱུ་ལ། །སྲིད་པའི་རི་དྭགས་ཀུན་རྒྱུ་བ། །རྡོ་རྗེ་མིག་རབ་དག་པའི་མཐུས། །གདུང་བ་ཉེ་བར་ཞི་གྱུར་ཅིག །སེམས་ཀྱི་རྒྱལ་པོའི་མགོན་སྤངས་ནས། །རྡོ་རྗེ་བླ་མ་ཕྱིར་འཚོལ་བ། །དེ་དག་ཚེ་འདིར་མཆོག་ཐོབ་ནས། །ཀུན་གྱི་འདྲེན་པར་བདག་གྱུར་ཅིག །ཅེས་བསྔོ་བ་བྱའོ། །གཉིས་པ། རྡོ་རྗེའི་རྣལ་འབྱོར་དངོས་བཤད་པ་ལ། སོར་སྡུད། བསམ་གཏན། སྲོག་རྩོལ། འཛིན་པ། རྗེས་དྲན། ཏིང་ངེ་འཛིན་དང་དྲུག །དང་པོ་ལ། མཚན་མོའི་རྣལ་འབྱོར་དང༌། །ཉིན་མོའི་རྣལ་འབྱོར་གཉིས། དང་པོ་ལ། ལུས་ཀྱི་བྱེད་བཅིངས། མིག་གི་ལྟ་སྟངས། སེམས་ཀྱི་གཞག་ཐབས་གསུམ། དང་པོ་ནི། བླ་མ་དང་གདམས་པ་དང༌། རང་ལ་ཡིད་ཆེས་པའི་གང་ཟག་གིས། །དུས་ཀྱི་འཁོར་ལོའི་ཀོར་ཆེན་གྱི་དབང་ལེགས་པར་ཞུས་པའམ། མིན་ན་འཁོར་ལོ་སྡོམ་པ་སོགས་གང་རུང་ཞིག་གི་དབང་བཞི་ལེགས་པར་ཐོབ་པ་ཕྱག་རྒྱ་ཆེན་པོའི་དངོས་གྲུབ་བསྒྲུབ་པ་ལ་ཡིད་གཅིག་པར་བྱས། གཉིད་འགྱོད་ལེ་ལོ་སོགས་པ་བསམ་གཏན་གྱི་སྒྲིབ་པ། མི་དགེ་བ་སོགས་ལམ་གྱི་ཆོམ་རྐུན་སྤངས་ནས། ས་རླངས་མེད་པའི་ཁང་བུ་ནང་འདོམ་གང་གྲུ་བཞི་ལས་མི་ཆུང་བ། སྒོ་འཁྱོག་རིམ་པ་གསུམ་གཅིག་གི་མདངས་གཅིག་ལ་མི་ཕོག་པ་དེ་མ་གྲུབ་ཀྱང་ནང་མུན་པ་ནག་པོ་ལེགས་པར་གྲུབ་ན་འདྲའོ། །དེར་བདེ་བའི་གདན་ལ་རྐང་པ་རྡོ་རྗེ་སྐྱིལ་ཀྲུང་གཡོན་འོག་གཡས་སྟེང་དུ་འཐོན་པ་དང༌། ལག་པ་མཐེ་བོང་གིས་སྲིན་ལག་མནན་པའི་ཁུ་ཚུར་བརླ་ཁུགས་སུ་བཙུགས་ལག་ངར་དང་སྒལ་ཚིགས་བསྲང་ཐལ་གོང་དགྱེད། ཨོག་སྐོས་ལྐོག་མདུད་ནོན་ཙམ་བྱ། ལྕེ་ཡང་རྐན་ལ་སྦྱར། སོ་མཆུ་ལ་བར་ཡིད་ཙམ་ཡོད་པ་ནི་རྒྱུད་རང་ནས་བཤད་པའི་ལུས་གནད་དངོས་མ་ཡིན་པས་འདི་ལ་ནན་ཏན་དུ་བྱའོ། །རྟགས་བརྟན་ནས་ལགས་པ་བསྒྱུར་ཏེ་མཉམ་གཞག་བྱ་བ་དང༌། ལུས་གྱོང་པོ་ལ་དེ་ལྟ་བུ་ཟུག་རྔུའི་རྒྱུར་འགྱུར་པས། ལག་པ་གཉིས་
― LT24_Page_194A ―
[མ་དཔེ་གཟིགས་ན་འདིར་གནོན།]
ཕྱོགས་སོ་སོར་ཁ་སྦུབ་པའི་སོར་ཚིགས་དྲུག་མདོའི་འོག་ཏུ་འོང་བར་བྱས་པའོ། །གེགས་སེལ་བོགས་འདོན་གྱི་ཚུལ་དུ་རེས་འགའ་རྡོ་རྗེའུ་ཚུར་སྙིང་གར་བསྣོལ་བ་སྟེ་གཞན་ནི་སྔ་མ་བཞིན་བྱའོ། །འདིར་གསང་སྐྱིལ་བཤད་པ་ནི་ལྕེ་རྩེ་རྐན་སྦྱར་གྱི་ཡིན་པས་དེ་གར་སྟོན་འོས་སོ། །གཉིས་པ་ལྟ་སྟངས་ནི། རྡོ་རྗེ་གཙུག་ཏོར་གྱི་ལྟ་སྟངས་ཏེ། མིག་བསྒྲད་ནས་མིག་འབྲས་གྱེན་དུ་སློག་པའོ། །འདི་རྟགས་མྱུར། རྟགས་བརྟན་པོ་རེད་ནས་མིག་ཐད་ཀ་འབུར་ཚུགས་སུ་བལྟ་བ་སྟེ། ཕྱེད་བཙུམ་པ་ནི་མ་ཡིན་པས། མིག་ནི་མི་འཛུམ་ཞེས་དང༌། རྣལ་འབྱོར་པ་ཡི་བསྒྲད་པའི་མིག་གིས་བལྟ་བྱ་ཞིང༌། ཞེས་འབྱུང་བས་སོ། །གསུམ་པ་སེམས་ཀྱི་གཞག་ཐབས་ལ། །བསམ་མེད་ཀྱི་རྣལ་འབྱོར་ནམ་མཁའི་རྣལ་འབྱོར། རྩོལ་མེད་ཀྱི་རྣལ་འབྱོར། སྐྱེ་མེད་ཀྱི་རྣལ་འབྱོར། རྩ་བྲལ་གྱི་རྣལ་འབྱོར་ལྔ། དང་པོ་ནི། འདས་པའི་རྗེས་མི་དཔྱོད། མ་འོངས་པའི་མདུན་མི་བསུ། །ད་ལྟ་བ་ལ་བཟོ་མི་བྱེད། མདོར་ན་བསམ་བྱ་བསམ་བྱེད་བྲལ་བའི་ངང་ལ་འཇོག་པ་ཡིན་ཏེ། རྩ་རྒྱུད་ལས། བསམ་པ་ཐམས་ཅད་ཡོངས་སྒངས་ནས། ཞེས་དང༌། ས་ར་ཧས། བསམ་དང་བསམ་བྱ་ཐམས་ཅད་ཡོངས་སུ་དོར་ནས་སུ། །ཞེས་གསུངས་པས་སོ། །དེ་ཡང་མུན་པའི་ནམ་མཁའ་ལ་མིག་དང་སེམས་རྩེ་གཅིག་ཏུ་བཀོད་ནས་གཞན་ཏུ་གཡོ་མི་འཇུག་པ་སྟེ། ཉི་མ་གཅིག་ནི་ཡོངས་སུ་བརྟག །དང༌། ཇི་ལྟར་བུ་ཆུང་ལྷུག་པར་གནས་པ་བཞིན། །བླ་མའི་ལུང་ལ་བསྒྲིམས་ཏེ་གུས་འབད་ན། །ལྷན་ཅིག་སྐྱེས་པ་འབྱུང་པར་ཐེ་ཚོམ་མེད། །ཅེས་གསུངས་པའོ། །དེ་ཡང་དཔེར་བགྱིས་ན། ལྟད་མོ་ཆེན་པོ་ལ་བལྟ་བའི་མིག་དང་ཤེས་པ་ལྟ་བུའོ། །དེའི་ཕྱིར་ཞེན་པ་ཞེས་གསུངས་ཏེ། ནམ་མཁར་ཀུན་ནས་ཞེན་པ་ཞི་སེམས་དང༌། །ཞེས་འབྱུང་བས་སོ། །དེ་བས་ན་འདིར་རྗེས་སུ་དཔགས་པའི་བསམ་པ་བག་ཆག་མངོན་སུམ་གྱི་ཞེན་ཡུལ་བསྒྲུབས་
― LT24_Page_194B ―
[མ་དཔེ་གཟིགས་ན་འདིར་གནོན།]
པར་སོང་བས། བསམ་དུ་མེད་པ་བྱས་ཙ་ན་ཆད་པར་སོང་སྙམ་པ་ནི་རང་སྒོམ་ལ་མ་འདྲིས་སོ་ཞེས་སྟོན་པའི་ཚིག་ཉིད་དུ་རྟོགས་པར་ནུས་སོ། །དེས་ན་ས་ར་ཧས། །དྲན་པ་ཉམས་པས་བློ་ཉམས་ཞེས། །བློ་ངན་རྗེས་སུ་རྟོག་བྱེད་དེ། །དེ་ཉིད་ཀྱི་ནི་བློ་བཟང་ལ། །ནམ་མཁའ་ལས་ལྷག་ཅི་ཡང་འཆར། །ཞེས་གསུངས་པ་དང་རྒྱུད་རང་ལས། དེ་ལ་རྟགས་ནི་མ་བྱུང་ན། །དེ་ཚེ་ང་ཡི་རྫུན་ཚིག་ཡིན། །ཞེས་གསུངས་པའོ། །ལས་ཉོན་རགས་པའི་སྣང་བ་ནི་འཁྲུལ་སྣང་ཡིན་པས་དེ་བཙན་ཐབས་སུ་དགག་པའི་ཕྱིར་མུན་པ་བསྟེན་པ་ཡིན་ལ། དེ་འདིར་བསྒྲུབས་པའི་མངོན་སུམ་ནི་ཤའི་མིག་ལ་སོགས་པ་དབང་པོར་བྱས་ནས། དུ་བ་སོགས་སྟོང་པ་གཟུགས་སུ་བྱས། དེ་གཉིས་ལ་བརྟེན་ནས་སྐྱེས་པའམ་འཁྲུལ་པའི་ཤེས་པ་འཁྲུལ་པ་ཐམས་ཅད་བཟློག་པ་ལ་དཔའ་བ་ཞིག་གོ །དེས་ན་སོ་སོར་སྡུད་པའི་སྒྲ་བཤད་ལ། སྡུད་པ་དང་ཟ་བ་གཉིས་འོང་བ་དེས་ཡིན་ཏེ་ཟ་བ་ཅེས་པ་ལོང་སྤྱོད་པའི་དོན་ཡིན་ནོ། །དེས་ན་རྣལ་འབྱོར་དང་པོ་འདི་ཁས་དབང་པོ་མཆོག་ལ་དོན་ཐམས་ཅད་འགྲུབ་པས་དེ་བསྟན་ལ་ལྷག་མ་ནི་གདུལ་བྱའི་རིམ་པ་ལ་བལྟོས་པས་གྲུབ་པའི་དབང་ཕྱུག་རྣམས་ཀྱིས་བླ་ཐབས་སུ་བསྣན་པ་སྟེ་སྔ་མ་འདི་ཀ་བསྒྲུབ་པའི་ཕྱིར་དུའོ། །དེ་ཕྱིར་རྫོགས་པའི་རིམ་པ་ནི་དངོས་སུ་ཡེ་ཤེས་བསྐྱེད་པ་ལ་བྱེད་པར་ནཱ་རོ་པ་ཡབ་སྲས་གསུངས་ལས། འདིར་ཡང་ཉི་མ་གཅིག་གིས་རྟགས་མཐོང་བ་འདི་ལྟ་བུས་ཤིན་དུ་གསལ་བ་ཡིན་ནོ། །གཉིས་པ་ནི། དབྱིངས་རིག་བསྲེས་ནས་མཉམ་པར་འཇོག་པ་སྟེ་དབྱིངས་ནི་དུ་སོགས་ཀྱི་རྟགས། རིག་པ་ནི་ངོ་མཐོང་བའི་རྣམ་ཤེས། བསྲེ་བ་ནི་རྟགས་དེ་ཁ་ལ་རྣམ་ཤེས་གཞན་དུ་འཇུག་པ་སྟེ། རྩེ་གཅིག་ཏུ་དེ་ཁ་ལ་བལྟ་བའོ། །དེ་ཡང་སེམས་ནི་ནམ་མཁའ་འདྲ་བར་གཟུང་བྱ་སྟེ། །ནམ་མཁའི་རང་བཞིན་ཉིད་དུ་སེམས་གཟུང་བྱ། །ཡིད་དེ་ཡིད་མ་ཡིན་པར་བྱས་གྱུར་ན། །མཆོག་གི་དངོས་གྲུབ་ཐོབ་པར་ཐེ་ཚོམ་མེད། ཅེས་གསུངས་ཏེ།
― LT24_Page_195A ―
[མ་དཔེ་གཟིགས་ན་འདིར་གནོན།]
འདིས་དུ་སྣང་རང་གྲོལ་དུ་སོང་ནས་སྨིག་རྒྱུ་ལེགས་པར་འཆར་ཞིང༌། དེ་ལའང་དེ་ལྟར་བྱས་པས་ཕྱི་མ་ཕྱི་མ་འཆར་ཏེ། རྟགས་སྔ་མ་སྦྱངས་ནས་ཕྱི་མར་འཇུག་པའི་མྱུར་བའི་ཐབས་ནི་འདི་ཁོ་ནའོ། །གསུམ་པ་ནི། གཉུག་མ་བསམ་བརྗོད་དང་བྲལ་བའི་ངང་དུ་མཉམ་པར་གཞག་ལ། དེ་ལ་མི་སྡོད་པར་འཕྲོ་བའི་ཚེ་སྣར་ཐོག་དེར་མ་ཡེངས་ཙམ་དུ་གློད་ནས་འཇོག་པ་ཡིན་ཏེ། དེ་ཡང༌། མ་སྐྱེས་པ་ལ་རྟོག་པ་བློ་བུར་བ་རྟོག་པ་དེ་ཉིད་དབྱིངས་ཀྱི་ཆོ་འཕྲུལ་ལོ། །ཞེས་རྟོག་པ་དོན་ལ་མེད་པས་དེ་ཉིད་དུ་མཐོང་ན་འཇིག་སྟེ་རྫུན་ལ་རྫུན་དུ་ཤེས་པ་བཞིན་ནོ། །དེ་ཡང༌། བསམ་མེད་ཀྱི་རྣལ་འབྱོར་རང་ལ་གནས་ན་རྟགས་དེ་དག་མི་གཡོ་ལ། མ་གནས་ན་གཡོ་བས། དེའི་ཕྱིར་རྟགས་སྣང་ལ་དོག་པ་མི་བྱེད་པར་དེ་ལ་རྟེན་ཙམ་བྱས་ཏེ་མ་ཡེངས་པར་འཇོག་པའོ། །དེས་རྟགས་ཡལ་ཡོལ་མི་བྱེད་པར་གཟེར་བཏབ་པ་ལྟ་བུར་འགྱུར་རོ། །དེ་ཡང༌། བཅིངས་བར་གྱུར་ན་ཕྱོགས་བཅུར་འགྲོ་བར་རྩོམ། །ཐོངས་པར་གྱུར་ན་མི་གཡོ་བརྟན་པར་གནས། གོ་བཟློག་རྔ་མོ་ལྟ་བུར་བདག་གིས་རྟོགས། །ཞེས་སོ། །བཞི་པ་ནི། དུ་བ། སྨིག་རྒྱུ། མེ་ཁྱེར། མར་མེ་ལྟ་བུའི་རྟགས་རྫོགས་ནས་བསླབ་པར་བྱ་བ་སྟེ། སེམས་འདི་གང་ནས་སྐྱེས་བལྟས་པས་གང་ནས་ཀྱང་མ་སྐྱེས་ཏེ། སྐྱེ་མེད་དུ་ཐག་བཅད། སྐྱེ་མེད་ཀྱང་གློ་བུར་བ་མ་ཡིན་པར་ཡེ་གདོད་མ་ནས་མ་སྐྱེས་པར་ཐག་བཅད། དེའི་ངང་དུ་མཉམ་པར་བཞག་པ་སྟེ། དངོས་པོར་སྐྱེ་བ་མཁའ་ལྟར་རབ་ཞི་ནས། །དངས་པོ་རྣམ་སྤངས་ཕྱི་ནས་ཅི་ཞིག་སྐྱེ། །གདོད་ནས་སྐྱེ་མེད་རང་བཞིན་ཡིན་པ་ལ། །དེ་རིང་བླ་མ་མགོན་པོས་བསྟན་པས་རྟོགས། །ཞེས་པས་སོ། །འདིར་སེམས་ནི་རིག་བྱ་རིག་བྱེད་གཉིས་ཀ་རིག་བྱའི་ཡུལ་དངོས་པོ་བ་ཞིག་ཏུ་གྲུབ་ན་རིག་བྱེད་དེ་ཡང་ཚད་མར་རུང་བ་ལ། རིག་བྱའི་སྟེང་དུ་རིག་བྱར་རུང་བ་ཞིག་མ་རྙེད་པ་བཞིན་དུ་རིག་བྱེད་ཀྱང་རིག་བྱེད་དུ་རུང་བས་བཏང༌། དེས་ན་རང་རང་ངོ་བོས་སྟོང་པའི་སྟོང་ཉིད་ངོ་མ་མཐོང༌། ཚུལ་འདི་ལ་
― LT24_Page_195B ―
[མ་དཔེ་གཟིགས་ན་འདིར་གནོན།]
སྣང་པའི་སྟེང་དུ་སྟོང་པའི་རང་ཞལ་མཐོང་བས་རྣམ་ཀུན་མཆོག་ལྡན་གྱི་སྟོང་ཉིད་ཅེས་གསུངས་སོ། །དོན་སྟོང་གཟུགས་སྒྱུ་མར་ཤེས་པའོ། །ཆོས་སུ་འཛིན་པ་བཟློག་པ་ལ་སྒྱུ་མ་དཔེར་གསུངས་པས། སྒྱུ་མར་མཐོང་བ་ཁོ་ན་བདེན་འཛིན་འཇིག་པའི་ཐབས་ཀྱི་མཆོག་ཏུ་སོང་སྟེ། སྣང་བ་ཕྱིན་ཅི་ལོག་ཁོ་ནའི་སེམས་སྣང་ཡིན་པས་མེད་བཞིན་སྣང༌། ཕྱིན་ཅི་མ་ལོག་པ་མཐོང་ན་ཕྱིན་ཅི་ལོག་འཇིག་པས། དེའི་ཚེ་འཁྲུལ་སྣང་འཇིག་རིམ་གྱིས་མ་འཁྲུལ་པའི་སྣང་བ་དེ་ཤེས་ཇེ་ཆེར་འགྱུར་རོ། །དེས་ཉམས་གོང་འཕེལ་དུ་སོང་བས་མཚན་དུས་དེ་ཁར་རྩལ་ཆེ་ན་ཉིན་རྟགས་དྲུག །དེ་ལྟ་བུའི་རྟགས་ཅན་འོད་གསལ་ལས་རྣམ་པ་ཐམས་ཅད་པའི་སྟོང་གཟུགས་དང་སྒྲ་བརྙན་འཆར་བ་ཡིན་ནོ། །རྒྱལ་དབང་རྗེས་དེ་ལྟ་བུའི་སྟོང་གཟུགས་ཀྱང་སྐབས་མིན་པར་ཆོས་སྐུའོ་ཞེས་སྒྲོ་མི་འདོགས། །འཁྲུལ་སྣང་ངོ་ཞེས་སྐུར་པ་མི་འདེབས། ཉམས་སྣང་ངོ་ཞེས་ཐད་ཀར་བཞག་ན་ལེགས་ཏེ། ཚུལ་འདི་ནི་རྣལ་འབྱོར་གྱི་དབང་ཕྱུག་བི་རཱུ་པྲའི་གསུང་ངག་གི་རྡོ་རྗེའི་ཚིག་རྐང་ལས་སྣང་བ་གསུམ་གྱིས་བསྟན་པའི་ལམ་གྱི་ས་མཚམས་རྣམ་པར་དབྱེ་བ་མཛད་པ་དང་ཡང་ཚུལ་གཅིག་གོ །ཉམས་སྣང་གི་མཚན་ཉིད་ཀྱང་སེམས་ཅན་གྱི་བློ་ལས་ནི་འདས། སངས་རྒྱས་ཀྱི་དགོངས་པ་ཇི་ལྟ་བ་བཞིན་མངོན་དུ་མ་གྱུར་པའི་གནས་སྐབས། རྣལ་འབྱོར་པའི་ལམ་བསྒོམ་པ་ལས་བྱུང་བའི་རང་བཞིན་འོད་གསལ་གྱི་རྣམ་པ་ཉམས་སུ་མྱོང་བ་ཁོ་ན་ལ་བྱ་སྟེ། ཞེས་པས་སོ། །ལྔ་པ་ནི། འཁོར་བ་ཞེས་བྱ་བ་ལོགས་སུ་མ་ཆད། མྱ་ངན་ལས་འདས་པ་ཞེས་བྱ་བ་ཡང་ལོགས་སུ་མ་ཆད། དེས་འཁོར་འདས་མ་ཉམས་པ་ཉིད་དོན་མཉམ་ཆེན་པོའི་ངང་དུ་མཉམ་པར་བཞག །སྲིད་པ་དང་ཞི་བའི་མཉམ་པ་ཉིད་དེ་ཡང༌། འཁོར་བ་ཞིག་དང་མྱང་འདས་ཞིག་བསྲེ་རྒྱུ་ཡོད་པ་གར་ཡིན། འོན་ཀྱང་སྟོང་གཟུགས་ཀྱིས་སྣང་བ་ཕལ་པ་འདི་སྦྱངས་ཟིན་ཀྱང་སྟོང་གཟུགས་རང་དུ་སྣང་རྒྱུ་ཞིག་བྱུང་བས་དེ་འཁོར་བར་གཞག །དེའི་རང་བཞིན་མྱང་འདས་སུ་བྱས་ནས་སྔར་བཞིན་སྟོང་གཟུགས་ལ་ཞེན་མི་འཇུག་པར་སེམས་མ་
― LT24_Page_196A ―
[མ་དཔེ་གཟིགས་ན་འདིར་གནོན།]
བཅོས་པ་ལ་གཞག་པ་སྟེ། དེས་སྟོང་གཟུགས་སྒྱུ་མ་དེ་རྣམ་མེད་འོད་གསལ་ལམ་འགྱུར་མེད་བདེ་ཆེན་དུ་འདོག་པ་ཡིན་ནོ། །དེས་ན་ས་ར་ཧས། ཆོས་དང་ཆོས་མིན་མཉེས་ནས་ཟོས་པ་ཡིན། །འདི་ལ་ཉེས་པ་རྡུལ་ཙམ་ཡོད་མ་ཡིན། །ཞེས་དང༌། གཉུག་མའི་རང་བཞིན་སུས་ཀྱང་མཚོན་དུ་མེད། །ཅེས་སོ། །དེས་ན་མཚན་མའི་རྣལ་འབྱོར་ལོ་མང་པོ་བསྐྱང་བའམ། རབ་ཀྱི་ས་དང་པོ་ཁོ་ནས་སོ་ཞེས་པའི་དབང་དུ་མཛད་ནས་འདི་གསུངས་ལ། ལམ་ཁྱེར་ཕྱི་མ་འདི་མེད་པར་སྟོང་གཟུགས་འགྱུར་མེད་ཀྱི་བདེ་ཆེན་དུ་འདོག་མི་སྲིད་དེ། རླུང་སེམས་དབུ་མར་ཐིམ་པར་བྱེད་པའི་གནད་འདི་ཁོ་ནར་ངེས་པ་སྟེ། དེ་ཁོ་ན་ཉིད་གཅིག་ཡིན་པས་དེ་མཐོང་བའི་ཡེ་ཤེས་གཅིག་ལས་མེད་པས་སོ། །དེའི་ཕྱིར་རྒྱུད་ལས་ཀྱང༌། ས་ནི་ཆུ་ལ་རབ་ཏུ་འཇུག་ཅིང་ཆུ་ཡང་འབར་བྱེད་ལ་སྟེ་གཙང་བར་བྱེད་པ་རླུང་ལའོ། །རླུང་ནི་སྟོང་པ་ལ་སྟེ་སྟོང་པ་ངེས་པར་མཚན་མ་རྣམ་པ་བཅུ་རུ་འགྱུར་ཞིང་མཚན་མ་ནི། །རྣམ་པ་ཐམས་ཅད་པ་རུ་འགྱུར་ཏེ་མི་ཟད་མཆོག་གི་བདེ་བ་གཞོམ་དུ་མེད་པའི་ཡེ་ཤེས་སྐུ། །ཡེ་ཤེས་ལས་ནི་རྫུ་འཕྲུལ་དངོས་གྲུབ་ཏུ་འགྱུར་མི་བདག་སྐྱེ་དགུ་རྣམས་ཀྱི་སྐྱེ་བ་འདི་ཉིད་ལའོ། །ཞེས་དང༌། རྡོ་རྗེའི་ལམ་དུ་ཞུགས་པ་ཡི། །ཞེས་པའི་རྡོ་རྗེའི་ལམ་ནི་དབུ་མ་ཡིན་ལ་དེར་རླུང་སེམས་ཐིམ་པ་སྟེ། ས་དང་མེ་དང་དབང་ཆེན་འགགས་པ་ན། །བདུད་རྩི་རྒྱུ་བའི་དུས་སུ་རླུང་ནི་སེམས་ལ་འཇུག །ནམ་ཞིག་སྦྱོར་བཞི་གནས་གཅིག་ལ་ནི་ཞུགས་པ་ན། །བདེ་ཆེན་མཆོག་ནི་ནམ་མཁའི་ཁམས་སུ་མི་ཤོང་ངོ༌། །ཞེས་སོ། །འདུས་པ་ལས། བྱེད་པ་བཅིང་བའི་སྦྱོར་བ་ཡིས། །ས་གསུམ་པོ་ནི་བསྒྲུབ་པར་བྱ། །ས་གསུམ་ནི་སྐུ་གསུང་ཐུགས་གསུམ་མོ། །རྡོ་རྗེ་སྐྱིལ་ཀྲུང་རྫོགས་སངས་རྒྱས་ཞེས་པས་ཀྱང་ངོ༌། །གཉིས་པ་ཉིན་མོའི་རྣལ་འབྱོར་ནི། མཚན་རྟགས་བཞི་ཙམ་རྫོགས་གཞན་འཆར་དཀའ་ན། དེ་ལ་ཉིན་མོའི་རྣལ་འབྱོར་སྟོན་ཏེ། ལུས་གནད་ལྟ་སྟངས་སེམས་ཀྱི་བཞག་ཐབས་དང་པོ་དང་འདྲ། འོན་ཀྱང་བལྟས་སྔ་དྲོ་ཁ་ནུབ། ཕྱི་དྲོ་ཤར། གུང་ལ་བྱང་གི་སྤྲིན་མེད་པའི་ནམ་མཁའ་སྔོ་བསངས་པ་དེ་ལ་མིག་དང་སེམས་རྩེ་གཅིག་ཏུ་འཇོག་པ་ཁྱད་པར་རོ། །འདིར་
― LT24_Page_196B ―
[མ་དཔེ་གཟིགས་ན་འདིར་གནོན།]
རྟགས་དུ་སོགས་འཆར་བའང་ཡོད་མོད་ཀྱང༌། གཙོ་བོར་ཐིག་ལེ་སེར་པོ་འབར་བ། དཀར་པོ་ཟླ་བ། དམར་པོ་ཉི་མ། སྔོན་པོ་སྒྲ་གཅན། གློག་གི་ཐིག་ལེ་ཆེན་པོ། འདིར་ཡང༌། འབར་བ་མཐོང་ནས་ནམ་མཁའི་རྣལ་འབྱོར་གྱིས་ཕྱིས་ཕྱི་མ་འཆར་བའི་རྐྱེན་བྱེད་པས། དེ་ལ་སོགས་པའི་བཞག་ཐབས་བཞི་ལ་རིམ་པ་བཞིན་བསླབ་བོ། །དུས་ཐིག་ལེའི་ནང་དུ་རེ་ཁཱ་ནག་པོ་མཐོང་བར་འགྱུར་གྱི་བར་དུ་ཡིན་ལ། སོར་སྡུད་ཉིད་ཀྱིས་གྲོལ་མི་ནུས་པ་ལ། མཚན་རྟགས་ནི་ཐ་མལ་གྱི་སྣང་བ་རགས་པ་ཐིམ་པ་དང་ཉིན་རྟགས་ནི་ཐ་མལ་གྱི་སྣང་བ་ཕྲ་བ་ཐིམ་པའི་ཁྱད་པར་རོ། །བོགས་འབྱིན་དུ་རིན་པོ་ཆེའི་སྣོད་དུ་ཆུ་གཙང་ལ་རང་གི་བཞིན་འཆར་དུ་བཅུག་མིག་འབུར་ཚུགས་ཡུན་རིང་དུ་བལྟས་ལ་སེམས་གཟུང༌། དེ་ནས་རྣལ་འབྱོར་ལ་ཞུགས་པས་རྟགས་རྣམས་འཆར་བར་འགྱུར་རོ། །དེ་ཡང༌། གཟུང་འཛིན་གྱི་ཤེས་པས་ལས་གསོག་པ་ནི་ཐ་མལ་གྱི་སྣང་བ་རགས་པའོ། །དེ་ལ་ལས་ཀྱི་སྣང་བཞེས་འདུས་པ་ལས་བཤད། དབང་ཡུལ་ཕྲད་ནས་གཟུང་འཛིན་བསྐྱེད་པ་ནི་ཐ་མལ་གྱི་སྣང་བ་ཕྲ་བ། འདི་ལ་རང་བཞིན་གྱི་སྣང་བ་ཟེར། དེས་ན་ཕྱི་མ་འདིས་སྔ་མ་བསྐྱེད་པས་ཕྲ་རགས་ཀྱི་ཐ་སྙད་བཞག །མཚན་མོའི་རྣལ་འབྱོར་གྱིས་སྣང་བ་མ་འགགས་ཀྱང་ཞེན་པ་འགག་པའི་འགོ་ཟུག །སྣང་བས་མི་འཆིང་ཞེན་པས་འཆིང་བ་ཡིན། དཔེར་ན། བྱིས་པ་ཆུང་ངུ་ལ་སྐྱེས་བུ་ལྷས་བྱིན་ཤར་ཡང་དགྲ་གཉེན་གང་དུ་ཡང་མི་སྣང་བས་ཉོན་མོངས་མི་བསྐྱེད། གཞན་གྱིས་དེ་དགྲ་གཉེན་གང་རུང་ཞིག་ཏུ་གཟུང་བས། སྡང་བའམ་ཆགས་པ་སྐྱེས་པས་ཉོན་མོངས་པ་ལྟ་བུའོ། །དེས་ན་རགས་ཕྲ་གཉིས་ཀར་ཐིམ་རིམ་ས་ཆུ། ཆུ་མེ། མེ་རླུང༌། རླུང་ནམ་མཁའ། ནམ་མཁའ་རྣམ་ཤེས་ལ། རྣམ་ཤེས་ཀྱང་རྟོག་བཅས་རྟོག་མེད་གཉིས་ཡོད་པའི་ཕྱི་མ་ལ་ཐིམ་པ་ན་བསམ་གཏན་གྱི་འགོ་ཟུག་རྟོག་བཅས་ནི་ཏིང་ངེ་འཛིན་བརྟན་པོར་མ་གྱུར་བའི་སྐབས་དང༌། ཕྱི་མ་ནི་བརྟན་པོར་གྱུར་པའོ། །འདི་ལ་ཀུན་ཏུ་སྣང་བ་ཟེར། དེའི་ཕྱིར་ཉིན་
― LT24_Page_197A ―
[མ་དཔེ་གཟིགས་ན་འདིར་གནོན།]
རྟགས་དྲུག་པ་ཤར་ནས་བསམ་གཏན་ལ་རེག་པས་དེའི་རྣལ་འབྱོར་སྟོན་ནོ། །དེས་ན་མཚན་དུས་རླུང་སོ་སོར་དབང་སོགས་ཀྱི་སྒོར་འཆིང་ལ། ཉིན་མོས་ནི་འབྱུང་བ་ལྔ་རང་ལམ་དུ་འཆིང་བ་དང༌། བསམ་གཏན་གྱི་དུས་སྲོག་རྩོལ་གྱིས་དབུ་མར་འབབ་པ་དེ་ཡོང་སྟེ་སྣང་གསུམ་གྱི་བཞོན་པ་འཆིངས་པས་སོ། །སྔ་མ་གཉིས་ལ་འབས་འབུན་འདེད་ཀྱིས་ཅུང་ཟད་ཅུང་ཟད་དབུ་མར་འཇུག་པ་ནི་ཡོད་ཀྱིས་རྡོ་རྗེའི་ལམ་དུ་ཞུགས་པ་ཞེས་གསུངས་པ་ནི་དང་པོ་ཁོ་ནས་གྲོལ་བ་དེའི་དབང་དུ་མཛད་པས་བླ་མའི་མན་ངག་གི་ཤན་ཕྱེད་པར་བྱའོ། །སོར་སྡུད་དུ་ཚིག་གི་མཆོག་འགྲུབ་པའི་གནད་ཡང་དེ་ཡིན་ཚིག་གི་མཆོག་ཟེར་བ་ཡང་དྲང་སྲོང་གིས་དམོད་པ་འགྲུབ་པ་ལྟ་བུའོ། །གཉིས་པ། བསམ་གཏན་ལ། རྒྱུ་བསམ་གཏན་དངོས་དང༌། འབྲས་བུ་མངོན་པར་ཤེས་པ་བསྐྱེད་པའི་ཚུལ་གཉིས། དང་པོ་ནི། བསམ་གཏན་ནི་ཡན་ལག་ལྔ་དང་ལྡན་པ་སྟེ། བསམ་གཏན་དག་ཀྱང་ཤེས་རབ་རྟོག་དང་དཔྱོད་པ་དགའ་བ་དང་གཡོ་མེད་བདེ་བ་རྩེ་གཅིག་སེམས་པའོ། །ཞེས་པས་རྩེ་གཅིག་པའི་སེམས་ཡན་ལག་ཐམས་ཅད་ཀྱི་སྤྱིའི་ཆོས་ཡིན། ཡན་ལག་རང༌། ཤེས་རབ། རྟོག །དཔྱོད། དགའ། བདེའོ། །དེ་ཡང༌། སྔར་གྱི་གཟུགས་བརྙན་སྣང་བ་རྣམས་སེམས་ཉིད་ལས་གཞན་མ་ཡིན་པར་ལྟ་བ་དང༌། དེ་ནས་ཕྱི་ནང་གི་དངོས་པོར་བརྟག་ཅིང་གཞིག་པ་དང༌། གཞིག་རྗེས་སུ་གཞན་མ་ཡིན་པའི་དོན་ལ་ངེས་པ་ཐོབ་པ་དང༌། དེ་ལ་ཞེན་པ་དང་བྲལ་བའི་དགའ་བ་ཐོབ་པ་དང༌། གཟུགས་སེམས་རོ་གཅིག་པར་རྟོགས་པས་ལུས་ཤིན་ཏུ་སྦྱངས་པའི་བདེ་བ་གཡོ་མེད་དུ་ཐོབ་པ་སྟེ་ཚུལ་ལྔ་པོ་འདིས་ལྟ་བ་སྐྱོང་དགོས་པ་ཡིན་ནོ། །ཡན་ལག་འདི་དག་དོན་ཏིང་ངེ་འཛིན་ལས་སུ་རུང་ན་རང་འབྱུང་བས་ཡན་ལག་རེ་རེ་བསྐྱེད་པ་ལ་ཆེད་གཉེར་འབད་དགོས་པ་མ་ཡིན་འོན་ཀྱང་རྒྱུད་ལ་སྐྱེས་ནས་དེ་འབའ་ཞིག་པར་བྱ་བ་ལ་ནན་ཏན་ནི་དགོས་ཏེ་ཆུ་བོའི་རྒྱུན་བཞིན་བརྐྱང་པས་སོ། །གཉིས་པ་ནི།
― LT24_Page_197B ―
[མ་དཔེ་གཟིགས་ན་འདིར་གནོན།]
རྒྱུ་བསམ་གཏན་དེ་ཐོབ་ན་འབྲས་བུ་མངོན་ཤེས་སོགས་འབྱུང་མོད། འོན་ཀྱང་མྱུར་དུ་བསྐྱེད་པར་འདོད་ན། ལྗོན་ཤིང་གི་གྲིབ་མའམ་ལུས་ཀྱི་གྲིབ་མ་ལ་མིག་གཏད་དེ། དེ་བསམ་གཏན་གྱི་ཡན་ལག་གིས་བསྐྱངས་ན་ལྷའི་མིག་གི་མངོན་ཤེས་སུ་འགྱུར་ཏེ་ས་འོག་གི་གཏེར་དང་ཞིང་ཁམས་མང་པོ་མཐོང་བ་འབྱུང་ངོ༌། །ཆུ་ཀླུང་ཆེན་པོའི་སྒྲ་ལ་རྣ་བ་གཏད་དེ་སྔར་བཞིན་བསྒོམས་པའི་ལྷའི་རྣ་བ་ཐོབ་སྟེ་ཐག་རིང་བའི་སྒྲ་ཐོས་པ་སོགས་སོ། །ཕ་རོལ་གྱི་སྙིང་གའི་རྩ་སྦུབས་ཆུ་ཤིང་གི་མེ་ཏོག་ལྟ་བུ་ཁ་ཐུར་དུ་བསྟན་པ་དམིགས་ཏེ་བསྒོམས་པས་གཞན་གྱི་སེམས་ཤེས་པའི་མངོན་ཤེས། རང་གི་སྙིང་གའི་རྩ་སྦུབས་ལ་དམིགས་ཏེ་བསྒོམས་པས་སྔོན་གྱི་གནས་རྗེས་སུ་དྲན་པ་དང་རྫུ་འཕྲུལ་གྱི་ཡུལ་ཤེས་པའི་མངོན་ཤེས་ཐོབ་བོ། །དེ་ལྟར་བསམ་གཏན་གྱིས་སྟེང་གི་ལམ་འགགས་པས་འོག་གི་ལམ་འགག་དེས་འོག་གི་དུང་ཅན་ཁ་བྱེ་དེར་རླུང་སེམས་འཇུག་པས་རྩ་ཐམས་ཅད་ཀྱི་མདུད་པ་བཤིག་ནས་དབུ་མར་འབྱོངས་ཏེ། རྩ་རྒྱུད་ལས། དུ་བ་ལ་སོགས་བསྒོམས་ནས་ནི། །སེམས་ནི་གཡོ་བ་མེད་བྱ་སྡེ། །དབུ་མ་སྦྱང་བ་བྱས་ནས་ནི། །མཆོག་ཏུ་མི་འགྱུར་བསྒྲུབ་པར་བྱ། །ཞེས་སོ། །དེ་ནས་སྲོག་རྩོལ་ལ་ཞུགས་ཆོག་པ་ཡིན་ནོ། །གསུམ་པ་སྲོག་རྩོལ་ལ། ལུས་ཀྱི་བྱེད་འཆིངས། མིག་གི་ལྟ་སྟངས། སྲོག་རྩོལ་དངོས་དང་གསུམ་ལས། དང་པོ་ནི། རྐང་པ་གཡས་པའི་རྟིང་པས་རྡོ་རྗེའི་སྲད་བུ་མནན། གཡོན་པའི་རྟིང་པས་དེའི་རྐང་སོར་བརྟེན་པ་ལག་པ་གཉིས་བསྣོལ་བས་མཆན་ཁུང་བསྡམས་པའམ་བུས་མགོ་བཀབ་པའི་ཐབ་འགལ་གྱི་ཕྱག་རྒྱ་ལུས་བསྲང་ཨོག་སྐོས་ཨོལ་མདུད་མནན་པ་ལྕེ་སྐན་ལ་སྦྱར་སོ་མཆུ་ལ་བར་ཡོད་ཙམ་བྱའོ། །གཉིས་པ་ལྟ་སྟངས་ནི། མཛོད་སྦུ་ཉེར་བ་བསྒྲུབ་པ་ཞེས་པ་བདུད་རྩི་འཁྱིལ་པའི་ལྟ་སྟངས། མིག་གཉིས་གཅིག་ཏུ་སྦྱོར་བ་ལྟ་བུའི་ཚུལ་གྱིས་སྨིན་མའི་དབུས་སུ་གྱེན་དུ་བཟློག་སྟེ་གཞག་པའོ། །གསུམ་པ་སྲོག་རྩོལ་དངོས་ལ། འབྱིན་པ་དང༌། འཇུག་པ་དང༌། སྡུད་པ་དང༌། བཟླས་པ་དང༌།
― LT24_Page_198A ―
[མ་དཔེ་གཟིགས་ན་འདིར་གནོན།]
ལམ་གྱི་ཆ་ལག་བསྟན་པ་དང་ལྔ། དང་པོ་ནི། བྱེད་བཅིངས་ལྟ་སྟངས་དེ་ཉིད་ཀྱི་ངང་ནས་འབྱིན་མྱུར་བུལ་རན་པ་ཉི་ཤུ་རྩ་གཅིག་སྡངས་ཐབས་སུ་བྱའོ། །དམིགས་པ་ལས་རླུང་ཐམས་ཅད་སྟོང་སྟོང་སོང་བར་བསམ་དེས་ལུས་ཀྱི་རྩ་སྟོང་ཕྲག་བདུན་ཅུ་རྩ་གཉིས་ཀྱི་ནང་གི་རླུང་རོ་ཐམས་ཅད་བསངས། རྣམ་པར་རྟོག་པ་བསྐྱེད་པའི་རླུང་ཐམས་ཅད་ནམ་མཁར་དེངས་པ་ཡིན་ནོ། །ཡང་རྟ་འཚེར་བ་ལྟ་བུ་བྱས་པས་ཀྱང་རླུང་ཐམས་ཅད་ཕྱིར་དེངས་པར་བསམ་མོ། །གཉིས་པ་ནི། སྟེང་རླུང་དལ་བུས་སོར་བཅུ་དྲུག་ཙམ་ནས་བརྔུབས་ནང་དུ་གནོན་པ་དང༌། འོག་ཏུ་རླུང་ཅུང་ཟད་བསྐུམ་སྟེ་ཁ་སྦྱར་དུ་ཙམ་ཐུབ་འཛིན་པའོ། །འདི་ནི་བུམ་པ་ཅན་ནོ། །གསུམ་པ་ནི། ལུས་ཀྱི་པདྨོར་དབུ་མ་རྡོ་རྗེ་ནག་པོ་གཅིག་ཏུ་དམིགས་ནས་རྩ་ཕྲན་ཐམས་ཅད་ཀྱི་ཁ་དེ་ལ་ཕྱོགས་པར་བསམ། སྣ་རྩེ་པུས་མོ་གཡོན་ཕྱོགས་སུ་ཅུང་ཟད་ཕྱོགས་པས་རླུང་བརྔུབས། ལྟེ་བའི་ཐད་ཀར་གཞུག་དུ་ཙམ་ཐུབ་གཞག །འོག་གི་རླུང་དང་སེམས་ཡང་དེར་ཟིན་མི་ཐུབ་ལ་ཁད་བྱུང་ན་དབྱུང༌། ཡང་སྣ་རྩེ་བུས་མོ་གཡོན་ཕྱོགས་སུ་ཅུང་ཟད་ཕྱོགས་པས་རླུང་བརྔུབས་ལྟེ་བའི་ཐད་ཀར་གཞུག །གཞན་འདྲ། མདུན་དུ་སྣ་རྩེ་ཅུང་ཟད་ཕྱོགས་པས་རླུང་བརྔུབས་ལྟེ་བའི་ཐད་ཀར་གཞུག །གཞན་འདྲའོ། །ལུས་ཀྱི་རླུང་དང་ཐིག་ལེ་ཐམས་ཅད་ཨ་ཝ་དྷཱུ་ཏིའི་ནང་དུ་འདུས་པར་བསམ། མཐར་འཁུན་བུ་དང་བཅས་པའི་སྐད་ཀྱིས་རྣམ་པའི་སྦྱོར་བས་རླུང་ཡར་དྲངས་ཏེ་དཔྲལ་བའི་ཐད་དུ་ཐིག་ལེར་ཐིམ་པར་བསམ། དེར་དམིགས་པ་གཏད་དོ། །དེ་ནས་ཕྱིར་གཏོང་བཞི་པ་ལ། དམིགས་བཅས་ཀྱི་བཟླས་པ་དང༌། དམིགས་མེད་ཀྱི་བཟླས་པ་གཉིས། དང་པོ་ནི། ལྟེ་འཁོར་གྱི་དབུས་སུ་ཨ་ཝ་དྷཱུ་ཏིའི་ནང་དུ་གཏུམ་མོ་སྐྲ་རྩེ་ལྟར་ཕྲ་བ་སྲིད་དུ་སོར་བཞི་ཙམ་ལ་དམིགས་པ་གཏད་དེ། རླུང་དབྱུང་བའི་ཚེ་ཨཱཿཡིག་འགྲོ་བ་ལྟ་བུའི་ཚུལ་གྱིས་དབུ་མ་ལ་གཡས་སྐོར་དུ་ཕྱིར་དབྱུང༌། ནང་དུ་བརྔུབ་པ་ན་ཨོཾ་ཡིག་སྡུད་པའི་ཚུལ་གྱིས་དབུ་མ་ལ་གཡོན་སྐོར་གྱིས་ནང་དུ་འོང༌། ཁ་སྦྱོར་དུ་བཅིང་
― LT24_Page_198B ―
[མ་དཔེ་གཟིགས་ན་འདིར་གནོན།]
པའི་ཚེ་ཧཱུྃ་ཡིག་གཉིས་སུ་མེད་པའི་ཡེ་ཤེས་ཀྱི་རྣམ་པ་གནས་བྱུང་ཐམས་ཅད་དང་བྲལ་བ། རིག་པ་བེམ་པོའི་བདག་ཉིད་ཅན་དུ་སེམས་གཟུང་ངོ༌། །རླུང་གི་ཁ་དོག་མཐོང་མཐོང་གི་བར་དུ་བཟླའོ། །གཉིས་པ་དམིགས་མེད་ཀྱི་བཟླས་པ་ནི། རླུང་སེམས་གཉིས་སུ་མེད་པའི་ངང་ལ་འཇིག་པ་སྟེ། དེ་ཡང༌། ཐོག་མར་བུམ་པ་ཅན་བཟུང༌། དེ་དང་སེམས་བསྲེས་ཏེ་དམིགས་པ་མེད་པ་ལ་མཉམ་པར་འཇོག་པའོ། །ལྔ་པ་ལམ་གྱི་ཆ་ལག་བསྟན་པ་ལ། ལས་རབ་འབྱམས་བསྒྲུབ་པའི་ཆེད་དུ་འབྱུང་བཞིའི་དཀྱིལ་འཁོར་ལ་གནད་དུ་བསྣུན་པ་དང༌། འཆི་མེད་བསྒྲུབ་པའི་ཆེད་དུ་ལྕེའུ་ཆུང་གི་བདུད་རྩི་མྱང་བ་དང༌། མཁའ་སྤྱོད་བསྒྲུབ་པའི་ཆེད་དུ་མཛོད་སྤུའི་བདུད་རྩི་སྤྲོ་བ་དང༌། མཆོག་སྦྱོར་བའི་སླད་དུ་མགྲིན་པའི་རྡོ་རྗེ་རྦ་རླབས་ལྟེམ་པ་བཞི་ལས། དང་པོ་ནི། ལུས་གནད་ལྟ་སྟངས་སྔར་བཞིན་ནོ། །དམིགས་པ་ལུས་འོད་སྣང་སྒྱུ་མ་ཙམ་རྩ་གསུམ་ལྟེ་བའི་འཁོར་ལོ་འདབ་མ་དྲུག་ཅུ་རྩ་བཞི་དང་བཅས་པ་གསལ་བཏབ། ལྟེ་འཁོར་གྱི་དབུས་སུ་ནམ་མཁའི་དཀྱིལ་འཁོར་གྲུ་གསུམ་ཨེས་མཚན་པ་སྣོད་བཅུད་ཐམས་ཅད་ནམ་མཁའ་ལྟར་ཐོགས་པའི་རེག་བྱ་དང་བྲལ་བའི་སྣང་བ་མ་བྱུང་གི་བར་དུ་བསྒོམ། དེ་བྱུང་ནས་དེའི་དབུས་སུ་རླུང་གི་དཀྱིལ་འཁོར་ནག་པོ་གཞུའི་དབྱིབས་ཅན་བ་དན་གྱིས་མཚན་པ་བསྒོམ། འདར་ཧེད་ཧེད་སྣོད་བཅུད་ཐམས་ཅད་ཡང་ཞིང་གཡོ་བ་རླུང་གི་སྣང་བ་མ་བྱུང་བར་དུ་བསྒོམ། དེ་བྱུང་ནས་དེའི་དབུས་སུ་མེའི་དཀྱིལ་འཁོར་གྲུ་གསུམ་རིན་པོ་ཆེ་ཆ་དགུ་པས་མཚན་པ། ལུས་རྡུལ་བ་དང་ཚ་ཞིང་སྲེག་པ་མེའི་སྣང་བ་མ་བྱུང་བར་དུ་བསྒོམ། དེ་བྱུང་ནས་ཆུའི་དཀྱིལ་འཁོར་ཟླུམ་པོ་པདྨས་མཚན་པ་ལ་དམིགས་པ་གཏད་དེ་གྲང་བ་དང་བརླན་ཞིང་གཤེར་བ་ཆུའི་སྣང་བ་མ་བྱུང་བར་དུ་བསྒོམ། དེ་བྱུང་བ་དང་དེའི་དབུས་སུ་སའི་དཀྱིལ་འཁོར་སེར་པོ་ལ་རྡོ་རྗེ་རྒྱ་གྲམ་གྱིས་མཚན་པ་ལ་དམིགས་པ་གཏད་དེ། ལྕི་ཞིང་སྲབ་བརྟན་པའི་སྣང་བ་མ་བྱུང་བར་དུ་བསྒོམ། དེ་བསྐྱེད་རིམ། སྡུད་རིམ་དང་རྗེས་སུ་མཐུན་པའི་དམིགས་པ། ས་ཆུས་བཤལ།
― LT24_Page_199A ―
[མ་དཔེ་གཟིགས་ན་འདིར་གནོན།]
ཆུ་མེས་བསྐམས། མེ་རླུང་གིས་གཏོར། རླུང་ནམ་མཁའ་དབྱིངས་སུ་ཞི་བ་ལ་དམིགས་པ་གཏད་དོ། །གཉིས་པ་ནི། ཐོ་རངས་ཀར་དང་ཕོ་རིལ་ཅུང་ཟད་བ་དམར་མོའི་འོ་མ་ལ་སྦྱར་བ་ཐུན་ཅིག་ཙམ་ཁར་བསྲུབ་ཅིང་ཁ་ནང་དུ་ཡུན་རིང་དུ་མྱང་བཞིན་པའི་སྒོ་ནས་བསྐྱིལ། མཐར་རིམ་གྱིས་སོང་བ་མ་ཚོར་བར་ཁོང་དུ་ཐིགས་སུ་འཇུག །དམིགས་པ་དཔྲལ་བའི་དཀྱིལ་འཁོར་ལ་ཟླ་བ་དེའི་སྟེང་དུ་དབྱངས་བཅུ་དྲུག་ལས་བདུད་རྩི་འཛག་པ། དེ་དང་འབྲེལ་བའི་བུ་ག་ལྕེ་ཆུང་སུཾ་དཀར་པོ་མགོ་ཐུར་བསྟན་གྱི་ནང་བརྒྱུད་ལྕེ་ཆུང་ནས་བབས། ལུས་ཐམས་ཅད་བདུད་རྩིས་ཞོ་རྐྱལ་ཞོས་གང་བ་ལྟ་བུ་བསམ། ལྕེས་ལྕེའུ་ཆུང་བསྒུལ་ཞིང་བསྲུབ། མཐར་རླུང་ཁ་ནས་བརྔུབ་པ་དང་ལྕེ་ཆུང་ནས་འཛག་པའི་མཆིལ་མ་མཉམ་པོར་མིད། དེ་ལྟ་བུས་ཁོག་པ་འགེང་ངོ༌། །དེས་སྐྲ་དཀར་སོགས་རྒས་པ་དང་འཆི་བ་སྐྱེངས་སུ་འཇུག་སྟེ་འཆི་མེད་འགྲུབ་པའི་ཕྱིར་རོ། །གསུམ་པ་ནི། སྤྱི་བོར་ཨོཾ་ཡིག་གིས་མཚོན་པའི་ས་ནས་རླུང་ནང་དུ་བརྔུབ་པ་དང་བསྟུན། རླུང་གི་ཡོན་ཏན་ཡང་བ། མེའི་ཡོན་ཏན་དྲོ་བ། ཆུས་སྣུམ་པ། སས་སྲ་མཁྲེགས། ནམ་མཁས་གསལ་ཞིང་དྭངས་པ་ཁ་ནས་ཐམས་ཅད་རང་རང་གི་ཁ་དོག་གི་རྣམ་པར་ཞུགས། ཟླ་བའི་དབྱིངས་ལས་བབས་པའི་ལྕེའུ་ཆུང་གི་བདུད་རྩི་དང་རོ་གཅིག་ཏུ་འདྲེས་འོག་རླུང་འཐེན། ལྟེ་འཁོར་གྱི་དབུས་ན་གཏུམ་མོ་གློག་གི་དབྱུག་པ་ལྟ་བུ་སྲིད་དུ་སོར་བརྒྱད་ཡོད་པ་དམིགས་པ་ཁ་སྦྱར་དེ་ལ་ཕོག་པས་ཚེག་སྒྲ་དང་བཅས་པས་འབར་བར་བསམ་ཏེ་མར་མེ་ལ་ཏིལ་གྱིས་མར་ཁུ་ཕོག་པ་བཞིན་ནོ། །མཐར་སྟོང་ཉིད་ལ་མཉམ་པར་གཞག་པའོ། །བཞི་པ་ནི། རྣལ་འབྱོར་གཉིས་པོ་སྔོན་དུ་འགྲོ་བས། ལུས་ཀྱི་དབུས་དྲང་པོར་དུས་ཀྱི་རྩ་ཨ་བ་དྷཱུ་ཏི་ལྗང་བུ་མདའ་སྨྱུག་ཙམ་འཁྱག་འཁྱོག་མེད་པ་དྲང་ཐ་ལེ་བ། གཡས་སུ་རོ་མ་དམར་པོ་དང༌། གཡོན་དུ་རྐྱང་མ་དཀར་པོ་གཉིས་བཅར་བའི་ཚུལ་གྱིས་མཐེབ་སྲིན་གྱིས་རྩ་བོ་ཆེ་གཉིས་ཀྱི་ནང་ནས་ནང་དུ་ཕྱོགས་པ་གསང་བའི་རྩ་མཱ་མ་ཀཱི་ལྟེམ། དུས་ཀྱི་རྩའི་ནང་དུ་
― LT24_Page_199B ―
[མ་དཔེ་གཟིགས་ན་འདིར་གནོན།]
དམིགས་ཏེ་མ་ཡེངས་པར་བྱ། རྦ་རླབས་དྲག་ཏུ་མནན་དེ། འདི་དུས་སྣང་གསུམ་ནས་འོད་གསལ་དུ་འཇུག་རིམ་མ་ནོར་བར་ངོས་ཟིན་ན་བར་དོ་ངེས་པར་ཆོད་པ་ཡིན་ནོ། །སྲོག་རྩོལ་ཡང༌། རྩ་རྒྱུད་ལས། པདྨར་རྡོ་རྗེ་རབ་བཀོད་ནས། སྲོག་ནི་ཐིག་ལེར་གཞུག་པར་བྱ། ཞེས་པས་བསྟན་ཏེ། པདྨ་ནི་ལུས། རྡོ་རྗེ་ནི་དབུ་མར། སྲོག་ཐམས་ཅད་དེའི་མི་ཤིགས་པའི་ཐིག་ལེ་ལ་འཇུག་པ་སྟེ། སྲོག་གི་རྩོལ་བ་ཡང་ནི་ལམ་ནི་གཉིས་པོ་བསྐྱེལ་ཞིང་དབུ་མར་སྲོག་ནི་ཞུགས་པ་དག་ཏུ་འགྱུར། འདིར་སྲོག་ཐུར་ལ་འདྲེས་པའི་ཕྱིར་རླུང་ཐམས་ཅད་དབུ་མར་འཇུག་སྟེ་སྟོང་གསུམ་ཁྱབ་པའི་རླུང་བ་སྤུའི་ཁུངས་ནས་འབྱིན་འཇུག་ནུས་པར་བཤད་པའི་སྐབས་ཡིན་པས་སོ། །དེས་ན་ཡོན་པོ་འགགས་པ་འདིའི་འབྲས་བུར་བྱེད་པ་ནི་རྒྱུད་མ་གོ་བར་ཟད་དེ་དབུ་མར་ཞུགས་པ་ཉིད་འདིའི་འབྲས་བུ་ཡིན་ཅིང༌། དེར་ཐམས་ཅད་འཆིང་མ་ནུས་པས་མཉམ་རྒྱུར་འོང་བ་ནི་སྐྱོན་ཏེ་འཛིན་པའི་སྦྱང་གཞི་ཡིན་པས་སོ། །དེས་ན་སྲོག་རྩོལ་གྱི་འབྲས་བུ་འཛིན་པ་ཡིན་པས་དེ་ཙམ་ནས་དེ་ལ་འཇུག་གོ །བཞི་པ་འཛིན་པ་ནི། སྲོག་རྩོལ་གྱི་རླུང་སེམས་དབུ་མར་བཅུག་པ་དེ་ཉིད་འཁོར་ལོའི་སྲོག་ཤིང་དབུ་མར་བརྟན་པར་བྱེད་པ་ཏེ། དེ་ཡང༌། ལྟེ་འཁོར་གྱི་ལྟོ་བར་བུམ་ཅན་བཟུང༌། དེ་བརྟན་པར་གྱུར་བ་ནས་ས་ཆུ་ལ་ཐིམ་པའི་ཚུལ་གྱིས་སྙིང་ག་དང༌། ཆུ་མེ་ལ་ཐིམ་པའི་ཚུལ་གྱིས་མགྲིན་པ་དང༌། མེ་རླུང་ལ་ཐིམ་པའི་ཚུལ་གྱིས་དཔྲལ་བའི་ཐིག་ལེར་འཇུག་པ་སྟེ་ཕྱི་རོལ་ཏུ་འགྲོ་བ་མེད་པའོ། །དེ་བས་རྣལ་འབྱོར་འདིར་སྲོག་ཞག་ལྔ། བཅོ་ལྔ། ཟླ་བ། ཟླ་བ་དྲུག །ལོའི་བར་དུ་བགག་པ་གསུངས་ཤིང༌། འདོད་ན་བསྐལ་བར་ཡང་ནུས་པ་ཡིན་ལ། སྲོག་དབུ་མར་ཞུགས་གནས་ཐིམ་གསུམ་བཤད་པའི་ཞུགས་པའི་འགོ་སོར་སྡུད་ནས་བརྩམ། ཐམས་ཅད་ཞུགས་པ་སྲོག་རྩོལ་ནས་བྱུང༌། དེའི་དབང་གིས་སྲོག་རྩོལ་གྱི་སྒྲ་བཤད་ལ་སྲོག་འགག་པ་དང་སྲོག་མཆེད་པ་གཉིས་གསུངས་པའི་གནད་དེར་གདའ་
― LT24_Page_200A ―
[མ་དཔེ་གཟིགས་ན་འདིར་གནོན།]
འཛིན་པས་དབུ་མར་གནས་པར་བྱེད་ཅིང༌། འདིར་རླུང་སེམས་དབྱེར་མེད་ཀྱི་གནད་ཤེས་ན། འབྲིང་གི་སྲོག་རྩོལ་ལ་སོགས་པས། ཞེས་པས་འབྲིང་སྲོག་རྩོལ་གྱི་སྒོ་ནས་གྲོལ་པ་དེ་འབྱུང༌། ཐིམ་མ་ཐུབ་ན་རྗེས་ཏིང་གི་རྣལ་འབྱོར་ལ་སློབ་དགོས་པས། དེ་ནས་རྗེས་དྲན་ལ་འཇུག །དེ་བས་ན་འདིར། བགག་པ་གོམ་པས་འཆིངས་པ་ཡིན་ལ། །ཏིང་ངེ་འཛིན་དུ་རླུང་ཟད་པ་ལ་འཆིངས་པའི་ཐ་སྙད་བྱས་སོ། །རླུང་སེམས་དབྱེར་མེད་ཞེས་པའང་རླུང་དང་སེམས་གཉིས་ཡོད་ནས་དབྱེར་མེད་བྱས་པ་མ་ཡིན། རླུང་རང་བྱང་ཆུབ་ཀྱི་སེམས་མཚན་ཉིད་པར་བཞག་པ་དེ་མཐོང་བ་ཡིན་ལ། དེས་ན་འགོག་པར་བྱས་མཉམ་ལ་རྣལ་མ་དེར་མ་བཅོས་པར་འཇུག་ནུས་མ་ནུས་ཁོ་ནའོ། །འདིར་སྲོག་གཟུགས་གྲུབ་པ་ཙམ་ནི་འཛིན་པ་ནས་རྗེས་དྲན་ལ་འཇུག་འོས་པ་དེ་ཡང་ཡིན་ཏེ་དོན་དག་པ་སྒྱུ་མར་སོང་བས་འཇའ་ལུས་པ་ཞེས་བྱའོ། །འདི་དང་འོག་མིན་གྱི་དངོས་གྲུབ་གནད་གཅིག་ཏུ་འབབ་ཀྱང༌། འདིར་ནི་དེ་ཞོར་ལས་འོངས་པ་ཡིན་ལ་བསྐྱེད་རིམ་པས་དེ་འདོད་པ་མཐར་ཐུག་ཏུ་བྱེད་པའི་ཁྱད་ཡོད་དོ། །རྩ་རྒྱུད་ལས། འཁོར་ལོ་ཐིག་ལེ་ཐིག་ལེ་ཡི། །གཡོ་བ་རྡོ་རྗེར་བགག་པར་བྱ། །རྟག་ཏུ་རྟག་རེངས་རྣལ་འབྱོར་པ། །ཞེས་གསུངས། ལྔ་པ་རྗེས་དྲན་ལ། ལས་ཀྱི་ཕྱག་རྒྱ་དང༌། ཡེ་ཤེས་ཀྱི་ཕྱག་རྒྱ་དང༌། ཕྱག་རྒྱ་ཆེན་མོ་ལ་བརྟེན་པ་གསུམ་ཡིན་ལ། དང་པོ་ནི། ལེགས་པར་ལོངས་པའི་མཆོག་འདོད་པ་མོ། རྒྱུད་ནས་གསུངས་པའི་ཡོན་ཏན་དང་ལྡན་པ། རྗེས་སུ་ཆགས་པ་མོའི་ཀཀྐོ་ལར་བོལླི་ཆོ་ག་བཞིན་དུ་བཅུག་ལ། མི་འདར་བ་ཉིད་ཀྱིས་ངལ་བསོ་སྟེ། དེའི་ཟེའུ་འབྲུའི་ཁར་རྡོ་རྗེ་ནོར་བུ་བཙིར་ནས་ཤིན་ཏུ་དགའ་བའི་རོས་སྐད་ཅིག་ཙམ་མི་བསྒུལ་བར་བྱའོ། །དེ་ནས་འགྱུར་བའི་གནས་སྐབས་བྱུང་ན་ཧཱུྃ་གི་རྣམ་པ་བརྗོད་པ་སྔོན་དུ་འགྲོ་བ་དང༌། བླ་མ་དམ་པའི་དྲིན་གྱིས་ཐོབ་པ་མངོན་དུ་བྱ་ཞིང་བཞི་པ་ལྷན་ཅིག་སྐྱེས་པའི་དགའ་བ་ཉམས་སུ་མྱོང་བ་ལེ་
― LT24_Page_200B ―
[མ་དཔེ་གཟིགས་ན་འདིར་གནོན།]
ཤེས་བྱང་ཆུབ་སེམས་ཀྱི་ཐིག་ལེ་འགོག་པའོ། །དེ་ནས་མི་འགྱུར་བ་ཐོབ་བོ། །དེ་ཡང༌། བྷ་གར་ལིངྒ་རབ་བཞག་ནས། །བྱང་ཆུབ་སེམས་ནི་སྤྲོ་མི་བྱ། །ཁམས་གསུམ་པོ་ནི་མ་ལུས་པ། །སངས་རྒྱས་གཟུགས་སུ་སྤྲོ་བར་བྱ། །ཞེས་སོ། །འདི་ལ་ཞུ་བདེའི་ཁམས་སྟོང་ཉིད་དུ་སྦྱོར་ཞིང་སྟོང་ཉིད་བདེ་ཆེན་དུ་སྦྱོར་བ་ཞིག་བྱུང་ན་དེ་ཀའི་མོད་ལ་ཏིང་ངེ་འཛིན་འགྲུབ་བོ། །ཞུ་བའི་བདེ་ཆེན་རྣམ་པ་མཐའ་ཡས་པའི་སངས་རྒྱས་ཀྱི་གཟུགས་སུ་སྤྲོ་ནུས་པ་ན་དང་པོ་ཡིན་ལ་དེས་སོ་སོ་རང་རིག་པའི་ནུས་པ་སད་པས་རྣམ་པ་ཐམས་ཅད་དུ་དམིགས་པ་ཉེ་བར་ཞི་བ་དེ་ཉིད་ཕྱི་མ་སྟེ། དེ་དབང་བཞི་བ་མཚན་ཉིད་པ་ཡིན་པས་ཕྱག་རྒྱ་ཆེན་པོ། དེ་ཡང༌། དབང་པོ་གཉིས་སྦྱོར་བ་ལས་མ་བྱུང་སྟེ་བར་དུ་སྟོང་པ་ཉིད་ཀྱི་གཟུགས་སམ་ཕྱག་རྒྱ་ཆེན་མོ་དེས་བཅད་པ་ཡིན་ནོ། །དེ་ལྟ་བུའི་གནད་གཉིས་ཀྱང་དང་པོ་ལུས་ཀྱི་དགའ་བའི་རླུང་འཆིངས་པས་ཡིན་ལ། གཉིས་པ་ལྷན་ཅིག་སྐྱེས་པའི་རླུང་འཆིངས་བ་སྟེ། དོན་དབུ་མར་གནས་པ་ཙམ་དང་ཐིམ་པའི་ཁྱད་པར་རོ། །ལས་ཀྱི་ཕྱག་རྒྱ་ཡོངས་དོར་ཞིང༌། །ཡེ་ཤེས་ཕྱག་རྒྱ་རྣམ་པར་སྤངས། །ཕྱག་རྒྱ་ཆེ་ལས་ཡང་དག་སྐྱེས། །ལྷན་སྐྱེས་གཞན་དང་འགྲོགས་པ་མེད། །ཞེས་སོ། །གཉིས་པ་ནི། དེ་ལྟ་བུ་མི་ནུས་ན་ཕྱག་རྒྱལ་སྦྱར་བའི་བདེ་བ་ཇི་ལྟ་བུ་ཞིག་ཅེས་བརྟགས་ཏེ་སྲོག་འཛིན་གྱི་རླུང་བཅུ་ལྟེ་བར་ཕྲད་པའི་སྒོ་ནས་དབུ་མར་བརྟན་པས་གཏུམ་མོའི་མེ་འབར་རྗེས་སུ་དྲན་པའི་རྣལ་འབྱོར་གྱིས་ཐིག་ལེ་ཞུ་བའི་འགྲོ་ལྡོག་ལ་བསླབ་པའི་མཐར་སྔར་བཞིན་རྡོ་རྗེ་ནོར་བུའི་རྩེར་བྱང་ཆུབ་སེམས་འགོག་པ་ལྷན་ཅིག་སྐྱེས་པའི་ཡེ་ཤེས་ཐོབ་པར་འགྱུར་རོ། །གསུམ་པ་ནི། དེ་བས་ན་ཕྱག་རྒྱ་དང་གོང་མ་གཉིས་པོ་གཉིས་ཀ་སྔོན་དུ་གཏགས་ཡང་འགྱུར་མེད་ཐོབ་ཀར་ཕྱག་རྒྱ་ཆེན་མོ་ངེས་པར་དགོས་པས་ཕྱག་རྒྱ་གཉིས་འཕྲུགས་སམ་གསུམ་ཕྲུགས་སུ་སོང་སྟེ། ལས་ཀྱི་ཕྱག་རྒྱའི་སྙོམས་འཇུག་དང༌། །ཡེ་ཤེས་ཕྱག་རྒྱའི་དམིགས་པ་དང༌། །ཕྱག་རྒྱ་ཆེན་མོ་གཅིག་
― LT24_Page_201A ―
[མ་དཔེ་གཟིགས་ན་འདིར་གནོན།]
སྦྱོར་བས། །མི་འགྱུར་བ་དེ་འཕེལ་པར་འགྱུར། ཞེས་དང༌། འདི་དག་དམན་པ་ལ་སོགས་དབྱེ་བ་རྣམས་ཀྱིས་སྣ་ཚོགས་གཙོ་བོའི་སྒྲུབ་ཐབས་རྣམ་གསུམ་དུ་འགྱུར་རོ། །ཕྱག་རྒྱ་གསུམ་དང་གནས་སྐབས་གསུམ་ནི་རྣམ་གསུམ་བགྲོད་པའི་དབང་གིས་ལས་དང་ཀུན་རྟོག་མཆོག་རྣམས་སོ། །ཞེས་སོ། །རྟག་ཏུ་སྟེང་དུ་ཁུར་བར་འགྱུར། །ཕྱག་རྒྱ་ཆེ་དང་འགྲོགས་པ་ཡིས། །རྡོ་རྗེ་འབེབས་པས་བྱིན་གྱིས་བརླབས། །ཞེས་གསུངས་ཏེ། འཛིན་པར་རླུང་སེམས་དཔྲལ་བར་བཅུག་ནས་སླར་གསང་གནས་སུ་འབེབས་པའི་གནད་འདིའོ། །དྲུག་པ་ཏིང་ངེ་འཛིན་གྱི་ཡན་ལག་ལ་རྣམ་པ་གཉིས་ཏེ། ཅིག་ཅར་བའི་འགྲོས་བཞི་ཐིམ་པ་དང༌། རིམ་གྱིས་པའོ། །དང་པོ་ནི། གྲུབ་པའི་དངུལ་ཆུ་ཐིགས་པ་གཅིག་ལྕགས་ཁལ་སྟོང་དྲག་པོའི་མེས་གདུངས་པའི་ཕྱོགས་གཅིག་ལ་རེག་པས་ཐམས་ཅད་ཅིག་ཅར་གསེར་དུ་འགྱུར་བ་ལྟར་རམ། དུག་སྦྲུལ་གྱི་མཆེ་བའི་དུག་ལོངས་པ་ན་ཅིག་ཅར་ལུས་ཐམས་ཅད་ཁྱབ་པ་བཞིན། རྩ་རླུང་སེམས་འཛག་པ་ཐམས་ཅད་ཅིག་ཅར་དུ་ཐིམ་པའི་མོད་ལས་སྐུ་བཞིའི་བདག་ཉིད་དུ་གྱུར་པ་ནི། །ནམ་ཞིག་སྦྱོར་བཞི་གནས་གཅིག་ལ་ནི་ཞུགས་པ་ན། །བདེ་ཆེན་མཆོག་དེ་ནམ་མཁའི་ཁམས་སུ་མི་ཤོད་དོ། །ཞེས་དང༌། མཚན་བརྗོད་ལས། སྐད་ཅིག་གཅིག་གིས་བྱེ་བྲག་ཕྱེད། །སྐད་ཅིག་གཅིག་གིས་རྫོགས་སངས་རྒྱས། ཞེས་སོ། །དེ་ཡང་ཐམས་ཅད་གཤིས་སུ་གཅིག་པས་གཅིག་པོ་དེ་མཐོང་ན་ཐམས་ཅད་མཐོང༌། དེའི་དབང་གིས་ཆོས་གཅིག་གི་མདོ་དང་རྒྱས་པ་ཤེས་ན་ཆོས་ཐམས་ཅད་ཀྱི་མདོ་དང་རྒྱས་པ་ཤེས་སོ། །ཞེས་གསུངས་པས་གཅིག་ཤེས་ཀུན་གྲོལ་མཚན་ཉིད་པ་དེའོ། །གཉིས་པ་ནི། སྐད་ཅིག་མ་དང་པོ་དེ་ནས་མི་འགྱུར་བའི་བདེ་བ་སྟོང་བརྒྱད་བརྒྱ་པ་དང་པོར་བཞག་སྟེ། སྐད་ཅིག་ཉི་ཁྲི་ཆིག་སྟོང་དྲུག་བརྒྱ་རྫོགས་པའི་བར་ནི་ནོར་བུ་ནས་གཙུག་ཏོར་གྱི་བར་དུ་བརྟན་པར་བྱེད་པའི་རིམ་པ་སྟེ། རྟེན་འབྲེལ་ཡན་ལག་བཅུ་གཉིས་དག་པའམ་དུས་སྦྱོར་བཅུ་གཉིས་དག་པ་བྲལ་
― LT24_Page_201B ―
[མ་དཔེ་གཟིགས་ན་འདིར་གནོན།]
བའི་ཆ་ནས་བདེན་དོན་རྣམ་པ་བཅུ་གཉིས་ཀྱིས་དགའ་བ་བཅུ་དྲུག་གི་བདེ་བའི་དབྱེ་བས་དེ་ཉིད་བཅུ་དྲུག་གི་སའོ། །བདེ་བ་དེ་དག་རིམ་པ་བཞིན་ཡེ་ཤེས་ཀྱི་གཟུགས་སུ་སྤྲོ་བར་བྱེད་པ་དེ་དག་གི་ཉམས་ལེན་ཡིན་ལ། དེ་ཡང༌། ཕྱག་རྒྱ་མ་ལ་བརྟེན་ཡར་རུང་མ་བརྟེན་ཡང་རུང་སྟེ། བརྟེན་ན་མྱུར་བར་བླ་མ་གསུང༌། མཆོག་ཏུ་མི་འགྱུར་བའི་སྐད་ཅིག་མཐའ་མ་ནི་གཙུག་ཏོར་དུ་བརྟན་ན། སངས་རྒྱས་ཉིད་དང་རྡོ་རྗེ་འཆང་ཆེན་པོ་རིགས་བརྒྱའི་ཁྱབ་བདག་ཏུ་འགྱུར་ལ། དེའི་སྐུ་ནི་ཕུང་ཁམས་སྐྱེ་མཆེད་ལས་དབང་དེའི་བྱ་བ་དང་བཅས་པ་ཐམས་ཅད་ཀྱིས་དག་པ། གཤེགས་པ་གཤེགས་མ། སེམས་དཔའ་སེམས་མ། ཁྲོ་བོ་ཁྲོ་མོ་སྟེ། སྐུ་རྣམ་པ་ཐམས་ཅད་པ་དང༌། གསུང་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་ཐམས་ཅད། ཐུགས་ཡེ་ཤེས་ལྷ་ལ་སོགས་པ་སྟེ་སྐུ་གསུམ་མི་ཕྱེད་པ་ཉིད་དོན་ལ་གནས་པ་དག་པའི་སྐུའམ་ལྷན་ཅིག་སྐྱེས་པའི་སྐུ། དེ་ཐབས་ཤེས་ཤས་ཆེ་ཆུང་མེད་པར་མཉམ་པས་མ་ནིང་གི་གོ་འཕང་ངོ༌། །དེ་ཡང༌། འགྱུར་མེད་བདེ་བའི་དབང་གིས་ཡེ་ཤེས་གཟུགས་ལ་ཏིང་ངེ་འཛིན་ཞེས་དང༌། རྩ་རྒྱུད་ལས། མཆོག་ཏུ་མི་འགྱུར་སྐད་ཅིག་ནི། །དྲུག་བརྒྱ་རྫོགས་པས་རྒྱལ་པོ་ཀྱེ། །རྡོ་རྗེ་སེམས་དཔའ་རང་ཉིད་འགྱུར། །ཞེས་གསུངས། རིམ་སྐྱེས་པ་ལ་བརྩོན་པ་མི་འདོར་ན་ཏིང་ངེ་འཛིན་ཐོབ་ནས་མཐར་ཐུག་རྫོགས་པའི་སངས་རྒྱས་པར་ལ་ལོ་གསུམ་ཕྱོགས་གསུམ་གྱིས་གྲུབ་པར་བཤད་ཀྱི། ཐམས་ཅད་དུ་མ་ཡིན་ནོ། །དེ་ཡང་བྱང་ཆུབ་སེམས་ཀྱི་དངས་མས་གསང་གནས་ཀྱི་ཕྱེད་གང༌། ས་དང་པོ། ཞེས་པ་ལྟ་བུའི་ཕྱེད་ནི་སྦུབས་གཅིག་གི་ཆ་ཤས་མ་ཡིན། འོ་ན་གང་ཞེ་ན། གསང་གནས་ཀྱི་རྩ་བཅུ་དྲུག་ཐབས་དང་བཅུ་དྲུག་ཤེས་རབ་ཀྱི་རྩར་བཞག་པ་ལྟ་བུ་གནས་དང་ཉེ་གནས་ཀྱི་མིང་ཅན་རྣམས་སོ། །དེ་ལས་ཐོག་མར་རྐྱང་མའི་ཆ་གང་ནས། དེ་ནས་རོ་མའི་ཆ་རྣམས་གང་བ་སྟེ། གཟས་འཛིན་ལ་ཐོག་མར་ཟླ་བ་དང༌། ཕྱིས་ཉི་མ་འཛིན། དེ་བཞིན་འདི་ནང་གི་གཟའ་འཛིན་ཡིན་པའོ། །དེ་ལྟར་ཡང༌། ཏོག་རྩི་
― LT24_Page_202A ―
[མ་དཔེ་གཟིགས་ན་འདིར་གནོན།]
ཞབས་ཀྱིས་ཉི་ཟླ་གཟའ་ཡིས་འཛིན་པ་ན། །ཤེས་རབ་རྡོ་རྗེའི་སྦྱོར་བ་ཡིས། །ཞུ་བ་གཉིས་མེད་ཡེ་ཤེས་འགྱུར། །ཞེས་བཤད་པའི་ཕྱིར་རོ། །ཞེས། ལ་སྟོད་བྱང་ནས་རྗེ་བཙུན་ཀུན་དགའ་ཆོས་ཀྱི་སྒྲོན་མས་གསོལ་བ་བཏབ་པའི་ངོར། དུས་ཀྱི་འཁོར་ལོ་པ་པདྨ་དཀར་པོས་རྗེ་བཙུན་གོང་མའི་རྡོ་རྗེའི་ཚིག་རྣམ་པར་འབྱེད་པའི་ཡིག་གེ་པ་ནི་རིན་ཆེན་བསྟན་པ་རྒྱལ་མཚན་ཞེས་པ་ཟབ་ལམ་མང་དུ་ཐོས་པ་དེས་བགྱིས་ཏེ་བྱམས་པ་ཆེན་པོའི་ཆོས་ཀྱི་གླིང་དུ་སྦྱར་བ་རྫོགས་སོ།། །།དཔལ་ལྡན་རྒྱུད་དོན་ནམ་མཁའི་མཐའ་བལྟ་ལ། །ཕྱོགས་རེའི་བསྟན་བཅོས་ཆུ་བུར་མིག་གིས་ཅི། །ལུགས་ཤེས་བླ་མའི་མན་ངག་ཡེ་ཤེས་སྤྱན། །ཐམས་ཅད་གཟིགས་མོར་བྱེད་འདི་དོང་དུ་ལོངས། །སརྦ་མངྒ་ལཾ།། །།
གདམས་ངག་མཛོད་པོད་བཅོ་ལྔ་པ།
སྙིང་པོ་རྡོ་རྗེའི་ཚིག་ཅེས་བྱ་བ་ལྕེ་རྩེ་རྐན་སྦྱར་གྱི་གདམས་ངག་གི་རྩ་བ།
― LT24_Page_203A ―
[མ་དཔེ་གཟིགས་ན་འདིར་གནོན།]
སྙིང་པོ་རྡོ་རྗེའི་ཚིག་ཅེས་བྱ་བ་ལྕེ་རྩེ་རྐན་སྦྱར་གྱི་གདམས་ངག་གི་རྩ་བ་བཞུགས་སོ། །
― LT24_Page_203B ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཧྲཱྀ་ད་ཡ་བཛྲ་པ་ད་ནཱ་མ། བོད་སྐད་དུ། སྙིང་པོ་རྡོ་རྗེའི་ཚིག་ཅེས་བྱ་བ། །རྡོ་རྗེ་འཛིན་པ་ལ་ཕྱག་འཚལ་ལོ། །གྲུབ་ཆེན་ཤ་བ་རིས་མ་ཧཱ་པཎྜི་ཏ་ནགས་ཀྱི་རིན་ཆེན་ལ་གསུངས་པའི་དཔལ་དུས་ཀྱི་འཁོར་ལོའི་རྫོགས་རིམ་རྡོ་རྗེའི་ཚིག་རྐང་འདི་ལ་གཉིས། དངོས་གྲུབ་ཀྱི་ཉེ་རྒྱུའི་གནས་ལ་གསང་བར་གདམས་པ་དང༌། འདོད་པའི་དངོས་གྲུབ་ཆེན་པོ་སྒྲུབ་པའི་རྣལ་འབྱོར་དངོས་བཤད་པའོ། །དང་པོ་ནི། གང་ཡར་ཐེག་པ་དམན་གནས་དང༌། །མི་གང་རྟོག་གེ་ལ་དགའ་དང༌། །གང་ཞིག་དགེ་སློང་དངོས་གནས་དང༌། །དེ་ལ་དེ་ཉིད་བསྟན་མི་བྱ། །གཉིས་པ་ལ་གསུམ། མཚན་མེད་ཀྱི་རྣལ་འབྱོར། མཚན་བཅས་ཀྱི་རྣལ་འབྱོར། ཆགས་ཅན་གྱི་རྣལ་འབྱོར་རོ། །དང་པོ་ལ་གཉིས། རང་བཞིན་མངོན་དུ་བྱེད་པའི་ཏིང་ངེ་འཛིན་བསྐྱེད་པ་དང༌། དེ་བརྟེན་ནས་རང་གི་འདོད་པའི་ལྷ་སྤྲོ་བའོ། །དང་པོ་ནི། ལྕེ་རྩེ་རྐན་སྦྱར་རྣལ་འབྱོར་ལ། །གཅིག་ཏུ་བརྩོན་པའི་རྣལ་འབྱོར་པས། །གཉིས་པ་ནི། །མཁའ་དང་དངོས་ཕྱོགས་ཐམས་ཅད་ལ། །ལོ་ཆེན་བསོད་ནམས་རྒྱ་མཚོའི་འགྱུར་ལ། གང་ཡང་ཐེག་པ་སོགས་ཤྩོ་ཀ་གཅིག་དང༌། འདིའི་མཁའ་དང་སོགས་ཚིག་རྐང་གཉིས་མེད། མཆན། སངས་རྒྱས་ཉིད་ནི་རྟག་ཏུ་སྤྲོ། །དུམ་བུ་མ་ཡིན་དཀྱིལ་འཁོར་གྱི། །རྣམ་པ་གང་གིས་བརྟན་གཡོ་ཁྱབ། །གང་གིས་གོ་འཕང་དེ་སྟོན་པའི། །དཔལ་ལྡན་བླ་མ་དེ་ལ་འདུད། གཉིས་པ་མཚན་བཅས་ཀྱི་རྣལ་འབྱོར་ནི། །རྡོ་རྗེ་ཉི་མའང་གང་སེམས་ནི། །ནོར་བུའི་ནང་དུ་སོན་པར་བལྟ། །ཡེ་ཤེས་དཀྱིལ་འཁོར་རྣམ་པ་ཡིས། །ཁམས་གསུམ་པོ་ནི་སྣང་བར་བྱ། །གསུམ་པ་ཆགས་ཅན་གྱི་རྣལ་
― LT24_Page_204A ―
[མ་དཔེ་གཟིགས་ན་འདིར་གནོན།]
འབྱོར་ལ་གསུམ། དབང་རྣོན་ཕྱག་རྒྱ་ཆེན་མོ་དང་སྦྱོར་བ། ཐོད་རྒལ་བ་ཕྱག་རྒྱ་བཞི་ཀ་དང་སྦྱོར་བ། དམན་པ་ལས་རྒྱ་དང་སྦྱོར་བའོ། །དང་པོ་ནི། ཕྱག་རྒྱ་གཅིག་ལ་མཉམ་སྦྱོར་དང༌། །གཉིས་པ་ནི། ཡང་ན་ཕྱག་རྒྱ་བཞི་སྦྱོར་བ། གསུམ་པ་ནི། བཙུན་མོའི་གྲོང་དུ་འཇུག་གྱུར་ཀྱང༌། །སྒྱུ་མའི་སྐུ་ནི་རྗེས་དྲན་བྱ། །སྙིང་པོ་རྡོ་རྗེའི་ཚིག་རི་ཁྲོད་ཞབས་ཀྱིས་པཎྜི་ཏ་ནགས་ཀྱི་རིན་ཆེན་ལ་གནང༌། དེས་རྒྱལ་བའི་དབང་པོ་ཀུན་དགའ་དཔལ་འབྱོར་ལ་གནང་བའོ། །མངྒ་ལཾ། །
གདམས་ངག་མཛོད་པོད་བཅོ་ལྔ་པ།
ལྕེ་རྩེ་རྐན་སྦྱར་གྱི་ཁྲིད་རྡོ་རྗེ་འཛིན་པའི་ཉེ་ལམ།
― LT24_Page_205A ―
[མ་དཔེ་གཟིགས་ན་འདིར་གནོན།]
ལྕེ་རྩེ་རྐན་སྦྱར་གྱི་ཁྲིད་རྡོ་རྗེ་འཛིན་པའི་ཉེ་ལམ་བཞུགས་སོ།། །།
― LT24_Page_205B ―
[མ་དཔེ་གཟིགས་ན་འདིར་གནོན།]
དཔལ་རྡོ་རྗེ་སེམས་དཔའ་དང་གཉིས་སུ་མེད་པའི་རྗེ་བཙུན་བླ་མ་དམ་པའི་ཞབས་ལ་ཕྱག་འཚལ་ལོ། །ཀུན་རྟོག་གིས་སྦྱར་མང་པོའི་དངོས་འདི་དག །བདེ་བ་ཆེན་པོའི་དགའ་བར་ཡོངས་བསྒྱུར་ཆེད། །རྡོ་རྗེ་ཐེག་པའི་སྙིང་པོ་སྟོན་མཛད་པའི། །འཁོར་ལོའི་མགོན་དང་གཅིག་པ་བླ་མར་འདུད། །སྲིད་པའི་ནགས་ཀྱི་བཟུང་འཛིན་རི་དྭགས་ཚོགས། །མཐར་བྱེད་རྔོན་ལ་ཆགས་པ་ཟུང་འཇུག་གི། །འཕོང་མཁས་དཔའ་བོ་དཔལ་ལྡན་ཤ་ཝ་ར། སྐྱེ་དགུའི་གཙུག་གི་རིན་ཆེན་གཉིས་པར་འདུད། །བདག་ནི་བསྟན་བཅོས་དོན་མང་མྱ་ངན་གྱི། །ཐང་དུ་སྐོམ་པས་གདུངས་ཚེ་བླ་མའི་ལུང༌། །བསིལ་ལྡན་བདུད་རྩིའི་བུམ་པ་རྙེད་གྱུར་པས། །ངོམས་མེད་འཐུངས་ལས་ཆ་ཙམ་འདིར་སྐྱུགས་སོ། །དེ་ལ། བླ་ན་མེད་པའི་རྒྱུད་ཐམས་ཅད་ཀྱི་རྣལ་འབྱོར་གྱི་ཡན་ལག་ཐམས་ཅད་ཐུན་མོང་མ་ཡིན་པའི་རང་ཉམས་སུ་བྱ་བའི་ཚུལ། སེམས་ཀྱི་གདོད་མའི་རང་བབས་ལ་མངོན་པར་སྦྱོར་བའི་རྣལ་འབྱོར་གྱི་མཆོག །ལྕེ་རྩེ་རྐན་སྦྱར་གྱི་མན་ངག་འདི་ལ་ཐུན་མོང་མ་ཡིན་པའི་ལོ་རྒྱུས་དང༌། རྡོ་རྗེའི་ཚིག་གཉིས་སོ། །དང་པོ་ནི། པརྣ་ག་རའི་མཁས་པ་ཆེན་པོ་
― LT24_Page_206A ―
[མ་དཔེ་གཟིགས་ན་འདིར་གནོན།]
ཤྲཱི་བན་ར་རྣ་འམ། མཚན་གཞན་མི་བསྐྱོད་རྡོ་རྗེའི་ཞལ་སྔ་ནས་ཐོག་མར་ལྷོ་ཕྱོགས་ཀྱི་རྒྱུད་དཔལ་གྱི་རི་བོར་རི་ཁྲོད་ཞབས་ཀྱིས་སྨིན་པར་མཛད་ནས་འདོད་པའི་དངོས་གྲུབ་ཀྱི་ཆེད་དུ། བྱང་ཕྱོགས་སུ་སོང་ཞིག་བར་བསྐུལ་བ་མངོན་དུ་གྱུར་པའི་དུས་ཇི་ལྟ་བ་ན། དཔལ་ཤིང་ཀུན་རྒྱལ་བའི་འདུན་པ་ཤཱནྟ་པུ་རི་གསང་བ་མཆོག་གི་ཕོ་བྲང༌། གྲུབ་པ་དང་རིག་པ་འཛིན་པ་དང༌། ལྷན་ཅིག་སྐྱེས་མ་དང༌། སྔགས་ལས་སྐྱེས་མ་དང༌། སྐལ་པ་མཆོག་རྣམས་ལ་རང་སྣང་གི་འཁོར་ལོ་རྣམ་པ་ཐམས་ཅད་པའི་ལོང་སྤྱོད་ཆེན་པོས་མངོན་པར་འཕགས་པའི་གཞིར། ངག་གི་དབང་ཕྱུག་དང་ལྷན་ཅིག་སྤྱོད་པའི་བྷ་རི་མས་གྲོགས་མཛད་ཅིང༌། རང་གི་བླ་མ་སངས་རྒྱས་དབྱངས་ཀྱི་བསྐུལ་པ་ལྟར་སྣང་བ་ལས། དཔལ་རི་ཁྲོད་ཞབས་ལ་བཏུད་དེ། རྡོ་རྗེ་ཐེག་པའི་ཡང་དག་པའི་ངེས་པས་རྗེས་སུ་གཟུང་བར་གསོལ་བ་ན། སྣོད་ཀྱི་ངེས་པ་ལས་བརྩམ་ཏེ་འདོད་པའི་དངོས་གྲུབ་ཀྱི་ཉེ་རྒྱུའི་གནས་ལ་གསང་བར་གདམས་སོ། །སླར་གསང་བར་གདམས་པའི་ངེས་པ་ལ་ཡི་དམ་འཆར་བར་གསོལ་བས། དེ་ཉིད་དུ་དཔལ་སྡོམས་པ་བཅུ་གསུམ་གྱི་བདག་ཉིད་ཅན་གྱི་ཕྱི་ནང་གསང་བའི་འཁོར་ལོར་
― LT24_Page_206B ―
[མ་དཔེ་གཟིགས་ན་འདིར་གནོན།]
འདོད་པའི་དངོས་གྲུབ་ཆེན་པོ་མངོན་དུ་འགྱུར་བའི་བཀའ་དྲིན་མཛད་དེ་གསང་བ་ཆེན་པོའི་རྒྱུད་སྡེའི་སྙིང་པོ་ལས་ཀྱང་སྙིང་པོར་གྱུར་པའི་རྡོ་རྗེའི་ཚིག་འདི་རྩལ་བ་ཡིན་ནོ། གཉིས་པ་ཚིགས་སུ་བཅད་པ་གཅིག་གིས་དངོས་གྲུབ་ཀྱི་ཉེ་རྒྱུའི་གནས་ལ་གསང་བར་གདམས་པ་དང༌། ལྷག་མ་བཞིས་འདོད་པའི་དངོས་གྲུབ་ཆེན་པོ་སྒྲུབ་པའི་རྣལ་འབྱོར་དངོས་བཤད་པའོ། །དང་པོ་ནི། གང་ཡང་ཐེག་པ་དམན་གནས་དང༌། མི་གང་རྟོག་གེ་ལ་དགའ་དང༌། གང་ཞིག་དགེ་སློང་དངོས་གནས་པ། །དེ་ལ་དེ་ཉིད་བསྟན་མི་བྱ། །གང་ཞིག་མོས་པ་དམན་པ་དང༌། །ཚིག་ཙམ་ལྷུར་ལེན་པ་དང༌། དགེ་སློང་གི་དངོས་པོས་ཡིད་རྒྱལ་བ་དག་ལ་ལམ་འདི་ཉིད་བསྟན་པར་མི་བྱའོ་ཞེས་པའི་དོན་ཏོ། །གཉིས་པ་ལ། མཚན་མ་མེད་པ་ལ་མོས་པའི་དབང་རྣོན་སྟེང་གི་ལྕེ་རྩེ་རྐན་སྦྱར་གྱི་ཁྲིད་པ། མཚན་མ་དང་བཅས་པ་མོས་པའི་དབང་རྣོན་བར་གྱི་ལྕེ་རྩེ་རྐན་སྦྱར་གྱིས་ཁྲིད་པ། ཆགས་ཅན་གྱི་དབང་རྣོན་འོག་གི་ལྕེ་རྩེ་རྐན་སྦྱར་གྱིས་ཁྲིད་པ་གསུམ་ལས། དང་པོ་ལ། བྱེད་བཅིངས་ལ་བརྟེན་ནས་ལུས་བཅིང༌། ལྟ་སྟངས་ལ་བརྟེན་ནས་མིག་བཅིང༌། བཞག་ཐབས་ལ་བརྟེན་ནས་སེམས་བཅིང་བའོ། །དང་པོ་ནི། རྐང་པ་གང་ཡང་རུང་པའི་རྟིང་པས་འོག་སྒོ་བཀག །རྐང་པ་གཞན་པ་སྟེང་དུ་བཏོན་པའི་པུས་མོ་གཉིས་མདུན་དྲང་པོར་བརྩེགས་པའི་སྟེང་མ་རྐེད་པ་དང་ཆ་མཉམ་དུ་སྒོམ་ཐགས་གིས་གཅུན། །ལག་པ་རྡོ་རྗེའི་ཁུ་ཚུར་བརླ་དང་ལུས་ཀྱི་འབྲལ་འཚམས་སུ་བཙུགས་པའི་གྲུ་མོ་བསྲངས་པས་ལུས་ཀྱི་སྟོད་གཅུན། རྒལ་ཚིགས་དྲང་པོར་བསྲངས་མགྲིན་པ་ཅུང་ཟད་སྒུ་བར་བྱེད། ལྕེ་རྩེ་རྐན་ལ་སྦྱར། མཆུ་ལ་བར་ཡིད་ཙམ་ཡོད་པར་བྱའོ། །གཉིས་པ་ནི། མིག་རང་བབས་སུ་ཕྱེད་གདངས་པ་ཙམ་ཉིད་ཐད་ཀའི་ནམ་མཁའ་ལ་མ་འགྱུར་བར་བལྟ་བའོ། །གསུམ་པ་ལ། རང་བཞིན་མངོན་དུ་བྱེད་པའི་ཏིང་ངེ་འཛིན་བསྐྱེད་པ། དེ་བརྟན་ནས་རང་གི་འདོད་པའི་ལྷ་སྤྲོ་བའོ། །དང་པོ་ནི། ལྕེ་རྩེ་རྐན་
― LT24_Page_207A ―
[མ་དཔེ་གཟིགས་ན་འདིར་གནོན།]
སྦྱར་རྣལ་འབྱོར་ལ། །གཅིག་ཏུ་བརྩོན་པའི་རྣལ་འབྱོར་བས། །ཞེས་པ་ལྕེའི་སྤྲས་ཡུལ་ཅན་གྱི་ཤེས་པ། རྐན་གྱི་སྒྲས་ཡུལ་སྟོང་པ་ཉིད། སྦྱར་བས་ནི་རོ་མཉམ་དུ་བྱེད་པ་སྟེ་རྣལ་འབྱོར་གྱི་དོན་ནོ། །ཚུལ་དེ་མངོན་དུ་བྱ་བའི་ཚུལ་ཡང༌། རླུང་མཉམ་རྒྱུད་རང་བཞིན་ནམ། རྐྱེན་སྟོབས་ཀྱིས་བཅོས་པའི་ངང་ནས། ལུས་ཤ་ཁྲག་ལ་སོགས་པའི་སྙིགས་མ་དང་བྲལ་བའི་འོད་ཀྱི་རང་བཞིན། སྒྱུ་མའི་ངོ་བོ་ཉིད་སྣང་བརྙན་ཙམ་པ་ནང་གི་ནམ་མཁའ་སྟོང་སང་ངེ་བའི་དབུས་སུ་དྷུ་ཏཱི་འོད་ཀྱི་རང་བཞིན་ཅན་གྱི་མར་སྣ། ལྟེ་འོག་སོར་བཞིའི་ཐད་དུ། རང་གི་རྩ་བའི་བླ་མ་རྡོ་རྗེ་འཆང་ཆེན་པོའི་རྣམ་པ། ཁམས་རླུང་གི་དུས་གནད་དང་བསྟུན་པའི་སྐུ་མདོག་ཇི་ལྟར་རིགས་པ་མཉམ་བཞག་གི་ཕྱག་རྒྱ་མཛད་པ། སྒྱུ་མའི་སྐུ་འོད་གསལ་བའི་རང་བཞིན་ཅན། རྣམ་པའི་མཆོག་དང་ལྡན་པར་འཆར་བཞིན་པ་ལ། བསམ་པ་གཞན་གྱིས་བར་མ་ཆོད་པར་མ་ཡེངས་པར་བལྟ་བས་རྩེ་གཅིག་ཏུ་མཉམ་པར་འཇོག་པ་ལ་བརྩོན་པར་བྱའོ། །རྣལ་འབྱོར་པ་དེ་ལ་ཇི་ཞིག་ན་རྣམ་རྟོགས་གི་སྤྲོས་པ་ཐམས་ཅད་ཇེ་ཆུང་ལ་སོང་ནས། མཐར་སྐུ་ཉིད་ཀྱང་དམིགས་པ་དང་བྲལ་ཞིང༌། རྣམ་པར་མི་རྟོགས་པའི་ངང་དུ་མངོན་སུམ་དུ་འཆར་བར་འགྱུར་རོ། །གནས་སྐབས་དེའི་ཚེ་ཉོན་མོངས་པ་དང༌། རྣམ་པར་རྟོགས་པའི་སྣང་བ་ཅི་ཤར་ཀྱང༌། གང་ཤར་གྱིས་གཟུང་བར་བྱ་བའི་སེམས་ལ། འཛིན་པའི་སེམས་ཀྱིས་སོ་སོར་རང་གིས་རིག་པར་བྱས་པ་ལས། བདེ་བ་ཆེན་པོར་མངོན་དུ་འགྱུར་བ་ཡིན་སྟེ། མཚན་མ་དང་སྤྲོས་པ་ཐམས་ཅད་རང་བཞིན་ལྷན་ཅིག་སྐྱེས་པའི་སེམས་ཟུང་འཇུག་གི་ངོ་བོ་ཉིད་དུ་གདོད་མ་ནས་ལྷུན་གྱིས་གྲུབ་པའི་དབང་འདིས་ནའོ། །འཕགས་པ་ལྷས། སོ་སོ་རང་
― LT24_Page_207B ―
[མ་དཔེ་གཟིགས་ན་འདིར་གནོན།]
གིས་རིག་བྱ་བ། །ཐམས་ཅད་ལྷན་ཅིག་སྐྱེས་པ་ཉིད། །དེ་ཕྱིར་ཕུང་སོགས་ཡེ་ཤེས་བཅས། །རྣལ་འབྱོར་པས་ནི་རང་རིག་བྱ། །ཞེས་པས་སོ། །དེ་ལྟར་ན་གཟུང་འཛིན་དང་བཅས་པའི་ཕྱིར། །རང་བཞིན་གྱིས་འོད་གསལ་བ་བདེ་བ་ཆེན་པོ་ལ་རྣལ་འབྱོར་དུ་བྱེད་པར་མི་འགྱུར་རོ་ཞེ་ན། སྐྱོན་མེད་དེ། དེའི་གཟུང་འཛིན་གཉིས་ཀའང་རང་བཞིན་མེད་པར་རོ་གཅིག་པར་ཉིད་ཀྱིས་སོ། །དེ་ལྟར་ཡང་ཕྱོགས་གླང་གིས། །བདེ་དེ་གང་གིས་རིག་སྙམ་ན། །ཡིད་ཀྱི་རིག་པར་བྱེད་མོད་ཀྱིས། །རང་བཞིན་མེད་ཕྱིར་རིག་བྱ་དང༌། །རིག་བྱེད་འགྱུར་བའི་སྐྱོན་མེད་དོ། །ཞེས་དང༌། སློབ་དཔོན་ཨཱརྻ་དཱེ་བའི་ཞལ་སྔ་ནས་ཀྱང༌། །ཆོས་རྣམས་རང་བཞིན་མེད་ཉིད་ན། །བླང་དང་དོར་བྱ་ག་ལ་ཞིག །རྨི་ལམ་ན་ནི་ཆོས་ཀུན་ལ། །བླང་དོར་བྱ་བ་ཇི་བཞིན་ནོ། །ཞེས་གསུངས་པས་སོ། །དེ་ལྟ་བུའི་རྣམ་པར་མི་རྟོགས་པའི་ཏིང་ངེ་འཛིན་དེ་ཉིད་རང་གིས་གོམས་པ་ལས། སོ་སོ་རང་གི་རིག་པ་ནམ་མཁའ་ལྟར་ཐམས་ཅད་དུ་ཁྱབ་པ། ལྷན་ཅིག་སྐྱེས་པའི་རང་བཞིན་བདེ་བ་ཆེན་པོ་དང༌། ཟུང་དུ་འཇུག་པ་དང༌། བརྟན་གཡོའི་བདག་ཉིད་ཀྱི་རྣམ་པ་ཐམས་ཅད་པའི་སྟོང་པར་རིས་མེད་པར་འཆར་བ་སྟེ། དེ་ཉིད་ནི་འདིར་ངེས་པའི་དཔལ་ལྡན་བླ་མ་དམ་པ་ཡིན་ནོ། །ཀླུ་སྒྲུབ་ཀྱིས། འགྲོ་བ་འདི་དག་ལྷན་ཅིག་སྐྱེས། །རྣམ་པར་མི་རྟོག་བདེ་བ་ཆེ། །ལྷུན་གྲུབ་ཁྱབ་བདག་རྡོ་རྗེ་འཛིན། །རྡོ་རྗེ་སེམས་དཔའ་རང་བྱུང་གཙོ། །ཞེས་དང༌། དེ་བཞིན་དུ་དཔལ་འཛིན་ཞབས་ཀྱིས་ཀྱང༌། །མ་འཁྲུལ་པ་ཡི་དེ་ཉིད་ཐོབ། །ལོངས་སྤྱོད་རྫོགས་པའི་སྐུ་ཞེས་དྲན། །ཧཱུྃ་ཕཊ་ཡི་གེ་ལས་གྲོལ་བ། །སེམས་དཔའི་གཟུགས་བརྙན་ཞི་བ་མཆོག །ཅེས་པས་སོ། །
― LT24_Page_208A ―
[མ་དཔེ་གཟིགས་ན་འདིར་གནོན།]
གཉིས་པ་དེ་བརྟན་ནས་རང་གི་འདོད་པའི་ལྷ་སྤྲོ་བ་ནི། མཁའ་དང་དངོས་ཕྱོགས་ཐམས་ཅད་ལ། །སངས་རྒྱས་ཉིད་ནི་རྟག་ཏུ་སྤྲོ། །དུམ་བུ་མ་ཡིན་དཀྱིལ་འཁོར་གྱི། །རྣམ་པ་གང་གིས་བརྟན་གཡོ་ཁྱབ། །གང་གིས་གོ་འཕང་དེ་སྟོན་པའི། །དཔལ་ལྡན་བླ་མ་དེ་ལ་འདུད། །མཁའ་ནི་ནམ་མཁའ་སོགས་སྟོང་པའི་ཆ་དང༌། དངོས་པོས་ནི་སྣང་བ་དང༌། ཕྱོགས་ཀྱིས་ནི་གང་ཤར་གྱི་ཤེས་བྱ་ཐམས་ཅད་མཚོན་པ་སྟེ། དེ་དག་ལ་ངེས་པའི་བླ་མ་སངས་རྒྱས་ཉིད་ཀྱི་སྣང་བ་རྟག་ཏུ་སྤྲོ་བར་བྱས་པས། དུམ་བུ་སྟེ་རིས་སུ་དབྱེ་བ་དང་བྲལ་བའི་སེམས་ཀྱི་གནས་ལུགས་བདེ་བ་ཆེན་པོའི་རང་སྣང་སྟོང་པ་ཉིད་ཀྱི་དཀྱིལ་འཁོར་གྱི་འཁོར་ལོའི་རྣམ་པ་གང་གིས་བརྟན་གཡོ་ཐམས་ཅད་ཁྱབ་པ་སྟེ། རོ་གཅིག་པར་བྱས་པའི་ཟུང་འཇུག་ཉིད་གོ་འཕང་ཡིན་ལ། དེ་མངོན་སུམ་དུ་སྟོན་པས་དཔལ་ལྡན་བླ་མ་ནི་གཉིས་སུ་མེད་པར་འདུད་པའི་ཡུལ་ཡིན་ནོ་ཞེས་ཚིག་གི་དོན་དང༌། དེ་མངོན་དུ་བྱེད་པའི་རིམ་པ་ནི། ངེས་པའི་བླ་མ་མཐོང་བ་དེ་ཉིད་གང་ཤར་གྱི་ཤེས་བྱའི་སྟེང་དུ་སྤྱན་དྲངས་ཏེ། རྩེ་གཅིག་ཏུ་མོས་པ་ལ་འབད་པས་བརྟན་པ་དང་གཡོ་བ་ལ་སོགས་པའི་སྣང་བ་ཇི་སྙེད་པ་རང་རིག་པའི་བདག་ཉིད་སྟོང་པ་ཉིད་ཀྱི་གཟུགས་དེ་ཉིད་དུ་འཆར་བར་འགྱུར་བ་ཡིན་ནོ། །དེ་ཡང་དགྱེས་རྡོར་ལས། མཐོ་རིས་མི་ཡུལ་ས་འོག་རྣམས། །སྐད་ཅིག་ལ་ནི་སྐུ་གཅིག་འགྱུར། །ཞེས་པས་བཤད་དོ། །དེ་ལྟར་རང་བཞིན་མངོན་དུ་བྱེད་པའི་མི་རྟོག་
― LT24_Page_208B ―
[མ་དཔེ་གཟིགས་ན་འདིར་གནོན།]
པའི་ཏིང་ངེ་འཛིན་བྱེད་པ་བཅིངས་པའི་སྦྱོར་བ་ཟབ་མོ་དང་བཅས་པ་འདིས། རྣམ་པར་རྟོག་པའི་ཚོགས་ཇི་སྙེད་པ་དག་པར་བྱས་པས། ལས་རླུང་ལམ་གཉིས་ཀྱི་ཆོས་ཅན་འཁོར་བ་དང་བཅས་པ་འགགས་ཏེ། དྷཱུ་ཏི་ཆོས་ཅན་མི་རྟོག་པའི་རླུང་རང་བྱུང་དུ་འབྱུང་ཞིང༌། དེ་ལས་ཡེ་ཤེས་ཀྱི་ཙནྡྲ་ལི་འབར་ཏེ་ཐིམ་རིམ་གྱི་ངེས་པར་ལས་འཆར་བའི་མོད་ལ་མངོན་དུ་གྱུར་པའི་སྟོབས་ཀྱིས་འགྱུར་བ་མེད་པའི་ཐིག་ལེ་རང་དབང་དུ་གྱུར་པས། མཆོག་ཏུ་མི་འགྱུར་བའི་བདེ་བ་མངོན་དུ་འགྱུར་ལ། དེ་ལས་ཕྲ་བའི་ལས་རླུང་སྟོང་བརྒྱད་བརྒྱ་དག་ན། དེ་སྙེད་ཀྱི་མི་འགྱུར་བའི་ཡེ་ཤེས་མངོན་དུ་བྱས་པས། ས་དང་པོ་ཐོབ་པ་ནས་ས་ཐམས་ཅད་ཀྱི་དབང་ཕྱུག་རྡོ་རྗེ་འཆང་ཆེན་པོ་ཐོབ་པའི་བར་དུའོ། །དེ་ཡང་གང་ཞིག་མཐའ་དག་རྒྱལ་བའི་སྲས་དང་སངས་རྒྱས་རྣམས་ཀྱི་རྟེན་པ་རྣལ་འབྱོར་བརྟེན་བྱ་སྟེ། །ཡེ་ཤེས་མེ་ལྕེ་རབ་ཏུ་རྒྱས་པ་དེ་ནི་བདུད་ཚོགས་ཡུལ་དང་བཅས་པ་མཐའ་དག་སྲེག་བྱེད་ཅིང༌། །ལུས་ལ་ཆག་པ་ལ་སོགས་ཀྱང་སྟེ་རྣལ་འབྱོར་རྣམས་ལ་ལོ་ཡི་སྦྱོར་བས་བདེ་མཉམ་སྟེར་བར་བྱེད། ཅེས་བཅོམ་ལྡན་འདས་ཀྱི་ངེས་པ་ཡིན་ལ། ཀླུ་སྒྲུབ་ཞབས་ཀྱིས་ཀྱང༌། དམིགས་པ་མེད་པའི་སེམས་སུ་ནི། །གནས་པ་བྱང་ཆུབ་ཉིད་ཡིན་ཏེ། །དེ་ཕྱིར་དམིགས་མེད་སེམས་གོམས་ན། །བླ་མེད་བྱང་ཆུབ་ཐོབ་པར་འགྱུར། །ཞེས་བཞེད་པ་ཡིན་ནོ། །ཚུལ་འདིར་ངེས་པའི་བླ་མ་འཇལ་བར་ཆེས་རིངས་བ་དག་ནི། མུན་པའི་རྣལ་འབྱོར་ལ་འཁྲིད་པར་བྱ་ཡིས། གཞན་དུ་ནི་དེ་ལྟ་བུའི་ཚུལ་ལ་ལྟོས་
― LT24_Page_209A ―
[མ་དཔེ་གཟིགས་ན་འདིར་གནོན།]
པར་མ་མཐོང་སྟེ། སོར་བསམ་འཇུག་པ་གཅིག་པའི་ལམ་ཡིན་པས་སོ། །གཉིས་པ་མཚན་མ་དང་བཅས་པའི་དབང་རྣོན་བར་གྱི་ལྕེ་རྩེ་རྐན་སྦྱར་གྱི་འཁྲིད་པ་ལ། སྔོན་འགྲོ། །དངོས་གཞི། །འཇུག་གསུམ་ལས། དང་པོ་ནི། སེམས་དཔའི་སྐྱིལ་མོ་ཀྲུང་གིས་འདུག་པའི་པུས་མགོ་གཉིས་ལ་ལག་པ་གཉིས་ཆུན་དང་བཅས་པར་བཀག །སྒལ་ཚིག་དྲངས་པོར་བསྲངས། མགྲིན་པ་ཅུང་ཟད་སྒུ་བའི་ངང་ནས། དབུགས་རྒྱུན་གཅིག་ལན་གཅིག་ཏུ་དུམ་བུ་བར་མེད་དུ་བུས་པའི་མཐར་དལ་བུས་ལྷག་མ་མེད་པར་དབྱུང་བ་ལན་གསུམ་བྱའོ། །གཉིས་པ་ལ། ཉི་ཟླའི་རྒྱུ་བ་བཅིངས་པ་བུམ་པ་ཅན་གྱི་རླུང་སྦྱོར། ཐིག་ལེ་ལ་ལྷག་གནས་སུ་བྱ་བ་བདེ་ཆེན་གྱི་རླུང་སྦྱོར། ལྕེ་ཆུང་གི་བདུད་རྩི་གཞིབ་པ་འཆི་མེད་ཀྱི་རླུང་སྦྱོར་གསུམ་ལས། དང་པོ་ལ་ལུས་ཀྱི་གནད། ལྟ་སྟངས། དམིགས་པ་དང་གཅིག་ཏུ་བྱེད་པའི་རླུང་སྦྱོར་རོ། །དང་པོ་ལུས་གནད་ཙོག་པུ་སྟེགས་བུའི་ཁར་ཁེལ་བ་སྒོམ་ཐག་བཅུག །ལག་པ་བསྣོལ་བའི་ཁུ་ཚུར་གྱི་སྒལ་པས་སྒྱིད་ཁུང་མནན། སྒལ་ཚིགས་བསྲངས། མགྲིན་པ་ཡིད་ཙམ་སྒུ། ལྕེ་རྩེ་རྐན་ལ་སྦྱར། མཆུ་ལ་བར་ཡོད་ཙམ་མོ། །གཉིས་པ་ནི། བདུད་རྩི་འཁྱིལ་པའི་ལྟ་སྟངས་སྨིན་འཚམས་ཀྱི་ཐད་དུ་ཟློག་ཏེ་བལྟ་བའོ། །གསུམ་པ་ནི། རྡོ་རྗེ་ཉི་མ་འང་གང་སེམས་ནི། །ནོར་བུའི་ནང་དུ་སོན་པར་བལྟ། །ཡེ་ཤེས་དཀྱིལ་འཁོར་རྣམ་པ་ཡིས། །ཁམས་གསུམ་པོ་ནི་སྣང་བར་བྱ། །རྡོ་རྗེ་ཉི་མ་ནི་ལྟེ་བའི་གཏུམ་མོ་དང༌།
― LT24_Page_209B ―
[མ་དཔེ་གཟིགས་ན་འདིར་གནོན།]
འང་གི་སྒྲས་དེས་མངོན་པར་གཞུ་བ་དང༌། གང་སེམས་ནི་བྱང་ཆུབ་སེམས། །ནོར་བུའི་ནང་དུ་སོན་པར་བལྟ་བ་ནི། ནོར་བུར་སོན་པའི་སྐད་ཅིག་འཛག་མེད་དུ་འཆིངས་པའི་ཆ་བཅུ་དྲུག་པ་ཉིད་ཡེ་ཤེས་རྣམ་པ་མེད་པའི་བདེ་བ་ཆེན་པོའི་རང་བཞིན་ལྷན་ཅིག་སྐྱེས་པའི་དགའ་བའོ། །དཀྱིལ་འཁོར་རྣམ་པ་ཡིས་ནི། དེ་དང་ཟུང་དུ་ཆུག་པ་སྒྲིབ་པ་ཐམས་ཅད་དང་བྲལ་བ། པྲ་ཕབ་པ་ལྟ་བུའི་ཕྱག་རྒྱ་ཆེན་པོ་སངས་རྒྱས་ཀྱི་འོད་ཟེར་གྱི་སྒྲིན་མཐའ་ཡས་པའི་རྣམ་པའི་མཆོག་ཐམས་ཅད་དང་ལྡན་པའི་མཛེས་པ་འཆར་བཞིན་པའི་དཀྱིལ་འཁོར་གྱི་འཁོར་ལོས། ཁམས་གསུམ་པོ་ནི་སྣང་བར་བྱེད་ན། ཁམས་གསུམ་པོ་ཐམས་ཅད་དེ་དང་རོ་མཉམ་གཅིག་ཏུ་བྱས་པ་སྟེ་ཚིག་གི་ངེས་པའོ། །གཞན་ཡང་འདིར་ལྕེའི་སྒྲས་ནི་ལས་ཀྱི་རླུང་དང་བྱང་ཆུབ་ཀྱི་སེམས་ལ་བཟུང་ཞིང༌། རྐན་གྱི་སྒྲས་དབུ་མ་དང་ཡེ་ཤེས་ཀྱི་མེ། སྦྱར་བའི་སྒྲས་དེ་དག་རོ་མཉམ་དུ་བྱེད་པའོ། །དེའི་རྣལ་འབྱོར་གྱི་ཚུལ་ཡང་ལྷག་པའི་ལྷ་གང་ཡང་རུང་བ་སྒྱུ་མའི་སྣང་བརྙན་ཙམ་དུ་མོས་པའི་ལུས་ཀྱི་དབུས་དྲངས་པོའི་ནང་དུ། ཨ་ཝ་དྷཱུ་ཏཱི་ལྗང་གུ་ཡར་སྣ་སྤྱི་བོ་ཚངས་བུག་དུ་ཟུག་པ། མར་སྣ་ལྟེ་འོག་སོར་བཞིའི་ཐད་དུ་བཅད་ཁའི་རྣམ་པ། རོ་རྐྱང་གཉིས་སྣའི་སྒོར་ཟུག་པའི་མར་སྣ་ཅུང་ཟད་དབུ་མ་ལ་ཁ་ཕྱོགས་པའི་བཅད་ཁ་ཅན་དབུ་མའི་ནང་དུ་གཏུམ་མོ་ཡེ་ཤེས་ཀྱི་མེ་འཇིག་རྟེན་གྱི་ཁམས་ཀྱི་མེའི་རེག་བྱ་ཐམས་ཅད་གཅིག་ཏུ་སྤུངས་པ་ལྟ་བུར་ཚབ། སྤུ་ཙེ་རླུང་གིས་བསྐྱོད་པ་ལྟར་གཡོ་བ། ཉི་མའི་དཀྱིལ་ལྟར་དམར་ཞིང་དྭངས་པའི་ཨ་ཤད་
― LT24_Page_210A ―
[མ་དཔེ་གཟིགས་ན་འདིར་གནོན།]
སོར་གཅིག་པར་བསམས་ལ། འོག་རླུང་ལྟེ་བའི་འོག་གི་ཆའི་བར་དུ་དྲག་ཏུ་དྲངས་པ་དབུ་མའི་ཁ་སྒོར་སྤྲིན་ཆགས་པ་ལྟར་གནས་པའི་སྟེང་དུ། སྟེང་རླུང་གཉིས་ཆ་མཉམ་དུ་རྔུབས་པ་ལྟུགས་པས་ཡར་སྟབས་སུ་དྷཱུ་ཏཱིའི་ནང་དུ་ཞུགས་ཏེ། མེ་དང་རོ་མཉམ་པ་ཉིད་དུ་གྱུར་པ་ལ་རྩེ་གཅིག་པའི་བསམ་པས་བལྟ་བ་ལ་གོམས་པར་བྱའོ། །དེ་ལས་ནི་ས་ལ་སོགས་པའི་རླུང་རྣམས་རང་གནས་སུ་ཟིན་པའི་དུ་བ་ལ་སོགས་པའི་སྟོང་གཟུགས་འཆར་ལ། འོད་གསལ་བའི་ངོ་བོ་དེ་དག་དང་མཉམ་པར་སྦྱར་བའི་མྱོང་བ་བརྟན་པས་ཉིན་གཅིག་ཐུན་བརྒྱད་དུ་ཕྱེ་བའི་ཐུན་ཕྱེད་དུ་སྲོག་འགོགས་པ་ཆུང་ངུ༌། དེ་གཉིས་འགྱུར་འབྲིང༌། དེ་ཉིས་འགྱུར་ནས་ཆེན་པོར་བཞག་པའི་བུམ་པ་ཅན་གྱི་གནས་སྐབས་ཐོབ་པར་འགྱུར་ཞིང༌། གཏུམ་མོའི་མེ་སྟོབས་སུ་འགྱུར་པས་སྤྱི་བོ་ན་རང་བཞིན་གྱིས་གནས་པའི་བདུད་རྩིའི་ས་བོན་ཞུ་བ་གཙུག་གཏོར་ནས་བྱང་ཆུབ་ཀྱི་སེམས་མགྲིན་པའི་བར་དུ་འོང་བ་ནི། རྣམ་པ་སྣ་ཚོགས་པའི་སྐད་ཅིག་དང༌། ཕྱི་རོལ་ཏུ་དཀར་པོའི་ཆོས་གཅིག་ནས་ལྔའི་བར་དུ་དག་པ་ཡིན་ལ། དེ་བཞིན་དུ། སྙིང་ཁའི་བར་དུ་འོང་བ་རྣམ་པར་སྨིན་པ་དང༌། ཚེས་དྲུག་ནས་བཅུའི་བར་དང༌། ལྟེ་བར་འོང་བ་རྣམ་པར་ཉིད་པ་དང༌། ཚེས་བཅུ་གཅིག་ནས་བཅོ་ལྔའི་བར་རྣམ་པར་དག་པ་དང༌། ནོར་བུའི་རྩེ་མོའི་མཐར་ཐུག་པར་ཡོངས་སུ་གང་བ་ནི་མཚན་ཉིད་དང་བྲལ་བ་སྟེ། བཅོ་ལྔའི་ཟླ་བའི་ཆ་ཡོངས་སུ་རྫོགས་ནས་ནག་པོའི་ཚེས་མ་ཞུགས་པའི་བར་གྱི་ཆ་བཅུ་དྲུག་པའི་སྐད་ཅིག་
― LT24_Page_210B ―
[མ་དཔེ་གཟིགས་ན་འདིར་གནོན།]
རྣམ་པར་དག་པའོ། །དེ་ལྟར་ལྷན་ཅིག་སྐྱེས་པ་རྗེས་སུ་མྱོང་བ་ན། དེའི་ཚེ་ཁམས་ཐམས་ཅད་དེས་དབང་བྱས་པས་རང་བྱུང་དུ་ཁུ་བ་གྱེན་དུ་རེངས་པས། ལྟེ་བར་ས་ཐིམ་པས་ནས་མགོ་བོའི་པདྨར་རླུང་ཐིམ་པས་བར་གྱི་དབང་ལས། བྱང་ཆུབ་ཀྱི་སེམས་གཤེགས་པར་འགྱུར་བའི་ཕྱིར། ས་ཕྱོགས་ཀྱི་རང་བཞིན་སྤྱན་མ་ལ་སོགས་པའི་ལྷ་མོ་བཞིའི་གླུས་བསྐུལ་བ་འདི་ལས་བདེ་བ་རྣམ་པ་ཐམས་ཅད་པ་དང༌། ཁྲག་འཐུར་དུ་སོང་བས་ནཱ་དའི་རང་སྒྲ་རྣམ་པ་ཐམས་ཅད་པ་དང༌། མདོར་ན་བརྟན་གཡོ་ཐམས་ཅད་གྲུབ་པའི་དུས་ཀྱི་ལྷའི་འཁོར་ལོ་རིས་མེད་པར་མཐར་ཐུག་གི་བར་དུ་འཆར་བ་ཡིན་ནོ། །དགྱེས་རྡོར་ལས། དཔལ་ལྡན་དེ་བཞིན་ཉིད་གཤེགས་ཤིང༌། །དེ་བཞིན་སླར་ཡང་གཤེགས་པ་ཉིད། །ཅེས་པས་གསུངས་ཤིང༌། ནཱ་རོའི་ཞབས་ཀྱི་ལམ་ལས་ཀྱང༌། །ལྟེ་བར་ཆུ་ཤིང་སྙིང་པོ་གནས། །སྙིང་གར་ཡང་ནི་བསྲེང་སྟེ་གནས། །རྟག་ཏུ་སྤོང་བའི་སྒོ་ཡིན་ཏེ། །མཁས་པས་རྟག་ཏུ་བཟློག་པར་བྱ། །སྒོམ་དང་བཟླས་པའི་ཁྱད་པར་གྱིས། །ངག་གིས་ལམ་ལས་ཞུགས་གྱུར་ན། །འགྲུབ་འགྱུར་འདི་ལ་ཐེ་ཚོམ་མེད། །ཅེས་གསུངས་པ་ཡིན་ལ། དེ་ཉིད་སྒོམ་པ་ཡིན་ཞིང༌། བཟླས་པའི་ཚུལ་གྱིས་དེ་ཁོ་ན་ཡིན་ཏེ། ཡི་གེ་དང༌། དེའི་གདངས་ཟུར་ཕྱིན་པར་འདོད་པའི་ཚུལ་ལ་མི་བྱ་བར། ཐམས་ཅད་དུ་འགོགས་པ་མེད་ཅིང་བཅོས་མ་དང་བྲལ་བ་ལས་རླུང་སྔགས་མི་ཕྱེད་པ་ཉིད་བཟླས་པར་བཞག་པ་སྟེ། དོན་རྟོག་པ་ཡི་བཟླས་པ་ནི། རང་བཞིན་མེད་པར་མཛེས་པ་ཡིན། །དུས་གསུམ་སངས་རྒྱས་གྱིས་
― LT24_Page_211A ―
[མ་དཔེ་གཟིགས་ན་འདིར་གནོན།]
བཏགས་པས། །རྡོ་རྗེ་བཟླས་པར་དེ་བཤད་དོ། །ཞེས་གསུངས། དེ་བས་ན་སྟོང་པ་གསུམ་ལ་ཡི་གེ་གསུམ་གྱིས་བརྡས་བསྙད་པ་ཡིན་ནོ། །སྐབས་འདིར་ལྷ་ཞེས་པ་ཞལ་ཕྱག་གི་རྣམ་པ་ཅན་ཁོ་ན་ལ་མི་བཟུང་གིས། ཡེ་ཤེས་ཀྱི་རང་སྣང་ཆུ་ཟླ་ལྟར་འགོགས་པ་མེད་པར་འབྱུང་བ་ཐམས་ཅད་ལ་བྱ་སྟེ། ལྭ་བ་པའི་ཞབས་ཀྱིས་གསུངས་པ། །བསམ་པ་དྭངས་པའི་རྒྱུན་ལ་ནི། །ཡེ་ཤེས་ལེགས་པར་འབྱུང་བ་གང༌། །ཆུ་ཡི་ཟླ་བ་ལྟ་བུ་སྟེ། །མངོན་སུམ་དུ་ནི་ཡོད་མ་ཡིན། །ཞེས་པ་ལྟར་རོ། །རྒྱུད་ཕྱི་མ་ལས་གསུངས་པ། སྲོག་དང་བརྩོལ་བ་བཀག་པས་སངས་རྒྱས་གཟུགས་བརྙན་དྲི་མ་བྲལ་བའི་དཀྱིལ་འཁོར་ཡང་དག་པར། །གསང་བ་ལྟེ་བ་སྙིང་ག་མགྲིན་པ་མགོ་བོ་རྡོ་རྗེ་རྣམས་སུ་རིམ་པ་བཞིན་བཟུང་སྟེ། །ཁུ་བ་གྱེན་དུ་སོང་ཞིང་ཁྲག་ཀྱང་འོག་ཏུ་འགྲོ་ལ་ཚངས་དབྱངས་གཞོམ་དུ་མེད་པ་ལས། །སྐུ་གསུང་ཐུགས་ཀྱི་རྡོ་རྗེ་གསུམ་དང་དྲི་མ་བྲལ་བ་གང་གིས་སྟོན་པ་སངས་རྒྱས་ཉིད། །ཅེས་གསུངས་སོ། །གཉིས་པ་ཐིག་ལེ་ལ་ལྷག་གནས་སུ་བྱ་བ་བདེ་ཆེན་གྱི་རླུང་སྦྱོར་ནི། དེ་ཡང་ཁ་ཟས་ཀྱི་བྱ་བ་དང་མ་འབྲེལ་པའི་སྔོན་ནང་པར་གྱི་དུས་ལ་སོགས་པར་ཀླད་རྒྱ་དང་ཐོད་པའི་མཚམས་སོར་གཉིས་ཙམ་གྱི་བར་སྟོངས་གྱུར་པ་ཁ་ཟས་ཟོས་ནས་དེ་དག་འབྱར་བར་འགྱུར་པས། དེའི་དུས་སུ་ངེས་པར་བྱས་ནས་རྐང་པ་རྡོ་རྗེ་སྐྱིལ་ཀྲུང་དུ་གནས་པ་ཙམ་མ་གཏོགས། ལུས་གནད་དང༌། རླུང་དག་པར་བྱ་བ་ལ་སོགས་པ་སྔོན་བཞིན་དུ་བྱས་ལ། གཙུག་ཏོར་གྱི་འཁོར་ལོའི་ལྟེ་བའི་ཐད་ཀྱི་ཀླད་པ་དང༌། ཐོད་པའི་བར་དུ་ཐིག་ལེ་དཀར་པོ་སྒོ་ངའི་
― LT24_Page_211B ―
[མ་དཔེ་གཟིགས་ན་འདིར་གནོན།]
དབྱིབས་ཅན་རྩེ་སོར་གཉིས་ཙམ་པ་འགྲེང་སྟབས་སུ་གནས་པའི་འོག་ཏུ་བུ་ག་གཏོང་པ་ལ། རྩ་དྷུ་ཏཱིའི་རྩེ་མོ་རྗེས་སུ་ཞུགས་པར་བསམ་ནས། སྟེང་འོག་གི་རླུང་ལྟེ་བར་འདུས་པ་དབུ་མའི་ལམ་ལ་ཞུགས་ནས་ཐིག་ལེ་དེར་ཐིམ་པར་དམིགས་པ་ལ་བསམ་བསྟན་དུ་བྱའོ། །དེར་སེམས་ཐིག་ལེ་རླུང་རྣམས་འོད་གསལ་དུ་རོ་གཅིག་པའི་བསམ་གཏན་གྱིས་རྩེ་གཅིག་པར་བསྟན་པར་བྱས་པ་ལས་སྤྲོས་པ་མེད་པའི་ཏིང་ངེ་འཛིན་བདེ་བའི་རང་བཞིན་དུ་འཆར་ཏེ། །རང་དབང་རིན་ཆེན་དགགས་པ་ཡི། །གཟུང་བ་འཛིན་པ་ཡིན་པར་བཤད། །སེམས་ནི་འགོག་པའི་རྡོ་རྗེར་འགྱུར། །མཚན་མ་ཉེར་འཛིན་འབྱུང་བར་འགྱུར། །ཞེས་པས་སོ། །ཚུལ་འདི་ཉིད་ཀྱི་རིམ་པ་ལ་སེམས་ཟིན་ན་ལུས་ཀྱི་ཆ་ཤས་གང་དུ་ཐག་ལ་བསམ་པས་རླུང་སེམས་ཀྱི་བགྲོད་པ་བརྟན་པར་འགྱུར་བ་ཡིན་ནོ། །གསུམ་པ་ལྕེ་ཆུང་གི་བདུད་རྩི་གཞིབ་པ་འཆི་མེད་ཀྱི་རླུང་སྦྱོར་ནི། ལུས་ཀྱི་བྱེད་ཆིངས་སོགས་སྔར་དང་འདྲ་བ་ལས། ཕྱི་ནས་རླུང་ཤིན་ཏུ་འཇམ་པ་ཁ་སྣ་གཉིས་ནས་དྲངས། འོག་རླུང་ལྟེ་བར་གཟུང་རུང་མེའི་ཁར་སྐྱུར་མ་དང་རོ་མཉམ་པར་བསམ། ལྕེ་རྩེ་དང་གསེར་སྒོ་ཡར་དྲག་ཏུ་འཐེན། ལྕེ་ལྡོག་ལ་ལྕེའུ་ཆུང་ལ་རེག་པ་གཞིབ་ཐབས་ཀྱི་སྦྱར་བས་དེ་ལས་བདུད་རྩི་འབབ་པར་འགྱུར་ཞིང༌། དེ་ཉིད་ཀྱི་ལྟེ་བའི་ཡེ་ཤེས་སེམས་དཔའ་ལ་ཁྲུས་གསོལ་བས་ཆེར་དགྱེས་པའི་རོ་མཉམ་བདེ་སྟོང་ལྷན་ཅིག་སྐྱེས་པ་ལ་མཉམ་པར་བཞག་པར་བྱའོ། །ད་ཡང་སྐྱིལ་ཀྲུང་བཅིང་བ་བྱས་ནས་ཕན་ཚུན་སོ་དག་རེག་པར་མིན་པར་ཁ་ནི་རྣམ་པར་ཕྱེ་བ་ཡིས། །ཕྱི་རོལ་རླུང་དག་བཀུག་
― LT24_Page_212A ―
[མ་དཔེ་གཟིགས་ན་འདིར་གནོན།]
སྟེ་དེ་དང་བདུད་རྩིར་བཅས་པ་ལྟེ་བའི་དབུས་སུ་རབ་ཏུ་བཅུག་པ་ཡིས། །ཀུན་ཏུ་གདུང་བ་དང་ནི་བཀྲེས་དང་སྐོམ་པ་འཕྲོག་ཅིང་མཆོག་གི་ལུས་ལ་དུག་ཀྱང་ཡང་དག་འགོག །ཅེས་གསུངས་སོ། །དེས་འཆི་བདག་གི་དཔུང་ཐམས་ཅད་ལས་རྒྱལ་བའི་དངོས་གྲུབ་ཏུ་འགྱུར་བ་ཡིན་ནོ། །ལྕེ་རྩེའི་བདུད་རྩི་འབེབས་དགའ་ན། པད་རཀ་སྐྱོན་མེད། ཁབ་ལེན། པདྨའི་གེ་སར་དང་གསུམ། སྦྲང་དཀར་སྦྲ་ཚིལ་མེད་པ་ལ་སྦྱར་བའི་རིལ་བུ་རྐན་ལ་སྦྱར། ལྕེ་རྩ་འཇིབས་པས་དེས་སྣ་དྲངས་མྱུར་དུ་ཕེབས་འོང་ངོ༌། །གསུམ་པ་འཇུག་ནི། རྩ་མདུད་བཤིག་པར་བྱེད་པའི་འཁྲུལ་འཁོར་རྣམས་སོ། །གསུམ་པ་ཆགས་ཅན་གྱི་དབང་རྣོན་འོག་གི་ལྕེ་རྩེ་རྐན་སྦྱར་གྱིས་འཁྲིད་པ་ལ། དབང་པོ་རྣོན་པོ་ཕྱག་རྒྱ་ཆེན་མོ་དང་སྦྱོར་བ། ཐོད་རྒལ་བ་ཕྱག་རྒྱ་བཞི་ག་དང་སྦྱོར་བ། དབང་པོ་དམན་པ་ལས་ཀྱི་ཕྱག་རྒྱ་མོ་དང་སྦྱོར་བའོ། །དང་པོ་ནི། ཕྱག་རྒྱ་གཅིག་ལ་མཉམ་སྦྱོར་དང༌། དབང་པོ་རབ་མཐའ་ཡས་པའི་ཕྱག་རྒྱ་ཆེན་མོར་ཡང་དག་འཁྱུད་པའི་བདེ་བ་ཆེན་པོ་སྐྱེད་པར་བྱེད་སྟེ། འདིར་ལྕེས་མི་འགྱུར་བའི་བདེ་བ་དང༌། ཝཾ་ཡིག་དང༌། རྡོ་རྗེ་ལ་སོགས་པ་ཐབས་ཀྱི་བྱ་བ་བརྗོད་ཅིང༌། རྐན་གྱིས་སྟོང་པ་ཉིད་དང༌། ཨེ་ཡིག་དང༌། པདྨ་ལ་སོགས་པ་ཤེས་རབ་ཀྱི་ཆ། སྦྱོར་བས་ནི་ཟུང་དུ་འཇུག་པ་ཉིད་སྟོན་པ་ཡིན་ནོ། །དེའི་ཚུལ་ཡང༌། ཕྱག་རྒྱ་ཆེན་པོ་ནི་དམིགས་བཅས་སྟོང་པ་ཉིད། འདོད་པ་དང༌། གཟུགས་དང༌། གཟུགས་མེད་པའི་ཁམས་ཐམས་ཅད་རོ་
― LT24_Page_212B ―
[མ་དཔེ་གཟིགས་ན་འདིར་གནོན།]
མཉམ་པའི་ཚུལ་གྱིས་ཁྱབ་པ་ཡིན་ལ། དེ་ལ་མཉམ་པར་སྦྱོར་བ་པོ་དེ་ལས་དམིགས་པ་མེད་པའི་སྙིང་རྗེ་བདེ་བ་ཆེན་པོ་ཉིད་དེ། དེས་གཉིས་སུ་མེད་པར་འཁྱུད་པའི་ཚུལ་ནི་མང་དུ་སྤྲོས་པའི་ཕྱིར་འདིར་རྒྱས་པར་མ་བརྗོད་དོ། །གཉིས་པ་ནི། ཡང་ན་ཕྱག་རྒྱ་བཞི་སྦྱོར་བ། དམ་ཚིག་དང༌། ལས་དང༌། ཆོས་དང༌། ཡེ་ཤེས་ཀྱི་ཕྱག་རྒྱ་བཞི་དང་རིམ་པ་བཞིན་སྦྱོར་བ་ནི་ཐོད་རྒལ་པའི་ཕྱོགས་ཏེ། དེའི་ཚུལ་ཡང༌། དུ་བ་ལ་སོགས་པའི་རྟགས་བཅུ་ནི་དམ་ཚིག་གི་ཕྱག་རྒྱ་སྟེ། དེ་དང་མཉམ་པར་སྦྱོར་བ་ནི་སྟོང་པ་ཉིད་གསལ་བ་དེ་ཉིད་ལ་རྩེ་གཅིག་ཏུ་མཉམ་པར་བཞག་པའི་ཆོ་གས་ལྷན་སྐྱེས་ཀྱི་གཏུམ་མོ་འབར་བའི་སྟོབས་ཀྱིས་བྱང་ཆུབ་ཀྱི་སེམས་ཞུ་བ་རྡོ་རྗེ་ནོར་བུའི་རྩེ་མོར་ཕྱིན་པར་འགྱུར་ལ། དེའི་ཚེ་སྐྱེས་པའི་བདེ་བ་དེ་ཉིད་ལ་བརྟག་པར་བྱ་བའོ། །ལས་ཀྱི་ཕྱག་རྒྱ་ནི་ལག་པ་ཉིད་ཀྱིས་གང་གིས་ཞུ་བའི་བདེ་བ་དེ་ལ་བརྗོད་དེ། དེ་ཡང༌། རྐང་པ་རྡོར་སྐྱིལ། གཡས་པའི་ལག་པ་ཁུ་ཚུར་སྤྱི་ཟུར་དུ་བཙུགས་པ་སོགས་ཡིད་ལ་འབབ་པའི་ལུས་གནད་བཅས་ཏེ། བྷྲ་མ་ཧ་སྟའི་རྒན་པོ་དང༌། སྲིན་ཞགས་མིག་ཏུ་བྱས་པས། སྭ་བཛྲ་ཨུལླ་ཡ་བྱ་བཞིན་པ་ཉིད་ཀྱིས་འཕེལ་པའི་གཏུམ་མོ་ལ་ལྷག་པའི་བསམ་བསྟན་གྱི་ཡན་ལག་རྗེས་སུ་དྲན་པར་བྱའོ། །དེའི་ཚེ་རླུང་གཉིས་རང་སར་གློད་ཅིང༌། བྱང་ཆུབ་ཀྱི་སེམས་ནོར་བུའི་སྣ་རྩེར་བཟུང་བ་ལས། མཐར་ཀུན་རྫོབས་བྱང་ཆུབ་ཀྱི་སེམས་དེ་ཉིད། དོན་དམ་པའི་བྱང་ཆུབ་སེམས་ཀྱི་རང་བཞིན་དུ་འགྱུར་ལ། །དེའི་ལྷན་སྐྱེས་དེ་ལ་བྱང་ཆུབ་ཀྱིས་སེམས་
― LT24_Page_213A ―
[མ་དཔེ་གཟིགས་ན་འདིར་གནོན།]
རྫོགས་པའི་ཆ་ནས་བཅོམ་ལྡན་འདས་དང༌། ལོངས་སྤྱོད་རྫོགས་པའི་སྐུར་བརྗོད་ལ། རྣམ་པར་མི་རྟོག་པའི་ཆ་ནས་བཅོམ་ལྡན་འདས་མ་དང༌། ཆོས་ཀྱི་སྐུ་ཞེས་བྱ་བ་ཡིན་ཏེ། ཀྱཻ་རྡོ་རྗེ་ལས། ཁུ་བའི་རྣམ་པ་བཅོམ་ལྡན་འདས། །དེའི་བདེ་བ་འདོད་མར་བརྗོད། །ཅེས་གསུངས་སོ། །གསུམ་པ་ཆོས་ཀྱི་ཕྱག་རྒྱ་ནི། །ཡིད་ཀྱི་རང་བཞིན་ཙམ་ཡིན་ལ། །དེ་ཡང༌། ལྷག་མ་ལྷ་གང་ཡང་རུང་བ་ཡབ་ཡུམ་དུ་མོས་པ་ཙམ་གྱིས་འཁྱུད་པ་དང༌། ཙུམྦ་ན་ལ་སོགས་པ་སྔོན་དུ་འགྲོ་བས། བསྲུབ་པ་དང་བསྲུབ་པའི་སྦྱོར་བས། དེའི་གནས་སྐབས་སོ་སོ་ལ། དགའ་བ་ལ་སོགས་པར་བཞི་མཚོན་པར་བྱ་སྟེ། ཐིག་ལེ་ནམ་ཡང་འཛག་པར་མི་འགྱུར་ཞིང་བདེ་བའི་བདག་ཉིད་དུ་བསྒོམ་པར་བྱའོ། །གཉིས་པོ་འདི་ལ་སླར་གྱེན་དུ་དྲངས་པ་ལ་སོགས་པའི་སྦྱོར་བ་དགོས་མོད་ཀྱི། འོག་ནས་འབྱུང་བ་ཇི་ལྟ་བས་འདིར་མ་བཤད་དོ། །ཡེ་ཤེས་ཀྱི་ཕྱག་རྒྱ་ནི། མྱང་བྱ་ཇི་སྙེད་པ་ལ། ཕྱག་རྒྱའི་མིང་ཅན་ཤེས་རབ་དང༌། མྱོང་བྱེད་ཀྱི་རིག་པ་ཐབས་ཏེ། གཉིས་པོ་རང་བཞིན་མེད་པར་རོ་གཅིག་པ་ཉིད་ཉམས་སུ་མྱོང་བ་ནི། སྙོམས་པར་འཇུག་པའི་ཚུལ་ཏེ། ཇི་ལྟར་ཆུ་ལ་ཆུ་བཞག་ནམ། །ཇི་ལྟར་མར་ལ་མར་བཞིན་དུ། །རང་གིས་རིག་པའི་ཡེ་ཤེས་འདི། །ལེགས་མཐོང་གང་དེ་འདིར་ཕྱག་ཡིན། །ཞེས་བཤད་པ་ལས་སོ། །གནས་དེ་ལ་གོམས་པ་ལས་རྡོ་རྗེ་འཆང་གི་གོ་འཕང་ཤིན་ཏུ་རྙེད་པར་སླ་བ་ཡིན་ནོ། །གསུམ་པ་དབང་པོ་དམན་པ་ལས་ཀྱི་
― LT24_Page_213B ―
[མ་དཔེ་གཟིགས་ན་འདིར་གནོན།]
ཕྱག་རྒྱ་མོ་དང་སྦྱོར་བ་ལ། བདུད་རྩིའི་ས་བོན་ལ་བརྟེན་ནས་བྱིན་དབབ་པ་དང༌། དམར་ཆ་ལ་བརྟེན་ནས་ཉམས་སད་པ་གཉིས་ལས། དང་པོ་ལ། ཡན་ལག་གི་ཆོས་དང༌། དངོས་གཞི་གཉིས། དང་པོ་ནི། མཚན་ཉིད་དང་ལྡན་པའི་རིག་མ་བཙལ་ནས་རྒྱུད་ཡོངས་སུ་སྦྱོང་བའི་ཆོ་གས་སྨིན་པར་བྱས། རང་དང་གཉིད་འདོད་པའི་ལྷ་ཡབ་ཡུམ་དུ་བྱིན་གྱིས་བརླབ་པ་རྒྱུད་མཉམ་པའི་བར་རོ། །གཉིས་པ་ལ། ཡེ་ཤེས་སེམས་དཔའ་དགུག་པ། གཞུག་པ། བཅིང་པ། མཉེས་པ། རོ་མཉམ་དུ་བྱ་བའི་ཚུལ་ལྔ་ལས། དང་པོ་ཡེ་ཤེས་སེམས་དཔའ་དམ་ཚིག་གི་སེམས་དཔའ་ལ་དགུག་པ་ན། བཙུན་མོའི་གྲོང་དུ་འཇུག་གྱུར་ཀྱང༌། །སྒྱུ་མའི་སྐུ་ནི་རྗེས་དྲན་བྱ། །བཙུན་མོ་ནི་མི་མོ་ལ་སོགས་པའོ། །དེའི་གྲོང་དུ་འཇུག་པ་ནི་དེ་དང་སྦྱོར་བ་སྟེ། །སྒྱུ་མའི་སྐུ་ནི་རྗེས་དྲན་བྱ། །ཤེས་རབ་ཀྱི་ཆགས་པས་འབར་བའི་གཏུམ་མོའི་སྣང་བ་ལ་གཟུགས་བརྙན་གྱི་མཐར་ཐུག་པའི་གྲུབ་པའི་ལྷ་མཐོང་བ་ལ། བདེ་བའི་ངོ་བོ་མྱང་བ་བརྟན་པར་བྱས་པས། ནོར་བུ་དང་རང་གི་གནས་སུ་ལྷན་ཅིག་སྐྱེས་པ་ཤར་བའི་རང་བྱུང་གི་སྣང་བ་ལྟར་དག་པ་སྟེ། ཁམས་གསུམ་པོ་ཐམས་ཅད་ཁྱབ་པའི་ཆོས་ཀྱི་སྐུའི་རང་བཞིན་གྱི་སྣང་བརྙན་སོ་སོ་རང་རིག་པའི་ཚུལ་གྱིས་གཉིས་སུ་མེད་པར་མྱང་བ་ལས་རྗེས་སུ་དྲན་པར་བྱའོ། །ཞེས་གསུངས་པ་ཡིན་ལ། དེའི་ཚུལ་ཡང་རེག་པའི་སྐབས་སུ་ཀཀྐོ་ལའི་སྨིན་མཚམས་སུ་དུ་བ། བཅུག་པའི་དུས་སྙིང་གར་སྨིག་རྒྱུ། བསྐྱོད་པའི་ཚེ་ལྟེ་བར་མེ་ཁྱེར། གཡོ་བའི་ཚེ་གསང་གནས་སུ་
― LT24_Page_214A ―
[མ་དཔེ་གཟིགས་ན་འདིར་གནོན།]
མར་མེ་ལ་སེམས་གཏད་དེ། མགྲིན། སྙིང༌། ལྟེ། གསང༌། ནོར་བུའི་བར་དུ་ཀུནྡ་རང་གི་གནས་ལ་གཤེགས་པའི་གནས་སྐབས་ཀྱི་དགའ་བ་དང༌། མཆོག་ཏུ་དགའ་བ་དང༌། ཁྱད་པར་གྱི་དགའ་བ་དང༌། ལྷན་ཅིག་སྐྱེས་པའི་དགའ་བའི་སྐད་ཅིག་བཞི་ཡང་དག་པར་མཚོན་པར་བྱའོ། །འཁོར་ལོ་སྔོན་མ་རྣམས་ལས་མ་བཅིངས་ན། །ནོར་བུའི་རྒྱལ་མཚན་ལས་ཀྱང་འཆིངས་བར་མི་འགྱུར་བས། ལས་དང་པོ་པས་དེའི་གནས་སྐབས་སོ་སོར་བརྟན་པའི་ཐབས་ལ་འབད་པར་བྱའོ། །གཉིས་པ་ནི། འཕོ་བའི་རྣམ་འགྱུར་དུ་ཉེ་བ་ན། ལྕེ་རྩེ་རྐན་ལ་སྦྱར། གསེར་སྒོ་གནན་ཅིང༌། ཁ་སྣ་གཉིས་ནས་རླུང་དྲོད་དང་བཅས་པ་ཧབ་ཀྱིས་དྲངས་ལ། གསང་གནས་སུ་ཧཱུྃ་གིས་གནན། མི་ཐུབ་ལ་ཁད་པ་དང་འོག་གཉིས་ཀ་ཤེད་བསྐྱེད་གནོན་པ་དང༌། ཨི་རིང་ཐུང་སྤེལ་བ་དང༌། གཡས་བཅུད་གཡོན་བཅུད་པས་དྲག་ཏུ་གནན་ཅིང༌། ལྕེ་རྩེ་ཉམས་གློད་པའོ། །དེའི་ཚེ་ལུས་གནད་ནི། ཤེས་རབ་ཀྱི་ལག་པས་ཐབས་ཀྱི་ལྟག་པར་སོར་མོ་བསྣོལ་བས་འཁྱུད། །ཐབས་ཀྱི་ལག་པས་དེའི་སྒྲོག་རུས་འོག་གི་གསང་ལ་ཁུ་ཚུར་སྦྱོར་བས་འཁྱུད་པའོ། །དེས་ཀྱང་མ་ཟིན་ན། དེའི་པདྨའི་ཟེའུ་འབྲུ་ལ་རྡོ་རྗེའི་བུ་ག་རེངས་པ་དང་བཅས་པའི་སྟོབས་ཀྱིས་སྦྱོར་བས་ངག་ཏུ་གཏོད་དེ། ཡང་དག་པར་བཙིར་བས་དེ་ཉིད་སྔོན་གོམས་པའི་ཤུགས་ཀྱིས་སྲོག་ཐུར་འདྲེས་པ་ཐོབས་ནས་མི་འཕོ་བར་འགྱུར་རོ། །གཞན་ཡང་རང་གི་སེམས་ཁམས་གསུམ་པོ་ཐམས་ཅད་དུ་ཁྱབ་
― LT24_Page_214B ―
[མ་དཔེ་གཟིགས་ན་འདིར་གནོན།]
པའི་ནམ་མཁའ་ལ་དབྱེར་མེད་དུ་བསྲེས་ལ་མི་གཡོ་བའི་རྣལ་འབྱོར་དུ་བྱས་པས་ཀྱང་བརྟན་པར་འགྱུར་ལ་དམིགས་པའི་ཁྱད་པར་མིག་གཉིས་ཀྱི་དབུས་མཛོད་སྤུའི་ཐད་དུ་ཡེ་ཤེས་ཀྱི་སྤྱན་མངོན་པར་བལྟས་ནས། དེ་ལ་ལྟ་སྟངས་རླུང་ཡིད་རྣམས་རྩེ་གཅིག་པའི་སྦྱོར་བས་འཛིན་པར་ནུས་པ་ཉིད་དོ། །གསུམ་པ་ནི། མདུན་རླུང་འོག་ཏུ་གནོན་ཅིང་རྒྱབ་རླུང་གྱེན་དུ་དྲང་བ་དགའ་བའི་རླུང་སྦྱོར། དེ་ལ་གོམས་ནས་རྒྱབ་རླུང་འོག་ཏུ་གནན་ཅིང་མདུན་རླུང་གྱེན་དུ་འདྲེན་པ་ལྷན་ཅིག་སྐྱེས་པའི་རླུང་སྦྱོར་ཏེ། དེ་དང་བསྟུན་ནས་ཁམས་དྷཱུ་ཏཱིའི་ལམ་ནས་རང་གནས་སུ་འཁོར་ལོ་བཞིའི་ས་ལ་རིམ་པ་བཞིན་བགྲོད་པའི་དམིགས་པས་འདྲེན་ལ་འབད་པར་བྱའོ། །བཞི་པ་ནི། རྩ་ཕྲན་སྟོང་ཕྲག་བདུན་ཅུ་རྩ་གཉིས་ཀྱི་སྣེ་མོ་དབུ་མ་ལ་ཟུག་པ་ལས་ཁམས་དཀར་དམར་གྱི་ཐིག་ལེས་བ་སྤུའི་རྩེ་མོ་ཐམས་ཅད་ཀྱི་མཐར་ཐུག་པར་ཁྱབ་བའི་དམིགས་པ་དང༌། བུམ་པ་ཅན་ཆེན་པོའི་རླུང་དང་སྦྱར་བའི་འགྲེམས་རྣམས་ལ་འབད་པར་བྱའོ། །ལྔ་པ་ནི། ནམ་མཁའི་རླུང་དང་ཡེ་ཤེས་ཀྱི་རླུང་གཉིས་དེ་ཡང་ནམ་མཁའི་རླུང་རགས་པ་དང་ཡེ་ཤེས་ཀྱི་རླུང་ཕྲ་བའོ། །དེ་ལ་ནམ་མཁའི་རླུང་ནི། བུམ་པ་ཅན་གྱི་ལུས་གནད་ལྟར་བཅས་ལ། རླུང་ཧཾ་གིས་ནང་དུ་དྲངས། བདེ་བས་ལུས་ཐམས་ཅད་ཁེངས་པར་བསམ། རླུང་ཕྱིར་འགྲོ་དུས་ཧིཾ་གིས་བཏང༌། དེ་བས་མཁའ་ཁྱབ་ཏུ་བསམ། རླུང་ཕྱིར་གནས་ནང་གནས་ཡུན་རིང་ཐུང་སོགས་གང་ལའང་ཁྱད་མེད་པ་ལ་སེམས་གཏོད། ཡེ་ཤེས་ཀྱི་རླུང་ནི། ལུས་གནད་
― LT24_Page_215A ―
[མ་དཔེ་གཟིགས་ན་འདིར་གནོན།]
སྔར་ལྟར་ཡིན་པ་ལ། དེ་ཡང་ཕྲ་བ་ཤེས་རབ་ཡི་གེའི་གདངས་ལ་བསླབ་པ་དང༌། ཐབས་གཟོ་མེད་དམ་མ་བཅོས་པ་ལ་བསླབ་པ་ཞེས་བྱ་སྟེ། དང་པོ་རླུང་ཤིན་ཏུ་འཇམ་པ་ཧཱུྃ་གི་གདངས་སུ་ཁ་སྣ་གཉིས་ནས་དྲངས། ལྟེ་རླུང་སྲ་འཐས་པ་གཟུང་རུང་མའི་ངང་ལ་ལྟེ་བར་སྒྱུར། འདིར་ལྕེ་རྩེ་དང་གསེར་སྒོ་ཡར་དྲག་ཏུ་འཐེན་པ་བསྟུན། ཇི་ཙམ་དྲན་པ་བཟུང༌། མར་གཏོང་དུས་ཧོ་ལ་སེམས་གཏོད། རླུང་ཀྲུགས་སེ་བ་ལ་བརྒྱུད་ལ། ཁ་སྣ་གཉིས་ནས་དལ་བུས་གཏོང༌། ནམ་མཁའ་ཁྱབ་པ་ལ་དམིགས་པ་ཡུན་ཇེ་རིང་དུ་འཇོག །འཕོ་ན་ནང་དུ་བསྡུ་བ་དང༌། མ་བདེ་ན་ཕྱིར་གཏོང་བ་གོང་བཞིན་བྱའོ། །གཉིས་པ་རྒྱུན་དུའང་རླུང་ཅུང་ཟད་བཟུང་བའི་ངང་ནས་ལྕེ་རྩེ་དྲག་ཏུ་འཇིབ་པ་དང༌། གསེར་སྒོ་འཐེན་པ། ལྟེ་བའི་ཡེ་ཤེས་སེམས་དཔའ་ལ་དམིགས་རྩེ་གཏད་པའི་ངང་ནས་སྤྱོད་ལམ་རྣམ་བཞི་ཐམས་ཅད་དུ་མ་བརྗེད་པར་ཉམས་སུ་བླང་ངོ། །གཉིས་པ་དམར་ཆ་ལ་བརྟེན་ནས་ཉམས་སད་པ་ལ། སྦྱངས་པ་ཅན་རླུང་གི་དབང་དུ་བྱ་བ་དང༌། ལས་དང་པོ་པ་འདུག་སྟངས་ཀྱིས་དབང་དུ་བྱ་བ་གཉིས་ལས། དང་པོ་ནི། བཅུ་གཅིག་ནས་ཉེར་ལྔ་མའི་བར་ཡོངས་སུ་དག་པའི་དམར་ཆ་དྭངས་མ་འབབ་པའི་དུས་ངེས་པར་བྱས་ནས། གོང་དུ་བཤད་པ་བཞི་ཡང་དག་པར་སྦྱར་བའི་ཆོ་གས་བྱང་ཆུབ་ཀྱི་སེམས་མཆོག་གི་ཟེ་བར་ལྷུང་བའི་དཀར་དམར་གྱི་ཐིག་ལེ་རྡོ་རྗེ་ནོར་བུའི་སྣ་རྩེར་རླུང་སྦྱོར་སྔ་མས་ཚུར་དྲངས་ནས་བཟློག་པ་ནས་ཁྱབ་པའི་བར་དུ་བྱའོ། །
― LT24_Page_215B ―
[མ་དཔེ་གཟིགས་ན་འདིར་གནོན།]
གཉིས་པ་ནི། ཇི་ལྟར་གཞན་ནས་བཤད་པའི་རྩ་འཚོལ་བའི་འདུག་སྟངས་ཀྱིས་རྙེད་པའི་ཨ་ཝ་དྷཱུ་ཏཱིའི་སྣེ་མོ་ནོར་བུའི་བུག་པ་ལས་ནང་དུ་དྲངས་པའི་ཁ་སྦྱོར་གྱི་བདེ་བ་ལ་རྩལ་སྦྱོང་བའི་ཚུལ་ཡང་སྔ་མ་བཞིན་ནོ། །ཚུལ་དེས་བཅུད་ཤ་དང༌། པགས་པ་དང༌། རུས་པ་དང༌། རྩ་ལ་འདུས་པའི་ཡོན་ཏན་རྙེད་ཅིང༌། རྒས་པ་དང༌། ནད་དང༌། འཆི་བ་ཟད་ནས་ཚེའི་རིག་འཛིན་ཐོབ་སྟེ། རྣམ་པ་ཐམས་ཅད་མཁྱེན་པའི་གོ་འཕང་དུ་མྱུར་བར་འགྲོ་བ་ཡིན་ནོ། །མེ་ནི་དངུལ་ཆུའི་སྒྲ་ཉིད་ཡིན་ཏེ་མེ་དང་རྣམ་པར་བྲལ་ན་ནམ་ཡང་དངུལ་ཆུ་འཆིང་བ་མེད། །མ་བཅིངས་ན་ནི་གསེར་བྱེད་མེད་དེ་གསེར་དང་བྲལ་ན་སྨྲ་སོ་རྣམས་ལ་ལོངས་སྤྱོད་མེད་པ་ཉིད། །དེ་ནི་བུད་མེད་སྦྱོར་བ་བྲལ་ན་རྟག་ཏུ་རྣལ་འབྱོར་པ་རྣམས་དག་གི་སེམས་ནི་འཆིང་མི་འགྱུར། །བཅིངས་པ་མེད་ན་ལུས་འབིགས་མོད་དེ་མ་ཕུག་ལུས་ཀྱིས་འདིར་ནི་ལྷན་སྐྱེས་བདེ་བ་སྟེར་བ་མིན། །ཞེས་སོ། །དེ་ལྟར་ཟབ་ལམ་གྱི་རྣལ་འབྱོར་འདི་ཉིད་དཔལ་དུས་ཀྱི་འཁོར་ལོའི་རྒྱུད་ལས་གསུངས་པ། སྟོང་པ་ལས་ནི་དུ་བ་སོགས་ལམ་བླ་མའི་ངེས་པའི་དབང་གིས་གཟུགས་བརྙན་མཚམས་སུ་བསྒོམ་པར་བྱ། །དེ་ནས་རྩའི་འཁོར་ལོ་རྣམས་སུ་སྲོག་དང་ཐུར་སེལ་རླུང་ནི་བརྟན་པ་དག་ཀྱང་བྱེད་པ་སྟེ། །ཕྱི་ནས་ཟླ་བ་ངེས་པར་འགོག་པ་གཟའ་བཞིན་བྱེད་དེ་བྱང་ཆུབ་སེམས་ནི་རྣལ་འབྱོར་པ་ཡིས་སོ། །དེ་ནས་གང་ཞིག་ཅུང་ཟད་འདོད་པ་དག་ནི་ཉིན་ཞག་འགའ་ཡིས་སྐྱེ་བ་འདི་ལ་ཐོབ་པར་འགྱུར། །ཞེས་གསུངས་སོ། །བདེན་ལྔ་ནང་གི་མཚན་མོའི་གཤེད་བྲལ་བའི། །སྙིང་གི་འདབ་བརྒྱའི་འཕྲེང་ལ་ཟུང་འཇུག་གིས། །གེ་སར་རྒྱས་པའི་ཁུར་སྟེར་མན་ངག་གི། །ཉིན་ཕྱེད་གང་དེ་བདག་བློའི་ཤར་རི་ནའོ། །རྣ་ཐོས་མེ་ཏོག་ཕྲེང་ལ་ཆེར་རློམ་སྙེག །
― LT24_Page_216A ―
[མ་དཔེ་གཟིགས་ན་འདིར་གནོན།]
ཅོལ་གཏམ་འགྲོན་བུའི་ཤལ་བར་བློ་ཆུང་ཧམ། །མཁས་རྣམས་འདོད་འཇོའི་ལེགས་བཤད་རིན་ཆེན་གྱི། །འཕྲེང་བ་གང་དེ་བདག་གི་མགྲིན་པར་འཁོར། །གྱ་གྱུའི་ཚིག་འཕྲེང་སྨིག་རྒྱུ་ལ་སྲེག་པས། །ཅོལ་ཆུང་རི་སྐྱེས་དགའ་བ་སྐྱེ་མིན་ཡང༌། །འཁོར་བས་ཡིད་དུབ་ཐར་པའི་ངལ་བསོ་དཔྱིད། །དོན་འདི་གཉེར་ལ་ལམ་འདི་བདུད་རྩིར་འཁྲུངས། །དཔལ་ཤ་བ་རིའི་མན་ངག །པཎྜི་ཏ་ཆེན་པོ་ནགས་ཀྱི་རིན་ཆེན་གྱིས་རྣམ་པར་ཕྱེ་བ་གྲུབ་པའི་སློབ་དཔོན་དམ་པ་རྣམས་ལས་ཇི་ལྟར་ཐོས་པ་བཞིན་དུ་གཞན་ལ་མི་བསྐྱུང་པའི་བསམ་པས། པུཎྜ་རཱི་ཀའི་ངག་གི་བརྗོད་པ་ཇི་ལྟ་བའི་རྗེས་སུ། ཡི་གེའི་འཇུག་པ་པོ་ནི་བཱིརྻ་བྷ་དྲ་སྟེ། རྒྱལ་བུ་རྒྱལ་བྱེད་ཀྱི་ནགས་ཚལ། གོ་བི་ཙནྡྲར་གྲུབ་པ་འདིས་ཡང་དག་པའི་ལམ་ལ་ཐམས་ཅད་ཀྱི་མིག་བྱེ་བར་གྱུར་ཅིག །བརྒྱུད་པ་ནི། རྡོ་རྗེ་འཆང༌། ཤ་བ་རི། ནགས་ཀྱི་རིན་ཆེན། རྒྱལ་དབང་རྗེ། རྗེ་རིན་པོ་ཆེ། ཆོས་ཀྱི་གྲགས་པ། ཨ་ཝ་དྷཱུ་ཏཱི་པ། དེས་བདག་ལའོ། །མངྒ་ལཾ། །།
གདམས་ངག་མཛོད་པོད་བཅོ་ལྔ་པ།
ལྕེ་རྩེ་རྐན་སྦྱར་གྱི་འཁྲུལ་འཁོར་འགྲེལ་པ།
― LT24_Page_217A ―
[མ་དཔེ་གཟིགས་ན་འདིར་གནོན།]
ལྕེ་རྩེ་རྐན་སྦྱར་གྱི་འཁྲུལ་འཁོར་འགྲེལ་པ་བཞུགས་སོ། །
― LT24_Page_217B ―
[མ་དཔེ་གཟིགས་ན་འདིར་གནོན།]
ལྕེ་རྩེ་རྐན་སྦྱར་རྣལ་འབྱོར་གྱིས། །རྩ་མདུད་བཤིག་པའི་འཁྲུལ་འཁོར་ལ། །ལྟེ་བར་མེ་དང་སྙིང་གར་མིག །གསང་བར་ལག་སྟེ་མགྲིན་པར་ཆུ། །ལག་པར་རྩེ་མོ་ཅན་ཡིན་ལ། །རྐང་བར་བཟུང་སྟེ་བུམ་ཅན་རླུང༌། །སྦྱར་ཞིང་གནད་དུ་འཐེམས་པ་གཅེས། །ལྟེ་བའི་དང་པོ་སེམས་སྐྱིལ་སོར་མོ་བསྣོལ་བས་པུས་མགོ་གཡོན་ལ་འཇུས་ཏེ། །ལྟེ་བ་གཡས་གཡོན་དུ་བསྐོར་བ་གསུམ་གསུམ་མོ། །གཉིས་པ་ནི། །ལུས་གནད་པུས་མོ་གཡས་སུ་ཟློག་པའོ། །གསུམ་པ་ནི། །ལག་པ་པུས་མོ་སོ་སོར་འཇུས་ཏེ་བསྐོར་བའོ། །སྙིང་གའི་དང་པོ། །ལག་གཉིས་སོར་མོ་བསྣོལ་བ་ཤེད་བཅས་པུས་མོ་གཡས་ལ་འཇུས་ཏེ། །སྙིང་གའི་གནས་གཡས་གཡོན་དུ་བསྐོར་བ་གསུམ་གསུམ་མོ། །གཉིས་པ་ནི་གཡོན་ངོས་སུའོ། །གསང་བའི་དང་པོ་ནི། །ལག་པ་པུས་མོ་སོ་སོར་འཇུས་ཏེ། །གཡོན་པའི་པུས་མོ་གཡས་ཀྱི་ནུ་མ་ནས་དྲངས་ཏེ། །རང་གནས་སུ་རྡེབ་པ་གསུམ། །གཉིས་པ་ནི་དེ་བཞིན་གཡས་སུའོ། །མགྲིན་པའི་དང་པོ། །ཁུ་ཚུར་སྙིང་གར་བསྣོལ་བས་མགྲིན་པ་གཡས་བསྐོར་གསུམ། །གཉིས་པ་གཡོན་དུ། །
― LT24_Page_218A ―
[མ་དཔེ་གཟིགས་ན་འདིར་གནོན།]
གསུམ་པ་གཡས་རྡེབ་གསུམ་གཡོན་དུ་གསུམ། །བཞི་པ། །མགོ་པོ་སྤྲུག་ཏེ་སི་ལི་ལི་བྱའོ། །ལག་པའི་དང་པོ། །ལག་གཉིས་པུས་བཀབ། །སོག་པ་གཉིས་ཕྱི་སྐོར་གསུམ་དང་ནང་སྐོར་རོ། །གཉིས་པ་ནི། །ལག་གཡོན་གྱི་ཁུ་ཚུར་སྟན་ལ་བཙུགས། །གཡས་མགོ་བོར་བསྐོར་ཏེ་སྤྲུག་པ་གསུམ། །དེ་བཞིན་གཡོན་དུའོ། །གསུམ་པ་ནི། །གཉིས་ཀའི་འཁྲིག་མ་བསྣོལ་བས་སྔ་མ་བཞིན་དུ་སོ་སོར་སྤྲུག་པ་གསུམ། །མཐར་ནུ་གསང་ལ་བརྡེག་ཅིང་ཧ་འདོན་ན། །རྐང་པའི་དང་པོ། །ལག་པ་གཡས་པས་རྐང་པ་གཡས་པའི་ལོ་མ་དང༌། །ལག་གཡོན་པས་པུས་མོ་བཟུང་ལ་གཡས་གཡོན་དུ་སྐོར་བ་གསུམ། །དེ་བཞིན་དུ་གཡོན་དུའོ། །གཉིས་པ་ལག་པ་གཉིས་ཁུ་ཚུར་བཅངས་པ་རྒྱབ་ཏུ་སྟན་ལ་བཙུགས། །རྐང་པ་གཡོན་པའི་རྟིང་པ་ས་ལ་བཙུགས་པར་ལྗིད་བཀལ། །རྐང་གཡས་མདུན་ཏུ་དྲག་པོར་སྤྲུག །དེ་བཞིན་གཡོན་ལའོ། །མཐར་ལུས་ཐམས་ཅད་འཕུར་བསུབ་ཀྱིས་དྲག་ཏུ་མཉེ་བར་བྱའོ། །རྡོ་རྗེ་མཉམ་སྦྱོར་མཁའ་ལྡིང་དང༌། །ཁུ་ཚུར་གཙུག་ཏོར་ཕྱག་རྒྱ་ལས། །དང་པོ་ཞི་བ་མཐའ་
― LT24_Page_218B ―
[མ་དཔེ་གཟིགས་ན་འདིར་གནོན།]
མ་གསུམ། །དྲག་པོའི་འདྲེན་དུ་བཤད་པ་ཡིན། །སེང་གེ་རྣམ་རོལ་གླིང་བཞི་བཀན། །གྱི་ལིང་འཕྲུལ་དང་མི་ཆེན་ལུགས། །བཞི་པོ་འགྲེམས་ཡིན་འཕར་ཞིང་རྡེབ། །རྩིགས་མ་འབྱིན་པའི་འཁྲུལ་འཁོར་རོ། །དང་པོ་ནི། ཤེས་རབ་མ་ཤིན་ཏུ་བརྐྱང་པའི་ལག་པ་གཉིས་ཀྱིས་ལྟག་པ་དང༌། །རང་གི་ལག་གཉིས་རྡོ་རྗེ་ཁུ་ཚུར་མཉམ་པར་སྦྱར་བས་དེའི་དཔུང་པ་གཉིས་ཀྱི་འོག་ཏུ་འཁྱུད་ནས། རླུང་ཨོཾ་གྱི་སྒྲ་དྲག་ལ་ཆེ་བས་སམ། །ལུས་གཡས་གཅུད་གཡོན་གཅུད་རེ་རེས་ལྟེ་བ། །སྙིང་ག །མགྲིན་པ། །སྤྱི་བོ་རྣམས་སུ་ལུགས་ལྡོག་གི་རིམ་པས་ཡར་འདྲེན། །དེ་ནི་ཞི་བའོ། །དང་པོ་གསུམ་གྱི་དང་པོ་རྡོ་རྗེ་མཁའ་ལྡིང་གི་ཕྱག་རྒྱ་ནི། །ཐབས་ཤེས་ཕྲལ་ལ་སྟན་གྱི་ཁར་རྐང་བའི་བྲང་བ་གཙུགས་རྟིང་པ་བཏེག་པའི་ཁར་ལག་པ་གཉིས་རྡོ་རྗེ་མཁའ་ལྡིང་གི་ཕྱག་རྒྱ་ལྟེ་བ་ནས་རིམ་པས་དྲངས་ཏེ་སྐྲ་མཚམས་སུ་བཅས། །ལུས་གཡས་གཡོན་དུ་གཅུད་པས་འདྲེན་པའོ། །གཉིས་པ་རྡོ་རྗེ་ཁུ་ཚུར་གྱི་ཕྱག་རྒྱ་ནི། །རྐང་པའི་རྟིང་པ་གཉིས་སྐྲད་ནས་རོ་རྐྱང་གཡས་གཡོན་དུ་བསྟེན་པ་དྲང་པོར་བྱས་པའི་སྤྲད་མཚམས་སྲིན་ཞལ་ལ་སྦྱར། །པུས་མོ་གཉིས་སོ་སོར་བརྐྱངས་པའི་པུས་མགོ་སྟ་ཟུར་དྲང་པོར་འོང་བར་བྱས། །སྒལ་ཚིགས་བསྲངས། །ལག་པ་གཉིས་རྡོ་རྗེ་ཁུ་ཚུར་བར་མཛེས་སུ་བཙུགས་ཏེ་པུས་མོ་བསྲང་པས་ལུས་གཅུན། །ལྕེ་རྩེ་རྐན་སྦྱར། །མིག་སྟེང་དུ་དྲག་ཏུ་བཟློག་པ་དང་བཅས་པས་འོག་རླུང་དྲག་ཏུ་འཐེན་ནས་རླུང་དང་ལྷན་ཅིག་བྱང་ཆུབ་ཀྱི་སེམས་དྷཱུ་ཏཱིའི་ལམ་ལས་རང་གནས་སུ་གཤེགས་པར་དམིགས་པ་དང་བཅས་པས་ཁ་སྣས་རླུང་ཤྭ་སྒྲ་དང་བཅས་པར་བཏང་བའོ། །གསུམ་པ་རྡོ་རྗེ་གཙུག་ཏོར་གྱི་ཕྱག་རྒྱ་ནི། །དམིགས་པ་དང་ལུས་གནད་ཕལ་ཆེ་བ་སྔར་བཞིན་ལས། །ལག་གཉིས་རྡོ་རྗེ་ཁུ་ཚུར་བཅས་པའི་མཐེའུ་ཆུང་ལུ་གུ་རྒྱུད་དུ་སྦྲེལ། །མཛུབ་མོ་གཉིས་བསྒྲེངས་ཏེ་རྩེ་སྦྱར་བ་རྡོ་རྗེ་གཙུག་ཏོར་
― LT24_Page_219A ―
[མ་དཔེ་གཟིགས་ན་འདིར་གནོན།]
གྱི་ཕྱག་རྒྱ་བཅས་ནས། །འོག་རླུང་དྲག་པོ་འཐེན་བཞིན་པས་ངག་ཏུ་ཧཱུྃ་རིང་པོ་སྒྲ་དང་བཅས་པ་ཁོང་ནས་འདྲོངས་པར་འདོན་ཞིང༌། །ཕྱག་རྒྱ་དེ་ཆུན་དང་བཅས་པར་གྱེན་དུ་བཏེག་ནས་གཙུག་ཏོར་ནས་བཟློག་པའོ། །སེང་གེ་རྣམ་རོལ་ནི་སྤྱི་དང་མཐུན་ཞིང༌། །གླིང་བཞི་བཀན་པ་ནི། །ཅུང་ཟད་གན་རྐྱལ་དུ་བྱས་པའི་རྐང་པ་བརྐྱང་པའི་ལོ་མ་ལག་པས་བཟུང༌། །ལག་པས་ཡར་འཐེན་ཞིང་ཕྱི་རྟིང་གིས་ཕར་འཕུལ་བའི་ཚེ་ཡིད་ཙམ་གྱིས་གཡས་གཡོན་གཅུད་པར་ཡང་བྱའོ། །གྱི་ལིང་གི་སྤྲུག་ནི། །ལུས་གནད་སེམས་དཔའི་ལག་པ་པུས་བཀབ་རླུང་མི་ཐུབ་ཚད་དུ་བསྡམས་ནས་ལུས་གཡས་སུ་ཅུང་ཟད་ཕྱོགས་པའི་ཆུན་བཏོན་ཏེ་ས་ལ་ལ་སྤྲུག །དེ་བཞིན་གཡོན་དུ་འོང་ངོ༌། །མི་ཆེན་ལུགས་སྤྱི་དང་འདྲ་འོ། །འཕར་ཞིང་རྡེབ་པ་ནི་ལུས་གནད་སྐྱིལ་ཀྲུང་པུས་བཀབ་ལས་གཡས་གཡོན་དུ་ཆུན་བཙལ། །འཕར་བ་དང་བསྟུན། །ཞག་ཤ་རྡེབ་ཅིང༌། །མར་འཕོངས་རྡེབ་པ་དང་པུས་མོ་ཆ་མཉམ་དུ་བྱའོ།། །།མངྒ་ལཾ། །
གདམས་ངག་མཛོད་པོད་བཅོ་ལྔ་པ།
བཅོམ་ལྡན་འདས་དཔལ་དུས་ཀྱི་འཁོར་ལོ་ལྷན་ཅིག་སྐྱེས་པའི་སྒྲུབ་ཐབས་རྗེས་གནང་དང་བཅས་པའི་ཡི་གེ་སྙིང་པོ་གྲུབ་པ།
― LT24_Page_220A ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་དཔལ་དུས་ཀྱི་འཁོར་ལོ་ལྷན་ཅིག་སྐྱེས་པའི་སྒྲུབ་ཐབས་རྗེས་གནང་དང་བཅས་པའི་ཡི་གེ་སྙིང་པོ་གྲུབ་པ་ཞེས་བྱ་བ་བཞུགས་སོ།། །།
― LT24_Page_220B ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་དབང་ཕྱུག་རིགས་མཆོག་དྲུག །གཅིག་བསྡུས་ཁྱབ་བདག་རྡོ་རྗེ་སེམས། །བླ་མ་དུས་ཀྱི་འཁོར་ལོའི་ཞབས། །དད་བརྒྱའི་གཙུག་གི་ནོར་བུས་མཆོག །ཁྲོ་ཕུ་ལོ་ཙཱ་བ་ཆེན་པོ་ལས་རིམ་པར་བརྒྱུད་པའི་དུས་འཁོར་ལྷན་སྐྱེས་ཀྱི་རྗེས་གནང་སྒྲུབ་པ་ལ་གསུམ། །སྦྱོར་དངོས་རྗེས་ཀྱི་རིམ་པའོ། །དང་པོ་ནི། སྟེགས་བུ་ཁེབས་ལྡན་གྱི་དབུས་སུ་མཎྜལ་པདྨ་འདབ་བརྒྱད་པའི་ལྟེ་བར་ཚོམ་བུ་སྔོན་པོ་གཅིག་བཀོད། །མ་འཛོམ་ན་མེ་ཏོག་གམ་འབྲུའི་ཚོམ་བུ་གཅིག་བཀོད་པས་ཀྱང་རུང༌། ཆུ་གཉིས་ཉེར་སྤྱོད་ལྔ་ཟླུམ་གཏོར་རྣམས་མདུན་དུ་བཤམ། སློབ་དཔོན་གྱི་མདུན་དུ་རྡོར་དྲིལ་དང་འཐོར་ནས། ལས་རྡོར་ནས་མཎྜལ་དང༌། བསང་ཆུ་རྣམས་སྟ་གོན་བྱའོ། །གཉིས་པ་ལ་གཉིས། སྒྲུབ་ཐབས་དང༌། རྗེས་གནང་ངོ༌། །དང་པོ་ལ་སྐྱབས་སེམས་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། སོགས་ལན་གསུམ་བྱ། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱརྨ་ཀོ྅་ཧཾ། ཞེས་དང་སྟོང་པར་སྦྱང༌། སྟོང་པའི་ངང་ལས་རང་སྐད་ཅིག་གིས་དུས་འཁོར་ལྷན་སྐྱེས་སུ་གྱུར་པ་ནི། རླུང་མེ་ཆུ་དང་ས་ཡི་དཀྱིལ་འཁོར་ལྷུན་པོ་པདྨ་དང༌། ཟླ་ཉི་དུས་མེའི་སྟེང་དུ་དབང་ཕྱུག་དང་ནི་
― LT24_Page_221A ―
[མ་དཔེ་གཟིགས་ན་འདིར་གནོན།]
བདུད་ཀྱི་མགོར། ཞབས་ནི་སྲིད་པའི་ཡུམ་གྱི་ཞབས་དང་ལྷན་ཅིག་བཀོད་གྱུར་པ། ལྷ་ཡི་དབང་པོས་བཏུད་པའི་གཙོ་ལ་སྤྱི་བོས་ཕྱག་འཚལ་ལོ། །སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། ཞབས་གཡོན་པ་དཀར་པོ་བསྐུམས་པས་དབང་ཕྱུག་དཀར་པོ་དང༌། གཡས་པ་དམར་པོ་བརྐྱང་པས་འདོད་ལྷ་དམར་པོའི་སྙིང་ག་མནན་པ། རལ་པའི་ཐོར་ཚུགས་དང༌། ཡིད་བཞིན་གྱི་ནོར་བུ་དང་ཟླ་བ་ཕྱེད་པས་དབུ་ལ་བརྒྱན་པ། རྡོ་རྗེའི་རྒྱན་དང་སྟག་གི་པགས་པའི་ཤམ་ཐབས་ཅན། མཐེ་བོང་སེར་པོ། མཛུབ་མོ་དཀར་པོ། གུང་མོ་དམར་པོ། སྲིན་ལག་ནག་པོ། མཐེ་ཆུང་ལྗང་ཁུ། ཕྱག་སོར་རྣམས་ཀྱི་ཚིགས་ཀྱི་ཕྲེང་བ་དང་པོ་ནག་པོ། གཉིས་པ་དམར་པོ། གསུམ་པ་དཀར་པོའོ། །རྡོ་རྗེ་སེམས་དཔས་དབུ་བརྒྱན་ཅིང༌། མེ་རི་ཁ་དོག་སྣ་ལྔ་པའི་དབུས་ན་བཞུགས་པའོ། །དེ་ལ་འཁྱུད་པའི་སྣ་ཚོགས་ཡུམ་སྐུ་མདོག་སེར་མོ་ཞལ་གཅིག་ཕྱག་གཉིས་སྤྱན་གསུམ་མ། གྲི་གུག་དང་ཐོད་པ་
― LT24_Page_221B ―
[མ་དཔེ་གཟིགས་ན་འདིར་གནོན།]
འཛིན་པས་ཡབ་ལ་འཁྱུད་པ། ཞབས་གཡས་བསྐུམ་གཡོན་བརྐྱང་པས་ཡབ་དང་སྦྱོར་བ། གཅེར་བུ་ཕྱག་རྒྱ་ལྔས་བརྒྱན་ཅིང༌། དབུ་སྐྲ་ཕྱེད་གྲོལ་བའོ། །གཉིས་ཀའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་ཧོཿསེར་པོ། གཙུག་ཏོར་དུ་ཧཾ་ལྗང་ཁུ། གསང་བ་སྔོན་པོ་རྣམས་སུ་གྱུར། ཨོཾ་ཨཱཿཧཱུྃ་ཧོ་ཧཾ་ཀྵཿ ཞེས་པའོ། །སྙིང་གར་རྣམ་བཅུ་དབང་ལྡན་བརྩེགས་པར་བསམས་ནས། ཨོཾ་ྷྐྵྨླྺྼྻྃ་སྭཱ་ཧཱ། ཞེས་ཅི་ནུས་བཟླ་བདག་བསྐྱེད་སྒོམ་བཟླས་ཁོ་ན་བྱའི་སྐབས་སུ་མཐར་མི་དམིགས་པར་བཞག་ལ་དགེ་བ་བསྔོ། འདིར་བཟླས་པ་གྲུབ་པ་དང་མཆོད་པ་བྱིན་རླབས་སྟེ། ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སྭཱ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅་ཧོ། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ཞུ་བ་ལས་བྱུང་བའི་མཆོད་ཡོན། ཞབས་སིལ། མེ་ཏོག །བདུག་སྤོས། མར་མེ། དྲི། ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ། འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་གྱི་ཕུང་པོ་ལྟ་བུ་དཔག་ཏུ་མེད་པར་གྱུར། ཨོཾ་ཨརྒྷཾ་ཨཱཿཧཱུྃ། པཱདྱཾ་ཨཱཿཧཱུྃ། ཨོཾ་བཛྲ་པུཥྤེ་ཨཱཿཧཱུྃ། ནས་ཤབྡ་ཨཱཿཧཱུྃ། ཨོཾ་བཛྲ་སཱ་ཕ་ར་ཎ་ཁཾ། ཨོཾ་སྭ་བྷཱ་བ་ཤུདྡྷ་སོགས། སྟོང་པའི་ངང་ལས་དྲིའི་མཎྜལ་གྱི་དབུས་སུ་སྐད་ཅིག་གིས་དུས་འཁོར་ལྷན་སྐྱེས་སུ་གསལ་བ་ནི། རླུང་མེ་ཆུ་དང་སོགས་བདག་བསྐྱེད་ལྟར་ལ། ཧཾ་ཀྵ། ཞེས་གསལ་གདབ། མཆོད་བསྟོད་མེད་ཀྱང་ཆོག་མོད། སྤྱི་མཐུན་བྱེད་ན། ཨོཾ་ཤྲཱི་ཀྲཱ་ལ་ཙཀྲ་བཛྲ་ཨརྒྷཾ་སྭཱ་ཧཱ། པཱ་དྱཾ། སྦྱར་བ་དང༌། ཨོཾ་བཛྲ་པུཥྤེ་ཨཱཿཧཱུྃ། ནས། ཤབྡའི་བར་གྱིས་མཆོད། སྟོང་ཉིད་སྙིང་རྗེ་སོགས་ཀྱིས་བསྟོད། བཟླས་དམིགས་གསལ་གདབ་ལ་སྙིང་པོ་ཅི་རིགས་བཟླ། གཏོར་མ་འབུལ་བ་ནི། ཨོཾ་ཨཱཿཧཱུྃ་ཧྲཿཕཊ་ཀྱིས་བསངས། སྭཱ་བྷཱ་བས་སྦྱངས། ཨོཾ་ཨཱཿཧཱུྃ་ཧོ། ཞེས་བྱིན་གྱིས་བརླབས། སངས་རྒྱས་ཡབ་ཡུམ་སྲས་དང་བཅས་པ་གཡོག་འཁོར་དང༌།
― LT24_Page_222A ―
[མ་དཔེ་གཟིགས་ན་འདིར་གནོན།]
གྲོགས་བཅས་གཉེན་རྣམས་དག་གིས་བསྐོར་བའི་ཚོགས་པ་ནི། ལྷ་དང་ལྷ་མོ་དག་གིས་མཉེས་པར་བྱེད་རྣམས་དང༌། མཆོག་གི་རྡོ་རྗེ་སེམས་དཔའ་དག་ནི་གཤེགས་སུ་གསོལ། ཞེས་མདུན་ཏུ་སྤྱན་དྲངས། སྙིང་པོའི་མཐར་ཨ་ཀཱ་རོ་བཏགས་པ་ལན་གསུམ་གྱིས་གཏོར་མ་ཕུལ། ཨཱརྒྷཾ་ནས། ཤབྡ་བར་གྱིས་མཆོད་ལ། སྟོང་ཉིད་སྙིང་རྗེའི་བདག་ཉིད་ཅན། །སྲིད་གསུམ་སྐྱེ་འཇིགས་མེད་པའི་དངོས། །ཤེས་དང་ཤེས་བྱ་གཅིག་པའི་སྐུ། །དཔལ་ལྡན་དུས་འཁོར་ལ་ཕྱག་འཚལ། །མཆོད་སྦྱིན་གཏོར་མ་འདི་བཞེས་ལ། །སོགས་དང༌། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་དངོས་གྲུབ་མ་ལུས་པ་སྩལ་དུ་གསོལ། ཞེས་གསོལ་བ་བཏབ། གཉིས་པ་རྗེས་གནང་ནི། སློབ་མ་རྣམས་ལ་ཕྱི་རོལ་དུ་ཁྲུས་ཀྱི་ཕྱིར་ཆབ་བཏང༌། གྲལ་ལ་འཁོད་དེ་མེ་ཏོག་བཀྱེ་བསྡུ་བྱ། སེམས་བསྐྱེད་གསལ་བཏབ་ལ། དེ་ལ་འདིར། རྒྱལ་བའི་བསྟན་པ་མ་ལུས་པའི་སྙིང་པོ། །བླ་ན་མེད་པའི་རྒྱུད་སྡེ་ཐམས་ཅད་ཀྱི་རྒྱལ་པོ། །སངས་རྒྱས་རྣམས་ཀྱི་བགྲོད་པ་གཅིག་པའི་གཤེགས་ཤུལ། བཅོམ་ལྡན་འདས་དཔལ་དུས་ཀྱི་འཁོར་ལོའི་སྨིན་བྱེད་ལ་ཆོས་དབྱིངས་གསུང་གི་དབང་ཕྱུག་སྐུ་གསུང་ཐུགས་ཡོངས་རྫོགས་ཀྱི་དཀྱིལ་འཁོར་དང་འབྲེལ་བའི་དབང་ཆེན། ལྷ་ཉེར་ལྔ་པ་སོགས་དུས་འཁོར་ཉིད་དང༌། སྡོམ་པ་ཆེན་པོ་སོགས་ལྷ་གཞན་དང་འབྲེལ་བའི་རྣམས་གྲངས་མང་དུ་འབྱུང་བ་ལས། འདིར་ལྷ་སྒོམས་སྔགས་བཟླས་ཀྱི་སྣོད་རུང་དུ་བྱེད་པ་བསྐྱེད་རིམ་ཐམས་ཅད་ཀྱི་རྩ་བ་དུས་འཁོར་ལྷན་སྐྱེས་ཀྱི་རྗེས་སུ་གནང་བ་འདི་ནི། ཁྱབ་བདག་རྡོ་རྗེ་འཆང་གྲུབ་ཐོབ་རཱ་ཧུ་ལ་ཤྲཱི་ནས་རིམ་པར་བརྒྱུད་དེ། པན་ཆེན་བུདྡྷ་ཤྲཱི་ལས་ཁྲོ་ཕུ་ལོ་ཙཱ་བ་བྱམས་པ་དཔལ་གྱིས་གསན་ནས་གངས་ཅན་གྱི་ལྗོངས་སུ་སྤེལ་བར་མཛད་པ་སྟེ། དེ་ལ་བདག་ཉིད་ཀྱིས་བགྱི་བར་འོས་པ་རྣམས་སོང་ཟིན། ཁྱེད་
― LT24_Page_222B ―
[མ་དཔེ་གཟིགས་ན་འདིར་གནོན།]
རང་རྣམས་ཀྱི་ངོ་སྐལ་དུ་གྱུར་པ་རྗེས་གནང་ཞུ་བའི་ཡོན་དུ་མཎྜལ་ཕུལ་མཛོད། ཅེས་བརྡ་སྦྱར། སློབ་དཔོན་རྣམས་ཀྱི་མཎྜལ་འབུལ། ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་གསུངས་ཤིག །རྡོ་རྗེ་འཛིན་པ་དགོངས་སུ་གསོལ། །བདག་ནི་འགྲོ་ལ་ཕན་དོན་དུ། །གཙོ་ཆེན་ཁྱེད་ལ་གསོལ་འདེབས་གྱི། །མ་ལུས་རྗེས་གནང་སྩལ་དུ་གསོལ། །ལན་གསུམ། རྒྱུད་དག་པར་བྱ་བའི་ཕྱིར་མདུན་བསྐྱེད་ཀྱི་ལྷ་དང་སངས་རྒྱས་བྱང་སེམས་རྣམས་ཀྱི་དྲུང་དུ་སྐྱབས་གསུམ་སྔོན་དུ་འགྲོ་བས་བྱང་ཆུབ་ཀྱི་སེམས་བཟུང་སྙམ་པས་འདིའི་རྗེས་ཟློས། དཀོན་མཆོག་གསུམ་ལ་བདག་སྐྱབས་མཆི། སོགས་གསུམ་དང༌། ཁྱད་པར་དུ་བཅོམ་ལྡན་འདས་དཔལ་དུས་ཀྱི་འཁོར་ལོའི་རྗེས་གནང་རྩལ་དུ་གསོལ་སྙམ་པའི་ངང་ནས་འདིའི་རྗེས་ཟློས་ཀྱང་གསུངས་ཤིག །སློབ་དཔོན་དགོངས་སུ་གསོལ། བདག་ལ་བཅོམ་ལྡན་འདས་དཔལ་དུས་ཀྱི་འཁོར་ལོའི་རྗེས་གནང་མ་ལུས་པ་སྩལ་དུ་གསོལ། ཞེས་ལན་གསུམ་གྱིས་གསོལ་བ་བཏབ་ནས། ད་རྗེས་གནང་གི་གཞི་དགོད་པའི་སླད་དུ་དམིགས་པ་འདི་བཞིན་མཛད་པ་ཞུ། ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱརྨ་ཀོ྅་ཧོ། ཕྱི་ནང་གི་དངོས་པོ་ཐམས་ཅད་མི་དམིགས་པ་སྟོང་པ་ཉིད་དུ་གྱུར་པའི་ངང་ལས་ཁྱེད་རང་རྣམས་གང་དུ་གནས་པའི་གོ་སར་རླུང་མེ་ཆུ་སའི་དཀྱིལ་འཁོར་རི་རབ་ལྷུན་པོ་རྣམས་རིམ་པར་བརྩེགས་པའི་སྟེང་དུ་པདྨ་དང་ཟླ་བ་དང་ཉི་མ་དང་སྒྲ་གཅན་བདུད་དང་དབང་ཕྱུག་གི་གདན་ལ་ཁྱེད་རང་རྣམས་དཔལ་དུས་ཀྱི་འཁོར་ལོ་སྐུ་མདོག་སྔོན་པོ་ཞལ་གཅིག་ཕྱག་གཉིས་སོགས་སྒྲུབ་ཐབས་ལྟར་ལ། གསང་བར་ཀྵཿསྔོན་པོ་རྣམས་སུ་གསལ་བར་གྱུར། །ད་རྗེས་གནང་དངོས་གཞི་གསུམ་ལས། དང་པོ་སྐུའི་རྗེས་གནང་ནི། དེ་ནས་སློབ་དཔོན་ཡང་རང་གིས་བསྒོམ་པ་དང་འདྲ་བའི་བཅོམ་ལྡན་འདས་དུས་ཀྱི་འཁོར་ལོ་དངོས་ཡིན་སྙམ་པའི་མོས་གུས་བྱས་པས། སློབ་དཔོན་གྱི་ཐུགས་ཀ་ནས་འོད་ཟེར་
― LT24_Page_223A ―
[མ་དཔེ་གཟིགས་ན་འདིར་གནོན།]
འཕྲོས། མདུན་བསྐྱེད་ཀྱི་ལྷའི་ཐུགས་རྒྱུད་བསྐུལ། དེའི་ཐུགས་ཀ་ནས་འོད་ཟེར་འཕྲོས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཀྱི་ཐུགས་རྒྱུད་བསྐུལ་བས། སློབ་དཔོན་དང་མདུན་གྱི་ལྷ་དང་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ཀ་ནས་བཅོམ་ལྡན་འདས་དུས་ཀྱི་འཁོར་ལོའི་སྐུ་ཆེ་ཆུང་མ་ངེས་པ་དཔག་ཏུ་མེད་པ་བྱོན། ཁྱེད་རང་རྣམས་ཀྱི་སྤྱི་གཙུག་ལ་སོགས་པ་དང་བ་སྤུའི་བུ་ག་རྣམས་ནས་ཆར་བབས་པ་བཞིན་སིབ་སིབ་ཐིམ་པར་མོས་པ་མཛོད། ཛཿཧཱུྃ་བཾ་ཧོ། གཉིས་སུ་མེད་པར་ཐིམ། དྲིལ་བུ་དང་རོལ་མོ་འཁྲོལ། སྤོས་དུད་བྱའོ། །གཉིས་པ་གསུང་གི་རྗེས་གནང་ནི། སློབ་དཔོན་གྱི་ཐུགས་ཀར་པདྨ་ཟླ་ཉི་སྒྲ་གཅན་རྣམས་བརྩེགས་པའི་གདན་ལ་བརྟན་གཡོ་ཐམས་ཅད་འདུས་པའི་ཡི་གེ་ྷྐྵྨླྺྼྻྃ་ཞེས་ཁ་དོག་སྣ་ཚོགས་པ་གསལ་བ། དེ་ལས་སྔགས་ཀྱི་ཡི་གེ་གཉིས་པ་བྱུང༌། སློབ་དཔོན་གྱི་ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀར་པདྨ་ཟླ་ཉི་སྒྲ་གཅན་རྣམས་བརྩེགས་པའི་སྟེང་དུ་་ྷྐྵྨླྺྼྻྃ་ཞེས་པའི་ཡི་གེ་གནས་པ་ལ་ཐིམ། དེའི་དུས་སུ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མཁྱེན་བརྩེ་ནུས་མཐུ་ཐམས་ཅད་འོད་ཟེར་གྱི་རྣམ་པར་སྔགས་ཕྲེང་དང་ལྷན་ཅིག་ཞལ་དུ་ཞུགས་སྙིང་གའི་ཡི་གེ་ལ་ཐིམ་པའི་མོས་པ་མཛོད་ལ། སྔགས་འདིའི་རྗེས་ཟློས་ལན་གསུམ་གསུངས་ཤིག །སྒྲུབ་ཐབས་ལྟར་སྙིང་པོ་ལན་གསུམ་བརྗོད། དང་པོས་བྱིན་གྱིས་བརླབས། །གཉིས་པས་དབྱེར་མེད་དུ་འདྲེས། །གསུམ་པས་བརྟན་པར་བྱས་པའི་མོས་པ་མཛོད། །སློབ་དཔོན་ལ་མེ་ཏོག་འཐོར་བཞིན་དུ་འདིའི་རྗེས་ཟློས་མཛོད་ཅིག །བཅོམ་ལྡན་བདག་གིས་བཟུང་ལགས་ཀྱི། །བདག་ལ་འགོ་བར་མཛད་དུ་གསོལ། །ཞེས་ལན་གསུམ། དེ་ལྟར་ཕུལ་བའི་མེ་ཏོག་
― LT24_Page_223B ―
[མ་དཔེ་གཟིགས་ན་འདིར་གནོན།]
དེ་ཉིད་སླར་ཡང་བྱིན་གྱིས་བརླབས་ཏེ། ཁྱེད་རང་གི་སྤྱི་བོར་ཕུལ་བའི་མོས་པ་མཛོད་ཅིག །སློབ་དཔོན་གྱིས་མེ་ཏོག་གཏོར་ཞིང༌། བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །རིག་པ་འཛིན་པ་འདི་རྣམས་ལ། །བཅོམ་ལྡན་འདས་དཔལ་དུས་ཀྱི་འཁོར་ལོའི་སྐུ་གསུང་ཐུགས་ཀྱི་བྱིན་རླབས་མ་ལུས་པ་འཇུག་པར་གྱུར་ཅིག །གསུམ་པ་ཐུགས་ཀྱི་རྗེས་གནང་ནི། མདུན་བསྐྱེད་ཀྱི་ལྷ་ལ་མོས་གུས་དུང་དུང་བ་དང༌། བདག་གི་རྒྱུད་བྱིན་གྱིས་རླབ་ཏུ་གསོལ་སྙམ་པ་མཛད་པས། མདུན་གྱི་ལྷའི་ཐུགས་ཀ་ནས་ཕྱག་མཚན་རྡོ་རྗེ་དང་དྲིལ་བུའི་ཚོགས་དཔག་ཏུ་མེད་པ་རྒྱངས་ཏེ་བྱོན། ཁྱེད་རང་རྣམས་ཀྱི་སྙིང་གའི་ས་བོན་དང་དབྱེར་མེད་དུ་འདྲེས། རྒྱུད་བྱིན་གྱིས་བརླབས་པའི་མོས་པ་མཛོད། དེས་དཔལ་དུས་ཀྱི་འཁོར་ལོ་ལྷན་སྐྱེས་ཀྱི་རྗེས་གནང་གྲུབ་པ་ལགས་པས་རྩ་བ་དང་ཡན་ལག་གི་དམ་ཚིག་ལེགས་པར་བསྲུང་སྙམ་པའི་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས་གསུམ་གྱིས་དམ་ཚིག་བཟུང༌། གཏང་རག་གི་མཎྜལ་དང༌། དེ་ནས་བརྩམས་ཏེ་ཚར་གསུམ་བྱས་ལ་དགེ་བ་བསྔོ། གསུམ་པ་རྗེས་མཆོད་ཁ་གསོས་ལ་མདུན་བསྐྱེད་སྐབས་ལྟར་མཆོད་བསྟོད་བྱ། ཡིག་བརྒྱ་བརྗོད། །མ་འབྱོར་པ་དང་སོགས་ཀྱིས་བཟོད་པར་གསོལ། མདུན་བསྐྱེད་རང་ལ་བསྡུ། སྟོན་མཆོག་དམ་པ་སོགས་ཀྱིས་ཤིས་བརྗོད་བྱའོ། །རྒྱུན་གྱི་རྣལ་འབྱོར་ཁྱེར་བདེ་ཞིང༌། །རྫོགས་རིམ་རྟེན་དུའང་བསྔགས་མཐོང་ནས། །ཁོལ་བྱུངས་བཀོད་ལས་གཤེགས་སྙིང་གི། སྒྲིབ་བྲལ་ལྷ་སྐུ་མངོན་བྱེད་ཤོག །ཅེས་གདམས་ངག་རིན་པོ་ཆེའི་མཛོད་ཀྱི་ནང་ཚན་ཟབ་ལམ་རྡོ་རྗེའི་རྣལ་འབྱོར་གྱི་ཆ་ལག་ཏུ་ཉེ་བར་མཁོ་བ་ལ་མཚམས་སྦྱར་ཏེ་བློ་གྲོས་མཐའ་ཡས་ཀྱི་རྫོང་ཤོད་ཤངས་ཀྱི་ཟབ་ལུང་གཉིས་པར་སྒྲུབ་ཐབས་རིན་འབྱུང་ལས་ཁོལ་བྱུང་བཀླགས་ཆོག་ཏུ་བགྱིས་པ་དགེ་ལེགས་འཕེལ། །མངྒ་ལམ། དགེའོ། །
གདམས་ངག་མཛོད་པོད་བཅོ་ལྔ་པ།
ཆོས་རྒྱལ་རིགས་ལྡན་གཙོ་བོར་གྱུར་པ་རྡོ་རྗེའི་རྣལ་འབྱོར་བརྒྱུད་པའི་བླ་མ་མཆོད་པའི་ཆོ་ག་རྡོ་རྗེ་ཉི་མའི་སྣང་བ་ཆེན་པོ།
― LT24_Page_224A ―
[མ་དཔེ་གཟིགས་ན་འདིར་གནོན།]
ཆོས་རྒྱལ་རིགས་ལྡན་གཙོ་བོར་གྱུར་པ་རྡོ་རྗེའི་རྣལ་འབྱོར་བརྒྱུད་པའི་བླ་མ་མཆོད་པའི་ཆོ་ག་རྡོ་རྗེ་ཉི་མའི་སྣང་བ་ཆེན་པོ་ཞེས་བྱ་བ་བཞུགས་སོ།། །།
― LT24_Page_224B ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་ཤྲཱི་ཀཱ་ལ་ཙཀྲཱ་ཡ། ཉི་རྡུལ་ནོར་བུར་བརྟན་ཅིང་གཙུག་ཏོར་དུ། །བྱང་སེམས་ཟླ་བ་གང་བས་སྲིད་ཞི་ལ། །མི་གནས་དང་པོའི་མགོན་གྱུར་བར་མ་ཆད། །བྱོན་པའི་བླ་མ་སངས་རྒྱས་རྣམས་ལ་འདུད། །གང་ལ་མཆོད་ན་དོན་ཆེ་བ། །དེ་ཉིད་མཆོད་དང་གསོལ་འདེབས་ཐབས། །རྡོ་རྗེའི་ཚིག་རྣམས་བཏུས་ནས་དགོད། །དད་སྐལ་ལྡན་རྣམས་ཡི་རང་བྱོས། །དེ་དང་དབེན་པའི་གནས་གཙང་ཞིང་ཡིད་དུ་འོང་བར་རྒྱན་གྱིས་བརྒྱན་ལ། ཐུབ་དབང་དུས་འཁོར་ཆོས་རྒྱལ་རིགས་ལྡན་བརྒྱུད་པའི་བླ་མ་རྣམས་ཀྱི་སྐུ་བརྙན་བྲིས་འབུལ་གྱིས་མཚོན། བསོད་ནམས་གསོག་པའི་རྟེན་གང་འབྱོར་བཀྲམ། གུང་དུ་སྟེགས་བུ་ཁེབས་བཟང་པོས་བཀབ་པའི་སྟེང་དུ་རིན་པོ་ཆེའི་མཎྜལ་དྲིའི་ཆུ་དང་ཆང་གིས་བརླན་པ་ལ་དབུས་སུ་ཚོམ་བུ་ཆེ་གཅིག་དང་གཡས་གཡོན་ཆུང་གཉིས། དེ་རྒྱབ་ཚོམ་བུ་ཉེར་དགུ། དེ་རྒྱབ་གྲངས་མ་ངེས་པ་བཀོད་ལ་ཁྲིའུའི་ཁར་བཞག །མདུན་ཏུ་འབུལ་གཏོར་ཟླུམ་པོ་ཁ་ཟས་བཟང་དགུས་བསྐོར་བ་དང་ནང་མཆོད་ཐོད་པའི་བདུད་རྩི་བཞག །མཆོད་པ་བཅུ་གཉིས་ཆ་གྲངས་འཛོམ་ན་ཕྱོགས་བཞི་ཀ་དང་ཆ་གཅིག་ལས་མེད་ན་ཤར་དུ་དྲི་ཆབ་དང་མེ་ཏོག །ལྷོར་སྤོས་དང་མར་མེ། བྱང་དུ་ཞལ་ཟས་དང་ཤིང་ཐོག །ནུབ་ཏུ་སྒེག་མོ་མ་དང་བཞད་མ་མཚོན་པའི་ན་བཟའ་དང་མེ་ལོང༌། སྟེང་གི་སྒྲ་མའི་ཏིང་ཤག་སོགས་
― LT24_Page_225A ―
[མ་དཔེ་གཟིགས་ན་འདིར་གནོན།]
རོལ་མོ་གང་རུང་དང༌། གར་མའི་རྡོར་དྲིལ་ལྟ་བུ། འོག་གི་འདོད་མའི་ཆོས་འབྱུང་དང༌། གླུ་མ་མཚོན་བྱེད་པི་ཝཾ་རྣམས་པ་འཆོལ་བར་བཤམ། དེ་མདུན་ཆུ་བཞིའི་སྣོད་ཕྲེང་ཚར་དང༌། ཆུ་སྣོད་བྱ་མ་བུམ་ཉེ་བར་བསྡོགས། །གཞན་ཡང་མཆོད་པའི་མཎྜལ། ཐབས་ཤེས་ཀྱི་ཚོགས་རྫས། །མཁའ་འགྲོ་སྤྱི་གཏོར་སོགས་མཁོ་བའི་ཡོ་བྱད་རྣམས་ཀྱང་ཚོགས་པར་བྱའོ། །ཆོག་དངོས་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། སྐྱབས་སེམས་ཡིག་རྙིང་ལྟར་ན། སྲིད་པའི་འཇིགས་པ་འཕྲོག་བྱེད་པ། །སངས་རྒྱས་ཆོས་དང་དགེ་འདུན་ལ། །འགྲོ་བ་ཀུན་གྱི་དོན་གྱི་ཕྱིར། །བྱང་ཆུབ་བར་དུ་སྐྱབས་སུ་མཆི། །འགྲོ་བ་ཀུན་ལ་ཕན་པའི་ཕྱིར། །བླ་མེད་སངས་རྒྱས་འགྲུབ་པར་ཤོག །བྱང་ཆུབ་ཏུ་ནི་སེམས་བསྐྱེད་ཅིང༌། །བསམ་པ་རྣམ་པར་དག་པར་བགྱིད། །ལན་གསུམ། དེ་ནས། རང་སྐད་ཅིག་གིས་དུས་ཀྱི་འཁོར་ལོའི་སྐུར་གྱུར། ཐོག་མར་ནང་མཆོད་ལ་དམིགས་ཏེ། ཨོཾ་ཨཱཿཧཱུྃ་ཧྲཿཕཊ། ཨོཾ་སྭ་བྷཱ་ཝ་ཤུདྡྷཿསརྦ་ཿསྭ་བྷཱ་ཝ་ཤུདྡྷོ྅་ཧོ། ཨོཾ་ཨཱཿཧཱུྃ་ཧོཿ ཞེས་ལན་གསུམ་ལ་སོགས་པས་བྱིན་
― LT24_Page_225B ―
[མ་དཔེ་གཟིགས་ན་འདིར་གནོན།]
རློབས་བགེགས་གསལ་བ་ནི། ལྷ་དང་ལྷ་མིན་གསང་བ་པ། །ལུས་སྲུལ་ལ་སོགས་གང་ཅིའང་རུང༌། །ལུས་ངག་སེམས་ལ་གནས་པ་ཡི། །བགེགས་ཀྱི་ཚོགས་རྣམས་གཞན་དུ་དེངས། །ང་ནི་དཔལ་ལྡན་རྡོ་རྗེ་ཤུགས། །སྲུང་བའི་འཁོར་ལོ་སྦྱོར་བ་པོ། །རྡོ་རྗེ་འབར་བའི་སྐུ་ཡིས་ནི། །ལུས་གསུམ་ལས་སྐྱེས་དགས་པར་བྱ། །གལ་ཏེ་ཁ་ཅིག་བདག་ལས་འདའ། །རྣམ་པར་བརླག་འགྱུར་གཞན་ཏུ་མིན། །ཨོཾ་ཨཱཿཧཱུྃ་ཧོཿཧཾ་ཀྵ་ཧྲཿཧྲཿཧྲཿཧྲཿ ར་ར་ར་ར་བཛྲ་ཨ་ན་ལ། སརྦ་ཨཱ་བ་ར་ཎ་དྷརྨ་པྲ་ལ་ཡ་སྭ་བྷཱ་ཝ། སརྦ་མཱ་ར་ཀཱ་ཡི་ཀ །བིགྷྣཱ་བི་ན་ཡ་ཀ་ཨཱ་དཱི་ནཱཾ་ད་ཤ་དིག་ག་ཏཱ་ནཱཾ། ཀཱ་ཡ་ཝཱ་ཀ་ཙིཏྟ་ནི། ད་ཧ་ད་ཧ། པ་ཙ་པ་ཙ། ཀུ་རུ་ཀུ་རུ་ཧཱུྃ་ཧཱུྃ་ཕཊ་ཕཊ། ཅེས་བདུད་སྲེག་པའི་སྔགས་ཀྱིས་བགེགས་བསྒྲད། ཚམས་རྔམས་དང་པོ་ལོ་མའི་སྒྲ་བྱ། དེ་ནས་གནས་དང་ཡོ་བྱད་བྱིན་གྱིས་བརླབ་པ་ནི། ཨོཾ་ཨཱཿཧཱུྃ་ཧྲཿཕཊ་ཀྱིས་བསང༌། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿ སྭ་བྷཱ་ཝ་ཤུདྡྷོ྅་ཧཾ། སྟོང་པར་གྱུར། སྟོང་པའི་ངང་ལས་གནས་ཁང་བྷྲཱུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་པ་གྲུ་བཞི་བསྒོ་བཞི་པ། མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་ཤེལ་གྱི་སྣོད་སོར་བཅུ་གཉིས་པ་རྣམས་ཀྱི་ནང་དུ། ཨོཾ་ཨཱཿཧཱུྃ་ཧོཿརྣམས་ལས་བྱུང་བའི་ཆུ་དང་མཆོད་ཡོན་དང་དྲི་དང་མེ་ཏོག་དང་བདུག་པ་དང་སྣང་གསལ་དང༌། ཞལ་ཟས་དམ་པ་དག་དང་རྣམ་པ་མང་པོའི་འབྲས་བུ་མ་ཉམས་པ་དང༌། གོས་དང་རྒྱན་དང༌། བ་དན་དང་བླ་བྲེ་ལ་སོགས་པ་དང་གླུ་དང་གར་དང་མེ་ལོང་དང་དྲིལ་བུ་ལ་སོགས་པ་སིལ་སྙན་གྱི་ཚོགས་དུ་མ་དང༌། ཨིནྡྲ་ནཱི་ལ་ལ་སོགས་པ་རྣམ་པ་མང་པོའི་རིན་པོ་ཆེ་དང༌། །ནང་གི་དམ་ཚིག་རྣམས་དང༌། དམ་ཚིག་རྣམ་པ་བཞིའི་རྫས་ལ་སོགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་ཕུང་ལྟ་བུ་དཔག་ཏུ་མེད་ཅིང་དྲི་མ་དང་བྲལ་བར་གྱུར། ཨོཾ་བཛྲ་གནྡྷཾ་
― LT24_Page_226A ―
[མ་དཔེ་གཟིགས་ན་འདིར་གནོན།]
སྭཱ་ཧཱ། ཨོཾ་བཛྲ་པུཥྤཾ་སྭཱ་ཧཱ། དེ་བཞིན་ཏུ་སྦྱར་ཏེ། བཛྲ་དྷཱུ་པཾ༴ བཛྲ་དཱི་པཾ༴ བཛྲ་ནི་ཝི་དྱཾ༴ བཛྲ་ཨཱཀྵ་ཏཾ༴ བཛྲ་ལཱ་སྱཾ༴ བཛྲ་ཧཱ་སྱཾ༴ བཛྲ་ཝཱ་དྱཾ༴ བཛྲ་ནྲྀ་ཏྱཾ༴ བཛྲ་གཱི་ཏཾ༴ ཨོཾ་བཛྲ་ཀཱ་མཾ་སྭཱ་ཧཱ། རོལ་ཆེན་དང་བཅས་ཏེ། ཨོཾ་ཧོཿབཛྲ་གྷཱཎྜེ་སརྦ་དྷརྨ་ཨེ་ཀ་པྲ་ཛྙཱ་བྷ་ནི་སྭ་བྷཱ་ཝེ། སརྦ་ཨཱ་ཀ་རེ་སརྦ་དྷརྨ་པྲ་བོ་དྷ་ནི་སརྦ་དྷརྨཱ་ཎ་སྭ་བྷཱ་ཝཱན་པྲ་བོ་དྷ་ཡ་པྲ་བོ་དྷ་ཡ་སྭཱ་ཧཱ། ཞེས་ལན་གསུམ་བརྗོད། གཉིས་པ་དངོས་གཞིའི་ཐོག་མར་ཚོགས་རྟེན་གསལ་གདབ་པ་ནི། སའི་ཕྱོགས་རང་བཞིན་གྱིས་རྣམ་པར་དག་པ་སངས་རྒྱས་དང་བྱང་ཆུབ་སེམས་དཔའི་སྨོན་ལམ་ལས་གྲུབ་པ། གཞི་དང་རྒྱན་དང་དབྱིབས་དང་བཀོད་པ་བསམ་གྱིས་མི་ཁྱབ་པར་གྱུར་པའི་དབུས་སུ་ཡེ་ཤེས་རང་སྣང་ལས་གྲུབ་པའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ་ཕྱོགས་ཀུན་ཏུ་ཡེ་ཤེས་ཀྱི་འོད་ཟེར་མཐའ་ཡས་པ་ཀུན་ཏུ་འཕྲོ་བ། །དབང་པོའི་གཞུ་དང་མེ་ལོང་གི་གཟུགས་བརྙན་དང་པྲ་ཕབ་བརྒྱད་དང་མཚུངས་པ། སྣང་ལ་རང་བཞིན་མེད་པ། རང་གི་སེམས་ཉིད་ཀྱིས་སོ་སོར་སྣང་བ་གཞོམ་དུ་མེད་ཅིང་རྡུལ་ཕྲ་རབ་ཀྱི་ཆོས་ལས་འདས་པ། དྭངས་ཤིང་སྒྲིབ་པ་མེད་ལ་ཕྱི་ནང་ཀུན་ཏུ་འོད་གསལ་བ། མཚན་ཉིད་ཐམས་ཅད་ཡོངས་སུ་རྫོགས་ཤིང་རྒྱན་གྱི་རྣམ་པ་མཆོག་ཏུ་བཀྲ་བ་དུ་མས་མཛེས་པར་གྱུར། དེའི་དབུས་སུ་པདྨ་དང་ཟླ་བའི་དཀྱིལ་འཁོར་གྱི་གདན་ལ་རྩ་བའི་བླ་མ་དང་གཉིས་སུ་མེད་པའི་ཆོས་རྒྱལ་ཆེན་པོ་ཟླ་བ་བཟང་པོ་སྐུ་མདོག་མཐིང་སྔོན་ཕྱག་གཡས་རྡོ་རྗེ་ཐུགས་ཀར་འཛིན་ཅིང༌། །གཡོན་དྲིལ་བུ་དཀུར་བསྟེན་པ། །གཡས་སུ་པད་ཟླའི་གདན་ལ་རིགས་ལྡན་འཇམ་དཔལ་གྲགས་པ་གུར་གུམ་གྱི་མདོག་ཅན་ཆོས་འཆད་ཕྱག་རྒྱས་ཨུཏྤ་ལའི་སྡོང་བུ་ཐུགས་ཀར་བསྣམས་པའི་མེ་ཏོག་ཕྲག་གོང་གཡས་གཡོན་དུ་ཁ་ཕྱེ་བའི་ཟེའུ་འབྲུར་རལ་གྲི་དང་གླེགས་བམ་གྱིས་མཚན་པ། །གཡོན་དུ་པད་
― LT24_Page_226B ―
[མ་དཔེ་གཟིགས་ན་འདིར་གནོན།]
ཟླའི་གདན་ལ་རིགས་ལྡན་པདྨ་དཀར་པོ་གངས་རིའི་མདངས་ལྡན་ཕྱག་གཡས་མཆོག་སྦྱིན་དང་གཡོན་ཐུགས་ཀར་མཐེབ་སྲིན་སྦྱར་བས་པད་དཀར་རྒྱས་པའི་ཡུ་བ་ནས་འཛིན་པ། གསུམ་ཀའང་ཞི་ཞིང་འཛུམ་པའི་ཉམས་དང་ལྡན་ཅིང་དར་དང་རིན་པོ་ཆེའི་རྒྱན་གྱིས་སྤྲས་པ། ཞབས་སེམས་དཔའི་སྐྱིལ་མོ་ཀྲུང་གིས་བཞུགས་པའི་མཐའ་བསྐོར་དུ་ཉི་མའི་འོད་ལ་སོགས་པའི་ཆོས་རྒྱལ་ཆེན་པོ་བདུན། །བཟང་པོ་རྣམ་རྒྱལ་ལ་སོགས་པའི་རིགས་ལྡན་ཕྱེད་སྐྱོང་དུམ་བུར་སྐྱོང་བ་དང་བཅས་པས་བསྐོར་ནས་བཞུགས་པའོ། །དེ་དག་གི་མདུན་ཏུ་རྒྱལ་དབང་རང་བྱུང་རྡོ་རྗེ། དབུ་ལ་ཞྭ་ནག་གསེར་མདངས་ཅན་གསོལ་བ། །གཡས་སུ་ཀུན་མཁྱེན་དོལ་པོ་པ་ཆེན་པོ་པཎ་ཞུ་བརྗིད་ཆགས་གསོལ་བ། དེ་གཉིས་ཀ་ས་གནོན་གྱི་ཕྱག་རྒྱ་ཅན། །གཡོན་ཏུ་མཁས་མཆོག་བུ་སྟོན་ཆེན་པོ་ཕྱག་གཉིས་ཆོས་འཆད་མཛད་པ་གསུམ་ཀའང་རབ་བྱུང་གི་ཆ་བྱད་ཅན། ཞབས་སྐྱིལ་ཀྲུང་གིས་བཞུགས་པ། ཕྱོགས་མཚམས་རྣམས་སུ་ཙི་ལུ་པཎྜི་ཏ། པིཎྜོ་ཨཱ་ཙརྻ། དུས་འཁོར་ཞབས་ཆེ་ཆུང༌། གྲུབ་ཆེན་ཤ་བ་རི། པཎ་ཆེན་ནཱ་རོ་པ། ཁ་ཆེ་ཟླ་བ་མགོན་པོ། ས་མནྟ་ཤྲཱི། ཙ་མི་སངས་རྒྱས་གྲགས། པཎ་ཆེན་ཤཱཀྱ་ཤྲཱི། བི་བྷུ་ཏི་ཙནྡྲ་ལ་སོགས་རྒྱ་གར་གྱི་མཁས་གྲུབ་རྣམས་དང༌། གྱི་ཇོ་ཟླ་བའི་འོད་ཟེར། འབྲོ་ལོ་ཤེས་རབ་གྲགས་པ། ར་ལོ་ཆོས་རབ། དཔལ་ཆེན་རྒྭ་ལོ་ཙཱ། ཆགས་ལོ་ཆོས་རྗེ་དཔལ་བ། དེ་དག་སོ་སོ་ནས་ནས་བརྒྱུད་པ་གཙོ་བོར་གྱུར་པའི་དཔལ་དུས་ཀྱི་འཁོར་ལོའི་དབང་བཤད་མན་ངག་གི་བརྒྱུད་པ་འཛིན་པ་རྣམས་ཀྱིས་བསྐོར་ནས་བཞུགས་པ། །གཞན་ཡང་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་རྣམས་ནམ་མཁའ་ལ་སྤྲིན་ཕུང་གཏིབ་པ་ལྟར་གསལ་བའི། གཙོ་བོ་གསུམ་གྱི་གནས་
― LT24_Page_227A ―
[མ་དཔེ་གཟིགས་ན་འདིར་གནོན།]
བཞིར་རྡོ་རྗེ་བཞིའི་ཡི་གེས་མཚན་པ་དང༌། ཐུགས་ཀ་ནས་རྡོ་རྗེ་ལྕགས་ཀྱུ་དྲི་མ་མེད་པའི་འོད་ཟེར་འཕྲོ་བ་སྤྲོས། རང་བཞིན་གྱི་གནས་ནས་རྩ་བརྒྱུད་བླ་མ་ཡི་དམ་ལྷ་ཚོགས་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་ཐམས་ཅད་མཆོད་པའི་ཡུལ་དུ་བཛྲ་ས་མཱ་ཛཿ ཕྱོགས་དུས་ཀུན་ཁྱབ་སྐྱབས་གསུམ་བཀའ་སྡོད་བཅས། །ཉོན་མོངས་འགྲོ་ལ་མཁྱེན་བརྩེས་རབ་དགོངས་ནས། །དཔག་མེད་ཞིང་ནས་ཐོགས་མེད་རྫུ་འཕྲུལ་གྱིས། །འདིར་གཤེགས་མཆོད་སྤྲིན་རྒྱ་མཚོའི་དབུས་བཞུགས་གསོལ། ཨོཾ་ཤྲཱི་མཱཾ་གུ་རུ་ཀཱ་ལ་ཙཀྲ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨེ་ཧྱེ་ཧི། ཛཿཧཱུྃ་བཾ་ཧོཿ སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པ་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། ཨོཾ་པདྨ་ཀ་མ་ལ་ཡ་ཨཱ་ས་ན་སྟྭཾ། དེ་ནས་བསགས་སྦྱོང་ཡན་ལག་བདུན་རིམ་པར་བྱ་བ་ལ། ཐོག་མར་ཕྱག་འཚལ་བ་ནི། རྣམ་པར་བཅས་ཀྱང་རྣམ་མེད་བཅོམ་ལྡན་འདས་མ་ཤེས་རབ་མ་སྟེ་དེ་ཡིས་འཁྱུད། སྐྱེ་འཇིགས་སྤངས་པའི་འགྱུར་མེད་བདེ་བ་དང་ལྡན་བཞད་པ་ལ་སོགས་བདེ་བ་སྤངས། སངས་རྒྱས་རྣམས་ཀྱི་སྐྱེད་མཛད་སྐུ་གསུམ་དག་དང་ལྡན་ཞིང་དུས་གསུམ་ཡང་དག་རིག །ཀུན་མཁྱེན་མཆོག་གི་དང་པོའི་སངས་རྒྱས་བཅོམ་ལྡན་གཉིས་མེད་དེ་ཉིད་ལ་ཕྱག་འཚལ། །སངས་རྒྱས་སེང་གེའི་ཁྲིར་བཞུགས་རྡོ་རྗེའི་རྣལ་འབྱོར་རྣམ་པར་དག་པ་སྲིད་པ་གསུམ་གྱིས་མཆོད། །དེ་ཉིད་གཅིག་པུ་སྐུ་ཡིས་རབ་ཏུ་དབྱེ་བས་རྣམ་པ་བཅུ་དྲུག་སྲིད་མེད་སྲིད་པར་གནས། །ཤེས་དང་ཤེས་བྱ་གཅིག་གྱུར་རྒྱལ་བ་མཆོག་གི་དམ་ཚིག་ཡན་ལག་རྣམ་པ་བཅུ་གཉིས་ཀྱི། །བདེན་དོན་བྱང་ཆུབ་སེམས་ནི་རྒྱལ་བའི་རྡོ་རྗེའི་ཚིག་གྱུར་དུས་ཀྱི་འཁོར་ལོ་ལ་
― LT24_Page_227B ―
[མ་དཔེ་གཟིགས་ན་འདིར་གནོན།]
ཕྱག་འཚལ། །ཀུན་མཁྱེན་ཡེ་ཤེས་སྐུ་ནི་རྒྱལ་བའི་བདག་པོའི་ལྷན་ཅིག་སྐྱེས་དང་དེ་བཞིན་ཆོས་ཀྱི་སྐུ། །ལོངས་སྤྱོད་རྫོགས་དང་སྤྲུལ་པའི་སྐུ་ཡང་ཉིན་བྱེད་སྐུ་དང་པདྨའི་འདབ་མ་རྒྱས་པའི་སྤྱན། །རྣམ་པར་ཐར་དང་སྐུ་གསུང་ཐུགས་ཆགས་སྲིད་འདས་འབྱོར་པ་རྣལ་འབྱོར་དག་པ་ཤེས་རབ་དང༌། །ཐབས་ནི་གཉིས་མེད་གང་ཞིག་ལྷ་མི་ལྷ་མིན་གྱིས་བསྟོད་དང་པོའི་སངས་རྒྱས་དེ་ལ་འདུད། །གང་གི་བཀའ་དྲིན་འོད་ཀྱིས་གསལ་བྱས་བདག་ཉིད་ནི། །དེ་ཉིད་རིན་ཆེན་འོད་ཀྱི་ཚོགས་ཀྱིས་མུན་བཅོམ་ཏེ། །མིག་སྐྱོན་མེད་རྣམས་རོལ་པར་བཅས་པས་སྟེང་དུ་ནི། །ལྟ་གྱུར་བླ་མ་ཉི་མ་དེ་ལ་ཕྱག་འཚལ་ལོ། །ཁྱོད་ནི་མ་དང་ཁྱོད་ནི་ཕ་སྟེ་ཁྱོད་ནི་འགྲོ་བའི་བླ་མ་ཁྱོད་ནི་གཉེན་དང་གྲོགས་བཟང་ཡང༌། །ཁྱོད་ནི་མགོན་པོ་ཁྱོད་ནི་བྱེད་པོ་ཕན་དང་སྡིག་འཕྲོག་ཁྱོད་ནི་གོ་འཕང་ཕུན་སུམ་ཚོགས་པ་ཡང༌། །ཁྱོད་ནི་འགའ་ཞིག་གནས་དང་ཁྱོད་ནི་ཡོན་ཏན་མཆོག་གི་གནས་ཏེ་སྐྱོན་རྣམས་བཅོམ་པ་ཁྱོད་ཉིད་དོ། །ཁྱོད་ནི་དམན་པ་རྣམས་ཀྱི་མགོན་དང་ཡིད་བཞིན་ནོར་བུ་རྒྱལ་བའི་དབང་པོ་ཁྱོད་ལ་བདག་སྐྱབས་མཆི། །དངོས་གྲུབ་རྒྱ་མཚོ་ཡོན་ཏན་རིན་ཆེན་གཏེར། །སྲིད་དང་ཞི་བའི་གདུང་བ་སེལ་བའི་སྨན། །ལྷ་དང་བཅས་པའི་འགྲོ་བ་ཀུན་གྱི་སྐྱབས། །དཔལ་ལྡན་རྡོ་རྗེ་འཆང་ལ་ཕྱག་འཚལ་ལོ། །ཉི་མའི་འོད་དང་ཟླ་བཟང་ལྷ་དབང་དང༌། །གཟི་བརྗིད་ཟླས་བྱིན་ལྷ་ཡི་དབང་ཕྱུག་དང༌། །སྣ་ཚོགས་གཟུགས་དང་ལྷ་ཡི་དབང་ལྡན་ཏེ། །ཆོས་རྒྱལ་ཆེན་པོ་བརྒྱད་ལ་ཕྱག་འཚལ་ལོ། །འཇམ་དབྱངས་གྲགས་པ་པདྨ་དཀར་པོ་དང༌། །བཟང་པོ་རྣམ་རྒྱལ་བཤེས་གཉེན་བཟང་པོ་དང༌། །ཕྱག་ན་རིན་ཆེན་ཁྱབ་འཇུག་སྦས་པ་དང༌། །ཉི་མ་གྲགས་པ་རྣམས་ལ་ཕྱག་འཚལ་ལོ། །ཤིན་ཏུ་བཟང་པོ་རྒྱ་མཚོ་རྣམ་རྒྱལ་དང༌། །རྒྱལ་བར་དཀའ་དང་ཉི་མ་སྣ་ཚོགས་གཟུགས། །
― LT24_Page_228A ―
[མ་དཔེ་གཟིགས་ན་འདིར་གནོན།]
ཟླ་འོད་མཐའ་ཡས་ས་སྐྱོང་དཔལ་སྐྱོང་དང༌། །སེང་གེ་རྣམ་གནོན་རྣམས་ལ་ཕྱག་འཚལ་ལོ། །སྟོབས་ཆེན་མ་འགགས་མི་ཡི་སེང་གེ་དང༌། །དབང་ཕྱུག་ཆེན་པོ་མཐའ་ཡས་རྣམ་པར་རྒྱལ། །དྲག་པོ་འཁོར་ལོ་ཅན་ཏེ་ཉི་ཤུ་ལྔ། །ས་གཞི་རྫོགས་པར་སྐྱོང་ལ་ཕྱག་འཚལ་ལོ། །ཚངས་པ་ལྷ་དབང་ཕྱེད་ཕྱེད་སྐྱོང་བ་དང༌། འོད་སྲུང་ལ་སོགས་དུམ་བུར་སྐྱོང་བ་བརྒྱད། །རིགས་ཀུན་གཅིག་ཏུ་བྱེད་པ་གསང་སྔགས་ཀྱི། །རིགས་ལྡན་བརྒྱུད་པ་རྣམས་ལ་ཕྱག་འཚལ་ལོ། །དུས་ཞབས་གཉིས་དང་ན་ལེནྡྲ་པ་དང༌། །ཟླ་བ་མགོན་པོ་འབྲོ་སྟོན་ལོ་ཙཱ་དང༌། །ལྷ་རྗེ་སྒོམ་པ་སྒྲོ་སྟོན་གནམ་བརྩེགས་དང༌། །གྲུབ་ཆེན་ཡུ་མོ་རྣམས་ལ་ཕྱག་འཚལ་ལོ། །ཆོས་ཀྱི་དབང་ཕྱུག་ནམ་མཁའ་འོད་ཟེར་དང༌། །སྤྲུལ་སྐུ་ཇོ་འབུམ་གྲུབ་ཐོབ་སེ་ཆེན་དང༌། །ཆོས་རྗེ་འཇམ་གསར་ཆོས་སྐུ་འོད་ཟེར་དང༌། །ཀུན་སྤང་ཆོས་རྗེ་རྣམས་ལ་ཕྱག་འཚལ་ལོ། །བྱང་སེམས་ཆེན་པོ་ཡོན་ཏན་རྒྱ་མཚོ་དང༌། །ཀུན་མཁྱེན་ཆོས་རྗེ་སྒྲ་བསྒྱུར་སྐུ་མཆེད་དང༌། །ཕྱོགས་ལས་རྣམ་རྒྱལ་ཉ་དབོན་ཆོས་རྗེ་དང༌། །གྲུབ་ཆེན་ཀུན་བློ་རྣམས་ལ་ཕྱག་འཚལ་ལོ། །འཇམ་དབྱངས་དཀོན་བཟང་ནམ་མཁའ་ཆོས་སྐྱོང་དང༌། །ནམ་མཁའ་དཔལ་བཟང་རཏྣ་བྷ་དྲ་དང༌། །རྗེ་བཙུན་གྲོལ་མཆོག་ཞབས་ལ་ཕྱག་འཚལ་ལོ། །ལུང་རིག་རྒྱ་མཚོ་ཀུན་དགའ་སྙིང་པོ་དང༌། །རིན་ཆེན་རྒྱ་མཚོ་བློ་གྲོས་རྣམ་པར་རྒྱལ། །ངག་དབང་ཕྲིན་ལས་ཀུན་བཟང་དབང་པོ་དང༌། །ཚེ་དབང་ནོར་བུའི་ཞབས་ལ་ཕྱག་འཚལ་ལོ། །བསྟན་པའི་ཉིན་བྱེད་ཕྲིན་ལས་རྣམ་པར་རྒྱལ། །པདྨ་ཉིན་བྱེད་དབང་པོ་ལ་སོགས་པ། །འབྲོ་ལུགས་གཙོར་གྱུར་སྒྲུབ་བའི་བཀའ་བབས་པ། །བརྒྱུད་འཛིན་སྐྱེས་ཆེན་རྣམས་ལ་ཕྱག༴ ཙི་ལུས་པ་དང་པིཎྜོ་ཨཱ་ཙརྻ། །དུས་ཞབས་ཆེ་ཆུང་བོ་དྷི་བྷ་དྲ་དང༌། །ཙ་མི་སངས་རྒྱས་གྲགས་
― LT24_Page_228B ―
[མ་དཔེ་གཟིགས་ན་འདིར་གནོན།]
དང་རྒྭ་ལོ་ཙཱ། །ཁམས་པ་ཨ་སེང་རྣམས་ལ༴ སེ་ལོ་གཞོན་ཚུལ་དར་འོད་བཀྲ་ཤིས་མཚན། །སངས་རྒྱས་རྡོ་རྗེ་མཁས་གྲུབ་ཨོ་རྒྱན་པ། །ཀུན་དགའ་དོན་གྲུབ་རང་བྱུང་རྡོ་རྗེའི་ཞབས། །དོན་གྲུབ་འོད་ཟེར་རྣམས་ལ༴ མཉྫུ་ཀིརྟྟི་ས་མནྟ་ཤྲཱི། །རཱ་ལོ་ཆོས་རབ་ཡེ་ཤེས་སེང་གེ་བ། །འབུམ་སེང་རྣམ་རྒྱལ་རྡོ་རྗེ་ཤེར་སེང་དང༌། །དཔལ་ལྡན་སེང་གེ་རྣམས་ལ་ཕྱག་འཚལ་ལོ། །རྡོ་རྗེ་རྒྱལ་མཚན་བུ་སྟོན་རིན་ཆེན་གྲུབ། །བསོད་ནམས་རྒྱལ་མཚན་རིན་ཆེན་རྣམ་རྒྱལ་སོགས། །རཱ་ལུགས་གཙོར་གྱུར་བཤད་པའི་བཀའ་བབས་པ། །བརྒྱུད་འཛིན་སྐྱེས་ཆེན་རྣམས་ལ༴ པཎ་ཆེན་ཤཱཀྱ་ཤྲཱི་དང་བི་བྷཱུ་ཏི། །དཔྱལ་ལོ་ཆོས་བཟང་ཆག་ལོ་དགྲ་བཅོམ་པ། །ས་སྐྱ་པཎ་ཆེན་གོ་ལུང་གཞོན་ནུ་དཔལ། །མར་སྟོན་གཡང་འབར་རྣམས་ལ༴ རོང་གླིང་སྟེང་པ་ཤེའུ་ལོ་ཙ་བ། །ལྡི་རི་ར་བྱིང་བ་རི་ལོ་ཙཱ་དང༌། །མན་ལུང་གུ་རུ་ཀོ་བྲག་བསོད་རྒྱལ་མཚན། །ངོ་མཚར་སྐྱེས་མཆོག་རྣམས་ལ༴ གྲུབ་པའི་དབང་ཕྱུག་རི་ཁྲོད་མགོན་པོ་དང༌། །ནགས་ཀྱི་རིན་ཆེན་བསོད་ནམས་རྒྱ་མཚོའི་སྡེ། །འགོས་ལོ་གཞོན་ནུ་སྤྱན་སྔ་ཆོས་གྲགས་སོགས། །ཉེ་བརྒྱུད་བཀའ་བབས་རྣམས་ལ༴ སྐུ་བཞི་རྡོ་རྗེ་བཞི་ཡི་བདག་ཉིད་དང༌། །ཚད་མེད་རྣམ་ཐར་ཆོས་ཀྱི་ཕུང་པོ་དང༌། །དམ་ཆོས་སྟོན་པ་འཕགས་པའི་ཚོགས་རྣམས་ཏེ། །སྐྱབས་གནས་དཀོན་མཆོག་གསུམ་ལ༴ དཔལ་ལྡན་རྒྱུ་སྐར་ཆོས་དབྱིངས་གསུང་དབང་སོགས། །ཡི་དམ་དཀྱིལ་འཁོར་སངས་རྒྱས་བྱང་ཆུབ་སེམས། །དཔའ་བོ་མཁའ་འགྲོ་ཆོས་སྐྱོང་བཅས་རྣམས་ལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །མཁའ་ལྟར་ཁྱབ་པའི་རྒྱལ་བ་སྲས་བཅས་ལ། །བདག་དང་མཁའ་མཉམ་སེམས་ཅན་ཐམས་ཅད་ཀྱི། །ལུས་འདི་ཞིང་རྡུལ་མཉམ་པར་སྤྲུལ་ནས་ནི། །རྟག་ཏུ་གུས་པའི་ཡིད་ཀྱིས་
― LT24_Page_229A ―
[མ་དཔེ་གཟིགས་ན་འདིར་གནོན།]
ཕྱག་འཚལ་ལོ། །དེ་ནས་མཆོད་པ་འབུལ་བ་ལ་ཆུ་བཞི་དང་ཉེར་སྤྱོད་ནི། རྣམ་དག་ཡེ་ཤེས་བདུད་རྩིའི་ཆུ་གཏེར་ནི། །རབ་དྭངས་ཁ་དོག་དྲི་རོ་ཕུན་སུམ་ཚོགས། །ཞལ་གྱི་རྙོགས་པའི་དྲི་སེལ་ཡོན་ཆབ་འདི། །བླ་མ་རྒྱལ་བ་སྲས་བཅས་མཉེས་ཕྱིར་འབུལ། །ཨོཾ་ཨཱཿཧྲི་པྲ་ཝ་ར་སད་ཀ་ར་ཨཱརྠཾ་ཨཱཉྩ་མ་ནཾ་པྲ་ཏཱིཙྪ་ན་མཿ། །རྣམ་དག་ཡེ་ཤེས་བདུད་རྩིའི༴་རབ་དྭངས་ཁ་དོག༴ ཞབས་ཀྱི་པདྨའི་དྲི་སེལ་སྤོས་ཀྱི་ཆུ། །བླ་མ་རྒྱལ་བ་སྲས་བཅས་༴ ཨོཾ་ཨཱཿཧྲི་པྲ་ཝ་ར་སད་ཀ་རཾ་ཨཱརྠཾ་པཱ་དྱཾ་པྲ་ཏཱིཙྪ་ན་མཿ ཚིག་རྐང་དང་པོ་གཉིས་དང་ཕྱི་མ་འདྲ་བའོ། །རྣམ་དག་ཡེ་ཤེས༴ རབ་དྭངས་ཁ་དོག༴ ཀུན་ཏུ་འཕོ་བའི་གདུང་སེལ་འཐོར་འཐུང་འདི། །བླ་མ་རྒྱལ་བ་སྲས་བཅས་མཉེས༴ ཨོཾ་ཨཱཿཧྲི་པྲ་ཝ་ར་སད་ཀ་རཾ་ཨཱརྠཾ་པྲོཀྵཅཾ་ཎཾ་པྲ་ཏཱིཙྪ་ན་མཿ རྣམ་དག་ཡེ་ཤེས༴ རབ་དྭངས་ཁ་དོག༴ ཡན་ལག་བརྒྱད་ལྡན་རྡོ་རྗེ་ཨརྒྷཾའི་རྒྱུན། །བླ་མ་རྒྱལ་བ༴ ཨོཾ་ཨཱཿཧྲི་པྲ་ཝ་ར་སད་ཀ་རཾ་ཨཱརྠཾ་ཨཱརྒྷཾ་པྲ་ཏཱིཙྪ་ན་མཿ ཞེས་པས་ཆུ་བཞི་ཕུལ། ཆོས་རྒྱལ་རིགས་ལྡན་སུམ་ཅུ་གཉིས། །རྩ་བརྒྱུད་བླ་མའི་དཀྱིལ་འཁོར་རྣམས། །རྣམ་དག་རྡོ་རྗེའི་དྲི་མཆོག་འདི། །བཞེས་ནས་བདག་ལ་མཆོག་སྩོལ་མཛོད། །ཨོཾ་ཤྲཱི་མཱཾ་གུ་རུ་ཀཱ་ལ་ཙཀྲ་ས་པ་རི་ཝཱ་ར་བྷྱཿ བཛྲ་གནྡྷཾ་པྲ་ཏཱིཙྪ་ན་མཿ །ཆོས་རྒྱལ་རིགས་ལྡན་སུམ་ཅུ་གཉིས། །རྩ་བརྒྱུད་བླ་མའི༴ རྡོ་རྗེ་མེ་ཏོག་རྣམ་བཀྲའི་ཚོགས། །བཞེས་ནས་བདག་ལ༴་བཛྲ་པུཥྤཾ་པྲ་ཏཱིཙྪ་ན་མཿ །ཆོས་རྒྱལ་རིགས་ལྡན་སུམ་ཅུ་གཉིས། །རྩ་བརྒྱུད་བླ་མའི་དཀྱིལ་འཁོར་རྣམས། །རྡོ་རྗེ་བདུག་སྤོས་བླ་ན་མེད། །བཞེས་ནས་བདག་ལ་མཆོག་སྩོལ་མཛོད། །བཛྲ་དྷཱུ་པཾ་པྲ་ཏཱིཙྪ་ན་མཿ ཆོས་རྒྱལ་རིགས་ལྡན༴ རྩ་བརྒྱུད་བླ་མའི༴ རྡོ་རྗེ་སྒྲོན་མ་འོད་རབ་འབར། །བཞེས་ནས༴ བཛྲ་དཱི་པཾ་པྲ་ཏཱི་ཙྪ་ན་མཿ །ཆོས་རྒྱལ་རིགས་ལྡན༴ རྩ་བརྒྱུད་བླ་
― LT24_Page_229B ―
[མ་དཔེ་གཟིགས་ན་འདིར་གནོན།]
མའི༴ རྡོ་རྗེ་ཞལ་ཟས་རོ་མཆོག་ལྡན། །བཞེས་ནས༴ བཛྲ་ནཻ་ཝི་དྱཾ་པྲ་ཏཱིཙྪ་ན་མཿ །ཆོས་རྒྱལ་རིགས་ལྡན་སུམ་ཅུ་གཉིས། །རྩ་བརྒྱུད་བླ་མའི་དཀྱིལ་འཁོར་རྣམས། །རྡོ་རྗེ་མ་ཉམས་འབྲས་བུའི་མཆོག །བཞེས་ནས་བདག་ལ་མཆོག་སྩོལ་མཛོད། །བཛྲ་ཨཱཀྵ་ཏཾ་པྲ་ཏཱིཙྪ་ན་མཿ །ཆོས་རྒྱལ༴ རྩ་བརྒྱུད་བླ་མའི༴ རྡོ་རྗེ་སྒེག་མོའི་མཆོད་པ་ནི། །བཞེས་ནས༴ བཛྲ་ལཱ་སྱཾ་པྲ་ཏཱིཙྪ་ན་མཿ །ཆོས་རྒྱལ༴ རྩ་བརྒྱུད་བླ་མའི༴ རྡོ་རྗེ་བཞད་མའི་མཆོད་པ་འདི། །བཞེས་ནས༴ བཛྲ་ཧཱ་སྱཾ་པྲ་ཏཱིཙྪ་ན་མཿ །ཆོས་རྒྱལ༴ རྩ་བརྒྱུད་བླ་མའི༴ རྡོ་རྗེ་སིལ་སྙན་རྣམ་མང་པོ། །བཞེས་ནས༴ བཛྲ་པཱ་དྱཾ་པྲ་ཏཱིཙྪ་ན་མཿ །ཆོས་རྒྱལ་རིགས་ལྡན་སུམ༴ རྩ་བརྒྱུད༴ རྡོ་རྗེ་གར་གྱི་མཆོད་སྤྲིན་འདི། །བཞེས་ནས༴ བཛྲ་ནྲྀ་ཏྱཾ་པྲ་ཏཱིཙྪ་ན་མཿ །ཆོས་རྒྱལ༴ རྩ་བརྒྱུད་བླ་མའི། །རྡོ་རྗེ་གླུ་དབྱངས་ཡིད་འཕྲོག་ལྡན། །བཞེས་ནས༴ བཛྲ་གཱི་ཏཾ་པྲ་ཏཱིཙྪ་ན་མཿ །ཆོས་རྒྱལ་རིགས་ལྡན༴ རྩ་བརྒྱུད་བླ་མའི༴ རྡོ་རྗེ་འདོད་པའི་མཆོད་པ་མཆོག །བཞེས་ནས་བདག་ལ་མཆོག་སྩོལ་མཛོད། །བཛྲ་ཀཱ་མཾ་པྲ་ཏཱིཙྪ་ན་མཿ ཞེས་རིག་མ་བཅུ་གཉིས་ཀྱིས་མཆོད། གོས་ཐུང་འབུལ་ལ། སྲབ་འཇམ་ཡང་པ་ལྷ་ཡི་གོས། །མི་ཕྱེད་རྡོ་རྗེའི་སྐུ་བརྙེས་ལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །མཆོད་པ་བཅུ་གསུམ་ནི། རབ་འབར་ནོར་བུ་རིན་ཆེན་ཨིནྡྲ་རྙིལ། གསེར་དངུལ་ལ་སོགས་རིན་ཆེན་མེ་ཏོག་དང༌། །རེག་ན་བདེ་བ་རྣམ་མང་གོས་ཀྱི་ཚོགས། །ཙནྡན་ལ་སོགས་དྲི་བཟང་སྦྱར་བའི་ཆབ། །དྲི་ཞིམ་བདུག་སྤོས་བསྲེག་པའི་སྤྲིན་ཚོགས་དང༌། །རྩི་བཅུད་འབྲུ་མར་དང་བཅས་སྒྲོན་མེའི་ཚོགས། །གྲགས་སྟོང་གཉིས་སུ་མེད་པ་དྲིལ་བུའི་སྒྲ། །གསལ་སྣང་གཟུགས་བརྙན་འཆར་བའི་མེ་ལོང་དང༌། །ལྷ་རྫས་བྲ་བྲེ་ནམ་མཁའི་ཚད་འཇལ་བྱེད། །རྣམ་མང་
― LT24_Page_230A ―
[མ་དཔེ་གཟིགས་ན་འདིར་གནོན།]
འབྲས་བུ་སྣ་ཚོགས་བཅུད་སྟེར་ཞིང༌། །ལྷབ་ལྷུབ་གཡོ་བ་བ་དན་རྣམ་ལྔའི་ཚོགས། །འཇོ་སྒེག་རྣམས་འགྱུར་སྤྲོ་བའི་གར་མཁན་དང༌། །སྒྲ་སྙན་སྣ་ཚོགས་རོལ་མོའི་མཆོད་པ་སྟེ། །བཅུ་གསུམ་དཀྱིལ་འཁོར་ལྷ་ཚོགས་རྣམས་ལ་འབུལ། །ཡན་ལག་བཅུ་གཉིས་འཕོ་བ་རབ་འགགས་ནས། །བཅུ་གསུམ་རྡོ་རྗེ་འཛིན་པའི་ས་ཐོབ་ཤོག །མཆོད་པ་རྣམ་བཅུ་ནི། རབ་དྭངས་ཡན་ལག་བརྒྱད་ལྡན་ཆུ་གཙང་དང༌། །འོ་ཆབ་མེ་ཏོག་བཅས་པའི་མཆོད་ཡོན་བཟང༌། །རླུང་གིས་བསྐྱོད་པའི་དྲི་བཟང་མཁའ་ཁྱབ་དང༌། །ལྷན་ཅིག་སྐྱེས་དང་སྦྱར་བའི་བདུག་སྤོས་དང༌། །ཨུཏྤལ་པདྨ་ལ་སོགས་མེ་ཏོག་བཀྲ། །མ་ཉམས་ས་ཧཱ་རའི་འབྲས་བུ་སྨིན། །སྨན་མཆོག་དབང་པོ་ལ་སོགས་འབྲུ་སྣ་ཚོགས། །ཉི་ཟླ་ནོར་བུ་ལ་སོགས་སྣང་གསལ་ཚོགས། །བདུད་རྩི་རོ་བརྒྱ་ལྡན་པའི་ལྷ་བཤོས་དང༌། །པཉྩ་ལི་ཀཱ་ལྷ་ཡི་གོས་ཀྱི་མཆོག །མཆོད་པ་རྣམ་བཅུ་ཕུལ་བས་ས་བཅུ་ཐོབ། །དཀྱིལ་འཁོར་རྣམ་བཅུ་སྒྲིབ་བྲལ་ཐོབ་པར་ཤོག །བཀྲ་ཤིས་རྟགས་བརྒྱད་ནི། །ཇི་ལྟར་སྔོན་གྱི་སངས་རྒྱས་ལ། །བཀྲ་ཤིས་དཔལ་བེའུ་གཡུ་དྲུང་འཁྱིལ། །དགེ་བའི་དོན་ཏུ་མངའ་བ་ལྟར། །དེ་བཞིན་བདག་ཀྱང་འབུལ་བར་བགྱི། །ཇི་ལྟར་སྔོན་གྱི་སངས་རྒྱས་ལ། །གསེར་གྱི་འཁོར་ལོ་མུ་ཁྱུད་ཅན། །ཚངས་པ་ཆེན་པོས་ཕུལ་བ་ལྟར། །དེ་བཞིན་བདག་ཀྱང་དབུལ་བར་བགྱི། །ཇི་ལྟར་སྔོན་གྱི༴ འདམ་གྱི་སྐྱོན་གྱིས་མ་གོས་པའི། །པདྨ་དཀར་པོ་ཕུལ་བ་ལྟར། །དེ་བཞིན་བདག་ཀྱང་དབུལ་བར་བགྱི། །ཇི་ལྟར་སྔོན་གྱི༴ ཉོན་མོངས་བདུད་ལས་རྒྱལ་བ་ཡི། །ཆོས་ཀྱི་རྒྱལ་མཚན་ཕུལ་བ་ལྟར། །དེ་བཞིན༴ ཇི་ལྟར༴ གདུགས་དཀར་གསེར་གྱི་ཡུ་བ་ཅན། །ཕུལ་བ་དེ་བཞིན་བདག་འབུལ་ན། །ཅི་བདེ་བར་ནི་བཞེས་སུ་གསོལ། །ཇི་ལྟར༴ རེ་བ་ཐམས་ཅད་
― LT24_Page_230B ―
[མ་དཔེ་གཟིགས་ན་འདིར་གནོན།]
རྫོགས་མཛད་པའི། །བུམ་པ་བཟང་པོ་ཕུལ་བ་ལྟར། །དེ་བཞིན༴ ཇི་ལྟར༴ སྙན་པ་ཕྱོགས་བཅུར་སྒྲོག་པ་ཡི། །འབུད་དུང་གཡས་འཁྱིལ་ཕུལ་བ་ལྟར། །དེ་བཞིན་བདག་ཀྱང་དབུལ་བར་བགྱི། །ཇི་ལྟར༴ ན་བཟའ་གསེར་གྱི་ཉ་རིས་ཅན། །ཕུལ་བ་དེ་བཞིན་བདག་འབུལ་ན། །ཅི་བདེ་བར་ནི་བཞེས་སུ་གསོལ། རྒྱལ་སྲིད་རྫས་བརྒྱད་མཁོ་བའི་ཡོ་བྱད་སྣ་ཚོགས་འབུལ་བ་ནི། ཕྱོགས་ལས་རྣམ་རྒྱལ་གསེར་གྱི་འཁོར་ལོ་དང༌། །དགོས་འདོད་མ་ལུས་སྩོལ་བའི་ཡིད་བཞིན་ནོར། །གཟུགས་མཛེས་སྐྱོན་ཀུན་བྲལ་བ་བཙུན་མོའི་མཆོག །བང་མཛོད་མ་ལུས་འགེངས་བྱེད་བློན་པོའི་ཕུལ། །ཡིད་འོང་སྟོབས་ལྡན་གླང་པོའི་བདག་པོ་དང༌། །ཅང་ཤེས་སྤྲིན་གྱི་ཤུགས་ཅན་རྨད་བྱུང་རྟ། །རྒོལ་བ་ཀུན་འཇོམས་ཁྱིམ་བདག་དཔའ་བོ་ཆེ། །དེ་ལྟར་རིན་ཆེན་བདུན་གྱིས་དཀྱིལ་འཁོར་མཆོད། །དྲི་མེད་ཆོས་ཀུན་གསལ་བའི་མེ་ལོང་དང༌། །གཡས་འཁྱིལ་ཆོས་སྒྲ་མི་ཟད་སྒྲོག་པའི་དུང༌། །དུག་གསུམ་ཉོན་མོངས་འཇོམས་པའི་གི་ཧཾ་དང༌། །རྩི་བཅུད་སྙིང་པོ་བདུད་རྩིའི་རང་བཞིན་ཞོ། །ཁམས་གསུམ་དབང་དུ་སྡུད་པའི་ལི་ཁྲིའི་རྫས། །རྡོ་རྗེ་སེམས་དཔའི་ཚེ་སྒྲུབ་དུར་བའི་རྩ། །དོན་མཆོག་བླ་མེད་སྒྲུབ་པའི་བིལ་བའི་འབྲས། །བགེགས་དང་བར་ཆད་ཀུན་འཇོམས་ཡུངས་དཀར་ཏེ། །རྒྱལ་བས་བྱིན་རླབས་བཀྲ་ཤིས་རྫས་བརྒྱད་པོ། །ཕུལ་བས་འགྲོ་ལ་དགེ་ལེགས་འཕེལ་བར་ཤོག །ཉོན་མོངས་མ་ལུས་གཅོད་པའི་སྟག་ལྤགས་དང༌། །སྒྲིབ་པ་ཀུན་བྲལ་གླང་ཆེན་ལྤགས་པའི་གོས། །འཇིགས་བྱེད་ཧེ་རུ་ཀ་དཔལ་མཉེས་བྱེད་པ། །སྣ་ཚོགས་ན་བཟའི་མཆོད་པ་དབུལ་བར་བགྱི། །དབང་སྔོན་ཀརྐེ་ཏ་ན་ཆུ་ཤེལ་དང༌། །པད་དམར་མ་ར་ཏ་ཀ་མུ་ཏིག་དང༌། །ཛམ་བུ་ཆུ་བོའི་གསེར་དང་དངུལ་ལ་སོགས། །
― LT24_Page_231A ―
[མ་དཔེ་གཟིགས་ན་འདིར་གནོན།]
བཟའ་དང་བཅའ་བ་རྣམ་པ་དུ་མ་དང༌། །རྩ་བ་སྡོང་བུ་འདབ་མ་མེ་ཏོག་དང༌། །ལྗོན་ཤིང་ལ་སོགས་རྣམ་པ་སྣ་ཚོགས་པ། །བསོད་ནམས་སྤེལ་ཕྱིར་དཀྱིལ་འཁོར་ལྷ་ལ་འབུལ། །རལ་གྲི་ཁང་པ་ལྤགས་པ་སྐྱེད་མོས་ཚལ། །མལ་ཆ་གོས་དང་མཆིལ་ལྷྭམ་རིན་པོ་ཆེ། །པདྨ་ཅན་སོགས་བཀྲ་ཤིས་ལྷ་མོ་བརྒྱད། །སྣ་ཚོགས་རིན་ཆེན་ལས་གྲུབ་ཁང་བཟང་དང༌། །དཔག་བསམ་ཤིང་དང་བུམ་པ་བཟང་པོ་དང༌། །འདོད་འཇོའི་བ་དང་རིན་ཆེན་རི་བོ་སོགས། །མཆོད་སྤྲིན་རྒྱ་མཚོས་བླ་མའི་དཀྱིལ་འཁོར་མཆོད། མཆོད་པ་བཅུ་གཉིས་ཀྱི་ངེས་དོན་དྲན་པས་མཆོད་པ་ནི། ཀུནྡ་རབ་ཏུ་ཁྱབ་བྱེད་དྲི་བཟང་དང༌། །རྣམ་དག་ཉི་མས་དག་བྱེད་མེ་ཏོག་ཕྲེང༌། །དོན་དམ་དབྱིངས་ཀྱི་བླ་མ་ལྷ་ལ་འབུལ། །འགྲོ་བས་རྣམ་དག་ཟླ་ཉི་ཐོབ་པར་ཤོག །གཏུམ་མོ་འབར་བས་ཀུན་རྟོག་བསྲེགས་པའི་སྤོས། །སྙིང་ནང་གཞོམ་མེད་འབར་བའི་སྣང་གསལ་ཚོགས། །དོན་དམ་དབྱིངས་ཀྱི༴ སྤྲོས་བྲལ་ཡེ་ཤེས་སྣང་བ་ཐོབ་པར་ཤོག །འདོད་ཡོན་གཞན་མཆོག་བདུད་རྩི་ཞལ་ཟས་ལྔ། །ཐིག་ལེ་ནོར་བུར་བཅིངས་པའི་མ་ཉམས་འབྲུ། །དོན་དམ་དབྱིངས་ཀྱི༴ སྟོང་པའི་གཟུགས་ཀྱིས་བྱང་སེམས་འཆིང་བར་ཤོག །མ་དག་གནས་གྱུར་ཡེ་ཤེས་སྒེག་མོའི་ལུས། །ལས་རླུང་དྷཱུ་ཏིར་ཐིམ་པས་བཞད་སྒྲའི་དབྱངས། །དོན་དམ་དབྱིངས་ཀྱི༴ རྡོ་རྗེའི་སྐུ་དང་བཅུ་གཉིས་ས་ཐོབ་ཤོག །གཞོམ་མེད་ནཱ་དའི་རོལ་མོ་སིལ་སྙན་མཆོག །རྣམ་གསུམ་ཕྱག་རྒྱའི་རོལ་པ་བདེ་བའི་གར། །དོན་དམ་དབྱིངས་ཀྱི༴ གྲགས་སྟོང་སྒྲ་དང་སྒྱུ་རྩལ་མཆོག་ཐོབ་ཤོག །སྒྲ་དབྱངས་རྒྱ་མཚོ་ཆོས་ཉིད་རྡོ་རྗེའི་གླུ། །མི་འགྱུར་བདེ་སྒྲུབ་ཕྱག་ཆེན་འདོད་པ་མོ། །དོན་དམ་དབྱིངས་ཀྱི་བླ་མ་ལྷ་ལ་འབུལ། །རྡོ་རྗེའི་གསུང་དང་མི་འགྱུར་བདེ་ཐོབ་ཤོག །ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་
― LT24_Page_231B ―
[མ་དཔེ་གཟིགས་ན་འདིར་གནོན།]
མུ་ཁེ་བྷྱཿསརྦ་ཐཱ་ཁཾ་ཨུདྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ལན་གསུམ་ལ་སོགས་པ་ཅི་རིག་པར་བརྗོད། བདུད་རྩི་འབུལ་བ་ལ། ཆོས་རྒྱལ་རིགས་ལྡན་སུམ་ཅུ་རྩ་གཉིས་དང༌། །འཕགས་བོད་དུས་ཞབས་ཆེ་རྣམས་གཙོར་གྱུར་པའི། །རྩ་བརྒྱུད་བླ་མ་ཡི་དམ་དཀྱིལ་འཁོར་ལྷ། །སངས་རྒྱས་བྱང་སེམས་མཁའ་འགྲོའི་ཚོགས་རྣམས་ལ། །དམ་རྫས་བདུད་རྩི་མཆོག་གི་མཆོད་པ་འབུལ། །འགྲོ་ཀུན་ཡེ་ཤེས་བདུད་རྩིའི་རྒྱ་མཚོ་ལ། །མཆོག་ཏུ་རོལ་པས་བདེ་ཆེན་ཐོབ་པར་ཤོག །ཨོཾ་ཨཱཿཧཱུྃ། ཨོཾ་སརྦ་གུ་རུ་བུདྡྷ་བོ་དྷི་ས་ཏྭ་དེ་བ་ཌཱ་ཀི་ནཱི་བྷྱཿ ན་མོ་ན་མཿ གཏོར་མ་གོང་གི་སྔགས་ཚན་བཞིས་བྱིན་རླབས། ནམ་མཁའ་མཛོད་ཀྱི་སྔགས་ལན་གསུམ་དང༌། ཞལ་ཟས་རོ་བརྒྱ་ལྡན་པའི་ཡིད་འཕྲོག་པ། །ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་བས་འགྲོ་བ་འདི་རྣམས་ཀྱང༌། །འབྱོར་ལྡན་ཏིང་འཛིན་ཟས་ལ་སྤྱོད་པར། ཞེས་འབུལ། མཁའ་འགྲོ་གཏོར་མ། ཨོཾ་ཨཱཿཧཱུྃ་ཧོཿ ལན་གསུམ་གྱིས་བརླབ། ཨོཾ་ཨཱཿཧཱུྃ་ཧོཿ བཛྲ་ཌཱ་ཀི་ནཱི་བྷྱཿ ཨི་དཾ་བ་ལིཾ། གནྡྷཾ། པུཥྤཾ། དྷཱུ་པཾ། པྲ་དཱི་པཾ། ཨ་ཀཱ་ཏཾ། ད་དཱ་མ་ཧེ། ས་པ་རི་ཝཱ་ར། ཤཱི་གྷྲཾ། ཨཱ་གཙྪ་ཏུ། ཛཿཧཱུྃ་བཾ་ཧོ། །ཨཱི་དཾ་བ་ལིཾ་གྲྀ་ཧྞ་ཏུ། ཁཱ་ད་ཏུ། པ་བིན་ཏུ། ས་པ་རི་ཝཱ་ར་ཀ །སརྦ་ས་ཏྭཱ་ནཱཾ། ཤཱནྟིཾ། པུཥྚིཾ། རཀྵ་ཨཱ་ཝར་ན། གུཔྟིཾ། ཀ་རོ་ཏུ། ཨི་དཾ་སྠཱ་ནཾ། ཏྱཀྟྭ། བཱ་ཧྱ་མཎྜལ་བྷཱུ་མྱཱཾ་ཏིཥྛནྟ་ཧཱུྃ་ཧཱུྃ་ཕཊ། བཛྲ་དྷ་ར་ཨཱ་ཛྙཱ་པ་ཡ་ཏི་སྭཱ་ཧཱ། ཞེས་པས་འབུལ། དེ་ནས་བཤགས་པ་སོགས་ཡན་ལག་ལྷག་མ་རྣམས་ནི། སྲིད་འགྲོ་ཉམས་ང་བྱིས་པའི་བློ་ཡིས་ནི། །ཤིན་ཏུ་མི་བཟད་སྡིག་པ་གང་བགྱིས་པ། སྟོབས་བཅུ་མངའ་བའི་སྤྱན་སྔར་མཆིས་ནས་ནི། །སྡིག་པ་དེ་ཀུན་སོ་སོར་བཤགས་པར་བགྱི། །སྐྱེ་བ་ཉམ་ང་སྲིད་པ་ཉམ་ང་དང༌། །འཇིག་རྟེན་ཉམ་ང་གཡོ་སེམས་ཉམ་ང་བ། །ལུས་ཀྱི་སྤྱོད་པ་ཉམ་ང་སྣ་ཚོགས་ཀྱིས། །བདག་གི་སྡིག་པ་གང་བསགས་དེ་འཆགས་སོ། །བྱིས་པ་བླུན་བྱས་ཉོན་མོངས་ཉམ་ང་དང༌། །སྡིག་པའི་གྲོགས་དང་འཕྲད་པ་ཉམ་ང་དང༌། །སྲིད་པ་ཉམ་ང་འདོད་ཆགས་ཉམ་ང་དང༌། །ཞེ་སྡང་གཏི་མུག་མུན་པ་ཉམ་ང་དང༌། །ངལ་བའི་ཉམ་ང་དུས་ཀྱི་ཉམ་ང་
― LT24_Page_232A ―
[མ་དཔེ་གཟིགས་ན་འདིར་གནོན།]
དང༌། །བསོད་ནམས་བསྒྲུབ་པ་ཉམ་ང་དག་གིས་ཀྱང༌། །རྒྱལ་བ་ཡང་དག་མངོན་སུམ་མཆིས་ནས་ནི། །སྡིག་པ་དེ་ཀུན་སོ་སོར་བཤགས་པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་རྣམས་དང་འཕགས་པའི་ཚོགས་ཀྱིས་རྣམ་མང་དགེ་བ་གང་མཛད་པ། །དེ་དག་མཐའ་དག་ལ་ནི་སྡིག་པ་རྣམ་བྲལ་བྱང་ཆུབ་སྤྱོད་ལ་རྗེས་སུ་གནས་པས་རྗེས་ཡིད་རང༌། །སངས་རྒྱས་ཆོས་དང་དགེ་འདུན་སྲིད་པའི་འཇིགས་འཕྲོག་ལ་ཡང་བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གི་ལུས་འབུལ་ཆོས་ཀྱི་འཁོར་ལོ་བསྐོར་ཞིང་མྱ་ངན་མི་འདའ་ཡུན་རིང་བཞུགས་པར་གསོལ་བ་འདེབས། །རྫོགས་སངས་རྒྱས་སུ་བདག་གྱུར་ཅིག་ཅེས་འདིར་ནི་སྨོན་ལམ་སེམས་ཅན་དོན་གྱི་སླད་དུ་བདག་བགྱིད་དོ། ལམ་བསྙེན་པ་ནི། བྱང་ཆུབ་མཆོག་གི་སེམས་དང་ནི། །ལྷག་བསམ་རྣམ་པར་དག་པ་དང༌། །བདག་དང་བདག་གིར་འཛིན་སྤོང་བའི། །རྩ་བ་བསྟེན་བགྱི་ཚོགས་གསུམ་ཕྱིར། །སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་ཐབས་དང་ནི། །སྨོན་ལམ་སྟོབས་དང་ཡེ་ཤེས་ཀྱི། །ཕ་རོལ་ཕྱིན་བཅུ་རྫོགས་པར་བགྱི། །བྱམས་དང་སྙིང་རྗེ་དགའ་བ་དང༌། །བཏང་སྙོམས་རྣམས་ལ་གནས་བགྱི་ཞིང༌། །སྦྱིན་དང་སྙན་པར་སྨྲ་བ་དང༌། །དོན་སྤྱོད་པ་དང་དོན་མཐུན་སྤྱད། །སྲོག་གཅོད་མ་བྱིན་གཞན་གྱི་བུད་མེད་དང༌། །རྫུན་དང་ཚིག་རྩུབ་རྣམས་དང་ཕྲ་མ་དང༌། །འཁྱལ་པར་གྱུར་པའི་ཚིག་དང་བརྣབ་སེམས་དང༌། །གནོད་སེམས་ལྟ་བ་ངན་པ་རྣམ་པར་སྤང༌། །འགྱོད་དང་གཉིད་རྨུགས་རྒོད་དང་ཐེ་ཚོམ་སྟེ། །སྒྲིབ་པ་ལྔ་པོ་ཡོངས་སུ་སྤང་བགྱི་ཞིང༌། །འདོད་ཆགས་ཞེ་སྡང་གཏི་མུག་ང་རྒྱལ་གྱི། །ཉོན་མོངས་བཞི་རྣམས་བདག་གིས་ཀུན་ཏུ་སྤང༌། །འདོད་
― LT24_Page_232B ―
[མ་དཔེ་གཟིགས་ན་འདིར་གནོན།]
དང་སྲིད་པ་མ་རིག་ལྟ་བ་ཡི། །ཟག་པ་བཞི་ཡང་ཡོངས་སུ་སྤང་བགྱིའོ། །སྡོམ་པ་བཟུང་བ་ནི། །བླ་མ་རྡོ་རྗེ་འཛིན་པ་ཆེན་པོ་རྣམས་དང༌། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། །ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང༌། །དགེ་བའི་ཆོས་ནི་སྡུད་པ་དང༌། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་བཟུང་བར་བགྱི། །སངས་རྒྱས་ཆོས་དང་དགེ་འདུན་སྟེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་དེང་ནས་བརྟན་པོར་བཟུང༌། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ནི། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བ། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་གཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པ་ནི། །ཡང་དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་མཆོག །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང༌། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་སྒྲོལ། །
― LT24_Page_233A ―
[མ་དཔེ་གཟིགས་ན་འདིར་གནོན།]
དབུགས་མ་ཕྱིན་པ་དབུགས་དབྱུང་ཞིང༌། །སེམས་ཅན་མྱ་ངན་འདས་ལ་འགོད། ལན་གསུམ་བྱ། དེ་ནས་བསྟོད་ཅིང་གསོལ་བ་འདེབས་པ་ནི། ཆོས་རྗེ་ཀུན་མཁྱེན་དོལ་པོ་པའི་གསུང་བྱིན་རླབས་ཅན་མང་དུ་བཞུགས་པ་ལས་རྒྱལ་བ་རིགས་བཞིའི་གསོལ་འདེབས་ནི། ཨོཾ་གུ་རུ་བུདྡྷ་བྷོ་དྷི་ས་ཏྭེ་བྷྱོ་ན་མོ་ན་མཿ རྒྱལ་བ་སྐུ་བཞིའི་རང་བཞིན་དཔལ་ལྡན་བླ་མ་དམ་པའི་ཞབས་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །བརྩེ་བ་ཆེན་པོས་དུས་ཐམས་ཅད་དུ་རྗེས་སུ་བཟུང་དུ་གསོལ། །སོར་སྡུད་བསམ་གཏན་བསྙེན་པའི་ཡན་ལག་གིས། །སད་པའི་གནས་སྐབས་སྤངས་ནས་སད་པ་གཞན། །བདེ་གཤེགས་སྙིང་པོའི་སད་པའི་སྣ་ཚོགས་གཟུགས། །མངོན་སུམ་སྟོན་མཛད་བླ་མའི་ཞབས་ལ་འདུད། །སྲོག་རྩོལ་འཛིན་པ་ཉེར་བསྒྲུབ་ཡན་ལག་གིས། །རྨི་ལམ་གནས་སྐབས་སྤངས་ནས་རྨི་ལམ་གཞན། །བདེ་གཤེགས་སྙིང་པོའི་རྨི་ལམ་གཞོམ་མེད་སྒྲ། །མངོན་སུམ་སྟོན་མཛད་བླ་མའི་ཞབས་ལ་འདུད། །རྗེས་སུ་དྲན་པ་བསྒྲུབ་པའི་ཡན་ལག་གིས། །གཉིད་འཐུག་གནས་སྐབས་སྤངས་ནས་གཉིད་འཐུག་གཞན། །བདེ་གཤེགས་སྙིང་པོའི་གཉིད་འཐུག་བསམ་དུ་མེད། །མངོན་སུམ་སྟོན་མཛད་བླ་མའི་ཞབས་ལ་འདུད། །ཏིང་འཛིན་ཡན་ལག་བསྒྲུབ་པ་ཆེན་པོ་ཡིས། །ཆགས་པའི་གནས་སྐབས་སྤངས་ནས་ཆགས་པ་གཞན། །བདེ་གཤེགས་སྙིང་པོའི་ཆགས་པ་འགྱུར་མེད་བདེ། །མངོན་སུམ་སྟོན་མཛད་བླ་མའི་ཞབས་ལ་འདུད། །འདུ་མི་བྱེད་པའི་རྣམ་ཐར་སྙིང་རྗེ་ཡིས། །ལུས་ཀྱི་བྱ་བ་སྤངས་ནས་ལུས་གཞན་མཆོག །བདེ་གཤེགས་སྙིང་པོའི་ལུས་མཆོག་རྡོ་རྗེའི་སྐུ། མངོན་སུམ་སྟོན་མཛད་བླ་མའི་ཞབས་ལ་འདུད། །སྨོན་པ་མེད་པའི་རྣམ་ཐར་དགའ་བ་ཡིས། །ངག་གི་བྱ་བ་སྤངས་ནས་ངག་གཞན་མཆོག །བདེ་
― LT24_Page_233B ―
[མ་དཔེ་གཟིགས་ན་འདིར་གནོན།]
གཤེགས་སྙིང་པོའི་ངག་མཆོག་རྡོ་རྗེའི་གསུང༌། །མངོན་སུམ་སྟོན་མཛད་བླ་མའི་ཞབས་ལ་འདུད། །མཚན་མ་མེད་པའི་རྣམ་ཐར་བྱམས་པ་ཡིས། །སེམས་ཀྱི་བྱ་བ་སྤངས་ནས་སེམས་གཞན་མཆོག །བདེ་གཤེགས་སྙིང་པོའི་སེམས་མཆོག་རྡོ་རྗེའི་ཐུགས། །མངོན་སུམ་སྟོན་མཛད་བླ་མའི་ཞབས་ལ་འདུད། །སྟོང་པ་ཉིད་ཀྱི་རྣམ་ཐར་བཏང་སྙོམས་ཀྱིས། །ཆགས་པའི་བྱ་བ་སྤངས་ནས་ཆགས་པ་གཞན། །བདེ་གཤེགས་སྙིང་པོའི་ཆགས་པ་རྡོ་རྗེའི་བདེ། །མངོན་སུམ་སྟོན་མཛད་བླ་མའི་ཞབས་ལ་འདུད། །དགའ་བའི་དགའ་བ་བུམ་པའི་དབང་མཆོག་གིས། །ལུས་ཀྱི་ཐིག་ལེ་འགགས་ནས་ཐིག་ལེ་གཞན། །བདེ་གཤེགས་སྙིང་པོའི་ཐིག་ལེ་སྤྲུལ་པའི་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །མཆོག་དགའི་དགའ་བ་གསང་བའི་དབང་མཆོག་གིས། །ངག་གི་ཐིག་ལེ་འགགས་ནས་ཐིག་ལེ་གཞན། །བདེ་གཤེགས་སྙིང་པོའི་ཐིག་ལེ་ལོངས་སྤྱོད་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །ཁྱད་པར་དགའ་བ་གསུམ་པའི་དབང་མཆོག་གིས། །སེམས་ཀྱི་ཐིག་ལེ་འགགས་ནས་ཐིག་ལེ་གཞན། །བདེ་གཤེགས་སྙིང་པོའི་ཐིག་ལེ་ཆོས་ཀྱི་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །ལྷན་ཅིག་སྐྱེས་དགའ་བཞི་པའི་དབང་མཆོག་གིས། །ཆགས་པའི་ཐིག་ལེ་འགགས་ནས་ཐིག་ལེ་གཞན། །བདེ་གཤེགས་སྙིང་པོའི་ཐིག་ལེ་ལྷན་སྐྱེས་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །སོར་སྡུད་བསམ་གཏན་དབྱིབས་ཀྱི་རྣལ་འབྱོར་གྱིས། །ལུས་ཀྱི་སྒྲིབ་པ་ཕུང་པོའི་བདུད་བཅོམ་ནས། །དམ་ཚིག་སེམས་དཔའ་པད་འདབ་ཡངས་པའི་སྤྱན། །མངོན་སུམ་སྟོན་མཛད་བླ་མའི་ཞབས་ལ་འདུད། །སྲོག་རྩོལ་འཛིན་པ་སྔགས་ཀྱི་རྣལ་འབྱོར་
― LT24_Page_234A ―
[མ་དཔེ་གཟིགས་ན་འདིར་གནོན།]
གྱིས། །ངག་གི་སྒྲིབ་པ་ཉོན་མོངས་བདུད་བཅོམ་ནས། །སེམས་དཔའ་ཆེན་པོ་ཉིན་མོར་བྱེད་པའི་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །རྗེས་དྲན་ཡན་ལག་ཆོས་ཀྱི་རྣལ་འབྱོར་གྱིས། །སེམས་ཀྱི་སྒྲིབ་པ་འཆི་བདག་བདུད་བཅོམ་ནས། །བྱང་ཆུབ་སེམས་དཔའ་ཡེ་ཤེས་ཆེན་པོའི་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །ཏིང་འཛིན་ཡན་ལག་དག་པའི་རྣལ་འབྱོར་གྱིས། །མ་རིག་སྒྲིབ་པ་ལྷ་ཡི་བདུད་བཅོམ་ནས། །རྡོ་རྗེ་སེམས་དཔའ་ཐམས་ཅད་མཁྱེན་པའི་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །ལུས་ཀྱི་ལོངས་སྤྱོད་ཀུན་ལ་མི་ལྟོས་པར། །ལུས་ལ་ཆགས་པ་ལུས་ཀྱི་ཉེས་བཅོམ་ནས། །དྲི་བྲལ་འབྲས་བུ་རྣམ་པ་ཀུན་མཁྱེན་སྐུ། །མངོན་སུམ་སྟོན་མཛད་བླ་མའི་ཞབས་ལ་འདུད། །ངག་གི་ལོངས་སྤྱོད་ཀུན་ལ་མི་ལྟོས་པར། །ངག་ལ་ཆགས་པ་ངག་གི་ཉེས་བཅོམ་ནས། །སྐྱེས་བུ་བྱེད་པའི་འབྲས་བུ་ལམ་མཁྱེན་ཉིད། །མངོན་སུམ་སྟོན་མཛད་བླ་མའི་ཞབས་ལ་འདུད། །ཡིད་ཀྱི་ལོངས་སྤྱོད་ཀུན་ལ་མི་ལྟོས་པར། །སེམས་ལ་ཆགས་པ་སེམས་ཀྱི་ཉེས་བཅོམ་ནས། །རྣམ་སྨིན་འབྲས་བུ་ལམ་གྱི་རྣམ་མཁྱེན་ཉིད། །མངོན་སུམ་སྟོན་མཛད་བླ་མའི་ཞབས་ལ་འདུད། །འཕོ་བའི་ལོངས་སྤྱོད་ཀུན་ལ་མི་ལྟོས་པར། །འཕོ་ལ་ཆགས་པས་འཕོ་བའི་ཉེས་བཅོམ་ནས། །རྒྱུ་མཐུན་འབྲས་བུ་ཐམས་ཅད་མཁྱེན་པ་ཉིད། །མངོན་སུམ་སྟོན་མཛད་བླ་མའི་ཞབས་ལ་འདུད། །ཨོཾ་ཡིག་རྣམ་པ་སྣ་ཚོགས་སྐད་ཅིག་མས། །སྤྱི་བོའི་འཁོར་ལོ་དག་པའི་ཧེ་རུ་ཀ །སྒྱུ་འཕྲུལ་དྲྭ་བས་མངོན་པར་བྱང་ཆུབ་པ། །མངོན་སུམ་སྟོན་མཛད་བླ་མའི་ཞབས་ལ་འདུད། །ཨཱཿཡིག་རྣམ་པར་སྨིན་པའི་སྐད་ཅིག་མས། །མགྲིན་པའི་འཁོར་
― LT24_Page_234B ―
[མ་དཔེ་གཟིགས་ན་འདིར་གནོན།]
ལོ་དག་པའི་ཧེ་རུ་ཀ །རྣམ་པ་ཉི་ཤུས་མངོན་རྫོགས་བྱང་ཆུབ་པ། །མངོན་སུམ་སྟོན་མཛད་བླ་མའི་ཞབས་ལ་འདུད། །ཧཱུྃ་ཡིག་རྣམ་པར་ཉིད་པའི་སྐད་ཅིག་མས། །སྙིང་ཁའི་འཁོར་ལོ་དག་པའི་ཧེ་རུ་ཀ །རྣམ་པ་ལྔ་ཡིས་མངོན་རྫོགས་བྱང་ཆུབ་པ། །མངོན་སུམ་སྟེན་མཛད་བླ་མའི་ཞབས་ལ་འདུད། །ཧོཿཡིག་མཚན་ཉིད་བྲལ་བའི་སྐད་ཅིག་མས། །ལྟེ་བའི་འཁོར་ལོ་དག་པའི་ཧེ་རུ་ཀ །སྐད་ཅིག་གཅིག་གི་མངོན་རྫོགས་བྱང་ཆུབ་པ། །མངོན་སུམ་སྟོན་མཛད་བླ་མའི་ཞབས་ལ་འདུད། །གདན་བཞི་བདེན་བཞི་དེ་ཉིད་བཞི་ལ་སོགས། །རིགས་བཞིའི་འཁོར་ལོ་དཀྱིལ་འཁོར་བླ་མ་དང༌། །སངས་རྒྱས་སྲས་བཅས་ཀུན་ལ་ཕྱག་འཚལ་མཆོད། །སྡིག་པ་ཀུན་བཤགས་དགེ་ལ་རྗེས་ཡི་རང༌། །ཆོས་ཀྱི་འཁོར་ལོ་བླ་མེད་བསྐོར་དུ་གསོལ། །མྱ་ངན་མི་འདའ་ཡུན་རིང་བཞུགས་གསོལ་འདེབས། །ལུས་འབུལ་སྐྱབས་མཆི་བྱང་ཆུབ་སེམས་བསྐྱེད་བགྱི། །དགེ་བ་གང་བསགས་སྐུ་བཞི་ཐོབ་ཕྱིར་སྔོ། ཞེས་དང༌། གཞན་ཡང་སྦྱོར་དྲུག་བརྒྱུད་པའི་གསོལ་འདེབས་སོགས་ཅི་ནུས་ཀྱིས་གསོལ་བ་བཏབ། འདོད་དོན་ཞུ་བ་ནི། ལྷ་བདེ་གཤེགས་སྙིང་པོའི་བཀའ་དྲིན་གྱིས། །ཡིད་རྣམ་རྟོག་འགྱུ་བ་སོ་སོར་བཅད། །ཉམས་འོད་གསལ་རྟགས་བཅུ་མངོན་གྱུར་ནས། །ལམ་སོར་སྡུད་འབྱོངས་པར་བྱིན་གྱིས་རློབས། །ཕ་དྲིན་ཅན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ལྷ་བདེ་གཤེགས༴ ཡིད་རླུང་སེམས་ངག་རྣམས་མི་གཡོ་ཞིང༌། །ཉམས་ཤེས་རབ་ཏོག་དཔྱོད་དགའ་བདེ་འཕེལ། །ལམ་བསམ་གཏན་འབྱོངས་པར་བྱིན་གྱིས༴ ཕ་དྲིན་ཅན༴ འདྲེན་མཆོག༴ ལྷ་བདེ་གཤེགས༴ རྩ་རོ་རྐྱང་རླུང་བཅུ་དབུ་མར་ཚུད། །ཉམས་གཏུམ་མོ་འབར་བས་ཧཾ་ཡིག་ཞུ། །ལམ་
― LT24_Page_235A ―
[མ་དཔེ་གཟིགས་ན་འདིར་གནོན།]
སྲོག་རྩོལ་འབྱོང་པར་བྱིན༴ ཕ་དྲིན་ཅན༴ འདྲེན་མཆོག༴ ལྷ་བདེ་གཤེགས༴ ཁམས་འཛག་མེད་ཐིག་ལེ་དབྲལ་བར་བརྟེན། །ཉམས་ཞུ་བདེ་འགྱུར་མེ་རྒྱུད་ལ་སྐྱེས། །ལམ་འཛིན་པ་འབྱོངས་པར་བྱིན༴ ཕ་དྲིན་ཆེན༴ འདྲེན་མཆོག༴ ལྷ་བདེ༴ ལུས་རྩ་འདབ་བདེ་ཆེན་ཐིག་ལེས་གང༌། །ཉམས་ཕྱག་རྒྱ་གསུམ་ལ་མངའ་བརྙེས་པས། །ལམ་རྗེས་དྲན་འབྱོངས༴ ཕ་དྲིན་ཅན༴ འདྲེན་མཆོག༴ ལྷ་བདེ་གཤེགས༴ རྩ་འཁོར་ལོ་དྲུག་པོ་བདེ་བས་གང༌། །ཉམས་སྤྲོས་པ་མེད་ལ་དབང་འབྱོར་བའི། །ལམ་ཏིང་འཛིན་འབྱོངས་པར༴ ཕ་དྲིན་ཆེན༴ འདྲེན་མཆོག༴ ལྷ་བདེ་གཤེགས༴ ལུས་བྱེད་བཅིངས་གནད་དང་མ་བྲལ་ཞིང༌། །ཆོས་མ་ནོར་མན་ངག་ཟབ་མོ་ཡིས། །ལམ་སྦྱོར་དྲུག་འབྱོངས་པར་བྱིན་གྱིས་རློབས། །ཕ་དྲིན་ཆེན་བླ་མ་ལ་གསོལ་བ་འདེབས། །འདྲེན་མཆོག་ཡབ་སྲས་རྣམས་ཀྱིས་བྱིན་གྱིས་རློབས། །ཞེས་དང༌། གཞན་ཡང་ཆོས་རྗེ་ཀུན་མཁྱེན་པའི་གསུང་སོགས་འདོད་གསོལ་གཞན་ཡང་སྤྲོ་ན་བྱ། །དེ་ནས་ཚོགས་མཆོད་ཕུལ་ན། ཚོགས་རྫས་བྱིན་རླབས་ནི། ཨོཾ་ཨཱཿཧཱུྃ་ཧྲཿཕཊ་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་ནག་པོ་གཞུའི་དབྱིབས་ཅན་རྒྱལ་མཚན་གྱིས་མཚན་པ། །དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་འབར་བས་མཚན་པ། དེའི་སྟེང་དུ་ཨཱཿལས་མི་མགོའི་སྐྱེད་པུ་གསུམ་ལ་གནས་པའི་ཨོཾ་ཡོངས་སུ་གྱུར་པ་ལས་ཐོད་པ་དུམ་བུ་གཅིག་པ། དེའི་ནང་གི་དབུས་སུ་ཨ་ལས་བྱང་སེམས། །ཤར་དུ་ཨི་ལས་རྐང་མར། །ལྷོར་རྀ་ལས་རཀྟ། བྱང་དུ་ཨུ་ལས་དྲི་ཆུ། ནུབ་ཏུ་ལྀ་ལས་དྲི་ཆེན། རླུང་མཚམས་སུ་ལཱ་ལས་གླང་པོ་ཆེའི་ཤ །དབང་ལྡན་ཏུ་ཨཱུ་ལས་བ་གླང་གི་ཤ །བདེན་བྲལ་དུ་རཱྀ་ལས་རྟའི་ཤ །མེ་མཚམས་
― LT24_Page_235B ―
[མ་དཔེ་གཟིགས་ན་འདིར་གནོན།]
སུ་ཨཱི་ལས་ཁྱིའི་ཤ །དབུས་ཀྱི་སྟེང་དུ་ཨཱ་ལས་མིའི་ཤ །རླུང་གཡོས་མེ་སྤར་རྫས་རྣམས་ཞུ། །ལག་པ་གཡོན་པའི་མཐིལ་དུ་ཟླ་བ་ལ་གནས་པའི་ཨོཾ་སྐུ་རྡོ་རྗེའི་ངོ་བོ། །དེའི་འོད་ཟེར་གྱིས་མ་དག་པའི་རྫས་རྣམས་སྦྱངས། ཨོཾ་ཨོཾ་བཛྲ་ཙཎྜ་སརྦ་དྷརྨ་སུ་བི་ཤུདྡྷ་སྭ་བྷཱ་ཝ་སརྦ་དྷརྨཱ་ནྲ་བི་ཤོ་དྷ་ཡ་སྭཱ་ཧཱ། །ལག་པ་གཡས་པའི་མཐིལ་དུ་ཉི་མ་ལ་གནས་པའི་ཨཱཿགསུང་རྡོ་རྗེའི་ངོ་བོ། །དེའི་འོད་ཟེར་གྱིས་དག་པའི་རྫས་རྣམས་སྤེལ་བར་གྱུར། །ཨོཾ་ཨཱཿབཛྲ་སཱུརྻ་སརྦ་དྷརྨ་པྲ་བོ་དྷ་ཀ་སརྦ་དྷརྨཱ་ནྲ་པྲ་བོ་དྷ་ཡ་སྭཱ་ཧཱ། །ལག་པ་གཉིས་ཀ་སྦྱར་བའི་དབུས་སུ་སྒྲག་ཅན་གྱི་དཀྱིལ་འཁོར་ལ་གནས་པའི་ཧཱུྃ་ཐུགས་རྡོ་རྗེའི་ངོ་བོ། །དེའི་འོད་ཀྱིས་རྫས་རྣམས་ཁ་དོག་དྲི་རོ་ནུས་མཐུ་གཟི་བརྗིད་ཕུན་སུམ་ཚོགས་པ་འབར་བར་གྱུར། ཨོཾ་ཧཱུྃ་བཛྲ་ཨ་ན་ལ་སརྦ་དྷརྨཱ་དཱི་པ་ཀ་སརྦ་དྷརྨཱ་ནྲ་པྲ་དཱི་པ་ཡ་སྭཱ་ཧཱ། །མཁའ་ལྡིང་གི་ཕྱག་རྒྱའི་དབུས་སུ་དུས་མེ་ལ་གནས་པའི་ཧོཿཡིག་ཡེ་ཤེས་རྡོ་རྗེའི་ངོ་བོ། །དེའི་འོད་ཟེར་གྱིས་ཟག་མེད་ཡེ་ཤེས་མཆོག་གི་བདུད་རྩིར་བྱས་པར་གྱུར། ཨོཾ་ཧོཿསརྦ་དྷརྨ་བཛྲ་ཨ་མྲྀ་ཏ་ཀར་སརྦ་དྷརྨཱ་ན་བཛྲ་ཨ་མྲྀ་ཏཾ་ཀུ་རུ་ཀུ་རུ་སྭཱ་ཧཱ། ན་མོ། །ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ་རང་བཞིན་རྣམ་པར་དག་པ་སྐྱེ་བ་མེད་པ། །མཚན་ཉིད་རྣམ་པར་དག་པ་ཨཱ་ལི་ཀཱ་ལི། ངོ་བོ་རྣམ་པར་དག་པ་ཤ་ལྔ་བདུད་རྩི་ལྔས་རྒྱས་བཏབ་པ་འདི་ཉིད། བྱིན་རླབས་ཀྱི་རྩ་བ་རྩ་བརྒྱུད་བླ་མ་རྣམས་ལ་འབུལ་བར་བགྱིའོ། །ཨོཾ་ག་ཎ་ཙཀྲ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། དེ་བཞིན་ཏུ་སྦྱར་ཏེ། དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས༴ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས༴ དམ་ཚིག་གི་རྩ་བ་མཆེད་གྲོགས་རྡོ་རྗེ་སྤུན་གྲོགས་རྣམས་ལ་འབུལ་བར་བགྱིའོ། །ཨོཾ་ག་ཎ་ཙཀྲ༴ ཨོཾ་མི་འབྲལ་སྙིང་གི་གཞལ་མེད་ཁང༌། །མོས་
― LT24_Page_236A ―
[མ་དཔེ་གཟིགས་ན་འདིར་གནོན།]
གུས་གཞོམ་མེད་ཕོ་བྲང་ན། །དྲིན་ཅན་རྩ་བའི་བླ་མ་མཆོག །བཀའ་དྲིན་མཉམ་མེད་དམ་པ་རྗེ། །རྣམ་འཕྲུལ་མཁའ་ལ་སྤྲིན་བཞིན་གཏིབས། །འདིར་གཤེགས་ཚོགས་ཀྱི་མཆོད་པ་བཞེས། །གནས་ཁང་འདི་ལ་བྱིན་ཕོབ་ལ། །ཚོགས་རྫས་འདི་ལ་བཅུད་ཅིག་ཆུག །འདིར་འདུས་རྣལ་འབྱོར་བདག་ཅག་ལ། །མཆོག་དང་ཐུན་མོང་དངོས་གྲུབ་སྩོལ། །རྣམ་དག་བདེ་ཆེན་འགྱུར་མེད་དངོས། །བདེ་གཤེགས་རྒྱ་མཚོའི་དཀྱིལ་འཁོར་དུ། །དུས་ཀྱི་འཁོར་ལོ་རྡོ་རྗེ་སེམས། །མཁའ་ཁྱབ་དང་པོའི་སངས་རྒྱས་ཉིད། །རྣམ་འཕྲུལ་སོགས་རྐང་པ་དྲུག་ཀུན་ལ་འགྲེས། སྤྲོས་བྲལ་དག་པ་ཨེ་ཡིག་དབྱིངས། །རྣམ་ཀུན་མཆོག་ལྡན་མཁའ་སྤྱོད་ནས། །འཁོར་ལོའི་བདག་མོ་སྣ་ཚོགས་ཡུམ། །དབྱིངས་ཕྱུག་ཤེས་རབ་ཕ་རོལ་ཕྱིན། །རྣམ་འཕྲུལ༴ ས་བཅུའི་དབང་ཕྱུག་རྣམ་འཕྲུལ་མཆོག །ཆོས་རྒྱལ་རིགས་ལྡན་འཁོར་བཅས་དང༌། །རྩོད་ལྡན་དུས་འདིར་རྡོ་རྗེ་འཆང༌། །བརྒྱུད་ལྡན་བླ་མའི་ཚོགས་ཀུན་ཀྱང༌། །རྣམ་འཕྲུལ༴ གང་ལ་གང་འདུལ་སྐུར་སྟོན་པ། །སངས་རྒྱས་བྱང་སེམས་ཡི་དམ་ལྷ། །གནས་གསུམ་དཔའ་བོ་རྣལ་འབྱོར་མ། །ཕྱག་བརྙན་པོ་ཉ་འབྱུང་པོའི་ཚོགས། །རྣམ་འཕྲུལ༴ བླ་མ་ཡི་དམ་མཁའ་འགྲོའི་ཚོགས། །རིགས་ཀྱི་ཅོད་པན་ལྡེམས་སེ་ལྡེམ། །དར་གྱི་ཅོད་པན་པུ་རུ་རུ། །རྒྱན་ཆ་མང་པོ་ཁྲ་ལ་ལ། །རོལ་མོ་མང་པོ་དི་རི་རི། །ཀླུ་ལེན་གར་བྱེད་ཁྱུགས་སེ་ཁྱུག །འཁོར་ཚོགས་འབུམ་སྡེ་ཤ་ར་ར། །སྒྱུ་མའི་རང་སྣང་རྗེན་ནེ་རྗེན། །གཏད་མེད་རིག་པ་ས་ལ་ལ། །བརྗོད་མེད་དབྱིངས་སུ་ཐ་ལ་ལ། །བདེ་བ་ཆེན་པོ་ཁྲི་ལི་ལི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབ་ལ། །སྒྲུབ་མཆོག་བདག་ལ་
― LT24_Page_236B ―
[མ་དཔེ་གཟིགས་ན་འདིར་གནོན།]
དངོས་གྲུབ་སྩོལ། །བགེགས་དང་ལོག་འདྲེན་བར་ཅད་སོལ། །འཁོར་གསུམ་གཉིས་སུ་མེད་པར་རོལ། དེ་ནས་ཕུད་དང་པོ་བཅད་ལ། གཏོར་མ་ལ་ཡང་ཅུང་ཟད་སྒྲོན། དངོས་སུ་འབྱོར་དང་ཡིད་ཀྱིས་སྤྲུལ་པ་དང༌། །ཕྱོགས་དུས་ཀུན་གྱི་མཆོད་རྫས་བཟང་རྒུ་རྣམས། །བླ་མ་རྒྱལ་བ་སྲས་དང་བཅས་ལ་འབུལ། །མཁའ་ཁྱབ་འགྲོ་བའི་དོན་དུ་བཞེས་སུ་གསོལ། །ཞེས་འབུལ། དེ་ནས་ལས་རྡོར་གྱིས་ལག་གཡོན་པས་ཐོད་པའི་བདུད་རྩི་བཟུང༌། །གཡས་རྩེ་གསུམ་གྱིས་ཕྱག་རྒྱས་བཀབ་ཏེ། ཀྱེ། འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་རྣམས། །རང་བཞིན་གཅིག་པ་ཉིད་དུ་རོལ། །ཞེས་དྲངས། བདེ་གཤེགས་ཆོས་ལ་རིན་ཐང་མེད། །འདོད་ཆགས་ལ་སོགས་དྲི་མ་བྲལ། །གཟུང་དང་འཛིན་པ་དང་བྲལ་བ། །དེ་བཞིན་ཉིད་ལ་བདག་ཕྱག་འཚལ། །ཞེས་བླངས། སླར་ཡང་ཚོགས་རྫས་གཞན་རྣམས་ལ་བསྲེ། ཡང་བུད་གཅིག་བཅད་དེ། ཕྱེད་སྔར་གྱི་ཕུད་དང་བསྲེ། ཕྱེད་ལྷག་གཏོར་ལ་བསྲེ་བའི་ཕྱིར་ལོགས་སུ་བཞག་གོ །ཞལ་ཟས་རོ་བརྒྱ་ལྡན་པའི་ཡིད་འཕྲོག་པ། །ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་བས་འགྲོ་བ་འདི་རྣམས་ཀྱང༌། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །བླ་མ་ཡི་དམ་མཁའ་འགྲོའི་ཚོགས་བཅས་དང༌། །མཆོད་ཡུལ་རྒྱ་མཚོའི་ཚོགས་ལ་མཆོད་པ་འབུལ། །འགྲོ་ཀུན་ཡེ་ཤེས་བདུད་རྩིའི་རྒྱ་མཚོ་ལ། །མཆོག་ཏུ་རོལ་བས་བདེ་ཆེན་ཐོབ་པར་ཤོག །དམན་པའི་ཡུལ་ལས་རབ་འདས་ཤིང༌། །རྒྱལ་བ་ཀུན་གྱི་དམ་ཚིག་མཆོག །དངོས་གྲུབ་ཀུན་ཀྱི་གཞིར་གྱུར་པ། །བདུད་རྩི་མཆོག་གི་མཆོད་པར་བགྱི། །སྒྲིབ་པའི་དྲི་མ་ཀུན་སེལ་ཞིང༌། །རྟོག་པ་ཀུན་ལས་ངེས་གྲོལ་བ། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོས་མཉེས་གྱུར་ཅིག །དེ་ནས་སོ་སོའི་ཕུད་བཅད་ནས།
― LT24_Page_237A ―
[མ་དཔེ་གཟིགས་ན་འདིར་གནོན།]
ཨོཾ་ཨཱཿགུ་རུ་བུདྡྷ་བོ་དྷི་ས་ཏྭེ་བྷྱཿབཛྲ་ནཻ་ཝིདྱ་ཧཱུྃ། ཆང་བུ་གཉིས་པ་བྱས། ཨོཾ་ཧ་རི་ཏི་པིཎྜ་ཀེ་པྲ་ཏཱིཙྪ་སྭཱ་ཧཱ། ཡང་ཆང་བུ་གསུམ་པ་བྱས་ལ། ཨོཾ་སརྦ་དཱུ་ཏཱི་ཀེ །ཨ་གྲཱ་གྲ་སཾ་པྲ་ཏཱིཙྪ་སྭཱ་ཧཱ། དེ་ནས་ནང་གི་སྦྱིན་སྲེག་གི་དམིགས་པ་གསལ་བཏབ་ལ་སོ་སོར་ལོངས་སྤྱོད། ལྷག་མ་བསྡུས་ལ་བསང་སྦྱང༌། སྟོང་པའི་ངང་ལས་ལྷག་མའི་གཏོར་མ་བཟང་ཞིང་རྒྱ་ཆེ་བ་འདོད་དགུའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་ཧ་ཧོཿཧྲཱིཿ ཨོཾ་ཨ་ཀཱ་རོ་སོགས། ཨོཾ་ཁ་ཁ་ཁཱ་ཧི་ཁཱ་ཧི་ཨུཙྪིཥུ་དྷཀྵ་བྷཀྵུ་སྭཱ་ཧཱ། ལན་གསུམ། རོལ་མོའི་སྒྲ་དང་བཅས་ཏེ་ཕྱིར་བཏང༌། དྲག་སྔགས་ཀྱིས་མཚམས་བཅད། དེ་ནས་རྡོ་རྗེའི་གླུ་བླངས་བཞི། དྲིལ་བུའི་སྒྲ་དང་བཅས། ཀོལླ་ཨི་རེ་ཊཋ་ཨ་བོལླ། མུམྨུ་ཎི་རེ་ཀཀྐོ་ལ། གྷ་ཎ་ཀྲི་པི་ཏ་ཧོ་བཛྫ་ཨ། ཀ་རུ་ཎི་ཀི་ཨ་ཨི་ཎ་རོ་ལཱ། ཏཱ་ཧི་བ་ལ་ཁཱཛྫ་ཨཱི། གཱ་ཌ་མ་ཨ་ཎཱ་བིཛྫ་ཨ་ཨི། ཧ་ལེ་ཀ་ལིཉྩ་ར་ས་ནི་ཨ་ཨི། དུ་དྷུ་ར་བཛྫི་ཨ་ཨི། ཙ་ཨུ་ས་མ་ཀ་ཙྪུ་རི་སིཧླ། ཀ་པུ་ར་ལ་ཨི་ཨ་ཨི། མ་ལ་ཨིནྡྷ་ན་སཱ་ལིཾ་ཛཿ ཏ་ཧིཾ་བྷ་རུ་ཁ་ཨི་ཨ་ཨི། ཕྲེ་ཁ་ཎ་ཁེ་ཊ་ཀ་རནྟེ། ཤུདྡྷ་ཨ་ཤུདྡྷ་ཎྞ་མ་ནི་ཨ་ཨི། ནི་རཾ་སུ་ཨཾ་ག་ཙ་ཌཱ་བི། ཏ་ཧིཾ་ཛ་ས་རཱ་བ་པ་ཎི་ཨ་ཨི། མ་ལ་ཨ་ཙ་ཀུནྟུ་རུ་བ་ཌཱ་ཨི། ཌི་ཎ་ཌི་མ་ཏ་ཧི་ན་བཛྫ་ཨ་ཨི། ཞེས་བརྗོད། ལྟེ་བར་གཏུམ་མོ་འབར་བ་ཡིས། །དེ་བཞིན་གཤེགས་པ་ལྔ་བསྲེགས་ཤིང༌། །སྤྱན་མ་མིག་ལ་སོགས་པ་དང༌། །བསྲེགས་པས་རིང་བོང་ཅན་ཧཾ་འཛག །ཅེས་བརྗོད་ཅིང་དོན་བསྒོམ། །སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་སྐྱོན་མེད་པར། །གང་གི་ལམ་གྱིས་གྲོལ་འགྱུར་བ། །དེ་ཡི་སངས་རྒྱས་མྱུར་ཐོབ་ཤོག །མ་བསྒྲལ་བ་རྣམས་བསྒྲལ་བ་དང༌། །མ་གྲོལ་བ་རྣམས་གྲོལ་བར་བགྱི། །རྣལ་འབྱོར་གཙུག་ལག་བསྟན་བཅོས་ལ། །ད་ལྟ་ཉིད་དུ་གནས་པར་ཤོག །ཅེས་སྨོན་ལམ་བཏབ། གསུམ་པ་རྗེས་ཀྱི་བྱ་བ་ལ། ཡན་ལག་བདུན་པ་མདོར་བསྡུས་ཏེ་འབུལ་ཞིང་ཕུར་ཚུགས་སུ་གསོལ་བ་འདེབས་པ་དང༌། དབང་བླང་བ་བཅས་ཆོས་རྗེ་ཀུན་མཁྱེན་
― LT24_Page_237B ―
[མ་དཔེ་གཟིགས་ན་འདིར་གནོན།]
ཆེན་པོའི་གསུང་ལས་བྱུང་བ་ནི། མེ་འགྱུར་ཡིད་འོང་མཚན་དཔེས་ལེགས་སྤྲས། །འགག་མེད་ཚངས་དབྱངས་ཕྱོགས་བཅུར་སྒྲོགས་མཛད། །འཁྲུལ་མེད་ཕྱག་རྒྱ་ཆེ་ལ་གནས་པའི། །བླ་མའི་སྐུ་གསུང་ཐུགས་ལ་ཕྱག་འཚལ། །སོར་སྡུད་ལ་སོགས་སྦྱོང་བྱེད་དྲུག་གིས། །ཕུང་པོ་ལ་སོགས་སྦྱང་བྱ་དྲུག་དྲུག །ལེགས་པར་སྦྱངས་པའི་བདེ་གཤེགས་སོ་དྲུག །གཅིག་ཏུ་བསྡུས་པའི་སྐུ་ལ་ཕྱག་འཚལ། །ལུས་ངག་ཡིད་གསུམ་དུས་གསུམ་དགེ་ཚོགས། །མཆོད་པའི་སྤྲིན་དཔུང་དཔག་ཏུ་མེད་པ། །ཀུན་ཏུ་བཟང་པོའི་རྣམ་འཕྲུལ་ཅི་བཞིན། །བདག་ཡིད་དང་བས་མཆོད་པར་འབུལ་ལོ། །ལུས་ངག་ཡིད་ཀྱི་སྒོ་ནས་བསགས་པའི། །སྡིག་པའི་ཚོགས་ཀུན་མཐོལ་ལོ་བཤགས་སོ། །དགེ་ལ་ཡི་རང་ཆོས་འཁོར་སྐོར་མཛོད། །རྟག་ཏུ་བཞུགས་པར་གསོལ་བ་འདེབས་སོ། །ཚོགས་གསུམ་མཐར་ཕྱིན་བཅུ་གཉིས་ལམ་བགྲོད། །རྡོ་རྗེ་འཛིན་པ་ཀུན་གྱི་གཙོ་བོ། །སྐུ་བཞིའི་མངའ་བདག་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །གཉིས་མེད་ཡེ་ཤེས་རྩེ་གཅིག་བསྒོམས་པས། །གཉིས་སྣང་ཚོགས་བརྒྱད་གནས་གྱུར་ཐོབ་པའི། །ཡེ་ཤེས་ལྔ་ལྡན་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །བསྐྱེད་རྫོགས་མཐར་ཕྱིན་བཅུ་གཉིས་དབང་གིས། །སྐལ་ལྡན་གདུལ་བྱ་སྨིན་གྲོལ་མཛད་པའི། །བླ་མ་ཀུན་འདུས་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །ཁྱོད་ཕུང་རིགས་དྲུག་སྐྱེ་མཆེད་སྲས་བརྒྱད། །ཕྱག་ཞབས་ལ་སོགས་ཁྲོ་བོའི་ཚོགས་ཀུན། །ཡི་དམ་ཀུན་འདུས་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །དོན་གཉིས་མཐར་བྱིན་ཆོས་སྐུའི་ངོ་བོ། །སྣ་ཚོགས་སྤྲུལ་པས་འགྲོ་བའི་དོན་མཛོད། །
― LT24_Page_238A ―
[མ་དཔེ་གཟིགས་ན་འདིར་གནོན།]
སངས་རྒྱས་ཀུན་འདུས་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །དོན་དམ་བརྗོད་བྲལ་རྣམ་བྱང་བདེན་པས། །གསུང་རབ་གླེགས་བམ་རྣམ་པར་སྟོན་མཛད། །དམ་ཆོས་ཀུན་འདུས་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །རིགས་གྲོལ་གཉིས་ལྡན་ས་བཅུའི་མངའ་བདག །འགྲོ་བའི་མགོན་སྐྱབས་བཤེས་གཉེན་དམ་པ། །དགེ་འདུན་ཀུན་འདུས་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །དམིགས་མེད་སྙིང་རྗེ་བདེ་ཆེན་ངོ་བོ། །ཐབས་ཀྱི་སྒོ་ནས་དགྲ་བགེགས་འཇོམས་མཛད། །ཆོས་སྐྱོང་ཀུན་འདུས་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །ཞི་རྒྱས་དབང་དྲག་ལས་ལ་མངའ་བརྙེས། །མཆོག་དང་ཐུན་མོང་དངོས་གྲུབ་སྟེར་མཛད། །དངོས་གྲུབ་འབྱུང་གནས་དཔལ་ལྡན་བླ་མ། །གསོལ་བ་འདེབས་སོ་བྱིན་གྱིས་རློབས་ཤིག །མདོ་རྒྱུད་མན་ངག་བསྟན་བཅོས་ཀུན་ལ། །འཆད་རྩོད་རྩོམ་གྱིས་ལོག་རྟོག་སེལ་མཛད། །མ་རིག་མུན་སེལ་དཔལ་ལྡན་བླ་མར། །གསོལ་བ་འདེབས་སོ་བྱིན་གྱིས་རློབས་ཤིག །དེང་ནས་བདག་ནི་བླ་མ་ཁྱེད་དང༌། །ལུས་དང་གྲིབ་མ་ལྟ་བུར་འགྲོགས་ཏེ། །ཟབ་དོན་མན་ངག་བདུད་རྩི་འཐུང་བར། །དཔལ་ལྡན་བླ་མས་བྱིན་གྱིས་རློབས་ཤིག །མ་དག་ལོག་པའི་འཚོ་བ་སྤངས་ནས། །བདུད་རྩི་ལྕེ་སྦྱོར་ཉམས་སུ་བླངས་ཏེ། །ཟས་གོས་སོགས་ལ་ལྟོས་པ་མེད་པར། །དཔལ་ལྡན་བླ་མས་བྱིན་གྱིས་རློབས་ཤིག །དབེན་པའི་གནས་སུ་ཟབ་མོའི་དོན་ལ། །རྩེ་གཅིག་བསམ་གཏན་བསྒྲུབས་པར་བྱས་ནས། །ཚེ་འདི་ཉིད་ལ་ཕྱག་ཆེན་ཐོབ་པར། །དཔལ་
― LT24_Page_238B ―
[མ་དཔེ་གཟིགས་ན་འདིར་གནོན།]
ལྡན་བླ་མས་བྱིན་གྱིས་རློབས་ཤིག །བཟོད་གསོལ་ནི། བདག་ནི་མི་ཤེས་བག་མེད་དབང་གྱུར་པས། །མ་རིག་ཉེས་པའི་ཆགས་རྣམས་གང་བགྱིས་པ། །བརྩེ་ལྡན་ཁྱོད་ཀྱི་སྤྱན་སྔར་བཤགས་པར་གྱི། །ཐུགས་རྗེའི་རང་བཞིན་ཅན་གྱིས་བཟོད་པར་གསོལ། །ཅེས་དང་ཡིག་བརྒྱ་བརྗོད། ཐུགས་རྗེ་ཆེ་ལྡན་བླ་མ་དཀོན་མཆོག་རྣམས། །དབང་བཞི་བསྐུར་ལ་བདག་རྒྱུད་བྱིན་གྱིས་རློབས། །དྲི་མ་བཞི་དག་ལམ་བཞི་འབྱོང་བ་དང༌། །སྐུ་བཞིའི་གོ་འཕང་འཐོབ་པར་མཛད་དུ་གསོལ། །ཅེས་གསོལ་བ་བཏབ་པས་འཁོར་རྣམས་འོད་དུ་ཞུ་ནས་གཙོ་བོ་ལ་ཐིམ། །གཙོ་བོ་རྩ་བའི་བླ་མ་དཀོན་མཆོག་ཀུན་འདུས་ཀྱི་ངོ་བོར་གྱུར་པའི་གནས་བཞིར་རྡོ་རྗེ་བཞིའི་རང་བཞིན་ཨོཾ་ཨཱཿཧཱུྃ་ཧོཿརྣམས་ཀྱིས་མཚན་བར་གྱུར། །དཔྲལ་བའི་ཨོཾ་ལས་ཨོཾ་ཡིག་དཀར་པོ། །རང་གི་ལུས་ཀྱི་དཔྲལ་བར་ཞུགས་ཤིང༌། །དེ་ལ་བརྟེན་ནས་བུམ་དབང་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །ལུས་དང་སད་པའི་སྒྲིབ་པ་དག་ནས། །དགའ་བའི་དགའ་བཞི་ཉམས་སུ་མྱོང་བས། །སྐུ་ཡི་རྡོ་རྗེ་སྤྲུལ་སྐུ་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །མགྲིན་པའི་ཨཱཿལས་ཨཱཿཡིག་དམར་པོ། །རང་གི་ལུས་ཀྱི་མགྲིན་པར་ཞུགས་ཤིང༌། །དེ་ལ་བརྟེན་ནས་གསང་དབང་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །ངག་དང་རྨི་ལམ་སྒྲིབ་པ་དག་ནས། །མཆོག་གི་དགའ་བཞི་ཉམས་སུ་མྱོང་བས། །གསུང་གི་རྡོ་རྗེ་ལོངས་སྐུ་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །ཐུགས་ཀའི་ཧཱུྃ་ལས་ཧཱུྃ་ཡིག་ནག་པོ། །རང་གི་ལུས་ཀྱི་སྙིང་ཁར་ཞུགས་ཤིང༌། །དེ་ལ་
― LT24_Page_239A ―
[མ་དཔེ་གཟིགས་ན་འདིར་གནོན།]
བརྟེན་ནས་གསང་དབང་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །ཡིད་དང་གཉིད་འཐུག་སྒྲིབ་པ་དག་ནས། །ཁྱད་པར་དགའ་བཞི་ཉམས་སུ་མྱོང་བས། །ཐུགས་ཀྱི་རྡོ་རྗེ་ཆོས་སྐུ་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །ལྟེ་བའི་ཧོཿལས་ཧོཿཡིག་སེར་པོ། །རང་གི་ལུས་ཀྱི་ལྟེ་བར་ཞུགས་ཤིང༌། །དེ་ལ་བརྟེན་ནས་བཞི་དབང་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །ཆགས་པའི་བག་ཆགས་དྲི་མ་དག་ནས། །ལྷན་སྐྱེས་དགའ་བཞི་ཉམས་སུ་མྱོང་བས། །ཡེ་ཤེས་རྡོ་རྗེ་བདེ་སྟོང་ཐོབ་པར། །དཔལ་ལྡན་བླ་མས་བྱིན་གྱིས་རློབས་ཤིག །སྤྱི་བོའི་བླ་མ་འོད་དུ་ཞུ་ནས། །རང་གི་ལུས་ལ་གཉིས་མེད་ཐིམ་ཞིང༌། །སྙིང་ཁའི་པདྨ་འདབ་བརྒྱད་དབུས་སུ། །བརྟན་པར་བཞུགས་ནས་བྱིན་གྱིས་རློབས་ཤིག །ཅེས་བླ་མའི་གསང་བ་གསུམ་དང་རང་གི་སྒོ་གསུམ་དབྱེར་མི་ཕྱེད་པའི་ངང་དུ་མཉམ་པར་འཇོག །སྨོན་ལམ་གདབ་པ་ནི། བསོད་ནམས་འདི་ཡིས་འགྲོ་རྣམས་དུ་བ་ལ་སོགས་ལམ་གྱི་ལྷན་སྐྱེས་བདེ་བ་མཆོག་བསྒོམ་སྟེ། །འགྲོ་བའི་བླ་མ་སུམ་ཅུ་རྩ་གཉིས་མཚན་ལྡན་སྐུ་ནི་ཆོས་ཀྱི་འཁོར་ལོར་ཡང་དག་གནས། །ལྷ་རྣམས་མགོ་ཡི་གཙུག་གི་ནོར་བུའི་འོད་ཟེར་ཚོགས་ཀྱིས་ཞབས་ཀྱི་པདྨ་ལ་གཏུགས་ཤིང༌། །དམ་པའི་ལམ་སྟོན་ཉིན་བྱེད་བཞིན་ཏུ་མུན་པ་ཀུན་འཇོམས་དུས་ཀྱི་འཁོར་ལོ་ཉིད་གྱུར་ཅིག །ཇི་ལྟར་སངས་རྒྱས་མཐུ་ཡིས་བདག་གིས་ལྟ་བ་ནི། །ཞི་གྱུར་དེ་བཞིན་མི་རྣམས་ལ་ནི་འགྱུར་བར་ཤོག །ཐམས་ཅད་དུ་ནི་དུ་བའི་ལམ་ལ་བརྟེན་པ་ཡི། །སེམས་ནི་རྒྱལ་བའི་ཐུགས་རྗེ་ཆེན་པོར་འགྱུར་བར་ཤོག །
― LT24_Page_239B ―
[མ་དཔེ་གཟིགས་ན་འདིར་གནོན།]
དུས་འཁོར་གསང་བ་ལེགས་རྟོགས་དམ་ཚིག་ཡོངས་ལྡན་ཞིང༌། །འདི་སྟོན་བླ་མའི་རྗེས་འབྲང་རྡོ་རྗེ་སྤུན་ལ་སོགས། །ཕན་ཚུན་ལེགས་པར་སྨྲ་ཞིང་མཁོན་ཏུ་མི་འཛིན་དང༌། །དམ་ཚིག་རྡོ་རྗེ་གླེང་སློང་དལ་གྱིས་གནས་པར་ཤོག །མ་རུང་དམ་བྲལ་ངན་པའི་ལམ་བྱེད་ཅིང༌། །རྣལ་འབྱོར་ཆེད་དུ་མི་གཉེར་སྐྱེ་བོ་གང༌། །དེ་དང་མི་འགྲོགས་དེ་ཡིས་མི་མཐོང་དང༌། །རང་སྡུག་བླ་མ་རྡོ་རྗེ་མཆོད་པར་ཤོག །རྩོད་ལྡན་དུས་སུ་གསང་ཆེན་སྟོན་བྱེད་དང༌། །མུ་སྟེགས་སྐྱེ་བོ་ངན་པའི་ལྟ་འཇོམས་ཤིང༌། །གང་དེའི་ལྟ་བ་དབྱིངས་ནས་འདོན་བྱེད་པའི། །དེ་དག་འདུལ་བའི་དེད་དཔོན་དེ་བྱེད་ཤོག །མགོ་བོར་བླ་མའི་ཅོད་པན་འཆང༌། །ལག་ཏུ་རྡོ་རྗེ་དྲིལ་བུ་འཛིན། །ངག་ཏུ་གསང་སྔགས་རྒྱལ་པོ་བཟླ། །ཡིད་ཀྱིས་ཟུང་འཇུག་བསྒོམ་པར་ཤོག །རྡོ་རྗེ་དྲིལ་བུ་ལ་སོགས་རྟག་ཏུ་འཆང༌། །ཟབ་ཅིང་རྒྱ་ཆེའི་ཆོས་དོན་རྟོགས་པ་དང༌། །གོ་ཀུ་ཤུ་ཀྲ་ལ་སོགས་རྟག་བཟའ་ཞིང༌། །མཐར་ཐུག་བདེ་ཆེན་སྒྲུབ་པའི་སྐལ་ལྡན་ཤོག །བདག་གིས་དུས་གསུམ་དགེ་བ་ཅི་སྤྱད་པས། །ནམ་མཁའི་མཐའ་ཀླས་གྱུར་པའི་སེམས་ཅན་རྣམས། །བླ་མེད་རྡོ་རྗེ་ཐེག་པའི་སྣོད་གྱུར་ཏེ། །ཀུན་ཀྱང་རྡོ་རྗེ་འཛིན་པའི་ས་ཐོབ་ཤོག །སྐྱེ་ཞིང་སྐྱེ་བ་དག་ནི་ཐམས་ཅད་དུ། །རིགས་བཟང་བློ་གསལ་ང་རྒྱལ་མེད་པ་དང༌། །སྙིང་རྗེ་ཆེ་ཞིང་བླ་མ་ལ་གུས་ལྡན། །དཔལ་ལྡན་
― LT24_Page_240A ―
[མ་དཔེ་གཟིགས་ན་འདིར་གནོན།]
བླ་མའི་དམ་ཚིག་ལ་གནས་ཤོག །ཤིས་བརྗོད་ནི། ཞལ་ནས་གསུངས་པའི་དཀོན་མཆོག་གསུམ་གྱི་ཤིས་ཚིག་གིས་ཐོག་དྲངས་ཏེ་ཇི་ལྟར་འོས་པའི་ཚིག་ཕྲེང་རྒྱས་པར་སྤེལ་ལ་མེ་ཏོག་གི་ཆར་བསྙིལ་བ་སོགས་བྱའོ། །འདི་ལྟར་མཆོད་པའི་བྱིན་རླབས་ཤུགས་ཆེན་པོས། །ཉི་ཁྲི་ཆིག་སྟོང་འཕོ་བའི་དབུགས་བཀག་ཏེ། །དེ་སྙེད་མི་འགྱུར་བདེ་བའི་གནས་པ་ཐོབ། །ཨེ་ཝཾ་ཟུང་འཇུག་མཆོག་དངོས་མྱུར་འགྲུབ་ཤོག །ཅེས་པའང་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་རིང་ལུགས་གཅེས་པ་བསྡུས་པ་གདམས་ངག་རིན་པོ་ཆེའི་མཛོད་ལས་སྦྱོར་བ་ཡན་ལག་དྲུག་པའི་རྣལ་འབྱོར་ལ་ཉེ་པར་མཁོ་པའི་ཟུར་འདེབས་ཀྱི་ཚུལ་དུ་འདུ་གསུམ་གྱི་རྣལ་འབྱོར་སྤྱོད་པར་ཀརྨ་ངག་དབང་ཡོན་ཏན་རྒྱ་མཚོའམ་བློ་གྲོས་མཐའ་ཡས་སུ་འབོད་པས་ཀུན་མཁྱེན་དོལ་པོ་སངས་རྒྱས་སོགས་བྱིན་རླབས་ཅན་གྱི་ཚིག་ཚོགས་རྣམས་ལས་གཞིར་བླངས་ཏེ་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བགྱིས་པ་དགེ་ལེགས་འཕེལ།། མངྒ་ལཾ། །
གདམས་ངག་མཛོད་པོད་བཅོ་ལྔ་པ།
བཅོམ་ལྡན་འདས་དུས་ཀྱི་འཁོར་ལོའི་ཁྲོ་རྒྱལ་རྡོ་རྗེ་ཤུགས་ཀྱི་སྒྲུབ་ཐབས་དང་རྗེས་གནང་བཀླགས་ཆོག་ཏུ་བཀོད་པ་ཡེ་ཤེས་གྲུབ་པ།
― LT24_Page_241A ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་དུས་ཀྱི་འཁོར་ལོའི་ཁྲོ་རྒྱལ་རྡོ་རྗེ་ཤུགས་ཀྱི་སྒྲུབ་ཐབས་དང་རྗེས་གནང་བཀླགས་ཆོག་ཏུ་བཀོད་པ་ཡེ་ཤེས་གྲུབ་པ་ཞེས་བྱ་བ་བཞུགས་སོ། །
― LT24_Page_241B ―
[མ་དཔེ་གཟིགས་ན་འདིར་གནོན།]
སངས་རྒྱས་ཁྲོས་པའི་ཧེ་རུ་ཀ །ཀུན་འདུས་འཇིགས་བྱེད་རྡོ་རྗེ་ཤུགས། །སྲིད་གསུམ་གཡུལ་ལས་རབ་རྒྱལ་དེས། །བགེགས་ཉམས་འདོད་དོན་ཀུན་འགྲུབ་ཤོག །དཔལ་དུས་ཀྱི་འཁོར་ལོའི་རིམ་གཉིས་ཀྱི་རྣལ་འབྱོར་ལ་བརྩོན་པ་རྣམས་ཀྱིས་རྒྱུད་ནས་བསྔགས་པའི་སྡེ་དྲུག་སྲུང་མ་ཅུག་ཅུ་གཙོ་བོ་དང་བཅས་པ་ལ་གཏོར་མ་འབུལ་བ་སོགས་ལས་ཀྱི་རིམ་པ་ལའང་འདིའི་རྗེས་གནང་ཐོབ་པ་གལ་ཆེ་ཞིང༌། ཁྱད་པར་རྫོགས་རིམ་མུན་ཁྲིད་ཀྱི་སྔོན་དུ་འདིའི་བྱིན་རླབས་ངེས་པར་བྱ་དགོས་པས་དེ་ལྟར་བསྒྲུབ་པ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། སྟེགས་བུ་ཁེབས་ལྡན་གྱི་སྟེང་དུ་མཎྜལ་པདྨ་ལྗང་གུ་ལྟེ་བར་ཉི་ཟླ་སྒྲ་གཅན་མཚོན་བྱེད་ཀྱི་གདན་དམར་དཀར་ནག་གསུམ་བརྩེགས་པ་ལ་ཚོམ་བུ་ལྗང་ཁུ་གཅིག་བཀོད། །མཆོད་པ་བཅུ་གཉིས་པོ་འཕྲེང་ལ་བསྒྲིགས་པའམ། ཕྱོགས་ཕྱོགས་སུ་འགོད་ན། སྟེང་གི་གཉིས་ཤར་དང༌། འོག་གི་གཉིས་ནུབ་ཀྱི་གྲལ་ལ་འགོད། །དེ་ལ་ཤར་དུ་དྲི་ཆབ་དང༌། མེ་ཏོག །ལྷོ་རུ་སྤོས་དང་མེར་རམ། །བྱང་དུ་ཞལ་ཟས་དང་ཤིང་ཏོག །ནུབ་ཏུ་སྒེག་མོ་དང་བཞད་མ་མཚོན་པའི་ན་བཟའ་དང་མེ་ལོང་སྟེང་གི་སྒྲ་མའི་ཏིང་ཤགས་སོགས་རོལ་མོ་གང་རུང་དང༌། གར་མའི་རྡོར་དྲིལ་ལྟ་བུ། འོག་ཏུ་འདོད་མའི་ཆོས་འབྱུང་དང༌། གླུ་མ་མཚོན་བྱེད་ཀྱི་པི་ཝཾ་རྣམས་བཤམས། དབུས་སུ་གཏོར་མ་ཟླུམ་གཏོར་དཔལ་ཅན་འགོད།
― LT24_Page_242A ―
[མ་དཔེ་གཟིགས་ན་འདིར་གནོན།]
འབུལ་གཏོར་གཙོ་འཁོར་བདུན་པའམ་ཟུར་དྲུག་པ་བཤམས། སྒྲུབ་པ་པོའི་མདུན་ཏུ་ནང་མཆོད་རྡོར་དྲིལ་ཅང་ཏེའུ་སོགས་ཆང་བར་བྱའོ། །གཉིས་པ་ལ། ཐོག་མར་ནང་མཆོད། ཨོཾ་ཨཱཿཧཱུྃ་ཧོཿ ཞེས་བྱིན་གྱིས་བརླབ། མཆོད་པ་རྣམས། ཨོཾ་ཨཱཿཧཱུྃ་ཧྲཱི་ཕཊ་ཀྱིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཤེལ་གྱི་སྣོད་སོར་བཅུ་གཉིས་པ་རྣམས་ཀྱི་ནང་དུ། ཨོཾ་ཨཱཿཧཱུྃ་ཧོཿརྣམས་ལས་བྱུང་བའི་ཆུ་དང་མཆོད་ཡོན་དང༌། དྲི་དང་མེ་ཏོག་ལ་སོགས་པའི་མཆོད་རྫས་རྣམས་དང༌། ཨིནྡྲ་ནི་ལ་ལ་སོགས་པའི་རྣམ་པ་མང་པོའི་རིན་པོ་ཆེ་དང༌། ནང་གི་དམ་ཚིག་དང༌། དམ་ཚིག་རྣམ་པ་བཞིའི་རྫས་ལ་སོགས་པའི་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བ་མཆོད་པའི་སྤྲིན་རབ་འབྱམས་ཀྱི་ངོ་བོར་གྱུར། ཨོཾ་བཛྲ་གནྡྷཾ་པྲ་ཏཱིཙྪ་ན་མཿ ཨོཾ་བཛྲ་པུཥྤཾ་པྲ་ཏཱིཙྪ་ན་མཿ དེ་བཞིན་ཏུ། དྷཱུ་པཾ། དཱི་པཾ། ནཻ་ཝི་ཏྱཾ། ཨཀྵ་ཏུཾ། ལ་སྱཾ། ཧ་སྱཾ། ཝ་དྱཾ་ནྲྀ་ཏཾ། གཱི་ཏཾ། ཨོཾ་བཛྲ་ཀཱ་མཾ་པྲ་ཏཱིཙྪ་ན་མཿ རོལ་མོ་བྱིན་འབེབས་སྤྱི་དང་མཐུན་པར་བྱིན་དབབ་བོ། །བདག་བསྐྱེད་ནི། སངས་རྒྱས་ཆོས་ཚོགས༴ སོགས་སྐྱབས་སེམས་ལན་གསུམ་བྱས་ལ། སྟོང་པའི་ངང་ལས་རྡོ་རྗེའི་རྭ་བའི་
― LT24_Page_242B ―
[མ་དཔེ་གཟིགས་ན་འདིར་གནོན།]
དབུས་ན་སྣ་ཚོགས་པདྨའི་གདན། ཨོཾ་པཾ་བི་ཤྭ་བཛྲ་པདྨཾ་ཀུ་རུ་ཀུ་རུ་སྭཱ་ཧཱ། དེའི་ལྟེ་བར་ཉི་མའི་གདན། ཨོཾ་ར་བཛྲ་སཱུརྻ་བཛྲ་སཱུརྻ་ཨཱ་ས་ནཾ་ཀུ་རུ་ཀུ་རུ་སྭཱ་ཧཱ། དེའི་སྟེང་དུ་ཧཱུྃ་ལས་རྡོ་རྗེ་ནག་པོ་རྩེ་ལྔ་པ་ཡོངས་སུ་གྱུར་པ་ལས། བདག་ཉིད་ཁྲོ་བོའི་དབང་པོ་རྡོ་རྗེ་ཤུགས་སྐུ་མདོག་དུས་མཐའི་སྤྲིན་དང་མཚུངས་པ་ཞལ་བཞི་པ། ཕྲག་པ་དྲུག་པ། དཔུང་པ་བཅུ་གཉིས་པ། ཕྱག་ཉི་ཤུ་རྩ་དྲུག་པ། གཡས་དང་གཡོན་དང་དབུས་ཀྱི་མགྲིན་པ་དམར་པོ་དང་དཀར་པོ་དང་ནག་པོའི་མདོག་ཅན། མདུན་ཞལ་ནག་པོ། གཡས་ཞལ་དམར་པོ། གཡོན་ཞལ་དཀར་པོ། རྒྱབ་ཞལ་སེར་པོ། ཞལ་རེ་རེ་ཞིང་སྤྱན་དམར་པོ་གསུམ་གསུམ་དང་ལྡན་ཞིང༌། དབུ་སྐྲ་དམར་སེར་གྱེན་དུ་བརྫེས་པ། གཡས་དང་གཡོན་གྱི་ཕྲག་པ་དང་པོ་ནག་པོ། གཉིས་པ་དམར་པོ། གསུམ་པ་དཀར་པོ། དཔུང་པ་གཉིས་ནག་པོ། གཉིས་དམར་པོ། གཉིས་དཀར་པོ། ཕྱག་དར་བཞི་ནག་པོ། བཞི་དམར་པོ། བཞི་དཀར་པོ། དེ་རྣམས་རེ་རེ་ལ་ཡང་མཐེ་བོང་སེར་པོ། འཛུབ་མོ་དཀར་པོ། གུང་མོ་དམར་པོ། སྲིན་ལག་ནག་པོ། མཐེའུ་ཆུང་ལྗང་གུའོ། །དེ་རྣམས་རེ་རེ་ལ་ཡང་ཚིགས་ཀྱི་ཕྲེང་བ་དང་པོ་ནག་པོ། གཉིས་པ་དམར་པོ། གསུམ་པ་དཀར་པོ། །དེ་ལྟ་བུའི་གཡས་ཀྱི་ཕྱག་བཅུ་གཉིས་རྣམས་ན། ཁྲོ་བོའི་རྡོ་རྗེ། རལ་གྲི། རྩེ་གསུམ། གྲི་གུག །མདའ། རྡོ་རྗེའི་ལྕགས་ཀྱུ། ཌཱ་མ་རུ། ཐོ་བ། འཁོར་ལོ། །མདུང༌། དབྱུག་པ། དགྲ་སྟ་རྣམས་འཛིན་པ། གཡོན་གྱི་ཕྱག་བཅུ་གཉིས་རྣམས་ན། རྡོ་རྗེའི་དྲིལ་བུ། ཕུབ། ཁ་ཊྭཱཾ་ག །ཁྲག་གིས་གང་བའི་ཐོད་པ། གཞུ། ཞགས་པ། རིན་པོ་ཆེ། པདྨ། དུང༌། མེ་ལོང༌། རྡོ་རྗེའི་ལྕགས་སྒྲོག །ཚངས་པའི་མགོ་བོ་གདོང་བཞི་པ་
― LT24_Page_243A ―
[མ་དཔེ་གཟིགས་ན་འདིར་གནོན།]
འཛིན་པ། ལྷག་པའི་ཕྱག་གཉིས་གཡས་པ་ནག་པོ་དང༌། གཡོན་པ་སེར་པོས་སྡིགས་མཛུབ་དང་བཅས་ཏེ་གླང་པོ་ཆེའི་པགས་པ་སྟོད་གཡོགས་སུ་གྱོན་པ། བདུད་ཀྱི་མགོ་བོ་དང་ཁྲག་གིས་གང་བའི་ཐོད་པ་བསྣམས་པ། ཞབས་གཡོན་བསྐུམས་གཡས་བརྐྱང་བའི་སྟབས་ཀྱིས་བདུད་དང་ཉོན་མོངས་པ་དང༌། ཡི་དྭགས་ཀྱི་རྒྱལ་པོ་རྣམས་ཀྱི་སྙིང་གར་མནན་པ། ཀླུའི་དབང་པོ་རྒྱལ་བ་རལ་པའི་ཅོད་པན་ལ་བཅིངས་ཤིང༌། རྣམ་པར་རྒྱལ་བ་དར་དཔྱངས་ལ་བཅིངས་ཏེ་གནས་པ། སྟོབས་ཀྱི་རྒྱུ་དང་པདྨ་རྣ་རྒྱན་ལ་གནས་པ། ནོར་རྒྱས་དང་དུང་སྐྱོང་ཕྱག་གདུབ་ལ་གནས་པ། མཐའ་ཡས་དང་རིགས་ལྡན་འོག་པག་དང་མགུལ་རྒྱན་ལ་གནས་པ། །འཇོག་པོ་དང་པདྨ་ཆེན་པོ་ཞབས་གདུབ་ལ་གནས་པ། ཕྲག་པར་བདུད་རིགས་བརྒྱའི་མགོ་བོའི་ཕྲེང་བ་འཕྱང་བ། སྤྱི་བོར་ཐོད་པ་ལྔའི་ཕྲེང་བས་བརྒྱན་པ། མེ་དཔུང་འབར་བའི་དབུས་ན་བཞུགས་པའོ། །ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ། དེ་ལས་འོད་ཟེར་འཕྲོས་པས། རང་དང་འདྲ་བའི་ཡེ་ཤེས་སེམས་དཔའ་བཛྲ་ས་མཱ་ཛཿ ཛཿཧཱུྃ་བཾ་ཧོཿཧི། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ལྟེ་བར་ཧོཿ གསང་བར་ཧཾ། གཙུག་ཏོར་དུ་ཀྵཿ དེ་ནས་སྤྲོ་ཞིང་ནུས་ན། བྱིས་པ་འཇུག་པའི་དབང་བདུན་སྔགས་དབང་དུ་བླང་ཞིང༌། རྒྱན་བཀོད་རྣམས་ཀྱང་རྒྱས་པར་བྱ། བསྡུ་ན། ཨོཾ་ཨ་ཨི་རྀ་ཨུ་ལི་པཉྩ་དྷཱ་ཏུ་བི་ཤོ་དྷ་ནི་སྭཱ་ཧཱ། ཞེས་དབང་གི་ལྷ་རྣམས་ཀྱིས་དབང་བསྐུར་མི་སྤྱོད་པས་དབུར་བརྒྱན་པར་གྱུར། ཨོཾ་བཛྲ་གནྡྷཾ་པྲ་ཏཱིཙྪ་ན་མཿ ལ་སོགས་པས་མཆོད། རྡོ་རྗེ་འཇིགས་བྱེད་འཇིགས་པར་བྱེད། །དཔའ་བོ་གདུལ་དཀའ་འདུལ་བ་པོ། །དུས་ཀྱི་འཁོར་ལོ་ཐོད་པ་
― LT24_Page_243B ―
[མ་དཔེ་གཟིགས་ན་འདིར་གནོན།]
ཅན། །ཁམས་གསུམ་རྣམ་རྒྱལ་ལ་ཕྱག་འཚལ། །རྗེ་བོ་སྣ་ཚོགས་རྡོ་རྗེ་འཛིན། །ཁྲོ་བོའི་དབང་པོ་ཀུན་གྱི་གཙོ། །དུས་མཐའི་སྤྲིན་མཚུངས་ཧེ་རུ་ཀ །རྡོ་རྗེ་ཤུགས་ལ་ཕྱག་འཚལ་ལོ། །དེ་ནས་རྐང་པ་བཅུ་དྲུག་པ་དང༌། རྐང་པ་བདུན་ཅུ་རྩ་གཉིས་པའི་རིག་སྔགས་ཅི་ནུས་སུ་བཟླ་ཞིང༌། དེ་དག་མི་ཤེས་པའམ། མི་ནུས་ན། ཨོཾ་ཨཱཿཧཱུྃ་ཧོཿཧཾ་ཀྵ་བཛྲ་བེ་ག་ཧཱུྃ་ཧཱུྃ་ཕཊ། ཅེས་པ་ཅི་ནུས་སུ་བཟླ། ཨོཾ་ཧཱུྃ་ཀྲོ་དྷ་ཨིན་དྲོ྅་ཧཾ། ཀྲོ་དྷཱ་ནཱཾ། ཨཱ་ཛྙཱ་དཱ་ཡ་ཀ་སྭཱ་ཧཱ། ཞེས་པའང་ཁྲོ་བོ་རྣམས་བསྐུལ་བའི་དོན་དུ་བཟླ་ཞིང༌། ཨོཾ་ཨ་ར་ར་ར་ར། ལ་ལ་ལ་ལ། བཛྲ་ཨཱ་བེ་ཤ་ཡ་ཧཱུྃ། ཅེས་པའང་ཡེ་ཤེས་དབབ་པའི་དོན་དུ་བཟླའོ། །བཟླ་ཚུལ་གཞན་ཡང༌། ཨོཾ་ཧྭེ་ཕཊ། ཅེས་འབུམ་གྱིས་བསྣུན་པ་དང༌། ཨོཾ་ཡྭེ་ཧཱུྃ། འབུམ་གྱིས་དབབ་པ་དང༌། ཨོཾ་རྭེ་བཽ་ཥ་ཊ། འབུམ་གྱིས་བསྲེག་པ་དང༌། ཨོཾ་ཝྭེ་ན་མཿ འབུམ་གྱིས་བསླང་བ་དང༌། ཨོཾ་ལྭེ་སྭཱ་ཧཱ། འབུམ་གྱིས་རྒྱས་པ་དང༌། ཨོཾ་བེཾ་ཝ་ཕཊ། འབུམ་གྱིས་མཉེས་པར་བྱ་བ་རྣམས་ཐུགས་ཀྱི་བཟླས་པ་དང༌། ཨོཾ་བཛྲ་བེ་ག་སྭཱ་ཧཱ། འབུམ་ཕྲག་བཅུ་གསུང་གི་བཟླས་པ་དང༌། གོང་དུ་བཤད་པའི་སྙིང་པོ་བྱེ་བ་སྐུའི་བཟླས་པའོ། །དེའང་རང་དོན་བསྙེན་པ་ལ་སྐྱབས་སེམས་ཅན་བཟླས་པའི་བར་བཏང་ལ་མཐར། རྫོགས་པའི་རིམ་པ་ཡང་ཅི་རིགས་པར་སྒོམ་ཞིང༌། ཐུན་མཚམས་སུ་ཡང་ལྷའི་ང་རྒྱལ་ལ་གནས་པར་བྱ། རྗེས་གནང་སྐབས་སྐུའི་བཟླས་པ་བརྒྱ་རྩ། གསུང་བཟླས་སྟོང་ཕྲག །ཁྲོ་བོ་བསྐུལ་བ་དང༌། ཡེ་ཤེས་དབབ་པ་ཅི་རིགས་བཟླས་པས་ཆོག་གོ །དེ་ནས་མདུན་བསྐྱེད་བསང་སྦྱང༌། སྟོང་པའི་ངང་ལས་རྡོ་རྗེའི་རྭ་བའི་དབུས་ན་སྣ་ཚོགས་པདྨའི་གདན། སོགས་ནས། ཡོངས་སུ་གྱུར་པ་ལས། ཁྲོ་བོའི་དབང་པོ་རྡོ་རྗེ་ཤུགས། སོགས་གོང་བདག་བསྐྱེད་ལྟར་ལ། མེ་ཕུང་འབར་བའི་དབུས་ན་བཞུགས་པའོ། །ཧ་ཧཱ། ཡི་ཡཱི། ཝུ་ཝཱུ། ལླྀ་ལླྀ་རྣམས་ལས་བྱུང་བའི་ཁྲོ་བོ་བཅུ་དང༌། ང་དཱ། ཉི་ཉཱི།
― LT24_Page_244A ―
[མ་དཔེ་གཟིགས་ན་འདིར་གནོན།]
མཱུ། རྣམས་ལས་བྱུང་བའི་ཟད་པར་བཅུ་དང༌། གྷ་གྷཱ། ཛྷི་ཛྷཱི། དྷྲྀ་དྷྲྀ། །རྣམས་ལས་བྱུང་བའི་ཕྱོགས་སྐྱོང་བཅུ་དང༌། ག་གཱ། ཛི་ཛཱི། བུ་བཱུ། རྣམས་ལས་བྱུང་བའི་གཟའ་བཅུ་དང༌། ཁ་ཁཱ། ཚི་ཚཱི། ཋྲྀ་ཋྲཱྀ། ཕུ་ཕཱུ། རྣམས་ལས་བྱུང་བའི་ཀླུ་བཅུ་དང༌། ཀ་ཀཱ། ཙི་ཙཱི། པུ་པཱུ། རྣམས་ལས་བྱུང་བའི་འབྱུང་པོ་བཅུ་རྣམས་ཀྱང་འཁོད་པར་གྱུར། གཙོ་བོའི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ། དེ་ལས་འོད་ཟེར་འཕྲོས་པས། ཁྲོ་བོའི་དབང་པོ་རྡོ་རྗེ་ཤུགས་སྡེ་དྲུག་སྲུང་མ་དྲུག་ཅུའི་ཚོགས་དང་བཅས་པ་བཛྲ་ས་མཱ་ཛཿ ཞེས་སྤྱན་དྲངས། ཛཿཧཱུྃ་བཾ་ཧོཿཧི་ནས་མཆོད་བསྟོད་ཡན་གོང་ལྟར་ལགས། བསྟོད་པའི་མཐར། ཁྲོ་བོ་བཅུ་དང་ཟད་པར་བཅུ། །ཕྱོགས་སྐྱོང་བཅུ་དང་གཟའ་མཆོག་བཅུ། །ཀླུ་རྒྱལ་བཅུ་དང་འབྱུང་པོ་བཅུ། །སྲུང་མ་དྲུག་ཅུའི་ཚོགས་ལ་འདུད། །ཅེས་བསྟོད། དེ་ནས་གཏོར་མ་འབུལ་བ་ནི། གཏོར་མ་བསང་སྦྱང༌། ཨོཾ་ཕྲེཾ་བཛྲ་ཌཱ་ཀི་ནཱི་བཛྲ་དྷཱ་ཏྭཱི་ཤྭ་རི་ག་ག་ན་སྭ་བྷཱ་ཝ་སརྦ་དྲ་བྱ་བི་ཤོ་དྷ་ནི་སརྦ་དྲ་བྱཱ་ཎི་བི་ཤོ་དྷ་ཡ་ཧཱུྃ་ཕྲེཾ་ཕཊ། ལན་གསུམ་བརྗོད་པས་རྫས་མཐའ་དག་བྱིན་གྱིས་རློབ་པར་འགྱུར་ལ། ཤེས་ཤིང་ལྕོགས་ན་སྔགས་ཚན་བཞི་པོས་བྱིན་གྱིས་བརླབས། ཨོཾ་ཨཱཿཧཱུྃ་ཧོཿ ཞེས་ལན་མང་དུ་བརྗོད། སངས་རྒྱས་ཡབ་ཡུམ་སྲས་དང་བཅས་པ་གཡོག་འཁོར་དང༌། །གྲོགས་བཅས་གཉེན་རྣམས་དག་གིས་བསྐོར་བའི་ཚོགས་པ་ནི། །ལྷ་དང་ལྷ་མོ་དག་གིས་མཉེས་པར་བྱེད་རྣམས་དང༌། མཆོག་གི་རྡོ་རྗེ་སེམས་དཔའ་དག་ནི་གཤེགས་སུ་གསོལ། ཞེས་སྤྱན་དྲངས། ཨོཾ་ཨཱཿཧཱུྃ་ཧོཿབཛྲ་བྷཻ་ར་ཝཱ་ཡ་བྷཱི་ས་ཀ་རཱ་ཡ། ཨོཾ་ཨཱཿཧཱུྃ་ཧོཿ ཨུཥྞི་ཥ། སུམྦྷ་
― LT24_Page_244B ―
[མ་དཔེ་གཟིགས་ན་འདིར་གནོན།]
ནི་སུམྦྷ། བི་གྷ་ནཱནྟ་ཀ །ནཱི་ལ་དཎྜ། པྲཛྙཱནྟ་ཀ ཊཱཀྐི་རཱ་ཛ་པདྨཱནྟ་ཀ །ཨ་ཙ་ལ། ཡ་མཱནྟ་ཀ །མ་ཧཱ་བ་ལེ་བྷྱཿ ཞེས་རྡོ་རྗེ་རྩེ་ལྔའི་ཕྱག་རྒྱ་བསྟན། ཨོཾ་ཨཱཿཧཱུྃ་ཧོཿ ཨཱ་ཀ་ཤ །བཱ་ཡུ། ཏེ་ཛ། ཨུ་ད་ཀ །པྲྀ་ཐི་བི། སཱ་དྷི་ཏེ་བྷྱཿ ཞེས་གྲི་གུག་གི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ བྲཧྨ། བིཥྞུ། ནིརརྀ་ཏྱ། ཝཱ་ཡུ། ཡ་མ། ཨགྣི། ས་མུ་དྲ། ཨཱི་ཤྭ་ར། ཨིནྡྲ། ཡཀྵེ་བྷྱཿ ཞེས་རལ་གྲིའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ རཱ་ཧུ། ཀཱ་ལཱགྣི་ཙནྡྲ། སཱུརྻ། བུདྡྷ། མངྒ་ལ། ཤུ་ཀྲ། བྲྀ་ཧ་ས་པ་ཏི། ཀེ་ཏུ་ཤ་ནི་བྷྱཿ ཞེས་རིན་པོ་ཆེའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ ཛ་ཡ། བི་ཛ་ཡ། པདྨ། ཀརྐོ་ཊ། བ་སུ་ཀི །ཤངྑ་པཱ་ལ། ཀུ་ལི་ཀ །ཨ་ནནྟ། ཏཀྵ་ཀ །མ་ཧཱ་པདྨེ་བྷྱཿ ཞེས་པདྨའི་ཕྱག་རྒྱ་དང༌། ཨོཾ་ཨཱཿཧཱུྃ་ཧོཿ བེ་ཏ་ཊ། བི་ཀྲྀ་ཏ་མུ་ཁ། ཤྭ། ཀཱ་ཀ །སུ་ཀཱ་ར། གྲྀ་དྷ། བྱཱ་གྷཱ། ཨཱུ་ལུ་ཀ །ཛཾ་བུ་ཀ །ག་རུ་ཌ་མུ་ཁེ་བྷྱཿ ཞེས་འཁོར་ལོའི་ཕྱག་རྒྱ་རྣམས་ཀྱི་སོ་སོར་སྤྱན་དྲངས་ཤིང་བཞུགས་སུ་གསོལ་ལ། རེ་རེའི་མཐའ་འམ་བསྡུ་ན། ཨི་དཾ་བ་ལིཾ། གནྡྷཾ། པུཥྤཾ། དཱི་པཾ། ཨཀྵ་ཏཾ། ད་དཱ་མ་ཧེ། ཏེ་ཛ་ཨཱ་ག་ཏྱ་ས་པ་རི་ཝཱ་ར་ཤྲི་གྷཱཾ་ཨི་དཾ་བ་ལིཾ་གྲྀཧྞནྟུ། ཁ་དནྟུ། པི་ཝནྟུ། ཛཿཧཱུྃ་བཾ་ཧོཿ སཾ་ཏྲྀཔྟ། སརྦ་ས་ཏྭཱ་ནཾ། ཤཱནྟིང༌། པུཥྚིཾ། རཀྵཾ། ཨཱ་ཝ་ར་ཎ། གུཔྟིཾ་ཀུ་ྼྺནྟུ་ཧཱུྃ་ཧཱུྃ་ཕཊ། བཛྲ་དྷ་ར་ཨཛྙཱ་པ་ཡ་ཏི་སྭཱ་ཧཱ། ཞེས་ཐུན་མོང་དུ་ལན་གསུམ་ཕུལ། སྤྲོ་ན། མཁའ་འགྲོ་མ་རྣམས་དང༌། ཡུལ་བདག་གྲོང་བདག་རྣམས་ལའང་སྦྱིན། །འདི་ནི་མཆོད་གཏོར་ལྷན་ཅིག་ཏུ་འབུལ་བའི་ཚུལ་ཡིན་པས། གཏོར་མའི་རྗེས་ལ་མཆོད་པ་བཅུ་གཉིས་འབུལ་བ་མེད་ཀྱང་ཆོག །དེང་སང་གི་ལག་ལེན་ལྟར་ན། ཨོཾ་བཛྲ་གནྡྷཾ་སོགས་མཆོད་པ་བཅུ་གཉིས་ཕུལ། ཨོཾ་ཨཱཿཧཱུྃ་ཧོཿ བཛྲ་བྷེ་ར་ཝ། ཧ་ཡ་ར་ཝ།
― LT24_Page_245A ―
[མ་དཔེ་གཟིགས་ན་འདིར་གནོན།]
ལ། ང་ཉ་ཎ་མ་ན། གྷ་ཛྷ་ཌྷ་བྷ་དྷ། ག་ཛ་ཌ་བ་ད། ཁ་ཚ་ཋ་ཕ་ཐ། ཀ་ཙ་ཊ་པ་ཏ། ཨོཾ་ཨཱཿཧཱུྃ་ཧོཿ ཞེས་ནང་མཆོད་ཕུལ། བསྟོད་པ་རྒྱས་བསྡུས་གང་རུང་གིས་བསྟོད། མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་འདོད་དོན་གསོལ་བ་བཏབ། མདུན་བསྐྱེད་ལ་དམིགས་ནས་བཟླས་པ་ཅུང་ཟད་བྱ། དེ་ནས་རྗེས་གནང་གི་བྱ་བ་ནི། སློབ་མ་རྣམས་ལ་ཆབ་བཏང༌། གྲལ་དུ་འཁོད་ནས་མེ་ཏོག་བཀྱེ་བསྡུ་དང༌། སེམས་བསྐྱེད་གསལ་བཏབ་ལ། འདིར་སྐབས་སུ་བབས་པ། རྡོ་རྗེ་ཐེག་པ་རྣལ་འབྱོར་བླ་ན་མེད་པའི་རྒྱུད་སྡེ་ཐམས་ཅད་ཀྱི་རྩེ་མོར་གྱུར་པ་བཅོམ་ལྡན་འདས་དཔལ་དུས་ཀྱི་འཁོར་ལོའི་རྒྱུད་ལས་འཇིགས་པའི་བདུད་བཞི་ལ་སོགས་པ་ཁམས་གསུམ་གྱི་བགེགས་དང་བར་གཅོད་ཐམས་ཅད་འཇོམས་ཤིང་སྲུང་བ་ལ་རབ་ཏུ་བསྔགས་པ་མཆོག་གི་དང་པོའི་སངས་རྒྱས་ཉིད་འཇིགས་བྱེད་ཁྲོ་བོ་ཆེན་པོའི་སྐུར་བསྟན་པ། སྲིད་པ་གསུམ་ལས་ཤིན་ཏུ་རྣམ་པར་རྒྱལ་བའི་སྣ་ཚོགས་གཟུགས་ཅན་གྱི་ཁྲོ་བོའི་དབང་པོ་རྡོ་རྗེ་ཤུགས་སྡེ་དྲུག་སྲུང་མ་དྲུག་ཅུའི་ཚོགས་དང་བཅས་པ་འདི་དག་ཐུན་མོང་དུ་ཟབ་མོའི་རྣལ་འབྱོར་ཉམས་སུ་ལེན་པ་ལ་ཕྱི་ནང་གསང་བའི་གེགས་དང་བར་དུ་གཅོད་པ་མཐའ་དག་ཞི་ཞིང་མི་ཚུགས་པའི་ཕྱིར་སྲུང་བའི་འཁོར་ལོ་སྒོམ་པ་དང་གཏོར་མའི་ཆོ་ག་ལ་འཇུག་པས་མཚོན་ལས་རབ་འབྱམས་སྒྲུབ་པ་དང༌། ཁྱད་པར་རིམ་པ་དང་པོའི་སྐབས་སུ་ཁམས་དྲུག་གི་འཕོ་བ་ལས་གྱུར་པའི་གེགས་དང་བར་གཅོད་ངང་གིས་ཞི་བ་དང་རིམ་པ་གཉིས་པའི་སྐབས་སུ་ལུས་ཀྱི་འཁོར་ལོ་དྲུག་གི་ལྟེ་བར་རླུང་སེམས་མཐའ་དག་འཆིང་བའི་གྲོགས་བྱེད་ཅིང་མཐར་ཐུག་རྒྱལ་བ་རིགས་དྲུག་གི་གོ་འཕང་ལ་སྦྱོར་བའི་དགོས་པ་ཁྱད་པར་ཅན་དང་འབྲེལ་པས་
― LT24_Page_245B ―
[མ་དཔེ་གཟིགས་ན་འདིར་གནོན།]
རྒྱུད་འདིའི་རྣལ་འབྱོར་པས་སྒོམ་སྒྲུབ་མཆོད་པའི་ལམ་ལ་བརྩོན་པ་ཅིས་ཀྱང་གལ་ཆེ་བས། དེ་ཉིད་ཀྱི་རྗེས་སུ་གནང་བ་སྒྲུབ་པ་ལ་སློབ་དཔོན་གྱི་བྱ་བ་རྣམས་སྔོན་དུ་སོང༌། ཁྱེད་རང་རྣམས་ཀྱི་ངོ་སྐལ་དུ་གྱུར་པ་རྗེས་གནང་ཞུ་བའི་ཡོན་ཏུ་མཎྜལ་འབུལ་བཞུ། ཞེས་པས་བརྡ་སྦྱར་ལ་མཎྜལ་འབུལ་དུ་གཞུག །ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད། མི་བཟོད་འཁོར་བས་འཇིགས་པ་དག་ནི་དི་རིང་ཉིད་ནས་རྒྱལ་བ་རྣམས་ལ་སྐྱབས་སུ་ལྷག་པར་མཆི། །ཁྱོད་ཀྱི་ཞབས་ཀྱི་ཆུ་སྐྱེས་ངེས་པར་སྲིད་པའི་འཇིགས་འཕྲོགས་དག་ལ་ལུས་ངག་སེམས་ནི་དག་པས་སོ། །ཞེས་ལན་གསུམ། རྒྱུད་རྣམ་པར་དག་པར་བྱ་བའི་སླད་དུ། སློབ་དཔོན་དང་མདུན་བསྐྱེད་ཁྲོ་བོའི་དབང་པོ་རྡོ་རྗེ་ཤུགས་ལ་སངས་རྒྱས་སེམས་དཔའ་ཁྲོ་བོ་དང་སྲུང་མའི་ཚོགས་ཀྱིས་བསྐོར་ཏེ་བཞུགས་པའི་སྤྱན་སྔར། ཁྱེད་རང་རྣམས་ཀྱི་ཚེ་རབས་ཐོག་མ་མེད་པ་ནས་བསགས་པའི་སྡིག་པ་ཐམས་ཅད་བཤགས་ཤིང༌། ཟག་བཅས་ཟག་མེད་ཀྱི་དགེ་བ་མཐའ་དག་ལ་རྗེས་སུ་ཡི་རང་བ་དང༌། དཀོན་མཆོག་ཁྱད་པར་ཅན་དེ་དག་ལ་སྐྱབས་སུ་འགྲོ་ཞིང་རང་རང་གི་ལུས་ལོངས་སྤྱོད་འབུལ་པ་དང༌། བླ་ན་མེད་པའི་ཆོས་ཀྱི་འཁོར་ལོ་བསྐོར་བར་བསྐུལ་ཞིང་ནམ་ཡང་མྱ་ངན་ལས་མི་འདའ་བར་བཞུགས་པར་གསོལ་བ་དང༌། དེ་དག་གི་དགེ་བའི་རྩ་བས་མར་གྱུར་སེམས་ཅན་རྣམས་ཀྱི་དོན་དུ་སངས་རྒྱས་ཀྱི་གོ་འཕང་མྱུར་དུ་ཐོབ་པར་སྨོན་པ་སྟེ་ཡན་ལག་བདུན་པའི་དོན་རེ་རེ་བཞིན་གསལ་ཐོབ་ལ་འདིའི་རྗེས་ཟློས། །སྲིད་འགྲོ་ཉམས་ངར་བྱིས་པའི་བློ་ཡིས་ནི། །ཤིན་ཏུ་མི་བཟད་སྡིག་པ་གང་བགྱིས་པ། །སྟོབས་བཅུ་མངའ་བའི་སྤྱན་སྔར་མཆིས་ནས་ནི། །
― LT24_Page_246A ―
[མ་དཔེ་གཟིགས་ན་འདིར་གནོན།]
སྡིག་པ་དེ་ཀུན་སོ་སོར་བཤགས་པར་བགྱི། རྫོགས་སངས་རྒྱས་དང་བྱང་ཆུབ་སེམས་དཔའ་རྣམས་དང་འཕགས་པའི་ཚོགས་ཀྱི་རྣམ་མང་དགེ་བ་གང་མཛད་པ། །དེ་དག་མཐའ་དག་ལ་ནི་སྡིག་པ་རྣམས་བྲལ་བྱང་ཆུབ་སྤྱོད་ལ་རྗེས་སུ་གནས་པའི་རྗེས་ཡི་རང༌། །སངས་རྒྱས་ཆོས་དང་དགེ་འདུན་སྲིད་པའི་འཇིགས་འཕྲོག་ལ་ཡང་བྱང་ཆུབ་བར་དུ་བདག་ནི་སྐྱབས་སུ་མཆི། །དག་པ་གསུམ་གྱིས་བདག་གིས་དངོས་འབུལ་ཆོས་ཀྱི་འཁོར་ལོ་བསྐོར་ཞིང་མྱ་ངན་མི་འདའ་བཞུགས་སུ་གསོལ། །རྫོགས་སངས་རྒྱས་སུ་བདག་གྱུར་ཅིག་ཅེས་འདིར་ནི་སྨོན་ལམ་སེམས་ཅན་དོན་གྱི་སླད་དུ་བདག་བརྫིད་དོ། །ཅེས་ལན་གསུམ་གྱིས་རྒྱུན་བཤགས་བྱ། དེ་ནས་རྒྱལ་བ་རིགས་དྲུག་གིས་བསྡུས་པའི་དམ་ཚིག་དང་སྡོམ་པ་མཐའ་དག་ཚུལ་བཞིན་བསྲུང་བར་བགྱིའོ་སྙམ་པའི་དམ་བཅའ་བརྟན་པོས་འདིའི་རྗེས་ཟློས། འདོད་པའི་རྡོ་རྗེ་ལ་ནི་རྡོ་རྗེ་དྲིལ་བུ་ཕྱག་རྒྱ་བླ་མ་དག་ཀྱང་སྤྱི་བོས་བཟུང་བར་བགྱི། །རིན་ཆེན་ལ་ནི་སྦྱིན་པ་སྦྱིན་བགྱི་འཁོར་ལོ་འདི་ལ་རྒྱལ་བ་མཆོག་གི་དམ་ཚིག་བསྐྱང་བར་བགྱི། །རལ་གྲི་ལ་ནི་མཆོད་པ་བགྱི་སྟེ་གསལ་བར་ཆུ་སྐྱེས་རིགས་ལ་སྡོམ་པ་དག་ནི་བསྐྱང་བར་བགྱི། །སེམས་ཅན་རྣམས་ནི་ཐར་པའི་སླད་དུ་རྒྱལ་བ་བསྐྱེད་མཛད་རིགས་ལ་བྱང་ཆུབ་བདག་གིས་བསྐྱེད་པར་བགྱི། ལན་གསུམ། དེ་ནས། ཨོཾ་ཨཱཿཧཱུྃ་བརྗོད་ཅིང་སློབ་མ་ལ་བདུད་རྩི་སྦྱིན། ཁྱེད་རང་རྣམས་ཀྱི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ། ལྟེ་བར་ཧོཿསེར་པོ། གསང་བར་ཧཾ་ལྗང་གུ། །གཙུག་ཏོར་དུཀྵ་སྔོན་པོ་རྣམས་གསལ་བར་གྱུར། ཅེས་གནས་དྲུག་ཏུ་ཐིག་ལེ་དྲུག་བཀོད་ལ་བྱིན་གྱིས་བརླབ། དེ་
― LT24_Page_246B ―
[མ་དཔེ་གཟིགས་ན་འདིར་གནོན།]
ནས་རྗེས་གནང་གཞི་དགོད་པའི་སླད་དུ་ཡེ་ཤེས་པ་དབབ་པ་ཡིན་པས་སྒོ་གསུམ་གྱི་བྱེད་པ་བཅིངས་ལ་དམིགས་པ་འདི་རྣམས་རྩེ་གཅིག་སྒོམས་མཛོད། སློབ་དཔོན་ཁྲོ་བོའི་དབང་པོ་རྡོ་རྗེ་ཤུགས་གཙོ་རྐྱང་དང༌། །མདུན་བསྐྱེད་ཁྲོ་རྒྱལ་རྡོ་རྗེ་ཤུགས་ལ་སྡེ་དྲུག་སྲུང་མ་དྲུག་ཅུའི་ཚོགས་ཀྱི་བསྐོར་ནས་བཞུགས་པར་མོས་ཤིག །སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། ཁྱེད་རང་རྣམས་ལ་ཕོག་པས་གདོས་བཅས་ཤ་ཁྲག་གིས་མཚོན་པའི་དངོས་པོ་ཐམས་ཅད་སྦྱངས་ཏེ་སྟོང་པ་ཉིད་དུ་གྱུར། སྟོང་པའི་ངང་ལས་སྣ་ཚོགས་པདྨ་དང་ཉི་མའི་གདན་ལ་ཁྱེད་རང་རྣམས་ཀྱི་སེམས་ཉིད་རྣམ་པར་མི་རྟོག་པའི་ངོ་བོ་ཧཱུྃ་ལས་རྡོ་རྗེ་ནག་པོ་རྩེ་ལྔ་པ་ཡོངས་སུ་གྱུར་པ་ལས། ཁྱེད་རང་རྣམས་སྐད་ཅིག་གིས་ཁྲོ་བོའི་དབང་པོ་རྡོ་རྗེ་ཤུགས་སྐུ་མདོག་དུས་མཐའི་སྤྲིན་དང་མཚུངས་པ་སོགས་སྒྲུབ་ཐབས་ལྟར་གཙོ་བོར་བསྐྱེད། ཡེ་ཤེས་སྤྱན་འདྲེན་སྐབས་གུ་གུལ་དུད་པ་དང་རོལ་མོའི་སྒྲ་སྦྱར། དཔྲལ་བར་ཨོཾ། མགྲིན་པར་ཨཿ ཐུགས་ཀར་ཧཱུྃ། ལྟེ་བར་ཧོཿརྣམས་ཀྱིས་མཚན་པར་གྱུར། ཅེས་གནས་བཞི་བྱིན་བརླབ། ཨོཾ་ཨ་ཨི་རི་ཨུ་སོགས་ཀྱིས་དབང་བསྡུས་པ་བསྐུར། དེ་ནས་རྗེས་གནང་དངོས་ལ་སྐུ་གསུང་ཐུགས་ཡེ་ཤེས་རྡོ་རྗེའི་རྗེས་སུ་གནང་བ་བཞི་ཡོད་པས་རིམ་བཞིན་དམིགས་པ་འདི་རྣམས་སྒོམས་ཤིག །སློབ་དཔོན་དང་མདུན་བསྐྱེད་དབྱེར་མ་མཆིས་པའི་དཔྲལ་བ་ནས་ཀླུ་བཅུ་དང༌། འབྱུང་པོ་བཅུ་དཔག་ཏུ་མེད་པ་སྤྲོས་ནས་སློབ་མའི་དཔྲལ་བར་ཐིམ་པར་གྱུར། ཅེས་དམིགས་ལ་རོལ་མོའི་སྒྲ་བྱ། དེའི་སྐུའི་རྗེས་སུ་གནང་བའོ། །ཡང་སློབ་དཔོན་དང་མདུད་བསྐྱེད་དབྱེར་མ་མཆིས་པའི་མགྲིན་པ་ནས་ཕྱོགས་སྐྱོང་དང་གཟའ་བཅུ་དཔག་ཏུ་
― LT24_Page_247A ―
[མ་དཔེ་གཟིགས་ན་འདིར་གནོན།]
མེད་པ་སྤྲོས་ནས་སློབ་མའི་མགྲིན་པར་ཐིམ་པར་གྱུར། རོལ་མོ་བྱ། དེ་ནི་གསུང་གི་རྗེས་སུ་གནང་བའོ། ཡང་སློབ་དཔོན་དང་མདུན་བསྐྱེད་དབྱེར་མ་མཆིས་པའི་ཐུགས་ཀ་ནས་ཟད་པར་བཅུ་དང་ཁྲོ་བོ་བཅུ་དཔག་ཏུ་མེད་པ་སྤྲོས་ཏེ་སློབ་མའི་སྙིང་གར་ཐིམ་པར་གྱུར། རོལ་མོ་བྱ། དེ་ནི་ཐུགས་ཀྱི་རྗེས་སུ་གནང་བའོ། །སླར་ཡང་སློབ་དཔོན་དང་མདུན་བསྐྱེད་དབྱེར་མ་མཆིས་བའི་ལྟེ་བ་ནས་ཁྲོ་བོ་རྡོ་རྗེ་ཤུགས་ཉིད་དཔག་ཏུ་མེད་པ་སྤྲོས་ཏེ་སློབ་མའི་ལྟེ་བར་ཐིམ་པར་གྱུར། རོལ་མོ་བྱ། དེ་ནི་ཡེ་ཤེས་ཀྱི་རྗེས་གནང་ངོ༌། །དེ་ནས་ཕྲིན་ལས་གཏོར་མའི་བཀའ་བསྒོ་བྱ་བ་ལ། གཏོར་མ་འདི་ཉིད་ཁྲོ་བོའི་དབང་པོ་རྡོ་རྗེ་ཤུགས་སྡེ་དྲུག་སྲུང་མ་དྲུག་ཅུའི་ཚོགས་ཀྱིས་བསྐོར་བ། སྟེང་གི་ཆ་ལ་བརྒྱུད་པའི་བླ་མ་རྣམས་དང་བཅས་པར་གསལ་བ་སྤྱི་བོར་སྤྱན་དྲངས་ཏེ་ཕྲིན་ལས་གསོལ་བས་ཇི་ལྟར་སྨོན་པའི་བྱིན་རླབས་དང་དངོས་གྲུབ་ཐམས་ཅད་ཐོགས་པ་མེད་པར་ཡིད་བཞིན་ཏུ་རྩལ་ཅིང་འདོད་པའི་དོན་བདེ་བླག་ཏུ་སྒྲུབ་པར་མོས་ཤིག །ཨོཾ་ཨཱཿཧཱུྃ། བཅོམ་ལྡན་འདས་དང་པོའི་སངས་རྒྱས། རྡོ་རྗེ་སེམས་དཔའ། དུས་ཀྱི་འཁོར་ལོ། །ཤཱཀྱ་ཐུབ་པ། ཆོས་རྒྱལ། རིགས་ལྡན་ཉེར་ལྔ་རྣམས་ཀྱིས་བྱིན་གྱིས་རློབས་ཤིག །དུས་ཞབས་པ་ཆེ་ཆུང༌། ཟླ་བ་མགོན་པོ། འབྲོ་ལོ་ཙཱ་བ་ལ་སོགས་པ་བརྒྱུད་པའི་བླ་མ་རྣམས་ཀྱིས་བྱིན་གྱིས་རློབས་ཤིག །རྡོ་རྗེ་རྣལ་འབྱོར་མ། སློབ་དཔོན་ཨ་བྷཱ་ཡ་ཀ་ར། ལེགས་སྤྱོད། ཨཱ་ནནྡ། རཏྣ་རཀྵི་ཏ། བི་བྷཱུ་ཏི་ཙནྡྲ། མར་སྟོན་གཡང་འབར། ཀུན་སྤངས་ཐུགས་རྗེ་བཙོན་འགྲུས། བྱང་སེམས་རྒྱལ་བ་ཡེ་ཤེས། མཁས་བཙུན་ཡོན་ཏན་རྒྱ་མཚོ་
― LT24_Page_247B ―
[མ་དཔེ་གཟིགས་ན་འདིར་གནོན།]
རྣམས་ཀྱིས་བྱིན་གྱིས་རློབས་ཤིག །དུས་གསུམ་སངས་རྒྱས་ཀུན་མཁྱེན་དོལ་པོ་པ་ཆེན་པོ། འགའ་རོང་པ་ལྷའི་རྒྱལ་མཚན། རྗེ་བརྩོན་པ་བ། བདག་ཆེན་རྣམ་རྒྱལ་གྲགས་པ། ཤངས་སྟོན་ཀུན་དགའ་དཔལ་ལྡན། པན་ཆེན་ནམ་མཁའ་དཔལ་བཟང༌། རྗེ་ཤེས་རབ་བཀྲ་ཤིས། རྗེ་བཙུན་ཀུན་དགའ་གྲོལ་མཆོག །མཁན་ཆེན་ལུང་རིག་རྒྱ་མཚོ། གསང་བདག་སྒྲོལ་བའི་མགོན་པོ་ལ་སོགས་པ་རྩ་བ་དང་བརྒྱུད་པའི་བླ་མ་དམ་པ་རྣམས་ཀྱིས་བྱིན་གྱིས་རློབས་ཤིག །དུས་གསུམ་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ལས་བྱུང་བ་རྡོ་རྗེ་ཁྲོ་བོའི་རྒྱལ་པོ་ཡོངས་ཀྱི་དབང་ཕྱུག་རྗེ་བོ་སྣ་ཚོགས་རྡོ་རྗེ་འཛིན་པ་ཁམས་གསུམ་ལས་རྣམ་པར་རྒྱལ་བ་བཅོམ་ལྡན་འདས་དཔལ་རྡོ་རྗེ་ཤུགས་འཇིགས་བྱེད་ཧེ་རུ་ཀ་དཔལ་ཆེན་པོ་དང༌། ཉིད་ཀྱི་ཡེ་ཤེས་རང་སྣང་ལས་བྱུང་བའི་རྡོ་རྗེའི་སྲུང་མ་དྲུག་ཅུའི་ཆོ་གས་ཁྱེད་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་རྒྱན་གྱི་འཁོར་ལོའི་བྱིན་རླབས་ཡེ་ཤེས་ནུས་མཐུ་ཆེན་པོས། ཆེ་གེ་ འདི་རྣམས་ལ་སྲུང་བ་དང་སྦ་བ་དང་བྱིན་གྱིས་བརླབ་པར༴ ཀླུ་རྒྱལ་བཅུ་དང་འབྱུང་པོ་བཅུས་ལུས་ཀྱི་ཁམས་བྱིན་གྱིས་བརླབ་པར༴ གཟའ་མཆོག་བཅུ་དང་ཕྱོགས་སྐྱོང་བཅུས་ངག་གི་ཁམས་བྱིན་གྱིས་བརླབ་པར༴ ཟད་པར་བཅུ་དང་ཁྲོ་བོ་བཅུས་ཡིད་ཀྱི་ཁམས༴ ཁྲོ་བོའི་དབང་པོ་རྡོ་རྗེ་ཤུགས་ཀྱིས་ཡེ་ཤེས་ཀྱི་ཁམས༴ ཁམས་གསུམ་གྱི་བདུད་དང་ཉོན་མོངས་པའི་ཚོགས་ཀྱི་འཆིང་བ་རྩ་ལགས་དང་བཅས་པ་གང་གིས་ཀྱང་བརྫི་མི་ནུས་པར༴ སྒོ་གསུམ་མི་ཕྱེད་རྡོ་རྗེ་ལྟ་བུར་བྱིན༴ རྡོ་རྗེའི་སློབ་མ་འདི། སེམས་ཅན་ཐམས་ཅད་ཀྱི་དོན་དུ་མཆོག་གི་དངོས་གྲུབ་དམ་པ་ཐོབ་པའི་ཕྱིར། མཐར་
― LT24_Page_248A ―
[མ་དཔེ་གཟིགས་ན་འདིར་གནོན།]
ཐུག་བཞིའི་རབ་ཏུ་དབྱེ་བའི་བསྐྱེད་པའི་རིམ་པ་དང༌། རྡོ་རྗེ་བཞིའི་རྣལ་འབྱོར་ཟབ་མོ་མཐར་ཕྱིན་ཅིང་རིག་སྔགས་ཀྱི་མཆོག་གྲུབ་པར༴ རལ་གྲི་མིག་སྨན་རྐང་མགྱོགས་རིལ་བུ་བཅུད་ལེན་སོགས་དངོས་གྲུབ་ཕྲ་མོ་རྣམས་དང༌། འདོད་གཟུགས་ཀྱི་རིགས་པ་འཛིན་པའི་དངོས་གྲུབ་དང༌། མི་འགྱུར་བའི་བདེ་བ་ཕྱག་རྒྱ་ཆེན་པོ་མཆོག་གི་དངོས་གྲུབ་རྣམས་ཚེ་འདི་ལ་ཐོབ་པར༴ ཞི་རྒྱས་ལ་སོགས་པ་དགེ་བའི་ཕྲིན་ལས་དང༌། དབང་འགུགས་ལ་སོགས་པ་གང་འདུལ་གྱི་ཕྲིན་ལས་ཐོགས་མེད་དུ་འགྲུབ་པར་མཛད་དུ་གསོལ། གསད་བཅད་ལ་སོགས་པ་དྲག་པོ་དང་རྨོངས་རེངས་ལ་སོགས་པ་རྣམ་པར་གནོན་པའི་ལས་ཐམས་ཅད་ཐོགས་མེད་དུ༴ འཁོར་ལོ་དྲུག་ཏུ་རླུང་སེམས་དབུ་མར་བཅིངས་ཁམས་དྲུག་སྒྲིབ་བྲལ་དུ་རྣམ་པར་དག་པའི་དྭངས་མ་རྡོ་རྗེའི་སྲོག་ཐོབ་ཅིང་རྒྱལ་བ་རིགས་དྲུག་གི་གོ་འཕང་མྱུར་དུ་ཐོབ་པར་མཛད་དུ་གསོལ། ཨོཾ་ཨཱཿཧཱུྃ་ཧོཿཧཾ་ཀྵ་བཛྲ་བེ་ག་ཧཱུྃ་ཧཱུྃ་ཕཊ་སྭཱ་ཧཱ། ཀཱ་ཡ་སིདྡྷི་ཨོཾ། སོགས། སུ་པྲ་ཏིཥྛ་སོགས། ཛཿཧཱུྃ་བཾ་ཧོཿ གཏོར་མའི་ལྷ་འོད་དུ་ཞུ་ནས་ཁྱེད་རང་རྣམས་ལ་ཐིམ་པར་མོས་ཤིག །གསུམ་པ་རྗེས་རིམ་ནི། དེས་དཔལ་དུས་ཀྱི་འཁོར་ལོ་ཁྲོ་བོའི་དབང་པོའི་ཚུལ་བསྟན་པ་འཇིགས་བྱེད་རྡོ་རྗེ་ཤུགས་སྡེ་དྲུག་སྲུང་མ་དྲུག་ཅུའི་ཚོགས་དང་བཅས་པ་རྣམས་ཀྱི་རྗེས་གནང་ལེགས་པར་ཐོབ་པ་ཡིན་པས་རྩ་བ་དང་ཡན་ལག་གི་དམ་ཚིག་ཚུལ་བཞིན་ཏུ་བསྲུང་བའི་བློས་འདིའི་རྗེས་ཟློས། གཙོ་བོའི་ཇི་ལྟར་བཀའ་སྩལ་སོགས་དང༌། གཏོང་རག་གི་མཎྜལ་དང༌། དེང་ནས་བརྩམས་ཏེ་བདག་བྲན་དུ། སོགས་ཡོན་ཕུལ། དགེ་བ་བསྔོ། མདུན་བསྐྱེད་ཀྱི་
― LT24_Page_248B ―
[མ་དཔེ་གཟིགས་ན་འདིར་གནོན།]
མཆོད་པ་ཁ་གསོས། གོང་བཞིན་མཆོད་པ་བྱིན་གྱིས་བརླབས་ནས་ཕུལ། བསྟོད་པ་བྱ། ཁྲོ་བོའི་དབང་པོ་རྡོ་རྗེ་ཤུགས་སྡེ་དྲུག་སྲུང་མ་དྲུག་ཅུའི་ཚོགས་དང་བཅས་པ་རྣམས་ཀྱིས་བདག་དང་སློབ་མར་བཅས་པ་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩོལ་བར་མཛད་དུ་གསོལ། ཅེས་གསོལ་བ་བཏབ། ཡིག་བརྒྱ་བརྗོད། མ་འབྱོར་པ་དང་སོགས་ཀྱིས་བཟོད་པར་གསོལ། སརྦ་བྷཱུ་ཏ་གཙྪ། ཞེས་གཏོར་མགྲོན་རྣམས་གཤེགས། གསང་བར་ཧཾ་ཡིག་ལ་ཁྲོ་བོའི་འཁོར་ལོ་རྣམས་གཤེགས་སུ་གསོལ། གཙུག་ཏོར་དུ་ཨཾ་ཡིག་ལ་ཟད་པར་འཁོར་ལོ་རྣམས་གཤེགས་སུ་གསོལ། །དཔྲལ་བར་ཨི་ཡིག་ལ་ཕྱོགས་སྐྱོང་གི་འཁོར་ལོ་རྣམས་གཤེགས་སུ་གསོལ། མགྲིན་པར་རྀ་ཡིག་ལ་གཟའི་འཁོར་ལོ་རྣམས་གཤེགས་སུ་གསོལ། །སྙིང་གར་ཨུ་ཡིག་ལ་ཀླུའི་འཁོར་ལོ་རྣམས་གཤེགས་སུ་གསོལ། ལྟེ་བར་ལྀ་ཡིག་ལ་འབྱུང་པོའི་འཁོར་ལོ་རྣམས་གཤེགས་སུ་གསོལ། ཞེས་མདུན་བསྐྱེད་རྣམས་རང་ལ་བསྡུ། རང་ཡང་ཞལ་ཕྱག་ལྷག་མ་རྣམས་རྩ་བའི་ཞལ་ཕྱག་ལ་བསྡུས་ཏེ་ལྷའི་ང་རྒྱལ་ལམ་དུ་ཁྱེར། བསྔོ་བ་ནི། བསོད་ནམས་འདི་ཡིས་འགྲོ་རྣམས་དུ་བ་ལ་སོགས་ལམ་གྱི་ལྷན་སྐྱེས་བདེ་བ་མཆོག་སྒོམ་སྟེ། །འགྲོ་བའི་བླ་མ་སུམ་ཅུ་རྩ་གཉིས་མཚན་ལྡན་སྐུ་འདི་ཆོས་ཀྱི་འཁོར་ལོར་ཡང་དག་གནས། །ལྷ་རྣམས་མགོ་ཡི་གཙུག་གི་ནོར་བུའི་འོད་ཟེར་ཚོགས་ཀྱིས་ཞབས་ཀྱི་པདྨོ་ལ་གཏུགས་ཤིང༌། །དམ་པའི་ལམ་སྟོན་ཉིན་བྱེད་བཞིན་ཏུ་མུན་པ་ཀུན་འཇོམས་དུས་ཀྱི་འཁོར་ལོ་ཉིད་གྱུར་ཅིག །ཅེས་སོགས་སྨོན་ལམ་གདབ་ཅིང་བཀྲ་ཤིས་ཇི་ལྟར་རིགས་པ་བརྗོད་དོ། །བཅུ་དྲུག་འཇིགས་པས་མི་འཇིགས་ཤིང༌། །
― LT24_Page_249A ―
[མ་དཔེ་གཟིགས་ན་འདིར་གནོན།]
ས་སྟེང་བགེགས་རིགས་རྣམ་པར་ཉམས། །ཁམས་དྲུག་འགྱུར་བ་མེད་བསྲུངས་ནས། །རྒྱལ་བ་དྲུག་འདུས་སྐུ་ཐོབ་ཤོག །ཅེས་གདམས་ངག་རིན་པོ་ཆེའི་མཛོད་ཀྱི་ནང་ཚན་ཟབ་ལམ་རྡོ་རྗེའི་རྣལ་འབྱོར་གྱི་ཆ་ལག་ཏུ་ཉེ་བར་མཁོ་བས་མཚམས་སྦྱར་ཏེ། བློ་གྲོས་མཐའ་ཡས་ཀྱིས་རྫོང་ཤོད་ཤངས་ཀྱི་ཟབ་ལུང་གཉིས་པར་སྒྲུབ་ཐབས་རིན་འབྱུང་ལས་ཁོལ་བྱུང་བ་བླགས་ཆོག་ཏུ་བགྱིས་པ་དགེ་ལེགས་འཕེལ།། །།
གདམས་ངག་མཛོད་པོད་བཅོ་ལྔ་པ།
གྲུབ་ཆེན་ཨོ་རྒྱན་པའི་གདམས་ངག་རྡོ་རྗེ་གསུམ་གྱི་བསྙེན་སྒྲུབ་ཀྱི་གཞུང་།
― LT24_Page_250A ―
[མ་དཔེ་གཟིགས་ན་འདིར་གནོན།]
གྲུབ་ཆེན་ཨོ་རྒྱན་པའི་གདམས་ངག་རྡོ་རྗེ་གསུམ་གྱི་བསྙེན་སྒྲུབ་ཀྱི་གཞུང་བཞུགས་སོ། །
― LT24_Page_250B ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི་སིདྡྷཾ། གྲུབ་ཆེན་ཨོ་རྒྱན་པ་རཏྣ་ཤྲཱི་ནུབ་ཕྱོགས་ཨོ་རྒྱན་གྱི་ཡུལ་དུ་ཕེབས་པའི་ཚེ་སྤྲུལ་ཞིང་དྷཱུ་མ་སྠཱ་ལའི་གནས་ཀ་སོ་ཀའི་གྲོང་ཁྱེར་གྱི་དབུས་སུ་རྒྱལ་ཡུམ་རྡོ་རྗེ་རྣལ་འབྱོར་མས་མངོན་སུམ་དུ་རྗེས་སུ་བཟུང་ཞིང་དཔལ་དུས་ཀྱི་འཁོར་ལོ་དང༌། བདེ་མཆོག་འཁོར་ལོའི་ངེས་གསང་མཐར་ཐུག་པ་རྡོ་རྗེ་གསུམ་གྱི་བསྙེན་སྒྲུབ་འདི་ཉིད་གནང་བས་ཕྱི་ནང་གི་ཆོས་ཐམས་ཅད་མངོན་དུ་གྱུར་ཏེ་དངོས་གྲུབ་མཆོག་བརྙེས་པ་ཡིན་ལ། གྲོང་ཁྱེར་གྱི་ཕྱོགས་བཞིར་བཞུགས་པའི་ཇོ་ཀི་མ་ཆེན་མོ་བཞི་མཁའ་འགྲོ་རིགས་བཞིའི་ངོ་བོར་སྣང་བས་ཀྱང་ཐབས་ལམ་གྱི་གདམས་པ་ཟབ་མོ་གནང་བ་ཡིན་ནོ། །དེ་ལ་རྡོ་རྗེ་གསུམ་གྱི་བསྙེན་སྒྲུབ་ཀྱི་གཞུང་འདི་ལ། ༈ ཐོག་མར་ལུས་རྩ་དག་པར་བྱེད་པ་སྐུ་རྡོ་རྗེ་སོར་སྡུད་དང་བསམ་གཏན་གྱི་ཡན་ལག་བསྙེན་པའི་རྣལ་འབྱོར་ལ། སོ་སོར་སྡུད་པ་སྐྱིལ་ཀྲུང་གསུམ་གྱིས་སྟེང་འོག་བར་གྱི་རླུང་བཅིང་བ་ལ། སྟེང་གི་སྐྱིལ་ཀྲུང༌། སྟོང་ཕྲག་བདུན་ཅུ་རྩ་གཉིས་རྩ་ཡི་བཅུད། །ནམ་མཁའི་མཐོངས་སུ་གཟའ་རྣམས་བརྟན་པར་བཅིངས། །འོག་གི་སྐྱིལ་ཀྲུང༌། རྒྱ་མཚོའི་གཏིང་དུ་རྩ་གསུམ་ཡན་ལག་བསམ། ཞར་བྱུང་བར་གྱི་སྐྱིལ་ཀྲུང་དང༌། དེ་ལྟར་བཅིངས་པའི་དགོས་པ་གསུངས་པས། ཉི་ཁྲི་ཆིག་སྟོང་དྲུག་བརྒྱའི་རླུང་གི་ཚོགས། །སྟེར་འོག་རྩ་ཡིས་བཅིངས་
― LT24_Page_251A ―
[མ་དཔེ་གཟིགས་ན་འདིར་གནོན།]
པས་ཟིན་པར་འགྱུར། །ས་ཆུ་མེ་རླུང་ནམ་མཁའི་བདག་ཉིད་ཅན། །འབྱུང་བའི་རླུང་རྣམས་ནང་དུ་འགག་པར་བྱེད། ༈ དེའི་རྟགས་དང་བསམ་གཏན་གྱི་ཡན་ལག་འཆར་ཚུལ་གསུངས་པ། བདེ་གསལ་མི་རྟོག་ཏིང་འཛིན་ལས་སུ་རུང༌། །འབྱུང་བའི་རླུང་རྣམས་ནང་དུ་ཟིན་པ་ཡིས། །རྟགས་དང་ཡོན་ཏན་རྣམས་ནི་རིམ་གྱིས་འཆར། ༈ གཉིས་པ་ངག་རླུང་དག་པར་བྱེད་པ་གསུང་རྡོ་རྗེ་ཉེ་བསྙེན་སྲོག་འཛིན་གྱི་ཡན་ལག་ལ། འོག་ཐུར་སེལ་གྱི་རླུང་གིས་འབྱུང་བ་རིམ་བརྩེགས་བསྒོམ་པར་གསུངས་པ། ནམ་མཁའ་རླུང་མེ་ཆུ་དང་ས་རྣམས་ཀྱི། །ཐུར་དུ་བསྡམས་པས་དཀྱིལ་འཁོར་གསལ་བར་བལྟ། །སྟེང་སྲོག་རྩོལ་གྱི་རླུང་གི་ས་བོན་གྱི་ཡིག་འབྲུ་བསྐྱེད་པར་གསུངས་པས། ས་ཆུ་མེ་རླུང་ནམ་མཁའི་བདག་ཉིད་ཀྱི། །ཡིག་འབྲུའི་རྒྱུ་བ་ཨཱ་ལི་ཀཱ་ལིའི་རླུང༌། །ཡི་གེ་གསུམ་གྱི་སྟེང་དུ་བསྡམས་པ་ལས། །སྲོག་ཐུར་གང་ཟིན་ཀྱང་ལམ་དུ་འགྲོ་བ། སྟེང་འགགས་པ་ལས་འོག་ཏུ་ཟིན་འགྱུར་ཏེ། །ཐུར་དུ་ཟིན་པས་སྟེང་ཡང་དེ་བཞིན་ནོ། །དེ་དག་བརྟན་པ་དང༌། བར་རླུང་ལ་བརྟེན་ནས་ཕྱག་མཚན་བསྐྱེད་པ། རྡོ་རྗེ་རལ་གྲི་རིན་ཆེན་པདྨ་དང༌། །འཁོར་ལོ་རྣམས་ནི་རིམ་བཞིན་གསལ་
― LT24_Page_251B ―
[མ་དཔེ་གཟིགས་ན་འདིར་གནོན།]
བར་བྱེད། །བུམ་ཅན་གྱི་སྦྱོར་བ་གསུངས་པ། སྟེང་འོག་བར་དུ་བསྡམས་པས་ཐོབ་བར་འགྱུར། ༈ ཁ་སྦྱོར་ལ་བརྟེན་ལྷ་སྐུ་གསལ་གདབ་པ་འཛིན་པའི་རྣལ་འབྱོར་གསུངས་པ། སྣོད་བཅུད་ཐ་མལ་འཛིན་པ་རབ་སྤངས་ཏེ། །གང་ན་ཡིག་འབྲུ་ཕྱག་མཚན་གསལ་བ་ལས། །རིགས་ལས་སྐྱེས་པ་དེ་བཞིན་གཤེགས་པའི་སྐུ། །གདན་དང་ལོང་བུ་སྐེ་རགས་ཚངས་སྐུད་དང༌། །ཕྱག་མཚན་ཞལ་དང་སྤྱན་དང་སྐྲ་མཚམས་དང༌། །རྒྱན་དང་ཆ་ལུགས་མ་ལུས་རབ་རྫོགས་པ། །གཙུག་ཏོར་བར་དུ་རིམ་པ་བཞིན་དུ་བལྟ། །གཙུག་ཏོར་ནས་བཟུང་གདན་ལའང་དེ་བཞིན་ནོ། །སྲོག་རྩོལ་གྱི་ཡན་ལག་རྡོ་རྗེའི་བཟླས་པར་འགྱུར་བ། འབྱུང་འཇུག་གནས་གསུམ་རྩ་བའི་རླུང་རྣམས་ཀྱང༌། །དེ་དུས་སྐུ་གསུང་ཐུགས་ཀྱི་བཟླས་པར་འགྱུར། །ཞར་ལ་ཕྲིན་ལས་འགྲུབ་བའི་རྣལ་འབྱོར་གསུངས་པ། རང་རང་རིགས་ཀྱིས་འབྱུང་བའི་ཁ་དོག་བཞིས། །ཞི་རྒྱས་དབང་དང་མངོན་སྤྱོད་རིམ་པ་བཞིན། ༈ །ཡིད་ཐིག་ལེ་དག་པར་བྱེད་པ་ཐུགས་རྡོ་རྗེའི་ཕྱེད་སྔ་མ་སྒྲུབ་པ་རྗེས་དྲན་གྱི་ཡན་ལག་གསུངས་པ། འབྱུང་བའི་རླུང་རྣམས་རང་རང་འཛིན་སྟངས་ཀྱིས། །བསྐྱོད་པར་གྱུར་ཚེ་རླུང་གིས་མེ་སྤར་ནས། །དྭངས་མ་བཞུ་བས་མི་ཟད་ཉོན་མོངས་འབར། རོ་དྲུག་ཟོས་ཤིང་འཐུང་བས་ལུས་ཟུང་བདུན་དུ་འགྱུར་ཚུལ་གསུངས་པ། རྩིགས་མ་བད་ཀན་ཆུ་སེར་ཁྲག་དང་ནི། །ཤ་དང་རྒྱུས་པ་རུས་པའི་བཅུད་རྣམས་ལས། །རང་རང་གནས་སུ་ནད་དང་ལུས་ཟུངས་བསྐྱེད། །ལུས་ཀྱི་དྭངས་མ་ཕྱི་རོལ་དུ་འཕོས་པའི་སྐྱོན་གསུངས་པ། ལུས་ཟུངས་ཟླ་བའི་ཆ་ཡིས་འཕོ་བ་ལས། །ཡན་ལག་བཅུ་གཉིས་སྲིད་པའི་ལུགས་བཞིན་འཁོར། །ལུས་ཟུངས་ཀྱི་དྭངས་མ་འཕེལ་བའི་དགོས་པ་གསུངས་པ། སྒྲ་གཅན་གྱིས་ནི་རབ་ཏུ་ཟོས་པ་ལས། །མེ་ཕུང་རབ་ཏུ་འབར་བས་སྲེག་པར་བྱེད། །རྩིགས་མ་ཕྱུང་བ་དང་དྭངས་མ་རྒྱས་པའི་ཐབས་གསུངས་པ། རྩིགས་མ་ཐུར་དུ་སོང་བས་ནད་མེད་ཅིང༌། །དྭངས་མ་ལུས་ལ་རྒྱས་པས་བདེ་
― LT24_Page_252A ―
[མ་དཔེ་གཟིགས་ན་འདིར་གནོན།]
དང་སྟོབས། ༈ ཐུགས་རྡོ་རྗེའི་ཕྱེད་ཕྱི་མ་སྒྲུབ་པ་ཆེན་པོའི་ཏིང་ངེ་འཛིན་གྱི་ཡན་ལག་གསུངས་པ། རིགས་དྲུག་ས་བོན་བསྲེགས་པར་གྱུར་པ་ལས། །འཛག་པའི་བདེ་བ་རིམ་གྱིས་སྐྱེ་བའི་ཕྱིར། །སྟེང་འོག་བར་གསུམ་རབ་ཏུ་བསྡམ་པར་བྱ། །ཏིང་ངེ་འཛིན་གྱི་ལས་གསུངས་པ། རླུང་གིས་མེ་སྦར་ས་སྲེག་ཆུ་བཞུ་སྟེ། །ནམ་མཁའ་སྟོང་པའི་དོན་ལ་འཇུག་པར་འགྱུར། །དེས་མ་གྲུབ་ན་སྦོགས་པའི་ཆོ་ག་ནཱ་ད་གོམས་པ་ཡེ་ཤེས་ཀྱི་ཕྱག་རྒྱ། རྡོ་རྗེ་བསླང་ཞིང་གསོར་བའི་བདེ་བ་ཡིས། །ཐོག་མ་བར་དང་མཐའ་ཡི་བདེ་བ་འཆར། །དགུག་གཞུག་བཅིང་ཞིང་རོ་མཉམ་བརྟན་པར་བྱ། །རིམ་པ་དེས་ནི་ངེས་པར་འགྲུབ་པར་འགྱུར། སྒྲུབ་པ་ཆེན་པོའི་རྟེན་གྱི་མཚན་ཉིད། ཐབས་ཀྱི་མེ་གསུམ་རབ་ཏུ་འབར་བ་དང༌། །ཤེས་རབ་ལ་ཡང་མེ་གསུམ་དེ་བཞིན་ཏེ། །ཤེས་རབ་ཐབས་ཀྱི་རིགས་དང་རིགས་ཅན་གྱི་འབྲེལ་བ་གསུངས་པ། ས་དང་ཆུ་དང་མེ་དང་རླུང་རྣམས་ཏེ། །ནམ་མཁའ་ལས་སྐྱེས་དེ་བཞིན་གཤེགས་པའི་ཡུམ། །ཐབས་དང་རྒྱལ་བ་རྣམས་ཀྱིས་རབ་ཕྱེ་བ། །རང་རང་རིགས་དང་ལུས་དང་བསམ་པ་ལ། །རིགས་གཞན་རྣམས་དང་འདྲེས་པ་གང་ལ་ཡང༌། །དེ་དང་དེ་ཡི་ཡབ་ཡུམ་རིགས་ཀྱིས་འགྲུབ། །ཡང་ན་ཐབས་ཀྱང་ཟླ་བ་ཉི་མའི་རིགས། །ཤེས་རབ་ཀྱང་ནི་ཉི་མ་ཟླ་བའོ། །ཁམས་དྭངས་མ་དག་སྒྲ་གཅན་གྱིས་ཟ་བའི་ཚུལ་གསུངས་པ། འཁོར་ལོ་དྲུག་དང་ནོར་བུའི་རྩེ་མོ་ལ། །ཟླ་བའི་ཆ་རྣམས་ཀྱིས་ནི་འཕོ་བ་དག །སྒྲ་གཅན་གྱིས་ནི་རབ་ཏུ་ཟོས་པ་ལས། །དེ་ཡི་རྗེས་སུ་ཉི་མའི་ཆ་རྣམས་དང༌། །རིམ་པ་བཞིན་དུ་དེ་ནི་ཟ་བར་འགྱུར། །ཞར་ལ་ཁམས་ལྷག་མ་གཞན་ཟ་བར་གསུངས་པ། ཉི་ཟླ་ཟོས་པའི་རྗེས་ལ་དྲི་ཆེན་དང༌། །དྲི་ཆུ་ཤ་ཆེན་དབུས་ཀྱི་བཅུད་ཀྱང་ཟ། །རྩིགས་མ་བད་ཀན་དབུས་ཀྱི་ཁྲག་ཟོས་ནས། །ཤ་དང་རུས་པ་རྩ་རྣམས་མ་ལུས་ཟ། །འདི་ཡན་གྱིས་རྡོ་རྗེ་གསུམ་གྱི་བསྙེན་སྒྲུབ་དངོས་གཞི་བསྟན་ཟིན་པ་ཡིན་ལ། དེའང་དཀྱུས་ཀྱི་ས་
― LT24_Page_252B ―
[མ་དཔེ་གཟིགས་ན་འདིར་གནོན།]
བཅད་ནི་བསྙེན་སྒྲུབ་ཡན་ལག་བཞིར་དབྱེ་བའི་དབང་དུ་བྱས་ཏེ་མཆན་རྙིང་པར་ཇི་ལྟར་སྣང་བ་བཞིན་བྲིས་པ་སྟེ། གཞན་དུ་སྐུ་རྡོ་རྗེ་བསྙེན་པའི་རྣལ་འབྱོར་ལུས་གནད་ཀྱི་བྱེད་པ་བཅིངས་པ་སོར་སྡུད་དག །དེའི་འབྲས་བུ་བསམ་གཏན། གསུང་རྡོ་རྗེ་སྒྲུབ་པའི་རྣལ་འབྱོར་སྟེང་འོག་གི་རླུང་ལམ་དུ་བྱེད་པ་སྲོག་རྩོལ་དང༌། ཁ་སྦྱོར་ལ་བརྟེན་ནས་ལྷ་སྐུ་གསལ་གདབ་པ་འཛིན་པ། ཐུགས་རྡོ་རྗེ་སྒྲུབ་པ་ཆེན་པོའི་རྣལ་འབྱོར་གཏུམ་མོའི་མེས་བདེ་བ་བསྒྲུབ་པ་རྗེས་དྲན་དང༌། འཛག་མེད་དུ་འཆིང་བ་ཏིང་ངེ་འཛིན་གྱི་ཡན་ལག་སྟེ། ཏིང་འཛིན་གྱི་ཡན་ལག་མཐར་ཐུག་གི་འབྲས་བུར་རྣམ་པར་བཞག་པའི་དབང་དུ་བྱས་ན། གཏུམ་མོ་དང༌། ཐིག་ལེའི་རྣལ་འབྱོར་ཐམས་ཅད་རྗེས་དྲན་དུ་འདུག་གོ །དེ་ལྟར་བསྙེན་སྒྲུབ་གསུམ་དུ་རྣམ་པར་བཞག་པས་མཚོན་དབྱེ་བསྡུ་ཅི་རིགས་པ་དང༌། སོ་སོའི་ས་མཚམས་ལའང་ངོས་བཟུང་འདྲ་མིན་འགའ་ཞིག་འབྱུང་ནའང་དོན་དུ་འགལ་བ་མེད་པར་ཤེས་པར་བྱའོ། །དེ་ལྟ་བུའི་ལམ་ཉམས་སུ་ལེན་པ་ལ་ཉེ་བར་མཁོ་བའི་བོགས་འདོན་དང༌། གེགས་སེལ། ལས་དེས་གྲུབ་པའི་གནས་སྐབས་དང་མཐར་ཐུག་གི་འབྲས་བུ་རྣམས་རིམ་བཞིན་དུ་སྟོན་པར་བཞེད་ནས། ཐོག་མར། ༈ བོགས་དབྱུང་བའི་ངེས་པ་གསུངས་པ། ཕལ་པའི་ལུས་ལ་འབབས་པ་མ་ཡིན་ན། །དག་པའི་རྟེན་ལ་འབར་བའི་མེ་བསྒྲུབས་ཏེ། །དེ་ཡིས་ཕུང་པོ་ངེས་པར་བསྲེག་པར་བྱེད། །བདེ་ཆེན་གྱི་ལམ་གྱིས་མྱ་ངན་ལས་འདས་པའི་བག་ཆགས་འཛིན་པར་གསུངས་པ། ལྷན་ཅིག་སྐྱེས་པའི་སྒོམ་པ་དེ་ཉིད་ཀྱིས། །ངེས་པར་ཡུལ་གྱི་རྐྱེན་ལས་སྒོམ་པ་ལས། །རྨི་ལམ་ཤེས་པ་དེ་ཡི་རྗེས་སུ་འཇུག ༈ གེགས་སེལ་མདོར་བསྟན་པ། ལུས་ལ་གནས་པའི་རླུང་དང་ནད་གཞི་རྩིགས། །གྱེན་དུ་འཕང་ཞིང་འོག་ཏུ་བཅིངས་པ་དང༌། །ཐད་ཀར་བསྲང་ཞིང་རང་སར་གཞིལ་བར་བྱ། །ཡང་ན་དགང་ཞིང་ཟུག་རྔུའི་གནས་སུ་འཕང༌། །གེགས་སེལ་རྒྱས་པར་བཤད་པ་ལ། །རླུང་ལོག་པའི་གཉེན་པོ་བསམ་གཏན་གྱིས་བཅོས་པ། ས་དང་མེ་དང་ཆུ་དང་རླུང་རྣམས་ཀྱང༌། །དགྲ་དང་གྲོགས་སུ་རང་བཞིན་གནས་པ་ལས། །ཚ་གྲང་
― LT24_Page_253A ―
[མ་དཔེ་གཟིགས་ན་འདིར་གནོན།]
གཉེན་པོའི་རིམ་པས་སྦྱར་བར་བྱ། །སྟེང་འོག་གིས་བཅིངས་པས་སྐྱོན་གཉིས་སེལ་བར་གསུངས་པ། སྟེང་གི་ཉེས་པ་འོག་ཏུ་བཅིངས་པས་སེལ། །འོག་གི་ལོགས་རྣམས་སྟེང་གི་དེ་བཞིན་ནོ། །གྱེན་དུ་འཕངས་པས་ནད་གདོན་པ། ཧ་ཧ་ཧི་ཧི་ཧཱུྃ་ཧཱུྃ་ཕཊ་ཀྱི་སྒྲ། སྟེང་དུ་བསྒྲགས་པས་རྩིགས་མ་འདོན་པ་དང༌། །དྭངས་མ་རང་གི་གནས་སུ་འཛིན་པར་བྱེད། །རླུང་མཐོ་བའི་སྐྱོན་ཐུར་དུ་བཅིངས་པས་སེལ་བ། ཡཾ་རཾ་བཾ་ལཾ་གྱི་ནི་ཡི་གེའི་སྒྲས། །དཀྱིལ་འཁོར་རབ་ཏུ་གཡོ་བས་བསྒྲག་ཅིང་གདབ། །རྩོལ་བ་དྲག་པོས་རྩ་གསུམ་འོག་ཏུ་བསྡམ། །འབྱེད་འཛུམ་དེས་ནི་རྩིགས་མ་ཐུར་དུ་འགྲོ། །གྲང་རླུང་གིས་བསྐྱེད་པའི་ནད་ཐད་ཀར་དབྱུང་བ། ཐད་ཀའི་གཟེར་ཟུག་དྲོད་དང་བྲལ་བ་རྣམས། །རང་རང་གནས་སམ་བསྐྱེད་པའི་རྩ་སྒོ་ནས། །ཟུག་རྔུ་དེ་ནི་ཐད་ཀར་དབྱུང་བར་བྱ། །ལམ་མཐར་མ་ཕྱིན་ན་བཙན་ཐབས་སུ་གོང་དུ་འཕོ་བ་གསུངས་པ། སྒོ་དགུའི་རྒྱུ་བ་ནང་དུ་བསྡུས་པ་ལས། །ཁྲོ་བོའི་གཟུགས་ཀྱིས་རང་གནས་བདེ་བར་བྱེད། །གྱད་ཀྱི་སྟོབས་ཀྱིས་སྒྲ་གཅན་ལས་སུ་རུང༌། །དེ་ཚེ་གང་ཞིང་གཅུད་ལ་རབ་ཏུ་འཕངས། །སྔོན་དུ་འཆི་ལྟས་མཐོང་ན་བསླུ་བའི་ཐབས་གསུངས་པ། གླིང་བཞི་དང་ནི་རི་རབ་གང་ལ་ཡང༌། །བདག་པོ་གསུམ་གསུམ་རླུང་སེམས་ལས་སུ་རུང༌། །འཆི་ལྟས་བརྟག་པ་གསུངས་པ། གླིང་བཞི་དང་ནི་རི་རབ་གང་ལ་ཡང༌། །ཉི་ཟླའི་རྒྱུ་བ་འགགས་པར་གྱུར་པའི་ཚེ། །དེ་ཡི་ཚེ་ན་འབྱུང་བ་འཁྲུགས་པར་གསུངས། །གྲང་བའི་ནད་དབྱུག་པ་དང་འཁྲུལ་འཁོར་གྱིས་སེལ་བ། གྲང་བའི་ཕྱོགས་ནི་སྟོབས་ཀྱི་སྦྱོར་བས་སེལ། །ཚ་བའི་ནད་ཏིང་ངེ་འཛིན་དང་རླུང་སྦྱོར་གྱིས་སེལ་བ། དྲོད་ལ་ངེས་པར་བསིལ་བའི་ཆུ་རྒྱུན་དབབ། །སྟེང་འོག་གི་རླུང་དྲག་ཏུ་འགགས་པ་སེལ་བ། རང་སའི་རྒྱུན་ལམ་རབ་ཏུ་འགགས་པ་ལ། །འཕང་ཞིང་བརྡུང་བའི་སྦྱོར་བས་སེལ་བར་འགྱུར། །ཟུག་རྔུ་གནས་སུ་འཕང་བ་རྒྱས་པར་བཤད་པ་གསུངས་པ། གང་དུ་གཅུད་པ་དེ་ནི་སྟོབས་ཀྱི་རླུང༌། །དགང་ཞིང་
― LT24_Page_253B ―
[མ་དཔེ་གཟིགས་ན་འདིར་གནོན།]
གཅུད་ལ་དབྱུང་བས་རབ་ཏུ་སེལ། །དེ་ལྟར་གེགས་སེལ་གྱི་འབྲས་བུ་གསུངས་པ། ལུས་ཀྱི་ནད་འཇོམས་སྟོབས་དང་བདེ་བ་རྒྱས། ༈ བསྙེན་སྒྲུབ་གསུམ་བསྒོམ་པས་གནས་སྐབས་ཀྱི་འབྲས་བུ་གསུངས་པ། རྩ་སྦྱངས་པ་ལས་ལུས་ཀྱི་དྲི་མ་དག །རླུང་སྦྱངས་པ་ལས་ངག་གི་དྲི་མ་དག །འཛག་མེད་ཐོབ་པས་ཡིད་ཀྱི་བག་ཆགས་བཅོམ། །མཐར་ཐུག་སྒྲུབ་པ་ཆེན་པོ་བསྒོམ་པས་ངེས་དོན་གྱི་དམ་ཚིག་བཞིར་འགྱུར་བར་གསུངས་པ། འཁོར་ལོའི་མདུད་པ་དགའ་བཞིའི་འགྲོས་ཀྱིས་བཤིག །ངེས་དོན་གྱི་དམ་ཚིག་དགའ་བ་བཞིས་སྒྲིབ་པ་རྣམས་དང་བྲལ་བས་འཁོར་བའི་རྩ་བ་མ་རིག་པ་སྤོང་བའི་ཚུལ་གསུངས་པ། མ་རིག་སེམས་ནི་རྒྱལ་བ་ལོག་པས་དྭངས། །ཆགས་བྲལ་ཉམས་པས་ཞེ་སྡང་ཟད་པའི་སེམས། །ཆགས་པ་དག་པས་བདེ་བ་ཆེན་པོར་གྲོལ། །མ་རིག་པའི་ཡན་ལག་རྟེན་འབྲེལ་བཅུ་གཉིས་འགགས་པས་བདེན་དོན་ཡན་ལག་བཅུ་གཉིས་ཀྱི་འབྲས་བུ་ཐོབ་ཚུལ་གསུངས་པ། ནོར་བུ་ནས་ནི་གཙུག་ཏོར་འཁོར་ལོའི་བར། །བརྒྱ་ཕྲག་བཅོ་བརྒྱད་ལས་ཀྱི་རླུང་འགགས་པས། །རིམ་པ་བཞིན་དུ་ས་རེ་ཐོབ་པར་འགྱུར། །རྡོ་རྗེའི་གཞུང་འདི་ཉིད་ཟབ་ཅིང་རྒྱ་ཆེ་བར་བསྟན་པ། རྣལ་འབྱོར་བླ་ན་མེད་པའི་རྒྱུད་རྣམས་ཀྱི། སྙིང་གི་གནད་རྣམས་འདི་གཞུང་རྟོགས་པས་ཐོབ། །དགའ་བ་བཅུ་དྲུག་གནས་པ་ལས་དེ་ཉིད་རྣམ་པ་བཅུ་དྲུག་རིག་པའི་ཐམས་ཅད་མཁྱེན་པར་འགྱུར་བར་གསུངས་པ། ལུས་དང་ཕུང་པོའི་སྒྲིབ་པ་བཅོམ་པ་ལས། །སེམས་ལ་འཛིན་པའི་བག་ཆགས་མི་སྐྱེ་བས། །ནམ་མཁའ་སྤྲིན་དང་བྲལ་བའི་རྒྱུ་སྐར་བཞིན། །རིམ་པ་འདིས་ནི་ཐམས་ཅད་མཁྱེན་ཐོབ་འགྱུར། །ལམ་གྱི་འབྲས་བུ་བཅོམ་ལྡན་འདས་སུ་འགྱུར་ཚུལ་གསུངས་པ། འཛག་པ་ལས་ནི་དུག་གསུམ་སེམས་སྐྱེ་བས། །འདི་ཡི་རིམ་པས་འཛག་པ་ཟད་པ་ལས། །ཉོན་མོངས་སྒྲིབ་པའི་བདུད་ལས་རྒྱལ་གྱུར་པའི། །རིམ་པ་འདིས་ནི་དུག་གསུམ་འཇོམས་པར་བྱེད། །ལམ་དུས་སུ་ཕྱི་ནང་གསང་བའི་དམ་ཚིག་རྣམས་བརྟེན་པར་གསུངས་པ། བདུད་རྩི་ལྔ་ཡི་དྭངས་མས་རྩིགས་ཟོས་པས། །
― LT24_Page_254A ―
[མ་དཔེ་གཟིགས་ན་འདིར་གནོན།]
རྩིགས་མེད་དངས་མའི་ལུས་སུ་གྱུར་པའི་ཚེ། །ཐོགས་བཅས་དངོས་པོའི་བདུད་དང་བྲལ་བའི་ཕྱིར། །འཇའ་ལུས་རྡོ་རྗེའི་སྐུ་རུ་འདི་ཡིས་འགྲུབ། །རྡོ་རྗེའི་གཞུང་འདི་ཉིད་ཡི་གེར་འབྲི་བའི་རྒྱུ་མཚན་གསུངས་པ། འདི་དོན་བྱིན་རླབས་སྟོབས་ཀྱིས་སྣང་བ་རྣམས། །རང་གི་རྟོག་དཔྱོད་བློ་ཡིས་མ་འདྲེས་པར། །རྟོག་དཔྱོད་བརྗེད་པས་འཇིགས་ནས་ཡི་གེར་བཀོད། །ནོངས་ཞིང་འཁྲུལ་པ་ཡོད་ན་བཟོད་པར་གསོལ། །རྡོ་རྗེ་གསུམ་གྱི་བསྙེན་སྒྲུབ་ཀྱི་གཞུང་རྫོགས་སོ། །འདིའི་ས་བཅད་རྣམས་ཡིག་རྙིང་ལས་བྱུང་བ་ཇི་ལྟ་བ་བཞིན་བྲིས་པ་ཡིན་ལ། དོན་མདོར་བསྡུས་པའང༌། སྐུ་གསུམ་ཐུགས་ཀྱི་བསྙེན་སྒྲུབ་གསུམ། བོགས་འབྱིན་གེགས་སེལ་འབྲས་བུའོ། །ཞེས་རྣམ་པ་དྲུག་ཏུ་ཤེས་པར་བྱའོ། །མངྒ་ལཾ། ༈ རྡོ་རྗེ་གསུམ་གྱི་བསྙེན་སྒྲུབ་ཀྱི་ཡན་ལག །རིགས་བཞི་མཁའ་འགྲོས་གནང་བའི་ཐབས་ལམ་གྱི་གཞུང་བཞུགས་སོ། །ན་མོ་གུ་རུ། རྗེ་གྲུབ་ཐོབ་ཆེན་པོས། ཨོ་རྒྱན་སྤྲུལ་པའི་ཞིང་ཁམས་སུ་བྱོན་པའི་དུས་སུ། རིགས་བཞིའི་མཁའ་འགྲོ་མ་རྣམས་ཀྱིས་གདམས་པ་རེ་རེ་གནང་བ་ལས། རྡོ་རྗེ་མཁའ་འགྲོས་གསུངས་པ། རླུང་ཅན་རླུང་མེད་དག་གིས་ཉི་ཟླ་བཟུང༌། །གླིང་བཞི་གཅུད་ཅིང་ཉིད་ལག་བསྐུམ་དང་བགྲད། །རྒྱ་མཚོ་བསྐོལ་དང་སྲིན་པོ་འོག་ཏུ་མནན། །སྒྲ་གཅན་རྒྱས་པས་སྐྱོན་དག་ཡོན་ཏན་རྫོགས། །ཅེས་སོ། །རིན་ཆེན་མཁའ་འགྲོས། སྔོན་འགྲོའི་དུས་སུ་གཡོན་པའི་ལག་ཉིད་ནི། །བསྣུན་ལྡན་ཆུ་སྐྱེས་དག་ལ་བདེ་བ་སྒོམ། །དབབ་དང་བཟུང་བཟློག་དགྲམ་པའི་ལས་རྣམས་ཀྱིས། །དངོས་གཞི་དག་ལ་གདིང་དང་ལྡན་པར་འགྱུར། །ཅེས་སོ། །པདྨ་མཁའ་འགྲོས། ཏིང་འཛིན་རླུང་དང་ལག་པའི་ཕྱག་རྒྱ་ཡིས། །བྱང་སེམས་བདེ་བ་ཆེན་པོར་ཕབ་བྱས་ཏེ། །རྒྱ་མཚོ་བཅོམ་ཞིང་སྨད་ལ་དགྲམ་པར་བྱ། །རླུང་སེམས་ཐིག་ལེ་གྱེན་དུ་བུས་པས་སེལ། །ཅེས་སོ། །སྣ་ཚོགས་མཁའ་འགྲོས། སྨད་ཀྱི་ཉྭ་བཞི་གཡས་གཡོན་སྟེང་
― LT24_Page_254B ―
[མ་དཔེ་གཟིགས་ན་འདིར་གནོན།]
འོག་བརྡོབ། སྟོད་ཀྱི་ཉ་བཞི་ཁུ་ཚུར་གྱེན་དུ་བརྐྱང༌། །བདེ་དྲོད་རླུང་གཉིས་ཐབས་ཤེས་གཅིག་ཏུ་བསྡུ། །ཤེས་རབ་དྭངས་མ་དམར་པོ་དབང་དུ་འགྱུར། །ཅེས་སོ། །ཕྱག་ལེན་ཡན་ལག་བླ་མའི་དྲུང་དུ་ཞུས། །དམར་ཁྲིད་ཐོབ་ན་རིན་ཆེན་གསེར་ལས་དགའ། །དེ་ལྟར་མིན་ན་མུན་པའི་མདའ་དང་མཚུངས། །བླ་མ་མཁའ་འགྲོའི་བྱིན་རླབས་འཇུག་པ་གཅེས། །སྣོད་ལྡན་སློབ་མའི་ཚོགས་དང་འཕྲད་པར་ཤོག །ཐབས་ལམ་གྱི་གཞུང་ངོ༌། །ཡང་ཁྱད་པར་གྱི་གདམས་པ། ཨཱ་ལི་ཀཱ་ལི་མཉམ་པར་སྦྱོར་བའི་ཚེ། །མཐའ་བཞི་བསྒྲད་ལ་མ་ནིང་རླུང་དང་བཅས། །ཟླ་བའི་དངས་མས་རྩིགས་མ་མ་ལུས་ཟ། །འཆི་མེད་རྡོ་རྗེ་སེམས་དཔའི་གནས་ཐོབ་བྱེད། །སྟོད་ཀྱི་ཉི་ཟླ་མཆན་ཁུང་ཁུ་ཚུར་མནན། །འཁྱིལ་པའི་འདུག་སྟངས་རུ་སྦལ་ཚང་དུ་བཅིང༌། །ཤེས་རབ་ལྟེ་བའི་ཨ་ལ་རིམ་གྱིས་ཐིམ། །སྤྱི་བོའི་ཧཾ་ལ་ཞུགས་པས་བདེ་ཆེན་སྟེར། །ཚངས་པའི་བརྟུལ་ཞུགས་ཉི་ཟླ་ཐད་ཀར་བསྐྱང༌། །འཁོར་ལོ་ཀུན་ཏུ་ཡིག་དྲུག་རྡོ་རྗེའི་སྒྲ། །དྭངས་མ་ཐིམ་ཞིང་བཞད་པའི་སྒྲ་ཡིས་ཕུལ། །ཉི་མ་ཟླ་བ་འདྲེས་ནས་འཇའ་ལུས་འགྲུབ། །ཐབས་ཤེས་ཉམས་བླངས་གླིང་བཞི་བཅུད་ལ་འབོར། །རྡོ་རྗེ་པདྨ་བསྐྱོད་ཅིང་མ་ནིང་འཆའ། །ཐད་ཀ་ཐད་ཀར་རིལ་འཛིན་རྗེས་སུ་གཞིག །ཐབས་ཤེས་འདྲེས་ནས་ནམ་མཁའི་ལུས་སུ་འགྱུར། །ཅེས་གསུངས་སོ། །མངྒ་ལཾ། ༈ རྡོ་རྗེ་གསུམ་གྱི་བསྙེན་སྒྲུབ་དང་འབྲེལ་བའི་སྨོན་ལམ་གྱི་རྡོ་རྗེའི་གླུ་གྲུབ་ཆེན་ཨོ་རྒྱན་པས་གནང་བ་བཞུགས་སོ། །ན་མོ་གུ་རུ། བླ་མ་ལ་མཆོད་པར་བརྗོད་པ། ཅིར་སྣང་བདེ་ཆེན་རོལ་པའི་ངང༌། །མཐའ་ཡས་རིག་པ་སེམས་ཀྱི་གདངས། །སྤང་བླང་མེད་པར་མངོན་གྱུར་པའི། །རྗེ་རྒོད་ཚང་པ་ལ་སྐྱབས་སུ་མཆི། །ཡི་དམ་གྱི་ཤིས་པ་བརྗོད་པ། སྟོང་ཉིད་སྙིང་རྗེ་གཅིག་པ་ལ། །ཐབས་མཁས་ཐུགས་རྗེའི་ཕྲིན་ལས་ཀྱིས། །ལས་ཅན་རྣམས་ལ་དངོས་གྲུབ་སྟེར། །ཡུམ་ཡེ་ཤེས་
― LT24_Page_255A ―
[མ་དཔེ་གཟིགས་ན་འདིར་གནོན།]
མཁའ་འགྲོའི་ཐུགས་རྗེས་ཟུངས། །སྐུ་རྡོ་རྗེ་སོར་བསམ་བསྙེན་པའི་རྣལ་འབྱོར། གཞི་ལུས་ལ་གནས་པའི་རྩ་རྣམས་ཀྱང༌། །སྟེང་འོག་བར་དུ་བཅིངས་པ་ཡིས། །རྣམ་པར་རྟོག་པའི་རྒྱུ་འགྲུལ་ཆད། །རྟོག་མེད་རང་གསལ་སྐྱེད་དུ་གསོལ། །གསུང་རྡོ་རྗེ་སྲོག་འཛིན་སྒྲུབ་པའི་རྣལ་འབྱོར། རླུང་སྟེང་འོག་བར་གསུམ་གཅིག་ཏུ་བསྲེས། །ཡི་གེ་དྲུག་པ་རྡོ་རྗེའི་སྒྲ། །རླུང་སྐྱོན་སྟེང་འོག་ཐད་ཀར་བཏོན། །རླུང་ལྔ་ལས་སུ་རུང་བར་ཤོག །ཐུགས་རྡོ་རྗེ་རྗེས་ཏིང་སྒྲུབ་པ་ཆེན་པོའི་རྣལ་འབྱོར། ཁམས་དགུ་འདུས་པ་བཅུད་ཀྱི་དྭངས། །སྲིད་པའི་སྐྱེ་སྒོ་གྱེན་ལ་བཟློག །རྩ་ཡི་མདུད་པ་ཕྱོགས་མེད་གྲོལ། །གསུང་གི་དབང་ཕྱུག་ཐོབ་པར་ཤོག །ལྷ་སྐུ་འཇའ་ཚོན་ལྟ་བུར་བརྟན། །བརྩིགས་ཀྱི་བདུད་རྩི་མ་ལུས་ཟད། །དྭངས་མ་བདུད་རྩིའི་ནུས་པ་ཡིས། །འཇའ་ལུས་ཆོས་སྐུ་ཐོབ་པར་ཤོག །ལྟ་སྒོམ་སྤྱོད་པའི་གནད་བསྡུས་ཏེ་བསྟན་པ། སྣ་ཚོགས་རིག་པ་སེམས་ཀྱི་གདངས། །དཔག་ཏུ་མེད་པའི་འཆར་སྒོ་ལ། །སྤང་བླང་གཉེན་པོས་མ་བསླད་པར། །གང་ཤར་ཆོས་སྐུར་རྟོགས་པར་ཤོག །ཡུལ་དང་ཡུལ་ཅན་གཉིས་སུ་མེད། །རང་སྣང་རིག་པའི་འཆར་ཚུལ་རྣམས། །རྟོགས་པའི་སྟོབས་ཀྱིས་གཅིག་ཏུ་འདྲེས། །གཞན་སྣང་ཟིལ་གྱིས་གནོན་པར་ཤོག །འགྲོ་བ་ཀུན་གྱི་སྡུག་བསྔལ་རྣམས། །གཟུང་འཛིན་འཁྲུལ་པའི་འཁོར་ལོར་མཐོང༌། །བརྩེ་ཆེན་དམིགས་མེད་ཐུགས་རྗེ་ཡིས། །བདེ་ཆེན་ས་ལ་འཁོད་པར་ཤོག །མཇུག་སྦྱར་བྱང་ངོ༌། །ཚིག་འདི་རྣམས་བོད་ཡུལ་གཙང་གི་ཡུལ། །ཟོང་འདོད་དགུ་འབྱུང་བའི་ཚོང་དུས་སུ། །མི་ཆེ་བཙན་རགས་དགུ་འདུས་པའི་ནང༌། །ང་ཨོ་རྒྱན་པ་ཡིས་སྐྱུགས་པ་ཡིན།། །།མངྒ་ལཾ། །
གདམས་ངག་མཛོད་པོད་བཅོ་ལྔ་པ།
བསྙེན་སྒྲུབ་ཀྱི་འགྲེལ་བཤད་ཡིད་བཞིན་ནོར་བུ།
― LT24_Page_256A ―
[མ་དཔེ་གཟིགས་ན་འདིར་གནོན།]
བསྙེན་སྒྲུབ་ཀྱི་འགྲེལ་བཤད་ཡིད་བཞིན་ནོར་བུ་བཞུགས།
― LT24_Page_256B ―
[མ་དཔེ་གཟིགས་ན་འདིར་གནོན།]
བསྙེན་སྒྲུབ་འགྲེལ་བཤད་ཡིད་བཞིན་གྱི་ནོར་བུ་གསལ་བ་ཞེས་བྱ་བ། ཆོས་ཀྱི་རྗེ་གྲུབ་ཐོབ་ཆེན་པོའི་ཞབས་ཀྱི་པདྨོ་ལ་གུས་པར་ཕྱག་འཚལ་ཞིང་སྐྱབས་སུ་མཆིའོ། །སངས་རྒྱས་ཐམས་ཅད་འདུས་པའི་སྐུ། །ཡོན་ཏན་ཀུན་གྱི་གཏེར་གྱུར་པ། །འགྲོ་བ་ཀུན་གྱི་སྐྱབས་གཅིག་པོ། །བླ་མ་མཆོག་ལ་གུས་ཕྱག་འཚལ། །རྣམ་པ་ཀུན་ལྡན་སྟོང་ཉིད་སྣ་ཚོགས་ཡུམ། །རྣམ་དག་བདེ་ཆེན་རྒྱ་མཚོ་ལྷུན་གྱིས་གྲུབ། །ཟག་མེད་བདེ་ཆེན་ཡེ་ཤེས་བསྐྱེད་པའི་ཡུམ། །བཅོམ་ལྡན་འདས་མའི་ཞབས་ལ་གུས་པས་འདུད། །འཁོར་བའི་གནས་སྐབས་བཞི་པོ་བཅོམ་ནས་རྒྱལ་བ་ཡི། །སྐུ་བཞི་མངོན་དུ་བྱེད་པའི་ཐབས་མཆོག་བསྙེན་སྒྲུབ་གསུམ། །ཉི་ཟླ་སྟོབས་དྲག་བཅོམ་ནས་དབུ་མ་རྒྱས་མཛད་པའི། །དཔལ་ལྡན་ལམ་མཆོག་དེ་ལ་གུས་པར་ཕྱག་འཚལ་ལོ། །རྡོ་རྗེ་བཙུན་མོ་བླ་མ་དམ་པ་ཉིད། །རྗེས་སུ་བཟུང་ནས་གནང་བའི་གཞུང་ཉིད་ལ། །ཆོས་རྗེ་ཉིད་ཀྱི་གསུང་དང་ལུང་གིས་བརྒྱན། །ཅུང་ཟད་གསལ་བ་ཙམ་དུ་དབྱེ་བར་བྱ། །
― LT24_Page_257A ―
[མ་དཔེ་གཟིགས་ན་འདིར་གནོན།]
ཟབ་རྒྱས་གཞུང་གི་དགོངས་པ་འགྲོལ་བའི་བློ། །བདག་འདྲ་བྱིས་པར་གྱུར་པས་ག་ལ་མཆི། །འོན་ཀྱང་ཆོས་རྗེ་ཡུན་རིངས་བསྟེན་གྱུར་ཅིང༌། །གསུང་རྒྱུན་འཛིན་ལ་བརྩོན་པས་འབད་པ་དང༌། །མཆེད་པོ་གོང་མས་རྗེ་ཡི་གསུང་བགྲོས་ལ། །ཡི་གེ་མཛད་པ་རྣམས་ཀྱི་གུང་བསོས་ཤིང༌། །ཞལ་ཤེས་གདམས་པའི་གནད་ཀྱིས་ལེགས་བརྒྱན་ནས། །རང་གཞན་ཀུན་ལ་ཕན་ཕྱིར་ཡི་གེར་བཀོད། །དེ་ཡང་རྣལ་འབྱོར་གྱི་དབང་ཕྱུག་དམ་པ་དཔལ་ལྡན་ཨོ་རྒྱན་པ་ཞེས་མཚན་ཡོངས་སུ་གྲགས་པ་དེ་ཉིད་ཀྱིས། ཨོ་རྒྱན་སྤྲུལ་པའི་ཞིང་དུ་བྱོན་པའི་དུས་སུ། དེ་བཞིན་གཤེགས་པ་ཐམས་ཅད་ཀྱི་ཡུམ་རྡོ་རྗེ་རྣལ་འབྱོར་མ་ཉིད་ཀྱིས་བྱིན་གྱིས་བརླབས་ནས། དགའ་བཞིའི་འགྲོས་ཀྱིས་དབང་བཞི་མངོན་སུམ་དུ་བསྐུར་ནས། ལྷན་ཅིག་སྐྱེས་པའི་ཡེ་ཤེས་བདེ་བ་ཆེན་པོར་ལུས་ཅན་ཐམས་ཅད་ལ་གདོད་མ་ཉིད་ནས་གནས་ནའང༌། འཕོ་བའི་བག་ཆགས་དུས་གསུམ་གྱི་རང་བཞིན་གྱི་དབང་གིས། བློ་བུར་གྱི་དྲི་མས་བསྒྲིབས་ཏེ་མ་རིག་པ་ལས། དེར་ལས་དང་ཉོན་མོངས་པའི་དབང་གིས་ཁ་
― LT24_Page_257B ―
[མ་དཔེ་གཟིགས་ན་འདིར་གནོན།]
བསྒྱུར་ནས། ཐར་བར་དཀའ་བའི་འཁོར་བའི་རྒྱ་མཚོར་ཡང་དང་ཡང་དུ་ཟོ་ཆུའི་འཁྱུད་མོ་བཞིན་དུ་འཁོར་བའི་སེམས་ཅན་འདུལ་བའི་སླད་དུ་སྟེ། དེ་ཡང་གདུལ་བྱ་དབང་པོ་རྣོན་པོ་བརྩོན་འགྲུས་རབ་ཏུ་གྱུར་པ་རྣམས་སྐྱེ་བ་འདི་ཉིད་ལ་རྡོ་རྗེ་འཆང་གི་སར་འགྲོ་བའི་ལམ་ཐམས་ཅད་ཀྱི་ནང་ནས་མཆོག་ཏུ་གྱུར་པ་རྡོ་རྗེ་གསུམ་གྱི་བསྙེན་བསྒྲུབ་ཅེས་བྱ་བ་འདི་གནང་བར་གདའ། དེ་ལ་འདིར་ཟབ་མོ་གནད་ཀྱི་གསུང་བགྲོས་རྣམས་འབྲི་བས་ཆོས་བདག་མཁའ་འགྲོའི་ཚོགས་ཀྱིས་གནང་བར་ཞུ་ཞིང༌། གནང་ནས་བྱིན་གྱིས་བརླབ་ཏུ་གསོལ། དེ་ལ་རྗེ་རིན་པོ་ཆེའི་ཞལ་ནས། གདམས་པ་འདི་ལ་རྡོ་རྗེ་བཞི་རུ་བྱས་ནའང་འོང་འོད་པ་ཡིན་ཏེ། ཆོས་འདི་བྱུང་བའི་དུས་སུ་སྐུ་གསུང་ཐུགས་ཀྱི་རྡོ་རྗེ་རྣམ་པ་གསུམ་ཞེས་བྱ་བ་བྱུང་བས། ཡེ་ཤེས་རྡོ་རྗེ་ཤུགས་ལས་བསྟན་པ་ཡིན་གསུངས། དེ་དང་མཐུན་པར། བདེ་མཆོག་བསྡུས་རྒྱུད་ལས་ཀྱང༌། དག་བྱེད་སྡིག་པ་འཇོམས་བྱེད་ཡིན། སངས་རྒྱས་དེ་ཉིད་སྒྲུབ་པ་ནི། །སྔགས་བཟླས་པ་དང་བསམ་གཏན་དང༌། །བདེ་བས་ཀྱང་ནི་འགྲུབ་པར་འགྱུར། །ཞེས་གསུངས་སོ། །དེ་ལུས་རྩ་དག་པར་བྱེད་པ་སྐུ་རྡོ་རྗེའི་བསྙེན་པ་ལ། དང་པོ་སྐྱིལ་ཀྲུང་གསུམ་གྱིས་ཉམས་སུ་ལེན་པ་བྱེད་དེ། སྟེང་སྐྱིལ་ཀྲུང་གིས་སྟེང་གི་རླུང་བཅིང༌། འོག་གི་སྐྱིལ་ཀྲུང་གིས་འོག་གི་རླུང་བཅིང༌། བར་སྐྱིལ་ཀྲུང་གིས་བར་གྱི་རླུང་བཅིང་པ་སྟེ། དེ་ཡང༌། སྟོང་ཕྲག་བདུན་ཅུ་རྩ་གཉིས་རྩ་ཡི་བཅུད། །ཅེས་པས། ཁམས་དྲུག་དང་ལྡན་པའི་སྐྱེས་བུ་ཆེན་པོའི་ལུས་འདི་ལ། རྩ་སྟོང་ཕྲག་བདུན་ཅུ་རྩ་གཉིས་ཆགས་པ་སྟེ། དེ་ཡང་དང་པོར་མའི་མངལ་དུ་ཁུ་ཁྲག་དང༌། ཀུན་གཞི་རྣམ་
― LT24_Page_258A ―
[མ་དཔེ་གཟིགས་ན་འདིར་གནོན།]
པར་ཤེས་པ་བདེ་བས་བྱིན་གྱིས་བརླབས་པའོ། །དེ་ནས་ཟླ་བ་གཅིག་ན་སྙིང་གའི་དབུས་སུ་ཤིན་ཏུ་ཕྲ་བའི་རྩ་བཅུ་ཐམས་པ་རླུང་བཅུའི་རྟེན་དུ་ཕྱུར་པ་རྣམས་ཆགས་ཤིང༌། དེ་ནས་བརྩམས་ཏེ་ཞག་རེ་ལ་རྩ་ཉིས་བརྒྱ་ཉིས་བརྒྱ་འཕེལ་བས་ཟླ་བ་བཅུ་གཉིས་ན་སྟོང་ཕྲག་བདུན་ཅུ་རྩ་གཉིས་འགྱུའོ། །དེ་ནས་ཞག་རེ་ལ་རྩ་གཉིས་གཉིས་རྩ་སྐམས་པས། ལོ་བརྒྱ་སོང་བ་དང་རྩ་རྣམས་སྐམས་ཏེ་ཟད་དོ། །དུས་ཀྱི་འཆི་ལྟས་འབྱུང་བ་ནི། དེས་ཚེ་ཟད་པའོ། །རྩ་དེ་རྣམས་ཀྱི་གཙོ་བོ་ནི། སྟེང་འོག་ཏུ་དྲུག་སྟེ། དེའང་ལྟེ་བའི་སྟེང་དུ་གཡོན་དུ་ལ་ལ་ནཱ་དང༌། གཡས་སུ་རཱ་ས་ནཱ་དང༌། དབུས་སུ་ཨ་ཝ་དྷཱུ་ཏིའོ། །ལྟེ་བའི་འོག་ཏུ། གཡོན་དུ་དྲི་ཆེན་དང༌། གཡས་སུ་དྲི་ཆུ་དང༌། དབུས་སུ་ཁུ་བ་འབབ་པ་རྣམས་སོ། །རྩ་སྟོང་ཕྲག་བདུན་ཅུ་རྩ་གཉིས་པོ་རྣམས་བཅུད་ནི། རླུང་དང་ཀུན་གཞིའི་རྣམ་པར་ཤེས་པ་དང༌། བྱང་ཆུབ་ཀྱི་སེམས་རྣམས་ཏེ། དེ་ཡང༌། སྔ་མ་སྔ་མ་ནི་བརྟེན་པ་ཡིན་ལ། ཕྱི་མ་ཕྱི་མ་ནི་རྟེན་ཡིན་ནོ། །ནམ་མཁའི་ཁམས་སུ་གཟའ་རྣམས་བརྟན་པར་བཅིང༌། །ཞེས་པས། རྩ་རླུང་བྱང་ཆུབ་ཀྱི། སེམས་དང་གསུམ་པོ་འདི་རྣམས་མ་ཆིངས་པ་ལས། འཛག་སྒོ་ཆེན་པོ་བཞི་ཞེས་པ་དེའང༌། འཁོར་བའི་གནས་སྐབས་བཞི་ཞེས་པ་དེ་རྣམས་འབྱུང་པས། དེ་རྣམས་བསྙེན་སྒྲུབ་གསུམ་གྱི་རིམ་པར་བཅིངས་པས། འཁོར་བ་འདི་ལས་ཐར་པ་སྟེ། དེའང་གང་དུ་འཆིང་ན། མུན་པ་དང་སྣང་བའི་ནམ་མཁར་རྣལ་འབྱོར་གཉིས་ཀྱིས་འཆིང་སྟེ། ཇི་ལྟར་འཆིང་ན། བརྟན་པ་སྟེ་ཡུལ་ལ་འཇུག་པ་མེད་པར་བཅིང་ངོ༌། །
― LT24_Page_258B ―
[མ་དཔེ་གཟིགས་ན་འདིར་གནོན།]
གཟའ་རྣམས་ཅེས་པ་ནི། དབང་པོའི་སྒོ་རྣམས་ཏེ། དྲི་མ་མེད་པའི་འོད་ལས། །འདིར་བཤངས་པའི་བུ་ག་ནི་ཟླ་བའོ། །གཅི་པའི་བུ་ག་ནི་ཉི་མའོ། །ཁུ་བའི་བུ་ག་ནི་སྒྲ་གཅན་ནོ། །མིག་གཡས་བའི་བུ་ག་ནི་མིག་དམར་རོ། །མིག་གཡོན་པའི་བུ་ག་ནི་གཟའ་ལྷག་པའོ། །སྣ་གཡས་པའི་བུ་ག་ནི་ཕུར་བུའོ། །སྣ་གཡོན་པའི་བུ་ག་ནི་པ་སངས་སོ། །རྣ་བ་གཡོན་པའི་བུ་ག་ནི་སྤེན་པའོ། །རྣ་བ་གཡོན་པའི་བུ་ག་ནི་འཇུག་རིངས་སོ། །ཞེས་སོ། །གཟའ་དེ་རྣམས་གྱེན་དུ་འཆིང་བ་སྟེ། འདི་ལྟར་ཉམས་སུ་ལེན་པའི་གང་ཟག་ནི། བླ་མེད་ཀྱི་དཀྱིལ་འཁོར་ཆེན་པོ་དབང་ཐོབ་པ། རྩ་བའི་ལྟུང་བ་བཅུ་བཞི་དང༌། སྦོམ་པོ་ལ་སོགས་པའི་ལྟུང་བ་དང་བྲལ་བ། དགེ་བ་བཅུ་ལ་སྤྱོད་པ། འདུ་འཛི་གཡེང་བ་མཐའ་དག་སྤངས་ཤིང༌། རྫས་སུ་མ་ཆགས་ཤིང་གཏོང་བའི་ངང་ཚུལ་ཅན། ལུས་ངག་ཡིད་གསུམ་གྱི་ལོངས་སྤྱོད་ལ་མ་ཞེན་པ། །འཛག་པའི་བདེ་བ་ལ་ལྟོས་པ་མེད་པར། ཐུན་མོང་གི་དངོས་གྲུབ་ལ་ལྟོས་པ་མེད་པར་ཐར་པ་ཁོ་ན་དོན་དུ་གཉེར་པ། མངོན་པར་རྟོགས་པའི་ཏིང་ངེ་འཛིན་ཇི་སྲིད་རྒྱུད་ལ་མ་བརྟན་གྱི་བར་དུ་སྦེད་ཤེས་པ་ལ་སོགས་པའི་ཡོན་ཏན་དང་ལྡན་པས། གཙུག་ལགས་ཁང་གི་དཀོར་ལ་སོགས་པའི་ལོག་འཚོ་སླངས་པའི་ཡོ་བྱད་ཐམས་ཅད་ཚོགས་པར་བྱ་སྟེ། སྒྲུབ་པའི་གནས་ནི། ཐག་དང་གཞི་མཐོ་བས་ས་རླབས་ཆུང་བ། ཕྱོགས་ཐམས་ཅད་ཞལ་བས་བཀག་པ། གྲུབ་ན་སྒྲུབ་ཁང་སུམ་རིམ་མམ། ཡང་ན་གསལ་དཀར་མ་རྟོགས་པའི་བུ་ག་རྟ་རྔ་ཤོང་བ་ཙམ་ཡང་མེད་པ། སྒོ་འཁྱོག་རིམ་པ་གསུམ་མམ། འཛུལ་སྒོ་ཅན་ལ་མུན་པ་ལེགས་པར་བསྒྲུབས་ནས།
― LT24_Page_259A ―
[མ་དཔེ་གཟིགས་ན་འདིར་གནོན།]
བདེ་བའི་སྟན་ལ་འདུག་སྟེ། སྐྱབས་འགྲོ་དང་སེམས་སྐྱེད་ཙམ་བྱ་སྟེ། བླ་མའི་རྣལ་འབྱོར་སྒོམ་པ། གཞན་གྱི་སྤྲོས་པ་ཐམས་ཅད་ལིངས་ཀྱིས་དོར་ནས། གཡས་ཀྱི་རྩ་ལ་སྲོག་དབབ་པའི་དུས་སུ་བསྒོམ་པར་བྱ་བ་སྟེ། ས་ལ་སོགས་པ་བསྡུད་པའི་རིམ་པ་ཡིན་པའི་དུས་ཁྱད་པར་ཅན་དུ་འགྱུར་པ་ཡིན་གསུངས། གཡོན་པའི་རྩ་ལ་སྲོག་དབབ་པའི་དུས་མ་ཡིན་ཏེ་ནམ་མཁའ་ལ་སོགས་པ་བསྐྱེད་པའི་རིམ་པས་བལྟ་བའི་ཕྱིར་རོ། །བསྒོམ་པའི་ཚུལ་ནི་འདི་ལྟར་བྱ་སྟེ། རྐང་པ་རྡོ་རྗེ་སྐྱིལ་ཀྲུང་དམ། སྐྱིལ་ཀྲུང་བྱ་སྟེ་པུས་མོས་ལ་དབབ་ཅིང་ཚིགས་པ་དྲང་པོར་བསྲང༌། ལག་པ་རྡོ་རྗེ་ཁུ་ཚུར་བྱས་ནས་བརླ་རྩ་གནོན་པ་སྟེ། དེ་སྐད་དུ། དུས་འཁོར་ལས་ཀྱང༌། ཁུ་ཚུར་བརླ་ཡི་སྟེང་དུ་རྡོ་རྗེའི་གདན་ལ་གནས་པ་རྒྱལ་བའི་བདག་པོ་རིགས་ཀྱི་ཕྱག་རྒྱར་འགྱུར། ཞེས་བཤད། དེའི་དཔུང་པ་ཕྱིར་གདེང༌། ལྟག་པ་དྲང་པོར་བསྲང༌། མགྲིན་པ་ཅུང་ཟད་སྒྲུབས། ཨོལ་མདུད་མནན། ལྕེ་ནང་དུ་དྲིལ་ལ་རྐན་ལ་སྦྱར། ཁ་སྣ་ཅུང་ཟད་ཉེར་ཙམ་བྱ། རྣ་བར་ཧྲིང་བཏང༌། མིག་གཉིས་རྡོ་རྗེ་གཙུག་ཏོར་གྱི་ལྟ་སྟོངས་གྱེན་དུ་བལྟས་ཏེ། མིག་མི་འཛུམ་པར་ཧད་དེ་བཞག །དུས་འཁོར་ལས་ཀྱང༌། སོ་སོར་བསྡུད་པ་ལུས་ལ་ཡུལ་དང་ཡུལ་ཅན་བཅུ་པོ་རྣམས་ནི་རབ་ཏུ་འཇུག་པ་མེད་པའོ། །ཞེས་པ་སྟེ། གཟུགས་ལ་སོགས་པའི་ཡུལ་ལྔ་ལ་མིག་གི་རྣམ་པར་ཤེས་པ་ལ་སོགས་པ་ལྔ་འཇུག་མེད་པ་སྟེ། སྟོང་གཟུགས་ཀྱི་ཡུལ་རྣམས་ལ་རབ་ཏུ་འཇུག་པ་མེད་པའོ། །གསང་འདུས་ལས་ཀྱང༌། དངོས་པོ་མེད་པ་སྒོམ་པ་མིན། །བསྒོམ་པ་བྱ་བ་སྒོམ་པ་མིན། །དེ་ལྟར་
― LT24_Page_259B ―
[མ་དཔེ་གཟིགས་ན་འདིར་གནོན།]
དངོས་དང་དངོས་མེད་པས། །སྒོམ་པ་དམིགས་སུ་མེད་པའོ། །ཞེས་གསུངས་སོ། །དེ་ཡང་དང་པོར་ཁམས་གསོ་བའི་ཆེད་དུ་ཧ་ཅང་མཐོ་བ་མ་ཡིན་པས་མིག་ཕྱེད་བཀབ་ཙམ་བལྟ་བར་བྱ་སྟེ། དབང་མདོར་བསྟན་པ་ལས་ཀྱང༌། བཀབ་དང་མ་བཀབ་མིག་དག་གིས། །སྟོང་པར་འདི་ནི་རྗེས་བརྟགས་མིན། །རྨི་ལམ་བཞིན་དུ་གཟུགས་མཐོང་འགྱུར། །རྟག་ཏུ་གཟུགས་དེ་བསྒོམ་པར་བྱ། །ཞེས་གསུངས་སོ། །དམིགས་པ་གང་ཡང་མི་འཛིན་པ་སྒོམ་འདོད་ཀྱི་རྟོག་པ་ཐམས་ཅད་ཕྱིར་བསྙིལ་ཏེ། ཐ་ན་ཉམས་མྱོང་དང་རྟགས་ཀྱི་འདོད་པ་ཙམ་ཡང་མི་བྱེད་པར། བློ་རྟེན་གང་ལ་ཡང་མི་འཆའ། །བློ་གང་དུའང་མི་འཛིན་པར། རྣམ་པར་མི་རྟོག་པའི་ངང་དུ་མ་ཡེངས་ཙམ་དུ་བཞག་ཅིང༌། སྒོ་ལྔ་བཅུད་ལ་བོར་བས་རྩ་བ་དང་ཡན་ལག་གི་རླུང་དང་རྣམ་རྟོག་ནང་དུ་ཟིན་ནས་རྣམ་པར་མི་རྟོག་པ་སྐྱེ་ཞིང༌། དུ་བ་ལ་སོགས་པའི་སྟོང་གཟུགས་མཐོང་བར་འགྱུར་ཏེ། རྩ་རྒྱུད་ལས་ཀྱང༌། བསམ་པ་ཐམས་ཅད་ཡོངས་སྤངས་ཏེ། །ཉི་མ་གཅིག་ཏུ་རྣམ་པར་བརྟག །གལ་ཏེ་རྟགས་ནི་མ་བྱུང་ན། །དེ་ཚེ་ང་ཡི་རྫུན་ཚིག་ཡིན། །ཞེས་གསུངས་སོ། །སངས་རྒྱས་རྣམས་ངེས་པའི་དོན་ལ་རྫུན་མི་གསུང་ཞིང་དེ་ལྟར་བསྒོམས་ན་ངེས་པར་ཞག་གཅིག་ལ་རྟགས་མཐོང་བ་ཡིན་ནོ། །འཇིག་རྟེན་པའི་དངོས་གྲུབ་སྒྲུབ་པ་ལ་ནི། ཉིན་མཚན་གཅིག་གི་རྟགས་མཐོང་བ་མེད་དོ། །དེའི་ཕྱིར་ལམ་རིན་པོ་ཆེ་འདི་ཉིད་ཁྱད་པར་དུ་འཕགས་ཤིང༌། ངོ་མཚར་བར་ངེས་ཤེས་བསྐྱེད་པར་བྱའོ། །དེ་ཡང་མུན་པར་བསྒོམ་པའི་ཚེ། མུན་སྣང་དེ་ཉིད་ལ་མིག་གི་དབང་པོ་རང་རིག་པས་ཁྱད་པར་བཀོད་ནས། །
― LT24_Page_260A ―
[མ་དཔེ་གཟིགས་ན་འདིར་གནོན།]
ཁམས་ཀྱིས་ཆུན་ན་ཁ་ཟས་ཀྱི་དུས་མ་ཡིན་པ་ཐམས་ཅད་དུ་འབྲལ་བ་མེད་པར་བསྒོམ། ཟས་ཀྱི་དུས་སུའང་སེམས་ཀྱི་འཇོག་ལུགས་དང་ལྟ་སྟངས་མ་ཤོར་བར་བྱ། ཐུན་མཚམས་སུ་ཅུང་ཟད་དགོས་པ་ཡང༌། མདུན་གྱི་ནམ་མཁའི་གང་སྣང་ལ། མིག་གི་དབང་པོ་དང་ཤེས་པས་ཁྱབ་པར་བཀོད་ནས། མ་ཡེངས་པའི་ངང་ནས་མི་སྒོམ་པར་རྩོལ་མེད་དུ་འཇོག་པ་ཡིན། མ་ཡེངས་ལ་རྩོལ་བ་མེད་པའི་གནད་དེ་ལ། རིག་པ་ལེགས་པ་ཆུན་ན་ཉམས་མྱོང་བཙན་ཐབས་སུ་སྐྱེ། དེའི་གནད་མ་ཟིན་ན། འཕྲལ་དུ་ངས་དུངས་ཀྱི་འཇུར་དྲག་གི་རྩོལ་བ་བསྐྱེད་ཀྱང༌། སྒོམ་གྱི་སྣ་སུན་པའི་སྐྱོན་དུ་སོང་དོགས་ཡོད་ཅིང༌། དེ་ལྟ་ན་སྟོང་ཉིད་རྒྱུད་ལ་མི་སྐྱེ། སྟོང་ཉིད་མ་སྐྱེས་ན་དུ་བ་ལ་སོགས་པའི་རྟགས་རྣམས་མཐོང་བ་མི་སྲིད་དོ། །དེ་ལྟར་མཚན་མོ་གཉིས་ཀྱི་དུས་སུ་ཡང༌། ཙོག་པུའམ། ལྟག་ཏུ་ཅུང་ཟད་གཉིས་པ་ཙམ་མམ། ཡང་མདུན་ཏུ་མཉམས་པ་ཙམ་ལ་གཉིད་ལོག་པས། ཐོག་མར་གཉིད་མི་ཕེབས་པའམ། སྒོམ་འཕྲོ་ལ་གཉིད་དུ་འགྲོ་བ་འོང་སྟེ། ཡུན་དུ་གོམས་པ་བཞིན། གཉིད་ནང་དུའང་རྟགས་རྣམས་འཆར་བས། ཉིན་མཚན་ཁྱད་མི་འོང་སྟེ། སྙིང་རུས་དང་བརྩོན་འགྲུས་ཀྱིས་ཆུན་ན། ལྷག་པར་མཚན་མོའི་ཉམས་གསལ་བར་འབྱུང་ངོ༌། །རྟགས་རྣམས་ནི། དུ་བ་དང༌། སྨིག་རྒྱུ་དང༌། མེ་ཁྱེར་དང༌། མར་མེ་དང༌། མཁའ་སྣང་ལ་སོགས་པ་དང༌། ཉིན་མོའི་རྣལ་འབྱོར་གྱིས་ཉིན་རྟགས་རྣམས་འབྱུང་བ་སྟེ། དུས་འཁོར་ལས་ཀྱང༌། ནམ་མཁར་ཀུན་ནས་ཞེན་པའི་སེམས་དང་མིག་ནི་མི་འཛུམ་རྡོ་རྗེའི་ལམ་དུ་རབ་ཏུ་ཞུགས་པ་ཡིས། །སྟོང་པ་ལས་ནི་དུ་བ་སྨིག་རྒྱུ་རབ་གསལ་
― LT24_Page_260B ―
[མ་དཔེ་གཟིགས་ན་འདིར་གནོན།]
དྲི་མ་མེད་པའི་མཁའ་སྣང་ཉིད་དང་མར་མེ་དང༌། །འབར་བ་དང་ནི་ཟླ་བ་ཉི་མ་རྡོ་རྗེ་རྣམས་དང་མཆོག་གི་ཆ་དང་ཐིག་ལེ་མཐོང་བར་འགྱུར། །དེ་ཡི་དབུས་སུ་སངས་རྒྱས་གཟུགས་ནི་ཡུལ་དང་རྣམ་པར་བྲལ་བ་དུ་མ་ལོངས་སྤྱོད་རྫོགས་པའི་སྐུ། །ནམ་མཁའ་ཆུ་འཛིན་བྲལ་བ་དག་ནི་རྣལ་འབྱོར་པ་ཡིས་བགྲད་པའི་མིག་གིས་ལྟ་བྱ་སྟེ། །རེ་ཁཱ་ནག་པོ་དྲི་མེད་འོད་ཟེར་འཕྲོ་བ་དུས་ཀྱི་རྩ་ལ་འཐོང་བར་འགྱུར་གྱི་བར་དུའོ། །དེ་ལ་ཀུན་མཁྱེན་གཟུགས་ནི་ཆུ་ལ་ཉི་མ་ལྟ་བུར་གོས་པ་མེད་པར་ཁ་དོག་སྣ་ཚོགས་ཏེ། །རྣམ་པ་ཀུན་ལྡན་རང་སེམས་ཡུལ་དང་རྣམ་པར་བྲལ་བ་དག་གོ་སེམས་ནི་གཞན་པ་མིན་པ་ཉིད། །ཅེས་གསུངས་སོ། །དེ་ལ་ཉིན་མོའི་རྣལ་འབྱོར་སྒོམ་པ་ནི། །སྔ་དྲོ་དང་ཕྱི་དྲོ་ཉི་མ་དང་སེར་བུ་ལ་རྒྱབ་ཕྱོགས་པར་བྱ་ཞིང༌། ཉིན་གུང་ལ་བསྒོམ་པར་བྱ་བ་མ་ཡིན་ཏེ། གཞན་དུ་ན་མིག་རབ་ཏུ་འགྱུར་པས་སོ། །སྟན་བདེ་བ་ལ་སྔར་གྱི་བྱེད་བཅིངས་ཀྱིས། དབང་པོ་ཡུལ་སོ་སོ་ལ་འཇུག་པ་སེམས་རྩེ་གཅིག་ཏུ་བསྡུས་ནས། ནམ་མཁའ་རྒྱ་ཆེན་པོ་མཐོང་པའི་སར། རི་བོའི་རྩེའམ། ཐང་ཆེན་པོའམ། ཁང་ཐོག་གམ། ཕྱེད་གཡབས་ཀྱི་འོག་གམ། ནམ་མཁའ་དྭངས་པ་སྤྲིན་མེད་པ་ལ་སྒོམ་ཞིང༌། ཅུང་ཟད་གོམས་ནས་སྤྲིན་ཡོད་པའམ། ནམ་མཁའ་གར་ཡོད་དུ་གོམས་ནས། ཉིན་མོའི་རྟགས་དྲུག་མཐོང་བར་འགྱུར་ཏེ། འདི་སྟོང་ཉམས་ཀྱི་ཏིང་ངེ་འཛིན་རྩལ་མ་རྫོགས་ཀྱི་བར་དུ་སྒོམ་པར་བྱ་བ་ཡིན་ནོ། །དེ་ལྟར་བསྒོམས་པས་རླུང་སྟོད་དུ་འཚངས་པ་ལ་སོགས་པ་བྱུང་ན། སྟེང་གི་ཉེས་པའི་སྐྱོན་རྣམས་འདག་པར་བྱེད་པ་དང༌། རླུང་སོ་སོའི་གནད་ཀྱིས་མལ་དུ་བྱེད་པ་ལ། འོག་གི་སྐྱིལ་ཀྲུང་ནི། རྒྱ་མཚོའི་སྟེང་དུ་རྩ་གསུམ་ཡན་ལག་
― LT24_Page_261A ―
[མ་དཔེ་གཟིགས་ན་འདིར་གནོན།]
བསྡམས། ཤེས་པས་ན། རྒྱ་མཚོ་ནི་ལྟོ་བ། གཏིང་ནི་འོག་སྒོ། རྩ་གསུམ་ནི་དྲི་ཆེན་དང་དྲི་ཆུ་དང་ཁུ་བ་འབབ་པ་རྣམས་སོ། །ཡན་ལག་ནི་རྐང་པ་གཉིས་ཏེ། དེ་རྣམས་བསྡམ་པར་བྱའོ། །ལུས་བསམ་གཏན་གྱི་ཆོས་ལྔར་ལྡན་པར་བྱས་ལ། འོག་སྒོ་གཉིས་ཐད་ཀར་བསྡམས། ཉྭ་བཞི་བསྒྲིམ། རྐང་པའི་སོར་མོ་བསྐུམ། སྒལ་ཚིག་དགྱེད་བྱ། ལྟོ་བ་མན་ཆད་ཆ་ཆ་ནས་བསྒྲིམས་ལ། རྣམ་སྣང་གི་ལྟ་སྟངས་མཐུར་ལ་བལྟ་ཞིང༌། སྟེང་རླུང་ཀློད། འོག་རླུང་བཟུང་ལ། །མི་རྟོག་པ་ལ་གནག་པ་སྟེ། དེ་ལྟར་བསྒོམས་པས་སྟེང་གི་སྐྱོན་རྣམས་འོག་གིས་སེལ་ལ། སྟེང་གི་སྐྱིལ་ཀྲུང་བསྒོམས་པས། འོག་གི་སྐྱོན་རྣམས་སེལ་བ་སྟེ། དཔེར་ན་སྣོད་ཀྱི་ཆུ་དང༌། རིལ་བ་ཞབས་ཆགས་ཅན་ལྟ་བུར་འོག་བཅིངས་པས་སྟེང་རླུང་རང་ཤུགས་གྱིས་ཟིན་ལ། སྟེང་བཅིངས་པས་འོག་རླུང་རང་ཤུགས་ཀྱིས་ཟིན་པ་ཡིན། འདི་གཉིས་ཀྱིས་རླུང་མ་ལུས་པ་དབང་དུ་འདུ་བ་སྟེ། སྐྱིལ་ཀྲུང་གཉིས་བསྒོམ་པའི་དགོས་པ་ཡིན། དེ་ལ། ཉི་ཁྲི་ཆིག་སྟོང་དྲུག་བརྒྱ་རླུང་གི་ཚོགས། །སྟེང་འོག་རྩ་ཡིས་བཅིངས་པས་ཟིན་པར་འགྱུར། །ས་ཆུ་མེ་རླུང་ནམ་མཁའི་བདག་ཉིད་ཀྱི། །འབྱུང་བའི་རླུང་རྣམས་ནང་དུ་འགགས་པར་བྱེད། །ཅེས་པ་སྟེ། ཉི་ཁྲི་ཆིག་སྟོང་དྲུག་བརྒྱའི་རླུང་ནི། གཡོན་ཟླ་བ་དང་གཡས་ཉི་མ་དང༌། དབུས་སྒྲ་གཅན་གྱིས་འཇུག་པས་འཕོ་ཆུང་དང༌། །འཕོ་ཆེན་དུ་རྒྱུ་བ་སྟེ། འཕོ་ཆུང་རེ་རེ་ལ་དབུགས་སུམ་བརྒྱ་བཞི་བཅུ་རྩ་བརྒྱད་དང༌། བཞི་ཆ་གསུམ་དུ་འགྱུར་ཞིང༌། འཕོ་ཆེན་རེ་རེ་ལ་དབུགས་སྟོང་ཕྲག་བདུན་བརྒྱ་བཞི་བཅུ་རྩ་གསུམ་དང་བཞི་ཆ་གསུམ་རྒྱུའོ། །ཡེ་ཤེས་ཀྱི་རླུང་ནི། འཕོ་ཆེན་གྱི་མཚམས་སུ། ལྔ་བཅུ་རྩ་དྲུག །བཞི་ཆ་སྣ་བུག་གཉིས་ནས་མཉམ་དུ་འབབ་པ་སྟེ། བསྡོམས་པས་ཞག་གཅིག་ལ་དྲུག་བརྒྱ་
― LT24_Page_261B ―
[མ་དཔེ་གཟིགས་ན་འདིར་གནོན།]
དང་བདུན་ཅུ་རྩ་ལྔའོ། །དེ་ལྟར་ཞག་གཅིག་ལ། ལས་དང་ཡེ་ཤེས་ཀྱིས་རླུང་བསྡམས་པས་ཉི་ཁྲི་ཆིག་སྟོང་དྲུག་བརྒྱའི་རླུང་རྒྱུ་བ་ཡིན་ནོ། །དེ་རྣམས་བསྡོམས་པས་ལོ་བརྒྱ་ལ། ལས་ཀྱི་རླུང་ལོ་དགུ་བཅུ་རྩ་དྲུག་དང༌། ཟླ་བ་ཕྱེད་དང་བཅུ་གཅིག་ཏུ་འགྱུར། ཡེ་ཤེས་ཀྱི་རླུང་ལོ་གསུམ་དང་ཟླ་བ་ཕྱེད་དང་གསུམ་དུ་འགྱུར་པའོ། །དེ་ཡང་ས་དང་ཆུ་དང་མེ་དང་རླུང་དང་ནམ་མཁའི་རང་བཞིན་གྱི་རླུང་རྣམས་ནི་གཡས་ནས་འཕོ་ཆུང་གི་རིམ་པས་བསྡུད་པའི་རིམ་པ་དང༌། གཡོན་ནས་བསྐྱེད་པའི་རིམ་པས་རྒྱུ་བ་ནི་འབྱུང་བའི་རླུང་རྣམས་སོ། །ནང་དུ་འགག་པ་ནི། ཨ་ཝ་དྷུ་ཏིར་འཇུག་པའོ། །དུས་ཀྱི་འཁོར་ལོ་ལས་ཀྱང༌། ས་ནི་ཆུ་ལ་རབ་ཏུ་འཇུག་ཅིང་ཆུ་ཡང་འབར་བྱེད་ལ་སྟེ་རྩ་བར་བྱེད་པ་རླུང་ལའོ། །རླུང་ནི་སྟོང་པ་ལ་སྟོང་པ་ངེས་པ་མཚན་མ་རྣམ་པ་བཅུ་རུ་འགྱུར་ཞིང་མཚན་མ་ནི། །རྣམ་པ་ཐམས་ཅད་པ་རུ་འགྱུར་ཏེ་མི་ཟད་མཆོག་གི་བདེ་བ་གཞོམ་དུ་མེད་པ་ཡེ་ཤེས་སྐུ། །ཡེ་ཤེས་ལས་ནི་རྫུ་འཕྲུལ་དངོས་གྲུབ་ཏུ་འགྱུར་མི་བདག་སྐྱེས་བུ་རྣམས་ཀྱིས་སྐྱེ་བ་འདི་ཉིད་ལའོ། །ཞེས་གསུངས། དེའང་སྟེང་འོག་གི་སྐྱིལ་ཀྲུང་གིས་བཅིངས་པས། རླུང་སེམས་ཐམས་ཅད་འཆིངས་ཤིང་ཟིན་པར་འགྱུར་པས། དེ་ནས་སྟེང་འོག་གི་གེགས་སེལ་དང༌། དབབ་བཟུང་ལ་སོགས་པ་ཐམས་ཅད་ཀྱིས་གནང་འདི་ལ་ཡོད་པའོ། །དབང་མདོར་བསྟན་ལས་ཀྱང༌། ཟླ་བ་ཉི་མའི་རྩ་འགགས་ནས། །དྲི་ཆེན་དྲི་ཆུའི་རྩ་འགགས་གོ །ཞེས་གསུངས་སོ། །སྟེང་འོག་གཉིས་བཅུད་པའི་རྗེས་ལ། བར་གྱི་སྐྱིལ་ཀྲུང་མ་ཤེས་ན། །རླུང་ནང་དུ་རྒྱུན་པར་མི་གནས་པས། ལུས་བསམ་གཏན་གྱི་ཆོས་ལྔ་དང་ལྡན་པར་བྱ། རླུང་ཁ་སྦྱོར་དུ་བཟུང་ལ།
― LT24_Page_262A ―
[མ་དཔེ་གཟིགས་ན་འདིར་གནོན།]
དེ་ནས་བར་རླུང་སྟོབས་བསྐྱེད་ནས། སྟེང་འོག་གཉིས་གློད་དེ། པུས་མོ་ཅུང་ཟད་དགྱེ་བར་བྱ། ལྟོ་བ་ཕྱིར་ཆེར་བསྐྱེད་དེ་ཇི་ཙམ་ཐུབ་ཚད་དུ་བཟུང་ལ་ནན་ཏན་དུ་བསྒོམས་པས་སྟེང་འོག་གཉིས་ཀྱི་གེགས་ཐམས་ཅད་སེལ་བར་བྱེད། ཁྱད་པར་ཕོ་བའི་མེ་དྲོད་བསྐྱེད་ཅིང༌། ཟས་དང་ཁམས་ཀྱི་དྭངས་སྙིགས་འབྱེད། རྩ་རླུང་གི་སྐྱོན་ཐམས་ཅད་འདག་ཅིང༌། ཡོན་ཏན་མཐའ་དག་འདི་ལས་སྐྱེས་པ་ཡིན། །རླུང་སེམས་ཐམས་ཅད་རྩ་གནས་དང་སྟོད་སྨད་དང༌། ལག་སོར་ལ་སོགས་པར་ཁྲིམས་ཤིང་འདྲོངས་པའི་གནད་ཐམས་ཅད་འདི་ལ་ཡོད་པས། མགོ་མཇུག་ཐམས་ཅད་འདི་གནད་ཟིན་པ་གལ་ཆེ་གསུང༌། སྤྱིར་ལུས་སེམས་རླུང་གསུམ་གཅིག་ལ་གཅིག་བསྟེན་པ་ཡིན་པས་ལུས་གནད་འཆུགས་ན་རླུང་གི་གནད་ཀྱང་འཆུགས་པ་སྟེ། དེ་ལ་སྐྱིལ་ཀྲུང་ལེགས་པར་འཆའ་ཤེས་ན། ཐུར་སེལ་གསང་བའི་རླུང་འཆིངས། ལག་པ་རྡོ་རྗེ་ཁུ་ཚུར་རླ་མགོར་བཞག །ལྟོ་བ་དྲང་པོར་བསྲང་བས་མེ་དང་མཉམས་གནས་ཀྱི་རླུང་འཆིངས། དཔུང་པ་རྒོད་གཤོག་ལྟར་རྒྱངས། །བྲང་དགྱེ་དགུར་མ་སོང་བར་སྲོག་འཛིན་ཆུའི་རླུང་འཆིངས། ཀོ་ཀོས་ཨོལ་མདུད་ནོན་རྟ་མཆོག་གོང་སྒྲོན་པ་ལྟ་བུས་གྱེན་རྒྱུ་མེའི་རླུང་འཆིངས། ལུས་སྤྱིའི་ལུས་གནད་མ་འཆུགས་པས། ཁྱབ་བྱེད་ནམ་མཁའི་རླུང་འཆིངས། དེ་ལྟར་འབྱུང་བ་ལྔའི་བདག་ཉིད་རྩ་བའི་རླུང་ལྔ་འཆིངས་པས། །ཡན་ལག་གི་རླུང་ལྔ་ཡང་རང་ཤུགས་ཀྱི་འཆིངས་ཏེ། དེར་རླུང་བཅུ་དྷཱུ་ཏིར་ཆུད་ནས། ཀུནྡྷ་བྱང་ཆུབ་ཀྱི་སེམས་དང༌། དོན་དམ་བྱང་ཆུབ་ཀྱི་སེམས་འཆིངས་པས་རྣམ་པར་མི་རྟོག་པའི་ཏིང་ངེ་འཛིན་སྐྱེ་བའོ། །རླུང་རོ་རྐྱང་གཉིས་
― LT24_Page_262B ―
[མ་དཔེ་གཟིགས་ན་འདིར་གནོན།]
ནས་ཕྱིར་ཤོར་བས། སྤྱིར་བྱང་ཆུབ་ཀྱི་སེམས་འཛག །ཁྱད་པར་རྣམ་རྟོག་སྣ་ཚོགས་སྐྱེ་སྟེ། རྣམ་རྟོག་གི་བྱེད་པོ་རོ་རྐྱང་གཉིས་ཡིན། དེ་གཉིས་ཀྱི་མེ་ཏོག་མིག་གཉིས་ཡིན་པས་ལྟ་སྟངས་རྣམ་པ་གསུམ་བྱ་སྟེ། དེའང་རླུང་སེམས་གྱེན་ལ་བུད་ཅིང་རྒོད་ན་ཐུར་དུ་བལྟ། ཐིག་ལེ་ཐུར་ལ་བུད་ཅིང་ཕྱིང་ན་གྱེན་ལ་བལྟ། རྨུགས་ཤིང་དྭངས་སྙིགས་མ་ཕྱེད་པ་དང༌། དྲན་མེད་ལྟ་བུའི་སྐྱོན་ལ་ཐད་དཀར་བལྟ་བའོ། །འབྱུང་བའི་རླུང་རྣམས་ནང་དུ་འགགས་པར་བྱེད། །ཅེས་པ་སྟེ། དེ་ལྟ་བུས་བྱེད་བཅིངས་ཀྱིས། རླུང་བཅུ་ཀ་དབང་དུ་བྱས་ནས་རྩ་རླུང་ཐིག་ལེ་གསུམ་ཀ་འཆིང་བ་སྟེ། དེའི་རྟགས་ནི། བདེ་གསལ་མི་རྟོག་ཏིང་འཛིན་ལས་སུ་རུང༌། ཞེས་པས། ལུས་ངག་ཡིད་གསུམ་གྱི་བྱེད་པ་རང་གནས་སུ་བཅིངས་པས་ཁམས་བྱང་ཆུབ་ཀྱི་སེམས་ཅུང་ཟད་བརྟེན་པའི་སྟོབས་ཀྱིས་བདེ་བ་སྐྱེ་བ་དང༌། ཤ་བའི་མིག་ལ་སོགས་པའི་རྣམ་པར་ཤེས་བ་དུ་བ་ལ་སོགས་པའི་སྟོང་གཟུགས་ལ་འཇུག་པ་ནི་གསལ་བའོ། །མིག་ལ་སོགས་པའི་རྣམ་ཤེས་ཕྱི་རོལ་གྱི་གཟུགས་ལ་སོགས་པའི་ཡུལ་ལ་འཇུག་པ་མེད་པ་ནི་མི་རྟོག་པའོ། །དེའི་དུས་སུ་ལུས་སེམས་ལ་སྐྱོ་བ་དང་དུབ་པ་མེད་པ་བདེ་གསལ་མི་རྟོགས་པའི་ཏིང་ངེ་འཛིན་རྩོལ་མང་དུ་འབྱུང་བའི་ལས་སུ་རུང་བའོ། །འབྱུང་བའི་རླུང་རྣམས་ནང་དུ་ཟིན་པ་ཡིས། །རྟགས་དང་ཡོན་ཏན་རྣམས་ནི་རིམ་བཞིན་འཆར། །ཞེས་པ་སྟེ། དངོས་འཛིན་ནི་འབྱུང་བ་ལྔའི་རླུང་ཡིན་ལ། ཨ་ཝ་དྷཱུ་ཏིའི་ནང་དུ་རིམ་པར་ཟིན་པའི་རྟགས་ནི། རྣལ་འབྱོར་གྱི་སྟོབས་ཀྱིས་ཡིད་ཀྱིས་མ་བརྟགས་པའི་གཟུགས་སྒྱུ་མའམ། གཞོན་ནུ་མས་པྲ་བབ་པའི་སྣང་བ་ལྟ་བུ་སྟོང་བའི་ངང་དུ་མཐོང་བར་འགྱུར། དེ་
― LT24_Page_263A ―
[མ་དཔེ་གཟིགས་ན་འདིར་གནོན།]
ཡང་ས་རླུང་ཟིན་པས་དུ་བ་ལྟ་བུ་དང༌། ཆུ་རླུང་ཟིན་པས་སྨིག་རྒྱུ་ལྟ་བུ་དང༌། མེ་རླུང་ཟིན་པས་སྲིན་བུ་མེ་ཁྱེར་ལྟ་བུ་དང༌། རླུང་གི་རླུང་ཟིན་པས་མར་མེ་འབར་བའམ། མར་མེའི་འོད་ལྟ་བུ་སྟེ། མཚན་མོའི་རྟགས་བཞི་དང༌། ནམ་མཁའི་རླུང་འགགས་པས་སྤྲིན་མེད་པའི་ནམ་མཁའ་ལྟ་བུ་ཞེས། གསང་འདུས་ལས། མཚན་རྟགས་ལྔ་རུ་ཡང་གསུངས་སོ། །ཉིན་མོའི་རྟགས་ནི་མེ་འབར་བ་ལྟ་བུ་དང༌། ཟླ་བ་ལྟ་བུ་སྣང་བ་དང༌། ཉི་མ་ལྟ་བུ་དང༌། རྡོ་རྗེའམ་སྒྲ་གཅན་སྟེ་ནག་ལིང་ལིང་པ་དང༌། གློག་ལྟ་བུ་དང༌། ཤིན་ཏུ་ཕྲ་བའི་ཐིག་ལེ་སྣ་ཚོགས་པ་དང༌། ཐིག་ལེའི་དབུས་སུ་གནས་པའི་ལོངས་སྤྱོད་རྫོགས་པའི་སྐུའི་བདག་ཉིད་ཅན་སངས་རྒྱས་ཀྱི་སྐུ་མཐོང་བ་སྟེ། ཉིན་མོའི་རྟགས་དྲུག་གོ །དེ་རྣམས་ནི་ངེས་པའི་རྟགས་ཡིན་ལ་མ་ངེས་པའི་བུམ་པ་དང་སྣམ་བུ་དང་རི་འདི་ལ་སོགས་པ་བསམ་གྱིས་མི་ཁྱབ་སྟེ། དེ་ཐམས་ཅད་ལུས་ཉམས་སེམས་ཉམས་རྨི་ཉམས་གསུམ་གྱི་རྟགས་ཏེ། ངོས་འཛིན་ལེགས་པར་ཤེས་དགོས་གསུངས། དེ་ལྟར་རྟགས་ཀྱི་སྣང་བ་སྣ་ཚོགས་ཏེ། རིག་པ་གསལ་སྟོང་གི་ངོ་བོར་ངོ་སྤྲོད་དགོས་ཏེ། གཞི་ལམ་འབྲས་བུའི་ཆོས་ཐམས་ཅད་རང་གི་སེམས་ཀྱི་སྣང་བ་ལས་ལོགས་སུ་མེད་ཅིང༌། རྟགས་སྣང་མ་འགགས་པར་གསལ་བ་དེ་སེམས་ཀྱི་མཚན་ཉིད་ཡིན་ལ། དེའི་རང་བཞིན་སྟོང་པར་གནས་པས་སྣང་སྟོང་དབྱེར་མེད་པའི་ངོ་བོ། །ཆུ་ནང་གི་ཟླ་བའམ། མེ་ལོང་གི་གཟུགས་བརྙན་ལྟ་བུ་ངོ་སྤྲད་གསུང༌། གྲུབ་པའི་ཚད་ནི་ཚིག་གི་མཆོག་སྟེར་བ་སྟེ། མེ་དང་གདོན་ལ་སོགས་པ་ཞི་བར་གྱུར་ཅིག །ཅེས་པས། ཞི་བ་ལ་སོགས་པའོ། །
― LT24_Page_263B ―
[མ་དཔེ་གཟིགས་ན་འདིར་གནོན།]
དབང་པོ་ལྔ་དང་ཡུལ་ལྔ་དབྱེར་མེད་དུ་ཤེས་པས། ལྷ་སྐུ་ལྔ་ཤར་བ་ནི། བསམ་གཏན་གྱི་རྟགས་བཅུའོ། །ཡན་ལག་ནི། ཤེས་རབ་དང༌། རྟོག་པ་དང༌། དཔྱོད་པ་དང༌། དགའ་བ་དང༌། གཡོ་མེད་བདེ་བ་སྟེ་བསམ་གཏན་གྱི་ཡན་ལག་ལྔའོ། །དུས་འཁོར་ལས་ཀྱང༌། བསམ་གཏན་དག་ཀྱང་ཤེས་རབ་རྟོག་དང་དཔྱོད་པ་དགའ་དང་གཡོ་མེད་བདེ་བ་རྩེ་ཅིག་སེམས་པའོ། །ཞེས་གསུངས། དེ་ལ་ཤེས་རབ་ཅེས་པ་ནི། སྟོང་པ་ཉིད་ཀྱི་གཟུགས་དེ་ཉིད་ལ་ལྟ་བའོ། །རྟོག་པ་ཅེས་པ་སེམས་ཀྱིས་དངོས་པོ་འཛིན་པའོ། །དཔྱོད་པ་ཞེས་པ་ནི་འཛིན་པའི་དངོས་པོ་དེའི་དོན་ངེས་པའོ། །དགའ་བ་ཞེས་པ་གཟུགས་དེ་ཉིད་ལ་ཆགས་པའོ། །གཡོ་མེད་བདེ་བ་ཞེས་པ་གཟུགས་ལ་སོགས་པ་དང་ལྷན་ཅིག་ཏུ་བྱེད་པའོ། །སོར་སྡུད་ཀྱི་སྟོང་གཟུགས་མཐོང་བ། བསམ་གཏན་གྱི་གཟུགས་ལ་སེམས་ཀྱིས་ཀུན་ནས་མཁྱུད་དེ་བརྟན་པར་བྱེད་པ་ཡིན་ཏེ། ཡོན་ཏན་ནི། མངོན་ཤེས་ལྔ་འཆར་བ་ལ་སོགས་པའོ། །དེ་ལྟར་སོ་སོར་སྡུད་དང་བསམ་གཏན་གྱི་སྐུ་རྡོ་རྗེའི་བསྙེན་པ་སོང་ནས། ༈ སྤྱི་དོན་གཉིས་པ་ངག་རླུང་དག་པར་བྱེད་པ་གསུང་རྡོ་རྗེའི་སྒྲུབ་པ་ནི། ཟླ་བ་དང་ཉི་མའི་དབྱེ་བས་རླུང་བཅུའམ། རྩ་བ་དང་ཡན་ལག་གི་ཅེས་པའི་རླུང་བཅུ། འབྱུང་འཇུག་གནས་གསུམ་གྱི་རིམ་པ་ལ་གནས་ཤིང༌། དེ་ཡང་རྩ་རྣམས་ཁྱིམ་དང༌། ཐིག་ལེ་ལོངས་སྤྱོད་དང༌། རླུང་བདག་པོའི་ཚུལ་དུ་གནས། རིག་པ་བྱང་ཆུབ་ཀྱི་སེམས་རྟེན་དེ་རྣམས་ལ་བརྟེན་པའི་ཚུལ་དུ་གནས་ཏེ། རྟེན་དེ་རྣམས་གནས་ན་ཚེ་གནས་ལ། མི་གནས་ན་ཚེ་མི་གནས་པས། སྲོག་ཡིན་ལ། རྩོལ་བ་ནི། སྟེང་འོག་
― LT24_Page_264A ―
[མ་དཔེ་གཟིགས་ན་འདིར་གནོན།]
བར་གསུམ་རླུང་འཛིན་པ་དང༌། ལམ་དུ་བྱེད་པ། སྒོམ་པ་ཁྲིད་ཀྱི་རིམ་པ་བཞིན་དུ་བྱས་པས། རླུང་བཅུ་དྷཱུ་ཏིར་ཚུད་ནས་འཁོར་ལོ་དྲུག་གི་ཐིག་ལེའི་ནང་དུ་འགྲོ་འོང་བྱེད་པ་སྟེ། དེའི་རྟགས་ནི་རྨོངས་རེངས་ལ་སོགས་པའི་ལས་ཆེན་པོ་རྣམས་སྒྲུབ་པར་ནུས་སོ། །ལག་ཏུ་བླང་བའི་རིམ་པ་ནི། སྟོང་པ་ཉིད་ཀྱི་གཟུགས་མཐོང་ཞིང་བརྟན་པ་དང༌། སྲོག་རྩོལ་གྱི་མན་ངག་བསྒོམ་པར་བྱ་སྟེ། དེ་ཡང༌། སྟེང་སྲོག་རྩོལ་གྱི་རླུང༌། བར་ཁ་སྦྱོར་གྱི་རླུང་ཞེས་བྱ་བ་སྟེ། དེ་ལ་དང་པོ་རླུང་གི་ལམ་བཙལ་ཞིང་ལམ་དུ་བྱེད་ཚུལ་གྱི་ཁྱད་པར་ནི་ལུས་ལྟར་བསྐྱེད། སྟན་བདེ་བ་ལ་ལུས་བསམ་གཏན་གྱི་ཆོས་ལྔ་དང་ལྡན་པའམ། ཙོག་ཕུར་སྒོམ་ཐག་བཅུག་པའམ། ལུས་གནད་ལེགས་པར་བཅས་པའི་གནད་འཐེམས་པར་བྱས་དེ། བླ་མ་ལ་གསོལ་བ་བཏབ་ནས། རླུང་རོ་ལེགས་པར་ཕྱུང་སྟེ། ནམ་མཁའི་རླུང་གི་འཛིན་སྟངས། རླུང་འཇུག་པ་དང་འབྱུང་བ་ཚོར་རིག་མེད་པ་ལྟ་བུར། འཇམ་ཞིང་དལ་ལ་ཆ་མཉམ་པས་ཡུན་རིང་དུ་བཟུང༌། འདི་ལ་རླུང་ནང་དུ་འཇུག་པ་ཨོཾ། བར་དུ་གནས་པ་ཧཱུྃ། ཕྱིར་དབྱུངས་པ་ཨཱཿ དེ་ལྟར་འབྱུང་འཇུག་གནས་གསུམ་ཡི་གེ་གསུམ་གྱི་ངོ་བོར་གནས་པས། དེ་ཉིད་སྣའི་སྒོ་ནས། རང་རང་གི་སོར་ཚད་དང་ལྡན་པའི་འགྲོ་འོང་ལ་རྣམ་པར་མི་རྟོག་པའི་ངང་ནས་སེམས་འཛིན་པ་ཡིན་གསུངས། དེ་བཞིན་དུ། རླུང་གི་རླུང་དྲག་ལ་རིང་བར་བཟུང་ལ་བསྒོམ། མེའི་རླུང་དྲག་ཐུང་དུ་སྦུད་སྦུད་བཟུང་ལ་བསྒོམ། ཆུའི་རླུང་སོ་བར་ཅུང་ཟད་བསྡོམས་པའི་བར་ནས་བཞུར་པའི་སིར་སྒྲ་དང་བཅས་པས་བཟུང་ལ་བསྒོམ། སའི་རླུང་ནམ་མཁའི་རླུང་
― LT24_Page_264B ―
[མ་དཔེ་གཟིགས་ན་འདིར་གནོན།]
ལས་ཅུང་ཟད་དྲག་པར་ཚོར་ཙམ་དུ་དལ་བུས་བཟུང་ལ་བསྒོམ་ཏེ། དམིགས་སྐོར་ལྔ་པོ་འདི་དག་གིས་རླུང་གི་མལ་རྙེད་ནས། གེགས་དང་ཉེས་པ་མི་འབྱུང་བ་ཡིན་གསུང༌། རླུང་སྤྱི་ཁྱབ་དུ་ཡང༌། ལུས་གནད་སྐྱིལ་ཀྲུང་དང༌། སྒོམ་ཐག་བཅུག་པ་གཉིས་ལས། སོ་སོའི་ལུས་ཀྱི་གནས་དང༌། དུས་ཀྱི་གནད་འཐེམས་པ་གལ་ཆེ་གསུངས། དེ་ནས་འོག་ཐུར་སེལ་གྱི་རླུང་གིས་འབྱུང་བ་རིམས་བརྩེགས་བསྒོམས་པ་ནི། ནམ་མཁའ་རླུང་མེ་ཆུ་དང་ས་རྣམས་ཀྱིས། ཐུར་དུ་བསྡམས་པས་དེ་ལ་གསལ་བར་བལྟ། ཞེས་པས། འོག་ཐུར་སེལ་བསྟེན་པའི་རྣལ་འབྱོར་ནི། ལུས་བསམ་གཏན་གྱི་ཆོས་ལྔ་དང་ལྡན་པར་བྱ། ལག་པ་གཉིས་པུས་མོ་ལ་དགབ། དང་པོ་འབྱུང་བ་སོ་སོའི་འཛིན་སྟངས་ཀྱིས། སྲོག་རླུང་བཟུང་སྟེ་ལྟེ་འོག་ཏུ་ཕུལ་ནས། ཐུར་བསྡམ་པར་བྱའོ། །དམིགས་པ་ནི། ཨེ་ཡིག་སྔོན་པོ་ཡོངས་སུ་གྱུར་པ་ལས་ནམ་མཁའི་དཀྱིལ་འཁོར་སྔོན་པོ་གྲུ་གསུམ་ཤིན་ཏུ་ཡངས་པ་ཨེས་མཚན་པ་བློས་མཁྱུད་ཚད་ཤིན་ཏུ་དྭངས་པ་གཅིག་བསྒོམ། ནམ་མཁའི་རླུང་ཟིན་པའི་རྟགས་ནི། ལུས་མེད་པ་ལྟ་བུའི་སྟོང་ཉམས་བཟང་པོ་འཆར་རོ། །ཆོས་འབྱུང་དེའི་སྟེང་དུ་ཡཾ་ཡིག་ཡོངས་སུ་གྱུར་པ་ལས། རླུང་གི་དཀྱིལ་འཁོར་ནག་པོ་གཞུའི་དབྱིབས་ཅན། གཡོ་བའི་བ་དན་གྱིས་མཚན་པ་ཡང་ཞིང་གཡོ་བ་བསྒོམ། རླུང་ཟིན་པའི་རྟགས་ནི། མགོ་ཟི་བ་དང༌། གཡའ་ཟ་བ་སོགས་པ་འབྱུང༌། ཡང་རླུང་གི་དཀྱིལ་འཁོར་དེའི་སྟེང་དུ། རཾ་ཡིག་ལས་མེའི་དཀྱིལ་འཁོར་གྲུ་གསུམ་དམར་པོ་རེག་བྱ་ཤིན་ཏུ་ཚ་བ་རཾ་གྱིས་མཚན་པ་བསྒོམ། རླུང་ཟིན་པའི་རྟགས་ནི།
― LT24_Page_265A ―
[མ་དཔེ་གཟིགས་ན་འདིར་གནོན།]
དྲོད་སྔར་བས་ཆེ་བ་དང་ལུས་ཚ་བ་ལ་སོགས་པ་འབྱུང༌། ཡང་མེའི་དཀྱིལ་འཁོར་དེའི་སྟེང་དུ་པཾ་ཡིག་ལས་ཆུའི་དཀྱིལ་འཁོར་དཀར་པོ་ཟླུམ་པོ་རེག་བྱ་བ་སིལ་བ། བུམ་པ་བཞི་ཡིས་མཚན་པར་བསྒོམ། རླུང་ཟིན་པའི་རྟགས་ནི། གྲང་བ་དང་འདར་བ་ལ་སོགས་པ་འོང་ངོ༌། །ཡང་ཆུའི་དཀྱིལ་འཁོར་གྱི་སྟེང་དུ། ལཾ་ཡིག་ལས་སའི་དཀྱིལ་འཁོར་སེར་པོ་གྲུ་བཞི་པ་རེག་བྱ་ལྕི་བ་རྡོ་རྗེ་རྒྱ་གྲམ་བཞིས་མཚན་པ་བསྒོམ། རླུང་ཟིན་པའི་རྟགས་ནི། ལུས་དང་ཤེས་པ་ལྕི་བ་དང་འགྲོ་སྙིང་མི་འདོད་པ་ལ་སོགས་པ་འོང༌། འདི་རྣམས་བསྒོམ་པའི་དུས་སུ་འོག་རླུང་ལ་གནད་དུ་བསྣུན་པའི་རླུང་སྦྱོར་ཡིན་ནོ། །དེ་ཡང་སྔ་མ་སྔ་མ་ལ་བརྟན་པ་ལ་མ་ཐོབ་བར། ཕྱི་མ་ཕྱི་མ་སྒོམ་པ་མ་ཡིན་ཞིང༌། ཁྱད་པར་དུ་འབྱུང་བའི་རིམ་པ་རྣམས་ལ་ནན་ཏན་ཏུ་བསྒོམས་པས། དེ་རྣམས་ཀྱིས་རླུང་དབང་དུ་འདུས་ཏེ། སའི་ཡོན་ཏན་གྱིས་ལུས་མངའ་ཞིང༌། ཏིང་ངེ་འཛིན་ལས་ལྡང་མི་ནུས་པ་དང༌། ལུས་ལ་དྲི་ཞིམ་པོ་འབྱུང་བའོ། །ཆུའི་ཡོན་ཏན་ལུས་སྣུམ་པ་དང༌། གཉེན་ཞིང་ཁོག་གསལ་བའོ། །མེའི་ཡོན་ཏན་ལུས་ལ་བདེ་དྲོད་འབར་བ་དང༌། བཀྲག་མདངས་དང་གཟི་མདངས་འབར་བ་དང༌། རོ་བྲོ་བ་སྣ་ཚོགས་པའོ། །རླུང་གི་ཡོན་ཏན་ལུས་ཡང་བ་དང༌། རེག་བྱ་འཇམ་པ་དང་རྩེ་ཞིང་འགྱོགས་པ་ལ་སོགས་འོང༌། ནམ་མཁའི་ཡོན་ཏན་ཐམས་ཅད་གོ་འབྱེད་པ་སྟེ། སྔར་གྱི་ཐམས་ཅད་དང་ཆ་མཐུན་པའི་ཡོན་ཏན་འབྱུང་བའོ། །དེ་དག་བརྟན་ནས་གདན་གསལ་གདབ་པ་ནི། རླུང་སྦྱོར་འབྱུང་བ་རིམ་བརྩེགས་དང་མཚུངས་པས། ནམ་མཁའི་དཀྱིལ་
― LT24_Page_265B ―
[མ་དཔེ་གཟིགས་ན་འདིར་གནོན།]
འཁོར་གྱི་སྟེང་དུ། ཡེ་ཤེས་ཀྱི་གདན་ལྗང་ཁུ་ཟླུམ་པོའི་དབྱིབས་ཅན་བསྒོམ་པར་བྱའོ། །དེ་ནས་རླུང་དང་ཆུ་དང་མེ་དང་སའི་དཀྱིལ་འཁོར་རྣམས་ཀྱི་རིམ་པ་བཞིན། སྒྲ་གཅན་དང༌། ཉི་མ་དང༌། ཟླ་བ་དང༌། དུས་མེ་རྣམས་ཀྱི་གདན་གྱི་དབྱིབས་ཅན། རེག་བྱ་དང་འབྱུང་བ་རིམ་བརྩེགས་དང་མཐུན་པར་བསྒོམ་མོ། །འདིའི་སྐབས་སུ། རེས་འགའ་ཐུར་སེལ་གྱི་གནད་ཀྱིས་ནད་གཞི་འདོན་པ་དང༌། དེ་འབྱོངས་ནས་འཕོངས་ཀྱིས་ཆུ་འཐུང་བ་ལ་སོགས་པའི་རླུང་སྦྱོར་ཡང་འབྱོན་པར་འདུག་སྟེ། ཞལ་ལས་ཤེས་པར་བྱའོ། །འོག་ཐུར་སེར་གྱི་རླུང་ཡང་ཞེས་བྱ། མེ་རླུང་ཞེས་ཀྱང་བྱ་སྟེ། འོག་ནས་འཇུག་པའི་རླུང་སྦྱོར་རོ། །དེ་ནས་སྟེང་སྲོག་རྩོལ་གྱི་རླུང་སྦྱོར་གྱིས་ས་བོན་ཡིག་འབྲུ་བསྐྱེད་པ་ནི། ས་ཆུ་མེ་རླུང་ནམ་མཁའི་བདག་ཉིད་ཀྱིས། ཡིག་འབྲུའི་རྒྱུ་བ་ཨཱ་ལི་ཀཱ་ལིའི་རླུང༌། ཡི་གེ་གསུམ་གྱིས་སྟེང་དུ་བསྡམས་པ་ལས། ཤེས་པ། སྲོག་རླུང་གིས་འབྱུང་བ་སོ་སོའི་ཁ་དོག་ཅན་གྱི་ཡིག་འབྲུ་སྒོམ་པ་ཡིན་ལ། དེ་ཡང་ཡི་གེ་གསུམ་གྱི་རང་བཞིན་གྱིས་ལམ་དུ་བྱེད་པ་སྟེ། འབྱུང་འཇུག་གནས་གསུམ་ཨོཾ་ཡིག་དང༌། ཧཱུྃ་ཡིག་དང༌། ཨཱཿཡིག་རྣམས་སུ་ཤེས་པར་བྱ་ཞིང༌། ཡང་གཡོན་ཟླ་བ་སྟེ། ཨཱ་ལི་ཁུ་བའི་ཆོས་ཅན་ཐབས་ཀྱི་རང་བཞིན་དང༌། གཡས་ཉི་མ་སྟེ། ཀཱ་ལི་དྷཱུལ་གྱི་ཆོས་ཅན་ཤེས་རབ་ཀྱི་རང་བཞིན་དང༌། ཡེ་ཤེས་ཀྱི་རླུང་གི་ཐབས་ཤེས་དབྱེར་མེད་པར་དབུ་མར་འདྲེན་པ་ཡིན་ནོ། །དུས་འཁོར་ལས་ཀྱང༌། ཟླ་བ་ཉི་མ་ལ་ཡང་ཨ་རྩེགས་ཀ་རྩེགས་རྡོ་རྗེ་དང་བཅས་མེ་ལོང་ལྔ་རྣམས་ཀྱིས། །ཤེས་སོ། །སྲོག་དང་ཐུར་སེལ་གང་ཟིན་ལམ་དུ་འགྲོ་བ་ནི། །སྟེང་
― LT24_Page_266A ―
[མ་དཔེ་གཟིགས་ན་འདིར་གནོན།]
འགགས་པ་ལས་འོག་ཏུ་ཟིན་འགྱུར་སྟེ། །ཐུར་དུ་ཟིན་པས་སྟེང་ཡང་དེ་བཞིན་ནོ། །ཞེས་པས། སྣོད་ཀྱི་ཆུ་དང་རིལ་བ་ཞབས་ཚགས་ཅན་བཞིན་ནོ། །དེ་ལ་འབྱུང་བ་རང་རང་གི་རླུང་གི་འཛིན་སྟངས་ཀྱིས། ཨཱ་ལི་ཀཱ་ལིའི་སེར་གཙོ་མའི་མདོག་ཅན། མེ་ཏོག་ཕྲེང་བ་ལྟ་བུ་སེ་ན་ར་ར་དུས་མེའི་སྟེང་དུ་བབས་པས། སེ་ཧྲམ་མེ་བ་ལ་དམིགས་པ་གཏད། དེ་ལ་ནན་ཏན་དུ་བསྒོམ་ཞིང༌། མི་ཐུབ་པར་གཏོང་བའི་དུས་སུ། རླུང་ཕྱིར་འབྱུང་བ་དང་འགྲོགས་ནས་ཡིག་འབྲུ་རྣམས་ཀྱང་གྱེན་ལ་སེ་ན་ར་ར་སོང་བར་བསྒོམ་མོ། །ས་རླུང་ཟིན་པའི་རྟགས་གོང་དང་འདྲའོ། །ཡང་སྔར་བཞིན་ཟླ་བའི་གདན་གྱི་སྟེང་དུ། ཆུའི་རླུང་གི་འཛིན་སྟངས་ཀྱིས། ཨཱ་ལི་ཀཱ་ལི་མུ་ཏིག་གི་ཕྲེང་བ་ལྟ་བུ། དཀར་ཧྲམ་མེ་བ་ལ་དམིགས་པ་གཏད། རླུང་ཕྱིར་འབྱུང་བའི་དུས་དཀར་ན་ར་ར་སོང་བར་བསམ། ཡང་སྔར་བཞིན་ཉི་མའི་གདན་གྱི་སྟེང་དུ། མེ་རླུང་གི་འཛིན་སྟངས་ཀྱིས། ཨཱ་ལི་ཀཱ་ལི་བྱེ་རུའི་མདོག་ལྟ་བུ་དམར་ན་ར་ར་བྱུང་ནས། དམར་ཧྲམ་མེ་བ་ལ་དམིགས་པ་གཏད། ཕྱིར་དབྱུངས་བ་ན་དམར་ན་ར་ར་སོང་བར་བསམ། མེ་རླུང་ཟིན་པའི་རྟགས་གོང་དང་འདྲའོ། །ཡང་སྔར་བཞིན་སྒྲ་གཅན་གྱི་གདན་གྱི་སྟེང་དུ། རླུང་གི་རླུང་འཛིན་སྟངས་ཀྱིས་ཨཱ་ལི་ཀཱ་ལི་ནག་པོ་ན་ར་ར་བྱུང་ནས། ནག་ཧྲམ་མེ་བ་ལ་དམིགས་པ་གཏད་དེ། ཕྱིར་འབྱུང་བ་ནག་ན་ར་ར་སོང་བར་བསམ། རླུང་ཟིན་པའི་རྟག་གོང་དང་འདྲའོ། །ཡང་སྔར་བཞིན་ཡེ་ཤེས་ཀྱི་གདན་གསལ་གདབ། ཨཱ་ལི་ཀཱ་ལི་བཻ་ཌཱུརྻ་མདོག་ལྟ་བུ་ན་ར་ར་བྱུང་ནས། སྔོ་ཧྲམ་མེ་བ་ལ་དམིགས་པ་གཏད། རླུང་ཟིན་པའི་རྟགས་
― LT24_Page_266B ―
[མ་དཔེ་གཟིགས་ན་འདིར་གནོན།]
སྔར་དང་འདྲའོ། །དེ་ཐམས་ཅད་ཀྱི་ཐུན་མགོ་ལ་ལྟ་སྟངས་བསྒོམ། དེ་ནས་ཐུར་སེར་གྱི་རླུང་བསྒོམ། དེ་ནས་སྟེང་རླུང་བསྒོམ་པ་ཡིན་གསུང༌། དེ་ནི་སྟེང་སྲོག་རྩོལ་གྱི་རླུང་ཞེས་བྱ། ཕོ་རླུང་ཞེས་བྱ་སྟེ། སྟེང་ནས་འཇུག་པ་ཡིན་ནོ། །དེ་དག་བརྟན་པ་དང༌། བར་རླུང་ལ་བརྟེན་ནས་ཕྱག་མཚན་བསྐྱེད་པ་ནི། རྡོ་རྗེ་རལ་གྲི་རིན་ཆེན་པདྨ་དང༌། འཁོར་ལོ་རྣམས་ནི་རིམ་བཞིན་གསལ་བར་བལྟ། སྟེང་འོག་བར་གསུམ་བསྡམས་པས་ཐོབ་པར་འགྱུར། ཞེས་པས། རང་རང་གི་རླུང་གི་འཛིན་སྟངས་ཀྱིས། །སྟེང་རླུང་བཟུང་འོག་རླུང་ཐེན་ཏེ། བར་རླུང་བཟུང་ནས་སྟེང་འོག་གཉིས་གློད་དེ། གདན་ལ་གནས་པའི་ས་བོན་རྣམས་ཡོངས་སུ་གྱུར་པ་ལས། རིམ་པ་བཞིན་དུ། རྡོ་རྗེ་སྔོན་པོ་དང༌། རལ་གྲི་ནག་པོ་དང༌། རིན་པོ་ཆེ་དམར་པོ་དང༌། པདྨ་འདབ་བརྒྱད་དཀར་པོ་དང༌། འཁོར་ལོ་རྩིབས་བརྒྱད་སེར་པོ་རྣམས་བསྒོམ་པར་བྱའོ། །དེ་རྣམས་བར་རླུང་གི་སྦྱོར་བ་སྟེ། རླུང་སེམས་སྟེང་འོག་བར་གསུམ་དང་ཡན་ལག་གང་དུ་ཡང་འདྲོངས་ཤིང་ནང་གཞི་ཐམས་ཅད་ལ་ཆགས་པ་མེད་པ་ལ་སོགས་པའི་ཡོན་ཏན་མང་པོ་ཡོད་པ་ཡིན། འགའ་ཞིག་གསུས་པ་རྒལ་པ་ལ་སྦྱར་ནས་བསྒོམ་པར་འདོད་པ་ཡོད་དེ། དེས་གསུས་པ་ཝས་བྲུས་པ་བཞིན་འགྲོ་བ་ཡིན། རྒྱ་གར་གྱི་གྲུབ་ཆེན་རྣམས་ཀྱི་གསུས་པ་ཇི་ལྟར་འདུག །དེ་གཉིས་ཀྱི་གནད་དེས་ཤེས་པ་ཡིན་གསུངས། དེ་ཡན་ཆད་ཀྱིས་སྟེང་འོག་གི་སྲོག་རྩོལ་གྱི་གནད་བསྟན་ནས། འཛིན་པ་ལ་ཁ་སྦྱོར་གྱི་རླུང་གིས་ལྷ་སློང་བའི་རྣལ་འབྱོར་གསུངས་པ། སྣོད་བཅུད་ཐ་མལ་འཛིན་པ་རབ་སྤངས་ཏེ། གདན་དང་ཕྱག་མཚན་ཡིག་འབྲུ་གསལ་བ་ལས། །
― LT24_Page_267A ―
[མ་དཔེ་གཟིགས་ན་འདིར་གནོན།]
རིགས་ལས་སྐྱེས་པ་དེ་བཞིན་གཤེགས་པའི་སྐུ། །གདན་དང་ལུང་བུ་སྐེ་རག་ཚངས་སྐུད་དང༌། །ཕྱག་དང་ཞལ་དང་སྤྱན་དང་སྐྲ་མཚམས་དང༌། །རྒྱན་དང་ཆ་ལུགས་མ་ལུས་རབ་རྫོགས་ནས། །གཙུག་ཏོར་བར་དུ་རིམ་བཞིན་གསལ་བར་བལྟ། །ཞེས་པས་སྟེ། སྣོད་བཅུད་ཅེས་པ་ནི། བརྟན་གཡོའི་དངོས་པོ་ཐམས་ཅད་དང༌། དེ་རྣམས་ནི་རྡུལ་ཕྲ་རབ་དང་བྲལ་ཞིང༌། དབྱིངས་རང་བཞིན་གྱིས་རྣམ་པར་དག་པས། ཐ་མལ་དུ་འཛིན་པ་དང་བྲལ་བ། དེ་མངོན་དུ་བྱེད་པའི་ཐབས། ཟུང་འཇུག་གི་ལྷ་སྐུ་བསྒོམ་པ་སྟེ། དེ་ཡང་གདན་དང༌། ཡིག་འབྲུ་དང༌། ཕྱག་མཚན་ལ་སོགས་པ་བསྒོམ་པ་ལས། རིགས་ནི་ལྔའམ་དྲུག་གོ །དེ་ཡང་བསྐྱེད་རིམ་གྱི་མཐར་ཐུག་སྐད་ཅིག་ཀྲོང་བསྐྱེད་པ་ཡིན་པས། སྔར་གྱི་ས་བོན་དང་ཕྱག་མཚན་རེ་རེའི་སྐབས་སུ། ལྷ་སྐུ་རིགས་དང་མཐུན་པ་རེ་རེ་སློང་བ་ཡིན་ཏེ། རིམ་གྱིས་སློང་བ་ལ་རང་རང་གི་སྟེང་འོག་བར་གསུམ་གྱིས་རླུང་གི་འཛིན་སྟངས་ཀྱིས། འབྱུང་བ་རིམ་བརྩེགས་དང༌། གདན་དང༌། ས་བོན་དང༌། ཕྱག་མཚན་རྣམས་བསྒོམས་ནས། ཁ་སྦྱོར་གྱི་ལྷ་སྐུ་བསྐྱེད་པ་ཡིན་ལ། དེ་ཡང་ནམ་མཁའི་ཁམས་ནས་བསྐྱེད་པ་དེ། རྡོ་རྗེ་སྔོན་པོ་ཡོངས་སུ་གྱུར་པ་ལས། བཅོམ་ལྡན་འདས་དུས་ཀྱི་འཁོར་ལོའམ། བདེ་མཆོག་ལ་སོགས་པའི་ལྷ་ཡབ་ཡུམ་ཀྲོངས་ཀྱིས་བསྐྱེད་དེ། རིམ་པར་གསལ་གདབ་པ་ནི། ཅུང་ཞིག་འོག་གི་རླུང་སྦྱོར་གསལ་བས། ལྟ་སྟངས་སྨད་ལ་བདེ་མཆོག་ལ་རིམ་པའི་གདན་དང༌། །འཇིགས་བྱེད་དུས་མཚན་དང༌། ཡབ་སྐུ་མདོག་སྔོན་པོ། ཡུམ་དམར་
― LT24_Page_267B ―
[མ་དཔེ་གཟིགས་ན་འདིར་གནོན།]
མོ། །གཉིས་ཀའི་ལོང་བུ་དང༌། ཞབས་གདུབ་དང༌། སྐུ་སྨད་དང༌། མཁའ་གསང་བྱིན་གྱིས་བརླབ་པ་དང༌། སྟག་ལྤགས་དང༌། བར་རླུང་གསལ་བས། རྐེད་པ་དང༌། སྐེ་རགས་དང༌། སྐུ་སྟོད་དང༌། ཚངས་སྐུད་དང༌། དོ་ཤལ་དང༌། མགུལ་རྒྱན་དང༌། ཕྱག་དང༌། ཕྱག་མཚན་དང༌། གདུ་བུ་དང༌། དཔུང་རྒྱན་དང༌། སྟེང་རླུང་གསལ་བས་ཞལ་དང༌། ཤངས་དང༌། སྤྱན་དང༌། གཙུག་ཏོར་དང༌། ནོར་བུ་དང༌། སྙན་དང༌། སྙན་ཆ་དང༌། ཐོད་ཕྲེང་དང༌། རལ་པའི་ཐོར་ཅོག་དང༌། སྣ་ཚོགས་རྡོ་རྗེ་དང༌། ཟླ་བ་ཕྱེད་པ་དང༌། ཡུམ་གྱི་སྐྲ་གྲོལ་བ་དང༌། དར་དབྱངས་ལ་སོགས་པ་རྣམས་རིམ་པ་བཞིན་གསལ་ལ་མ་འདྲེས་པར་གསལ་གདབ། དེ་ཡང༌། སྤྱི་མ་གསལ་ན་སྤྱི་གསལ་གདབ། བྱེ་བྲག་མ་གསལ་ན་བྱེ་བྲག་གསལ་གདབ། ཇི་སྲིད་བརྟན་པ་མ་ཐོབ་ཀྱི་བར་དུ་བསྒོམ་པའོ། །གཙུག་ཏོར་ནས་བཟུང་གདན་གྱི་བར་དེ་བཞིན་ནོ། །ཡང་གཙུག་ཏོར་ནས་བཟུང་ནས་གདན་གྱི་བར་དུ་སྟེ། ཡས་རིམས་ཀྱིས་གོང་བཞིན་གསལ་འདེབས་པའོ། །དེ་རྣམས་ནི་ཁ་སྦྱོར་གྱི་རླུང་ཞེས་བྱ། བུམ་པ་ཅན་གྱི་རླུང་སྦྱོར་རོ། །དེ་ལྟར་ལྷ་ཡབ་རྣམས་ནི་ལོ་བཅུ་དྲུག་གི་ན་ཚོད་ཅན། ཡུམ་རྣམས་ནི་ལོ་བཅུ་གཉིས་ཀྱི་ན་ཚོད་ཙམ་བསྒོམས་ན་མཆོག་སྟེར་ལ། གཞན་དུ་ཉོན་མོངས་པ་ཁོ་ནར་འགྱུར་རོ། །དེ་ཡང་བརྩོན་འགྲུས་དང་ལྡན་པས། །ཉིན་མཚན་དུ་མ་ཡེངས་པར་བསྒོམ་པ་ཁོ་ན་ལ་ཡིན་གྱིས། གཞན་དུ་ན་ལོ་བརྒྱའི་མཐར་ཡང་དངོས་གྲུབ་འགྲུབ་པ་མ་ཡིན་ནོ། །དེ་ལྟར་རླུང་ནང་དུ་སློངས་ཤིང་བསྐྱེད་རིམ་བརྟན་པའི་དུས་སུ། སྣང་བ་ཐམས་ཅད་སྣང་
― LT24_Page_268A ―
[མ་དཔེ་གཟིགས་ན་འདིར་གནོན།]
སྟོང་དབྱེར་མེད་པ་བར་སྣང་གི་འཇའ་ཚོན་ནམ། སྒྱུ་མ་ལྟ་བུར་སྣང་ལ་རང་ངོ་སྤྲད་གསུང༌། དེ་ནས་དྲོད་དང་བདེ་བའི་བོག་དབྱུང་བར་འདོད་ན། ལྷ་མེ་ཁམས་པ་གསལ་བའི་ལྟེ་བ་ནས་སོར་བཞིའི་འོག་ཏུ་ཉི་མའི་གདན་ལ་པདྨ་ཁ་དོག་དམར་པོ་གསལ་བའི་མདངས་དང་ལྡན་པ། རེག་བྱ་ཤིན་ཏུ་ཚ་བ་ལ་དམིགས་པ་གཏད་ནས། མེ་རླུང་བཙན་ཐབས་སུ་འཛིན་པ་ཡིན་ནོ། །བདེ་བ་ལ་བདེ་ཆེན་འཁོར་ལོའི་ཧཾ་ལས། བྱང་སེམས་ཀྱི་རྒྱུན་ཐིག་པ་བབས་པ་ལྟ་བུར་ཨཱ་ལི་ཀ་ལིའི་རྣམ་པར་སྟེ། འོག་ཏུ་འབབ་སྟེ་ལུས་ཐམས་ཅད་བདེ་བས་ཁྱབ་བར་བསྒོམ། འདིའི་སྐབས་སུ་རྩ་བའི་གཙོ་མོ་གསུམ་པོ་གསལ་བཏབ་ཀྱང་འོང་གསུང༌། དེ་སྲོག་རྩོལ་གྱི་ཡན་ལག་རྡོ་རྗེའི་བཟླས་པར་འགྱུར་བ་ནི། འབྱུང་འཇུག་གནས་གསུམ་རྩ་བའི་རླུང་རྣམས་ཀྱང༌། དེ་དུས་སྐུ་གསུང་ཐུགས་ཀྱི་བཟླས་པར་འགྱུར། ཞེས་པས། སྲོག་རྩོལ་གྱི་དུས་སུ་འཇུག་པ་ཨོཾ། ཕྱིར་འབྱུང་བ་ཨཱཿ གནས་པ་ཧཱུྃ་དུ་འགྱུར་པས་རིམ་པ་བཞིན། སྐུ་གསུང་ཐུགས་ཀྱི་བཟླས་པར་འགྱུར་བའོ། །དེ་བཞིན་དུ་ཐུར་སེལ་ལ་ཡང༌། དྲི་ཆེན་དང༌། དྲི་ཆུ་དང༌། ཁུ་བའི་རྩ་རྣམས་འགགས་པ་ལས་ཀྱང་རིམ་པ་བཞིན་དུ། སྐུ་གསུང་ཐུགས་ཀྱི་བཟླས་པར་འགྱུར་ཏེ། གཞན་ཡང༌། གཡོན་ཟླ་བའི་རྩལ་རྒྱུ་བའི་རླུང་སྐུ་རྡོ་རྗེའི་བཟླས་པ་དང༌། གཡས་ཉི་མའི་རྩ་ལ་རྒྱུ་བའི་རླུང་གསུང་རྡོ་རྗེའི་བཟླས་པ་དང༌། དབུས་སྒྲ་གཅན་གྱི་རྩ་ལ་རྒྱུ་བ་ཐུགས་རྡོ་རྗེའི་བཟླས་པའོ། །དེ་ལྟར་རླུང་གང་ནས་རྒྱུ་བ་བལྟས་ལ། དེ་དང་དེ་ལ་བཟླས་པ་བྱའོ། །ཇི་ལྟར་བྱེད་ན། བགྲང་ཕྲེང་མེད་ཅིང་སྔགས་བཟློས་པའམ་མེད་པར།
― LT24_Page_268B ―
[མ་དཔེ་གཟིགས་ན་འདིར་གནོན།]
དབུགས་ཀྱི་འབྱུང་འཇུག་དང་ལྷན་གཅིག་ཡི་གེ་གསུམ་ལ་སོགས་པ་སྔགས་ཀྱི་རིམ་པ་རྣམས་དབུགས་འབྱུང་འཇུག་དང་བསྟུན་ནོ། མེ་ཏོག་གི་ཕྲེང་བ་བཞིན་དུ་བལྟས་ནས། རང་རང་གི་སོར་ཚད་དང་ལྡན་པར་འཇུག་པ་དང༌། འབྱུང་བའི་རིམ་པ་བསྒོམ་ལགས་སོ། །ཡང་དོ་ལིའི་བཟླས་པ་ནི། སྔགས་ཀྱི་ཕྲེང་བ་ཡབ་ཀྱི་ཐུགས་ཀའི་ས་བོན་ལས་ཐོན། དབུ་མའི་ལམ་བརྒྱུད་ཡུམ་གྱི་མཁར་བབས་སྐུའི་དབྱིབས་བརྒྱུད། ཡབ་ཀྱི་ཞལ་དུ་ཞུགས། ཐུགས་ཀའི་ས་བོན་ལ་ཐིམ་པ་ནི། བདེ་སྟོང་བསྐྱེད་པའི་བཟླས་པ་ཡིན་གསུངས། ཡང་རླུང་བསྙེན་པར་བགྲང་བ་ཞེས་པ་ནི་ལུས་བསམ་གཏན་གྱི་ཆོས་ལྔ་དང་ལྡན་པའི་ལག་པ་གཉིས་པུས་མོ་ལ་དགབ། རང་ཡི་དམ་དུ་གསལ་བའི་ལྟེ་བར་ལས་དང་རྗེས་སུ་མཐུན་པའི་ཕྱག་མཚན་གདན་དང་བཅས་པ་བསྐྱེད་ལ། ཡིག་འབྲུ་རྣམས་ཕྱག་མཚན་ལ་འཁོར་བ་ལ་རིག་པ་འཛིན་པ་སྟེ། དེ་དང་མཉམ་དུ་གསུས་པ་གཡས་གཡོན་དུ་རེས་མོས་སུ་བསྐོར་བ་ཡིན། ཕྱོགས་གཅིག་ཏུ་བསྐོར་ན་ཡོན་པོའི་གེགས་འོང་གསུང༌། སྲོག་རྩོལ་འགོག་པའི་བཟླས་པ་ཞེས་པ་ལ། སྲོག་ནི་གྱེན་དུ་རྒྱུ་བའི་རླུང་ཡིན་ལ། རྩོལ་བ་ནི་ཁྲིད་ཀྱི་ལག་ལེན་གྱིས་རླུང་ལམ་དུ་བྱེད་པའོ། །དེ་ལྟར་སྲོག་རྩོལ་གྱིས་ཉི་ཟླའི་འགྲོ་འོང་འགགས་པ་ནི། ཐམས་ཅད་མཁྱེན་པའི་ཡེ་ཤེས་ཀྱི་གསུང་དུ་འགྱུར་ཞིང༌། དེ་ལྟར་ཉམས་སུ་བླངས་པས། སྲོག་རླུང་ཐིག་ལེའི་ནང་དུ་ཚུད་ནས། རླུང་སེམས་ཧཾ་གི་ཡི་གེར་ཟིན་པ་ནི། འཛིན་པ་ཞེས་པ་སྟེ། སྲོག་རྩོལ་གྱི་འབྲས་བུ་ཡིན་གསུངས། སྲོག་རྩོལ་གྱི་ཕྲིན་ལས་ཆེན་པོ་བཞིའམ། ལས་ཆེན་པོ་རྣམས་བསྒྲུབ་པར་བསྟན་
― LT24_Page_269A ―
[མ་དཔེ་གཟིགས་ན་འདིར་གནོན།]
པ་ནི། རང་རང་རིགས་ཀྱིས་འབྱུང་བའི་ཁ་དོག་བཞིན། །ཞི་རྒྱས་དབང་དང་མངོན་སྤྱོད་རིམ་པ་ཡིན། །ཞེས་པས། སྲོག་རྩོལ་གྱི་རྣལ་འབྱོར་ཁ་བསྒྱུར་བས། ཞི་བ་དང་རྒྱས་པ་དང་དབང་དང་དྲག་པོའི་ལས་དང༌། རེངས་པ་དང༌། རྨོངས་པ་དང༌། དགུག་པ་དང༌། དབྱེ་བ་ལ་སོགས་པ་འགྲུབ་པ་སྟེ། དེ་ཡང་སྲོག་རྩོལ་གྱི་རྣལ་འབྱོར་དང་ལྷན་ཅིག་སྔགས་ཀྱི་ཕྲེང་བ་ཡིད་ཀྱིས་བཟླས་པས་ལས་འགྲུབ་པ་སྟེ། དེ་ཡང༌། ཆུ་རླུང་བཞི་སྦྱོར་ཞི་བའི་ལས། །ཞེས་གསུངས་པས། འོག་རླུང་གིས་ཆུའི་དཀྱིལ་འཁོར་དང་ཟླ་གདན་བསྒོམ། སྟེང་རླུང་གིས་ས་བོན་གྱི་ཡིག་འབྲུ་བསྒོམ། བར་རླུང་གིས་ཕྱག་མཚན་པདྨ་བསྒོམ། ཁ་སྦྱོར་གྱིས་ལྷ་ཆུ་ཁམས་པ་བསྐྱེད། དེ་ནས་རླུང་རླུང་གཞིལ་བའི་ཚུལ་གྱིས་བུམ་པ་ཅན་དུ་བྱ་སྟེ། ལྟེ་བ་ཟླ་བའི་གདན་ལ་ཕྱག་མཚན་པདྨ་དཀར་པོ་རེག་བྱ་བསིལ་བ་བསྒོམ། དེ་ནས་རླུང་བཙན་ཐབས་དབུ་མར་བཅུག་ལ། གསང་བ་ཡེ་ཤེས་ཀྱི་རླུང་སྦྱོར་གྱིས། བསྒྲུབ་བྱ་དང་སེམས་བསྲེས་ཕྱག་མཚན་གྱི་འོད་ཟེར་གྱིས་བསྒྲུབ་བྱ་བཀུག་ལ་ཕྱག་མཚན་ལ་བསྟིམས་ཏེ། ཨོཾ་མཱ་མ་ཀཱི་རི་ཀཱི་རི་ཆེ་གེ་མོ་ཤནྟིཾ་ཀུ་རུ་ན་མཿཞེས་ཡིད་ཀྱིས་བཟླས་པས་ཞི་བའི་ལས་འགྲུབ་བོ། །ས་རླུང་བཞི་སྦྱོར་རྒྱས་པའི་ལས་ཞེས་པས། གོང་བཞིན་ལ་ལྷ་ས་ཁམས་པ་བསྐྱེད། དུས་མེའི་སྟེང་དུ་འཁོར་ལོ་སེར་པོ་བསྒོམ། ས་རླུང་དབུ་མར་བཅུག་བསྒྲུབ་བྱ་དང་སེམས་བསྲེ་ཕྱག་མཚན་གྱི་འོད་ཟེར་གྱིས་བསྒྲུབ་བྱ་བཀུག་ལ་བསྟིམ། ཨོཾ་ལེ་ཙ་ནི་བྷ་སུ་དྷི་ཆེ་གེ་མོ་པུཥྚིཾ་ཀུ་རུ་སྭཱ་ཧཱ། ཞེས་པས་རྒྱས་པར་བྱེད་དོ། །མེ་རླུང་ཁ་སྦྱོར་དབང་གི་
― LT24_Page_269B ―
[མ་དཔེ་གཟིགས་ན་འདིར་གནོན།]
ལས། ཞེས་པས་གོང་བཞིན་ལ་ལྷ་མེ་ཁམས་པ་བསྐྱེད། ཉི་མའི་སྟེང་དུ་རིན་པོ་ཆེ་དམར་པོ་བསྒོམ། རླུང་དབུ་མར་བཅུག །བསྒྲུབ་བྱ་དང་སེམས་བསྲེས། ཕྱག་མཚན་གྱི་འོད་ཟེར་གྱིས། བསྒྲུབ་བྱ་བཀུག་ལ་བསྟིམ། ཨོཾ་པཎྜ་ར་བ་སི་ནི་བ་ར་ཏེ་ཆེ་གེ་མོ་བྷཽ་སྭཱ་ཧཱ། ཞེས་པས་དབང་དུ་བྱེད་དོ། །རླུང་གི་རླུང་ཁ་སྦྱོར་དྲག་པོའི་ལས། ཞེས་པས། གོང་བཞིན་ལ་ལྷ་རླུང་ཁམས་པ་བསྐྱེད། སྒྲ་གཅན་གྱི་སྟེང་དུ་རལ་གྲི་ནག་པོ་བསྒོམ། རླུང་གི་རླུང་དབུ་མར་བཅུག །བསྒྲུབ་བྱ་དང་སེམས་བསྲེ། ཕྱག་མཚན་གྱི་འོད་ཟེར་གྱིས་བསྒྲུབ་བྱ་བཀུག་ལ་བསྟིམས། ཕྱག་མཚན་ལས་འོད་ཟེར་མཚོན་ཆ་མང་པོ་འཕྲོས་པས། སྲོག་དང་ཕྲལ་བར་བསྒོམ་ཞིང༌། ཨོཾ་ཏཱ་རེ་ཏུ་ཏྟཱ་རེ་ཏུ་རེ་ཆེ་གེ་མོ་མཱ་ར་ཡ་ཧཱུྃ། ཞེས་པས། བསད་པའི་ལས་འགྲུབ་པོ། བསྐྲད་པ་དང་ཕྱག་མཚན་གྱི་འོད་ཟེར་ནུས་པ་དང་ལྡན་པས། རླུང་ལྟར་མགྱོགས་པའི་རྔ་མོ་ལ་སྐྱོན་ནས། ཆེ་གེ་མོ་ཨུ་ཙ་ཊ་ཡ་ཧཱུྃ། ཞེས་པས་རྒྱངས་རིང་དུ་འཕང་བར་བསྒོམ། རེངས་པ་ལ། ཨོཾ་ལོ་ཙ་ན་བ་སུ་དེ་ཆེ་གེ་མོ་སྟམ་བྷ་ཡ་ཕཊ། ཅེས་པས་འགྲུབ་བོ། དགུག་པ་ལ། ཆེ་གེ་མོ་ཁའུ་ཥཊ། ཅེས་པས་འགྲུབ་བོ། རྨོངས་པ་ལ། ཆེ་གེ་མོ་ཧ་ཡ་ཕཊ། ཅེས་པས་འགྲུབ་པོ། །དབྱེ་བ་ལ། ཕན་ཚུན་སྟོབས་འགྲན་པའི་འོད་ཟེར་ཕོག་པས་བསྒྲུབ་བྱ་རྣམས་བྱ་རོག་དང་འུག་པར་གྱུར་པས་འཐབ་ཅིང་རྩོད་པར་བསྒོམ་སྟེ། ཆེ་གེ་མོ་དག་པྲ་བེ་ཤ་ཡ་ཕཊ། ཅེས་པས་འགྲུབ་བོ། །ནམ་མཁའི་རླུང་བཞི་སྦྱོར་ནི་གོང་བཞིན་ལ་ལྷ་ནམ་མཁའི་ཁམས་པ་བསྐྱེད། ནམ་མཁའི་གདན་ལ་རྡོ་རྗེ་སྔོན་པོ་ལྗང་
― LT24_Page_270A ―
[མ་དཔེ་གཟིགས་ན་འདིར་གནོན།]
ཁུ་བསྒོམ། རླུང་དབུ་མར་བཅུག །བསྒྲུབ་བྱ་དང་སེམས་བསྲེ། ཕྱག་མཚན་གྱི་འོད་ཟེར་གྱིས་བསྒྲུབ་བྱ་བཀུག་ལ་བསྟིམ་སྟེ། གང་སྒྲུབ་པ་དེ་མི་སྣང་བར་བསྒོམས་པས། མི་སྣང་བར་འགྱུར་གསུངས། རེས་འགའ་ཕྱག་མཚན་བསྒོམ་པའི་གནད་འདི་སྙིང་ག་དང་སྤྱི་གཙུག་ལ་སོགས་པ་འབྱུང་བའི་རླུང་གི་གནད་སོ་སོར་འབྱེད་པ་འོང་གསུངས། རེས་འགའ་སྟེང་འོག་བར་གསུམ་མ་ནིང་ཡེ་ཤེས་ཀྱི་རླུང་དང་བཞི་ལ་སོ་སོར་སྦྱར་བ་ཡང་གསུངས། ལས་ཆེན་འདི་རྣམས་སྒྲུབ་པ་ལ། སྔོན་ལ་སྟོང་པ་ཉིད་ཀྱི་གཟུགས་བསྟན་ནས། དེ་རྗེས་སྲོག་རྩོལ་གྱི་དབང་ཐོབ་པ་གཅིག་དགོས་པ་ཡིན་གསུངས། འབྱུང་བའི་རླུང་རྣམས་རང་རང་འཛིན་སྟངས་ཀྱིས། །བསྐྱོད་པར་གྱུར་ཚེ་རླུང་གི་མེ་སྦར་ནས། །དངས་མ་ཞུ་བས་མི་ཟད་ཉོན་མོངས་འབར། །ཅེས་པས། འབྱུང་བའི་རླུང་དང་སོ་སོའི་འཛིན་སྟངས་གོང་དུ་བཤད་ཅིང་བསྐྱོད་པ་ནི་སྟེང་འོག་བར་གསུམ་གྱི་རླུང་དབང་དུ་བྱེད་པའོ། །སྦྱོར་བ་དེས་ལྟེ་བར་གཏུམ་མོའི་མེ་སྦར་ཏེ། ཁམས་ཀྱི་དངས་མ་ཧཾ་ཡིག་གི་རྣམ་པ་སྤྱི་བོ་ནས་ཞུགས་ཏེ། ཤིན་ཏུ་མི་ཟད་པའི་ཉོན་མོངས་འབར་བ་སྟེ། དེ་ལ་ཆགས་པའི་འདོད་རྟགས་བཅུ་འཆར་བའོ། །དུས་འཁོར་ལས་ཀྱང༌། བསམ་དང་འདོད་དང་ལུས་ལ་རིམས་དང་ཁ་མཆོག་པདྨ་སྐམ་དང་ཟས་ལ་རབ་ཏུ་མི་འཇུག་དང༌། །འདར་དང་སྨྱོ་དང་རབ་ཏུ་རྨོངས་དང་འགྱུར་དང་ཡིད་ནི་རྣམ་པར་འཁྲུལ་དང་དྲག་ཏུ་རྒྱལ་བ་དགའ། །རྡོ་རྗེ་ཅན་གྱི་དུ་བ་ལ་སོགས་རབ་གསལ་རྣམ་པ་བཅུ་སྟེ་སྲོག་ཆགས་ལུས་ལ་འཇིག་རྟེན་དུ། །རབ་ཏུ་གསལ་ཞིང་ངེས་པར་དེ་རྣམས་ཡིད་བསྲུབས་གནས་སྐབས་
― LT24_Page_270B ―
[མ་དཔེ་གཟིགས་ན་འདིར་གནོན།]
སུ་ཞིག་རྒྱལ་བ་འདོད་པ་དེ་ནི་གསུངས། །ཞེས་གསུངས་སོ། །རྩིགས་མ་བད་ཀན་ཆུ་སེར་ཁྲག་དང་ནི། །ཤ་དང་རུས་པ་རྒྱུས་པའི་བཅུད་རྣམས་ཀྱིས། །རང་རང་གནས་སུ་ནད་དང་ལུས་ཟུང་བསྐྱེད། །ཅེས་པས་རོ་དྲུག་དང་ལྡན་པའི་ཟས་་སྐོ་མ་བསྟེན་པས། དེ་ཉིད་ལུས་ཟུངས་བདུན་དུ་འགྱུར་བ་སྟེ། དེ་ཉིད་ལྟོ་བར་མཉམ་གནས་ཀྱི་རླུང་གིས་དངས་སྙིགས་ཕྱེ་བ་ལས། ལུས་ཟུངས་བདུན་གྱི་དང་པོ་དྭངས་མར་གྱུར་པ་དེ་ཡང་འབྱུང་བའི་མཐུས་དྭངས་སྙིགས་གཉིས་སུ་ཕྱེ་སྟེ། རྩིགས་མ་བད་ཀན་དང༌། དྭངས་མ་ཁྲག་ཏུ་འགྱུར་རོ། །ཁྲག་གི་དྭངས་མ་ཤ་དང༌། རྩིགས་མ་མཁྲིས་པར་འགྱུར་རོ། །ཤའི་དྭངས་མ་ཚིལ་དང༌། རྩིགས་མ་མིག་ལ་སོགས་པ་བུ་གའི་དྲི་མར་འགྱུར་རོ། །ཚིལ་གྱི་དྭངས་མ་རུས་པ་དང༌། རྩིགས་མ་རྡུལ་དུ་འགྱུར་རོ། །རུས་པའི་དྭངས་མ་རྐང་དང༌། རྩིགས་མ་སེན་མོ་དང༌། བ་སྤུའོ། །རྐང་གི་དྭངས་མ་ཁུ་བ་དང༌། རྩིགས་མ་མིག་དང་པགས་པ་བཤང་བའི་སྦུག་མོ། །ཁུ་བའི་དྭངས་མ་སྟོབས་དང༌། རྩིགས་མ་མདྭངས་སུ་འགྱུར་རོ། །ཟས་སྐོམ་གྱི་སྙིགས་མ་ནི། ཐུར་སེལ་གྱི་རླུང་གིས་ཕྱིར་འབྱིན་པར་བྱེད་དེ་གཤང་ལྕིའོ། །དེ་ལ་སྐབས་བདུན་ཞེས་པའམ། སྐྱེ་བ་བདུན་ཞེས་པའམ། ལུས་ཟུངས་བདུན་ཞེས་བྱའོ། །ལུས་ཀྱི་སྟོབས་རྒྱས་པ་དང༌། བཀྲག་མདངས་ལེགས་པ་ཐམས་ཅད་ཐིག་ལེའི་ཡོན་ཏན་ཡིན་ནོ། །ལུས་ལ་ནད་འཇུག་པ་ཐམས་ཅད་ཟས་ཀྱི་དྭངས་སྙིགས་མ་ཕྱེད་པས་འཇུག་ལ། ནད་ཐམས་ཅད་བསྐྱེད་པ་འབྱུང་བ་བཞིའི་རླུང་གིས་བསྐྱེད་པ་སྟེ། དེ་ཡང་ལུས་ཟུངས་བདུན་ནས་རིམ་པར་ལྟར་འཇུག་པས། ཐོག་མར་ཕོ་བར་མེ་མཉམ་གྱི་རླུང་ལོག་
― LT24_Page_271A ―
[མ་དཔེ་གཟིགས་ན་འདིར་གནོན།]
ནས། ཟས་ཁྲག་དང་བད་ཀན་དུ་འགྲོ་མ་ནུས། རྩིགས་མ་འདོར་མ་ནུས་པས་མ་ཞུ་བ་སྟེ། །སྐྲན་དང་ལྡན་དང་འགར་བ་ལ་སོགས་པ་འབྱུང༌། བད་ཀན་ལ་ནད་ཞུགས་ན་ཟས་མི་འཇུ། དང་ཁ་མི་བདེ། ཕོ་བའི་མེ་དྲོད་ཉམས་པས་ལུས་ཀྱི་སྨད་ཐམས་ཅད་གྲང་མོར་འགྲོ། ནད་སྙིང་ཁྲོད་དུ་ཞུགས་ན་སྙིང་རླུང་ལ་སོགས་པ་ཤེས་པ་མི་བདེ་བ་འབྱུང༌། ཆུ་སེར་ལ་ནང་ཞུགས་ན་ཆུ་སེར་འཕེལ་བས། རླུང་ཁྲག་བྱང་ཆུབ་ཀྱི་སེམས་རྒྱུ་བའི་ལམ་འགགས་ཏེ་ཞ་འཁུམས་ལ་སོགས་པ་འབྱུང༌། ཚབས་ཆེ་ན་མཐར་མཛེ་རུ་འགྲོ། ཆུ་སེར་གྱི་ནད་ལ་གསང་བཙལ་ལ་བེར་ཀ་བྱ། ཁབ་བཙག་གིས་ཁྲག་འདོན། གཞན་ཡང་ཆུ་སེར་དང་རླུང་སྡོངས་པས་ལུས་ཐམས་ཅད་སྐྲངས་ནས་མཐར་དམུ་ཆུ་རུ་འགྲོ་བ་སྟེ། ཁྱབ་བྱེད་ཀྱི་རླུང་ལོག་པ་ཡིན་གསུང༌། ཁྲག་ལ་ནད་ཞུགས་ན་ཚད་པ་སྐྱེ། ལུས་ཀྱི་སྟོད་དང་མཆིན་པ་ལ་ཟུག་འབྱུང་དབུགས་ཐུང་པ་དང༌། གཞན་དག་བད་ཀན་སྨུག་པོ་ཟེར། དེ་ལ་གདོན་གྱིས་སྐྱོན་ནི། གློ་དང་གཟེར་ཐུང་དུ་འགྲོ་གསུངས། ཤ་ལ་ནད་ཞུགས་ན། དབང་པོ་ལྔ་ལ་སྐྱོན་འབྱུང་སྟེ། ཡན་ལག་གི་རླུང་ལྔའི་བཅོས་ཐབས་ཀྱིས་བསལ། རུས་པ་ལ་ནད་ཞུགས་ན། རུས་པ་ཁོག་འགྱུར་བ་བྱུང་ན། ཀོང་བྲུས་བྱེད་དགོས། གདམས་ངག་གི་སེལ་བར་དཀའ་གསུང༌། ཚིལ་ལམ་རྐང་མར་ལ་ནང་ཞུགས་ན། ཐིག་ལེའི་བཞུ་བཏུལ་གྱིས་སེལ་གསུངས། ཐིག་ལེ་ལ་སྐྱོན་བྱུང་ན། འཛག་པའི་སྐྱོན་བདུན་སེལ་ཐབས་དང༌། འཛག་སྒོ་བཞིའི་བཅིང་ཐབས་ལ་འབད་དགོས་གསུངས། ལུས་ཟུངས་བསྐྱོད་པ་ནི། གང་གི་གདམས་པའི་གནད་རྣམས་མ་འཁྲུལ་པ་དང༌། བདུད་རྩི་
― LT24_Page_271B ―
[མ་དཔེ་གཟིགས་ན་འདིར་གནོན།]
ལྔ་ཕྲུག་ཉི་ཤུ་རྩ་ལྔ་ཕྱི་ནང་གསང་གསུམ་དུ་ཟོས་པས། ལུས་ཀྱི་ཟུངས་བསྐྱེད་པ་ཡིན་གསུངས། ལུས་ཟུངས་ཀྱི་དྭངས་མ་ཕྱི་རོལ་དུ་འཕོས་པའི་སྐྱོན་ནི། ལུས་ཟུངས་ཟླ་བའི་ཆ་ཡིས་འཕོ་བ་ལས། །ཡན་ལག་བཅུ་གཉིས་སྲིད་པའི་ལུགས་བཞིན་འཁོར། །ཞེས་པས། ལུས་ཟུངས་ནི་སྔར་བརྗོད་པའི་བད་ཀན་ལ་སོགས་པ་ཡིན་ལ། དེ་རྣམས་ཀྱི་དྭངས་མ་ནི་ཁུ་བའོ། །དེ་ཉིད་ཐབས་དང་བཅས་པ་རྣམས་ཀྱིས་མི་འགྱུར་བར་བརྟན་པས་མཆོག་ཐོབ་ལ། ཐབས་དང་བྲལ་བ་རྣམས་ཀྱིས། བྷ་ག་ལ་སོགས་པར་འཕོས་པ། མ་རིག་པ་ནས་བཟུང་སྟེ་རྒ་ཤིའི་བར་གྱི་རྟེན་འབྲེལ་བཅུ་གཉིས་ལུགས་སུ་ཞུགས་ནས་འཁོར་བའོ། །དེ་ཉིད་མི་འཕོ་བ་སྒྲུབ་པ་ནི་རྗེས་སུ་དྲན་པ་སྟེ། སྒྲ་གཅན་གྱིས་ནི་རབ་ཏུ་ཟོས་པ་ལས། མེ་དཔུང་རབ་ཏུ་འབར་བས་བསྲེག་པར་བྱེད། །ཅེས་པས་སྒྲ་གཅན་ནི་དབུ་མའོ། །བཟའ་བར་བྱ་བ་ནི་དྭངས་མ་བྱང་ཆུབ་ཀྱི་སེམས་རབ་ཏུ་ཟོས་པ་ནི་ནོར་བུར་བརྟན་པའོ། །མེ་དཔུང་རབ་ཏུ་འབར་བ་ནི། ཡེ་ཤེས་ཀྱི་འོད་ཟེར་ཏེ་མི་འགྱུར་བའི་བདེ་བའོ། །བསྲེག་པ་ནི་འཕོ་བའི་བདེ་བ་དང་བག་ཆགས་སྤངས་པའོ། །དེའི་སྟོབས་གྱིས་བརྟན་པའི་དགའ་བའི་ཡེ་ཤེས་རིམ་པ་བཞིན་འཆར་ཞིང༌། འཁོར་བའི་རྟེན་འབྲེལ་བཅུ་གཉིས་ལུགས་ལས་བཟློག་པའོ། །དེ་ལ་ཡང་རྩིགས་མ་ཐུར་དུ་འདོས་ཤིང་དྭངས་མ་གནས་སུ་ཟིན་པ་གཅིག་དགོས་པས། རྩིགས་མ་ཐུར་དུ་སོང་པས་ནད་མེད་ཅིང༌། དྭངས་མ་ལུས་ལ་རྒྱས་པས་བདེ་བ་འཕེལ། ཞེས་པས། རྩིག་མ་ནི་རོ་དྲུག་གི་ཟས་སྐོམ་ལོངས་སྤྱོད་པའི་རྩིགས་མ་དྲི་ཆེན་དྲི་ཆུ་ལ་སོགས་པའོ། །དེ་ལ་ཆགས་པ་ཆེན་པོ་དེས་བཞུ་བརྟུལ་དུ་གྱུར་པས། བྱང་ཆུབ་ཀྱི་སེམས་
― LT24_Page_272A ―
[མ་དཔེ་གཟིགས་ན་འདིར་གནོན།]
འཛག་མེད་དུ་བྱས་ཤིང༌། རྩིགས་མ་ཤེས་མ་ཐུར་དུ་འདོར་བས་ལུས་ལ་ནད་ཀྱིས་མི་ཚུགས་ཤིང༌། དྭངས་མ་དང་སྟོབས་རྒྱས་པས། འདོས་པའི་ཡོན་ཏན་ཐོབ་སྟེ། བདུད་བཞིའི་དཔུང་རྣམས་འཇོམས་པར་བྱེད་དོ། །རིགས་དྲུག་ས་བོན་བསྲེགས་པར་གྱུར་བ་ལས། །འཛག་པའི་བདེ་བ་རིམ་གྱིས་སྐྱེ་བའི་ཕྱིར། །སྟེང་འོག་བར་གསུམ་བར་ཏུ་བསྡམ་པར་བྱ། །ཞེས་གསུངས་པས། བཟུང་བ་དང་འཛིན་པ་རོ་མཉམ་པར་འགྱུར་བ་མེད་པའི་བདེ་བ་ཐོབ་པ་སྟེ་རིགས་དྲུག་ནི། ནམ་མཁའ་རླུང་མེ་ཆུས་ཡེ་ཤེས་ཀྱི་རིགས་སོ། །ས་བོན་ནི། ཨ་ཨི་རི་ཨུ་ལི་ཨ་རྣམས་སོ། །དེ་རྣམས་གཏུམ་མོ་ཡེ་ཤེས་ཀྱི་མེ་ཡིས་བསྲེག་པར་གྱུར་བ་ལས། ཞུ་བ་འཛག་པའི་བདེ་བ་སྐྱེ་བ་སྟེ། དེ་བསྲུང་བའི་དོན་དུ་སྟེང་འོག་བར་གསུམ་རབ་ཏུ་བསྡམ་པར་བྱེད་དོ། །སྲོག་དང་ཐུར་སེལ་དང་བར་རླུང་ཁ་སྦྱོར་དུ་སྒོམ་ཞིང་འཛག་མེད་བསྒྲུབ་པའོ། །གཞུང་དེ་ཉིད་ཀྱི་བྱེད་ལས། རླུང་གིས་མེ་སྦར་ས་སྲེགས་ཆུ་བཞུ་སྟེ། ནམ་མཁའ་སྟོང་པའི་དོན་ལ་འཇུག་པར་འགྱུར། རླུང་གི་སྦྱོར་བ་ནི་སྟེང་འོག་བར་གསུམ་བསྡམས་པའོ། །དེའི་སྟོབས་ཀྱིས་གཏུམ་མོའི་མེ་འབར་བས། ཕུང་པོ་དང་ཁམས་དང་སྐྱེ་མཆེད་ལ་སོགས་པ་རྣམས་བསྲེག་པ་སྟེ། ཡས་བབས་པའི་དགའ་བ་ལ་སོགས་པའི་རིམ་པ་རྣམས་རྡོ་རྗེ་ནོར་བུའི་བར་དུ་བྱོན་པའོ། །དེ་ཉིད་སྟེང་འོག་བར་གསུམ་རབ་ཏུ་བསྡམས་པའི་སྦྱོར་བས། འབྲས་བུ་མངོན་དུ་མ་གྱུར་བར་དུ་བསྒོམ་པར་བྱ། །ནམ་མཁའ་སྟོང་བའི་དོན་ནི། སྔགས་ཀྱི་དོན་ཞེས་པའམ། གཉིས་སུ་མེད་པ་ཞེས་པའམ། སྟོང་པ་ཉིད་ཀྱི་དོན་ཞེས་པ་ཡིན་ནོ། །དེ་སྔར་བཤད་པའི་ལམ་གྱིས། མི་འགྱུར་བའི་བདེ་བ་མ་ཐོབ་ན། སྦོགས་པའི་ཆོ་
― LT24_Page_272B ―
[མ་དཔེ་གཟིགས་ན་འདིར་གནོན།]
གའམ། གསང་བའི་ལག་ལེན་བསྟན་པ་ནི། །རྡོ་རྗེ་བསླང་ཞིང་གསོར་བའི་བདེ་བ་ཡིས། །ཐོག་མ་བར་དང་མཐའ་མའི་བདེ་བ་འཆང༌། །དགུག་གཞུག་བཅིང་ཞིང་རོ་མཉམ་བསྟན་པར་བྱ། །རིམ་པ་དེས་ནི་ངེས་པར་འགྲུབ་པར་འགྱུར། །ཞེས་པས་རྡོ་རྗེ་ཨ་ཝ་དྷུ་ཏི་ཡིན་ལ། བསླང་བ་ནི་ནཱ་ད་གོམས་པར་བྱེད་པའོ། །དེའི་རིམ་པ་ནི། སྲོག་རྩོལ་གྱི་རླུང་སྦྱོར་གྱིས་སྟེང་འོག་བར་གསུམ་གྱི་རླུང་ལ་དབང་བྱེད་པའོ། །ཡང་ན། རྡོ་རྗེ་ནོར་བུ་ལག་པའི་ཆུ་སྐྱེས་སུ་བཞག་པས། ཐོག་མཐའ་བར་གསུམ་གྱི་དགེ་བ་རྫོགས་ཤེས་པ་དང༌། རིམ་པ་འདིས་ངེས་པར་འགྲུབ་པ་ནི། སྟེང་འོག་བར་གསུམ་གྱི་རླུང་འཆིངས་པས། འགྱུར་བ་མེད་པའི་ཡེ་ཤེས་འགྲུབ་བོ་ཞེས་པའོ། །སྒྲུབ་པ་ཆེན་པོའི་རྟེན་གྱི་མཚན་ཉིད་དེ། ཐབས་ཀྱི་མེ་གསུམ་རབ་ཏུ་འབར་བ་དང༌། ཤེས་རབ་ལ་ཡང་མེ་གསུམ་དེ་བཞིན་ཏེ། །ཞེས་པས། ཐབས་ཤེས་རབ་གཉིས་ཀ་ལ་རྗེས་ཆགས་ཀྱི་མེ་གསུམ་གསུམ་སྟེ། ལང་ཚོ་དུས་ཀྱི་མེ། སྒོམ་པ་ཏིང་ངེ་འཛིན་གྱི་མེ། སྤྱོད་པ་བསྒྲུབ་པ་ལས་བྱུང་བའི་མེའོ། །རེས་འགའ་ལང་ཚོ་དང༌། ཆགས་པ་དང༌། སྒོམ་པའི་མེ་ཞེས་ཀྱང་གསུངས་སོ། །ཕན་ཚུན་རིགས་དང་རིགས་ཀྱིས་འབྲེལ་བ་ནི། ས་དང་ཆུ་དང་མེ་དང་རླུང་རྣམས་དང༌། །ནམ་མཁའ་ལས་སྐྱེས་དེ་བཞིན་གཤེགས་པའི་ཡུམ། །ཞེས་པས། ས་ཆུ་མེ་དང་ནམ་མཁའ་རྣམས་ནི། དེ་བཞིན་གཤེགས་པའི་ཡུམ་སྟེ། རིམ་པ་བཞིན་དུ། སྤྱན་མ། མཱ་མ་ཀི་དང༌། གོས་དཀར་མོ་དང༌། སྒྲོལ་མ་དང༌། རྡོ་རྗེ་དབྱིངས་ཕྱུག་མ་རྣམས་སོ། །རིགས་དེ་རྣམས་ལས་སྐྱེས་པའི་རིགས་ཅན་བུད་མེད་ཀྱི་རིགས་དང་ལྔ་རུ་འགྱུར་ཞིང༌། ཕལ་ཆེར་འདྲེས་པའི་རིགས་མང་བར་གསུངས་ལ། དེ་བཞིན་དུ། ཐབས་ལའང་རིགས་ལྔ་
― LT24_Page_273A ―
[མ་དཔེ་གཟིགས་ན་འདིར་གནོན།]
སྟེ། ཐབས་ཀྱང་རྒྱལ་བ་རྣམས་ཀྱིས་རབ་ཕྱེ་བ། །རང་རང་རིགས་སམ་ལུས་དང་སེམས་དཔའ་ལས། །རིགས་གཞན་རྣམས་དང་འདྲེས་པ་གང་ལ་ཡང༌། །དེ་དང་དེ་ཡི་ཡབ་ཡུམ་རིགས་ཀྱིས་འགྲུབ། །ཅེས་པས། ཐབས་རྣལ་འབྱོར་པ་དང༌། རྒྱལ་བ་སྟེ་དེ་བཞིན་གཤེགས་པའི་དབྱེ་བ་རིགས་ལྔར་གསུངས་སོ། །མི་བསྐྱོད་པ་དང༌། དོན་ཡོད་གྲུབ་པ་དང༌། རིན་ཆེན་འབྱུང་ལྡན་དང༌། སྣང་བ་མཐའ་ཡས་དང༌། རྣམ་པར་སྣང་མཛད་དང་རིམ་པ་བཞིན་དུ། ནམ་མཁའ་རླུང་མེ་ཆུ་སའི་རིགས་རྣམས་སོ། །ལུས་དང་བསམ་པ་ནི། ཐབས་ཤེས་རབ་ལ་ཆགས་པས། ལུས་ཐབས་སུ་ཡོད་ཀྱང་བསམ་པ་ཤེས་རབ་ཏུ་འགྲོ་ཞིང༌། ཤེས་རབ་ཐབས་ལ་ཆགས་པས། ལུས་ཤེས་རབ་ཏུ་ཡོད་ཀྱང༌། བསམ་པ་ཐབས་སུ་འགྲོ་བའོ། །རིགས་གཞན་ནི། རང་གི་རིགས་མ་ཡིན་པར་ཐབས་ཤེས་སུ་བསྡེབས་པ་སྟེ། མེ་དང་ཆུ། ས་དང་ཆུ། ནམ་མཁའ་དང་ཡེ་ཤེས་སུ་བསྡེབས་པས་འགྲུབ་པའོ། །རིགས་འདྲེས་པ་ལ་ཡང་ཤས་གང་ཆེ་བརྟགས་ཤིང༌། གང་ཡིན་ཤེས་པར་བྱའོ། །ཡང་ན་ཐབས་ཀྱང་ཟླ་བ་ཉི་མའི་རིགས། །ཤེས་རབ་ཀྱང་ནི་ཉི་མ་ཟླ་བའོ། །ཤེས་རབ་ཀྱི་ཉི་མའི་རིགས་ནི་གཟུགས་དང་སྐད་མདོག་གི་རྣམ་འགྱུར་གྱིས་རང་གཟུགས་སུ་གནས་ཤིང་རྡུལ་གནམ་སྟོང་ལ་འབབ་པ་སྟེ་ཉི་མའི་རིགས། ཤེས་རབ་ཀྱི་ཟླ་བའི་རིགས་ནི། གཟུགས་དང་སྐད་མདོག་གི་རྣམ་འགྱུར། ཐབས་ཀྱི་གཟུགས་སུ་གནས་ཤིང༌། རྡུལ་ཉ་ལ་འབབ་པ་སྟེ་ཟླ་བའི་རིགས་ཤེས་སོ། །དེ་གཉིས་ཀྱང་ཐབས་ཤེས་འགྲིག་པ་གོང་བཞིན་ནོ། །འཁོར་ལོ་དྲུག་དང་ནོར་བུའི་རྩེ་མོ་ལ། །ཟླ་བའི་ཆ་རྣམས་རིམ་གྱིས་འཕོ་བ་
― LT24_Page_273B ―
[མ་དཔེ་གཟིགས་ན་འདིར་གནོན།]
དག །སྒྲ་གཅན་གྱིས་ནི་རབ་ཏུ་ཟོས་པ་ལས། །དེའི་རྗེས་སུ་ཉི་མའི་ཆ་རྣམས་ཀྱང༌། །རིམ་པ་བཞིན་དུ་དེ་ནི་ཟ་བར་འགྱུར། །ཞེས་པས། འཁོར་ལོ་དྲུག་གི་ལྟེ་བ་དང་སྙིང་ག་ལ་སོགས་པ་ཡིན་ལ། ནོར་བུ་ནི་རྡོ་རྗེ་ནོར་བུ་སྟེ། ཟླ་བའི་ཆ་ནི་ཁུ་བའོ། །རིམ་གྱིས་འཕོ་བ་ནི་དགའ་བ་ལ་སོགས་པའི་རིམ་པས་འཕོ་བའོ། །སྒྲ་གཅན་ནི་དབུ་མ་ཡིན་ལ། ཟོས་པ་ནི་ཟླ་བ། འཕོ་བའི་བདེ་བ་ལ་ལྟོས་པ་མེད་པར་གྱེན་ལ་ལོག་པའོ། །དེའི་རྗེས་སུ་ཉི་མའི་ཆ་ཞེས་པ་ནི། ཤེས་རབ་ཀྱི་རྡུལ་ཡང་ཨཱ་ཝ་དྷཱུ་ཏིས་ཟ་བར་བྱེད་ཅེས་པའོ། །ཉི་ཟླ་ཟོས་པའི་རྗེས་ལ་དྲི་ཆེན་དང༌། །དྲི་ཆུ་ཤ་ཆེན་དབུས་ཀྱི་བཅུད་ཀྱང་ཟ། །རྩིགས་མ་བད་ཀན་ཆུ་སེར་ཁྲག་ཟོས་ནས། །ཤ་དང་རུས་པ་རྩ་རྣམས་མ་ལུས་ཟ། །ཞེས་པས། ཉི་ཟླ་སྒྲ་གཅན་གྱིས་ཟོས་ནས། རླུང་བྱང་ཆུབ་ཀྱི་སེམས་ཀྱི་དྭངས་མ། གཙུག་གཏོར་གྱི་འཁོར་ལོ་ཟིན་པའི་རྗེས་སུ་དྲི་ཆེན་དྲི་ཆུ་དང༌། ཤ་ཆེན་ནམ་དབུས་ནས་ཀྱི་བཅུད་ཅེས་པས་རྐང་རྣམས་ཀྱང་ཟ་བས་ཏེ། གྱེན་དུ་འགྲོ་ཞིང༌། དེ་བཞིན་དུ། བད་ཀན་དང༌། ཆུ་སེར་དང༌། ཁྲག་དང༌། ཤ་དང༌། རུས་པ་དང༌། རྩ་རྣམས་ཟ་བར་བྱེད་དོ། །ཉི་ཟླ་ཟོས་ནས་བདེ་བ་ཆེན་པོ་འགྱུར་བའི་ཚེ། །རྩིགས་མ་འདི་རྣམས་དྭངས་མར་འགྱུར་བའོ། །ཕལ་བའི་ལུས་ལ་འབབ་པ་མ་ཡིན་ནོ། །དག་པའི་རྟེན་ལ་འབར་བའི་མེ་བསྒྲུབས་ཏེ། །དེའི་ཕུང་པོ་ངེས་པར་བསྲེག་པར་བྱ། །ཅེས་པས། ཕལ་བའི་ལུས་འདི་རྒྱུ་རྐྱེན་དུ་མའི་སྒོ་ནས་རྩ་རླུང་བྱང་ཆུབ་ཀྱི་སེམས་ཀྱི་ནུས་པ་ཆུང་བའོ། །འབར་བ་མ་ཡིན་པ་སྟེ། ཁྱད་པར་གྱི་དགའ་བ་བཞི་བསྐྱེད་པར་མི་ནུས་པའོ། །དག་པའི་རྟེན་ནི། རྒྱུད་
― LT24_Page_274A ―
[མ་དཔེ་གཟིགས་ན་འདིར་གནོན།]
ཡོངས་སུ་སྨིན་ཅིང་ཐེག་ཆེན་ལ་མོས་པ་ལ་སོགས་པ་མཚན་ཉིད་དང་ལྡན་པ་ལ། གཏུམ་མོའི་མེ་བསྒྲུབས་ཏེ། དེའི་མེས་རྣལ་འབྱོར་པ་དེ་ཉིད་ཀྱི་ཕུང་པོ་བསྲེག་པར་བྱེད་དོ། །ལས་ཀྱི་ཕྱག་རྒྱས་མི་འགྱུར་བའི་བདེ་བ་བསྒྲུབ་པའི་ཚུལ་འདི་ནི། རྣལ་འབྱོར་དབང་པོ་བརྟུལ་པོ་རྣམས་ཀྱི་དབང་དུ་མཛད་ནས་གསུངས་པ་ཡིན་ལ། དབང་པོ་འབྲིང་རྣམས་ལ་ཡེ་ཤེས་ཀྱི་ཕྱག་རྒྱས་བསྒྲུབ་པར་གསུངས་ཤིང༌། དབང་པོ་རྣོན་པོ་ཕྱག་རྒྱ་ཆེན་པོ་ཁོ་ནས། མི་འགྱུར་བའི་བདེ་བ་ཆེན་པོ་བསྒྲུབ་པར་གསུངས་པ་ཡིན་ནོ། །དབང་པོ་བརྟུལ་བོ་ལ་ལས་ཀྱི་ཕྱག་རྒྱ་དགོས་པ་ཡིན་ནོ། །ལྷན་ཅིག་སྐྱེས་པའི་སྒོམ་པ་དེ་ཉིད་ནི། །ངེས་པར་ཡུལ་གྱི་རྐྱེན་ལས་བསྒོམ་པ་ལས། །རྨི་ལམ་ཤེས་པ་དེ་ཡི་རྗེས་སུ་འཇུག །ཅེས་པས། ལྷན་ཅིག་སྐྱེས་པ་ཞེས་པ་ནི། བྱང་ཆུབ་ཀྱི་སེམས་རྡོ་རྗེ་ནོར་བུར་བརྟན་པ་དེར་སྐྱེས་པའི་ཡེ་ཤེས་སོ། །སྒོམ་པ་ནི་རྡོ་རྗེ་ནོར་བུར་འཕོ་ཆེན་གཅིག་འགགས་པ་ནས་བཟུང་ནས། ས་བཅུ་གཉིས་མ་རྫོགས་ཀྱི་བར་དུ་བསྒོམ་པའོ། །ངེས་པར་ཡུལ་གྱི་རྐྱེན་ནི། རྒྱུད་ཡོངས་སུ་དག་པའི་ཤེས་རབ་ལ་བསྟེན་ནས། བྱང་ཆུབ་ཀྱི་སེམས་བརྟན་པར་བྱས་པ་ཡིན། རྨི་ལམ་གྱི་ཤེས་པ་ཡང་དེའི་རྗེས་སུ་འཇུག་སྟེ། འཛག་པའི་བདེ་བ་དོན་དུ་གཉེར་བའི་བག་ཆགས་རྨི་ལམ་དུ་སྤང་སྟེ། བདེ་བ་ཆེན་པོའི་སེམས་སུ་འགྱུར་ཞེས་པའོ། །འདི་ལ་དབང་པོ་རྣོ་བརྟུལ་གྱི་རིམ་པས་ཕྱག་རྒྱ་གང་ལ་བསྟེན་ནས་བསྒྲུབས་ཀྱང༌། ཡིད་ཐིག་ལེ་དག་པར་བྱེད་པ་ཐུགས་རྡོ་རྗེའི་སྒྲུབ་པ་ཆེན་པོ་ཟེར་བ་ཡིན་གསུངས། ༈ གེགས་སེལ་གྱི་དོན་མདོར་བསྟན་པ་ནི། ལུས་ལ་
― LT24_Page_274B ―
[མ་དཔེ་གཟིགས་ན་འདིར་གནོན།]
གནས་པ་རླུང་དང་ནད་གཞིའི་རྩིགས། །གྱེན་དུ་འཕང་ཞིང་འོག་ཏུ་བཅིངས་པ་དང༌། །ཐད་ཀལ་བསྲང་ཞིང་རང་སར་གཞིལ་བར་བྱས། །ཡང་ནས་དགོང་ཞིང་ཟུག་ངུའི་གནས་སུ་འཕང༌། །ཞེས་པས། ལུས་ནི་རྣལ་འབྱོར་པའམ་གཞན་ཡང་རུང་སྟེ་དེ་ལ་གནས་པའོ། །རླུང་དང་ནད་གཞིའི་རྩིགས་ནི། རླུང་རོ་དང་ཁྲག་ངན་དང་ཟས་ཀྱི་དངས་སྙིགས་མ་ཕྱེད་པ་ལ་སོགས་པ་སྟེ། སྟེང་འོག་གི་གེགས་སེལ་གྱི་གནད་ཀྱིས་གྱེན་ཐུར་དུ་འདེད་པ་དང༌། ཐད་ཀར་བསད་པ་ནི། དངས་སྙིགས་ཕྱེད་ཅིང་དབྱུགས་པས་འདོན་པ་དང༌། སྟེང་འོག་བར་གསུམ་གྱི་གནད་བཅུན་པས། སྐྱོན་ཐམས་ཅད་རང་མལ་དུ་ཞི་བར་བྱེད་པའོ། །གང་ཞིག་ཟུག་ངུའི་གནས་སུ་འཕང་པ་ནི། སྟེང་འོག་བར་གསུམ་གྱི་རླུང་བཅུན་ནས། ན་ཟུག་གང་ཡོད་པའི་ས་རུ་རླུང་སེམས་དྲིལ་ལ། ནད་ཐད་ཀ་ན་པར་ཕྱུ་རུ་རུ་ཐོན་པར་བསམ་ལ། འཁྲུ་འཁོར་གྱིས་བཅུན་པའོ། །དེས་མ་སོས་ན། གཉེན་པོའི་བསམ་གཏན་གྱིས་བཅོས་པ་ནི། ས་དང་ཆུ་དང་མེ་དང་རླུང་རྣམས་ཀྱང༌། །དགྲ་དང་གྲོགས་སུ་རང་བཞིན་གནས་པ་ལས། །ཚ་གྲངས་གཉེན་པོའི་རིམ་པས་སྦྱང་བར་བྱ། །ཅེས་པས། ས་རླུང་ལོག་པས་ཤེས་པ་ལྕི་ཞིང་འཐིབས་ནས། རླུང་བཙན་ཐབས་སུ་བཟུང་ཞིང༌། སྤྱི་བོར་སྒྲ་གཅན་གྱི་གདན་ལ་གནས་པའི་ཡི་གེ་ཡཾ་ལ་དམིགས་པ་བཅུན། རླུང་གི་རླུང་ལོག་པས་ཤེས་པ་འཕྱོ་བ་དང་རྒོད་པ་ལས་ས་རླུང་བཙན་ཐབས་སུ་བཟུང་ལ། ལྟེ་བའམ་གཤང་ལམ་དུ་དུས་མེའི་གདན་ལ་ཡི་གེ་ལཾ་ལ་དམིགས་པ་བཅུན། མེ་རླུང་ལོག་ནས་ཤེས་པ་འཕྲོ་ཞིང་ཚིག་པ་ལ། ཆུ་རླུང་བཙན་ཐབས་སུ་བཟུང་ཞིང༌། སྙིང་གར་ཟླ་བ་ལ་གནས་པའི་
― LT24_Page_275A ―
[མ་དཔེ་གཟིགས་ན་འདིར་གནོན།]
བཾ་ཡིག་ལ་དམིགས་པ་བཅུན། ཆུ་རླུང་ལོག་ནས་ཤེས་པ་འདར་བ་དང༌། ལུས་དྲོད་ཆུང་བ་ལ་མེ་རླུང་བཙན་ཐབས་སུ་བཟུང་ཞིང་མགྲིན་པར་ཉི་མ་ལ་གནས་པའི་རཾ་ལ་དམིགས་པ་བཅུན། སྟོང་ཉམས་ཀྱི་ཤེས་པ་གཡང་ཟ་བ་ལ་སོགས་པ་བྱུང་ན། ས་རླུང་བཙན་ཐབས་སུ་བཟུང་ཞིང༌། ལྟེ་བའི་བཤང་ལམ་དུ་སའི་གདན་ལ་ཡི་གེ་ལཾ་ལ་དམིགས་པ་བཅུན། ནམ་མཁའི་རླུང་བཙན་ཐབས་སུ་བཟུང་བས་ཀུན་གྱི་གྲོགས་སུ་གྱུར་པ་ཡིན་གསུངས། ཡང་སྟེང་སྲོག་རྩོལ་ལ་བརྟེན་ནས། དགྲ་དང་སྤྲད་པ་དང༌། གྲོགས་དང་བསྡེབས་པ་ནི། ལུས་ལ་ཚད་པའི་ནད་བྱུང་ན་མེ་དགྲ་ཆུ་ཡིན་པས། འོག་ཏུ་གདན་ཆུའི་དཀྱིལ་འཁོར་འདོམ་གང་བ་ཟླུམ་པོ། ཁ་དོག་དཀར་པོ་རེག་བྱ་ཤིན་ཏུ་བསིལ་བ་ཅིག་བསྒོམ། སྙིང་གར་ཆུའི་དཀྱིལ་འཁོར་ལག་མཐིལ་ཙམ་ཅིག་བསྒོམ། དེའང་རེག་བྱ་ཤིན་ཏུ་བསིལ་བར་བསྒོམས་པའི་སྟེང་དུ། བཾ་དཀར་པོ་རྣམ་པ་ཡིག་འབྲུ་ལ་ངོ་བོ་ཆུ་རུ་འདུག་པ་ཅིག་བསྒོམས་ལ། ཆུ་རླུང་བཟུང་ཞིང༌། ཡི་གེ་དང་དཀྱིལ་འཁོར་གཉིས་ལས་ཆུ་ཚུབ་བུན་བུན་བྱུང་ནས་ལུས་ཀྱི་ནང་ཐམས་ཅད་གང་བར་བསྒོམ། འོག་གི་ཆུའི་དཀྱིལ་འཁོར་ལས་ཀྱང་ཆུ་ཚུབ་རྦ་ཀློང་ཐོལ་ཐོལ་བ་བྱུང་ནས། ལུས་ཀྱི་ཕྱི་ནང་ཆུ་ཚུབ་ཀྱིས་གང་བར་བསྒོམ། ཁྱད་པར་དུ་ནད་ཡོད་པའི་སར་ཆུ་འཁྱགས་སུ་བསམ། སྤྱིར་ཚད་ནད་ཐམས་ཅད་སྟོད་ནས་འཇུག་ཅིང༌། འབྱུང་བ་ཆ་མ་སྙོམས་པའི་ནད་ཐམས་ཅད་དང་པོ་སྙིང་ཀ་ནས་བསྐྱེད་པ་ཡིན་ཏེ། འབྱུང་བ་བཞི་ཀའི་རྩ་འདུས་ཡོད་པའི་ཕྱིར་རོ། །འདི་རྣམས་ལ་འོག་རླུང་མི་སྡོམ་པར་རང་སོར་བཞག་པས་ཆོག །ལུས་སྐྱིལ་ཀྲུང་བྱ། ལག་པ་
― LT24_Page_275B ―
[མ་དཔེ་གཟིགས་ན་འདིར་གནོན།]
པུས་མོ་ལ་དགབ། གྲོགས་དང་སྡེབ་པ་ནི། ཆུའི་དཀྱིལ་འཁོར་གྱི་འོག་ཏུ། རླུང་གི་དཀྱིལ་འཁོར་རབ་ཏུ་གཡོ་བ་གཅིག་བསྒོམ། དེ་ལས་རླུང་བྱུང་ཞིང་རླུང་གི་རླུང་བསམ། ཆུ་ཚུབ་ལ་རླུང་གི་གྲོགས་བྱས་ནས། ཤིན་ཏུ་གྲང་བས་བཟོད་གླགས་མེད་པར་བསྒོམ་མོ། །ལུས་ལ་གྲང་བ་སྐྱེས་ན་ཆུ་དགྲ་མེ་ཡིན་པས། ལུས་གནད་ནི་གོང་བཞིན་ཏེ། འོག་མ་རྣམས་ལ་ཡང་ཤེས་པར་བྱའོ། །གདན་མེའི་དཀྱིལ་འཁོར་གྲུ་གསུམ་དམར་པོ་འབར་བར་བསམ། ནང་དུ་ཨ་ཐུང་གི་གནས་སུ་མེའི་དཀྱིལ་འཁོར་ལག་མཐིལ་ཙམ་རཾ་གྱིས་མཚན་པ་ཅིག་བསམ། མེ་ཕྱི་ནང་གཉིས་ཀར་ཡང་རེག་བྱ་ཚ་བ། མགར་བའི་སོལ་མལ་ལྟ་བུར་བསྒོམ་ཞིང་མེ་རླུང་བཟུང་སྟེ། ཡི་གེ་དང་དཀྱིལ་འཁོར་གཉིས་ལས་མེ་ཚུབ་བྱུང་བར་བསྒོམ་པས། གྲོགས་དང་སྡེབས་པ་ནི་མེའི་འོག་ཏུ་རླུང་གི་དཀྱིལ་འཁོར་བསྒོམ། དེ་ནས་རླུང་བཟུང་ཞིང༌། དཀྱིལ་འཁོར་ལས་རླུང་བྱུང་བས། མེ་ཕྱི་ནང་གཉིས་ཀར་རླུང་གིས་བུས་པས། རབ་ཏུ་འབར་ཞིང་ཤིན་ཏུ་ཚ་བར་བསྒོམ་དེས་ངེས་པར་སེལ་ལོ། །ལུས་ལྕི་ཞིང་འཐིབས་ན། ས་དགྲ་རླུང་ཡིན་པས། འོག་ཏུ་རླུང་གི་དཀྱིལ་འཁོར་འདོམ་གང་བ་ནག་པོ་གཞུའི་དབྱིབས་ཅན་བསྒོམ། སྙིང་གར་རླུང་གི་དཀྱིལ་འཁོར་ལག་མཐིལ་ཙམ་ཡཾ་གྱིས་མཚན་པ་བསྒོམས་ལ། སེམས་ཡེར་གྱིས་གཟེངས་བསྟོད་དོ། །རླུང་གིས་རླུང་བཟུང་བས། ཡིག་འབྲུ་དང་དཀྱིལ་འཁོར་ལས་རླུང་བྱུང་བས་ཕྱི་ནང་གི་རླུང་གིས་གཡོ་བ་འདེགས་པ། བུ་ཡུག་འཚུབས་པ་ལ་དམིགས་པ་གཏད་པས་སེལ་ལོ། །གྲོགས་དང་བསྡེབ་པ་ནི། ཕྱི་ནང་གཉིས་ཀའི་དཀྱིལ་འཁོར་གྱི་འོག་ཏུ། ནམ་མཁའི་དཀྱིལ་འཁོར་སྔོན་པོ་ཆོས་འབྱུང་གི་དབྱིབས་ཅན། རང་བཞིན་གྱིས་སྟོང་པ་གཅིག་
― LT24_Page_276A ―
[མ་དཔེ་གཟིགས་ན་འདིར་གནོན།]
བསྒོམས་ལ། ནམ་མཁའི་རླུང་བཟུང་ཞིང༌། ནམ་མཁའ་ཕྱི་ནང་གཉིས་ཀར་རྒྱ་ཇེ་ཆེར་འཕེལ་བས་མཐར་ལུས་ངག་ཡིད་གསུམ་ཐམས་ཅད་ནམ་མཁར་སོང་བར་བསྒོམ་ཞིང༌། མ་བཅོས་བློ་བྲལ་དུ་བཞག་གོ །དེར་ནམ་མཁའ་ཆེར་རྒྱས་པས་རླུང་འཕེལ་ཏེ། དེས་ནད་ཐམས་ཅད་སེལ་བ་ཡིན་གསུངས། ཤེས་པ་ཟི་ཞིང་འཕྱོ་ན་རླུང་དགྲངས་པ་ཡིན་པས། འོག་ཏུ་སའི་དཀྱིལ་འཁོར་འདོམ་གང་བ་གྲུ་བཞི་པ་བསྒོམ། སྙིང་གར་སའི་དཀྱིལ་འཁོར་ལག་པ་ཙམ་གྱིས་མཚན་པ། ཕྱི་ནང་གཉིས་ཀ་ཡང་ཤིན་ཏུ་ལྕི་བ། གསེར་གྱི་རང་བཞིན་ལྟ་བུར་བསྒོམ། ས་རླུང་གཟུང་པས་རྐྱེན་གང་གིས་ཀྱང་གཡོ་བར་མི་ནུས་པར་བསྒོམ་པས་སེལ་ལོ། །རླུང་ལ་གྲང་བའི་ཆ་མེད་པས་ཅུང་ཟད་མ་སོས་ན། སའི་གྲོགས་མེ་ཡིན་པས། སའི་དཀྱིལ་འཁོར་གྱི་ཕྱི་ནང་གཉིས་ཀའི་འོག་ཏུ། མེའི་དཀྱིལ་འཁོར་དམར་ནག་རེག་བྱ་ཤིན་ཏུ་ཚ་བ་རེ་བསྒོམ་ཞིང༌། མེ་རླུང་བཟུང་བས་མེ་འབར་བའི་ནུས་པས་གྲོལ་ནས། ནད་དང་རླུང་འཐོན་ནོ། །ཡང་གདན་དང་སྙིང་གར་ནམ་མཁའི་དཀྱིལ་འཁོར་ཆེ་ཆུང་གང་བཞིན་བསྒོམ་པས། གཉིས་ཀ་ཡི་གེ་ཨེས་མཚན་བ་སྟོང་པའི་རང་བཞིན་ཅན་སྔོ་སོང་ངེ་བ་བསྒོམས་ཏེ། ནམ་མཁའི་རླུང་བཟུང་ཞིང་རྣམ་པར་མི་རྟོག་པ་ལ་བཞག །དེ་ལྟར་བསྒོམས་པས་སྟོང་ཉམས་མཐར་ཐུག་པ་སྐྱེའོ། །དེའི་དགྲ་དང་སྤྲད་པ་ནི། ཕྱི་ནང་གཉིས་ཀའི་དཀྱིལ་འཁོར་གྱི་སྟེང་དུ་སའི་དཀྱིལ་འཁོར་རེ་བསྒོམས་པས། ཨཱ་ལི་ཀཱ་ལི་གསེར་གཙོ་མའི་མདོག་ལྟ་བུ་སྤྱི་བོ་ནས་ཞུགས་ཏེ་སྙིང་གའི་དཀྱིལ་འཁོར་ལ་ཐིམ་པས། དཀྱིལ་འཁོར་ཡིག་འབྲུའི་རྣམ་པར་གྱུར། དེའི་འོག་གི་དཀྱིལ་འཁོར་ལ་ཐིམ་ཞིང༌། མཐར་རང་གི་ལུས་
― LT24_Page_276B ―
[མ་དཔེ་གཟིགས་ན་འདིར་གནོན།]
ཀྱང་དཀྱིལ་འཁོར་ལ་ཐིམ་པས། སའི་དཀྱིལ་འཁོར་འཕེལ་ནས་སྟོང་གསུམ་ཐམས་ཅད་གསེར་གྱི་ས་གཞིར་སོང་བ་ལ་དམིགས་ཏེ། ས་རླུང་བཟུང་ངོ༌། །འདི་འདྲ་སྤྱན་ལྔ་ཀ་ལ་གཞུག་གོ །གྲོགས་སྡེབས་པ་རྣམས་ནི། སྔོན་ལ་དགྲ་དང་སྤྲད་པས་མ་སོས་ན་བྱེད་པའོ། །སྟེང་གི་ཉེས་པ་འོག་ཏུ་བཅིངས་པས་སེལ། །འོག་གི་ལོག་རྣམས་སྟེང་གིས་དེ་བཞིན་ནོ། །ཞེས་པས། སྟེང་གི་ཉི་ཟླ་སྒྲ་གཅན་དང་གསུམ་གྱིས་རྩ་རླུང་ཐིག་ལེ་རྣམས་ལྟེ་བ་ཡན་ཆད་དུ་ལོག་པས་སྟེ། རླུང་བུས་པས། མགོ་ན་བ་དང༌། ཤེས་པ་ཟི་བ་ལ་སོགས་པ། སྟོད་ཀྱི་ནད་ཐམས་ཅད་འོག་གི་རླུང་སྦྱོར་གྱིས་ཐུར་དུ་བཅད་པས་སེལ་ལ། འོག་གི་ལོག་ནི། ལྟེ་བ་མན་ཆད་དུ་དྲི་ཆེན་དང་ཁུ་བ་འབབ་པའི་རྩ་རླུང་ཐིག་ལེ་རྣམས་ལོག་པ་སྟེ། དེ་ལ་དྲི་ཆེན་དྲི་ཆུ་སྡོམ་པའམ་དུས་མིན་དུ་འཆོར་བ་དང༌། འོག་སྒོ་ལུགས་པ་དང༌། འོག་སྒོ་རྨ་དང་རྣག་འབུར་བྱུང་པ་ལ་སོགས་པའོ། །དེ་རྣམས་ལ་སྟེང་རླུང་སྦྱོར་གྱིས་གྱེན་དུ་བཅུད་པས་སེལ་ལོ། །སྤྱིར་རང་གེགས་སེལ་ཐམས་ཅད་མདོར་བསྡུ་ན། སྟོད་གེགས་ཐམས་ཅད་འོག་གིས་འཆོས་ཤིང༌། སྨད་གེགས་ཐམས་ཅད་སྟེང་གིས་བཅོས་པ་ཡིན་ཏེ། ད་ལྟ་འོད་ཀྱི་རྩ་རླུང་པ་རྣམས་ལ་འདིའི་གནད་ཡོད་པ་མི་གདའ་གསུངས། ཧ་ཧཱ་ཧི་ཧཱི་ཧཱུྃ་ཧཱུྃ་ཕཊ་ཀྱི་སྒྲ། །སྟེང་དུ་བསྒྲགས་པས་རྩིགས་མ་འདོན་པ་དང༌། །དྭངས་མ་རང་གི་གནས་སུ་འཛིན་པར་བྱེད། །ཅེས་པས། སྟོད་ཀྱི་ནད་གྱེན་དུ་འདོན་པ་སྟེ། སྲོག་རླུང་སའི་རིགས་སུ་འཐུམས་པས། ཤེས་པ་ལྕི་ཞིང་འཐིབ་པ་དང༌། རྗེད་ངས་ཆེ་ཞིང་རོ་སྟོད་ན་བ་དང༌། སྙིང་མི་དགའ་བ་ལ་སོགས་པ་འབྱུང་ངོ༌། །རྨི་ལམ་དུ་ཡང་རླུང་འཐུམས་པའི་རྟགས་བྱུང་ན། ཧ་འདོན་པ་སྟེ། དེ་ཡང་ཧ་རིང་པོ་དང༌། ཐུང་ངུ་
― LT24_Page_277A ―
[མ་དཔེ་གཟིགས་ན་འདིར་གནོན།]
དང་མ་ནིང་གི་ཧ་དང་གསུམ་ལས། ལུས་གནད་སྐྱིལ་ཀྲུང་བྱས། ཚིགས་པ་དྲང་པོར་བསྲང༌། ལག་པ་གཉིས་པུས་མོ་ལ་དགབ། དམིགས་པ་སྙིང་གི་ནང་དུ་རླུང་སེམས་ཀྱི་ཐིག་ལེ་ཁ་དོག་སེར་པོའི་སྟེང་དུ། ཧ་གསེར་བཙོ་མའི་མདོག་ལྟ་བུའི་ཧ་མགོ་གྱེན་དུ་ལངས་པ་ཅིག་བསམ། མདུན་གྱི་ནམ་མཁར་ཡང་ཐིག་ལེ་སེར་པོའི་སྟེང་དུ། ཧ་སེར་པོ་གཅིག་བསྒོམས་ལ། སྙིང་ནང་གི་ཧ་ལས་ཧ་སེར་པོ་གཅིག་རྟིང་མ་གཅིག་བྲེང་མ་ཆད་པར་ཁ་ན་ཡང་རྒྱངས་རྒྱངས་འཐོན་ནས་ནམ་མཁའི་ཧ་ལ་ཐིམ་པར་བསམ། འདོན་ལུགས་འབྱུང་བ་སའི་འགྲོས་དང་བསྟུན་ནས། ཧ་རིང་པོ་དབུགས་ཀྱིས་ཐུབ་ཚད་འདོན་འཕྲོ་གཅོད་དུས། སྙིང་ནང་གི་ཧ་བཏོན་པ་ནམ་མཁའི་ཧ་ལ་བསྟིམ་སྟེ། ནམ་མཁར་འཇའ་ཡལ་བ་བཞིན་སོང་བར་བསམ་མོ། །ཆུ་རླུང་འཐུམས་ནས་ཤེས་པ་འདར་ཞིང་གྲང་བ་ལ་སོགས་པ་བྱུང་བའམ། མེ་རླུང་འཐུམས་ནས་ལུས་ཚ་ཞིང་ཤེས་པ་འཚུབས་པ་ལ་སོགས་པའམ་རླུང་གི་རླུང་འཐུམས་ནས། འགྲོ་སྙིང་འདོད་པའམ། ཤེས་པ་ཡང་ཞིང་འཕྱོ་བ་ལ་སོགས་པའམ། ནམ་མཁའི་རླུང་འཐུམས་ནས་སྙིང་མི་དགའ་བ་དང༌། སྟོང་སངས་ཁྱེར་བ་ལ་སོགས་པ་བྱུང་ན། ལུས་གནད་དང་དམིགས་པ་གོང་བཞིན་བྱས་ནས། རང་རང་གི་ཁ་དོག་ཅན་གྱི་ཧ་འབྱུང་བ་རང་རང་གི་འགྲོས་དང་བསྟུན་ནས། གོང་བཞིན་སྙིང་ནང་ནས་ཧ་རང་རང་གི་ཁ་དོག་ཅན་བཏོན་ནས། ནམ་མཁར་ཧ་ལྗང་ཁུ་ལ་བསྟིམ་མོ། །ནམ་མཁའི་ཧ་ནི་མི་རྟོག་པ་ལ་འཇོག་པའི་དུས་ལ་སོགས་པར་ཡང་རྒྱུན་དུ་མ་ཆད་པར་བཏོན་ནས་གེགས་རྙིང་པ་རྣམས་སེལ་ཞིང༌། གསར་པ་མི་འཇུག་པ་དང༌། ཉམས་མྱོང་ལ་བོགས་
― LT24_Page_277B ―
[མ་དཔེ་གཟིགས་ན་འདིར་གནོན།]
ཐོན་པ་ལ་སོགས་པའི་ཡོན་ཏན་མང་དུ་ཡོད་པ་ཡིན་གསུངས། ཧ་ཐུང་ལས་འདགས་པའི་དུས་སུ་ལུས་གནད་གོང་བཞིན་བྱ་ཞིང༌། འཇུག་ཏུ་ཅུང་ཞིག་འབྱོངས་ནས་ལངས་ནས་འདོན་པ་དང༌། ཧ་འདོན་པའི་དུས་སུ། རྐང་ལག་སྤྲུག་པ་དང༌། འཁྲབ་པ་ལ་སོགས་པ་བྱེད་པ་དང༌། མི་བྱེད་པའི་ཁྱད་པར་གང་ལགས། སྐྱོན་ཡོན་ཅི་འདོག་ཞུས་པས། ནད་ཀྱི་རིགས་འགའ་ཞིག་ལ་དེ་རྣམས་མི་དགོས་པར་ཧ་བཏོན་པར་རང་གིས་སེལ་བའི་རིགས་ཀྱང་ཡོད། འགའ་ཞིག་ལ་དེ་བཞིན་མ་བྱས་མ་མི་ཆུན་པའི་རིགས་ཡོད་པས། དེ་ལ་སྤྲུགས་པ་ལ་སོགས་བྱས་པས་མྱུར་དུ་འགྲིག་པ་ཡིན་པས་བྱེད་དགོས་པ་ཡིན། ཡང་ཧ་རིང་འགའ་ཞིག་ལ་འཁྲབ་པ་ལ་སོགས་པས་འདོན་ལུགས་དང་ཆུན་ཆེ་བ་ཡང་ཡོད་པ་ཡིན་གསུངས། འཁྲབ་པ་ལ་སོགས་པ་གང་ལ་འཇུག་གི་གནད་ཤེས་པར་བྱས་ནས། དམིགས་པ་གོང་བཞིན་བསྒོམ་སྟེ། ས་རླུང་གི་ཧ་ནི་ཐུང་ལ་འཇམ་པ། ཆུ་རླུང་གི་ཧ་ནི་འཇུར་ཞིང་ཐུང་ལ་དལ་བ། མེ་རླུང་གི་ཧ་ནི་རྩུབ་ལ་ཐུང་བ། རླུང་གི་རླུང་གི་ཧ་ནི་ཐུང་ཞིང་དལ་ལ་སྙོམས་པ་སྟེ། དེ་ལྟར་རང་རང་གི་འགྲོས་དང་མཐུན་པར་འདོན་ནོ། །འཕྲོ་གཅོད་པའི་དུས་སུ། རང་རང་གི་ཧཱ་རིང་པོ་བཏོན་ལ་བཞག །དེ་ལྟར་གྱེན་དུ་འཕངས་པའི་རྗེས་ལ། འོག་ཏུ་ཡང་བཅིང་དགོས་ཏེ། འཕངས་ཀྱང་མ་བཅིངས་ན་ཕན་ཆུང་བ་ཡིན་གསུང༌། མ་ནིང་གི་ཧ་ནི། དྭངས་མ་འཛིན་ཞིང་རྩིགས་མ་འདོར་བ་སྟེ། །གཞན་ཡང་རྩ་ཆུ་བསྡམས་པ་ལ་སོགས་འོག་རླུང་ལས་མི་བྱེད་པ་དང༌། སྙིང་རླུང་དང༌། སྨྱོ་འབོག་དང༌། འཁྲུགས་དང༌། མ་འཇུ་བ་དང༌། སྐྲན་དང༌། དམུ་ཆུ་དང༌། རྩ་རླུང་གི་གེགས་ཐམས་ཅད་སེལ་བར་བྱེད་པ་ཡིན་ནོ། །ཧ་རིང་པོ་དང་ཐུང་ངུ་དང་བར་པ་ཅིག་རང་ཤུགས་ཀྱིས་འདོན་པ་ཡིན་ཏེ། མན་ངག་ཞལ་ལས་ཤེས་སོ། །ཧི་ཧཱི་ནི།
― LT24_Page_278A ―
[མ་དཔེ་གཟིགས་ན་འདིར་གནོན།]
མགྲིན་པ་གྱེན་རྒྱུའི་རླུང་ལོག་ནས། ཚ་འགགས་ལ་སོགས་པ་བྱུང་ན་ལུས་གནད་གོང་བཞིན་བྱས་ལ། ཧཱི་རིང་དང་ཧི་ཐུང་གིས་འདོན་པར་བྱའོ། །ཧཱུྃ་ཧཱུྃ་དང་ཕཊ་ནི་གོང་བཞིན་གྱི་གེགས་སེལ་བ་ལ་དགོས་སོ། །བྱང་ཆུབ་ཀྱི་སེམས་འདྲེན་པ་དང༌། འགྲེམས་པ་ལ་ཡང་དགོས་པས། ལུས་གནད་ཧཱ་རིང་བཞིན་བྱས་ལ། དྲག་ཞན་དང་རིང་ཐུང་རིག་པས་བརྟགས་ལ་འདོན་པར་བྱའོ། །ཡཾ་རཾ་ལཾ་དང་བཾ་གྱི་ཡི་གེའི་སྒྲས། དཀྱིལ་འཁོར་རབ་ཏུ་གཡོ་བ་བསྒྲག་ཅིང་གདབ། །རྩོལ་བ་དྲག་པོས་རྩ་གསུམ་འོག་ཏུ་བསྡམ། །འབྱེད་འཛུམ་དེས་ནི་རྩིགས་མ་ཐུར་དུ་འགྲོ། །ཞེས་པས། སྨད་ཀྱི་ནད་དང་རྩིགས་མ་ཐུར་དུ་བྱུང་བ་ལ། ལུས་གནད་སྐྱིལ་ཀྲུང་བྱ། ས་རླུང་ལོག་ནས་བད་ཀན་རྒྱས་ཤིང་ལུས་ལྕི་བ་དང༌། ལྷེན་སྐྲན་ལ་སོགས་པ་བྱུང་ན། དམིགས་པ་རང་གི་འདོམ་གང་ཙམ་གྱི་འོག་ཏུ། སའི་དཀྱིལ་འཁོར་སེར་པོ་གྲུ་བཞི་པ། འདོམ་གང་ཙམ་ཞིག་གསལ་བར་བསྒོམས་ཏེ། རང་གི་ལུས་ཀྱི་ནད་པ་ལས་གྱུར་པ་ཐམས་ཅད་ཡི་གེ་ལཾ་གྱི་རྣམ་པར་འདུས་ནས་གཤང་ལམ་ནས་འཐོན་ཏེ་སའི་དཀྱིལ་འཁོར་ལ་ཐིམ་པར་བསམ། རླུང་སྦྱོར་སྟེང་དུ་ས་རླུང་བཟུང་ཞིང༌། འོག་རླུང་ཡར་འཕར་རྩ་ནས་བཟུང་ལ། མར་སྡེབ་ཙ་ན་ལྷོད་བཏང་ལ། ཚང་ར་བརྡབ་པའི་སྟོབས་ཀྱིས་འོག་གི་དཀྱིལ་འཁོར་དེ་ཉིད་ཕྲིག་ཕྲིག་ཡོ་བ་ལ་སེམས་བཟུང་ནས། རླུང་སྦྱོར་འཁྲུལ་འཁོར་དམིགས་པ་གསུམ་ཆར་དུས་གཅིག་ལ་བྱས་པས་སེལ་ལོ། །ཆུ་རླུང་གི་ནང་བྱུང་ནས། གྲང་རླུང་དང་དམུ་ཆུ་ལ་སོགས་པ་ལ། འོག་ཏུ་ཆུའི་དཀྱིལ་འཁོར་དཀར་ལ་ཟླུམ་པ་གསལ་གདབ། གྲང་བའི་ནད་ཐམས་ཅད་བཾ་གྱི་རྣམ་པར་བསྡུས་ནས་བཤང་ལམ་ནས་ཐོན་
― LT24_Page_278B ―
[མ་དཔེ་གཟིགས་ན་འདིར་གནོན།]
ཏེ། ཆུའི་དཀྱིལ་འཁོར་ལ་ཐིམ་པར་བསྒོམ། རླུང་བཟུང་ལ་གོང་བཞིན་བརྡེབ་བོ། །མེའི་ནད་བྱུང་ནས་ཚ་སྤོས་དང་ཚ་བཤལ་ལ་སོགས་པ་ལ། འོག་ཏུ་མེའི་དཀྱིལ་འཁོར་གསལ་གདབ། ཚད་ནད་ཐམས་ཅད་ཡི་གེ་རཾ་གྱི་རྣམ་པར་བསྡུས་ནས། བཤང་ལམ་ནས་བྱུང་སྟེ་མེ་ལ་ཐིམ་པས། མེ་རླུང་བཟུང་སྟེ་གོང་བཞིན་བརྡེག །རླུང་གི་ནད་བྱུང་ནས་གྲང་རླུང་གིས་སྟོད་སྦོས་པ་ལ་སོགས་བྱུང་ན། འོག་ཏུ་རླུང་གི་དཀྱིལ་འཁོར་གསལ་གདབ། རླུང་ནད་ཐམས་ཅད་ཡི་གེ་ཡཾ་གྱི་རྣམ་པར་བསྡུས་ནས། འོག་སྒོ་ནས་བུད་དེ་གདན་ལ་ཐིམ་པར་བསམ་ཞིང༌། རླུང་གི་རླུང་བཟུང་བ་སྔར་བཞིན་བསྡེབས་སོ། །དེ་ཡིས་མ་སྒྲོལ་ན། དགྲ་དང་སྤྲད་དེ། ས་དགྲ་རླུང་ཡིན་པས། སའི་ནད་ལ་འོག་ཏུ་སའི་དཀྱིལ་འཁོར་གསལ་གདབ། སྟེང་དུ་རླུང་གི་རླུང་བཟུང་པས། ས་ལས་གྱུར་པའི་ནད་ཐམས་ཅད་གཏོར་ཞིང་དབུས་ནས་གོང་བཞིན་དཀྱིལ་འཁོར་རབ་ཏུ་གཡོ་བ་ལ་དམིགས་ཤིང་བརྡབས་པས། ལྷག་རོ་རྣམས་ཡི་གེ་ལཾ་གྱི་རྣམ་པར་བསྡུས་ནས་འོག་སྒོ་ནས་འཐོན་ཏེ། འོག་གི་དཀྱིལ་འཁོར་ལ་ཐིམ་པས་རླུང་གིས་གཏོར་ཞིང་དབུས་ནས་དངོས་མེད་དུ་སོང་བར་བསམ་ཞིང༌། མཐར་ལུས་ངག་ཡིད་གསུམ་ཀྱང་རླུང་ལ་ཐིམ་ལ། རྣམ་པར་མི་རྟོག་པ་ལ་བཞག་གོ །རླུང་གི་ནད་ལས། རླུང་དགྲ་ས་ཡིན་པས། འོག་ཏུ་སའི་དཀྱིལ་འཁོར་གསལ་གདབ། སྟེང་དུ་ས་རླུང་བཟུང་པས་རླུང་ལས་གྱུར་པའི་ནད་ཐམས་ཅད་མནན་ནས། གཡོ་བ་མེད་པར་བསམ་ཞིང༌། གོང་བཞིན་བརྡབས་པས། ལྷག་རོ་རྣམས་ཡཾ་གྱི་རྣམ་པར་བཏོན་ཏེ། འོག་གི་དཀྱིལ་འཁོར་ལ་བསྟིམ་ཞིང༌། མཐར་ལུས་ངག་ཡིད་གསུམ་ཡང༌། འོག་གི་དཀྱིལ་འཁོར་
― LT24_Page_279A ―
[མ་དཔེ་གཟིགས་ན་འདིར་གནོན།]
ལ་ཐིམ་པར་བསམ། གྲང་བའི་ནད་ལ། ཆུ་དགྲ་མེ་ཡིན་པས་འོག་ཏུ་མེའི་དཀྱིལ་བསམ་སྟེ། མེ་རླུང་བཟུང་ཞིང་བརྡབས་པས། ལྷག་རོ་རྣམས་བཾ་གྱི་རྣམ་པར་བཏོན་ཏེ། འོག་ཏུ་དཀྱིལ་འཁོར་ལ་བསྟིམ་ཞིང༌། མཐར་ལུས་ངག་ཡིད་གསུམ་ཡང་དཀྱིལ་འཁོར་ལ་ཐིམ་པར་བསམ་མོ། །ཚད་ནད་ལ་མེ་དགྲ་ཆུ་ཡིན་པས་འོག་ཏུ་ཆུའི་དཀྱིལ་འཁོར་བསྒོམ། ཆུ་རླུང་བཟུང་ཞིང་བརྡབས་པས་ལྷག་རོ་རྣམས་རཾ་གྱི་རྣམ་པར་བཏོན་ཏེ། འོག་ཏུ་ཆུའི་དཀྱིལ་འཁོར་ལ་བསྟིམ་ཞིང༌། མཐར་ལུས་ངག་ཡིད་གསུམ་ཡང་དཀྱིལ་འཁོར་ལ་ཐིམ་པར་བསམ་མོ། །སྤྱི་ཁྱབ་ཙམ་དུ་ནམ་མཁའི་དཀྱིལ་འཁོར་གསལ་བཏབ་ནས། ནམ་མཁའི་རླུང་བཟུང་བས་ནམ་མཁའ་ལ་སྣོད་བཅུད་ཐམས་ཅད་བསྟིམ་པར། རྣམ་པར་མི་རྟོག་པའི་ཏིང་ངེ་འཛིན་ལ་བཞག །དེས་རླུང་དབུ་མར་ཚུད་པ་ཡིན་གསུང༌། །ཐུང་ངུ་རླུང་བཟུང་བའི་སྐབས་འདིར་ཐུན་མཚམས་སམ། ཐམས་ཅད་དུ་ཡང་འོག་གི་སྐྱིལ་ཀྲུང་དྲག་ཏུ་བསྒོམ་པ་ཡིན་གསུངས། གྲང་རླུང་གིས་བསྐྱེད་པའི་ནད་ཐད་ཀར་དབྱུང་བ་ནི། ཐད་ཀའི་གཟེར་ཟུག་དྲོད་དང་བྲལ་བ་རྣམས། །རང་རང་གནས་སམ་བསྐྱེད་པའི་རྩ་སྒོ་ནས། །ཟུག་ངུ་དེ་ནི་ཐད་ཀར་དབྱུང་བར་བྱ། །ཞེས་པས། ཐད་ཀའི་གཟེར་ཟུག་ནི། ལུས་ཀྱི་གང་དང་གང་བྱུང་བའི་ཟུག་གོ །དྲོད་དང་བྲལ་བ་ནི་གཉན་ཚད་ལ་སོགས་པ་དང་བྲལ་བའོ། །རང་རང་གི་གནས་ནི་ནད་ཀྱི་སྟེང་དང༌། དེས་མི་ཐོན་ན། ནད་དེ་ཉིད་སྐྱེས་པའི་རྩ་སྒོ་ཤེས་པར་བྱས་ནས་འདོན་པའོ། །སྒོ་དགུའི་རྒྱུ་བ་ནང་དུ་བསྡུས་པ་ལས། །ཁྲོ་བོའི་གཟུགས་ཀྱིས་རང་གནས་བདེ་བར་བྱེད།
― LT24_Page_279B ―
[མ་དཔེ་གཟིགས་ན་འདིར་གནོན།]
གྱད་ཀྱི་སྟོབས་ཀྱིས་སྒྲ་གཅན་ལས་སུ་རུང༌། དེ་ཡི་ཚེ་ན་དགང་ཞིང་རབ་ཏུ་འཕང༌། །ཞེས་པས་སྒོ་དགུ་ནི། ཁ་དང་མིག་ལ་སོགས་པའོ། །དེའི་རྒྱུ་བ་ནི་རླུང་ངོ༌། །ནད་ནི་དབུ་མའི་འོ། །བསྡུད་པ་ནི་རླུང་དང་སེམས་ཉིད་དོ། །ཁྲོ་བོའི་གཟུགས་ནི་རྡོ་རྗེ་གཙུག་ཏོར་གྱི་ལྟ་སྟངས་དང་ལྡན་པའོ། །རབ་གནས་ནི་ཚངས་པའི་བུ་གའོ། །རང་གནས་བདེ་བར་བྱེད་པ་ནི། རྩོལ་བ་མེད་པར་འཕོ་བར་འགྱུར་ཞེས་པའོ། །གྱད་ཀྱི་སྟོབས་ནི། ཤིན་ཏུ་དྲག་དེའི་ཤུགས་ཆེན་པོས། གཡས་གཡོན་གྱི་རླུང་འགོག་པའོ། །སྒྲ་གཅན་ལས་སུ་རུང་བ་ནི། གཡས་གཉིས་ཀྱི་རྩ་རླུང་བསྡམས་པས། དེའི་ཚེ་ན་དགང་ཞིང་ནི། སྟེང་འོག་བར་གྱི་རླུང་འགགས་པའོ། །རབ་ཏུ་འཕང་བ་ནི། རྣམ་ཤེས་སྲོག་རླུང་དང་བཅས་པ། གཙུག་ཏོར་གྱི་སྒོ་ནས་དག་པའི་གནས་སུ་འཕེན་པའོ། །བདག་པོ་གསུམ་གསུམ་རླུང་སེམས་ལས་སུ་རུང༌། །གླིང་བཞི་དང་ནི་རབ་ཏུ་གང་ལ་ཡང༌། །ཉི་ཟླའི་རྒྱུ་བ་འགག་པར་གྱུར་པའི་ཚེ། །དེ་ཡི་ཚེ་ན་འབྱུང་བ་འཁྲུགས་པར་འགྱུར། །ཞེས་པའོ། །རྩ་བའི་བདག་པོ་དབུ་མའི་རྩ། །རླུང་གི་བདག་པོ་དབུ་མའི་རླུང༌། །ཐིག་ལེའི་བདག་པོ་དབུ་མའི་ཐིག་ལེ་སྟེ། །དེ་ཉིད་བརྟན་པས་རླུང་སེམས་ལས་སུ་རུང་ཞིང༌། །སྒོ་གསུམ་དག་པར་བྱེད་པ་བསྙེན་སྒྲུབ་གསུམ་གྱིས། །རྩ་རླུང་ཐིག་ལེ་གསུམ་སྦྱངས་པས། །བདེ་བ་ཆེན་པོའི་ཡེ་ཤེས་མངོན་དུ་བྱེད་ཅེས་པ་དང༌། གླིང་བཞི་ནི། ཟླ་བ་དང་ནི་ཉི་མའི་རྩ་དང༌། དྲི་ཆེན་དང་དྲི་ཆུ་འབབ་བའི་རྩ་དང༌། རི་རབ་ན་དབུ་མའི་རྩ་ཡིན་ནོ། །ཉི་ཟླའི་རྒྱུ་བ་ནི་གཡོན་གཡས་ཀྱི་རླུང་ངོ༌། །འགགས་པ་ནི་དབུ་མར་
― LT24_Page_280A ―
[མ་དཔེ་གཟིགས་ན་འདིར་གནོན།]
འཇུག་པའོ། །ཡང་ན། གླིང་བཞི་ལྟ་བུ་ཡན་ལག་གི་རླུང་ངོ༌། །རི་རབ་ལྟ་བུ་རྩ་བའི་རླུང་དཀྱིལ་འཁོར་ལ་ཐིམ་ནས་དབུ་མར་འཇུག་པས། དེའི་ཚེ་ན་འབྱུང་བ་འཁྲུགས་པ་ནི། དངས་སྙིགས་མ་བྱེད་ན་འབྱེད་པར་འདོད་པ་དང༌། རླུང་སེམས་དབུ་མར་འདོད་པ་རྣམས་ལ་འབྱུང་བ་འཁྲུགས་པ་སྟེ། དཔེར་ན་མེ་དང་ཆུ་འཐབས་པའི་ཚེ་རླངས་པ་འོང་བའམ། སླན་དང་ནད་འཐབས་པ་ལ་ན་ཟུག་འབྱུང་བའམ། འབྱུང་བ་ཚ་གྲངས་འཐབས་པ་ལ་འབྲུག་གི་སྒྲ་ལ་སོགས་པ་འབྱུང་བ་དང་འདྲ་སྟེ། རྗེ་བཙུན་མི་ལ་ཡབ་སྲས་ལ་བྱུང་བ་ལྟ་བའི་མཐོང་སྣང་སྣ་ཚོགས་དང༌། ཉམས་ཀྱི་མཐོ་དམན་སྣ་ཚོགས་འབྱུང་བ་སྟེ། དེའི་དུས་སུ། རྩ་ལ་མ་དགའ་མོར་འབྱོངས། ཐིག་ལེ་ལས་སུ་རུང༌། རླུང་སེམས་གང་འདོད་དུ་འདྲོངས་པ་སྟེ། དེའི་དུས་སུ་ཡང༌། རླུང་དང་ཐིག་ལེའི་འདུ་འཕྲོད་ཀྱིས། ཡོན་ཏན་སྐྱོན་དུ་སོང་པས་ཚེ་ཐུང་བ། རླུང་རྩ་གནས་སུ་ཁྲིམས་ཀྱང་རྩིགས་མ་སེལ་མ་ནུས་པས། ནད་དུ་མའི་རྒྱུར་འགྲོ་བ་དང༌། མཐོང་སྣང་ཁྱད་པར་ཅན་རྣམས་ཉམས་མྱོང་ཕྱོགས་རེ་ལ་ཞེན་པས། བོགས་འདོན་མི་ཤེས་པ་འབྱུང་བ་སྲིད་པས་འདིའི་དུས་སུ་ཉམས་མྱོང་ཅན་གྱི་བླ་མ་དང༌། རང་གི་ཡང་སྙིང་རུས་དང༌། བརྩོན་འགྲུས་དང་ཤེས་རབ་ཀྱིས་ཡོན་ཏན་མཐར་ཕྱིན་པར་བྱེད་དགོས་པ་ཡིན་གསུངས། ནད་དབྱུག་པས་འདོན་པ་ལ། གྲང་བའི་ཕྱོགས་ནི་སྟོབས་ཀྱིས་སྦྱོར་བས་སེལ། །ཞེས་པས། སྟོབས་ཀྱི་སྦྱོར་བ་ནི་དབྱུག་པ་དང་འཁྲུལ་འཁོར་ཡིན་ལ། དབྱུག་པའི་མན་ངག་ལོགས་སུ་ཤེས་པར་བྱའོ། །ནད་འཁྲུལ་འཁོར་གྱིས་
― LT24_Page_280B ―
[མ་དཔེ་གཟིགས་ན་འདིར་གནོན།]
འདོན་པ་ནི། མགོ་ན་བ་ལ་རླུང་བཟུང་ནས་གཡས་གཡོན་དང་མདུན་རྒྱབ་ཏུ་བསྐོར་ཞིང༌། སྣ་ནས་རླུང་དྲག་ཏུ་དབྱུང༌། རླུང་ཐུར་དུ་དབབ། མིག་མི་གསལ་ན། ལག་རྒྱ་བཅས་ཏེ་ལྟ་གཟུར་ལ་ཕུལ་ལོ། །ལག་པ་ན་བའམ་མི་བདེ་ན། གཡས་གཡོན་དུ་བསྐོར་ཞིང་སྤྲུག །མཆིན་པ་ན་ན། རྐང་པ་སྐྱིལ་ཀྲུང་བཅའ། ལག་པ་གཉིས་རྡོ་རྗེ་ཁུ་ཚུར་བྱས་ལ། པུས་མགོ་ཐད་ཀ་ནས་ཡར་འདེགས་པ་བཞིན་བཏེག་བཏེག་བྱ། མ་ཞུ་པའམ་སྐྲན་ལ་སྐྱིལ་ཀྲུང་གི་པུས་མོ་ལ་ལག་པས་འཇུས་ཏེ་ཕོ་བ་གཡས་གཡོན་དུ་བསྐོར། དེའི་རྗེས་ལ་འཁྲུ་བར་འདོད་ན། ལུས་གནད་ཙོག་པུ་བྱས། ལག་པ་གཉིས་ཀྱི་བར་ལྷུ་ལ་འཇུག་པའི་གྲུ་ཁུགས་སུ་པུས་མོ་བཅུག་སྟེ། པུས་མོ་གཉིས་རེ་མོས་སུ་བསྐུལ་བས་འཁྲུ་བར་འགྱུར་རོ། །སྨད་ལ་དྲོད་མེད་པ་དང༌། གྲང་བའི་ནད་ལ། འོག་སྒོ་འབྱེད་འཛུམ་དང་བསྡེབ་པ་མང་དུ་བྱ། རིམས་ནད་ཟློག་པ་ལ། ལངས་ལ་རྐང་པ་གཉིས་གཤིབས། ལག་པ་བསྣོལ་མར་དཔུང་པ་ལ་འཇུས། རླུང་ཐུབ་ཚང་དུ་བཟུང་ཞིང་ལྟ་སྟངས་དྲག་ཏུ་བཅུན། རླུང་མི་ཐུབ་པ་དང༌། ལྟག་པ་ཇེ་དགྱེ་ཇེ་དགྱེ་བཏང༌། དེ་ལྟར་བྱས་པས་དཀྲུག་ཐོམ་པ་ཅིག་ཡོང༌། དེ་ནས་རླུང་དྲག་ཏུ་འབུད། མགོ་ལ་ཐལ་བཅག་བརྡེག །དེས་ཐུབ་པོ། དབུགས་སྡུད་མི་ཤེས་པ་བྱུང་ན་ལག་པ་གཉིས་སྦྲགས་ཏེ་མི་གཅིག་གིས་ཁུར་ནས་རོ་སྟོད་ལ་ཁུ་ཚུར་གྱིས་བཟུང༌། ཧ་དྲག་ཏུ་འདོན། རླུང་འོག་ཏུ་བཅིང༌། ལུས་ཀྱི་གཞོགས་ཞ་བའམ་སྐམས་ན། རྩ་རོ་བརྐྱང་གཉིས་གསལ་གདབ། གང་ཞ་བ་ངོས་ཀྱི་ཕྱོགས་སུ་རྩ་ནང་དུ་ཐིག་ལེ་ཚེས་བརྒྱད་ཀྱི་ཟླ་བ་ལྟ་བུ་ཡར་རྒྱུ་མར་རྒྱུ་བྱེད་པར་
― LT24_Page_281A ―
[མ་དཔེ་གཟིགས་ན་འདིར་གནོན།]
བསམ། ལུས་སྐྲངས་བ་དང་སྦོ་བ་ལ། དྲི་ཆུས་བཀྲུས་ལ་མར་ནག་གི་སྐུ་མཉེ་བྱ། ཤ་སྐྱིའི་བར་དུ་རླུང་ཞུགས་ན། རས་ཆུར་བཅུག་པས་བཀབ་ལ་མེ་ལ་ཟུག་ཚང་དུ་འདུག །ཆུ་རླུང་རེངས་པ་ལ། ཕྱིད་པ་ཆུར་བཅུག་པས་དྲིལ་ལ་མེ་ལ་ཟུག་ཚང་དུ་བདུག །མར་ནག་དང་ཚ་བ་གསུམ་གྱི་སྐུ་མཉེ་བྱ། མེ་རླུང་བཙན་ཐབས་སུ་བཟུང༌། སྐྱུག་པར་འདོད་ན། །ལག་པ་དང་པུས་མོ་ས་ལ་གཟུགས། མཆན་འོག་ཏུ་བེར་ཀ་ཅིག་ལ་ནང་ཆ་སྐོ་རོ་རོ་ཡོང་བར་བསམ། ངག་ཏུ་ཧ་རིང་པོར་འདོན། དྲན་མེད་དུ་འགྲོ་བའམ་བརྒྱལ་བ་ལྟ་བུ་འོང་ན། འོང་བའི་ལྟས་བྱུང་མ་ཐག་འོག་སྒོ་བསྡམ། མགྲིན་པ་དགུག །ཨོལ་མདུད་མནན། མིག་གཡས་གཡོན་གྱི་དངོས་པོ་ལ་ཕར་ཧྲིག་ཚུར་ཧྲིག་བལྟ་ཞིང༌། གཟུངས་སུ་བཟུང༌། དེས་མ་སེལ་ན། གྲོགས་ཀྱི་ཕྱེ་གསུར་གྱིས་བདུག །རྐང་མཐིལ་ཁུ་ཚུར་གྱིས་བརྡུང༌། མགོ་བོ་ལྟག་པ་ནས་མདུན་དུ་དགུག །མགོ་ལ་ཐལ་བཅག་དལ་བུས་བརྡེག །དེས་ཀྱང་མ་སོལ་ན་རྡོ་རྗེ་ལ་གཡའ་དགུགས་སོ། །དྲོད་ལ་ངེས་པར་བསིལ་པའི་ཆུ་རྒྱུན་དབབ། །ཅེས་པ་ནི། ལྟེ་འོག་སོར་བཞིའི་མཚམས་སུ་ཟླ་བའི་དཀྱིལ་འཁོར་ལ་སེམས་བཟུང་ཞིང༌། ཆུ་རླུང་སོ་བར་ནས་སིར་སྒྲ་དང་བཅས་ནས་དྲངས་པས། ཟླ་བ་དེ་རྒྱ་ཇེ་ཆེ་ལ་སོང་ནས། མཐར་སྣང་བ་ཐམས་ཅད་ཟླ་བར་སོང་བར་བསམ། གཏོང་དུས་སྣ་ནས་བཏང་ནས་ལུས་ཁྲང་ཧྲིལ་འགྲོའོ། །རང་སའི་རྒྱུན་ལམ་རབ་ཏུ་འགགས་པ་ལ། །འཕང་ཞིང་བརྡུང་བའི་སྦྱོར་བས་སེལ་བར་འགྱུར། །ཞེས་པས། རང་སའི་རྒྱུན་ལམ་ནི་སྲོག་དང་ཐུར་སེལ་གྱི་
― LT24_Page_281B ―
[མ་དཔེ་གཟིགས་ན་འདིར་གནོན།]
ལམ་མོ། །རབ་ཏུ་འགགས་པ་ནི་རང་དབང་མེད་པར་འཁྱིལ་བས་འགགས་པའོ། །འཕང་ཞིང་བརྡུང་བ་ནི། ཧ་དང་དབྱུག་པའི་མན་ངག་གིས་སེལ་ལོ། །དེའང་སྒོམ་སྒྲུབ་འཇུར་རྟགས་པའམ། མྱ་ངན་དྲག་པོ་ལ་སོགས་པའི་རྐྱེན་ཅི་རིགས་པའི། རླུང་ནང་དུ་འདུས་ནས་སྲོག་འཛིན་འཐུམས་ཏེ། བྱ་སྙི་ལ་ཟིན་པ་བཞིན་དུ། ཅི་བྱས་ཀྱང་མི་བདེ། སྙིང་མི་དགའ་བ་ལ་སོགས་པའི་སེམས་ལས་ཀྱིས་མདུན་རྒྱབ་ཏུ་ན་ཞིང་འགགས་པ་དང༌། སྤྱིལ་བུ་སྒོ་མེད་དུ་དུད་པ་བཏང་བ་བཞིན་དུ། ལོག་པའི་གནས་སུ་རླུང་འཐུམས་པར། ཤུགས་རིང་འདོན་ཞིང༌། དབུགས་ཚད་དུ་དྲངས་དུ་མི་འདོད་པ་དང༌། སྙིང་གཟེར་ལ་སོགས་པའི་ནད་ལ། རླུང་འཐུམས་ཀྱི་སྒོ་བཅག་པ་ལྟ་བུའམ། གནས་ནས་བྱུང་བ་ལ། ལྟག་འཐེན་ལ་སོགས་པའི་གེགས་སེལ་རྣམས་དགོས་པས་ལྟག་འཐེན་ཞུ་པའི་མཎྜལ་ལ་གསེར་ཞོ་རེ་མེད་པར་མི་སྟེར་པའི་བཀའ་རྒྱ་ཡོད་དོ། །བརྡུད་པའི་སྦྱོར་བ་ནི། དབྱུག་པ་དང་ཁུ་ཚུར་གྱིས་རྒྱབ་གཞུང་ལ་སོགས་པའི་གནས་སུ་ཅི་རིགས་པར་བརྡུངས་པས་སེལ་ལོ། །གང་དུ་བཅུད་པ་དེ་ནི་སྟོབས་ཀྱི་རླུང༌། །དགང་ཞིང་བཅུད་ལ་དབྱུང་པས་རབ་ཏུ་སེལ། །ཞེས་པ་སྟེ། གང་ན་སར་འཁྲུལ་འཁོར་གྱིས་བཅུད་པའི་ས་དེ་ན། ནད་དང་འཛོམ་པའི་སྟོབས་ཀྱིས་རླུང་ཡོད་པས། རླུང་གིས་དགང་ཞིང་འཁྲུལ་འཁོར་གྱིས་བཅུན་ལ། ཁྲོལ་ཚགས་ཀྱི་བུ་ག་ལྟ་བུ་ན་ཕར་ལ་ནད་ཐོན་པར་བསྒོམས་པས་སེལ་བར་འགྱུར་རོ། །དེ་ལ་འདིར་གླིང་བཞི་བཅུད་ལ་བོར་བ་ལ་གསུམ་སྟེ། ཕྱི་གླིང་བཞི་བཅུད་ལ་བོར་བ་ནི། དྲན་མེད་དུ་འགྲོ་བའམ། རླུང་སྟོད་དུ་འཚངས་པའམ། ཤེས་པ་
― LT24_Page_282A ―
[མ་དཔེ་གཟིགས་ན་འདིར་གནོན།]
འཕྱོ་སངས་ཁྱེར་བ་འམ། མགོ་དང་རོ་སྟོད་ན་བ་དང༌། རྐང་པ་གོང་སོར་སོང་དགོས་པ་ལྟ་བུ་ལ། རྐང་པ་གཉིས་གཤིབས། ལག་པ་གཉིས་པུས་མོ་གཉིས་ལ་འཇུས། རྐེད་པ་དང་གྲུ་མོ་གཉིས་བསྲང༌། ཚང་ར་ཁྲུ་གང་མན་ཆད་དུ་ས་ལ་ཕེབས་ཚད་དུ་དབབ་པ། སྲིན་ཞལ་དྲག་ཏུ་བསྡམ། ཤེས་པ་རང་སོར་བཞག་ཅིང་གློད་ནས་འོག་ཏུ་མེའི་དཀྱིལ་འཁོར་གྲུ་གསུམ་ལ་སེམས་བཟུང༌། རླུང་མི་བཟུང་བར་བཞག །ནང་གླིང་གཞི་བཅུད་ལ་བོར་བ་ནི། གན་རྐྱལ་དུ་བྱས་ལ། རྐང་པ་བརྐྱང༌། རྐང་པའི་རྒྱུ་མ་བསྐུམ། རྟིང་པ་གཉིས་དང་བྲང་རྭེ་མོས་སུ་ཕྱིར་འཕུལ། ཤེས་པ་རྐང་ཐིལ་ལ་བཅུན་ཞིང༌། རླུང་མི་བཟུང་བར་རང་སོར་བཞག །བར་གླིང་བཞི་བཅུད་ལ་བོར་བ་ནི། གན་རྐྱལ་དུ་ཉལ་ལ། རྐང་པ་གཉིས་ཀྱི་རྒྱུ་མ་ལག་པས་བཟུང་སྟེ། ལག་པས་ཡར་འཐེན་རྐང་པས་མར་འཕུལ་ཏེ། ལུས་ཐང་ཤ་བཅད་ནས་རླུང་མི་བཟུང་བར་རང་སོར་བཞག་གོ །དེ་ལྟར་མི་ནུས་ན། སྦྱང་ཐག་བྱ་སྟེ། དེ་ལ་འཇུས་ནས་གླིང་བཞི་བཅུད་ལ་བོར་བར་བྱའོ། །གྲང་ནད་ཀྱིས་གཤང་སྒོ་ལུག་པའམ་སྐྲངས་པའམ། འབུ་སྲིན་གྱིས་ཟ་བ་ལ། རྐང་ལག་བཞི་ས་ལ་བཙུགས། གྲུ་མོས་པུས་མོ་ཕར་ལ་འབུལ། པུས་མོས་གྲུ་མོ་ཚུར་བསྡམ་མོ། །དེ་ལྟར་གེགས་སེལ་གྱི་འབྲས་བུ་ནི། ལུས་ཀྱི་ནད་འཇོམས་སྟོབས་དང་བདེ་བ་རྒྱས། དེ་ལྟ་བུའི་དམིགས་པ་དང་འཁྲུ་འཁོར་ལ་སོགས་པའི་གེགས་སེལ་གྱི་གནད་རྣམས་ཟིན་པར་བྱས་ལ། ལུས་ཀྱི་ནད་རྣམས་བཅོམ་ཞིང་བདེ་བ་རྒྱས་ཏེ། དྭངས་མ་དང་སྟོབས་སུ་འགྱུར་རོ། །གནས་སྐབས་ཀྱི་འབྲས་བུ་གསུངས་པ་ནི།
― LT24_Page_282B ―
[མ་དཔེ་གཟིགས་ན་འདིར་གནོན།]
རྩ་སྦྱངས་པས་ནི་ལུས་ཀྱི་དྲི་མ་དག །རླུང་སྦྱངས་པས་ནི་ངག་གི་དྲི་མ་དག །འཛག་མེད་ཐོབ་པས་ཡིད་ཀྱིས་བག་ཆགས་བཅོམ། །ཅེས་པས། འདིར་སྦྱང་བར་བྱ་བ་རྩ་ཨཱ་ཝ་དྷཱུ་ཏི། སྦྱོང་བྱེད་བསྙེན་པའི་ཡན་ལག་གིས་སྦྱངས་པས་ལུས་ཀྱི་དྲི་མ་དག་སྟེ། མངོན་པར་ཤེས་པ་ལྔ་དང་སྤྲུལ་པའི་སྐུ་ཐོབ་པར་བྱེད་དོ། །ཡང་སྦྱང་གཞི་ངག་དང་རླུང༌། སྦྱོང་བྱེད་གསུང་རྡོ་རྗེས་སྦྱངས་པས་ངག་གི་དྲི་མ་དག་ནས་འཕོ་བའི་བག་ཆགས་བཅོམ་སྟེ། ལོངས་སྤྱོད་རྫོགས་པའི་སྐུ་ཐོབ་པར་བྱེད་དོ། །དེ་བཞིན་དུ་སྦྱང་གཞི་ཡིད་དང་ཐིག་ལེ་འཕོ་བའི་བག་ཆགས་ཏེ། སྦྱོང་བྱེད་སྒྲུབ་པ་ཆེན་པོ་ཐུགས་རྡོ་རྗེས་སྦྱོངས་པས། ཡིད་ཀྱི་བག་ཆགས་བཅོམ་སྟེ། མི་འགྱུར་བའི་བདེ་བ་དང་ཆོས་ཀྱི་སྐུ་ཐོབ་པར་བྱེད་དོ། །དེ་ལྟར་སྐུ་གསུམ་དབྱེར་མེད་ངོ་བོ་ཉིད་ཀྱི་སྐུ་སྟེ། རྡོ་རྗེ་གསུམ་གྱི་བསྙེན་སྒྲུབ་ཀྱིས་སྐུ་བཞི་མངོན་དུ་བྱེད་པ་ཡིན་གསུངས། སྒྲུབ་པ་ཆེན་པོའི་ཡོན་ཏན་བསྟན་པ་ན། འཁོར་ལོའི་མདུད་པ་དགའ་བཞིའི་འགྲོས་ཀྱིས་བཤིག །ཅེས་པས། འཁོར་ལོ་ཞེས་པ་ནི། དཔྲལ་བ་དང༌། མགྲིན་པ་དང༌། སྙིང་ཀ་དང༌། ལྟེ་བ་རྣམས་ཀྱི་འཁོར་ལོ་སྟེ་དེ་ཚོའི་མདུད་པ་རྣམས། སྒྲུབ་པ་ཆེན་པོའི་རྣལ་འབྱོར་བསྒོམས་པས་དགའ་བཞིའི་འགྲོས་རིམ་པ་ཅན་དང་རིམ་མིན་གཉིས་ཀྱི་སྟོབས་ཀྱིས་བཤིག་པས། སད་པའི་གནས་སྐབས་དང༌། རྨི་ལམ་གྱི་གནས་སྐབས་དང༌། གཉིད་འཐུག་པོའི་གནས་སྐབས་དང༌། སྙོམས་འཇུག་གི་གནས་སྐབས་ཀྱིས་སྒྲིབ་པ་ལས་གྲོལ་བར་བྱེད་དོ། །སྒྲིབ་པ་དེ་རྣམས་དང་བྲལ་བས་འཁོར་བའི་རྩ་བ་མ་རིག་པ་སྤོང་བ་སྟེ། མ་རིག་སེམས་ནི་བརྒྱལ་བ་ལོག་
― LT24_Page_283A ―
[མ་དཔེ་གཟིགས་ན་འདིར་གནོན།]
པས་དྭངས། །ཆགས་བྲལ་ཉམས་པས་ཞེ་སྡང་ཟད་པའི་སེམས། །ཆགས་པ་དག་པས་བདེ་བ་ཆེན་པོར་གྲོལ། །ཞེས་པའི་མ་རིག་པ་ནི། སེམས་ཅན་རྣམས་ཀྱི་འདོད་ཆགས་ཀྱི་བག་ཆགས་ཐོག་མེད་དུས་ནས་གོམས་པ་དེའི། ང་རྒྱལ་བ་ནི་བྱང་ཆུབ་ཀྱི་སེམས་ཕྱི་རོལ་དུ་ལྷུང་པ་ལས། ཞེ་སྡང་གི་སེམས་ཀྱི་རྗེས་ལ་གཏི་མུག་གི་སེམས་སྐྱེ་སྟེ། བྱང་ཆུབ་ཀྱི་སེམས་རྡོ་རྗེ་ནོར་བུར་བརྟན་པར་བྱས་པ་ལ་ཉིད་ནི་བརྒྱལ་བ་ལོག་པར་བྱས་པའོ། །བརྒྱལ་བ་ལོག་སྟེ་མི་འགྱུར་པའི་བདེ་བ་ཆེན་པོའི་སེམས་ཀྱིས། མ་རིག་པའི་སེམས་འདོད་ཆགས་འཁོར་བའི་བག་ཆགས་ངན་པ་དྭངས་ཏེ་ཟད་པར་བྱེད་པའོ། །ཆགས་བྲལ་ཞེས་པ་ནི་བྱང་ཆུབ་ཀྱི་སེམས་ཕྱི་རོལ་དུ་ལྷུང་པ་ལས། བདེ་བའི་དྲོད་དང་བྲལ་བས་ཏེ། བྱང་སེམས་ནོར་བུར་བརྟན་པ་ལས། ཆགས་བྲལ་ཉམས་པ་སྟེ། བདེ་བ་དང་བྲལ་བ་མེད་ཅེས་པའོ། །ཞེ་སྡང་ནི་ཐིག་ལེ་འཕོས་པའི་ཚེ་ན། ཞེ་སྡང་གི་སེམས་སུ་འགྱུར་ཞིང༌། བྱང་ཆུབ་ཀྱི་སེམས་འཕོས་པ་མེད་པ་ལས། ཞེ་སྡང་ཟད་པའི་སེམས་སུ་འགྱུར་བའོ། །ཞེ་སྡང་ཟད་པ་ཉིད་ཀྱིས་ཞེ་སྡང་གི་རང་བཞིན་གཏི་མུག་ཏུ་ཟད་དེ་འདོད་ཆགས་འཁོར་པའི་བག་ཆག་མ་རིག་པ་དག་པས། འགྱུར་པའི་བདེ་བ་ལ་ཆགས་པ་དག་སྟེ། མི་འགྱུར་བའི་བདེ་བ་ཆེན་པོར་གྲོལ་བའོ། །མ་རིག་པའི་ཡན་ལག་རྟེན་འབྲེལ་བཅུ་གཉིས་འགགས་པས་འབྲས་བུ་ཐོབ་ཚུལ་ནི། ནོར་བུ་ནས་ནི་གཙུག་ཏོར་འཁོར་ལོའི་བར། །བརྒྱ་ཕྲག་བཅོ་བརྒྱད་ལས་ཀྱི་རླུང་འགགས་པས། །རིམ་པ་དེས་ནིས་རེ་ཐོབ་པར་འགྱུར། །ཞེས་པས། རྗེས་དྲན་དང་ཏིང་ངེ་འཛིན་གྱི་རྣལ་འབྱོར་གྱིས་
― LT24_Page_283B ―
[མ་དཔེ་གཟིགས་ན་འདིར་གནོན།]
སྲོག་ལ་སོགས་པའི་རླུང་བཅུ་འགགས་པ་ལས། རྡོ་རྗེ་ནོར་བུ་ནས་གཙུག་ཏོར་གྱི་འཁོར་ལོའི་བར། བྱང་ཆུབ་ཀྱི་སེམས་ཀྱི་ཐིག་ལེ་རིམ་པ་བཞིན་དུ་བརྟེན་པར་འགྱུར་རོ། །བརྒྱ་ཕྲག་བཅོ་བརྒྱད་ནི། ཟླ་བ་དང༌། ཉི་མ་དང༌། སྒྲ་གཅན་གསུམ་གྱི་རྩ་ལ་རླུང་རྒྱུ་པའི་རྩལ་དུས་སྦྱོར་གཅིག་གི་གྲངས་སོ། །ལས་ཀྱི་རླུང་ཞེས་པ་ནི། རླུང་བཅུ་པོ་ཐམས་ཅད་ཀྱིས་རང་རང་གི་ལས་བྱེད་པའོ། །འགགས་པ་ཞེས་པ་ནི། རིམ་པ་བཞིན་དུ་སྒྲིབ་པ་མེད་པར་བྱའོ། །དེ་ཡང་འཁོར་ལོ་དྲུག་རྣམས་སུ། དུས་སྦྱོར་གཉིས་གཉིས་ཀྱི་རླུང་འགགས་པ་ལས། ས་གཉིས་གཉིས་ཐོབ་པར་འགྱུར་རོ། །དེ་ཡང་སྔགས་དང་མཚན་ཉིད་ཀྱི་ཁྱད་པར་གྱི་མིང་གི་རྣམ་གྲངས་ནི། ས་དང་པོ་རབ་ཏུ་དགའ་བ་དང༌། གཉིས་པ་དྲི་མ་མེད་པ་དང༌། གནས་དང་ཉེ་བའི་གནས་ཞེས་པ་དང༌། གསུམ་པ་འོད་བྱེད་པ་དང༌། བཞི་པ་འོད་འཕྲོ་བ་དང༌། ཞིང་དང་ཉེ་བའི་ཞིང་ཞེས་པ་དང༌། ས་ལྔ་པ་སྦྱང་དཀའ་བ་དང༌། དྲུག་པ་མངོན་དུ་གྱུར་པ་དང༌། ཚན་རྡོ་དང་ཉེ་བའི་ཚན་རྡོ་དང་ཞེས་དང༌། ས་བདུན་པ་རིང་དུ་སོང་བ་དང༌། བརྒྱད་པ་མི་གཡོ་བ་དང༌། འདུས་པ་དང་ཉེ་བའི་འདུས་པ་དང་ཞེས་དང༌། ས་དགུ་པ་ལེགས་པའི་བློ་གྲོས་དང༌། བཅུ་པ་ཆོས་ཀྱི་སྤྲིན་དང༌། དུར་ཁྲོད་དང་ཉེ་བའི་དུར་ཁྲོད་ཅེས་དང༌། ས་བཅུ་གཅིག་ཀུན་ཏུ་འོང་དང༌། བཅུ་གཉིས་མ་ཆགས་པདྨའི་སྤྱན་དང༌། འཐུངས་གཅོད་དང་ཉེ་བའི་འཐུངས་གཅོད་ཞེས་པ་རྣམས་སོ། །དེ་རྣམས་དང་དུས་མཚུངས་པར་རྟེན་འབྲེལ་བཅུ་གཉིས་རིམ་པ་བཞིན་དུ་འགག་པ་སྟེ། རྡོ་རྗེ་ནོར་བུར་དུས་སྦྱོར་གཅིག་གི་རླུང་འགགས་པས་རྟེན་འབྲེལ་དང་པོ་འགག་ཅིང༌།
― LT24_Page_284A ―
[མ་དཔེ་གཟིགས་ན་འདིར་གནོན།]
བྱང་ཆུབ་ཀྱི་སེམས་རྡོ་རྗེ་ནོར་བུ་ལས་གྱེན་དུ་ལོག་པས། ས་དང་པོ་ཐོབ་སྟེ་འཇིག་རྟེན་གྱི་ཁམས་གཅིག་གི་སྣོད་བཅུད་མཐོང་ཞིང༌། དོན་བྱེད་ནུས་པའོ། །དེ་ནས་བྱང་ཆུབ་ཀྱི་སེམས་བརྟན་པ་དེ་གསང་བའི་འཁོར་ལོར་ལོག་ཅིང་འཆིངས་པས། རྟེན་འབྲེལ་གཉིས་པ་དག །དུས་སྦྱོར་གཉིས་ཀྱི་རླུང་འགགས་པས། ས་གཉིས་པ་ཐོབ་སྟེ། འཇིག་རྟེན་གྱི་ཁམས་གཉིས་ཀྱི་དོན་བྱེད་ནུས་སོ། །དེ་ནས་དུས་སྦྱོར་གྱི་རླུང་འགགས་པ་ལས། བྱང་སེམས་ལྟེ་བའི་འཁོར་ལོར་འཆིངས་པས། རྟེན་འབྲེལ་གསུམ་དག་ས་གསུམ་ཐོབ་སྟེ། འཇིག་རྟེན་གྱི་ཁམས་གསུམ་གྱི་དོན་བྱེད་ནུས་སོ། །དེ་ནས་དུས་སྦྱོར་བཞིའི་རླུང་འགགས་པ་ལས། བྱང་སེམས་ལྟེ་བའི་འཁོར་ལོར་འཆིངས་པས། རྟེན་འབྲེལ་བཞི་པ་དག །ས་བཞི་པ་ཐོབ་སྟེ། འཇིག་རྟེན་གྱི་ཁམས་བརྒྱད་ཀྱི་དོན་མཐོང་ཞིང་སྤྲུལ་པ་འགྱེད་ནུས་སོ། །དེ་ནས་དུས་སྦྱོར་ལྔའི་རླུང་འགགས་པ་ལས། བྱང་སེམས་ལྟེ་བ་ནས་སྙིང་གའི་བར་དུ་འཆིངས་པས། རྟེན་འབྲེལ་ལྔ་པ་དག་ས་ལྔ་པ་ཐོབ་སྟེ། འཇིག་རྟེན་གྱི་ཁམས་བཅུ་དྲུག་གི་དོན་མཐོང་ཞིང་སྤྲུལ་པ་འགྱེད་ནུས་སོ། །དེ་ནས་དུས་སྦྱོར་དྲུག་གི་རླུང་འགགས་པས། བྱང་སེམས་སྙིང་གའི་འཁོར་ལོ་འཆིངས་པས། རྟེན་འབྲེལ་དྲུག་པ་དག །ས་དྲུག་པ་ཐོབ་སྟེ། འཇིག་རྟེན་གྱི་ཁམས་སུམ་ཅུ་རྩ་གཉིས་ཀྱི་དོན་མཐོང་ཞིང་སྤྲུལ་པ་འགྱེད་ནུས་སོ། །དེ་ནས་དུས་སྦྱོར་བདུན་གྱི་རླུང་འགགས་པས། བྱང་སེམས་མགྲིན་པའི་བར་དུ་འཆིངས་པས། རྟེན་འབྲེལ་བདུན་པ་དག །ས་བདུན་པ་ཐོབ་སྟེ། འཇིག་རྟེན་གྱི་ཁམས་དྲུག་ཅུ་རྩ་བཞིའི་དོན་བྱེད་ནུས་སོ། །དེ་ནས་དུས་སྦྱོར་བརྒྱད་ཀྱི་རླུང་འགགས་པས། །
― LT24_Page_284B ―
[མ་དཔེ་གཟིགས་ན་འདིར་གནོན།]
བྱང་སེམས་མགྲིན་པ་ལོངས་སྤྱོད་ཀྱི་འཁོར་ལོར་འཆིངས་པས། རྟེན་འབྲེལ་བརྒྱད་པ་དག །ས་བརྒྱད་པ་ཐོབ། འཇིག་རྟེན་གྱི་ཁམས་བརྒྱ་ཉི་ཤུ་རྩ་བརྒྱད་ཀྱི་དོན་བྱེད་ནུས་སོ། །དེ་ནས་དུས་སྦྱོར་དགུའི་རླུང་འགགས་པ་ལས། བྱང་སེམས་མགྲིན་པ་ནས་དཔྲལ་བའི་བར་དུ་འཆིངས་པས། རྟེན་འབྲེལ་དགུ་པ་དག །ས་དགུ་པ་ཐོབ་སྟེ། འཇིག་རྟེན་གྱི་ཁམས་ཉིས་བརྒྱ་ལྔ་བཅུ་རྩ་དྲུག་གི་དོན་བྱེད་ནུས་སོ། །དེ་ནས་དུས་སྦྱོར་བཅུའི་རླུང་འགགས་པ་ལས། བྱང་སེམས་དཔྲལ་བ་བདེ་ཆེན་གྱི་འཁོར་ལོ་འཆིངས་པས། རྟེན་འབྲེལ་བཅུ་པ་དག །ས་བཅུ་པ་ཐོབ་སྟེ། འཇིག་རྟེན་གྱི་ཁམས་ལྔ་བརྒྱ་བཅུ་གཉིས་ཀྱི་དོན་བྱེད་པར་ནུས་སོ། །དེ་ལྟར་དུས་སྦྱོར་བཅུ་གཅིག་གི་རླུང་འགགས་བྱང་སེམས་གཙུག་ཏོར་གྱི་བར་དུ་འཆིངས་པས། རྟེན་འབྲེལ་བཅུ་གཅིག་བདག །ས་བཅུ་གཅིག་པ་ཐོབ། འཇིག་རྟེན་གྱི་ཁམས་སྟོང་ཉི་ཤུ་རྩ་བཞིའི་དོན་བྱེད་པར་ནུས་སོ། །དེ་ནས་དུས་སྦྱོར་བཅུ་གཉིས་ཀྱི་རླུང་ཉི་ཁྲི་ཆིག་སྟོང་དྲུག་བརྒྱ་པོ་ཐམས་ཅད་འགགས་ཏེ། རྟེན་འབྲེལ་བཅུ་གཉིས་པ་རྒ་ཤི་འདག་ཅིང༌། སྤྱན་ལྔ་དང་མངོན་པར་ཤེས་པ་དྲུག་ཐོབ། གཙུག་ཏོར་འཁོར་ལོའི་སྟེང་དུ་ཐིག་ལེ་བྱང་ཆུབ་ཀྱི་སེམས་ཡོངས་སུ་རྫོགས་པར་འགྱུར་རོ། །རྡོ་རྗེ་འཛིན་པའི་བཅུ་གཉིས་ས་ཐོབ་སྟེ། སངས་རྒྱས་ཀྱི་སྐུ་དང་ཡོན་ཏན་ཐམས་ཅད་དང་ལྡན་ཞིང༌། མཐའ་ཡས་པའི་འགྲོ་བ་མཐའ་དག་གི་དོན་མཛད་པར་འགྱུར་རོ། །རྡོ་རྗེའི་གཞུང་འདི་ཉིད་ཟབ་ཅིང་རྒྱ་ཆེ་བར་བསྟན་པ་ནི། རྣལ་འབྱོར་བླ་ན་མེད་པའི་རྒྱུད་རྣམས་ཀྱི། །སྙིང་གི་གནད་རྣམས་འདི་གཞུང་རྟོགས་པས་ཐོབ། །ཅེས་པས། རྣལ་འབྱོར་ཞེས་པ་ནི། ཤེས་རབ་ཀྱི་རང་བཞིན་སྟོང་པ་ཉིད་དང༌། །
― LT24_Page_285A ―
[མ་དཔེ་གཟིགས་ན་འདིར་གནོན།]
ཐབས་ཀྱི་ངོ་བོ་སྙིང་རྗེ་སྟེ། མི་འགྱུར་བའི་བདེ་བ་ཆེན་པོ་ཟུང་དུ་འཇུག་པའི་ལམ་སྟོན་པར་བྱེད་པ་སྟེ། བྱ་སྤྱོད་དང་རྣལ་འབྱོར་གྱི་རྒྱུད་རྣམས་ལས། ཁྱད་པར་དུ་གྱུར་བའི་ཕྱིར་བླ་ན་མེད་པའི་རྒྱུད་དོ། །རྒྱུད་ནི་རྒྱུན་ཆགས་པ་ཡིན་ལ། རྣམས་ནི་མང་པོའི་ཚིག་དེ་བླ་མེད་ཀྱི་རྒྱུད་མ་ལུས་པ་ཐམས་ཅད་དོ། །སྙིང་གི་གནད་ནི། བླ་མེད་ཀྱི་རྒྱུད་རྣམས་ཀྱི་ངེས་པའི་དོན་ཐམས་ཅད་དོ། །འདི་གཞུང་རྟོགས་པས་འཐོབ་པ་ནི། རྡོ་རྗེའི་གཞུང་འདི་ཉིད་ཀྱིས་བརྗོད་པར་བྱ་བའི་དོན་ལེགས་པར་ཁོང་དུ་ཆུད་ཅིང༌། འདི་ཉིད་ཀྱི་དོན་ཉམས་སུ་བླངས་པས། ལམ་དང་འབྲས་བུའི་མངོན་པར་རྟོགས་པ་མངོན་དུ་བྱས་པས། བླ་ན་མེད་པའི་རྒྱུད་རྣམས་ཀྱི་བདག་པོར་འགྱུར་ཞེས་པའོ། །འདིར་སྔར་བརྗོད་པའི་ལམ་གྱི་རིམ་པ་ལས་འབྲས་བུའི་བྱེ་བྲག་མཁྱེན་པའི་ཁྱད་པར་གསུངས་པ། ལུས་དང་ཕུང་པོའི་སྒྲིབ་པ་བཅོམ་པ་ལས། །སེམས་ལ་འཛིན་པའི་བག་ཆགས་མི་སྐྱེ་པས། །ནམ་མཁའི་སྤྲིན་དང་བྲལ་བའི་རྒྱུ་སྐར་བཞིན། །རིམ་པ་དེས་ནི་ཐམས་ཅད་མཁྱེན་པར་འགྱུར། །ཞེས་པས། ལུས་ནི་མིག་དང་རྣ་བ་དང་སྣ་དང་ལྕེ་དང༌། ལུས་ཀྱི་དབང་པོ་རྣམས་སོ། །འཛིན་པར་བྱེད་པ་ནི་སེམས་སོ། །ཕུང་པོ་ལྔ་སྟེ། གཟུགས་དང་ཚོར་བ་དང་འདུ་ཤེས་དང་འདུ་བྱེད་དང་རྣམ་པར་ཤེས་པའི་ཕུང་པོའོ། །དེ་རྣམས་ལས་ཐོག་མར་གཟུགས་ཀྱི་ཕུང་པོ་ངོས་བཟུང་ནས། གཟུགས་ཀྱི་ཕུང་པོ་ལས་ཚོར་བ་ལ་སོགས་པའི་ཕུང་པོ་བཞི་རུ་འགྱུར་པའོ། །གཟུགས་ཀྱི་ཕུང་པོ་ཡང༌། དབང་པོ་ལྔ་དང༌། གཟུགས་སྒྲ་དྲི་རོ་རེག་བྱ་སྟེ། དེ་ལྟར་ཡུལ་ལྔ་དབང་པོ་ལྔའི་གཟུང་བར་བྱ་བའི་ཡུལ་ལོ། །བཅུ་པོ་དེ་རྣམས་
― LT24_Page_285B ―
[མ་དཔེ་གཟིགས་ན་འདིར་གནོན།]
སྤངས་པའི་ཕྱིར་ཕུང་པོ་ལྔ་ཞེས་བརྗོད་དོ། །དེ་རྣམས་བསྐྱེད་པའམ་འཛིན་པར་བྱེད་པ་ནི། ཡིད་ཀྱི་དབང་པོ། ཡུལ་ཆོས་ཀྱི་དབྱིངས་དང་བཅས་པ་ནི་སྟོང་པ་ཉིད་ཀྱི་སྒྲིབ་པའི་ཕྱིར་སྒྲིབ་པ་ཡིན་ནོ། །གཟུང་པར་བར་བྱ་བ་དང༌། འཛིན་པར་བྱེད་པའི་སེམས་ཀྱི་ཕྱིར་རོ། །སྒྲིབ་པ་དེ་ཉིད་འཇོམས་པར་བྱེད་པས་ན། བྱང་ཆུབ་ཀྱི་སེམས་ཆ་བཅུ་དྲུག་སྒྲིབ་པ་དང་བྲལ་བར་བྱས་སོ། །དེ་ལྟར་བྱང་ཆུབ་ཀྱི་སེམས་སྒྲིབ་བྲལ་དུ་གྱུར་པའི་ཚེ་ན། སེམས་ལ་འཛིན་པའི་བག་ཆགས་སླར་སྐྱེ་བ་མེད་པའོ། །དེ་ལྟར་སེམས་ཀྱི་འཛིན་པའི་བག་ཆགས་ཟད་པ་ན། །མཚན་མོའི་ནམ་མཁའ་སྤྲིན་དང་བྲལ་བ་ལ། །སྐྱེས་བུ་མིག་དང་ལྡན་པས་རྒྱུ་སྐར་གྱི་ཚོགས་དབང་པོའི་མངོན་སུམ་དུ་མཐོང་བ་ལྟར། ཐམས་ཅད་མཁྱེན་པའི་ཡེ་ཤེས་རང་གི་མངོན་སུམ་དུ་མཁྱེན་པར་འགྱུར་ཞེས་པའོ། །ལམ་གྱི་འབྲས་བུ་སངས་རྒྱས་སུ་འགྱུར་ཚུལ་ནི། །འཛག་པ་ལས་ནི་དུག་གསུམ་སེམས་སྐྱེ་བས། །འདིའི་རིམ་པས་འཛག་པ་ཟད་པ་ལས། །ཉོན་མོངས་སྒྲིབ་པའི་མདུད་ལས་རྒྱལ་གྱུར་པའི། །རིམ་པ་འདིས་ནི་དུག་གསུམ་འཇོམས་པར་འགྱུར། །ཞེས་པས། འཛག་པ་ནི་བྱང་ཆུབ་ཀྱི་སེམས་ཁུ་བའི་རང་བཞིན་དེ་ཉིད་འཛག་པ་སྟེ། དེ་ཉིད་འཛག་པ་ལས་དུག་གསུམ་སྟེ། འདོད་ཆགས་དང༌། ཞེ་སྡང་དང༌། གཏི་མུག་གསུམ་གྱི་སེམས་རབ་ཏུ་སྐྱེད་ལས། འདི་རྣམས་སྲོག་འཕྲོག་པར་བྱེད་པའི་དུག་དང་འདྲ་བས་ན་དུག་གསུམ་མོ། །འདིའི་རིམ་པ་ནི་སྔར་བཤད་པའི་ལམ་གྱི་རིམ་པ་དེ་རྣམས་ཀྱི་དོན་མ་འཆུགས་པར་བསྒོམས་པས་འཛག་པ་ཟད་དེ། མི་འགྱུར་པའི་བདེ་བ་ཆེན་པོ་མངོན་
― LT24_Page_286A ―
[མ་དཔེ་གཟིགས་ན་འདིར་གནོན།]
སུམ་དུ་བྱེད་པའོ། །དེ་ཡིས་ཉོན་མོངས་པའི་སྒྲིབ་པ་དང་བདུད་ཅེས་པའོ། །བདུད་བཞི་ལས་རྒྱལ་བ་སྟེ། དེ་ཡང་སྐུ་རྡོ་རྗེའི་བསྙེན་པས་རྩ་དག་པར་བྱས་པ་ནི། ལུས་ཀྱི་ཕུང་པོའི་བདུད་བཅོམ་པའོ། །གསུང་རྡོ་རྗེའི་སྒྲུབ་པས་རླུང་དག་པར་བྱས་པ་ནི། ངག་གི་དྲི་མ་ཉོན་མོངས་པའི་བདུད་བཅོམ་པའོ། །ཐུགས་རྡོ་རྗེའི་སྒྲུབ་པ་ཆེན་པོས་བྱང་ཆུབ་ཀྱི་སེམས་མི་འགྱུར་བར་བྱས་པ་ནི། སེམས་ཀྱི་དྲི་མ་འཆི་བདག་གི་བདུད་བཅོམ་པའོ། །དེ་དག་གི་མཐུས་མ་རིག་པ་འགགས་སྟེ། རིག་པ་ཆེན་པོ་ཡེ་ཤེས་ཀྱི་རྡོ་རྗེ་སངས་རྒྱས་ཀྱི་ཡོན་ཏན་མ་ལུས་པའི་བདག་ཉིད་དུ་གྱུར་པ་ནི་ལྷའི་བུའི་བདུད་བཅོམ་པ་སྟེ། བདུད་བཞིའི་གཡུལ་ལས་རྒྱལ་བའོ། །དེ་ལྟར་བདུད་བཞི་བཅོམ་པའི་ཕྱིར་ན་བཅོམ་ལྡན་འདས་སོ། །ལམ་དུས་སུ་ཕྱི་ནང་གསང་གསུམ་གྱི་དམ་ཚིག་རྣམས་བསྟེན་པར་གསུངས་པ། བདུད་རྩི་ལྔ་ཡི་དྭངས་མས་རྩིགས་ཟོས་པས། །རྩིགས་མེད་དངས་མའི་ལུས་སུ་གྱུར་པའི་ཚེ། །ཐོག་བཅས་དངོས་པོའི་བདུད་དང་བྲལ་བའི་ཕྱིར། །འཇའ་ལུས་རྡོ་རྗེའི་སྐུ་རུ་འདི་ཡིས་འགྲུབ། །ཅེས་པས། བདུད་རྩི་ལྔ་ལ་ངེས་དོན་གྱི་བདུད་རྩི་ལྔ་ནི། འབྱུང་བ་ལྔ་ཡི་རླུང་རྣམས་ཡིན་ལ། དེ་དག་གི་དྭངས་མ་ནི་མི་འགྱུར་བའི་བྱང་ཆུབ་ཀྱི་སེམས་ནི་ཐིག་ལེ་ཡིན་ཏེ། དེ་གང་ལ་བྱུང་ན། སྲོག་རླུང་དང་ཐུར་སེལ་གྱི་རླུང་ཨ་ཝ་དྷཱུ་ཏིར་བརྟན་པ་ལས་མེ་འགྱུར་བའི་བདེ་བ་ཡིན་གསུངས། རྩིགས་མ་ནི་ནམ་མཁའ་རྣམས་ཏེ། ཟོས་པ་ཞེས་པ་ནི་སྒྲིབ་པ་མེད་པར་བྱས་པའོ། །ཁམས་བཅུ་པོ་སྒྲིབ་པ་མེད་པར་བྱས་པ་ནི་རྩིགས་མེད་དྭངས་མའི་ལུས་སུ་གྱུར་པའོ། །ཐོགས་
― LT24_Page_286B ―
[མ་དཔེ་གཟིགས་ན་འདིར་གནོན།]
བཅས་ཤེས་པ་ནི། ཕུང་པོ་དང༌། ཁམས་དང༌། ཡུལ་རྣམས་ནི་བསྟན་དུ་ཡོད་པའི་ཕྱིར་རོ། །དེ་རྣམས་དངོས་པོ་སྟེ་དངོས་པོའི་འཛིན་པ་ཉིད་ཀྱི་ཕྱིར་རོ། །དེ་རྣམས་བདུད་དུ་བརྗོད་པས། བདུད་དེ་རྣམས་ལས་རྒྱལ་བའི་བདུད་དང་བྲལ་བས་ཏེ། དངོས་པོའི་བདུད་དང་བྲལ་པས། འཇའ་ལུས་ཤེས་མཚོན་ལྟ་བུའི་རྡོ་རྗེའི་སྐུ། །མཚན་བཟང་པོ་སུམ་ཅུ་རྩ་གཉིས་དང༌། དཔེ་བྱད་བཟང་པོ་བརྒྱད་ཅུ་དང་ལྡན་པ་མཆོག་གི་མཛད་པ་དང་བཅས་པ་ལམ་འདི་ཉིད་ཀྱིས་འགྲུབ་པར་འགྱུར་ཞེས་པའོ། །གཞུང་འདིའི་བདུད་རྩི་བཟའ་ཐབས་ཐམས་ཅད་ཀྱི་ལག་ལེན་ལ། རྗེ་རིན་པོ་ཆེ་ཉིད་ཀྱིས་བསྟན་བཅོས་ཡོད་པ་དེར་ཤེས་པར་བྱའོ། །རྡོ་རྗེའི་གཞུང་འདི་ཉིད་ཡི་གེར་འབྲི་བའི་རྒྱུ་མཚན་གསུངས་པ། འདི་དོན་བྱིན་རླབས་སྟོབས་ཀྱིས་གནང་པ་རྣམས། །རང་གི་རྟོག་དཔྱོད་བློ་ཡིས་མ་འདྲེས་པར། །རྟོག་དཔྱོད་བརྗེད་པར་འཇིགས་པས་ཡི་གེར་བཀོད། །ནོངས་ཤིང་འཁྲུལ་པ་ཡོད་ན་བཟོད་པར་གསོལ། །ཞེས་པས། འདི་དོན་ཞེས་པས་གཞུང་འདི་ཉིད་ཀྱི་བརྗོད་པར་བྱ་བའི་དོན་ཟབ་ཅིང་རྒྱ་ཆེ་བའོ། །བྱིན་བརླབས་ནི། ཨོ་རྒྱན་སྤྲུལ་པའི་ཞིང་གི་རྣལ་འབྱོར་མ་རྡོ་རྗེ་ཕག་མོས་བྱིན་གྱིས་བརླབས་པའོ། །དེའི་སྟོབས་ཀྱིས་རྣལ་འབྱོར་གྱི་དབང་ཕྱུག་གྲུབ་ཆེན་ཨུ་རྒྱན་པ་ཆེན་པོའི་སྐུ་གསུང་ཐུགས་བདེ་བ་ཆེན་པོར་མངོན་སུམ་བྱས་པའི་གསལ་སྣང་ལ་རྩོལ་བ་མེད་པར་ཐུགས་ལ་ཤ་ར་ར་བྱུང་བ་ཡིན་གསུངས། དེ་ལ་རྟོག་དཔྱོད་དང་ཡིད་དཔྱོད་ཀྱིས་མ་འདྲེས་ཤིང༌། ཟབ་ཅིང་རྒྱ་ཆེ་བའི་དོན་འདི་ཉིད་མ་འོངས་པ་ན་བརྗེད་པར་གྱུར་ན། དེ་ཚེ་རྟོག་དཔྱོད་ཀྱི་བློ་ཡིས་ཟབ་མོའི་དོན་ལ་བསླད་པར་གྱུར་ན་མི་རུང་ཞེས་དགོངས་པ་
― LT24_Page_287A ―
[མ་དཔེ་གཟིགས་ན་འདིར་གནོན།]
དང༌། སུ་ལུང་ཆོ་ལ་བཞུགས་པའི་དུས་སུ་གཞུང་ཡི་གེར་འབྲི་བ་རྗེས་སུ་གནང་བ་ཐོབ་ནས་ཡི་གེར་བྲིས་པ་ཡིན་གསུངས། ནོངས་ཤིང་ཟབ་མོའི་དོན་ཉམས་སུ་བླང་བར་བྱས་པ་ཡིན་གསུངས། ཡི་གེར་འབྲི་བར་མི་འོས་པ་དང༌། འཁྲུལ་པ་ནི། བཅོམ་ལྡན་འདས་མའི་གསུང་ལས་ལོགས་སུ་གྱུར་པ་གལ་ཏེ་ཡོད་སྲིད་ན། དེའི་ཚེ་བདེ་བར་གཤེགས་པ་ཐམས་ཅད་ཀྱི་ཡུམ་ཉིད་ལ་བཟོད་པར་གསོལ་བའོ། །གང་གི་རྟོགས་དཀའ་བླ་མེད་རྒྱུད་ཀྱི་དོན། །བདག་བློའི་སྟོབས་ཀྱིས་འགྲོལ་བར་ག་ལ་ནུས། །འོན་ཀྱང་ཆོས་ཀྱི་རྒྱལ་པོའི་ཐུགས་རྗེ་ཡིས། །གདམས་པ་སྙིང་པོའི་གནད་རྣམས་གནང་བ་དང༌། །གསུང་གི་རྒྱུན་འགའ་རང་གིས་ཟིན་པ་དང༌། །མཆེད་པོ་གོང་མའི་ཟིན་བྲིས་ལ་བསྟེན་ཏེ། །བླ་མ་མཁའ་འགྲོའི་ཚོགས་ལ་གསོལ་བཏབ་ནས། །རྡོ་རྗེ་གསུམ་གྱི་གཞུང་དོན་ཅུང་ཟད་བཀྲོལ། །ནོངས་པ་བླ་མ་མཁའ་འགྲོ་ཡིས། །ཆོས་ཉིད་ངང་དུ་བཟོད་པར་མཛོད། །སེམས་ཅན་རྗེས་སུ་བཟུང་མཛད་ནས། །ཚུལ་བཞིན་སྒྲུབ་པའི་གང་ཟག་ལ། །མ་ཉིད་བུ་ལ་བརྩེ་བ་བཞིན། །སྐྱོངས་ནས་བར་ཆད་མེད་གྱུར་ཅིང༌། །རྟོགས་པ་གོང་དུ་རབ་རྒྱས་ཏེ། །དོན་གཉིས་འགྲུབ་པར་བྱིན་གྱིས་རློབས། །བདེ་བར་གཤེགས་པ་ཐམས་ཅད་ཀྱི་ཡུམ་རྡོ་རྗེ་རྣལ་འབྱོར་མས། ཨུ་རྒྱན་སྤྲུལ་པའི་ཞིང་དུ་གྲུབ་ཐོབ་ཆེན་པོ་ཨུ་རྒྱན་པས་གནང་བའི་རྡོ་རྗེ་གསུམ་གྱི་བསྙེན་སྒྲུབ་ཅེས་པའི་འགྲེལ་བཤད་བསྙེན་སྒྲུབ་གསལ་བར་བྱེད་པའི་མེ་ལོང་འདི་ཉིད། རྒྱལ་ཁམས་པ་ཟླ་བ་སེང་གེས་དཔལ་ནགས་རྒྱལ་གྱི་ཡང་དབེན་དུ་བྲིས་པའོ། །གདམས་པ་འདི་ཁོ་རང་གི་ལུགས་ཀྱི་སོར་སྡུད་ལོ་གཅིག་འདྲིས་མེད་དུ་བསྒོམ་མི་ནུས་པ་ལ་
― LT24_Page_287B ―
[མ་དཔེ་གཟིགས་ན་འདིར་གནོན།]
སྦྱིན་དུ་མེད་དོ། །ཚོགས་འཁོར་དང་གསེར་གྱི་མེ་ཏོག་ཐད་དཀར་མི་འབུལ་བ་ལ་སྦྱིན་དུ་མེད་དོ། །གདམས་པ་གཞན་འགུགས་པའི་ཕྱག་རྟེན་འདིས་བྱེད་པ་དང༌། དཔེ་ཆ་གཞན་འགུགས་པའི་ལྕགས་ཀྱུ་འདིས་བྱེད་པ་ལ་སོགས་པ། ཆོས་བརྒྱད་ཀྱིས་ཀུན་ནས་བསླངས་ནས། དམ་བཅའ་འདི་རྣམས་དང་འགལ་ཞིང༌། ཆོས་འདི་ལ་ཡང་ཟོང་བྱེད་པར་བྱུང་ན། དེའི་སྙིང་ཁྲག་ཆོས་བདག་མཁའ་འགྲོའི་ཚོགས་ཀྱིས་གཏོར་བར་རིགས་སོ། །གནད་ཀྱི་འགྲེལ་བཤད་རེ་ཞིག །སྤེན་ཟླ་བ་མ་ཏི་འགྲན་ཟླ་བྲལ་བས་བཞེངས་པའོ། །མངྒ་ལཾ།། །།
གདམས་ངག་མཛོད་པོད་བཅོ་ལྔ་པ།
རྡོ་རྗེ་གསུམ་གྱི་བསྙེན་སྒྲུབ་ལས་སྔོན་འགྲོའི་ཆོ་ག
― LT24_Page_288A ―
[མ་དཔེ་གཟིགས་ན་འདིར་གནོན།]
རྡོ་རྗེ་གསུམ་གྱི་བསྙེན་སྒྲུབ་ལས་སྔོན་འགྲོའི་ཆོ་ག་བཞུགས་སོ། །
― LT24_Page_288B ―
[མ་དཔེ་གཟིགས་ན་འདིར་གནོན།]
དཔལ་དུས་ཀྱི་འཁོར་ལོ་ལ་ཕྱག་འཚལ་ཞིང་སྐྱབས་སུ་མཆིའོ། །ཆོས་རྗེ་བླ་མ་རིན་པོ་ཆེས་བྱིན་གྱིས་བརླབ་ཏུ་གསོལ། མཆོག་དང་ཐུན་མོང་གི་དངོས་གྲུབ་ཐམས་ཅད་ཀྱི་འབྱུང་གནས། དུས་གསུམ་སངས་རྒྱས་ཐམས་ཅད་ཀྱི་བགྲོད་པ་གཅིག་པའི་ཉེ་ལམ། རྣལ་འབྱོར་གྱི་དབང་ཕྱུག་གྲུབ་ཆེན་རྣམས་ཀྱི་གཤེགས་ཤུལ། སྦྱངས་པ་དང་བརྩོན་འགྲུས་སུ་འཛོམ་པའི་གང་ཟག་རྣམས་ཀྱི་ཚེ་གཅིག་ལུས་གཅིག་ཏུ་སངས་རྒྱས་སྒྲུབ་པའི་ལམ་མཆོག་ཏུ་གྱུར་པ། རྣལ་འབྱོར་ཡན་ལག་དྲུག་གི་ཁྲིད་ཀྱི་སྔོན་དུ་འགྲོ་བ་འདི་ལྟ་སྟེ། དེ་ལ་ཐོག་མར་ཡིད་ཆེས་གསུམ་དང་ལྡན་པའི་གང་ཟག་ཅིག་དགོས་ཏེ། དང་པོར་རྒྱུད་ལ་ཡིད་ཆེས་པ། དེ་ནས་བླ་མ་ལ་ཡིད་ཆེས་པ། དེ་ནས་རང་ལ་ཡིད་ཆེས་པ་སྟེ། དེ་ལྟར་ཡིད་ཆེས་པ་གསུམ་དང་ལྡན་པའི་སློབ་མ་དེས་བཅོམ་ལྡན་འདས་དུས་ཀྱི་འཁོར་ལོའི་དབང་ལེགས་པར་ཞུས་ནས། ཁྲིད་ལ་འཇུག་པའི་སྔོན་དུ་འགྲོ་བ་ལ་གཉིས་ཏེ། ཐུན་མོང་གི་ཁྲིད་དང༌། དབེན་ས་བསྟན་པའོ། །
― LT24_Page_289A ―
[མ་དཔེ་གཟིགས་ན་འདིར་གནོན།]
དང་པོ་ལ་བཞི་སྟེ། །དང་པོ་རྒྱུད་སྣོད་དུ་རུང་བར་བྱེད་པ་ལ་སྐྱབས་འགྲོ་སེམས་བསྐྱེད་ཀྱི་ཁྲིད་ནི། རང་གི་མདུན་གྱི་ནམ་མཁའ་ལ་དཔག་བསམ་གྱི་ཤིང་ཆེན་པོ་རྩ་བ་གསེར་ལས་བྱས་པ། ལྷུན་པོ་བཻ་ཌཱུརྻ་ལས་གྲུབ་པ། ཡན་ལག་རིན་པོ་ཆེ་སྣ་ཚོགས་ལས་གྲུབ་པ། མེ་ཏོག་འཆི་མེད་ཀྱི་བདུད་རྩི་ལས་གྲུབ་པ་འབར་བ། འབྲས་བུ་ཟག་པ་མེད་པའི་བདུད་རྩི་ལྔ་འབྱུང་བའི་སྡོང་པོ་སྒོམ། སྡོང་པོ་དེའི་དབུས་མའི་སྟེང་དུ་རྩ་བ་དང་བརྒྱུད་པའི་བླ་མ་དཔག་ཏུ་མེད་པ་སྒོམ། མདུན་གྱི་སྡོང་པོའི་སྟེང་དུ་གསང་སྔགས་ཕྱི་ནང་གི་ཡི་དམ་དཔག་ཏུ་མེད་པ་སྒོམ། གཡས་ཕྱོགས་ཀྱི་སྡོང་པོའི་སྟེང་དུ་སངས་རྒྱས་ཀྱི་ཚོགས་དཔག་ཏུ་མེད་པ། རྒྱབ་ཀྱི་སྡོང་པོའི་སྟེང་དུ་སྡེ་སྣོད་གསུམ་གྱི་གསུང་རབ་དཔག་ཏུ་མེད་པ། གཡོན་གྱི་སྡོང་པོའི་སྟེང་དུ་འཕགས་པའི་དགེ་འདུན་དཔག་ཏུ་མེད་པར་བསྒོམ་ནས། བླ་མ་རྣམས་ལ་ལམ་སྒྲུབ་པའི་འདྲེན་པ། ཡི་དམ་རྣམས་ལ་རྒྱུད་བྱིན་གྱིས་བརླབས་པའི་དངོས་གྲུབ། སངས་རྒྱས་རྣམས་ལ་སྟོན་
― LT24_Page_289B ―
[མ་དཔེ་གཟིགས་ན་འདིར་གནོན།]
པ། ཆོས་རྣམས་ལ་ལམ། དགེ་འདུན་རྣམས་ལ་ལམ་སྒྲུབ་པའི་གྲོགས་ཞུས་ལ། ཞེ་ཐག་པ་ནས་དེ་རྣམས་ལ་བློ་ལེགས་པར་བཀལ་ཏེ། ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །ཕྱོགས་བཅུ་ན་བཞུགས་པའི་ཐེག་པ་ཆེན་པོའི་ཆོས་ལ་སྐྱབས་སུ་མཆིའོ། །ཕྱོགས་བཅུ་ན་བཞུགས་པའི་འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །བླ་མ་ཡི་དམ་མཁའ་འགྲོའི་ཚོགས་ལ་སྐྱབས་སུ་མཆིའོ། །ཞེས་ཁ་ཙམ་ཚིག་ཙམ་མ་ཡིན་པ། བློ་དང་འདྲེས་ངེས་པ་སྙིང་ཁུང་རུས་པའི་གཏིང་ནས་སྐྱབས་སུ་འགྲོ་བ་བྱ་ཞིང༌། དེ་ནས་རྩ་བ་དང་བརྒྱད་པའི་བླ་མ་རྣམས་དང༌། །ལྷ་ཇོ་བོ་དཀོན་མཆོག་གསུམ་གྱིས་བྱིན་གྱིས་བརླབ་ཏུ་གསོལ། མ་གནས་གསུམ་གྱི་མཁའ་འགྲོ་རྣམས་དང༌། དཔལ་མགོན་དམ་པ་ཆོས་སྐྱོང་བའི་སྲུང་མ་རྣམས་ཀྱིས་བྱིན་གྱིས་བརླབ་ཏུ་གསོལ། བདག་ཅག་ཆོས་སྒྲུབ་པ་རྣམས་ཀྱི་ལམ་གྱིས་བར་ཆད་ཞི་བར་བྱིན་གྱིས་བརླབ་ཏུ་གསོལ། །ཞེས་དངོས་གྲུབ་ཞུའོ། །གཉིས་པ་དམ་སེལ་ལ་སོགས་པའི་སྡིག་སྒྲིབ་སྦྱང་བ་ཡི་གེ་བརྒྱ་པའི་ཁྲིད་ནི། །སྐྱབས་འགྲོ་སེམས་བསྐྱེད་སྔོན་དུ་འགྲོ་བས། །སྐད་ཅིག་གི་སྟོང་པའི་ངང་ལས་རང་ཉིད་ཀྱི་སྤྱི་བོར་རྡོ་རྗེ་སེམས་དཔའ་སྐུ་མདོག་དཀར་པོ། ཞལ་གཅིག་ཕྱག་གཉིས་པ་གཡས་རྡོ་རྗེ་དང༌། གཡོན་དྲིལ་བུ་འཛིན་པས་ཡུམ་ལ་འཁྱུད་པ། ཡུམ་རྡོ་རྗེ་སྙེམ་མ་སྐུ་མདོག་དམར་མོ་གྲི་གུག་དང་ཐོད་ཁྲག་འཛིན་པས་ཡབ་ལ་འཁྱུད་པ། །གཉིས་ཀའང་རུས་པ་དང་རིན་པོ་ཆེའི་རྒྱན་གྱིས་བརྒྱན་པ། ཡབ་རྡོ་རྗེའི་སྐྱིལ་ཀྲུང་དང༌། ཡུམ་པདྨའི་འདུག་སྟངས་ཀྱིས་སྙོམས་པར་ཞུགས་པ། དེའི་ཐུགས་དཀར་ཟླ་བའི་དཀྱིལ་འཁོར་གྱི་སྟེང་དུ། རྡོ་རྗེའི་ལྟེ་བ་ཧཱུྃ་གིས་མཚན་པ་ལས། སྔགས་ཀྱིས་ཕྲེང་བས་བསྐོར་བ་ལ་དམིགས་ཏེ། སྔགས་ཀྱིས་བཟླས་པ་ཅི་རིགས་པར་བྱའོ། །དེ་ནས་ཐུག་ཀའི་ཧཱུྃ་ལས་འོད་ཟེར་
― LT24_Page_290A ―
[མ་དཔེ་གཟིགས་ན་འདིར་གནོན།]
འཕྲོས་པས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་རྡོ་རྗེ་སེམས་དཔའ་ཡབ་ཡུམ་གྱི་རྣམ་པར་སྤྱན་དྲངས་ཤིང་ཐུག་རྒྱུད་བསྐུལ་བས། སྦྱོར་མཚམས་ནས་ཡེ་ཤེས་ཀྱི་བདུད་རྩི་བབས་པ་བདག་གི་སྤྱི་བོ་ནས་ཞུགས་པས། ཆོ་འཁོར་བ་ཐོག་མཐའ་མེད་པ་ནས་ཀྱི་སྡིག་པ་དང༌། སྒྲིབ་པ་དམ་ཚིག་ཉམས་ཆགས་ལ་སོགས་པ་ཐམས་ཅད་ཁ་དོག་ནག་པོའི་ཚུལ་དུ་བཤང་ལྕི་དང༌། རྐང་པའི་སོར་མོ་དང༌། བ་སྤུའི་བུ་ག་ནས་ནག་འབུར་ཐོན་ཏེ། ལུས་ཐམས་ཅད་ཡེ་ཤེས་ཀྱི་བདུད་རྩིས་སྐྱ་མེར་གང༌། ཟག་པ་མེད་པའི་བདེ་བ་རྒྱས་ཏེ། རང་ཉིད་བཅོམ་ལྡན་འདས་རྡོ་རྗེ་སེམས་དཔའི་སྐུར་གྱུར་པར་བསམ། །གསུམ་པ་བྱིན་བརླབས་འཇུག་པར་བྱེད་པ་བླ་མའི་རྣལ་འབྱོར་གྱི་ཁྲིད་ལ། རང་ཡི་དམ་དུ་གསལ་བའི་སྤྱི་བོར་སེང་གེ་བརྒྱད་ཀྱིས་བཏེགས་པའི་རིན་པོ་ཆེའི་ཁྲིའི་སྟེང་དུ། སྣ་ཚོགས་པདྨ་དང་ཉི་ཟླའི་གདན་ལ། བླ་མ་དེ་ཉིད་དཔལ་དུས་ཀྱི་འཁོར་ལོ་རྡོ་རྗེ་འཆང་གི་རྣམ་པ་སྐུ་མདོག་སྔོན་པོ་ཕྱག་གཡས་རྡོ་རྗེ་དང༌། གཡོན་དྲིལ་བུ་འཛིན་པ། ཞབས་རྡོ་རྗེའི་སྐྱིལ་ཀྲུང་དུ་བཞུགས་པ། རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། དར་སྣ་ཚོགས་ཀྱི་སྟོད་གཡོགས་དང་སྨད་གཡོགས་འཛིན་པ། དེ་ཉིད་ལ་རྩ་བའི་བླ་མ་དང༌། བརྒྱུད་པའི་བླ་མ་རྣམས་དང༌། སངས་རྒྱས་བྱང་ཆུབ་སེམས་དཔའ་ཐམས་ཅད་འོད་ཟེར་གྱི་ཚུལ་དུ་བསྟིམ་ལ། དེ་ཉིད་དུས་གསུམ་སངས་རྒྱས་ཐམས་ཅད་ཀྱི་ངོ་བོ། །འཁོར་འདས་ཐམས་ཅད་ཀྱི་དངོས་གྲུབ་མ་ལུས་པའི་འབྱུང་གནས་སུ་བསྒོམས་ལ། ལུས་ངག་ཡིད་གསུམ་གཅིག་ཏུ་བསྒྲིལ་ནས། ཚད་མེད་པའི་མོས་གུས་བསྐྱེད་དེ། གསོལ་བ་འདེབས་པ་དེ་ཡང༌། ཁ་ཙམ་ཚིག་ཙམ་མ་ཡིན་
― LT24_Page_290B ―
[མ་དཔེ་གཟིགས་ན་འདིར་གནོན།]
པར་སྙིང་གི་དཀྱིལ་རུས་པའི་གཏིང་ནས། རྩོལ་མེད་དུ་དུང་དུང་པའི་གདུང་པ་རྔ་མོའི་རྡེའུ་གཏོར་བའམ། བུ་གཅིག་པོ་ཆུས་ཁྱེར་བའི་མ་ལྟ་བུ། འདི་ཕྱི་ཐམས་ཅད་དུ་རེས་དང་ལྟོས་ས་བླ་མ་ལས་མེད་པར་བལྟས་ལ། སྐྱིད་རུང་སྡུག་རུང༌། མཐོ་གཏོང་དམའ་གཏོང་བླ་མ་དཀོན་མཆོག་གསུམ་པོ་མཁྱེན་ནོ། །སྙམ་དུ་བསམས་ལ་གསོལ་བ་འདེབས་པར་བྱེད་པ་ཡིན། དེ་ཡང་ཕར་ལ་ཐིམ་ཕོད་པ་འདྲ་བ། ཚུར་ལ་འཕྲོག་ཕོད་པ་འདྲ་བ། བླ་མའི་སྐུ་གསུང་ཐུགས་ཀྱི་ཡོན་ཏན་ཐམས་ཅད་དུས་ད་ལྟ་ཉིད་དུ་བདག་ལ་ཞུགས་ན་ཅི་མ་རུང་སྙམ་པའི་སྒོ་ནས་གསོལ་བ་འདེབས་ཤིང་བསྟོད་པ་ཡང་བྱ། དེ་རྗེས་བླ་མ་འོད་དུ་ཞུ་ནས་རང་ལ་ཐིམ་པས། བླ་མའི་སྐུ་དང་རང་གི་ལུས་དབྱེར་མེད་དུ་གྱུར། བླ་མའི་གསུང་དང་རང་གི་ངག་དབྱེར་མེད་དུ་གྱུར། བླ་མའི་ཐུགས་དང་རང་གི་ཡིད་དབྱེར་མེད་དུ་གྱུར་པའི་ངང་ལ་དུས་གསུམ་གྱིས་སྤྲོས་པ་བཅད་ལ། མ་བཅོས་པར་རང་ལུགས་སུ་གློད་ལ་བཞག་བཞི་པ་བསོད་ནམས་ཀྱི་ཚོགས་རྫོགས་པར་བྱེད་པ་མཎྜལ་གྱི་ཁྲིད་ནི། གྲུབ་ན་རིན་པོ་ཆེ་ལས་བྱས་པའམ། གཞན་ཡང་གང་རུང་བའི་མཎྜལ། རང་ས་དང་ནོང་ས་དང་འཁོར་ས་ལེགས་པར་སྟན་པའི་མཎྜལ་དག་པར་ཕྱིས་ལ་མེ་ཏོག་གི་ཚོམ་བུ་དགོད་པ་སྟེ། དབུས་རི་བོ་མཆོག་རབ། །ཤར་ལུས་འཕགས་པོ། གླིང་གཡོག་གཉིས་དང་བཅས་པ། དེ་བཞིན་དུ་ལྷོ་འཛམ་བུ་གླིང༌། ནུབ་བ་ལང་སྤྱོད། བྱང་སྒྲ་མི་སྙན་གླིང་གཡོག་དང་བཅས་པ། དེའི་ནང་གི་ཤར་དུ་གླང་པོ་རིན་པོ་ཆེ། ལྷོ་རུ་བློན་པོ་རིན་པོ་ཆེ། ནུབ་ཏུ་རྟ་མཆོག་རིན་པོ་ཆེ། བྱང་དུ་བཙུན་མོ་རིན་པོ་ཆེ། ཤར་ལྷོར་འཁོར་ལོ། ལྷོ་ནུབ་ཏུ་ནོར་བུ། ནུབ་བྱང་དུ་དམག་དཔོན། བྱང་ཤར་དུ་གཏེར་གྱི་བུམ་པ། དེའི་ནང་གི་ཤར་དུ་ཉི་མ།
― LT24_Page_291A ―
[མ་དཔེ་གཟིགས་ན་འདིར་གནོན།]
ནུབ་ཏུ་ཟླ་བ། དེ་རྣམས་ཀྱི་ཚོམ་བུ་བཀོད་ལ། དབུལ་བའི་ཚིག་དོན་ནི། དབུས་ཀྱི་རི་བོ་མཆོག་རབ་ལ། གླིང་བཞི་གླིང་ཕྲན་བརྒྱད་དང་བཅས་པས་ཡོངས་སུ་བསྐོར་བ། ཉི་ཟླ་ཟུང་ཅིག་བསྐོར་བྱེད་པ། ཕྱི་ལྕགས་རི་ཁྱུད་མོས་ཡོངས་སུ་བསྐོར་བ། རྒྱ་འཇིག་རྟེན་གྱི་ཁམས་ཆེན་པོ་དང་མཉམ་པ། དེ་ཐམས་ཅད་སངས་རྒྱས་དང་བྱང་ཆུབ་སེམས་དཔས་གང་བ། ལྷའི་དབང་པོ་དང་ཉེ་བའི་དབང་པོ་ལ་སོགས་པའི་ལྷ་དང་ལྷ་མོའི་ཚོགས་དཔག་ཏུ་མེད་པས་གང་བ། མིའི་རྒྱལ་པོ་དང༌། རྒྱལ་ཕྲན་དང༌། སྐྱེས་པ་དང༌། བུད་མེད་དང༌། ཁྱེའུ་དང༌། བུ་མོ་ལ་སོགས་པ་དཔག་ཏུ་མེད་པ་དང༌། ལ་ལ་ནི་གླུ་ལེན་པ། ལ་ལ་ནི་གར་བསྒྱུར་བ། ལ་ལ་ནི་མཛེས་པའི་རྩེད་མོ་སྣ་ཚོགས་བྱེད་པ། ལ་ལ་ནི་སྙེན་པའི་རོལ་མོ་དཔག་ཏུ་མེད་པ་སྒྲོག །གཞན་ཡང་ལྷ་དང་མིའི་རིན་པོ་ཆེའི་ཚོགས་དཔག་ཏུ་མེད་པས་གང་བ། ལྷ་དང་མིའི་ན་བཟང་ཚོགས་དཔག་ཏུ་མེད་པས་གང་བ། ལྷ་དང་མིའི་ཞལ་ཟས་ཀྱི་ཚོགས་དཔག་ཏུ་མེད་པས་གང་བ། གཞན་ཡང་ཞིང་ཁམས་དག་པའི་ལོངས་སྤྱོད། དཔག་བསམ་གྱི་ཤིང༌། འདོད་འཇོའི་བ། ཡིད་བཞིན་གྱི་ནོར་བུ་རིན་པོ་ཆེ། མ་རྨོས་པའི་ལོ་ཐོག །རྒྱལ་སྲིད་རིན་པོ་ཆེ་སྣ་བདུན་ལ་སོགས་པ་ལྷ་དང་མིའི་འདོད་ཡོན་བསམ་གྱིས་མི་ཁྱབ་པས་གང་བ། ཀུན་ཏུ་བཟང་པོའི་མཆོད་སྤྲིན་ཆེན་པོ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ། བླ་མ་དང་དུས་གསུམ་གྱི་བདེ་བར་གཤེགས་པ་རྒྱལ་བ་སྲས་དང་བཅས་པ་རྣམས་ལ་འབུལ་ལོ། །ཞེས་པ་དང༌། གང་ལ་གང་འདོད་ཀྱི་དངོས་གྲུབ་ཞུའོ། །ལྔ་པ་དབེན་གསུམ་བསྟེན་པའི་ཁྲིད་ནི། ལུས་དབེན་པར་བསྟེན། ངག་དབེན་པར་བསྟེན།
― LT24_Page_291B ―
[མ་དཔེ་གཟིགས་ན་འདིར་གནོན།]
ཡིད་དབེན་པར་བསྟེན་པའོ། །དེ་ལ་ཐོག་མར་ལུས་དབེན་པར་བསྟེན་པ་འདི་ལྟ་སྟེ། རང་རེ་རྣམས་ཀྱིས་འཁོར་བ་ཐོག་མ་མེད་པ་ནས་ད་ལྟའི་བར་ལ་ལུས་བསམ་གྱིས་མི་ཁྱབ་པ་ཅིག་བླངས་ཤིང༌། བྱ་བྱེད་ཐུག་པ་མེད་པ་ཅིག་བྱས་ཀྱང༌། བྱས་པ་ཐམས་ཅད་དོན་མེད་འཁོར་བ་དང༌། འདུ་བྱེད་ཀྱི་རྒྱུ་འབའ་ཞིག་ཏུ་སོང་བ་ལས་དོན་དམ་དུ་རྒྱུ་མཚན་ཅི་ཡང་མ་བྱུང་པས། དུས་དེ་རིང་ཕན་ཆད་ལུས་དབེན་པ་བསྟན་ནས། ལུས་སྦྱོང་བ་སྟེ། དེ་ཡང་ཕྱིའི་ལུས་ཀྱིས་མི་དགེ་བའི་ལས་ཉེས་སྲོག་གཅོད་པ། མ་བྱིན་པར་ལེན་པ། མི་ཚངས་པར་སྤྱོད་པས་ཐོག་དྲངས་པའི་མི་དགེ་བ་ཐམས་ཅད་ཀྱིས་དབེན་པ་ཅིག་དགོས། དེར་མ་ཟད་དེ། ལུང་མ་བསྟན་གྱི་བྱ་བྱེད། ཚོང་ཁེ་སྤོགས་སོ་ནམ་རྨོས་རློག །རྒྱུ་འཕྲུལ། འཆོངས་རྒྱུག་ལ་སོགས་པས་ཀྱང་དབེན་པ་ཅིག་དགོས། དེ་བས་མི་མཐོ་སྟེ། ནང་གི་དགེ་བའི་ལས། ཕྱག་བསྐོར་བ། ལུས་དལ་དུབ་ཀྱེ་རྒྱུ་ཐམས་ཅད་ཀྱིས་དབེན་པ་ཅིག་དགོས། འགྲོ་འཆག་ཉལ་འདུག་དང༌། བྱ་བྱེད་ཕྲན་ཚེགས་ཐམས་ཅད་དལ་སོས་བྱེད་ཅིང༌། རྐང་པ་རྡོ་རྗེ་སྐྱིལ་ཀྲུང་ངམ། སྐྱིལ་ཀྲུང་བཅས་ལག་པ་རྡོ་རྗེ་ཁུ་ཚུར་བརླ་སྟེང་དང༌། དབྱི་མགོའི་ཐད་དུ་སྟན་ལ་གཟུག །སྒལ་ཚིགས་དྲང་པོར་བསྲང༌། མགྲིན་པ་ཅུང་ཟད་དགུག་པར་བྱ། མིག་མི་འཛུམ་པར་སྨིན་མཚམས་ཀྱི་ཐད་དུ་ཧྲིག་གེ་བཞག་ལ་མིག་འབྲས་མི་འགུལ་བར་བྱེད་པའོ། །གཉིས་པ་ངག་དབེན་པར་བྱེད་པ་ནི། འོ་སྐོལ་རྣམས་ཀྱིས་ཚེ་ཐོག་མ་མེད་པ་ནས་ད་ལྟའི་བར་དུ་དག་གི་སྨྲ་བརྗོད་བསམ་གྱིས་མི་ཁྱབ་པ་བརྗོད་ཅིང༌། རང་འཕམ་གྱིས་དོགས་པ་ལ་
― LT24_Page_292A ―
[མ་དཔེ་གཟིགས་ན་འདིར་གནོན།]
སོགས་པ་བརྗོད་བཤགས་དུ་མ་ཅིག་བཏང་ཡང༌། དེ་ཐམས་ཅད་དོན་མེད་འཁོར་བ་དང༌། འདུ་བྱེད་ཀྱི་རྒྱུ་འབའ་ཞིག་ཏུ་སོང་བ་ལས། དོན་རང་དུ་རྒྱུ་མཚན་ཅི་ཡང་མ་བྱུང་བས། དེ་རིང་ཕན་ཆད་ངག་དབེན་པར་གནས་པས་རླུང་སྦྱངས་པ་སྟེ། ཕྱིའི་ངག་མི་དགེ་བའི་ལས་བཞི་སྟེ། བརྫུན་དུ་སྨྲ་བ་དང༌། ཕྲ་མ་དང༌། ཚིག་རྩུབ་དང༌། ངག་འཁྱལ་དང་བཞིས་ཐོག་དྲངས་པའི་ངག་མི་དགེ་བ་ཐམས་ཅད་ཀྱིས་དབེན་པ་ཅིག་དགོས་པས། དེར་མ་ཟད་ཏེ། ལུང་མ་བསྟན་གྱི་ངག །ཀུ་རེ་བཞད་བགད་དང༌། ལོང་གཏམ་མཆུ་བསྒྱུར་ལ་སོགས་པའི་སྨྲ་བརྗོད་ཐམས་ཅད་ཀྱིས་དབེན་པ་ཅིག་དགོས། དེ་བས་མི་འོངས་ཏེ། ནང་མི་དགེ་བའི་ངག་འདོན་དང༌། ཚངས་སྤྱོད་ལ་སོགས་པ་དག་ངལ་དུབ་ཏུ་གྱུར་བ་ཐམས་ཅད་ཀྱིས་དབེན་པ་ཅིག་དགོས་པས། མཉམ་པར་འཇོག་པའི་དུས་སུ་རླུང་རོ་དལ་བུས་གསུམ་གསུམ་ཙམ་ཕྱུང་ནས། རླུང་གཡོན་གཡས་སུ་འཕོ་བའི་དུས་སུ་བསྒོམ་པའོ། །གསུམ་པ་སེམས་དབེན་པར་གནས་པ་ནི། རང་རེ་རྣམས་ཀྱིས་འཁོར་བ་ཐོག་མ་མེད་པ་ནས་ད་ལྟའི་བར་ལ། རྣམ་པར་རྟོག་པ་འདི་འགྱུས་ལ་འདི་མ་འགྱུས་སམ། འདི་དྲན་ལ་འདི་མ་དྲན་ནམ། འདི་བསམ་ལ་འདི་མ་བསམ་མེད་པ་ཅིག་བསམ་སྟེ། བསམས་པ་ཐམས་ཅད་དོན་མེད་འཁོར་བ་དང་སྡུག་བསྔལ་གྱི་རྒྱུ་འབའ་ཞིག་ཏུ་སོང་བ་ལས། དོན་དུ་རྒྱུ་མཚན་ཅི་ཡང་མ་བྱུང་བས། དུས་དེ་རིང་ཕན་ཆད་ཡིད་དབེན་པར་གནས་པས་སེམས་སྦྱོང་པ་སྟེ། དེ་ཡང་ཕྱིའི་སེམས་མི་དགེ་བའི་སྤྲོ་བསྡུ། བརྣབས་སེམས། གནོད་སེམས། ལོག་པར་ལྟ་བ་དང་གསུམ་གྱིས་ཐོག་དྲངས་པའི་ཡིད་མི་དགེ་བ་ཐམས་ཅད་ཀྱིས་དབེན་པ་ཅིག་དགོས། དེར་མ་ཟད་དེ། སེམས་ལུང་མ་བསྟན་
― LT24_Page_292B ―
[མ་དཔེ་གཟིགས་ན་འདིར་གནོན།]
གྱི་འཆར་སྒོ། །འདས་པའི་རྗེས་དཔྱོད། མ་འོངས་པའི་སྔོན་བསུ། ད་ལྟར་གྱི་བཟོ་བཅོས་དང་རྩིས་གདབ་རྣམས་ཀྱིས་དབེན་པ་ཅིག་དགོས། དེ་བས་མི་འོངས་ཏེ་ནང་གི་དགེ་བའི་བསམ་སྦྱོར། ལྟ་སྒོམ་སྤྱོད་གསུམ་གྱི་རྣམ་དབྱེ་དང༌། སྒྲུབ་པར་བྱེད་པའི་ཐུན་སྦྱོར་ལ་སོགས་པའི་སྤྲོ་བསྡུ་རྣམས་ཀྱིས་དབེན་པ་ཅིག་དགོས་པས། ཡིད་ལ་བཟོ་བཅོས་ཅི་ཡང་མི་བྱེད་པར་འཛིན་མེད་དུ་ཧད་དེ་འཇོག །ཡིད་ལ་ཅི་ཡང་མི་བསམ་ཞིང༌། མ་ཡེངས་པར་ཧྲིག་གེ་འཇོག །ཡིད་ལ་རེ་དོག་དང་འཁུ་འཕྲིག་མེད་པར་ས་ལེ་འཇོག་པ་ཡིན། འདི་ཡི་དུས་སུ་སྒོམ་འོང་མི་འོང་དང༌། རྟགས་ཐོན་མི་ཐོན་ལ་སོགས་པའི་འཆར་སྒོ་ཐམས་ཅད་བསམ་གཏན་སྒོམ་པའི་སྐྱོན་ཡིན་པས། དེ་རྣམས་ཀྱི་རྗེས་སུ་མི་བཟང་བར། རང་ཐོག་ཏུ་རྒྱང་སྐྱུར། རྐྱེན་འཕྲོ་གཅོད་པ་ཡིན་ཏེ། དེ་སྐད་དུ་ཡང་འགྲེལ་ཆེན་ལས། ལུས་ཀྱི་ལོངས་སྤྱོད་ལ་ལྟོས་པ་མེད་པ། ངག་གི་ལོངས་སྤྱོད་ལ་ལྟོས་པ་མེད་པ། ཡིད་ཀྱི་ལོངས་སྤྱོད་ལ་ལྟོས་པ་མེད་པ། འཛག་བདེའི་ལོངས་སྤྱོད་ལ་ལྟོས་པ་མེད་པ། ལུས་ངག་ཡིད་གསུམ་དང༌། ཚངས་པར་སྤྱོད་པའི་གཏན་ཚིག་རྣམས་རྣལ་དུ་ཕེབས་སོ། །ཞེས་བྱའོ། །ཞེས་བཤད་པ་ཡིན་གསུངས། དེ་ལྟར་སྔོན་འགྲོ་ཞག་གྲངས་ཅི་རིགས་ཤིག་བྱེད་པར་གནང༌། དེ་ལྟར་ཉམས་སུ་བླངས་པའི་དུས་སུ། ལུས་ངག་ཡིད་གསུམ་གྱི་སྟེང་དུ་ཉམས་འཆར་བ་སྟེ། དེ་ཡང་ལས་དང་པོ་པ་ལ། ཐོག་མར་ལུས་ངག་ཡིད་གསུམ་ངལ་དུབ་པས་སྒྱིད་ལུག་པ་དང༌། ཐང་ཆད་ཅིང་ལུས་ཚིགས་ཐམས་ཅད་ན་བ་དང༌། རོ་སྟོད་ཐམས་ཅད་ན་ཞིང་གང་བ་དང༌། ལུས་འཇིག་སྙམ་བྱེད་བྱེད་ཅིང་སོ་མི་ཐུབ་པ་དང༌། རག་ལ་ཡང་གཡལ་མང་གཉིད་འབྱུང་ཞིང་རྣམ་པ་དང་འདར་བ་དང༌། དབུགས་འགྲོ་འོང་མི་བདེ་ཞིང༌།
― LT24_Page_293A ―
[མ་དཔེ་གཟིགས་ན་འདིར་གནོན།]
ཤུགས་རིངས་འདོན་པ་འབྱུང༌། སེམས་ཀྱི་སྟེང་དུ་ཡང་རྣམ་རྟོག་མང་དྲག་པས་སོ་མི་གསོད་པ་དང༌། རྣམ་རྟོག་དེ་རྣམས་ཁ་སྤོང་མ་གཏུབ་པས་ཉམ་ཐག་པ་དང༌། རེས་འགའ་རྣམ་རྟོག་ཡུལ་ལ་མི་འཇུག་ཅིང༌། འགྱུ་བ་ཆད་ནས་རིག་པ་སྔར་བས་དལ་ཞིང་གླེན་དུ་སོང་བ་ལྟ་བུ་དང༌། བརྗེད་ངས་ཆེ་བ་དང༌། ཅི་བྱེད་མི་དྲན་པར་རྟོག་མེད་དུ་ཁ་ཐོམ་མེ་བལྟས་པ་འོང༌། དེའི་དུས་སུ་མུན་པ་ཅུང་ཟད་དག་པ་དང༌། རྟགས་འགའ་རེ་མཐོང་བ་བྱུང་ན། དབེན་ས་གསུམ་བརྟེན་པ་དང༌། སྦྱངས་ས་གསུམ་གྱི་དོན་འགྲུབ་པ་ཡིན་གསུང༌། དེའི་དུས་སུ་ཁྲིད་གཉེར་བས་བར་མཚམས་མ་ཤོར་བསྐོར་ཞིང༌། ཁམས་མ་ལོག་གམ། ཟས་ཞིམ་མམ། གཉིད་ཁུགས་སམ། སེམས་ཇི་ལྟར་བྱེད་ཀྱིན་འདུག །ཅེས་པ་ཡང་ཡང་བསྐོར་ཞིང༌། ཁ་ཟས་དང་སྐུ་མཉེ་ལ་སོགས་པས་ཁམས་ལེགས་པར་གསོ་དགོས། དེ་ཡང་སྟན་བདེ་བ་དང༌། གོས་དྲོ་བ་དང༌། ཤ་དང་རུས་པ་རྙིང་པའི་ཚོད་མ་དང༌། ཤ་གསར་དང་ཆང་གསར་འཇམ་པ་ལ་སོགས་པ་འཕྲོད་པའི་ཟས་མང་དག་གིས་ཚིམ་ཞིང་ཚོད་ཟིན་པ་བསྟེན། སྐུད་མཉེ་ཉིན་རེ་བཞིན་རང་རེའམ་གཞན་གྱིས་བྱ། ཐིག་ལེ་ལ་གདོད་པའི་ཟས་དང་སྤྱོད་ལམ་ཐམས་ཅད་སྤང༌། ཉམས་མྱོང་ལ་སློབ་མའི་སྐྱེ་ཚུལ་དང༌། ཁམས་དང་དབང་པོ་དང་སྦྱངས་སྟོབས་དང་བསྟུན་ཞིང༌། བླ་མའི་ཉམས་མྱོང་གིས་ཚོད་ཟིན་པར་བྱས་ནས། བར་མཚམས་མ་ཤོར་བར་འཁྲིད་དགོས་པ་ཡིན་གསུངས། སྦྱོར་དྲུག་འབྲོ་ལུགས་དང༌། རྩ་མིའི་ལུགས་ཀྱི་སྔོན་དུ་འགྲོ་བའི་ཐིག་ལེ། རྗེ་རིན་པོ་ཆེའི་ཕྱག་བཞེས་ཀྱི་རིམ་པ་བཞིན། རྒྱལ་ཁམས་པ་ཟླ་བ་སེང་གེས་ཡི་གེར་བྲིས་པའོ།། །།
གདམས་ངག་མཛོད་པོད་བཅོ་ལྔ་པ།
རྡོ་རྗེ་གསུམ་གྱི་བསྙེན་སྒྲུབ་སྒྲུབ་ཆེན་གདན་རྫོགས་སུ་བསྒོམ་པའི་བྱང་སེམས་འགྱུར་མེད་ཀྱི་མན་ངག་གྲུབ་པའི་སྙིང་ཏིག
― LT24_Page_294A ―
[མ་དཔེ་གཟིགས་ན་འདིར་གནོན།]
རྡོ་རྗེ་གསུམ་གྱི་བསྙེན་སྒྲུབ་སྒྲུབ་ཆེན་གདན་རྫོགས་སུ་བསྒོམ་པའི་བྱང་སེམས་འགྱུར་མེད་ཀྱི་མན་ངག་གྲུབ་པའི་སྙིང་ཏིག་བཞུགས་སོ། །
― LT24_Page_294B ―
[མ་དཔེ་གཟིགས་ན་འདིར་གནོན།]
འོག་མིན་གནས་དེར་རྡོ་རྗེ་འཛིན་པའི་རྒྱལ། །འདུས་ནས་གསང་བའི་བགྲོ་བ་ཅི་མཛད་དེ། །ཨོ་ཌི་ཡཱ་ཎའི་བུ་མོ་ལ་ཟག་པ། །ཇི་ལྟ་དེ་ལྟར་སྟོན་པའི་བླ་མར་འདུད། །སྡིག་པ་སྦྱོང་ཞིང་ཚོགས་བསྒྲུབ་པ་ལ་གོམས་པས། །ཅི་བཤད་ཡིན་ལུགས་གཉུག་མའི་དོན་དེར་འཁྲིལ། །དང་པོ་པ་ལ་སྙིང་པོར་བསྒྲིལ་བ་ཡང༌། །ཚིག་གི་སྤུན་བའི་གསེབ་ཏུ་འཐོར་ནས་འཚོལ། །ཨེ་མ་དེ་ཕྱིར་སྟོན་ལ་ཅི། །རང་གི་བསོད་ནམས་དབང་ཁོ་ན། །འོན་ཀྱང་ཐབས་མཁས་ཐུབ་པ་བཞིན། །དྲང་པོར་བསྙད་ནས་ངེས་ལ་སྦྱར། །ཨོ་ཌི་ཡཱ་ཎ་ལས་བྱུང་བའི་མན་ངག །བྱང་སེམས་འགྱུར་བ་མེད་པར་སྒྲུབ་པའི་ཐབས། །ཕྱག་རྒྱ་གསུམ་དང་སྦྱོར་བའི་བདེ་ལམ་འདི་ལ། བཤད་པས་གཏན་ལ་ཕབ། བསྒོམ་པས་ཉམས་སུ་བསྟར་བ་གཉིས་ལས། དང་པོ་ནི། རྗེ་གྲུབ་ཐོབ་ཆེན་པོས་ཨོ་རྒྱན་དུ་བྱོན་པའི་ཚེ། ཡུལ་དེའི་དབུས་དྷཱུ་མ་ཐ་ལ་ཞེས་པའི་གྲོང་ཁྱེར་ཆེན་པོར་
― LT24_Page_295A ―
[མ་དཔེ་གཟིགས་ན་འདིར་གནོན།]
རང་བྱུང་གི་གཡུང་དྲུང་རིས་དམར་པོས་མཛོད་སྤུ་མཛེས་པའི་བུད་མེད་ཅིག་གིས། ཁྱོད་འདོད་པའི་དངོས་གྲུབ་ཀ་བོ་ཀར་འབྱུང་ཞེས་ལུང་བསྟན་པ་བཞིན་དེར་བྱོན་པས་སྤྲུལ་པའི་རྣལ་འབྱོར་མ་སྨད་འཚོང་མའི་ཚུལ་བཟུང་བ་ས་མུནྡྲ་སུ་ཁ་ཟེར་བ་དེས་རྗེས་སུ་གཟུང་བས་བཅོམ་ལྡན་འདས་མ་ཉིད་དང་མངོན་སུམ་དུ་མཇལ་རྡོ་རྗེ་གསུམ་གྱི་བསྙེན་སྒྲུབ་གསན་ཞིང་བྱིན་གྱིས་བརླབས་པས་མཆོག་དང་ཐུན་མོང་གི་དངོས་གྲུབ་ཐོབ། སླད་ནས་བུ་མོ་དེས་ལམ་འདི་སྩལ་བ་ཡིན་ལ། བསྙེན་སྒྲུབ་ཀྱི་མན་ངག་འདི་ལ། གཙོ་བོ་ལུས་ལྟ་བུའི་གཞུང་གཉིས། འཕྲོས་པ་ཡན་ལག་ལྟ་བུའི་གཞུང་ལྔ་ཡོད་པའི་འདི་གཙོ་བོ་ལུས་ལྟ་བུའི་གཞུང་གཅིག་ཡིན་ནོ། །དེ་ལ་དང་པོར་བསྒྲུབ་པ་ཆེན་པོའི་ནད་སེལ་སྨན་གྱི་མཆོག །ཅེས་གསུངས་ཏེ། བསྒྲུབ་པ་ཆེན་པོ་ཞེས་བྱ་བ་ནི་ཡིད་བྱང་ཆུབ་ཀྱི་སེམས་ནང་དུ་ཆུད་པས་འདོད་པའི་དངོས་གྲུབ་ཕྱག་རྒྱ་ཆེན་པོ་བསྒོམ་པར་བྱའོ། །དེ་ལྟར་བདེ་མཆོག་ཉུང་ངུ་ལས། །ཡིད་
― LT24_Page_295B ―
[མ་དཔེ་གཟིགས་ན་འདིར་གནོན།]
ནི་ནང་དུ་ཆུད་པ་ཡིས། །འདོད་པའི་དངོས་གྲུབ་བསྒོམ་པར་བྱ། །ཞེས་གསུངས་པས་སོ། །འདིར་རྡོ་རྗེ་ནོར་བུའི་ནང་དུ་གནས་པའི་བྱང་ཆུབ་ཀྱི་སེམས་འཛག་པ་མེད་པ་ལ་ཡིད་ནང་དུ་ཆུད་པ་ཞེས་བྱའོ། །བྱང་སེམས་དེ་ལས་སམ་ཡེ་ཤེས་ཀྱི་ཕྱག་རྒྱ་དང་འགྲོགས་པའི་དུས་ཁམས་གསུམ་པའི་མཚན་ཉིད་སངས་རྒྱས་ཀྱི་གཟུགས་སུ་བསྒོམས་པས་དེ་ལྟར་ཤར་ལ། ཤར་བ་དེ་ཉིད་ཤེས་རབ་ཀྱི་ཕ་རོལ་ཏུ་ཕྱིན་མ་རྣམ་པ་ཐམས་ཅད་པའི་མཆོག་དང་ལྡན་པའོ། །དེས་བྱང་སེམས་མི་འཕོ་བར་འཛིན་པས་དང༌། ཆེན་མོ་གཉིས་དང་ལྡན་པའི་ཕྱིར་ཕྱག་རྒྱ་ཆེན་མོ་ཞེས་བྱའོ། །དེ་ཉིད་ཤེས་རབ་ཀྱི་རྒྱུད་ལས་འདོད་པའི་དངོས་གྲུབ་ཅེས་བཤད་པར་ཕྱག་རྡོར་གྱི་སྟོད་འགྲེལ་དུ་གསུངས་ལ། འདོད་པ་ནི་དམིགས་པ་མེད་པའི་སྙིང་རྗེ་ཆེན་པོའོ། །དངོས་གྲུབ་ནི་དམིགས་པ་དང་བཅས་པའི་ཆེན་པོ་སྟོང་པ་ཉིད་དེ་རྣལ་འབྱོར་པ་རྣམས་ཀྱི་རང་གིས་རིག་པའི་ཕྱིར་རོ། །འདི་ཉིད་བསྒོམ་པ་ནི་འཁོར་བའི་གནས་སྐབས་ཀྱི་ནང་ཐམས་ཅད་འཇོམས་པའི་ཕྱིར་སྨན་ལྟ་བུའོ། །ཕྱག་རྡོར་གྱིས། འདི་ཉིད་བསྒོམ་པ་ཡང་རྣམ་པ་གཉིས་ཏེ། སྔོན་དུ་གཟུགས་བརྙན་བསྒོམ་པ་དང༌། །ཕྱི་ནས་གཟུགས་བརྙན་བསྒོམ་པའོ། །ཞེས་གསུངས་པས། སོར་བསམ་དང་སྲོག་འཛིན་དང་རྗེས་ཏིང་མཐར་ཆགས་སུ་བསྒོམ་པ་ནི་དང་པོ་ཡིན་ལ། ཕྱི་མ་འདི་ལས་བཤད་པའི་བསྒོམ་པ་སྟེ། དེ་ཡང༌། ཇི་སྲིད་བྱང་ཆུབ་སེམས་འདོར་བ། །དེ་སྲིད་རྣལ་འབྱོར་པས་མི་བྱ། །རྒྱུན་མི་ཆད་པར་སྐྱེ་གནས་ལ། །མཆོག་ཏུ་དགའ་བ་ཐོབ་པར་འགྱུར། །བདེ་བའི་རང་བཞིན་དེ་ཉིད་ཀྱིས། །ཇི་སྲིད་ཁུ་བ་བརྟན་
― LT24_Page_296A ―
[མ་དཔེ་གཟིགས་ན་འདིར་གནོན།]
པའི་བར། །རྫོགས་པའི་སངས་རྒྱས་གཟུགས་བརྙན་གྱི། །བདག་ཉིད་རྟག་ཏུ་བསྒོམ་པར་བྱ། །ཞེས་ལས་རྒྱ་དང༌། དེ་ནས་ཡེ་ཤེས་ཀྱི་ཕྱག་རྒྱ་དང༌། དེ་ནས་ཕྱག་རྒྱ་ཆེན་མོ་ལ་སྦྱོར་བ་སྟེ། ལས་ཀྱི་ཕྱག་རྒྱའི་དངོས་གྲུབ་ནི་འདོད་པ་ན་སྤྱོད་པའི་འབྲས་བུའི། ཡེ་ཤེས་ཀྱི་ཕྱག་རྒྱའི་དངོས་གྲུབ་ནི་གཟུགས་ན་སྤྱོད་པའི་འབྲས་བུ། ཕྱག་རྒྱ་ཆེན་མོའི་དངོས་གྲུབ་ནི་ཐམས་ཅད་མཁྱེན་པའི་འབྲས་བུའོ། །ལས་ཀྱི་ཕྱག་རྒྱའི་བདེ་བ་ནི་འཛག་བདེ། ཡེ་རྒྱའི་བདེ་བ་ནི་གཡོ་བའི་བདེ་བ། ཕྱག་རྒྱ་ཆེན་མོའི་བདེ་བ་ནི་མཆོག་ཏུ་མི་འགྱུར་བའི་བདེ་བའོ། །དང་པོའི་སངས་རྒྱས་ལས། འདོད་པ་ན་སྤྱོད་དངོས་གྲུབ་ནི། །ལས་ཀྱི་ཕྱག་རྒྱས་བསྒྲུབ་པར་བྱ། །ཡེ་ཤེས་ཕྱག་རྒྱས་གཟུགས་ཁམས་ཀྱི། །འོག་མིན་གནས་གྱི་མཐར་ཐུག་པར། །ཡན་ལག་ཕྱག་རྒྱ་ཆེ་བསྒོམས་པས། །རྣལ་འབྱོར་ཆེན་པོ་ཀུན་མཁྱེན་ཉིད། །འགྱུར་མེད་བདེ་བའི་རང་བཞིན་ཉིད། །སྐྱེ་བ་འདིར་ནི་སངས་རྒྱས་ཉིད། །ཅེས་དང༌། ལས་ཀྱི་ཕྱག་རྒྱའི་སྙོམས་འཇུག་དང༌། །ཡེ་ཤེས་ཕྱག་རྒྱའི་དམིགས་པ་དང༌། །ཕྱག་རྒྱ་ཆེན་མོ་གཅིག་སྦྱོར་བས། །མི་འགྱུར་བ་དེ་འཕེལ་བར་འགྱུར། །ཞེས་དང༌། བསྡུས་རྒྱུད་ལས། ཤེས་རབ་ཐབས་ཀྱི་བདག་ཉིད་ཀྱིས་ནི་འགྱུར་མེད་བདེ་བའི་དབང་གིས་ཡེ་ཤེས་གཟུགས་ལ་ཏིང་ངེ་འཛིན། འདི་རྣམས་དམན་པ་ལ་སོགས་དབྱེ་བ་རྣམས་ཀྱི་གཙོ་བོའི་སྒྲུབ་ཐབས་རྣམ་པ་གསུམ་དུ་འགྱུར། ཕྱག་རྒྱ་གསུམ་དང་གནས་སྐབས་གསུམ་ནི་རྣམ་གསུམ་བགྲོད་པའི་དབང་གིས་ལས་དང་ཀུན་རྟོག་མཆོག །ཅེས་གསུངས་སོ། །ད་ནི་དེ་བསྒྲུབ་པའི་ཕྱག་རྒྱ་ཆེན་མོ་
― LT24_Page_296B ―
[མ་དཔེ་གཟིགས་ན་འདིར་གནོན།]
ལ་ཡང་དག་པར་སྦྱོར་བའི་ཚུལ་གསུངས་པ། ཆར་ཀུན་རི་བོའི་རྩེ་ནས་འབེབས། ཆར་ནི་བྱང་ཆུབ་སེམས་འཐུར་དུ་འཛག་པའོ། །གང་ནས་འཛག་པ་ཞེན་སྒལ་ཚིགས་ལྷུན་པོའི་སྟེང་གཙུག་ཏོར་ནམ་མཁའི་ཁམས་ལས་སོ། །གང་དུ་འབབ་ན་གསང་བ་ཡེ་ཤེས་ཀྱི་ཁམས་དེར་རོ། །རྣལ་འབྱོར་བྱོན་ཚེ་དེར་སླེབ་པའི་དུས་ཡིད་ནང་དུ་ཆུད་པས་འདོད་པའི་དངོས་གྲུབ་བསྒོམ་པར་བྱའོ། །རྩ་གསུམ་འདེགས་ཞེས་པ་ནི་ཁམས་འགྱུར་མེད་ཀྱི་ཐིག་ལེར་གྱུར་པས་ལས་རླུང་ཡེ་ཤེས་ཀྱི་རླུང་དུ་ཐིམ་རྒྱུ་དེས་གནས་པ་རྩའི་མདུད་པ་ཐམས་ཅད་གྲོལ་བས་སོ། །དབང་ཕྱུག་ཚངས་པའི་རྩེ་ནས་གནོན། དབང་ཕྱུག་ནི་རྟགས་ཏེ། དེའི་ཁ་སྒོ་ནས་གྱེན། གཙུག་གཏོར་གྱི་མཐར་ཐུག་པར་དཀར་ཆ་འཆིང་བས་སོ། །ཚངས་པ་ནི་གསེར་སྒོ་དེར་ཟུག་པའི་གཙུག་ཏོར་གྱི་འཁོར་ལོ་ནས་དམར་ཆ་འཐུར་དུ་རྐང་ཐེབ་ཀྱི་མཐར་ཐུག་པའི་བར་དུ་གནོན་པའོ། །རྡོ་རྗེའི་བྲག་ལ་རྩ་གསུམ་འཁྱུད། །མི་ཆོད་མི་ཤིགས་བདེན་སྲ་བརྟན། ཐོགས་མེད་མ་ཕམ་ལ་སོགས་པའི་ཆོས་བདུན་གྱི་རྡོ་རྗེའི་བྲག་ཡང་དག་པའི་མཐའ་ལ་བཏགས་སོ། །རྩ་ནི་མི་ཤིགས་པའི་དབུ་མའོ། །གསུམ་ཞེས་པ་ནི་ཡེ་ཤེས་ཀྱི་རླུང་དང༌། དྭངས་མའི་ཐིག་ལེ་དང༌། དེ་ལ་བརྟེན་པའི་བདེ་བ་ཐམས་ཅད་དེར་ཐིམ་པས་གཉིས་སུ་མེད་པར་འཁྱུད་པ་ཞེས་བྱའོ། །རྒྱུ་དེས་ཐམས་ཅད་མཁྱེན་པ་ཉིད་དང༌། རྣམ་པ་ཐམས་ཅད་མཁྱེན་པ་ཉིད་དང༌། ལམ་མཁྱེན་པ་ཉིད་དང༌། ལམ་གྱི་རྣམ་པ་ཐམས་ཅད་མཁྱེན་པ་ཉིད་དང༌། སྟོབས་བཅུ་མི་འཇིགས་པ་བཞི་ལ་སོགས་པའི་སངས་རྒྱས་ཀྱི་ཡོན་ཏན་མཐའ་དག་ཐོབ་པར་འགྱུར་རོ། །ཡེ་ཤེས་ཀྱི་ཕྱག་རྒྱ་ལ་སྦྱར་ནས་ཕྱག་རྒྱ་
― LT24_Page_297A ―
[མ་དཔེ་གཟིགས་ན་འདིར་གནོན།]
ཆེན་པོ་བསྒྲུབ་པའི་ཚུལ་གསུངས་པ། ཚངས་པའི་སྐུད་པ་འོག་ཏུ་བསྡམ། ཚངས་པ་ནི་འདིར་ཚངས་དབྱུག་ཅེས་བྱ་བ་དབུ་མའོ། །སྐུད་པ་དེར་གནས་སྐབས་བཞི་བསྐྱེད་པའི་ས་བོན་ལྟ་བུའི་ཁམས་ཀྱི་དྭངས་མ་འོད་ཀྱི་ཐིག་ལེ་བྲང་དེར་གནས་པ་དེའོ། །འོག་ཏུ་བསྡམ་པ་ནི་ལྟེ་བའི་བུམ་པ་ཅན་དེ་གཡས་དང་གཡོན་དུ་རབ་ཏུ་རྒྱུ་བ་བཀག་ནས་དབུ་མར་ཡི་གེ་གསུམ་གྱི་བཟླས་པས་སྲོག་ཐུར་ལྟེ་བར་དང་པོར་འཐབ་ཅིང་ཕྱི་ནས་འདྲིའོ། །དེ་ལ་གོམས་ནས། ཉི་ཟླ་གྱེན་བཟློག་ཧཾ་ལ་གཏད། འཁོར་ལོ་གཞན་གསུམ་གྱི་ལྟེ་བའི་དྷཱུ་ཏཱིར་སྲོག་ཐུར་འདྲེས་ཤིང་རེངས་པའི་སྦྱོར་བ་བྱས་ནས་གཙུག་གཏོར་གྱི་ཧཾ་ལ་འཛིན་ནོ། །ཕག་པའི་ལྟོ་བས་དངོས་མ་གཟུང༌། དེས་རླུང་འགགས་པས་གཏུམ་མོ་རང་བྱུང་དུ་འབར་ཏེ་གཙུག་ཏོར་གྱི་ཧཾ་ཞུ་བ་ལུས་ཀྱི་ཆ་ཐམས་ཅད་ནས་འོངས་ཏེ་གསང་བའི་འཁོར་ལོའི་མཐར་ཐུག་པའི་བར་དུ་སོན་པ་དེའི་ཚེ། ཕག་པ་ནི་གཏི་མུག་ལ་བཏགས་ཤིང་དེའི་རྩ་ཡིན་པས་དབུ་མའོ། །ལྟོ་བ་ནི་གསང་གནས་ཀྱི་འཁོར་ལོ་འབའ་ཞིག་ཏུ་ཐིག་ལེ་བརྟན་པར་བྱེད་པའོ། །སྟེང་དུ་རྡོ་རྗེའི་སྒྲ་བསྒྲགས་པས། ཞེས་ཡུལ་ཡུལ་ཅན་བཅུའི་རྩ་འཆིངས་ཏེ་དབང་ཡུལ་གྱི་འབྲེལ་པ་ཁེང་པས་འཁོར་ལོ་དྲུག་གི་རྩ་འཆིངས། དེས་རླུང་འཆིངས། དེས་བྱང་ཆུབ་ཀྱི་སེམས་ཀྱིས་སྤྱི་བོ་གང་བར་བྱེད་ནུས་ལ། དེས་རགས་པའི་ལུས་ངག་ཡིད་དང་ཡེ་ཤེས་འགོག་པས། རིགས་པའི་རླུང་དག་པའི་ནཱ་དའི་རང་སྒྲ་ཇི་སྙེད་པའི་སྒྲ་སྐད་དུ་སྨྲ་བར་ནུས་པའོ། །འོག་ཏུ་རྡོ་རྗེ་བདེ་བ་ཆེ། །ཚུལ་དེས་རགས་
― LT24_Page_297B ―
[མ་དཔེ་གཟིགས་ན་འདིར་གནོན།]
པའི་ཐིག་ལེ་བརྟན་པར་བཅིངས་པས་མངོན་དུ་གྱུར་པའི་དགའ་བ་བཞིའི་ཡེ་ཤེས་མངོན་དུ་བྱེད་པ་ཞེས་བྱ་སྟེ། འདིས་མོས་སྤྱོད་དུ་བཞག་པའི་བདེན་དོན་བཅུ་གཉིས་པའི་ས་དང་དེ་ཉིད་བཅུ་དྲུག་རིག་པའི་སའོ། །དུས་དེར་སྲོག་བདུད་རྩི་འཁྱིལ་པའི་གཟུགས་བརྙན་དུ་བསྒྲུབ་པ་དེ་ཡི་ནང་དུ་ཆུད་པས་འདོད་པའི་དངོས་གྲུབ་ཏུ་བསྒོམ་པར་བྱ་སྟེ། བྱེད་པ་བཅིངས་པའི་སྦྱོར་བ་ཡིས། །ས་གསུམ་པོ་ནི་བསྒྲུབ་པར་བྱ། །ཞེས་གསུངས་པའོ། །ད་ནི་བསྒྲུབ་པ་ལས་ཀྱི་ཕྱག་རྒྱ་ལ་སྦྱར་ནས་ཡེ་རྒྱ་བསྒྲུབས། །དེ་ནས་ཕྱག་ཆེན་བསྒྲུབ་པའི་ཚུལ་གསུངས་པ། ཡཾ་རཾ་བཾ་ལཾ་མྱུར་དུ་བརྗོད། གཙུག་ཏོར་ནམ་མཁའི་ཁམས་ནས་བྱང་ཆུབ་སེམས་འོག་གི་ཆར་སྤྱི་བོ་རླུང༌། མགྲིན་པ་མེ། སྙིང་ག་ཆུ། ལྟེ་བ་ས་ནས། གསང་གནས་ཡེ་ཤེས་ཀྱི་བདག་ཉིད་ཀྱི་རྡོ་རྗེ་བཙུན་མོའི་བྷ་གར་བྱོན་པ་ན། ཀྵ་ཀྵི་ངག་ཏུ་བརྗོད་པས་བཟློག །དེར་བྱང་སེམས་མི་སྤྲོ་བར་ཁམས་གསུམ་པོ་ཐམས་ཅད་ལྷའི་འཁོར་ལོ་སངས་རྒྱས་ཀྱི་གཟུགས་བརྙན་དུ་སྤྲོས་པས་སྤྲོས་པ་ཐམས་ཅད་བཟློག་པར་བྱ་སྟེ། བྷ་གར་ལིངྒ་རབ་བཞག་ནས། །བྱང་ཆུབ་སེམས་ནི་སྤྲོ་མི་བྱ། །ཁམས་གསུམ་པོ་ནི་མ་ལུས་པ། །སངས་རྒྱས་གཟུགས་སུ་སྤྲོ་བར་བྱ། །ཞེས་གསུངས་པས་སོ། །ནང་ཧཱུྃ་དྲག་པོ་དྭངས་མ་བསྐྱལ་འདྲེན་ནོ། །ཁྱབ་འཇུག་གླིང་བཞི་ཀུན་ལ་དགྲམ། །ཁྱབ་འཇུག་ཐུགས་ཀྱི་རྡོ་རྗེ་ཞེས་འདོན་པས་ན་ཡིད་ཐིག་ལེ་ལ་བྱའོ། །གླིང་བཞི་ནི་ཡན་ལག་གོ །དེས་མཚོན་ནས་ཐིག་ལེས་ལུས་ཐམས་ཅད་ཁྱབ་པར་བྱེད་པ་འགྲེམས་སོ། །འབྱེད་འཛུམ་གྱིས་ནི་རྩིགས་འཐུར་འབྱིན།
― LT24_Page_298A ―
[མ་དཔེ་གཟིགས་ན་འདིར་གནོན།]
དངས་སྙིགས་ཕྱེ་བའི་རྩིགས་མ་འཐུར་ལ་འབེབས་པའོ། །དེ་ནས་བདེ་བ་གོམས་པར་བྱ་བའི་ཕྱིར་ཡེ་ཤེས་ཀྱི་ཕྱག་རྒྱ་ལ་བསླབ། དེ་ནས་ཕྱག་རྒྱ་ཆེན་མོ་བསྒོམ་པར་བྱའོ། །དེས་ཁྱབ་བདག་ཀུན་གྱི་དཔལ་དུ་གྱུར། འདིའི་དོན་མཚན་བརྗོད་ནས། །ཆགས་བྲལ་དང་པོ་ཆགས་པ་ཆེ། །ཁ་དོག་སྣ་ཚོགས་འབར་བའི་འོད། །རྡོ་རྗེ་སྐྱིལ་ཀྲུང་རྫོགས་སངས་རྒྱས། །སངས་རྒྱས་འགྲོ་བའི་ཆོས་འཛིན་པ། །ཞེས་པས་གསུངས་ཏེ། ཆགས་བྲལ་ནག་པོའི་ཕྱོགས། དེའི་དང་པོ་ནི་དེའི་སྔོན་དུ་ཞེས་པའི་དོན། ཆགས་པ་ནི་ཆ་བཅོ་ལྔའི་བདག་ཉིད་ཅན་གྱི་དཀར་ཕྱོགས། །ཆེ་ཞེས་པ་དེའི་མཐར་ཆགས་པ་ཆེན་པོ་ཆ་བཅུ་དྲུག་ལ་ཞེས་པའོ། །ཁ་དོག་སྣ་ཚོགས། ཤེས་ཕྱིན་རྣམ་པ་ཀུན་གྱི་མཆོག་དང་ལྡན་པ་སྟེ། འབར་བའི་འོད་སོ་སོ་རང་གི་རིག་པ་རྡོ་རྗེ་བྱང་སེམས། སྐྱིལ་ཀྲུང་ནི་འཛག་མེད་དུ་བཅིངས་པ། རྫོགས་སངས་རྒྱས་ནི་བྱང་ཆུབ་སེམས་འགྱུར་བ་མེད་པར་གྱུར་བ། སངས་རྒྱས་འགྲོ་བའི་ཆོས་འཛིན་པ་ནི། མས་བརྟན་པའི་ཚུལ་གྱིས་འཁོར་ལོ་བཞིར་སྐུ་གསུང་ཐུགས་ཡེ་ཤེས་ཀྱི་ཐིག་ལེ་བཞི་འཛིན་པའོ། །ཡང་དེ་ཉིད་ལས། རྣམ་པ་ཀུན་ལྡན་རྣམ་པ་མེད། །བཅུ་དྲུག་ཕྱེད་ཕྱེད་ཐིག་ལེ་ཅན། །ཆ་མེད་ཆ་ལས་འདས་པ་སྟེ། །བསམ་གཏན་བཞི་པའི་རྩེ་མོ་འཆང༌། །ཞེས་རྣམ་པ་ཀུན་ལྡན་རྣམ་པ་མེད་ནི་རྒྱུ་སྟེ་སྔར་བརྗོད་པའི་སངས་རྒྱས་ཀྱི་གཟུགས་བརྙན་ནོ། །བཅུ་དྲུག་ཕྱེད་ཕྱེད་ཐིག་ལེ་ཅན་ནི་འབྲས་བུ་སྟེ་བྱང་སེམས་ཞུ་བའི་མཐར་འཆིང་བའོ། །དེ་ཉིད་འདུས་པར་ཡང༌། རྡོ་རྗེ་སྐྱིལ་ཀྲུང་གི་སེམས་ནི།
― LT24_Page_298B ―
[མ་དཔེ་གཟིགས་ན་འདིར་གནོན།]
ནོར་བུའི་ནང་དུ་གནས་པ་བལྟ། རྒྱུ་མཐུན་ལ་སོགས་བདེ་བ་རྫོགས། །དྲི་མ་མེད་པའི་བར་དུ་བསྒོམ། །ཞེས་གསུངས་པས། འགྱུར་བ་མེད་པར་གྱུར་ནས་གྲུབ་པའི་དངུལ་ཆུ་དང་སྦྲུལ་གྱི་མཆེ་བའི་དུག་བཞིན། ལུས་ཐམས་ཅད་སྐད་ཅིག་གིས་དངས་མ་ཡེ་ཤེས་ཀྱི་སྐུར་འགྱུར་ལ། དེས་ཁམས་ཕྲ་བ་ཐམས་ཅད་སྦྱངས་པས། གཉུག་མའི་ལུས་ངག་ཡིད་དུ་གྱུར་པས་གསང་བ་བསམ་གྱིས་མི་ཁྱབ་པའམ། སྐུ་མི་ཟད་པ་རྒྱན་གྱི་འཁོར་ལོའམ་སྐུ་རྣམ་པ་ཐམས་ཅད་པ། གསུང་མི་ཟད་པ་རྒྱན་གྱི་འཁོར་ལོའམ་གསུང་རྣམ་པ་ཐམས་ཅད་པ། ཐུགས་མི་ཟད་པ་རྒྱན་གྱི་འཁོར་ལོའམ་ཐུགས་རྣམ་པ་ཐམས་ཅད་པ་ཞེས་བྱ་བ་དང་ལྡན་པའི་ཁ་སྦྱོར་ཡན་ལག་བདུན་དང་ལྡན་པའི་སྐུ་དེ་ཐོབ་པར་འགྱུར་རོ། །འགྱུར་མེད་ཐོབ་ནས་འཕེལ་བའི་ཕྱིར་དུ་ཕྱག་རྒྱ་གཞན་གཉིས་བཞག་ནས་ཕྱག་རྒྱ་ཆེན་མོ་འབའ་ཞིག་ལ་འཁྱུད་པར་གསུངས་ཏེ། ལས་ཀྱི་ཕྱག་རྒྱ་ཡོངས་འདོར་ཞིང༌། །ཡེ་ཤེས་ཕྱག་རྒྱ་རྣམ་སྤངས་ཏེ། །མཆོག་ཏུ་མི་འགྱུར་རྣལ་འབྱོར་གྱིས། །ཕྱག་རྒྱ་ཆེན་མོ་རྣམ་བསྒོམ་བྱ། །ཞེས་པའོ། །ཕྱག་རྒྱ་གསུམ་རོ་གཅིག་ཏུ་འཆར་བའི་ཕྱིར་བསྟན་ཀྱང་འགལ་བ་ཡོད་པ་མ་ཡིན་ཏེ་སྔར་བཤད་པའི་ལུང་གིས་ཀྱང་གྲུབ་བོ། །གཉིས་པ་སྒོམ་པས་ཉམས་སུ་བསྟར་བ་ལ། ལས་ཀྱི་ཕྱག་རྒྱ་ལ་འཁྱུད་པ་བསྙེན་པ། ཡེ་ཤེས་ཀྱི་ཕྱག་རྒྱ་ལ་འཁྱུད་པ་བསྒྲུབ་པ། ཕྱག་རྒྱ་ཆེན་མོ་ལ་འཁྱུད་པ་སྒྲུབ་ཆེན་དང་གསུམ་ལས། དང་པོ་ནི། པདྨ་ཅན་ལ་སོགས་པའི་རིག་མ་མཚན་ཉིད་དང་ལྡན་ཞིང་རྒྱུད་དག་པ་དང་ལྷན་ཅིག་དབེན་པར་གཟུགས་ལྟ་བ།
― LT24_Page_299A ―
[མ་དཔེ་གཟིགས་ན་འདིར་གནོན།]
སྒྲ་མཉན་པ། དྲི་སྣོམ་པ། མཆུའི་རོ་མྱང་བ། རེག་བྱ་རེག་པས་ཆགས་པའི་མེ་སྦར་ཞིང་བདེ་བ་ངོས་ཟིན་པའི་རླན་གྱིས་གཞིལ་ལོ། །དེ་ནས་ཕན་ཚུན་འཁྱུད་དེ། རང་དང་ཕྱག་རྒྱ་པདྨ་ཉི་ཟླ་སྒྲ་གཅན་གྱི་གདན་ལ། ཧཱུྃ་ལས་རྡོ་རྗེ་རྩེ་ལྔ་པ་ཧཱུྃ་གིས་མཚན་པ་དང༌། ཕྲེཾ་ལས་གྲི་གུག་ཕྲེཾ་གྱིས་མཚན་པ་ཡོངས་སུ་གྱུར་པའི་དཔལ་དུས་ཀྱི་འཁོར་ལོ་སྐུ་མདོག་སྔོན་པོ་ཞལ་གཅིག་ཕྱག་གཉིས་ཞབས་གཡས་བརྐྱང་པ་དམར་པོ། །གཡོན་བསྐུམ་པ་དཀར་པོས་བདུད་དང་དྲག་པོ་མཉམ་པར་མནན་པ་ལ་གཽ་རཱི་དང་དགའ་མ་གཉིས་འདུད་པ་དང་བཅས་པས་ཞབས་བཏེག་པ། སྤྱན་གསུམ་པ་མཆེ་བ་ཅུང་ཟད་གཙིགས་པ་རལ་པའི་ཅོད་པན་ཅན། རྡོ་རྗེའི་རྒྱན་ཐམས་ཅད་ཀྱིས་བརྒྱན་པ། སྟག་གི་པགས་པའི་ཤམ་ཐབས་གསོལ་བ། ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་སྣ་ཚོགས་ཡུམ་ལ་ཡང་དག་པར་སྦྱོར་བ། སྣ་ཚོགས་ཡུམ་གསེར་མདོག་ཅན་གྲི་གུག་དང་ཐོད་པ་འཛིན་པས་ཡབ་ལ་འཁྱུད་ཅིང་རྒྱན་ཐམས་ཅད་ཀྱིས་བརྒྱན་པའོ། །ཡབ་ཡུམ་གཉིས་ཀའི་དཔྲལ་བར་ཨོཾ་དཀར་པོ། །མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ། ལྟེ་བར་ཧོཿསེར་པོ། །གསང་བར་སྭཱ་སྔོན་པོ། །གཙུག་ཏོར་དུ་ཧཱ་ལྗང་གུ། རིགས་དྲུག་གི་ས་བོན་ལས་འོད་འཕྲོས། དེ་བཞིན་གཤེགས་པ་ཡབ་ཡུམ་སྲས་དང་བཅས་པ་དུས་ཀྱི་འཁོར་ལོ་ཡབ་ཡུམ་གྱི་རྣམ་པར་སྤྱན་དྲངས། ཡབ་རྣམས་ཡབ་ལ། ཡུམ་རྣམས་ཡུམ་ལ་ཐིམ། གཉིས་ཀའང་གདན་གསུམ་གྱི་ལྷར་དག་པར་བལྟས་ཏེ། ཤེས་རབ་ཀྱི་གསང་
― LT24_Page_299B ―
[མ་དཔེ་གཟིགས་ན་འདིར་གནོན།]
བ་མི་དམིགས་པའི་ངང་ལས་ཨ་ལས་པདྨ་འདབ་མ་བརྒྱད་པ་ཧཱུྃ་ལས་སྐྱེས་པའི་རྡོ་རྗེས་མཚན་པ། རང་གི་གསང་གནས་ཧཱུྃ་ལས་རྡོ་རྗེ་རྩེ་ལྔ་ཨཱཿལས་སྐྱེས་པའི་པདྨས་མཚན་པར་བསྒོམས་ནས་རྡོ་རྗེ་འཛིན་པའི་ང་རྒྱལ་གྱིས་བྷ་གར་ལིངྒ་བཀོད་དེ་དབུ་མའི་མས་སྣ་གཅིག་ཏུ་སྦྱར་ནས་བསྲུབ་ཅིང་བསྲུབ་པའི་ཆོ་གས་སྙོམས་པར་ཞུགས་པའི་དུས་ཤིན་ཏུ་དགའ་བའི་སྒྲས་ཁམས་གསུམ་བརྟན་གཡོའི་དངོས་པོ་ཐམས་ཅད་རང་ལ་བཅུག་སྟེ་བྱང་སེམས་ཟླ་བའི་རང་བཞིན་དུ་ཞུ་བ་ཐིག་ལེའི་གཟུགས་ཀྱིས་མགྲིན་སྙིང་ལྟེ་གསང་དུ་དགའ་བ་དང་མཆོག་དགའ་དང་ལྷན་ཅིག་སྐྱེས་པའི་དགའ་བའམ། ཡང་ན་རྣམ་པ་སྣ་ཚོགས་པའི་དང༌། རྣམ་སྨིན་དང༌། རྣམ་ཉིད་དང༌། མཚན་བྲལ་གྱི་རང་བཞིན་གྱི་ཆ་བཅུ་དྲུག་རྫོགས་པ་ནོར་བུའི་མཐར་སོན་ཅིང་རིག་མའི་པདྨའི་ནང་དུ་སྤྲོས་པ་དང༌། དེར་དེ་ཡོངས་སུ་གྱུར་པ་ལས་བཅོམ་ལྡན་འདས་དུས་ཀྱི་འཁོར་ལོ་ཡབ་ཡུམ་གྱི་རྣམ་པ་དཔག་ཏུ་མེད་པར་གྱུར་པ་ལས། སླར་རིགས་ལྔ་ཡབ་ཡུམ་རྣམས་རང་གི་སྙིང་གར་བཅུག་ནས་བྱང་སེམས་ཞུ་བ་རྡོ་རྗེ་ནས་དེ་རྣམས་ཀྱི་སྤྱི་བོར་སྤྲོས་པས་དབང་བསྐུར་ཏེ་ཐམས་ཅད་ཀྱི་སྐུ་བྱང་ཆུབ་ཀྱི་སེམས་ཀྱིས་གང་བས་ལྷན་ཅིག་སྐྱེས་པའི་བདེ་བས་ཚིམ་པར་བསམ་ཞིང་དེ་རྣམས་ཀྱི་ཕུང་པོ་ལྔ། ཀྵ་ཀྵི། ཀྵྀ་ཀྵུ་ཀྵྀ་ལས་དེ་བཞིན་གཤེགས་པ་ལྔ། ཁམས་ལྔ། ཀྵཱ་ཀྵཱི་ཀྵྼཱཱྀུ་ཀྵཱུ་ཀྵླཱ་ལས་གཤེགས་མ་ལྔ། དབང་པོ་དྲུག །ཀྵ་ཀྵེ་ཀྵར་ཀྵོ་ཀྵ་ལ་ཀྵཾ་ལས་སེམས་དཔའ་དྲུག །ཡུལ་དྲུག །ཀྵཱ་ཀྵཱཻ་ཀྵཱར་ཀྵཽ་ཀྵཱ་ལ་ཀྵཱ་སེམས་མ་དྲུག །ལས་དབང་ལྔ། ཀྵྷ་ཀྵྻ་ཀྵྼ་ཀྵྭ་ཀྵླ་ལས་ཁྲོ་བོ་ལྔ། བྱ་བ་ལྔ།
― LT24_Page_300A ―
[མ་དཔེ་གཟིགས་ན་འདིར་གནོན།]
ཀྵྼཱ་ཀྵྭཱ་ཀྵླཱ་ལས་ཁྲོ་མོ་ལྔ་ཏེ་ལྷ་སོ་གཉིས་མཚན་སོ་གཉིས་སུ་གྱུར་པའི་བཅོམ་ལྡན་འདས་ཡབ་ཡུམ་དུ་བལྟས་ཏེ་རང་རང་གི་ཞིང་དུ་གཤེགས་པར་བསམ་མོ། །འདི་ལ་གཙུག་ཏོར་ནས་འབབ་པའི་ཁུ་བ་ལྷར་བལྟ་བའི་ཕྱིར་གཙུག་ཏོར་ཆེན་མོའི་གཟུགས་བརྙན་ཞེས་བྱ་སྟེ། བསྙེན་པའི་དུས་སུ་གཙུག་ཏོར་ཆེ། །གཟུགས་བརྙན་འབད་པས་བསྒོམ་པར་བྱ། །ཞེས་གསུངས་སོ། །དེ་ནས་འཁྲུལ་འཁོར་དྲུག་གིས་འདྲེན་ཞིང་བཀྲམ་སྟེ་འབྱེད་འཛུམ་གྱིས་དྭངས་སྙིགས་འབྱེད་ཅིང་རྩིགས་མ་འབོད་དོ། །གཉིས་པ་ནི། དེ་ནས་ལས་རྒྱ་བཞག་སྟེ། ལུས་བར་གྱི་སྐྱིལ་ཀྲུང་དང༌། ལྟ་སྟངས་བགེགས་མཐར་བྱེད་ཇི་ལྟ་བས། ཨཱཿཡིག་གིས་དབྱུང་བ་དང༌། ཨོཾ་ཡིག་གིས་འཇུག་པ་དང༌། ཧཱུྃ་ཡིག་གིས་གནས་པས་སྟེང་རླུང་ཤུགས་རྫོགས་པར་མནན། འོག་རླུང་དྲག་པོར་འཐེན་ཅིང་བར་རླུང་བཀད་པས་བསྲེས་ཏེ། ལྟེ་བར་འཆུན་བཏོན་ནས། ཡིད་ཀྱིས་ཡབ་ཡུམ་རྗེས་སུ་ཆགས་པའི་མེས་གཏུམ་མོ་སྦར་ཐིག་ལེ་གྱེན་དུ་དྲངས་ལྟེ་བའི་དུས་མེ་དང་བདེ་བ་རོ་གཅིག་པར་བསྒོམ་ཞིང་བརྟན་ནས་སྙིང་ག་དང་མགྲིན་པ་དང་སྤྱི་བོ་དང་གཙུག་ཏོར་དུ་ཟླ་ཉི་སྒྲ་གཅན་སྟོང་བའི་ཐིག་ལེ་དང་རོ་གཅིག་པར་བསྒོམ་མོ། །ཡང་ལས་རྒྱས་ཞུ་བའི་ཁུ་བ་གསང་བའི་འཁོར་ལོར་ཕབ་ལ་སྔར་བཞིན་དུ་སྤྲོ་བསྡུ་བྱའོ། །ཡང་འདྲེན་དང་འགྲེམས་དང་འབེབས་བྱས་ནས་ཡེ་ཤེས་ཕྱག་རྒྱ་ལ་སློབ་ཅིང༌། དེ་ཇེ་མང༌། ལས་རྒྱ་བསྟེན་པ་ཇེ་ཉུང་དུ་བཏང་པས་ལས་རྒྱ་དང་ཡིད་ཀྱིས་བཏགས་པ་ཁྱད་མེད་པའི་བདེ་བ་བྱུང་ན་དེ་ལ་གཙོ་བོར་བསླབ་བོ། །དེ་ནི་བདུད་རྩི་སྟེ་དྷཱུ་ཏིའི་དྭངས་མ་ཡིན་ལ་དེར་རླུང་
― LT24_Page_300B ―
[མ་དཔེ་གཟིགས་ན་འདིར་གནོན།]
སེམས་མི་ཕྱེད་པར་འཛིན་པས་འཁྱིལ་བ་སྟེ་བདུད་རྩི་འཁྱིལ་བའི་གཟུགས་བརྙན་ཞེས་བྱའོ། །དེ་ལྟར་ཡང༌། ཉེ་བའི་བསྒྲུབ་པའི་དུས་སུ་ནི། །བདུད་རྩི་འཁྱིལ་བའི་གཟུགས་བརྙན་ནོ། །ཞེས་སོ། །གསུམ་པ་ནི། ཡེ་རྒྱ་ལ་གོམས་ནས། ནོར་བུའི་རྩེར་བྱང་སེམས་སྟེང་གི་སྐྱིལ་ཀྲུང་དང༌། གཙུག་ཏོར་འཁོར་ལོས་སྒྱུར་བའི་ལྟ་སྟངས་ཇི་ལྟ་བས་གཙུག་ཏོར་གྱི་དྷཱུ་ཏཱིའི་ནང་གི་ནམ་མཁའ་ལ་ཤེས་པ་བཅིངས་ནས། འཇུག་ཤེས་ཡུལ་ལ་འཐོར་བ་བཀག་ནས་རྩ་བའི་རྣམ་པར་ཤེས་པ་གཅིག་པུ་བཞག་ལ། དེ་རྣམ་པར་རྟོག་པའི་རྦ་རླབས་ཅི་ཡང་མེད་པའི་ཡིན་ལུགས་ལ་མ་བརྟགས་མ་ཡེངས་པར་བཞག་གོ །དེ་ལ་ཁམས་གསུམ་པ་ཐམས་ཅད་སངས་རྒྱས་ཀྱི་གཟུགས་བརྙན་དུ་བསྒོམ་སྟེ། ཤེར་ཕྱིན་རྣམ་པ་ཀུན་གྱི་མཆོག་དང་ལྡན་པ་ཉིད་དུས་ཀྱི་རྩ་བའི་རྩེར་སྟོང་པ་ལ་མ་བརྟགས་པར་མཐོང་བའོ། །དེ་ལ་མི་འགྱུར་བའི་ཡིད་ཀྱིས་ངོས་ཟིན་ཙམ་བྱས་ཏེ་སྤང་བློ་མ་ཞུགས་པ་དེ་ཁ་ལྟར་བཞག་པས་རྣམ་པ་དེ་ནུབ་ནས་རྣམ་པ་མེད་པའི་བདེ་བ་ལ་གཉིད་ལོག་པ་ལྟ་བུར་ཐིམ་ནས་སླར་སད་པར་འདྲ་བར་དེ་གཟུགས་བརྙན་དང་རོ་གཅིག་པར་འགྱུར་ཏེ། འདི་ནི་འདིར་འདོད་པའི་དངོས་གྲུབ་ཅེས་གསུངས་པའོ། །དེ་གོམས་པ་ཉིད་ལས་རྫོགས་པའི་སངས་རྒྱས་མཁྱེན་པ་ཡེ་ཤེས་སྐུ་དང་ཉིན་མོར་ཕྱེད་པའི་སྐུ་སྟེ་པདྨའི་འདབ་མ་རྒྱས་པའི་སྤྱན། ཞེས་གསུངས་པའི་སྐུ་བཞིའི་མཚན་ཉིད་ཅན་དེ་འགྱུར་རོ། །དེ་གོམས་པར་བྱེད་པ་ཡང་གཙོ་བོར་ཕྱག་རྒྱ་ཆེན་པོ་ཉིད་ལ་སྦྱར་བ་ཡིན་ལ། དེ་ཡེ་རྒྱའམ་ལས་རྒྱས་ཀྱང་རུང་སྟེ་དུས་དེར་བཅུ་དྲུག་ཆའི་སྟེང་ནས་སངས་རྒྱས་ཀྱི་གཟུགས་
― LT24_Page_301A ―
[མ་དཔེ་གཟིགས་ན་འདིར་གནོན།]
བརྙན་བསྒོམ་པ་ལ་སྦྱོར་བ་གཅིག་ཏུ་འདུའོ། །དང་པོར་ལས་རྒྱའི་དུས་སུ་ཡང་དེར་སྟོང་གཟུགས་བསྒྲུབ་ནུས་ན་ཡིད་ཀྱི་རིག་མ་ལ་བསླབ་པར་བྱ་མི་དགོས། དེ་དག་ཀྱང༌། རྣལ་འབྱོར་བརྩོན་པས་བསྒྲུབ་པ་ལ། །ལྷ་ཡི་གཟུགས་བརྙན་བསྒོམ་བྱ་སྟེ། །བསྒྲུབ་པ་ཆེན་པོའི་དུས་སུ་ནི། །སངས་རྒྱས་ལྔ་བདག་གཟུགས་བརྙན་ནོ། །ཞེས་གསུངས་སོ། །འདི་ནི་ཟུང་འཇུག་གི་གཟུགས་སུ་བསྒོམ་པའི་ཕྱིར་སངས་རྒྱས་ཀྱི་གཟུགས་བརྙན་ཞེས་བྱའོ། །ཚུལ་འདིས་བསྙེན་སྒྲུབ་ཡན་ལག་གསུམ་སྟན་གཅིག་ལ་སྤྲུགས་ཏེ་བསྒོམས་པས་བྱང་ཆུབ་ཀྱི་སེམས་འགྱུར་བ་མེད་པའི་གནས་སྐབས་ཐོབ་པ་ལ་དཀའ་བ་མེད་དོ། །སྟོན་པའི་བཞེད་པ་དྲི་མེད་ཟླ་བའི་ཤེལ། །རྣམ་པར་འགྱུར་བ་ནམ་ཡང་མི་བརྟེན་ཀྱང༌། །ལེགས་བཤད་ཆབ་ནང་ཀུན་ན་སྣ་ཚོགས་གཟུགས། །མཁས་བླུན་འབྱེད་པའི་ཞལ་ལྕེ་མཁན་དུ་འོངས། །ཞེས་བྱང་སེམས་འགྱུར་མེད་ཀྱི་མན་ངག་གྲུབ་པའི་སྙིང་ཏིག་ཅེས་བྱ་བ། མུས་པ་ཆེན་པོའི་ངོར་པདྨ་དཀར་པོས་རྒྱལ་བྱེད་ཚལ་དུ་སྦྱར་བའོ། །སྟག་མོའི་སྐྱུགས་སྟངས། །གླང་ཆེན་ཧིང༌། སེང་གེ་རྣམ་རོལ། གཡང་མོའི་སྤྲུག །སེང་གེ་རྩལ་སྤྲུག །རྩ་མིག་བརྡབ། །མངྒ་ལཾ།
གདམས་ངག་མཛོད་པོད་བཅོ་ལྔ་པ།
བསྙེན་སྒྲུབ་ཀྱི་ཁྲིད་ཡིག
― LT24_Page_302A ―
[མ་དཔེ་གཟིགས་ན་འདིར་གནོན།]
བསྙེན་སྒྲུབ་ཀྱི་ཁྲིད་ཡིག་བཞུགས་སོ།། །།
― LT24_Page_302B ―
[མ་དཔེ་གཟིགས་ན་འདིར་གནོན།]
རྒྱུད་སྡེ་རིན་པོ་ཆེ་ཐམས་ཅད་ཀྱི་ཟབ་དོན་མ་ལུས་པའི་དོན་སྟོན་པར་བྱེད་པ། རྡོ་རྗེ་གསུམ་གྱི་བསྙེན་སྒྲུབ་ཅེས་པའི་ཁྲིད་ཡིག །བདེ་བར་གཤེགས་པ་ཐམས་ཅད་བསྐྱེད་པར་བྱེད་པའི་ཡུམ་རྡོ་རྗེ་རྣལ་འབྱོར་མ་ཉིད་དང༌། རྗེ་གྲུབ་ཐོབ་ཆེན་པོའི་ཞབས་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །དེ་ལ་ཐོག་མར་ལུས་རྩ་དག་པར་བྱེད་པ་སྐུ་རྡོ་རྗེའི་བསྙེན་པ། སོ་སོར་སྡུད་དང་བསམ་གཏན། གཉིས་པ་ངག་རླུང་དག་པར་བྱེད་པ་གསུང་རྡོ་རྗེའི་སྒྲུབ་པ། སྲོག་སྩོལ་དང་འཛིན་པ། གསུམ་པ་ཡིད་ཐིག་ལེ་དག་པར་བྱེད་པ་ཐུགས་རྡོ་རྗེའི་སྒྲུབ་པ་ཆེན་པོ་དང་གསུམ་མོ། །དེ་ཡང་ཡིད་དང་རྗེས་སུ་མཐུན་པའི་གནས་སུ་མུན་པ་ལེགས་པར་བསྒྲུབས་ནས། ལོག་འཚོ་སྤངས་པའི་ཡོ་བྱད་ཚོགས་པར་བྱས་ཏེ། སྐྱབས། རྗེས་དྲན་དང་ཏིང་ངེ་འཛིན། འགྲོ་སེམས་བསྐྱེད་རྣམས་སྔོན་དུ་འགྲོ་བ་ཚར་བའི་རྗེས་ལ། གཡས་པའི་རྩ་ལ་སྲོག་བབས་པའི་དུས་སུ་བསྒོམ་པར་བྱ་སྟེ། སྟོང་ཕྲག་བདུན་ཅུ་རྩ་གཉིས་རྩ་ཡི་བཅུད། ནམ་མཁའི་མཐོངས་སུ་
― LT24_Page_303A ―
[མ་དཔེ་གཟིགས་ན་འདིར་གནོན།]
གཟའ་རྣམས་བརྟན་པར་བཅིངས། ཅེས་པའི་དོན་ཉམས་སུ་ལེན་པའི་རིམ་པ་ནི། སྟེང་གི་སྐྱིལ་ཀྲུང་གིས་སྟེང་གི་རླུང་བཅིངས། འོག་གི་སྐྱིལ་ཀྲུང་གིས་འོག་གི་རླུང་བཅིངས། བར་གྱི་སྐྱིལ་ཀྲུང་གིས་བར་གྱི་རླུང་བཅིངས་ཏེ། །དང་པོ་ནི་རྡོ་རྗེ་སྐྱིལ་ཀྲུང་བྱ། ལག་པ་རྡོ་རྗེ་ཁུ་ཚུར་བཅངས་ལ་བརླ་རྩ་མནན། མིག་གཉིས་རྡོ་རྗེ་གཙུག་ཏོར་གྱི་ལྟ་སྟངས་བྱ་ཞིང་དབང་པོའི་སྒོ་ལྔ་ཁྲིམ་སྒྲིམ་མོ། །དམིགས་པ་གང་ཡང་མི་འཛིན་པར་སྒོམ་འདོད་ཀྱི་རྟོག་པ་ཐམས་ཅད་ཕྱིར་བསྙིལ་ཏེ། ཐ་ན་ཉམས་མྱོང་དང་རྟགས་ཀྱི་འདོད་པ་ཙམ་ཡང་མི་བྱེད་པར་བློ་བརྟེན་གང་ལ་ཡང་མ་འཆའ། བློས་གང་དུ་ཡང་མི་འཛིན་པར་མི་རྟོག་པའི་ངང་དུ་མ་ཡེངས་ཙམ་དུ་བཞག་ཅིང༌། སྒོ་ལྔ་བཅུད་ལ་བོར་བས། རྩ་བ་དང་ཡན་ལག་གི་རླུང་དང༌། རྣམ་པར་རྟོག་པ་ནང་དུ་བཀག་ན། རྣམ་པར་མི་རྟོག་པའི་ཏིང་ངེ་འཛིན་སྐྱེ་ཞིང༌། དུ་བ་ལ་སོགས་པའི་སྟོང་གཟུགས་མཐོང་བར་འགྱུར་རོ། །དེ་ཡང་མུན་
― LT24_Page_303B ―
[མ་དཔེ་གཟིགས་ན་འདིར་གནོན།]
པར་བསྒོམ་པའི་ཚེ། དུས་གསུམ་གྱི་སྤྱོས་པ་བཅད་ནས། བཟོ་བཅོས་གང་ཡང་མེད་པར་མིག་མི་འཛུམ་ཞིང་མིག་འབྲས་མི་འགུལ་བར་ཧད་དེ་འཇོག་པ་ཡིན། སྐབས་སྐབས་སུ་མུན་སྣང་དེ་ཉིད་ལ་མིག་གི་དབང་པོ་དང་རིག་པ་ཁྱབ་པར་བཀོད་ནས་ཤེས་པ་བཟོ་མེད་དུ་འཇོག །ཐུན་མཚམས་སུ་ཡང༌། མདུན་གྱི་ནམ་མཁའ་གང་སྣང་ལ་མིག་གི་དབང་པོ་དང་ཤེས་པ་ཁྱབ་པར་བཀོད་ནས། མ་ཡེངས་པའི་ངོས་ནས་མི་སྒོམ་པར་འཇོག་པ་ཡིན། མ་ཡེངས་ལ་རྩོལ་བ་མེད་པའི་གནད་དེ་ལ་རིག་པ་ལེགས་པར་ཆུན་ན་ཉམས་མྱོང་བཙན་ཐབས་སུ་སྐྱེ། དེས་མ་ཟིན་ན་འཕྲལ་ཏུང་ཏུང་གིས་འགྱུར་དྲགས་ཀྱི་རྩོལ་བ་བསྐྱེད་ཀྱང་སྒོམ་གྱི་སྣ་སུན་པའི་རྐྱེན་དུ་སོང་དོགས་ཡོད་པས་གནད་ཟིན་པ་གལ་ཆེའོ། །གཉིས་པ། དེ་ནས་འོག་སྐྱིལ་ཀྲུང་གིས། རྒྱ་མཚོའི་སྟེང་དུ་རྩ་གསུམ་ཡན་ལག་བསྡམས། ཅེས་པའི་ལག་ལེན་འདི། བསམ་གཏན་གྱིས་ཆོས་ལྔ་དང་ལྡན་པས། འོག་གཉིས་ཐད་ཀར་བསྡམ་ཉྭ་བཞི་བསྒྲིམ་རྐང་པའི་སོར་མོ་རྣམས་བསྐུམ། སྒལ་ཚིགས་དགྱེ་བར་བྱ། ལྟེ་བ་མན་ཆད་ཆ་ཆ་ནས་བསྒྲིམས་ནས། རྣམ་སྣང་གི་ལྟ་སྟངས་ཐུར་དུ་བལྟ་ཞིང༌། རྣམ་པར་མི་རྟོག་པ་ལ་འཇོག་པ་སྟེ། དེ་ལྟར་བསྒོམ་པས་སྟེང་གི་སྐྱོན་འོག་གིས་སེལ་ལ། སྟེང་སྐྱིལ་ཀྲུང་བསྒོམས་པས་འོག་གི་སྐྱོན་རྣམས་སེལ་ལོ། །གསུམ་པ། དེ་ནས་སྟེང་འོག་གཉིས་གཅིག་ཏུ་བྱེད་པ་ལ། བར་སྐྱིལ་ཀྲུང་བསྒོམ་པ་ནི། ལུས་བསམ་གཏན་གྱི་ཆོས་ལྔ་དང་ལྡན་པས། དེ་ལ་མོ་ཅུང་ཟད་དགྱེ་བར་བྱ་ཞིང༌། ལྟེ་བ་ཕྱིར་བསྐྱེད་དེ་ནན་ཏན་དུ་བསྒོམས་པས། སྟེང་འོག་གཉིས་ཀའི་གེགས་སེལ་བ་ལ་སོགས་པ་ཡོན་ཏན་དཔག་ཏུ་མེད་དོ། །
― LT24_Page_304A ―
[མ་དཔེ་གཟིགས་ན་འདིར་གནོན།]
བཞི་པ། དེ་ནས་ཉི་མའི་རྣལ་འབྱོར་ནི། ནམ་མཁའ་རྒྱ་ཆེན་པོ་མཐོང་བའི་སར། ཉི་མ་ལ་རྒྱབ་ཕྱོགས་པར་བྱས་ནས་ལུས་གནད་ལྟ་སྟངས་དང༌། སེམས་ཀྱི་འཇོག་སྔར་ལྟར་བྱས་ནས་བསྒོམས་པས། ཉིན་མོའི་རྟགས་རྣམས་མཐོར་བར་འགྱུར་རོ། །དེ་ལྟར་རྟགས་ཀྱི་སྣང་བ་སྣ་ཚོགས་པ་དེ་ཐམས་ཅད་རིག་པ་གསལ་སྟོང་ངོ་བོར་ངོ་འཕྲོད་དགོས་ཏེ། གཞི་ལམ་འབྲས་བུའི་ཆོས་ཐམས་ཅད་རང་གི་སེམས་སྣང་བ་ལས་ལོགས་སུ་མེད་ཅིང༌། རྟགས་སྣང་མ་འགགས་པར་གསལ་བ་དེ། སེམས་ཀྱི་མཚན་ཉིད་ཡིན་ལ། དེའི་རང་བཞིན་སྟོང་པར་གནས་པས་སྣང་སྟོང་དབྱེར་མེད་པའི་ངོ་བོ་ཆུ་ནང་གི་ཟླ་བའམ། མེ་ལོང་ནང་གི་གཟུགས་བརྙན་ལྟར་དུ་ངོ་སྤྲད་གསུང་སོ། །གྲུབ་པའི་ཚད་ནི་ཚིག་གི་མཆོག་སྟེར་བ་སྟེ། མེ་དང་གདོན་ལ་སོགས་པ་ཞི་བར་གྱུར་ཅིག་ཅེས་པས་ཞི་བ་ལ་སོགས་པའོ། །དབང་པོ་ལྔ་དང་ཡུལ་ལྔ་དབྱེར་མེད་དུ་ཤེས་པས། ལྷ་སྐུ་ལྔར་ཤར་བ་ནི་བསམ་གཏན་གྱི་རྟགས་བཅུའོ། །ཡན་ལག་ནི། ཤེས་རབ་དང༌། རྟོག་པ་དང༌། སྤྱོད་པ་དང༌། དགའ་བ་དང༌། གཡོ་མེད་བདེ་བ་སྟེ་བསམ་གཏན་གྱི་ཡན་ལག་ལྔའོ། །དེ་ལ་ཤེས་རབ་ཅེས་པ་ནི། ཡོད་པའི་ཆོས་ཐམས་ཅད་སྟོང་པར་མཐོང་བ་རྣམས་ལ་སྟོང་པ་ཉིད་ཀྱི་གཟུགས་དེ་ཉིད་ལ་སེམས་རབ་ཏུ་འཇུག་ཅིང་བལྟ་བའོ། །རྟོག་པ་ཡིས་ནི་སེམས་ཀྱི་དངོས་པོ་འཛིན་པའོ། །སྤྱོད་པ་ནི་དེའི་དོན་ངེས་པ་སྟེ། འཛིན་པའི་དངོས་པོ་རྟོག་པའོ། །དགའ་བ་ནི་སྟོང་པ་ཉིད་ཀྱི་གཟུགས་ལ་ཆགས་པ་སྟེ། དངོས་པོ་ཐམས་ཅད་ལ་སེམས་གནས་པའོ། །གཡོ་མེད་པའི་བདེ་བ་ནི་སྟོང་གཟུགས་དང་
― LT24_Page_304B ―
[མ་དཔེ་གཟིགས་ན་འདིར་གནོན།]
སེམས་ལྷན་ཅིག་ཏུ་བྱེད་དེ། དངོས་པོ་ཐམས་ཅད་ལ་བདེ་བ་ཕུན་སུམ་ཚོགས་པའོ། །སོ་སོར་སྡུད་ཀྱི་གཟུགས་མཐོང་བ་ལ། བསམ་གཏན་གྱི་གཟུགས་ལ་སེམས་ཀྱིས་ཀུན་ནས་མཁྱུད་དེ་བརྟན་པར་བྱེད་པ་ཡིན་ནོ། །ཡོན་ཏན་ནི་མངོན་པར་ཤེས་པ་ལྔ་འཆར་པ་ལ་སོགས་པའོ། །དེ་ལྟར་སོ་སོར་སྡུད་དང་བསམ་གཏན་གྱིས་སྐུ་རྡོ་རྗེའི་བསྙེན་པ་སོང་ནས། ལྔ་པ། །སྤྱི་དོན་ལྔ་པ་ངག་རླུང་དག་པར་བྱེད་པ་གསུང་རྡོ་རྗེའི་སྒྲུབ་པ་ནི། སྟན་བདེ་བ་ལ་ལུས་གནད་ལྟ་སྟངས་དང་ལྡན་པས། རང་ལྷར་བསྐྱེད། བླ་མ་ལ་གསོལ་བ་གདབ། རླུང་རོ་ལེགས་པར་ཕྱུང་སྟེ་སྒོམ་པ་ནི། འབྱུང་འཇུག་གནས་གསུམ་རྩ་བའི་རླུང་རྣམས་ཀྱང༌། །དེ་དུས་སྐུ་གསུང་ཐུགས་ཀྱི་བཟླས་པར་འགྱུར། ཅེས་རླུང་ནང་དུ་འཇུག་པ་ཨོཾ། བར་དུ་གནས་པ་ཧཱུྃ། ཕྱིར་དབྱུང་པ་ཨཱཿ ཡི་གེ་གསུམ་རང་བཞིན་རྡོ་རྗེའི་བཟླས་པ་བྱ་བ་ཡིན། བགྲང་ཕྲེང་སྤངས་པའི་བཟླས་པ་ཅི་རིགས་པ་ཅིག་བྱེད་པ་ཡིན། །དྲུག་པ། དེའི་རྗེས་སུ་རླུང་གི་མལ་འཚོལ་ཅེས་པ། དམིགས་པ་མེད་པས་རླུང་ལམ་དུ་བྱེད་པའི་རླུང་སྦྱོར་རྣམ་པ་ལྔ་སྒོམ་སྟེ། ནམ་མཁའི་རླུང་གི་འཛིན་སྟངས། འཇུག་པ་དང་འབྱུང་བ་ཚོར་རིག་མེད་པ་ལྟ་བུར་འཇམ་ཞིང་ངལ་ལ་ཆ་སྙོམས་པས་ཡུན་རིང་དུ་བཟུང༌། བདུན་པ། དེ་བཞིན་རླུང་གི་རླུང་ངག་ལ་རིང་པར་བཟུང༌། བརྒྱད་པ། མེའི་རླུང་དྲག་ལ་ཐུང་པ་རྦུད་རྦུད་བཟུང་ལ་བསྒོམ། དགུ་པ། ཆུའི་རླུང་སོ་བར་ཅུང་ཟད་བསྡམས་པའི་བར་ནས་བཞུར་ལ་སིར་སྒྲ་དང་བཅས་ལ་བསྒོམ། བཅུ་པ། སའི་རླུང་ནམ་མཁའི་རླུང་ལ་ཅུང་ཟད་དྲག་པར་ཚོར་མ་ཚོར་ཙམ་དུ་དལ་བུ་ཡི་བཟུང་ལ་བསྒོམ།
― LT24_Page_305A ―
[མ་དཔེ་གཟིགས་ན་འདིར་གནོན།]
རླུང་སྦྱོར་དེ་རྣམས་ཀྱི་གནད་འཐེམས་ན་རླུང་སོ་སོར་དྲོད་རྟགས་དང་ཉམས་རྟོགས་འཕྲལ་དུ་སྐྱེ། རླུང་སྦྱོར་ཕྱི་མ་རྣམས་ལ་གེགས་མི་ཡོང་བ་ཡིན་གསུངས། བཅུ་གཅིག་པ། དེ་ནས་འོག་ཐུར་སེར་གྱི་རླུང་གིས། གདན་དང་འབྱུང་བ་རིམས་བརྩེགས་བསྒོམ་པ་ནི། །ནམ་མཁའ་རླུང་མེ་ཆུ་དང་ས་རྣམས་ཀྱི། །ཐུར་དུ་བསྡམས་པས་དཀྱིལ་འཁོར་གསལ་བར་བལྟ། །ཅེས་པས། འབྱུང་བ་སོ་སོའི་རླུང་གི་འཛིན་སྟངས་ཀྱི་སྲོག་རླུང་བཟུང་སྟེ། ལྟེ་བའི་འོག་ཏུ་ཕུལ་བས་ཐུར་སེལ་བསྡམས་པར་བྱའོ། །དམིགས་པ་ནི། ཨེ་ཡིག་སྔོན་པོ་ཡོངས་སུ་གྱུར་པ་ལས། ནམ་མཁའི་དཀྱིལ་འཁོར་སྔོན་པོ་གྲུ་གསུམ་ཨས་མཚན་པ། ཤིན་ཏུ་དྭངས་པ་བློས་འཁྱུད་ཚད་བསྒོམ། ནམ་མཁའི་རླུང་ཟིན་པའི་རྟགས་ལུས་མེད་པ་ལྟ་བུའི་སྟོང་ཉམས་བཟང་པོ་འཆར་རོ། །བཅུ་གཉིས་པ། ཆོས་འབྱུང་དེའི་སྟེང་དུ་ལཾ་ཡིག་ཡོངས་སུ་གྱུར་པ་ལས། རླུང་གི་དཀྱིལ་འཁོར་ནག་པོ་གཞུའི་དབྱིབས་ཅན་གཡོ་བའི་བ་དན་གྱིས་མཚན་པ་ཡང་ཞིང་གཡོ་བ་ཅིག་སྒོམ། ཟིན་རྟགས་མགོ་ཟི་བ་དང་གཡའ་ཟ་བ་ལ་སོགས་པ་འབྱུང༌། །བཅུ་གསུམ་པ། རླུང་གི་སྟེང་དུ་རཾ་ཡིག་ཡོངས་སུ་གྱུར་པ་ལས། མེའི་དཀྱིལ་འཁོར་དམར་པོ་གྲུ་གསུམ་རེག་བྱ་ཤིན་ཏུ་ཚ་བ་རཾ་གྱིས་མཚན་པ་བསྒོམ། ཟིན་རྟགས་སྔར་ལས་དྲོད་ཆེ་བ་དང་ལུས་ཚ་བ་ལ་སོགས་པ་འབྱུང༌། བཅུ་བཞི་པ། མེའི་སྟེང་དུ་བཾ་ཡིག་ཡོངས་སུ་གྱུར་པ་ལས། ཆུའི་དཀྱིལ་འཁོར་དཀར་ལ་ཟླུམ་པ་རེག་བྱ་བསིལ་བ་བུམ་པས་མཚན་པ་བསྒོམ།⁽1763⁾རང་གི་འོག་ཏུ་རླུང༌། རང་གི་འོག་ཏུ་མེ། རང་གི་འོག་ཏུ་ཆུ་ཟེར་བའང་སྣང༌།
― LT24_Page_305B ―
[མ་དཔེ་གཟིགས་ན་འདིར་གནོན།]
ཟིན་རྟགས་གྲང་བ་དང་འདར་བ་ལ་སོགས་པ་འབྱུང༌། བཅོ་ལྔ་པ། ཆུའི་སྟེང་དུ་ལཾ་ཡིག་ཡོངས་སུ་གྱུར་བ་ལས། སའི་དཀྱིལ་འཁོར་གྲུ་བཞི་པ་རེག་བྱ་ཤིན་ཏུ་ལྕི་བ་རྡོ་རྗེ་རྒྱ་གྲམ་བཞིས་མཚན་པ་བསྒོམ། རླུང་ཟིན་པའི་རྟགས་ཤེས་པ་ལྕི་བ་དང༌། འགྲོ་སྙིང་མི་འདོད་པ་ལ་སོགས་པ་འོང༌། འདི་རྣམས་སྒོམ་པའི་དུས་འོག་རླུང་ལ་གནད་དུ་བསྣུན་པའི་རླུང་སྦྱོར་ཡིན་ནོ། །འབྱུང་བ་སོ་སོའི་རླུང་གི་འཛིན་སྟངས་ཀྱིས་འབྱུང་བ་རིམས་བརྩེགས་བསྒོམ་པར་བཤད་པ་འདི། རིམ་པ་རིམ་པར་བརྟན་བསྒོམ་པའི་ལུགས་ཡིན་ཞིང༌། མགྱོགས་ཆོད་དུ་བསྒོམ་པའི་ལུགས་འབྱུང་བ་རིམས་བརྩེགས་ཀྱང་ལྷ་གང་བསྒོམ་པའི་རིགས་ཀྱི་རླུང་སྦྱོར་དེ་ཀས་བསྒོམ་པས་ཆོག་པ་ཡིན་གསུང༌། བཅུ་དྲུག་པ། དེ་ཡང་འབྱུང་བ་རིམས་བརྩེགས་ཀྱི་སྟེང་དུ། ཡེ་ཤེས་ཀྱི་གདན་ལྗང་ཁུ་ཟླུམ་པོའི་དབྱིབས་ཅན་དང༌། བཅུ་བདུན་པ། སྒྲ་གཅན་དང༌། བཅོ་བརྒྱད་པ། ཉི་མ་དང༌། བཅུ་དགུ་པ། ཟླ་བ་དང༌། ཉི་ཤུ་པ། དུས་མེ་རྣམས་ཀྱི་གདན་ཚོ་དབྱིབས་ཟླུམ་པོ། །རེག་བྱ་འབྱུང་བ་རིམས་བརྩེགས་དང་མཐུན་པར་བསྒོམ་མོ། །འོག་ཐུར་སེལ་གྱི་རླུང་ཞེས་བྱ་བ། མོ་རླུང་ཞེས་བྱ་སྟེ། འོག་ནས་འབྱུང་བའི་རླུང་སྦྱོར་རོ། །ཉེར་གཅིག་པ། དེ་ནས་སྟེང་སྲོག་རྩོལ་གྱི་རླུང་སྦྱོར་ས་བོན་ཡིག་འབྲུ་བསྐྱེད་པ་ནི། ས་ཆུ་མེ་རླུང་ནམ་མཁའི་བདག་ཉིད་ཀྱི། །ཡིག་འབྲུ་རྒྱུ་བ་ཨཱ་ལི་ཀཱ་ལིའི་རླུང༌། །ཅེས་པ། སྲོག་རླུང་ས་རླུང་གི་འཛིན་པ་སྟོངས་ཀྱིས་ཨཱ་ལི་ཀཱ་ལི་གསེར་བཙོ་མའི་མདོག་ཅན། མེ་ཏོག་གི་ཕྲེང་བ་ལྟ་བུ་སེ་ནར་ནར་བྱུང་གདན་དུ་མེའི་སྟེང་དུ་བབས་པས་སེ་ཧམ་མེ་བ་ལ་དམིགས་པ་གཏད།
― LT24_Page_306A ―
[མ་དཔེ་གཟིགས་ན་འདིར་གནོན།]
དེ་ལ་ནན་ཏན་དུ་སྒོམ་ཞིང་མི་ཐུབ་པར་གཏོང་བའི་དུས་སུ། རླུང་ཕྱིར་དབྱུང་བ་དང་མཉམ་དུ་ཡིག་འབྲུ་རྣམས་ཀྱང་གྱེན་ལ་སེ་ན་ར་ར་སོང་བར་བསྒོམ། །ཉེར་གཉིས་པ། ཡང་ཆུ་རླུང་གི་འཛིན་སྟང་ཀྱིས་ཨཱ་ལི་ཀཱ་ལི་མུ་ཏིག་གི་ཕྲེང་བ་ལྟ་བུ་སྐྱ་ན་ར་ར་བྱུང༌། ཟླ་བའི་གདན་གྱི་སྟེང་དུ་དཀར་ཧྲམ་མེ་བ་ལ་དམིག་པ་གཏད། རླུང་ཕྱིར་དབྱུང་བའི་དུས་སུ་དཀར་ན་ར་ར་སོང་བར་བསམ་མོ། །ཉེར་གསུམ་པ། ཡང་མེ་རླུང་གི་འཛིན་སྟངས་ཀྱིས་ཨཱ་ལི་ཀཱ་ལི་བྱི་རུའི་མདོག་ལྟ་བུ་དམར་ན་ར་ར་བྱུང་ནས་ཉི་མའི་གདན་གྱི་སྟེང་དུ་དམར་ཧྲམ་མེ་བ་ལ་དམིགས་པ་གཏད་ནས། ཕྱིར་དབྱུང་པ་ཡང་དམར་ན་ར་ར་སོང་བར་བསམ་མོ། །ཉེར་བཞི་པ། ཡང་རླུང་གི་འཛིན་སྟངས་ཀྱིས་ཨཱ་ལི་ཀཱ་ལི་ནག་པོ་ནག་ན་ར་ར་བྱུང་བ་སྒྲ་གཅན་གྱི་སྟེང་དུ་ནག་ཧྲིལ་བ་ལ་དམིགས་པ་གཏད། ཕྱིར་དབྱུང་བ་ཡང་ནག་ན་ར་ར་སོང་བར་བསམ་མོ། །ཉེར་ལྔ་པ། ནམ་མཁའི་རླུང་གི་འཛིན་སྟངས་ཀྱིས་ཨཱ་ལི་ཀཱ་ལི་བཻ་ཌཱུརྻའི་མདོག་ལྟ་བུ་སྔོ་ན་ར་ར་བྱུང་བ་ཡེ་ཤེས་ཀྱི་གདན་གྱི་སྟེང་དུ་སྔོ་ཧྲམ་མེ་བ་ལ་དམིགས་པ་གཏད། ཕྱིར་དབྱུང་བ་ཡང་སྔོ་ན་ར་ར་སོང་བར་བསམ་མོ། །འབྱུང་བ་སོ་སོའི་རླུང་གི་འཛིན་རྟགས་ཐུར་སེལ་གྱི་སྐབས་དང་འདྲའོ། །དེ་ཐམས་ཅད་ཀྱི་ཐུན་མགོ་ལ་ལྟ་སྟངས་བསྒོམ། དེ་ནས་དམིགས་མེད་ཀྱི་རླུང་བསྒོམ། དེ་ནས་སྲོག་རྩོལ་གྱི་རླུང་བསྒོམ་པ་ཡིན་གསུང༌། དེ་ནི་སྟེང་སྲོག་རྩོལ་གྱི་རླུང་ཞེས་བྱ། ཕོ་རླུང་ཞེས་བྱ་སྟེ་སྟེང་ནས་འཇུག་པ་ཡིན་ནོ། །ཉེར་དྲུག་པ། དེ་དག་བརྟན་པ་དང་བར་རླུང་ལ་བསྟེན་ནས་ཕྱག་མཚན་བསྐྱེད་པ་ནི། །རྡོ་རྗེ་རལ་གྲི་རིན་ཆེན་པདྨ་དང༌། །
― LT24_Page_306B ―
[མ་དཔེ་གཟིགས་ན་འདིར་གནོན།]
འཁོར་ལོ་རྣམས་ནི་རིམ་བཞིན་གསལ་བར་བལྟ། །སྟེང་འོག་བར་དུ་བསྡམས་པས་ཐོབ་པར་འགྱུར། ཅེས་པ་དང༌། རང་རང་གི་རླུང་གི་འཛིན་སྟངས་ཀྱི་སྟེང་དུ་རླུང་བཟུང་འོག་རླུང་འཐེན། བར་རླུང་བཟུང་ནས་སྟེང་འོག་གཉིས་ཅུང་ཟད་གློད་དེ། གདན་ལ་གནས་པའི་ས་བོན་རྣམས་ཡོངས་སུ་གྱུར་པ་ལས་རིམ་པ་བཞིན་ཧྲི་སྔོན་པོ་དང༌། །ཉེར་བདུན་པ། རལ་གྲི་ནག་པོ་དང༌། །ཉེར་བརྒྱད་པ། རིན་པོ་ཆེ་དམར་པོ་དང༌། །ཉེར་དགུ་པ། པདྨ་འདབ་བརྒྱད་དཀར་པོ་དང༌། །སུམ་ཅུ་པ། འཁོར་ལོ་རྩིབས་བརྒྱད་སེར་པོ་རྣམས་བསྒོམ་པར་བྱའོ། །དེ་རྣམས་བར་རླུང་གི་སྦྱོར་བས་ཏེ། རླུང་སེམས་སྟེང་འོག་བར་གསུམ་དང་ཡན་ལག་གང་དུའང་འདྲོངས་པ་ལ་སོགས་པ་ཡོན་ཏན་དཔག་ཏུ་མེད་པ་ཡོད་དོ། །དེ་ཡན་ཆད་ཀྱིས་སྟེང་འོག་བར་གསུམ་གྱི་རླུང་གི་གནད་བསྟན་ནས། །སོ་གཅིག་པ། འཛིན་པ་ལ་ཁ་སྦྱོར་གྱི་རླུང་གིས་ལྷ་སྐུ་སློང་བའི་རྣལ་འབྱོར་གསུངས། སྣོད་བཅུད་ཐ་མལ་འཛིན་པ་རབ་སྤངས་ཏེ། །གདན་དང་ཡིག་འབྲུ་ཕྱག་མཚན་གསལ་བ་ལས། །རིགས་ལས་སྐྱེས་པ་དེ་བཞིན་གཤེགས་པའི་སྐུ། །གདན་དང་ལོང་བུ་སྐེ་རགས་ཚངས་སྐུད་དང༌། །ཕྱག་དང་ཞལ་དང་སྤྱན་དང་སྐྲ་མཚམས་དང༌། །རྒྱན་དང་ཆ་ལུགས་མ་ལུས་རབ་རྫོགས་པར། །གཙུག་ཏོར་བར་དུ་རིམ་བཞིན་གསལ་བར་བལྟ། །ཅེས་ཏེ། སྣོད་བཅུད་ནི་བརྟན་གཡོའི་དངོས་པོ་ཐམས་ཅད་རྡུལ་ཕྲ་རབ་ཀྱི་རྫས་དང་བྲལ་ཞིང༌། དབྱིངས་རང་བཞིན་གྱིས་རྣམ་པར་དག་པས། ཐ་མལ་དུ་འཛིན་པ་དང་བྲལ་བས་ཏེ་མངོན་དུ་བྱེད་པའི་ཐབས། ཟུང་འཇུག་གི་ལྷ་
― LT24_Page_307A ―
[མ་དཔེ་གཟིགས་ན་འདིར་གནོན།]
སྐུ་བསྒོམ་པས་ཏེ། སྔར་གྱི་ས་བོན་དང་ཕྱག་མཚན་རེ་རེའི་སྐབས་སུ། ལྷ་སྐུ་རིགས་དང་མཐུན་པ་རེ་རེ་སློང་བ་ཡིན། རིམས་ཀྱི་སློང་བ་ལ། རང་རང་གི་སྟེང་འོག་བར་གསུམ་འཛིན་སྟངས་ཀྱི་འབྱུང་བ་རིམ་བརྩེགས་དང༌། གདན་ས་བོན། ཕྱག་མཚན་རྣམས་བསྒོམ་ནས། ཁ་སྦྱོར་གྱི་ལྷ་སྐུ་བསྐྱེད་པ་ཡིན་ལ། དེ་ཡང་ནམ་མཁའི་ཁམས་ནས་བསྐྱེད། རྡོ་རྗེ་སྔོན་པོ་ཡོངས་སུ་གྱུར་པ་ལས། དུས་ཀྱི་འཁོར་ལོའམ་བདེ་མཆོག་ལ་སོགས་པའི་ལྷ་ཡབ་ཡུམ་ཀྲོངས་བསྐྱེད་ལ་རིམ་པས་གསལ་གདབ་པ་ནི། འོག་གི་རླུང་སྦྱོར་ཅུང་ཞིག་གསལ་བས། ལྟ་སྟངས་སྨད་ལ། བཅོམ་ལྡན་འདས་བདེ་མཆོག་ལ་རིམ་པའི་གནད་དང༌། འཇིགས་བྱེད་དུས་མཚན་དང༌། ཡབ་སྐུ་མདོག་སྔོན་པོ། །ཡུམ་དམར་པོ། །དེ་གཉིས་ཀའི་ལོང་བུ་དང༌། ཞབས་གདུབ་དང༌། སྐུ་སྨད་དང༌། མཁའ་གསང་བྱིན་གྱི་བརླབ་པ་དང༌། སྟག་ལྤགས་དང༌། བར་རླུང་བསལ་བས། རྐེད་པ་དང༌། སྐེ་རགས་དང༌། སྐུ་སྟོང་དང༌། ཚངས་སྐུད་དང༌། མགུལ་བརྒྱན་དང༌། ཕྱག་དང༌། ཕྱག་མཚན་དང༌། གདུ་བུ་དང༌། དཔུང་རྒྱན་དང༌། སྟེང་རླུང་བསལ། ཞལ་དང༌། ཤངས་དང༌། སྤྱན་དང༌། གཙུག་ཏོར་དང༌། ནོར་བུ་དང༌། སྙན་དང༌། སྙན་ཆ་དང༌། ཐོད་ཕྲན་དང༌། རལ་པའི་ཐོར་ཅོག་དང༌། སྣ་ཚོགས་རྡོ་རྗེ་དང༌། ཟླ་བ་ཕྱེད་པ་དང༌། ཡུམ་གྱི་སྐྲ་གྲོལ་བ་དང༌། དར་དཔྱངས་ལ་སོགས་པ་རྣམས་རིམ་པར་གསལ་ལ་མ་འདྲེས་པར་གསལ་གདབ། དེ་ཡང་སྤྱི་མི་གསལ་ན་སྤྱི་
― LT24_Page_307B ―
[མ་དཔེ་གཟིགས་ན་འདིར་གནོན།]
གསལ་གདབ། བྱེ་བྲག་མི་གསལ་ན་བྱེ་བྲག་གསལ་གདབ་སྟེ། ཇི་སྲིད་བརྟན་པ་མ་ཐོབ་ཀྱི་བར་དུ་བསྒོམ་པའོ། །སོ་གཉིས་པ། གཙུག་ཏོར་ནས་བཟུང་གདན་ལ་དེ་བཞིན་ནོ། །ཅེས་པ་ཡང་གཙུག་ཏོར་ནས་བཟུང་གདན་གྱི་བར་དུ་དེ་རྣམས་ཡས་རིམས་གྱིས་གསལ་འདེབས་པའོ། །སོ་གསུམ་པ། དེ་བཞིན་དུ་རལ་གྲི་ཡོངས་སུ་གྱུར་པ་ལས་རླུང་ཁམས་པ། །སོ་བཞི་པ། རིན་པོ་ཆེ་ལས་མེ་ཁམས་པ། །སོ་ལྔ་པ། འཁོར་ལོ་ལས་ས་ཁམས་པ་བསྐྱེད་པ་ཡིན་ནོ། །དེ་རྣམས་ཀྱིས་ཁ་སྦྱོར་གྱི་རླུང་ཞེས་བྱ། གསང་བ་ཡེ་ཤེས་ཀྱི་རླུང་ཞེས་བྱ། བུམ་པ་ཅན་གྱི་རླུང་སྦྱོར་རོ། །སོ་དྲུག་པ། དེ་ལ་ལྷ་ཡབ་རྣམས་ནི་བཅུ་དྲུག་གི་ན་ཚོད་དང༌། ཡུམ་རྣམས་ནི་བཅུ་གཉིས་ཀྱི་ན་ཚོད་ཙམ་བསྒོམས་པས་མཆོག་སྟེར་བར་འགྱུར་རོ། །དེ་ལྟར་རླུང་ལམ་དུ་སློངས་ཤིང་བསྐྱེད་རིམ་བརྟན་པའི་དུས་སུ། སྣང་བ་ཐམས་ཅད་སྣང་སྟོང་དབྱེར་མེད་པར་བར་སྣང་གི་འཇའ་ཚོན་ནམ། སྒྱུ་མ་ལྟ་བུ་སྣང་ལ་རང་བཞིན་མེད་པར་ངོ་སྤྲད་གསུངས་སོ། །སོ་བདུན་པ། དེ་ནས་དྲོད་དང་བདེ་བའི་བོགས་དབྱུང་བར་འདོད་ན། དང་པོ་ལྷ་མེ་ཁམས་པ་གསལ་བའི་ལྟེ་བ་ནས་སོང་བཞིའི་འོག་ཏུ་ཉི་མའི་གདན་ལ་པདྨའམ། རིན་པོ་ཆེ་ཁ་དོག་དམར་ཞིང་གསལ་བའི་མདངས་དང་ལྡན་པ། རེག་བྱ་ཤིན་ཏུ་ཚ་བ་ལ་དམིགས་ནས་མེ་རླུང་བཙན་ཐབས་སུ་འཛིན་པ་ཡིན། །སོ་བརྒྱད་པ། བདེ་བ་ལ་བདེ་ཆེན་འཁོར་ལོའི་ཧཾ་ལ་བྱང་ཆུབ་སེམས་ཀྱི་རྒྱུན་ཐིགས་པ་འབབ་པ་ལྟ་བུར་ཨཱ་ལི་ཀཱ་ལིའི་རྣམ་པ་ལྟེ་བའི་འོག་ཏུ་བབས་པས། ལུས་ཐམས་ཅད་བདེ་བས་གང་བར་བསྒོམས། འདིའི་སྐབས་སུ་རྩའི་གཙོ་མོ་
― LT24_Page_308A ―
[མ་དཔེ་གཟིགས་ན་འདིར་གནོན།]
གསལ་བཏབ་ཀྱང་ཡོད་གསུངས་སོ། །སོ་དགུ་པ། སྲོག་རྩོལ་གྱི་སྒོ་ནས་བགྲང་ཕྲེང་སྤངས་པའི་བསྙེན་པ་བྱ་བ་དང༌། ཕྲིན་ལས་ཆེན་པོ་བསྒྲུབ་ལ། དོ་ལིའི་བཟླས་པ་ནི། སྔགས་ཀྱི་ཕྲེང་བ་ཡབ་ཀྱི་ས་བོན་ལས་ཐོན་དབུ་མའི་ལམ་བརྒྱུད་ཡུམ་གྱི་བྷ་གར་བབས། སྐུའི་བྱིན་རླབས་བརྒྱུད། ཡབ་ཀྱི་ཞལ་དུ་ཞུགས། ཐུགས་ཀའི་ས་བོན་ལ་ཐིམ་པ་ནི་བདེ་སྟོང་བསྐྱེད་པའི་བཟླས་པ་ཡིན་གསུངས། །བཞི་བཅུ་པ། དེ་དག་ལ་ས་བོན་དེ་ཉིད་གསུམ་གྱི་བར་བཅུག་པ་ཐུགས་རྡོ་རྗེའི་བཟླས་པ། །ཞེ་གཅིག་པ། མིང་དེ་ཉིད་གསུམ་གྱི་བར་དུ་བཅུག་པ་གསུང་རྡོ་རྗེའི་བཟླས་པ། །ཞེ་གཉིས་པ། སྐུའི་བསྟོད་པ་དེ་ཉིད་གསུམ་གྱི་བར་དུ་བཅུག་པ་སྐུ་རྡོ་རྗེའི་བཟླས་པ་སྟེ། དེ་ལ་ཡང་གཡོན་ནས་དེ་བཞིན་དུ་རྒྱུ་བ་སྐུ་རྡོ་རྗེའི་བཟླས་པ། གཡས་ནས་རྒྱུ་བ་གསུང་རྡོ་རྗེའི་བཟླས་པ། དབུས་ནས་རྒྱུ་བ་ཐུགས་རྡོ་རྗེའི་བཟླས་པ་སྟེ། རླུང་གང་རྒྱུ་བལྟས་ལ་དེ་དང་དེའི་བཟླས་པ་བྱའོ། །ཞེ་གསུམ་པ། དེ་ལ་ཡང་ནང་བརྩེགས་སུ་བྱེད་ན། ཆུ་རླུང་བཞི་སྦྱོར་ཞི་བའི་ལས། །ཅེས་གསུངས་པ། ལྷ་ཆུ་ཁམས་པ་བསྐྱེད། ཆུ་རླུང་དབུ་མར་བཅུག །ཨོཾ་མ་མ་ཀི་རི་ཀི་རི་ཆེ་གེ་མོ་ཤཱནྟིང་ཀུ་རུ་ན་མཿ ཞེས་ཡིད་ཀྱིས་རླུང་བཟུང་ལ་བཟླས་པས། ནད་ལ་སོགས་པ་ཞི་བའི་ལས་འགྲུབ་བོ། །ས་རླུང་བཞི་སྦྱོར་རྒྱས་པའི་ལས། ལྷ་ས་ཁམས་པ་བསྐྱེད། ས་རླུང་དབུ་མར་བཅུག །ཨོཾ་ལོ་ཙ་ན་བ་སུ་དྷེ་ཆེ་གེ་མོ་པུཥྚིཾ་ཀུ་རུ་སྭཱ་ཧཱ། ཞེས་པ་ཚེ་དང་བསོད་ནམས་ལ་སོགས་པ་རྒྱས་པར་བྱེད་དོ། །མེ་རླུང་བཞི་སྦྱོར་དབང་གི་ལས། །ཅེས་པས་ལྷ་མེ་ཁམས་པ་བསྐྱེད། མེ་རླུང་དབུ་མར་བཅུག །ཨོཾ་པཎ་ཌ་ར་བཱ་སུ་ནི་བ་ར་ཏེ་ཆེ་གེ་མོ་བཽ་ཥཊ༴ ཅེས་པས་རྒྱལ་
― LT24_Page_308B ―
[མ་དཔེ་གཟིགས་ན་འདིར་གནོན།]
པོ་ལ་སོགས་པ་དབང་དུ་བྱེད་དོ། །རླུང་རླུང་བཞི་སྦྱོར་དྲག་པོའི་ལས། ཅེས་པས། ལྷ་རླུང་ཁམས་པ་བསྐྱེད། རླུང་གི་རླུང་དབུ་མར་བཅུག །ཨོཾ་ཏཱ་རེ་ཏུཏྟཱ་རེ་ཆེ་གེ་མོ་མཱ་ར་ཡ་ཧཱུྃ་ཅེས་པས། བསྒྲལ་བའི་ཞིང་རྣམས་བསད་པའི་ལས་འགྲུབ་བོ། །གཞན་ཡང་དབྱེ་བ་དང༌། རེངས་པ་དང༌། རྨོངས་པ་དང༌། དུག་ཞི་བ་དང༌། བསྐྲད་པ་དང༌། ཚད་རིམས་ཀྱིས་གདབ་པ་དང༌། ཕུར་བུས་གདབ་སྟེ་ལས་ཆེན་པོ་བཅུ་གཉིས་འགྲུབ་པ་ཡིན་ནོ། །ཡང་ལྷ་ནམ་མཁའ་ཁམས་པ་བསྐྱེད། ནམ་མཁའི་རླུང་དབུ་མར་བཅུག །གང་སྒྲུབ་བྱེད་པ་དེ་མི་སྣང་བར་བསྒོམས་པས་མི་སྣང་བར་འགྱུར་རོ། །ཡང་རླུང་བསྙེན་པར་བགྲང་པ་ཅེས་པ་ནི། རང་ལྷར་གསལ་བའི་ལྟེ་བར་ལས་དང་རྗེས་སུ་མཐུན་པའི་ཕྱག་མཚན་གདན་དང་བཅས་པ་བསྐྱེད་ལ། ལས་སྒྲུབ་པའི་སྔགས་ཀྱི་མཐའ་རྟེན་དང་བཅས་པ་བསྒྲུབ་ལ། ས་བོན་དང་མིང་དང་བསྟོད་པ་གསུམ། དེ་ཉིད་གསུམ་གྱི་བར་དུ་བཅུག་པས། སྐུ་གསུང་ཐུགས་ཀྱི་བསྙེན་པར་འགྱུར་བ་ནི་གོང་བཞིན་ནོ། །དེ་ཡང་རང་རང་གི་འཛིན་སྟངས་ཀྱིས། རླུང་ཡིག་འབྲུའི་རྣམ་པར་བཅུག་ནས་ཕྱག་མཚན་ལ་འཁོར་བ་ལ་རིག་པ་འཛིན་པ་སྟེ། དེ་དང་མཉམ་དུ་གསུས་པ་ལ་བསྐོར་བ་ཡིན། དེ་ཡང་ལུས་བྱིན་པོ་མི་འགུལ་བར་གསུས་པ་གཡས་གཡོན་དུ་རེ་མོས་སུ་བསྐོར་བ་རོ་རྐྱང་གཉིས་སུ་ཨཱ་ལི་ཀཱ་ལིའི་རྣམ་པར་སྣ་བུག་ནས་ཞུགས་སྟེ། སུམ་མདོར་སླེབས་པ་དང་དབུ་མའི་ནང་དུ་ཡར་སོང་སྟེ། འོག་ཏུ་ཕྱག་མཚན་དུ་གྱུར། དེ་ལ་སྔགས་ཀྱིས་བསྐོར་བ་ལ་དམིགས་པ་ནི་གསང་བ་ཡེ་ཤེས་ཀྱི་འཁོར་ལུགས་སོ། །ཕྱོགས་གཅིག་ཏུ་དུས་རྟག་ཏུ་བསྐོར་ན་ཡོན་པོའི་གེགས་ཡོང་གསུངས། སྲོག་རྩོལ་ལ་འགོག་པའི་བཟླས་པ་ཅེས་པ་ལ། སྲོག་ནི་གྱེན་རྒྱུ་ཡིན་ལ། རྩོལ་བ་ནི་ཁྲིད་ཀྱི་ལག་ལེན་གྱི་རླུང་ལམ་དུ་བྱེད་པའོ། །དེ་ལྟར་སྲོག་རྩོལ་གྱིས་
― LT24_Page_309A ―
[མ་དཔེ་གཟིགས་ན་འདིར་གནོན།]
ཉི་ཟླའི་འགྲོ་འོང་འགགས་པ་ནི། ཐམས་ཅད་མཁྱེན་པའི་ཡེ་ཤེས་ཀྱི་རླུང་དུ་འགྱུར་ཞིང༌། དེ་ལྟར་ཉམས་སུ་བླངས་པས་སྲོག་རླུང་ཐིག་ལེའི་ནང་དུ་ཚུད་ནས། རླུང་སེམས་ཧཾ་གི་ཐིག་ལེར་འཛིན། ཅེས་པ་ནི། སྲོག་རྩོལ་གྱི་འབྲས་བུ་ཡིན་གསུངས། མན་ངག་གདམས་པའི་གནད་འདི་ཞུ་བ་ལ། །ཆོས་བརྒྱད་ཚེ་འདིའི་སྦྱོར་བ་མ་ཞུགས་ཤིང༌། །ཆོས་དང་བླ་མ་ཚུར་བཞིན་བཀུར་བྱས་ལ། །ཉམས་མྱོང་རྟོགས་པའི་དྲོད་དང་ལྡན་པར་ཤོག །བླ་མར་གསང་ཞིང་གདམས་པའི་དྲོད་ཉུལ་བའི། །ཁ་བསགས་གཡོ་རྒྱུས་གདམས་པ་ལེན་འདོད་ལ། །དམར་ཁྲིད་ལག་ལེན་བྱིན་ན་དམ་ཚིག་ཉམས། །སྣོད་ལྡན་སྣོད་མིན་ཤིན་ཏུ་བརྟག་པ་གཅེས། །སྙིང་ནས་ཚེ་འདི་སྤངས་ནས་ཉམས་ལེན་ཞིང༌། །ཆོས་འདིའི་སྐལ་བར་ལྡན་པའི་རྣལ་འབྱོར་བས། །བྱུང་ན་གཡོ་རྒྱུ་མེད་པས་སྦྱིན་པར་བྱ། །དེ་ལྟ་མིན་ན་རྒྱལ་བའི་བཀའ་དང་འགལ། །ཆོས་འདི་རང་གི་སོར་སྡུད་ལོ་གཅིག་འདྲེས་མེད་དུ་བསྒོམ་མི་ནུས་པའི་མི་ལ་གདམས་པ་འདི་སྦྱིན་དུ་མེད་དོ། །བླ་མ་དང་ཆོས་བདག་མཉེས་པར་མི་བྱེད་པ་ལ་གདམས་པ་འདི་སྦྱིན་དུ་མེད་དོ། །གསེར་གྱི་མེ་ཏོག་ཐད་ཀར་མི་འབུལ་བ་ལ་གདམས་པ་འདི་སྦྱིན་དུ་མེད་དོ། །དམ་བཅའ་འདི་རྣམས་དང་འགལ་བའི་སྣོད་མིན་རྣམས་ལ་གདམས་པ་འདི་བསྟན་པ་བྱུང་ན། འདིའི་སྙིང་ཁྲག་ཆོས་བདག་མཁའ་འགྲོའི་ཚོགས་ཀྱིས་གཏོར་བར་རིགས་སོ། །རྗེ་གྲུབ་ཐོབ་ཆེན་པོའི་གསུང༌། ཕྱག་ལེན་བཞིན་དུ་རྒྱལ་ཁམས་པ་ཟླ་བ་སེང་གེས་ཟིན་བྲིས་སུ་བཏབ་པའི་ཁྲིག་ཡིག་རེ་ཞིག་རྫོགས་སོ། །མངྒ་ལཾ་བྷ་ཝནྟུ། ཤུ་བྷཾ།། །།
གདམས་ངག་མཛོད་པོད་བཅོ་ལྔ་པ།
ཐུན་མོང་མ་ཡིན་པའི་སྨོན་ལམ་རྒྱལ་བ་རྒྱ་མཚོ་མ།
― LT24_Page_310A ―
[མ་དཔེ་གཟིགས་ན་འདིར་གནོན།]
ཐུན་མོང་མ་ཡིན་པའི་སྨོན་ལམ་རྒྱལ་བ་རྒྱ་མཚོ་མ་བཞུགས་སོ།། །།
― LT24_Page_310B ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི། ཐུན་མོང་མ་ཡིན་པའི་སྨོན་ལམ་འདེབས་པར་འདོད་ན། ཀུན་མཁྱེན་དུས་གསུམ་སངས་རྒྱས་དོལ་པོ་པ་ལ་བླ་མ་ཡི་དམ་སངས་རྒྱས་བྱང་སེམས་མཁའ་འགྲོ་ཆོས་སྐྱོང་སྲུང་མའི་ཚོགས་ཀྱིས་ཕྱོགས་བཅུ་ནས་བསྐོར་བ་གསལ་བཏབ་ཏེ། འདི་སྐད་ཅེས་བརྗོད་དོ། །རྒྱལ་བ་རྒྱ་མཚོའི་ཚོགས་རྣམས་གཅིག་ཏུ་འདུས་པ་ཀུན་མཁྱེན་ཇོ་ནང་པ་ཡབ་སྲས་འཕགས་ཚོགས་རབ་འབྱམས་དང་བཅས་པ་ཐམས་ཅད་བདག་ལ་དགོངས་སུ་གསོལ། བདག་ལ་བྱིན་གྱིས་བརླབ་ཏུ་གསོལ། བདག་ལ་ཐུགས་རྗེས་བཟུང་དུ་གསོལ། །ལུས་ངག་ཡིད་གསུམ་གུས་པས་ཕྱག་འཚལ་ལོ། །དངོས་པོ་ཐམས་ཅད་ཀྱི་མཆོད་པས་མཉེས་པར་བགྱིའོ། །ཉེས་བྱས་ཐམས་ཅད་སོ་སོར་བཤགས་སོ། །དགེ་བ་ཐམས་ཅད་ལ་རྗེས་སུ་ཡི་རང་ངོ༌། །ཆོས་ཀྱི་འཁོར་ལོ་མ་ལུས་པར་བསྐོར་བར་བསྐུལ་ལོ། །མྱ་ངན་མི་འདའ་བར་གསོལ་བ་འདེབས་སོ། །ཡང་དག་པར་སྐྱབས་སུ་མཆི་ལགས་སོ། །ཁྱོད་ཀྱི་གོ་འཕང་འཐོབ་པའི་སླད་དུ་སེམས་བསྐྱེད་དོ། །ཐབས་
― LT24_Page_311A ―
[མ་དཔེ་གཟིགས་ན་འདིར་གནོན།]
དང་སྤྱོད་པ་དང༌། །རྨད་དུ་བྱུང་བའི་ལམ་བརྟེན་པར་བགྱིའོ། །དགེ་བ་བླ་ན་མེད་པར་ཡང་དག་པར་རྫོགས་པའི་བྱང་ཆུབ་ཏུ་བསྔོ་བར་བགྱིའོ། །བདག་དང་སེམས་ཅན་ཐམས་ཅད་ཀྱི་དགེ་བ་དུས་གསུམ་དུ་བྱེད་པ་དང༌། །བྱེད་པར་འགྱུར་བ་དང༌། །བྱས་པའི་དགེ་བ་བདག་ཉིད་ཀྱིས་བགྱིས་པ་དང༌། གཞན་བགྱིད་དུ་སྩལ་བ་དང༌། བགྱིད་པ་ལ་རྗེས་སུ་ཡི་རངས་ཤིག་བསྔགས་པ་བརྗོད་པའི་དགེ་བའི་རྩ་བ་ཐམས་ཅད་ཀྱི་མཐུ་ལས། །བདག་དང་སེམས་ཅན་ཐམས་ཅད་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་མྱུར་དུ་ཐོབ་པར་གྱུར་ཅིག །ཀུན་མཁྱེན་ཆོས་ཀྱི་རྒྱལ་པོ་དུས་གསུམ་སངས་རྒྱས་ཐམས་ཅད་ཀྱི་སྤྲུལ་པ། བརྟོན་པ་བཞི་ལྡན་ཆེན་པོ་དོལ་པོ་པ། མཚན་བརྗོད་པར་དཀའ་བ་ཤེས་རབ་རྒྱལ་མཚན་དཔལ་བཟང་པོ་ཁྱོད་ཀྱི་བསྟན་པ་ཕྱོགས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །ཉིད་ཀྱི་ལྟ་སྤྱོད་དང་གྲུབ་མཐའ་བཟང་པོ་འཛིན་ཅིང་དགོངས་པ་སྐྱོང་བའི་བཤེས་གཉེན་དམ་པ་ཤིན་ཏུ་མང་པོས་ས་སྟེང་
― LT24_Page_311B ―
[མ་དཔེ་གཟིགས་ན་འདིར་གནོན།]
ཁྱབ་པར་གྱུར་ཅིག །དེ་དག་གི་འཕྲིན་ལས་རྣམ་པར་དཀར་བ་གོང་ནས་གོང་དུ་རྒྱས་ཤིང༌། དེ་ལྟ་བུ་ལ་བར་དུ་གཅོད་པ་ཅུང་ཟད་ཀྱང་མི་འབྱུང་བར་གྱུར་ཅིག །བདག་སོགས་སེམས་ཅན་ཐམས་ཅད་ཀྱང་ཚེ་རབས་འདི་དང་ཚེ་རབས་གཞན་ཐམས་ཅད་དུ། ཀུན་མཁྱེན་ཆོས་ཀྱི་རྒྱལ་པོ་ཁྱེད་ཀྱི་ཕྲིན་ལས་སྒྲུབ་པ་དང༌། །གསུང་གི་གསང་བའི་མཛོད་འཛིན་པར་གྱུར་ཅིག །སྐུའི་སྣང་བ་དང་མི་འབྲལ་ཞིང༌། ཐུགས་ཀྱི་བཞེད་པ་ཐམས་ཅད་སྒྲུབ་པར་གྱུར་ཅིག །མ་དད་པ་དང་ལོག་ལྟ་སྐད་ཅིག་ཀྱང་མི་སྐྱེ་ཞིང༌། མོས་གུས་དྲག་པོ་དད་པ་བརྟན་པོས། ཀུན་མཁྱེན་དུས་གསུམ་སངས་རྒྱས་ཁྱེད་ཀྱི་བསྔགས་པ་དང༌། །བསྟོད་དབྱངས་རྒྱ་མཚོ་ཕྱོགས་ཀུན་དུ་བརྗོད་པར་གྱུར་ཅིག །ཉིད་ཀྱི་བསྟན་པ་དང༌། དེ་འཛིན་པའི་སྐྱེས་ཆེན་ལ་མ་དད་པའི་སྐྱེ་བོ་རྣམས་དད་པ་ལ་འཛུད་པར་གྱུར་ཅིག །མི་དང་མི་མ་ཡིན་པ་དང༌། ལྷ་དང་འབྱུང་པོ་མཐུ་བོ་ཆེ་ཐམས་ཅད་ཀྱིས་ཀྱང་ཀུན་མཁྱེན་བརྟོན་པ་བཞི་ལྡན་ཁྱོད་ཀྱི་བསྟན་པ་རྒྱས་པར་བྱེད་ཅིང་གུས་པས་མཆོད་པར་གྱུར་ཅིག །དེ་ལྟར་ཁྱོད་ཀྱི་བསྟན་པ་ལ་དང་བའི་མི་དང་མི་མ་ཡིན་པ་ཐམས་ཅད་ཚེ་རིང་ཞིང་ནད་མེད་པ་དང༌། འབྱོར་བ་དང༌། དབང་ཕྱུག་དང༌། སྟོབས་དང༌། གཟིག་བརྗིད་ཕུན་སུམ་ཚོགས་པ་ལ་སོགས་པ་འདོད་པའི་དོན་བཟང་པོ་ཐམས་ཅད་གེགས་མེད་པར་འགྲུབ་པར་གྱུར་ཅིག །སྐྱེ་བ་ཀུན་དུ་རྒྱལ་བ་ཇོ་ནང་པ་ཆེན་པོ་ཁྱོད་ཀྱི་རྣམ་ཐར་བཟང་པོར་འཇུག་པར་གྱུར་ཅིག །ཐུགས་དགྱེས་པའི་ཐབས་ཁོ་ན་སྒྲུབ་པར་གྱུར་ཅིག །དགོངས་པ་སྐྱོང་བའི་ཆོས་ཀྱི་སྒྲས་ཕས་རྒོལ་ཐམས་ཅད་ཟིལ་གྱིས་གནོན་པར་གྱུར་ཅིག །ཁྱོད་ཀྱི་བསྟན་པ་ལ་སྡང་བ་དང་གནོད་པར་བྱེད་པ་ཐམས་ཅད། གང་ལ་གང་འདུལ་གྱི་ཐབས་སྣ་ཚོགས་ཀྱིས་བཏུལ་ནས་ཁྱོད་ཀྱི་བསྟན་པ་ལ་འགོད་པར་གྱུར་ཅིག །མ་དར་བ་
― LT24_Page_312A ―
[མ་དཔེ་གཟིགས་ན་འདིར་གནོན།]
རྣམས་སུ་དར་བར་བྱེད་ཅིང༌། དར་བ་རྣམས་དག་ཅིང་འཕེལ་བ་དང༌། ཉམས་པ་རྣམས་སུ་གསོ་ནུས་པར་གྱུར་ཅིག །ལུས་དང་ལོངས་སྤྱོད་དང་སྲོག་ལས་ཀྱང་ཁྱོད་ཀྱི་བསྟན་པ་གཅེས་སྤྲས་སུ་འཛིན་པར་གྱུར་ཅིག །རྣམ་པར་དག་པའི་རིགས་སམ། རྣམ་པར་དག་པའི་ཁམས་བདེ་གཤེགས་སྙིང་པོ་སངས་རྒྱས་ཀྱི་ཡོན་ཏན་ཐམས་ཅད་ཀྱིས་བརྒྱན་པ་གདོད་མ་ནས་གྲུབ་པའི་དོན་ཁོང་དུ་ཆུད་པར་གྱུར་ཅིག །སངས་རྒྱས་རྟག་པ་དང༌། ཆོས་བདེན་པ་དང༌། དགེ་འདུན་མི་བསླུ་བའི་དོན་ལ་ངེས་པ་རྙེད་པར་གྱུར་ཅིག །ཀུན་རྫོབ་གཟུང་འཛིན་གྱི་ཆོས་མེད་བཞིན་དུ་སྣང་བ། སྒྱུ་མ་ལྟ་བུའི་དོན་རྟོགས་པར་གྱུར་ཅིག །དོན་དམ་སྤྲོས་བྲལ་རྟག་རབ་བརྟན་ཞིང་གཡུ་དྲུང་གི་གནས་མངོན་དུ་བྱང་བར་གྱུར་ཅིག །ཟབ་ལམ་རྡོ་རྗེའི་རྣལ་འབྱོར་ལས་བརྩམ་སྟེ། ཚེ་འདི་ཉིད་ལ་རྡོ་རྗེ་བཞི་དང༌། སྐུ་བཞིའི་གོ་འཕང་ཐོབ་པར་གྱུར་ཅིག །གནས་སྐབས་ཐམས་ཅད་དུ་རིགས་ལྡན་གྱི་སྤྲུལ་པའི་སྐུ་དོལ་པོ་བ་ཆེན་པོ་ཆོས་རྗེ་ཡབ་སྲས་རྣམས་ཀྱི་ཐུགས་ཀྱི་དགོངས་པ་ཞལ་གྱི་བདུད་རྩི་ངེས་དོན་མཐར་ཐུག་གི་གྲུབ་མཐའ་ལ་བརྟེན་ནས། རྒྱལ་བའི་གསུང་མ་ལུས་པ་ལ་འཇུག་པར་གྱུར་ཅིག །གཞན་ཡང་དེ་རྣམས་ཀྱང་ཡང་དག་པའི་ཆོས་འདི་ཉིད་ཁོ་ན་ལ་འཇུག་པར་གྱུར་ཅིག །འཇིག་རྟེན་མགོན་པོའི་རྣམ་འཕྲུལ་ཇོ་ནང་པ་ཆོས་རྗེ་ཡབ་སྲས་རྣམས་ཀྱི་ཞལ་མངོན་སུམ་དུ་མཐོང་སྟེ་འབྲལ་མེད་དུ་བསྟན་པར་གྱུར་ཅིག །ཐེག་པ་མཐའ་དག་ལ་མཁས་ཤིང༌། གཞན་སྟོང་དབུ་མའི་ལྟ་བ་འབྲལ་མེད་དུ་སྐྱོང་བར་གྱུར་ཅིག །དམ་ཚིག་དང་ལྡན་པས་རིམ་གཉིས་མཐའ་དག་རྣལ་འབྱོར་དུ་བྱེད་ཅིང༌། དེ་ཐམས་ཅད་ཀྱང་རྡོ་རྗེའི་རྣལ་འབྱོར་གྱི་སྙིང་པོ་ཅན་དུ་གྱུར་ཅིག །བྱང་ཆུབ་སེམས་དཔའི་སྤྱོད་པ་མཐར་ཕྱིན་ཅིང་གཞན་དོན་ཕྱོགས་མེད་
― LT24_Page_312B ―
[མ་དཔེ་གཟིགས་ན་འདིར་གནོན།]
དུ་ནུས་པར་གྱུར་ཅིག །རྒྱལ་པོ་ལ་སོགས་པ་གཙོ་བོ་ཐམས་ཅད་ཆོས་བཞིན་དུ་ཆོས་ཀྱིས་དབང་དུ་འདུས་ནས་མཆོག་གི་དགེ་བ་ལམ་བཟང་འདི་ལ་འགོད་པར་གྱུར་ཅིག །ཁྱེད་ཀྱི་བསྟན་པ་རྒྱས་པ་ལ་བར་དུ་གཅོད་པ་ཐམས་ཅད་དབྱིངས་སུ་ཞི་བར་གྱུར་ཅིག །རྙེད་པ་དང་བཀུར་བསྟི་ལ་སོགས་པ་ཕན་འདོགས་པའི་མཐུན་རྐྱེན་ཐམས་ཅད་འབད་མེད་དུ་འགྲུབ་པར་གྱུར་ཅིག །འཁོར་འདས་སྲིད་གསུམ་གྱི་ལས་དང་བྱ་བྱེད་ཡིན་ནོ་ཅོག་ཐམས་ཅད་ཁྱོད་ཀྱི་བསྟན་པར་གུས་པ་དང༌། དར་བ་དང༌། གནས་པ་དང༌། འཕེལ་བའི་རྒྱུར་གྱུར་ཅིག །ཕུན་ཚོགས་ཐར་པའི་ལམ་གྱི་གཞིར་གྱུར་པ། །རྟག་ཆད་མཐའ་སྤངས་ཟབ་མོ་དབུ་མའི་ལམ། །སྤྲོས་བྲལ་བདེ་གཤེགས་སྙིང་པོའི་དོན་སྟོན་པའི། །ངེས་དོན་བསྟན་པ་ཕྱོགས་བཅུར་རྒྱས་པར་ཤོག །ཀུན་མཁྱེན་ཆོས་ཀྱི་རྒྱལ་པོ་ཇོ་ནང་བའི། །བསྟན་པ་ཡུལ་རྣམས་ཀུན་དུ་ཁྱབ་པ་དང༌། །ཕྱོགས་རྣམས་ཀུན་དུ་ནམ་ཡང་མི་ནུབ་ཅིང༌། །དུས་རྣམས་ཀུན་དུ་འཕེལ་ཞིང་དར་བར་ཤོག །མདོ་དོན་མཐར་ཐུག་གཞན་སྟོང་དབུ་མ་དང༌། །རྒྱུད་དོན་མཐར་ཐུག་རྡོ་རྗེའི་རྣལ་འབྱོར་གྱིས། །ལྟ་སྒོམ་འབྲེལ་པས་ལམ་གྱི་གནད་བཟུང་ནས། །ཆོས་སྒོ་མཐའ་དག་གསལ་བར་བྱེད་པ་ཤོག །བརྟོན་པ་བཞི་ལྡན་གང་དེའི་བསྟན་པ་ལ། །ཕན་པར་སྒྲུབ་ཅིང་བྱ་བ་བྱེད་པ་ཀུན། །ཚེ་རིང་ནད་མེད་འབྱོར་པ་རྒྱས་པ་དང༌། །དབང་ཕྱུག་དམ་པ་ཐོབ་ཅིང་གེགས་མེད་ཤོག །དུས་གསུམ་སངས་རྒྱས་ཀུན་མཁྱེན་དོལ་པོ་པའི། །བསྟན་པ་བསྲུང་ཞིང་བསྟན་ལ་དགའ་བ་ཡི། །ཆོས་སྐྱོང་ལྷ་དང་འབྱུང་པོའི་ཚོགས་ཀུན་ཀྱང༌། །མཐུ་སྟོབས་རྒྱས་ཤིང་འཇིག་རྟེན་སྐྱོང་བར་ཤོག །བརྒྱུད་ལྡན་བླ་མ་རྣམས་ཀྱི་བྱིན་རླབས་དང༌། །ཡི་དམ་རྒྱལ་བ་རྒྱ་མཚོའི་ནུས་མཐུ་དང༌། །
― LT24_Page_313A ―
[མ་དཔེ་གཟིགས་ན་འདིར་གནོན།]
མཁའ་འགྲོ་ཆོས་སྐྱོང་བསྲུང་མའི་མཐུ་སྟོབས་ཀྱིས། །སྨོན་ལམ་འདི་བཏབ་ཇི་བཞིན་འགྲུབ་པར་ཤོག །ཕྱོགས་བཅུ་དུས་གསུམ་འབྱུང་བའི་སངས་རྒྱས་དང༌། །ལུང་རྟོགས་བཞི་ལམ་འབྲས་བུའི་དམ་ཆོས་དང༌། །ཐེག་གསུམ་ལམ་ལ་གནས་པའི་འཕགས་ཚོགས་ཏེ། །དཀོན་མཆོག་གསུམ་གྱི་བདེན་པའི་བྱིན་རླབས་ཀྱིས། །སྨོན་ལམ་འདི་ཡང་གེགས་མེད་འགྲུབ་པར་ཤོག །དོན་དམ་ཆོས་ཉིད་གདོད་ནས་དག་པ་དང༌། །ཀུན་རྫོབ་རྒྱུ་འབྲས་བསླུ་བ་མེད་པ་དང༌། །ཏིང་འཛིན་སྔགས་དང་རྫས་ཀྱི་བདེན་པ་ཡིས། །དེ་ལྟར་སྨོན་ལམ་བཏབ་པ་འགྲུབ་པར་ཤོག །དེ་ལྟར་རྒྱལ་མཆོག་སྲས་དང་སློབ་མར་བཅས། །བསྟན་བསྲུང་ལྷ་དང་དྲང་སྲོང་རིག་འཛིན་དང༌། །དཀར་ཕྱོགས་སྐྱོང་བ་མཐུ་ལྡན་ཐམས་ཅད་ཀྱིས། །འདིར་བཏབ་སྨོན་ལམ་འགྲུབ་པར་མཛད་དུ་གསོལ། །སྐྱབས་གསུམ་འགྱུར་བ་མེད་པའི་དགེ་ལེགས་དང༌། །དོན་དམ་རྟག་བརྟན་བདེན་པའི་ཕུན་ཚོགས་ཀྱིས། །ངེས་དོན་བསྟན་པའི་བདག་པོ་ཇོ་ནང་པའི། །འཕྲིན་ལས་དར་ཞིང་རྒྱས་པའི་བཀྲ་ཤིས་ཤོག །ཅེས་པ་ཐུན་མོང་མ་ཡིན་པའི་སྨོན་ལམ་ཟབ་མོ་འདི་ཡང་རྒྱལ་ཁམས་པ་ཏཱ་ར་ནཱ་ཐས་དཔལ་གྱི་གནས་མཆོག་ཆོས་འཁོར་ལྷ་སར་སྦྱར་བའོ། །གང་ཞིག་སྨོན་ལམ་འདི་འདེབས་པར་བྱེད་པ་དེ་ཡང་ཚེ་དང་དབང་ཕྱུག་དང༌། ཆོས་དང་ཐར་པའི་བདེ་བ་ཕུན་སུམ་ཚོགས་པར་གྱུར་རོ།། །།བཀྲ་ཤིས།། །།
| 
