 རྒྱ་ཆེན་བཀའ་མཛོད།གླེགས་བམ་གསུམ་པ།འཇམ་མགོན་ཀོང་སྤྲུལ་བློ་གྲོས་མཐའ་ཡས།Nitartha Internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། དཀར་ཆག― LT30_Page_0001 ―
[མ་དཔེ་གཟིགས་ན་འདིར་གནོན།]
འཇམ་མགོན་ཀོང་སྤྲུལ་རྒྱ་ཆེན་བཀའ་མཛོད། ག། པར་མཁོན་ལུགས་ཕུར་པ་ཇོ་ནང་རྗེ་བཙུན་ཏ་ར་ན་ཐའི་སྒྲུབ་དཀྱིལ་ལ་མཛེས་རྒྱན་གསར་དུ་གནང་བ་རྡོ་རྗེ་ཕུར་པ་བདུད་འཇོམས་རོལ་པའི་དཀར་ཆགས་དང་བརྒྱུད་ཡིག་ལྡེབ། ༧ ཕུར་པའི་རྒྱུད་རྩ་དུམ་ལྡེབ། ༥ དེའི་རྒྱུད་འགྲེལ་ལྡེབ། ༩༤སྒྲུབ་སྐོར་ཡིག་རྙིང་ལྡེབ། ༨ དབང་བསྐུར་བྱ་ཐབས་ལྡེབ། ༡༡ དཀྱིལ་ཆོག་ལྡེབ། ༥༠ གསོལ་འདེབས་ལྡེབ། ༢ཚེ་འགུགས་ལྡེབ། ༤ སྟོད་ལས་དབང་ཆོག་ལྡེབ། ༡༩ གཏོར་དབང་ལྡེབ། ༦ སྨད་ལས་ལྡེབ། ༢༦ རྒྱུན་ཁྱེར་ལྡེབ། ༥ བསྐྱེད་རྫོགས་ཁྲི་ཡིག་ལྡེབ། ༢༡ བསྙེན་སྒྲུབ་ཉམས་ལེན་ལྡེབ། ༤ བསྙེན་ཡིག་ལྡེབ། ༢༦ ཁྲི་ཡིག་ལྡེབ། ༣ གཏོར་བཟློག་ལྡེབ། ༢༥ བཅས་ག་པར་བསྡོམ་ལྡེབ་གྲངས་གསུམ་བརྒྱ་བཅུ་དྲུག་བཞུགས། །དགེའོ། ། རྡོ་རྗེ་ཕུར་པ་བདུད་འཇོམས་རོལ་པའི་པུསྟི་ཀའི་བཞུགས་བྱང་དང་བརྒྱུད་པའི་ཡི་གེ་ཟླ་ཤེལ་མེ་ལོང་།― LT30_Page_0003 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཕུར་པ་བདུད་འཇོམས་རོལ་པའི་པུསྟི་ཀའི་བཞུགས་བྱང་དང་བརྒྱུད་པའི་ཡི་གེ་ཟླ་ཤེལ་མེ་ལོང་ཞེས་བྱ་བ་བཞུགས་སོ། ། ― LT30_Page_0004 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་བཛྲ་སཏྭ་ཡ། །བརྟན་གཡོ་འཁོར་འདས་ཀུན་གྱི་སྲོག །རྡོ་རྗེ་སེམས་དཔའ་བདེ་བ་ཆེ། །ཁྱབ་བདག་དཔལ་ཆེན་ཧེ་རུ་ཀ །།བླ་མའི་ཞབས་ཀྱི་པདྨོར་འདུད། །གང་དེས་རྗེས་སུ་གནང་བ་དང་། །མོས་ལྡན་སྐུལ་མའི་ལྕག་བྲབས་ཤིང་། །བསྟན་པའང་ཡིད་ལ་བརྣག་པའི་ཕྱིར། །རྗེ་བཙུན་ཆེན་པོའི་གསུང་རབ་ལ། །ལྷན་ཐབས་ཞབས་བསིལ་ཕུལ་བ་ཡིས། །བདུད་འཇོམས་རོལ་པའི་ཆུ་གཏེར་བྱུང་། །དེ་ཡི་རྣམ་གྲངས་བརྒྱུད་ཚུལ་བཅས། །ཡི་གེའི་ཁ་བྱང་གསལ་བར་བྱ། །རྩོད་དུས་ཀྱི་རྡོ་རྗེ་འཆང་སྒྲོལ་བའི་མགོན་པོའི་གསུང་། ― LT30_Page_0005 ―
[མ་དཔེ་གཟིགས་ན་འདིར་གནོན།]
རབ་ལས་བྱུང་བའི་རྡོ་རྗེ་ཕུར་པ་ས་ལུགས་ཀྱི་དབང་དང་སྒྲུབ་ཐབས་ལ། བསྐྱེད་རྫོགས་ལས་ཁ་ཚར་དང་བཅས་གཞན་ལ་ལྟོས་པ་མེད་པའི་ཡིག་ཆ་ཕྱོགས་གཅིག་ཏུ་བསྒྲིགས་པ་བདུད་འཇོམས་རོལ་པའི་གླེགས་བམ་འདིར། ཐོག་མར། དཀར་ཆགས་བརྒྱུད་ཡིག་ཟླ་ཤེལ་མེ་ལོང་། གཞུང་དངོས་ཀྱི་དང་པོ། རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུ་ས་སྐྱ་པ་ཆེན་གྱིས་ཤངས་སྲེག་ཤིང་དུ་བསྒྱུར་བ། རྗེ་བཙུན་གྲགས་པས་མཛད་པའི་བསྙེན་སྒྲུབ་ཀྱི་ཡི་གེ་སོགས་མན་ངག་རྙིང་པ་ཕྱོགས་བསྡུས་རྡོ་རྗེ་ཕུར་པའི་སྒྲུབ་སྐོར། ཡང་ཕུར་ཐུན་ ― LT30_Page_0006 ―
[མ་དཔེ་གཟིགས་ན་འདིར་གནོན།]
མོང་གི་མན་ངག་ཨ་ཏིའི་ཁྲིད་རིམ་ཐར་པའི་སྒོ་གཅིག་པྲཛྙཱ་ར་སྨིའི་བཀའ་འབུམ་ལས་ཁོལ་དུ་ཕྱུང་བ་སྟེ་ལེ་ཚན་གསུམ་ནི་གང་ལས་བྱུང་བའི་ཁུངས་ཡིག་རྙིང་གི་སྐོར་རོ། །དཔལ་རྡོ་རྗེ་གཞོན་ནུའི་དཀྱིལ་འཁོར་གྱི་ཆོ་ག་བདུད་འཇོམས་རོལ་པ། དཔལ་རྡོ་རྗེ་གཞོན་ནུའི་དཀྱིལ་འཁོར་དུ་སློབ་མ་ལ་དབང་བསྐུར་བའི་ཚུལ་ཏེ་ལེ་ཚན་གཉིས་ནི་རྗེ་བཙུན་རིན་པོ་ཆེའི་གསུང་རབ་གཞུང་འདིའི་རྩ་བའོ། །དེ་ལ་སྲི་ཞུར་སྤེལ་བའི་ཡིག་ཆ་གསར་བསྒྲིགས་ཀྱི་ཚོགས་ནི། རྡོ་རྗེ་ཕུར་པ་བཀའ་གཏེར་སྤྱི་ཁྱབ་བརྒྱུད་པར་བཅས་པ་ལ་གསོལ་བ་འདེབས་པ་བདུད་འཇོམས་རྡོ་རྗེའི་གླུ་དབྱངས། འཁོན་ལུགས་ཀྱི་བརྒྱུད་པའི་གསོལ་འདེབས་བཻ་ཌཱུརྻའི་ཕྲེང་མཛེས། སྟོད་ལས་ཀྱི་དབང་བསྐུར་བའི་ལག་ལེན་གསལ་བྱེད་བདུད་རྩིའི་དོ་ཤལ། གཏོར་དབང་གི་ཡི་གེ་བྱིན་རླབས་བཅུད་ཀྱི་ཐིག་པ། སྨད་ལས་དྲག་པོ་སྒྲོལ་བའི་རྗེས་སུ་གནང་བའི་ཡི་གེ་བདུད་བཞིའི་གཡུལ་འཇོམས། །བཀའ་སྲུང་དཀར་བདུད་ལྕམ་དྲལ་གྱི་སྒྲུབ་ཐབས་རྗེས་གནང་དང་བཅས་པ་རྗེ་བླ་མ་འཇམ་དབྱངས་ཆེན་པོའི་ཞལ་སྔ་ནས་སྩལ་བ། བསྙེན་ཡིག་དཔལ་ཆེན་ཐུགས་ཐིག །བསྐྱེད་རྫོགས་ཁྲིད་ཡིག་ས་བོན་ཙམ་སྨོས་པ་རྡོ་རྗེའི་གསང་མཛོད། སྒྲུབ་རྟེན་གྱི་གནད་དང་མངོན་སྤྱོད་གཟེར་ཁའི་བཅས་ཀྱི་རིམ་པ་ ― LT30_Page_0007 ―
[མ་དཔེ་གཟིགས་ན་འདིར་གནོན།]
རྣམ་གསལ་ཐོས་ཆུང་ཡིད་ཀྱི་བཅུད་འཛིན། རྒྱུན་གྱི་ཉམས་ལེན་ཐུགས་ཀྱི་ཐིག་ལེ། སྨད་ལས་གཏོར་བཟློག་གི་ལག་ལེན་གསལ་བར་བཀོད་པ་རྡོ་རྗེ་གནམ་ལྕགས་འཁྲུལ་འཁོར། །བསྟོད་བསྐུལ་གསོལ་ཁ་སྦྲེལ་བ་ལྷའི་རྔ་སྒྲ། །བསྙེན་སྒྲུབ་ལས་གསུམ་ལ་ཉེ་བར་མཁོ་བའི་ཡིག་སྣ་ཕྲན་ཚེགས་ཕྱོགས་གཅིག་ཏུ་བསྡེབས་པ་འདོད་དགུའི་བང་མཛོད། གསེར་སྐྱེམས་སྤྱི་འགྲོ་འདིར་མཐུན་ཁ་བསྒྱུར་བ། མངོན་སྤྱོད་ལས་ལ་ཉི་བར་མཁོ་བའི་ཡིག་ཆུང་སྦས་པ་མིག་འབྱེད། ལས་བཞིའི་སྦྱིན་སྲེག་ཕྲིན་ལས་གཟི་བརྗིད་དཔལ་འབར། དགྲ་དུར་ཕུང་གསུམ་མནན་པའི་མན་ངག་རྡོ་རྗེ་ཐོག་བརྩེགས། ལིང་ཁྲུས་ནོར་བུ་ཆུ་དྭངས། ཚེ་འགུགས་ཀྱི་ཕྲིན་ལས་དྭངས་མ་བཅུད་བསྡུས། གཏོར་བཟློག་གི་འདོན་འགྲིགས་བརྩམས་དོན་དགོས་ཆོད་ཀྱིས་མཐའ་བརྒྱན་པ་མཐོང་བས་གོ་འབྱེད་བཅས་ཆོས་ཚན་ཉེར་ལྔའི་གྲངས་ལྡན་གྱིས་ལེགས་པར་གྲུབ་བོ། །དེ་དག་གང་ལས་བརྒྱུད་པའི་ཚུལ་སྨོས་པ་ལ་སྨིན་གྲོལ་གཉིས། དང་པོ་སྨིན་བྱེད་ཀྱི་སྐོར་ལ། རྗེ་བཙུན་ཆེན་པོའི་དཀྱིལ་ཆོག་དང་སློབ་མ་དབང་བསྐུར་སྦྱར་བའི་སྟོད་ལས་ཀྱི་དབང་བསྐུར་བའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་སེམས་དཔའ། སྤྲུལ་སྐུ་པདྨ་འབྱུང་གནས། འཁོན་ཀླུ་དབང་སྲུང་བ། འཁོན་རྡོ་རྗེ་རིན་ ― LT30_Page_0008 ―
[མ་དཔེ་གཟིགས་ན་འདིར་གནོན།]
ཆེན། །འཁོན་ཤེས་རབ་ཡོན་ཏན། འཁོན་ཚུལ་ཁྲིམས་རྒྱལ་པོ། འཁོན་རྡོ་རྗེ་གཙུག་ཏོར། འཁོན་དགེ་སྐྱབས། འཁོན་དགེ་མཐོང་། འཁོན་ཤཱཀྱ་བློ་གྲོས། འཁོན་ཤེས་རབ་ཚུལ་ཁྲིམས། འཁོན་ས་སྐྱ་པ་དཀོན་མཆོག་རྒྱལ་པོ། ས་ཆེན་ཀུན་དགའ་སྙིང་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། འཕགས་པ་བློ་གྲོས་རྒྱལ་མཚན། ཁའུ་པ་འོད་ལྡན་དཔལ། གུ་ལུང་པ་ཀུན་དགའ་རྡོ་རྗེ། ལོ་ཙཱ་བ་མཆོག་ལྡན། དགའ་ལྡན་པ་ཀུན་དགའ་བསོད་ནམས། གན་པ་རིན་ཆེན་རྒྱལ་མཚན། བླ་མ་དམ་པ་བསོད་ནམས་རྒྱལ་མཚན། བླ་ཆེན་ཀུན་དགའ་རྒྱལ་མཚན། ཐེག་ཆེན་ཆོས་རྗེ་ཀུན་དགའ་བཀྲ་ཤིས། མཁན་ཆེན་སེང་གེ་དཔལ་བ། བྲག་ཐོག་པ་བསོད་ནམས་བཟང་པོ། རྡོ་རྗེ་གདན་པ་ཀུན་དགའ་རྣམ་རྒྱལ། བླ་མ་རིན་ཆེན་རྣམ་རྒྱལ། རྗེ་ཤཱཀྱ་ཀུན་དགའ། དམ་ཆོས་གླིང་པ་ཡེ་ཤེས་དབང་པོ། འདི་ལས་རྗེ་བཙུན་རིན་པོ་ཆེས་ཕུར་པ་ས་ལུགས་ཀྱི་དབང་དང་གདམས་པ་རྫོགས་པར་གསན་ཀྱང་དེང་སང་རྗེ་བཙུན་ནས་བརྒྱུད་པའི་དབང་རྒྱུན་དམིགས་བསལ་བཞུགས་མ་འདྲ་ཞིང་། ཉི་མ་གླིང་པ་རྗེ་བཙུན་གྱི་ཞལ་སློབ་ཡིན་པར་སྣང་ཡང་བྱིན་རླབས་དོན་གྱི་བརྒྱུད་པ་འདུ་བ་གཞིར་བཅས། ཕུར་དབང་གི་ཚིག་ ― LT30_Page_0009 ―
[མ་དཔེ་གཟིགས་ན་འདིར་གནོན།]
བརྒྱུད་རང་ནི་གསན་ཡོད་མེད་མ་ངེས་ལ། གལ་ཏེ་གསན་ཡོད་ཚེ་ལུགས་འདིར་འདུ་བ་ཡིན་ནོ། །གང་ལྟར་ཡེ་ཤེས་དབང་པོ་ནས། ཉི་མ་གླིང་པ་ཚུལ་ཁྲིམས་བཀྲ་ཤིས། རྔོག་སྟོན་རིན་ཆེན་རྒྱ་མཚོ། བླ་མ་བསྟན་པ་རྒྱ་མཚོ། རྗེ་ཀུན་དགའ་སྦྱིན་པ། གངས་དཀར་རྡོར་འཛིན་ཀུན་དགའ་ཆོས་འཕེལ། ཀརྨ་ཚེ་དབང་ཀུན་ཁྱབ། མཆོག་སྤྲུལ་ཀརྨ་རཏྣ། རྡོ་རྗེ་འཛིན་པ་ཆེན་པོ་ཀརྨ་འོད་གསལ་འགྱུར་མེད་ཀྱི་ཞལ་སྔ་ནས་བཀའ་དྲིན་ཏུ་བསྩལ་བའོ། །དཔལ་ལྡན་བླ་མ་དམ་པས་མཛད་པའི་སྒྲུབ་ཐབས་རྒྱས་པ། འཇམ་མགོན་ཀུན་དགའ་བསོད་ནམས་ཀྱིས་མཛད་པའི་དཀྱིལ་ཆོག །སྔགས་འཆང་ཆེན་པོའི་མཚམས་སྦྱོར་རྣམས་ལ་བརྟེན། རས་བྲིས་ཀྱི་དཀྱིལ་འཁོར་དུ་སྟོད་ལས་བྱང་ཆུབ་སྒྲུབ་པའི་དབང་བསྐུར་ལེགས་པར་ནོས་པའི་བརྒྱུད་པ་ནི། འཇམ་དབྱངས་བདུན་པ་ཐེག་ཆེན་ཆོས་ཀྱི་རྒྱལ་པོ་ཡན་གོང་ལྟར་ལ། དེ་ནས། འཇམ་དབྱངས་ནམ་མཁའ་རྒྱལ་མཚན། རྒྱ་གར་བ་ཤེས་རབ་རྒྱལ་མཚན། ས་ལོ་ཀུན་དགའ་བསོད་ནམས། སྔགས་འཆང་ཀུན་དགའ་རིན་ཆེན། འཇམ་དབྱངས་བསོད་ནམས་དབང་པོ། སྔགས་འཆང་གྲགས་པ་བློ་གྲོས། འཇམ་མགོན་ཀུན་དགའ་བསོད་ནམས། འཇམ་དཔལ་བསོད་ནམས་དབང་ཕྱུག། ངག་དབང་ ― LT30_Page_0010 ―
[མ་དཔེ་གཟིགས་ན་འདིར་གནོན།]
ཀུན་དགའ་བཀྲ་ཤིས། ངག་དབང་བསོད་ནམས་རིན་ཆེན། ངག་དབང་ཀུན་དགའ་བློ་གྲོས། ངག་དབང་དཔལ་ལྡན་ཆོས་སྐྱོང་། ངག་དབང་ཀུན་དགའ་རིན་ཆེན། མཁས་དང་གྲུབ་པ་ཡོངས་ཀྱི་ཟུར་ཕུད་འཇམ་དབྱངས་བླ་མ་མཁྱེན་བརྩེའི་དབང་པོའི་བཀའ་དྲིན་ཆེན་པོའི་ཆ་ཤས་ནོད་པའོ། །ཡང་ངོར་བརྒྱུད་ལྟར་ན། བླ་མ་དམ་པ་ནས། བླ་མ་དཔལ་ལྡན་ཚུལ་ཁྲིམས། རྡོ་རྗེ་འཆང་ཀུན་དགའ་བཟང་པོ། པཎྜི་ཏ་གྲགས་པ་རྒྱལ་མཚན། མཁན་ཆེན་བསོད་ནམས་ལྷུན་གྲུབ། ས་ལོ་ཆེན་པོ་མན་འདྲའོ། །སྔགས་འཆང་ཆེན་པོ་ངག་དབང་ཀུན་དགའ་རིན་ཆེན་གྱི་ཡིག་ཆ་ལས་སྨད་ལས་དྲག་པོ་སྒྲོལ་བའི་རྗེས་གནང་ཆེན་པོ་ལེགས་པར་ནོས་པའི་བརྒྱུད་པ་ནི། བླ་མ་དམ་པ་ཡན་སྟོད་ལས་དང་འདྲ། དེ་ནས། འཁོན་ཤེས་རབ་རྡོ་རྗེ། འཁོན་།ཐུགས་རྗེ་ཤེས་རབ། སྔགས་འཆང་རྡརྨ་ཀིརྟི། འཕགས་པ་ནམ་མཁའི་སྙིང་པོ། རྒྱ་གར་བ་ཤེས་རབ་རྒྱལ་མཚན། ས་ལོ་ཀུན་དགའ་བསོད་ནམས། སྤྱན་སྔ་ངག་དབང་ཆོས་གྲགས་རྒྱལ་མཚན། སྔགས་འཆང་ཀུན་དགའ་རིན་ཆེན། འཇམ་དབྱངས་བསོད་ནམས་དབང་པོ། སྤྱན་སྔ་ཀུན་དགའ་དོན་གྲུབ། ངག་དབང་ཀུན་དགའ་བསོད་ནམས། འཇམ་དཔལ་རྡོ་རྗེ་བསོད་ནམས་དབང་ཕྱུག །སྔགས་འཆང་ཀུན་དགའ་བཀྲ་ཤིས། སུམ་ལྡན་ ― LT30_Page_0011 ―
[མ་དཔེ་གཟིགས་ན་འདིར་གནོན།]
དཀོན་མཆོག་རྒྱལ་པོ། ངག་དབང་བསོད་ནམས་རིན་ཆེན་མན་ཀྱང་སྟོད་པས་དང་འདྲའོ། །དྲག་པོ་སྒྲོལ་དབང་འཕགས་པ་རིན་པོ་ཆེས་ཚོལ་བའི་ལོ་རྒྱུས་ལྟར་ན། སློབ་དཔོན་ཆེན་པོ། མཁའ་འགྲོ་མཚོ་རྒྱལ། ཨཱ་ཙ་ར་ནུ་རུ། གློ་བོ་ལོ་ཙཱ་བ། ཆོས་ཀྱི་རྒྱལ་པོ་འཕགས་པ་ཞེས་འདྲེན་དགོས་པར་སྣང་ངོ། །ཕུར་སྲུང་དཀར་བདུད་ལྕམ་དྲལ་གྱི་རྗེས་གནང་ཇོ་ནང་རིན་འབྱུང་། ལས་ཐོབ་པ་ནི། རྗེ་བཙུན་ཡན་དེར་གསལ་བ་ལྟར་ལ། རྗེ་བཙུན་ནས། རྒྱལ་ཚབ་ཡེ་ཤེས་རྒྱ་མཚོ་དང་། རིན་ཆེན་རྡོ་རྗེ་མ་གཉིས་ཀ་ལས་སྙིང་པོ་བློ་གྲོས། ངག་དབང་ཕྲིན་ལས། ཀུན་བཟང་དབང་པོ། ཚེ་དབང་ནོར་བུ། བཀའ་བརྒྱུད་ཕྲིན་ལས་ཤིང་རྟ། བསྟན་འཛིན་ཆོས་ཀྱི་ཉི་མ། རིག་འཛིན་རྡོ་རྗེ་དྲག་པོ། རྡོ་རྗེ་འཆང་པདྨ་ཉིན་བྱེད་དབང་པོའི་ཞབས་པད་དུ་ལེགས་པར་བཏུད་དེ་བཀའ་དྲིན་དུ་ཐོབ་པའོ། །ས་ལོ་ཆེན་པོའི་གཏོར་ཆོག་དང་། སྔགས་འཆང་ཆེན་པོའི་རྗེས་གནང་གི་ཡི་གེ་སྦྱར་བ་ལས་ནོས་པ་ནི། ས་ལོ་ཀུན་དགའ་བསོད་ནམས་ཡན་ས་ལུགས་སྟོད་ལས་ཀྱི་དབང་བཀའ་ལྟར་ལ། དེ་ནས་འཇམ་དབྱངས་ངག་གི་དབང་ཕྱུག །ངག་དབང་ཀུན་དགའ་རིན་ཆེན་མན་ཆད་ཀྱང་དེ་ལྟར་རོ། །གཉིས་པ་གྲོལ་བྱེད་གདམས་པའི་སྐོར་ལ། ཐོག་མར་རྩ་བའི་རྒྱུད་ཀྱི་དུམ་ ― LT30_Page_0012 ―
[མ་དཔེ་གཟིགས་ན་འདིར་གནོན།]
བུའི་བཀླགས་ལུང་ནི། ཀུན་བཟང་། རྡོར་སེམས། ཨོ་རྒྱན་ཆེན་པོ། སྣ་ནམ་རྡོ་རྗེ་བདུད་འཇོམས། འཁོན་ཀླུའི་དབང་པོ། དགེ་སྐྱབས། དག་མཐོང་། ཤཱཀྱ་བློ་གྲོས། དཀོན་མཆོག་རྒྱལ་པོ། དཀར་པོ་རྣམ་གསུམ། ས་པ། ཞང་སྟོན། སྐྱོབས་པ་དཔལ། རྒྱལ་ཚ་ཆོས་ཀྱི་དབང་ཕྱུག །ལོ་མཆོག །བློ་ཆེན། རྒྱལ་བཟང་དཔལ། སྤོང་ཁང་པ། ས་བཟང་མ་ཏི། ས་བཟང་འཕགས་པ། འཇམ་དབྱངས་གྲགས་པ། རི་ཁྲོད་པ་བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། ཆོས་རྗེ་དཔལ་ལྡན་རྡོ་རྗེ། ཆོས་རྗེ་དཀོན་མཆོག་འཕེལ། རྗེ་ལྷ་མཆོག་སང་གེ། ཆོས་རྗེ་དགེ་ལེགས་བཤེས་གཉེན། ཤང་ཁང་པ་ཤེས་རབ་རྒྱལ་མཚན། བྲང་ཏི་པ་ཆེན། དེ་དབོན་ནམ་མཁའ་སངས་རྒྱས། མགོན་པོ་བསོད་ནམས་མཆོག་ལྡན། རིན་ཆེན་རྒྱ་མཚོ། ཀུན་དགའ་བསྟན་དར། ཀུན་དགའ་དར་རྒྱས། གཏེར་ཆེན་འགྱུར་མེད་རྡོ་རྗེ། རྒྱལ་སྲས་རིན་ཆེན་རྣམ་རྒྱལ། ཨོ་རྒྱན་བསྟན་འཛིན་རྡོ་རྗེ། རྡོར་འཛིན་བླ་མ་བསྟན་འཛིན། འགྱུར་མེད་ཕྲིན་ལས་ཆོས་སྒྲོན། ཐམས་ཅད་མཁྱེན་གཟིགས་བསྟན་འཛིན་འཕེལ་རྒྱས་ལས་ནོད། ཡང་ན། བཀའ་འགྱུར་བ་བསོད་ནམས་མཆོག་ལྡན་དང་རྡོར་བྲག་པད་ཕྲིན་བརྒྱུད། ཀར་ལུགས་ཕྱོགས་ཀྱི་ལུང་རྒྱུན་ཀྱང་མཆིས་སོ། ། ― LT30_Page_0013 ―
[མ་དཔེ་གཟིགས་ན་འདིར་གནོན།]
རྙིང་རྒྱུད་དུ་བཞུགས་པ་ཕུར་པའི་རྩ་བཤད་ཀྱི་རྒྱུད་རྣམས་ཀྱི་རྣམ་གྲངས་དང་བརྒྱུད་པ་ནི་འདིར་མ་སྨོས་སོ། །རྡོ་རྗེ་ཕུར་པའི་ལུང་ཐམས་ཅད་ཀྱི་ཕྱི་མོ་སློབ་དཔོན་རྣམ་གསུམ་གྱི་དགོངས་ཉམས་བསྡུས་པ་ཕུར་འགྲེལ་འབུམ་ནག་ཏུ་གྲགས་པའི་ལུང་གི་བརྒྱུད་པ་ནི། །ས་ལུགས་གི་ཡིག་ཆ་སྤྱིའི་ལུང་གི་བརྒྱུད་ཚུལ་འདིར་མ་བྲིས་ཤིང་། གཞུང་འདིར་འཁོད་པའི་འཁོན་ལུགས་རྩ་བའི་ཡི་གེ་རྣམས་ཀྱི་ལུང་གི་བརྒྱུད་པ་ནི། བླ་མ་དམ་པ་ཡན་དབང་བརྒྱུད་དང་འདྲ། དེ་ནས་ས་བཟང་མ་ཏི་པ་ཆེན། ཐེག་ཆེན་ཆོས་རྗེ། བླ་མ་ལུང་རིག་རྒྱ་མཚོ། སེང་གེ་དཔལ་བ། བྲག་ཐོག་པ། ཀུན་དགའ་རྣམ་རྒྱལ། མཁན་ཆེན་རྣམ་མགོན་དྲི་མེད། རྒྱ་སྟོན་བྱང་ཆུབ་དབང་རྒྱལ། སྔགས་འཆང་ཚེ་དབང་བཀྲ་ཤིས། བླ་མ་རྣམ་རྒྱལ་བཀྲ་ཤིས། ཐུ་བཙུན་ཀུན་དགའ་བསོད་ནམས། དཔལ་འབྱོར་གླིང་པ་ངག་དབང་རྣམ་རྒྱལ། མཁན་ཆེན་ངག་དབང་ཨོ་རྒྱན། མཁན་ཆེན་བྱམས་པ་མགོན་བཟང་། གྲུབ་དཔོན་བསྟན་འཛིན་ཕུན་ཚོགས། ཡབ་རྗེ་བསོད་ནམས་རིན་ཆེན། ངག་དབང་ཀུན་དགའ་བློ་གྲོས། མཁན་ཆེན་ཆོས་བཀྲ་ཤིས། མཁན་ཆེན་ཀུན་དགའ་རབ་རྒྱས། རབ་འབྱམས་པ་ཆོས་དཔལ་འབྱོར། མཁན་ཆེན་ངག་དབང་གྲགས་པ། འདར་མཁན་ཆེན་ཀུན་དགའ་དཔལ་བཟང་། ― LT30_Page_0014 ―
[མ་དཔེ་གཟིགས་ན་འདིར་གནོན།]
བློན་པོ་ཀུན་དགའ་འཇམ་དཔལ། བློན་པོ་ངག་དབང་ལེགས་གྲུབ། འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་ནོད་པའོ། །བསམ་གཏན་གླིང་པའི་ཨ་ཏིའི་ཁྲིད་ཡིག་ཡང་ཕུར་ཐུན་མོང་བ་འཕྲང་འགོ་གཏེར་ཆེན་གྱི་བཀའ་འབུམ་ལས་ཁོལ་དུ་ཕྱུང་བའི་བརྒྱུད་པ་ནི། ཀུན་བཟང་། ལས་ཀྱི་དབང་མོ་ཆེ། ཧཱུྃ་མཛད། ཨོཾ་རྒྱན། བི་མ་ལ། ཤཱི་ལ་མཉྫུ། ཁྲི་སྲོང་། མཚོ་རྒྱལ། མཁར་ཆེན་དཔལ་གྱི་དབང་ཕྱུག །རྡོ་རྗེ་བདུད་འཇོམས། ཤཱཀྱ་པྲ་བྷ། ཤུད་བུ་དཔལ་སེང་། ཉང་ཏིང་འཛིན་བཟང་པོ། སྦས་བློ་གྲོས་དབང་ཕྱུག །ལྡང་མ་ལྷུན་རྒྱལ། ལྕེ་བཙུན་སེང་དབང་། གྲུབ་ཐོག་སྤྱི་སྒོམ་པ། སློབ་དཔོན་གཉེར་སྒོམ། སྟོན་པ་ཉི་ཁྲི་དཔལ། གཏེར་ཆེན་གུ་རུ་ཆོས་དབང་། ཤེས་རབ་རིན་ཆེན། རིན་ཆེན་འབུམ། ཡར་ལུང་པ་སེང་རྒྱལ། འཁོན་བསོད་རྒྱལ། བསམ་གཏན་གླིང་པ་ནམ་མཁའ་བསོད་ནམས། ཞལ་ཕུ་བ་ནམ་མཁའ་རྒྱལ་མཚན། དཔལ་འབྱོར་བཟང་པོ། མཛད་པ་ཀུན་རྒྱལ། ཞིག་པོ་གླིང་པ། གཏེར་ཆེན་ཤེས་རབ་འོད་ཟེར། འདི་ཡན་ཉམས་ཁྲིད་ཁོ་ནའི་བརྒྱུད་པར་སྣང་། དེ་ནས། རྒྱལ་སྲས་ཀརྨ་ཀུན་བཟང་། དེས་རིན་ཆེན་དར་རྒྱས་དང་། བསོད་ནམས་རིན་ཆེན་གཉིས་ཀས་གསང་བདག་ཕྲིན་ལས་ལྷུན་གྲུབ། ཨོ་རྒྱན་གཏེར་བདག་གླིང་པ། ངག་དབང་ཀུན་བཟང་པདྨ། རྗེ་ཀུན་བཟང་གྲོལ་ ― LT30_Page_0015 ―
[མ་དཔེ་གཟིགས་ན་འདིར་གནོན།]
མཆོག །པདྨ་དབང་ཆེན། བསྟན་འཛིན་ཆོས་ཀྱི་ཉི་མ། ཀུན་གཟིགས་འཇམ་པའི་དབྱངས་ཀྱི་ཐུགས་རྗེ་ཆེན་པོས་གཟིགས་ཏེ་གནང་བའོ། །རྗེ་བཙུན་རིན་པོ་ཆེས་མཛད་པའི་དཀྱིལ་ཆོག་དང་དབང་བསྐུར་དཔེ་ཚན་གཉིས་ཀྱི་བརྒྱུད་པ་ནི། རྗེ་བཙུན་སྒྲོལ་བའི་མགོན་པོ། རྒྱལ་ཚབ་རིན་ཆེན་རྒྱ་མཚོ། བློ་གྲོས་རྣམ་རྒྱལ། ངག་དབང་ཕྲིན་ལས། ཀུན་བཟང་དབང་པོ། སྐུ་སྐྱེ་ཀུན་དགའ་རྣམ་རྒྱལ། ཚེ་དབང་ཀུན་ཁྱབ། ཀརྨ་རཏྣ། རྗེ་བླ་མ་འོད་གསལ་འགྱུར་མེད་ལས་ནོད་པའོ། །གཞན་ཡང་བཀའ་གཏེར་ཕུར་པའི་ཆོས་ཚུལ་སྤྱི་དང་། ཁྱད་པར་ཡིག་ཆ་འདིར་ཡང་མན་ངག་གི་ཤས་འདྲེས་པའི། ཆོས་དབང་རིན་པོ་ཆེའི་ཕུར་པ་སྤུ་གྲི་སོགས་གཏེར་བྱོན་ཕུར་པའི་རྣམ་གྲངས་ཁུངས་བཙུན་ལ་ཆ་ཚང་བ་མང་དག་ཅིག་གི་སྨིན་གྲོལ་ནོས་པའི་བརྒྱུད་ཚུལ་རྣམས་ནི་འདིར་སྨོས་སུ་མ་ལོངས་པས་ཐོབ་ཡིག་ཏུ་ཤེས་པར་བྱའོ། །ཁ་བྱང་མཐོང་བས་དོན་རྟོགས་ཤིང་། །བརྒྱུད་ཁུངས་ཤེས་པས་ཡིད་ཆེས་ཕྱིར། །དབུ་འདྲེན་ཟླ་ཤེལ་མེ་ལོང་དུ། །དབུ་ཞབས་དོན་གྱི་གཟུགས་བརྙན་འཆར། །སྙིང་པའི་བསྟན་པས་ས་གཞི་མུ་ཁྱུད་ཁེངས། །བསྟན་པ་འཛིན་རྣམས་བདུད་བཞིའི་གཡུལ་ངོ་ལས། །རྒྱལ་བའི་ཆ་རྐྱེན་དམ་པར་འདི་གྱུར་ནས། །ཐུབ་བསྟན་སྲིད་དུ་གཞན་ཕན་མཁའ་ཁྱབ་ཤོག །ཅེས་པའང་ཡི་གེའི་ཕུང་པོ་བརྩེགས་པ་བློ་གྲོས་མཐའ་ཡས་སམ། ཀརྨ་ངག་དབང་ཡོན་ཏན་རྒྱ་མཚོས་བྲིས་པ་དགེ་ལེགས་འཕེལ།། །། རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུ།― LT30_Page_0017 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུ་བཞུགས་སོ། ། ― LT30_Page_0018 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བཛྲ་ཀཱི་ལ་ཡ་མཱུ་ལ་ཏནྟྲ་ཁཎྜ། བོད་སྐད་དུ། རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུ། བཅོམ་ལྡན་འདས་རྡོ་རྗེ་གཞོན་ནུ་ལ་ཕྱག་འཚལ་ལོ། །རྡོ་རྗེ་ཁྲོ་བོས་ཞེ་སྡང་གཅོད། །མཚོན་ཆེན་སྔོན་པོ་ཆེར་འབར་བ། །ནམ་མཁའི་དཀྱིལ་དུ་ཐིག་ལེ་ཤར། །སྲོག་གི་སྒོ་རུ་ཤར་བ་དང་། །སྙིང་གི་དཀྱིལ་དུ་བསྒོམ་པར་བྱ། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་ཉིད་མིན་ཏེ། །ཕུང་པོའི་རྡོ་རྗེའི་བདག་ཉིད་དེ། །རྣམ་པར་ཤེས་པ་རྡོ་རྗེར་བསྒོམ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི།།།ན་བཾ་ཧཱུཾ་ཕཊ། དཱིཔྟ་ཙཀྲ་ཧ་ན་ཧ་ན་ཧཱུཾ་ཕཊ། །རྡོ་རྗེ་གཞོན་ནུའི་རིག་འཛིན་རྣམས། །འཁོར་བ་རྡོ་རྗེར་སྒྲུབ་པར་མཛོད། །འཁོར་བ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །རྡོ་རྗེའི་དེ་ཉིད་རང་བཞིན་ལས། །ཆོས་ཀྱི་དབྱིངས་ཀྱི་ངོ་བོ་ཉིད། །འབར་བའི་ཁྲོ་བོ་མི་བཟད་པས། ། ― LT30_Page_0019 ―
[མ་དཔེ་གཟིགས་ན་འདིར་གནོན།]
སྐུ་ཡི་གཏེར་དུ་བདག་སྐྱེད་ཅིག །ཐབས་ཀྱི་སྤྱོད་པས་སེམས་ཅན་དོན། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་པར་མཛོད། །དབང་དང་བྱིན་རླབས་འདིར་སྩོལ་ཅིག །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ། གརྫ་གརྫ་ཧཱུྃ་ཕཊ། ཨོཾ་བཛྲ་ཀྲོ་དྷི་དཱི་པ་ཡ་ཏི་ཧཱུྃ། ཨོཾ་བཛྲ་སུ་ཁ་ར་མུ་ཁ་ཧཱུྃ། ཨོཾ་བཛྲ་ཨི་ཥུ་པ་མུ་ཁི་ཧཱུྃ། །འདི་ནི་ཁྲོ་བོ་ཆེན་པོ་ཧཱུྃ་མཛད་དང་། །རྡོ་རྗེ་ལྷ་མོ་སྒྲ་འབྱིན་དང་། །སྤྲུལ་པའི་ལྷ་མོ་ཕྲ་མེན་མ། །ཕག་གི་མགོ་ཅན་དང་། རྩངས་པའི་མགོ་ཅན་ནོ། །ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧ་ན་ཧཱུྃ་ཕཊ། ཨོཾ་བཛྲ་ཀྲོ་དྷཱི་ལ་སྱ་ཀི་ཧཱུྃ། ཨོཾ་བཛྲ་བྱ་གྷྲྀ་མུ་ཁ་ཧཱུྃ། ཨོཾ་བཛྲ་གྲྀ་ཌྷྲ་མུ་ཁི་ཧཱུྃ། །འདི་ནི་ཁྲོ་བོ་ཆེན་པོ་རྣམ་པར་རྒྱལ་བ་དང་། རྡོ་རྗེ་ལྷ་མོ་སྒེག་མོ་དང་། སྤྲུལ་པའི་ལྷ་མོ་ཕྲ་མེན་མ་སྟག་གི་མགོ་བོ་ཅན་དང་། བྱ་རྒོད་ཀྱི་མགོ་ཅན་ནོ། །ཨོཾ་བཛྲ་ཀོ་དྷ་ནཱི་ལེ་དཎྜ་ཧཱུྃ་ད་ཧ་ད་ཧ་ཧཱུྃ་ཕཊ། ཨོཾ་བཛྲ་ཀྲོ་དྷི་ ― LT30_Page_0020 ―
[མ་དཔེ་གཟིགས་ན་འདིར་གནོན།]
ཏཱི་ཏཱ་རུ་ཧཱུྃ། ཨོཾ་བཛྲ་ཙཱ་མ་ར་མུ་ཁ་ཧཱུྃ། ཨོཾ་བཛྲ་ཏཱ་ན་མུ་ཁི་ཧཱུྃ། །འདི་ནི་ཁྲོ་བོ་དབྱུག་སྔོན་འཆང་བ་དང་། །ལྷ་མོ་རྡོ་རྗེ་སྡེར་མོ་དང་། །སྤྲུལ་པའི་ལྷ་མོ་ཕྲ་མེན་མ། གཡག་མགོ་ཅན་དང་། བྱ་རོག་མགོ་ཅན་ནོ། །ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ་པ་ཙ་པ་ཙ་ཧཱུྃ་ཕཊ། ཨོཾ་བཛྲ་ཀྲོ་དྷི་ཤྨ་ཤཱ་ན་པ་ཏི་ཧཱུྃ། ཨོཾ་བཛྲ་ཧ་རི་་མུ་ཁ་ཧཱུྃ། ཨོཾ་བཛྲ་ཨུ་ལུ་ཀ་མུ་ཁི་ཧཱུྃ། འདི་ནི་ཁྲོ་བོ་གཤིན་རྗེ་མཐར་བྱེད་དང་། རྡོ་རྗེ་ལྷ་མོ་དུར་ཁྲོད་ཀྱི་བདག་མོ་དང་། སྤྲུལ་པའི་ལྷ་མོ་ཕྲ་མེན་མ་རི་དྭགས་ཀྱི་མགོ་ཅན་དང་། །འུག་པའི་མགོ་ཅན་ནོ། །ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ་བྷནྡྷ་བྷནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷི་མུ་ཧ་ལ་ཧཱུྃ། ཨོཾ་བཛྲ་ཏྱ་ཀི་མུ་ཁ་ཧཱུྃ། ཨོཾ་བཛྲ་པྲེ་ཏ་མུ་ཁི་ཧཱུྃ། འདི་ནི་ཁྲོ་བོ་མི་གཡོ་མགོན་པོ་དང་། རྡོ་རྗེ་ལྷ་མོ་གཏུན་ཁུང་མ་དང་། སྤྲུལ་པའི་ལྷ་མོ་ཕྲ་མེན་མ་གཟིག་གི་མགོ་ཅན་དང་ཁྭའི་མགོ་ཅན་ནོ། །ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧུ་ལུ་ཧུ་ལུ་ཧཱུྃ་ཕཊ། ཨོཾ་བཛྲ་ཀྲོ་དྷི་ཛ་ཡ་ཏི་ཧཱུྃ། ཨོཾ་བཛྲ་བི་ཊཱ་ལ་མུ་ཁ་ཧཱུྃ། ཨོཾ་བཛྲ་པཀྵི་ཏ་མུ་ཁི་ཧཱུྃ། འདི་ནི་ཁྲོ་བོ་རྟ་མགྲིན་དང་། རྡོ་རྗེ་ལྷ་མོ་གཏུམ་མོ་དང་། སྤྲུལ་པའི་ལྷ་མོ་ཕྲ་མེ་ན་མ་བྱ་ལིའི་མགོ་ཅན་དང་། པུ་ཤུད་ཀྱི་མགོ་ཅན་ནོ། །ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ་ཏིཥྛ་ཏིཥྛ་ཧཱུྃ་ཕཊ། ཨོཾ་བཛྲ་ཀྲོ་དྷི་བ་བྱ་ཏི་ཧཱུྃ། ཨོཾ་བཛྲ་སྲྀ༚་ག་ལ་མུ་ཁ་ཧཱུྃ། ཨོཾ་བཛྲ་པཉྩ་ར་ན་མུ་ཁི་ཧཱུྃ། འདི་ནི་ཁྲོ་བོ་གཞན་གྱིས་མི་ཐུབ་པ་དང་། རྡོ་རྗེ་ལྷ་མོ་མདའ་སྙེམས་མ་དང་། སྤྲུལ་པའི་ལྷ་མོ་ཕྲ་མེན་མ་སྤྱང་ཀུའི་མགོ་ཅན་དང་། ཁྲའི་མགོ་ཅན་ནོ། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷི་ས་བྱ་མི་ཏི་ཧཱུྃ། ཨོཾ་བཛྲ་སི༚་ཧ་མུ་ཁ་ཧཱུྃ། ཨོཾ་བཛྲ་ཏི་ཏི་ལ་མུ་ཁི་ཧཱུྃ། འདི་ནི་ཁྲོ་བོ་ ― LT30_Page_0021 ―
[མ་དཔེ་གཟིགས་ན་འདིར་གནོན།]
བདུད་རྩི་འཁྱིལ་བ་དང་། རྡོ་རྗེ་ལྷ་མོ་སྒྲ་མཛད་མ་དང་། སྤྲུལ་པའི་ལྷ་མོ་ཕྲ་མེན་མ་སེང་གེའི་མགོ་ཅན་དང་། ཕ་ཝཾ་གི་མགོ་ཅན་ནོ། །ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ་བིནྡྷ་བིནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷི་མཱ་ར་ཡ་ཧཱུྃ། ཨོཾ་བཛྲ་རཀྵི་བ་མུ་ཁ་ཧཱུྃ། ཨོཾ་བཛྲ་ན་ཀུ་ལ་མུ་ཁི་ཧཱུྃ། འདི་ནི་ཁྲོ་བོ་འཇིག་རྟེན་གསུམ་ལས་རྣམ་པར་རྒྱལ་བ་དང་། རྡོ་རྗེ་ལྷ་མོ་གསོད་བྱེད་མ་དང་། སྤྲུལ་པའི་ལྷ་མོ་ཕྲ་མེན་མ་དྲེད་ཀྱི་མགོ་ཅན་དང་། སྲེ་མོའི་མགོ་ཅན་ནོ། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ་སྥོ་ཊ་སྥོ་ཊ་ཧཱུྃ་ཕཊ། ཨོཾ་བཛྲ་ཀྲོ་དྷི་མུཎྜེ་མཾ་ཧཱུྃ། ཨོཾ་བཛྲ་རཀྵ་ས་མུ་ཁ་ཧཱུྃ། ཨོཾ་བཛྲ་ཀ་ཤི་ཀ་མུ་ཁཱ་ཧཱུྃ། འདི་ནི་ཁྲོ་བོ་སྟོབས་པོ་ཆེ་དང་། །རྡོ་རྗེ་ལྷ་མོ་རིགས་བྱེད་མ་དང་། སྤྲུལ་པའི་ལྷ་མོ་ཕྲ་མེན་མ་དོམ་གྱི་མགོ་ཅན་དང་། བྱི་བའི་མགོ་ཅན་ནོ། །ཨོཾ་བཛྲ་ཡཀྵ་ས་ད་ཧཱུྃ་ཛཿཨོཾ་བཛྲ་བྷཻ་ར་བེ་ཧཱུྃ་ཧཱུྃ། ཨོཾ་བཛྲ་ཨ་མྲྀ་ཧཱུྃ་བཾ། ཨོཾ་བཛྲ་མ་ར་ི་ཧཱུྃ་ཧོཿའདི་ནི་ཤར་དུ་པུ་ཤུད་ཀྱི་མགོ་ཅན་དང་། ལྷོར་བྱ་རོག་གི་མགོ་ཅན་དང་། ནུབ་ཏུ་སྲིན་བྱའི་མགོ་ཅན་དང་། བྱང་དུ་ཁྲའི་མགོ་ཅན་ནོ། །འཁོར་བ་ཕུར་བུ་བསྒྲུབ་དོན་དུ། །དབང་དང་བྱིན་རླབས་ཞུ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བརྟན་པ་དང་། །ཕུར་པའི་དངོས་གྲུབ་སྩལ་དུ་གསོལ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕོ་ཉ་ཆེན་པོའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་ཆེན་མོའི་དུས་ལ་བབ། །ཁྱི་ ― LT30_Page_0022 ―
[མ་དཔེ་གཟིགས་ན་འདིར་གནོན།]
ཡི་གདོང་ཅན་དུས་ལ་བབ། །བསྒྲལ་བར་བྱ་བའི་དུས་ལ་བབ། །བྱང་ཆུབ་ཏུ་ནི་སེམས་བསྐྱེད་ནས། །དུས་གསུམ་སངས་རྒྱས་སྲས་བཞིན་དུ། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་དེ་བཀུག་ནས། །མངོན་སྤྱོད་ཚུལ་གྱིས་བསྒྲལ་བ་དང་། །ལུས་ངག་ཕྱེ་མར་མཛད་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོཾ་ལྃ་ཧཱུྃ་ལྃ་སྟམྦྷ་ནཾ། མོ་ཧཾ་གྷ་ཏ་ཡ་བྷ་ག་ཝཱན་ཧྲཱིཿཥྚྲཱིཿབི་ཀྲྀ་ཏ་བཛྲ་ཧཱུྃ་ཀ་ར་ཧཱུྃ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ། སརྦ་བི།།།ན་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། །བགེགས་བྱེད་པ་ཡི་བདུད་རྣམས་དང་། །སྡུག་བསྔལ་སེམས་ལ་མཉམ་སྦྱོར་བ། །ཆེ་གེ་མོ་ཞེས་བྱ་བའི་བདུད། །ཟུངས་ཤིག་རྡུངས་ཤིག་རྣམ་པར་ཆིངས། །གཏོགས་ཤིག་གྲོགས་དང་དབྱེ་བར་གྱིས། །རིང་ནས་ཁུག་ལ་སྨྲ་རུ་ཆུག །ཕོབ་ཅིག་རྣམ་པར་གཟིར་བར་གྱིས། །བདག་གིས་དབང་དུ་བྱས་གྱུར་ནས། །བསྒོ་བའི་བཀའ་ཉན་གུས་པར་གྱིས། །ཧཱུྃ་པ་ར་བིདྱཱ་ཚིནྡྷ་ཚིནྡྷ་ཧཱུྃ་ཕཊ། བིནྡྷ་བིནྡྷ་ཧཱུྃ་ཕཊ། གྲྀ་ཧྞ་གྲྀ་ཧྞ་ཧཱུྃ་ཕཊ། བནྡྷ་བནྡྷ་ཧཱུྃ་ཕཊ། ཏྲཱ་ཤ་ཡ་ཏྲཱ་ཤ་ཡ་ཧཱུྃ་ཕཊ། ཧ་ས་ཡ་ར་ཧ་ས་ཡ་ར་ཧྲཱིཿདཎྜ་ཧཱུྃ་ཕཊ། ཤཱི་གྷྲཾ་ཨ་ནཱ་ཡ་ཧཱུྃ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུྃ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུྃ་ཕཊ། བིནྡྷ་ཡ་བིནྡྷ་ཡ་ཧཱུྃ་ཕཊ། །ཕོ་ཉ་བྲན་དང་མངག་པའི་ ― LT30_Page_0023 ―
[མ་དཔེ་གཟིགས་ན་འདིར་གནོན།]
ཚོགས། །ཁྱོད་ཀྱི་ཐུགས་དམ་དུས་ལ་བབ། །མངོན་སྤྱོད་ཇི་ལྟར་ངེས་པ་དང་། །མངོན་སྤྱོད་བྱིན་རླབས་དེ་བཞིན་མཛོད། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐཱ་མ་ཐཱ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཊ་ཀ་ཊ་ཡེ་ཛ་ཡེ་བི་ཛ་ཡེ་ཨ་ཛི་ཏེ་ཨ་པ་ར་ཛི་ཏེ་མཱ་ར་སེ་ན་པྲ་མརྡྷ་ནི་ཧཱུྃ་ཕཊ། །རྡོ་རྗེ་གསང་བའི་བཀའ་ལུང་གིས། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །མགོ་བོ་ཚལ་པ་བརྒྱ་རུ་གྱིས། །ཉོན་ཅིག་བགེགས་དང་ལོག་འདྲེན་རྣམས། །ང་ཡི་བཀའ་ལས་འདའ་མ་བྱེད། །ཧཱུྃ་མ་མ་པ་ཤཱཾ་ཀུ་རུ། གདུག་ཅིང་སྡང་སེམས་ལྡན་པ་རྣམས། །སོང་ཅིག་ལྷ་མིན་ལྷ་ཡང་རུང་། །ང་ལ་བར་ཆོད་བྱེད་པའི་བདུད། །མཐུ་དང་རྫུ་འཕྲུལ་མེད་པར་མཛོད། །སརྦ་ཨཱ་ན་ཡ་ཧཱུྃ་ཕཊ། ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་ཡིས་སྙིང་བསྲེགས་ནས། །ལུས་སེམས་རྡུལ་བཞིན་བརླག་པར་མཛོད། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བསྒྲལ་བར་བྱ། ཁ་ཏཾ་ཁ་ཏཾ་ཁ་ཏཾ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི། ཧ་ཧ་ཧཱུྃ་ཧཱུྃ་ཕཊ་ཕཊ། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱིས་བརླབས་ཀྱིས་བྱིན་གྱིས་བརླབས་སོ། །སངས་རྒྱས་ཀྱི་བྱིན་གྱིས་བརླབས་ཀྱིས་མཐུན་འགྱུར་རོ། །བརྣག་པ་དེ་ཁོ་ན་ཉིད་དོ། །ཀཱི་ལ་ཡ་ལན་ཉི་ཤུ་ ― LT30_Page_0024 ―
[མ་དཔེ་གཟིགས་ན་འདིར་གནོན།]
རྩ་གཅིག་བཟླས་སོ། །ཀཱི་ལ་ཡ་བཅོ་བརྒྱད་བཟླས་ནས་སྙིང་དཀར་ནག་གི་མཚམས་སུའོ། །ཧཱུྃ་ཧཱུྃ་ཧཱུྃ་ཧོ་ཧོ་ཧོ་ཕཊ་ཕཊ་ཕཊ། འདི་བརྗོད་པར་བྱའོ། །རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུ། སློབ་དཔོན་པདྨ་འབྱུང་གནས་དངོས་ཀྱི་རྒྱ་དཔེ་དང་མཐུན་པར་དཔལ་ལྡན་ས་སྐྱ་པཎྜི་ཏས། གཡས་རུའི་སའི་ཆ། ཤངས་ཀྱི་སྲོག་ཞིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ། གསང་སྔགས་སྔ་འགྱུར་གྱི་ཕྱོགས་ལ་ལོ་རྩཱ་བ་འགོས་དང་ཆག་སོགས་ཁ་ཅིག་གིས་ཐེ་ཚོམ་དུ་མཛད་པ་ན། འབྲོག་མི་ལོ་ཆེན་གྱིས་རྡོ་རྗེ་གདན་གྱི་སྒོ་གོང་དུ་རུ་ལུ་འབྲུ་བརྒྱད་ཀྱི་སྔགས་བྲིས་པ་དང་། པཎྜི་ཏ་འགའ་ཞིག་གི་ཕྱག་དཔེའི་གསེབ་ཏུ་ཡང་ཕུར་གྱི་རྒྱུད་ཀྱི་དུམ་བུ་འདྲ་གཟིགས་ཀྱང་མན་ངག་མ་གསན་གསུངས་ཏེ། དེ་ལ་དཔག་ན་སྔ་འགྱུར་རྒྱུད་སྡེའི་སྙིང་པོ་རྣམས་ཕྱིས་པ་གྲུབ་རྣམས་ཀྱིས་ཤིན་ཏུ་གསང་བའི་ཡི་དམ་དུ་མཛད་པར་མངོན་ཅེས་མཁས་པ་དག་གིས་གསུངས་པ་དང་། ཁྱད་པར་ཁ་ཆེའི་མ་ཧཱ་པཎྜི་ཏ་ཤཱཀྱ་ཤྲཱི་ལ་སློབ་དཔོན་ཆེན་པོས་དངོས་སུ་གནང་བའི་ཡང་དག་མེ་གཅིག་གི་གདམས་པ་ལོ་ཙཱ་བ་རབ་མཆོག་དཔལ་གྱིས་བསྒྱུར་བ་དང་། འཇམ་མགོན་ས་སྐྱ་པཎྜི་ཏ་ཤངས་སྲེག་གི་དགོན་པར་བཞུགས་པའི་ཚེ། སྔགས་པ་ཞིག་གི་རྒྱ་དཔེ་ཞིག་ཕུལ་བ་ལ་གཟིགས་པ་ན། ཕུར་པ་རྩ་བའི་དུམ་བུ་སློབ་དཔོན་རིན་པོ་ཆེའི་ཕྱག་དཔེ་འཁྲུལ་མེད་ཡིན་པར་དགོངས་ཏེ། ཡིད་བཞིན་གྱི་ནོར་བུ་འདི་ལྟ་བུ་རྙེད་པ་ནི་ཤིན་ཏུ་སྐལ་པ་བཟང་བས། ཁྱེད་རང་རི་གདོང་མ་གིར་དཔེ་ཆ་བསྣམས་ལ་བཞུགས་ཤིག །ངེས་ཅག་གིས་བསུ་བ་བྱེད་པ་ཡིན་ནོ་གསུངས་ཏེ་རྗེ་ཉིད་ཀྱི་གཙོས་མཛད་པའི་འདུས་པ་རྒྱ་མཚོས་མཆོད་པའི་སྤྲིན་ཆེན་པོ་དང་བཅས་ཏེ་བསུ་བའི་བཀོད་པ་རྒྱས་པར་མཛད་དོ། །དེ་ཉིད་དུ་རང་འགྱུར་གནང་བ་སོགས་ལ་བརྟེན་ ― LT30_Page_0025 ―
[མ་དཔེ་གཟིགས་ན་འདིར་གནོན།]
ནས། སྔ་འགྱུར་ལ་ཀླན་ཀ་བྱེད་པ་རྣམས་ཀྱི་སར་ཡང་། དཔལ་ཡང་དག་དང་། རྡོ་རྗེ་ཕུར་པའི་ཆོས་ནི་རྩོད་མེད་ཉི་ཟླ་ལྟ་བུའོ་ཞེས་གྲགས་པས་ཕྲིན་ལས་རྒྱ་ཆེར་འཕེལ་བའི་བདག་པོའི་རྐྱེན་ཕུན་སུམ་ཚོགས་པར་གྱུར་ཏོ།། །།སརྦ་དཱ་ཀ་ལྱཙ་བྷ་བ་ཏུ།། །།མངྒ་ལཾ།། །། དཔལ་རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུའི་འགྲེལ་པ་སྙིང་པོ་བསྡུས་པ་དཔལ་ཆེན་དགྱེས་པའི་ཞལ་ལུང་།― LT30_Page_0027 ―
[མ་དཔེ་གཟིགས་ན་འདིར་གནོན།]
དཔལ་རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུའི་འགྲེལ་པ་སྙིང་པོ་བསྡུས་པ་དཔལ་ཆེན་དགྱེས་པའི་ཞལ་ལུང་ཞེས་བྱ་བ་བཞུགས་སོ།། །། ― LT30_Page_0028 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་ཤྲཱི་བཛྲ་ཀུ་མཱ་རཱ་ཡ། །སྒྲིབ་བྲལ་མཁའ་དབྱིངས་རྩོལ་རྟོག་མཚན་མའི་རྡུལ་གྱིས་གོ་སྐབས་ནམ་ཡང་མི་ཕྱེད་ཀྱང་། །མ་རུངས་གདུལ་དཀའི་ཡུལ་ལ་རང་བཞིན་ཤུགས་ཀྱི་ཐུགས་རྗེས་འབར་བའི་ཕྱག་རྒྱར་རང་ཤར་བ། །དུས་མཐའི་མེ་ལྕེ་བྱེ་བའི་སྟོབས་ཀྱིས་སྲིད་དང་ཉོན་མོངས་ཚང་ཚིང་ཡུད་ལ་སྲེག །བདུད་འདུལ་ཧེ་རུ་ཀ་དཔལ་སངས་རྒྱས་ཀུན་གྱི་ཕྲིན་ལས་རྫོགས་མཛད་ལྷག་པའི་ལྷ་མཆོག་དེས་སྐྱོངས་ཤིག །དཔལ་ཆེན་ཡེ་ཤེས་རོལ་པའི་བྱིན་རླབས་རྒྱུན། །གཅིག་ནས་གཅིག་བརྒྱུད་རིག་འཛིན་རྩལ་འཆང་ཚོགས། །སྤྱི་དང་ཁྱད་པར་བཀའ་བབས་གསེར་གྱི་ཕྲེང་། །མཁོན་སྟོན་བརྒྱུད་པར་བཅས་ལ་དྭང་བས་འདུད། །རྩོད་པའི་དུས་མཐར་ཨུ་ ― LT30_Page_0029 ―
[མ་དཔེ་གཟིགས་ན་འདིར་གནོན།]
དུམྦཱ་ར་ལྟར། །ངོ་མཚར་རྣམ་ཐར་བློ་འདས་མཁའ་མཐར་སོན། །བཀའ་བབས་བདུན་ལྡན་ཁྱབ་བདག་རྡོ་རྗེ་འཆང་། །འཇམ་དབྱངས་མཁྱེན་བརྩེའི་དབང་པོ་སྙིང་དབུས་བསྟི། །ཀུན་གསལ་ངོས་སུ་སྣང་བྱེད་བདག་པོ་བཞིན། །སྐྱེ་བར་སྦྱངས་པའི་མཁྱེན་རབ་དྲི་མེད་ལ། །གངས་ཅན་མཁས་པ་སུས་ཀྱང་བསྐྲུན་མེད་པ། །ས་སྐྱ་པ་ཆེན་མཆོག་དེའི་བཀའ་དྲིན་ལས། །གསར་རྙིང་ཀུན་གྱིས་རྩོད་མེད་རྒྱུད་སྡེ་རུ། །བསྔགས་པའི་མེ་ཏོག་འཐོར་པའི་ཕྲིན་ལས་ཀྱི། །ལྷ་མཆོག་རྡོ་རྗེ་གཞོན་ནུའི་རྩ་རྒྱུད་ལས། །དུམ་བུ་ཁོལ་དུ་ཕྱུང་བའི་རྒྱུད་འདི་ཡང་། །ལེགས་པར་རྟོགས་ན་ཕྲིན་ལས་རོལ་པ་ཡི། །རྒྱུད་དོན་མན་ངག་ལག་ལེན་དང་བཅས་པ། །ཁོང་དུ་ཆུད་ཕྱིར་ ― LT30_Page_0030 ―
[མ་དཔེ་གཟིགས་ན་འདིར་གནོན།]
གོ་སླ་ཉུང་གསལ་གྱི། །རྣམ་བཤད་བློ་ལྡན་དགའ་བའི་སྐྱེད་ཚལ་དགོད། །འདིར་ཕྲིན་ལས་ཕུར་པ་རོལ་པའི་རྒྱུད་སྡེ་ཆེན་པོ་ལས་བཾ་དྱོཏྟ་མ་ལ་འབུམ་སྡེ་ཞེས་རིག་པ་མཆོག་གི་རྒྱུད་སྡེའི་དུམ་བུ་ཁོལ་དུ་ཕྱུང་བ་རྩ་དུམ་དུ་གྲགས་པ་འདི་ཉིད་འཆད་པ་ལ། སྤྱིར་གསང་སྔགས་སྔ་འགྱུར་བའི་ཡོ་ག་རྣམ་པ་གསུམ་ལ་འཆད་ལུགས་ཀྱི་ཆིངས་ཆེན་པོ་གསུམ་ཡོད། དེ་ལས་ཐོག་མར་བསྐྱེད་པ་མ་ཧཱ་ཡོ་གའང་རྒྱུད་སྡེ་དང་སྒྲུབ་སྡེའི་བཤད་སྲོལ་གཉིས། རྒྱུད་སྡེ་ཏནྟྲ་ཆེན་པོ་སྡེ་བཅོ་བརྒྱད་ཀྱི་གཙོ་བོ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ལ་འཕགས་ཡུལ་པ་ཆེན་སོ་སོའི་འགྲེལ་ཊཱིཀ་དང་སྦྱར་ཏེ་འཆད་སྲོལ་མང་རུང་། དེང་སང་ཡོངས་གྲགས་པ་ཆེན་བི་མ་ལ་མི་ཏྲའི་ཁོག་གཞུང་གི་རྗེས་སུ་འབྲངས་ནས་བཀའ་སྡེ་ཟུར་པ་རྣམས་ཀྱིས་ས་བཅད་ལྔའམ་དྲུག་གི་སྒོ་ནས་འཆད་པ་ཡིན་ལ། ཟླ་གསང་ཐིག་ལེ་སོགས་ཏནྟྲ་གཞན་རྣམས་ལ་གྲུབ་པའི་སློབ་དཔོན་སོ་སོས་འཆད་ཚུལ་རེ་རེ་ཡོད། འདིར་ཕྲིན་ལས་ཕུར་པ་རོལ་པའི་རྒྱུད་སྡེ་ལ་སློབ་དཔོན་པདྨ། བི་མ་ལ་མི་ཏྲ། བལ་པོ་ཤཱི་ལ་མཉྫུ་གསུམ་གྱི་དགོངས་པ་བསྡུས་པ་འགྲེལ་ཆེན་འབུམ་ནག་གི་དགོངས་པ་ལྟར་འཆད་པར་བྱེད་པ་ལ། སྤྱིར་ཕུར་པའི་རྒྱུད་ཀྱི་བསྡུ་ཐབས་གཉིས། བཤད་ཐབས་གསུམ། ཁོག་དོན་དྲུག །ཐེམས་སྦྱོར་བཅུ། གནད་ཐོ་བཅུ་གཉིས། སྲོག་ཐེམས་ཉི་ཤུ། རྩ་བའི་ལྷ་ལྔ་བཅུ་རྩ་གཅིག་དང་། ཡན་ལག་གི་ལྷ་ཉིས་སྟོང་ཕྱེད་དང་དྲུག་བརྒྱར་ ― LT30_Page_0031 ―
[མ་དཔེ་གཟིགས་ན་འདིར་གནོན།]
ངོས་འཛིན་པ་སྟེ་ས་བཅད་ཆེན་པོ་བརྒྱད་དུ་བསྟན་ཀྱང་། རྒྱུད་ཀྱི་ཐེམས་སྦྱོར་བཅུའི་ནང་དུ་གཞན་རྣམས་ཤུགས་ཀྱིས་འདུ་བ་མ་ཟད། རྩ་དུམ་ཁོ་ནའི་དབང་དུ་བྱས་ན་སྟོད་ལས་བྱང་ཆུབ་སྒྲུབ་པ་དང་། སྨད་ལས་དགྲ་བགེགས་བསྒྲལ་བའི་དུམ་བུ་གཉིས་སུའང་འདུའོ། །གོང་དུ་སྤྱིར་སྨོས་པའི་རྒྱུད་ཀྱི་བསྡུ་ཐབས་གཉིས་ནི་རྩ་རྒྱུད་དང་བཤད་རྒྱུད་གཉིས་ཏེ། དང་པོ་རིག་མཆོག་འབུམ་སྡེ་དང་རྡོ་རྗེ་ཁྲོས་པ་ལ་སོགས་པའོ། །གཉིས་པ་ནི་ཁྲག་འཐུང་རྩ་བའི་རྒྱུད་ལ་སོགས་པའོ། །རྒྱུད་ཀྱི་བཤད་ཐབས་གསུམ་ནི་རྒྱུད་དཀར་པོ་གནས་ལུང་ལས། །ཕུར་པ་རྒྱུད་ཀྱི་རྒྱལ་པོ་ཡིན། །ཕུར་པ་ལུང་གི་བླ་མ་ཡིན། །ཕུར་པ་མན་ངག་ངེས་པའི་དོན། །ཞེས་གསུངས་པ་ལྟར། རྒྱུད་ལྟར་རྡོ་རྗེ་ཁྲོས་པ་ཀློང་ཆེན་པོ་བཅོ་བརྒྱད་ནས་བཤད་པ་དང་། ལུང་ཆེན་པོ་ཉི་ཤུ་རྩ་གཅིག་ཏུ་བཤད་པ་དང་། མན་ངག་བརྒྱ་རྩ་བརྒྱད་དུ་བཤད་པའོ། །རྒྱུད་ཀྱི་ཆིངས་དྲུག་ནི་ཕུན་སུམ་ཚོགས་པ་ལྔས་བསྒྲུབ་པ་ལས་ཀྱི་གཞི་གཟུང་། དཀྱིལ་འཁོར་རྣམ་པ་གསུམ་སྔོན་དུ་འགྲོ་བ་དང་བཅས་ཏེ་དོན་གྱི་ཁོག་དབུབ། ཁམས་གསུམ་ན་སྲོག་ལ་དབང་བསྐུར་ནས་སྲོག་གི་ཡེ་ཤེས་སེམས་དཔས་སྲོག་ལ་དབང་བསྐུར། ཡེ་ཤེས་ཀྱི་དཀྱིལ་འཁོར་སྤྱན་དྲངས་ཤིང་མཆོད་ཅིང་བསྙེན་པས་དངོས་གྲུབ་ཀྱི་བཅུད་བླང་། གབ་པའི་སྔགས་དྲུག་དང་ཚེ་ལུང་ཁྲུས་ལུང་གིས་ཁ་བསྐངས་ཏེ་གདབ་པའི་ལས་བྱ། མནན་སྲེག་འཕང་ ― LT30_Page_0032 ―
[མ་དཔེ་གཟིགས་ན་འདིར་གནོན།]
གསུམ་གྱིས་ལས་ཀྱི་མཇུག་བསྡུ་བ་དང་དྲུག་གོ། འདི་དག་གི་དོན་གསལ་ལ་རྒྱས་པ་གུ་རུ་པདྨས་མཛད་པའི་རྡོ་རྗེ་ལས་རིམ་སོགས་ལས་རྒྱས་པར་འབྱུང་མོད་ཀྱང་འདིར་ཡི་གེས་འཇིགས་ནས་མ་བྲིས་པ། འཇམ་མགོན་ཀུན་དགའ་བསོད་ནམས་ཀྱིས་མཛད་པའི་དཀྱིལ་ཆོག་དང་། སྨད་ལས་ཀྱི་རྣམ་བཤད་སོགས་ལས་ཤེས་པར་བྱའོ། །འདིར་སྐབས་སུ་བབས་པ་རྒྱུད་ཀྱི་ཐེམས་སྦྱོར་བཅུ་ནི། གླེང་གཞི་རྣམ་པ་གསུམ་གྱིས་སྤྱིའི་ཁོག་དབུབ། མཚན་ཉིད་རྣམ་པ་གསུམ་གྱིས་དོན་གྱི་ཤན་དབྱེ། ཕུར་བུའི་རྒྱུ་བཞིས་གང་ཟག་རྣམ་པ་བཞི་མཐར་དབྱུང་། སྒྲུབ་ལུགས་ཆེན་པོ་གསུམ་གྱིས་ཕྲིན་ལས་ཀྱི་གཞུང་བསྲང་། ཐམས་ཅད་འདུས་པའི་སྔགས་ཀྱིས་ཡེ་ཤེས་ཀྱི་ལྷ་གནད་ལ་དབབ། ངན་སྔགས་བསྡུ་ཡིག་དྲུག་གསུམ་བཅོ་བརྒྱད་ཀྱིས་མཁའ་འགྲོ་མ་དངོས་སུ་བཀོལ། སྲོག་གི་དོན་སོ་གསུམ་གྱིས་དམིགས་པ་གསུམ་གྱི་གནད་དགྲོལ། བསྒྲལ་ལུགས་ཆེན་པོ་བཅོ་བརྒྱད་ཀྱིས་བརྣག་པའི་ལས་བྱ། མཐར་ཕྱིན་བརྒྱད་ཀྱིས་ལས་ཀྱི་ཁ་བསྐང་། མཐའ་བརྟུལ་གསུམ་གྱིས་ལས་ཀྱི་ལྟོ་བ་གདབ་ཅེས་པ་དང་བཅུའོ། །དེ་ལ་དང་པོ་གླེང་གཞི་རྣམ་པ་གསུམ་གྱིས་སྤྱིའི་ཁོག་དབུབ་ཅེས་འབྱུང་བས། གུ་རུའི་གླེང་གཞི། རྒྱུད་སྟོན་པའི་གླེང་གཞི། རྒྱུད་ཀྱི་གླེང་གཞི་དང་གསུམ་དུ་སྡུད་པར་མཛད་ཀྱང་། འདིར་གོ་བདེ་བའི་དབང་གིས་སྤྱི་ལྟར་འཆད་ན་སྤྱི་དང་བྱེ་བྲག་གཉིས་སོ། ། ― LT30_Page_0033 ―
[མ་དཔེ་གཟིགས་ན་འདིར་གནོན།]
དང་པོ་བསྟན་པ་སྤྱིའི་བྱུང་བའི་གླེང་གཞི་ནི། །ཡེ་ཐོག་དང་པོའི་སངས་རྒྱས་དཔལ་ཀུན་བཟང་གདོད་མའི་མགོན་པོ་ཉིད་གཞི་དབྱིངས་རིག་པའི་སྙིང་པོར་མངོན་པར་རྫོགས་པར་སངས་རྒྱས་ནས། དེའི་རང་རྩལ་འགག་པ་མེད་པའི་ཆོ་འཕྲུལ་བསམ་གྱིས་མི་ཁྱབ་པའི་སྤྲིན་ཆེན་པོ་མཉམ་ཉིད་ཡངས་པའི་ཀློང་དུ་བཀོད་དེ་གང་འདུལ་གྱི་ཞིང་སྐུའི་སྣང་བ་འབྱམས་ཀླས་པས་མཁའ་ཁྱབ་ཀྱི་འགྲོ་བའི་དོན་མཛད་པ་ལས། །ཡུལ་དུས་འདི་ཙམ་གྱི་འགྲོ་བ་འདུལ་བའི་ཐབས་ཀྱི་དབང་དུ་སྣང་བ་རྣམ་འདྲེན་ཀུན་ལས་ཐུགས་བསྐྱེད་པདྨ་དཀར་པོ་ལྟར་འཕགས་པ། བདག་ཅག་གི་སྟོན་པ་ཤཱཀྱ་ཐུབ་པ་འདི་ཉིད་ཀྱིས་དང་པོར་ཐུགས་བསྐྱེད། བར་དུ་བྱང་ཆུབ་ཀྱི་སྤྱོད་པ་སྤྱད། མཐར་མངོན་པར་སངས་རྒྱས་ཏེ་མི་མཇེད་ཞིང་འདིར་མཛད་པ་ཆེན་པོ་བཅུ་གཉིས་སྟོན་པ་མཆོག་གི་སྤྲུལ་པའི་སྐུའི་ཚུལ་དུ་བསྟན་ནས་ཐུན་མོང་དང་ཐུན་མོང་མ་ཡིན་པའི་ཆོས་ཀྱི་འཁོར་ལོ་མཐའ་ཡས་པ་ཞིག་བསྐོར་བར་མཛད་པ་ལས། ཐུན་མོང་གི་གདུལ་བྱའི་སྣང་ངོར་ཤཱཀྱའི་རིགས་སུ་འཁྲུངས་ནས་སངས་རྒྱས་པ་ཆགས་བྲལ་རབ་བྱུང་གི་རྣམ་པ་ཅན་གྱི་སྐུ་དངོས་ཀྱིས་ཡུལ་ཝཱ་ར་་སཱི་དྲང་སྲོང་ལྷུང་བ་རི་དྭགས་ཀྱི་གནས་སུ་ལྔ་སྡེ་བཟང་པོ་ལ་བཀའ་དང་པོ་བདེན་པ་བཞིའི་ཆོས་འཁོར་དང་། རྒྱལ་པོའི་ཁབ་སོགས་སུ་ཐེག་པ་ཆེ་ཆུང་གི་དགེ་འདུན་སོགས་འཁོར་ལྷ་དང་མི་ལ་སོགས་པ་དཔག་ཏུ་མེད་པ་ལ་བར་པ་མཚན་ ― LT30_Page_0034 ―
[མ་དཔེ་གཟིགས་ན་འདིར་གནོན།]
ཉིད་མེད་པའི་ཆོས་འཁོར་དང་། ཡུལ་པདྨ་ཅན་སོགས་ཐ་དད་པར་ཐ་མ་ངེས་པ་དོན་གྱི་ཆོས་འཁོར་ཏེ་རྣམ་པ་གསུམ་བསྐོར་ཞིང་། གཞན་ཡང་རྒྱལ་པོའི་ཁབ་ཏུ་ལྷ་དང་མིར་དགེ་བ་བཅུའི་ཆོས་འཁོར། ཡུལ་མ་ག་དྷར་རང་རྒྱལ་ལ་རྟེན་འབྲེལ་བཅུ་གཉིས་ཀྱི་ཆོས་འཁོར་བསྐོར་བ་སོགས་གང་འདུལ་གདུལ་བྱའི་སྐལ་བ་དང་རྗེས་སུ་འཚམས་པའི་རོལ་པར་འཆར་བའི་ཆོས་ཀྱི་རྣམ་གྲངས་སོ་སོར་བསྟན་པ་ནི་ཚད་མེད་ཀྱང་། དོན་དུ་དེ་དག་ཀྱང་ཆོས་འཁོར་རིམ་པ་གསུམ་གྱི་ཁོངས་སུ་མི་འདུབ་མ་ཡིན་ནོ། །དེ་ལས་ལྷ་མི་དང་ཉན་རང་གི་ཐེག་པ་རྣམས་ལ་ཐེག་པ་ཐུན་མོང་བ་དང་། ཐེག་པ་ཆེན་པོ་ལ་ཁྱད་པར་གྱི་ཐེག་པ་ཞེས་བྱ་ཞིང་། དེ་ལའང་རྒྱུ་འབྲས་ཀྱི་ཐེག་པ་གཉིས་སུ་མཆིས་ཏེ། དབུ་སེམས་ཀྱི་དགོངས་པ་རྣམ་པར་བཞག་པའི་གཞུང་གི་བཀའ་རྣམས་རྒྱུ་ཕར་ཕྱིན་དང་། སྔགས་ཕྱི་ནང་གི་གཞུང་དུ་གནས་པའི་བཀའ་རྣམས་འབྲས་བུ་གསང་བསྔགས་ཀྱི་ཐེག་པ་ཞེས་བྱའོ། །ཐེག་ཆེན་མདོ་སྔགས་ཀྱི་འབྲས་བུ་མཐར་ཐུག་སངས་རྒྱས་ཐོབ་པར་འདྲ་ཡང་ལམ་ཟབ་མི་ཟབ་ཀྱི་ཁྱད་པར་ལས་འབྲས་བུ་མངོན་དུ་བྱེད་པ་ལ་ཉེ་རིང་གི་ཁྱད་ཤིན་ཏུ་ཆེ་བས་རྒྱུ་འབྲས་ཀྱི་ཐེག་པར་སྨོས་ཤིང་། སྔགས་ལའང་ཕྱི་བྱ་སྤྱོད་རྣལ་འབྱོར་གྱི་རྒྱུད་གསུམ་ལས། བྱ་རྒྱུད་ལ་རིག་སྔགས་ཀུན་གྱི་ཁོག་དབུབ་དཔུང་བཟང་གི་རྒྱུད་སོགས་སྤྱི་རྒྱུད་དྲུག །བྱེ་བྲག་རིགས་གསུམ་མགོན་པོའི་རྒྱུད་ཀྱི་སྐོར་སོགས་བྱ་ ― LT30_Page_0035 ―
[མ་དཔེ་གཟིགས་ན་འདིར་གནོན།]
རྒྱུད་རྣམས་ནི་ཐུན་མོང་གི་གནས་ནཻ་རཉྫ་ན་དང་། ཁྱད་པར་གྱི་གནས་ལྕང་ལོ་ཅན་ལ་སོགས་པར་ལྷའི་དབང་པོ་སོགས་ཀྱི་ངོར་སྟོན་པ་ཉིད་རིགས་གསུམ་སེམས་དཔའ་སོགས་ཀྱི་རྣམ་པར་སྣང་བས་གསུངས་ཤིང་། རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་སོགས་སྤྱོད་རྒྱུད་རྣམས་ནི་སྔ་མ་དང་ཡོ་གའི་རྒྱུད་དང་ཁོག་མཚུངས་སུ་ཅི་རིགས་པར་གསུངས། རྣལ་འབྱོར་གྱི་རྒྱུད་ལ་རྣལ་འབྱོར་དང་། རྣལ་འབྱོར་ཆེན་པོ་དང་། ཤིན་ཏུ་རྣལ་འབྱོར་རམ་རྣལ་འབྱོར་མཆོག་གི་རྒྱུད་གསུམ་དུ་ཡོད་པ་ལས། དང་པོ་ཐུན་མོང་གི་གནས་སུམ་ཅུ་རྩ་གསུམ་དང་ཁྱད་པར་གྱི་གནས་འོག་མིན་དུ་སྟོན་པ་ཀུན་རིག་རྣམ་པར་སྣང་མཛད་ཀྱི་རྣམ་པས་གསང་བདག་སོགས་ལ་གསུངས་ཏེ། ཡོ་ག་གཞུང་ཆེན་བམ་པོ་སུམ་བརྒྱ་པ་དང་། ལུང་ཆེན་རྒྱུད་བཞི་སོགས་འཁོར་ལྷ་དང་བྱང་ཆུབ་སེམས་དཔའ་རྣམས་ལ་གསུངས་པ་སྟེ། འདི་དག་གི་རྣམ་གཞག་གསང་སྔགས་གསར་རྙིང་བཞེད་པ་ཐུན་མོང་དུ་གནས་པ་ལས་མི་མཐུན་པའི་ཁྱད་པར་ཆེན་པོ་མ་མཆིས་སོ། །རྣལ་འབྱོར་ཆེན་པོ་མ་ཧཱ་ཡོ་གའི་རྒྱུད་རྣམས་ནི་གཙོ་བོར་ཏནྟྲ་ཆེན་པོ་སྡེ་བཅོ་བརྒྱད་ལ་འདྲེན་ཚུལ་མི་འདྲ་བ་འགའ་རེ་མཆིས་ཀྱང་། ཆོས་ཀྱི་རྒྱལ་པོ་ཀློང་ཆེན་རབ་འབྱམས་ཀྱི་བཞེད་པ་ལྟར་ན། སྐུའི་སྐུ་རྒྱུད་གླང་པོ་རབ་འབོགས། སྐུའི་གསུང་རྒྱུད་གླང་པོ་ཆུར་འཇུག །སྐུའི་ཐུགས་རྒྱུད་སངས་ ― LT30_Page_0036 ―
[མ་དཔེ་གཟིགས་ན་འདིར་གནོན།]
རྒྱས་མཉམ་སྦྱོར་ཏེ་སྐུ་རྒྱུད་གསུམ། གསུང་གི་སྐུ་རྒྱུད་རི་བོ་བརྩེགས་པ། གསུང་གི་གསུང་རྒྱུད་པདྨ་དབང་ཆེན། གསུང་གི་ཐུགས་རྒྱུད་ཟླ་གསང་ཐིག་ལེ་སྟེ་གསུང་རྒྱུད་གསུམ། །ཐུགས་ཀྱི་སྐུ་རྒྱུད་རྩེ་མོ་འདུས་པ། ཐུགས་ཀྱི་གསུང་རྒྱུད་གཅིག་ལས་འཕྲོས་པ། ཐུགས་ཀྱི་ཐུགས་རྒྱུད་གསང་བ་འདུས་པ་སྟེ་ཐུགས་རྒྱུད་གསུམ། །ཡོན་ཏན་གྱི་སྐུ་རྒྱུད་སྒྲོན་མེ་འབར་བ། ཡོན་ཏན་གྱི་གསུང་རྒྱུད་བདུད་རྩི་ས་མ་ཡ་འབུམ་སྡེ། །ཡོན་ཏན་གྱི་ཐུགས་རྒྱུད་དཔལ་མཆོག་དང་པོ་སྟེ་ཡོན་ཏན་གྱི་རྒྱུད་གསུམ། ཕྲིན་ལས་ཀྱི་སྐུ་རྒྱུད་དཔལ་ཕྲེང་དཀར་མོ། ཕྲིན་ལས་ཀྱི་གསུང་རྒྱུད་མ་མོ་རྒྱུད་ལུང་། ཕྲིན་ལས་ཀྱི་ཐུགས་རྒྱུད་ཏ་མ་ལ་འབུམ་སྡེ་སྟེ་ཕྲིན་ལས་ཀྱི་རྒྱུད་གསུམ། སྤྱིའི་སྐུ་རྒྱུད་ཐབས་ཞགས། སྤྱིའི་གསུང་རྒྱུད་ས་མ་ཡ་བཀོད་པ། སྤྱིའི་ཐུགས་རྒྱུད་གསང་བ་སྒྱུ་འཕྲུལ་དང་བཅོ་བརྒྱད། དེ་དག་ཀུན་གྱི་རྩ་བ་ནི་གསང་བ་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་རྒྱལ་པོ་ཆེན་པོ་སྟེ་ཚུལ་དེ་དག་ཏུ་ཕྱེས་ནས་མི་ལས་འདས་པའི་སྐལ་ལྡན་གྱི་རྒྱལ་པོ་ཛཿལ་བཤད་ནས་རིམ་པར་བྱོན་པར་གསུངས་ཤིང་། མདོར་ན་མ་ཧཱ་ཡོ་གའི་རྒྱུད་རྣམས་ནི་སྟོན་པ་ཉིད་དཔལ་ཆེན་པོའམ་རྣམ་པར་སྣང་མཛད་སོགས་སུ་སྤྲུལ་ནས། ཞུ་བ་པོ་རྡོ་རྗེ་འཛིན་པ་དང་སྐལ་ལྡན་གྱི་རྒྱལ་པོ་ཛཿལ་སོགས་པ་འཁོར་འདུས་པ་མཆོག་རྣམས་ལ་གསུངས་ཤིང་། དེའང་བསྡུ་ན་ཐབས་ཤེས་ཀྱི་རྒྱུད་གཉིས་སུ་འདུའོ། ། ― LT30_Page_0037 ―
[མ་དཔེ་གཟིགས་ན་འདིར་གནོན།]
རྣལ་འབྱོར་མཆོག་གི་རྒྱུད་ལ་རྫོགས་པ་ཨ་ནུ་ཡོ་གའི་ཐེག་པ་དང་། རྫོགས་པ་ཆེན་པོ་ཨ་ཏི་ཡོ་གའི་ཐེག་པ་གཉིས་ལས། དང་པོ་རྒྱལ་མོ་པུ་རིའི་ཚལ་དུ་སྟོན་པ་ཉིད་དཔལ་ཀུན་ཏུ་བཟང་པོའམ་རྡོ་རྗེ་སེམས་དཔར་སྤྲུལ་པ་ལ་ལངྐའི་བདག་པོས་ཞུས་ནས་མདོ་བཞི་དེམས་དང་ལྔར་བསྡུས་ཏེ་བཀའ་སྩལ། ཨ་ཏི་ཡོ་ག་ནི་གནས་རྒྱལ་པོ་པུ་རིའི་ཚལ་དང་ཟ་མ་པུ་རིའི་ཚལ་དུ་སྟོན་པ་ཉིད་དཔལ་ཀུན་ཏུ་བཟང་པོ་ཀུན་བྱེད་རྒྱལ་པོར་སྤྲུལ་ནས་ཉིད་ལས་མི་གཞན་པའི་འཁོར་རྣམས་ལ་ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་སོགས་རྫོགས་པ་ཆེན་པོ་སེམས་མཆོག་གི་སྐོར་ལ་སོགས་པ་གསུངས་པ་སྟེ། མ་ཧཱ། ཨ་ནུ། ཨ་ཏི་གསུམ་ནི་གསང་སྔགས་རྙིང་མ་ཁོ་ནའི་ཁྱད་ཆོས་ཏེ་སྔགས་གསར་མ་ལ་མ་གྲགས་ཤིང་། དེ་དག་ལས་ཆོས་རྨད་དུ་བྱུང་བའི་གནད་ལྷག་པར་མངའ་བའོ། །དེ་ལྟར་ཆོས་སྒོ་རབ་འབྱམས་གསུངས་པ་དེ་དག་ཀྱང་འཛམ་གླིང་ན་གནས་པའི་མི་དང་ཉན་རང་བྱང་སེམས་ཀྱི་རིགས་ཅན་རྣམས་ལ་ཤཱཀྱའི་དབང་པོའི་སྐུ་དངོས་ཀྱིས་རྒྱུ་མཚན་ཉིད་ཀྱི་ཐེག་པ་རྣམས་འཕགས་ཡུལ་ལ་སོགས་པར་གསུངས། ལྷ་རྣམས་དང་རིགས་གསུམ་མགོན་པོ་སོགས་སེམས་དཔའ་ཆེན་པོ་རྣམས་ལ་ཀུན་ཏུ་རིག་པ་སྣང་མཛད་ཆེན་པོར་སྣང་བའི་སྐུས་ཕྱི་རྒྱུད་སྡེ་གསུམ་གསུངས་པ་དང་། རིགས་ལྔ་སྲས་བཅས་རྣམས་ལ་ཀུན་བཟང་དུ་སྤྲུལ་ནས་ནང་རྒྱུད་ཡོ་ག་གསུམ་ ― LT30_Page_0038 ―
[མ་དཔེ་གཟིགས་ན་འདིར་གནོན།]
གསུངས་པ་དེ་དག་ཀྱང་གདུལ་བྱའི་བློ་སྟོབས་ཐ་དད་དང་མཐུན་པར་དྷ་ན་ཀོ་ཥ། བསིལ་བའི་ཚལ། རྒྱལ་པོའི་གནས། རི་མེ་རི་འབར་བ་སོགས་ཐུན་མོང་གི་གནས་དང་། འོག་མིན། ཡུམ་གྱི་མཁའ། ཆོས་ཀྱི་འབྱུང་གནས། ཐར་པ་ཆེན་པོའི་གཞལ་མེད་ཁང་ལ་སོགས་པ་ཁྱད་པར་གྱི་གནས་རྣམས་སུ་ཐུན་མོང་དང་ཁྱད་པར་གྱི་སྟོན་པའི་སྐུ་སོ་སོར་སྣང་བས་འཁོར་གྱི་གདུལ་བྱ་མཆོག་ཕལ་ལ་རྒྱུ་འབྲས་ཀྱི་ཆོས་འཁོར་བསྐོར་བ་ཉིད་དུ་སྣང་བའི་ཆོ་འཕྲུལ་འབའ་ཞིག་ཏུ་གནས་ལ། དོན་དུ་སྟོན་པ་གཅིག་ཉིད་ཀྱི་གང་འདུལ་སྐུ་དང་ཡེ་ཤེས་མཛད་ཕྲིན་ཐ་དད་པ་སོ་སོར་སྣང་བས་གང་འདུལ་དེར་སྟོན་གྱི་རྣམ་པར་འཕྲུལ་པ་སྣ་ཚོགས་པས་ཆོས་སྒོ་བགྲང་དུ་མི་སྤྱོད་པར་ཕྱེས་པ་དག་རྒྱས་པར་གསུངས་པ་ཆོས་ཕུང་བརྒྱད་ཁྲི་བཞི་སྟོང་། འབྲིང་པོར་བསྡུས་ཏེ་གསུངས་པ་གསུང་རབ་ཡན་ལག་བཅུ་གཉིས། བསྡུས་ཏེ་གསུངས་པ་ཐེག་པ་རིམ་པ་དགུ་ཞེས་གྲགས་པ་དང་། གཞན་ཡང་རྣམ་གཞག་མཐའ་ཡས་པ་མངའ་བ་ཡིན་མོད་ཀྱི། དོན་དུ་རྒྱུ་འབྲས་ཀྱི་ཐེག་པ་རྣམ་པ་གཉིས་སུ་ངེས་པར་འདུའོ། །བཀའ་དེའང་ཞལ་ནས་གསུངས་པ། བྱིན་གྱིས་བརླབས་པ། རྗེས་སུ་གནང་བ་སྟེ་གསུང་ཚུལ་གྱི་སྒོ་ནས་དབྱེ་བ་གསུམ་དུ་བཞག་གོ། །དེ་ལྟར་བཤད་པའི་རྒྱུ་འབྲས་ཀྱི་ཐེག་པའི་བཀའ་དེ་དག་གསུང་དུས་ཀྱི་འཁོར་རྣམས་ལས་སོ་སོའི་སྡུད་པ་པོ་རྣམས་ཀྱིས་མི་བརྗེད་ ― LT30_Page_0039 ―
[མ་དཔེ་གཟིགས་ན་འདིར་གནོན།]
པའི་གཟུངས་སུ་བཟུང་སྟེ་ཡི་གེར་བཏབ་ནས་འཇིག་རྟེན་གྱི་ཁམས་འདིར་དར་རྒྱས་སུ་མཛད་པ་ཡིན་ཏེ། རྒྱུ་ཕར་ཕྱིན་གྱི་ཐེག་པ་ཐུན་མོང་བ་རྣམས་གནས་བརྟན་འོད་སྲུང་ཆེན་པོ་སོགས་ཀྱིས་བཀའ་བསྡུ་བར་མཛད་ནས་མི་ནས་མིར་བརྒྱུད་དེ་དར་ཞིང་། ཐེག་ཆེན་ཁ་ཅིག་འཇམ་དཔལ་སོགས་ཀྱིས་བསྡུས་ནས་བྱང་སེམས་ཕལ་མོ་ཆེ་ལས་བརྒྱུད་དེ་མི་ཡུལ་དུ་དར་བར་མཛད། འབྲས་བུ་གསང་སྔགས་རྡོ་རྗེ་ཐེག་པ་ནི་མི་ཡུལ་གྱི་གདུལ་བྱ་ཐུན་མོང་གི་ངོར་ཤཱཀྱའི་རྒྱལ་པོ་ཉིད་ཀྱི་ཞལ་ནས་མངོན་དུ་མ་གསུངས་པར་སྐལ་ལྡན་དབང་རབ་རྣམས་ཀྱི་དོན་དུ་ལྐོག་ཆོས་སུ་བསྟན་པར་མཛད་པས་གདུལ་བྱ་དམན་པ་དག་གི་ངོར་གསང་སྔགས་ལ་ཐེ་ཚོམ་བཟློག་པའི་དོན་དུ་སྐབས་དེའི་གདུལ་བྱ་ཐུན་མོང་བའི་འཁོར་གྱི་སྣང་ངོར་ཤཱཀྱའི་དབང་པོ་ཉིད་ཀྱི་ཞལ་ནས་གསང་སྔགས་ཀྱི་བསྟན་པ་འདི་ཉིད་གདོད་མི་ཡུལ་དུ་འབྱུང་བའི་ཚུལ་དངོས་སུ་ལུང་བསྟན་པར་ལྟར་མཛད་དེ། མདོ་སྡེ་གདམས་ངག་འབོགས་པའི་རྒྱལ་པོ་ལས། ང་ནི་མྱ་ངན་འདས་འོག་ཏུ། །ལོ་ནི་བརྒྱ་དང་བཅུ་གཉིས་ན། །བསྟན་པའི་སྙིང་པོ་དམ་པ་ཞིག །རྒྱལ་པོ་ཛཿཡི་ཁང་ཐོག་ཏུ། །ཐུགས་རྗེ་མཐུན་པའི་བྱིན་རླབས་ཀྱིས། །ལག་ན་རྡོ་རྗེས་སྟོན་པར་འགྱུར། །ཞེས་གསུངས་པའི་ཚུལ་དང་མཐུན་པར། སྟོན་པའི་མཐུས་རིགས་ལྔའི་རྒྱལ་བ་དང་རྒྱལ་ཚབ་རྣམས་ལ་རྗེས་སུ་བསྐུལ་ ― LT30_Page_0040 ―
[མ་དཔེ་གཟིགས་ན་འདིར་གནོན།]
བར་མཛད་དེ། འབྲས་བུའི་ཆོས་འདི་ཉིད་གསེར་གྱི་གླེགས་བུ་ལ་བཻ་ཌཱུརྻའི་ཡི་གེར་བྲིས་ནས་ཐུགས་རྗེ་གཅིག་ཏུ་མཐུན་པའི་བྱིན་རླབས་ཀྱི་ཆོ་འཕྲུལ་ལས་རྒྱལ་པོ་ཛཿའི་ཁང་སྟེང་དུ་ནམ་མཁའ་ལས་རང་བབས་ཀྱི་ཚུལ་དུ་སྣང་བ་རྒྱལ་པོ་ཛཿདང་སློབ་དཔོན་ཀུ་ཀུ་རཱ་ཛས་དེའི་དོན་རྣམས་རྡོ་རྗེ་སེམས་དཔའི་མཐུས་རྟོགས་ནས་མི་ཡུལ་འདིར་གསང་སྔགས་དར་བ་དང་། གཞན་ཡང་འཇམ་པའི་དབྱངས་ཀྱིས་ལྷའི་གནས་དང་། སྤྱན་རས་གཟིགས་ཀྱིས་ཀླུའི་ཡུལ་དང་། ཕྱག་ན་རྡོ་རྗེས་གནོད་སྦྱིན་གྱི་གནས་སུ་སྣང་བར་མཛད། འཛམ་གླིང་འདིར་ཀྲི་ཡ་རྣམས་ཝཱ་ར་་སཱི་དང་། ཡོ་ག་རྣམས་རི་མ་ལ་ཡའི་རྩེ་མེ་རི་འབར་བ་དང་། མ་ཧཱ་དང་ཨ་ནུ་རྒྱལ་པོ་ཛཿཉིད་ཀྱི་གནས་དང་། ཨ་ཏི་ཡོ་ག་དྷ་ན་ཀོ་ཥའི་གླིང་དུ་བཤད་ཅིང་སྒྲུབ་པར་བྱས་ཏེ་རྒྱ་ཆེར་འཕེལ་བའོ། །གཞན་ཡང་ལུང་བཞི་དེ་མས་དང་ལྔ་ནི་བསྐྱེད་རྫོགས་རྫོགས་ཆེན་གསུམ་གྱི་སྤྱི་རྒྱུད་དང་། སྒྱུ་འཕྲུལ་སྡེ་བརྒྱད་ནི་ལྟ་བ་ཨ་ཏི་དང་སྤྱོད་པ་མ་ཧཱར་གཏོགས་པས་ཨ་ནུའི་རྒྱུད་དུའང་གསུངས་ཏེ། བསྐྱེད་རྫོགས་རྫོགས་ཆེན་གྱི་གནད་བསྟན་པའི་ཆ་ནས་ཇི་ལྟར་བཞག་ཀྱང་ཆོག་གོ། །དེ་དག་གིས་ནི་བཀའ་སྤྱིའི་བྱུང་བ་གསང་སྔགས་རྙིང་མ་ལ་གྲགས་པ་གཙོ་བོར་བཟུང་སྟེ་མདོར་བསྡུས་ཙམ་བརྗོད་ཟིན་ལ། དེ་དང་རྗེས་འབྲེལ་བསྟན་བཅོས་ཀྱི་བྱུང་བའང་མདོར་བསྡུ་ན། སྟོན་པ་མྱ་ངན་ལས་ ― LT30_Page_0041 ―
[མ་དཔེ་གཟིགས་ན་འདིར་གནོན།]
འདས་ནས་ལོ་བརྒྱ་ལྷག་ཙམ་སོང་བའི་འོག་ཏུ་ཡུལ་ཡངས་པ་ཅན་དུ་ཉན་ཐོས་སྡེ་པ་ཐ་དད་པའི་དགྲ་བཅོམ་པ་ལྔ་བརྒྱ་འདུས་ནས་བསྟན་བཅོས་བྱེ་བྲག་བཤད་མཛོད་ཆེན་མོ་བམ་པོ་སུམ་བརྒྱ་པ་མཛད་པ་བསྟན་པ་འདིའི་བསྟན་བཅོས་ཀྱི་ཐོག་མ་ཡིན་ལ། དེ་ནས་བཟུང་སྟེ་ཟབ་པ་དང་རྒྱ་ཆེ་བའི་བཀའི་དགོངས་དོན་འགྲེལ་པའི་ཤིང་རྟ་ཆེན་པོ་ཀླུ་ཐོགས་གཉིས་ལ་སོགས་འཛམ་གླིང་མཛེས་རྒྱན་སློབ་ཚོགས་དང་བཅས་པས་བརྩམས་པའི་བསྟན་བཅོས་རྣམས་དང་། སྔགས་ཀྱི་ལུགས་ལ་བྱང་ཆུབ་སེམས་འགྲེལ་སྐོར་གསུམ་དང་། གྲུབ་པ་སྡེ་བདུན་དུ་གྲགས་པ་སོགས་ཀྱིས་མཚོན་གྲུབ་ཆེན་རིག་འཛིན་རྣམས་ཀྱིས་མཛད་པའི་བསྟན་བཅོས་མཐའ་ཀླས་པ་ཞིག་བྱུང་ཞིང་། བསྟན་བཅོས་ཀྱི་ངོ་བོ་རྒྱལ་བའི་བཀའི་རྗེས་སུ་འབྲངས་ནས་རྩོམ་པ་པོ་མཚན་ཉིད་དང་ལྡན་པས་ལེགས་པར་བཤད་པ། དབྱེ་བ་ལུང་བཏུས་པ། ལུང་འགྲེལ་པ། ལུང་དོན་རིག་པ་གསུམ་མམ། འཁྲུགས་པ་བསྡེབས་པ། འཐོར་བ་སྡུད་པ། ཟབ་མོ་བཀྲོལ་བ་སོགས་སམ། བཀའ་སྤྱི་དང་བྱེ་བྲག་གི་དགོངས་པ་འགྲེལ་བའི་དབྱེ་བ་ཡོད་པའང་ཤེས་པར་བྱའོ། །དེ་དག་གིས་ནི། ལྷའི་བུས་ཞུས་པའི་མདོ་ལས། ཆོས་རྣམས་ཐམས་ཅད་བཀའ་དང་བསྟན་བཅོས་གཉིས་སུ་འདུ། ལེགས་པར་གསུངས་དང་དེ་ཡི་དགོངས་འགྲེལ་བ། །དེ་ཡི་དབང་གིས་ཤཱཀྱའི་བསྟན་པ་འདི། ། ― LT30_Page_0042 ―
[མ་དཔེ་གཟིགས་ན་འདིར་གནོན།]
འཇིག་རྟེན་ཁམས་འདིར་ཡུན་རིང་གནས་པར་འགྱུར། །ཞེས་གསུངས་པ་ལྟར་བསྟན་པ་སྤྱིར་བྱུང་ཚུལ་མདོ་ཙམ་སྨོས་ཟིན་ནས། གཉིས་པ་ཕུར་པ་ཕྲིན་ལས་རོལ་པའི་རྒྱུད་ཀྱི་བྱུང་བ་བྱེ་བྲག་ཏུ་འཆད་པ་ལ་གཉིས། ཕྲིན་ལས་ཀྱི་རྒྱུད་བྱོན་ཚུལ་སྤྱིར་བསྟན། རྩ་དུམ་དང་འབྲེལ་བའི་མཁོན་ལུགས་ཀྱི་བཀའ་བབས་བྱུང་ཚུལ་བྱེ་བྲག་ཏུ་དབྱེ་བའོ། །དང་པོ་ནི། སྒྲུབ་པ་བཀའ་བརྒྱད་ཀྱི་གླེང་གཞི་དང་སྦྱར་ཏེ་བཤད་དུ་ཡོད་ཀྱང་། འདིར་རྒྱུད་སྡེ་ལྟར་འཆད་པ་སྐབས་སུ་བབས་པས། ཇི་སྐད་དུ། ཆོས་སྐུས་དགོངས་པས་བཤད། ལོངས་སྐུས་བརྡ་ཡིས་བཤད། སྤྲུལ་སྐུས་ཚིག་བརྡ་སྦྱར་ནས་བཤད། ཅེས་གསུངས་པ་ལྟར་རྒྱལ་བ་དགོངས་བརྒྱུད། རིག་འཛིན་བརྡ་བརྒྱུད། གང་ཟག་སྙན་བརྒྱུད་གསུམ་གྱིས་གསུངས་ཏེ། དང་པོ་ནི། ཡང་དག་པར་རྫོགས་པའི་སངས་རྒྱས་ཀུན་ཏུ་བཟང་པོ་ཚད་མེད་པའི་ཐུགས་རྗེ་དང་ཐབས་ལ་མཁས་པ་གང་གིས་ཆོས་ཀྱི་དབྱིངས་སྤྲོས་པ་མེད་པའི་ཕོ་བྲང་ནས་གཡོ་བ་མི་མངའ་བཞིན་དུ་རང་བཞིན་ཐུགས་རྗེའི་བྱིན་རླབས་ལས། རང་སྣང་དག་པ་སྐུ་གསུང་ཐུགས་ལྷུན་གྲུབ་འོག་མིན་སྟུག་པོ་བཀོད་པའི་རྒྱན་ཉིད་དུ་རིགས་ལྔའི་སངས་རྒྱས་ཀྱི་རྣམ་པར་བཞེངས་ཏེ། རང་ལས་གཉིས་སུ་མེད་པའི་འཁོར་རྡོ་རྗེ་སེམས་དཔའ། རིགས་གསུམ་མགོན་པོ་ལ་སོགས་འབྲས་བུའི་སེམས་དཔའ་རྣམས་ལ་ཟབ་ཅིང་རྒྱ་ཆེ་བའི་ཆོས་ཕུན་སུམ་ཚོགས་པ་ ― LT30_Page_0043 ―
[མ་དཔེ་གཟིགས་ན་འདིར་གནོན།]
གསང་སྔགས་རྡོ་རྗེ་ཐེག་པ་གཉིས་མེད་རང་རིག་རང་ཤར་གྱི་ཚུལ་དུ་གསུངས་ཏེ་ཆོས་དང་སྟོན་འཁོར་དབྱེར་མེད་དགོངས་པའི་ཀློང་ཆེན་པོ་གཅིག་ཏུ་འཁྱིལ་བ་ནི་རྒྱལ་བ་དགོངས་པའི་བརྒྱུད་པ་དང་། གཉིས་པ་ནི། རིགས་གསུམ་མགོན་པོ་དེ་དག་གིས་ལྷ་ཀླུ་གནོད་སྦྱིན་གསུམ་ལ་བཤད་ནས་སོ་སོའི་ཚོམ་བུ་འབུམ་སྡེ་དང་བཅས་པ་སངས་རྒྱས་ཀྱི་གདུང་འཚོབ་པར་གྱུར། དེ་ནས་རིམ་པར་བརྒྱུད་དེ་ཤར་ཕྱོགས་ས་ཧོ་རའི་རྒྱལ་པོ་ཛཿལས་ཨོ་རྒྱན་གྱི་མཁན་པོ་པདྨ་སཾ་བྷ། སློབ་དཔོན་བི་མ་མི་ཏྲ། སློབ་དཔོན་ཤྲཱི་ལ་མཉྫུ་སྟེ་མཁས་པ་མི་གསུམ་ལ་བརྒྱུད་པའང་བརྡ་དང་ཚིག་ཙམ་རེས་གྲོལ་བ་ཐོབ་སྟེ་དབྱིངས་དང་ཡེ་ཤེས་ཟུང་འཇུག་གི་ངོ་བོ་ཡི་དམ་ལྷ་དང་དགོངས་པ་མཉམ་ཉིད་དུ་གྱུར་པ་དག་ནི་རིག་འཛིན་རིག་བརྒྱུད་ཀྱི་དགོངས་དོན་མདོ་ཙམ་མོ། །གསུམ་པ་ནི། དཔལ་ཆོས་སྐུ་ཀུན་ཏུ་བཟང་པོ་ནས་ད་ལྟའི་བར་སྙན་ནས་སྙན་དུ་བརྒྱུད་པའི་བཀའ་ཟབ་མོ་མ་ཉམས་པར་བྱོན་པ་སྟེ། རྒྱས་པར་ཤེས་འདོད་ན་བརྒྱུད་པའི་ཡེ་ཤེས་སོ་སོ་ལས་རྟོགས་པར་བྱའོ། །དེ་ལྟར་བརྒྱུད་པ་གསུམ་གྱིས་ཁྱད་པར་དུ་བྱས་པའི་ཕུར་པ་ཕྲིན་ལས་རོལ་པ་འདི་ཉིད་ཀྱི་ལོ་རྒྱུས་ལ་གསུམ། གདུལ་བྱ་ཇི་ལྟར་བྱུང་བ། འདུལ་བྱེད་གང་གིས་བཏུལ་བའི་ཚུལ། འདུལ་ཐབས་ཇི་ལྟར་མཛད་པའི་ཚུལ་གསུམ་གྱིས་ཤེས་པར་བྱ་སྟེ། རྒྱས་པར་རྒྱུད་དང་གཞུང་འགྲེལ་གཞན་དུ་ཤེས་ལ། ― LT30_Page_0044 ―
[མ་དཔེ་གཟིགས་ན་འདིར་གནོན།]
འདིར་སྙིང་པོ་ཙམ་བསྡུས་ཏེ་འཆད་ན། དང་པོ་ནི། ཕུར་པ་མྱང་འདས་ཀྱི་རྒྱུད་ལས། ཀརྨ་ཧེ་རུ་ཀས་ཁྲག་འཐུང་ཆེན་པོ་ལ་ཞུས་པ། སྲིན་པོ་རུ་དྲ་གདུག་པ་འདི། །རྒྱུ་དང་རྐྱེན་ནི་ཅི་ལས་བྱུང་། །འབྲས་བུ་གང་དུ་སྨིན་པར་འགྱུར། །ལས་སྐལ་སྤྱོད་པ་ཅི་ཞིག་བྱེད། །མ་བཏུལ་བ་ཡི་སྐྱོན་ནི་ཅི། །བཏུལ་ན་ཡོན་ཏན་ཅི་ཞིག་ཐོབ། །ཅེས་ཞུས་པས། ཁྲག་འཐུང་རྡོ་རྗེས་བཀའ་སྩལ་བ། །ལོག་པའི་སེམས་ཅན་ཆེན་པོ་འདི། །དམ་ཚིག་ཉམས་པའི་རྒྱུ་ལས་བྱུང་། །རྐྱེན་ནི་བླ་མ་སྤངས་པའོ། །འབྲས་བུ་ཉོན་མོངས་ལྔ་རུ་སྨིན། །ལས་སྐལ་ཆགས་སྡང་སྤྱོད་ལ་ཞེན། །མ་བཏུལ་ལྷ་མིའི་སྲིད་པ་བརླག །སངས་རྒྱས་ཞིང་ཡང་སྟོངས་པར་བྱེད། །བཏུལ་ན་ཡོན་ཏན་དཔག་མེད་དེ། །དུག་གསུམ་རྩད་གཅོད་འཁོར་དོང་སྤྲུགས། །ཅེས་གསུངས་པ་ལྟར་རྡོ་རྗེ་ཁྲོས་པའི་རྩ་རྒྱུད་ལས་ཀྱང་གསུངས་པ་བཞིན། སྔོན་འདས་པའི་དུས་བསྐལ་པ་ཀུན་ནས་བཀོད་པ་ཞེས་བྱ་བ་ལ་ཡང་དག་པར་རྫོགས་པའི་སངས་རྒྱས་མངོན་པར་འབྱུང་བ་ཞེས་བྱ་བའི་བསྟན་པའི་དུས་སུ་ཐར་པ་ནག་པོའི་གཡོག་དན་འབག་ཅེས་བྱ་བ་ཡོད་དོ། །དེའི་དུས་སུ་དགེ་སློང་ཐུབ་དཀའ་གཞོན་ནུ་ཞེས་བྱ་བའི་དྲུང་ནས་ཐར་པ་ནག་པོས་གདམས་ངག་ལོག་པར་གོ་ནས་གསང་སྔགས་འཆོལ་བར་སྤྱད་པ་སོགས་མ་རུངས་པའི་ལས་ཀྱི་རྣམ་པར་སྨིན་པས་མ་རུངས་པའི་སྐྱེ་བ་བརྒྱུད་མར་བླངས་ནས་ཁམས་གསུམ་ན་ཆེ་བའི་གདུག་པ་ཅན་དུ་ ― LT30_Page_0045 ―
[མ་དཔེ་གཟིགས་ན་འདིར་གནོན།]
གྱུར་ནས་སེམས་ཅན་ཐམས་ཅད་བསད་ཅིང་ཟོས་ཏེ་དེའི་གཉེན་པོ་འཇིག་རྟེན་ན་སུའང་མེད་པའི་མ་ཏྲཾ་རུ་དྲ་ཞེས་བྱ་བ་ཞིག་བྱུང་བ་ནི་གང་གདུལ་བྱའོ། །གཉིས་པ་དེ་འདུལ་བྱེད་གང་གིས་བཏུལ་བ་ནི། །དེའི་ཚེ་ཀརྨ་ཧེ་རུ་ཀས་དུས་གསུམ་གྱི་རྒྱལ་བ་རྣམས་བསྐུལ་ནས་འོག་མིན་དུ་བཀའ་བགྲོས་ཏེ་འགྲོ་བའི་དོན་དུ་རུ་དྲ་ཞི་བའི་སྒོ་ནས་འདུལ་བར་དགོངས་ཀྱང་མཐུལ་ནས། ཇི་སྐད་དུ། ཤིན་ཏུ་གདུག་ཅིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལ། །ཁྲོ་བོ་དེ་བཞིན་གཤེགས་ཀུན་མཛོད། །ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་སྲེག་བྱེད་ན། །སངས་རྒྱས་ཐམས་ཅད་ཁྲོས་པ་ཡིས། ཁམས་གསུམ་མ་ལུས་སྨོས་ཅི་དགོས། །ཞེས་བུདྡྷ་ཐམས་ཅད་ཐུགས་རྗེ་ཆེན་པོའི་སྒོ་ནས་བཀའ་བགྲོས་ཏེ་རྡོ་རྗེ་རྟའི་ཚོགས་སོགས་ཁྲོ་བོ་ཆེན་པོ་རྣམས་རིམ་པར་སྤྲོས་ཏེ་མ་ཐུལ་བའི་ཚུལ་མཛད་པ་ནི་འདུལ་བྱེད་ཀྱི་ཁྱད་པར་བསྟན་པའོ། །གསུམ་པ་འདུལ་ཐབས་ཀྱི་ཁྱད་པར་ནི། ཡང་དུས་གསུམ་གྱི་བུདྡྷ་ཐམས་ཅད་བཀའ་འགྲོས་ནས་སྦྱང་གཞི་དང་སྦྱོང་བྱེད་ལ་དགོངས་བཞིན་པས་ཐབས་ཀྱི་ཁྱད་པར་ཐུན་མོང་མིན་པས་འདུལ་བར་དགོངས་ཏེ། དུས་གསུམ་བུདྡྷ་ཐམས་ཅད་ཀྱི་སྤྲུལ་པ་གཅིག་ཏུ་བསྡུས་ནས་རུ་དྲ་ཐར་པ་ནག་པོར་སྤྲུལ། དེའི་ཆུང་མ་ཀྲོ་དྷི་ཤྭ་རི་མ་ལ་མ་ཆགས་ཐབས་ཀྱི་སྦྱོར་བ་མཛད་ནས་སྲིན་མོའི་ ― LT30_Page_0046 ―
[མ་དཔེ་གཟིགས་ན་འདིར་གནོན།]
ལྷུམས་སུ་ཟླ་དཀྱིལ་ལ་བྱང་སེམས་ཧཱུྃ་གི་རྣམ་པར་ཕབ་སྟེ་བཞག །གཞན་ཡང་འཁོར་དང་བཅས་པ་ཐམས་ཅད་སྤྲུལ་པས་དབང་དུ་བྱས། དེ་ནས་དུས་གསུམ་གྱི་སངས་རྒྱས་ཐམས་ཅད་ཀྱི་སྤྲུལ་པ་དབྱིངས་སུ་མི་དམིགས་པར་མཛད་ནས་རིམ་གྱིས་འཁོར་གཏུམ་མོ་དང་སྲིན་མོ་རྣམས་ལའང་ཕག་དང་དོམ་གྱི་མགོ་ཅན་ལ་སོགས་པའི་ལྟས་ངན་མང་པོ་སྐྱེས། རུ་དྲའི་ཆུང་མ་ཀྲོ་དྷི་ཤྭ་རི་ལའང་བུ་རྡོ་རྗེ་གཞོན་ནུ་དབུ་གསུམ་ཕྱག་དྲུག་པ། རྡོ་རྗེའི་གཤོག་པས་བར་སྣང་ཁྱབ་པ། ཀཱི་ལ་ཡའི་སྒྲ་སྒྲོགས་པ་དང་བཅས་པ་སྐྱེས་འདུག་པ་རུ་དྲས་མཐོང་མ་ཐག་འཁོར་དང་བཅས་པ་རྣམས་བརྒྱལ་ནས་འགྱེལ། ཁ་ནས་ཁྲག་སྐྱུགས་སོ། །དེ་སྐད་དུ། རྡོ་རྗེ་ཁྲོས་པ་རྩ་བའི་རྒྱུད་ལས། ཁྲོ་ཆེན་རབ་ཏུ་ཁྲོས་པ་མཐོང་བ་ཡིས། །སྐད་ཅིག་ཙམ་ལ་རུ་དྲ་དངངས་ཤིང་སྐྲག །ཕྱོགས་བཅུ་ཀུན་ཏུ་འབྲོས་པའི་ཚུལ་ཡང་བསྟན། །སྡུག་བསྔལ་ཆེན་པོ་དེ་ཡི་དུས་སུ་མྱངས། །ཞེས་གསུངས་སོ། །དེ་ནས་བརྒྱལ་སངས་པ་དང་ལངས་ནས་འཁོར་རྣམས་ལ་བོས་ཏེ་སྨྲེ་སྔགས་མང་དུ་བཏོན་པས་བདུད་ཀྱི་དམག་དཔུང་གཏིབས། མཚོན་ཆའི་ཆར་ཕབ་པ་དང་བསྟུན་རུ་དྲས་ཀྱང་དབུ་གསུམ་ཕྱག་དྲུག་ཏུ་བྱས་པ་དང་རྡོ་རྗེ་གཞོན་ནུས་དབུ་དགུ་ཕྱག་བཅོ་བརྒྱད་པར་སྤྲུལ་ཏེ་བ་སྤུའི་བུ་ག་ནས་ཀྱང་དེ་འདྲ་བ་དཔག་ཏུ་མེད་པར་སྤྲུལ་ཏེ་ངག་སྨྲ་བརྗོད་དང་བྲལ་བར་བྱིན་གྱིས་བརླབས། རུ་དྲས་ཀྱང་དབུ་དགུ་ཕྱག་ ― LT30_Page_0047 ―
[མ་དཔེ་གཟིགས་ན་འདིར་གནོན།]
བཅོ་བརྒྱད་པར་སྤྲུལ་པའི་གཉེན་པོར་རྡོ་རྗེ་གཞོན་ནུས་དབུ་ཕྱག་སྟོང་སྟོང་། སྤྱན་བྱེ་བ་སྟོང་དུ་སྤྲུལ། དབུ་དགུ་པ་མང་པོ་བ་སྤུའི་བུ་གནས་ཀྱང་བཀྱེས། ཁྲོ་བོ་བཅུ་སྤྲུལ་ནས་ཕྱོགས་སྐྱོང་བཅུ་གདན་དུ་བཏིང་། དེ་ནས་རྡོ་རྗེ་གཞོན་ནུའི་སྤྱི་གཙུག་ནས་ཧ་ས་ཡ་ར་ཧྲི་ཏ་ན་ཡ་འཕྲོས། རུ་དྲའི་སྤྱི་གཙུག་ཏུ་ཞུགས་ནས་སྐྱོབ་པའི་ལྷ་དང་ཕྲལ། གཞན་ཡང་གབ་པའི་སྔགས་དྲུག་རྣམས་སྐུའི་གནས་སོ་སོ་ནས་སྤྲོས་ཏེ་རུ་དྲའི་གནས་སོ་སོར་ཞུགས་པས་གཟུགས་ལ་དབབ། བྱང་དུ་གཞུག །སྨྱར་གཞུག །རྡུལ་དུ་བརླག །ཞལ་དུ་བསྟབ་པ་སོགས་མཛད། བདུད་ཀྱི་འཁོར་རྣམས་ཀྱང་སོ་སོར་བྱེར། དུས་དེར་རྡོ་རྗེ་གཞོན་ནུ་ལ་དུས་གསུམ་གྱི་བུདྡྷ་ཐམས་ཅད་ཀྱིས་རྡོ་རྗེ་སྲིན་པོའི་དུར་དབྱངས་ཀྱིས་བསྟོད་དོ། །རྡོ་རྗེ་རྟའི་ཚོགས་ཀྱིས་རྟའི་རྔམ་དབྱངས་ཀྱིས་དཔའ་སྐོང་། དེའི་ཚེ་རྡོ་རྗེ་གཞོན་ནུས་རུ་དྲའི་ཁ་ཊྭཱཾ་ཕྲོགས་ཏེ་ཕུང་པོ་ལ་ཐུར་མ་བཙུགས་ཏེ། ཨ་ལ་ལ་ཧོཿཞེས་གསུངས་ཏེ་ཞལ་དུ་གསོལ་ནས་ཁྱུར་མིད་མཛད་དེ་ཕྱལ་དུ་སྦྱངས་པས་སྐྱེ་བ་གྲངས་མེད་པའི་ལུས་བླངས་པ་ནི་དྲན། ལས་དགེ་སྡིག་མི་བསླུ་བར་ནི་རིག །དུས་དེར་རུ་དྲས་སྨྲེ་སྔགས་བརྗོད་དོ། །དེ་ནས་རྡོ་རྗེ་གཞོན་ནུའི་གསང་བ་ནས་བཏོན་ཏེ་མདུན་དུ་བཞག་ནས་སྦྱོ་བ་བརྒྱད་ཀྱི་སྒོ་ནས་སྦྱོས། འཁོར་སྡེ་བརྒྱད་ཀྱིས་ཀྱང་བཤགས་པ་རེ་བྱས་ནས་རང་རང་གི་མགོ་བོ་བཅད་དེ་ཕུལ། སྐབས་དེར་རུ་དྲས་སྨྲས་པ། བསྣམས་ ― LT30_Page_0048 ―
[མ་དཔེ་གཟིགས་ན་འདིར་གནོན།]
ནས་བཏོན་པ་ཐུགས་རྗེ་ཆུང་། །འབངས་སུ་མཆིའོ་གཙིགས་མ་ཆུང་། །བཀའ་ལས་འདས་ན་འཚིག་པར་འགྱུར། །མ་དང་སྲིང་མོ་བྲན་མོ་རྣམས། །འབངས་སུ་འབུལ་ལོ་བཀའ་ལ་ཐོགས། །དབུས་སུ་མཆིས་སྐལ་མི་ལྡན་གྱི། །འབར་བའི་དཀྱིལ་འཁོར་མཐའ་ལ་ཞོག །ཕུད་ལ་འཚལ་སྐལ་མི་ལྡན་གྱི། །ལྟག་མ་ཁ་ཕྲུས་བྲོན་ལ་སྩོལ། །ཞེས་དང་། རྩ་རྒྱུད་ལས། རུ་དྲ་མ་རུངས་དེ་ཡི་དུས་སུ་བཏུལ། །ཁྲོ་བོའི་རྒྱལ་པོ་རྡོ་རྗེ་གཞོན་ནུ་ལ། །གཟུགས་ཀྱི་ཕུང་པོ་གདན་དུ་རབ་ཏུ་བཏིང་། །རྣ་བའི་དབང་པོས་ཞི་བའི་ཆོས་ཀྱང་ཉན། །ཡིད་ནི་འགྱོད་པའི་སྨྲ་བཤགས་མང་དུ་བྱས། །ཞེས་གསུངས་པ་ལྟར། རུ་དྲ་གཙོ་བོའི་གདན་དུ་བཏིང་། །འཁོར་རྣམས་ཀྱིས་ཀྱང་ཕྱོགས་སྐྱོང་བཅུ་ལ་སོགས་པ་ཕོ་ཁ་སྦུབས། མོ་གན་རྒྱལ། བྱིན་པ་འཁྲིལ་བར་གདན་དུ་བཏིང་། རྣ་བས་ཆོས་ཉན། དེ་ནས་རུ་དྲ་འདི་མ་ཧཱ་ཀཱ་ལར་བྱས་ཏེ་སངས་རྒྱས་སྟོང་གི་བསྟན་པ་བསྲུངས་ནས། འོག་ཕྱོགས་ཀྱི་འཇིག་རྟེན་དུ་བཅོམ་ལྡན་འདས་སུ་ལུང་བསྟན། ཁོའི་ཐོད་མཁར་རྡོ་རྗེ་ཕུར་པའི་གཞལ་ཡས་ཁང་དུ་བྱིན་གྱིས་བརླབས་པ་ལ་བརྟེན་ནས་རྡོ་རྗེ་ཕུར་བའི་ལྷ་ཚོགས་རྟེན་དང་བརྟེན་པར་བཅས་པ་ཐམས་ཅད་དེ་ལྟར་བྱུང་བར་གསུངས་ཤིང་། དོན་དུ་སངས་རྒྱས་ཀུན་གྱི་ཐུགས་གཉིས་སུ་མེད་པའི་ཡེ་ཤེས་ཆེན་པོ་རྣམ་པ་ཕྲིན་ལས་གང་འདུལ་གྱི་རོལ་པ་ཐམས་ཅད་རྟགས་ ― LT30_Page_0049 ―
[མ་དཔེ་གཟིགས་ན་འདིར་གནོན།]
ཀྱི་ཕྱག་རྒྱའི་གཟུགས་སུ་རང་ཤར་བ་ཉིད་དོ། །དེ་ལྟ་བུའི་དཔལ་རྡོ་རྗེ་གཞོན་ནུ་ཕུར་པ་ཕྲིན་ལས་རོལ་པའི་རྒྱུད་རྣམས་ཧེ་རུ་ཀ་ཉིད་ཀྱིས་སྟོན་འཁོར་དགོངས་པ་དབྱེར་མེད་དུ་རང་བྱུང་རྡོ་རྗེ་ནཱ་ད་མི་ཤིགས་པའི་སྒྲ་དབྱངས་སུ་རང་ཤར་བའི་ཚུལ་གྱིས་གསུངས་པའི་ཁོངས་སུ་རྒྱུད་ཐམས་ཅད་འདུ་བའང་། སྤྱིར་ཕྱི་རྒྱུད་སྡེ་གསུམ། ནང་རྒྱུད་གསུམ་ལའང་མ་ཧཱ་ཡོ་ག་ཐབས་ཕའི་རྒྱུད། ཨ་ནུ་ཡོ་ག་ཤེས་རབ་མའི་རྒྱུད། ཨ་ཏི་ཡོ་ག་གཉིས་སུ་མེད་པའི་རྒྱུད་སྡེའམ་ཐེག་པ་གསུམ་ཞེས་བྱ་བའི་རྣམ་གཞག་མཛད་ཅིང་། ཡང་ཕ་རྒྱུད་ལ་དོ་ཧ་སྐོར་དང་། མ་རྒྱུད་ལ་སྒྱུ་འཕྲུལ་སྐོར་དང་། གཉིས་མེད་རྒྱུད་ལ་སེམས་ཕྱོགས་སྐོར་ཞེས་གྲགས་པར་གསུངས་པ་དེ་དག་ཕྱོགས་ཙམ་གོང་དུ་བསྟན་པ་སྤྱིའི་བྱུང་བའི་ས་ཁོངས་སུ་བསྟན་ཟིན་ལ། བྱེ་བྲག་ཏུ་སློབ་དཔོན་ལང་ལབ་ཀྱི་བཞེད་པས་རྡོ་རྗེ་ཕུར་པ་འདི་ལ་རང་རྐང་ཚུགས་པའི་རྒྱུད་སུམ་ཅུ་རྩ་བདུན། རྒྱུད་ཆུང་བཅུ་དྲུག་ཅེས་བཞེད་དེ། དེ་ལ་རང་གཞུང་ཚུགས་པའི་རྒྱུད་སུམ་ཅུ་རྩ་བདུན་ནི། རྩ་བ་ལྟ་བུའི་རྒྱུད་གསུམ། བཤད་པའི་རྒྱུད་ལྔ། ཆ་མཐུན་པའི་རྒྱུད་གསུམ། རྒྱུད་ཕྱི་མ་གཉིས། ཕྱི་མའི་ཕྱི་མ་གསང་བ་སྡེ་དྲུག །བསྐྱེད་རིམ་གཙོ་བོར་སྟོན་པའི་རྒྱུད་ལྔ། རྫོགས་རིམ་གཙོ་བོར་སྟོན་པའི་རྒྱུད་ལྔ། ལ་བཟླ་བའི་རྒྱུད་ལྔ། དྲག་པོ་རྨེ་ཐབས་ཀྱི་རྒྱུད་གཉིས། ཕྲིན་ལས་གཙོ་བོར་སྟོན་པ་འབུམ་སྐོས་དང་སུམ་ཅུ་རྩ་ ― LT30_Page_0050 ―
[མ་དཔེ་གཟིགས་ན་འདིར་གནོན།]
བདུན་ནོ། །དེ་ལྟར་ན་བསྐྱེད་པ་མ་ཧཱ་ཡོ་ག་ཐབས་ཀྱི་རྒྱུད་ལ་ཏནྟྲ་ཆེན་པོ་སྡེ་བཅོ་བརྒྱད་ལ་སོགས་པའི་རྒྱུད་སྡེ་བསམ་གྱིས་མི་ཁྱབ་པའི་ནང་ནས་ཕྲིན་ལས་རིགས་ཀྱི་ཕུར་བུའི་རྒྱུད་ལུང་མན་ངག་ཐམས་ཅད་ཨོ་རྒྱན་གྱི་མཁན་པོ་པདྨ་ཐོད་ཕྲེང་རྩལ་ལ་ལྷག་པར་བཀའ་བབས་ཤིང་། གྲུབ་པའི་སློབ་དཔོན་ཆེན་པོ་དེ་ཉིད་ངེས་པའི་དོན་དུ་གདོད་མའི་རྒྱལ་པོ་དཔལ་ཆེན་རྡོ་རྗེ་གཞོན་ནུ་དང་གཉིས་མེད་མཉམ་པའི་ཀློང་དུ་མངོན་པར་བྱང་ཆུབ་ཀྱང་། ཚུར་མཐོང་རྣམས་ཀྱི་སྣང་ངོར་ལྷག་པའི་ལྷ་མཆོག་རྡོ་རྗེ་གཞོན་ནུས་སྐུའི་སྒོ་ནས་ཞལ་དངོས་སུ་བསྟན། གསུང་གི་སྒོ་ནས་ཕུར་པའི་རྒྱུད་རྣམས་བཀའ་སྩལ། ཐུགས་ཀྱི་སྒོ་ནས་དབྱིངས་རིག་དབྱེར་མེད་དུ་ངོ་སྤྲད་པས་ཤེས་བྱ་ཐམས་ཅད་ལ་ཡེ་ཤེས་ཆགས་ཐོགས་མེད་པར་མཛད། གདུལ་བྱ་དྲང་བའི་དོན་དུ་བཀའ་བབས་ཀྱི་སློབ་དཔོན་པྲ་བྷ་ཧ་སྟི་ལས་ཕྲིན་ལས་ཕུར་བའི་ཆོས་སྐོར་ཐམས་ཅད་བུམ་པ་གང་བྱོའི་ཚུལ་དུ་གསན་པའི་ཚུལ་བསྟན། གངས་ཅན་ལྗོངས་སུ་ཆོས་རྒྱལ་ཁྲི་སྲོང་ལྡེའུ་བཙན་གྱིས་སྤྱན་དྲངས་ནས་ཕོབ་པའི་ལམ་བར་ན་བོད་ཀྱི་ལྷ་སྲིན་མ་རུངས་པ་ཐམས་ཅད་རྡོ་རྗེ་ཕུར་པའི་སྐུར་བཞེངས་ནས་བཏུལ་ཞིང་དམ་ལ་བཞག །ས་གཞི་བཏུལ་ནས་བསམ་ཡས་གཙུག་ལག་ཁང་བཞེངས་པ་སོགས་དམ་པའི་ཆོས་ཀྱི་ཉིན་བྱེད་ཐོག་མར་འཆར་བའི་སྐབས་སུ་སྐལ་ལྡན་གྱི་རྗེ་འབངས་རྣམས་རྡོ་རྗེ་ཐེག་པའི་ལམ་ཟབ་སོ་སོའི་སྐལ་བ་དང་འཚམས་པར་གསང་ཆོས་སུ་ ― LT30_Page_0051 ―
[མ་དཔེ་གཟིགས་ན་འདིར་གནོན།]
འཆད་པའི་སྐབས་སུ་བར་ཆད་སེལ་བའི་ལྷ་མཆོག་རྡོ་རྗེ་གཞོན་ནུའི་ཆོས་སྐོར་རྒྱས་བསྡུས་ཅི་རིགས་པ་རེ་གནང་བ་ལས་ཕུར་པ་རྒྱལ་པོ་ལུགས། ཇོ་མོ་ལུགས། ལྕམ་ལུགས་གཙོས་བཀའ་ནས་བཀའ་རུ་བརྒྱུད་པ་དང་། ཕལ་ཆེར་གཏེར་དུ་སྦས་པ་ཕྱིས་སུ་རྗེ་འབངས་སོ་སོའི་སྤྲུལ་པ་རྣམས་ཀྱིས་རིམ་པར་བཏོན་པའི་གཏེར་མའི་རིགས་ཤིན་ཏུ་མང་བ་མཆིས་སོ། །གཉིས་པ་རྩ་དུམ་དང་འབྲེལ་བ་མཁོན་ལུགས་ཀྱི་བཀའ་བབས་བྱུང་ཚུལ་བྱེ་བྲག་ཏུ་དབྱེ་བ་ནི། གོང་དུ་ཇི་སྐད་བཤད་པ་བཞིན་ཕྲིན་ལས་རྡོ་རྗེ་གཞོན་ནུ་དང་དབྱེར་མེད་པ་ཐོད་ཕྲེང་རྩལ་འཆང་ཆེན་པོས་སད་མི་མི་བདུན་གྱི་ཡ་གྱལ་མཁོན་ནཱ་གེནྡྲ་རཀྵི་ཏ་ལ་རྒྱུད་ལུང་མན་ངག་དང་བཅས་པ་མནོག་ཆོས་སུ་སྩལ་བ་དེ་ནས་བརྩམས་མཁོན་རིགས་ས་སྐྱ་པར་ཡང་ཕུར་གཉིས་ཀྱི་བཀའ་བབས་གཞན་དང་མི་མཉམ་པས་གྲུབ་བརྙེས་གསེར་གྱི་ཕྲེང་བ་བར་མ་ཆད་པ་བྱོན་པ་ཡིན་ཅིང་། མཁོན་དཀོན་མཆོག་རྒྱལ་པོས་དཔེ་ཕལ་ཆེར་དུས་སྐབས་དེར་འགྲོ་དོན་མི་འབྱུང་བར་དགོངས་ཏེ་གཏེར་དུ་སྦ་བར་བརྩམས་པ་ན་ཆོས་སྲུང་གིས་འཁུ་ལྡོག་བྱུང་སྟེ་རྩ་བ་ཙམ་སླར་ཕྱུང་སྟེ་རྗེ་བཙུན་གོང་མ་རྣམ་ལྔ་ནས་ད་ལྟའི་བར་ཐུགས་དམ་ཉམས་བཞེས་མཐར་ཕྱིན་མཛད་ཅིང་། ཡིག་ཆའི་རིགས་ཀྱང་རྒྱས་བསྡུས་མང་དུ་བཞུགས། རྩ་རྒྱུད་བི་ཏོ་ཏ་མ་འབུམ་སྡེའི་ནང་ནས་གུ་རུ་པདྨ་ཉིད་ཀྱིས་རྡོ་རྗེ་རིགས་ཀྱི་ལེའུ་ཟུང་དུ་ཕྱུང་བ་ཕུར་པ་རྩ་བའི་ ― LT30_Page_0052 ―
[མ་དཔེ་གཟིགས་ན་འདིར་གནོན།]
དུམ་བུ་ཞེས་བྱ་བ་འདི་ཉིད་སྔ་འགྱུར་རྙིང་མའི་རྒྱུད་འབུམ་གྲལ་དུ་བཞུགས་ཀྱང་། སྔགས་གསར་མ་བ་རྣམས་ཀྱིས་རྙིང་རྒྱུད་ཁས་མི་ལེན་པས་བག་ལ་ཞ་བའི་སྐབས་ཀྱང་ཆོས་རྗེ་ས་སྐྱ་པ་ཆེན་ཉིད་ཤངས་སྲེག་ཤིང་ན་བཞུགས་པའི་ཚེ་མགོ་བན་བདུད་རྩི་རྒྱལ་པོ་ཞེས་བྱ་བའི་སྔགས་པ་གཅིག་གིས་དཔེ་ཆ་སེར་ཧྲུལ་ཞིག་ཆོས་རྗེ་ཉིད་ལ་ཕུལ་བྱུང་བ་ལ་གཟིགས་པས་ཕུར་པ་རྩ་དུམ་གྱི་རྒྱ་དཔེ་གུ་རུ་རིན་པོ་ཆེའི་ཕྱག་དཔེ་དངོས་སུ་འདུག་པ་མཁྱེན་ནས་བསུ་བའི་བཀོད་པ་དང་བཅས་ཏེ་གདན་དྲངས་ཤིང་། དེ་ཉིད་དུ་བོད་སྐད་ལ་བསྒྱུར་བར་མཛད་པ་འདི་ནི་ཁུངས་བཙུན་ཞིང་བཀའ་ཡོད་ལ་ལྷད་མེད་པ་ཁོ་ན་སྟེ་ཡིད་ཆེས་ཀྱི་གནས་དམ་པར་གྱུར་པ་ཡིན་ལ། འདི་ཉིད་ཀྱི་ཉེ་བརྒྱུད་ཁྱད་པར་ཅན་ནི། གངས་ཅན་ཙམ་ན་འགྲན་ཟླ་དང་བྲལ་བའི་མཁས་གྲུབ་ཀྱི་རྒྱལ་པོ། འཕགས་པའི་ཡུལ་གྱི་ཤིང་རྟ་ཆེན་པོ་རྣམས་དང་གཉིས་སུ་མ་དམིགས་པ་བཀའ་བབས་བདུན་གྱི་གསང་མཛོད་ལ་དབང་ཐོབ་པ་འཇིགས་བྲལ་རྡོ་རྗེའི་སློབ་དཔོན་ཆེན་པོ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོ་ཞེས་མཚན་ཡོངས་སུ་གྲགས་པ་དེ་ལ་ས་ཆེན་ཀུན་དགའ་སྙིང་པོའི་ཡེ་ཤེས་ཀྱི་སྐུས་ལན་གསུམ་དུ་རྗེས་སུ་བཟུང་ནས། ལན་གསུམ་པའི་སྐབས་རྩ་དུམ་འདི་ཉིད་ཀྱི་བཀའ་ལུང་གནང་སྟེ་འཆད་སྤེལ་གྱིས་ཤིག་པའི་རྡོ་རྗེའི་གསུང་གི་རྗེས་སུ་གནང་བ་ཐོབ་པ་བཞིན། ཁོ་བོ་ ― LT30_Page_0053 ―
[མ་དཔེ་གཟིགས་ན་འདིར་གནོན།]
ཅག་ལ་བཀའ་ལུང་ལྗགས་བཤད་བཅས་ལེགས་པར་སྩལ་ཏེ་འདི་ལ་འགྲེལ་བཤད་ཅིག་ཀྱང་ངེས་པར་གྱིས་ཞེས་བཀའི་གནང་བ་ཁྱད་པར་ཅན་ནོས་པ་ལགས་སོ། །གཉིས་པ་མཚན་ཉིད་རྣམ་པ་གསུམ་གྱིས་དོན་གྱི་ཤན་དབྱེ་བ་ལ་གསུམ། དཀྱིལ་འཁོར་གྱི་མཚན་ཉིད། སྔགས་ཀྱི་མཚན་ཉིད། རྫས་ཀྱི་མཚན་ཉིད་དོ། །དང་པོ་ལ་ལྔ་སྟེ། ཆོས་ཉིད་སྤྱིའི་དཀྱིལ་འཁོར། ཆོས་ཅན་རང་གི་དཀྱིལ་འཁོར། བསྒོམ་པ་ཏིང་ངེ་འཛིན་གྱི་དཀྱིལ་འཁོར། སྦས་པ་གསང་བའི་དཀྱིལ་འཁོར། བྲི་བ་གཟུགས་བརྙན་གྱི་དཀྱིལ་འཁོར་རོ། །དང་པོ་ཆོས་ཉིད་སྤྱིའི་དཀྱིལ་འཁོར་ནི། ཆོས་ཀྱི་སྐུའི་དཀྱིལ་འཁོར་ཡུམ་ཆེན་མོ་ལ་སྲས་ཕྱོགས་བཅུའི་སངས་རྒྱས་ཀྱིས་བསྐོར་བ་དང་། ལོངས་སྤྱོད་རྫོགས་སྐུའི་དཀྱིལ་འཁོར་རྣམ་པར་སྣང་མཛད་ལ་འཁོར་ས་བཅུའི་བྱང་སེམས་ཀྱིས་བསྐོར་བ་དང་། སྤྲུལ་པའི་སྐུའི་དཀྱིལ་འཁོར་ཤཱཀྱ་ཐུབ་པ་ལ་འཁོར་རིགས་དྲུག་གིས་བསྐོར་བ་དང་གསུམ་མོ། །གཉིས་པ་ཆོས་ཅན་རང་གི་དཀྱིལ་འཁོར་ནི། ཆོས་དབྱིངས་སྟོང་པ་ཉིད་ལ་དཀྱིལ་དང་། རིག་པ་ཡེ་ཤེས་ལ་འཁོར་ཞེས་བརྗོད་པའི་དབྱིངས་སུ་ཟུང་འཇུག་རིག་པའི་ཕུར་བུ་བསྒྲུབ་པའོ། །གསུམ་པ་བསྒོམ་པ་ཏིང་ངེ་འཛིན་གྱི་དཀྱིལ་འཁོར་ནི། རང་གི་རིག་པ་ལྷར་གསལ་བ་དཀྱིལ་དང་། ཁྲོ་བོ་ཁྲོ་མོར་སྣང་བ་ནི་འཁོར་ཡིན་ལ། དེར་ཐུགས་རྗེ་སྤྲུལ་པའི་ཕུར་བ་བསྒྲུབ་པའོ། །བཞི་པ་ ― LT30_Page_0054 ―
[མ་དཔེ་གཟིགས་ན་འདིར་གནོན།]
སྦས་པ་གསང་བའི་དཀྱིལ་འཁོར་ནི། ཡབ་ཡུམ་གྱི་རྡོ་རྗེ་པདྨ་དཀྱིལ། བདེ་ཆེན་དགའ་བཞི་འཁོར། དེར་བྱང་ཆུབ་སེམས་ཀྱི་ཕུར་པ་བསྒྲུབ་པའོ། །ལྔ་པ་གཟུགས་བརྙན་གྱི་དཀྱིལ་འཁོར་ལ་གཉིས། རིགས་བསྡུས་དང་། རིགས་བྱེ་བྲག་པའི་དཀྱིལ་འཁོར་རོ། །དང་པོ་ལ་ལྔ་སྟེ། བསྙེན་པའི། སྒྲུབ་པའི། གསད་པའི། དབང་གི། སྲུང་མའི་དཀྱིལ་འཁོར་རོ། །དང་པོ་བསྙེན་པའི་འཁོར་ལོ་རྩིབས་བརྒྱད་པའོ། །གཉིས་པ་ནི། རྒྱ་མདུད་ལྡེབ་པའི་འཁོར་ལོའོ། །གསུམ་པ་ནི། རྒྱུད་ལས། གྲུ་གསུམ་ཉི་ཤུ་རྩ་གཅིག་པ། །དྲག་པོ་གསད་པའི་དཀྱིལ་འཁོར་ཡིན། །ཞེས་པའོ། །བཞི་པ་ནི། རྒྱུད་ལས། རྩིབས་བརྒྱད་ཟླ་གམ་ལྟ་བུ་ནི། །དབང་གི་དཀྱིལ་འཁོར་ཡིན་པར་བཤད། །ཅེས་སོ། །ལྔ་པ་ནི། རྒྱུད་ལས། མེ་རླུང་འཚུབས་པ་འཇིགས་ཚུལ་ཅན། །ཞེས་གང་གསུངས་པའོ། །གཉིས་པ་རིགས་བྱེ་བྲག་པའི་དཀྱིལ་འཁོར་ལ་གསུམ། ཁྲོ་བོ་བཅུ་ལ་དཀྱིལ་འཁོར་བཅུ། མགོ་བརྙན་ཉི་ཤུ་ལ་དཀྱིལ་འཁོར་ཉི་ཤུ། ཕུར་སྲུང་བཅུ་གཉིས་ལ་དཀྱིལ་འཁོར་བཅུ་གཉིས། དེ་བཞིན་དུ་སིང་ཧ་བརྒྱད། ཀེའུ་རཱི་བརྒྱད། དབང་ཕྱུག་མ་ཉེར་བརྒྱད་རྣམས་ལ་ལྷ་གྲངས་དང་མཉམ་པའི་དཀྱིལ་འཁོར་གསང་རྒྱུད་ལས་གསུངས་ཤིང་། སྤྱིར་ནི་དཀྱིལ་འཁོར་ཐམས་ཅད་གཙོ་བོ་འཕོས་པ་ལས་འགྱུར་བ་ཡིན་ཏེ། རིགས་བསྡུས་ཀྱི་དཀྱིལ་འཁོར་ ― LT30_Page_0055 ―
[མ་དཔེ་གཟིགས་ན་འདིར་གནོན།]
ལ་ལྷ་ལྔ་བཅུ་རྩ་གཅིག་ཡོད་པས་དཀྱིལ་འཁོར་ལྔ་བཅུ་ང་གཅིག་ལ་ལྷ་ཉིས་སྟོང་ཕྱེད་དང་དྲུག་བརྒྱ་ང་གཅིག་ཡོད་པ་གཙོ་བོ་འཕོས་པས་དཀྱིལ་འཁོར་གྱི་གྲངས་ཀྱང་དེ་སྙེད་ཅིག་ཡོད་དོ། །དབང་བཞི། །རབ་གནས་གསུམ། སྦྱིན་སྲེག་བཞི། ལས་བཞི། གྲུབ་ཆེན་བརྒྱད་ལ་སོགས་པའི་གང་ལ་བྱ་བའི་ལས་ཀྱི་གྲངས་དང་མཚུངས་པའི་དཀྱིལ་འཁོར་གྱི་དབྱེ་བའང་ཤེས་པར་བྱའོ། །གཞན་ཡང་ས་ཆོག །སྟ་གོན། ལས་རྒྱལ་མཆོག་བསམ་གྱིས་མི་ཁྱབ་པ་ཡོད་དོ། །གཉིས་པ་སྔགས་ཀྱི་མཚན་ཉིད་བསྟན་པ་ལ་གསུམ། མཚན་ཉིད་སྤྱིར་བསྟན་པ། རྣམ་དབྱེ་བྱེ་བྲག་ཏུ་བཤད་པ། བཟླ་བའི་ཐབས་བསྟན་པའོ། །དང་པོ་ལ་བཞི། ངོ་བོ། ངེས་ཚིག །དབྱེ་བ། བཏུ་བའོ། །དང་པོ་ནི། བདེ་བར་གཤེགས་པ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་རྣམ་པ་ཡིག་འབྲུའི་ཚུལ་དུ་ཤར་བའམ་གནས་པ་ཡི་གེ་ནུས་པ་མཐུ་ཅན་དུ་གྱུར་པ་ནི་སྔགས་ཀྱི་ངོ་བོའོ། །གཉིས་པ་ནི། བྱིན་རླབས་མངོན་དུ་མྱུར་བར་འབྱིན་པས་ན་སྔགས་སོ། །གསུམ་པ་ལ་གསུམ། གསང་སྔགས། རིག་སྔགས། གཟུངས་སྔགས་ཏེ། རིམ་པ་བཞིན་ལྷ་ཕོའི་སྔགས་དང་། མོའི་དང་། སྤེལ་མའི་སྔགས་ལ་བཤད་ཀྱང་། འདིར་ནི་རྒྱུ་མ་ནོར་བ་རྩ་བའི་སྔགས། བསྐྱེད་པ་རྐྱེན་གྱི་སྔགས། བཟླས་པ་ལས་ཀྱི་སྔགས་གསུམ་ལ་ངོས་གཟུང་ངོ་ཞེས་གསུངས། བཞི་པ་ལ་གསུམ། སྔགས་ ― LT30_Page_0056 ―
[མ་དཔེ་གཟིགས་ན་འདིར་གནོན།]
དག་པའི་དོན་དུ་བཏུབ། བཏུས་པའི་སྔགས་ཀྱི་རྣམ་དབྱེ། ནུས་པ་མཐར་དབྱུང་བའི་ཕྱིར་བཟླ་ཐབས་སོ། །དེའང་སྔགས་བཏུ་བའི་གཞི་ཨཱ་ལི་ཀཱ་ལི། བཏུ་ཐབས་ཀཱ་ལི་ལས་ལུས་བཏུ། ཨཱ་ལི་ལས་ཡན་ལག་བཏུབ། ཚིགས་བཅད་ལས་བཏུ་བ། སྤེལ་བ་ལས་བཏུ་བ། རེའུ་མིག་ལས་བཏུ་བ། འཁོར་ལོ་ལས་བཏུ་བ། གྲངས་ལས་བཏུ་བ། དབྱིབས་ལས་བཏུ་བའོ། །གཉིས་པ་རྣམ་པར་དབྱེ་བ་ལ་བདུན་ཏེ། སྦྲུལ། མགོ་མེད། མཇུག་མེད། བཏུས་པ། སྐུའི། གསུང་གི། ཐུགས་ཀྱི་སྔགས་སོ། །གསུམ་པ་བཟླ་ཐབས་ནི་གསུམ་སྟེ། རྗེས་སུ་དྲན་པས་བཟླ་བ། རྣམ་མར་བཟླ་བ། རང་དབང་མེད་པར་དཀྲུགས་ཏེ་བཟླ་བའོ། །གཞན་ཡང་། བཟློག་ནས་བཟླས་ཏེ་གསད་པ། སོ་སོར་བཟླས་པ་གློང་མ། བསྡོམས་ནས་བཟླས་པ་དྲིལ་བའོ། །བཟླས་པའི་སྐབས་ཀྱང་སྔོན་དུ་དྲིལ་ལ་བཟླ། དེ་ནས་རྟགས་གང་ཉེ་བ་རེ་ལ་རྐང་ཐོན་དུ་བྱེད་པ་ཡིན་ཏེ། དེས་ན་དྲིལ་སྒྲུབ། རྐྱང་སྒྲུབ། རྟགས་དང་སྦྱར་བས་ཤུགས་ལ་སོང་བ་ཡིན་ནོ། །དེའང་བཟླས་པ་དངོས་ནི། སྡོང་པོ་ལྟ་བུའི་སྔགས་ཀྱི་སྦྱོར་བ། སྤུ་གྲི་ལྟ་བུའི། མདུང་ཐུང་ལྟ་བུའི། མེ་དཔུང་ལྟ་བུའི། རལ་གྲི་ལྟ་བུའི། སྦྲུལ་ལྟ་བུའི། ཉི་ཟེར་ལྟ་བུའི། ཆུ་བོ་ལྟ་བུའི་སྔགས་ཀྱི་སྦྱོར་བས་བཟླ་བ་སྟེ་བཟླ་ཐབས་བརྒྱད་དུའང་རྒྱུད་ལས་བཤད་ཅིང་། གང་བཟླ་ན། རྒྱབ་རི་དམག་མི་ལྟ་བུའི་ཡིག་འབྲུ་དྲུག ། ― LT30_Page_0057 ―
[མ་དཔེ་གཟིགས་ན་འདིར་གནོན།]
འཁུབ་མེད་ལྟག་མེད་ཡིག་འབྲུ་དྲུག །དབང་སྡུད་འགུགས་པའི་ཡིག་འབྲུ་དྲུག །རབ་ཏུ་འཆིང་པའི་ཡིག་འབྲུ་དྲུག །བརྡུང་ཞིང་རྡེག་པའི་ཡིག་འབྲུ་དྲུག །བཟློག་ཅིང་གཤེད་དབབ་ཡིག་འབྲུ་དྲུག །འཇོམས་ཤིང་འབྲེལ་བྱེད་ཡིག་འབྲུ་དྲུག །ཅེས་དྷཱ་ཏི་ལྷར་བསྒྲུབ་པ་དང་། རྒྱུད་ལས། ཡིག་འབྲུ་དྲུག་པོ་སྲུང་བ་ཡིན། །ཡིག་འབྲུ་དགུ་པོ་མནན་པ་ཡིན། །སྙིང་ཁྲག་འཕྲོག་པ་འབྲུ་དགུ་པ། །གསད་པའི་དྲག་སྔགས་འབྲུ་ལྔ་པ། །གཏུབ་པའི་ཡིག་འབྲུ་བཅུ་གཅིག་པ། །རླག་པར་བྱེད་པ་བཅུ་གཉིས་པ། །ཞེས་འདུས་པ་ལྟ་བུར་བསྒྲུབ་པ་དང་། སྤུ་གྲིའི་འཁོར་ལོས་གསད་པ་ལྟར་ལུས་སྲོག་ཐལ་བར་གསད་པ་དང་། སྔགས་རྐང་བརྒྱད་ཀྱི་བར་དུ་གསད་པ་དང་། སྔགས་རྐང་དྲུག་གིས་གསད་པ་དང་། སྔགས་རྐང་གསུམ་གྱིས་གསད་པ་དང་། དྲེགས་པ་རང་གིས་རང་གསད་པ་སྟེ་བསྡུ་ཡིག་ལྟར་བསྒྲུབས་པར་བཤད་དེ། འདི་དག་གི་དོན་ཞིབ་པར་རྒྱུད་དང་། འགྲེལ་ཊཱིཀ །རིག་འཛིན་བརྒྱུད་པའི་མན་ངག་གི་ཞལ་ལུང་ལས་རྟོགས་པར་བྱའི། འདིར་མཚན་ཙམ་སྨོས་པའོ། །གསུམ་པ་རྫས་ཀྱི་མཚན་ཉིད་ལ་བཞི། དང་པོ་རིག་པ་ཡེ་ཤེས་ཀྱི་ཕུར་པའི་རྫས་ནི། ནོར་བུ་ཆུ་དྭངས་ལྟ་བུ་རིག་པ་ཆོས་ཉིད་ཀྱི་གནས་ལུགས་དང་གློ་བུར་དྲི་མའི་རྟོག་པ་གཉིས་སོ་སོར་འབྱེད་པར་བྱེད་པ། གཉིས་པ་ཐུགས་རྗེ་སྤྲུལ་པའི་ཕུར་ ― LT30_Page_0058 ―
[མ་དཔེ་གཟིགས་ན་འདིར་གནོན།]
པའི་རྫས་ནི། མེ་ལོང་གཡའ་དག་པ་ལ་ཡི་དམ་གྱི་སྐུའི་སྣང་བ་འཆར་བ་དེས་རྐྱེན་བྱས་ནས་འཇའ་ཚོན་ལྟ་བུའི་ཉམས་སྐྱེས་ཏེ་སྣང་སྟོང་དབྱེར་མེད་དུ་རྟོགས་པའོ། །གསུམ་པ་གསང་བ་བྱང་ཆུབ་སེམས་ཀྱི་ཕུར་པའི་རྫས་ནི། ཕྱག་རྒྱ་མཚན་ལྡན་དགུག་པའི་རྫས། དབང་དུ་བསྡུ་བའི་རྫས། རྩ་བཙལ་བའི་རྫས། མི་མཐོང་བར་སྦ་བའི་རྫས་སོ། །བཞི་པ་འདུས་བྱས་རྫས་ཀྱི་ཕུར་པའི་རྫས་ལ་ལྔ་སྟེ། བསྙེན་པའི་རྫས་འཚོ་བའི་ཟས་ལ་སོགས་པ། སྒྲུབ་པའི་རྫས་ལྷ་ཕུར། སྒྲུབ་ཕུར། བྷནྡྷ་ལ་སོགས་པ། སྒྲུབ་པ་ཆེན་པོའི་རྫས་ཉའོ། །ལིངྒ། ཐོད་ངན་ལ་སོགས་པ། དགྲ་བགེགས་བསད་པའི་རྫས་གབ་པའི་སྔགས་དྲུག་དང་། མནན་སྲེག་འཕང་བའི་རྫས་གསག་པ་དང་། གཞན་ཡང་ཤ་སྣ། སྙིང་སྣ། ཁྲག་སྣ་སོགས་སོ། །བཀྲ་ཤིས་པའི་རྫས་བུམ་པ་བཅའ་ཞིང་སྦ་བ་སོགས་ཏེ། འདི་དག་ཀྱང་ཞིབ་པར་རིག་འཛིན་བརྒྱུད་པའི་ཞལ་ལུང་མན་ངག་གི་ལག་ལེན་ཉིད་ལས་རྟོགས་པར་བྱ་དགོས་ཀྱི། འདིར་རྒྱས་པར་མ་སྤྲོས་སོ། །གསུམ་པ་ཕུར་བུའི་རྒྱུ་བཞིས་གང་ཟག་རྣམ་བཞི་མཐར་དབྱུང་བ་ལ། ཕུར་བུ་ངན་སྔགས་གཙུག་ལག་གི་རྒྱུད་ལས། ཕུར་པ་རྣམ་བཞིའི་དགོངས་པ་ཡིས། །གང་ཟག་རྣམ་བཞི་མཐར་དབྱུང་ངོ་། །རིག་པ་ཡེ་ཤེས་ཕུར་བུ་ནི། །ཆོས་ཀྱི་དབྱིངས་ཀྱི་ཀློང་དུ་གདབ། །ཐུགས་རྗེ་སྤྲུལ་པའི་ཕུར་བུ་ནི། ཁམས་གསུམ་སེམས་ ― LT30_Page_0059 ―
[མ་དཔེ་གཟིགས་ན་འདིར་གནོན།]
ཅན་ལ་གདབ་བོ། །གསང་བ་བྱང་སེམས་ཕུར་བུ་ནི། །ཡུམ་གྱི་མཁའ་ཀློང་ཡངས་པར་གདབ། །མཚན་མ་རྫས་ཀྱི་ཕུར་པ་ནི། །དགྲ་དང་བགེགས་ལ་གདབ་པའོ། །ཞེས་གསུངས་པ་ལྟར། །གདབ་བྱའི་ཡུལ་བཞི་ལ་འདེབས་བྱེད་ཀྱི་ཕུར་པ་བཞི་ཚད་དང་ལྡན་པར་བཏབ་ནས་ཐེབས་པའི་དོན་འབྲས་བཞི་མཐར་ཕྱིན་པའི་ལམ་ནས་དཔལ་ཆེན་བཛྲ་ཀུ་མཱ་རའི་དབྱིངས་དང་ཡེ་ཤེས་མངོན་དུ་གྱུར་པ་ནི་འདིར་བཤད་བྱ་བླ་ན་མེད་པའི་སྲོག་གནད་ཟབ་མོ་སྟེ། དེ་ཉིད་རྒྱུད་དང་། འགྲེལ་ཊིཀ །རིག་འཛིན་བརྒྱུད་པ་མཁས་གྲུབ་རྣམས་ཀྱི་དགོངས་པའི་སྙིང་པོ་མདོ་ཙམ་བསྡུས་ཏེ་བཤད་པ་ལ་བཞི། ནམ་མཁའ་ལྟ་བུའི་གང་ཟག་གིས་རིག་པ་ཡེ་ཤེས་ཀྱི་ཕུར་པ་ཡུལ་ཆོས་ཀྱི་དབྱིངས་སུ་གདབ་པ་དང་། རི་བོ་ལྟ་བུའི་གང་ཟག་གིས་ཐུགས་རྗེ་སྤྲུལ་པའི་ཕུར་པའམ་ཚད་མེད་སྙིང་རྗེའི་ཕུར་པ་ཡུལ་ཁམས་གསུམ་གྱི་སེམས་ཅན་ལ་གདབ་པ་དང་། བྱ་ཀནྟ་ཀ་ལྟ་བུའི་གང་ཟག་གིས་གསང་བ་བྱང་ཆུབ་སེམས་ཀྱི་ཕུར་པ་ཡུམ་གྱི་མཁའ་ལ་གདབ་པ་དང་། ཙནྡན་ལྟ་བུའི་གང་ཟག་གིས་མཚན་མ་རྫས་ཀྱི་ཕུར་པ་དགྲ་བགེགས་གཉིས་ལ་གདབ་པའོ། །དེ་རེ་རེ་ལའང་རྟེན་གྱི་གང་ཟག །ཕུར་པ་རང་གི་ངོ་བོ། ཡུལ་གང་ལ་གདབ་པ། གདབ་པའི་ཐབས། དཔེ་ཇི་ལྟར་གདབ་པ། ཐེབས་པའི་ཚད། མ་ཐེབས་པའི་སྐྱོན། བཏབ་པའི་དགོས་པ། ཕུར་པ་ལ་བརྒལ་བ། ། ― LT30_Page_0060 ―
[མ་དཔེ་གཟིགས་ན་འདིར་གནོན།]
ཉམས་སུ་བླང་ཐབས་དང་དོན་བཅུ་བཅུའི་སྒོ་ནས་རྒྱས་པར་འཆད་པའི་ཚུལ་ནི་གཞུང་གཞན་དུ་གསལ་ལ་རྒྱས་པ་འབྱུང་ཞིང་། འདིར་དོན་གྱི་མདོ་འགག་དྲིལ་ཏེ་ཅུང་ཟད་བསྟན་ན། ཕུར་པའི་མཚན་ཉིད་རྣམ་པ་བཞིས་དོན་གྱི་ཤན་དབྱེ་བ་དང་། ཕུར་པ་སྒྲུབ་པའི་གང་ཟག་དེའི་སྣོད་ཀྱི་རིམ་པ་དང་སྦྱར་ནས་མཐར་དབྱུང་ཚུལ་ཏེ་གཉིས་ལས། དང་པོ་ནི། ཆོས་དབྱིངས་སྤྲོས་པ་མེད་པ་དང་རིག་པ་རང་གསལ་གྱི་ཡེ་ཤེས་གཉིས་སུ་མེད་པ་རང་བྱུང་གི་ཡེ་ཤེས་ཆེན་པོ་རང་ཤར་ཕྱོགས་རིས་མེད་པ་ནི་རིག་པ་ཡེ་ཤེས་ཀྱི་ཕུར་པའི་ངོ་བོ་སྟེ། དེས་ཆོས་ཐམས་ཅད་ལ་རྒྱས་བཏབ་པས་འཁྲུལ་སྣང་ཐལ་འབྱིན་དུ་ཕུག་སྟེ་གཉིས་མེད་ཡེ་ཤེས་ཆེན་པོ་ཆོས་ཀྱི་སྐུ་ཐོབ་པ་ཡིན་ནོ། །བྱང་ཆུབ་སེམས་ཀྱི་ཕུར་པ་ནི། ཡབ་ཡུམ་མཉམ་པར་སྦྱོར་བའི་སྟོབས་ཀྱིས་ཞུ་བདེ་དྲངས་པའི་བདེ་བ་ཆེན་པོ་ལྷན་སྐྱེས་ཀྱི་ཡེ་ཤེས་ནི་དེའི་ངོ་བོ་ཡིན་ལ། དེས་རྩ་རླུང་ཐིག་ལེའི་གྲོང་ཁྱེར་ལ་རྒྱས་བཏབ་པས་མ་དག་པའི་རླུང་སེམས་དབྱིངས་སུ་ནུབ་ནས་དག་པའི་ཡེ་ཤེས་མངོན་དུ་འཆར་བར་བྱེད་ཅིང་ལྷ་དང་ལྷ་མོའི་དཀྱིལ་འཁོར་གྱི་དབང་ཕྱུག་ལོངས་སྐུ་འཐོབ་པར་བྱེད་དོ། །ཚད་མེད་སྙིང་རྗེའི་ཕུར་པ་ནི། སྙིང་རྗེ་ཆེན་པོས་སེམས་ཅན་ཡོངས་སུ་མི་གཏོང་བ་ཡིན་ལ། དེས་ཡུལ་རིགས་དྲུག་གི་སེམས་ཅན་རྣམས་ལ་བཏབ་པས་ཐུགས་རྗེའི་དཔྱང་ཐག་གིས་ཟིན་ནས་འཁོར་བའི་གནས་ལས་སྒྲོལ་ཞིང་སྤྲུལ་པའི་ ― LT30_Page_0061 ―
[མ་དཔེ་གཟིགས་ན་འདིར་གནོན།]
སྐུ་འཐོབ་པར་བྱེད་དོ། །འདུས་བྱས་རྫས་ཀྱི་ཕུར་པ་ལ། མཚན་མ་རྟགས་ཀྱི་ཕྱག་རྒྱ་རྟེན་དང་བཅས་པ་སྟེ། འདིའི་ཁོངས་སུ་བསྐྱེད་རིམ་ཀྱང་འདུ་བ་ཡིན་ལ། ཞིབ་པར་རྩ་དུམ་དངོས་འཆད་པའི་སྐབས་སུ་འོང་བས་འདིར་མདོ་ཙམ་བཤད་ན། སྐུ་ཕྱག་རྒྱའི་ཕུར་པ། ཕྲིན་ལས་བཞིའི་ཕུར་པ། སྲས་མཆོག་གི་ཕུར་པ་དང་གསུམ་དུ་ཡོད་ཅིང་། དང་པོ་ལ་རང་བཞིན་གྱི་ཕུར་པ། ཏིང་ངེ་འཛིན་གྱི་ཕུར་པ་གཉིས་སུ་དབྱེར་ཡོད་པ་དང་། ལས་བཞིའི་ཕུར་པ་ནི་ཕྲིན་ལས་རྣམ་པ་བཞིའི་ཕུར་བུ་ཚད་ལྡན་འདུ་བྱ་བ་དང་། སྲས་མཆོག་གི་ཕུར་པ་བཞིའམ་བསྡུ་ན་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པས་གདབ་པའི་ལས་བྱ་བ་སྟེ། འདི་དག་ཀྱང་འོག་ཏུ་རིམ་པར་འབྱུང་ངོ་། །གཉིས་པ་གང་ཟག་སྣོད་ཀྱི་རིམ་པར་སྦྱར་ནས་ཉམས་ལེན་མཐར་དབྱུང་བ་ལ། རིག་པ་ཡེ་ཤེས་ཀྱི་ཕུར་པ་ནི་ནམ་མཁའ་ལྟ་བུའི་གང་ཟག་གིས་མཐར་དབྱུང་བར་བྱེད་དེ། གང་ཞེ་ན། བློ་ཡངས་ཤིང་ཤེས་རབ་ཆེ་ལ་དབང་པོ་རྣོ་བའི་གང་ཟག་གང་ཞིག་མཉམ་པའི་བརྟུལ་ཞུགས་དང་ལྡན་པ་དེ་ལ་རིག་པ་རྩལ་གྱི་དབང་བསྐུར་ཏེ་རང་རིག་ཡེ་ཤེས་ཀྱི་ཕུར་པའི་ངོ་བོ་བསྟན་པས་ལྷང་གིས་རྟོགས་ན་ཕུར་པ་ཐེབས་ཏེ་མཐར་ཕྱིན་པར་ནུས་སོ། །བྱང་ཆུབ་སེམས་ཀྱི་ཕུར་པས་བྱ་ཀ་ལནྟ་ཀ་ལྟ་བུའི་གང་ཟག་མཐར་དབྱུང་སྟེ། འདོད་ཆགས་ཆེ་ཞིང་བརྩོན་འགྲུས་དང་ལྡན་པའི་གང་ ― LT30_Page_0062 ―
[མ་དཔེ་གཟིགས་ན་འདིར་གནོན།]
ཟག་བྱ་ལནྟ་ཀ་ལྟ་བུ་ལ་ཡུམ་བཀྲ་ཤིས་མཚན་དང་ལྡན་པ་གཏད་ལ་གསང་བ་དང་ཤེས་རབ་ཡེ་ཤེས་ཀྱི་དབང་བསྐུར་ཏེ་ལྷག་པའི་བྱང་ཆུབ་སེམས་ཀྱི་ཕུར་པ་གཉིས་སུ་མེད་པའི་བདེ་ཆེན་གྱི་དོན་བསྟན་པས་ལྷང་གིས་རྟོགས་ན་ཕུར་པ་ཐེབས་ཏེ་མཐར་ཕྱིན་པར་འགྱུར་རོ། །ཚད་མེད་སྙིང་རྗེའི་ཕུར་པས་རི་བོ་ལྟ་བུའི་གང་ཟག་མཐར་དབྱུང་སྟེ། གང་ཟག་དད་པ་དང་སྙིང་རྗེ་བརྟན་པོས་གཞན་དོན་དང་སྤྲོས་པ་ལ་དགའ་བ་དེ་ལ་རང་གཞན་གྱི་དོན་དུ་ཚད་མེད་བཞིས་བློ་སྦྱངས་ཏེ་བླ་ན་མེད་པའི་བྱང་ཆུབ་ཏུ་སེམས་བསྐྱེད་དུ་བཅུག་ལ་སྔགས་ཀྱི་དབང་བསྐུར་ནས། ཚད་མེད་བཞིའི་དམ་བཅའ་གཟུང་ཞིང་ལས་ཀྱི་མན་ངག་བསྟན་པས་ལྷང་གིས་རྟོགས་པ་དང་ཕུར་པ་ཐེབས་ནས་མཐར་ཕྱིན་པར་འགྱུར་རོ། །མཚན་མ་རྫས་ཀྱི་ཕུར་པ་ལ་བརྟེན་ནས་ཙནྡན་ལྟ་བུའི་གང་ཟག་མཐར་དབྱུང་བ་སྟེ། གང་ཟག་གང་ཞིག་ཞེ་སྡང་བས་གདུག་པ་དང་གནག་པ་ཆེ་ལ་བསྟན་པ་སྲུང་བར་བློ་ཕྱོགས་པ་དེ་ལ་དབང་བསྐུར་ནས་རྡོ་རྗེ་ཕུར་པའི་བསྙེན་སྒྲུབ་ལས་སྦྱོར་དང་བཅས་པའི་སྔགས་བསྟན་པས་སྣང་སྲིད་ཕུར་བུའི་དཀྱིལ་འཁོར་དུ་ལྷང་གིས་རྟོགས་ནས་ཕུར་པ་ཐེབས་ཏེ་མཐར་ཕྱིན་པར་བྱེད་དོ། །འདི་རྣམས་ལ་གང་ཟག་གིས་ཕུར་པའི་དོན་དེ་མཐར་དབྱུང་བ་དང་། ཕུར་པ་དེས་གང་ཟག་དེ་མཐར་དབྱུང་བ་གཉིས་དོན་ལ་འདྲ་ཞིང་། སྦྱར་ལུགས་ཇི་ལྟར་བྱས་ཀྱང་རུང་བར་ ― LT30_Page_0063 ―
[མ་དཔེ་གཟིགས་ན་འདིར་གནོན།]
བཤད་དོ། །དེ་དག་གི་དོན་ཡང་། རྩ་རྒྱུད་ལས། རིག་པ་ཡེ་ཤེས་ཕུར་པ་དེ། །གཟུང་འཛིན་མེད་པའི་ངང་དུ་གདབ། །ལྷང་གིས་རྟོགས་ན་ཐེབས་པའི་ཚད། །འབྲས་བུ་ཆོས་སྐུ་སྐྱེ་མེད་འཐོབ། །མ་ཐེབས་མ་བཏབ་འཁོར་བར་འཁྱམས། །ཚད་མེད་སྙིང་རྗེའི་ཕུར་པ་དེ། །འགྲོ་ལ་བྱམས་དང་སྙིང་རྗེས་གདབ། །བདག་གཞན་གཉིས་མེད་རྟོགས་ན་ཐེབས། །འབྲས་བུ་ལོངས་སྤྱོད་རྫོགས་སྐུ་འཐོབ། །མ་ཐེབས་རུ་དྲ་སྲིན་པོར་གོལ། །ལྷག་པ་བྱང་སེམས་ཕུར་པ་དེ། །ཡུམ་གྱི་མཁའ་ཀློང་ཡངས་པར་གདབ། །བདེ་བ་དངོས་མེད་ཐེབས་པའི་ཚད། །འབྲས་བུ་སྐུ་གསུམ་དབྱེར་མེད་འཐོབ། །མ་ཐེབས་འཁོར་བའི་འགྲམ་རྡོ་བྱེད། །མཚན་མ་རྫས་ཀྱི་ཕུར་པ་དེ། །ཞི་རྒྱས་དབང་དྲག་ཕུར་པ་ཡིན། །ཞེས་གསུངས་ཤིང་། མཚན་མ་རྫས་ཀྱི་ཕུར་པ་ལང་། རྒྱུད། ཚད། ངེས་ཚིག །དབྱེ་བ། རྣམ་དག །ལས་འབྲས་ཀྱི་སྒོ་ནས་ཞིབ་པར་བཤད་ཀྱང་རྒྱུད་འགྲེལ་མན་ངག་གཞན་དུ་གསལ་ལ། འོག་ཏུའང་ཅི་རིགས་པར་འབྱུང་ངོ་། །གཞན་ཡང་འདི་ལས་འཕྲོས་པའི་རྒྱལ་ཐབས་སྤྱི་བླུགས་ཀྱི་ཕུར་པ། བསྙེན་ཕུར། བཀོད་པ་རྫས་ཀྱི་ཕུར་པ། ཕྲིན་ལས་མི་ཟད་པའི་ཕུར་པ་ནང་གསེས་དང་བཅས་པ་བཤད་པས་ཞིབ་པར་འགྲེལ་ཆེན་འབུམ་ནག་སོགས་སུ་བལྟའོ། །གོང་དུ་བསྟན་པའི་ཕུར་པ་བཞི་པོའང་སྒྲུབ་རྫས་ ― LT30_Page_0064 ―
[མ་དཔེ་གཟིགས་ན་འདིར་གནོན།]
བཞིས་སོ་སོའི་གཞུང་ཚུགས་དགོས་པ་ཡིན་པས། རིག་པ་ཡེ་ཤེས་ཀྱི་ཕུར་པ་ལྷ་ཕུར་དང་ཤེལ་ལས་མེ་ལོང་ལ་རྟེན་བྱ་བ་དང་། བྱང་སེམས་ཀྱི་ཕུར་པ་ཐོད་པ་དང་རྡོ་རྗེ་པདྨའི་འདུ་འབྲོད་ལ་བརྟེན་པ་དང་། སྙིང་རྗེའི་ཕུར་པ་ལས་ཕུར་དང་ལྷ་སྔགས་ཏིང་འཛིན་དང་ཡུལ་སེམས་ཅན་ལ་བརྟེན་པ་དང་། རྫས་ཀྱི་ཕུར་པ་ནི་བསྙེན་དུས་ཕུར་པ་དང་ཉུངས་ཀར། སྒྲུབ་པའི་དུས་འཁོར་ལོ་དང་ལིངྒ། ལས་རྫོགས་པའི་དུས་མནན་སྲེག་འཕང་གསུམ་ལ་བརྟེན་ཏེ་སྒྲུབ་པའི་ཚུལ་བཤད་པ་རྣམས་ཀྱང་འོག་ཏུ་སྒྲུབ་ལུགས་ཆེན་པོ་གསུམ་གྱིས་རྒྱུད་དངོས་འཆད་པའི་སྐབས་སུ་དངོས་ཤུགས་ཀྱི་ཚུལ་དུ་བསྟན་པར་ཤེས་པར་བྱའོ། །དེ་རྣམས་ཀྱིས་རྒྱུད་ཀྱི་སྤྱི་དོན་ཁོག་དབུབ་ཀྱི་རིམ་པ་ལེགས་པར་གྲུབ།། ༈ །།ད་ནི་རྒྱུད་དངོས་འཆད་པ་ལ་གཉིས། རྒྱུད་ཀྱི་མཚན་བསྟན་པ། རྒྱུད་དོན་དངོས་བཤད་པའོ། །དང་པོ་ལ་གཉིས། མཚན་སྨོས་པ་དང་། འགྱུར་གྱི་ཕྱག་གོ། །དང་པོ་ལའང་གཉིས། མཚན་དངོས་བསྟན་པ་དང་། དེའི་དོན་བཤད་པའོ། །དང་པོ་ནི། རྒྱ་གར་སྐད་དུ། བཛྲ་ཀཱི་ལ་ཡཱ་མཱུ་ལ་ཏནྟྲ་ཁཎྜ། བོད་སྐད་དུ། རྡོ་རྗེ་ཕུར་པ་རྩ་བའི་རྒྱུད་ཀྱི་དུམ་བུ། ཞེས་པའོ། །གཉིས་པ་ནི། ཡུལ་རྒྱ་ཆེ་ཞིང་ཆས་གོས་དཀར་ནག་ལ་གཙོར་བཏོན་པའི་དབང་གིས་རྒྱ་དཀར་ནག་གཉིས་སུ་གྲགས་པ་ལས་རྫོགས་པའི་སངས་རྒྱས་དངོས་སུ་བྱོན་པའི་ཡུལ་ ― LT30_Page_0065 ―
[མ་དཔེ་གཟིགས་ན་འདིར་གནོན།]
རྒྱ་གར་དུ་ཕྱོགས་བཞིའི་ཡུལ་གྲུ་རྣམས་སུ་སྐད་རིགས་མི་གཅིག་པ་ཤིན་ཏུ་མང་ཡང་། གཙོ་བོར་སྐད་རིགས་ཆེན་པོ་བཞིར་གྲགས་པ་ལས་སངས་རྒྱས་ཀྱི་གསུང་རབ་རྣམས་སཾ་སྐྲྀ་ཏ་སྟེ་ལེགས་པར་སྦྱར་བ་ལྷའི་སྐད་དུ་གནས་པ་ལས། བཛྲ་ནི་རྡོ་རྗེ་སྟེ། ཅིས་ཀྱང་མི་ཤིགས་པའི་དོན་ཡིན་ལ། འདུས་བྱས་རྫས་ཀྱི་རྡོ་རྗེ་ལ་མི་ཤིགས་པའི་ཆོས་བདུན་ཡོད་པ་བཞིན་དུ་དབྱིངས་སྤྲོས་བྲལ་སྟོང་པ་ཉིད་ལ་གཟུང་འཛིན་འཁྲུལ་སྣང་གི་ཆོས་གང་གིས་ཀྱང་མི་ཤིགས་པ་དང་མི་ཕྱེད་པ་ལ་སོགས་པའི་ཆོས་དང་ལྡན་པའི་དོན་ཏོ། །ཀཱི་ལ་ཡའི་སྒྲ་ནི་འདེབས་པར་བྱེད་པ་སྟེ། གང་ལ་གདབ་པའི་ཡུལ། གང་གིས་འདེབས་བྱེད། ཇི་ལྟར་གདབ་བ། བཏབ་པའི་འབྲས་བུ་རྣམས་ཐལ་འབྱིན་གྱི་དགོངས་པ་བཞིན་བསྟན་པའི་དོན་ལྟར་རོ། །ཡང་ན་རྡོ་རྗེ་ཕུར་པ་རྣལ་འབྱོར་ཆེན་པོའི་རྒྱུད་ལས། །རྡོ་རྗེ་གཉིས་སུ་མེད་པ་སྟེ། །མི་འགྱུར་ཆོས་ཀྱི་སྐུ་རུ་བཤད། །ཕུར་པ་ཡེ་ཤེས་གཉིས་མེད་དོན། །དབྱིངས་དང་ཡེ་ཤེས་འབྲེལ་བར་བཤད། །ཅེས་འབྱུང་བས། རྡོ་རྗེ་ནི་གཉིས་སུ་མི་ཕྱེད་ཅིང་འགྱུར་བ་མི་མངའ་བས་སྤྲོས་པ་དང་བྲལ་བས་དབྱིངས་ཆོས་ཀྱི་སྐུ་དང་། ཕུར་པ་ནི་དབྱིངས་ལས་གཉིས་སུ་མེད་ཀྱང་གསལ་སྣང་ཡེ་ཤེས་ཀྱི་རོལ་རྩལ་གང་འདུལ་དེར་སྣང་ཅིར་ཡང་འཆར་བ་གཟུགས་ཀྱི་སྐུ་གཉིས་ཀྱིས་འགྲོ་བའི་དོན་མཛད་པར་བསྟན་ ― LT30_Page_0066 ―
[མ་དཔེ་གཟིགས་ན་འདིར་གནོན།]
པའི་ཚུལ་ལས་བརྩམས་ཏེ་སྤྲོས་ནའང་ཆོག་གོ། །ཏནྟྲ་ནི་རྒྱུད་དེ། དོན་གྱི་རྒྱུད་དཔལ་ཆེན་པོ་ནས་ཚིག་དོན་བར་མ་ཆད་པར་བྱུང་བ་དང་། ད་ལྟ་ལམ་ཉམས་སུ་བླངས་པས་འབྲས་བུ་དཔལ་ཧེ་རུ་ཀའི་གོ་འཕང་ལ་སྦྱོར་བས་གཞི་ལམ་འབྲས་གསུམ་རྒྱུན་མ་ཆད་པའོ། །ཚིག་གི་རྒྱུད་ཀྱང་པི་ཝང་གི་རྒྱན་ཐག་ལྟར་གཅིག་ནས་གཅིག་ཏུ་བར་མ་ཆད་པའི་དོན་ཏེ། རྒྱུད་ཀྱི་རྣམ་གྲངས་ནི་གོང་དུ་སྨོས་པ་དང་། བསྐྱེད་རིམ་གཙོ་བོར་སྟོན་པ་ཕུར་པ་གསང་རྒྱུད། རྫོགས་རིམ་གཙོ་བོར་སྟོན་པ་ཕུར་པ་མྱང་འདས་ཀྱི་རྒྱུད། གབ་པའི་སྔགས་དྲུག་གཙོ་བོར་སྟོན་པ་འཁོར་ལོ་ནག་པོའི་རྒྱུད། ལས་སྦྱོར་གཙོ་བོར་སྟོན་པ་ཕུར་པ་ངན་སྔགས་གཙུག་ལག་གི་རྒྱུད་རྣམས་ཀྱིས་ཐོག་དྲངས་རྒྱུད་སྡེ་མང་པོ་ད་ལྟའི་བར་དུ་བྱུང་བ་ཡིན་ནོ། །མཱུ་ལ་ཁཎྜ་ནི་རྩ་བའི་དུམ་བུའི་དོན་ཏེ། རྩ་རྒྱུད་དེ་དག་ལས་གཙོ་བོར་མཚན་མ་རྫས་ཀྱི་ཕུར་བུའི་ཕྲིན་ལས་ཀྱི་དུམ་བུ་ཁོལ་དུ་ཕྱུང་བ་ཡིན་མོད་ཀྱང་། ཕུར་བུ་གཞན་གསུམ་གྱི་དོན་ཡང་རྡོ་རྗེའི་ཚིག་གི་ཤུགས་ལས་བསྟན་པ་ཡིན་ནོ། །གཉིས་པ་འགྱུར་ཕྱག་ནི། བཅོམ་ལྡན་འདས་རྡོ་རྗེ་གཞོན་ནུ་ལ་ཕྱག་འཚལ་ལོ། །ཞེས་པ་ནི་སྒྱུར་བྱེད་མཁན་པོས་བཞེད་དོན་འགྲུབ་པའི་སླད་དུ་ལྷག་པའི་ལྷ་ལ་ཕྱག་འཚལ་བ་སྟེ། དེའང་རང་སེམས་གཞིའི་རྡོ་རྗེ་གཞོན་ནུ། འགྲོད་པ་ལམ་གྱི་རྡོ་རྗེ་གཞོན་ནུ། །རྟོགས་པ་འབྲས་བུའི་རྡོ་རྗེ་གཞོན་ནུ་སྟེ་གཞི་ལམ་འབྲས་གསུམ་ ― LT30_Page_0067 ―
[མ་དཔེ་གཟིགས་ན་འདིར་གནོན།]
ལ་ཁྱབ་པའི་བཅོམ་ལྡན་འདས་རྡོ་རྗེ་གཞོན་ནུ་ཞེས་སྣང་སྟོང་། བདེ་སྟོང་། རིག་སྟོང་གི་ངོ་བོ་གཞི་དབྱིངས་སྟོང་པའི་ངང་ལས་རིག་པ་ཟུང་འཇུག་གི་རྡོ་རྗེ་མཐར་འབྲས་ལྷུན་གྲུབ་ཀྱི་སྐུ་གང་ཞིག་རྡོ་རྗེའི་སྒྲས་བསྟན་ཅིང་། དེ་ཉིད་སྐྱེ་འགག་གནས་གསུམ་སོགས་འདུས་བྱས་ཀུན་རྫོབ་ཀྱི་མཚན་མའི་རྟོག་པ་ཐམས་ཅད་ལས་གྲོལ་བའི་ཕྱིར་སྐྱེ་འཆིའི་སྤྲོས་པས་མ་གོས་པར་སྲིད་པ་ཇི་སྲིད་བར་འགྲོ་བའི་དོན་དུ་ཉེ་བར་བཞེངས་པས་གཞོན་ནུ་སྟེ། དེ་ཉིད་བཅོམ་ལྡན་འདས་ཀྱང་ཡིན་ལ་རྡོ་རྗེ་གཞོན་ནུའང་ཡིན་པས། དེ་ལྟ་བུའི་དཔལ་ཆེན་པོ་ལྷག་པའི་ལྷ་ལ་རྒྱུད་ཀྱི་དུམ་བུ་འདི་སྒྱུར་བའི་ཐོག་མར་ཕྱག་འཚལ་ལོ། །ཞེས་པའོ། །གཉིས་པ་གཞུང་དངོས་བཤད་པ་ལ་དུམ་བུ་གཉིས་ཏེ། སྟོད་ལས་བྱང་ཆུབ་སྒྲུབ་པ་དང་། སྨད་ལས་དགྲ་བགེགས་བསྒྲལ་བའི་རིམ་པའོ། །དང་པོ་ནི། རྡོ་རྗེ་ཁྲོ་བོས་ཞེ་སྡང་གཅོད། །ཅེས་པ་ནས། ཕུར་པའི་དངོས་གྲུབ་སྩལ་དུ་གསོལ། །ཞེས་པའི་བར་གྱིས་བསྟན། གཉིས་པ་ནི། དམ་ཚིག་ཆེན་པོའི་དུས་ལ་བབ། །ཞེས་པ་ནས། ཕཊ་ཕཊ་ཕཊ་འདི་བརྗོད་པར་བྱའོ། །ཞེས་པའི་བར་གྱིས་བསྟན། དང་པོ་ནི། རྒྱུད་ཀྱི་ཐེམས་སྦྱོར་བཅུ་ལས་བཞི་པ། ལྔ་པ། དྲུག་པ། བདུན་པ་རྣམས་ཀྱིས་བསྟན་པའི་དོན་ཕྲིན་ལས་དང་སྦྱར་ན་རྒྱུད་ཀྱི་ཁོག་དབུབ་ཆེན་མོའི་ས་བཅད་གསུམ་པ་རྒྱུད་ཀྱི་ཁོག་དོན་ནམ་ཆིངས་དྲུག་དང་སྦྱར་དགོས་ཀྱང་། ― LT30_Page_0068 ―
[མ་དཔེ་གཟིགས་ན་འདིར་གནོན།]
རྒྱུད་ཀྱི་དུམ་བུ་འདི་ལ་ཕར་ཆེར་ཤུགས་བསྟན་ཙམ་ལས་དངོས་ཀྱི་ཚིག་རིས་མ་བྱུང་བས། འདིར་མེད་དུ་མི་རུང་བའི་ས་བཅད་མདོར་བསྡུས་ན་བཞི་སྟེ། ཕུན་སུམ་ཚོགས་པ་ལྔས་བསྒྲུབ་ལས་ཀྱི་གཞི་གཟུང་། དཀྱིལ་འཁོར་རྣམ་པ་གསུམ་སྔོན་དུ་འགྲོ་བ་དང་བཅས་ཏེ་དོན་གྱི་ཁོག་དབུབ། ཁམས་གསུམ་གྱི་སྲོག་ལ་དབང་བསྐུར་ཏེ་སྲོག་གི་ཡེ་ཤེས་སེམས་དཔས་སྲོག་ལ་དབང་བསྐུར། ཡེ་ཤེས་ཀྱི་དཀྱིལ་འཁོར་སྤྱན་དྲངས་ཤིང་མཆོད་ཅིང་བསྙེན་པས་དངོས་གྲུབ་ཀྱི་བཅུད་བླང་བའོ། །དང་པོ་ཕུན་སུམ་ཚོགས་པ་ལྔས་སྒྲུབ་པའི་གཞི་གཟུང་བ་ནི། ཀཱི་ལ་ཡ་མེ་ལྕེ་གསང་བའི་རྒྱུད་ལས། གནས་དང་བདག་ཉིད་འཁོར་རྫས་དུས། །ཕུན་སུམ་ཚོགས་པ་ལྔར་ལྡན་ན། །ལས་རྣམས་གང་འདོད་འགྲུབ་པར་འགྱུར། །ཅེས་གསུངས་པས། བདག་ཉིད། གནས། འཁོར། རྫས། དུས་ཕུན་སུམ་ཚོགས་པའོ། །དང་པོ་སྒྲུབ་པ་པོ་བདག་ཉིད་ཀྱང་། རྩ་རྒྱུད་རྡོ་རྗེ་ཁྲོས་པ་ལས། །བློ་སྦྱངས་རྒྱུད་གོམས་ཏིང་འཛིན་གསལ། །ཐེག་དགུ་སྡེ་སྣོད་དོན་ལ་མཁས། །དད་ལྡན་ཐུགས་བརྩེ་བག་ཚ་མེད། །རིག་འཛིན་བླ་མར་དེ་བཤད་དོ། །ཞེས་པ་ལྟར་རབ་ཡོན་ཏན་བརྒྱད་ལྡན། །འབྲིང་སུམ་གཉིས་ལྡན་པ། ཐ་མ་སུམ་ཆ་ཚང་བ་དགོས་ཤིང་། ཡང་ན་ཡོན་ཏན་གཉིས་ཏེ། རབ་རྒྱུད་སྡེ་དང་སྡེ་སྣོད་མཐའ་དག་ཤེས་པ། འབྲིང་ཏནྟྲ་སྡེ་བཅོ་བརྒྱད་ཤེས་པ། ཐ་མ་རང་རང་གི་སྐོར་ལེགས་པར་ ― LT30_Page_0069 ―
[མ་དཔེ་གཟིགས་ན་འདིར་གནོན།]
ཤེས་པ་སྟེ་སྦྱངས་པའི་ཡོན་ཏན་དང་ལྡན་པ་དང་། རྒྱུད་བཟང་བ། ངང་རིང་བ། དད་པ་ཆེ་བ། སྙིང་རྗེ་ཆེ་བ། སྒྲུབ་པ་ལ་མོས་པ་སྟེ་རང་བཞིན་གྱི་ཡོན་ཏན་དང་ལྡན་པ་དང་གཉིས་སམ། ཡང་ན། ཕུར་པ་མྱང་འདས་ཀྱི་རྒྱུད་ལས། །ཕུན་སུམ་ཚོགས་པའི་སློབ་དཔོན་གྱིས། །བྱམས་དང་སྙིང་རྗེ་སྔོན་བཏང་ལ། །སྲིད་པའི་ཕུར་བུ་བསྒྲུབ་པར་བྱའོ། །ཞེས་པའི་མཚན་ཉིད་དང་ལྡན་པ་ནི་སྒྲུབ་བྱེད་བདག་ཉིད་ཕུན་སུམ་ཚོགས་པའོ། །གཉིས་པ་གནས་ནི། །བྱིན་ཆེ་བའི་གནས་དང་། གྲུབ་པ་ཐོབ་པ་བཀྲ་ཤིས་པའི་གནས་དང་། གཞུང་དང་མཐུན་པ་སྒྲུབ་ཐག་ཉེ་བའི་གནས་དང་། ཡིད་དང་མཐུན་པ་ཉམས་དགའ་བའི་གནས་རྣམས་ཏེ། མྱང་འདས་ཀྱི་རྒྱུད་ལས། གནས་ཀྱི་དམ་པ་བསྟན་པ་ལ། །གཞུང་ལྡན་བཀྲ་ཤིས་བྱིན་ཅན་དང་། །ཉམས་དགའ་བ་ཡི་གནས་དང་བཞི། །ཞེས་པས་བསྟན་པའི་གནས་ལ་སྤྱི་དང་བྱེ་བྲག་གི་མཚན་ཉིད་གཞུང་འགྲེལ་མན་ངག་གི་ཡི་གེ་དག་ལས་རྒྱས་པར་འབྱུང་ཞིང་། མདོར་ན་ཤན་པའམ་སྡིག་ཅན་གྱི་ཁྱིམ། སྐྱེ་བོ་ཐ་མལ་པའི་ཁྱིམ། སྒོ་ཁང་ངམ་སྲང་ཁ་ལྟ་བུ་མ་ཡིན་པའི་སངས་རྒྱས་ཀྱིས་ཞབས་ཀྱིས་གཅགས་པ། གྲུབ་ཐོབ་རིག་འཛིན་རྣམས་ཀྱིས་བྱིན་གྱིས་བརླབས་པ། གཞུང་ནས་བཤད་པའི་སྤྱི་བྱེ་བྲག་གི་མཚན་ཉིད་ཚང་བ་ཡིད་དང་མཐུན་ལ་ཉམས་དགའ་བའི་གནས་གང་ཡིན་པ་དེར་བསྒྲུབས་ན་དངོས་གྲུབ་རྣམ་པ་གཉིས་མྱུར་དུ་འཐོབ་པ་རྟེན་ཅིང་འབྲེལ་འབྱུང་གི་ཁྱད་པར་ལས་གྲུབ་པ་ནི་གནས་ཕུན་ ― LT30_Page_0070 ―
[མ་དཔེ་གཟིགས་ན་འདིར་གནོན།]
སུམ་ཚོགས་པའོ། །གསུམ་པ་འཁོར་ནི། རྩ་རྒྱུད་ལས། དད་ལྡན་དམ་ཆེ་གུས་ལ་བརྩོན། །ཤེས་རབ་གསུམ་ལ་བློ་སྦྱངས་ཤིང་། །རྩ་བའི་སྔགས་ཟློས་གཙང་དམེ་ཆུང་། །དཀྱིལ་འཁོར་འབྲི་མཁས་འཁོར་གྱི་རྒྱུ། །ཞེས་པའི་ཡོན་ཏན་ཀུན་ཚང་བ་རབ། སུམ་གཉིས་ཚང་བ་འབྲིང་། སུམ་ཆ་ཚང་བ་ཐ་མ་སྟེ་གང་རུང་དང་། བཀའ་བློ་བདེ་བ། གྱོང་ཁེངས་མེད་པ། བརྟུལ་ཞུགས་ཆེ་བ། སྒྲུབ་བ་པོ་ལ་དད་པ་རྣམས་སྤྱིར་འཁོར་རམ་གྲོགས་ཀྱི་མཚན་ཉིད་དང་། བྱེ་བྲག་ཕྱི་ནང་བརྡ་སྦྱོར། རྡུལ་ཕྱག་སྐྱེས་བུ་སོགས་སོ་སོའི་མཚན་ཉིད་དང་བཅས་ཏེ་གསུངས་པ་རྣམས་ནི་འཁོར་ཕུན་ཚོགས་སོ། །བཞི་པ་དུས་ནི། །གསང་རྒྱུད་ལས། རབ་བཞི་ལ་བསྙེན་པའི་དུས། །འབྲིང་པོ་བཞི་ལ་སྒྲུབ་པའི་དུས། །ཐ་ཆུང་བཞི་ལ་ལས་སྦྱོར་བྱ། །ཞེས་དང་། ཟླ་སྟོད་ཐམས་ཅད་ལྡོག་པ་ཡིན། །ཟླ་སྨད་ཐམས་ཅད་ཐེབས་པ་ཡིན། །ཅེས་དང་། ཁྱད་པར་དུ། རབ་བཞི་ལ་གདབ་ལས་ལྡོག །འབྲིང་པོ་བཞི་ལ་ཟོར་ཐུན་ལྡོག །ཐ་ཆུང་བཞི་ལ་ལས་དག་བྱ། །ཞེས་སོ། །ཚེས་ནི། གསང་རྒྱུད་ལས། དཔྱིད་ཟླ་གསུམ་ལ་བརྡེག་པ་ནི། །ཉེར་གཉིས་བཅུ་དྲུག་བཅུ་བཞིའོ། །ཤར་དང་དེ་བཞིན་ཤར་ལྷོར་བལྟའོ། །དབྱར་ཟླ་གསུམ་ལ་བརྡེག་པ་ནི། །བརྒྱད་དང་བཅོ་ལྔ་དུས་དྲུག་ཏུ། །ནུབ་བྱང་བྱང་ཤར་ཁ་བལྟའོ། །སྟོན་ཟླ་གསུམ་ལ་བརྡེག་པ་ནི། །ཉི་ཤུ་བཅོ་བརྒྱད་གཉིས་གསུམ་ལ། །བྱང་ཤར་བྱང་དང་ནུབ་ཏུ་བལྟའོ། །དགུན་ཟླ་གསུམ་ལ་བརྡེག་པ་ནི། །བཅུ་གསུམ་བཅུ་དྲུག་ཉི་ཤུ་དགུ། །བྱང་དང་ལྷོ་རུ་ ― LT30_Page_0071 ―
[མ་དཔེ་གཟིགས་ན་འདིར་གནོན།]
བལྟ་བའོ། །ཞེས་སོགས་དང་། སྐར་མ་སྨལ་པོ་དང་མགོ། གཟའ་ཕུར་བུ། ཉི་མ་བདུད་ཉི་དྲག་པོ་ལ་ལས་སྦྱོར་གནད་ཆེ་ཞིང་། མདོར་ན་འདིའི་བསྙེན་སྒྲུབ་ལས་སྦྱོར་དང་བཅས་པ་ནམ་དགའ་དགའ་དང་ཅི་ཐོད་ཐོད་མ་ཡིན་པར་ཟླ་བ། ཚེས། སྐར་མ། གཟའ་སོགས་གཙུག་ལག་གི་གཞུང་དང་། འདི་ཉིད་ཀྱི་རྒྱུད་ནས་བསྔགས་པའི་མཚན་ཉིད་འཛོམ་པའི་དུས་སུ་བསྒྲུབ་པར་བྱ་བ་ནི་དུས་ཕུན་སུམ་ཚོགས་པའོ། །ལྔ་པ་རྫས་དང་ཡོ་བྱད་ནི། འཚོ་བ་ཟས། རྐྱེན་ཟློག་སྨན། ལྷ་བསྒྲུབ་པའི། ཐུགས་དམ་བསྐོང་བའི། དགྲ་བགེགས་གསད་པའི་ཡོ་བྱད་དེ། དང་པོ་ནི། བཟའ་བཅའ་བཏུང་བའི་ཚོགས་སོ། །གཉིས་པ་ལ་ཕྱིའི་རྐྱེན་དགྲ་ཟློག་པའི་ཡོ་བྱད་སྒྲུབ་ཁང་བཙན་པོ་བརྩིག་པ་དང་། གོ་ཆ་དང་མཚོན་ཆ་ལ་སོགས་པ། བགེགས་ཟློག་པའི་བསྲེག་རྫས། ཐུན་རྫས་སོགས་སོ། །ནང་གི་རྐྱེན་འདུ་བའི་ནད་རླུང་མཁྲིས་བད་ཀན་སེལ་བའི་སྨན་སོགས་དང་། ཉོན་མོངས་པའི་རྐྱེན་སོ་སོའི་གཉེན་པོའི་རིམ་པ་རྣམས་ལ་བློ་ངེས་པའི་གདིང་དང་ལྡན་པར་བྱ་སྟེ་སྤང་གཉེན་གཡུལ་སྤྲད་དོ། །གསུམ་པ་གོང་དུ་བཤད་པའི་སྒྲུབ་གནས་བཟང་པོ་དང་། མན་ངག་གི་ལག་ལེན་དང་ལྡན་པའི་དཀྱིལ་འཁོར་གྱི་སྒྲུབ་རྫས། མཆོད་གཏོར་ལ་སོགས་པའོ། །བཞི་པ་ནི། ཞིང་ཆེན་གྱི་བླ་རེ་ལ་སོགས་པའི་སྐོང་རྫས་གཞུང་མཐུན་རྣམས་སོ། །ལྔ་པ་ནི། སྲོག་ལ་འཁོར་ལོ་བསྐོར་བ་དང་། སྲོག་ ― LT30_Page_0072 ―
[མ་དཔེ་གཟིགས་ན་འདིར་གནོན།]
ལ་ལིངྒ་བཅའ་བ་སོགས་སྨད་ལས་མངོན་སྤྱོད་ཀྱི་ཆས་སྤྱི་དང་བྱེ་བྲག་པ་རྣམས་ཡིན་ཕར་ཤེས་པར་བྱ་བ་སྟེ། དེས་ནི་རྫས་དང་ཡོ་བྱད་ཕུན་སུམ་ཚོགས་པ་སྟེ་ལྔས་སྒྲུབ་པ་ལས་ཀྱི་གཞི་གཟུང་བ་བསྟན་ཟིན་ཏོ། །སྤྱི་དོན་གཉིས་པ་དཀྱིལ་འཁོར་རྣམ་པ་གསུམ་སྔོན་དུ་འགྲོ་བ་དང་བཅས་པས་དོན་གྱི་ཁོག་དབུབ་པ་ལ་གཉིས། སྔོན་དུ་འགྲོ་བའི་རིམ་པ་དང་། དཀྱིལ་འཁོར་གསུམ་དངོས་བཤད་པའོ། །དང་པོ་ནི། རྩ་དུམ་གྱི་གཞུང་འདིའི་ཚིག་རིས་ལ་དངོས་སུ་མ་བསྟན་ཀྱང་ཤུགས་ལ་འགྲོ་དགོས་པའི་དབང་གིས་འགྲེལ་ཆེན་འབུམ་ནག་དང་། ཕྲིན་ལས་ཀྱི་རྣམ་བཤད་གཞན་གྱི་དགོངས་པ་ལྟར་ས་བཅད་ཙམ་བསྡུས་ཏེ་བཤད་པ་ལ་བདུན། མཚམས་གཅད་པ། བརྡ་སྒོ་དབྱེ་བ། བརྡ་ཕྱག་འཚལ་བ། རྟགས་གདབ་པ། བཤགས་པ་བྱ་བ། བྱིན་དབབ་པ། རྣམ་པ་གསུམ་གྱིས་བྱིན་གྱིས་བརླབ་པའོ། །དང་པོ་སྐྱབས་སེམས། ཡན་ལག་བརྒྱད་པའམ་བདུན་པ། ཚད་མེད་བཞི་སོགས་བསོད་ནམས་ཀྱི་ཚོགས་དང་། སྟོང་ཉིད་སྤྲོས་བྲལ་ཡེ་ཤེས་ཀྱི་ཚོགས་གསག་པ་སོགས་འབྱུང་ཡང་ཕྲིན་ལས་སྒོམ་དོན་དང་སྦྱར་བའི་མན་ངག་གི་རིམ་པ་ལས་འོངས་པས་གཞན་དུ་གསལ་གྱི། འདིར་རྒྱུད་དོན་ལྟར་མདོ་ཙམ་བཀྲལ་བའི་སྐབས་སུ་རྒྱས་པར་མ་བཤད་ལ། གོང་གི་སྔོན་འགྲོའི་རིམ་པ་རྣམས་ནི་ཞི་ཁྲོའི་ཕྲིན་ལས་སྤྱིའི་སྔོན་དུ་འགྲོ་བའི་རིམ་པ་ཡིན་པས་སྤྱིར་གསལ་ལ་རྒྱས་པར་འབྱུང་ ― LT30_Page_0073 ―
[མ་དཔེ་གཟིགས་ན་འདིར་གནོན།]
ཞིང་། འདིར་འབུམ་ནག་གི་དངོས་བསྟན་མཚམས་གཅོད་སོགས་ཁ་སྐོང་སྟེ་ཅུང་ཟད་འཆད་པ་ལ། འབར་བ་མཚམས་ཀྱི་དཀྱིལ་འཁོར་གྱིས་མཚམས་གཅད་པ་ལ་མདོ་གསུམ། རྩ་བ་བརྒྱད། ཡན་ལག་སོ་གསུམ་མཆིས་པའི་དང་པོ་རེ་རེ་ལ་དོན་གསུམ་གསུམ། གཉིས་པ་ནི། གང་ཟག་གང་གིས་གཅོད་པ། གཅད་བྱ་གང་གཅོད་པ། བཅད་པའི་དོན་གྱི་ངོ་བོ། མཚམས་ཀྱི་གཞུང་ཆེན་པོ་གསུམ། དེ་གང་ནས་བཤད་པའི་ཁུངས། མཚམས་བཅད་པའི་འབྲས་བུ། མཚམས་གཅོད་ཀྱི་དབྱེ་བ། དེ་དག་གི་འབྲས་བུ་སྟེ། དབྱེ་བའི་ལྡོག་ཆ་ནས་ཡན་ལག་སུམ་ཅུ་རྩ་གསུམ་དུ་འགྱུར་ཚུལ་ཞིབ་པར་འགྲེལ་ཆེན་ཉིད་དང་གཞུང་གཞན་དུ་གསལ་བས་འདིར་རྒྱས་པར་མ་སྤྲོས་ལ། དོན་ནི། གཞུང་གཞན་དག་ལས་ཀྱང་། ང་ནི་ཡེ་ནས་ངང་གིས་ཁྲོ། །མཚམས་གཅོད་ཁྲོ་བོས་ནམ་མཁའ་གང་། །བགེགས་འདུལ་ཁྲོ་བོའི་རོལ་མཚམས་ལས། །སུ་ཡང་འདའ་བར་མ་བྱེད་ཅིག །ཅེས་འབྱུང་བ་དང་ཚུལ་མཐུན་པར་སྔགས་དང་ཕྱག་རྒྱ་ཏིང་ངེ་འཛིན་གྱི་སྲུང་མཚམས་བརྟན་པོར་བཅད་པས་གནས་སྐབས་ཀྱི་དགོས་པ་ཕྱི་མཚམས་བཅད་པས་གཡེང་བ་ཞི། ནང་མཚམས་བཅད་པས་བར་ཆད་ཞི། གསང་མཚམས་བཅད་པས་སེམས་ཆོས་སྐུར་གནས་པ་འབྱུང་བ་ཡིན་ལ། མཐར་ཐུག་གི་དགོས་པ་ཆོས་སྐུ། ལོངས་སྐུ། སྤྲུལ་སྐུ་གསུམ་འཐོབ་པར་འགྱུར་བར་ ― LT30_Page_0074 ―
[མ་དཔེ་གཟིགས་ན་འདིར་གནོན།]
བཤད་པ་ཡིན་ནོ། །གཉིས་པ་བརྡ་སྒོ་དབྱེ་བ་ནི། ཉོན་ཤེས་ཀྱི་སྒྲིབ་ཚོགས་དང་བཅས་པའི་བདག་དང་། དག་པ་ཡེ་ཤེས་ཆེན་པོའི་དཀྱིལ་འཁོར་འཁོར་ལོའི་བར་དུ་གཅོད་བྱེད་གཟུང་འཛིན་གཉིས་སྣང་གི་འཁྲུལ་རྟོག་གཉིས་མེད་མཉམ་པའི་ཀློང་དུ་དག་པ་གཅིག་འགྲིག་གི་ངོ་བོར་རང་ངོ་ཤེས་པ་མཚོན་བྱེད་བརྡའམ་རྣམ་པའི་སྒོ་དཀྱིལ་འཁོར་གྱི་ཤར་གྱི་སྒོ་ཕྱེས་ནས་བལྟས་པས། གཙོ་བོ་ནས་སྒོ་མའི་བར་དུ་བཀྲ་གསལ་ལེར་མཐོང་བར་མོས་པ་ཙམ་སྟེ། ཇི་སྐད་དུ། བདག་དང་དཀྱིལ་འཁོར་འཁོར་ལོའི་ལྷ་ཚོགས་རྣམས། །ཡེའམ་གདོད་ནས་གཉིས་སུ་མེད་པ་ལ། །བདག་ཅག་མ་རིག་འཁྲུལ་པས་བསྒྲིབས་པ་ཡི། །ལོག་རྟོག་མཚན་མའི་རྟོག་པའི་སྤྲིན་གྱིས་བསྒྲིབས། །དཀྱིལ་འཁོར་ལྷ་ཚོགས་ཞལ་ཡང་མ་མཐོང་བས། །བདག་འཇུག་དཀྱིལ་འཁོར་སྒོ་འདི་དབྱེ་རུ་གསོལ། །མ་རིག་མུན་པའི་ཚོགས་ཀྱིས་བར་ཆོད་པ། །ཐུགས་རྗེ་ཉི་ཟླའི་འོད་ཀྱིས་བསལ་དུ་གསོལ། །ཞེས་གསུངས་པ་ལྟར་རོ། །བརྡ་ཕྱག་འཚལ་བ་ནི། གདོད་ནས་གཉིས་མེད་མཉམ་པ་ཆེན་པོའི་ངང་དུ་ཕུང་ཁམས་སྐྱེ་མཆེད་དང་བཅས་པ་ལྷའི་དཀྱིལ་འཁོར་ཉིད་དུ་དག་པ་ཆེན་པོའི་རང་བཞིན་དུ་མ་བཅོས་བབས་ཀྱི་གཤིས་ལུགས་ཟབ་མོའི་ངང་དུ་གནས་པ་དེ་ཉིད་ཐབས་ཀྱི་སྒོ་ནས་རང་ངོ་རིག་སྟེ་རང་ཞལ་མཇལ་བའི་ལྟ་བ་མངོན་དུ་གྱུར་པ་ཉིད་མཚོན་བྱེད་རྣམ་པ་བརྡ་དང་ཐ་ ― LT30_Page_0075 ―
[མ་དཔེ་གཟིགས་ན་འདིར་གནོན།]
སྙད་ཙམ་དུ་ཕྱག་གིས་འདུད་པའི་སྒྲ་སྦྱར་བ་སྟེ། ཇི་སྐད་དུ། ཆོས་སྐུ་བདག་ཉིད་རྩ་བའི་དཀྱིལ་འཁོར་དང་། ལོངས་སྐུ་ཕྱོགས་བཅུར་ཁྲོ་རྒྱལ་ད་ལ་དང་། །སྤྲུལ་སྐུ་འདུས་པའི་སྲས་མཆོག་ཀཱི་ལ་ཡ། །དཀྱིལ་འཁོར་རྣམ་གསུམ་འབར་བའི་ལྷ་ཚོགས་ལ། །རྗེས་སུ་ཡི་རངས་ངོ་མཚར་ཆེ་བ་ཡི། །ཕྱག་རྒྱ་བརྡ་དང་གར་གྱི་སྒོ་ནས་ཕྱག་འཚལ་ལོ། །ཞེས་པའི་ཚིག་གིས་གསུངས་པའི་དོན་ཏོ། །དཔལ་གྱི་རྟགས་གདབ་པ་ནི། དཀྱིལ་འཁོར་ཆེན་པོའི་ལས་རིམ་དང་གཙོ་བོར་འབྲེལ་བའི་དོན་ཡིན་ལ། དགོས་ཆེད་ནི་ལྷ་དང་དཔའ་བོ་མཁའ་འགྲོའི་རིགས་གཅིག་ཏུ་ངེས་ནས་སྙིང་ཉེ་ཞིང་དངོས་གྲུབ་མྱུར་བའི་དགོས་ཆེད་སོགས་དང་ལྡན་པ་སྟེ། མཆེད་ལྕམ་གྲལ་དུ་འཁོད་པའི་འོག་ཏུ་ཡེ་ཤེས་ལྷའི་རྟགས་སུ་སྣ་རྩེ་མཁུར་ཚོས་གཉིས་མཐོང་བར་རཀྟའི་ཐིག་ལེ། སྤྱི་གཙུག་མགྲིན་པར་ཐལ་ཆེན་གྱི་ཚོམ་བུ་དཔྲལ་བར་རྩེ་གསུམ་རིས་སུ་ཡོང་བ་དང་། སྙིང་གར་ཞག་གི་སོར་རིས་རྒྱ་གྲམ་དབྱིབས་སུ་བཀོད་པར་བྱ་བ་སྟེ་སྒྲུབ་པ་ཆེན་པོའི་གཞུང་གི་ལས་རིམ་རྣམས་སུ་ཡོང་བ་ལྟར་རོ། །ཉམས་ཆག་སྒྲིབ་ཚོགས་བཤགས་པ་ནི། མདོ་བཞི། རྩ་བ་བརྒྱད། ཡན་ལག་སུམ་ཅུ་རྩ་གཉིས་ཀྱི་ཚུལ་དུ་བཤད་པས་ཞིབ་པར་འགྲེལ་ཆེན་ཉིད་དུ་བལྟ་ཞིང་། བསྡུ་ན་བཤགས་བྱའི་ཡུལ། བཤགས་བྱེད་གང་ཟག །བཤགས་བྱའི་སྡིག་ལྟུང་། ཇི་ལྟར་བཤགས་པའི་ཐབས། ། ― LT30_Page_0076 ―
[མ་དཔེ་གཟིགས་ན་འདིར་གནོན།]
བཤགས་པའི་ཕན་ཡོན། མ་བཤགས་པའི་ཉེས་དམིགས་ཏེ་མན་ངག་ཁྲིད་རིམ་རྣམས་ནས་རྒྱས་པར་འབྱུང་བ་ལྟར་འདིར་ཡང་སྦྱར་ཏེ། དོན་དུ་རྟོག་སྒྲིབ་ཀྱི་བག་ཆགས་རང་སར་མ་དག་པར་མཆོག་གི་དངོས་གྲུབ་རྒྱུད་ལ་མི་ཐོབ་པའི་གེགས་སུ་ཆེ་བའི་གཉེན་པོར་སྡིག་ལྟུང་རྟོག་སྒྲིབ་ལ་གནོང་འགྱོད་དྲག་པོས་ཡི་དམ་ལྷའི་དཀྱིལ་འཁོར་འཁོར་དང་བཅས་པའི་སྤྱན་སྔར་མཐོལ་བཤགས་འགྱོད་ཚངས་སྨྲེ་སྔགས་ཀྱི་གདུང་བ་དྲག་པོས་རྩྭ་སྦུར་ལ་མེ་ལྕེ་བཞིན་སྤང་བྱའི་ཉེས་ལྟུང་གཉེན་པོའི་སྟོབས་ཀྱིས་རྣམ་སྨིན་འབྱིན་པའི་ནུས་བྲལ་དུ་བྱེད་པ་ནི་འདིའི་ངོ་བོ་ཉིད་དོ། །བྱིན་རླབས་དབབ་པ་ནི། རྩ་བ་དང་བརྒྱུད་པར་བཅས་པའི་བླ་མ་དཔའ་བོ་མཁའ་འགྲོར་བཅས་པ་དང་། རིགས་ལྔའི་སངས་རྒྱས་དུས་གསུམ་གྱི་བུདྡྷ་དང་བཅས་པ། རིག་པ་འཛིན་པའི་ཚོགས་འབུམ་ཕྲག་ཡངས་པའི་མ་མོ་མཁའ་འགྲོའི་འཁོར་དང་བཅས་པ་མངོན་སུམ་བཞིན་མདུན་མཁར་གཏིགས་པ་ལས་ཡབ་ཡུམ་བདེ་བར་རོལ་པའི་སྐུའི་གནས་ནས་བྱིན་རླབས་ཀྱི་ངོ་བོ་བྱང་སེམས་བདུད་རྩིའི་རྒྱུན་བབས་པས་སྒོ་གསུམ་གྱི་དྲི་མ་དག་སྟེ་སྐུ་གསུང་ཐུགས་རྡོ་རྗེའི་རང་བཞིན་དཔག་པར་དཀའ་བའི་ཡེ་ཤེས་མཆོག་གི་བྱིན་རླབས་ཟབ་མོའི་དངོས་གྲུབ་མངོན་དུ་གྱུར་པ་ལ་བློས་གསལ་གདབ་ཅིང་། བྱིན་རླབས་སྐུལ་བའི་ཚིག་གདངས་སྙན་ཅིང་བརྗིད་པའི་རྟ་ལ་དྲངས་པ་དང་། རོལ་མོའི་རིགས་ལྷུན་ ― LT30_Page_0077 ―
[མ་དཔེ་གཟིགས་ན་འདིར་གནོན།]
ཆགས་པར་བསྐུལ། གསུང་ཆེན་གྱི་དུད་པ་གཏིབས་པ་སོགས་འབེབས་བྱེད་ཀྱི་རྟེན་འབྲེལ་རྣམས་ཀྱང་ཚོགས་པར་བྱ་བ་སྟེ། རྩ་གསུམ་རྒྱ་མཚོའི་རྡོ་རྗེ་གསུམ་གྱི་ཡེ་ཤེས་ཀྱིས་ཐ་མལ་དུ་སྣང་བའི་སྒོ་གསུམ་སྒྲུབ་རྫས་དང་བཅས་པ་དག་མཉམ་སྤྲོས་པ་མེད་པའི་དགོངས་ཀློང་ཟབ་མོར་ཐ་མལ་གྱི་འཛིན་རྟོག་སྦྱངས་ཏེ་ལྕགས་ལ་གསེར་འགྱུར་གྱི་རྩིས་ཐེབས་པ་བཞིན་རྩ་བ་གསུམ་གྱི་ཡེ་ཤེས་རོལ་པའི་ཀློང་དུ་བྱིན་གྱིས་རློབ་པར་བྱེད་པ་ནི་འདིའི་མཚན་ཉིད་དོ། །བྱིན་རླབས་རྣམ་པ་གསུམ་གྱི་དཀྱིལ་འཁོར་ལ་མདོ་གསུམ། རྩ་བ་བརྒྱད། ཡན་ལག་སུམ་ཅུ་རྩ་བདུན་གྱི་སྒོ་ནས་ཤེས་པར་བྱ་དགོས་པས། མདོ་གསུམ་ནི། བྱིན་རླབས་རེ་རེ་ལ་དོན་གསུམ་གསུམ། རྩ་བ་བརྒྱད་ནི། གང་གིས་བྱིན་རློབ་རྣམ་པ་གསུམ། གང་དུ་བཤམ་པའི་སྣོད་གསུམ། གང་བཤམ་པའི་དངོས་པོ་གསུམ། གང་གིས་སྦྱོང་བའི་སྦྱོང་བྱེད་གསུམ། གང་བཅའ་བའི་ཕྱག་རྒྱ་གསུམ། གང་བསྐྱེད་པའི་ལྷ་གསུམ། བྱིན་གྱིས་བརླབ་པ་ཕྱི་ནང་གསང་གསུམ། སྔགས་གསུམ་པོས་ཛཔྲ་ཀྱི་གྲངས་སུ་གཏང་བ་དང་བརྒྱད། དང་པོ་བྱིན་གྱིས་རློབ་བྱེད་གསུམ་ནི། །གཡས་དཀར་གཡོན་དམར་དབུས་མཐིང་སྟེ་གཙོ་བོའི་ཞལ་གསུམ་གྱི་གོ་རིམ་ལྟར་བདུད་རྩི་གཡས། རཀྟ་གཡོན། གཏོར་མ་དབུས་སུ་དགོད་པའི་གོ་རིམ་ཀྱང་བསྟན་ལ། བྱིན་གྱིས་རློབ་བྱེད་ཀྱང་ཞལ་གསུམ་མོ། ། ― LT30_Page_0078 ―
[མ་དཔེ་གཟིགས་ན་འདིར་གནོན།]
སྣོད་གསུམ་ནི། རྩ་རྒྱུད་ལས། ཕོ་ཐོད་མོ་ཐོད་མ་ནིང་ཐོད། །བ་ལིང་རཀྟ་བདུད་རྩིར་སྦྱར། །ཞེས་པས་མ་ནིང་ཐོད་པར་བདུད་རྩི། ཕོ་ཐོད་དུ་གཏོར་མ། མོ་ཐོད་དུ་རཀྟ་བཤམ་པར་བཤད་དོ། །བཤམ་པའི་དངོས་པོ་གསུམ་ནི། གཙང་ཕུད་ལ་ཨ་མྲྀ་ཏ་སྦྱར་བ། འབྲུ་སྣ་ལ་དཔལ་ཟན་རྒྱན་དང་བཅས། ཁྲག་སྣ་ལ་ཤ་སྣ་དང་བཅས་པའོ། །སྦྱོང་བྱེད་གསུམ་ནི། རྒྱུད་ལས། རྃ་ཡྃ་ཁྃ་གིས་བསྲེགས་སྦྱངས་བཀྲུས། །ཞེས་པས་རྃ་གྱིས་ཉེས་སྐྱོན་བསྲེག །ཁྃ་གྱིས་སྦྱང་། ཡྃ་གྱིས་གཏོར་བའི་བྱ་བ་བྱེད་པ་དང་། ཡང་། རྒྱུད་ལས། འབྲུ་གསུམ་ཡི་གེས་བྱིན་གྱིས་བརླབ། །ཅེས་པས་ཨོཾ་གྱིས་བདུད་རྩི་བརླབ། ཨཱ་ས་རཀྟ་བརླབ། ཧཱུྃ་གིས་གཏོར་མ་བརླབ་པར་ཡང་བཤད་དེ་དོན་འདྲའོ། །ཕྱག་རྒྱ་གསུམ་ནི། བདུད་རྩི་ལ་དུང་ཕོར་འཁྱིལ་པའི་ཕྱག་རྒྱ། གཏོར་མ་ལ་གཞོང་པ་འཁྱིལ་པའི་ཕྱག་རྒྱ། རཀྟ་ལ་པདྨ་འཁྱིལ་པའི་ཕྱག་རྒྱའོ། །བསྐྱེད་པའི་ལྷ་གསུམ་ནི། བདུད་རྩིའི་ལྦུ་བ་ལས་བདུད་རྩི་འཁྱིལ་པ། གཏོར་མའི་འོད་ཟེར་ལས་ཁམས་གསུམ་རྣམ་རྒྱལ། རཀྟའི་རླངས་པ་ལས་རྟ་མགྲིན་བསྐྱེད་པས་བསྲུང་ལ་བྱ་བའང་བྱེད་པའོ། །བྱིན་གྱིས་བརླབ་པ་གསུམ་ལའང་བདུད་རྩི་ཕྱི་ནང་གསང་གསུམ། བ་ལིང་ཕྱི་ནང་གསང་གསུམ། རཀྟ་ཕྱི་ནང་གསང་གསུམ་གྱི་ཚུལ་དུ་བྱིན་གྱིས་བརླབ་པ་རྒྱས་པའི་ཕྱོགས་དང་། བསྡུ་ན་ལུས་ཀྱི་ཕྱག་རྒྱ། ངག་ཏུ་སྔགས་སོ་སོར་ ― LT30_Page_0079 ―
[མ་དཔེ་གཟིགས་ན་འདིར་གནོན།]
བཟླ་བ། ཡིད་ཀྱིས་དེ་དག་སོ་སོར་བསམ་པ་སྟེ། འདི་དག་སྒོམ་རིམ་དང་སྦྱར་བའི་མན་ངག་ཕྲིན་ལས་ཀྱི་རིམ་པར་སོང་བས་འདིར་རྒྱས་པར་སྤྲོ་མ་དགོས་ཤིང་། སོ་སོའི་མཚན་དོན་དང་དག་པ་སོགས་རྒྱུད་དང་གཞུང་གི་དགོངས་པ་རིག་འཛིན་བརྒྱུད་པའི་ཞལ་ལུང་གཞན་ན་ཟབ་ཅིང་རྒྱ་ཆེ་བའི་ཚུལ་དུ་བཞུགས་པ་དག་ལས་ཤེས་སོ། །གཉིས་པ་དཀྱིལ་འཁོར་རྣམ་པ་གསུམ་བཤད་པ་ལ་གསུམ། གཞིའི་ཏིང་ངེ་འཛིན་གསུམ་གྱི་འཕྲོ་འདུ་བསྟན་པ། རྟེན་གཞལ་ཡས་ཁང་བསྐྱེད་པ། བརྟེན་པ་ལྷ་བསྐྱེད་པའོ། །དང་པོ་གཞིའི་ཏིང་ངེ་འཛིན་གསུམ་གྱི་འཕྲོ་འདུ་བཤད་པ་ལའང་གསུམ་སྟེ། དེ་བཞིན་ཉིད་ཀྱི་ཏིང་ངེ་འཛིན། ཀུན་ཏུ་སྣང་བའི་ཏིང་ངེ་འཛིན། རྒྱུའི་ཏིང་ངེ་འཛིན་བཤད་པའོ། །དེ་དག་ཀྱང་། རྩ་རྒྱུད་རྡོ་རྗེ་ཁྲོས་པ་ལས། དེ་བཞིན་ཉིད་དང་ཀུན་ཏུ་སྣང་། །རྒྱུ་ཡི་ཏིང་འཛིན་བསྒོམ་བྱས་ལ། །ཞེས་གསུངས་པ་ལྟར། འདིར། རྡོ་རྗེ་ཁྲོ་བོས་ཞེ་སྡང་གཅོད། །མཚོན་ཆེན་སྔོན་པོ་ཆེར་འབར་བ། །ནམ་མཁའི་དཀྱིལ་དུ་ཐིག་ལེ་ཤར། །ཞེས་པས་བསྟན་པའི་དེ་བཞིན་ཉིད་ཀྱི། ཀུན་ཏུ་སྣང་བའི། རྒྱུའི་ཏིང་ངེ་འཛིན་གསུམ་གྱི། དང་པོ་ནི། རྡོ་རྗེ་ཁྲོ་བོས་ཞེས་པས་བསྟན། དེ་ལ་དེ་བཞིན་ཉིད་ཀྱི་ཏིང་ངེ་འཛིན་གྱི་ངོ་བོ་ནི། གཟུགས་ནས་རྣམ་མཁྱེན་གྱི་བར་གྱིས་བསྡུས་པའི་ཆོས་ཐམས་ཅད་ཡེ་གདོད་ནས་རང་བཞིན་གྱིས་མ་གྲུབ་པའི་སྟོང་ཉིད་སྤྲོས་བྲལ་བདེ་བ་ཆེན་པོ་ ― LT30_Page_0080 ―
[མ་དཔེ་གཟིགས་ན་འདིར་གནོན།]
རྣམ་པ་ཀུན་གྱི་མཆོག་དང་ལྡན་པ་དེ་ལ་བྱ། ངེས་ཚིག་ནི། ཡེ་ནས་སྟོང་པའི་རང་བཞིན་ཡིན་པ་ལ་ཡིན་པར་ཤེས་པས་སྒྲུབ་པ་པོའི་བློས་དེ་ཁོ་ན་ཉིད་བཞིན་དུ་རྟོགས་པར་བྱ་བའི་དོན་ཡིན་པས་སོ། །དབྱེ་བ་ནི། སངས་རྒྱས་ཀྱི་ཐུགས་རྣམ་པར་མི་རྟོག་པའི་ཡེ་ཤེས། སེམས་ཅན་ལ་རང་ཆས་སུ་ཡོད་པའི་སེམས་ཉིད་གཞིའི་ཆོས་ཉིད། ལས་དང་པོ་པས་བསྒོམ་པའི་དེ་བཞིན་ཉིད་དོ། །བྱེད་ལས་ནི། གཟུང་འཛིན་མཚན་མའི་རྣམ་པར་རྟོག་པ་འཇོམས་པའོ། །མིང་གི་རྣམ་གྲངས་ནི། དེ་བཞིན་ཉིད། སྟོང་པ་ཉིད། མཚན་མེད། སྤྲོས་མེད་སོགས་ཀྱིས་བསྟན་པ་དག་གོ། །དེ་ལྟ་བུའི་ཏིང་ངེ་འཛིན་དེས་མ་ཟིན་པའི་སྐྱོན་ནི། ཆོས་ཐམས་ཅད་སྟོང་ཉིད་དུ་མ་རྟོགས་པས་ལྷའི་སྐུ་མདོག་ཕྱག་མཚན། མགོ་བརྙན། སྦྱོར་བ། སྒྲོལ་བ་རྣམས་རང་རྒྱུད་པར་བསྒོམས་པས་འདོད་ཁམས་ཀྱི་ལྷ། བདུད་དམ་སྲིན་པོ། དུར་ཁྲོད་ཀྱི་ཝ་སྦྱང་། མངལ་གྱི་སྲིན་བུ། སེམས་ཅན་དམྱལ་བ་རྣམས་སུ་སྐྱེ་བར་གསུངས་སོ། །ཏིང་ངེ་འཛིན་དེའི་ཕན་ཡོན་ནི། ཆན་ལ་ཕབ་ཀྱིས་ཐེབས་པ་བཞིན་དུ་ཆོས་ཐམས་ཅད་སྟོང་པ་ཉིད་ཀྱི་རྩིས་ཟིན་ན་གདབ་ལས་དང་། མནན་སྲེག་འཕང་གསུམ་སོགས་བྱས་ཚད་ཡེ་ཤེས་ཀྱི་ཚོགས་སུ་འགྱུར་བར་བཤད་པ་སྟེ་སྤྱིར་ཤེས་པར་བྱ་བའི་གནད་ཡིན་ལ། འབྲུ་གཉེར་བའི་སྒོ་ནས་བཀྲོལ་ན། རྡོ་རྗེ་ཁྲོ་བོས་ཞེས་པའི་རྡོ་རྗེ་ལ་གསུམ། སྐྱེ་མེད་དོན་གྱི་རྡོ་རྗེ། ཕ་ལམ་རྫས་ཀྱི་ ― LT30_Page_0081 ―
[མ་དཔེ་གཟིགས་ན་འདིར་གནོན།]
རྡོ་རྗེ། མཚན་མ་རྫས་ཀྱི་རྡོ་རྗེ་དང་གསུམ་ལས། འདི་སྐྱེ་མེད་དོན་གྱི་རྡོ་རྗེ་ཡིན་ལ། ཁྲོས་པ་ལ་གང་ཁྲོ་ན། སྐྱེ་མེད་དོན་གྱི་རྡོ་རྗེ་སྤྲོས་བྲལ་སྟོང་པ་ཉིད་དེ་ཁྲོས། གང་ལ་ཁྲོས་ན། མཚན་མའི་རྣམ་པར་རྟོག་པ་གཟུང་འཛིན་བདག་རྟོག་གི་གྲོང་ཁྱེར་ལ་ཁྲོས། ཚུལ་ཇི་ལྟར་ཁྲོས་ན། ཞེ་སྡང་རང་རྒྱུད་པས་མི་གཤིས་ངན་དགྲ་ལ་ཁྲོས་པ་ལྟ་བུ་མ་ཡིན་པར་ཉི་མ་འཆར་བའི་གཟི་བརྗིད་ཀྱིས་མུན་པའི་སྨག་རུམ་མདུན་ན་མི་གནས་པ་ལྟར། སྟོང་ཉིད་རྟོགས་པའི་ཡུལ་ན་དངོས་འཛིན་མཚན་མའི་སྤྲོས་པ་ཐམས་ཅད་མི་གནས་པའི་ཚུལ་གྱིས་ཁྲོས་པའོ། །དེ་ཉམས་སུ་ལེན་པའི་ཚུལ་ཡང་ལས་དང་པོ་པས་སྒྲ་སྤྱི་ཙམ་དང་། ལས་གོམས་པས་དོན་སྤྱིའི་སྒོ་ནས་དང་། ལས་སྨིན་པས་དོན་རང་གི་མཚན་ཉིད་དུ་ཉམས་སུ་ལེན་པའོ། །འདིའི་དོན་ཐུན་མོང་བ་རྣམས་རྒྱུ་མཚན་ཉིད་ཀྱི་ཐེག་པའི་བཀའ་དང་དགོངས་འགྲེལ་ལས་བསྟན་པ་དང་། ཐུན་མོང་མིན་པ་སྔགས་ཀྱི་ཐེག་པ་གོང་འོག་གི་རིམ་པས་བླ་མེད་སྤྱི་དང་ཁྱད་པར་རྣམས་སུ་བསྟན་པ་ལྟར་ངེས་པར་བྱ་ལ། འདིར་ཏིང་འཛིན་རྣམ་གསུམ་སོགས་འདིའི་གནད་རྣམས་རིག་འཛིན་གྲུབ་པའི་སློབ་དཔོན་རྣམ་གསུམ་གྱི་དགོངས་པ་དྲིལ་བའི་ཚུལ་དུ་མདོ་ཙམ་སྨོས་པར་ཟད་དོ། །གཉིས་པ་ཀུན་ཏུ་སྣང་བའི་ཏིང་ངེ་འཛིན་ནི། འདི་ལའང་སྤྱིར་ཤེས་པར་བྱ་བ་ངོ་བོ་ནི། ཆོས་ཐམས་ཅད་ཀྱི་ནང་ནས་སྙིང་རྗེ་ ― LT30_Page_0082 ―
[མ་དཔེ་གཟིགས་ན་འདིར་གནོན།]
སྒྱུ་མ་ཙམ་དེ་ཉིད་ཡིན་ལ། ངེས་ཚིག་ནི། སྙིང་རྗེ་གོང་འོག་གཉིས་མཚམས་སྦྱར་བས་ཀུན་ཏུ་སྣང་བར་བྱེད་པའི་ཕྱིར་རོ། །དབྱེ་ན། སངས་རྒྱས་ཀྱི་ཐུགས་རྗེ་ཆེན་པོ། སེམས་ཅན་གྱི་ཁམས་ན་ཡོད་པའི་སྙིང་རྗེ་སྟེ་ཕྱོགས་ཅན་ནི་ཁྲ་སྤྱང་སོགས་ལའང་ཡོད་པ་དེ་དང་། ལས་དང་པོ་པས་དོན་སྤྱི་ལ་བློས་བསྒོམ་པའི་སྙིང་རྗེའོ། །བྱེད་ལས་ནི། སངས་རྒྱས་འཐོབ་པར་བྱེད་པ། མིང་གི་རྣམ་གྲངས་ནི། བྱམས་པ་ཆེན་པོའི་སྙིང་རྗེ་ཆེན་པོའི། ཐུགས་རྗེ་ཆེན་པོའི། ཀུན་ཏུ་སྣང་བའི་ཏིང་ངེ་འཛིན་སོགས་སོ། །དེ་ཉིད་མེད་པའི་སྐྱོན་ནི། སངས་རྒྱས་ཡར་ཆད། འཁོར་བ་མར་ལྷུང་སྟེ་རྣམ་པ་ཐམས་ཅད་དུ་མཚམས་མི་སྦྱོར་བའོ། །ཕན་ཡོན་ནི། །སྙིང་རྗེས་གོང་འོག་མཚམས་སྦྱར་ནས་སྟོང་ཉིད་སྙིང་རྗེའི་སྙིང་པོ་ཅན་ཞེས་སངས་རྒྱས་ཐོབ་པའི་ལམ་ཕྱིན་ཅི་མ་ལོག་པར་འགྱུར་བའོ། །དོན་ནི། ཞེ་སྡང་གཅོད་ཅེས་པ་ཀུན་སྣང་སྙིང་རྗེས་ཞེ་སྡང་གཅོད་པ་སྟེ། དཔེར་ན་ཚ་རེག་གང་ན་ཡོད་པ་ན་གྲང་རེག་མེད། གྲང་རེག་གང་ན་ཡོད་པ་ན་ཚ་རེག་མེད་པ་དེ་བཞིན་དུ། གང་ཟག་གཅིག་གི་རྒྱུད་ལ་ཞེ་སྡང་སྐྱེས་ཚེ་སྙིང་རྗེ་མེད། སྙིང་རྗེ་སྐྱེས་ཚེ་ཞེ་སྡང་མེད་པ་ལྷན་ཅིག་མི་གནས་འགལ་བ་ཡིན་ཅིང་། ནུས་པ་དང་འཚམས་པར་སེམས་ཅན་ལ་དམིགས་པ། ཆོས་ལ་དམིགས་པ། དམིགས་པ་མེད་པའི་སྙིང་རྗེ་གང་རུང་ཚད་དུ་ཕྱིན་པའི་གཉེན་པོས་སོ་སོའི་ ― LT30_Page_0083 ―
[མ་དཔེ་གཟིགས་ན་འདིར་གནོན།]
མཚན་འཛིན་དང་བཅས་པའི་སྡང་ཤུགས་རང་བཞིན་གྱིས་ཉམས་པ་ནི་ཆོས་ཉིད་ཡིན་ལ། འདིར་སྟོང་ཉིད་རྡོ་རྗེ་ལྟ་བུ་མངོན་དུ་གྱུར་པའི་ཡེ་ཤེས་དམིགས་མེད་ཀྱི་སྙིང་རྗེ་སྒྱུ་མ་ལྟ་བུ་དང་ཟུང་དུ་འཇུག་པས་གོང་གི་སྟོང་ཉིད་ཀྱི་ངང་ལས་སྙིང་རྗེ་རང་ཤུགས་སུ་སྐྱེ་བས་སྲིད་རྩའི་ཞེ་སྡང་ཐམས་ཅད་ན་གསལ་མེ་མཆེད་པ་བཞིན་བཅད་ཅིང་བསྲེགས་ཏེ་སྐྱེ་བའི་ཡུལ་མེད་པ་ཡིན་ནོ། །འདི་ཉིད་ཀྱང་ཐེག་པ་ཆེན་པོའི་སྡེ་སྣོད་རིན་པོ་ཆེ་དག་ལས་མང་དུ་འབྱུང་བ་དང་གནད་གཅིག་གོ། །གསུམ་པ་རྒྱུའི་ཏིང་ངེ་འཛིན་ལ། སྤྱིར་རྒྱུའི་ངོ་བོ་ནི། ཆོས་ཐམས་ཅད་ཀྱི་ནང་ནས་ཧཱུྃ་སྔོན་པོ་ཡིག་འབྲུའི་རྣམ་པ་ཅན་དེ་ཉིད་ཡིན་ལ། ངེས་ཚིག་ནི། དེ་ཉིད་རྟེན་གཞལ་ཡས་ཁང་། བརྟེན་པ་ལྷ་དང་བཅས་པ་ཐམས་ཅད་བསྐྱེད་པའི་རྒྱུའམ་གཞིར་གྱུར་པས་ན་རྒྱུའི་མིང་གིས་སྨོས་ཤིང་། དབྱེ། སངས་རྒྱས་ཀྱི་ཐུགས་ཡེ་ཤེས་ལྔ་ལྡན་གྱི་ཧཱུྃ། སེམས་ཅན་གྱི་རྒྱུད་ལ་ཡོད་པའི་སྙིང་གའི་རྩ་མདུད་ཧཱུྃ་གི་རང་བཞིན། ལས་དང་པོ་པས་རྒྱུའི་ཏིང་ངེ་འཛིན་ཧཱུྃ་བློས་བསྒོམ་པ་རྣམས་སོ། །བྱེད་ལས་ནི། རྟེན་དང་བརྟེན་པའི་དཀྱིལ་འཁོར་སྐྱེད་པར་བྱེད་པའོ། །མིང་གི་རྣམ་གྲངས་ནི། རྒྱུའི་ཏིང་འཛིན། ས་བོན་གྱི། ཡིག་འབྲུའི། སྐྱེད་བྱེད་ཀྱི་ཏིང་ངེ་འཛིན་སོགས་སུ་སྨོས་པའོ། །དེ་ཉིད་མ་བསྟེན་པའི་སྐྱོན་ནི། བསྐྱེད་རིམ་ཆོ་ག་དང་མི་ལྡན་ཞིང་རྫོགས་པར་མི་འགྱུར་ལ། ཕན་ཡོན་ནི། ། ― LT30_Page_0084 ―
[མ་དཔེ་གཟིགས་ན་འདིར་གནོན།]
བསྐྱེད་རིམ་ཆོ་ག་ཡན་ལག་དང་བཅས་ཏེ་རྫོགས་པར་འགྱུར་བའོ། །འབྲུ་དོན་ནི། མཚོན་ཆེན་སྔོན་པོ་ཆེར་འབར་བ། །ནམ་མཁའི་དཀྱིལ་དུ་ཐིག་ལེ་ཤར། །ཞེས་པ་འདི་ལའང་རིག་འཛིན་གྲུབ་པའི་སློབ་དཔོན་རྣམ་གསུམ་གྱི་དགོངས་པའི་མཐིལ་མི་འདྲ་བ་མེད་ཅིང་། ཚིག་གི་ཟུར་ཕྱུང་ལུགས་ཅུང་ཟད་ཐ་དད་པ་རེ་བྱུང་ཡང་། དགོངས་པ་དྲིལ་ནས་བཤད་ན། མཚོན་ནི་ཁ་དོག །རྩྭའི་ལོ་མ། གྲི་མདུང་། ཕོ་མོའི་མཚན་མ་ལའང་འཇུག་མོད་ཀྱི། འདིར་རྟེན་གཞལ་ཡས་ཁང་དང་བརྟེན་པ་ལྷ་བཅས་འདིས་མཚོན་པའི་དོན་ཡིན་ལ། ཆེན་པོ་ནི་ཡེ་ཤེས་ལྔའི་ངོ་བོར་གྱུར་པ། སྔོན་པོ་ནི་ཧཱུྃ་གི་ཁ་དོག །ཆེར་འབར་བ་ནི་དེ་ལས་ཡིག་འབྲུ་དང་འོད་ཟེར་རབ་ཏུ་མང་པོའི་འཕྲོ་འདུ་ལྷག་པར་མངའ་བ་ཡིན་ལ། དོན་དུ་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཟབ་གསལ་དང་བདེ་སྟོང་སོགས་དབྱེར་མེད་ཀུན་ཁྱབ་མཉམ་པའི་རང་བཞིན་དངོས་པོ་མེད་ལ་དངོས་པོ་ཀུན་གྱི་རྒྱུར་གྱུར་པ་གང་ཞིག །རྣམ་པ་ཡི་གེ་ཧཱུྃ་གི་གཟུགས་སུ་སྣང་བ་དེ་ཉིད་གཟུང་འཛིན་མཚན་མར་སྣང་བས་སྣོད་བཅུད་རང་རྒྱུད་དུ་བལྟ་བའི་གཉེན་པོར་ཐུགས་རྗེའི་རྩལ་ལས་རང་ཤར་བས། དཔེར་ན་མཚོན་ཆ་རྣོན་པོས་ལྕུགས་ཕྲན་གྱི་ཡལ་ག་ལ་ཐེབས་པ་བཞིན་གཅོད་པར་བྱེད་པའི་ཚུལ་དང་མཐུན་པར། སྣོད་བཅུད་དངོས་པོར་ཞེན་པའི་རྩ་བ་ ― LT30_Page_0085 ―
[མ་དཔེ་གཟིགས་ན་འདིར་གནོན།]
བཅད་ཅིང་དག་མཉམ་ལྷའི་འཁོར་ལོར་སྦྱོར་བར་བྱེད་པའི་རྒྱུ་ཡིན་པའི་ཆ་ནས་མཚོན་ཆ་རྣོན་པོའི་ཚུལ་དུ་འཆད་ཀྱང་རུང་བར་སེམས་སོ། །ནམ་མཁའ་ལ་སྣང་བ་ནམ་མཁའ། བུ་གནམ་མཁའ། འདུས་མ་བྱས་ནམ་མཁའ། ཆོས་ཉིད་ནམ་མཁའ་རྣམས་སུ་མཆིས་པ་ལས། འདིར་ཆོས་ཉིད་ཀྱི་ནམ་མཁའི་རང་བཞིན་ཡིན་ལ། དཀྱིལ་ནི་མཐའ་དང་དབུས་མེད་པ་སྤྲོས་པ་ཀུན་གྱིས་མི་ཕྱེད་པའི་ཀློང་ཟབ་མོ་ནས། མཚན་རྟོག་གི་གྲྭ་ཟུར་མེད་པའི་མཉམ་ཡངས་གདལ་བ་ཆེན་པོའི་ཐིག་ལེའམ། སྔ་འགྱུར་དུ་ཐིགས་པ་ཞེས་འབྱུང་བ་ལྟར་ན། དོན་འགྲིལ་བའི་ཕྱིར་ཐིགས་པ་དང་། དོན་ཐོག་ཏུ་ཕེབ་པའི་ཕྱིར་ཐིགས་པ་སྟེ། དེའང་རྒྱུའི་ཧཱུྃ་ཡིག་དེ་ལ་ཡེ་ཤེས་ལྔ་དང་ལྡན་པས་འགྲིལ་བ། ཧཱུྃ་དེ་རྟེན་དང་བརྟེན་པར་བཅས་པའི་ཐོག་ཏུ་ཕེབ་པས་ཐིགས་པ་ཞེས་བྱ་ལ། དོན་དུ་སྟོང་ཉིད་སྙིང་རྗེའི་རང་རྩལ་ལས་ཟུང་འཇུག་རྒྱུའི་ཡི་གེ་སངས་རྒྱས་ཀུན་གྱི་ཐུགས་ཀྱི་ངོ་བོ་དེ་ཉིད་སྤྲོས་བྲལ་ནམ་མཁའི་དཀྱིལ་ནས་དོན་ཐོག་ཏུ་ཕེབ་པའི་ཐིག་ལེའམ་ཐིགས་པར་རང་ཤར་བའི་ཚུལ་གྱིས་སྣོད་བཅུད་དག་པ་ལྷའི་འཁོར་ལོར་སྒྱུར་བར་བྱེད་པའི་རྒྱུར་གྱུར་པ་ཉིད་དུ་གོ་བར་བྱའོ། །གཉིས་པ་རྟེན་གཞལ་ཡས་ཁང་བསྐྱེད་པ་ནི། སྲོག་གི་སྒོ་རུ་ཤར་བ་དང་། །སྙིང་གི་དཀྱིལ་དུ་བསྒོམ་པར་བྱ། །ཞེས་པས་བསྟན། འདི་ལ་གུ་རུ་པདྨའི་དགོངས་པ་ ― LT30_Page_0086 ―
[མ་དཔེ་གཟིགས་ན་འདིར་གནོན།]
གཙོ་བོར་བཟུང་ན། སྲོག་ནི་རྒྱུའི་ཏིང་ངེ་འཛིན་ཡི་གེ་ཧཱུྃ་གི་རྣམ་པ་ཅན་དེ་ཉིད་ཡིན་ལ། སྒོར་ཤར་བ་ལའང་འབྱུང་བའི་མ་བརྩེགས་རི་རབ་དང་བཅས་པའི་སྒོར་ཤར་བ་དང་། གཞལ་ཡས་ཁང་གདན་དང་བཅས་པའི་སྒོར་ཤར་བ་གཉིས་སུ་ཡོད་པ་ལས། དང་པོ་འབྱུང་བ་རིམ་བརྩེགས་ལ་ཕྱི་ནང་གསང་གསུམ་དུ་དབྱེ། ཕྱི་ལའང་མདོ་ལྔ། རྩ་བ་དྲུག །ཡན་ལག་སུམ་ཅུ་ཐམ་པའི་ཚུལ་དུ་གནས་པ་ལ། མདོ་ལྔ་ནི། འབྱུང་བ་ལྔ། རྩ་བ་དྲུག་ནི། ཕྱི་འབྱུང་བ་ལ་ཅི་ལྟར་སྦྱར་བ། ནང་ཕུང་པོ་དང་གང་ལྟར་སྦྱར་བ། གསང་བ་ཉོན་མོངས་དང་ཇི་ལྟར་སྦྱར་བ། གསལ་བ་ལྷ་དང་གང་ལྟར་སྦྱར་བ། བདེ་བ་ཡེ་ཤེས་དང་ཇི་ལྟར་སྦྱར་བ། སྟོང་པ་ཆོས་ཉིད་དང་གང་ལྟར་སྦྱར་བ་ཞེས་པའོ། །དེའང་སྲོག་ནི་རྒྱུའི་ཏིང་ངེ་འཛིན་ཧཱུྃ་དེ་ཉིད་ཡིན་ལ། དེ་ལས་ས་བོན་གྱི་ཡི་གེའི་འཕྲོ་འདུའི་ཆོ་འཕྲུལ་ལས་སྲོག་གི་ཡི་གེ་ནུས་པ་མཐུ་ཅན་དུ་གྱུར་པ་ནི་སྒོ་རུ་ཤར་བའོ། །དེ་ལས་འགག་པ་མེད་པའི་ཆོ་རོལ་སྣ་ཚོགས་པའི་ཚུལ་དུ་སོ་སོའི་གཞིར་གྱུར་པའི་ཡི་གེའི་སྤྲོ་བསྡུ་ལས། ཆོས་ཀྱི་འབྱུང་གནས་ནམ་མཁའི་རང་བཞིན་འབྱམས་ཀླས་པ་ཕྱི་ལྟར། འབྱུང་བ་ནམ་མཁའི་རྣམ་པ། ནང་ཕུང་པོ། གསང་བ་སྟོང་པ་ཉིད་སོགས་སུ་མཚོན་པ། དེ་བཞིན་དུ་རླུང་གི་དལ་རྒྱ་གྲམ་ཕྱི་འབྱུང་བ་རླུང་གི་གོར་ཤར་བ། ནང་ལུས་ཀྱི་སྐྱེད་བྱེད་སོགས་ཀྱི་ངོ་བོ་དང་། རཀྟའི་རྒྱ་མཚོ་རྦ་རླབས་འཁྲུགས་པ་ཕྱི་འབྱུང་བ་ཆུ། ནང་ཁྲག །གསང་ ― LT30_Page_0087 ―
[མ་དཔེ་གཟིགས་ན་འདིར་གནོན།]
བ་འདོད་ཆགས་སོགས། ཀེང་རུས་ཀྱི་རི་རབ་དཔག་ཚད་བརྒྱད་ཁྲི་མཐོ་བ་འབྱུང་བ་སའི་སྒོར་ཤར་བ། ནང་རུས་པ། ཉོན་མོངས་པ་ཞེ་སྡང་སོགས་ཀྱི་ངོ་བོ། མེའི་དཀྱིལ་འཁོར་གྲུ་གསུམ་འབྱུང་བ་མེའི་གོར་ཤར་བ། ནང་དྲོད། ཉོན་མོངས་པ་ང་རྒྱལ་སོགས་ཀྱི་རང་བཞིན་དུ་བཤད་པ་ནི་འབྱུང་བ་རིམ་བརྩེགས་རི་རབ་དང་བཅས་པའི་གོར་ཤར་བ་དང་། གཉིས་པ་གཞལ་ཡས་ཁང་གདན་དང་བཅས་པའི་སྒོར་ཤར་བའི་ཚུལ་ནི། ཡང་རྒྱུའི་ཏིང་ངེ་འཛིན་གྱི་ཆོ་འཕྲུལ་ལས་ས་བོན་ཡི་གེ་དང་བཅས་པའི་སྤྲོ་བསྡུའི་རོལ་པ་གང་ལས་ཤར་བའི་ཡེ་ཤེས་ཀྱི་གཞལ་ཡས་ཁང་ནི་ཇི་སྐད་དུ། གསང་རྒྱུད་ལས། ཡྃ་ལས་རླུང་གི་དཀྱིལ་འཁོར་གཞུ་དབྱིབས་སྔོ། །རྃ་ལས་མེ་ཡི་དཀྱིལ་འཁོར་གྲུ་གསུམ་དམར། །བྃ་ལས་ཆུ་ཡི་དཀྱིལ་འཁོར་དཀར་པོ་ཟླུམ། །སུྃ་ལས་ས་དཀྱིལ་གྲུ་བཞི་སེར། །ཀེྃ་ལས་ཀེང་རུས་རི་རབ་འབར། །དེ་སྟེང་བྷྲཱུྃ་ལས་གྲུབ་པ་ཡི། །མཛེས་པའི་གཞལ་ཡས་ཐོད་པའི་མཁར། །མཆོག་ཕྲན་དྲལ་ཕྱམ་ཉི་ཟླའི་མིག །རཀྟ་འབར་བའི་ཞམ་ཆུ་འབབ། །ཅེས་གསུངས་པའི་དྲག་པོའི་གཞལ་ཡས་ཁང་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པ་ཡེ་ཤེས་རང་སྣང་གི་བཀོད་པ་སྣོད་ཀྱི་འཇིག་རྟེན་སོགས་རྣམ་པར་དག་པའི་ངོ་བོ་རང་བྱུང་ལྷུན་གྲུབ་ཀྱི་ཕོ་བྲང་ཆེན་པོའི་དབུས་སུ་པདྨ་ཉི་མ་རུ་དྲ་ཕོ་མོ་སྟེ་གཙོ་བོའི་གདན་དང་། འཁོར་ལོའི་རྩིབས་ ― LT30_Page_0088 ―
[མ་དཔེ་གཟིགས་ན་འདིར་གནོན།]
བཅུར་ཕྱོགས་སྐྱོད་བཅུ་ཕོ་ཁ་སྦུབ། མོ་གན་རྐྱལ་བྱིན་པ་འཁྲིལ་བའི་ཚུལ་དུ་གནས་པས་ཁྲོ་བོ་བཅུའི་གདན། སྒོ་བཞིར་དྲི་ཟ་སོགས་བཞི་བསྒྱེལ་བའི་གདན། ལྷ་སྣམ་ལ་ཕུར་སྲུང་རྣམས་ཀྱི་གདན་དང་བཅས་པ་རྒྱུའི་ཡི་གེ་ཁོ་ནའི་ཆོ་འཕྲུལ་ལས་སྤྲོས་པའོ། །ནང་བསྐྱེད་པའི་རིམ་པ་དཀྱིལ་འཁོར་རང་ལུས་ལ་ཚང་བའི་ཚུལ། གསང་རྒྱུད་ལས། རྐང་པ་རླུང་གི་དཀྱིལ་འཁོར་ཏེ། །འདོམས་ནི་མེ་ཡི་དཀྱིལ་འཁོར་ཡིན། །གསུས་པ་ཆུ་ཡི་དཀྱིལ་འཁོར་ཏེ། །ཕོ་བ་ས་ཡི་དཀྱིལ་འཁོར་ཡིན། །བྲང་ནི་ཀེང་རུས་རི་རབ་སྟེ། །མགོ་བོ་བྷནྡྷ་ཀླད་པའི་གཞལ་ཡས་ཁང་། །རྩ་གནས་དབུས་ན་ལྷ་ཚོགས་བཞུགས། །ཞེས་གསུངས་པ་ལྟར་རོ། །གསང་བ་བསྐྱེད་པའི་རིམ་པའང་རང་གི་སེམས་ལ་ལྷ་དང་དཀྱིལ་འཁོར་ཐམས་ཅད་གདོད་ནས་དབྱེར་མེད་དུ་ཚང་ཞིང་། དེ་དག་གི་ཚུལ་དང་། གཞལ་ཡས་ཁང་གི་རྣམ་གཞག་དང་དག་པ་སོགས་རྒྱུད་དང་འགྲེལ་བ་སྒོམ་དོན་གྱི་མན་ངག་རྣམས་ལས་ཞིབ་ཏུ་འབྱུང་བས་འདིར་རྒྱས་པར་མ་སྤྲོས་སོ། །སྙིང་གི་དཀྱིལ་དུ་བསྒོམ་པར་བྱ། །ཞེས་པ་ནི་སྔར་བཤད་པའི་རྒྱུའི་ཏིང་ངེ་འཛིན་ཧཱུྃ་ཡིག་གི་རྒྱུན་དེ་ཉིད་རང་གི་སྙིང་གར་བར་མ་ཆད་པའི་ཚུལ་དུ་གསལ་སྣང་འདོན་པའམ། བསྐྱེད་པའི་རིམ་པའི་སྐབས་སུ་ཏིང་ངེ་འཛིན་སེམས་དཔར་བསྒོམ་པའི་དོན་དུ་བཤད་ཀྱང་དེ་ཉིད་མན་ངག་གི་རིམ་པ་དང་སྦྱར་བ་ཡིན་ལ། རྒྱུད་ལྟར་ན། འཁོར་འདས་ཐམས་ ― LT30_Page_0089 ―
[མ་དཔེ་གཟིགས་ན་འདིར་གནོན།]
ཅད་ཀྱི་སྤྲོ་གཞི་དེ་ཉིད་ཡིན་པས་དེ་དག་གི་དཀྱིལ་ལ་མ་སྙིང་པོར་བསྒོམ་པ་ནི་རྒྱལ་བ་རྣམས་ཀྱི་ཐུགས་ཟབ་གསལ་གཉིས་སུ་མེད་པའི་ཡེ་ཤེས་བདེ་སྟོང་གི་ཕྱག་རྒྱས་བརྟན་གཡོ་སྣོད་བཅུད་ཀྱི་དངོས་པོ་ལ་གདབ་ནས་དག་མཉམ་ཆེན་པོའི་ཀློང་དུ་འུབ་ཆུབ་པར་བྱ་བའི་དོན་ལ་སྐབས་འདིར་འཆད་ཀྱང་འགལ་བ་མེད་དོ། །སྤྱི་དོན་གསུམ་པ་བརྟེན་པ་ལྷ་བསྐྱེད་པ་བཤད་པ་ལ། རྒྱུད་ཁུ་བྱུག་རོལ་པ་ལས། དྲག་པོ་ལས་ཀྱི་དཀྱིལ་འཁོར་ལ། །རྣམ་པ་གསུམ་དུ་རྒྱལ་བས་གསུངས། །བདག་ཉིད་ཆེན་པོའི་དཀྱིལ་འཁོར་དང་། །ཕྱོགས་བཅུ་ཁྲོ་བོའི་དཀྱིལ་འཁོར་དང་། །སྲས་མཆོག་ཕུར་བུའི་དཀྱིལ་འཁོར་རོ། །རྡོ་རྗེ་གཞོན་ནུའི་དཀྱིལ་འཁོར་ལ། །གཙོ་གཟུངས་ཟུང་དུ་འབྲེལ་བ་ནི། །བདག་ཉིད་ཆེན་པོ་ཡིན་པར་བཤད། །ཁྲོ་བོ་ཁྲོ་མོ་ཕྲ་མེན་ཚོགས། །ཕྱོགས་མཚམས་ཁྲོ་བོ་ཞེས་བྱའོ། །སྲས་མཆོག་ཕུར་བུའི་དཀྱིལ་འཁོར་ནི། །ཀཱི་ལ་ཡ་ཞེས་རབ་ཏུ་གྲགས། །ཞེས་གསུངས་པ་ལྟར། ཆོས་སྐུའི་ངོ་བོ་བདག་ཉིད་རྩ་བའི་དཀྱིལ་འཁོར། ལོངས་སྐུའི་ངོ་བོ་ཕྱོགས་བཅུ་ཁྲོ་བོའི་དཀྱིལ་འཁོར། སྤྲུལ་སྐུའི་ངོ་བོ་ཕུར་པ་རྫས་ཀྱི་དཀྱིལ་འཁོར་བཤད་པའོ། །དང་པོ་ཆོས་སྐུའི་ངོ་བོ་བདག་ཉིད་རྩ་བའི་དཀྱིལ་འཁོར་བཤད་པ་ལ་བསྐྱེད་པ་དངོས་དང་། གསལ་གདབ་པའོ། །དང་པོ་ནི། འདིར་ཚིག་ཟིན་ལ་དངོས་སུ་མེད་ཀྱང་འགྲེལ་པའི་དགོངས་པ་ ― LT30_Page_0090 ―
[མ་དཔེ་གཟིགས་ན་འདིར་གནོན།]
ལྟར་མདོ་ཙམ་བསྙད་པ་ལ་སྤྱིར་ཤེས་པར་བྱ་བ་དང་། བྱེ་བྲག་དངོས་བཤད་པའོ། །དང་པོ་ནི། སྤྱིར་རྡོ་རྗེ་གཞོན་ནུ་ཞེས་པ་ལ་དངོས་བརྟགས་མ་ཕྱེ་བར་བཤད་ན། རང་སེམས་གཞིའི་རྡོ་རྗེ་གཞོན་ནུ། བགྲོད་པ་ལམ་གྱི་རྡོ་རྗེ་གཞོན་ནུ། རྟོགས་པ་འབྲས་བུའི་རྡོ་རྗེ་གཞོན་ནུ་དང་གསུམ་ཡོད། དང་པོ་ནི། གདོད་ནས་སྐྱེ་བ་མེད་པའི་སེམས་ཉིད་སྤྲོས་པའི་མཐའ་ཐམས་ཅད་དང་བྲལ་བ་ཉིད་ལ་འཇོག །གཉིས་པ་ནི། ཐབས་ཤེས་གཉིས་ཀྱི་སྒོ་ནས་སྐུ་གསུམ་ཡེ་ཤེས་ལྔ་རྣམ་པ་རྡོ་རྗེ་གཞོན་ནུའི་ལྷ་ཚོགས་སུ་གསལ་བར་བལྟ་བའི་ཉམས་ལེན་ཉིད་ཡིན་ལ། གསུམ་པ་ནི། སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་སྤྲོས་པ་མེད་པ་ཉིད་དེ། རྩ་རྒྱུད་རྡོ་རྗེ་ཁྲོས་པ་ལས། རང་སེམས་གཞི་ཡི་རྡོ་རྗེ་གཞོན་ནུ་ནི། །ས་བོན་ཀུན་ཁྱབ་ཏིལ་མར་འདྲ། །རྟོགས་ན་སངས་རྒྱས་ངོ་མཚར་ཆེ། །བགྲོད་པ་ལམ་གྱི་རྡོ་རྗེ་གཞོན་ནུ་ནི། །ཐབས་ཤེས་སྐུ་གསུམ་ཡེ་ཤེས་ལྔ། །ཆུ་བོ་རྒྱུན་གྱི་རྣལ་འབྱོར་བྱ། །རྟོགས་པ་འབྲས་བུའི་རྡོ་རྗེ་གཞོན་ནུ་ནི། །སྐུ་ལྔ་ཡེ་ཤེས་དགུ་ལྡན་ཏེ། །མ་འཁྲུལ་རྟོགས་པ་མངོན་འགྱུར་བྱ། །གཞི་ལམ་འབྲས་བུ་རྟོགས་གྱུར་ན། །ཆོས་སྐུ་སྤྲོས་བྲལ་མངོན་དུ་འགྱུར་ཞེས་གསུངས་པ་ལྟར་གཞི་ལམ་འབྲས་གསུམ་ལ་ཁྱབ་པའི་རྡོ་རྗེ་གཞོན་ནུ་དེ་ཉིད་རྣལ་འབྱོར་པས་ལམ་ཉམས་སུ་བླང་བའི་སྒོ་ནས་མངོན་དུ་བྱ་དགོས་པ་ནི་སྤྱིར་ཤེས་པར་བྱ་བ་ཡིན་ལ། བྱེ་བྲག་བསྐྱེད་ཐབས་དངོས་བཤད་ ― LT30_Page_0091 ―
[མ་དཔེ་གཟིགས་ན་འདིར་གནོན།]
པ་ལའང་མང་དུ་གསུངས་ཏེ། དེ་ལ་མདོ་བཅུ། རྩ་བ་བཞི་བཅུ། ཡན་ལག་བརྒྱད་ཅུ་སྟེ། བསྐྱེད་པའི་རྒྱུ་སེམས་དཔའ་བཞི། བསྐྱེད་པའི་སྐུའི་ཆ་ལུགས་བཞི། མཚན་ཉིད་བཞི། གནས་སྐབས་བཞི། ཆོ་ག་བཞི། ལྷ་བཞི། སྦྱང་གཞི་བཞི། ངེས་ཚིག་བཞི། རྣམ་དབྱེ་བཞི། ལམ་ཁྱེར་བཞིར་གསུངས་པའི་དོན་འདིར་ཚིག་ཉུང་ངུས་དོན་གྱི་གནད་ཚང་བར་བསྟན་ན། ཕུར་པ་གསང་རྒྱུད་ལས། རྡོ་རྗེ་གཞོན་ནུ་དབུ་སྟོང་ཕྱག་སྟོང་སྤྱན་བྱེ་བ་མངའ་བ་དང་། ཕུར་པ་མྱང་འདས་ལས། དབུ་དགུ་ཕྱག་བཅོ་བརྒྱད་པ་དང་། རྩ་རྒྱུད་རྡོ་རྗེ་ཁྲོས་པ་སོགས་ནས། རྡོ་རྗེ་གཞོན་ནུ་དབུ་གསུམ་ཕྱག་དྲུག་པ་དང་། ཀཱི་ལ་ཡ་ཏནྟྲ་བཅུ་གཉིས་པ་ནས། རྡོ་རྗེ་གཞོན་ནུ་ཞལ་གཅིག་ཕྱག་གཉིས་པ་རྣམས་སུ་བཤད་ཅིང་། དེའང་ཁྲོ་བོའི་རྣམ་པ་ཅན་ཡིན་ཡང་ཁྲོ་བོ་ཞེས་པས་བདུད་དང་སྲིན་པོ་ཁྲོས་པ་ལྟ་བུ་མ་ཡིན་ལ། ཐུགས་རྗེ་ཆེན་པོས་གདུལ་བྱ་འདུལ་བའི་ཐབས་སུ་བསྟན་པ་གང་ཟག་ཡང་རབ་རྣམས་སྙིང་རྗེས་ལྷར་བསྒོམ་པ་ཡིན་པར་གསུངས་ཤིང་། གང་ལྷར་བསྐྱེད་ན། ལས་དང་པོ་པས་རང་གི་སེམས་ཉིད་ལྷར་བསྐྱེད་པ་ལ་དགོངས་ནས། རྣམ་པར་ཤེས་པ་རྡོ་རྗེར་བསྒོམ། །ཞེས་དང་། ལས་གོམས་པ་པོས་བདག་ཉིད་ལྷར་བསྐྱེད་པ་ལ་དགོངས་ནས། སྐུ་ཡི་གཏེར་དུ་བདག་སྐྱེད་ཅིག །ཅེས་གསུངས་ཤིང་ ― LT30_Page_0092 ―
[མ་དཔེ་གཟིགས་ན་འདིར་གནོན།]
ལས་སྨིན་པ་པོས་ཕུང་པོ་ལྷར་བསྐྱེད་པ་ལ་དགོངས་ནས། ཕུང་པོ་རྡོ་རྗེའི་བདག་ཉིད་དེ། །ཞེས་དང་། ལས་མཐར་ཕྱིན་པ་པོ་ཡུལ་ཐམས་ཅད་ལྷའི་རོལ་པར་བལྟ་བ་ལ་དགོངས་ནས། འཁོར་བ་རྡོ་རྗེ་ཕུར་པའི་ལྷ། །ཞེས་གསུངས་པ་ཡིན་ནོ། །དེ་ཉིད་ཀྱིས་སྦྱང་གཞི་གང་སྦྱོང་བའང་བདག་ཉིད་རྩ་བའི་དཀྱིལ་འཁོར་གྱི་གཙོ་བོ་ཡབ་ཡུམ་གྱིས་སྐྱེ་སྲིད་དང་། དེ་བཞིན་ཉིད་ཀྱི་ཏིང་འཛིན་གྱིས་འཆི་སྲིད། རྒྱུ་ཏིང་གི་ཧཱུྃ་ནམ་མཁའ་ལས་བབས་ཏེ་གཙོ་བོ་གདན་ལ་འཁོད་པས་བར་སྲིད་སྦྱོང་བར་གསུངས་ལ། གཞན་ཡང་བདག་ཉིད་རྩ་བའི་དཀྱིལ་འཁོར་གྱིས་རྫུས་སྐྱེས། ཕྱོགས་བཅུའི་ཁྲོ་བོས་མངལ་སྐྱེས། མགོ་བརྙན་ཉི་ཤུས་སྒོང་སྐྱེས། དམ་ཅན་གྱིས་དྲོད་གཤེར་སྐྱེས་སྦྱོང་བར་བཤད་པ་ནི་གཙོ་བོར་མན་ངག་གི་ངེས་པ་ཤུགས་ཆེའོ། །དེ་ལ་བདག་ཉིད་རྩ་བའི་དཀྱིལ་འཁོར་ལ་ཆོས་ཀྱི་སྐུའི་ངོ་བོ་ཡིན་པའི་རྒྱུ་མཚན་སྤྲོས་པ་དང་བྲལ་བས་ཆོས་སྐུ། རང་ཉིད་བསྒོམ་པའི་བདག་ཉིད། འཁོར་གྱི་ལྷ་ཐམས་ཅད་འདི་ལས་འབྱུང་བས་རྩ་བ་རྡོ་རྗེ་གཞོན་ནུ་ཡབ་ཡུམ་ནི་དཀྱིལ། སྲོག་གི་ལྷ། སྐུ་གསུང་ཐུགས་ཀྱི་ལྷ། རྒྱན་གྱི་ལྷ། གོ་ཆའི་ལྷ་རྣམས་ནི་འཁོར་ཡིན་པས་དེ་སྐད་ཅེས་བརྗོད་ཅིང་། དེ་ལྟ་བུའི་དཀྱིལ་འཁོར་ལ་ཕྱོགས་བཅུ་ཁྲོ་བོའི་དཀྱིལ་འཁོར་དང་། ཕུར་པ་རྫས་ཀྱི་དཀྱིལ་འཁོར་གཉིས་ཀྱང་ཚང་བས་ན་བདག་ཉིད་རྩ་བའི་དཀྱིལ་འཁོར་གྱི་ ― LT30_Page_0093 ―
[མ་དཔེ་གཟིགས་ན་འདིར་གནོན།]
བདག་ཉིད་རྩ་བའི་དཀྱིལ་འཁོར་ནི་ཡེ་ཤེས་སེམས་དཔའ་ཉིད་ཡིན་ལ། བདག་ཉིད་རྩ་བའི་དཀྱིལ་འཁོར་གྱི་ཕྱོགས་བཅུ་ཁྲོ་བོའི་དཀྱིལ་འཁོར་ནི་སྐུ་གསུང་ཐུགས་ཀྱི་ལྷ་རྣམས་ཡིན་ཞིང་། བདག་ཉིད་རྩ་བའི་དཀྱིལ་འཁོར་གྱི་ཕུར་པ་རྫས་ཀྱི་དཀྱིལ་འཁོར་ནི་ཕྱག་གི་པུར་བ་ཉིད་ཡིན་ལ། བདག་ཉིད་རྩ་བའི་དཀྱིལ་འཁོར་གྱི་ཕུར་སྲུང་ནི་བ་སྤུའི་ཁྲོ་ཆུང་རྣམས་སོ། །དེ་ལྟ་བུའི་རྩ་བའི་དཀྱིལ་འཁོར་གྱི་གཙོ་བོ་དཔལ་ཆེན་པོ་ཡབ་ཡུམ་ལ་བརྟེན་པའི་རྣམ་དག་ཀྱང་། དབྱིངས་དང་ཡེ་ཤེས་འདུ་འབྲལ་མེད་པ་བསྟན་པའི་ཕྱིར་ཡབ་ཡུམ་མཉམ་པར་སྦྱོར་བ། ཆོས་ཉིད་འགྱུར་བ་མེད་པས་སྐུ་མདོག་མཐིང་ནག །སྐུ་གསུམ་དང་རྣམ་ཐར་གསུམ་གྱི་ངོ་བོ་དབུ་གསུམ། ཕར་ཕྱིན་དྲུག་གི་ངོ་བོ་ཕྱག་དྲུག །རྫུ་འཕྲུལ་གྱི་རྐང་པ་བཞིའི་ཞབས་བཞི། ཕྱག་ན་ཐེག་པ་རིམ་དགུ་མཚོན་པའི་རྡོ་རྗེ་རྩེ་དགུ། ཡེ་ཤེས་ལྔ་མཚོན་པའི་རྡོ་རྗེ་རྩེ་ལྔ། ཉོན་མོངས་པ་སྲེག་པའི་ཡེ་ཤེས་ཀྱི་མེ་དཔུང་། དུག་གསུམ་རྩད་ནས་གཅོད་ཕྱིར་ཁ་ཊྭཱཾ་རྩེ་གསུམ། གདུག་པ་མཐའ་དག་འདུལ་ཕྱིར་རི་རབ་ཕུར་བུ་འདྲིལ་བ། གཞན་ཡང་གཞི་ལམ་འབྲས་བུའི་ཡོན་ཏན་མཐའ་དག་མཚོན་པའི་ཕྱིར་བྱུག་པའི་རྩི་གསུམ། བགོ་བའི་གོས་གསུམ། གདགས་པའི་རྒྱན་གསུམ་སྟེ་དུར་ཁྲོད་ཀྱི་ཆས་དགུ། སྐུའི་གར་གསུམ། གསུང་གི་གར་གསུམ། ཐུགས་ཀྱི་གར་གསུམ་སྟེ་གར་གྱི་ཉམས་དགུ་ལ་ ― LT30_Page_0094 ―
[མ་དཔེ་གཟིགས་ན་འདིར་གནོན།]
སོགས་པས་ཁྱད་པར་དུ་བྱས་པའི་ཁམས་གསུམ་སྲིད་པ་གསུམ་ན་འགྲན་གྱི་ཟླ་མེད་པའི་ཆེ་བཙན་དཔའ་བོ་ཁམས་གསུམ་དབང་དུ་སྡུད་ཅིང་། སྲིད་གསུམ་ཟིལ་གྱིས་མནོན་པའི་ཁྲོ་མཆོག་ཀུན་གྱི་རྒྱལ་པོའི་རྣམ་པར་སྣང་བ་གང་ཞིག །རྒྱུད་ལས། ཆད་པ་མ་ཡིན་རིག་ཅིང་གསལ། །རྟག་པ་མ་ཡིན་ངོས་གཟུང་མེད། །སྣང་སྟོང་དབྱེར་མེད་གཏན་ལ་དབབ། །མ་བསྐྱེད་རྫོགས་པའི་ཚུལ་དུ་བསྒོམ། །ཞེས་གསུངས་པ་ལྟར། བསྐྱེད་པའི་རིམ་པ་དང་རྫོགས་པའི་རིམ་པའི་མཚན་གཞི་སྣང་སྟོང་དམ་གསལ་སྟོང་གདོད་ནས་དབྱེར་མེད་ཟུང་འཇུག་གི་དགོངས་པར་འབབ་པ་ཞིག་ལ་བཤད་དོ། །དེ་ལྟར་བསྐྱེད་རྫོགས་གཉིས་ལ་ལྡོག་པའི་ངོ་བོ་སྦྱར་ན་ཡན་ལག་བརྒྱད་ཅུ་རུ་འགྱུར་བར་གསུངས་སོ། །གཉིས་པ་གསལ་གདབ་པ་ནི། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་ཉིད་མིན་ཏེ། །ཕུང་པོ་རྡོ་རྗེའི་བདག་ཉིད་དེ། །རྣམ་པར་ཤེས་པ་རྡོ་རྗེར་བསྒོམ། །ཞེས་པས་བསྟན། འདི་བསྐྱེད་རྫོགས་ཀྱི་དོན་གནད་ཤིན་ཏུ་ཟབ་པའི་རྡོ་རྗེའི་ཚིག་སྟེ། གྲུབ་པའི་རིག་འཛིན་རྣམ་གསུམ་གྱི་ཞལ་སྔ་ནས་དགོངས་པའི་གནད་ལེན་ལུགས་ཅུང་ཟད་རེ་དང་བཅས་ཏེ་གསུངས་པའི་གནད་འགག་གི་སྙིང་པོ་ཙམ་དྲིལ་ཏེ་ཅུང་ཟད་རྒྱས་པར་བཤད་ན་གཉིས། རྟོགས་པས་བདག་བསྒྲལ་བ་དང་། ཐུགས་རྗེས་གཞན་བསྒྲལ་བའོ། །དང་པོ་ལ་གཉིས། བསྐྱེད་པའི་རིམ་ ― LT30_Page_0095 ―
[མ་དཔེ་གཟིགས་ན་འདིར་གནོན།]
པ་དང་སྦྱར་བ་དང་། རྫོགས་པའི་རིམ་པ་དང་སྦྱར་བའོ། །དང་པོ་ནི། སྙིང་རྗེས་ཞེས་པ་ཆོས་ལ་དམིགས་པའི་སྙིང་རྗེ་སྟེ། དེའང་དུས་གསུམ་རྒྱལ་བའི་ཐུགས་རྗེ་ཆེན་པོའི་རང་བཞིན་ལས་རང་ཤར་བའི་སྐུ་དཔལ་ཆེན་རྡོ་རྗེ་གཞོན་ནུའི་རྟགས་ཀྱི་ཕྱག་རྒྱའི་གཟུགས་སྒྱུ་མ་ལྟ་བུའོ། །བསྒྲལ་བའི་ཞེས་པ་དཔལ་རྡོ་རྗེ་གཞོན་ནུར་ཤར་བ་དེས་ཐ་མལ་དུ་འཛིན་པའི་ཕུང་ཁམས་སྐྱེ་མཆེད་དབང་ཤེས་ཡུལ་དང་བཅས་པ་རྟོག་པ་མེད་ཅིང་དག་པར་བྱེད་པ་ལ་བསྒྲལ་ཞེས་བྱའོ། །དམ་ཚིག་ནི་ཞེས་པ་ཤེས་རབ་སྟོང་པའི་རང་འོད་ཡུམ་དམ་ཚིག་གི་ཕྱག་རྒྱའོ། །ཡང་ན། ས་མ་ཡ་ཞེས་པའི་སྒྲ་ལས་མི་འདའ་བའི་ཕྱིར་དམ་ཚིག་སྟེ། ལྷའི་སྐུར་གསལ་བའི་སྣང་བ་དེ་ལས་མི་འདའ་བའོ། །བསད་ཅིང་མནན་པ་ཉིད་མིན་ཏེ། །ཞེས་པ་ནི། ཐ་མལ་གཉིས་འཛིན་གྱི་རྟོག་པ་མེད་པར་བྱས་པ་དེའང་ཉོན་མོངས་པ་ཞེ་སྡང་གིས་བསད་ཅིང་གཏི་མུག་གིས་མནན་པ་ལྟ་བུ་མ་ཡིན་ཏེ། འོ་ན་ཐབས་གང་གིས་ན། ཕུང་པོ་རྡོ་རྗེའི་བདག་ཉིད་དེ། །ཞེས་པས་ཕུང་ཁམས་སྐྱེ་མཆེད་རྣམས་གདོད་ནས་ལྷའི་ངོ་བོ་དང་དབྱེར་མི་ཕྱེད་པར་དག་མཉམ་དགོངས་པའི་གཟེར་གྱིས་གདབ་པའི་ཕྱིར་རྡོ་རྗེ་མི་ཕྱེད་པ་ཆེན་པོའི་བདག་ཉིད་དུ་གདོད་ནས་གནས་པ་ལ་ཡིན་ལུགས་གསལ་ཡང་ཡང་དུ་བཏབ་པས་གསོས་འདེབས་པ་ལ་བྱ་ཞིང་། རྣམ་པར་ཤེས་པ་རྡོ་རྗེར་བསྒོམ། །ཞེས་ ― LT30_Page_0096 ―
[མ་དཔེ་གཟིགས་ན་འདིར་གནོན།]
པ། ཚོགས་བརྒྱད་ཀྱི་འཕྲོ་གཞི་ཀུན་གཞིའི་རྣམ་པར་ཤེས་པས་མཚོན་སྒོ་ལྔའི་རྣམ་ཤེས་འཁོར་དང་བཅས་པ་ཡེ་ཤེས་རྡོ་རྗེ་ལྔ་སོགས་ཀྱི་བདག་ཉིད་དུ་གནས་གྱུར་དག་པའི་རང་བཞིན་དུ་གདོད་ནས་གསལ་བར་གྲུབ་པ་ལས་ཐ་མལ་མཚན་རྟོག་གི་འཁྲུལ་པ་འཁོར་བའི་རྒྱུར་ཤར་བ་ཐམས་ཅད་དག་མཉམ་གཉིས་སུ་མེད་པའི་རྡོ་རྗེ་ལྷ་དང་ལྷ་མོ། ཁྲོ་བོ་དང་ཁྲོ་མོ། སེམས་དཔའ་དང་སེམས་མའི་ངོ་བོར་ངེས་པ་ཡིན་ལ། མན་ངག་ལྟར་ན། །ཐུགས་ཀར་ཡེ་ཤེས་སེམས་དཔའ་བསྒོམ་པ་ལ་བཤད་དོ། །གཉིས་པ་རྫོགས་པའི་རིམ་པ་དང་སྦྱར་ན། སྙིང་རྗེས་ཞེས་པ་དམིགས་པ་མེད་པའི་སྙིང་རྗེ་སྟེ། དེའང་ཆོས་ཐམས་ཅད་སྤྲོས་པ་དང་བྲལ་བའི་སྟོང་ཉིད་མཉམ་པ་ཆེན་པོའི་རང་བཞིན་དང་། བསྒྲལ་བའི་ཞེས་པ་སྤྲོས་བྲལ་དེས་དངོས་པོ་དང་མཚན་མར་འཛིན་པའི་རྟོག་པ་མེད་པའམ་དག་པར་བྱས་པ་ལ་བསྒྲལ་བ་ཞེས་བྱ་བ་ལ། དམ་ཚིག་ནི་ཞེས་པ་སྤྲོས་པ་དང་བྲལ་བའི་དགོངས་པ་ཟབ་མོ་དེ་ལས་མི་འདའ་བ་དང་། བསད་ཅིང་མནན་པ་ཉིད་མིན་ཏེ། །ཞེས་པས། དངོས་འཛིན་གྱི་རྟོག་ཚོགས་དེའང་ཞེ་སྡང་དང་གཏི་མུག་གིས་བསད་ཅིང་མནན་པ་ལྟ་བུ་ཉིད་ནི་མ་ཡིན་ཏེ། ཐབས་མཁས་ཟབ་མོའི་ཁྱད་པར། ཕུང་པོ་རྡོ་རྗེའི་བདག་ཉིད་དེ། །ཞེས་པ། ཕུང་པོ་ལྷར་ཤེས་པ་དེའང་སྟོང་པ་ཉིད་ཀྱི་རྡོ་རྗེའི་བདག་ཉིད་དང་དབྱེར་མི་ཕྱེད་པར་བྱེད་པའི་ཐབས་ཀྱིས་སོ། །རྣམ་པར་ཤེས་པ་རྡོ་རྗེར་བསྒོམ། ཞེས་པ་ནི། ― LT30_Page_0097 ―
[མ་དཔེ་གཟིགས་ན་འདིར་གནོན།]
དེ་ལྟར་སྟོང་པར་ལྟ་བར་བྱེད་པའི་རྣམ་པར་ཤེས་པ་དེ་ཉིད་ཀྱང་དེའི་ངོ་བོར་མ་གྲུབ་པར་ཤེས་པའི་མཐའ་བྲལ་ཟབ་མོའི་ལྟ་བ་བདེ་སྟོང་ཐབས་ཤེས་དབྱེར་མེད་སྣང་སྟོང་མཉམ་པ་ཆེན་པོ་ཟུང་འཇུག་གི་རྡོ་རྗེ་མི་ཕྱེད་པ་ཆེན་པོ་ཉིད་དུ་བཅིངས་པའི་དོན་ནོ། །གཉིས་པ་ཐུགས་རྗེས་གཞན་བསྒྲལ་བ་དང་སྦྱར་ན། སྙིང་རྗེས་ཞེས་པ་སེམས་ཅན་ལ་དམིགས་པའི་སྙིང་རྗེ་སྟེ། དེའང་སྤྱིར་ཁམས་གསུམ་གྱི་སེམས་ཅན་ཐམས་ཅད་རྒྱུ་ལས་དང་ཉོན་མོངས་པ་དང་ལྡན་ཅིང་། འབྲས་བུ་སྡུག་བསྔལ་ལ་སྤྱོད་པའི་ཡུལ་རྣམས་དང་། བྱེ་བྲག་བསྒྲལ་བའི་ཞིང་བཅུ་ལ་སོགས་པ་ལ་སྙིང་བརྩེ་བའོ། །བསྒྲལ་བའི་ཞེས་པ་འདི་ནས་ཕ་རོལ་དུ་བསྒྲལ་ཞིང་། ཕ་རོལ་ནས་མྱ་ངན་ལས་འདས་པའི་སར་བསྒྲལ་བའོ། །དམ་ཚིག་ནི། །བསད་ཅིང་མནན་པ་ཉིད་མིན་ཏེ། །ཞེས་བསྒྲལ་བའི་དམ་ཚིག་ཞེ་སྡང་དྲག་པོས་བསད་པ་དང་། ང་རྒྱལ་གྱི་དབང་གིས་འོག་ཏུ་མནན་ཅིང་བཅིངས་པ་ལྟ་བུ་མ་ཡིན་པར། ཐབས་མཁས་ཟབ་མོས་ཏེ། ཕུང་པོ་རྡོ་རྗེའི་བདག་ཉིད་དུ། །ཞེས་བསྒྲལ་བྱའི་ཕུང་པོ་ཁམས་དང་སྐྱེ་མཆེད་དང་བཅས་པ་རྣམས་རྡོ་རྗེ་རིགས་ཀྱི་ལྷ་ཚོགས་ཀྱི་བདག་ཉིད་དུ་གནས་བསྒྱུར་བས་སོ། །རྣམ་པར་ཤེས་པ་རྡོ་རྗེར་བསྒོམ། །ཞེས་བསྒྲལ་བྱའི་རྣམ་པར་ཤེས་པ་དེ་ཉིད་ཡི་གེ་ཧཱུྃ་གི་རྣམ་པར་བྱས་ཏེ་རྡོ་རྗེ་གཞོན་ནུའི་སྲས་སུ་བྱས་ལ་དེ་བཞིན་གཤེགས་པའི་ཡེ་ཤེས་ ― LT30_Page_0098 ―
[མ་དཔེ་གཟིགས་ན་འདིར་གནོན།]
རྡོ་རྗེ་དང་དབྱེར་མེད་པར་བྱས་པའོ། །འདིར། བསད་ཅིང་མནན་པ་ཉིད་མིན་ཏེ། །ཞེས་དང་། ཕུང་པོ་རྡོ་རྗེའི་བདག་ཉིད་དུ། །ཞེས་བསྒྱུར་ལ། སྔ་འགྱུར་སོགས་སུ། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །ཞེས་པར་བསྒྱུར་བ་གཉིས་དོན་ནི་གོང་དུ་བཤད་པ་དང་འདྲའོ། །དེ་ལྟར་རྒྱུད་གཞུང་རྡོ་རྗེའི་ཚིག་འདི་ནི་ཤིན་ཏུ་ཟབ་མོའི་གནས་ཡིན་པས་གོང་དུ་བཤད་པའི་དོན་འདི་དག་གུ་རུ་གསུམ་གྱི་དགོངས་པ་བསྡུས་པའི་ལུགས་སུ་འཆད་པར་སེམས་ཤིང་། ལྷ་སྐུ་གསལ་གདབ་ཀྱི་སྐབས་སུ་འདིར་བསྐྱེད་རིམ་དང་གཙོ་བོར་འབྲེལ་བའི་དབང་དུ་བྱས་ལ། དེའང་སྙིང་རྗེས་བསྒྲལ་བའི་ཞེས་པས་གཙོ་བོ་རྡོ་རྗེ་གཞོན་ནུ་ཉིད་གསལ་བ་དང་། དམ་ཚིག་ནི་ཞེས་པས་ཡུམ། བསད་ཅིང་མནན་པ་ཉིད་མིན་ཏེ། །ཕུང་པོ་རྡོ་རྗེའི་བདག་ཉིད་དུ། །རྣམ་པར་ཤེས་པ་རྡོ་རྗེར་བསྒོམ། །ཞེས་པས་རང་ཉིད་ཉོན་མོངས་པ་ལས་གྲོལ་བའི་ལྷ་སྐུ་སེམས་དཔའ་གསུམ་དང་བཅས་པ། བ་སྤུའི་བུ་གའི་ཁྲོ་ཆུང་རྣམས་བཅས་ལྷག་པར་གསལ་གདབ་པའོ། །དེ་དང་རྗེས་འབྲེལ་གསང་བསྔགས་ཀྱི་སྒོ་ནས་བསྐྱེད་པའི་གཞི་བཤད་པ་ལ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷཱན་བྃ་ཧཱུྃ་ཕཊ། དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཅེས་པ་ལ་གསུམ། སློབ་དཔོན་གསུམ་གྱི་དགོངས་པ་བསྡུས་ཏེ་བཤད་པ། རྒྱུད་ཀྱི་དགོངས་པ་ལྟར་བཤད་པ། ཐམས་ཅད་འདུས་པའི་ལུགས་སོ། །དང་པོ་ནི། གུ་རུ་ ― LT30_Page_0099 ―
[མ་དཔེ་གཟིགས་ན་འདིར་གནོན།]
པདྨའི་དགོངས་པ། ཨོཾ་སྐུ་ལྔ་ཡེ་ཤེས་ལྔ། བཛྲ་དུས་གསུམ་འདུས་མ་བྱས་པ། ཀཱི་ལི་ལྷ་དང་ཕུར་བ་གསོལ། ཀཱི་ལ་ཡ་ཕུར་བ་འདེབས་པ། །སརྦ་དགྲ་བགེགས་ཐམས་ཅད། བི་གྷཱ་ནཱ་ན་མནན་པ། བྃ་ཧཱུྃ་དབང་དུ་སྡུད་པ། ཕཊ་སྒྲོལ་བ་དང་། གུ་རུ་བི་མ་ལའི་དགོངས་པ། ཨོཾ་ཐུགས་རྗེ་ཡེ་ཤེས་ལྔ་ལྡན། བཛྲ་རྡོ་རྗེ་དབྱེར་མེད། ཀཱི་ལི་ཕུར་པ། ཀཱི་ལ་ཡ་སྐྱེ་མེད་འགག་མེད། སརྦ་ཉོན་མོངས་ཡེ་ཤེས་སུ་སྒྱུར་ཅིག །བི།།།ནཱ་ན་ཡེ་ཤེས་ཀྱི་ཉོན་མོངས་གཟིར་ཞིག །བྃ་དབང་དུ་བྱ་བ། ཧཱུྃ་ཉོན་མོངས་ཆོམས་ཤིག །ཕཊ་ཉོན་མོངས་སྲེགས་ཤིག་དང་། གུ་རུ་བལ་པོ་ཤཱི་ལས། ཨོཾ་ཡེ་ཤེས་ལྔ། བཛྲ་ཀཱི་ལི་ཕུར་བུ། ཀཱ་ལི་ཡ་འདེབས་པ། སརྦ་ཐམས་ཅད། བི།།།ན་ཕུར་བུའི་རི་རབ་ཀྱིས་མནན་པ། བྃ་དབང་དུ་སྡུད་པ། ཧཱུྃ་གིས་སྐུ་བསྐྱེད་པ། ཕཊ་སྤྲོ་བའི་དོན་དུ་འཆད་དོ། །གཉིས་པ་རྒྱུད་ཀྱི་དགོངས་པ་ལྟར་ན་གསུམ་སྟེ། ལྷ་དང་སྦྱར་ཏེ་བཤད་པ། ཆོས་ཉིད་དང་སྦྱར་ཏེ་བཤད་པ། བྱང་སེམས་དགོངས་པ་དང་སྦྱར་ཏེ་བཤད་པའོ། །དང་པོ་ནི། རྒྱུ་མ་ནོར་བ་རྩ་བའི་སྔགས་ཧཱུྃ་ངོ་། །བསྐྱེད་པ་རྐྱེན་གྱི་སྔགས་ཨོཾ་བཛྲ་ཀཱི་ལི་ཀཱི་ལ་ཡ། བསྐུལ་བ་ལས་ཀྱི་སྔགས་སརྦ་བི།།།ན། བཟླས་པ་ལས་ཀྱི་སྔགས་བྃ་ཧཱུྃ་ཕཊ་ཅེས་པའོ། །གཉིས་པ་ནི། ཛཔྲ་དགོངས་དང་སྦྱར་ལ་ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཆོས་ཐམས་ཅད་རང་བཞིན་མེད་པ། གསལ་ལ་ངོས་གཟུང་མེད་ ― LT30_Page_0100 ―
[མ་དཔེ་གཟིགས་ན་འདིར་གནོན།]
པ། སྒྲ་གྲག་སྟོང་དུ་བཟླས་པའོ། །གསུམ་པ་ནི། ཨོཾ་རྒྱལ་བ་ཐམས་ཅད་ཀྱི་སྐུ། བཛྲ་དབྱིངས་གཏིང་མཐའ་མེད་པ། ཀཱི་ལི་ཀཱི་ལ་ཡ་ཕུར་བུ་ལས་འོད་ཟེར་འཕྲོས་པས་བསྒྲལ། སརྦ་ཡུམ་གྱི་མཁའ། བིགྷ་ནན་ཡབ་ཀྱི་མཁའ། བྃ་མཁའ་དབྱིངས་སྦྱོར་བ། ཧཱུྃ་བུདྡྷའི་ཐུགས་ཡེ་ཤེས་ལྔ། །ཕཊ་ཁྲོ་བོ་ཁྲོ་མོ་སྤྲོ་བའོ། །གསུམ་པ་ཐམས་ཅད་འདུས་ལུགས་ནི། ཁྲག་འཐུང་རྩ་བའི་རྒྱུད་ལས། ཨོཾ་ནི་དཔལ་ཆེན་ཡབ་ཡིན་ཏེ། བཛྲ་ཤེས་རབ་ཡུམ་ཡིན་ནོ། །ཀཱི་ནི་ཡེ་ཤེས་ཁྲོ་བོ་ལ། །ལི་ནི་དབྱིངས་ཀྱི་ཁྲོ་མོ་བཅུ། །ཀཱི་ནི་ཐབས་ཀྱི་མཆེ་བ་ཅན། །ལ་ནི་ཤེས་རབ་གཤོག་པ་ཅན། །ཡ་ནི་སྲས་མཆོག་ཕུར་པ་སྟེ། །ཧཱུྃ་ནི་ཕྱག་བརྙན་སྒོ་མ་བཞི། །སརྦ་ཐམས་ཅད་འདུས་པ་སྟེ། །བི་གྷ་དགྲ་དང་བགེགས་ཡིན་ནོ། །ནཱན་ནི་དགྲ་དང་བགེགས་མནན་ནོ། །བྃ་ནི་དབང་དུ་བསྡུས་པ་སྟེ། །ཧཱུྃ་ནི་བརླག་པར་བྱེད་པའོ། །ཕཊ་ནི་བསྒྲལ་བའི་ཕྲིན་ལས་རྫོགས། །ཞེས་གསུངས་པ་ལྟར། འདི་ལྟ་བུའི་སྔགས་གཅིག་པུ་འདི་ལ་ལྷ་ཐམས་ཅད་ཀྱི་གསང་སྔགས་འདུས་པ་ཡིན་ལ། སྤྱིར་ཀཱི་ལ་ཡ་ལ་རྒྱས་འབྲིས་བསྡུས་གསུམ་ལས། བསྡུས་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཅེས་པའི་འབྲུ་དགུ་པ་དང་། འབྲིང་པོ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿཧཱུྃ་ཕཊ། ཅེས་པའི་འབྲུ་བཅུ་གསུམ་པ་དང་། རྒྱས་པ་ནི་སྔར་བཤད་པ་འདི་ཉིད་ཡིན་པར་གསུངས་པ་ ― LT30_Page_0101 ―
[མ་དཔེ་གཟིགས་ན་འདིར་གནོན།]
དེས་གཙོ་བོ་ཡབ་ཀྱི་སྙིང་པོའི་བསྐྱེད་གཞི་བསྟན་ཅིང་། ཡུམ་གྱི་བསྐྱེད་གཞིའི་གསང་སྔགས། དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཅེས་པའི་སྔགས་དོན། དཱིཔྟ་འབར་བ། ཙཀྲ་འཁོར་ལོ། ཧ་ན་ཧ་ན་བསྣུན་བསྣུན་ཅེས་པ་སྟེ་འཁོར་ལོ་འབར་བ་བསྣུན་བསྣུན་ཞེས་པའི་དོན་དུ་འགྱུར་བར་བཤད་ལ། མན་ངག་སྒོམ་རིམ་རྣམས་སུ་འདིའི་སྔགས་དོན་གྱི་དབང་གིས་ཡུམ་གྱི་ཕྱག་གཡས་པ་དྲག་པོའི་འཁོར་ལོ་བསྣམས་པར་བསྐྱེད་པར་ཡང་སྣང་ལ། དོན་དུ་ལུས་དང་གྲིབ་མའི་ཚུལ་དུ་ཡབ་ཡུམ་ཐབས་ཤེས་འདུ་འབྲལ་མེད་པར་མཉམ་ཉིད་ཡངས་པའི་ཀློང་དུ་ལྷན་ཅིག་སྐྱེས་པའི་དོན་གྱིས་ཀཱི་ལ་ཡ་དང་ལྷན་ཅིག་ཏུ་གསུངས་པར་བཤད་དོ། །དེས་བདག་ཉིད་རྩ་བའི་དཀྱིལ་འཁོར་བསྟན་ཟིན་ནས། གཉིས་པ་ལོངས་སྐུའི་ངོ་བོ་ཕྱོགས་བཅུ་ཁྲོ་བོའི་དཀྱིལ་འཁོར་བསྟན་པ་ལ་བཤད་རྒྱུད་ཀྱི་གླེང་གཞི་ལྟར་འདི་ལྟར་ཤེས་པར་བྱ་སྟེ། གོང་དུ་དཔལ་ཆེན་པོའི་གླེང་གཞི་ལས་བཤད་པ་ལྟར་རྡོ་རྗེ་ཁྲག་འཐུང་ཧེ་རུ་ཀ་ཡབ་ཡུམ་གྱིས་རུ་དྲ་བསྒྲལ་བའི་གནས་སྐབས་སུ་རུ་དྲའི་སྙིང་ཁྲག་ཐེབས་ལོང་ཙམ་གཉིས་ཡར་བ་ལས། རུ་དྲའི་སྲས་དྲག་བྱེད་མ་ཧཱ་དེ་བ་དང་། ཡུམ་དྲག་མོར་ལ་གཅིག་མ་ཞེས་བྱ་བ་དང་། དྲག་མོ་སྲིད་པ་འཁོར་བྱེད་མ་ཞེས་བྱ་བ་གཉིས་དང་ལྡན་ཏེ། དེ་གཉིས་ལས་སྲས་ཕྱོགས་བཅུར་དམ་སྲི་ཆེན་པོ་བཅུ་བྱུང་སྟེ། སྟེང་གི་ཕྱོགས་སུ་ཡབ་ཉི་མ་འབར་གསལ། ཡུམ་ཟླ་བ་སྒྲ་ ― LT30_Page_0102 ―
[མ་དཔེ་གཟིགས་ན་འདིར་གནོན།]
འབྱིན་མ། བུ་ཕོ་ཉི་མ་ཕག་གི་མགོ་ཅན་དང་། བུ་མོ་ཟླ་བ་རྨིགས་བུའམ་རྩངས་པའི་མགོ་ཅན་ནས། འོག་ཏུ་ས་བདག་གཞན་སྟོབས་འཇོམས་དང་། ས་བདག་མོ་རླུང་གི་གཟུགས་འཛིན་མ། བུ་དྲེད་དམ་དོམ་གྱི་མགོ་ཅན། བུ་མོ་བྱི་ལའམ་བྱི་བའི་མགོ་ཅན་གྱི་བར་དུ་བྱུང་སྟེ་ཁམས་གསུམ་གྱི་སྲོག་ལ་རྔམ་པའི་མ་རུངས་གདུག་པའི་ཚོགས་དེ་དག་གི་གཉེན་པོར་དཔལ་ཆེན་རྡོ་རྗེ་སྲིན་པོ་ཡབ་ཡུམ་གྱི་གང་འདུལ་ཐུགས་རྗེ་ཆེན་པོའི་ཆོ་འཕྲུལ་ལས་རང་ཤར་བའི་ཚུལ་གྱིས་མཁའ་གསང་ནས་འོད་ཀྱི་གོང་བུ་བཅུ་སྟེང་འོག་ཕྱོགས་མཚམས་སུ་སྤྲོས་པ་ལས་ཁྲོ་བོ་བཅུ་ཡབ་ཡུམ་ཁྲ་ཐབས་དང་བཅས་པ་ཕྱོགས་བཅུར་སྤྲོས་ནས་གདུག་པའི་དམ་སྲི་བཅུ་གདན་དུ་བྱས། དེའི་ཚེ་སེམས་ཅན་ཐམས་ཅད་སྡུག་བསྔལ་དང་བྲལ་ཞིང་བདུད་བཞི་རང་སར་ཞི་བར་མཛད་པར་གསུངས་པ། འདིར་རྣལ་འབྱོར་པས་ནང་གི་ཉམས་ལེན་དུ་སྦྱར་བའི་ཐབས་མཁས་གསང་བ་ཟབ་མོའི་གནད་རྣམས་སྤྱིར་ཤེས་པར་བྱ་བ་ལ་རྒྱུད་དང་མན་ངག་རྣམས་ལ་ཐོས་བསམ་གྱི་མིག་ཡངས་པར་བསྒྲུབ་པའི་སྒོ་ནས་ངེས་པར་གལ་ཆེའི། འདིར་དེ་དག་ཞི་བ་རྒྱས་བཀྲལ་བ་ལ་ཡི་གེས་འཇིགས་ཤིང་། གཞུང་དོན་ཚིག་ཙམ་བཀྲོལ་བ་ལ་གཉིས། གསོལ་བ་གདབ་བ་དང་། བསྐྱེད་པ་དངོས་སོ། །དང་པོ་ནི། རྡོ་རྗེ་གཞོན་ནུའི་རིག་འཛིན་རྣམས། །འཁོར་བ་རྡོ་རྗེ་བསྒྲུབ་པར་མཛོད། །འཁོར་བ་རྡོ་རྗེ་ཕུར་པའི་ལྷ། །ཡེ་ ― LT30_Page_0103 ―
[མ་དཔེ་གཟིགས་ན་འདིར་གནོན།]
ཤེས་ཁྲོ་བོ་གྲུབ་པར་མཛོད། །ཅེས་པས་བསྟན། དེའང་རྡོ་རྗེ་ནི་སྟོང་པ་ཉིད་དང་སྙིང་རྗེ་དབྱེར་མི་ཕྱེད་པའི་སྐུ་ཡིན་ཏེ། ཧེ་བཛྲ་ལས། །རྡོ་རྗེ་མི་ཕྱེད་ཅེས་བྱར་བརྗོད། །ཅེས་གསུངས་པ་ལྟ་བུའོ། །གཞོན་ནུ་ནི་དེ་ལྟ་བུའི་དོན་ལ་བགྲེས་རྒུད་དང་བྲལ་བའི་ངོ་བོ་སྟེ། །མདོར་ན་དཔལ་ཆེན་པོ་ཉིད་ཡིན་ཏེ། །བི་ཏོ་ལས། དབྱིངས་དང་ཡེ་ཤེས་དབྱེར་མེད་པའོ། །རྡོ་རྗེ་འདུས་མ་བྱས་པའི་དོན། །ཉོན་མོངས་སྤངས་ཕྱིར་གཞོན་ནུ་ལ། །དོན་རྟགས་གཉིས་སུ་འབྲེལ་བའོ། །ཞེས་གསུངས་པ་ལྟར་རོ། །རིག་འཛིན་ནི་སྤྱིར་རྡོ་རྗེའི་རིགས་ཀྱི་རིག་འཛིན། དེ་བཞིན་དུ་རཏྣ། པདྨ། ཀརྨ། བུདྡྷའི་རིག་འཛིན་དང་། རྣམ་སྨིན། ཚེ་དབང་། ཕྱག་ཆེན། ལྷུན་གྲུབ་ཀྱི་རིག་འཛིན་བཞིར་ཡང་བཤད་ལ། དོན་དུ་གཙོ་བོ་རྡོ་རྗེ་གཞོན་ནུའི་རིག་པ་འཛིན་པ་ཁྲོ་བོ་བཅུའོ། །འཁོར་བའམ་སྲིད་པ་ནི་ཕྱིའི་སྲིད་པ་ཁམས་གསུམ། ནང་གི་སྲིད་པ་ལུས་ངག་ཡིད་གསུམ་སྟེ། འཁོར་བའམ་སྲིད་པ་དེ་དག་དོན་དམ་པར་སྐྱེ་བ་མེད་པའི་རྡོ་རྗེར་སྒྲུབ་པར་མཛོད་ཅིག་ཅེས་དང་། འཁོར་བའམ་སྲིད་པ་དེ་དག་ཀུན་རྫོབ་ཏུ་རྡོ་རྗེ་ཕུར་པའི་ལྷ་ཚོགས་སུ་བསྒྲུབ་པ་དང་། དེའང་འཇིག་རྟེན་ཞི་བའི་རང་བཞིན་དུ་གནས་པ་རྣམས་ཀྱང་ཡེ་ཤེས་ཁྲོ་བོའི་རང་བཞིན་ཉིད་དུ་གྲུབ་པར་མཛོད་ཅིག་ཅེས་ཆོས་ཉིད་ཀྱི་རང་སྒྲས་བསྐུལ་བས། བདག་ཉིད་རྩ་བའི་དཀྱིལ་འཁོར་ལས་ཕྱོགས་བཅུ་ཁྲོ་བོའི་དཀྱིལ་འཁོར་ཐུགས་རྗེ་ ― LT30_Page_0104 ―
[མ་དཔེ་གཟིགས་ན་འདིར་གནོན།]
འགག་པ་མེད་པའི་ཆོ་འཕྲུལ་གྱི་སྤྲིན་འཕྲོ་བའི་ཆེད་དུ་གསོལ་བ་འདེབས་པའི་དོན་དུ་འགྲེལ་ཆེན་འབུམ་ནག་གི་དགོངས་པ་བཞིན། འཇམ་མགོན་ཨ་མེས་ཞབས་ཀྱང་བཞེད་ལ། འགྲེལ་ཆེན་དུ་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པའི་འོག་ཏུ་འདི་ཉིད་ཀྱི་ཚིག་བྱུང་ཡང་། འདིར་སྟབས་བདེ་ཞིང་འགལ་བའང་མེད་པས་ཁྲོ་བོའི་དཀྱིལ་འཁོར་སྤྲོ་བའི་གསོལ་གདབ་ཀྱི་ཕྱིར་འདིར་འབྲེལ་ཆགས་པ་ལྟར་བཤད་པའོ། །གཉིས་པ་ཕྱོགས་བཅུ་ཁྲོ་བོའི་དཀྱིལ་འཁོར་སྤྲོ་བ་དངོས་ནི། ཨོཾ་བཛྲ་ཀྲོདྷ་ཧཱུྃ་ཀ་ར་ཧཱུྃ། ཞེས་པ་ནས། བྱང་དུ་ཁྲའི་མགོ་ཅན་ནོ། །ཞེས་པའི་བར་གྱིས་བསྟན། དེ་ལའང་བྱང་སེམས་རྒྱུའི་ཁྲོ་བོ་བཅུ། བསྐྱེད་པའི་ཡེ་ཤེས་ཀྱི་ཁྲོ་བོ་བཅུ། གདུལ་བྱ་སྤྲུལ་པའི་ཁྲོ་བོ་བཅུ། །དྲག་པོ་འདུལ་བ་གསུང་གི་ཁྲོ་བོ་བཅུ། །ཡེ་ཤེས་རྩེ་གཅིག་ཐུགས་ཀྱི་ཁྲོ་བོ་བཅུ། གྲངས་ངེས་པ་བཅུ། སྐུ་མདོག་ངེས་མ་ངེས་བཅུ། ཕྱག་མཚན་ངེས་མ་ངེས་བཅུ། རྣམ་དག་ངེས་མ་ངེས་བཅུའི་སྒོ་ནས་ཞིབ་པར་ཤེས་དགོས་ཀྱང་། འདིར་དེ་དག་གི་དགོངས་པའི་སྙིང་པོ་བསྡུས་པའི་ཚུལ་གྱིས་ཚིག་ཉུང་ངུའི་སྒོ་ནས་འཆད་པ་ལ་སྤྱིའི་དོན་དང་། གཞུང་གི་དོན་གཉིས། དང་པོ་ནི། སྤྱིར་ཁྲོ་བོ་ཞེས་པ་ཐུགས་ཆོས་ཉིད་ལས་གཡོ་བ་མེད་པའི་ངང་ནས་ཐུགས་རྗེའི་རྩལ་རབ་ཏུ་ཕྱུང་བ་ལ་ཁྲོ་བོ་དང་། སྙིང་རྗེས་སེམས་ཅན་གྱི་དོན་མཛད་པས་ཤུགས་ཀྱིས་ཁྲོ་བས་ཤུགས་ཁྲོ་དང་། ཉོན་མོངས་རྣམ་ ― LT30_Page_0105 ―
[མ་དཔེ་གཟིགས་ན་འདིར་གནོན།]
རྟོག་དང་ལྷན་ཅིག་མི་གནས་པས་རང་བཞིན་ཁྲོ་བོ་དང་བཅས་པ་དང་། ཞི་བས་མི་ཐུལ་བ་རྣམས་གདུལ་བའི་ཕྱིར་གདུལ་བྱའི་དབང་གིས་སྐུ་གསུང་ཐུགས་ཀྱི་རྣམ་པར་ཁྲོ་བར་བཅོས་པས་ན་ཁྲོ་བོ་ཞེས་བྱ་སྟེ། ཀཱི་ལ་ཡ་ཏནྟྲ་བཅུ་གཉིས་པའི་རྒྱུད་ལས། ངང་ཁྲོ་ཤུགས་ཁྲོ་ཁྲོ་བར་བཅས་དང་བཅོས། །ཞེས་གསུངས་པའོ། །དེ་ལ་དབྱེ་ན། གོང་དུ་བསྟན་པའི་བྱང་སེམས་རྒྱུའི་ཁྲོ་བོ་བཅུ་ནི་དཔལ་ཆེན་ཡབ་ཡུམ་བདེ་སྟོང་མཉམ་པར་རོལ་པའི་ཐུགས་རྗེའི་རྩལ་མ་འགགས་པའི་ཆོ་འཕྲུལ་ལས་སྦྱོར་མཚམས་ནས་ཧཱུྃ་ཡིག་སྦྲེལ་མ་བཅུ། །ཐིག་ལེ་དཀར་དམར་བཅུ་བཅུ་སྟེ་བཞི་བཅུ་དང་། ཛཿཧཱུྃ་བྃ་ཧོཿསྟེ་ཡིག་འབྲུ་བཞི་བཅས་ཕྱོགས་བཅུ་སྒོ་བཞི་དང་བཅས་པ་ལ་སྤྲོས་པའི་ཆོ་འཕྲུལ་ཉིད་ལ་བྱ། བསྐྱེད་པའི་ཡེ་ཤེས་ཀྱི་ཁྲོ་བོ་བཅུ་ནི་བསྐྱེད་པ་རྐྱེན་གྱི་སྔགས་བཅུས་ལྷ་རང་རང་ཀྲོང་སྟེ་བྱོན་པ་ལ་བཤད། གདུལ་བྱ་སྤྲུལ་པའི་ཁྲོ་བོ་ནི་ཁྲོ་བོ་ཡབ་ཡུམ། མགོ་བརྙན་ཡབ་ཡུམ། སྒོམ་བཞི་དང་བཅས་པ་རྣམས་སྐུ་མདོག་ཆ་ལུགས་སྣ་ཚོགས་སུ་ཤར་བ་ལ་ངོས་འཛིན། དྲག་པོ་འདུལ་བ་གསུང་གི་ཁྲོ་བོ་བཅུ་ནི། ཨོཾ་བཛྲ་ཀྲོདྷ་ཧཱུྃ་ཀ་ར་ཞེས་པ་ནས། མ་ཧཱ་བ་ལའི་བར་དང་། བཟླས་སྔགས་ཧ་ན་ཧ་ན་སོགས་དང་། པ་ཙ་པ་ཙ་ཞེས་སོགས་ཐོག་འདྲིལ་བ་ལྟ་བུའི་རྣོ་ངར་དྲག་རྩལ་བཟོད་དུ་མེད་པར་འབར་བའི་མཐུ་ལྡན་ངོས་འཛིན་པར་བཤད། ཡེ་ཤེས་རྩེ་གཅིག་ཐུགས་ཀྱི་ཁྲོ་བོ་བཅུ་ནི་ཁྲོ་བཅུའི་ཕུར་པ་ ― LT30_Page_0106 ―
[མ་དཔེ་གཟིགས་ན་འདིར་གནོན།]
སོར་བཅུ་གཉིས་པ། མགོ་བརྙན་གྱི་ཕུར་པ་སོར་བརྒྱད་པ། སྒོམ་བཞིའི་ཕུར་པ་སོར་བཞི་པ་སྟེ། ལྷ་ཕུར་བྱུགས་བདུག་བྲབས་པས་གཟི་བྱིན་བསྐྱེད་པ་རྣམས་ཡིན་པར་གསུངས་སོ། །གྲངས་ངེས་ལ་ནི་ཁྲོ་བོ་བཅུ་འབའ་ཞིག་ཡིན་ཏེ། རྒྱུ་མཚན་ལམ་ཕར་ཕྱིན་བཅུ་བགྲོད་པའི་ཕྱིར་དང་། འབྲས་བུ་སྟོབས་བཅུ་ལ་མངའ་མཛད་པའི་ཕྱིར་དང་། སྤང་བྱ་མི་དགེ་བ་བཅུ་དག་པ་དང་། །གདུལ་བྱ་ཕྱོགས་སྐྱོང་བཅུ་འདུལ་བ་ལ་མང་བ་དང་ཉུང་བས་དོན་དུ་མི་འགྱུར་བའི་ཕྱིར་ནའོ། །སྟེང་འོག་དང་ཕྱོགས་མཚམས་ཀྱི་ཁྲོ་བོ་རྣམས་གོང་འོག་དང་ཕན་ཚུན་གོ་ས་བསྣོལ་ནའང་དོན་དུ་མི་འགྱུར་ཏེ། སོ་སོའི་གདུལ་བྱ་དེ་དང་དེ་ཡི་གཉེན་པོར་ལྷག་པར་ཤར་བས་ན་གདུལ་བྱའི་གཉེན་པོ་གང་ཡིན་དེ་ལས་གཞན་དུ་གོ་ས་སྤོས་ན་འགལ་བར་གསུངས་ལ། ཁྲོ་བོ་དེ་དག་སྐུ་མདོག་ཀྱང་མཐའ་གཅིག་ཏུ་མ་ངེས་ཏེ། ཕུར་པ་གསང་རྒྱུད་ལས། ཧཱུྃ་ཀ་ར་སྔོ་སྐྱ་དང་། རྣམ་རྒྱལ་དཀར་པོར་བཤད་པ་སོགས་དང་། གཞན་ཡང་ཁྲོ་བོ་ཐམས་ཅད་དམར་པོར་བཤད་པ་དང་། རྩ་རྒྱུད་ལས། ཁྲོ་བོ་འདི་དག་ནི་ཡབ་རྡོ་རྗེ་གཞོན་ནུའི་ཆ་དང་མཐུན་པས་མཐིང་ནག་གོ། །ཞེས་ཐམས་ཅད་མཐིང་ནག་ཏུ་གསུངས་པ་དང་། ཀཱི་ལ་ཡ་ཏནྟྲ་བཅུ་གཉིས་པ་ལས། དཔེར་ན་ཚོན་སྔོན་ཁ་དོག་ལ། ཚོན་གཞན་དག་གིས་བསྒྱུར་དུ་མེད། །དེ་བཞིན་ཁྲོ་རྒྱལ་མཐིང་ནག་ཀྱང་། །ཆོས་སྐུ་འགྱུར་བ་མེད་པའི་ ― LT30_Page_0107 ―
[མ་དཔེ་གཟིགས་ན་འདིར་གནོན།]
རྟགས། །ཞེས་བཤད་པ་དང་། གཞན་ཡང་སྐུ་མདོག་གི་ངེས་པ་མང་དུ་ཡོད་པ་དང་། ཕྱག་མཚན་ཀྱང་མ་ངེས་ཏེ། གདུལ་བྱ་གཉེན་པོའི་ཕྱག་མཚན་ཕྱོགས་སྐྱོང་བཅུའི་ཕྱག་མཚན་གྱི་རྣམ་པ་དང་། རིག་པ་རང་རྟགས་ཀྱི་ཕྱག་མཚན་རྡོ་རྗེ་དང་དུང་དམར། གཞན་ཡང་རྦོད་གཏོང་ཕྲ་མེན་གྱི་ཕྱག་མཚན་ལ་སོགས་པ་མང་དུ་གསུངས་ཤིང་། རྟ་མཆོག་རོལ་པ་ལས་ཀྱང་། ལྕགས་ཀྱུ་ཕུར་པ་ཐོགས་པ་ཡི། །བདག་ཉིད་ཆེན་པོ་དེ་ཡི་འཁོར། །ཕོ་ཉའི་ཚོགས་དང་བཅས་པ་བསྒོམ། །ཞེས་དང་། རྩ་རྒྱུད་ལས་ཀྱང་། ཕྱག་མཚན་ནི་ལྕགས་ཀྱུ་དང་ཕུར་པའོ། །ཞེས་གསུངས་པས་སོ། །ཕྲིན་ལས་ཕུར་པའི་དཀྱིལ་འཁོར་འདི་ཉིད་ལ་རྩ་བ་དང་ཡན་ལག་གི་ལྷའི་དབྱེ་བའང་རྩ་བའི་ལྷ་ལྔ་བཅུ་རྩ་བདུན། ཡན་ལག་གི་ལྷ་སུམ་ཅུ་རྩ་དྲུག་ཡོད་པར་བཤད་ཅིང་། དོན་དུ་གཙོ་བོ་ཡབ་ཡུམ། ཁྲོ་བོ་ཡབ་ཡུམ་ཉི་ཤུ། སྒོ་མ་བཞི། སྲས་མཆོག་སྟེ་ཉི་ཤུ་རྩ་བདུན་ནི་རྩ་བའི་ལྷ་ཡིན་ལ། སྤྲུལ་པ་ཕྱག་བརྙན་ཉི་ཤུ། དམ་ཅན་བཅུ་དྲུག་སྟེ་སུམ་ཅུ་རྩ་དྲུག་ནི་ཡན་ལག་གི་ལྷ་སྟེ། བསྡོམས་པས་དྲུག་ཅུ་རྩ་གསུམ་འབྱུང་བའང་། ཕུར་པ་རྡོ་རྗེ་བཀོད་པའི་རྒྱུད་ལས། སྣང་སྲིད་ཐམས་ཅད་དྲུག་ཅུ་རྩ་གསུམ་གྱི་དཀྱིལ་འཁོར་དུ་གྱུར་ཏོ། །ཞེས་གསུངས་པ་ཡིན་ནོ། །དེ་དག་གི་རྣམ་པར་དག་པའི་ཚུལ་ཡང་། ཧཱུྃ་ཀ་ར་འདོད་པའི་སྤྱོན་སྤངས་སྐྱེ་ལ་མངའ་མཛད་པ་ནས། བྱང་སྒོར་ ― LT30_Page_0108 ―
[མ་དཔེ་གཟིགས་ན་འདིར་གནོན།]
ཁྲའི་མགོ་ཅན་བཏང་སྙོམས་དག་པའི་ངོ་བོའི་བར་དུ་གསུངས་པའི་གནད་ཤེས་པ་གལ་ཆེའང་། འདིར་ཡི་གེ་མང་བའི་འཇིགས་པས་མ་སྤྲོས་པ། གསང་རྒྱུད་དང་། གྲུབ་པའི་རིག་འཛིན་རྣམ་གསུམ་གྱི་དགོངས་པ་འགྲེལ་ཆེན་འབུམ་ནག་སོགས་སུ་གསལ་ལོ། །གཉིས་པ་གཞུང་དོན་དངོས་བཤད་པ་ལ། དབྱིངས་དང་ཡེ་ཤེས་ཟུང་དུ་འཇུག་པའི་དཔལ་ཧེ་རུ་ཀ་རྡོ་རྗེ་གཞོན་ནུ་ཡབ་ཡུམ་གྱི་བདེ་བ་ཆེན་པོའི་རོལ་རྩེད་སྒྱུ་མ་ལྟ་བུའི་མཁའ་གསང་ནས་གང་འདུལ་ཐུགས་རྗེའི་རོལ་པ་ཁྲོ་བོ་བཅུ་དང་ཁྲོ་མོ་བཅུ། ཡབ་ཀྱིས་སྤྲུལ་པའི་མཆེ་བ་ཅན་དང་ཡུམ་གྱིས་སྤྲུལ་པའི་གཤོག་པ་ཅན་ཏེ་ཟག་སོད་སྤྲུལ་པའི་ཁྲ་ཐབས་ཉི་ཤུ། འགུགས་འཆིང་སྡོམ་མྱོས་ཀྱི་ལས་བྱེད་སྒོམ་བཞི་དང་བཅས་པ་བསྐྱེད་པ་རྐྱེན་གྱི་སྔགས་རྣམས་དང་། ཧཱུྃ་ཡིག་སྦྲེལ་མ་དང་ཐིག་ལེར་ཤར་བའི་ཆོ་འཕྲུལ་སྤྲུལ་པའི་ཚུལ་དུ་རྩ་བའི་དཀྱིལ་འཁོར་གྱི་སྟེང་འོག་ཕྱོགས་མཚམས་སུ་སྟེང་ཚངས་པ་ནས་འོག་ས་བདག་གི་བར་གྱི་རང་རང་གི་གདུལ་བྱར་གྱུར་པའི་ཕྱོགས་སྐྱོང་བ་ཕོ་མོ་རྣམས་བསྣོལ་བའམ་ཁ་སྦུབ་གན་རྐྱལ་དུ་གནས་པའི་སྟེང་དུ་མིག་འཕྲུལ་བཞིན་ལམ་སྟེ་ཤར་བ་སྟེ། དེའང་གདན་རེ་རེའི་སྟེང་དུ་ཁྲོ་བོ་ཡབ་ཡུམ་ཁྲ་ཐབས་གཉིས་དང་བཞི་རེ་འཕྲོས་པ་ནི་ཚད་མེད་པ་བཞིའི་ངོ་བོའོ། །དེས་ན་ཡབ་ཡུམ་གྱི་མཁའ་གསང་ནས། ཨོཾ་བཛྲ་ཧཱུྃ་ཀ་ར་ཧཱུྃ། གརྫ་གརྫ་ཧཱུྃ་ཕཊ། ཅེས་པའི་བསྐྱེད་པ་རྐྱེན་གྱི་སྔགས་ ― LT30_Page_0109 ―
[མ་དཔེ་གཟིགས་ན་འདིར་གནོན།]
ལས་ཁྲོ་བོ་ཆེན་པོ་ཧཱུྃ་མཛད་དང་། ཧཱུྃ་ལས་ཁྲོ་མོ་རྡོ་རྗེ་སྒྲ་འབྱིན་མ། གརྫས་ཕག་གི་མགོ་ཅན་གཡས་དང་། ཡང་གརྫས་རྨིགས་བུའམ་རྩངས་པའི་མགོ་ཅན་གཡོན་དུ་ཕྱུང་སྟེ་སྟེང་ཕྱོགས་ཚངས་པའི་གདན་ལ་འཁོད། དེའི་སྔགས་དོན་ནི། ཨོཾ་ཡེ་ཤེས་ལྔ། བཛྲ་རྡོ་རྗེ། ཀྲོ་དྷ་ཁྲོ་བོ། ཧཱུྃ་ཀ་ར་ཧཱུྃ་མཛད་དེ། མདོར་ན་རྡོ་རྗེའམ་ཡེ་ཤེས་ཁྲོ་བོ་ཧཱུྃ་མཛད་ཅེས་བྱ་བར་འགྱུར་ལ། ཧཱུྃ་ཞེས་པ་ཡུམ་གྱི་ས་བོན། གརྫ་གརྫ་ཟུངས་ཟུངས་ཞེས་པ་ཡིན་ཏེ། སྤྲུལ་པ་བཀྱེ་བའི་སྔགས་སུའང་གསུངས་ལ། ཧཱུྃ་ཕཊ་ནི། ཧཱུྃ་ཐུགས་ཀྱི་ས་བོན་ཁྲོ་བོ་ཐམས་ཅད་ཀྱི་སྙིང་པོ་དང་། སྡུད་པའི་སྔགས་དང་། དྲག་པོའི་ལས་ལ་བསྐུལ་བའི་དོན་དུའང་འཇུག་པར་བཤད་ཅིང་། ཕཊ་ནི་གསད་པ་དང་། བསྐྲད་པ་དང་། སྤྲོ་བ་སོགས་དུ་མ་ལ་འཇུག་མོད་ཀྱི། མདོར་ན་ཧཱུྃ་ཕཊ་ཅེས་པ་དྲག་པོའི་སྔགས་ཀྱི་མཇུག་སྡུད་དུ་གསུངས་སོ། །ཨོཾ་བཛྲ་ཀྲོ་དྷཱི་དཱི་པ་ཡ་ཏི་ཧཱུྃ། །ཞེས་པ་བཛྲ་རྡོ་རྗེ། ཀྲོ་དྷཱི་ཁྲོ་མོ། དཱི་པ་ཡ་ཏི་སྒྲ་འབྱིན་མ། །ཞེས་པ་དང་། ཨོཾ་བཛྲ་སུ་ཀ་ར་མུ་ཁ་ཧཱུྃ། ཞེས་པ་བཛྲ་རྡོ་རྗེ། སུ་ཀ་ར་ཕག །མུ་ཁ་གདོང་ཅན་དང་། ཨོཾ་བཛྲ་ཨི་ཥུ་པ་མུ་ཁི་ཧཱུྃ། ཞེས་པ་བཛྲ་རྡོ་རྗེ། ཨི་ཥུ་བ་རྨིགས་བུའམ་རྩངས་པའི་གདོང་ཅན་མ་ཞེས་པར་འགྱུར་ལ། ཡབ་ལས་སྤྲུལ་པའི་ཟ་བྱེད་ཀྱི་ཕ་བཅུ་ནི་གཡས་དང་། ཡུམ་ལས་སྤྲུལ་པའི་གསོད་བྱེད་ཀྱི་མ་བཅུ་གཡོན་དུ་འཁོད་པ་དང་། དེ་ ― LT30_Page_0110 ―
[མ་དཔེ་གཟིགས་ན་འདིར་གནོན།]
བཞིན་དུ་ཤར་ཕྱོགས་དྲི་ཟའི་གདན་ལ། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧ་ན་ཧཱུྃ་ཕཊ། ཅེས་པའི་སྔགས་ཆ་བཞིར་བགོས་ཏེ་རྣམ་རྒྱལ་ཡབ་ཡུམ་ཕྲ་ཐབས་དང་བཅས་པ་སྤྲོ་བ་སྔར་གྱི་རིགས་འགྲེ་སྟེ་འོག་མ་རྣམས་ལའང་ཤེས་པར་བྱ་ཞིང་། ཨོཾ་བཛྲ་ཀྲོ་དྷཱི་ལཱ་སྱ་ཀི་ཧཱུྃ། ཞེས་པ་དེའི་ཡུམ་རྡོ་རྗེ་ལྷ་མོ་སྒེག་མོ་དང་། ཨོཾ་བཛྲ་བྱཱ་ཀྲྀ་མུ་ཁ་ཧཱུྃ་གིས་སྤྲུལ་པའི་ལྷ་མོ་ཕྲ་མེན་མ་སྟག་གི་མགོ་ཅན་དང་། ཨོཾ་བཛྲ་གྲིཌྷྲ་མུ་ཁི་ཧཱུྃ་གིས་བྱ་རྒོད་མགོ་ཅན་ནོ། །ཤར་ལྷོར་མེ་ལྷའི་གདན་ལ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ། ཧ་ན་ཧ་ན་ཧཱུྃ་ཕཊ་ཀྱིས་དབྱུག་སྔོན་འཆང་བ་དང་། ཨོཾ་བཛྲ་ཀྲོ་དྷཱི་ཏཱི་ར་ཧཱུྃ་གིས་ཡུམ་རྡོ་རྗེ་སྡེར་མོ་དང་། ཨོཾ་བཛྲ་ཙ་མ་ར་མུ་ཁ་ཧཱུྃ་གིས་ཕྲ་མེན་གཡག་མགོ་ཅན་དང་། ཨོཾ་བཛྲ་ཏ་ནཱ་མུ་ཁི་ཧཱུྃ་གིས་བྱ་རོག་གི་མགོ་ཅན་ནོ། །ལྷོར་གཤིན་རྗེའི་གདན་ལ། ཨོཾ་བཛྲ་ཀྲོ་དྷ་ཡ་མནྟ་ཀ་ཧཱུྃ། པ་ཙ་པ་ཙ་ཧཱུྃ་ཕཊ་ལས་ཁྲོ་བོ་གཤིན་རྗེ་མཐར་བྱེད་དང་། ཨོཾ་བཛྲ་ཀྲོ་དྷཱི་ཤྨ་ཤ་ན་པ་ཏི་ཧཱུྃ་ལས་ལྷ་མོ་དུར་ཁྲོད་ཀྱི་བདག་མོ་དང་། དེ་བཞིན་ཧ་རི་་མུ་ཁ་ལས་ཕྲ་མེན་མ་རི་དྭགས་སམ་ཤ་བའི་མགོ་ཅན་དང་། ཨཱུ་ལུ་ཀ་མུ་ཁི་ལས་འུག་པའི་མགོ་ཅན་ནོ། །ལྷོ་ནུབ་ཏུ་སྲིན་པོའི་གདན་ལ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ། བནྡྷ་བནྡྷ་ཧཱུྃ་ཕཊ་ཀྱིས་ཁྲོ་བོ་མི་གཡོ་མགོན་པོ་དང་། བཛྲ་ཀྲོ་དྷཱི་མུ་ཧ་ལས་ལྷ་མོ་གཏུན་ཁུང་མ་དང་། བཛྲ་ཏྱ་ཀི་མུ་ཁ་དང་། བཛྲ་པྲེ་ཏ་མུ་ཁི་ལས་རྡོ་རྗེ་ཕྲ་མེན་གཟིག་དང་། ཁྲའི་མགོ་ ― LT30_Page_0111 ―
[མ་དཔེ་གཟིགས་ན་འདིར་གནོན།]
ཅན་ནོ། །ནུབ་ཏུ་ཀླུའི་གདན་ལ། ཨོཾ་བཛྲ་ཀྲོ་དྷ་ཧྱ་གྲཱི་བ་ཧཱུྃ། ཧུ་ལུ་ཧུ་ལུ་ཧཱུྃ་ཕཊ་ལས་ཁྲོ་བོ་རྟ་མགྲིན་དང་། བཛྲ་ཀྲོ་དྷཱི་ཛ་ཡ་ཏི་ཧཱུྃ་ལས་རྡོ་རྗེ་ཁྲོ་མོ་གཏུམ་མོ་དང་། བཛྲ་པི་ཊཱ་ལ་མུ་ཁ་དང་། བཛྲ་པཀྵི་ཏ་མུ་ཁི་ལས་རྡོ་རྗེ་ལྷ་མོ་ཕྲ་མེན་མ་བྱི་ལ་དང་། པུ་ཤུད་ཀྱི་མགོ་ཅན་ནོ། །ནུབ་བྱང་དུ་རླུང་ལྷའི་གདན་ལ། ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུྃ། ཏིཥྛ་ཏིཥྛ་ཧཱུྃ་ཕཊ་ཀྱིས་ཁྲོ་བོ་གཞན་གྱིས་མི་ཐུབ་པ་དང་། ཨོཾ་བཛྲ་ཀྲོ་དྷཱི་ས་བྱ་ཏི་ཧཱུྃ་གིས་རྡོ་རྗེ་ཁྲོ་མོ་མདའ་སྙེམས་མ་དང་། བཛྲ་སྲྀ་ག་ལ་མུ་ཁ་དང་། བཛྲ་པཉྩ་ར་་མུ་ཁི་ལས་རྡོ་རྗེ་ཕྲ་མེན་སྤྱང་ཀི་དང་། ཁྲའི་མགོ་ཅན་ནོ། །བྱང་དུ་གནོད་སྦྱིན་གྱི་གདན་ལ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ། ཚྪིནྡྷྡ་ཚྪིནྡྷ་ཧཱུྃ་ཕཊ། ཅེས་པ་ལས་ཁྲོ་བོ་བདུད་རྩི་འཁྱིལ་པ་དང་། ཨོཾ་བཛྲ་ཀྲོ་དྷཱི་ས་བྱ་མི་ཏི་ཧཱུྃ་ལས་རྡོ་རྗེ་ལྷ་མོ་སྒྲ་མཛད་མ་དང་། བཛྲ་སི་ཧི་མུ་ཁ་དང་། བཛྲ་ཏི་ཏི་ལ་མུ་ཁི་ལས་རྡོ་རྗེ་ཕྲ་མེན་མ་སེང་གེ་དང་། ཕ་ཝང་གི་མགོ་ཅན་ནོ། །བྱང་ཤར་དུ་བགེགས་ཀྱི་གདན་ལ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ། བིནྡྷ་བིནྡྷ་ཧཱུྃ་ཕཊ། ཅེས་པ་ལས་ཁྲོ་བོ་འཇིག་རྟེན་གསུམ་ལས་རྣམ་པར་རྒྱལ་བ་དང་། ཨོཾ་བཛྲ་ཀྲོ་དྷཱི་མཱ་ར་ཡ་ཧཱུྃ་ལས་རྡོ་རྗེ་ལྷ་མོ་གསོད་བྱེད་མ་དང་། བཛྲ་རཀྵིས་མུ་ཁ་དང་། བཛྲ་ན་ཀུ་ལ་མུ་ཁི་ལས་རྡོ་རྗེ་ལྷ་མོ་ཕྲ་མེན་མ་དྲེད་དང་། སྲེ་མོའི་མགོ་ཅན་ནོ། །འོག་ཕྱོགས་ས་བདག་གི་གདན་ལ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། སྥོ་ཊ་སྥོ་ཊ་ཧཱུྃ་ཕཊ། ། ― LT30_Page_0112 ―
[མ་དཔེ་གཟིགས་ན་འདིར་གནོན།]
ཅེས་པ་ལས་ཁྲོ་བོ་སྟོབས་པོ་ཆེ་དང་། ཨོཾ་བཛྲ་ཀྲོ་དྷཱི་མུཎྜེ་མཾ་ཧཱུྃ་ལས་རྡོ་རྗེ་ལྷ་མོ་རིག་བྱེད་མ་དང་། ཨོཾ་བཛྲ་རཀྵ་ས་མུ་ཁ་ཧཱུྃ་དང་། ཨོཾ་བཛྲ་ཀ་ཤི་ཀ་མུ་ཁི་ཧཱུྃ། ཞེས་པ་དག་ལས་སོ་སོར་སྤྲུལ་པའི་ལྷ་མོ་ཕྲ་མན་མདོམ་གྱི་མགོ་ཅན་དང་། བྱི་བའི་མགོ་ཅན་ནོ། །དེ་བཞིན་ཛཿཧཱུྃ་བྃ་ཧོཿཞེས་པའི་ཡིག་འབྲུ་དང་། ཨོཾ་བཛྲ་ཡཀྵ་ས་ད་ཧཱུྃ་ཛཿཞེས་སྤྲོས་པ་ལ་ཤར་དུ་འགུགས་བྱེད་ཀྱི་སྒོ་མ་སྙིང་རྗེའི་ངོ་བོ་པུ་ཤུད་ཀྱི་མགོ་ཅན་དང་། ཨོཾ་བཛྲ་བཻར་བེ་ཧཱུྃ་ཧཱུྃ། ཞེས་ལྷོར་བྱམས་པའི་ངོ་བོ་འཆིང་བྱེད་ཀྱི་སྒོ་མ་བྱ་རོག་གི་མགོ་ཅན་དང་། ཨོཾ་བཛྲ་ཨ་མྲྀ་ཏ་ཧཱུྃ་བྃ། ཞེས་ནུབ་ཏུ་དགའ་བའི་ངོ་བོ་སྡོམ་བྱེད་ཀྱི་སྒོམ་སྲིན་བྱའི་མགོ་ཅན་དང་། ཨོཾ་བཛྲ་མ་ར་ི་ཧཱུྃ་ཧོཿཞེས་སྤྲོས་པ་ལས་བྱང་དུ་བཏང་སྙོམས་ཀྱི་ངོ་བོ་མྱོས་བྱེད་ཀྱི་སྒོ་མ་ཁྲའི་མགོ་ཅན་ནོ། །འདི་དག་གི་ཁྱད་པར་གོང་དུ་ཧཱུྃ་ཀ་རའི་སྐབས་སུ་ཅུང་ཟད་བཤད་པས་མཚོན་ནུས་ལ། སོ་སོའི་སྔགས་དོན་སོགས་ནི་བློ་ལྡན་རྣམས་ཀྱིས་རྟོགས་པར་སླ་བས་མ་སྤྲོས་ལ། ཤེས་པར་འདོད་ན་འཇམ་མགོན་ཨ་མེས་ཞབས་ཀྱི་དཀྱིལ་ཆོག་རྣམ་བཤད་སོགས་སུ་བལྟ་བར་བྱ་ཞིང་། ལྷ་སྣམ་གྱི་ཁོར་ཡུག་ཏུ་སྲུང་མ་དམ་ཅན་བཅུ་དྲུག་གི་ཚོགས་འཁོར་དང་བཅས་པའང་གསལ་བར་བཤད་ཅིང་། སོ་སོའི་སྐུ་མདོག་ཕྱག་མཚན་རྒྱན་ཆ་ལུགས་རྣམས་ཀྱང་སོ་སོར་རྒྱས་པ་མན་ངག་སྒོམ་དོན་ཕྲིན་ལས་ཀྱི་རིམ་པ་རྣམས་སུ་འབྱུང་བས་འདིར་སྨོས་མ་དགོས་སོ། །འདིའི་སྟགས་རྣམས་ཀྱང་ ― LT30_Page_0113 ―
[མ་དཔེ་གཟིགས་ན་འདིར་གནོན།]
སྔ་འགྱུར་དང་མི་མཚུངས་པ་འགའ་ཞིག་འདུག་ཀྱང་། ཆོས་རྗེ་ས་པ་ཉིད་ཀྱིས་བསྒྱུར་བ་འདི་བཞིན་མི་འགལ་བར་ཤེས་པར་བྱ་ལ། རྒྱུ་མཚན་ཞིབ་པར་བརྗོད་ན་ཡི་གེའི་ལས་སུ་ཆེ་བས་མ་སྤྲོས་སོ། །འདིར་ཁྲོ་བཅུ་ཕྲ་ཕྱག་རྣམས་ཀྱི་དོན་རྟགས་ཀྱང་། ཁྲོ་བཅུ་མི་དགེ་བ་བཅུ་དག་པ་དང་། གདུལ་བྱ་ཕྱོགས་སྐྱོང་བཅུའི་གཉེན་པོ་དང་། འབྲས་བུ་ཕར་ཕྱིན་བཅུའི་ངོ་བོར་ཤར་བའི་ཚུལ་གོང་དུ་མདོ་ཙམ་བསྟན་ལ། དེ་དག་གི་ཕྱག་མཚན་གྱི་དོན་ཡང་ཐམས་ཅད་ཀྱིས་རྡོ་རྗེ་དང་བྷན་དམར་ཐོགས་པ་ནི་རིག་པ་རང་རྟགས་དང་། ཕྱོགས་སྐྱོང་བཅུའི་ཕྱག་མཚན་རང་རང་གི་ཕྱག་བར་པས་བསྣམས་པ་ནི་རྒྱལ་བྱེད་དཔའ་རྟགས་ཀྱི་ཕྱག་མཚན། ཀུན་ཀྱང་ཐ་མས་རི་རབ་ཕུར་བུ་འདྲིལ་བ་ནི་ཕྲིན་ལས་དོན་རྟགས་འབྱིན་པའི་ཕྱག་མཚན་ཏེ། ཟ་བྱེད་ཡཀྵ་འབར་བའི་རྒྱུད་ལས། རྡོ་རྗེ་བྷནྡྷ་དམར་གྱིས་བཀང་བ་ནི། །སྐྱེ་མེད་འདུས་མ་བྱས་པའི་རྡོ་རྗེ་སྟེ། །སྲིད་རྩ་སྡུག་བསྔལ་རཀྟ་ཞལ་དུ་གསོལ། །གཉིས་མེད་བདེ་ཆེན་སྦྱོར་བའི་ལམ་ལ་བཀོད། །ཕྱོགས་སྐྱོང་བཅུ་བཏུལ་ཕྱག་མཚན་བར་མར་བསྣམས། །རྒྱལ་བྱེད་དཔའ་རྟགས་ཞེས་སུ་དེ་ལ་གྲགས། །རི་རབ་ཕུར་པ་ཐ་མར་འདྲིལ་བ་ནི། །ཕྲིན་ལས་དོན་རྟགས་འབྱིན་པའི་ཕྱག་མཚན་ནོ། །ཞེས་གསུངས་པ་ལྟར་དང་། དྲག་པོ་ལྷ་སྲིན་སྡེ་བརྒྱད་འདུལ་བའི་ཕྱིར་འཇིགས་བྱེད་དཔལ་གྱི་ཆས་བརྒྱད་ཀྱིས་ ― LT30_Page_0114 ―
[མ་དཔེ་གཟིགས་ན་འདིར་གནོན།]
བརྒྱན་པར་གསུངས་སོ། །ཕྲ་མེན་རྣམས་ཀྱི་དོན་རྟགས་ལ་འགྲེལ་པ་འབུམ་ནག་སོགས་དང་སྔ་འགྱུར་ཕུར་པ་ཡཀྵ་འབར་བའི་རྒྱུད་སོགས་ལས་ཅི་རིགས་པར་འབྱུང་ཞིང་། འདིར་དེ་དག་གི་དགོངས་པ་ཕྱོགས་མཚོན་ཙམ་དུ་བསྡུ་ན། སྤྱིར་ཕྲ་མེན་ཞེས་པ་ལ་དཔེའི་ཕྲ་མེན། དོན་གྱི་ཕྲ་མེན། རྟགས་ཀྱི་ཕྲ་མེན་གསུམ་ལས། དཔེའི་ཕྲ་མེན་ནི། དཔེར་ན་གསེར་སྐྱོགས་ལ་དངུལ་གྱི་ཕྲ་བཅུག་པ་ལ་ཕྲ་མེན་གྱི་ཡོལ་གོ་ཟེར་བ་ལྟ་བུ་དང་། དོན་གྱི་ཕྲ་མེན་ནི། དབྱིངས་དང་ཡེ་ཤེས་གཉིས་མེད་དུ་འདྲེས་པ་ལ་འཇོག་པར་གསུངས། རྟགས་ཀྱི་ཕྲ་མེན་ནི། མགོ་ལུས་མི་གཅིག་པ་ལ་ཕྲ་མེན་ཞེས་པ་སྟེ། འདིར་རྣམ་པ་ལྷའི་གཟུགས་ལ་སྲོག་ཆགས་སྣ་ཚོགས་ཀྱི་མགོ་ཅན་དུ་ཡོད་པས་ཕྲ་མེན་ཞེས་པ་སྤྱི་མིང་ཡིན་མོད་ཀྱང་། ལྕམ་དྲལ་ཉི་ཤུ་པོ་ལ་ཕྲ་ཕྱག་གི་རྣམ་དབྱེ་སོ་སོར་ཕྱེ་ན། གཡས་ཀྱི་མཆེ་བ་ཅན་བཅུ་ལ་ཡབ་ཀྱི་ཕྱག་བརྙན་དང་། གཡོན་གྱི་གཤོག་པ་ཅན་བཅུ་ལ་ཡུམ་གྱི་ཕྲ་མེན་གྱི་ཐ་སྙད་ཀྱང་མཛད་ཅིང་། འདི་རྣམས་ཀྱི་དོན་ཞིབ་པར་བརྗོད་པ་ཞིག་མ་མཐོང་བས་འདིར་ཅུང་ཟད་དབྱེ་ན། དེའང་སྲིན་པོ་ལྷ་ཆེན་བཅུ་བཏུལ་བའི་ཕྱི་རོལ་ན་ཞེ་སྡང་གདུག་པའི་གཅན་གཟན་དྲུག་གནས་པ་ནི། ཟ་བྱེད་ཟ་བ་འགྱིང་བའི་སྟག་དང་། རྔམ་པའི་གཟིག་དང་། མྱུར་མགྱོགས་ཀྱི་བྱིལ་དང་། གསོད་ལ་དགའ་བའི་སྤྱང་ཀི་དང་། ཟིལ་གྱིས་གནོན་པའི་སེང་གེ་དང་། ― LT30_Page_0115 ―
[མ་དཔེ་གཟིགས་ན་འདིར་གནོན།]
གཏུམ་པའི་དོམ་དང་དྲུག་གནས་ཏེ། དེ་དྲུག་ནི་ཕའི་ཞེ་སྡང་ལས་བསྐྱེད་པ་སྟེ། ཞེ་སྡང་གི་སྙིགས་མ་རུས་པ། རུས་པ་མཐར་རྒྱས་པ་མཆེ་བ་སྟེ་ཡབ་ལས་བསྐྱེད་པའི་ཟ་བྱེད་མཆེ་བ་ཅན་ཞེས་བྱའོ། །དེ་དག་འདུལ་བའི་ཕྱིར་ཁྲོ་བོ་རྣམས་ཀྱི་སྤྲུལ་པ་ཡབ་ཁོ་ནས་བསྐྱེད་དེ་ཡུམ་དྲུག་དང་མ་ཆགས་ཐབས་ཀྱིས་རོལ་པ་ལས་ཕ་ཡེ་ཤེས་ཀྱི་ཁྲོ་བོ་ཡིན་པས་ལུས་ལྷར་བྱས། མ་གདུག་པ་བྱོལ་སོང་དུ་བྱུང་སྟེ་སྤྲུལ་པའི་ཕྲ་མེན་མ་ཞེས་གྲགས་སོ། །བུ་དེ་དྲུག་ལ་མཁྱེན་པའི་ཡེ་ཤེས་ནི་སྟག་གིས་ཉོན་མོངས་པའི་སྡུག་བསྔལ་དཔའ་བར་འཇོམས་པ་དང་། གཟིག་གི་མགོ་ཅན་གྱིས་ཤེས་བྱ་ཐོགས་མེད་ཀྱི་ཡེ་ཤེས་གསལ་བ་དང་། བྱི་ལའི་མགོ་ཅན་ནི་རྩོལ་སྒྲུབ་ཐམས་ཅད་ཟིལ་གྱིས་གནོན་པ་དང་། སྤྱང་ཀིའི་མགོ་ཅན་ནི་སྦྱོར་སྒྲོལ་དབྱིངས་སུ་དག་པའི་ཡེ་ཤེས་དང་། སེང་གེའི་མགོ་ཅན་ནི་ཞེ་སྡང་སྐྱོན་གྱིས་མི་འཇིགས་པའི་ཡེ་ཤེས་དང་། །དོམ་གྱི་མགོ་ཅན་ནི་གདུག་གཏུམ་ཐམས་ཅད་བྱམས་པའི་སྦྱོར་བའི་ཡེ་ཤེས་དང་། ཁྱད་པར་དྲུག་གིས་ཞེ་སྡང་གནས་སུ་དག་ཅིང་ཁྱད་པར་དུ་འཇོམས་པར་བྱེད་པའོ། །ཡང་འདོད་ཆགས་སྡུག་བསྔལ་འདབ་ཆགས་བརྒྱད་གནས་ཏེ་འཇུག་སྐེམ་ཤ་ཟན་གྱི་བྱ་རྒོད་དང་། རྨང་རྩེ་རོལ་པའི་བྱ་རོག་དང་། འཇིགས་བྱེད་རྩལ་མཆོག་འུག་པ་དང་། སྒྲིབ་གཡོགས་ཕག་ཏུ་བཀོལ་བ་ཁྭ་ཏ་དང་། འཇོལ་འཕུར་རྒོད་ནས་འཇབ་ ― LT30_Page_0116 ―
[མ་དཔེ་གཟིགས་ན་འདིར་གནོན།]
ཀྱི་ཕུ་ཤུད་དང་། བྱ་གཅན་ཐམས་ཅད་འདུལ་བའི་ཧོར་ཁྲ་དང་དྲུག་ནི་མ་འདོད་ཆགས་ལས་བསྟེན་པ་སྟེ། འདོད་ཆགས་ཀྱི་སྙིགས་མ་ཁྲག །ཁྲག་མཐར་རྒྱས་པ་གཤོག་པ་སྟེ་ཡུམ་ལས་གསོད་བྱེད་ཤོག་པ་ཅན་དེ་རྣམས་ཀྱི་གཉེན་པོར་ཁྲོ་མོ་རྣམས་ལས་སྤྲུལ་པའི་སྲས་དྲུག་བྱུང་སྟེ་ཕ་ཡེ་ཤེས་ཀྱི་ཁྲོ་བོ་ཡིན་པས་ལུས་ལྷར་བྱུང་། མ་འདོད་ཆགས་གདུལ་བྱའི་བྱོལ་སོང་ཡིན་པས་མགོ་བྱར་བྱུང་བའོ། །བུ་དེ་དྲུག་ལ་མཁྱེན་པའི་ཡེ་ཤེས་ནི་འགྲོ་བའི་དོན་ལ་ཐོགས་པ་མེད་པའི་བྱ་རྒོད་མགོ་ཅན་དང་། ཆོས་ཉིད་མི་འགྱུར་བ་བྱ་རོག་མགོ་ཅན། མི་ཤེས་མུན་པ་གཟིགས་པའི་འུག་པའི་མགོ་ཅན། སྡུག་བསྔལ་དབྱིངས་སུ་སྙོལ་བའི་ཁྭ་ཏ། ཐབས་དང་ཤེས་རབ་འབྲེལ་བའི་པུ་ཤུད། ཉོན་མོངས་དབྱིངས་སུ་འཇོམས་པའི་ཧོར་ཁྲ་སྟེ་ཡེ་ཤེས་ཁྱད་པར་དྲུག་གིས་འདོད་ཆགས་གནས་སུ་དག་ཅིང་ཁྱད་པར་འདོད་ཆགས་ཀྱི་གཉེན་པོའོ། །ཡང་གཏི་མུག་པའི་ཟ་གསོད་དྲུག་སྟེ། གཏི་མུག་དུར་ཕག་ཁྭ་མོས་སེམས་ཅན་ཐམས་ཅད་གསོད་པར་བྱེད་པ་ཉོན་མོངས་གཙོར་འཛིན་གྱི་མཆེ་བ་ཅན་དང་། གཏི་མུག་གི་དུག་ཤ་ནག་པོ་ལྟས་ངན་དོན་ལ་འཛིན་པའི་མཆེ་བ་ཅན་དང་། གཏི་མུག་གི་དུག་གཡག་ཁམ་པ་རོ་ལ་ཟ་བའི་མཆེ་བ་ཅན་དང་། གཏི་མུག་གི་དུག་བྱ་རྨིགས་བུ་རྟག་འཛིན་ཐོབ་པའི་གཤོག་པ་ཅན་དང་། གཏི་མུག་གི་དུག་སྲེ་མོང་དུག་རྩལ་ཆེ་བའི་ ― LT30_Page_0117 ―
[མ་དཔེ་གཟིགས་ན་འདིར་གནོན།]
གཤོག་པ་ཅན་དང་། གཏི་མུག་གི་དུག་བྱི་བ་རྐུ་ལ་དགའ་བའི་ལས་བྱེད་གཤོག་པ་ཅན་དང་དྲུག་ནི་གཉིས་མེད་གཏི་མུག་ལས་བསྐྱེད་པ་སྟེ། གཏི་མུག་གི་སྙིགས་མ་ཤ། ཤ་མཐར་རྒྱས་པ་ལས་བྱེད་མི་ཤེས་པ་ནི་ཡབ་ཡུམ་གཉིས་ཆ་ལས་བསྐྱེད་པ་དེ་རྣམས་འདུལ་བའི་ཕྱིར་ཁྲོ་བོ་རྣམས་ཀྱི་ཐུགས་ལས་སྤྲུལ་པ་མཁའ་ལས་བསྐྱེད་དེ་ཡུམ་དྲུག་དང་སྦྱོར་བ་ལས་ཡབ་ལྷ་ཡིན་པས་ལུས་ལྷ་མོར་བྱུང་། མ་བྱོལ་སོང་ཡིན་པས་མགོ་ཡང་དེར་བྱུང་སྟེ་དེ་ལ་སྤྲུལ་པའི་ཕྲ་མེན་མ་ཞེས་བྱ་ཞིང་། དེ་དྲུག་ལ་མཁྱེན་པའི་ཡེ་ཤེས་ཀྱང་ཕག་ནི་ཡེ་ཤེས་གཙང་དམེ་མེད་པས་རྣམ་རྟོག་འཇོམས། གཡག་ནི་ཆོས་ཉིད་འགྱུར་བ་མེད་པའི་དོན་ལ་འཇོམས། ཤ་བ་ནི་ཡེ་ཤེས་རྒྱས་པའི་མཚན་མའི་བག་ཆགས་འཇོམས། རྨིགས་བུ་ནི་ཡེ་ཤེས་ཐོགས་མེད་འཁོར་བའི་ཞེན་པ་འཇོམས། སྲེ་མོང་ནི་རྣམ་རྟོག་བྱ་རླག་སྐྱེ་མེད་དབྱིངས་སུ་གྲོལ། བྱི་བ་ནི་ཅིར་སྣང་ཐམས་ཅད་གཟུང་འཛིན་མཐའ་ལས་གྲོལ། ཡེ་ཤེས་ཀྱི་ཁྱད་པར་དེ་དག་དྲུག་གིས་གཏི་མུག་གནས་སུ་དག །ཁྱད་པར་དུ་གཏི་མུག་གི་གཉེན་པོའོ། །དུག་གསུམ་ཆ་སྙོམས་པའི་དྲེད་དང་ཕ་ཝཾ་གཉིས་ནི་ཤར་དང་ནུབ་ཀྱི་མཐར་གནས་པ་ཞེ་སྡང་རུས་པའི་མཐའ་ལ་མཆེ་བ་རྒྱས། འདོད་ཆགས་ཁྲག་གི་མཐའ་ལ་བྱ་གཤོག་རྒྱས། གཏི་མུག་ཤའི་མཐའ་ལས་སྨྲ་མི་ཤེས་པ་དེ་དག་གི་གཉེན་པོར་ཡབ་ཡུམ་སྙོམས་པ་ ― LT30_Page_0118 ―
[མ་དཔེ་གཟིགས་ན་འདིར་གནོན།]
ལས་སྤྲུལ་པའི་དྲེད་མོ་ལ་ཤེས་བྱར་མ་རྨོངས་རྟོགས་པའི་ཡེ་ཤེས་མངའ། ཕ་ཝང་མགོ་ཅན་ལ་གཏི་མུག་གི་ལམ་སྟོར་པས་ཉིན་པར་མི་རྒྱུ། དུག་གསུམ་འཇོམས་པའི་གཤོག་རླབས་དང་ལྡན། མ་རིག་མུན་པ་སེལ་བའི་ཡེ་ཤེས་མངའ་བའོ། །དེ་དག་གི་སྐུ་མདོག་ཕྱག་མཚན་ཀྱང་། རྒྱུད་ལས། གཡས་གཡོན་ཞལ་ལས་ཤེས་པར་བྱ། །གཙོ་བོ་རྣམས་ཀྱི་བར་མ་སྦྱིན། །ཞེས་པས་ཕྲ་ཕྱག་རྣམས་ཀྱི་སྐུ་མདོག་རང་རང་གི་གཙོ་བོའི་ཞལ་གཡས་གཡོན་གྱི་ཁ་དོག་ལས་ཤེས་པར་བྱ་ཞིང་། ཕྱག་མཚན་རྣམས་ནི་གཙོ་བོ་རང་རང་གི་ཕྱག་བར་མའི་མཚོན་ཆ་གཡས་གཡོན་གྱི་ཕྲ་ཕྱག་གཉིས་ལ་གཏད་པར་གསུངས་ལ། གཡོན་ཐམས་ཅད་དུ་རིག་པ་རང་རྟགས་ཀྱི་ཕྱག་མཚན་ཕུར་བུ་འདྲིལ་ཞིང་དགྲལ་འདེབས་པར་བཤད་པའང་ཤེས་པར་བྱའོ། །ཕྲ་མེན་རྣམས་ཀྱི་དོན་རྟགས་འདི་རིགས་རྒྱུད་གཞན་དང་གཞན་ན་ཅུང་ཟད་ཐ་དད་པའི་རྣམ་འགྱུར་རེ་གསུངས་པ་ཡོད་ཀྱང་འདིར་ཕུར་བུ་ཟ་བྱེད་ཡཀྵ་འབར་བའི་རྒྱུད་ལས་བསྟན་པ་ལྟར་ཅུང་ཟད་བསྟན་ཟིན་གྱི། ཐམས་ཅད་ཀྱི་དགོངས་པ་གནད་གཅིག་ཏུ་འབབས་པས་གང་ལྟར་བཤད་ཀྱང་རུང་ངོ་། །དེ་ལྟར་རུ་དྲའི་གླེང་གཞི་དང་སྦྱར་ནས་དཀྱིལ་འཁོར་འདི་ཉིད་ཀྱི་བྱུང་བ་སྨོས་པ་དག་རྣལ་འབྱོར་པའི་ཉམས་ལེན་དུ་སྦྱར་ན་གཙོ་བོར་བསྐྱེད་རིམ་གྱི་ཕྱག་རྒྱ་བསྟན་པ་ཡིན་ལ། འདིར་ཤེས་དགོས་པའི་གནད་ཁྱད་པར་བ་ ― LT30_Page_0119 ―
[མ་དཔེ་གཟིགས་ན་འདིར་གནོན།]
ནི་མ་ཧཱ་ཡོ་ག་ཏནྟྲ་ཆེན་པོ་སྡེ་བཅོ་བརྒྱད་ཀྱིས་བསྟན་དོན་རྒྱུད་སྡེ་དང་སྒྲུབ་སྡེ་གང་ཡིན་ཀྱང་དེའི་དགོངས་པ་ནི་ལྟ་བ་ཀུན་རྫོབ་ཀྱི་ཆོས་ཐམས་ཅད་དག་པ་ལྷའི་དཀྱིལ་འཁོར་དུ་ལྟ་ཞིང་། དེ་དག་དོན་དམ་པར་གདོད་མའི་ཆོས་དབྱིངས་དང་གཉིས་སུ་མེད་པར་བདེན་པ་དབྱེར་མེད་བློའི་སྤྱོད་ཡུལ་དང་བྲལ་བ་གཏན་ལ་འབེབ་ཅིང་། བསྒོམ་པ་ཏིང་ངེ་འཛིན་རྣམ་པ་གསུམ་ལན་ལག་དང་བཅས་པའི་ཚུལ་གྱིས་སྣང་སྲིད་ལྷའི་དཀྱིལ་འཁོར་དུ་འཆར་བའི་བསྐྱེད་རིམ་ལ་གཙོ་བོར་ལམ་དུ་བྱེད་པ་དང་། སྤྱོད་པ་གང་ཤར་བླང་དོར་མེད་པའི་ངང་ནས་ཐབས་ལ་མཁས་པའི་སྤྱོད་པ་ཁྱད་པར་ཅན་སྦྱོར་སྒྲོལ་ལ་སོགས་པ་དང་དུ་ལེན་པ་དང་། འབྲས་བུ་ཚེ་འདི་ལ་རིག་འཛིན་བཞིའི་ལམ་བགྲོད་ནས་ཡི་གེ་འཁོར་ལོ་ཚོགས་ཆེན་གྱི་ས་ལ་སངས་རྒྱས་པར་འདོད་པ་ཡིན་ལ། དེའང་གསང་སྔགས་ཀྱི་གཞུང་ན་ལྷ་བསྒོམ་པ་དང་། སྔགས་བཟླ་བ་དང་། དཀྱིལ་འཁོར་འབྲི་བ། དབང་བསྐུར་བ་ལ་སོགས་པ་བསླབ་པའི་མཐའ་བཅུ་པོ་ཐམས་ཅད་སྤྲོས་བཅས་ཀྱི་སྒོ་ནས་ཉམས་སུ་ལེན་པའི་གང་ཟག་སྣང་བ་ཡུལ་གྱི་བློ་ཅན་རྣམས་ཀྱིས་གཙོ་བོར་བསྐྱེད་རིམ་ལ་བརྟེན་ཏེ་བསྒྲུབ་ཅིང་། བསྐྱེད་པའི་རིམ་པའི་ཏིང་འཛིན་བརྟན་པོའི་སྒོ་ནས་རྫོགས་རིམ་དྲངས་ཏེ་བསྐྱེད་རྫོགས་ཟུང་འཇུག་གི་ཚུལ་ལ་འཇུག་པ་རྣམས་ཀྱི་ལམ་གནད་ཐམས་ཅད་བསྐྱེད་པ་མ་ཧཱ་ཡོ་གའི་སྣང་བ་ལྷར་ ― LT30_Page_0120 ―
[མ་དཔེ་གཟིགས་ན་འདིར་གནོན།]
བསྒྲུབ་པའི་གནད་ལ་ཐུག་པ་ཡིན་གྱི། དེ་དང་མི་ལྡན་ན་ལམ་གྱི་གཟུགས་བརྙན་དུ་འགྱུར་བས་ན་འདི་ཚུལ་ཞིབ་མོར་སྒྱུ་འཕྲུལ་རྩ་རྒྱུད་གསང་བའི་སྙིང་པོ་ཉིད་ལས་འབྱུང་བ་ལྟར་ཤེས་པར་བྱ་བའི་གནད་ཆེ་ཤོས་ཤིག་ཡིན་ལ། སྣང་བ་ལྷར་བསྒྲུབ་ཀྱི་དགོངས་པ་འདི་ལ་མི་འཐད་པའི་སྒྲོ་སྐུར་སྨྲ་བ་དག་ཡོད་མོད་ཀྱི། དེ་ནི་རྟོག་གེའི་བློ་གྲོས་ཁབ་ཀྱི་བུ་གར་ཟབ་གསང་གི་དགོངས་པ་ནམ་མཁའ་ལྟ་བུ་མ་ཆུད་པའི་སྨྲེ་སྔགས་ཙམ་དུ་ཟད་པས་སྙིང་པོ་ཡོད་པ་མ་ཡིན་པས། གསང་སྔགས་སྔ་འགྱུར་བའི་རིག་འཛིན་སྐལ་ལྡན་རྣམ་དཔྱོད་ཅན་རྣམས་ཀྱིས་མ་ཧཱ་ཡོ་གའི་རྒྱུད་ཀྱི་དགོངས་ཟབ་སྣང་བ་ལྷར་བསྒྲུབ་པའི་ལུང་རིགས་སེང་གེའི་སྒྲ་ཆེན་པོས་ཟབ་ཅིང་གསང་བའི་གནད་མི་ཉམས་སླར་ཡང་སྤེལ་བའི་ཕྲིན་ལས་ལ་གཡེལ་བ་མེད་པའི་ཐུགས་རྩོལ་གནང་བར་རིགས་སོ་ཞེས་འཕྲོས་སུ་སྨོས་པའོ། །དེ་དག་གིས་ནི་ཆོས་སྐུའི་ངོ་བོ་དཔལ་ཆེན་པོ་བདག་ཉིད་རྩ་བའི་དཀྱིལ་འཁོར་ལས་བྱུང་ཞིང་། ཁྲོ་བོ་རྣམས་ལོངས་སྤྱོད་རྫོགས་པའི་སྐུའི་ངོ་བོར་གསུངས་པ་དང་། ཕྱོགས་སྐྱོང་བཅུ་འདུལ་བའི་ཕྱིར་དུ་གནས་ཕྱོགས་བཅུར་བཞུགས་ཤིང་། གཙོ་བོ་རྣམས་དཀྱིལ་དང་། ཕྲ་ཕྱག་སོགས་འཁོར་ཏེ། ཕྱོགས་བཅུ་ཁྲོ་བོའི་དཀྱིལ་འཁོར་མདོ་ཙམ་བཤད་ཟིན་ཏོ། །གསུམ་པ་སྤྲུལཔའི་སྐུའི་ངོ་བོ་ཕུར་པ་རྫས་ཀྱི་དཀྱིལ་འཁོར་བཤད་པ་ལ་གཉིས། གསོལ་བ་གདབ་པ་དང་། བསྐྱེད་པ་དངོས་བཤད་པའོ། ། ― LT30_Page_0121 ―
[མ་དཔེ་གཟིགས་ན་འདིར་གནོན།]
དང་པོ་ནི། སངས་རྒྱས་ཀུན་གྱི་ཡེ་ཤེས་སྐུ། །རྡོ་རྗེའི་དེ་ཉིད་རང་བཞིན་ལས། །ཆོས་ཀྱི་དབྱིངས་ཀྱི་ངོ་བོ་ཉིད། །འབར་བའི་ཁྲོ་བོ་མི་བཟད་པ། །སྐུ་ཡི་གཏེར་དུ་བདག་སྐྱེད་ཅིག། ཅེས་གསུངས་ཏེ། འདི་ལ་རིག་འཛིན་རྣམ་པ་གསུམ་གྱི་དགོངས་པའི་དོན་མདོར་བསྡུ་ན། མ་རིག་པའི་མུན་པ་མཐའ་དག་སངས་ཤིང་མཁྱེན་པའི་ཡེ་ཤེས་པདྨ་ལྟར་རྒྱས་པའི་བདག་ཉིད་དུས་གསུམ་ཀུན་ཏུ་གཤེགས་པའི་འདུས་མ་བྱས་པ་རྡོ་རྗེ་ཡེ་ཤེས་ཀྱི་སྐུ་ཅན་ནམ། སངས་རྒྱས་ཆོས་སྐུའི་རྟེན་དུ་གྱུར་པའི་མ་ཉོན་མོངས་པ་ལྔ་སངས་ཤིང་ཡེ་ཤེས་ལྔ་རྒྱས་པའི་ཡེ་ཤེས་ལའང་རང་བྱུང་གི་ཡེ་ཤེས། གཞན་བྱུང་གི་ཡེ་ཤེས། གནས་གྱུར་གྱི་ཡེ་ཤེས་རྣམས་ཀྱི་བདག་ཉིད། ཡོན་ཏན་དེ་དང་དེ་དག་གི་རྟེན་བྱེད་པའི་ཆ་ནས་སྐུའི་ཐ་སྙད་འཇུག་པ་དང་། ཆོས་ཀྱི་སྐུ་རྡོ་རྗེའི་མཚན་ཉིད་ཅན་དེ་ཉིད་ཀྱི་རང་བཞིན་ཆོས་ཀྱི་དབྱིངས་སམ་ཆོས་སྐུའི་ངང་ལས། ཆོས་ཀྱི་དབྱིངས་ཀ་ནས་དག་པ་དེ་ཉིད་ཀྱི་ངོ་བོ་ཉིད་ཀྱི་རྣམ་འཕྲུལ་ལས་གཞན་དུ་གཡོ་བ་མེད་པའི་གང་འདུལ་ཐུགས་རྗེའི་རྩལ་དང་རོལ་པ་མ་འགགས་པའི་རྣམ་ཆར་ཤར་བ། གདུག་པ་ཅན་འདུལ་བ་ལ་མཐུ་སྟོབས་ལྷག་པར་འབར་བའམ། གར་ཉམས་དགུའི་གཟི་བྱིན་འབར་བའི་ཁྲོ་བོ་སྲས་མཆོག་ཀཱི་ལ་ཡ་དཔལ་ཆེན་པོའི་མཐུ་རྩལ་ཕྲིན་ལས་ཀྱི་ངོ་བོ་ལྷག་པར་བསྐྱེད་པ་ལས་བྱུང་བས་ ― LT30_Page_0122 ―
[མ་དཔེ་གཟིགས་ན་འདིར་གནོན།]
བཟོད་པར་དཀའ་བའི་གཟི་བྱིན་གྱིས་མི་བཟད་འཇིགས་རུང་དྲག་པོའི་སྐུའི་གཏེར་རམ་དབྱིག་སྟེ། ཡོན་ཏན་ཐམས་ཅད་འདུས་ཤིང་རྫོགས་པའི་བདག་ཉིད་དུ་སྐྱེད་པར་མཛོད་ཅིག་ཅེས་བསྐུལ་ཞིང་གསོལ་བའོ། །གཉིས་པ་བསྐྱེད་པ་དངོས་ལ། སྐུ་གསུམ་གྱི་ཀློང་ནས་བསྐྱེད་པ་ལ་ཆོས་གསུམ། སྐུ་གསུང་ཐུགས་ཡེ་ཤེས་རྩེ་གཅིག་ཏུ་བྱིན་གྱིས་རློབ་པ་ལ་ཡིག་འབྲུ་གསུམ། ཆུ་སྲིན་རྣམ་གྲོལ་གྱི་ཕྱག་རྒྱས་བླང་བ་ལ་དགོས་པ་གསུམ། རིགས་ལྔས་དབང་བསྐུར་བ་ལ་རྫས་གསུམ། སྐུ་གསུང་ཐུགས་བྱིན་བརླབ་ལ་སྔགས་གསུམ། གུ་གུལ་གྱིས་གདུག་པ་ལ་ནུས་པ་གསུམ། ཡུངས་ཀར་གྱིས་བྲབ་པ་ལ་ཏིང་འཛིན་གསུམ། རཀྟས་བྱུགས་པ་ལ་ངར་གསུམ། སྲས་མཆོག་གི་རྣམ་དབྱེ་མུ་བཞི། ཕུར་པའི་རྣམ་དབྱེ་ལ་ཆོས་བདུན་ཏེ་དོན་བཅུའི་སྒོ་ནས་ཤེས་པར་བྱ་དགོས་ལ། འདིར་དེ་དག་གི་དོན་ཚང་བར་ཚིག་ཉུང་ངུས་བསྟན་ན། སྤྱིར་རྫས་ཀྱི་དཀྱིལ་འཁོར་ཞེས་བྱ་བ་ནི་སྲས་མཆོག་རིགས་ལྔ་ཡིན་ཏེ། འདི་ཉིད་འཁོར་ལོས་སྒྱུར་བའི་རྒྱལ་པོའི་སྲས་དང་ཆོས་མཐུན་སྦྱར་ནས་བཤད་དགོས་པར་གསུངས་པས། དཔེར་ན་འཁོར་སྒྱུར་གྱི་སྲས་དེ་ཉིད་ཕའི་རྒྱུད་ཀྱིས་དག་པ། མའི་རྒྱུད་ཀྱིས་དག་པ་སྟེ་རིགས་རུས་ཆོ་འབྲངས་དང་ལྡན་པ་དགོས་པ་ལྟར། འདིའང་དང་པོ་ཆོས་སྐུ། གཉིས་པ་ལོངས་སྐུ། གསུམ་པ་སྤྲུལ་སྐུ་དབུ་གསུམ་ཕྱག་དྲུག་པའམ། དབུ་གཅིག་ཕྱག་བཞི་པ། སྐུ་སྨད་ཕུར་བུའི་དཔལ་གྱི་རྣམ་པ་ཅན་དེ་ཉིད་སྐུ་གསུམ་གྱི་ཀློང་ནས་ཤར་བ་སྟེ། གསང་རྒྱུད་ལས། འདིར་ནི་ ― LT30_Page_0123 ―
[མ་དཔེ་གཟིགས་ན་འདིར་གནོན།]
དབུ་གསུམ་ཕྱག་དྲུག་དང་། །ཞལ་གཅིག་ཕྱག་ཀྱང་བཞི་པ་སྟེ། །དེ་ལས་མང་བ་ངས་མ་བཤད། །ཅེས་དང་། དེ་ཉིད་ལས། ལྟེ་བ་མན་ཆད་སྐུ་སྨད་ནི། །སྔོ་བསངས་མི་བཟད་འཇོམས་པའི་ཚུལ། །ཞེས་གསུངས་ཤིང་། དེ་ལྟར་འཁོར་སྒྱུར་གྱི་སྲས་དེ་སྐྱེ་ས་བཟང་ཡང་འཁོར་དང་ལོངས་སྤྱོད་མེད་ན་རྒྱལ་པོར་མི་ཚུད་པ་དང་འདྲ་བར། འདིར་སྲས་མཆོག་ཀྱང་སྐུ་གསུམ་གྱི་ཀློང་ནས་བསྐྱེད་ཀྱང་ལྷ་ཚོགས་རྫས་དང་འདྲ་བ་མ་ཚང་ན་སྲས་མཆོག་ཏུ་མི་འགྱུར་བས། ལྷ་ཚོགས་ཀྱང་འདི་ལ་ཚང་དགོས་ཏེ། ཇི་ལྟར་གསལ་ཞིང་ཚང་བའི་ཚུལ་ཡང་། གསང་རྒྱུད་ལས། སྐུ་གཅིག་ངང་ལས་དཀྱིལ་འཁོར་ཐམས་ཅད་རྫོགས། །ལོགས་བརྒྱད་རང་བཞིན་ཁྲོ་བོ་བརྒྱད། །ཟུར་བརྒྱད་འབྱུང་བའི་ཁྲོ་མོ་བརྒྱད། །སྟེང་འོག་ལྔ་ཡི་རང་བཞིན་ནོ། །ཞེས་གསུངས་པ་ལྟར་དཀྱིལ་འཁོར་ཐམས་ཅད་འདི་ལ་ཚང་བའོ། །དེ་ལྟར་རྒྱལ་པོ་དེ་འཁོར་ལོངས་སྤྱོད་དང་ལྡན་ཡང་གཟི་བརྗིད་ཆུང་ན་རྒྱལ་པོར་མི་ཆུད་པ་ལྟར། སྲས་མཆོག་འདི་ལའང་ཕུར་པའི་ལྷ་ཚོགས་ཚང་ཡང་དེ་དག་སྐུ་གསུང་ཐུགས་ཡེ་ཤེས་རྩེ་གཅིག་ཏུ་མ་བརླབས་ན་སྲས་མཆོག་ཏུ་མི་འགྱུར་བས། དཔལ་གྱི་ཟུར་གསུམ་ལ་ཧཱུྃ་གསུམ་དང་། ལོགས་གསུམ་ལ་ཕཊ་གསུམ། རྩེ་མོར་ཨ་ཡིག་གིས་མཚན་པར་གསལ་བས་ཡེ་ཤེས་རྩེ་ ― LT30_Page_0124 ―
[མ་དཔེ་གཟིགས་ན་འདིར་གནོན།]
གཅིག་གི་ངོ་བོར་གྱུར་པ་སྟེ། རྒྱུད་ལས། ལོགས་ན་ཕཊ་གསུམ་བཞག་པ་ཡིན། །ཟུར་གསུམ་ཧཱུྃ་གསུམ་བཞག་པ་ཡིན། །ཞེས་སོ། །དེ་ལྟར་རྒྱལ་པོ་གཟི་བརྗིད་དང་ལྡན་ཡང་རྒྱལ་པོར་དབང་མ་བསྐུར་ན་རྒྱལ་སར་མི་ཚུད་པ་བཞིན། སྲས་མཆོག་འདིའང་རིགས་ལྔས་དབང་མ་བསྐུར་ན་སྲས་མཆོག་ཏུ་མི་འགྱུར་བས། དབང་བསྐུར་བ་དགོས་ཏེ། གསང་རྒྱུད་ལས། ལག་གཡས་མཐིལ་དུ་ཉི་དཀྱིལ་ལས། །ཀུན་བཟང་འོད་དང་བཅས་པ་བསྐྱེད། །གཡོན་གྱི་ཨ་ལས་ཟླ་དཀྱིལ་དུ། །ཀུན་ཏུ་བཟང་མོ་ཨ་ལས་བསྐྱེད། །གུང་མོ་རྣམ་པར་སྣང་མཛད་དེ། །མཐེ་བོང་ལ་ནི་མི་བསྐྱོད་པ། །མཛུབ་མོ་རིན་ཆེན་འབྱུང་ལྡན་ནོ། །སྲིན་ལག་དོན་ཡོད་གྲུབ་པ་སྟེ། །མཐེའུ་ཆུང་སྣང་བ་མཐའ་ཡས་སོ། །གཡོན་པ་ལྔ་ལ་ཡུམ་ལྔའོ། །ཐབས་དང་ཤེས་རབ་སྙོམས་འཇུག་དུས། །སོར་མོ་ཅུང་ཟད་བསྣོལ་བར་བྱ། །ཕུར་པ་འདྲིལ་བར་བྱ་བ་ཡིན། །ཅེས་གསུངས་པ་ལྟར་བདག་ཉིད་ཆེན་པོར་དབང་བསྐུར་ཏེ། །རིགས་ཐམས་ཅད་པའི་ཁྲོ་བོར་ཡང་དབང་བསྐུར་བ་བདག་ཉིད་རྩ་བའི་དཀྱིལ་འཁོར་ལས་སྤྲུལ་པའི་ཁྲོ་བོའི་ཞལ་ནས་ཧཱུྃ་ཕཊ་ཀྱི་སྒྲ་དང་བཅས་པ་བསམ་གྱིས་མི་ཁྱབ་པ་འཕྲོས་ཏེ་སྲས་མཆོག་ལ་བྲིམ་པས་ཁམས་གསུམ་དུས་གཅིག་ཏུ་སྒྲོལ་ནུས་པའི་མཐུ་རྩལ་དང་ལྡན་པར་གྱུར་ ― LT30_Page_0125 ―
[མ་དཔེ་གཟིགས་ན་འདིར་གནོན།]
པ་དང་། སྐུ་གསུང་ཐུགས་ཀྱི་བདག་ཉིད་དུ་དབང་བསྐུར་བའི་ཕྱིར་ཆུ་སྲིན་རྣམ་གྲོལ་གྱི་ཕྱག་རྒྱས་བླངས་ལ། རྡོ་རྗེ་གཞོན་ནུ་ཡབ་ཡུམ་གྱི་བྱང་སེམས་ལས་ཕྱག་མཚན་ཕྲ་མོ་གྲངས་མེད་པ་སྤྲོས་ཏེ་སྲས་མཆོག་ལ་ཐིམ་པས་བདག་ཉིད་རྡོ་རྗེ་གཞོན་ནུ་དང་སྲས་མཆོག་བཛྲ་ཀཱི་ལ་ཡ་གཉིས་སྐུ་གསུམ་གཅིག་ཏུ་གྱུར་པ་དང་། དེ་ལྟར་རྒྱལ་པོར་དབང་བསྐུར་ཀྱང་བསོད་ནམས་ཚད་མེད་པ་དང་མི་ལྡན་ན་རྒྱལ་པོར་མི་ཚུད་པ་དང་འདྲ་བར། །སྲས་མཆོག་འདིའང་སྐུ་གསུམ་དུ་བྱིན་གྱིས་བརླབ་དགོས་པས། རྒྱལ་བ་ཐམས་ཅད་ཀྱི་རྡོ་རྗེ་གསུམ་གྱི་ངོ་བོར་བྱིན་གྱིས་བརླབ་པ་དང་། གཞན་ཡང་རྒྱལ་པོ་དེ་ཉིད་དམག་ལ་ཆས་པའི་ཚེ་གོ་ཆ་བགོ་བ་ལྟར། །སྲས་མཆོག་ལ་ཡུངས་དཀར་ནག་གིས་བྲབས་པས་སྐུ་ལུས་ཐམས་ཅད་ཁྲོ་ཆུང་གིས་གོ་མཚམས་མེད་པར་གཏམས་ནས་དགྲ་བགེགས་སྒྲོལ་བའི་ལས་ལ་མངགས་པ་ནི། རྒྱུད་ལས། ཁྲོས་པའི་རྒྱལ་པོ་བསྐུལ་བའི་ཕྱིར། །ཡུངས་ཀར་བྱིན་བརླབས་ཁྲོ་ཆུང་བསྐྱེད། །ཅེས་སོ། །ཡང་རྒྱལ་པོ་དེ་དམག་ལ་ཆས་པ་ན་གོ་གྱོན་བསམ་ཚད་མཚོན་རྣོན་པོ་ཐོགས་དགོས་པ་བཞིན། འདིར་ཡང་གུ་གུལ་གྱིས་བདུག་པས་གདུག་པའི་དཔལ་དང་ལྡན་ལ་མི་བཟད་པའི་ངར་དང་ལྡན་པར་བསྐྲུན་ཏེ། རྒྱུད་ལས། གུ་གུལ་བདུག་ཅིང་ཡུངས་ཀར་ ― LT30_Page_0126 ―
[མ་དཔེ་གཟིགས་ན་འདིར་གནོན།]
བརྡེག །བྱིན་བརླབ་དབང་བསྐུར་ཤིན་ཏུ་གཅེས། །ཞེས་གསུངས་པ་དང་། ཡང་རྒྱལ་པོ་དེས་མཚོན་རྣོན་པོ་དགྲ་ལ་ཐེབས་དགོས་པ་དང་མཚུངས་པར། འདིར་ཡང་རཀྟས་བྱུགས་ཏེ་ཕུར་བུ་དམར་ནག་དུད་ཀ་རེག་པས་འཇོམས་པ་གཅིག་ཏུ་གསལ་བ་སྟེ། རྒྱུད་ལས། གདུག་པ་བརླག་པར་བྱ་བའི་ཕྱིར། །ར་ཁྱི་ཕག་པའི་ཁྲག་གིས་བྱུག །ཅེས་གསུངས་པ་དང་། ཡང་རྒྱལ་པོ་དེ་ཕས་ཀྱི་གཡུལ་ལས་རྒྱལ་ཏེ་དགྲའི་ཡུལ་མཁར་ཐོབ་དགོས་པ་དང་འདྲ་བར། འདིར་ཡང་དགྲ་བགེགས་ཀྱི་སྙིང་དཀར་ནག་མཚམས་སུ་འདེབས་པར་བྱ་བ་སྟེ། རྒྱུད་ལས། གནད་ཆེན་ཐམས་ཅད་འདུས་པ་ཡི། །དཀར་ནག་མཚམས་སུ་གདབ་པར་བྱ། །ཞེས་བཤད་དོ། །དེ་ལྟར་འཁོར་ལོས་སྒྱུར་བའི་རྒྱལ་པོ་དང་རྣམ་གྲངས་དུ་མའི་སྒོ་ནས་ཆོས་མཚུངས་པའི་སྲས་མཆོག་དེ་ལ་གྲངས་ཀྱི་སྒོ་ནས་བུདྡྷ། བཛྲ། རཏྣ། པདྨ། ཀརྨ་སྟེ་ལྔར་ངེས་སམ་སྙམ་ནམ་ཡིན་ཏེ། སྲས་མཆོག་རབ་བརྒྱ་རྩ་བརྒྱད། འབྲི་བ་ཉེར་གཅིག་གམ་ལྔ། ཐ་མ་བཛྲ་འདུས་པ་གཅིག་ཏུ་གསུངས་པ་ཡིན་ལ། མིང་གི་རྣམ་གྲངས་ནི། བསྙེན་ཕུར་ཞེས་ཀྱང་བྱ། ཕུར་པ་རྫས་ཀྱི་དཀྱིལ་འཁོར་ཞེས་ཀྱང་བྱ། སྲས་མཆོག་ཅེས་ཀྱང་བྱ་སྟེ། དེ་ལ་བསྙེན་ཕུར་ནི་བསྙེན་པའི་ནུས་པ་ཐམས་ཅད་འདི་ལ་གསག་པའི་ཕྱིར་དང་། ཕུར་པ་རྫས་ཀྱི་དཀྱིལ་འཁོར་ཞེས་པ་ནོར་ལོངས་སྤྱོད་མང་དུ་ཚོགས་པ་ལ་ ― LT30_Page_0127 ―
[མ་དཔེ་གཟིགས་ན་འདིར་གནོན།]
སྤྱི་མིང་དུ་རྫས་ཞེས་གྲགས་པ་ལྟར། འདི་ལའང་ལྷ་དང་བྱིན་རླབས་ཐམས་ཅད་འདུས་པའི་ཕྱིར་རོ། །སྲས་མཆོག་ཅེས་པ་ནི་དཔལ་ཆེན་པོའི་ཐུགས་ལས་སྤྲུལ་པའི་སྲས་ཡིན་པ་དང་། དཀྱིལ་འཁོར་ལུས་ལ་རྫོགས་པ་དང་། ཕྲིན་ལས་ཐམས་ཅད་བྱེད་པའི་མཆོག་ཡིན་པའི་ཕྱིར་དང་། གཞན་རྣམས་ནི་གཙོ་བོ་མཆོག་ཡིན་ཀྱང་སྲས་མ་ཡིན་ཞིང་། ཁྲོ་བོ་བཅུ་སྲས་ཡིན་ཀྱང་སྲས་མཆོག་ལྟར་གྱི་ཕྲིན་ལས་ཐམས་ཅད་མི་མཛད་པས་མཆོག་མ་ཡིན་ལ། དམ་ཅན་རྣམས་སྲས་ཀྱང་མ་ཡིན། མཆོག་ཀྱང་མ་ཡིན་པའི་ཕྱིར་ཏེ། ཇི་སྐད་དུ། རྩ་བའི་ཐུགས་ལས་བསྐྱེད་པའི་ཕྱིར། །སྒྲོལ་བྱེད་སྲས་སུ་བཤད་པ་ཡིན། །གདུག་པ་ཅན་རྣམས་འདུལ་བ་ལ། །མངགས་པས་མཆོག་ཏུ་བཤད་པ་ཡིན། །ཕྲིན་ལས་ཀུན་རྫོགས་རྒྱལ་པོ་སྟེ། །སྲས་མཆོག་ཆེན་པོ་ཞེས་བྱར་བརྗོད། །ཅེས་གསུངས་པས་སོ། །དེ་ལྟ་བུའི་སྲས་མཆོག་དེ་ལ་ཤེས་པར་བྱ་བ་གསུམ་ཡོད་དེ། །སྲས་མཆོག་གཞལ་ཡས་ཁང་དུ་ཤེས་པ་དང་། ལྷར་ཤེས་པ་དང་། ཕྱག་མཚན་དུ་ཤེས་པའོ། །དང་པོ་ནི། རྩེ་མོ་ཟུར་གསུམ་ནམ་མཁའི་དཀྱིལ་འཁོར་གྲུ་གསུམ། ལོགས་གསུམ་ཟླ་གམ་རླུང་གི་དཀྱིལ་འཁོར། རྒྱ་མདུད་འོག་མ་དང་དཔལ་གྱི་བར་ནི་ཟླུམ་པོ་ཆུའི་དཀྱིལ་འཁོར། རྒྱ་མདུད་འོག་མ་གྲུ་བཞི་སའི་དཀྱིལ་ ― LT30_Page_0128 ―
[མ་དཔེ་གཟིགས་ན་འདིར་གནོན།]
འཁོར། འོད་དང་འོད་ཟེར་མེའི་དཀྱིལ་འཁོར་ཏེ་འབྱུང་བ་རིམ་བརྩེགས་དང་། རྒྱ་མདུད་གཉིས་ཀྱི་བར་གྱི་གཅུམ་གཞོགས་བརྒྱད་འཁོར་ལོ་རྩིབས་བརྒྱད། རྒྱ་མདུད་གོང་མ་རྒྱ་ཕེབས་སམ་བད་ཀྱི་ཚུལ་དུ་འདུག་པའོ། །གཉིས་པ་ནི། དབུས་ཀྱི་ཁང་སེང་དུ་དཔལ་རྡོ་རྗེ་གཞོན་ནུ་ཡབ་ཡུམ། བཅུམ་གཞོགས་བརྒྱད་ལ་ཁྲོ་བོ་བརྒྱད། རྒྱ་མདུད་གོང་མ་ལ་ཧཱུྃ་ཀ་ར། འོག་མ་ལ་སྟོབས་པོ་ཆེ། འོག་མའི་ལོགས་བཞི་ལ་སྒོ་མ་བཞི། ཟུར་བཞི་ལ་དམ་ཅན་གྱི་སྡེ་རྣམས་སོ། །གསུམ་པ་ནི། ལྷ་ཐམས་ཅད་ཀྱི་ཕྱག་ན་ཕུར་པ་རེ་བསྣམས་པའང་སྲས་མཆོག་འདི་ཁོ་ན་ཡིན་པ་དང་། འདི་ཁོ་ན་ལའང་དཀྱིལ་འཁོར་གསུམ་རང་བཞིན་གྱིས་ཚང་བ་ཉིད་ཡིན་པར་གསུངས་སོ། །ཕུར་པའི་རྣམ་གཞག་ལའང་གཉིས་ཏེ། སྤྱིར་གང་ཟག་རྣམ་བཞི་མཐར་དབྱུང་བར་བྱེད་པ་ཕུར་བུའི་རྒྱུ་བཞིར་དབྱེ་བ་དང་། བྱེ་བྲག་ཏུ་མཚན་མ་རྫས་ཀྱི་ཕུར་པ་ཅུང་ཟད་ཕྱེ་སྟེ་བཤད་པའོ། །དང་པོ་ནི། ནམ་མཁའ་ལྟ་བུ། རི་བོ་ལྟ་བུ། བྱ་ཀ་ལནྟ་ཀ་ལྟ་བུ། ཙནྡན་གྱི་སྡོང་པོ་ལྟ་བུའི་གང་ཟག་བཞིས་རིམ་པ་བཞིན་རིག་པ་ཡེ་ཤེས་ཀྱི་ཕུར་པ། ཚད་མེད་སྙིང་རྗེའི་ཕུར་པ། བྱང་ཆུབ་སེམས་ཀྱི་ཕུར་པ། མཚན་མ་རྫས་ཀྱི་ཕུར་པ་སོ་སོར་ཉམས་སུ་བླངས་ནས་མཐར་དབྱུང་བ་སྟེ། དེ་རེ་རེ་ལའང་རྟེན་གྱི་གང་ཟག །ཕུར་པའི་ངོ་བོ། །གདབ་པའི་ཡུལ། ཐེབས་ ― LT30_Page_0129 ―
[མ་དཔེ་གཟིགས་ན་འདིར་གནོན།]
པའི་ཚད། བཏབ་པའི་ཡོན་ཏན། མ་ཐེབས་པའི་སྐྱོན། འབྲས་བུ་སྟེ་དེ་དག་གི་སྒོ་ནས་ཤེས་པར་བྱ་བ་ནི་འདིའི་སྲོག་གནད་ཡིན་ལ། འདི་ཚུལ་གོང་དུ་སྤྱིའི་དོན་རྣམ་པར་གཞག་པའི་ས་བཅད་གསུམ་པའི་སྐབས་སུ་ཅུང་ཟད་བསྟན་ཟིན་ལ། རྒྱས་པ་རྒྱུད་གཞུང་འགྲེལ་བ་གཞན་ན་ཤེས་པར་བྱའོ། །གཉིས་པ་མཚན་མ་རྫས་ཀྱི་ཕུར་པ་བྱེ་བྲག་ཏུ་བཤད་པ་ལ་དྲུག་སྟེ། ཕུར་པའི་རྒྱུ། ངེས་ཚིག། ཚད། དབྱེ་བ། རྣམ་དག །ལས་འབྲས་སོ། །དང་པོ་རྒྱུ་ནི། གསང་རྒྱུད་ལས། དངུལ་ལམ་དཀར་པོའི་ཤིང་རྣམས་ནི། །ཞི་བ་ཆོས་ཀྱི་ཕུར་པའི་རྒྱུ། །གསེར་རམ་སེར་པོའི་ཤིང་རྣམས་ནི། །ཡོན་ཏན་རྒྱས་པའི་ཕུར་པའི་རྒྱུ། །ཟངས་སམ་དམར་པོའི་ཤིང་རྣམས་ནི། །གསུང་མཆོག་དབང་གི་ཕུར་པའི་རྒྱུ། །ལྕགས་སམ་ནག་པོའི་ཤིང་རྣམས་ནི། །དྲག་པོ་ལས་ཀྱི་ཕུར་པའི་རྒྱུ། །ཞེས་སོ། །གཉིས་པ་ནི། མྱང་འདས་ལས། །ཕུར་ནི་སྐྱེ་བ་མེད་པའི་དབྱིངས། །པ་ནི་འགག་པ་མེད་པའི་དོན། །ཕུར་ནི་ཆོས་ཀྱི་དབྱིངས་ཞེས་བྱ། །པ་ནི་རིག་པའི་ཡེ་ཤེས་སོ། །གཉིས་སུ་མེད་པས་མྱ་ངན་འདས། །སེམས་ཀྱི་སེམས་ཉིད་ཕུར་པ་ཡིན། །ཆོས་ཀྱི་ཆོས་ཉིད་ཕུར་པ་ཡིན། །ནམ་མཁའི་མཚན་ཉིད་ཕུར་པ་ཡིན། །གསལ་བར་བསྒོམས་ན་ ― LT30_Page_0130 ―
[མ་དཔེ་གཟིགས་ན་འདིར་གནོན།]
བསྐྱེད་པ་ཡིན། །གཉིས་སུ་མེད་ན་སྦྱོར་བ་ཡིན། །ལྟངས་ཀྱིས་རྟོགས་ན་ཐེབས་པ་ཡིན། །ཉམས་འོག་ཚུད་ན་བསྒྲལ་བ་ཡིན། །ཞེས་སོ། །གསུམ་པ་ནི། གསང་རྒྱུད་ལས། སོར་བཞི་འབྱུང་བ་བཞི་ཡི་ཚད། །སོར་བརྒྱད་རྣམ་ཤེས་བརྒྱད་ཀྱི་ཚད། །བཅུ་གཉིས་སྐྱེ་མཆེད་བཅུ་གཉིས་ཚད། །བཅོ་བརྒྱད་ཚད་དུ་བསྟན་པ་ནི། ཁམས་ནི་བཅོ་བརྒྱད་འཇོམས་པའི་རྟགས། །ནས་གང་ཚད་དུ་བསྟན་པ་ནི། །བྱང་ཆུབ་སེམས་མཆོག་ཚད་དུ་བསྟན། །ཅེས་སོ། །བཞི་པ་ལ། དོན་དམ་གྱི་ཕུར་པ་དང་། ཀུན་རྫོབ་ཀྱི་ཕུར་པའོ། །དང་པོ་ནི་རྒྱུད་ལས། ཕུར་པའི་དོན་ནི་རིག་པའི་ཡེ་ཤེས་ཏེ། །དེ་ཡི་ཡུལ་ནི་ཆོས་ཀྱི་དབྱིངས་ཞེས་བྱ། །ཞེས་དང་། གཉིས་པ་ནི། །ལྕགས་སྣ་ལྔ་དང་ཤིང་སྣ་བཞིའི་ཕུར་པ་སྟེ། མྱང་འདས་ལས། ས་ལྕགས་གནམ་ལྕགས་ཁྲོ་ཆུ་དང་། །མི་རྟ་བསད་པའི་མཚོན་རྩེ་བཞི། །ཕལ་པའི་ལྕགས་དང་ལྔ་ལ་བྱ། །ཞེས་པའོ། །ལྔ་པ་ནི། །མྱང་འདས་རྒྱུད་ལས། རྒྱུ་མདུད་གོང་མ་ཆོས་སྐུ་སྟེ། །གཉིས་པ་ལོངས་སྤྱོད་རྫོགས་པ་ཡིན། །རྩེ་མོ་སྤྲུལ་པའི་སྐུ་ཡིན་པས། །མགོ་དང་རྩ་བ་མ་ནོར་བར། །ཟུར་གསུམ་པ་རུ་རྣམ་པར་བཞོག །ཅེས་སོ། །དྲུག་པ་ནི། །གསང་རྒྱུད་ལས། །ཙནྡན་དཀར་པོའི་ཕུར་པ་ཡིས། །ནད་རྣམས་མ་ལུས་ཞི་བར་བྱེད། །སྐྱེར་པའི་ཕུར་པ་ ― LT30_Page_0131 ―
[མ་དཔེ་གཟིགས་ན་འདིར་གནོན།]
ཟུར་་བཞི་ཡིས། །ཚེ་དང་ལོངས་སྤྱོད་རྒྱས་པར་བྱེད། །སེང་ལྡེང་ཕུར་པ་ཟླ་གམ་གྱིས། །ཐམས་ཅད་དབང་དུ་སྡུད་པར་བྱེད། །བསྭ་ཤིང་ཕུར་པས་རིགས་རྒྱས་བྱེད། །གསེར་གྱིས་བྱང་ཆུབ་སེམས་རྒྱས་བྱད། །ཙནྡན་དམར་པོའི་ཕུར་པ་ཡིས། །བུ་མོ་དབང་དུ་སྡུད་པར་བྱེད། །མཛོ་མོས་བློན་པོ་དབང་དུ་སྡུད། །བསྭེ་ཤིང་དམངས་རིགས་དབང་དུ་སྡུད། །ཟངས་ཀྱིས་རྒྱལ་པོ་དབང་དུ་སྡུད། །ཤིང་གིས་གདོན་རྣམས་དབང་དུ་སྡུད། །ཅེས་པ་ལྟར་རོ། །འབྲས་བུ་ནི། །སངས་རྒྱས་ཀུན་གྱི་ཡེ་ཤེས་སྐུ། །ཞེས་སོགས་ཀྱིས་བསྟན་པའི་མཐར་ཐུག་ཕུར་བཞིའི་དགོངས་པ་མངོན་དུ་གྱུར་ནས་སངས་རྒྱས་པའོ། །དེས་སྤྲུལ་པའི་སྐུའི་ངོ་བོ་ཕུར་པ་རྫས་ཀྱི་དཀྱིལ་འཁོར་མདོ་ཙམ་བསྟན་ཟིན་ཏེ། སྤྱི་དོན་གཉིས་པ་དཀྱིལ་འཁོར་རྣམ་པ་གསུམ་སྔོན་དུ་འགྲོ་བ་དང་བཅས་པས་དོན་གྱི་ཁོག་དབུབ་པ་ཚར་རོ། །སྤྱི་དོན་གསུམ་པ་ཁམས་གསུམ་གྱི་སྲོག་ལ་དབང་བསྐུར་ཞིང་སྲོག་གི་ཡེ་ཤེས་སེམས་དཔས་སྲོག་ལ་དབང་བསྐུར་བ་བཤད་པ་ལ་གཉིས། གསོལ་བ་གདབ་པ་དང་། དབང་བསྐུར་བའོ། །དང་པོ་ནི། ཐབས་ཀྱིས་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་པར་མཛོད། །དབང་དང་བྱིན་རླབས་འདིར་སྩོལ་ཅིག། ཅེས་པ་སྟེ། འདི་ལ་རིག་འཛིན་གྲུབ་པའི་རྒྱལ་ ― LT30_Page_0132 ―
[མ་དཔེ་གཟིགས་ན་འདིར་གནོན།]
པོ་རྣམས་གསུམ་གྱི་དགོངས་པའི་ཟུར་ཐམས་ཅད་ཚང་བར་མདོ་ཙམ་བསྙད་ན། །སེམས་ཅན་གྱི་དོན་དུ་ཐབས་བསམ་གྱིས་མི་ཁྱབ་པ་དང་ཐབས་ལ་མཁས་པ་ཐམས་ཅད་ཀྱི་སྤྱོད་པས་ཟིན་པར་བསམ་པ་བྱམས་པ་དང་། ལག་ལེན་སྙིང་རྗེ་ནི་སྤྱིར་ཐེག་ཆེན་དང་། ཁྱད་པར་གསང་སྔགས་ལ་གལ་ཆེ་བའི་སྙིང་པོ་གཅིག་ཏུ་གྱུར་པའི་ཕྱིར། དེ་ལྟ་བུས་ཁྱད་པར་དུ་བྱས་པའི་སངས་རྒྱས་ཀྱི་ཕྲིན་ལས་ཀྱི་ངོ་བོ་བསྐྱེད་རྫོགས། ངེས་ཚིག་སངས་རྒྱས་ཀྱི་ཕྲིན་ལས་གང་ཟག་གི་ལས་སུ་བྱ་བ། དབྱེ་བ་ཕྲིན་ལས་བཞི་དང་། ཡང་ན་མ་རིག་པ་སངས་ཤིང་ཡེ་ཤེས་རྒྱས་པ་ལ་ཕྲིན་ལས་རྫོགས་པར་བྱས་པ་དང་། ཞི་རྒྱས་དབང་དྲག་གང་འདུལ་གྱི་ཕྲིན་ལས་ཐམས་ཅད་རྫོགས་པར་མཛད་པའི་དོན་དུ་ཕྱི་དབང་སྣང་བ་ལྷར་ཤེས་པ། ནང་དབང་སྣང་སྲིད་སེམས་སུ་ཤེས་པ། གསང་དབང་སྣང་སྲིད་སྟོང་པར་རྟོགས་པར་བྱིན་གྱིས་རླབས་ཀྱི་ཕྲིན་ལས་རྫོགས་པར་སྩོལ་ཅིག་པའི་དོན་དུ་སྤྱིར་ཤེས་པར་བྱ་ཞིང་། དོན་དཀྱིལ་འཁོར་རྣམ་པ་གསུམ་གྱི་སྲོག་ལ་དབང་བསྐུར་བས་སངས་རྒྱས་ཀྱི་ཕྲིན་ལས་ཐམས་ཅད་རྫོགས་པ་དེས་ཁམས་གསུམ་གྱི་སྲོག་གམ་སྙིང་པོ་ལ་ཐེབས་ནས་སྣང་གྲགས་རིག་པ་ལྷ་སྔགས་བདེ་བ་ཆེན་པོའི་རང་བཞིན་ཉིད་དུ་འཆར་བས་སྲོག་གི་ཡེ་ཤེས་སེམས་དཔའ་གང་གིས་སྲོག་གམ་སྙིང་པོའི་ཡེ་ཤེས་གསོས་བཏབ་པའམ། རྒྱལ་བ་ཀུན་གྱི་ཕྲིན་ལས་དུས་གཅིག་ ― LT30_Page_0133 ―
[མ་དཔེ་གཟིགས་ན་འདིར་གནོན།]
ཏུ་སྒྲུབ་ནུས་པའི་མཐུ་དང་དབང་ཆེན་པོ་བརྙེས་པའི་ཕྱིར་དུ་གོ་ན་རུང་ངོ། །གཉིས་པ་དབང་བསྐུར་བ་དངོས་ནི། དེ་ལྟར་གསོལ་བ་བཏབ་པ་དང་སངས་རྒྱས་རིགས་ལྔ་སྤྱི་བོའི་ཐད་དུ་སྤྱན་དྲངས་ཏེ་གཤེགས་པས་ཤར་ཕྱོགས་པས་ཆུ་དབང་། ལྷོ་ཕྱོགས་པས་དབུ་རྒྱན། ནུབ་ཕྱོགས་པས་རྡོ་རྗེ། བྱང་ཕྱོགས་པས་དྲིལ་བུ། དབུས་ནས་མིང་གི་དབང་བསྐུར་བ་དང་བཅས་པ་ནི་བུམ་དབང་། རིགས་ལྔ་ཡབ་ཡུམ་གྱི་བྱང་སེམས་ཀྱི་རྒྱུན་བདག་གཙོ་བོའི་སྤྱི་བོ་ནས་ཞུགས་ཏེ་ཐིམ་པ་གསང་དབང་། དབང་ལྷ་ཐམས་ཅད་འོད་དུ་འདུས་ཏེ་སྤྱི་བོ་ནས་ཐིམ་པ་ཤེར་དབང་། དེའི་དུས་ཀྱི་བདེ་སྟོང་གི་ཉམས་རྒྱུད་ལ་སྐྱེས་པ་དབང་བཞི་པ། དེ་ནས་རིགས་ལྔ་ཅིག་ཅར་དུ་ཡར་ལོག་ནས་དབུར་བརྒྱན་པ་ནི་དབང་རྟགས་སོ། །དེ་ལྟ་བུར་གྱུར་པ་ནི་དུས་གསུམ་གྱི་སངས་རྒྱས་ཐམས་ཅད་ཀྱིས་དབང་བསྐུར་བའོ། །དབང་དེ་ལྟ་བུའི་ཡེ་ཤེས་སྥ་ར་་ཕཊ་ཀྱིས་ཁམས་གསུམ་གྱི་སེམས་ཅན་ལ་ཕོག །དེ་རྣམས་རིགས་དྲུག་སོ་སོའི་ས་བོན་གྱི་ངོ་བོར་གྱུར། །དེ་འབྱུང་བའི་ཡི་གེ་གསུམ་གྱིས་བསྲེགས་གཏོར་སྦྱངས་པས་ཐམས་ཅད་དཀྱིལ་འཁོར་གསུམ་གྱི་སྐུར་གྱུར། དེ་ནས་འོད་ཀྱི་སྣང་བ་ཚུར་འདུས་སཾ་ཧ་ར་་ཧཱུྃ་གིས་སྙིང་གའི་རྟ་མགྲིན་ལ་འདུས། །དབང་བསྐུར་བས་བཀྲག་དང་གཟི་བརྗིད་དཔལ་དུ་འབར་བ་ནི་དེས་སྲོག་ལ་དབང་བསྐུར་བའོ། ། ― LT30_Page_0134 ―
[མ་དཔེ་གཟིགས་ན་འདིར་གནོན།]
དེས་བསྐུལ་ཏེ་རྟ་མགྲིན་ཡབ་ཡུམ་ཟག་མེད་བདེ་ཆེན་གྱི་རོལ་པའི་བྱང་སེམས་ཡེ་ཤེས་སེམས་དཔའ་ལ་ཐིམ་ནས་དབང་བསྐུར་བས་དེ་ཉིད་བཀྲག་དང་ལྡན་པར་གྱུར་པའི་གཟི་བརྗིད་ཡེ་ཤེས་ཀྱི་བཅུད་ཐམས་ཅད་རྡོ་རྗེའི་ལྟེ་བའི་ཐུགས་སྲོག་རྣམ་པར་མི་རྟོག་པའི་ཡེ་ཤེས་ཧཱུྃ་ཡིག་ལ་ཕོག །བཀྲག་དང་གཟི་མདངས་འོད་དུ་འབར་བ་ནི་ཡེ་ཤེས་སེམས་དཔས་སྲོག་ལ་དབང་བསྐུར་བའོ། །དེ་ནས་དཀྱིལ་འཁོར་གསུམ་གྱི་གནས་གསུམ་དུ་སྐུ་གསུང་ཐུགས་ཀྱི་ངོ་བོའི་ཡིག་འབྲུ་གསུམ་གྱི་སྤྲོ་བསྡུ་ལས་སྤྱི་བོར་རྣམ་སྣང་། མགྲིན་པར་སྣང་མཐའ། སྙིང་གར་མི་བསྐྱོད་པས་བརྒྱན་པར་གསལ་བ་ནི་དབང་གི་རྟགས་སུ་བཤད་དོ། །འདིའི་སྐབས་སྲོག་ཅེས་པ་ལ་གཉུག་མ་རང་བཞིན་གྱི་སྲོག །རྩ་བ་ལྟ་བུའི་སྲོག །ཐུགས་སྲོག །རིགས་དྲུག་གི་ས་བོན། མི་མ་ཡིན་པ་སོ་སོའི་སྲོག་ཡིག་སོགས་ཀྱི་རྣམ་གཞག་མང་དུ་འབྱུང་ཡང་། སྐབས་དོན་འདིར་སངས་རྒྱས་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱིས་ཁམས་གསུམ་གྱི་སྣོད་བཅུད་ལྷ་ཡི་དཀྱིལ་འཁོར་དུ་སྲོག་གམ་སྙིང་པོའི་རང་བཞིན་དུ་བསྒྱུར། སངས་རྒྱས་ཀུན་གྱི་ཡེ་ཤེས་སྲོག་གམ་སྙིང་པོའི་ཚུལ་དུ་བདག་གི་སྙིང་གར་བཞུགས་པའི་སྲོག་གི་ཡེ་ཤེས་སེམས་དཔའ་དཔའ་བོ་རྟ་མགྲིན་གྱི་རྣམ་པར་སྣང་བ་དེས་ཐུགས་སྲོག་གི་ངོ་བོ་ལ་མཐུ་དང་ཡོན་ཏན་གཟི་བརྗིད་ཀྱི་མདངས་རབ་ཏུ་ཕྱུང་ ― LT30_Page_0135 ―
[མ་དཔེ་གཟིགས་ན་འདིར་གནོན།]
བ་ལ་གོ་བར་བྱའོ། །སྤྱི་དོན་བཞི་པ་ཡེ་ཤེས་ཀྱི་དཀྱིལ་འཁོར་སྤྱན་དྲངས་ཤིང་མཆོད་ཅིང་བསྙེན་པས་དངོས་གྲུབ་ཀྱི་བཅུད་བླང་བ་ལ་གཉིས། གསོལ་བ་གདབ་པ་དང་། དོན་དངོས་བཤད་པའོ། །དང་པོ་ནི། འཁོར་བ་ཕུར་བུ་བསྒྲུབ་དོན་དུ། །དབང་དང་བྱིན་རླབས་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཕུར་པའི་དངོས་གྲུབ་སྩལ་དུ་གསོལ། །ཞེས་པས་བསྟན་ཏེ། སྤྱན་འདྲེན་གྱི་ཚིག་འདིའི་ཤུགས་ལས་གཞན་རྣམས་ཀྱང་གོ་དགོས་པ་ཡིན་ལ། སྲིད་པའམ་འཁོར་བའི་ཁམས་ཀྱི་སྣོད་བཅུད་དག་དང་མཉམ་པའི་རང་བཞིན་མ་མཐོང་སྟེ་ཐ་མལ་རང་རྒྱུད་པ་དང་དངོས་པོ་མཚན་མར་བཟུང་བས་སྡུག་བསྔལ་རྣམ་པ་དུ་མས་ཤ་ཐང་ཆད་པ་འདི་དག །ཡེ་གདོད་མ་ནས་རྣམ་པར་དག་པའི་ཕུར་པ་མཉམ་ཡངས་གདལ་བ་ཆེན་པོ་ཆོས་སྐུ་ཐིག་ལེ་ཉག་གཅིག་གི་རྣམ་རོལ་ལས་རྡོ་རྗེ་གཞོན་ནུའི་དཀྱིལ་འཁོར་རྣམ་གསུམ་སྐུ་གསུམ་གྱི་བདག་ཉིད་ཆེན་པོར་བསྒྲུབ་པའི་ཕྱིར་རམ་དོན་དུ། ཁམས་གསུམ་གྱི་སྲོག་ལ་དབང་བསྐུར་ཞིང་སྲོག་གི་ཡེ་ཤེས་སེམས་དཔས་སྲོག་ལ་དབང་བསྐུར་བས་སྟོང་སྲོག་ཆོས་སྐུའི་ཀློང་དུ་དབྱེར་མེད་ཆེན་པོར་འཕོ་འགྱུར་གཞོམ་གཞིག་མེད་པར་གཉུག་མ་དོན་གྱི་སྲོག་པ་རྩ་མྱུར་དུ་ཚུགས་པའི་དབང་དང་ ― LT30_Page_0136 ―
[མ་དཔེ་གཟིགས་ན་འདིར་གནོན།]
བྱིན་རླབས་ཀྱི་རིམ་པ་མ་ལུས་པ་ཞུ་བའམ་སྩོལ་བའི་ཕྱིར་དུ། དབྱིངས་དང་གཉིས་སུ་མེད་པའི་ཡེ་ཤེས་ཀྱི་རོལ་པའི་ཁྲོ་རྒྱལ་ཆེན་པོ་གནས་འདིར་མ་ཐོགས་མྱུར་བའི་ཐུགས་རྗེའི་ཤུགས་ཀྱིས་གཤེགས་སུ་གསོལ་ན། ཡེ་ཤེས་པའི་ཁྲོ་བོ་ཆེན་པོ་གཤེགས་ནས་ཀྱང་དངོས་ཉམས་རྨི་ལམ་གྱི་རྟགས་དང་མཚན་མ་བཟང་པོས་ཡེ་ཤེས་ཀྱི་ཁྲོ་བོ་གྲུབ་པའི་མཚོན་བྱེད་དུ་བསྟན་པ་དང་། ཕུར་པའི་དངོས་གྲུབ་མ་ལུས་པ་མཆོག་དང་ཐུན་མོང་གི་ཚུལ་དུ་སྩལ་བར་མཛད་དུ་གསོལ་ཞེས་དམ་ཚིག་གི་འཁོར་ལོས་འོག་མིན་ན་བཞུགས་པའི་ཡེ་ཤེས་ཀྱི་དཀྱིལ་འཁོར་ལ་གསོལ་བའོ། །གཉིས་པ་ལ་བཞི། ཡེ་ཤེས་པ་སྤྱན་དྲང་བ། །དེ་ལ་མཆོད་པ་བརྒྱད་དབུལ་བ། བསྙེན་པ་བྱ་བ། བསྟོད་ཅིང་དངོས་གྲུབ་བླང་བའོ། །དང་པོ་ནི། དམ་ཚིག་པའི་ཐུགས་ཀའི་འོད་ཀྱིས་འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས་རང་དང་མཚུངས་པའི་དཀྱིལ་འཁོར་གསུམ་མདུན་མཁར་སྤྱན་དྲང་བའོ། །གཉིས་པ་དེ་ལ་མཆོད་པ་དབུལ་བ་ལ་བརྒྱད། ཕྱག་གི་མཆོད་པ། ལྷ་མོ་བཞི་བསྣོལ། བ་ལི༚་གཏོར་མ། བདུད་རྩི་སྨན། རཀྟ་ཚར་གསུམ། སྦྱོར་དང་སྒྲོལ་བ། འདོད་དོན་གསོལ་བ། ཚོགས་དང་བསྟོད་པའི་མཆོད་པའོ། །དང་པོ་ནི། ནམ་མཁར་བཞུགས་པར་གསལ་བའི་ཡེ་ཤེས་པ་ལ་ཨ་ཏི་པུ་ཧོཿས་ཕྱག་བཙལ་བ་ལ། ཡེ་ཤེས་པས་བྲ་ཏི་ཛ་ཧོཿཞེས་ལན་དུ་དངོས་གྲུབ་ ― LT30_Page_0137 ―
[མ་དཔེ་གཟིགས་ན་འདིར་གནོན།]
ཀྱི་བཅུད་སྩོལ་བའོ། །གཉིས་པ་བསྟིམས་ནས་ལྷ་མོ་བཞི་བསྣོལ་གྱིས་མཆོད་པ་ལ། སྒོ་བཞིའི་ཡི་གེས་དགུག་གཞུག་བཅིང་མྱོས་ཀྱི་བྱ་བ་བྱས་ཏེ་དམ་ཡེ་བསྲེ་བའོ། །དེའི་འབྲུ་དོན་ཅུང་ཟད་བཤད་ན། །གང་ནས་སྤྱན་དྲང་ན་འོག་མིན་ནས་སྤྱན་དྲང་། གང་དུ་ན་ཏིང་ངེ་འཛིན་གྱི་དཀྱིལ་འཁོར་སྒྲུབ་གནས་དང་བཅས་པར་དྲང་། སྒྲུབ་པའི་གནས་ཀྱང་དྲག་པོའི་དབང་དུ་བྱས་ནས་ཁ་རལ་སྲིན་པོའི་གནས། ཤིང་གཅིག་དྲི་ཟའི་གནས། དྲག་པོ་གནོད་སྦྱིན་གྱི་གནས། ཆུ་མིག་ཀླུའི་གནས། དུར་ཁྲོད་མ་མོ་མཁའ་འགྲོའི་གནས་སོགས་མང་དུ་གསུངས་ཀྱང་། འདིར་རྣལ་འབྱོར་པ་སྒྲུབ་པ་གང་དུ་བྱེད་པའི་གནས་དེ་ཉིད་དུའོ། །གང་གིས་སྤྱན་དྲོང་ན་དམ་ཚིག་པས། གང་སྤྱན་དྲང་ན་དཀྱིལ་འཁོར་གསུམ་གྱི་ཡེ་ཤེས་པ་རྣམས་དྲང་བ་ཡིན། དགོས་པ་འཁོར་བ་གསུམ་མམ་སྲིད་པ་གསུམ་གྱི་སེམས་ཅན་ཐམས་ཅད་རྡོ་རྗེ་ཕུར་བུ་བསྒྲུབ་པའི་ཕྱིར་དང་། དབང་དང་དངོས་གྲུབ་བླང་བའི་དོན་དུ་སྤྱན་དྲངས། དབང་གང་ལེན་ན་རྟོགས་པ་ཆོས་ཉིད་ཀྱི་དབང་། རིག་པ་རྩལ་གྱི་དབང་། ཁམས་གསུམ་སྒྲོལ་བའི་དབང་། དྲག་པོ་ལས་ཀྱི་དབང་རྣམས་བླང་བའི་དོན་དུའོ། །དངོས་གྲུབ་ཅི་ལེན་ན་རབ་སངས་རྒྱས། འབྲིང་རིག་འཛིན། ཐ་མ་མིག་སྨན་ལ་སོགས་པའམ། ཡང་ན་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་བླང་བའི་ཕྱིར་དུ་ཡིན་ལ། སྤྱན་དྲངས་བྱའི་ལྷ་དེ་དག་ལ་ཡེ་ཤེས་ཁྲོ་བོ་ཞེས་པའི་ ― LT30_Page_0138 ―
[མ་དཔེ་གཟིགས་ན་འདིར་གནོན།]
རྒྱུ་མཚན་ཡང་། ཡེ་ཤེས་ནི་ཇི་ལྟ་བ་དང་ཇི་སྙེད་པ་མཁྱེན་པ་ཡིན་ལ། དེ་དང་ལྡན་པ་ནི་ཡེ་ཤེས་པ། ཁྲོ་བོ་ནི་རྔམས་ཞིང་བརྗིད་པ་སྟེ་ཡེ་ཤེས་པ་ཡིན་ལ་ཁྲོ་བོ་མ་ཡིན་པ་ཞི་བའི་རིགས་ལྔ་ལྟ་བུ་དང་། ཡེ་ཤེས་པ་མིན་པ་ལ་ཁྲོ་བོ་ཡིན་པ་བདུད་དང་སྲིན་པོ་ལྟ་བུ་དང་། ཡེ་ཤེས་པའང་མ་ཡིན་ལ་ཁྲོ་བོའང་མ་ཡིན་པ་རིགས་དྲུག་གི་སེམས་ཅན་ལྟ་བུ་ནི་འདིར་སྤྱན་འདྲེན་པ་མིན་ལ། ཡེ་ཤེས་ཀྱང་ཡིན་ལ་ཁྲོ་བོའང་ཡིན་པ་རྡོ་རྗེ་གཞོན་ནུ་ཕྲིན་ལས་ཕུར་པ་རོལ་པའི་ལྷ་ཚོགས་རྣམས་སྤྱན་འདྲེན་པ་ཡིན་པས་ན་འདི་དག་ལ་ཡེ་ཤེས་ཁྲོ་བོ་ཞེས་འཇོག་ཅིང་། སྤྱན་དྲངས་ནས་བྱེད་ལས་གང་བྱེད་ན་རྟགས་དང་མཚན་མ་སྟོན་པའི་བྱེད་ལས་མཛད་དེ། རྟགས་ནི་རབ་ཞལ་སྟོན། འབྲིང་ཕུར་བུ་ནམ་མཁར་ལྡིང་བ། ཐ་མ་རྨིས་ལྟས་སྟོན་པའམ། ཡང་ན་ལུས་ཡང་བ། ངག་བཙུན་པ། ཡིད་བདེ་བའོ། །མཚན་མ་ནི་མི་རྟོག་པའི་ཡེ་ཤེས་སྐྱེ་བ་རྣམས་ཡིན་པར་གསུངས་པའི་གནད་འདི་དག་འདི་ཙམ་དུ་མ་ཟད་སྤྱིར་གོ་བ་གལ་ཆེའོ། །གསུམ་པ་གཏོར་མའི་མཆོད་པ་ནི། དམ་ཚིག་ཆེན་པོས་གཙོ་བོ་དང་། སྤྲུལ་པ་ཆེན་པོས་ཕྱོགས་བཅུ་ཁྲོ་བོ་ལ་དང་། ཕྱག་བརྙན་ཆེན་མོས་མགོ་བརྙན་ཉི་ཤུ་ལ། ཤྭ་ནའམ་ཁྱིའི་གདོང་ཅན་གྱི་ས་ཤྭ་ན་བཞི་ལ། བདག་ཉིད་ཆེན་མོས་རེ་མ་ཏི་ལ། ས་བདག་གིས་བསྭེ་མོ་བཞི་ལ། ཁྱེད་ཀྱི་དམ་ཚིག་གིས་ལིང་ག་དབུལ་བའོ། ། ― LT30_Page_0139 ―
[མ་དཔེ་གཟིགས་ན་འདིར་གནོན།]
བཞི་པ་སྨན་མཆོད་ལ་ལྔ་སྟེ། སྨན་གྱི་ཆེ་བ་བརྗོད་པ། སྨན་མཆོད་དངོས། བཤགས་པ། དངོས་གྲུབ་བླང་བ། སྨོན་ལམ་སྟེ་དོན་དེ་དག་གིས་སྣང་སྲིད་བདུད་རྩི་དག་པས་དགྱེས་པ་བསྐྱེད་པའོ། །ལྔ་པ་རཀྟ་ཚར་གསུམ་ནི། དང་པོ་བཀའ་ཉན་པར་བྱེད་པའི་དོན་དུ་འབུལ། གཉིས་པ་དམ་ཅན་གནད་ལ་དབབ་པའི་ཕྱིར་དུ་འབུལ། གསུམ་པ་མཐུ་དང་རྫུ་འཕྲུལ་འཕྲོག་པའི་ཆེད་དུ་འབུལ་བ་དང་། གཞན་ཡང་དུག་ལྔ་དུག་གསུམ་གྱི་མཆོད་པ་རྣམས་ཀྱང་ཤུགས་ལས་ཤེས་པར་བྱའོ། །དྲུག་པ་སྦྱོར་སྒྲོལ་གྱི་མཆོད་པ་ནི། སྦྱོར་བ་ཁྲོ་བོ་ཡབ་ཡུམ་རྣམས་སྙོམས་པར་འཇུག་པ་དང་། སྒྲོལ་བ་ནི་དགྲ་བགེགས་བསྒྲལ་བ་སྟེ། ཡབ་ཡུམ་གྱི་མཁའ་གསང་རྡོ་རྗེ་འབར་བའི་གཏུན་དང་ཐོ་བས་དགྲ་བགེགས་བཀུག་ཅིང་རོལ་པའི་སྟབས་ཀྱིས་རྡུང་། བྱང་སེམས་མེ་ལྕེས་སྲེག །འདོད་ཆགས་ཞེ་སྡང་གཏི་མུག་གི་ངོ་བོ་ཤ་ཁྲག་རུས་གསུམ་ལྷག་མེད་དུ་གཙོ་འཁོར་སྤྲུལ་པ་ཡང་སྤྲུལ་དང་བཅས་པའི་ཞལ་དུ་སྦྱོར་བས་ཐུགས་རྒྱུད་མཉེས་པའི་བཞད་སྒྲ་དང་བཅས་ཏེ་ཐ་མལ་པའི་འདོད་ཆགས་ཞེ་སྡང་གི་ས་བོན་དང་བཅས་པ་རྩད་ནས་བརླག་པ་ནི་འདིའི་ངོ་བོའོ། །བདུན་པ་འདོད་དོན་གསོལ་གདབ་ནི། དམ་ཚིག་ཆེན་པོའི་སོགས་ཀྱིས་བསྟན་དོན། རིག་པ་འཛིན་པ་རྣམས་ཀྱིས་བྱང་ཆུབ་སྒྲུབ་པའི་བདུད་དང་བར་གཅོད་གཉིས་ ― LT30_Page_0140 ―
[མ་དཔེ་གཟིགས་ན་འདིར་གནོན།]
འཛིན་ལོག་པར་རྟོག་པའི་འཁྲུལ་པའི་རང་གཟུགས་ཀྱི་སྣང་བ་ཐམས་ཅད་དབྱིངས་སུ་ཐིམ་ནས། ཉོན་མོངས་པ་ལྔ་ཡེ་ཤེས་ལྔར་དག །རྡོ་རྗེ་གསང་བའི་བཀའ་ལས་འདས་པའི་སྡིག་ཅན་གནོད་པར་བྱེད་པ་རྣམས་ཀྱི་ཁོང་ནས་མེ་འབར་བའི་བཀའ་འདས་ཀྱི་ཆད་པ་དྲག་པོས་མནར་བ་ཆོས་ཉིད་བཞིན་སྡུག་བསྔལ་ཉམས་སུ་མྱོང་བར་མཛོད་ཅིག །རིག་པ་འཛིན་པའི་སྒྲུབ་པ་པོ་རྣམས་ལ་མཆོག་ཐུན་དངོས་གྲུབ་ཀྱི་དབྱིག་མི་ཟད་པའི་གཏེར་ཆེན་པོའི་གྲུ་ཆར་གྱི་དཔྱིད་འཇོ་བས་དོན་གཉིས་ལྷུན་གྱིས་གྲུབ་པར་མཛོད་ཅིག་ཅེས་བསྐུལ་བ་སྟེ། འདི་ལའང་གུ་རུ་གསུམ་གྱི་དགོངས་པས་མང་དུ་བཤད་ཀྱང་དོན་མདོར་བསྡུས་པའོ། །དེ་ནས་དཀྱིལ་འཁོར་གསུམ་གྱི་ལྷ་ཚོགས་དེ་དག་གི་ཆེ་བའི་ཡོན་ཏན་བརྗོད་བྱར་བྱས་པའི་རྗོད་བྱེད་ཀྱི་གླུ་དབྱངས་སྙན་ཅིང་བརྗིད་ལ་ཟིལ་ཆེ་ཞིང་བྱིན་ཆགས་པའི་བསྟོད་པ་ཧེ་རུ་ཀ་ལྷག་པར་དགྱེས་པའི་དཔལ་ཆེན་རྔམས་པའི་སྒྲ་དབྱངས་ལྕེ་རྐན་བྱེད་རྩོལ་གྱི་འདུ་ཤེས་ལས་འདས་པའི་རང་བྱུང་ནཱ་ད་མི་ཤིགས་པའི་རང་སྒྲར་གསལ་བས་ཀྱང་དགྱེས་པ་བསྐྱེད་དོ། །བརྒྱད་པ་བསྙེན་པས་དངོས་གྲུབ་ཀྱི་བཅུད་བླང་བ་ནི། །བསྙེན་ཛཔྲ་སྟེ་དེ་ལ་གསུམ། ཛཔྲ་ཁང་དབྱེ་བ། ཛཔྲ་བཟླ་བ། ཛཔྲ་བསྟོད་བྱ་བའོ། །དང་པོ་ནི། དམ་ཚིག་བཞིར་དབྱེ་བ་དང་། བར་དུ་ཛཔྲ་བཟླ་བ་ལ། ཕྱི་ལྟར་བཟླ་བ། ནང་ལྟར་བཟླ་བ། གསང་བ་ལྟར་བཟླ་བ། །དེ་རེ་རེ་ལ་ ― LT30_Page_0141 ―
[མ་དཔེ་གཟིགས་ན་འདིར་གནོན།]
སྐུ་གསུང་ཐུགས་ཡོན་ཏན་ཕྲིན་ལས་ལྟར་བཟླ་བ་སྟེ། འདི་དག་གི་རྣམ་གཞག་རྒྱས་པར་འགྲེལ་པ་དང་གཞན་ན་གསལ་བས་འདིར་བསྡུས་སོ། །ཛཔྲ་བསྟོད་བྱ་བ་ནི། བཟླས་གྲངས་རྫོགས་པ་དང་སྟོང་ཚིག་གི་མཆོད་བསྟོད་དབུལ་བའོ། །བརྒྱད་པ་ཚོགས་ཀྱི་མཆོད་པ་ག་་ཙཀྲའི་ཆོ་ག་ལ་བརྒྱད། ཚོགས་པ་གསུམ། གསག་པ་གསུམ། བསང་བ་གསུམ། སྦྱང་བ་གསུམ། བརླབ་པ་གསུམ། བསྐྱེད་པ་གསུམ། ཡུལ་གསུམ། །དམ་ཚིག་གསུམ་མོ། །དང་པོ་ཚོགས་པ་གསུམ་ནི། དགའ་ལྡན་ལྷའི་ཚོགས། །དགྱེས་ལྡན་མིའི་ཚོགས། འབྱོར་ལྡན་ལོངས་སྤྱོད་ཀྱི་ཚོགས་སོ། །དེའང་དང་པོ་ལྷ་མཐུན་པ་དང་། གཉིས་པ་དམ་ཚིག་རྩ་བ་གཅིག་པ་དང་། གསུམ་པ་ཡོ་བྱད་གྱ་ནོམ་པའོ། །གཉིས་པ་གསག་པ་གསུམ་ནི། གནས་དུར་ཁྲོད་ལྟ་བུར་གྲུབ་ཐོབ་ཀྱི་བླ་མ་གསག །ལྷ་གྲངས་དང་མཉམ་པའི་རྣལ་འབྱོར་གྱི་ཕོ་མོ་གསག །འདོད་ཡོན་ལྔའི་ལོངས་སྤྱོད་གསག་པའོ། །གསུམ་པ་ནི། དང་པོར་བདག་ཉིད་བསང་། །གཉིས་པ་མཆེད་ལྕམ་བསང་། གསུམ་པ་ཚོགས་བསང་བའོ། །བཞི་པ་སྦྱང་བ་གསུམ་ནི། རྃ་ཡྃ་ཁྃ་གི་ས་བོན་ལས་བྱུང་བའི་མེ་རླུང་ཆུས་དམེ་བཙོག་སྦྱང་བའོ། །ལྔ་པ་ནི། ཧཱུྃ་ཨཱཿཨོཾ་གསུམ་ཞུ་ཐིམ་པ་ ― LT30_Page_0142 ―
[མ་དཔེ་གཟིགས་ན་འདིར་གནོན།]
ལས་བདུད་རྩིའི་རང་བཞིན་སྔོ་དམར་དཀར་བའི་མདངས་ལྡན་དུ་བརླབ་པའོ། །དྲུག་པ་ནི། མཆོད་པའི་དུས་སུ་འདོད་ཡོན་ལྔ། བཤགས་པའི་དུས་སུ་ཡེ་ཤེས་ལྔ། བསྟབ་པའི་དུས་སུ་དགྲ་བགེགས་ཀྱི་ཤ་ཁྲག་དོན་སྙིང་དུ་གསལ་བའམ་ཤེས་པའོ། །བདུན་པ་ཡུལ་ནི། བླ་མ་རྡོ་རྗེ་འཛིན་པ་རྣམས་དང་། ཡི་དམ་དཀྱིལ་འཁོར་གྱི་ལྷ་དང་། དཔའ་བོ་མཁའ་འགྲོ་རྣམས་ལ་དབུལ་ལོ། །བརྒྱད་པ་དམ་ཚིག་ནི། མི་བྱ་བ་གསུམ། མི་སྨྲ་བ་གསུམ། མི་བསམ་པ་གསུམ། མི་འབྲལ་བ་གསུམ་བཤད་པ་སོགས་གཞན་ན་གསལ་ཞིང་། ལག་ལེན་དུའང་། རྩ་རྒྱུད་ལས། བགེགས་བསྐྲད་བྱིན་བརླབ་སྤྱན་དྲངས་དང་། །མཆོད་དང་བསྐང་དང་བཟློག་པ་དག །སྟོད་ཀྱི་ལས་སུ་ཤེས་པར་བྱ། །བསྟབ་དང་དབུལ་བ་བཤགས་པ་དང་། །སྨོན་ལམ་རྒྱ་ཆེན་གདབ་པ་ནི། །སྨད་ཀྱིས་ལས་སུ་ཤེས་པར་བྱ། །ཅེས་བཤད་པ་ལྟར་ལག་ཏུ་ལེན་ཅིང་། རྣལ་འབྱོར་སྒྲུབ་པ་པོས་ཟོས་ལྷག་བསྡུས་ཏེ་བྱིན་གྱིས་བརླབས་ནས་སྒོ་དྲུང་ཉུལ་བའི་འབྱུང་པོ་ལྷག་སྡུད་གིང་ལང་འབར་མ་དབང་ཕྱུག་སོགས་ལ་བཀའི་ཕམ་ཕབ་ཀྱི་ཚུལ་དུ་བཏང་ནས་ཟབ་མོའི་སྨོན་ལམ་དང་རྡོ་རྗེའི་གླུས་རིག་པ་གཟེངས་བསྟོད་པ་སོགས་ལག་ལེན་ལས་ཀྱི་བྱང་བུ་དང་སྒོམ་དོན་སོགས་ལས་འབྱུང་གི། འདིར་མང་དུ་མ་སྤྲོས་སོ། །དེ་ལྟར་ན་དེ་དག་ནི། གསང་ ― LT30_Page_0143 ―
[མ་དཔེ་གཟིགས་ན་འདིར་གནོན།]
རྒྱུད་ལས། ས་མན་ཛཿཡ་ཞེས་གསོལ་བས། །ཕྱག་རྒྱ་བཞི་ཡིས་སྤྱན་ཡང་དྲང་། །ཏིཥྛ་བཛྲས་བརྟན་བྱས་ལ། །དགྱེས་པ་ཆེན་པོས་ཕྱག་བཙལ་ཞིང་། །མཆོད་པའི་རིམ་པ་སྔོན་འབྱུང་བཞིན། །དེས་ནི་ལས་རྣམས་མ་ལུས་འགྲུབ། །ཅེས་གསུངས་པའི་དོན་ཏོ། །གཞན་ཡང་གསང་སྔགས་རྙིང་མ་སྤྱིའི་འགྲོས་སུ་དམ་ཅན་སྲུང་མ་སྤྱི་དང་བྱེ་བྲག་ལ་ཕྲིན་ལས་གཞོལ་བའི་གཏོང་རག་ཕུད་དང་གཏོར་མ་དབུལ་བ། རྩ་གསུམ་རབ་འབྱམས་དཀྱིལ་འཁོར་འཁོར་ལོའི་ལྷ་ཚོགས་ལ་ཐུགས་རྗེའི་ཐུགས་དམ་གནད་ནས་བསྐུལ་བ། བཀའ་དང་དམ་ལ་གནས་པའི་རྒྱུད་གསུམ་དྲེགས་པའི་ཚོགས་ལ་བཀའི་ཆད་ཐོའི་ཐ་ཚིག་བསྒྲག་པ། བོད་ཡུལ་མཐའ་དབུས་ཀྱི་སོ་ཁ་བསྲུང་ཞིང་མཐའ་བཞིའི་ཀླ་ཀློ་གདུག་པའི་རྒྱུ་ལམ་བཀག་པར་སྣང་སྲིད་ཟིལ་གནོན་མཚོ་སྐྱེས་རྒྱལ་བས་བཀའ་བསྒོས་པ་བདུད་དང་གནོད་སྦྱིན་སྨན་མོའི་ཚུལ་དུ་སྣང་བའི་བརྟན་མ་ཆེན་མོ་བཅུ་གཉིས་ལ་སྔོན་གྱི་ཐ་ཚིག་གཉན་པོ་བསྐུལ་བའི་ལས་ཀྱི་གཉེར་ཟན་དུ་བཤལ་ཆུའི་བདུད་རྩིས་སྟོབ་པ། ལོག་པར་འདྲེན་པའི་བདུད་དང་དམ་སྲི་གཏོར་གཞོང་རི་རབ་ཏུ་གསལ་བའི་འོག་ཏུ་ལྡང་མེད་མནན་པའི་རྒྱས་གདབ་པ། དངོས་གྲུབ་རྣམ་གཉིས་ཀྱི་བཅུད་བླང་བ། དཀྱིལ་འཁོར་ལ་སླར་ཡང་མཆོད་ཅིང་བསྟོད་པ། ནོངས་བཤགས། གཤེགས་ ― LT30_Page_0144 ―
[མ་དཔེ་གཟིགས་ན་འདིར་གནོན།]
གསོལ་ལམ་རྟེན་གཞུག །བསྐྱེད་རིམ་གྱི་དཀྱིལ་འཁོར་རྟགས་མཐའ་བསལ་ཕྱིར་འོད་གསལ་དུ་བསྡུ་ཞིང་། ཆད་མཐའ་སྤང་ཕྱིར་ལྷའི་སྐུར་ལྡང་བ། དགེ་ཚོགས་གཞན་དོན་དུ་ཐེག་པ་ཆེན་པོའི་བསྔོ་བ་དང་། ཟབ་རྒྱས་ཀྱི་དོན་ལ་སྨོན་ལམ་བཟང་པོས་བརྒྱན་པ། ཤིས་པའི་ཚིག་གི་དབྱངས་སྙན་ས་གསུམ་དུ་ཁྱབ་པར་སྤེལ་བས་དགེ་ལེགས་གོང་འཕེལ་དུ་བྱེད་པ་རྣམས་ཆོ་གའི་མཇུག་དོན་དུ་འོང་བ་ཡིན་མོད། འདིར་རྒྱུད་དོན་རྒྱུད་ལྟར་འཆད་པ་སྐབས་སུ་བབ་པས་བསྐྱེད་རྫོགས་ཟབ་མོའི་རྩ་བ་རྡོ་རྗེའི་ཚིག་གིས་དངོས་ཤུགས་སུ་བསྟན་པ་ཙམ་ཚིག་ཉུང་ངུས་བཀྲལ་བའི་སྐབས་སུ་དེ་དག་སྨོས་པའི་སྤྲོས་པ་མ་བྱས་ལ། ཞིབ་པར་འཇམ་མགོན་ཨ་མེས་ཞབས་ཀྱི་དཀྱིལ་ཆོག་རྣམ་བཤད་དང་། གཞན་ཡང་སྒོམ་དོན་ཕྲིན་ལས་ཀྱི་རིམ་པ་རྣམས་སུ་འབྱུང་བ་ལྟར་རོ། །དེ་དག་གི་སྒོ་ནས་རྒྱུད་ཀྱི་ཐེམས་སྦྱར་བཅུའི་ས་བཅད་དང་པོ། །གཉིས་པ། གསུམ་པ་དང་། ཁོག་དོན་དྲུག་གི་ནང་ནས་ས་བཅད་བཞི་སྟེ་བདུན་གྱིས་སྟོད་ལས་བྱང་ཆུབ་སྒྲུབ་པའི་དུམ་བུ་དངོས་ཤུགས་ཀྱི་ཚུལ་དུ་ཅུང་ཟད་བཤད་ཟིན་ཏོ།། ༈ །།དུས་མཐའི་མེ་དཔུང་བྱེ་བས་མི་སྐྲུན་པའི། །མཐུ་རྩལ་གཟི་ལྡན་རྫས་ཀྱི་ཕུར་བུ་ཡིས། །བརྣག་པའི་དགྲ་དང་བགེགས་ལ་ཐེབས་པའི་མོད། །ཕུར་བཞིའི་དགོངས་པ་རྟོལ་བྱེད་མངོན་སྤྱོད་ ― LT30_Page_0145 ―
[མ་དཔེ་གཟིགས་ན་འདིར་གནོན།]
ཆེ། །མཐུ་སྟོབས་རྡོ་རྗེའི་ཐོག་ཆེན་གྱིས། །གདུག་པའི་སྙིང་ལ་བསྣུན་པ་ཡིས། །ཐལ་འབྱིན་དམོད་པའི་འཕྲུལ་འཁོར་ནི། །སྔགས་ཤེས་རྣམས་ཀྱིས་ཅིས་མི་སྐུལ། །ད་ནི་མཚན་མ་རྫས་ཀྱི་ཕུར་བུ་བརྣག་པའི་དགྲ་བགེགས་ལ་གདབ་པའི་རིམ་པ་སྨད་ལས་དྲག་པོ་སྒྲོལ་བའི་དུམ་བུ་ཉིད་འཆད་པར་བྱེད་པ་ལ་གཉིས། སྤྱི་དོན་རྣམ་པར་གཞག་པ་དང་། གཞུང་དོན་དངོས་བཤད་པའོ། །དང་པོ་ལ་དྲུག། གང་བསྒྲལ་བའི་ཡུལ། གང་གིས་སྒྲོལ་བྱེད་སློབ་དཔོན། ཚུལ་ཇི་ལྟར་བསྒྲལ་བའི་ཐབས། མ་བསྒྲལ་བའི་ཉེས་དམིགས། བསྒྲལ་བའི་ཕན་ཡོན། བསྒྲལ་བའི་འབྲས་བུའོ། །དང་པོ་ནི། །ཉམས་པ་བདུན་དང་ལྡན་པ་དང་། ཞིང་བཅུ་ཚང་པ་སྟེ། ཉམས་པ་བདུན་ནི། །ཕུར་བུ་མྱང་འདས་ཀྱི་རྒྱུད་ལས། །སྲོག་དོན་བཀའ་དམ་ལས་ཀྱིས་ཉམས། །མཚན།།།པར་འགྱུར་བ་དང་། །འདོད་པར་འགྱུར་བས་ཉམས་དང་བདུན། །བསྒྲལ་བའི་དམིགས་ཀྱི་དམ་པར་བཤད། །ཅེས་མདོར་བསྟན་ནས། །དེ་དག་སོ་སོའི་མཚན་ཉིད་ཀྱང་། །དེ་ཉིད་ལས། །དེ་ཡི་སོ་སོའི་མཚན་ཉིད་ནི། །ཕ་མ་མཁན་པོ་སློབ་དཔོན་གསོད། །རྡོ་རྗེ་ནང་དམེ་བྱེད་པ་དག །ནམ་ཡང་དམྱལ་བར་ལྟུང་བྱེད་པས། །བསྒྲལ་བའི་དམིགས་ནི་དམ་པ་ཡིན། །སྲོག་ལས་ཉམས་པའི་ ― LT30_Page_0146 ―
[མ་དཔེ་གཟིགས་ན་འདིར་གནོན།]
མཚན་ཉིད་དོ། །སློབ་དཔོན་བཀའ་བསླུ་ངན་དཔྱ་སེམས། །སྔགས་དང་ཕྱག་རྒྱ་རྒྱུན་གཅོད་དང་། །གསང་བའི་མན་ངག་སྤེལ་བྱེད་ན། །དེ་ཡང་བསྒྲལ་བའི་དམ་པ་ཡིན། །དོན་ལས་ལོག་པའི་མཚན་ཉིད་དོ། །རྐུ་མཚངས་འབྲུ་ཞིང་ཡ་ག་འདོགས། །སྐུར་པ་འདེབས་ཤིང་ལོག་པར་འཁྲིད། །རྟགས་ཀྱི་དོན་འདི་ལོག་པར་འཛིན། །དེ་ཡང་བསྒྲལ་བའི་དམ་པ་ཡིན། །བཀའ་ལས་ལོག་པའི་མཚན་ཉིད་དོ། །བྱ་རུ་མི་རུང་སྣ་ཚོགས་བྱེད། །རྫས་དང་ལག་ཆ་མངོན་པར་སྟོན། །སྦྱོར་སྒྲོལ་ཕྲིན་ལས་འཆོལ་བར་སྤྱོད། །ལྟ་བ་ཆོས་ཉིད་རྒྱབ་ཏུ་འདོར། །ལོག་པའི་སྤྱོད་པ་དང་དུ་ལེན། །ང་རྒྱལ་གཏུམ་ཁྲོ་རང་གར་གཏོང་། །མན་ངག་དོན་བསྟན་ལོག་པར་བོ། །ཕ་རོལ་དོན་ལ་ལོག་ཆོས་སྤྱོད། །དོན་ནི་ཕྱིན་ཅི་ལོག་ལ་མཁས། །བཀའ་གཞུང་བོར་ནས་ལོག་པར་བརྩམས། །སྤྱོད་པས་ལོག་པ་མཐའ་དག་བྱེད། །རུ་དྲ་དངོས་ཀ་དེ་ཡིན་ཏེ། །དངོས་སུ་བསྒྲལ་ཡང་མི་སྐྱོན་ནོ། །ཞེས་སོགས་ནས། འདོད་པས་ཉམས་པའི་མཚན་ཉིད་དོ། །ཞེས་པའི་བར་གྱིས་བསྟན་པའི་དོན་འདིར་མདོར་བསྡུ་ན། དང་པོ་སྲོག་ལས་ཉམས་པ་ནི། རང་གི་ཕ་མ་མཁན་པོ་སློབ་དཔོན་རྣམས་གསོད་པ་དང་། རྡོ་རྗེ་སྤུན་གྱི་ནང་དུ་དམེ་བྱས་པ་རྣམས་ཡིན་ལ། གཉིས་པ་དོན་ལས་ཉམས་པ་ནི། གོང་དུ་བཤད་པའི་ཡུལ་དེ་ ― LT30_Page_0147 ―
[མ་དཔེ་གཟིགས་ན་འདིར་གནོན།]
དག་ལ་སྐུར་པ་འདེབས་པའི་གཞི་བྱེད་པ། ལྟ་བ་རྒྱབ་ཏུ་བོར། ལོག་པ་དང་དུ་ལེན། སངས་རྒྱས་ཀྱི་བཀའ་དོར། བཀའ་ཕྱིན་ཅི་ལོག་ཏུ་དཀྲུགས་པ་ལ་མཁས་པའོ། །གསུམ་པ་བཀའ་ལས་ཉམས་པ་ནི། གསང་སྔགས་ཚུལ་བཞིན་དུ་སྤྱོད་པ་ལ་འཁུ་བ་དང་། མཚངས་འབྲུ་བ་དང་། ཡ་ག་འདོགས་པ་དང་། བཀའ་ལ་སྐུར་པ་འདེབས་པ། འཁོར་རྣམས་ལོག་པར་འཁྲིད་པ་སོགས་ཡིན་ལ། བཞི་པ་དམ་ལས་ཉམས་པ་ནི། རྡོ་རྗེ་སློབ་དཔོན་གྱི་བཀའ་བསླུས་ཏེ་ངན་སེམས་བྱེད་པ། གསང་སྔགས་དང་ཕྱག་རྒྱའི་རྒྱུན་གཅོད་པ། གསང་ཆོས་རྒྱུད་མ་སྨིན་པ་ལ་སྤེལ་བ་རྣམས་ཡིན་པར་བཤད་དོ། །ལྔ་པ་ལས་ཀྱིས་ཉམས་པ་ནི། ལས་ཀྱིས་སྔོན་ཆད་མཁོན་པའི་གཞི་མེད་པར་ཉེས་མེད་གཞན་ལ་རྒོལ་ཞིང་བཞིན་བཟློག་པར་བདག་གིས་ཉེས་པ་མ་བསྟན་ཡང་བདག་ལ་མཐུ་རྩལ་གྱིས་འདེབས་པར་བྱེད་པ་རྣམས་ཡིན་ཞིང་། དྲུག་པ་མཚན་མས་ཉམས་པ་ནི། གཉིས་མེད་དོན་ལ་ཕྱོགས་ཆར་འཛིན་པ། སྒྲོ་སྐུར་གཉིས་ཀྱིས་རས་ཆོད་བྱེད་པ། སྐྱེ་མེད་ཀྱི་ཆོས་ལ་མཚན་མར་གཟུང་བ། ལྷ་སྲིན་མ་ལུས་པ་བྲན་དུ་མ་འཁོལ་བཞིན་ང་ཉིད་དཔལ་ཆེན་པོ་ཡིན་ནོ་ཞེས་འཇིག་རྟེན་བླུན་པོ་རྣམས་བསླུ་བའི་རྫུན་ཆེན་པོ་སྨྲ་བ། གཞན་ལ་ཁྲོ་ཞིང་འཚེ་བར་བྱེད་པ་རྣམས་ཡིན་པར་གསུངས། བདུན་པ་འདོད་པས་ཉམས་པ་ནི། ཤེས་ ― LT30_Page_0148 ―
[མ་དཔེ་གཟིགས་ན་འདིར་གནོན།]
རབ་རྣམ་གསུམ་གྱི་རྩལ་མེད་པར་མཐུ་རྩལ་ཆེན་པོར་འདོད་པས་ལས་ཀྱི་གཙོ་བོ་མཚན་མར་སྤྱོད་པ། འཇིག་རྟེན་ལས་མ་འདས་པའི་ལྷ་འདྲེ་ལ་གསོལ་བ་བཏབ་ཅིང་རང་གི་གདོང་ཁྲག་གིས་བྱུགས་པ་ལ་སོགས་པའི་སྒོ་ནས་སྤྱོད་པའི་གཞུང་བཟང་པོ་བོར་ཞིང་། མི་འཚམས་པའི་སྤྱོད་ངན་ཐོ་ཅོ་བརླང་པོར་སྤྱོད་པས་བཀའ་དང་གཞུང་ལུགས་སྨང་ནས་བཟའ་བཏུང་འདོད་པས་སྒྲུབ་པའི་ལོངས་སྤྱོད་བརྐུ་བ་རྣམས་ཡིན་པར་བཤད་དོ། །གཞན་ཡང་ཁྲག་འཐུང་རྩ་བའི་རྒྱུད་ལས། སངས་རྒྱས་བསྟན་པ་བཤིག་པ་དང་། །དཀོན་མཆོག་དབུ་འཕང་སྨད་པ་དང་། །དགེ་འདུན་འདུ་བའི་སྒོ་འཕྲོག་དང་། །ཐེག་ཆེན་ཆོས་ལ་སྨོད་པ་དང་། །བླ་མའི་སྐུ་ལ་བསྔོ་བ་དང་། །རྡོ་རྗེའི་ནང་དབྱེན་བྱེད་པ་དང་། །སྒྲུབ་ལ་བར་ཆད་བྱེད་པ་དང་། །གང་ཞིག་དམ་ལས་ལོག་པ་དང་། །སྙིང་རྗེ་མེད་པའི་སྲིན་པོ་དང་། །མུ་སྟེགས་ལོག་ལྟར་གཏོང་བ་དང་། །སྒྲུབ་པ་པོ་ལ་དོ་བསྔོ་བ། །འདི་རྣམས་བསྒྲལ་བའི་ཞིང་བཅུ་ཡིན། །ཞེས་གསུངས་པ་ལྟར་བྱ་བ་མ་ཡིན་པ་བརླང་པོར་སྤྱོད་པའི་ལས་ངན་ཅན་གྱི་བསྒྲལ་བའི་ཞིང་དུ་གྱུར་པ་རྣམ་པ་བཅུར་གསུངས་པ་དེ་དག་སྟེ། གདུལ་བྱ་གདུག་པ་ཅན་རྣམས་མངོན་སྤྱོད་ཀྱི་སྒོ་ནས་བསྒྲལ་ཏེ་སྲོག་འཕྲོག་པར་བྱ་བ་ནི་སྔགས་ཀྱི་ཕྲིན་ལས་ཐམས་ཅད་ཀྱི་ནང་ན་ཕུལ་དུ་བྱུང་བ་ཡིན་ལ། རྒྱུ་མཚན་ཐུགས་རྗེའི་དཔྱང་ཐག་གིས་ ― LT30_Page_0149 ―
[མ་དཔེ་གཟིགས་ན་འདིར་གནོན།]
གཟུང་ཞིང་སྔགས་ཀྱི་ཕྲིན་ལས་འཇུག་པའི་ཡུལ་སེམས་ཅན་གྱི་རིས་ནི་རྣམ་པ་གཉིས་ཏེ། གདུལ་སླ་བ་དང་། གདུལ་དཀའ་བ་གཉིས་ཀྱི། དང་པོ་ནི། ལས་ཉོན་སྲབ་ཅིང་དཀོན་མཆོག་ལ་གུས་པ་རྣམས་ནི་ཆོས་བསྟན་པ་སོགས་ཐུགས་རྗེ་ཞི་བའི་ཐབས་ཀྱིས་ཐར་པའི་གནས་སུ་བསྒྲལ་བའི་སྐལ་པ་དང་ལྡན་པ་ཡིན་པས་གདུལ་བར་སླ་ཞིང་། གཉིས་པ་འདིར་བསྟན་གྱི་མཚན་ཉིད་ཅན་ལས་ཉོན་ཤུགས་དྲག་པོས་རང་དབང་མེད་པར་མནར་བ་གང་ཞིག་དཀོན་མཆོག་གསུམ་ལ་རྒྱབ་ཀྱིས་ཕྱོགས་ཤིང་བསྟན་པ་དང་སེམས་ཅན་ལ་རྣམ་པ་ཀུན་ཏུ་གནོད་པ། ཞི་བའི་ཐབས་གང་གིས་ཀྱང་འདུལ་བར་མི་ནུས་པ། བླ་མེད་རྒྱུད་སྡེ་ལྟར་ན་རྡོ་རྗེ་དམྱལ་བའམ། ཕར་ཕྱིན་དང་ཐུན་མོང་བ་ལྟར་ན་མནར་མེད་པའི་སེམས་ཅན་དམྱལ་བ་ཆེན་པོ་སོགས་ངན་སོང་གི་འགྲོ་བར་ཤིན་ཏུ་མུ་མཐའ་མེད་པར་འཁྱམས་པ་དེ་དག་ནི་དྲག་པོའི་ཤུགས་ཀྱིས་སྒྲོལ་བའི་ཕྲིན་ལས་འཇུག་པའི་ཡུལ་ཁྱད་པར་ཅན་ཡིན་ནོ། །གཉིས་པ་གང་གིས་སྒྲོལ་བྱེད་སློབ་དཔོན་གྱི་མཚན་ཉིད་ནི། སྤྱིར་གོང་དུ་ཕུན་སུམ་ཚོགས་པ་ལྔའི་དང་པོ་བདག་ཉིད་དམ་སྟོན་པ་ཕུན་ཚོགས་ཀྱི་མཚན་ཉིད་བཤད་པའི་སྐབས་སུ་བསྟན་པ་ཐམས་ཅད་ཚང་བར་དགོས་ཤིང་། བྱེ་བྲག་ལྟ་བའི་རྫོང་ཟིན་ཅིང་སྒོམ་པའི་འཕྲང་ཆོད་ལ་སྤྱོད་པའི་སྲོག་ཟིན་པའི་སྒོ་ནས་རྟོགས་པས་ ― LT30_Page_0150 ―
[མ་དཔེ་གཟིགས་ན་འདིར་གནོན།]
བདག་བསྒྲལ་བར་བྱས་ནས། དེའི་འོག་ཏུ་ལས་ངན་གྱི་གདུལ་བྱ་ལ་སྙིང་རྗེ་ཆེན་པོ་མཚུངས་པ་མེད་པ་དང་། མཉམ་པ་ཉིད་དུ་རྟོགས་པའི་ཤེས་རབ་ཆེན་པོ་ཕུལ་དུ་བྱུང་བའི་སྟོབས་ཀྱིས་ཐུགས་རྗེས་གཞན་སྒྲོལ་བ་དང་དུ་ལེན་པའི་མཚན་ཉིད་རྫོགས་པ་མེད་ཐབས་མེད་པས། དེའང་གཞིའི་སེམས་ཞེས་མ་བཅོས་སྤྲོས་མེད་ཆོས་སྐུའི་དགོངས་པ་ཟང་ཐལ་ཁྱབ་གདལ་ཐིག་ལེ་ཉག་གཅིག་འོད་གསལ་ནམ་མཁའ་ལྟ་བུའི་དགོངས་པ་ཕར་ཕྱིན་ལྟར་ན་ཟབ་མོ་དབུ་མའི་ལྟ་བ་རྣམ་པར་དག་པ་དང་། སྔགས་བླ་མེད་ལྟར་ན་ཕྱག་རྫོགས་ཀྱི་ཡེ་ཤེས་ཨེ་ཝྃ་དང་། བདེ་ཆེན་གྱི་སྒྲས་བསྟན་པའི་དོན་ལ་གོམས་པ་བརྟན་པོར་གྱུར་པས་ཆོས་ཐམས་ཅད་གདོད་ནས་དབྱེར་མེད་པ་མཉམ་པ་ཆེན་པོའི་དོན་དུ་མཐོང་བས་འཁོར་གསུམ་དམིགས་མེད་སྒྱུ་མའི་རྣམ་འཕྲུལ་ལྟ་བུར་ངེས་པའི་གདིང་དང་ལྡན་ཅིང་། སྟངས་ཀྱི་སེམས་ཞེས་དོན་དམ་དམིགས་མཐའ་དང་བྲལ་བའི་དགོངས་ཀློང་དང་དབྱེར་མེད་པའི་ངང་ནས་རྣམ་པ་ཀུན་རྫོབ་སྒྱུ་མ་ལྟ་བུའི་སྙིང་རྗེའི་རྩལ་མདངས་ཤུགས་དྲག་མ་འགགས་པའི་ཚུལ་དུ་ལྷམ་མེར་འཆར་བས་གདུག་ཅིང་གཏུམ་པའི་གདུལ་བྱ་ལས་ངན་པའི་རྣམ་པར་སྨིན་པའི་རྒྱུས་འབྲས་བུ་ངན་འགྲོ་མཐའ་མེད་པའི་འཁོར་བར་བཟོད་དུ་མེད་པའི་དུཿཁའི་མེ་འབར་བའི་རུམ་ན་ཐར་དུས་མེད་པ་དེ་ལ་གཞིག་ནས་ཤས་མི་བཟོད་པའི་བྱམས་པ་དང་སྙིང་རྗེའི་ ― LT30_Page_0151 ―
[མ་དཔེ་གཟིགས་ན་འདིར་གནོན།]
གཞན་དབང་ལས་དེ་ལ་ཕན་པའི་ཐབས་ནི་ཞི་བས་འདུལ་དུ་མ་འཚལ་བས་དཔའ་ཞིང་གཏུམ་པའི་ཞེ་སྡང་གི་རྣམ་པའ་ཐབས་དྲག་པོས་བཙན་ཐབས་གདོང་ནས་བཟློག་སྟེ་སྤྱི་བོར་ཐོག་ལྷུང་བ་ལྟ་བུའི་དྲག་ཤུལ་མངོན་སྤྱོད་ཀྱི་ཐབས་མཁས་ཟབ་མོས་མྱུར་དུ་གནས་ངན་ལས་བསྒྲལ་ཏེ་ཞི་བའི་ལ་མ་ལ་བཀོད་འདོད་ཀྱི་བསམ་པ་རང་འཁྲིས་ཀྱི་དྲི་མས་མ་རེག་པས་བསྐུལ་ཏེ། དྲག་པོ་མངོན་སྤྱོད་ཀྱི་ལས་ལ་འཇུག་པ་དེའི་ཚེ་རྣམ་པ་ཞེ་སྡང་གི་སེམས་གདུག་ཅིང་རྩུབ་པ་དུས་མཐའི་མེ་དཔུང་འབར་བའི་ལྕེ་གླལ་བ་ལྟ་བུར་སྣང་ཡང་། ངོ་བོ་སྙིང་རྗེ་ཆེན་པོའི་གདངས་ལམ་མེར་ཤར་བས་གནས་སྐབས་མཐར་ཐུག་ཏུ་གཞན་ཕན་གྱི་བསམ་པ་བཟང་པོ་མས་བུ་གཅེས་པ་གཅིག་པུ་ལ་ཅི་འདྲ་བ་དེ་འདྲ་ཞིག་གི་གནས་ལ་ཤིན་ཏུ་གོམས་པའི་མཚན་ཉིད་ནི་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་ཞེས་སྤྱིར་ཐེག་པ་ཆེན་པོའི་ལམ་གྱི་སྙིང་པོ་ཡིན་པས་རང་གཞན་གྱི་དོན་སྒྲུབ་པར་བྱེད་པ་ལ་མེད་ཐབས་མེད་ཅིང་། ཁྱད་པར་གསང་སྔགས་རྡོ་རྗེ་ཐེག་པའི་ལམ་ནས་བསྙེན་པ་དང་ཉེ་བསྙེན། སྒྲུབ་པ་དང་སྒྲུབ་ཆེན། བསྐྱེད་བཟླས་རྫོགས་པའི་རྣལ་འབྱོར་ཞི་རྒྱས་དབང་དྲག་གི་ལས་རབ་འབྱམས་ཅི་ལྟ་བུ་ཞིག་ལ་འཇུག་ཀྱང་དེ་ལྟ་བུའི་སེམས་ཀྱིས་ཟིན་ན་ཅི་བྱས་ལམ་དུ་འགྱུར་ཞིང་རང་གཞན་གྱི་དོན་ ― LT30_Page_0152 ―
[མ་དཔེ་གཟིགས་ན་འདིར་གནོན།]
གཉིས་དཀའ་བ་མེད་པར་འགྲུབ་པར་འགྱུར་ལ། གཞན་དུ་ཞེ་སྡང་རང་རྒྱུད་པས་སྔགས་ཀྱི་མངོན་སྤྱོད་སོགས་གསང་བ་ཟབ་མོའི་སྤྱོད་པ་རང་དགར་སྤྱད་པས་རང་གཞན་ཕུང་ལ་སྦྱོར་བའི་རུ་དྲ་འབའ་ཞིག་ཡིན་པས་སྒྲོལ་བྱེད་སློབ་དཔོན་གྱི་མཚན་ཉིད་གཙོ་བོ་འདི་དག་ཏུ་འདུས་པ་ཡིན་ལ། དེའང་མདུན་དུ་རང་གི་སེམས་ཀྱིས་སྤྲུལ་པའི་དམིགས་བྱ་གསལ་བ་དེའི་ལག་པ་ནས་བཟུང་སྟེ་བསྒྲལ་བར་བསམས་པ་དང་། ཡུལ་དངོས་ཀྱི་ལག་པ་ནས་བཟུང་སྟེ་བསད་པ་གཉིས་ལ་ཁྱད་ཡོད་པར་འཛིན་པའི་ཀུན་རྟོག་ཡོད་ཀྱི་རིང་ལ་བསྒྲལ་ཀྱང་རྣམ་སྨིན་ཡོད་ལ། དེ་གཉིས་ཀ་སེམས་ཀྱི་སྣང་བ་ཙམ་དུ་ཁྱད་མེད་པས་བསྒྲལ་ཀྱང་སྒྱུ་མ་མི་གཡོར་གྱི་ཚུལ་དུ་ཡང་སྤུ་ཙམ་མི་སྐྱེ་བའི་ཚེ་ན་བསྒྲལ་ཀྱང་ལས་ཀྱི་འབྲས་བུ་རང་གི་ཁུར་དུ་མི་འགྱུར་བས། རྟོགས་ཚད་དེ་ལྟ་བུ་དང་ལྡན་པར་བྱ་བ་ལ་དོན་དམ་བྱང་ཆུབ་ཀྱི་སེམས་དམིགས་པ་ཀུན་དང་བྲལ་བའི་ནམ་མཁའི་དཀྱིལ་ཤིན་ཏུ་དག་པ་ལྟ་བུ་དང་། དེ་ལྟ་བུའི་སྒྲོལ་བ་ལམ་དུ་འགྱུར་བ་ལ་ཀུན་རྫོབ་བྱང་ཆུབ་ཀྱི་སེམས་ཏེ་ཟུང་དུ་འཇུག་པའི་གདིང་དང་ལྡན་པ་ཞིག་དགོས་པའི་གལ་གནད་ཆེ་བའི་རྒྱུ་མཚན་དེ་ལྟར་ཡིན་ལ། ཚད་དང་ལྡན་པའི་སྒྲོལ་བྱེད་ཀྱི་སློབ་དཔོན་དེ་ལྟ་བུས་གདུལ་དཀའ་བའི་ཡུལ་ལ་ཐུགས་རྗེའི་དཔྱང་ཐག་གིས་མི་གཏོང་ཞིང་། གསང་སྔགས་ ― LT30_Page_0153 ―
[མ་དཔེ་གཟིགས་ན་འདིར་གནོན།]
ཐབས་མཁས་པའི་ཆོ་འཕྲུལ་གྱི་སྒོ་ནས་རྗེས་སུ་འཛིན་པའི་ཐབས་ཤེས་གཉིས་ཀ་ཕུལ་དུ་བྱུང་བ་སྒྲོལ་བ་འདི་ལ་ཡོད་པའི་ཕྱིར་རོ། །གཞན་སྒྲོལ་བྱེད་ཀྱི་མཚན་ཉིད་དབྱེ་བསྡུ་ཕྲ་ཞིབ་མང་དུ་གསུངས་པའང་ཤེས་པར་བྱའོ། །དེ་ལྟར་མངོན་སྤྱོད་ཟབ་མོའི་ཐབས་མཁས་ལ་གདིང་དང་ལྡན་པའི་སློབ་དཔོན་དེ་ཉིད་ཀྱིས་ཚར་གཅོད་རྗེས་སུ་འཛིན་པའི་དྲག་ཤུལ་དཔའ་བོ་རོལ་པའི་སྤྱོད་པ་འཇིགས་མེད་སེང་གེའི་བརྟུལ་ཞུགས་ཀྱིས་ཉེ་བར་སྤྱོད་པ་དེའི་ཚེ་དྲག་པོའི་བརྟུལ་ཞུགས་ཀྱི་ཆས་དང་ཡོ་བྱད་སོགས་ཀྱང་། མྱང་འདས་ཀྱི་རྒྱུད་ལས། སྔགས་པ་རྒྱན་གྱི་ཆས་ཀྱི་རྫས། །གླང་ཆེན་ཀོ་རློན་ཞིང་གི་ཤུན། །སྟག་གི་ཤམ་བུ་སྦྲུལ་གྱི་རྒྱན། །ཐལ་ཆེན་ཞག་དང་རཀྟས་བརྒྱན། །ཞེས་སོགས་ཆས་དང་ཡོ་བྱད་ཀྱི་དགོས་པའི་རྫས་ཉེ་བར་བསྡོགས་ཏེ་འཇིགས་ཤིང་ཡང་བའི་རྔམ་ཟིལ་གྱི་གཟི་བརྗིད་ཆེར་འབར་བར་བྱ་བའང་ཚུལ་འདིར་ཉེ་བར་འོས་པའི་ཡན་ལག་གོ། །གསུམ་པ་ཚུལ་ཇི་ལྟར་སྒྲོལ་བའི་ཐབས་ནི། སྤྱིར་ཕུར་བུ་བཞིས་གང་ཟག་རྣམ་པ་བཞི་མཐར་དབྱུང་བ་ཉིད་སྒྲོལ་བའི་ཐབས་ཀྱི་རྩ་བ་ཡིན་ཀྱང་། སྐབས་འདིར་མཚན་མ་རྫས་ཀྱི་ཕུར་བུ་ཡུལ་དགྲ་བགེགས་ལ་གདབ་པ་ཉིད་གཙོ་བོར་བསྟན་པའི་ཤུགས་ལས་ཕུར་བུ་གཞན་གསུམ་པོའི་དགོངས་པའང་ཞར་བྱུང་དུ་འཇུག་པ་ཤེས་ ― LT30_Page_0154 ―
[མ་དཔེ་གཟིགས་ན་འདིར་གནོན།]
པར་བྱ་དགོས་པས། དེ་འཆད་པ་ལ་གསུམ། ཚེ་ལུང་ཁྲུས་ལུང་གི་དགོངས་པ། སྒྲོལ་བྱེད་ཀྱི་ཕུར་གདབ་དངོས། གབ་པའི་སྔགས་དྲུག་བཤད་པའོ། །དང་པོ་ནི། དམིགས་པའི་རྟེན་ལ་གཟས་པ་པོ་དགུག་ཅིང་ལྷ་དང་དབྱེ་ལ་དྲག་པོའི་ཐུན་དབབ། སྙིང་གའི་དྭངས་མ་ལྔ་འདུས་ཀྱི་སྲོག་འཕྲོག་སྟེ་ལས་ངན་གྱི་བག་ཆགས་ཐམས་ཅད་ཡེ་ཤེས་ཀྱི་འོད་ཀྱིས་སྦྱོང་བ་ཁྲུས་ལུང་། ཕ་རོལ་པོའི་ཚེ་བདག་གི་ཚེའི་གསོས་སུ་བསྟིམ་པ་ཚེ་ལུང་། དགྲ་བགེགས་ཀྱི་རྣམ་ཤེས་འོག་མིན་དུ་རྒྱལ་བ་ཡབ་ཡུམ་གྱི་སྦྱོར་མཚམས་སུ་འཕངས་ཏེ་རིགས་ཀྱི་སྲས་སུ་བསྒྱུར་བ་གནས་ལུང་སྟེ། དེ་ལྟ་བུའི་དགོངས་སྤྱོད་ཟབ་མོ་དང་ལྡན་པར་བྱ་བ་དང་། གཉིས་པ་གདབ་ལས་དངོས་ནི། རྒྱུད་ལས། གཙོ་བོའི་ཕུར་པ་བླངས་ནས་ནི། །བདག་ཉིད་བསྲུང་བའི་ཚེ་ཕུར་བྱ། །ཞེས་གཙོ་བོའི་ཕུར་པ་བདག་ཉིད་ཀྱི་སྲོག་ལྟ་བུ་ཡིན་པས་བྱིན་བརླབ་དང་མཆོད་བསྟོད་བྱས་ལ་བཞུགས་སུ་གསོལ་ཞིང་། ཡང་རྒྱུད་ལས། དེ་ལྟར་བདག་ལུས་ཚགས་ཚུད་ནས། །གཞན་གྱི་ལུས་སེམས་དབྲལ་བའི་ཕྱིར། །ཁྲོ་བོ་བཅུ་ཡི་ཕུར་པ་ཡིས། །ལུས་ཀྱི་གནས་བཅུ་དག་ཏུ་གདབ། །སྒོ་མ་བཞི་ཡི་ཕུར་པ་ཡིས། །ལུས་ཀྱི་མཚོ་བཞི་དག་ཏུ་གདབ། །མི་བཟད་ཕུར་པ་དྲུག་པོ་འདི། །གནད་དྲུག་སྲོག་ལ་གདབ་པར་བྱ། །ཞེས་གསུངས་ ― LT30_Page_0155 ―
[མ་དཔེ་གཟིགས་ན་འདིར་གནོན།]
པས། སྤྱིར་སྒྲུབ་ཕུར་བརྒྱ་རྩ་བརྒྱད། ལྷ་ཕུར་ལྔ་བཅུ་རྩ་གཅིག །གདབ་ཕུར་ཉི་ཤུ་རྩ་གཅིག །མགྱོགས་ཕུར་བརྒྱད་ཅུ་ཐམ་པ། ཕུར་པ་སིལ་བུ་གྲངས་མེད། ཟློག་ཕུར་བཅུ་གཉིས་དེ་རྣམས་ཀྱིས་གདབ་པར་བྱ་བ་ཡིན་ཀྱང་། འདིར་གདབ་ཕུར་ཉི་ཤུ་རྩ་གཅིག་སྟེ། ཁྲོ་བོ་བཅུ། སྒོ་མ་བཞི། མི་བཟད་པའི་ཕུར་པ་དྲུག །སྲས་མཆོག་བཛྲ་འདུས་པའི་ཕུར་བུ་དང་ཉེར་གཅིག་གིས་གདབ་པར་གསུངས་ཏེ། དེའང་རྣམ་པར་རྒྱལ་བའི་ཕུར་པ་དེ་མ་བྱིན་པར་ལེན་པའི་གནས་མིག་གཉིས་ལ་གདབ། དེ་ལ་བསྐུལ་བའི་ཕོ་ཉ། དབུ་ནོན་གསུམ་བཅས་ཀུན་ལ་འགྲོ་དགོས་པ་ཤེས་པར་བྱ་ཞིང་། དེ་བཞིན་དབྱུག་སྔོན་ཅན་གྱི་ཕུར་པ་ལོག་པར་ལྟ་བའི་གནས་སྣ་གཉིས་ལ་གདབ། །གཤིན་རྗེའི་གཤེད་ཀྱི་ཕུར་པ་སྲོག་གཅོད་སྤོང་བའི་གནད་ཡིན་པས་རྣ་བ་གཉིས་ལ་གདབ། །མི་གཡོ་མགོན་པོའི་ཕུར་པ་རྫུན་དུ་སྨྲ་བའི་གནས་ལྕེ་ལ་གདབ། རྟ་མགྲིན་གྱི་ཕུར་པའང་ངག་འཁྱལ་སྤོང་བའི་གནད་ལྕེ་ལ་གདབ། གཞན་གྱིས་མི་ཐུབ་པའི་ཕུར་པ་ཕྲ་མའི་གནས་གསང་བར་གདབ། བདུད་རྩི་འཁྱིལ་པའི་ཕུར་པ་ཚིག་རྩུབ་ཀྱི་གནས་དཔུང་པ་གཡོན་ལ་གདབ། ཁམས་གསུམ་རྣམ་རྒྱལ་གྱི་ཕུར་པ་གནོད་སེམས་ཀྱི་གནས་ལྕེའི་གཡས་གཡོན་ལ་གདབ། ཧཱུྃ་ཀ་རའི་ཕུར་པ་ལོག་པར་ལྟ་བའི་ ― LT30_Page_0156 ―
[མ་དཔེ་གཟིགས་ན་འདིར་གནོན།]
གནས་སྤྱི་གཙུག་ཏུ་གདབ། སྟོབས་པོ་ཆེའི་ཕུར་པ་བརྣབས་སེམས་སྤོང་བའི་གནད་ཡིན་པས་རྐང་པའི་མཐིལ་དུ་གདབ་པ་སྟེ། དེ་དག་གིས་ནི་མི་དགེ་བ་བཅུ་རྩད་ནས་གཅད་པའི་ཕྱིར་ཁྲོ་བཅུའི་ཕུར་པ་ལུས་ཀྱི་གནས་བཅུར་གདབ་པ་དང་། ཚད་མེད་པ་བཞི་དང་ལྡན་པར་བྱ་བའི་ཕྱིར་སྒོ་མ་བཞིའི་ཕུར་པ་ལུས་ཀྱི་མཚོ་བཞི་ལ་གདབ་པ་ནི། ལྕགས་ཀྱུ་མའི་ཕུར་པ་གློ་བ་དབུགས་ཀྱི་མཚོ་ལ་གདབ། ཞགས་པ་མའི་ཕུར་བུ་མཆིན་པ་ཁྲག་གིས་མཚོ་ལ་གདབ། ལྕགས་སྒྲོག་མའི་ཕུར་པ་ཨན་སྟོང་རུས་པའི་མཚོ་ལ་གདབ། དྲིལ་བུ་མའི་ཕུར་པ་ཀླད་པ་བྱང་ཆུབ་སེམས་ཀྱི་མཚོ་ལ་གདབ་པའོ། །དེ་ནས་ཕ་རོལ་དུ་ཕྱིན་པ་དྲུག་དང་ལྡན་པར་བྱ་བའི་ཕྱིར་མི་བཟད་པའི་ཕུར་པ་དྲུག་གདབ་པ་ནི། ཁྲག་གི་གནད་གཅོད་པ་སེང་ལྡེང་གི་ཕུར་པ་སྤྱི་གཙུག་ཏུ་གདབ། དབུགས་ཀྱི་གནད་གཅོད་པ་བྱ་རྒོད་ཀྱི་ཕུར་པ་རྐང་མཐིལ་དུ་གདབ། འབྱུང་བཞིའི་གནད་གཅོད་པ་མིའི་མཆོག་ཕུར་གསང་བའི་གནས་སུ་གདབ། རྩ་བཞིའི་གནད་གཅོད་པ་ཙནྡན་གྱི་ཕུར་པ་ལྕེའི་དཀྱིལ་དུ་གདབ། ཚེའི་གནད་གཅོད་པ་ལྕགས་ཀྱི་ཕུར་པ་སྙིང་གི་དཀྱིལ་དུ་གདབ། སྲིད་པའི་གནད་གཅོད་པ་སྐྱེར་བའི་ཕུར་པ་ལྟེ་བར་གདབ་པའོ། །དེ་ལྟར་ཡང་། རྩ་རྒྱུད་ལས། སྤྱི་བོའི་གཙུག་ཏུ་གདབ་པ་ནི། །གནམ་གྱི་འཇུ་ཐག་གཅད་པ་ཡིན། །རྐང་པའི་མཐིལ་དུ་གདབ་པ་ནི། །ས་ ― LT30_Page_0157 ―
[མ་དཔེ་གཟིགས་ན་འདིར་གནོན།]
ཡི་རྟེན་ཕུར་ཕྱུང་བ་ཡིན། །ལྕེ་ཡི་དཀྱིལ་དུ་གདབ་པ་ནི། །སྨྲ་བའི་ངག་རྣམས་གཞོམ་པ་ཡིན། །གསང་བའི་གནས་སུ་གདབ་པ་ནི། །སྐྱེ་བ་དགུ་བརྒྱུད་གཅད་པ་ཡིན། །ལྟེ་བའི་གནད་ལ་གདབ་པ་ནི། །བསྐྱེད་པའི་ས་བོན་གཞོམ་པ་ཡིན། །དཀར་ནག་སྙིང་ལ་གདབ་པ་ནི། །ཀུན་གཞིའི་རྣམ་ཤེས་གཞོམ་པ་ཡིན། །ཞེས་གསུངས་པ་ལྟར་རོ། །དེ་ནས་ཐམས་ཅད་ཀྱི་མཇུག་ཏུ་སྲས་མཆོག་བཛྲ་འདུས་པའི་ཕུར་པ་བྱུག་གདུག་གིས་གཟི་བྱིན་ལྷག་པར་བསྐྱེད་དེ་གསལ་བ་གསུམ་གྱི་ངར་དང་ལྡན་པས་སྙིང་དཀར་ནག་གི་མཚམས་སུ་གདབ་པ་ནི་རྣམ་པར་ཤེས་པ་དེ་ལེན་པར་བྱེད་པ་ཡིན་ཏེ། ཚེ་ལུང་ཁྲུས་ལུང་གི་དགོངས་པས་ཟིན་པར་བྱའོ། །དེ་ལྟར་གདབ་ཕུར་ཉི་ཤུ་རྩ་གཅིག་ཏུ་གསུངས་པ་ནི་རྒྱུད་ཀྱི་དགོངས་པ་ཡིན་ལ། གཞན་ཡང་སྐུ་ལྟར་གདབ་པ། གསུང་ལྟར་གདབ་པ། ཐུགས་ལྟར་གདབ་པར་བཤད་པ་ནི། གཞི་མཐིང་ནག་ལ་ཡོད་པའི་ཕུར་པ་རྣམས་སྐུ་ལྟར་གདབ་པར་འགྲོ། དེ་བཞིན་དུ་དམར་ནག་ལ་ཡོད་པ་རྣམས་གསུང་། མཐིང་ནག་ལ་ཡོད་པ་རྣམས་ཐུགས་སོ། །ཡང་ན་ཞི་རྒྱས་དབང་དྲག་གི་གདབ་ལས་བཞིར་ཕྱེ་བའང་ཕུར་བུས་ཕྱེས་པ་ཡིན་པར་བཤད་ཅིང་། ཡང་རྒྱུད་ཁ་ཅིག་ལས། གཅིག་གིས་སེམས་ཀྱི་དཔྱིས་དབྱུང་། གཉིས་པས་ཀུན་གཞི་རྩད་ནས་ ― LT30_Page_0158 ―
[མ་དཔེ་གཟིགས་ན་འདིར་གནོན།]
གཅང་། བཅུ་བདུན་གྱིས་བྱུང་ཚོར་གྱི་སྒོ་དགག །ཉི་ཤུ་པས་གནམ་གྱི་འཇུ་ཐག་གཅད། ཉེར་གཅིག་པས་སའི་རྟེན་ཕུར་དབྱུང་བར་བཤད་པའང་གོང་མ་ལ་བརྩིས་པས་ཚང་ངོ་། །སྤྱིར་གདབ་ལས་བྱས་པས་སྲོག་ཆགས་སེམས་ཅན་ལྟ་བུ་ལ་སྙིང་རྗེ་མེད་པས་མཚོན་ཆ་འདེབས་པ་ལྟ་བུ་ནི་མ་ཡིན་ཏེ། ཕུར་བུ་ཐམས་ཅད་ལྷར་གསལ་བའི་ཐུགས་རྗེ་དང་ཡེ་ཤེས་ཀྱི་ངོ་བོ་ཡིན་ལ། གདབ་ཡུལ་དེའི་ཉོན་མོངས་པ་དང་མ་རིག་པ་ལ་བཏབ་པས་ལས་ཀྱི་སྒྲིབ་པ་དང་གནོད་སེམས་དག་ནས་འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ལས་ཞི་བ་མྱང་འདས་ཀྱི་གོ་འཕང་དམ་པར་སྒྲོལ་བར་བྱེད་པས་ན། སྙིང་རྗེས་བསྒྲལ་བའི་དམ་ཚིག་ནི། །ཞེས་སོགས་དང་། ཐབས་ཀྱི་སྤྱོད་པས་འགྲོ་དོན་དུ། །ཞེས་སོགས་གསུངས་པ་ལྟར་གཞན་དོན་རླབས་སུ་ཆེ་བའི་ངོ་བོ་དང་གསང་སྔགས་རྡོ་རྗེ་ཐེག་པའི་ཐབས་མཁས་ཟབ་མོའི་ཆེ་བ་ཐུན་མོང་མ་ཡིན་པས་ཁྱད་པར་དུ་བྱས་པ་ཡིན་ནོ། །གཞན་ཡང་འདི་དག་གི་སྐབས་ཁྲུས་ལུང་སོགས་སུ་གོ་བར་བྱ་བ་ལ་གསལ་བ་གསུམ། ལོག་རྔུག་འབྱམས་གསུམ། དགོངས་པ་རྣམ་པ་གསུམ་བཅས་ཡོད་དེ། གསལ་བ་གསུམ་ནི་བདག་རྡོ་རྗེ་གཞོན་ནུར་གསལ་བ། ཕུར་པ་སྲས་མཆོག་ཏུ་གསལ་བ། གཟས་པ་པོ་དངོས་སུ་གསལ་བའོ། །དེ་གསུམ་པོ་མ་གསལ་ན་ལོག་རྔུག་འབྱམས་གསུམ་གྱི་སྐྱོན་འོང་སྟེ། བདག་ ― LT30_Page_0159 ―
[མ་དཔེ་གཟིགས་ན་འདིར་གནོན།]
ཉིད་ལྷར་མ་གསལ་ན་ལོག །ཕུར་པ་སྲས་མཆོག་ཏུ་མ་གསལ་ན་རྡུག །གཟས་པ་པོ་དངོས་སུ་མ་གསལ་ན་འབྱམས་འགྲོ་བ་ཡིན་ནོ། །དགོངས་པ་གསུམ་ནི། །ཨ་དཀར་བྱ་དཀར་གྱི་དགོངས་པ། ཐུགས་རྗེ་འབྲེལ་ཐག་གི་དགོངས་པ། གདུང་བ་ལུ་གུ་རྒྱུད་ཀྱི་དགོངས་པ་སྟེ། འདི་དག་གི་དོན་རྒྱས་པ་ཕུར་འགྲེལ་འབུམ་ནག་སོགས་སུ་ཞིབ་པར་འབྱུང་བ་ཉིད་ཤེས་པ་གལ་ཆེའི། སྤྱིར་དེང་སང་བསྟན་པ་ཉམས་པའི་མགོ་བོ་ཚུགས་པས་མདོ་སྔགས་ཐམས་ཅད་ཀྱི་དགོངས་པ་དང་འགལ་བར་སྤྱོད། ཁྱད་པར་གསང་སྔགས་ལོག་པར་སྒྲུབ་པས་སྦྱོར་སྒྲོལ་གྱི་དགོངས་པ་བརླང་པོར་སྤྱོད། ཀུན་སློང་བྱང་སེམས་རིས་མེད་པར་མ་འབྱངས་པས་རང་དོན་ནམ་གཞན་དོན་ཉི་ཚེ་ཙམ་འགྲུབ་པར་རེ་བའི་བློ་གཏད་ལོག་པར་གོལ་བས། དཔེར་ན་བསྒྲལ་ལས་ཀྱི་སྐབས་སུ་གོང་དུ་བཤད་པའི་སློབ་དཔོན་གྱི་མཚན་ཉིད་ཅུང་ཟད་ཀྱང་མི་ལྡན་ཞིང་། བསྒྲལ་བའི་དགོངས་པ་མི་ཤེས་བཞིན་དུ་གནོད་པའམ་འགལ་རྐྱེན་ཕྲ་མོ་ཙམ་བྱས་པའི་གང་ཟག་ཞིག་ཡིད་ཡུལ་དུ་བྱས། དེ་ལ་ཞེ་སྡང་རང་རྒྱུད་པས་བསྐུལ་ཏེ་ཟན་གོང་གི་གཟུགས་བརྙན་ལ་མཚོན་ཆས་རྡེག་པའི་རྔམས་སྟབས་བྱས་པས་ནི་ཐེག་ཆེན་སོ་ཐར་ལྟར་ན་སྲོག་གཅོད་ཀྱི་ཕམ་པའི་ཉེར་ལེན་དང་། བྱང་སེམས་ཀྱི་ ― LT30_Page_0160 ―
[མ་དཔེ་གཟིགས་ན་འདིར་གནོན།]
སེམས་ཅན་བློས་སྤོང་གི་ལྟུང་བ། གསང་སྔགས་ལོག་པར་སྒྲུབ་པའི་དམ་ཚིག་ཉམས་པ་བཅས་དོན་དུ་ཅུང་ཟད་ཀྱང་མི་འགྱུར་བའི་སྟེང་དུ་རྣམ་སྨིན་ཡིད་དུ་མི་འོང་བ་མྱོང་བར་འགྱུར་བས་བླང་དོར་གྱི་གནས་ལ་ཤིན་ཏུ་བག་ཡོད་པ་ལ་བརྟེན་ནས་སྡེ་སྣོད་རྒྱུད་སྡེ། གསང་བ་ཟབ་མོའི་མན་ངག་གི་གནད་རྣམས་ལ་ཐོས་བསམ་སྒོམ་པའི་སྒོ་ནས་ཕྱིན་ཅི་མ་ལོག་པའི་གནད་ལ་ངེས་པ་ཅུང་ཟད་རྙེད་པ་རེ་ཤིན་ཏུ་གལ་ཆེ་བར་སྣང་བའང་འཕྲོས་སུ་སྨོས་པའོ། །གཞན་ཡང་སྲོག་གི་དོན་སོ་གསུམ་གྱིས་དམིགས་པའི་གནད་དགྲོལ་བ་དང་། བསྒྲལ་ལུགས་ཆེན་པོ་བཅོ་བརྒྱད་ཀྱིས་བརྣག་པའི་ལས་བྱ་བ་སོགས་རྒྱུད་དང་འགྲེལ་ཆེན་རིག་འཛིན་བརྒྱུད་པའི་ཞལ་གྱི་ལུང་དྲི་མ་མེད་པ་དག་ལས་འབྱུང་བ་བཞིན་ཤེས་པར་བྱ་ལ། འོག་ཏུའང་ཅུང་ཟད་འཆད་པར་འགྱུར་རོ། །གསུམ་པ་གབ་པའི་སྔགས་དྲུག་ནི། སྤྱིར་ལས་ཀྱི་ཐོག་མཐའ་བར་དུ་འགྲོ་བ་ཞིག་ཡིན་ལ། ཁྱད་པར་གསང་ལས་ཀྱི་མཐའ་སྡུད་དུ་གཙོ་ཆེ་སྟེ། དེ་ལའང་མངོན་སྤྱོད་ཐམས་ཅད་ཀྱི་སྔོན་དུ་འགྲོ་བ་ཡིན་པས་ཀུན་གྱི་སྣ་འདྲེན་དུ་གཏང་བ་དང་། སྒྲུབ་པ་ཐམས་ཅད་ཀྱི་ངོ་བོ་ཡིན་པས་དཀྱུས་ཁོང་ཁར་གཏང་བ་དང་། ལས་ཐམས་ཅད་ཀྱི་མཇུག་སྡུད་ཡིན་པས་སྨོན་ལམ་གྱི་ཚུལ་དུ་གདབ་པ་དང་། དྲག་སྔགས་ཡིན་པས་ངན་སྔགས་ ― LT30_Page_0161 ―
[མ་དཔེ་གཟིགས་ན་འདིར་གནོན།]
སུ་བྱས་ཏེ་སྲོག་ལ་འཁོར་ལོ་བསྐོར་བ་དང་བཞིའི་སྒོ་ནས་ཤེས་པར་བྱ་དགོས་ལ། དེ་ལྟར་ཡང་རྒྱུད་ལས། ལྷ་དབྲལ་གནས་ནས་དགུག་པ་དང་། །རྣམ་ཤེས་གཟུགས་བསྟིམ་བྱད་དུ་གཞུག །སྨྱོར་གཞུག་རྡུལ་དུ་བརླག་པ་དང་། །ཤ་ཁྲག་ཞལ་དུ་སྟོབ་ན་དགྱེས། །འདི་དྲུག་ཤེས་ན་ལས་རྣམས་འགྲུབ། །ཅེས་གསུངས་ཤིང་། འདི་ལ་ལས་ཀྱིས་དབྱེ་བའི་ལྡོག་ཆ་ནས་ནང་གསེས་རྣམ་གྲངས་དྲུག་ཅུ་ཐམ་པར་བཤད་དེ། གཉེན་པོ་སྟོབས་ཀྱི་ལྷ་དྲུག །ངན་སྔགས་ལས་ཀྱི་ཕུར་པ་དྲུག །གདབ་པ་གནད་ཀྱི་ཡུལ་དྲུག །བསྐུལ་བར་བྱ་བའི་ཕོ་ཉ་དྲུག །གདགས་པར་བྱ་བའི་འཕྱང་དྲུག །གསག་པར་བྱ་བའི་རྫས་དྲུག །བཟླ་བར་བྱ་བའི་སྔགས་དྲུག །བཅའ་བར་བྱ་བའི་ཕྱག་རྒྱ་དྲུག །གཞན་དུ་མི་འགྱུར་བའི་ཏིང་ངེ་འཛིན་དྲུག །གདབ་པའི་སྨོན་ལམ་དྲུག་སྟེ། དྲུག་ཚན་བཅུའི་སྒོ་ནས་རྟོགས་པར་བྱ་དགོས་པར་བཤད་པས། རྩ་དུམ་གྱི་སྨད་ལས་འདིར་དངོས་བསྟན་གབ་པའི་སྔགས་དྲུག་གི་ཞར་བྱུང་གདབ་ལས་ཀྱང་ཕྱོགས་ཙམ་བསྟན་པའི་ཕྱིར། འདིའི་དོན་རྒྱས་པ་ཚིག་དོན་དངོས་བཤད་པའི་སྐབས་འོག་ཏུ་འབྱུང་གི། འདིར་བསྐྱར་ཟློས་ཀྱིས་བཤད་མ་དགོས་སོ། །གཞན་ཡང་མངོན་སྤྱོད་ཀྱི་ལས་ཐམས་ཅད་ཀྱི་མཇུག་སྡུད་ ― LT30_Page_0162 ―
[མ་དཔེ་གཟིགས་ན་འདིར་གནོན།]
མནན་སྲེག་འཕང་བ་སོགས་དྲག་ཤུལ་གྱི་ལས་མང་དུ་གསུངས་པ་དག་ཀྱང་འོག་ཏུ་སྐབས་སུ་བབ་པར་ཅུང་ཟད་འཆད་པ་ལས་ཤེས་ཤིང་། ཞིབ་པར་རྒྱུད་གཞུང་འགྲེལ་ཊཱིཀ་གྲུབ་པའི་མན་ངག་རྣམས་ལས་ངེས་པར་བྱའོ། །བཞི་པ་མ་བསྒྲལ་བའི་ཉེས་དམིགས་ནི། སྤྱིར་རྡོ་རྗེ་ཐེག་པའི་ལམ་ལ་ཞུགས་ཤིང་རྟོགས་གོམས་བརྟུལ་ཞུགས་བརྟན་པོའི་རྣལ་འབྱོར་པས་སྟོང་པ་དང་སྙིང་རྗེ་ཆེན་པོས་ཀུན་ནས་བསླངས་ཏེ་གདུག་པ་ཅན་རྣམས་བསྒྲལ་བར་མ་བྱས་ན། རང་ཉིད་ལ་རྩ་བའི་ལྟུང་བར་འགྱུར་བ་ཡིན་ཏེ། རྩ་ལྟུང་བཅུ་བཞི་པའི་གཞུང་ལས། གདུག་ལ་རྟག་ཏུ་བྱམས་ལྡན་པ། །བྱེད་པ་དེ་ནི་བཅུ་པར་འདོད། །ཅེས་དང་། རྡོ་རྗེ་གུར་ལས། གདུག་ལ་བྱམས་པ་ཉིད་མི་བྱ། །ཞེས་དང་། ཧེ་བཛྲ་ལས། བསྟན་ལ་གནོད་པར་བྱེད་པ་དང་། །བླ་མ་སངས་རྒྱས་འཇིག་པ་ནི། །བླ་མ་ཐུབ་པ་ལ་ཞུས་ནས། །སྙིང་རྗེས་གསད་པར་བྱ་བ་ཉིད། །ཅེས་དང་། །གསང་སྔགས་རྙིང་མའི་རྒྱུད་ལས་ཀྱང་། །ཉམས་པ་དུས་སུ་མི་སྒྲོལ་བ། །དེ་ཡང་དམ་ཚིག་ཉམས་པ་ཡིན། །ཞེས་དང་། །གཤིན་རྗེ་གདོང་དྲུག་གི་རྒྱུད་ལས། །གདུག་པ་ཅན་ལ་བཟློག་སྟེ་བྱ། །དངོས་སུའམ་ཡང་ན་སྔགས་དང་གཞན། །འཕྲུལ་འཁོར་དང་ནི་ཏིང་ངེ་འཛིན། །སྨན་གྱིས་ཀྱང་ནི་བྱ་བ་སྟེ། །དེ་ལྟར་མ་བྱས་དེ་ཡིས་ནི། །དམ་ཚིག་ངེས་པར་ཉམས་པར་ ― LT30_Page_0163 ―
[མ་དཔེ་གཟིགས་ན་འདིར་གནོན།]
འགྱུར། །ཞེས་གསུངས་པ་དང་། ཁྱད་པར་ཕུར་པ་མྱང་འདས་ཀྱི་རྒྱུད་ཆེན་པོ་ལས། །གཉིས་མེད་དོན་ལྡན་སྐྱེས་བུ་དེས། །གནོད་གདུག་རྣམ་གཉིས་མ་བསྒྲལ་ན། །ངེས་པར་ངན་སོང་འཁོར་བར་ལྟུང་། །ཅི་ཕྱིར་ངེས་པའི་ལས་ལ་བསྒྲིབ། །ངེས་པའི་དོན་བོར་ལོག་པར་གོལ། །ལྟ་བ་ངན་པས་རས་ཆོད་བྱས། །སྤྱོད་པ་རྩིངས་པས་ཐོ་ཅོར་བྱས། །དམ་ཚིག་ཉམས་པས་གཟུ་ལུམ་བྱས། །གཞུང་ལས་གོལ་བས་དཀྱིལ་འཁོར་དྲལ། །མཉེས་པ་ནི་དྲག་པོར་འཇོམས། །རང་ལས་མཁས་ལ་སྐུར་པ་འདེབས། །ཞེས་གསུངས་པའི་མཚན་ཉིད་ཀྱིས་གོང་དུ་བཤད་པའི་ཉམས་པ་བདུན་དང་ཞིང་བཅུ་ཚང་བའི་གདུག་ཅིང་གཏུམ་པ་ཞི་བའི་ཐབས་ཀྱིས་འདུལ་དུ་མི་བཏུབ་པ་དེ་དག་རྫོང་འཕྲང་སྲོག་གི་གདིང་ཚད་དང་ལྡན་ལ། བྱམས་དང་སྙིང་རྗེའི་གཞན་དབང་དུ་གྱུར་པའི་རིག་འཛིན་རྣལ་འབྱོར་སྒྲུབ་པ་བོས་བསྒྲལ་བའི་མཐུ་ཡོད་བཞིན་དུ་མ་བསྒྲལ་བར་བཏང་སྙོམས་སུ་འཇོག་ན། སྤྱིར་བླ་མ་རྡོ་རྗེ་སློབ་དཔོན་མཆེད་ལྕམ་དཀྱིལ་འཁོར་འཁོར་ལོའི་འདུས་པ་རྣམས་དང་། ཁྱད་པར་སངས་རྒྱས་ཀྱི་བསྟན་པ་ལ་རྣམ་པར་འཚེ་བའི་གནས་འཇིགས་སུ་རུང་བ་ཡོད་ཅིང་། སྐྱེ་རྒུ་སེམས་ཅན་ཡོངས་ཀྱི་གནས་སྐབས་མཐར་ཐུག་གི་ཕན་པ་དང་བདེ་བའི་ཤུལ་ལམ་བཟང་པོ་དག་ཉེ་བར་འགོག་སྟེ་ཕྱིན་ཅི་ལོག་པའི་ལམ་ངན་ ― LT30_Page_0164 ―
[མ་དཔེ་གཟིགས་ན་འདིར་གནོན།]
པའི་གཡང་ས་ཆེན་པོར་མྱུར་དུ་འཁྲིད་པར་འགྱུར་བ་དང་། ཉམས་པ་དེ་ཉིད་ཀྱང་ལས་ངན་པའི་རྒྱུས་འབྲས་བུ་མནར་མེད་རྡོ་རྗེ་དམྱལ་བར་བསྐལ་པའམ་ནམ་མཁའ་མ་ཞིག་པ་དེ་སྲིད་དུ་ཐར་པའི་གོ་སྐབས་མེད་པར་དུཿཁ་དྲག་པོ་སྐྱི་གཡའ་བས་མནར་བར་འགྱུར་བ་ལ་ཐུགས་རྗེའི་དཔྱང་ཐག་ཟབ་མོས་མ་བཏབ་པའི་ཉེས་པ་དང་། གསང་སྔགས་རྡོ་རྗེ་ཐེག་པའི་ཐབས་མཁས་ཟབ་མོས་མྱུར་དུ་གནས་ངན་ལེན་གྱི་ས་བོན་བཅད་དེ་ཡང་དག་པའི་ས་ལ་སྐྱེལ་དུ་ཡོད་པའི་གདམས་ངག་ཟབ་མོ་ཇི་མི་སྙམ་དུ་ཆུད་གསན་པར་བྱས་པར་འགྱུར་བ་སོགས་ཀྱི་ཉེས་དམིགས་མཐའ་ཡས་པ་ཞིག་ཡོད་པ་ཡིན་ནོ། །ལྔ་པ་བསྒྲལ་བའི་ཕན་ཡོན་ནི། རྒྱུད་ལས། དེ་ལ་དྲག་པོའི་ལས་བྱས་ན། །མྱ་ངན་འདས་པའི་ཡོན་ཏན་འཐོབ། །མ་མོ་མཁའ་འགྲོ་བྲན་བཞིན་འཁོལ། །ཚེ་རིང་བདེ་བ་ཕུན་སུམ་ཚོགས། །དགྲ་དང་འབྱུང་པོ་རྡུལ་དུ་རློག །མཐུ་ཆེན་ལྷ་སྲིན་དེ་བཞིན་ཏེ། །ཅི་བགྱིས་བཀའ་དང་བསྒོ་བ་ཉན། །འདི་དང་ཕ་རོལ་གཉིས་སུ་ཡང་། །བསམ་པ་འགྲུབ་ཅིང་མཐོ་རིས་འཐོབ། །བདག་དང་གཉིས་མེད་བྱང་ཆུབ་སེམས། །གཉིས་མེད་ཆོས་སྐུར་དབྱེར་མེད་པས། །ངན་སོང་གསུམ་པོ་སྒོ་བཀག་ནས། །གཉིས་མེད་མཁའ་ལ་དེ་བསྒྲལ་ན། །དོན་དང་མཐུན་པས་དམ་ཚིག་སྐོང་། །སྡིག་ཆེན་བསྒྲལ་ན་ལས་ངན་འཆད། །དམ་ཉམས་བསྒྲལ་ན་ ― LT30_Page_0165 ―
[མ་དཔེ་གཟིགས་ན་འདིར་གནོན།]
བཀའ་གཞུང་བཙན། །ལོག་རྟོག་བསྒྲལ་ན་དཀྱིལ་འཁོར་གཉན། །གནོད་གདུག་བསྒྲལ་ན་བར་ཆད་ཉུང་། །གཞན་ཡང་ཡོན་ཏན་བརྗོད་ལས་འདས། །ཞེས་གསུངས་པ་ལྟེར། །གནས་སྐབས་དང་མཐར་ཐུག་གི་དགོས་ཆེད་ཕན་ཡོན་བསམ་གྱིས་མི་ཁྱབ་པ་ཞིག་མཆིས་པ་ཡིན་ལ། གོང་གི་མ་བསྒྲལ་བའི་སྐྱོན་ཐམས་ཅད་འདིར་ཡོན་ཏན་དུ་ལྡོག་སྟེ་བླ་མ་དང་བསྟན་པ། སྐྱེ་རྒུ་ཡོངས་ལ་ཕན་བདེའི་དཔལ་དུ་འགྱུར་ཞིང་། ཡུལ་རང་ཉིད་ཀྱང་ལས་ངན་པའི་རྒྱུན་ཆད། འབྲས་བུ་ངན་འགྲོ་ལས་ལྡོག་སྟེ་མཐོ་རིས་དང་ཐར་པའི་ལམ་འཐོབ། སྒྲུབ་པ་པོ་རང་ཉིད་ཚོགས་རྒྱ་ཆེན་པོ་རྫོགས་ཏེ་གདོད་མའི་མགོན་པོའི་ཉེ་ལམ་དུ་ཞུགས། གསང་སྔགས་རྡོ་རྗེ་ཐེག་པ་བཀའ་བཙན། བྱིན་ཆེ་བ་སོགས་ཡོན་ཏན་མཐའ་དང་མུ་མེད་པ་འཐོབ་པ་དང་། བྱམས་སྙིང་རྗེ་བཅོས་མ་མ་ཡིན་པས་ཀུན་ནས་བསླངས་ཏེ་གཞན་ཕན་གྱི་སེམས་ཀྱིས་མ་རུངས་པ་གསོད་པར་བྱས་པ་ཁོ་ནས་ཀྱང་བསོད་ནམས་རྒྱ་ཆེན་པོ་འཐོབ་པར་ཡང་། བདག་ཅག་གི་སྟོན་པ་ཐུགས་རྗེ་ཅན་འདི་ཉིད་སློབ་པ་ལམ་གྱི་སྐབས་སུ་དེད་དཔོན་སྙིང་རྗེ་ཆེན་པོས་ཚོང་པ་ལྔ་བརྒྱའི་སྲོག་སྐྱོབ་པའི་དོན་དུ་མི་ནག་མདུང་ཐུང་ཅན་བསད་པས་བསྐལ་པ་བཞི་ཁྲིའི་ཚོགས་དེ་ཉིད་དུ་འདུམས་པ་སོགས་ཐེག་པ་ཆེན་པོའི་སྡེ་སྣོད་དག་ལས་འབྱུང་ ― LT30_Page_0166 ―
[མ་དཔེ་གཟིགས་ན་འདིར་གནོན།]
ན། འདིར་བྱང་ཆུབ་ཀྱི་སེམས་རྣམ་པ་གཉིས་ཀྱི་རྩིས་ཟིན་པའི་གསང་སྔགས་ཟབ་མོའི་ཐབས་ཁྱད་པར་ཅན་དང་ལྡན་པས་བསྒྲལ་བ་ལ་དེ་ལས་ཀྱང་ཕན་ཡོན་ཆེས་རྨད་དུ་བྱུང་བ་དག་ཀྱང་མངའ་བ་ཡིན་ལ། དེས་ན་དགོངས་སྤྱོད་ཕྱིན་ཅི་མ་ལོག་པ་དང་ལྡན་པས་སྒྲོལ་བ་ལམ་དུ་བྱས་པ་དེ་ཉིད་ཀྱིས་ཕ་རོལ་པོའི་ཚེ་བསོད་རང་ལ་ཁུག་པས་བདག་རྣལ་འབྱོར་པ་འཚེངས། དགྲ་བགེགས་ཀྱི་ཤ་ཁྲག་ཡེ་ཤེས་ཀྱི་བདུད་རྩིར་གྱུར་པས་བཀའ་སྡོད་མ་མོ་མཁའ་འགྲོ་དམ་ཅན་རྒྱ་མཚོ་དང་བཅས་པའི་དཀྱིལ་འཁོར་གྱི་ལྷ་ཚོགས་རྣམས་འཚེངས། ཕ་རོལ་དགྲ་བགེགས་ཀྱི་ལས་ངན་རྒྱུན་ཆོད་ནས་བདེ་བར་གཤེགས་པའི་སྲས་སུ་གྱུར་པས་གཟས་པ་པོ་འཚེངས་པ་སྟེ། འཚེངས་པ་གསུམ་དང་ལྡན་པའི་དགོངས་སྤྱོད་ཟབ་མོ་གྲུབ་པའི་རྣལ་འབྱོར་པ་འཇིགས་མེད་ཕྱོགས་ལས་རྣམ་རྒྱལ་གྱི་བརྟུལ་ཞུགས་ལ་དབང་འབྱོར་པའི་ཡོན་ཏན་དང་ལྡན་པར་འགྱུར་བ་སོགས་ཀྱིས་སྔགས་པ་ཧོམ་ཁུང་ཁ་ནས་སངས་རྒྱས་སོ་ཞེས་སོ་ཟུར་གནུབས་གསུམ་སོགས་གསང་སྔགས་རྙིང་མ་བའི་སྔགས་རྒན་རལ་པ་ཅན་རྣམས་ལ་ཡོངས་སུ་གྲགས་པ་འདི་ལགས་སོ། །དྲུག་པ་དེ་ལྟར་བསྒྲལ་བའི་མཐར་ཐུག་གི་འབྲས་བུ་ནི། མྱང་འདས་ཀྱི་རྒྱུད་ལས། འབྲས་བུ་ངེས་པར་ཆུད་མི་ཟ། །ཁྲོ་བདག་ཆེན་པོ་ཐབས་མཁས་པས། །བསྒྲལ་བའི་ལས་རྣམས་བྱ་བར་ ― LT30_Page_0167 ―
[མ་དཔེ་གཟིགས་ན་འདིར་གནོན།]
བཤད། །དང་པོ་སྙིང་རྗེས་གཞི་བཟུང་ལ། །ཚད་མེད་རྣམ་བཞི་སྔོན་དུ་གཏང་། །དེ་ནས་བསྒྲལ་བའི་ཕུང་པོ་དེ། །གཉིས་མེད་ལྷ་ཡི་དཀྱིལ་འཁོར་དུ། །ཡང་དག་དོན་གྱིས་སྦྱང་བར་བྱ། །ནམ་མཁའ་ལྟ་བུར་སྐྱེ་བ་མེད། །རྣམ་དག་ཕུང་པོ་ལྔ་ཡིས་བསྡུས། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏབས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཞེས་དང་། །དཔལ་ཆེན་རྡོ་རྗེ་ཉིད་ཀྱི་སྐུ། །མ་ལུས་དབྱེར་མེད་འདུས་མ་བྱས། །གཉིས་མེད་དོན་གྱི་དེ་བཞིན་ནོ། །ཞེས་གསུངས་པ་སོགས་ཀྱིས་མཚོན་མང་དུ་འབྱུང་བ་བཞིན་བསྒྲལ་བྱ་གདུག་པ་ཅན་དེ་དག་ལ་སྔགས་དང་ཕྱག་རྒྱ་ཏིང་ངེ་འཛིན་གསུམ་དང་ལྡན་པས་གོང་དུ་ཇི་སྐད་སྨོས་པ་ལྟ་བུའི་མཚན་མ་རྫས་ཀྱི་ཕུར་པ་ཡེ་ཤེས་ཀྱི་རང་བཞིན་ཅན་དེ་དག་ཚད་དང་ལྡན་པའི་གདབ་ལུགས་ཀྱིས་བཏབ་ནས་ཐེབས་ཏེ་གནས་སྐབས་ཀྱི་ལས་ངན་དང་སྐྱེ་རྒྱུན་ངན་པ་བཅད་ནས་ས་ལམ་གྱི་ཡོན་ཏན་ཁྱད་པར་ཅན་རྒྱུད་ལ་ངེས་པར་སྨིན་པའི་རྟེན་དུ་དཔལ་ཆེན་ཡབ་ཡུམ་གྱི་སྲས་སུ་བསྐྲུན་ཏེ་རིག་འཛིན་རྣམ་བཞིའི་གོ་འཕང་གི་མཐར་ཐུག་མཐར་ལམ་ལྷུན་གྱིས་གྲུབ་པའི་རྒྱལ་ས་ཆེན་པོ་བདེ་མྱུར་དུ་བགྲོད་ནས་ཁྱབ་བདག་གདོད་མའི་མགོན་པོའི་ཐུགས་ཀློང་ཀ་དག་ཐིག་ལེ་ཉག་གཅིག་ཏུ་དབྱེར་མེད་ཆེན་པོར་མངོན་པར་བྱང་ཆུབ། ― LT30_Page_0168 ―
[མ་དཔེ་གཟིགས་ན་འདིར་གནོན།]
སྐུ་དང་ཡེ་ཤེས་ཟབ་མོའི་ཕྲིན་ལས་ཀྱི་ཆོ་འཕྲུལ་མཁའ་མཐའི་མུ་ཁྱུད་ཟླུམ་པོར་བཅིངས་པས་འགྲོ་སྒྲོལ་ཐབས་ཀྱི་འཁོར་ལོ་རྒྱུན་ཆད་མེད་པར་བསྐོར་བ་ལ་མངའ་བརྙེས་པར་འགྱུར་བ་ནི་ལམ་འདིའི་མཐར་ཐུག་གི་འབྲས་བུའི་རྣམ་གཞག་མདོར་བསྡུས་ཏེ་སྨོས་པའོ། །ད་ལྟ་བུའི་གསང་སྔགས་ཐབས་མང་ལ་ཟབ་པའི་དགོངས་པ་ཁྱད་པར་ཅན་གྱིས་ཕན་གནོད་ཀྱི་ལས་རབ་འབྱམས་བཀའ་སྩལ་བ་ཐམས་ཅད་ལ་བདེན་པའི་འབྲས་བུ་དངོས་བརྒྱུད་ནས་མི་བསླུ་བའི་ཡིད་ཆེས་ཚད་མས་གྲུབ་པ་ཐུན་མོང་ལྟར་ན་མཚན་དང་གཟུངས་སྔགས་ཟབ་མོའི་བྱིན་རླབས་ཀྱིས་དུད་འགྲོ་ཡན་ཆད་ངན་འགྲོའི་སྡུག་བསྔལ་ལས་གྲོལ་བའི་རིང་རྒྱུར་འགྱུར་བ་དང་། དེ་བཞིན་སྔགས་རྙིང་མའི་ཕྱོགས་ནས་བཏགས་གྲོལ། གསར་རྙིང་ཀུན་ནས་འཕོ་བའི་མན་ངག་སོགས་ཐུན་མིན་ཇི་སྙེད་ཅིག་གསུངས་པ་རྣམས་ཁ་ཅིག་གིས་མི་འཐད་པའི་ཀླན་ཀ་བྱེད་པ་ནི་ཐབས་དང་མན་ངག་ཟབ་མོ་ལ་ཡིད་ཆེས་མ་སྐྱེས་ཤིང་རྟོག་གེའི་རིགས་པ་ལྟར་སྣང་གི་རྣམ་རྟོག་ཁོ་ནས་སུན་ཅི་ཕྱིན་དུ་རྒོལ་བ་ཙམ་ལས་དོན་ལ་རེག་པར་མི་འགྱུར་བས། ཤེས་ལྡན་དག་རྒྱལ་བའི་བཀའ་དང་དེའི་མན་ངག་ཚད་མ་རྣམས་ལ་ཐེ་ཚོམ་པ་ཙམ་ཡང་འབྱུང་བའི་གནས་མེད་དེ། སྤྱིར་སངས་རྒྱས་བྱང་སེམས་ཀྱི་ཐུགས་བསྐྱེད་སྨོན་ལམ་ཐབས་མཁས་ཀྱི་སྤྱོད་ཡུལ་བསམ་གྱིས་མི་ཁྱབ་པ་ ― LT30_Page_0169 ―
[མ་དཔེ་གཟིགས་ན་འདིར་གནོན།]
དང་། ཁྱད་པར་གསང་སྔགས་རྡོ་རྗེ་ཐེག་པ། དེ་ལས་རྣལ་འབྱོར་བླ་མེད་ཀྱི་ལམ་ནས་གསུངས་པའི་དགོངས་པ་མཐའ་དེས་ཐབས་མང་བ། ཐབས་ལ་མཁས་པ། དཀའ་བ་མེད་པ་སོགས་ཀྱིས་ཁྱད་པར་དུ་བྱས་པའི་གནད་ཚར་གཅོད་དང་རྗེས་འཛིན་འདི་དག་ཀྱང་གསང་གཅིག་པ་ཉིད་ཡིན་པས་ཤིན་ཏུ་གུས་ཤིང་ངོ་མཚར་བས་རྡོ་རྗེ་ཐེག་པའི་མཚན་ཙམ་རྣ་བའི་ལམ་དུ་ཞུགས་པ་འདི་དག་ཆེས་སྐལ་པ་བཟང་པོར་ངེས་པའི་ཤེས་པ་སྙིང་ནས་བསྐྱེད་པར་འོས་པ་ཡིན་ནོ། །དེ་དག་གིས་སྤྱི་དོན་གྱི་རྣམ་གཞག་མདོ་ཙམ་སྨོས་ཟིན་ནས། རྩ་བའི་ས་བཅད་གཉིས་པ་སྨད་ལས་རྩ་དུམ་གྱི་དོན་དངོས་བཤད་པ་ལ། འདི་ཉིད་རྒྱུད་ཀྱི་ཁོག་དབུབ་དང་བསྟུན་ན་བཞི་བ། ལྔ་པ་ཚེ་ཁྲུས་ཀྱི་དགོངས་པ་རྣམས་ཀྱིས་བསྟན་པ་ཡིན་ལ། རྒྱུད་ཀྱི་ཐེམས་སྦྱོར་བཅུ་པོ་ལྟར་ན་དགུ་པ་ངན་སྔགས་བསྡུ་ཡིག་དྲུག་གསུམ་བཅོ་བརྒྱད་ཀྱིས་བསྒྲལ་བའི་ལས་བྱ་བ་དང་། བཅུ་པ་མཐར་ཕྱིན་གསུམ་གྱིས་ལས་མཐར་དབྱུང་བ་རྣམས་ཀྱིས་བསྟན་དོན་ཡིན་ཀྱང་། འདིར་རྒྱུད་ཚིག་བཞུགས་ཚུལ་དངོས་བསྟན་མཐར་ཆགས་སུ་བཤད་པའི་དབང་དུ་བྱས་ན་དུམ་བུ་གསུམ། དགྲ་བགེགས་བསྒྲལ་བའི་།།།དངོས། མཐར་ཕྱིན་གསུམ་གྱི་བྱ་བ། །འཕྲོས་དོན་བཤད་པས་ ― LT30_Page_0170 ―
[མ་དཔེ་གཟིགས་ན་འདིར་གནོན།]
མཇུག་བསྡུ་བའོ། །དང་པོ་ལ་ལྔ། ཐུགས་དམ་གནད་ནས་བསྐུལ་བ། ཆེ་ཁྲུས་ཀྱི་དགོངས་པས་བརྟེན་པ་དབྱིངས་སུ་བསྒྲལ་བ། གབ་པའི་སྔགས་དྲུག་བསྟན་པ། གདབ་ཁའི་ལས་རིམ་གྱི་གཙོ་བོ་ཕུར་གདབ་བྱ་བ། གདབ་ཁའི་ཁ་ཚར་རྣམས་ཀྱིས་རྟེན་གཞི་བག་ཆགས་ཀྱི་གཟུགས་ཕུང་བསྒྲལ་བའོ། །དང་པོ་ནི། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕོ་ཉ་ཆེན་པོའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་ཆེན་མོའི་དུས་ལ་བབ། །ཁྱི་ཡི་གདོང་ཅན་དུས་ལ་བབ། །བསྒྲལ་བར་བྱ་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ནས། །དུས་གསུམ་སངས་རྒྱས་སྲས་བཞིན་དུ། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་དེ་བཀུག་ནས། །མངོན་སྤྱོད་ཚུལ་གྱིས་བསྒྲལ་བ་དང་། །ལུས་ངག་ཕྱེ་མར་མཛད་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཅེས་པས་བསྟན། དེ་ལ་དམ་ཚིག་ཆེན་པོ་སོགས་ཚིག་རྐང་དང་པོས་གཙོ་བོ་ཡབ་ཡུམ་བསྐུལ། སྤྲུལ་པ་ཆེན་པོ་སོགས་ཚིག་རྐང་གཉིས་པས་ཁྲོ་བོ་བཅུ་བསྐུལ། ཕོ་ཉ་ཆེན་པོ་སོགས་ཀྱིས་ཕྲ་ཕྱག་ཉི་ཤུ་དང་སྒོམ་བཞི་བསྐུལ། བདག་ཉིད་ ― LT30_Page_0171 ―
[མ་དཔེ་གཟིགས་ན་འདིར་གནོན།]
ཆེན་པོས་བདག་ཉིད་མ་བཞི། ས་བདག་ཆེན་པོས་ས་བདག་མ་བཞི། ཁྱི་ཡི་གདོང་ཅན་སོགས་ཀྱིས་ཤྭ་ན་མ་བཞི་བསྐུལ་བ་ཡིན་ལ། ཕྱིན་ཆད་ཀྱིས་དྲག་པོའི་ལས་མཛད་པར་འདོད་དོན་གསོལ་བའི་ཚིག་ཡིན་ནོ། །དེ་དག་གི་ཚིག་འབྲུ་གཉེར་ཏེ་ཅུང་ཟད་བཀྲོལ་ན། སྔོན་རུ་དྲ་སྒྲོལ་བའི་དུས་སུ་ཕྱོགས་བཅུའི་སངས་རྒྱས་ཐམས་ཅད་ཀྱི་མཐུ་སྟོབས་གཅིག་ཏུ་བསྡུས་ཏེ་ཕྲིན་ལས་ཀྱི་སྲས་སུ་དབང་བསྐུར་ཞིང་། བདུད་དང་ལོག་འདྲེན་དམ་སྲིའི་བར་དུ་གཅོད་པ་སོགས་ལྷག་པར་མ་རུངས་པའི་ཕྱོགས་ལ་ཆེས་ཤིན་ཏུ་རྣོ་མྱུར་མཐུ་རྩལ་གྱི་མེ་ལྕེ་བཟོད་པར་དཀའ་བའི་གཟི་བྱིན་ཅན་ཁྲོ་རྒྱལ་ཀུན་གྱི་སྟོབས་གཅིག་ཏུ་འདུས་པ་དཔལ་རྡོ་རྗེ་གཞོན་ནུས་གདུག་པ་ཅན་མཐའ་དག་ཞི་བ་ཆེན་པོའི་དབྱིངས་སུ་དྲག་ཤུལ་སྙིང་རྗེ་རོལ་པའི་སྟོབས་ཀྱིས་འདུལ་བར་མཛད་པའི་དམ་ཚིག་སྟོང་ཉིད་སྙིང་རྗེ་མི་ཕྱེད་པའི་རྡོ་རྗེའི་ངོ་བོར་ཇི་ལྟར་བཅས་པ་དེ་ལྟར་ལྷག་པར་དེང་གི་སྐབས་སུ་རྣལ་འབྱོར་པའི་དགྲ་བགེགས་སྒྲོལ་བའི་དུས་ལ་བབ་བོ་ཞེས་གཙོ་བོ་ལ་བསྐུལ་ཞིང་། དེ་བཞིན་དུ་སྔོན་རུ་དྲ་སྒྲོལ་བའི་དུས་ན་ཕྱོགས་བཅུའི་དམ་སྲི་མ་རུངས་པ་བཅུའི་གཉེན་པོར་དཔལ་ཆེན་པོའི་ཐུགས་ལས་སྤྲུལ་ནས་ཕྱོགས་སྐྱོང་བཏུལ་བའམ། རྡོ་རྗེ་གཞོན་ནུའི་དབང་བཅུ་དང་སྟོབས་བཅུའི་ངོ་བོ་ཁྲོ་རྒྱལ་ཧཱུྃ་ཀར་སོགས་མི་བཟད་པའི་ཁྲོ་བོ་ཆེན་ ― LT30_Page_0172 ―
[མ་དཔེ་གཟིགས་ན་འདིར་གནོན།]
པོའམ་སྤྲུལ་པ་ཆེན་པོ་རྣམས་ཀྱིས་སྔོན་གདུག་པའི་ཚོགས་རང་རང་གི་གཉེན་པོས་བཏུལ་བའི་དམ་ཚིག་གི་དུས་ལ་དེང་འདིར་བབ་ཀྱི། རྣལ་འབྱོར་པའི་དགྲ་བགེགས་བསྒྲལ་བར་མཛོད་ཅིག་ཅེས་དང་། གཙོ་བོ་ཡབ་ཡུམ་གྱི་ཐུགས་རྗེའི་ཆོ་འཕྲུལ་ཁྲོ་རྒྱལ་བཅུའི་ཡང་སྤྲུལ་ཕྲ་ཕྱག་ཉི་ཤུ་དང་སྒོམ་བཞིའི་ཕོ་ཉ་ཆེན་པོ་རྣམས་ཀྱིས་སྔོན་དམ་སྲིའི་ཡང་སྤྲུལ་གདུག་ཅན་རྣམས་བཏུལ་བའི་དམ་ཚིག་གི་དུས་ལ་དེང་འདིར་བབ་པས། སྒྲུབ་པ་པོའི་དགྲ་བགེགས་བསྒྲལ་བའི་ཕྲིན་ལས་བསྐུལ་བ་དང་། བཀའི་སྲུང་མའི་དབང་པོའི་ཚུལ་དུ་རྣམ་པར་རོལ་པ་བདག་ཉིད་མ་བཞི་དང་། ཡང་རུ་དྲའི་བྱི་མོ་སྲས་མོར་སྤྲུལ་པའི་ས་བདག་ཆེན་མོ་བཞིའི་དཔལ་གྱི་བཀའ་ཉན་བྲན་དང་མངགས་པའི་ཕྲིན་ལས་ཤུགས་དྲག་པོའི་ཚུལ་གྱིས་སྒྲུབ་པར་མཛད་པའི་དུས་ལ་བབ་པས་མངོན་སྤྱོད་ཀྱི་ཕྲིན་ལས་མཛད་པར་བསྐུལ་བ་དང་། ཡང་སྔོན་དཔལ་ཆེན་པོས་ཡེ་ཤེས་ཀྱི་མ་མོ་རྣམས་འཕར་སྤྱང་ཝ་ཁྱིའི་གདོང་ཅན་དུ་སྤྲུལ་པ་ཤྭ་ན་མ་བཞི་ལ་འདིར་ཁྱིའི་གདོང་ཅན་དུ་བསྒྱུར་ཏེ་ཤྭ་ན་མུ་ཁ་ཞེས་པ་ཁྱི་དང་སྤྱང་ཀིའི་གདོང་ཅན་གཉིས་ཀ་ལ་འཇུག་ཅིང་། ཤྭ་ན་གཙོ་བོར་སྤྱང་ཀི་ལ་འཇུག་པས་གཙོ་མོ་སྤྱང་ཀིའི་གདོང་དང་ཞོན་པ་གཉིས་ཀ་ཡིན་པས་གཙོ་མོའི་ཤུགས་ཀྱིས་གཞན་རྣམས་ཀྱང་སྤྱང་ཀིའི་གདོང་ཅན་དུ་འོང་བ་ཡིན་པས། སྔ་འགྱུར་བཀའ་གཏེར་ ― LT30_Page_0173 ―
[མ་དཔེ་གཟིགས་ན་འདིར་གནོན།]
ཐམས་ཅད་དུ་ཤྭ་ན་མུ་ཁ་ཞེས་ཁྱི་སྤྱང་གཉིས་ཀར་འཇུག་པར་བྱས་ནས་སྐད་དོད་རང་སར་བཞག་པ་ཡིན་ཀྱང་། འདིར་བོད་སྐད་དུ་བསྒྱུར་བ་ལྟར་ནའང་དོན་ལ་འགལ་བ་ཆེར་མེད་དོ། །དེས་ན་ཤྭ་ན་མ་བཞིའི་ཐུགས་དམ་དུས་ལ་བབ་བོ། །མངོན་སྤྱོད་ཀྱི་ཕྲིན་ལས་ལ་གཡེལ་བ་མེད་པར་མཛོད་ཅིག་ཅེས་གཙོ་འཁོར་སྤྲུལ་པ་བྲན་དང་མངགས་པའི་ཚོགས་ཐམས་ཅད་ཀྱི་དམ་ཚིག་ཆེན་པོའི་དུས་ལ་དེང་འདིར་བབ་ཅིང་། བརྣག་པར་བྱ་བའི་དགྲ་བགེགས་དམ་སྲི་ཞི་བས་འདུལ་དུ་མི་འཚལ་བ་རྣམས་དྲག་པོ་མངོན་སྤྱོད་ཀྱི་ཐབས་ཀྱིས་མྱུར་དུ་བསྒྲལ་བར་བྱ་བའི་ཕྲིན་ལས་ལ་གསེལ་བ་མེད་པའི་ཚུལ་དུ་རྣལ་འབྱོར་པའི་དཔུང་དང་གཉེན་དུ་ཉེ་བར་བཞེངས་པའི་དུས་ལ་བབ་པས་དགོངས་པར་མཛོད་ཅིག་ཅེས་བསྐུལ་ནས། དགྲ་བགེགས་གང་ཞིག་སྒྲོལ་ན། བླ་ན་མེད་པའི་བྱང་ཆུབ་མཆོག་ཏུ་སེམས་བསྐྱེད་ནས་དུས་གསུམ་གྱི་སངས་རྒྱས་ཐམས་ཅད་ཀྱི་སྲས་བྱང་ཆུབ་སེམས་དཔའ་བཞིན་དུ་སེམས་ཅན་གྱི་དོན་བྱེད་པའི་རྒྱལ་བའི་གདུང་རིག་འཛིན་པར་དམ་བཅས་པའི་བདག་ཅག་དཔོན་སློབ་རྣམས་ལ་ནི་དོ་བདོ་ཞིང་ཕོད་བཙུགས་ལ་བརྙས་པ་བྱེད་པ་དང་། སངས་རྒྱས་ཀྱི་བསྟན་པ་དང་སྐྱེ་རྒུ་ཡོངས་ལ་བསམ་སྦྱོར་ཕྱིན་ཅི་ལོག་པའི་སྒོ་ནས་གནོད་ཅིང་གདུག་པ་ཅན་དུ་གྱུར་པའི་གཟུགས་ ― LT30_Page_0174 ―
[མ་དཔེ་གཟིགས་ན་འདིར་གནོན།]
ཅན་གྱི་དགྲ་ཉམས་པ་བདུན་ལ་སོགས་པ་དང་ལྡན་པ། གཟུགས་མེད་ཀྱི་བགེགས་དམ་སྲི་བདུད་དང་བར་དུ་བཅོད་པ་མཐའ་དག་ཇི་སྙེད་པ་དེ་དག་རྣམས་ཁྲོ་བོ་ཆེན་པོ་རྡོ་རྗེ་གཞོན་ནུ་སྲས་འཁོར་སྤྲུལ་པ་བཀའ་སྡོད་དང་བཅས་པའི་བྱིན་རླབས་ཀྱི་ཕོ་ཉའི་ཚོགས་བསམ་གྱིས་མི་ཁྱབ་པ་སྤྲོས་པ་རྣམས་ཀྱིས་སྐད་ཅིག་ཐང་ཅིག་ཡུད་ཙམ་གྱིས་ནི་དེ་དག་མངོན་སྤྱོད་ཀྱི་གནས་འདིར་འཚེར་བ་མེད་པར་བཀུག་ནས་མངོན་སྤྱོད་དྲག་པོའི་ཚུལ་གྱིས་བསྒྲལ་བ་དང་། རྣམ་ཤེས་ཡེ་ནས་དག་པ་དེ་གནས་སྤར་བ་དང་། ཉེར་ལེན་གྱི་ཕུང་པོ་ཆེན་པོ་གཞིག་པའི་ཕྱིར་འབྱུང་བཞི་ལས་སྐྱེས་པའི་ཐ་མལ་གྱི་ལུས་ངག་ཡིད་གསུམ་རྡུལ་ཕྲན་བཞིན་དུ་ཕྱེ་མར་མཛད་ནས་ཀྱང་། ཉོན་མོངས་པའི་སྒྲིབ་པ་སྦྱང་བའི་ཕྱིར་མནན་གཟིར་གྱིས་སྡུག་བསྔལ་རྣམས་ལུས་ངག་ཡིད་གསུམ་གྱིས་ཉམས་སུ་མྱོང་སྟེ་སླན་ཆད་སྡུག་བསྔལ་གྱི་རྩ་བ་ཆད་ནས་ཞི་བའི་དབྱིངས་སུ་འགོད་པར་མཛོད་ཅིག་ཅེས་པའོ། །ཨོཾ་ལཾ་སོགས་ཀྱི་སྔགས་འབྲོས་སུ་མི་སྟེར་བའི་ཕྱིར་ཟིལ་གྱིས་གནོན་པའི་སྙིང་པོ། འཁོར་བ་ནས་འདྲེན་པའི་སྙིང་པོ། མི་འཚོར་བར་དབང་དུ་སྡུད་པའི་སྙིང་པོ་གསུམ་གྱི་ཚུལ་དུ་འདིའི་རྗེས་འབྲེལ་དུ་ཁ་ཅིག་ནས་བཤད་ཀྱང་། ཚེ་ཁྲུས་ཀྱི་དགོངས་པའི་དོན་དུ་འོག་ཏུ་འཆད་དོ། །གཉིས་པ་ཚེ་ཁྲུས་ཀྱི་དགོངས་པས་བརྟེན་པ་དབྱིངས་སུ་བསྒྲལ་བ་ནི། གསལ་ ― LT30_Page_0175 ―
[མ་དཔེ་གཟིགས་ན་འདིར་གནོན།]
བ་གསུམ་དང་ལྡན་པ། ལོག་རྡུག་འབྱམས་གསུམ་དང་བྲལ་བ། དགོངས་པ་རྣམ་གསུམ་དང་ལྡན་པ། ཁྲུས་ལུང་གསུམ། ཚེ་ལུང་གསུམ་གྱི་དགོངས་པས་འདེབས་དགོས་ཤིང་། དེའང་གསལ་བ་གསུམ་ནི། གདབ་ལས་དཀྱུས་ལ་སྲས་མཆོག་གི་ཕུར་བུ་དང་། སྒྲུབ་པ་ཆེན་པོར་ཕུར་ཁྲོམ་གྱི་རྫས་དཀྱིལ་གཙོ་བོ་སྲས་མཆོག་ལའང་དཀྱིལ་འཁོར་གསུམ་ག་རྫོགས་པའི་གཙོ་བོ་ཉིད་ཡཀྴ་ཀྲོ་དྷའི་ངོ་བོར་གྱུར་པས་གདབ་པ་ཡིན་ཅིང་། གཟས་པ་པོ་ནི་མདུན་དུ་མངོན་སུམ་ལྟ་བུར་གསལ་བའོ། །དགོངས་པ་གསུམ་ནི། ཨ་དཀར་བྱ་དཀར་གྱི་དགོངས་པ། ཐུགས་རྗེ་འབྲེལ་ཐག་གི་དགོངས་པ། གདུང་བ་ལུ་གུ་རྒྱུད་ཀྱི་དགོངས་པའོ། །དང་པོ་ནི། ཨོཾ་ལྃ། ཧཱུྃ་ལྃ། སྟྭཾ་བྷཱ་ཡ་ནཱ་ན། སོ་ཧཾ་གྷཱ་ཏ་ཡ། བྷ་ག་ཝཱན། ཧྲཱིཿཥྚིཿབི་ཀྲྀ་ཏ་བཛྲ་ཧཱུྃ་ཀ་ར་ཧཱུྃ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿསརྦ་བི།།།ན་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཅེས་པའི་སྔགས་འདིས་དཀྱིལ་འཁོར་གསུམ་གྱི་སྤྱི་བོར་ཧཱུྃ་ཀ་ར་དཀར་པོ། དེའི་སྤྱི་བོར་ཨ་དཀར་པོ། ཕུར་པའི་རྩེ་མོར་ཡང་ཨ་དཀར་པོས་ཉེ་བར་བརྒྱན་པ། གཟས་པ་པོའི་སྙིང་གར་ཡང་རྣམ་པར་ཤེས་པའི་ངོ་བོ་ཨ་དཀར་པོ་གསལ་བ་ནི་ཨ་དཀར་བྱ་དཀར་གྱི་དགོངས་པའོ། །གཉིས་པ་གོང་གི་སྔགས་ཀྱིས་སླར་ཡང་ཧཱུྃ་ཀ་ར་ ― LT30_Page_0176 ―
[མ་དཔེ་གཟིགས་ན་འདིར་གནོན།]
ཡབ་ཡུམ་དང་བཅས་པ་འོད་དུ་གྱུར་པས་དཀྱིལ་འཁོར་གསུམ་ཡོངས་སུ་གང་ཞིང་བདག་གི་སྡིག་སྒྲིབ་སྦྱོང་བར་བྱེད་པ་དང་། ཕུར་པ་གཟས་པོའི་སྙིང་གར་དྲིལ་བས་ཕུར་རྩེའི་ཨས་བསྒྲལ་བྱའི་དོན་བྱས་ཤིང་། བདག་དང་གཟས་པ་པོ་ཕུར་བུ་གསུམ་དགོངས་པ་གཅིག་གིས་འབྲེལ། དམ་ཚིག་གཅིག་གིས་འབྲེལ། ཆོས་ཉིད་གཅིག་གིས་འབྲེལ་བར་སྣང་བས་ན་ཐུགས་རྗེ་འབྲེལ་ཐག་གི་དགོངས་པ་ཞེས་བྱའོ། །གསུམ་པ། །སྙིང་རྗེས་བསྒྲལ་བའི་དམ་ཚིག་ནི། །ཞེས་སོགས་གསུངས་པ་ལྟར། སྤྱིར་སེམས་ཅན་ཐམས་ཅད་སྙིང་རྗེ་ཆེན་པོའི་བློས་མི་གཏོང་ཞིང་། སྒོས་ལས་ངན་ཅན་འཁོར་བར་མི་གཏོང་བས་ན་གདུང་བ་ལུ་གུ་རྒྱུད་ཀྱི་འབྲེལ་བའི་དགོངས་པ་ཞེས་བྱ་བ་སྟེ་ཁྲུས་ལུང་ངོ། །ཚེ་ལུང་ལའང་གསུམ་སྟེ། བྱུང་ཚོར་གྱི་སྒོ་དགག་པ། སེམས་ཀྱི་དབྱིངས་དབྱུང་བ། ཀུན་གཞི་རྩད་ནས་གཅད་པའོ། །དང་པོ་ནི། གོང་གི་སྔགས་ཀྱིས་ཕུར་པ་མིག་ལ་དྲིལ་བས་གཟུགས་ཀྱི་བྱུང་ཚོར་བཀག། རྣ་བ་ལ་དྲིལ་བས་སྒྲའི་བྱུང་ཚོར་བཀབ། །སྣ་དྲི། ལྕེ་རོ། ལུས་རེག་བྱ་བཅས་བཀག་ནས་སྒོ་ལྔའི་རྣམ་ཤེས་གུར་གྱི་ཚོན་ཐག་བསྡུས་པ་བཞིན་དུ་ཀུན་གཞི་ལ་འུབ་ཀྱིས་བསྡུས་པའི་བྱ་བ་བྱེད་པའོ། །གཉིས་པ་སེམས་ཀྱི་དབྱིངས་དབྱུང་བ་ལའང་གསུམ་སྟེ། དང་པོ་ཕཊ་དྲལ་ ― LT30_Page_0177 ―
[མ་དཔེ་གཟིགས་ན་འདིར་གནོན།]
བ། གཉིས་པ་གནད་སླེབ་པ། གསུམ་པ་རྟོག་བླང་བའོ། །དང་པོ་ནི། གོང་གི་སྔགས་ཀྱིས་ཕུར་པའི་རི་རབ་ཀྱིས་བསྡིགས་པས་གཟས་པ་པོའི་ཤ་ཁྲག་དང་སྙིང་དཀར་ནག་དབྲལ་བ་ནི་ཕཊ་དྲལ་བའོ། །གཉིས་པ་ཕུར་པའི་འོད་ཀྱིས་སྙིང་དཀར་ནག་གི་མཚམས་ནས་ཁྲག་གི་སྦལ་པ་མཐེ་བོང་ཙམ་ཡོད་པ་བསྲེགས། དེའི་ནང་ན་དྭངས་མ་རྣམ་པ་གསུམ་ཡོད་དེ། །ཁྲག་གི་དྭངས་མ་མཚལ་ལྕོག་ལ་འདྲ་བ་དང་། རྩའི་དྭངས་མ་རྒྱུས་པ་ཀླད་པ་འདྲ་བ་དང་། དབུགས་ཀྱི་དྭངས་མ་གསེར་ས་འོག་ཏུ་སྦས་པའི་རླངས་པ་ཙམ་སྟེ་གསུམ་ཡོད་པ་དེ་གསུམ་གྱི་དབུས་ན་ཀུན་གཞིའི་རྣམ་པར་ཤེས་པ་ཡི་གེ་ཨ་ཐུང་གི་ཚུལ་དུ་སེམས་ཅན་ཐམས་ཅད་ལ་ཡོད་པས་དེ་ལ་སྔགས་དང་བཅས་ཏེ་ཕུར་པ་གཡེངས་པས་དེ་དག་གི་དབུས་སུ་ཕུར་པ་ཐོགས་པ་མེད་པར་ཐལ། གསུམ་པ་སྔགས་ཀྱིས་ཕུར་པ་གདེངས་པས་རྣམ་ཤེས་ཨ་ཐུང་དེ་ཉིད་རྡོ་ཁབ་ལེན་ལ་ལྕགས་འདུ་བ་བཞིན་ནམ། བྱེ་ཚན་ལ་མར་ཐིམ་པ་བཞིན་དུ་ཕུར་པའི་རྩེ་མོར་འདུས་པར་གསལ་བའོ། །གསུམ་པ་ཀུན་གཞི་རྩད་ནས་གཅད་པ་ནི། དེའི་འོག་ཏུ་དེའི་ཤུལ་ན་ཕུར་པ་གཞན་གྱིས་བཏབ་ལ་བཞག་སྟེ་དེའི་རྣམ་ཤེས་ལྷོད་པ་མེད་པར་བྱས་པ་ནི་ཀུན་གཞི་རྩད་ནས་གཅོད་པ་ཞེས་བྱའོ། །ཕུར་པའི་རྩེ་མོར་དམིགས་ཡུལ་གྱི་རྣམ་ཤེས་ཨ་བཀྲག་དང་ལྡན་པ་རིག་པ་ཚེ་དང་བསོད་ནམས་དང་བཅས་པ་ཚུར་བདག་ལ་གོང་གི་སྔགས་ཀྱིས་བསྡུས་པས་ཁོའི་ཚེ་བསོད་ཐམས་ཅད་རང་ལ་ཐིམ་པས་བཀྲག་མདངས་གཟི་བརྗིད་དང་ལྡན་པར་གྱུར་པ་ནི་བདག་གི་ཚེ་ ― LT30_Page_0178 ―
[མ་དཔེ་གཟིགས་ན་འདིར་གནོན།]
ལུང་དུ་བཤད་ལ། དེ་ནི་མེ་འབར་བ་ལ་ཤིང་བསྣན་པ་དང་མཚུངས་པར་རང་ཉིད་ཚེ་བསོད་ནམས་དང་ལྡན་པར་འགྱུར་བའོ། །དེས་ན་ཡུལ་གྱི་ཚེ་བསོད་རང་ལ་ཐོབ་པས་བདག་མི་ཕམ་ལ། བདག་གིས་ཡུལ་གྱི་སྒྲིབ་པ་སྦྱངས་པས་དགྲ་མི་ཕམ་པ་སྟེ་གཉིས་ཀ་འཚེངས་པ་ཡིན་ནོ། །དེ་ནས་རྣམ་པར་ཤེས་པ་ཨ་ཐུང་གི་རྣམ་པ་ཅན་དུ་གྱུར་པ་ཕུར་རྩེས་བླངས། རང་ལྷའི་ཐུགས་ཀའི་ཡེ་ཤེས་ཀྱི་རླུང་ཧར་གྱིས་བྱུང་སྟེ་དེས་བཏེག་ནས་མེ་སྟག་དྲག་པོ་ཡར་བ་བཞིན་འོག་མིན་རིགས་ལྔ་ཡབ་ཡུམ་གྱི་སྦྱོར་མཚམས་སུ་བསྐྱལ་ཏེ་རིགས་ལྔའི་སྲས་སུ་སྐྱེ་བར་བྱེད་པ་ནི་རྟེན་འབྲེལ་ཟབ་མོའི་ཁྱད་པར་གྱི་མཐུ་ལས་དེ་ལྟར་འགྱུར་བའང་ངེས་པའི་གསང་བ་ཟབ་མོ་དང་། ཆོས་ཉིད་ཀྱི་བདེན་པའི་བྱིན་གྱིས་བརླབས་ཀྱིས་སོ། །དེ་ནི་གནས་སྦར་བའི་ཆོ་ག་ཞེས་གསང་སྔགས་ཀྱི་ཁྱད་ཆོས་བླ་ན་མེད་པ་ཡིན་པའི་ཕྱིར་ཚེ་ལུང་དང་ཁྲུས་ལུང་གི་དགོངས་པ་མ་ཤེས་ན་ཤན་པ་དང་ཁྱད་མེད་པར་སློབ་དཔོན་པདྨའི་ཞལ་སྔ་ནས་འདོམས་པར་མཛད་པ་ཡིན་ནོ། །གོང་དུ་བསྟན་པའི་སོགས་དོན་ཡང་ཁྲུས་ལུང་ལྟར་བཤད་པ་དང་། ཚེ་ལུང་ལྟར་བཤད་པ་གཉིས་ལས། དང་པོ་ནི། ཨོཾ་ལྃ་ཞེས་པས་རིགས་ཀྱི་ཡབ་ལྔ། ཧཱུྃ་ལྃ་ཞེས་པས་ཡུམ་ལྔ་ལག་པ་གཡས་གཡོན་གྱི་སོར་མོ་དག་ལ་བསྐྱེད་པའི་དོན་དང་། སྟྭཾ་བྷཱ་ཡ་ནཱན་ཞེས་པས་ཡབ་ཡུམ་གཉིས་མེད་དུ་སྦྱོར་བས་ལག་གི་འདུ་ ― LT30_Page_0179 ―
[མ་དཔེ་གཟིགས་ན་འདིར་གནོན།]
བྱེད་བསྒོམ་པའི་དོན་དང་། མོ་ཧཾ་གྷཱ་ཏ་ཡ་མིང་དང་རུས། བྷ་ག་ཝཱན་བཅོམ་ལྡན་འདས། ཧྲཱིཿཥྚྲཱིཿཐབས། བི་ཀྲྀ་ཏ་ཤེས་རབ། བཛྲ་རྡོ་རྗེ་སྟེ་གཉིས་སུ་མེད་པའི་དོན། དེ་བསྐྱེད་པའི་རྒྱུ་ཧཱུྃ་ཡིན་ལ། ཀ་ར་ནི་ཕྲིན་ལས། ཧཱུྃ་གིས་བསྡུས་ལ་སྦྱོངས་ཤིག་པའོ། །བཛྲ་ཀཱི་ལི་ཀཱི་ལ་ཡ་ཡེ་ཤེས་ཀྱི་ཕུར་པ། ཛཿཧཱུྃ་བྃ་ཧོཿཕྱག་རྒྱ་བཞིས་དགུག་བཅིང་ལ་སོགས་པ་བྱས་ནས། སརྦ་ནི་ཐམས་ཅད། བིགྷྣཱན་ནི་ཉོན་མོངས་པ། བཛྲ་ཀཱི་ལི་ཀཱི་ལ་ཡ་ནི་ཡེ་ཤེས་ཀྱི་ཕུར་པས་འདེབས་པ། ཧཱུྃ་གིས་བསྡུས་ལ་ཕཊ་ཀྱིས་གཏོར་ཞིག་པའོ། །གཉིས་པ་ཚེ་ལུང་ལྟར་ན། ཨོཾ་ལྃ། ཧཱུྃ་ལྃ་ཞེས་པས་སྐུ་གསུང་ཐུགས་རི་རབ་ལྟར་བརྗིད་པས་ནོན་ཅིག །ཇི་ལྟར་མནན་ན། སྟྭཾ་བྷ་ཡ་ནཱན་ཞེས་ས་འོག་ཏུ་གཟིར་ལ་ནོན། གང་མནན་ན། མོ་ཧཾ་གྷ་ཏ་ཡ་ཞེས་པ་མིང་དང་རུས་སུ་བཅས་པའི་དགྲ་བགེགས། གང་གིས་གནོན་ན། བྷ་ག་ཝཱན་ཞེས་བཅོམ་ལྡན་འདས་དཔལ་རྡོ་རྗེ་གཞོན་ནུ་ཡབ་ཡུམ་གྱི་སྐུས་ནོན་ཅིག་པ། ཚུལ་ལམ་ཐབས་ཅི་ལྟར་གནོན་ཅིང་གཟིར་ན། ཧྲཱིཿཥྚྲཱི་བི་ཀྲྀ་ཞེས་པས་ཐབས་ཤེས་སྙོམས་པར་ཞུགས་ལ་ནོན་ཅིག །མནན་ནས་ཅི་བྱེད་ན། བཛྲ་ཧཱུྃ་ཀ་ར་ཧཱུྃ་ཞེས་པས་དཔལ་ལྡན་རང་བཞིན་གྱི་རྡོ་རྗེ་ཕུར་པ་ལས་བསྡུས་ལ་སེམས་ཀྱི་རྣམ་པར་ ― LT30_Page_0180 ―
[མ་དཔེ་གཟིགས་ན་འདིར་གནོན།]
རྟོག་པ་ཆོད་ཅིག་ཅེས་དང་། དེ་ལྟར་བཅད་ནས་ལུས་སེམས་ལ་ཡོད་པའི་རྟོག་མེད་ཀྱི་ཡེ་ཤེས་ཚུར་བསྡུས་ལ་རྣམ་པར་རྟོག་པ་དང་བཅས་པའི་ལུས་སེམས་ཀུན་བསྲེགས་ལ་ཐལ་བ་ལྟར་གཏོར་ཞིག །གང་དུ་བསྲེག་ཅིང་བརླག་པར་བྱ་ན། བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿཞེས་པས་དཔལ་རྡོ་རྗེ་གཞོན་ནུ་ཡབ་ཡུམ་འཁོར་ཁྲོ་བོ་ཁྲོ་མོ་ཟ་གསོད་སྒོ་མ་བཞི་དང་བཅས་པའི་ཞལ་དུ་བསྟབས་ཏེ་བསྲེགས་ལ་བརླག་པར་གྱིས་ཤིག་པ་དང་། གང་བརླག་པར་བྱ་ན། སརྦ་བིགྷྣཱན་ཞེས་དགྲ་བགེགས་ཐམས་ཅད། གང་གིས་བརླག་པར་བྱེད་ན། བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ་སྟེ་སྲས་མཆོག་བཛྲ་ཀཱི་ལ་ཡའི་སྐུ་རྡོ་རྗེ་ཕུར་པས་ཐོབ། སེམས་བསྡུས་ལ་ལུས་ཕྱིར་ཁྲོལ་ཅིག་ཅེས་པའི་དོན་ཡིན་པར་ཡིག་རྙིང་བཞིན་དུ་ས་ཕུར་རྣམ་བཤད་ལས་བཤད་དོ། །གསུམ་པ་གབ་པའི་སྔགས་དྲུག་བསྟན་པ་ནི། བགེགས་བྱེད་པ་ཡི་བདུད་རྣམས་དང་། །ཞེས་པ་ནས། བིནྡྷ་ཡ་བིནྡྷ་ཡ་ཧཱུྃ་ཕཊ། ཅེས་པའི་བར་གྱིས་བསྟན་པའང་། རྒྱུད་ལས། ལྷ་དབྲལ་གནས་ནས་དགུག་པ་དང་། །རྣམ་ཤེས་གཟུགས་བསྟིམ་བྱད་དུ་གཞུག། སྨྱོར་གཞུག་རྡུལ་དུ་བརླག་པ་དང་། །ཤ་ཁྲག་ཞལ་དུ་བསྟབས་ན་དགྱེས། །འདི་དྲུག་ཤེས་ན་ལས་རྣམས་འགྲུབ། །ཅེས་སོ། །དེ་ལའང་བསྐུལ་དང་དགུག་གཞུག་བྱ་བ་དང་། སྔགས་ ― LT30_Page_0181 ―
[མ་དཔེ་གཟིགས་ན་འདིར་གནོན།]
ཚན་བཅུ་གཉིས་པོ་དངོས་བཤད་པའོ། །དང་པོ་ནི། བགེགས་བྱེད་སོགས་སྨོས་ཏེ། སྐུ་གསུང་ཐུགས་ཀྱི་དངོས་གྲུབ་བསྒྲུབ་པ་ལ་བགེགས་སམ་བར་དུ་གཅོད་པར་བྱེད་པའི་བདུད་རྣམས་དང་། དམྱལ་བའི་སྡུག་བསྔལ་གྱིས་སེམས་ལ་མི་བཟོད་པའི་མྱ་ངན་གྱི་ཁུར་མཉམ་དུ་སྦྱོར་བའི་ལས་ངན་པ་ལ་ཞུགས་པ་ཆེ་གེ་མོ་ཞེས་མིང་དང་རུས་སུ་སྨོས་པ་སུ་དང་གང་ཡིན་ཀྱང་དེ་ཉིད་འཁྲུལ་མེད་དུ་འདི་དང་འདིའོ་ཞེས་བྱ་བ་གཟུགས་ལིངྒ་མིང་བྱང་བུ་བླ་འཁོར་ལོ་ལ་བསྐོར་བ་རང་གཞན་ལ་གནོད་པའི་ལོག་འདྲེན་མ་རུངས་པ་བདུད་ཀྱི་ཐིབས་ཀྱིས་ནོན་པའི་ཉམས་པ་བདུན་ལྡན་དང་ཞིང་བཅུ་ཚང་བའི་བསྒྲལ་བར་བྱ་བའི་འོས། གསད་པར་བྱ་བའི་མཆོག་གང་ཡིན་པ་དེ་དག་འཁོར་བའི་གནས་རིས་ནས་དྲང་བའི་ཕྱིར་ཕོ་ཉ་ལྕགས་ཀྱུ་ཅན་གྱིས་སྙིང་ནས་ཟུངས་ཤིག །བདེ་བའི་གནས་སུ་བསྐུལ་བའི་ཕྱིར་ཐོབ་ཅན་གྱིས་རྒྱབ་ནས་རྡུངས་ཤིག །ཉོན་མོངས་པའི་དབང་པོ་རང་ཡན་དུ་མི་གཏང་བའི་ཕྱིར་ཞགས་པ་ཅན་གྱིས་ཡན་ལག་རྣམ་པར་ཆིངས་ཤིག །བག་ཆགས་ཀྱི་ཕུང་པོ་བརླག་པར་བྱ་བའི་ཕྱིར་གཟུགས་ཀྱི་ཕུང་པོ་བཏོགས་ཤིག་གམ་སྡིགས་ཤིག །སྡིག་པའི་གྲོགས་དང་བྲལ་བར་བྱ་བའི་ཕྱིར་རམ་ནག་པོའི་ཕྱོགས་ཀྱི་དཔུང་གཉེན་དང་སྟོང་གྲོགས་བྱེད་པའི་དཔལ་ལམ། གཉེན་པོ་དང་ཁ་ཕྲལ་ཏེ་སོ་སོར་དབྱེ་བར་གྱིས་ཤིག །མྱུར་ ― LT30_Page_0182 ―
[མ་དཔེ་གཟིགས་ན་འདིར་གནོན།]
དུ་གནས་ངན་ལས་བསྒྲལ་ཏེ་རྟེན་དང་བརྟེན་པ་རྡུལ་དུ་རློག་པའི་ཕྱིར་མགྱོགས་བྱེད་ཀྱི་ཕོ་ཉས་མྱུར་བའམ། རིངས་པའི་ཚུལ་ལམ། ས་འོག་ས་སྟེང་ས་བླ་སོགས་ཤིན་ཏུ་བསྐལ་པའི་རིང་པོའི་གནས་གང་ན་ཡོད་ཀྱང་རང་དབང་མེད་པར་ཁུག་ལ། གནོང་ཞིང་འགྱོད་པའི་སེམས་ཀྱིས་ཉེས་བྱས་ལ་མཐོལ་ཞིང་བཤགས་པའི་སྨྲེ་སྔགས་ཀྱི་འོ་དོད་སྨྲ་རུ་ཆུག་ཅིག །ཐུགས་རྗེས་ངེས་པར་གཟུང་བར་བྱ་བའི་ཕྱིར་འབེབས་བྱེད་ཀྱིས་གཟུགས་ལ་ཕོབ་ཅིག །ཉོན་མོངས་པའི་སྒྲིབ་པ་སྦྱང་བའི་ཕྱིར་གཟིར་བྱེད་ཀྱིས་ལུས་ངག་ཡིད་གསུམ་རྣམ་པར་གཟིར་བར་གྱིས་ཤིག །དཀྱིལ་འཁོར་དུ་ངེས་པར་ཆུད་པར་བྱ་བའི་ཕྱིར་དབང་བྱེད་ཀྱིས་རྣལ་འབྱོར་པ་བདག་ཉིད་ཀྱི་དབང་དུ་བྱས་པར་གྱུར་ནས། དམ་ལས་མི་འདའ་བའི་ཕྱིར་བཀའ་ཉན་བྱེད་ཀྱིས་བསྒོ་བའི་བཀའ་ཉན་ཅིང་མ་དང་པའི་བློ་ལྡོག་སྟེ་ཤིན་ཏུ་གུས་པ་དང་ལྡན་པར་གྱིས་ཤིག་པའམ་བྱོས་ཤིག །ཅེས་པ་སྟེ་ཚིག་ཐད་ཀར་དཀྱུས་ལྟར་བཤད་པ་དེ་ལྟར་ཡིན་ལ། འོག་གབ་པའི་སྔགས་དྲུག་གི་སོ་སོའི་འཕྱང་དང་། ཐོག་མར་འགྲོ་བའི་རྣམ་ཤེས་དགུག་པ་སོགས་ཀྱི་ཚིག་གནད་ཀྱང་འདིའི་ཁོངས་སུ་འབྱུང་བ་ཡིན་ནོ། །གཉིས་པ་སྔགས་ཚན་བཅུ་གཉིས་པོ་དངོས་བཤད་པ་ལ་གཉིས། དངོས་དང་། སྔགས་དོན་བཤད་པའོ། །དང་པོ་ནི། ཧཱུྃ་པ་ར་བིདྱཱ་སོགས་ནས། བིནྡྷ་ཡ་བིནྡྷ་ཡ་ཧཱུྃ་ཕཊ། ། ― LT30_Page_0183 ―
[མ་དཔེ་གཟིགས་ན་འདིར་གནོན།]
ཅེས་པའི་བར་གྱིས་བསྟན། འདི་ལ་དོན་དྲུག་པོ་རེ་རེ་ལ་དོན་བཅུ་བཅུ་སྟེ་དྲུག་ཅུ་ཐམ་པའི་ལྡོག་པ་དང་བཅས་ཤེས་པར་བྱ་དགོས་ལ། དེའང་གཉེན་པོ་སྟོབས་ཀྱི་ལྷ་དྲུག །ངན་སྔགས་ལས་ཀྱི་ཕུར་པ་དྲུག །གདབ་པ་གནད་ཀྱི་གདབ་པ་དྲུག །བསྐུལ་བར་བྱ་བའི་ཕོ་ཉ་དྲུག །གདགས་པར་བྱ་བའི་འཕྱང་དྲུག །གསག་པར་བྱ་བའི་རྫས་དྲུག །བཟླ་བར་བྱ་བའི་སྔགས་དྲུག །བཅའ་བར་བྱ་བའི་ཕྱག་རྒྱ་དྲུག །གཞན་དུ་མི་འགྱུར་བའི་ཏིང་ངེ་འཛིན་དྲུག །གདབ་པར་བྱ་བའི་སྨོན་ལམ་དྲུག་གོ། །དང་པོ་ལྷ་དང་དབྲལ་བ་ལ་བཅུ་སྟེ། །གཉེན་པོ་སྟོབས་ཀྱི་ལྷ་ནི། བདུད་རྩི་འཁྱིལ་པ་སྟེ་ཙྪིནྡྷ་ཙྪིནྡྷ་ཧཱུྃ་ཕཊ་ཀྱི་སྔགས་ཀྱིས་སོ། །འཇིག་རྟེན་ལས་ཀྱི་ལྷ་ནི། རྡོ་རྗེ་ལེགས་པའོ། །ངན་སྔགས་ལས་ཀྱི་ཕུར་པ་སེང་ལྡེང་དམར་པོ་དང་། གདབ་པའི་གནད་སྤྱི་གཙུག་སྟེ། །གནམ་གྱི་འཇུ་ཐག་གཅད་པའོ། །བསྐུལ་བའི་ཕོ་ཉ་ནི། །དམ་ཚིག་ཆེན་པོའི་དུས་ལ་བབ། །ཅེས་པ་དང་། གདགས་པའི་འཕྱང་ནི། །བཏོགས་ཤིག་གྲོགས་དང་དབྱེ་བར་གྱིས། །ཞེས་པའོ། །གསག་པའི་རྫས་ནི། གུ་གུལ། ཁྱི་བྲུན། ཚིལ་ཆེན་སོགས་སོ། །གབ་པའི་སྔགས་ནི། ཧ་ས་ཡ་ར་ཧ་ས་ཡ་ར་ཧྲཱིཿདཎྜ་ཧཱུྃ་ཕཊ། ཅེས་སོ་སོ་མགོར་ཀཱི་ལ་ཡས་མནན་ཅིང་། དགྲ་བགེགས་མཱ་ར་ཡ་དང་། མཐར་བིགྷྣཱན་བྃ་ཧཱུྃ་ཕཊ་ཀྱི་བར་དུ་བཅུག་པ་འོག་མ་ཀུན་ལའང་ ― LT30_Page_0184 ―
[མ་དཔེ་གཟིགས་ན་འདིར་གནོན།]
དགོས་པར་བཤད་དོ། །བཅའ་བའི་ཕྱག་རྒྱ་ནི། དུད་པས་བདུག་པའི་ཚུལ་དུ་བྱ་འུག་པའི་སྒྲོས་དབྱེ་བའི་ཚུལ་དང་། དངོས་སུའང་རྫས་དུད་བདུག་པའོ། །སྨོན་ལམ་ནི། དགྲ་བགེགས་ཀྱི་ལྷ་སྲུང་དང་ཕྲོལ་ཅིག་སོགས་བརྗོད་པ་དང་། ཏིང་ངེ་འཛིན་ནི། དཔལ་ཆེན་པོའི་ཐུགས་ཀ་ནས་སྤྲུལ་པའི་ཕོ་ཉ་རྣམས་ཀྱིས་དབྱེ་བའི་ལས་མཛད་པས་དགྲ་བགེགས་ལྷ་དང་བྲལ་ཏེ་མི་མེད་པའི་གྲོང་སྟོང་ངམ། བྱེའུ་ཁྱུར་རྡོ་འཕངས་པས་གཞན་འཕུར་ཏེ་གང་ལ་ཕོག་པ་དེ་གཅིག་པུར་ལུས་པ་ལྟར་གྱུར་པར་བསམ་མོ། །གཉིས་པ་གཟུགས་ལ་དབབ་པ་ནི། གཉེན་པོ་སྟོབས་ཀྱི་ལྷ་མི་གཡོ་མགོན་པོ་སྟེ་བིནྡྷ་བིནྡྷ་ཧཱུྃ་ཕཊ་ཀྱིས་མཚོན་པ་དང་། འཇིག་རྟེན་ལས་ཀྱི་ལྷ་ཡམ་ཤུད་དམར་པོ་ཡིན་ལ། གདབ་ཕུར་ནི། བྱ་རྒོད་ཀྱི་ཕུར་པ། གདབ་པ་ནི། རྐང་པའི་མཐིལ་ཏེ་སའི་རྟེན་ཕུར་ཕྱུང་བའོ། །ཕོ་ཉ་ནི། སྤྲུལ་པ་ཆེན་པོའི་དུས་ལ་བབ། ཅེས་དང་། འཕྱང་ནི། ཕོབ་ཅིག་རྣམ་པར་གཟིར་བར་གྱིས། །ཞེས་སོ། །སྔགས། ཨཱ་བེ་ཤ་ཡ་ཨཱ་བེ་ཤ་ཡ་ཧཱུྃ་ཕཊ། ཕྱག་རྒྱ་ནི། འབེབས་ཚུལ་བྱ་ཞིང་། རྫས་ནི། མཚེ་དང་ཡུངས་ཀར་ནག་སོགས་སོ། །ཏིང་ངེ་འཛིན་ནི། ཐུགས་ཀའི་འོད་ཀྱིས་གཟས་བ་པོ་དངོས་སུ་བཀུག་པ་ལྟར་ལིངྒ་ལ་བསྟིམ་པའོ། །སྨོན་ལམ་ནི། དགྲ་བགེགས་ཁུག་ཅིག །ཕོབ་ཅིག །སྟིམས་ཤིག ། ― LT30_Page_0185 ―
[མ་དཔེ་གཟིགས་ན་འདིར་གནོན།]
ཅེས་སོ། །གསུམ་པ་བྱད་དུ་གཞུག་པ་ནི། གཉེན་པོ་སྟོབས་ཀྱི་ལྷ་ཁམས་གསུམ་རྣམ་རྒྱལ་ཏེ་བྷནྡྷ་བྷནྡྷ་ཧཱུྃ་ཕཊ་ཅེས་པ་དང་། འཇིག་རྟེན་ལས་ཀྱི་ལྷ་ཀླུའི་རྒྱལ་པོ། གདབ་ཕུར་ནི། མཆོག་ཆེན་གྱི་ཕུར་པ། གདབ་པ་གསང་གནས་སུ་སྐྱེ་བ་དགུ་བརྒྱུད་གཅད་པའི་ཕྱིར་དུ། བསྐུལ་བའི་ཚིག །ཕྱག་བརྙན་ཆེན་མོའི་དུས་ལ་བབ། །ཅེས་དང་། འཕྱང་། ཟུངས་ཤིག་རྡུངས་ཤིག་རྣམ་པར་ཆིངས། །ཞེས་སོ། །སྔགས་ནི། ཤཱི་གྷྲཾ་ཨཱ་ན་ཡ་ཧཱུྃ་ཕཊ། ཅེས་དང་། ཕྱག་རྒྱ་ནི། བྱད་ཐག་གིས་བཅིང་བའི་ཚུལ་བྱ་ཞིང་། རྫས། ཚོན་སྐུད་སྣ་ལྔའི་ཐག་པ་སོགས་སོ། །ཏིང་ངེ་འཛིན་ནི། ཕོ་ཉ་མང་པོས་དྲུ་གུ་ཐུལ་དུ་བཅིངས་པར་བསམ་པ་དང་། །སྨོན་ལམ་ནི། ལྷའི་བྱད་དུ་ཆུག་ཅིག །ཀླུའི་བྱད་དུ་ཆུག་ཅིག །སོགས་ཀྱི་དམོད་མོ་བྱ་བའོ། །བཞི་པ་སྨྱོར་གཞུག་པ་ནི། གཉེན་པོ་སྟོབས་ཀྱི་ལྷ་རྟ་མགྲིན་ཏེ། གྲྀཧྞ་གྲྀཧྞ་ཧཱུྃ་ཕཊ་ཅེས་པ་དང་། ལས་ཀྱི་ལྷ་རྒྱལ་པོ་པེ་དཀར་རོ། །ཕུར་པ་ཙནྡན། གདབ་པ་ལྕེའི་དཀྱིལ་དུ་ངག་འཇོམས་པའི་ཕྱིར་དང་། བསྐུལ་བའི་ཕོ་ཉ། ཁྱི་ཡི་གདོང་ཅན་དུས་ལ་བབ། །ཅེས་པའོ། །འཕྱང་ནི། རིངས་པར་ཁུག་ལ་སྨྲར་ཆུག་ཅིག །ཅེས་དང་། སྔགས། ཛྭ་ལཱ་པ་ཡ་ཛྭ་ལཱ་པ་ཡ་ཧཱུྃ་ཕཊ། ཅེས་པའོ། །ཕྱག་རྒྱ། དུག་ཁོང་དུ་ ― LT30_Page_0186 ―
[མ་དཔེ་གཟིགས་ན་འདིར་གནོན།]
གཏོང་བའི་ཚུལ། རྫས། དྷ་དུ་ར་དང་དུག་སྣའི་ཆུའོ། །ཏིང་ངེ་འཛིན་ནི། སྙིང་ག་ནས་འོད་ཚྭ་ཚྭ་ལྟ་བུ་འཕྲོས་པས་མྱོས་ཤིང་བརྒྱལ། སྨྱོ་ཞིང་འབོགས་པ་སོགས་སུ་གསལ་བ་དང་། སྨོན་ལམ། དགྲ་བོ་སྨྱོ་རུ་ཆུག །འབོགས་སུ་ཆུག །མྱོས་སུ་ཆུག །ཅེས་སོགས་ཀྱིས་དམོད་བོར་བའོ། །ལྔ་པ་རྡུལ་དུ་བརླག་པ་ནི། གཉེན་པོ་སྟོབས་ཀྱི་ལྷ་དབྱུག་སྔོན་ཅན་ཏེ་ཧ་ན་ཧ་ན་ཧཱུྃ་ཕཊ་དང་། ལས་ཀྱི་ལྷ་ནི་བདུད་དོ། །ཕུར་པ་ནི། ལྕགས་ཕུར་དང་། གདབ་པ། སྙིང་དཀར་ནག་གི་མཚམས་སུ་སེམས་ཀྱི་དབྱིངས་དབྱུང་བའི་ཕྱིར་གདབ་བོ། །ཕོ་ཉ། ས་བདག་ཆེན་མོའི་དུས་ལ་བབ། །ཅེས་དང་། འཕྱང་ནི། ལུས་སེམས་རྡུལ་བཞིན་བརླག་པར་མཛོད། །ཅེས་སོ། །སྔགས་ནི། ཏྲཱ་ཤ་ཡ་ཏྲཱཱ་ཤ་ཡ་ཧཱུྃ་ཕཊ། དང་། ཕྱག་རྒྱ། བརྡུང་ཚུལ་བྱ་ཞིང་། རྫས། མིའི་རྗེ་ངར་དང་། རྡོ་རྗེ་ཐོབ་སོགས་སོ། །ཏིང་ངེ་འཛིན། ཐོ་བ་ཐོགས་པའི་སྤྲུལ་པ་མང་པོས་རྡུང་བའི་དམིགས་རྣམ་དང་། སྨོན་ལམ། དགྲ་བོ་རྡུལ་དང་ཕྱེ་མཐལ་བར་རློག་ཅིག །ཅེས་སོགས་ཀྱི་དམོད་མོའོ། །འདི་ནི་འོག་ཏུ་ཁ་ཚར་གྱི་ལས་སུ་བཤད་པར་འགྱུར་ཡང་། འདིར་ས་ཁོངས་མ་སྟོངས་ཕྱིར་བཤད་པའོ། །དྲུག་པ་ཞལ་དུ་བསྟབ་པ་ནི། གཉེན་པོ་སྟོབས་ཀྱི་ལྷ་སྟོབས་པོ་ཆེ་སྟེ་ཧཱུྃ་པར་བིདྱན་ཞེས་ ― LT30_Page_0187 ―
[མ་དཔེ་གཟིགས་ན་འདིར་གནོན།]
པའོ། །ལས་ཀྱི་ལྷ་ནི། བཙན་ནོ། །ཕུར་པ། སྐྱེར་ཕུར་དང་། གདབ་པ། ལྟེ་བ་སྟེ་བསྐྱེད་པའི་ས་བོན་གཞོམ་པའི་དོན་དུའོ། ཕོ་ཉ། །བདག་ཉིད་ཆེན་མོའོ། །འཕྱང་ནི། བསྒོ་བའི་བཀའ་ཉན་གུས་པར་གྱིས། །ཞེས་དང་། སྔགས་ནི། བིནྡྷ་ཡ་བིནྡྷ་ཡ་ཧཱུྃ་ཕཊ། ཅེས་པའོ། །ཕྱག་རྒྱ། སྟོབ་པའི་ཚུལ་དང་། རྫས། ཨེ་གྲུ་གསུམ་གྱི་ཧོམ་གཟར་སོགས་སོ། །ཏིང་ངེ་འཛིན་ནི། ཁྲོ་བོ་ཁྲོ་མོའི་ཞལ་དུ་དགྱེས་པའི་རྐན་སྒྲ་དང་བཅས་ཏེ་གསོལ་བར་བསམ་པའོ། །སྨོན་ལམ་ནི། ལྷ་ཚོགས་རྣམས་ཀྱིས་ཤ་ཁྲག་རུས་པ་ལྷག་མ་མེད་པར་བཞེས་ཤིག །ཅེས་དམོད་འདོར་བའོ། །མཐར་མགོ་བོ་ལ་མནན་པར་བྱ། རོ་སྟོད་སྦྱིན་སྲེག་དང་། ཡན་ལག་གཏུན་དུ་བརྡུང་། ནང་ཁྲོལ་ལྷའི་ཞལ་དུ་བསྟབ། དཀྱུས་ཁོང་ཁྲར་གཏོང་བའི་སྐབས་བཞི་ཀུན་གྱི་མགོ་ལ་གདགས་པ། གསུམ་ཀུན་གྱི་ཁོང་ཁྲར་གཏང་བ། གཅིག་ཀུན་གྱི་གཞུག་ལ་གདགས་པའི་མན་ངག་ལྟར་གབ་པའི་སྔགས་དྲུག་པོ་འདི་ཉིད་ཕུར་གདབ་སོགས་བསྒྲལ་བ་ཀུན་གྱི་ཐོག་མཐའ་བར་གསུམ་དུ་མགོ་འདྲེན་གཞུང་སྲོང་མཇུག་སྡུད་ཀྱི་ཚུལ་དུ་འགྲོ་བ་ཡིན་ལ། གོང་དུ་སྤྱི་དོན་དུའང་ཅུང་ཟད་སྨོས་པ་ལྟར་དང་། འོག་ཏུའང་ཅུང་ཟད་འཆད་པར་འགྱུར་རོ། །གཉིས་པ་སྔགས་དོན་ནི། སྔགས་ཚན་ ― LT30_Page_0188 ―
[མ་དཔེ་གཟིགས་ན་འདིར་གནོན།]
བཅུ་གཉིས་ཀྱི་དང་པོ་གཉེན་པ་སྟབས་ཀྱི་ལྷའི་སྔགས་དྲུག་དང་། སྔགས་ཕྱི་མ་དྲུག་ནི་གབ་པའི་སྔགས་དྲུག་ཡིན་ལ། ཧཱུྃ་པ་ར་བིདྱ་རིག་པའི་རྒྱལ་པོ། ཙྪིནྡྷ་ཙྪིནྡྷ་ཆོད་ཆོད། ཧཱུྃ་ཕཊ་ཀྱི་དོན་ནི་ཐམས་ཅད་ལ་རིགས་འགྲེ་བས་འོག་ཏུ་འཆད་ལ། འདིར་སྙིང་པོ་ངོས་གཟུང་གི། ཚིནྡྷ་ཞེས་པ་འཛིན་བྱེད་ཀྱི་སྙིང་པོ། བིནྡྷ་ཞེས་པ་བདག་བསྐྱེད་ཀྱི་སྙིང་པོ། གྲྀཧྞ་འཆིང་བྱེད་ཀྱི་སྙིང་པོ། བནྡྷ་ཞེས་པ་འབྱེད་བྱེད་ཀྱི་སྙིང་པོ། ཏྲཱ་ཤ་ཡ་འགུགས་བྱེད་ཀྱི་སྙིང་པོ། ཧ་ས་ཡ་ར་སྨྲ་བྱེད་ཀྱི་སྙིང་པོ། ཤཱི་གྷྲཾ་ཨཱ་ན་ཡ་འབེབས་བྱེད་ཀྱི་སྙིང་པོ། ཛྭ་ལ་པ་ཡ་གཟིར་བྱེད་ཀྱི་སྙིང་པོ། ཨཱ་བེ་ཤ་ཡ་དབང་དུ་སྡུད་པའི་སྙིང་པོ། བནྡྷ་ཡ་བཀའ་ཉན་བྱེད་ཀྱི་སྙིང་པོ། །ཧཱུྃ་ཁྲོ་བོ་བཅུ་བསྐྱེད་དེ་བསྡུ་བ་དང་། ཕཊ་སྤྲོ་བའི་དོན་ཡིན་པར་བཤད་དོ། །བཞི་པ་གདབ་ཁའི་ལས་རིམ་གྱི་གཙོ་བོ་ཕུར་གདབ་བྱ་བ་ལ་གཉིས། བསྐུལ་བྱ་བ་དང་། སྔགས་ཙམ་གྱིས་གདབ་ལས་དངོས་བཤད་པའོ། །དང་པོ་ནི། །ཕོ་ཉ་བྲན་དང་མངགས་པའི་ཚོགས། །ཁྱེད་ཀྱི་ཐུགས་དམ་དུས་ལ་བབ། །མངོན་སྤྱོད་ཇི་ལྟར་ངེས་པ་དང་། །མངོན་སྤྱོད་བྱིན་རླབས་དེ་བཞིན་མཛོད། །ཅེས་གསུངས་ཏེ། དེའང་ཚེ་ལུང་ཁྲུས་གསུམ་གྱི་དགོངས་པས་བརྟེན་པ་དབྱིངས་སུ་བསྒྲལ་བ་སྔོན་དུ་སོང་ནས། འདིར་རྟེན་གཞི་གཞོམ་པ་ལ་ཕུར་བུ་སོ་སོའི་གདབ་ཁའི་ལས་ ― LT30_Page_0189 ―
[མ་དཔེ་གཟིགས་ན་འདིར་གནོན།]
བྱ་བ་སྟེ། དེ་ལ་དཀྱིལ་འཁོར་གསུམ་གྱི་ལྷ་ཚོགས། བླ་མ་རིག་འཛིན་གྲུབ་ཐོབ་བརྒྱུད་པའི་ཐུགས་རྗེའི་ཐུགས་དམ་དུས་ལ་བབ་པའི་ཚུལ་དུ་ཉེ་བར་བསྐུལ་ཏེ་མངོན་སྤྱོད་དྲག་པོ་གདབ་པའི་ལས་ཀྱི་དཔུང་གཉེན་དུ་གསོལ་བ་སྤྱིར་སྔོན་དུ་བསྟན་པའམ་སོང་ཟིན་ནས། འདིར་ཡང་ཁྱད་པར་དུ་བསྐུལ་བའི་ཚིག་གི་དོན་ཙམ་ཐད་ཀར་བཀྲོལ་ན། དེའང་ཕོ་ཉ་ནི་གཙོ་བོ་ནས་རིམ་པར་སྤྲུལ་པའི་ཕོ་ཉ་རྣམས་ཀྱིས་གང་དུ་མངགས་པའི་གནས་སུ་ཕྱིན་པར་འགྲོ་བའི་ཕྱིར་ཕོ་ཉ་ཞེས་འཁོར་ཐམས་ཅད་ལ་འཇུག་མོད། སྐབས་འདིར་ཕོ་ཉ་ཞེས་པ་གཙོ་བོར་ཁྲོ་བཅུ་ཡབ་ཡུམ་ཁྲ་ཐབས་ཉི་ཤུ་དང་བཅས་པ་ཡིན་ལ། བྲན་ཞེས་པའང་གཙོ་བོས་བཅོལ་བའི་ལས་རྣམས་བྱེད་པའི་ཕྱིར་བྲན་ཞེས་པ་སྤྱི་མིང་ཡིན་ཡང་། སྐབས་ཐོབ་ཀྱི་སྒོ་མ་བཞི་ཡིན་ལ། མངགས་པའི་ཚོགས་ནི་ཟབ་དང་གསོད་པར་བྱེད་པའི་ཕྲ་ཕྱག་དང་ཕོ་ཉ་སྤྲུལ་པ་ཡང་སྤྲུལ་ཉིད་སྤྲུལ་དང་བཅས་པའི་ཚོགས་ཏེ། མདོར་ན་ཕོ་ཉ་སུམ་བརྒྱ་དྲུག་ཅུའི་ཚོགས་དང་བཅས་པ་ཁྱེད་རྣམས་ཀྱི་སྐུ་གསུང་ཐུགས་ཀྱི་དམ་ཚིག་གཉན་པོ་དེའི་དུས་ལ་བབ་པས། སྔོན་དཔལ་ཆེན་པོའི་སྤྱན་སྔར་སྒྲུབ་བ་པོ་རྣམས་ཀྱི་མངོན་སྤྱོད་ཀྱི་ལས་ཀྱི་གྲོགས་བྱ་བར་ཁས་བླངས་པ་ཇི་ལྟར་ཐུགས་ལ་ངེས་པ་བཞིན་དང་། དམ་བཅས་པའི་དོན་མངོན་སྤྱོད་ཀྱི་ཕྲིན་ལས་འདིར་སྐད་ཅིག་ཀྱང་མི་ཐོགས་པ་ ― LT30_Page_0190 ―
[མ་དཔེ་གཟིགས་ན་འདིར་གནོན།]
མྱུར་དུ་འགྲུབ་པའི་བྱིན་རླབས་སྔར་རུ་དྲ་བསྒྲལ་བའི་གནས་སྐབས་སུ་ཆོ་འཕྲུལ་རོལ་བའི་ཐབས་མཁས་ཟབ་མོ་ཇི་ལྟར་མཛད་པ་དེ་བཞིན་དུ་མཛོད་ཅིག །ཅེས་བསྐུལ་བའོ། །གཉིས་པ་གདབ་ལས་དངོས་ཀྱི་དོན་ནི། ཧ་ན་ཧ་ན་བཛྲ། ཞེས་པ་ནས། པྲ་མ་རྡ་ནི་ཧཱུྃ་ཕཊ། ཅེས་པའི་བར་གྱིས་བསྟན་ཏེ། དེའང་རྒྱུད་ལས། །བྲོ་བོ་བཅུ་ཡི་ཕུར་པ་ཡིས། །ལུས་ཀྱི་གནས་བཅུ་དག་ཏུ་གདབ། །སྒོ་མ་བཞི་ཡི་ཕུར་པ་ཡིས། །ལུས་ཀྱི་མཚོ་བཞི་དག་ཏུ་གདབ། །མི་བཟད་ཕུར་པ་དྲུག་པོ་ཡིས། །གནས་དྲུག་སྲོག་ལ་གདབ་པར་བྱ། །ཞེས་པའི་བསྟན་དོན་ལྟར་ཕུར་པ་ཉེར་གཅིག་གིས་གདབ་པའི་ཚུལ་གོང་དུ་སྤྱི་དོན་ས་བཅད་གསུམ་པའི་ཁོངས་སུ་བཤད་པ་ལྟར་ཤེས་པར་བྱ་ལ། འདིར་ཡང་སྔགས་དོན་དང་འབྲེལ་བར་ཅུང་ཟད་སྨོས་ན། ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཝཱཀ་ཙིཏྟ་བཛྲ་ནན། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཆེ་གེ་མོ་མཱ་ར་ཡ་ཧ་ན་ཧ་ན་ཧཱུྃ་ཕཊ། ཅེས་པས་རྣམ་རྒྱལ་ཕུར་པ་མིག་གཉིས་ལ་གདབ། དེ་བཞིན་དུ་དེ་བཞིན་ཉིད་དོན་གྱི་དབུ་ནོན། ཀཱི་ལ་ཡ་སྔགས་ཀྱི་དབུ་ནོན། དུས་ལ་བབ་ཚིག་གི་དབུ་ནོན་བཅས་དབུ་ནོན་གསུམ་པོ་ཀུན་ལ་སྦྱར་དགོས་པས། ཀཱི་ལ་ཡའི་སྔགས་མཐར། ད་ཧ་ད་ཧ་བཛྲ་ཞེས་དབྱུག་སྔོན་ཅན་གྱི་ཕུར་བུ་སྣ་ལ་གདབ། པ་ཙ་པ་ཙ་བཛྲ་ཞེས་པས་གཤིན་རྗེའི་ ― LT30_Page_0191 ―
[མ་དཔེ་གཟིགས་ན་འདིར་གནོན།]
གཤེད་ཀྱི་ཕུར་པ་རྣ་བ་གཉིས་ལ་གདབ། མ་ཐཱ་མ་ཐཱ་བཛྲ་ཞེས་པས་མི་གཡོ་མགོན་པོའི་ཕུར་པ་ལྟེ་བ་ལ་གདབ། ཛྭ་ལ་ཛྭ་ལ་བཛྲ་ཞེས་རྟ་མགྲིན་གྱི་ཕུར་པ་ཡང་ལྕེ་ལ་གདབ། སུ་རུ་སུ་རུ་བཛྲ་ཞེས་པས་གཞན་གྱིས་མི་ཐུབ་པའི་ཕུར་པ་གསང་གནས་སུ་གདབ། མུ་རུ་མུ་རུ་བཛྲས་བདུད་རྩི་འཁྱིལ་པའི་ཕུར་པ་དཔུང་པ་གཡོན་ལ་གདབ། ཀ་ཊ་ཀ་ཊ་ཡེ། ཛ་ཡེ་བི་ཛ་ཡེ་བཛྲས་ཁམས་གསུམ་རྣམ་རྒྱལ་གྱི་ཕུར་པ་དཔྱིལ་གདབ། ཨ་ཛི་ཏེ་ཨ་པ་རཱ་ཛི་ཏེ་བཛྲས་ཧཱུྃ་ཀ་རའི་ཕུར་པ་སྤྱི་གཙུག་ཏུ་གདབ། མ་ར་སེ་ནྱ་པྲ་མ་རྡ་ནི་ཧཱུྃ་ཕཊ་ཅེས་པས་སྟོབས་པོ་ཆེའི་ཕུར་པ་རྐང་མཐིལ་དུ་གདབ་པ་དེ་དག་གིས་མི་དགེ་བ་བཅུ་རྩད་ནས་གཅད་པའི་ཕྱིར་དང་། སྒོ་མ་བཞིའི་ཕུར་པའང་ལྕགས་ཀྱུ་མའི་ཕུར་པ་གློ་བ། ཞགས་པ་མའི་ཕུར་པ་མཆིན་པ། ལྕགས་སྒྲོག་མའི་ཕུར་པ་ཨན་སྟོང་། དྲིལ་བུ་མའི་ཕུར་པ་ཀླད་པ་སྟེ་མཚོ་བཞི་ལ་གདབ་པ་ནི་ཚད་མེད་བཞི་དང་ལྡན་པར་བྱ་བའི་ཕྱིར་དང་། མི་བཟད་པའི་ཕུར་པ་སེང་ལྡེང་། བྱ་རྒོད། མིའི་མཆོག་ཕུར། ཙནྡན། ལྕགས་ཕུར། །སྐྱེར་པ་སྟེ་དྲུག་སྔགས་དྲུག་གིས་གནད་དྲུག་ལ་གདབ་པ་ནི་ཕ་རོལ་དུ་ཕྱིན་པ་དྲུག་ལྡན་དུ་བསྒྲུབ་པའི་དོན་ཡིན་ལ། གོང་དུ་གབ་པའི་སྔགས་དྲུག་བསྙེན་པའི་སྐབས་སུ་བཤད་པ་ལྟར་རོ། །ཐམས་ ― LT30_Page_0192 ―
[མ་དཔེ་གཟིགས་ན་འདིར་གནོན།]
ཅད་ཀྱི་མཇུག་ཏུ་སྲས་མཆོག་བཛྲ་འདུས་པའི་ཕུར་པ་སྙིང་དཀར་ནག་གི་མཚམས་སུ་གདབ་པ་ནི་ཚེ་ལུང་ཁྲུས་ལུང་གི་དགོངས་པ་གོང་དུ་བསྟན་པ་ལྟར་ཏེ། དེ་དག་ནི་རྒྱུད་ཀྱི་དགོངས་པ་འགྲེལ་ཆེན་འབུམ་ནག་ཏུ་བཤད་པ་ལྟར་གདབ་ཕུར་ཉི་ཤུ་རྩ་གཅིག་གིས་རྟེན་གཞི་སྒྲོལ་བའི་གདབ་ཁ་བསྟན་པ་ཡིན་ལ། གཞན་དུ་ན། སྲས་མཆོག་སྒོམ་ཁྲོ་མོ་བརྒྱད། །ཁྲོ་བོ་བཅུ་དང་ཁྲོ་མོ་གཉིས། །དམ་ཅན་ལ་སོགས་རིམ་བཞིན་ནོ། །ཞེས་པ་ལྟར་ཁོང་ཁྲའི་ལས་ཐུན་བརྡག་པ། མཚོན་གྱིས་གཏུབ་པ། གཏུན་དུ་བརྡུང་བ་གསུམ་གསུམ་གྱིས་མཇུག་བསྡུས་པའི་གཙོ་སྲས་ཟུང་འབྲེལ་གྱི་ཕུར་པ་གནས་གསུམ་དུ་བཏབ་སྟེ་སྙིང་གར་གཞུག །དེ་ཕྱིན་ཆད་ཀྱི་ཕུར་གདབ་ཐམས་ཅད་མི་ལྡོག་པའི་ཕྲིན་ལས་མཐར་འབྱིན་གྱི་དོན་དུ་གཙོ་བོའི་གྲོགས་སུ་འདེབས་པ་སྟེ། སྒོམ་བཞིའི་ཕུར་པ་ཡན་ལག་གི་ཚིགས་བཞིར་བཏབ་སྟེ་ཁོང་ཁྲའི་ལས་གསུམ་གཏང་། ཡུམ་བརྒྱད་ཀྱིས་སྲིད་པ་ཆགས་རིམ་ནས་གདབ་ཅིང་གསོད་བྱེད་རྣམས་རང་རང་གི་གཡོན་དུ་གདབ་མཐར་ཁོང་ཁྲའི་ལས་གསུམ་གཏོང་། ཁྲོ་བོ་བཅུའི་ཕུར་བུ་རིག་པའི་གནས་རིམ་ནས་གདབ་ཅིང་ཟ་བྱེད་རྣམས་རང་རང་གི་གཡས་སུ་གདབ་མཐར་ཁོང་ཁྲའི་ལས་གསུམ་གཏང་། སྟེང་འོག་ཏུ་ཡུམ་གཉིས་གསོད་བྱེད་དག་དང་བཅས་པ་དགེ་སྡིག་ཆ་སྙོམས་ནས་བཏབ་ ― LT30_Page_0193 ―
[མ་དཔེ་གཟིགས་ན་འདིར་གནོན།]
སྟེ་ཁོང་ཁྲའི་ལས་གསུམ་གཏང་། སུར་ཕུག་གམ་ཐལ་བྱུང་དུ་གདབ་པ་ཞེས་ནང་སྲས་བཞི། སྲས་མཆོག་ཉེར་གཅིག་རྣམས་གནས་ངེས་མེད་དུ་གདབ། དམ་ཅན་བཅུ་གཉིས་ལྷུ་བཅུ་གཉིས། གིང་བཞི་ཉིད་ལག་བཞི། དབང་ཕྱུག་ཉེར་བརྒྱད་བདུན་ཚན་བཞིར་བགོས་ལ་མཐིལ་བཞི། གཞན་རྣམས་ཀྱང་གནས་ངེས་མེད་དུ་གདབ་སྟེ་མཐའ་སྡུད་ཁོང་ཁྲའི་ལས་རྒྱས་པར་གཏང་བ་ནི། མན་ངག་ལག་ལེན་དུ་བསྡེབས་པའི་གནད་ཡིན་ལ། ཐུན་མོང་ཐུན་མིན་གྱི་གཏུན་བརྡུང་། ཞལ་བསྟབ་སོགས་འདིའི་ཁོངས་སུ་འགྲོ་དགོས་པ་ཡིན་ཀྱང་། རྒྱུད་ཀྱི་བཞུགས་ཚུལ་ཐད་ཀར་བཤད་པའི་སྐབས་སུ་བབ་པས་འོག་ཏུ་འབྱུང་ངོ། །ལྔ་པ་གདབ་པའི་ཁ་ཚར་རྣམས་ཀྱིས་རྟེན་གཞི་བག་ཆགས་ཀྱི་གཟུགས་ཕུང་བསྒྲལ་བ་ལ་གསུམ། མཚོན་ཆས་གཏུབ་པ། གཏུན་བརྡུང་། ཞལ་བསྟབ་བོ། །དང་པོ་ནི། རྡོ་རྗེ་གསང་བའི་སོགས་ནས། ཧཱུྃ་མ་མ་བ་ཤཱཾ་ཀུ་རུ། ཞེས་པའི་བར་གྱིས་བསྐུལ་བསྟན་ཏེ། ཚིག་གི་དོན། རྡོ་རྗེ་ནི་དབྱིངས་དང་ཡེ་ཤེས་གཉིས་སུ་མེད་པའི་དོན་སྐྱེ་འཇིག་མེད་པ་ཡིན་ལ། དོན་དེ་རྟོགས་པར་དཀའ་ཞིང་ཕལ་གྱི་སྤྱོད་ཡུལ་མ་ཡིན་པས་གསང་བའི་སྟེ་ཐེག་པ་ཆེན་པོའི་བཀའ་འམ་ལུང་ཕྱིན་ཅི་མ་ལོག་པ་མཆོག་གི་ཡུལ་དམ་པ་འདི་ལས་ནི། མཚམས་མེད་ལྔ་ལ་བདོ་བའི་སྡིག་ ― LT30_Page_0194 ―
[མ་དཔེ་གཟིགས་ན་འདིར་གནོན།]
ཅན་གནོད་བྱེད་གང་ཞིག་རྒྱལ་བའི་བཀའི་རབ་ལས་འདའ་བར་བྱེད་པའི་བསྒྲལ་བའི་ཡུལ་དུ་གྱུར་བ་རྣམས། ཡེ་ཤེས་ཀྱི་ལྷ་ཚོགས་ཁམས་གསུམ་དབང་དུ་བྱེད་པའི་མཐུ་དང་། སྲིད་གསུམ་ཟིལ་གྱིས་གནོན་པའི་སྟོབས་ཆེན་པོ་དང་ལྡན་པའི་ཁྲོ་བོ་ཆེན་པོ་བཅུ་ལ་སོགས་པ་ཡིས། མགོ་བོའམ་ཀླད་པ་ཚལ་བ་བརྒྱ་ལ་སོགས་པ་རུ་གྱིས་ཤིག །དེ་བས་ན་བདག་ཅག་ལ་ཉོན་ཅིག་དང་གནོད་ཅིང་བར་དུ་གཅོད་པའི་བགེགས་དང་། མདོར་ན་ཡང་དག་པའི་ལམ་ལས་ལོག་པར་འདྲེན་པའི་ཚོགས་ཞེས་བོས་ནས། རྡོ་རྗེ་གཞོན་ནུ་ང་ཡིས་བཀའ་བསྒོས་པ་ལས་འདའ་བར་མ་བྱེད་ཅིག །ཅེས་དང་། སྔགས་དོན་ནི། བདག་གི་དབང་དུ་གྱུར་ཅིག །ཅེས་བསྐུལ་བ་དང་བཅས་ཏེ་ཐུན་གྱི་ཆར་དབབ། མཚོན་ཆ་སྒྲོལ་གྲི་མཐུ་སྟོབས་ཀྱི་རྣོ་དབལ་དར་དང་ལྡན་པ་།ཐུགས་རྗེ་ཡེ་ཤེས་ཀྱི་མེ་འབར་བས་གཟུགས་ཀྱི་ཕུང་པོ་མ་དག་པའི་ཆ་ཤས་ཤུལ་དུ་ལྷག་པ་དེ་མགོ་ནས་བརྩམས་ཡན་ལག་ལྔ་གཡོན་སྐོར་གྱི་ཚུལ་དུ་གཅད། མཐར་ཁོག་པ་ཁ་ཕྱེས་ཏེ་དུམ་བུ་སྟོང་དུའང་གཏུབས་ཏེ་སིལ་བུར་གཏོང་བའོ། །གཉིས་པ་གཏུན་བརྡུང་ལ་བསྐུལ་དང་། བརྡུང་བ་དངོས་སོ། །དང་པོ་ནི། གདུག་ཅིང་སྡང་སེམས་སོགས་ནས། ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ། ཅེས་པའི་བར་གྱིས་བསྟན། དེའང་གང་བསྒྲལ་བར་བྱ་བའི་ཡུལ་དུ་གྱུར་པ་ལུས་ངག་གདུག་ཅིང་ ― LT30_Page_0195 ―
[མ་དཔེ་གཟིགས་ན་འདིར་གནོན།]
ཞེ་སྡང་གི་སེམས་དང་ལྡན་པའི་བར་དུ་གཅོད་པའི་བདུད་རྣམས་གསོད་པར་གྱིས་ཤིག །དེས་ན་ནག་པོའི་ཕྱོགས་སུ་གྱུར་པའི་ལྷ་མིན་ནམ། འོན་ཏེ་ལྷ་ཡིན་ཀྱང་རུང་སྒྲུབ་པ་པོ་ལ་བར་དུ་གཅོད་པར་བྱེད་པ་པོ་རྣམས་ཀྱི་སྒོ་གསུམ་ལོག་པའི་མཐུ་དང་། ཅིར་ཡང་སྟོན་པའི་རྫུ་འཕྲུལ་ཐམས་ཅད་མེད་པར་མཛོད་ཅིག །ཅེས་བསྐུལ་བའོ། །སྔགས་དོན་ནི་གོ་སླའོ། །གཉིས་པ་ལ་གཏུན་བརྡུང་ཐུན་མོང་བ་དང་། ཐུན་མིན་མཁའ་གསང་སྦྱོར་བའི་གཏུན་བརྡུང་གཉིས་ལས། དང་པོ་ནི། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་ཡིས་སྙིང་བསྲེགས་ནས། །ལུས་སེམས་རྡུལ་བཞིན་བརླག་པར་མཛོད། །ཅེས་པས་བསྟན། དེའང་གང་བརྡུང་ན། དགྲ་བགེགས་དེ་ཉིད་ཀྱི་གཟུགས་ཕུང་མཚོན་གྱིས་གཏུབས་པ་དེ་ཉིད་རྡུངས་ཤིག །ཇི་ལྟར་རྡུང་བར་བྱེད་པའི་ཚུལ་ནི། རྡོ་རྗེ་འབར་བའི་གཏུན་ཞེས་པ་ནི་ཐོབ་སྟེ། སྒྲུབ་པའི་རིག་འཛིན་དང་རྡོ་རྗེ་གཞོན་ནུའི་བཀའ་ལས་འདའ་བར་བྱེད་པའི་སྡིག་ཅན་མཚམས་མེད་པ་ལྔ་དང་། དེ་དང་ཉེ་བ་ལྔ་ལ་སོགས་པར་སྤྱོད་པར་བྱེད་པ་རྣམས་ལ་སོགས་ཏེ། ཉམས་པའི་མཚན་ཉིད་བདུན་ནམ། བསྒྲལ་བའི་ཞིང་བཅུར་གྱུར་པའི་སྡིག་པ་ཅན་མ་ལུས་པ་རྣམས་རྡོ་རྗེ་ཐོ་བ་དེས་བརྡུངས་པས། རྡོ་རྗེ་ཐོ་བ་དེ་ལས་མཐུ་སྟོབས་རྫུ་ ― LT30_Page_0196 ―
[མ་དཔེ་གཟིགས་ན་འདིར་གནོན།]
འཕྲུལ་གྱི་མེ་ཆར་དྲག་པོས་སྡིག་ཅན་གང་ཞིག་གི་རྣམ་ཤེས་ཀྱི་སྙིང་པོའི་དྲི་མ་རྟེན་གཞི་ཕུང་པོའི་ལྷག་མ་དང་བཅས་པ་བསྲེགས་ནས། ལུས་སེམས་ཐམས་ཅད་རྡུལ་ཕྲན་བཞིན་དུ་ཐལ་བར་བརླག་པར་མཛོད་ལ། དྲི་མ་མེད་པའི་སེམས་ཆོས་ཉིད་མཉམ་ཡངས་གདལ་བ་ཆེན་པོར་སྒྲོལ་ཞིིག །ཅེས་པའོ། །གཉིས་པ་ཐུན་མིན་མཁའ་གསང་སྦྱོར་བའི་གཏུན་བརྡུང་ནི། ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བསྒྲལ་བར་བྱ། ཁ་ཏཾ་ཁ་ཏཾ་ཁ་ཏཾ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཅེས་པས་བསྟན། དེའང་ཐབས་ཤེས་ཡབ་ཡུམ་སྦྱོར་བའི་སྒོ་ནས་ཡུམ་ཁྲོ་མོ་འབར་བའི་བྷ་ག་ཆོས་ཀྱི་དབྱིངས་ཀྱི་གཏུན་ཁུང་དུ། ཡབ་ཁྲོ་བོ་འབར་བའི་གསང་བ་རིག་པ་ཡེ་ཤེས་ཀྱི་རྡོ་རྗེའི་ཐོ་བས་མཁའ་གསང་ཐབས་དང་ཤེས་རབ་མཉམ་པར་རོལ་པའི་ཀློང་དུ་དག་མཉམ་དགོངས་པ་དབྱེར་མེད་ལྷག་པའི་ཆོས་སྐུ་ཆེན་པོའི་དབྱིངས་སུ་བརྡུངས་པར་བྱས་ནས། བར་གཅོད་ཀྱི་བྱེད་པོ་ལྷ་ཡིན་ཀྱང་རུང་སྟེ་རྡུལ་ཕྲན་ཕྱེ་མར་བྱས། རྣམ་ཤེས་སངས་རྒྱས་ཀྱི་སྲས་སུ་བསྒྲལ་བར་བྱ་བ་ཡིན་ནོ། །སྔགས་ཀྱི་དོན་ནི། ཁ་ཏཾ་རྣམ་པ་གསུམ་བྱུང་བའི་དགོངས་པ་ནི་དང་པོས་སྣང་སྲིད་དངོས་པོ་ཁྲོ་བོ་དང་ཁྲོ་མོའི་རང་བཞིན། གཉིས་པས་ཁྲོ་མོ་རྣམས་ཀྱི་ཨེ་ཆོས་འབྱུང་གྲུ་གསུམ་ཐར་པ་ཆེན་པོའི་དབྱིངས་ཀྱི་གཏུན་ཁུང་དུ་བསྒྲལ་བྱའི་ཕུང་པོ་ ― LT30_Page_0197 ―
[མ་དཔེ་གཟིགས་ན་འདིར་གནོན།]
གནས་པ་ལ། ཁ་ཏཾ་གསུམ་པས་ཁྲོ་བོ་རྣམས་ཀྱི་རིག་པ་ཡེ་ཤེས་ཀྱི་རྡོ་རྗེ་ཐོ་བས་བརྡུངས་ཏེ་བྱང་ཆུབ་སེམས་ཀྱི་མེ་ལྕེ་དྲག་ཏུ་འཕྲོས་པས་དགྲ་བགེགས་ཀྱི་དེ་བཞིན་གཤེགས་པ་ལྔ་དང་སྤྱན་སོགས་ཡུམ་ལྔ་བསྲེགས། དབྱིངས་དང་ཡེ་ཤེས་རོ་གཅིག་ཏུ་བྱས། བརྡུངས་པའི་ཤ་ཁྲག་གིས་ཁམས་གསུམ་གང་བ་ལ་ཧཱུྃ་གསུམ་གྱིས་དུག་གསུམ་བསྡུས། ཕཊ་གསུམ་གྱིས་དཀྱིལ་འཁོར་གསུམ་གྱི་ཁྲོ་བོའི་སྤྲུལ་པས་སྟོང་གསུམ་གང་བར་བྱེད་པའི་དོན་དུ་འཆད་པ་ཉིད་དོ། །གསུམ་པ་གབ་པའི་སྔགས་དྲུག་ལས། གཅིག་ཀུན་གྱི་མཇུག་ལ་གདགས་པ་ནི་ཞལ་བསྟབ་སྟེ། བཛྲ་ཡཀྵ་ཀྲོ་དྷཱ་ཁ་ཁ། ཁཱ་ཧི་ཁཱ་ཧི། ཧ་ཧ། ཧཱུྃ་ཧཱུྃ། ཕཊ་ཕཊ། ཅེས་པ་སྟེ། བཛྲ་ཡཀྵ་ཀྲོ་དྷ་ཞེས་པས་ཁྲོ་བོ་གནོད་སྦྱིན་ཞེས་པོས་ནས། ཁ་ཁ། ཁཱ་ཧི་ཁཱ་ཧི་ཞེས་པས་དཀྱིལ་འཁོར་གྱི་ལྷ་ལ་སྤྱིར་བཏབ་པ་སྟེ། དེ་ལྟར་ཕུལ་བས་ཤ་ཁྲག་དུས་གསུམ་ལྷག་མ་ཏིལ་འབྲུ་ཙམ་ཡང་མེད་པར་ཁྲོ་བོ་ཁྲོ་མོ་སྤྲུལ་པ་དང་བཅས་པ་དེ་རྣམས་ཀྱིས་གསོལ་ཏེ་མཉམ་ཉིད་བདེ་ཆེན་ཡངས་པའི་ཞལ་གྱི་ཧོམ་ཁུང་དུ་བསྲེགས། ཐུགས་དགྱེས་པས་ཧ་ཧ་ཞེས་སྟོང་གསུམ་གང་བའི་ཁྲོ་བོའི་གད་རྒྱངས་འབྲུག་ལྟར་སྒྲོགས་པ་དང་བཅས་ཏེ་ལྷག་མེད་དུ་རོལ་ནས། དངོས་གྲུབ་སྩལ་ཏེ་ཧཱུྃ་ཧཱུྃ་ཞེས་དཀྱིལ་འཁོར་གསུམ་པོ་འོད་གསལ་བདེ་བ་ཆེན་པོའི་ ― LT30_Page_0198 ―
[མ་དཔེ་གཟིགས་ན་འདིར་གནོན།]
ཀློང་དུ་ལྟེམ་གྱིས་ཞུ། དེའི་ངང་ལས་ཕཊ་ཕཊ་ཀྱི་སྒྲས་སྣང་ཆ་ཆོས་ཉིད་བདེན་པ་དཀྱིལ་འཁོར་གསུམ་གསལ་བར་སད་པའི་དོན་ཏོ། །དེ་དག་ནི། རྒྱུད་ལས། རྡོ་རྗེ་ཁྲོ་བོ་འབར་བ་དང་། །རྡོ་རྗེ་ཟ་བྱེད་སྲིན་པོ་དང་། །རྡོ་རྗེ་གནོད་སྦྱིན་ཞལ་གདངས་པར། །མཚན་མའི་དངོས་པོ་བསྟིམ་པར་བྱ། །ཞེས་གསུངས་པའི་དོན་རྟེན་དང་བརྟེན་པའི་དངོས་པོ་ཐམས་ཅད་སྤྲོས་མེད་བདེ་ཆེན་ཆོས་ཀྱི་དབྱིངས་སུ་བཙན་ཐབས་སུ་སྟིམ་པར་བྱེད་པའི་ཐབས་མཁས་རྨད་དུ་བྱུང་བ་སྟེ། དགྲ་བགེགས་བསྒྲལ་བའི་ལས་རིམ་དངོས་མདོ་ཙམ་བཤད་ཟིན་ཏོ། །རྩ་བའི་ས་བཅད་གཉིས་པ་མཐར་ཕྱིན་གསུམ་གྱི་བྱ་བ་ནི། ཆོས་ཉིད་ཀྱི་བདེན་པའོ། །ཞེས་པ་ནས། འདི་བརྗོད་པར་བྱའོ། །ཞེས་པའི་བར་གྱིས་བསྟན། འདི་ལ་གསོ་བའི་དུས། གསོ་བའི་ཡུལ། གསོ་བའི་དགོས་པ། གསོ་བའི་ཐབས་གསུམ་ལས། དང་པོ་ནི། བསྒྲུབ་བྱ་དམིགས་སུ་བསལ་བ་ལ་དྲག་ལས་བརྩམ་པའི་དུས་ཡིན་ན། ལས་ནམ་གྲུབ་པ་དང་གདོད་གསོ་བར་བྱའི། ལས་མ་གྲུབ་པར་གསོ་བར་སྔས་ན་ལས་མྱུར་དུ་མི་འགྲུབ་པའི་རྒྱུ་ཡིན་པར་གསུངས་སོ། །བསྒྲུབ་བྱ་དམིགས་བསལ་མེད་ན་ཕུར་བུ་བཏབ་པའི་རྗེས་ཉིད་ལ་གསོ་བའོ། །གཉིས་པ་ཡུལ་ནི་གསུམ་སྟེ། བདག་གསོ་བ། ཕུར་བུ་གསོ་བ། གཟས་པ་པོ་གསོ་བའོ། །གསུམ་པ་དགོས་ཆེད་ཀྱང་ ― LT30_Page_0199 ―
[མ་དཔེ་གཟིགས་ན་འདིར་གནོན།]
གསུམ་སྟེ། བདག་གསོ་བ་ནི། དྲག་པོའི་ལས་ཀྱི་རྣམ་སྨིན་རྒྱུད་ལ་མི་གོས་པར་བྱ་བའི་ཆེད་དོ། །ཕུར་བུ་གསོ་བ་ནི། ཕྱག་རྒྱའི་ལྷ་རྣམས་གཟིར་མནན་གྱིས་དམེ་བའི་ལས་ལ་སྦྱར་བས་བསོད་ནམས་ཀྱི་དོན་དུ་མི་རུང་ཕྱིར་བཟོད་པར་གསོལ་བའོ། །གཟས་པ་པོ་གསོ་བ་ནི། སྙིང་རྗེ་བྱང་ཆུབ་ཀྱི་སེམས་ཀྱིས་ཟིན་པས་བསྒྲལ་བྱ་རྣམས་ལ་ཕན་གདགས་ཤིང་བསྐྱབ་པར་བྱ་བའི་ཕྱིར་རོ། །གསོ་བའི་ཐབས་ལའང་གསུམ་སྟེ། ལས་དང་བྱ་བས་གསོ་བ་ནི། ཀཱི་ལ་ཡ་བཅུ་གཉིས་ཀྱི་ཏནྟྲ་ལས་འབྱུང་བའི་ཆོ་ག་ཞིབ་མོ་ལྟ་བུའོ། །མན་ངག་གིས་གསོ་བ་ནི། དམིགས་བྱ་ཕུར་བུ་བདག་གསུམ་གྱི་བྱང་ཆུབ་ཀྱི་སེམས་ལྗང་དམར་མཐིང་གའི་འོད་རྣམ་པ་གསུམ་དབྱེར་མེད་འོད་ཀྱི་ཐིག་ལེ་གཅིག་ཏུ་བསྡུས་ལ་མི་དམིགས་པ་སྦྱོང་བའི་མན་ངག་རིག་པ་མཆོག་གི་རྒྱུད་ལས་གསུངས་པ་ལྟ་བུའོ། །འདིར་ཕྲིན་ལས་རྡོ་རྗེ་གཞོན་ནུ་ཉིད་ནས་གསུངས་པའི་ཏིང་ངེ་འཛིན་གྱིས་གསོ་བའི་ཚིག་འདི་ཉིད་ལྟར་ན་གསུམ་ལས། བདག་གསོ་བ་ནི། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་སོ། །སངས་རྒྱས་ཀྱི་བྱིན་གྱིས་བརླབས་ཀྱིས་མཐུར་འགྱུར་རོ། །བརྣག་པ་དེ་ཁོ་ན་ཉིད་དོ། །ཞེས་བསྐུལ་ནས་ཀཱི་ལ་ཡ་བརྒྱ་རྩ་བརྒྱད་བཟླས་པས་སྔར་བཏབ་པའི་ཕུར་བུའི་ཁྲོ་བོ་དེ་རྣམས་ ― LT30_Page_0200 ―
[མ་དཔེ་གཟིགས་ན་འདིར་གནོན།]
ཡེ་ཤེས་ཀྱི་འོད་ཟེར་གོང་བུའི་རྣམ་པར་གྱུར་པ་ཚུར་འདུས་བདག་ལ་ཐིམ་པས་སྐུ་གསུང་ཐུགས་ཀྱི་དངོས་གྲུབ་ཐོབ་སྟེ་རང་ཉིད་གདོད་ནས་ལྷར་གསལ་བ་དེའང་སྐུ་ཆེ་ལ་ཡན་ལག་རགས་པས་ཆེ་བཙན་འགྲན་ཟླ་དང་བྲལ་བར་གྱུར་པའོ། །ཕུར་བུ་གསོ་བ་ནི། གཙོ་ཕུར་དང་སྔར་བཏབ་པའི་སྲས་མཆོག་ཕུར་བུ་གཉིས་ཀྱི་དབལ་ནས་བཟུང་སྟེ་ཀཱི་ལ་ཡ་ལན་ཉེར་གཅིག་བཟླས་ཤིང་ཀླད་ལ་ལན་གསུམ་བསྐོར་བས་ཁམས་གསུམ་ཕུར་བུས་གང་། དེ་ཐམས་ཅད་སླར་འདུས་པས་སྟོད་ཁྲོ་བོ་ཞལ་གསུམ་ཕྱག་དྲུག་པ། སྨད་ཕུར་བའི་རྣམ་པ་ཅན། སྐུ་རི་རབ་ལྟར་བརྗིད་ཅིང་ཆེ་བ་ལས་ཡེ་ཤེས་ཀྱི་མེ་འབར་ཞིང་འུར་སྒྲ་དྲག་པོ་སྒྲོགས་པས་ལྷ་རྣམས་ལ་ཉེས་པས་མི་གོས་ཤིང་གཟི་བྱིན་དང་ལྡན་པར་གྱུར་པའི་དགོངས་པའོ། །གཟས་པ་པོ་གསོ་བ་ནི། སླར་ཡང་ཡེ་ཤེས་པ་བཅུག་པའི་ཕུར་བུ་བསྒྲིལ་ཞིང་ཀཱི་ལ་ཡ་ལན་བཅོ་བརྒྱད་བཟླས་ཏེ། དམིགས་ཡུལ་གྱི་སྙིང་དཀར་ནག་གི་མཚམས་སུ་བཏབ་པས་ཕུར་བུའི་ཡེ་ཤེས་ཀྱི་འོད་ཟེར་གྱིས་གཟས་པོའི་ཁམས་བཅོ་བརྒྱད་ཀྱིས་མཚོན་པའི་ལས་དང་ཉོན་མོངས་པའི་དྲི་མ་ཐམས་ཅད་དག་ནས་སེམས་ཉིད་རྡུལ་བྲལ་དྭངས་མའི་ཐིག་ལེ་ཡི་གེ་ཨའི་རྣམ་པར་གསལ་བར་གྱུར་བ། ཧཱུྃ་ཧཱུྃ་ཧཱུྃ་གིས་བདག་གི་ཐུགས་ཀའི་ཡེ་ཤེས་སེམས་དཔའི་།ཐུགས་སྲོག་འོད་བཐག་གཟེང་པ་ལྟར་སྤྲོས་པའི་རྟ་ལ་ཨ་ཡིག་བསྐྱོན། ― LT30_Page_0201 ―
[མ་དཔེ་གཟིགས་ན་འདིར་གནོན།]
ཧོ་ཧོ་ཧོ་ཞེས་པས་འོག་མིན་དུ་རྡོ་རྗེ་སེམས་དཔའ་ཡབ་ཡུམ་སྦྱོར་མཚམས་སུ་ཐིམ་པར་གྱུར་བ་དང་། སླར་ཡང་ཀཱི་ལ་ཡ་ལན་བརྒྱ་རྩ་བརྒྱད་བཟླས་ནས། ཕཊ་ཕཊ་ཕཊ་ཀྱིས་རྣམ་ཤེས་ཨར་གསལ་བ་རྡོ་རྗེ་སེམས་དཔའི་ཐུགས་ཀར་ཐིམ་པས་དབྱེར་མེད་དུ་བྱང་ཆུབ། སླར་དབུ་མའི་ལམ་བརྒྱུད་གསང་བ་ནས་ཡུམ་གྱི་མཁར་བབས། གཞན་དོན་གཟུགས་སྐུ་རྡོ་རྗེ་སེམས་དཔའི་སྲས་ཀྱི་ཐུ་བོར་སྣང་ནས་འགྲོ་བའི་དོན་བྱེད་པར་གྱུར་པའི་ཕྲིན་ལས་ཀྱི་ཐབས་མཁས་གསང་བ་ཟབ་མོའི་གནད་ཀྱི་མན་ངག་གི་ངེས་པ་འདི་ལྟ་བུ་བརྗོད་པར་བྱའོ། །ཞེས་སོ། །དེ་ནི་གནས་ལུང་དཔྱང་ཐག་གི་ཆོག་ཐུགས་རྗེ་རྗེས་འཛིན་གྱི་ཕུར་གདབ་ཅེས་ཀྱང་གསུངས་པ་ཡིན་ཏེ། འདི་དག་གི་དོན་མདོ་ཙམ་སྙིང་པོར་དྲིལ་ཏེ་བརྗོད་པ་ཡིན་ལ། དོན་ཞིབ་མོར་ཕྱེ་སྟེ་བཤད་དུ་རུང་ཡང་ཡི་གེས་འཇིགས་སོ། །དེ་དག་གིས་རྒྱུད་ཀྱི་དངོས་བསྟན་ཡོངས་སུ་རྫོགས་པ་བཤད་ཟིན་ནས། རྩ་བའི་དུམ་བུའམ་ས་བཅད་གསུམ་པ་འཕྲོས་དོན་བཤད་པས་མཇུག་བསྡུ་བ་ལ། མནན་སྲེག་འཕང་གསུམ་གྱིས་ལས་ཀྱི་མཇུག་བསྡུ་ཞེས་གསུངས་པའི་ཁོག་དོན་གྱི་དགོངས་པས། སྤྱིར་སྔགས་ཀྱི་ཕྲིན་ལས་ཕལ་ཆེ་བ་སྲུང་ཟློག་གསད་གསུམ་དུ་འདུ་བ་ཡིན་པས། དེས་ན་སྲུང་བའི་མཐའ་སྡུད་མནན་གཏད། ཟློག་པའི་མཐའ་སྡུད་འཕང་བ་ཟོར། ― LT30_Page_0202 ―
[མ་དཔེ་གཟིགས་ན་འདིར་གནོན།]
གསད་པའི་མཐའ་སྡུད་སྲེག་པ་ཧོམ་གྱི་གཟེར་ཁ་སྟེ་གསུམ་དུ་མཆིས་པའི། དང་པོ་མནན་གཏད་ནི། དཔེར་ན་ཡུལ་དུ་འཇིགས་པའི་དགྲ་ཇག་གི་རྣམ་པར་འཚེ་བ་མི་འབྱུང་བར་བྱ་བའི་མེ་ལ་ཚེ་བྱས་བྱས་ནས། མཐར་དགྲ་དེ་ལག་ཏུ་ཟིན་ན་ལྡང་བ་མེད་པའི་ཁྲི་མུན་དམ་པོར་བཅུག་པ་ཇི་བཞིན་དགྲ་བགེགས་ཀྱི་གནོད་འཚེ་ལས་རྒྱལ་བའི་སྲུང་བའི་རིམ་པ་མང་དུ་བྱས་པའི་མཐར། དེ་དག་ཀུན་ཏུ་ལྡང་མེད་མནན་གཏད་ཀྱི་རྒྱས་གདབ་པས་མཐའ་བསྡུ་བར་བྱ་དགོས་པའི་ཕྱིར་རོ། །དེའང་གསང་སྔགས་ཀྱི་གཞུང་རེ་རེའི་རྗེས་སུ་འབྲངས་ནས་རང་རང་གི་ལུགས་མང་ཡང་། སངས་རྒྱས་གཉིས་པ་ཨོ་རྒྱན་གྱི་སློབ་དཔོན་ཆེན་པོ་པདྨ་སོགས་གྲུབ་པའི་རིག་འཛིན་ཆེན་པོ་དག་གི་དགོངས་པའི་དབང་དུ་བཏང་ན། ཟས་སྐལ་དུ་གཏད་པ། དགྲ་སྐལ་དུ་གཏད་པ། གྲོགས་སྐལ་དུ་གཏད་པ། དེ་རེ་རེ་ལའང་བརྐུས་ཏེ་གཏད་པ། བྲིད་དེ་གཏད་པ། གཟིར་ཏེ་གཏད་པ། དེ་དག་རེ་རེར་ཡང་འཇམ་གཏད་དང་། རྩུབ་གཏད། ནོར་བུ་ལུགས་སུ་གཏད་པ་གསུམ་རེའི་དབྱེ་བ་དང་བཅས་པ་ཡོད་ལ། སྤྱིར་མནན་གཏད་ལ་གྲིབ་མ། དྲི་མ། ཁ་རླངས་ཏེ་མི་གཏོང་བ་གསུམ། མན་ངག་དང་ལྡན་ན་དགྲ་ཕུང་། སྲུང་བ་མེད་ན་རང་ཕུང་། དུས་ཚོད་མ་ཤེས་ན་རྫས་ཕུང་བ་སྟེ་ཕུང་བ་གསུམ། གཏད་ལམ་བསྟན་པ། གཏད་དམག་དྲང་བ། གཏད་ ― LT30_Page_0203 ―
[མ་དཔེ་གཟིགས་ན་འདིར་གནོན།]
ལོག་གཏད་པ་སྟེ་གདམས་པ་གསུམ། མཚོ་དང་། ཆུ་མིག །སྐམས་གསུམ་སྟེ་གཞུག་ས་གསུམ། མཚོ་ལའང་ལྐུགས་པ་ཁ་མེད་གནམ་གྱི་མཚོ། ལོང་བ་མིག་མེད་སའི་མཚོ། སྨྱོན་པ་རྭ་མེད་ཤིང་གི་མཚོ་གསུམ། ཆུ་མིག་ལའང་ནག་པོ་རལ་གཅིག་ནགས་ཀྱི་ཆུ། དམར་པོ་གཏིང་ཁྲོལ་བྲག་གི་ཆུ། འབྲང་བུ་རྭ་སྔོན་དར་གྱི་ཆུ་སྟེ་གསུམ། སྐམ་ས་ལའང་རྒྱལ་མཚན་ནམ་མཆོད་རྟེན་གྱི་རྩ། འབྲང་གི་རྭ་དབྲག །སྟག་གི་འཛུམ་ལ་གཏད་པ་སྟེ་གསུམ། སྤྱན་དྲང་བ། གཤགས་གདབ་པ། མནའ་དགག་པ་སྟེ་གཅེས་པ་གསུམ། མ་མོ་ལ་གཏད་པ། གཤིན་རྗེ་ལ་གཏད་པ། བདུད་ལ་གཏད་པ། བཙན་ལ་གཏད་པ། གནོད་སྦྱིན་ལ་གཏད་པ། ཀླུ་ལ་གཏད་པ་སོགས་གང་ལ་གཏད་པའི་ཡུལ། དེ་དག་སོ་སོ་དང་འཚམས་པའི་གང་དུ་མནན་པའི་ས། ནམ་མནན་པའི་དུས་ཚོད། དགྲ་བགེགས་ཀྱི་མིང་རུས་ལིངྒ་བྲི་ཐབས་དང་། རྒྱལ་རིགས་སྤྱང་ཀའི་ཐོད་པ། བཙུན་པ་དང་རྗེའུ་རིགས་གླང་ཐོད། སྔགས་པ་རབ་ཆད་ཀྱི་ཐོད་པ་སོགས་དེ་དང་དེར་བསྔགས་པའི་མནན་ཐོད་སོ་སོར་གྲུབ་ནས། རིམ་པ་དགུས་མནན་ཏེ། ལྷ་སྔགས་ཕྱག་རྒྱ་ཏིང་ངེ་འཛིན་གྱི་རྒྱས་གདབ་ཅིང་། ལས་བཞིའི་བྲོས་སྦྱོང་བར་བྱས་པས་དགྲ་བགེགས་དམ་སྲི་གང་ཡིན་དེ་དག་ནམ་ཡང་ལྡང་བའི་ནུས་པ་མེད་པར་མི་ ― LT30_Page_0204 ―
[མ་དཔེ་གཟིགས་ན་འདིར་གནོན།]
ལྕགས་སུ་བཅུག་སྟེ་བཙོན་དུ་འཆིང་བ་ཇི་ལྟར་ནམ་ཞིག་གནོད་པའི་སེམས་ཞིབ་དང་ཐར་པའི་གོ་འཕང་ལ་སྦྱོར་བར་བྱེད་པའི་ཐབས་ཞིག་གོ། །གཉིས་པ་བསྲེག་པ་ནི། དཔེར་ན་གནོད་པའི་དགྲ་ཞིག་གཡུལ་སྤྲང་ནས་ལག་ཏུ་ཟིན་པའི་ཚེ་བསད་ནས། སླར་གཟུགས་ཕུང་ཡང་མེ་ཆུར་སྦྱངས་ཏེ་མེད་པར་བྱེད་པ་ལྟར། གསད་པའི་མངོན་སྤྱོད་ཀྱིས་སྲོག་ཕྲོགས་པར་བྱས་པ་དེའི་གཟུགས་ཀྱི་ཕུང་པོ་དང་བཅས་པ་མེ་ལྷ་ཡེ་ཤེས་པའི་ཞལ་གྱི་ཧོམ་རབ་ཏུ་འབར་བའི་ཀློང་དུ་བསྲེགས་པར་བྱས་པས་གསད་པའི་མཐའ་སྡུད་ཀྱི་ལས་ཀྱི་གཟེར་ཁ་ཡིན་ལ། སྤྱིར་ནད་གདོན་སྡིག་སྒྲིབ་སོགས་ཞི་བའི་སྦྱིན་སྲེག །ཚེ་བསོད་དཔལ་འབྱོར་ཉམས་རྟོགས་ཡེ་ཤེས་སོགས་རྒྱས་པའི་སྦྱིན་སྲེག །ཁམས་གསུམ་སྲིད་གསུམ་རླུང་སེམས་སྣང་བ་སོགས་དབང་དུ་བྱེད་པའི་སྦྱིན་སྲེག །དགྲ་བགེགས་གནོད་བྱེད་འགལ་རྐྱེན་བར་ཆད་སོགས་ཟློག་པ་དྲག་པོའི་སྦྱིན་སྲེག་སྟེ། སོ་སོའི་ཐབ་ཁུང་། བསྲེག་རྫས། ཏིང་འཛིན། དུས་ཚོད། བསམ་པ། ཆས་གོས། འདུག་སྟངས་སོགས་རྒྱུད་དང་མན་ངག་གི་ངེས་པས་གསལ་ལ་རྒྱས་པའི་སྤྲོས་པ་མང་དུ་ཡོད་ཅིང་། འདིར་ནི། རྡོ་རྗེ་མེ་ཡིས་སྙིང་བསྲེགས་ནས། །ཞེས་པའི་རྒྱུད་ཚིག་གིས་བསྲེག་པ་མེའི་སྦྱོར་བ། དེ་ལས་ཀྱང་གསང་བའི་མཐའ་སྡུད་དྲག་པོ་ཧོམ་གྱི་ལས་གཙོ་བོར་བསྟན་པར་བཞེད་ལ། དེ་ཉིད་ཀྱི་ ― LT30_Page_0205 ―
[མ་དཔེ་གཟིགས་ན་འདིར་གནོན།]
ཐབ་ཁུང་སོགས་ཀྱི་མཚན་ཉིད། གསང་རྒྱུད་ལས། །འཇིག་རྟེན་ཁམས་ནི་རབ་འབྱམས་ན། །ལོག་པར་ལྟ་བའི་གདུག་པ་ཅན། །མངོན་སྤྱོད་ཧོམ་ནི་སྦར་བར་བྱ། །ནག་པོའི་དཀྱིལ་འཁོར་གྲུ་གསུམ་ལ། །ངོས་རེར་སོར་ནི་ཉི་ཤུ་བྱ། །སོགས་དང་། ལུས་གནག་ཁྲོས་པས་ལྷོ་ཕྱོགས་བལྟ། །སྐྲ་ནི་སྤྱི་བོར་བཅིངས་ནས་སུ། །ལུས་ལ་ཐལ་བ་ཆེན་པོས་བྱུག །ཁྲོས་པའི་སེམས་ཀྱིས་ལིངྒ་བསྲེག །སངས་རྒྱས་ཉིད་ཀྱང་འཆི་བར་འགྱུར། །ཞེས་དང་། །སྡོང་པོ་མེ་རེག་ཤིང་ཤུན་ལ། །གཟུགས་བརྙན་བྱས་ལ་དགུག་གདབ་བྱ། །ཐ་མ་དུག་གི་མེ་ལ་བསྲེག །ཚངས་པའི་ཚེ་དང་ལྡན་པ་ཡང་། །སྐད་ཅིག་གིས་ནི་འཆི་བར་འགྱུར། །ཞེས་དང་། །ནག་པོ་ཤིང་གི་ཤུན་ལྤགས་ལ། །མཚན་མ་མིང་དུ་བཅས་པ་བྲིས། །མེ་དེ་ལ་ནི་བསྲེགས་པ་ན། །ལྷ་ཡང་རུང་སྟེ་བརླག་པར་འགྱུར། །ཞེས་སོགས་ལས་དྲུག་ཚང་བའི་སྒོ་ནས་བསྲེག་པ་དང་། དྲག་པོའི་གསང་ཐབས་དགུ་ལ་སོགས་པས་ཀུན་རྫོབ་མཚན་མ་རྫས་ཀྱི་རྟེན་འབྲེལ་གྱི་མཐུ་དང་ནུས་པས་བསྒྲལ་བྱའི་སྲོག་མྱུར་དུ་འཕྲོག་ཅིང་། དོན་དམ་ཡེ་ཤེས་མེ་ལྕེ་འབར་བའི་ཞལ་གྱི་ཧོམ་དུ་མ་དག་ལྔ་ཕུང་གི་ཚོགས་ཀྱི་བུད་ཤིང་བསྲེགས་པས་དག་པ་ཆོས་ཉིད་མཉམ་པའི་དབྱིངས་སུ་ཡེ་ཤེས་ཀྱི་མེ་ལྕེ་འོད་རབ་ཏུ་གསལ་བས་མ་རིག་པའི་མུན་པ་སངས་ཏེ་ཤེས་བྱ་ཀུན་ལ་ཡེ་ཤེས་ ― LT30_Page_0206 ―
[མ་དཔེ་གཟིགས་ན་འདིར་གནོན།]
རྒྱས་པའི་གོ་འཕང་དམ་པར་སྦྱོར་བར་བྱེད་པའི་ཐབས་མཁས་ཏེ། ཞི་རྒྱས་དབང་གསུམ་ཕན་འདོགས་པའི་སྦྱོར་བ། དྲག་པོ་ཚར་གཅོད་པའི་ལས་སྦྱོར་ཏེ། མདོར་ན་སྲེགས་བླུགས་ཀྱང་ཕན་འདོགས་ཚར་གཅོད་ཀྱི་ཡན་ལག་ཏུ་འདུ་བའོ། །གསུམ་པ་འཕང་བ་ཟོར་ཐུན་ནི། དཔེར་ན་ཕ་རོལ་གྱི་གཡུལ་ལས་རྒྱལ་བའི་ཕྱིར་དུ་དམག་བསྡུ། གོ་གསག །མཚོན་པ་དར་བའི་སྒོ་ནས་འཐབ་པའི་སྦྱོར་ཆོག་ཐམས་ཅད་ཟིན་པའི་འོག་ཏུ། གང་དུ་གཡུལ་བཀྱེ་བའི་ས་ཕྱོགས་སུ་ཕྱིན་ནས་དགྲ་དང་གཡུལ་སྤྲང་དགོས་པ་ལྟར། དགྲ་བགེགས་བྱད་མའི་མཐུ་སྟོབས་གཞོམ་པའི་ཕྱིར་དུ་གཏོར་ཟློག་གི་ཡན་ལག་ཐམས་ཅད་ཚང་བར་བསགས་ནས་བསྒྲུབས་པའི་མཐར། གཏོར་ཟོར་ནད་དུག་མཚོན་ཆའི་ཕུང་པོ་བདག་མདུན་གྱི་ལྷ་ཚོགས་འཇིག་རྟེན་དང་འཇིག་རྟེན་ལས་འདས་པའི་དམག་དཔུང་གིས་བསྐྱོད་ནས་གང་ལ་དམིགས་པའི་ཡུལ་དུ་མ་འཕངས་ན་དོན་མི་འགྲུབ་པས། ཟློག་པའི་གཟེར་ཁའི་ལས་ཀྱི་མཐའ་སྡུད་འཕང་བ་ཟོར་ཐུན་གྱི་ལས་རིམ་ཡིན་ལ། དེའང་གསང་རྒྱུད་ལས། ཕུར་ཐུན་མདའ་ཐུན་དུག་ཐུན་དང་། །ཁྲག་ཐུན་ཉུངས་ཐུན་མཚེ་ཐུན་དང་། །རྡོ་ཐུན་རྣམ་པ་བདུན་ཞེས་བྱ། །གསད་པའི་ལས་རྣམས་ཀུན་ལ་ཤིས། །ཞེས་གསུངས་པས། །དང་པོ་ཟོར་བསྒྲུབ་པའི་དཀྱིལ་འཁོར་བཞེངས། དེ་ལ་རྫས་དགོད་དེ་ཏིང་ངེ་འཛིན་གྱིས་སོ་སོའི་ནུས་པ་གདོན། མཐར་ལས་ལ་སྦྱོར་ ― LT30_Page_0207 ―
[མ་དཔེ་གཟིགས་ན་འདིར་གནོན།]
བའི་སྐབས་སུ་མན་ངག་གི་གནད་དང་ལྡན་པར་སོ་སོར་འཕངས་པས་གང་ལ་དམིགས་པའི་ཡུལ་རྒྱབ་བརྟེན་ལྷ་སྲུང་དང་བཅས་པ་ཐལ་བའི་རྡུལ་ཕྲན་རླུང་གིས་གཏོར་བ་ལྟར་ཁ་ཕུང་རྗེས་མེད་དུ་གཏོང་བའི་ཐབས་མཁས་མིག་འཕྲུལ་ལྟ་བུ་ཞིག་ཡིན་ལ། ལྷ་སྔགས་ཏིང་ངེ་འཛིན་རྫས་ཀྱི་རྟེན་འབྲེལ་ཐུན་མོང་མ་ཡིན་པའི་གནད་རེ་རེས་ཀྱང་ཚར་གཅོད་རྗེས་འཛིན་ཕན་གནོད་ཀྱི་ལས་ཀྱི་གཟེར་ཁ་སྣ་ཚོགས་པས་དོན་གཉིས་སྒྲུབ་པར་བྱེད་པ་ནི་གསང་སྔགས་རྡོ་རྗེ་ཐེག་པ་ཁོ་ནའི་ཁྱད་ཆོས་ཡིན་ལ། ལས་ཀྱི་ཁྲོ་བོ་སྲས་མཆོག་གི་ངོ་བོ་གྲི་ལྕགས་ཀྱི་ཕུར་པ། གཤིན་རྗེའི་གཤེད་ཀྱི་ངོ་བོ་མདའ་འུག་སྒྲོ་མ་དུག་ཁྲག་གིས་སྦགས་པ། རྣམ་པར་རྒྱལ་བའི་ངོ་བོ་མདའ་ཁྲ་སྒྲོ་མ་གུ་གུལ་གྱིས་བྱུགས་པ། རྟ་མགྲིན་གྱི་ངོ་བོ་མདའ་སྲིན་བྱའི་སྒྲོ་ཅན་ཚིལ་ཆེན་གྱིས་བྲན་པ་སོགས་མདེའུ་དུག་ཤིང་ལས་བཅོས་པ། དེ་དག་ཀྱང་དུག་གི་མདའ་ཐུན། སྔགས་ཀྱི་མདའ་ཐུན་སོགས་མན་ངག་གི་ངེས་པ་དང་ལྡན་པས་བསྒྲུབས་ཏེ་འཕང་བ་ནི། རྒྱུད་ལས། གསེར་སྐྱེམས་རྒྱས་པར་གཏང་བར་བྱ། །མཉེས་དབང་གཟུགས་ལས་རྣམས་བསྐུལ། །རྡོ་རྗེའི་གླུ་ནི་དྲག་ཏུ་བླང་། །ལྷ་ཕྱོགས་ཁ་བལྟས་ཧ་ཧས་གདབ། །རྐང་པ་གཡས་པ་བག་ཙམ་བསྐུམ། །གཡོན་པ་རབ་ཏུ་བགྲད་ལ་འཕང་། །ཞེས་དང་། ཐོད་པ་གླིང་དྲུག་ནག་པོའི་ཕྱོགས། །གདོད་ཅིག་ཐང་ཅིག་དེ་ལ་བྱུག །བང་ང་ལྕང་སེར་རེའུ་ལྕག་པ། །སྦྱང་དུག་ཐར་ནུ་སྐྱེ་ཚེ་དང་། ། ― LT30_Page_0208 ―
[མ་དཔེ་གཟིགས་ན་འདིར་གནོན།]
གླང་ཆེན་སྙིང་དང་ཆུ་སྲིན་སྙིང་། །གདུག་པའི་ཚོགས་རྣམས་བཀུག་ཅིང་བསྟིམ། །ཧ་ལའི་དུག་ཆེན་འབར་བར་བསམ། །ཞེས་པའི་དུག་ཐུན་དང་། རབ་ཆད་ནག་པོའི་ཐོད་པར་དམེ་ཁྲག་སོགས་ཁྲག་སྣས་བཀང་བ་ཁྲག་ཐུན་དང་། རྒྱུད་ལས། གྲོང་ལ་གཏོར་ན་མི་ནད་དང་། །ཕྱུགས་ནད་སྣ་ཚོགས་འབྱུང་བར་འགྱུར། །ཞེས་སོགས་གསུངས་པའི་ཁྲག་ཐུན་གྱི་ལས་ལྟར་གཏོར་མ་བྱས་ཏེ་འཕང་བ་གཏོར་ཟོར་དང་། གསང་རྒྱུད་ལས། གང་ལ་དམིགས་དེ་བརླག་པར་འགྱུར། །དུར་ལ་བརྒྱབས་ན་ཁྲག་འཁྲུགས་འབྱུང་། །ཀླུ་ལ་བརྒྱབས་ན་མཛེ་ནད་འབྱུང་། །མཁར་ལ་བརྒྱབས་ན་གྲོང་རྡལ་འཇིག །ཅེས་སོགས་གསུངས་པའི་ཉུངས་ཀར་ནག་སོགས་ཀྱི་རྫས་བསྒྲུབས་ཏེ་ཐོད་པར་བླུགས་པ་ཉུངས་ཐུན་དང་། མཚེ་ཟོར་དང་རྡོ་ཟོར་ནི་ལས་ཐམས་ཅད་ལ་འཇུག་པ་ཡིན་པས། གསང་རྒྱུད་ལས། མཚེ་དང་རྡོ་ཐུན་གདུག་པ་ལ། །རབ་ཏུ་བསྔགས་ལ་དེ་ཉིད་བརྡེག །དེ་ཡིས་ཐལ་བར་བརླག་པར་འགྱུར། །ཞེས་སོགས་གསུངས་པའི་ཟོར་ཐུན་གྱི་ལས་རྣམས་སོ་སོའི་མན་ངག་གི་གནད་དང་ལྡན་པས་འཕངས་ནག་ནམ་ཐོག་ལྷུང་བའམ། སྒྱོགས་ཀྱི་འཕྲུལ་འཁོར་དྲག་པོའི་སྦྱོར་བ་བཞིན་དམིགས་པའི་ཡུལ་རིང་པོར་མི་ཐོགས་པར་འཇོམས་པར་བྱེད་པའི་མཐུ་དང་ནུས་པ་ཁྱད་པར་དུ་མངའ་བ་ཡིན་ལ། དེ་ལྟར་སྲུང་ཟློག་གསད་པའི་རྗེས་སྡུད་མནན་སྲེག་འཕང་བའི་གཟེར་ཁའི་ལས་ ― LT30_Page_0209 ―
[མ་དཔེ་གཟིགས་ན་འདིར་གནོན།]
རིམ་རྒྱུད་དང་མན་ངག་རིག་འཛིན་གྲུབ་པའི་ཚོགས་ཀྱི་ཕྱག་བཞེས་ཉམས་མེད་ཀྱི་ལུགས་མང་དུ་མཆིས་པ་ལས། འདིར་ཕྲིན་ལས་ཕུར་པ་རོལ་པའི་བཤད་འབུམ་ཆེན་མོ་རིག་འཛིན་སློབ་དཔོན་རྣམ་གསུམ་གྱི་དགོངས་པ་འདུས་པའི་གཞུང་ལས་འབྱུང་བ་ལྟར་ས་བཅད་ཙམ་བསྟན་ཟིན་གྱི། སྤྱི་དང་ཁྱད་པར་གྱི་ཚུལ་ལས་བརྩམས་ཏེ་དཔྱིས་ཕྱིན་པར་བཤད་དུ་ཡོད་ཀྱང་། མན་ངག་གི་ངེས་པ་གཞན་དུ་འབྱུང་བ་ལས་ཤེས་པར་བྱ་བ་ཉིད་གལ་ཆེའི། འདིར་མང་དུ་དོགས་པས་མ་སྤྲོས་སོ། །དེ་དག་རྣམས་ཀྱིས་ཕུར་པ་རྩ་བའི་རྒྱུད་ཀྱི་དུམ་བུ་གཞུང་འཕྲོས་དོན་དང་བཅས་པ་ཚང་བར་ཅུང་ཟད་བཤད་ཟིན་ཏོ། །གཞུང་ཡོངས་སུ་རྫོགས་པའི་འགྱུར་བྱང་ནི། རྡོ་རྗེ་ཕུར་པ་རྩ་བའི་རྒྱུད་ཀྱི་བི་དྱོཏྟ་མ་ལ་འབུམ་སྡེའི་ནང་ནས་རྡོ་རྗེ་རིགས་ཀྱི་དུམ་བུ་ཁོལ་དུ་ཕྱུང་བ། སློབ་དཔོན་ཆེན་པོ་པདྨ་འབྱུང་གནས་དངོས་ཀྱི་ཕྱག་དཔེ་རྒྱ་གར་གྱི་དཔེ་དང་མཐུན་པར། དཔལ་ལྡན་ས་སྐྱའི་ལོ་ཙཱ་བ་གནས་ལྔ་རིག་པའི་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོ་ཞེས་མཚན་ཉི་ཟླ་ལྟར་གསལ་བ་དེས། གཙང་གཡས་རུའི་སའི་ཆ། ཤངས་སྲེག་ཤིང་དུ་ལེགས་པར་སྦྱར་བའི་སྐད་ལས་བོད་སྐད་དུ་བསྒྱུར་ཅིང་། སླར་ཡང་ཞུས་དག་གི་སྒོ་ནས་ལེགས་པར་གཏན་ལ་ཕབ་པའོ། །ཞེས་སོ། །དེ་ལྟར་རྩ་རྒྱུད་ཀྱི་དུམ་བུ་འདི་ཉིད་ཚིག་ཉུང་ལ་དོན་གྱི་ཆ་ནས་ཕྲིན་ལས་རོལ་པའི་དགོངས་པ་ཐམས་ཅད་མ་ཚང་བ་མེད་པ་དངོས་ ― LT30_Page_0210 ―
[མ་དཔེ་གཟིགས་ན་འདིར་གནོན།]
ཤུགས་ཀྱི་སྒོ་ནས་བསྟན་པར་མཛད་པས་ཤིན་ཏུ་ཟབ་ཅིང་རྒྱ་ཆེ་ལ། དེའང་རྒྱུད། ལུང་། མན་ངག་གི་བཤད་ཚུལ་ཅི་ལྟར་བྱས་ཀྱང་ཆོག་མོད། འདིར་རྒྱུད་ཚིག་ཐད་ཀར་བཀྲལ་ཏེ་གཙོ་བོར་རྒྱུད་ལྟར་བཤད་པའི་ལུགས་སུ་འབྲུ་གཉེར་བའི་ཚིག་འགྲེལ་ཙམ་བགྱིས་ཏེ་ལས་དང་པོ་པས་གོ་སླ་གཙོ་བོར་བཟུང་། རྩ་རྒྱུད་རྡོ་རྗེ་ཁྲོས་པ། མྱང་འདས་ཀྱི་རྒྱུད་སོགས་དང་། ཤུགས་བསྟན་གྱི་ངེས་པ་རྣམས་ཀྱང་འགྲེལ་ཆེན་འབུམ་ནག །ཨ་མེས་ཞབས་ཀྱི་མཁོན་ཕུར་རྣམ་བཤད་སོགས་ཁུངས་ལྡན་གྱི་རྒྱུད་གཞུང་ལ་གཞིག་འབྲེལ་བཅུག་སྟེ་མདོར་བསྡུས་པའི་ལམ་ནས་བསྲང་བར་བྱས་པ་ཡིན་གྱི། ལུང་རིགས་ཀྱི་དགག་སྒྲུབ། མཐའ་དཔྱོད་སོགས་མཛེས་ཁྲིགས་ཀྱི་སྤྲོས་པ་ཐམས་ཅད་དོར་བ་ཡིན་པས། ཐོག་མར་འདི་ཙམ་གྱི་ངེས་པའི་གསང་ལ་བློ་གོམས་ནས་མཐར་གྱིས་ཕུར་གཞུང་རྒྱ་མཚོ་ལྟ་བུའི་རྒྱུད་ལུང་མན་ངག་ཟབ་ཅིང་རྒྱ་ཆེ་བའི་དོན་གྱི་རིན་ཆེན་མཐའ་དག་ཐོས་བསམ་སྒོམ་པའི་རྣམ་དཔྱོད་ཀྱི་དེད་དཔོན་ཆེན་པོས་རང་དབང་དུ་འདྲེན་པར་བྱེད་པའི་སྒོར་འགྱུར་རམ་སྙམ་མོ། །སླར་སྨྲས་པ། རྒྱལ་ཀུན་མཐུ་སྟོབས་འདུས་པའི་མེ་ཆེན་གྱིས། །འགལ་རྐྱེན་བར་དུ་གཅོད་པའི་ཚང་ཚིང་ནགས། །ཐལ་བར་བརླགས་ནས་མཆོག་ཐུན་དངོས་གྲུབ་ཀྱི། །འབྲས་བཟང་སྦྱིན་མཛད་ཕྲིན་ལས་རོལ་པའི་ལྷ། །རྒྱུད་དང་སྒྲུབ་སྡེ་ཀུན་ནས་རབ་འཕགས་པའི། །ངོ་མཚར་ཉི་མའི་གཟི་བྱིན་ལྷག་པར་མངའ། །འཕགས་བོད་རིག་འཛིན་ཡོངས་ཀྱི་གྲུབ་ ― LT30_Page_0211 ―
[མ་དཔེ་གཟིགས་ན་འདིར་གནོན།]
གཉིས་ཀྱི། །རྣམ་ཐར་མེ་ཏོག་གང་གི་མཐུ་ལས་བཞད། །དཔལ་ཆེན་ཉིད་ཀྱི་རང་བྱུང་མི་ཤིགས་གླུས། །རྡོ་རྗེའི་རྒྱུད་དང་ལུང་གི་ངེས་པ་སྟེ། །དེ་བཞིན་མན་ངག་རྒྱ་མཚོ་རབ་བསྒྲགས་པ། །ཕ་མཐའ་མི་མཚོན་ཆོས་ཀྱི་དབྱིངས་དང་མཉམ། །ཕྲིན་ལས་རོལ་པའི་དཔལ་དང་གཉིས་མེད་པ། །མཚོ་སྐྱེས་རྒྱལ་བ་གཉིས་པ་ལ་སོགས་པའི། །སྔ་འགྱུར་པ་གྲུབ་རིག་འཛིན་ཆེ་རྣམས་ཀྱི། །དྲིན་ལས་ལྗོངས་འདིར་ཚུལ་འདིའི་ལམ་སྲོལ་གསལ། །རྩ་བའི་རྒྱུད་ཀྱི་དུམ་བུ་ཕྱུང་བ་ཡིས། །ཕུར་གཞུང་ངེས་པའི་གསང་རྣམས་རྟོགས་བྱེད་པའི། །རྡོ་རྗེ་ནཱ་ད་མི་ཤིགས་སྒྲ་དབྱངས་ཅན། །པདྨཱ་ཀ་རའི་ཐུགས་ཀྱི་བརྣག་པ་ཉིད། །འདི་དོན་ཚུལ་བཞིན་ངེས་པའི་མཐུ་ཐོབ་ན། །ཕྲིན་ལས་རོལ་པའི་རྒྱུད་དོན་མན་ངག་བཅས། །ཁོང་དུ་ཆུབ་ཕྱིར་ཁྱད་འཕགས་ཉེ་བརྒྱུད་ཀྱི། །བྱིན་རླབས་མ་ཡལ་བཤད་བཀའ་དང་ལྡན་པས། །འདི་ན་ཉུང་ངུའི་ངག་གིས་དོན་གྱི་གནད། །གསལ་ལ་གོ་བདེའི་རྣམ་བཤད་འདི་སྤེལ་བ། །སྔ་འགྱུར་རིག་འཛིན་སྐྱེས་མཆོག་རྣམ་དཔྱོད་ཅན། །དེ་དག་ཀུན་གྱི་བློ་གྲོས་སྒོ་འབྱེད་ཡིན། །མ་བཤད་པ་དང་ལོག་པར་བཤད་པ་ཡི། །ནོངས་པ་མཆིས་ཀུན་རྩ་གསུམ་ལྷག་པའི་ལྷ། །ཁྱད་པར་ཟུང་འཇུག་དཔལ་ཆེན་ཀུ་མཱ་ར། །གཙོ་དང་འཁོར་དུ་བཅས་པའི་སྤྱན་སྔར་འཆགས། །གསང་བ་ཟབ་མོའི་དགོངས་པ་བཀྲོལ་བྱས་པའི། ། ― LT30_Page_0212 ―
[མ་དཔེ་གཟིགས་ན་འདིར་གནོན།]
རྣམ་དཀར་མཐུ་ཡིས་རྒྱལ་བསྟན་དར་ཞིང་རྒྱས། །བཤད་དང་སྒྲུབ་པའི་རྒྱལ་མཚན་བསྒྲེང་བ་ཡིས། །ནག་ཕྱོགས་གདུག་པའི་མཐུ་སྟོབས་ཉམས་གྱུར་ཅིག །སྣང་སྲིད་ཟིལ་གནོན་པདྨ་ཐོད་ཕྲེང་སོགས། །སྔ་འགྱུར་རིག་འཛིན་བརྒྱུད་པའི་རིང་ལུགས་མཆོག །རྒྱུད་དང་སྒྲུབ་སྡེའི་བཀའ་སྲོལ་མི་ནུབ་པར། །དབྱར་གྱི་མཚོ་ལྟར་འཕེལ་ཞིང་རྒྱས་གྱུར་ཅིག །ཁྱད་པར་ཕྲིན་ལས་ཕུར་པ་རོལ་པ་ཡི། །བྱིན་རླབས་ནུས་མཐུ་གནམ་ལྕགས་ཚྭ་ཚྭའི་དཔལ། །བདུད་དང་དམ་སྲི་ཀླ་ཀློའི་སྙིང་ལ་འཕྲོས། །གནོད་སེམས་གདུག་རྩུབ་གཞོབ་ཏུ་བསྲེག་གྱུར་ཅིག །གསང་ཆེན་སྙིང་པོའི་བཤད་སྒྲུབ་ཟབ་མོ་ཡི། །སེང་གེའི་སྒྲ་ཆེན་རྒྱུན་ཆད་མི་མངའ་བས། །ལོག་རྟོག་ནག་ཕྱོགས་གླང་པོའི་བརྟུལ་ཞུགས་ཅན། །ཀུན་གྱི་སྤོབས་པ་ཕྲ་མོར་བྱེད་གྱུར་ཅིག །ཕུར་བཞིའི་དགོངས་པ་མངོན་དུ་གྱུར་པ་གྲུབ་པའི་རིག་འཛིན་ཚོམ་བུར་བཅས། །སྲས་བཅས་རྒྱལ་བ་རབ་འབྱམས་རྒྱ་མཚོའི་དགྱེས་པའི་ཞལ་རས་ཟླ་བ་ཚེས། །ཤིས་པའི་འོད་ཟེར་འབུམ་དུ་སྤྲོ་ཞིང་ས་གསུམ་དགེ་བའི་གླུ་དབྱངས་བཅས། །མཛེས་པའི་མེ་ཏོག་ཆར་དུ་བསྙིལ་བས་དགེ་མཚན་འཛམ་གླིང་ཀུན་ཁྱབ་ཤོག །ཅེས་ཕུར་པ་རྩ་བའི་རྒྱུད་ཀྱི་དུམ་བུའི་འགྲེལ་བ་གོ་སླ་ཉུང་གསལ་གྱི་ཚུལ་དུ་བཀོད་པ་འདིའང་རིགས་ཀུན་ཁྱབ་བདག་བཀའ་བབས་ཆེན་པོ་བདུན་གྱི་མཛོད་འཆང་ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོས་ ― LT30_Page_0213 ―
[མ་དཔེ་གཟིགས་ན་འདིར་གནོན།]
མཁོན་ལུགས་ཕུར་པའི་སྨིན་གྲོལ་དང་ཉེ་བརྒྱུད་ལན་གསུམ་དུ་གསན་པའི་རྒྱུད་བཤད་བཅས་རྒྱས་པར་སྩལ་ནས་རྒྱུད་འགྲེལ་འབྲི་བ་དང་བཤད་རྒྱུན་སྤེལ་བ་གནད་གལ་ཆེ་བའི་དཀའ་ལུང་དམིགས་བསལ་སྩལ་བ་ཐོབ་ཀྱང་དོན་གཉེར་མཁན་དཀོན་པ་སོགས་ཀྱིས་བཏང་སྙོམས་གྱུར་ནས་རྒྱུན་རིང་སོང་བ་ན། རྒྱལ་བསྟན་གསལ་བའི་སྣང་བྱེད་ཨེ་ཝཾ་ཐར་རྩེ་ཞབས་དྲུང་འཇམ་དབྱངས་བློ་གཏེར་དབང་པོ་དང་། རྒྱལ་བ་ཀཿཐོག་པའི་སེང་གེའི་ཁྲི་འཛིན་པ་སི་ཏུ་མཆོག་སྤྲུལ་ཨོ་རྒྱན་བསྟན་འཛིན་ཆོས་ཀྱི་རྒྱལ་མཚན་དཔལ་བཟང་པོ་ཟུང་གིས་གསུང་བསྐུལ་ནན་དུ་ཕེབ་པ་ལྟར། ཐུབ་བསྟན་རིས་མེད་པ་ལ་མི་ཕྱེད་དད་པའི་པདྨོ་རྒྱས་པ་ཀུ་སཱ་ལི་ཀརྨ་ངག་དབང་ཡོན་ཏན་རྒྱ་མཚོའམ་རྒྱལ་སྲས་བློ་གྲོས་མཐའ་ཡས་ཀྱིས་ཤྲཱི་དེ་ཝཱི་ཀོ་ཊི་གསུམ་པ་ཙཱ་འདྲ་རིན་ཆེན་བྲག་གི་སྒྲུབ་གནས་ཀུན་བཟང་བདེ་ཆེན་འོད་གསལ་གླིང་དུ་རང་ལོ་བརྒྱད་ཅུ་རྩ་བདུན་པ་ལ་བགྱིས་པའི་ཡིག་སྦྱོར་སོགས་ཀྱི་མཐུན་རྐྱེན་མཛད་པ་པོ་ནི་བསླབ་པ་གསུམ་གྱི་བདག་ཉིད་ཤེས་བྱ་ཀུན་ལ་མ་རྨོངས་པ་བླ་མ་ཀརྨ་བཀྲ་ཤིས་ཆོས་འཕེལ་ནས་མཛད་པ་བསྟན་འགྲོར་སྨན་པའི་སྣང་ཆེན་དུ་གྱུར་ཅིག །དགེ་ལེགས་འཕེལ།། །། རྡོ་རྗེ་ཕུར་པའི་སྒྲུབ་སྐོར།― LT30_Page_0215 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཕུར་པའི་སྒྲུབ་སྐོར་བཞུགས་སོ།། །།མཁོན་ལུགས་ཀྱི་རྩ་བའི་ཡི་གེ། ― LT30_Page_0216 ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི་སིདྡྷཾ། །བླ་མ་དང་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །ཕུར་པ་རྩ་བའི་རྒྱུད་ལས་དུམ་བུའི་རྒྱུད་འདི་ཕྱུང་ནས། ཨོ་རྒྱན་གྱི་སློབ་དཔོན་པདྨ་འབྱུང་གནས་ཀྱིས་མཛད་པའི་ཆོ་ག་འདི་ལ་དོན་གསུམ་སྟེ། རྒྱས་པ་དང་བསྡུས་པའོ། །དེ་ལ་ཡང་བསྙེན་པ་དང་། བསྙེན་སྒྲུབ་སྦྲགས་མ་གཉིས་ལས། བསྙེན་སྒྲུབ་སྦྲགས་མའི་ཚུལ་འདི་བརྗོད་པར་བྱ་སྟེ། དེ་ལ་གསུམ། སྔོན་འགྲོ་དང་དངོས་གཞི་དང་། རྗེས་ཀྱི་བྱ་བའོ། །དང་པོ་ལ་གསུམ། རྫས་བསོག་པ་དང་། མཚམས་བཅད་པ་དང་། བཤགས་པ་བྱ་ཞིང་བྱིན་གྱིས་བརླབས་པའོ། །དེ་ལ་དང་པོ་གནས་བརྒྱན་ཏེ། རྟེན་བཀྲམ་ལ་ཅི་འབྱོར་པའི་མཆོད་པ་དང་། གཏོར་མ་མདུན། རཀྟ་གཡས། ཕུད་གཡོན། བསྙེན་ཕུར་མདུན་རྗེའུ་ཆུང་དང་དྲིལ་བུ་གང་བདེར་བཤམ་མོ། །མཚམས་བཅད་པ་ནི། ཁྲོ་བོ་བཅུའི་སྔགས་ཀྱིས་སྲུང་འཁོར་བརྟན་པར་བསྒོམས་ལ་མཚམས་ ― LT30_Page_0217 ―
[མ་དཔེ་གཟིགས་ན་འདིར་གནོན།]
རྒྱས་བསྡུས་གང་རུང་བ་བཅད་དོ། །གསུམ་པ་ནི་ཤེས་པའི་བཤགས་པ་དང་། མཆོད་པ་དང་། སྡིག་པ་བཤགས་པ་དང་། སྐྱབས་སུ་འགྲོ་བ། སེམས་བསྐྱེད་པ། དགེ་བའི་རྩ་བ་བསྔོ་བ། བྱིན་དབབ་པ་དང་། །རྫས་བྱིན་གྱིས་བརླབ་པ་ནི། གཏོར་མ་ཨོཾ་ལྔ་ལས་འདོད་ཡོན་ལྔར་བྱིན་གྱིས་བརླབ་བོ། །ཕུད་ཨོཾ་ཨཱཿཧཱུྃ་ཏྲཱཾ་ཧྲཱིཿཨཱ་ལས་ཤ་ལྔ་བདུད་རྩི་ལྔ་ལས་བྱུང་བའི་ཡེ་ཤེས་ཀྱི་བདུད་རྩི་དང་། རཀྟ་རཾ་ལས་དགྲ་བགེགས་བསྒྲལ་བའི་ཤ་ཁྲག་ལས་བྱུང་བའི་བདུད་རྩིར་བྱིན་གྱིས་བརླབ། རྔ་དང་དྲིལ་བུ་ལ་སོགས་པ་སྟོང་པ་ཉིད་ཀྱི་ངོ་བོ་བྱང་ཆུབ་ཀྱི་སེམས་སུ་བྱིན་གྱིས་བརླབ་བོ། །ཕུར་པ་རྡོ་རྗེ་གཞོན་ནུའི་ལུས་ལ་ཁྲོ་བོ་བཅུས་བརྒྱན་པར་བྱིན་གྱིས་བརླབས་པ་སྔོན་དུ་འགྲོ་བའོ། །དངོས་གཞི་ལ་གསུམ། ཏིང་ངེ་འཛིན་གསུམ། དཀྱིལ་འཁོར་གསུམ། མཆོད་པ་གསུམ་མོ། །དང་པོ་ལ་གསུམ་ལས། དང་པོ་རྡོ་ ― LT30_Page_0218 ―
[མ་དཔེ་གཟིགས་ན་འདིར་གནོན།]
རྗེ་ཞེས་པས་སྟོང་པ་ཉིད་དུ་བསྒོམ་པ་ནི་དེ་བཞིན་ཉིད་ཀྱི་ཏིང་ངེ་འཛིན་ནོ། །ཁྲོས་པས་ཞེ་སྡང་གཅོད་ཀྱིས་སྙིང་རྗེ་ཆེན་པོར་བསྒོམ་པ་ཀུན་ཏུ་སྣང་བའི་ཏིང་ངེ་འཛིན་ཏོ། །ནམ་མཁའ་སྟོང་པ་ལ་ཧཱུྃ་བསྒོམ་པ་རྒྱུའི་ཏིང་ངེ་འཛིན་ནོ། །དཀྱིལ་འཁོར་གསུམ་ནི། དང་པོ་ནི་མཚོན་ཆེན་སྔོན་པོ་ཞེས་པས་ཧཱུྃ་དེ་ལས་འབྱུང་བ་རིམ་བརྩེགས་དང་བཅས་པའི་གཞལ་ཡས་ཁང་པ་བསྐྱེད་པ་བསྟན་ནོ། །ནམ་མཁའི་དཀྱིལ་དུ་ཐིག་ལེ་ཤར། །ཞེས་པ་ནས། རྒྱུ་ཡི་ཏིང་ངེ་འཛིན་ནི་ཧཱུྃ་དེ་གཞལ་ཡས་ཁང་གི་ནང་དུ་ལབ་པ་ལས་གཙོ་བོ་བསྐྱེད་པ་མན་ཆད་ཀྱིས་རྡོ་རྗེ་གཞོན་ནུ་རྩ་བའི་དཀྱིལ་འཁོར་སེམས་དཔའ་སུམ་བརྩེགས་སུ་བསྒོམ་པ་ནི། སྙིང་གི་སྒོ་རུ་ཤར་བ་དང་། ཞེས་པ་ལ་སོགས་པས་བསྟན་ཏེ། དམ་ཚིག་པ་བསྐྱེད་པའོ། །དེ་ནས་འགྲོ་བའི་རྒྱུད་སྦྱངས་ནས་ཡེ་ཤེས་སེམས་དཔའ་འགུག་པ་ནི། རྡོ་རྗེ་གཞོན་ནུའི་རིག་འཛིན་རྣམས། །ཞེས་པ་ལ་སོགས་པས་བསྟན་ནོ། །བརྟན་པའི་ཡན་ལག་ཏུ་དབང་བསྐུར་བ་ནི། །ཐབས་ཀྱི་སྤྱོད་པས་འགྲོ་བའི་དོན། །ཞེས་པ་ལ་སོགས་པས་བསྟན་ནོ། །དེ་ནས་གཉིས་པ་ཕྱོགས་བཅུ་ཁྲོ་བོའི་དཀྱིལ་འཁོར་ནི། །སྔགས་རེ་བརྗོད་པས་དྲག་པོའི་ལྷ་བརྫུས་སྐྱེས་སུ་བྱུང་སྟེ། ཨོཾ་བཛྲ་ཀྲོ་དྷ་ཧཱུྃ་ཀ་ར་ཞེས་པས་ཡབ། ཧཱུྃ་ཞེས་པས་ཡུམ་གརྫ་གརྫ་གཉིས་ཀྱིས་ཕྲ་མེན། ཧཱུྃ་ཕཊ་ཀྱིས་དེ་རྣམས་བསྐུལ་ཏེ། དེ་བཞིན་དུ་ཐམས་ཅད་བསྐྱེད་པར་བྱའོ། །ཁྲོ་བོའི་དཀྱིལ་འཁོར་རོ། །ཞར་ལ་དམ་ཅན་དང་བརྟན་མ་དང་ཆོས་སྐྱོང་རྣམས་སྤྲིན་འཐིབས་པ་ལྟར་བསྒོམ་མོ། །ཕུར་པ་རྫས་ཀྱི་དཀྱིལ་འཁོར་ནི་བྱིན་རླབས་བྱས་པའི་ཕུར་པ་ལག་ ― LT30_Page_0219 ―
[མ་དཔེ་གཟིགས་ན་འདིར་གནོན།]
ཏུ་བླངས་ལ། །དེ་བཞིན་གཤེགས་པ་ཐམས་ཅད་ཀྱིས་དབང་དང་མཐུ་རྩལ་དང་བྱིན་གྱི་རླབས་ཀྱིས་དབང་བསྐུར་བར་བསམ་ཞིང་། མགོའི་ཕྱོགས་བཞི་སྤྱི་གཙུག་ལྔ་དང་། སྐུ་གསུང་ཐུགས་ཀྱི་གནས་སུ་གཏུགས་ཤིང་རྩ་སྔགས་བཟླས་པ་དང་། སྲིད་པའི་ཕུར་བུ་སྒྲུབ་པ་དང་། ཞེས་པ་ལ་སོགས་པ་བརྗོད་དེ། །དེ་ནི་དངོས་གཞི་དཀྱིལ་འཁོར་གསུམ་མོ། གསུམ་པ་མཆོད་པ་གསུམ་ནི། བདུད་རྩི་གཏོར་མ་རཀྟ་དང་དེ་ལ་དམིགས་ཏེ། དམ་ཚིག་ཆེན་པོའི་དུས་ལ་བབ། །ཅེས་པ་ལ་སོགས་པས་མདུན་དུ་བདག་འདྲ་བའི་ཡིད་ཀྱིས་དཀྱིལ་འཁོར་གཅིག་ཞལ་ཕྱེལ་བདག་བསྐྱེད་མདུན་བསྐྱེད་གཉིས་ཀ་ལ་བདུད་རྩིས་མཆོད་ལ་ཕོ་ཉ་བསྐུལ་བ་སྤྱིར་བསྟན་ནོ། །དེ་ནས་རཀྟའི་མཆོད་པ་ནི། བསྒྲལ་བའི་མཆོད་པ་ཡིན་ཏེ། བྱང་ཆུབ་མཆོག་ཏུ་སེམས་བསྐྱེད་ཅེས་པ་ལ་སོགས་པས་བསྐུལ་ཏེ་དགྲ་བགེགས་ཏིང་ངེ་འཛིན་གྱིས་བཀུག་ལ། ཨོཾ་ལཾ་ཧཱུྃ་ལཾ་ལ་སོགས་ཀྱིས་བཏབ་ལ་བསྒྲལ་ཏེ་རཀྟས་མཆོད། དངོས་གྲུབ་བར་ཆད་བྱེད་པའི་བགེགས། །ཞེས་པས་བསྐུལ། ཧཱུྃ་པ་ར་བིདྱ་ལ་སོགས་ཀྱིས་བསྒྲལ་བའི་ཤས་མཆོད། །ཕོ་ཉ་བྲན་དང་བཀའ་ཉན་ཞེས་པ་ལ་སོགས་ཀྱིས་བསྐུལ་ཏེ། ཧ་ན་ཧ་ན་བཛྲ་ལ་སོགས་ཀྱིས་བསྒྲལ་ལ། རྡོ་རྗེ་གསང་བའི་བཀའ་ལ་སོགས་པས་བསྐུལ། ཧཱུྃ་མ་མ་བ་ཤཱཾ་ལ་སོགས་པ་དང་། འོག་གི་སརྦ་ཨ་ན་ཡ་སོགས་སྦྲེལ་ཏེ་དེ་ལ་སོགས་པས་བསྒྲལ་ལ་ཀླད་པས་ ― LT30_Page_0220 ―
[མ་དཔེ་གཟིགས་ན་འདིར་གནོན།]
མཆོད་དེ། གདུག་ཅིང་སྡང་སེམས་ལྡན་པ་ཞེས་པ་ལ་སོགས་པ་དང་། རྡུངས་ཤིག་རྡོ་རྗེ་འབར་བའི་གཏུན། །ལ་སོགས་པས་བསྐུལ་ལ། ཁ་ཏཾ་ནས་ཕཊ་གསུམ་ཡན་ཆད་ཀྱིས་གཏུན་དུ་དགྲ་བགེགས་བརྡུངས་པས་བསྒྲལ་ལ། རུས་པའི་མཆོད་པས་མཆོད། རཀྟའི་མཆོད་པ་དེ་རྣམས་ཐམས་ཅད་ལ་དངོས་སུ་གཏོར་མའི་དཔལ་གྱི་སྟེང་དུ་རཀྟ་སྦྲེང་ཞིང་མཆོད་པར་བྱའོ། །ཤ་དང་ཀླད་པ་རུས་པའི་མཆོད་པ་ཡང་། དངོས་སུ་རཀྟ་སྦྲེངས་པས་རཀྟའི་མཆོད་པ་བྱའོ། །དོན་གྱིས་བསྒྲལ་བའི་མཆོད་པ་ཞེས་བྱའོ། །དེ་ནས་གཏོར་མ་འདོད་ཡོན་ལྔར་བྱིན་གྱིས་བརླབས་པས་དེས་མཆོད་ལ། ཨོཾ་བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི། ཞེས་མཆོད། དེས་ལྷ་ཐམས་ཅད་དགྱེས་ནས་ཧ་ཧ་ཧ་ཞེས་གསུངས་པར་བསམ། ཧཱུྃ་ཧཱུྃ་ཧཱུྃ་ཞེས་གསུངས་ནས་བདག་ལ་བྱིན་གྱིས་རློབ་པར་བསམ། ཕཊ་ཕཊ་ཕཊ་ཅེས་པས་དགྲ་བགེགས་བསྒྲལ་བར་བསམ། དེ་ཆོས་ཉིད་དུ་གནས་སྤར་བར་བསམ་མོ། །ཆོས་ཉིད་ཀྱི་བདེན་པ་མན་ཆད་ནི་གདབ་པ་བསྐྱར་བའི་གཞུང་ངོ། །དེ་ནས་བསྟོད་པས་བསྟོད་ལ་བཟླས་པ་བྱ་སྟེ། བདག་དང་མདུན་ན་མོ་གཉིས་ཀའི་འོད་འཕྲོ་འདུ་དང་བཟླས་རོག་བྱེད་པ་ལྷ་དང་མཆོད་པ་དང་དགྲ་བགེགས་བསྒྲལ་བའི་ཏིང་ངེ་འཛིན་བྱའོ། །མཇུག་གི་ཆོས་གསུམ་ནི་གདབ་པ་དང་། ཚོགས་དང་ལས་འཇུག་གོ། །དང་པོ་གདབ་པ་ནི་ཤོག་བུ་ལ་ཁྲག་དང་དུག་གིས་དགྲ་བགེགས་ཀྱི་ ― LT30_Page_0221 ―
[མ་དཔེ་གཟིགས་ན་འདིར་གནོན།]
ལིངྒ་རྒྱས་པར་བྲིས་ལ། དེ་ལ་དགུག་གཞུག་མང་དུ་བྱས་ལ་བྲུབ་ཁུང་དུ་བཅུག་ལ་ལག་པས་ཕུར་བུ་ཐོགས་ལ། དམ་ཚིག་ཆེན་པོའི་དུས་ལ་བབ། །མན་ཆད་བསྒྲལ་བའི་མཆོད་པ་བཞིན་བྱས་ཏེ། ཚིགས་བཅད་བརྗོད་པའི་དུས་སུ་ཕོ་ཉ་དགྱེ་ཞིང་དགུག་གཞུག་བྱ། སྔགས་བརྗོད་པའི་དུས་སུ་ཕུར་བུས་གདབ་སྟེ། ཁྲག་དང་ཤ་དང་ཀླད་པ་དང་རུས་པའི་མཆོད་པས་མཆོད་དེ། དེ་ནས་བག་ཟན་དང་དགྲའི་རྐང་རྗེས་ཀྱི་ས་ལ་སོགས་པ་ལས་བྱས་པའི་ལིངྒ་སྔར་བཞིན་གྱི་ཆོ་ག་བྱས་ལ་དུམ་བུར་གཏུབ་ལ་གཏོར་མ་ལ་འབུལ་ལོ། །དེས་ཀྱང་མ་སྒྲོལ་ལ་མ་རྟོགས་ན། །ཕུར་པ་ལག་ཏུ་བླངས་ལ་ཆོས་ཀྱི་བདེན་པའོ་མན་ཆད་བརྗོད་ཅིང་། ཀཱི་ལ་ཡ་ལན་ཉི་ཤུ་རྩ་གཅིག་བརྗོད་ཅིང་སྙིང་དཀར་ནག་གི་མཚམས་སུ་ཕུར་པ་བཏབ་པར་བསམ་ལ། ལིང་གའི་སྙིང་གར་ཕུར་བུ་གདབ་བོ། །རྣམ་ཤེས་མི་བསྐྱོད་པའི་ཞིང་དུ་སྐྱེ་བར་བསམ་མོ། །དེ་དག་གི་བྱིན་རླབས་ཀྱིས་བདག་ཚེ་ལ་དབང་བའི་རིག་འཛིན་དུ་གྱུར་པར་བསམ་མོ། །དེ་ནས་ཚོགས་ནི་ཡང་སྔ་མ་བཞིན་དུ་བྱས་ལ་དགྲ་བགེགས་བསྒྲལ་བའི་རོ་དེ་འདོད་ཡོན་ལྔར་སྦྲུལ་ལ་བྱིན་གྱིས་བརླབས་ཏེ། ཨོཾ་བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི། ཞེས་པས་ལྷ་ལ་འབུལ། ཧ་ཧ་ཧ་ཞེས་པས་བཞད། ཧཱུྃ་ཧཱུྃ་ཧཱུྃ་གིས་བདག་ལ་དངོས་གྲུབ་སྩོལ། ཕཊ་ཕཊ་ཕཊ་ཀྱིས་དགྲ་བགེགས་བསྒྲལ་བ་ཆོས་ཉིད་དུ་གནས་པར་བསམས་ ― LT30_Page_0222 ―
[མ་དཔེ་གཟིགས་ན་འདིར་གནོན།]
ལ་ཚོགས་ལ་རོལ་ཏེ་ལྷག་མ་བསྡུས་ལ་ཁ་ཕྲུས་བཏབ་ལ། ཕུད་ཀྱི་གཏོར་མ་དང་བསྲེས་ནས་ལས་བྱེད་པའི་ཆོས་སྐྱོང་རྣམས་ལ་བྱིན་པར་བསམ། གོང་གི་བྲན་དང་བཀའ་ཉན་ཞེས་པའི་ཚིགས་བཅད་གཅིག་བརྗོད་པའི་སྐབས་ལ། ཨོཾ་ཨུཙྪིཥྚ་བ་ལི༚་ཏ་བྷཀྵ་སི་སྭཱ་ཧཱ། ཞེས་བརྗོད་པས་ཆས་ཐམས་ཅད་བདག་མེད་པར་བསྒོམ་མོ། །ལས་མཇུག་ནི་མནན་པ་དང་། སྦྱིན་སྲེག་བྱ། གཏོར་མ་ཟོར་དུ་འཕང་ངོ་། །མནན་པ་ནི་ལིང་གས་གཉན་པོ་ལ་སྦས་སོ། །རྡོ་རྗེ་མེ་དཔལ་ཞེས་པས་སྦྱིན་སྲེག་གི་ཏིང་ངེ་འཛིན་ཏེ། ལས་དང་མཐུན་པའི་ཐབ་ཏུ་རྡོ་རྗེ་གཞོན་ནུ་བསྐྱེད་ལ། ལས་སོ་སོའི་རྫས་སམ་དགྲ་བགེགས་ཞལ་དུ་ཕུལ་བར་བསམ་ཞིང་། ལིང་རོ་དང་ལྕགས་ཕྱེ་ཟངས་ཕྱེ་སྐེ་ཚེ་ཡུངས་ཀར་ཡུངས་དམར་ནག །མར་ནག་དང་ཁྲག་ལ་སོགས་པ་བསྙེན་སྔགས་ཀྱི་ཤམ་དུ་གནོད་བྱེད་མཱ་ར་ཡ་ཕཊ། ཅེས་པ་བཏགས་པའམ་ལས་སོ་སོའི་ཤམ་བུ་གདགས་ཤིང་བསམ་པ་དེས་དབུལ་ལོ། །འདོད་པའི་དོན་ལ་གསོལ་བ་གདབ། བཟོད་པར་གསོལ་ཏེ་ལྷ་མི་དམིགས་པར་བྱའོ། །གཏོར་མའི་ཟོར་ནི་སྒོ་དྲུང་དུ་ཁྱེར་ལ། བརྟན་མ་དགུག་པ་དང་ཟིལ་གྱིས་མནན། གཏོར་མ་སྦྱིན། ལས་གཞོལ། གཤེགས་སུ་གསོལ་བའི་ཏིང་ངེ་འཛིན་རྣམས་ཞེས་སོ། །དེ་ནས་དགྲ་བགེགས་ཀྱི་རྣམ་ཤེས་མར་མེ་འདྲ་བ་ལ། གཏོར་མ་དུག་ཐུན་ཕོག་པས་དགྲ་བགེགས་ཀྱི་རྣམ་ཤེས་མར་མེ་ལྟ་བུ་ ― LT30_Page_0223 ―
[མ་དཔེ་གཟིགས་ན་འདིར་གནོན།]
བསད་ཅིང་བསྒྲལ་ལོ། །རླུང་ཕྱོགས་སུ་འགྲོ་བ་དང་བསྟུན་ལ་གཏོར་མ་འཕང་། ཟོར་ལམ་ན་དགྲ་བགེགས་གཞན་ཡོད་དུ་དོགས་ན་ལམ་ཕྱེ། བཟུང་ཅིག་ཅེས་བརྗོད་པར་བྱའོ། །བསྙེན་པ་རྐྱང་པ་བྱེད་ན་བཟླས་པ་ཡན་ཆད་ཀྱིས་གཏུབ། དུས་ཀྱི་ཚོགས་ལྟ་བུ་བྱེད་ན་གཞུང་བཞིན་དུ་རྫོགས་པར་བྱེད་དེ། འོན་ཀྱང་གདབ་དང་། མནན་པ་དང་། སྦྱིན་སྲེག་མི་བྱེད། སྤྲོས་པ་ལ་དགའ་ན་གདབ་པར་བྱ། མནན་བསྲེག་མི་བྱ། བསྙེན་པ་འབུམ་ཕྲག་བཅུ་དྲུག་སོང་ནས་མནན་བསྲེག་བྱའོ། །དཀྱིལ་འཁོར་བྲིས། སྒྲུབ་པ་བྱེད་པའི་ལུགས་འདི་མི་བརྗོད་དེ། ལས་འདི་ཉིད་ཀྱིས་འགྲུབ་ཅེས་གསུངས་སོ། །གཏོར་མ་བཏང་ནས་ཡར་ལོག་པ་དང་། ཆོས་བདག་མེད་པར་བསྒོམ་པ་དང་། སྔགས་བཟླས་པས་བསྲུང་། ནང་དུ་ཆང་ལ་སོགས་པ་ལོངས་སྤྱད། ལས་བཞིའི་བྲོ་དང་། གླུ་གར་དང་། བཀྲ་ཤིས་ཀྱི་ཚིག་མང་དུ་བརྗོད། ཤིན་ཏུ་བསྡུས་པའི་བསྙེན་སྒྲུབ་ཀྱི་ཡིག་ཆུང་འདི་ནི། བླ་མ་གོང་མ་རྣམས་ཀྱི་གསུང་དང་ཕྱག་ལེན་ཇི་ལྟར་མཛད་པ་ལྟར་དོན་བསྡུས་ཏེ། དགེ་བསྙེན་གྲགས་པ་རྒྱལ་མཚན་གྱིས་དཔལ་ས་སྐྱའི་དགོན་པར་བྲིས་པ་རྫོགས་སོ།། ༈ །།མཆོད་གཏོར་བསྡུས་པ་བཞུགས། བླ་མ་དང་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །རྡོ་རྗེ་ཕུར་པའི་མཆོད་གཏོར་བསྡུས་པ་བྱེད་པར་འདོད་པས། ཤ་ཁྲག་ཕུད་དང་བཅས་པའི་གཏོར་མ་དཔལ་དང་ ― LT30_Page_0224 ―
[མ་དཔེ་གཟིགས་ན་འདིར་གནོན།]
བཅས་ལ་ཅི་འབྱོར་བཤམས་ལ་བདག་གི་རྣལ་འབྱོར་རྫོགས་པར་བསྒོམས་ཏེ། གཏོར་མ་ཨོཾ་ཨཱཿཧཱུྃ་ངམ། ཨོཾ་བ་ལི༚་ཏ་ཏེ་ཛོ་བ་ལི༚་ཏ་བ་ལ་ཏེ་གུ་ཧྱ་ས་མ་ཡེ་སྭཱ་ཧཱ། ཞེས་པ་དང་། ཨོཾ་ལྔ་ལས་འདོད་ཡོན་ལྔར་བྱིན་གྱིས་བརླབ་བོ། །ཨོཾ་ཨཱཿཧཱུྃ་ཏྲཱཾ་ཧྲཱིཿཨཱཿལས་བྱང་བའི་ཕུད་ཤ་ལྔ་བདུད་རྩི་ལྔ་ལས་བྱུང་བའི་ཡེ་ཤེས་ཀྱི་བདུད་རྩི་དང་རཀྟ་རཾ་ལས་དགྲ་བགེགས་བསྒྲལ་བའི་ཤ་ཁྲག་ཏུ་བྱིན་གྱིས་བརླབ་བོ། །དེ་ནས་མདུན་དུ་དབང་ཕྱུག་ཕོ་མོའི་སྟེང་དུ་ཧཱུྃ་ལས་རྡོ་རྗེ་རྩེ་ལྔ་པ་ཧཱུྃ་གིས་མཚན་པའི་མཐའ་མར་ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཅེས་པའི་འོད་ཀྱི་འཕྲོ་འདུ་ལས་བྱུང་བའི་བཅོམ་ལྡན་འདས་རྡོ་རྗེ་གཞོན་ནུ་སྐུ་མདོག་སྔོན་པོ་ཞལ་གསུམ་ཕྱག་དྲུག་པ་གཡས་དཀར་གཡོན་དམར། གཡས་དང་པོ་རྡོ་རྗེ་རྩེ་དགུ་པ། བར་པ་རྡོ་རྗེ་རྩེ་ལྔ་པ། གཡོན་དང་པོ་མེ་དཔུང་། བར་པ་ཁ་ཊྭཱཾ་ག །འོག་མ་གཉིས་ཕུར་པ་འདྲིལ་བ། སྐུ་ཆེ་ཞིང་རགས་པ། མཆེ་བ་གཙིགས་ཤིང་སྤྱན་གསུམ་དམར་བ། དབུ་སྐྲ་གྱེན་དུ་བརྫེས་པ། གླང་པོ་ཆེའི་ཀོ་རློན་དང་། ཞིང་ཆེན་གྱི་གཡང་གཞི་གསོལ་བ། སྟག་གི་པགས་པའི་ཤམ་ཐབས་ཅན། སྦྲུལ་གྱིས་བརྒྱན་པ། ཐོད་པ་ཁྲག་འཛག་པས་དོ་ཤལ་བྱས་པ། སྐམ་པོ་ལྔ་ལྔས་དབུ་བརྒྱན་པ། རཀྟའི་ཐིག་ལེ་ཞག་གི་ཟོ་རིས་ཐལ་ཆེན་གྱི་ཚོམ་བུས་བརྒྱན་པ། ཞི་བའི་ཆ་ལུགས་རྫོགས་པའི་བརྡར་རིན་པོ་ཆེས་བརྒྱན་པའོ། །དེ་ནས་རང་གི་ཕུང་པོ་ཁམས་དང་སྐྱེ་མཆེད་དང་སྐྲ་དང་བ་སྤུའི་བུ་ག་ཐམས་ཅད་ཁྲོ་བོས་ ― LT30_Page_0225 ―
[མ་དཔེ་གཟིགས་ན་འདིར་གནོན།]
གཏམས་པར་བསམ་མོ། །དང་འདྲ་བ་དེའི་ཐུགས་ཀར་ཉི་མའི་སྟེང་དུ་ཡེ་ཤེས་སེམས་དཔའ་རང་ལྟ་བུ་མཚོན་གང་བ་གཅིག་བསམ། དེའི་ཐུགས་ཀར་ཟླ་བ་ལ་ཧཱུྃ་ལས་རྡོ་རྗེ་ཡུངས་འབྲུ་ཙམ་གྱི་ལྟེ་བ་ལ་ཧཱུྃ་ཆུང་ངུ་གཅིག་བསམ་པ་ཏིང་ངེ་འཛིན་སེམས་དཔའོ། །དེ་ལ་ལྷ་ཐམས་ཅད་ཐིམ་པར་བསམས་ནས་དབང་བསྐུར། རིགས་ཀྱི་བདག་པོ་རྡོ་རྗེ་སེམས་དཔས་དབུར་བརྒྱན་པ་དེ་དཀྱིལ་འཁོར་ཐམས་ཅད་ཀྱི་བདག་ཉིད་དམ་ངོ་བོར་བསམ་པའི་ལྗགས་ལས་འོད་ཟེར་གྱི་སྦུ་གུས་གཏོར་མ་གསོལ་བར་བསམ་ཞིང་། དབུལ་བ་ནི། བླ་མེད་མཆོག་གི་མཆོད་པ་དམ་པར་སྦྱར་བ་འདི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོས། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །ཐུགས་དམ་བཞིན་དུ་ཅི་བདེར་བཞེས་སུ་གསོལ། །ཞེས་པས་འདོད་ཡོན་ལྔ་ཕུལ་ལ། ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་ཨི་དཾ་དྷཱུ་པཾ་པུཥྤཾ་དཱི་པཾ་གནྡྷཾ་བ་ལི༚་ཏ་པྲ་ཏིཙྪ་ཧོ་ཤྲི་བནྡྷ་ཁཱ་ཧི། ཞེས་པས་དབུལ་ཡང་ཨོཾ་བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི། ཞེས་པས་ཀྱང་མཆོད་དེ་ལྷ་ཐམས་ཅད་དགྱེས་ནས་ཧ་ཧ་ཧ་ཞེས་གསུངས་པར་བསམ། ཧཱུྃ་ཧཱུྃ་ཧཱུྃ་ཞེས་གསུངས་ནས་བདག་ལ་བྱིན་གྱིས་བརླབས། ཕཊ་ཕཊ་ཕཊ་ཅེས་པས་དགྲ་བགེགས་ཐམས་ཅད་བསྒྲལ་བར་བསམས་ལ་ཆོས་ཀྱི་དབྱིངས་སུ་སངས་རྒྱས་པར་བསྒོམ་མོ། །དེ་ནས་སྦྱོར་སྒྲོལ་གྱི་མཆོད་པ་ནི། ཐོག་མར་བདག་ཉིད་རྟོག་བསྒོམ་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ་ ― LT30_Page_0226 ―
[མ་དཔེ་གཟིགས་ན་འདིར་གནོན།]
མེད་པར་བསྒྲལ་བར་བྱ། །ཞེས་པ་དང་། ཐབས་དང་ཤེས་རབ་བམ། །ཟག་པ་མེད་པའི་མཆོད་པ་ནི། །འཁྲིལ་བའི་མཆོད་ཆེན་མཉམ་སྦྱོར་བའི། །ཐབས་དང་ཤེས་རབ་གཉིས་མེད་པ། །པདྨོ་ལ་ནི་རྡོ་རྗེ་ཞུགས། །བདག་ཉིད་མཆོད་པས་མཉེས་པར་བྱའོ། །ས་མ་ཡ་ཧོཿས་མ་ཡ་སྟྭཾ། ར་གོ་ཡཾ་ཨ་ནུ་ར་ག་ཡ་མི། བོ་དྷི་ཙི་ཏ་ཞེས་པ་དང་། གཉིས་སུ་མེད་པའི་མཆོད་པ་དངོས་ནི། །མཉམ་པའི་སྒྲུབ་རྫས་ཆེན་པོ་དགོད། །བདག་དང་མཉམ་པའི་ཚོགས་ལ་འབུལ། །བཟའ་དང་བཅའ་དང་བཏུང་དང་བགོ། །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ནི་དཀྱིལ་འཁོར་ཐིམ། །ཨ་ལ་ལ་ཏེ་དཀྱིལ་འཁོར་ཐིམ། །ཞེས་པ་དང་། ཛཿཧཱུྃ་བྃ་ཧོཿཞེས་བརྗོད་ལ། །བྱང་སེམས་མཁའ་ནས་བླངས་ལྷ་ཐམས་ཅད་ཀྱི་ལྗགས་ལ་བཞག་པར་མོས་ཏེ། ཤྲཱི་ཧེ་རུ་ཀ་མ་ཧཱ་བཛྲ་ཨཱ་བེ་ཤ་ཡ། པྲ་བེ་ཤ་ཡ་པྲ་བེ་ཤ་ཡ། པྲ་ཏཱི་ཙྪ་ཧོཿ ཤྲཱི་བནྡྷ་ཁ་ཧི། དེ་ནས་རཀྟ་དབུལ་བ་ནི། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲངས་ནས། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷཾ་རྒྱ་མཚོར་བསྐྱིལ། །མཁའ་འགྲོ་འབར་བའི་ཚོགས་བཅས་རྣམས། །མ་ལུས་གཤེགས་ནས་བསྣམས་སུ་གསོལ། །ཛཿཧཱུྃ་བཾ་ཧོཿ ཤྲཱི་ཧེ་རུ་ཀ་མ་ཧཱ་བཛྲ་ས་མ་ཡ་མུ་ཏྲ་ཁ་ཁ་ཁཱ་ཧི་ཁཱ་ཧི་ཧྲཱིཿ དེ་བི་ས་ཧཱུྃ་ཕཊ། ཅེས་པ་དང་། ཁམས་གསུམ་ཡོངས་སུ་བསྒྲལ་ ― LT30_Page_0227 ―
[མ་དཔེ་གཟིགས་ན་འདིར་གནོན།]
བའི་མཆོད་པ་ནི། །ཧཱུྃ་ང་ནི་ཟ་བྱེད་ཆེན་པོ་སྟེ། ཁམས་གསུམ་མ་ལུས་བསྒྲལ་བར་བྱ། །གདུལ་དཀའ་མ་ལུས་འདུལ་བའི་ཕྱིར། །ཤ་རུས་ལ་སོགས་བཟའ་བར་བྱ། །ང་ནི་ཁྲག་འཐུང་ཆེན་པོ་སྟེ། །དམར་ཆེན་པོ་ཡི་རྒྱ་མཚོར་བསྐྱིལ། །འཁོར་བའི་དྲ་བ་གཅད་པའི་ཕྱིར། །འཁོར་གྱི་ཕྲ་མེན་ཚོགས་རྣམས་ཀྱིས། །མ་ལུས་གཤེགས་ནས་བསྣམས་སུ་གསོལ། །ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་ཨ་མྲྀ་ཏ་ཁཱ་ཧི། ཞེས་པས་མཆོད་ལ། བསྟོད་པ་ནི། སྒེག་པ་དཔའ་བ་འཇིགས་སུ་རུང་བ་དང་། ཞེས་པ་ལ་སོགས་པས་བསྟོད་དོ། །དེ་ནས་དངོས་གྲུབ་བླངས། བར་ཆད་ཞི་བར་གསོལ་བ་གདབ། ཡེ་ཤེས་པ་དང་བཅས་པ་བདག་ལ་བསྡུས་ཏེ་བརྟན་པར་བྱའོ། །འདི་ལས་ཀྱང་བསྡུས་པ་བྱེད་ན། བདག་བསྐྱེད་བསྒོམས་ནས། གཏོར་མ་ཡི་གེ་གསུམ་གྱིས་བྱིན་གྱིས་བརླབས། མདུན་དུ་ཡང་སྔ་མ་ལྟར་བསྐྱེད་ནས། ལྷ་ཐམས་ཅད་ཀྱི་ངོ་བོར་བསམ་པ་ནས་བླ་མེད་མཆོག་ཚིག་རྣམས་དང་། ཆོས་ཉིད་དུ་སྤར་བའི་བར་དུའོ། །དེ་ནས་མཆོད་པ་རྣམས་དང་བསྟོད་པ་བྱའོ། །འདོད་པའི་དོན་ལ་གསོལ་བ་གདབ། དགེ་བའི་རྩ་བ་རྣམས་སངས་རྒྱས་སུ་བསྔོ། མདུན་བསྐྱེད་བདག་ལ་བསྡུ། བསྲུང་བར་བྱའོ། །རྗེ་བླ་མའི་གསུང་བཞིན་བྲིས་པ་རྫོགས་སོ། །བཟླས་པའི་ཚུལ་གསུམ་ལས་ཨོཾ་བཛྲ་ཀཱི་ ― LT30_Page_0228 ―
[མ་དཔེ་གཟིགས་ན་འདིར་གནོན།]
ལི་ཀཱི་ལ་ཡ་ཧཱུྃ་ཕཊ། སྡིག་སྦྱོང་དུ་སྔགས་བཟླས་པའོ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཆོས་ཉིད་སྐྱེ་མེད་དུ་བཟླས་པའོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི།།།ན་བཾ་ཧཱུྃ་ཕཊ། དགྲ་བགེགས་ཚར་བཅད་པར་བཟླས་པའོ། །རྒྱུན་གྱི་མན་ངག་ཇོ་མོའི་གདམས་ངག་རྫོགས་སོ། །སྙན་བརྒྱུད་ཡི་གེར་བྲིས་པ་རྡོ་རྗེ་ཕུར་པའི་སྦགས་ཕྲ་མེན་ཉིན་ཞག་གཅིག་གིས་བསྲུང་བ། ཞི་རྒྱས་དབང་མངོན་སྤྱོད་ཀྱི་བསྲུང་བ་ལ། རང་རྡོ་རྗེ་གཞོན་ནུར་གསལ་བའི་ཕུར་པ་ཨོཾ་ཨཱཿཧཱུྃ་གསུམ་དུ་བྱས་པས་ཕུར་པའི་སྐུ་གསུང་ཐུགས་ལ་ཐིམ་པས་ཕུར་པ་དེ་སྟོད་ཁྲོ་བོ་སྔོན་པོ་ཞལ་གཅིག་ཕྱག་གཉིས་པས་ཕུར་པ་འཛིན་པ་སྨད་ཕུར་པའི་དཔལ་དར་སྔོན་པོའི་ཤམ་ཐབས་ཅན་དུ་བསམ་མཆུ་བཙུགས་ལ་བཛྲ་ཀཱི་ལི་ཀཱི་ལ་ཡ་སརྦ་དུཥྚ་ན་ཧཱུྃ་ཕཊ་བརྒྱ་རྩ་བརྒྱད་བཟླས་སོ། །འགྲོ་ན་ལུས་ལ་བཅང་། ཉལ་ན་སྔས་སུ་གཟུག་པར་བྱའོ། །རྦོད་གཏོང་དང་དགྲ་བགེགས་ལ་སོགས་པའི་སྦྱོར་བ་ངན་པ་བྱེད་པ་མི་ཚུགས་སོ། །སློབ་དཔོན་པདྨས་རྣལ་འབྱོར་པའི་བར་ཆད་བསྲུང་བའི་དོན་དུ་མཛད་པ་རྫོགས་སོ། །རྡོ་རྗེ་ཕུར་པ་གདོན་དྲག་པོ་འདུལ་བྱེད་ཅེས་ཀྱང་བྱ། གཟས་པ་པོ་ཁ་འཆིང་བ་ཞེས་ཀྱང་བྱ། བཟླས་པ་ཁྲི་བྱས་ན་འགྲུབ་པར་འགྱུར། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་གནོད་བྱེད་སརྦ་བིགྷྣཱན་བཛྲ་ཨཾ་ཀུ་ཤ་ཛཿཛཿཨ་བརྟ་ཡ། དྷ་རོ་ཨ་ཛྙིད་བཛྲ་ཨ་སེ་ཥ་ཨོཾ་བཛྲ་ཨ་སེ་ཥ་ཧཱུྃ་ཨ། སྙིང་ཁྲག་ཀུ་ལུ་ནན། བཾ་ཙིཏྟ་གནོད་ ― LT30_Page_0229 ―
[མ་དཔེ་གཟིགས་ན་འདིར་གནོན།]
བྱེད་སོགས་མཱ་ར་ཡ་ཧཱུྃ་རྦད། ཁ་ཁ་ཧ་ཧ་ཧཱུྃ་ཧཱུྃ་ཕཊ། སྔས་སུ་གྲུ་གསུམ་མཐོ་གང་བ་བྱས་ལ་གནོད་པའི་མིང་བྱང་བཅུག་ལ་ཁྲག་དང་ཡུངས་ཀར་གྱི་ཐུན་བྱ། ཕུར་པ་བརྡེག །རྡོ་རྗེ་ཕུར་པའི་ལྷ་ཚོགས་ལ་བཅོལ་བསྐུལ་བྱ། ཞག་བདུན་གྱིས་གདོན་དྲག་པོ་རྣམས་འཇོམས། ཚེར་མ་ཅན་གྱི་མེ་ལ་བསྲེག །ཐལ་བ་གནོད་པའི་ཕྱོགས་སུ་འཕངས་ལམ་དུ་མནན་པ་བྱ། ཕུར་པའི་གདོན་འདུལ་རྫོགས་སོ། །ན་མོ་གུ་རུ། རྡོ་རྗེ་གཞོན་ནུ་རྒྱན་གྱི་གདམས་ངག་སངས་རྒྱས་ལག་བཅངས་ཀྱི་དགོངས་པ། སྤྱི་གཙུག་ཏུ་ཧཱུྃ་སྔོན་པོ་གཅིག་བསམ། འོད་ཟེར་འཕྲོས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། དུས་གསུམ་གྱི་སངས་རྒྱས་ཐམས་ཅད་མཆོད། ཚུར་འདུས་རང་གི་སྡིག་སྒྲིབ་སྦྱངས་།།།པར་བསམ་དེ་བཞིན་ཉིད་ཀྱི་ཏིང་ངེ་འཛིན་ཆུའི་ཟླ་བ་ལྟར་གསལ་ལ་རང་བཞིན་མེད་པ་ཀུན་ཏུ་སྣང་བའི་ཏིང་ངེ་འཛིན། ཧཱུྃ་སྔོན་པོ་རྒྱུའི་ཏིང་ངེ་འཛིན་དེ་གྱུར་པ་ལས་རྡོ་རྗེ་གཞོན་ནུ་ཞལ་གསུམ་ཕྱག་དྲུག་པ་ཞབས་བཞི་པ་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པར་བསྒོམ། དེའི་ཐུགས་ཀར་ཡེ་ཤེས་སེམས་དཔའ་ཚོན་གང་བ་བདག་འདྲ་བ་གཅིག་བསྒོམ། དེའི་ཐུགས་ཀར་རྡོ་རྗེ་རྩེ་དགུ་པ་གཅིག་བསྒོམ། དེའི་ལྟེ་བར་ཉི་མའི་དཀྱིལ་འཁོར་སྲན་མ་ཕྱེད་བཀས་པ་ཙམ་གཅིག་བསྒོམ། དེ་ལ་ཧཱུྃ་སྤུ་ཤད་ལྟ་བུ་བསམས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། །ཅེས་པས་འབྲུ་དགུ་གསེར་གྱི་བ་ཐག་ལྟ་ ― LT30_Page_0230 ―
[མ་དཔེ་གཟིགས་ན་འདིར་གནོན།]
བུས་བསྐོར་བ་ལ། སྔགས་ཀྱི་འོད་ཟེར་ཏིང་ངེ་འཛིན་སེམས་དཔའ་གསལ། དེས་ཡེ་ཤེས་སེམས་དཔའ་གསལ། དེས་དམ་ཚིག་སེམས་དཔའ་གསལ། དེས་སྡིག་པ་ཐམས་ཅད་དག་པར་བསམ་ཞིང་བཟླས། སྟོང་ལ་སོགས་པ་ཅི་ནུས་བཟླས་སོ། །ཚུར་འདུས་བདག་ལ་ཐིམ། །བདག་ཡེ་ཤེས་སེམས་དཔའ་ལ་ཐིམ། དེ་ཏིང་ངེ་འཛིན་སེམས་དཔའ་ལ་ཐིམ། དེ་ཧཱུྃ་ལ། དེ་ཧ་ལ། དེ་མགོ་ལ། དེ་ཟླ་ཚེས་ལ། དེ་ཐིག་ལེ་ལ། དེ་ནཱ་ད་ལ། དེ་སྟོང་པ་འོད་གསལ་ཅིར་ཡང་མ་གྲུབ་པ་ལ་སེམས་བཞག་ལ་བསྒོམ་བཟླས་བྱས་པས་སྡིག་པ་ཐམས་ཅད་བྱང་བར་ཆད་གདོན་ཞི་ཞིང་ནད་དང་རིམས་ཐམས་ཅད་རྐྱེན་གློ་བུར་ཀུན་བཟློག་གོ། །ཚེ་འདི་ལ་རིག་འཛིན་གྱི་གྲལ་དུ་འགྲོ། ཕྱི་མ་རྡོ་རྗེ་གཞོན་ནུར་བདག་འགྱུར་རོ། །སློབ་དཔོན་པདྨས་མཁར་ཆེན་བཟའ་མཚོ་རྒྱལ་ལ་འབྲལ་ཁར་གདམས་པའོ། །སྣོད་དང་མི་ལྡན་པ་ལ་མི་སྦྱིན་ནོ། །རྫོགས་སོ། ། སློབ་མ་དབང་བསྐུར་བར་བྱེད་པའི་ཚུལ།― LT30_Page_0231 ―
[མ་དཔེ་གཟིགས་ན་འདིར་གནོན།]
སློབ་མ་དབང་བསྐུར་བར་བྱེད་པའི་ཚུལ་བཞུགས་སོ། ། ― LT30_Page_0232 ―
[མ་དཔེ་གཟིགས་ན་འདིར་གནོན།]
སློབ་མ་དབང་བསྐུར་བར་བྱེད་པར་འདོད་ན། ནངས་པར་དཀྱིལ་འཁོར་དུ་འཇུག་པར་བྱེད་རྒྱུའི་དེང་གི་ཉིན་པར་དེ། དགོངས་ཁའི་དུས་སུ་སློབ་མ་རྣམས། དཀྱིལ་འཁོར་ཁང་པར་འཚོགས་ན་དཀྱིལ་འཁོར་ལ་ཡོལ་བ་འཐུག་པོ་བཏང་སྟེ་བསྒྲིབ། དཀྱིལ་འཁོར་མ་བཤམས་པའི་སྔོན་དུ་ཡིན་ན་ཡང་། རྡུལ་ཚོན་བུམ་པ་སོགས་མི་མཐོང་བའི་ཕྱིར་སྒྲིབ་པ་ལེགས། དཀྱིལ་ཆོག་རྡོ་རྗེ་ལས་རིམ་ལྟར་ན་སྤྱི་དང་མཐུན་ཡང་། ཕུར་པའི་ཆོས་སྐོར་གྱི་རྩ་བའི་གཞུང་རྣམས་ཀྱི་བཞེད་དགོངས་མིན་པ་སྟ་གོན་རྣམ་བཞིའི་རིམ་པ་སོགས་གསར་མ་དང་སྦྱར་བ་དགོས་པའི་ངེས་པ་མེད་པས། སློབ་མ་སྟ་གོན་ཇི་ལྟར་སྐབས་སུ་བབས་པ་ལ་བྱ། དེ་ཡང་སློབ་མ་རྣམས་གུ་གུལ་གྱིས་བདུགས་ཁྲུས་བྱས། གྲལ་ལ་འཁོད། མེ་ཏོག་བཀྱེ་བསྡུ་བྱ། བླ་མས་ཆོས་བཤད་བྱས་ནས་མཎྜལ་འབུལ་དུ་བཅུག །སྐྱེ་རྒ་ན་དང་འཆི་བ་ཡི། །ཆུ་སྲིན་ལ་སོགས་འཇིགས་བྱེད་ལས། །འདོན་པར་མཛད་པ་ཁྱོད་འབའ་ཞིག །དགའ་ཆེན་ཁྱོད་བདག་སྟོན་པ་སྟེ། ། ― LT30_Page_0233 ―
[མ་དཔེ་གཟིགས་ན་འདིར་གནོན།]
སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་ཁྱེར་དུ། །མགོན་པོས་བདག་ནི་གཞུག་ཏུ་གསོལ། །ཅེས་ལན་གསུམ་རྗེས་ཟློས་ཀྱིས་གསོལ་བ་བཏབ། །བུ་ཚུར་གསང་བའི་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །ཁྱོད་ནི་གསང་བའི་སྣོད་ཡིན་ཏེ། །དམ་ཚིག་དམ་པ་བསྟན་པར་བྱ། །བྱང་ཆུབ་སེམས་ཀྱང་བསྐྱེད་པར་བྱ། །འཁོར་བ་དག་ལས་བསྐྱབ་པར་བྱ། །དཀྱིལ་འཁོར་ཆེན་པོར་གཞུག་པར་བྱ། །ཕྱི་ནང་གསང་བའི་དབང་བསྐུར་རོ། །ད་ནི་དད་པ་བསྐྱེད་པར་བགྱི། །ཅེས་པ་ཙམ་མམ་སྤྲོ་ན། །རྫོགས་པའི་སངས་རྒྱས་གང་འདས་དང་། །དེ་བཞིན་གང་དག་མ་ ― LT30_Page_0234 ―
[མ་དཔེ་གཟིགས་ན་འདིར་གནོན།]
བྱོན་དང་། །ད་ལྟར་བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་བཞུགས་པ་ཀུན། །དེ་དག་ཀུན་གྱི་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ཏེ། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་མཉམ་མེད་དེ། །ཤཱཀྱ་སེང་གེ་སྐྱོབ་པ་ཡི། །དྲག་པོ་ཆེན་པོ་བདུད་ཀྱི་སྡེ། །སྟོབས་ཆེན་དག་ཀྱང་དེས་བཅོམ་སྟེ། །འཇིག་རྟེན་མཐུན་པར་གཤེགས་ནས་ཀྱང་། །འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །ཅེས་པའང་བརྗོད་དེ་སྤྲོ་བ་བསྐྱེད། །བདག་གིས་སྡིག་པ་བགྱིས་པ་དང་། །བགྱིད་དུ་སྩལ་དང་ཡི་རང་བ། །སངས་རྒྱས་སྤྱན་སྔར་མཆིས་ནས་སུ། །མ་ལུས་དེ་དག་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང་། །བསྒོམས་དང་བཟླས་བརྗོད་བསོད་ནམས་ཀྱི། །ཚོགས་ལ་བདག་ནི་ཡི་རང་ངོ། །སེམས་བསྐྱེད་མངོན་པར་སངས་རྒྱས་ནས། །ཆོས་ཀྱི་འཁོར་ལོ་བསྐོར་བ་དང་། །བྱང་ཆུབ་སེམས་དཔའི་ཐབས་ཀྱི་མཆོག །དེ་ལ་བདག་ནི་སྐྱབས་སུ་མཆི། །སེམས་ཅན་མ་ལུས་སྲིད་པར་ལྟུང་། །འགྲོ་བ་རྣམས་ལ་ཕན་པའི་ཕྱིར། །བདག་ནི་དེ་རིང་ཉིད་དུ་ནི། །བྱང་ཆུབ་སེམས་ནི་བསྐྱེད་པར་བགྱི། །བདེ་གཤེགས་རྒྱལ་བ་འཁོར་བཅས་པ། །མ་ལུས་བདག་ལ་དགོངས་སུ་གསོལ། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་སྡོམ་པ་ཡི། །ཡང་དག་ཉིད་དུ་བཟུང་བར་བགྱི། །རྡོ་རྗེ་རིགས་མཆོག་སྡོམ་པ་ནི། །རྡོ་རྗེ་དྲིལ་བུའི་ཕྱག་རྒྱ་ཡང་། །ཡང་དག་ཉིད་དུ་བཟུང་བར་བགྱི། །སློབ་དཔོན་དག་ཀྱང་བཟུང་བར་བགྱི། ། ― LT30_Page_0235 ―
[མ་དཔེ་གཟིགས་ན་འདིར་གནོན།]
རིན་ཆེན་རིགས་མཆོག་སྡོམ་པ་ནི། །དམ་ཚིག་ཡིད་དུ་འོང་བ་ལ། །ཉིན་རེ་ཞིང་ཡང་ལན་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་སྡོམ་པ་ནི། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ཀྱང་མ་ལུས་བཟུང་། །ལས་ཀྱི་རིགས་མཆོག་སྡོམ་པ་ནི། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །ཚུལ་ཁྲིམས་ཀྱི་ནི་བསླབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་བཟུང་བར་བགྱི། །སེམས་ཅན་ཀུན་གྱི་དོན་གྱི་ཕྱིར། །སངས་རྒྱས་ཉིད་དུ་བསྒྲུབས་ནས་ནི། །འཁོར་བའི་རྒྱ་མཚོར་བྱིང་བ་རྣམས། །བྱང་ཆུབ་གནས་སུ་སྒྲོལ་བར་ཤོག །རྒྱུན་བཤགས་དང་སྡོམ་བཟུང་འདི། །རྩ་བ་ལུགས་ཀྱི་དབང་བསྐུར་ལ་བྱེད་ལ། མནའ་སྣམ་པའི་ལུགས་དང་ཀྱི་ལུགས་སོགས་ལ་མི་བྱེད་དོ། །དངོས་སུ་མཎྜལ་ཚོམ་བུ་ལྔ་པ་ཞིག་བཤམས། །ཁྱེད་རང་རྣམས་ཀྱི་མོས་པ་ལ། །མཎྜལ་འདི་ཉིད་གཞལ་མེད་ཁང་དུ་མོས། །ཚོམ་བུ་ལྔ་པོ་གདོད་ནས་གྲུབ་པའི་རྒྱལ་བ་རིགས་ལྔར་གྱུར། པུཥྤེ་སོགས་མཆོད་པ་ལྔ་ཕུལ། ཨོཾ་བི་ཤུདྡྷེ་སརྦ་ཧི་ན་ཧཱུྃ་ཕཊ་ཅེས་སློབ་མ་བསངས། ཡུངས་ཀར་གཏོར་ལ་སུམྦྷ་བཟླས་པས་བགེགས་བསྐྲད། །མཎྜལ་གྱི་དབུས་ཀྱི་རྡོ་རྗེ་སེམས་དཔའ་ལས་རྡོ་རྗེ་སེམས་དཔའ་གཉིས་པ་ཆད་ནས་ཁྱེད་རང་རྣམས་ལ་ཐིམ། ཁྱེད་རང་རྣམས་རྡོ་རྗེ་སེམས་དཔའི་སྐུར་གྱུར། །གནས་གསུམ་དུ་བདུད་རྩིའི་ཐིག་ལེ་ ― LT30_Page_0236 ―
[མ་དཔེ་གཟིགས་ན་འདིར་གནོན།]
བྱས་ལ། ཨོཾ་ཙཀྲ་སྭཱ་ཧཱ་ཨོཾ། ཨཱཿཔདྨ་སྭཱ་ཧཱ་ཧྲཱིཿ ཧཱུྃ་བཛྲ་སྭཱ་ཧཱ་ཧཱུྃ་ཞེས་བརྗོད་ལ། །སྐུ་གསུང་ཐུགས་སུ་སྦྱོར་བ་ཡི། །ལུས་ངག་ཡིད་གསུམ་སྲུང་བ་དང་། །རྣམ་ཐར་གསུམ་ལ་འགོད་པའི་ཕྱིར། །བྱིན་གྱིས་བརླབས་པའི་གནས་མཛོད་ཅིག །དཔུང་སྐུད་བཅིང་པའང་སྤྱི་དང་འདྲ་སྟེ། ཧཱུྃ་ཞེས་དྲག་ཏུ་བཟླ་བ་དང་། །སྙིང་པོ་འབྲུ་བཅུ་དྲུག་པས་བསྲུང་བ་བྱ། །རྡོ་རྗེ་བསྲུང་བའི་དོན་དུ་ནི། །བདུད་རྩི་འཁྱིལ་པའི་སྔགས་ཀྱིས་བཏབ། །ལུས་ཀྱི་ཉེས་པ་བསལ་བ་དང་། །སྲུང་དང་སྟ་གོན་གནས་པར་མཛོད། །ཅེས་བརྗོད། སོ་ཤིང་། ཨོཾ་བཛྲ་ད་ན་ད་སམྦ་ར་ཏིཀྵ་་སྭཱ་ཧཱ། ཞེས་པས་བྱིན་གྱིས་བརླབས་ཤིང་སློབ་མ་ལ་གཏད། །ངག་གི་ཉེས་པ་བསལ་བའི་ཕྱིར། །དུར་ཁྲོད་སོ་ཤིང་དམ་པ་ནི། །དཀྱིལ་འཁོར་སྟེང་དུ་རབ་ཏུ་འཁོར། །དབང་གི་ལྷ་རྣམས་བསྟན་ཏུ་གསོལ། །ཅེས་བརྗོད་ནས་འདོར་དུ་གཞུག །ཁྱོར་ཆུ་སྦྱིན་པ་དང་འདྲ། ཟབ་མོའི་ཆོས་བཤད་པའི་སྒོ་ནས་སྤྲོ་བ་བསྐྱེད་པ་ནི། །ཡོད་མེད་དག་ལས་རྣམ་པར་འདས། །ནམ་མཁའ་ལྟ་བུར་དྲི་མ་མེད། །རབ་ཏུ་རྟོག་མེད་གནས་མེད་པ། །སྤྲོས་པ་ཐམས་ཅད་སྤངས་པ་ཡིན། །ཅེས་བརྗོད་ཅིང་དེའི་དོན་བསམ་དུ་གཞུག །འདི་ནི་ཡིད་དག་པར་བྱེད་པ་སྟེ། སྤྲོ་ན་དེའི་རྗེས་སུ། །འཇིག་རྟེན་དུ་ནི་ཀུན་མཁྱེན་དག །ཨུ་དུམྦཱ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་ཞིག། འབྱུང་འགྱུར་ཡང་ནི་མི་འབྱུང་ངོ་། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་དཀོན་པ་སྟེ། །གང་གི་སེམས་ཅན་མཉམ་མེད་དོན། །བླ་མེད་བྱེད་པར་ནུས་པ་ཡིན། ། ― LT30_Page_0237 ―
[མ་དཔེ་གཟིགས་ན་འདིར་གནོན།]
བསྐལ་པ་བྱེ་བ་དུ་མར་ནི། །སྔོན་ཏུ་སྡིག་པ་བྱས་པ་གང་། །དཀྱིལ་འཁོར་འདི་འདྲ་མཐོང་མ་ཐག །དེ་དག་ཟད་པར་འགྱུར་ཡིན་ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་ན་སྨོས་ཅི་དགོས། །སྐྱོབ་པའི་གསང་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །གང་དག་སྤྱོད་པ་མཆོག་འདི་ལ། །བློ་གྲོས་ཤིན་ཏུ་མི་གཡོ་ན། །སྡུག་བསྔལ་ཐམས་ཅད་འབྱུང་བ་ཡི། །ངན་འགྲོ་དེ་ཡིས་གཅོད་པར་འགྱུར། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཉམ་མེད་དེ་རིང་རྙེད། །གང་ཕྱིར་རྒྱལ་བ་སྲས་བཅས་ལ། །བདག་ཉིད་ཆེན་པོ་ཀུན་གྱི་ནི། །བསྟན་པ་འདི་ལ་ཁྱེད་རྣམས་ཀུན། །ཡོངས་སུ་བཟུང་སྟེ་སྐྱེ་བཞིན་པར། །དེ་ཕྱིར་ཁྱེད་རྣམས་ཐེག་ཆེན་དུ། །སང་ནི་རབ་ཏུ་སྐྱེ་བར་འགྱུར། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་ལྡན། །ཁྱེད་རྣམས་འདིར་ནི་དོང་བས་ན། །རང་བྱུང་སྐལ་པ་ཆེན་པོ་པ། །འཇིག་རྟེན་ཐམས་ཅད་མཁྱེན་པ་ཡི། །དེ་བཞིན་གཤེགས་པ་ཉིད་དུ་འགྱུར། །ཅེས་སོགས་སྤྲོ་བ་བསྐྱེད་པའང་འགྲུབ་ན་ལེགས། །དེ་རྗེས་ཡི་གེ་འབྲུ་གསུམ་གྱིས་བསྔགས་པའི་རྩྭའི་སྔས་དང་གདན་གཏད། །བུ་ཀྱེ་སང་ནས་དཀྱིལ་འཁོར་མཆོག །ཅེས་སོགས་ཉལ་བར་གདམས་ཤིང་རྨི་ལམ་བརྟག་པ་སྤྱི་དང་མཐུན་ཏེ་སློབ་མ་སྟ་གོན་གྱི་ཆོ་གའོ། །ནང་པར་དངོས་གཞིའི་སྐབས་སུ། བདག་འཇུག་དང་སློབ་མ་ལ་དབང་བསྐུར་བ་ནི། ལྷག་གཏོར་གྱིས་བྱེད་ཀྱང་ལེགས་པའི་སྐབས་ཞིག་ཡོད་མོད། འོན་ཀྱང་བཟླས་པའི་གཞུག་གི་བསྟོད་ ― LT30_Page_0238 ―
[མ་དཔེ་གཟིགས་ན་འདིར་གནོན།]
པ་སོང་བའི་མཚམས་དེར། དང་པོར་བདག་འཇུག་ལེན་པར་སྤྲོ་ན་འདི་ལྟར་བྱ་སྟེ། དེ་ལ་སྡོམ་ནི། གསོལ་བཏབ་དྲི་ལན་ལྷ་ལ་ཞུ། །ནང་འཇུག་ཕྱག་འཚལ་རྒྱུན་བཤགས་བྱ། །སྡོམ་བཟུང་མིག་དར་མེ་ཏོག་གཏད། །དམ་བཞག་ཡེ་ཤེས་དབབ་པ་དང་། །ལྟས་བརྟག་མེ་ཏོག་འབུལ་བ་དང་། །མིག་དར་བསལ་ལ་མེ་ཏོག་བཅིངས། །བལྷར་བསྐུལ་ལྷ་ངོ་དེ་ཉིད་བསྟན། །གསོལ་བཏབ་བགེགས་བསྐྲད་ཆུ་དབང་དང་། །དབུ་རྒྱན་རྡོ་དྲིལ་མིང་ཕྱག་མཚན། །སློབ་དཔོན་དབང་ལ་གསོལ་གདབ་དང་། །སློབ་མ་ལྷར་བསྐྱེད་རྡོ་དྲིལ་གཏད། །ཆུ་དབང་བསྐུར་ལ་བརྟན་བཞུགས་བྱ། །རིགས་ལྔའི་ཕྱག་མཚན་ཆོས་དུང་གཏད། །བཀའ་ཡི་གནང་བ་རྗེས་གནང་ཡིན། །གསང་བའི་དབང་ལ་གསོལ་གདབ་དང་། །དབང་བསྐུར་དངོས་དང་ལུང་བསྟན་ནོ། །ཤེར་དབང་གསོལ་བཏབ་ཐོག་མར་གདམས། །དྲི་བ་དྲི་ལན་གདམས་པ་དང་། །རིག་མ་གཏད་དེ་དབུགས་དབྱུང་བྱ། །བཞི་པ་ལ་ཡང་གསོལ་བཏབ་དང་། །བདུད་རྩི་སྦྱིན་ནས་བརྗོད་བྲལ་བསྒོམ། །དེ་རྗེས་དམ་ཚིག་བརྟན་པར་བྱ། །དེ་ལྟར་སྡོམ་པ་བློ་ཡུལ་དུ་ངེས་པར་བྱས་ནས། དང་པོ་གསོལ་བཏབ་ནི། །བླ་མ་སངས་རྒྱས་ཀུན་དང་མཉམ། །སློབ་དཔོན་ལ་ནི་སྐྱབས་སུ་མཆི། །རྡོ་རྗེ་གཞོན་ནུ་འཁོར་དང་བཅས། །ལྷ་རྣམས་ལ་ཡང་ཕྱག་འཚལ་ལོ། །མྱ་ངན་འདས་པའི་གྲོང་ཁྱེར་དུ། །སློབ་དཔོན་གྱི་ནི་བདག་གཞུག་གསོལ། གཉིས་པ་དྲི་བ་ནི། །བུ་ཁྱོད་སུ་ཡིན་ཅི་ལ་དགའ། །འདོད་དོན་གང་ཡིན་ཁྱོད་ཀྱིས་སྨྲོས། གསུམ་པ་ལན་ནི། །སྐལ་བཟང་བདག་ནི་བདེ་ཆེན་ལའོ། །བདག་ནི་གསང་བའི་དཀྱིལ་འཁོར་དུ། །རབ་ཏུ་འཇུག་པར་འཚལ་ལགས་སོ། །བཞི་པ་ལྷ་ལ་ཞུ་བ་ནི། །དེ་བཞིན་གཤེགས་པ་ཀུན་གྱི་གནས། །རྡོ་རྗེ་གཞོན་ནུའི་ ― LT30_Page_0239 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གི་སློབ་མ་གཞུག་པར་བགྱིད། ལྔ་པ་ནང་དུ་འཇུག་པ་ནི། །ཨོཾ་བཛྲ་ཀི་ལི་སོགས་དང་ཨཱ་ཁཾ་བཱི་ར་སོགས། སློབ་མ་དབང་བསྐུར་གྱི་དུས་སྐབས་འདིར་ཡོལ་བ་བསལ། དྲུག་པ་ཕྱག་འཚལ་བ་ནི། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་ངོ་བོ་ཉིད། །བདེ་གཤེགས་རྒྱལ་བ་འཁོར་བཅས་ལ། །ལུས་ངག་ཡིད་གསུམ་ཕྱག་འཚལ་ལོ། རྒྱུན་བཤགས་ཀྱི་སྔོན་དུ། སྡོམ་པ་སྒྲོགས་པར་བྱེད་པར་སྤྲོ་ན། །སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང་། །འདི་ནི་སངས་རྒྱས་རིགས་དག་པའི། །དམ་ཚིག་བརྟན་པོར་གྱུར་པའོ། །རྡོ་རྗེ་དྲིལ་བུའི་ཕྱག་རྒྱ་ཡང་། །བློ་ཆེན་གྱིས་ནི་བཟུང་བར་བྱ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །སློབ་དཔོན་དག་ཀྱང་བཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའི། །སྡོམ་པ་དམ་ཚིག་ཡིན་པར་གསུངས། །རིན་ཆེན་རིགས་མཆོག་ཆེན་པོ་ལ། །ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཕྱི་ནང་གསང་བ་ཐེག་པ་གསུམ། །དམ་ཆོས་ཁྱོད་ཀྱིས་གཟུང་བར་བྱ། །འདི་ནི་པདྨའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་ ― LT30_Page_0240 ―
[མ་དཔེ་གཟིགས་ན་འདིར་གནོན།]
གྱིས། །ཞེས་པ་སྤྱི་དང་མཐུན་པར་བྱེད་པར་བཤད་ཀྱང་། བསྡུ་ན་ངེས་པར་དགོས་པའང་མིན་པས། །བདག་གིས་སྡིག་པ་ཞེས་པས་ནས། གནས་སུ་སྒྲོལ་བར་ཤོག་གི་བར་སློབ་མ་སྟ་གོན་གྱི་བར་བཞིན། རྗེས་ཟློས་བྱར་གཞུག་སྟེ་བདུན་པ་རྒྱུན་བཤགས་དང་། བརྒྱད་པ་སྡོམ་བཟུང་ལན་གསུམ་བྱ། དགུ་པ་མིག་དར་ནི། ཨཱ་ཁཾ་བཱིར་ཧཱུཾ་གིས་བཅིངས། བཅུ་པ་མེ་ཏོག་ཀྱང་ཨཱ་ཁཾ་བིར་ཧཱུྃ་གིས་བཟུང་། བཅུ་གཅིག་པ་དམ་ལ་བཞག་པ་ནི། །རིགས་ཀྱི་བུ་ཁྱོད་ཚུར་ཉོན་ཅིག །དེ་རིང་བདེ་གཤེགས་ཐམས་ཅད་ཀྱི། །ནང་དུ་ཁྱོད་ནི་བཞུགས་པ་ཡིན། །སློབ་དཔོན་ལུང་བསྟན་ངས་ཀྱང་ནི། །བཅོམ་ལྡན་རྡོ་རྗེ་གཞོན་ནུ་ཡི། །ཡེ་ཤེས་ཁྱོད་ལ་བསྐྱེད་པར་བྱ། །རྣལ་འབྱོར་བུ་མཆོག་ཁྱོད་ཀྱིས་ནི། །དེ་བཞིན་གཤེགས་པའི་དཀྱིལ་འཁོར་གྱི། །དངོས་གྲུབ་དམ་པ་ཐོབ་འགྱུར་ན། །དངོས་གྲུབ་གཞན་རྣམས་ལྟ་ཅི་སྨོས། །དཀྱིལ་འཁོར་ཆེན་པོ་མ་མཐོང་བའི། །དྲུང་དུ་སྨྲ་བར་མ་བྱེད་ཅིག །ཅེས་དང་། །བཅོམ་ལྡན་རྡོ་རྗེ་གཞོན་ནུ་ནི། །དེ་རིང་ཁྱོད་ཀྱི་སྙིང་ལ་ཞུགས། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་དང་། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། །ཨོཾ་བཛྲ་པཉྩ་ཨ་མྲྀ་ཏ་ཧ་ན་ཧ་ན་ཋ་ཧཱུྃ་ཕཊ། །ཅེས་དང་། །དེང་ནས་བརྩམས་ཏེ་ཐམས་ཅད་དུ། །རྡོ་རྗེ་གཞོན་ནུ་ང་ཡིན་གྱི། །ང་ཡིས་སྨྲས་པ་བུ་ཡིས་གྱིས། །ང་ལ་བརྙས་པར་མ་བྱེད་ཅིག །ཁྱོད་ཀྱིས་གལ་ཏེ་བརྙས་ན་ནི། །ཁྱོད་ཀྱིས་སྡུག་བསྔལ་དང་བཅས་ཏེ། །ཚེ་ཡི་འདུ་བྱེད་བཏང་ནས་ནི། ། ― LT30_Page_0241 ―
[མ་དཔེ་གཟིགས་ན་འདིར་གནོན།]
སེམས་ཅན་དམྱལ་བ་ཆེན་པོར་ལྟུང་། བཅུ་གཉིས་པ་ཡེ་ཤེས་དབབ་པ་ནི། །སློབ་དཔོན་ཆེན་པོ་དགོངས་སུ་གསོལ། །སེམས་ཅན་ཀུན་ལ་ཕན་བྱའི་ཕྱིར། །རྡོ་རྗེ་གཞོན་ནུ་འཁོར་བཅས་རྣམས། །དེ་རིང་བདག་ལ་དབབ་ཏུ་གསོལ། ལན་གསུམ། །རང་གི་སྙིང་གར་ཧཱུྃ་ཡིག་སྔགས་ཀྱི་ཕྲེང་བ་དང་བཅས་པ་མེ་འོད་རབ་ཏུ་འབར་བ་དང་བཅས་པ་འཁོད་པར་གྱུར། བླ་མ་དང་དཀྱིལ་འཁོར་གྱི་གཙོ་བོ་དབྱེར་མ་མཆིས་པའི་ཐུགས་ཀ་ནས། རྡོ་རྗེ་མཁའ་འགྲོ་མ་ལྕགས་ཀྱུ་ཐོགས་པ་དཔག་ཏུ་མེད་པ་སྤྲུལ་ཞིང་སྤྲོས། ཕྱོགས་བཅུ་ན་བཞུགས་པའི་སངས་རྒྱས་བྱང་ཆུབ་སེམས་དཔའ་དཔའ་བོ་མཁའ་འགྲོ་ཐམས་ཅད་དང་། རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་ཀྱི་རྣམ་པར་སྤྱན་དྲངས། རང་གི་བ་སྤུའི་བུ་ག་ནས་ཞུགས་སྙིང་གའི་ས་བོན་སྔགས་བཅས་ལ་ཐིམ། སྡིག་སྒྲིབ་དག །སྐུ་གསུང་ཐུགས་ཀྱི་བྱིན་རླབས་ཞུགས། །ལུས་ནང་ཐམས་ཅད་འོད་ཀྱིས་གང་བར་གྱུར། །འབྲུ་བཅུ་དྲུག་པའི་སྔགས་ཀྱི་མཐར། ཨོཾ་བཛྲ་ཨ་བེ་ཤ་ཡ་ཨ་ཨ་ཨ། ཞེས་ལན་བརྒྱ་རྩ་སོགས་བརྗོད། ཏིཥྛ་བཛྲ། བཅུ་གསུམ་པ་རྟས་བརྟག་པ་ནི། ལས་དང་མཐུན་པའི་ནམ་མཁའི་ཁ་དོག་མཐོང་། སློབ་མ་དབང་བསྐུར་གྱི་སྐབས། །ནམ་མཁའི་ཁ་དོག་སྐབས་འདིར་འདྲི། །བཅུ་བཞི་པ་མེ་ཏོག་འབུལ་བ་ནི། །ཨོཾ། །དྲི་ཞིམ་མེ་ཏོག་དམ་པ་འདི། །དཀྱིལ་འཁོར་དམ་པར་དབུལ་བར་བགྱི། ཨོཾ་པྲ་ཏིཙྪ་བཛྲ་ཧོ། བཅོ་ལྔ་པ་མིག་དར་བསལ་བ་ནི། །སྔོན་གྱི་མིག་མཁན་རྒྱལ་པོ་ཡིས། །འཇིག་ ― LT30_Page_0242 ―
[མ་དཔེ་གཟིགས་ན་འདིར་གནོན།]
རྟེན་ལིང་ཐོག་བསལ་བ་ལྟར། །བཅོམ་ལྡན་རྡོ་རྗེ་གཞོན་ནུ་ཡིས། །ཁྱོད་ཀྱིས་མི་ཤེས་རབ་རིབ་བསལ། ཨོཾ་པྲ་བེ་ཤ་ཡ་ཕཊ། བཅུ་དྲུག་པ་མེ་ཏོག་བཅིངས་པས་དབང་བསྐུར་བ་ནི། །སྟོབས་དང་ལྡན་པའི་སེམས་ཅན་ཁྱོད། །མེ་ཏོག་འཕྲེང་བས་དབང་བསྐུར་རོ། །ཨོཾ་ཨཱཿཧཱུྃ་ཨ་བྷི་ཥཱིཉྩ་མི། མེ་ཏོག་སྤྱི་བོར་བཅིངས། བཅུ་བདུན་པ་བལྟ་བར་བསྐུལ་བ་ནི། །དཀྱིལ་འཁོར་བཟང་པོ་འདི་ལ་ལྟོས། །ཤེས་རབ་རྣམ་གསུམ་རབ་ཏུ་སྐྱེད། །ཁྱོད་ནི་ཐུགས་ཀྱི་རིགས་སུ་སྐྱེ། །བདེ་བར་གཤེགས་པས་བྱིན་གྱིས་བརླབས། །དངོས་གྲུབ་ཐམས་ཅད་མངོན་དུ་འགྱུར། །རིགས་དྲུག་སེམས་ཅན་ཐམས་ཅད་ལ། །བུ་བཞིན་སྙིང་རྗེ་ཀུན་ནས་བསྐྱེད། །གསང་བའི་ཆོས་ལ་དད་པ་གྱིས། བཅོ་བརྒྱད་པ་ལྷ་ངོ་ནི། སློབ་མ་དབང་བསྐུར་གྱི་སྐབས། །རྟེན་གྱི་དཀྱིལ་འཁོར་གྲུབ་པ་ནི། །ནམ་མཁའི་ཁམས་སུ་ཅེས་པ་ནས། གདན་རྣམས་སུ་གྱུར། ཅེས་པའི་བར་དང་། །བཅོམ་ལྡན་འདས་དཔལ་ཆེན་པོ་ཧེ་རུ་ཀ་ནས་གཉིས་མེད་འཁྱུད་ཅེས་པའི་བར་དང་། །ཁྲོ་བོ་བཅུ་འཁོར་དང་བཅས་པར་གྱུར་པ་ནས། དཔག་ཏུ་མེད་པ་དང་བཅས་པ་གྲུབ་པར་གྱུར། ཅེས་པའི་བར་ས་བོན་དང་སྔགས་རྣམས་ཁོར་བའི་སྒོ་ནས་ལྷ་ངོ་བསྟན། སྐབས་འདིར་རྟེན་དང་བརྟེན་པར་བཅས་པའི་དཀྱིལ་འཁོར་མངོན་སུམ་བཞིན་དུ་གསལ་བར་གྱུར། ཅེས་བརྗོད། བཅུ་དགུ་པ་དེ་ཁོ་ན་ཉིད་བསྟན་པ་ནི། །དཀྱིལ་འཁོར་གྲུ་བཞིར་གྱུར་པ་ནི། །ཚད་མེད་བཞི་རྣམས་དག་པའི་རྟགས། །སྒོ་བཞི་དྲན་པ་ཉེར་བཞག་བཞི། །གསལ་བར་དག་པའི་རྟགས་ ― LT30_Page_0243 ―
[མ་དཔེ་གཟིགས་ན་འདིར་གནོན།]
ཡིན་ནོ། །རྟ་བབས་ཡང་དག་སྤོང་བ་བཞིན། །རྣམ་པར་དག་པའི་རྟགས་ཡིན་ནོ། །དྲ་བ་དྲ་ཕྱེད་འཕྱང་བ་ནི། །ཉོན་མོངས་ཉེ་ཉོན་རྣམ་དག་པའོ། །ཀ་བ་བརྒྱད་ཀྱིས་དབུས་བརྒྱན་པ། །འཕགས་ལམ་བརྒྱད་པོ་རྣམ་དག་རྟགས། །རིན་ཆེན་ཕ་གུ་ལ་སོགས་བརྒྱན། །ཚུལ་ཁྲིམས་རྣམ་པར་དག་པའོ། །རྡོ་རྗེའི་རྭ་བས་བསྐོར་བ་ནི། །ཆོས་ཀྱི་འཁོར་ལོ་དག་པའི་རྟགས། །བཅོམ་ལྡན་རྡོ་རྗེ་གཞོན་ནུ་ནི། །རྣམ་ཤེས་ཚོགས་བརྒྱད་རྣམ་དག་པའོ། །ཁྲོ་བོ་ཆེན་པོ་བཅུ་རྣམས་ནི། །མི་དགེ་བཅུ་རྣམས་དག་པ་སྟེ། །དེ་རྣམས་ཀུན་གྱི་ཡོན་ཏན་གྱི། །ཆོས་རྣམ་རྣམ་དག་ཡུམ་རྣམས་སོ། །སྟོབས་བཅུ་རྣམ་དག་ཁྲོ་བོ་དང་། །དབང་བཅུ་རྣམ་དག་ཡུམ་རྣམས་ཏེ། །སྟོང་ཉིད་རྣམ་དག་ཕྱག་བསྙེན་ལ། །ཚངས་གནས་དག་པའི་སྒོ་སྲུང་། །དེ་ལྟར་ན་དཀྱིལ་འཁོར་དུ་ཞུགས་པ་ནི། །དད་པའི་ས་ཚོགས་ཀྱིས་ལམ་མོ། །ཉི་ཤུ་པ་དབང་དངོས་གཞིའི་དོན་དུ་གསལ་བ་གདབ་པ་ནི། མཎྜལ་ཕུལ་ལ། །སློབ་དཔོན་དམ་པ་དགོངས་སུ་གསོལ། །རྡོ་རྗེ་གཞོན་ནུའི་དབང་བསྐུར་བ། །སེམས་ཅན་ཀུན་ལ་ཕན་གདགས་ཕྱིར། །ཕྱིར་མི་ལྡོག་པའི་དབང་སྩོལ་ཅིག །ལན་གསུམ། ཉེར་གཅིག་པ་བགེགས་བསྐྲད་པ་ནི། སློབ་མ་དབང་བསྐུར་གྱི་སྐབས། གུ་གུལ་བདུག །ཡུངས་ཀར་གྱི་བྲབ། བདེན་པ་དར་དང་བཅས་ཏེ་བགེགས་སྐྲོད་པའི་ཚིག་བརྗོད་དགོས་ལ་བདག་མཇུག་གི་སྐབས། ཀཱི་ལི་བཟླས་ཤིང་རྡོ་རྗེ་གསོར་རོ། །ཉེར་གཉིས་པ་ཆུ་དབང་ནི། །ཨོཾ་སྭཱ་བྷཱ་ཝ་བི་ཤུདྡྷ་སརྦ་བྷརྨཱཿསྭ་བྷཱ་བ་བི་ཤུདྡྷོ་ཧཾ། །བདག་དང་ ― LT30_Page_0244 ―
[མ་དཔེ་གཟིགས་ན་འདིར་གནོན།]
དབང་རྫས་སྟོང་པའི་ངང་ལས། པད་ཉི་ལ་གནས་པའི་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས། བཛྲ་ཧེ་རུ་ཀ་ཡབ་ཡུམ་སྐུ་མདོག་མཐིང་ནག །རྡོ་རྗེ་དང་དྲིལ་བུ་འཛིན་པ། །དུར་ཁྲོད་ཀྱི་ཆས་ཐམས་ཅད་རྫོགས་པའོ། །དཔྲལ་བར་ཨོཾཿ མགྲིན་པར་ཨཱཿ ཐུགས་ཀར་ཧཱུྃ། ཡེ་ཤེས་སེམས་དཔའ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། དབང་རྫས་ཀྱི་ལྷ་ཞུ་བ་ལས་ཡེ་ཤེས་བུམ་པའི་ཆུར་གྱུར། །ཆེ་བའི་ཡོན་ཏན་ཀུན་རྫོགས་ཤིང་། །བྱང་ཆུབ་སེམས་ཆུས་རབ་གང་བ། །རྣམ་པར་དག་པའི་བུམ་པ་འདིས། །དེ་རིང་བུ་ཁྱོད་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ། །ཨརྒྷཾ་པུཥྤེ་ནས་ཤཔྡའི་བར་གྱིས་མཆོད། ཉེར་གསུམ་ཅོད་པན་གྱི་དབང་ནི། གཞན་རྣམས་དེ་དང་འདྲ་བ་ལས་པདྨ་དང་ཉི་མའི་སྟེང་དུ་སྭཱ་ལས་རིན་པོ་ཆེ་སྭཱས་མཚན་པ་ལས། རངྣ་ཧེ་རུ་ཀ་ཡབ་ཡུམ་སྐུ་མདོག་སེར་པོ། །རིན་པོ་ཆེ་དང་དྲིལ་བུ་འཛིན་པ། དུར་ཁྲོད་ཀྱི་ནས་ཞུ་བ་ལས་བྱུང་བའི་ཅོད་པན་དུ་གྱུར་གྱི་བར་གོང་བཞིན་དེ་བཞིན་གཤེགས་པ་ཀུན་གྱི་རྒྱན། །སངས་རྒྱས་ཀུན་གྱིས་བསྔགས་པ་ཡི། །དབུ་རྒྱན་རིན་ཆེན་དམ་པ་དང་། །དར་དཔྱངས་དག་གིས་དབང་བསྐུར་རོ། །ཨོཾ་བཛྲ་མུ་ཀུ་ཊ་རཏྣ་ཨ་བྷི་ཥིཉྩ་ཏྲཱཾ། གོང་བཞིན་མཆོད། ཉེར་བཞི་པ་རྡོ་རྗེའི་དབང་ནི། སྔ་མ་གཉིས་ལ་འདོན་པ་བསྒྱུར་ཏེ། །ཨ་ལས་པདྨ་ཨས་མཚན་པ། པདྨ་ཧེ་རུ་ཀ་ཡབ་ཡུམ་སྐུ་མདོག་དམར་པོ་པདྨ་དང་དྲིལ་བུ་འཛིན་པ་རྡོ་རྗེར་གྱུར། །འདི་ནི་སངས་རྒྱས་ཐམས་ཅད་ཀྱི། །ཡེ་ཤེས་བྱང་ཆུབ་སེམས་ཡིན་ཏེ། །གཉིས་མེད་ ― LT30_Page_0245 ―
[མ་དཔེ་གཟིགས་ན་འདིར་གནོན།]
དོན་གྱི་ངོ་བོ་འདིས། །དེ་རིང་ཁྱོད་ལ་དབང་བསྐུར་རོ། །ཨོཾ་བཛྲ་བོདྷི་ཙིཏྟ་ཨ་བྷི་ཥིཉྩ་ཧཱུྃ། མཆོད། ཉེར་ལྔ་པ་དྲིལ་བུའི་དབང་ནི། །ཧཱ་ལས་རྒྱ་གྲམ་ཧཱས་མཚན་པ་ལས། ཀརྨ་ཧེ་རུ་ཀ་ཡབ་ཡུམ་སྐུ་མདོག་ལྗང་ཁུ། རལ་གྲི་དང་དྲིལ་བུ་འཛིན་པ། དྲིལ་བུར་གྱུར། འདི་སྟེ་སངས་རྒྱས་ཐམས་ཅད་ཀྱི། །བྱང་ཆུབ་བསྒོམ་ཕྱིར་རང་བཞིན་ནོ། །ཤེས་རབ་དབྱངས་ཀྱི་རྗེས་འགྲོ་བ། །དེ་རིང་ཁྱོད་ལ་འདིས་དབང་བསྐུར། །ཨོཾ་བཛྲ་ཨ་ཏི་པ་ཏི་ཨ་བྷི་ཥིཉྩ་ཧཱུྃ། ཉེར་དྲུག་པ་མིང་གི་དབང་ནི། །ཨོཾ་ལས་འཁོར་ལོ་ཨོཾ་གྱིས་མཚན་པ། བུདྡྷ་ཧེ་རུ་ཀ་ཡབ་ཡུམ་སྐུ་མདོག་དཀར་པོ་འཁོར་ལོ་དང་དྲིལ་བུ་འཛིན་པ། རྡོ་རྗེ་དང་དྲིལ་བུར་གྱུར། །འདི་སྟེ་སངས་རྒྱས་དངོས་ཡིན་ཏེ། །རབ་ཏུ་བསྔགས་པ་གསང་བའི་མིང་། །རྡོ་རྗེ་ཆེ་གེ་མོ་ཞེས་པས། །དེ་རིང་ཁྱོད་ལ་དབང་བསྐུར་རོ། །ཨོཾ་བཛྲ་སཏྭ་བཛྲ་ན་མཿཨ་བྷི་ཥིཉྩ་ཧཱུྃ། སློབ་མ་དབང་བསྐུར་གྱི་སྐབས་གསང་མིང་འདོགས་ཏེ། སྤྱི་དང་མཐུན་པ་ཉིད་ལེགས་ཤིང་། རྙིང་མ་བ་རང་ལུགས་ཀྱི་རྡོ་རྗེ་ཐོད་ཕྲེང་རྩལ་སོགས་རིགས་ལྔ་དང་མི་འགྱུར་ལྷུན་གྲུབ་མི་ལྡོག་ཡང་དག །དྲི་མེད་གྲུབ་པ་རྣམས་ལ་རྩལ་གྱི་མཐའ་ཅན་དུ་བྱད་པ་སོགས་ཀྱང་འདུག་ཅིང་། མེ་ཏོག་གང་ལ་ཕོག་པའི་ལྷའི་མཚན་རྟགས་ཀྱང་ལེགས་པ་ཡིན་ནོ། །མཚན་དེ་ལྟར་ན་དབང་ལྔ་བསྐུར་བས། ཉོན་མོངས་ལྔ་ཡེ་ཤེས་ལྔར་གྱུར། ཕུང་པོ་ལྔ་རྒྱལ་བ་ལྔའི་ངོ་བོར་སངས་རྒྱས་པ་ཡིན་ནོ། །ཉེར་བདུན་པ་ཕྱག་མཚན་གྱི་དབང་ནི། །བདག་ཉིད་བཛྲ་ཧེ་རུ་ཀ་རྡོ་རྗེ་གཞོན་ནུའི་ངོ་བོར་གྱུར། ཨ་ ― LT30_Page_0246 ―
[མ་དཔེ་གཟིགས་ན་འདིར་གནོན།]
ལས་བྱུང་བའི་བནྡྷ་ཧཱུྃ་ལས་བྱུང་བའི་རྡོ་རྗེ་རྩེ་དགུ་པའོ། །ཤེས་རབ་པདྨའི་སྣོད་ཀྱི་མཆོག། ཐབས་མཆོག་རྡོ་རྗེ་རྩེ་དགུ་པ། །ཐབས་དང་ཤེས་རབ་ཕྱག་མཚན་འདི། །དེ་རིང་ཁྱོད་ལ་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་པྲཛྙཱ་ཨུ་པ་ཡ། ས་མ་ཨ་བྷི་ཥིཉྩ་ཧཱུྃ། སྤྲོ་ན་ཅོད་པན་དང་འདིའི་བར་ལ། རྟེན་བྱེད་ཀྱི་ཆུ་དབང་རེ་ཡང་བསྐུར་བར་འདུག་གོ། །ཉེར་བརྒྱད་པ་སློབ་དཔོན་གྱི་དབང་ལས་དོན་ཚན་ཐོག་མ་གསོལ་བཏབ་ནི། མཎྜལ་ཕུལ་ནས། །སློབ་དཔོན་དམ་པ་དགོངས་སུ་གསོལ། །སེམས་ཅན་ཀུན་ལ་ཕན་བཏགས་ཕྱིར། །བདག་ནི་རྟག་ཏུ་སློབ་དཔོན་བགྱིད། །དེ་རིང་བདག་ལ་ལུང་བསྟན་སྩོལ། ལན་གསུམ། དོན་ཚན་གཉིས་པ་ལྷར་བསྐྱེད་པ་ནི། །དབང་སྟེགས་ཀྱི་སྟེང་དུ་རང་ཉིད་རྡོ་རྗེ་གཞོན་ནུ་ཤེས་རབ་མ་དང་བཅས་པའི་སྐུར་གྱུར། སྟེང་དུ་གདུགས་དཀར་པོ། །མཐའ་བསྐོར་དུ་མཆོད་པའི་སྤྲིན་གྱི་ཕུང་པོ་དང་བཅས་པའོ། །དོན་ཚན་གསུམ་པ་རྡོར་དྲིལ་གཏད་པ་ནི། །ཧཱུྃ་ལས་བྱུང་བའི་རྡོ་རྗེ་དང་། །ཨ་ལས་བྱུང་བའི་དྲིལ་བུ། །ཐབས་མཆོག་ཡེ་ཤེས་རྡོ་རྗེ་དང་། །ཤེས་རབ་ཆོས་ཀྱི་དྲིལ་བུ་གཟུང་། །ཕྱག་རྒྱ་ཆེན་པོར་བྱིན་གྱིས་བརླབས། །དམ་ཚིག་གསུམ་པོ་རབ་ཏུ་བརྟན། དོན་ཚན་བཞི་པ་ཆུ་དབང་བསྐུར་བ་ནི། །སངས་རྒྱས་ཐམས་ཅད་གཅིག་བསྡུས་པ། །དཔལ་ཆེན་རྡོ་རྗེ་གཞོན་ནུ་ཡི། ཁམས་གསུམ་ཆོས་ཀྱི་རྒྱལ་པོ་རུ། །དེ་རིང་ཁྱོད་ལ་དབང་བསྐུར་རོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། བཛྲ་ཨ་བྷི་ཥིཉྩ་ཧཱུྃ། །དོན་ཚན་ལྔ་པ་བརྟན་བཞུགས་ ― LT30_Page_0247 ―
[མ་དཔེ་གཟིགས་ན་འདིར་གནོན།]
ནི་པུཥྤེ་ལ་སོགས་པས་མཆོད། མེ་ཏོག་གཏོར་ཞིང་རོལ་ཆེན་དང་བཅས་པས། །ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། དེ་རྣམས་སློབ་དཔོན་གྱི་དབང་ངོ་། །ཉེར་དགུ་པ་རྗེས་གནང་ལ། རིགས་ལྔའི་ཕྱག་མཚན་གྱི་རྗེས་གནང་ནི། །འཇིག་རྟེན་ཁམས་ནི་ཐམས་ཅད་དུ། །ཇི་ལྟ་ཇི་ལྟར་འདུལ་གྱུར་པ། །སེམས་ཅན་ཀུན་གྱི་དོན་གྱི་ཕྱིར། །དེ་ལྟར་ཆོས་ཀྱི་འཁོར་ལོ་བསྐོར། །དེ་བཞིན་དུ་རྡོ་རྗེ་རིན་ཆེན། །པདྨ་རལ་གྲི་རྣམས་གོང་བཞིན་སྦྱར། དུང་གཏད་པའི་རྗེས་གནང་ནི། ཚིག་སྔ་མ་གསུམ་འདྲ་བ་ལས། །ཁྱོད་ཀྱིས་ཆོས་ཀྱི་དུང་བུས་ཤིག །བཀའི་གནང་བ་སྦྱིན་པ་ནི། །སློབ་མ་དམ་པ་ཁྱོད་ཀྱིས་ཀྱང་། །ཇི་ལྟར་འདུལ་བའི་ཕྲིན་ལས་ཀྱིས། །སློབ་དཔོན་ལས་རྣམས་ཅི་རིགས་པར། །དེ་རིང་ཕན་ཆད་སྒྲུབ་པར་གྱིས། །དེ་ལྟར་ན་བུམ་པའི་དབང་བསྐུར་བ་ནི། །མོས་པས་སྤྱོད་པའི་ས་སྦྱོར་བའི་ལམ་མོ། །སུམ་ཅུ་པ་གསང་དབང་ལ་མཎྜལ་ཕུལ། གསོལ་བ་གདབ་པ་ནི། །སློབ་དཔོན་དམ་པ་བདེ་གཤེགས་གཙོ། །རྒྱལ་བ་འཁོར་དང་བཅས་པ་ལ། །ལུས་ངག་ཡིད་ཀྱིས་ཕྱག་འཚལ་ལོ། །གསང་གསུམ་དམ་པའི་དབང་མཆོག་འདི། །དེ་རིང་བདག་ལ་གནང་བར་གསོལ། གསང་དབང་བསྐུར་བ་དངོས་ནི། །རང་ཉིད་རྡོ་རྗེ་གཞོན་ནུ་དཔའ་བོ་གཅིག་པའི་སྐུར་གྱུར། སློབ་དཔོན་དཀྱིལ་འཁོར་གྱི་གཙོ་བོ་བཅོམ་ལྡན་འདས་ཡབ་ཡུམ་ཐབས་ཤེས་གཉིས་སུ་མེད་པའི་ཆོ་ག་བདེ་བ་ཆེན་པོའི་ཉམས་བསྐྱེད། ། ― LT30_Page_0248 ―
[མ་དཔེ་གཟིགས་ན་འདིར་གནོན།]
ཐུགས་ཀའི་ཧཱུྃ་གི་འོད་ཟེར་གྱིས་སྤྱན་དྲངས་པའི་བདེ་བར་གཤེགས་པ་རྣམས་ཞལ་དུ་ཞུགས། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་་བཛྲ་སྭཱ་བྷ་ཝ་ཨདྨ་ཀོ྅ཧཾ། །ཐུགས་ཀར་བྱང་ཆུབ་ཀྱི་སེམས་སུ་ཞུ། སྐུའི་དབྱིབས་བརྒྱུད། །བདག་གི་ལྕེ་ཐོག་ཏུ་བཞག །བྱང་ཆུབ་སེམས་ཀྱི་རྡོ་རྗེ་འདི། །སེམས་ཀྱི་རྣམ་རྟོག་མུན་བཅོམ་ནས། །གསང་བའི་གནས་མཆོག་དམ་པ་ནས། །དེ་རིང་ཁྱོད་ལ་སྦྱིན་པར་བྱ། །བདུད་རྩི་མྱང་། །དེ་རིང་སངས་རྒྱས་ཀུན་དང་མཉམ། །བདག་ནི་བསོད་ནམས་སྐལ་པ་ནི། །དཔལ་ལྡན་ཡོན་ཏན་ཀུན་གྱི་རྒྱན། །རྡོ་རྗེ་གཞོན་ནུ་བདག་ཉིད་དོ། །ལུང་བསྟན་པ་ཞི་བྱེད་ཚུལ་སྤྱི་དང་འདྲ་བ་ལས། ཚིག་འདི་སྐད་ཅེས། །ཇི་ལྟར་ང་ཡིས་ལུང་བསྟན་ཏེ། །བཅོམ་ལྡན་རྡོ་རྗེ་གཞོན་ནུ་དང་། །དུས་གསུམ་སངས་རྒྱས་ཐམས་ཅད་ཀྱིས། །སྲིད་པའི་ངན་འགྲོ་ལས་ཁྱོད་ཉོན། །ཨོཾ་སརྦ་ཏ་ཐཱ་ག་ཏ་བྷུྷུ་བ་སྭ། །ཞེས་སོ། །དེ་ལྟར་གསང་བའི་དབང་བསྐུར་བ་ནི། དོན་དམ་པའི་སེམས་དང་པོ་བསྐྱེད་པ་མཐོང་བའི་ལམ་མོ། །སོ་གཅིག་པ་ཤེས་རབ་ཡེ་ཤེས་ཀྱི་དབང་ལ་མཎྜལ་ཕུལ་ལ་གསོལ་བ་གདབ་པ་ནི། །སྔོན་གྱི་སངས་རྒྱས་ཐམས་ཅད་ཀྱི། །ཇི་ལྟར་མཁྱེན་པའི་ཐུགས་ཆུད་པ། །དེ་ལྟར་རྗེས་སུ་བདག་ལ་ནི། །ཤེས་རབ་ཡེ་ཤེས་དབང་བསྐུར་སྩོལ། ཐོག་མར་གདམས་པ་ནི། །སྔོན་གྱི་རྒྱལ་བ་ཐམས་ཅད་ཀྱང་། ཤེས་རབ། མ་ལ་བརྟེན་པས་འགྲུབ། །ཡེ་ཤེས་སྐྱེ་བའི་གཞི་ཡིན་ཕྱིར། །ཁྱོད་ཀྱིས་འདོད་ཆགས་མ་སྡངས་ཤིག །དྲི་བ་དྲི་ལན་ནི། །བུ་ཁྱོད་ཚུར་ཤོག་རྡོ་རྗེ་ཅན། །གཞི་མཉམ་གླ་རྩི་སྤྱོད་ནུས་སམ། །རཀྟ་ག་བུར་བཟའ་བ་དང་། །བུད་མེད་དད་ ― LT30_Page_0249 ―
[མ་དཔེ་གཟིགས་ན་འདིར་གནོན།]
པས་བསྟེན་ནུས་སམ། །པདྨར་འོ་བྱེད་མི་རྟོག་གམ། །སྨོས་ཤིག་སྣོད་ལྡན་ངང་ཚུལ་ཅན། ལན་ནི། །ཤེས་རབ་དད་པས་བདག་བསྟེན་ནོ། །བདུད་རྩི་ལྔ་ལ་གུས་པར་བགྱིས། །བདེ་བ་སྒྲུབ་པར་གདམས་པ་ནི། །རྨད་བྱུང་ང་ཡི་པདྨོ་ནི། །བདེ་བ་ཐམས་ཅད་འདི་ལས་རྙེད། །བདེ་བར་གཤེགས་པ་ཐམས་ཅད་ཀུན། །རྟག་ཏུ་འདི་དང་མི་འབྲལ་ཏེ། །པདྨ་འདི་ནི་ཆོས་དབྱིངས་ཡིན། །སངས་རྒྱས་ཐམས་ཅད་འདི་ལས་འབྱུང་། །སེམས་ཅན་ཐམས་ཅད་འདི་རུ་གྲོལ། །ནང་གི་རྩ་ཡི་འཁོར་ལོ་ལ། །པདྨ་ཞེས་བྱར་རབ་ཏུ་གསུངས། །པདྨ་ནང་གི་ནམ་མཁའ་ཞེས། །འབྱུང་པོ་ལྔ་པོ་རང་བཞིན་གནས། །ལྟེ་བ་དང་ནི་གེ་སར་བཅས། །པདྨ་བརྒྱད་ཀྱིས་རྣམ་པར་བརྒྱན། །ཟེའུ་འབྲུ་དབུས་ནས་འབྱུང་བ་ཡིན། །དེ་ཉིད་བདུད་རྩི་དམ་པ་སྟེ། །སངས་རྒྱས་ཀུན་གྱི་སྙིང་པོའོ། །ཞེས་གདམས་པ་ཐོབ། །ཤེས་རབ་དམ་པ་འདི་ཡིས་ནི། །ཁྱོད་ཀྱི་ཡེ་ཤེས་སྐྱེད་བྱེད་པས། །དད་པས་རབ་ཏུ་བསྟེན་པར་གྱིས། །ཞེས་སློབ་དཔོན་གྱིས་བདག་ལ་ཤེས་རབ་ཡང་དག་པར་གཏད། །ཐ་མལ་གྱི་རྟོག་པ་སྤངས་ནས། །ལྷ་དང་སྔགས་དང་ཆོས་ཀྱི་ཐབས་མཁས་སུ་བསྒྱུར་ནས། རྗེས་ཆགས་སྙོམས་འཇུག་བདེ་བ་ཆེན་པོ་ལ་བརྟེན་ནས། ཞུ་བདེ་ལྷན་ཅིག་སྐྱེས་པ་མངོན་དུ་བྱས། དབུགས་དབྱུང་བ་ནི། །དུས་གསུམ་སངས་རྒྱས་ཐམས་ཅད་ཀྱི། །ངོ་བོ་ ― LT30_Page_0250 ―
[མ་དཔེ་གཟིགས་ན་འདིར་གནོན།]
ཉིད་དུ་ཁྱོད་གྱུར་ཏོ། །ཁམས་གསུམ་བདག་པོར་ཁྱོད་གྱུར་ཏོ། །བདུད་དང་མུ་སྟེགས་ཐམས་ཅད་ལས། །རྒྱལ་བར་གྱུར་པ་ཁྱོད་ཡིན་ནོ། །གྲོང་ཁྱེར་ཡས་ཀྱང་གྲོང་ཁྱེར་ཏེ། །མྱ་ངན་འདས་པའི་གྲོང་ཁྱེར་དུ། །བློ་ལྡན་སྣོད་ཅན་ཁྱོད་ཞུགས་པས། །སངས་རྒྱས་འགྲུབ་པའི་རྒྱུ་འདི་ཡིན། །དེ་ལྟར་ཤེས་རབ་ཡེ་ཤེས་ཀྱི་དབང་བསྐུར་བ་ནི། ས་དགུའི་བདག་ཉིད་སྒོམ་པའི་ལམ་མོ། །སོ་གཉིས་པ་དབང་བཞི་པ་ལས། གསོལ་བཏབ་ནི། །ཁྱོད་ཞབས་པདྨའི་བཀའ་དྲིན་གྱིས། །སངས་རྒྱས་ཀུན་གྱི་བྱང་ཆུབ་སེམས། །དོན་ཆེན་ཟབ་མོས་ཉོན་མོངས་འཇོམས། །དེ་རིང་བདག་ལ་གནང་བར་ཞུ། ལན་གསུམ། །རྒྱུའི་མཐར་ཕྱིན་པ་བདུད་རྩི་སྦྱིན་པ་ནི། །རང་ཉིད་ཧེ་རུ་ཀ་ཡབ་ཡུམ་རྗེས་སུ་ཆགས་པའི་སྙོམས་པར་ཞུགས་པའི། །བྱང་ཆུབ་ཀྱི་སེམས་དབང་གི་གནས་སུ་ཕྱིན་པའི་ཡེ་ཤེས་དཔེར་མཚོན་པར་བྱས། ཨོཾ་མ་ཧཱ་བྷོ་དྷི་ཙིཏྟ་ཨ་བྷི་ཥིཉྩ་ཧཱུྃ། །བྱང་ཆུབ་ཀྱི་སེམས་མཁའི་དཀྱིལ་འཁོར་ལས་རོ་འཛིན་གྱིས་བླང་སྟེ་མྱངས་པའི་ཉམས་མྱོང་ལ་མཉམ་པར་བཞག །འབྲས་བུ་མཐར་ཕྱིན་བརྗོད་བྲལ་བསྒོམ་པ་ནི། །འདི་ལྟར་མཐའ་ཡས་སྣང་བ་ཀུན། །སྐད་ཅིག་གཅིག་ལ་དམིགས་པ་མེད་དེ། །བརྗོད་པའི་ཐ་སྙད་ཀུན་དང་བྲལ། །རང་བྱུང་ཡེ་ཤེས་ཞེས་བྱར་བརྗོད། །དེ་ལྟར་ན་བཞི་པའི་དབང་བསྐུར་བ་ནི། །མཐར་ཕྱིན་མི་སློབ་པའི་ལམ་མོ། །སོ་གསུམ་པ་དམ་ཚིག་བསྒྲག་པ་ནི། རྡོ་ ― LT30_Page_0251 ―
[མ་དཔེ་གཟིགས་ན་འདིར་གནོན།]
རྗེ་སློབ་དཔོན་མཆེད་ལྕམ་ལ། །སྒོ་གསུམ་སྒོ་ནས་གནོད་པ་བྱེད། །སྐུ་ཡི་དམ་ཚིག་ཉམས་པར་འགྱུར། །དེ་ལས་ལྡོག་ཏེ་ཕན་པར་བྱ། །སྔགས་དང་སྙིང་པོ་བར་ཆད་ཅིང་། །གསང་བ་བསྲུང་བར་མ་ནུས་པ། །གསུང་གི་དམ་ཚིག་ཉམས་པ་ཡིན། །ཕྱག་རྒྱ་བཞི་གསལ་དེ་ལས་ལྡོག །གསང་བཅུ་ལ་སོགས་གཉེར་གཏད་པ། །སྣོད་མིན་པ་ལ་གསང་མ་ཐུབ། །ཐུགས་ཀྱི་དམ་ཚིག་ཉམས་པ་སྟེ། །དེ་ལས་ལྡོག་ཏེ་གསང་བ་བསྲུང་། །སྦྱོར་སྒྲོལ་མ་བྱིན་ལེན་དང་རྫུན་དུ་སྨྲ། །ཚིག་བརླངས་ལ་སོགས་དམ་ཚིག་ལྔ་རྣམས་ནི། །འགྲོ་བའི་དོན་དུ་གཞུང་བཞིན་སྤྱད་པར་བགྱི། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་ལ་སོགས་ཉོན་མོངས་ལྔ་རྣམས་ནི། །ཡེ་ཤེས་ངོ་བོ་ཉིད་ཀྱིས་སྤང་མི་བྱ། །དྲི་ཆེན་དྲི་ཆུ་དམར་ཆེན་ཟིལ་པ་དང་། །མདངས་ཆེན་ལ་སོགས་དམ་རྫས་ལྔ་རྣམས་ནི། །གཉིས་མེད་ཚུལ་གྱིས་དང་དུ་བླང་བར་བྱ། །ཕུང་པོ་ལྔ་དང་འབྱུང་བ་ཆེན་པོ་ལྔ། ཁ་དོག་ལྔ་དང་ཡུལ་ལྔ་ཕུང་པོ་ལྔ། །རྣམ་ཤེས་ལྔ་དང་ཡུལ་ལྔ་ཡེ་ཤེས་ལྔ། །ཡབ་ལྔ་ཡུམ་ལྔ་སྦྱོར་ཞིང་ཤེས་པར་བྱ། །རྡོ་རྗེ་རིགས་དང་དེ་བཞིན་གཤེགས་པའི་རིགས། །རིན་ཆེན་རིགས་དང་དེ་བཞིན་པདྨའི་རིགས། །ལས་ཀྱི་རིགས་ཏེ་རྒྱལ་བ་རིགས་ལྔ་པོ། །ལེ་ལོ་སྤངས་ཏེ་ཏིང་འཛིན་གྲུབ་པར་བྱ། །སྐབས་འདིར་དམ་ཚིག་ཉི་ཤུ་རྩ་བརྒྱད་པོ་དེ་ཙམ་ཞིག་བསྟན་ནོ། །རྗེས་ཀྱི་བྱ་བ་ནི། ― LT30_Page_0252 ―
[མ་དཔེ་གཟིགས་ན་འདིར་གནོན།]
གཙོ་བོས་ཇི་ལྟར་སོགས་མཎྜལ་འབུལ་བ་དང་། །དེང་ནས་བརྩམས་ཏེ་སོགས་དང་། དགེ་བ་བསྔོ་བ་རྣམས་བྱའོ། །སློབ་མ་ལ་དབང་བསྐུར་བའི་དངོས་གཞིའི་ཆོ་ག་ནི། བདག་འཇུག་ཤེས་ན་འབད་མེད་དུ་གོ་བའི་ཕྱིར་དང་། ཡི་གེ་ཉུང་བ་ལ་དགའ་བའི་ཕྱིར་འདིར་མ་བརྗོད་དོ། །བཀྲ་ཤིས།། །། དཔལ་རྡོ་རྗེ་གཞོན་ནུའི་དཀྱིལ་འཁོར་གྱི་ཆོ་ག་བདུད་འཇོམས་རོལ་པ།― LT30_Page_0253 ―
[མ་དཔེ་གཟིགས་ན་འདིར་གནོན།]
དཔལ་རྡོ་རྗེ་གཞོན་ནུའི་དཀྱིལ་འཁོར་གྱི་ཆོ་ག་བདུད་འཇོམས་རོལ་པ་ཞེས་བྱ་བ་བཞུགས། ། ― LT30_Page_0254 ―
[མ་དཔེ་གཟིགས་ན་འདིར་གནོན།]
ཨོཾ་སྭ་སྟི། དཔལ་རྡོ་རྗེ་གཞོན་ནུའི་དཀྱིལ་འཁོར་གྱི་ཆོ་ག་བདུད་འཇོམས་རོལ་པ་ཞེས་བྱ་བ། བླ་མ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཆོ་ག་འདིའི་དབང་དུ་བྱས་ནས་དོན་གསུམ་སྟེ། དམིགས་པར་བྱ་བའི་ཡུལ། བསྒྲུབ་པར་བྱ་བའི་ཐབས། ཉམས་སུ་བླངས་པའི་འབྲས་བུའོ། །དང་པོ་ནི་གཞི་འབྲས་ཀྱི་དེ་ཁོ་ན་ཉིད་ནས་གང་ལ་མངོན་སྤྱོད་བྱ་བའི་ཡུལ་གྱི་བར་རོ། །གཉིས་པ་ལ་དྲུག་སྟེ། ཕུན་ཚོགས་ལྔ་དང་ལྡན་པས་གཞི་བཅའ་ཞིང་། །སྒྲུབ་པའི་སྔོན་དུ་འགྲོ་བའི་ལས་རིམ་བསྟན། །དཀྱིལ་འཁོར་སྒྲུབ་པའི་རིམ་པ་དངོས་ལ་འཇུག །སློབ་མ་དཀྱིལ་འཁོར་གཞུག་ཅིང་དབང་བསྐུར་བཤད། །གསུམ་ཚན་གཉིས་ཀྱིས་ཁ་སྐོང་ལས་འཇུག་བསྡུ། །བཤགས་བསྡམས་ལས་ཀྱི་ཕྲ་མོའི་ཉེས་པ་སྦྱང་། །ཞེས་པའོ། ། ― LT30_Page_0255 ―
[མ་དཔེ་གཟིགས་ན་འདིར་གནོན།]
དང་པོ་ནི། སྒྲུབ་པོ་གནས་དང་རྫས་དང་ཡོ་བྱད་དུས། །ཞེས་བྱ་བ་སློབ་དཔོན་གྱི་མཚན་ཉིད་སོགས་ཏེ་གཞན་དུ་གསལ་ལོ། །གཉིས་པ་ནི། ཐོག་མར་སྔོན་འགྲོ་གཏོར་མ་ལ་དམིགས་ཏེ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ་ཀྱིས་བསང་། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ་གིས་སྦྱང་། སྟོང་པའི་ངང་ལས་བྷྲཱུྃ་ལས་བྱུང་བའི་གཏོར་སྣོད་ཡངས་ཤིང་རྒྱ་ཆེ་བའི་ནང་དུ། ཨོཾ་ཨཱཿཧཱུྃ་ལས་བྱུང་བའི་གཏོར་མ་བདུད་རྩིའི་རྒྱ་མཚོ་ཆེན་པོར་གྱུར། བྷྲཱུྃ་རཏྣ་པཉྩ་ཨ་མྲྀ་ཏ་ཧཱུྃ་ཨོཾ་ཨཱཿཧཱུྃ། ཕྱོགས་སྐྱོང་བ་བཅུ་གནས་བདག་གཞི་བདག་གྲོང་བདག་གཉུག་མར་གནས་པ། སྲིད་པ་གསུམ་གྱི་འབྱུང་པོའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿ ཨོཾ་ཨིམྡྲ་ ― LT30_Page_0256 ―
[མ་དཔེ་གཟིགས་ན་འདིར་གནོན།]
ཡེ། ཨིགྣ་ཡེ། ཡ་མ་ཡེ། ནི་རྀ་ཏེ། བཱ་རུ་། བཱ་ཡ་བེ། ཀུ་བེ་ར། ཨི་ཤཱ་ན། བྲ་ཧྨ། པྲི་ཐི་ཝཱི་དེ་ཝཱི་སྭཱ་ཧཱ། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་་ཨི་མཾ་ག་ག་ན་ཁཾ་གྲྀ་ཧྞ་ཨི་དཾ་བ་ལི༚་ཏ་ཡེ་སྭཱ་ཧཱ། ལན་གསུམ། ཨོཾ་གནས་བདག་གཞི་བདག་གྲོང་བདག་གཉུག་མར་གནས་པ་ལ་སོགས་པ། སརྦ་བྷུ་ཏེ་བྷྱཽ་ས་པ་རི་ཝ་རེ་བྷྱཿཨོཾ་ཨཱ་ཀ་རོ་མུ་ཁཾ་སརྦ་དྷརྨཱ་ནཱཾ་ཨ་དྱ་ནུཏྤནྣ་ཏྭད་ཨོཾ་ཨཱཿཧཱུྃ་ཕཊ་སྭཱ་ཧཱ། ལན་གསུམ། ཨརྒྷཾ་ནས་ཤབྡའི་བར་གྱིས་མཆོད། ལྷ་ཆེན་བརྒྱད་པོ་འཁོར་དང་བཅས། ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག་གི་བར་སྤྱི་དང་འདྲ། སའི་ཕྱོགས་འདིར་རྣལ་འབྱོར་པ་བདག་ཅག །དཔལ་ཆེན་པོའི་དཀྱིལ་འཁོར་བཞེངས་ཏེ་སྒྲུབ་པ་ལ་འཇུག་པར་འཚལ་གྱི། ཕྱོགས་སྐྱོང་བ་ལ་སོགས་པ་དཀར་ཕྱོགས་སྐྱོང་བ་དམ་ཚིག་ཅན་རྣམས་ཀྱིས་བར་ཆད་སྲུང་བ་དང་དངོས་གྲུབ་སྒྲུབ་པའི་སྟོང་གྲོགས་མཛོད་ཅིག །བར་མ་རྣམས་ཀྱིས་ཀྱང་རུ་མ་ང་། ཕྲག་མདོག །ཕན་པའི་སེམས་ཀྱིས་འགལ་རྐྱེན་ཞི་ཞིང་མཐུན་རྐྱེན་སྒྲུབ་པའི་ཕྲིན་ལས་ཅི་འགྲུབ་ཏུ་མཛད་དུ་གསོལ། མ་རུངས་ལོག་འདྲེན་གདུག་ཅིང་སྡང་སེམས་ལྡན་པ་ཐམས་ཅད་གཏོར་མའི་ལྷག་མ་འདིས་ཚིམ་པར་གྱིས་ལ། སའི་ཕྱོགས་འདིར་མ་གནས་པར་གཞན་དུ་སོང་ཞིག །ཅེས་ ― LT30_Page_0257 ―
[མ་དཔེ་གཟིགས་ན་འདིར་གནོན།]
རོལ་མོའི་སྒྲ་དང་བཅས་ཏེ་ཕྱིར་དོར། གནས་དང་རྫས་བྱིན་གྱིས་བརླབ་པ་ནི། གོང་བཞིན་ཨ་མྲྀ་ཏས་བསང་། སྭ་བྷཱ་བས་སྦྱང་། སྟོང་པའི་ངང་ལས་གནས་ཁང་ཧཱུྃ་ཡིག་ལས་བྱུང་བའི་སྲུང་འཁོར་ཡངས་ཤིང་རྒྱ་ཆེ་བ། དབུས་སུ་བྷྲཱུྃ་ལས་དུར་ཁྲོད་འབར་བའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་ཨོཾ་ལས་བྱུང་བའི་སྣོད་ཡངས་ཤིང་རྒྱ་ཆེ་བ་རྣམས་སུ། ཨོཾ་ཨཱཿཧཱུྃ་རྣམས་ལས་བྱུང་བའི་མཆོད་པའི་སྤྲིན་གྱི་ཕུང་པོ་བསམ་གྱིས་མི་ཁྱབ་པས་ཡོངས་སུ་གང་བར་གྱུར། ཨོཾ་བཛྲ་ཨརྒྷཾ་སྭཱ་ཧཱ། ཨོཾ་བཛྲ་པཱ་དྱཾ་སྭ་ཧཱ། ཨོཾ་བཛྲ་པུཥྤེ་ཨཱ་ཧཱུྃ་ནས། ཤབྡ་ཨཱཿཧཱུྃ། ཨོཾ་རཱུ་པ་ཀཱ་མ་གུ་་ཨཱཿཧཱུྃ། རུ་པའི་ཚབ་ཏུ། ཤབྡ། གནྡྷེ། རཱ་ས། སྤར་ཤེ། དྷརྨ་དྷཱ་ཏུ་ཞེས་པ་རྣམས་བཅུག་རོལ་མོའི་སྒྲ་བྱ། མཆོད་པའི་སྤྲིན་གྱི་གཟུངས་འདོན་ནོ། །དེ་ལྟར་སྔོན་འགྲོ་གཏོར་མ་དང་གནས་རྫས་བྱིན་རླབས་ནི་ཉི་མ་ཕལ་ཆེར་ལ་འཇུག་གོ། །དེ་ནས་སྐྱབས་འགྲོ་སེམས་བསྐྱེད་རྡོར་སེམས་སྒོམ་བཟླས་སྤྱི་དང་མཐུན་པར་བྱ། ཨོཾ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨེ་ཡཾ་བཾ་རཾ་ལཾ་རཾ་ཀཾ་བྷྲཱུྃ་བྷྲཱུྃ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜལ་ཧཱུྃ་བྷྲཱུྃ། བྃ་པདྨ་མཎྜལ་ཧཱུྃ། ཨ་ཙནྡྲ་ལ་ཧཱུྃ། མ་སུ་རྱ་མཎྜལ་ཧཱུྃ། ཤཾ་རུ་ཊ་རུ་ཏྲི་ཏི་ར་བཾ། ཧཱུྃ་ཧཱུྃ་སྥ་ར་་ཕཊ། སཾ་ཧ་ར་་ཧཱུྃ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི།།།ན་བཾ་ཧཱུྃ་ཕཊ། བདག་ཉིད་ ― LT30_Page_0258 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་དཔལ་ཆེན་པོ་ཧེ་རུ་ཀ་ཞེས་པ་ནས། ཏིང་ངེ་འཛིན་སེམས་དཔའ་ཨ་ཡིག་གོའི་བར་འོག་ནས་འབྱུང་བ་ལྟར་བརྗོད། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། སྟེང་དུ་ཁྲོ་བོའི་ཧཱུྃ་མཛད་སྔོ། །ཞེས་པ་ནས། མི་རོའི་གདན་ལ་རོལ་གར་མཛད། །ཅེས་པའི་བར་དུ་འོག་ནས་འབྱུང་བ་ལྟར་བརྗོད། ཨརྒྷཾ་ནས་ཤབྡའི་བར་གྱིས་མཆོད། སྒེག་པ་དཔའ་བ་མི་སྡུག་ཚུལ་སྟོན་ཅིང་ནས། གནོད་སྦྱིན་འཇིགས་མ་བདུད་རྩི་གསོད་བྱེད་མ། །དེ་འདྲའི་ལྷ་ཚོགས་ནས། དབང་དང་དངོས་གྲུབ་སྩོལ་གྱི་བར་བརྗོད། སྙིང་པོ་བརྒྱ་རྩ་སོགས་དང་། ཁྲོ་བོ་བཅུའི་སྔགས་ཇི་ལྟར་རིགས་པ་བཟླས་ཏེ། དཀྱིལ་འཁོར་གྱི་འཁོར་ལོ་ངང་གི་སྙིང་གར་ཐིམ། ཛཿཧཱུྃ་བྃ་ཧོཿ འདི་ནི་ཏིང་ངེ་འཛིན་གྱི་དཀྱིལ་འཁོར་བསྡུས་པ་སྟེ། ཉི་མ་དང་པོ་ཁོ་ན་འཇུག་གོ། །ཆོ་ག་དེ་རྣམས་ནི་བཤད་འབུམ་སོ་སོའི་རྩིས་མགོས་བསྡུས་པ་མིན་ཡང་གསང་སྔགས་སྤྱི་འགོས་ལྟར་དང་། བླ་མ་བརྒྱུད་པའི་ལག་ལེན་ལས་བྱུང་བ་ཡིན་ནོ། །ད་ནི་སྒྲུབ་པའི་སྔོན་འགྲོ་ལས་རིམ་དངོས་ལ། ས་ཆོག་མཚམས་གཅོད་ཕྱི་སྐོང་དང་། །ལས་གསུམ་ཕུར་བུ་བྱིན་རླབས་དང་། །ཕུར་བཤར་འདེབས་དང་མཆོད་པ་དགྲམ། །བུམ་པ་འགོད་དང་མ་ཏྲཾ་སྒྲོལ། །དང་པོ་ནི། དེ་ནས་གསེར་སྐྱེམས་དང་གཏོར་མ་བཤམ། སྔོན་འགྲོ་གཏོར་མ་ལྟར་བྱིན་གྱིས་བརླབས། ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ― LT30_Page_0259 ―
[མ་དཔེ་གཟིགས་ན་འདིར་གནོན།]
ཞེས་ལན་བདུན་ཙམ་གྱིས་བསྔོས། སྤྲོས་པ་བྱེད་ན་གསེར་སྐྱེམས་རྒྱས་པ་གྱེར། ཧཱུྃ། དགོངས་ཤིག་ས་བདག་ལྷ་ཀླུ་སྡེ་དང་དཔུང་། །བྱིན་རླབས་བསྔོས་པའི་གཏོར་མ་འདི་བཞེས་ལ། །ཕྲིན་ལས་གཉན་པོ་བསྒྲུབ་ཕྱིར་ས་སློང་གི། རིན་ཆེན་གཏེར་གྱི་ས་འདི་སྩལ་དུ་གསོལ། །ལན་གསུམ་གྱི་མཐར་ཕུང་གཏོར་གཏོར་མ་ཕྱིར་བཏང་། རོལ་ཆེན་བྱས་ལ། ས་སློང་ཞིང་བཀའ་བསྒོའོ། །དཀྱིལ་འཁོར་གྱི་སའི་གནས་སུ་དྲི་བཟང་གི་ཐིག་ལེའམ་ཚོམ་བུ་བཀོད། གཏོར་མ་དང་མཆོད་པ་བྱིན་རླབས་སྔར་བཞིན་བྱ་སྟེ་གནས་ཁང་སྲུང་འཁོར་དང་གཞལ་ཡས་ཁང་དུ་བསྐྱེད་པ་མི་དགོས་སོ། །ཧཾ་ཧཾ་ཧཾ། རིམ་པ་བདུན་གྱི་ས་འོག་ནས། །ཀུན་གྱི་ཡུམ་ཆེན་སངས་རྒྱས་སྤྱན། །ནོར་འཛིན་ས་ཡི་ལྷ་མོ་ནི། །འཁོར་དང་བཅས་པ་གཤེགས་སུ་གསོལ། །ཨོཾ་པྲི་ཐི་ཝཱི་དེ་ཝཱི་ཨཱ་གཙྪ་ཨཱ་གཙྪ་ཛཿཧཱུྃ་བྃ་ཧོཿཨོཾ་བ་སུ་དྷ་རི་ཨརྒྷཾ་ནས་ཤབྡའི་བར་གྱིས་མཆོད། ཁྱོད་ནི་ས་འཛིན་གཙོ་མོ་སྟེ། །རྒྱུ་དང་མི་རྒྱུ་འཇིག་རྟེན་སྐྱོང་། །གསེར་མདོག་ཕྱག་ན་བུམ་པ་བསྣམས། །འཇིག་རྟེན་ཡུམ་གྱུར་ཕྱག་འཚལ་བསྟོད། །སྐྱོབ་པ་སངས་རྒྱས་ཐམས་ཅད་ཀྱི་ནས། །རྒྱལ་བར་བྱས་ཏེ་དཀྱིལ་འཁོར་འབྲི། །གཙྪ་གཙྪ་སྭསྠིནཱཾ། དེ་དག་ནི་ས་སློང་བའོ། །ཨོཾ་མ་ཧཱ་ཤཱུནྱ་ཏ་ཧཱུྃ། ལན་བདུན་བརྗོད། ཏིང་ངེ་འཛིན་གྱིས་སྦྱང་བའོ། ། ― LT30_Page_0260 ―
[མ་དཔེ་གཟིགས་ན་འདིར་གནོན།]
ལས་དང་བྱ་བས་སྦྱང་བ་ནི། སྟེགས་བུ་བྱེད་པ་སོགས་འདིར་མ་བཤད་དོ། །དེ་ནས་སྟང་སྟབས་ཀྱིས་བཟུང་བ་ནི། སྤྲོས་པ་ལ་དགའ་ན། འཆམས་ཡིག་ལས་འབྱུང་བ་ལྟར། དཔལ་ཆེན་པོའི་འགྱིང་འཚམས་ལ་སོགས་པ་ཕུར་བུའི་རྩ་འཆམས་སུ་གྲགས་པ་རྣམས་སྐབས་འདིར་བྱེད་པ་ཡིན་ཅིང་། སྤྲོས་པ་གཙོ་བོར་མི་བྱེད་ན་འཆམས་མེད་ཀྱང་ཆོག་གོ། །སླར་ཡང་རང་གི་ཐུགས་ཀ་ནས་ཁྲོ་བོ་བཅུ་སྤྲོས། ཨོཾ་བཛྲ་ཀཱི་ལི་སོགས། ཨོཾ་དཱིཔྟ་སོགས། ཨོཾ་བཛྲ་ཀྲོ་དྷ་ཧཱུྃ་ཀ་ར་ནས། སྥོ་ཊ་སྥོ་ཊ་ཧཱུྃ་ཕཊ། བགེགས་སྦྱང་བ་སྤྱི་དང་མཐུན་པར། ཞི་བས་སྦྱང་བ་དང་། ཞི་དྲག་ཕྱེད་མས་སྦྱང་བ་དང་། དྲག་པོས་སྦྱང་བ་རྣམས་བྱེད་པ་ལས། ཁྲོ་བོའི་བསྟོད་པའི་མཇུག་ཏུ། དཀྱིལ་འཁོར་ཆེན་པོའི་ས་གཞི་ལ་གནས་པའི་ནས། གདོན་མི་ཟ། ཞེས་པའི་བར་བགེགས་ལ་བཀའ་བསྒོ། ཚིག་ལྷུག་པའི་སྐབས། བདེན་པ་ཆེན་པོའི་བྱིན་གྱིས་བརླབས་ཀྱིས། སའི་ཕྱོགས་འདིར་དཔལ་རྡོ་རྗེ་ཕུར་བུ་ཕྲིན་ལས་ཀྱི་སྒྲུབ་པ་ཆེན་པོ་རྩོམ་པ་ཡིན་གྱི། སྲིད་པ་གསུམ་གྱི་བགེགས་ཀྱི་ཚོགས་གང་ཡིན་པ་དེ་ཐམས་ཅད་སའི་ཕྱོགས་འདིར་མ་གནས་པར་ཅེས་འདོན་པ་སྤོ། རོལ་མོའི་སྒྲ་དང་བཅས་ཏེ་བདུག་རྫས་ཀྱིས་བདུག། ཡུངས་ཀར་གྱིས་བྲབ་སྟེ། འབྱུང་བཞིའི་རྫས་ཀྱིས་སྦྱང་བ་ཡང་བྱའོ། །དེ་དག་ནི་སྔགས་དང་ཕྱག་རྒྱས་སྦྱང་བའོ། །ས་བཟུང་བ་ལ་ངེས་པར་བྱ་དགོས་པ་ནི། ― LT30_Page_0261 ―
[མ་དཔེ་གཟིགས་ན་འདིར་གནོན།]
མཆོད་གཏོར་བཤམས། དཀྱིལ་འཁོར་གྱི་ས་གཞི་ལ་འདུག་ནས། འོག་ཏུ་འཆད་འགྱུར་ལྟར་ཡཾ་གྱི་མེས་བསྲེགས་ཞེས་རྫས་བྱིན་རླབས་ནས་བཟུང་བཟླས་པའི་འཇུག་གི་བསྟོད་པ། དཔལ་གྱི་བཀའ་སྡོད་སྐུ་ལ་ཕྱག་འཚལ་ལོ། །ཞེས་པའི་བར་དུ་བྱ། སཾ་ཧ་ར་་ཧཱུྃ་ཛཿཧཱུྃ་བྃ་ཧོཿ ཞེས་དཀྱིལ་འཁོར་རང་གི་ཐུགས་ཀར་བསྡུའོ། །ཡང་ན་སྟང་སྟབས་ཀྱིས་བཟུང་བ་སྐབས་འདིར་བྱས་ཀྱང་ཆོག་གོ། །གཉིས་པ་མཚམས་བཅད་པ་ནི་ས་སྲུང་བ་སྟེ། དེ་ལ་དང་པོར་རྒྱལ་ཆེན་བཞི་བྱ་ར་བའི་ཚུལ་དུ་བཞག་པ་ནི། ཐོ་བརྩིགས་དེ་ལ་རྒྱལ་ཆེན་གྱི་སྔགས་བྲིས། སོ་སོར་མཆོད་གཏོར་བཤམ། ཐོག་མར་ཤར་གྱི་དེ་ལ་མཆོད་པ་དང་གཏོར་མ་བྱིན་གྱིས་བརླབས་སའི་ལྷ་མོའི་སྐབས་བཞིན་བྱ། ཨོཾ་ཌྷྲྀ་ཊ་རཥྚ་ཡ་སྭཱ་ཧཱ། རྒྱལ་པོ་ཆེན་པོ་ཡུལ་འཁོར་སྲུང་སྐུ་མདོག་དཀར་པོ་གོའུ་རྒྱུད་མངས་འཛིན་པ། རང་གི་སྙིང་ག་ནས་འོད་ཟེར་འཕྲོས། རི་རབ་ཀྱི་བང་རིམ་ནས་རྒྱལ་པོ་ཆེན་པོ་ཡུལ་འཁོར་སྲུང་འཁོར་བཅས་བཛྲ་ས་མཱ་ཛཿ ཨོཾ་ཌྷྲྀཥྚ་རཥྚ་ཡ། ན་མཿསརྦ་སོགས་ནམ་མཁའ་མཛོད་ཀྱི་སྔགས་བཏགས་པས་གཏོར་མ་འབུལ། ཨརྒྷཾ་ནས་ཤབྡའི་བར་གྱིས་མཆོད། དྲི་ཟ་དག་གི་བདག་པོ་རྒྱལ། །ཤར་གྱི་ཕྱོགས་རྣམས་སྐྱོང་བྱེད་པ། །རྒྱལ་པོ་ཆེན་པོ་གནས་སྲུང་པོ། །བཙུན་མོ་སྲས་དང་བློན་པོར་བཅས། །དེ་ལ་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་ ― LT30_Page_0262 ―
[མ་དཔེ་གཟིགས་ན་འདིར་གནོན།]
འདི་བཞེས་ལ་ནས། ཀུན་འགྲུབ་ཤོག །ཤར་ཕྱོགས་ན་ནི་ཡུལ་འཁོར་སྲུང་། །འཇིག་རྟེན་སྐྱོང་བ་གྲགས་དང་ལྡན། །སྡེ་བོ་ཆེ་ལ་སྟོབས་པོ་ཆེ། ཁ་དོག་ལྡན་ཞིང་རྫུ་འཕྲུལ་ཆེ། །བདག་ཅག་རེ་བ་བསྐང་བའི་ཕྱིར། །མ་དག་པ་རྣམས་མཚམས་ཆོད་ཅིག །ཤར་ཕྱོགས་བགེགས་ཀྱི་མཚམས་ཆོད་ཅིག །ཞི་བའི་ཕྲིན་ལས་འགྲུབ་པར་མཛོད། །བདག་ཅག་སྒྲུབ་པ་མ་ཐོན་གྱི་བར་དུ། །རྒྱལ་པོ་ཆེན་པོ་ཡུལ་འཁོར་སྲུང་འཁོར་བཅས་ཀྱིས། གདོན་བགེགས་བར་ཆད་ནང་དུ་མི་བཏང་ཞིང་། དངོས་གྲུབ་ཕྱི་ལ་ཡལ་དུ་མི་གཞུག་པར་སྒྲུབ་པའི་སྟོང་གྲོགས་དམ་པ་མཛོད་ཅིག །ཅེས་བྱ། ཨོཾ་བཻ་རུ་ཌྷ་ཀ་ཡེ་སྭཱ་ཧཱ། རྒྱལ་པོ་ཆེན་པོ་འཕགས་སྐྱེས་པོ། སྐུ་མདོག་སྔོན་པོ་རལ་གྲི་འཛིན་པ། རང་གི་སྙིང་ག་ནས་འོད་ཟེར་འཕྲོས། རི་རབ་ཀྱི་བང་རིམ་ནས་རྒྱལ་པོ་ཆེན་པོ་འཕགས་སྐྱེས་པོ་འཁོར་བཅས་བཛྲ་ས་མ་ཛཿཨོཾ་བཻ་རུ་དྷ་ཀ་ཡེ་ན་མཿསརྦ་སོགས་ནམ་མཁའ་མཛོད་ཀྱི་སྔགས་བཏགས་པས་གཏོར་མ་འབུལ། ཨརྒྷཾ་ནས་ཤབྡའི་བར་གྱིས་མཆོད། གྲུལ་བུམ་དག་གི་རྒྱལ་པོ་རྒྱལ། །ལྷོ་ཡི་ཕྱོགས་རྣམས་སྐྱོང་བྱེད་པ། །རྒྱལ་པོ་ཆེན་པོ་ལུས་འཕགས་པོ། །བཙུན་མོ་སྲས་དང་བློན་པོར་བཅས། །དེ་ལ་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་ ― LT30_Page_0263 ―
[མ་དཔེ་གཟིགས་ན་འདིར་གནོན།]
མ་འདི་བཞེས་ལ་ནས། ཀུན་འགྲུབ་ཤོག །ལྷོ་ཕྱོགས་ན་ནི་འཕགས་སྐྱེས་ལོ། །འཇིག་རྟེན་སྐྱོང་བ་གྲགས་དང་ལྡན། །སྡེ་བོ་ཆེ་ལ་སྟོབས་པོ་ཆེ། ཁ་དོག་ལྡན་ཞིང་རྫུ་འཕྲུལ་ཆེ། །བདག་ཅག་རེ་བ་བསྐང་བའི་ཕྱིར། །མ་དག་པ་རྣམས་མཚམས་ཆོད་ཅིག །ལྷོ་ཡི་བགེགས་རྣམས་མཚམས་ཆོད་ཅིག །མངོན་སྤྱོད་ཕྲིན་ལས་འགྲུབ་པར་མཛོད། །བདག་ཅག་སྒྲུབ་པ་མཐོན་གྱི་བར་དུ། རྒྱལ་པོ་ཆེན་པོ་འཕགས་སྐྱེས་པོ་འཁོར་བཅས་ཀྱིས། །གདོན་བགེགས་བར་ཆད་ནང་དུ་མི་བཏང་ཞིང་། དངོས་གྲུབ་ཕྱི་ལ་ཡལ་དུ་མི་གཞུག་པར་སྒྲུབ་པའི་སྟོང་གྲོགས་དམ་པ་མཛོད་ཅིག་ཅེས་བྱ། ནུབ་མ་ལ། ཨོཾ་བི་རུ་པཱཀྵ་ཡ་སྭཱ་ཧཱ། རྒྱལ་པོ་ཆེན་པོ་མིག་མི་བཟང་སྐུ་མདོག་དམར་པོ་སྦྲུལ་ཞགས་དང་མཆོད་རྟེན་འཛིན་པ། རང་གི་སྙིང་ག་ནས་འོད་ཟེར་འཕྲོས། རི་རབ་ཀྱི་བང་རིམ་ནས་རྒྱལ་པོ་ཆེན་པོ་མིག་མི་བཟང་འཁོར་བཅས་བཛྲ་ས་མཱ་ཛཿ ཨོཾ་བི་རུ་བཀྵ་ཡེ་ན་མཿསརྦ་སོགས་ནམ་མཁའ་མཛོད་ཀྱི་སྔགས་བཏགས་པས་གཏོར་མ་འབུལ། ཨརྒྷཾ་ནས། ཤབྡའི་བར་གྱིས་མཆོད། ཀླུ་རྣམས་དག་གིས་བདག་པོ་རྒྱལ། །ནུབ་ཀྱི་ཕྱོགས་རྣམས་སྐྱོང་བྱེད་པ། །རྒྱལ་པོ་ཆེན་པོ་སྤྱན་མི་བཟང་། །བཙུན་མོ་སྲས་དང་བློན་པོར་བཅས། །དེ་ལ་བསྟོད་དེ་ཕྱག་ ― LT30_Page_0264 ―
[མ་དཔེ་གཟིགས་ན་འདིར་གནོན།]
ཀྱང་འཚལ། །མཆོད་སྦྱིན་གཏོར་མ་འདི་བཞེས་ལ་ནས། ཀུན་འགྲུབ་ཤོག །ནུབ་ཕྱོགས་ན་ནི་སྤྱན་མི་བཟང་། །འཇིག་རྟེན་སྐྱོང་བ་གྲགས་དང་ལྡན། །སྡེ་བོ་ཆེ་ལ་སྟོབས་པོ་ཆེ། ཁ་དོག་ལྡན་ཞིང་རྫུ་འཕྲུལ་ཆེ། །བདག་ཅག་རེ་བ་བསྐང་བའི་ཕྱིར། །མ་དག་པ་རྣམས་མཚམས་ཆོད་ཅིག །ནུབ་ཀྱི་བགེགས་རྣམས་མཚམས་ཆོད་ཅིག །དབང་གི་ཕྲིན་ལས་འགྲུབ་པར་མཛོད། །བདག་ཅག་སྒྲུབ་པ་མ་ཐོན་གྱི་བར་དུ། །རྒྱལ་པོ་ཆེན་པོ་མིག་མི་བཟང་འཁོར་བཅས་ཀྱིས། །གདོན་བགེགས་བར་ཆད་ནང་དུ་མི་བཏང་ཞིང་། དངོས་གྲུབ་ཕྱི་ལ་ཡལ་དུ་མི་གཞུག་པར་སྒྲུབ་པའི་སྟོང་གྲོགས་དམ་པ་མཛོད་ཅིག་ཅེས་བྱ། བྱང་གི་ལ། ཨོཾ་བཻ་ཤྲ་ཝ་་ཡ་སྭཱ་ཧཱ། རྒྱལ་པོ་ཆེན་པོ་རྣམ་ཐོས་སྲས་སྐུ་མདོག་སེར་པོ་བེ་ཅོན་དང་ནེའུ་འཛིན་པ། རང་གི་སྙིང་ག་ནས་འོད་ཟེར་འཕྲོས། རི་རབ་ཀྱི་བང་རིམ་ནས་རྒྱལ་པོ་ཆེན་པོ་རྣམ་ཐོས་སྲས་འཁོར་བཅས་བཛྲ་ས་མཱ་ཛ། ཨོཾ་བཻ་ཤྲ་ཝ་་ཡེ་ན་མཿསརྦ་སོགས་ནས་མཁའ་མཛོད་ཀྱི་སྔགས་བཏགས་པས་གཏོར་མ་འབུལ། ཨརྒྷཾ་ནས་ཤབྡའི་བར་གྱིས་མཆོད། གནོད་སྦྱིན་དག་གི་རྒྱལ་པོ་རྒྱལ། །བྱང་གི་ཕྱོགས་རྣམས་སྐྱོང་བྱེད་པ། །རྒྱལ་པོ་ཆེན་པོ་ངལ་གསོས་པོ། །བཙུན་མོ་སྲས་དང་བློན་པོར་བཅས། །དེ་ལ་བསྟོང་དེ་ཕྱག་ཀྱང་ ― LT30_Page_0265 ―
[མ་དཔེ་གཟིགས་ན་འདིར་གནོན།]
འཚལ། །མཆོད་སྦྱིན་གཏོར་མ་འདི་བཞེས་ལ་ནས། །ཡིད་ལ་འདོད་པ་འོད་འགྲུབ་ཤོག །བྱང་ཕྱོགས་ན་ནི་རྣམ་ཐོས་བུ། །འཇིག་རྟེན་སྐྱོང་བ་གྲགས་དང་ལྡན། །སྡེ་བོ་ཆེ་ལ་སྟོབས་པོ་ཆེ། ཁ་དོག་ལྡན་ཞིང་རྫུ་འཕྲུལ་ཆེ། །བདག་ཅག་རེ་བ་བསྐང་བའི་ཕྱིར། །མ་དག་པ་རྣམས་མཚམས་ཆོད་ཅིག །བྱང་གི་བགེགས་རྣམས་མཚམས་ཆོད་ཅིག །རྒྱས་པའི་ཕྲིན་ལས་འགྲུབ་པར་མཛོད། །བདག་ཅག་སྒྲུབ་པ་མ་ཐོན་གྱི་བར་དུ། རྒྱལ་པོ་ཆེན་པོ་རྣམ་ཐོས་སྲས་འཁོར་བཅས་ཀྱིས། གདོན་བགེགས་བར་ཆད་ནང་དུ་མི་བཏང་ཞིང་། དངོས་གྲུབ་ཕྱི་ལ་ཡལ་དུ་མི་གཞུག་པར་སྒྲུབ་པའི་སྟོང་གྲོགས་དམ་པ་མཛོད་ཅིག་ཅེས་བྱ། དེ་ནས་ཁྲོ་བོ་བཅུ་ཇག་པའི་ཚུལ་དུ་བཏང་བ་ནི། སྒྲུབ་ཁང་ཕྱི་རོལ་གོམ་པ་ཉེར་གཅིག་ཙམ་གྱི་མཚམས་སུ་འབྲུབ་ཁུང་བྱེད་པར་བཤད་ཀྱང་། ཚད་ངེས་བཟུང་མི་དགོས་ཏེ། སྒྲུབ་ཁང་གི་ཕྱི་མཚམས་ཇི་ལྟར་འོས་པར་དང་པོ་ཆུང་ངུ་ཅུང་ཟད་རེ་བྲུས་ལ། ཕུར་ཆུང་བཅུ་ཁྲོ་བོ་བཅུར་མོས། རང་གི་སྙིང་ག་ནས་འོད་ཟེར་འཕྲོས། །བགེགས་ཀྱི་གཙོ་བོ་ཕྱོགས་སྐྱོང་བཅུ་རྣམས་བཀུག་སྟེ། འབྲུབ་ཁུང་གི་ནང་དུ་བཅུག་པར་གྱུར། སྟེང་གི་འབྲུབ་ཁུང་དུ་ཕུར་བུ་གཅིག་བཏབ་སྟེ་ཐོ་བས་བརྡུང་། སྙིང་པོའི་མཐར། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ། གརྫ་གརྫ་ཧཱུྃ་ཕཊ། ཨེ་མ་བདག་ ― LT30_Page_0266 ―
[མ་དཔེ་གཟིགས་ན་འདིར་གནོན།]
ཉིད་རང་བྱུང་པོ། །ཁྲོ་བོ་ཆེན་པོ་ཧཱུྃ་ཀ་ར། །སྤྲུལ་པ་ཕོ་ཉའི་ཚོགས་སྤྲོས་ནས། །སྟེང་ན་གནས་པའི་དགྲ་བགེགས་རྣམས། །ལྕགས་ཀྱུས་ཟུང་ལ་ཕུར་བུས་ཐོབ། །མགོ་བོ་ཚལ་པ་བརྒྱ་རུ་ཁོས། །ལུས་ཀྱང་དུམ་བུ་སྟོང་དུ་གཏུབ། །སྙིང་ལ་ཀཱི་ལི་ཀཱི་ལ་ཡ། ཞེས་བརྗོད། །དེས་ཕྱོགས་བཅུ་ཀི་ལ་རིགས་འགྲེ་སྟེ། ཧཱུྃ་ཀ་ར་ཞེས་པའི་དོད་དུ། རྣམ་པར་རྒྱལ། དབྱུག་སྔོན་ཅན། གཤིན་རྗེ་གཤེད། མི་གཡོ་མགོན། རྟ་མཆོག་དཔལ། འདོད་པའི་རྒྱལ། བདུད་རྩི་འཁྱིལ། ཁྲོ་བོ་ཁམས་གསུམ་རྣམ་རྒྱལ་ནི། སྟོབས་པོ་ཆེ། ཞེས་སོགས་འདོན་པ་སྤོ་ཞིང་། སྟེང་གི་དོད་དུ་ཕྱོགས་སོ་སོ་དང་། ཁྲོ་བོ་བཅུ་པོ་རང་རང་སོ་སོའི་སྔགས་ཀྱི་འདོན་པ་སྤོའོ། །དེ་དག་ནི་ཕྱི་མཚམས་བཅད་པ་ཡིན་པར་འཆད་དོ། །དེ་ནས་དམ་སྲི་མནན་པ་ནི། ལིང་གའི་སྙིང་གར་ཡ་མ་དམ་སྲི་སྟྭཾ་བྷ་ནི་ཛཿཛཿ ཞེས་པ་འབྲི་བར་བཤད། གྲོག་ལ་བྱིས་པའི་ལིང་གའམ། སྔགས་ཀྱི་ཤོག་དྲིལ་སྙིང་གར་བཅུག་པས་བག་ཟན་ནམ་ཁམས་ལ་བྱས་པའི་ལིང་གས་ཀྱང་རུང་། འབྲུབ་ཁུང་དུ་ལིང་ག་བཅས་ལ། སྡེ་བརྒྱད་ལ་གསེར་སྐྱེམས་བཏང་། ཨེ་ཡཾ་རཾ་བཛྲ་ཛྭ་ལ་རཾ། འབྲུབ་ཁུང་ཡངས་ཤིང་རྒྱ་ཆེ་བའི་དབུས་སུ། ཏྲི་ལས་དམ་སྲི་ཕོ་མོ་ལྕགས་སྒྲོག་དང་ཞགས་པས་བཅིངས་པའི་ལུས་ཅན་དུ་གྱུར། བདེན་བརྡར་དང་འགུགས་གཞུག་བྱ། ཕུར་ཆུང་གཅིག་ ― LT30_Page_0267 ―
[མ་དཔེ་གཟིགས་ན་འདིར་གནོན།]
བདུད་རྩི་འཁྱིལ་བ་བསྐྱེད། སྙིང་པོ་དང་བདུད་རྩི་འཁྱིལ་པའི་སྔགས་མང་དུ་བཟླ། ཧཱུྃ། །དུར་ཁྲོད་ཆེན་པོའི་གནས་ཆེན་འདིར། །དངོས་གྲུབ་བར་ཆད་བྱེད་པའི་བགེགས། །བཀའ་ལས་འདའ་བྱེད་དམ་སྲི་རྣམས། །མནན་ཅིང་གཟིར་བའི་དུས་ལ་བབ། ལན་གསུམ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧཱུྃ། ཚིནྡྷ་ཚིནྡྷ་ཧཱུྃ་ཕཊ་དང་། སྙིང་པོ་སྤེལ་བ་མང་དུ་བཟླས། ཕུར་ཆུང་དེ་ལིང་གའི་སྙིང་གར་བཏབ། བར་མཚམས་རྣམས་ཡུངས་ཀར་རམ། བལ་ཚོན་ནམ། དྲག་སྔགས་བཟླས་པའི་ཕྱེ་མས་བཀང་། རྡོ་རྗེ་རྒྱ་གྲམ་བྲིས་པའི་གཡམ་པས་མནན། དེ་ཡང་གཡམ་པས་གཡོགས་ཤིང་མནན་ལ། ཧཱུྃ། མནན་ནོ་མནན་ནོ་རི་རབ་འོག །སྤྱིངས་སོ་སྤྱིངས་སོ་རྒྱ་མཚོར་སྤྱིངས། །གཏད་དོ་གཏད་དོ་གཤིན་རྗེའི་ལག །ཐར་མེད་འཆིང་བ་ཐོབ་པར་ཤོག །བྱང་ཆུབ་སེམས་མཆོག་མ་སྐྱེས་པར། །ནམ་ཡང་གཏོང་བར་མ་བྱེད་ཅིག །གཏད་དོ་མ་གཏད་ཤོ་ར་རེ། །སངས་རྒྱས་སྟོང་གི་བཀའ་ཡིན་ནོ། །ཨོཾ་ལཾ་ཧཱུྃ་ལཾ་དཾ་སྲི་སྟཾཱ་བྷ་ཡ་ནཾ། སྤྲོས་པ་ལ་དགའ་ན་ལས་བཞིའི་བྲོ་བརྡུངས་ཀྱང་བྱ། སུམྦྷ་ཧཱུྃ་བཞི་བསང་དུ་བཟླ། དེ་ནས་སྒོ་བྱང་འདོགས་པ་ནི། དེའི་སོག་པ་གཉིས་ཀྱི་གཅིག་ལ་གཤིན་རྗེ་གཤེད་དང་། གཅིག་ལ་བདུད་རྩི་འཁྱིལ་པའི་སྐུ་བྲིས་ལ། གཤིན་རྗེ་གཤེད་སྒོའི་ཡ་ཐེམ་གྱི་ཕྱི་དང་། བདུད་རྩི་འཁྱིལ་པ་ ― LT30_Page_0268 ―
[མ་དཔེ་གཟིགས་ན་འདིར་གནོན།]
ནང་དུ་འདོགས་པར་བྱེད་དོ། །གཅིག་ལ་བསྡུ་ན་གཤིན་རྗེ་གཤེད་གལ་ཆེ་བས། དེ་ཉིད་སྒོའི་ཡ་ཐེམ་གྱི་ནང་དུ་འདོགས་སོ། །གང་ལྟར་ཡང་བསང་སྦྱང་། སྟོང་པའི་ངང་ལས་ཧཱུྃ་ཡིག་ལས་གཤིན་རྗེ་གཤེད། ནག་པོ། །དབྱུག་པ་དང་ཞགས་པ་འཛིན་པ་དང་། བདུད་རྩི་འཁྱིལ་བ་ལྗང་བུ་རྡོ་རྗེ་དང་དྲིལ་བུ་འཛིན་པའོ། །ཡེ་ཤེས་པ་བཛྲ་ས་མཱ་ཛཿཛཿཧཱུྃ་བྃ་ཧོཿདཔྲལ་བར་ཨོཾ། མགྲིན་པར་ཨཱཿཐུགས་ཀར་ཧཱུྃ། ཨོཾ་ཨཱཿཀྲོ་དྷཻ་ཀ་ཡ་མཱནྟ་ཀ་ཧཱུྃ་ཕཊ། ཨོཾ་ཨ་མྲྀ་ཏ་ཀུཎྜ་ལི་ཧཱུྃ་ཕཊ། ཡང་ན་འདི་ཉིད་རང་གི་ཁྲོ་བཅུའི་སྔགས་ཀྱི་ནང་ཚན་གྱིས་ཀྱང་རུང་སྟེ། སྔགས་གཉིས་པོ་བརྒྱ་རྩ་ཙམ་བཟླ། ཨརྒྷཾ་ནས། ཤབྡའི་བར་གྱིས་མཆོད། ཧཱུྃ། གསང་ཆེན་ལྷུན་གྲུབ་ཕོ་བྲང་ནས། །བཅོམ་ལྡན་ཆོས་རྗེས་བཀའ་སྩལ་ལྟར། །བདག་ཅག་རིག་འཛིན་སྒྲུབ་པ་པོ། །བཀའ་གསང་གཞུང་ཆེན་འདི་སྒྲུབ་བོ། །འདི་ལ་གནོད་ཅིང་བར་ཆད་ཀུན། །ས་འདི་ཡན་ཆད་མ་བཏང་ཞིག །ཕྱི་འཁོར་སྐྱོང་བའི་མུ་རན་ལ། །རྡོ་རྗེ་ཡལ་གམ་ཐུབ་པར་མཛོད། །ཨོཾ་བཛྲ་ཡ་མ་རཱ་ཙ་ས་མ་ཡ་སྟྭཾ། ཧཱུྃ། ལྗང་ནག་འབར་བ་ཆེན་པོའི་ཀློང་དཀྱིལ་ནས། །འཁྱིལ་བའི་དམ་ཚིག་བདུད་རྩི་འབར་བ་ཁྱེད། །རྣལ་འབྱོར་དམ་ཅན་སྒྲུབ་པའི་འབྲས་བུ་རྣམས། །མངོན་སུམ་ཚད་མའི་ཡིད་བཞིན་སྒྲུབ་པར་མཛོད། ། ― LT30_Page_0269 ―
[མ་དཔེ་གཟིགས་ན་འདིར་གནོན།]
ཨོཾ་བཛྲ་ཨ་མྲྀ་ཏ་ཀུཎྜ་ལི་ས་མ་ཡ་སྟྭཾ། མེ་ཏོག་དོར། དེ་དག་ནི་བར་མཚས་བཅད་པའོ། །ནང་མཚམས་གཅོད་པ་ནི། འོག་དངོས་གཞི་གཞུང་ལས་འབྱུང་བ་ལྟར། སྟོང་པའི་ངང་ལས་བདག་ཉིད་དཔལ་ཆེན་པོ་ཞེས་པ་ནས། བྷཉྫ་ར་་ཧཱུྃ་ཕཊ་ཀྱི་བར་བརྗོད་དེ། དོན་སྲུང་འཁོར་སྒོམ་མ་སྟེ། དེ་ཡན་ཆད་ནི་སའི་ཆོ་ག་ཡན་ལག་དང་བཅས་པའོ། །ས་བཟུང་བ་ཉིད་ཀྱི་ལྷ་སྟ་གོན་གྲུབ་པའི་ཕྱིར། རྙིང་མ་ཚད་ལྡན་ཕལ་ལ་དེ་ནི་ལོགས་སུ་མི་མཛད་དོ། །གསུམ་པ་ཕྱི་བཤགས་དང་ཕྱི་སྐོང་ནི། སཱཙྪ་གདབ་པ། མདོ་སྡེ་བཀླག་པ། འཇིག་རྟེན་པའི་ལྷ་ཚོགས་རྣམས་ལ་གཏོར་མ་གཏོང་བ་སོགས་ཡིན་ཏེ། རང་ངམ་དགེ་འདུན་གྱིས་ཇི་ལྟར་འོས་ཙམ་བྱའོ། །བཞི་པ་དཀྱིལ་འཁོར་བཞེངས་པའི་ལས་གསུམ་བསྟན་པ། དང་པོ་གོ་མཱ་ཡེ་གཏོད་པ་ནི། བ་བྱུང་ལྔ་དང་སྦྱར་བའི་སྐུ་གསུང་ཐུགས་ཀྱི་བདུད་རྩི་ཆག་ཆག་འདེབས་བཞིན་པས། ཧཱུྃ། བཀའ་གསང་རྨད་དུ་བྱུང་བའི་དཀྱིལ་འཁོར་འདིར། །བདུད་རྩི་དྲི་ཆེན་ཡེ་ཤེས་ལྔ་ལྡན་པས། །བདེ་གཤེགས་ཀུན་གྱི་གསང་མཆོག་བསྒྲུབ་པའི་ཕྱིར། །གསང་བའི་དཀྱིལ་འཁོར་ཆེན་པོར་ཆག་ཆག་འདེབས། །ཨོཾ་མ་ཧཱ་མ་ལ་སུ་ཏ་མཎྜལ་ཧཱུྃ། བཀའ་གསང་སོགས་ཚིག་གཞན་གོང་བཞིན་ལས། རྐང་པ་གཉིས་པ་ལ། དམ་རྫས་དག་པའི་བདུད་རྩི་གུར་གུམ་ཆུས། །ཞེས་དང་། སྔགས། ― LT30_Page_0270 ―
[མ་དཔེ་གཟིགས་ན་འདིར་གནོན།]
ལམ་ལ་སུ་ཏའི་གནས་སུ་མ་ཧཱ་ཀུ་ཀུ་མ་མཎྜལ་ལ་ཞེས་དང་། འཁོར་བའི་རྒྱུན་གཅོད་བྱང་ཆུབ་སེམས་ཀྱི་དང་། །ཞེས་དང་། མ་ཧཱ་རཀྟ་མཎྜལ་ཅེས་འདོན་པ་སྤོ། གཉིས་པ་ཐིག་གདབ་པ་ནི། བསང་སྦྱང་། སྟོང་པའི་ངང་ལས་ཧཱུྃ་ལས་ཐིག་སྐུད་ནག་པོ་མི་བསྐྱོད་པ། ཨོཾ་ལས་ཐིག་སྐུད་དཀར་པོ་རྣམ་སྣང་། སྭཱ་ལས་ཐིག་སྐུད་སེར་པོ་རིན་འབྱུང་། ཨཱཿལས་ཐིག་སྐུད་དམར་པོ་སྣང་མཐའ། ཧཱ་ལས་ཐིག་སྐུད་ལྗང་ཁུ་དོན་གྲུབ་ཀྱི་ངོ་བོར་གྱུར། རྒྱལ་བ་རིགས་ལྔ་གཙོ་བོའི་སྐུ་ལ་ཞུགས། བྱང་ཆུབ་ཀྱི་སེམས་སུ་ཞུ་བ་ཐིག་སྐུད་ལ་ཐིམ། ཧཱུྃ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། སྭཱ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཨཱཿབཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཧཱ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། མང་དུ་བཟླ། སློབ་མ་འཁོར་ལོ་རྒྱས་འདེབས་སུ་གསལ་བས། རྡོ་རྗེ་གཞོན་ནུའི་རིག་འཛིན་རྣམས་སོགས་དང་། སློབ་དཔོན་གཙོ་བོར་གསལ་བས། སྙིང་རྗེས་བསྒྲལ་བའི་སོགས་གླུར་བླངས་ཏེ། ཧཱུྃ། སྟོང་གསུམ་སྟོང་གི་འཇིག་རྟེན་ན། །ད་ནི་དཀྱིལ་འཁོར་ཐིག་འདེབས་ཀྱི། །གདུག་ཅན་ཚོགས་རྣམས་གང་འཁོད་པ། །འདི་རུ་མ་འདུག་གཞན་དུ་དེངས། །ཨོཾ་བཛྲ་ཀྲོ་དྷཱི་ནི་ཧཱུྃ་ཕཊ་ཅེས་ཐིག་སྣ་གཏད། ཧཱུྃ། །ནམ་མཁའ་བར་སྣང་ས་གཞི་ཨེ་ཡི་ངང་། ། ― LT30_Page_0271 ―
[མ་དཔེ་གཟིགས་ན་འདིར་གནོན།]
གསང་བའི་དཀྱིལ་འཁོར་ཆེན་པོར་ཐིག་བཏབ་པས། །རྡོ་རྗེ་སྲིན་པོའི་ལྷ་ཚོགས་བཞུགས་པའི་གནས། །ཕོ་བྲང་ཡེ་ཤེས་ལྷུན་གྱིས་གྲུབ་པར་གྱུར། བནྡྷ་ཛྙཱ་ན་ཙཀྲ་ཨེ་བྷྲཱུྃ། ཞེས་ཐིག་གདབ་བོ། །གསུམ་པ་ཚོན་གྱི་བྱ་བ་ལ་གཉིས་ཀྱི་ཚོན་བྱིན་གྱིས་བརླབ་པ་ནི། ཐིག་སྐུད་བྱིན་རླབས་འདོན་པ་སྤོས་པས་རྡུལ་ཚོན་བྱིན་གྱིས་བརླབས། ཀཱི་ལ་ལན་མང་དུ་བརྗོད། དེ་རྗེས་ཚོན་འགྱེད་པའི་ཚེ། །དཀར་པོ་ཨོཾ་གྱི་རང་བཞིན་ལས། །ཟླ་བ་ཤེལ་གྱི་འོད་ཟེར་འཕྲོ། །ཆོས་དབྱིངས་ཡེ་ཤེས་བྱིན་གྱིས་བརླབས། །ཕུར་པའི་དངོས་གྲུབ་ཐོབ་པར་ཤོག །ཀཱི་ལ་ཡ་བཟླ། །མཐིང་ཀ་ཧཱུྃ་གི་རང་བཞིན་ལས། །ཨིནྡྲ་ནཱི་ལའི་འོད་ཟེར་འཕྲོ། །མེ་ལོང་ཡེ་ཤེས་བྱིན་གྱིས་བརླབས། །ཕུར་པའི་དངོས་གྲུབ་ཐོབ་པར་ཤོག །སེར་པོ་སྭཱ་ཡིག་རང་བཞིན་ལས། །རིན་ཆེན་གསེར་གྱི་འོད་ཟེར་འཕྲོ། །མཉམ་ཉིད་ཡེ་ཤེས་བྱིན་གྱིས་བརླབས། །ཕུར་པའི་དངོས་གྲུབ་ཐོབ་པར་ཤོག །དམར་པོ་ཨཱཿཡི་རང་བཞིན་ལས། །རིན་ཆེན་བྱུ་རུའི་འོད་ཟེར་འཕྲོ། །སོར་རྟོག་ཡེ་ཤེས་བྱིན་གྱིས་བརླབས། །ཕུར་པའི་དངོས་གྲུབ་ཐོབ་པར་ཤོག །ལྗང་ཁུ་ཧཱ་ཡི་རང་བཞིན་ལས། །རིན་ཆེན་གཡུ་ཡི་འོད་ཟེར་འཕྲོ། །ནན་ཏན་ཡེ་ཤེས་བྱིན་གྱིས་བརླབས། །ཕུར་པའི་དངོས་གྲུབ་ཐོབ་པར་ཤོག། བར་འདིར་ ― LT30_Page_0272 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་བྲི་བར་བྱའོ། །ལྔ་པ་ཕུར་པ་བྱིན་གྱིས་བརླབ་པ་ནི། སྔར་བཞིན་སློབ་མས་རྡོ་རྗེ་གཞོན་ནུའི་སོགས་དང་། སློབ་དཔོན་གྱི་སྙིང་རྗེས་བསྒྲལ་བའི་སོགས་བརྗོད། ཕུར་བུ་རྣམས་རེ་རེ་བཞིན་ཨ་མྲྀ་ཏས་བསང་། རཾ་ཡཾ་ཁཾ། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། རང་བཞིན་སྟོང་པ་ཉིད་དོ། །ཞེས་ཡུན་རིང་དུ་བསྒོམ། ཧཱུྃ་ལས་བྱུང་བའི་ཕུར་བུ་རྣམས་དཀྱིལ་འཁོར་གྱི་ལྷ་ཚོགས་སུ་གྱུར་པར་མོས་ལ། འོག་ནས་འབྱུང་བའི་ལྷ་བསྐྱེད་སྔགས་རྣམས་ཚར་གཅིག་བརྗོད། སྤྲོ་ཞིང་ནུས་ན་མངོན་རྟོགས་ཀྱི་སྔགས་ལས་འབྱུང་བ་ལྟར། ཞལ་ཕྱག་རྣམས་གསལ་བཏབ་ཀྱང་ལེགས། ངག་ནས་མི་བརྗོད་ཀྱང་ཡིད་ཀྱིས་དམིགས་པས་གསལ་ཐེབས་པ་ནི་ངེས་པར་དགོས་སོ། །ཡང་སྔགས་དེ་དག་ལྷན་ཅིག་བརྗོད་པས། ལྷ་ཐམས་ཅད་ལྟེ་བ་མན་ཆད་ཕུར་བུའི་རྣམ་པར་གྱུར། ཧཱུྃ། སྐྱེ་མེད་རྣམ་དག་ནས། སྲས་མཆོག་ཀཱི་ལ་ཡ། །སྐྱེ་མེད་ཆོས་ཀྱི་དབྱིངས་ལས་བཞེངས་ནས་ཀྱང་། །སྲིད་པ་རྡོ་རྗེ་ཕུར་བུ་སྒྲུབ་པར་མཛོད། ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ས་མཱ་ཛཿ ཛཿཧཱུྃ་བཾ་ཧོཿཏིཥྛ་བཛྲ། ཡེ་ཤེས་པ་སྤྱན་དྲངས། ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་པཉྩ་ཨ་མྲྀ་ཏ་བ་ལི༚་ཏ་རཀྟ་ཧོཿཧཱུྃ། དཱིཔྟ་ཙཀྲ་སོགས་ཀྱིས་བསྟོད་པ་ལས། དབུ་ལ་སོགས་ཀྱི་དོད་དུ། རལ་གྲིའི་སྐྲ་ལ་སྤུ་གྲིའི་སོ། ། ― LT30_Page_0273 ―
[མ་དཔེ་གཟིགས་ན་འདིར་གནོན།]
ཞེས་འདོན་པ་སྤོ། ཕུར་པའི་ལྷ་ཐམས་ཅད་ཀྱི་དབུ་ལ་ཧཱུྃ་ཨོཾ་སྭཱ་ཨཱཿཧཱ་རྣམས་ལས་བྱུང་བའི་རྒྱལ་བ་རིགས་ལྔ། དེ་རྣམས་ཀྱི་འོད་ཟེར་གྱིས་སྐུ་ལུས་གང་བར་གྱུར་སངས་རྒྱས་ཐམས་ཅད་རིགས་ལྔའི་རྣམ་པར་སྤྱན་དྲངས་ཏེ་ཐིམ། ཕུར་བུའི་སྤྱི་བོར་ཨོཾ་དཀར་པོ། སྐེད་པར་ཧྲཱིཿདམར་པོ། རྩེ་མོར་ཕཊ་སེར་པོ། དེ་རྣམས་ཀྱི་འོད་ཟེར་འཕྲོ་འདུ་ལས་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་འདུས་པར་གྱུར་པ་ནི། དཔལ་གྱི་ལོགས་གསུམ་ལ་ཧཱུྃ་རེ། ཟུར་གསུམ་ལ་ཕཊ་རེ། རྩེ་མོར་ཨ་ཐུང་ནག་པོའོ། །དེ་རྣམས་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས། དགྲ་བགེགས་ཀྱི་སྡིག་སྒྲིབ་སྲེག་པའི་ནུས་པ་དང་ལྡན་པ་མེའི་དཔལ་དུ་གྱུར། །འོག་ཕུར་པ་རྫས་ཀྱི་དཀྱིལ་འཁོར་གྱི་སྐབས་སུ་འབྱུང་བ་ལྟར། མ་སུ་རྱ་ནས། ཨ་བེ་ཤ་ཡ་ཨ། ཨོཾ་བོ་དྷི་ཙིཏྟ་ཨ་བྷི་ཥིཉྩ་ཨ། ཞེས་པ་དང་། ཨོཾ་བཛྲ་ཀཱི་ལི་ཀཱི་ལ་ཡ་ཛྭ་ལ་ཛྭ་ལ་སོགས་སྔགས་གསུམ་གྱིས་དབང་བསྐུར་བའི་བར་རྣམས་བྱ། ཨོཾ་བཛྲ་ཀཱི་ལི་ཀཱི་ལ་ཡ་བེ་ཏ་ལི་སོགས། ཡུངས་ཀར་གུ་གུལ་རཀྟ་རྣམས་ཀྱིས་གཟི་བྱིན་བསྐྱེད། ཧཱུྃ། ཁྲོ་རྒྱལ་འཇིགས་བྱེད་བཛྲ་ཀཱི་ལ་ཡ། །ཟུར་གསུམ་སྐུ་གསུང་ཐུགས་སུ་གཟི་བརྗིད་སྐྱེད། །ཟུར་བཞི་ཡེ་ཤེས་བཞི་རུ་གཟི་ ― LT30_Page_0274 ―
[མ་དཔེ་གཟིགས་ན་འདིར་གནོན།]
བརྗིད་སྐྱེད། །ཟླུམ་པོ་བྱམས་དང་སྙིང་རྗེར་གཟི་བརྗིད་སྐྱེད། །ཟླ་གམ་ཆགས་མེད་དབྱིངས་སུ་གཟི་བརྗིད་སྐྱེད། །འབྱུང་ལྔ་ཡུམ་གྱི་དབྱིངས་སུ་གཟི་བརྗིད་སྐྱེད། །བཅུ་དྲུག་རོལ་པའི་ཕོ་ཉར་གཟི་བརྗིད་སྐྱེད། །མ་སྐྱེས་ལྷུན་གྱིས་གྲུབ་པར་གཟི་བརྗིད་སྐྱེད། །གང་ལ་བྱ་བའི་དགྲ་བགེགས་བརླག་པའི་ཕྱིར། །སུ་ལ་བསྣུན་ཀྱང་ཐམས་ཅད་སྒྲོལ་བར་མཛོད། །སྙིང་པོའི་མཐར། བཛྲ་ཀྲོ་དྷ་སརྦ་བུདྡྷ་ཏ་ཐཱ་ག་ཏ་ཧ་ས་ན་ཡ་ཧཱུྃ། ཨ་བེ་ཤ་ཡ་ཨ། ཞེས་མང་དུ་བཟླའོ། །དེ་ལྟར་ན་ཆོས་སྐུར་བྱིན་གྱིས་བརླབ། ལོངས་སྐུར་བྱིན་གྱིས་བརླབ། སྤྲུལ་སྐུར་བྱིན་གྱིས་བརླབ། ཡེ་ཤེས་ལྔར། །སྐུ་གསུང་ཐུགས་སུ། ཐུགས་རྩེ་གཅིག་པར། འགྲོ་དོན་སྲས་མཆོག་ཏུ་དབང་བསྐུར་བ་སྟེ་བདུན་ནོ། །ཡང་སྐད་ཅིག་ལས་བཞེངས་སུ་གསོལ་བ། སྤྱན་འདྲེན་པ། གཉིས་མེད་བསྟིམ་པ། བསྟོད་པ་འབུལ་བ། གཟི་བྱིན་བསྐྱེད་པ། བྱིན་གྱིས་བརླབ་པ། དབང་བསྐུར་བ་སྟེ་བདུན་དུ་བྱེད་པའི་ལུགས་ཀྱང་ཡོད་པ་གང་ལྟར་བྱས་ཀྱང་མི་འགལ་ལོ། །དྲུག་པ་ནི། ཕུར་བུ་དཀྱིལ་འཁོར་ལ་འགོད་པ་ཡིན་ཏེ། སྔ་རབས་པ་རྣམས་ཕུར་བཤར་འདེབས་པ་ཞེས་ཟེར་རོ། །དབུས་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །བཅོམ་ལྡན་རྡོ་རྗེ་གཞོན་ནུ་དང་། །ཡུམ་ཆེན་འཁོར་ལོ་རྒྱས་འདེབས་པ། །ཡབ་ ― LT30_Page_0275 ―
[མ་དཔེ་གཟིགས་ན་འདིར་གནོན།]
ཡུམ་གཉིས་སུ་མེད་པ་ཡང་། །རུ་དྲེ་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་དཱིབྟ་ཙཀྲ་བཛྲ་ས་མ་ཡ་ཏིཥྛནྟུ། སྟེང་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །ཧཱུྃ་མཛད་རྡོ་རྗེ་སྒྲ་འབྱིན་བཅས། །ཕྲ་མེན་ཕག་དང་རྨིགས་བུའི་མགོ། །དབང་དང་དངོས་གྲུབ་བླང་བའི་ཕྱིར། །ཚངས་པ་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། ཤར་ནས་རང་བྱུང་གྲུབ་བའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །རྣམ་རྒྱལ་རྡོ་རྗེ་སྒེག་སྙེམས་བཅས། །ཕྲ་མེན་སྟག་དང་བྱ་རྒོད་མགོ། །དབང་དང་དངོས་གྲུབ་བླང་བའི་ཕྱིར། །བརྒྱ་བྱིན་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །མེ་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །དབྱུག་སྔོན་རྡོ་རྗེ་སྡེར་མོར་བཅས། །ཕྲ་མེན་གཡག་དང་བྱ་རོག་མགོ། དབང་དང་དངོས་གྲུབ་བླང་ ― LT30_Page_0276 ―
[མ་དཔེ་གཟིགས་ན་འདིར་གནོན།]
བའི་ཕྱིར། །མེ་ལྷ་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །ལྷོ་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །གཤིན་རྗེ་དུར་ཁྲོད་ལྷ་མོར་བཅས། །ཕྲ་མེན་ཤ་བ་འུག་པའི་མགོ། དབང་དང་དངོས་གྲུབ་བླང་བའི་ཕྱིར། །གཤིན་རྗེ་བསྣོལ་བའི་གདན་སྟེང་དུ། །དགྱེས་ཤིང་བརྟེན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། ལྷོ་ནུབ་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །མི་གཡོ་རྡོ་རྗེ་གཏུན་ཁུང་བཅས། །ཕྲ་མེན་གཟིག་དང་ཁྭ་ཏའི་མགོ། །དབང་དང་དངོས་གྲུབ་བླང་བའི་ཕྱིར། །སྲིན་པོ་བསྣོལ་པའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །ནུབ་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །རྟ་མགྲིན་རྡོ་རྗེ་གཏུམ་མོར་བཅས། །ཕྲ་མེན་བྱི་ལ་པུ་ཤུད་མགོ། །དབང་དང་དངོས་གྲུབ་བླང་བའི་ཕྱིར། །ཆུ་ལྷ་བསྣོལ་བའི་ ― LT30_Page_0277 ―
[མ་དཔེ་གཟིགས་ན་འདིར་གནོན།]
གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །རླུང་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །གཞན་གྱི་མི་ཐུབ་མངའ་སྙེམས་བཅས། །ཕྲ་མེན་སྤྱང་ཀུ་ཁྲ་ཡི་མགོ། །དབང་དང་དངོས་གྲུབ་བླང་བའི་ཕྱིར། །རླུང་ལྷ་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །བྱང་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །འཁྱིལ་བ་རྡོ་རྗེ་རླུང་འབྱིན་བཅས། །ཕྲ་མེན་སེང་གེ་ཕ་ཝང་མགོ། །དབང་དང་དངོས་གྲུབ་བླང་བའི་ཕྱིར། །གནོད་སྦྱིན་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །བྱང་ཤར་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། ཁམས་གསུམ་རྣམ་རྒྱལ་གསོད་མར་བཅས། །ཕྲ་མེན་དྲེད་དང་སྲེ་མོང་མགོ། །དབང་དང་དངོས་གྲུབ་བླང་བའི་ཕྱིར། །དབང་ལྡན་བསྣོལ་བའི་གདན་ ― LT30_Page_0278 ―
[མ་དཔེ་གཟིགས་ན་འདིར་གནོན།]
སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །འོག་ནས་རང་བྱུང་གྲུབ་པའི་ལྷ། །སངས་རྒྱས་ཀུན་གྱི་ཡེ་ཤེས་སྐུ། །ཆོས་དབྱིངས་རྡོ་རྗེའི་ངང་ཉིད་ལས། །སྟོབས་ཆེན་རྡོ་རྗེ་སྐུལ་བྱེད་བཅས། །ཕྲ་མེན་དོམ་དང་བྱི་བའི་མགོ། །དབང་དང་དངོས་གྲུབ་བླང་བའི་ཕྱིར། །ས་བདག་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །ཤར་ནས་རང་བྱུང་གྲུབ་པའི་ལྷ། །འགུགས་བྱེད་ཆེན་མོ་པུ་ཤུད་མགོ། །ཤར་སྒོ་ཉི་སྟེང་མི་རོའི་སྟེང་། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །ལྷོ་ནས་རང་བྱུང་གྲུབ་པའི་ལྷ། །འཆིང་བྱེད་ཆེན་མོ་བྱ་རོག་མགོ། །ལྷོ་སྒོར་ཉི་སྟེང་མི་རོའི་སྟེང་། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ཏིཥྛནྟུ། །ནུབ་ནས་རང་བྱུང་གྲུབ་པའི་ལྷ། །སྡོམ་བྱེད་ཆེན་མོ་སྲིན་བྱའི་མགོ། །ནུབ་སྒོར་ཉི་སྟེང་མི་རོའི་སྟེང་། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་བཛྲ་ཀྲོ་དྷ་ཧཱུྃ་ཀ་རོ་ཧཱུྃ་གརྫ་གརྫ་ཧཱུྃ་ཕཊ། བཛྲ་ས་མ་ཡ་ ― LT30_Page_0279 ―
[མ་དཔེ་གཟིགས་ན་འདིར་གནོན།]
ཏཥྠནྟུ །བྱང་ནས་རང་བྱུང་གྲུབ་པའི་ལྷ། །མཉེས་བྱེད་ཆེན་མོ་ཁྲ་ཡི་མགོ། །བྱང་སྒོར་ཉི་སྟེང་མི་རོའི་སྟེང་། །དགྱེས་ཤིང་བརྟན་པར་བཞུགས་སུ་གསོལ། །དམ་ཅན་གྱི་ཕུར་པ་འགོང་ན། ཨོཾ་བཛྲ་ཀཱི་ལི་ཀཱི་ལ་ཡ་མ་ཐ་མ་ཐ་བཛྲ་ཧཱུྃ་ཕཊ། མ་ཐ་སོགས་ལ་འདོན་པ་སྤོས་ཏེ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་བཛྲ། མ་མ་ཝཱ་ཤཾ་ཀུ་རུ། མེ་ཏོ་ཉ་ཀ་ར། མ་མ་ཀརྨ་ཤི་གྷྲཾ་ཀ་ར། ཀ་ཏཾ་ཀ་ཡེ། ཨ་ཛི་ཏེ། ཛ་ཡེ་བི་ཛ་ཡེ། ཨ་པ་ར་ཛི་ཏེ་རྣམས་ལ་སྔར་བཞིན་སྦྱར། ཨོཾ་བཛྲ་ཀཱི་ལི་ཀཱི་ལ་ཡ་མ་མ་ཤྲཱི་ཀ་ར་ཡ་ཧཱུྃ་ཕཊ། ལན་བཞི། དེ་བཞིན་དུ། མ་ར་སྱན་དང་། པྲ་མརྡྷ་ན་ལ་ཡང་ལན་བཞི་བཞི་སྦྱར། སྤྱིར་དེ་ཙམ་གྱིས་ཆོག་ལ། སྤྲོས་པ་ལ་དགའ་ན། ནམ་གྱི་སྲོད་ཀྱི་དམ་ཅན་མ་སོགས་ལ། དུས་ལ་བབ། ཅེས་པ་རྣམས་བཞུགས་སུ་གསོལ་ཅེས་འདོན་པ་བསྒྱུར་བས་ཆོག་གོ། །བདུན་པ་རྒྱན་བཀྲམ་པ་ནི། ས་རྒྱན་གནམ་རྒྱན་མཆོད་རྫས་སོགས་བཤམ། །ཤེས་རབ་རལ་གྲི་ཡུམ་གྱི་རང་བཞིན་ལས། །ཐབས་ཀྱི་ཕྱག་རྒྱའི་ཆོ་འཕྲུལ་ཅི་ཡང་རྟགས། །ཐབས་ཤེས་རང་བཞིན་མཆོད་པའི་ལྷ་མོ་རྣམས། །རྒྱན་དང་མཆོད་རྫས་གདན་ལ་བཞུགས་སུ་གསོལ། །སརྦ་པཱུ་ཛ་མེ་གྷ་ས་མ་ཡ་ཏིཥྛ་ལྷན། །ཅེས་བརྗོད་དོ། །བརྒྱད་པ་བུམ་པ་འགོད་པའམ་བྲམ་པ་སྟ་གོན་ནི། སློབ་མ་དབང་བསྐུར་དང་། ― LT30_Page_0280 ―
[མ་དཔེ་གཟིགས་ན་འདིར་གནོན།]
རབ་གནས་དང་། བདག་འཇུག་ཕལ་པ་དང་། སྒྲུབ་པ་དངོས་གྲུབ་ཀྱི་དབང་ལེན་པ་རྣམས་ལ། བུམ་སྒྲུབ་ངེས་པར་དགོས་ལ། སྒྲུབ་མཆོད་ཙམ་ལ་ནི་བུམ་པ་ངེས་པར་དགོས་པ་མིན་ཡང་འགྲུབ་ན་ནི་ལེགས་སོ། །དེ་ལ་བུམ་སྒྲུབ་དངོས་ནི། བདག་མདུན་བུམ་གསུམ་དབྱེར་མེད་དུ་སྒྲུབ་པ་ཡིན་ལ། འདིར་བུམ་པ་བཤམ་པ་སྟེ། བུམ་པ་རྣམས་ལ་ཡུངས་ཀར་གཏོར་ཞིང་གུ་གུལ་གྱིས་བདུག་པས་བགེགས་བསྐྲད། དྲི་བཟང་གི་ཆུ་ལ་བདུད་རྩི་ཨ་མྲྀ་ཏ་བཏབ་པས་བཀང་། ཤིང་ལོ་མ་ཅན་གྱི་ཡལ་གས་ཁ་རྒྱན་བྱ། གཞན་སྤྱི་དང་མཐུན་པར་བཤམས་ཏེ། གཟུངས་ཐག་ནས་བཟུང་ལ། གཙོ་བོ་ཡབ་ཡུམ་གྱི་སྙིང་པོ་བརྒྱ་རྩ་རེ་དང་། ཁྲོ་བཅུའི་སྔགས་ཉེར་གཅིག་རེ་བཟླ། ཐམས་ཅད་ཀྱི་ཐུན་མོང་དུ། ཀཱི་ལ་སྟོང་ཕྲག་སོགས་མང་དུ་བཟླས་ནས་དཀྱིལ་འཁོར་ལ་དགོད་པར་བྱའོ། །དེ་ཡང་བུམ་པ་བཅུ་གཅིག་ཡོད་ན། དབུས་མ་རྣམ་རྒྱལ་བུམ་པ་ལ་གཙོ་བོ་ཡབ་ཡུམ་དང་། གཞན་བཅུ་པོ་ལ་ཁྲོ་བཅུ་བཟླ་བ་ཡིན་པས། གཙོ་བུམ་མཉྫི་སོགས་ཀྱི་སྟེང་དུ་བཀོད་ནས། དབུས་སུ་འཇོག་པ་སོགས་ལྷ་སོ་སོའི་རང་གནས་སུ་འགོད་དགོས་རྒྱུ་ཡིན་ཡང་འགོད་ཚུལ་སྟབས་མི་བདེན། གཙོ་བུམ་ཤར་སྒོའི་ཐད་ཀྱི་གཡོན་དང་། གཞན་རྣམས་རྡོ་རྭའི་ནང་གི་ཕྱོགས་མཚམས་བརྒྱད་ལ་འགོད་དོ། །བུམ་པ་གཅིག་ལས་མེད་ན་ཤར་སྒོའམ་ནུབ་སྒོའི་གོང་འཐད་དུ་བཀོད་ཀྱང་ཆོག །འདིར་བསང་དགོས་པ་རྣམས་བདུད་རྩིའམ་ཉུངས་ཀར་གཏོར་བས་བྱེད་པའི་ཕྱིར། ལས་བུམ་དང་བསང་ཆུ་མི་ ― LT30_Page_0281 ―
[མ་དཔེ་གཟིགས་ན་འདིར་གནོན།]
དགོས་ལ། ཅི་སྟེ་བྱེད་ན་བྱང་གི་བུམ་པ་ཉིད་ལས་བུམ་ཡིན་པས། བསང་ཆར་བྱེད་ནའང་ལས་ཐམས་ཅད་པའི་བུམ་ཆུ་དེ་ཉིད་དུང་ཕོར་དུ་བླངས་པས་སོ། །རྙིང་མའི་ཡིག་རྙིང་འགའ་རེ་ན་ཡང་བུམ་པ་སྟ་གོན་སྤྱི་དང་མཐུན་པའི་ལུགས་ཀྱང་འདུག་པས། དེ་ལྟར་འགལ་བ་མེད་མོད་ཀྱི་རང་ལུགས་དེ་ཙམ་གྱིས་ཆོག་གོ། །དགུ་པ་མ་ཏྲཾ་སྒྲོལ་བ་ནི། སློབ་དཔོན་ཧཱུྃ་ཀ་རས་མཛད་པའི་སངས་རྒྱས་མཉམ་སྦྱོར་གྱི་དཀྱིལ་ཆོག་ན། དངོས་གཞི་དཀྱིལ་འཁོར་བསྐྱེད་ཟིན་པའི་རྗེས་སུ། མ་ཏྲཾ་སྒྲོལ་བ་དྲག་པོའི་རོལ་གར་མང་པོ་དང་བཅས་ཏེ། སྦྱོར་སྒྲོལ་གྱི་མཆོད་པའི་ཚུལ་དུ་མཛད་པ་ཉིད་རྩ་བའི་ཁུངས་ཡིན་པས་སྤྱིར་དེ་དང་མཐུན་ན་ལེགས་ཀྱང་། གོང་མ་མང་པོ་ཞིག་སྐབས་འདིར་དཀྱིལ་འཁོར་བསྐྱེད་པའི་དོན་དུ། མ་ཏྲཾ་སྒྲོལ་བ་བསྡུས་པ་དེ་མཛད་པ་ཡང་རྙིང་མ་རང་ལུགས་ཀྱི་རྒྱུད་གཞུང་དོན་ལ་གནས་པའི་ཕྱིར། བསྒྲུབ་པར་བྱ་བ་ཁོ་ནའོ། །དེ་ཡང་མ་ཏྲཾ་གི་ལིང་ག་བཅས་ནས། བསང་སྦྱང་། སྟོང་པའི་ངང་ལས་ཡི་གེ་ཏྲི་ལས་བྱུང་བའི་རྣམ་པ་མ་ཏྲཾ་ག་རུ་ཊའི་གཟུགས་ཅན། ངོ་བོ་སྒྲུབ་པ་པོ་དངོས་གྲུབ་སྒྲུབ་པ་ལ་གེགས་བྱེད་པའི་བགེགས་དང་ལོག་འདྲེན་བྱད་མ་ཀུན་འདུས་པའི་ངོ་བོ་གདུག་ཅན་དེ་ཉིད་དབང་མེད་དུ་འགྱེལ་ཞིང་ས་ལ་ལྷུང་བར་གྱུར། བདག་ཉིད་རྡོ་རྗེ་གཞོན་ནུའི་ཐུགས་ཀ་ནས་ཁྲོ་བོ་མི་གཡོ་བ་འཁོར་དང་བཅས་པ་སྤྲོས་པར་གྱུར། ཧཱུྃ། དུར་ཁྲོད་ ― LT30_Page_0282 ―
[མ་དཔེ་གཟིགས་ན་འདིར་གནོན།]
གསང་བའི་དཀྱིལ་འཁོར་འདིར། །ཐབས་དང་ཤེས་རབ་རོལ་པ་ལས། །ཟ་བྱེད་འབར་བའི་རྔམ་སྟབས་ཀྱིས། །དགྲ་བགེགས་བསྒྲལ་བའི་དུས་ལ་བབ། །འཇོམས་བྱེད་ཆེན་པོ་ཨརྱ་ཨ་ཙ་ལ། །མཉེས་བྱེད་རྡོ་རྗེ་སྲིན་པོ་སེན་རྣོན་པ། །རྡོ་རྗེ་ཕྲེ་མེན་གཟིག་དང་ཁྭ་ཏའི་མགོ། །སྡང་དགྲ་གནོད་བྱེད་སྒྲོལ་བའི་དུས་ལ་བབ། །ས་མ་ཡ་སྟྭཾ། ལན་གསུམ། ལིང་ག་བསྐྱེད་ཅིང་ཕོ་ཉ་སྤྲོ་བའོ། །བདེན་བརྡར་བརྗོད་ཅིང་། དངོས་གྲུབ་ལ་བར་དུ་གཅོད་ཅིང་བསྟན་པ་ལ་གནོད་པར་བྱེད་པའི་སྡང་དགྲ་གནོད་བྱེད་བགེགས་དང་ལོག་འདྲེན་བྱད་མ་ལ་སོགས་པ་མ་ཏྲཾ་གི་རིགས་སུ་གནས་ཤིང་བདུད་ཀྱིས་བྱིན་གྱིས་བརླབས་པ། གནོད་བྱེད་རུ་དྲ་ཐམས་ཅད་ཅེས་འདོན་པ་སྤྲོས་ཏེ་དགུག་གཞུག་བྱ། ཐར་པའི་ལམ་འབྱེད་དཀྱིལ་འཁོར་འདིར། །སྐལ་ལྡན་ཚོགས་རྣམས་འོངས་པ་ལྟར། །རུ་དྲ་འདིར་ཤོག་རིགས་ཀྱི་བུ། །བདེ་བར་འོངས་སོ་ལེགས་པར་ཤོག །སྙིང་པོའི་མཐར་མི་གཡོ་བའི་སྔགས་སྦྱར། མ་ཏྲཾ་ཀ་རུ་དྲ་ཨཱ་ཀ་ཤ །ཏྲཾ་ཡཾ་ཛ་བ། མ་ར་ཡ་ཛ་ཛཿ །ཞེས་ལན་གསུམ་གྱིས་བོས་ཏེ་མ་ཏྲཾ་འབོད་ཅིག་དགུག་པའོ། །སྔགས་གཉིས་ཀྱི་མཐར། མ་ཏྲཾ་ཀ་རུ་དྲ་ཨ་བེ་ཤ་ཡ་ཨ་ཨ། ལན་ཉི་ཤུ་རྩ་གཅིག་གིས་གཟུགས་བརྙན་ལ་དབང་བའོ། །ཛཿཧཱུྃ་བྃ་ཧོཿམང་དུ་བཟླས་ཤིང་། གཟུགས་བརྙན་འབྲུབ་ ― LT30_Page_0283 ―
[མ་དཔེ་གཟིགས་ན་འདིར་གནོན།]
ཁུང་དུ་བཅུག །མགོ་ལྷོ་ནུབ་དང་རྐང་པ་བྱང་ཤར་དུ་བསྟན། ཕོ་མོ་གཉིས་ཡོད་ན་བསྣོལ་མར་བཞག །ཞབས་ཀྱི་འོག་ཏུ་མནན་པར་བསམ། མཐར་བྱེད་ཆེན་པོའི་འགྱིང་སྟབས་ཀྱིས། །སྒྲོལ་བདག་ཞབས་ནི་གཡས་པ་ཡིས། །རུ་དྲ་ཕོ་མོའི་སྟེང་ནས་གནོན། །ས་མ་ཡ་ཛྭ་ལ་ཙིཏྟ་ཧཱུྃ་ཕཊ། མ་ཏྲཾ་མནན་པའོ། །ཕུར་ཆུང་གཅིག་གམ་གཉིས་ལིང་ག་ལ་བསྟབ་སྟེ། ཁོག་པ་དྲལ་ཞིང་སྒོ་དབྱེ་སྟེ། ལྷུན་གྲུབ་དབྱིངས་ཀྱི་སྒོ་དབྱེའོ། །ཡེ་ཤེས་འབར་བའི་ཕུར་པ་ཡིས། །ཡུལ་ལས་འདས་པའི་སྒོ་ཕྱེས་ཤིག །སྙིང་པོ་དང་བདུད་རྩི་འཁྱིལ་པའི་སྔགས་ཀྱི་མཐར། མ་ཏྲཾ་ག་རུ་པྲ་ཨུད་གྷ་ཊ་ཡ། ས་མ་ཡ་པྲ་ཝེ་ཤ་ཡ་ཕཊ། མ་ཏྲཾ་ཁོག་པ་དྲལ་བའོ། །རཾ་ཡཾ་ཁཾ་ཞེས་མང་དུ་བཟླས་རུ་དྲའི་སྡིག་སྒྲིབ་ཐམས་ཅད་བསྲེགས་སྦྱངས་པར་བསམ་པ་སྒྲིབ་པ་སྦྱང་བའོ། །ཨོཾ་མ་ཐ་མ་ཐ་སརྦ་པྲེ་ཏ་ཀ་ག་ཏེ་ཧེ་ཏུན་ཧཱུྃ་ཕཊ། ཨོཾ་པ་ཙ་པ་ཙ་སརྦ་ཏིརྱ་ཀ་ག་ཏེ་ཧེ་ཏུ་ན་ཧཱུྃ་ཕཊ། ཨོཾ་ད་ཧ་ད་ཧ་སརྦ་ན་ར་ཀ་ག་ཏེ་ཧེ་ཏུན་ཧཱུྃ་ཕཊ། སྔགས་གསུམ་པོ་དབང་དུ་བཟླས་པ་ནི་ངན་སོང་གི་སྒོ་བཀག་པའོ། །དེ་ཡི་ཁམས་དང་སྐྱེ་མཆེད་རྣམས། །སེམས་ཀྱི་ངོ་བོར་རབ་བསྡུས་ཏེ། །བྱང་ཆུབ་སེམས་ཀྱི་དབྱིངས་ཉིད་དུ། ཁམས་གསུམ་འཁོར་བ་ཀུན་བསྡུའོ། །ཏྲི་ཧཱུྃ་བོ་དྷི་ཙིཏྟ་སཾ་ཧ་ར་་ཧཱུྃ། ཞེས་བྱང་ཆུབ་སེམས་སུ་བསྡུས། དེ་ནི་ཧཱུྃ་ལ་བསྡུ་བའོ། །ཟླ་དཀྱིལ་ཧཱུྃ་གི་སྦྱོར་བས་འཕངས། ― LT30_Page_0284 ―
[མ་དཔེ་གཟིགས་ན་འདིར་གནོན།]
ཕཊ་ཀྱིས་ཤེས་རབ་ལྷུམས་སུ་བསྐྱོད། །བདེ་གཤེགས་རིགས་ཀྱི་སྲས་སུ་སྐྱེས། །འགྲོ་བའི་དོན་དུ་དབང་ཡང་བསྐུར། །ཨཱཿཧཱུྃ་ཡ་ཕཊ། བཛྲ་སཏྭ་ཧཱུྃ། ཨ་བྷི་ཥིཉྩ་ཨཿ ཞེས་གནས་སྤར་བའོ། །བདག་དང་བདག་གིར་འཛིན་པས་འཇིག །སྡིག་པའི་ལས་ཀྱིས་སྡུག་བསྔལ་བསྐྱེད། །ང་ཡི་བསྟན་པ་འདིར་ཞུགས་ཤིག །འོན་ཏང་འཁོར་བའི་སྡུག་བསྔལ་དྲལ། །ཞེས་ཆོས་བསྟན་པའོ། །ཆོས་ཉིད་སྐྱེ་འགག་མེད་པ་ཡང་། །བདེ་བར་གཤེགས་དང་འགྲོ་བ་ཞེས། །བདག་མེད་པས་ན་མཉམ་ཉིད་སྐུ། །ཐུགས་རྗེ་ཆེན་པོས་ཅིས་མི་འཛིན། །ཞེས་ལྟ་བ་བསྟན་པའོ། །མ་ཏྲཾ་ཆེན་པོའི་ཁོག་པ་ལ། །ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་གྱུར། །དཀྱིལ་འཁོར་ཆེན་པོར་ཞུགས་པའོ། །བྷྲཱུྃ་བི་ཤྭ་བི་ཤུདྡྷེ་ཨེ་ཝཾ་མ་ཡ། མཎྜལ་རཾ། ཞེས་བཟླ་ཞིང་། ལིང་ག་གཏུབས་ཏེ་མགོ་བོ་བདེན་བྲལ། ལག་གཉིས་ལྷོ་དང་ནུབ། རྒེད་པ་གཡས་གཡོན་མེ་དང་རླུང་། །རྐང་པ་ཤར་དང་བྱང་། ཕོ་རྟགས་དབང་ལྡན་དུ་བོར་ཏེ། གཞལ་ཡས་ཁང་དུ་བསྟན་པའོ། །དེ་ལྟར་ན་ཕོ་ཉ་སྤྲོས་དང་དགུག་གཞུག་དང་། །གཟུགས་ལ་དབབ་ཅིང་ཞབས་ཀྱིས་མནན། །ཁོག་པ་དྲལ་དང་སྒྲིབ་པ་སྦྱངས། །ངན་སོང་སྒོ་བཀག་ཧཱུྃ་ལ་བསྡུ། །གནས་སྦར་ཆོས་བཤད་ལྟ་བ་བསྟན། །གཞལ་ཡས་ཁང་བསྒྱུར་བཅུ་གཉིས་སོ། །ཞེས་པ་ནི་ ― LT30_Page_0285 ―
[མ་དཔེ་གཟིགས་ན་འདིར་གནོན།]
མ་ཏྲཾ་སྒྲོལ་བའི་སྡོམ་མོ། །རྩ་བའི་གསུམ་པ་དཀྱིལ་འཁོར་སྒྲུབ་པའི་རིམ་པ་དངོས་ལ་འཇུག་པ་ནི། འདིར་དངོས་གཞི་དཀྱིལ་འཁོར་སྒྲུབ་པ་ནི་བདག་མདུན་བུམ་གསུམ་དབྱེར་མེད་ཡིན་པར་གོ་དགོས་སོ། །དེ་ཡང་སྔོན་འགྲོ་གཏོར་མ་བཏང་། གནས་སྤོའམ། མཆོད་པ་བྱིན་རླབས་ཀྱང་འདིར་བྱས་ན་ལེགས། སྨན་རཀ་བྱིན་རླབས་ཀྱི་རྗེས་སུ་བྱས་ཀྱང་རུང་ངོ། །དེ་ལ་སྦྱོར་དངོས་རྗེས་གསུམ་ལས། །དང་པོ་ལ་སྡོམ་ནི། ཚད་མེད་མཚམས་བཅད་བརྡའ་སྒོ་དབྱེ། །བརྡ་ཡི་ཕྱག་འཚལ་རྟགས་ཀྱིས་འདེབས། །དམ་འཆའ་བཤགས་པ་བྱིན་འབེབས་དང་། །ཡོ་བྱད་བྱིན་རླབས་བསྙེན་ཕུར་སྤྱད། །ཅེས་པ་ལྟར་སྦྱོར་བའི་ཆོས་བཅུ་ལས། །དང་པོ་ཚད་མེད་སྒོམ་པ་ནི། །སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །གཉིས་པ་མཚམས་གཅོད་པ་ནི། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅ཧཾ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། སྟོང་པའི་ངང་ལས་བདག་ཉིད་དཔལ་ཆེན་པོ་རྡོ་རྗེ་གཞོན་ནུའི་སྐུར་གྱུར། ཐུགས་ཀའི་ཧཱུྃ་ནག་པོ་འོད་ཟེར་འབར་བ། དེ་ལས་ཁྲོ་བོ་བཅུ་སྤྲོས་ཕྱོགས་བཅུར་འཁོད། །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཨོཾ་བཛྲ་ཀྲོ་དྷཱ་ནི་ལ་དཎྜ་ཧཱུྃ། ཨོཾ་བཛྲ་ཡ་མཱནྟ་ཀ་ཧཱུྃ། ཨོཾ་ ― LT30_Page_0286 ―
[མ་དཔེ་གཟིགས་ན་འདིར་གནོན།]
བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ། ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧཱུྃ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ། ཨོཾ་བཛྲ་ཏྲཻ་ལོ་ཀྱ་བི་ཛ་ཧཱུྃ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པའི་བགེགས། །མཐུ་དང་རྫུ་འཕྲུལ་མེད་པར་བྱོས། །ཁྲག་འཐུང་རྡོ་རྗེ་གཞོན་ནུའི་བཀའ། །སངས་རྒྱས་བྱང་ཆུབ་སེམས་དཔའ་དང་། །དཀྱིལ་འཁོར་ལྷ་ཚོགས་ཀུན་གྱི་བཀའ། །ཆོས་ཉིད་བདེན་པའི་བཀའ་འདི་ཡིས། །སྲིད་པའི་རྩེ་མོ་མན་ཆད་ནས། །ན་རག་དམྱལ་ཁམས་ཡན་ཆད་ཀྱི། །སྲིད་གསུམ་གནས་པའི་བགེགས་ཀྱི་ཚོགས། །སྒྲུབ་ལ་བར་གཅོད་འཚེ་བ་དང་། །དཀྱིལ་འཁོར་ལྟ་བར་མི་དབང་ཞིང་། །ཕྱག་རྒྱ་སྒོམ་དང་བཟླས་པ་དང་། །གསང་སྤྱོད་ལྟ་བར་མི་དབང་བ། །དེ་དག་ཐམས་ཅད་ད་ལྟ་ཉིད། །མྱུར་བ་ཁོ་ནར་གཞན་དུ་དེངས། །གལ་ཏེ་བཀའ་ལས་འདའ་བྱེད་ན། །ཡཀྵ་མེ་དབལ་རབ་ཁྲོས་ཏེ། །ལུས་སེམས་རྡུལ་དུ་བརླག་ནས་ཀྱང་། །མི་བཟད་དམྱལ་བ་ཆེན་པོར་ལྟུང་། །མཚོན་ཆ་རྡོ་རྗེ་འབར་བ་ཡིས། །འཇིག་པར་འགྱུར་བ་གདོན་མི་ཟ། །ཡང་དག་གསང་བའི་དཀྱིལ་འཁོར་འདིར། །འདུ་བའི་ལྷ་ནི་མ་གཏོགས་པ། །གསང་བའི་དམ་ཅན་ ― LT30_Page_0287 ―
[མ་དཔེ་གཟིགས་ན་འདིར་གནོན།]
སོ་སོ་ནས། །ཀུན་ཀྱང་ཐུགས་དམ་བསྐངས་ཟིན་གྱི། །སོ་སོའི་གནས་སུ་འགྲོ་བར་གྱིས། །ཡུངས་ཀར་གཏོར་ཞིང་དྲག་རོལ་དར་བཅས། ཁྲོ་བོ་བཅུའི་སྔགས་དྲག་ཏུ་བཟླས་ཏེ་བགེགས་བསྐྲད། །ང་ཡི་དཀྱིལ་འཁོར་བསྟན་བྱའི་ཕྱིར། །ཁྲོ་རྒྱལ་བྱིན་རླབས་ལས་བྱུང་བའི། །མཚོན་ཆ་རྣམ་པ་སྣ་ཚོགས་ཀྱི། །དཀྱིལ་འཁོར་རིམ་པ་ཚུལ་བཞིན་སྲུང་། །ཧཱུྃ། །སྟེང་ཡང་རྡོ་རྗེའི་བླ་བྲེ་གུར། །འོག་ཀྱང་རྡོ་རྗེའི་ས་གཞི་ལ། །ཕྱོགས་མཚམས་རྡོ་རྗེ་འབར་བས་གཏམས། །རྡོ་རྗེའི་མཚམས་ལས་མ་འདའ་ཞིག །སྟེང་ཡང་འཁོར་ལོའི་བླ་རེ་གུར་སོགས། །རྡོ་རྗེའི་དོད་དུ་འཁོར་ལོ་བཅུག་པ་དང་། རིན་པོ་ཆེ་དང་། པདྨ་དང་། རྒྱ་གྲམ་དང་། རལ་གྲི་དང་། བེ་ཅོན་ཞེས་པ་རྣམས་བཅུག་སྟེ་འདོན་པ་སློ། །ཨོཾ་བཛྲ་ཏེ་ཛ་ཏིཥྛ་ཙཀྲ་རཀྵ་ཧཱུྃ་ཕཊ། ལན་གསུམ། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་ར་་ཧཱུྃ་ཕཊ། ལན་གསུམ་སྟེ་མཚམས་བཅད་པའོ། །གསུམ་པ་བརྡ་སྒོ་དབྱེ་བ་ནི། དཀྱིལ་འཁོར་ཤར་ལྷོ་ནུབ་བྱང་ཕྱོགས་བཞི་ནས། །ཡེ་ཤེས་བཞི་ཡི་སྒོ་མོ་རབ་ཕྱེ་སྟེ། །བྱམས་དང་སྙིང་རྗེ་དགའ་དང་བཏང་སྙོམས་ཀྱི། །འཕགས་པའི་ཞལ་བཟང་བདག་ལ་བསྟན་དུ་གསོལ། །ཨོཾ་བཛྲ་ཙཀྲ་མཎྜལ་པྲ་ཝེ་ཤ་ཡ་ཕཊ། བཞི་པ་བརྡ་ཕྱག་འཚལ་བ་ནི། འཇིགས་བྱེད་གསང་བ་ ― LT30_Page_0288 ―
[མ་དཔེ་གཟིགས་ན་འདིར་གནོན།]
མཆོག་གི་དཀྱིལ་འཁོར་དུ། །རྡོ་རྗེ་ཡབ་ཡུམ་མཆེད་དང་ལྕམ་དྲལ་ཚོགས། །མཆོག་གི་སྒོ་གསུམ་དང་བའི་ཚུལ་གྱིས་ནི། །བརྡ་དང་གར་གྱིས་མཆོད་ནས་ཕྱག་བགྱིའོ། །ཨ་ཏི་བྷུ་ཧོ་པྲ་ཏི་བྷུ་ཧོ། ལྔ་པ་རྟགས་བཏབ་པ་ནི། །དུར་ཁྲོད་གསང་བ་མཆོག་གི་དཀྱིལ་འཁོར་དུ། །མཁའ་འགྲོ་གིང་དང་མ་མོའི་ཚོགས་ལྷན་ཅིག །རྣལ་འབྱོར་དག་ས་གསུམ་ལ་འགོད་པའི་ཕྱིར། །རཀྟ་ཞག་དང་ཐལ་ཆེན་མཚན་མས་བཏབ། མ་ཧཱ་རཀྟ་ནི་ཧཱུྃ། མ་ཧཱ་སྨིག་ཏ་ཧཱུྃ། མ་ཧཱ་ཀེ༚་ནི་རྟི་བྷསྨ་ཧཱུྃ། དྲུག་པ་དམ་འཆའ་བ་ནི། ལས་བྱང་སོ་སོ་ན་ཚིག་རིགས་མི་འདྲ་བ་དུ་མ་ཡོད་ཀྱང་དོན་གཅིག་པས་འགལ་བ་མེད་ལ། འདིར་ནི་རྒྱུན་བཤགས་ཉིད་དམ་བཅའ་ཡིན་ཏེ། ཡན་ལག་བདུན་པའི་ནང་དུ་དེ་ཐམས་ཅད་འདུས་པའི་ཕྱིར་རོ། །དེས་འདི་ལྟར་བྱ་སྟེ། བླ་མ་ཡི་དམ་དཔའ་བོ་མཁའ་འགྲོ་དམ་ཅན་སྲུང་མ་འཕགས་པའི་ཚོགས་དང་བཅས་པ་ཐམས་ཅད་བཛྲ་ས་མཱ་ཛཿརྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟན་པའི་གཞིར་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། ། ― LT30_Page_0289 ―
[མ་དཔེ་གཟིགས་ན་འདིར་གནོན།]
ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང་། །དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་བྱང་ཆུབ་སེམས་དཔའ་ལ། །དགོས་པ་གསུམ་གྱི་ལུས་འབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །ཞེས་རྒྱུན་བཤགས་ལན་གསུམ་གྱིས་དམ་བཅའ། བདུན་པ་བཤགས་པ་ནི། །དམ་ཚིག་ཉེར་བརྒྱད་ཀྱི་བཤགས་པ་སོགས་དང་། ཞི་ཁྲོའི་བཤགས་པ་ཡེ་ཤེས་སྐུ་མཆོག་སོགས་རྒྱས་པ་རྣམས་སྤྲོ་ཞིང་ནུས་ན་བྱ་ལ། བསྡུ་ན། ཧཱུྃ། །སྐུ་གསུང་ཐུགས་ཀྱི་དམ་ཚིག་ཉམས་པ་དང་། །རྩ་བ་ཡན་ལག་ཉེས་བྱས་ཕྲ་མོ་དང་། །དམ་ཚིག་ཆེ་ཆུང་ཚོར་དང་མ་ཚོར་དང་། །ཟླ་བ་ཞོར་གྱིས་དམ་ཚིག་ཉམས་པ་དང་། ཁས་བླངས་ཆེ་ལ་ཉམས་བླངས་ཆུང་བ་དང་། །བཀའ་ལྟར་མ་བགྱིས་གཞུང་ལྟར་མ་བསྲངས་དང་། །ཏིང་འཛིན་ལྷོད་གྱུར་འཛབ་བཟླས་ཉུང་བ་དང་། །ཡི་དམ་ལྷ་ཡི་སྒོམ་པ་གཡེལ་བ་སོགས། །ཉམས་གྲིབ་ཉེས་པའི་ཚོགས་རྣམས་མ་ལུས་དང་། །སྡོམ་པ་གསུམ་དང་འགལ་བ་ཅི་མཆིས་པ། །ཀུན་རྫོབ་སྒྱུ་མ་ཙམ་གྱི་དབང་གིས་ནི། །རང་ནོངས་འགྱོད་པའི་ཚུལ་གྱིས་མཐོལ་ལོ་བཤགས། །བྱམས་པའི་ཐུགས་རྗེས་བདག་ལ་དགོངས་ནས་ ― LT30_Page_0290 ―
[མ་དཔེ་གཟིགས་ན་འདིར་གནོན།]
ཀྱང་། །གཉིས་མེད་དབྱིངས་ལས་མི་འགྱུར་བདག་བཀོད་ནས། །མི་དམིགས་བཏང་སྙོམས་ངང་དུ་བཞུགས་ནས་ཀྱང་། །གཉིས་མེད་དོན་གྱི་ཚངས་པར་མཛད་དུ་གསོལ། །ཅེས་པའི་བཤགས་པ་ལན་གསུམ་བྱ། ཛཿཧཱུྃ་བྃ་ཧོཿཞེས་བརྗོད། བརྒྱད་པ་བྱིན་དབབ་པ་ནི། ཧཱུྃ། ནམ་མཁའི་མཐའ་དང་མཉམ་པའི་དཀྱིལ་འཁོར་ནས། །ཞི་ཁྲོ་རབ་འབྱམས་ལྷ་ཚོགས་བྱིན་རླབས་ཅན། །ཚུར་གཤེགས་དཀྱིལ་འཁོར་འདི་ལ་བྱིན་གྱིས་རློབས། །སྒྲུབ་མཆོག་རྣལ་འབྱོར་བདག་ལ་དབང་ཞིག་བསྐུར། ཧཱུྃ་ཨ་ལ་ལ་ཧོཿ ཧཱུྃ་ཧཱུྃ་ཧཱུྃ་ཛཿཧཱུྃ་བྃ་ཧོཿ ས་མ་ཡ་ཧོཿ ས་མ་ཡ་སྟྭཾ། ཧཱུྃ། །འཕགས་མཆོག་ཐུགས་རྗེའི་དུས་ལ་བབ། །ཁྱད་པར་བསྟན་པའི་དུས་ལ་བབ། །མཐུ་རྩལ་འབྱུང་བའི་དུས་ལ་བབ། །བྱིན་གྱིས་རློབས་པའི་དུས་ལ་བབ། །དབང་ཆེན་བསྐུར་བའི་དུས་ལ་བབ། །དངོས་གྲུབ་སྩོལ་བའི་དུས་ལ་བབ། །མཐུ་ཆེན་མཐུ་སྩོལ་བཅོམ་ལྡན་འདས། །བྱིན་ཆེན་བྱིན་རློབས་བཅོམ་ལྡན་འདས། །དངོས་གྲུབ་མཆོག་སྩོལ་བཅོམ་ལྡན་འདས། །བདག་གི་ལས་ཀྱི་འབྲས་བུ་མཆིས་པར་མཛོད། །དགུ་པ་ཡོ་བྱད་བྱིན་གྱིས་བརླབ་པ་ནི། རྫས་རྣམས་བསང་སྦྱང་། རཾ་གྱི་མེས་བསྲེགས། ཡཾ་གྱི་རླུང་གིས་གཏོར། བཾ་གྱི་ཆུས་བཀྲུས། སྭ་བྷཱ་ཝས་ ― LT30_Page_0291 ―
[མ་དཔེ་གཟིགས་ན་འདིར་གནོན།]
སྦྱང་། བྷྲཱུྃ་ལས་བནྡྷ་འབར་བའི་སྣོད་ཆེན་པོ་རྣམས་སུ། ཨོཾ་ལས་འདོད་པའི་ཡོན་ཏན་བསམ་གྱིས་མི་ཁྱབ་པ། །མཁའ་དབྱིངས་ཐམས་ཅད་གང་བར་གྱུར། ཕུད་དང་གཏོར་མའི་གནས་སུ། ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་པུ་གསུམ་གྱི་སྟེང་དུ། བྷྲཱུྃ་ལས་ཐོད་པ་ཡངས་ཤིང་རྒྱ་ཆེ་བ། །བདུད་རྩིའི་སྣོད་ལ་ཉི་ཟླ་རྡོ་རྗེའི་ཁ་གཅོད་ཅན། ནང་བདུད་རྩི་ལྔས་གང་བ། ཧཱུྃ་ཨོཾ་སྭཱ་ཨཱཿཧཱ་རྣམས་ཀྱིས་མཚན་པ་དང་། གཏོར་མའི་སྣོད་དུ་ཤ་ལྔ་ལ་མཱུཾ་ལཱཾ་མཱཾ་པཱཾ་ཏཱཾ་གིས་མཚན་པར་གྱུར། རླུང་གཡོས། མེ་སྦར། རྫས་རྣམས་ཞུ། ཧཱུྃ་བཛྲ་ཌྷྲྀཀ །ཨོཾ་ཛི་ན་ཛིཀ །སྭཱ་རཏྣ་ཌྷྲྀཀ །ཨཱཿཨ་རོ་ལིཀ །ཧཱ་པྲཛྙཱ་ཌྷྲྀཀ །མཱུཾ་བཛྲ་དྷཱ་ཏུ། ལཱཾ་མོ་ཧ་རཱ་ཏི། མཱཾ་དེྭ་ཥ་རཱ་ཏི། པཱཾ་རཱ་ག་རཱ་ཏི། ཏཱཾ་བཛྲ་རཱ་ཏི། སྨན་ལ་རྒྱལ་བ་རིགས་ལྔ་དང་། །གཏོར་མ་ལ་ཡུམ་ལྔ་རྣམས་འཁོད། །ས་མ་ཡ་ཧོཿཨོཾ་ཨཱཿཧཱུྃ་སརྦ་པཉྩ་སོགས་ལན་གསུམ། འཁོར་འདས་ཀྱི་བདུད་རྩི་ཐམས་ཅད་བཀུག །དེ་ཐམས་ཅད་དམ་རྫས་སྨན་དང་གཏོར་མ་ལ་འདྲེས་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱི་ཐ། ཞེས་པ་ཉེར་གཅིག་གམ་བརྒྱ་རྩ་བརྒྱད། ཨོཾ་ཨཱཿཧཱུྃ་མ་ཧཱ་བ་ལི༚་ཏ་ཏེ་ཛོ་བ་ལི༚་ཏ་བ་ལ་བ་ཏེ་གུཧྱ་སིདྡྷི་ས་མ་ཡ་ཧཱུྃ་ཧྲཱི་ ― LT30_Page_0292 ―
[མ་དཔེ་གཟིགས་ན་འདིར་གནོན།]
ཐ། ར་ཡིག་ལས་རཀྟའི་སྣོད་དང་ཉི་མའི་དཀྱིལ་འཁོར་ར་ཡིག་གིས་མཚན་པའི་གདན་ལ། རཾ་ལས་དགྲ་བགེགས་བསྒྲལ་བའི་ཤ་ཁྲག་རུས་པའི་ཕུང་པོ་མཐའ་ཡས་པར་གྱུར། ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཐ། རྒྱ་ཆེར་འཕེལ་བ་ལ་ཁམས་གསུམ་གྱི་རཀྟ་ཐམས་ཅད་བཀུག་སྟེ་དེ་ལ་ཐིམ་པར་གྱུར། གཏོར་མ་དང་རཀྟ་བྱིན་རླབས་ཀྱི་སྔགས་ཀྱང་བདུན་ནམ་ཉེར་གཅིག་གམ་བརྒྱ་རྩ་སོགས་ཇི་ལྟར་འོས་པ་བརྗོད། མཆོད་པ་བྱིན་རླབས་སྤྱི་འགྲོ་དེ་གོང་དུ་མ་སོང་ན་སྐབས་འདིར་བྱ་མོད། གོང་དུ་བྱེད་པ་ཉིད་ལག་ལེན་གཙོ་ཆེའོ། །བཅུ་པ་བསྙེན་ཕུར་བསྐྱེད་པ་ན། བསང་སྦྱང་། ཨེ་ལས་བྱུང་བ་གྲུ་གསུམ་མཐིང་ནག་འབར་བའི་དཀྱིལ་འཁོར་གྱི་སྟེང་དུ། པད་ཉི་དང་དགྲ་བགེགས་བསྒྲལ་བའི་གདན་ལ་ཧཱུྃ་སྤྲོས། ཧཱུྃ་སྥ་ར་་ཕཊ། སཾ་ཧ་ར་་ཧཱུྃ། བཛྲ་ཀཱི་ལི་ཀཱི་ལ་ཡ། ཕུར་པ་རྡོ་རྗེ་གཞོན་ནུ་ཡུམ་དང་བཅས་པ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ལན་བདུན། དེ་ཞུ་བ་ལས་བྱུང་བའི་ཕུར་བུར་གྱུར། དེའི་རྩེ་མོར་དཔལ་རྡོ་རྗེ་གཞོན་ནུ་ཡབ་ཡུམ། རྒྱ་མདུད་གོང་མ་ལ་ཁྲོ་བོ་བཅུ། ཆང་བཟུང་ལ་ཟ་བྱེད་གསོད་བྱེད་ཉི་ཤུ། རྒྱ་མདུད་འོག་མ་ལ་སྒོ་སྲུང་བཞི་སོགས་འཁོད་པར་གྱུར། ཀཱི་ལ་ཡ་འབྲུ་བཅུ་དྲུག་པ་ལན་བདུན་བཟླས་ཏེ། བསྙེན་པའི་ཕུར་བུ་བྱིན་གྱིས་རློབ་པའོ། །འདིར་བསྙེན་ཕུར་ ― LT30_Page_0293 ―
[མ་དཔེ་གཟིགས་ན་འདིར་གནོན།]
དང་སྲས་མཆོག་ཐ་དད་པ་བྱེད་པའི་དབང་དུ་བྱས་ནས། དངོས་གཞི་དཀྱིལ་འཁོར་བསྐྱེད་པའི་སྐབས། བསྙེན་ཕུར་དང་བདག་ཉིད་དབྱེར་མེད་དུ་དམིགས་པ་ཡིན་ལ། དེ་ལྟར་བསྙེན་ཕུར་དངོས་གྲུབ་ཀྱི་རྫས་ཡིན་གྱི་བསྒྲལ་ལས་ལ་མི་འཇུག་ཅིང་། བསྒྲལ་ལས་སྲས་མཆོག་གིས་མཛད་ལ། འདི་རྡོ་རྗེའི་ཕུར་བུ་དང་། སྲས་མཆོག་ནི་རི་རབ་ཕུར་བུར་བྱ་མོད་ཀྱི། སྤྱིར་མཐའ་གཅིག་ཏུ་ངེས་པ་ནི་མ་ཡིན་ནོ། །གཉིས་པ་དངོས་གཞི་ལ། ལྷ་སྒོམ་མཆོད་པ་དང་། སྔགས་ཀྱི་བཟླས་པ་གཉིས་སོ། །དང་པོ་ལ་གསུམ་སྟེ། རྒྱུ་ཏིང་ངེ་འཛིན་གསུམ། འབྲས་བུ་དཀྱིལ་འཁོར་གསུམ། མཛད་ཕྲིན་མཆོད་པ་གསུམ་ཞེས་བྱའོ། །དང་པོ་ནི། ཧཱུྃ། རྡོ་རྗེ་ཁྲོས་པས་ཞེ་སྡང་གཅོད། །མཚོ་ཆེན་སྔོན་པོ་ཆེར་འབར་བ། །ནམ་མཁའི་དཀྱིལ་དུ་ཐིགས་པ་ཤར། །སྲོག་གི་སྒོ་རུ་ཤར་བ་ན། །སྙིང་གི་གོ་རུ་བསྒོམ་པར་བྱ། །ཨོཾ་མ་ཧཱ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་ཉིད་ཀྱི་ཏིང་ངེ་འཛིན་ནོ། །རང་བཞིན་མ་རྟོགས་པའི་སེམས་ཅན་རྣམས་བྱང་ཆུབ་ལ་འགོད་པར་བྱའོ། །ཀུན་ཏུ་སྣང་བའི་ཏིང་ངེ་འཛིན་ནོ། །སྟོང་ཉིད་སྙིང་རྗེ་ཟུང་དུ་འཇུག་པའི་རང་སེམས་ཧཱུྃ་ཡིག་མཐིང་ནག་ནམ་མཁའི་ཁམས་སུ་གནས་པར་གྱུར། ཨོཾ་དྷརྨ་དྷཱ་ཏུ་སྭ་བྷཱ་ཝ་ཨཱཏྨ་ཀོ྅ཧཾ། དེ་ནི་རྒྱུའི་ཏིང་ངེ་འཛིན་ནོ། །གཉིས་པ་འབྲས་བུ་དཀྱིལ་འཁོར་གསུམ་བསྐྱེད་པ་ལ། རྟེན་གཞལ་ ― LT30_Page_0294 ―
[མ་དཔེ་གཟིགས་ན་འདིར་གནོན།]
ཡས་ཁང་འཁོར་བཅས་བསྐྱེད་པ་དང་། བརྟེན་པ་དཀྱིལ་འཁོར་རྣམ་གསུམ་དངོས་བསྐྱེད་པའོ། །དང་པོ་ནི། ནམ་མཁའི་ཧཱུྃ་ལས་སྤྲོས་པའི་རཾ་ཡཾ་ཁཾ་གིས་སྣོད་བཅུད་ཐམས་ཅད་སྦྱངས། ཨེ་ཡཾ་རཾ་བཾ་ལཾ་ཏཾ་ཀེ༚་བྷྲཱུྃ་རྣམས་སྤྲོས་པ་ལས་རྟེན་གྱི་དཀྱིལ་འཁོར་གྲུབ་པ་ནི། ཨེ་ཡིག་ནམ་མཁའི་ཁམས་ཀྱི་དབུས་སུ་ཡཾ་ལས་རླུང་། རཾ་ལས་མེ། བཾ་ལས་ཆུ། ལཾ་ལས་སའི་དཀྱིལ་འཁོར་རྣམས་བརྩེགས་པའི་སྟེང་དུ་རཾ་ལས་རཀྟའི་རྒྱ་མཚོ། དེའི་དབུས་སུ་ཀེ༚་ལས་ཀེང་རུས་བརྩེགས་པའི་རི་རབ། བྷྲཱུྃ་བི་ཤྭ་བི་ཤུདྡྷེ་བནྡྷ་ཛྙཱ་ན་ཙཀྲ་མཎྜ་ལ་ཧཱུྃ་བྷྲཱུྃ། རི་རབ་ཀྱི་སྟེང་དུ་བྷྲཱུྃ་ལས་གཞལ་ཡས་ཁང་གྲུ་བཞི་སྒོ་བཞི་རྟ་བབས་བཞིས་བརྒྱན་པ། རབ་ཏུ་འཇིགས་ཤིང་སྐྱི་གཡའ་བ། གནམ་ལྕགས་ཨུར་མོའི་གཞི་ལ་གནས་པ། ཐོད་པ་སྐམ་རློན་གྱིས་བརྩིགས་པ་ལ་རཀྟའི་ཞམ་ཆུ་བབ་ཅིང་། འདོད་སྣམ་དང་ཕ་གུར་བཅས་པ། རྐང་ལག་ཤར་བུ་དང་། སྒལ་ཚིགས་ཀྱི་མདའ་གཡབ་ཅན། རུས་པའི་དྲ་ཕྱེད་དང་། རྒྱུ་རློན་གྱི་ལྔ་ལྡི་དང་། སྒྲའི་རྔ་ཡབ་དང་། ཐོད་ཚལ་གྱི་ཟླ་བ་དང་། མི་རོའི་རྒྱལ་མཚན་དང་། ཞིང་ལྤགས་ཀྱི་འཕན་གདུགས་དང་བླ་བྲེ་ལ་སོགས་པས་བརྒྱན་པ། རྟ་བབས་དང་སྒོའི་ཕྱི་རོལ་རོ་ལངས་དང་ཀེང་རུས་ཀྱི་ཀ་བ་ཅན། གཞལ་ཡས་ཁང་གི་ནང་དུ་ ― LT30_Page_0295 ―
[མ་དཔེ་གཟིགས་ན་འདིར་གནོན།]
རུས་སྦལ་ཆུ་སྲིན་ལྷ་ཆེན་ཀླུ་ཆེན་གཟའ་སྐར་འབྱུང་པོའི་ཚོགས་རྣམས་བསྒྲལ་བ་ལས་གྲུབ་པའི་ཀ་གདུང་གྲལ་ཕྱམ་ལ་སོགས་པས་བརྒྱན་པ། བར་བར་ཐམས་ཅད་རིན་པོ་ཆེའི་རང་བཞིན་ཟླ་བ་དང་ཉི་མ་ལྟར་འོད་ཟེར་འཕྲོ་བ། དབུས་ཕྱུར་བུར་གྱུར་པའི་རྩེ་མོར་མི་མགོ་དང་རྡོ་རྗེ་རིན་པོ་ཆེའི་ཏོག་གིས་སྤྲས་པའོ། །འདི་ཁྲོ་དཀྱིལ་གྱི་ལུགས་ཡིན། །ཞི་དཀྱིལ་ལྟར་ན་སྤྱི་དང་འདྲ་མོད་དེ་གཙོ་མི་ཆེའོ། །གཞལ་ཡས་ཁང་གི་དབུས་སུ་གནམ་ལྕགས་ཀྱི་འཁོར་ལོ་རྩིབས་བཅུ་པ། དེའི་སྟེང་དུ་པདྨ་མཎྜ་ལ་ཧཱུྃ་གིས་སྣ་ཚོགས་པདྨའི་གདན། ཨ་ཙནྡྲ་མཎྜ་ལ་ཧཱུྃ་གིས་ཟླ་བའི་གདན། མ་སུརྱ་མཎྜ་ལ་ཧཱུྃ་གིས་ཉི་མའི་གདན། ཤཾ་རུ་དྲ་རུ་ཏྲི་ཏི་ར་བཾ་གྱིས་རུ་དྲ་ཕོ་མོ་གཡས་གཡོན་དུ་མགོ་བསྟན་ཏེ་འགྱེལ་པའི་གདན་རྣམས་སུ་གྱུར། གཉིས་པ་བདག་ཉིད་རྩ་བའི་དཀྱིལ་འཁོར་སྒོམ་པ། ཕྱོགས་བཅུའི་ཁྲོ་བོའི་དཀྱིལ་འཁོར་སྤྲོ་བ། ཕུར་བུ་རྫས་ཀྱི་དཀྱིལ་འཁོར་བསྐྱེད་པ་སྟེ་གསུམ་ལས། དང་པོ་ནི། ནམ་མཁར་གནས་པའི་རང་སེམས་ཧཱུྃ་ཡིག་དེ་གཞལ་མེད་ཁང་གི་དབུས་ཀྱི་སྟེང་དུ་བབས་པ་ལས་འོད་ཟེར་ཕྱོགས་བཅུར་འཕྲོས། སངས་རྒྱས་སྲས་དང་བཅས་པ་ཐམས་ཅད་མཆོད། སེམས་ཅན་ཐམས་ཅད་ཀྱི་དོན་བྱས། ཁྱད་པར་དུ་གདུག་པ་ཅན་ཐམས་ཅད་ཚར་བཅད། ཚུར་འདུས་ཧཱུྃ་ལ་ཐིམ། ― LT30_Page_0296 ―
[མ་དཔེ་གཟིགས་ན་འདིར་གནོན།]
ཧཱུྃ་སྥ་ར་་ཕཊ། སཾ་ཧ་ར་་ཧཱུྃ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། བདག་ཉིད་བཅོམ་ལྡན་འདས་དཔལ་ཆེན་པོ་ཧེ་རུ་ཀ་ཁྲོ་བོའི་རྒྱལ་པོ་རྡོ་རྗེ་གཞོན་ནུའི་སྐུར་གྱུར་པ་ནི། དུས་མཐའི་སྤྲིན་ལྟར་སྐུ་མདོག་ནག །དབུ་གསུམ་ཕྱག་དྲུག་ཞབས་བཞི་བགྲད། །རབ་ཁྲོས་ཤིན་ཏུ་འཇིགས་པའི་སྐུ། །སྐུ་ཆེ་རགས་ཤིང་སྦོམ་ལ་ཐུང་། །གཡས་དཀར་གཡོན་དམར་དབུས་མཐིང་ཞལ། །དམར་ལ་ཟླུམ་པའི་སྤྱན་གསུམ་གཡོ། །ཞལ་གདངས་མཆེ་གཙིགས་ལྗགས་ཀྱང་འདྲིལ། །གཡས་པའི་ཕྱག་གི་དང་པོ་ན། །རྡོ་རྗེ་རྩེ་དགུ་འཕྱར་ཞིང་གསོར། །གཉིས་པས་རྡོ་རྗེ་རྩེ་ལྔ་བསྣམས། །གཡོན་གྱི་དང་པོ་སྡིགས་འཛུབ་ཅན། །མེ་དཔུང་བསྣམས་པས་གདུག་ཅན་སྲེག །གཉིས་པ་མདུང་རྩེ་གསུམ་པ་ཡིས། །རྩེ་མོར་མཚན་པའི་ཁ་ཊྭཱཾ་ག །ཐ་མ་མདུན་གྱི་ཕྱག་གཉིས་ཀྱིས། །རི་རབ་ཕུར་བུ་བསྒྲིལ་བའི་ཚུལ། །ཞབས་བཞི་གཡས་བསྐུམས་གཡོན་བརྐྱངས་པས། །རུ་དྲ་ཕོ་མོ་མནན་ཅིང་བརྫིས། །སྟག་གི་པགས་པའི་སྨད་དཀྲིས་ཅན། །གླང་ལྤགས་ཞིང་ཆེན་སྟོད་གཡོགས་གསོལ། །ཐོད་པ་ཚར་གསུམ་འཕྲེང་བས་བརྒྱན། །གདུག་པའི་སྦྲུལ་གྱིས་བརྒྱན་པ་སྟེ། །རྒྱལ་རིགས་དཀར་པོ་ཐོད་དུ་བཅིངས། །རྗེ་རིགས་སེར་པོས་མགུལ་པར་བརྒྱན། །དམངས་རིགས་ ― LT30_Page_0297 ―
[མ་དཔེ་གཟིགས་ན་འདིར་གནོན།]
དམར་པོ་སྙན་ཆར་བྱས། །བྲམ་ཟེ་ལྗང་གུ་གདུ་བུ་སྟེ། །སྐེ་རགས་དང་ནི་སེ་མོ་དོ། །ཀླུ་ཆེན་གདོལ་པ་ནག་པོའོ། །ཐལ་ཆེན་མཆོག་གི་ཚོམ་བུ་དང་། །རཀྟ་དམར་གྱི་ཐིག་ལེ་དང་། །ཞག་ཆེན་ཟོ་རིས་རྣམས་ཀྱིས་མཚན། །སྨ་ར་སྨིན་མ་མེ་ལྟར་འབར། །དབུ་སྐྲ་ཁམས་སེར་གྱེན་དུ་འཁྱིལ། །རྡོ་རྗེའི་གཤོག་པ་གཡས་གཡོན་གདེངས། །སྐུ་ལུས་རྡོ་རྗེས་གོ་ཆར་གཏམས། །ཡེ་ཤེས་མེ་དཔུང་ཀློང་ན་བཞུགས། །ཕུང་པོ་ཁམས་དང་སྐྱེ་མཆེད་དང་། །སྐྲ་དང་བ་སྤུའི་ཁུང་བུ་སོགས། །ཐམས་ཅད་རྡོ་རྗེ་གཞོན་ནུས་གཏམས། །ཐུགས་ཀར་སོར་བཞིའི་ཚད་ཙམ་གྱི། །གཞལ་མེད་ཁང་པ་སྒོ་གཅིག་པ། །སྒོ་སྲུང་རྟ་མགྲིན་རིག་མར་བཅས། །དེ་ནང་ཉི་མ་ལ་གནས་པའི། །ཡེ་ཤེས་སེམས་དཔའི་ཐུགས་ཀར་ཧཱུྃ། །མཐའ་སྐོར་སྔགས་ཕྲེང་འཁོད་པར་གྱུར། །ཨོཾ་དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། །ཡུམ་ཆེན་འཁོར་ལོ་རྒྱས་འདེབས་མ། །མཐིང་ནག་ཞལ་གཅིག་ཕྱག་གཉིས་ཀྱི། །གཡས་པས་རྡོ་རྗེ་དྲིལ་བུ་འཛིན། །གཡོན་པ་ཐོད་ཁྲག་ཡབ་ལ་སྟོབ། །ཁྲོ་མོའི་ཆ་བྱད་ཡོངས་རྫོགས་པ། །དཔལ་ཆེན་སྐུ་ལ་གཉིས་མེད་འཁྱུད། །ཐུགས་ཀར་ཡེ་ཤེས་སེམས་དཔའ་དང་། །ཏིང་འཛིན་སེམས་དཔའ་ཨ་ཡིག་གོ། །ཧཱུྃ། ― LT30_Page_0298 ―
[མ་དཔེ་གཟིགས་ན་འདིར་གནོན།]
སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེ་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། །སྣོད་བཅུད་ཐམས་ཅད་རྟེན་དང་བརྟེན་པའི་དཀྱིལ་འཁོར་དུ་གྱུར། །ཧཱུྃ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེར་གྲུབ་མཛོད་ཅིག །ཡང་ཧཱུྃ་ལས་འོད་ཟེར་འཕྲོས། །ཡེ་ཤེས་སེམས་དཔའི་ལྷ་ཚོགས་ཨོཾ་བཛྲ་ས་མཱ་ཛཿཧཱུྃ། །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཛཿཧཱུྃ་བྃ་ཧོཿརང་གི་དཔྲལ་བར་ཨོཾ། མགྲིན་པར་ཨཱཿཐུགས་ཀར་ཧཱུྃ། དེ་རྣམས་ལས་འོད་འཕྲོས། སངས་རྒྱས་ཐམས་ཅད་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས་གནས་གསུམ་དུ་ཐིམ། ཧཱུྃ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་ཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་ཝཱཀ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཡང་ཐུགས་ཀ་ནས་འོད་འཕྲོས་དབང་གི་ལྷ་ཐམས་ཅད་སྤྱན་དྲངས་མདུན་དུ་བཞུགས་པར་གྱུར། ཧཱུྃ། ཐབས་ཀྱི་སྤྱོད་པས་འགྲོ་དོན་དུ། ། ― LT30_Page_0299 ―
[མ་དཔེ་གཟིགས་ན་འདིར་གནོན།]
བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པའི། །དབང་དང་བྱིན་རླབས་དག་སྩོལ་ཅིག །རིགས་ལྔ་རྣམས་ཀྱིས་དབང་བསྐུར་བར་གྱུར། ཨོཾ་བཛྲ་ཤྲཱི་ཧེ་རུ་ཀ་བཛྲ་ཀྲོ་དྷི་ཤྭ་རཱི་ཧཱུྃ། ཨོཾ་བུདྡྷ་ཤྲཱི་ཧེ་རུ་ཀ་བུདྡྷ་ཀྲོ་དྷི་ཤྭ་རཱི་ཨོཾ། ཨོཾ་རཏྣ་ཤྲཱི་ཧེ་རུ་ཀ་རཏྣ་ཀྲོ་དྷི་ཤྭ་རཱི་ཏྲཱཾ། ཨོཾ་པདྨ་ཤྲཱི་ཧེ་རུ་ཀ་པདྨ་ཀྲོ་དྷི་ཤྭ་རཱི་ཧྲཱིཿ ཨོཾ་ཀརྨ་ཤཱི་ཧེ་རུ་ཀ་ཀརྨ་ཀྲོ་དྷི་ཤྭ་རཱི་ཨ། གཉིས་པ་ཕྱོགས་བཅུ་ཁྲོ་བོའི་དཀྱིལ་འཁོར་སྤྲོ་བ་ནི། རང་གི་ཐུགས་ཀ་ནས་འོད་ཟེར་འཕྲོས། ཕྱོགས་བཅུའི་བགེགས་ཐམས་ཅད་ཀྱི་ངོ་བོར་ཕྱོགས་སྐྱོང་བཅུ་ཆུང་མར་བཅས་པ་བཀུག་སྟེ་འཁོར་ལོའི་རྩིབས་རྣམས་ཀྱི་སྟེང་དུ་པད་ཉི་ལ་བཞག །གཙོ་བོའི་ཐུགས་ཀ་ནས་ཧཱུྃ་བཅུ་སྤྲོས་ཏེ་དེ་རྣམས་ཀྱི་སྟེང་དུ་འཁོད། དེ་རྣམས་ཁྲོ་བོ་བཅུ་འཁོར་དང་བཅས་པར་གྱུར་པ་ནི། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ་ཕཊ། སྟེང་དུ་ཁྲོ་བོ་ཧཱུྃ་མཛད་སྔོ། །ཞལ་གསུམ་མཐིང་དཀར་དམར་བ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་འཕྲེང་བ་མདའ་གཞུ་འཛིན། །ཐ་མ་ཕུར་བུ་བསྒྲིལ་ཞིང་འདེབས། །ཚངས་པ་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་སྒྲ་འབྱིན་འཁྱུད། །སྤྲུལ་པ་ཕག་དང་རྨིགས་བུའི་མགོ། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ་ཧ་ན་ཧ་ན་ཧཱུྃ་ཕཊ། ཤར་དུ་ ― LT30_Page_0300 ―
[མ་དཔེ་གཟིགས་ན་འདིར་གནོན།]
ཁྲོ་བོ་རྣམ་རྒྱལ་དཀར། །ཞལ་གསུམ་དཀར་དམར་ནག་པ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་མ་རྡོ་རྗེ་འཁོར་ལོ་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །བརྒྱ་བྱིན་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་སྒེག་སྙེམས་འཁྱུད། །སྤྲུལ་པ་སྟག་དང་བྱ་རྒོད་མགོ། །ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ། ད་ཧ་ད་ཧ་ཧཱུྃ་ཕཊ། ཤར་ལྷོར་ཁྲོ་བོ་དབྱུག་སྔོན་ནག །ཞལ་གསུམ་ནག་དཀར་དམར་བ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་དབྱུག་ཐོ་མེ་དབལ་བསྣམས། །མཐའ་གཉིས་ཕུར་བུ་བསྒྲིལ་ཞིང་འདེབས། །མེ་ལྷ་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་སྡེར་མོས་འཁྱུད། །སྤྲུལ་པ་གཡག་དང་བྱ་རོག་མགོ། །ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ་པ་ཙ་པ་ཙ་ཧཱུྃ་ཕཊ། །ལྷོ་ཕྱོགས་གཤིན་རྗེ་གཤེད་པོ་ནག །ཞལ་གསུམ་མཐིང་དཀར་དམར་བ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་དབྱུག་ཏོ་དགྲ་སྟ་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །གཤིན་རྗེ་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་དུར་ཁྲོད་འཁྱུད། །སྤྲུལ་པ་ཤྭ་བ་འུག་པའི་མགོ། །ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ་བྷནྡྷ་བྷནྡྷ་ཧཱུྃ་ཕཊ། །ལྷོ་ནུབ་ཁྲོ་བོ་མི་གཡོ་སྨུག །ཞལ་གསུམ་སྨུག་དཀར་ལྗང་བ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་རལ་གྲི་ ― LT30_Page_0301 ―
[མ་དཔེ་གཟིགས་ན་འདིར་གནོན།]
ཞགས་པ་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །སྲིན་པོ་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་གཏུན་ཁུང་འཁྱུད། །སྤྲུལ་པ་གཟིག་དང་ཁྭ་ཏའི་མགོ། །ཨོཾ་བཛྲ་ཀྲོ་དྷ་ཧ་ཡ་གྲྀ་བ་ཧཱུྃ་ཧུ་ལུ་ཧུ་ལུ་ཧཱུྃ་ཕཊ། ནུབ་ཏུ་ཁྲོ་བོ་རྟ་མགྲིན་དམར། །ཞལ་གསུམ་དམར་དཀར་མཐིང་ནག་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་པདྨ་སྤྲུལ་ཞགས་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །ཆུ་བདག་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་གཏུམ་མོ་འཁྱུད། །སྤྲུལ་པ་བྱི་ལ་པུ་ཤུད་མགོ། །ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ་ཏིཥྛ་ཏིཥྛ་ཧཱུྃ་ཕཊ། ནུབ་བྱང་གཞན་གྱིས་མི་ཐུབ་དམར། །ཞལ་གསུམ་དམར་དཀར་ལྗང་གུ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་ལྕགས་ཀྱུ་རྔ་ཡབ་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །རླུང་ལྷ་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་མདའ་སྙེམས་འཁྱུད། །སྤྲུལ་པ་སྤྱང་ཀི་བྱ་ཁྲའི་མགོ། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ། །བྱང་དུ་བདུད་རྩི་འཁྱིལ་པ་ལྗང་། །ཞལ་གསུམ་ལྗང་དཀར་དམར་པོ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་བ་རྒྱ་གྲམ་དབྱུག་ཐོ་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །གནོད་སྦྱིན་ཕོ་མོ་མནན་ཅིང་བརྫིས། །ལྷ་མོ་ ― LT30_Page_0302 ―
[མ་དཔེ་གཟིགས་ན་འདིར་གནོན།]
རྡོ་རྗེ་རླུང་འབྱིན་འཁྱུད། །སྤྲུལ་པ་སེང་གེ་ཕ་ཝང་མགོ། །ཨོཾ་བཛྲ་ཀྲོ་དྷ་ཏྲེ་ལོ་ཀྱ་བི་ཛ་ཡ་ཧཱུྃ་བྷིནྡྷ་བྷིནྡྷ་ཧཱུྃ་ཕཊ། །བྱང་ཤར་ཁམས་གསུམ་རྣམ་རྒྱལ་ལྗང་། །ཞལ་གསུམ་ལྗང་ནག་སྡེ་བོ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་རྡོ་རྗེ་ཏྲི་ཤུ་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །དབང་ལྡན་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་གསོད་བྱེད་འཁྱུད། །སྤྲུལ་པ་དྲེད་དང་སྲེ་མོང་མགོ། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ་སྥོ་ཊ་སྥོ་ཊ་ཧཱུྃ་ཕཊ། །འོག་ཕྱོགས་སྟོབས་ཆེན་དུ་བའི་མདོག །ཞལ་གསུམ་དུད་དཀར་དམར་བ་སྟེ། །རྩ་ཕྱག་རྡོ་རྗེ་ཐོད་ཁྲག་དང་། །བར་པ་ཐོ་བ་གཏུན་ཤིང་འཛིན། །མཐའ་གཉིས་ཕུར་བུ་བསྒྲིལ་ཞིང་འདེབས། །ས་བདག་ཕོ་མོ་མནན་ཅིང་བརྫིས། །ལྷ་མོ་རྡོ་རྗེ་སྐུལ་བྱེད་འཁྱུད། །སྤྲུལ་པ་དོམ་དང་བྱི་བའི་མགོ། །ཁྲོ་བོ་ཡབ་ཡུམ་ཉི་ཤུ་ཡང་། །རྒྱན་དང་ཆ་བྱད་རྣམ་འགྱུར་རྣམས། །དཀྱིལ་འཁོར་གཙོ་བོ་ཡབ་ཡུམ་མཚུངས། །ཡུམ་རྣམས་ཡབ་དང་སྐུ་མདོག་མཚུངས། །གཡས་ཕྱོགས་ཕོ་ཉ་མཆེ་བ་ཅན། །ཟ་བྱེད་ཐམས་ཅད་སྐྱེས་པའི་ཚུལ། །གཡོན་ཕྱོགས་ཕྱག་བརྙན་སྡེར་མོ་ཅན། །གསོད་བྱེད་ཐམས་ཅད་བུད་མེད་ལུས། །སྤྲུལ་པ་ཁྲ་ཐབས་ཉི་ཤུ་རྣམས། །ཐམས་ཅད་རང་རང་ཁྲོ་བོ་ཡི། ། ― LT30_Page_0303 ―
[མ་དཔེ་གཟིགས་ན་འདིར་གནོན།]
སྐུ་མདོག་རྩ་བ་མཚུངས་པ་ལས། །རྣམ་སྤྲུལ་མ་ངེས་ཅིར་ཡང་སྟོན། །ཁྲོ་མོ་བཅུ་དང་ཕོ་ཉ་ཀུན། །ཕྱག་ན་ཕུར་བུ་ཐོད་ཁྲག་འཛིན། །ཨོཾ་བཛྲ་ཀཱི་ལི་ཀཱི་ལ་ཡ་བི་ད་ཡ་བི་བཾ་ཧཱུྃ་ཕཊ། ཤར་ཕྱོགས་སྒོ་མ་གནོད་སྦྱིན་མོ། །དཀར་མོ་པུ་ཤུད་མགོ་བོ་ཅན། །ཕྱག་གཡས་ལྕགས་ཀྱུ་འབར་བ་ཐོགས། །ཨོཾ་བཛྲ་ཀཱི་ལི་ཀཱི་ལ་ཡ་ན་མ་ས་མནྟ་ཧྲི༚ཱ་ཧྲི༚ཱ་ཧཱུྃ་ཕཊ། ལྷོ་ཕྱོགས་སྒོ་མ་འཇིགས་བྱེད་མ། །སེར་མོ་ཀེ་ཀའི་མགོ་བོ་ཅན། །ཕྱག་གཡས་རྡོ་རྗེ་ཞགས་པ་ཐོགས། །ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་པྲ་སུ་རུ་ཧཱུྃ་ཕཊ། ནུབ་ཕྱོགས་སྒོ་མ་བདུད་རྩི་མ། །དམར་མོ་སྲིན་བྱའི་མགོ་བོ་ཅན། །ཕྱག་གཡས་ལུག་བརྒྱུད་ལྕགས་སྒྲོག་ཐོགས། །ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུྃ་ཕཊ། །བྱང་ཕྱོགས་སྒོ་མ་གསོད་བྱེད་མ། །ལྗང་ནག་ཁྲ་ཡི་མགོ་བོ་ཅན། །ཕྱག་གཡས་འབེབས་བྱེད་དྲིལ་བུ་འཛིན། །དེ་ལྟར་སྒོ་མ་བཞི་པོ་རྣམས། །ཕྱག་གཡོན་རྡོ་རྗེ་ཕུར་བུ་འདེབས། །མི་རོའི་གདན་ལ་རོལ་གར་མཛད། །འཁོར་རྣམས་ཀུན་ཀྱང་གཤོག་རྒྱངས་ཅན། །ཕྱི་རོལ་དམ་ཅན་ཁོར་ཡུག་ལ། །མ་ཐ་མ་ཐ་བཛྲ། ཤར་སྟོད་དུ་ཤོ་ན་མུ་ཁ་མཐིང་ནག་ལྕགས་སྤྱང་མགོ་དགུ་པ་ལ་ཞོན་པ། གཡས་ཐོད་དབྱུག །ཛྭ་ལ་ཛྭ་ལ་བཛྲ། ལྷོ་སྟོད་དུ་ཤྲི་ཀ་མུ་ཁ་སེར་ནག་གསེར་གྱི་འཕར་བ་ ― LT30_Page_0304 ―
[མ་དཔེ་གཟིགས་ན་འདིར་གནོན།]
ལྕེ་བརྒྱད་ལ་ཞོན་པ། གཡས་རྡོ་རྗེ་ལྕགས་ཀྱུ་འཛིན་པ། སུ་རུ་སུ་རུ་བཛྲ། ནུབ་སྟོད་དུ་སྲི་ལ་མུ་ཁ་དམར་ནག་ཟངས་ཀྱི་ཝ་མོ་རྐང་གསུམ་ལ་ཞོན་པ། གཡས་རྡོ་རྗེ་འཛིན་པ། མུ་རུ་མུ་རུ་བཛྲ། བྱང་སྟོད་དུ་ཤྭ་ན་མུ་ཁ་ལྗང་ནག་གཡུའི་ཁྱི་མོ་རལ་བཅན་ལ་ཞོན་པ། །གཡས་ཞིང་ཆུང་ཞལ་དུ་གསོལ་ཞིང་དེ་བཞི་ཅར་ཡང་གཡོན་རང་རིགས་ཀྱི་ཕུར་བུ་ཐོགས་པའོ། །ཧཱུྃ་མ་མ་ཝཱ་ཤྱ་ཀ་རི་ཧཱུྃ། ཤར་སྨད་དུ་རེ་མ་ཏཱི་མཐིང་ནག་དྲེའུ་རྐང་གསུམ་ལ་ཞོན་པ། ཏྲི་ཤུ་ལ་དང་མེ་ལོང་འཛིན་པ། མ་ཏང་ཉ་ཀ་ར། ལྷོ་སྨད་དུ་རེ་མ་ཛ་སེར་མོ་ཤ་བ་ཡུ་མོ་ལ་ཆིབས་ཤིང་། གཡས་གསེར་གྱི་ཟོར་པ་དང་། །གཡོན་ན་གཡུའི་སྣོད་ཐོགས་པ། ཨི་ན་ན་ད་དྷི། །ནུབ་སྨད་དུ་རེ་མ་ཏྲི་དམར་ནག་ཆུ་གླང་ལ་ཞོན་པ། ལྕགས་ཀྱུ་དང་བནྡྷ་འཛིན་པ། མ་མ་ཤྲཱི་གྷྲཾ་ཀརྨ་ཀ་ར་ཡེ། བྱང་སྨད་དུ་རེ་མ་ཛུ་ལྗང་ནག་རྔ་མོང་ལ་ཞོན་པ། ཁྲཾ་ཤིང་དང་མཚོན་གྱི་གྲུ་གུ་ཐོགས་པའོ། །ཡང་ན་ཐམས་ཅད་ཀྱང་ཕྱག་གཡོན་ན་མཆོག་ཕུར་རོ། །ཀ་ཏང་ཀ་ཡེ། ཤར་དུ་རྡོ་རྗེ་ཡ་བྱིན་མཐིང་ནག་ལྕགས་ཀྱུ་དང་བྱ་ཕུད་འཛིན་པ། གཡུ་འབྲུག་ལ་ཆིབས་པ། ཛ་ཡེ་བི་ཛ་ཡེ། ལྷོར་རྡོ་རྗེ་དེ་བྱིན་སེར་མོ་ཞགས་པ་དང་བྱི་དུར་གྱི་ཕུར་པ་འཛིན་པ། ཆུ་སྲིན་པིར་ལ་ཞོན་པ། ཨ་ཛི་ཏེ། ནུབ་ཏུ་རྡོ་རྗེ་ ― LT30_Page_0305 ―
[མ་དཔེ་གཟིགས་ན་འདིར་གནོན།]
བསེ་བྱིན་དམར་མོ་ལྕགས་སྒྲོག་དང་མཆོག་ཕུར་འཛིན་པ། གློག་དམར་ལ་ཆིབས་པ། ཨ་པ་ར་ཛི་ཏེ། བྱང་དུ་རྡོ་རྗེ་ཕག་བྱིན་ལྗང་ཁུ་དྲིལ་བུ་དང་སེར་ལྡེང་གི་ཕུར་པ་འཛིན་པ། ཆུ་རྟ་སྔོན་པོ་ལ་ཆིབས་པའོ། །མ་མ་ཤྲཱི་གྷྲཾ་ཀརྨ་ཀ་ར་ཡེ། ཤཱ་ན་མ་བཞིའི་མིང་པོ་ནི། པྲ་མ་རཱ་ཛ་སྲིན་པོའི་གིང་དཀར་པོ་དུང་ཕུར་བསྒྲིལ་བ། ཡ་མ་རཱ་ཛ་གཤིན་རྗེའི་གིང་སྔོན་པོ་ལྕགས་ཕུར་བསྒྲིལ་བ། དེ་ཤ་གྲཱྀ་ཝ་བདུད་ཀྱི་གིང་དམར་པོ་ཟངས་ཕུར་བསྒྲིལ་བ། ཡག་ཤ་གྲཱྀ་ཝ་གནོད་སྦྱིན་གྱི་གིང་སེར་པོ་གསེར་པུར་བསྒྲིལ་བ། མཱ་ར་སེ་ན་བདག་ཉིད་ཆེན་མོའི་མིང་པོ་རྣམས་ནི། ཤར་བདུད་དཀར་པོ་མཆེ་བ་འཛིན་པ། ལྷོ་བདུད་སྔོན་པོ་བེ་ཅོན་འཛིན་པ། ནུབ་བདུད་དམར་ནག་ཞགས་པ་འཛིན་པ། བྱང་བདུད་ལྗང་ནག་རལ་གྲི་འཛིན་པ། པྲ་མརྡྷ་ན་ཡ་ཧཱུྃ། ས་བདག་ཆེན་མོ་རྣམས་ཀྱི་མིང་པོ་ནི། སྲིན་པོའི་གྱང་་ཆེན་དཀར་པོ། གཤིན་རྗེའི་གྱད་ཆེན་ནག་པོ། བདུད་ཀྱི་གྱད་ཆེན་མིག་རིང་དམར་པོ། །གནོད་སྦྱིན་གྱད་ཆེན་མོན་པ་སྔོན་པོ་སྟེ། དེ་བཞི་ཅར་ཡང་གཡས་མཚོན་ཆ་སྣ་ཚོགས་པ་དང་། །གཡོན་རང་མདོག་དང་མཚུངས་པའི་ཕུར་བུ་འཛིན་པ། མིང་པོ་ཐམས་ཅད་ཀྱང་སྐུ་ཆེ་ལ་ཡན་ལག་རགས་པ། མི་སྡུག་ཅིང་འཇིགས་པའི་ཆ་ལུགས་ཅན། ། ― LT30_Page_0306 ―
[མ་དཔེ་གཟིགས་ན་འདིར་གནོན།]
ཟ་ཟ་འཆའ་འཆའ་རྔམ་རྔམ་འདྲ་བའོ། །དེ་ལྟར་དཔལ་ཆེན་པོ་དཀྱིལ་འཁོར་བཀའ་ཉན་ཕོ་ཉའི་ཚོགས་དང་བཅས་པ་ཡེ་ཤེས་ཆེན་པོའི་རོལ་པ་ལས་རང་ཤར་བས། བཀྲག་མདངས་གཟི་བྱིན་དཔག་ཏུ་མེད་པ་དང་བཅས་པ་གྲུབ་པར་གྱུར། རྡོ་རྗེ་གཞོན་ནུའི་རིག་འཛིན་རྣམས། །ཞེས་པ་ནས། ཀརྨ་ཀྲེདྷི་ཤྭ་རཱི་ཨ། ཞེས་པའི་བར་གོང་བཞིན་ལས། དབང་དང་བྱིན་རླབས་འདིང་སྩོལ་ཅིག །ཅེས་འདོན་པ་སྦོའོ། །གསུམ་པ་ཕུར་པ་རྫས་ཀྱི་དཀྱིལ་འཁོར་བསྐྱེད་པ་ནི། སྲས་མཆོག་རྣམས་བསང་སྦྱང་། ཨེ་སྥ་ར་་ཕཊ། ཕུར་གདན་གྲུ་གསུམ་མཐིང་ནག་འབར་བའི་དཀྱིལ་འཁོར་དུ་གྱུར། ཨོཾ་བཛྲ་ཀཱི་ལི་སོགས། སྙིང་པོ་འབྲུ་བཅུ་དྲུག་པ་དང་སྒོམ་བཞིའི་སྔགས་བརྗོད། ཨེ་ཨགྣེ་མཎྜལ་སརྦ་ཤཱ་ཏྲཱུན་བིགྷྣཱན་ཧཱུྃ། ཛཿཧཱུྃ་བྃ་ཧོཿ ཨོཾ་བཛྲ་ཀཱི་ལི་ཀཱི་ལ་ཡ་བེ་ཏ་ལི་མཎྜལ་རཀཱ་རཀཱ་ཧཱུྃ་ཕཊ། སྲས་མཆོག་གི་ཕུར་བུ་ལ་ཡུངས་ཀར་གཏོར་ཞིང་ཐུམ་བུ་གདགས། ཨོཾ་བཛྲ་ཀཱི་ལི་ཀཱི་ལ་ཡ་མ་གུ་ལ་ཏ་ལ་ཏ་ལ་པྲ་ཏ་ལ་ས་མ་ཡ་ཏིཥྛ་ཧཱུྃ་ཕཊ། གུ་གུལ་གྱིས་བདུག །ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་ཛྭ་ལ་ནི་ཧཱུྃ་ཕཊ། རཀྟ་བྱུག་པའམ་བྱུག་ཚུལ་ཙམ་བྱ། ཨ་ཝེ་ཤ་ཡ་ཨ་ཞེས་ཕུར་པ་ལག་ཏུ་བླང་། ཨོཾ་ཧ་ན་ཧ་ན་དཱིཔྟ་ཙཀྲ་ཧཱུྃ་ཕཊ། ཐལ་མོ་ཀ་པུ་ཏས་བཟུང་། བཛྲ་ས་ཏྭ་རཱ་ཛ་ཡ་ཧཱུྃ། རྡོ་རྗེ་རྩེ་གཅིག་པའི་ཕྱག་རྒྱས་བཟུང་། ― LT30_Page_0307 ―
[མ་དཔེ་གཟིགས་ན་འདིར་གནོན།]
ཨོཾ་བཛྲ་ཀཱི་ལི་ཀཱི་ལ་ཡ་ས་མ་ཡ་ཏིཥྛནྟུ། ཞེས་ཕུར་གདན་གྱི་སྟེང་དུ་བཙུགས། སྲས་མཆོག་ལྔ་ཡོད་ཅིང་སྤྲོས་པ་ལ་དགའ་ན། སྔགས་དེ་དག་སོ་སོ་ལན་ལྔ་ལྔ་བརྗོད། གང་ལྟར་ཡང་། སྐྱེ་མེད་རྣམ་དག་ཆོས་སྐུའི་དབྱིངས་ཉིད་ལས། །སྐྱེ་བའི་ཆོ་འཕྲུལ་འཇིགས་པའི་སྐུར་སྟོན་པ། །ཕྱོགས་བཅུའི་རྒྱལ་བ་ཡབ་ཡུམ་མ་ལུས་སྐུ། །སངས་རྒྱས་འདུས་པའི་སྲས་མཆོག་ཀཱི་ལ་ཡ། །སྲིད་པ་རྡོ་རྗེ་ཕུར་བུར་བསྒྲུབ་པའི་ཕྱིར། །བཞེངས་ཤིག་བཞེངས་ཤིག་ཆོས་ཀྱི་དབྱིངས་ལས་བཞེངས། །བཛྲ་ཨཉྫ་ལི་ཛ། མཉམ་པའི་ཐལ་མོ་སྦྱར། ཕུར་བུ་རྣམས་གཙོ་བོ་ཡབ་ཡུམ་གྱི་སྐུ་ལ་ཞུགས། །སྦྱོར་མཚམས་ནས་རིགས་ལྔ་ཧེ་རུ་ཀར་གྱུར། ཧཱུྃ། དབུས་ཀྱི་མཐིང་ནག་གྲུ་གསུམ་དཀྱིལ་འཁོར་ནས། །རྡོ་རྗེ་འདུས་པའི་སྲས་མཆོག་ཀཱི་ལ་ཡ། །ཞེ་སྡང་བདུད་འདུལ་ཁྲོ་རྒྱལ་དབྱིངས་ནས་བཞེངས། །སྲིད་པ་རྡོ་རྗེ་ཕུར་བུར་བསྒྲུབ་པའི་ཕྱིར། །མཐིང་ནག་གྲུ་གསུམ་འབར་བའི་གནས་འདིར་གཤེགས། །དེ་ལ་འདོན་པ་བསྒྱུར་ཏེ། དབུས་ཀྱི་ཞེས་པ་ཤར་ཕྱོགས་ལྷོ་ཕྱོགས་ནུབ་ཕྱོགས་བྱང་ཕྱོགས་རྣམས་དང་། མཐིང་ནག་ཅེས་པར། སྨུག་ནག་སེར་ནག་དམར་ནག་ལྗང་ནག་ཅེས་དང་། རྡོ་རྗེ་ཞེས་པར། སངས་རྒྱས། རིན་ཆེན། པདྨ། ཕྲིན་ལས། ཞེས་དང་། ཞེ་སྡང་ཞེས་པ། གཏི་མུག་ང་རྒྱལ་ ― LT30_Page_0308 ―
[མ་དཔེ་གཟིགས་ན་འདིར་གནོན།]
འདོད་ཆགས་ཕྲག་དོག །ཅེས་འདོན་པ་སྤོའོ། །དེ་ལྟར་སྤྲུལ་སྐུ་རིགས་ལྔར་བཞེངས་པར་གསོལ་བ་བཏབ་པས། ཧེ་རུ་ཀ་རིགས་ལྔ་རྣམས་ལྟེ་བ་མན་ཆད་ཕུར་བུའི་རྣམ་པ་ཅན་དུ་གྱུར། ཨོཾ་དཱིཔྟ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། དེ་བཞིན་དུ། ཨོཾ་དཱིཔྟ་ཙཀྲ། དཱིཔྟ་རཏྣ། དཱིཔྟ་པདྨ། དཱིཔྟ་ཀརྨ། ཞེས་འདོན་པ་སྤོས་ལ་བརྗོད། ཕུར་བུའི་སྤྱི་བོར་ཨོཾ། སྐེད་པར་ཧྲཱིཿརྩེ་མོར་ཕཊ། རྡོ་རྗེ་གཞོན་ནུའི་རིག་འཛིན་རྣམས། ཞེས་པ་ནས། ཀརྨ་ཀྲོ་དྷི་ཤྭ་རི་ཨ། ཞེས་པའི་བར་གོང་བཞིན། མ་སཱུརྱ་མཎྜ་ལ། ཨ་ཙནྡྲ་མཎྜ་ལ། ལག་མཐིལ་གཉིས་སུ་ཟླ་བ་དང་། ཉི་མའི་དཀྱིལ་འཁོར། གཡས་ཀྱི་སོར་མོ་ལྔ་ལ་ཧཱུྃ་ཨོཾ་སྭཱ་ཨཱཾ་ཧཱ་ལས་རྒྱལ་བ་རིགས་ལྔ། གཡོན་གྱི་སོར་མོ་ལྔ་ལ་མཱུཾ་ལཱཾ་མཱཾ་པཱཾ་ཏཱཾ་ལས་ཡུམ་ལྔའི་ངོ་བོ། ས་མ་ཡ་སྟཾྭ། བཛྲ་ཨཉྫ་ལཱི་ཧཱུྃ། སོར་མོ་རྣམས་བསྣོལ། བཛྲ་བྷནྡྷ་རྡོར་བསྡམས་བྱ། བཛྲ་ཨཉྫ་ལི་ཛཿཞེས་ཕུར་བུ་བླང་། ཨ་ཝེ་ཤ་ཡ་ཨ་ཞེས་ཅུང་ཟད་བསྒྲལ་ཚུལ་བྱ། རིགས་ལྔ་ཡབ་ཡུམ་ཕུར་བུ་ལ་ཐིམ། རྒྱ་མདུད་གོང་མ་དང་ལྕུམ་བཞོགས་ཕྱེད་ཡན་ཆད་ལ། ཕྱོགས་བཞི་དང་སྟེང་གི་ཁྲོ་བོ། མན་ཆད་ལ་མཚམས་བཞི་དང་འོག་གི་ཁྲོ་བོ་བཞུགས་པར་མོས། ཧཱུྃ། དཱིཔྟ་ཙཀྲ་ཕུར་པའི་ལྷ། མཐིང་ནག་གཅེར་བུ་རལ་པ་ཅན། ། ― LT30_Page_0309 ―
[མ་དཔེ་གཟིགས་ན་འདིར་གནོན།]
སྐུ་སྟོད་ཁྲོ་བོ་ཆེན་པོ་ལ། །དབུ་གསུམ་ཕྱག་ཀྱང་དྲུག་པ་སྟེ། །དབུ་ལ་རིགས་ལྔའི་སངས་རྒྱས་རྫོགས། །ལྟེ་བ་མན་ཆད་སྐུ་ཡི་ཆ། །ཨུཏྤལ་སྔོན་པོའི་འདབ་མ་ཅན། །འབར་བའི་འཕྲེང་བ་འཁྲིགས་པའི་འོད། །ལྕགས་ཀྱི་ཕུར་བུ་ཟུར་གསུམ་པ། །དྲག་པོར་གྱུར་པའི་ཕུར་པ་སྟེ། །བཏབ་ན་ལྷ་ཡང་བརླག་འགྱུར་ན། །གནོད་བྱེད་བགེགས་ལ་སྨོས་ཅི་དགོས། །ཀཱི་ལ་ཡ་འབྲུ་བཅུ་དྲུག་པ་ལན་གསུམ་སོགས་ཇི་ལྟར་འོས་པ་བརྗོད། འགྲུབ་ན་མ་སཱུརྱ་མཎྜལ་མན་ཆད། སྲས་མཆོག་རེ་རེ་བཞིན་དུ་ཚར་རེ་གྲུབ་ན་ལེགས་སོ། །ཨོཾ་བཛྲ་ཀཱི་ལི་ཀཱི་ལ་ཡ་ཛྭ་ལ་ཛྭ་ལ་པྲ་ཛྭ་ལ་སྥུ་ཊ་སྥུ་ཊ་སརྦ་ནཱ་ཤ་ནཱ་ཡ་ཧཱུྃ་ཕཊ། ཅེས་སྲས་མཆོག་གི་གཙོ་བོ་དཔྲལ་བར་རེག །ཨོཾ་བཛྲ་ཀཱི་ལི་ཀཱི་ལ་ཡ་བྱ་ཀྲི་པ་ལ་ཧྲཱི་ཤོ་དྷ་ཡ་ཧཱུྃ་ཕཊ། མགྲིན་པར་རེག །ཨོཾ་བཛྲ་ཀཱི་ལི་ཀཱི་ལ་ཡ་ཚིནྡྷ་ཚིནྡྷ་ཧཱུྃ་ཕཊ། སྙིང་གར་རེག་སྟེ། སྐུ་གསུང་ཐུགས་ཀྱི་དབང་བླང་བའོ། །གསུམ་པ་ཕྲིན་ལས་ལ་མཆོད་པ་རྣམ་པ་གསུམ་ནི། །རང་གི་ཐུགས་ཀའི་ཧཱུྃ་ལས་འོད་འཕྲོས། རང་བཞིན་གྱི་གནས་ནས་སངས་རྒྱས་དང་བྱང་ཆུབ་སེམས་དཔའ་དཔའ་བོ་མཁའ་འགྲོ་ཐམས་ཅད་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་དམ་ཅན་སྲུང་མ་དང་བཅས་པའི་རྣམ་པར་མཆོད་པའི་དོན་དུ་བཛྲ་ས་མཱ་ཛཿཧཱུྃ། སྲིད་པའི་ཕུར་བུ་སྒྲུབ་པ་དང་། །དབང་དང་ ― LT30_Page_0310 ―
[མ་དཔེ་གཟིགས་ན་འདིར་གནོན།]
དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །བཛྲ་ཀཱི་ལ་ཡ་ཡི་དངོས་གྲུབ་སྩོལ། །ས་མ་ཡ་ཧོཿས་མ་ཡ་སྟྭཾ། ཛཿཧཱུྃ་བཾ་ཧོཿཔྲ་ཝེ་ཤ་ཡ་ཕཊ། སྲིད་གསུམ་གདུག་པ་འདུལ་བ་དང་། །ང་རྒྱལ་ཆེན་པོ་བསྟན་པའི་ཕྱིར། །རྡོ་རྗེ་སྲིན་པོའི་ལྷ་ཚོགས་ལ། །རྩེ་གཅིག་ཡིད་ཀྱིས་ཕྱག་འཚལ་ལོ། །ཨ་ཏི་བྷུ་ཧོ། པྲ་ཏི་ཛ་ཧོ། ཨོཾ་བཛྲ་ཀཱི་ལི་ཀཱི་ལ་ཡ་ས་པ་རི་ཝ་ར་པཱ་ད་བྷནྡྷ་ནཾ་ཀ་རོ་མི། ཛཿཧཱུྃ་བཾ་ཧོཿགཉིས་སུ་མེད་པར་ཐིམ། །དེ་ནས་མཆོད་པ་འབུལ་བ་ལ། མཆོད་པའི་གཙོ་བོ་རྣམ་གསུམ་དང་། ཞར་བྱུང་གི་མཆོད་པའི་རྣམ་གྲངས་གཞན་ནོ། །དང་པོ་ནི། །སྨན་རཀ་གཏོར་གསུམ་འབུལ་བ་སྟེ། ཨོཾ། །སངས་རྒྱས་ཀུན་དང་མཉམ་སྦྱོར་བ། །རང་བྱུང་གདོད་ནས་རྣམ་པར་དག །རྩ་བརྒྱད་སྟོང་ལ་སྦྱར་བའི་སྨན། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་དྲུག་སེམས་ཅན་ཀུན་གྲོལ་ཕྱིར། །དུག་ལྔ་སེལ་བའི་བདུད་རྩི་འདི། །ཇི་སྙེད་སངས་རྒྱས་ཐམས་ཅད་དང་། །བྱང་ཆུབ་སེམས་དཔའི་ཚོགས་ཆེན་ལ། །ཐུགས་དམ་དབྱིངས་ཉིད་བསྐུལ་བའི་ཕྱིར། །བདག་ཅག་དད་པས་འབུལ་ལགས་ཀྱི། །ཐུགས་རྗེས་དགོངས་ལ་བཞེས་ ― LT30_Page_0311 ―
[མ་དཔེ་གཟིགས་ན་འདིར་གནོན།]
སུ་གསོལ། །བཞེས་ཏེ་ཀུན་ཏུ་དགེས་མཛོད་ལ། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ། མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་དང་། །དཔལ་གྱི་ཡུམ་ཆེན་འཁོར་ལོ་རྒྱས་འདེབས་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ། ཡེ་ཤེས་ཁྲོ་བོ་ཆེན་པོ་བཅུ་རྣམས་དང་། །ཤེས་རབ་དབྱིངས་ཀྱི་ཁྲོ་མོ་བཅུ་རྣམས་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ། །སྤྲུལ་པ་ཁྲ་ཐབས་ཉི་ཤུ་སྒོ་མ་བཞི། །གདུག་པ་འདུལ་མཛད་སྲས་མཆོག་རྣམ་ལྔ་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ། །བཀའ་ཡི་ཕོ་ཉ་ཡང་སྤྲུལ་སུམ་སྤྲུལ་དང་། །སྲུང་མར་དམ་བཅས་ཞལ་བཞེས་ཐམས་ཅད་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ། །ཀུན་བཟང་རིགས་ལྔ་དཔལ་ཆེན་ཁྲག་འཐུང་སོགས། །རྒྱལ་བ་དགོངས་བརྒྱུད་བླ་མ་ཐམས་ཅད་དང་། །པྲ་ ― LT30_Page_0312 ―
[མ་དཔེ་གཟིགས་ན་འདིར་གནོན།]
བྷ་ཧ་སྟི་པདྨ་འབྱུང་གནས་སོགས། །རིག་འཛིན་བརྡ་བརྒྱུད་བླ་མ་ཐམས་ཅད་དང་། །མཁར་ཆེན་མཚོ་རྒྱལ་རྡོ་རྗེ་བདུད་འཇོམས་སོགས། །གང་ཟག་སྙན་བརྒྱུད་བླ་མ་ཐམས་ཅད་དང་། །གཞན་ཡང་ཕྱོགས་བཅུའི་རྒྱལ་བ་ཐམས་ཅད་དང་། །ཡི་དམ་དཀྱིལ་འཁོར་ལྷ་ཚོགས་ཐམས་ཅད་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ། བར་འདིར་སྤྲོས་པ་ལ་དགའ་ན། སྨན་བཤགས་དང་སྐུ་གསུང་ཐུགས་ཀྱི་དངོས་གྲུབ་བླང་བ་སོགས་ཀྱང་བྱེད་དོ། །ཧཱུྃ། མ་ཧཱ་རཀྟ་བསྒྲལ་བའི་ཁྲག །མཱུ་ལ་རཀྟ་རྩ་བའི་ཁྲག །པདྨ་རཀྟ་སྦྱོར་བའི་ཁྲག །ཆུ་དང་མ་འདྲེས་དྭངས་མའི་ཁྲག །བསྒྲལ་བའི་ཤ་ཚོགས་རི་ལྟར་སྤུངས། །འདོད་ཆགས་ཁྲག་གི་རྒྱ་མཚོ་འཁྱིལ། །ཞེ་སྡང་མཆོག་ཕྲན་བཅལ་དུ་བཀྲམ། །ཙི་ཏའི་ཚོགས་ནི་རྫ་ལྟར་ལྷགས། །དམར་ཆེན་རྒྱ་མཚོ་ཆེན་པོ་ལ། །སྣ་ཚོགས་ཞིང་གི་མེ་ཏོག་ཤར། །དཔལ་ཆེན་འཁོར་བཅས་ཞལ་དུ་འབུལ། །ཐུགས་རྗེས་དགོངས་ལ་བཞེས་སུ་གསོལ། །བཞེས་ཏེ་ཀུན་ཏུ་དགྱེས་མཛོད་ལ། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་མ་ཧཱ་མཱཾ་ས་ལ་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཨ་པཱི་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གཽ་རོ་ཙ་ན་ ― LT30_Page_0313 ―
[མ་དཔེ་གཟིགས་ན་འདིར་གནོན།]
ཁཱ་ཧི། མ་ཧཱ་བསུ་ཏ་ཁཱ་ཧི། རཀྟ་གཏོར་མ་ལ་ལན་གསུམ་སྦྲན་ཏེ། དང་པོ་གཙོ་བོ་ཡབ་ཡུམ། གཉིས་པ་འཇིག་རྟེན་འདས་པའི་འཁོར་ཚོགས། གསུམ་པ་དམ་ཅན་སྲུང་མ་རྣམས་ལ་འབུལ། རཀྟ་ཚར་གསུམ་གྱིས་མཆོད་པ་ཞེས་གྲགས་པའི་ཕྱིར། གྱེར་ཡང་ལན་གསུམ་བྱས་ན་ལེགས་སོ། །དེ་ནས་གསར་པ་ཡོད་ན་སྔར་བཞིན་བྱིན་རླབས་བྱ། མེད་ན། ཨོཾ་བ་ལི༚་ཏ་སོགས་བྱིན་རླབས་ལན་གསུམ་གྱིས་ཁ་གསོས། བླ་མེད་མཆོག་གི་མཆོད་པ་དམ་པ་འདི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་ཏུ་བརྒྱན། །དམ་ཚིག་བཞིན་དུ་ནུས་པས་འབུལ་ལགས་ཀྱིས། །ཐུགས་དམ་བཞིན་དུ་ཅི་བདེར་བཞེས་ནས་ཀྱང་། །ཀཱི་ལ་ཡ་ཡི་དངོས་གྲུབ་སྩལ་དུ་གསོལ། །ཛཿཧཱུྃ་བྃ་ཧོཿ ཤྲཱི་ཧེ་རུ་ཀ་ཨི་དཾ། པུཥྤཾ། དྷཱུ་པཾ། དཱི་པཾ། གནྡྷཾ། བ་ལི༚་ཏ་པྲ་ཏཱིཙྪ་ཧོཿགྲྀཧྣ་ཁཱ་ཧི། བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི། གྱེར་དང་བཅས་པ་ལན་གསུམ། དེ་ནི་གཏོར་མ་དངོས་ཡིན་ལ། དེ་རྗེས་མཆོད་པ་གསུམ་ཅར་གྱི་མཇུག་སྡོམ་ནི་སྙིང་པོ་འབྲུ་བཅུ་དྲུག་པའི་མཐར། མ་ཧཱ་བ་ལི༚་ཏ་ཁཱ་རཾ་ཁཱ་ཧི། མ་ཧཱ་རཀྟ་ཁཱ་རཾ་ཁཱ་ཧི། མ་ཧཱ་པཉྩ་ཨ་མྲྀ་ཏ་ཁཱ་རཾ་ཁཱ་ཧི། ཞེས་བཏགས་པ་ལན་བདུན་ལ་སོགས་པས་ཕུལ། བསྡུ་ན་དེ་ཙམ་གྱིས་ཀྱང་ཆོག །དེ་ནས་སྤྲོ་ན་རྩ་བརྒྱུད་བླ་མའི་མཚན་ནས་སྨོས་པ་དང་། དཀྱིལ་འཁོར་གྱི་ལྷ་ཚོགས་ཐམས་ཅད་ ― LT30_Page_0314 ―
[མ་དཔེ་གཟིགས་ན་འདིར་གནོན།]
དང་། སྲས་མཆོག་རྣམས་དང་། དམ་ཅན་རྣམས་ཀྱི་བསྐྱེད་སྔགས་ཀྱི་མཐར་ཡང་དེ་བཞིན་བཏགས་ཏེ་འབུལ། ཁྱད་པར་དུ་ཧ་ས་ཡ་ར་ལ་སོགས་པ་ལས་སྔགས་དྲུག་གི་མཐར། ཨོཾ་བཛྲ་ཡཀྵ་ཀོ་དྷ་མ་ཧཱ་བ་ལི༚་ཏ་སོགས་བཏགས་པས་ལན་མང་དུ་འབུལ། ལྷ་རྣམས་དགྱེས་ནས་ཧཱ་ཧཱ་ཞེས་གསུངས། ཧཱུྃ་ཧཱུྃ་ཞེས་བདག་ལ་བྱིན་གྱིས་བརླབ། ཕཊ་ཕཊ་ཅེས་དགྲ་བགེགས་བསྒྲལ་ཏེ་ཆོས་ཉིད་དུ་སྦར་བར་གྱུར། འདི་ནི་སྨན་རཀ་གཏོར་གསུམ་ཞེས་པའི་གོ་རིམ་ལྟར་བྱས་ཀྱང་རུང་བ་ཡིན་ལ། ཡང་ཕུད་སྨན་རཀྟ་གསུམ་ཞེས་པ་ལྟར་གཏོར་མ་ཐོག་མར་བྱས་ཀྱང་རྙིང་མ་རང་ལུགས་མང་པོ་ལ་ཡོད་པས་མི་ལེགས་པ་མ་ཡིན་ནོ། །གཉིས་པ་ཞོར་བྱུང་མཆོད་པའི་རྣམ་གྲངས་ལ། འདོད་ཡོན་སྣ་ཚོགས་ཀྱི་མཆོད་པ་ནི། རྡོ་རྗེ་སྒེག་མོའི་དགའ་བས་མཆོད་བྱ་ཞིང་། །རྡོ་རྗེ་ཕྲེང་མོས་རབ་ཏུ་བརྒྱན་བྱས་ཏེ། །རྡོ་རྗེ་གླུ་མས་གསང་བའི་གླུ་བླངས་ནས། །རྡོ་རྗེ་གར་མས་མཛེས་པའི་གར་བསྒྱུར་མ། །ཕྱོགས་བཅུའི་འཇིག་རྟེན་ནམ་མཁའི་ཁམས་གང་ནས། །བླ་མ་དཀྱིལ་འཁོར་དམ་ཅན་སྲུང་མ་ལ། །རྣམ་དག་མོས་པའི་བློ་ཡིས་བདག་འབུལ་ལོ། །བཞེངས་ཤིག་ཀཱི་ལ་ཡ་ཡི་དངོས་གྲུབ་སྩོལ། །རྡོ་རྗེ་བདུག་པས་མ་ལུས་ཚིམ་བྱས་ནས། །རྡོ་རྗེ་མེ་ཏོག་མ་ཡི་མཛེས་པར་དཀྲི། །རྡོ་རྗེ་སྒྲོན་མེ་མ་ཡིས་དགྱེས་པ་བསྐྱེད། །དྲི་མཆོག་མ་ཡིས་དྲི་ཞིམ་འབྱུག་བྱས་ ― LT30_Page_0315 ―
[མ་དཔེ་གཟིགས་ན་འདིར་གནོན།]
པ། །ཕྱོགས་བཅུའི་སོགས་གོང་བཞིན། ཨོཾ་བཛྲ་ལཱ་སྱ་ཧཱུྃ། ཨོཾ་བཛྲ་མཱ་ལེ་ཏྲཱཾ། ཨོཾ་བཛྲ་གཱིརྟི་ཧྲཱིཿ ཨོཾ་བཛྲ་ནཱི་རྟི་ཨ། ཨོཾ་བཛྲ་དྷཱུ་པེ་ཧཱུྃ། ཨོཾ་བཛྲ་པུཥྤེ་ཏྲཾ། ཨོཾ་བཛྲ་ཨཱ་ལོ་ཀེ་ཧྲཱིཿ ཨོཾ་བཛྲ་གནྡྷེ་ཨ། འདི་ནི་སྨན་མཆོད་ཀྱི་འཕྲོས་དོན་ཡིན་ནོ། །མཆོག་ཏུ་གཙང་བའི་མཆོད་ཡོན་འདི། །རྡོ་རྗེ་ཁྲོ་བོའི་ཚོགས་ལ་འབུལ། །དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་ཨརྒྷཾ་པྲ་ཏཱིཙྪ་སྭཱ་ཧཱ། །མཆོག་ཏུ་གཙང་བའི་ཞབས་བསིལ་འདི། །རྡོ་རྗེ་ཁྲོ་བོའི་ཚོགས་ལ་འབུལ། །དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་པཱ་དྱཾ་པྲ་ཏཱིཙྪ་སྭཱ་ཧཱ། རིན་ཆེན་མཛེས་པའི་མེ་ཏོག་འདི། །རྡོ་རྗེ་ཁྲོ་བོའི་ཚོགས་ལ་འབུལ། །དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་པུཥྤེ་པྲ་ཏཱིཙྪ་སྭཱ་ཧཱ། ཞིང་ཀུན་ཁྱབ་པའི་བདུག་སྤོས་འདི། །རྡོ་རྗེ་ཁྲོ་བོའི་ཚོགས་ལ་འབུལ། །དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་དྷཱུ་པཾ་པྲ་ཏཱིཙྪ་སྭཱ་ཧཱ། སྒྲོན་མེ་རིན་ཆེན་སྣང་གསལ་འདི། །རྡོ་རྗེ་ཁྲོ་བོའི་ཚོགས་ལ་འབུལ། ། ― LT30_Page_0316 ―
[མ་དཔེ་གཟིགས་ན་འདིར་གནོན།]
དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་དཱི་པཾ་པྲ་ཏཱིཙྪ་སྭཱ་ཧཱ། །དྲི་ཞིམ་ངད་ལྡང་བྱུག་པ་འདི། །རྡོ་རྗེ་ཁྲོ་བོའི་ཚོགས་ལ་འབུལ། །དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་གནྡྷཾ་པྲ་ཏཱིཙྪ་སྭཱ་ཧཱ། རོ་མཆོག་བརྒྱད་ལྡན་ཞལ་ཟས་འདི། །རྡོ་རྗེ་ཁྲོ་བོའི་ཚོགས་ལ་འབུལ། །དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་ནཻ་ཝི་ཏྱཾ་པྲ་ཏཱིཙྪ་སྭཱ་ཧཱ། རྣམ་མང་རོལ་མོ་སིལ་སྙན་འདི། །རྡོ་རྗེ་ཁྲོ་བོའི་ཚོགས་ལ་འབུལ། །དགྱེས་པའི་ཚུལ་གྱིས་བཞེས་ནས་ཀྱང་། །འཕྲུལ་གྱི་དངོས་གྲུབ་སྩལ་དུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་ཤབྡ་པྲ་ཏཱིཙྪ་སྭཱ་ཧཱ། འདི་ནི་གཏོར་མའི་ཡན་ལག་གོ། །དེ་ནས་སྦྱོར་བའི་མཆོད་པ་ནི། ཧཱུྃ། །འཁྲིལ་བའི་མཆོད་ཆེན་མཉམ་སྦྱོར་བ། །ཐབས་དང་ཤེས་རབ་གཉིས་མེད་པའི། །པདྨ་ལ་ནི་རྡོ་རྗེ་ཞུགས། །བདག་ཉིད་མཆོད་པས་མཉེས་པར་ཤོག །མི་མོ་རྣམས་ཀྱི་རེག་བྱའི་མཆོག །བྱིན་གྱིས་རློབས་ཤིག་རྣལ་འབྱོར་པ། །སྒྲུབ་པའི་རྫས་འདི་ཐམས་ཅད་ལ། །ཧཱུྃ་དང་ཕཊ་ཀྱིས་ལྡན་པར་མཛོད། །མཉམ་ ― LT30_Page_0317 ―
[མ་དཔེ་གཟིགས་ན་འདིར་གནོན།]
པའི་སྒྲུབ་རྫས་ཆེན་པོ་དག །ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ཡང་དཀྱིལ་འཁོར་ཐིམ། །ཨ་ལ་ལ་ཏེ་བཞེས་སུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ། ཛཿཧཱུྃ་བྃ་ཧོ་བོ་དྷི་ཙིཏྟ་མ་ཧཱ་སུ་ཁཾ། ཨ་ནུ་ར་ག་ཡ་མི། །དེ་ནས་བསྒྲལ་མཆོད་ནི། དངོས་སུ་ལིངྒ་བཅས་ན་དགུག་གཞུག་བྱ། མེད་ན་ཡིད་ཀྱིས་བྱས་པར་མོས་ཏེ། ཛཿདམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་མོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་ཆེན་མོའི་དུས་ལ་བབ། །བསྒྲལ་བར་བྱ་བའི་དུས་ལ་བབ། །ཁྱོད་ཀྱི་ཕྲིན་ལས་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་དོ། །དུས་གསུམ་རྒྱལ་བའི་གདུང་འཚོ་བ། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོཾ་ལཾ་ཧཱུྃ་ལཾ་སྟྭཾ་བྷ་ནཾ་མོ་ཧཾ་གྷ་ཏ་ཡ། བྷ་ག་ཝཱན་ཧྲཱིཿཥྚི་བི་ཀྲི་ཏ་ཤྲཱི་བཛྲ་ ― LT30_Page_0318 ―
[མ་དཔེ་གཟིགས་ན་འདིར་གནོན།]
ཧཱུྃ་ཀ་ར་ཧཱུྃ་ཧཱུྃ་ཕཊ་ཕཊ། བཛྲ་ཀཱི་ལི་ཀཱི་ལ་ཡ་ཛཿཧཱུྃ་བོ་ཧོཿསརྦ་བིགྷྣཱན་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ་ཕཊ། བཛྲ་ཧཱུྃ་ཀ་ར་ཧཱུྃ་ཨ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་སྡོམས་ཤིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རིངས་པར་ཁུག་ལ་སྨྲ་རུ་ཆུག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་ལས་རྣམས་ཉན་པར་གྱིས། །ཧཱུྃ་པ་ར་བི་དྱཾ་ཚིནྡྷ་ཚིནྡྷ་ཧཱུྃ་ཕཊ། བྷིནྡྷ་བྷིནྡྷ་ཧཱུྃ་ཕཊ། གྲྀཧྞ་གྲྀཧྞ་ཧཱུྃ་ཕཊ། ཧ་ན་ཧ་ན་ཧཱུྃ་ཕཊ། བྷནྡྷ་བྷནྡྷ་ཧཱུྃ་ཕཊ། ཏཱ་ཌ་ཡ་ཏཱ་ཌ་ཡ་ཧཱུྃ་ཕཊ། ཧ་ས་ཡ་ར་ཧ་ས་ཡ་ར་ཧྲཱི་དཎྜ་ཧཱུྃ་ཕཊ། ཤཱི་གྷྲཾ་ཨ་ན་ཡ་ཧཱུྃ་ཕཊ། ཛ་ལ་པཱ་ཡ་ཛ་ལ་པཱ་ཡ་ཧཱུྃ་ཕཊ། ཨ་ཝེ་ཤ་ཡ་ཨ་ཝེ་ཤ་ཡ་ཧཱུྃ་ཕཊ། བི་དྷ་ཡ་བི་དྷ་ཡ་ཧཱུྃ་ཕཊ། ཨོཾ་བཛྲ་ཡཀྵ་ཀྲོ་དྷ་ཁཱ་ཧི། བི་དཱ་ཡ་བི་དཱ་ཡ་བཛྲ་ཡཀྵ་ཀྲོ་དྷ་ཁཱ་ཧིཿ ཛཿ བྲན་དང་བཀའ་ཉན་ཕོ་ཉའི་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་ ― LT30_Page_0319 ―
[མ་དཔེ་གཟིགས་ན་འདིར་གནོན།]
རུ་མུ་རུ་བཛྲེ། ཀ་ཏཾ་ཀ་ཊ་ཡེ་ཛ་ཡེ་བི་ཛ་ཡེ། ཨ་ཛི་ཏེ་ཨ་བ་ར་ཛི་ཏེ། མ་ར་སྱ་ན། པྲ་མརྡྷ་ནེ་ཧཱུྃ་ཕཊ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་བ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་རྣམས། །ང་ཡི་བཀའ་ལས་འདའ་མ་བྱེད། །མ་མ་ཝ་ཤཾ་ཀུ་རུ་མ་ཏང་ཉ་ཀ་ར་ཨི་ནན་ད་དྷི་མ་མ་ཀརྨ་ཤྲཱི་གྷྲཾ་ཀ་ར་ཡེ། གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པའི་བགེགས། །མཐུ་དང་རྫུ་འཕྲུལ་མེད་པར་བྱོས། །སརྦ་ཨཱ་ན་ཡ་ཧཱུྃ་ཕཊ། ཏཱ་ཌ་ཡ་ཏཱ་ཌ་ལ་ཧཱུྃ་ཕཊ། །རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློག །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བསྒྲལ་བར་བྱའོ། །ཁ་ཏཾྭ་ཁ་ཏྭཾ་ཁ་ཏྭཾ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི་ཧ་ཧ་ཧཱུྃ་ཧཱུྃ་ཕཊ། དེ་ནས་ཞལ་དུ་བསྟབས་པ་ནི། ཧེ་རུ་ཀ་ཡི་གནས་བཅུ་དང་། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་འཁོར་བཅས་སྤྱན་འདྲེན་ནོ། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་ ― LT30_Page_0320 ―
[མ་དཔེ་གཟིགས་ན་འདིར་གནོན།]
རྙིང་ཏི་རའི་ཚོགས། །དམར་གྱི་ཨརྒྷཾ་རྒྱ་མཚོར་འཁྱིལ། །མཁའ་འགྲོ་འབར་མའི་ཚོགས་རྣམས་ཀྱང་། །མ་ལུས་གཤེགས་ནས་བསྣམ་དུ་གསོལ། །ཛཿཧཱུྃ་བྃ་ཧོཿཤྲཱི་ཧེ་རུ་ཀ་མ་ཧཱ་ས་མ་ཡ། ཁ་ཁ་ཁཱ་ཧི་ཁཱ་ཧི། །དེ་ལྟར་སྦྱོར་སྒྲོལ་གྱི་མཆོད་པ་དེ་གཉིས་ནི། རཀྟའི་མཆོད་པ་དང་འབྲེལ་བའོ། །དེ་རྗེས་བསྟོད་པས་མཆོད་པ་ནི། ཧཱུྃ། །བསྐལ་མེ་འབར་བའི་ཀློང་དཀྱིལ་ནས། །དཔལ་ཆེན་རྡོ་རྗེ་གཞོན་ནུའི་སྐུ། །སྐུ་མདོག་དབུས་ཞལ་མཐིང་ཀ་ནི། །ཆོས་ཉིད་འགྱུར་བ་མེད་པའི་རྟགས། །གཡས་ཀྱི་ཞལ་མདོག་དཀར་བ་ནི། །བག་ཆགས་སྐྱོན་གྱིས་མ་གོས་རྟགས། །གཡོན་གྱི་ཞལ་མདོག་དམར་བ་ནི། །འགྲོ་བའི་དོན་ལ་ཆགས་པའི་རྟགས། །དབུ་སྐྲ་གྱེན་དུ་འབར་བ་ནི། །སྲིད་གསུམ་ཟིལ་གྱིས་གནོན་པའི་རྟགས། །སྤྱན་དགུ་སྡང་མིག་གཟིགས་པ་ནི། །ཐེག་དགུ་མཐའ་རུ་ཕྱིན་པའི་རྟགས། །རྣམ་ཐར་ཞལ་གསུམ་མཆེ་བ་གཙིགས། །དུས་གསུམ་རྩད་ནས་གཅོད་པའི་རྟགས། །ཕ་རོལ་ཕྱིན་པའི་ཕྱག་དྲུག་སྟེ། །རྩེ་དགུས་ས་དགུ་འཇོམས་པའི་རྟགས། །རྩེ་ལྔ་འབར་བ་ཡེ་ཤེས་ལྔ། །མེ་དཔུང་ཉོན་མོངས་བག་ཆགས་བསྲེག །ཁ་ཊྭཱཾ་རྩེ་གསུམ་སྲིད་གསུམ་གཅོད། །རི་རབ་ཕུར་པ་འདྲིལ་བ་ནི། །དབྱིངས་དང་ཡེ་ཤེས་དབྱེར་མེད་རྟགས། །ཚར་ ― LT30_Page_0321 ―
[མ་དཔེ་གཟིགས་ན་འདིར་གནོན།]
གསུམ་ཕྲེང་བས་བརྒྱན་པ་ནི། །དུས་གསུམ་སངས་རྒྱས་རྫོགས་པའི་རྟགས། །ང་རྒྱལ་ཕྲག་དོག་ལྟ་ངན་རྣམས། །དབྱིངས་སུ་དག་པའི་ན་བཟའ་གསུམ། །སངས་རྒྱས་ཀུན་གྱི་སྐུ་གསུང་ཐུགས། །རྟགས་མཚན་གསུམ་གྱིས་སྐུ་ལ་བརྒྱན། །ཀླུ་ཆེན་བརྒྱད་ཀྱིས་བརྒྱན་པ་ནི། །རྣམ་ཐར་བརྒྱད་པོ་རྫོགས་པའི་རྟགས། །ཞབས་བཞི་བརྐྱང་བསྐུམ་བཞུགས་པ་ནི། །བདུད་བཞི་ཟིལ་གྱིས་གནོན་པའི་རྟགས། །ཡབ་ཡུམ་གཉིས་སུ་མེད་པར་སྦྱོར་བ་ནི། །དབྱིངས་དང་ཡེ་ཤེས་དོན་དམ་གཅིག་པའི་རྟགས། །ཁྲོ་བོ་ཡབ་ཡུམ་ཉི་ཤུས་བསྐོར་བ་ནི། །ཕ་རོལ་ཕྱིན་དང་ཤེས་བཅུ་རྫོགས་པའི་རྟགས། །ཁྲ་ཐབས་སྒོ་མ་སྲས་མཆོག་ཚོགས་ཀྱིས་བསྐོར། །སྣ་ཚོགས་སྤྲུལ་པས་གདུག་པ་འདུལ་བའི་རྟགས། །མ་བདུན་སྲིང་མོས་བསྐོར་སོགས་དམག་དཔུང་འགྱེད། །བསེ་ལྕགས་དུང་གསུམ་འཁོར་གྱིས་བསྐོར་བ་ནི། །གྲུབ་པའི་རྟགས་འབྱིན་ཞིང་བཅུ་སྒྲོལ་བའི་རྟགས། །དེ་ལྟར་ཆེ་བའི་ཡོན་ཏན་ཀུན་རྫོགས་པའི། །དཔའ་བོ་ཆེན་པོ་འཁོར་དང་བཅས་ལ་བསྟོད། །ཅེས་ཕྱོགས་གཞན་ལས་དག་དྲན་བཤད་པའི་དོད་དུ་སྐབས་འདིར་རྟགས་བསྟོད་བྱ། །དེ་རྗེས་དོན་བསྟོད་བྱེད་པར་སྤྲོ་ནའང་། །འོག་ཏུ་འབྱུང་བའི་བསྐལ་པ་མེ་ལྟར་འབར་བའི་ཀློང་དཀྱིལ་སོགས་བྱ། ― LT30_Page_0322 ―
[མ་དཔེ་གཟིགས་ན་འདིར་གནོན།]
ཅུང་ཟད་རྒྱས་པར་མོས་ན་ཡིག་རྙིང་རྣམས་ཀྱང་ཤེས་པར་བྱའོ། །དེའི་རྗེས་ལ་བཟླས་པ་ལ་འཇུག་དགོས་ཏེ། གཉིས་པ་ལ་བཟླས་པའི་སྔོན་འགྲོ། བཟླས་པ་དངོས། །རྗེས་བསྟོད་པ་སྟེ་གསུམ་ལས། དང་པོ་ལ་རིག་འཛིན་བསྐུལ་བ་དང་། འཛབ་ཁང་དབྱེ་བ་གཉིས་ལས། ཐོག་མ་ནི། ཧཱུྃ། མ་གཡེལ་མ་འཕངས་རིག་འཛིན་ཚོགས། །སྔོན་གྱི་ཐུགས་དམ་རྗེས་དགོངས་ལ། །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཅིང་གཤེགས་སུ་གསོལ། །ཨོ་རྒྱན་ཡུལ་གྱི་ནུབ་བྱང་མཚམས། །པདྨ་གེ་སར་སྡོང་པོ་ལ། །ཡ་མཚན་མཆོག་གི་དངོས་གྲུབ་བརྙེས། །པདྨ་འབྱུང་གནས་ཞེས་སུ་གྲགས། །འཁོར་དུ་མཁའ་འགྲོ་མང་པོས་བསྐོར། །ཁྱེད་ཀྱི་རྗེས་སུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །རིགས་ནི་ཟ་ཧོར་རྒྱལ་པོའི་རིགས། །སློབ་དཔོན་པྲ་བྷ་ཧ་སྟི་རྩལ། །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཅིང་གཤེགས་སུ་གསོལ། །དུར་ཁྲོད་མིང་ནི་བསིལ་བ་ཚལ། །སློབ་དཔོན་དྷ་ན་སཾ་སྐྲྀ་ཏ། །སློབ་དཔོན་དྷ་ན་ཨུ་པ་ཡ། །སློབ་དཔོན་བློ་ལྡན་མཆོག་སྲེད་རྩལ། །རྒྱ་མཚོའི་གླིང་དུ་བསྒྲུབས་པའི་ཚེ། །ས་བདག་ཀླུ་གཉན་བཏུལ་བ་བཞིན། །དམ་སྲི་འདུལ་ཞིང་གཤེགས་སུ་གསོལ། །གཟའ་དང་རྒྱུ་སྐར་བཏུལ་བ་བཞིན། །དགྲ་བགེགས་ ― LT30_Page_0323 ―
[མ་དཔེ་གཟིགས་ན་འདིར་གནོན།]
འདུལ་ཞིང་གཤེགས་སུ་གསོལ། །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །རྒྱ་གར་ཡུལ་དུ་གྲུབ་ཐོབ་པ། །སློབ་དཔོན་པདྨ་འབྱུང་གནས་ཀྱིས། །ལྷོ་ཕྱོགས་ཙནྡན་ནགས་ཚལ་ནས། །ཇི་ལྟར་རྟགས་བྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །བི་མ་ལ་ཡི་མི་ཏྲ་ཡིས། །གངྒཱ་ལྷ་ཡི་ཆུ་བོ་ལ། །ཇི་ལྟར་རྟགས་བྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །བལ་པོའི་ཡུལ་དུ་གྲུབ་ཐོབ་པ། །རིག་འཛིན་ཤཱི་ལ་མཉྫུ་ཡིས། །མནྡྷ་ལ་ཡི་མཁར་སྒོང་ལ། །ཇི་ལྟར་རྟགས་བྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །བོད་ཀྱི་ཡུལ་དུ་གྲུབ་ཐོབ་པ། །སྣ་ནམ་རྡོ་རྗེ་བདུད་འཇོམས་ཀྱིས། །ཡར་ཀླུང་སྦྲགས་ཀྱི་ཕུ་ཆུ་ལ། །ཇི་ལྟར་རྟགས་ཕྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །ཤུད་བུ་དབལ་གྱི་སེང་གེ་ ― LT30_Page_0324 ―
[མ་དཔེ་གཟིགས་ན་འདིར་གནོན།]
ཡིས། །ཧས་པོ་རི་ཡི་སྤང་པོ་ལར། །ཇི་ལྟར་རྟགས་བྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །འཆིམས་ཆེན་ཤཱཀྱ་པྲ་བྷ་ཡིས། །འོན་ཅང་རྡོ་ཡི་བྲག་དམར་ལ། །ཇི་ལྟར་རྟགས་བྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །མཁར་རྗེ་བཟའ་ཡི་མཚོ་རྒྱལ་གྱིས། །དགུང་གི་ཕོ་རོག་ནག་པོ་ལ། །ཇི་ལྟར་རྟགས་ཕྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །མཁར་ཆེན་དཔལ་གྱི་དབང་ཕྱུག་གིས། །རྩིས་ཀྱི་སྦྱང་ཁུ་སྔོན་པོ་ལ། །ཇི་ལྟར་རྟགས་ཕྱུང་བསྙེལ་ལམ་ཅི། །ཕུར་བུ་སྒྲུབ་པའི་གྲོགས་མཛོད་ཅིག །སྲིད་པའི་ཕུར་བུ་བདག་སྒྲུབ་ཀྱི། །བྱིན་གྱིས་རློབ་ཕྱིར་གཤེགས་སུ་གསོལ། །སངས་རྒྱས་ཀུན་གྱི་གདུང་འཚོབ་པ། །རྩ་བརྒྱུད་བླ་མའི་ཚོགས་རྣམས་དང་། །རིག་འཛིན་སྤྲུལ་པའི་ཚོགས་ཐམས་ཅད། །བདག་ལ་བྱིན་གྱིས་བརླབ་ཏུ་གསོལ། །ཅེས་གྱེར་རོ། །སྔོན་འགྲོ་གཉིས་པ་འཛབ་ཁང་དབྱེ་བ་ནི། །སྒེག་པ་དཔའ་བ་མི་སྡུག་ཚུལ་སྟོན་ཅིང་། །ནོད་དང་བཤེ་ ― LT30_Page_0325 ―
[མ་དཔེ་གཟིགས་ན་འདིར་གནོན།]
དང་འཇིགས་སུ་རུང་བ་དང་། །སྙིང་རྗེ་རྔམ་དང་ཞི་བ་ལ་སོགས་པ། །སྐུ་ཡི་དངོས་པོར་གར་དགུར་བསྒྱུར་བ་ནི། །རྒྱན་དང་ཆ་ལུགས་ལྡན་པས་སྒེག་སྒེག་འདྲ། །བདུད་བཞི་གདན་དུ་བཏིང་བས་དཔའ་དཔའ་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །གཡས་ཞལ་དཀར་ལ་འཛུམ་པས་སྒེག་སྒེག་འདྲ། །གཡོན་ཞལ་དམར་ལ་གདངས་པས་གཤེ་གཤེ་འདྲ། །དབུས་ཞལ་མཐིང་ལ་རྔམ་པ་ཁྲོ་ཁྲོ་འདྲ། །རྒྱུད་དྲུག་རྗེས་སུ་འཛིན་པས་བརྩེ་བརྩེ་འདྲ། །དགྱེས་བདེ་ཆགས་པས་རོལ་པ་རྔམ་རྔམ་འདྲ། །ཆོས་སྐུ་མཚན་མ་མེད་པས་ཞི་ཞི་འདྲ། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྩེ་ལྔ་གདེངས་པས་དུག་ལྔ་དབྱིངས་སུ་སྒྲོལ། །མེ་དཔུང་འབར་བས་འཁོར་བའི་ཉོན་མོངས་སྲེག །ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད། །རི་རབ་ཕུར་བུས་དགྲ་བགེགས་གཟིར་བར་བྱེད། །དེ་འདྲའི་ཁྲོ་བོ་འཇིགས་པའི་སྐུར་སྟོན་པ། །ཚུར་གཤེགས་ཚུར་གཤེགས་མཆོད་པ་འདི་བཞེས་ལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །བཅོམ་ལྡན་དཔལ་ཆེན་ཐུགས་ཀྱི་དགྱེས་སྡེ་མོ། །འཁོར་ལོ་རྒྱས་འདེབས་མཁའ་འགྲོ་གསང་བའི་ཡུམ། །ཚུར་གཤེགས་ཚུར་གཤེགས་མཆོད་པ་འདི་བཞེས་ལ། །ཐུགས་རྗེས་བརྩེར་ ― LT30_Page_0326 ―
[མ་དཔེ་གཟིགས་ན་འདིར་གནོན།]
དགོངས་དབང་དང་དངོས་གྲུབ་སྩོལ། །ཧཱུྃ་མཛད་སྒྲ་འབྱིན་ཕག་དང་རྨིགས་བུའི་མགོ། །རྣམ་རྒྱལ་སྒེག་སྙེམས་སྟག་དང་བྱ་རྒོད་མགོ། །དབྱུག་སྔོན་སྡེར་མོ་གཡག་དང་བྱ་རོག་མགོ། །གཤིན་རྗེ་དུར་ཁྲོད་ཤ་བ་འུག་པའི་མགོ། །མི་གཡོ་གཏུན་ཁུང་གཟིག་དང་ཁྭ་ཏའི་མགོ། །རྟ་མགྲིན་གཏུམ་མོ་བྱི་ལ་པུ་ཤུད་མགོ། །གཞན་གྱིས་མི་ཐུབ་མདའ་སྙེམས་སྤྱང་ཁྲའི་མགོ། །འཁྱིལ་པ་རླུང་འབྱིན་སེང་གེ་ཕ་ཝང་མགོ། །ཁམས་གསུམ་གསོད་བྱེད་དྲེད་དང་སྲེ་མོང་མགོ། །སྟོབས་ཆེན་སྐུལ་བྱེད་དོམ་དང་བྱི་བའི་མགོ། །གནོད་སྦྱིན་འཇིགས་མ་བདུད་རྩི་གསོད་བྱེད་མ། །དེ་འདྲའི་ལྷ་ཚོགས་འཇིགས་པའི་སྐུར་སྟོན་པ། །ཚུར་བྱོན་ཚུར་བྱོན་མཆོད་པ་འདི་བཞེས་ལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཞེ་སྡང་ཁྲོས་པའི་མེ་ནི་མཐིང་ནག་འབར། །གཏི་མུག་ཁྲོས་པའི་མེ་ནི་སྨུག་ནག་འབར། །ང་རྒྱལ་ཁྲོས་པའི་མེ་ནི་སེར་ནག་འབར། །འདོད་ཆགས་ཁྲོས་པའི་མེ་ནི་དམར་ནག་འབར། །ཕྲག་དོག་ཁྲོས་པའི་མེ་ནི་ལྗང་ནག་འབར། །གྲུ་གསུམ་འོད་ལྔ་འབར་བའི་དཀྱིལ་འཁོར་ནས། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། །རིགས་ལྔ་རྡོ་རྗེ་གཞོན་ནུ་སྐུ་བཞེངས་ཤིག །བདུད་དང་ལོག་འདྲེན་མ་ལུས་འདུལ་བའི་ཕྱིར། །དེ་འདྲའི་ལྷ་ ― LT30_Page_0327 ―
[མ་དཔེ་གཟིགས་ན་འདིར་གནོན།]
ཚོགས་འཇིགས་པའི་སྐུར་སྟོན་པ། །ཚུར་བྱོན་ཚུར་བྱོན་མཆོད་པ་འདི་བཞེས་ལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །དཀྱིལ་འཁོར་ཆེན་པོའི་བཀའ་སྲུང་དམ་ཅན་ཚོགས། །བདག་ཉིད་ཆེན་མོ་བཞི་དང་ཤྭ་ན་བཞི། །བསེ་ཡི་ལྷ་མོ་བཞི་རྣམས་མིང་པོར་བཅས། །ཕོ་བདུད་ཉི་ཤུ་གཅིག་སོགས་སྡེ་བརྒྱད་ཚོགས། །རང་དང་ལས་ལ་བརྩོན་པའི་ཕོ་ཉ་རྣམས། །ཚུར་བྱོན་ཚུར་བྱོན་མཆོད་པ་འདི་བཞེས་ལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །གཉིས་པ་དངོས་གཞི་ནི། །བཟླས་པའི་དམིགས་པ་གསལ་བཏབ་ལ། །བཅོམ་ལྡན་ཡབ་ཡུམ་ཐབས་ཤེས་གཉིས་སུ་མེད། །རྣམ་སྤྲུལ་ཁྲོ་བོ་ཡབ་ཡུམ་ཕོ་ཉའི་ཚོགས། །ཡུན་རིང་དུས་ནས་བསྙེན་ཅིང་བསྒྲུབས་པའི་ལྷ། །དྲག་པོ་རང་བྱུང་དབང་དང་དངོས་གྲུབ་སྩོལ། །ཅེས་ལན་གསུམ་སོགས་གསོལ་བ་བཏབ་ནས་བཟླས་པ་བྱ་སྟེ། སྒྲུབ་མཆོད་སོགས་ཀྱི་སྐབས་སུ་ཀཱི་ལ་ཡ་འབྲུ་བཅུ་དྲུག་པ་ཉིད་ཅི་ནུས་སུ་བཟླ་ཞིང་། ཁྲོ་བཅུ་ལས་སྔགས་དང་བཅས་པ་དང་། སྒོ་མའི་སྔགས་རྣམས་ཅུང་ཟད་རེ་བཟླ་ཡི། །གྲངས་ངེས་བཟུང་ཅན་མི་དགོས་སོ། །གསུམ་པ་རྗེས་བསྟོད་པའི་མཆོད་པ་ནི། །ཡིད་ཀྱིས་སྤྲུལ་པའི་མཆོད་པ་དང་བཅས་ཏེ། ཧཱུྃ། བསྐལ་པ་མེ་ལྟར་འབར་བའི་ཀློང་དཀྱིལ་ནས། །བཅོམ་ལྡན་དཔལ་ཆེན་རྡོ་རྗེ་ ― LT30_Page_0328 ―
[མ་དཔེ་གཟིགས་ན་འདིར་གནོན།]
གཞོན་ནུའི་སྐུ། །འཁོར་ལོ་རྒྱས་འདེབས་དབྱིངས་ཕྱུག་ཤེས་རབ་བཅས། །གཙོ་བོ་ཡབ་ཡུམ་སྐུ་ལ་ཕྱག་འཚལ་བསྟོད། །ཕྱོགས་བཅུ་དྲེགས་པ་བསྣོལ་བའི་གདན་སྟེང་དུ། །མཐུ་ཆེན་བདུད་འདུལ་ཁྲོ་རྒྱལ་འབར་བའི་ཚོགས། །ཧཱུྃ་དང་ཕཊ་ཀྱིས་སྲིད་གསུམ་འཁོར་བ་འཇིག །འཇིགས་བྱེད་ཁྲོ་རྒྱལ་ཚོགས་ལ་ཕྱག་འཚལ་བསྟོད། །བདེ་ཆེན་དབྱིངས་ནས་འབར་བའི་སྐུར་བཞེངས་མ། །ཐབས་མཆོག་སྐུ་ལ་སོ་སོར་དགྱེས་པས་འཁྱུད། །ཤེས་རབ་ཚུལ་གྱིས་འགྲོ་བའི་དོན་མཛད་མ། །ཡེ་ཤེས་ཁྲོ་མོ་བཅུ་ལ་ཕྱག་འཚལ་བསྟོད། ཁམས་གསུམ་དབང་སྡུད་ཐུགས་རྗེ་སྤྲུལ་པའི་སྐུ། །གཏུམ་ཁྲོས་ཟ་བསོད་རྣམ་འཕྲུལ་ཕོ་ཉའི་ཚོགས། །ཕྱག་རྒྱ་རྣམ་བཞིས་འདུལ་མཛད་སྒོ་སྐྱོང་མ། །རྡོ་རྗེ་ཕྲ་མེན་ཚོགས་ལ་ཕྱག་འཚལ་བསྟོད། །དཔལ་གྱི་སྲས་མཆོག་རྣམ་བཞིའི་ཕྲིན་ལས་མཛད། །ཡཀྵ་མེ་དབལ་སྤྲུལ་པའི་ཚོགས་རྣམས་དང་། །སྨོན་ལམ་དབང་གིས་དྲེགས་པའི་ཚུལ་འཛིན་པ། །དཔལ་གྱི་བཀའ་སྡོད་སྐུ་ལ་ཕྱག་འཚལ་བསྟོད། །དེ་རྣམས་ཀྱིས་དངོས་གཞིའི་ཆོ་ག་བསྟན་ཟིན་ཏོ། །རྙིང་མའི་ལུགས་ཀྱི་སྒྲུབ་མཆོད་ལ་བདག་འཇུག་གི་ལག་ལེན་མཛད་པ་ཉུང་བས་སྒྲུབ་མཆོད་ཙམ་ལ་འདག་འཇུག་མ་གྲུབ་ཀྱང་མི་འགལ་མོད། ཕྱིར་འགྲུབ་ན་ལེགས་པས་གལ་ཏེ་བྱེད་ན་སྐབས་འདིར་བཟང་སྟེ། ― LT30_Page_0329 ―
[མ་དཔེ་གཟིགས་ན་འདིར་གནོན།]
བདག་འཇུག་ནི་དངོས་གཞིའི་ཆོ་ག་ཡིན་པས་སོ། །འོན་ཀྱང་ཕུར་ཆོག་གསལ་བ་རྣམས་ཀྱི་ལག་ལེན་ལ་ནི། འདི་ནས་ལྷག་མའི་རྗེས་ཡན་ཆད་དུ་བདག་འཇུག་གི་དུས་མ་ངེས་པར་བྱེད་པའང་སྣང་ངོ་། །དེ་ལ་བདག་འཇུག་ནི་དབང་གི་ཡི་གེ་ལས་ཤེས་པར་བྱའོ། །གསུམ་པ་རྗེས་ཀྱི་བྱ་བ་ལ་གསུམ་ལས། དང་པོ་ཚོགས་ཀྱི་བྱ་བ་ནི། ཚོགས་རྫས་རྣམས་བཤམ། བདུད་རྩི་གཏོར་ལ། བསང་སྦྱང་། རཾ་གྱི་མེས་བསྲེགས་ཞེས་པ་ནས། བདུད་རྩིའི་རྒྱ་མཚོ་ཆེན་པོར་གྱུར་གྱི་བར་གཏོར་མ་བྱིན་རླབས་དང་འདྲ། སྲིད་པའི་ཕུར་བུ་སྒྲུབ་པ་དང་། ཞེས་པ་ནས། དངོས་གྲུབ་སྩོལ། །དམ་ཚིག་ཆེན་པོ་གཤེགས་སུ་གསོལ། །སྤྲུལ་པ་ཆེན་པོ་གཤེགས་སུ་གསོལ། །ཕྱག་བརྙན་ཆེན་མོ་གཤེགས་སུ་གསོལ། །ཤྭ་ན་མུ་ཁ་གཤེགས་སུ་གསོལ། །བདག་ཉིད་ཆེན་མོ་གཤེགས་སུ་གསོལ། །ས་བདག་ཆེན་མོ་གཤེགས་སུ་གསོལ། །བྲན་དང་ཕོ་ཉ་གཤེགས་སུ་གསོལ། །འཁོར་བཅས་ཐམས་ཅད་གཤེགས་སུ་གསོལ། །ཁྲོ་བོ་འཁོར་བཅས་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀཱི་ལ་ཡ་ཡི་དངོས་གྲུབ་སྩོལ། །བཛྲ་ས་མཱ་ཛཿ ཛཿཧཱུྃ་བཾ་ཧོཿ ཚོགས་ཕུད་ཆ་གསུམ་བྱ། །དང་པོ་སྣོད་དུ་བཅུག་སྟེ་སྟེགས་མཐོ་བར་བཞག །བླ་མེད་མཆོག་གི་མཆོད་པ་དམ་པ་འདི། །ཞེས་པ་ནས། ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧིའི་བར་གོང་ ― LT30_Page_0330 ―
[མ་དཔེ་གཟིགས་ན་འདིར་གནོན།]
གཏོར་མའི་སྐབས་བཞིན། གར་བྱས་འགྲུབ་པོ་རྣལ་འབྱོར་པ། །གར་གྱི་དབང་ཕྱུག་གཙོ་བོ་ཆེ། །ཟླ་བ་ལ་སོགས་སྙིང་པོ་ཅན། །མཱཾ་ས་ལ་སོགས་རོ་མཆོག་གསོལ། །མེ་ཏོག་ལ་སོགས་ཙནྡན་ཕྲེང་། །བཟང་རྒུ་འབུལ་ལོ་བཞེས་སུ་གསོལ། །མཛེས་རྒུ་འབུལ་ལོ་གཟིགས་སུ་གསོལ། །བདའ་རྒུ་འབུལ་ལོ་རོལ་དུ་གསོལ། །སྙན་རྒུ་འབུལ་ལོ་གསན་དུ་གསོལ། །མི་མོ་རྣམས་ཀྱི་རེག་བྱ་སོགས་གོང་བཞིན། །ཚོགས་པར་པ་ལ་དམིགས་ཏེ། །ཚེ་རབས་བསྐལ་པ་ཐོག་མ་མེད་པ་ནས། །ད་ལྟ་ལུས་འདི་བླངས་པ་ཚུན་ཆོད་དུ། །ལུས་ཀྱིས་སྡིག་བྱས་སྡིག་པ་དངོས་སུ་བགྱིས། །ངག་གི་འཁྱལ་ཚིག་སྨྲ་བ་ངན་དུ་ཆུག །སེམས་ཀྱི་བློ་ནོར་ལོག་པར་བསམས་པ་སོགས། །འདོད་ཁྲོ་གཏི་མུག་དབང་གིས་ནོངས་བགྱིས་པ། །བཀྲ་བའི་ལྷ་ཚོགས་ཁྱེད་ལ་བཟོད་པར་གསོལ། །ཡེ་ཤེས་ལྷ་ལ་རྟོག་པ་མི་མངའ་ཡང་། །དེ་ཡི་འཁོར་དུ་གཏོགས་པའི་ལྷ་སྲིན་རྣམས། །མི་ཡི་སྐྱོན་མཐོང་ཙ་ན་ཆད་པས་གཅོད། །ནོངས་པར་གྱུར་ཀྱང་བཀའ་ཆད་མ་གཅོད་ཅིག །མཐུ་རྩལ་ཅི་ཡོད་དགྲ་དང་བགེགས་ལས་སྤྲུགས། །བསྟན་པ་འཇིག་སོགས་ཉེས་སྐྱོན་མ་གཟིགས་སམ། །སྒྲུབ་པོའི་ཉེས་པ་ཕྲན་ཚེགས་དབྱིངས་སུ་ཐིམ། །ཉམས་པར་གྱུར་པ་ལོངས་སྤྱོད་ཚོགས་ཀྱིས་བསྐང་། ། ― LT30_Page_0331 ―
[མ་དཔེ་གཟིགས་ན་འདིར་གནོན།]
དམ་བསྐངས་དབང་དང་དངོས་གྲུབ་སྩལ་དུ་གསོལ། །ཚོགས་ཐ་མ་ནི། གཟུགས་བརྙན་དུ་བྱས་ལ། སྤྲོས་པ་ལ་དགའ་ན། ཁྲོ་བོ་བཅུ་ནས་ཕུར་སྲུང་གི་བར་གྱི་བསྐུལ་རྣམས་བྱ། བསྡུ་ན། དམ་ཚིག་ཆེན་པོའི་དུས་ལ་བབ། །སོགས་ལ་ཚང་བས་བསྐུལ་ལོགས་པ་མེད་ཀྱང་ཆོག །བདེན་པ་བརྡར་བ་སྐྱི་དང་འདྲ་བ་ལས། འཇམ་དཔལ་སྐུ། པདྨ་གསུང་། ཡང་དག་ཐུགས། བདུད་རྩི་ཡོན་ཏན། ཕུར་པ་ཕྲིན་ལས། མ་མོ་རྦད་གཏོང་། འཇིག་རྟེན་མཆོད་བསྟོད། དམོད་པ་དྲག་སྔགས། འདུས་པ་མདོ། སྒྱུ་འཕྲུལ་རྒྱན། འཆི་མེད་ཚེ། ལྷུན་གྲུབ་རིག་འཛིན་ལྷ་ཚོགས་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས། དཔལ་ལྡན་བླ་མའི་སྐུ་དགྲ། སངས་རྒྱས་བསྟན་པའི་སྤྱི་དགྲ། རྣལ་འབྱོར་དམ་ཚིག་ཅན་གྱི་སྡང་དགྲ། སེམས་ཅན་ཡོངས་ལ་འཚེ་བར་བྱེད་པའི་དགྲ་བགེགས་གདུག་པ་ཅན་ཐམས་ཅད་དང་། ཁྱད་པར་དུ་འདི་ཞེས་བྱ་བ་སྐད་ཅིག་ཐང་ཅིག་ཡུད་ཙམ་ལ་བསྒྲལ་པའི་ལས་ཀྱི་གནས་འདིར་མཆིས་པར་གྱུར་ཅིག །ཆེ་གེ་མོ་འདིའི་རྒྱབ་བརྟེན་དང་དཔུང་གཉེན་བྱེད་པའི་ཕོ་ལྷ་དང་ཡུལ་ལྷ་དང་སྲོག་ལྷ་དང་དགྲ་ལྷ་དང་ཞང་ལྷ་ལ་སོགས་པ་ཉོན་ཅིག །གནོད་བྱེད་དགྲ་བགེགས་འདི་དག་གིས། དཀོན་མཆོག་གསུམ་གྱི་དབུ་འཕང་ ― LT30_Page_0332 ―
[མ་དཔེ་གཟིགས་ན་འདིར་གནོན།]
སྨད། སངས་རྒྱས་ཀྱི་བསྟན་པ་བཤིག །རྣལ་འབྱོར་པའི་སྐུ་ལ་བསྔོས། དབེན་གནས་དང་ཆོས་གཞི་དབྲལ། ལས་བཟང་དགུ་ནི་སྤངས། ལས་ངན་དགུ་ནི་བྱས་པ་ཡིན་པས། འདི་ལ་སྲུང་བ་མ་བྱེད། མགོན་སྐྱབས་མ་བྱེད། ཡལ་བར་ཐོང་ཞིག །གལ་ཏེ་འདིའི་རྒྱབ་བརྟེན་དང་དཔུང་གཉེན་བྱེད་ན། ཁྱེད་ཅག་རྣམས་དཀོན་མཆོག་གསུམ་གྱི་བཀའི་ཆད་པས་བཅད་ནས། མནར་མེད་པའི་སེམས་ཅན་དམྱལ་བར་སྐྱེས་ཏེ། ཐར་མེད་ཀྱི་སྡུག་བསྔལ་མྱོང་བར་ཐེ་ཚོམ་མེད་དོ། །ཡུལ་ཕྱོགས་འདི་དག་ན་གནས་པའི་ཡུལ་བདག་གནས་བདག་ཀླུ་གཉན་ས་བདག་ལ་སོགས་པ་འཇིག་རྟེན་དྲེགས་པ་ཅན་ཐམས་ཅད་ཀྱང་ཉོན་ཅིག །བདག་ཅག་ཁྱེད་རྣམས་ལ་གནོད་པ་མི་བྱེད་དོ། །དྲག་སྔགས་ཀྱི་མེ་དབལ་མི་གཏོང་། ཕུར་པའི་རྩེ་མི་གཏོང་། ཡུངས་ཀར་གྱི་རྦབ་མི་སྒྲིལ། དྲག་རྫས་ཀྱི་ཐུན་ཟོར་མི་རྡེག །དྲག་པོའི་ཕོ་ཉ་མི་འགྱེད་དོ། །བདག་ཅག་ནི་དགྲ་བགེགས་གདུག་པ་ཅན་བསྒྲལ་བའི་ཞིང་བཅུ་འདི་རྣམས་འགུགས་པ་ཡིན་པས། ཁྱེད་རྣམས་ཀོ་ལང་མ་སྡོམ། མ་འཇིགས། མ་སྐྲག །མ་བསྡངས་པར་དཀོན་མཆོག་གསུམ་གྱི་བཀའ་རྟགས་འཛིན་པ་པོ་ཡི་རྒྱབ་དང་དཔུང་གྱིས་ཤིག །གདུག་པ་ཅན་འདི་ད་ལྟ་ཉིད་དུ་ཁུག་ལ་བསྒྲལ་བའི་ལས་མཛོད་ཅིག ། ― LT30_Page_0333 ―
[མ་དཔེ་གཟིགས་ན་འདིར་གནོན།]
ཅེས་སྙན་གསན་དབབ་པ་ལན་གསུམ་བྱ། དེ་ནས་རྒྱས་པ་ལ་མོས་ནས། ཁྲོ་བོ་བཅུ་ནས་ཕུང་སྲུང་བར་གྱི་བསྐུལ་རྣམས་བྱ་སྟེ། ཕོ་ཉ་བཏང་བ་ཡིན། བསྡུ་ན། སྤྲུལ་པ་ཆེན་པོའི་དུས་ལ་བབ་སོགས་ལ་ཚང་བས་འདིར་མ་བརྗོད་ཀྱང་ཆོག །དེ་ནས་བདེན་བརྡར་སོགས་གོང་དུ་བཤད་པ་དང་སྤྱི་འགྲོས་དང་མཐུན་པའི་ཚིག་གིས་ལིངྒ་དགུག་འདྲེན་བྱ། ཛཿ། དམ་ཚིག་ཆེན་པོའི་དུས་ལ་བབ། །ཅེས་པ་ནས། ཞལ་དུ་བསྟབས་པའི་བར་གོང་བསྒྲལ་མཆོད་ཀྱི་སྐབས་བཞིན་ནོ། །འདི་ཙམ་ནི་བསྡུས་པའི་ལུགས་ཡིན་ལ། རྒྱས་པ་ནི། གོང་མ་རྣམས་ཀྱིས་མཛད་ཟིན་པ་ལས་ཤེས་པར་བྱས་ལ། འབྲིང་པོ་འཚམས་པ་ཞིག་གཞན་དུའང་འབྲི་བར་འགྱུར་རོ། །འདི་སྐབས་ལིང་རོ་རྣམས་གཏོར་མ་ལ་བཏབ། ཆ་ཤས་ཅུང་ཟད་ཙམ་ཚོགས་རྫས་དང་ཡང་བསྲེ། ཅུང་ཟད་ཅིག་ལྷག་གཏོར་གཙང་མ་དང་ཡང་བསྲེའོ། །དེ་རྗེས་བརྡ་དང་བརྡའི་ལན་དང་འབུལ་ལེན་སོགས་སྤྱི་དང་འདྲ་བར་བྱས་ནས། རྣལ་འབྱོར་པ་རྣམས་ཚོགས་ལ་རོལ་ལོ། །རྗེས་ཆོག་གཉིས་པ་ལྷག་མའི་གཏོར་མ་ནི། ལྷག་མ་རྣམས་སྣོད་ཅིག་ཏུ་བསྡུས་ནས་རྨེ་གཏོར་གྱི་ཚུལ་དུ་བཤམ། དེའི་འགྲམ་དུ་ལྷག་མ་གཙང་གཏོར་ཡང་བཞག །བདུད་རྩིས་བྲན། ཨོཾ་མ་ཧཱ་བ་ལི༚་ཏ་སོགས་ལན་གསུམ་གྱིས་བྱིན་གྱིས་བརླབ། ཧཱུྃ། །བཅོམ་ལྡན་རྡོ་རྗེ་གཞོན་ནུ་དང་། །ཡུམ་ཆེན་འཁོར་ལོ་རྒྱས་འདེབས་ཀྱི། །སྤྲུལ་པའི་ཕོ་ཉ་དཔག་ཡས་དང་། །གྲུབ་པའི་གསང་བ་འབར་མའི་ཚོགས། །ཁྱོད་ཀྱི་ཐུགས་དམ་དུས་ ― LT30_Page_0334 ―
[མ་དཔེ་གཟིགས་ན་འདིར་གནོན།]
ལ་བབ། །ཚུར་གཤེགས་གཏོར་མ་འདི་བཞེས་ལ། །རྡོ་རྗེ་ལྕམ་དྲལ་སྲུང་བ་དང་། །རྐྱེན་ལས་བྱུང་བའི་དགྲ་བོ་རྣམས། །ཡུད་ཙམ་གྱིས་ནི་མེད་པར་མཛོད། །རྣལ་འབྱོར་བདག་ཅག་འཁོར་བཅས་ཀྱི། །མི་མཐུན་བར་ཆད་ཞི་བ་དང་། །རེ་སྨོན་ཐམས་ཅད་འགྲུབ་པར་མཛོད། །དེ་ནས་ལྷག་གཏོར་གཉིས་དང་འཇིག་རྟེན་པའི་སྤྱི་གཏོར་གཏོར་གྲལ་ནས་བླངས་པ་རྣམས་རྡོ་རྗེ་འགྲོས་ཀྱིས་ཕྱི་སྣུར་དུ་བཞག །རཀྟས་བྲན། འདི་སྐད་ཅེས། འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །དཔལ་གྱི་ཕོ་ཉ་ལྕགས་ཀྱུ་འཛིན། །འདི་འདྲ་གཅིག་པུར་མ་ངེས་ཏེ། །སྟོང་ཁམས་ཁྱབ་པར་སྤྲུལ་བྱེད་མ། །ཤར་གྱི་ཕྱོགས་ནས་གཤེགས་སུ་གསོལ། །འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །དུང་གི་སྦྱང་མོ་མགོ་དགུ་མ། །རལ་པ་ལྕང་ལོ་རེ་རེ་ལ། །ཕོ་ཉ་ཀྱུ་ཐོགས་སྤྲིན་ལྟར་གཏིབས། །ཤར་ལྷོ་མཚམས་ནས་གཤེགས་སུ་གསོལ། །འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །དཔལ་གྱི་ཕོ་ཉ་ཞགས་པ་ཐོགས། །འདི་འདྲ་གཅིག་པུར་མ་ངེས་ཏེ། །སྟོང་ཁམས་ཁྱབ་པར་སྤྲུལ་བྱེད་མ། །ལྷོ་ཡི་ཕྱོགས་ནས་གཤེགས་སུ་གསོལ། །འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །ལྕགས་ཀྱི་སྦྱང་མོ་མགོ་དགུ་མ། །རལ་པ་ལྕང་ ― LT30_Page_0335 ―
[མ་དཔེ་གཟིགས་ན་འདིར་གནོན།]
ལོ་རེ་རེ་ལ། །ཕོ་ཉ་ཞགས་ཐོགས་སྤྲིན་ལྟར་གཏིབས། །ལྷོ་ནུབ་མཚམས་ནས་གཤེགས་སུ་གསོལ། །འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །དཔལ་གྱི་ཕོ་ཉ་ལྕགས་སྒྲོག་འཛིན། །དེ་འདྲ་གཅིག་པུར་མ་ངེས་ཏེ། །སྟོང་ཁམས་ཁྱབ་པར་སྤྲུལ་བྱེད་མ། །ནུབ་ཀྱི་ཕྱོགས་ནས་གཤེགས་སུ་གསོལ། །འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །ཟངས་ཀྱི་སྤྱང་མོ་མགོ་དགུ་མ། །རལ་པ་ལྕང་ལོ་རེ་རེ་ལ། །ཕོ་ཉ་སྒྲོག་ཐོགས་སྤྲིན་ལྟར་གཏིབས། །ནུབ་བྱང་མཚམས་ནས་གཤེགས་སུ་གསོལ། །འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །དཔལ་གྱི་ཕོ་ཉ་དྲིལ་བུ་ཐོགས། །འདི་འདྲ་གཅིག་པུར་མ་ངེས་ཏེ། །སྟོང་ཁམས་ཁྱབ་པར་སྤྲུལ་བྱེད་མ། །བྱང་གི་ཕྱོགས་ནས་གཤེགས་སུ་གསོལ། །འཇིག་རྟེན་ལས་འདས་ཕོ་ཉ་མོ། །ཡང་དག་སྐུ་གཅིག་བྱུང་བ་ནི། །གཡུ་ཡི་སྤྱང་མོ་མགོ་དགུ་མ། །རལ་པ་ལྕང་ལོ་རེ་རེ་ལ། །ཕོ་ཉ་དྲིལ་ཐོགས་སྤྲིན་ལྟར་གཏིབས། །བྱང་ཤར་མཚམས་ནས་གཤེགས་སུ་གསོལ། །ལྕགས་ཀྱི་བྱི་བ་ཆེན་པོ་ལ། །མི་མོ་ལྕགས་ཀྱི་ཚུལ་ཅན་ཞོན། །ལྷ་སྲིན་སྡེ་བརྒྱད་ཕུང་བྱེད་མ། །འོག་གི་ཕྱོགས་ནས་གཤེགས་སུ་གསོལ། །ལྕགས་ཀྱི་བྱ་ཁྲ་བརྒྱད་ ― LT30_Page_0336 ―
[མ་དཔེ་གཟིགས་ན་འདིར་གནོན།]
ཁྲི་ལ། །མི་མོ་ལྕགས་ཀྱི་ཚུལ་ཅན་ཞོན། །ལྷ་སྲིན་སྡེ་བརྒྱད་སྐྱོང་བྱེད་མ། །སྟེང་གི་ཕྱོགས་ནས་གཤེགས་སུ་གསོལ། །སྔོན་གྱི་ཐུགས་དམ་རྗེས་དགོངས་ལ། །ཤ་ཁྲག་དམར་གྱི་མཆོད་པས་མཆོད། །ཆེམས་ཆེམ་དགོངས་ཤིག་ས་མ་ཡ། །འདིར་གཤེགས་བཅོལ་པའི་ཕྲིན་ལས་མཛོད། །གཞན་ཡང་དཔལ་གྱི་བཀའ་ཉན་པ། །ཁྱབ་བྱེད་ཆེན་པོ་ཁྱུང་གི་མགོ། །འཇིགས་བྱེད་ཆེན་པོ་སྤྱང་ཀིའི་མགོ། །གསོད་བྱེད་ཆེན་མོ་དྲེད་ཀྱི་མགོ། །འབྱིན་བྱེད་བྱི་ལ་པུ་ཤུད་མགོ། །སྨྱོ་བྱེད་ལྟོས་འཕྱེ་རྨིགས་བུའི་མགོ། །རྐུན་བྱེད་ཆེན་པོ་བྱི་བའི་མགོ། ཟ་བྱེད་ཆེན་པོ་སྟག་གི་མགོ། །སྒྲོན་བྱེད་སེང་གེ་ཕ་ཝཾ་མགོ། ཕྲ་མེན་ཆེན་པོ་ཁྱེད་རྣམས་ཀྱང་། །བྱེ་བ་བརྒྱ་སྟོང་འཁོར་དང་བཅས། །སྔོན་གྱི་ཐུགས་དམ་དགྱེས་དགོངས་ལ། །ཤ་ཁྲག་དམར་གྱི་མཆོད་པས་མཆོད། །ཆེམས་ཆེམ་དགོངས་ཤིག་ས་མ་ཡ། །འདིར་གཤེགས་བཅོལ་པའི་ཕྲིན་ལས་མཛོད། །འབར་མའི་ཚོགས་ཀྱིས་བསྐོར་བ་ནི། །འབར་མ་ཆེན་པོ་ལུས་འབར་རྣམས། །དཔལ་ཆེན་སྐུ་ལ་འཕྲོ་ཞིང་འདུ། །འབར་མ་ཉི་མའི་ཞགས་པ་འདེབས། །འབར་མ་མེ་ཁྱེར་གློག་འཕྲེང་འཛིན། །འབར་མ་གཤིན་རྗེ་སྐར་མདའ་འཕེན། །འབར་མ་སེར་མོ་མདུང་ཐུང་འཕེན། །འབར་མ་ཀླུ་མོ་ལྕེ་འབེབས་མ། ། ― LT30_Page_0337 ―
[མ་དཔེ་གཟིགས་ན་འདིར་གནོན།]
འབར་མ་རླུང་བདག་རལ་གྲིའི་སྒྲ། །འབར་མ་གནོད་སྦྱིན་ཁྱུང་ཐོགས་མ། །འབར་བ་གཏུམ་མོ་བ་ལང་རྣ། །འབར་མ་ཆེན་པོ་ཁྱེད་རྣམས་ཀྱང་། །སྔོན་གྱི་ཐུགས་དམ་དགྱེས་དགོངས་ལ། །ཤ་ཁྲག་དམར་གྱི་མཆོད་པས་མཆོད། །ཆེམས་ཆེམ་དགོངས་ཤིག་ས་མ་ཡ། །འདིར་གཤེགས་བཅོལ་པའི་ཕྲིན་ལས་མཛོད། །ཨོཾ་བཛྲ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལི༚་ཧཱུྃ། ཨོཾ་བུདྡྷ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལི༚་ཨོཾ། ཨོཾ་རཏྣ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལི༚་ཏྲཱཾ། ཨོཾ་པདྨ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལི༚་ཧྲཱིཿཨོཾ་ཀརྨ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལི༚་ཨ། ཨོཾ་སརྦ་ཌཱ་ཀི་ནཱི་པྲ་ཏཱིཙྪ་ཨི་མཾ་བ་ལི༚་ཧོ། ལན་གསུམ་གྱིས་བསྟབ། དེ་ནས་ལྷག་མ་རྨེ་གཏོར་གཙང་གཏོར་གཉིས་བསྲེ། ཚོགས་ཕུད་བར་པ་ལ་བླུགས། འཁྲུས་བཏབ་ལ། སྤྱི་གཏོར་ནི་དེ་ལ་བསྲེས་ཀྱང་ཆོག །མ་བསྲེས་ཀྱང་ཆོག །ཡང་ཅུང་ཟད་ཕྱིར་སྣུར་ལ། །སྨན་དང་རཀྟ་ཅུང་ཟད་དྲན། འབྲུ་གསུམ་ལན་མང་དུ་བརྗོད། ཧཱུྃ། སྔོན་ཚེ་དཔལ་ཆེན་ཧེ་རུ་ཀའི། །སྤྱན་སྔར་ཁས་བླངས་དམ་བཅས་པ། །གྲུབ་པ་དབང་ཕྱུག་མ་འཚོགས་མ། །སླས་དང་བྱི་མོ་བྲན་མོའི་ཚོགས། །རྒྱལ་མོ་བློན་མོ་དེད་དཔོན་མ། །གཡོག་མོ་དང་ནི་ཡང་གཡོག་མ། །བྲན་དང་ཡང་བྲན་འཁོར་དང་བཅས། །སྔོན་གྱི་ཐུགས་དམ་རྗེས་དགོངས་ལ། །ཤ་ཁྲག་ ― LT30_Page_0338 ―
[མ་དཔེ་གཟིགས་ན་འདིར་གནོན།]
དམར་གྱི་མཆོད་པས་མཆོད། །ཆེམས་ཆེམ་དགོངས་ཤིག་ས་མ་ཡ། །འདིར་གཤེགས་བཅོལ་པའི་ཕྲིན་ལས་མཛོད། །ཧཱུྃ། །སྔོན་ཚེ་དཔལ་ཆེན་ཧེ་རུ་ཀའི། །སྤྱན་སྔར་ཁས་བླངས་དམ་བཅས་པ། །ཤར་གྱི་ཕྱོགས་ཀྱི་མ་མོ་ནི། །དཀར་མོ་དུང་གི་ཐོར་ཚུགས་ཅན། །ལྷོ་ཡི་ཕྱོགས་ཀྱི་མ་མོ་ནི། །སྔོན་མོ་གཟིག་གི་ཤམ་ཐབས་ཅན། །ནུབ་ཀྱི་ཕྱོགས་ཀྱི་མ་མོ་ནི། །དམར་མོ་ཟངས་ཀྱི་ལན་ཕྲན་ཅན། །བྱང་གི་ཕྱོགས་ཀྱི་མ་མོ་ནི། །གསེར་གྱི་འོད་ཟེར་མདའ་འཕེན་མ། །སྟེང་གི་ཕྱོགས་ཀྱི་མ་མོ་ནི། །རྣམ་འཕྲུལ་མ་ངེས་ཅིར་ཡང་སྟོན། །འོག་གི་ཕྱོགས་ཀྱི་མ་མོ་ནི། །རུ་དྲ་སྒྲོལ་བའི་མཐུ་མོ་ཆེ། །དཔལ་གྱི་ལྷ་མོ་ཤུགས་འགྲོ་མ། །ཁྱོད་ཀྱི་ནམ་མཁའི་རྒྱལ་མོ་སྟེ། །སྔོན་གྱི་ཐུགས་དམ་རྗེས་དགོངས་ལ། །ཤ་ཁྲག་དམར་གྱི་མཆོད་པས་མཆོད། །ཆེམས་ཆེམ་དགོངས་ཤིག་ས་མ་ཡ། །འདིར་གཤེགས་བཅོལ་པའི་ཕྲིན་ལས་མཛོད། །གླིང་བཞི་མགྱོགས་མ་ལྷ་ཡི་སྲིང་། །ཤར་གྱི་མགྱོགས་མ་གཤེགས་སུ་གསོལ། །མཁའ་ལ་ཁྱུང་ལྡིང་གཤིན་རྗེའི་ལྕམ། །ལྷོ་ཡི་མགྱོགས་མ་གཤེགས་སུ་གསོལ། །དཀར་ཤམ་གཡོག་ཐོད་ཀླུ་ཡི་སྲིང་། །ནུབ་ཀྱི་མགྱོགས་མ་གཤེགས་སུ་གསོལ། །ནག་མོ་སྒེར་ཆེན་གནོད་སྦྱིན་སྲིང་། །བྱང་གི་མགྱོགས་མ་གཤེགས་སུ་གསོལ། ། ― LT30_Page_0339 ―
[མ་དཔེ་གཟིགས་ན་འདིར་གནོན།]
སྲིང་མོ་ཆེན་མོ་ཁྱེད་བཞི་ཡང་། ཧཱུྃ། །སྔོན་ཚེ་དཔལ་ཆེན་ཧེ་རུ་ཀའི། །སྤྱན་སྔར་ཁས་བླངས་དམ་བཅས་པ། །ཚངས་པ་ལ་སོགས་ཉི་ཤུ་བརྒྱད། །གར་མ་ལ་སོགས་ཉི་ཤུ་བརྒྱད། །མ་སྲིང་ལ་སོགས་ཉི་ཤུ་བརྒྱད། །འབར་མ་ལ་སོགས་ཉི་ཤུ་བརྒྱད། །དབང་ཕྱུག་ཉི་ཤུ་རྩ་བརྒྱད་དང་། །ཕོ་ཉ་སུམ་བརྒྱ་དྲུག་ཅུ་རྣམས། །སྔོན་གྱི་ཐུགས་དམ་རྗེས་དགོངས་ལ། །ཤ་ཁྲག་དམར་གྱི་མཆོད་པས་མཆོད། །ཆེམས་ཆེམ་དགོངས་ཤིག་ས་མ་ཡ། །འདིར་གཤེགས་བཅོལ་པའི་ཕྲིན་ལས་མཛོད། །བར་འདིར་སྲུང་མ་རྣམས་ལ་ལས་བརྩེ་བ་སྟེ། །བདག་ཉིད་ཆེན་པོའི་དུས་ལ་བབ། །ནམ་མཁའི་ཁམས་ཀྱི་དཔལ་ས་བཙན། །བར་སྣང་ཁམས་ཀྱི་མཐུ་མོ་ཆེ། །ཆོས་ཀྱི་དབྱིངས་ན་བཞུགས་ཙ་ན། །རྡོ་རྗེ་གར་གྱི་དབང་ཕྱུག་མ། །རྒྱ་མཚོའི་གཏིང་ན་བཞུགས་ཙ་ན། །རྡོ་རྗེ་མེ་ཟ་བྲག་གྱོན་མ། །བྷ་གའི་ཀློང་ན་བཞུགས་ཙ་ན། །ཡུམ་ཆེན་བྷ་ག་ཧྲཱིཿཏི་མ། །བར་སྣང་ཁམས་ན་རྒྱུ་བས་རྡོ་རྗེ་མཁའ་འགྲོ་མ། །སྟོན་བཞིན་ཤ་བཞོན་པརྞ་ཤ་བ་རི། །ནམ་གྱི་གུང་ཕྱེད་རྒྱུ་བས་ནམ་གྲུ་མཐུ་མོ་ཆེ། །རི་རབ་རྩེ་ལ་བཞུགས་ནས་གླིང་བཞི་སྐྱོང་མཛད་མ། །གླིང་བཞི་ཀུན་བྱམས་དྲག་མོ་རྒྱལ། །མི་གཅིག་མ་ལ་མིང་དགུ་མ། །མཚན་བརྒྱ་མ་ལ་ ― LT30_Page_0340 ―
[མ་དཔེ་གཟིགས་ན་འདིར་གནོན།]
མཚན་སྟོང་མ། །གང་ལ་བྱ་བ་ནོར་ར་རེ། །སྐྱོད་ཅིག་རྒྱ་མཚོའི་གཏིང་ནས་བསྐྱོད། །མ་གཡེལ་མ་གཡེལ་ཡལ་གམ་ཅན། །བཅོལ་པའི་ཕྲིན་ལས་འགྲུབ་པར་མཛོད། །ཤྭན་མུ་ཁའི་དུས་ལ་བབ། །ཟངས་ཀྱི་ཝ་མོ་རྐང་གསུམ་ལ། །ཟངས་ཀྱི་མི་མོ་ཆེན་མོ་ཞོན། །མིག་ནི་ཉི་མའི་ཟེར་ལས་འཚེར། །སྤུ་ནི་རལ་གྲིའི་སོ་བས་རྣོ། །སྡེར་མོ་ལྕགས་ཀྱུ་འབར་བ་འདྲ། །མཇུག་མ་ལྕགས་ཀྱུ་བསྡོགས་པ་བཞིན། །བང་ནི་གློག་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །གཡས་པ་རྡོ་རྗེས་རི་རབ་བསྙིལ། །གཡོན་པ་ཟངས་ཀྱི་ཞགས་པ་ཐོགས། །གང་ལ་བྱ་བ་ནོར་ར་རེ། །སྐྱོད་ཅིག་རི་རབ་རྩེ་ནས་བསྐྱོར། །མ་གཡེལ་བཅོལ་པའི་ཕྲིན་ལས་འགྲུབ་པར་མཛོད། །ས་བདག་ཆེན་མོའི་དུས་ལ་བབ། །བསེ་ཡི་ལྷ་མོ་མཆེད་བཞི་ལས། །གཅིག་ནི་བལ་ཡུལ་མཐིལ་ན་བཞུགས། །མར་ཁུའི་མཚོ་ལ་གནས་བཅས་ཤིང་། །ཁྱོད་ཀྱི་བཀའ་ཉན་འབུམ་སྡེ་ནི། །ནང་ཡང་མར་ཁུའི་མཚོ་ལ་འདུ། །ནུབ་ཀྱང་མར་ཁུའི་མཚོ་ལ་འདུ། །རྒྱ་མཚོའི་སྟེང་ན་འདུ་འདུ་པ། །མཐིང་ནག་རལ་བ་ཤ་ར་ར། །དབང་གི་བསེ་ཁྲབ་སི་ལི་ལི། །བསེ་ཡི་རལ་པ་སི་ལི་ལི། །རལ་པ་རེ་ལ་ཕུར་པ་རེ། །ཁྱོད་ནི་བདུད་ཀྱི་བུ་མོ་སྟེ། །ཆིབས་སུ་བདུད་རྟ་ནག་པོ་བཅིབས། ། ― LT30_Page_0341 ―
[མ་དཔེ་གཟིགས་ན་འདིར་གནོན།]
ན་བཟའ་བེར་ཆེན་མཐིང་ནག་གསོལ། །བརྡ་ནི་མི་འཕྲོད་ལྷོ་བལ་མོན། །སྐད་ནི་མི་གོ་ལྡབ་མ་ལྡིབ། །དྲི་ནི་མི་ཞིམ་ཆི་ལི་ལི། །གཟུགས་ནི་མི་སྡུག་ལག་བརྒྱ་མ། །གཡོན་པ་ལྔ་བཅུ་ལྕགས་ཀྱུ་འཛིན། །གཡས་པ་ལྔ་བཅུ་ཕུར་བུ་བསྒྲིལ། །ལྕགས་ཀྱུས་ཟུང་ལ་ཕུར་བུས་ཐོབ། །བཛྲ་ཀུ་ལནྡྷ་རའི་དུས་ལ་བབ། །ས་བདག་ཆེན་མོའི་དུས་ལ་བབ། །བསེ་ཡི་ལྷ་མོ་མཆེད་བཞི་ལས། །གཅིག་ནི་ཚ་བའི་རོང་ན་བཞུགས། །ཞག་གི་མཚོ་ལ་གནས་བཅས་ཤིང་། །ཁྱོད་ཀྱི་བཀའ་ཉན་འབུམ་སྡེ་ནི། །ནང་ཡང་ཞག་གི་མཚོ་ལ་འདུ། །ནུབ་ཀྱང་ཞག་གི་མཚོ་ལ་འདུ། །རྒྱ་མཚོའི་སྟེང་ན་འདུ་འདུ་བ། །མཐིང་ནག་རལ་པ་ཤ་ར་ར། །དབང་གི་བསེ་ཁྲབ་སི་ལི་ལི། །རལ་བ་རེ་ལ་ཕུར་པ་རེ། །ཁྱོད་ནི་གཟའ་ཡི་བུ་མོ་སྟེ། །ཆིབས་སུ་གཟའ་རྟ་ཞུང་པོ་བཅིངས། །ན་བཟའ་བེར་ཆེན་སེར་ཁྲབ་གསོལ། །བརྡ་ནི་མི་འཕྲོད་ལྷོ་བལ་མོན། །སྐད་ནི་མི་གོ་ལྡབ་མ་ལྡིབ། །དྲི་ནི་མི་ཞིམ་ཆི་ལི་ལི། །གཟུགས་ནི་མི་སྡུག་ལག་བརྒྱ་མ། །གཡོན་པ་ལྔ་བཅུ་ལྕགས་ཀྱུ་འཛིན། །གཡས་པ་ལྔ་བཅུ་ཕུར་བུ་བསྒྲིལ། །ལྕགས་ཀྱུས་ཟུང་ལ་ཕུར་བུས་ཐོབ། །བཛྲ་ཤུ་ལནྡྷ་རའི་དུས་ལ་བབ། །ས་བདག་ཆེན་མོའི་དུས་ལ་བབ། །བསེ་ཡི་ལྷ་མོ་མཆེད་ ― LT30_Page_0342 ―
[མ་དཔེ་གཟིགས་ན་འདིར་གནོན།]
བཞི་ལས། །གཅིག་ནི་མང་ཡུལ་བསེ་ན་བཞུགས། །རཀྟའི་མཚོ་ལ་གནས་བཅས་ཤིང་། །ཁྱོད་ཀྱི་བཀའ་ཉན་འབུམ་སྡེ་ནི། །ནང་ཡང་མར་ཁུའི་མཚོ་ལ་འདུ། །ནུབ་ཀྱང་མར་ཁུའི་མཚོ་ལ་འདུ། །རྒྱ་མཚོའི་ནང་ན་འདུ་འདུ་བ། །མཐིང་ནག་རལ་བ་ཤ་ར་ར། །དབང་གི་བསེ་ཁྲབ་སི་ལི་ལི། །བསེ་ཡི་རལ་པ་སི་ལི་ལི། །རལ་པ་རེ་ལ་ཕུར་པ་རེ། །ཁྱོད་ནི་བཙན་གྱི་བུ་མོ་སྟེ། །ཆིབས་སུ་བཙན་རྟ་དམར་པོ་བཅིབས། །ན་བཟའ་བེར་ཆེན་དམར་ཁྲ་གསོལ། །བརྡ་ནི་མི་འཕྲོད་ལྷོ་བལ་མོན། །སྐད་ནི་མི་གོ་ལྡབ་མ་ལྡིབ། །དྲི་ནི་མི་ཞིམ་ཆི་ལི་ལི། །གཟུགས་ནི་མི་སྡུག་ལག་བརྒྱ་མ། །གཡོན་པ་ལྔ་བཅུ་ལྕགས་ཀྱུ་འཛིན། །གཡས་པ་ལྔ་བཅུ་ཕུར་བུ་བསྒྲིལ། །ལྕགས་ཀྱུས་ཟུང་ལ་ཕུར་བུས་ཐོབ། །བཛྲ་ཙ་མུནྡྷ་རའི་དུས་ལ་བབ། །ས་བདག་ཆེན་མོའི་དུས་ལ་བབ། །བསེ་ཡི་ལྷ་མོ་མཆེད་བཞི་ལས། །གཅིག་ནི་གཉའ་ནམ་བྲིན་ན་བཞུགས། །འོ་མའི་མཚོ་ལ་གནས་བཅས་ཤིང་། །ཁྱོད་ཀྱི་བཀའ་ཉན་འབུམ་སྡེ་ནི། །ནང་ཡང་མར་ཁུའི་མཚོ་ལ་འདུ། །ནུབ་ཀྱང་མར་ཁུའི་མཚོ་ལ་འདུ། །རྒྱ་མཚོའི་སྟེང་ན་འདུ་འདུ་བ། །མཐིང་ནག་རལ་པ་ཤ་ར་ར། །དབང་གི་བསེ་ཁྲབ་སི་ལི་ལི། །བསེ་ཡི་རལ་པ་སི་ལི་ ― LT30_Page_0343 ―
[མ་དཔེ་གཟིགས་ན་འདིར་གནོན།]
ལི། །རལ་པ་རེ་ལ་ཕུར་པ་རེ། །ཁྱོད་ནི་ཀླུ་ཡི་བུ་མོ་སྟེ། །ཆིབས་སུ་ཀླུ་རྟ་སྔོན་པོ་བཅིབས། །ན་བཟའ་བེར་ཆེན་སྔོན་པོ་གསོལ། །བརྡ་ནི་མི་འཕྲོད་ལྷོ་བལ་མོན། །སྐད་ནི་མི་གོ་ལྡབ་མ་ལྡིབ། །དྲི་ནི་མི་ཞིམ་ཆི་ལི་ལི། །གཟུགས་ནི་མི་སྡུག་ལག་བརྒྱ་མ། །གཡོན་པ་ལྔ་བཅུ་ལྕགས་ཀྱུ་འཛིན། །གཡས་པ་ལྔ་བཅུ་ཕུར་བུ་བསྒྲིལ། །ལྕགས་ཀྱུས་ཟུང་ལ་ཕུར་བུས་ཐོབ། །བཛྲ་ཀང་ཀ་དྷ་རའི་དུས་ལ་བབ། །ཧཱུྃ། ཕོ་ཉ་བྲན་དང་མངགས་པའི་ཚོགས། །ཁྱོད་ཀྱི་ཐུགས་དམ་དུས་ལ་བབ། །བདུད་ནག་ཆེན་པོ་རལ་ཆེན་དང་། །བདུད་རྗེ་ཟླ་བ་ཀ་ལ་དྲག། བདུད་རྗེ་རོ་ལངས་ཁྲག་མིག་དང་། །དུར་ཁྲོད་ནག་པོ་ལྷན་དཀར་ཏེ། །དུང་གི་སྐྱེས་བུ་མཆེད་བཞི་དང་། །ཚངས་པ་དུང་གི་ཐོར་ཚུགས་ཅན། །ཤིང་གིང་དམར་པོ་མ་རུ་རྩེ། །སྐྱེས་བུ་ཕྱ་སངས་དཀར་པོ་དང་། །ནག་པོ་སྲོག་བདུད་ཆེན་པོ་སྟེ། །ལྕགས་ཀྱི་སྐྱེས་བུ་བཞི་པོ་དང་། །སྐྱེས་བུ་གིང་ཆེན་མ་རུ་རྩེ། །སྐྱེས་བུ་གཤིན་རྗེ་མ་རུ་རྩེ། །སྐྱེས་བུ་བདུད་ནག་མ་རུ་རྩེ། །སྐྱེས་བུ་གནོད་སྦྱིན་མ་རུ་རྩེ། །བསེ་ཡི་སྐྱེས་བུ་མཆེད་བཞི་དང་། །ཁྱབ་པ་ལྕེ་རིང་སྐྱ་གཅིག་བུ། །ནག་པོ་འཛུམ་མེད་སོ་བརྡར་འཁྲིགས། །ནག་པོ་སྐྲག་མེད་གཤིན་རྗེའི་གཙོ། །གསོད་བྱེད་ ― LT30_Page_0344 ―
[མ་དཔེ་གཟིགས་ན་འདིར་གནོན།]
འབར་མ་འཇོག་པོ་ཀླུ། །སྲོག་གཅོད་ཤན་པ་མཆེད་བཞི་དང་། །ས་བདག་བློན་པོ་རྩང་ཀུན་དང་། །བདུད་ཀྱི་བློན་པོ་སྤྱང་ཀིའི་མགོ། །གདེངས་པ་སྙིང་དཀར་ཀླུ་ཡི་བློན། །འབྲོག་གནས་གནོད་སྦྱིན་བློན་པོ་དང་། །འབྱུང་པོ་སེར་པོ་སྣ་ཡོན་པོ། །དེ་ལྟར་ཕོ་བདུད་ཉེར་གཅིག་རྣམས། །རྒྱན་གྱི་གཏོར་མ་འདི་བཞེས་ལ། །ཡིད་ལ་བརྣགས་པའི་ལས་མཛོད་ཅིག །བདུད་འདུལ་ནག་མོ་མཆེད་བཞི་ནི། །ནག་མོ་ཁྲག་གི་རལ་པ་ཅན། །སྲོད་ལ་དགྲ་བོའི་སྙིང་འབྱིན་མ། །ནག་མོ་ཞག་གི་རལ་པ་ཅན། །ནམ་ཕྱེད་དགྲ་བོའི་སྲོག་གཅོད་མ། །ནག་མོ་དུང་གི་རལ་པ་ཅན། །ཉི་ཤར་དགྲ་བོའི་བླ་འགུགས་མ། །ནག་མོ་ཟངས་ཀྱི་རལ་པ་ཅན། །ཐོ་རངས་དགྲ་བོའི་ཤ་ལ་རོལ། །དེ་ལྟར་ནག་མོ་མཆེད་བཞི་པོ། །ཁྱོད་ཀྱི་ཐུགས་དམ་དུས་ལ་བབ། །བཅོལ་པའི་ཕྲིན་ལས་འགྲུབ་པར་མཛོད། །སརྦ་ཨཱ་ན་ཡ་ཧཱུྃ་ཕཊ། ཏ་པྲ་ཡ་ཧཱུྃ་ཕཊ། ཅེས་རོལ་མོའི་སྒྲ་དང་བཅས་ཏེ་ལྷག་གཏོར་ཕྱི་རོལ་དུ་དོར་རོ། །གསུམ་པ་ཉེར་བསྡུའི་བྱ་བ་ལ། བརྟན་མ་བསྐུལ་བ། དངོས་གྲུབ་བླང་བ། བཟོད་གསོལ། དཀྱིལ་འཁོར་བསྡུ་བ། བདག་ཉིད་སྲུང་བ། སྨོན་ལམ་གདབ་པ་རྣམས་ཡོད་པ་ལས། དང་པོ་ནི། ཧོཿབོད་ཁམས་སྐྱོང་བའི་བརྟན་མ་བཅུ་གཉིས་འཁོར་དང་བཅས་པ་རྣམས། སྔོན་གྱི་དམ་བཅའ་ལས་མི་ ― LT30_Page_0345 ―
[མ་དཔེ་གཟིགས་ན་འདིར་གནོན།]
འདའ་བར། དཔལ་ཆེན་པོའི་ཕམ་ཕབས་ལ་མནོས་ཏེ། རྣལ་འབྱོར་པ་བདག་གི་སྟོང་གྲོགས་ལ་འདིར་གཤེགས་ཤིག །ཛཿཧཱུྃ་བྃ་ཧོཿཨེ་ཨཾ་ར་ལི་ཧྲི༚་ཧྲི༚་ཛཿཧཱུྃ། བཀའ་ཡི་ཚོགས་དང་བཅས་ཉིད་དུ། །ཁྲག་འཐུང་དེ་བཞིན་ནམ་མཁའི་སྐུ། །ཚུར་གཤེགས་ཚུར་གཤེགས་སྐྱོང་མ་རྣམས། །སྔོན་གྱི་ཐུགས་དམ་རྗེས་དགོངས་ཏེ། །འདིར་གཤེགས་དམ་དགོངས་གཏོར་མ་བཞེས། །རྣལ་འབྱོར་བཅོལ་པའི་ཕྲིན་ལས་མཛོད། །བདག་ཉིད་ཆེན་པོ་རྡོ་རྗེ་ཀུན་གྲགས་མ། །དཔལ་ལྡན་ལྷ་རིའི་རྡོ་རྗེ་གཡའ་མ་སྐྱོང་། །གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་། །འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ། །བདུད་ཀྱི་བུ་མོ་ཆེན་མོ་མཆེད་བཞི་དང་། །གངས་དཀར་ཤ་མེད་རྡོ་རྗེ་གཡུ་བུན་མ། །མཁའ་རེག་ཁྱུང་བཙན་རྡོ་རྗེ་དཔལ་གྱི་ཡུམ། །གསེར་ཆེན་མཁའ་ལྡིང་རྡོ་རྗེ་རླུང་མོ་དང་། །སྨངས་རི་རབ་འབྱམས་རྡོ་རྗེ་གྲགས་མོ་རྒྱལ། །གནོད་སྦྱིན་བུ་མོ་ཆེན་མོ་ཁྱེད་བཞི་དང་། །ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་། །བཙན་ལ་ལ་རོ་རྡོ་རྗེ་སྨན་གཅིག་མ། །སྨན་བཙུན་ཨུག་ཆོས་རྡོ་རྗེ་དབྱར་མོ་བསིལ། །གཡུ་མི་དྲིལ་སྙན་རྡོ་རྗེ་ཟུལ་ལེ་མ། །སྨན་བཙུན་བུ་མོ་ཆེན་མོ་ཁྱེད་བཞི་སྟེ། །བརྟན་མ་བཅུ་གཉིས་འཁོར་དང་བཅས་རྣམས་ཀྱང་། །སྔོན་གྱི་ཐུགས་ ― LT30_Page_0346 ―
[མ་དཔེ་གཟིགས་ན་འདིར་གནོན།]
དམ་དམ་ཚིག་རྗེས་དགོངས་ནས། །ལྷབ་ལྷུབ་རིན་ཆེན་མང་པོའི་རྒྱན་དང་བཅས། །ཕོ་ཉ་བྲན་གཡོག་མང་པོའི་འཁོར་དང་བཅས། །སིལ་སྙན་རོལ་མོ་མང་པོའི་སྒྲ་དང་བཅས། །རྣལ་འབྱོར་བཅོལ་པའི་ཕྲིན་ལས་གྲུབ་པར་མཛོད། །ཆེ་ཞེ་ཆེན་མོ་ཁྱེད་རྣམས་ཀྱང་། །རྡོ་རྗེ་ཐོད་ཕྲེང་སྤྱན་སྔ་རུ། །ཞིང་ཆེན་ཚོགས་ཀྱི་མཆོད་བཀྲམ་ནས། །རྣམ་ལྔ་བདུད་རྩིའི་ལོངས་སྤྱོད་ཀྱིས། །དབང་བསྐུར་མིང་བཏགས་དམ་མནོས་ཏེ། །ཐར་པ་ཐོབ་པར་མིང་ཡང་གྲགས། །ལག་ཏུ་རྡོ་རྗེ་བྱིན་ནས་ནི། །རྡོ་རྗེ་འཛིན་པའི་གྲལ་དུ་བཞག །ཇི་ལྟར་ཁས་བླངས་དམ་བཅས་བཞིན། །རྣལ་འབྱོར་སྒྲུབ་པོའི་གྲོགས་མཛོད་ཅིག །བཀའ་ཡི་གཏོར་མ་འདི་ལོངས་ལ། །བཅོལ་པའི་ལས་རྣམས་གྲུབ་པར་མཛོད། །ཅེས་བརྟན་མ་བསྐྱང་ངོ་། །དེ་ནས་གཏོར་མ་ཟོར་དུ་འཕང་བའི་སྲོལ་ཡང་ཡོད་མོད། །དཀྱུས་ལ་མི་དགོས་པས་ཇི་ལྟར་བདེ་བར་གཤེགས། ལས་བཞིའི་པྲོ་བརྡུང་བ་ནི། གཏོར་སྣོད་ཁ་སྦུབས་ལ། ཧཱུྃ། །དང་པོ་གཏི་མུག་ཉིད་ལས་བྱུང་། །པང་དུ་གཏི་མུག་ཉིད་ལ་འཁོར། །ཐ་མར་གཏི་མུག་ཉིད་ཀྱིས་འདུལ། །གཏི་མུག་རྡོ་རྗེའི་ཕྲིན་ལས་མཛོད། །དངུལ་ལམ་དཀར་པོའི་ཤིང་དག་ལ། །མགོ་བོ་རྒྱ་མདུད་རྩེ་མོ་ཟླུམ། །ལོགས་ལ་ཞི་བའི་ལྷར་བསྒོམས་ཏེ། །ཁོང་སྟོང་བྱང་ཆུབ་སེམས་ལུང་བསྟན། ། ― LT30_Page_0347 ―
[མ་དཔེ་གཟིགས་ན་འདིར་གནོན།]
རྩེ་མོ་ཟླུམ་པོ་ལྟ་བ་ཡིས། །ཐམས་ཅད་མ་ལུས་ཞི་བར་འགྱུར། །ཞི་བར་མ་གྱུར་གང་ཡང་མེད། །ཞི་བའི་ལྷ་ལ་ཕྱག་འཚལ་ལོ། །ཧཱུྃ། །དང་པོ་ང་རྒྱལ་ཉིད་ལས་བྱུང་། །བར་དུ་ང་རྒྱལ་ཉིད་ལ་འཁོར། །ཐ་མར་ང་རྒྱལ་ཉིད་ཀྱིས་འདུལ། །ང་རྒྱལ་རྡོ་རྗེའི་ཕྲིན་ལས་མཛོད། །གསེར་རམ་སེར་པོའི་ཤིང་དག་ལ། །མགོ་བོ་རྒྱ་མདུད་ཟུར་བཞི་རྩེ། །ལོགས་ལ་རྒྱས་པའི་ལྷ་བསྒོམས་ཏེ། །ཁོང་སྟོང་བྱང་ཆུབ་སེམས་ལུང་བསྟན། །རྩེ་མོ་ཟུར་བཞི་ལྟ་བ་ཡིས། །ཐམས་ཅད་མ་ལུས་རྒྱས་པར་འགྱུར། །རྒྱས་པར་མ་གྱུར་གང་ཡང་མེད། །རྒྱས་པའི་ལྷ་ལ་ཕྱག་འཚལ་ལོ། །ཧཱུྃ། །དང་པོ་འདོད་ཆགས་ཉིད་ལས་བྱུང་། །བར་དུ་འདོད་ཆགས་ཉིད་ལ་འཁོར། །ཐ་མར་འདོད་ཆགས་ཉིད་ཀྱིས་འདུལ། །འདོད་ཆགས་རྡོ་རྗེའི་ཕྲིན་ལས་མཛོད། །ཟངས་སམ་དམར་པོའི་ཤིང་དག་ལ། །མགོ་བོ་རྒྱ་མདུད་རྩེ་ཟླ་གམ། །ལོགས་ལ་དབང་གི་ལྷ་བསྒོམས་ཏེ། །ཁོང་སྟོང་བྱང་ཆུབ་སེམས་ལུང་བསྟན། །རྩེ་མོ་ཟླ་གམ་ལྟ་བ་ཡིས། །ཐམས་ཅད་མ་ལུས་དབང་དུ་འགྱུར། །དབང་དུ་མ་གྱུར་གང་ཡང་མེད། །དབང་སྡུད་ལྷ་ལ་ཕྱག་འཚལ་ལོ། །ཧཱུྃ། །དང་པོ་ཞེ་སྡང་ཉིད་ལས་བྱུང་། །བར་དུ་ཞེ་སྡང་ཉིད་ལ་འཁོར། །ཐ་མར་ཞེ་སྡང་ཉིད་ཀྱིས་འདུལ། ། ― LT30_Page_0348 ―
[མ་དཔེ་གཟིགས་ན་འདིར་གནོན།]
ཞེ་སྡང་རྡོ་རྗེའི་ཕྲིན་ལས་མཛོད། །ལྕགས་སམ་ནག་པོའི་ཤིང་དག་ལ། །མགོ་བོ་རྒྱ་མདུད་རྩེ་ཟུར་གསུམ། །ལོགས་ལ་དྲག་པོའི་ལྷ་བསྒོམས་ཏེ། །ཁོང་སྟོང་བྱང་ཆུབ་སེམས་ལུང་བསྟན། །རྩེ་མོ་ཟུར་གསུམ་ལྟ་བ་ཡིས། །ཐམས་ཅད་མ་ལུས་བརླག་པར་འགྱུར། །འཇོམས་པར་མ་གྱུར་གང་ཡང་མེད། །འཇོམས་མཛད་ལྷ་ལ་ཕྱག་འཚལ་ལོ། །རེ་རེའི་མཐར། ཀཱི་ལ་ཡ་སྦྱར་རོ། །དངོས་གྲུབ་བླང་བ་ནི། །དཔལ་ཆེན་རྡོ་རྗེ་གཞོན་ནུ་དང་། །འཁོར་ལོ་རྒྱས་འདེབས་དགོངས་སུ་གསོལ། །དང་པོ་བསྙེན་པའི་དབུ་བཙུགས་ནས། །བསྙེན་པའི་དུས་ཀྱང་མཐའ་རུ་ཕྱིན། །དཀྱིལ་འཁོར་སྒྲུབ་པའི་སྒོ་རུ་ཞུགས། །དོ་ནུབ་ཡན་ཆད་ཞག་གྲངས་ཐེམས། །བཟླས་བརྗོད་གྲངས་ཀྱང་ཐེམས་ལགས་ཀྱི། །དངོས་གྲུབ་སྩོལ་བའི་དུས་ལ་བབ། །མགོན་པོ་ཐུགས་རྗེས་བྱོན་པ་ན། །ཁྱོད་ཀྱི་ཐུགས་དམ་སྩལ་བས་ན། །འགྲོ་བ་མང་པོ་གྲོལ་སླད་དུ། །ཀཱི་ལ་ཡ་ཡི་དངོས་གྲུབ་སྩོལ། །གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི། །སྒྲུབ་མཆོག་བདག་གི་རྣམ་རྟོག་སྦྱང་བའི་ཕྱིར། །གསང་བ་བྱང་ཆུབ་སེམས་ཀྱི་དངོས་གྲུབ་སྩོལ། །བདེ་གཤེགས་ཀུན་འདུས་ཐུགས་དམ་རྒྱུད་བསྐུལ་ནས། །འགྲོ་བ་མ་ལུས་བྱང་ཆུབ་དོན་བྱས་ཏེ། ། ― LT30_Page_0349 ―
[མ་དཔེ་གཟིགས་ན་འདིར་གནོན།]
དཔལ་ཆེན་ཧེ་རུ་ཀ་ཡི་གོ་འཕང་མཆོག །ད་ལྟ་ཉིད་དུ་ཐོབ་པའི་དངོས་གྲུབ་སྩོལ། །ཧཱུྃ་མཛད་སྒྲ་འབྱིན་ཕག་དང་རྨིགས་བུའི་མགོ། །ཞེས་པ་ནས། །གནོད་བྱེད་འཇིགས་མ་བདུད་རྩི་གསོད་བྱེད་མ། །དཔལ་གྱི་བཀའ་ཉན་ཡེ་ཤེས་ལྷ་ཀུན་གྱིས། །སྒྲུབ་མཆོག་བདག་ལ་དངོས་གྲུབ་སྩལ་དུ་གསོལ། །འགྲོ་བ་དྲུག་ལ་ཐུགས་བརྩེར་དགོངས་སུ་གསོལ། །རྫུ་འཕྲུལ་དབང་བའི་དངོས་གྲུབ་སྩལ་དུ་གསོལ། །སེམས་ལ་དབང་བའི་དངོས་གྲུབ་སྩལ་དུ་གསོལ། །ཡེ་ཤེས་དབང་བའི་དངོས་གྲུབ་སྩལ་དུ་གསོལ། །ཚེ་ལ་དབང་བའི་དངོས་གྲུབ་སྩལ་དུ་གསོལ། །སྐྱེ་བ་དབང་བའི་དངོས་གྲུབ་སྩལ་དུ་གསོལ། །ཆོས་ལ་དབང་བའི་དངོས་གྲུབ་སྩལ་དུ་གསོལ། །ཡོ་བྱད་དབང་བའི་དངོས་གྲུབ་སྩལ་དུ་གསོལ། །ལས་ལ་དབང་བའི་དངོས་གྲུབ་སྩལ་དུ་གསོལ། །སྨོན་ལམ་དབང་བའི་དངོས་གྲུབ་སྩལ་དུ་གསོལ། །མོས་པ་དབང་བའི་དངོས་གྲུབ་སྩལ་དུ་གསོལ། །བསྡུ་དངོས་བཞི་ཡི་དངོས་གྲུབ་སྩལ་དུ་གསོལ། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། ཁམས་གསུམ་བསྒྲལ་བའི་དངོས་གྲུབ་སྩལ་དུ་གསོལ། །ཁྲོ་རྒྱལ་སྐུ་ཡི་དངོས་གྲུབ་སྩལ་དུ་གསོལ། །གསུང་གི་དངོས་གྲུབ་སྩལ་དུ་གསོལ། །ཐུགས་ཀྱི་ ― LT30_Page_0350 ―
[མ་དཔེ་གཟིགས་ན་འདིར་གནོན།]
དངོས་གྲུབ་སྩལ་དུ་གསོལ། །ཡོན་ཏན་ཕྲིན་ལས་དངོས་གྲུབ་སྩལ་དུ་གསོལ། །རྡོ་རྗེ་ཚེ་ཡི་དངོས་གྲུབ་སྩལ་དུ་གསོལ། །ཤྭ་ན་ལ་སོགས་བཀའ་ཡི་ཕོ་ཉའི་ཚོགས། །སྒྲུབ་པ་རྟགས་ཀྱི་དངོས་གྲུབ་སྩལ་དུ་གསོལ། །མ་ཚོགས་ནམ་གྲུ་རེ་མ་ཏི་ཡི་ཚོགས། །ཕོ་ཉ་བཀའ་སྡོད་དངོས་གྲུབ་སྩལ་དུ་གསོལ། །རྡོ་རྗེ་ཡ་སྦྱིན་ལ་སོགས་དམ་ཅན་སོགས། །རྫུ་འཕྲུལ་དྲག་པོའི་དངོས་གྲུབ་སྩལ་དུ་གསོལ། །ཡེ་ཤེས་ལྷ་དང་མཁའ་འགྲོ་སྲུང་མའི་ཚོགས། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །དཀྱུས་ཀྱི་ཆོ་གའི་ཡན་ལག་ལ་ངེས་པར་དགོས་པ་མིན་ཡང་སྐབས་འདིའམ་གོང་འཛབ་བཟླས་ཀྱི་མཐར། ཚེ་ཆོག་ལོགས་སུ་ཡོད་པ་ལྟར་རང་གཞན་གྱི་དོན་དུ་སྤྲོ་ན་བྱ་སྟེ། །དེའི་ཚེ་ཚེ་ཆོག་གི་མཐར་མཆོད་བསྟོད་ཀྱང་བྱའོ། །གང་ལྟར་ཡང་དེ་རྗེས་ཡིག་བརྒྱ་མང་དུ་བཟླས་པའི་མཐར། ལྟ་བ་སྤངས་པས་ཆོས་ཉིད་དོན་མ་རྟོགས། །སྒོམ་པ་ཡུན་ཐུང་ཡི་དམ་ལྷ་མ་གསལ། །བསྙེན་སྒྲུབ་ཡུན་ཐུང་དངོས་གྲུབ་མཐུ་མ་བརྙེས། །འབད་སྩོལ་ཆུང་བས་སློབ་དཔོན་ཐུགས་མ་དགྱེས། །བརྩེ་གདུང་ཆུང་བས་མཆེད་ལྕམ་ཐུགས་དང་འགལ། །ལེ་ལོ་སྙོམ་ལས་མཆོད་པ་མ་ཚང་བས། །ཡེ་ཤེས་ལྷ་སྤངས་དངོས་གྲུབ་གཡེལ་བའི་རྒྱུ། །དེ་སོགས་ནོངས་པར་གྱུར་པ་ཅི་མཆིས་པ། །བཀྲ་བའི་ལྷ་ཚོགས་སྤྱན་སྔར་མཐོལ་ལོ་ ― LT30_Page_0351 ―
[མ་དཔེ་གཟིགས་ན་འདིར་གནོན།]
ཉེས་སྐྱོན་ཐམས་ཅད་དབྱིངས་སུ་དག་གྱུར་ཅིག །མ་འབྱོར་པ་དང་སོགས་སྤྱི་དང་འདྲ་བར་བཟོད་གསོལ་བྱས། ཨོཾ་ཁྱོད་ཀྱིས་སེམས་ཅན་སོགས། །འཇིག་རྟེན་པ་རྣམས་གཤེགས་སུ་གསོལ། །ཉི་མ་ཐ་མ་ལ་ཡིན་ན། དཀྱིལ་འཁོར་གྱི་འཁོར་ལོ་རང་གི་སྙིང་གར་བསྡུས་ནས་འོད་གསལ་དུ་མཉམ་པར་གཞག །ཨཱ་ཀ་རོའི་སྔགས་ཀྱིས་ལས་རྗེས་བསྡུ་བ་སྤྱི་དང་འདྲ། དགེ་འདིས་མཐའ་ཡས་སེམས་ཅན་ཀུན། །རྡོ་རྗེ་གཞོན་ནུ་ཀཱི་ལ་ཡའི། །གོ་འཕང་བྱང་ཆུབ་མྱུར་ཐོབ་ནས། །བདུད་ལས་རྣམ་པར་རྒྱལ་བར་ཤོག །ཅེས་སོགས་སྨོན་ལམ་གདབ་ཅིང་། ཧཱུྃ། སྐྱེ་མེད་ཆོས་སྐུའི་རང་བཞིན་རྣམ་དག་ལས། །ཐུགས་དམ་དབང་གིས་གཟུགས་ཀྱི་སྐུ་སྤྲུལ་པ། །བཅོམ་ལྡན་དཔལ་ཆེན་རྡོ་རྗེ་གཞོན་ནུའི་སྐུ། །མི་འགྱུར་རྟག་པའི་དོན་གྱི་བཀྲ་ཤིས་ཤོག །འཁོར་ལོ་རྒྱས་འདེབས་ཡུམ་གྱི་བཀྲ་ཤིས་ཤོག །སྤྲུལ་པའི་ཁྲོ་རྒྱལ་བཅུ་ཡི་བཀྲ་ཤིས་ཤོག །ཤེས་རབ་ཁྲོ་མོ་བཅུ་ཡི་བཀྲ་ཤིས་ཤོག །ཡང་སྤྲུལ་ཕྱག་བརྙན་ཚོགས་ཀྱི་བཀྲ་ཤིས་ཤོག །ཡེ་ཤེས་སྒོ་སྐྱོང་བཞི་ཡི་བཀྲ་ཤིས་ཤོག །ཕྲིན་ལས་སྲས་མཆོག་རྣམས་ཀྱི་བཀྲ་ཤིས་ཤོག །དམ་ཅན་བཀའ་སྡོད་ཚོགས་ཀྱི་བཀྲ་ཤིས་ཤོག །དགེ་ལེགས་འབྲས་བུར་སྨིན་པའི་བཀྲ་ཤིས་ཤོག །གཞན་ཡང་ཤིས་བརྗོད་ཀྱི་ཁྱད་པར་ཇི་ལྟར་འོས་པ་བརྗོད་དོ། །དེ་ལྟར་དཔལ་རྡོ་རྗེ་ ― LT30_Page_0352 ―
[མ་དཔེ་གཟིགས་ན་འདིར་གནོན།]
གཞོན་ནུའི་དཀྱིལ་འཁོར་གྱི་ཆོ་ག་བདུད་འཇོམས་རོལ་པ་ཅེས་བྱ་བ་འདི་ནི་འཁོན་ལུགས་ཀྱི་ལས་བྱང་རྙིང་པ་ས་ཆེན་གྱིས་མཛད་པར་ཡང་བྱེད་པ་འདི་ལ་གཙོ་བོར་བརྟེན། །དེ་ཡང་གཞུངས་ལུགས་ཀྱི་ལས་བྱང་དང་ཕལ་ཆེར་མཐུན་པར་འདུག་ཅིང་། གཞན་ཁ་སྐོང་དགོས་པ་ཡང་གདམས་ངག་དྲུག་པ་དང་། སྐྱི་ལུགས་སོགས་སྔགས་རྙིང་བཀའ་མ་རྣམས་ཀྱི་རྗེས་སུ་འབྲངས་ཤིང་། གསར་མའི་རྒྱས་འགེབས་སོགས་སྤངས་ཏེ། རང་ལུགས་གཙང་ཞིང་དག་པར་བརྗོད་པ་ནི། རྒྱལ་ཁམས་པ་ཏཱ་ར་ནཱ་ཐའི་སུག་ལས་སོ།། །། རྡོ་རྗེ་ཕུར་པ་འཁོན་ལུགས་ཀྱི་བརྒྱུད་པའི་གསོལ་འདེབས་བཻ་ཌཱུརྱའི་ཕྲེང་མཛེས།― LT30_Page_0353 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཕུར་པ་འཁོན་ལུགས་ཀྱི་བརྒྱུད་པའི་གསོལ་འདེབས་བཻ་ཌཱུརྱའི་ཕྲེང་མཛེས་ཞེས་བྱ་བ་བཞུགས་སོ།། ༈ །།ཁྱབ་བདག་གདོད་མའི་མགོན་པོ་ཀུན་ཏུ་བཟང་། །དཀྱིལ་འཁོར་རྒྱ་མཚོའི་གསང་འཛིན་རྡོ་རྗེ་སེམས། །རྒྱལ་ཀུན་སྤྱི་གཟུགས་པདྨ་ཐོད་ཕྲེང་ལ། །གསོལ་བ་འདེབས་སོ་དབང་དང་དངོས་གྲུབ་སྩོལ། །ཀླུ་དབང་སྲུང་བ་རྡོ་རྗེ་རིན་ཆེན་དང་། །ཤེས་རབ་ཡོན་ཏན་ཚུལ་ཁྲིམས་རྒྱལ་པོའི་ཞབས། །རྡོ་རྗེ་གཙུག་ཏོར་དགེ་སྐྱབས་དགེ་མཐོང་ལ། །གསོལ་བ་འདེབས་སོ་དབང་དང་དངོས་གྲུབ་སྩོལ། །ཤཱཀ་བློ་ཤེས་རབ་ཚུལ་ཁྲིམས་དཀོན་མཆོག་རྒྱལ། །ས་ཆེན་ཀུན་སྙིང་རྗེ་བཙུན་བསོད་ནམས་རྩེ། །གྲགས་པ་རྒྱལ་མཚན་ས་སྐྱ་པ་ཆེན་ལ། །གསོལ་བ་འདེབས་སོ་དབང་དང་དངོས་གྲུབ་སྩོལ། །ཆོས་རྒྱལ་འཕགས་པ་འོད་ལྡན་ཀུན་རྡོར་ཞབས། །ལེགས་པའི་བློ་གྲོས་ཀུན་བསོད་རིན་རྒྱལ་མཚན། །དཔལ་ལྡན་བླ་མ་བླ་ཆེན་ཀུན་རྒྱལ་ལ། །གསོལ་བ་འདེབས་སོ་དབང་དང་དངོས་གྲུབ་སྩོལ། །ཐེག་ཆེན་ཆོས་རྗེ་ནམ་རྒྱལ་རྒྱ་གར་བ། །ས་ལོ་འཇམ་རྡོར་སྔགས་འཆང་ཀུན་རིན་རྗེ། །བསོད་ནམས་དབང་པོ་གྲགས་པ་བློ་གྲོས་ལ། །གསོལ་བ་འདེབས་སོ་དབང་དང་དངོས་གྲུབ་སྩོལ། །ཀུན་དགའ་བསོད་ནམས་པུཎྱེ་ཤྭ་ར་དང་། །ཀུན་དགའ་བཀྲ་ཤིས་བསོད་ནམས་རིན་ཆེན་ཞབས། །ཀུན་དགའ་བློ་གྲོས་དཔལ་ལྡན་ཆོས་སྐྱོང་ལ། །གསོལ་ ― LT30_Page_0354 ―
[མ་དཔེ་གཟིགས་ན་འདིར་གནོན།]
བ་འདེབས་སོ་དབང་དང་དངོས་གྲུབ་སྩོལ། །ཀུན་དགའ་རིན་ཆེན་འཇམ་དབྱངས་མཁྱེན་བརྩེའི་དབང་། །སྨིན་གྲོལ་མཛོད་འཛིན་རྩ་བའི་བླ་མ་སྟེ། །སྟོད་ལས་མཆོག་སྒྲུབ་དབང་བཞིའི་བརྒྱུད་པ་ལ། །གསོལ་བ་འདེབས་སོ་དབང་དང་དངོས་གྲུབ་སྩོལ། །ཡོངས་རྫོགས་བསྟན་འཛིན་བསོད་ནམས་རྒྱལ་མཚན་ཞབས། །ཤེས་རབ་རྡོ་རྗེ་ཐུགས་རྗེ་ཤེས་རབ་དང་། །དྷརྨཱ་ཀཱིརྟི་ནམ་མཁའི་སྙིང་པོ་ལ། །གསོལ་བ་འདེབས་སོ་མངོན་སྤྱོད་མཐར་ཕྱིན་ཤོག །ཤེས་རབ་རྒྱལ་མཚན་ཀུན་དགའ་བསོད་ནམས་མཆོག །ངག་དབང་ཆོས་གྲགས་སྔགས་འཆང་ཆེན་པོ་དང་། །བསོད་ནམས་དབང་པོ་ཀུན་དགའ་དོན་གྲུབ་ལ། །གསོལ་བ་འདེབས་སོ་མངོན་སྤྱོད་མཐར་ཕྱིན་ཤོག །ཀུན་བསོད་བསོད་ནམས་དབང་ཕྱུག་ཀུན་བཀྲས་རྗེ། །ཀུན་མཆོག་རྒྱལ་པོ་བསོད་ནམས་རིན་ཆེན་སོགས། །སྨད་ལས་དྲག་པོ་སྒྲོལ་དབང་བརྒྱུད་པ་ལ། །གསོལ་བ་འདེབས་སོ་མངོན་སྤྱོད་མཐར་ཕྱིན་ཤོག །དཔལ་ལྡན་ཚུལ་ཁྲིམས་ངོར་ཆེན་ཡབ་སྲས་དང་། །མ་ཏི་པ་ཆེན་རྡོ་རྗེ་གདན་པ་སོགས། །དབང་ལུང་སྲོལ་འཛིན་ངོ་མཚར་བརྒྱུད་པ་ལ། །གསོལ་བ་འདེབས་སོ་ཕྲིན་ལས་ལྷུན་གྲུབ་ཤོག །རྣམ་གསུམ་བརྒྱུད་པའི་ཆུ་བོ་མ་ལུས་པ། །གཅིག་བསྡུས་གསང་བའི་རྒྱ་མཚོ་རིན་ཆེན་མཛོད། །སྒྲོལ་བའི་མགོན་པོ་བརྒྱུད་པར་བཅས་པ་ལ། ། ― LT30_Page_0355 ―
[མ་དཔེ་གཟིགས་ན་འདིར་གནོན།]
གསོལ་བ་འདེབས་སོ་བདུད་ལས་རྣམ་རྒྱལ་ཤོག །རྣམ་གསུམ་ཏིང་ངེ་འཛིན་ལ་ལེགས་གནས་ནས། །དཀྱིལ་འཁོར་གསུམ་བསྒོམ་མཆོད་པ་གསུམ་གྱིས་མཆོད། །དྲི་མ་གསུམ་སྦྱང་སྐུ་གསུམ་མངོན་གྱུར་ཏེ། །མཆོག་སྒྲུབ་ལམ་ནས་དོན་གཉིས་མཐར་ཕྱིན་ཤོག །རྫོང་འཕྲང་སྲོག་གི་གནས་ལ་བྱང་ཆུབ་ཅིང་། །གསལ་བ་གསུམ་དང་གདེངས་གསུམ་གོམས་པ་ཡིས། །མཚན་མའི་དགྲ་བགེགས་བདག་ཏུ་འཛིན་བཅས་པ། །ཐལ་འབྱིན་དགོངས་པས་མངོན་སྤྱོད་མཐར་ཕྱིན་ཤོག །རྩ་བརྒྱུད་བླ་མས་རྟག་ཏུ་བྱིན་རློབ་ཅིང་། །ལྷག་པའི་ལྷ་ཡིས་གྲུབ་གཉིས་མྱུར་དུ་སྩལ། །མཁའ་འགྲོ་དམ་ཅན་ཕྲིན་ལས་སྒྲུབ་མཛད་ནས། །ཀཱི་ལ་ཡ་ཡི་དངོས་གྲུབ་མྱུར་ཐོབ་ཤོག །ཅེས་པ་འདིའང་ཀཱི་ལ་ཡ་ཡི་ལྷ་དགོངས་ལ་མོས་པ་ལམ་དུ་བྱེད་པ་པདྨ་གར་དབང་བདེ་བའི་རྡོ་རྗེས། རྗེ་བཙུན་སྒྲོལ་བའི་མགོན་པོས་བདུད་བཞི་མཐའ་དག་བཅོམ་ནས་འོད་གསལ་མཁའ་ཁྱབ་ལ་མངོན་བྱང་ཆུབ་པའི་དུས་ཆེན་དབོ་ཟླའི་དམར་ཕྱོགས་ཀྱི་རྒྱལ་བ་གསུམ་པར་དཔལ་སྤུངས་ཡང་ཁྲོད་དུ་བྲིས་པ་དགེ་ལེགས་འཕེལ།། །། དཔལ་ཆེན་རྡོ་རྗེ་ཕུར་པའི་ཚེ་འགུགས་ཀྱི་ཕྲིན་ལས་དྭངས་མ་བཅུད་བསྡུས།― LT30_Page_0357 ―
[མ་དཔེ་གཟིགས་ན་འདིར་གནོན།]
དཔལ་ཆེན་རྡོ་རྗེ་ཕུར་པའི་ཚེ་འགུགས་ཀྱི་ཕྲིན་ལས་དྭངས་མ་བཅུད་བསྡུས་ཞེས་བྱ་བ་བཞུགས་སོ། ། ― LT30_Page_0358 ―
[མ་དཔེ་གཟིགས་ན་འདིར་གནོན།]
དབང་བཅུ་དབང་དུ་མཛད་པའི་དཔལ། །བླ་མ་བཛྲ་ཀུ་མཱ་རར། །བཏུད་ནས་ཚེ་ཡི་བཅུད་འགུགས་པ། །སྤྲོས་ལ་དགའ་བའི་འདོད་འཇོར་བྲི། །འདིའི་བཅའ་གཞི་སྒྲུབ་པའི་དལ་གྱི་ནུབ་ཕྱོགས་སུ་བུམ་པ་མགུལ་ཆིངས་དམར་པོ་ཁ་རྒྱན་དང་བཅས་པ། བདུད་རྩི་ཨ་མྲྀ་ཏས་བཀང་ཞིང་མར་གྱི་རིལ་བུ་མི་གྲངས་བླུགས་པ། འབྲུ་ཟན་སྤོད་སྦྱར་ཆང་གིས་སྤྲུས་པའི་ཚེ་འབྲང་མདའ་དར་ཚེ་རིལ་སོགས་སྤྱི་ལྟར་བཤམ། །བདག་གི་ཐུགས་ཀ་ནས་འོད་ཟེར་འཕྲོས། མདུན་བསྐྱེད་དཔལ་ཆེན་གཙོ་འཁོར་ཚེའི་བདག་པོའི་ངོ་བོར་བཞུགས་པའི་ཐུགས་རྒྱུད་བསྐུལ་ཏེ་སྔགས་སྒྲ་དིར་དིར་སྒྲོག་ཅིང་འོད་ཟེར་དམར་པོ་ལྕགས་ཀྱུའི་དབྱིབས་ཅན་འཁོར་འདས་ཁྱབ་པར་འཕྲོས། རང་གི་བླ་ཚེ་འཁྱམས་པ་ཡར་བ་བརྐུས་པ་འཕྲོག་པ་ལ་སོགས་པ་ཐམས་ཅད་དང་། བརྟན་གཡོ་སྣོད་བཅུད་ཀྱི་དྭངས་མ། རྩ་གསུམ་རྒྱལ་བ་སྲས་དང་བཅས་པའི་ཚེའི་བྱིན་རླབས་ཐམས་ཅད་བསྡུས་ཏེ་བདག་དང་སྒྲུབ་རྫས་རྣམས་ལ་སིབ་སིབ་ཐིམ་པར་མོས་ལ་སྔགས་འདི་བཟླའོ། །ཨོཾ་བཛྲ་ཀཱི་ལི་ཀཱི་ལ་ཡ། ཛཿཧཱུྃ་བཾ་ཧོཿ ― LT30_Page_0359 ―
[མ་དཔེ་གཟིགས་ན་འདིར་གནོན།]
ཨཱ་ཡུ་ཛྙཱན་ཨཱརྴ་ཡ་ཛཿརུ་ལུ་རུ་ལུ་ཧཱུྃ་བྷྱོ་ཧཱུྃ༔ཨོཾ་ཨཱཿཧཱུྃཿབརྒྱ་སྟོང་ལ་སོགས་པའི་མཐར་མདའ་རར་གཡབ་ཅིང་འདི་སྐད་དོ། །ཧཱུྃ། དབུས་ནས་རང་བྱུང་གྲུབ་པའི་ལྷཿ དཔལ་ཆེན་རྡོ་རྗེ་ཁྲག་འཐུང་དང་༔ ཁྲོ་མོ་རྡོ་རྗེ་དབྱིངས་ཕྱུག་མཿ མཐིང་ནག་མི་འགྱུར་ནམ་མཁའི་མདོག༔ ཞལ་གཅིག་ཕྱག་གཉིས་ཁྲོ་བོའི་སྐུ༔ རྡོ་རྗེ་གདུག་པ་འདུལ་མཛོད་ཅིང་༔ བཻ་ཌཱུརྻ་ཡི་བུམ་པ་གཡོན༔ ནང་དུ་འཆི་མེད་བདུད་རྩིས་བཀང་༔ བཀྲ་ཤིས་དར་གྱི་མགུལ་བཅིངས་ཞིང་༔ དཔག་བསམ་ལྗོན་པས་ཁ་རྒྱན་ནས༔ སྟོང་དཔྱལ་བདེ་བའི་སྦྱོར་བ་ལས༔ བྱང་སེམས་མུ་ཏིག་ཁུ་འཕངས་འབེབས༔ རྡོ་རྗེ་ཁྲག་འཐུང་དཔག་མེད་ཀྱིས༔ སྟོང་གསུམ་སྟོང་གི་འཇིག་རྟེན་བཀང་༔ ཞལ་ནས་ཚེ་ཡི་སྔགས་བཟླས་ཤིང་༔ ལྷ་ཀླུ་གནོད་སྦྱིན་གཤིན་རྗེ་དང་༔ མཁའ་འགྲོའི་ལག་ནས་ཚེ་ཁུག་ཅིག༔ དྲོངས་ཤིག་དྲོངས་ཤིག་ཚེ་དྲོངས་ཤིག༔ ཚེ་བུམ་འདི་ལ་བྱིན་གྱིས་བརློབས༔ རིག་འཛིན་བསྒྲུབ་པའི་ཚེ་སྤེལ་ ― LT30_Page_0360 ―
[མ་དཔེ་གཟིགས་ན་འདིར་གནོན།]
ཅིག༔ སྐུ་གསུང་ཐུགས་ཀྱི་ཚེའི་དངོས་གྲུབ་སྩོལ༔ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཧཱུྃ༔ ཕྱོགས་བཞིར་རང་བྱུང་གྲུབ་པའི་ལྷ༔ དཔལ་ཆེན་བདེ་གཤེགས་རིན་ཆེན་དང་༔ པདྨ་ལས་ཀྱི་ཁྲག་འཐུང་རྣམས༔ ཁྲོ་མོ་དབྱིངས་ཕྱུག་རིགས་བཞིར་འཁྲིལ༔ དཀར་སེར་དམར་ལྗང་ལས་བཞིའི་མདོག༔ གཡས་པས་རང་རྟགས་ཕྱག་རྒྱ་བསྣམས༔ རང་མདོག་ཚེ་ཡི་བུམ་པ་གཡོན༔ ནང་དུ་འཆི་མེད་བདུད་རྩིས་བཀང་༔ བཀྲ་ཤིས་དར་གྱིས་མགུལ་བཅིངས་ཤིང་༔ དཔག་བསམ་ལྗོན་པས་ཁ་བརྒྱན་ནས༔ སྟོང་དཔྱལ་བདེ་བའི་སྦྱོར་བ་ལས༔ བྱང་སེམས་མུ་ཏིག་ཁུ་འཕངས་འབེབས༔ རིགས་བཞི་ཁྲག་འཐུང་དཔག་མེད་ཀྱིས༔ མན་གོང་གིས་འགྲེས་སོ། །ཧཱུྃ༔ དབུས་ནས་རང་བྱུང་གྲུབ་པའི་ལྷ༔ དཔལ་ཆེན་རྡོ་རྗེ་གཞོན་ནུ་ནི༔ ཞལ་གསུམ་ཕྱག་དྲུག་ཞབས་བཞི་བསྒྲད༔ གར་དགུའི་རོལ་པས་མནན་མཛད་ཅིང་༔ འཁོར་ལོ་རྒྱས་འདེབས་ཡུམ་དང་འཁྲིལ༔ ཡབ་ཡུམ་གཉིས་མེད་སྦྱོར་བའི་སྒྲས༔ དུས་གསུམ་སངས་རྒྱས་རབ་མཆོད་ནས༔ བྱང་ཆུབ་སེམས་ཀྱི་ཐིག་ལེ་ཡིས༔ མུ་ཏིག་ཁུལ་འཕངས་དབབ་ཏུ་གསོལ༔ ཚེ་བུམ་འདི་ལ་བྱིན་གྱིས་རློབས༔ ཨོཾ་བཛྲ་ཀཱི་ལི་ཀཱི་ལ་ཡཿསརྦ་བིགྷ་ནཱན་བཾ་ཧཱུྃ་ཕཊཿཧཱུྃ༔ ཆོས་དབྱིངས་ནམ་མཁའི་དཀྱིལ་འཁོར་ནས༔ སྲས་མཆོག་རྡོ་རྗེ་ཕུར་པ་སྟེ༔ སངས་རྒྱས་ཀུན་གྱི་ཐུགས་ཀྱི་སྲས༔ ཁྲོ་ ― LT30_Page_0361 ―
[མ་དཔེ་གཟིགས་ན་འདིར་གནོན།]
བོའི་ཚུལ་སྟོན་གདུག་པ་འདུལ༔ སྟོང་གསུམ་སྟོང་གི་འཇིག་རྟེན་འདིར༔ སྤྲུལ་པ་གྲངས་མེད་ཁྲོ་ཚོགས་ཀྱི༔ དགྲ་བགེགས་གདུག་པ་དབྱིངས་སུ་སྒྲོལ༔ མཁའ་མཉམ་བདེ་ཆེན་རྒྱས་པར་གྱིས༔ བྱང་སེམས་ཐིག་ལེ་མི་ཤིག་དབུས༔ མུ་ཏིག་ཁུ་འཕངས་དབབ་ཏུ་གསོལ༔ ཚེ་བུམ་འདི་ལ་བྱིན་གྱིས་རློབས༔ ཨོཾ་བཛྲ་ཀཱི་ལི་ཀཱི་ལ་ཡཱ༔ སརྦ་བྷིགྷ་ནཱན་བཾ་ཧཱུྃ་ཕཊ༔ ཧཱུྃ༔ ཕྱོགས་བཅུར་རང་བྱུང་གྲུབ་པའི་ལྷ༔ ཡེ་ཤེས་ཁྲོ་བོ་ཆེན་པོ་བཅུ༔ ཡུམ་ཆེན་རྡོ་རྗེ་ཁྲོ་མོ་བཅུ༔ སྤྲུལ་པ་ཁྲ་ཐབས་ཚོགས་རྣམས་ཀྱང་༔ མཐིང་ནག་ཞལ་གཅིག་ཕྱག་གཉིས་ཏེ༔ བགེགས་ཆེན་འདུལ་ཞིང་ཁྲོ་ཚུལ་སྟོན༔ གཡས་ན་ལྕགས་ཀྱུ་ཕུར་བུ་བསྣམས༔ གཡོན་ན་བདུད་རྩིའི་བུམ་པ་བསྣམས༔ ཐུགས་ཀའི་ཉི་ཟླ་ཁ་སྦྱོར་ནས༔ ཚེ་འཛིན་ཐུགས་ཀྱི་དཔལ་བེའུ་ལས༔ བྱང་སེམས་ཐིག་ལེའི་ཁུ་འཕངས་འབེབས༔ ཁུག་ཅིག་ཁུག་ཅིག་ཚེ་ཁུག་ཅིག༔ དྲོངས་ཤིག་དྲོངས་ཤིག་ཚེ་དྲོངས་ཤིག༔ ཕྱོགས་བཅུའི་གནས་ནས་ཚེ་ཁུག་ཅིག༔ ཚེ་བུམ་འདི་ལ་བྱིན་གྱིས་རློབས༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ཨོཾ་བཛྲ་ཀྲོ་ཏ་ཧཱུྃ་ཀ་ར་ཧཱུྃ༔ གརྫ་གརྫ་ཧཱུྃ་ཕཊ༔ ཨཱ་ཡུཛྙཱ་ན་ཛ༔ ཁྲོ་བཅུའི་སྔགས་འགྲེས་སྦྱར། བསྡུ་ན་ཀི་ལ་ཡའི་མཐར་ཨཱ་ཡུར་སོགས་སྦྱར་བས་མཐུས་སོ། ཧཱུྃ༔ ཤར་གྱི་ཕྱོགས་ནས་ཚེ་འགུག་མ༔ དཀར་མོ་ཞི་མཛད་པུ་ཤུད་མགོ༔ ལྕགས་ཀྱུ་ཚེ་ ― LT30_Page_0362 ―
[མ་དཔེ་གཟིགས་ན་འདིར་གནོན།]
བུམ་ལག་ན་བསྣམས༔ ལོག་འདྲེན་འགུགས་མཛད་སྒོ་སྲུང་མ༔ ཁུག་ཅིག་ཁུག་ཅིག་ཚེ་ཁུག་ཅིག༔ དྲོངས་ཤིག་དྲོངས་ཤིག་ཚེ་དྲོངས་ཤིག༔ དྲི་ཟའི་ལག་ནས་ཚེ་ཁུག་ཅིག༔ ཚེ་ཡི་དངོས་གྲུབ་འདི་སྩོལ་ཅིག༔ ༔ཨོཾ་བཛྲ་ཀཱི་ལི་ཀཱི་ལ་ཡ༔ བྷིནྡྷ་ཡ་བིང་བིང་ཧཱུྃ་ཕཊ༔ ཨཱ་ཡུཛྙཱ་ན་ཛ༔ ཧཱུྃ༔ ལྷོ་ཡི་ཕྱོགས་ནས་ཚེ་འགུགས་མ༔ སེར་མོ་ཀངྐའི་མགོ་བོ་ཅན༔ ཕྱག་ན་ཞགས་པ་ཚེ་བུམ་བསྣམས༔ ཚེ་དང་ལོང་སྤྱོད་རྒྱས་མཛད་མ༔ ཁུག་ཅིག༴ དྲོངས་ཤིག༴ གྲུལ་བུམ་ལག་ནས་ཚེ༴ ཨོཾ་བཛྲ་ཀཱི་ལི་ཀཱི་ལ་ཡ༔ ནམ་སནྟ་ཧྲི༚་ཧྲི༚་ཧཱུྃ་ཕཊ༔ ཨཱ་ཡུཛྙཱ་ཛ༔ ཧཱུྃ༔ ནུབ་ཀྱི་ཕྱོགས་ནས་ཚེ་འགུགས་མ༔ དམར་སེར་སྲིན་བྱའི་མགོ་བོ་ཅན༔ ལྕགས་སྒྲོག་ཚེ་ཡི་བུམ་པ་བསྣམས༔ ལོག་འདྲེན་དབང་མཛད་སྒོ་སྲུང་མ༔ ཁུག་ཅིག༔ དྲོངས་ཤིག༴ ཀླུ་ཡི་ལག་ནས༴ ཨཱོཾ་བཛྲ་ཀཱི་ལི་ཀཱི་ལ་ཡ༔ སུ་རུ་སུ་རུ་པྲ་སུ་རུ་པྲ་སུ་རུ་ཧཱུྃ་ཕཊ༔ ཨཱ་ཡུཛྙཱ་ན་ཛ༔ ཧཱུྃ༔ བྱང་གི་ཕྱོགས་ནས་ཚེ་འགུགས་མ༔ ལྗང་གུ་ཁྲ་ཡི་མགོ་བོ་ཅན༔ དྲིལ་བུ་ཚེ་བུམ་ལག་ན་བསྣམས༔ ལོག་འདྲེན་སྒྲོལ་མཛོད་སྒོ་སྲུང་མ༔ ཁུག་ཅིག་ཁུག་ཅིག་ཚེ་ཁུག་ཅིག༔ དྲོངས་ཤིག་དྲངས་ཤིག་ཚེ་དྲོངས་ཤིག༔ གནོད་སྦྱིན་ལག་ནས་ཚེ་ཁུག་ཅིག༔ ཨོཾ་བཛྲ་ཀཱི་ལི་ཀཱི་ལ་ཡ༔ མཱ་ར་ཡ་མཱ་ར་ཡ་ཧཱུྃ་ཕཊ༔ ༔ ― LT30_Page_0363 ―
[མ་དཔེ་གཟིགས་ན་འདིར་གནོན།]
ཨཱ་ཡུཿཨཱ་བེ་ཤ་ཡ་ཛ༔ ཞེས་བསྐུལ་ལ་སྔགས་འདིའང་ལན་ཇི་རིགས་བཟླའོ། །ཨོཾ་བཛྲ་ཀཱི་ལི་ཀཱི་ལ་ཡ་ཨོཾ་བྷྲཱུྃ་ཨཱཿབྷྲཱུྃ་ཧཱུྃ་བྷྲཱུྃ་སྭཱ་བྷྲཱུྃ་ཧཱ་བྷྲཱུྃ་ཛྙཱ་ན་ཨཱ་ཡུ་ཤེ་ཧཱུྃ་ཨཱཿ བརྒྱ་སྟོང་གང་འགྲུབ་མཐར་དངོས་གྲུབ་ལེན་པ་སོགས་དཀྱུས་ལྟར་བྱས་པས་ཚེའི་དབང་དང་དངོས་གྲུབ་ཐོབ་ནས་འཆི་མེད་རྡོ་རྗེའི་སྐུར་གྱུར་པ་མོས་ལ་ཤིས་བརྗོད་རྒྱ་ཆེར་བྱའོ། །ཚེ་དབང་སྒྲུབ་ཅིང་འགུགས་པའི་ལུང་། །རྒྱུད་ལས་གསུངས་པ་མཐའ་ཡས་ཀྱང་། །གྲུབ་པས་གནད་དུ་དྲིལ་བ་འདི། །རིང་འཚོར་འདོད་པས་བདུད་རྩིར་བསྟེན། །འགྲོ་ཀུན་འཆི་བདག་ལས་རྒྱལ་ཏེ། །འཆི་མེད་རྟག་པ་དམ་པའི་སྐུར། །ཡོངས་གྲུབ་རྡོ་རྗེ་སེམས་དཔའི་གནས། །བདེ་བླག་ཉིད་དུ་ཐོབ་གྱུར་ཅིག །ཅེས་པའང་ཕུར་དཀྱིལ་བདུད་འཇོམས་རོལ་པའི་ཆ་ལག་ཏུ། པདྨ་གར་དབང་བདེ་བའི་རྡོ་རྗེས་ཕུར་པ་ཐུགས་ཀྱི་ཉིད་ཁུ་ལས་ཁོལ་དུ་ཕྱུང་སྟེ་བསྡེབས་པ་གཞན་ལ་ཕན་པར་གྱུར་ཅིག། །།དགེ་ལེགས་འཕེལ།། །། བཅོམ་ལྡན་འདས་རྡོ་རྗེ་ཕུར་པའི་སྟོད་ལས་ཀྱི་དབང་བསྐུར་བའི་ལག་ལེན་གསལ་བར་བྱེད་པ་བདུད་རྩིའི་དོ་ཤལ།― LT30_Page_0365 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་རྡོ་རྗེ་ཕུར་པའི་སྟོད་ལས་ཀྱི་དབང་བསྐུར་བའི་ལག་ལེན་གསལ་བར་བྱེད་པ་བདུད་རྩིའི་དོ་ཤལ་ཞེས་བྱ་བ་བཞུགས་སོ། ། ― LT30_Page_0366 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་རྡོ་རྗེ་ཕུར་པའི་སྟོད་ལས་ཀྱི་དབང་བསྐུར་བའི་ལག་ལེན་གསལ་བྱེད་བདུད་རྩིའི་དོ་ཤལ་ཞེས་བྱ་བ། བླ་མ་དང་དཔལ་ཆེན་པོ་བྱིན་རླབས་ཀྱི་གཏེར་མཛོད་ལ་ཕྱག་འཚལ་ལོ། །སྲིད་གསུམ་སྲོག་ཏུ་ཕུར་བུའི་དབང་བསྐུར་ཞིང་། །དེ་ལ་ཡེ་ཤེས་རྒྱལ་ཐབས་སྤྱི་བླུགས་ཀྱི། །སྨིན་བྱེད་སྩོལ་མཛད་བླ་མ་དཔལ་ཆེན་པོར། །གུས་པས་འདུད་དོ་རྡོ་རྗེའི་དབང་བསྐུར་སྩོལ། །དབང་གི་རང་རྒྱུད་མ་སྨིན་པར། །ལམ་དུ་འཇུག་པའི་སྐལ་དམན་པས། །སློབ་མས་སློབ་དཔོན་བཟང་པོ་དང་། །དེས་ཀྱང་ཆོ་ག་ཚད་ལྡན་གཉེར། །དེའང་ཏནྟྲ་ཆེན་པོ་སྡེ་བཅོ་བརྒྱད་ཀྱི་ནང་ཚན་ཕུར་པ་རོལ་པའི་དཀྱིལ་འཁོར་དུ་སྐལ་ལྡན་གྱི་སློབ་མར་མངོན་པར་དབང་བསྐུར་བ་ལ། ― LT30_Page_0367 ―
[མ་དཔེ་གཟིགས་ན་འདིར་གནོན།]
སྒྲུབ་ཆེན་དབང་དང་འབྲེལ་བ་སྨིན་སློབ་མོས་སློབ་གང་རུང་གི་ལུགས་དང་། མ་འབྲེལ་བ་དབང་བསྐུར་ཙམ་གྱིས་སྣོད་ལྡན་དུ་སྒྲུབ་པའི་ལུགས་གཉིས་ཀྱི་གཙོ་བོ་ནི་སྔ་མ་ཡིན་ཀྱང་། །གནས་དུས་རྟེན་འབྲེལ་ཇི་བཞིན་ཚོགས་པར་དཀའ་བས། ཕྱི་མ་ཉིད་ལག་ལེན་བདེ་བའི་དབང་གིས་གསར་རྙིང་ཕལ་མོ་ཆེས་ཕྱག་བཞེས་སུ་མཛད་པ་ལྟར་འདིར་འཆད་པ་སྟེ། །དེ་ལ་གཉིས། རྩ་བ་འཁོན་ལུགས་ཀྱི་ཕྱག་བཞེས་སྤྱིར་སྨོས་པ། ཁྱད་པར་རྗེ་བཙུན་རིན་པོ་ཆེའི་ཡིག་ཆའི་གསལ་བྱེད་དམིགས་སུ་དབྱེ་བའོ། །དང་པོ་ལའང་རྒྱས་པ་རྡུལ་ཚོན་གྱི་ཕྱོགས་དང་། །བསྡུས་པ་རས་བྲིས་ཀྱི་ཕྱོགས་གཉིས་ལས། །དང་པོ་ནི། །ས་མི་སྣང་བ་ལས་སློང་བ། །སྔོན་འགྲོ་གཏོར་ ― LT30_Page_0368 ―
[མ་དཔེ་གཟིགས་ན་འདིར་གནོན།]
མ་བཏང་། མཆོད་པ་བྱིན་རླབས་དང་སྐྱབས་འགྲོ་ནས་བརྩམས། བདག་བསྐྱེད་བཟླས་པའི་བར་ས་ལོས་མཛད་པའི་བསྙེན་སྒྲུབ་གསལ་བྱེད་ལྟར་གྲུབ་ནས་གཏོར་འབུལ་བཤགས་པ་བཅས་བཏང་། ས་སྦྱོང་བ་ཕྱི་ནང་གསང་གསུམ། །བྱིན་གྱིས་བརླབ་པ་སྟེ་ས་ལྷ་སྟ་གོན། །ས་སྟ་གོན་ཞེས་བདུད་རྩི་ལྔས་ཆག་ཆག་འདེབས་པ། བློས་བཟུང་བ། ཕྱོགས་བཞིའི་གསོལ་བ་སྔོན་དུ་འགྲོ་བའི་སྟངས་སྟབས་ཀྱིས་བཟུང་བའི་མཐར་ཁྲོ་བཅུའི་སྟངས་སྟབས་ཙམ་མམ། སྔགས་འཆང་ཆེན་པོས་མཛད་པའི་འཆམས་དཔེ་སྣང་བ་འགྱུར་ཐུབ་བཞིན་རྩ་འཆམས་རྫོགས་པར་མཛད། ས་སྲུང་བ་ཁྲོ་བཅུའི་ཕུར་གདབ་སྲུབ་འཁོར་བཅས་པའི་རྗེས་སུ་སྲུང་མའི་བསྐང་བ་སོགས་དང་ཚོགས་རྗེས་ཆོག་མངོན་རྟོགས་འབྲིང་བསྡུས་གང་རུང་ལྟར་བཏང་། དེ་ནས་རྟེན་གྱི་མདུན་སྨན་རཀ་གཏོར་གསུམ་མཆོད་པ་བཤམ། དཀྱིལ་འཁོར་གྱི་གཞི་ལས་ཐིག་བཏབ་པའི་ལྷ་གནས་སུ་ཚོམ་བུ་མཆོད་པ་བཤམས་ནས་ལྷ་སྟ་གོན་ནི། སྔོན་གཏོར། གནས་ཡོ་བྱིན་རླབས། སྒྲུབ་ཐབས་འབྲིང་པོ་ལྟར་སྐྱབས་འགྲོ་ནས་དཀྱིལ་འཁོར་གསུམ་བསྐྱེད་པར། བཅོམ་ལྡན་འདས་རྡོ་རྗེ་སོགས་སྤྱན་འདྲེན་གདན་འབུལ་མཆོད་གསོལ་དབང་བསྐུར་རྒྱས་གདབ་པར་གྲུབ་ནས། ཚོམ་བུ་རྟེན་བརྟེན་པའི་དཀྱིལ་འཁོར་དུ་བསྐྱེད། འཁོར་བ་ཕུར་བུ་སོགས་སྤྱན་འདྲེན་ནས་རྒྱས་གདབ་བར། ― LT30_Page_0369 ―
[མ་དཔེ་གཟིགས་ན་འདིར་གནོན།]
བདག་མདུན་གཉིས་ཀར་ཐུན་མོང་དུ་མཆོད་པ་བྱིན་རླབས་སྔོན་དུ་འགྲོ་བའི་མཆོད་བསྟོད་རྒྱས་བསྡུས་འཚམས་པ། །གཙོ་འཁོར་བཟླས་པ་དང་དངོས་གྲུབ་བསྐུལ་ནས་སྙན་གསན་ཕབ། ལྷ་བུམ་བཅུ་བཞི། །ལས་བུམ་དང་བཅོ་ལྔར་རྩ་བའི་ལྷ་ང་གཅིག །འཁྱིལ་པ་ཡབ་ཡུམ་བསྐྱེད། །ཡེ་ཤེས་པ་སྔགས་ཙམ་གྱིས་གཞུག །འབྲུ་གསུམ་གྱིས་རྒྱས་གདབ། །ཐབས་ཀྱི་སྤྱོད་པས་དབང་བསྐུར། སྒེག་ཕྲེང་སོགས་མཆོད་བསྟོད་མདོར་བསྡུས་བཟླས་པའི་མཐར་མཆོད་བསྟོད་བཟོད་གསོལ་འོད་ཞུ་ཟིན་ནས། རྩ་གསུམ་གཏོར་བསྔོ་བསྐང་བ་སོགས་ཚོགས་དང་ཐུན་གཏོར་ཕུལ་ནས། བྱིན་རླབས་དང་མཆོད་བསྟོད་མདོར་བསྡུས་མཐར་ཡེ་ཤེས་ལྔ་ལྡན་གྱིས་དངོས་གྲུབ་བླང་། ཡིག་བརྒྱ་བརྗོད་ལ་སྟ་གོན་གྱི་ལྷ་ནམ་མཁར་བཏེགས། སླར་ཡང་མཆོད་བསྟོད་བྱས། གཏོར་མགྲོན་གཤེགས་གསོལ། བརྟན་བཞུགས་གང་འོས་དང་བདག་བསྐྱེད་ལ་དཀྱིལ་འཁོར་བསྡུ་ཞིང་གོ་ཆ་བགོས་ཏེ་བསྔོ་སྨོན་བཀྲ་ཤིས་བྱ། སློབ་དཔོན་གྱིས་ཐིག་ཚོན་བྱིན་རླབས་བྱས་ཏེ་ཡེ་ཐིག་གདབ། སློབ་མ་སྟ་གོན་རྫོགས་པར་བྱ་སྟེ་དེའི་ཚུལ་ནི། སྔགས་འཆང་ཆེན་པོ་ཀུན་དགའ་རིན་ཆེན་གྱིས་མཛད་པའི་དབང་གི་མཚམས་སྦྱོར་བློ་གསལ་དགའ་བ་སྐྱེད་བྱེད་ལྟར་རོ། །དངོས་གཞིའི་ཐོག་མར་རྡུལ་ཚོན་གྱི་དཀྱིལ་འཁོར་འབྲི། མཚན་མ་འགོད་པ་ཞེས་རྩ་ ― LT30_Page_0370 ―
[མ་དཔེ་གཟིགས་ན་འདིར་གནོན།]
བའི་ལྷ་ཕུར་བཅོ་ལྔ། །དམ་ཅན་དབང་ཕྱུག་བཅས་ཕུར་པ་བཞི་བཅུ་སྣོད་དུ་གཟུག །བདག་ཉིད་གཙོ་བོར་བསྐྱེད་བསྟིམས་རྒྱས་གདབ་བྱས་ནས། ཕུར་པ་རྣམས་བྱུག་བདུག་བྲབ་པ་སྔོན་འགྲོས་ལྷར་བསྐྱེད་བསྟིམས་རྒྱས་གདབ་བྱ། དཀྱིལ་འཁོར་གྱི་ལྷ་གནས་སུ་གདན་བསྐྱེད་ལ་ཕུར་གདན་བཀོད། དབུས་ནས་རང་བྱུང་སོགས་ཀྱིས་ཕུར་པ་རྣམས་རིམ་པར་འགོད་ལ་མདའ་དྲྭ་དུམ་ཐོད་སོགས་རྒྱན་འབུལ། དེ་ནས་བྱིན་གྱིས་བརླབས་པའི་ལས་ཀྱི་རིམ་པ། སྒྲུབ་ཁང་ནང་གི་ཕྱོགས་བཞིར་རྒྱལ་ཆེན་སྐུ་བཞག་པ་ལ་བསྐྱེད་བསྟིམ་མཆོད་བསྟོད་ཕྲིན་བཅོལ་གྱིས་ཐོ་གཟུག །ཕྱག་ལེན་ལྟར་བུམ་པ་དགོད། བསྐོར་བ་ཡིག་བརྒྱ་སོགས་ཀྱི་ལྷག་ཆད་བསྐང་། དབྱངས་རོལ་ཚིགས་བཅད་ཀྱིས་གསོལ་བ་གདབ་སྟེ་གཏེར་མའི་ཕྱོགས་སུ་བྱིན་འབེབས་བྱ་བ་དང་གཅིག་གོ། །སྤྱི་མཆོད་སྒོས་མཆོད་བཤམས་ལ། སྔོན་གཏོར་གནས་ཡོ་བྱིན་རླབས་ནས་སྒྲུབ་ཐབས་རྒྱས་པ་ལྟར་རིམ་པར་བཏང་བ་ལས་རྒྱུའི་ཧཱུྃ་དེ་དཀྱིལ་འཁོར་དབུས་སུ་བབས་པ་ལས་རང་ཉིད་དཀྱིལ་འཁོར་གྱི་གཙོ་བོར་གྱུར་པར་བསྒོམས་ནས་སྤྱན་འདྲེན་སྐབས་སྟ་གོན་ལྷའང་བསྟིམ། བཟླས་པའང་བདག་མདུན་ཐ་མི་དད་དུ་བྱ་བའི་བརྒྱུད་འདེབས་ཡན་སོང་མཚམས། རང་ཉིད་གཙོ་བོ་གཉིས་པར་ལོགས་སུ་བྱེ་ནས་དཀྱིལ་འཁོར་མཐར་བཞེངས་ནས་རིག་འཛིན་ ― LT30_Page_0371 ―
[མ་དཔེ་གཟིགས་ན་འདིར་གནོན།]
བསྐུལ་མཛད། ཕྱི་རོལ་དུ་ཕྱོགས་སྐྱོང་གཏོར་མ་བཏང་། དཀྱིལ་འཁོར་བསྐོར་ནས་ལྷག་ཆད་ཁ་སྐོང་། སྒྲུབ་མཆོད་ཞག་སྦྲེལ་གྱི་ནུབ་ཕྱི་མ་རྣམས་ལ། །དབྱངས་རོལ་ཚིགས་བཅད་ཀྱིས་གསོལ་གདབ་དང་བུམ་བསྐྱེད་བཟླས་པ་བཅས་བྱ། དེ་ནས་ཕྱི་ནང་གི་འཇུག་པ་སྔོན་ཏུ་འགྲོ་བའི་དབང་བཞི་ཡོངས་སུ་རྫོགས་པའི་བདག་འཇུག་བཞེས་ནས་སློབ་མ་ཟུང་དུ་མ་གྱུར་པ་རྣམས་ལ་དབང་རྫོགས་པར་བསྐུར། རྗེས་ཆོག་ནི། སྒྲུབ་མཆོད་ཞག་སྦྲེལ་གྱི་ནུབ་དང་པོ་རྣམས་ལ་སྲུང་མའི་གཏོར་བསྔོ། བསྐང་བ་བསྟོད་པ། རྡོ་རྗེའི་གླུ། བཀྲ་ཤིས། ཚོགས་བྱིན་རླབས་ནས་བར་པ་ཡན་སོང་རྗེས་སྤྱི་བསྟབ་ཀྱིས་ཐུན་གཏོར་དང་བཀྲ་ཤིས་སྲིང་ཞི་མ། མཆོད་བསྟོད་བསྡུས་པ། དངོས་གྲུབ་བླང་། བཟོད་གསོལ་དང་དཀྱིལ་འཁོར་བརྟན་བཞུགས། གཏོར་མགྲོན་གཤེགས་བསྡུ། གོ་བགོ་བསྔོ་སྨོན་བཀྲ་ཤིས་བྱ། ནུབ་ཐ་མར། ཚོགས་བར་པའི་རྗེས་དགྲ་བགེགས་བྲུབ་འཆམས་རྒྱས་པ་བྱ། ཕྱིར་ནང་ཚོགས་བར་པའི་རྗེས་ལྷག་མའི་ཆོ་ག་བཏང་། མདའ་དྲ་སོགས་དང་ཁྲོ་བཅུའི་ཕུར་པ་བསྡུ། པུ་ཏྲ་བསྐུལ་ནས་ཐོག་མར་སྲུང་གཏོར་རྣམས་འབུལ། བརྟན་མ་སྐྱོང་། ཕྲིན་ལས་བཅོལ། སྲིང་ཞི་མས་བཀྲ་ཤིས་བརྗོད། སྟེང་གི་ཤར་ལྷོར་ཕྱོགས་སྐྱོང་གཏོར་མ་བཏང་ལ་གཤེགས། ནང་དུ་ལོགས་ནས་དཀྱིལ་འཁོར་བསྐོར་ལ་ཡིག་བརྒྱ་ ― LT30_Page_0372 ―
[མ་དཔེ་གཟིགས་ན་འདིར་གནོན།]
བརྗོད། མཆོད་བསྟོད་མན་ཆད་སྔར་བཞིན་ལ་ཨ་ཀཱ་རོས་དཀྱིལ་འཁོར་དང་ཕུར་པ་སོགས་བསྡུ། དགྲ་བགེགས་བྲུབ་འཆམས་མི་བྱེད་ན་དེའི་མལ་དུ་ཚོགས་ཐ་མ་བསྒྲལ་མཆོད་སྒྲུབ་ཐབས་འབྲིང་པོ་ལྟར་མཛད་ནས་ལྷག་མ་ལ་འཇུག་པ་ཡིན་ནོ། །གཉིས་པ་རས་བྲིས་ཀྱི་ཕྱོགས་ལ། ས་ཆོག་ཡོངས་རྫོགས། ཐིག་ཚོན་བྱ་བ། ཐོ་འཛུག །བུམ་པ་འགོད་པ་སོགས་མི་མཛད་པས་མཚོན། ཕྱག་ལེན་རྒྱས་བསྡུས་དབྱེ་བ་ཕྱེད་པར་བྱ་དགོས་ཀྱི་སྤྱིའི་ཁོག་སྔ་མ་བཞིན་ནོ། །འདི་དག་ནི་ཨོ་རྒྱན་ཆེན་པོས་མཛད་པའི་དཀྱིལ་ཆོག་རྡོ་རྗེ་ལས་རིམ་རྩ་འགྲེལ་གྱི་དགོངས་པ། སྔོན་འགྲོ་ས་ཆོག་སྟ་གོན། དངོས་གཞི་དཀྱིལ་འཁོར་སྒྲུབ་པ་དང་དབང་བསྐུར་བ། རྗེས་ཀྱི་བྱ་བ་བཅས་ཀྱིས་བསྡུས་པ་སྟེ་ཁྱད་ཆོས་ལྷག་པོ་རྣམས་ལས་སྤྱི་འགྲོ་གསར་མའི་དཀྱིལ་འཁོར་དང་མཚུངས་སོ། །གཉིས་པ་ལའང་གཉིས། སྤྱིར་སྨོས་པ་དང་། བྱེ་བྲག་བཤད་པའོ། །དང་པོ་ནི། རྗེ་བཙུན་རིན་པོ་ཆེའི་ཡིག་ཆ་འདི་རྩ་བའི་རྒྱུད་གཞུང་གི་རྗེས་སུ་འབྲངས་ནས། །རོག་ལུགས་སོགས་དང་བསྟུན་ཅིང་། སྟ་གོན་རྣམ་བཞི་སོགས་རྡོ་རྗེ་ལས་རིམ་ནས་བཤད་མོད་ཀྱི། གསར་མ་དང་བསྟུན་དགོས་པའི་ངེས་པ་མེད་ཅེས་གསུངས་ཏེ་ལྷ་སྟ་གོན་སོགས་མི་འབྱུང་མོད། སྤྱིར་རྡོ་རྗེ་ཕུར་པ་ལ་ལུགས་སྲོལ་ཤིན་ ― LT30_Page_0373 ―
[མ་དཔེ་གཟིགས་ན་འདིར་གནོན།]
ཏུ་མང་བ་ལས་ལུགས་སྲོལ་འདི་འཁོན་ལུགས་ལ་བརྟེན་པར་སྣང་ཞིང་། དེའང་རྡོ་རྗེ་ལས་རིམ་ལ་གཙོ་བོར་བརྟེན་པར་སྣང་བ་དང་། རོག་ལུགས་སོགས་དང་གལ་ཏེ་བསྟུན་ན་དེ་དག་ལ་འཇུག་པའི་རིམ་པ་ཙམ་ལས། །སློབ་མ་སྟ་གོན་ཀྱང་མི་འབྱུང་བས་འཁོན་ལུགས་དང་སྦྱར་སླ་བ་ཞིག་མི་འབྱུང་བ་མ་ཟད། གང་ལས་བརྒྱུད་པའི་ཁུངས་ཀྱིས་ས་ལུགས་ཕྱག་ལེན་དང་སྦྱར་ན་ལེགས་སམ་སྙམ་དུ་རྣམ་པར་རྟོག་པས། དེ་ལྟར་ན་དཀྱིལ་ཆོག་བདུད་འཇོམས་རོལ་པ་དང་། སློབ་མ་དབང་བསྐུར་གྱི་ཡི་གེ་གཞིར་བཞག །ཕྲིན་ལས་ཀྱི་ཁོག་བསྡེབ་གོང་དུ་སྨོས་པས་རིགས་བསྒྲེས་པས་ལེགས་པར་འགྲུབ་བོ། །གཉིས་པ་ལག་ལེན་བྱེ་བྲག་ཏུ་བཤད་པ་ལ། རྡུལ་ཚོན་གྱི་དཀྱིལ་འཁོར་འགྲུབ་པའི་ཚེ་དཀྱིལ་ཆོག་དང་དབང་བསྐུར་གཉིས་ལས་ཇི་སྐད་གསུངས་པ་ཐམས་ཅད་ཚང་ལ་མ་འཁྲུལ་བར་ཉམས་སུ་ལེན་པ་ལས་འདོར་ལེན་བྱ་མི་དགོས་ཀྱང་དབང་བསྐུར་དཀྱུས་མ་ཙམ་ལ་འགྲུབ་དཀའ་བས། བྱ་སླ་བ་རས་བྲིས་ཀྱི་ཕྱོགས་ལྟར་ན། གནས་ཁང་གཙང་ཞིང་མཛེས་པར་བརྒྱན་པའི་གུང་དུ་རྟེན་དང་། སྟེགས་བུ་ཁེབས་ལྡན་ལ་རས་བྲིས་ཀྱི་དཀྱིལ་འཁོར་བཀྲམ། ཕུར་པ་ཆ་ཚང་བ་འཛོམ་ན་བཀོད་པའི་ཕྱག་ལེན་ཡོད་ཀྱང་སྤྲོས་པ་བསྡུས་པའི་སྐབས་འདིར་བསྙེན་ཕུར་ཙམ་གྱིས་ཀྱང་འཐུས་པས། དབུས་སུ་རྐང་གསུམ་མཐོ་བར་ ― LT30_Page_0374 ―
[མ་དཔེ་གཟིགས་ན་འདིར་གནོན།]
ཨེ་ཁྲོམ་ལ་བསྙེན་ཕུར་བཀོད། བུམ་པ་ལའང་ལྷ་གྲངས་འབྱོར་དཀའ་ན་གཅོ་བུམ་ཤར་སྒོའི་གཡོན་དང་། བསངས་ཆུའམ། ལས་བུམ་བྱང་དུ་བཞག །ཅོད་པན་ལྷོ། རྡོ་རྗེ་ནུབ། དྲིལ་བུ་བྱང་། རྡོར་དྲིལ་ཤར་སྒོའི་གཡས། རྗེས་གནང་ཆས་རྩེ་དགུ་དང་ཐོད་པ། རིགས་ལྔའི་ཕྱག་མཚན། །དུང་དཀར། གསང་དབང་ཐོད་པའི་བདུད་རྩི་ལ་ཨ་མྲྀ་ཏ་སྦྱར་བ། རིག་ཙཀ་བཅས་ཇི་ལྟར་བདེ་བར་བཞག་དཀྱིལ་འཁོར་གྱི་རྒྱབ་ཏུ་དཔལ་ཆེན་པོའི་གཏོར་མ་དང་། གཏོར་འབུལ་བཅུ་ཚར་རམ། དཀར་བདུད་ཕུར་སྲུང་གསུམ་ནི་མེད་དུ་མི་རུང་བས་ཕྲེང་ཚར་བཤམ་པའི་གཡས་གཡོན་སྨན་རཀ །དཀྱིལ་འཁོར་མདུན་ཏུ་ཆུ་གཉིས་ཉེར་སྤྱོད་བཅས། སྔོན་འགྲོ་གཏོར་མ། ཚོགས་ཀྱི་ཡོ་བྱད། བརྟན་མའི་གཏོར་མ་སོགས་འདུ་བྱ། སློབ་མ་སྟ་གོན་གྱི་རྫས་སོ་ཤིང་དང་མཎྜལ་ཚོམ་བུ་ལྔ་པ། སྲུང་སྐུད་ཁ་དོག་ལྔ་བསྒྲིལ། ཁྱོར་ཆུ། ཀུ་ཤ །མཆོད་པའི་མཎྜལ་བཅས་ལོགས་སུ་ཉེ་བར་བསྔོག སློབ་དཔོན་མདུན་ཏུ་སྲས་མཆོག་ཕུར་པ། བྱུགས་བདུག་བྲབ་གསུམ་རྫས། ཌཱ་མ་རུ། རྡོར་དྲིལ། ནང་མཆོད་སོགས་ཉེ་བར་མཁོ་བའི་ཡོ་བྱད་ཚོགས་པ་དང་། ཚིག་བདུན་གསོལ་འདེབས། སྤྱིའི་བརྒྱུད་འདེབས། དཀྱིལ་ཆོག་ལྟར་སྔོན་འགྲོ་བཏང་། །གནས་ཡོ་བྱིན་རླབས། སྐྱབས་སེམས་ ― LT30_Page_0375 ―
[མ་དཔེ་གཟིགས་ན་འདིར་གནོན།]
ཡིག་བརྒྱ། ཏིང་འཛིན་གྱི་དཀྱིལ་འཁོར་བསྡུས་པ་བསྒོམ་བཟླས་གྲུབ་རྗེས། ཕུར་ཁྲོམ་ཡོད་ན་ཕུར་པ་བྱིན་རླབས་དང་ཕུར་བཤར་འདེབས་པ་ལ་འཇུག་དགོས་ཀྱང་དཀྱུས་ལ་མི་འཛོམ་པའི་དབང་དུ་བྱས་ནས། བུམ་པ་བྱིན་རླབས་བཟླས་པ་ཆོད་པར་བྱ། ལས་བུམ་མམ་དུང་ཞལ་ལ། རྃ་ཡྃ་ཁྃ་གིས་བསང་སྦྱང་། སྟོང་པའི་ངང་ལས་བསང་ཆུའི་སྟེང་དུ་ཉི་མ་ལ་གནས་པའི་ཧཱུྃ་ཡིག་འོད་ཟེར་འཕྲོ་འདུས་ཡོངས་སུ་གྱུར་པ་ལས། ཁྲོ་རྒྱལ་བདུད་རྩི་འཁྱིལ་བ་ལྗང་ནག་ཞལ་གསུམ་ཕྱག་དྲུག་རང་སྣང་གི་ཡུམ་དང་བཅས་པའི་སྐུར་གྱུར། རྡོ་རྗེ་རྩེ་གཅིག་པའི་ཕྱག་རྒྱས་རེག་པའི་ཚུལ་གྱིས། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ། ཞེས་བཟླ། ཁྲོ་བོ་བདུད་རྩི་འཁྱིལ་པའི་རང་བཞིན་གྱི་ཆུའི་རྡུལ་ཕྲ་རབ་ཏུ་གྱུར་པར་མོས། དཀྱིལ་འཁོར་ལ་ཡོལ་བ་བཏང་ལ་སློབ་མ་སྟ་གོན་བྱ་སྟེ། ཟུང་དུ་མ་གྱུར་པའི་སློབ་མ་རྣམས་སྒོའི་ཕྱི་རོལ་དུ་བསང་ཆུས་ཁྲུས་བྱས། གུ་གུལ་བདུག །ནང་དུ་འཁོད། མེ་ཏོག་བཀྱེ་བསྡུ་བྱས་ལ། སློབ་དཔོན་གྱིས། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་དཔལ་ཆེན་རྡོ་རྗེ་གཞོན་ནུའི་གོ་འཕང་ལ་འགོད་པར་བྱ། དེའི་ཆེད་དུ་གསང་སྔགས་རྡོ་རྗེ་ཐེག་པའི་ལམ་གྱི་འཇུག་སྒོ་དང་པོ་མངོན་པར་དབང་བསྐུར་བ་ནོས་ནས་དོན་ཉམས་སུ་ལེན་པར་བགྱིའོ་སྙམ་པ་བྱང་ཆུབ་ ― LT30_Page_0376 ―
[མ་དཔེ་གཟིགས་ན་འདིར་གནོན།]
མཆོག་ཏུ་སེམས་བསྐྱེད་པའང་། སློབ་དཔོན་ལ་ཡི་དམ་དངོས་སུ་འདུ་ཤེས་པས་གུས་པ་དང་། རང་གི་སྒོ་གསུམ་སྡོམ་ཞིང་རྣམ་པར་མི་གཡེང་བ་ལ་རྩེ་གཅིག་པའི་ཡིད་དང་ལྡན་པ་སྟེ་ཆོས་ཉན་པའི་ཀུན་ཏུ་སྤྱོད་པ་དང་བཅས་ནས་གསན་འཚལ། དེ་ཡང་ཁམས་གསུམ་འཁོར་བ་ནི་མེའི་འོབ་ལྟ་བུ་སྟེ་གང་ལྟུང་བ་ཐམས་ཅད་ཚིག་པའོ། །ཉོན་མོངས་པ་ནི་སྤུ་གྲིའི་སོ་དང་མཚུངས་ཏེ་གང་ལ་རེག་པས་གཅོད་པའོ། །འདོད་པ་ནི་དུག་གི་ལོ་མ་ལྟ་བུ་སྟེ་ཡུན་རིང་དུ་ཕུང་ཁྲོལ་ཆེན་པོ་བསྐྱེད་པའོ། །སྐྱེས་བུའི་ཚེ་ཡང་འབབས་ཆུའམ་གློག་དང་འདྲ་སྟེ་མི་བརྟན་ཅིང་མྱུར་དུ་འཇིག་པའོ། །གཏན་ཏུ་བདེ་བ་ནི་མི་གནས་པའི་མྱང་འདས་ཡིན་པས་དེའི་གོ་འཕང་དོན་དུ་གཉེར་དགོས་ལ། དེ་ཐོབ་པར་བྱེད་པའི་ཐབས་ཐུན་མོང་མ་ཡིན་པ་དམ་པའི་ཆོས་དང་། དེའི་ཡང་ཁྱད་པར་ཚེ་གཅིག་གིས་བླ་ན་མེད་པའི་བྱང་ཆུབ་མངོན་ཏུ་བྱེད་ནུས་པ་གསང་སྔགས་རྡོ་རྗེ་ཐེག་པ་ལ་འཇུག་དགོས། དེ་ལ་འོ་སྐོལ་གྱི་སྟོན་པ་ཚད་མེད་པའི་ཐུགས་རྗེ་དང་ལྡན་པ་ཐབས་མཁས་པ་ཆེན་པོ་མངའ་བ་དེས། གདུལ་བྱ་སོ་སོའི་དབང་པོ་དང་མཐུན་པར་ཆོས་ཀྱི་སྒོ་མོ་བསམ་གྱིས་མི་ཁྱབ་པ་ཞིག་བསྟན་པ་དེ་ཐམས་ཅད་སྤང་གཉེན་ནམ་ལྟ་སྤྱོད་ཙམ་གྱི་སྒོ་ནས་མདོར་བསྡུ་ན་ཐེག་པ་རིམ་པ་གསུམ་ལས་ཕྱེས་པའི་དགུ་ ― LT30_Page_0377 ―
[མ་དཔེ་གཟིགས་ན་འདིར་གནོན།]
དང་། སྡེ་སྣོད་བཞིར་འདུ་བ་གསང་སྔགས་སྔ་འགྱུར་བའི་རང་བཞེད་ཐུན་མོང་མ་ཡིན་པ་སྟེ། །སྤྱི་མདོ་དགོངས་པ་འདུས་པ་ལས། །དོན་དམ་ངེས་པའི་ཐེག་པ་ནི། །གསུམ་དུ་ངེས་པར་བསྟན་པ་སྟེ། །ཀུན་འབྱུང་འདྲེན་དང་དཀའ་ཐུབ་རིག །དབང་སྒྱུར་ཐབས་ཀྱི་ཐེག་པའོ། །ཞེས་གསུངས་པའི་ཀུན་འབྱུང་འདྲེན་པའི་ཐེག་པ་ལ། ཉན་ཐོས། རང་རྒྱལ། བྱང་སེམས་གསུམ། དཀའ་ཐུབ་རིག་བྱེད་ཀྱི་ཐེག་པ་ལ། ཀྲི་ཡ། ཨུབྷ། ཡོ་ག་གསུམ། དབང་སྒྱུར་ཐབས་ཀྱི་ཐེག་པ་ལ་མ་ཧཱ། ཨ་ནུ། ཨ་ཏི་གསུམ་དུ་དབྱེ་ཞིང་། དེའང་བསྡུ་ན། ཀུན་བྱེད་རྒྱལ་པོ་ལས། །ཐེག་པ་རྣམ་པ་གཉིས་ཡིན་ཏེ། །མཚན་ཉིད་རྒྱུའི་ཐེག་པ་དང་། །འབྲས་བུ་རྡོ་རྗེའི་ཐེག་པའོ། །ཞེས་གཉིས་སུའང་འདུ་ཞིང་། ཀུན་བྱེད་ཀྱི་དགོངས་པ་ཤིང་རྟ་ཆེན་པོ་སངས་རྒྱས་གསང་བས། སངས་རྒྱས་མཆོག་གིས་ཆོས་གསུངས་པ། །འདུལ་བ་མདོ་སྡེ་མངོན་པ་དང་། །རིག་པ་འཛིན་པའི་སྡེ་བཞིར་གནས། །ཞེས་སྡེ་སྣོད་བཞིར་དབྱེ་བ་སོགས་རྒྱུད་ལུང་རྣམས་ལས་རྒྱ་ཆེར་གསུངས་པ་ལས། ད་ལམ་སྐབས་སུ་བབས་པ་འདི་ནི། །རྒྱུ་མཚན་ཉིད་ཀྱི་ཐེག་པ་ལས། ལམ་བདེ་བ་དང་། དུས་མྱུར་བ་དང་། ཐབས་ལ་མཁས་པ་སྟེ་ཁྱད་པར་གསུམ་གྱིས་འཕགས་པའི་འབྲས་བུ་རྡོ་རྗེ་ཐེག་པའམ། རིག་པ་འཛིན་པའི་སྡེ་ ― LT30_Page_0378 ―
[མ་དཔེ་གཟིགས་ན་འདིར་གནོན།]
སྣོད་ཡིན། དེའི་ནང་གསེས་ཕྱི་རྒྱུད་སྡེ་གསུམ་ལས་ཁྱད་པར་དུ་མས་འཕགས་པའི་ནང་རྒྱུད་བསྐྱེད་རྫོགས་རྫོགས་ཆེན་གྱི་བརྗོད་བྱ་གཙོ་བོར་གྱུར་པ་ལས་ཕྱེས་ཏེ། རིག་པའི་ཆོ་འཕྲུལ་དུ་སྣང་བ་མ་ཧཱ་ཡོ་ག། རིག་པའི་རྩལ་དུ་སྣང་བ་ཨ་ནུ་ཡོ་ག །རིག་པ་རང་སྣང་བ་ཨ་ཏི་ཡོ་ག་གསུམ་དུ་ཡོད་པ་ལས། འཇམ་དབྱངས་མཁོན་སྟོན་ཆེན་པོ་རྣམས་ཀྱིས་བསྐྱེད་ཚུལ་ལ་དགོངས་ཏེ་ཨ་ནུ་ཡོ་གར་བཞེད་ཅིང་། སྔ་འགྱུར་རང་ལུགས་ཀྱིས་རྒྱུད་རྣལ་འབྱོར་ཆེན་པོ་སྟེ་མ་ཧཱ་ཡོ་ག །དེ་ལའང་རྒྱུད་སྡེ་དང་སྒྲུབ་སྡེ་གཉིས་ལས་སྔ་མ། ཏནྟྲ་ཆེན་པོ་སྡེ་བཅོ་བརྒྱད་ཀྱི་ཡ་གྱལ། ཕུར་པ་རོལ་པའི་རྒྱུད་ལ་བརྟེན་པའི་མན་ངག །འཇམ་དབྱངས་ས་སྐྱ་པའི་ཡབ་ཆོས། གསང་བདག་སྒྲོལ་བའི་མགོན་པོའི་ཐུགས་དམ་ལྷག་པའི་ལྷ་ཐུན་མོང་མ་ཡིན་པ་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་དུ་གཞུག་པ་ལ། ཐོག་མར་སྔོན་འགྲོ་སྟ་གོན་གྱི་ཆོས་རྣམས་ཞུ་བའི་ཡོན་ཏུ་མཎྜལ་འབུལ་འཚལ། ཞེས་བཤད་ལ་མཎྜལ་ཚོམ་བུ་བདུན་མ་འབུལ་དུ་གཞུག །བླ་མ་དཔལ་ཆེན་རྡོ་རྗེ་གཞོན་ནུ་དངོས་ཡིན་སྙམ་པའི་མོས་གུས་དང་ལྡན་པས་ཕྱག་སྙིམས་པ་མེ་ཏོག་དང་བཅས་ཐལ་མོ་སྦྱར་ལ་གསོལ་བ་འདེབས་པ་འདིའི་རྗེས་ཟློས་མཛོད། སྐྱེ་རྒན་དང་སོགས་གསུམ། དེ་ལྟར་གསོལ་བ་གདབ་པ་ ― LT30_Page_0379 ―
[མ་དཔེ་གཟིགས་ན་འདིར་གནོན།]
ལ་སྐབས་ཕྱེ་སྟེ་གནང་བ་སྦྱིན་པ་དང་སྤྲོ་བ་བསྐྱེད་པ་ནི་འདི་ལ་གསན་འཚལ། བུ་ཚུར་གསང་བའི་སོགས་དང་། རྫོགས་པའི་སངས་རྒྱས་སོགས་བརྗོད། ཁྱེད་རང་རྣམས་ཀྱིས་མདུན་གྱི་ནམ་མཁར་བླ་མ་དང་གཉིས་སུ་མེད་པའི་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་ལ། རྩ་བ་གསུམ་གྱི་ལྷ་ཚོགས་སྤྲིན་གཏིབས་པ་ལྟ་བུས་བསྐོར་ཏེ་བཞུགས་པའི་སྤྱན་སྔར། སྡིག་པ་བཤགས་ཤིང་དགེ་བ་ལ་ཡི་རང་བ། སྐྱབས་སུ་འགྲོ་ཞིང་བྱང་ཆུབ་མཆོག་ཏུ་སེམས་བསྐྱེད་པ་རྣམས་ཚུལ་བཞིན་ཏུ་བགྱིའོ་སྙམ་པས་འདིའི་རྗེས་ཟློས་མཛོད། །བདག་གི་སྡིག་པ་ནས། བསྐྱེད་པར་བགྱི་བར་ལན་གསུམ། དེ་ནས་རིགས་ལྔ་སྤྱི་དང་བྱེ་བྲག་གིས་བསྡུས་པ་སོགས་སྔགས་ཀྱི་ཐུན་མོང་མ་ཡིན་པའི་དམ་ཚིག་དང་སྡོམ་པ་རྣམས་གཟུང་བར་བགྱིའོ་སྙམ་པས་འདིའི་རྗེས་ཟློས་མཛོད། །བདེ་གཤེགས་རྒྱལ་བ་སོགས་གསུམ། མཎྜལ་ཚོམ་བུ་ལྔ་པ་མདུན་ཏུ་བཞག་ལ། ཁྱེད་རང་རྣམས་ཀྱི་སོགས། བི་ཤུདྡྷེའི་སྐབས་བདུད་རྩིའམ་བསངས་ཆུ་གཏོར། བགེགས་བསྐྲད་སོགས་གཞུང་ལྟར་ལ། གནས་མཛོད་ཅིག །སྲུང་སྐུད་སྣ་ལྔ་བུམ་ཆུ་དང་ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་ཧཱུྃ་ལས་བྱུང་བའི་སྲད་བུ་ཁ་དོག་སྣ་ལྔ་པ་རྡོ་རྗེ་སློབ་མ་རྣམས་ཀྱི་ལུས་ཚད་དང་མཉམ་པ་ ― LT30_Page_0380 ―
[མ་དཔེ་གཟིགས་ན་འདིར་གནོན།]
ལྔ་བསྒྲིལ་བྱས་པ་ལ་རྡོ་རྗེའི་མདུད་པ་ལྔ་བཏབ། དེ་ལ་ཧཱུྃ་ཨོཾ་སྭཱ་ཨ་ཧཱ་ལྔ་བཀོད་པ་དེ་ལས་འོད་ཟེར་འཕྲོས་པས། རང་བཞིན་གནས་ནས། དེ་བཞིན་གཤེགས་པ་ལྔ་བསམ་གྱིས་མི་ཁྱབ་པ་སྤྱན་དྲངས་ཏེ་ཡིག་འབྲུ་རྣམས་ལ་ཐིམ། དེ་རྣམས་འོད་དུ་ཞུ་ནས་སྲད་བུ་ལ་ཐིམ་པས་རིགས་ལྔའི་རང་བཞིན་ལྷ་སྟ་གོན་གྱི་དགོངས་མོ་ཡིན་ན་སྟ་གོན་གྱི་ལྷ་ཚོགས་ཀྱི་ཐུགས་ཀ་ནས་ཟེར་གཞན་དཀྱུས་བཞིན། གྱི་སྲད་བུར་གྱུར། ཧཱུྃ་ཨོཾ་སྭཱ་ཨ་ཧཱ་ལན་གསུམ་ཙམ་བཟླས། དེ་ལྟར་མངོན་པར་བསྔགས་པའི་སྲད་བུ་དེ་ཉིད་སྐྱེས་པ་རྣམས་ཀྱི་དཔུང་པ་གཡོན། བུད་མེད་རྣམས་ཀྱི་གཡས་སུ་བཅིངས་པ་ལ་བརྟེན་ནས་བར་ཆད་ཐམས་ཅད་སྲུང་བའི་མོས་པ་མཛོད། ཧཱུྃ་དང་ཀཱི་ལ་ཡ་བརྗོད་ལ་བཅིངས། མདུད་པར་བསངས་ཆུས་བཏབ་ལ་འཁྱིལ་པའི་སྔགས་བརྗོད། རྡོ་རྗེ་སྲུང་བའི་སོགས། སོ་ཤིང་སྔགས་ལན་གསུམ་གྱིས་བྱིན་གྱིས་བརླབས། སློབ་དཔོན་མདུན་དུ་ས་དཀར་གྱིས་པདྨ་འདབ་བརྒྱད་བྲིས་ལ་སྔགས་ཀྱིས་སོ་ཤིང་གཏད། སོ་ཤིང་རྩེ་མོས་སོ་ནེ་མ་གྱིས་དྲུད་པ་ལ་བརྟེན་ནས་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་སྨན་པ་མཁས་པས་སྐྱུགས་སྨན་བཏང་བ་བཞིན་སྐྱུགས་པར་མོས། གྲལ་རིམ་བཞིན་བཞེངས་ནས་པདྨ་འདབ་མ་བརྒྱད་པ་ ― LT30_Page_0381 ―
[མ་དཔེ་གཟིགས་ན་འདིར་གནོན།]
འདིའི་སྟེང་དུ་ཞབས་བཞག །སློབ་དཔོན་ལ་ཞལ་ཕྱོགས་པའི་ཚུལ་གྱིས་ཚིགས་བཅད་འདིའི་རྗེས་ཟློས་དང་བཅས་ཏེ་ཚོམ་བུའི་དཀྱིལ་འཁོར་ལ་འདོར་བཞུ། །ངག་གི་ཉེས་པ་བསལ་སོགས་རྗེས་ཟློས་དང་། སོ་ཤིང་རིམ་པར་དོར་ཟིན་ནས། དེ་ལྟར་སོ་ཤིང་གི་རྩེ་མོ་དེ་ཉིད་རང་དང་བླ་མ་ལ་བསྟན་ན། ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་འགྱུར་ལ། ཤར་དུ་བསྟན་ན་ཞི་བ། ལྷོར་མངོན་སྤྱོད། ནུབ་ཏུ་དབང་། བྱང་དུ་རྒྱས་པ། སྟེང་དུ་མཁའ་སྤྱོད། འོག་ཏུ་ས་འོག་གི་གཏེར་མཐོང་བ་ལ་སོགས་པ། མཚམས་སུ་བསྟན་ན་བུམ་པ་བཟང་པོ་ལ་སོགས་པའི་དངོས་གྲུབ་ཅི་རིགས་ཐོབ་པར་འགྱུར་རོ། །དུང་ཆོས་སུ་དྲི་བཟང་དང་སྦྱར་བའི་ཚུལ་ཀཱི་ལ་ཡ་དང་འབྲུ་གསུམ་ལན་གསུམ་བཟླས་པས་བྱིན་བརླབས། དྲིའི་ཆབ་འདི་ཉིད་ཁྱེད་རང་རྣམས་ཀྱི་ཁྱོར་བ་གཡས་པར་ལན་གསུམ་བྱིན་པར་བརྟེན་ནས་སྡིག་པ་དང་སྒྲིབ་པ་ཐམས་ཅད་བྱང་ཞིང་དག་པའི་མོས་པ་མཛོད། །ཅེས་དང་། དྲིའི་ཆུ་ཁྱོར་བར་ལན་གསུམ་སྦྱིན་ཞིང་། ཨོཾ་ཧྲཱིཿབི་ཤུདྡྷེ་སརྦ་དྷརྨ༔སརྦ་པཱ་པཾ་ནིཥྩ་སྱ་སཾ་ཤོ་དྷ་ཡ་སརྦ་བི་ཀ་ཝན་ཨ་བ་ན་ཡ་ཧཱུྃ། ཞེས་བརྗོད་ཅིང་ཐམས་ཅད་ལ་བྱིན་ནས། ཟབ་མོའི་ཆོས་བཤད་པའི་སྒོ་ནས་སྤྲོ་བ་སྐྱེས་པ་ནི་འདི་ལ་གསན་པས་ཁྱབ་པར་གདའ། ཡོད་མེད་དག་ལས་སོགས། སྤངས་པ་ཡིན། དེ་ལྟར་ཁྱེད་ ― LT30_Page_0382 ―
[མ་དཔེ་གཟིགས་ན་འདིར་གནོན།]
རང་རྣམས་རྩ་བའི་ལྷ་རྡོ་རྗེ་སེམས་དཔར་གསལ་བས་ལུས་དག་པར་བྱས། །སོ་ཤིང་དང་དྲི་ཆུས་ངག་དག་པར་བྱས། རྟོག་མེད་ཀྱི་དོན་བསམས་པས་ཡིད་དག་པ་དང་། །སྒོ་གསུམ་བྱིན་གྱིས་བརླབ་པ་ཡིན་ཅིང་། སླར་ཡང་འདི་ལ་སྙན་གཏོད་པར་ཞུ། འཇིག་རྟེན་ཏུ་ནི་སོགས་བརྗོད། འབྲུ་གསུམ་ལན་བདུན་བརྗོད་པས་ཀུ་ཤ་བྱིན་རླབས། མངོན་པར་བསྔགས་པའི་ཀུ་ཤའི་ཆུན་པོ་ཆུང་བ་འདི་ཉིད་སྔས་ཀྱི་དོན་དུ་ཕྱག་གཡས་དང་། ཆེ་བ་འདི་ཉིད་སྟན་གྱི་དོན་ཏུ་ཕྱག་གཡོན་ཏུ་བཟུང་མཛོད། འབྲུ་གསུམ་གྱིས་གཏད། བུ་ཀྱེ་སང་ནས་སོགས། ཀུ་ཤ་སྔས་དང་སྟན་ཏུ་གྱིས་ལ་དད་མོས་དགེ་བའི་བསམ་པས་བླ་མ་དང་དཀྱིལ་འཁོར་གྱི་ཕྱོགས་སམ། ཤར་དང་བྱང་དུ་ཕྱོགས་པའི་སེང་གེའི་ཉལ་སྟབས་ཀྱིས་ཉལ་བས་དངོས་གྲུབ་དང་མཐུན་པའི་རྨི་ལམ་གྱི་མཚན་མ་གང་ཡང་རུང་བ་ཞིག་འབྱུང་བར་འགྱུར་བས་ཐུགས་ལ་གཅག་འཚལ། །དེས་སྔོན་འགྲོ་སྟ་གོན་གྱི་ཆོས་རྣམས་ལེགས་པར་ཕུལ་གྲུབ་པ་ཡིན་པས་དགའ་བ། སྐྱེད་མཛོད། བསོད་ནམས་འདི་ཡིས་སོགས་བརྗོད་ལ་གྲོལ། དེ་ནས་གཏོར་ཆོག་རྒྱས་བསྡུས་གང་རུང་དང་། ཕྱོགས་སྐྱོང་གཏོར་མ་བཏང་། གོ་བགོ་ལུས་སྲུང་བསྔོ་སྨོན་བྱས་པས་ཉིན་དང་པོ་འགྲུབ།། ༈ །།ཉིན་གཉིས་པར་ཚིག་བདུན་དང་སྤྱིའི་བརྒྱུད་འདེབས། སྔོན་ ― LT30_Page_0383 ―
[མ་དཔེ་གཟིགས་ན་འདིར་གནོན།]
གཏོར། གནས་ཡོ་བྱིན་རླབས། །སྐྱབས་སེམས་ཡིག་བརྒྱ་གྲུབ་ནས། ཚད་མེད་བསྒོམ་པ་དང་། མཚམས་གཅོད་ནས་བཟུང་མཐར་ཆགས་སུ་བཏང་། དངོས་གཞི་དཀྱིལ་འཁོར་གསུམ། བདག་མདུན་དབྱེར་མེད་ཚུལ་གྱིས་བསྒྲུབ། །བཟླས་པ་གཞི་བསྟོད། བརྒྱུད་འདེབས་བཅས་གྲུབ་ནས་གཏོར་ཆོག་སྤྱི་དང་ཁྱད་པར་དཀར་བདུད་ཕུར་སྲུང་གཏོར་འབུལ་དང་། གྲུབ་ན་ཕྱོགས་སྐྱོང་གཏོར་མ་བཏང་ལ་བདག་འཇུག་རྒྱས་པ་ལེན་པའམ། མི་སྤྲོ་ན་སྔ་འགྱུར་རྒྱུད་སྡེ་སྤྱི་ལུགས་རིག་པའི་མེ་ཏོག་དོར། དཀྱིལ་འཁོར་ལ་ཡོལ་བ་བཏང་། དེ་ནས་སྟ་གོན་བྱས་པའི་སློབ་མ་རྣམས་སྒོའི་ཕྱི་རོལ་དུ་ཁྲུས་བྱ། གུ་གུལ་གྱིས་བདུག་ནང་དུ་འཇུག་པའི་སྐབས་སློབ་དཔོན་གྱིས་དྲག་རོལ་ཡུངས་ཐུན་བཅས་ཀཱི་ལ་ཡ་བཟླས་པས་བགེགས་བསྐྲད། གུས་པ་བཅས་འཁོད་པ་ལ་མེ་ཏོག་བཀྱེ་བསྡུ་བྱར་གཞུག་སྟེ་སྟ་གོན་སྐབས་ལྟར་སེམས་བསྐྱེད་དང་ཆོས་ཉན་པའི་ཀུན་སྤྱོད་གསལ་གདབ་ལ། དེའང་གངས་ཅན་ལྗོངས་འདིར་སྔ་འགྱུར་དང་ཕྱི་འགྱུར་གྱི་དབང་གིས་གསང་སྔགས་གསར་རྙིང་གཉིས་ཞེས་རབ་ཏུ་གྲགས་པ་ལས། འདིར་རོང་ཟོམ་ཆོས་ཀྱི་བཟང་པོའི་བཞེད་པས་སྤྱན་འདྲེན་པ་པོ་ཡོན་བདག་ཆོས་བསྒྱུར་བའི་གནས། སྒྱུར་བྱེད་ལོ་ཙཱ། བསྒྱུར་མཁན་པཎྜི་ཏ། ཞུ་རྟེན་མེ་ཏོག །བསྒྱུར་བྱའི་ཆོས་ཏེ་ཁྱད་པར་དྲུག་གིས་འཕགས་པ་གསང་སྔགས་རྙིང་མའི་བཀའ་སྲོལ་དེ་ ― LT30_Page_0384 ―
[མ་དཔེ་གཟིགས་ན་འདིར་གནོན།]
ལའང་། ཞལ་ནས་གསུངས་པའི་བཀའ་མ། རྗེས་སུ་གནང་བའི་གཏེར་མ། བྱིན་གྱིས་རླབས་པའི་དག་སྣང་མ་སྟེ་བརྒྱུད་པའི་ཁྱད་པར་གསུམ་དུ་ཡོད་པ་ལས། འདིར་སྔ་འགྱུར་བཀའ་མ་ཡོག་གསུམ་གྱི་ནང་ཚན། རྒྱུད་རྣལ་འབྱོར་ཆེན་པོ་ཏནྟ་སྡེ་བཅོ་བརྒྱད་ལས། ཕུར་པ་རོལ་པའི་རྒྱུད་སྡེ་རྒྱ་མཚོ་ཙམ་ལ་བརྟེན་ནས། གསུང་རྡོ་རྗེ་གྲུབ་པའི་སློབ་དཔོན་གྱི་སྐུར་བསྟན་པ་ཨོ་རྒྱན་གྱི་གུ་རུ་པདྨ་ཐོད་ཕྲེང་རྩལ་གྱིས་རྡོ་རྗེ་ཕུར་པའི་སྒྲུབ་ཐབས་དཔག་ཏུ་མེད་པ་མཛད་ནས། རྗེ་འབངས་སོ་སོ་ལ་གནང་བ་དང་། རྡོ་རྗེའི་སྐུ་བརྙེས་པ་ཆེན་བི་མ་ལ་མི་ཏྲས་ཕུར་པ་ཕུན་སུམ་ཚོགས་པ་དང་གཤམ་སྔོན་ཅན་གཉིས་ཀྱི་སྒྲུབ་ཐབས་དང་མན་ངག་གཉགས་ལོ་ཡེ་ཤེས་གཞོན་ནུ་ལ་གནང་བ་སོགས་ལས་རིམ་པར་བརྒྱུད་དེ་བོད་ཀྱི་ཡུལ་འདིར་ཕུར་པ་རྒྱལ་པོ་ལུགས། ཇོ་མོ་ལུགས། ལྕམ་ལུགས། གཉགས་ལུགས། རོང་ཟོམ་ལུགས། རོག་ལུགས་སོགས་མཐའ་ཡས་པ་ཞིག་འཕེལ་བས་ཁྱད་པར་དུ་འཕགས་པ་སློབ་དཔོན་ཆེན་པོས་སད་མི་མི་བདུན་གྱི་ནང་ཚན་ལོ་ཙཱ་བ་ཆེན་པོ་འཁོན་ཀླུའི་དབང་པོ་ལ་གདམས་སྐོར་མན་ངག་མཐའ་རྒྱས་སུ་བསྩལ་ཞིང་། གཞན་ཡང་སྔ་འགྱུར་གྱི་རྒྱུད་ལུང་རྒྱ་མཚོ་ཙམ་བཙལ་བ་ཉམས་སུ་བླངས་པས་གྲུབ་པ་ཆེན་པོའི་གོ་འཕང་ལ་གཤེགས། གདམས་ངག་རྣམས་གཅུད་ ― LT30_Page_0385 ―
[མ་དཔེ་གཟིགས་ན་འདིར་གནོན།]
རྡོ་རྗེ་རིན་ཆེན་ནས་རིམ་པར་བརྒྱུད་པ་ལས། འཁོན་རོག་ཤེས་རབ་ཚུལ་ཁྲིམས་ཀྱིས་དུས་ཀྱི་དབང་གིས་གསང་སྔགས་འཆལ་བར་གཟིགས་ནས། ཕུར་པའི་སྒྲུབ་ཐབས། ཡང་དག་ཆོས་ཚན་གཅིག །དཀར་བདུད་གཏོར་ཆོག་ཙམ་མ་གཏོགས་གདམས་སྐོར་མཐའ་དག་གཏེར་དུ་གཏམས། ཡང་ཕུར་བཀའ་སྲུང་བཅས་འཁོན་དཀོན་མཆོག་རྒྱལ་པོ་ནས། བླ་མ་ས་སྐྱ་པ་ཆེན་པོ། རྗེ་བཙུན་རྩེ་མོ། རྗེ་བཙུན་གྲགས་པ་རྒྱལ་མཚན། བདག་ཉིད་ཆེན་པོ་ས་སྐྱ་པ་ཆེན་གྱི་བར་དུ་བརྒྱུད། པ་ཆེན་གྱིས་རིག་པ་མཆོག་གི་རྒྱུད་ལས་རྡོ་རྗེ་རིགས་ཀྱི་ལེའུ་ཟུར་དུ་བཀོལ་བ་རྩ་དུམ་དུ་གྲགས་པའི་རྒྱུད་རང་འགྱུར་མཛད། ཆོས་རྒྱལ་འཕགས་པས་ཨ་ཙ་ར་ནུ་རུ་ནས་བརྒྱུད་པའི་དྲག་པོ་སྒྲོལ་དབང་ཡང་གསན། དཔལ་ལྡན་བླ་མས་སྒྲུབ་ཐབས་ཆེ་འབྲིང་ཆུང་གསུམ་མཛད་པས་མཚོན། རྗེ་བཙུན་དེ་དག་བརྒྱུད་པར་བཅས་པས་རྒྱ་ཆེར་སྤེལ་བས་དཔལ་ས་སྐྱའི་ཡང་ཕུར་གཉིས་ཞེས་ཉི་ཟླ་ལྟར་གྲགས་ཤིང་། ས་ལུགས་ཀྱི་ཆོས་སྡེ་རྣམས་སུའང་སྒྲུབ་མཆོད་རྩ་འཆམས་དང་བཅས་པ་གཏོར་ཟློག་སོགས་ཤིན་ཏུ་དར་ཞིང་རྒྱས་ལ། འཁོན་ཀླུ་དབང་སྲུང་བ་མཆེད་ནས་བདག་ཅག་གི་དཔལ་ལྡན་བླ་མ་དམ་པའི་བར་དུ་ལྷག་པའི་ལྷ་འདི་ཉིད་ལས་དངོས་གྲུབ་བརྙེས་པ་བར་མ་ཆད་དུ་བྱོན་པས་བྱིན་རླབས་ཀྱི་བཀའ་ ― LT30_Page_0386 ―
[མ་དཔེ་གཟིགས་ན་འདིར་གནོན།]
བབས་ཆེན་པོ་དང་ལྡན་ཞིང་བརྒྱུད་འཛིན་བཀྲ་ཤིས་པའི་ཟབ་ཆོས་ཡིན་ལ། །བརྒྱུད་པ་དེ་ལྡན་གྱི་ལམ་སྐོར་འདི་ལ། །སྟོད་ལས་བྱང་ཆུབ་སྒྲུབ་པ་དང་། སྨད་ལས་དགྲ་བགེགས་བསྒྲལ་བ་གཉིས་ཡོད། གཉིས་ཀ་ལའང་སྨིན་བྱེད་ཀྱི་དབང་བསྐུར་བ་སོ་སོ་སྔོན་དུ་འགྲོ་དགོས་ཏེ། དབང་མ་བསྐུར་བར་གསང་སྔགས་འཆད་དུ་མི་རུང་ཞིང་། སྒོམ་པའི་སྐལ་པ་དང་མི་ལྡན་ལ། བླ་མ་མཚན་ཉིད་དང་ལྡན་པས་ཆོ་ག་མ་འཁྲུལ་བའི་སྒོ་ནས་མངོན་པར་དབང་བསྐུར་བ་ན་ཡོན་ཏན་ཐམས་ཅད་སྐྱེ་བའི་སྣོད་དུ་འགྱུར་བར་མ་ཟད། ཟབ་མོའི་དཀྱིལ་འཁོར་འདི་ལྟ་བུར་དབང་ཐོབ་ཅིང་ལམ་བསྒོམས་ན་བརྩོན་འགྲུས་དང་སྐལ་པ་རབ་ཚེ་འདིར་གྲོལ། འབྲིང་འཆི་ཚེ་མཁའ་སྤྱོད་དུ་འགྲོ། ཐ་མ་སྐྱེ་བ་བརྒྱུད་ནས་དཔལ་ཆེན་པོའི་གོ་འཕང་འཐོབ་ཅིང་། ཡང་ཐ་དད་ཅིང་ཐེ་ཚོམ་མེད་པ་ཁོ་ནས་ཀྱང་དཔལ་ཆེན་པོས་རྗེས་སུ་འཛིན་པར་འགྱུར་ཏེ། བཤད་རྒྱུད་ལས། རྩེ་གཅིག་འདི་ལ་བརྩོན་ལྡན་པས། །འཁོར་བ་མི་ལྡོག་མངོན་འཚང་རྒྱ། །གང་གིས་དབང་དང་མན་ངག་ཐོབ། །སྐད་ཅིག་ཙམ་གྱིས་མོས་གྱུར་ན། །འཆི་བ་ཞེས་ནི་རྣམ་རྟོག་སྟེ། །མཁའ་སྤྱོད་གནས་སུ་འཁྲིད་པར་འགྱུར། །གང་ཞིག་འདི་ལ་མོས་པ་ཙམ། །དབང་དང་དམ་ཚིག་འཛིན་གྱུར་ན། །སྐྱེ་བདུན་ཉིད་ནས་འཚང་ ― LT30_Page_0387 ―
[མ་དཔེ་གཟིགས་ན་འདིར་གནོན།]
རྒྱར་འགྱུར། །སྐྱེ་བ་གཞན་གྱིས་བར་མི་ཆོད། །འདི་ལ་ཐེ་ཚོམ་ལེ་ལོ་སྤང་། །ཞེས་གསུངས་སོ། །དེ་ལས་ད་ལམ་སྐབས་སུ་བབས་པ་སྟོད་ལས་བྱང་ཆུབ་སྒྲུབ་པའི་དབང་བསྐུར་བར་བགྱིད་པ་ལ་སློབ་དཔོན་གྱིས་བགྱི་བར་འོས་པ་བདག་མདུན་བུམ་པ་བསྒྲུབས་ཤིང་བདག་ཉིད་འཇུག་པ་སོགས་སྔོན་ཏུ་སོང་ནས། ཁྱེད་རང་སློབ་མ་རྣམས་ཀྱི་ངོ་སྐལ་དུ་གྱུར་པ་ཐོག་མར་དཀྱིལ་འཁོར་དུ་འཇུག་པའི་ཆོས་རྣམས་ཞུ་བའི་ཡོན་ཏུ་མཎྜལ་འབུལ་བར་ཞུ། ཞེས་མཚམས་སྦྱར་མཎྜལ་འབུལ་དུ་གཞུག །དེ་ནས་ཐལ་མོ་སྦྱར་ལ་གསོལ་བ་འདེབས་པ་འདིའི་རྗེས་ཟློས་མཛོད། བླ་མ་སངས་རྒྱས་སོགས་གསུམ། དེ་ནས་སྐལ་པ་དང་འདོད་དོན་དྲི་བ་ནི། བུ་ཁྱོད་སོགས། དེ་ལྟར་དྲིས་པའི་ལན་ཏུ་འདིའི་རྗེས་ཟློས་མཛོད། སྐལ་བཟང་བདག་ནི་སོགས། སློབ་དཔོན་ཞྭ་ཕུད་བཞེངས་ནས་དྲིལ་བསིལ་བཅས། དེ་བཞིན་གཤེགས་པ་སོགས་གསུམ། དེ་ལྟར་དཀྱིལ་འཁོར་གྱི་ལྷ་ལ་གསོལ་བ་བཏབ་པས་སློབ་མ་རྣམས་ནང་དུ་འཇུག་པའི་གནང་བ་ཐོབ་སྟེ། ཁྱེད་རང་རྣམས་སློབ་དཔོན་གྱི་ལག་གི་རྡོ་རྗེ་ལ་འཇུས་ཏེ་ཤར་གྱི་སྒོ་ཁང་དུ་ཞུགས་པའི་མོས་པ་མཛོད། ཡོལ་བ་བསལ་ལ་སྔགས་གཉིས་བརྗོད། དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་ལ་སྒོ་གསུམ་གུས་པ་ཆེན་པོས་ ― LT30_Page_0388 ―
[མ་དཔེ་གཟིགས་ན་འདིར་གནོན།]
ཕྱག་འཚལ་བར་མོས་ལ་འདིའི་རྗེས་ཟློས་མཛོད། དུས་གསུམ་སངས་རྒྱས་སོགས་གསུམ། རྒྱུན་བཤགས་སྡོམ་བཟུང་སྟ་གོན་སྐབས་ལྟར་མཚམས་སྦྱོར་བཅས་བྱ། ཁྱེད་རང་རྣམས་སྔོན་ཆད་དཔལ་ཆེན་པོ་ཀརྨ་ཧེ་རུ་ཀའི་དཀྱིལ་འཁོར་དུ་མ་ཞུགས་པའམ། །ཞུགས་ཀྱང་བསྐྱར་ལྡབ་ཏུ་འཇུག་པའི་མཚོན་བྱེད་དུ་ཁ་ཚར་མ་ཉམས་པའི་དར་ཡུག་དམར་པོས་གདོང་བཅིངས་པའི་མོས་པ་མཛོད། འབྲུ་བཞིས་མིག་དར་དང་། དཀྱིལ་འཁོར་བ་དང་མཇལ་བའི་ཚེ་ཕྱག་རྟེན་མེད་པར་མི་རུང་བས། ཨུ་དུམྦ་ར་སོགས་མཆོག་གི་མེ་ཏོག་སྣ་ལྔའི་ཆུན་པོ་ཕྱག་ཏུ་སྤྲད་པའི་མོས་པ་མཛོད། འབྲུ་བཞིའི་མེ་ཏོག་སྤྲད། དམ་བཞག་བཞི་མཐར་ཆགས་སུ་བཏང་ཞིང་དམ་ཆུ་ཐོད་པའི་བདུད་རྩི་སྦྱིན། དེ་ནས་ཡེ་ཤེས་པ་དབབ་པ་ལ་གསོལ་བ་འདེབས་པ་འདིའི་རྗེས་ཟློས་མཛོད། སློབ་དཔོན་ཆེན་པོ་སོགས་གསུམ། དེ་ནས་ཡིད་གཞན་ཏུ་མ་ཡེངས་པར་དམིགས་པ་འདི་བཞིན་ཏུ་མཛོད། ཁྱེད་རང་རྣམས་ཀྱི་སྙིང་གར་སོགས་བརྗོད། སྔགས་བརྗོད་ཅིང་འབེབས་པའི་རྫས་བདུག །རོལ་མོ་དྲག་ཏུ་བྱ། དེ་ལྟར་དབབ་པའི་ཡེ་ཤེས་པའི་རྒྱུན་དེ་ཉིད་བྱང་ཆུབ་མ་ཐོབ་ཀྱི་བར་དུ་བརྟན་པར་བྱས་པའི་མོས་པ་མཛོད། རྡོ་རྗེ་རྒྱ་གྲམ་དུ་བཀོད་ལ་སྔགས་བརྗོད། ― LT30_Page_0389 ―
[མ་དཔེ་གཟིགས་ན་འདིར་གནོན།]
དེ་ནས་ཁྱེད་རང་རྣམས་ཀྱིས་ནམ་མཁའི་ཁ་དོག་ལ་བརྟེན་ནས་དངོས་གྲུབ་ཀྱི་ལྟས་བརྟགས་དགོས་པས། མིག་རས་དང་བཅས་ཏེ་དཀྱིལ་འཁོར་གྱི་ནམ་མཁར་འདོམ་གང་ཁོར་ཡུག་ཙམ་ལ་བལྟས་པ་དེའི་ཚེ་རང་རང་གི་ཁ་དོག་མཐོང་སྣང་ཅི་བྱུང་བ་དེ་སྨྲ་དགོས་པས། ཀྱེ་ཁྱེད་ཀྱི་མིག་ལམ་ན་ཅི་སྣང་རིམ་པས་དྲིས། སློབ་མས་དཀར་པོ་ཞེས་ཟེར་ན། སློབ་དཔོན་གྱི་ཞི་བའི་ལས་འགྲུབ་པར་འགྱུར་རོ། །ཞེས་བརྗོད་ཅིང་དེ་བཞིན་ཏུ་སེར་པོ་རྒྱས་པ། དམར་པོ་དབང་། སྔོན་པོ་མངོན་སྤྱོད། ནག་པོ་དྲག་པོ། ལྗང་གུ་དང་ཁྲ་བོ་ལ་ལས་སྣ་ཚོགས་པར་འགྲུབ་པར་འགྱུར་རོ། །ཞེས་སོ་སོར་ལུང་བསྟན། རིགས་བརྟག་པའི་ཕྱིར་དུ་མེ་ཏོག་འབུལ་བ་ལ་ཁྱེད་རང་རྣམས་གྲལ་རིམ་བཞིན་བཞེངས་ནས། དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་ཡེ་ཤེས་གཅིག་ཉིད་གང་འདུལ་སྒྱུ་མའི་རྣམ་རོལ་དུ་ཤར་བ་ལ་བཟང་ངན་གྱི་དབྱེ་བསལ་མེད་པས་རང་རང་གི་ཚེ་རབས་སྔོན་ནས་འབྲེལ་བའི་ལྷག་པའི་ལྷ་གང་ཡིན་པ་ཞིག་ལ་ཕོག་པར་ཤོག་ཅིག་སྙམ་པའི་བློས་ཚིག་འདིའི་རྗེས་ཟློས་དང་བཅས་སྔར་བྱིན་པའི་མེ་ཏོག་དེ་ཉིད་ལྟོས་པ་མེད་པར་དོར་བར་ཞུ། ཨོཾ་དྲི་ཞིམ་མེ་ཏོག་སོགས། སློབ་དཔོན་གྱིས་མེ་ཏོག་ཕོག་པའི་རིགས་ངེས་པར་མཛོད། མ་རིག་པའི་སྒྲིབ་པ་མིག་དར་དང་ལྷན་ཅིག་ཏུ་བསལ་བས་ཡེ་ཤེས་ ― LT30_Page_0390 ―
[མ་དཔེ་གཟིགས་ན་འདིར་གནོན།]
ཀྱི་སྤྱན་ཐོབ་སྟེ་ཐར་པ་ཆེན་པོའི་གྲོང་ཁྱེར་མངོན་སུམ་བཞིན་དུ་མཐོང་བར་མོས་མཛོད། སྔོན་གྱི་མིག་མཁན་སོགས་བརྗོད་ལ་མིག་དར་བསལ། སྔར་ཕུལ་བའི་མེ་ཏོག་དེ་ཉིད་སྔགས་ཀྱི་ཕྲེང་བར་བྱིན་གྱིས་བརླབས་ནས་སྤྱི་བོར་བཅིངས་པས་དབང་དང་པོ་མེ་ཏོག་ཕྲེང་བའི་དབང་ཐོབ་བར་མོས་མཛོད། སྟོབས་དང་ལྡན་པའི་སོགས་བརྗོད་ལ་མེ་ཏོག་སླར་བཅིངས། སློབ་དཔོན་གྱི་ཕྱག་གི་རྡོ་རྗེས་མཚོན་ཏེ། དཀྱིལ་འཁོར་བཟང་པོ་སོགས་ཀྱིས་བལྟ་བར་བསྐུལ། དེ་ལྟར་མཇལ་བའི་དཀྱིལ་འཁོར་པ་ངོ་སྤྲད་པ་ལ། རྟེན་བརྟེན་པའི་མཚན་ཉིད་བསྟན་པ་ནི་ཐུགས་མ་ཡེངས་པར་གསན་འཚལ། རྟེན་གྱི་དཀྱིལ་འཁོར་ནམ་མཁའི་ཁམས་སུ་སོགས་ནས། དཔག་ཏུ་མེད་པ་དང་བཅས་པའོ། །དེ་ལྟར་རྟེན་དང་སོགས། དེའི་རྣམ་དག་བསྟན་པ་ནི་འདི་ལ་གསན་པས་ཁྱབ་པར་གདའ། དཀྱིལ་འཁོར་གྲུ་བཞི་སོགས་ནས། ཚོགས་ཀྱི་ལམ་མོ། །དེ་རྣམས་ཀྱིས་ལྷ་དང་སྐལ་པ་མཉམ་པར་བྱ་བའི་ཕྱིར་འཇུག་པའི་ཆོས་འཁོར་དང་བཅས་པ་སོང་ནས། དབང་གི་དངོས་གཞི་ལ་བུམ་དབང་། གསང་དབང་། ཤེས་རབ་ཡེ་ཤེས། ཚིག་དབང་བཞི་པ་རྣམས་སུ་ཡོད་པ་ལས། བུམ་དབང་དེ་ལ་སློབ་མ་དང་། སློབ་དཔོན་གཉིས་ལས། དང་པོ་རྡོ་རྗེ་སློབ་མའི་དབང་ཞུ་བའི་ཡོན་ཏུ་དམིགས་ཏེ་མཎྜལ་ཞིག་ ― LT30_Page_0391 ―
[མ་དཔེ་གཟིགས་ན་འདིར་གནོན།]
འབུལ་བ་ཞུ། དེ་ལྟར་མཎྜལ་ཕུལ་ནས་གསོལ་བ་བཏབ་པ་འདིའི་རྗེས་ཟློས་ལན་གསུམ་གྱི་བར་དུ་མཛོད། སློབ་དཔོན་དམ་པ་སོགས་གསུམ། སློབ་དཔོན་མདུན་བསྐྱེད་དང་བཅས་པའི་ཐུགས་ཀ་ནས་ཁྲོ་བོ་མཚོན་ཆ་ཐོགས་པ་དཔག་ཏུ་མེད་པ་སྤྲོས། ཁྱེད་རང་རྣམས་ལ་དབང་བསྐུར་བ་ལ་བར་དུ་གཅོད་པའི་བགེགས་དང་ལོག་པར་འདྲེན་པ་ཐམས་ཅད་རྒྱང་རིང་དུ་བསྐྲད་པའི་མོས་པ་མཛོད་ཅིག །གདུག་ཅིང་སྡང་སེམས་ལྡན་པ་སོགས། སྒྲུབ་ལ་ཞེས་པར་དབང་ལ་ཞེས་བསྒྱུར་ལ། འགྲོ་བར་གྱིས། བར་བརྗོད་ལ་ཡུངས་ཐུན་དུད་པ་དྲག་རོལ་སོགས་ཚམ་རྔམས་ཆེན་པོས་བགེགས་བསྐྲད། དེ་ནས་སྔོན་འགྲོ་བྱུར་བསལ་བའི་ཆོ་ག་སོང་ནས། དངོས་གཞི་མངོན་པར་དབང་བསྐུར་བ་སྒྲུབ་པར་བྱེད་པ་ལ། རིག་པའི་དབང་ལྔའི་ཐོག་མར་མི་བསྐྱོད་པ་ཆུའི་དབང་གི་དོན་ཏུ་དམིགས་པ་འདི་བཞིན་ཏུ་མཛོད། །ཨོཾ་སྭ་བྷཱ་ཝ་སོགས། སློབ་མ་དང་དབང་རྫས་སྟོང་པའི་ངང་སོགས་ནས། ཡེ་ཤེས་པའི་ཆུར་གྱུར་པ་སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མེད་པས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་བཅས་ཏེ་ཁྱེད་རང་རྣམས་ལ་དབང་བསྐུར་བའི་མོས་པ་མཛོད། ཚིག་གི་མཐའ་བསྒྱུར་ཕྲན་བུ་འདི་རིགས་རིག་དབང་ཕྱི་མ་རྣམས་ལའང་འགྲོ་ཤེས་པར་བྱའོ། །ཆེ་བའི་ ― LT30_Page_0392 ―
[མ་དཔེ་གཟིགས་ན་འདིར་གནོན།]
ཡོན་ཏན་སོགས། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན། ཁྱེད་རྣམས་མི་བསྐྱོད་པའི་རང་བཞིན་དུ་གནས་པ་ལ། སློབ་དཔོན་གྱིས་མཆོད་པས་མཆོད་པའི་མོས་པ་མཛོད། ཨོཾ་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ། པུཥྤེ་ནས་ཤབྡའི་བར། མཆོད་གཡོག་པས་མཆོད་པ་རྣམ་ལྔ་བཤམས་ལ། སློབ་མ་རྣམས་ལ་བསྐོར་ཅིང་། ཇི་ལྟར་རིགས་པའི་སློབ་མའི་མདུན་དུ་བཞག །དྲིལ་བསིལ་རོལ་ཆེན་བྱ། དེ་ལྟར་ན་ཁྱེད་རྣམས་ཀྱིས་མི་བསྐྱོད་པའི་སྒོ་ནས་ཆུའི་མངོན་པར་དབང་བསྐུར་བ་ཐོབ། ཞེ་སྡང་དག་རྣམ་པར་ཤེས་པའི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་ཏུ་བྱས། མི་བསྐྱོད་པའི་བག་ཆགས་དང་ས་བོན་རྒྱུད་ལ་བཞག་གོ། །རིན་ཆེན་འབྱུང་ལྡན་ཅོད་པན་གྱི་དབང་གི་དོན་ཏུ་དམིགས་པ་འདི་བཞིན་ཏུ་མཛོད། སྭ་བྷཱ་ཝ་སོགས་དབུ་རྒྱན་དར་དཔྱངས་ལྷན་ཅིག་དབང་གྲུབ་པ་དང་མཐའ་རྟེན་ཏུ་བུམ་པའི་ཆུས་ཀྱང་སྤྱི་བོ་ནས་དབང་བསྐུར་བའི་མོས་པ་མཛོད། ཨོཾ་བཛྲཱི་བྷ་ཝ་ཨ་བྷི་ཥིཉྩ་ཧཱུྃ། ཞེས་རྣམ་རྒྱལ་བུམ་ཆུ་ནས་སློབ་མ་རེ་རེའི་སྤྱི་བོར་ཀུ་ཤས་གཏོར་ལ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་ ― LT30_Page_0393 ―
[མ་དཔེ་གཟིགས་ན་འདིར་གནོན།]
རིན་ཆེན་འབྱུང་ལྡན་གྱིས་དབུ་བརྒྱན། ཁྱེད་རྣམས་རིན་ཆེན་འབྱུང་ལྡན་གྱི་སོགས་མཆོད་པ་གོང་བཞིན། དེ་ལྟར་ན་ཁྱེད་རྣམས་ཀྱིས་རིན་ཆེན་འབྱུང་ལྡན་གྱི་སྒོ་ནས་ཅོད་པན་གྱི་མངོན་པར་དབང་བསྐུར་བ་ཐོབ། ང་རྒྱལ་དང་སེར་སྣ་དག །ཚོར་བའི་ཕུང་པོ་གནས་གྱུར། མཉམ་པ་ཉིད་ཀྱི་ཡེ་ཤེས་མངོན་ཏུ་བྱས། རིན་ཆེན་འབྱུང་ལྡན་གྱི་བག་ཆགས་དང་ས་བོན་རྒྱུད་ལ་བཞག་པ་ཡིན་ནོ། །འོད་དཔག་མེད་རྡོ་རྗེའི་དབང་གི་དོན་ཏུ་སོགས། སྭ་བྷཱ་ཝ་ནས། །རྡོ་རྗེའི་དབང་བསྐུར་གྲུབ་པ་དང་། །མཐའ་རྟེན་ཆུ་དབང་ཅོད་པན་ལྟར་ལ། འོད་དཔག་མེད་ཀྱིས་དབུ་བརྒྱན། ཁྱེད་རྣམས་འོད་དཔག་མེད་ཀྱི་སོགས་མཆོད། དེ་ལྟར་ན་ཁྱེད་རང་རྣམས་འོད་དཔག་མེད་ཀྱི་སྒོ་ནས་རྡོ་རྗེའི་མངོན་པར་དབང་བསྐུར་བ་ཐོབ། འདོད་ཆགས་དག །འདུ་ཤེས་ཀྱི་ཕུང་པོ་གནས་གྱུར། སོ་སོར་རྟོགས་པའི་ཡེ་ཤེས་མངོན་དུ་བྱས། འོད་དཔག་མེད་ཀྱི་བག་ཆགས་དང་ས་བོན་རྒྱུད་ལ་བཞག་པ་ཡིན་ནོ། །དོན་ཡོད་གྲུབ་པ་དྲིལ་བུའི་དབང་གི་དོན་ཏུ་སོགས། སྭ་བྷཱ་བ་ནས། དྲིལ་བུའི་དབང་བསྐུར་གྲུབ་པ་དང་མཐའ་རྟེན་ཆུ་དབང་། དོན་ཡོད་གྲུབ་པས་དབུ་བརྒྱན། ཁྱེད་རང་རྣམས་དོན་ཡོད་གྲུབ་པ་སོགས། མཆོད། དེ་ལྟར་ན་ཁྱེད་རྣམས་དོན་ཡོད་གྲུབ་པའི་སྒོ་ནས་དྲིལ་བུའི་མངོན་པར་དབང་བསྐུར་བ་ཐོབ། ཕྲག་དོག་དག །འདུ་བྱེད་ཀྱི་ཕུང་པོ་གནས་གྱུར། བྱ་བ་གྲུབ་པའི་ཡེ་ཤེས་མངོན་དུ་བྱས། དོན་ཡོད་གྲུབ་པའི་བག་ཆགས་དང་ས་བོན་རྒྱུད་ལ་བཞག་པ་ ― LT30_Page_0394 ―
[མ་དཔེ་གཟིགས་ན་འདིར་གནོན།]
ཡིན་ནོ། །རྣམ་པར་སྣང་མཛད་མིང་གི་དབང་བསྐུར་བའི་དོན་ཏུ་སོགས་ནས་མིང་དབང་བསྐུར། མེ་ཏོག་དབུས་སུ་ཕོག་ན་རྡོ་རྗེ་དྲག་པོ་རྩལ། ཤར་དུ་རྡོ་རྗེ་མི་བསྐྱོད་རྩལ། ལྷོར་རྡོ་རྗེ་རིན་ཆེན་རྩལ། ནུབ་ཏུ་རྡོ་རྗེ་ཆོས་རབ་རྩལ། །བྱང་དུ་རྡོ་རྗེ་ལས་རབ་རྩལ་སོགས་སུ་གདག་གོ། །མཐའ་རྟེན་ཆུ་དབང་། རྣམ་པར་སྣང་མཛད་ཀྱིས་དབུ་བརྒྱན། ཁྱེད་རྣམས་རྣམ་པར་སྣང་མཛད་ཀྱི་སོགས། མཆོད། དེ་ལྟར་ན་ཁྱེད་རྣམས་ཀྱིས་རྣམ་པར་སྣང་མཛད་ཀྱི་སྒོ་ནས་མིང་གི་མངོན་པར་དབང་བསྐུར་བ་ཐོབ། གཏི་མུག་དག །གཟུགས་ཀྱི་ཕུང་པོ་གནས་གྱུར། ཆོས་དབྱིངས་ཡེ་ཤེས་མངོན་ཏུ་བྱས། རྣམ་པར་སྣང་མཛད་ཀྱི་བག་ཆགས་དང་ས་བོན་རྒྱུད་ལ་བཞག་པ་ཡིན་ནོ། །དེ་ལྟར་ན་དབང་ལྔ་སོགས། ཁྱེད་རང་རྣམས་བཛྲ་ཧེ་རུ་ཀ་ནས་རྡོ་རྗེ་རྩེ་དགུ་པ་ཕྱག་གཡས་གཡོན་དུ་གཏད་པས་བརྟུལ་ཞུགས་ཀྱི་དབང་ཐོབ་པའི་མོས་པ་མཛོད། ཤེས་རབ་པདྨའི་སོགས། དེ་ལྟར་ན་དབང་རྣམ་པ་དྲུག་གི་སྒོ་ནས་ཀུན་གཞིའི་དྲི་མ་སེལ་ཞིང་མ་རིག་པ་དང་ཉོན་མོངས་པ་དྲུག་དག་ནས་རིག་པ་དང་ཡེ་ཤེས་དྲུག་གི་དབང་ཐོབ་པ་ཡིན་ནོ། །དེ་རྣམས་ཀྱིས་རྡོ་རྗེ་སློབ་མའི་དབང་བསྐུར་སོང་ནས། རྡོ་རྗེ་སློབ་དཔོན་གྱིས་དབང་བསྐུར་བ་ཞུ་བའི་ཡོན་ཏུ་མཎྜལ་འབུལ་བར་ཞུ། དེ་ལྟར་མཎྜལ་ཕུལ་ནས་གསོལ་བ་བཏབ་པ་འདིའི་རྗེས་ཟློས་ལན་གསུམ་དུ་མཛོད། སློབ་དཔོན་ཆེན་པོ་དགོངས་སུ་གསོལ། །ཞེས་སོགས་བརྗོད། དེ་ལྟར་གསོལ་བ་བཏབ་ནས་དམིགས་པ་འདི་བཞིན་ཏུ་མཛོད། ― LT30_Page_0395 ―
[མ་དཔེ་གཟིགས་ན་འདིར་གནོན།]
དབང་སྟེགས་ཀྱི་སྟེང་དུ་ཁྱེད་རང་རྣམས་རྡོ་རྗེ་གཞོན་ནུ་སོགས་ནས། ཨ་ལས་བྱུང་བའི་དྲིལ་བུ་ཕྱག་གཡས་གཡོན་ཏུ་བྱིན་པས་དམ་ཚིག་གསུམ་པོ་ཆབ་ཅིག་ཏུ་བྱིན་པའི་མོས་པ་མཛོད། ཐབས་མཆོག་ཡེ་ཤེས་སོགས། དབང་དེ་དག་བརྟན་པའི་ཡན་ལག་ཏུ་བུམ་པའི་ཆུས་ཀྱང་སྤྱི་བོ་ནས་དབང་བསྐུར་བའི་མོས་པ་མཛོད། སངས་རྒྱས་ཐམས་ཅད་སོགས། དེ་ལྟར་ན་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས། མི་བསྐྱོད་པ་ཧེ་རུ་ཀས་གཙོར་མཛད་པའི་ཁྲོ་བོ་རིགས་ལྔས་དབུར་བརྒྱན་པ་ལ་སློབ་དཔོན་གྱིས་མཆོད་པས་མཆོད་པའི་མོས་པ་མཛོད། ཨརྒྷཾ་སོགས། སློབ་དཔོན་དབང་གི་ལྷ་དང་བཅས་པས་མེ་ཏོག་འཐོར་ཞིང་ཁམས་གསུམ་ཆོས་ཀྱི་རྒྱལ་པོར་མངའ་གསོལ་ཞིང་རབ་ཏུ་གནས་པར་མཛད་དོ། །མེ་ཏོག་འཐོར་ལ་སུ་ཏྲ་ཏིཥྛ་བརྗོད་ཅིང་རོལ་ཆེན་བྱ། དེ་ནས་རིགས་ལྔའི་སྤྲུལ་བཤད་ཀྱི་རྗེས་གནང་སྦྱིན་པ་ལ། ཁྱེད་རང་རྣམས་རྣམ་པར་སྣང་མཛད་ཀྱི་རང་བཞིན་དུ་གནས་པ་ལ་འཁོར་ལོ་ཕྱག་ཏུ་གཏད་ནས་རྗེས་སུ་གནང་བ་བྱིན་པའི་མོས་པ་མཛོད། འཇིག་རྟེན་ཁམས་ནི་སོགས་བརྗོད། དེས་རིགས་གཞན་བཞི་ཀར་འགྲེ། དུང་དང་བཀའི་གནང་བ་བྱིན། དེ་དག་གིས་ཁྱོད་ཀྱི་རྒྱུད་ལ་རྡོ་རྗེ་སློབ་དཔོན་གྱི་དབང་ཡན་ལག་བཅས་ཐོབ་པ་ཡིན་པས། དཀྱིལ་འཁོར་འབྲི་བ་དང་རབ་ཏུ་གནས་པ་དང་སློབ་མ་ ― LT30_Page_0396 ―
[མ་དཔེ་གཟིགས་ན་འདིར་གནོན།]
བསྡུ་བ་སོགས་ལས་རབ་འབྱམས་སྒྲུབ་པར་གྱིས་ཤིག །དེ་ལྟར་ན་བུམ་པའི་དབང་སོགས་བརྗོད། གསང་བའི་དབང་བསྐུར་ཟབ་མོ་ཞུ་བའི་ཡོན་ཏུ་མཎྜལ་ཕུལ། གཟུགས་དང་ལང་ཚོས་བརྒྱན་པའི་རིག་མ་མཚན་ཉིད་དང་ལྡན་པ་ཕྱག་རྒྱའི་དོན་ཏུ་ཕུལ་བར་མོས་ལ་གསོལ་བ་འདེབས་པ་འདིའི་རྗེས་ཟློས་མཛོད། སློབ་དཔོན་དམ་པ་སོགས་གསུམ། ཁྱེད་རང་རྣམས་རྡོ་རྗེ་གཞོན་ནུ་དཔའ་བོ་གཅིག་པའི་སྐུར་གྱུར་པར་མོས་མཛོད། སློབ་དཔོན་དཀྱིལ་འཁོར་གྱི་གཙོ་བོ་སོགས་ནས། ཁྱེད་རང་རྣམས་ཀྱི་ལྕེ་ཐོག་ཏུ་ཕྱིན་པར་མོས། བྱང་ཆུབ་སེམས་ཀྱི་སོགས་བརྗོད་ལ་ཐོད་པའི་བདུད་རྩི་བྱིན། དེ་ལྟར་བྱང་ཆུབ་ཀྱི་སེམས་འབྱོངས་པས་ལུས་ཀྱི་རྩ་ཁམས་ཐམས་ཅད་བདེ་བར་སྨིན། རང་བཞིན་བརྒྱད་ཅུའི་རྟོག་པ་འགག །གསལ་སྟོང་བདེ་བས་བརྒྱན་པའི་ཏིང་ངེ་འཛིན་རྒྱུད་ལ་སྐྱེས་པར་མོས་ཏེ་ང་རྒྱལ་བཟུང་བ་འདིའི་རྗེས་ཟློས་མཛོད། དེ་རིང་སངས་རྒྱས་སོགས། སློབ་དཔོན་དཀྱིལ་འཁོར་གྱི་གཙོ་བོ་སྤྲུལ་པའི་སྐུ་ཤཱཀྱའི་དབང་པོའི་རྣམ་པར་བཞེངས་པས་ཁྱེད་རང་རྣམས་བྱང་ཆུབ་མཆོག་ཏུ་ལུང་བསྟན་པར་མོས་མཛོད། །ཞྭ་ཕུད་སྣམ་སྦྱར་བཞེས་ཆོས་གོས་ཀྱི་གྲྭ་གཉིས་སེང་གེའི་རྣ་བ་ལྟར་བྱས་ལ། ཇི་ལྟར་ང་ཡིས་སོགས། རྡོར་དྲིལ་གཉིས་ཀ་ལག་པ་གཡས་པས་ ― LT30_Page_0397 ―
[མ་དཔེ་གཟིགས་ན་འདིར་གནོན།]
ལྷན་ཅིག་ཏུ་བཟུང་བ་སློབ་མར་ཐད་དུ་དཀྲོལ་ཞིང་། ཀྱེ་རྡོ་རྗེ་དྲག་པོ་རྩལ་ཞེས་བྱ་བའི་དེ་བཞིན་གཤེགས་པ། ཨོཾ་སརྦ་སོགས། འདི་ལྟར་ངས་ལུང་བསྟན་པ་ལྟར་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས་མགྲིན་གཅིག་ཏུ་ལུང་སྟོན་པར་མཛད་པ་འདི་ནི། སྔགས་འདི་དང་ཕྱག་རྒྱ་འདིའི་མཐུའོ་ཞེས་བརྗོད་ཅིང་སྣམ་སྦྱར་དང་རྡོར་དྲིལ་བཞག །དེ་ལྟར་ན་གསང་བའི་དབང་སོགས་བརྗོད། ཤེས་རབ་ཡེ་ཤེས་དབང་བསྐུར་བ་ཞུ་བའི་ཡོན་ཏུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། །སྔོན་གྱི་སངས་རྒྱས་སོགས་གསུམ། ཁྱེད་རང་རྣམས་ལ་སློབ་དཔོན་གྱི་ཐུགས་ཀ་ནས་སྤྲོས་པའི་རིག་མ་བཅུ་དྲུག་ལོན་ཅིང་ལང་ཚོ་ཕུལ་དུ་བྱུང་བ་མཚན་ཉིད་ཡོངས་སུ་རྫོགས་པ་རེ་བྱིན་པར་མོས་མཛོད། རིག་ཙཀ་གཏད་ལ། སྔོན་གྱི་རྒྱལ་བ་སོགས། དེས་ཀྱང་ཟབ་མོའི་བརྟུལ་ཞུགས་ལ་སྤྱོད་པའི་ནུས་པ་ཡོད་མེད་བརྟག་པའི་དོན་ཏུ་དྲི་བ་སྨྲས་པར་མོས། བུ་ཁྱོད་ཚུར་ཤོག་སོགས། དེ་ལྟར་དྲིས་པ་ལ་ནུས་ཤིང་སྤྲོ་བའི་ལན་བཏབ་པར་མོས་ལ་འདིའི་རྗེས་ཟློས་མཛོད། ཤེས་རབ་དད་པས་སོགས། རིག་མ་དེ་ཉིད་དགེས་ཏེ་རྒྱན་དང་བྲལ་བ་ལུས་ནམ་མཁའི་གོས་ཅན་དུ་བྱས་པ་ལ། གུར་གུམ་ལ་ ― LT30_Page_0398 ―
[མ་དཔེ་གཟིགས་ན་འདིར་གནོན།]
རས་དྲི་ཞིམ་པས་ཆུས་བྱུགས། ཆུ་སྐྱེས་རྩ་མཛེས་པའི་བྷ་ག་བསྟན་ཏེ་པདྨའི་ཆེ་བ་བརྗོད་པར་མོས་མཛོད། རྨད་བྱུང་ང་ཡི་པདྨ་སོགས། སློབ་དཔོན་གྱིས་རིག་མའི་ལག་གཡོན་པ་ཁྱེད་རང་རྣམས་ཀྱི་གཡས་སུ་གཏད་དེ་རིག་མའི་བརྟུལ་ཞུགས་བྱིན་པར་མོས་མཛོད། ཤེས་རབ་དམ་པ་སོགས་ནས། བསྟེན་པར་གྱིས། ཁྱེད་རང་རྣམས་དཔལ་རྡོ་རྗེ་གཞོན་ནུ་དང་། རིག་མ་དེ་ཡུམ་འཁོར་ལོ་རྒྱས་འདེབས་མར་གསལ་བའི་ཡབ་ཀྱི་གསང་གནས་ཧཱུྃ་ལས་རྡོ་རྗེ་ཧཱུྃ་གིས་མཚན་པའི་ནོར་བུར་ཨོཾ། རྩེ་མོར་ཕཊ་དང་བཅས་པ། ཡུམ་གྱི་མཁའ་ཨ་ལས་པདྨ་ཨས་མཚན་པ། ཡབ་ཀྱི་རྡོ་རྗེ་ནོར་བུའི་རྩ་བར་རྩ་གསུམ་འདུས་པའི་རྩ་གཡས་ལ་ཨོཾ་དཀར་པོ། གཡོན་ལ་ཨཱཿདམར་པོ། དབུས་སུ་ཧཱུྃ་མཐིང་ནག །རྩེ་མོར་ཕཊ་ཡིག་སེར་པོ། ཡབ་ཡུམ་འཁྱུད་པ་དང་ཙུམྦ་ན་དང་། གསང་གནས་སྦྱར་བའི་འདོད་ཆགས་ཆེན་པོའི་མེས་དྲོད་སྐྱེས་ཏེ། ཐིག་ལེ་དྭངས་མ་རྣམས་ཞུ། ཁྱེད་རང་རྣམས་ཀྱི་སྤྱི་བོ་ནས་འཁོར་ལོ་བཞི་བརྒྱུད་དེ། རྡོ་རྗེ་ནོར་བུའི་རྩ་བར་བྱོན་པས་དགའ་བ། དབུས་སུ་བྱོན་པས་མཆོག་དགའ། རྩ་གསུམ་འདོམས་པའི་གནས་སུ་བྱོན་པས་དགའ་བྲལ་གྱི་དགའ་བ། རྡོ་རྗེ་ནོར་བུའི་རྩེ་མོར་མཐར་ཐུག་ ― LT30_Page_0399 ―
[མ་དཔེ་གཟིགས་ན་འདིར་གནོན།]
པར་བྱོན་པས་ལྷན་ཅིག་སྐྱེས་པའི་ཡེ་ཤེས་མངོན་ཏུ་བྱས་སྙམ་དུ་ཅུང་ཟད་ཅིག་མཉམ་པར་བཞག །ཕྱིར་བ་ཐག་ཙམ་ཡང་མ་འཛག་པར་བྱས་ཏེ་རླུང་འཕོ་བ་མེད་པའི་གདངས་དང་བཅས་པ་ཧཱུྃ་ཞེས་ཡར་དྲངས། ཡབ་ཡུམ་སོ་སོའི་ལྟེ་བའི་རྩ་འཁོར་གང་བས་དགའ་བ། ཡར་དྲངས་སྙིང་གའི་རྩ་འཁོར་གང་བས་མཆོག་དགའ། ཡར་དྲངས་མགྲིན་པའི་རྩ་འཁོར་གང་བས་དགའ་བྲལ་གྱི་དགའ་བ། ཡར་དྲངས་སྤྱི་བོའི་རྩ་འཁོར་གང་བས་ལྷན་ཅིག་སྐྱེས་པའི་ཡེ་ཤེས་མངོན་ཏུ་བྱས་པར་མོས་ནས་ལུས་ཀྱི་འཁྲུལ་འཁོར་དང་། རླུང་དང་། སྤྱོད་ལམ་ལ་སོགས་པའི་སྒོ་ནས་ལུས་ཐམས་ཅད་ལ་ཁྱབ་པར་དགྲམ་པ་ལ་བརྟེན་ནས། ལུས་ཐམས་ཅད་ལ་རྩས་ཁྱབ། རྩ་ཐམས་ཅད་ལ་བྱང་ཆུབ་སེམས་ཀྱིས་ཁྱབ། དེ་ཐམས་ཅད་ལ་བདེ་བ་དང་སྟོང་པ་ཟུང་འཇུག་གིས་ཁྱབ་པ་སྟེ། བདེ་སྟོང་ཟུང་འཇུག་རྣམ་པར་མི་རྟོག་པའི་ངང་ལ་ཅུང་ཟད་ཅིག་མཉམ་པར་འཇོག་པ་ཞུ། དེ་ལྟར་ལྷ་དང་སྔགས་དང་སོགས། མངོན་ཏུ་བྱས་པ་དེའི་མཐུས། སྲིད་པའི་སྡུག་བསྔལ་ཐམས་ཅད་ལས་འདས་ནས་བདེ་ཆེན་རྡོ་རྗེ་སེམས་དཔའ་ཉིད་དུ་ངེས་པར་འཚང་རྒྱ་བར་འགྱུར་རོ། །དུས་གསུམ་སངས་རྒྱས་སོགས། དབང་བཞི་པ་ཚིག་དབང་རིན་པོ་ཆེ་ཞུ་བའི་ཡོན་ཏུ་མཎྜལ་ཕུལ། གསོལ་བ་ ― LT30_Page_0400 ―
[མ་དཔེ་གཟིགས་ན་འདིར་གནོན།]
འདེབས་པ་འདིའི་རྗེས་ཟློས་མཛོད། ཁྱོད་ཞབས་པདྨོའི་སོགས་གསུམ། རྒྱུའི་མཐར་ཕྱིན་པ་བདུད་རྩི་མྱང་བའི་དོན་ཏུ་དམིགས་པ་འདི་བཞིན་ཏུ་མཛོད། ཁྱེད་རང་རྣམས་ཧེ་རུ་ཀ་སོགས་ནས་ཉམས་མྱོང་ལ་ཅུང་ཟད་རེ་མཉམ་པར་ཞོག་ཅིག །ཅེས་མཉམ་པར་འཇོག་ཏུ་བཅུག །འབྲས་བུ་མཐར་ཕྱིན་སོགས་ནས་ཞེས་བྱར་བརྗོད། འདི་ལྟར་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་སྐྱེ་འགག་གནས་གསུམ་དང་བྲལ་བ། བསམ་བརྗོད་ཀྱི་ཡུལ་ལས་འདས་ཤིང་རྣམ་ཐར་སྒོ་གསུམ་གྱི་མཚན་ཉིད་ཅན་དེ་ཉིད་རང་གི་སེམས་བདེ་སྟོང་གི་ངོ་བོར་ཤར་བ། ལྷན་སྐྱེས་ཕྱག་རྒྱ་ཆེན་པོ་རང་བྱུང་ཡེ་ཤེས་དང་གཉིས་སུ་མེད་པའི་དོན་ཡིན་ནོ། །དེ་ལྟར་ན་བཞི་པའི་སོགས། དེ་ལྟར་དབང་བཞི་རྫོགས་པར་བསྐུར་བ་ལ་བརྟེན་ནས་རིག་པ་འཛིན་པའི་སྡོམ་པ་རྫོགས་པ་ཁྱེད་རྣམས་ཀྱི་རྒྱུད་ལ་ཐོབ་པས། སྔགས་ཀྱི་དམ་ཚིག་ས་མ་ཡ་འབུམ་སྡེ་རྣམས་ལ་ཅི་ནུས་ཀྱིས་སློབ་དགོས་པས་དེ་དག་གི་རྩ་བ་དམ་ཚིག་ཉི་ཤུ་རྩ་བརྒྱད་པོ་བསྲུང་བར་གདམས་པ་འདི་ལ་གསན་འཚལ། རྡོ་རྗེ་སློབ་དཔོན་སོགས། དེ་ལྟར་བསྒྲགས་པས་དེང་ཕྱིན་ཆད་སྲུང་སྡོམ་ཚུལ་བཞིན་ཏུ་བགྱིའོ་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས་གསུམ། དབང་བཞི་རྫོགས་པར་ཐོབ་པའི་གཏོང་རག་ཏུ་ ― LT30_Page_0401 ―
[མ་དཔེ་གཟིགས་ན་འདིར་གནོན།]
མཎྜལ་འབུལ་བ་ཞུ། ཚོམ་བུ་བདུན་མ་འབུལ། སླར་ལུས་ལོངས་སྤྱོད་དགེ་རྩ་དང་བཅས་པ་ཐམས་ཅད་ཀུན་བཟང་མཆོད་པའི་སྤྲིན་ཆེན་པོར་སྤྲོས་ཏེ་འབུལ་ན་ཆ་ཤས་ནས་ལོངས་སྤྱོད་དུ་གསོལ་སྙམ་པས་འདིའི་རྗེས་ཟློས་མཛོད། །དེང་ནས་བརྩམས་ཏེ་སོགས། དེ་རྣམས་ཀྱིས་འཁོན་སྟོན་རྡོ་རྗེ་འཛིན་པ་རྣམས་ཀྱི་བཀའ་སྲོལ། གྲུབ་པ་ཐོབ་པའི་རྒྱུན་བར་མ་ཆད་པ་ལས་བྱོན་པའི་དཔལ་ཆེན་པོ་རྡོ་རྗེ་གཞོན་ནུའི་སྟོད་ལས་བྱང་ཆུབ་སྒྲུབ་པའི་དབང་བསྐུར་ཡོངས་སུ་རྫོགས་པ་གྲུབ་པ་ཡིན་པས་དགེ་བའི་རྩ་བ་བླ་ན་མེད་པའི་བྱང་ཆུབ་ཏུ་བསྔོ་བ་དང་། འདི་ཉིད་ཀྱི་སྒོ་ནས་རང་གཞན་གྱི་དོན་རྒྱ་ཆེན་པོ་སྒྲུབ་པར་ཞུ། བསོད་ནམས་འདི་ཡིས་སོགས་བརྗོད་ལ་སློབ་མ་རྣམས་གྱེས་སོ། །རྗེས་ཀྱི་བྱ་བ་ནི། ཚོགས་ཀྱི་ཆོ་ག་དང་། ལྷག་མའི་ཆོ་ག་རྒྱས་པར་བྱ། བརྟན་མ་བསྐྱང་། རྟ་བྲོ་བརྡུང་། དངོས་གྲུབ་བླང་། སྤྲོ་ན་ཚེ་འགུགས་ཀྱང་བྱ། བཟོད་གསོལ། ཡེ་ཤེས་པ་བརྟན་བཞུགས་དང་། འཇིག་རྟེན་པ་གཤེགས། དཀྱིལ་འཁོར་བསྡུ། བསྔོ་སྨོན་དང་བཀྲ་ཤིས་ཀྱིས་མཐའ་རྒྱས་སུ་བྱ་བ་སོགས་ལས་གཞུང་ཇི་ལྟ་བ་ཚང་ལ་མ་འཁྲུལ་བར་བྱའོ། །ཕན་ནུས་ཟབ་མོའི་དབང་གི་ཆུ་རྒྱུན་གྱིས། ཁམས་དྲུག་ལྡན་པའི་སྒྲིབ་པ་བཞི་སྦྱངས་ཏེ། །འཛིན་མའི་ཁོར་ཡུག་ལམ་བཞི་སྒོམ་པས་ཁྱབ། །ཀུན་ཀྱང་སྐུ་བཞིའི་ ― LT30_Page_0402 ―
[མ་དཔེ་གཟིགས་ན་འདིར་གནོན།]
དབང་ཕྱུག་ཉིད་གྱུར་ཅིག །ཅེས་པ་འདིའང་། དད་དམ་ལྷག་པའི་བསམ་པ་གསེར་དང་མཚུངས་པ་སྒྲུབ་བླ་མ་ཀརྨ་མཆོག་གསལ་སོགས་འཛམ་ཐང་བླ་མ་ལྔ་སྡེའི་བཞེད་ངོར། རྗེ་བཙུན་ཐམས་ཅད་མཁྱེན་པའི་གསུང་རབ་ཀྱི་ཞབས་ཏོག་ཏུ་དམིགས་ཏེ། སྒྲོལ་མགོན་གཉིས་པ་ཀརྨ་ཏཱའི་སི་ཏུའི་བཀའ་སློབ་པདྨ་གར་གྱི་དབང་ཕྱུག་རྩལ་གྱིས་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་བསྟན་དང་འགྲོ་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག །དགེ་ལེགས་འཕེལ།། །། འཁོན་ལུགས་རྡོ་རྗེ་ཕུར་པའི་གཏོར་དབང་གི་ཡི་གེ་བྱིན་རླབས་བཅུད་ཀྱི་ཐིགས་པ།― LT30_Page_0403 ―
[མ་དཔེ་གཟིགས་ན་འདིར་གནོན།]
འཁོན་ལུགས་རྡོ་རྗེ་ཕུར་པའི་གཏོར་དབང་གི་ཡི་གེ་བྱིན་རླབས་བཅུད་ཀྱི་ཐིགས་པ་ཞེས་བྱ་བ་བཞུགས་སོ། ། ― LT30_Page_0404 ―
[མ་དཔེ་གཟིགས་ན་འདིར་གནོན།]
སྙིང་རྗེ་ཁྲོས་པས་ཞེ་སྡང་གི། །གདུག་ཅན་ཐལ་འབྱིན་ཧེ་རུ་ཀ །ཕྲིན་ལས་རིགས་མཆོག་ལ་བཏུད་ནས། །སྨིན་བྱེད་སྙིང་པོའི་དོན་གསལ་བྱ། །གསང་སྔགས་སྔ་འགྱུར་གྱི་རྒྱུད་གཞུང་རྣམས་སུ་གཏོར་མ་ལ་ཤེས་པ་བཞིའམ་དྲུག་ལྡན་དང་ཕྲིན་ལས་རབ་འབྱམས་གཏོར་མ་ལ་བརྟེན་ནས་སྒྲུབ་པའི་ཚུལ་རྒྱ་ཆེར་གསུངས་པའི་ནང་ཚན། དབང་དུས་གཏོར་མ་ལྷར་ཤེས་པས་སྨིན་བྱེད་ཐམས་ཅད་ཀྱི་སྣ་འདྲེན་ཅིང་མཇུག་སྡུད་པ་དང་། གཏོར་མའི་དབང་ནི་དབང་བསྐུར་ཐམས་ཅད་ཀྱི་སྙིང་པོར་གསུངས་པ་ལྟར། འདིར་ཡང་སྟོད་སྨད་ཀྱི་དབང་བསྐུར་རྫོགས་པ་མ་ཐོབ་པ་ལ་བྱིན་རླབས་སྒོ་འབྱེད་དང་བསྐྱེད་བཟླས་ཀྱི་སྣོད་དུ་རུང་བའི་ཕྱིར། དྲག་པོ་སྒྲོལ་དབང་གི་མཐའ་བརྟེན་དུ་འབྱུང་བ་ཉིད་ཁོལ་ཕྱུང་དུ་བྱ་བ་སྤྲོ་ན། སྟེགས་བུའི་སྟེང་དུ་ཁྲིའུ་ལ་གཏོར་མ་སྟོད་ཟུར་གསུམ་སྨད་ཟླུམ་པོ་ཐེབས་ཀྱུས་ ― LT30_Page_0405 ―
[མ་དཔེ་གཟིགས་ན་འདིར་གནོན།]
བསྐོར་བ་དཀར་ཐིག་དམར་གུར་ཅན་ལ་སྐུ་ཙག་དང་དར་གདུགས་མཐིང་ཁས་བརྒྱན་པ་བཤམ། དེའི་གཡས་གཡོན་ཏུ་ཐོད་པ་སྨན་རག་གི་བཅུད་ལྡན། མདུན་ཏུ་ཆུ་གཉིས་ཉེར་སྤྱོད་ཀྱི་མཆོད་པའི་ཕྲེང་བ་བཤམ། སློབ་དཔོན་གྱིས་བླ་མ་དམ་པས་མཛད་པའི་སྒྲུབ་ཐབས་བསྡུས་པའམ། ས་ལོ་ཆེན་པོས་མཛད་པའི་བསྙེན་སྒྲུབ་གསལ་བྱེད་བདུད་རྩིའི་འོད་ཅན་གང་རུང་ངམ། བསྡུ་ན་རྒྱུན་ཁྱེར་ཕྱག་རྒྱ་གཅིག་པས་ཀྱང་རུང་ལ་གང་ལྟར་སྐྱབས་སེམས་ནས་བརྩམ། བསྐྱེད་བསྟིམས་སོགས་དང་བཟླས་པའི་བར་བདག་མདུན་དབྱེར་མེད་དུ་བྱས་ལ་བཟླས་པ་བསྡུས་ཏེ། །རང་ཉིད་གཙོ་བོ་ལས་བྱེ་བའི་གཙོ་བོ་གཉིས་པར་གྱུར་བར་མོས། སྔོན་ཏུ་མཆོད་བསྟོད་མ་སོང་ན་སྐབས་འདིར་མདོར་བསྡུས་བྱ། དེ་ནས་ ― LT30_Page_0406 ―
[མ་དཔེ་གཟིགས་ན་འདིར་གནོན།]
སློབ་མ་རྣམས་སྒོའི་ཕྱི་རོལ་དུ་ཁྲུས་བྱ། ནང་དུ་འོང་བ་དང་སློབ་དཔོན་གྱི་ཀི་ལ་ཡའི་དྲག་སྔགས་བརྗོད་ཅིང་རོལ་མོ་ཡུངས་ཐུན་གུ་གུལ་བདུག་ལ་བགེགས་བསྐྲད། མཎྜལ་བཀྱེ་བསྡུ་བྱས། སེམས་བསྐྱེད་གསལ་བཏབ་ལ། དེ་ལ་འདིར་སྔ་འགྱུར་བཀའ་མའི་ཆོས་སྡེ་ཡོ་ག་རྣམ་པ་གསུམ་གྱི་ནང་ཚན་ཏནྟྲ་ཆེན་པོ་སྡེ་བཅོ་བརྒྱད་ཀྱི་བྱེ་བྲག །ཕུར་པ་རོལ་པའི་རྒྱུད་སྡེ་རྣམས་ལ་བརྟེན་ནས་སངས་རྒྱས་གཉིས་པ་པདྨ་ཐོད་ཕྲེང་རྩལ་གྱིས་སྒྲུབ་ཐབས་རྒྱས་བསྡུས་མཐའ་ཡས་པ་མཛད་ནས། བོད་ཡུལ་གྱི་ལྗོངས་སུ་ཆོས་རྒྱལ་ཡབ་སྲས་གཙོ་བོར་གྱུར་པའི་རྗེ་འབངས་སོ་སོའི་ཐུགས་དམ་གྱི་སྐལ་པར་སྩལ་ཞིང་གྲུབ་པའི་འབྲས་བུ་མངོན་དུ་གྱུར། དེ་དག་གི་དབོན་སྲས་རིགས་འཛིན་རྩལ་འཆང་བར་མ་ཆད་པ་ལས་བྱོན་པའི་བཀའ་སྲོལ་དུ་མ་ཞིག་མཆིས་པ་རྣམས་ཀྱི་ནང་ནས་ཉི་ཟླ་ལྟར་གྲགས་པ། འཁོན་ཀླུའི་དབང་པོའི་ཐུགས་དམ། འཁོན་སྟོན་གྲུབ་པའི་དབང་པོ་ད་ལྟའི་བར་དུ་ཟམ་མ་ཆད་པའི་རྒྱུན་ལས་བྱོན་པས་བྱིན་རླབས་ཀྱི་གཟི་བྱིན་དང་ཕྲིན་ལས་བཀའ་བབས་ཀུན་ལས་ཁྱད་པར་དུ་འཕགས་ཤིང་འགྲན་ཟླ་དང་བྲལ་འདི་ཉིད་ལ་བརྟེན་པའི་སྨིན་བྱེད་ཀྱི་སྙིང་པོ་གཏོར་མའི་དབང་བསྐུར་སྒྲུབ་པར་བགྱི་བ་ལ་སོགས་ཀྱིས་མཚམས་སྦྱར་ནས་མཎྜལ་འབུལ་དུ་གཞུག །ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས་མཛོད། སློབ་དཔོན་དམ་པ་དགོངས་སུ་གསོལ། །རྡོ་རྗེ་གཞོན་ནུའི་དབང་བསྐུར་ ― LT30_Page_0407 ―
[མ་དཔེ་གཟིགས་ན་འདིར་གནོན།]
བ། །སེམས་ཅན་ཀུན་ལ་ཕན་གདགས་ཕྱིར། །དེ་རིང་བདག་ལ་སྩལ་དུ་གསོལ། །ལན་གསུམ། །རྒྱུད་རྣམ་པར་དག་པར་བྱ་བའི་ཕྱིར། བླ་མ་དང་གཉིས་སུ་མེད་པའི་བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་སངས་རྒྱས་དང་བྱང་ཆུབ་སེམས་དཔའ་རྩ་བ་གསུམ་གྱི་ལྷ་ཚོགས་སྤྲིན་གཏིབས་པ་ལྟ་བུས་བསྐོར་ཏེ་བཞུགས་པའི་སྤྱན་སྔར་ཕྱག་འཚལ་ཞིང་སྐྱབས་སུ་འགྲོ་བ་ལ་སོགས་པའི་ཡན་ལག་བརྒྱད་ཚུལ་བཞིན་དུ་བགྱི་བར་མོས་པས་རྒྱུན་བཤགས་འདིའི་རྗེས་ཟློས་ལན་གསུམ་གསུང་བར་ཞུ། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བརྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང་། །དག་པ་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་བྱང་ཆུབ་སེམས་དཔའ་ལ། །དགོས་པ་གསུམ་གྱི་ལུས་འབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །ལན་གསུམ། དེ་ནས་བྱིན་རླབས་ཀྱི་གཞི་འགོད་ཅིང་ཡེ་ཤེས་པ་དབབ་པ་ལ་ལུས་དྲང་པོར་བསྲང་ཞིང་ཡིད་ ― LT30_Page_0408 ―
[མ་དཔེ་གཟིགས་ན་འདིར་གནོན།]
གཞན་དུ་མ་ཡེངས་པར་དམིགས་པ་འདི་བཞིན་དུ་མཛོད། སློབ་དཔོན་གྱིས། ཨོཾ་མ་ཧཱ་ཤུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་པའི་རྐྱེན་གྱིས་ཁྱེད་རང་རྣམས་འདུག་གནས་དང་ཕུང་ཁམས་སྐྱེ་མཆེད་ཐམས་ཅད་མི་དམིགས་ཏེ་སྟོང་པ་ཉིད་དུ་གྱུར། སྟོང་པའི་ངང་ལས་ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྷནྡྷ་ཧཱུྃ་ཕཊ། ཅེས་བརྗོད་པའི་རྐྱེན་གྱིས། པདྨ་ཉི་མ་ཟླ་བ་དབང་ཕྱུག་ཕོ་མོ་བསྣོལ་བའི་གདན་གྱི་སྟེང་དུ། ཁྱེད་རང་རྣམས་སྐད་ཅིག་ཙམ་གྱིས་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གསུམ་ཕྱག་དྲུག་པ། ཞལ་གཡས་དཀར་གཡོན་དམར་དབུས་མཐིང་ནག །ཕྱག་དྲུག་གི་གཡས་དང་པོ་གཉིས་ཀྱིས་རྡོ་རྗེ་རྩེ་དགུ་པ་དང་རྩེ་ལྔ་པ། གཡོན་དང་པོ་གཉིས་ཀྱིས་མེ་དཔུང་འབར་བ་དང་རྩེ་གསུམ་བསྣམས་པ། ཐ་མ་གཉིས་ཀྱིས་རི་རབ་ཀྱི་ཕུར་བུ་འདྲིལ་ཞིང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པའི་པང་ན་ཡུམ་འཁོར་ལོ་རྒྱས་འདེབས་མ་སྔོན་མོ། །ཞལ་གཅིག་ཕྱག་གཉིས་གཡས་འཁོར་ལོ། །གཡོན་ཐོད་ཁྲག །རུས་པའི་རྒྱན་གྱིས་བརྒྱན་པ་དང་མཉམ་པར་སྦྱོར་བའི་སྐུ་ཅན་རེ་གསལ་ལམ་མེ་བྱུང་བའི་མོས་པ་མཛོད། རང་གི་སྙིང་གར་ཧཱུྃ་ཡིག་སྔགས་ཀྱི་ཕྲེང་བ་མེ་འོད་རབ་ཏུ་འབར་བ་དང་བཅས་པ་འཁོད་པར་གྱུར། བླ་མ་དང་དཀྱིལ་འཁོར་གྱི་གཙོ་བོ་དབྱེར་མ་མཆིས་པའི་ཐུགས་ཀ་ནས། རྡོ་རྗེ་མཁའ་འགྲོ་མ་ལྕགས་ཀྱུ་ཐོགས་པ་དཔག་ཏུ་མེད་པ་སྤྲུལ་ཞིང་སྤྲོས། ཕྱོགས་བཅུ་ན་བཞུགས་ ― LT30_Page_0409 ―
[མ་དཔེ་གཟིགས་ན་འདིར་གནོན།]
པའི་སངས་རྒྱས་བྱང་ཆུབ་སེམས་དཔའ་དཔའ་བོ་མཁའ་འགྲོ་ཐམས་ཅད་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་ཀྱི་རྣམ་པར་སྤྱན་དྲངས། བ་སྤུའི་བུ་ག་ནས་ཞུགས། སྙིང་གའི་ས་བོན་སྔགས་བཅས་ལ་ཐིམ། སྡིག་སྒྲིབ་དག །སྐུ་གསུང་ཐུགས་ཀྱི་བྱིན་རླབས་ཞུགས། ལུས་ནང་ཐམས་ཅད་འོད་ཀྱིས་གང་བར་གྱུར། འབྲུ་བཅུ་དྲུག་པའི་སྔགས་ཀྱི་མཐར། ཨོཾ་བཛྲ་ཨཱ་བེ་ཤ་ཡ་ཨ་ཨ་ཨ། ཞེས་ལན་གྲངས་ཅི་ནུས་བརྗོད་གུ་གུལ་སོགས་འདེབས་པའི་རྗེས་བདུག་ཅིང་རོལ་མོའི་སྒྲ་བྱའོ། །དེ་ལྟར་དབབ་པའི་ཡེ་ཤེས་པ་སྒོ་གསུམ་དང་དབྱེར་མི་ཕྱེད་པར་བརྟན་པར་བྱས་པའི་མོས་པ་མཛོད། རྡོ་རྗེ་མགོར་བཞག་ལ། ཏིཥྛ་བཛྲཿཞེས་བརྗོད། དེ་ནས་དཔལ་གྱི་གཏོར་ཆེན་ཐོགས་ལ། གཏོར་མ་འདི་ཉིད་དུར་ཁྲོད་ཆེན་པོའི་ཀློང་དཀྱིལ་ཡེ་ཤེས་ཀྱི་མེ་དཔུང་འབར་བའི་དབུས་སུ་པདྨ་ཉི་མ་ཟླ་བ་དབང་ཕྱུག་ཕོ་མོ་བསྣོལ་བའི་སྟེང་དུ་བཅོམ་ལྡན་འདས་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གསུམ་ཕྱག་དྲུག་པ་ཡུམ་འཁོར་ལོ་རྒྱས་འདེབས་མ་དང་མཉམ་པར་སྦྱོར་བའི་སྐུར་གསལ་བའི་སྤྱི་བོའི་ཨོཾ་དཀར་པོ་ལས་སྐུ་དང་ཡིག་འབྲུ་ཕྱག་མཚན་འོད་ཟེར་དཀར་པོའི་ཚོགས་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་དཔྲལ་བར་ཐིམ་པས་ལས་ཀྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། སྐུའི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་མཛོད་ཅིག །ཧཱུྃ་ ― LT30_Page_0410 ―
[མ་དཔེ་གཟིགས་ན་འདིར་གནོན།]
ཐབས་ཀྱི་སྤྱོད་པས་འགྲོ་དོན་ཏུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་པར་མཛོད། །དབང་དང་དངོས་གྲུབ་འདིར་སྩོལ་ཅིག །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྷནྡྷ་ཧཱུྃ་ཕཊ། ཀཱ་ཡ་ཨ་བྷི་ཥིཉྩ་ཨོཾ། །ཞེས་གཏོར་མ་སྤྱི་བོར་བཞག །ཡང་གཏོར་མ་དཔལ་ཆེན་རྡོ་རྗེ་གཞོན་ནུ་ཡབ་ཡུམ་དངོས་སུ་གསལ་བའི་མགྲིན་པའི་ཨཱཿདམར་པོ་ལས་སྐུ་དང་ཡིག་འབྲུ་ཕྱག་མཚན་འོད་ཟེར་དམར་པོའི་ཚོགས་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་མགྲིན་པར་ཐིམ་པས་ངག་གི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། གསུང་གི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་མཛོད་ཅིག་ཧཱུྃ། ཐབས་ཀྱི་སྤྱོད་པས་སོགས་ཤློ་ཀ་དང་སྔགས་གོང་ལྟར་གྱི་ཤམ་དུ། ཝཱཀ་ཨ་བྷི་ཥིཉྩ་ཨཱཿཞེས་མགྲིན་པར་བཞག །ཡང་གཏོར་མ་དཔལ་ཆེན་རྡོ་རྗེ་གཞོན་ནུ་ཡབ་ཡུམ་དངོས་སུ་གསལ་བའི་ཐུགས་ཀའི་ཧཱུྃ་སྔོན་པོ་ལས་སྐུ་དང་ཡིག་འབྲུ་ཕྱག་མཚན་འོད་ཟེར་སྔོན་པོའི་ཚོགས་དཔག་ཏུ་མེད་པར་འཕྲོས། ཁྱེད་རང་རྣམས་ཀྱི་སྙིང་གར་ཐིམ་པས་ཡིད་ཀྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། ཐུགས་ཀྱི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་རྩེ་གཅིག་ཏུ་མཛོད། ཚིགས་བཅད་སྔགས་བཅས་གོང་ལྟར་ལ། ཙིཏྟ་ཨ་བྷི་ཥིཉྩ་ཧཱུྃ། ཞེས་སྙིང་གར་བཞག །ཡང་གཏོར་མ་དཔལ་ཆེན་རྡོ་རྗེ་གཞོན་ནུ་ཡབ་ཡུམ་དངོས་སུ་ ― LT30_Page_0411 ―
[མ་དཔེ་གཟིགས་ན་འདིར་གནོན།]
གསལ་བའི་གནས་གསུམ་ནས་སྐུ་དང་ཡིག་འབྲུ་ཕྱག་མཚན་འོད་ཟེར་ཁ་དོག་སྣ་ཚོགས་པ་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་གནས་གསུམ་དུ་ཐིམ་པས་སྒོ་གསུམ་ཆ་མཉམ་གྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། རྡོ་རྗེ་གསུམ་འདུས་ཀྱི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་རྩེ་གཅིག་ཏུ་མཛོད། ཚིགས་བཅད་སྔགས་ཀྱི་མཐར། སརྦ་ཨ་བྷི་ཥིཉྩ་ཧྲཱིཿཞེས་གནས་གསུམ་དུ་བཞག །སླར་ཡང་གཏོར་མ་བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུ་ཡབ་ཡུམ་གཙོ་འཁོར་སྤྲུལ་པ་ཕྱག་བརྙན་དང་བཅས་པའི་སྟེང་གི་ཆ་ལ་རིག་འཛིན་རྩ་བརྒྱུད་བླ་མ། བར་གྱི་ཆ་ལ་ཡི་དམ་རྒྱུད་སྡེའི་ལྷ་ཚོགས། འོག་གི་ཆ་ལ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་ཏེ་བཞུགས་པ། ཁྱེད་རང་རྣམས་ཀྱི་སྤྱི་བོར་སྤྱན་དྲངས་ཤིང་བྱིན་གྱིས་བརླབས་པ་ལ་བརྟེན་ནས། སྐུའི་ཆ་རྣམས་ནས་ཁྲོ་ཆུང་མཚོན་ཆ་མེ་དཔུང་གི་ཚོགས་འཕྲོས་པས་ནད་གདོན་བར་དུ་གཅོད་པ་ཐམས་ཅད་རྒྱང་རིང་དུ་བསྐྲད་ཅིང་བསལ། རྡོ་རྗེ་བདུད་རྩི་བྱིན་རླབས་ཡེ་ཤེས་ཀྱི་ཆུ་རྒྱུན་དཔག་ཏུ་མེད་པ་བྱུང་ཞིང་ཁྱེད་རང་གི་སྤྱི་བོ་ནས་ཞུགས། ལུས་ཀྱི་ནང་གང་བས་དབང་བཞི་རྩལ་རྫོགས་སུ་ཐོབ། དངོས་གྲུབ་རྣམ་པ་གཉིས་སྟན་ཐོག་གཅིག་ཏུ་བརྙེས་པར་མོས་ཤིག །ཧཱུྃ། །འཁོར་བ་ཕུར་བུ་བསྒྲུབ་དོན་ཏུ། །དབང་དང་བྱིན་རླབས་ཞུ་བའི་ཕྱིར། །ཡེ་ཤེས་ཁྲོ་བོ་ ― LT30_Page_0412 ―
[མ་དཔེ་གཟིགས་ན་འདིར་གནོན།]
གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཕུར་པའི་དངོས་གྲུབ་སྩལ་དུ་གསོལ། །ཅེས་དང་། །ཡེ་ཤེས་ལྔ་ལྡན་རིགས་ལྔ་བདེ་བར་གཤེགས། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །འཁོར་ལོ་རབ་བསྐོར་ཞི་ཁྲོའི་སྐུར་སྟོན་པ། །ཐུགས་དམ་བཞིན་དུ་འདི་ལ་བརྩེར་དགོངས་ནས། །དྲག་པོའི་སྟོབས་ཀྱིས་དགྲ་བགེགས་བསྒྲལ་བ་དང་། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཞེས་གཏོར་མ་སྤྱི་བོར་བཞག་ལ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་དང་། སངས་རྒྱས་ཐམས་ཅད་ཀྱི་ཕྲིན་ལས་མི་ཟད་པ་རྒྱན་གྱི་འཁོར་ལོའི་སྟོབས་གཅིག་ཏུ་འདུས་པ་དཔལ་ཆེན་རྡོ་རྗེ་གཞོན་ནུའི་ལྷ་ཚོགས་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པས་རྡོ་རྗེའི་སློབ་མ་འདི་རྣམས་ཀྱི་རྒྱུད་ལ་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་སྒོ་ནས་བྱིན་གྱིས་བརླབ་ཏུ་གསོལ། ནད་གདོན་སྡིག་སྒྲིབ་བགེགས་དང་བར་དུ་གཅོད་པ་ཐམས་ཅད་ཉེ་བར་ཞི་བ་དང་། ཚེ་དང་བསོད་ནམས་དཔལ་དང་འབྱོར་པ་ཐམས་ཅད་འཕེལ་ཞིང་རྒྱས་པ་དང་། བྱང་ཆུབ་ཀྱི་སེམས་རྣམ་པ་གཉིས་རྒྱུད་ལ་སྐྱེས་ནས་མྱུར་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་དཔལ་ཆེན་རྡོ་རྗེ་གཞོན་ནུའི་གོ་འཕང་ཚེ་འདི་ཉིད་ལ་ཐོབ་པར་བྱིན་གྱིས་བརླབ་ཏུ་གསོལ། ཅེས་དང་སྙིང་པོ་བརྗོད། མཐར། གཏོར་མའི་ལྷ་ཚོགས་འཁོར་དང་བཅས་པ་འོད་དུ་ཞུ་ནས་ ― LT30_Page_0413 ―
[མ་དཔེ་གཟིགས་ན་འདིར་གནོན།]
ཁྱེད་རང་རྣམས་ཀྱི་སྤྱི་བོ་ནས་ཐིམ་པས་རྒྱུད་བྱིན་གྱིས་བརླབས་པར་མོས་མཛོད། ཛཿཧཱུྃ་བཾ་ཧོཿམཐའ་རྟེན་བཟླས་པའི་ལུང་སྦྱིན་པའི་དོན་དུ་དམིགས་པ་འདི་བཞིན་ཏུ་མཛོད། སློབ་དཔོན་དང་ཁྱེད་རང་རྣམས་ཀྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ། རྡོ་རྗེ་སྔོན་པོ་ནས་འབྲས་ཙམ་གྱི་ལྟེ་བར་ཉི་མའི་སྟེང་དུ་ཧཱུྃ་ཡུངས་འབྲུ་ཙམ་གྱི་མཐར། ཀཱི་ལ་ཡ་སྐྲ་ཤད་ཀྱིས་བྲིས་པ་ལྟ་བུས་བསྐོར་ནས་ཡོད་པའི་མོས་པ་མཛོད་ལ། སློབ་དཔོན་ལ་གུས་འདུད་དྲག་པོ་དུད་པར་བྱས་པས། སློབ་དཔོན་གྱི་ཐུགས་ཀའི་ཧཱུྃ་ཡིག་སྔགས་ཕྲེང་དང་བཅས་པ་ལས། སྔགས་ཕྲེང་མར་མེ་གཅིག་ལས་གཉིས་ཆད་ཀྱི་ཚུལ་དུ་བྱུང་། སློབ་དཔོན་གྱི་ཞལ་ནས་ཐོན། །ཁྱེད་རང་རྣམས་ཀྱི་ཞལ་དུ་ཞུགས། སྙིང་གའི་ཧཱུྃ་ཡིག་སྔགས་ཕྲེང་དང་བཅས་པ་ལ། དང་པོས་ཐིམ། གཉིས་པས་བྱིན་བརླབས། གསུམ་པས་བརྟན་པར་བྱས་པའི་མོས་པ་མཛོད་ལ། སྔགས་འདིའི་རྗེས་ཟློས་ལན་གསུམ་བར་དུ་མཛོད། ཀཱི་ལ་ཡ་ལན་གསུམ། དེ་ནས་ཁྱེད་རང་རྣམས་ཀྱིས་སློབ་དཔོན་ལ་མེ་ཏོག་འཐོར་བཞིན་པས་འདིའི་རྗེས་ཟློས་མཛོད། བཅོམ་ལྡན་བདག་ལ་སྩལ་ལགས་ཀྱིས། །བདག་ལ་འགོ་བར་མཛད་དུ་གསོལ། །གསུམ། སློབ་དཔོན་གྱིས་མེ་ཏོག་བྱིན་གྱིས་བརླབས་ནས། བཅོམ་ལྡན་འདི་ལ་སོགས་སྤྱི་ལྟར་བྱ། དེ་ནས་མེ་ཏོག་འཐོར་ཞིང་ཤིས་བརྗོད་བྱས་ལ་རོལ་མོ་བསྒྲག །དེ་ལྟར་རྡོ་རྗེ་ཕུར་པའི་བཀའ་སྲོལ་ཐམས་ཅད་ཀྱི་ནང་ ― LT30_Page_0414 ―
[མ་དཔེ་གཟིགས་ན་འདིར་གནོན།]
ནས་རྒྱལ་མཚན་གྱི་ཏོག་ལྟར་མངོན་པར་མཐོ་བ་འཁོན་ལུགས་གྲུབ་བརྙེས་རིག་འཛིན་བར་མ་ཆད་པའི་བྱིན་བརླབས་ཀྱི་རྒྱུན་གཅིག་ནས་གཅིག་ཏུ་བྱོན་པ་གཏོར་མ་ལ་བརྟེན་པའི་སྨིན་བྱེད་ཟབ་མོ་བཟླས་ལུང་དང་བཅས་པ་ལེགས་པར་གྲུབ་པ་ཡིན་པས་སོགས་ཀྱིས་མཚམས་སྦྱར་ལ་དམ་ཚིག་ཁས་ལེན། གཏོང་རག་དགེ་བསྔོ་སོགས་སྤྱི་ལྟར་བྱས་པས་འགྲུབ་ལ། ཆོ་གའི་རྗེས་ཀྱི་བྱ་བའང་ཕྲིན་ལས་གང་ལ་བརྟེན་པ་དེ་ལྟར་བྱ་བ་ཡིན་ནོ། །འབར་བ་ཆེན་པོའི་བྱིན་རླབས་ཉིན་བྱེད་ཀྱིས། །བར་ཆད་དམ་སྲིའི་མུན་པར་རྩད་ནས་བཅོམ། །བསྟན་འགྲོ་དགེ་ལེགས་པད་མཚོ་རྒྱས་པ་ཡིས། །ས་གསུམ་ཀུན་དགར་བྱེད་པའི་བཀྲ་ཤིས་ཤོག །ཅེས་པ་འདིའང་དཔལ་ཧེ་རུ་ཀ་དང་རྣམ་དབྱེར་མ་མཆིས་པ་ཁྱབ་བདག་བླ་མ་འཇམ་དབྱངས་མཁྱེན་རྩེའི་དབང་པོའི་བཀའ་ལུང་ནོར་བུའི་རྒྱལ་པོ་བྱི་དོར་བྱ་བའི་བློས། །ཀུ་སཱ་ལི་གུ་འི་མིང་ཅན་བློ་གྲོས་མཐའ་ཡས་པའི་སྡེས། རྩ་བའི་རྒྱུད་དང་འཁོན་ལུགས་དྲག་པོ་སྒྲོལ་དབང་སོགས་ལས་རྩ་བ་ཙམ་བྱུང་བའི་ལུས་བཟང་ལ་སྨིན་བྱེད་སྤྱི་འགྲོའི་ཆོ་གའི་ལང་ཚོས་རྣམ་པར་སྤྲས་ཏེ་དཔལ་ཆེན་རོལ་པའི་ཕོ་བྲང་གལ་བར་སྐལ་ལྡན་ཀུན་དགའི་དགའ་སྟོན་ཏུ་བགྱིས་པ་དགེ་ལེགས་འཕེལ། ། དཔལ་ཆེན་པོ་རྡོ་རྗེ་ཕུར་པའི་སྨད་ལས་དྲག་པོ་སྒྲོལ་བའི་རྗེས་སུ་གནང་བའི་ཡི་གེ་བདུད་བཞིའི་གཡུལ་འཇོམས།― LT30_Page_0415 ―
[མ་དཔེ་གཟིགས་ན་འདིར་གནོན།]
དཔལ་ཆེན་པོ་རྡོ་རྗེ་ཕུར་པའི་སྨད་ལས་དྲག་པོ་སྒྲོལ་བའི་རྗེས་སུ་གནང་བའི་ཡི་གེ་བདུད་བཞིའི་གཡུལ་འཇོམས་ཞེས་བྱ་བ་བཞུགས་སོ། ། ― LT30_Page_0416 ―
[མ་དཔེ་གཟིགས་ན་འདིར་གནོན།]
དཔལ་ཆེན་པོ་རྡོ་རྗེ་ཕུར་པའི་སྨད་ལས་དྲག་པོ་སྒྲོལ་བའི་རྗེས་སུ་གནང་བའི་ཡི་གེ་བདུད་བཞིའི་གཡུལ་འཇོམས་ཞེས་བྱ་བ། བླ་མ་དང་དཔལ་ཆེན་པོ་བདུད་བཞིའི་གཡུལ་ངོ་འཇོམས་པ་ལ་ཕྱག་འཚལ་ལོ། །སྟོང་ཉིད་གཟུགས་སུ་གྱུར་པའི་རྡོ་རྗེའི་ཐོག །དངོས་འཛིན་བདུད་སྡེའི་བྲག་རི་ཐལ་བར་འབྱིན། །ལ་ལར་སྒེག་དང་ཁ་ཅིག་ཞི་བ་ཡིས། །སྙིང་ལ་བདུད་རྩིའི་བཅུད་སྩོལ་དེ་ལ་འདུད། །དཔལ་ལྡན་འཁོན་བརྒྱུད་མཐུ་སྟོབས་རྡོ་རྗེའི་ཟིལ། །མ་བཟོད་དྲེགས་ལྡན་ལྷ་མིན་ས་འོག་ཏུ། །བསིལ་ལྡན་བདེ་བའི་ཐབས་སུ་ལེགས་བཅིངས་པ། །གང་འདི་གྲུབ་པའི་མཐུ་སྟེ་དེས་སྐྱོངས་ཤིག །ཟབ་གཉན་ཀུན་གྱིས་བགོད་པའི་ལམ་པོ་ཆེར། །མི་འགྲོ་ ― LT30_Page_0417 ―
[མ་དཔེ་གཟིགས་ན་འདིར་གནོན།]
རང་བདེར་བགྲོད་འདི་མཁས་འདོད་མིན། །སྐལ་པས་ཉིན་བྱེད་ལས་སུ་མ་གྱུར་པ། །མཐོང་བའི་གོ་འབྱེད་སྒྲོན་མེ་བཏེགས་པ་བཞིན། །འདིར་བདུད་དང་དམ་སྲིའི་གཡུལ་ངོ་འཇོམས་པ་ལ་གཅིག་ཏུ་དཔའ་བའི་དཔལ་ཆེན་རྡོ་རྗེ་སྲིན་པོའི་སྨད་ལས་དགྲ་བགེགས་སྒྲོལ་བའི་རྗེས་སུ་གནང་བ་ལ་དོན་གསུམ། སྦྱོར་བ་དཀྱིལ་འཁོར་དང་ཡོ་བྱད་ཉེ་བར་བསྡོགས་པ། དངོས་གཞི་སྒྲུབ་ཅིང་རྗེས་གནང་བྱ་བ། རྗེས་ཀྱི་རིམ་པ་ཇི་ལྟར་བྱ་བའོ། །དང་པོ་ནི། གནས་ཁང་རྙིང་པར་དཀྱིལ་འཁོར་གྱིས་ཆོག་མི་དགོས་ཤིང་། ཐིག་ཚོན་བྱིན་རླབས་སོགས་ཀྱང་ཕྱག་སྲོལ་མི་འདུག་པས། ཡི་དམ་ཆོས་སྐྱོང་གི་རྟེན་བཀྲམ་པའི་མདུན་སྟེགས་བུ་ལ་ཨེ་ཁྲམ་ཉེར་གཅིག་གི་དཀྱིལ་འཁོར་འབྲི་སྟེ། དེའང་སྣ་ཚོགས་རྡོ་རྗེ་དང་པད་ར་སྤངས་པའི་གཞན་དྲག་པོའི་དཀྱིལ་འཁོར་སྤྱི་ལྟར་ལ། རྩིག་པའི་ནང་དུ་རྡོ་རྗེའི་གདུང་ཟླུམ་པོར་བསྐོར་བའི་ཤར་ནུབ་ཚངས་ཐིག་དབུས་བྱས་པའི་གཡས་གཡོན་ཆ་ལྔ་ལྔར་བགོས། ཤར་གྱི་ཚངས་ཐིག་ནས་ཆ་གཉིས་བོར་པའི་གསུམ་པའི་རྟགས་སྟེང་ཐིག་འདེབས་དེ་བཞིན་ཏུ་བསྐོར་ཏེ་ལན་ལྔར་འདེབས། ནུབ་ཀྱི་ཚངས་ཐིག་ནས་བཟུང་དེ་དང་འདྲ་བ་ལན་ལྔ་བཏབ་པས་གྲུབ་གསུམ་རྩེ་མོ་ཕྱི་བསྟན་བཅུ་དང་། ནང་བསྟན་བཅུ་འབྱུང་། ལྟེ་བའི་ཤར་གྱི་ཚངས་ཐིག་དང་། ལྷོ་ནུབ་ནུབ་བྱང་གི་རྒྱ་ ― LT30_Page_0418 ―
[མ་དཔེ་གཟིགས་ན་འདིར་གནོན།]
མདུད་འཇོམ་གསུམ་པོ་ཐིག་གིས་སྦྲེལ་བས་གྲུ་གསུམ་གཅིག་སྟེ་བསྡམས་པས་ཉེར་གཅིག་པོ་ཐམས་ཅད་ཀྱི་ནང་མཐའ་ལ་ཆ་ཆུང་རེ་བཅད་པ་མུ་རན་ནོ། །ཆོས་འབྱུང་ནག་པོ། མུ་རན་དམར། དེ་རྒྱབ་མུ་ཁྱུད་ལ་རྡོ་རྗེའི་ཕྲེང་བ་ནག །གདུང་ཟླུམ་སྔོན་པོ་ལ་རྡོ་རྗེའི་ཕྲེང་བ་སེར་པོ། ཁོང་གསེང་དང་ལྷ་རྣམས་ཕྱོགས་མདོག །ཁྱམས་ཁྲག་མཚོ་སོགས་བྱ། དཀྱིལ་འཁོར་པའི་ཞལ་ངེས་པར་འཇིག་རྟེན་པའི་ལྷོ་ཕྱོགས་སུ་སྟོན་པར་བཞེད་དེ་མངོན་སྤྱོད་ཀྱི་ལས་མཐུན་དང་། འཕགས་ཡུལ་གྱི་གཤེད་སྐོར་བ་རྣམས་དང་། བདེ་མཆོག་མཁན་པོ་ཁ་གཅིག་གི་ཕྱག་སྲོལ་དུ་མངོན། །འོན་ཀྱང་རྗེ་བཙུན་གྱིས་འཇིགས་བྱེད་སྐབས་སུ་རྣམ་པ་ཀུན་ཏུ་གྲུ་གསུམ་གྱི་རྩེ་མོ་རང་ལ་སྟོན་ཏུ་མི་རུང་བས། དཀྱིལ་འཁོར་གྱི་ཞལ་འཇིག་རྟེན་པའི་ལྷོ་ཕྱོགས་སྟོན་ཅིང་རང་དང་དཀྱིལ་འཁོར་ཞལ་སྤྲོད་བྱེད་པའི་ཚེ། གྲུ་གསུམ་རྩེ་མོ་དཀྱིལ་འཁོར་ལྷོའི་རང་ལ་གཟུར་ནས་སྟོན་དགོས་པར་གསུངས། རྡུལ་ཚོན་མ་གྲུབ་ན་རལ་བྲིས་བཏིང་། གང་ལྟར་དཀྱིལ་འཁོར་གྲུབ་པ་དང་ཕུར་བུ་འགོད་དགོས་པས་འཛོམ་ན་ལྷ་ཕུར་བཞི་བཅུ། མ་འཛོམ་ན་གཙོ་བོ། ཁྲོ་བཅུ། སྒོམ་བཞི་བཅས་བཅོ་ལྔ་མེད་དུ་མི་རུང་བས་ནས་ཀྱི་སྣོད་དུ་གཟུག །རྡོ་རྗེ་སློབ་དཔོན་སོགས་བརྗོད་ཅིང་། བདག་ཉིད་སྐད་ཅིག་གིས་དཔལ་ཆེན་པོ་རྡོ་རྗེ་གཞོན་ནུའི་སྐུར་གྱུར། དཀྱིལ་ཆོག་སྔོན་འགྲོ་ལྔ་པ་ཕུར་པ་བྱིན་ ― LT30_Page_0419 ―
[མ་དཔེ་གཟིགས་ན་འདིར་གནོན།]
གྱིས་རླབས་པའི་སྐབས་བཞིན་ཕུར་པ་བྱིན་རླབས་ཚང་བར་བྱ། ལྷ་གནས་རྣམས་སུ་གདན་བསྐྱེད་ལ་ཕུར་གདན་བཀོད། དབུས་ནས་རང་བྱུང་སོགས་ཀྱིས་ཕུར་བུ་རྣམས་རང་རང་གི་བཞུགས་གནས་མ་འཆོལ་བར་བཀོད་པའི་མཐར་སྒོས་མཆོད་སོ་སོའི་མདུན་དུ་མར་མེ། དེའི་གཡས་སུ་ཞལ་ཟས། གཡོན་ཏུ་བདུག་སྤོས་རྣམས་དང་། ཐམས་ཅད་ཀྱི་མཐར་སྤྱི་མཆོད་དཀྱིལ་འཁོར་གྱི་ཤར་ལྷོ་ནས་བརྩམ་པ་སྟེ། མཚམ་འཛིན་མེ་ཏོག །ཁྲག་གི་མཆོད་ཡོན་སོགས་དྲག་པོའི་མཆོད་པ་གཡོན་བསྐོར་དུ་བཤམ། འགྲུབ་ན་མདའ་དྲྭ་སོགས་རྒྱན་བཀོད་སྒྲུབ་མཆོད་ལྟར་བྱ། དཀྱིལ་འཁོར་གྱི་མདུན་རྒྱབ་བམ་ལོགས་གར་བདེར་དབང་གཏོར་སྒྲུབ་གཏོར་དང་མཚུངས། འབུལ་གཏོར་བཅུ་ཚར། སྨན་རཀ་གཉིས། དེ་དག་གི་མདུན་ཏུའང་ཆུ་གཉིས་ཉེར་སྤྱོད་རྣམས་བཤམ། རྗེས་གནང་དོན་བདུན་པོའི་ཆས་སོ་སོར་གོ་རིམ་མ་ནོར་བར་དོན་ཚན་རེ་རེ་སྦོམ་ནས་བཞག་སྟེ། སྤྲུལ་སྐུའི་རྗེས་གནང་སྐོར་གཅིག །དེ་བཞིན་ཏུ། སྐུ་ཆ་རྐྱེན་གྱི་རྗེས་གནང་། གསུང་བཟླས་པའི་རྗེས་གནང་ལ་རང་གི་བསྙེན་པ་བྱས་པའི་ཐོད་ཕྲེང་། །ཐུགས་ཡེ་ཤེས་སེམས་དཔའ། མཛད་པ་ཕྲིན་ལས་ལ་ཡང་འགྲེལ་སོ་དྲུག་ཆས་སོགས། དྲག་པོ་སྒྲོལ་བའི་རྗེས་གནང་ལ། དུག་གཏོར་སྟོད་ཟུར་གསུམ་ཐོག་མ་དེ་ལ་ལྟ་བུ། སྨད་ཟུར་གསུམ་ཁྲག་གིས་ ― LT30_Page_0420 ―
[མ་དཔེ་གཟིགས་ན་འདིར་གནོན།]
བྱུགས་པ་དང་། ཡང་དམར་གཏོར་གཅིག་དངོས་སུ་བཤམ། གཞན་གཞུང་དུ་སྨོས་པའི་ལྷ་སྐུ་དང་རྫས་དབང་ཐམས་ཅད་ཙཀ་ལི་རྒྱབ་ཡིག་ཅན་ཁོ་ན་མཛད་པ་ཉིད་ཚན་ཏུ་བཅད་ནས་དཀྱིལ་འཁོར་དབུས་སུ་མཉྫིའི་ཁར་རིན་པོ་ཆེའི་སྣོད་འབྲུས་བཀང་བར་བཞག་པའི་ཕྱག་སྲོལ་ཡོད་དོ། །སློབ་དཔོན་མདུན་ཏུ་སྲས་མཆོག་རིགས་ལྔའི་ཕུར་པ། རྡོར་དྲིལ་སོགས་བཀོད། སྔོན་གཏོར། ཚོགས་ཀྱི་ཡོ་བྱད། བསྒྲལ་བའི་ལིངྒ་སོགས་ཀྱང་འཚོགས་པར་བྱའོ། །གཉིས་པ་དངོས་གཞི་ལ་གཉིས་ལས། དང་པོ་བདག་མདུན་སྒྲུབ་པ་ནི། སྔོན་འགྲོ་གཏོར་མ་བཏང་། གནས་ཡོ་བྱིན་རླབས་གཏོར་བཟློག་ཏུ་སྨོས་པ་ལྟར་བྱ། སྐྱབས་སེམས། ཡིག་བརྒྱ། ཚད་མེད་བསྒོམ་པ། མཚམས་གཅོད་ནས་བརྩམས་ཏེ། ཕུར་པ་རྫས་ཀྱི་དཀྱིལ་འཁོར་བསྐྱེད་བསྟིམ་རྒྱས་གདབ་གྲུབ་ཀྱི་བར་བཏང་ལ་བདག་བསྐྱེད་བསྒོམ། མདུན་བསྐྱེད་དཀྱིལ་འཁོར་ལ་རྡོ་རྗེའི་རྩེས་ནང་མཆོད་འཐོར་ལ། བསངས་སྦྱང་། སྭ་བྷཱ་བ། ཤུནྱ་ཏཱ། ཨོཾ་དྷརྨ་དྷཱ་ཏུ་སྭཱ་བྷཱ་བ་ཨཱཏྨ་ཀོ྅ཧཾ། ཧཱུྃ། རྡོ་རྗེ་ཁྲོས་པས་ཞེ་སྡང་གཅོད། སོགས་ནས། རང་སེམས་ཞེས་པ་རྣམས་དོར་ལ། གཞལ་ཡས་ཁང་གི་དབུས་སུ་གྲུ་གསུམ་མཐིང་ནག་འབར་བ། དེའི་ཕྱི་རོལ་དུ་དྲག་པོའི་རྒྱ་མདུད་གྲུ་གསུམ་བསྣོལ་མ་བཅུ་སྟེ་ཨེ་ཁྲམ་ཉེར་གཅིག་གིས་དབུས་དང་ཕྱོགས་བཅུར། པདྨ་ ― LT30_Page_0421 ―
[མ་དཔེ་གཟིགས་ན་འདིར་གནོན།]
མཎྜལ་སོགས་ནས། །དབུས་སུ་ཤཾ་རུ་དྲ་སོགས། འགྱེལ་བའི་གདན་ཕྱོགས་བཅུར་བགེགས་རྣམས་ཀྱི་ངོ་བོ་ཕྱོགས་སྐྱོང་བཅུ་ཆུང་མར་བཅས་པ། ཕྱོགས་བཞིར་ཞི་རྐྱང་གི་གདན་རྣམས་གྲུབ་པར་གྱུར། ནམ་མཁར་གནས་པའི་ཧཱུྃ་ཡིག་ནས། །བདག་ཉིད་ཅེས་དོར། །ཐམས་ཅད་རྡོ་རྗེ་གཞོན་ནུས་གཏམས། ཨོཾ་དཱི་བྷྭ་ཙཀྲ་ནས། གཉིས་མེད་འཁྱུད། ཨོཾ་བཛྲ་ཀྲོ་དྷ་ཧཱུྃ་ཀ་ར་ནས། །རྔམ་རྔམ་འདྲ་བའོ། །གཞན་ཡང་དབང་ཕྱུག་མ་ཉི་ཤུ་རྩ་བརྒྱད་ལ་སོགས་པ་དཔལ་ཆེན་པོའི་དཀྱིལ་འཁོར་སོགས་ནས། གྲུབ་པར་གྱུར། རང་གི་ཐུགས་ཀའི་ཧཱུྃ་སོགས། སྲུང་མ་དང་བཅས་པའི་རྣམ་པར་ཨོཾ་བཛྲ་ས་མཱ་ཛཿ ཧཱུྃ། སྲིད་པའི་ཕུར་བུ་སོགས་ནས། གཉིས་སུ་མེད་པར་ཐིམ། ཧཱུྃ། སངས་རྒྱས་ཀུན་གྱི་སོགས་གཙོ་བོ་བསྐྱེད་པའི་སྐབས་ལྟར་ལ། ཀརྨ་ཀྲོ་དྷཱི་ཤྭ་རི་ཨཱཿ དབང་བསྐུར་བས་གཙོ་བོ་ལ་མི་བསྐྱོད་པ། འཁོར་རྣམས་ལ་གཙོ་བོ་ཉིད་ཀྱིས་དབུ་བརྒྱན་པར་གྱུར། དེ་ནས་བདག་མདུན་ཐུན་མོང་དུ་མཆོད་བསྟོད་བཟླས་པ་བྱ་བ་ནི། སླར་ཡང་མཆོད་པ་བྱིན་བརླབ་བྱ། སྨན་མཆོད་ནས་བཟླས་པ་དང་། གཞི་བསྟོད་ཀྱི་བར་བྱ་བ་ལས། རིག་འཛིན་བསྐུལ་སྐབས་འདིར་བསྐྱུར། དེ་ནས་ཡི་དམ་ཆོས་སྐྱོང་སྤྱི་དང་། ཁྱད་པར་དཀར་འདུད་ཕུར་སྲུང་རྣམས་ཀྱི་གཏོར་འབུལ་དང་། །ཚོགས་བྱིན་བརླབས་ནས། བར་པ་བཤགས་པ་ཡན་ཚང་བར་བྱའོ། ། ― LT30_Page_0422 ―
[མ་དཔེ་གཟིགས་ན་འདིར་གནོན།]
གཉིས་པ་རྗེས་གནང་གི་ཆོ་ག་དངོས་ལ་སྔོན་འགྲོ། །དངོས་གཞི་གཉིས་ལས། དང་པོ་ནི། སྟོད་ལས་ཀྱི་དབང་བཞི་ཐོབ་པའི་སློབ་མ་རྣམས་སྒོར་ཁྲུས་བྱས་ཏེ་ནང་དུ་འོང་བ་དང་། སློབ་དཔོན་གྱིས་ཀཱི་ལ་ཡའི་དྲག་སྔགས་རོལ་མོ་དང་བཅས་པས་བགེགས་བསྐྲད། གུ་གུལ་བདུག། གྲལ་དུ་འཁོད་དེ་མེ་ཏོག་བཀྱེ་བསྡུ་བྱས་ལ། ནམ་མཁའ་དང་མཉམ་པའི་སེམས་ཅན་ཐམས་ཅད་བདུད་བཞི་ལས་རྣམ་པར་རྒྱལ་བ་ཁྲག་འཐུང་ཐམས་ཅད་ཀྱི་དབང་ཕྱུག་དཔལ་ཆེན་རྡོ་རྗེ་གཞོན་ནུའི་གོང་འཕང་ལ་འགོད་པར་བྱ། དེའི་ཆེད་དུ་དྲག་པོ་སྒྲོལ་བའི་རྗེས་གནང་ཟབ་མོ་གསན་ཅིང་ཕྲིན་ལས་ལ་འཇུག་པར་བྱའོ་སྙམ་པའི་བྱང་ཆུབ་ཏུ་ཐུགས་བསྐྱེད་པ་གསལ་བཏབ་ནས་གསན་པར་ཞུ། དེའང་ངེས་པའི་དོན་དུ་བཅོམ་ལྡན་འདས་རྡོ་རྗེ་སེམས་དཔའ་མ། རིག་འཛིན་རྒྱལ་པོ་རྡོ་རྗེ་ཆོས་སུ་གྲགས་པ་གང་ཉིད། གདུལ་བྱ་ཞི་བས་མི་འདུལ་བ་རྣམས་ཀྱི་གཉེན་པོར་དཔལ་ཆེན་ཀརྨ་ཧེ་རུ་ཀའི་སྐུར་བཞེངས་ཏེ། འོག་མིན་གསང་ཆེན་རོལ་པའི་དུར་ཁྲོད་ལ་སོགས་པར། འཇིགས་བྱེད་ཁྲོ་བོ་བཅུ་སོགས་ཡེ་ཤེས་རང་སྣང་གི་འཁོར་རྣམས་ལ་རྒྱུད་སྡེ་རྒྱ་མཚོ་ལྟ་བུ་གསུངས་ཤིང་། ཉིད་ལས་མི་གཞན་པའི་གསང་བའི་བདག་པོ་དང་མཁའ་འགྲོ་མ་རྣམས་ཀྱིས་བསྡུས་ཏེ་གཉེར་བ་ལས། དུས་ལ་བབ་པའི་ཚེ་ཨོ་རྒྱན་དང་། འཕགས་ཡུལ། འགྲོ་ལྡིང་། ― LT30_Page_0423 ―
[མ་དཔེ་གཟིགས་ན་འདིར་གནོན།]
སྲིན་ཡུལ། གངས་ཅན་ལྗོངས་སོགས་མིའི་ཡུལ་རྣམས་སུ་ཆ་ཤས་ཙམ་སྣང་བའི་དོན་ཉམས་སུ་བླངས་པས་བདུད་བཞི་ལས་རྣམ་པར་རྒྱལ་ཏེ་ཕྱག་རྒྱ་ཆེན་པོ་མཆོག་གི་རིག་འཛིན་བརྙེས་པ། མཁའ་འགྲོ་མ་བདེ་བའི་འཁོར་ལོ། སློབ་དཔོན་པྲ་བྷ་ཧ་སྟི་ལ་སོགས་པ་བསམ་གྱིས་མི་ཁྱབ་པ་བྱུང་། ཁྱད་པར་སངས་རྒྱས་གཉིས་པ་པདྨ་ཐོད་ཕྲེང་། པ་ཆེན་བི་མ་ལ་མི་ཏྲ། བལ་པོ་ཤཱི་ལ་མཉྫུ་སྟེ་སློབ་དཔོན་རྣམ་པ་གསུམ་གྱིས་ཆོས་འདི་ལས་གྲུབ་པ་བརྙེད་པའི་ཚུལ་བསྟན་སྟེ། དགོངས་ཉམས་གཅིག་ཏུ་དྲིལ་བའི་བསྟན་བཅོས་འབུམ་ནག་ཅེས་བྱ་བ་མཛད། སློབ་དཔོན་སངས་རྒྱས་གཉིས་པ་བོད་ཡུལ་མུན་པའི་གླིང་དུ་དམ་པ་ཆོས་ཀྱི་སྒྲོན་མེ་སྦར་བ་ལ་ཕེབ་པའི་ཚེ། རྗེ་ཆོས་རྒྱལ་ཆེན་པོ། གྲོགས་མཁར་ཆེན་བཟའ། འབངས་ནམ་མཁའི་སྙིང་པོ། སངས་རྒྱས་ཡེ་ཤེས་རིན་ཆེན། རྡོ་རྗེ་བདུད་འཇོམས། ཀླུའི་དབང་པོ་སོགས་སྐལ་པ་དང་ལྡན་པ་མཐའ་ཡས་པ་རྣམས་ཀྱིས་གསོལ་བ་བཏབ་པའི་ངོར། རིག་པ་མཆོག་གི་རྒྱུད་སོགས་ལ་བརྟེན་ནས་རྡོ་རྗེ་ཕུར་པའི་སྒྲུབ་ཐབས་དང་མན་ངག་དཔག་ཏུ་མེད་པ་གནང་བས། དེ་དག་གི་བརྒྱུད་པའི་ཆུ་བོ་རེ་རེ་ལས་ཀྱང་བརྒྱུད་སྲོལ་དུ་མར་གྱེས་ཏེ། ནང་དུག་ལྔ། ཕྱི་དགྲ་བགེགས་ལ་ཕུར་པ་ཐེབས་པས་ ― LT30_Page_0424 ―
[མ་དཔེ་གཟིགས་ན་འདིར་གནོན།]
མཆོག་དང་ཐུན་མོང་གི་དངོས་གྲུབ་གཅིག་ཆར་དུ་བརྙེས་པའི་རིག་འཛིན་རྩལ་འཆངས་ཆེན་པོའི་རྡུལ་ཙམ་བྱུང་། ད་ལྟའི་བར་དུའང་ལྷ་འདི་ལ་བརྟེན་ནས་ཡི་དམ་གྱི་ཞལ་གཟིགས་པ་ཆོས་ཉིད་ཀྱི་བདེན་པ་མཐོང་བ། ཕྲིན་ལས་རབ་འབྱམས་འགྲུབ་པར་བར་མ་ཆད་པ་ཞིག་གསར་རྙིང་སྤྱི་དང་། ལྷག་པར་རྗེ་བཙུན་ས་སྐྱ་པའི་གདུང་རིགས་རྣམས་ལས་བྱོན་ཏེ་སངས་རྒྱས་བསྟན་པའི་སྲོག་རྩ་བཟུང་། དེ་ལྟ་བུའི་ཟབ་ཅིང་རྒྱ་ཆེ་བའི་ལམ་གྱི་རིམ་པ་ཐམས་ཅད་བསྡུ་ན་ཕུར་བུ་རྣམ་བཞིའི་དགོངས་པར་འདུ་ཏེ། ནམ་མཁའ་ལྟ་བུའི་གང་ཟག་གིས་རིག་པ་ཡེ་ཤེས་ཀྱི་ཕུར་པ་ཆོས་ཀྱི་དབྱིངས་ལ་འདེབས། རི་བོ་ལྟ་བུའི་གང་ཟག་གིས་ཐུགས་རྗེ་སྤྲུལ་པའི་ཕུར་པ་ཁམས་གསུམ་གྱི་སེམས་ཅན་ལ་འདེབས། བྱ་ཀ་ལནྟ་ཀ་ལྟ་བུའི་གང་ཟག་གིས་བྱང་ཆུབ་སེམས་ཀྱི་ཕུར་པ་ཡུམ་གྱི་མཁའ་ལ་འདེབས། ཙནྡན་ལྟ་བུའི་གང་ཟག་གིས་མཚན་མ་རྫས་ཀྱི་ཕུར་པ་དགྲ་བགེགས་སྙིང་ལ་འདེབས་པའོ། །དེ་དག་ཉམས་སུ་ལེན་པའི་གདམས་ངག་མཐའ་ཡས་པ་རྣམས་ཀྱང་བསྡུ་ན། སྨིན་བྱེད་དབང་གི་ཆུ་བོ་སྐུར་བྱེད་ངོ་སྤྲོད་དང་བཅས་པ། དཀྱུས་བཤད་གཞུང་གི་ཆུ་བོ་འགྲེལ་ཊཱིཀ་གཏོང་ཐུན་དང་བཅས་པ། གདམས་པ་ཉམས་ལན་གྱི་ཆུ་བོ་ལག་ལེན་མངོན་རྟོགས་དང་བཅས་པ། མན་ངག་གནད་ཀྱི་ཆུ་བོ་དྲིས་ལེན་གེགས་ ― LT30_Page_0425 ―
[མ་དཔེ་གཟིགས་ན་འདིར་གནོན།]
སེལ་དང་བཅས་པ་སྟེ་ཆུ་བོ་བཞིར་འདུ། དེའང་དྲི་ལན་སྟོད་ལས་བྱང་ཆུབ་སྒྲུབ་པ་དང་། སྨད་ལས་དགྲ་བགེགས་སྒྲོལ་བའི་ལམ་གཉིས་སུ་འདུ་བ་ལས། ཕུར་པ་དང་པོ་གསུམ་གྱི་སྨིན་བྱེད་སྟོད་ལས་ཀྱི་དབང་བཞི་ཡོངས་སུ་རྫོགས་པ་སྔོན་ཏུ་གསན་གྲུབ་ནས་རྡོ་རྗེ་ཕུར་པའི་ཕྲིན་ལས་ཀྱི་གཙོ་བོ་ཕུར་པ་མཁན་པོ་གདབ་ལས་ལ་བརྟེན་ནས་འཚང་རྒྱ་བ་ཞེས་མཚན་མ་རྫས་ཀྱི་ཕུར་པ་བརྣག་པའི་འབེམ་ལ་བརྡེག་ཅིང་། རྒྱུད་ཀྱི་གནད་ཐོབ་ཅུ་གཉིས་ཀྱི་སྒོ་ནས་མངོན་སྤྱོད་ཀྱི་ལས་མཐར་ཕྱིན་པར་བྱེད་པ་ལ་ཐོག་མར་དྲག་པོ་སྒྲོལ་བའི་རྗེས་སུ་གནང་བ་མ་ཐོབ་པར་ལས་ལ་འཇུག་ཏུ་མི་རུང་ཞིང་ཞུགས་ཀྱང་འབྲས་བུ་མི་འབྱུང་བས། འཁོན་སྟོན་རྡོ་རྗེ་འཛིན་པ་རྣམས་ཀྱི་བཀའ་སྲོལ་ལས་བྱོན་པའི་མངོན་སྤྱོད་ཀྱི་རྗེས་སུ་གནང་བསྒྲུབ་པ་སྟེ། དེ་ལ་སློབ་དཔོན་གྱིས་བགྱི་བར་འོས་པ་རྣམས་གྲུབ་ཟིན་པས། ཁྱོད་རང་རྣམས་ཀྱི་ངོ་སྐལ་དུ་བབ་པ་བླ་མ་དང་རྡོ་རྗེ་གཞོན་ནུ་གཉིས་སུ་མེད་པའི་སྤྱན་སྔར། རྗེས་གནང་ཟབ་མོ་ཞུ་བའི་ཡོན་ཏུ་མཎྜལ་འབུལ་འཚལ། དེ་ལྟར་མཎྜལ་ཕུལ་ནས་གསོལ་བ་འདེབས་པ་འདིའི་རྗེས་ཟློས་ལན་གསུམ་གྱི་བར་དུ་མཛོད། སློབ་དཔོན་བདག་ལ་དགོངས་སུ་གསོལ། །སངས་རྒྱས་བསྟན་པ་སྲུང་བ་དང་། །སེམས་ཅན་ཀུན་ལ་ཕན་པའི་ཕྱིར། །ཧེ་རུ་ཀ་དཔལ་འཁོར་བཅས་ཀྱི། །མངོན་སྤྱོད་དྲག་པོའི་ཕྲིན་ལས་ཀྱིས། ། ― LT30_Page_0426 ―
[མ་དཔེ་གཟིགས་ན་འདིར་གནོན།]
བདག་ལ་རྗེས་སུ་བཟུང་དུ་གསོལ། །དེ་ལྟར་གསོལ་བ་བཏབ་ནས། ཁྱོད་རང་རྣམས་ཀྱིས་རྒྱུད་དག་པར་བྱ་བའི་སླད་དུ་དམིགས་པ་འདི་བཞིན་དུ་མཛོད། མདུན་གྱི་ནམ་མཁར་བླ་མ་དང་རྡོ་རྗེ་གཞོན་ནུའི་ལྷ་ཚོགས་གཉིས་སུ་མེད་པ་ལ་སངས་རྒྱས་བྱང་སེམས། དཔའ་བོ་མཁའ་འགྲོའི་ཚོགས་ཀྱིས་བསྐོར་ནས་བཞུགས་པའི་སྤྱན་སྔར་ཁྱོད་རང་རྣམས་ཀྱིས་གཙོས་པའི་སེམས་ཅན་ཐམས་ཅད་སྐྱབས་སུ་འགྲོ་ཞིང་སྡིག་པ་བཤགས་པ་ལ་སོགས་པ་ཐུན་མོང་གི་དམ་ཚིག་དང་སྡོམ་པ་བཟུང་སྙམ་པས་འདིའི་རྗེས་ཟློས་ལན་གསུམ་གྱི་བར་དུ་མཛོད། སངས་རྒྱས་ཆོས་དང་དགེ་འདུན་ལ་སོགས་གཏོར་ཟློག་ལྟར། དེ་ལྟར་ཐུན་མོང་གི་སྡོམ་པ་བཟུང་ནས་ཐུན་མོང་མ་ཡིན་པ་རིག་ལྔ་སྤྱི་དང་བྱེ་བྲག་གིས་བསྡུས་པའི་དམ་ཚིག་དང་སྡོམ་པ་རྣམས་ཀྱང་བཟུང་སྙམ་པས་འདིའི་རྗེས་ཟློས་མཛོད། བདེ་གཤེགས་རྒྱལ་བ་འཁོར་དང་བཅས་པ་སོགས་ལན་གསུམ། དེ་དག་གི་སྒོ་ནས་དམ་ཚིག་དང་སྡོམ་པ་རྣམས་བཟུང་ནས། རྗེས་སུ་གནང་བ་བསྒྲུབ་པ་ལ། ཐོག་མར་སློབ་དཔོན་གྱིས་དབང་རྫས་ལྷར་བསྐྱེད་ཅིང་བྱིན་གྱིས་རློབ་པ་ནི། ཤུ་ནྱ་ཏཱ་སོགས། དབང་རྫས་རྣམས་སྐད་ཅིག་གིས་བཅོམ་ལྡན་འདས་རྡོ་རྗེ་གཞོན་ནུ་ལྷ་ལྔ་བཅུ་རྩ་གཅིག་ཏུ་གྱུར་པ་ནི། ཧཱུྃ་དབུས་སུ་དཔལ་ཆེན་ཁྲོ་བོའི་རྒྱལ། །དུས་མཐའི་སྤྲིན་ལྟར་སོགས་ནས། དབུས་ན་བཞུགས། །ཡུམ་ཆེན་འཁོར་ལོ་རྒྱས་འདེབས་སོགས། ― LT30_Page_0427 ―
[མ་དཔེ་གཟིགས་ན་འདིར་གནོན།]
གཉིས་མེད་འཁྱུད། །སྟེང་དུ་ཁྲོ་བོ་ཧཱུྃ་མཛོད་སྡེ། །སོགས་ནས། ཏཾ་ཏཾ་འདྲ་བ། གཞན་ཡང་དབང་ཕྱུག་མ་ཉི་ཤུ་རྩ་བརྒྱད་སོགས་དཔལ་ཆེན་པོའི་དཀྱིལ་འཁོར་ནས། གྲུབ་བར་གྱུར། གྱི་བར་བརྗོད་པ་ལས་བར་གྱི་བསྐྱེད་སྔགས་ཐམས་ཅད་དོར་རོ། །ཨོཾ་བཛྲ་ཀཱི་ལི་ཀཱི་ལ་ཡ་ས་པ་རི་ཝཱ་ར་བཛྲ་ས་མཱ་ཛ། ཛཿཧཱུྃ་་བཾ་ཧོཿ ལྷ་དེ་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿཐུགས་ཀར་ཧཱུྃ། ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བཛྲ་སྭ་བྷཱ་ཝ་ཨཱརྨ་ཀོ྅ཧཾ། ཧཱུཾ་ཐབས་ཀྱི་སྤྱོད་པས་འགྲོ་དོན་སོགས་ནས། ཀརྨ་ཀྲོ་དྷཱི་ཤྭ་རི་ཨཱཿགཙོ་བོ་ལ་མི་བསྐྱོད་པ། འཁོར་རྣམས་ལ་གཙོ་བོ་ཉིད་ཀྱིས་དབུ་བརྒྱན་པར་གྱུར། གཙོ་འཁོར་ཡོངས་རྫོགས་ཀྱི་སྙིང་པོ་དང་། སུཾ་ཏྲི་ཀ་རཀྴ་བྷྱོཿ ཐིབ་ཐིབ་ཙ་ཀྲ་བྷྱོཿ སྙིང་ཁ་རག་དུན་ཏྲི་བྷྱོཿ ཧྲི་་ཤིག །སེ་ན་ཏུ་བ། །བ་རག་རྦད། དུཾ་བུ་བྷྱོཿབཛྲར་ཏྲི་རཀྵ་ཙ་ཏུ་རྨཱ་ར་ཡ་ཧཱུྃ། གནོད་བྱེད་དགྲ་སྒེགས་ཐམས་ཅད་མཱ་ར་ཡ་ཧཱུྃ་ཕཊ། ཅེས་སོགས་ཐུན་སྔགས་རྣམས་ཇི་ལྟར་རིགས་པ་བཟླས་ལ། དེ་ལྟར་སྔགས་ཀྱི་བྱིན་རླབས་སྟེ་གཟི་བརྗིད་བསྐྱེད་པ་ལ་བསྟེན་ནས། དབང་བསྐུར་བའི་ཚེ་ཁྱོད་རང་རྣམས་ཀྱི་སྤང་བྱ་དེ་དང་དེ་དག །ལྷ་དེ་དང་དེར་བྱིན་གྱིས་རློབས་པ་དང་། སྲུང་མ་རྣམས་ཀྱི་ཕྲིན་ལས་བཞི་བསྒྲུབ་པ་ཐུན་རྫས་རྣམས་སོ་སོར་མཐུ་བསྐྱེད་པའི་ནུས་པ་དང་ལྡན་པར་བྱིན་གྱི་རླབས་པའི་མོས་པ་མཛོད། དེ་ལྟར་དབང་རྫས་ལྷར་བསྐྱེད་ཅིང་བྱིན་གྱི་རླབས་པ་སོགས་སྔོན་འགྲོའི་ཆོས་སོང་ནས། །ད་ ― LT30_Page_0428 ―
[མ་དཔེ་གཟིགས་ན་འདིར་གནོན།]
དངོས་གཞི་རྗེས་སུ་གནང་བ་ལ་དོན་ཚན་བདུན་ཏེ། དེ་ཡང་འབྲས་བུ་སྤྲུལ་སྐུའི་རྗེས་གནང་། སྐུའི་ཆ་རྐྱེན་གྱི་རྗེས་གནང་། གསུང་བཟླས་ཕྲེང་གི་རྗེས་གནང་། ཐུགས་ཡེ་ཤེས་སེམས་དཔའི་རྗེས་གནང་། མཛད་ཕྲིན་ལས་ཀྱི་རྗེས་གནང་། དྲག་པོ་སྒྲོལ་བའི་རྗེས་གནང་། རང་རྟགས་ཕྱག་རྒྱའི་རྗེས་གནང་རྣམས་སུ་ཡོད་པ་ལས། ཐོག་མར་ཁྱེད་རང་རྣམས་དམིགས་པ་འདི་བཞིན་ཏུ་མཛོད། སློབ་དཔོན་གྱིས་ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི།།།བྷནྦྷ་ཧཱུྃ་ཕཊ། ཞེས་བརྗོད་པའི་རྐྱེན་གྱིས་ཁྱོད་རང་རྣམས་སྐད་ཅིག་ཙམ་གྱིས་བཅོམ་ལྡན་འདས་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གསུམ་ཕྱག་དྲུག་པ་ཡུམ་འཁོར་ལོ་རྒྱས་འདེབས་མ་དང་མཉམ་པར་སྦྱོར་བའི་སྐུ་ཅན་དུ་གྱུར་པའི་མོས་པ་མཛོད། དེ་ལ་དང་པོ་འབྲས་བུ་སྤྲུལ་སྐུའི་རྗེས་གནང་གི་དོན་དེ་ཐོག་མར་གཙོ་བོ་ཡབ་ཡུམ་གྱི་སྐུ་སྤྱི་བོར་གཏུག་ཅིང་། དབང་བསྐུར་བའི་མོས་པ་མཛོད། གཙོ་བོ་ཡབ་ཡུམ་གྱི་ཙཀ་ལེ་ཐོགས་ཏེ། ཧཱུྃ། །དབུས་ཀྱི་ཁྲག་འཐུང་ཆེན་པོ་ནི། །དབུ་གསུམ་ཕྱག་དྲུག་ཞབས་བཞིར་བསྒྲད། །གཡས་དཀར་གཡོན་དམར་དབུས་མཐིང་ཞལ། །རྡོ་རྗེ་རྩེ་དགུ་རྩེ་ལྔ་དང་། །མེ་ཕུང་ཁ་ཊྭཱཾ་ཕུར་བུ་འདྲིལ། །སྐུ་སྟོད་གླང་ཆེན་ཀོ་རློན་གསོལ། །སྐུ་སྨད་སྟག་གི་ཤམ་ཐབས་ཅན། །ཞིང་ཆེན་གོས་ཟུང་གཡང་གཞི་གྱོན། །སྤྲུལ་ཆེན་རིག་བཞིའི་སྐུ་ལ་བརྒྱན། །ཐོད་པ་ཚར་གསུམ་སེ་རལ་ཁ། །ཐུགས་ ― LT30_Page_0429 ―
[མ་དཔེ་གཟིགས་ན་འདིར་གནོན།]
ནང་འབར་བའི་སྲོག་ཀྱང་བཞུགས། །དབུ་ལ་རྫོགས་པའི་སངས་རྒྱས་སྤྲུལ། །འཁོར་ལོ་རྒྱས་འདེབས་སྐུ་ལ་འཁྲིལ། །བསྐལ་པའི་མེ་རིའི་ཀློང་ན་བཞུགས། །ཐུགས་ཀྱི་སྤྲུལ་པ་ཕྱོགས་བཅུར་འགྱེད། །ཡབ་ཡུམ་རྫོགས་པ་ཉི་དབང་བྱིན་པས། །བགེགས་སོགས་དབང་དུ་སྡུད་པ་དང་། །ལྷ་སྐུ་བསྒོམ་པའི་དབང་ཐོབ་ཤོག །ཙཀླི་སྤྱི་བོར་བཞག་ལ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བནྡྷ་ཧཱུྃ་ཕཊ། ཨོཾ་དིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཨ་བྷི་ཥིཉྩ་ཨཱཿཁྱེད་རྣམས་ལ་གཙོ་བོ་དཔལ་ཆེན་རྡོ་རྗེ་གཞོན་ནུ་ཡབ་ཡུམ་གྱི་དབང་བསྐུར་བས་ཀུན་གཞིའི་རྣམ་པར་ཤེས་པ་གནས་སུ་དག་ནས་ཡི་དམ་ལྷའི་དབང་ཐོབ་པར་གྱུར་ཅིག། དེ་ནས་ཧཱུྃ་མཛད་སོགས་ཁྲོ་བཅུའི་ཙ་ཀླི་རིམ་པ་བཞིན་ཐོགས་ཏེ་དབང་བསྐུར་ལ། ཁྲོ་བོ་ཆེན་པོ་ཧཱུྃ་ཀ་ར། །འདོད་ཆགས་རྣམ་པར་དག་པ་སྟེ། །དབུ་གསུམ་ཕྱག་དྲུག་གཤོག་པ་ཅན། །རྡོ་རྗེ་སྒྲ་འབྱིན་སྐུ་ལ་འཁྲིལ། །སྤྲུལ་པ་པག་དང་རྨིག་བུར་བཅས། །ཡབ་ཡུམ་སྤྲུལ་པའི་དབང་སྦྱིན་པས། །ཡེ་ཤེས་ཕ་རོལ་ཕྱིན་རྫོགས་ཏེ། །ཚངས་པ་འདུལ་བའི་དབང་ཐོབ་ཤོག །ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ། གརྫ་གརྫ་ཧཱུྃ་ཕཊ། ཨ་བྷི་ཥིཉྩ་ཨཱཿཧཱུྃ་མཛད་ཀྱི་དབང་བསྐུར་བས་ཡེ་ཤེས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། འདོད་ཆགས་རྣམ་པར་དག་ནས་སྐྱེ་འཆི་ལ་དབང་བའི་དབང་ཐོབ་པར་གྱུར་ཅིག །ཁྲོ་བོ་ཆེན་པོ་རྣམ་པར་རྒྱལ། །ངག་འཁྱལ་རྣམ་པར་དག་པ་ ― LT30_Page_0430 ―
[མ་དཔེ་གཟིགས་ན་འདིར་གནོན།]
པ་སྟེ། །དབུ་གསུམ་ཕྱག༴ རྡོ་རྗེ་སྒེག་མོ༴ སྤྲུལ་པ་སྟག་དང་བྱ་རྒོད་བཅས། །ཡབ་ཡུམ་སྤྲུལ་པའི་དབང་༴ སྦྱིན་པའི་ཕ་རོལ་ཕྱིན་རྫོགས་ཏེ། །བརྒྱ་བྱིན་འདུལ་བའི་དབང་༴ ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ་ཧ་ན་ཧ་ན་ཧཱུྃ་ཕཊ། ཨ་བྷི་ཥིཉྩ་ཨཱཿརྣམ་པར་རྒྱལ་བའི་དབང་བསྐུར་བས་སོགས་འདི་མན་ཐམས་ཅད་འདྲ། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། ངག་འཁྱལ་རྣམ་པར་དག་ནས་སེམས་ལ་དབང་བའི་དབང་ཐོབ་པར་གྱུར་ཅིག །ཁྲོ་བོ་ཆེན་པོ་དབྱུག་སྔོན་ཅན། །རྫུན་དུ་སྨྲ་བ་དག་པ་སྟེ། །དབུ་གསུམ༴ རྡོ་རྗེ་སྡེར་མོ༴ སྤྲུལ་པ་གཡག་དང་བྱ་རོག་བཅས། །ཡབ་ཡུམ་སྤྲུལ་པའི༴ བསམ་གཏན་ཕ་རོལ༴ མེ་ལྷ་འདུལ་བའི༴ ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ་ད་ཧ་ད་ཧ་ཧཱུྃ་ཕཊ། ཨ་བྷི་ཥིཉྩ་ཨཱཿདབྱུག་སྔོན་ཅན་གྱི༴ བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ་རྫུན་དུ་སྨྲ་བ་རྣམ་པར་དག་ནས། ཡེ་ཤེས་ལ་དབང་བའི་དབང་ཐོབ་པར་གྱུར་ཅིག །ཁྲོ་བོ་ཆེན་པོ་གཤིན་རྗེ་གཤེད། །སྲོག་གཅོད༴ དབུ་གསུམ༴ རྡོ་རྗེ་དུར་ཁྲོད༴ སྤྲུལ་པ་ཤ་བ་འུག་པ་བཅས། །ཡབ་ཡུམ་སྤྲུལ༴ ཚུལ་ཁྲིམས༴ གཤིན་རྗེ་འདུལ༴ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ་པ་ཙ་པ་ཙ་ཧཱུྃ་ཕཊ། ཨ་བྷི་ཥིཉྩ་ཨཱཿགཤིན་རྗེ་གཤེད༴ ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། སྲོག་གཅོད་རྣམ་པར་དག་ནས་ཚེ་ལ་དབང་བའི་དབང་ཐོབ་པར་གྱུར་ ― LT30_Page_0431 ―
[མ་དཔེ་གཟིགས་ན་འདིར་གནོན།]
ཅིག །ཁྲོ་བོ་ཆེན་པོ་མི་གཡོ་མགོན། །ལོག་རྟོག༴ དབུ་གསུམ་ཕྱག༴ རྡོ་རྗེ་གཏུན་ཁུང་༴ སྤྲུལ་པ་གཟིག་དང་ཁྭ་ཏ་བཅས། །ཡབ་ཡུམ་སྤྲུལ༴ བཟོད་པའི༴ བདེན་བྲལ༴ ཨོཾ་བཛྲ་ཀྲོ་དྷ་ཨཱརླ་ཨ་ཙ་ལ་ཧཱུྃ་བྷནྡྷ་བྷནྡྷ་ཧཱུྃ་ཕཊ། ཨ་བྷི་ཥིཉྩ་ཨཱཿ མི་གཡོ་བས༴ བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། ལོག་པར་ལྟ་བ་རྣམ་པར་དག་ནས། སྐྱེ་བ་ལ་དབང་བའི་དབང་ཐོབ་པར་གྱུར་ཅིག །ཁྲོ་བོ་ཆེན་པོ་རྟ་མཆོག་དཔལ། ཕྲ་མ༴དབུ་གསུམ༴ རྡོ་རྗེ་གཏུམ་མོ༴ སྤྲུལ་པ་བྱི་ལ་པུ་ཤུད་བཅས། །ཡབ་ཡུམ༴ བརྩོན་འགྲུས༴ ཆུ་བདག༴ ཨོཾ་བཛྲ་ཀྲོ་དྷ་ཧྱ་གྲི་ཝ་ཧཱུྃ་ཧུ་ལུ་ཧུ་ལུ་ཧཱུྃ་ཕཊ། ཨ་བྷི་ཥིཉྩ་ཨཱཿ རྟ་མགྲིན༴ བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། ཕྲ་མ་རྣམ་པར་དག་ནས་ཆོས་ལ་དབང་བའི་དབང་ཐོབ་པར༴ ཁྲོ་བོ་ཆེན་པོ་འདོད་པའི་རྒྱལ། །མ་བྱིན་ལེན༴ དབུ་གསུམ༴ རྡོ་རྗེ་མདའ་སྙེམས༴ སྤྲུལ་པ་སྤྱང་ཀི་ཁྲར་བཅས་པ། །ཡབ་ཡུམ༴ ཤེས་རབ༴ རླུང་ལྷ༴ ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ་ཏིཥྛ་ཏིཥྛ་ཧཱུྃ་ཕཊ། ཨ་བྷི་ཥིཉྩ༴ འདོད་རྒྱལ་གྱི༴ ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། མ་བྱིན་ལེན་རྣམ་པར་དག་ནས་ཡོ་བྱད་ལ་དབང་བའི་དབང་ཐོབ་པར༴ ཁྲོ་བོ་ཆེན་པོ་བདུད་རྩི་འཁྱིལ། །ཚིག་རྩུབ༴ དབུ་གསུམ༴ རྡོ་རྗེ་རླུང་འབྱིན༴ སྤྲུལ་པ་སེང་གེ་ཕ་ཝཾ་བཅས། ། ― LT30_Page_0432 ―
[མ་དཔེ་གཟིགས་ན་འདིར་གནོན།]
ཡབ་ཡུམ༴ ཐབས་ཀྱི༴ གནོད་སྦྱིན༴ ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ། ཨ་བྷི་ཥིཉྩ་ཨཱཿ བདུད་རྩི་འཁྱིལ་པས༴ ཐབས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། ཚིག་རྩུབ་རྣམ་པར་དག་ནས་རྫུ་འཕྲུལ་ལ་དབང་བའི་དབང་ཐོབ་པར་གྱུར༴ ཁྲོ་ཆེན་ཁམས་གསུམ་རྣམ་པར་རྒྱལ། །གནོད་སེམས༴ དབུ་གསུམ༴ རྡོ་རྗེ་གསོད་བྱེད༴ སྤྲུལ་པ་དྲེད་དང་སྲེ་མོང་བཅས། །ཡབ་ཡུམ༴ སྟོབས་ཀྱི༴ དབང་ལྡན༴ ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ་བནྡྷ་བནྡྷ་ཧཱུྃ་ཕཊ། ཨ་བྷི་ཥིཉྩ༴ཁམས་གསུམ་རྣམ་པར་རྒྱལ༴ སྟོབས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། གནོད་སེམས་རྣམ་པར་དག་ནས་མོས་པ་ལ་དབང་བའི་དབང་ཐོབ་བར༴ ཁྲོ་བོ་ཆེན་པོ་སྟོབས་པོ་ཆེ། །བརྣབ་སེམས༴ དབུ་གསུམ༴ རྡོ་རྗེ་སྐྱོད་མ༴ སྤྲུལ་པ་དོམ་དང་བྱི་བར་བཅས། །ཡབ་ཡུམ༴ སྨོན་ལམ༴ ས་བདག༴ ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ་སྥོ་ཊ་སྥོ་ཊ་ཧཱུྃ་ཕཊ། ཨ་བྷི་ཥིཉྩ་ཨཱཿསྟོབས་པོ་ཆེས༴སྨོན་ལམ་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ། བརྣབ་སེམས་རྣམ་པར་དག་ནས་སྨོན་ལམ་ལ་དབང་བའི་དབང་ཐོབ་པར༴ དེ་ནས་སྒོ་མ་བཞིའི་ཙཀླི་རིམ་པར་ཐོགས་ལ། ཤར་སྒོ་པུ་ཤུད་མགོ་ཅན་ནི། །རྟག་ལྟ་གནས་སུ་དག་པ་སྟེ། །མདོག་དཀར་འཛིན་པའི་ལྕགས་ཀྱུ་བསྣམས། །བྱམས་པ་ཆེན་པོའི་དབང་ཐོབ་ཤོག །ཨོཾ་བཛྲ་ཡཀྵི་ི་ ― LT30_Page_0433 ―
[མ་དཔེ་གཟིགས་ན་འདིར་གནོན།]
ཧཱུྃ་ཛཿ ཨ་བྷི་ཥིཉྩ༴ གནོད་སྦྱིན་མས༴ རྟག་པར་ལྟ་བ་གནས་སུ་དག་སྟེ་བྱམས་པ་ཆེན་པོའི་དབང་ཐོབ་པར་གྱུར༴ ལྷོ་སྒོར་བྱ་རོག་མགོ་ཅན་ནི། །ཆད་ལྟ་གནས་སུ༴ འདྲེན་བྱེད་སེར་མོ་ཞགས་པ་བསྣམས། །སྙིང་རྗེ་ཆེན་པོའི༴ ཨོཾ་བཛྲ་བྷཻ་ར་ཝེ་ཧཱུྃ་ཧཱུྃ། ཨ་བྷི་ཥིཉྩ༴ འཇིགས་བྱེད་མ༴ ཆང་ལྷ་གནས་སུ་དག་སྟེ། སྙིང་རྗེ་ཆེན་པོའི་དབང་ཐོབ་པར་གྱུར༴ ནུབ་སྒོར་སྲིན་བྱའི་མགོ་ཅན་ནི། །བདག་ཏུ་ལྟ་བ༴ སྡོམ་བྱེད་དམར་ནག་ལྕགས་སྒྲོག་བསྣམས། །དགའ་བ་ཆེན་པོའི༴ ཨོཾ་བཛྲ་ཨ་མྲྀ་ཏ་ཧཱུྃ་བྃ། ཨ་བྷི་ཥིཉྩ་ཨཱཿ སྡོམ་བྱེད་མས༴ བདག་ཏུ་ལྟ་བ་གནས་སུ་དག་སྟེ་དགའ་བ་ཆེན་པོའི་དབང་ཐོབ་པར་གྱུར༴ བྱང་སྒོར་ཁྲ་ཡི་མགོ་ཅན་ནི། །མཚན་མར་ལྟ་བ་དག་པ་སྟེ། །རླག་བྱེད་ལྗང་ནག་དྲིལ་བུ་བསྣམས། །བཏང་སྙོམས་ཆེན་པོའི་དབང་ཐོབ་ཤོག །ཨོཾ་བཛྲ་མཱ་ར་ི་ཧཱུྃ་ཧོཿ ཨ་བྷི་ཥིཉྩ་ཨཱཿ གསོད་བྱེད་མ༴ མཚན་མར་ལྟ་བ་གནས་སུ་དག་ནས་བཏང་སྙོམས་ཆེན་པོའི་དབང་ཐོབ་པར་གྱུར་ཅིག །བསེ་མོ་བཞི་དང་གནོད་སྦྱིན་བཞིའི་སྐུ་རིམ་གྱིས་ཕྱག་ཏུ་གཏད་པ་ལ་བསྟན་ནས་དབང་བསྐུར་བ་མོས་པ་མཛོད། ཙཀླི་ལག་ཏུ་གཏད་ལ། ཐུགས་དམ་དབང་གི་བསྒྲུབ་ལ་རྗེས་དགོངས་ལ། །ཨེ་ཧི་ཨེ་ཧི་དམ་ཅན་བསེ་མོ་བཞི། །དམ་ཉམས་སྒྲོལ་ཞིང་སྒྲུབ་ལ་དངོས་གྲུབ་སྩོལ། ། ― LT30_Page_0434 ―
[མ་དཔེ་གཟིགས་ན་འདིར་གནོན།]
མངོན་སྤྱོད་དྲག་པོའི་ལས་ཀྱི་དབང་བསྐུར་རོ། །ཛ་ཡེ་བི་ཛ་ཡེ་ཨ་ཛི་ཏ་ཨ་པ་ར་ཛི་ཏེ་མ་ར་སེ་ན་པྲ་མརྡྷ་ནི་ཧཱུྃ་ཕཊ། ཨ་བྷི་ཥིཉྩ་ཨཱཿ བསེ་ལྕགས་དུང་གསུམ་བཀའ་ཡི་བྱ་ར་ཅན། །གནོད་སྦྱིན་ལྟོ་འཕྱེ་ཕྱག་བརྙན་ཕོ་ཉའི་ཚོགས། །ཐ་མའི་དུས་འདིར་བསྟན་པ་བསྲུང་མཛད་པའི། །མངོན་སྤྱོད་དྲག་པོའི་ལས་ཀྱི་དབང་བསྐུར་རོ། །ཧ་ས་ཡ་ར་ཧ་ས་ཡ་ར་ཧྲཱིཿདཎྜ་ཧཱུྃ་ཕཊ། ཨ་བེ་ཤ་ཡ་ཨ་བེ་ཤ་ཡ་ཧཱུྃ་ཕཊ། ཤྲཱི་ཀྲི༚་ཨ་ན་ཡ་ཧཱུྃ་ཕཊ། ཛྭ་ལ་པཱ་ཡ་ཛྭ་ལ་པཱ་ཡ་ཧཱུྃ་ཕཊ། ཏ་ཐཱ་ཡ་ཏ་ཐཱ་ཡ་ཧཱུྃ་ཕཊ། བི་ད་ཡ་བི་ད་ཡ་ཧཱུྃ་ཕཊ། ཨ་བྷི་ཥིཉྩ་ཨཱཿ དེ་རྣམས་ཀྱི་འབྲས་བུ་སྤྲུལ་སྐུའི་རྗེས་སུ་གནང་བ་སོང་ནས། དེ་ནས་གཉིས་པ་སྐུ་ཆ་རྐྱེན་གྱི་རྗེས་སུ་གནང་བའི་དང་པོ་སྐུའི་དབང་བསྐུར་བའི་དོན་དུ་དམིགས་པ་འདི་བཞིན་མཛོད། སློབ་དཔོན་གྱིས། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། གཞུང་ལས་འདིར་སློབ་མ་ལ་ལྷའི་ཁ་དོག་དང་མཐུན་པའི་ཆོས་གོས་བཀོན་པར་གསུངས་ཀྱང་ཕྱག་ལེན་ཁ་མི་མཛད། ཞེས་བརྗོད་པའི་རྐྱེན་གྱིས་ཁྱེད་རང་རྣམས་འདུག་གནས་དང་ཕུང་ཁམས་སྐྱེ་མཆེད་ཐམས་ཅད་མི་དམིགས་ཏེ་སྟོང་པ་ཉིད་དུ་གྱུར། སྟོང་པའི་ངང་ལས་ཨོཾ་བཛྲ་ཀཱི་ལི་ཀཱི་ལ་ལ་སརྦ་བིགྷྣཱན་བནྡྷ་ཧཱུྃ་ཕཊ། ཞེས་བརྗོད་པའི་རྐྱེན་གྱིས་ཆོས་ཀྱི་འབྱུང་གནས་གྲུ་གསུམ་མཐིང་ནག་ཡངས་ཤིང་རྒྱ་ཆེ་བ་ཁ་ཁྱེར་ལ་རྡོ་རྗེ་དང་། མེ་རི་འབར་བས་མཚན་པའི་ནང་དུ། པདྨ་ཉི་མ་ ― LT30_Page_0435 ―
[མ་དཔེ་གཟིགས་ན་འདིར་གནོན།]
ཟླ་བ་དབང་ཕྱུག་ཕོ་མོ་བསྣོལ་བའི་གདན་གྱི་སྟེང་དུ། ཁྱེད་རང་རྣམས་སྐད་ཅིག་ཙམ་གྱིས་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གསུམ་ཕྱག་དྲུག་པ། ཞལ་གཡས་དཀར། གཡོན་དམར། དབུས་མཐིང་ག །ཕྱག་དྲུག་གིས་གཡས་དང་པོ་གཉིས་ཀྱི་རྡོ་རྗེ་རྩེ་དགུ་པ་དང་རྩེ་ལྔ་པ། གཡོན་དང་པོ་གཉིས་ཀྱི་མེ་དཔུང་འབར་བ་དང་རྩེ་གསུམ་བསྣམས་པ། ཐ་མ་གཉིས་ཀྱི་རི་རབ་ཀྱི་ཕུར་བུ་འདྲིལ་ཞིང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པའི་པང་ན་ཡུམ་འཁོར་ལོ་རྒྱས་འདེབས་མ་སྔོན་མོ། ཞལ་གཅིག་ཕྱག་གཉིས་གཡས་འཁོར་ལོ། གཡོན་ཐོད་ཁྲག་རུས་པའི་རྒྱན་གྱིས་བརྒྱན་པ་དང་མཉམ་པར་སྦྱོར་བའི་སྐུ་ཅན་རེ་རེ་གསལ་ལམ་སྟེ་བྱུང་བའི་མོས་པ་མཛོད། དེ་ལ་སློབ་དཔོན་གྱིས་གཙོ་བོ་ཡབ་ཡུམ་གྱི་སྐུ་གནས་གསུམ་དུ་གཏུགས་པ་ལ་བརྟེན་ནས་སྐུའི་དབང་བསྐུར་བའི་མོས་པ་མཛོད། གཙོ་བོའི་སྐུ་ཙག་གཏད་ལ། ཕུང་པོ་མ་སྤངས་ངོ་བོ་ཉིད། །གསང་བའི་སྙིང་པོ་བརྗོད་ལས་འདས། །ཡཀྵ་མེ་དབལ་སྐུར་བསྒོམ་སྟེ། །ལྷ་ཡི་རྣལ་འབྱོར་ངེས་པར་གནས། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བནྡྷ་ཧཱུྃ་ཕཊ། ཀཱ་ཡ་ཝཱཀ་ཙིཏྟ་ཨ་བྷི་ཥིཉྩ་ཨཱཿསྒོ་གསུམ་རྣམ་པར་དག་པ་ལྷ་བསྒོམ་པའི་དབང་བསྐུར་བས་ལྷའི་སྐུ་གསུང་ཐུགས་ཀྱི་དབང་ཐོབ་པར་གྱུར་ཅིག །རལ་པའམ་སྐྲ་ཚབ་བཀོན་ལ། རང་བཞིན་མི་འགྱུར་ཆོས་དབྱིངས་དག་པ་ཡི། ། ― LT30_Page_0436 ―
[མ་དཔེ་གཟིགས་ན་འདིར་གནོན།]
མཐིང་ནག་རལ་པའི་ཅོད་པན་དབང་བསྐུར་བས། །འཁོར་བ་རྟག་ཆད་གཉིས་ཀྱི་མཐའ་བསལ་ཏེ། །མ་གཡོས་དབུ་མ་ཆེན་པོའི་དོན་རྟོགས་ཤོག །ཀྲིཥྞ་ཛ་ཊ་མུ་ཀུ་ཊ་ཨ་བྷི་ཥིཉྩ། ཆོས་ཉིད་རྟོགས་པ་རལ་པའི་ཅོད་པན་གྱི་དབང་བསྐུར་བས་འཁོར་བ་རྟག་ཆད་གཉིས་ཀྱི་མཐའ་བསལ་ཏེ་མ་གཡོས་དབུ་མ་ཆེན་པོའི་དོན་རྟོགས་པར་གྱུར་ཅིག །དབུ་རྒྱན་བཅིངས་ལ། ཧཱུྃ། སྲིད་པ་གསུམ་ལ་དབང་བསྒྱུར་ཞིང་། །བྱང་ཆུབ་སེམས་ནི་མངོན་དུ་རྟགས། ཁམས་གསུམ་ཡེ་ཤེས་བསྐྱེད་པའི་ཕྱིར། །དབུ་ལ་རིགས་ལྔའི་དབང་བསྐུར་རོ། །ཧཱུྃ་ཨོཾ་སྭཱ་ཨོཾཱཿཧཱ། ཨ་བྷི་ཥིཉྩ་ཨཱཿཡེ་ཤེས་ལྔ་ཡོངས་སུ་གྲུབ་པ་དབུ་རྒྱན་གྱི་དབང་བསྐུར་བས་ཡེ་ཤེས་ལྔའི་དབང་ཐོབ་པར་གྱུར་ཅིག །ཕྱག་མཚན་དྲུག་གཏད་ལ། ཕ་རོལ་ཕྱིན་པ་དྲུག་གི་རྟགས། །ཡེ་ཤེས་དྲུག་གི་རང་བཞིན་པ། །ཕྱག་མཚན་དྲུག་གི་དབང་བསྐུར་བས། །རྒྱུད་དྲུག་གནས་སུ་སྒྲོལ་བར་ཤོག །ན་པ་བཛྲ། པཉྩ་བཛྲ། བཛྲ་ཨ་ན་ལ། བཛྲ་ཏྲི་ཤུ་ལ། བཛྲ་ཀི་ལ་ཡ། ཨ་བྷི་ཥིཉྩ་ཨཱཿརྒྱུ་མཚན་ལྷུན་གྱིས་གྲུབ་པ་ཕྱག་མཚན་དྲུག་གི་དབང་བསྐུར་བས། ཕ་རོལ་ཏུ་ཕྱིན་པ་དྲུག་རྫོགས་པའི་དབང་ཐོབ་པར་གྱུར་ཅིག །ཐོད་པ་ཚར་གསུམ་གཏད་ལ། སྐམ་པོ་ཆོས་སྐུ་རང་རིད་ལོངས་སྐུ་ལ། །རློན་པ་སྤྲུལ་པའི་སྐུ་ཡི་རང་བཞིན་ཏེ། །ཐོད་པ་ཚར་གསུམ་ཕྲེང་བའི་དབང་བསྐུར་བས། །རྒྱལ་བའི་སྐུ་གསུམ་རྒྱན་ ― LT30_Page_0437 ―
[མ་དཔེ་གཟིགས་ན་འདིར་གནོན།]
གྱིས་མཛེས་པར་ཤོག །ཏྲི་མཱ་ལཀ་པཱ་ལ་ཨ་བྷི་ཥིཉྩ། སྐུ་གསུམ་ལྷུན་གྱིས་གྲུབ་པ་ཐོད་པ་ཚར་གསུམ་གྱི་དབང་བསྐུར་བས། དུས་གསུམ་གྱི་འགྲོ་བའི་དོན་བྱེད་པར་གྱུར་ཅིག །སྦྲུལ་རིགས་བཞིའི་ཆུན་པོ་གཏད་ནས། །ཞེ་སྡང་ཆེན་པོའི་རང་བཞིན་རྣམ་དག་པ། །མཉེན་ལྕུགས་འཁྲིལ་བ་སྤྲུལ་གྱི་ཆུན་པོ་འདིས། །ཀླུ་རྒྱལ་རིགས་བཞི་དབང་དུ་བསྡུས་ནས་ཀྱང་། །ཕྲིན་ལས་རྣམ་བཞིས་གདུག་པ་ཞི་བར་ཤོག །ཀཱུ་ལ་ཙ་ཏུ་སརྦ་ཨ་བྷི་ཥིཉྩ། ཞེ་སྡང་རྣམ་པར་དག་པ་སྤྲུལ་གྱི་ཆུན་པོས་དབང་བསྐུར་བས། ཀླུ་རིགས་བཞི་དབང་དུ་བསྡུས་ནས་ཕྲིན་ལས་བཞིས་འགྲོ་བའི་དོན་བྱེད་པར་གྱུར་ཅིག །འགོ་བའི་གོས་གསུམ་གཏད་ལ། གླང་ཆེན་ཀོ་རློན་སྟོབས་བཅུའི་བརྗིད་དང་ལྡན། །ཚུལ་ཁྲིམས་གཡང་བཞི་ཐབས་ལ་མཁས་པ་དང་། །སྟག་ལྤགས་ཤམ་ཐབས་དཔལ་འབར་ལྡན་པ་ཡི། །ན་བཟའ་གསུམ་གྱི་དབང་མཆོག་འདི་བསྐུར་རོ། །ག་ཛ་ཙརྨ། མ་ནུ་ཥེ་ཙརྨ། བྱ་གྷྲ་ཙརྨ། ཨ་བྷི་ཥིཉྩ། དུག་གསུམ་གནས་སུ་དག་པ་ན་བཟའ་གསུམ་གྱི་དབང་བསྐུར་བས། དུག་གསུམ་བཅོམ་ནས་སྐུ་གསུམ་ཐོབ་པར་གྱུར་ཅིག །ཁྱུང་གཤོག་གཏད་ལ། ཁམས་གསུམ་ཟིལ་གནོན་རྡོ་རྗེའི་གཤོག་པ་འདི། །སྲིད་གསུམ་འདེགས་བྱེད་རླུང་གི་རང་བཞིན་ཏེ། །གཡས་པ་ཐབས་ལ་གཡོན་པ་ཤེས་རབ་ཡིན། །རྡོ་རྗེ་གཤོག་པའི་དབང་མཆོག་ཐོབ་པར་ ― LT30_Page_0438 ―
[མ་དཔེ་གཟིགས་ན་འདིར་གནོན།]
ཤོག །བཛྲ་པཀྵི་ཏི་ཨ་བྷི་ཥིཉྩ། ཁམས་གསུམ་ཟིལ་གྱིས་གནོན་པའི་རྡོ་རྗེའི་གཤོག་པའི་དབང་བསྐུར་བས། དབྱིངས་དང་ཡེ་ཤེས་ཟུང་འཇུག་གི་དབང་ཐོབ་པར༴མེ་དཔུང་གཏད་ལ། ཁྱེད་རང་རྣམས་རྡོ་རྗེ་གཞོན་ནུར་གསལ་བ་དེ་ཉིད་ཀྱི་ཕྱོགས་ཐམས་ཅད་དུ་ཡེ་ཤེས་ཀྱི་མེ་འབར་བའི་དབུས་ན་བཞུགས་པའི་མོས་པ་མཛོད། རྡོ་རྗེ་མེ་ཡི་ཀློང་ན་བཞུགས། །འབར་བ་ཐུགས་ཀྱི་རང་བཞིན་དང་། །ཁྲོ་བོ་འཁྱིལ་བའི་རྡོ་རྗེ་དང་། །གདུང་བ་དབྱིངས་ཀྱི་རང་བཞིན་ཏེ། །འཁྲུགས་པ་ཟད་པའི་ཕྲིན་ལས་དང་། །འཁྱིལ་བ་གཉིས་སུ་མེད་པའི་དོན། །རྣམ་རྟོག་མ་ལུས་སྲེག་བྱེད་པའི། །རྡོ་རྗེ་མེ་ཡི་དབང་ཐོབ་ཤོག །བཛྲ་ཨགྣེ་ཛྭ་ལ་ཨ་བྷི་ཥིཉྩ། རྣམ་རྟོག་སྲེག་པར་བྱེད་པ་བསྐལ་པའི་མེ་ཕུང་གི་དབང་བསྐུར་བས་ཉོན་མོངས་པའི་བག་ཆགས་བསྲེགས་ནུས་པའི་དབང་ཐོབ་པར༴ མཚན་མ་གསུམ་གཏད་ལ། ཞག་གི་ཟོ་རིས་དོན་དམ་བཙུད་ཀྱི་བརྒྱན། །རཀྟའི་ཐིག་ལེས་ཐུགས་རྗེ་ཆགས་པའི་རྟགས། །ཐལ་ཆེན་ཚོམ་བུའི་མཚན་མ་སྤྲོས་དང་བྲལ། །མཚན་མ་གསུམ་གྱི་དོན་དམ་རྟོགས་པར་ཤོག །བསྱ་ཨངྒུ་ལི་ཏི་ཏ། རཀྟ་ཏི་ལ་ཀཾ། མ་ཧཱ་བྷ་སྨིན་མུ་དྲ་ཨ་བྷི་ཥིཉྩ། དོན་དམ་སྤྲོས་བྲལ་མཚོན་པར་བྱེད་པའི་མཚན་མ་གསུམ་གྱི་དབང་བསྐུར་བས། དོན་དམ་རྣམ་པ་གསུམ་མཛེས་པའི་དབང་ཐོབ༴ཁྲོ་བོ་རིགས་ལྔའི་སྐུ་ཙཀ་གཏད་ལ། ཡེ་ཤེས་གཅིག་ ― LT30_Page_0439 ―
[མ་དཔེ་གཟིགས་ན་འདིར་གནོན།]
ལས་མ་གསོས་ཀྱང་། །འདུལ་བྱེད་སོ་སོར་བསྟན་པ་གི། །སྤྲུལ་པའི་ཁྲོ་བོའི་དབང་བསྐུར་བས། །བཀའ་ཡི་འགྲོ་དོན་བྱེད་པར་ཤོག །བཛྲ་ཀརྨ་ཀ་ར་སྱ་པཉྩ་གྡུ་ལ་ཀྲོ་དྷ། ཨ་བྷི་ཤིཉྩ་ཨཿ འདུལ་བྱེད་བཀའ་ཉན་སྤྲུལ་པའི་དབང་བསྐུར་བས། །གདུལ་བྱའི་བསམ་པ་དང་མཐུན་པར་སེམས་ཅན་གྱི་དོན་བྱེད་པའི་དབང་ཐོབ་པར༴ གསུམ་པ་གསུང་བཟླས་ཕྲེང་གི་རྗེས་སུ་གནང་བ་ལ་རང་གི་བསྙན་པ་བྱེད་པའི་ཕྲེང་བ་ལག་ཏུ་གཏད་ལ། བསྒྲུབ་པའི་ཡེ་ཤེས་ཚོན་གང་བ། །གསང་བའི་སྔགས་ཀྱི་རབ་བསྐྱེད་ལ། །དུས་དང་རྒྱུན་ལ་བཟླ་བྱ་ཡི། །འཛབ་བསྙེན་ཕྲེང་བའི་དབང་བསྐུར་རོ། །བཛྲ་མཱ་ལ་ཨ་བྷི་ཥིཉྩ། བཟླས་བརྗོད་བྱ་བ་ཕྲེང་བའི་དབང་བསྐུར་བས། ཕྱི་ནང་གི་སྔགས་མ་ལུས་པ་འགྲུབ་པའི་དབང་ཐོབ་པར༴ བཟླས་པའི་ལུང་སྦྱིན་པའི་དོན་ཏུ་དམིགས་པ་འདི་བཞིན་དུ་མཛོད། སློབ་དཔོན་དང་ཁྱེད་རང་རྣམས་ཀྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་རྡོ་རྗེ་སྔོན་པོ་ནས་འབྲས་ཙམ་གྱི་ལྟེ་བར་ཉི་མའི་སྟེང་དུ་ཧཱུྃ་ཡུངས་འབྲུ་ཙམ་གྱི་མཐར། །ཀཱི་ལ་ཡ་སྐྲ་ཤད་ཀྱིས་བྲིས་པ་ལྟ་བུས་བསྐོར་ནས་ཡོད་པའི་མོས་པ་མཛད་ནས། སློབ་དཔོན་ལ་གུས་འདུད་དྲག་པོ་དུང་བ་བྱས་པས། སློབ་དཔོན་གྱིས་ཐུགས་ཀའི་ཧཱུྃ་ཡིག་དང་བཅས་པ་ལས། སྔགས་ཕྲེང་མར་མེ་གཅིག་ལས་གཉིས་ཆད་ཀྱི་ཚུལ་དུ་བྱུང་། སློབ་དཔོན་གྱི་ཞལ་ནས་ ― LT30_Page_0440 ―
[མ་དཔེ་གཟིགས་ན་འདིར་གནོན།]
ཐོན། ཁྱེད་རང་རྣམས་ཀྱི་ཞལ་དུ་ཞུགས། སྙིང་གའི་ཧཱུྃ་ཡིག་སྔགས་ཕྲེང་དང་བཅས་པ་ལ། དང་པོས་ཐིམ། གཉིས་པས་བྱིན་གྱིས་བརླབས། གསུམ་པས་བརྟན་པར་བྱས་པའི་མོས་པ་མཛད་ནས། སྔགས་འདིའི་རྗེས་ཟློས་ལན་གསུམ་བར་དུ་མཛོད། ཀཱི་ལ་ཡ་གསུམ། དེ་ནས་ཁྱེད་རང་རྣམས་སློབ་དཔོན་ལ་མེ་ཏོག་འཐོར་བཞིན་པ་དང་བཅས་པས་འདིའི་རྗེས་ཟློས་མཛོད། བཅོམ་ལྡན་བདག་ལ་སོགས། སློབ་དཔོན་གྱིས་མེ་ཏོག་བྱིན་བརླབ་ནས། བཅོམ་ལྡན་འདི་ལ་སོགས་སྤྱི་ལྟར་བྱ། དེ་ནས་བཞི་པ་ཐུགས་ཡེ་ཤེས་སེམས་དཔའི་དབང་གི་དོན་དུ་དམིགས་པ་འདི་བཞིན་དུ་མཛོད། ཁྱེད་རང་རྣམས་བཅོམ་ལྡན་འདས་རྡོ་རྗེ་གཞོན་ནུའི་སྐུར་ལམ་སྟེ་གསལ་བའི་སྙིང་གར་གཞལ་ཡས་ཁང་ཟླུམ་པོ་སྒོ་གཅིག་པ་སྒོ་སྲུང་རྟ་མགྲིན་ཡབ་ཡུམ་གྱི་བྱས་པའི་དབུས་སུ་ཉི་མའི་དཀྱིལ་འཁོར་གྱི་སྟེང་དུ་ཡེ་ཤེས་སེམས་དཔའ་རང་གི་བསྒོམ་པ་དང་འདྲ་བའི་རྡོ་རྗེ་གཞོན་ནུ་ཡུམ་མེད་ཚོན་གང་བ་རེ་ཡོད་པར་མོས་མཛོད། ཡེ་ཤེས་སེམས་དཔའི་ཙཀླི་སྙིང་གར་བཞག་ལ། ཨེ་མ་ང་ནི་རང་བྱུང་སྟེ། །དཔལ་ཆེན་རྡོ་རྗེ་གཞོན་ནུའི་སྐུ། །འཁོར་བ་ཡོངས་སུ་སྦྱོང་བའི་ཕྱིར། །ཡེ་ཤེས་སེམས་དཔས་དབང་བསྐུར་རོ། །ཛྙཱ་ན་སཏྭ་ཨ་བྷི་ཥིཉྩ། འཁོར་བ་རང་བཞིན་མེད་པར་སྦྱོར་བ་ལ་ཡེ་ཤེས་སེམས་དཔའི་དབང་བསྐུར་བས། དམིགས་མེད་ཐུགས་རྗེའི་ཡེ་ཤེས་ཀྱི་འགྲོ་བའི་དོན་བྱེད་པའི་ ― LT30_Page_0441 ―
[མ་དཔེ་གཟིགས་ན་འདིར་གནོན།]
དབང་ཐོབ་པར་གྱུར་ཅིག །དེས་ཐུགས་ཡེ་ཤེས་སེམས་དཔའི་རྗེས་སུ་གནང་བ་གྲུབ་པ་ཡིན་ནོ། །སྐབས་འདིར་གུང་སེང་མཛད། ལས་རྡོར་གྱིས་གདབ་ལས་ཀྱི་ཆས་རྡུལ་ཚོན་ནམ་ཆུ་ཚོན་གྱིས་རས་ལ་ཆོས་འབྱུང་གྲུ་གསུམ་གྱི་དབུས་སུ་དགྲ་བགེགས་གཉིས་ཀྱི་ས་བོན་ནྲྀ་ཏྲི་བྲིས་པའི་སྟེང་དུ་ལིངྒ་ཆེ་བ་ཅིག་སླང་འམ། ལྕགས་སྣོད་དུ་བཅུག་པ་བཞག །སློབ་དཔོན་གྱི་གཡས་ཕྱོགས་སུ་གུ་གུལ། ཡུངས་ཀར་ནག་སོགས་བསྲེས་པའི་ཐུན། སྔོ་དམར་གྱི་ཞགས་པ། དུག་ཁྲག་སྦྱར་བའི་ཐུན། ལྕགས་ཟངས་རྡོ་ཕྱེ་བསྲེས་པའི་ཐུན་རྣམས་དང་། གཡོན་གྱི་ཕྱོགས་སུ་གདབ་ཕུར་བཅུ་བདུན། རལ་གྲི། ཐོ་བ། དེ་དག་ལ་ངར་སྐྱེད་པའི་སྨན་ཕུད་དང་རཀྟ་ཅུང་ཟད་རེ། རྡོ་རྗེ་དྲིལ་བུ་རྣམས་བཤམ་མོ། །ལྔ་པ་མཛད་པ་ཕྲིན་ལས་ཀྱི་རྗེས་གནང་ནི། ཐོག་མར་སློབ་དཔོན་གྱི་གོང་དུ་མགོན་ན་སྐྲ་ཚབ་དང་ཐང་ཐེབ་གྱོན་ལ། ཀཱི་ལ་བརྗོད་ཅིང་། །སློབ་མ་རྣམས་ལ་ཆབ་བཏང་ནས་འཚོགས། ཕུར་པ་རྫས་ཀྱི་དཀྱིལ་འཁོར་བསྐྱེད་པ་ནི། ཕུར་པ་རྣམས་ལ་གུ་གུལ་བདུག །ཡུངས་ཀར་གྱིས་བྲབ་ལ། རང་རྟགས་ཕྱག་རྒྱའི་ཕུར་པ་དང་། གདབ་ཕུར་བཅུ་བདུན་ལ་དམིགས་ཏེ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་རཀྵ་རཀྵ། ཕུར་པ་རྣམས་སྟོད་ཁྲོ་བོ་ཁྲོ་མོ་སྨད་ཕུར་བུ་ལ་དབལ་གྱི་རྣམ་པ་ཅན་དུ་གྱུར། ཀཱི་ལ་ཡ་དང་། ཁྲོ་བོ་བཅུའི་སྔགས། སྒོ་མ་བཞིའི་སྔགས་རྣམས་ཚར་གཅིག་བརྗོད་པས་བྱིན་གྱིས་བརླབས། དེ་ནས་སྲས་མཆོག་རྣམས་ལ་དམིགས་ཏེ་དཀྱིལ་ཆོག་གི། ཨེ་སྥ་ར་་ཕཊ། ནས། ཀརྨ་ཀྲོ་དྷཱི་ཤྭ་རི་ཨཱཿའི་བར་དང་། གྲུབ་ན་མཆོད་བསྟོད་བསྡུས་པ་ཙམ་བྱེད། ཕུར་པ་དེ་ཐམས་ཅད་ཀྱི་ཐུགས་ཀར་མ་ལས་ཉི་མའི་དཀྱིལ་འཁོར་གྱི་སྟེང་དུ། རྟ་མགྲིན་ཡབ་ཡུམ། དེའི་ཐུགས་ཀར་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རང་འདྲའི་ཡེ་ཤེས་ ― LT30_Page_0442 ―
[མ་དཔེ་གཟིགས་ན་འདིར་གནོན།]
སེམས་དཔའ་རྡོ་རྗེ་གཞོན་ནུ་ཡུམ་མེད་པ་ཚོན་གང་བ། །དེའི་ཐུགས་ཀར་རྡོ་རྗེ་དཔལ་བེའུ་ནས་འབྲས་ཙམ་གྱིས་ལྟེ་བར་ཉི་མ་ལ་གནས་པའི་ཏིང་ངེ་འཛིན་སེམས་དཔའ་ཧཱུྃ་ཡུངས་འབྲུ་ཙམ་གྱི་མཐར། ཀཱི་ལ་ཡ་སྐྲ་ཤད་ཀྱིས་བྲིས་པ་ལྟ་བུས་བསྐོར་ནས་སེམས་དཔའ་སུམ་བརྩེགས་སུ་ཡོད་པའི་མོས་པ་མཛོད། །ཕུར་པ་དེ་དག་གི་སྤྱི་བོར་ཨོཾ། སྐེད་པར་ཧྲཱིཿརྩེ་མོར་ཕཊ་དང་བཅས་པ་ལ། ཕུར་པ་རྣམས་ཀྱི་སྐུ་གསུང་ཐུགས་བྱིན་གྱིས་བརླབས་ནས། སླར་ཡང་དམིགས་པ་འདི་བཞིན་དུ་མ་ཡེངས་པར་མཛོད་ཅིག །སློབ་དཔོན་ལ་གུས་འདུད་དྲག་པོ་དུང་བ་ཞིག་བྱས་པས། སློབ་དཔོན་གཙོ་བོ་ཡབ་ཡུམ་སྙོམས་པར་ཞུགས་པའི་དགའ་བའི་སྒྲས་ཕྱོགས་བཅུའི་དེ་བཞིན་གཤེགས་པ་ཐམས་ཅད་སྤྱན་དྲངས། ཡབ་ཀྱི་ཞལ་དུ་ཞུགས། ཐུགས་ཀར་རྗེས་སུ་ཆགས་པའི་མེའི་འོད་དུ་ཞུ། སྐུའི་དབྱིབས་བརྒྱུད། །རྡོ་རྗེའི་ལམ་ནས་བྱང་སེམས་ཡུམ་གྱི་མཁར་བབ་པ། སླར་ཡབ་ཀྱི་རྡོ་རྗེའི་ལམ་དུ་ཞུགས་ནས། །ཐུགས་ཀར་བྱོན་ཏེ་ཧཱུྃ་དུ་གྱུར། དེ་ལས་འཐོན་ཏེ། ཐུགས་ཡེ་ཤེས་ཀྱི་ཕུར་བུ་རྣམས་ལ་ཐུགས་ཀྱི་དབང་བསྐུར་ཏེ། ཕུར་བུ་རྣམས་ཀྱི་ཐུགས་ཀའི་ཏིང་ངེ་འཛིན་སེམས་དཔའ་ཧཱུྃ་ལ་ཐིམ། ཡང་ཧཱུྃ་ཞེས་བརྗོད་པས། ཕུར་བུ་རྣམས་ཀྱི་ཐུགས་ཀ་ནས་ཧཱུྃ་བྱུང་སྟེ་ཕྱོགས་བཅུའི་ཁྲོ་བོའི་ཐུགས་ཀར་ཐིམ་པས། དགོས་པའི་རོས་ཚིམ་པ་ལ་བརྟེན་ནས་ཐུགས་དམ་བསྐུལ། ཡང་ཧཱུྃ་ཞེས་བརྗོད་པས་ཕྱོགས་བཅུའི་ཁྲོ་བོའི་ཐུགས་ཀ་ནས་ཧཱུྃ་བྱུང་། དུས་གསུམ་སངས་རྒྱས་ཐམས་ཅད་ཀྱི་ཐུགས་ཀར་ཐིམ་པས་དགེས་པའི་རོས་ཚིམ་པ་ལ་བརྟེན་ནས་ཐུག་དམ་བསྐྱལ། ཡང་ཧཱུྃ་ཞེས་བརྗོད་པས། དུས་གསུམ་སངས་རྒྱས་ཐམས་ཅད་ཀྱི་ཐུགས་ཀ་ནས་ཧཱུྃ་བྱུང་སྟེ། ― LT30_Page_0443 ―
[མ་དཔེ་གཟིགས་ན་འདིར་གནོན།]
ཁྱེད་རང་རྣམས་དང་ཁམས་གསུམ་གྱི་སེམས་ཅན་ལ་ཕོག་པས། སེམས་ཅན་ཐམས་ཅད་ཀྱི་སྒྲིབ་པ་བག་ཆགས་དང་བཅས་པ་ཐམས་ཅད་སྦྱངས། ཁྱེད་རང་རྣམས་དང་སེམས་ཅན་གྱི་སེམས་དེ་ཉིད་དེ་བཞིན་གཤེགས་པའི་ཐུགས་སུ་བྱིན་གྱིས་བརླབས་པར་མོས་པ་མཛོད། སླར་ཡང་ཧཱུྃ་དེ་རྣམས་ཚུར་འདུས་ནས་སློབ་དཔོན་གྱི་ཐུགས་ཀར་ཐིམ་པས། སློབ་དཔོན་སྐུ་མདོག་མཐིང་ག་ལས། དུད་ཁར་གྱུར་པ་དང་། དཀྱིལ་འཁོར་གྱི་ལྷ་ཚོགས་ཐམས་ཅད་ཀྱང་། སྐུ་མདོག་དུད་ཁའི་རྣམ་པ་ཅན་དུ་གྱུར་པའི་མོས་པ་མཛོད། །ཡང་ཧཱུྃ་དེ་ཉིད་སློབ་དཔོན་གྱི་ཐུགས་ཀ་ནས་འཐོན། ལྗགས་སྟེང་དུ་བྱུང་ནས་ཕུར་པ་རྣམས་ཀྱི་ལྗགས་ལ་ཐིམ་པས། གསུང་གི་དབང་བསྐུར། ཡང་ཧཱུྃ་ཞེས་བརྗོད་པས་ཕུར་པ་རྣམས་ཀྱི་ལྗགས་སྟེང་ནས་ཧཱུྃ་བྱུང་སྟེ། ཕྱོགས་བཅུའི་ཁྲོ་བོའི་ལྗགས་སྟེང་དུ་ཐིམ་པས་དགྱེས་པའི་རོས་ཚིམ་པ་ལ་བརྟེན་ནས་ཐུགས་དམ་བསྐུལ། ཡང་ཧཱུྃ་ཞེས་བརྗོད་པས་ཕྱོགས་བཅུའི་ཁྲོ་བོའི་ལྗགས་སྟེང་ནས་ཧཱུྃ་བྱུང་། དུས་གསུམ་གྱི་སངས་རྒྱས་ཐམས་ཅད་ཀྱི་ལྗགས་སུ་ཐིམ། དགེས་པའི་རོས་ཚིམས་པ་ལ་བརྟེན་ནས་ཐུགས་དམ་བསྐུལ། ཡང་ཧཱུྃ་ཞེས་བརྗོད་པས། དུས་གསུམ་སངས་རྒྱས་ཐམས་ཅད་ཀྱི་ལྗགས་སྟེང་ནས་ཧཱུྃ་བྱུང་། ཁྱེད་རང་རྣམས་དང་ཁམས་གསུམ་གྱི་སེམས་ཅན་ཐམས་ཅད་ལ་ཕོག་པས་ངག་གི་སྒྲིབ་པ་བག་ཆགས་དང་བཅས་པ་ཐམས་ ― LT30_Page_0444 ―
[མ་དཔེ་གཟིགས་ན་འདིར་གནོན།]
ཅད་སྦྱངས། ཁྱེད་རང་རྣམས་དང་སེམས་ཅན་ཐམས་ཅད་ཀྱི་ངག་དེ་བཞིན་གཤེགས་པའི་གསུང་དུ་བྱིན་གྱིས་བརླབས་པར་མོས་པ་མཛོད། སླར་ཧཱུྃ་དེ་རྣམས་ཚུར་འདུས་ནས། སློབ་དཔོན་གྱི་ལྗགས་སྟེང་དུ་ཐིམ་པས་སློབ་དཔོན་དང་དཀྱིལ་འཁོར་གྱི་ལྷ་ཚོགས་ཐམས་ཅད་སྐུ་མདོག་དུད་ཁ་ལས་སྨུག་ནག་ཏུ་གྱུར་པའི་མོས་པ་མཛོད། ཡང་ཧཱུྃ་དེ་ཉིད་སློབ་དཔོན་གྱི་རྩ་དབུ་མ་ནས་སོང་། སྣ་བུག་གཡས་ནས་ཐོན། སྣ་རྩར་གཡས་པ་དེ་ཉིད། སླར། དབུགས་དང་འགྲོགས་ཏེ་སྣ་བུག་གཡོན་ནས་ཞུགས། ཀླད་རྒྱས་སུ་བྱུང་བ་སྤྱི་བོར་ནས་ཐོན་ཏེ་ཕུར་པ་རྣམས་ཀྱི་སྤྱི་བོར་ཐིམ་པས། སྐུའི་དབང་བསྐུར། ཡང་ཧཱུྃ་ཞེས་བརྗོད་པས་ཕུར་པ་རྣམས་ཀྱི་སྤྱི་བོ་ནས་ཧཱུྃ་ཐོན། ཕྱོགས་བཅུའི་ཁྲོ་བོའི་སྤྱི་བོ་ནས་ཐིམ་པས། དགེས་པའི་རོས་ཚིམས་པ་ལ་བརྟེན་ནས་ཐུགས་དམ་བསྐུལ། ཡང་ཧཱུྃ་ཞེས་བརྗོད་པས་ཁྲོ་བོ་བཅུའི་སྤྱི་བོ་ནས་ཧཱུྃ་བྱུང་། །དུས་གསུམ་སངས་རྒྱས་ཐམས་ཅད་ཀྱི་སྤྱི་བོར་ཐིམ་པས། །དགྱེས་པའི་རོས་ཚིམས་པ་ལ་བརྟེན་ནས་ཐུགས་དམ་བསྐུལ། ཡང་ཧཱུྃ་ཞེས་བརྗོད་པས། དུས་གསུམ་སངས་རྒྱས་ཐམས་ཅད་ཀྱི་སྤྱི་བོ་ནས་ཧཱུྃ་བྱུང་སྟེ། ཁྱེད་རང་རྣམས་དང་ཁམས་གསུམ་གྱི་སེམས་ཅན་ཐམས་ཅད་ལ་ཕོག་པས། ལུས་ཀྱི་སྒྲིབ་པ་བག་ཆགས་དང་བཅས་པ་ཐམས་ཅད་སྦྱངས། ཁྱེད་རང་རྣམས་དང་སེམས་ཅན་ཐམས་ཅད་ ― LT30_Page_0445 ―
[མ་དཔེ་གཟིགས་ན་འདིར་གནོན།]
ཀྱི་ལུས་དེ་བཞིན་གཤེགས་པའི་སྐུར་བྱིན་གྱིས་བརླབས་པའི་མོས་པ་མཛོད། སླར་ཡང་ཧཱུྃ་དེ་རྣམས་ཚུར་འདུས་ནས་སློབ་དཔོན་གྱི་སྤྱི་བོར་ཐིམ་པས་སློབ་དཔོན་ལྷ་དང་བཅས་པ་ཐམས་ཅད་སྐུ་མདོག་སྨུག་ནག་ལས་ལེ་བརྒན་ཏུ་གྱུར་ཏེ། བྱི་རུའི་སྡོང་པོ་ཕྱིས་པའམ་མེ་དཔུང་འབར་བ་ལྟར་དམར་ལམ་སྟེ་སོང་བའི་མོས་པ་མཛོད། ད་གདབ་པའི་ལས་བྱ་བ་ལ། ཐོག་མར་སློབ་དཔོན་གྱིས་དཀྱིལ་འཁོར་ལྷ་ཚོགས་དམ་ཅན་སྲུང་མ་དང་བཅས་པ་ཐམས་ཅད་དྲག་པོའི་ལས་མཛད་པར་བསྐུལ་བའི་མོས་པ་མཛད་པར་ཞུ། ཞེས་བརྗོད། སློབ་དཔོན་རྡོར་དྲིལ་འཛིན། རྡ་རོལ་བཅས། ཧཱུྃ། །དྲག་པོའི་རྒྱ་མདུད་ཨེ་ཁྲམ་ཉེར་གཅིག་དབུས། །གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །ཁྲོ་བོའི་རྒྱལ་པོ་ཁྲག་འཐུང་ཧེ་རུ་ཀ །ཐུགས་དམ་དུས་ལ་བབ་བོ་དབྱིངས་ལས་བཞེངས། །མ་རུངས་འདུལ་ཕྱིར་དྲག་པོའི་སྐུར་བསྟན་ནས། །སྔགས་འཆང་རིག་འཛིན་སྒྲུབ་བོ་བདག་ཅག་ལ། །སྐུ་གསུང་ཐུགས་ཀྱི་བྱིན་རླབས་དཔལ་བསྐྱེད་ནས། །དམ་ཉམས་དགྲ་བགེགས་སྒྲོལ་བའི་ལས་མཛོད་ཅིག །ཧཱུྃ་ཡབ་གཅིག་དཔལ་ཆེན་རྡོ་རྗེ་གཞོན་ནུ་དང་། །དཔལ་གྱི་ཡུམ་ཆེན་འཁོར་ལོ་རྒྱས་འདེབས་མ། །ཡབ་ཡུམ་ཐབས་དང་ཤེས་རབ་རོལ་པ་ལས། །ཕྱོགས་བཅུ་ཁྲོ་བོའི་ཚོགས་རྣམས་སྤྲུལ་པ་ནི། །སྟེང་ཕྱོགས་འཁོར་ལོ་འབར་བའི་རྩིབ་དབུས་ནས། ། ― LT30_Page_0446 ―
[མ་དཔེ་གཟིགས་ན་འདིར་གནོན།]
ཧཱུྃ་མཛད་སྒྲ་འབྱིན་ཕག་དང་རྨིག་བུའི་མགོ། །འཁོར་བཅས་ཁྱེད་ཀྱི་ཐུགས་དམ་དུས་ལ་བབ། །དམ་ཉམས་དགྲ་བགེགས་སྒྲོལ་བའི་ལས་མཛོད་ཅིག །དེ་བཞིན་དུ་ཤེས་པར་བྱས་ཏེ། །ཤར་ཕྱོགས་འཁོར་ལོ༴ །རྣམ་རྒྱལ་སྒེག་མོ་སྟག་དང་བྱ་རྒོད་མགོ། །འཁོར་བཅས་ཁྱེད་ཀྱི་ཐུགས༴ དམ་ཉམས་དགྲ་བགེགས༴ །མེ་མཚམས་འཁོར་ལོ། དབྱུག་སྔོན་སྡེར་མོ་གཡག་དང་བྱ་རོག་མགོ། །འཁོར་བཅས༴ དམ༴ ལྷོ་ཕྱོགས་འཁོར་ལོ༴ །གཤིན་རྗེ་དུར་ཁྲོད་ཤ་བ་འུག་པའི་མགོ། །འཁོར་བཅས༴ དམ་ཉམས༴ །ལྷོ་ནུབ༴ །མི་གཡོ་གཏུན་ཁུང་གཟིག་དང་ཁ་ཏའི་མགོ། །འཁོར༴ །དམ་ཉམས༴ །ནུབ་ཕྱོགས༴ །རྟ་མགྲིན་གཏུམ་མོ་བྱི་ལ་པུ་ཤུད་མགོ། །འཁོར་བཅས༴ །དམ་ཉམས༴ །ནུབ་བྱང་༴ །གཞན་གྱིས་མི་ཐུབ་མདའ་སྙེམས་སྤྱང་ཁྲའི་མགོ། །འཁོར་བཅས༴ །དམ་ཉམས༴ །བྱང་ཕྱོགས༴ །འཁྱིལ་པ་རླུང་འབྱིན་སེང་གེ་ཕ་ཝཾ་མགོ། །འཁོར་བཅས༴ །དམ་ཉམས༴ །བྱང་ཤར༴ །ཁམས་གསུམ་གསོད་མ་དྲེད་དང་སྲེ་མོང་མགོ། །འཁོར་བཅས༴ །དམ་ཉམས༴ །འོག་ཕྱོགས་འཁོར་ལོ་འབར༴ །སྟོབས་ཆེན་རིག་བྱེད་དོམ་དང་བྱི་བའི་མགོ། །འཁོར་བཅས་ཁྱེད༴ །དམ་ཉམས༴ །དགུག་གཞུག་བཅིངས་མཉེས་ལས་ལ་དབང་བྱེད་ཅིང་། །གནོད་སྦྱིན་འཇིགས་མ་བདུད་རྩི་གསོད་བྱེད་མ། །འཁོར་བཅས༴ །དམ་ཉམས༴ །ལས་བཞི་ཕྲིན་ལས་མ་ལུས་སྒྲུབ་མཛད་ ― LT30_Page_0447 ―
[མ་དཔེ་གཟིགས་ན་འདིར་གནོན།]
པའི། །ཕུར་པ་སྲས་ཀྱི་ལྷ་ཚོགས་འཁོར་དང་བཅས། །འཁོར་བཅས༴ །དམ་ཉམས༴ །གདུག་པ་འདུལ་བའི་ཕོ་ཉར་ཁས་བླངས་པ། །དྲེགས་པ་དབང་ཕྱུག་ཉི་ཤུ་རྩ་བརྒྱད་པོ། །འཁོར་བཅས༴ དམ་ཉམས༴ །ཕུར་པའི་སྲུང་མར་ཞལ་བཞེས་དམ་ཉམས་སྒྲོལ། །དྲག་གཏུམ་མི་བཟད་དམ་ཅན་བཅུ་གཉིས་སོ། །འཁོར་བཅས༴ །དམ་ཉམས༴ །སངས་རྒྱས་བསྟན་བསྲུང་བར་ཞལ་བཞེས་པ། །ཆོས་སྐྱོང་མགོན་པོ་ལྕམ་དྲལ་ལྷ་ཚོགས་ཀུན། །འཁོར་བཅས་ཁྱེད༴ །དམ་ཉམས་དགྲ་བགེགས༴ །ཕྱོགས་སྐྱོང་བཅུ་དང་གཟའ་དང་རྒྱུ་སྐར་དང་། །ལྟ་སྲིན་སྡེ་བརྒྱད་དྲེགས་པ་ཕོ་མོའི་ཚོགས། །འཁོར་བཅས་ཁྱེད་ཀྱི་ཐུགས་དམ་དུས་ལ་བབ། །དམ་ཉམས་དགྲ་བགེགས་སྒོལ་བའི་ལས་མཛོད་ཅིག །ཅེས་པས་བསྐུལ། དེ་ནས་སྔོན་འགྲོ་ཡང་འགྲེལ་སོ་དྲུག་གི་དང་པོ་གསེར་སྐྱེམས་དཀྱིལ་ཆོག་གི་བདུད་རྩི་ལྟར་བྱིན་བརླབས་ལ། བླ་མ་རིག་འཛིན་ཚོགས་བཅས་མཆོད། སོགས་གསེར་སྐྱེམས་བསྡུས་པ་གཏོར་ཟློག་ལྟར་བཏོན་ལ་ཕྱོགས་བཅུར་འཐོར། དཀྱིལ་ཆོག་ལྟར། ཧཱུྃ་མ་གཡེལ་མ་འཕངས་སོགས་ཀྱིས་རིག་འཛིན་བསྐུལ་གདབ་ཕུར་ཐོགས་ལ། དོ་ནུབ་ཀྱི་ཕུར་ཁ་སོགས་ཕུར་ཁ་བསྒྱུར་བ་གཏོར་ཟློག་ལྟར་བྱ། །དེ་ནས་སློབ་དཔོན་རྡོ་དྲིལ་ཐོགས་ལ་འདོད་རྒྱལ་གྱི་ཕྱག་རྒྱ་བཅས་ལ་ལིངྒ་ལ་འགུགས་འདྲེན་དྲག་པོ་ལན་གསུམ་བྱས་ལ། འོ་མདུན་གྱི་ལིངྒ་འདི་ཉིད་དགྲ་བགེགས་དངོས་སུ་གྱུར་པའི་མོས་པ་མཛོད། དེ་ནས་སློབ་དཔོན་ ― LT30_Page_0448 ―
[མ་དཔེ་གཟིགས་ན་འདིར་གནོན།]
གྱིས་ཚེ་སྲོག་ཡེ་ཤེས་སུ་བསྒྱུར་བའི་ཕྱིར་དམིགས་པ་འདི་བཞིན་དུ་མཛད་པར་ཞུ། ཀཱི་ལ་ཡའི་རྗེས་སུ། པཉྩ་སྐནྡྷཾ་སོགས་དང་། ཛཿཧཱུྃ་བྃ་ཧོཿ ཞེས་བརྗོད་པས་སློབ་དཔོན་རྡོ་རྗེ་གཞོན་ནུར་གསལ་བའི་ཐུགས་ཀ་ནས། །རྡོ་རྗེ་གཞོན་ནུའི་སྐུ་དཔག་ཏུ་མེད་པ་བྱུང་སྟེ། དགྲ་བགེགས་གང་དུ་གནས་པའི་ས་དང་། ཁྱད་པར་མདུན་གྱི་ལིངྒ་དགྲ་བགེགས་དངོས་སུ་གསལ་བའི་སྙིང་ཁར་ཕོག་པས་ཁོ་ལ་སྲུང་སྐྱོབ་བྱེད་པའི་ཕུང་ཁམས་སྐྱ་མཆེད་ཀྱི་ལྷ་དང་སྲུང་མ་འཁོར་དང་བཅས་པ་ཐམས་ཅད་རྡོ་རྗེ་གཞོན་ནུའི་རྣམ་པར་བྱུང་ནས། སློབ་དཔོན་གྱི་སྙིང་གར་ཐིམ་པས། དགྲ་བགེགས་དེ་སྲུང་སྐྱོབ་དང་བྲལ་ནས་འདར་ཁྲིལ་ཁྲིལ་གནས་ཤིང་། སློབ་དཔོན་ཉིད་གཟི་བརྗིད་ནུས་མཐུ་ཕུན་སུམ་ཚོགས་པ་དང་ལྡན་པ་ཡིན་སྙམ་དུ་མོས་པ་མཛོད། ལྟ་སྲུང་སྤྱན་དྲངས་པ་རོལ་མོ་བཅས། ཧཱུྃ། བཅོམ་ལྡན་དཔལ་ཆེན་སོགས་བརྗོད། དེ་ནས་གསལ་བ་གསུམ་དང་གདིང་གསུམ་གསལ་གདབ་ཅིང་ང་རྒྱལ་བསྐྱེད་པ་ནི། སློབ་དཔོན་རང་ཉིད་ཡི་དམ་གྱི་ལྷར་གསལ་བ། ཕུར་པ་སྲས་མཆོག་ཏུ་གསལ་བ། ལིངྒ་ག་ཟས་པ་བོར་གསལ་བ། གདིང་གསུམ་ནི། གཉེན་པོ་ལྷའི་གདིང་། མགོ་གནོན་སྔགས་ཀྱི་གདིང་ཆོས་ཉིད་རྟོགས་པ་ལྟ་བའི་གདིང་དང་ལྡན་པ་ཞིག་དགོས་པ་ཡིན་པས། དོན་རྣམས་ཐུགས་ལ་འཇོག་པར་ཞུ། རོལ་མོ་བཅས། ཧཱུྃ། །ང་ནི་རྡོ་རྗེ་གཞོན་ནུ་ཡིན། །སོགས་ཚང་བ་དང་། མ་ཉེས་པའི་དབང་གཟུག །བརྒྱུད་ ― LT30_Page_0449 ―
[མ་དཔེ་གཟིགས་ན་འདིར་གནོན།]
གསུམ་བླ་མ་ནས། །དགྲ་བགེགས་སྒྲོལ་བའི་གྲོགས་མཛོད་ཅིག །བར་བརྗོད། དེ་ནས་ཡང་འགྲེལ་སོ་དྲུག་གི་རྫས་དམོད་མོ་ཏིང་ངེ་འཛིན་སོགས་དྲུག་དྲུག་བྱ་བ་ལ། དོན་ཚན་དྲུག་ཏེ། ལྷ་དང་ཕྲལ་བ། གཟུགས་ལ་དབབ་པ། བྱད་དུ་གཞུག་པ། སྨྱོ་རུ་གཞུག་པ། རྡུལ་དུ་རློག་པ། ཞལ་དུ་བསྟབ་པའོ། །དེ་རེ་རེ་ལའང་དྲུག་དྲུག་སྟེ། བསད་པར་བྱ་བའི་རྫས་དྲུག །བསམ་པ་མཐར་ཕྱིན་པའི་དམོད་མོ་དྲུག །དམིགས་པ་གཞན་དུ་མི་འགྱུར་བའི་ཏིང་ངེ་འཛིན་དྲུག །སྐྱེད་པར་བྱ་བའི་ལྷ་དྲུག །སྦས་པའི་འཕྱོང་དྲུག །གབ་པའི་སྔགས་དྲུག་སྟེ་སུམ་ཅུ་རྩ་དྲུག་གི་སྒོ་ནས་ངན་སྔགས་ཀྱི་རྒྱལ་པོ་དྲུག་གི་ཕྲིན་ལས་རྫོགས་པར་བཏང་དགོས་པས་གཞན་ཏུ་མ་ཡེངས་པར་སོ་སོའི་དོན་རྣམས་ཐུགས་ལ་ངེས་པར་ཞུ། རྒྱས་པར་སྤྲོ་ན། དྲུག་ཚན་རེ་རེ་བཞིན་བརྡ་སྤྲད། མི་ནུས་ན། བཞི་པ་བསྐྱེད་པར་བྱ་བའི་ལྷ་ནི་ཐམས་ཅད་ལ་དཀྱུས་སུ་བཏོན་དགོས་སོ། །ཕྱག་ལེན་མ་འཁྲུལ་བ་དང་དབྱངས་རོལ་བཅས། ན་མོ་བཅོམ་ལྡན་རྡོ་རྗེ་གཞོན་ནུ་དང་། །སོགས་ནས། བིགྷྣཱན་བནྡྷ་ཧཱུྃ་ཕཊ་ཀྱི་བར་མཐར་ཆགས་སུ་བཏང་། དེ་ལྟར་སྔོན་འགྲོ་ཡང་འགྲེལ་སོ་དྲུག་སོང་ནས། དངོས་གཞི་གདབ་པའི་ལས་ལ་བརྟེན་པ་དྲུག་ནི། །ཀུན་གཞི་རྩད་བཅད་དེ་བསྒྲལ་བ་ཉོན་མོངས་པ་སྐྱེ་བའི་སྒོ་ལྔ་དག་པར་བསྒྲལ་བ། རྣམ་ཤེས་ཚོགས་བརྒྱད་དག་པར་བསྒྲལ་བ། མ་བདུད་དམོད་མོས་བསྒྲལ་བ། ― LT30_Page_0450 ―
[མ་དཔེ་གཟིགས་ན་འདིར་གནོན།]
དགེ་སྡིག་ཆ་སྙོམས་ཏེ་བསྒྲལ་བ། གཏུན་ཏུ་བརྡུངས་ཏེ་བསྒྲལ་བའོ། །དེ་ལྟར་དོན་ཚན་དྲུག་ཉམས་སུ་ལེན་པ་ལ། ཐོག་མར་འགུགས་གཞུག་ལན་གཅིག་བྱས་ནས། གདབ་པའི་ལས་བྱ་དགོས། དེ་ལ་ཀུན་གཞིའི་གནས་ལུགས་མ་ཤེས་ན་བཏབ་པ་ལ་དོན་མེད་ཅེས་འབྱུང་བ་ནི། དམིགས་པ་གསལ་བ་གནད་དུ་ཆེ་བ་ཡིན་པས། ཐོག་མར་སློབ་དཔོན་གྱི་དམིགས་པ་གསལ་འདེབས་པ་འདི་ལ་ཐུགས་མ་ཡེངས་པར་གཏོད་པར་ཞུ། དེ་ལ་ཀུན་གཞིའི་གནས་ལུགས་གསལ་གདབ་པ་ནི། ལིངྒ་འདི་ཉིད་དགྲ་བགེགས་དངོས་སུ་གསལ་བའི་སྙིང་གར་རྩ་བཞི་ཡོད་པ། དེ་ཡང་ཆོས་ཉིད་རང་བྱུང་གི་རྩ་གཉིས་མེད་ཡེ་ཤེས་ཀྱི་རྩ། གློ་བུར་རྒྱུད་འཛིན་གྱི་རྩ། སྐྱོན་ཡོན་དབང་པོ་དྭངས་བྱེད་ཀྱི་རྩ་བཞི་འདོམས་པའི་དབུས་སུ་ཤའི་དྭངས་མ་བྱེའུ་ལེན་པའི་མགོ་ཙམ། དེའི་ནང་དུ་ཁྲག་གི་དྭངས་མ་མཚལ་ལྕོགས་ལམ་སྟེ་རྒྱ་མཚལ་མ་བརྟུལ་བ་ལྟ་བུ་དམར་ནག་གི་རྣམ་པ་ལ་འོད་ཁྲམ་ཁྲམ་ཡོད་པ། དེའི་ནང་དུ་རྩའི་དྭངས་མ་དར་དཀར་གྱི་སྐུད་པ་ལྟ་བུས་དྲིལ་ནས། དབུགས་ཀྱི་དྭངས་མ་གསེར་ས་འོག་ན་ཡོད་པའི་དྲོད་ཙམ། དེའི་ནང་དུ་འོད་ཀྱི་དྭངས་མ་ཉའི་མིག་ཙམ་གྱི་དབུས་སུ། ཚེའི་རྟེན་སྡོམ་གྱི་རྒྱ་ལྟ་བུས་དྲིལ་ནས་རྣམ་པར་ཤེས་པའི་ངོ་བོ་ཨ་ཐུང་དཀར་པོའི་རྣམ་པར་གནས་པ་ནི་འཁོར་འདས་ཀུན་གྱི་གཞི་ཡིན་ལ། དེ་ལྟར་བསམས་ནས་ ― LT30_Page_0451 ―
[མ་དཔེ་གཟིགས་ན་འདིར་གནོན།]
གཙོ་བོའི་ཕུར་པ་དཔྲལ་བར་བསྒྲིལ་བས་འཇམ་དཔལ་སྐུའི་ལྷ་ཚོགས་འདུས་པར་བསམ། མགྲིན་པར་བསྒྲིལ་བས་པདྨ་གསུང་གི་ལྷ་ཚོགས་འདུས་པར་བསམ། སྙིང་གར་བསྒྲིལ་བས་ཡང་དག་ཐུགས་ཀྱི་ལྷ་ཚོགས་ནམ་མཁའ་གང་བར་སྤྱན་དྲངས་པར་བསམ་མོ། །དེ་ནས་གསང་སྔགས་ལ་རྣམ་པ་ལམ་དུ་བྱེད་པ་ཡིན་པས། དེ་ལྟ་བུའི་ཀུན་གཞི་དེ་ཉིད་ཨའི་རྣམ་པར་ངོས་འཛིན་པར་བྱས་ལ། དེའི་རྗེས་སུ་ཚེ་ལུང་ཁྲུས་ལུང་གི་དགོངས་པ་མ་ཤེས་ན་ངན་སྔགས་དང་ཁྱད་པར་མེད། གནས་སྦར་བའི་ཆོག་མ་ཤེས་ན་གཤན་པ་དང་ཁྱད་མེད། ཅེས་འབྱུང་བ་ལྟར། དེ་ལ་ཁྲུས་ལུང་གསུམ་ནི། ཁམས་གསུམ་སེམས་ཅན་གྱི་ཁྲུས་ལུང་། བདག་རྣལ་འབྱོར་པའི་ཁྲུས་ལུང་། ལིངྒ་གཟས་པ་པོའི་ཁྲུས་ལུང་དང་གསུམ་ཡིན། ཚེ་ལུང་ལ་གཉིས་ཏེ་བདག་རྣལ་འབྱོར་པའི་ཚེ་ལུང་། ལིངྒ་གཟས་པ་པོའི་ཚེ་ལུང་སྟེ་མདོར་ན་དེ་ཐམས་ཅད་དགོངས་པ་རྣམ་པ་གསུམ་དང་ལྡན་དགོས་ཏེ་དེའང་ཨ་དཀར་བྱ་དཀར་གྱི་དགོངས་པ། གདུང་བ་ལུ་གུ་བརྒྱུད་ཀྱི་དགོངས་པ། ཐུགས་རྗེ་འབྲལ་ཐག་གི་དགོངས་པ་སྟེ། དེ་གསུམ་དང་ལྡན་པའི་སྒོ་ནས་ཉམས་སུ་བླངས་པས་བརྟེན་ནས། རང་གཞན་གཉིས་ཀ་འཁོར་བ་ལས་བསྒྲལ་ནུས་པའི་ཕུར་པས་སྐྱོན་གསུམ་སྤངས་ཏེ། ཕུར་པ་འདེབས་པའི་ཐོག་མར་སློབ་དཔོན་རང་ཉིད་རྡོ་རྗེ་གཞོན་ནུར་ ― LT30_Page_0452 ―
[མ་དཔེ་གཟིགས་ན་འདིར་གནོན།]
ལམ་སྟེ་གསལ་བའི་སྙིང་གར་ཨ་དཀར་པོ་ཞིག་བསམ། དེ་ལས་ཀྱང་ཨ་དཀར་པོ་བྱ་དཀར་པོ་གདང་ལ་བསྒྲིགས་པ་ལྟ་བུ་དཔག་ཏུ་མེད་པ་འཕྲོས། མདུན་གྱི་སྐུ་གསུང་ཐུགས་ཀྱི་ལྷ་ཚོགས་རྣམས་ལ་ཕོག་པས། དེ་དག་གི་ཐུགས་ཀ་ནས་ཨ་དཀར་པོ་བྱ་དཀར་པོ་གདང་ལ་བསྒྲིགས་པ་ལྟ་བུ་མང་པོ་བྱུང་སྟེ་ཁམས་གསུམ་གྱི་སེམས་ཅན་ཐམས་ཅད་ལ་ཕོག་པས། དེ་ཐམས་ཅད་ཀྱི་སྡིག་སྒྲིབ་སྦྱངས་ནས་ཚུར་འདུས་རང་གི་སྙིང་གར་ཐིམ་པར་བསམ་པ་ནི། ཁམས་གསུམ་སེམས་ཅན་གྱི་ཁྲུས་ལུང་ཡིན་ལ་དེ་ནས་བདག་རྣལ་འབྱོར་པའི་ཁྲུས་ལུང་གི་དོན་ཏུ་སླར་ཡང་མདུན་གྱི་ལྷ་ཚོགས་རྣམས་ཀྱི་ཐུགས་ཀ་ནས། སྔགས་བཞིན་ཨ་དཀར་པོ་བྱ་དཀར་པོ་གདང་ལ་བསྒྲིགས་པ་ལྟ་བུ་བསམ་གྱིས་མི་ཁྱབ་པ་བྱུང་སྟེ། སློབ་དཔོན་གྱི་སྙིང་ཁར་ཐིམ་པས་ལུས་ཀྱི་ནང་ཐམས་ཅད་ཨ་དཀར་པོས་གང་བ་ལ་བསྟན་ནས། ཉོན་མོངས་པ་དང་ཤེས་བྱའི་སྒྲིབ་པ་བག་ཆགས་དང་བཅས་པ་ཐམས་ཅད་སྦྱོང་བར་བསམ་པ་བདག་རྣལ་འབྱོར་པའི་ཁྲུས་ལུང་། དེ་ནས་ལིངྒ་གཟས་པ་པོའི་ཁྲུས་ལུང་ནི། ཡང་སློབ་དཔོན་གྱི་སྙིང་ག་ནས་འོད་ཟེར་དཀར་པོ་འཕྲོས་ནས། ལག་ཏུ་ཐོགས་པའི་ཕུར་བའི་སྤྱི་གཙུག་ནས་ཞུགས། ཕུར་བུའི་རྩེ་མོར་ཨ་དཀར་པོ་ཞིག་ཏུ་གྱུར་པ་དེ་ལས་ཀྱང་ཨ་དཀར་པོ་བྱ་དཀར་པོ་གདང་ལ་བསྒྲིག་པ་ལྟ་བུ་མང་པོ་འཕྲོས་ཏེ། ལིངྒའི་ལུས་ཀྱི་ནང་གང་བས། ― LT30_Page_0453 ―
[མ་དཔེ་གཟིགས་ན་འདིར་གནོན།]
ཁོའི་ལས་ངན་ཐམས་ཅད་སྦྱང་བར་བསམ་པ་གཟས་པ་པོའི་ཁྲུས་ལུང་སྟེ། ཁྲུས་ལུང་གསུམ་ནི་ཨ་དཀར་བྱ་དཀར་གྱི་དགོངས་པ་ཡིན་ལ། དེ་ནས་སློབ་དཔོན་གྱིས་ཕུར་པ་སྲས་མཆོག་ཏུ་གསལ་བ་དེ་ཉིད། དྲོད་ཐོན་ཙམ་བསྒྲིལ་ཏེ། ཁོ་ལ་ཕན་སེམས་ཀྱི་སྒོ་ནས་ལིངྒ་དགྲ་བགེགས་སུ་གསལ་བའི་སྙིང་དཀར་ནག་གི་མཚམས་སུ་བཏབ་པས་ཕུར་བུའི་འོད་ཟེར་གྱིས་སྙིང་གའི་རྩ་བཞི་པོ་དེ་གུར་གྱི་ཆོན་ཐག་བཅད་པ་བཞིན་ཏུ་གཏུབ། ཤ་དང་ཁྲག་གི་དྭངས་མ་ཡང་རྡོ་ཚན་ལ་ཁ་བ་བབས་པ་བཞིན་ཏོག་གིས་སྐམ། རྩའི་དྭངས་མ་རྣམས་དར་་ལྕེ་ལ་མེ་བཅུག་པ་བཞིན་གཞོབ་ཐུལ་གྱིས་བསྲེགས། དབུགས་དང་དྲོད་ཀྱི་དྭངས་མ་གཉིས་ཀྱང་བྱེ་ཚན་ལ་ཆུ་བླུགས་པ་བཞིན་བཅོམ་ནས། ཚེའི་རྟེན་སྡོམ་གྱི་རྒྱ་ལྟ་བུས་དྲིལ་བདེ་ལ་ཕུར་པའི་འོད་ཟེར་ཕོག་པས། སྦྲང་བུ་མེ་ནང་དུ་སོང་བ་བཞིན་ཆོམ་གྱིས་བསྲེགས་ཏེ་རྣམ་པར་ཤེས་པའི་ངོ་བོ་ཨ་དཀར་པོའི་བཀྲག་མདངས་གཟི་བརྗིད་ཐམས་ཅད་ཕུར་བུའི་ཨ་དཀར་པོ་དེ་ལ་འདུས་པར་བསམས་ནས། ཨོཾ་ལམ་སོགས་ཀྱི་སྔགས་བརྗོད་ཅིང་། སླར་ཕུར་པ་བཏོན་ནས་ཕུར་མགོ་རང་གི་དཔྲལ་བ་སོགས་གནས་གསུམ་དུ་རེག་ཅིང་བོ་དྷི་ཙིཏྟ་ཨོཾ་སོགས་བརྗོད་པས་ཕུར་པའི་ཨ་དེ་ཡར་ཞུགས་ཏེ་དབུའི་གཙུག་ནས་ཐོན། རང་ལ་ཐིམ་པས་ཁོའི་ཚེ་དང་བསོད་ནམས་བཀྲག་མདངས་ཐམས་ཅད་རང་ལ་ཐིམ་པ་ལ་བརྟེན་ནས། སློབ་དཔོན་རང་གི་ཚེ་དང་བསོད་ནམས་ཐམས་ ― LT30_Page_0454 ―
[མ་དཔེ་གཟིགས་ན་འདིར་གནོན།]
ཅད་རྒྱས་སྟེ་ཚེ་ལ་དབང་བའི་རིག་འཛིན་དུ་གྱུར་པ་བསམ་པ་ནི་བདག་རྣལ་འབྱོར་པའི་ཚེ་ལུང་ཡིན་ཏེ། ཕུར་པ་མཁན་པོ་གདབ་ལས་ལ་བརྟེན་ནས་ཚེ་བསྲིངས་ཞེས་སོ། །དེ་ནས་ཕུར་པ་དེ་སྔར་ཤུལ་དུ་བཏབ་ནས། ཁོའི་རྣམ་པར་ཤེས་པའི་ངོ་བོ་ཨ་དཀར་པོ་དེ་ཕུར་པའི་རྩེ་ལ་བླངས་ནས། ཕུར་རྩེ་ནམ་མཁའ་ལ་བསྟན་ཅིང་དེའི་དུས་སུ་རང་གི་རླུང་བུས་པའམ། ཕཊ་ཅེས་བརྗོད་པས་ཁོའི་རྣམ་པར་ཤེས་པའི་ངོ་བོ་ཨ་དཀར་པོ་དེ་ཉིད་བྱ་སྒྲོ་རླུང་གི་བསྐྱོད་པ་བཞིན་ཏུ་རྒྱངས་ཏེ་སོང་ནས་འོག་མིན་དུ་རྒྱལ་བ་རིགས་ལྔ་ཡབ་ཡུམ་སྦྱོར་བ་མཛད་པའི་སྦྱོར་མཚམས་སུ་བསྐྱལ་བས་སངས་རྒྱས་པར་བསམས་ནི། ལིངྒ་ག་ཟས་པ་པོའི་ཚེ་ལུང་སྟེ་དེས་ན་རྒྱུ་སྙིང་རྗེ་ཆེན་པོས་ཀུན་ནས་བསླངས་ཏེ། གནས་སྦར་བའི་ཆོ་ག་དེ་ལྟ་བུ་བྱས་པ་ལ་བརྟེན་ནས་སངས་རྒྱས་པ་ཡིན་པས་ཁོ་དང་གདབ་ལས་མཁན་པོ་གཉིས་དཔོན་སློབ་ཀྱི་འབྲེལ་ཆུག་པ་ན་གདུང་བ་ལུ་གུ་རྒྱུད་དང་། ཐུགས་རྗེ་འབྲེལ་ཐག་གི་དགོངས་པ་སྟེ། དེ་ལྟ་བུའི་དགོངས་པ་རྣམ་གསུམ་གྱི་དོན་དེ་རྣམས་ཐུགས་ལ་འཇོག་སྟེ་དམིགས་པ་ལ་རྩེ་གཅིག་ཏུ་ཐུགས་གཏོད་པར་ཞུ། འགུགས་བཞུག་ལན་གཅིག་བྱས། ཛཿ དམ་ཚིག་ཆེན་པོའི་དུས་སོགས་ཕུར་གདབ་རྣམས་དང་། རལ་གྲི། ཐུན། ཐོ་བས་བརྡུང་བ་ཡན་དང་། ལིང་རོ་སློབ་དཔོན་གྱིས་ཐོགས་ལ། ཞས་བསྟབ་བསྡུས་པ། ཕྱི་ནང་གསང་བའི་སོགས་བརྗོད། ལྷ་ཚོགས་རྣམས་ལ་ཕུལ་ཏེ་དགྱེས་པས་བཞེས་པར་བསམས་ལ། ― LT30_Page_0455 ―
[མ་དཔེ་གཟིགས་ན་འདིར་གནོན།]
མཐར་ལིང་རོ་མཆོད་གཡོག་པས་གཏོར་མ་ལ་འབུལ། བསྒྲལ་ཆས་རྣམས་བསྡུའོ། །དེ་ནས་ཕྲིན་ལས་ཕུར་བུའི་དབང་ནི། སྲས་མཆོག་གཙོ་ཕུར་གཏད་ལ། །བདག་དང་ལག་པའི་མཆོག་རྣམས་ཀྱི། །རབ་ཏུ་གསོར་ཏེ་བསྒྲིལ་བྱས་ནས། །བྱིན་གྱིས་རློབ་པའི་དབང་བསྐུར་བས། །གཉིས་མེད་རྒྱལ་པོར་བྱིན་རློབས་ཤིག །ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ཨ་བྷི་ཥིཉྩ་ཨཱཿཆོས་ཀུན་གཉིས་མེད་ཆེན་པོར་བྱིན་གྱིས་རློབ་པར་བྱེད་པ་ཕུར་བུ་དབང་བསྐུར་བས། སྣོད་བཅུད་ཕུར་བུའི་རང་བཞིན་ཏུ་གཏོགས་པའི་དབང་ཐོབ་པར་གྱུར་ཅིག །གུ་གུལ་ཡུངས་ཀར་རཀྟའི་ཙཀླི་རིམ་པར་གཏད་ལ། གུ་གུལ་སྦྱར་བའི་རྫས་མཆོག་དམ་པ་འདིས། །ཀཱི་ལ་ཡ་ཡི་གཟི་མདངས་རབ་བསྐྱེད་ནས། །སྐུ་ནི་མཚན་དང་དཔེ་བྱད་ལྡན་གྱུར་ཏེ། །འགྲོ་བའི་དོན་ལ་མཐུ་དང་ལྡན་གྱུར་ཅིག །གུ་གུལ་བྷུ་བ་ཨ་བྷི་ཥིཉྩ། །རྫས་མཆོག་དམ་པ་གུ་གུལ་གྱི་དབང་བསྐུར་བས། །ཕུར་པ་གཟི་བརྗིད་བསྐྱེད་ནུས་པའི་དབང་ཐོབ་པར་གྱུར་ཅིག །ཡུངས་ཀར་རྒྱལ་པོའི་རྫས་མཆོག་འདིས། །བདེ་གཤེགས་རྣམས་ཀྱི་སྲས་ཀྱི་མཆོག །ཐུགས་དམ་ཆེན་པོ་བསྐུལ་ནས་ཀྱང་། །འཁོར་བའི་དོན་དམ་བྱེད་པར་ཤོག །བཛྲ་ཕརྵ་ཨ་བྷི་ཥིཉྩ། །སས་མཆོག་ཐུགས་དམ་བསྐུལ་བ་ཡུངས་ཀར་རྒྱལ་པོའི་དབང་བསྐུར་བས་འགྲོ་བའི་དོན་ལ་ཐུགས་དམ་བསྐུལ་བའི་དབང་ཐོབ་པར་གྱུར་ཅིག །རཀྟའི་རྒྱ་མཚོ་ཆགས་པའི་བདག་ཉིད་འདིས། ། ― LT30_Page_0456 ―
[མ་དཔེ་གཟིགས་ན་འདིར་གནོན།]
འགྲོ་བའི་དོན་ལ་ཐུགས་དམ་རབ་བསྩལ་ཞིང་། །ཕྱོགས་བཅུའི་འཇིག་རྟེན་རབ་འབྱམས་མ་ལུས་ཀུན། །ཐུགས་རྗེ་ཆགས་པས་འགྲོ་དོན་བྱེད་པར་ཤོག །མ་ཧཱ་རཀྟ་ཨ་བྷི་ཥིཉྩ། ཕུར་བུ་སེམས་ཅན་གྱི་དོན་ལ་ཆགས་པ་བསྐྱེད་པ་རཀྟའི་དབང་བསྐུར་བས། འགྲོ་བའི་དོན་བྱེད་པ་ལ་རྗེས་སུ་ཆགས་པའི་དབང་ཐོབ་པར་གྱུར་ཅིག །ཅོད་པན་གཏད་ལ། །ཐུགས་རྗེ་ཆགས་པའི་ཅོད་པ་འདི། །ཐབས་དང་ཤེས་རབ་རྟགས་ཡིན་ཏེ། །གཟུང་འཛིན་མཐའ་གཉིས་རྣམ་སྤངས་ནས། །དབྱིངས་དང་ཡེ་ཤེས་མཚོན་པར་ཤོག །པ་ཊ་ཨ་ཝ་ལ་མྦ་ཨ་བྷི་ཥིཉྩ། ཐུགས་རྗེ་ཆེན་པོའི་རྟག་ཆད་ཀྱི་མཐའ་བསལ་བའི་དར་གྱི་ཅོད་པན་གྱི་དབང་བསྐུར་བས། ཤེས་བྱ་ཀུན་ལ་ཐོགས་པ་མེད་པ་དང་། ཐུགས་རྗེས་འགྲོ་བའི་དོན་ལ་མཐུ་ཐོགས་པ་མེད་པའི་དབང་ཐོབ་པར་གྱུར་ཅིག །ཕྱི་ནང་གསང་གསུམ་གྱི་མཆོད་པའི་དབང་ནི། མེ་ཏོག་ཐོད་པ་ཆོས་འབྱུང་རྣམས་ཕྱོགས་གཅིག་ཏུ་བྲིས་པའི་ཙཀླི་གཏད་ལ། ཕྱི་ནང་གསང་བའི་མཆོད་རྫས་འདི། །དུས་གསུམ་སངས་རྒྱས་མཉེས་བྱེད་ཅིང་། །འགྲོ་བའི་དོན་དུ་ཐུགས་བསྐུལ་ནས། །མཆོད་སྦྱིན་སྟོབས་ཀྱི་དབང་ཐོབ་ཤོག །མ་ཧཱ་པཱུ་ཛ་ཨ་བྷི་ཥིཉྩ། ཕྱི་ནང་གསང་གསུམ་གྱི་མཆོད་པའི་རྫས་ཀྱི་དབང་བསྐུར་བས། བདེ་བར་གཤེགས་པ་ཡོངས་སུ་མཉེས་པར་བྱེད་པའི་དབང་ཐོབ་པར་གྱུར་ཅིག །དེ་ནས་དྲུག་པ་དྲག་པོ་སྒྲོལ་བའི་རྗེས་སུ་གནང་བ་ལ་བཅུ་བཞི་ལས། སྔགས་ཕུར་ ― LT30_Page_0457 ―
[མ་དཔེ་གཟིགས་ན་འདིར་གནོན།]
འགུགས་པའི་དབང་ནི། ཤར་གྱི་སྲས་མཆོག་གཏད་ལ། །དབྱིངས་དང་ཡེ་ཤེས་དོན་དམ་ཕོ་ཉ་སྟེ། །ཐབས་དང་ཤེས་རབ་རྟགས་ཀྱི་ཕོ་ཉ་ཡིན། །འཁོར་བའི་གནས་ནས་དགྲ་བགེགས་འགུགས་པའི་ཕྱིར། །སྔགས་དང་ཕོ་ཉ་ཕུར་བུ་འདི་ནི་བཟུང་། །དུ་ཏ་ཀི༚་ཀ་རི་ཀ་ལ་ཨ་བྷི་ཥིཉྩ། །འགུགས་འདྲེན་སྔགས་པ་ཕུར་བུའི་དབང་བསྐུར་བས། །དགྲ་བགེགས་གནས་ནས་འགུགས་པའི་དབང་ཐོབ་པར་གྱུར་ཅིག །སྡིག་པའི་ཕུར་བུའི་དབང་ནི། ལྷོའི་སྲས་མཆོག་གཏད་ལ། །རིན་ཆེན་རྒྱལ་པོའི་ཕུར་པ་འདི་བྱིན་པས། །དམིགས་པའི་མཐུ་དང་རྩལ་བྱེད་ལྷ་ལ་སོགས། །གནས་སུ་བསྐྲད་ཅིང་རྫུ་འཕྲུལ་ཕྲོགས་ནས་ནི། །རང་ཉིད་ཚེ་དང་དབང་ཐང་རྒྱས་པར་ཤོག །རཏྣ་རཱ་ཛ་ཀཱི་ལ་ཡ་ཨ་བྷི་ཥིཉྩ། །རིན་ཆེན་རྒྱལ་པོའི་སྡིགས་པའི་ཕུར་བུའི་དབང་བསྐུར་བས། དགྲ་བགེགས་ཀྱི་མཐུ་དང་རྫུ་འཕྲུལ་ཕྲོགས་ནས། ཚེ་དང་བསོད་ནམས་རྒྱས་པའི་དབང་ཐོབ་པར་གྱུར་ཅིག །ཕྱག་རྒྱ་བཞི་ལྡན་ཕུར་པའི་དབང་ནི། ནུབ་ཀྱི་སྲས་མཆོག་གཏད་ལ། ཕྱག་རྒྱ་བཞི་ལྡན་ཕུར་པ་འདིས། །དགུག་དང་གཞུག་དང་བཅིང་བ་དང་། །ཐམས་ཅད་དབང་དུ་བསྡུ་བའི་ཕྱིར། །དགྲ་བགེགས་ལིངྒར་འདེབས་པར་ཤོག །ཨ་ཀརྵ་ཡ་ཨ་བེ་ཤ་ཡ་བནྡྷ་ཝཾ་ཤཱཾ་ཀཱི་ལ་ཡ་ཨ་བྷི་ཥིཉྩ། །ཕྱག་རྒྱ་བཞི་ལྡན་ཕུར་པའི་དབང་བསྐུར་བས་དབྱིངས་དང་ཡེ་ཤེས་ཀྱི་ལིངྒ་ལ་ཡིད་ཀྱི་ཡེ་ཤེས་པ་ཕབ་སྟེ། དབྱིངས་དང་ཡེ་ ― LT30_Page_0458 ―
[མ་དཔེ་གཟིགས་ན་འདིར་གནོན།]
ཤེས་ཀྱི་དོན་རྟོགས་པར་གྱུར་ཅིག །དྲག་པོ་གདབ་ཕུར་གྱི་དབང་ནི། བྱང་གི་སྲས་མཆོག་གཏད་ལ། རྡོ་རྗེ་གདབ་ཕུར་འདི་བྱིན་པས། །དབྱིངས་དང་ཡེ་ཤེས་རོ་མཉམ་ཞིང་། །གདབ་བྱའི་ལིངྒ་ཤེས་རབ་ལ། །ཐབས་མཆོག་ཕུར་པ་ཐོབ་པར་ཤོག །རུ་དྲ་ཀཱི་ལ་ཡ་ཨ་བྷི། དྲག་པོ་གདབ་ཕུར་གྱི་དབང་བསྐུར་བས། །ཕྲིན་ལས་དྲག་པོས་དགྲ་བགེགས་སྒྲོལ་བའི་དབང་ཐོབ་པར་གྱུར་ཅིག །དུག་གཏོར་དམར་ནག་གཏད་ལ། དབང་མཆོག་དུག་གི་གཏོར་མ་འདི་བྱིན་པས། །གནོད་བྱེད་མ་ལུས་རབ་ཏུ་མྱོས་པ་དང་། །བག་ཆགས་སྦྱངས་ཤིང་དགེ་སྡིག་མཐོང་བ་དང་། །རྨོངས་རེངས་དྲན་པ་ཉམས་པ་ཐོབ་པར་ཤོག །པི་ཥ་བ་ལིནྟ་ཨཱ་བྷི༴ དུག་གི་གཏོར་མས་དབང་བསྐུར་བས་དགྲ་བགེགས་མྱོས་ཤིང་རྨུག་པར་བྱེད་པའི་དབང་ཐོབ་པར་གྱུར་ཅིག །མཚོན་ཆ་ལྔ་གཏད་ལ། །འཇོམས་པའི་རྡོ་རྗེ་གཅོད་པའི་འཁོར་ལོ་དང་། །གཏུབ་པའི་རལ་གྲི་བརྡུང་བའི་དབྱུག་ཏོ་དང་། །མནན་པའི་རྒྱ་གྲམ་བརྒྱབ་པའི་མཚོན་ཆ་ཡིས། །མ་རིག་ལས་ཀྱི་འཆིང་བ་གྲོལ་གྱུར་ཅིག །བཛྲ་ཙཀྲ་ཁ་རྒ་མུངྒ་ར་བི་ཤྭ་བཛྲ་ཨུ་དྷ་ཨ། མ་རིག་པའི་འཆིང་བ་བྲལ་བ་རྡོ་རྗེའི་མཚོན་ཆ་ལྔས་དབང་བསྐུར་བས། །ཡེ་ཤེས་ཀྱི་མཚོན་ཆས་མ་རིག་པའི་འཆིངས་བ་བྲལ་བའི་དབང་ཐོབ་པར་གྱུར་ཅིག །ཐུན་རྫས་གཏད་ལ། ཁྲོ་མོ་འབར་བའི་གཏུན་ཁུང་དུ། །རྡོ་རྗེ་འབར་བའི་ཁྲོ་ཚོགས་ཀྱིས། །འཁོར་བའི་བག་ཆགས་སྦྱང་བའི་ཕྱིར། །མཚན་མའི་དངོས་པོ་ཞི་གྱུར་ཅིག །བཛྲ་པྲ་ཧ་ར་ཨ༴ བག་ཆགས་ཀྱི་ཕུང་པོ་གཞིག་ ― LT30_Page_0459 ―
[མ་དཔེ་གཟིགས་ན་འདིར་གནོན།]
པའི་ཕྱིར། རྡོ་རྗེ་ཐུན་གྱི་དབང་བསྐུར་བས། མཁའ་དབྱིངས་སྤྲོས་པ་དང་བྲལ་བར་བག་ཆགས་ཐམས་ཅད་ཞི་བའི་དབང་ཐོབ་བར་གྱུར་ཅིག །ཤ་ཁྲག་རུས་པའི་གཟུགས་གཏད་ལ། །རྡོ་རྗེ་སྲིན་པོའི་ཞལ་གདངས་པས། །ཤ་རུས་ཁྲག་གི་མཆོད་པ་ཡིས། །དུག་གསུམ་རྩད་ནས་དག་གྱུར་ཏེ། །རྒྱལ་བའི་སྐུ་གསུམ་ཐོབ་པར་ཤོག །མཱཾ་ས་རུ་དྷི་ར་ཨསྠི་པཱུ་ཛ་ཨ་བྷི་ཥིཉྩ། ཤ་རུས་ཁྲག་གི་མཆོད་པའི་དབང་བསྐུར་བས་དུག་གསུམ་གནས་སུ་དག་པར་གྱུར་ནས་སྐུ་གསུམ་མངོན་དུ་འགྱུར་བའི་དབང་ཐོབ་པར་གྱུར་ཅིག །དྲག་པོའི་གཏོར་མ་གཏད་ལ། །དྲག་པོའི་མཆོད་གཏོར་འདི་བྱིན་པས། །དམ་ཅན་རྣམས་ཀྱི་ཐུགས་བསྐུལ་ཞིང་། །གདུག་ཅིང་སྡང་སེམས་ལྡན་པ་རྣམས། །ལུས་ངག་རྡུལ་དུ་བརླག་གྱུར་ཅིག །རུ་ཏྲ་ཨཀྵེ་ས་བ་ལིངྟ་ཨ་བྷི་ཥིཉྩ། ལས་མཐའ་བཏུལ་བ་དྲག་པོའི་ཟོར་གྱི་དབང་བསྐུར་བས། །དམ་ཅན་རྣམས་ཀྱི་ཐུགས་རྒྱུད་བསྐུལ་ཞིང་། གདུག་པ་ཅན་ཐལ་བར་བརླག་པའི་དབང་ཐོབ་པར་གྱུར་ཅིག །མེ་ཧོམ་འབར་བ་གཏད་ལ། ཀློང་ཡངས་འཁྱིལ་བའི་ཧོམ་ཁུང་དུ། །འཕྲོ་འདུ་འབར་བའི་མེ་འབར་ཏེ། །ཡང་དག་མེ་ཡི་སྦྱོར་བ་ཡིས། །ལྷ་རྣམས་མ་ལུས་མཉེས་བྱེད་ཤོག །ཨགྣེ་ཧོ་མ་ཨ་བྷི་ཥིཉྩ། སྲེག་བྱེད་སྦྱིན་སྲེག་མེའི་དབང་བསྐུར་བས་ལྷ་རྣམས་མཉེས་ཤིང་ལས་རྣམས་མྱུར་དུ་འགྲུབ་པའི་དབང་ཐོབ་པར་གྱུར་ཅིག ། ― LT30_Page_0460 ―
[མ་དཔེ་གཟིགས་ན་འདིར་གནོན།]
རི་རབ་ཕུར་བུ་གཏད་ལ། །རི་རབ་ཕུར་བུའི་དབང་བྱིན་པས། །གདུག་པའི་སེམས་ཅན་བསྐལ་པར་ཡང་། །གང་ལ་གཏད་པའི་སྲུང་མ་ཡིས། །ཐར་མེད་འཆིང་བའི་དབང་ཐོབ་ཤོག །སརྦ་བིགྷྣཱན་ཤཱ་ཏྲུན་ཡ་ཀྲན་ཀཱི་ལ་ཡ་ཨ་བྷི་ཥིཉྩ། ལས་མཐར་བྱེད་པ་རི་རབ་ཕུར་བུའི་དབང་བསྐུར་བས། དགྲ་བགེགས་བསྐལ་པའི་མཐར་ཐུག་པར་གནན་ནུས་པའི་དབང་ཐོབ་པར་གྱུར་ཅིག །རྫུ་འཕྲུལ་སྣ་ཚོགས་ཀྱི་དབང་ནི། །རིགས་ལྔའི་ཕྱག་མཚན་བྲིས་པའི་ཙཀླི་གཏད་ལ། རིགས་ལྔའི་ཕྱག་རྒྱ་འདི་བྱིན་པས། །དུག་ལྔའི་རིགས་ཅན་སེམས་ཅན་རྣམས། །སྤྲུལ་པའི་རྫུ་འཕྲུལ་སྣ་ཚོགས་ཀྱི། །བསམ་པ་ཇི་བཞིན་འདུལ་བར་ཤོག །པཉྩུ་ཀཱུ་ལ་རྀད་དྷི་ནིརྨ་་ཨ་བྷི་ཥིཉྩ། །རྫུ་འཕྲུལ་སྣ་ཚོགས་སྤྲུལ་པའི་དབང་བསྐུར་བས། རིགས་ལྔའི་སྤྲུལ་པ་སྣ་ཚོགས་ཀྱི་དབང་ཐོབ་པར་གྱུར་ཅིག །དེ་ཡན་གྱི་དྲག་པོ་སྒྲོལ་བའི་དབང་བསྐུར་བ་རྣམས་སོང་ནས། ད་བདུན་པ་རང་རྟགས་ཕྱག་རྒྱའི་དབང་བསྐུར་བ་ལ། ཐོག་མར་གཙོ་བོའི་ཕུར་པ་འདི་ཉིད་ཁྱེད་རང་རྣམས་ཀྱི་ཕྱག་ཏུ་གཏད་པ་ལ་བརྟེན་ནས་དབང་བསྐུར་བའི་མོས་པ་མཛོད། ཨོཾ་བཛྲ་ཀཱི་ལི་ཀཱི་ལ་ཡ་མ་ཐྱཏྲིཥྚ་བི་ན་ཨ་བྷི་ཥིཉྩ། རྣམ་ཤེས་ཚོགས་བརྒྱད་རྣམ་པར་དག་པ་རྡོ་རྗེ་གཞོན་ནུའི་ཕྱག་རྒྱ་ཕུར་པའི་དབང་བསྐུར་བས། ལོག་ལྟ་རྩད་ནས་བཅད་དེ་ཕྱིན་ཅི་ལོག་གི་ཚོགས་འདུལ་བའི་དབང་ཐོབ་པར་གྱུར་ཅིག །དེ་ནས་ཧཱུྃ་ ― LT30_Page_0461 ―
[མ་དཔེ་གཟིགས་ན་འདིར་གནོན།]
མཛད་ཕུར་པ་གཏད་ལ། ཨོཾ་བཛྲ་ཧཱུྃ་ཀ་ར་བྲ་ཧྨ་བི་ན་ཡ་ཨ་བྷི་ཥིཉྩ། འདོད་ལོག་རྣམ་པར་དག་པ་ཁྲོ་བོ་ཧཱུྃ་མཛད་ཀྱི་རི་རབ་ཕུར་བུའི་དབང་བསྐུར་བས། འདོད་ལོག་རྩད་ནས་བཅད་ནས། ཚངས་པ་འདུལ་བའི་དབང་ཐོབ་པར་གྱུར་ཅིག །རྣམ་རྒྱལ་གྱི་ཕུར་པ་གཏད་ལ། ཨོཾ་བཛྲ་བི་ཛ་ཡ་ཨིནྡྲ་བི་ན་ཡ་ཨ་བྷི་ཥིཉྩ། ངག་འཁྱལ་རྣམ་པར་དག་པ་ཁྲོ་བོ་རྣམ་རྒྱལ་གྱི་ཕུར་བུའི་དབང་བསྐུར་བས་ངག་འཁྱལ་རྩད་ནས་བཅད་དེ་བརྒྱ་བྱིན་འདུལ་བའི་དབང་ཐོབ་པར་གྱུར་ཅིག །དབྱུག་སྔོན་ཅན་གྱི་ཕུར་པ་གཏད་ལ། ཨོཾ་བཛྲ་ནཱི་ལ་དཎྜ་ཨགྣི་བི་ན་ཡ་ཨ་བྷི་ཥིཉྩ། རྫུན་དུ་སྨྲ་བ་རྣམ་པར་དག་པ་ཁྲོ་བོ་དབྱུག་སྔོན་ཅན་གྱི་ཕུར་བུའི་དབང་བསྐུར་བས། རྫུན་དུ་སྨྲ་བ་རྩད་ནས་བཅད་དེ་མེ་ལྷ་འདུལ་བའི་དབང་ཐོབ་པར་གྱུར་ཅིག །གཤིན་རྗེའི་གཤེད་ཀྱི་ཕུར་པ་གཏད་ལ། ཨོཾ་བཛྲ་ཡ་མཱནྟ་ཀྲྀ་ཏ་ཡ་མ་བི་ན་ཡ་ཨ་བྷི་ཥིཉྩ། སྲོག་གཅོད་རྣམ་པར་དག་ཁྲོ་བོ་གཤིན་རྗེ་གཤེད་ཀྱི་དབང་བསྐུར་བས། སྲོག་གཅོད་རྩད་ནས་བཅད་དེ། གཤིན་རྗེ་འདུལ་བའི་དབང་ཐོབ་པར་གྱུར་ཅིག། མི་གཡོ་བའི་ཕུར་བུ་གཏད་ལ། ཨོཾ་བཛྲ་ཨཱརྱ་ཨ་ཙ་ལ་རཀྵ་ས་བི་ན་ཡ་ཨ་བྷི་ཥིཉྩ། ལོག་ལྟ་རྣམ་པར་དག་པ་ཁྲོ་བོ་མི་གཡོ་བའི་ཕུར་བུའི་དབང་བསྐུར་བས། ལོག་ལྟ་རྩད་ནས་བཅད་དེ། སྲིན་པོ་འདུལ་བའི་དབང་ཐོབ་པར་གྱུར་ཅིག །རྟ་མགྲིན་གྱི་ཕུར་པ་གཏད་ལ། ཨོཾ་བཛྲ་ཧ་ཡ་གྲྀ་ཝ་ཝ་རུ་་བི་ན་ཡ་ཨ་བྷི་ཥིཉྩ། ཕྲ་མ་རྣམ་པར་དག་ ― LT30_Page_0462 ―
[མ་དཔེ་གཟིགས་ན་འདིར་གནོན།]
པ་ཁྲོ་བོ་རྟ་མགྲིན་གྱི་ཕུར་བུའི་དབང་བསྐུར་བས། ཕྲ་མ་རྩད་ནས་བཅད་དེ། ཆུ་ལྷ་འདུལ་བའི་དབང་ཐོབ་པར་གྱུར་ཅིག །འདོད་རྒྱལ་གྱི་ཕུར་པ་གཏད་ལ། ཨོཾ་བཛྲ་ཊཱཀྐི་རཱ་ཛ་བཱ་ཡུ་བི་ན་ཡ་ཨ་བྷི་ཥིཉྩ། མ་བྱིན་ལེན་པ་རྣམ་པར་དག་པ་ཁྲོ་བོ་འདོད་རྒྱལ་གྱི་ཕུར་བུའི་དབང་བསྐུར་བས་མ་བྱིན་ལེན་རྩད་ནས་བཅད་དེ། རླུང་ལྷ་འདུལ་བའི་དབང་ཐོབ་པར་གྱུར་ཅིག །བདུད་རྩི་འཁྱིལ་བའི་ཕུར་པ་གཏད་ལ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཡཀྵ་བི་ན་ཡ་ཨ་བྷི་ཥིཉྩ། ཚིག་རྩུབ་རྣམ་པར་དག་པ་ཁྲོ་བོ་བདུད་རྩི་འཁྱིལ་བའི་ཕུར་བུའི་དབང་བསྐུར་བས། ཚིག་རྩུབ་རྩད་ནས་བཅད་དེ། །གནོད་སྦྱིན་འདུལ་བའི་དབང་ཐོབ་པར་གྱུར་ཅིག །ཁམས་སུམ་རྣམ་རྒྱལ་ཕུར་པ་གཏད་ལ། ཨོཾ་བཛྲ་ཏྲཻ་ལོ་ཀྱ་བི་ཛ་ཡ་མི་ཤྭ་ར་བི་ན་ཡ་ཨ་བྷི་ཥིཉྩ། གནོད་སེམས་རྣམ་པར་དག་པ་ཁྲོ་བོ་ཁམས་གསུམ་རྣམ་རྒྱལ་གྱི་ཕུར་བུའི་དབང་བསྐུར་བས། གནོད་སེམས་རྩད་ནས་བཅད་དེ། དབང་ཕྱུག་འདུལ་བའི་དབང་ཐོབ་པར་གྱུར་ཅིག །སྟོབས་ཆེན་གྱི་ཕུར་པ་གཏད་ལ། ཨོཾ་བཛྲ་མ་ཧཱ་བ་ལ་བྷཱུ་མི་པ་ཏི་བི་ན་ཡ་ཨ་བྷི་ཥིཉྩ། བརྣབ་སེམས་རྣམ་པར་དག་པ་ཁྲོ་བོ་སྟོབས་པོ་ཆེའི་ཕུར་བུའི་དབང་བསྐུར་བས། བརྣབ་སེམས་རྩད་ནས་བཅད་དེ། ས་བདག་འདུལ་བའི་དབང་ཐོབ་པར་གྱུར་ཅིག །ཤར་ཕྱོགས་ཀྱི་སྒོ་མའི་ཕུར་པ་གཏད་ལ། ཨོཾ་བཛྲ་ཡཀྵི་ི་ཤ་ཤྭ་ཏོ་དྲིཥྚ་བི་ན་ཡ་ཨ་བྷི་ཥིཉྩ། བྱམས་པ་རྣམ་པར་དག་པ་གནོད་སྦྱིན་མའི་ཕུར་བུའི་དབང་ ― LT30_Page_0463 ―
[མ་དཔེ་གཟིགས་ན་འདིར་གནོན།]
བསྐུར་བས། །རྟག་པར་ལྟ་བ་རྩད་ནས་བཅད་དེ། རྟག་ལྟ་འདུལ་བའི་དབང་ཐོབ་པར་གྱུར་ཅིག །ལྷོ་ཕྱོགས་སྒོ་མའི་ཕུར་པ་གཏད་ལ། ཨོཾ་བཛྲ་བྷེ་ར་ཝཙྪ་ད་དྲྀཥྚ་བི་ན་ཡ་ཨ་བྷི་ཥིཉྩ། སྙིང་རྗེ་རྣམ་པར་དག་པ་འཇིགས་བྱེད་མའི་ཕུར་བུའི་དབང་བསྐུར་བས། ཆད་ལྟ་རྩད་ནས་བཅད་དེ། ཆད་ལྟ་འདུལ་བའི་དབང་ཐོབ་པར་གྱུར་ཅིག །ནུབ་ཀྱི་སྒོ་མའི་ཕུར་པ་གཏད་ལ། ཨོཾ་བཛྲ་ཨ་མྲྀ་ཏ་ཨཱཏྨ་ནཾ་དྲྀཥྚ་བི་ན་ཡ་ཨ་བྷི་ཥིཉྩ། དགའ་བ་རྣམ་པར་དག་པ་བདུད་རྩི་མའི་ཕུར་བུའི་དབང་བསྐུར་བས། བདག་ཏུ་ལྟ་བ་རྩད་ནས་བཅད་དེ། བདག་ལྟ་འདུལ་བའི་དབང་ཐོབ་པར་གྱུར་ཅིག །བྱང་ཕྱོགས་ཀྱི་སྒོ་མའི་ཕུར་པ་གཏད་ལ། ཨོཾ་བཛྲ་མ་ར་ི་མིརྡྷ་ཏིདྲྀཥྚ་བི་ན་ཡ་ཨ་བྷི་ཥིཉྩ། བཏང་སྙོམས་རྣམ་པར་དག་པར་གསོད་བྱེད་མའི་ཕུར་བུའི་དབང་བསྐུར་བས། མཚན་མར་ལྟ་བ་རྩད་ནས་གཅད་དེ། །མཚན་འཛིན་འདུལ་བའི་དབང་ཐོབ་པར་གྱུར་ཅིག །དེ་ནས་མེ་ཏོག་འཐོར་ལ་དྲིལ་བསིལ་བཅས་དཀྱིལ་ཆོག་ལྟར་བཀྲ་ཤིས་རྒྱས་པར་བརྗོད། དེས་རང་རྟགས་ཕྱག་རྒྱའི་རྗེས་གནང་སོང་ཞིང་། དོན་ཚན་བདུན་པོས་དྲག་པོ་སྒྲོལ་བའི་རྗེས་སུ་གནང་བ་རྫོགས་པར་གྲུབ་པ་ཡིན་ལ། དེའི་མཐའ་བརྟེན་ཕྲིན་ལས་གཏོར་མའི་དབང་བསྐུར་བའི་དོན་དུ། གཏོར་མ་འདི་ཉིད་དུར་ཁྲོད་ཆེན་པོའི་ཀློང་དཀྱིལ་ཡེ་ཤེས་ཀྱི་མེ་འབར་བའི་དབུས་སུ་པདྨ་ཉི་མ་ཟླ་བ། དབང་ཕྱུག་ཕོ་མོ་བསྣོལ་བའི་ ― LT30_Page_0464 ―
[མ་དཔེ་གཟིགས་ན་འདིར་གནོན།]
སྟེང་དུ་བཅོམ་ལྡན་འདས་རྡོ་རྗེ་གཞོན་ནུ་སྐུ་མདོག་མཐིང་ནག་ཞལ་གསུམ་ཕྱག་དྲུག་པ་ཡུམ་འཁོར་ལོ་རྒྱས་འདེབས་མ་དང་མཉམ་པར་སྦྱོར་བའི་སྐུ་དངོས་ཡིན་སྙམ་དུ་མོས་པ་མཛོད། དེ་ནས་སློབ་དཔོན་གྱི་ཁྱེད་རང་རྣམས་ཀྱི་དབུ་ཐོག་ཏུ་གཞག་པ་ལ་བརྟེན་ནས་དབང་བསྐུར་བའི་མོས་པ་མཛོད་ཅིག །ཅེས་བྱས་ལ། ཀཱི་ལ་ཡ་བརྗོད་ཅིང་ཕུར་པའི་གཙོ་གཏོར་མགོ་ཐོག་ཏུ་བཞག་པ་དང་གཞན་རྣམས་ཀྱི་རོལ་ཆེན་བྱེད་ཚར་བ་དང་། དེ་ལྟར་ན་གཏོར་མ་རྡོ་རྗེ་གཞོན་ནུར་གསལ་བ་དེ་ཉིད་ཁྱེད་རང་རྣམས་ཀྱི་སྤྱི་བོ་ནས་ཐིམ་པས་རྒྱུད་བྱིན་གྱིས་རློབ་པའི་མོས་པ་མཛོད། འོ་དེ་རྣམས་ཀྱི་སྒོ་ནས་རྗེས་སུ་གནང་བ་ལེགས་པར་གསན་པ་ཡིན་པས་དེ་དག་གི་གནས་སྐབས་སུ་ཞལ་གྱིས་བཞེས་པའི་དམ་ཚིག་དང་སྡོམ་པ་ལ་སྲུང་སྡོམ་ཚུལ་བཞིན་ཏུ་བགྱིའོ་སྙམ་པས་འདིའི་རྗེས་ཟློས་མཛོད། གཙོ་བོས་སོགས། རྗེས་གནང་ཟབ་མོ་ཐོབ་པའི་གཏང་རག་གི་ཡོན་ཏུ་མཎྜལ་ཕུལ་བ་ཞུ། དེ་ལྟར་མཎྜལ་ཕུལ་ནས་ལུས་ལོངས་སྤྱོད་ཐམས་ཅད་བླ་མ་ལ་ཡོན་ཏུ་འབུལ་ཞིང་ཆ་ཤས་ཀྱི་སྒོ་ནས་ལོངས་སྤྱོད་དུ་གསོལ་སྙམ་པས་འདིའི་རྗེས་ཟློས་མཛོད། དེང་ནས་སོགས་སྤྱི་ལྟར་བྱེད། དེ་རྣམས་ཀྱི་སྒོ་ནས་བཅོམ་ལྡན་འདས་རྡོ་རྗེ་ཕུར་པའི་སྨད་ལས་དྲག་པོ་སྒྲོལ་བའི་རྗེས་སུ་གནང་བ་ལེགས་པར་གསན་པ་ཡིན་པས། རང་གཞན་གྱི་དོན་རྒྱ་ཆེན་པོ་མཛད་པར་ཞུ། བསོད་ནམས་འདི་ཡིས་སོགས་བརྗོད་ཅིང་སློབ་མ་རྣམས་རང་གནས་ ― LT30_Page_0465 ―
[མ་དཔེ་གཟིགས་ན་འདིར་གནོན།]
སུ་བཏང་ངོ་། །གསུམ་པ་རྗེས་ཀྱི་ཆོ་ག་ནི། ཆོས་སྐྱོང་སྐོང་བ་སྤྱི་བསྟབ་སོགས་གཏོར་ཆོག་དཀྱུས་ལྟར་ཚང་བར་བྱ། ཚོགས་ལ་རོལ། ལྷག་ཆོག་བཏང་། བརྟན་མ་བསྐྱང་། རྟ་བྲོ་བརྡུང་། ཕྱི་མཆོད་ཁ་གསོས་ལ་མཆོད་པ་བྱིན་རླབས་བྱ། ཕྱི་མཆོད་ནང་མཆོད་བསྟོད་པ་མདོར་བསྡུས་མཐར། ཡེ་ཤེས་ལྔ་ལྡན་སོགས་ཀྱིས་དངོས་གྲུབ་བླང་། ཡི་གེ་བརྒྱ་པས་ལྷག་ཆད་ཁ་བསྐང་། ནོངས་པ་བཟོད་གསོལ། རས་བྲིས་དང་རྟེན་ཡོད་ན་བརྟན་བཞུགས་བྱ། རྡུལ་ཚོན་གྱི་དཀྱིལ་འཁོར་དང་། གཏོར་མགྲོན་སོགས་རྟེན་མེད་པ་རྣམས་གཤེགས་སུ་གསོལ། དམ་ཚིག་པ་རང་ལ་བསྡུ། སློབ་དཔོན་གྱིས་གཙོ་ཕུར་ནས་རིམ་གྱིས་བྱིན་རླབས་ཞུས་ཏེ་བསྡུས། ཨ་ཀཱ་རོས་རྡུལ་ཚོན་བསྡུ། བདག་བསྐྱེད་ཀྱི་དཀྱིལ་འཁོར་པ་རང་ལ་བསྡུ་ཞིང་གོ་བགོ་བསྔོ་སྨོན་བཀྲ་ཤིས་བཅས་དཀྱུས་ལྟར་རྒྱས་པར་བྱས་པས་ལེགས་པར་གྲུབ་བོ། །ཕུར་པ་མཁན་པོས་གདབ་ལས་བྱ་བ་ལ། །མེད་དུ་མི་རུང་རྗེས་གནང་ཁྱད་པར་ཅན། །གྲུབ་བརྙེས་བར་མ་ཆད་པར་རྗེས་གནང་བས། །བྱིན་རླབས་གཟི་བརྗིད་འབར་འདི་ཚོལ་བར་རིགས། འཁྲུལ་བྲལ་གོང་མའི་གསུང་རབ་ལ། །བརྟེན་ཏེ་རྨོངས་བློའི་འདོད་འཇོར་བྱས། །ཉེས་ཀུན་རྩ་གསུམ་དམ་ཅན་ལ། །བཟོད་པར་གསོལ་གྱིས་ཚངས་པར་སྩོལ། །དགྲ་བགེགས་དུག་ལྔ་བདག་འཛིན་བཅས། །ཕུར་བུ་རྣམ་བཞིས་འདེབས་པ་ལ། །རྡོ་རྗེ་སྲིན་པོའི་སྟོབས་བཅུའི་རྩལ། །ཡོངས་རྫོགས་བདུད་ལས་རྣམ་རྒྱལ་ཤོག །ཅེས་པ་འདིའང་དད་དམ་ལྷག་བསམ་གསེར་བཟང་ལྟར་མི་འགྱུར་བ་ཛཾ་ཐང་བླ་མ་ལྔ་སྡེས་ཡང་ཡང་བསྐུལ་བའི་ངོར་རྗེ་བཙུན་ཆེན་པོའི་གསུང་རབ་ཀྱི་ཞབས་ཏོག །དཔལ་ལྡན་ཇོ་ནང་པའི་བསྟན་པ་རྒྱས་པའི་ཆེད་དུ་དམིགས་ཏེ། རྡོ་རྗེ་ཧེ་རུ་ཀ་དང་དབྱེར་མ་མཆིས་པ་ཀརྨ་སི་ཏུས་རྗེས་སུ་བཟུང་ཞིང་། འཇམ་དབྱངས་གྲུབ་པའི་དཔའ་བོའི་གསུང་གི་བཅུད་འཛིན་པ། པདྨ་གར་དབང་བདེ་བའི་རྡོ་རྗེས་འཇམ་པའི་དབྱངས་སྔགས་འཆང་ཆེན་པོའི་གསུང་བཞིན་དཔལ་སྤུངས་ཡང་ཁྲོད་དུ་བཀོད་པ། སྙིང་པོའི་བསྟན་པ་ཕྱོགས་བརྒྱར་རྒྱས་པའི་རྒྱུར་གྱུར་ཅིག །དགེའོ། ། དཔལ་ཆེན་རྡོ་རྗེ་གཞོན་ནུའི་རྒྱུན་གྱི་ཉམས་ལེན་བྱ་བའི་རིམ་པ་ཐུགས་ཀྱི་ཐིག་ལེ།― LT30_Page_0467 ―
[མ་དཔེ་གཟིགས་ན་འདིར་གནོན།]
དཔལ་ཆེན་རྡོ་རྗེ་གཞོན་ནུའི་རྒྱུན་གྱི་ཉམས་ལེན་བྱ་བའི་རིམ་པ་ཐུགས་ཀྱི་ཐིག་ལེ་ཞེས་བྱ་བ་བཞུགས་སོ། ། ― LT30_Page_0468 ―
[མ་དཔེ་གཟིགས་ན་འདིར་གནོན།]
མི་རྟོག་རྡོ་རྗེས་དངོས་འཛིན་འཇིག །གཞོན་ནུ་སྙིང་རྗེའི་མཚོན་ཆེན་ཐོགས། །ཟུང་དུ་འཇུག་ལ་ཕྱག་བྱས་ནས། །རྒྱུན་གྱི་ཉམས་ལེན་མདོར་བསྡུས་འཆད། །བཅོམ་ལྡན་འདས་རྡོ་རྗེ་གཞོན་ནུ་ལ་ཡི་དམ་དུ་བྱེད་ཅིང་མངོན་རྟོགས་ཡོངས་རྫོགས་བསྒོམ་པར་མི་ལྕོགས་པ་དག་གིས་ཕྱག་རྒྱ་གཅིག་པ་རྣལ་འབྱོར་དུ་བྱ་བའི་རིམ་པ་ནི་འདི་ཡིན་ཏེ། ཐོག་མར། །རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བརྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རངས། ། ― LT30_Page_0469 ―
[མ་དཔེ་གཟིགས་ན་འདིར་གནོན།]
དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་བྱང་ཆུབ་སེམས་དཔའ་ལ། །དགོས་པ་གསུམ་གྱི་ལུས་འབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །ཞེས་རྒྱུན་བཤགས་དང་། །སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །ཅེས་ཚད་མེད་བསྒོམ། ཧཱུྃ། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་ཆེར་འབར་བ། །ནམ་མཁའི་དཀྱིལ་དུ་ཐིག་ལེ་ཤར། །སྲོག་གི་སྒོ་རུ་ཤར་བ་ན། །སྙིང་གི་གོ་རུ་བསྒོམ་པར་བྱ། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཏྨ་ཀོ྅ཧཾ། རང་བཞིན་མ་རྟོག་པའི་སེམས་ཅན་རྣམས་བྱང་ཆུབ་ལ་འགོད་པར་ ― LT30_Page_0470 ―
[མ་དཔེ་གཟིགས་ན་འདིར་གནོན།]
བྱའོ། །སྟོང་ཉིད་སྙིང་རྗེ་ཟུང་དུ་འཇུག་པའི་རང་སེམས་ཧཱུྃ་ཡིག་མཐིང་ནག་ནམ་མཁའི་ཁམས་སུ་གནས་པར་གྱུར། ཨོཾ་དྷརྨ་དྷཱ་ཏུ་སྭ་བྷཱ་བ་ཨཏྨ་ཀོ྅ཧཾ། ནམ་མཁའི་ཧཱུྃ་ལས་སྤྲོས་པའི་རཾ་ཡཾ་ཁཾ་གིས་སྣོད་བཅུད་ཐམས་ཅད་སྦྱངས། ཨེ་ཡཾ་རཾ་བཾ་ལཾ་ཏཾ་ཀེ༚་བྷྲཱུྃ་རྣམས་སྤྲོས་པ་ལས་རྟེན་གྱི་དཀྱིལ་འཁོར་གྲུབ་པ་ནི། ཨེ་ལིག་ནམ་མཁའི་ཁམས་ཀྱི་དབུས་སུ་ཡཾ་ལས་རླུང་། རཾ་ལས་མེ། བཾ་ལས་ཆུ། ལཾ་ལས་སའི་དཀྱིལ་འཁོར་རྣམས་བརྩེགས་པའི་སྟེང་དུ་མཾ་ལས་རཀྟའི་རྒྱ་མཚོ། དེའི་དབུས་སུ་ཀེ༚་ལས་ཀེང་རུས་བརྩེགས་པའི་རི་རབ། བྷྲཱུྃ་བི་ཤྭ་བི་ཤུདྡྷེ་བནྡྷ་ཛྙཱ་ན་ཙཀྲ་མཎྜལ་ཧཱུྃ་བྷྲཱུྃ། རི་རབ་ཀྱི་སྟེང་དུ་བྷྲཱུྃ་ལས་གཞལ་ཡས་ཁང་གྲུ་བཞི་སྒོ་བཞི་རྟ་བབས་བཞིས་བརྒྱན་པ། རབ་ཏུ་འཇིགས་ཤིང་སྐྱི་གཡའ་བའི་དབུས་སུ་གྲུ་གསུམ་མཐིང་ནག་མུ་ཁྱུད་རྡོ་རྗེས་སྤྲས་པ། དེའི་སྟེང་དུ་པདྨ་མཎྜལ་ཧཱུྃ་གིས་སྣ་ཚོགས་པདྨའི་གདན། ཨ་ཙནྡ་མཎྜལ་ཧཱུྃ་གིས་ཟླ་བའི་གདན། མ་སུརྻ་མཎྜལ་ཧཱུྃ་གིས་ཉི་མའི་གདན། །ཤཾ་རུ་དྲ་རུ་ཏྲི་ཏི་ར་བཾ་གྱིས་རུ་དྲ་ཕོ་མོ་གཡས་གཡོན་དུ་མགོ་བསྟན་ཏེ་འགྱེལ་བའི་གདན་རྣམས་སུ་གྱུར། ནམ་མཁར་གནས་པའི་རང་སེམས་ཧཱུྃ་ཡིག་དེ་གཞལ་མེད་ཁང་གི་དབུས་ཀྱི་གདན་གྱི་སྟེང་དུ་བབས་པ་ལས་འོད་ཟེར་ཕྱོགས་བཅུར་འཕྲོས། སངས་རྒྱས་སྲས་དང་བཅས་པ་ཐམས་ཅད་མཆོད། །སེམས་ཅན་ཐམས་ཅད་ཀྱི་དོན་བྱས། ཁྱད་པར་དུ་གདུག་པ་ཅན་ཐམས་ཅད་ཚར་བཅད། །ཚུར་ ― LT30_Page_0471 ―
[མ་དཔེ་གཟིགས་ན་འདིར་གནོན།]
འདུས་ཧཱུྃ་ལ་ཐིམ། ཧཱུྃ་སྤ་ར་་ཕཊ། སཾ་ཧ་ར་་ཧཱུྃ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི།།།ན་བྷནྡྷ་ཧཱུྃ་ཕཊ། བདག་ཉིད་བཅོམ་ལྡན་འདས་དཔལ་ཆེན་པོ་ཧེ་རུ་ཀ་ཁྲོ་བོའི་རྒྱལ་པོ་རྡོ་རྗེ་གཞོན་ནུའི་སྐུར་གྱུར་པ་ནི། །དུས་མཐའི་སྤྲིན་ལྟར་སྐུ་མདོག་ནག་པ། །དགུ་གསུམ་ཕྱག་དྲུག་ཞབས་བཞི་བགྲད། །རབ་ཁྲོས་ཤིན་ཏུ་འཇིགས་པའི་སྐུ། །སྐུ་ཆེ་རགས་ཤིང་སྦོམ་ལ་ཐུང་། །གཡས་དཀར་གཡོན་དམར་དབུས་མཐིང་ཞལ། །དམར་ལ་ཟླུམ་པའི་སྤྱན་གསུམ་གཡོ། །ཞལ་གདངས་མཆེ་གཙིགས་ལྗགས་ཀྱང་འགྲིལ། །གཡས་པའི་ཕྱག་གི་དང་པོ་ན། །རྡོ་རྗེ་རྩེ་དགུ་འཕྱར་ཞིང་གསོར། །གཉིས་པས་རྡོ་རྗེ་རྩེ་ལྔ་བསྣམས། །གཡོན་གྱི་དང་པོ་སྡིགས་མཛུབ་ཅན། །མེ་དཔུང་བསྣམས་པས་གདུག་ཅན་བསྲེག །གཉིས་པ་མདུད་རྩེ་གསུམ་པ་ཡིས། །རྩེ་མོར་མཚན་པའི་ཁ་ཊྭཱྃ་ག །ཐ་མ་མདུན་གྱི་ཕྱག་གཉིས་ཀྱིས། །རི་རབ་ཕུར་བུ་བསྒྲིལ་བའི་ཚུལ། །ཞབས་བཞི་གཡས་བསྐུམས་གཡོན་བརྐྱངས་པས། །རུ་དྲ་ཕོ་མོ་མནན་ཅིང་བརྫིས། །སྟག་གི་པགས་པའི་སྨད་དཀྲིས་ཅན། །གླང་ལྤགས་ཞིང་ཆེན་སྟོད་གཡོགས་གསོལ། །ཐོད་པ་ཚར་གསུམ་ཕྲེང་བས་བརྒྱན། །གདུག་པའི་སྦྲུལ་གྱིས་བརྒྱན་པ་སྟེ། །རྒྱལ་རིགས་དཀར་པོ་ཐོད་དུ་བཅིངས། །རྗེ་རིགས་སེར་པོས་མགུལ་བ་བརྒྱན། །དམངས་རིགས་དམར་པོ་བསྙན་ཆར་བྱས། །བྲམ་ཟེ་ལྗང་གུ་གདུ་བུ་སྟེ། ། ― LT30_Page_0472 ―
[མ་དཔེ་གཟིགས་ན་འདིར་གནོན།]
སྐེ་རགས་དང་ནི་སེ་མོ་དོ། །ཀླུ་ཆེན་གདོལ་པ་ནག་པོའོ། །ཐལ་ཆེན་མཆོག་གི་ཚོམ་བུ་དང་། །རཀྟ་དམར་གྱི་ཐིག་ལེ་དང་། །ཞག་ཆེན་ཟོ་རིས་རྣམས་ཀྱིས་མཚན། །སྨ་ར་སྨིན་མ་མེ་ལྟར་འབར། །དབུ་སྐྲ་ཁམ་སེར་གྱེན་དུ་འཁྱིལ། །རྡོ་རྗེའི་གཤོག་པ་གཡས་གཡོན་གདེངས། །སྐུ་ལུས་རྡོ་རྗེས་གོ་ཆར་གཏོམས། །ཡེ་ཤེས་མེ་དཔུང་དབུས་ན་བཞུགས། །ཕུང་པོ་ཁམས་དང་སྐྱེ་མཆེད་དང་། །སྐྲ་དང་བ་སྤུའི་ཁུང་བུ་སོགས། །ཐམས་ཅད་རྡོ་རྗེ་གཞོན་ནུས་གཏམས། །ཐུགས་ཀར་སོར་བཞིའི་ཚད་ཙམ་གྱིས། །གཞལ་མེད་ཁང་པ་སྒོ་གཅིག་པ། །སྒོ་སྲུང་རྟ་མགྲིན་རིག་མར་བཅས། །དེ་ནང་ཉི་མ་ལ་གནས་པའི། །ཡེ་ཤེས་སེམས་དཔའི་ཐུགས་ཀར་ཧཱུྃ། །མཐའ་སྐོར་སྔགས་ཕྲེང་འཁོར་བར་གྱུར། །ཨོཾ་དིཔྟ་ཙཀྲ་ཧ་ན་ཧ་ན་ཧཱུྃ་ཕཊ། །ཡུམ་ཆེན་འཁོར་ལོ་རྒྱས་འདེབས་མ། །མཐིང་ནག་ཞལ་གཅིག་ཕྱག་གཉིས་ཀྱི། །གཡས་པས་རྡོ་རྗེ་དྲིལ་བུ་འཛིན། །གཡོན་པས་ཐོད་ཁྲག་ཡབ་ལ་སྟོབ། །ཁྲོ་བོའི་ཆ་བྱད་ཡོངས་རྫོགས་པ། །དཔལ་ཆེན་སྐུ་ལ་གཉིས་མེད་འཁྱུད། །ཐུགས་ཀར་ཡེ་ཤེས་སེམས་དཔའ་དང་། །ཏིང་འཛིན་སེམས་དཔའ་ཨ་ཡིག་གོ། །ཧཱུྃ། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུར་་པོ་རྡོ་རྗེར་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས། ― LT30_Page_0473 ―
[མ་དཔེ་གཟིགས་ན་འདིར་གནོན།]
ནང་བཅུད་ཐམས་ཅད་རྟེན་དང་བརྟེན་པའི་དཀྱིལ་འཁོར་དུ་གྱུར། ཧཱུྃ། །རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེར་གྲུབ་མཛོད་ཅིག །ཡང་ཧཱུྃ་ལས་འོད་ཟེར་འཕྲོས། །ཡེ་ཤེས་སེམས་དཔའི་ལྷ་ཚོགས་ཨོཾ་བཛྲ་ས་མཱ་ཛ༔ ཧཱུྃ། སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། ཛཿཧཱུྃ་བྃ་ཧོཿ རང་གི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། །དེ་རྣམས་ལས་འོད་ཟེར་འཕྲོས། སངས་རྒྱས་ཐམས་ཅད་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས་གནས་གསུམ་དུ་ཐིམ། ཧཱུྃ། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷ་ཝ་ཨདྨ་ཀོ྅ཧཾ། ཨོཾ༴ ཝཱཀ༴ ཧཾ། ཨོཾ༴ ཙིཏྟ༴ ཧཾ། ཡང་ཐུགས་ཀ་ནས་འོད་འཕྲོས་དབང་གི་ལྷ་ཐམས་ཅད་སྤྱན་དྲངས་མདུན་དུ་བཞུགས་པར་གྱུར། ཧཱུྃ་ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པའི། །དབང་དང་བྱིན་རླབས་བདག་སྩོལ་ཅིག །རིགས་ལྔ་རྣམས་ཀྱིས་དབང་བསྐུར་གྱུར། །ཨོཾ་བཛྲ་ཤྲཱི་ཧེ་རུ་ཀ་བཛྲ་ཀྲོ་དྷཱི་ཤྭ་རི་ཧཱུྃ། །ཨོཾ་བུདྡྷ་ཤྲཱི་ཧེ་རུ་ཀ་བུདྡྷ་ཀྲོ་དྷཱི་ཤྭ་རི་ཨོཾ། ཨོཾ་རཏྟ་ཤྲཱི་་ཧེ་རུ་ཀ་རཏྣ་ཀྲོ་དྷི་ཤྭ་རཾ་ཏྲཱཾ། ཨོཾ་པདྨ་ཤྲཱི་ཧེ་རུ་ཀ་པདྨ་ཀྲོ་དྷཱི་ཤྭ་རི་ཧྲཱིཿ ཨོཾ་ཀརྨ་ཤྲཱི་ཧེ་རུ་ཀ་ ― LT30_Page_0474 ―
[མ་དཔེ་གཟིགས་ན་འདིར་གནོན།]
ཀརྨ་ཀྲོ་དྷཱི་ཤྭ་རི་ཨཱ༔ ཞེས་པས་བདག་ཉིད་རྩ་བའི་དཀྱིལ་འཁོར་ལ་དཀྱིལ་འཁོར་རྣམ་གསུམ་རྫོགས་པ་ཉིད་དུ་བསྒོམ། ཧཱུྃ་བཛྲ་ཛྙཱ་ན་ཀཱི་ལི་ཀཱི་ལ་ཡཛྙཱ་ན་སཏྭ་ཨེ་ཏྲི་ཀོ་ན་བི་མ་ནཿཔཾ་པདྨ་མཎྜལ། མ་སུརྻ་མཎྜལ། ཨ་ཙ་་མཎྜལ། ཧཱུྃ་བཛྲ་ཀཱི་ལི་ཀི་ལ་ཡ་སརྦ་བི།།།ན་བནྡྷ་ཧཱུྃ་ཕཊ། ཅེས་པས་ཛབ་ཁང་ཕྱེས་ལ། བཅོམ་ལྡན་ཡབ་ཡུམ་ཐབས་ཤེས་གཉིས་སུ་མེད། །རྣམ་སྤྲུལ་ཁྲོ་བོ་ཡབ་ཡུམ་ཕོ་ཉའི་ཚོགས། །ཡུན་རིང་དུས་ནས་བསྙེན་ཅིང་བསྒྲུབས་པའི་ལྷ། །དྲག་པོ་རང་བྱུང་དབང་དང་དངོས་གྲུབ་སྩོལ། །ཅེས་གསོལ་བ་བཏབ། །བཟླས་པའི་དམིགས་པ་གསལ་གདབ་ལ་ཀཱི་ལ་ཡ་འབྲུ་བཅུ་དྲུག་པའི་དུས་སུ་བཟླས་ལ། །མཐར་ཕྲེང་བ་བཅས་ཐལ་མོ་སྦྱར་ཏེ། བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་སྒོ་ནས་བྱིན་གྱིས་བརླབ་ཏུ་གསོལ། མྱུར་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་དཔལ་ཆེན་རྡོ་རྗེ་གཞོན་ནུའི་གོ་འཕང་ཚེ་འདི་ཉིད་ལ་ཐོབ་པར་བྱིན་གྱིས་བརླབ་ཏུ་གསོལ། བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་བགེགས་དང་བར་དུ་གཅོད་པ་ཐམས་ཅད་ཉེ་བར་ཞི་བ་དང་། ཚེ་དང་བསོད་ནམས་དཔལ་དང་འབྱོར་བ་ཐམས་ཅད་འཕེལ་ཞིང་རྒྱས་ལ། བྱམས་དང་སྙིང་རྗེ་བྱང་ཆུབ་ཀྱི་སེམས་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། མདུན་གྱི་ཡེ་ཤེས་སེམས་དཔའ་འོད་དུ་ཞུ་ནས་རང་ལ་ཐིམ་པས་རང་ཉིད་བཀྲག་མདངས་གཟི་བརྗིད་ནུས་མཐུ་ཕུན་ ― LT30_Page_0475 ―
[མ་དཔེ་གཟིགས་ན་འདིར་གནོན།]
སུམ་ཚོགས་པར་གྱུར། ཡེ་ཤེས་ལྔ་ལྡན་སོགས་སམ། །ལྷ་ཚོགས་འཁོར་བཅས་མ་ལུས་ཀུན། །སྔོན་གྱི་དམ་ཚིག་རྗེས་དགོངས་ལ། །གདུག་པའི་དགྲ་བགེགས་བསྒྲལ་བ་དང་། །ཀཱི་ལ་ཡ་ཡི་དངོས་གྲུབ་སྩོལ། །ཞེས་པ་ཙམ་གྱིས་དངོས་གྲུབ་ཞུ། །ཧེ་རུ་ཀའི་ཡིག་བརྒྱ་བརྗོད། ཨོཾ་ཤྲཱི་བཛྲ་ཀུ་མཱ་ར་ཀྲོ་དྷ་རཀྵ་ཧཱུྃ་ཕཊ། ཨོཾ་བཛྲ་ཀཱ་ཝཱ་ཙི་ཧཱུྃ་ཕཊ། ཅེས་གོ་བགོ། །དགེ་འདིས་མཐའ་ཡས་སེམས་ཅན་ཀུན། །རྡོ་རྗེ་གཞོན་ནུ་ཀཱི་ལ་ཡིའི། །གོ་འཕང་བྱང་ཆུབ་མྱུར་ཐོབ་ནས། །བདུད་ལས་རྣམ་པར་རྒྱལ་བར་ཤོག །ཅེས་སྨོན་ལམ་གདབ་ཅིང་། ཧཱུྃ། །སྐྱེ་མེད་ཆོས་སྐུའི་རང་བཞིན་རྣམ་དག་ལ། །ཐུགས་དམ་དབང་གིས་གཟུགས་ཀྱི་སྐུ་སྤྲུལ་པ། །བཅོམ་ལྡན་དཔལ་ཆེན་རྡོ་རྗེ་གཞོན་ནུའི་སྐུ། །མི་འགྱུར་རྟག་པའི་དོན་གྱི་བཀྲ་ཤིས་ཤོག །ཅེས་ཤིས་པར་བརྗོད་ལ། རྗེས་ཐོབ་ཀྱི་སྣང་གྲགས་རྟོག་གསུམ་དཔལ་ཆེན་པོའི་སྐུ་གསུང་ཐུགས་ཡེ་ཤེས་གཉུག་མའི་འཁོར་ལོར་ལམ་དུ་ཁྱེར་བས་འཁྲུལ་མཚན་ཡོངས་གྲོལ་ཆེན་པོ་ལ་བཟླ་བར་བྱའོ། །ཞེས་པ་འདིའང་རྗེ་བཙུན་ཆེན་པོའི་གསུང་རབ་ཀྱི་ཞབས་ཏོག་དང་། ཉམས་ལེན་མཁན་རྣམས་ལ་ཕན་པའི་ལྷག་བློས་པདྨ་གར་དབང་རྩལ་གྱིས་ནག་ཟླའི་ཚེས་བཅོ་ལྔར་དཔལ་སྤུངས་ཡང་ཁྲོད་དུ་བྲིས་པ་དགེ་ལེགས་འཕེལ།། །། བཅོམ་ལྡན་འདས་རྡོ་རྗེ་ཕུར་པའི་བསྐྱེད་རྫོགས་ཀྱི་ཁྲིད་ཡིག་ས་བོན་ཙམ་སྨོས་པ་རྡོ་རྗེའི་གསང་མཛོད།― LT30_Page_0477 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་རྡོ་རྗེ་ཕུར་པའི་བསྐྱེད་རྫོགས་ཀྱི་ཁྲིད་ཡིག་ས་བོན་ཙམ་སྨོས་པ་རྡོ་རྗེའི་གསང་མཛོད་ཅེས་བྱ་བ་བཞུགས་སོ།། །། ― LT30_Page_0478 ―
[མ་དཔེ་གཟིགས་ན་འདིར་གནོན།]
བཅོམ་འདས་རྡོ་རྗེ་ཕུར་པའི་བསྐྱེད་རྫོགས་ཁྲིད་ཡིག་ས་བོན་ཙམ་སྨོས་པ་རྡོ་རྗེའི་གསང་མཛོད་ཅེས་བྱ་བ། ན་མོ་གུ་རུ་མ་ཧཱ་ཤྲི་ཡེ། རྒྱལ་བ་ཀུན་འདུས་རྡོ་རྗེ་ཐོད་ཕྲེང་རྩལ། །དབྱེར་མེད་འཁོར་ལོའི་དབང་ཕྱུག་།ཐུགས་རྗེའི་གར། །ཕྲིན་ལས་ཡོངས་རྫོགས་ཕྱག་རྒྱར་བསྒྱུར་དེ་ལ། །མི་ཕྱེད་དད་པས་འདུད་དོ་རྗེས་འཛིན་མཛོད། །རྒྱ་བོད་མཁས་གྲུབ་ཐུགས་ཀྱི་བརྣག་པ་སྟེ། །རྒྱུད་རྒྱལ་ལུང་གི་བླ་མ་མན་ངག་གི། །ངེས་དོན་རིག་མཆོག་འབུམ་སྡེ་རི་ཡང་སྙིང་འདི། །འཆད་ལ་རྩ་བ་གསུམ་གྱིས་གནང་བ་སྩོལ། །དུས་གསུམ་རྒྱལ་བ་ཐམས་ཅད་ཀྱི་ཐུགས་ཀྱི་བརྣག་པ། །རྒྱ་བོད་མཁས་གྲུབ་ཐམས་ཅད་ཀྱི་གཅེས་པའི་དབྱིག །བྱང་ཆུབ་སྒྲུབ་པ་ལ་མེད་དུ་མི་རུང་བའི་ཆ་རྐྱེན་ཕྲིན་ལས་ཀྱི་ལྷ་མཆོག་རྡོ་རྗེ་ཕུར་པའི་ཟབ་ཁྲིད་འཆད་པ་སྟེ་དེའང་སྤྱིར་རྡོ་རྗེ་ཕུར་པ་ལ་རྒྱུད་ཀྱི་བསྡུ་ཐབས་གཉིས། ― LT30_Page_0479 ―
[མ་དཔེ་གཟིགས་ན་འདིར་གནོན།]
བཤད་ཐབས་གསུམ། ཁོག་དོན་དྲུག །ཐེམས་སྦྱོར་བཅུ། །གནད་ཐོབ་བཅུ་གཉིས། གསང་ཐེམས་ཉེར་གཅིག་ལ་སོགས་པར་གསུངས་པ་རྣམས་ཧྲིལ་གྱིས་དྲིལ་ན། སྟོད་ལས་བྱང་ཆུབ་སྒྲུབ་པ་དང་། སྨད་ལས་དགྲ་བགེགས་བསྒྲལ་བའི་ལམ་གྱི་རིམ་པ་གཉིས་སུ་འདུ་བའི་ཕྱིར། ཕུར་བུའི་རྒྱུ་བཞིའི་གང་ཟག་རྣམ་པ་བཞི་མཐར་དབྱུང་ཞེས་པའི་དོན། ཕུར་བུ་ངན་སྔགས་གཙུག་ལག་གི་རྒྱུད་ལས། ཕུར་བུ་རྣམ་བཞིའི་དགོངས་པ་ཡིས། །གང་ཟག་རྣམ་བཞི་མཐར་དབྱུང་ངོ་། །རིག་པ་ཡེ་ཤེས་ཕུར་བུ་ནི། །ཆོས་ཀྱི་དབྱིངས་ཀྱི་ཀློང་དུ་གདབ། །ཐུགས་རྗེ་སྤྲུལ་པའི་ཕུར་བུ་ནི། ཁམས་གསུམ་སེམས་ཅན་ལ་གདབ་པའོ། །གསང་བ་བྱང་སེམས་ཕུར་པ་ནི། །ཡུམ་གྱི་མཁའ་ཀློང་ཡངས་པར་གདབ། །མཚན་མ་རྫས་ཀྱི་ཕུར་པ་ནི། །དགྲ་ ― LT30_Page_0480 ―
[མ་དཔེ་གཟིགས་ན་འདིར་གནོན།]
དང་བགེགས་ལ་གདབ་པའོ། །ཞེས་གསུངས་སོ། །དེ་ལྟར་ཕུར་བུ་ཐལ་འབྱིན་གྱི་དགོངས་པ་རྣམ་པ་བཞི་ལས་སྔ་མ་གསུམ་དཀར་པོ་བྱང་ཆུབ་ལམ་གྱི་སྒྲོན་མེ་ཞེས་བྱ་བ་སྟོད་ལས་དང་། ཕྱི་མས་སྨད་ལས་སྒྲོལ་བའི་ལམ་རིམ་སྟོན་པ་ལས་འདི་སྐབས་སུ་བབས་པ་ནི། སྟོད་ལས་བྱང་ཆུབ་སྒྲུབ་པའི་ལམ་རིམ་སྟོན་པ་ཡིན་ཅིང་། དེའང་ཆུ་བོ་བཞི་འདུས་ཀྱི་སྒོ་ནས་བཤད་ཅིང་ཉམས་སུ་ལེན་དགོས་པ་ལས། སྨིན་བྱེད་དབང་གི་ཆུ་བོ་སྐུར་བྱེད་ངོ་སྤྲོད་དང་བཅས་པས་རྒྱུད་སྨིན་ཅིང་དཀྱུས་བཤད་གཞུང་གི་ཆུ་བོ་འགྲེལ་ཊཱིཀ་གཏོང་ཐུན་དང་བཅས་པས་གདམས་པའི་ཕུ་ཐག་བཅད་གྲུབ་པའི་དབང་དུ་བྱས་ཏེ། སྐབས་འདིར་གདམས་པ་ཉམས་ལེན་གྱི་ཆུ་བོ་ལག་ལེན་མངོན་རྟོགས་དང་བཅས་པ། མན་ངག་གནད་ཀྱི་ཆུ་བོ་དྲིས་ལེན་གེགས་སེལ་དང་བཅས་པ་ལྟོ་སྦྱར་བའི་སེམས་འཛིན་གྱི་སྙིང་པོ་ཙམ་ཞིག་འཆད་པ་ལ་སྤྱི་དོན་གསུམ། སྔོན་དུ་འགྲོ་བས་རྒྱུད་སྦྱོང་བ། དངོས་གཞི་ཉམས་སུ་ལེན་པ། རྗེས་ཀྱི་བྱ་བས་བསྒྲུབ་བྱ་མཐར་དབྱུང་བའོ། །དང་པོ་ནི། །ཐུན་མོང་བ་དལ་འབྱོར་རྙེད་དཀའ་ལ་ངེས་པ་རྙེད། འཆི་བ་མི་རྟག་པས་རྒྱུད་འཁུལ། ལས་འབྲས་བསླུ་མེད་ལ་ཡིད་ཆེས་སྐྱེས། འཁོར་བའི་ཉེས་དམིགས་ཀྱིས་ཞེན་ལོག་དང་ངེས་འབྱུང་སྐྱེས་པའི་གང་ཟག་གིས། ཐུན་མོང་མ་ཡིན་པ་ཐེག་པ་ཐམས་ཅད་ཀྱི་གཞི་མ་སྐྱབས་འགྲོ་སེམས་བསྐྱེད། སྡིག་སྒྲིབ་སྦྱོང་བྱེད་རྡོ་རྗེ་སེམས་དཔའི་བསྒོམ་བཟླས། ཚོགས་བསགས་མཎྜལ་གྱི་ཆོ་ག །བྱིན་རླབས་ ― LT30_Page_0481 ―
[མ་དཔེ་གཟིགས་ན་འདིར་གནོན།]
མྱུར་དུ་འཇུག་བྱེད་བླ་མའི་རྣལ་འབྱོར་ནི་དཔལ་ཡང་དག་ལ་སོགས་པ་རིགས་མཐུན་གཞན་ནས་འབྱུང་བ་ལ་ཁ་བསྒྱུར་ཕྲན་བུས་བརྒྱན་ཏེ་གནད་དུ་སྨིན་པར་ཉམས་སུ་བླང་ངོ་། །གཉིས་པ་ལ་གཉིས། ལྟ་བས་ཐག་བཅད་པ། སྒོམ་པས་དྲོད་དང་ལྡན་པར་བྱ་བའོ། །དང་པོ་ནི། ནམ་མཁའ་ལྟ་བུའི་གང་ཟག་གིས་རིག་པ་ཡེ་ཤེས་ཀྱི་ཕུར་པ་ཡུལ་ཆོས་ཀྱི་དབྱིངས་ལ་གདབ་པ་སྟེ། རྒྱུད་ལས། །ལྟ་བ་རྟོག་བྲལ་མ་འཁྲུལ་བ། །རྡོ་རྗེ་གཞོན་ནུའི་དགོངས་པ་ཡིན། །ཅེས་པས་འདི་ལ་གསུམ། དོན་མ་ནོར་བའི་ལྟ་བ། རིག་པ་མ་བཅོས་པའི་ལྟ་བ། དབྱིངས་དྲང་པོའི་ལྟ་བའོ། །དང་པོ་ནི། གནས་པ་གཞིའི་རྡོ་རྗེ་གཞོན་ནུ་ཞེས་བྱ་ཞིང་། དེའང་རང་གི་སེམས་ཉིད་ཡིན་ཏེ་སེམས་དེ་རྒྱུས་མ་བསྐྱེད། རྐྱེན་གྱིས་མི་འཇིག །སངས་རྒྱས་སྒམ་སྟེ་མ་མཛད། སེམས་ཅན་སྒྲིན་ཏེ་མ་བཅོས། རང་འབྱུང་གི་ཡེ་ཤེས་ཆེན་པོ་ཡིན་པ་ལ་ཡིན་པར་ངོ་ཤེས་པའོ། །གཉིས་པ་ནི། བགྲོད་པ་ལམ་གྱི་རྡོ་རྗེ་གཞོན་ནུ་ཞེས་བྱ་སྟེ། དེ་ལྟར་འཁོར་འདས་ཆོས་སྐུ་ཉག་གཅིག་གི་རང་བཞིན་དུ་གནས་པ་དེ་མ་རྟོགས་པས་དངོས་མཚན་ཏུ་བཟུང་བ་རྣམས་ལ་དམིགས་མེད་སྙིང་རྗེ་མཁའ་ཁྱབ་ཏུ་སད་པའི་ཐབས་ཤེས་གཉིས་མེད་ལམ་དུ་ཁྱེར་བའོ། །གསུམ་པ་ནི། གྲུབ་པ་འབྲས་བུའི་རྡོ་རྗེ་གཞོན་ནུ་ཞེས་བྱ་སྟེ། ནམ་མཁའ་ལས་ཆོ་འཕྲུལ་བྱུང་ཡང་རང་ལས་བྱུང་ཞིང་རང་ལ་ཐིམ། ངོ་བོས་ཀུན་ལ་ཁྱབ་པ་ལྟར་ཆོས་ཉིད་ལས་རོལ་པ་བྱུང་། རོལ་པ་ཆོས་ཉིད་དུ་ཐིམ། ཆོས་ཉིད་ཀྱིས་ཀུན་ལ་ ― LT30_Page_0482 ―
[མ་དཔེ་གཟིགས་ན་འདིར་གནོན།]
ཁྱད་པས་རང་སེམས་གློ་བུར་གྱི་དྲི་མ་དང་བྲལ་བ་ནི་དག་པ་གཉིས་ལྡན་ཆོས་ཀྱི་སྐུ་མངོན་དུ་གྱུར་པ་ཡིན་ཅིང་། དེའང་སྐུ་ལྔ་སེམས་ཀྱི་གཤིས་ལ་ཚང་སྟེ། སེམས་སྤྲོས་བྲལ་ཆོས་སྐུ། དེའི་རྒྱན་དང་རོལ་པ་གཟུགས་སྐུ་གཉིས། དེ་ལ་སྡུག་བསྔལ་མེད་པ་བདེ་བ་ཆེན་པོའི་སྐུ། དེ་རྣམས་དབྱེར་མི་ཕྱེད་པ་ངོ་བོ་ཉིད་ཀྱི་སྐུ། དེ་ལ་ཡེ་ཤེས་དགུའང་ཚང་སྟེ། ངོ་བོ་སྤྲོས་པ་བྲལ་བ་ཆོས་དབྱིངས་ཡེ་ཤེས། གསལ་ལ་རྟོག་པ་མེད་པས་མེ་ལོང་ལྟ་བུ་ཤེས་པ་སོ་སོར་གསལ་བས་སོར་རྟོག །ངོ་བོ་གཅིག་ཏུ་མཉམ་པས་མཉམ་ཉིད། ཐམས་ཅད་ལྷུན་གྲུབ་ཏུ་སྣང་བས་བྱ་གྲུབ། སྣང་ཚད་ཡེ་ཤེས་སུ་འདུག་པས་རྟོགས་པའི་ཡེ་ཤེས། རང་གི་རང་རིག་པས་རང་བྱུང་ཡེ་ཤེས་སྣང་རིག་ཟུང་འཇུག་ཏུ་ཐེབས་པས་རྒྱས་འདེབས་ཡེ་ཤེས། དེ་ཐམས་ཅད་དོན་ལ་ཐ་སྙད་དང་བྲལ་བས་བསམ་གྱིས་མི་ཁྱབ་པའི་ཡེ་ཤེས་ཏེ། མདོར་ན། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །ཞེས་པས་རིག་པའི་རྩལ་མ་འགགས་པར་སྣ་ཚོགས་སུ་ཤར་བའི་སྣང་བ་འདི་རྣམས་ཡེ་ཤེས་ཡིན་པས་རྟགས་ལྷའི་དཀྱིལ་འཁོར་དུ་རྫོགས། སྣང་བ་དེ་ཀའི་དུས་ནས་ངོ་བོས་སྟོང་པས་དོན་ཆོས་ཀྱི་དབྱིངས་སྤྲོས་པ་བྲལ་བར་གནས། དེ་གཉིས་དབྱེར་མེད་པའི་སྲས་བདེ་ཆེན་བྱང་ཆུབ་སེམས་ཀྱི་རང་བཞིན་ཏུ་གནས་པས་དབྱིངས་དང་ཡེ་ཤེས་དབྱེར་མེད་པའི་ལྟ་བ་ཞེས་བྱ་བ་དེ་ཉིད་རྟོགས་དོན་སྒོམ་པ་འོག་ནས་འཆད་པའི་རིམ་པས་ཉམས་སུ་ ― LT30_Page_0483 ―
[མ་དཔེ་གཟིགས་ན་འདིར་གནོན།]
བླངས་པས་འཁོར་བའི་རྩད་ཆོད་ནས་འབྲས་བུ་ཆོས་སྐུ་འཐོབ་པར་འགྱུར་ཏེ། །རྩ་རྒྱུད་རྡོ་རྗེ་ཁྲོས་པ་ལས། །རིག་པ་ཡེ་ཤེས་ཕུར་པ་དེ། །ལྷང་གིས་རྟོགས་ན་ཐེབས་པ་ཡིན། །འབྲས་བུ་ཆོས་སྐུ་སྐྱེ་མེད་འཐོབ། །མ་ཐེབས་མ་བཏབ་འཁོར་བར་འཁྱམས། །ཞེས་གསུངས་སོ། །གཉིས་པ་སྒོམ་པ་ལ། སྤྲོས་བཅས་བསྐྱེད་པའི་རིམ་པ་དང་། །སྤྲོས་མེད་རྫོགས་པའི་རིམ་པའོ། །དང་པོ་ནི། རི་བོ་ལྟ་བུའི་གང་ཟག་གིས་ཐུགས་རྗེ་སྤྲུལ་པའི་ཕུར་པ་ཡུལ་ཁམས་གསུམ་ལ་གདབ་པ་སྟེ། དེ་ལ་གསུམ། ཕྱི་བསྐྱེད་པའི་རིམ་པ། ནང་བསྐྱེད་པའི་རིམ་པ། །གསང་བ་བསྐྱེད་པའི་རིམ་པའོ། །དང་པོ་ཕྱི་བསྐྱེད་པའི་རིམ་པ་ལའང་གསུམ། ཐབས་བསྐྱེད་རིམ་བསྒོམ་པ། །ཤེས་རབ་རྫོགས་རིམ་གྱི་རྒྱས་གདབ་པ། །གཉིས་མེད་ཟུང་འཇུག་ལམ་དུ་ཁྱེར་བའོ། །དང་པོ་ནི། །སྒྲུབ་ཐབས་དང་སྦྲེལ་ན་སྔོན་འགྲོ་ལས་བདུན་དང་། ངེས་རྫོགས་ཀྱི་བསྐྱེད་རིམ་ལ་སྔོན་འགྲོ་རྣམ་བཞི་ཙམ་གསལ་བཏབ་ནས་བསྒོམ་དོན་དངོས་ལ་ལྔ། དཀྱིལ་འཁོར་རྣམ་པ་གསུམ་སྔོན་ཏུ་འགྲོ་བས་བསྐྱེད་རིམ་གྱི་གཞི་བཟུང་། སྲོག་ཡེ་ཤེས་སུ་དབང་བསྐུར། མཆོད་ཅིང་བསྙེན་པས་དངོས་གྲུབ་ཀྱི་བཅུད་བླང་། མཉམ་བཞག་གི་ཏིང་ངེ་འཛིན་དངོས་བཤད། རྗེས་སྤྱོད་ཛཔྲ་བཟླས་ཞར་བྱུང་དུ་སྨོས་པའོ། །དང་པོ་ལ་གསུམ། གཞིའི་ཏིང་ངེ་འཛིན་རྟེན་གཞལ་ཡས་ཁང་། བརྟེན་པ་ལྷ་བསྐྱེད་པའོ། །དང་པོ་ལ་གསུམ། དེ་བཞིན་ཉིད། ཀུན་ཏུ་སྣང་། ― LT30_Page_0484 ―
[མ་དཔེ་གཟིགས་ན་འདིར་གནོན།]
རྒྱུའི་ཏིང་ངེ་འཛིན་ནོ། །དང་པོ་ནི། བདེ་བའི་གདན་ལ་བསམ་གཏན་གྱི་སྤྱོད་ལམ་དང་ལྡན་པས་འཁོད་དེ། གང་དུ་ལྟ་བས་ཐག་བཅད་པའི་དབྱིངས་དང་ཡེ་ཤེས་དབྱེར་མེད་བདེ་བ་ཆེན་པོའི་ངང་དུ། ཅི་ལའང་མི་རྟོག །གང་དུའང་མི་འཛིན། ཅིར་ཡང་མི་དམིགས་པར་མཉམ་པར་བཞག །རྣམ་རྟོག་སྐྱེས་ན་རང་གྲོལ་འཛིན་མེད་དུ་ཁྱེར་ཏེ་མདོར་ན་ལས་དང་པོ་པས་སྟོང་ཉིད་ལ་སྒྲ་སྤྱི། ལས་གོམས་པ་པས་དོན་སྤྱི། ལས་སྨིན་པ་པས་དོན་རང་གི་མཚན་ཉིད་དུ་ཉམས་སུ་བླང་ངོ་། །གཉིས་པ་ནི། མཉམ་བཞག་དེ་ལ་གོམས་པ་ན། དམིགས་པའི་ཡུལ་དེ་ལྟར་མ་རྟོགས་པའི་མཁའ་ཁྱབ་ཀྱི་སེམས་ཅན་ལ། རྣམ་པ་ཚད་མེད་པའི་སྙིང་རྗེ་ཆེན་པོ་བསྐྱེད་པས་རྐྱེན་བྱས་ནས། རང་བྱུང་གཞོམ་མེད་ཀྱི་ཧཱུྃ་སྒྲ་བྲག་ཆ་ལྟ་བུར་སད་པ་དང་ལྷན་ཅིག །རང་གི་རིག་པ་ཁ་དོག་ལྔ་ལྡན་གྱི་འོད་གསལ་ལ་མ་འགགས་པར་སྣང་བར་བསྒོམ། གསུམ་པ་ནི། དེ་ལྟར་སྟོང་ཉིད་སྙིང་རྗེ་ཟུང་འཇུག་རྒྱུ་ཡི་ཡི་གེ་ཧཱུྃ་མཐིང་ཁ་འོད་ཟེར་རབ་ཏུ་འཕྲོ་བ་ཞིག་ནམ་མཁའ་ལ་ཐོལ་གྱིས་བྱུང་བར་མོས་ལ། ལས་དང་པོ་པ་དམིགས་པ་མི་བརྟན་པ་ཡིན་ན། ཚོན་གྱིས་བྲིས་པའི་ཧཱུྃ་ཡིག་སྔོན་པོ་མདུན་ཏུ་བཞག་ལ་སེམས་རྩེ་གཅིག་ཏུ་གཏད་དེ་ཡུལ་གསུམ་གྱད་དུ་གྱུར་གྱི་བར་བསྒོམ་མོ། །གཉིས་པ་རྟེན་གཞལ་ཡས་ཁང་བསྒོམ་པ་ལ་གསུམ། འོག་གཞི་འབྱུང་བ་རིམ་བརྩེགས། གཞལ་ཡས་ཁང་བསྒོམ་པ། གདན་བསྐྱེད་ ― LT30_Page_0485 ―
[མ་དཔེ་གཟིགས་ན་འདིར་གནོན།]
པའོ། །དང་པོ་ནི། རྒྱུའི་ཧཱུྃ་ལས་ཨེ་ལ་སོགས་པའི་ས་བོན་རིམ་བཞིན་ཆད། འོད་ཟེར་སྤྲོ་བསྡུས་དོན་བྱས། ཚུར་འདུས་ཕྱི་ལྟར་ནམ་མཁའ་རླུང་ཆུ་རི་རབ་མེ་དཔུང་བཅས་པ། ནང་ལྟར་སེམས་དབུགས་ཁྲག་ཤ་དྲོད་ཀྱི་རང་བཞིན། གསང་བ་དུག་ལྔ། དེ་ཁོ་ན་ཉིད་སྐུ་ལྔ་དང་ཡེ་ཤེས་ལྔར་དག་པའི་ངོ་བོར་བསྒོམ། གཉིས་པ་ནི། རྒྱུའི་ཡི་གེ་ལས་བྷྲཱུྃ་ཆད། རི་རབ་ཀྱི་སྟེང་དུ་ཕྱི་རིན་ཆེན་སྣ་ལྔ། ནང་ཐོད་པ་སྐམ་རློན་ལས་བྱས་པའི་གཞལ་ཡས་ཁང་རྒྱ་ཁྱོན་ཚད་མེད་པ། དུར་ཁྲོད་འབར་བའི་རྒྱན་དང་བཀོད་པ་ཡོངས་སུ་རྫོགས་ཤིང་ཕྱི་རོལ་དུར་ཁྲོད་ཆེན་པོ་བརྒྱད། དེའི་ཕྱོགས་བཞིར་ཤར་ན་བྱ་ཀཾ་ཀ་སྒྲོག་པ། ལྷོར་ཁྱི་ཀྱི་ལིང་དུ་ཟུག་པ། ནུབ་ན་འདྲེ་མེ་འབར་བ། བྱང་ན་དུ་བ་ཐུལ་བ་སྟེ་དུར་ཁྲོད་ཀྱི་ཆས་བཞི་དང་སྲུང་བའི་འཁོར་ལོ་ལ་སོགས་པས་བསྐོར་བ་གསལ་གདབ། དེའང་། སྲིད་པ་རྡོ་རྗེ་ཕུར་པའི་ལྷ། ཞེས་པས་སྟོང་གསུམ་ཕུར་པའི་རང་བཞིན་ཏུ་གདོད་ནས་གྲུབ་པ་ཉིད་མོས་སྒོམ་གྱིས་ཁྱབ་པར་བྱ་སྟེ། རྒྱུད་ཁྲོ་བོ་རོལ་པ་ལས། དབལ་ནི་ངན་སོང་འཁོར་བའི་གནས་བཅུ་རྫོགས། །རྒྱ་མདུད་འོག་མ་འདོད་ཁམས་གནས་ཉི་ཤུ། །བཅུ་མ་གཞོག་སྨད་ལ་གཟུགས་ཁམས་གནས་བཅུ་བདུན། །སྟོད་ལ་གཟུགས་མེད་སྐྱེ་མཆེད་མུ་བཞིའི་ལྷ། །ཞེས་དང་། །རྒྱ་མདུད་བདེ་གཤེགས་གཞལ་ཡས་ཁང་། །དཀྱིལ་འཁོར་ཆེན་པོར་རང་བཞིན་གནས། །ཞེས་གསུངས་པས་སྟོང་གསུམ་ཕུར་ ― LT30_Page_0486 ―
[མ་དཔེ་གཟིགས་ན་འདིར་གནོན།]
བུའི་རང་བཞིན་ཏུ་གསལ་བའི་རྒྱ་མདུད་གོང་མར་དཔལ་ཆེན་པོའི་གཞལ་ཡས་ཁང་གི་དབུས་སུ་གྲུ་གསུམ་མཐིང་ནག །དེ་རྒྱབ་འཁོར་ལོའམ་རྒྱ་མདུད་ལྡེགས་པས་མཚན་པ་དང་བཅས་པར་བསྒོམ། གསུམ་པ་ནི། དབུས་སུ་སོ་སོའི་ས་བོན་ལས་སྐྱེས་པའི་ཟླ་བ་ཉི་མའི་སྟེང་དུ་ཛཿཧཱུྃ་བྃ་ཧོཿཞེས་པས་སྤྲུལ་པའི་ལྷ་མོ་བཞིས་བཀུག་པའི་རུ་ཏྲ་ཕོ་ཁ་སྦུབ། མོ་གན་རྐྱལ། རྩིབས་རྣམས་སུ་ཕྱོགས་སྐྱོང་ཕོ་མོ། །སྒོ་བཞིར་དྲི་ཟ་གཤིན་རྗེ་ཀླུ་དབང་གནོད་སྦྱིན་རྣམས་དང་། མོས་པའི་གདན་རང་ལ་གནོད་པའི་དགྲ་བགེགས་ཀྱང་བཀུག་ལ་བཏིང་བར་མོས། །གསུམ་པ་བརྟེན་པ་ལྷ་བསྐྱེད་པ་ལ་གསུམ། །ཆོས་སྐུའི་ངོ་བོར་བདག་རྩ་བའི་དཀྱིལ་འཁོར། །ལོངས་སྐུའི་ངོ་བོ་ཕྱོགས་བཅུ་ཁྲོ་བོའི་དཀྱིལ་འཁོར། །སྤྲུལ་སྐུའི་ངོ་བོ་ཕུར་པ་རྫས་ཀྱི་དཀྱིལ་འཁོར་བསྐྱེད་པའོ། །དང་པོ་ལ་བཞི་ཚན་དྲུག་སྟེ། །དེའང་བསྐྱེད་རྒྱུའི་སེམས་དཔའ་བཞི་པོ་ནི། ཐོག་མར་མཚམས་ཀྱི་ལྷ་དཔའ་བོ་གཅིག་པ་དམ་ཚིག་སེམས་དཔའ། ཏིང་འཛིན་གསུམ་བསྒོམས་ནས་དཔལ་ཆེན་པོར་བསྐྱེད་པ་ཏིང་འཛིན་སེམས་དཔའ། ཡེ་ཤེས་པ་སྤྱན་འདྲེན་པ་ཡེ་ཤེས་སེམས་དཔའ་རང་དང་གཉིས་མེད་དུ་བསྲེ་བ་གཉིས་སུ་མེད་པའི་སེམས་དཔའ་སྟེ་ལུགས་འདིའི་བསྐྱེད་རིམ་བསྒོམ་ཕན་ཆད་དེ་བཞི་ཚང་དགོས་སོ། །བསྐྱེད་པའི་ཆ་ལུགས་བཞི་ནི། ཕུར་པ་གསང་རྒྱུད་ལས་གསུངས་པའི་རྡོ་རྗེ་གཞོན་ནུ་དབུ་སྟོང་ཕྱག་སྟོང་སྤྱན་བྱེ་བ་སྟོང་མངའ་བ་ ― LT30_Page_0487 ―
[མ་དཔེ་གཟིགས་ན་འདིར་གནོན།]
དང་། ཕུར་པ་མྱང་འདས་ལས་གསུངས་པའི་ཕུར་པ་ཆེ་མཆོག་དབུ་དགུ་ཕྱག་བཅོ་བརྒྱད་པ་དང་། རྩ་རྒྱུད་རྡོ་རྗེ་ཁྲོས་པ་སོགས་རྒྱུད་ཕལ་ཆེར་ལས་གསུངས་པའི་དབུ་གསུམ་ཕྱག་དྲུག་པ་དང་། ཀཱི་ལ་ཡ་བཅུ་གཉིས་ཀྱི་ཏནྟྲ་ནས་འབྱུང་བའི་ཞལ་གཅིག་ཕྱག་གཉིས་པ་སྟེ། བློ་དང་སྦྱར་ནས་བསྒོམ་པ་ཡིན་ནོ། །བསྐྱེད་པའི་མཚན་ཉིད་བཞི་ནི། བདུད་དང་སྲིན་པོ་ཁྲོས་པ་ལྟ་བུ་མ་ཡིན་པར་ཐུགས་རྗེ་ཆེན་པོས་གདུལ་བྱ་འདུལ་བའི་ཐབས་སུ་བསྟན་པ་ཡིན་པས། བློ་ཡང་རབ་ཀྱིས་བྱམས་པ་དང་སྙིང་རྗེའི་ལྷར་བསྒོམ། བློ་རབ་དག་པ་དྲན་པས་ལྷར་བསྒོམ། བློ་འབྲིང་རྣམ་པ་ཙམ་དུ་ལྷར་བསྒོམ། བློ་ཐ་མས་ལྷའི་ང་རྒྱལ་ཙམ་དུ་བསྒོམ་པར་བྱ་སྟེ། སྔགས་པ་ལྷ་ལམ་པ་བྱ་བ་ང་རྒྱལ་ཙམ་གྱིས་ཀྱང་དོན་འགྲུབ་པ་ཡིན་གསུངས། བསྐྱེད་པའི་གནས་སྐབས་བཞི་ནི། ལས་དང་པོ་པས་ཤེས་པ། ལས་གོམས་པ་པས་བདག་ཉིད། ལས་སྨིན་པ་པས་ཕུང་པོ། ལས་མཐར་ཕྱིན་པས་ཡུལ་ཐམས་ཅད་ལྷར་བསྒོམ། བསྐྱེད་ཐབས་ཀྱི་ཆོ་ག་བཞི་ལས་བློ་ཡང་རབ་སྐད་ཅིག་དྲན་རྫོགས་སུ་བསྐྱེད་པ་ནི་རྣམ་པར་རྟོག་པས་བར་དུ་མ་ཆོད་པས་ཡེ་ཤེས་ཀྱི་ཚོགས་ཁོ་ན་སྟེ་བཟང་། བློ་རབ་ཀྱིས་སྟོང་ཉིད་སྙིང་རྗེའི་ངང་ནས་རྩ་སྔགས་བརྗོད་པས་ལྷ་སྐུར་ལྡངས་ཏེ་རྟོག་པ་ཉུང་བས་བསོད་ནམས་ཡེ་ཤེས་གཉིས་ཀ་ཡོད། བློ་འབྲིང་རྣམས་ཆོ་ག་གསུམ་གྱིས་ལྷར་ལྡངས་ཏེ། གསུང་ཡིག་འབྲུ་ཧཱུྃ། ― LT30_Page_0488 ―
[མ་དཔེ་གཟིགས་ན་འདིར་གནོན།]
ཐུགས་ཕྱག་མཚན་རྡོ་རྗེ། དེ་ལས་སྐུ་ཡོངས་སུ་རྫོགས་པ་རྡོ་རྗེ་གཞོན་ནུར་གསལ་བར་བསྐྱེད་དོ། །བློ་ཐ་མ་རྣམས་ཀྱིས་བསྐྱེད་རྒྱུའི་ཆོས། གསུང་ཡིག་འབྲུ། ཐུགས་ཕྱག་མཚན། རྒྱུ་རྡོ་རྗེ་འཆང་གསུམ་ལ། བསྐྱེད་ཐབས་ཀྱི་ཆོས་བཅུ་དྲུག་གིས་བསྐྱེད་དེ། དེའང་གོང་དུ་གསལ་བཏབ་པའི་རྒྱུའི་ཡི་གེ་ཧཱུྃ་མཐིང་ནག་དེ། གཙོ་བོའི་གདན་ཐོག་ཏུ་བབས། དེ་ལས་འོད་ཟེར་སྤྲོས། དོན་གཉིས་མཛད། སླར་བསྡུས། བརྟེན་པར་འཁོད་པ་བཞི་བྱས་པས་རྡོ་རྗེ་རྩེ་དགུ་པར་སོང་། དེ་ལས་ཀྱང་སྤྲོ། མཛད། བསྡུ་བརྟན་བཞི་པོས་རྒྱུའི་རྡོ་རྗེ་སེམས་དཔའ་དཀར་པོའམ་རྡོ་རྗེ་ཧཱུྃ་གིས་མཚན་པའམ་དེ་ཞུ་བའི་ཐིག་ལེར་སོང་། དེ་ལས་སྤྲོ། མཛད། བསྡུ། བརྟན་བཞི་དང་རྩ་སྔགས་བརྗོད་པས་རྡོ་རྗེ་གཞོན་ནུ་ཡུམ་དང་བཅས་ཤིང་རྒྱན་ཕྱག་མཚན་ཡོངས་སུ་རྫོགས་པའི་སྐུར་གསལ་གདབ། དེ་ལས་ཀྱང་སྤྲོ་སོགས་བཞི་བྱས་པས་བསྐྱེད་པའི་ཡན་ལག་བཅུ་དྲུག་དང་ལྡན་པའི་བསྐྱེད་རིམ་མཚན་ཉིད་དང་ལྡན་པ་གྲུབ། །དེ་ལྟར་གཙོ་བོ་ཡབ་ཡུམ་རྫོགས་པ་དང་། བསྐྱེད་པའི་ལྷ་བཞི་གསལ་གདབ་དགོས་ཏེ། །དེའང་དང་པོ་སྲོག་གི་ལྷ་ནི། རང་གི་ཐུགས་ཙིཏྟ་རིན་པོ་ཆེ་ཟུར་བརྒྱད་པའི་ནང་དུ་ཡེ་ཤེས་སེམས་དཔའ་ཚོན་གང་བ་བརྫུས་སྐྱེས་སུ་བསམ། དེའི་ཐུགས་ཀར་ཉི་ཟླའི་དལ་སྲན་མའི་གའུ་ཙམ་གྱི་ལྟེ་བར་ཧཱུྃ་མཐིང་ཀ །མཐའ་སྐོར་དུ་ཀཱི་ལ་འབྲུ་དགུ་སྤུས་བྲིས་པ་ལྟ་བུས་བསྐོར་བ། དེའི་སྒོ་སྲུང་རྟ་མགྲིན་གསང་བའི་ ― LT30_Page_0489 ―
[མ་དཔེ་གཟིགས་ན་འདིར་གནོན།]
ཡུམ་བཞི་དང་བཅས་པ་བསྒོམ། གཉིས་པ་སྐུ་གསུང་ཐུགས་ཀྱི་ལྷ་ནི། ཐིག་ལེའམ་ས་བོན་ལས། སྤྱི་བོར་བུདྡྷ། མགྲིན་པར་པདྨ། ཐུགས་ཀར་བཛྲ་གསུམ་མམ། བཀའ་མ་ལྟར་ན་ལྟེ་བར་རཏྞ། གསང་གནས་སུ་ཀརྨ་སྟེ་ཧེ་རུ་ཀ་ལྔ་ཡུམ་དང་བཅས་པ་དཀར་དམར་མཐིང་སེར་ལྗང་གུའི་ཁ་དོག་ཅན། རང་རྟགས་ཕྱག་མཚན་བཅས་བསྒོམ། གསུམ་པ་རྒྱན་གྱི་ལྷ་ནི། དབང་རྟགས་སུ་རིགས་ལྔ་ཆ་གཅིག་གིས་དབུ་བརྒྱན་པ་ཏེ་ས་ལུགས་སོགས་ལ་དཀྱིལ་འཁོར་གསུམ་ཆ་རེ་རེ་བཞིན་དབང་བསྐུར་སོགས་དགོས་པས་འདིར་འདོན་བསྒོམ་དུ་བྱ་ཞིང་། སྤྱི་ཙམ་དུ་དཀྱིལ་འཁོར་རྣམ་གསུམ་ཆབ་གཅིག་ཏུ་དབང་བསྐུར་བའི་དབང་དུ་བྱས་ནས་འོག་ཏུ་འཆད་དོ། །བཞི་པ་གོ་ཆའི་ལྷ་ནི། བ་སྤུ་བྱེ་བས་ཡར་ཁྲོ་ཆུང་རེ་རེ་བསྒོམ་སྟེ་ཁྲབ་གྱོན་པ་ལྟར་རོ། །གཉིས་པ་ནི། ས་ལུགས་ལྟར་ན་རྩིབས་སྦུབས་ཅན་ཁང་ཐབས་ཀྱི་ནང་དང་། གཞན་ལ་འཁོར་ལོ་རྩིབས་བརྒྱད་དམ་བཅུ་པ་གདན་ཐབས་ཀྱི་སྟེང་སོ་སོའི་གདན་ལ་བསྐྱེད་པ་སྟེ། དེའང་གཙོ་བོ་ཡབ་ཡུམ་གྱི་མཁའ་གསང་བྱིན་གྱིས་བརླབ། སྙོམས་འཇུག་མཛད་པའི་སྦྱོར་མཚམས་ནས་ཧཱུྃ་སྦྲེལ་མ་བཅུ། ཐིག་ལེ་དཀར་དམར་ཉི་ཤུ། ཛཿཧཱུྃ་བྃ་ཧོཿ བཞི་བཅས་སྤྲོས། འོད་ཟེར་སྤྲོ་བསྡུས་ཁྲོ་བོ་ཡབ་ཡུམ་བཅུ། ཁྲ་ཐབས་ཉི་ཤུ། ནང་སྒོར་སྒོ་མ་བཞི་བཅས་བསྐྱེད། དེའང་སྐྱེ་གནས་བཞི་སྦྱོང་བར་བྱེད་པའི་ཕྱིར་གཙོ་བོ་ཡབ་ཡུམ་བརྫུས་སྐྱེས་སམ། སྐྱེ་གནས་བཞི་ཀ་ཚང་བ། ― LT30_Page_0490 ―
[མ་དཔེ་གཟིགས་ན་འདིར་གནོན།]
ཁྲོ་བཅུ་ཡབ་ཡུམ་མངལ་སྐྱེས། ཁྲ་ཐབས་ཉི་ཤུ་སྒོང་སྐྱེས། ལུས་གྲུབ་ན་གྲིབ་མ་རང་བཞིན་གྱིས་འབྱུང་བའི་ཚུལ་དུ། ཕུར་སྲུང་བཅུ་གཉིས་ཕོ་བྲང་ཕྱི་མའི་ཁྲག་ཁྱམས་དང་། ཕྱི་ཡི་སྒོ་བཞིར་གིང་བཞི། ཕྱི་རོལ་གྱི་ཁྱམས་ལ་དབང་ཕྱུག་ཉེར་བརྒྱད་ལ་སོགས་པ་རྣམས་ནི་དྲོད་གཤེར་སྐྱེས་སུ་གྲུབ་པ་སྟེ། རེ་རེ་བཞིན་གསལ་བར་བསྒོམ་མོ། །གསུམ་པ་ལ་གཉིས། བསྙེན་ཕུར་དང་། སྲས་མཆོག་གོ། །དང་པོ་ནི། བྱུག་འདུག་བྲབ་གསུམ་སྔོན་དུ་འགྲོ་བས། སྟོང་པའི་ངང་ལས་གྲུ་གསུམ་མཐིང་ནག་འབར་བའི་དབུས་སུ་པད་ཉི་དགྲ་བགེགས་ཀྱི་གདན་ལ་རང་གི་ཐུགས་ཀ་ནས་ཧཱུྃ་སྤྲོས་པས་རྡོ་རྗེ་གཞོན་ནུ་ཡུམ་དང་བཅས་པ་བསྐྱེད། སྙིང་པོ་བཟླ། དེ་ཞུ་བ་ལས་བྱུང་བའི་ཕུར་བུར་གྱུར་པའི་རྩེ་མོར་དཔལ་ཆེན་པོ། །རྒྱ་མདུད་གོང་མར་ཁྲོ་བཅུ། ཆང་བཟུང་ལ་ཟ་གསོད། རྒྱ་མདུད་འོག་མར་སྒོམ། དཔལ་གསུམ་ལ་དམ་ཅན་རྣམས་ཀྱི་ཕོ་བྲང་དུ་གྱུར་པར་མོས་ལ་ཀཱི་ལ་ཡ་བཟླ་ཞིང་། དཀྱིལ་འཁོར་གསུམ་དང་ངོ་བོ་དབྱེར་མེད་དུ་མོས་ལ་ཐུགས་རྗེ་རྗེས་འཛིན་གྱི་སྐབས་མ་གཏོགས་བསྒྲལ་ལས་ལ་མི་འཇུག་གོ། །གཉིས་པ་ནི། སྲས་མཆོག་གི་གྲངས་ནི་བཀའ་གཏེར་སོ་སོ་ལས་མང་དུ་བཤད་པས་མཐའ་གཅིག་ཏུ་མ་ངེས་ཤིང་། གང་ལྟར་ཡང་ཆོས་གསུམ་གྱིས་སྐུ་གསུམ་གྱི་ཀློང་ནས་བསྐྱེད། འབྲུ་གསུམ་གྱིས་སྐུ་གསུང་ཐུགས་ཡེ་ཤེས་རྩེ་གཅིག་ཏུ་བྱིན་གྱིས་བརླབ། དགོས་པ་གསུམ་གྱི་ཕྱིར་ཆུ་སྲིན་རྣམ་གྲོལ་གྱི་ཕྱག་རྒྱས་བླང་། རྫས་གསུམ་ ― LT30_Page_0491 ―
[མ་དཔེ་གཟིགས་ན་འདིར་གནོན།]
གྱིས་རིགས་ལྔས་དབང་བསྐུར། །སྔགས་གསུམ་གྱིས་སྐུ་གསུང་ཐུགས་བྱིན་གྱིས་བརླབ། སྔགས་རྫས་ཏིང་ངེ་འཛིན་གསུམ་དང་ལྡན་པས་བྱུག་བདུག་བྲབ་གསུམ་བྱས་ལ། གཞལ་ཡས་ཁང་། ལྷ། ཕྱག་མཚན་ཏེ་ཤེས་པ་གསུམ་ལྡན་གྱི་སྒོ་ནས་དགྲ་བགེགས་ཀྱི་སྙིང་དཀར་ནག་མཚམས་སུ་བཏབ་པར་མོས་ཏེ་ཨེའི་གདན་ལ་བཞུགས་སུ་གསོལ་ལོ། །གཉིས་པ་སྲོག་ལ་དབང་བསྐུར་བ་ནི། ཐོག་མར་རྒྱུད་ཀྱི་ཚིག་གིས་གསོལ་བ་བཏབ་པས། ཕྱོགས་བཅུའི་སངས་རྒྱས་བྱང་སེམས་ཐམས་ཅད་ཁྲག་འཐུང་རིགས་ལྔའི་དཀྱིལ་འཁོར་གྱི་རྣམ་པར་སྤྱན་དྲངས། རྡོ་རྗེ་རིགས་ཀྱི་ཆུ་དབང་སོང་རིག་པའི་དབང་ལྔ་བསྐུར་བས་བུམ་དབང་། ཡབ་ཡུམ་སྦྱོར་བའི་བྱང་སེམས་རྒྱུན་གྱིས་ལུས་གང་བ་གསང་དབང་། ཐམས་ཅད་ཞུ་ནས་རང་ལ་ཐིམ་པས་ཤེས་དབང་། བདེ་སྟོང་གི་ཡེ་ཤེས་སྐྱེས་པ་བཞིར་བཅས་རྫོགས་ནས་བྱང་སེམས་རྒྱུན་ཡར་ལོག །དོན་གྲུབ་སོགས་རང་རིགས་གཙོ་བོར་གྱུར་པའི་རིགས་ལས་དབུ་བརྒྱན་པའི་དུས་གསུམ་སངས་རྒྱས་ཀྱིས་བདག་ལ་དབང་བསྐུར་བའོ། །ཐུགས་སྲོག་འོད་ཀྱིས་ཁམས་གསུམ་ལ་ཕོག་པས་འོད་དུ་ཞུ། རིགས་དྲུག་པོ་ཨ་ནྲྀ་སུ་ཏྲི་པྲེ་དུར་གྱུར། དེ་རྣམས་རཾ་ཡཾ་ཁཾ་གིས་བསྲེགས་སྦྱངས། བཀྲུས་པས་དཀྱིལ་འཁོར་གྱི་ལྷར་གྱུར་པ་ནི། ཁམས་གསུམ་ལ་དབང་བསྐུར་བའོ། །དེ་རྣམས་འོད་ཟེར་དང་བཅས་པ་ཚུར་འདུས་ཐུགས་ཀའི་རྟ་མགྲིན་ལ་ཐིམ་པས་བཀྲག་དང་ལྡན་པར་གྱུར་པ་ནི་བདག་གི་སྲོག་ལ་དབང་བསྐུར་བའོ། ། ― LT30_Page_0492 ―
[མ་དཔེ་གཟིགས་ན་འདིར་གནོན།]
དེའི་རྐྱེན་གྱིས་རྟ་མགྲིན་སྦྱོར་བ་མཛད་པའི་བྱང་སེམས་ཡེ་ཤེས་སེམས་དཔའ་ལ་ཐིམ། འོད་དུ་འབར། དེའི་བཀྲག་མདངས་ཐམས་ཅད་ཐུགས་སྲོག་ཧཱུྃ་ལ་ཐིམ་པས་འོད་དུ་འབར་བར་བསམ་པ་ནི་ཡེ་ཤེས་སེམས་དཔས་སྲོག་ལ་དབང་བསྐུར་བའོ། །དེ་ལས་ཅིས་ཀྱང་མི་ཤིགས་པའི་ལྕགས་ཀྱི་སྲོག་པ་རྩ་གྲུབ། དབང་རྟགས་སུ་གནས་གསུམ་དུ་འགྲུ་གསུམ་ལས་རྣམ་སྣང་། འོད་དང་ག་མེད། མི་བསྐྱོད་པས་རྒྱས་གདབ་པར་བསྒོམ་མོ། །གསུམ་པ་མཆོད་ཅིང་བསྙེན་པ་ལ་སོགས་པ་ནི། དམ་ཚིག་པའི་ཐུགས་སྲོག་གི་འོད་ཟེར་གྱིས་གདོད་ནས་གྲུབ་པའི་རྡོ་རྗེ་ཕུར་བུའི་དཀྱིལ་འཁོར་མཁའ་ཁྱབ་ཏུ་བཞུགས་པ་རྣམས་གཟུགས་ཀྱི་སྐུར་བཞེངས་པར་མོས་ལ་སྙན་གསན་དབབ། ཡེ་ཤེས་པ་སྤྱན་དྲངས་ནས་དམ་ཚིག་པ་དང་གཉིས་སུ་མེད་པར་བཞུགས་སུ་གསོལ། ཕྱག་དང་སྨན་མཆོད་རཀྟ་ཚར་གསུམ། གཏོར་མ། སྦྱོར་སྒྲོལ་རྗེས་འབྲེལ་བཞི་བསྣོལ་ལ་སོགས་པ་དང་བསྟོད་པའི་གླུ་ཡི་མཆོད་པ་སོགས་གཤར་སྒོམ་དུ་བྱ། དེ་དག་ཐམས་ཅད་ཀྱང་། ཇི་སྐད་དུ། ཐུགས་དམ་གནད་སྐུལ་གསང་བ་སྔགས་ཀྱི་སྒོ། །དོན་དམ་གསལ་བྱེད་བརྗོད་པ་ཚིག་གི་སྒོ། །ཏིང་འཛིན་རྩེ་གཅིག་དམིགས་པ་གནད་ཀྱི་སྒོ། །མཚོན་པ་བརྡར་བཏགས་ཕྱག་རྒྱ་གར་གྱི་སྒོ། །ཞེས་གསང་སྔགས་ལུང་གི་སྒོ་བཞིའི་སྐྱ་བར་ནས་བཏོན་ཏེ་ཉམས་ལེན་དོན་ཐོག་ཏུ་འབེབས་པ་ཡིན་ནོ། །བཞི་པ་ཏིང་ངེ་འཛིན་དངོས་ལ་གསུམ། རྣམ་པ་གསལ་ ― LT30_Page_0493 ―
[མ་དཔེ་གཟིགས་ན་འདིར་གནོན།]
བ། ང་རྒྱལ་བརྟན་པ། རྣམ་དག་དྲན་པའོ། །དང་པོ་ནི། རྟེན་གཞལ་ཡས་ཁང་དུར་ཁྲོད་བརྒྱད་ལྷའི་གདན་འབྱུང་བ་རིམ་བརྩེགས་དང་བཅས་པ། བརྟེན་པ་ལྷ་ཚོགས་སྐུ་མདོག་ཕྱག་མཚན་དཔལ་གྱི་ཆས་བརྒྱད། དུར་ཁྲོད་ཀྱི་ཆས་དགུ། གར་གྱི་ཉམས་དགུ་དང་བཅས་པ་ཐམས་ཅད་ཀྱང་ཐོག་མར་ཞེན་ཡུལ། གཉིས་པ་ཡིད་ཡུལ། གསུམ་པ་སྣང་ཡུལ་ཏེ་ཡུལ་གསུམ་གྱད་དུ་མ་གྱུར་བར་དུ་རེས་ནང་ནས་ཕྱི། རེས་ཕྱི་ནས་ནང་། ཐོག་མར་ཕྲ་བ་རེ་རེ། དེ་ནས་རགས་པ་སྤྱི། མཐར་ཕྲ་རགས་གཅིག་ཅར་དུ་གསལ་མ་ཐེབས་ཀྱི་བར་དུ་བསྒོམ། དེའང་བློ་དམན་པས་ཐོག་མ་ནས་ཡིད་ཡུལ་གསལ་ཐེབས་དཀའ་ན་བྲིས་སྐུ་མཚན་ཉིད་དང་ལྡན་པ་བཀྲམ་ལ་ཡུན་རིང་བལྟ། དེ་ལ་གོམས་ནས་དེ་ཉིད་ཡིད་ཡུལ་དུ་འཆར་བ་ལ་བསླབ། བདེ་བླག་ཏུ་གྱུར་པ་དང་དེ་ཉིད་རང་ལ་བསྟིམས་ནས་གསལ་གདབ། གཉིས་པ་ནི། རང་གི་མིང་རུས་དངོས་མཚན་ཐ་མལ་དུ་འཛིན་པ་ཆེད་ཀྱིས་སྤངས་ནས། དཔལ་ཆེན་པོ་རྡོ་རྗེ་གཞོན་ནུའི་སྐུ་གསུང་ཐུགས་དངོས་ཡིན། དེ་ཡི་ཡོན་ཏན་མཛད་པ་ཕྲིན་ལས་དང་བཅས་པ་ཚང་ངོ་སྙམ་པའི་ང་རྒྱལ་ཤིན་ཏུ་བརྟན་པར་བྱ། གསུམ་པ་ནི། གཞལ་ཡས་ཁང་བྱང་ཕྱོགས་སོ་བདུན་ཏུ་དག་པ་དང་། དཀྱིལ་འཁོར་གྱི་ལྷ་ཚོགས་དབུ་གསུམ་རྣམ་ཐར་སྒོ་གསུམ། ཕྱག་ཕ་རོལ་ཕྱིན་དྲུག །ཞབས་རྫུ་འཕྲུལ་རྐང་བཞི་སོགས་སོ་སོའི་དག་དྲན་ ― LT30_Page_0494 ―
[མ་དཔེ་གཟིགས་ན་འདིར་གནོན།]
རྒྱས་པ་གསང་རྒྱུད་དང་འགྲེལ་ཆེན་འབུམ་ནག་སོགས་ལས་ཤེས་པར་བྱ་ཞིང་། མདོར་ན་མཚན་གཞི་རང་སེམས་དེ་བཞིན་ཉིད་གཞིའི་རྡོ་རྗེ་གཞོན་ནུ་ཉིད། མཚོན་བྱ་འབྲས་བུ་དག་པ་གཉིས་ལྡན་གྱི་རྡོ་རྗེ་གཞོན་ནུའི་ཡོན་ཏན་གྱི་ཁྱད་པར་ཐམས་ཅད། མཚོན་བྱེད་ལམ་གྱི་རྡོ་རྗེ་གཞོན་ནུའི་སྐུ་མདོག་ཕྱག་མཚན་རྟགས་ཀྱི་ཁྱད་པར་དུ་ཤར་བར་ཐག་བཅད་དེ་བསྒོམ་མོ། །གསུམ་པ་འཛབ་བཟླས་ཀྱི་ཏིང་ངེ་འཛིན་ནི། མཉམ་བཞག་དས་སྐྱོན། བཀའ་མ་ལྟར་ན་ཛབ་ཁང་ཕྱེས་ཏེ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་བཟླས་པ་རེ་རེ་ལ་ཕྱི་ནང་གསང་གསུམ་ལྟར་བཟླ་བ་དང་། འགལ་མེ་ཀླད་ཀོར། བུང་བ་ཚང་ཞིག །མགར་གྱི་ཚྭ་ཚྭ་ལྟར་བཟླ་བ་སོགས་སམ། སྐུ་ཕྱག་རྒྱ། གསུང་ཡི་གེ། ཐུགས་ཆོས་ཉིད་གསུམ། སྒྲུབ་པ་ལ་ཡོན་ཏན། ལས་སྦྱོར་ལ་ཕྲིན་ལས་ལ་དམིགས་པའི་བཟླ་ཚུལ་ལ་སོགས་པ་བཟླ་བྱའི་སྔགས་སྐབས་ཕྱེད་པ་བཀའ་གཏེར་སོ་སོའི་དགོངས་པ་བཞིན་སྦྱར་ནས། མཐར་གཞི་བསྟོད་དམ། །སྟོང་ཚིགས་ཀྱིས་མཆོད་པ་སོགས་ཀྱང་བྱའོ། །གཉིས་པ་རྫོགས་རིམ་གྱི་རྒྱས་གདབ་པ་ལ་བཞི། སྤྲོས་ཏེ་ཐིམ་པ། བསྡུས་ཏེ་ཞུ་བ། དེ་ཁོ་ན་ཉིད་དུ་གནས་པ། དུབ་པར་བལྟ་བའོ། །དང་པོ་ནི། །ཐུགས་སྲོག་ཧཱུྃ་ལས་འོད་ཟེར་འཕྲོས་རྡོ་རྗེ། ཡེ་ཤེས་སེམས་དཔའ། བདག་ཉིད་རྩ་བའི་དཀྱིལ་འཁོར། དཀྱིལ་འཁོར་གཉིས་སོགས་རིམ་ ― LT30_Page_0495 ―
[མ་དཔེ་གཟིགས་ན་འདིར་གནོན།]
པར་གསལ། དེ་ལས་ཕྱིར་འཕྲོས་ཁམས་གསུམ་སེམས་ཅན་གསལ། སྒྲིབ་པ་སྦྱངས། རྒྱལ་བ་རྣམས་མཆོད་གདུག་པ་ཅན་ཚར་བཅད་པར་མོས། གཉིས་པ་ནི། འོད་ཟེར་ཀཱི་ལ་ཡའི་སྒྲ་དང་བཅས་ཚུར་འདུས། །སྣོད་ཀྱི་འཇིག་རྟེན་གཞལ་ཡས་ཁང་ལ་འདུས། །དེ་འོད་དུ་ཞུ་དཀྱིལ་འཁོར་གཉིས། བདག་རྩ་བ། ཡེ་ཤེས་སེམས་དཔའ། །ཏིང་འཛིན་སེམས་དཔའ་ཧཱུྃ་གི་བར་དུ་འདུས། །དེའང་ཞབས་ཀྱུ་ནས་ཐིག་ལེའི་བར་དང་། ཐིག་ལེ་ཇེ་ཕྲ་ནཱ་ད་ཤིན་ཏུ་ཕྲ་བ་ལ་ཡུན་རིང་དུ་སེམས་བཟུང་བའོ། །གསུམ་པ་ནི། ནཱ་དའང་སྟོང་ཉིད་དུ་ཡལ་ནས་དེ་ཁོ་ན་ཉིད་ལ་ཅི་གནས་སུ་བཞག །བཞི་པ་ནི། དེ་ལས་ལྡང་བར་འདོད་ན་སྣོད་བཅུད་དཀྱིལ་འཁོར་གསུམ་གྱི་རང་བཞིན་དུ་མོས་ལ་རང་ཉིད་རྡོ་རྗེ་གཞོན་ནུའི་ང་རྒྱལ་གྱི་སྤྱོད་ལམ་བཞི་སེམས་ཅན་གྱི་དོན་དུ་བྱའོ། །གསུམ་པ་དབྱེར་མེད་ཟུང་འཇུག་ཏུ་བསྒོམ་པ་ནི། སྣང་བ་ཐམས་ཅད་སྐུ་གསལ་སྟོང་དབྱེར་མེད་འོད་ཀྱི་རང་བཞིན། སྒྲ་གྲགས་ཐམས་ཅད་གསུང་གྲགས་སྟོང་དབྱེར་མེད་ཀཱི་ལ་ཡའི་རང་སྒྲ། དྲན་རྟོག་ཐམས་ཅད་ཐུགས་བདེ་སྟོང་དབྱེར་མེད་ཆོས་ཀྱི་སྐུའི་རང་བཞིན་ཏུ་ལམ་དུ་ཁྱེར་བ་ནི་མཉམ་བཞག་རྗེས་ཐོབ་ཀུན་ལ་གཅེས་ཏེ། རྒྱུད་ལས། ཆད་པ་མ་ཡིན་རིག་ཅིང་གསལ། །རྟག་པ་མ་ཡིན་ངོས་བཟུང་མེད། །སྣང་སྟོང་དབྱེར་མེད་གཏན་ལ་དབབ། །མ་བསྐྱེད་རྫོགས་པའི་ཚུལ་དུ་བསྒོམ། ། ― LT30_Page_0496 ―
[མ་དཔེ་གཟིགས་ན་འདིར་གནོན།]
ཞེས་སོགས་གསུངས་སོ། །གཉིས་པ་ནང་བསྐྱེད་པའི་རིམ་པ་ནི། ཕྲ་མོའི་རྣལ་འབྱོར་རྩལ་བསྒོམ་པ་སྟེ། སྔོན་འགྲོ་སྤྱི་མཚུངས་དང་། ཏིང་ངེ་འཛིན་རྣམ་གསུམ་བསྒོམ། རང་ལུས་དཔལ་ཆེན་པོའི་སྟོང་ར་དར་སྔོན་གྱི་གུར་ཕུབ་པ་ལྟར་གསལ་བའི་ནང་དུ་རྩ་གསུམ་འཁོར་ལོ་ལྔ་གསལ་བཏབ་པའི། སྤྱི་བོར་བདེ་ཆེན་འཁོར་ལོའི་དབུས་སུ་བུདྡྷ་འདུས་པའི་སྲས་མཆོག་དཀར་པོ། །རྩ་འདབ་སོ་གཉིས་ན་ཁྲོ་བཅུ་དང་འདྲ། མགྲིན་པ་ལ་ལོངས་སྤྱོད་འཁོར་ལོའི་དབུས་སུ་པདྨ་འདུས་པའི་སྲས་མཆོག་དམར་པོ། །རྩ་འདབ་བཅུ་དྲུག་ལ་ཁྲོ་བཅུ་རང་འདྲ། སྙིང་ཁ་ཆོས་ཀྱི་འཁོར་ལོར་བཛྲ་འདུས་པའི་སྲས་མཆོག་མཐིང་ཀ །རྩ་འདབ་བརྒྱད་ལ་ཁྲོ་བཅུ་རང་འདྲ། ལྟེ་བ་སྤྲུལ་པའི་འཁོར་ལོར་རཏྣ་འདུས་པའི་སྲས་མཆོག་སེར་པོ། རྩ་འདབ་རེ་བཞིར་ཁྲོ་བཅུ་རང་འདྲ། གསང་གནས་བདེ་སྤྱོད་འཁོར་ལོའི་དབུས་སུ་ཀརྨ་འདུས་པའི་སྲས་མཆོག་ལྗང་གུ། རྩ་འདབ་བརྒྱ་ཉི་ཤུར་ཁྲོ་བཅུ་རང་འདྲ་སྟེ། སྲས་མཆོག་རིགས་ལྔའི་ཕྱག་གཡས་འཁོར་ལོ་པདྨ་རྡོ་རྗེ་རིན་ཆེན་སྣ་ཚོགས་རྡོ་རྗེ། གཡོན་དུང་ཁྲག་བསྣམས་ཤིང་ཁྲོ་བོའི་ཆས་ཐམས་ཅད་ཀྱིས་བརྒྱན་པ། ཁྲོ་བཅུ་རྣམས་འཁོར་ལོའི་རྩ་བའི་འདབ་མ་ལ་བཞུགས་པར་གསལ་བཏབ་སྟེ། འབྱུང་འཇུག་གནས་གསུམ་འབྲུ་གསུམ་མམ་རྩ་སྔགས་དང་སྦྱར་བའི་རྡོར་བཟླས་བྱས་ལ་མཐར་འོད་གསལ་དུ་བསྡུ་ཞིང་ཟུང་འཇུག་གི་སྐུར་ལྡང་ངོ་། །གསུམ་པ་གསང་བ་བསྐྱེད་པའི་ ― LT30_Page_0497 ―
[མ་དཔེ་གཟིགས་ན་འདིར་གནོན།]
རིམ་པ་ནི། ལུགས་འདིའི་ཐིག་ལེ་རྣལ་འབྱོར་དུ་བརྡ་ཆད་བྱེད་པ་ཡིན་ཏེ། དེའང་རྟེན་དང་བརྟེན་པར་བཅས་པ་ཐམས་ཅད་རང་གི་སེམས་ཉིད་ཐིག་ལེ་ཆེན་པོ་གཅིག་གི་རང་བཞིན་ཏུ་རྫོགས་པར་ཤེས་ནས་ལམ་དུ་ཁྱེར་བ་སྟེ། གསང་རྒྱུད་ལས། གསང་བའི་གཞལ་ཡས་བསྟན་པ་ནི། །ཡེ་ནས་རང་བྱུང་དམ་པ་སྟེ། །སངས་རྒྱས་རོལ་མོ་དུ་མས་འཁྲིགས། །རྒྱན་དང་བླ་བྲེ་རང་བཞིན་གྲུབ། །སངས་རྒྱས་གཞལ་ཡས་དམ་པ་ཡིན། །དེ་ཡི་དབུས་ན་བཞུགས་པའི་ལྷ། །ཕྲ་ལ་དོད་པར་བརྟག་པར་བྱ། །དེ་ལ་ཡང་དང་ཡང་དུ་ནི། །ཕྲ་བའི་སེམས་ཀྱིས་བཟུང་གྱུར་ན། །མཇུག་ཏུ་དམིགས་པ་མེད་པར་འགྱུར། །ཅེས་བཤད་པས་ན། ཀུན་གཞིའི་རྣམ་ཤེས་དབུས་ཀྱི་ཕོ་བྲང་། སྒོ་ལྔའི་རྣམ་ཤེས་སྒོ་བཞི། ངོ་བོ་ཡེ་ཤེས་དབུས་ཀྱི་གཙོ་བོ། །སེམས་བྱུང་ལྔ་བཅུ་རྩ་གཅིག་འཁོར། །ཡེ་ཤེས་ལྔ་རྩིག་པ། འདོད་ཡོན་ལྔ་འདོད་ཡོན། མོས་གུས་རིན་ཆེ་ཕ་གུ། སྣང་བ་སྣ་ཚོགས་དྲྭ་བ་དྲྭ་ཕྱེད། ཚད་མེད་བཞི་རྟ་བབས། ཏིང་ངེ་འཛིན་མུ་མེད་པ་མུ་ཁྱུད་མུ་མེད་པ། དེ་ལྟར་ཤེས་པའི་ངང་ལ་མ་བཅོས་པར་བཞག་པའོ། །དེ་ལྟ་བུའི་བསྒོམ་པ་དེའང་སྟོང་ཉིད་ཀྱིས་ཁོག་དབུབ། བྱམས་སྙིང་རྗེས་གཞི་བཟུང་། རྣམ་པ་ལྷའི་དཀྱིལ་འཁོར་དུ་བསྒོམས་པས་སྣོད་བཅུད་ཐ་མལ་རང་རྒྱུད་པར་ཞེན་པ་དེ་ཉིད་རྟེན་དང་བརྟེན་པའི་དཀྱིལ་འཁོར་དུ་གྲོལ་བར་འགྱུར་ཏེ། རྩ་རྒྱུད་ལས། ཚད་མེད་སྙིང་རྗེའི་ ― LT30_Page_0498 ―
[མ་དཔེ་གཟིགས་ན་འདིར་གནོན།]
ཕུར་པ་ནི། །བྱམས་དང་སྙིང་རྗེ་ཆེན་པོས་གདབ། །འབྲས་བུ་སྤྲུལ་པའི་སྐུ་ཡང་འཐོབ། །མ་ཐེབས་དུ་དྲ་སྲིན་པོར་གོལ། །ཞེས་གསུངས་སོ། །གཉིས་པ་སྤྲོས་མེད་རྫོགས་པའི་རིམ་པ་འཆད་པ་ལ་གཉིས། མཚན་བཅས་དང་། མཚན་མེད་དོ། །དང་པོ་ནི། བྱ་ཀ་ལནྟ་ཀ་ལྟ་བུའི་གང་ཟག་གིས་བྱང་ཆུབ་སེམས་ཀྱི་ཕུར་པ་ཡུམ་གྱི་མཁའ་ལ་གདབ་པ་སྟེ། དེ་ལ་གཉིས་སྟེང་སྒོ་འཁོར་ལོ་ལྔ་ལ་བརྟེན་ཏེ་བདེ་བ་རིམ་གྱིས་སྐྱེད་པ་དང་། འོག་སྒོ་ཁམས་གསུམ་རོལ་པ་ལ་བརྟེན་ནས་བདེ་བ་གཅིག་ཆར་དུ་སྐྱེད་པའོ། །དང་པོ་ལ་གསུམ། འཁོར་ལོའི་གནས་ཚུལ། གཏུམ་མོ་སྦར་བས་ཡེ་ཤེས་སྐྱེ་ཚུལ། དེ་ལ་གོམས་པར་བསླབ་པའོ། །དང་པོ་ལ་ལྔ་སྟེ། ཀླད་པ་སྐུ་ཡི་ཙཀྲ། མགྲིན་པ་གསུང་གི་ཙཀྲ། ཐུགས་ཀ་ཆོས་ཀྱི་ཙཀྲ། ལྟེ་བ་ཡོན་ཏན་གྱི་ཙཀྲ། མེ་རླུང་ཕྲིན་ལས་ཀྱི་ཙཀྲའོ། །དེའང་སྤྱི་བོར། །སངས་རྒྱས་ཀུན་གྱི་ཡེ་ཤེས་སྐུ། །ཞེས་པས། རྩ་འདབ་སུམ་ཅུ་རྩ་གཉིས་ཀྱི་དཀྱིལ་ན། འཁོར་ལོ་རྩིབས་བརྒྱད་དེའི་ལྟེ་བ་ན་ཡི་གེ་ཧཱུྃ་ཁ་ཐུར་དུ་བསྟན་པ་གནས། རྩིབས་བརྒྱད་ལ་ཀཱི་ལི་འབྲུ་བརྒྱད། རྩ་འདབ་སུམ་ཅུ་རྩ་གཉིས་ལ་སྒྲ་ཡིག་སུམ་ཅུ་རྩ་གཉིས་གདུགས་ཕུབ་པའི་ཚུལ་དུ་གནས་སོ། །མགྲིན་པ་ལ། །ངང་ཉིད་རྡོ་རྗེ་ཆོས་དབྱིངས་ལས། ཞེས་པས་རྩ་འདབ་བཅུ་དྲུག །དཀྱིལ་ན་པདྨ་འདབ་བརྒྱད། ལྟེ་བ་ན་ཨོཾ་དཀར་པོ་ཁ་གྱེན་དུ་བསྟན་པ། འདབ་བརྒྱད་ཀཱི་ལི་འབྲུ་བརྒྱད། རྩ་འདབ་ ― LT30_Page_0499 ―
[མ་དཔེ་གཟིགས་ན་འདིར་གནོན།]
ལ་དབྱངས་ཡིག་བཅུ་དྲུག་གོ། །སྙིང་ཁ་ན། །སྐུ་ཡི་དབྱིག་ཏུ་བདག་སྐྱེད་ཅིག །ཅེས་པས་རྩ་འདབ་བརྒྱད་ཀྱི་སྟེང་ན་རིན་པོ་ཆེ་ཟུར་བརྒྱད་པ། ལྟེ་བ་ལ་ཧཱུྃ་མཐིང་ག་མགོ་ཐུར་ལ་བསྟན་པ། རཏྞ་ཟུར་བརྒྱད་ལ་ཀཱི་ལ་ཡ་འབྲུ་བརྒྱད། རྩ་འདབ་ལ་སྡེ་ཚན་དང་པོ་ཨ་ཀ་ཙ་ཊ་ཏ་པ་ཡ་ཤ་བརྒྱད་དོ། །ཙཀྲ་ཐམས་ཅད་ཀྱི་སྲོག་ཤིང་ཀུན་འདར་མ་ནས་བྱང་སེམས། གཡས་རོ་མ་ནས་དྲི་ཆུ། གཡོན་རྐྱང་མ་ནས་ཁྲག་འབབ་ཅིང་རྩ་དེ་གསུམ་ལྟེ་བ་ན་འདུས་པའོ། །ལྟེ་བའི་ཙཀྲ་དེ། འབར་བའི་ཁྲོ་བོ་མི་བཟད་པ། །ཞེས་པས་རྩ་འདབ་དྲུག་ཅུ་རྩ་བཞིའི་དཀྱིལ་ན་གྲུ་གསུམ་བརྒྱད། ལྟེ་བ་ལ་ཨོཾ་སེར་པོ་གྱེན་དུ་བསྟན་པ། གྲུ་གསུམ་ལ་ཀཱི་ལི་འབྲུ་བརྒྱད། རྩ་འདབ་ལ་སྒྲ་ཡིག་སུམ་ཅུ་རྩ་གཉིས་ཕྲག་གཉིས་སོ། །མེ་རླུང་ཕྲིན་ལས་ཙཀྲ་ནི། མཚོན་ཆེན་སྔོན་པོ་འབར་བ་ཡིས། །ཞེས་པས་གཤང་སྒོར་རླུང་གི་ཙཀྲ་ཁ་དོག་སྔོ་སྐྱ་དབྱིབས་ཟླ་གམ། དབུས་སུ་ཡཾ་སྔོ་སྐྱ། རྟགས་གཤང་སྒོ་གྲང་བའོ། །དེའི་སྟེང་ལྟེ་བའི་འོག་ན་མེའི་འཁོར་ལོ་ཁ་དོག་དམར་པོ་དབྱིབས་གྲུ་གསུམ་རཾ་དང་བཅས་པ་འབར་བའི་ཚུལ་དུ་གནས་ཤིང་། དེའི་རྟགས་དྲོད་ཆེའོ། །གཉིས་པ་གཏུམ་མོ་སྦར་བ་ནི། ནམ་མཁའི་དཀྱིལ་ནས་ཐིགས་པ་ཤར། །ཞེས་པས་སྤྱི་བོའི་ཧཾ་ཞུ་བས་ཐིག་ལེ་འབབ་བོ། །དེའང་འོག་སྒོ་བསྒུལ་བས་ཡཾ་ལས་རླུང་ལངས། རཾ་ལས་ཡེ་ཤེས་ཀྱི་མེ་འབར། དེས་ལྟེ་བའི་ ― LT30_Page_0500 ―
[མ་དཔེ་གཟིགས་ན་འདིར་གནོན།]
ཙཀྲ་ཞུ། ཁམས་བདེ་བ་སྐྱེས། དེས་སྙིང་གའི་ཙཀྲ་ལ་ཕོག །དྭངས་མ་ལྔ་ཞུ། དེའི་འོད་ཀྱིས་མགྲིན་པ་ཞུ། དེ་ཀླད་པ་ལ་ཕོག །དེ་ཞུ་བྱང་སེམས་ཨ་ཝ་དྷཱུ་ཏི་ནས་བབ། ལྟེ་བའི་ཙཀྲ་གསོས། བདེ་བ་སྐྱེས་པ་ལས་མས་བརྟན་གྱི་དགའ་བཞི་འཆར་ཞིང་། དབབ་བཟུང་ཟློག་དགྲམ་གྱི་སྦྱོར་བས་ཡས་བརྟན་གྱི་དགའ་བཞི་འཆར་བ་ཡིན་ནོ། །གསུམ་པ་དེ་ལ་གོམས་པར་བྱ་བའི་ཚུལ་ནི། སྔོན་འགྲོ་སྤྱི་དང་། ཁྱད་པར་ཐུན་མོངས་མ་ཡིན་པའི་བླ་མའི་རྣལ་འབྱོར་སྔོན་ཏུ་སོང་ནས། བདེ་བའི་གདན་ལ་བསམ་གཏན་གྱི་ཆོས་ལྔ་དང་ལྡན་པས་འཁོད་པ་ལ་དཔལ་ཆེན་པོ་རྡོ་རྗེ་གཞོན་ནུའི་སྐུའི་སྟོང་ར་ཡུན་རིང་བསྒོམ་འབྱོངས་པ་དང་སྟོང་རའི་དབུས་སུ་རྩ་གསུམ་འཁོར་ལོ་ལྔ་དང་བཅས་པ་གསལ་གདབ་སྟེ་རྩ་ཡི་སྟོང་རལ་བསླབ། དེའང་དབྱངས་ནས་ཨོཾ་ཧཱུྃ་རྃ་ཡྃ་ཀཱི་ལི་དབྱང་གསལ་ལ་སོགས་པ་རྣམས་གསལ་བཏབ་ནས་ཐིག་ལེའི་སྟོང་ར་གསལ་བརྟན་གྱི་ཚད་མཐར་ཕྱིན་པར་བྱ་སྟེ་དེ་དག་གོང་དུ་གནས་ཚུལ་སྨོས་པའི་སྐབས་བཞིན་ནོ། །དེ་ནས་གཏུམ་མོ་མེ་སྦར་བའི་ཐོག་མར་རླུང་ཤིན་ཏུ་བྱང་བར་བྱ་སྟེ། དེའང་དང་པོ་རླུང་རོ་དགུ་ཕྲུགས་སུ་བསལ། རྔུབ་པ། དགང་བ། གཞིལ་བ། འཕངས་པ་སྟེ་སྦྱོར་བ་བཞི་ལྡན་གྱིས་བུམ་པ་ཅན་རབ་འབྲིང་ཐ་མ་གང་རུང་ཁེགས་པ་དང་། དེའང་གཡས་གཡོན་ཏུ་སྦོ་བའི་ལག་ལེན་སོགས་སྤྱི་ལྟར་བྱས་ལ་ལས་ཀྱི་རླུང་དྷཱུ་ ― LT30_Page_0501 ―
[མ་དཔེ་གཟིགས་ན་འདིར་གནོན།]
ཏིར་གཞུག་གོ། །དེ་འབྱོངས་པ་ན་གཏུམ་མོ་རིམ་གྱིས་སྦར། ཐིག་ལེ་རིམ་གྱིས་བཞུ་བའི་འབར་འཛག་ལ་བསླབ། བཟུང་འདྲེན་བཀྲམ་པའི་འཁྲུལ་འཁོར། གེགས་སེལ་བོགས་འདོན་གྱི་སྦྱོར་བ་སོགས་ཐབས་ལམ་སྤྱིའི་ཉམས་ལེན་ལ་སྒོས་ཆོས་ཀྱིས་བརྒྱན་ཏེ་དགའ་བ་བཅུ་དྲུག་གི་ཡེ་ཤེས་མཐར་སོན་པར་བྱའོ། །གཉིས་པ་འོག་སྒོ་ལ་བཞི། བསྙེན་པ། ཉེ་བསྙེན། སྒྲུབ་པ། སྒྲུབ་པ་ཆེན་པོའོ། །དང་པོ་བསྙེན་པའི་ཡུལ་ནི། །ཞི་བ་ལ་དཀར་མོ་བོང་ཆུར་ཟླ་བའི་མདོག །རྒྱས་པ་ལ་བ་ལང་སེར་མོ་གྲུ་བཞི་མ། དབང་ལ་སྨུག་མོ་ཟླ་གམ་མཛེས་པའི་ཞལ། དྲག་པོ་ལ་ནག་མོ་གྲུ་གསུམ་ཧ་ར་མིག །དེའང་སྟོད་སྨད་བྱེད་པ། སྨད་རྒྱས་པ། བྷ་ག་རུབ་པ། ཆགས་པའི་མདངས་ཆེ་བ་བཙལ། རྒྱན་བཏགས་ལ་ཁྲུས་བྱས་ཆས་སུ་གཞུག །གཉིས་པ་ཉེ་བསྙེན་ལ། ཡབ་རྡོ་རྗེ་གཞོན་ནུར་བསྐྱེད། རིག་མ་འཁོར་ལོ་རྒྱས་འདེབས་སུ་བསྐྱེད། སྐྱེ་མཆེད་བྱིན་གྱིས་བརླབ། ཡབ་ཀྱི་མཁའ་མི་དམིགས་པ་ལས། ཨ་ལས་ཟླ་བའི་དཀྱིལ་འཁོར་བསྒོམ། ཧཱུྃ་ལས་རྡོ་རྗེ་རྩེ་དགུ་པར་བསྐྱེད། ཨོཾ་ལས་ནོར་བུ། ཕཊ་ཀྱིས་བུ་ག་བཀག་པའོ། །ཡང་ཡུམ་གྱི་མཁའ་མི་དམིགས་པ་ལས་ཉི་དཀྱིལ། ཨ་ལས་པདྨ་དམར་པོ་འདབ་མ་བཞི་པ། ཟེའུ་འབྲུ་ལ་ཨ་དམར་པོ་བསྒོམ། །གསུམ་པ་སྒྲུབ་པ་ནི། །དེ་ནས་ནུ་མ་ཉིད་པ་དང་། ― LT30_Page_0502 ―
[མ་དཔེ་གཟིགས་ན་འདིར་གནོན།]
མཆུ་འཇིབས་པ་བྱས་པས། རྡོ་རྗེ་པདྨ་སད་པ་དང་། རིག་མས་ས་མ་ཡ་ཧོ་ཞེས་བསྐུལ། ས་མ་ཡ་སྟྭཾ། ཞེས་གནང་བ། སླར་ཡང་ར་ཧོ་ཧཾ་གྱིས་བསྐུལ། རཱ་ག་ཡཱ་མིས་ལན་བཏབ་ནས། རྡོ་རྗེ་པདྨ་དལ་བུས་སྤྲད། ལྷའི་ང་རྒྱལ་དང་ལྡན་པས་སྔགས་ཟློས་ཀྱིན་བསྲུབ། བདེ་བ་རྒྱས་པ་དང་འཁོར་ལོ་བཞིར་རིམ་གྱིས་བཟློག་ཅིང་བཟུང་། འདོད་པ་ཆེས་ན་མི་ཐུབ་པས་ཕྲལ་ཀྱིན་བྱ། ཡང་བསྲུབ། བདེ་བ་རྒྱས་པ་དང་མིག་གྱེན་ལ་བཟློག །རྐང་ལག་གི་ཐེ་བོང་བསྐུམ། ངག་ཏུ་ཧིག་བརྗོད་ཅིང་རླུང་གསང་བ་ནས་ལྟེ་བའམ། སྙིང་ཁར་འཐེན། སེམས་སྤྱི་བོའི་ཧྃ་ལ་གཏད་དོ། །དེས་བདེ་བ་ཟག་པ་མེད་པ་རྒྱུད་ལ་སྐྱེ། དེ་ནས་དགྲམ་པ་ནི། ལུས་སྦྱང་འཐེམས་པར་བྱའོ། །བཞི་པ་སྒྲུབ་པ་ཆེན་པོ་ལ། དྲོད་ནི་འདར་བ་དང་དཀྲུགས་པ་ཀུ་ཅོའི་སྒྲ་འབྱིན་པའོ། །མཚན་མ་ནི་བདེ་བ་ཉམས་སུ་བསྟར་བའོ། །ཐིག་ལེ་མ་ཤོར་ན་ལུས་ལ་རྒས་རྒུད་མེད་པའོ། །ནད་ཀྱིས་མི་ཚུགས། ཁ་དོག་བཟང་། འོད་འབར། ཚེ་རིང་མཆོག་གི་འབྲས་བུ་སྐུ་གསུམ་འཐོབ་པར་འགྱུར་ཏེ། རྩ་རྒྱུད་ལས། ལྷག་པ་བྱང་སེམས་ཕུར་པ་དེ། །ཡུམ་གྱི་མཁའ་ཀློང་དག་པར་གདབ། །བདེ་བ་དངོས་མེད་ཐེབས་པའི་ཚད། །འབྲས་བུ་ལོངས་སྐུ་བདེ་ཆེན་ཐོབ། །མ་ཐེབས་འཁོར་བའི་འགྲམ་རྡོ་བྱེད། །ཅེས་གསུངས་སོ། །གཉིས་པ་མཚན་མེད་རྫོགས་རིམ་ལ་ ― LT30_Page_0503 ―
[མ་དཔེ་གཟིགས་ན་འདིར་གནོན།]
གཉིས། །ཐུན་མོང་མ་ཡིན་པའི་སྔོན་འགྲོ་དང་། དངོས་གཞིའོ། །དང་པོ་ནི། འདི་ཉིད་ཀྱི་ཉམས་ལེན་སྒེར་ཐུབ་སྨར་འཇུས་སུ་བྱེད་ན། འཁོར་འདས་རུ་ཤན་དབྱེ་བ། ལུས་ངག་སེམས་སྦྱོང་རྣམས་རྫོགས་པ་ཆེན་པོ་གཞན་ལས་འབྱུང་བ་ལྟར་བྱ། ཁྲིད་གཞུང་གཞན་རྐང་ཚུགས་པའི་ཞར་ཆོས་ཙམ་ལ་དེ་དག་དམིགས་སུ་མི་དགོས་ཤིང་། གང་ལྟར་རྟོགས་པས་བདག་གྲོལ་བ་ཡེ་ཤེས་གོང་འཕོའི་རྩལ་སྦྱང་བྱ་བ་ནི། ལུས་གནད་བསམ་གཏན་གྱི་ཆོས་དང་ལྡན་པས། རང་ཉིད་རྡོ་རྗེ་གཞོན་ནུ་གསལ་སྟོང་སྣང་ལ་རང་བཞིན་མེད་པའི་ལུས་ཀྱི་རྩ་གསུམ་འཁོར་ལོ་བཞི་དང་བཅས་པའི་གཡས་པའི་ཆ་ཀཱ་ལིའི་རང་བཞིན། གཡོན་པའི་ཆ་ཨཱ་ལིའི་རང་བཞིན། སྤྱི་བོའི་འཁོར་ལོའི་ལྟེ་བར་སྦྱོང་བྱེད་ཀྱི་ཡི་གེ་ཨོཾཱ་དཀར་པོ། །དེའི་འོག་ཏུ་སྦྱང་བྱ་ཨ་དཀར་པོ། དེ་བཞིན་དུ་མགྲིན་པར་ཧཱུྃ་སྔོན་པོའི་འོག་ཏུ་ནྀྲ་ལྗང་གུ། སྙིང་གར་ཏྲཱྃ་སེར་པོའི་འོག་ཏུ་སུ་སེར་སྐྱ་ལྟེ་བར་ཧྲཱིཿདམར་པོའི་འོག་ཏུ་ཏཱི་མཐིང་ག །གསང་བར་ཁཾ་དཀར་སྔོའི་འོག་ཏུ་བྲེ་དམར་སྐྱ། །དབུ་མའི་མར་སྣེའི་རྡོ་རྗེའི་བུ་གར་ཧྃ་དཀར་པོའི་འོག་ཏུ་དུ་དུད་ཀ །ལྟེ་འོག་ཏུ་གཏུམ་མོའི་རང་བཞིན་ཨ་ཡིག་དམར་པོ། གཤང་སྒོར་རླུང་གི་དཀྱིལ་འཁོར། སྦྱོང་བྱེད་ཀྱི་ཡི་གེ་རྣམས་གསལ་ཞིང་འོད་འབར་བ། སྦྱང་བྱ་རྣམས་སོལ་དང་ལ་དུ་བ་ཕྱུར་བ་ལྟ་བུར་བསམས་ལ། རྩ་བརྒྱུད་བླ་མ་ལ་གསོལ་བ་བཏབ་པས་ས་བོན་དྲུག་གི་འོད་ཀྱིས་ ― LT30_Page_0504 ―
[མ་དཔེ་གཟིགས་ན་འདིར་གནོན།]
བདག་གཞན་སེམས་ཅན་ཐམས་ཅད་རིགས་དྲུག་ཏུ་སྐྱེ་བའི་རྒྱུ་ཐམས་ཅད་བསྡུས་ནས་སྦྱང་བྱ་དྲུག་ལ་ཐིམ་པར་མོས། རླུང་བཟུང་བས་གཤང་སྒོའི་རླུང་གིས་ལྟེ་འོག་གི་ཨ་ཤད་བསྐུལ་མེ་ལྕེ་ཕྲ་ཞིང་རྣོ་བ་ཐུར་དུ་འཕྲོས། ཧྃ་ཡིག་བསྐུལ། དེ་ལས་བྱུང་བའི་འོད་ཀྱིས་དུ་ཡིག་དངོས་མེད་དུ་བསྲེགས། དྭངས་མ་ཧཾ་ལ་ཐིམ། སླར་ཡང་རླུང་བཟུང་བས་ཧཾ་ཡིག་སྐར་མདའ་ལྟ་བུར་ཐལ་གྱིས་འབར། གསང་གནས་འཁོར་ལོའི་ལྟེ་བར་ཁྃ་ཡིག་གི་སྟེང་ཐད་དུ་འདུག་པར་བསམ། ཡང་གཏུམ་མོའི་མེ་ཐུར་དུ་འབར་བས་ཁྃ་ཡིག་བསྐུལ། དེའི་འོད་ཀྱིས་པྲེ་བསྲེགས་པའི་དྭངས་མ་ཁཾ་ལ་ཐིམ། དེའང་ཧྃ་ལ་ཐིམ། ཧྃ་ལྟེ་བར་སྦར་བ་སོགས་སྔ་མས་རིགས་འགྲེ། ཡིད་གཏུམ་མོ་སྦར་བས་གྱེན་དུ་འབར། ལྟེ་བའི་ཧྲཱིཿབསྐུལ། ཏྲི་བསྲེགས། ཧྃ་ལ་ཐིམ། ཧྃ་སྙིང་ཁར་སྤར། དེ་བཞིན་དུ། གཏུམ་མོའི་མེས་ཏྲཱྃ་བསྐུལ། སུ་བསྲེགས། ཧྃ་ལ་ཐིམ། ཧྃ་མགྲིན་པར་སྤར། མེ་ལྕེས་མགྲིན་པའི་ཧཱུྃ་བསྐུལ། སུ་བསྲེགས། ཧྃ་ལ་ཐིམ། ཧྃ་སྤྱི་བོར་སྤར། མེ་འབར་བས་ཨོཾཱ་བསྐུལ། ཨ་ཡིག་བསྲེགས། ཨོཾཱ་དང་བཅས་ཧྃ་ལ་ཐིམ། དེ་ཉིད་བྱང་ཆུབ་ཀྱི་སེམས་མི་ཤིགས་པའི་ཐིག་ལེར་གྱུར་པར་མོས་ལ་མཉམ་པར་བཞག་གོ། །གཉིས་པ་ལ་གཉིས། ཀ་དག་ཁྲེགས་ཆོད། ལྷུན་གྲུབ་ཐོད་རྒལ་ལོ། །དང་པོ་ལ་གཉིས། སྒོམ་ཚུལ་སྤྱིར་བསྟན། མན་ངག་བྱེ་བྲག་ཏུ་བཤད་པའོ། ། ― LT30_Page_0505 ―
[མ་དཔེ་གཟིགས་ན་འདིར་གནོན།]
དང་པོ་ལ་གསུམ། དབང་པོ་ཐ་མ་འབྲིང་པོ། །རབ་ཀྱི་བསྒོམ་ཚུལ་ལོ། །དང་པོ་ལ་གསུམ། ཞི་གནས་བཙལ། ལྷག་མཐོང་བསྐྱེད། ཟུང་འཇུག་བསྒོམ་པའོ། །དང་པོ་ཞི་གནས་བཙལ་བ་ལ་གསུམ། དང་པོ་རྣམ་རྟོག་གདུལ་བ་ནི། བླ་མའི་རྣལ་འབྱོར་སྔོན་ཏུ་སོང་ནས། ལུས་གནད་རྣམ་སྣང་ཆོས་བདུན་ལས། ལག་པ་གཉིས་པུས་མོར་བཀབ། མགྲིན་པ་ཅུང་ཟད་དགྱེས་ཏེ། རང་རྡོ་རྗེ་གཞོན་ནུར་ཝལ་གྱས་གསལ་བའི་ལུས་ནང་རྩ་གསུམ་གསལ་བཏབ་པའི་རོ་རྐྱང་གི་མར་སྣ་ནས་འོད་གསལ་གྱི་རླུང་དཀར་སྔོ་དམར་སེར་ལྗང་མཐིང་ཟབ་ཆེན་གྱི་སྐུད་པ་ལྔ་གཤིབས་ལྟ་བུ་ལངས། སྣ་སྒོ་ནས་སོར་བཅུ་དྲུག་ཙམ་གྱི་ནམ་མཁར་སོང་། རླུང་ཚུར་འཇུག་དུས་ནང་དུ་ཞུགས་པའི་ཁུག་པ་ལ་གཅིག་ནས་ལྔའི་བར་དུ་བགྲང་བ་ཚར་གཅིག་བྱས་ཏེ། བརྒྱ་སྟོང་ལ་སོགས་པ་བགྲངས་པས་རྣམ་རྟོག་རགས་པ་ཞི་བ་དང་། གཉིས་པ་སེམས་བཟུང་བ་ནི། རང་མདུན་ཏུ་རྡོར་སེམས་སམ་རྡོ་རྗེ་གཞོན་ནུའི་བྲིས་སྐུ་ཞིག་བཞག་པ་ལ་མིག་མི་འགུལ་ཞིང་སེམས་མ་ཡེངས་པར་བལྟ། རྟོག་པ་འཕྲོ་ན་དེ་མ་ཐག་རྦད་བཅད་དེ་དམིགས་རྟེན་ལ་ཆེ་རེ་བལྟ། སེམས་རྩེ་གཅིག་ཏུ་འདུག་ན་མིག་བཙུམས་ནས་དམིགས་རྟེན་གྱི་རྣམ་པ་ལམ་མེ་བ་ལ་སེམས་བཟུང་། མི་གནས་ཚེ་དམིགས་རྟེན་ལ་བལྟས་ཏེ་བསྒོམ། ཞར་བྱུང་སྒྲ་སོགས་ཚོགས་དྲུག་གི་ཡུལ་སྣང་གཞན་ལའང་ཐོག་མར་གང་ཚོར་དེ་ ― LT30_Page_0506 ―
[མ་དཔེ་གཟིགས་ན་འདིར་གནོན།]
ཉིད་དམིགས་རྟེན་བྱས། དེ་ནས་དེ་ཡི་རྣམ་པ་མ་བོར་ཙམ་གྱི་ངང་ནང་དུ་བལྟས་ལ་སེམས་བཟུང་བ་སོགས་རེས་མོས་སུ་བསླབས་པས་སེམས་རྩེ་གཅིག་པའི་ཏིང་ངེ་འཛིན་སྐྱེས་ནས། གསུམ་པ་ཆོས་ལ་སྦྱོང་བ་ནི། །བདག་ཉིད་ལྟར་གསལ་བའི་ངང་ལ་མ་ཡེངས་པར་བཞག །སེམས་ཟིན་ནས་འོད་ཟེར་སྤྲོ་བསྡུ་དང་། ཚད་མེད་བཞིའི་ཏིང་ངེ་འཛིན་སོགས་བྱ་ཞིང་དེ་ལྟ་བུའི་སེམས་ས་ལེ་བ་དེ་ངོས་བཟུང་ཞིང་མ་ཡེངས་པར་བྱ་བ་སོགས་སྤེལ་བས་འགྲོ་གནས་མཉམ་པའི་སེམས་སྐྱེའོ། །གཉིས་པ་ལྷག་མཐོང་བསྐྱེད་པ་ལ་གཉིས། དང་པོ་ཕྱི་གཟུང་བ་ཡུལ་མེད་དུ་བཞག་པ་ནི། ཡུལ་སྣང་སྣ་ཚོགས་རྨི་ལམ་ལྟར་སྣང་ཡང་དཔྱད་ན་བདེན་པར་མ་གྲུབ་པས། ཡུལ་སྣང་དང་གཟུང་བའི་ཤེས་པ་བཅས་པར་གསལ་སྟོང་པའི་ངང་ལ་བྱམ་གྱིས་མཉམ་པར་བཞག་པས་གཟུང་བ་བདག་མེད་པར་རྟོགས་སོ། །གཉིས་པ་འཛིན་པ་རྩ་བྲལ་སྟོང་པར་བསྟན་པ་ནི། ཡུལ་དང་ཡུལ་ཅན་ཏུ་རྟོག་བྱེད་སེམས་འདི་ལ། འདས་མ་འོངས། དངོས་པོ་དངོས་མེད། བྱུང་གནས་འགྲོ་གསུམ། དབྱིབས་ཁ་དོག་ལ་སོགས་པར་བརྟགས་ཤིང་བཙལ་བས་གང་དུའང་མ་རྙེད་པའི་ཚེ། རྟེན་མེད་པའི་ཤེས་པ་འཛིན་མེད་དུ་ལྷོད་ཀྱིས་ཀློད་ལ་བཞག་པས་འཛིན་པ་སྟོང་ཉིད་དུ་རྟོགས་པར་བྱེད་དོ། །གསུམ་པ་ཟུང་འཇུག་ཏུ་བསྒོམ་པ་ནི། གང་སྣང་ལ་དཔྱད་ར་མེད་པར་རང་བབས་སུ་ཕྱ་ལེ། ཡིན་ལུགས་སུ་ཤིགས་སེ། རྗེས་མེད་དུ་སང་ངེ། རྒྱ་ཡན་ཏུ་ ― LT30_Page_0507 ―
[མ་དཔེ་གཟིགས་ན་འདིར་གནོན།]
ཕྱ་ལེ། མཐའ་བྲལ་དུ་ཁྲོལ་ལེ་བཞག་པས་ཕྱི་ནང་བར་མེད་ནམ་མཁའ་ལྟ་བུའི་དགོངས་པ་འཆར་བ་དེའི་ཚེ་གནས་པས་ཞི་གནས། གསལ་བས་ལྷག་མཐོང་། དབྱེར་མེད་ཟུང་འཇུག་ཏུ་ལྷུན་གྱིས་གྲུབ་པའོ། །གཉིས་པ་དབང་པོ་འབྲིང་གི་སྒོམ་ཚུལ་ལ་གསུམ། སྟོང་པ་ནམ་མཁའ་ལྟ་བུ། གསལ་བ་མེ་ལོང་ལྟ་བུ། འཆང་བ་རྦ་རླབས་ལྟ་བུའི་བསྒོམ་ཚུལ་ལོ། །དང་པོ་ནི། བླ་མའི་རྣལ་འབྱོར་སྔོན་ཏུ་འགྲོ་བས། ལུས་གནད་ཆོས་བདུན་དང་དབང་པོ་རྣམས་མ་འགགས་རང་གསལ་དང་། གང་ལྟར་ཡང་སྣང་ཐོག་དེར་མི་བཞག་པར་སྟོང་པའི་སྟེང་ཕྱི་ནང་བར་མེད་ཧར་སངས་བུན་ནེར་ལྟ་སྟངས་གཅུན་ནས་བཞག་པས་ཐམས་ཅད་སྟོང་པ་བར་མེད་ནམ་མཁའ་ལྟ་བུར་རྟོགས་པར་འགྱུར་རོ། །གཉིས་པ་ནི། ལུས་གནད་དབང་གནད་དེ་ལྟར་ལ། སྟོང་ཐོག་ཏུ་མི་གཏད་པར་སྣང་བ་འཛིན་མེད་རང་གསལ་གྱི་ངང་ལ་ས་ལེར་བཞག་པས་སྣང་བ་འཛིན་མེད་དུ་རྟོགས་སོ། །གསུམ་པ་ནི། ལུས་གནད་སོགས་གོང་ལྟར་ལ། རིག་པའི་མདངས་ལས་འཕྲོ་འདུའི་རྟོག་པ་འཆར་བའི་ཚེ་གསལ་སྟོང་འཛིན་མེད་དུ་བཞག་པས་རྦ་རླབས་ཆུར་ཐིམ་པ་ལྟར་རྟེན་མེད་འཛིན་མེད་དུ་འགྲོལ་ལོ། །གསུམ་པ་དབང་རབ་ཀྱི་སྒོམ་པ་བར་མེད་ཆུ་བོའི་གཞུང་ལྟ་བུ་ནི། རིག་པ་ཆོས་སྐུ་རྗེན་པར་རྟོགས། འདུ་འཕྲོ་ཆོས་ཉིད་ཀྱི་རོལ་པར་ཤར་ཅིང་ནུབ་པས་སྤང་བླང་གོལ་སྒྲིབ་གང་ཡང་མེད་པ་རིན་པོ་ཆེ་གསེར་གླིང་ཕྱིན་པ་ལྟ་བུ་སྟེ། ཡང་ཤར་ ― LT30_Page_0508 ―
[མ་དཔེ་གཟིགས་ན་འདིར་གནོན།]
རང་བྱུང་ཡེ་ཤེས་ཀུན་བཟང་གི་དགོངས་པ། ཅིར་སྣང་སྟོང་པའི་རང་གཟུགས་ཀུན་ཏུ་བཟང་མོའི་ཀློང་། ཡུལ་སེམས་གཉིས་མེད་རྫོགས་པ་ཆེན་པོའི་ངང་དུ་ཕྱམ་གདལ་བས་རྟོག་པ་བར་མེད་རིག་པ་རྗེན་པ་རང་བབ་ཁ་ཡན་ཏུ་བསྐྱངས་པས་གདོད་མའི་གྲོལ་ས་ལ་ཕྱིན་པར་འགྱུར་རོ། །གཉིས་པ་མན་ངག་ངེས་པའི་གནད་ནི། དབང་པོ་ཐ་མ་དང་འབྲིང་གི་སྒོམ་ཚུལ་གྱི་གྲོགས་དང་རྩལ་སྦྱོང་བསྟན་པ་སྟེ། དེས་དབང་རབ་ཀྱི་བསྒོམ་པ་ན་འཕོས་ཏེ་རང་སྣང་རིས་མེད་ཀྱི་དགོངས་པར་འབྱམས་ཀླས་པར་འགྱུར་རོ། །དེ་ལ་བཞི། ཞི་གནས། ལྷག་མཐོང་། ཟུང་འཇུག །ལ་བཟླ་བའོ། །དང་པོ་ནི། སྣང་བཅས་དང་སྣང་མེད་ཀྱི་ཡལ་ལ་སེམས་བཟུང་བ་གཉིས་ཀྱི། ཕྱི་ཡི་སྣང་བཅས་དཀྱུས་སུ་སོང་། ནང་གི་སྣང་བཅས་ནི། ཤེས་པ་ཧ་ཅང་འཕྲོ་ན། པདྨ་དཀར་པོའམ་རྡོ་རྗེ་རྒྱ་གྲམ་རྩ་བ་སྙིང་ལ་ཟུག་པ་ཞིག་གསེར་གྱི་ས་གཞིའི་བར་སོང་སྟེ་ལྷན་ནེ་གནས་པར་བསམ། སེམས་ཟིན་པ་དང་དེ་སྙིང་ཁར་བསྡུས་ལ་རྩེ་གཅིག་ཏུ་སེམས་བཟུང་། སྣང་མེད་ཀྱི་ཡུལ་ལ་སེམས་བཟུང་བ་ནི། གང་ཡང་ཡིད་ལ་མི་བྱེད་པའི་ངང་ལ་འཇོག་པ་སྟེ། ལྷ་ཡི་ཞལ་ཕྱག་ལྟ་བུ་ལ་སེམས་ཟིན་པས་རྟོག་པ་གཞན་དེར་ནུབ། དེ་ཉིད་ཀྱང་རྣམ་པ་མ་ངེས་པའི་ངང་དུ་འཇོག་པ་ལྟ་བུ་ལ་བསླབ། དེ་གོམས་ནས་འགྲོ་འདུག་སྨྲ་བརྗོད་དྲན་རྟོག་སོགས་ཅུང་ཟད་དང་བསྲེས་ནས་གོམས་སུ་བཅུག་པས་བོགས་ཐོན་པར་འགྱུར་ ― LT30_Page_0509 ―
[མ་དཔེ་གཟིགས་ན་འདིར་གནོན།]
རོ། །གཉིས་པ་ལའང་སྣང་སྟོང་གཉིས་ཀྱི་སྣང་བ་ལ་བསླབ་པ་ནི། ཡུལ་གྱི་སྣང་བ་གང་སྣང་ཐམས་ཅད་སྒྱུ་མ་དང་རྨི་ལམ་དངོས་སུ་འདུག་སྙམ་དུ་གང་སྣང་བདེན་མེད་དུས་ལ་ལ་སྦྱང་། སྟོང་པ་ལ་སྦྱོང་བ་ནི། སྣང་དུས་ནས་སྟོང་སང་སང་རྗེས་མེད་དུ་བལྟ་ཞིང་ཡིད་ལ་མི་ཕྱེད་པ་ནམ་མཁའ་ལྟ་བུའི་ངང་ལ་རང་སངས་ཐུག་ཕྲད་དུ་བཞག །སྤྱོད་ལམ་ཐམས་ཅད་གསལ་སྟོང་འཛིན་མེད། སྣང་སྟོང་གཏད་ཡལ་དུ་བསྲེས་པས་བོགས་ཕྱིན་པར་འགྱུར་རོ། །གསུམ་པ་ནི། ལུས་གནད་བཅས་ལ། གང་ཤར་ལ་གདམ་ཁ་མི་ཕྱེད་པ་དེ་ཉིད་ཀྱི་འཆར་གཞིའི་རིག་པ་ལ་ཆེར་ཆེར་བལྟ་ཞིང་ཕར་མི་དཔྱད་པར་ཚུར་བཞག་ཅིང་། འཕྲོག་ནས་མཉམ་པའི་ངང་ལ་རྟག་ཏུ་གནས་པས། འགྱུ་བས་གནས་པ་ལ་མི་གནོད་པ། རིག་པ་སྟོང་གསལ་འཆར་བ་གསུམ་འདྲེས་ཀྱི་ངོ་བོ་སྐུ་གསུམ་རང་གསལ་གྱི་དགོངས་པ་ལ་སླེབས་པ་ཡིན་ནོ། །དེའི་བོགས་འདོན་ཏུ། ནམ་མཁའ་དྭངས་ཤིང་སྤྲིན་མེད་པའི་ཉི་མ་ལ་རྒྱབ་བསྟན་ཏེ། དཔེ་ཕྱིའི་ནམ་མཁའ་གཡའ་དག་པའི་མཐོངས་སུ་ལྟ་སྟངས་བཅུན་ནས་བལྟས་པས། ནང་ཤེས་པའི་ནམ་མཁའ་རྟོག་མེད་ཀྱིས་གོ་ཕྱེས་ནས། གསང་བ་འོད་གསལ་སྙིང་པོའི་ནམ་མཁའ་མཐའ་དབུས་ཐམས་ཅད་ལས་འདས་པའི་ཆོས་ཉིད་སྐད་ཅིག་ལ་འཆར་བར་འགྱུར་རོ། །ལྟེངས་ན་ཞི་ལྷག་སོ་སོར་རྩལ་སྦྱང་། བྱིང་ན་གསེང་། རྒོད་ན་དབབ། སྤྱོད་ལམ་ཀུན་དང་བསྲེ་བ་ ― LT30_Page_0510 ―
[མ་དཔེ་གཟིགས་ན་འདིར་གནོན།]
རྩལ་སྦྱོང་གི་གནད་དོ། །བཞི་པ་ནི། དེ་ལྟར་སྒོམ་དུས་བཟང་རྟོག་ངན་རྟོག་ཉམས་ཀྱི་འཆར་སྒོ་ཐམས་ཅད་རྟེན་མེད་སྟོང་པ། ཆོས་ཟད་བློ་འདས་ཆེན་པོའི་ངང་ལ་བསྐྱལ། སྙེམས་དང་རེ་དོགས་ཀྱི་འཁྲི་བ་བཅད། གང་དུའང་མི་འཛིན། ཅི་ལའང་མི་རྟོག་པའི་ཚུལ་གྱིས་བྱར་མེད་གདོད་མའི་དབྱིངས་སུ་ལ་བཟླ་སྟེ། མདོར་ན་རང་ཐོག་ཏུ་ངོ་སྤྲད། གཅིག་ཐོག་ཏུ་ཐག་བཅད། གྲོལ་ཐོག་ཏུ་གདིང་བཅས་ཏེ་བློ་ཟད་ཆོས་ཟད་ཀྱི་དགོངས་པ་ལ་དབང་འབྱོར་བར་བྱའོ། །གཉིས་པ་ལྷུན་གྲུབ་ཐོད་རྒལ་ལ། ཁྲེགས་ཆོད་གཏན་ལ་ཕེབས་པའི་གང་ཟག་གིས། དང་པོ་ཆོས་ཉིད་མངོན་སུམ་ཉམས་སུ་ལེན་པའི་དུས། གཉིད་ངོམས་པར་བྱས་ལ་ཐོ་རངས་ལྡང་བ་དང་། སྐྱབས་སེམས་བླ་མའི་རྣལ་འབྱོར་སོགས་སྔོན་འགྲོ་སྔོན་དུ་བཏང་ནས། རང་རྡོ་རྗེ་གཞོན་ནུར་གསལ་གདབ། ལུས་གནད་དྲང་པོར་བསྲངས་པའི་སེམས་དཔའི་སྐྱིལ་ཀྲུང་ངམ། མེ་ཐབ་དྲུག་འཆིང་ལ་གཡོན་པའི་ཐེ་བོང་གུང་མོ་སྲིན་ལག་གསུམ་གཡས་པས་ཧ་ཅང་དམ་དྲགས་པ་མིན་པར་འཆིང་བར་བྱས་པའི་ངོས། འཇམ་རླུང་གཡས་གཡོན་དབུས་གསུམ་ནས་བུས་པས། ནད་གདོན་སྡིག་སྒྲིབ་ཐམས་ཅད་ཕྱིར་སངས་སངས་ཀྱིས་དོན་པར་བསམ། ཆུར་རྔུབས་པས་བླ་མ་ཡི་དམ་ཐམས་ཅད་ཀྱི་ཐུགས་རྗེའི་བྱིན་རླབས་འོད་ཟེར་གྱི་རྣམ་པར་རང་ལ་ཐིམ་པར་བསྒོམ། དེ་ནས་འོག་རླུང་ཅུང་ཟད་འཐེན་ཏེ་སྟེང་རླུང་མནན། མིག་གྱེན་དུ་ལོག་པར་བྱས་ནས་སྨིན་མཚམས་ཀྱི་ཐད་སོར་བཞི་ ― LT30_Page_0511 ―
[མ་དཔེ་གཟིགས་ན་འདིར་གནོན།]
ཙམ་གྱི་ཐད་དུ་མིག་བལྟས་པས། ཐོག་མར་ཕྱི་དབྱིངས་ནམ་མཁའ་སྐྱ་ཝལ་གྱིས་འཆར། ནང་དབྱིངས་ནག་པོ་ལྷུང་བཟེད་ཁ་སྦུབ་པ་ལྟ་བུ་ཞིག་འཆར། །གསང་དབྱིངས་འོད་མཐིང་ཁ་ཞིག་འཆར་རོ། །ཡང་མིག་ནན་མིག་གཡོན་པའི་ཟུར་དུ་ཕབ་ལ་བལྟ། མིག་ལ་རང་གི་ཁ་ཆུ་སྲིན་མཛུབ་ཀྱིས་བྱུགས། ཡང་ཁ་ཆེས་ཀྱང་བྱུགས་གཡོན་ཟུར་དུ་ཐིག་ལེ་འོད་ལྔའི་དཀྱིལ་འཁོར་འཆར། བསྡུ་བའི་ཚེ་ཐིག་ལེ་མཛོད་སྤུར་བསྡུས་ལ། ཐིག་ལེ་མཐིང་ཁ་ཞིག་སྙིང་གི་དཀྱིལ་དུ་འབྲལ་མེད་དུ་བསྒོམ་པ་གནད་ཆེའོ། །མངོན་སུམ་གཏན་ལ་ཕེབས་པའི་རྟགས་སུ། དགོངས་མོ་གཉིད་ལ་འགྲོ་ཁ་དང་། ཞོགས་པ་གཉིད་སད་འཕྲལ་ལ་ཡང་ཐིག་ལེ་རྣམས་འགྲལ་མེད་དུ་འཆར་ཞིང་། དེ་ནས་ཐིག་ལེའི་དབུས་སུ་སྤྲུལ་སྐུའི་རྣམ་པའི་སྐུ་རྣམས་ཀྱང་དབུས་ནས་རིམ་བཞིན་སྐུ་སྐེད་ཡན་ཆད་དུ་སྣང་ལ་གཟུང་ཡུལ་དུ་མ་གྲུབ་པར་སྣང་། རེས་ཐིག་ལེ་གཅིག་གི་ནང་དུ་སྤྲུལ་སྐུ་བྱེ་བ་ས་ཡ་མ་འདྲེས་པར་སོ་སོར་འཆར། རེས་དེ་རྣམས་གཅིག་ཏུ་བསྡུས་ནས་འཆར། དེ་རྣམས་ནི་སྤྲུལ་སྐུའི་ཞིང་ཁམས་མཐོང་བ་ཡིན་ནོ། །དེ་ནས་ལོངས་སྐུའི་རྣམ་པ་འཆར་བ་ལ། སྤྲུལ་སྐུ་དེའི་དཔྲལ་བར་འཕྲད་ལ་རི་མོ་དོད་པ་དང་། དེ་ནས་ཤངས་དང་ཞལ་གྱི་བར་དུ་རི་མོ་དོད་པ་དང་། དེ་ནས་སྤྲུལ་སྐུ་དེ་རིམ་གྱིས་ཞི་ཁྲོའི་རྣམ་པར་སྤྲོ་བསྡུའི་ཚུལ་གོང་བཞིན་འཆར་བའོ། །དེ་རྣམས་ནི་ལོངས་སྐུའི་ཞིང་ཁམས་མཐོང་བའོ། །དེ་ནས་ཞི་ཁྲོ་དེ་རིམ་བཞིན་ཁྲོ་བོའི་སྐུ་ ― LT30_Page_0512 ―
[མ་དཔེ་གཟིགས་ན་འདིར་གནོན།]
འཇིགས་ཤིང་སྐྱི་གཡའ་བ། ཆེ་བ་རི་རབ་ཙམ། ཆུང་བ་ཡུངས་འབྲུ་ཙམ་ལ་ཞལ་རས་འཇིགས་ཤིང་རྔམས་པ། སྟག་ཤམ་རྣམས་ལ་ཁྲག་གི་ཐིག་ལེ་དངོས་སུ་ཡོད་པའི་རྣམ་པར་འཆར་བའོ། །དེ་རྣམས་ནི་ཆོས་སྐུའི་ཞིང་ཁམས་མཐོང་བ་ཡིན་ནོ། །སྤྲུལ་སྐུའི་ཞལ་རས་མཐོང་ནས་འཇའ་ལུས་འགྲུབ་པར་ཐེ་ཚོམ་མེད་པའོ། །ཁྱད་པར་ལུ་གུ་རྒྱུད་འཆར་བ་དེའི་དཀྱིལ་དུ་བལྟ་བ་གནད་ཡིན་ཅིང་། མུན་ཁྲིད་དང་མུན་ཁང་བྱས་ཚེ་སུན་ཉམས་འོང་བས། གཱ་བའི་པགས་པ་མཉེན་དུལ་སོང་བའི་ཕྱི་གོས་ཆེན་ནག་པོས་བཏུམས་པའི་མཐའ་འདྲིལ་བྱས་ལ། མིག་ལ་གསེང་ཡོད་པའི་མིག་ར་བྱས་ཏེ་མིག་ལ་བཀབ་ནས་སྔར་བཞིན་ཉམས་ལེན་བྱས་ན་མཚན་སྣང་རྣམས་འཆར་ཞིང་། གལ་ཏེ་ལྟག་རྩ་ན་བ་དང་། དབུགས་སྟོད་དུ་འཚང་བ་སོགས་བྱུང་ན། ལྟ་སྟངས་ཅུང་ཟད་ཀློད་ལ་དབུགས་སོ་བར་དུ་དལ་བུས་བཏང་ཞིང་སེམས་རང་བབས་སུ་བཞག་པ་དང་། ཛཱ་ཏི་དང་མར་བསྲེས་ལ་ལྟག་རྩར་བྱུགས་པས་ཁད་ཀྱིས་སེལ་བར་འགྱུར་རོ། །མི་མང་པོ་ཡོད་པའི་སར་ཡང་རང་གི་ཉམས་ལེན་གྱི་དྲན་པ་མ་ཡེངས་པར་སྙིང་ཁའི་ཐིག་ལེ་མཐིང་ག་དེ་འབྲལ་མེད་དུ་བསྒོམ་ཞིང་། རྒྱུན་དུ་རིག་པ་མིག་གི་ནང་དུ་ཧྲི་གེ་དྲངས་ལ་བསྒོམས་པས། རིག་པ་གསལ་རིག་སྟོང་གསུམ་ནམ་མཁའ་དྭངས་པ་ལྟ་བུ་ལ་མདུན་གྱི་ནམ་མཁའ་ལ་ཐིག་ལེ་དབུས་མཐིང་ཀ་མཐའ་འཇའ་ཚོན་ ― LT30_Page_0513 ―
[མ་དཔེ་གཟིགས་ན་འདིར་གནོན།]
སྣ་ལྔ་འཕྲོ་བ་དང་བཅས་པ་མཐོང་བ་ནི། ཆོས་སྐུ་ཐིག་ལེ་ཉག་གཅིག་མཐོང་བ་ཡིན་པས། འཇའ་ལུས་སུ་འགྲུབ་ཅིང་སེམས་སྐྱེ་མེད་ཀྱི་དོན་རྟོགས་པར་འགྱུར་རོ། །ཕུར་བུ་ཐལ་འབྱིན་གྱི་དགོངས་པ་བཞི་པ། ཙན་དན་ལྟ་བུའི་གང་ཟག་གིས་མཚན་མ་རྫས་ཀྱི་ཕུར་པ་དགྲ་བགེགས་ལ་འདེབས་པའི་སྒོམ་རིམ་ནི་གཞན་ཏུ་ཤེས་པར་བྱའོ། །སྤྱི་དོན་གསུམ་པ་རྗེས་ཀྱི་བྱ་བ་ལ་བཞི། སྤྱོད་པས་བོགས་དབྱུང་བ་དབང་གིས་གདིང་བཙལ་བ། དམ་ཚིག་གིས་དོན་ལས་མི་འདའ་བ། འབྲས་བུར་ལ་བཟླ་བའོ། །དང་པོ་ལ་གསུམ། རྒྱ་ཆུང་བ་དམན་པའི་སྤྱོད་པ། རྒྱ་ཆེ་བ་བསམ་གྱིས་མི་ཁྱབ་པའི་སྤྱོད་པ། ཁྱད་འཕགས་རྨད་དུ་བྱུང་བའི་སྤྱོད་པའོ། །དང་པོ་གཉིས་ནི་ཉན་ཐོས་བྱང་ཆུབ་སེམས་དཔའི་སྤྱོད་པའོ། །འདིར་ལག་ཏུ་བླང་བྱ་ཕྱི་མ་སྟེ། དེ་ལའང་གསུམ། གཉིས་མེད་ལྟ་བ། རླབས་ཆེན་ཐབས། གདུག་པ་འདུལ་བའི་སྤྱོད་པའོ། །དང་པོ་ནི། ཕུར་པ་མྱང་འདས་ཀྱི་རྒྱུད་ལས་གསུངས་པའི། །གཉིས་མེད་ལྟ་བ་གདིང་དུ་གྱུར། ཞེས་པ་ལ་སོགས་པ་དང་། གཉིས་པ་ནི། དུག་ལྔ་ལམ་དུ་ཁྱེར་བའི་ལྟ་སྤྱོད་རྣམས་དང་། གསུམ་པ། ཞིང་བཅུ་ཚར་གཅོད་པའི་སྤྱོད་པ་རྣམས་འདོར་དུ་མི་རུང་བས་སྲོག་ཏུ་བསྟེན་ཅིང་། མདོར་བསྡུ་ན། ཐབས་ཀྱིས་སྤྱོད་པའི་འགྲོ་དོན་ཏུ། །བྱམས་དང་སྙིང་རྗེས་གང་འདུལ་བ། །ཞེས་པས་ཕྱི་ནང་འབྱུང་བས་བསྡུས་ ― LT30_Page_0514 ―
[མ་དཔེ་གཟིགས་ན་འདིར་གནོན།]
པའི་སྣང་བ་ཐམས་ཅད་ཆེ་མཆོག་སྐུའི་དལ་དུ་གསལ། །སྒྲ་སྐད་ཀཱི་ལ་ཡ་ཆོས་ཉིད་རང་སྒྲར་ཤར། །དྲན་རྟོག་ཐམས་ཅད་ཡེ་ཤེས་ཀྱི་ངར་འོད་དུ་རང་གསལ་ཏེ། དེ་ལྟར་ཤེས་པས་མི་དགེ་བཅུ་སྐྱེ་བའི་ཡུལ་མེད། སྤྱོད་པ་ཐམས་ཅད་དགེ་བ་བཅུའི་ངང་དུ་སྤྱོད། སྣང་བ་ལྷར་ཤེས་པས་ཆགས་སྡང་དང་གཟུང་འཛིན་གྱི་ཡུལ་མེད། གྲགས་པ་སྔགས་སུ་ཤེས་པས་སྒྲ་སྙན་མི་སྙན་ལས་གྲོལ། དྲན་རྟོག་ཐམས་ཅད་ཡེ་ཤེས་སུ་གསལ་བས་རྣམ་ཤེས་ཚོགས་བརྒྱད་ཀྱི་རྟོག་པ་མི་འཁྲུགས་པར། ཡེ་ཤེས་མི་ཟད་པ་རྒྱན་གྱི་འཁོར་ལོར་གསལ་ཏེ། ཅི་བྱེད་ཐམས་ཅད་དེའི་ངང་ནས་མ་ཡེངས་པར་སྤྱོད་དོ། །དེ་ལྟར་མ་རྟོགས་པའི་སེམས་ཅན་ལ་སྙིང་རྗེ་བསྐྱེད་ཅིང་འཕྲོ་འདུས་གནས་པར་བྱ་བ་ནི་སྤྱོད་པས་ལྟ་སྒོམ་གྱི་བོགས་དབྱུང་བའོ། །གཉིས་པ་དབང་གིས་གདིང་བཙལ་བ་ནི། སངས་རྒྱས་ཕྲིན་ལས་རྫོགས་མཛད་ནས། །དབང་དང་བྱིན་རླབས་འདིར་སྩོལ་ཅིག །ཅེས་པས་དེ་ལྟར་གོང་གི་ལྟ་སྒོམ་སྤྱོད་པ་གསུམ་པོ་དེ། རང་གི་རྒྱུད་ཐོག་ཏུ་ཁེལ་བས་སངས་རྒྱས་ཐམས་ཅད་ཀྱི་ཕྲིན་ལས་དུས་གཅིག་ཏུ་རྫོགས་ཏེ། སྒོ་གསུམ་ཐམས་ཅད་ལྷ་ཡི་རང་བཞིན་ཏུ་གསལ་ཞིང་ཆོས་ཉིད་དུ་རྫོགས་ནས་གཉིས་སུ་མེད་པ་བདེ་བ་ཆེན་པོར་རྫོགས་པ་ནི་དབང་ཐམས་ཅད་ཀྱི་མཆོག་ཡིན་ནོ། །ཆོས་ཉིད་བདེ་བ་ཆེན་པོའི་དབང་ངོ་། །ཕྱི་ནས་བསྐུར་བའི་དབང་ནི་བསྐུས་པ་དང་འདྲའོ། །ཞེས་གསུངས་སོ། ། ― LT30_Page_0515 ―
[མ་དཔེ་གཟིགས་ན་འདིར་གནོན།]
དེས་ན་ཕུར་པ་ཐལ་བ་བྱིན་གྱི་དགོངས་པ་རྣམ་བཞིས་བསྒྲུབ་པའི་འབྲས་བུ། རྟོགས་པ་ཆོས་ཉིད་ཀྱི་དབང་། རིག་པ་རྩལ་གྱི་དབང་། ཁམས་གསུམ་ཡོངས་སྒྲོལ་གྱི་དབང་། དྲག་པོ་ལས་ཀྱི་དབང་རྣམས་ཐོབ། དངོས་གྲུབ་ཆུང་ངུ་གྲུབ་པ་བརྒྱད། འབྲིང་པོ་རིག་འཛིན། མཆོག་སྐུ་གསུམ་རྣམས་འབད་མེད་ལྷུན་གྲུབ་ཏུ་རྫོགས་པར་འགྱུར་རོ། །གསུམ་པ་དམ་ཚིག་ལ་བཞི། ཐུན་མོངས་སྤྱི། སྒྲུབ་པ། ཁྱད་པར། སྤྱོད་པ་རྒྱུན། གལ་མདོ་ངེས་པའི་དམ་ཚིག་གོ། །དང་པོ་ལ་རྩ་བ་གསུམ་དང་ཡན་ལག །གཉིས་པ་ལ་ཁྱད་པར་གྱི་དམ་ཚིག་ཉི་ཤུ། །གསུམ་པ་ལ་རྒྱུན་གྱི་དམ་ཚིག་བཞི། བཞི་པ་ལ་རྩ་བ་གསུམ། ཡན་ལག་བཅུ་གཉིས་པོ་རྣམས་ཉམས་པའི་རྒྱུ་བཞིས་མ་གོས་པར་བསྲུང་ཞིང་། ཉམས་ན་ཕྱིར་འཆོས་པ་ལ་འབད་པས་རྒྱུད་རྣམ་པར་དག་ཅིང་བསྐྱེད་རྫོགས་ཀྱི་འབྲས་བུ་དུས་ལས་མི་ཡོལ་བར་སྨིན་པར་འགྱུར། མདོར་ན་འདི་ཉིད་ཀྱི་གྲུབ་པའི་མཐའ་སྙིང་རྗེས་བསྒྲལ་བའི་དམ་ཚིག་ནི། ཞེས་པས་གོང་ལྟར་རྟོགས་པ་དེ་སྙིང་རྗེའི་བློས་མཚམས་སྦྱར་ཏེ། འགྲོ་བ་ཐམས་ཅད་སངས་རྒྱས་ཀྱི་ས་ལ་བསྒྲལ་སྙམ་པར་སེམས་བསྐྱེད་དོ། །དེའང་ཞེ་སྡང་གིས་བསད་ཅིང་གཏི་མུག་གིས་མནན་པ་མ་ཡིན་ཏེ། ཕུང་པོ་ཐམས་ཅད་རྡོ་རྗེའི་སྐུར་གྱུར་ཏེ། རྣམ་པར་ཤེས་པ་ཐམས་ཅད་ཆོས་ཀྱི་དབྱིངས་སྤྲོས་པ་དང་བྲལ་བ། ― LT30_Page_0516 ―
[མ་དཔེ་གཟིགས་ན་འདིར་གནོན།]
རྡོ་རྗེ་ལྟར་འཕོ་འགྱུར་མེད་པར་བསྒོམ་མོ། །སྒོ་གསུམ་དེའི་དོན་ལས་མི་འདའ་བ་ནི་དམ་ཚིག་ཐམས་ཅད་ཀྱི་མཆོག་གོ། །ཞེས་གསུངས་སོ། །བཞི་པ་འབྲས་བུར་ལ་བཟླ་བ་ནི། སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཅེས་པས་སྣང་བ་ཐམས་ཅད་ལྷའི་དལ་དུ་ཡེ་ནས་རྫོགས་ནས་ཞིང་ཁམས་ཐམས་ཅད་ཡེ་ཤེས་སུ་དག་པའི་སྣང་བ་འཆར་ཏེ། ཆོས་ཐམས་ཅད་རང་བྱུང་གི་ཡེ་ཤེས་སུ་རང་གསལ་བ་དེ་ཀ་སྤྲུལ་པའི་སྐུ། གསལ་བའི་དུས་རང་ན་སྤྲོས་པ་དང་བྲལ་བས་ཆོས་ཀྱི་སྐུ། དེ་གཉིས་དབྱེར་མེད་པ་བདེ་བ་ཆེན་པོ་ལོངས་སྤྱོད་རྫོགས་པའི་སྐུ། དེ་གསུམ་ཡེ་ནས་མ་བཅོས་པའི་རང་བཞིན་ཏུ་བཞུགས་པས་ངོ་བོ་ཉིད་སྐུའོ། །དེ་སེམས་ཅན་ཐམས་ཅད་ཀྱི་རྒྱུད་ལ་འཕོ་འགྱུར་མེད་པར་གནས་པས་རྡོ་རྗེའི་སྐུའོ། །དེ་ཉིད་རྟོགས་པ་དང་གོམས་པ་ལས་མཐར་ཕྱིན་པས་འབྲས་བུ་ཞེས་བྱའོ། །སྔགས་ཕྱི་རྒྱུད་པའི་འབྲས་བུ་བཞིན་གཞན་ནས་རེ་བ་མ་ཡིན་ནོ། །ཞེས་རྡོ་རྗེའི་གསུང་ལས་འབྱུང་བ་དང་། གཞན་ཡང་། །དོན་འདིར་རྨོངས་ན་སྲིད་པའི་འཁོར་བར་འཁྱམས། །དགེ་དང་མི་དགེའི་དབང་འགྲོ་ཆུ་བོས་གཡེངས། །འདི་མེད་གཞན་གྱི་འབྲས་བུས་འཚང་མི་རྒྱ། །འདི་དོན་རྟོགས་ན་འཁོར་བའི་གསེབ་ལས་ཐར། །དགེ་དང་མི་དགེའི་ལས་ཀྱི་དབང་མི་འགྲོ། །མཐོང་བའི་ཆོས་ལ་མངོན་ཏུ་མ་གྱུར་ཀྱང་། །ཚེ་འདི་འདས་མ་ཐག་ཏུ་མངོན་ཏུ་འགྱུར། །ཞེས་ ― LT30_Page_0517 ―
[མ་དཔེ་གཟིགས་ན་འདིར་གནོན།]
ཨོ་རྒྱན་གྱི་མཁན་པོ་བློ་ལྡན་མཆོག་སྲེད་ཀྱིས་གསུངས་པ་དང་། །ཡིད་གཉིས་ཐེ་ཚོམ་མེད་པར་མོས་བྱེད་ཅིང་། །སྒྲུབ་པ་སྣ་གཅིག་ཙམ་ཞིག་བྱས་གྱུར་ཀྱང་། །ཡིད་ལ་ཅི་འདོད་འགྲུབ་པར་མ་གྱུར་ན། །ཨོ་རྒྱན་བདག་གིས་ཕྱི་རབས་འགྲོ་བ་བསླུས། །ཞེས་པ་དོན་གསུང་རྡོ་རྗེའི་སྒྲ་ཆེན་ཡང་ནས་ཡང་དུ་བསྒྲགས་པ་ནི་མི་བསླུ་བའི་ཐ་ཚིག་གི་ངེས་པ་སྟེ། དབུལ་པོའི་ནོར་བཞིན་འཐོར་བ་སྡུད་པའི་དགོས་པར་མཛོད་ཅིག །བཀའ་ཡི་གཞུང་ཡིན་གཏེར་གྱི་མཛོད་འཛིན་ཉིད། །སྙན་བརྒྱུད་ཉིང་ཁུ་སྐལ་བཟང་ཐར་པའི་ལམ། །སྙིགས་ལ་མེད་ཐབས་མེད་པ་ཀཱི་ལ་ཡའི། །ཁྲིད་ཡིག་མདོར་བསྡུས་སྙིང་པོར་དྲིལ་ནས་འཆད། །ལམ་སྲོལ་འབྱེད་པོར་གྲགས་པའི་གཟི་བརྗིད་དང་། །མི་ལྡན་ཐེ་ཚོམ་མུན་པས་བློ་འཐུམས་ན། །བཀའ་གཏེར་སྣང་བའི་མཛོད་རྣམས་ཞལ་ཕྱེས་དང་། །ཡིད་ཆེས་པདྨོ་ཁོང་ནས་དགོད་པར་འགྱུར། །བྱིས་བློས་ནོངས་པ་དཀོན་མཆོག་རྩ་གསུམ་ལ། །སྙིང་ནས་བཤགས་སོ་དགེ་བས་འཁོར་འདས་ཀུན། །ཐལ་འབྱིན་དགོངས་པས་སྐུ་གསུམ་རོ་མཉམ་པ། །དཔལ་ཆེན་ཡོངས་རྫོགས་ཕྱག་རྒྱར་ཐེབས་གྱུར་ཅིག །ཅེས་པ་འདིའང་མི་འཕྲོག་པའི་མཁྱེན་པ་དང་། ཚད་མེད་པའི་ཐུགས་རྗེའི་བདག་ཉིད་རྗེ་བཙུན་འཇམ་པའི་རྡོ་རྗེའི་གསུང་ཟེར་བདུད་རྩིས་སྙིང་གི་པདྨོར་བྲན་པས་སྤྲོ་བའི་འདབ་མ་སད་པའི་ཚེ། །རྡ་ན་སཾ་སྐྲྀ་ཏའི་དགོངས་ ― LT30_Page_0518 ―
[མ་དཔེ་གཟིགས་ན་འདིར་གནོན།]
པ། བློ་ལྡན་མཆོག་སྲེད་ཀྱི་ཞལ་ལུང་ཕུར་བུ་སྒྲ་བཞིའི་རྒྱས་བཤད་དང་། འགྲེལ་ཆེན་འབུམ་ནག་གི་དགོངས་དོན་རྩ་བར་བཟུང་། ཆོས་དབང་སྤུ་གྲིའི་རྫོང་འཕྲང་གི་གདམས་པ་དང་། སངས་གླིང་ཐུགས་ཀྱི་ཉིང་ཁུའི་རྟོགས་པས་བདག་གྲོལ་སོགས་ཨོ་རྒྱན་དུས་གསུམ་མཁྱེན་པའི་རྡོ་རྗེའི་གསུང་རྣམས་ཀྱིས་མཛེས་རྒྱན་ཏུ་བསྟར། གདོད་མའི་མགོན་པོ་ཀུན་མཁྱེན་རྡོ་རྗེ་གཟི་བརྗིད་ཀྱི་གསུང་རབ་ལས་འབྱུང་བའི་ཁྲེགས་ཆོད་ཀྱི་གདམས་པ་དང་། བསམ་གཏན་གླིང་པའི་ཡང་ཕུར་ཐུན་མོང་བའི་རྫོགས་རིམ་འཕྲང་མགོ་གཏེར་ཆེན་ཤེས་རབ་འོད་ཟེར་གྱི་གསུང་རྣམས་ལྟོ་སྦྱར་བས་གདམས་ངག་གི་སྙིང་བཙུད་དེ། བཀའ་གཏེར་སྤྱི་ལ་ཁྱབ་པའི་དབང་དུ་བྱས་ནས་དཔལ་ཆེན་པོ་པདྨ་དབང་ཆེན་སོགས་མཚན་ཉིད་དང་ལྡན་པའི་ཡོངས་འཛིན་རྣམས་ཀྱི་ཞབས་རྡུལ་ལ་སྤྱི་བོས་རེག་པའི་རྒྱལ་ཁམས་པ་པདྨ་གར་གྱི་དབང་ཕྱུག་ཕྲིན་ལས་འགྲོ་འདུལ་རྩལ་གྱིས། དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་བསྟན་པ་དང་སེམས་ཅན་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག །དགེ་ལེགས་འཕེལ།། །། བསྙེན་སྒྲུབ་ཉམས་ལེན།― LT30_Page_0519 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་བཛྲ་ཀུ་མཱ་རཱ་ཡ། སྙན་བརྒྱུད་ཕུར་པའི་གནད་ཏིག་གི་བསྙེན་སྒྲུབ་ཉམས་སུ་ལེན་པ་ལ་སྦྱོར་དངོས་རྗེས་གསུམ་ལས། དང་པོ་སྦྱོར་བ་ཡོ་བྱད་ཀྱི་གཤོམ་ནི། དམ་ཚིག་གི་བྲིས་སྐུ་སོགས་རྟེན་བཀྲམ་པའི་མདུན་གྱི་སྟེགས་བུའམ་གཏོར་ཁང་ནང་དུ་འཛོམ་ན་རས་བྲིས་ཀྱི་དཀྱིལ་འཁོར་བཀྲམ། མ་འཛོམ་ན་མཎྜལ་སྟེང་མེ་ཏོག་སྔོན་པོའི་ཚོམ་བུ་གཙོ་བོ་གཅིག །འཁོར་བཅུ། དེ་རྒྱབ་སྒོ་བཞིའི་ཚུལ་དུ་བཀོད་པའི་ཁར་འཕྲུལ་སྟེགས་སྟེང་ཨེ་ཁྲོམ་ལ་བསྙེན་ཕུར་ཡུངས་ཀར་གྱི་ཐུམ་བུ་བཏགས་པ་ལ་བྱུག་བདུག་བྲབ་གསུམ་གྱིས་གཟི་བྱིན་བསྐྱེད་པ་བཀོད། མདུན་ཏུ་མཆོད་གཏོར་དབལ་བཤོས་ཐེབས་ཀྱུ་བཅུས་བསྐོར་བའི་གཡས་སུ་སྨིན་ལུགས་དམ་ཅན་སྤྱི་གཏོར། གཡོན་ཏུ་ཕུར་སྲུང་བཅུ་དྲུག་གི་གཏོར་སྤུངས། གསུམ་ག་དར་གདུགས་བཅས། དེའི་གཡས་གཡོན་ཏུ་སྨན་རཀ །ཆུ་གཉིས་ཉེར་སྤྱོད་བྲེང་ཚར་རམ་བསྐོར་བཤམ། རྒྱབ་ངོས་སུ་ཚེ་འབྲང་བུམ་གཟུགས། གཡས་གཡོན་ཏུ་མངར་གསུམ་སྦྱར་བའི་ཚེ་རིལ་ཆང་ཚེ་མདའ་དར་སྣ་མེ་ལོང་གཡུ་བྱང་ནྀྲ་ཡིག་བཏགས་པ་རྣམས་བཞག །གཞན་ཡང་སྔོན་འགྲོ་དཀར་བགེགས། གཏེར་སྲུང་གཏོར་འབུལ། ཚོགས་བྱེད་ན་དེའི་ཆས་དང་། ཆད་བརྟན། ཉེར་མཁོ་རྣམས་ཚོགས་པར་བྱའོ། །གཉིས་པ་བསྙེན་སྒྲུབ་ལས་སྦྱོར་གསུམ་ལས། དང་པོ་ནི། སྔོན་འགྲོ་སྣ་སེལ། སཱཙྪ་ཆུ་གཏོར། གསུང་རབ་ཀློག་པ། བཤགས་སྦྱོང་སོགས་སྤྱི་འགྲེ་ལྟར་ཅི་འགྲུབ་བྱ། ཕྱི་ ― LT30_Page_0520 ―
[མ་དཔེ་གཟིགས་ན་འདིར་གནོན།]
དྲོ་ཞིག་ནས་ཐུན་གྱི་དབུ་བརྩམས་ཏེ་རྣམ་འཇོམས་ཀྱིས་བསྒྲུབ་པའི་ཁྲུས་ཆབ་ཀྱིས་གནས་ཁང་ཡོ་བྱད་ཐམས་ཅད་ལ་འཐོར། དཀར་གཏོར་སྤྱི་འགྲོ་བཏང་། སྒོ་དྲུང་དུ་ཐོ་དཀར་པོ་བཙུགས་པ་ལ་རྒྱ་ཆེན་བསྐྱེད་བསྟིམས་སམ་གཏོར་འབུལ་ཡང་སྤྱི་ལྟར་བྱ། ཚིག་བདུན་དང་སྤྲོས་བྲལ་བདེ་ཆེན་ལྟ་བུའི་བརྒྱུད་འདེབས་བཏང་། སྐྱབས་འགྲོ་སེམས་བསྐྱེད་ཡང་དག་ཟབ་ཏིག་ཁ་བསྒྱུར་ཅན་ཚར་གསུམ། བགེགས་གཏོར་བྱིན་རླབས་བསྔོ་བ་རྣམས་སྨིན་ལུགས་ལྟར་སྤྱི་འགྲོ་བྱས། གུ་གུལ་བདུག །ཡུངས་ཐུན་དང་སུམྦྷ་ནིའི་དྲག་སྔགས་ཀྱིས་བགེགས་བསྐྲད། གཏེར་གཞུང་སྲུང་བའི་སྐབས་ལྟར་སྲུང་འཁོར་བསྒོམས་ལ་སྲུང་སྔགས་ལན་མང་དུ་བརྗོད། ཉིན་དང་པོར་ཕུར་པ་བྱིན་རླབས་ནི། བསྡུས་པ་གཏེར་གཞུང་དབུས་ནས་འབྱུང་བ་དེས་ཀྱང་འཐུས་མོད། ས་ཕུར་ལྟར་གྲུབ་ན་ལེགས་པས་སྔགས་སོ་སོར་བརྗོད་ལ་བྱུག་བདུག་བྲབ་གསུམ་དང་། བྱིན་རླབས་རྣམས་དེ་ལྟར་བྱས་ལ་ཨེ་ཁྲོམ་དུ་བརྟན་པར་གཟུག །གཏེར་གཞུང་། སངས་རྒྱས་ཐམས་ཅད་འདུས་པའི་བདག༔ སོགས་དང་སྔགས་མང་དུ་བརྗོད། དེ་ནས་མཆོད་པ་བྱིན་བརླབ། རྃ་ཡྃ་ཁྃ། རྣམ་དག་ཆོས་དབྱིངས་ངང་ཉིད་ལས༔རང་བྱུང་མཆོད་པའི་སྤྲིན་ཕུང་ནི། ཀུན་བཟང་མཆོད་པའི་སྤྲིན་ལྟ་བུས༔དཔག་ཡས་ནམ་མཁའ་གང་བར་གྱུར༔ ཨོཾ་བཛྲ་ཨརྒྷཾ་སོགས་ནས། ཤབྡ་པཱུ་ཛ་ས་མ་ཡེ་ཧཱུྃ། སརྦ་པཉྩ་ཨ་མྲྀ་ཏ་རཀྟ་བ་ལི༚་ཏ་ཨཱཿཧཱུྃ། ལན་གསུམ་ ― LT30_Page_0521 ―
[མ་དཔེ་གཟིགས་ན་འདིར་གནོན།]
བརྗོད། དེ་ནས་མངོན་རྟོགས་ཏིང་ངེ་འཛིན་རྣམ་གསུམ་ནས་བདག་མདུན་དབྱེར་མེད་དུ་བྱས་ལ་དམ་ཚིག་གི་དཀྱིལ་འཁོར་རྫོགས་པར་བསྐྱེད། །ཡེ་ཤེས་པ་སྤྱན་དྲངས་ནས་བསྟིམ། །ཕྱག་མཆོད་བསྟོད་པའི་བར་དུ་བཏང་། དེ་ན་མཛབ་དམིགས་བསྙེན་པ་མ་རྫོགས་པར་སྔགས་ཕྲེང་ཡབ་ཡུམ་ཞལ་དུ་འཁོར་བ་དོ་ལིའམ་འགལ་མེ་བསྐོར་བ་ལྟ་བུ་ཁོ་ནར་དམིགས་པ་གཏད་ལ་ཀཱི་ལ་འབྲུ་དགུ་པ་བཟླ་དགོས་པས། ཐོག་མར་ཕྲེང་བ་བྱིན་རླབས། སྤྱི་འགྲེའམ། དབྱངས་གསལ་དང་། ཨོཾ་རུ་ཙི་ར་མ་་པྲ་བརྟན་ཡེ་སྭཱ་ཧཱ། ཞེས་ལན་བདུན་བརྗོད་པས་བྱིན་རླབས་ནས་བཟླས་པ་ལ་འཇུག །ཐུན་མཐར་སྒྲུབ་སྔགས་ཕྲེང་སྐོར་ཙམ་བཟླ། དབྱངས་གསལ་ཡིག་བརྒྱ་རྟེན་སྙིང་རྣམས་ལན་གསུམ་གསུམ་བརྗོད་པས་ལྷག་ཆད་ཁ་བསྐང་ཞིང་བརྟན་པར་བྱ། ཡེ་ཤེས་ལྷ་ཚོགས་སོགས་ཀྱིས་སྟོང་ཚིག་ཕུལ། དགོངས་ཐུན་འདིའི་མཇུག་ཏུ་བཀའ་སྲུང་སྤྱི་བྱེ་བྲག་གི་གཏོར་འབུལ་རེ་གྲུབ་དགོས་པས་སྐབས་འདིར་སྨིན་ལུགས་དམ་ཅན་སྤྱི་གཏོར་དང་ཕུར་སྲུང་གཏོར་འབུལ་ས་ཕུར་ལྟར་མཛད་ན་ལེགས་ཤིང་ཉུང་དགོས་སྐབས་སྨིན་ལུགས་རྗེས་འབྲང་ནང་གསལ་དེས་ཀྱང་ཆོག །སྐབས་འདིར་དགོངས་རེ་བཞིན་གྲུབ་ན་ཉིན་དང་པོ་དང་། ཉ་སྟོང་བརྒྱད་གསུམ། བསྙེན་སྒྲུབ་ལས་གསུམ་སོ་སོར་གྲུབ་པའི་སྐབས། ཐམས་ཅད་ཀྱི་རྗེས་རྣམས་ལ་ཚོགས་མཆོད་རེ་ཕུལ་དགོས་པས་འདོན་ཆ་ཡང་དག་ཟབ་ཏིག་ནས་ལེན་དགོས། ཚོགས་ཀྱི་ཐོག་མར་བརྗོད་མེད་དོན་ ― LT30_Page_0522 ―
[མ་དཔེ་གཟིགས་ན་འདིར་གནོན།]
བཤགས་ཡེ་ཤེས་སྐུ་མཆོག་ཚར་རེ་གསུང་བ་ཕྱག་ལེན་ཡིན་ཅིང་། དེ་འཕྲོས་སྨན་གཏོར་རཀྟ་མར་མེའི་སྐོང་བ་བཅས་པའང་ཚར་རེ་མ་ཆགས་ན་གེགས། དེ་ནས་ཚོགས་བྱིན་རླབས་ནས་ལྷག་མའི་བར་དུ་བཏང་། ལྷག་མ་སྒྲུབ་པ་མ་གྲོལ་བར་སྣོད་གཅིག་ཏུ་ཁེབས་ཀྱིས་བཀབ། དེ་ནས་ཚོགས་མགྲོན་ལ་གཏོང་རག་མཆོད་བསྟོད་ལས་བྱང་ལྟར་དང་། མ་རྙེད་ཡོངས་སུ་སོགས་དང་ཡིག་བརྒྱ་བརྗོད་ལ་ནོངས་བཤགས་བྱ། འདིར་ནི་རྟེན་དང་སོགས་ཀྱིས་བརྟན་བཞུགས་བྱ། བདག་བསྐྱེད་འོད་གསལ་དུ་བསྡུ་ཞིང་ཐུན་མཚམས་ཀྱི་ལྷར་ལྡངས་པ་དང་བསྔོ་སྨོན་ཤིས་བརྗོད་རྣམས་ཟབ་ཏིག་ལྟར་བྱ། ཟབ་ཏིག་ལས་བླང་དགོས་རིགས་ཚོགས་མ་གཏོགས་གཞན་ཀུན་མཁྱེན་བླ་མ་ཉིད་ཀྱིས་མཛད་པའི་རྒྱུན་ཁྱེར་ལ་ཆ་ཚང་ཡོད་པས་དེ་ལྟར་གནང་བས་འཐུས། འདི་མན་ཆད་ཐུན་གཞན་རྣམས་ལ་དཀར་བགེགས་བསྔོ་བ་དང་བགེགས་བསྐྲད་རྣམས་མི་དགོས་པས་སྲོད་ཐུན་ལ་ཚིག་བདུན་གསོལ་འདེབས། ལེའུ་བདུན་ནས། དཔལ་ཆེན་རྡོ་རྗེ་གཞོན་ནུའི་དགོངས་པ་ཡིས་སོགས་ཚིག་རྐང་ལྔ། བསྐལ་པ་མེ་ལྟར་འབར་བའི་གཞལ་ཡས་སོགས་ཚིག་རྐང་ལྔ་གསུང་སྲོལ་སྣང་། དེ་ནས་སྐྱབས་སེམས། སྲུང་འཁོར་གསལ་འདེབས། མཆོད་པ་བྱིན་བརླབ། མངོན་རྟོགས་ནས་བསྟོད་པའི་བར་དང་། ཕྲེང་བ་བྱིན་རླབས་བཅས་བསྙེན་ཐུན་བཟུང་། ཐུན་མཇུག་སྒྲུབ་སྔགས། ཁ་སྐོང་སྟོང་ཚིགས་སོང་ནས་འོད་གསལ་བསྡུ་ ― LT30_Page_0523 ―
[མ་དཔེ་གཟིགས་ན་འདིར་གནོན།]
ལྡངས། བསྔོ་སྨོན་ཤིས་བརྗོད་བཅས་ཉལ་བའི་རྣལ་འབྱོར་ལ་འཇུག །ཐུན་རེ་རེ་བཞིན་མཆོད་པ་ཁ་གསོས་ལ་བདུད་རྩིས་བྲན་པའང་མ་ཆགས་པར་བྱ། ཕྱིར་ནང་ཐོར་ཐུན་ལ་ལྡངས་པའི་རྣལ་འབྱོར་གྱིས་ལྡངས། ངག་བྱིན་རླབས། བདུད་རྩི་རིལ་བུའམ་ཆོས་སྨན་མྱང་། ཚིག་བདུན་ནས་བཟུང་། མཇུག་གི་ཤིས་བརྗོད་པར་སྲོད་ཐུན་དང་འདྲ། དེ་ལྟ་བུའི་སྔ་དྲོ། ཕྱི་དྲོ། སྲོད་ཐུན་ཏེ་ཐུན་བཞིའམ། ཐོར་ཐུན་མི་ལྕོགས་ན། སྔ་ཕྱི་སྲོད་ཐུན་གསུམ་གཅོད་ལུགས་དེ་ཁོ་ན་ལྟར་ལས། ཕྱི་ཐུན་ནམ་དགོངས་ཐུན་གཤམ་དུ་གཏོར་འབུལ་མ་ཆགས་པ་དང་། ཚོགས་མཆོད་ནམ་གྲུབ་ཀྱང་སྐབས་དེར་ཕུལ་ལུགས་ཉིན་དང་པོར་སྨོས་པ་ལྟར་རོ། །དེ་ལྟ་བུའི་བསྙེན་པ་རབ་འབུམ་ཕྲག་བཅུ། མང་གྲུབ་ན་བདུན་རྫོགས་པ་དང་། གཉིས་པ་སྒྲུབ་པ་ནི། མཆོད་གཏོར་ཁ་གསོ། དཀར་བགེགས་བསྔོ་བ་བགེགས་བསྐྲད་བསྐྱར་གྲུབ་ན་ལེགས། སྲུང་འཁོར་གསལ་འདེབས། འདོན་འགྲིགས་སྔར་ལྟར་ལ། བཟླས་པའི་ཐོག་མར་སྒྲུབ་སྔགས་ལ། ཕཊ་ཛཿབཏགས་པས་མདུན་དཀྱིལ་གྱི་གོ་སར་ཛབ་ཁང་དབྱེ། ཐོག་མར་འབྲུ་དགུ་སྟོང་ཕྲག་ཙམ་བཟླ། དེ་ནས་དོ་ལི་ལ་སྤྲོ་བསྡུའི་དམིགས་གནད་སྦྱར་ཏེ་སྒྲུབ་སྔགས་བཅུ་བཞི་པ་བཟླས་པའི་དངོས་གཞི་བྱ། ཐུན་མཇུག་གི་བྱ་བ་སྔར་དང་འདྲ་བ་ལས་ཛབ་ཁང་རང་ལ་བསྡུ་བ་ཙམ་ཁྱད་པར་རོ། །དེ་ལྟ་བུས་སྒྲུབ་སྔགས་འབུམ་ཚོ་བཅུ་བཞི་ནི་ཚད་ཡིན་ལ། བྱེ་བ་བཟླས་ཀྱང་ཆོག་པ་གཏེར་གཞུང་ལས་གསུངས་སོ། །དེ་ལྟར་སྒྲུབ་པ་ཐེམས་ནས་ ― LT30_Page_0524 ―
[མ་དཔེ་གཟིགས་ན་འདིར་གནོན།]
གསུམ་པ་ལས་སྦྱོར་ནི། འདོན་འགྲིགས་དང་དམིགས་གནད་ཀྱི་གཞི་སྒྲུབ་པའི་སྐབས་དང་འདྲ་བ་ལས་བསྙེན་སྒྲུབ་སྔགས་སྟོང་རྩ་རེ་ཙམ་དང་། སྒྲུབ་སྔགས་ལ་སྤུ་གྲི་བཏགས་པ་བཟླ། ཐུན་རྗེས་སོགས་འདྲ། དམིགས་པ་རང་གི་ཐུགས་ཀའི་འོད་ཟེར་མདུན་བསྐྱེད་ལ་ཕོག །དེ་ལས་འོད་ཟེར་ཚ་ཞིང་རྩུབ་པ་འཕྲོས། ཁྲོ་བཅུ་ཕྲ་ཐབས་སྒོ་མ་དམ་ཅན་རྣམས་ལ་ཕོག་པས་དེ་རྣམས་ལས་སྤྲུལ་པའི་ཕོ་ཉ་དཔག་ཏུ་མེད་པ་འཕྲོས། བྱང་ཆུབ་སྒྲུབ་པ་ལ་བར་དུ་གཅོད་ཅིང་བསྟན་འགྲོ་ལ་འཚེ་བའི་དགྲ་བགེགས་ཐམས་ཅད་མངོན་སྤྱོད་དྲག་པོའི་ཕྲིན་ལས་དྲུག་གིས་མིང་ཙམ་ཡང་མེད་པ་རྡུལ་དུ་བརླག་པར་བསམ། སྔགས་གྲངས་ཁྲི་ཁྲག་ཏུ་གསུངས་ཀྱང་གོང་དུ་སྒྲུབ་སྔགས་མང་དུ་མ་སོང་ན་སྙོམས་ལས་མང་མི་བྱའོ། །གསུམ་པ་རྗེས་ནི། བཀྲ་ཤིས་པའི་ཆེད་མཐའ་རྒྱས་ཚེའི་སྒྲུབ་པ་སྦྱོར་ཏེ། བསྙེན་སྒྲུབ་ལས་གསུམ་གྲུབ་པའི་ཐོར་ཐུན་ནམ་སྔ་དྲོ་ནས་དབུ་བཙུགས། འདོན་འགྲིགས་སྔ་མ་ལྟར་ལ། བསྙེན་སྒྲུབ་བཟླས་པ་ཁྱུགས་ཙམ་སོང་རྗེས་གཏེར་གཞུང་གཤམ་གྱི། བདག་མདུན་བཛྲ་ཀུ་མཱ་རའི༔སོགས་ཀྱི་བཟླས་དམིགས་དང་། སྒྲུབ་སྔགས་གཤམ་དུ་ཚེ་ཤམ་སྦྱར་བ་བཟླ། ཐུན་མཐར་མདའ་དང་དམར་པོ་གཡབས་ལ་ཚེ་འགུགས་བྱ། ཐུན་རྗེས་སྔ་མ་རྣམས་དང་མཚུངས། འདི་ལ་སྤྱིར་ཇི་ཙམ་མང་ན་ལེགས་ཀྱང་། གྲངས་གཙོར་བྱེད་ན་འབུམ་ཕྲག་ལས་མི་ཉུང་བ་དང་། ཞག་གཙོ་བོར་བྱེད་ན་ཞག་བདུན་ལས་མི་ཉུང་བར་བྱའོ། །དེ་ལྟར་བསྙེན་སྒྲུབ་མཐའ་རྒྱས་བཅས་ ― LT30_Page_0525 ―
[མ་དཔེ་གཟིགས་ན་འདིར་གནོན།]
གྲུབ་པའི་ཐོར་ཐུན་ལྟ་བུ་མཆོད་པ་རྒྱས་པ་དང་གཏོར་འབུལ་ཚོགས་མཆོད་སོགས་བཟང་དུ་བཤམ། ཕྲིན་ལས་བཟླས་པ་ཚེ་སྒྲུབ་མ་སྐོང་སྟོང་ཚིགས་བཅས་སོང་ནས་སྲུང་མའི་གཏོར་ཆོག །བཤགས་སྐོང་ཚོགས་མཆོད་ཕུལ། ལྷག་མ་སྔར་བསགས་པ་རྣམས་དང་བཅས་ཕྱི་རོལ་དུ་བཏང་། ཆད་མདོ་དང་མཉམ་དུ་བཀའ་སྲུང་གཏོར་མའང་ཕྱི་རོལ་དུ་འབུལ་ཞིང་བརྟན་མ་བསྐྱང་། མཆོད་བསྟོད་ཕུལ། སྒྲུབ་སྔགས་ལ། ཀཱ་ཡ་སིདྡྷི་ཨོཾ། ཝཱཀ་སིདྡྷི་ཨཱཿ ཙིཏྟ་སིདྡྷི་ཧཱུྃ། སརྦ་སིདྡྷི་ཧྲཱིཿབཏག བརྒྱ་རྩ་སོགས་ཅི་འགྲུབ་བཟླ། མདུན་བསྐྱེད་ཀྱི་གནས་གསུམ་ནས་སྐུ་གསུང་ཐུགས་ཀྱི་དངོས་གྲུབ་ཐམས་ཅད་འོད་ཟེར་དང་། འབྲུ་གསུམ་དཀར་དམར་མཐིང་གསུམ་ཆར་བབས་པ་ལྟར་འཕྲོས་ནས་རང་གི་གནས་གསུམ་དུ་ཐམ་པས་དབང་དང་བྱིན་རླབས་དངོས་གྲུབ་མ་ལུས་པ་ཐོབ་པར་བསམས་ལ་ཟབ་ཏིག་ལྟར་དངོས་གྲུབ་བསྐུལ་ཚིག་བརྗོད། སྒྲུབ་རྟེན་བུར་བུ་ཚེ་འབྲང་རྣམས་གནས་གསུམ་དུ་གཏུགས། ཚེ་རིལ་ཆང་རོལ། དེ་ནས་ནོངས་བཤགས། རྟེན་བཞུགས་ཕྱིན་སྔར་ལྟར་དང་། བླ་མ་ཡི་དམ་ལྟ་བུའི་བསྔོ་སྨོན། ཞལ་ནས་གསུངས་པས་ཐོག་དྲངས་ཤིས་བརྗོད་རྒྱས་པར་བྱ། གྲུབ་ན་ཁ་སྐོང་དུ་ཞི་བའི་སྦྱིན་སྲེག་བསྙེན་སྒྲུབ་ཀྱི་བཅུ་ཆ་དགོས་པ་སྨིན་ལུགས་ལས་ཐམས་ཅད་པ་ལྟ་བུའི་ཆོག་ཅིང་། འབྲེལ་འཇོག་བསྙེན་སྒྲུབ་ཟླ་གཅིག་མ་ལྟ་བུ་ལ། བསྙེན་པ་བདུན་ཕྲག་གཉིས། སྒྲུབ་པ་ ― LT30_Page_0526 ―
[མ་དཔེ་གཟིགས་ན་འདིར་གནོན།]
བདུན་ཕྲག་གཉིས། ལས་སྦྱོར་ཉིན་གཅིག །ཚེ་སྒྲུབ་ཞག་གསུམ་ཙམ་བྱའོ། །ཞེས་པའང་ལུང་ཟིན་སྤྲུལ་པའི་ཆོས་རྒྱལ་རིན་པོ་ཆེ་དཔལ་ལྡན་འཆི་མེད་རྟག་པའི་རྡོ་རྗེས་ཉམས་པ་ཞེས་གསལ་འདེབས་སུ་ཀུ་ས་ལི་བློ་གྲོས་མཐའ་ཡས་ཀྱིས་ཕུལ་བ་དགེ་ལེགས་འཕེལ།། །། རྡོ་རྗེ་ཕུར་པ་མཁོན་ལུགས་ཀྱི་བསྙེན་ཡིག་དཔལ་ཆེན་ཐུགས་ཐིག― LT30_Page_0527 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཕུར་པ་མཁོན་ལུགས་ཀྱི་བསྙེན་ཡིག་དཔལ་ཆེན་ཐུགས་ཐིག་ཅེས་བྱ་བ་བཞུགས་སོ། ། ― LT30_Page_0528 ―
[མ་དཔེ་གཟིགས་ན་འདིར་གནོན།]
འཁོར་བ་ཕུར་བུ་ཡེ་ཤེས་འཁོར་ལོ་རུ། །བྱིན་རློབ་གློག་ལྟར་མྱུར་བའི་ཕྲིན་ལས་སྐུར། །བདེ་གཤེགས་གསང་བ་ཡོངས་སུ་རྫོགས་པ་དེས། །ཚེ་རབས་ཀུན་ཏུ་མི་འབྲལ་རྗེས་འཛིན་མཛོད། །འཁོན་སྟོན་རྡོ་རྗེ་ཅན་རྣམས་ཀྱི། །བྱིན་འདུས་གསང་བདག་སྒྲོལ་བའི་མགོན། །དབྱེར་མེད་དཔལ་ལྡན་བླ་མའི་ཞབས། །རིགས་ཀྱི་ཅོད་པན་མཆོག་ཏུ་བཅིངས། །དེ་ཡི་མཐུ་ལ་ཀཱི་ལ་ཡའི། །ངེས་གསང་ཆ་ཙམ་རིག་པ་དེས། །གཞན་ལའང་སྨན་ཆེན་འབྲས་བུ་བཞིན། །ཕན་འདོད་ཡིག་ཆུང་ཅུང་ཟད་འབྲི། །དེའང་རྡོ་རྗེ་ཕུར་པ་རྩ་ཐུང་གདམས་ངག་ཅན་གྱི་ལུགས་བསྐྱེད་རྫོགས་ཕྲིན་ལས་དང་བཅས་པས་མཆོག་ཐུན་དངོས་གྲུབ་སྒྲུབ་པར་བྱེད་པ་ལ། དབང་གི་ཆུ་བོས་རྒྱུད་སྨིན་ཅིང་། གཞུང་བཤད་ཆུ་བོས་བསྒོམ་བྱ་གཏན་ལ་ཕེབ་ ― LT30_Page_0529 ―
[མ་དཔེ་གཟིགས་ན་འདིར་གནོན།]
པའི་གང་ཟག་གིས། གདམས་པ་ཉམས་ལེན་གྱི་ཆུ་བོ་ལ། མན་ངག་གནད་ཀྱི་ཆུ་བོས་གཟེར་བཏབ་ནས་གྲོལ་བྱེད་ཀྱི་ལམ་སྒོམ་པའི་ཚུལ་ལ། སྟོད་ལས་དང་འབྲེལ་བ་བསྐྱེད་རྫོགས་ཀྱི་ཐབས་ཟབ་མོས་བྱང་ཆུབ་སྒྲུབ་པ་ལམ་གྱི་གཞིར་བཟུང་། སྨད་ལས་དང་འབྲེལ་བ་དྲག་པོའི་མངོན་སྤྱོད་ཀྱིས་བར་ཆད་བསལ་བ་ལམ་གྱི་ཆ་རྐྱེན་རྒྱུ་བྱས་ཏེ་ཉམས་སུ་ལེན་པ་ལ་གཉིས་འབྱུང་། དེ་ལའང་སྤྲོས་བཅས་སྤྲོས་མེད་དང་། སྨིན་སློབ་མོས་སློབ་ཀྱི་དབྱེ་བ་མང་དུ་འགྱུར་བ་ལས། འདིར་འཆད་པར་བྱ་བ་གཉིས། རྒྱུད་ལུང་གི་དངོས་བསྟན་མོས་སློབ་དང་། ཤུགས་བསྟན་སྤྲོས་མེད་ཀྱི་བསྙེན་རྐྱང་ཙམ་བྱ་བའོ། །དང་པོ་ལ་གཉིས། ས་བཅད་ཀྱི་དམིགས་འཛིན་པ། ལག་ལེན་རྒྱས་པར་ཕྱེ་བའོ། །དང་པོ་ནི། སྤྱི་ ― LT30_Page_0530 ―
[མ་དཔེ་གཟིགས་ན་འདིར་གནོན།]
བཤགས་བྱ་བ་ནས་རྫས་བཀྲམ་པ་ཡན་ཆད་ཡེ་ཤེས་ཀྱི་ལྷ་བསྙེན་པས་བསྙེན་པ་སྟེ། རྒྱུད་ལས། ཆོས་ཉིད་ཀྱི་བདེན་པའོ་ཞེས་པས་བསྟན་ཏོ། །མཚམས་བཅད་པ་ནས་ལྷག་ཆོག་གི་བར་ཀཱི་ལ་ཡ་བསྡུས་རྒྱས་གསུམ་སོགས་ཀྱིས་ཡེ་ཤེས་པ་དང་དམ་ཅན་ཉེ་བར་བསྙེན་པ་སྟེ། གསང་སྔགས་ཀྱི་བྱིན་གྱིས་བརླབས་པའོ་ཞེས་པས་བསྟན་ཏོ། །དེ་ནས་ངན་སྔགས་ཀྱི་རྒྱལ་པོ་དྲུག་གིས་ལས་སྒྲུབ་པའི་བར་ནི་སྒྲུབ་པ་སྟེ། སངས་རྒྱས་ཀྱི་མཐུའོ་ཞེས་པས་སོ། །ཚེ་ཁྲུས་ཀྱི་དགོངས་པས་གདབ་པ་མནན་སྲེག་འཕང་གསུམ་གྱིས་མཇུག་སྡུད་པའི་བར་ནི་འཁོར་བ་དབྱིངས་སུ་བསྒྲལ་བས་སྒྲུབ་ཆེན་ཏེ། ཨ་བྷི་ཙརྻའི་དུས་ལ་བབས་པའི་བརྣག་པ་འདི་ཁོ་ནའོ་ཞེས་པས་སྟོན་པར་བཞེད་དོ། །གཉིས་པ་བསྙེན་སྒྲུབ་ཡན་ལག་བཞིའི་ལག་ལེན་རྒྱས་པར་དབྱེ་བ་ལ་གསུམ། །དམིགས་བྱའི་ཡུལ་ལོ་ཏོག་ལྟ་བུ། སྒྲུབ་བྱེད་ཀྱི་ཐབས་སོ་ནམ་ལྟ་བུ། བསྒྲུབས་པའི་འབྲས་བུ་ནས་འབྲས་ལྟ་བུའོ། །དང་པོ་ལ་གཉིས། རང་བཞིན་དམིགས་པར་བྱ་བའི་ཡུལ་ཀུན་རྫོབ་ཙམ་དུ་ཕུང་ཁམས་སྐྱེ་མཆེད་སྣོད་བཅུད་ལྷར་ཤེས་ཤིང་། དོན་དམ་རང་བཞིན་མེད་པར་རྟོགས་པ་བདག་དོན་ཕུན་ཚོགས་ཤེས་རབ་ཀྱིས་བྱང་ཆུབ་སྒྲུབ་པའི་ཡུལ་དང་། སྙིང་རྗེས་དམིགས་པར་བྱ་བའི་ཡུལ་ཉམས་པ་བདུན་ལྡན་གྱི་དགྲ་དང་ཐར་པ་ལ་བར་དུ་གཅོད་པའི་བགེགས་འཁོར་བ་དང་ངན་སོང་གི་སྡུག་བསྔལ་ལས་སྒྲོལ་བ་གཞན་དོན་ཕུན་ ― LT30_Page_0531 ―
[མ་དཔེ་གཟིགས་ན་འདིར་གནོན།]
ཚོགས་སྙིང་རྗེས་མྱང་འདས་སུ་བསྒྲལ་བའི་ཡུལ་ལོ། །གཉིས་པ་སྒྲུབ་བྱེད་ལ་ལྔ། ཕུན་སུམ་ཚོགས་པ་ལྔས་བསྒྲུབ་པའི་གཞི་བཟུང་བ། དཀྱིལ་འཁོར་རྣམ་པ་གསུམ་གྱིས་དོན་གྱི་ཁོག་དབུབ་པ། ཁམས་གསུམ་གྱི་སྲོག་ལ་དབང་བསྐུར་ཞིང་སྲོག་ཡེ་ཤེས་སུ་དབང་བསྐུར་བ། སྤྱན་དྲངས་ཤིང་མཆོད་ཅིང་བསྙེན་ནས་དངོས་གྲུབ་བླང་བ། མནན་སྲེག་འཕང་གསུམ་གྱིས་ལས་ཀྱི་མཇུག་བསྡུ་བའོ། །དང་པོ་ལ་ལྔ། །གནས་རྫས་དུས་འཁོར་སྒྲུབ་པ་པོ་རྣམས་སོ། །གནས་ལ་གཉིས། བསྙེན་སྒྲུབ་ཀྱི་གནས་ནི། རྒྱལ་བ་དང་གྲུབ་ཐོབ་ཀྱིས་བྱིན་གྱིས་བརླབས་པ། །སའི་དཔྱད་སྤྱིར་ལེགས་ཤིང་སྒོས་དབུས་སུ་དཔལ་ཆེན་པོའི་དབྱིབས་ཅན་གྱི་རིའམ་བྲག་རི། །མཚམས་རྣམས་སུ་ཕུར་སྲུང་དམ་ཅན་གྱི་བླ་རྟགས་ཡོད་པ་རབ། མ་རྙེད་ན་རང་གི་ཡིད་དང་མཐུན་ཅིང་བར་དུ་གཅོད་པའི་མི་དང་ལྷ་འདྲེས་བདག་ཏུ་མ་བཟུང་བའོ། །དྲག་པོའི་ལས་སྦྱོར་གྱི་གནས་ནི། ལྷ་ཁང་གོག་པོ་ཕུང་ཤུལ་གྲོག་སྟོང་སོགས་ཤིན་ཏུ་གཉན་པ་ལ་བྱའོ། །རྫས་ནི་འཚོ་བ་ཟས། རྐྱེན་ཟློག་མཚོན། ནད་ཟློག་སྨན། ལྷ་མཆོད་པའི་ཡོ་བྱད་སྒྲུབ་རྟེན་མཆོད་པའི་རྫས་རྣམས་དང་། དགྲ་བསད་པའི་ཡོ་བྱད་དགྲ་དང་བགེགས་ཀྱི་ལིངྒ་ཐུན་རྫས། མནན་སྲེག་རྫས་ལ་སོགས་པ་གཞུང་བཞིན་ཚོགས་པའོ། །དུས་ནི། བསྙེན་པའི་དུས་རབ་བཞིའི་ཚེས་བརྒྱད་ཀྱི་སྔ་དྲོའམ། ཡར་ཚེས་ ― LT30_Page_0532 ―
[མ་དཔེ་གཟིགས་ན་འདིར་གནོན།]
གཟའ་སྐར་བཟང་པོའི་ཆ་དང་། སྒྲུབ་པའི་དུས་ཐ་ཆུང་བཞིའི་མར་གྱི་ཚེས་བརྒྱད་མགོ་ཕུར་བདུད་ཀྱི་ཉི་མ་སོགས་གཟའ་སྐར་ངན་པའི་དགོངས་མོ་ལ་འཇུག་གོ། །འཁོར་ནི་བསྙེན་པའི་སྐབས་ཞིང་སྔགས་ལྷན་སྐྱེས་སོགས་མཛེས་ལྡན་གྱི་ཡུམ། སྒྲུབ་པའི་སྐབས་ཁ་རལ་མེ་རག་མ་སོགས་སྒྲོལ་བའི་ཡུམ་དངོས་སུ་མེད་ན་མོས་པས་ཁྱབ་དགོས་ཤིང་། བསྙེན་སྒྲུབ་གཉིས་ཀར་ལུས་པོ་ཕུར་བུའི་དབྱིབས་སུ་འདུག་ཅིང་དད་པ་དམ་ཚིག་སྙིང་སྟོབས་དང་ལྡན་པའི་གྲོགས་ཇི་ཙམ་འཛོམ་པའོ། །སྒྲུབ་པ་པོ་ནི། སྔགས་སྤྱི་དང་ཁྱད་པར་ཕུར་པའི་ཆོས་ལ་མཁས་ཤིང་དབང་དང་དམ་ཚིག་ལྡན་པ་བློ་མི་འགྱུར་ཞིང་སྙིང་རྗེ་ཆེ་བ། སྦྱོར་སྒྲོལ་ཟབ་མོའི་གནད་རིག་པས་ཉམས་སུ་ལེན་པ་ལ་ཚོམ་པ་མེད་པའོ། །གཉིས་པ་ལ་གཉིས། སྔོན་ཏུ་འགྲོ་བའི་ལས་རིམ། དཀྱིལ་འཁོར་གསུམ་དངོས་བསྟན་པའོ། །དང་པོ་ལའང་བཞི་ལས། དང་པོ་སྤྱི་བཤགས་བྱ་ཞིང་ཕྱི་མཚམས་བཅད་པ་ནི། །བསྙེན་སྒྲུབ་ལ་འཇུག་པར་བརྩམས་པའི་ཚེ་སྒྲིབ་པ་སྦྱོང་ཞིང་བར་ཆད་མེད་པའི་ཆེད་དུ་སཱཙྪ་གདབ་པ། སྲོག་བསླུ་དགེ་འདུན་ཆོས་སྟོན། དཀོན་མཆོག་གི་རྟེན་ལ་མཆོད་པ་སོགས་དགེ་བའི་དཔུང་སྐྱེད་སྤྱི་དང་། བྱིན་དང་ལྡན་པའི་ཕྱིར་འབུམ་རྒྱས་བསྡུས་གང་རུང་། བདུད་འདུལ་བའི་ཕྱིར་ཏོག་གཟུངས། སྒྲིབ་པ་སྦྱོང་བའི་ཕྱིར་སྤང་སྐོང་། བཀྲ་ཤིས་པའི་ཕྱིར་བཀྲ་ཤིས་བརྩེགས་པ་འདོན། ― LT30_Page_0533 ―
[མ་དཔེ་གཟིགས་ན་འདིར་གནོན།]
ཚོགས་བསགས་པའི་ཕྱིར་ཆབ་གཏོར་དང་གསང་སྔགས་ནང་གཏོར་སོགས་རྒྱ་ཆེན་པོ་བཏང་། ཕྱི་མཚམས་ལ་གཉིས་ཀྱི། སྣང་བ་མིའི་མཚམས་གཅོད་པ་ཐོ་བཞག་ནས་བསྙེན་སྒྲུབ་གྲོལ་གྱི་བར་དུ་རང་ཐོའི་ཕྱིར་མི་འགྲོ། །དམིགས་འོག་ཏུ་མ་ཆུད་པ་མི་ནང་དུ་མི་བཏང་། ཀ་ཅ་བཏང་ལེན་མི་བྱ། མི་སྣང་བ་བགེགས་ཀྱི་མཚམས་གཅོད་པ་ལ་རྒྱལ་ཐོ་འཛུག་པ་དང་། ཁྲོ་བཅུའི་ཕུར་གདབ་གཉིས་བྱ་སྟེ། དེ་དག་ཀྱང་དཀྱིལ་ཆོག་བདུད་འཇོམས་རོལ་པ་ལྟར་ལག་ཏུ་ལེན་པའི་ཚེ། ཕྱི་བཤགས་རྣམས་གྲུབ་ཅིང་སྒྲུབ་པའི་ཡོ་བྱད་ལེགས་པར་ཚོགས་པ་ན། ཚིག་བདུན་གསོལ་འདེབས་སོགས་སྔོན་ཏུ་འགྲོ་བས། བདག་ཉིད་གཉུག་མའི་ཧེ་རུ་ཀར་གསལ་ཏེ། སྔོན་འགྲོ་གཏོར་མ་བྱིན་རླབས། སྔགས་ལན་གྲངས་བརྒྱ་རྩ་སོགས་ཀྱིས་བསྔོས། ཐེབ་ཀྱུས་ཁ་གསོས། མཐར་ཕྲིན་ལས་བཅོལ་ལ་གཏོར་མ་གཤེགས། རང་གི་མདུན་ཏུ་ཆུ་གཉིས་ཉེར་སྤྱོད་ཙམ་བཤམ། གནས་ཡོ་བྱིན་རླབས། སྐྱབས་སེམས། རྡོར་སེམས་ནས་ཏིང་ངེ་འཛིན་གྱི་དཀྱིལ་འཁོར་བསྡུས་པ་བསྒོམ་བཟླས་བསྡུ་བའི་བར་བྱ། དེ་མཚམས་ས་ཆོག་གི་སྐོར་ནི་སྒྲུབ་མཆོད་སོགས་ཀྱི་སྐབས་ལས་འདིར་མི་དགོས་པས། རང་ཉིད་རྡོ་རྗེ་གཞོན་ནུར་གསལ་བའི་ང་རྒྱལ་དེ་དང་མ་བྲལ་བར་སྒྲུབ་ཁང་གི་ཕྱི་རོལ་གོམ་པ་བདུན་བཅལ་པ་འི་སར་ཕྱོགས་བཞི་ཀར་རམ། མ་འཛོམ་ན་དེར་མོས་པས་སྒོ་མདུན་ ― LT30_Page_0534 ―
[མ་དཔེ་གཟིགས་ན་འདིར་གནོན།]
ལྟ་བུར་རྒྱལ་ཆེན་གྱི་སྔགས་བྲིས་པའི་ཐོ་གཟུག་ལ་མཆོད་གཏོར་འདོན་བྱ་བཅས་གཞུང་གསལ་བྱ། དེ་ནས་ཕུར་གདབ་བྱ་སྟེ། ཕུར་པ་བཅུ་སྐྱེར་བ་སོགས་ལས་སོར་བརྒྱད་དམ་བཞིའི་ཚད་ཅན་གྱིས་ཀྱང་རུང་བས་གསར་དུ་བཟོས་ཤིང་དངོས་སུ་གདབ་པ་སོགས་གྲུབ་ན་ལེགས་ལ། མ་གྲུབ་ན་དྲག་པོའི་ཕུར་པ་གཅིག་ལ་བཅུར་མོས་པས་བསྐྱེད་གདབ་སོ་སོར་བྱས་མཐར་སྒོ་དྲུང་དུ་ཨེ་གྲུ་གསུམ་ལ་གཟུག་ཀྱང་རུང་ཙམ་མོ། །གཉིས་པ་དམ་སྲི་མནན་པ་དང་སྒོ་བྱང་གདགས་པ་ནི་གཞུང་གསལ་ལྟར་གསེར་སྐྱེམས། རཾ་ཡཾ་ཁཾ། ཨོཾ་ཨཱཿཧཱུྃ། ལན་གསུམ་གྱིས་བྱིན་བརླབས་ནས། རིག་འཛིན་རྩ་བརྒྱུད་སོགས་ཀྱིས་མཆོད། མནན་རྗེས་ལས་བཞིའི་བྲོ་བརྡུངས་ངེས་པར་བྱ་དགོས་པས། གཞུང་འདི་ཉིད་ཀྱི་མཇུག་བརྟན་མ་སྐྱོང་བའི་རྗེས་འབྱུང་བ་དེ་ཉིད་འདིར་ལེན། སྒོ་བྱང་གཅིག་ལས་མི་བྱེད་ན་གཤིན་རྗེ་གཤེད་ཡ་ཐེམ་ལ་གདགས། །ར་སོག་ལ་དམ་སྲིའི་གཟུགས་བྲིས་པའི་སྙིང་གར། ཡ་མ་དམ་སྲི་མཱ་ར་ཡ་ནན་བྲིས་པ་མ་ཐེམ་གྱི་འོག་ཏུ་གཞུག་ལ། གཤིན་རྗེ་གཤེད་ཀྱིས་གདན་དུ་མནན་པར་བསམ། གསུམ་པ་ནང་མཚམས་བཅད་ཅིང་ནོང་བཤགས་བྱ་བ་ནི། འོག་ཏུ་འབྱུང་བ་འདིར་བླང་སྟེ། སྭ་བྷཱ་བ་སོགས། ཀཱི་ལ་ཡ་བརྗོད་ཅིང་། སྟོང་པའི་ངང་ལས་བདག་ཉིད་དཔལ་ཆེན་པོ་ནས། བྷཉྫ་ར་་ཧཱུྃ་ཕཊ་བར་གྱིས་བགེགས་གློ་བུར་དུ་འོངས་པ་བསྐྲད་ཅིང་ ― LT30_Page_0535 ―
[མ་དཔེ་གཟིགས་ན་འདིར་གནོན།]
བ་རྒྱལ་ནས་གཟིར་ཏེ་སྲུང་འཁོར་དྲུག་རིམ་བརྟན་པར་བསྒོམས་ལ་འདི་ནི་བསྙེན་སྒྲུབ་གྲོལ་གྱི་བར་མི་བསྡུ་བར་ཐུན་འགོ་རྣམས་སུ་གསལ་འདེབས་བསྐྱར་མ་རེ་བྱའོ། །དེ་ནས་དེའི་འོག་གི། བླ་མ་ཡི་དམ་སོགས་ཀྱིས་ཚོགས་ཞིང་གསལ་གདབ། རྡོ་རྗེ་སློབ་དཔོན་སོགས་ཀྱིས་ཚོགས་བསགས་ཤིང་དམ་འཆའ་བ་ལན་གསུམ་སོགས་དང་། སྤྱི་བཤགས་དྲི་མེད་བཤགས་རྒྱུད་ལས་འབྱུང་བ་ཡེ་ཤེས་སྐུ་མཆོག །དམ་ཚིག་ཉེར་བརྒྱད། ཡེ་ཤེས་མཁའ་འགྲོ། ལྟ་བའི་ཀློང་བཤགས་རྣམས་དང་། གཞུང་གསལ་སྒེར་བཤགས་རྣམས་ཚར་གྲངས་ཅི་འགྲུབ་བརྗོད། བཤགས་པའི་ཡུལ་ཞི་ཁྲོ་རབ་འབྱམས་ཀྱི་སྤྱན་སྔར་སྔར་བྱས་ཀྱི་དམ་ཚིག་ཉམས་ཆག་ལ་གནོང་འགྱོད་དྲག་པོ་དང་། ཕྱིན་ཆད་སྲོག་ལ་བབས་ཀྱང་མི་བྱེད་པའི་དམ་བཅའ་དང་བཅས་ཏེ་སེམས་མ་ཡེངས་པར་བརྗོད་པའི་མཐར་བདེ་གཤེགས་ཡབ་ཡུམ་རྣམས་ཀྱི་སྦྱོར་མཚམས་ནས་བྱང་ཆུབ་སེམས་ཀྱི་ཆུ་རྒྱུན་བྱུང་། །བདག་གི་སྤྱི་བོ་ནས་ཞུགས། སྒྲིབ་གཉིས་བག་ཆགས་བཅས་དག་པར་མོས་ལ་བཤགས་ཡུལ་བཤགས་མཁན་བཤགས་བྱ་ཐམས་ཅད་དོན་དམ་དུ་མ་གྲུབ་པར་སྒྱུ་མ་ལྟ་བུར་ཤེས་པས་ཡུན་རིང་དུ་མཉམ་པར་བཞག །མཐར་ཛཿཧཱུྃ་བྃ་ཧོཿས་ཚོགས་ཞིང་བསྡུ། བཞི་བ་དཀྱིལ་འཁོར་བྲི་ཞིང་རྫས་བཀྲམ་པ་ནི། འདིར་དྲག་པོ་ཆིག་ཆོད་ཀྱི་ལུགས་ཡིན་པས་ས་བརྟག་སློང་སྦྱོང་བཟུང་སོགས་མི་དགོས་ཏེ་སྟེགས་བུའི་འོག་ཁྲུ་གང་བརྐོས་པའི་ནང་དུ་རོ་ལྔ་ལ་སོགས་པའི་ཉེས་ ― LT30_Page_0536 ―
[མ་དཔེ་གཟིགས་ན་འདིར་གནོན།]
པས་མི་གོས་པ་དང་། མ་མོ་མཁའ་འགྲོས་དུར་ཁྲོད་ཀྱི་གཞལ་ཡས་ཁང་དུ་མཐོང་བའི་ཕྱིར། མི་རྟ་ཁྱི་བ་ལང་སྟེ་རུས་པ་ཆེན་པོ་ལྔ་བླུགས། དེའི་སྟེང་དུ་ཕྱི་རིན་པོ་ཆེ་དང་ནང་ཐོད་པའི་གཞལ་ཡས་ཁང་དུ་མཐོང་བའི་ཕྱིར་བྷནྡྷ་མཚན་ལྡན་གྱི་ནང་དུ་རིན་པོ་ཆེ་སྣ་ལྔ། འབྲུ་ལྔ་དྲི་ལྔ་ལ་སོགས་པ་བླུགས་པ་བཞག་པའི་ཁར་ས་གླུད་ཆག་གང་བ་བཞག་ལ་ལེགས་པར་གཅག་པའི་སྟེང་དུ་དཀྱིལ་འཁོར་སྟེགས་བུ་བརྩིགས་པའི་ཁར་མི་ལྤགས་ཀྱི་གཡང་གཞིའམ། མ་འབྱོར་ན་གཡང་གཞི་གང་རུང་དེར་མོས་པས་བཏིང་བ་ལ་བདག་ཉིད་འདུག །སྒྲུབ་གྲོགས་ཡོད་ན། མེ་ཏོག་ཐོགས་ལ། །སེམས་ཅན་ཀུན་གྱི་དོན་གྱིས་ཤིག །ཅེས་གསོལ་བ་གདབ་ཅིང་མེད་ན་ཡིད་ཀྱིས་མོས་ལ། །རང་བཞིན་དམིགས་བྱའི་ཡུལ་བསྒོམས་ལ། །རྡོ་རྗེ་གཞོན་ནུའི་རིག་འཛིན་རྣམས། །སོགས་ཤློ་ཀ་གཅིག་བརྗོད། ལངས་ཏེ་ཁ་ཤར་དུ་ཕྱོགས། །སྙིང་རྗེས་དམིགས་བྱའི་ཡུལ་བསྒོམས་ལ། སྙིང་རྗེས་བསྒྲལ་བའི་སོགས་ཤློ་ཀ་གཅིག་བརྗོད་པ་ནི་མན་ངག་གིས་ས་བཟུང་བའོ། །དེ་ནས་བ་བྱུང་། གུར་གུམ། རཀྟ་གསུམ་གྱི་ཆག་ཆག་གཞུང་ལྟར་གདབ། འདིའང་རྟོག་ཅན་གྱི་བློ་ངོར་བརྡའ་རུ་མཛད་ཀྱི་དངོས་སུ་ན། དྲི་ཆེན། དྲི་ཆུ། རང་བྱུང་གི་རཀྟའོ། །དེ་ལྟར་མི་འགྲུབ་ན་ཕྱིའི་རྫས་དེ་དག་ལ་བདུད་རྩི་རིལ་བུ་བསྲེ་དགོས་སོ། །དེ་ནས་ཐིག་གི་བྱ་བའང་གཞུང་ལྟར་ལ་རྡུལ་ཚོན་མི་འགྲུབ་ ― LT30_Page_0537 ―
[མ་དཔེ་གཟིགས་ན་འདིར་གནོན།]
ན་ཐིག་ཆེན་བརྒྱད་པོ་ལས་ཐིག་དང་། ཡེ་ཐིག་ཙམ་གདབ། རྡུལ་ཚོན་འགྲུབ་ན་དུར་ཁྲོད་ཀྱི་རུས་པ་ཁ་བསྒྱུར་བ་ལ་བྱ་དགོས་ཤིང་དེ་ཙམ་མི་འགྲུབ་ན་རུས་པའི་ཕྱེ་མ་བསྲེ་དགོས། རས་བྲིས་ལའང་སྐྱ་ཞལ་གྱི་གསེབ་ཏུ་ཁྲག་དང་རུས་ཆེན་བཏང་བ་མན་ངག་ཡིན་ནོ། །དཀྱིལ་འཁོར་གྱི་མན་ངག་དྲུག་ཏུ་སློབ་དཔོན་ཆེན་པོས་གསུངས་པ་ལས། བསྙེན་པའི་སྐབས་འཁོར་ལོ་རྩིབས་བརྒྱད། སྒྲུབ་པའི་སྐབས་རྒྱ་མདུད་དགུ་པ། ལས་སྦྱོར་སྐབས་ཨེ་ཁྲམ་ཉེར་གཅིག་སོགས་སོ་སོའི་སྐབས་དང་བསྟུན་དགོས་ཤིང་། དེའང་བསྙེན་སྒྲུབ་ལས་གསུམ་སོ་སོར་ཕྱེ་བའི་ཕྱོགས་ལ། སྐབས་འདིར་ཁྲག་གི་དཀྱིལ་འཁོར་ཟུར་གསུམ་པའི་སྟེང་ཁྲིའུར་བནྡྷའི་དཀྱིལ་འཁོར་ལ་སྡོམ་ཕུར་འགོད། བསྙེན་པའི་སྔགས་ཀྱང་གཞུང་བཤད་ལྟར་ན་ཀཱི་ལ་ཡ་འབྲུ་དགུ་བཟླ་བ་སོགས་སྣང་ཡང་། འདིར་བསྙེན་སྒྲུབ་གཅིག་ཆོད་ཀྱི་ལུགས་ལ། སྐབས་འདིར་དྲག་པོའི་དཀྱིལ་འཁོར་སྤྱི་མཐུན་རྡོར་དུར་ཁྲོད་མེ་རི་དང་བཅས་པ། རྟ་བབ་སྣམ་བུ་བཞི་པ། དབུས་སུ་གྲུ་གསུམ་མཐིང་ནག །ཟླ་གམ་གསུམ་དམར། དེ་རྒྱབ་སྤྱི་ལྟར་ན་འཁོར་ལོ་སེར་པོ་རྩིབས་བརྒྱད། ལུགས་འདིར་གནམ་ལྕགས་འཁོར་ལོ་རྩིབས་བཅུ་རྡོ་རྗེའི་ཕྲེང་བས་བསྐོར་བ། དམ་ཅན་ཁོར་ཡུག་སོགས་གཞུང་མཐུན་རྡུལ་ཚོན་ནམ་རས་བྲིས་བྱས་ཏེ་བཏིང་ལ་ཕུར་ཆ་བཀྲམ་སྟེ་དེའི་ཚད་སོགས་ལོགས་སུ་ ― LT30_Page_0538 ―
[མ་དཔེ་གཟིགས་ན་འདིར་གནོན།]
བཀོད་པ་ལས་ཤེས་པར་བྱའོ། །ཕུར་ཆ་ཚང་བ་ཡོད་ན་སྨོས་མ་དགོས། མེད་ན་འདིར་ལྟ་ཕུར་ཁྲོ་ཞལ་ཅན་གཅིག་དང་། སྲས་མཆོག་གི་ཕུར་པ་གཅིག་སྟེ་གཉིས་ནི་མེད་དུ་མི་རུང་ལ་དེ་དག་གི་མགུལ་དུ་དར་མཐིང་ནག་གི་ཅོད་པན་གདགས། །བདུད་རྩི་ལྔས་ཁྲུས་གསོལ། སྒྲུབ་གྲོགས་ཡོད་ན་གསོལ་གདབ་སྔར་ལྟར་བྱས་ལ་རང་གིས་ཤློ་ཀ་གཉིས་བརྗོད་ཅིང་ཡུལ་གཉིས་དྲན་པར་བྱས། གཙོ་ཕུར་དང་ཁྲོ་བཅུ་ལ་རང་སྔགས་དང་ཡུམ་རྣམས་ལ་ཧཱུྃ་རེ་བྲི། ཕུར་པ་གཅིག་ཁོ་ན་ཡིན་ན་སྔགས་བྱང་བསྡེབས་སུ་བྲིས་པའི་ཤོག་དྲིལ་བཏགས། བསངས་སྦྱངས་ནས། ཨཱ་བེ་ཤ་ཡ་ཨཱཿའི་བར་གཞུང་ལྟར་བྱིན་རླབས་བྱས་ནས་དཀྱིལ་འཁོར་ལ་འགོད་པའི་ཚིག་སོ་སོ་དང་བསྟུན་ནས་གནས་སོ་སོར་འགོད། དམ་ཅན་དབང་ཕྱུག་སོགས་ལ་གཏེར་མའི་ཕྱོགས་ནས་རྩང་ཕུར་འགོད་པར་གསུངས་ཤིང་ཕྱག་ལེན་མཛད་ཀྱང་བཀའ་མའི་ཕྱོགས་འདིར་སྒོམ་ཡན་ཆད་དངོས་སུ་འགོད། གཞན་རྣམས་རྗེའི་རྗེས་སུ་འབངས་འབྲེང་བས་འགོད་མི་དགོས་པར་བཤད། གལ་ཏེ་ཕུར་བུ་གཅིག་ལས་མེད་ན་གཙོ་བོའི་གནས་སུ་གཙོ་ཕུར་ཨེའི་གདན་ལ་བཞུགས། གཞན་རྣམས་ལ་རང་མདོག་དང་མཚུངས་པའི་ཚོན་སྦུངས་རེ་བྱའོ། །དཀྱིལ་འཁོར་གྱི་རྒྱབ་ཕྱོགས་སུ་ཞལ་ཐང་ཡོད་ན་བཀྲམ་པའི་མདུན་དུ་བདུད་རྩི་ལྔ་དང་ཤ་ལྔ་ལས་བྱས་པའི་གཏའ་གཏོར། དཀྱིལ་འཁོར་གྱི་མདུན་ཏུ་མཆོད་གཏོར་བཅས་དབྱིབས་སོགས་གཏོར་ཟློག་ཏུ་བཤད་ ― LT30_Page_0539 ―
[མ་དཔེ་གཟིགས་ན་འདིར་གནོན།]
པ་ལྟར་གྱི་གཡས་གཡོན་ཏུ་སྨན་རཀྟ་ཕབ་གཏར་ལྡན་པ་དཀྱིལ་འཁོར་གྱི་བྱང་ཤར་དུ་རེ་མ་ཏིའི་གཏོར་མ་ནལ་བུའི་ཤ་ལས་བྱས་པ་མིའི་ཕོ་བའི་ཚིལ་བུའི་སྤྲིན་ཆེན་གྱིས་དག་མས། རྨ་བྱའི་གདུགས་ཏེ་རྨ་བྱའི་མདོངས་གཅིག་གཏོར་མ་ལ་གཟུག་གོ། །ཤར་ལྷོར་ཤྭ་ན་མའི་གཏོར་མ་ཁྱི་དང་ཝ་དང་སྤྱང་ཀུ་དང་འཕར་བ་དང་། གཅན་ཟན་ཀུན་གྱི་ཤ་ལས་བྱས་པ། ལྷོ་ནུབ་ཏུ་བསེ་མོའི་གཏོར་མ་ཁྲག་དང་ཞག་དང་སྦྲང་དང་འོ་མ་ལས་བྱས་པ། ནུབ་བྱང་དུ་གིང་གི་གཏོར་མ་ཀ་ར་བུ་རམ་དང་ཁུར་བ་ལ་སོགས་པ་སྤྱན་གཟིགས་སྣ་ཚོགས་ལས་བྱས་པ། དཀྱིལ་འཁོར་གྱི་གཡོན་ཕྱོགས་སུ་དཀར་བདུད་ཀྱི་གཏོར་མ། དྲག་མཆོད་ཆུ་གཉིས་ཉེར་སྤྱོད་ཁ་གསོ་རྒྱུ་ཕྲེང་ཚར། སྟེང་རྒྱན་ཞིང་གི་གཡང་གཞི། ཟུར་བཞིར་ཞིང་གི་རྒྱལ་མཚན་དང་རལ་གྲི་སོགས་རྒྱན་ཙིཏྟ་དང་ཐོད་པའི་དྲྭ་ཕྱེད་སོགས་ཆེད་དུ་བཟོས་པ་མེད་ན་དེར་མོས་པའི་བླ་རེ་སོགས་ཅི་འབྱོར་བཤམ། ཚོགས་ཀྱི་ཡོ་བྱད་སོགས་ཉེར་མཁོ་རྣམས་འདུ་བྱས་ལ། ཤེས་རབ་རལ་གྲི་སོགས་བརྗོད། སྤྲོ་ན་གཞུང་གསལ་མ་ཏྲཾ་བསྒྲལ་ཆོག་སྐབས་འདིར་བྱ། ཟུར་གསལ་བྱིན་འབེབས་རྒྱས་པ་བྱ་སྟེ། དེའང་ཐོག་མར་ཛཿཧཱུྃ་བཾ་ཧོཿཞེས་སེ་གོལ་བསྣོལ་མར་བརྡབས་པས་སྟེང་གི་ནམ་མཁར་རྩ་བརྒྱུད་བླ་མ། དེ་འོག་རིགས་ལྔ་དང་ཕྱོགས་བཅུའི་སངས་རྒྱས། དེ་འོག་རིག་འཛིན་མཁའ་འགྲོ་རྣམས་ཀྱིས་ ― LT30_Page_0540 ―
[མ་དཔེ་གཟིགས་ན་འདིར་གནོན།]
ཐིབས་ཀྱིས་བྱོན་ནས་བྱིན་གྱིས་རློབ་པར་བསྒོམ། ས་མ་ཡ་ཧོཿབྱས་པས་ཡུམ་རྣམས་ཀྱིས་བསྐུལ། ས་མ་ཡ་སྟྭཾ། བརྗོད་པས་ཡབ་རྣམས་ཀྱིས་གནང་སྟེ་སྦྱོར་བ་མཛད་པའི་སྦྱོར་མཚམས་ནས་བྱང་སེམས་བབ། བདག་གི་སྤྱི་གཙུག་ནས་ཞུགས། སྒོ་གསུམ་གྱི་སྒྲིབ་པ་དག །སྐུ་གསུང་ཐུགས་ཀྱི་དངོས་གྲུབ་སྩལ་བར་མོས་ལ་རོལ་མོ་བསྒྲག་ཅིང་གསུར་ཆེན་གྱི་དུད་པ་བཏང་། དེ་ཡན་ཆད་ཀྱིས་ཉིན་དང་པོ་སྐྱོང་བའི་ཆོས་རྣམས་གྲུབ་བོ། །ཉིན་གཉིས་པ་ཐོར་ཐུན་ལ་གསོལ་འདེབས། སྔོན་གཏོར། གནས་ཡོ་བྱིན་རླབས། སྐྱབས་སེམས་ཡིག་བརྒྱ་ཚད་མེད་སྒོམ་པ་དང་མཚམས་གཅོད་ནས། བསྙེན་ཕུར་བསྐྱེད་པ་རྫོགས་ཀྱི་བར་བཏང་། བཤགས་པ་གང་རུང་རེས་ཆོག །བྱིན་འབེབས་ཀྱང་ཐུན་བཞི་གང་རུང་རེ་ལ་རྒྱས་པ་བྱ། རྒྱུན་ཏུ་གཞུང་དེས་འཐུས། ས་ལུགས་སོགས་ཕལ་ཆེར་ལ་བསྙེན་ཕུར་དང་སྲས་མཆོག་ཐ་དད་མི་མཛད་ཅིང་སློབ་དཔོན་ཆེན་པོས་མཛད་པའི་རྒྱ་གཞུང་འགའ་རེ་ནས་ཀྱང་དེ་ལྟར་བཤད། འོན་ཀྱང་མཐའ་གཅིག་ཏུ་མ་ངེས་པས་བཀའ་མ་འགའ་རེ་དང་གཏེར་མའི་ཕྱོགས་ཕལ་མོ་ཆེར་ཐ་དད་དུ་བཤད་པའང་འབྱུང་བས། སྐབས་འདིའི་བསྙེན་ཕུར་ཡང་དཀྱིལ་འཁོར་གྱི་གཙོ་ཕུར་ལ་དམིགས་དགོས། འོན་ཀྱང་འདི་ནི་ཐོར་ཐུན་ལ་ལན་རེ་ཙམ་ལས་མི་དགོས་སོ། །གཉིས་པ་དཀྱིལ་འཁོར་གསུམ་དངོས་བསྟན་པ་ལ་གསུམ། ཏིང་ངེ་འཛིན་གསུམ་ ― LT30_Page_0541 ―
[མ་དཔེ་གཟིགས་ན་འདིར་གནོན།]
བསྒོམ་པ། རྟེན་གཞལ་ཡས་ཁང་བསྐྱེད་པ། བརྟེན་པ་ལྷ་བསྐྱེད་པའོ། །དང་པོ་དེ་བཞིན་ཉིད་ཀྱི་ཏིང་ངེ་འཛིན་ནི་སྤྲོས་པ་ཐམས་ཅད་དང་བྲལ་བའི་སྟོང་ཉིད་བསྒོམ་པ་ཡིན། གཉིས་པ་ཀུན་ཏིང་ནི་དེ་ལྟར་མ་རྟོགས་པའི་སེམས་ཅན་ལ་སྙིང་རྗེ། གསུམ་པ་རྒྱུ་ཏིང་ནི་སྟོང་ཉིད་སྙིང་རྗེ་ཟུང་འཇུག་གི་རང་བཞིན་རང་སེམས་ཧཱུྃ་ཡིག་སྔོན་པོ་དཀྱིལ་འཁོར་བསྐྱེད་པའི་རྒྱུར་བསྒོམ་པའོ། །རྟེན་གཞལ་ཡས་ཁང་གི་རྣམ་དག་ནི་ཕུར་པ་གསང་རྒྱུད་ལས་རྒྱས་པར་འབྱུང་ཞིང་གདན་གཞུང་གསལ་རྣམས་ཤིས་པའི་གདན་ཟེར། དེའི་སྟེང་དུ་སྟོད་ལས་སྐབས་སེམས་ཅན་ཐམས་ཅད་ཀྱི་ཉོན་མོངས་པ་བསྡུས་ནས་གདན་ཏུ་བསམ་པ་དང་། སྨད་ལས་སྐབས་དགྲ་དང་བགེགས་གང་ཡིན་པ་གདན་ཏུ་བཏིང་བསམ་པ་ནི་མོས་པའི་གདན་ཞེས་བྱའོ། །བརྟེན་པ་ལྷ་བསྐྱེད་སྐབས། བདག་རྩ་བའི་དཀྱིལ་འཁོར་ཆོས་སྐུ། ཕྱོགས་བཅུ་ཁྲོ་བོའི་དཀྱིལ་འཁོར་ལོངས་སྐུ། ཕུར་པ་རྫས་ཀྱི་དཀྱིལ་འཁོར་སྤྲུལ་སྐུའི་ངོ་བོར་འབུམ་ནག་ལས་བཤད། དེའང་སྤྱི་ཙམ་དུ་རང་རྡོ་རྗེ་གཞོན་ནུར་བསྒོམ་པ་རྩ་དཀྱིལ། འཁོར་གྱི་ཁྲོ་བོ་ཁྲོ་དཀྱིལ། སྲས་མཆོག་གི་ཕུར་བསྐྱེད་རྫས་དཀྱིལ་ཡིན་ཅིང་། མདུན་གྱི་དཀྱིལ་འཁོར་བསྙེན་ཕུར་དང་བཅས་པ་ནི་བདག་ཉིད་དང་དབྱེར་མེད་དུ་མོས་དགོས་པས་དཀྱིལ་འཁོར་གསུམ་ག་ཚང་ལ། བྱེ་བྲག་ཏུ་དཀྱིལ་འཁོར་གསུམ་རེ་རེ་ལའང་དཀྱིལ་འཁོར་ ― LT30_Page_0542 ―
[མ་དཔེ་གཟིགས་ན་འདིར་གནོན།]
གསུམ་གསུམ་ཚང་སྟེ། རང་དཔལ་ཆེན་པོར་གསལ་བ་རྩ་བའི་དཀྱིལ་འཁོར། ཕུང་ཁམས་སྐྱེ་མཆེད་ཁྲོ་ཆུང་གིས་གཏམས་པ་རྩ་བའི་ཁྲོ་དཀྱིལ། ཕྱག་ཐ་མའི་ཕུར་བུ་རྩ་བའི་རྫས་དཀྱིལ་ཡིན་པ་བཞིན་དཀྱིལ་འཁོར་གཉིས་པོའང་འགྲེ་ཤེས་པར་བྱ། ས་བཅད་འདིའི་འཕྲོས་འོག་གི་ཁྲོ་དཀྱིལ་དང་། ཕུར་པ་རྫས་དཀྱིལ་བསྐྱེད་པ་རྣམས་ཡིན་ནོ། །གསུམ་པ་སྲོག་ཡེ་ཤེས་སུ་དབང་བསྐུར་བ་ལ། ཐོག་མར་སེམས་དཔའ་སུམ་བརྩེགས་ནི་རང་རྡོ་རྗེ་གཞོན་ནུར་གསལ་བ་དམ་ཚིག་སེམས་དཔའ། དེའི་ཐུགས་ཀར་ཙིཏྟ་རིན་པོ་ཆེའི་གཞལ་ཡས་ཁང་སྨུག་པོ་སོར་བཞིའི་ཚད་ཅན་གྱི་ཟླུམ་པོ་སྒོ་གཅིག་མདུན་ཏུ་བསྟན་པ་ལ་སྒོ་སྲུང་རྟ་མགྲིན་དམར་པོ། ཕྱག་མཚན་དམིགས་སུ་མ་གསལ་ལང་སྤྱི་འགྲེར་སྦྱོར་ན་པདྨ་བྷཉྫ་བསྣམས་ཤིང་ཞབས་བཞི་ལ་གསང་བའི་ཡུམ་བཞི་སྦྱོར་བ། དེའི་དབུས་སུ་ཉི་མའི་དཀྱིལ་འཁོར་གྱི་སྟེང་དུ་ཡེ་ཤེས་སེམས་དཔའ་རང་འདྲ་རྒྱན་དང་ཕྱག་མཚན་མེད་པ་ཚོན་གང་བའི་ཐུགས་ཀར་ཉི་དཀྱིལ་ལ་རྡོ་རྗེ་ནག་པོ་རྩེ་ལྔ་པའི་ལྟེ་བར་ཧཱུྃ་མཐིང་ཡུངས་འབྲུ་ཙམ་གྱི་མཐའ་སྐོར་དུ་ཀཱི་ལ་ཡའི་སྔགས་ཕྲེང་སྤུ་ཤད་ཀྱིས་བྲིས་པ་འདྲ་བས་བསྐོར་བར་བསམ་པ་ཏིང་ངེ་འཛིན་སེམས་དཔའ་འོ། །གཞུང་འདིར་རྡོ་རྗེ་མ་གསུངས་པས་ཉི་དཀྱིལ་ཧཱུྃ་ཁོ་ན་བྱས་ཀྱང་ཆོག །ཧཱུྃ་སྙིང་རྗེས་བསྒྲལ་བའི་སོགས་ཀྱིས་དེ་དག་གསལ་འདེབས་ལ་རང་སྲོག་འོད་ཀྱིས་ ― LT30_Page_0543 ―
[མ་དཔེ་གཟིགས་ན་འདིར་གནོན།]
སྣོད་བཅུད་ཐམས་ཅད་ལྷ་དང་གཞལ་ཡས་སུ་བྱས་ནས་ཁམས་གསུམ་གྱི་སྲོག་ལ་དབང་བསྐུར་ཞིང་འོད་བསྡུ། སླར་ཡང་ཧཱུྃ་གི་འོད་ཀྱིས་ཡེ་ཤེས་པ་གཙོ་བོ་ཡབ་ཡུམ་སྤྱན་དྲངས་ཏེ་རང་ལ་གཞུག །གནས་གསུམ་འབྲུ་གསུམ་གྱིས་མཚན། དེའི་འོད་ཀྱིས་སྐུ་གསུང་ཐུགས་རྡོ་རྗེ་སྤྱན་དྲངས་རང་གི་གནས་གསུམ་ལ་ཐིམ་པས་སངས་རྒྱས་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་རང་བཞིན་ཏུ་གྱུར་པར་མོས་ལ་སྔགས་ཀྱིས་ང་རྒྱལ་བཟུང་། སླར་ཐུགས་སྲོག་འོད་ཀྱིས་དབང་ལྷ་ཁྲོ་བོའི་དཀྱིལ་འཁོར་སྤྱན་དྲངས། གསོལ་བ་གདབ་སྟེ་འདི་སྐབས་ཇོ་ནང་སྤར་མར། །ཐབས་ཀྱི་ཅོད་པན་ཞེས་པ་ཡིག་ནོར་ཏེ། ཐབས་ཀྱི་སྤྱོད་པས་ཟེར་དགོས། བདུད་རྩི་བྱང་ཆུབ་སེམས་ཀྱི་དབང་བསྐུར་སྐུ་གང་དྲི་མ་དག་ཆུ་ལྷག་ཡར་ལུད་པས་སྤྱི་གཙུག་ཏུ་བཛྲ་ཧེ་རུ་ཀ །དཔྲལ་བར་བུདྡྷ། རྣ་ལྟག་གཡས་སུ་རཏྣ། ལྟག་པར་པདྨ། རྣ་ལྟག་གཡོན་ཏུ་ཀརྨ་ཧེ་རུ་ཀ་སྟེ་ཁྲོ་བོ་ལྔ་དང་། ཡུམ་ལྔ་དབྱིངས་ཕྱུག་མ་གཙོ་བོར་གྱུར་པའི་ཁྲོ་མོ་རིགས་ལྔས་དབུ་རྒྱན་པར་མོས། །འདི་ནི་སྔགས་གསར་མའི་ལུགས་ཀྱི་ཡན་ལག་བཞི་དང་བསྟུན་པ་ས་ལུགས་ཕུར་པའི་ཁྱད་ཆོས་ཏེ། ཕུར་གཞུང་གཞན་དང་བག་མི་མཐུན་ཀྱང་དོན་གྱི་གནད་གཅིག་ཏུ་འབབ་བོ། །ཁྲོ་དཀྱིལ་སྐབས་ས་ལུགས་ལ་འཁོར་ལོ་སེར་པོ་རྩིབས་བཅུའི་རྩེ་མོ་གཉིས་སྟེང་འོག །བརྒྱད་ཕྱོགས་མཚམས་སུ་བསྟན་པའི་སྦུབས་ཙ་ཅན་གྱི་ ― LT30_Page_0544 ―
[མ་དཔེ་གཟིགས་ན་འདིར་གནོན།]
དབུས་སུ་གཙོ་བོ། སྦུབས་སྟོང་རྣམས་ལ་ཁྲོ་བཅུ་སྟེ་གཞུང་ལ་ལར་མཚམས་གཅོད་ཀྱི་སྲུང་འཁོར་སྒོམ་ཚུལ་དང་གཅིག་པ་སྔགས་འཆང་ཆེན་མོས་སྟོང་ར་ཆོས་རྗེར་གནང་བའི་དྲིས་ལན་སོགས་སུ་བཤད་ཀྱང་རྗེ་བཙུན་གྱི་གཞུང་འདིར་རྙིང་ལུགས་གཞན་དང་མཐུན་པར་གདན་ཐབས་གནམ་ལྕགས་ཀྱི་འཁོར་ལོ་རྩིབས་བཅུ་པ་མཛད་པས་འདི་སྐབས་སྟེང་གི་ཁྲོ་བོ་ཤར་གཡས། འོག་གི་ཁྲོ་བོ་ནུབ་གཡོན་ཏུ་འགོད་དགོས། འགྲེལ་པ་འབུམ་ནག་ལས་ས་བོན་ཧཱུྃ་ཙམ་གྱིས་བསྐྱེད་པ་འདི་ཨ་ནུ་ཡོ་གའི་ལུགས་ཡིན་གསུངས་པ། མཁས་པ་འགའ་ཞིག་གིས་ཡོ་ག་གསུམ་ལ་ནང་གསེས་དགུར་དབྱེ་བའི་མ་ཧཱའི་ཨ་ནུ་དང་སྦྱོར་ན་འབྲེལ་ཆགས་པ་སྣང་ངོ་། །དམ་ཅན་སྣམ་བུ་ཁྲག་ཁྱམས་དཀྱིལ་འཁོར་ཕྱིའི་ཁོར་ཡུག་ལ་ཕུར་སྲུང་རྣམས་གཞུང་གསལ་ལྟར་དང་། སྒོམ་དོན་རྒྱས་པའི་ཕྱོགས་ལ་གནས་ཡུལ་མ་བརྒྱད་སྒོ་མ་བཅས་པ། དབང་ཕྱུག་ཉེར་བརྒྱད། བརྟན་མ་སོགས་ཆོས་སྐྱོང་དམ་ཅན་རྣམས་བསྒོམ་པ་རྗེ་ས་སྐྱ་པ་ཁུ་དབོན་བཞེད་པས་དངོས་སུ་གསལ་མ་ཐེབས་རུང་མོས་པས་ཁྱབ་པར་བྱའོ། །ཕུར་པ་རྫས་ཀྱི་དཀྱིལ་འཁོར་ནི་གདབ་པ་ཕྲིན་ལས་ཀྱི་ལུང་གི་རྩ་བ་ཡིན་པས་འཕྲོས་དོན་སྤྱིར་བཤད་པ་དང་། རྫས་དཀྱིལ་སྒོམ་དོན་བྱེ་བྲག་ཏུ་དབྱེ་བའོ། །དང་པོ་ལ་གསུམ། དང་པོ་བརྡལ་བ་ཆོས་ཉིད་ཀྱི་ཕུར་པ་སྟོང་ཞིང་བདག་མེད་པའི་སྤྲོས་བྲལ་གྱིས་ཡུལ་གཟུང་འཛིན་གྱི་རྣམ་རྟོག་ལ་གདབ་པས་མཚན་ ― LT30_Page_0545 ―
[མ་དཔེ་གཟིགས་ན་འདིར་གནོན།]
རྟོག་ཆོས་ཉིད་དུ་ཤར་བ་ཐེབས་པའི་ཚད་ཡིན་ཏེ་དེ་བཞིན་ཉིད་ཀྱི་ཏིང་ངེ་འཛིན་དང་སྦྱར་རོ། །གཉིས་པ་ཐུགས་རྗེ་བྱང་ཆུབ་སེམས་ཀྱི་ཕུར་པ་ནི་སྙིང་རྗེ་སྒྱུ་མ་ལྟ་བུས་ཡུལ་ཁམས་གསུམ་གྱི་སེམས་ཅན་ལ་གདབ་པས་བུ་གཅིག་པའི་མ་ལྟར་རང་ལས་གཞན་གཅེས་འབྱོངས་པ་ནི་ཐེབས་པའི་ཚད་དེ་ཀུན་ཏུ་སྣང་གི་ཏིང་ངེ་འཛིན་དང་སྦྱར་རོ། །མཚན་མ་རྫས་ཀྱི་ཕུར་པ་གཞུང་བཤད་ཀྱི་ཚད་དང་ལྡན་པས་ཡུལ་ཉམས་པ་བདུན་ལྡན་གྱི་དགྲ་བགེགས་ལ་འདེབས་པས་འོད་ཀྱི་གོང་བུར་ཧྲིལ་གྱིས་སོང་ན་ཐེབས་པའི་ཚད་དེ་ཉོན་མོངས་ཡེ་ཤེས་སུ་སྒྲོལ་བས་རྒྱུའི་ཏིང་ངེ་འཛིན་དང་སྦྱོར་རོ། །དེ་ལ་འདིར་ནི་རྫས་ཀྱི་ཕུར་བུ་གཙོར་སྨོས་ཏེ་དེའི་རྒྱུ་དང་ཚད་སོགས་གཞན་ཏུ་ཤེས། རྣམ་གྲངས་སྤྱིར་མང་བ་ལས་འདིར་ཕུར་པ་རྫས་ཀྱི་དཀྱིལ་འཁོར་ཏེ་དེའང་སྐབས་འདིར་སྲས་མཆོག་ལ་ངོས་བཟུང་ཞིང་། དཔེར་ན་རྒྱལ་པོའི་དཀོར་མཛོད་དུ་དཀོར་ནོར་གྱི་རྫས་སྣ་ཚོགས་པ་ཡོད་པ་བཞིན་ཏུ། འདི་ལའང་སངས་རྒྱས་ཀྱི་དཀྱིལ་འཁོར་ཡོངས་སུ་རྫོགས་ཤིང་དངོས་གྲུབ་གཉིས་ཀ་འབྱུང་བ་རྫས་ཀྱི་མཛོད་དང་འདྲ་བས་སོ། །སྲས་མཆོག་གི་གྲངས་ནི་བརྒྱ་རྩ་བརྒྱད། ཉེར་གཅིག །ཟབ་མོ་ཕུར་གཅིག་མར་འདོད་པ་སོགས་མང་ཡང་འདིར་སྲས་མཆོག་རིགས་ལྔར་བཤད་པས་ཕུར་བུ་ལྔའམ། མ་འབྱོར་ན་གཅིག །བཞུགས་གདན་ཨེ་གྲུ་གསུམ་སོགས་འདུ་བྱ། ཨེ་སྥ་ར་་སོགས་བརྗོད་ ― LT30_Page_0546 ―
[མ་དཔེ་གཟིགས་ན་འདིར་གནོན།]
པའི་ཚེ་བདག་གི་ཐུགས་ཀའི་ཧཱུྃ་ལས་ཨེ་མཐིང་ནག་སྤྲོས། ལྔ་ཡོད་ན་སྨུག་ནག་སོགས་སྤྲོས། གྲུ་གསུམ་རང་མདོག་ཏུ་བསྒྱུར་བའང་ཤེས་དགོས། གྲུ་གསུམ་འབར་བར་གྱུར་པའི་ནང་དུ། ཐུགས་ལས་སྤྲོས་པའི་སྒོ་མ་བཞི་དཔག་ཏུ་མེད་པས་དགྲ་བགེགས་གདུག་པ་ཅན་ཐམས་ཅད་བཀུག་བཅིངས་བསྡམས་མྱོས་བྱས་པར་བསམ། པེ་ཏ་འདིའི་སྔགས་ཀྱིས་ཡུངས་ཀར་ཕུར་བུ་ལ་གཏོར་བ་ནི་གཟི་མདངས་སྐྱེད་པ་སྟེ། ཕུར་བུ་ལ་ཁྲོ་ཆུང་གིས་གོ་མཚམས་མེད་པར་གཏམས་པར་བསམ། གུ་གུལ་གྱིས་བདུག་པ་ནི་ནུས་པ་བསྐྱེད་པ་སྟེ། གདུག་པའི་དཔལ་དང་མི་བཟད་པའི་ངར་ལྡན་པར་བསམ། ར་ཁྱི་ཕག་གསུམ་ཁྲག་གིས་ཕུར་རྩེ་ལ་བྱུགས་པ་ཆགས་པ་སྐྱེད་པ་སྟེ། ཐུགས་རྗེའི་ཆགས་པས་དམར་ནག་དུད་ཀ་རེག་ན་འཇམ་པ་ཞིག་ཏུ་གྱུར་པར་བསམ། ཐལ་སྦྱར་གྱིས་ཕུར་བུ་བླངས་པའོ། །ཨཱ་བེ་ཤ་ཡ་ཨ་བརྗོད་པའི་ཚེ་ཕྱོགས་དུས་ཀྱི་རྒྱལ་བ་སྲས་བཅས་ཐུགས་དམ་རྗེས་སུ་དགོངས་ཏེ་བུ་ཡུག་འཚུབས་པ་ལྟར་བྱོན་ནས་ཕུར་པ་ལ་ཐིམ་པར་བསྒོམས་པ་ནི་བདག་ཉིད་ཆེན་པོ་བྱིན་གྱིས་བརླབས་པའོ། །དེ་ནས་ཐལ་མོ་ཀ་པུ་ཏ་ཞེས་སོར་མོ་རྣམས་སྒུག་པོར་བྱས། ལྔ་པའི་རྟིང་པས་ཕུར་བུ་བཟུང་ལ། ཨོཾ་ཧ་ན་སོགས་བརྗོད་པས་བདག་རྩ་བའི་དཀྱིལ་འཁོར་ལས་སྤྲུལ་པའི་ཁྲོ་བོ་ཧཱུྃ་ཕཊ་ཀྱི་སྒྲ་སྒྲོགས་པ་དཔག་ཏུ་མེད་པ་སྲས་མཆོག་ལ་ཐིམ་པས་ཁམས་གསུམ་དུས་གཅིག་ ― LT30_Page_0547 ―
[མ་དཔེ་གཟིགས་ན་འདིར་གནོན།]
ལ་སྒྲོལ་ནུས་པའི་མཐུ་རྩལ་དང་ལྡན་པར་བསྒོམ་པ་རིགས་ཐམས་ཅད་པའི་ཁྲོ་བོར་བྱིན་གྱིས་བརླབ་པའོ། །དེ་ནས་རྡོ་རྗེ་རྩེ་གཅིག་པའི་ཕྱག་རྒྱ་ནི་ཆུ་སྲིན་རྣམ་གྲོལ་གྱི་རྒྱ་དང་དོན་གཅིག་པས་དེའི་གུང་མོས་བཟུང་ལ། བཛྲ་སཏྭ་སོགས་བརྗོད་པས་བདག་ཡབ་ཡུམ་གྱི་བྱང་སེམས་ལས་ཕྱག་མཚན་ཕྲ་མོ་གྲངས་མེད་པ་སྤྲོས་ཏེ་ཐིམ་པས་བདག་དང་སྲས་མཆོག་གཉིས་ཀ་སྐུ་གསུམ་གཅིག་གི་རང་བཞིན་ཏུ་མོས་པ་སྐུ་གསུང་ཐུགས་ཀྱི་བདག་ཉིད་དུ་རྫོགས་པར་བྱིན་གྱིས་བརླབས་པའོ། །ཏིཥྛནྟུའི་སྔགས་ཀྱིས་ཕུར་གདན་ལ་བཙུགས་པས་དགྲ་བགེགས་ཀྱི་སྙིང་དཀར་ནག་མཚམས་སུ་བཏབ་པར་མོས། སྐྱེ་མེད་རྣམ་དག་ཆོས་སྐུ་ལས་ལོངས་སྐུར་བཞེངས་པར་བསྐུལ། དབུས་ཀྱི་མཐིང་ནག་སོགས་ཀྱིས་ལོངས་སྐུ་ལས་སྤྲུལ་སྐུར་བཞེངས་པར་བསྐུལ། དེ་དག་གི་དམིགས་པ་གཞུང་ལྟར་ལ་ཧེ་རུ་ཀ་རིགས་ལྔ་ནི་མཐིང་ནག་སྨུག་ནག་སོགས་ཁ་དོག་དང་གཡས་བར་པའི་ཕྱག་མཚན་རྡོ་རྗེ་འཁོར་ལོ་སོགས་རང་རྟགས་སུ་བསྒྱུར་བ་ཙམ་ལས་ཆ་ལུགས་གཞན་གཙོ་བོ་ཇི་ལྟ་བའོ། །མཐིང་ནག་གྲུ་གསུམ་འབར་བའི་གནས་འདིར་གཤེགས། ཞེས་པའི་སྐབས་སྦྱོར་མཚམས་ནས་ཕྱིར་དོན་གྲུ་གསུམ་གདན་ལ་བཞུགས་པར་མོས། དཱིཔྟ་བཛྲ་སོགས་སྔགས་ཀྱིས་གསལ་འདེབས། ཨོཾ་ཧྲཱིཿཕཊ་གནས་གསུམ་བྱིན་རླབས་ནས་འདིར་མི་གསལ་ཡང་གཞན་རྣམས་སུ་མགྲིན་གཅིག་ཏུ་ ― LT30_Page_0548 ―
[མ་དཔེ་གཟིགས་ན་འདིར་གནོན།]
འབྱུང་བ་དང་། ལུགས་འདིའི་བསྟན་འཛིན་གཞན་གྱིས་བཤད་ཅིང་གལ་ཆེ་བས། ཕུར་པའི་དབལ་གྱི་ངོས་གསུམ་ལ་ཧཱུྃ་གསུམ་ཟུར་གསུམ་ལ་ཕཊ་གསུམ། རྩེ་མོར་ཨ་དཀར་པོས་མཚན་པས་ཡེ་ཤེས་གཅིག་གི་ངོ་བོར་གྱུར་པ་བསམ་པ་སྐུ་གསུང་ཐུགས་ཡེ་ཤེས་རྩེ་གཅིག་ཏུ་བརླབས་པའོ། །དེ་ནས་ཡེ་ཤེས་པ་སྤྱན་འདྲེན་ཅིང་བསྟིམ་པ། སྐུ་གསུང་ཐུགས་བྱིན་རླབས། དབང་བསྐུར་རྒྱས་གདབ་རྣམས་གཞུང་གསལ་ལྟར་ལ། ལག་ལ་བྱིན་རླབས་ཀྱི་སོར་བསྣོལ་རྡོར་བསྡམས་སྐབས་སུ་རིགས་ལྔ་ཡབ་ཡུམ་བསྐུལ་ཞིང་སྦྱོར་བ་མཛད། ལག་པའི་རྟིང་བའི་མཁྲིག་མ་བརྙལ་མཐེ་བོང་སྲིན་ལག་མཐེའུ་ཆུང་རྣམས་གཤིབས་པས་ཕུར་བུ་བཟུང་། མཐེ་བོང་ཅུང་ཟད་བསྒུལ་བས་བསྒྲིལ་ཞིང་ཨཱ་བེ་ཤ་ཡ་ཨ་བརྗོད་པས། ཡབ་ཡུམ་སྦྱོར་བའི་གཟི་བྱིན་དང་། མཐར་ཡབ་ཡུམ་རྣམས་ཀྱང་ཞུ་སྟེ་ཕུར་པ་ལ་ཐིམ་པས་སྟོང་ཁམས་གང་བའི་མེ་སྟག་འཕྲོ་ཞིང་གཟི་བརྗིད་དཔག་ཏུ་མེད་པར་གྱུར་ནས་ལས་ཐམས་ཅད་ཐོགས་མེད་དུ་སྒྲུབ་པའི་མཐུ་དབང་དང་ལྡན་པར་བསྒོམ། དེ་དག་ནི་སྲས་མཆོག་ལྷར་ཤེས་པ་ཡིན་ལ། ཕྱི་དབྱིབས་ཕུར་བུ་ནང་གཞལ་ཡས་ཁང་དུ་གྱུར་པའི་རྒྱ་མདུད་གོང་འོག་བཅུམ་གཞོག་བརྒྱད་ལ་ཁྲོ་བཅུ། རྒྱ་མདུད་འོག་མའི་ལོགས་ལ་སྒོ་མ་བཞི། དབལ་ངོས་གསུམ་ལ་དམ་ཅན་སྡེ་བཞི་བཞུགས་པར་མོས་པ་ནི་སྲ་མཆོག་གཞལ་ཡས་ཁང་དུ་ཤེས་པའོ། །དྲག་པོར་གྱུར་པའི་ཕུར་པ་སོགས་ནི་སྲས་ ― LT30_Page_0549 ―
[མ་དཔེ་གཟིགས་ན་འདིར་གནོན།]
མཆོག་ཕྱག་མཚན་ཏུ་ཤེས་པ་སྟེ་ལྷ་ཐམས་ཅད་ཀྱིས་ཐབས་ཤེས་ཕྱག་རྒྱས་རི་རབ་ཕུར་བུར་འདྲིལ་བ་རྣམས་ངོ་བོ་སྲས་མཆོག་ཁོ་ནར་འདུས་པའོ། །སྐུ་གསུང་ཐུགས་ཀྱི་དབང་བླང་བ་ནི། དཀྱིལ་འཁོར་གསུམ་གྱི་དཔྲལ་བའི་ཨོཾ་ལས་འོད་འཕྲོས། སངས་རྒྱས་ཐམས་ཅད་མཆོད། སྐུའི་བྱིན་རླབས་བསྡུས་ནས་སྲས་མཆོག་ལ་ཐིམ་པས་སྐུ་ཆེ་ལ་ཡན་ལག་རགས་པ་སྟོང་གསུམ་གང་བར་གྱུར། དེའི་དཔྲལ་བ་ནས་འོད་ཟེར་བདག་གི་དཔྲལ་བར་ཐིམ་པས་བདག་ཉིད་སངས་རྒྱས་ཐམས་ཅད་ཀྱི་སྐུ་དང་མཉམ་པ་དཔལ་ཆེན་པོར་དངོས་སུ་མོས་ལ་སྲས་མཆོག་དཔྲལ་བར་རེག་ཅིང་། ཛྭ་ལའི་སྔགས་བརྗོད། དེས་རིགས་འགྲེས་ཏེ། མགྲིན་པའི་ཨཱཿའི་འོད་ཀྱིས་མཆོད་པ་སྡུས་ཐིམ་པས་ལྗགས་པདྨ་འདབ་བརྒྱད་པའི་རྩེ་མོ་རྡོ་རྗེ་རྩེ་ལྔ་པས་མཚན་པ་ཀཱི་ལ་ཡའི་རང་སྒྲ་འབྲུག་ལྟར་སྒྲོགས་པ་ལས་འོད་ཟེར་རང་གི་མགྲིན་པར་ཐིམ་པས་སངས་རྒྱས་ཐམས་ཅད་ཀྱི་གསུང་དང་མཉམ་ལ་ཀཱི་ལ་ཡའི་རང་སྒྲ་ལྡིར་བར་མོས་ལ་མགྲིན་པར་རེག །ཧྲཱི་ཤོ་དྷ་ཡའི་སྔགས་བརྗོད། ཐུགས་ཀའི་ཧཱུྃ་གི་འོད་ཀྱིས་མཆོད་བསྡུས་ཐིམ་པས་ཟག་པ་མེད་པའི་ཡེ་ཤེས་ཀྱི་རང་བཞིན་ཏུ་གྱུར་པ་ལས་འོད་ཟེར་བདག་གི་སྙིང་གར་ཕོག་པས་སངས་རྒྱས་ཐམས་ཅད་ཀྱི་ཐུགས་དང་མཉམ་པ་དྲན་རྟོག་ཐམས་ཅད་ཡེ་ཤེས་ཀྱི་རོལ་པར་མོས་ལ་སྙིང་གར་རེག །སྔགས་བརྗོད། དེ་ལྟར་བྱས་པས་ལུས་ཀྱི་གཡོ་འགུལ་ཅི་བྱས་སངས་རྒྱས་ཀྱི་མཛད་སྤྱོད། ― LT30_Page_0550 ―
[མ་དཔེ་གཟིགས་ན་འདིར་གནོན།]
ངག་གིས་ཅི་སྨྲས་ཀཱི་ལ་ཡའི་སྔགས། རྟོག་ཚོགས་ཐམས་ཅད་ཡེ་ཤེས་ཀྱི་རོལ་པ། བཟའ་བཏུང་ཅི་བྱས་ཐམས་ཅད་ཚོགས་ལ་མཆོད་པར་འགྲོ་གསུངས། གཞུང་འདིར་ཚིག་སྣ་ཤིན་ཏུ་བསྡུས་པས་དམིགས་གནད་སོགས་རྒྱས་པར་མི་གསལ་ཞིང་། ཕུར་པ་མཁན་པོ་ཕལ་ཆེར་ཡང་རྡོ་རྗེ་ཕུར་པའི་འཕྲང་དམ་སྲོག་འདིར་སླེབ་པའི་ཚེ་མིག་བཙུམ་ནས་ཧོལ་རྒྱུག་བྱེད་པ་ཁོ་ནར་སྣང་བས་དམིགས་གནད་ཅུང་ཟད་རྒྱས་པར་དབྱེ་བར་ཟད་ཀྱིས། གཞུང་གི་དམིགས་གནད་མཐའ་དག་པ་ནི་འདིར་འབྲིར་མ་ལྡོངས་སོ། །བཞི་པ་སྤྱན་འདྲེན་མཆོད་བསྙེན་དངོས་གྲུབ་བླང་བ་ལ་དོན་བཞི་སྟེ། དང་པོ་སྤྱན་འདྲེན་པ་ནི་སྤྱིར་གང་གི་ཆེད་དུ་སྤྱན་དྲངས་པའི་གནས་སྐབས་མང་བ་ལས་འདིར་ཚོགས་གསོག་པའི་ཆེད་དུའོ། །ཕྱག་གི་མཆོད་པའི་སྐབས་ལ་ཨཱ་ཏི་པུ་ཧོཿ །ཞེས་དམ་ཚིག་པ་སྤྲུལ་པ་དཔག་མེད་བཅས་པས་ཕྱག་བྱས་ལ། ཡེ་ཤེས་པས་པྲ་ཏི་ཛ་ཧོཿབརྡའི་ལན་གྱིས་མི་འཇིགས་པའི་དབུགས་དབྱུང་བསྩལ་བར་མོས་ལ་དམ་ཡེ་བསྲེ། གཉིས་པ་མཆོད་པའི་བྱེ་བྲག་རྣམས་ལས་སྨན་མཆོད་སྐབས། རང་གི་མཐེ་བོང་ངོས་སུ་ཧྲཱིཿལས་རྟ་མགྲིན། སྲིན་ལག་ངོས་སུ་ཨ་ལས་བདུད་རྩི་མ། དེ་གཉིས་སྦྱོར་མཚམས་ནས་ལྷ་མོ་བདུད་རྩིའི་ཐོད་པ་ཐོགས་པ་མང་པོ་འཕྲོས་སྔར་བྱིན་གྱིས་བརླབས་པའི་བདུད་རྩི་དང་ལྷན་ཅིག་བླ་མ་དང་དཀྱིལ་འཁོར་པ་རྣམས་ལ་ཕུལ་བས་དེ་རྣམས་ཀྱི་གཡས་ཞལ་དཀར་པོའི་ལྗགས་རྡོ་རྗེའི་སྤུ་གུས་དྲངས་ཏེ་གསོལ་བས་ ― LT30_Page_0551 ―
[མ་དཔེ་གཟིགས་ན་འདིར་གནོན།]
མཉེས་པར་མོས། འདི་དག་གི་སྐབས་སུའང་དམིགས་པ་རྣམ་པ་གཉིས་ལས། ལྷ་རྣམས་ཆོས་ཉིད་དུ་མེར་གྱིས་སོང་ནས་སྐྱེ་མེད་ཀྱི་དོན་སྐུ་ཉམས་སུ་བསྟར་བ་མོས། མངོན་སྤྱོད་ལ་དམིགས་ན། ཞེ་སྡང་ཆེན་པོའི་ཐུགས་དམ་བསྐུལ། ལྷ་རེ་རེ་ལས་ཁྲོ་ཆུང་མང་པོ་དང་དེ་རེ་རེ་ལས་ཀྱང་ཡང་སྤྲུལ་དཔག་ཏུ་མེད་པ་འཕྲོས་པས་འཇིག་རྟེན་གྱི་ཁམས་གང་། མཚོན་ཆ་མང་པོས་འགུགས་འཆིངས་བསྒྲལ་བསྟབ་ཀྱི་ཕྲིན་ལས་མཛད་པར་བསམ། དངོས་གྲུབ་བླང་སྐབས་ཀཱ་ཡ་སིདྡྷི་ཨོཾ་ཨོཾ་བརྗོད་ཅིང་བདུད་རྩིས་དཔྲལ་བར་ཐིག་ལེ་བྱས་པས་དེ་ཉིད་ཨོཾ་དཀར་པོར་གྱུར། དེ་ལ་མཆོད་ཡུལ་རྣམས་ཀྱི་སྐུའི་དངོས་གྲུབ་ཐིམ། དེ་ཉིད་རང་ལ་ཐིམ་པས་སྐུའི་དངོས་གྲུབ་ཐོབ་པར་མོས་པ་སྟེ་གསུང་དང་ཐུགས་ལའང་འགྲེ། རཀྟ་ནི་གཡོན་ཞལ་དམར་པོ་ལ་འབུལ། རཀྟ་ཚར་གསུམ་ལ་འཆད་ལུགས་འདྲ་མིན་མང་བ་ལས། འདི་མཆོག་སྒྲུབ་པ་ལྟར་ན་ ཁམས་གསུམ་གྱི་ཉོན་མོངས་པའི་ཚོགས་གསུམ་གསུམ་གྱེར་ཚིག་གསུམ་གྱིས་ལན་གསུམ་འབུལ། མངོན་སྤྱོད་ལྟར་ན་གཟས་པ་པོའི་ཉོན་མོངས་པ་གསུམ་གྱི་རང་བཞིན་ཤ་ཁྲག་རུས་པའི་ཆ་རེ་རེ་འབུལ། གཏོར་མ་བདུད་རྩི་མུ་ཏིག་གི་མདོག་ཅན་རྒྱ་མཚོར་འཁྱིལ་པར་བུས་ཞལ་མཐིང་གའི་ལྗགས་རྡོ་རྗེའི་སྦུ་གུས་གསོལ། དམིགས་པ་རྣམ་པ་གཉིས་བདུད་རྩི་དང་འདྲ། འདོད་ཡོན་ལྷ་མོ་རྣམས་རང་གི་ཐུགས་ཀ་ནས་སྤྲོས་ཏེ་མཆོད། སྦྱོར་མཆོད་ལ་མཆོད་པའི་ལྷ་མོ་རྣམས་སོ་སོའི་ ― LT30_Page_0552 ―
[མ་དཔེ་གཟིགས་ན་འདིར་གནོན།]
ཡུམ་རྣམས་ལ་ཐིམ། སྦྱོར་བ་མཛད་པས་བྱང་སེམས་འཕེལ་ཏེ་སྐུའི་ཆ་ཐམས་ཅད་དུ་ཐིམ་པས་ཟག་མེད་བདེ་བས་མཉེས་པར་བསམ་ལ། སོར་མོ་བསྣོལ་བའི་རྟིང་པ་དྲག་ཏུ་བརྡབ་བོ། །མཉམ་པའི་སྒྲུབ་རྫས་སོགས་སྦྱོར་བའི་ཞར་ལས་བྱུང་བའི་དེ་ཁོ་ན་ཉིད་ཀྱི་མཆོད་པ་སྟེ་མཆོད་བྱ་མཆོད་བྱེད་མཆོད་རྫས་འཁོར་གསུམ་མཉམ་ཉིད་ཆེན་པོར་བློ་བཞག །སྒྲོལ་མཆོད་སྐབས་ཡང་འགྲེལ་སོ་དྲུག་དང་གདབ་ཁའི་སྐབས་བཞིན་དམིགས་པས་བསྒྲལ་ཞིང་། ཧེ་རུ་ཀ་ཡི་གནས་བཅུ་མན་ཆད་ཀྱིས་བསྒྲལ་བའི་ཤ་ཁྲག་བསྟབ་ཅིང་གཞལ་ཡས་ཁང་གི་ནམ་མཁའ་ལས་སྒྲ་གྲགས་པར་བསམས་ལ་བསྟོད་པའི་གླུའང་བྱའོ།། །།གསུམ་པ་བསྙེན་པ་ལ་གསུམ། ལྷ་ཉེ་བར་བསྙེན་པས་བླ་ན་མེད་པའི་བྱང་ཆུབ་ལ་དམིགས་ཤིང་རང་གི་ལུས་ཆགས་སུ་གཞུག་པ། དམ་ཅན་ཉེ་བར་བསྙེན་པས་དམ་ཅན་དམ་ལ་གདགས་ཤིང་བྱིན་དང་ལྡན་པར་བྱ་བ་དང་ངན་སྔགས་ཉེ་བར་བསྙེན་པས་དགྲ་བགེགས་གསད་པའི་ལས་བྱ་བའོ། །དང་པོ་ལའང་གསུམ། སྔོན་འགྲོ། དངོས་གཞི། རྗེས་གསུམ་ལ། །དང་པོ་ནི། རིག་འཛིན་བསྐུལ་ཏེ། དེའང་ས་ལོ་ཆེན་པོས། རིག་འཛིན་བསྐུལ་དུས་རྒྱ་བོད་ཀྱི་སྔགས་འཆང་ནུས་པ་ཆེ་བ་རྣམས་སྨོས་པ་མ་གཏོགས། དབང་གི་བརྒྱུད་པ་འདྲེན་པ་མ་ཡིན། ཅེས་གསུངས་པ་ལྟར་ཡིན་ལ། འཛབ་ཁང་དབྱེ་བའི་སྐབས་སུ། བདག་བསྐྱེད་ཀྱི་དཀྱིལ་འཁོར་ལས་མར་མེ་གཅིག་ལས་གཉིས་ ― LT30_Page_0553 ―
[མ་དཔེ་གཟིགས་ན་འདིར་གནོན།]
མཆེད་ཀྱི་ཚུལ་དུ། རྟེན་དང་བརྟེན་པར་བཅས་པའི་དཀྱིལ་འཁོར་དབྱེ། མདུན་གྱི་དཀྱིལ་འཁོར་དང་དབྱེར་མེད་དུ་བཞུགས་པར་མོས། གཉིས་པ་བཟླས་པ་དངོས་ལ་དང་པོ་བཟླས་བྱའི་སྔགས་ནི། ལས་དང་པོ་པས་བསྡུས་པ་འབྲུ་དགུ། དེ་ལ་གོམས་ནས་རྒྱས་པ་འབྲུ་དགུ་ལ་ཛཿཧཱུྃ་བྃ་ཧོཿབསྣན་པའི་བཅུ་གསུམ། དེ་གོམས་ནས་ལས་སྔགས་འབྲུ་ལྔ་བཏགས་པའི་ཡིག་འབྲུ་བཅུ་བཞི་པ་ཉིད་བཟླ་བར་བཤད། འདི་ལ་སློབ་དཔོན་ཆེན་པོའི་མན་ངག་ཀུན་ཏུ་བཛྲ་དང་། སརྦ་ཡིག་འབྲུ་རེ་རེར་བགྲངས་པའི་འབྲུ་བཅུ་བཞི་པར་གསུངས་ཤིང་བསྙེན་ཚད་སོགས་ལའང་དེ་མཐུན་མཛད་ཀྱང་། རྗེ་ས་སྐྱ་པ་རྣམས་ཀྱིས་ཡོངས་གྲགས་ལེགས་སྦྱར་དང་མཐུན་པར་དེ་དག་འབྲུ་སོ་སོར་བརྩིས་ཏེ་ཡིག་འབྲུ་བཅུ་དྲུག་པར་ངོས་བཟུང་བས་བསྙེན་ཚད་ལའང་དེར་བསྟུན་དགོས་སོ། །གཉིས་པ་བསྒོམ་བྱའི་འཕྲོ་འདུ་ལ་སྤྱིར་བརྒྱད་དུ་བཤད་དེ། རྣལ་འབྱོར་པ་རྣམ་པར་རྟོག་པའི་ཚོགས་སྦྱངས་པ་ལ། རང་གི་ལུས་ཀྱི་གནས་སུ་འཕྲོ་འདུ་བྱེད་པ་དང་། བསྙེན་པའི་ནུས་པ་གསོག་པ་ལ་སྲས་མཆོག་དང་འདུ་བྱ་བ་དང་། དམ་ཅན་བསྙེན་པ་ལ་དམ་ཅན་དང་འཕྲོ་འདུ་བྱ་བ་དང་། སྒྲོལ་བ་ལ་དམིགས་པའི་དུས་སུ་དགྲ་བགེགས་དང་འཕྲོ་འདུ་བྱ་བ་དང་། དབང་བསྐུར་བའི་དུས་སུ་ལྷ་དང་འཕྲོ་འདུ་བྱ་བ་དང་། ཚེ་སྒྲུབ་པའི་དུས་སུ་ཚེ་བུམ་དང་འཕྲོ་འདུ་བྱ་བ་དང་། དངོས་གྲུབ་ལེན་པའི་དུས་སུ་ཞལ་ཟས་དང་འཕྲོ་འདུ་བྱ་བ་དང་། ― LT30_Page_0554 ―
[མ་དཔེ་གཟིགས་ན་འདིར་གནོན།]
གཤིན་དོན་གྱི་སྐབས་སུ་གཤིན་པོའི་སྡིག་སྒྲིབ་སྦྱོང་བ་བཅས་ཡོད་པ་ལས་འདིར་སྐབས་སུ་བབས་པའི་བཟླ་ཚུལ་གསུམ་སྟེ། མགལ་མེ་ཀླད་ཀོར། དུང་བ་ཚང་ཞིག །མགར་གྱི་ཚྭ་ཚྭ་ལྟ་བུའོ། །དང་པོ་ནི། བཅོམ་ལྡན་ཡབ་ཡུམ་སོགས་ཀྱིས་གསོལ་བ་བཏབ། སྔགས་ནི་འབྲུ་བཅུ་དྲུག་པ་ཁོ་ན་བཟླ་བ་གསར་རྙིང་ཕལ་ཆེར་ཕྱག་ལེན་ཏུ་མཛད་པས་དེ་ལྟར་བཟླས་པའི་ཚེ། རང་གི་སྙིང་གའི་ཏིང་ངེ་འཛིན་སེམས་དཔའ་ལས་སྔགས་ཕྲེང་ཁ་དོག་སྔོན་པོ་འོད་ཟེར་དམར་པོ་ལྕགས་སྒྲོག་སྤྲེལ་བ་ལྟ་བུ་རྡོ་རྗེའི་དབུས་ནས་བྱུང་། ཡེ་ཤེས་སེམས་དཔའི་ཤངས་བུག་གཡོན་དང་རང་གི་སྣ་བུག་གཡས་ནས་ཕྱིར་འཐོན། མདུན་གྱི་ཡེ་ཤེས་སེམས་དཔའི་ཤངས་བུག་གཡོན་ནས་ཞུགས་དེའི་ཐུགས་ཀའི་ཧཱུྃ་ལ་ཐིམ། རང་ཡང་དེ་ལས་སྔགས་ཕྲེང་བྱུང་། མདུན་གྱི་ཡེ་ཤེས་སེམས་དཔའི་ཤངས་བུག་ནས་ཐོན། རང་གི་སྣ་བུག་གཡོན་དང་། ཡེ་ཤེས་སེམས་དཔའི་ཤངས་བུག་གཡོན་ནས་ཞུགས། རྡོ་རྗེའི་དབུས་ནས་སོང་། རང་གི་སྙིང་གའི་ཧཱུྃ་ལ་ཐིམ་པར་བསམས་ཤིང་སྔགས་ཕྲེང་ཕྱིར་འགྲོ་དུས་དེ་ལས་རྡོ་རྗེ་གཞོན་ནུའི་སྐུ་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་སྡིག་སྒྲིབ་བགེགས་དང་བར་ཆོད་ཐམས་ཅད་ཞི་བར་བྱས། སེམས་ཅན་ཐམས་ཅད་ཡི་དམ་གྱི་ལྷར་གྱུར། སྔགས་ཕྲེང་ནང་དུ་འོང་དུས་སངས་རྒྱས་བྱང་སེམས་བླ་མ་ཡི་དམ་ཐམས་ཅད་ཀྱི་བྱིན་རླབས་རྡོ་རྗེ་གཞོན་ནུའི་སྐུར་བྱས་ནས་རང་ལ་ ― LT30_Page_0555 ―
[མ་དཔེ་གཟིགས་ན་འདིར་གནོན།]
ཐིམ་པས་རྒྱུད་བྱིན་གྱིས་བརླབས་པ་དང་། སྔགས་ཕྲེང་རྒྱུན་མི་ཆད་པར་འཁོར་བར་བསམ་ཞིང་བཟླག་གཉིས་པ་ནི། བདག་གི་ཞལ་གསུམ་ག་ནས་ཀཱི་ལ་ཡ་བཟླས་པས་དབུ་རྒྱན་གྱི་ཁྲག་འཐུང་རིགས་ལྔ་དང་། བ་སྤུའི་བུ་གའི་ཁྲོ་ཆུང་རྣམས་ཀྱིས་དུས་གཅིག་ཏུ་བཟླས་པར་བསམ་ཞིང་། དེ་བཞིན་ཏུ་ཁྲོ་བོ་དང་ཁྲོ་མོ་དང་སྤྲུལ་པ་དང་། སྒོ་མ་དང་། སྲས་མཆོག་དང་། དམ་ཅན་སྡེ་བཞིས་ཀྱང་བཟླས་དེར་ཡང་མ་ཟད། མེ་སྒྲ་དང་ཆུ་སྒྲ་དང་རླུང་སྒྲ་ལ་སོགས་པ་ཐམས་ཅད་ཀྱང་ཀཱི་ལ་ཡའི་སྒྲར་གྲགས་པར་བསམ་པ་དང་། མདུན་གྱི་ནམ་མཁར་བླ་མ་ཡི་དམ་ནམ་མཁའ་གང་བར་བཞུགས་པ་རྣམས་དང་། སེམས་ཅན་ཡི་དམ་གྱི་སྐུར་གྱུར་པ་ཐམས་ཅད་ཀྱིས་རང་གི་སྔགས་བཟླ་གྲོགས་བྱེད་པར་བསམས་ལ་བཟླའོ། །གསུམ་པ་ལ་འཛབ་དགོངས་གསུམ། ཀཱི་ལ་ཡ་ལྷར་ཤེས་པ། ཀཱི་ལ་ཡ་ཆོས་ཉིད་དུ་ཤེས་པ། ཀཱི་ལ་འགུགས་གཞུག་ཏུ་ཤེས་པའོ། །དང་པོ་ནི། སྔགས་ཀྱི་འཕྲོ་འདུ་ལས་འོད་འཕྲོས་པས་སྣོད་བཅུད་ལ་ཕོག་པས་ལྷ་དང་གཞལ་ཡས་ཁང་བར་གསལ་གདབ་ཅིང་མདུན་ཏུ་རྡོ་རྗེ་གཞོན་ནུ་ཅིག་ཀྲོང་གིས་བྱུང་བར་བསམ། ཀཱི་ལ་ཡ་ཞེས་བརྗོད་པས། དེ་ལས་ཀྱང་དེ་ཀ་འདྲ་བ་ཅིག་བྱུང་། དེ་ལས་ཀྱང་དེ་ཀ་འདྲ་བ་ཉི་ཚེ་ཅིག་བྱུང་ནས་ལོ་ཀའི་ཁམས་ལྷས་ལྷག་གང་བར་བསམས་ཏེ། དེ་ཐམས་ཅད་ཀྱང་ཀཱི་ལ་ཡ་ཟློས་ཤིང་། བདག་ཚེ་བསྲིངས་ན་ཚེ་དང་དབང་ཐང་ལ་སོགས་ ― LT30_Page_0556 ―
[མ་དཔེ་གཟིགས་ན་འདིར་གནོན།]
པ་བཀུག་ནས་བདག་ལ་བསྟིམས་པར་བསམ། སྲིའུ་གསོ་ན་ཡང་བླ་སྲོག་ཡར་བ་ཐམས་ཅད་བཀུག་ནས་བསྟིམ་པར་བསམ། སྐྱོན་པ་འདུལ་ན་ཚེ་དང་རྣམ་ཤེས་བཀུག་པར་བསམ། དེ་ལས་དང་པོ་པའི་བཟླས་པ་ལ་ཤིས་གསུངས། ཀཱི་ལ་ཡ་ཆོས་ཉིད་དུ་ཤེས་པ་ནི། དཔེར་ན་སྟོན་ཀའི་བ་མོ་ལ། སྤྲིན་དང་བྲལ་བའི་ཉི་མའི་འོད་ཟེར་ཕོག་པས་ཞུ་བ་བཞིན་དུ། སྔགས་ལ་འོད་ཟེར་རྣམ་པ་ལྔ་འཕྲོས་པ་དང་། ཀཱི་ལ་ཡའི་སྒྲ་གྲགས་པ་ཙམ་གྱིས་ལོ་ཀའི་ཁམས་ཀྱི་སེམས་ཅན་ཐམས་ཅད་ཆོས་ཉིད་དབྱེར་མེད་དུ་མེར་མེར་སོང་བར་བསམ། དེ་ནི་བྱང་ཆུབ་དམིགས་པའི་བཟླས་པ་ལ་ཤིས་གསུང་། ཀཱི་ལ་ཡ་འགུགས་གཞུག་ཏུ་ཤེས་པ་ནི། ཀཱི་ལ་ཡ་ཞེས་བརྗོད་པས་སྔགས་ཀྱི་འོད་ཟེར་ལས་ཁྲོ་བོ་ལྕགས་ཀྱུ་དང་ཞགས་པ་དང་ལྕགས་སྒྲོག་དང་མཚོན་ཆ་སྣ་ཚོགས་ཐོགས་པ་འཕྲོས་པས། གང་ལ་དམིགས་པའི་གཟས་པ་པོ་ཐུམ་རི་ལི་ལི་བཀུག་ནས་ལིངྒ་ལ་བཅུག་སྟེ། སྙིང་གནས་ཁྲག་གི་སྦལ་པ་འདྲ་བའི་ནང་ན་ཤེས་པ་ནྀྲ་ཡོད་པ་དེ་སྟོན་པར་བསམ་སྟེ་ཕཊ་ལྟག་སྤྲོད་ཀྱིས་སྒོ་བཀག་ནས་ཡོད་པ་དེ་བྲལ་ནས་སོ། །འདྲེ་ལ་དམིགས་ན་ཤེས་པའི་ངོ་བོ་ཡི་གེ་ཏྲྀ་ཡོད་པ་དེ་གཟུགས་དང་། མིང་བྱང་ལ་བསྟིམས། དེ་ནི་དགྲ་བགེགས་གསད་པའི་ལས་ལ་ཤིས་གསུངས། འཁོར་སྔགས་བཟླས་པའི་ཚེ། སྔགས་ཀྱི་ཕྲེང་བ་རྣམས་ལྷ་ཐམས་ཅད་ཀྱི་ཐུགས་ཙིཏྟའི་དཀྱིལ་འཁོར་ནས་བརྒྱུད། སྲོག་པ་རྩའི་ལམ་ནས་བྱུང་། མིད་པ་བྱང་ཆུབ་ ― LT30_Page_0557 ―
[མ་དཔེ་གཟིགས་ན་འདིར་གནོན།]
ཀྱི་ལམ་ནས་ལྗགས་དམར་ནག་གི་སྟེང་དུ་འཁྱིལ་བའི་སྔགས་ཀྱི་འོད་ཟེར་ལས། རང་འདྲའི་སྐུ་དཔག་ཏུ་མེད་པ་སྤྲོས་མདུན་བསྐྱེད་ཀྱི་ཡེ་ཤེས་དཀྱིལ་འཁོར་བ་ལ་སོགས་པ་འཇིག་རྟེན་ལས་འདས་པ་རྣམས་མཆོད་ཅིང་། དངོས་གྲུབ་རང་འདྲའི་སྐུར་འདུས། རང་ལ་ཐིམ་པ་དང་། ཡང་སྔགས་ཀྱི་འོད་ལས་རང་འདྲ་བའི་སྐུ་སྤྲོས་པ་འཇིག་རྟེན་པ་རྣམས་ལ་ཕོག་པས། རིགས་དྲུག་གིས་སེམས་ཅན་ཐམས་ཅད་ཀྱི་ལས་དང་ཉོན་མོངས་པའི་སྒྲིབ་པ་རྣམས་སྦྱངས་ཏེ་རྡོ་རྗེ་གཞོན་ནུའི་གོ་འཕང་ལ་འགོད་པར་བསམ་པ་དང་། སྐབས་འགར་གཏོར་ཟློག་སྐབས་སུ་སྨོས་པའི་དགྲ་བགེགས་སྒྲོལ་བའི་ཏིང་ངེ་འཛིན་ཀྱང་སྦྱོར་གསུངས། དམིགས་པ་འདི་རྣམས་མགལ་མེ་ཀླད་ཀོར་ཉིད་རྩ་བར་བཟུང་། གཞན་ཡན་ལག་ཏུ་སྦྱར། ཀཱི་ལ་ཡ་འགུགས་གཞུག་ཏུ་ཤེས་པ་ནི་བསྙེན་ཚད་རྫོགས་ཀྱི་བར་མི་བྱ་ཞིང་འཁོར་སྔགས་ཀྱང་དེ་བཞིན་ནོ། །གསུམ་པ་རྗེས་ཐུན་མཐར་འཁོར་སྔགས་རྣམས་ཉུང་ཙམ་རེ་དང་། མ་རཀྨོ་སོགས་ཚེར་རེ་བཟླ། ཡིད་ཀྱིས་མཆོད། བསྐལ་མེ་མས་བསྟོད། བདེ་བར་གཤེགས་པ་སོགས་བརྗོད་ཅིང་ཕྲེང་བའི་ལག་ལེན་སྤྱི་ལྟར། སྲས་མཆོག་གིས་བར་མ་ཆད་དུ་བཟླ་བའི་གྲོགས་མཛད་པར་ཡིད་ཀྱིས་གསོལ་བ་བཏབ་ཅིང་དེ་བཞིན་ཏུ་མོས། ལྷ་ཚོགས་འཁོར་བཅས་སོགས་ཀྱིས་དངོས་གྲུབ་བླང་། ཡེ་ཤེས་འཁོར་ལོ་རང་ལ་བསྟིམ། བདག་བསྐྱེད་བསྡུ་ལྡང་གོ་བགོ་དང་། བརྒྱུད་ ― LT30_Page_0558 ―
[མ་དཔེ་གཟིགས་ན་འདིར་གནོན།]
པའི་གསོལ་འདེབས་གྲུབ་ན་བྱ། དཀར་བདུད་ཕུར་སྲུང་གི་གཏོར་འབུལ་ཉུང་བསྡུས། རྡོ་རྗེའི་གླུ། བཟོད་གསོལ། བརྟན་བཞུགས། བཀྲ་ཤིས་བསྔོ་སྨོན་བསྡུས་ཙམ་བྱའོ། །ཐུན་གཉིས་པར་སྔོན་འགྲོའི་འདོན་བྱ་བསྒྱུར་ནས། ཏིང་ངེ་འཛིན་རྣམ་གསུམ་ནས་བཟུང་བཟླས་པ་ལ་ཐུག་གི་བར་བྱ། རྗེས་ཀྱི་བྱ་བ་སྔར་ལྟར་རོ། །ཐུན་གསུམ་པ་དང་བཞི་པའང་དེ་དང་འདྲ་བ་ལས། སྲོད་ཐུན་གྱི་གཏོར་ཆོག་གྲུབ་འཕྲལ་ཚོགས་ཀྱི་མཆོད་པ། ལྷག་མའི་མཆོད་པ་རྒྱས་པ་ལྕོགས་དཀའ་བས་བསྡུས་པ་ཙམ། བརྟན་སྐྱོང་སོགས་ནས། དངོས་གྲུབ་ལེན་ཆོག་མ་གཏོགས་པའི་རྗེས་ཆོག་རྣམས་བྱ་ཞིང་། བདག་བསྐྱེད་བསྡུ་ལྡང་གེ་བགེ་བྱ། དཀྱིལ་འཁོར་གཤེགས་བསྡུ་མི་བྱ་བར་བརྟན་བཞུགས་ཁོ་ན་བྱའོ། །བསྙེན་ཚད་འགྲུབ་ཀྱི་བར་ཉིན་གཉིས་པ་ཕན་ཆད་ཀྱང་དེ་ཁོ་ན་ལྟར་ལ་ཚོགས་མཆོད་རྒྱུན་ཏུ་མི་ལྕོགས་ན་དང་པོ་དང་། དུས་བཟང་རྣམས་ལ་ལན་རེ་ཙམ་བྱའོ། །བསྙེན་ཚད་དུས་གྲངས་རྟགས་གསུམ་ལས། དུས་ནི་སྒྱུ་འཕྲུལ་གསང་སྙིང་ལས། ཞག་ནི་སུམ་ཅུ་ཕྲག་དྲུག་གམ། ཞེས་སྤྱིར་བཏང་ཟླ་བ་དྲུག་ཏུ་གསུངས་ཤིང་། བྱེ་བྲག་ཡུན་རིང་ཐུང་བློའི་ནུས་པ་དང་སྦྱར། གྲངས་ནི་དགོངས་རྒྱུད་ལས། བསྙེན་པ་བདུན་འབུམ་ཉི་ཁྲི་འདོན། །བྱེ་བ་ས་ཡས་གདོན་མི་ཟ། །ཞེས་པས་བདུན་འབུམ་ཡར་བཅད་བཟླ་དགོས་ཤིང་། ད་ལྟའི་ཕྱག་རྒྱུན་ཏུ་འབྲུ་འབུམ་སྟེ་ཀཱི་ལ་ཡ་ ― LT30_Page_0559 ―
[མ་དཔེ་གཟིགས་ན་འདིར་གནོན།]
འབུམ་ཕྲག་བཅུ་དྲུག་ཁ་སྐོང་དང་བཅས་པས་གྲངས་རྫོགས་པར་མཛད། འཁོར་སྔགས་རྣམས་ནི་ཁྲི་ལ་སོགས་པ་ཇི་ཙམ་འོས་པ་བཟླས་པས་ཆོག་གི་གྲངས་ངེས་བཟུང་མེད་དོ། །རྟགས་ནི། དངོས་ཉམས་རྨི་ལམ་གྱི་དྲོད་རྟགས་སྤྱི་གཞན་དང་མཚུངས་ལ། ཁྱད་པར་རྟགས་སུ་ལྷ་ཞལ་མཇལ་བ། སྔགས་སྒྲ་དི་རི་རི་སྒྲོགས་པ། ཕུར་པ་རྙེད་པ། མེ་ཏོག་སྔོན་པོ་ཐུ་བ་ལ་སོགས་པ་རྨི་བ་དང་། ཕུར་པ་འཁྲབ་བཞད་འོད་དང་དུ་བ་སྒྲ་ལ་སོགས་སྐུ་གསུང་ཐུགས་ཀྱི་རྟགས་བདུན་གསུམ་ཉེར་གཅིག་ཏུ་བཤད་པ་ལྟར་རོ། །ཐུན་མཚམས་སུ་བསྙེན་པ་རྒྱུན་མ་ཆད་ན་ཤིན་ཏུ་ལེགས་ཤིང་ཆག་མེད་ཀྱི་བསྒོམ་བཟླས་གཞན་དགོས་པ་ཡོད་ན་ཁྱུག་ཙམ་རེ་བྱ། རིག་པ་མཆོག་གི་རྒྱུད་ལས། བཟའ་བཏུང་གོས་རྒྱན་རིམ་པ་དང་། །འགྲོ་ཉལ་འདུག་ལྡངས་རྒྱུན་རིང་བྱ། །ཞེས་གསུངས་པའི་དོན་ཡི་གེ་རྙིང་མ་རྣམས་ལས་འདི་ལྟར་འབྱུང་སྟེ། དགོངས་མོ་ཉལ་བའི་ཚེ། ཨོཾ་བཛྲ་ཀཱི་ལི་ཀཱི་ལ་ཡ་ཤུ་ནྱ་ཏ་ཧཱུྃ་ཞེས་བརྗོད་ལ་རང་རྡོ་རྗེ་གཞོན་ནུར་གསལ་བའི་ངང་ནས་སེངྒེའི་ཉལ་སྟབས་ཀྱིས་ཆོས་དབྱིངས་ཀྱི་ངང་དུ་ཉལ། སྔ་དྲོ་ལྡང་བའི་དུས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཝཱཀྐ་ཙིཏྟ་ས་མ་ཡ་ཧཱུྃ་ཞེས་བརྗོད་པས་ཆོས་ཉིད་སྐྱེ་བ་མེད་པ་ལས་ལངས་ཏེ། འགག་པ་མེད་པ་དཔལ་རྡོ་རྗེ་གཞོན་ནུའི་སྐུར་བཞེངས་པར་བསམ་ཞིང་། འགྲོ་བའི་དུས་སུ། ཨོཾ་བཛྲ་ཀཱི་ལི་ཀཱི་ལ་ཡ་ ― LT30_Page_0560 ―
[མ་དཔེ་གཟིགས་ན་འདིར་གནོན།]
ཨེ་ཝཾ་མ་ཡ་དྷརྨ་ཀཱ་ཡ་ཧཱུྃ། ཞེས་བརྗོད་ཅིང་འགྲོ་བ་འདྲེན་པའི་དོན་དུ་འགྲོ་བར་བསམས་ལ། འདུག་པའི་དུས་སུ་རང་ཉིད་ལྷའི་ང་རྒྱལ་དུ་གསལ་བའི་ངང་ནས། གང་དུ་གནས་པ་དེ་ཡེ་ཤེས་ཀྱི་གཞལ་ཡས་ཁང་དུ་སྒོམ་ཞིང་། འཁོར་དང་ཉེ་གནས་ཐམས་ཅད་སྦྲལ་བའི་འཁོར་དུ་བསམས་ལ། ཨོཾ་བཛྲ་ཀཱི་ལི་ཀཱི་ལ་ཡ་མཎྜལ་ཧཱུྃ་ཧཱུྃ་ཞེས་བརྗོད། བཟའ་བཏུང་བྱ་བའི་ཚེ། ཟས་ལ་རྒྱས་པར་ན་གོང་གི་ཚོགས་ཀྱི་སྐབས་སུ་བཤད་པ་ལྟར་བྱིན་རླབས་བྱས་པའི་ཟས་དེ་ཐོག་མར་མཆོད་ཡུལ་རྣམས་ལ་ཕུལ་ནས། དེ་ནས་རང་ཉིད་ཡི་དམ་གྱི་ལྷར་གསལ་བའི་མཆོད་པའི་བསམ་པས་ལོངས་སྤྱད་ཅིང་ལྷག་མ་བསྡུས་པ་བཏང་བར་བྱས་ལ། ཟས་ཀྱི་རྣལ་འབྱོར་བསྡུས་པ་ནི། ཁ་ཟས་ཟ་བའི་དུས་སུ་ཨོཾ་ཨཱཿཧཱུྃ་གིས་ཁ་ཟས་བདུད་རྩིར་བྱིན་གྱིས་བརླབས་ནས་ལྷ་མཆོད་པའི་ཚུལ་དུ་རོལ་ཞིང་མཁའ་འགྲོ་མ་རྣམས་ལ་ལྷག་མའི་གཏོར་མ་སྔགས་ཙམ་གྱིས་སྦྱིན་ནོ། །བཏུང་བ་སྤྱི་དང་བྱེ་བྲག་ཇ་གད་བཏུང་བ་ལ། ཛ་གང་དེ་ཉིད་ཏྲཾ་ལས་ཡེ་ཤེས་ཀྱི་བདུད་རྩིར་བསམ། ཨོཾ་ན་མོ་གུ་རུ་བཛྲ་ཀཱི་ལི་ཀཱི་ལ་ཡ་དྷ་ཏི་མ་མ་ཀརྨ་ཛ་གད་པྲ་བ་ཡ་ཁ་ར་ཁཱ་ཧི། ཞེས་ལྷ་དང་བླ་མ་མཁའ་འགྲོའི་ཚོགས་ལ་གཡོན་པའི་མཐེབ་སྲིན་གྱིས་དབུལ་ལ། ཨོཾ་ཨཱཿཧཱུྃ་གིས་དངོས་གྲུབ་བསྡུས་ནས། ལྷ་ལ་ལྷའི་མཆོད་པའི་ཚུལ་དུ་རོལ་པར་བཤད་དོ། །གཙོ་བོར་རང་ཉིད་ལྷག་པའི་ལྷ་རྡོ་རྗེ་གཞོན་ནུའི་ང་རྒྱལ་ ― LT30_Page_0561 ―
[མ་དཔེ་གཟིགས་ན་འདིར་གནོན།]
མི་འབྲལ་བ་དང་། ངག་ཀཱི་ལ་ཡའི་སྒྲ་དང་མི་འབྲལ་བ་དང་ཡིད་ཆོས་ཉིད་བྱང་ཆུབ་སེམས་ཀྱི་ཕུར་བུ་རྩེ་གཅིག་པ་གསལ་སྟོང་དབྱེར་མེད་པ་དང་མི་འབྲལ་བ་སྟེ། མི་འབྲལ་བ་རྣམ་པ་གསུམ་ལ་དྲན་པ་རྒྱུན་ཆད་མེད་པར་བྱ་ཞིང་སྣང་གྲགས་རིག་གསུམ་ལྷ་སྔགས་ཆོས་ཉིད་ཀྱི་རོལ་པར་ལམ་དུ་ཁྱེར། བསྲུང་བའི་དམ་ཚིག་སྤྱིར་འབུམ་ནག་ལས་བཤད་པའི། ཐུན་མོང་སྤྱི་དང་། སྒྲུབ་པ་ཁྱད་པར། སྤྱོད་པ་རྒྱུན། གལ་མདོ་ངེས་པའི་དམ་ཚིག་རྣམས་ནན་ཏན་དུ་བྱ་དགོས་ཤིང་། ཁྱད་པར་བི་ཏོ་ལས། མི་བཀོལ་མི་སྤྱད་གཞན་མི་བསམ། །ཞེས་པས་བསྙེན་པའི་མཚན་རྟགས་མ་ཐོབ་བར་དུ་ལྷ་ཉིད་མི་བཀོལ་ཏེ། གཞན་གྱི་ནད་པའམ་གདོན་ཅན་ཀུན་ལ་ལྷ་དེའི་སྒོ་ནས་བྱིན་རླབས་མི་བྱ། བྱས་ན་ཟག་མཚན་མ་འགྲིབས་པས་ཟས་གོས་ཀྱང་རང་དབང་རྫས་ལ་བརྟེན་པས་འགྲུབ་ཉེའོ། །སྙིང་པོའང་བསྒྲུབ་པའི་དུས་མ་ཡིན་པ་གཞན་ལ་མི་སྤྱོད་དོ། །མི་བསམ་ཞེས་པས་རྩེ་གཅིག་ཏུ་ཡི་དམ་གྱི་ལྷ་ལ་དམིགས་པ་མ་གཏོགས་པ་བཟང་ངན་རྟོག་ཚོགས་གང་ཡང་ཡིད་ལ་མི་བྱ། ཐ་མ་དཔེ་ལ་ལྟ་རྟོག་ཡི་གེ་འབྲི་བ་ལ་སོགས་པ་གཡེང་བ་སྤངས་ཏེ་ས་སྡེ་གཟུག་པར་བྱའོ། །ཞེས་སློབ་དཔོན་ཆེན་པོས་གསུངས་པ་ལྟར་བསླབ་ཅིང་ཕྲ་ཞིབ་གཞན་མཐོང་བརྒྱུད་སོག་ལས་ཤེས་པར་བྱའོ། །དེ་དག་གི་སྐབས་སུ་དམ་སྲིས་ཉམས་ལོན་གྱི་རྟགས། དཀྱིལ་ ― LT30_Page_0562 ―
[མ་དཔེ་གཟིགས་ན་འདིར་གནོན།]
འཁོར་དང་མར་མེའི་མདངས་ཉམས་པ། ཆགས་སྡང་རང་གར་སྐྱེ་ཞིང་། སྐྱོ་འཇིགས་སྙིང་མི་དགའ་བ་ནད་དང་སྡུག་བསྔལ་ལྷོངས་པ། གྱེར་བཟླས་ཀྱིས་སུན་པ་སོགས་ཕྱི་ནང་གི་འགལ་རྐྱེན་མང་ན། སྤྱིར་རེ་དོགས་ཀྱི་བསྙེངས་བཅད་དེ་ལྟ་བས་ཟིལ་གྱིས་གནོན། བྱེ་བྲག་ཏུ་དམ་སྲིའི་ལིངྒ་བཅས་ལ། ཨེ་བྷྲཱུྃ། འབྲུ་བ་ཁུང་ཡངས་ཤིང་གཏིང་ཟབ་པའི་ནང་དུ་ཏྲི་ལས་དངོས་གྲུབ་ལ་བར་དུ་གཅོད་ཅིང་ལོག་པར་འདྲེན་པའི་འབྱུང་པོ་ཉམས་ལེན་བདུད་ཀྱི་རིགས་སུ་གྱུར་པ་ཐམས་ཅད་རིད་ཅིང་ཉམ་ཐག་པའི་ལུས་ཅན་དུ་བསྐྱེད་ལ། ཕོ་ཉ་བསྐུལ་ཞིང་འགུགས་བསྟིམ་བྱ། སྲས་མཆོག་གི་ཕུར་བུ་བླངས་ལ་ཕུར་སྐོར་གྱིས་གཟིར་ཞིང་། ཨོཾ་ལཾ་ཧཱུྃ་ལཾ་སོགས་ཀྱིས་གདབ་སྔགས་ལ་དམ་ཅན་གྱི་བཞི་སྙིང་གཅིག་དྲིལ་གྱིས་སྔགས་བཏགས་པས་ཕུར་བུ་གདབ། ཁྲོ་བཅུའི་སྔགས་ཀྱི་ཐུན་གྱིས་གཟིར། ཀིངྐ་ར་ཊཀྐི་དཀར་ནག་གི་ཆས་སུ་ཞུགས་པ་བྲན་དང་བཀའ་ཉན་སོགས་ཀྱིས་བསྐུལ་ཏེ། དཀར་པོས་གྲི་ཤས་དང་ནག་པོས་མིའི་ལག་པ་ལྕགས་འབྲས་བཏགས་པས་བྲབ་ཅིང་། དྲག་སྔགས་བཟླ་བ་དང་ཐུན་བྲབ་སྤོས་རོལ་ཚམས་རྔམས་དང་བཅས་པས་གཟིར་ལ། མཐར་བྱིན་དབབ་ཅིང་དགོངས་པ་གསལ་ཏེ་ཛབ་དྲག་ཏུ་བཟླ་བ་རྣམས་བྱའོ། །གཉིས་པ་དམ་ཅན་ཉེ་བར་བསྙེན་པ་ནི། གོང་བསྙེན་གྲུབ་པ་དང་མཆོད་གཏོར་བཟང་དུ་བཤམ། རྙིང་པ་ཁ་གསོ། །དུས་བཞིར་ཐུན་གཅོད་ཚུལ་གོང་ལྟར་ལ་བསྟོད་པའི་མཇུག་ཏུ་ཕུར་སྲུང་ ― LT30_Page_0563 ―
[མ་དཔེ་གཟིགས་ན་འདིར་གནོན།]
བསྟོད་བསྐུལ་མ་ཆད་པར་བྱ། ཀཱི་ལ་ཡའི་ཛབ་ཅུང་ཟད་བཟླས་པའི་ཚེ་དོ་ལིའི་བཟླས་པ་བྱ། དེ་ནས་བཟླས་པའི་དངོས་གཞི་ཀ་ཏཾ་ཀ་ཡེ་སོགས་བཞི་སྙིང་གཅིག་དྲིལ་ལ་བྱ་སྟེ། འཛབ་དགོངས་བུང་བ་ཚང་ཞིག་འགལ་མེ་ཀླད་ཀོར། དེའི་ཡང་ཀཱི་ལ་ཡ་འགུགས་གཞུག་ཏུ་ཤེས་པ་ཉིད་གཙོ་བོར་སྦྱར་ཏེ། དཀྱིལ་འཁོར་གསུམ་གྱི་ལྷ་ཚོགས་རྣམས་ཀྱི་ཐུགས་ཀ་ནས་སྔགས་ཀྱི་འོད་ཟེར་འཕྲོས་པ་དམ་ཅན་རྣམས་ཀྱི་སྙིང་གར་ཕོག་པས་བསྐུལ་ཏེ་ཤ་རུལ་ལ་སྦྲང་མ་འདུ་བ་ལྟར་འཐིམས་ཀྱིས་བྱོན་ནས་རང་དབང་མེད་པར་ལས་བྱེད་པར་བསམ་པ་དང་། སྔགས་ཀྱི་འོད་ཟེར་ལས་དམ་ཅན་དཔག་ཏུ་མེད་པ་འཕྲོས། བསྒྲུབ་བྱ་ལ་ནད་མཚོན་དུག་གི་ཆར་ཕབ་ནས་བརླག་པར་བསམ། རྗེས་སྔར་དང་འདྲ་བ་ལས་དགོངས་མོར་ཚོགས་མཆོད་མ་ཆད་པ་བྱ། ཐུན་མཚམས་སུ་བཟླ་མི་རུང་ངོ་། །གསུམ་པ་ངན་སྔགས་ཉེ་བར་བསྙེན་པ་ནི། དཀྱིལ་འཁོར་ཨེ་ཁྲོམ་དུ་ཞལ་བསྒྱུར། འབྲུབ་ཁུང་ལིངྒ་སོགས་ཀྱང་བཅའ། ཐུན་གཅོད་ཚུལ་སྔར་ལྟར་ལ། ལྷ་བསྙེན་དང་། དམ་ཅན་བསྙེན་པ་ཁྱུག་ཙམ་རེ་བཏང་ནས། དཀྱིལ་འཁོར་གསུམ་གྱི་ལྷ་ཚོགས་ལས་སྔགས་ཀྱི་འོད་ཟེར་མགར་གྱི་ཚྭ་ཚྭ་ལྟ་བུ་དཔག་ཏུ་མེད་པ་འཕྲོས། ཞིང་བཅུ་ཚང་བའི་དགྲ་དང་། བྱང་ཆུབ་སྒྲུབ་པའི་བགེགས་ཐམས་ཅད་བྱ་སྒྲོ་ཞུན་ཁང་གི་མེ་ལ་བཏབ་པ་ལྟར་ཆོམ་ཆོམ་བསྲེགས་པར་བསྒོམས་ལ་གབ་པའི་སྔགས་དྲུག་སྦྲེལ་ནས་བཟླ། འོད་ཟེར་ཚུར་མི་བསྡུ་བ་ ― LT30_Page_0564 ―
[མ་དཔེ་གཟིགས་ན་འདིར་གནོན།]
གནད་ཡིན་གསུངས། རྗེས་ཀྱི་བྱ་བ་སྔར་ལྟར་ལས། ཚོགས་ཐ་མའི་སྐབས་སུ་འགྲུབ་ཁུང་གི་ལིངྒ་ལ་དམིགས་ཏེ་འགུགས་གཞུག་དང་འཕྱོང་དྲུག་སོགས་རྒྱས་པར་བྱ། དེའང་ཚོགས་ཀྱི་སྐབས་འདིར་གོ་བ་རྒྱས་པ་སྨོས་མ་ལོངས་ཤིང་། སྒོམ་དོན་ཀྱང་རགས་པར་སྤྱི་དང་འདྲ་བ་ལས། ཚོགས་ཞིང་སྤྱན་དྲངས་པའི་ཚེ་བླ་མ་ནམ་མཁར་བཞུགས། ལྷ་རྣམས་དཀྱིལ་འཁོར་ལ་བསྟིམ་པ། མགྲོན་ཐབས་གཞན་དཀྱིལ་འཁོར་ཕྱི་རོལ་དུ་བཞུགས་པར་མོས། ཚོགས་དང་པོ་གཟུགས་མཛེས་སྒྲ་སྙན་སོགས་འདོད་པའི་ཡོན་ཏན་ལྔ་སྤྲོས་ཏེ་འབུལ། བར་བ་ཤ་ལྔ་བདུད་རྩི་ལྔར་བསམ་སྟེ་འབུལ། འདིར་སྐོང་བཤགས་གཞན་ཡང་རྒྱས་པར་གྲུབ་ན་ལེགས། ཚོགས་ཐ་མ་དགྲ་བགེགས་ཀྱི་ཤ་ཁྲག་ཏུ་འབུལ། མཆོག་སྒྲུབ་ལ་ཚོགས་བདུད་རྩིའི་འདུ་ཤེས་ཀྱིས་རོལ་པ་སྟེ་སེམས་ཅན་ཐམས་ཅད་ཀྱི་དུག་ལྔ་བདུད་རྩིར་བསྒྱུར་ནས་རོལ་པས་ཆོས་ཉིད་དུ་ལྷན་གྱིས་སོང་བར་བསམ། མངོན་སྤྱོད་སྐབས་ཞེ་སྡང་རང་ག་མས་རོལ་པ་སྟེ་དགྲ་བགེགས་ཀྱི་ཤ་ཁྲག་ཏུ་མོས། བཀའ་མ་རྣམས་སུ་ཚོགས་ཀྱི་མཆོད་པ་དང་། ལྷག་མའི་མཆོད་པ་ཞེས་ཆོ་ག་འདྲ་མཚུངས་སུ་མཛད། འབུལ་ཡུལ་ལྷ་ལྷག་པོ་དང་། འབུལ་བྱ་ཞལ་ཟས་ལྷག་པས་ལྷག་མའི་དོན་ཏུ་བཤད་ཅིང་། དཔལ་ཆེན་པོས་འཁོར་ཕུད་ལ་མི་དབང་བ་རྣམས་ལ་ཕམ་ཕབ་གནང་བའི་ཚུལ་ཡིན། དེའང་དཀྱིལ་འཁོར་གྱི་བྱང་ཤར་ཞིང་ལྤགས་ཀྱི་སྟེང་རཀྟས་ཨེ་གྲུ་གསུམ་བྲི་བའམ་ ― LT30_Page_0565 ―
[མ་དཔེ་གཟིགས་ན་འདིར་གནོན།]
ཐིག་ལེ་ཟླ་གམ་བདུན་བྲིས་པའི་ཁར། བསྒྲལ་མཆོད་ཀྱི་མཇུག་ཐོག་ཟུར་དུ་བཅད་པའི་བུད་ཆ་བཞི་བ་སྟེང་དང་། དམེ་གཏོར་མཆོད་པའི་རས་མ་དང་བཅས་པར་མེ་སྒྲོན་བཙུགས་པ་སྟེང་འོག་གཉིས་རིམ་དུ་བཀོད་ལ་བདུད་རྩི་བྲན། རྒྱས་པར་སྤྲོ་ན་འཁོན་སྟོན་ཆེན་པོ་རྣམས་ཀྱི་ཕྱག་བཞེས་ལྟར། རང་ཉིད་དཔལ་ཆེན་པོར་གསལ་བས་ཕཊ་སྥ་ར་་བརྗོད་པས་མདུན་གྱི་ཡེ་ཤེས་སེམས་དཔའི་ཐུགས་ལས་ཕཊ་ནག་པོ་འོད་ཟེར་འཕྲོ་བ་བྱུང་། རང་གི་སྙིང་གར་ཐིམ་པས་བདག་དང་འགྲོ་བ་ཀུན་གྱི་ཉོན་མོངས་སྐད་ཅིག་ལ་བྱང་བར་བསམ། གཙོ་འཁོར་གྱི་སྔགས་བརྗོད་པས་དམ་ཚིག་པའི་དཀྱིལ་འཁོར་གསལ་གདབ། །ཡེ་ཤེས་ཀྱི་དཀྱིལ་འཁོར་བཀུག་ལ་བདག་མདུན་གཉིས་ཀར་བསྟིམས་པས་བདག་གི་གཉིས་འཛིན་དག །ལྷ་རྟོག་གཉིས་མེད་ཀྱི་དངོས་གྲུབ་ཐོབ་པར་མོས། བསྡུ་ན་ཡར་གནས་སྐད་ཅིག་གིས་སྤྱན་དྲངས། སྟོང་པའི་ངང་ལས་ཧཱུྃ་ལས་གཏོར་མ་འདོད་ཡོན་གྱི་ཕུང་པོ་ཟད་མི་ཤེས་པའི་ལོངས་སྤྱོད་ཀྱི་གཏེར་དུ་གྱུར་པར་བསམས་ལ་ཡར་གནས་རིགས་ལྔ་མཆོད་ཅིང་ཕྲིན་ལས་བཅོལ། ལྷག་མའི་མགྲོན་དབང་ཕྱུག་མ་ལ་སོགས་པ་རྣམས་བྱ་ནག་ཐང་ལ་བབས་པ་བཞིན་ཐིབས་ཀྱིས་བྱོན་ནས་དཀྱིལ་འཁོར་གྱི་མུ་རན་ལ་འཁོད་པར་བསམ། དམེ་གཏོར་ལ་མཁའ་དབྱིངས་ཕྱག་རྒྱས་བཀབ་སྟེ་གུང་མཐེབ་རྩེ་སྤྲད། མཛུབ་མོ་སྦྲེལ། གཞན་རྣམས་བརྐྱང་བའོ། །དེའི་ནང་ནས་བདུད་རྩིའི་ཁ་ཕྲུ་གདབ་ ― LT30_Page_0566 ―
[མ་དཔེ་གཟིགས་ན་འདིར་གནོན།]
པར་གསུངས་ཀྱང་རྣལ་འབྱོར་པ་རྟོགས་པ་དམན་ན་དངོས་སུ་གདབ་མི་རུང་བས་ནང་མཆོད་བླུགས་ལ་ཏིང་འཛིན་གསུམ་བྱ་སྟེ། དེའང་ཕྱི་ལྟར་ན། བདག་ཉིད་དཔལ་ཆེན་པོའི་ལྗགས་རྡོ་རྗེ་རྩེ་གསུམ་པའི་རྭ་ཕྲག་ནས་བདུད་རྩི་བབས་པས་ལྷག་མའི་ཉེས་སྐྱོན་སྦྱང་བར་བསམ། ནང་ལྟར་ན། ཡ་རྐན་ཟླ་བ། མ་རྐན་ཉི་མ། ལྗགས་པདྨ་འདབ་བརྒྱད་ཀྱི་སྟེང་དུ་རྟ་མགྲིན་ཚོན་གང་བ་ཡུམ་བཞི་དང་སྦྱོར་བ་མཛད་པས་བདུད་རྩི་དཀར་པོ་བབས་པས། ལྷག་གཏོར་ངོ་བོ་བདུད་རྩི་རྣམ་པ་ཤ་ཁྲག་གི་ཕུང་པོ་རི་རབ་ཙམ་དུ་མོས། གསང་བ་ལྟར་ན། མཁའ་དབྱིངས་ཀྱི་ཕྱག་རྒྱ་མཁའ་འགྲོ་མ་རྣམས་ཀྱི་མཁའ་གསང་དང་གཉིས་སུ་མེད་པ་ལ། བདག་དཔལ་ཆེན་པོ་དང་སྦྱོར་བ་བྱས་པས་བྱང་ཆུབ་ཀྱི་སེམས་དེ་དག་གི་མཁའ་རུ་འཕྲོས་ཏེ་ལྷག་པ་བྱང་ཆུབ་སེམས་ཀྱི་དབང་བསྐུར་བ་མོས། བཀའ་མ་གཞན་ལྟར་སྤྲོ་ན་གཏོར་མའི་པྲ་བརྟག །ཕུད་གཏོར་ཐེབས་ཀྱུ་གཅིག་དམེ་གཏོར་ལ་བསྲེ། སླར་དམེ་གཏོར་ཡོངས་རྫོགས་ཕུད་གཏོར་དུ་བླུགས་ལ་སྨན་རཀ་སྦྲེང་སྟེ་མར་གནས་གྱེར་མཐར་ལྷག་མགྲོན་གཤེགས་པར་མོས་ལ། སྒྲུབ་ཁང་ལྷོ་ནུབ་གོམ་པ་བདུན་ཅུའི་སར་བླུགས། འདི་ནི་འཕན་པ་དང་གཏོར་པ་སོགས་མི་རུང་ངོ་། །དེ་ནས་བརྟན་མ་སྐྱོང་བའི་སྐབས། བརྟན་མའི་གཏོར་མ་དཔལ་བཤོས་ཀྱི་དབྱིབས་ཅན་གཅིག་དང་། དེ་སྟེང་བདག་ཆེན་རྒྱ་གར་པའི་ཕྱག་བཞེས་ལྟར་ཁང་བཟང་སྟེ་ཟླུམ་པོ་ཟུར་གསུམ་དཀྱུས་གཏོར་སུམ་བསྒྲིག །རྣམས་ ― LT30_Page_0567 ―
[མ་དཔེ་གཟིགས་ན་འདིར་གནོན།]
སྒྲུབ་ཁང་གི་ཕྱི་རོལ་དུ་ཕུང་ཀྱིས་བྲན། ཏྲཱྃ་ལས་གཏོར་མའི་རྡུལ་ཕྲ་རབ་རེ་རེ་བཞིན་རིན་པོ་ཆེའི་གུར་ཁང་ལོངས་སྤྱོད་ཟད་མི་ཤེས་པས་ནམ་མཁའ་གང་བར་བསམས་ལ་ཚིག་ལྷུག་གིས་བརྟན་མ་རྣམས་སྤྱན་དྲངས། ལག་པ་རྒྱབ་སྦྱར་བའི་མཐེའུ་ཆུང་སྦྲེལ། མཐེ་བོང་བཀུག །ལྷག་མ་གཟིངས་པ་ཁྱུང་གཤོག་ཕྱག་རྒྱས་ཟིལ་གྱིས་མནན་ལ་གཏོར་མ་འབུལ་ལ། ཡ་ཧི་གཙྪས་གཤེགས་སུ་གསོལ། གཏོར་གཞོང་རི་རབ་ཏུ་གྱུར་པའི་འོག་ཏུ་དམ་སྲི་བཀུག་ནས་མནན་པར་བསམས་ལ་བྲོ་བརྡུང་བ་སོགས་ཏེ་དེ་དག་དཀའ་བའི་གནང་ཞོར་བྱུང་དུ་སྨོས་པའོ། །དེ་ལ་དུས་བསྙེན་ཟླ་བ་དྲུག །བྱེད་ན་དམ་ཅན་ཉེ་བསྙེན་བདུན་ཕྲག་གསུམ། ངན་སྔགས་ཉེར་བསྙེན་བདུན་གཅིག་ཙམ་བྱས་པ་ལས་མཇུག་བསྡུས། ཟླ་བ་གསུམ་བྱེད་ན་དམ་ཅན་བདུན་གཉིས། ངན་སྔགས་ཞག་གསུམ། ཟླ་བ་གཅིག་ལས་མི་བྱེད་ན་དམ་ཅན་ཞག་གསུམ། ངན་སྔགས་ཞག་གཅིག་ཙམ་བྱ། ངན་སྔགས་ཉེར་བསྙེན་ཞག་བདུན་ལྟ་བུར་སྒྲུབ་ལོངས་ཡོད་པའི་སྐབས་སུ་བཅས་རྣམས་གཞུང་མཐུན་ཚད་ལྡན་བྱས་ཏེ་ཐུན་གྱི་ཁོག་སྤྱི་ལྟར་ལ། ཞག་དང་པོར་ལྷ་དང་ཕྲལ་པ། གཉིས་པར་གཟུགས་ལ་དབབ་པ་གསུམ་པར་བྱད་དུ་བཅུག་པ། བཞི་པར་སྨྱོར་གཞུག་པ། ལྔ་པར་གཏུན་བརྡུང་། དྲུག་པར་ཞལ་བསྟབ་སྟེ་འཕྱོང་དྲུག་རེ་རེར་བསྒྲུབ་ཅིང་། མཇུག་ཉི་མ་བདུན་པ་ལ་གདབ་ལས་རྒྱས་པར་བྱ་སྟེ་དེ་དག་ཀུན་གྱི་ཐོག་མར་འགུགས་གཞུག་དང་། ཉིན་ཞག་ཕྱི་མ་ཕྱི་མར་སྔ་མ་སྔ་མའི་ ― LT30_Page_0568 ―
[མ་དཔེ་གཟིགས་ན་འདིར་གནོན།]
ངན་སྔགས་སྔོན་ཏུ་བཏང་བ་སོགས་ཞིབ་པར་གཞན་དུ་ཤེས་ཤིང་། འདོན་ཆ་སོགས་སྤྱི་ཙམ་ནི་གཏོར་ཟློག་ལྟར་རོ། །དཀྱུས་སུ་སྨོས་པའི་དམིགས་པ་ནི་བསྙེན་སྒྲུབ་མཇུག་ས་བཅད་མ་སྟོངས་ཙམ་བྱེད་པའི་དབང་དུ་བྱས་ཤིང་འདི་ལྟར་བྱ་བའི་ཚེ་ནའང་མཐར་སྔགས་དྲུག་གདབ་ལས་བཅས་ཚར་གཅིག་གཏོར་ཟློག་ལྟར་རྒྱས་པར་བྱ་དགོས་སོ། །བཞི་པ་དངོས་གྲུབ་བླང་བ་ལ་གཉིས། ལྷ་ལས་བླང་བ་དང་། དགྲ་ལས་བླང་བའོ། །དེ་གཉིས་རིམ་པ་དེ་ལྟར་བཤད་ཀྱང་ལག་ལེན་གྱི་དབང་གིས་ཕྱི་མ་སྔོན་ཏུ་སྟོན་ཏེ། དེའང་བསྙེན་པ་གསུམ་མཐར་ཕྱིན་པའི་ཚེ། ཚོགས་བར་པ་ཡན་དཀྱུས་ལྟར་ལ། ཚོགས་ཐ་མའི་སྐབས་སློབ་དཔོན་འབྲུབ་ཁུང་གི་རྩར་ཕྱིན་ལ། རིག་འཛིན་བསྐུལ་པ། གསེར་སྐྱེམས། ཕུར་ཁ་བསྒྱུར་བ། གཟུ་དཔང་སོགས་གཏོར་ཟློག་ལྟར་མཐར་ཆགས་སུ་བཏང་བ་ལས། ཚེ་ཁྲུས་ཀྱི་དགོངས་པ་དང་ལྡན་པས་གདབ་ལས་རྒྱས་པ་ཞལ་བསྟབ་བཅས་བྱ། དེའང་དགྲ་ལ་མཚན་ཕྱེད། བགེགས་ལ་ཉིན་ཕྱེད་ན་གདབ་པའི་དུས་སུ་བསྔགས། བསད་པའི་གནས་གཉིས་ལས། རྡོ་རྗེ་གཞོན་ནུའི་ལྟོ་བར་བསད་ན། དབུས་ཀྱི་ཕུར་པ་ཕྱིར་བསྣུབ། སྐུད་པ་དཀར་ནག་གིས་ལིངྒ་དྲངས་ཏེ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བི།།།ན་བཾ་ཆེ་གེ་མོ་མཱ་ར་ཡ་ཧཱུྃ་ཛཿཛཿཧཱུྃ་བྃ་ཧོཿ ཞེས་བརྗོད་ལ་དབུས་ཀྱི་གྲུ་གསུམ་དུ་མགོ་ལྷོ་ནུབ་རྐང་པ་བྱང་ཤར་དུ་བསྟན་ལ་བསད་དེ་ཕོ་བྲང་ཨེ་ ― LT30_Page_0569 ―
[མ་དཔེ་གཟིགས་ན་འདིར་གནོན།]
ཁྲོཾ་དུ་བསྒྱུར་བའི་དོན་ཀྱང་དེ་ཡིན་པར་བཤད། ཡང་ན་གཤིན་རྗེ་དང་སྲིན་པོའི་བར་དུ་འབྲུབ་ཁུང་ཚེར་མ་ཅན་ལ་བསད་པ་ནི་ད་ལྟའི་དཀྱུས་ཀྱི་ཕྱག་ལེན་ལྟར་རོ། །སྐབས་འདིར་ལིང་རོའི་མགོ་མནན་པ་དང་། སྨད་ཀྱི་ཆ་སྦྱིན་སྲེག་རྫས་སུ་གུད་དུ་བཞག་ལ་སྟོད་ཀྱི་ཆ་གཏུབས་ཏེ་བསྟབ་བོ། །དེ་ནས་ལྷ་ལས་དངོས་གྲུབ་བླང་སྟེ། དེའང་ཞལ་ཟས་ལ་བརྟེན་པ་དང་། ཚེ་རྫས་ལ་བརྟེན་པ་གཉིས་ཡོད་པས། ཐོག་མར་ཞལ་ཟས་དང་། དེ་ནས་ཚེའི་དངོས་གྲུབ་བླང་བ་ཟུར་འདེབས་སུ་བཤད་པ་ལྟར་བྱ་ཞིང་། དེ་ལས་ཀྱང་ཚེའི་ཆོ་ག་ནི་སྒྲུབ་པའི་མཇུག་འདིར་རྒྱས་པ་གཞན་ཏུ་འབྱུང་བ་ལྟར་བྱ་བ་ལེགས་སོ། །ལྔ་པ་མཇུག་བསྡུ་བ་ལ་གཉིས། ལས་ཀྱི་མཇུག་བསྡུ་བ་དང་། སྒྲུབ་པའི་མཇུག་བསྡུ་བའོ། །དང་པོ་ལའང་མནན་སྲེག་འཕང་གསུམ་གྱི་དང་པོ་སྦྱིན་སྲེག་ནི། བསྙེན་སྒྲུབ་ཀྱི་ཁ་སྐོང་དུ་ཞི་བ་དང་དྲག་པོའི་སྦྱིན་སྲེག་རྒྱས་པར་གྲུབ་ན་ལེགས་པས་དེ་ལྟར་ན་དངོས་གྲུབ་བླང་བའི་མཇུག་ཏུ་ལྷག་ཆོག་སོགས་རྗེས་ཀྱི་ལས་རིམ་མདོར་བསྡུས་ཉིན་ལྟར་བྱས་ལ། ཕྱིར་ཉིན་ལས་གཞུང་སྔོན་འགྲོས་སྦྱིན་སྲེག་གྲངས་དུ་ཐོན་བྱ་ཞིང་། དེ་ལྟར་མི་ལྕོགས་པས་སྐབས་འདིར་ལས་ཀྱི་ཁ་སྐོང་ནི། དཀྱིལ་འཁོར་གྱི་ཤར་ལྷོར་དུག་ཤིང་ངམ་ཚེར་མ་ཅན་གྱི་ཧོམ་གྲུ་གསུམ་པ་གཅིག་བརྩིགས་པའི་ནང་དུ། གོང་གི་ལིང་རོའི་སྨད་དང་། ལིང་ག་གསར་པ་གཅིག་ལའང་དགུག་ ― LT30_Page_0570 ―
[མ་དཔེ་གཟིགས་ན་འདིར་གནོན།]
བསྟིམ་བྱས་ཏེ་ཧོམ་དཀྱིལ་དུ་མགོ་མཐུར་བསྟན་གྱིས་བཞག་ལ་ཚིལ་ཆེན་གྱི་མར་ཁུས་བྲན། ཨོཾ་བཛྲ་ཀཱི་ལི་ཀཱི་ལ་ཡ་ཨགྣ་ཡེ་ཛྭ་ལ་རཾ་ཞེས་པས་མེ་སྦར། མེ་ཉིད་ཡེ་ཤེས་ཀྱི་མེ་ལྷ་དཔལ་ཆེན་པོའི་ལྷ་ཚོགས་སུ་བཞེངས་པར་བསམ་ལ། བབ་བརྒྱད་ཀྱིས་བསྐུལ། འཕྱོང་ནི། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་ཏུ་རློགས། །ཅེས་བཏགས་ཏེ། ཞིང་ལྤགས་རས་མར་དགྲ་བགེགས་ཀྱི་མིང་གཟུགས་བྲིས་པ་དང་། སྒྲུབ་གཏོར་གྱི་ཆ་ཤས་ཕུད་དང་ཡུངས་ཀར་བཅས་པ་རྣམས་མར་ནག་དང་ལྷན་ཅིག་ཧོམ་གཟར་དུ་བླུགས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཨགྣ་ཡེ་ཧཱུྃ་ཕཊ། གནོད་བྱེད་དགྲ་བགེགས་ཙིཏྟ་ཛྲ་ལ་རཾ། བི་ད་ཡ་བི་ད་ཡ་ཧཱུྃ་ཕཊ། ད་ཧ་ད་ཧ། ཛྭ་ལ་ཛྭ་ལ་བཛྲ་ཧཱུྃ་ཕཊ། ཅེས་ལན་གསུམ་བུལ་བས་དགྲ་བགེགས་རྣམས་བསྲེག་པའི་དྭངས་མ་མེ་ལྷ་དབལ་ཆེན་པོའི་ལྷ་ཚོགས་ཀྱི་ཞལ་དུ་བསྟབས་པས་བཞེངས་པར་བསམ་ཞིང་། ལྷ་ཚོགས་བཛྲ་མུཿས་གཤེགས་སོ། །དེ་ནས་འཕང་བ་ཟོར་ནི། སྒྲུབ་གཏོར་ལྷག་མ་ལ་ཐུན་རོ་དང་ཐུན་སྣ་ཚོགས་བླུགས། ཟོར་གཏོར་ཐོག་གཟུགས་ཐག་གིས་བྱུགས་པའི་རྩེར་ཡུངས་གར་བཙུགས་པ་གོང་དུ་བཅས་བཤམ་གྱི་དུས་ནས་དཀྱིལ་འཁོར་གྱི་ཤར་ལྷོར་འདུ་བྱས་ལ། ཕུད་འཐོར་བཞིན། འཇམ་དཔལ་སྐུ་ཡི་སོགས་ཟོར་དུ་བསྒྱུར། དོ་ནུབ་ཀྱི་ཟོར་ཁ་སོགས་ ― LT30_Page_0571 ―
[མ་དཔེ་གཟིགས་ན་འདིར་གནོན།]
བརྗོད་པས་ཟོར་ལམ་བསལ་ལ། བབ་བརྒྱད་ཀྱིས་བསྐུལ་བའི་མཇུག་ཏུ་འཕྱོང་། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལུས་ངག་རྡུལ་ཕྲན་བཞིན་དུ་རློག །ཅེས་བཏགས་ཏེ། སྔགས་ནི། ཨོཾ་བཛྲ་ཀཱི་ལ་ཀཱི་ལ་ཡ་ཧཱུྃ། པ་ར་བིདྱ་ཚིནྡྷ་ཚིནྡྷ་ཧཱུྃ་ཕཊ། བིནྡྷ་བིནྡྷ་ཧཱུྃ་ཕཊ། གྲྀཧྞ་གྲྀཧྞ་ཧཱུྃ་ཕཊ། ཧ་ན་ཧ་ན་ཧཱུྃ་ཕཊ། བྷནྡྷ་བྷནྡྷ་ཧཱུྃ་ཕཊ། དགྲ་བགེགས་གནོད་བྱེད་ཀྱི་ལྔ་ཕུང་ལ་ཐུན་བྷྱོ་བྷྱོཿ ཞེས་གཟའི་རྒྱུ་ཐབས་དང་བསྟུན་ཏེ་འཕངས་པས་ཕོ་ཉའི་དམག་ཚོགས་ཀྱིས་ནད་མཚོན་དུག་ཆར་ཕབ་པས་དགྲ་བོ་ཡུལ་འཁོར་དང་བཅས་པ་ཐལ་བར་བརླག་པར་བསམ་མོ། །དེ་ནས་མནན་པ་ནི། ལིང་རོའི་མགོ་དང་སྦྱིན་སྲེག་གི་ཐལ་བ། ལིངྒ་གསར་པ་གཅིག་ལ་དགུག་བསྟིམ་དྲག་པོ་བྱས་པའི་སྙིང་གར་དུག་ཕུར་གཅིག་བཏབ་པ་ཐོད་ངན་དུ་བླུབས་རེ་བས་སྒྲིལ། ཡུག་སྐྲས་ཕྱིར་ཟློག་ཏུ་བཅིངས་ལ། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་ཏི་རཾ་མུཀྟ་ཨོཾ་ལཾ་ཧཱུྃ་ལཾ་སྟམྦྷ་ཡ་ནན། ཞེས་མང་དུ་བཟླས་ལ། ཐེམ་འོག་གམ་ལམ་རྒྱ་གྲམ་དུ་དོང་གྲུ་གསུམ་བྲུས་ཏེ། ཕུད་འབོར་བཞིན། འཇམ་དཔལ་སྐུ་ཡི་སོགས་མནན་པའི་ལས་སུ་ཁ་བསྒྱུར་བ་དང་། བབ་བརྒྱད་ཀྱིས་བསྐུལ། འཕྱོང་ནི། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །མནན་ནོ་ནོན་ཅིག་སྟམྦྷ་ཡ། །ཞེས་དོང་དུ་ ― LT30_Page_0572 ―
[མ་དཔེ་གཟིགས་ན་འདིར་གནོན།]
སྒྱུར། སས་གཡོགས་ཤིང་རྒྱས་གདབ། རོ་གཡམ་ལ་རྒྱ་གྲམ་བྲིས་པས་ཁ་བཅད་དེ། རི་རབ་ཀྱིས་མནན་པར་བསམ། དེའི་སྟེང་སཙྪ་ནག་པོ་གཅིག །ཀརྨ་ཧེ་རུ་ཀ་ལྗང་ནག་རྒྱ་གྲམ་དང་དྲིལ་བུ་བསྣམས་པ་རང་འདྲའི་འཁོར་འབུམ་གྱིས་བསྐོར་བས་མནན་ཏེ། ནམ་ཡང་ཐར་པ་མེད་པར་བསམ་ཞིང་ལས་བཞིའི་བྲོ་བརྡུང་ངོ་། །ལས་བཞིའི་ཕུར་པ་སོ་སོར་ཡོད་ན་བྲོ་བརྡུང་བའི་སྐབས་འདིར་གསོར་བ་འབྲེལ་ལོ། །གཉིས་པ་སྒྲུབ་པས་འཇུག་བསྡུ་བ་ནི། གསོ་བ་རྣམ་པ་གསུམ་སྟེ་འདི་ལ་གསོ་བའི་དུས་དང་། ཡུལ་དང་། དགོས་པ་རྣམས་ནི་འབུམ་ནག་སོགས་ལས་ཤེས་པར་བྱ་ཞིང་། གསོ་བའི་ཐབས་གསུམ་ལས། བདག་གསོ་བ་ནི། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱིས་བརླབས་པའོ། །སངས་རྒྱས་ཀྱི་མཐུའོ། །ཨ་བྷི་ཙཱརྻའི་དུས་ལ་བབ་པའོ། །བརྣག་པ་དེ་ཁོ་ན་ལའོ། །ཞེས་བསྐུལ་ནས། ཀཱི་ལ་ཡ་བརྒྱ་རྩ་བརྒྱད་བཟླས་པས། གོང་དུ་བཏབ་པའི་ཕུར་བུའི་ཁྲོ་བོ་དེ་དག་ཡེ་ཤེས་ཀྱི་འོད་ཟེར་གོང་བུའི་རྣམ་པར་གྱུར་པ་ཚུར་འདུས་བདག་ལ་ཐིམ་པས་སྐུ་གསུང་ཐུགས་ཀྱི་དངོས་གྲུབ་ཐོབ་སྟེ་རང་ཉིད་གདོད་ནས་ལྷར་གསལ་བ་དེའང་སྐུ་ཆེ་ལ་ཡན་ལག་རགས་པ་ཆེ་བཙན་འགྲན་ཟླ་དང་བྲལ་བར་བསམ་པའོ། །ཕུར་བུ་གསོ་བ་ནི། གོང་དུ་བཏབ་པའི་ཕུར་བུ་དེ་ཕྱུང་ཏེ་དབལ་ནས་བཟུང་ལ་ཀཱི་ལ་ཡ་ཉེར་གཅིག་བཟླ་ཞིང་ཀླད་ལ་ལན་གསུམ་བསྐོར་བས་ཁམས་གསུམ་ཕུར་བུས་གང་། དེ་ ― LT30_Page_0573 ―
[མ་དཔེ་གཟིགས་ན་འདིར་གནོན།]
ཐམས་ཅད་སླར་འདུས་པས་སྟོད་ཁྲོ་བོ་ཞལ་གསུམ་ཕྱག་དྲུག་པ་སྨད་ཕུར་བུའི་རྣམ་པ་ཅན་སྐུ་རི་རབ་ལྟར་བརྗིད་ཅིང་ཆེ་བ་ལས། ཡེ་ཤེས་ཀྱི་མེ་འོད་འབར་ཞིང་འུར་སྒྲ་དྲག་པོ་སྒྲོགས་པར་བསྒོམས་པས། ལྷ་རྣམས་ལ་ཉེས་པས་མི་གོས་ཤིང་གཟི་བྱིན་དང་ལྡན་པར་བསམ་མོ། །གཟས་པོ་གསོ་བ་ནི། དཀར་ནག་གི་མཚམས་སུའོ། །ཞེས་བརྗོད་ཅིང་ཕུར་བུ་སྒྲིལ་ཞིང་བཏབ་སྟེ། ཀཱི་ལ་ཡ་ལན་བཅོ་བརྒྱད་བཟླས་པས་ཕུར་བུའི་ཡེ་ཤེས་ཀྱི་འོད་ཟེར་གྱིས་གཟས་བོའི་ཁམས་བཅོ་བརྒྱད་ཀྱིས་མཚོན་པའི་ལས་དང་ཉོན་མོངས་པའི་དྲི་མ་ཐམས་ཅད་དག་ནས། སེམས་ཉིད་རྡུལ་བྲལ་དྭངས་མའི་ཐིག་ལེ་ཡི་གེ་ཧཱུྃ་གི་རྣམ་པར་གྱུར་པ། ཨ་ལཾ་ཞེས་ཨ་ལས་བྱུང་བའི་ཟླ་དཀྱིལ་གྱི་སྟེང་དུ་བཞག་སྟེ། ཡཾ་ལས་བྱུང་བའི་རླུང་གིས་བཏེགས་ནས། ཕཊ་ཅེས་འོག་མིན་གྱི་ཞིང་དུ་སྦར་ཏེ། རྡོ་རྗེ་སེམས་དཔའ་ཡབ་ཡུམ་གྱི་སྦྱོར་མཚམས་སུ་ཐིམ་ནས་རྡོར་སེམས་ཀྱི་སྲས་སུ་སྐྱེས་པར་བསམ་པ་ནི། གནས་སྦར་བ་སྟེ་གནས་ལུང་དཔྱད་ཐག་གི་ཆོ་ག་ཐུགས་རྗེ་རྗེས་འཛིན་གྱི་ཕུར་གདབ་ཅེས་ཀྱང་བྱའོ། །རྒྱུན་གྱི་ཡི་དམ་ནར་མར་བྱེད་པའི་ཕུར་གདབ་ཀྱི་དུས་སུ་འདི་ཉིད་གོང་གི་ཚེ་ལུང་གི་མཇུག་ཏུ་སྦྲེལ་བས་ཆོས་ཀྱི་དབྱིངས་སུ་སྒྲོལ་བའི་ཐབས་ལ་མཁས་པའི་སྦྱོར་བ་སྟེ་བསྒྲལ་ལས་ཀྱི་གཙོ་བོ་ཉིད་ཚང་བར་འགྱུར་རོ། །སླར་གཏོང་རག་གི་མཆོད་བསྟོད་རྒྱ་ཆེར་བྱ་ཞིང་། ནོངས་བཤགས་བཟོད་གསོལ་དང་། ཁྱད་པར་ཡིག་བརྒྱ་ཅི་ནུས་བཟླ། ― LT30_Page_0574 ―
[མ་དཔེ་གཟིགས་ན་འདིར་གནོན།]
མདུན་བསྐྱེད་ཡེ་ཤེས་པ་བརྟན་བཞུགས། དམ་ཚིག་པ་བདག་ལ་བསྡུ། བདག་བསྐྱེད་བསྡུ་ཚུལ་གཞུང་གཞན་ལས། ཕཊ་གསུམ་གྱིས་ཁམས་གསུམ་ལྷར་གསལ། ཧཱུྃ་གསུམ་གྱིས་ཁམས་གསུམ་དཀྱིལ་འཁོར་གསུམ་དང་བཅས་པ་མཐའ་ནས་དབུས་སུ་བསྡུས་ཏེ། ཆོས་སྐུ་རྒྱུན་གྱི་ཏིང་ངེ་འཛིན་ལ་མཉམ་པར་བཞག །སླར་ཕཊ་གསུམ་གྱིས་རྡོ་རྗེ་གཞོན་ནུའི་སྐུར་ལྡངས་ཤིང་། ཧཱུྃ་གསུམ་གྱིས་སྣང་གྲགས་རིག་གསུམ་དཀྱིལ་འཁོར་གསུམ་དུ་ལམ་དུ་ཁྱེར་ཏེ་གཟུགས་སྐུ་རྒྱུན་གྱི་ཏིང་ངེ་འཛིན་བྱ་བར་གསུངས་པ་བཞིན་རྗེ་བཙུན་གྱི་དགོངས་པའང་དེ་ཡིན་པར་མངོན་ལ། ས་ལུགས་རྩ་བའི་གཞུང་དུ། སྣོད་བཅུད་ལྷ་དང་བཅས་པ་བདག་ལ་བསྡུ། བདག་གཙོ་བོའི་བ་སྤུའི་བུ་ག་ཁྲོ་ཆུང་གིས་གཏམས་ཤིང་རྡོ་རྗེའི་གོ་ཆ་གྱོན་པས་བར་ཆད་གང་གིས་ཀྱང་མི་ཚུགས་པར་མོས་གསུངས། དེ་ནས་ཨཀཱ་རོ་བརྗོད་ཅིང་དཀྱིལ་འཁོར་དང་ཡོ་བྱད་བསྡུས་ཏེ་བསྔོ་སྨོན་བཀྲ་ཤིས་རྒྱས་པར་བརྗོད། ཞག་ཁ་ཤས་དགའ་སྟོན་གྱི་ཚོགས་འཁོར་བྱ་ཞིང་གནས་བསྲུང་ངོ། །དེ་ལྟར་གཉེན་པོ་རྒྱུ། ཁྱད་པར་ལས། སྒོམ་སྒྲུབ་སྤྱོད་པའི་སྒོ་ནས་ཐུགས་རྗེའི་ཕུར་པ་ཁམས་གསུམ་སེམས་ཅན་ལ་གདབ་པ་སྟོད་ཀྱི་ལས། ལས་ཀྱི་གཟེར་ཀ་ལྔའི་སྒོ་ནས་མཚན་མ་རྫས་ཀྱི་ཕུར་པ་དགྲ་བགེགས་ལ་གདབ་པ་སྨད་ཀྱི་ལས་གཉིས་ཀྱི་སྒོ་ནས་རིམ་པ་དང་པོ་བསྐྱེད་པའི་ལམ་གཙོ་བོ་སྨོས་པ་ཡིན་ལ། རྫོགས་རིམ་ལ་འཇུག་པར་འདོད་ན། ལྟ་བས་ཐག་བཅད། སྒོམ་ ― LT30_Page_0575 ―
[མ་དཔེ་གཟིགས་ན་འདིར་གནོན།]
པས་ཉམས་སུ་བླང་སྤྱོད་པས་གྲོགས་བྱ་བ་གསུམ་གྱིས་རིག་པ་ཡེ་ཤེས་ཀྱི་ཕུར་པ་ཆོས་ཀྱི་དབྱིངས་སུ་གདབ་པ་ཐུན་མོང་མ་ཡིན་པ་དང་། སྟེང་སྒོ་འཁོར་ལོ་ལྔ་པ་འབར་འཛག་བཟུང་བཟློག་ལ་བརྟེན་པ་དང་། འོག་སྒོ་ཁམས་གསུམ་རོལ་པ་བསྙེན་སྒྲུབ་ཡན་ལག་བཞི་ལ་བརྟེན་ནས་བྱང་ཆུབ་སེམས་ཀྱི་ཕུར་པ་ཡུམ་གྱི་མཁའ་ལ་གདབ་པ་ཐུན་མོང་བའི་གདམས་ངག་ཉམས་སུ་བླང་ཞིང་། ཁྱད་པར་ཆོས་འདི་དང་འབྲེལ་བ་ས་སྐྱ་པའི་ཡབ་ཆོས་ཐུན་མོང་མ་ཡིན་པ་ཡང་ཕུར་གྱི་རྫོགས་རིམ་ཨ་ཏིའི་མན་ངག་ཞུས་ཏེ་རྣལ་འབྱོར་དུ་བྱའོ། །གསུམ་པ་འབྲས་བུ་ནི། དགོངས་རྒྱུད་ལས། ཚེ་འདིར་དངོས་གྲུབ་རྣམ་གཉིས་ཐོབ། །ཅེས་དང་། སློབ་དཔོན་ཆེན་པོས་དེ་ལྟར་ཉམས་སུ་བླངས་ན་མཆོག་ཐུན་མོང་གི་དངོས་གྲུབ་ཡོངས་རྫོགས་སུ་ཐོབ་ནས་ཕྲིན་ལས་རྣམ་པ་བཞི་རྩོལ་མེད་འགྲུབ་ཏེ་འགྲོ་དོན་རྒྱ་ཆེན་པོ་འབྱུང་ངོ་། །དགྲ་བགེགས་རང་བཞིན་གྱིས་ཐུལ་ལོ། །ཕྱི་མ་ཕྱག་རྒྱ་ཆེན་པོ་མཆོག་གི་རིག་འཛིན་ལྷུན་གྱིས་གྲུབ་པར་ངེས་སོ། །ཞེས་དང་། བཤད་རྒྱུད་ལས། རྡོ་རྗེ་ཁྲག་འཐུང་ང་ཉིད་ཀྱི། །ཡི་གེ་ཧཱུྃ་ཙམ་བཟླས་པ་ལའང་། །བར་ཆོད་ཀུན་གྱིས་མི་ཚུགས་ཤིང་། །མཚན་མ་འགྲུབ་པར་ཐེ་ཚོམ་མེད། །རྡོ་རྗེ་ཅན་གྱི་ཞིང་དུ་སྐྱེ། །ལྷ་ཀླུ་ཀུན་ལ་དབང་བྱེད་འགྱུར། །འདི་སྒྲུབ་པ་ཡི་གང་ཟག་རྣམས། །སྔར་ནས་སྦྱངས་པར་ཐེ་ཚོམ་མེད། །རྩེ་གཅིག་འདི་ལ་བརྩོན་ལྡན་པས། །འཁོར་བར་མི་ལྡོག་མངོན་འཚང་རྒྱ། །ཞེས་གསུངས་པ་ལྟར་ ― LT30_Page_0576 ―
[མ་དཔེ་གཟིགས་ན་འདིར་གནོན།]
ཚུལ་བཞིན་བསྒྲུབས་པའི་ཐོག་མར་རྟགས་དང་མཚན་མ་འབྱུང་སྟེ། དེའང་རྟགས་རབ་ཞལ་མཐོང་། འབྲིང་ཕུར་པ་ལྡིང་། ཐ་མ་རྨི་ལམ་ལྟས་སུ་སྟོན། མཚན་མ་ལུས་ཡང་དག་བཙུན་སེམས་གསལ་ཞིང་མི་རྟོག་པའི་ཏིང་ངེ་འཛིན་སྐྱེ། དེ་ནས་བདག་ལ་དབང་དང་དངོས་གྲུབ་ཐོབ་སྟེ། རྟོགས་པ་ཆོས་ཉིད་ཀྱི་དབང་། སྲིད་པ་རྩལ་གྱི་དབང་། ཁམས་གསུམ་སྒྲོལ་བའི་དབང་། དྲག་པོ་ལས་ཀྱི་དབང་ཐོབ། དངོས་གྲུབ་ཐ་མལ་བ་གྲི་མིག་སྦན་སོགས་དང་། འབྲིང་རིག་འཛིན་རྣམ་པ་བཞི་མཐར་ཕྱིན་ཏེ་མཐར་ཐུག་མཆོག་རབ་དཔལ་ཆེན་པོའི་གོ་འཕང་མངོན་ཏུ་བྱེད་པར་འགྱུར་རོ། །དེ་དག་གིས་རྒྱུད་དང་མན་ངག་ལས་དངོས་སུ་བསྟན་ཅིང་གྲུབ་པ་བྱེ་བ་འབུམ་སྡེས་སྐུ་ཉམས་སུ་བསྟར་བའི་བསྙེན་སྒྲུབ་ཡན་ལག་རྣམ་བཞི་རྡོ་རྗེ་ཕུར་པའི་ཁྱད་ཆོས་ཐུན་མོང་མ་ཡིན་པ་ལག་ཏུ་ལེན་པའི་ཚུལ་མདོ་ཙམ་འཆད་ཟིན་ལ། ཁོགས་དང་ཡོ་བྱད་སོགས་འཚོགས་པས་ཚོམྦུ་འབུམ་སྒྲུབ་བྱ་བར་སྤྲོ་ནའང་འདི་ཁོ་ན་ལྟར་སྤྲོས་བཅས་ཀྱི་དབྱེ་བསྡུ་རིགས་པས་འཕྲུལ་ན་ཆོག་པར་ཡོད་ཅིང་། དེའང་ཕྱི་བཤགས་མཚམས་གཅོད་སོགས་ལ་ཉིན་གཅིག །རྒྱན་བཀོད་ཡན་ལག་བཅས་ཉིན་གཅིག་སྟོད་ལས་བསྙེན་སྒྲུབ་ཞག་བདུན་བྱ་བའི་ཐུན་མཚམས་སོ་སོར་ཉུ་ལེ་བསྐྲད་ཅིང་བྱིན་འབེབས་དང་། བསྙེན་རྒྱུན་ཁོར་ཡུག་བྱ། ཞག་དང་པོ་ལ་ལ་ཡེ་ཤེས་ལྷའི་བསྙེན་པ། དེ་འཕྲོས་ཞག་གཉིས་ལ་དམ་ཅན་ཉེ་བསྙེན། དེ་ནས་མར་རོའི་ཉི་ཤུ་གསུམ་ལ་ཁེལ་བར་བྱས་ཏེ་ལྷ་དང་དཔྲལ་བ་སོགས་ངན་སྔགས་ ― LT30_Page_0577 ―
[མ་དཔེ་གཟིགས་ན་འདིར་གནོན།]
དྲུག་ཞག་དྲུག་ལ་རེ་རེ་བྱ། ཉེར་དགུ་ལ་གདབ་ལས་དང་མནན་སྲེག་འཕང་གསུམ། གནམ་སྟོང་ལ་དངོས་གྲུབ་བླང་བ་སོགས་ལས་མཇུག་བསྡུ་བ་སྟེ་ཁྱོན་ཉི་མ་བཅོ་བརྒྱད་ཙམ་གྱིས་རྒྱས་པར་འགྲུབ་ཅིང་། བར་རྣམས་དེ་ཡིས་འགྲེ་བར་བྱའོ། །རྩ་བའི་གཉིས་པ་སྤྲོས་མེད་བསྙེན་རྐྱང་ཙམ་བྱ་བར་འདོད་ན། དཔལ་གཏོར། སྨན་རཀ །ཕྱི་མཆོད། གཏོར་འབུལ་རིགས། བསྙེན་ཕུར་དང་སྲས་མཆོག་ཙམ་འདུ་བྱ་བ་ལས་སྤྲོས་པ་གཞན་མི་དགོས། ཉིན་དང་པོར་སྔོན་གཏོར་བཏང་། རྒྱུན་ཏུ་མི་དགོས། སྐྱབས་སེམས་ཚད་མེད་མཚམས་གཅོད་ནས་གཙོ་བོ་བསྒོམ་བསྟིམ་དབང་བསྐུར་ཡན་བཏང་། དེ་མཚམས་འཁོར་གྱི་ལྷ་རྣམས་བསྒྱུར། སྲས་མཆོག་བྱིན་རླབས་ནས་བསྟོད་པའི་བར་མཐར་ཆགས་སུ་བཏང་བ་ལ། མཆོད་ཚིག་ཕལ་ཆེར་རྒྱུན་ཏུ་སྔགས་ཙམ་གྱིས་ཆོག་ཅིང་། ཁྱད་པར་བསྒྲལ་མཆོད་ལེའུ་དང་པོའི་རྗེས་སུ། ཧེ་རུ་ཀའི་གནས་བཅུ་སོགས་སྦྱར། བསྟོད་པའི་སྐབས་ཀྱང་འཁོར་གྱི་བསྟོད་པ་དོར། རིག་འཛིན་བསྐུལ་བ་དང་། སྒེག་པ་དཔའ་བ་སོགས་ཉིན་དང་པོའི་སྔ་ཐུན་ཙམ་ལས་མི་དགོས་ཤིང་། སྔགས་ཙམ་གྱིས་འཛབ་ཁང་ཡེ་ཤེས་སེམས་དཔའ་དབྱེ་བ་དང་། འགལ་མེའི་འཕྲོ་འདུ་གཙོར་བྱ་ཞིང་། རྗེས་འདོད་གསོལ་དངོས་གྲུབ་བླངས་ནས་བསྟིམས་པ་སོགས་གཏོར་ཟློག་ནང་དུ་བཤད་པ་ཇི་ལྟ་བ་ལས་འདོད་གསོལ་རྗེས་མཆོད་བསྟོད་མདོར་བསྡུས་དང་། ཐུན་ ― LT30_Page_0578 ―
[མ་དཔེ་གཟིགས་ན་འདིར་གནོན།]
མཐར་དཀར་བདུད་ཕུར་སྲུང་རྣམས་ལ་གཏོར་འབུལ་བསྡུས་ཙམ་བྱ། དགོངས་མོར་འགྲུབ་ན་ཚོགས་མཆོད་དང་། མ་གྲུབ་ན་གཏོར་འབུལ་མཇུག་ཏུ་གོ་བགོ་བསྔོ་སྨོན་བྱ་བ་ནི་རང་དོན་བྱང་ཆུབ་ནར་མའི་སྒྲུབ་པ་ཞེས་བྱ་བ་རྒྱུན་གྱི་ཚུལ་ཡང་ཡིན་ལ། འཁོན་སྟོན་གྲུབ་པའི་དབང་པོ་བར་མ་ཆད་པའི་ཕྱག་སྲོལ་དང་། གྲུབ་བརྙེས་ཆགས་མེད་ཞབས་སོགས་རྙིང་སྒོམ་ཀུ་སཱ་ལི་འགའ་ཞིག་གི་ཕྱག་བཞེས་ཀྱང་ཡིན་པས། གོང་མ་ཇི་བཞིན་པ་འགྲུབ་ན་མཆོག །གཞན་ཏུ་འདི་ཙམ་ལའང་འབྲེལ་འཇོག་བྱ་བར་རིགས་སོ། །སངས་རྒྱས་གཉིས་པ་མཚོ་སྐྱེས་རྡོ་རྗེ་ཡི། །ཐུགས་དམ་ཉི་ཟླ་ལྟར་གྲགས་ཡང་ཕུར་གྱི། །སྲོལ་མང་ཀུན་ལས་བྱིན་རླབས་གཟི་བྱིན་ཅན། །འཁོན་གྱི་ཡབ་ཆོས་འདི་ཐོས་སྐལ་པ་བཟང་། །འདིར་བཤད་ཉེས་མཆིས་རྩ་གསུམ་སྤྱན་སྔར་བཤགས། །དགེ་བས་གྲུབ་པའི་རིག་འཛིན་དབྱར་མཚོ་ལྟར། །འཕེལ་ཞིང་དེ་ཡིས་སྙིང་པོའི་རིང་ལུགས་འཕེལ། །དེས་ཀྱང་ཐར་པའི་སྨན་ལྗོངས་ཆེར་འཕེལ་ཤོག །ཅེས་པ་འདིའང་དད་དམ་ལྷག་བསམ་གསེར་བཟང་ལྟར་མི་འགྱུར་བ་ཛཾ་ཐང་བླ་མ་ལྔ་སྡེས་བསྐུལ་ངོར། རྗེ་བཙུན་ཆེན་པོའི་གསུང་རབ་ཀྱི་ཞབས་ཏོག་ཏུ་གང་དེའི་བསྟན་པ་ལ་མི་ཕྱེད་སྙིང་ནས་དད་པའི་བག་ཆགས་སད་པ་པདྨ་གར་དབང་བདེ་བའི་རྡོ་རྗེས་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་སྙིང་པོའི་བསྟན་པ་རྒྱས་པའི་རྒྱུར་གྱུར་ཅིག །དགེ་ལེགས་འཕེལ།། །། ཡང་ཕུར་ཐུན་མོང་གི་མན་ངག་ཨ་ཏིའི་ཁྲིད་ཡིག་ཐར་པའི་སྒོ་གཅིག― LT30_Page_0579 ―
[མ་དཔེ་གཟིགས་ན་འདིར་གནོན།]
ཡང་ཕུར་ཐུན་མོང་གི་མན་ངག་ཨ་ཏིའི་ཁྲིད་ཡིག་ཐར་པའི་སྒོ་གཅིག་ཅེས་བྱ་བ་བཞུགས་སོ། ། ― LT30_Page_0580 ―
[མ་དཔེ་གཟིགས་ན་འདིར་གནོན།]
རྫོགས་པ་ཆེན་པོ་ཨ་ཏིའི་ལམ་རིམ་ཐར་པའི་སྒོ་གཅིག་ཅེས་བྱ་བ། ན་མོ་གུ་རུ་དེ་བ་ཌཱ་ཀི་ནཱི། ཡོད་ཅེས་བྱ་བ་རྟག་པར་ལྟ། །མེད་ཅེས་བྱ་བ་ཆད་པར་ལྟ། །དེ་ཕྱིར་ཡོད་དང་མེད་པ་ལས། །འདས་པར་སྟོན་མཛད་བླ་མར་འདུད། །ཅེས་མཆོད་པར་བརྗོད་ནས། འདིར་རྫོགས་པ་ཆེན་པོ་ཨ་ཏིའི་ཞལ་གྱི་གདམས་པ་རྣམས་བརྗེད་པས་འཇིགས་ནས་ཡི་གེར་བྲི་བ་ལ། ཆོས་བདག་མཁའ་འགྲོའི་ཚོགས་དགྱེས་ཤིང་གནད་དུ་གསོལ། དང་པོར་ཆོས་ཉིད་མངོན་སུམ་ཉམས་སུ་ལེན་པའི་དུས། ཐོག་མར་སྐྱབས་སེམས་སྔོན་དུ་སོང་བས། རང་ཡི་དམ་ཕུར་པར་གསལ་གདབ་པའམ། གཞན་ཡང་ཡི་དམ་གང་ཡང་རུང་བར་གསལ་བཏབ་ལ། ཐོ་རངས་གཉིད་སོགས་ངོམས་པར་བྱས་ནས། ལུས་གནད་དྲང་པོར་བསྲངས་བའི་སེམས་དཔའི་སྐྱིལ་ཀྲུང་ངམ། མེ་ཐབ་དྲུག་ཆིངས་ལ་གཡོན་པའི་མཐེ་བོང་གུང་མོ་སྲིན་ལག་གསུམ་གཡས་པས་ཧ་ཅང་དམ་དྲགས་པ་མིན་ ― LT30_Page_0581 ―
[མ་དཔེ་གཟིགས་ན་འདིར་གནོན།]
པའི་འཆིང་བ་བྱས་པའི་ངོས། འཇམ་རླུང་གཡས་གཡོན་དབུས་གསུམ་ནས་བུས་པས། ནད་གདོན་སྡིག་སྒྲིབ་ཐམས་ཅད་ཕྱིར་སང་སང་གིས་དོན་པར་བསམ། ཚུར་རྔུབ་དུས་བླ་མ་ཡི་དམ་ཐམས་ཅད་ཀྱི་ཐུགས་རྗེའི་བྱིན་རླབས་རྣམས་འོད་ཟེར་གྱི་རྣམ་པར་རང་ལ་ཐིམ་པར་བསྒོམ། དེ་ནས་འོག་རླུང་ཅུང་ཟད་འཐེན་ཏེ་སྟེང་རླུང་མནན་མིག་གྱེན་དུ་ལོག་པར་བྱས་ནས་སྨིན་མཚམས་ཀྱི་ཐད་སོར་བཞི་ཙམ་གྱི་ཐད་དུ་མིག་བལྟས་པས། ཐོག་མར་ཕྱི་དབྱིངས་ནམ་མཁའ་སྐྱ་ཝལ་གྱིས་འཆར་ནང་དབྱིངས་ནག་པོ་ལྷུང་བཟེད་ཁ་སྦུབས་པ་ལྟ་བུ་ཞིག་འཆར། གསང་དབྱིངས་འོད་མཐིང་ག་ཞིག་འཆར་རོ། །ཡང་ན་མིག་ནན་མིག་གཡོན་པའི་ཟུར་དུ་ཕབས་ལ་བལྟ། མིག་ལ་རང་གི་ཁ་ཆུ་སྲིན་མཛུབ་ཀྱིས་བྱུགས། ཡང་ཁ་ཆེས་ཀྱང་བྱུག་གོ། །གཡོན་ཟུར་དུ་ཐིག་ལེ་འོད་ལྔའི་དཀྱིལ་འཁོར་འཆར། བསྡུ་བའི་ཚེ་ཐིག་ལེ་མཛོད་སྤུར་བསྡུས་པ་ལ། ཐིག་ལེ་མཐིང་ཁ་གཅིག་སྙིང་གི་ ― LT30_Page_0582 ―
[མ་དཔེ་གཟིགས་ན་འདིར་གནོན།]
དཀྱིལ་དུ་འབྲལ་མེད་དུ་བསྒོམ་པ་གནད་ཆེའོ། །མངོན་སུམ་གཏན་ལ་ཕེབས་པའི་རྟགས་སུ། དགོངས་མོ་གཉིད་ལ་འགྲོ་ཁ་དང་། ཞོགས་པ་གཉིད་སད་འཕྲལ་ལ་ཡང་ཐིག་ལེ་རྣམས་འབྲལ་མེད་དུ་འཆར་ཞིང་། དེ་ནས་ཐིག་ལེའི་དབུས་སུ་སྤྲུལ་སྐུའི་རྣམ་པའི་སྐུ་རྣམས་ཀྱང་། དབུ་ནས་རིམ་བཞིན་སྐུ་སྐེད་ཡན་ཆད་སྣང་ལ་གཟུང་ཡུལ་དུ་མ་གྲུབ་པར་སྣང་། རེས་ཐིག་ལེ་གཅིག་གི་ནང་དུ་སྤྲུལ་སྐུ་བྱེ་བ་ས་ཡ་མ་འདྲེས་པར་སོ་སོར་འཆར། རེས་དེ་རྣམས་གཅིག་ཏུ་བསྡུས་ནས་འཆར། དེ་རྣམས་ནི་སྤྲུལ་སྐུའི་ཞིང་ཁམས་མཐོང་བ་ཡིན་ནོ། །དེ་ནས་ལོངས་སྐུའི་རྣམ་པར་འཆར་བ་ལ། སྤྲུལ་སྐུ་དེའི་དཔྲལ་བར་འཕྲེད་ལ་རི་མོ་དོད་པ་དང་། དེ་ནས་ཤངས་དང་ཞལ་གྱི་བར་དུ་རི་མོ་དོད་པ་དང་། དེ་ནས་སྤྲུལ་སྐུ་དེ་རིམ་གྱིས་ཞི་ཁྲོའི་རྣམ་པར་གོང་བཞིན་འཆར་བའོ། །དེ་རྣམས་ནི་ལོངས་སྐུའི་ཞིང་ཁམས་མཐོང་བའོ། །དེ་ནས་ཞི་ཁྲོ་དེ་རིམ་བཞིན་ཁྲོ་བོའི་སྐུ་འཇིགས་ཤིང་སྐྱི་གཡའ་བ། ཆེ་བ་རི་རབ་ཙམ་ཆུང་བ་ཡུངས་འབྲུ་ཙམ་ལ་ཞལ་རས་འཇིགས་ཤིང་རྔམས་པ། སྟག་ཤམ་རྣམས་ལ་ཁྲག་དངོས་སུ་ཐིག་ལེ་ཡོད་པའི་རྣམ་པ་འཆར་བའོ། །དེ་རྣམས་ནི་ཆོས་སྐུའི་ཞིང་ཁམས་མཐོང་བ་ཡིན་ནོ། །སྤྲུལ་སྐུའི་ཞལ་རས་མཐོང་ནས་འཇའ་ལུས་འགྲུབ་པར་ཐེ་ཚོམ་མེད་པའོ། །ཁྱད་པར་ལུ་གུ་རྒྱུད་འཆར་བ་དེའི་དཀྱིལ་དུ་བལྟ་བ་གནད་ཡིན་ཅིང་། མུན་ཁྲིད་དང་མུན་ཁང་བྱས་ཚེ་སུན་ཉམས་ཡོང་བས། གླ་བའི་པགས་པ་གཉེན་དུལ་སོང་བའི་ཕྱི་ ― LT30_Page_0583 ―
[མ་དཔེ་གཟིགས་ན་འདིར་གནོན།]
གོས་ཆེན་ནག་པོས་བསྟུམས་པའི་མཐའ་འདྲིལ་བྱས་ལ། མིག་ལ་གསེང་ཡོད་པའི་མིག་ར་བྱས་ནས་མིག་ལ་བཀབ་པས་སྔར་བཞིན་ཉམས་ལེན་བྱས་ན་མཚན་སྣང་རྣམས་འཆར་ཞིང་། གལ་ཏེ་ལྟག་རྩ་ན་བ་དང་། དབུགས་སྟོད་དུ་འཚང་བ་སོགས་བྱུང་ན། ལྟ་སྟངས་ཅུང་ཟད་ཀློད་ལ་དབུགས་སོ་བར་དུ་དལ་བུས་བཏང་ཞིང་སེམས་རང་བབས་སུ་བཞག་པ་དང་། ཛཱ་ཏི་དང་མར་བསྲེས་ལ་ལྟག་རྩར་བྱུགས་པས་ཁད་ཀྱིས་སེལ་བར་འགྱུར་རོ། །མི་མང་པོ་ཡོད་པའི་སར་ཡང་རང་གི་ཉམས་ལེན་གྱི་དྲན་པ་མ་ཡེངས་པར་སྙིང་གའི་ཐིག་ལེ་མཐིང་ནག་དེ་འབྲལ་མེད་དུ་བསྒོམ་ཞིང་། རྒྱུན་དུ་རིག་པ་མིག་གི་ནང་དུ་ཧྲིག་གེ་དྲངས་ལ་བསྒོམས་པས། རིག་པ་གསལ་རིག་སྟོང་གསུམ་ནམ་མཁའ་དྭངས་པ་ལྟ་བུ་ལ་མདུན་གྱི་ནམ་མཁའ་ལ་ཐིག་ལེ་དབུས་མཐིང་ཀ་མཐའ་འཇའ་ཚོན་སྣ་ལྔ་འཕྲོ་བ་དང་བཅས་པ་མཐོང་བ་ནི། ཆོས་སྐུ་ཐིག་ལེ་ཉག་གཅིག་མཐོང་བ་ཡིན་པས། འཇའ་ལུས་སུ་འགྲུབ་ཅིང་སེམས་སྐྱེ་མེད་ཀྱི་དོན་རྟོགས་པར་འགྱུར་རོ། །ཞེས་རྫོགས་པ་ཆེན་པོ་ཨ་ཏིའི་ཞལ་གྱི་གདམས་པ་འདི། གཞན་ལ་མི་སྨྲ་བའི་བཀའ་རྒྱ་དང་བཅས། དབུ་མཛད་བསམ་གཏན་ཆོས་འཕེལ་དང་། ཆོས་རྗེ་གྲྭ་པ་གཉིས་ལ་ཐོབ་རྒྱལ་ལྷ་རྩེར་པྲཛྙཱ་ར་སྨིས་གནང་བའོ། །སརྦ་དཱ་མངྒ་ལཾ། ། དཔལ་ཆེན་རྡོ་རྗེ་གཞོན་ནུའི་སྨད་ལས་གཏོར་ཟློག་གི་ལག་ལེན་གསལ་བར་བཀོད་པ་རྡོ་རྗེ་གནམ་ལྕགས་འཁྲུལ་འཁོར།― LT30_Page_0585 ―
[མ་དཔེ་གཟིགས་ན་འདིར་གནོན།]
དཔལ་ཆེན་རྡོ་རྗེ་གཞོན་ནུའི་སྨད་ལས་གཏོར་ཟློག་གི་ལག་ལེན་གསལ་བར་བཀོད་པ་རྡོ་རྗེ་གནམ་ལྕགས་འཁྲུལ་འཁོར་ཞེས་བྱ་བ་བཞུགས་སོ། ། ― LT30_Page_0586 ―
[མ་དཔེ་གཟིགས་ན་འདིར་གནོན།]
དཔལ་ཆེན་རྡོ་རྗེ་གཞོན་ནུའི་སྨད་ལས་གཏོར་ཟློག་གི་ལག་ལེན་གསལ་བར་བཀོད་པ་རྡོ་རྗེ་གནམ་ལྕགས་འཁྲུལ་འཁོར་ཞེས་བྱ་བ། བླ་མ་དང་དཔལ་ཆེན་ཧེ་རུ་ཀ་ལ་ཕྱག་འཚལ་ལོ། །རྡོ་རྗེ་ཁྲོས་པའི་མཚོན་ཆེན་འབར་བས་ཞེ་སྡང་ཆོས་ཉིད་དབྱིངས་སུ་གཅོད། ཕུང་པོ་རྡོ་རྗེས་དབྱིག་གི་རབ་གཏམས་པ་སྲིད་པ་ཕུར་བུའི་འཁོར་ལོར་སྒྲུབ། དོན་དང་རྟགས་སུ་མཉམ་པར་སྦྱོར་ལས་སྲས་མཆོག་འབར་བའི་སྤྲིན་ཕུང་སྤྲོ། བདུད་བགེགས་དོན་སྙིང་ཐལ་བར་འབྱིན་མཛད་ཁྲག་འཐུང་ཚོགས་རྗེ་དེ་ལ་འདུད། བདུད་བཞིའི་དཔུང་བཅོམ་ཐོད་ཕྲེང་རྩལ་འཆང་གི། དགོངས་བརྒྱུད་མ་ཉམས་འཁོན་གྱི་རིག་པ་འཛིན། །གསེར་གྱི་ཕྲེང་བ་མཐུ་བྱིན་གཟི་འོད་ཅན། །དད་པས་ཡན་ལག་མཆོག་གི་རྒྱན་ཏུ་འཆིངས། །གསང་བདག་རྡོ་རྗེ་གཞོན་ནུ་བཤེས་གཉེན་ཚུལ། །སྒྲོལ་མགོན་ཞབས་དང་ཁྱབ་བདག་བླ་མ་ལ། །གུས་པས་འདུད་དོ་རྡོ་རྗེའི་ཡེ་ཤེས་ཀྱིས། །སྒོ་གསུམ་དཀྱིལ་འཁོར་གསུམ་དུ་བྱིན་བརླབས་མཛོད། །འཁྲུལ་བྲལ་རྗེ་བཙུན་ཆེན་པོའི་གསུང་རབ་ལ། །མདའ་ལ་མདེའུ་ཇི་བཞིན་གཏོར་ཟློག་གི། ལྷན་ཐབས་བསྟན་འགྲོའི་དོན་ཏུ་འབྲི་བ་ལས། །མཁའ་འགྲོ་ཆོས་སྐྱོང་བཀའ་ཡི་ ― LT30_Page_0587 ―
[མ་དཔེ་གཟིགས་ན་འདིར་གནོན།]
གནང་བ་སྩོལ། །དེ་ལ་བདེ་བར་གཤེགས་པ་ཐམས་ཅད་ཀྱི་ཕྲིན་ལས་ཉེ་བར་བསྡུས་པ་དཔལ་ཆེན་པོ་རྡོ་རྗེ་གཞོན་ནུའི་སྒྲུབ་པའི་རིམ་པ་ལ་སྤྲོས་བཅས་དང་སྤྲོས་མེད་ཀྱི་ཚུལ་གཉིས། སྤྲོས་བཅས་ཀྱི་སྒྲུབ་ཚུལ་ལ་ཞེ་སྡང་ཅན་དགྲོལ་བ་ཕྱི་བསྐྱེད་རིམ། འདོད་ཆགས་ཅན་དགྲོལ་ཕྱིར་ནང་རྩ་རླུང་། གཏི་མུག་དགྲོལ་ཕྱིར་གསང་བ་ཐམས་ཤེས་དབྱེར་མེད་ལ་བརྟེན་པ་གསུམ། དང་པོ་ཕྱི་བསྐྱེད་རིམ་གྱི་སྒྲུབ་ཚུལ་ལའང་སྟོད་ལས་བྱང་ཆུབ་སྒྲུབ་པ་དང་། སྨད་ལས་དགྲ་བགེགས་བསྒྲལ་བ་གཉིས་སུ་ཡོད་ཅིང་། དེའང་རྒྱུད་ཀྱི་ཁོག་དོན་དྲུག་བསྡེབས་ཏེ་སྔ་མ་སྔོན་ཏུ་སོང་ནས་ཕྱི་མ་ལ་འཇུག་དགོས། དེ་ལྟར་ན་མནན་སྲེག་འཕང་གསུམ་ལས་ཀྱི་མཐའ་སྡུད་ཙམ་ཡིན་མོད། དགོས་པའི་དབང་གིས་ཨོ་རྒྱན་ཆེན་པོས། །ཚེ་གཅིག་བྱང་ཆུབ་བསྒྲུབ་པའི་བགེགས། །སྡང་བའི་དགྲ་དང་གནོད་པའི་གདོན། །ཕ་རོལ་རྦོད་གཏོང་ངན་པ་དང་། །མཐའ་དམག་དུས་འཁྲུགས་ངན་པ་སོགས། །ཕྱིར་ཟློག་མན་ངག་འདི་ཁོ་ན། །ཞེས་གསུངས་པ་ལྟར། དེང་སང་སྔགས་པ་རྣམས་གཏོར་ཟློག་གཙོ་བོར་བྱེད་པའི་ལུགས་སྲོལ་དང་མཐུན་པར་འཁོན་སྟོན་ཕྱི་མ་རྣམས་ཀྱིས་ཀྱང་ཕྱག་བཞེས་སུ་མཛད་པ་ལྟར་ན་དོན་གསུམ། སྦྱོར་བ། དངོས་ ― LT30_Page_0588 ―
[མ་དཔེ་གཟིགས་ན་འདིར་གནོན།]
དངོས་གཞི། རྗེས་སོ། དང་པོ་ནི། སྒྲུབ་པ་པོ་ལྟ་བའི་གདེངས་དང་ལྡན་ཞིང་བསྙེན་སྒྲུབ་ལ་དྲོད་ཚོད་ཐོབ་པས་གཉན་ཞིང་རྩུབ་པ་སོགས་མངོན་སྤྱོད་རྗེས་སུ་འབྲེལ་བའི་གནས་སུ་ཟླ་བ་དང་ཚེས་ཀྱི་ཐེབ་ལྡོག་འགྲེལ་བ་འབུམ་ནག་ལས་བཤད་པ་ལྟར་འཛོམ་ན་མཆོག་མ་འཛོམ་ཡང་བདུད་ཉི་སོགས་དྲག་པོའི་ཉི་མ་དང་མགོ་ཕུར་འཛོམ་པའམ། ཟླ་བའི་སྨད་ལ་བྱ་དགོས་ཏེ། བླ་སྟོད་ཐམས་ཅད་ལྡོག་པ་ཡིན། །ཟླ་སྨད་ཐམས་ཅད་ཐེབས་པ་ཡིན། །ཞེས་དང་། ར་བ་བཞི་ལ་གདབ་ལས་ལྡོག །ཐ་ཆུང་བཞི་ལ་ལས་དག་བྱ། །ཞེས་སོགས་བཤད་པས་ཉི་ལྡོག་ལྟ་བུའི་དམིགས་བསལ་ཡིན་ནམ་གཏོགས་གང་བྱུང་མི་རུང་བ་གསལ། སྒྲུབ་པའི་རྫས་དང་ཡོ་བྱད་ཉེ་བར་བསྡོགས་པ་ནི། གནས་ཁང་དྲག་པོའི་ཡོ་བྱད་ཀྱིས་འཇིགས་སུ་རུང་བར་བརྒྱན་པའི་གུདདུ་ཡོད་ན་རྡོ་རྗེ་གཞོན་ནུའི་བྲིས་སྐུ་སོགས་རྟེན་བཀྲམ་པའི་མདུན་དུ་སྟེགས་བུའི་རྡུལ་ཚོན་གྱིས་ཆོས་འབྱུང་མཐིང་ནག་རྩེ་མོ་དཀྱིལ་འཁོར་གྱི་ལྷོར་བསྟན་པའི་དབུས་སུ་དྲག་པོ་མཚོན་ཆའི་འཁོར་ལོ་སྔོ་ནག་རྩིབས་བཅུ་པ། བར་མཚམས་ཕྱོགས་མདོག་གམ་མཐིང་ནག་བྱས་པ། དེའི་ལྟེ་བར་གྲུ་གསུམ་མཐིང་ནག་ཁ་ཁྱེར་ལ་རྡོ་རྗེས་མཚན་པའི་དབུས་སུ་རྡོ་རྗེ་སྔོན་པོ་རྭ་གདེངས་པ་བྲི། དེའི་སྟེང་དུ་ལྕགས་སྣོད་མཉྫུའི་ཁར་གཏོར་མ་ཟུར་གསུམ་ཁྲུ་གང་ལས་མི་ཆུང་བ་ལ། འཁོར་ཟུར་གསུམ་ཆུང་བ་བཅུས་ཀྱིས་བསྐོར། ཆོས་འབྱུང་ལྷོའི་རྩེ་མོ་ཤྭ་ན་མ། དེའི་གཡས་ངོས་སུ་བདུད་རྒྱལ་གྱི་གཏོར་མ་དར་ནག་བཙུག་པ། ནུབ་བྱང་གི་ཟུར་དུས་བདག་མ། བྱང་ཤར་གྱི་ཟུར་དུ་བདག་ཉིད་མ་སྟེ་ཐམས་ཅད་ཟུར་གསུམ་ཁྲག་གིས་བྱུགས་པ། གཙོ་འཁོར་ཐམས་ཅད་ལ་ཚེ་དང་ཡུངས་ཀར་གོང་བུ། སྐྱེར་ ― LT30_Page_0589 ―
[མ་དཔེ་གཟིགས་ན་འདིར་གནོན།]
རྩང་ལ་སོགས་པས་བརྒྱན་པའི་མཐར་བྱང་ཤར་ནས་བརྩམས། མཚམས་འཛིན་གྱི་མེ་ཏོག །ཁྲག་གི་ཨརྒྷཾ་སོགས་ཆུ་གཉིས་ཉེར་སྤྱོད་འདོན་ཆ་དང་མཐུན་པར་བསྐོར་ཏེ་བཤམ། རྒྱབ་ཕྱོགས་ཀྱི་སྟེགས་བུ་ལ་མཉྫུ་ལྟ་བུ་ཅུང་མཐོ་བར་དཔལ་ཆེན་པོའི་མཆོད་གཏོར་སྟོད་ཟུར་གསུམ། སྨད་ཟླུམ་པོ་གཡས་གཡོན་ཏུ་རང་འདྲ་ཆུང་བ་གཉིས་རེ་སྟེ་གཙོ་འཁོར་ལྔ་པ། རྒྱན་སྤྲོས་གང་མཛེས་བྱས་པའི་གཡས་སུ་སྨན་དང་གཡོན་ཏུ་རཀྟའི་བཅུད་ལྡན་གྱི་ཐོད་སྣོད། དེའི་མདུན་གཡས་ནས་བརྩམས་ཏེ་རིམ་བཞིན་དུས་འཁོར། གུར་མགོན། རྣམ་སྲས། ཞལ་བཞི་པ། ཏྲཀྴད་དཀར་མོ་ཉི་ཟླ། བདུད་རྒྱལ། ཕུར་སུང་། མཁའ་འགྲོ་སྤྱི་གཏོར། གཞི་བདག་གཏོར་མ་བཅས་བཅུ་ཚར། ཀོར་གཏོར་སྤྲོ་ན་དེ་དག་གི་མདུན་ལ་སོགས་པ་གང་བདེར་བཀོད་པའི་མདུན་ཏུ་སྤྱི་མཆོད་ཆུ་གཉིས་ཉེར་སྤྱོད་ཕྲེང་ཚར་དུ་བཤམས། གསེར་སྐྱེམས་ཡུལ་བདག་འབྱུང་གཏོར་སྔོན་གཏོར་ཚོགས་ཀྱི་ཡོ་བྱད་སོགས་ཉེ་བར་མཁོ་བའི་ཆས་རྣམས་འདུ་བྱ། ཟློག་གཏོར་གྱི་མདུན་དུ་འབྲུབ་ཁུང་གྲུ་གསུམ་མཐིང་ནག་མེ་རི་འབར་བའི་ནང་དུ། བག་ཟན་ལ་ཚ་བ་གསུམ། གདབ་ཆད་པ་དང་ཕུང་ཤུལ་གྱིས་སོགས་བསྲེས་ཏེ་ར་ཐུག་ལུག་ཐུག་གི་ཆུས་སྦྲུས་པའི་ལིངྒ་སྐྱེ་མཆེད་དོད་པ་ཆེ་བ་གཅིག་ལ་ཆུང་བ་བཅུས་བསྐོར་བ་བཟོས་ཏེ་བཞག །དཀྱུས་སུ་མི་མཛད་ཀྱང་དོ་གལ་ཆེ་བར་བྱེད་ན་ལིངྒ་ཆེ་བའི་སྙིང་གར་བྲིས་པའི་ལིངྒ་ཚད་ལྡན་བཅུག་ན་ཟབ། ཤོག་བིང་ཡོད་ན་དེ་དང་མེད་ན་དར་དམར་པོའི་རས་མ་ཞིག་ཚོན་སྐུད་སྣ་ལྔའམ་སྔོན་དམ་བགྱིས་བསྡམས་ཏེ་སྙིང་གར་བཅུག །དེའི་སྣེ་མོ་སྙིང་ག་ནས་ཕྱིར་བཏོན་སྐེ་ལ་དཀྲིས་པའི་སྣེ་མོ་ཕུར་ཆུང་ཞིག་ལ་བཏགས། ཟློག་ ― LT30_Page_0590 ―
[མ་དཔེ་གཟིགས་ན་འདིར་གནོན།]
གཏོར་གྱི་གཡས་ས་མདའ་ཟོར་སྐྱེར་པའི་མདེའུ་གྲུ་གསུམ་ལ་དུག་ཁྲག་གིས་ཧཱུྃ་བྷྱོ་ཕཊ་གསུམ་བྲིས་པ་དང་གཞུ་མཆོག་ལ་དར་སྔོན་དམར་གྱིས་བཅིངས་བ། དུར་ཁྲོད་ཀྱི་རྡོ་ནག་གྲུ་གསུམ་ལ་ཧཱུྃ་སོགས་བྲིས་པ། གཡོན་ཏུ་ལྕགས་སྣོད་དུ་སྐམ་ཐུན་ཡུངས་ཀར་ནག་ལྕགས་ཟངས་རྡོ་ཕྱེ་སྐེ་ཚེ་ཤང་ཚེ་སོགས་དང་། ཐོད་ངན་ཏུ་རྒྱུ་རློན་ཐུན་གྲི་ཁྲག་སོགས་ཁྲག་དང་དུག་སྣ་ཚོགས་སྦྱར་བ། རྭ་ཟོར་བྱེད་ན་གླང་གཡག་འོག་ཡོད་ཀྱི་རྭ་གཡས་དུག་ཁྲག་བླུགས་ཤིང་རོ་བ་ནག་པོས་ཁ་བཅད། ཚོན་སྐུད་ཀྱིས་བཅིངས་ལ་སྐྱེར་ཕུར་གཟེར་བ་རྣམས་བཞག །སྒྲུབ་པ་པོའི་མདུན་ཏུ་རྡོར་དྲིལ་ནང་མཆོད། ཌཱ་མ་རུ། བསྟེན་ཕུར། ཨེའི༔གདན་ལ་སྲས་མཆོག་ཕུར་བུ། ཡུངས་ཀར། གུ་གུལ་སོགས་གཞག །ཉིན་ཐ་མ་གདབ་ཁའི་སྐབས་སུ་མཁོ་བའི་ཆས་རྣམས་ཀྱང་ཚོགས་པར་བྱའོ། །གཉིས་པ་དངོས་གཞི་ལ་སྒྲུབ་པའི་སྔོན་འགྲོ་དང་། བསྐྱེད་བཟླས་ཏིང་ངེ་འཛིན་བསྒོམ་པ་དངོས་གཉིས་ལས། དང་པོ་ནི། དཀྱིལ་ཆོག་བདུད་འཇོམས་རོལ་པ་ལྟར་སྔོན་འགྲོ་གཏོར་མ་བཏང་ན་ལེགས་པའི་ཡན་ལག་ལས་ལྷག་སྐྱོན་ཏུ་མི་འགྱུར་ཞིང་ས་ལུགས་ཕྱག་ལེན་ཏུ་མི་འབྱུང་། གནས་དང་རྫས་བྱིན་གྱིས་བརླབ་པ་ནི། རྡོ་རྗེ་རྩེ་མོས་ནང་མཆོད་འཐོར་ལ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ། ཨོཾ་སྭཱ་བྷཱ་སོགས་ཤུདྡྷོ྅ཧཾ། སྟོང་པའི་ངང་ལས་གནས་ཁང་དྲག་པོའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཨ་ལས་བནྡྷ་འབར་བའི་སྣོད་ཡངས་ཤིང་རྒྱ་ཆེ་བར་དགྲ་བགེགས་བསྒྲལ་བའི་ཁྲག་གི་ཨརྒྷཾ། དབང་པོ་ལྔའི་མེ་ཏོག །ཚིལ་ཚིན་གྱི་བདུག་སྤོས། ཞུན་ཆེན་གྱིས་སྒྲོན་མེ། མཁྲིས་པའི་དྲི་ཆབ། ཤ་རུས་ཞལ་ཟས། རྐང་གླིང་ཐོད་རྔ་ལ་སོགས་པ་མཆོད་པའི་སྤྲིན་ཕུང་བསམ་གྱིས་མི་ཁྱབ་པ་ཞིག་བླ་མ་དང་དཀྱིལ་འཁོར་གྱི་འཁོར་ལོ་ ― LT30_Page_0591 ―
[མ་དཔེ་གཟིགས་ན་འདིར་གནོན།]
རྒྱལ་བ་སྲས་དང་བཅས་པའི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་བཛྲ་ཨ་ཧ་ར་ལི་ཧཱུྃ་ཕཊ། ཨོཾ་བཛྲ་པུཥྤེ་ཨཱཿཧཱུྃ། དེ་བཞིན་དུ། ཨོཾ་བཛྲ་ཤབྡ་ཨཱཿཧཱུྃ། བར་ཨོཾ་བཛྲ་ཨུད་ཕ་ལ་ཡ་ཧཱུྃ་ཕཊ། ཨོཾ་བཛྲ་བིཏྤུ་ར་ཡ་ཧཱུྃ་ཕཊ། ཅེས་བརྗོད་ལ་སྤྲོ་ན་རྔ་བྱིན་རླབས་བྱ། དེ་ནས་སྐྱབས་འགྲོ་བཞི་སྐོར་ཚིག་ལྷུག་མ་དང་། སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་སྔགས་བདག་ཧེ་རུ་ཀ །འཁོར་ལོར་བཞུགས་པའི་བདག་ཉིད་ཅན། །དེ་རྣམས་ལ་ཡང་སྐྱབས་སུ་མཆི། །དཀྱིལ་འཁོར་བདག་པོར་གྱུར་པ་ཡི། །བྱང་ཆུབ་སེམས་ཀྱི་དངོས་པོ་ནི། །ཁྱད་པར་དུ་ཡང་སློབ་དཔོན་ལ། །རྟག་ཏུ་བདག་ནི་སྐྱབས་སུ་མཆི། །ལན་ཉེར་གཅིག་གམ་བདུན་སོགས་བརྗོད། དེ་ནས། སེམས་ཅན་བདེ་དང་ལྡན་གྱུར་ཅིག་ནས་བྷཉྫ་ར་་ཧཱུྃ་ཕཊ། ཀྱིས་མཚམས་གཅོད་པའི་བར་བཏང་། བརྡ་སྒོ་ཕྱག་རྟགས་གདབ་པ་གསུམ་དབང་དང་སྒྲུབ་པའི་སྐབས་ལས་འདིར་མི་དགོས། དམ་བཅའ་བ། བླ་མ་ཡི་དམ་སོགས་ནས། བཤགས་པའི་སྐབས། ཡེ་ཤེས་སྐུ་མཆོག་ངེས་པར་སྦྱར་ཞིང་། བྱིན་འབེབས་ཀྱང་གྲུབ་ན་ཟུར་གསལ་རྒྱས་པའི་མཚམས་སུ། ཧཱུྃ། འཕགས་མཆོག་ཐུགས་རྗེའི་མན་ཆད་གཞུང་ལྟར་དང་། བྱིན་རླབ་རྣམས་རྫོགས་ཀྱི་བར་བཏང་། གཉིས་པ་ནི། བདག་དང་མདུན་བསྐྱེད་གཏོར་མའི་དཀྱིལ་འཁོར་དབྱེར་མེད་དུ་བསྒོམས་ལ། ཧཱུྃ། རྡོ་རྗེ་ཁྲོས་ ― LT30_Page_0592 ―
[མ་དཔེ་གཟིགས་ན་འདིར་གནོན།]
པས་ཞེ་སྡང་གཅོད། ཅེས་ཏིང་ངེ་འཛིན་གསུམ་ནས། ཀེ༚་ལས་ཀེང་རུས་བརྩེགས་པའི་རི་རབ། ཅེས་པའི་བར་གཞུང་ལྟར་ལ། ཨེ་ཏྲི་ཀོ་ནཾ་ཛྭ་ལ་བཛྲ་པྲཱ་ཀཱ་ར་ནི་བརྟྟ་མཎྜལ། བྷྲཱུྃ་ད་ཤ་ཨ་ར་ཙཀྲ་མཎྜལ། རི་རབ་ཀྱི་སྟེང་དུ་གནམ་ལྕགས་ཀྱི་འཁོར་ལོ་རྩིབས་བཅུ་པ་ཁོག་པ་སྟོང་པ་ཡངས་ཤིང་རྒྱ་ཆེ་བ། མི་མངོན་པར་འཁོར་ཞིང་མེ་རབ་ཏུ་འབར་བས་བརྟན་ཅིང་བརྗིད་པ། རྩིབས་ཀྱི་རྩེ་མོ་རྣོ་དབལ་དང་ལྡན་པས་དགྲ་བགེགས། ས་ལུགས་གཞུང་དངོས་གསེར་མདོག་མཛད། མཚན། ཕྱེ་མར་བརླག་པ། དེའི་དབུས་སུ་གྲུ་གསུམ་མཐིང་ནག་མུ་ཁྱུད་ལ་རྡོ་རྗེའི་རྭ་བས་སྤྲས་པ། འཁོར་ལོའི་ཕྱི་རོལ་དུ་དུར་ཁྲོད་ཆེན་པོ་བརྒྱད་ལ་ཕྱོགས་སྐྱོང་ཞིང་སྐྱོང་ཤིང་མེ་ཆུ་བོ་ཀླུ་དང་མཆོད་རྟེན་གྲུབ་པའི་དབང་པོ་བརྒྱད་བརྒྱད་དང་ལྡན་ཞིང་མི་བཟད་པའི་བཀོད་པ་འཇིགས་སུ་རུང་བ་དང་བཅས་པ། གྲུ་གསུམ་གྱི་དབུས་སུ། པདྨ་མཎྜལ་ཧཱུྃ། སོགས་ནས། རང་སེམས་ཧཱུྃ་ཡིག་དེ་དབུས་ཀྱི་གདན་གྱི་སྟེང་དུ། ཞེས་དང་། ཕྱོགས་བཅུ་ཁྲོ་དཀྱིལ་སྐབས། འཁོར་ལོའི་རྩིབས་བཅུ་པོར་པད་ཉི་ལ་བཞག །ཅེས་བསྒྱུར། ཕྱག་ན་ཕུར་བུ་ཐོད་ཁྲག་འཛིན། ཞེས་པའི་མཚམས་སུ། འབར་བ་འཁོར་ལོའི་ཕྱི་རོལ་དུ། ཨོཾ་བཛྲ་ཀཱི་ལི་སོགས་ནས་གཞུང་མཐར་ཆགས་སུ་བཏང་སྟེ། འཛབ་ཁང་དབྱེ་བའི་སྐབས། རང་རང་ལས་ལ༴ ཚུར་བྱོན༴ །ཐུགས་རྗེས་བརྩེར་དགོངས་ ― LT30_Page_0593 ―
[མ་དཔེ་གཟིགས་ན་འདིར་གནོན།]
དབང་དང་དངོས་གྲུབ་སྩོལ། ཞེས་བརྗོད་པའི་ཚེ། བདག་བསྐྱེད་ལས་བརྟེན་དང་བརྟེན་པར་བཅས་པའི་དཀྱིལ་འཁོར་པ་མར་མེ་གཅིག་ལས་གཏིས་ཆད་ཚུལ་དུ་འཕྲོས། མདུན་གྱི་གཏོར་མ་འདིར་དཀྱིལ་འཁོར་གྱི་གོ་སར་བདག་བསྐྱེད་དང་འདབ་འབྱར་ཙམ་དུ་བཞུགས་པར་མོས། ཧཱུྃ་བཛྲ་ཛྙཱ་ན་ཀཱི་ལི་ཀཱི་ལཱ་ཡ༔ ཞེས་བརྗོད་པས། རང་གི་སྙིང་ཁའི་ཡེ་ཤེས་སེམས་དཔའ་ལས་དེ་འདྲ་བ་ཡུལ་མེད་པ་གཅིག་མདུན་དུ་ཕྱེ་ནས་རང་ལ་ཞལ་ཕྱོགས་པར་བཞུགས། ཛྙཱ་ན་སཏྭ་ཨེ་ཏྲི་ཀོ་ནཱ་བི་བ་ནཱ༔ པཱཾ་པདྨ་མཎྜལ༔ མཱ་སུརྻ་མཎྜལ༔ ཨཱ་ཙཎྡྲ་མཎྜལཿ ཧཱུྃ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བནྡྷ་ཧཱུྃ་ཕཊཿ ཅེས་བརྗོད་པས། རང་གི་སྙིང་ཁའི་གྲུ་གསུམ་མཐིང་ནག་གི་དབུས་སུ་པདྨ་ཉི་ཟླའི་གདན་ལ་ཡེ་ཤེས་སེམས་དཔའ་རང་འདྲ་བ་ཡུམ་མེད་པའི་ཐུགས་ཀར་ཉི་མའི་དཀྱིལ་འཁོར་ལ་རྡོ་རྗེ་ནས་འབྲས་ཙམ་གྱི་ལྟེ་བར་ཧཱུྃ་སྔོན་པོ་ཡུངས་འབྲུ་ཙམ་གྱི་མཐར། ཀཱི་ལ་ཡའི་སྔགས་ཁ་དོག་སྔོན་པོ་སྐྲ་ཤད་ཀྱིས་བྲིས་པ་ལྟ་བུ་གཡས་སྐོར་དུ་བསམས་ནས། བཅོམ་ལྡན་ཡབ་ཡུམ་སོགས་ཀྱིས་གསོལ་བ་བཏབ་ལ་ཀཱི་ལ་ཡ་བཟླས་པའི་ཚེ། རང་གི་སྙིང་གའི་ཏིང་ངེ་འཛིན་སེམས་དཔའ་ལས་སྔགས་ཕྲེང་ཁ་དོག་སྔོན་པོ་འོད་ཟེར་དམར་པོ་འཕྲོ་བ་ལྕགས་སྒྲོག་སྦྲེལ་བ་ལྟ་བུ་རྡོ་རྗེའི་དབུས་རྭ་ནས་བྱུང་། ཡེ་ཤེས་སེམས་དཔའ་དང་རང་གི་སྣ་བུག་གཡས་ནས་ཕྱིར་འཐོན། མདུན་གྱི་ཡེ་ཤེས་སེམས་དཔའི་སྣ་བུ་གཡོན་ནས་ཞུགས། དེའི་ཐུགས་ཀའི་ཧཱུྃ་ལ་ཐིམ། ཡང་དེ་ལས་སྔགས་ཕྲེང་བྱུང་། མདུན་གྱི་ཡེ་ཤེས་སེམས་དཔའི་ཤངས་བུག་གཡས་ནས་འཐོན། ― LT30_Page_0594 ―
[མ་དཔེ་གཟིགས་ན་འདིར་གནོན།]
རང་གི་སྣ་བུག་གཡོན་དང་ཡེ་ཤེས་སེམས་དཔའི་ཤངས་བུག་གཡོན་ན་བཞུགས། རྡོ་རྗེའི་དབུས་རྭ་ནས་སོང་། རང་གི་སྙིང་ཁའི་ཧཱུྃཿལ་ཐིམ་པར་བསམ་ཞིང་། སྔགས་ཕྲེང་ཕྱིར་འཕྲོ་བའི་དུས་དེ་ལས་རྡོ་རྗེ་གཞོན་ནུའི་སྐུ་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། བགེགས་དང་བར་ཆད་ཐམས་ཅད་ཞི་བར་བྱས། སེམས་ཅན་ཐམས་ཅད་ཡི་དམ་གྱི་ལྷར་གྱུར། སྔགས་ཕྲེང་ནང་དུ་འོང་དུས་སངས་རྒྱས་བྱང་སེམས་བླ་མ་ཡི་དམ་ཐམས་ཅད་ཀྱི་བྱིན་གྱིས་བརླབས། རྡོ་རྗེ་གཞོན་ནུའི་སྐུར་བྱས་ནས་རང་ལ་ཐིམ་པས་རྒྱུད་བྱིན་གྱིས་བརླབས། རང་གིས་ཀཱི་ལ་ཡ་བརྗོད་པའི་ཚེ་མདུན་གྱི་སྒྲུབ་པའི་དཀྱིལ་འཁོར། བླ་མ་ཡི་དམ་ནམ་མཁའ་གང་བར་བཞུགས་པ་རྣམས་དང་། སེམས་ཅན་ཐམས་ཅད་ཡི་དམ་གྱི་ལྷར་གྱུར་པ་རྣམས་ཀྱིས་བཟླས་པའི་གྲོགས་མཛད་པས་སྔགས་ཀྱི་སྒྲ་འབྲུག་ལྟར་གྲགས་པར་བསམ། བཟླས་འཕྲོ་འཇོག་པ་ན་ཡུམ་གྱི་སྔགས། ཨོཾ་དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། ཅེས་དང་། ཁྲོ་བཅུའི་སྔགས། ཨོཾ་བཛྲ་ཀྲོ་དྷ་ཧཱུྃ་ཀ་ར་ཧཱུྃ་གརྫ་གརྫ་ཧཱུྃ། ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ་ཧ་ན་ཧ་ན་ཧཱུྃ་ཕཊ། ཨོཾ་བཛྲ་ཀྲོ་དྷ་ནི་ལ་དཎྜ་ཧཱུྃ་ད་ཧ་ད་ཧ་ཧཱུྃ་ཕཊ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ་པ་ཙ་པ་ཙ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ་བྷནྡྷ་བྷནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷ་ཧ་ཡ་གྷྲི་བ་ཧཱུྃ་ཧུ་ལུ་ཧུ་ལུ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་པ་ར་ཛཱི་ཏ་ཧཱུྃ་ཏིཥྛ་ཏིཥྛ་ཧཱུྃ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ་བིནྡྷ་བིནྡྷ་ཧཱུྃ་ ― LT30_Page_0595 ―
[མ་དཔེ་གཟིགས་ན་འདིར་གནོན།]
ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ་སྥོ་ཊ་སྥོ་ཊ་ཧཱུྃ་ཕཊ། ཅེས་དང་། སྒོ་མ་བཞིའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ་བི་ད་ཡ་བི༚་བི༚་ཧཱུྃ་ཕཊ། ཨོཾ་བཛྲ་ཀི་ལི་ཀི་ལ་ཡ་ན་མ་ས་མནྟ་ཧྲི༚་ཧྲི༚་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་པྲ་སུ་རུ་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུྃ་ཕཊ། ཅེས་དང་། དམ་ཅན་ལ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཧཱུྃ་མ་མ་ཝཱ་བྷྱཾ་ཀ་རི་ཧཱུྃ། མ་ཏ་ང་ཉ་ཀ་ར། ཨི་ནན་ད་དྷི། མ་མ་ཤཱི་གྷྲཾ་ཀརྨ་ཀ་ར་ཡེ། ཀ་ཏ་ང་ཀ་ཡེ། ཛ་ཡ་བི་ཛ་ཡེ། ཨ་ཛི་ཏེ། ཨ་པ་ར་ཛི་ཏི། མ་མ་ཤཱི་གྷྲཾ་ཀརྨ་ཀ་ར་ཡེ། མ་ར་སེ་ནཱི་པྲ་མརྡྷ་ན་ཧཱུྃ། ཞེས་པ་རྣམས་ཅི་རིགས་པ་བཟླས་པའི་མཐར། བཞི་སྙིང་གཅིག་དྲིལ་ནི། མ་རཀྨོ། ཡཀྨོ། ཀཱ་ལ་རུ་པ། སྙིང་རྩ་ལ་ཡམ་ཡམ། སྲོག་རྩ་ལ་ཡམ་ཡམ། སྙིང་ལ་ཁྲིལ་ཁྲིལ། སྲོག་ལ་ཆུམ་ཆུམ། ཙིཏྟ་སྲོག་ལ་ཏུཾ་ཏུཾ། ཐུཾ་རིལ་རིལ། སྙིང་ཁྲག་སྲོག་ལ་ཤན་ཤན། སྙིང་ཚག་ཚག །འུར་འུར། ཤིག་ཤིག །གུལ་གུལ། ཉག་ཉག །སོད་སོད། དྷ་ཏི་མ་མ་ཤྲཱི་གྷྲཾ། ཀརྨ་ཀ་ར་མ་ར་སེ་ན་པྲ་མཱརྡྷ་ནི་ཧཱུྃ་ཕཊ། ཅེས་དང་། ཨོཾ་བྷ་ཡ་ནཱ་ཤ་ནི། ཏྲ་ས་ནི། སརྦ་མཱ་ར་པྲ་ཏྱཾ་གི་ར། བི་ནཱ་ཤཱ་ཡ། ཡེ་ཀེ་ཙིཏྟ། དུཥྚཾ་སཏྭ་ས་ད་ཀི། མ་མ་བི་རཱུ་པ། ཀུྷནྟི་ཏ་ནི། སརྦ་མཱ་ར་ཏྱཱཾ་ཀ་རི་ི་པ་ཏ་ཏུ་ཧཱུྃ་ཕཊ་སྭཱ་ཧཱ། ― LT30_Page_0596 ―
[མ་དཔེ་གཟིགས་ན་འདིར་གནོན།]
ཞེས་པ་ཅི་ནུས་བཟླས་པའི་མཐར་ཐལ་མོ་སྦྱར་ལ། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ༴ ཆོས་ཀྱི་བཀའ༴ དགེ་འདུན༴བཅོམ་ལྡན་འདས་རྡོ་རྗེ་གཞོན་ནུ་ཡུམ་ཆེན་འཁོར་ལོ་རྒྱས་འདེབས། སྤྲུལ་པ་ཁྲོ་བཅུ་ཡབ་ཡུམ། ཁྲ་ཐབས་ཉི་ཤུ། སྒོ་མ་བཞི། སྲས་མཆོག་ཕུར་བུ་རིགས་ལྔ། དམ་ཅན་བཀའ་སྲུང་བཅུ་གཉིས་རྣམས་ཀྱི་བདེན་པ་དང་། བདེན་པ་ཆེན་པོའི་བྱིན་གྱིས་བརླབས་ཀྱིས། བདག་ཅག་གི་དཔལ་ལྡན་བླ་མ་དམ་པ་རྣམས་དང་། བདག་ཅག་འཁོར་དང་བཅས་པ་རྣམས་ལ་སྡང་བའི་སེམས་དང་ལྡན་པ་རྣམས་དང་། གདུག་པའི་སེམས་དང་ལྡན་པ་རྣམས་དང་། དྲག་ཤུལ་གྱི་སེམས་དང་ལྡན་པ་རྣམས་དང་། བསམ་པ་དང་སྦྱོར་བ་ངན་པར་བྱེད་པའི་དགྲ་བགེགས་ཐམས་ཅད་ཀྱི་བསམ་སྦྱོར་ངན་པ་ཐམས་ཅད་ཞི་བར་གྱུར་ཅིག །གལ་ཏེ་ཞི་བར་མ་གྱུར་ན། དེའི་ཚེ་དེ་དག་ཐམས་ཅད་ཀྱི་ལུས་བཅིང་བར་བགྱིའོ། །ངག་བཅིང་བར་བགྱིའོ། །ཡིད་བཅིང་བར་བགྱིའོ། །མཐུ་བརླག་པར་གྱུར་ཅིག །རྫུ་འཕྲུལ་བརླག་པར་གྱུར་ཅིག །སྟོབས་བརླག་པར་གྱུར་ཅིག །དེས་བཟླས་པའི་སྔགས་ཀྱིས་དེ་ཉིད་བརླག་པར་གྱུར་ཅིག །དེས་སྒྲུབ་པའི་ལྷ་འདྲེས་དེ་ ― LT30_Page_0597 ―
[མ་དཔེ་གཟིགས་ན་འདིར་གནོན།]
ཉིད་ཀྱི་ཤ་ཟ་བར་གྱུར་ཅིག །ཁྲོ་བོ་འབར་བའི་ཚོགས་རྣམས་ཀྱིས། །དགྲ་བགེགས་རྣམས་ནི་ཐམས་ཅད་ཀྱི། །ལུས་ངག་ཐལ་བ་རྡུལ་དུ་རློག །རྣམ་ཤེས་ཆོས་ཀྱི་དབྱིངས་སུ་སྒྲོལ། །ཨོཾ་བཛྲ་རཀྵ་རཀྵ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཞེས་ཐར་རྡེབ་མཐར། བགྲང་ཕྲེང་ཐལ་སྦྱར་བར་ཁའི་ཐད་དུ་བཟུང་སྟེ། བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཀྱི་སྒོ་ནས་བྱིན་གྱིས་བརླབ་ཏུ་གསོལ། མྱུར་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་དཔལ་ཆེན་རྡོ་རྗེ་གཞོན་ནུའི་གོ་འཕང་ཚེ་འདི་ཉིད་ལ་ཐོབ་པར་བྱིན་གྱིས་བརླབ་ཏུ་གསོལ། བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་བགེགས་དང་བར་དུ་གཅོད་པ་ཐམས་ཅད་ཉེ་བར་ཞི་བ་དང་། ཚེ་དང་བསོད་ནམས་དཔལ་དང་འབྱོར་པ་ཐམས་ཅད་འཕེལ་ཞིང་རྒྱས་ནས། བྱམས་པ་དང་སྙིང་རྗེ་བྱང་ཆུབ་ཀྱི་སེམས་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། མདུན་གྱི་ཡེ་ཤེས་སེམས་དཔའ་འོད་དུ་ཞུ་ནས་རང་ལ་ཐིམ་པས་རང་ཉིད་བཀྲག་མདངས་གཟི་བརྗིད་ནུས་མཐུ་ཕུན་སུམ་ཚོགས་པར་གྱུར། ལྷ་ཚོགས་འཁོར་བཅས་མ་ལུས་ཀུན། །སྔོན་གྱི་ཐུགས་དམ་རྗེས་དགོངས་ལ། །གདུག་པའི་དགྲ་བགེགས་བསྒྲལ་བ་དང་། །ཀཱི་ལ་ཡ་ཡི་དངོས་གྲུབ་སྩོལ། ཞེས་པའི་མཐར་བརྒྱུད་འདེབས་བྱ། ― LT30_Page_0598 ―
[མ་དཔེ་གཟིགས་ན་འདིར་གནོན།]
སྲུང་ཟློག་བསད་པའི་དམིགས་གནད་དང་གདབ་པའི་དམིགས་གནད་སྦྱོར་ཚུལ་གབ་ཡིག་ལས་ཤེས་པར་བྱའོ། །དེ་ནས་ས་ལུགས་དངོས་ལ་རིག་འཛིན་བསྐུལ་བ་མཛད་པ་ཡིན་ཀྱང་། རྗེ་བཙུན་གྱིས་བསྙེན་པའི་གོང་དུ་བསྟན་པས་དེ་ལྟ་ན་འདིར་མི་དགོས། དེ་ནས་རྒྱས་པར་སྤྲོ་ན་སྐོང་གསོའི་ཚོགས་ཁྲིད་ཕྲིན་ལས་རྣམ་རོལ་ལ་འཇུག་སྟེ། བདག་བསྐྱེད་མི་དགོས་པས་ཡི་དམ་གཏོར་འབུལ་ནས་རྒྱུན་བསྐུལ་ཡན་དང་། ལོངས་ཁྱབ་མེད་པ་སོགས་ལ་གཏོར་ཆོག་རྒྱུན་ཁྱེར་ཉིད་བྱ་ཞིང་། དེའི་སྐབས་སུ། དཔལ་ལྡན་མགོན་པོ་མཱ་ཧཱ་ཀཱ་ལཱ་ཡ། སོགས་དང་། ལས་ཀྱི་མགོན་པོ་ཕོ་ཉ་འཁོར་བཅས་རྣམས། སོགས་སྤྱི་བསྟབ་གཉིས་ཀ་བཞག །རྒྱས་བསྡུས་གང་བྱེད་ཀྱང་། སྡེ་དྲུག་སྲུང་མ། གུར་ལྕམ་དྲལ། རྣམ་སྲས། ཞལ་བཞི་པ། ཏྲཀྴ་བཅས་སོང་བའི་མཚམས་སུ། ཐུར་གསལ་དཀར་བདུད་ལྕམ་དྲལ། ཕུར་སྲུང་གཏོར་འབུལ། དེ་ནས་མཁའ་འགྲོ་སྤྱི་གཏོར། ཡུལ་གྲོང་འབྱུང་གཏོར་རྡོ་རྗེའི་གླུ་ཡན་བྱ། ཚོགས་རྫས་བསང་སྦྱང་བ་ནས། བར་པ་བཤགས་པ་ཡན་གྲུབ་པ་དང་། ལིངྒ་རྣམས་གུ་གུལ་གྱིས་བདུག་ལ་སློབ་དཔོན་གྱི་མདུན་ཏུ་བཞག །བསང་སྦྱང་། སྟོང་པའི་ངང་ལས་ཨེ་ལས་ལྕགས་བསྲེགས་ཀྱི་ཁང་སྦྲོམ་གྲུ་གསུམ་བང་རིམ་དགུ་པ། ཁ་ཁྱེར་དོག་ཅིང་གཏིང་ཟབ་པ། འོག་ན་འདོད་ཆགས་ཀྱི་ཁྲག་མཚོ་ཁོལ་བ། ལོགས་ལ་ཞེ་སྡང་གི་མེ་རླུང་འཚུབ་པ། སྟེང་ན་གཏི་མུག་གི་མུན་པ་གཏིབ་པ། མཚོན་ཆའི་ཆར་འབེབས་ཤིང་ནད་དང་དུག་ ― LT30_Page_0599 ―
[མ་དཔེ་གཟིགས་ན་འདིར་གནོན།]
གི་རླངས་པ་འཕྱོ་བ། ཐ་ན་དང་ལྟས་ངན་གྱི་ཆོ་འཕྲུལ་སྣ་ཚོགས་མི་བཟད་པར་འཁྲུགས་པ། ལས་བྱེད་གཤིན་རྗེའི་དམག་ཚོགས་སེངྒེ་ལྟར་རྔམས་པ། སྟག་ལྟར་འཕྱོ་བ་སྲིན་པོ་ལྟར་ཁྲོས་པ། ཤ་ཟ་ལྟར་རྒྱུག་པ། རྒྱོབ་རྒྱོབ་དང་སོད་སོད་ཀྱི་སྒྲ་འབྲུག་ལྟར་སྒྲོགས་པས་གང་བ། སྲིད་པ་ལས་ཀྱི་བཙོན་ཁང་དྲག་པོ་དེའི་ནང་དུ་ནྀྲ་དུད་ཁ་ཡོངས་སུ་གྱུར་པ་ལས་དགྲ་བོ་དེ་ཉིད་ལུས་གཅེར་བུ་རིད་པ། མདོག་ནག་ཅིང་དྲན་པ་ཉམས་པ། མྱ་ངན་གྱི་ཕྱག་རྒྱ་ཅན། བུ་ག་དགུ་ནས་རྣག་ཁྲག་འཛག་པ། གནོད་བྱེད་ཐམས་ཅད་འདུས་པའི་ངོ་བོར་གྱུར། ཧོམ་བསྐྱེད་འདི་ཕྱག་བཞེས་དཀྱུས་སུ་མི་འབྱུང་ཡང་ཀུན་དགའ་བློ་གྲོས་ཞབས་ཀྱིས་དྲག་པོའི་སྦྱིན་སྲེག་སྐབས་སུ་གསུངས་པ་ལྟར་ངེས་པར་འབྲེལ་བར་བསམ་ནས་བྲིས་པའོ། །དེ་ནས་འགུགས་པའི་ཕྱག་རྒྱ་བྱས་ལ། ཨེ་རཾ་ཨེ་རཾ། ཛྭ་ལ་རཾ་ཛྭ་ལ་རཾ། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ༴ ཆོས་ཀྱི་བཀའ༴ དགེ་འདུན་གྱི༴ འཇམ་དཔལ་སྐུ༴ །པདྨ་གསུང་ཡང་དག་ཐུགས༴ བདུད་རྩི་ཡོན་ཏན༴ ཕྲིན་ལས་ཕུར་བུ༴ མ་མོ་རྦོད་གཏོང་༴ དམོད་པ་དྲག་སྔགས༴ འཇིག་རྟེན་མཆོད་བསྟོད༴ འདུས་པ་མདོ༴ སྒྱུ་འཕྲུལ་རྒྱན༴ འཆི་མེད་ཚེ༴ ལྷུན་ ― LT30_Page_0600 ―
[མ་དཔེ་གཟིགས་ན་འདིར་གནོན།]
གྲུབ་རིག་འཛིན༴ སྙིང་པོ་ཕྱག་རྒྱ༴ གསང་སྔགས༴ རིག་སྔགས༴ གཟུངས་སྔགས་ཀྱི་ལྷ་ཚོགས་རྣམས་ཀྱི་བཀའ་བདེན་པ་དང་། བཀའ་སྡོད་ཆོས་སྐྱོང་མ་མོ་མཁའ་འགྲོ། དམ་ཅན་རྒྱ་མཚོ། རིག་འཛིན་རྣལ་འབྱོར། ཆོས་ཉིད་རྣམ་པར་དག་པའི་བཀའ་བདེན་པ་དང་། བདེན་པ་ཡང་དག་པ་དང་། བདེན་པ་ཆེན་པོའི་བྱིན་རླབས་ཀྱིས། སྤྱིར་བསྟན་པའི་སྤྱི་དགྲ། བླ་མའི་སྐུ་དགྲ། དམ་ཚིག་ཅན་གྱི་སྡང་དགྲ། སེམས་ཅན་ཡོངས་ལ་གནོད་ཅིང་འཚེ་བ་དང་ཁྱད་པར་དུ་ཡང་རྣལ་འབྱོར་པ་བདག་ཅག་དཔོན་སློབ་ཡོན་མཆོད་གྲོགས་མཆེད་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་དགྲ་བགེགས་ལོག་པར་འདྲེན་པའི་ཚོགས་ཐམས་ཅད། བཛྲ་ཨཾ་ཀུ་ཤ་ཛཿབཛྲ་པཱ་ཤ་ཧཱུྃ། བཛྲ་སྥོ་ཊ་བཾ། བཛྲ་ཨཱ་བེ་ཤ་ཡ་ཨཱཿ སརྦ་ཤ་ཏྲཱུྃ་ནཱ་ཤ་ཡ། ཛཾ་བྷ་ཡ། སྟཾ་བྷ་ཡ། མོ་ཧ་ཡ། བནྡྷ་ཡ། མཱ་རཱ་ཡ། ཞེས་འགུགས་གཞུག་ལན་གསུམ་བྱ། དགྲ་བགེགས་རྣམས་ཀྱི་སྟེང་དུ་སྣ་ཚོགས་རྡོ་རྗེ་དང་། རི་རབ་བརྗིད་པས་མནན་ཏེ་ཐར་པའི་སྐབས་མེད་པར་གྱུར། ཞེས་མོས་ལ་ལིངྒའི་རྐེ་ལ་བཏགས་པའི་ཕུར་པ་ཟློག་གཏོར་ལ་བཙུགས་ཏེ་བཞག་ལ། རང་གི་སྙིང་ཁ་ནས་འོད་འཕྲོས་པས་ཡི་དམ་ཆོས་སྐྱོང་རྣམས་ཀྱི་རྒྱུད་བསྐུལ་ནས། སོ་སོའི་ཐུགས་ཀ་ནས་ཀྱང་འོད་ཟེར་རབ་ཏུ་མང་པོ་འཕྲོས་ཏེ། གཏོར་མ་དང་ཐུན་རྫས་རྣམས་ལ་ཕོག་ ― LT30_Page_0601 ―
[མ་དཔེ་གཟིགས་ན་འདིར་གནོན།]
པ་དང་། དགྲ་བགེགས་ཚར་གཅོད་པའི་ནུས་པ་དང་ལྡན་པར་བསམས་ལ། ཧཱུྃ་འཇམ་དཔལ་སྐུ་ཡི་ལྷ་ཚོགས་ཀྱིས། །ཟོར་ཆེན་རྫས་ཀྱི་མཐུ་བསྐྱེད་ལ། །དགྲ་བགེགས་སྲོག་ལ་མངའ་མཛོད་ཅིག །དེ་བཞིན་དུ་འོག་མ་རྣམས་ལའང་སྦྱར་ལ། །པདྨ་གསུང་གི་ལྷ་ཚོགས་ཀྱིས། །ཟོར༴ །དགྲ་བགེགས༴ །ཡང་དག་ཐུགས་ཀྱི་ལྷ་ཚོགས་ཀྱིས། །ཟོར༴ །དགྲ་བགེགས༴ །བདུད་རྩི་ཡོན་ཏན་ལྷ་ཚོགས་ཀྱིས༴ །ཟོར༴ །དགྲ་བགེགས༴ །འཕྲིན་ལས་ཕུར་བུའི་ལྷ་ཚོགས་ཀྱིས། །ཟོར༴ །དགྲ་བགེགས༴ །བཅོམ་ལྡན་རྡོ་རྗེ་གཞོན་ནུ་ཡིས། །ཟོར༴ །དགྲ་བགེགས༴ །ཡུམ་ཆེན་འཁོར་ལོ་རྒྱས་འདེབས་ཀྱིས། །ཟོར༴ །དགྲ༴ །འཇིགས་བྱེད་ཁྲོ་བོ་བཅུ་པོ་ཡིས། །ཟོར༴ །དགྲ༴ །རྡོ་རྗེ་ཁྲོ་མོ་བཅུ་རྣམས་ཀྱིས། །ཟོར༴ །དགྲ༴ །སྤྲུལ་པ་ཁྲ་ཐབས་ཉི་ཤུ་ཡིས། །ཟོར༴ །དགྲ༴ །ཡེ་ཤེས་སྒོ་མ་བཞི་པོ་ཡིས། །ཟོར༴ །དགྲ༴ །སྲས་མཆོག་ཕུར་བུ་རིགས་ལྔ་ཡིས། །ཟོར༴ །དགྲ༴ །དམ་ཅན་ཤྭ་ན་བཅུ་གཉིས་ཀྱིས། །ཟོར༴ །དགྲ༴ །བསེ་ཡི་སྐྱེས་བུ་མཆེད་བཞི་ཡིས། །ཟོར༴ །དགྲ༴ །ཆོས་སྐྱོང་སྲུང་མའི་ཚོགས་བཅས་ཀྱིས། །ཟོར༴ །དགྲ༴ །རིག་འཛིན་རྩལ་ཅན་འཁོར་བཅས་ཀྱིས། །ཟོར་ཆེན་རྫས་ལ་མཐུ་བསྐྱེད་ལ། །དགྲ་བགེགས་སྲོག་ལ་མངའ་མཛོད་ཅིག །བདག་ ― LT30_Page_0602 ―
[མ་དཔེ་གཟིགས་ན་འདིར་གནོན།]
གི་གཏོར་ཟོར་གཉན་པོ་འདི། །རིག་འཛིན་བླ་མས་བྱིན་གྱིས་བརླབས། །ཡི་དམ་མཁའ་འགྲོས་ནུས་པ་བསྐྱེད། །དམ་ཅན་སྲུང་མས་དྲག་པོར་སྒྲུབ། །སྡང་བྱེད་དགྲ་ལ་འཕེན་པའི་ཟོར། །གནོད་བྱེད་བགེགས་ལ་འཕེན་པའི་ཟོར། །གདུག་ཅན་ཐལ་བར་བརླག་པའི་ཟོར། །དམ་ཉམས་རྩད་ནས་གཅོད་པའི་ཟོར། །དགྲ་བོའི་རིགས་བརྒྱུད་གཅོད་པའི་ཟོར། །སྡེ་བརྒྱད་དམག་དཔུང་བསྐྱེད་པའི་ཟོར། །ཟོར་ཆེན་སོགས། །དམ་ཅན་བཀའ་སྡོད་མཐུ་མ་ཆུང་། །ཕོ་ཉ་ལས་མཁན་རྩལ་མ་ཞན། བྷྱོཿབྷྱོཿསྡང་བའི་དགྲ་ལ་བྷྱོཿ བྷྱོཿབྷྱོཿགནོད་པའི་བགེགས་ལ་བྷྱོཿ ཞེས་བསྐུལ་ནས་གཙོ་བོའི་སྔགས་དང་ཁྲོ་བོ་བཅུ་སྒོ་མ་བཞི། དམ་ཅན་གཞི་སྙིང་གཅིག་ཏུ་དྲིལ་བའི་སྔགས་དང་། ཐུན་སྔགས་འདི་ཡང་བཟླས་ཏེ། སུ་མ་ཏྲི་ཀ་རཀྴ་བྷྱོཿཐིབ་ཐིབ་ཙཀྲ་བྷྱོཿ སྙིང་ཁ་རག་དུན་ཏྲི་བྷྱོཿརྦད་རྦད་ཏྲི་ན་ཤིག་ཤིག །སེ་ན་གཏུབས་གཏུབས། ཁ་རཀ་རྦད་རྦད་དུམ་བུ་བྷྱོཿ བཛྲ་ཙིཏྟ་རཀྴ་ཙ་ཏྲི་ཡ་མཱ་རཱ་ཡ་རྦད་བྷྱོ་ཟློག །གནོད་བྱེད་དགྲ་བགེགས་ཐམས་ཅད་མཱ་ར་ཡ་ཧཱུྃ་ཕཊ། ཅེས་པ་རྣམས་ཅི་ལྟར་ནུས་པ་བརྗོད། དེ་ནས་གཏོར་ཆོག་རྒྱས་པ་བྱས་ན། གཏོར་རྫོང་སྔོན་འགྲོ་ལ་བཤགས་ཆུང་མན་ཆད་མཐར་དབྱུང་། གཏོར་ཆོག་བསྡུས་པའི་སྔར་བསྒྱུར་བའི་སྤྱི་བསྟབ་གཉིས་དང་། སྲིད་ཞིའི་དཔལ་འབྱོར་སོགས་ཕྲིན་ལས་བཅོལ་བཀྲ་ཤིས་བཟོད་གསོལ་བསྔོ་སྨོན་བཅས་གྲུབ་མཚམས། ― LT30_Page_0603 ―
[མ་དཔེ་གཟིགས་ན་འདིར་གནོན།]
ལས་གཞུང་གི་དངོས་གྲུབ་བླང་བ་མན་ཆད་མཐར་ཆགས་སུ་བཏང་བ་ལས་ཉིན་སྔ་མ་རྣམས་སུ་དངོས་གྲུབ་བླང་བ་ཟུར་གསལ་བསྡུས་པ་དང་བཟོད་གསོལ་མཐར་མདུན་བསྐྱེད་ལ་དམིགས་ཏེ་བརྟན་བཞུགས་སྤྱི་མཐུན་བྱ། འཇིག་རྟེན་པའང་མི་གཤེགས་བདག་བསྐྱེད་དཀྱིལ་འཁོར་རྣམས་རང་ལ་བསྡུ། ཨོཾ་ཤྲཱི་བཛྲ་ཀུ་མ་རཱ་ཀྲོ་དྷ་རཀྴཱ་ཧཱུྃ་ཕཊ། ཅེས་བརྗོད་པས་རང་གཟི་བརྗིད་དང་ལྡན་པར་གྱུར། ཨོཾ་བཛྲ་ཀཱ་བ་ཙི་ཧཱུྃ་ཕཊ། ཅེས་ལུས་ལ་རྡོ་རྗེའི་གོ་གྱོན་པས་བར་ཆད་ཀྱིས་མི་ཚུགས་པར་བསམ། དེ་ནས་རང་བཞིན་སེམས་ཀྱི་ཆོས་ཉིད་ནི། མ་བཅོས་ལྷུག་པར་གནས་པའི་དོན། །རྟག་ཆད་ངོ་བོའི་མཐའ་སྤངས་ཤིང་། །བརྗོད་བྲལ་མུ་བཞི་ལས་འདས་པ། །རྩོལ་མེད་གནས་པའི་ཆོས་ཉིད་དེ། །ངོ་བོ་ཉིད་ཀྱིས་མཚོན་པའོ། །ཨོཾ་ཨ་ཀཱ་སོགས༴ །ཞེས་པས་ཆོས་ཐམས་ཅད་གདོད་མ་ནས་མ་སྐྱེས་པའི་དེ་ཁོ་ན་ཉིད། བདག་མེད་རྟོགས་པའི་ལྟ་བས་རྒྱས་གདབ། བསྔོ་སྨོ་དང་བཀྲ་ཤིས་རྣམས་ཀྱང་གཞུང་ལྟར་བྱ་སྟེ། དངོས་གཞི་ཞག་གྲངས་དུ་བྱེད་ཀྱང་དེ་ཁོ་ན་ལྟར་ཆད་ལྷག་མེད་པ་བྱའོ། །ཉིན་ཐ་མར་བསྒྲལ་མཆོད་ཀྱི་སྔགས་ཚན་དང་པོ་ཡན་སོང་ནས། དངོས་གྲུབ་བར་ཆད་བྱེད་པའི་བགེགས། ནས༴ །ལྷ་ཡང་རུང་སྟེ་བསྒྲལ་བར་བྱ། །ཞེས་པའི་བར་བཞག་ནས། ཁ་ཏྭ་ཁ་ཏཾྭ་སོགས་ལ་འཇུག་སྟེ་ཚོགས་བར་པ་བཤགས་པ་ཡན་ཉིན་སྔ་མ་རྣམས་དང་ཁྱད་པར་མེད། དེ་ནས་གསུམ་པ་རྫས་དྲག་པོའི་ལས་དངོས་བསྟན་པ་ལ་ཡང་གསུམ། སྔོན་འགྲོ་ཡང་འགྲེལ་སོ་དྲུག་བྱ་བ། དངོས་གཞི་གདབ་ ― LT30_Page_0604 ―
[མ་དཔེ་གཟིགས་ན་འདིར་གནོན།]
པའི་ལས་བྱས་ནས་ལིང་རོ་འབུལ་བ། ཟློག་པ་ཟོར་གྱི་ལས་བསྟན་པའོ། །དང་པོ་ལ་དྲུག །གསེར་སྐྱེམས་གཏོང་བ། ཕུར་ཁ་བསྒྱུར་བ། ལྷ་སྲུང་སྤྱན་དྲངས་ཤིང་དགུག་གཞུག་པ། གསལ་བ་གསུམ་དང་གདེངས་གསུམ་གསལ་བཏབ་སྟེ་ང་རྒྱལ་བསྐྱེད་པ། མཉེས་པའི་དཔང་གཟུག་པ། རྫས་དམོད་མོ་ཏིང་འཛིན་སོགས་དྲུག་བྱའོ། །དང་པོ་ནི། ཞིང་ལྤགས་ཀྱི་ཁར་སྔར་གྱི་འགྲུབ་ཁུང་ལིངྒ་བཅས་བཞག །རང་གི་གཡས་སུ་གུ་གུལ། ཡུངས་དཀར་ནག་སྔོ་དམར་གྱི་ཞགས་པ། དུག་ཁྲག་སྦྱར་བའི་ཐུན། ལྕགས་ཟངས་རྡོ་ཕྱེ་རྣམས་དང་། གཡོན་དུ་གདབ་ཕུར་ཆེ་ཆུང་བཅུ་བདུན། རལ་གྲི། ཐོ་བ། དེ་དག་ལ་ངར་བསྐྱེད་པའི་སྨན་ཕུད་དང་རཀྟ་རྣམས་བཞག །སྒྲུབ་པ་པོ་ཧེ་རུ་ཀའི་ཆས་སུ་ཞུགས་ལ། ཐོག་མར་ཕྱག་ལེན་ལྟར་རིག་འཛིན་རྣམས་བསྐུལ་ཏེ། ཧཱུྃ། །མ་གཡེལ་མ་འཕངས་རིག་འཛིན་ཚོགས། ཞེས་སོགས་ལས་གཞུང་ལྟར་གྱེར། དེ་ནས་གསེར་སྐྱེམས་འབྲུ་གསུམ་གྱིས་བྱིན་གྱིས་བརླབས་ལ། ཧཱུྃ་རྒྱལ་བ་དགོངས་པའི་བརྒྱུད་པ་དང་། །རིག་འཛིན་རིག་པའི་བརྒྱུད་པ་དང་། །སྙན་ནས་བསྙན་བརྒྱུད་བླ་མ་མཆོད། །བཞི་གཉིས་ཞི་བའི་ལྷ་ཚོགས་དང་། །ལྔ་བཅུ་རྩ་བརྒྱད་ཁྲོ་བོའི་ཚོགས། །མ་ལུས་ཕུད་ཀྱིས་མཉེས་གྱུར་ནས། །མི་མངོན་དབྱིངས་ནས་ཐུགས་རྗེ་ཡིས། །ཉེར་དགོངས་བྱིན་རླབས་དཔལ་བསྐྱེད་ལ། །གདུག་པའི་དགྲ་བགེགས་བསྒྲལ་བ་ལ། །ཕྱི་ནང་བར་ཆད་མི་འབྱུང་ཞིང་། །གྲུབ་གཉིས་འཕེལ་བར་མཛད་ ― LT30_Page_0605 ―
[མ་དཔེ་གཟིགས་ན་འདིར་གནོན།]
མཛད་དུ་གསོལ། །འཇམ་དཔལ་སྐུ་ཡི་ལྷ་ཚོགས་དང་། །པདྨ་གསུང་གི་ལྷ་ཚོགས་དང་། །ཡང་དག་ཐུགས་ཀྱི་ལྷ་ཚོགས་དང་། །བདུད་རྩི་ཡོན་ཏན༴ །འཕྲིན་ལས་ཕུར་བུའི༴ །མ་མོ་རྦོད་གཏོང་༴ །དམོད་པ་དྲག་སྔགས༴ །འཇིག་རྟེན་མཆོད་བསྟོད་ལྷ་ཚོགས་དང་། །རྡོ་རྗེ་ཚེ་ཡི་ལྷ་ཚོགས་དང་། །མདོ་དང་སྒྱུ་འཕྲུལ་ལྷ་ཚོགས་རྣམས། །མི་མངོན་དབྱིངས་ནས་ཐུགས་རྗེ་ཡིས། སོགས་དང་། །བཅོམ་ལྡན་རྡོ་རྗེ་གཞོན་ནུ་དང་། །ཡུམ་ཆེན་འཁོར་ལོ་རྒྱས་འདེབས་མ། །འཇིགས་བྱེད་ཁྲོ་བཅུ་ཡབ་ཡུམ་དང་། །སྤྲུལ་པའི་ཁྲ་ཐབས་ཉི་ཤུ་དང་། །ཡེ་ཤེས་སྒོ་མ་བཞི་པོ་དང་། །སྲས་མཆོག་ཕུར་བུའི་ལྷ་ཚོགས་རྣམས། །མི་མངོན་དབྱིངས་ནས་ཐུགས་རྗེ་ཡིས། སོགས་དང་། །དམ་ཅན་བཀའ་སྲུང་བཅུ་གཉིས་དང་། །གིང་ཆེན་དགེ་བསྙེན་འཁོར་བཅས་མཆོད། །ཕྱི་ནང་མཁའ་འགྲོ་འཁོར་བཅས་དང་། །དབང་ཕྱུག་ཉི་ཤུ་རྩ་བརྒྱད་མཆོད། །ཕོ་ཉ་ཕྲ་མེན་འབར་མ་དང་། །མ་བདུན་སྲིང་བཞི་ལ་སོགས་མཆོད། །བདུད་འདུལ་ནག་མོ་མཆེད་བཞི་དང་། །དཔལ་ལྡན་རེ་མ་ཏི་ལ་སོགས། །མདོར་ན་སུམ་བརྒྱ་དྲུག་ཅུ་རྣམས། །གསེར་སྐྱེམས་གཙང་མ་འདི་བཞེས་ལ། །གདུག་པའི་དགྲ་བགེགས་སོགས་འདྲ། །བསྟན་པ་སྲུང་མཛད་ཀུན་གྱི་གཙོ། ། ― LT30_Page_0606 ―
[མ་དཔེ་གཟིགས་ན་འདིར་གནོན།]
དཔལ་ལྡན་ནག་པོ་ལྕམ་དྲལ་དང་། །ཞིང་སྐྱོང་དབང་ཕྱུག་གདོང་བཞི་སོགས། །ཆོས་སྐྱོང་སྲུང་མའི་ཚོགས་བཅས་ཀུན། །གསེར་སྐྱེམས་གཙང་མ་འདི༴ །གདུག་པའི་དགྲ་བགེགས་སོགས༴ །ཕྱོགས་བཅུའི་འཇིག་རྟེན་སྐྱོང་རྣམས་དང་། །གནས་བདག་ཀུན་དང་ཡུལ་བདག་ཀུན། །གསེར་སྐྱེམས་གཙང་མས་ཚིམས་བྱས་ནས། །གདུག་པའི་དགྲ་བགེགས་བསྒྲལ་བ་ལ། །བྱེར་དང་འཁུ་ལྡོག་མ་མཛད་པར། །སྟོང་གྲོགས་གཉེན་པོ་ཅི་ནུས་མཛོད། །ས་ཡི་ཕྱོགས་ནི་འདི་ཉིད་ན། །སའམ་མཁའ་ལ་འཁོད་པ་ཡི། །ལྷ་ཀླུ་གནོད་སྦྱིན་དྲི་ཟ་དང་། །འབྱུང་པོ་མང་པོ་གང་འཁོད་པ། །ཐམས་ཅད་ཕུད་ཀྱིས་ཚིམས་བྱས་ནས། །གདུག་པའི་དགྲ་བགེགས་བསྒྲལ་བ་ལ། །རུ་ང་ཕྲག་དོག་མ་མཛད་པར། །སྟོང་གྲོགས་གཉེན་པོ་ཅི་ནུས་མཛོད། །ལྷ་ཡི་ཕྱག་རྒྱ་མི་བཟོད་ཅིང་། །བྱེར་དང་འཁུ་ལྡོག་བྱེད་པ་རྣམས། །གསེར་སྐྱེམས་གཙང་མས་ཚིམས་བྱས་ནས། །ཅི་བདེ་བར་ནི་གཞན་དུ་དེངས། ཞེས་གསེར་སྐྱེམས་རྒྱས་པ་བྱ། དེ་ཙམ་ལོངས་ཁྱབ་མེད་པའམ་མི་སྤྲོ་ན་བསྡུས་པ་ནི། །བླ་མ་རིག་འཛིན་ཚོགས་བཅས་མཆོད། །ཡི་དམ་ཞི་ཁྲོ་རབ་འབྱམས་མཆོད། །ཁྱད་པར་ཕུར་པའི་ལྷ་ཚོགས་མཆོད། །མི་མངོན་དབྱིངས་ནས་ཐུགས་རྗེ་ཡིས། །སོགས༴ །སློབ་དཔོན་པདྨ་འབྱུང་གནས་ཀྱིས། །སྤྱན་སྔར་ཁས་བླངས་དམ་བཅས་ནས། །ཕུར་པའི་སྲུང་ ― LT30_Page_0607 ―
[མ་དཔེ་གཟིགས་ན་འདིར་གནོན།]
མར་ཞལ་བཞེས་པའི། །དམ་ཅན་རྒྱ་མཚོ་ཕུད་ཀྱིས་མཆོད། །གདུག་པའི་དགྲ་བགེགས་བསྒྲལ་བ་ལ། །ཕྱི་ནང་༴ །གྲུབ་གཉིས༴ །བསྟན་པ་སྲུང་མཛད་ཀུན་གྱི་གཙོ། མན་གོང་བཞིན། གཉིས་པ་ཕུར་ཁ་སྒྱུར་བ་ནི། དབྱངས་རོལ་བཅས། དོ་ནུབ་ཀྱི་ཕུར་ཁ་གཉེན་པོ་འདི། །སྟེང་གི་ལྷ་ལ་མི་སྟོན་ནོ། །ལྷ་གཤེགས་གངས་དཀར་རྩེ་ལ་གཤེགས། །ཕུར་ལམ་གཉེན་པོ་ད་ཕྱེས་ཤིག །དོ་ནུབ༴ །བར་གྱི་བཙན་ལ་མི་སྟོན་ནོ། །བཙན་གཤེགས་བྲག་དམར་ལོགས་ལ་གཤེགས། །ཕུར་ལམ༴ །དོ་ནུབ༴ །འོག་གི་ཀླུ་ལ་མི༴ །ཀླུ་གཤེགས་རྒྱ་མཚོའི་གཏིང་ལ་གཤེགས། །ཕུར་ལམ༴ །དོ་ནུབ༴ །ཡས་ཀྱི་བདུད་གཡོས་གཅིག་ལ་སྟོན། །མས་ཀྱི་སྲི་ལངས་གཅིག་ལ་སྟོན། །ཕ་ཚན་རྒྱ་འདྲེ་ཅན་ལ་སྟོན། །མ་བུའི་བྱུར་འདྲེ་ཅན་ལ་སྟོན། །ཡུལ་མིའི་གདོང་འདྲེ་ཅན་ལ་སྟོན། །སྡང་དགྲ་གནོད་པའི་བགེགས་ལ་སྟོན། །ཕུང་སྲིའི་སྙིང་གི་དཀྱིལ་དུ་སྟོན། །བྱུར་སྲིའི་ཀླད་པའི་དཀྱིལ་དུ་སྟོན། །ཉམས་པའི་སྙིང་གི་དཀྱིལ་དུ་སྟོན། །རྨི་ལམ་ངན་སྡིག་བྱེད་ལ་སྟོན། །གསུམ་པ་ལྷ་སྲུང་སྤྱན་དྲངས་ཤིང་དགུག་གཞུག་བྱ་བ་ནི། འདོད་རྒྱལ་གྱི་ཕྱག་རྒྱ་བཅས་ལ། གོང་སྨོས་ཧོམ་སྐྱེད་དང་འགུགས་གཞུག་ལན་གསུམ་གྱི་མཐར། །འདོད་རྒྱལ་གྱི་ཕྱག་རྒྱ་ལས་མཛུབ་མོ་དགུག་པའི་གདེངས་ཀ་བྱས་ལ། པཉྩ་སྐནྡྷ་ ― LT30_Page_0608 ―
[མ་དཔེ་གཟིགས་ན་འདིར་གནོན།]
དེ་ཝ་ཨཱ་ཀརྵ་ཡ་ཛཿ དྷཱ་ཏུ་ཨཥྚ་ད་ཤ་དེ་བ་ཨཱ་ཀརྵ་ཡ་ཛཿ དེ་ཧ་ད་ཤ་ཡ་ཏེ་ནན་དེ་ཝ་ཨཱ་ཀརྵ་ཡ་ཛཿ སརྦ་དེ་བ་རཀྵ་ཨ་ཀརྵ་ཡ་ཛཿ ཞེས་བརྗོད་ཅིང་ཚེ་སྲོག་ཡེ་ཤེས་སུ་གྱུར་པའི་དམིགས་པ་སྤྲད། དེ་ནས་རྔ་རོལ་འདུར་དབྱངས་བཅས། ཧཱུྃ་བཅོམ་ལྡན་དཔལ་ཆེན་ཧེ་རུ་ཀ །སྤྲུལ་པ་ཡང་སྤྲུལ་བཀའ་སྡོད་དང་། །ཕོ་ཉ་དམ་ཅན་རྒྱ་མཚོའི་ཚོགས། །འདིར་གཤེགས་བཞུགས་ཤིང་བྱིན་ཕོབ་ལ། །དམ་སྲི་གདུག་པའི་དགྲ་དང་བགེགས། །རྒྱལ་བའི་བཀའ་ལས་འདའ་བྱེད་ཅིང་། །རྣལ་འབྱོར་སྐུ་ལ་བསྔོ་བ་རྣམས། །རྒྱལ་བས་བསྒྲལ་བར་གསུངས་པའི་ཕྱིར། །གནས་པའི་ཡུལ་ནས་ཡུད་ཙམ་གྱིས། །རྟེན་དང་ཕྲོལ་ལ་ཁྲིད་ལ་ཤོག །རྒྱབ་དང་ཕྲོལ་ལ་ཁྲིད་ལ་ཤོག །ས་གཞི་ཡན་ཆོད་ཐོབ་ལ་ཤོག །བདུན་བརྒྱུད་ཚུན་ཆད་ཁུག་ལ་ཤོག །མ་ཐོགས་མྱུར་དུ་ཁུག་ལ་ཤོག །ཨོཾ་བཛྲ་ཨཾ་ཀུ་ཤ་ཛཿཛཿ བཞི་པ་གསལ་བ་གསུམ་དང་གདེང་གསུམ་གསལ་གདབ་ཅིང་ང་རྒྱལ་བསྐྱེད་པ་ནི། ཧཱུྃ་ང་ནི་རྡོ་རྗེ་གཞོན་ནུ་ཡིན། །ཐུགས་ནང་འབར་བའི་སྲོག་ཀྱང་བཞུགས། །ཚིགས་བརྒྱད་སྤྱི་བོ་རྐང་མཐིལ་རྣམས། །ཁྲོ་བོ་ཁྲོ་མོའི་བདག་ཉིད་ཅན། །ཕུང་པོ་ཁམས་དང་སྐྱེ་གཉེན་པོ་ལྷའི་གདེངས། །མཆེད་རང་ཉིད་རྡོ་རྗེ་གཞོན་ནུར་གསལ་བ། དང་། །ཉི་ཁྲི་ཆིག་སྟོང་སྐྲ་ཚོགས་དང་། །བྱེ་བ་ཁྲག་ཁྲིག་བ་སྤུའི་ཚོགས། །ཁྲོ་རྒྱལ་རང་འདྲས་ ― LT30_Page_0609 ―
[མ་དཔེ་གཟིགས་ན་འདིར་གནོན།]
གཏམས་པར་གྱུར། །ཁྲོ་བོ་ཁྲོ་མོ་ཕྲ་མེན་དང་། །སྒོ་མ་སྲས་མཆོག་ཕུར་བུའི་ཚོགས། །དམ་ཅན་རྒྱ་མཚོའི་ཚོགས་བཅས་རྣམས། །དཔལ་དང་གཟི་བརྗིད་འབར་བར་བཞུགས། །སྣང་ཞིང་སྲིད་པའི་ཆོས་རྣམས་ཀུན། །མ་ལུས་ཁྲོ་རྒྱལ་ཉིད་ཀྱི་དང་། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བནྡྷ་ཧཱུྃ་ཕཊ། །དཱིཔྟ་ཙཀྲ་ཕུར་པའི་ལྷ། །མཐིང་ནག་གཅེར་བུ་རལ་པ་ཅན། །སྐུ་སྟོད་ཁྲོ་བོ་ཆེན་རྟོགས་པ་ལྟ་བའི་གདེང་། པོ་ལ། །དབུ་གསུམ་ཕྱག་ཀྱང་དྲུག་པ་སྟེ། མགོ་གནོན་སྔགས་ཀྱི་གདེང་། དབུ་ལ་རིགས་ ཕུར་པ་སྲས་མཆོག་ཏུ་གསལ་བ། ལྔའི་སངས་རྒྱས་རྫོགས། །ལྟེ་བ་མན་ཆད་སྐུ་ཡི་ཆ། །ཨུཏྤལ་སྔོན་པོའི་འདབ་མ་འདྲ། །འབར་བའི་འཕྲེང་བ་འཁྲིགས་པའི་འོད། །ལྕགས་ཀྱི་ཕུར་བུ་ཟུར་གསུམ་པ། །དྲག་པོར་གྱུར་པའི་ཕུར་པ་སྟེ། །བཏབ་ན་ལྷ་ཡང་བརླག་འགྱུར་ན། །གནོད་བྱེད་བགེགས་ལ་སྨོས་ཅི་དགོས། །ལིངྒ་བསྒྲལ་ཡུལ་གཟས་པ་པོ། །ཤིན་ཏུ་རིང་ཅིང་ཡན་ལག་ཕྲ། །མི་སྡུག་བཞིན་ཅན་ཚར་བཅད་ཕྱིར། །མངོན་སུམ་ཉིད་དུ་གསལ་བར་གྱུར། །ལྔ་པ་ཉེས་པའི་དཔང་གཟུག་པ་ནི། ཧཱུྃ་བྷྱོཿབརྒྱུད་གསུམ་བླ་མ་རིག་འཛིན་ཚོགས། །ཡི་དམ་ཞི་ཁྲོ་རབ་འབྱམས་དང་། །ཁྱད་པར་ཕུར་པའི་ལྷ་ཚོགས་རྣམས། །བདག་ལ་དགོངས་པར་མཛད་དུ་གསོལ། །གདུག་ཅིང་གཏུམ་པའི་ ― LT30_Page_0610 ―
[མ་དཔེ་གཟིགས་ན་འདིར་གནོན།]
དགྲ་བགེགས་འདི། །དཔལ་ལྡན་བླ་མའི་སྐུ་དགྲ་སྟེ། །སངས་རྒྱས་བསྟན་པའི་སྤྱི་དགྲ་ཡིན། །དམ་ཚིག་ཅན་གྱི་སྡང་དགྲ་ལགས། །སེམས་ཅན་ཡོངས་ལ་འཚེ་བར་བྱས། །མཚམས་མེད་ལྔ་དང་ཉེ་བ་བསགས། །ཉམས་པ་བདུན་དང་ཞིང་བཅུ་ཚང་། །འདིས་ནི་སངས་རྒྱས་དཔའ་བོ་དང་། །རྡོ་རྗེ་སེམས་དཔའ་བཀྲོངས་པ་སྟེ། །འདི་དེ་སྡིག་པ་ཆེན་པོ་ཅན། །མནར་མེད་འགྲོ་བའི་བདག་ཉིད་ཡིན། །བདག་གིས་སྙིང་རྗེ་ཆེར་བསྐྱེད་ནས། །འཇིག་རྟེན་རྟེན་འབྲེལ་ནོར་རྫས་དང་། །འདུས་བྱས་ཟས་ཀྱི་ལོངས་སྤྱོད་བྱིན། །སྣ་ཚོགས་ཐབས་ཀྱིས་བྲིད་བྱས་ནས། །ལས་ངན་འདི་ལས་ཟློག་ཅིག་ཅེས། །ཡང་ཡང་གསོལ་ཡང་ལྡོག་མ་ཉན། །དེས་ན་གདུག་པའི་དགྲ་བགེགས་འདི། །རེ་ཞིག་ཐུགས་ཀྱིས་བཏང་བར་འཚལ། །བདག་གིས་མཉེས་མ་ཡོ་ཞིང་། །མཐུ་དང་རྫུ་འཕྲུལ་སྟོབས་ལྡན་པས། །དེ་ལྟར་ལགས་པར་གཟུང་དུ་གསོལ། །ཆོས་སྐྱོང་སྲུང་མའི་ཚོགས་རྣམས་དང་། །དམ་ཅན་རྒྱ་མཚོ་འཁོར་དང་བཅས། །སྣང་སྲིད་ལྷ་སྲིན་སྡེ་བརྒྱད་དང་། །ཕྱོགས་སྐྱོང་གཞི་བདག་བདག་ལ་དགོངས། །གདུག་ཅིང་གཏུམ་པའི་དགྲ་བགེགས་འདི། །བླ་མའི་སྐུ་ལ་འཁུ་འཁུ་བ། །རྒྱལ་བའི་བཀའ་ལ་འགོམས་འགོམས་པ། །རྣལ་འབྱོར་སྐུ་ལ་དོ་བསྔོ་བ། །བདག་ ― LT30_Page_0611 ―
[མ་དཔེ་གཟིགས་ན་འདིར་གནོན།]
ཀྱང་འཕགས་པ་རབ་མཆོད་ཅིང་། །གཞན་དོན་ཅི་ནུས་བགྱིད་བསམ་པས། །དགྲ་བགེགས་འདི་ཡིས་མ་སྟེར་རོ། །སྤྲོས་བྲལ་རང་བཞིན་དག་པའི་ཀློང་། །དབྱིངས་ཀྱི་ཐིག་ལེར་སྒོམ་སྙམ་པས། །བར་ཆད་རྐྱེན་འདིས་མ་སྟེར་རོ། །བདག་གིས་ཅུང་ཟད་མ་ཉེས་ཤིང་། །རྣམ་པ་ཀུན་ཏུ་མ་ཡོ་བས། །དེ་ལྟར་མཁྱེན་པར་མཛད་ནས་ཀྱང་། །མཐུ་སྟོབས་བསྐྱེད་པའི་ཆོ་ག་མཛོད། །ལྷ་དང་གཉིས་སུ་མེད་པར་སྒོམས། །དགྲ་བགེགས་སྒྲོལ་བའི་གྲོགས་མཛོད་ཅིག །དྲུག་པ་རྫས་དམོད་མོ་ཏིང་ངེ་འཛིན་སོགས་དྲུག་བྱ་བ་ལ། །ལྷ་དང་ཕྲལ་བ། གཟུགས་ལ་དབབ་པ། བྱད་དུ་གཞུག་པ། སྨྱོ་རུ་གཞུག་པ། རྡུལ་དུ་རློག་པ། ཞལ་དུ་བསྟབ་པའོ། །དེ་རེ་རེ་ལའང་དྲུག་དྲུག་སྟེ། བསག་པར་བྱ་བའི་རྫས་དྲུག་བསམ་པ་མཐར་ཕྱིན་པའི་དམོད་མོ་དྲུག །དམིགས་པ་གཞན་དུ་མི་འགྱུར་བའི་ཏིང་ངེ་འཛིན་དྲུག །བསྐྱེད་པར་བྱ་བའི་ལྷ་དྲུག །སྦས་པའི་འཕྱོང་དྲུག །གབ་པའི་སྔགས་དྲུག་རྣམས་ལས། དང་པོ་ནི། རྫས་གུ་གུལ། གཉིས་པ་དམོད་མོ་ནི། །ན་མོ་བཅོམ་ལྡན་རྡོ་རྗེ་གཞོན་ནུ་དང་། །ཡུམ་ཆེན་འཁོར་ལོ་རྒྱས་འདེབས་མ། །ཡེ་ཤེས་སྤྲུལ་པའི་ཁྲོ་བོ་བཅུ། །རྡོ་རྗེ་དབྱིངས་ཀྱི་ཁྲོ་མོ་བཅུ། །ཐབས་ཀྱི་རང་བཞིན་མཆེ་བ་ཅན། །ཤེས་རབ་རང་བཞིན་གཤོག་པ་ཅན། །བདག་ཉིད་ཤྭ་ན་ས་བདག་སོགས། །ཕུར་པའི་ལྷ་ཚོགས་འཁོར་བཅས་ཀྱིས། །གདུག་ཅིང་གཏུམ་པའི་དགྲ་བགེགས་འདི། ། ― LT30_Page_0612 ―
[མ་དཔེ་གཟིགས་ན་འདིར་གནོན།]
ཆོས་ཀྱི་སྲུང་མ་དང་ཕྲོལ་ཞིག །བོན་གྱི་ལྷ་དང་ད་ཕྲོལ་ཞིག །སྐྱེ་བོའི་དགྲ་ལྷ་དང་ཕྲོལ་ཞིག །ཕོ་ལྷ་ཡུལ་ལྷ་སྲོག་ལྷ་དང་། །བསྐྱེད་པའི་ལྷ་བཞི་འགྲོ་བ་ཡི། །ལྷ་དང་དབང་ཐང་ལྷ་དྲུག་དང་། །སྐྱོབས་པའི་ལྷ་ཀུན་དང་ཕྲོལ་ཅིག །བརྟེན་པའི་ས་དང་གནས་པའི་ཡུལ། །ཀུན་དང་མྱུར་བ་ཉིད་དུ་ཕྲོལ། གསུམ་པ་དམིགས་པ་གཞན་དུ་མི་འགྱུར་བའི་ཏིང་ངེ་འཛིན་ནི། །རབ་ཟླ་བྱེད་པའི་བཙོན་བཞིན་གྱུར། །བཞི་པ་སྐྱེད་པར་བྱེད་པའི་ལྷ་ནི་སྒོམ། སྲས་མཆོག་ལ་སོགས་པ་རྣམས་ཀྱིས་གུ་གུལ་གྱིས་བདུག་པར་བསམ་མོ། །ལྔ་པ་སྦས་པའི་འཕྱོང་ནི། ཛཿ །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་ཆེན་པོའི་དུས་ལ་བབ། །བསྒྲལ་བར་བྱ་བའི་དུས་ལ་བབ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་ན། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་རྣམས། །ང་ཡི་བཀའ་ལས་འདའ་མ་བྱེད། །གདུག་ཅིང་གཏུམ་པའི་དགྲ་བགེགས་འདི། །བསྡིགས་ཤིག་གྲོགས་དང་དབྱེ་བར་གྱིས། །དྲུག་པ་གབ་པའི་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ མོ་ཧཾ་གྷ་ཏ་ཡ་གནོད་བྱེད་དགྲ་བགེགས་ཧ་ས་ཡ་ ― LT30_Page_0613 ―
[མ་དཔེ་གཟིགས་ན་འདིར་གནོན།]
ར་ཧ་ས་ཡ་ར། །ཤྲཱཾ་གྷྲཾ་ཀཱ་ར་ཡ་མ་ར་སེ་ན་པྲ་མ་རྡ་ནི། སརྦ་བིགྷྣན་བནྡྷ་ཧཱུྃ་ཕཊ། གཉིས་པ་གཟུགས་ལ་དབབ་པ་ལ་དྲུག་གི། དང་པོ་རྫས་ཡུངས་ཀར། གཉིས་པ་དམོད་ནི། །ཁྲོ་རྒྱལ་ཡབ་ཡུམ་འཁོར་བཅས་ཀྱིས། །དགྲ་འདི་ཕོབ་ཅིག་གཟུགས་ལ་ཕོབ། །རི་མོ་ལ་ཕོབ་ལིངྒ་དང་། །གཉིས་སུ་མེད་པ་ཉིད་དུ་གྱིས། །གསུམ་པ་ཏིང་ངེ་འཛིན་ནི། །བྱེ་མར་ཆར་ཕབ་བཞིན་དུ་གྱུར། །བཞི་པ་བསྐྱེད་པར་བྱ་བའི་ལྷ་ནི། །སྲས་མཆོག་སོགས་ཀྱིས་ཐུན་ཐོགས་པར་བསམ་མོ། །ལྔ་པ་བསྐུལ་ཚིག་ནི། དམ་ཚིག་ཆེན་པོའི༴ ནས༴ །གདུག་ཅིང་གཏུམ་པའི་དགྲ་བགེགས་འདི། །ཕོབ་ཅིག་རྣམ་པར་གཟིར་བར་གྱིས། དྲུག་པ་གབ་པའི་སྔགས་ནི། མོ་ཧཾ་གྷ་ཏ་ཡ་ཡན་དང་། ཤཱི་གྷྲཾ་ཀཱ་ར་ཡ་མན་གོང་དང་འདྲ་བ་ལས། །གནོད་བྱེད་དགྲ་བགེགས་ཨཱ་བེ་ཤ་ཡ་ཨ་བེ་ཤ་ཡ། ཞེས་གཞུག །གསུམ་པ་བྱད་དུ་གཞུག་པ་ལ། དང་པོ་རྫས་སྔོན་དམར་གྱི་ཞགས་པ། གཉིས་པ་ནི། །ཁྲོ་རྒྱལ་ཡབ་ཡུམ་འཁོར་བཅས་ཀྱིས། །དགྲ་འདི་ཟུང་ཞིག་རབ་ཆིངས་ཤིག །ལུས་དང་ཡན་ལག་ཀུན་སྡོམས་ཤིག །གྲུ་གུ་བཞིན་དུ་རབ་སྒོངས་ཤིག །གསུམ་པ་ནི། །ལྕགས་ཀྱིས་བཅིངས་པའི་བཙོན་བཞིན་གྱུར། བཞི་པ་ནི་སྲས་མཆོག་སོགས་ཞགས་པ་ཐོགས་པར་བསྒོམ། ལྔ་པ་ནི། །དམ་ཚིག་ཆེན་པོའི་དུས་ལ་བབ། ནས། །གདུག་ཅིང་གཏུམ་པའི་དགྲ་བགེགས་འདི། །ཟུང་ཞིག་ ― LT30_Page_0614 ―
[མ་དཔེ་གཟིགས་ན་འདིར་གནོན།]
ཆིངས་ཤིག་རྣམ་པར་སྡོམས། དྲུག་པ་ནི། །གནོད་བྱེད་དགྲ་བགེགས་ཤི་ཀྲི་ཨཱ་ན་ཡ་སོགས༴ བཞི་པ་སྨྱོ་རུ་གཞུག་པ་ལ། དང་པོ་རྫས་གཏོར་མ། དུག་ཐུན་ཞེས་པའང་སྣང་། གཉིས་པ་ནི། །ཁྲོ་རྒྱལ་ཡབ་ཡུམ་འཁོར་བཅས་ཀྱིས། །དགྲ་འདི་སྨྱོ་ཆུག་མྱོས་སུ་ཆུག །གསུམ་པ་ནི། །དབང་མེད་སྨྲ་ཞིང་ལབ་པར་གྱུར། བཞི་པ་ནི་སྲས་མཆོག་སོགས་དུག་ཐུན་ཐོགས་པར་བསྒོམ། ལྔ་པ་ནི། དམ་ཚིག་ཆེན་པོའི་ ནས་ །གདུག་ཅིང་གཏུམ་པའི་དགྲ་བགེགས་འདི། །རིང་ནས་ཁུག་ལ་སྨྲ་རུ་ཆུག །དྲུག་པ་ནི། །གནོད་བྱེད་དགྲ་བགེགས་ཛྭ་ལ་པ་ཡ་ཛྭ་ལ་པ་ཡ། སོགས། ལྔ་པ་རྡུལ་དུ་བརླག་པ་ལ། དང་པོ་ནི་ལྕགས་ཟངས་རྡོ་ཕྱེ། གཉིས་པ། །ཁྲོ་རྒྱལ་ཡབ་ཡུམ་འཁོར་བཅས་ཀྱིས། །དགྲ་འདི་མེད་བརླག་ཕུང་པར་གྱིས། གསུམ་པ་ནི། །ཐལ་བའི་རྡུལ་བཞིན་བརླགས་པར་མཛོད། བཞི་པ་ནི། སྲས་མཆོག་སོགས་ལྕགས་ཟངས་རྡོ་ཕྱེའི་ཐུན་ཐོགས་པར་བསྒོམ་པའོ། །ལྔ་པ་ནི། དམ་ཚིག་ཆེན་པོ་སོགས༴ །གདུག་ཅིང་གཏུམ་པའི་དགྲ་བགེགས་འདི། །ལུས་སེམས་རྡུལ་ཕྲན་བཞིན་དུ་རློག །དྲུག་པ་ནི། །གནོད་བྱེད་དགྲ་བགེགས་ཏ་ཐཱ་ཡ་ཏ་ཐ་ཡ་སོགས། དྲུག་པ་ཞལ་དུ་བསྟབ་པ་ནི། རྫས་ལིང་རོ། །གཉིས་པ་ནི། །ཁྲོ་རྒྱལ་ཡབ་ཡུམ་འཁོར་བཅས་ཀྱིས། །དགྲ་འདི་བཞེས་རོལ་ཞལ་དུ་གསོལ། གསུམ་པ་ནི། །དགྲ་བགེགས་ཞལ་དུ་བསྟབ་པར་གྱུར། བཞི་པ་ནི། ― LT30_Page_0615 ―
[མ་དཔེ་གཟིགས་ན་འདིར་གནོན།]
སྲས་མཆོག་སོགས་ལིང་རོ་ཐོགས་པར་བསམ། ལྔ་པ་ནི། དམ་ཚིག་ཆེན་པོའི་དུས༴ ནས༴ །ང་ཡི་བཀའ་ལས་འདའ་མ་བྱེད། །གདུག་ཅིང་གཏུམ་པའི་དགྲ་བགེགས་འདི། །བཛྲ་ཡཀྵ་ཀྲོ་དྷ་ཁཱ་ཧི། དྲུག་པ་ནི། ཨོཾ་བཛྲ་ཀཱི་ལི་ཀཱི་ལ་ཡ། ཛཿཧཱུྃ་བཾ་ཧོཿ མོ་ཧཾ་གྷ་ཏ་ཡ་གནོད་བྱེད་དགྲ་བགེགས་བི་ད་ཡ་བི་ད་ཡ། ཤཱི་གྷྲཾ་ཀཱ་ར་ཡ་མ་ར་སེ་ན་པྲ་མརྡྷ་ནི་སརྦ་བིགྷྣན་བནྡྷ་ཧཱུྃ་ཕཊ། ཅེས་བྱའོ། །གཉིས་པ་དངོས་གཞི་གདབ་པའི་ལས་བསྟན་པ་ལ་དྲུག །ཀུན་གཞི་རྩད་བཅད་དེ་བསྒྲལ་བ། ཉོན་མོངས་པ་སྐྱེ་བའི་སྒོ་ལྔ་དག་པར་བསྒྲལ་བ། རྣམ་ཤེས་ཚོགས་བརྒྱད་དག་པར་བསྒྲལ་བ། །མ་བདུད་ཀྱི་དམོད་མོས་བསྒྲལ་བ། །དགེ་སྡིག་ཆ་སྙོམས་ཏེ་བསྒྲལ་བ། །གཏུན་དུ་བརྡུངས་ཏེ་བསྒྲལ་བའོ། །དང་པོ་ནི་དགུག་གཞུག་ལན་གཅིག་བྱས་ལ། ཛཿ །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་ཆེན་པོའི་དུས་ལ་བབ། །བསྒྲལ་བར་བྱ་བའི་དུས་ལ་བབ། །ཁྱོད་ཀྱི་ཕྲིན་ལས་དུས་ལ་བབ། །མཐུ་རྩལ་འབྱུང་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པ། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། ། ― LT30_Page_0616 ―
[མ་དཔེ་གཟིགས་ན་འདིར་གནོན།]
ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བརླགས་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། ཅེས་བསྐུལ་ལ། ཀུན་གཞིའི་གནས་ལུགས་གསལ་གདབ་པ། རྡོ་རྗེ་གསུམ་སྤྱན་དྲང་པ། ཁྲུས་ལུང་གསུམ། ཚེ་ལུང་གཉིས་ཀྱི་དགོངས་པ་དང་ལྡན་པས་ལིངྒ་ལ་ཕུར་པ་བསྒྲིལ་ཞིང་བཏབ་སྟེ། ཨོཾ་ལཾ་ཧཱུྃ་ལཾ་སྟྭཱཾ་བྷ་ནཾ་མོ་ཧཾ་གྷ་ཏ་ཡ། བྷ་ག་ཝན་ཧྲཱི་ཥྚི་བི་ཀྲིརྟ་ཤྲི་བཛྲ་ཧཱུྃ་ཀ་ར་ཧཱུྃ་ཧཱུྃ་ཕཊ་ཕཊ། བཛྲ་ཀཱི་ལི་ཀཱི་ལི་ཡ་ཛཿཧཱུྃ་བཾ་ཧོཿསརྦ་བིགྷྣན་བཛྲ་ཀཱི་ལི་ཀཱི་ལ་ཡ་ཧཱུྃ་ཧཱུྃ་ཕཊ་ཕཊ་བཛྲ་ཧཱུྃ་ཀ་ར་ཧཱུྃ་ཨ། ཞེས་བརྗོད། ཕུར་པ་བྱུང་། ཕུར་ཁུང་ལ་ཐུན་གྱིས་བྲབས། ཕུར་པ་ལ་སྨན་རཀ་བྱུགས་ཏེ་ངར་བསྐྱེད་པར་བསམས་ལ། སླར་ཡང་སྙིང་ཁར་བཅུགས་ནས་བཞག་གོ། །གཉིས་པ་ནི། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་སྡོམས་ཤིག་རྣམ་པར་ཆིངས། །བཏོགས་ཤིག་གྲོགས་དང་བྲལ་བར་གྱིས། །རིངས་པར་ཁུག་ལ་སྨྲ་རུ་ཆུག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་ལས་རྣམས་ཉན་པར་གྱིས། །ཧཱུྃ་བར་པིདྱཾ་ཚིནྡྷ་ཚིནྡྷ་ཧཱུྃ་ཕཊ། བྷིནྡྷ་བྷིནྡྷ་ཧཱུྃ་ཕཊ། གྲྀ་ཧྞ་གྲྀ་ཧྞ་ཧཱུྃ་ཕཊ། ཧ་ན་ཧ་ན་ཧཱུྃ་ཕཊ། བྷནྡྷ་བྷནྡྷ་ཧཱུྃ་ཕཊ། ཏཱ་ཌ་ཡ་ཏཱ་ཌ་ཡ་ཧཱུྃ་ཕཊ། ཧ་ས་ཡ་ར་ཧ་ས་ཡ་ར་ཧྲཱི་དཎྜ་ཧཱུྃ་ཕཊ། །ཤཱི་གྷྲཾཨ་ན་ཡ་ཧཱུྃ་ཕཊ། ཛ་ལ་པཱ་ཡ་ཛ་ལ། ― LT30_Page_0617 ―
[མ་དཔེ་གཟིགས་ན་འདིར་གནོན།]
པ་ཡ་ཧཱུྃ་ཕཊ། ཨཱ་བེ་ཤ་ཡ་ཨ་བེ་ཤ་ཡ་ཧཱུྃ་ཕཊ། བི་དྷ་ཡ་བི་དྷ་ཡ་ཧཱུྃ་ཕཊ། ཅེས་བརྗོད་ཅིང་། ཧཱུྃ་མཛད་ཀྱི་ཕུར་པ་རང་གི་ལག་པ་གཡས་དང་། རྣམ་རྒྱལ་གྱི་ཕུར་པ་གཡོན་དུ་ཐོགས་ལ། ཧཱུྃ་མཛད་ལིངྒའི་སྤྱི་བོ་དང་། རྣམ་རྒྱལ་དཔུང་པ་གཡས་ལ་བཏག །དེ་བཞིན་དུ་དབྱུག་སྔོན་ཅན་ལག་པ་གཡོན་དང་། གཤིན་རྗེ་གཤེད་དཔུང་པ་གཡོན། མི་གཡོ་པུས་གཡས། རྟ་མགྲིན་ཁ །གཞན་གྱིས་མི་ཐུབ་པུས་མོ་གཡོན། འཁྱིལ་པ་གསང་གནས། །འཇིག་རྟེན་གསུམ་རྒྱལ་ཕྲག་པ་གཡས། །སྟོབས་པོ་ཆེ་རྐང་པའི་བོལ་གོང་གཉིས་བསྣོལ་མཚམས་སུ་བཏབ། དེ་རྣམས་བཏོན་ཤུལ་ཐུན་གྱིས་བྲབ། ངར་བསྐྱེད། ལྔར་ཤུལ་དུ་འདེབས་པ་སོགས་རིམ་བཞིན་བྱའོ། །གསུམ་པ་ནི། ཁྲ་ཐབས་ཀྱི་ཕུར་པ་བཟུང་ལ། ཛཿ བྲན་དང་བཀའ་ཉན་ཕོ་ཉའི་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏཾ་ཀ་ཊ་ཡེ་ཛ་ཡེ་བི་ཛ་ཡེ། ཨ་ཛི་ཏེ་ས་པ་ར་ཛི་ཏེ། མཱ་ར་སྱ་ན། པྲ་མཱརྡྷ་ནི་ཧཱུྃ་ཕཊ། ཅེས་བརྗོད་ཅིང་། ཁྲ་ཐབས་རྣམས་ཁྲོ་བོ་བཅུའི་གཡས་གཡོན་དུ་བཏབ། ཐུན་གྱིས་བྲབ་བ་སོགས་བྱས་ལ་མཐར་ཧཱུྃ་མཛད་ཀྱི་གཡས་གཡོན་དུ་བཙུགས་ལ་བཞག་དེ་ནས་སྒོ་མ་བཞིའི་ཕུར་པ་སྙིང་ཁའི་ཕྱོགས་བཞིར་བཙུགས། ཐུན་གྱིས་བྲབ་པ་སོགས་བྱའོ། །བཞི་པ་ནི། རལ་གྲི་ཐོགས་ལ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་ ― LT30_Page_0618 ―
[མ་དཔེ་གཟིགས་ན་འདིར་གནོན།]
པ་ཚལ་པ་རྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་རྣམས། །ང་ཡི་བཀའ་ལས་འདའ་མ་བྱེད། །མ་མ་ཝ་ཤཾ་ཀུ་རུ་མ་ཏ་ང་ཉ་ཀ་ར་ཨི་ནན་ད་དྷི་མ་མ་ཀརྨ་ཤཱི་གྷྲཾ་ཀ་ར་ཡེ། ཞེས་བརྗོད་ཅིང་དང་པོ་མགོ་བཅད་དེ་ནས་ལག་པ་གཡས་གཡོན། རྐང་པ་གཡས་གཡོན་རྣམས་གཏུབ་བོ། །ལྔ་པ་ནི། ཡུངས་དཀར་ནག་ལྕགས་ཕྱེ་རྡོ་ཕྱེ་ལ་སོགས་པ་བསྲེས་པའི་ཐུན་རྫས་རྣམས་བཟུང་སྟེ། གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །ངལ་བར་ཆད་བྱེད་པའི་བགེགས། །མཐུ་དང་རྫུ་འཕྲུལ་མེད་པར་བྱོས། །སརྦ་ཨཱ་ན་ཡ་ཧཱུྃ་ཕཊ། ཏཱ་ཌ་ཡ་ཏཱ་ཌ་ཡ་ཧཱུྃ་ཕཊ། ཅེས་ཐུན་གྱིས་བྲབ་བོ། །དྲུག་པ་ནི། རྡོ་རྗེ་ཐོ་བ་ཐོགས་ལ། །རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བསྒྲལ་བར་བྱའོ། །ཁ་ཏྭཾ་ཁ་ཏྭཾ་ཁ་ཏྭཾ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་བཛྲ་ཡཀྴ་ཀོར་དྷ་ཁ་ཁ་ཁཱ་ཧི་ཁཱ་ཧི། ཧ་ཧ་ཧཱུྃ་ཧཱུྃ་ཕཊ་ཕཊ། ཅེས་བརྗོད་ལ་ཐོ་བས་རྡུང་ཚུལ་དང་། སླར་ཡང་རལ་གྲིས་སྙིང་ཁ་ནས་ལུས་དྲང་པོར་གཤག་དུམ་བུར་གཏུབ། དགྲ་བསགས་མི་བསྐྱོད་པའི་ཞིང་དུ་བསྐྱལ་བར་བསམ་མོ། །ལིང་རོ་འདུལ་བ་ནི། །ལིང་གའི་དུམ་བུ་བྷནྡྷ་ར་བཅུག་ལ། བསྟབས་པའི་ཚུལ་བྱ། འདོད་ཡོན་ལྔར་བསམས་ཤིང་། །བཻ་ཌཱུར་སྔོན་པོའི་རིན་ཆེན་རི་རབ་ལ། །ཉི་མ་སྟོང་གི་གཟི་བརྗིད་བསྡུས་པ་ལྟར། །སེམས་དཔའ་སྔོན་པོ་འོད་ཀྱི་དཀྱིལ་འཁོར་ ― LT30_Page_0619 ―
[མ་དཔེ་གཟིགས་ན་འདིར་གནོན།]
ནས། །དཔལ་ལྡན་གཟི་བརྗིད་འབར་ལ་ཕྱག་འཚལ་ལོ། །འོད་ཕུང་སྟུག་པོ་སྤྲིན་ལྟར་གཏིབས་པ་ཡིས། །འཇིགས་བྱེད་རྔམ་སྟབས་བརྐྱང་བསྐུམ་ཚུལ་དུ་བཞུགས། །ཟ་བྱེད་བསྐལ་པའི་མེ་དཔུང་འབར་བ་ཡིས། །གདུག་པ་ཐམས་ཅད་རྡོ་རྗེའི་ཞལ་དུ་བསྟབ། །མི་བཟད་མཆེ་བ་གཙིགས་པའི་ཞལ་གདངས་ཤིང་། ཁམས་སུམ་ཟ་བར་བྱེད་པའི་སྐན་སྒྲ་ཅན། །ཉི་ཟླ་འབར་བའི་སྤྱན་གྱི་སྡང་མིག་གིས། །བགེགས་དཔུང་སྲེག་པར་མཛད་ལ་ཕྱག་འཚལ་ལོ། །སྤྲུལ་པའི་ཁྲོ་བཅུ་ཡབ་ཡུམ་ཞལ་དུ་བསྟབ། །ཡང་སྤྲུལ་མཆེ་གཤོག་ཉི་ཤུའི་ཞལ་དུ་བསྟབ། །ཡེ་ཤེས་སྒོ་མ་བཞི་ཡི་ཞལ་དུ་བསྟབ། །སྲས་མཆོག་ཕུར་བུའི་ལྷ་ཚོགས་ཞལ་དུ་བསྟབ། །ཁྱད་པར་ཆོས་སྐྱོང་སྲུང་མའི་ཞལ་དུ་བསྟབ། །དམ་ཅན་བཀའ་སྲུང་བཅུ་གཉིས་ཞལ་དུ་བསྟབ། །གིང་ཆེན་དགེ་བསྙེན་རྣམས་ཀྱི་ཞལ་དུ་བསྟབ། །རྡོ་རྗེ་རིན་ཆེན་ཚོགས་ཀྱི་ཞལ་དུ་བསྟབ། །ཕྱི་ནང་མཁའ་འགྲོའི་ཚོགས་ཀྱི་ཞལ་དུ་བསྟབ། །དབང་ཕྱུག་ཉི་ཤུ་རྩ་བརྒྱད་ཞལ་དུ་བསྟབ། །དཔལ་ལྡན་རེ་བ་ཏི་ཡི་ཞལ་དུ་བསྟབ། །བདུད་འདུལ་ནག་མོ་མཆེད་བཞིའི་ཞལ་དུ་བསྟབ། ཅེས་དང་། །འདོད་ཆགས་རཀྟའི་རྒྱ་མཚོ་ཁྱི་ལི་ལི། །ཞེ་སྡང་རུས་པའི་ཕུང་པོ་ཁྲོ་ལོ་ལོ། །གཏི་མུག་ཤ་ཡི་རི་བོ་ཐིབས་སེ་ཐིབ། །དུག་གསུམ་བསྒྲལ་བའི་མཆོད་པ་བླ་ན་མེད། །བླ་མེད་མཆོད་པ་དམ་པ་འདི་བཞེས་ལ། །ལྷ་ཚོགས་སྐུ་ ― LT30_Page_0620 ―
[མ་དཔེ་གཟིགས་ན་འདིར་གནོན།]
གསུང་ཐུགས་ཀྱི་དངོས་གྲུབ་སྩོལ། ཞེས་དང་། །ཕྱི་ནང་གསང་བའི་མཆོད་པ་རྒྱ་མཚོའི་ཚོགས། །དྭངས་བའི་སེམས་ཀྱིས་འབུལ་ལོ་བཞེས་སུ་གསོལ། །ཤ་ཁྲག་རུས་སོགས་མ་ལུས་མཆོད་རྫས་འདི། །ལྷ་ཚོགས་འཁོར་བཅས་དགེས་ཤིང་བསྣམས་སུ་གསོལ། ཞེས་བརྗོད་ལ་ལིང་རོ་གཏོར་མར་འབུལ། སྦྱིན་སྲེག་དང་མནན་པ་བྱེད་ན། ལིངྒའི་ཁོག་སྟོད་གཏོར་མར་འབུལ། ཁོག་སྨད་སྦྱིན་སྲེག་བྱ་ཞིང་། མགོ་ལ་མནན་པ་བྱ། དེ་ནས་རྣལ་འབྱོར་པ་རྣམས་ཚོགས་ལ་ལོངས་སྤྱད་ཅིང་། ལྷག་མའི་གཏོར་མ་བྱིན་གྱིས་བརླབས་ནས། ཕྱི་རོལ་དུ་དོར་བ་ཡན་ལས་གཞུང་ལྟར་བྱ། ཕྱག་ལེན་ལ་ལྷག་མ་རྒྱས་པ། ལོངས་ཁྱབ་དབེན་པའི་སྐབས་ལྷག་མ་བསྡུས་པ་ཟུར་གསལ་ལྟར་སྦྱར་ཡང་རུང་ངོ། །འདི་ས་ལོ་ཆེན་པོས་འཕང་བའི་ལས་ཚར་རྗེས་སུ་བཤད་ཀྱང་ད་ལྟའི་ཕྱག་ལན་དང་བསྟུན་པའོ། །དེ་ནས་གསུམ་པ་རྗེས་ཟློག་པ་ཟོར་གྱི་ལས་བསྟན་པ་ནི། ཟོར་གཏོར་རྣམས་ལྷར་གསལ་བའི་ཡེ་ཤེས་པ་རྣམས་ནམ་མཁར་བཞུགས་ནས། བདག་གི་དྲག་པོའི་ལས་ཀྱི་གྲོགས་མཛད། དམ་ཚིག་པ་རྣམས་འོད་དུ་ཞུ་ནས་དུག་དང་མཚོན་ཆ་དང་། མེ་དཔུང་དུ་གྱུར་པར་བསམ། གཙོ་བོའི་སྔགས་ནས་ཐུན་སྔགས་ཀྱི་བར་གོང་བཞིན་བརྗོད་ལ། རྔམས་བརྗིད་དང་ལྡན་པའི་དབྱངས་རོལ་དང་བཅས་ཏེ་འདི་སྐད་དོ། ཧཱུྃ་འཁོར་ལོ་རྩིབས་བཅུ་རབ་ཏུ་འབར་བའི་དབུས། །གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །ཁྲོ་བོའི་རྒྱལ་པོ་ཁྲག་འཐུང་ཧེ་རུ་ཀ །ཐུགས་དམ་དུས་ལ་བབ་བོ་དབྱིངས་ནས་བཞེངས། །མ་རུངས་འདུལ་ཕྱིར་དྲག་པོའི་སྐུར་བསྟན་ནས། །སྔགས་འཆང་རིག་འཛིན་སྒྲུབ་བོ་བདག་ཅག་ལ། །སྐུ་གསུང་ཐུགས་ཀྱི་བྱིན་བརླབས་དཔལ་ ― LT30_Page_0621 ―
[མ་དཔེ་གཟིགས་ན་འདིར་གནོན།]
བསྐྱེད་ནས། །སྡང་དགྲ་གནོད་པའི་བགེགས་རྣམས་བཟློག་པ་དང་། །རྐྱེན་ངན་བར་ཆད་ཞི་བར་བྱིན་གྱིས་རློབས། །ཧཱུྃ་ཡབ་གཅིག་དཔལ་ཆེན་རྡོ་རྗེ་གཞོན་ནུ་དང་། །དཔལ་གྱི་ཡུམ་ཆེན་འཁོར་ལོ་རྒྱས་འདེབས་མ། །ཡབ་ཡུམ་ཐབས་དང་ཤེས་རབ་རོལ་པ་ལས། །ཕྱོགས་བཅུའི་ཁྲོ་བོའི་ཚོགས་རྣམས་སྤྲོས་པ་ནི། །སྟེང་ཕྱོགས་འཁོར་ལོ་འབར་བའི་རྩིབས་དབུས་ན། །ཧཱུྃ་མཛད་སྒྲ་འབྱིན་ཕག་དང་སྨིག་བུའི་མགོ །འཁོར་བཅས་ཁྱེད་ཀྱི་ཐུགས་དམ་དུས་ལ་བབ། །གཟའ་དང་རྒྱུ་སྐར་གནོད་པ་ཐམས་ཅད་བཟློག །ཟློག་གོ་དམར་ཆེན་གཏོར་མ་འདི་ཡིས་བཟློག །སྒྱུར་རོ་ལྟས་ངན་ཆོ་འཕྲུལ་ཐམས་ཅད་བསྒྱུར། །ཟློག་བསྒྱུར་བཅོལ་བའི་ཕྲིན་ལས་གྲུབ་པར་མཛོད། །ཤར་ཕྱོགས་འཁོར་ལོ་འབར༴ །རྣམ་རྒྱལ་སྒེག་མོ་སྟག་དང་བྱ་རྒོད་མགོ །འཁོར་བཅས༴ །ཤར་ཕྱོགས་དྲི་ཟའི་གནོད་པ་ཐམས་ཅད་བཟློག །བཟློག་གོ་དམར་ཆེན༴ །སྒྱུར་རོ་ལྟས༴ །ཟློག་བསྒྱུར༴ །མེ་མཚམས་འཁོར་ལོ༴ །དབྱུག་སྔོན་སྡེར་མོ་གཡག་དང་བྱ་རོག་མགོ། །འཁོར་བཅས༴ །མེ་མཚམས༴ །མེ་ལྷའི༴ །ཟློག་གོ༴ །བསྒྱུར་རོ༴ །ཟློག་སྒྱུར༴ །ལྷོ་ཕྱོགས་འཁོར་ལོ༴ །གཤིན་རྗེ་དུར་ཁྲོད་ཤ་བ་འུག་པའི་མགོ། །འཁོར་བཅས༴ །ལྷོ་ཕྱོགས་གཤིན་རྗེའི༴ །ཟློག་གོ །སྒྱུར་རོ༴ །ཟློག་སྒྱུར༴ །ལྷོ་ནུབ་འཁོར་ལོ༴ །མི་གཡོ་གཏུན་ཁུང་གཟིག་དང་ཁྭ་ཏའི་མག།ོ །འཁོར་བཅས༴ ― LT30_Page_0622 ―
[མ་དཔེ་གཟིགས་ན་འདིར་གནོན།]
ལྷོ་ནུབ་སྲིན་པོའི༴ །ཟློག་གོ །སྒྱུར་རོ༴ །ཟློག་སྒྱུར༴ །ནུབ་ཕྱོགས་འཁོར་ལོ༴ །རྟ་མགྲིན་གཏུམ་མོ་བྱི་ལ་པུ་ཤུད་མགོ། །འཁོར་བཅས༴ །ནུབ་ཕྱོགས་ཆུ་ལྷའི༴ །ཟློག་གོ༴ །བསྒྱུར་རོ༴ །བཟློག་སྒྱུར༴ །ནུབ་བྱང་འཁོར་ལོ༴ །གཞན་གྱིས་མི་ཐུབ་མདའ་སྙེམས་སྤྱང་ཁྲའི་མགོ། །འཁོར་བཅས༴ །ནུབ་བྱང་རླུང་ལྷའི་གདོན་ཚོགས༴ །ཟློག་གོ༴ །བསྒྱུར་རོ༴ །ཟློག་སྒྱུར༴ །བྱང་ཕྱོགས༴ །འཁྱིལ་པ་སྒྲ་མཛད་སེངྒེ་ཕ་ཝང་མགོ། །འཁོར་བཅས༴ །བྱང་ཕྱོགས༴ །གནོད་སྦྱིན༴ །ཟློག་གོ༴ །སྒྱུར་རོ། ཟློག་སྒྱུར༴ །བྱང་ཤར་འཁོར་ལོ༴ །ཁམས་གསུམ་གསོད་མ་དྲེད་དང་སྤྲེ་མང་མགོ། །འཁོར་བཅས༴ །བྱང་ཤར་བགེགས་བདག་གནོད་པ༴ །ཟློག་གོ༴ །བསྒྱུར་རོ༴ །ཟློག་སྒྱུར༴ །འོག་ཕྱོགས་འཁོར་ལོ༴ །སྟོབས་ཆེན་རིགས་བྱེད་དོམ་དང་བྱི་བའི་མགོ། །འཁོར་བཅས༴ །འོག་ཕྱོགས༴ །ས་བདག༴ །ཟློག་གོ །བསྒྱུར་རོ༴ །ཟློག་སྒྱུར༴ །ལས་བཞིའི་ཕྲིན་ལས་མ་ལུས་སྒྲུབ་མཛད་པ། །ཕུར་པ་སྲས་ཀྱི་ལྷ་ཚོགས་འཁོར་དང་བཅས། །འཁོར་བཅས༴ །དགྲ་བགེགས༴ །ཟློག་གོ༴ །སྒྱུར་རོ༴ །ཟློག་སྒྱུར༴ །གདུག་པ་འདུལ་བའི་ཕོ་ཉར་ཁས་བླངས་པའི། །དྲེགས་པ་དབང་ཕྱུག་ཉི་ཤུ་རྩ་བརྒྱད་མ། །འཁོར་བཅས༴ །དགྲ་བགེགས༴ །ཟློག་གོ༴ །སྒྱུར་རོ༴ །ཟློག་སྒྱུར༴ །ཕུར་པའི་སྲུང་མར་ཞལ་བཞེས་དམ་ཉམས་སྒྲོལ། །དྲག་ ― LT30_Page_0623 ―
[མ་དཔེ་གཟིགས་ན་འདིར་གནོན།]
གཏུམ་མི་བཟད་དམ་ཅན་བཅུ་གཉིས་པོ། །འཁོར་བཅས༴ །དགྲ་བགེགས༴ །བཟློག་གོ༴ །སྒྱུར་རོ༴ །ཟློག་སྒྱུར༴ །སངས་རྒྱས་བསྟན་པ་སྲུང་བར་ཞལ་བཞེས་པ། །ཆོས་སྐྱོང་མགོན་པོ་ལྕམ་དྲལ་ལྷ་ཚོགས་ཀུན། །འཁོར་བཅས༴ །དགྲ་བགེགས༴ །བཟློག་གོ༴ །སྒྱུར་རོ༴ །ཟློག་སྒྱུར༴ །ཕྱོགས་སྐྱོང་བཅུ་དང་གཟའ་དང་རྒྱུ་སྐར་དང་། །ལྷ་སྲིན་སྡེ་བརྒྱད་དྲེགས་པ་ཕོ་མོའི་ཚོགས། །འཁོར་བཅས་ཁྱེད་ཀྱི་ཐུགས་དམ་དུས་ལ་བབ། །དགྲ་བགེགས་གནོད་པ་ཐམས་ཅད་བཟློག་ཏུ་གསོལ། །ཟློག་གོ་དམར་ཆེན་གཏོར་མ་འདི་ཡིས་ཟློག །སྒྱུར་རོ་ལྟས་ངན་ཆོ་འཕྲུལ་ཐམས་ཅད་སྒྱུར། །ཟློག་བསྒྱུར་བཅོལ་པའི་ཕྲིན་ལས་གྲུབ་པར་མཛོད། ཧཱུྃ་ །དི་རིང་རྣལ་འབྱོར་བདག་ཅག་འཁོར་བཅས་ཀྱི། །ལུས་ཀྱི་ན་ཚ་ཐམས་ཅད་གཏོར་མས་ཟློག །སེམས་ཀྱི་སྡུག་བསྔལ་ཐམས་ཅད་གཏོར་མས་ཟློག །ནད་རིམས་བཞི་བརྒྱ་རྩ་བཞི་གཏོར་མས༴ །བགེགས་རིགས་སྟོང་ཕྲག་བརྒྱད་ཅུ༴ །གདོན་རིགས་སུམ་བརྒྱ་དྲུག་ཅུ༴ །གློ་བུར་ཡེ་འགྲོགས་ཐམས་ཅད༴ །རྨི་ལམ་མཚན་ངན་ཐམས་ཅད༴ །ལྟས་ངན་ཕྱོགས་ངན་ཐམས་ཅད༴ །དུས་སྦྱོར་ངན་པ༴ །གཟའ་སྐར་ངན་པ༴ །ཡས་ཀྱི་བདུད་གཡོས༴ །མས་ཀྱི་སྲི་ལོངས༴ །ཕ་ཚན་རྒྱ་འདྲེ༴ །མ་བུའི་བྱུར་འདྲེ༴ །ཡུལ་མིའི་གདོང་འདྲེ༴ །ལོ་སྐག་ཟླ་སྐག༴ །ཞག་སྐག་གཟའ་སྐག༴ ― LT30_Page_0624 ―
[མ་དཔེ་གཟིགས་ན་འདིར་གནོན།]
རྒྱལ་པོའི་ཆད་པ༴ །འབངས་ཀྱི་བསམ་སྦྱོར་ངན་པ༴ །གཡས་ཀྱི་ཕོ་བརྒྱ་གྲི་བརྡར༴ །གཡོན་གྱི་མོ་བརྒྱ་དུག་སྦྱོར༴ །ཁ་འཇམ་སེམས་སྡུག་ཐམས་ཅད༴ །སྐྱེ་བོའི་ཡག་ཐམས་ཅད༴ །བུད་མེད་དམོད་མོ་ཐམས་ཅད༴ །ཁ་སྨྲས་གླེང་བཞི་ཐམས་ཅད༴ །དགྲ་ངོ་དམར་ངོ་༴ །མི་ཁ་དུག་ཆུ༴ །སྔ་དགྲ་དར་བ༴ །ཕྱི་དགྲ་སེམས་པ༴ །ད་དགྲ་བརྩམས་པ༴ །གཟུགས་ཅན་དགྲ་ཡིས་གནོད་པ༴ །གཟུགས་མེད་བགེགས་ཀྱིས་གནོད་པ༴ །སྟེང་ཕྱོགས་གཟའ་ཡི་གནོད༴ །འོག་ཕྱོགས་ཀླུ་ཡི༴ །བར་གདོན་བདུད་བཙན༴ །རྒྱལ་འགོང་ཐེའུ་རང་༴ །མ་མོ་དམ་སྲིའི༴ །ཕ་རོལ་རྦོད་གཏོང་༴ །ཆོས་ཀྱི་ཆོས་ཟོར༴ །སྔགས་ཀྱི་སྔགས་ཟོར༴ །བོན་གྱི་བོན་ཟོར༴ །ཞང་ཞུང་གཙོ་ཟོར༴ །སུམ་པའི་གླང་ཟོར༴ །མུ་སྟེགས་ངན་སྔགས༴ །ཕུར་པའི་དབལ་ཁ༴ ། །ཁྲག་ཟོར་གཏོར་ཟོར༴ །ཡུངས་ཟོར་མདའ་ཟོར་འཕེན་པ༴ །རྡོ་ཟོར་ཚེ་ཟོར་འའཕེན༴ །གཤིན་རྗེས་ཁྲོམ་ཁ་བཏབ་པ༴ །མ་མོའི་བྱོལ་ཁ༴ །རྒྱལ་པོའི་ཐོག་བརྫིས་ཐམས་ཅད༴ །བཙན་གྱི་ཤྭོ་རྡེའུ་འགྲེམ་པ༴ །བདུད་ཀྱི་ཞགས་པ་འཕེན་པ༴ །ཀླུ་ཡི་བྱང་ཁ་ཟུག་པ༴ །གནོད་སྦྱིན་མདངས་འཕྲོག་ཐམས་ཅད༴ །ཐེའུ་རང་ཚེ་ལ་རྐུ་བ༴ །ནད་ཀྱི་རྐྱལ་པ་ཁ་ཤོར༴ །མཚོན་གྱི་གྲུ་གུ་བརྐྱངས་པ༴ །མི་མཐུན་རྐྱེན་ངན་ཐམས་ ― LT30_Page_0625 ―
[མ་དཔེ་གཟིགས་ན་འདིར་གནོན།]
ཅད༴ །ནམ་མཁར་བྱ་རྒོད་སྡེར་འཛིངས༴ །ས་སྟེང་གཡག་པོ་རུ་འཛིངས༴ །ཆུ་ནང་ཉ་མོ་རྔ་འཛིང་༴ །ཕུ་རུ་ཤ་བ་རུ་འཛིང་༴ །སྲོད་ལ་སྲིན་བྱ་རྒོད་པ༴ །ནམ་གུང་སྒོ་ཁྱི་ངུ་བ༴ །ཐོ་རངས་འུག་པ་དགོད་པ༴ །ལ་ཁར་གླ་བ་མཆེ་འཛིངས༴ །ཕྱུགས་ལ་ལྟས་ངན་སྐྱེས་པ༴ །སྲམ་ལ་འུག་པ་ཞོན་པ༴ །སྲིན་མོ་བུ་ལ་ཞོན་པ༴ །སྤྱང་ཁར་གླ་རོ་ཁྱེར་བ༴ །སྲེ་མོང་བྱི་རོ་ཁྱེར་བ༴ །བདུད་དང་བཙན་གྱི་ཆོ་འཕྲུལ༴ །རྒྱལ་པོ་དམུ་ཡི་ཆོ་འཕྲུལ༴ །མ་མོ་ཀླུ་ཡི༴ །གཤིན་རྗེ་གནོད་སྦྱིན༴ །འགོང་པོ་ཐེའུ་རང་༴ །གྲི་བོ་གྲི་མོའི་གནོད༴ །ལྟས་ངན་རིགས་གྱུར་ཐམས་ཅད༴ །མདོར་ན་དམར་ཆེན་གཏོར་མ་འདི་ཡི་མཐུས། །ངན་པ་བཟློག་ལ་རྩུབ་མོ་ཐམས་ཅད་བསྒྱུར། །ཐམས་ཅད་སྡང་བའི་དགྲ་ལ་བཟློག་ཅིང་བསྒྱུར། །ཐམས་ཅད་གནོད་པའི་བགེགས་ཀྱི་སྟེང་དུ་བྷྱོཿ །གཏོར་མ་འདི་ཡིས་མི་བཟློག་གང་ཡང་མེད། །གཏོར་མ་འདི་ཡིས་མི་བསྒྱུར་གང་ཡང་མེད། །གཏོར་མ་འདི་ཡིས་ཐམས་ཅད་མི་ཟློག་ཏུ། །བླ་མ་ཡི་དམ་བདེན་པའི་བྱིན་རླབས་དང་། །དམ་ཅན་སྲུང་མས་མཐུ་རྩལ་བྱིན་གྱིས་རློབས། །རྣལ་འབྱོར་བདག་གི་ཏིང་འཛིན་བྱིན་གྱིས་རློབས། །དེ་ཕྱིར་བདག་ཅག་དཔོན་སློབ་འཁོར་བཅས་ལ། །མི་མཐུན་རྐྱེན་ངན་བར་ཆད་ཐམས་ཅད་ཀུན། །སྡང་བའི་ ― LT30_Page_0626 ―
[མ་དཔེ་གཟིགས་ན་འདིར་གནོན།]
དགྲ་དང་གནོད་པའི་བགེགས་ལ་བྷྱོཿ ཞེས་ཚར་གཅིག་གམ་གསུམ་སྐབས་དང་བསྟུན་ཏེ་བརྗོད། དེ་ནས། ཧཱུྃ་ འཇམ་དཔལ་སྐུ་ཡི་ལྷ་ཚོགས་ཀྱིས། །ཟོར་ཆེན་རྫས་ཀྱི་མཐུ་བསྐྱེད་ལ། །དགྲ་བགེགས་སྲོག་ལ་མངའ་མཛོད་ཅིག །སོགས་གོང་བཞིན་བྱས་ལ། །གཏོར་མ་རྣམས་ཕངས་ཏེ་སྔོན་ལ་བདུད་རྒྱལ། དེ་ནས་ཤྭ་ན་མ། ས་བདག་མ། བདག་ཉིད་མ། གཙོ་བོའི་གཏོར་མ་རྣམས་ཕྱིར་ཅུང་ཟད་བསྣུར་ལ། གནས་དེ་ཉིད་དུའམ་གཞན་གང་བདེ་བར་བདུད་རྒྱལ་གྱི་བསྐུལ་བ་བྱ་བ་ནི། ཧཱུྃ་ དམ་ཚིག་ཆེན་པོའི་དུས་ལ་བབ། །སྲོག་གི་གཤེད་དུ་བསྐུལ་བ་ནི། །བདུད་རྒྱལ་ཐོད་པའི་ཕྲེང་བ་ཅན། །སྐུ་ནི་མཐིང་ནག་ཆེན་པོ་ལ། །ཆིབས་སུ་བདུད་རྟ་ནག་པོ་ཆིབས། །ལག་ན་ལྕགས་མདུང་ནག་པོ་ཐོགས། །གཡོན་པ་ཐོད་པའི་ཕྲེང་བ་འཛིན། །ཐོད་པ་སྐམ་པོས་དབུ་ལ་བརྒྱན། །མི་ལྤགས་རློན་པ་སྐུ་ལ་གསོལ། །སྦྲུལ་དང་རྒྱུ་མས་སྐུ་ལ་བརྒྱན། །ཁྲག་དང་ཞག་གི་ཐིག་ལེ་ཅན། །མཆེ་བ་གཙིགས་ཤིང་གསུམ་པ་ཆེ། །ཙིཏྟ་སྲོག་ལ་ལོངས་སྤྱོད་པ། །ཁྱོད་ནི་སྲོག་བདག་ཆེན་པོ་སྟེ། །སྲིང་གཅིག་རྡོ་རྗེ་རེ་མ་ཏེ། །མིང་སྲིང་གཉིས་ཀྱིས་དམ་བཅས་པ། །དམ་བཅས་བཞིན་དུ་ཕྲིན་ལས་མཛོད། །སྔོན་ཚེ་དཔལ་ཆེན་ཧེ་རུ་ཀས། །དབང་རྟགས་ཐོད་པ་བྱིན་ནས་ནི། །བཀའ་སྩལ་དམ་ཚིག་ཆོག་པའི་ཚེ། །དེ་ཚེ་ཁས་བླངས་དམ་བཅས་ནས། །སྒྲུབ་མཆོག་སྐྱོང་བར་ཞལ་བཞེས་ ― LT30_Page_0627 ―
[མ་དཔེ་གཟིགས་ན་འདིར་གནོན།]
ཤིང་། །དགྲ་བགེགས་སྒྲོལ་བར་དམ་བཅས་པ། །དམ་ཉམས་སྒྲོལ་བའི་དུས་ལ་བབ། །ཁྱོད་ནི་སྲོག་བདག་ཆེན་པོ་སྟེ། །དགྲ་བགེགས་སྲོག་ལ་མངའ་ཐང་མཛོད། །སྲོག་དབུགས་ལོངས་ཤིག་ས་མ་ཡཿ །ཁྱོད་ཀྱི་ཟས་སྐལ་ཤ་ཡིན་ཏེ། །དགྲ་བོའི་ཤ་ལ་ཧབ་ཀྱིས་ཟོ། །དམ་ཉམས་ཤལ་ཁ་རཾ་ཁཱ་ཧི། །ཁྱོད་ཀྱི་འཐུང་སྐལ་ཁྲག་ཡིན་ཏེ། །དགྲ་བོའི་སྙིང་ཁྲག་ཧུབ་ཀྱིས་བཏུངས། །བཏུངས་ཤིག་ཁྲག་འཐུང་ཐོད་འཕྲེང་ཅན། །ཁྱོད་ནི་དམག་དཔོན་ཆེན་པོ་སྟེ། །ས་གཞི་ཐམས་ཅད་དམག་གིས་ཁོངས། །དགྲ་བའི་ཡུལ་དུ་དམག་དྲོངས་ལ། །དམག་སྣ་དྲོངས་ཤིག་ཐོད་ཕྲེང་ཅན། །གཉན་པོ་བདུད་ཀྱི་ལས་ཡིན་གྱིས། །དམག་གཞུག་ཐུལ་ཅིག་ཐོད་འཕྲེང་ཅན། །གོ་མཚོན་རྡོར་ཅིག་ཐོད་འཕྲེང་ཅན། །དགྲ་བའི་ཡུལ་དུ་དམག་དྲོངས་ལ། །དམ་ཉམས་དགྲ་བོའི་བླ་མཁར་ཤིག །ཁྱོད་ཀྱི་ཐུགས་དམ་དུས་ལ་བབ། །དུས་ལ་བབ་པོ་ས་མ་ཡ། །བཅོལ་པའི་ཕྲིན་ལས་གྲུབ་པར་མཛོད། །ཅེས་པའི་བསྐུལ་རྒྱས་བར་བྱས་ནས། གཏོར་མ་རྣམས་རིམ་གྱིས་ཁྱེར་ལ། ཡང་ཇི་ལྟར་འོས་པའི་སར་བསྐུལ་ཆུང་བ་འདི་བྱ། ཧཱུྃ་ །དཔལ་ཆེན་བཀའ་སྡོད་མཐུ་བོ་ཆེ། །བདུད་མགོན་ནག་པོ་ལས་ལ་བཞེངས། །བཟློག་པའི་དམག་སྣ་ད་མཛོད་ཅིག །སྡེ་བརྒྱད་ཡོངས་ཀྱི་དམག་དཔོན་མཛོད། །བདུད་ ― LT30_Page_0628 ―
[མ་དཔེ་གཟིགས་ན་འདིར་གནོན།]
རྒྱལ་ཐོད་པའི་འཕྲེང་བ་ཅན། །དམ་ཅན་སྲུང་མའི་དམག་སྣ་དྲངས། །གཡས་ན་དྲེགས་པ་ཕོ་རྒྱུད་ཚོགས། །དམག་ལ་ཆོས་ཤིག་དགྲ་ལ་བྷྱོཿ །གཡོན་ན་དྲེགས་པ་མོ་རྒྱུད་ཚོགས། །དམག་ལ་ཆོས་ཤིག་དགྲ་ལ་བྷྱོཿ །ལྷ་སྲིན་སྡེ་བརྒྱད་དྲེགས་པའི་ཚོགས། །དམག་ལ་ཆོས་ཤིག་དགྲ་ལ་བྷྱོཿ །ང་ནི་ཁྲག་འཐུང་ཧེ་རུ་ཀཿ །ཐམས་ཅད་ང་ཡི་བཀའ་ལ་ཉོན། །ཆོས་ཤིག་བཟློག་པའི་དམག་ལ་ཆོས། །དམག་དཔུང་བསྐྱེད་ལ་རུ་མཚོན་ཕྱོར། །རྣལ་འབྱོར་བདག་ཅག་འཁོར་བཅས་ཀྱི། །ངན་པ་བཟློག་ལ་རྩུབ་མོ་བསྒྱུར། །མི་མཐུན་གདོན་བགེགས་བར་ཆད་རྣམས། །ཐམས་ཅད་སྡང་བའི་དགྲ་ལ་བྷྱོཿ །ཟློག་གོ་བསྒྱུར་རོ་ཐོད་ཕྲེང་རྩལ། །དུས་ལ་བབ་པོ་ས་མ་ཡ། །དུས་ལ་བབ་བོ་མཐུ་མ་ཆུང་། །བཅོལ་པའི་ཕྲིན་ལས་གྲུབ་པར་མཛོད། དེ་ནས་ཇི་ལྟར་འོས་པའི་སར། བདག་ཤྭ་ས་གསུམ་གྱི་བསྐུལ་བྱ་སྟེ། བྷྱོཿ བདག་ཉིད་ཆེན་མོའི་དུས་ལ་བབ། །ཆེ་ཞེས་དཔལ་ལྡན་རེ་མ་ཏི། །ཆེ་ཞེས་དཔལ་ལྡན་རེ་མ་ཏྲ། །ཆེ་ཞེས་དཔལ་ལྡན་རེ་མ་ཛཿ །ཆེ་ཞེས་དཔལ་ལྡན་རེ་མ་ཛུ། །བདག་ཉིད་ཆེན་མོ་མཆེད་བཞི་ཡང་། །སྔོན་ཚེ་འདས་དུས་བསྐལ་པ་ལ། །ཁྲག་འཐུང་རྡོ་རྗེ་གཞོན་ནུ་ཡིས། །དྲེགས་པ་རུ་ཏྲ་བཏུལ་བའི་ཚེ། །སྲོག་སྙིང་ཕུལ་ཞིང་དམ་ལ་བཏགས། །བར་དུ་ ― LT30_Page_0629 ―
[མ་དཔེ་གཟིགས་ན་འདིར་གནོན།]
པདྨ་འབྱུང་གནས་ཀྱིས། །ཡང་ལེ་ཤོད་ཀྱི་བྲག་ཕུག་ཏུ། །དམ་ལ་བཏགས་ཤིང་ལས་གཉེར་གཏད། །ཁས་བླངས་དམ་བཅས་ཇི་བཞིན་དུ། །ད་ལྟ་རྣལ་འབྱོར་བདག་གིས་བསྐུལ། །རྒྱན་གྱི་གཏོར་མ་འདི་བཞེས་ལ། །གཏད་དོ་གཉེར་རོ་དམ་ཅན་མ། །བཅོལ་པའི་ཕྲིན་ལས་གྲུབ་པར་མཛོད། བྷྱོཿ ཤྭ་ན་མུ་ཁའི་དུས་ལ་བབ། །ལྕགས་ཀྱི་སྤྱད་མོ་མགོ་དགུ་ལ། །མི་མོ་སྤྱང་ཀའི་གདོང་ཅན་ཞོན། །གསེར་གྱི་འཕར་བ་ལྕེ་བརྒྱད་མ། །མི་མོ་འཕར་བའི་གདོང་ཅན་ཞོན། །ཟངས་ཀྱི་ཝ་མོ་རྐང་གསུམ་ལ། །མི་མོ་ཝ་ཡི་གདོང་ཅན་ཞོན། །གཡུ་ཡི་ཁྱི་མོ་རལ་ཅན་ལ། །མི་མོ་ཁྱི་ཡི་གདོང་ཅན་ཞོན། །དམ་ཅན་ཤྭ་ན་མུ་ཁ་བཞི། །སྔོན་ཚེ་འདས་དུས་བསྐལ་པ་ལ། །དཔལ་ཆེན་རྡོ་རྗེ་གཞོན་ནུ་ཡིས། །དྲེགས་པ་རུ་ཏྲཱ་བཏུལ་བའི་ཚེ། །སྲོག་སྙིང་ཕུལ་ཞིང་དམ་ལ་བཏགས། །བར་དུ་པདྨ་འབྱུང་གནས་ཀྱིས། །གཡའ་རི་གོང་གི་བྲག་ཕུག་ཏུ། །དམ་ལ་བཏགས་ཤིང་ལས་གཉེར་གཏད། །ཁས་བླངས་དམ་བཅས་ཇི་བཞིན་དུ། །ད་ལྟ་རྣལ་འབྱོར་བདག་གིས་བསྐུལ། །རྒྱན་གྱི་གཏོར་མ་འདི་བཞེས་ལ། །གཏད་དོ་གཉེར་རོ་དམ་ཅན་མ། །བཅོལ་བའི་ཕྲིན་ལས་གྲུབ་པར་མཛོད། བྷྱོཿ ས་བདག་ཆེན་མོའི་དུས་ལ་ ― LT30_Page_0630 ―
[མ་དཔེ་གཟིགས་ན་འདིར་གནོན།]
བབ། །སྤྱི་བྱིན་རྡོ་རྗེ་མཐུ་མོ་ཆེ། །ཡ་བྱིན་རྡོ་རྗེ་རྩལ་མོ་ཆེ། །བསྲེ་བྱིན་རྡོ་རྗེ་རྫུ་འཕྲུལ་ཆེ། །ཕག་བྱིན་རྡོ་རྗེ་སྟོབས་མོ་ཆེ། །དམ་ཅན་བསེ་ཡི་ལྷ་མོ་བཞི། །སྔོན་ཚེ་འདས་དུས་བསྐལ་པ་ལ། །དཔལ་ཆེན་རྡོ་རྗེ་གཞོན་ནུ་ཡིས། །དྲེགས་པ་རཱུ་ཏྲ་བཏུལ་བའི་ཚེ། །སྲོག་སྙིང་ཕུལ་ཞིང་དམ་ལ་བཏགས། །བར་དུ་པདྨ་འབྱུང་གནས་ཀྱིས། །རྒྱ་གར་དུར་ཁྲོད་སོ་ས་དང་། །ཆུ་མིག་བྱང་ཆུབ་རིས་སུ་ཡང་། །དམ་ལ་བཏགས་ཤིང་ལས་གཉེར་གཏད། །ཁས་བླངས་དམ་བཅས་ཇི་བཞིན་དུ། །ད་ལྟ་རྣལ་འབྱོར་བདག་གིས་བསྐུལ། །རྒྱན་གྱི་གཏོར་མ་འདི་བཞེས་ལ། །གཏད་དོ་གཉེར་རོ་དམ་ཅན་མ། །རང་འཁོར་བསྲུང་བའི་གཉེར་མཛོད་ཅིག །བསྐུལ་ལོ་རྦད་དོ་མཐུ་མ་ཆུང་། །གང་ལ་དམིགས་པ་རྡུལ་དུ་རློགས། །འཆོལ་ལོ་འཕྲིན་ལས་ལས་ལ་འཆོལ། །བཅོལ་བའི་ཕྲིན་ལས་གྲུབ་པར་མཛོད། ཅེས་བསྐུལ་ལ་གཏོར་མ་འབངས་སར་ཕྱིན་ལ། གོང་སྨོས་གསེར་སྐྱེམས་བསྡུས་པའོ། །རྗེ་བཙུན་རིན་པོ་ཆེས་མཛད་པའི་གསེར་སྐྱེམས་སྤྱི་འགྲོ་ཁ་བསྒྱུར་ལ་བཏང་། ཧཱུྃ་ །བརྒྱུད་གསུམ་བླ་མ་རིག་འཛིན་ཚོགས། སོགས་དཔང་གཟུག །དོ་ནུབ་ཕུར་ཁ་ཞེས་བར་ཟོར་དུ་བསྒྱུར་ལ། །ངོ་ནུབ་ཟོར་ཁ་གཉན་པོ་འདི། །སྟེང་གི་ལྷ་ལ་མི་ཟོར་རོ། །ལྷ་གཤེགས་གངས་དཀར་རྩེ་ལ་གཤེགས། །ཟོར་ལམ་གཉེན་པོ་ད་ཕྱེས་ཤིག སོགས་གོང་ཕུར་ཁ་སྟོན་ ― LT30_Page_0631 ―
[མ་དཔེ་གཟིགས་ན་འདིར་གནོན།]
པ་འདོན་པ་བསྒྱུར་ལ་ཟོར་ལམ་དབྱེ། དེ་ནས། ཧཱུྃ་ འཇམ་དཔལ་སྐུ་ཡི་ལྷ་ཚོགས་ཀྱིས། །དོ་ནུབ་ཟོར་གྱི་ལས་མཛོད་ཅིག དེ་བཞིན་དུ། །པདྨ་གསུང་གི་ལྷ་ཚོགས་ཀྱིས། །དོ་ནུབ་ཟོར༴ །ཡང་དག་ཐུགས་ཀྱི་ལྷ་ཚོགས༴ །དོ་ནུབ་ཟོར༴ །བདུད་རྩི་ཡོན་ཏན་ལྷ༴ །དོ་ནུབ་ཟོར༴ །ཕུར་པ་ཕྲིན་ལས་ལྷ༴ །དོ་ནུབ་ཟོར༴ །བཅོམ་ལྡན་རྡོ་རྗེ་གཞོན་ནུ་ཡིས། །དོ་ནུབ་ཟོར༴ །ཡུམ་ཆེན་འཁོར་ལོ་རྒྱས་འདེབས་ཀྱིས། །དོ་ནུབ་ཟོར༴ །འཇིགས་བྱེད་ཁྲོ་བོ་བཅུ་ཡིས་ནི། །དོ་ནུབ་ཟོར༴ །རྡོ་རྗེ་ཁྲོ་མོ་བཅུ་པོ་ཡིས། །དོ་ནུབ་ཟོར༴ །སྤྲུལ་པའི་ཁྲ་ཐབས་ཉི་ཤུ་ཡིས། །དོ་ནུབ་ཟོར༴ །ཕུར་བུ་སྲས་ཀྱི་ལྷ་ཚོགས་ཀྱིས། །དོ་ནུབ༴ །ཡེ་ཤེས་སྒོ་མ་བཞི་པོ་ཡིས། །དོ་ནུབ་ཟོར༴ །དམ་ཅན་ཤྭ་ན་བཅུ་གཉིས་ཀྱིས། །དོ་ནུབ༴ །བསེ་ཡི་སྐྱེས་བུ་མཆེད་བཞི་ཡིས། །དོ་ནུབ༴ །ཆོས་སྐྱོང་སྲུང་མའི་ཚོགས་རྣམས་ཀྱིས། །དོ་ནུབ༴ །རིག་འཛིན་རྩལ་ཅན་འཁོར་བཅས་ཀྱིས། །དོ་ནུབ་ཟོར་གྱི་ལས་མཛོད་ཅིག །བདག་གི་གཏོར་ཟོར་གཉན་པོ་འདི། །རིག་འཛིན་བླ་མས་བྱིན་གྱིས་རློབས། སོགས་གོང་དུ་སྨོས་པས་ཟོར་བསྐུལ། གཏོར་མ་སོགས་དྲུག་ཐུན་དུ་བསམ། དགྲ་བོའི་རྣམ་པར་ཤེས་པ་མར་མེ་ལྟ་བུ་ལ་ཕོག་པས། ཐུམ་ཐུམ་བསད་ཅིང་བསྒྲལ་བར་བསམས་ལ། ཀཱི་ལ་ཡ་དང་། ཁྲོ་བཅུའི་སྔགས་ ― LT30_Page_0632 ―
[མ་དཔེ་གཟིགས་ན་འདིར་གནོན།]
སོགས་དང་། བསྒྲལ་མཆོད་ཀྱི་སྔགས་རྣམས་བརྗོད་ཅིང་། དང་པོ་མདའ་ཟོར། དེ་ནས་བདུད་རྒྱལ། ཤྭ་ན་མ། ས་བདག་མ། བདག་ཉིད་མ་རྣམས་ཀྱིས་གཏོར་མ་རྣམས་རིམ་པས་འཕངས་ལ། དེ་ནས་ཁྲོ་བཅུ་གཙོ་གཏོར་དང་བཅས་པ། དེ་ནས་རྭ་ཟོར། དེ་ནས་རྡོ་ཟོར་འཕེན་ནོ། །དེ་ནས་ཡར་ལོག་ལ་སྒོ་དྲུང་དུ་གཏོར་སྣོད་ཁ་སྦུབ་པའི་མཐར། སྒྲུབ་པ་པོ་རྣམས་ལག་པ་གཡོན་སྟེང་དུ་བསྣོལ་ནས། གཡས་གཡོན་གྱི་སྲིན་ལག་སྦྲེལ་ལ། ཧཱུྃ་ དང་པོ་ཞེ་སྡང་ཉིད་ལས་བྱུང་། །བར་དུ་ཞེ་སྡང་ཉིད་ཀྱིས་འཁོར། །ཐ་མར་ཞེ་སྡང་ཉིད་ཀྱིས་འདུལ། །ཞེ་སྡང་རྡོ་རྗེ་འཁོར་བཅས་ཀྱིས། །ལྕགས་སམ་ནག་པོའི་ཤིང་དག་ལ། །མགོ་བོ་རྒྱ་མདུད་རྩེ་ཟུར་གསུམ། །ལོགས་ལ་དྲག་པོའི་ལྷ་བསྒོམས་ཏེ། །ཁོག་སྟོང་བྱང་ཆུབ་སེམས་ལུང་བསྟན། །རྩེ་མོ་ཟུར་གསུམ་བཏབ་པ་ཡིས། །ཐམས་ཅད་མ་ལུས་བརླག་པར་འགྱུར། །བརླག་པར་མ་གྱུར་གང་ཡང་མེད། །དྲག་པོའི་ལྷ་ལ་ཕྱག་འཚལ་ལོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཤ་ཏྲུཾ་བིགྷྣན་མཱ་ར་ཡ་ཧཱུྃ་ཧཱུྃ་ཕཊ། དེ་ནས་ནང་དུ་ལོག་སྟེ་གཏོར་ཆོག་གི་སྤྱི་བསྟབས་སོགས་བྱས་ལ་གཏོར་མ་ཁང་སྟེང་དུ་ཕུལ། དེ་ནས་ལས་གཞུང་ལྟར། ཧོཿ བོད་ཁམས་སྐྱོང་བའི་བརྟན་མ་སོགས་ཀྱིས་བརྟན་མ་བསྐྱང་། དངོས་གྲུབ་བླང་བ་ནས་ཤིས་བརྗོད་ཀྱི་བར་རྒྱས་པར་བྱ་བ་ལས། རྟེན་ཡོད་ན་བརྟན་བཞུགས་དང་། མེད་ན་དཀྱིལ་འཁོར་གྱི་འཁོར་ལོ་རང་ལ་བསྡུ། འཇིག་རྟེན་གཤེགས་ཤིང་བདག་བསྐྱེད་བསྡུ་ལྡང་སོགས་ལས་གཞུང་དང་གོང་སྨོས་ ― LT30_Page_0633 ―
[མ་དཔེ་གཟིགས་ན་འདིར་གནོན།]
ལས་ཤེས་པར་བྱའོ། །ཕྱག་རྒྱ་རིག་པའི་རྡོ་རྗེ་རྩེ་བརྒྱ་པ། །དྲན་པ་ཙམ་གྱིས་མི་བཟད་བདུད་ཀྱི་སྡེ། །སྲོག་གི་མངལ་རྒྱ་གཅིག་ཆར་དྲལ་མཛད་པ། །བདེ་གཤེགས་ཕྲིན་ལས་སྟོབས་འདུས་དཔལ་ཆེན་པོའི། །གཏོར་ཟློག་གསལ་བར་བཤད་ལ་ཉེས་པའི་དྲི། །སྐུ་གསུམ་ཐུགས་རྗེའི་ཆབ་ཀྱིས་སྦྱོང་མཛད་ནས། །འོད་གསལ་རྡོ་རྗེ་ཐེག་པའི་བསྟན་སྤྱི་དང་། །ཁྱད་པར་ཆོས་ཀྱི་རྒྱལ་པོ་ཇོ་ནང་པའི། །བསྟན་ལ་འཚེ་བྱེད་གཟུགས་ཅན་གཟུགས་མེད་ཚོགས། །མིང་གི་ལྷག་མར་བྱས་ཏེ་བཤད་སྒྲུབ་ཀྱི། །བསྟན་དང་བསྟན་འཛིན་ཀུན་ཁྱབ་པའི། །དགེ་ལེགས་སྣང་བ་རབ་ཏུ་འབར་གྱུར་ཅིག །ཅེས་པའང་། རྗེ་བཙུན་ཐམས་ཅད་མཁྱེན་པའི་དཀྱིལ་ཆོག་གི་ཡན་ལག་ཏུ་ཉེ་བར་མཁོའི་གཏོར་ཟློག་སོགས་བསྙེན་སྒྲུབ་ལས་གསུམ་གྱི་ཡིག་ཆ་ཆ་ཚང་བ་ཞིག་དགོས་ཞེས་དཔལ་ལྡན་འཛི་ཐང་གི་གདན་ས་ཆེན་པོ་ནས་སྒྲུབ་བླ་མ་ཀརྨ་མཆོག་གསལ་སོགས་ལྔ་སྡེས་བཀྲ་ཤིས་པའི་རྟེན་དང་བཅས་དོན་གཉེར་ཆེན་པོས་བསྐུལ་ངོར། དཔལ་ལྡན་ཇོ་ནང་པའི་བསྟན་དང་དེ་ཡིས་གདུལ་བར་བྱ་བ་རྣམས་བདུད་ཀྱི་གཡུལ་ལས་རྣམ་པར་རྒྱལ་ཞིང་དགེ་ལེགས་ཀྱི་དཔལ་ཡོན་དབྱར་མཚོ་ལྟར་འཕེལ་བའི་དོན་ལ་ཆེད་དུ་དམིགས་ཏེ། རྡོ་རྗེ་ཕུར་པའི་རྒྱུད་ལུང་མན་ངག་བཀའ་གཏེར་གྱི་བཀའ་སྲོལ་དུ་མ་ཐོས་ཤིང་སྦོབས་པ་ཅུང་ཟད་ཐོབ་པ། བྱམས་མགོན་ཏཱའི་སི་ཏུའི་བཀའ་འབངས་པདྨ་གར་གྱི་དབང་ཕྱུག་རྩལ་ལམ། མིང་གཞན་བློ་གྲོས་མཐའ་ཡས་ཀྱིས་པདྨ་སཾ་བྷའི་རྒྱ་གཞུང་གཉགས་ལོ་ཡེ་ཤེས་གཞོན་ནུས་བསྒྱུར་བའི་འཕྱོང་ཆེན་རྩ་འགྲེལ། འབྲེལ་པ་འབུམ་ནག་སོགས་ཀྱི་དགོངས་པ་བདག་ཆེན་རྒྱ་གར་བ་དང་། ས་ལོ་ཆེན་པོའི་གསུང་ཚོགས་གཞིར་བཞག །ཀུན་གཟིགས་མཁྱེན་བརྩེའི་དབང་པོའི་ཞལ་ལུང་ལ་རང་རྟོག་གིས་མ་བསླད་ ― LT30_Page_0634 ―
[མ་དཔེ་གཟིགས་ན་འདིར་གནོན།]
པར་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་སྦྱར་བ་བསྟན་འགྲོ་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག །དགེ་ལེགས་འཕེལ།། །། |
