 རྒྱ་ཆེན་བཀའ་མཛོད།གླེགས་བམ་བདུན་པ།འཇམ་མགོན་ཀོང་སྤྲུལ་བློ་གྲོས་མཐའ་ཡས།Nitartha Internationalམཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། དཀར་ཆག― LT34_Page_0001 ―
[མ་དཔེ་གཟིགས་ན་འདིར་གནོན།]
འཇམ་མགོན་ཀོང་སྤྲུལ་རྒྱ་ཆེན་བཀའ་མཛོད། ཇ པར་སངས་རྒྱས་དཔའ་བོ་བདུན་གྱི་མཆོད་ཆོག་ལྡེབ། ༣༠ གཙུག་ཏོར་དྲི་མེད་ཀྱི་སཱཙྪ་གདབ་ཆོག་ལྡེབ། ༡༢ མཆོད་རྟེན་བརྒྱ་རྩ་གདབ་ཆོག་དྲི་མེད་ལམ་འཇུག་ལྡེབ། ༢༤ འོད་ཟེར་དྲི་མེད་རྒྱུན་བཟླས་ལྡེབ་༢དམ་ཚིག་རྡོ་རྗེའི་སྒོམ་བཟླས་ལྡེབ་༡ནམ་མཁའི་སྙིང་པོའི་ལྟུང་བཤགས་ཆོ་ག་ལྡེབ། ༡༩ དེའི་བརྒྱུད་འདེབས་ལྡེབ་༡འཇམ་དཔལ་ཆོས་དབྱིངས་གསུང་གི་དབང་ཕྱུག་གི་བསྙེན་པའི་ཆོ་ག་ལྡེབ་༨ཐར་ཆོག་ལྡེབ་༡༣མདོ་ཆོག་སྤྱིའི་གཤིན་པོ་རྗེས་འཛིན་ལྡེབ་༡༢སྨྱུང་གནས་ལག་ལེན་ལྡེབ། ༢༤ སྨྱུང་གནས་ཕན་ཡོན་ལྡེབ། ༥༡ མི་འཁྲུགས་ཆོ་གའི་མཛེས་རྒྱན་ལྡེབ། ༤༡ ཕུང་པོ་བསྲེག་སྦྱོང་ལྡེབ། ༡༠ ཀུན་རིག་ཆོ་ག་ལྡེབ་༣༨གདུགས་དཀར་བསྐྱེད་ཆོག་ལྡེབ། ༤ འཇམ་དབྱངས་བླ་མའི་རྣལ་འབྱོར་ལྡེབ་༣བཅས་ཇ་པར་བསྡོམ་ལྡེབ་གྲངས་ཉིས་བརྒྱ་གོ་གསུམ་བཞུགས། །དགེའོ། ། བཅོམ་ལྡན་འདས་དེ་བཞིན་གཤེགས་པ་རྫོགས་པའི་སངས་རྒྱས་དཔའ་བོ་བདུན་སྒྲུབ་ཅིང་མཆོད་པའི་ཆོ་ག་ཚོགས་གཉིས་བདུད་རྩིའི་ཆུ་གཏེར་རབ་ཏུ་རྒྱས་པ།― LT34_Page_0003 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་དེ་བཞིན་གཤེགས་པ་རྫོགས་པའི་སངས་རྒྱས་དཔའ་བོ་བདུན་སྒྲུབ་ཅིང་མཆོད་པའི་ཆོ་ག་ཚོགས་གཉིས་བདུད་རྩིའི་ཆུ་གཏེར་རབ་ཏུ་རྒྱས་པ་ཞེས་བྱ་བ་བཞུགས་སོ།། །། ― LT34_Page_0004 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་སཔྟ་ཏ་ཐཱ་ག་ཏཱ་ཡ། །ཀུན་ལས་ཁྱད་འཕགས་ཐུགས་བསྐྱེད་རྣམ་ཐར་གྱིས། །གདུལ་དཀའི་འགྲོ་བ་སྒྲོལ་བའི་ཕྲིན་ལས་ནི། །མཐུན་པར་འཇུག་པ་སངས་རྒྱས་རབས་བདུན་གྱི། །ཞབས་ཀྱི་པདྨོར་གུས་པས་ཕྱག་བགྱིས་ཏེ། །འཕགས་ཡུལ་མཁས་པའི་རྗེས་འབྲངས་ནས། ཚུལ་འདིར་འབད་པས་འཕྲལ་ཡུན་ཏུ། །དོན་གཉིས་རླབས་ཆེན་རྒྱུར་འགྱུར་ཕྱིར། །ཚོགས་གསོག་མཆོད་པའི་ཆོ་ག་དགོད། རྫོགས་པའི་སངས་རྒྱས་རབས་བདུན་ལ་བརྟེན་ནས་ཚོགས་གསོག་གི་ཆོ་ག་བསྒྲུབ་པ་ལ་གཉིས། སྦྱོར་བ་གཤོམ་བཀོད། དངོས་གཞི་ཆོ་ག །རྗེས་ཀྱི་བྱ་བའི་རིམ་པའོ། །དང་པོ་ནི། རྒྱལ་བས་བྱིན་གྱིས་བརླབས་པའི་དུས་ཆེན་བཞི་ལ་སོགས་པར་གནས་ཁང་གཙང་སྦྲ་བྱས་ཤིང་བླ་བྲེ་འཕེན་གདུགས་སོགས་རྒྱན་གྱི་བཀོད་པ་ཅི་འབྱོར་བས་སྤྲས་པའི་གུང་དུ་དཀོན་མཆོག་གི་རྟེན་ཇི་ཙམ་ཚོགས་པ་དང་། ཁྱད་པར་སངས་རྒྱས་དཔའ་བོ་ ― LT34_Page_0005 ―
[མ་དཔེ་གཟིགས་ན་འདིར་གནོན།]
བདུན་གྱི་སྐུ་གཟུགས་བྲིས་འབུར་ཇི་ལྟར་རིགས་པ་བཞུགས་སུ་གསོལ་བའི་མདུན་ཕྱོགས་སྟེགས་བུ་གྲུ་བཞི་པའི་སྟེང་དུ་རིན་པོ་ཆེའི་མཎྜལ་དྲི་བཟང་དང་བ་བྱུང་རྣམ་ལྔས་བྱུགས་པའི་དབུས་སུ་མེ་ཏོག་གི་ཚོམ་བུ་གཅིག །མཐའ་བསྐོར་དུ་བརྒྱད། དེ་རྒྱབ་བཞི་བཀོད་པའི་མཐའ་བསྐོར་དུ། རྒྱས་པ་ན་མེ་ཏོག །སྤོས། མར་མེ། དྲི་ཆབ། ཞལ་ཟས་རྣམས་ཆ་བདུན་རེ་གཡས་བསྐོར་དུ་བཤམས་པ་ནི་སྒོས་མཆོད་དང་། མདུན་ཏུ་ཆ་གཅིག་ཕྲེང་ཚར་དུ་བཤམ་པ་ནི་སྤྱི་མཆོད་ཡིན་ལ། བསྡུ་ན་མདུན་ཏུ་ཆ་གཅིག་ཁོ་ན་བཤམས་ལ་སོ་སོའི་སྒོས་མཆོད་འབུལ་སྐབས་རེ་རེ་བཞིན་ཁ་གསོ། གོང་ལྟར་མདུན་ངོས་སུ་མཆོད་ཡོན་དང་ཞབས་བསིལ་སྣོད་རྫས་དང་ལྡན་པ། བཤོས་ཟླུམ་དཀར་པོ་རྒྱན་ལྡན་ཆེ་ཆུང་གཉིས་དཀར་མངར་བཟའ་བཅའི་རིགས་དང་བཅས་པ། ཆུ་གཙང་སྦྲང་བའི་བྱ་མ་བུམ། ཁྲུས་ཆས་བུམ་པ་ཉེར་ལྔའི་རྫས་དང་དྲིའི་ཆུས་བཀང་བ། མེ་ལོང་སྐུ་ཕྱི་ན་བཟའ་བཅས། འཐོར་ནས་དང་འབུད་བཀྲོལ་བརྡུང་བའི་རོལ་མོ་ཇི་ལྟར་འཛོམ་པ་རྣམས་ཀྱང་ཚོགས་པར་བྱ། འོན་ཀྱང་ ― LT34_Page_0006 ―
[མ་དཔེ་གཟིགས་ན་འདིར་གནོན།]
མདོ་ཆོག་གི་རིགས་ལ་ཌ*ཌཱ་དྲི*་ནི་འཇོག་སྲོལ་མེད་པས་མི་གཅིག་ལས་མེད་ན་རོལ་མོ་ལ་ཏིང་ཤག་བརྡུང་བ་སོགས་ལག་ལེན་མ་འཆོལ་བར་བྱའོ། །གཉིས་པ་ཉམས་ལེན་དངོས་གཞིའི་ཆོ་ག་ལ་གསུམ། རྣམ་པར་དག་པའི་སྦྱོར་བ། ཚོགས་ཞིང་སྤྱན་འདྲེན་ཡན་ལག་དང་བཅས་པ། ཚོགས་བསགས་པའི་རིམ་པ་དངོས་སོ། །དང་པོ་ལ་གཉིས། བསམ་སྦྱོར་རྣམ་པར་དག་པར་བྱེད་པ་བྱང་ཆུབ་ཀྱི་སེམས་བསྒོམ་པ། སྣོད་བཅུད་རྣམ་པར་དག་པར་བྱེད་པ་བྱིན་རླབས་བཞི་སྐོར་བྱ་བའོ། །དང་པོ་ནི། ཁྲུས་དང་གཙང་སྦྲ་ལེགས་པར་བྱས་ཏེ། རྒྱལ་བ་སྲས་དང་བཅས་པ་མངོན་སུམ་བཞིན་ཏུ་དམིགས་ཏེ་ཕྱག་འཚལ་བའི་གཟུངས་བརྗོད་ལ་ཕྱག་ལན་གསུམ་བྱ། འགྲུབ་ན་ཐེག་ཆེན་གྱི་གསོ་སྦྱོང་བླངས་ལ་ཚུལ་ཁྲིམས་རྣམ་དག་གི་གཟུངས་བཟླ། མ་འགྲུབ་ཀྱང་འགལ་བ་མེད། གང་ལྟར་ཤེས་རབ་སྤྲོས་བྲལ་སྟོང་པ་ཉིད་ལ་བློ་བཞག་སྟེ། གང་གིས་རྟེན་ཅིང་འབྲེལ་པར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞིར་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། །ཞེས་དང་། གང་ཞིག་རྐྱེན་ལས་སྐྱེས་པ་དེ་མ་སྐྱེས། །དེ་ལ་སྐྱེ་བའི་རང་བཞིན་ཡོད་མ་ཡིན། །རྐྱེན་ལ་རགས་ལས་གང་དེ་སྟོང་པ་སྟེ། །གང་གིས་སྟོང་ཉིད་ཤེས་ ― LT34_Page_0007 ―
[མ་དཔེ་གཟིགས་ན་འདིར་གནོན།]
དེ་བག་ཡོད་ཡིན། ཅེས་ཅི་གནས་སུ་བཞག །དེ་ལས་ལངས་ནས་ཐབས་སྙིང་རྗེ་ཆེན་པོས་ཀུན་ལ་ཁྱབ་པར་བལྟས་ཏེ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཅེས་ཚད་མེད་པ་བཞི་བསྒོམ་ཞིང་། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པ་འདི་དག་གིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་པ་ལན་གསུམ་གྱིས་བྱང་ཆུབ་ཀྱི་སེམས་ཡིད་ལ་བྱེད་དོ། །གཉིས་པ་ལ་བཞི་ལས། དང་པོས་གཞི་བྱིན་རླབས་ནི། དཀོན་མཆོག་གསུམ་གྱི་བདེན་པ་དང་། བྱིན་རླབས་དང་། ཚོགས་གཉིས་ཡོངས་སུ་རྫོགས་པའི་མཐུ་དང་། ཆོས་ཀྱི་དབྱིངས་ཀྱི་རང་བཞིན་གྱི་ཡོན་ཏན་དང་། བྱང་ཆུབ་སེམས་དཔའ་རྣམས་ཀྱི་ཞིང་དག་པའི་སྦྱོར་བ་ལ་སོགས་པ་སངས་རྒྱས་ཀྱི་ཞིང་ཡོངས་སུ་སྦྱངས་པའི་མཐུ་དང་། བདག་ཅག་རྣམས་ཀྱི་མོས་པའི་མཐུ་ལས་གནས་འདི་ས་གཞི་རིན་ ― LT34_Page_0008 ―
[མ་དཔེ་གཟིགས་ན་འདིར་གནོན།]
པོ་ཆེ་སྣ་བདུན་པའི་རང་བཞིན་ལག་མཐིལ་ལྟར་མཉམ་པ་ཐ་གྲུ་ཆེ་ཞིང་ཡངས་པ། རེག་ན་འཇམ་ཞིང་བདེ་བ། ལྷའི་མེ་ཏོག་དྲི་ཞིམ་པོས་བཅལ་བཀྲམ་པ། ཡན་ལག་བརྒྱད་དང་ལྡན་པའི་ཆུའི་མཚོ་དང་རྫིང་བུ་དང་ལྟེང་ཀ་རིན་པོ་ཆེའི་ཕྱེ་མ་གྲམ་བུར་བདལ་ཞིང་ནོར་བུའི་ཕ་གུས་མཐའ་བརྩིགས་པ། ཨུཏྤ་ལ་དང་ཀུ་མུ་ཏ་དང་པདྨ་དུ་མས་མཛེས་པ་དང་། ཆུ་བྱ་སྐད་སྙན་པར་སྒྲོགས་བ་མང་པོས་གང་བ་རྣམས་དང་། རིན་པོ་ཆེའི་ཤིང་ལྗོན་པ་སྣ་ཚོགས་རྣམ་པར་རྒྱས་པ་ལ་སོགས་པ་སངས་རྒྱས་ཀྱི་ཞིང་ཐམས་ཅད་ཀྱི་རྒྱན་དང་བཀོད་པ་ཡོན་ཏན་ཕུན་སུམ་ཚོགས་པ་ཐམས་ཅད་དང་ལྡན་པར་གྱུར་ཅིག །གཉིས་པ་གནས་བྱིན་རླབས་ནི། དེའི་དབུས་སུ་གཞལ་མེད་ཁང་ཆེན་པོ་རིན་པོ་ཆེ་སྣ་བདུན་མཆོག་ཏུ་འབར་བ་བཀོད་པ། འཇིག་རྟེན་གྱི་ཁམས་དཔག་ཏུ་མེད་པ་རྒྱས་པར་འགེངས་པའི་འོད་ཟེར་ཆེན་པོ་རབ་ཏུ་འབྱུང་བ། གནས་ཐ་དད་པ་ཤིན་ཏུ་རྣམ་པར་ཕྱེ་བ་མཐའ་ཡས་པར་གནས་པ། རྒྱ་ཡོངས་སུ་མ་ཆད་པ། ཁམས་གསུམ་ལས་ཡང་དག་པར་འདས་པའི་སྤྱོད་ཡུལ་འཇིག་རྟེན་ལས་ཡང་དག་པར་འདས་པ་དེའི་བླ་མའི་དགེ་བའི་རྩ་བ་ལས་བྱུང་བ། ཤིན་ཏུ་རྣམ་པར་དག་ཅིང་དབང་སྒྱུར་བའི་རྣམ་པར་རིག་པའི་མཚན་ཉིད་དེ་བཞིན་གཤེགས་པའི་གནས། བྱང་ཆུབ་སེམས་དཔའི་དགེ་འདུན་དང་ལྡན་པ། ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་མིའམ་ཅི་ ― LT34_Page_0009 ―
[མ་དཔེ་གཟིགས་ན་འདིར་གནོན།]
དང་ལྟོ་འཕྱེ་ཆེན་པོ་དང་མི་དང་མི་མ་ཡིན་པ་མཐའ་ཡས་པ་རྣམ་པར་རྒྱུ་བ། ཆོས་ཀྱི་རོའི་དགའ་བ་དང་བདེ་བ་ཆེན་པོས་བརྟན་པ། སེམས་ཅན་ཐམས་ཅད་ཀྱི་དོན་ཐམས་ཅད་ཡང་དག་པར་ཐོབ་པར་བྱེད་པས་ཉེ་བར་གནས་པ། ཉོན་མོངས་པའི་གནོད་པའི་དྲི་མ་ཐམས་ཅད་དང་བྲལ་བ། བདུད་ཐམས་ཅད་ཡོངས་སུ་སྤངས་པ། ཐམས་ཅད་ཀྱི་བཀོད་པ་ལས་ལྷག་པའི་དེ་བཞིན་གཤེགས་པའི་བཀོད་པའི་གནས། དྲན་པ་དང་བློ་གྲོས་དང་རྟོགས་པ་ཆེན་པོས་ངེས་པར་འབྱུང་བ། ཞི་གནས་དང་ལྷག་མཐོང་གི་བཞོན་པ་ཡིན་པ། རྣམ་པར་ཐར་བའི་སྒོ་སྟོང་པ་ཉིད་དང་། མཚན་མ་མེད་པ་ཉིད་དང་། སྨོན་པ་མེད་པ་ནས་འཇུག་པ། རིན་པོ་ཆེའི་པདྨའི་རྒྱལ་པོ་ཡོན་ཏན་མཐའ་ཡས་པས་བརྒྱན་པའི་བཀོད་པ་ལ་བརྟེན་པའི་གཞལ་མེད་ཁང་ཆེན་པོར་གྱུར། གསུམ་པ་གདན་བྱིན་རླབས་ནི། དེའི་དབུས་དང་ཤར་ལ་སོགས་པ་དྲུག་ཏུ་ལྷ་དང་ཀླུ་དང་མི་ལ་སོགས་པའི་རིན་པོ་ཆེ་སྣ་ཚོགས་པའི་ཁྲིའི་སྟེང་དུ་ལྷ་མིའི་གོས་རིན་ཐང་མེད་པ་བཏིང་བའི་སྟེང་དུ། གཙང་ཞིང་དྲི་མ་མེད་པའི་པདྨའི་ཟེའུ་འབྲུར་ཟླ་བའི་དཀྱིལ་འཁོར། ལྷོ་དང་བྱང་དུ་པད་ཟླའི་གདན་རེ་རེ། གཞན་ཡང་རྒྱལ་བ་སྲས་དང་བཅས་པའི་བཞུགས་གནས་པདྨའི་གདན་སྣ་ཚོགས་པ་ ― LT34_Page_0010 ―
[མ་དཔེ་གཟིགས་ན་འདིར་གནོན།]
བཤམ་པ་སོ་སོར་གསལ་བར་གྱུར། བཞི་པ་མཆོད་པ་བྱིན་རླབས་ནི། ཁྲི་དེ་དག་གི་སྟེང་དུ་རིན་པོ་ཆེ་སྣ་ཚོགས་དང་ལྷ་དང་མིའི་གོས་སྣ་ཚོགས་ལས་གྲུབ་པའི་གདུགས་དང་བླ་བྲེས་དང་འཕན་དང་ལྡ་ལྡི་དང་ལྷའི་མེ་ཏོག་མན་དཱ་ར་བ་ལ་སོགས་པ་རྣམ་ཀྱི་ཆར་དང་། བླ་བྲེ་དང་གདུགས་དང་འཕན་དང་ལྡ་ལྡི་ལ་སོགས་པ་མཛེས་པར་བྲེས་ཤིང་། ལོགས་རྣམས་ཀྱང་རིན་པོ་ཆེ་དང་དར་དང་མེ་ཏོག་ལ་སོགས་པའི་དྲྭ་བ་དང་དྲྭ་ཕྱེད་དང་འཕན་དང་ལྡ་ལྡི་ལ་སོགས་པས་མཛེས་པ་དང་། ས་གཞིར་ལྷ་དང་མིའི་མེ་ཏོག་སིལ་མ་བཀྲམ་ཞིང་། མཆོད་ཡོན་མེ་ཏོག་བདུག་སྤོས་མར་མེ་དྲི་ཆབ་ཞལ་ཟས་རོལ་མོ་ལ་སོགས་པ་ཕུང་པོ་གསུམ་པའི་མདོ་དང་བཟང་པོ་སྤྱོད་པའི་སྨོན་ལམ་ལས་འབྱུང་བ་ལྟ་བུའི་མཆོད་པའི་སྤྲིན་གྱི་རྒྱ་མཚོ་ཕུལ་དུ་བྱུང་ཞིང་སྣ་ཚོགས་པ་བསམ་གྱིས་མི་ཁྱབ་པ་ནམ་མཁའི་ཁམས་ཀྱི་མཐའ་ཀླས་པར་རྒྱས་པར་གང་ཞིང་ཟད་མི་ཤེས་པ་དང་ལྡན་པར་གྱུར། ཨོཾ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྔྷ་ནི། ཏ་ཐཱ་ག་ཏཱ་ཡ། ཨརྷ་ཏེ་ས་མྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ན་བཛྲེ། སརྦ་ཀརྨ་ཨཱ་བ་ར་་བི་ཤོ་དྷ་ན་བཛྲེ་སྭཱ་ཧཱ། སྔགས་ལན་གསུམ་དང་རོལ་མོ་བསྒྲག །དེ་ནས་ཐུན་མོང་དུ་ ― LT34_Page_0011 ―
[མ་དཔེ་གཟིགས་ན་འདིར་གནོན།]
བྱིན་གྱིས་བརླབས་པ་ནི། དཀོན་མཆོག་གསུམ་གྱི་བདེན་པ་དང་། བྱིན་རླབས་དང་། ཚོགས་གཉིས་ཡོངས་སུ་རྫོགས་པའི་མཐུ་དང་། ཆོས་ཀྱི་དབྱིངས་ཀྱི་རང་བཞིན་གྱི་ཡོན་ཏན་དང་། བྱང་ཆུབ་སེམས་དཔའ་རྣམས་ཀྱི་ཞིང་དག་པའི་སྦྱོར་བ་ལ་སོགས་པའི་སངས་རྒྱས་ཀྱི་ཞིང་ཡོངས་སུ་སྦྱངས་པའི་མཐུ་དང་། བདག་ཅག་རྣམས་ཀྱི་མོས་པའི་མཐུ་ལས་དེ་དེ་བཞིན་ཏུ་གྱུར་ཅིག །ཅེས་བདེན་པའི་སྟོབས་ལན་གསུམ་བརྗོད་པར་བྱའོ། །གཉིས་པ་ལ་དྲུག་ལས། དང་པོ་སྙན་གསན་དབབ་པ་ནི། དད་གུས་ཆེན་པོས་བུས་བཙུག་ཐལ་མོ་སྦྱར་ཏེ་མེ་ཏོག་བཀྲམ། སྤོས་ཐོགས་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དང་། དེ་བཞིན་གཤེགས་པ་གཙུག་ཏོར་ཅན་དང་། དེ་བཞིན་གཤེགས་པ་ཐམས་ཅད་སྐྱོབ་དང་། དེ་བཞིན་གཤེགས་པ་ལོག་བར་དད་སེལ་དང་། དེ་བཞིན་གཤེགས་པ་གསེར་ཐུབ་དང་། དེ་བཞིན་གཤེགས་པ་འོད་སྲུང་དང་། སྟོན་པ་བཅོམ་ལྡན་འདས་དཔལ་ཤཱཀྱ་ཐུབ་པ་ལ་སོགས་པ་ཕྱོགས་བཅུའི་སངས་རྒྱས་ཐམས་ཅད་དང་། ཁྲོ་བོའི་དབང་པོ་མི་གཡོ་བ་དང་འཕགས་པ་ཕྱག་ན་རྡོ་རྗེ་ལ་སོགས་ཏེ་ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་ ― LT34_Page_0012 ―
[མ་དཔེ་གཟིགས་ན་འདིར་གནོན།]
དཔའ་ཆེན་པོ་རྣམས་དང་། རྒྱལ་པོ་ཆེན་པོ་སྡེ་བཞི་སོགས་དམ་པའི་ཆོས་སྐྱོང་བའི་ཞབས་འབྲིང་གི་ཚོགས་དང་བཅས་པ་ཐམས་ཅད་བདག་སོགས་སེམས་ཅན་ཐམས་ཅད་ཀྱི་ཉེས་ལྟུང་གི་དྲི་མ་སྦྱང་ཞིང་བསོད་ནམས་ཀྱི་ཚོགས་སྤེལ་བའི་སླད་དུ་སྤྱན་འདྲེན་ཞིང་མཆིས་ན་ཐུགས་རྗེ་ཆེན་པོས་བསྐུལ་ཏེ་དེང་དུས་ལ་བབ་ཀྱིས་དགོངས་པར་མཛད་དུ་གསོལ། གཉིས་པ་སྤྱན་འདྲེན་པ་ནི། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེ་རྣམས་སྦྱངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱེད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡོང་བདག་འཁོར་དང་བཅས་ཏེ་གཤེགས་སུ་གསོལ། །ཚུལ་ཁྲིམས་རྣམ་དག་ཤེས་རབ་ཤིན་ཏུ་དག །དད་ལྡན་སྙིང་པོ་ཉན་ཐོས་ཆེ་རྣམས་ཀྱིས། །མགོན་མེད་གྱུར་བ་བདག་ལ་རྗེས་བཟུང་བའི། །དོན་མཛད་ཐུགས་རྗེས་དགོངས་པར་མཛད་དུ་གསོལ། གསུམ་པ་མཆོད་ཡོན་འབུལ་ཞིང་ཞབས་བསིལ་བ་ནི། བཅོམ་ ― LT34_Page_0013 ―
[མ་དཔེ་གཟིགས་ན་འདིར་གནོན།]
ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེད་སླད་དུ། །འདི་ཉིད་དུ་ནི་བཞུགས་སུ་གསོལ། མཆོད་ཡོན་གྱི་ཆུ་བཟེད་ཞལ་དུ་སྦྲེངས་ལ། རྒྱལ་བའི་སྐུ་གསུང་ཐུགས་ལ་ཉོན་མོངས་མི་མངའ་ཡང་། །སེམས་ཅན་ལུས་ངག་ཡིད་གསུམ་གདུང་བ་སེལ་སླད་དུ། །ཡན་ལག་བརྒྱད་ལྡན་ཆུ་གཙང་ཡིད་དུ་འོང་བ་འདི། བཞེས་ཤིག་བཞེས་ཤིག་བདག་གི་མཆོད་ཡོན་འདི་དག་གོ །བཏུང་བ་ཕུལ་བའི་བསོད་ནམས་ཀྱིས། །ཉོན་མོངས་བཀྲེས་སྐོམ་ཞི་བ་དང་། །སྦྱིན་སོགས་ཡོན་ཏན་ལྡན་པ་ཡི། །སྐོམ་དད་མེད་པར་སྐྱེ་བར་ཤོག །ཆུ་དཱུརྦའི་ཆུན་པོས་བླངས་ཏེ་ཆོལ་ཟངས་སུ་ཞབས་བཀྲུ་བའི་ཚུལ་བྱ་ཞིང་། ངང་པའི་མཆོག་ལྟར་སོར་མོ་དྲྭ་བས་འབྲེལ། །འཁོར་ལོའི་མཚན་ཅན་མཛེས་པའི་ཞབས་ཟུང་ལ། །དག་བྱེད་ཕུལ་བས་སྐྱེ་བོ་མ་ལུས་པ། །རྫུ་འཕྲུལ་རྐང་པ་མཆོག་དང་ལྡན་གྱུར་ཅིག །བཞི་པ་ཁྲུས་གསོལ་བ་ནི། ཕྱག་ལེན་མཐོང་བརྒྱུད་ལྟར་བྱས་ལ། ཁྲུས་ཁང་བསྐྱེད་པ་ནི། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་བྲེ་བྲེས་བ་དེར། །དྲི་དང་བཅས་པའི་འདག་ཆ་པ་དཱུརྦས་བྱུག་ཅིང་། སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་ ― LT34_Page_0014 ―
[མ་དཔེ་གཟིགས་ན་འདིར་གནོན།]
མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། ཁྲུས་གསོལ་ནི། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀུན་གྱིས་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིས་ནི། །ཅི་འདོད་དངོས་གྲུབ་སྩལ་དུ་གསོལ། །དེ་བཞིན་གཤེགས་དང་དེ་ཡི་སྲས་རྣམས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་གི་བར་མཚམས་རྣམས་སུ་མཆོད་པའི་སྤྲིན་གྱི་གཟུངས་སྔགས་དང་། བསྡུ་ན་རྟེན་སྙིང་བརྗོད་ཅིང་རོལ་མོ་བྱ། སྐུ་ཕྱི་ཞིང་། དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །གོས་ཟུང་ངུར་སྨྲིག་འབུལ་ཞིང་། དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྣ་ཚོགས་དབང་པའི་གཞུ་ལྟར་རབ་བཀྲ་ཞིང་། །གང་ ― LT34_Page_0015 ―
[མ་དཔེ་གཟིགས་ན་འདིར་གནོན།]
ལ་རེག་ན་བདེ་བའི་རྒྱུར་འགྱུར་བའི། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ལྔ་པ་བཞུགས་གསོལ་ནི། རིན་ཆེན་དུ་མ་ལས་གྲུབ་སེང་གེའི་ཁྲི། །ཡིད་འཕྲོག་སྣ་ཚོགས་གོས་ཀྱིས་བཀབ་པ་འདི། །སངས་རྒྱས་སྲས་དང་བཅས་ལ་ཕུལ་བ་ཡིས། །འགྲོ་ཀུན་རྡོ་རྗེའི་གདན་ལ་འཁོད་པར་ཤོག །སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །དྲུག་པ་གསལ་གདབ་པ་ནི། འོག་མིན་གྱི་ཞིང་དང་སོ་སོའི་གནས་ནས་སྔོན་གྱི་ཐུགས་དམ་ལས་བརྩམས་ཏེ། དེ་བཞིན་གཤེགས་པའི་རྫུ་འཕྲུལ་ཆེན་པོས་ནམ་མཁའི་ལམ་ལས་མངོན་པར་གཤེགས་ཏེ་གཞལ་མེད་ཁང་གི་ནང་དུ་གདན་སོ་སོ་ལ་བཞུགས་པ་ནི། དབུས་སུ་སྟོན་པ་བཅོམ་ལྡན་འདས་དཔལ་རྒྱལ་བ་ཤཱཀྱ་ཐུབ་པ་ཕྱག་གཡས་ས་གནོན་དང་གཡོན་མཉམ་བཞག་གི་ཕྱག་རྒྱ་མཛད་པ། ཤར་དུ་རྣམ་པར་གཟིགས་ས་གནོན་དང་མཉམ་བཞག་མཛད་པ། བྱང་ཤར་དུ་གཙུག་ཏོར་ཅན་མཆོག་སྦྱིན་དང་མཉམ་བཞག་མཛད་པ། ཤར་ལྷོར་ཐམས་ཅད་སྐྱོབ་སྐྱབས་སྦྱིན་དང་མཉམ་བཞག་མཛད་པ། ནུབ་ཏུ་འཁོར་བ་འཇིག་ཏིང་ངེ་འཛིན་གྱི་ཕྱག་རྒྱ་མཛད་པ། ལྷོ་ནུབ་ཏུ་གསེར་ཐུབ་ཆོས་འཆད་ ― LT34_Page_0016 ―
[མ་དཔེ་གཟིགས་ན་འདིར་གནོན།]
དང་མཉམ་བཞག་མཛད་པ། ནུབ་བྱང་དུ་འོད་སྲུངས་གཡས་མཆོག་སྦྱིན་དང་གཡོན་ཆོས་གོས་ཀྱི་གྲྭ་རི་དྭགས་ཀྱི་རྣ་བ་ལྟ་བུ་འཛིན་པ། ཐམས་ཅད་ཀྱང་གསེར་གྱི་མདོག་ཅན་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་སྤྲས་པ། ན་བཟའ་ཆོས་གོས་རྣམ་གསུམ་གསོལ་ཞིང་ཞབས་རྡོ་རྗེའི་སྐྱིལ་མོའི་ཀྲུང་གིས་རང་རང་གི་བྱང་ཆུབ་ཀྱི་ཤིང་དྲུང་དུ་བཞུགས་པ། ལྷོ་རུ་ཁྲོ་བོ་ཆེན་པོ་པོ་མཆན་ཁུང་ན་རལ་གྲི་དང་ཞགས་པ་བཅུག་ཅིང་ཐལ་མོ་སྦྱར་བ། ཁྲོ་བོའི་ཆ་བྱད་རྫོགས་པ། བྱང་དུ་ཕྱག་ན་རྡོ་རྗེ་ལྗང་ཁུ་ཞི་བ་གཡས་རྡོ་རྗེ་ཐུགས་ཀར་གཏོད་ཅིང་གཡོན་གདན་ལ་བརྟེན་པ་རོལ་པས་བཞུགས་པ། དར་དང་རིན་པོ་ཆེས་བརྒྱན་པ། སྒོ་བཞིར་རྒྱལ་པོ་ཆེན་པོ་སྡེ་བཞི་གཙོ་འཁོར་ཐམས་ཅད་ཀྱང་འོད་དང་གཟི་བརྗིད་དཔག་ཏུ་མེད་པ་འཕྲོ་ཞིང་རང་རང་གི་རིགས་ཀྱི་འཁོར་དཔག་ཏུ་མེད་པས་བསྐོར་བ། གཞན་ཡང་ཉན་ཐོས་ཀྱི་དགེ་འདུན་དང་དམ་པའི་ཆོས་སྐྱོང་བ་རྒྱ་མཚོ་བཅས་མངོན་སུམ་དུ་བཞུགས་ཤིང་། བདག་དང་སེམས་ཅན་ཐམས་ཅད་ལ་ཐུགས་རྗེ་ཆེན་པོས་དགོངས་པར་གྱུར། ཅེས་གསལ་གདབ་བོ། །གསུམ་པ་ལའང་གསུམ། ཡན་ལག་བདུན་བྱ་བ་དང་། བྱང་ཆུབ་ཏུ་སེམས་བསྐྱེད་པ། ཁྱད་པར་གྱི་ཐུགས་དམ་བསྐུལ་བའོ། །དང་པོ་ལ་བདུན་གྱི་ཐོག་མར་ཕྱག་འཚལ་བ་ནི། གནས་ལྔ་ས་ལ་འདུས་པའི་ཕྱག་འཚལ་བཞིན་ཏུ། བཅོམ་ ― LT34_Page_0017 ―
[མ་དཔེ་གཟིགས་ན་འདིར་གནོན།]
ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་མཉམ་མེད་དཔའ་བོ་བདུན་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན། དུས་གསུམ་དུ་གཤེགས་ཤིང་བཞུགས་པའི་སངས་རྒྱས་དང་བྱང་ཆུབ་སེམས་དཔའ་རབ་འབྱམས་མ་ལུས་པའི་དཀོན་མཆོག་ཐམས་ཅད་ལ་གུས་པས་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱིས་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། །བདེ་བར་གཤེགས་པ་ཐམས་ཅད་བདག་གིས་ ― LT34_Page_0018 ―
[མ་དཔེ་གཟིགས་ན་འདིར་གནོན།]
བསྟོད། །མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པ་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་སྒྲོལ་ཞིང་། །གཅིག་ཏུ་དོན་དམ་མཆོག་གྱུར་པའི། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ཞིང་། །དགེ་འདུན་ལ་ཡང་ཕྱག་འཚལ་ལོ། །བཅོམ་ལྡན་རྣམ་པར་གཟིགས་ནི་རྒྱལ་རིགས་གཟི་བརྗིད་ཅན། །ཚེ་ལོ་བརྒྱད་ཁྲིའི་དུས་ན་གྲོང་ཁྱེར་མཉན་ལྡན་ཏུ། །པ་ཏོ་ལ་ཡི་ཤིང་དྲུང་མངོན་པར་སངས་རྒྱས་པ། །སྲས་དང་སློབ་མར་བཅས་ལ་གུས་པས་ཕྱག་འཚལ་ལོ། །བདེར་གཤེགས་གཙུག་ཏོར་མངའ་བ་རྒྱལ་རིགས་རྫུ་འཕྲུལ་ཅན། །ཚེ་ལོ་བདུན་ཁྲིའི་དུས་ན་ཀ་ནའི་གྲོང་ཁྱེར་དུ། །ཤིང་མཆོག་སི་ཏཱའི་དྲུང་དུ་མངོན་པར་སངས་རྒྱས་པ། །སྲས་དང་སློབ༴ །རྒྱལ་བ་ཐམས་ཅད་སྐྱོབས་པ་རྒྱལ་རིགས་བློ་གྲོས་ཅན། །ཚེ་ལོ་དྲུག་ཁྲིའི་དུས་ན་གྲོང་ཁྱེར་མཉམ་མེད་དུ། །ཤིང་མཆོག་སཱ་ལའི་དྲུང་དུ་མངོན་པར་སངས་རྒྱས་པ། །སྲས་དང་སློབ༴ །ཐུབ་པ་འཁོར་བ་འཇིག་ནི་སྟོབས་ལྡན་བྲམ་ཟེའི་རིགས། །ཚེ་ལོ་བཞི་ཁྲིའི་དུས་ན་གྲོང་ཁྱེར་བདེ་ལྡན་དུ། །ཤི་རི་ཤ་ཡི་དྲུང་དུ་མངོན་པར་སངས༴ ― LT34_Page_0019 ―
[མ་དཔེ་གཟིགས་ན་འདིར་གནོན།]
སྲས་དང་སློབ༴ །འདྲེན་པ་གསེར་ཐུབ་བསླབ་པ་མཆོག་ལྡན་བྲམ་ཟེའི་རིགས། །ཚེ་ལོ་སུམ་ཁྲིའི་དུས་ན་གྲོང་ཁྱེར་མཛེས་ལྡན་ཏུ། །ཨུ་དུམྦ་རའི་ཤིང་དྲུང་མངོན་པར༴ སྲས་དང་སློབ༴ །སྐྱོབས་པ་འོད་སྲུང་རྒྱལ་རིགས་བླ་མེད་ཡོན་ཏན་ཅན། །ཚེ་ལོ་ཉི་ཁྲིའི་དུས་ན་ཝ་ར་ཱ་སི་རུ། །ནྱ་གྲོ་དྷ་ཡི་ཤིང་དྲུང་མངོན་པར༴། སྲས་དང་སློབ༴ །འགྲོ་མགོན་ཤཱཀྱ་ཐུབ་པ་རྒྱལ་རིགས་བརྩོན་འགྲུས་ཅན། །ཚེ་ལོ་བརྒྱ་པའི་དུས་ན་སེར་སྐྱའི་གྲོང་ཁྱེར་དུ། །ཨ་ཤྭཏྠ་ཡི་ཤིང་དྲུང་མངོན་པར༴། སྲས་དང་སློབ༴། སངས་རྒྱས་རྣམ་གཟིགས་གཙུག་ཏོར་ཐམས་ཅད་སྐྱོབས། །འཁོར་བ་འཇིག་དང་གསེར་ཐུབ་འོད་སྲུངས་དང་། །ཤཱཀྱ་ཐུབ་པ་གཽ་ཏཾ་ལྷ་ཡི་ལྷ། །སངས་རྒྱས་དཔའ་བོ་བདུན་ལ་ཕྱག་འཚལ་ལོ། །ཐབས་མཁས་ཐུགས་རྗེས་ཤཱཀྱའི་རིགས་འཁྲུངས་ཤིང་། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་ཁྱོད་ལ་ཕྱག་འཚལ་ལོ། །ཆོས་དབྱིངས་རང་བཞིན་ཨིནྡྲ་ནཱི་ལའི་མདངས། །ཞལ་གཅིག་ཕྱག་གཉིས་ཞབས་ཟུང་བརྗིད་པའི་སྐུ། །ཡེ་ཤེས་རལ་གྲི་རྡོ་རྗེའི་ཞགས་པ་བསྣམས། །ཁྲོ་རྒྱལ་མི་གཡོ་མགོན་ལ་ཕྱག་འཚལ་ལོ། །ལྕང་ལོ་ཅན་གྱི་གནས་མཆོག་དམ་པ་ན། །གསང་སྔགས་རིག་སྔགས་ཀུན་གྱི་བདག་པོ་ ― LT34_Page_0020 ―
[མ་དཔེ་གཟིགས་ན་འདིར་གནོན།]
མཆོག །ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ། །བཅོམ་ལྡན་རྡོ་རྗེ་འཛིན་ལ་ཕྱག་འཚལ་ལོ། །ཕྱོགས་བཅུར་བཞུགས་པའི་རྒྱལ་བ་མ་ལུས་དང་། །བྱང་ཆུབ་སེམས་དང་རྒྱལ་སྲས་མ་ལུས་ཚོགས། །རྡུལ་གཅིག་སྟེང་ན་རྡུལ་སྙེད་བཞུགས་པ་ཡི། །བླ་མེད་འཕགས་པའི་ཚོགས་ལ་ཕྱག་འཚལ་ལོ། །རྒྱལ་བའི་བཀའ་སྡོད་རྒྱལ་པོ་ཆེན་པོ་བཞི། །རང་རང་སྡེ་བཅས་མཐུ་དང་དཔལ་ལྡན་པ། །སྟོན་པའི་དམ་ཆོས་སྐྱོང་བར་མཛད་པ་ཡི། །ལྷ་ཡི་དགེ་བསྙེན་རྣམས་ལ་ཕྱག་འཚལ་ལོ། །ཕྱག་བྱར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །གཉིས་པ་མཆོད་པ་ལ་ཐོག་མར་བསྟོད་པས་མཆོད་པ་ནི། སེམས་ཅན་རྣམས་ལ་བརྩེ་བ་ཅན། །འཕྲད་དང་བྲལ་བའི་དགོངས་པ་ཅན། །མི་འབྲལ་བ་ཡི་དགོངས་པ་ཅན། །ཕན་བདེ་དགོངས་ཁྱོད་ལ་ཕྱག་འཚལ། །ཐུབ་བ་སྒྲིབ་ཀུན་ངེས་པར་གྲོལ། །འཇིག་རྟེན་ཐམས་ཅད་ཟིལ་གྱིས་གནོན། །ཁྱོད་ཀྱི་མཁྱེན་པས་ཤེས་བྱ་ཁྱབ། །ཐུགས་གྲོལ་ཁྱོད་ལ་ཕྱག་འཚལ་ལོ། །སེམས་ཅན་དག་ནི་ཐམས་ཅད་ཀྱི། །ཉོན་མོངས་མ་ལུས་ཐམས་ཅད་འདུལ། །ཉོན་མོངས་འཇོམས་མཛད་ཉོན་མོངས་ལ། །བརྩེ་བཅས་ཁྱོད་ལ་ཕྱག་འཚལ་ལོ། །ལྷུན་གྱིས་གྲུབ་ཅིང་ཆགས་མི་མངའ། ། ― LT34_Page_0021 ―
[མ་དཔེ་གཟིགས་ན་འདིར་གནོན།]
ཐོགས་པ་མི་མདའ་རྟག་པར་ནི། །མཉམ་པར་བཞག་ཅིང་འདྲི་ཀུན་གྱི། །ལན་ལྡོན་ཁྱོད་ལ་ཕྱག་འཚལ་ལོ། །རྟེན་དང་བརྟེན་པ་བཤད་བྱ་དང་། །གསུང་དང་མཁྱེན་པ་འཆད་བྱེད་ལ། །བློ་གྲོས་རྟག་ཐོགས་མི་མངའ་བར། །ལེགས་སྟོན་ཁྱོད་ལ་ཕྱག་འཚལ་ལོ། །གཤེགས་ནས་སྤྱོད་པ་མཁྱེན་མཛད་དེ། །དེ་དག་སྐད་ཀྱིས་སེམས་ཅན་གྱི། །འོང་དང་འགྲོ་དང་ངེས་འབྱུང་ལ། །ལེགས་འདོམས་ཁྱོད་ལ་ཕྱག་འཚལ་ལོ། །ལུས་ཅན་ཀུན་གྱིས་ཁྱོད་མཐོང་ན། །སྐྱེས་བུ་དམ་པ་ལགས་པར་འཚལ། །མཐོང་བ་ཙམ་གྱིས་རབ་དང་བར། །མཛད་པ་ཁྱོད་ལ༴། ལེན་དང་གནས་དང་གཏོང་བ་དང་། །སྦྲུལ་དང་ཡོངས་སུ་སྒྱུར་བ་དང་། །ཏིང་ངེ་འཛིན་དང་ཡེ་ཤེས་ལ། །མངའ་བརྙེས་ཁྱོད་ལ་ཕྱག་འཚལ་ལོ། །ཐབས་དང་སྐྱོབས་དང་དག་པ་དང་། །ཐེག་ཆེན་ངེས་པར་འབྱུང་བ་ལ། །སེམས་ཅན་རྣམས་ལ་རབ་སླུ་བའི། །བདུད་འཇོམས་ཁྱོད་ལ་ཕྱག་འཚལ་ལོ། །རང་གཞན་དོན་ཏུ་ཡེ་ཤེས་དང་། །སྤངས་དང་ངེས་འབྱུང་བགེགས་མཛད་པར། །སྟོན་མཛད་མུ་སྟེགས་གཞན་དག་གིས། །མི་བརྫི་ཁྱོད་ལ་ཕྱག་འཚལ་ལོ། །བསྲུང་མེད་བསྙེལ་བ་མི་མངའ་བ། །འཁོར་གྱི་ནང་ན་བག་བརྐྱང་གསུང་། །ཀུན་ནས་ཉོན་མོངས་གཉིས་སྤངས་པ། །འཁོར་ ― LT34_Page_0022 ―
[མ་དཔེ་གཟིགས་ན་འདིར་གནོན།]
སྡུད་ཁྱེད་ལ༴ །ཀུན་མཁྱེན་ཁྱོད་ལ་རྒྱུ་བ་དང་། །གནས་པ་ཀུན་ལ་རྟག་པར་ནི། །ཀུན་མཁྱེན་མིན་སྤྱོད་མི་མངའ་སྟེ། །ཡང་དག་དོན་ལྡན་ཁྱོད་ཕྱག་འཚལ། །སེམས་ཅན་ཀུན་གྱི་བྱ་བ་ལ། །ཁྱོད་ནི་དུས་ལས་མི་འདའ་བས། །མཛད་པ་རྟག་ཏུ་དོན་མངའ་བ། །མི་བསྙེལ་ཁྱོད་ལ་ཕྱག་འཚལ་ལོ། །འཇིག་རྟེན་ཀུན་ལ་ཉིན་མཚན་ཏུ། །ལན་དྲུག་ཏུ་ནི་སོ་སོར་གཟིགས། །ཐུགས་རྗེ་ཆེན་པོ་དང་ལྡན་པ། །ཕན་དགོངས་ཁྱོད་ལ་ཕྱག་འཚལ་ལོ། །སྤྱོད་པ་དང་ནི་རྟོགས་པ་དང་། །ཡེ་ཤེས་དང་ནི་ཕྲིན་ལས་ཀྱིས། །ཉན་ཐོས་རང་སངས་རྒྱས་ཀུན་གྱི། །བླ་མ་ཁྱོད་ལ་ཕྱག་འཚལ་ལོ། །སྐུ་གསུམ་དག་གི་བྱང་ཆུབ་ཆེ། །རྣམ་པ་ཀུན་བརྙེས་ཐམས་ཅད་དུ། །སེམས་ཅན་ཀུན་གྱི་ཐེ་ཚོམ་དག། གཅོད་མཛད་ཁྱོད་ལ་ཕྱག་འཚལ་ལོ། །འཛིན་པ་མི་མངའ་ཉེས་མི་མངའ། །རྙོགས་པ་མི་མངའ་མི་གནས་པ། །མི་གཡོ་ཆོས་རྣམས་ཐམས་ཅད་ལ། །སྤྲོས་མེད་ཁྱོད་ལ་ཕྱག་འཚལ་ལོ། །ཞེས་པ་ཙམ་མམ། རྒྱས་པར་ལྕོགས་ན་སངས་རྒྱས་ཀྱི་བསྟོད་པ་སྤྱི་བྱེ་བྲག་གཞན་ཡང་སྦྱར་རོ། །དེ་ནས་དངོས་འབྱོར་གྱི་མཆོད་པ་ནི། མེ་ཏོག་ཕལ་ཆེར་མེ་ཏོག་བླ་བྲེ་དང་། །མེ་ཏོག་བཀོད་པའི་འོད་ཟེར་རབ་བཀྱེ་ཞིང་། །མེ་ཏོག་སྣ་ཚོགས་ཀུན་ཏུ་བཀྲམ་བྱས་ནས། །བདག་ཉིད་ཆེན་པོ་རྒྱལ་བ་སྲས་བཅས་མཆོད། ། ― LT34_Page_0023 ―
[མ་དཔེ་གཟིགས་ན་འདིར་གནོན།]
དེས་འགྲེས་ཏེ། བདུག་སྤོས། སྣང་གསལ། དྲི་མཆོག །ཞལ་ཟས། རོལ་མོ་ཞེས་སྦྱར་བ་དང་། མེ་ཏོག་དམ་པ་ཕྲེང་བ་དམ་པ་དང་། །སིལ་སྙན་རྣམས་དང་བྱུགས་པ་གདུགས་མཆོག་དང་། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང་། །ཕྱེ་མའི་ཕུར་མ་རི་རབ་མཉམ་པ་དང་། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། བདག་པོས་མ་བཟུང་བའི་མཆོད་པ་ནི། རིན་ཆེན་སེམས་དེ་བཟུང་བར་བྱ་བའི་ཕྱིར། །དེ་བཞིན་གཤེགས་པ་རྣམས་དང་དམ་པའི་ཆོས། །དཀོན་མཆོག་དྲི་མ་མེད་དང་སངས་རྒྱས་སྲས། །ཡོན་ཏན་རྒྱ་མཚོ་རྣམས་ལ་ལེགས་པར་མཆོད། །མེ་ཏོག་འབྲས་བུ་ཇི་སྙེད་ཡོད་པ་དང་། །སྨན་གྱི་རྣམ་པ་གང་དག་ཡོད་པ་དང་། །འཇིག་རྟེན་རིན་ཆེན་ཇི་སྙེད་ཡོད་པ་དང་། །ཆུ་གཙང་ཡིད་དུ་འོང་བ་ཅི་ཡོད་དང་། །རིན་ཆེན་རི་བོ་དང་ནི་དེ་བཞིན་དུ། །ནགས་ཚལ་ས་ཕྱོགས་དབེན་ཞིང་ཉམས་དགའ་དང་། ― LT34_Page_0024 ―
[མ་དཔེ་གཟིགས་ན་འདིར་གནོན།]
ལྗོན་ཤིང་མེ་ཏོག་རྒྱན་སྤྲས་སྤུད་བ་དང་། །ཤིང་གང་འབྲས་བཟང་ཡལ་ག་དུད་པ་དང་། །ལྷ་སོགས་འཇིག་རྟེན་ན་ཡང་དྲི་དང་ནི། །སྤོས་དང་དཔག་བསམ་ཤིང་དང་རིན་ཆེན་ཤིང་། །མ་རྨོས་འཁྲུངས་བའི་ལོ་ཏོག་རྣམ་པ་དང་། །གཞན་ཡང་མཆོད་པར་འོས་པའི་རྒྱན་རྣམས་ནི། །མཚོ་དང་རྫིང་བུ་པདྨས་བརྒྱན་པ་དང་། །ངང་པ་ཤིན་ཏུ་སྐད་སྙན་ཡིད་འོང་ལྡན། །ནམ་མཁའ་རབ་འབྱམས་ཁམས་ཀྱི་མཐས་གཏུགས་པ། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཆེ་རྣམས་ཀྱིས། །བདག་ལ་བརྩེར་དགོངས་བདག་གི་འདི་དག་བཞེས། །བདག་ནི་བསོད་ནམས་མི་ལྡན་བཀྲེན་ཆེན་ཏེ། །མཆོད་པའི་ནོར་གཞན་བདག་ལ་ཅང་མ་མཆིས། །དེས་ན་གཞན་དོན་དགོངས་པའི་མགོན་གྱིས་ནི། །བདག་གི་དོན་སླད་ཉིད་ཀྱི་མཐུས་ཞེས་ཤིག །ལུས་དབུལ་བའི་མཆོད་པ་ནི། རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་ཀུན་གཏན་ཏུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་མཆི་བར་བགྱི། །བདག་ནི་ཁྱེད་ཀྱིས་ཡོངས་སུ་བཟུང་བ་ན། །སྲིད་ལ་ ― LT34_Page_0025 ―
[མ་དཔེ་གཟིགས་ན་འདིར་གནོན།]
མི་འཇིགས་སེམས་ཅན་ཕན་པར་བགྱིད། །སྔོན་གྱི་སྡིག་ལས་ཡང་དག་འདའ་བགྱིད་ཅིང་། །སྡིག་པ་གཞན་ཡང་སླན་ཆད་མི་བགྱིད་དོ། །ཁྱད་པར་གྱི་མཆོད་པ་ནི། སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡྷ་ར་དང་པདྨ་དང་། །ཨུཏྤལ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མེ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཆུས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འབྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། ― LT34_Page_0026 ―
[མ་དཔེ་གཟིགས་ན་འདིར་གནོན།]
འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིངས་ལེགས་ལྟ་ན་སྡུག་པ་བསྒྲེང་བ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་སྐུ་གཟུགས་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་བཞིན་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །ཡི་དབྱུང་མཆོད་པ་ནི། མཎྜལ་ཚོམ་བུ་སོ་བདུན་མ་ཚིགས་བཅད་རྒྱས་བསྡུས་རྣམས་དང་། བདག་གཞན་ལུས་ངག་ཡིད་གསུམ་དུས་གསུམ་དགེ་ཚོགས་དང་། །རིན་ཆེན་མཎྜལ་བཟང་པོ་ཀུན་བཟང་མཆོད་པའི་ཚོགས་བཅས་པ། །བློ་ཡིས་བླངས་ནས་དཀོན་མཆོག་རྒྱལ་བ་སྲས་དང་བཅས་ལ་འབུལ། །ཐུགས་རྗེའི་དབང་གིས་བཞེས་ནས་བདག་ལ་བྱིན་གྱིས་བརླབ་ཏུ་གསོལ། ། ― LT34_Page_0027 ―
[མ་དཔེ་གཟིགས་ན་འདིར་གནོན།]
དེང་ནས་བྱང་ཆུབ་སྙིང་པོའི་བར། །བདག་གི་ལུས་དང་ལོངས་སྤྱོད་དང་། །དུས་གསུམ་དགེ་བའི་དངོས་པོ་རྣམས། །སེམས་ཅན་ཀུན་གྱི་དོན་གྱི་ཕྱིར། །གུས་པས་ཁྱེད་ལ་འབུལ་བར་བགྱི། །ཀུན་ནས་གཟིགས་པའི་སྤྱན་ལྡན་པ། །ཡོན་གནས་དམ་པ་ཁྱེད་རྣམས་ཀྱིས། །བདག་ལ་བརྩེ་བས་ཉེར་དགོངས་ནས། །བདག་གི་འདི་དག་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། མཎྜལ་སྔགས་དང་འདོད་གསོལ། མཉེས་བྱེད་མཎྜལ་སོགས་སྤྱི་ལྟར་བྱའོ། །དེ་ནས་སྡིག་པ་བཤགས་པ་ལ་རྒྱལ་པར་སྤྲོ་ན་གསེར་འོད་དམ་པ་ལས་འབྱུང་བ་ནི། སངས་རྒྱས་རྐང་གཉིས་དམ་པ་དག །ཐུགས་བརྩེ་ཐུགས་རྗེར་ལྡན་པའི་ཐུགས། །གང་དག་ཕྱོགས་བཅུའི་འཇིག་རྟེན་ན། །བཞུགས་པ་བདག་ལ་དགོངས་སུ་གསོལ། །བདག་གིས་སྔོན་ཆད་སྡིག་པའི་ལས། །ཤིན་ཏུ་མི་བཟད་གང་བགྱིས་པ། །སྟོབས་བཅུའི་སྤྱན་སྔར་མཆིས་ནས་ནི། །དེ་དག་ཐམས་ཅད་བཤགས་པར་བགྱི། །ཕ་མ་དག་ཏུ་མི་འཛིན་དང་། །སངས་རྒྱས་རྣམས་སུ་མི་འཛིན་དང་། །དགེ་བ་དག་ཏུ་མི་འཛིན་པས། །སྡིག་པ་བདག་གིས་གང་བགྱིས་དང་། །ཕྱུག་པའི་རྒྱགས་པས་དྲེགས་པ་དང་། །རིགས་དང་ལོངས་སྤྱོད་རྒྱགས་པ་དང་། །གཞོན་པའི་རྒྱགས་པས་དྲེགས་པ་ཡིས། །བདག་གིས་སྡིག་པ་ ― LT34_Page_0028 ―
[མ་དཔེ་གཟིགས་ན་འདིར་གནོན།]
གང་བགྱིས་དང་། །ཉེས་པའི་དམིགས་སུ་མ་མཐོང་པས། །ཉེས་པར་བགྱིས་པའི་ལས་དང་ནི། །ཉེས་པར་བསམ་ཤིང་ཉེས་སྨྲ་བའི། །སྡིག་ལས་བདག་གིས་གང་བགྱིས་དང་། །བྱིས་པའི་བློ་ཡིས་འཇུག་པ་དང་། །མི་ཤེས་མུན་པའི་སེམས་དང་ནི། །སྡིག་པའི་གྲོགས་པོའི་དབང་གྱུར་དང་། །ཉོན་མོངས་རྣམ་པར་འཁྲུལ་སེམས་དང་། །རྩེད་མོར་དགའ་བའི་དབང་ཉིད་དང་། །མྱ་ངན་དང་ནི་ནད་དབང་དང་། །ནོར་གྱིས་མ་ཆོག་ཉེས་པ་ཡིས། །བདག་གིས་སྡིག་པ་གང་བགྱིས་དང་། །འཕགས་མིན་སྐྱེ་བོ་འདྲེ་བ་དང་། །ཕྲག་དོག་སེར་སྣ་སྒྱུ་དང་ནི། །གཡོ་དང་དབུལ་བའི་ཉེས་པ་ཡིས། །བདག་གིས་སྡིག་པ་གང་བགྱིས་དང་། །ཕོངས་དང་རྒུད་པའི་དུས་ཀྱི་ཚེ། །འདོད་པ་རྣམས་ཀྱི་འཇིགས་རྒྱུ་དང་། །ཕྱུག་པོ་མ་ཡིན་གྱུར་པ་ཡིས། །བདག་གིས་སྡིག་པ་གང་བགྱིས་དང་། །གཡོ་བའི་སེམས་ཀྱི་དབང་ཉིད་དང་། །འདོད་དང་ཁྲོ་བའི་དབང་ཉིད་དང་། །བཀྲེས་དང་སྐོམ་པས་ཉེན་པ་ཡིས། །བདག་གིས་སྡིག་པ་གང་བགྱིས་དང་། །བཟའ་བ་དག་དང་བཏུང་བ་དང་། །བུད་མེད་སྒྱུ་དང་གོས་ཀྱི་ཕྱིར། །ཉོན་མོངས་གདུང་བ་སྣ་ཚོགས་ཀྱིས། །བདག་གིས་སྡིག་པ་གང་བགྱིས་དང་། །ལུས་དང་ངག་དང་ཡིད་ཀྱི་སྡིག །ཉེས་སྤྱད་རྣམ་ ― LT34_Page_0029 ―
[མ་དཔེ་གཟིགས་ན་འདིར་གནོན།]
པ་གསུམ་བསགས་ན། །འདི་འདྲའི་ཚུལ་གྱིས་གང་བགྱིས་པ། །དེ་དག་ཐམས་ཅད་བདག་འཆགས་སོ། །སངས་རྒྱས་རྣམས་དང་ཆོས་རྣམས་དང་། །དེ་བཞིན་ཉན་ཐོས་རྣམས་ལ་ཡང་། །གུས་པ་མ་ལགས་བགྱིས་པ་གང་། །དེ་དག་ཐམས་ཅད་བདག་འཆགས་སོ། །གང་ཡང་རང་སངས་རྒྱས་རྣམས་དང་། །བྱང་ཆུབ་སེམས་དཔའ་རྣམས་ལ་ཡང་། །གུས་པ་མ་ལགས་བགྱིས་པ་རྣམས། །དེ་དག་ཐམས་ཅད་བདག་འཆགས་སོ། །དམ་ཆོས་སྨྲ་བ་རྣམས་ལ་ཡང་། །གུས་པ་མ་ལགས་བགྱིས་པ་དང་། །ཆོས་ལའང་གུས་པར་མ་བགྱིས་པ། །དེ་དག་ཐམས་ཅད་བདག་འཆགས་སོ། །བདག་གིས་རྟག་ཏུ་མི་ཤེས་པས། །དམ་པའི་ཆོས་ནི་སྤངས་པ་དང་། །ཕ་མ་རྣམས་ལ་མ་གུས་པ། །དེ་དག་ཐམས་ཅད་བདག་འཆགས་སོ། །བླུན་པ་དང་ནི་བྱིས་པ་དང་། །འདོད་ཆགས་ཞེ་སྡང་གཏི་མུག་དང་། །ང་རྒྱལ་དྲེགས་པས་བསྒྲིབས་བགྱིས་པ། །དེ་དག་ཐམས་ཅད་བདག་འཆགས་སོ། །བདག་གིས་ཕྱོགས་བཅུའི་འཇིག་རྟེན་དུ། །སྟོབས་བཅུ་རྣམས་ལ་མཆོད་པར་བགྱི། །བདག་གིས་ཕྱོགས་བཅུའི་སེམས་ཅན་རྣམས། །སྡུག་བསྔལ་ཀུན་ལས་གདོན་བར་བགྱི། །སེམས་ཅན་བསམ་གྱིས་མི་ཁྱབ་ཀུན། །ས་བཅུ་ལ་ནི་ ― LT34_Page_0030 ―
[མ་དཔེ་གཟིགས་ན་འདིར་གནོན།]
དགོད་པར་བགྱི། །ས་བཅུ་ལ་ནི་གནས་ནས་ཀྱང་། །ཐམས་ཅད་དེ་བཞིན་གཤེགས་གྱུར་ཅིག །ཇི་སྲིད་སྡུག་བསྔལ་རྒྱ་མཚོ་ལས། །དེ་ཀུན་མཐར་གྱིས་ནུབ་སྲིད་དུ། །སེམས་ཅན་རེ་རེའི་ཕྱིར་ཡང་ནི། །བསྐལ་པ་བྱེ་བར་སྤྱད་པར་བགྱི། །གསེར་འོད་དམ་པ་ཞེས་བགྱི་བ། །ལས་རྣམས་ཐམས་ཅད་བྱང་བགྱིད་པ། །ཟབ་མོ་དག་ནི་སྟོན་པ་འདི། །སེམས་ཅན་དེ་དག་སྟོན་པར་བགྱི། །གང་གིས་བསྐལ་པ་སྟོང་རྣམས་སུ། །སྡིག་པ་ཤིན་ཏུ་མི་བཟད་བགྱིས། །ལན་ཅིག་རབ་ཏུ་བཤགས་པ་ཡིས། །དེ་དག་ཐམས་ཅད་བྱང་བར་འགྱུར། །གང་གིས་ལས་ཀྱི་སྒྲིབ་པ་རྣམས། །མྱུར་དུ་ཡང་དག་ཟད་འགྱུར་པ། །གསེར་འོད་དམ་པ་དགེ་བ་ཡི། །བཤགས་པས་འདི་དག་བཤགས་ནས་ནི། །དགོངས་པའི་ཐུགས་ཀྱིས་སངས་རྒྱས་རྣམས། །བདག་ལ་རྣམ་པར་གཟིགས་སུ་གསོལ། །ཐུགས་རྗེ་ལྡན་པའི་ཐུགས་ཀྱིས་ནི། །ནོངས་པ་རབ་ཏུ་གཟུང་དུ་གསོལ། །བདག་གིས་བསྐལ་པ་བརྒྱ་རྣམས་སུ། །སྔོན་ཅད་སྡིག་པ་གང་བགྱིས་པ། །དེ་ཕྱིར་བདག་ནི་མྱ་ངན་སེམས། །ཕོངས་དང་མྱ་ངན་འཇིགས་པས་གཟིར། །སྡིག་པའི་ལས་ལ་འཇིགས་པར་བགྱིད། །ཡིད་ནི་རྟག་ཏུ་དམན་པར་གྱུར། །གང་དང་གང་དུ་སྤྱོད་བགྱིད་པ། །བདག་ནི་ ― LT34_Page_0031 ―
[མ་དཔེ་གཟིགས་ན་འདིར་གནོན།]
གང་དུའང་དགའ་མ་མཆིས། །སངས་རྒྱས་ཐམས་ཅད་ཐུགས་རྗེ་ལྡན། །འགྲོ་བ་ཀུན་གྱི་འཇིགས་སེལ་བས། །ནོངས་པ་རབ་ཏུ་གཟུང་དུ་གསོལ། །འཇིགས་པ་དག་ལས་བདག་ཐར་མཛོད། །བདག་ཉིད་ཉོན་མོངས་ལས་རྣམས་ཀྱི། །བྲི་མ་དེ་བཞིན་གཤེགས་པས་སོལ། །སངས་རྒྱས་རྣམས་ཀྱིས་བདག་ལ་ནི། །སྙིང་རྗེའི་ཆུ་ཡིས་བཀྲུ་བར་གསོལ། །སྡིག་པ་ཐམས་ཅད་བཤགས་པར་བགྱི། །སྔོན་ཅད་བདག་གིས་གང་བགྱིས་དང་། །ད་ལྟར་བདག་གི་སྡིག་པ་གང་། །དེ་དག་ཐམས་ཅད་བདག་འཆགས་སོ། །ནོངས་པར་བགྱིས་པའི་ལས་རྣམས་ཀུན། །སླན་ཅད་མི་བགྱེད་བསྡོམ་པར་བགྱི། །བདག་གིས་ནོངས་པར་བགྱིས་པ་གང་། །སྡིག་དེ་འཆབ་པར་མི་བགྱིའོ། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་དག་དང་། །ཡིད་ཀྱི་རྣམ་པ་གསུམ་པོ་རྣམས། །དེ་དག་ཐམས་ཅད་བདག་འཆགས་སོ། །ལུས་ཀྱིས་བགྱིས་དང་ངག་གི་ལས། །ཡིད་ཀྱིས་རྣམ་པར་བསམ་པ་དང་། །ལས་རྣམས་བཅུ་པོ་བགྱིས་པ་དག །དེ་དག་ཐམས་ཅད་བདག་འཆགས་སོ། །བདག་གིས་སྡིག་པའི་ལས་གང་དག །མི་འདོད་འབྲས་བུ་ཐོབ་བགྱིད་པ། །སངས་རྒྱས་སྤྱན་སྔར་མཆིས་ནས་ནི། །དེ་དག་ཐམས་ཅད་བཤགས་པར་བགྱི། ། ― LT34_Page_0032 ―
[མ་དཔེ་གཟིགས་ན་འདིར་གནོན།]
ཞེས་དང་། བསྡུ་ན། སྲིད་འགྲོ་ཉམས་ངར་བྱིས་པའི་བློ་ཡིས་ནི། །ཤིན་ཏུ་མི་བཟད་སྡིག་པ་གང་བགྱིས་པ། །སྟོབས་བཅུ་མངའ་བའི་སྤྱན་སྔར་མཆིས་ནས་ནི། །སྡིག་པ་དེ་ཀུན་སོ་སོར་བཤགས་པར་བགྱི། །སྐྱེ་བ་ཉམ་ང་སྲིད་པ་ཉམ་ང་དང་། །འཇིག་རྟེན་ཉམ་ང་གཡོ་སེམས་ཉམ་ང་བར། །ལུས་ཀྱི་སྤྱོད་པ་ཉམ་ང་སྣ་ཚོགས་ཀྱིས། །བདག་གིས་སྡིག་པ་གང་བསགས་དེ་འཆགས་སོ། །བྱིས་པ་གླུན་བྱས་ཉོན་མོངས་ཉམ་ང་དང་། །སྡིག་པའི་གྲོགས་དང་འཕྲད་པ་ཉམ་ང་དང་། །སྲིད་པ་ཉམ་ང་འདོད་ཆགས་ཉམ་ང་དང་། །ཞེ་སྡང་གཏི་མུག་མུན་པ་ཉམ་ང་དང་། །ངལ་བའི་ཉམ་ང་དུས་ཀྱི་ཉམ་ང་དང་། །བསོད་ནམས་བསྒྲུབ་པ་ཉམ་ང་དག་གིས་ཀྱང་། །རྒྱལ་བ་ཡང་དག་མངོན་སུམ་མཆིས་ནས་ནི། །སྡིག་པ་དེ་ཀུན་སོ་སོར་བཤགས་པར་བགྱི། ཞེས་དང་། འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཡན་ལག་ལྷག་མ་རྣམས་ནི། ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང་། །འགྲོ་བ་ཀུན་གྱི་བསོད་ནམས་གང་ལ་ཡང་། །དེ་དག་ཀུན་གྱི་རྗེས་སུ་བདག་ཡི་རང་། །གང་ ― LT34_Page_0033 ―
[མ་དཔེ་གཟིགས་ན་འདིར་གནོན།]
རྣམས་ཕྱོགས་བཅུའི་འཇིག་རྟེན་སྒྲོན་མ་དག །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་བཞུགས་པར་ཡང་། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། །ཞེས་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བོ་བདུན་དང་སེམས་དཔའ་རྣམ་གཉིས་ལ་སོགས་པ་སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་པ་སྤྱན་དྲངས་ཏེ་ཕྱག་འཚལ་བ་དང་། མཆོད་ཅིང་སྡིག་པ་བཤགས་པ་དང་། དགེ་བ་ལ་རྗེས་སུ་ཡི་རང་བ་དང་། །ཆོས་ཀྱི་འཁོར་ལོ་བསྐོར་བར་བསྐུལ་ཞིང་མྱ་ངན་ལས་མི་འདའ་བར་གསོལ་བ་བཏབ་པ་དང་། དེ་དག་གི་མཐུ་དཔལ་དང་བྱིན་གྱི་རླབས་ཀྱི་སྟོབས་ཀྱིས་བདག་ཅག་གི་ཐོག་མ་མ་མཆིས་པའི་འཁོར་བ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་བྱང་ ― LT34_Page_0034 ―
[མ་དཔེ་གཟིགས་ན་འདིར་གནོན།]
ཞིང་དག་པར་གྱུར་ཅིག །ལུས་ལ་ནད་མེད་པ་དང་ཚེ་རིང་བར་གྱུར་ཅིག །འཇིག་རྟེན་དང་འཇིག་རྟེན་ལས་འདས་པའི་དཔལ་ཕུན་སུམ་ཚོགས་པ་ལ་མངའ་བརྙེས་པར་གྱུར་ཅིག །མཐར་ཚོགས་གཉིས་ཡོངས་སུ་རྫོགས་ནས་རྡོ་རྗེའི་སྐུ་ཆོས་ཀྱི་རྒྱལ་པོ་སངས་རྒྱས་བཅོམ་ལྡན་འདས་ཀྱི་གོ་འཕང་བརྙེས་པར་གྱུར་ཅིག །ཡུལ་ཁམས་ཐམས་ཅད་དུའང་མི་ནད་དང་ཕྱུགས་ནད་དང་ལོ་ཉེས་བ་དང་དགྲའི་གནོད་པ་ལ་སོགས་པ་བཀྲ་མི་ཤིས་པའི་བག་ཅི་ཡང་མི་འབྱུང་བར་གྱུར་ཅིག །ཆར་ཆུ་དུས་སུ་བབས་ཏེ་ལོ་ཕྱུག་འཕེལ་ཞིང་རྒྱས་པ་དང་། བདེ་སྐྱིད་ཀྱི་དཔལ་ཕུན་སུམ་ཚོགས་པ་དང་ལྡན་པར་གྱུར་ཅིག །སེམས་ཅན་ཐམས་ཅད་ཀྱང་བདེ་བ་དང་ལྡན་སྡུག་བསྔལ་དང་བྲལ་ཏེ་ཚོགས་གཉིས་རྫོགས་ནས་མྱུར་དུ་མངོན་པར་རྫོགས་པར་འཚང་རྒྱ་བར་གྱུར་ཅིག །གཉིས་པ་སེམས་བསྐྱེད་པ་ནི། རྒྱས་པར་སྤྲོ་ན་གཞན་ནས་འབྱུང་བ་ལྟར་སྨོན་འཇུག་སེམས་བསྐྱེད་ཤིང་རྟ་གཉིས་ཀྱི་ལུགས། དོན་དམ་སེམས་བསྐྱེད་བཅས་འདིར་སྦྱར། དཀྱུས་སུ་བསྡུ་ན་ཟབ་མོ་ལྟ་བརྒྱུད་ལུགས་ཙམ་བྱ་སྟེ། དེ་ལ་སྦྱོར་དངོས་མཇུག་གསུམ་ཡོད་པའི་ཐོག་མར་སྐྱབས་འགྲོ་དང་ཚོགས་བསགས་ནི། ཕྱག་གསུམ་དང་བུས་བཙུགས་ཐལ་མོ་སྦྱར་བས། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། ― LT34_Page_0035 ―
[མ་དཔེ་གཟིགས་ན་འདིར་གནོན།]
བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། ཞེས་ལན་གསུམ། ཚོགས་བསགས་རྒྱས་པར་སྤྱོད་འཇུག་ལས་བྱུང་བའི་ཡན་ལག་བདུན་པ་ནི། དུས་གསུམ་གཤེགས་པའི་སངས་རྒྱས་ཀུན། །ཆོས་དང་ཚོགས་ཀྱི་མཆོག་བཅས་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པས་ནི་བདག་ཕྱག་འཚལ། །བྱང་ཆུབ་སེམས་ཀྱི་གཞི་རྣམས་དང་། །མཆོད་རྟེན་རྣམས་ལ་བདག་ཕྱག་འཚལ། །མཁན་པོ་དེ་བཞིན་སློབ་དཔོན་དང་། །བརྟུལ་ཞུགས་མཆོག་ལ་ཕྱག་འཚལ་ལོ། །གང་ལ་སེམས་ཀྱི་དམ་པ་རིན་ཆེན་དེ། །སྐྱེས་པ་དེ་ཡི་སྐུ་ལ་ཕྱག་འཚལ་ཞིང་། །གང་ལ་གནོད་པ་བྱས་ཀྱང་བདེར་འབྲེལ་བ། །བདེ་བའི་འབྱུང་གནས་དེ་ལ་ཕྱག་འཚལ་ལོ། །ཞེས་དང་། རིན་ཆེན་སེམས་དེ་བཟུང་བར་བྱ་བའི་ཕྱིར། ཞེས་པ་ནས། མགོན་པོ་སྲས་དང་བཅས་རྣམས་མཆོད། ཀྱི་བར་དང་། བདག་ནི་མི་ཤེས་གཏི་མུག་པས། །རང་བཞིན་ཁ་ན་མ་ཐོ་དང་། །བཅས་པའི་སྡིག་པ་གང་ཡིན་ལས། །གང་ཡང་རུང་བ་བགྱིས་པ་རྣམས། །མགོན་པོའི་སྤྱན་སྔར་མངོན་སུམ་དུ། །ཐལ་སྦྱར་སྡུག་བསྔལ་འཇིགས་སེམས་ཀྱིས། །ཡང་དང་ཡང་དུ་ཕྱག་འཚལ་ཏེ། །དེ་ ― LT34_Page_0036 ―
[མ་དཔེ་གཟིགས་ན་འདིར་གནོན།]
དག་ཐམས་ཅད་བཤགས་པར་བགྱི། །འདྲེན་པ་རྣམས་ཀྱིས་བདག་གི་སྡིག །ནོངས་པ་ལགས་པར་བཟུང་དུ་གསོལ། །འདི་ནི་བཟང་པོ་མ་ལགས་པས། །སླན་ཆད་བདག་ནི་ཡོངས་མི་བགྱིད། །སེམས་ཅན་ཀུན་གྱི་ངན་སོང་གི། །སྡུག་བསྔལ་ངལ་གསོའི་དགེ་བ་དང་། །སྡུག་བསྔལ་ཅན་དག་བདེར་གནས་ལ། །དགའ་བས་རྗེས་སུ་ཡི་རང་ངོ། །བྱང་ཆུབ་རྒྱུར་གྱུར་དགེ་བསགས་པ། །དེ་ལ་རྗེས་སུ་ཡི་རང་ངོ་། །ལུས་ཅན་འཁོར་བའི་སྡུག་བསྔལ་ལས། །ངེས་པར་ཐར་ལ་ཡི་རང་ངོ། །སྐྱོབ་པ་རྣམས་ཀྱི་བྱང་ཆུབ་དང་། །རྒྱལ་སྲས་ས་ལའང་ཡི་རང་ངོ་། །སེམས་ཅན་ཐམས་ཅད་ཕན་མཛད་པའི། །ཐུགས་བསྐྱེད་དགེ་བ་རྒྱ་མཚོ་དང་། །སེམས་ཅན་ཕན་པར་མཛད་པ་ལ། །དགའ་བས་རྗེས་སུ་ཡི་རང་ངོ་། །ཕྱོགས་རྣམས་ཀུན་གྱི་སངས་རྒྱས་ལ། །ཐལ་མོ་སྦྱར་ཏེ་གསོལ་བ་ནི། །སེམས་ཅན་སྡུག་བསྔལ་མུན་འཐོམས་ལ། །ཆོས་ཀྱི་སྒྲོན་མེ་སྦར་དུ་གསོལ། །རྒྱལ་བ་མྱ་ངན་འདའ་བཞེད་ལ། །ཐལ་མོ་སྦྱར་ཏེ་གསོལ་བ་ནི། །འགྲོ་འདི་ལྡོངས་པར་མི་འགོད་ཅིང་། །བསྐལ་བ་གྲངས་མེད་བཞུགས་པར་གསོལ། །དེ་ལྟར་འདི་དག་ཀུན་བྱས་ཏེ། །དགེ་བ་བདག་གིས་བསགས་པ་གང་། །དེས་ནི་སེམས་ཅན་ཐམས་ཅད་ཀྱི། །སྡུག་བསྔལ་ཐམས་ཅད་སེལ་བར་ ― LT34_Page_0037 ―
[མ་དཔེ་གཟིགས་ན་འདིར་གནོན།]
ཤོག །ཅེས་སམ། བསྡུ་ན་བཟབ་སྤྱོད་ལས་བྱུང་བ་ལྟ་བུ་གང་རིགས་བྱ། དངོས་གཞི་ནི། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་དུས་འདི་ནས་བཟུང་སྟེ་ཇི་སྲིད་སྙིང་པོ་བྱང་ཆུབ་ལ་མཆིས་ཀྱི་བར་དུ། ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། ལན་གསུམ། རྗེས་ནི། དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །རྒྱལ་པོ་བློན་པོ་ལས་དང་པོའི། །ལྟུང་བ་ལྔ་ལྔ་བརྒྱད་ལ་སོགས། །རྩ་བ་དང་ནི་ཡན་ལག་གི། །ཉེས་ལྟུང་རྣམས་ཀྱིས་མ་གོས་བར། །ད་ནི་བདག་གིས་ཅི་ནས་ཀྱང་། །རིགས་དང་མཐུན་པའི་ལས་བརྩམ་སྟེ། །སྐྱོན་མེད་བཙུན་པའི་རིགས་འདི་ལ། །རྟོགས་པར་མི་འགྱུར་དེ་ལྟར་བྱ། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་ ― LT34_Page_0038 ―
[མ་དཔེ་གཟིགས་ན་འདིར་གནོན།]
མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་གྱིས། ཞེས་བརྗོད། རྗེས་ནི། བྱང་ཆུབ་སེམས་ནི་རིན་པོ་ཆེ། །མ་སྐྱེས་པ་རྣམས་སྐྱེས་གྱུར་ཅིག །སྐྱེས་པ་ཉམས་པ་མེད་པ་དང་། །གོང་ནས་གོང་དུ་འཕེལ་བར་ཤོག །བྱང་ཆུབ་སེམས་དང་མི་འབྲལ་ཞིང་། །བྱང་ཆུབ་སྤྱོད་ལ་གཞོལ་བ་དང་། །སངས་རྒྱས་རྣམས་ཀྱིས་ཡོངས་བཟུང་ཞིང་། །བདུད་ཀྱི་ལས་རྣམས་སྤང་བར་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །སེམས་ཅན་ཐམས་ཅད་བདེ་དང་ལྡན་གྱུར་ཅིག །ངན་འགྲོ་ཐམས་ཅད་རྟག་ཏུ་སྟོང་པར་ཤོག །བྱང་ཆུབ་སེམས་དཔའ་གང་དག་སར་བཞུགས་པ། །དེ་དག་ཀུན་གྱི་སྨོན་ལམ་འགྲུབ་པར་ཤོག །ཅེས་སྙིང་ཐག་པ་ནས་སྨོན་ལམ་དུ་བྱའོ། །ས་བཅད་གསུམ་པ་ཁྱད་པར་གྱི་བྱ་བ་ལ་གསུམ། གཙོ་འཁོར་རེ་རེ་བཞིན་ཕྱག་མཆོད་སྨོན་ལམ་གདབ་པ། གཟུངས་སྔགས་བཟླས་པས་ཐུགས་རྒྱུད་བསྐུལ་བ། སྤྱིར་སྨོན་ལམ་དུ་བྱ་བའོ། །དང་པོ་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ལན་བདུན། འཕགས་པའི་ཚོགས་དེ་དག་ཐམས་ཅད་ལ་མཆོད་ཡོན་དང་བྱུགས་ ― LT34_Page_0039 ―
[མ་དཔེ་གཟིགས་ན་འདིར་གནོན།]
པ། མེ་ཏོག་དང་བདུག་སྤོས། མར་མེ་དང་ཞལ་ཟས། རོལ་མོ་དང་སིལ་སྙན། གདུགས་དང་བ་དན་ལ་སོགས་པ་དངོས་སུ་ཅི་འབྱོར་པ་འདི་དག་དང་ཕྱོགས་བཅུ་ན་བདག་པོས་ཡོངས་སུ་མ་བཟུང་བའི་ལྷ་དང་མིའི་རྫས་དམ་པ་བདེ་བའི་ཡོ་བྱད་ཕུན་སུམ་ཚོགས་པ་ཐམས་ཅད་དང་གཟུངས་དང་རིག་པའི་མཐུ་དང་མོས་པའི་སྟོབས་ཀྱིས་བསྐྱེད་པའི་མཆོད་པའི་སྤྲིན་བཟང་པོ་སྤྱོད་བའི་སྨོན་ལམ་ལས་བྱུང་བ་རྒྱ་མཚོ་ཐམས་ཅད་ཀྱིས་ནམ་མཁའི་ཁམས་ཀྱི་མཐའ་ཀླས་པ་ཐམས་ཅད་རྒྱས་པར་བཀང་སྟེ། འབུལ་ལོ་མཆོད་དོ། །ཆེ་གེ་ཞེས་བྱ་བ་དང་། བདག་ཅག་གིས་ཐོག་མ་མ་མཆིས་པ་ནས་འཁོར་བ་ན་འཁོར་བའི་ཚེ་རབས་ཐམས་ཅད་དུ་སྡིག་པ་མི་དགེ་བའི་ལས་མདོར་ན་མི་བགྱི་བར་རིགས་པའི་ལས་ནི་བགྱིས། བགྱི་བར་འོས་པའི་ལས་ནི་མ་བགྱིས་པ་ལ་སོགས་པ་དངོས་སྡིག་ཅི་མཆིས་པ་ཐམས་ཅད་ཡང་དག་པར་འཆགས་སོ། །དུས་གསུམ་གྱི་འཕགས་པ་དང་སྐྱེ་བོའི་དགེ་བ་མཐའ་དག་གི་བསོད་ནམས་ཐམས་ཅད་ལ་རྗེས་སུ་ཡི་རང་ངོ་། །ཕྱོགས་བཅུའི་རྒྱལ་བ་ཐམས་ཅད་ལ་ཆོས་ཀྱི་འཁོར་ལོ་བླ་ན་མེད་པ་བསྐོར་བར་བསྐུལ་ལོ། །འཇིག་རྟེན་གྱི་སྒྲོན་མེ་གང་དག་མྱ་ངན་ལས་འདའ་བའི་ཚུལ་སྟོན་པར་བཞེད་པ་དེ་དག་ཐམས་ཅད་ལ་མྱ་ངན་ལས་མི་ ― LT34_Page_0040 ―
[མ་དཔེ་གཟིགས་ན་འདིར་གནོན།]
འདའ་བར་འཇིག་རྟེན་གྱི་དོན་མཛད་ཅིང་ཡུན་རིང་དུ་བཞུགས་པར་གསོལ་བར་འཚལ་ལོ། །དེང་རྒྱལ་བ་སྲས་དང་བཅས་པའི་ཚོགས་གདན་འཛོམ་པའི་སྤྱན་སྔར་དེ་བཞིན་གཤེགས་པ་རྣམ་པར་གཟིགས་ཀྱི་མཚན་ནས་བརྗོད་ཅིང་ཚོགས་བསགས་པའི་དགེ་བ་ལ་བརྟེན་ནས། སྔོན་རྫོགས་པའི་སངས་རྒྱས་རྣམ་པར་གཟིགས་ཀྱིས་ཐུགས་ཇི་ལྟར་བསྐྱེད་པ་དང་ཐུགས་དམ་ཇི་ལྟར་བཞེས་པ་དེ་བཞིན་ཏུ་བདག་གིས་ཀྱང་རྒྱལ་བ་སྲས་དང་བཅས་པའི་སྤྱན་སྔར་བྱང་ཆུབ་མཆོག་ཏུ་སེམས་བསྐྱེད་ཅིང་བསླབ་པའི་གཞི་མཐའ་དག་ལ་རྗེས་སུ་བསླབ་པར་བགྱིའོ། །དེ་བཞིན་གཤེགས་པ་རྣམ་པར་གཟིགས་པའི་རྣམ་ཐར་བསམ་གྱིས་མི་ཁྱབ་པ་དང་གཟུངས་དང་ཏིང་ངེ་འཛིན་དང་སྨོན་ལམ་དང་ཐབས་ལ་མཁས་པའི་སྤྱོད་ཡུལ་དང་རྣམ་པར་འཕྲུལ་པ་དང་ཡེ་ཤེས་རྒྱ་མཚོ་ཚད་མེད་པ་ཐམས་ཅད་བདག་གིས་མྱུར་དུ་འགྲུབ་ནས་སེམས་ཅན་ཐམས་ཅད་ཀྱང་དེ་ལྟ་བུ་ལ་འགོད་ནུས་པར་གྱུར་ཅིག །འཕོས་མ་ཐག་ཏུ་བཅོམ་ལྡན་འདས་རྣམ་པར་གཟིགས་ཀྱི་ཞལ་མངོན་སུམ་དུ་མཐོང་སྟེ་སྒྲིབ་པ་མ་ལུས་པ་སྐད་ཅིག་ལ་བྱང་ནས་སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པ་འཇུག་ཅིང་། ཞིང་ཡོངས་སུ་སྦྱོང་བ་དང་སེམས་ཅན་རྣམས་སྨིན་པར་བྱེད་པ་དང་། དམ་པའི་ཆོས་ཡོངས་སུ་འཛིན་ ― LT34_Page_0041 ―
[མ་དཔེ་གཟིགས་ན་འདིར་གནོན།]
ཅིང་ཕྱོགས་བཅུའི་རྒྱལ་བ་རྣམས་ལ་མཉེས་པ་མཐའ་ཡས་པ་སྒྲུབ་པར་བྱེད་པར་གྱུར་ཅིག། ༈ །།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཙུག་ཏོར་ཅན་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ལན་བདུན། འཕགས་པའི་ཚོགས་དེ་དག་ཐམས་ཅད་ལ་སོགས་ནས། བཞུགས་པར་གསོལ་བ་འཚལ་ལོ། །བར་གོང་ལྟར་བརྗོད། དེང་རྒྱལ་བ་སྲས་དང་བཅས་པའི་ཚོགས་གདན་འཛོམ་པའི་སྤྱན་སྔར་དེ་བཞིན་གཤེགས་པ་གཙུག་ཏོར་ཅན་གྱི་མཚན་ནས་བརྗོད་ཅིང་ཚོགས་བསགས་པའི་དགེ་བའི་རྩ་བ་ལ་བརྟེན་ནས། སྔོན་རྫོགས་པའི་སངས་རྒྱས་གཙུག་ཏོར་ཅན་གྱིས་ཐུགས་ཇི་ལྟར་བསྐྱེད་པ་དང་ཐུགས་དམ་ཇི་ལྟར་བཞེས་པ་དེ་བཞིན་ཏུ་བདག་གིས་ཀྱང་རྒྱལ་བ་སྲས་དང་བཅས་པའི་སྤྱན་སྔར་བྱང་ཆུབ་མཆོག་ཏུ་སེམས་བསྐྱེད་ཅིང་བསླབ་པའི་གཞི་མཐའ་དག་ལ་རྗེས་སུ་བསླབ་པར་བགྱིའོ། །དེ་བཞིན་གཤེགས་པ་གཙུག་ཏོར་ཅན་གྱི་རྣམ་ཐར་བསམ་གྱིས་མི་ཁྱབ་པ་དང་གཟུངས་དང་ཏིང་ངེ་འཛིན་དང་སྨོན་ལམ་དང་ཐབས་ལ་མཁས་པའི་སྤྱོད་ཡུལ་དང་རྣམ་པར་འཕྲུལ་བ་དང་ཡེ་ཤེས་རྒྱ་མཚོ་ཚད་མེད་པ་ཐམས་ཅད་བདག་གིས་མྱུར་དུ་འགྲུབ་ནས་སེམས་ཅན་ཐམས་ཅད་ཀྱང་དེ་ལྟ་བུ་ལ་འགོད་ནུས་པར་གྱུར་ཅིག །འཕོས་མ་ཐག་ཏུ་ ― LT34_Page_0042 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་གཙུག་ཏོར་ཅན་གྱི་ཞལ་མངོན་སུམ་དུ་མཐོང་སྟེ་སྒྲིབ་པ་མ་ལུས་པ་སྐད་ཅིག་ལ་བྱང་ནས་སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པར་འཇུག་ཅིང་། ཞིང་ཡོངས་སུ་སྦྱོང་བ་དང་། སེམས་ཅན་རྣམས་སྨིན་པར་བྱེད་པ་དང་། དམ་པའི་ཆོས་ཡོངས་སུ་འཛིན་ཅིང་ཕྱོགས་བཅུའི་རྒྱལ་བ་རྣམས་ལ་མཉེས་པ་མཐའ་ཡས་པ་སྒྲུབ་པར་བྱེད་པར་གྱུར་ཅིག། ༈ །།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་སྐྱོབས་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ལན་བདུན། འཕགས་པའི་ཚོགས་སོགས་འགྲེ། དེང་རྒྱལ་བ་སྲས་དང་བཅས་པའི་ཚོགས་གདན་འཛོམ་པའི་སྤྱན་སྔར་དེ་བཞིན་གཤེགས་པ་ཐམས་ཅད་སྐྱོབས་པའི་མཚན་ནས་བརྗོད་ཅིང་ཚོགས་བསགས་པའི་དགེ་བའི་རྩ་བ་ལ་བརྟེན་ནས། སྔོན་རྫོགས་པའི་སངས་རྒྱས་ཐམས་ཅད་སྐྱོབས་པས་ཐུགས་ཇི་ལྟར་བསྐྱེད་པ་དང་ཐུགས་དམ་ཇི་ལྟར་བཞེས་པ་དེ་བཞིན་ཏུ་བདག་གིས་ཀྱང་རྒྱལ་བ་སྲས་དང་བཅས་པའི་སྤྱན་སྔར་བྱང་ཆུབ་མཆོག་ཏུ་སེམས་བསྐྱེད་ཅིང་བསླབ་པའི་གཞི་མཐའ་དག་ལ་རྗེས་སུ་བསླབ་པར་བགྱིའོ། །དེ་བཞིན་གཤེགས་པ་ཐམས་ཅད་སྐྱོབས་ཀྱི་རྣམ་ཐར་བསམ་གྱིས་མི་ཁྱབ་པ་དང་གཟུངས་དང་ཏིང་ངེ་འཛིན་དང་སྨོན་ལམ་དང་ཐབས་ལ་ ― LT34_Page_0043 ―
[མ་དཔེ་གཟིགས་ན་འདིར་གནོན།]
མཁས་པའི་སྤྱོད་ཡུལ་དང་རྣམ་པར་འཕྲུལ་པ་དང་ཡེ་ཤེས་རྒྱ་མཚོ་ཚད་མེད་པ་ཐམས་ཅད་བདག་གིས་མྱུར་དུ་འགྲུབ་ནས་སེམས་ཅན་ཐམས་ཅད་ཀྱང་དེ་ལྟ་བུ་ལ་འགོད་ནུས་པར་གྱུར་ཅིག །འཕོས་མ་ཐག་ཏུ་བཅོམ་ལྡན་འདས་ཐམས་ཅད་སྐྱོབས་པའི་ཞལ་མངོན་སུམ་དུ་མཐོང་སྟེ་སྒྲིབ་པ་མ་ལུས་པ་སྐད་ཅིག་ལ་བྱང་ནས་སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པར་འཇུག་ཅིང་། ཞིང་ཡོངས་སུ་སྦྱོང་བ་དང་། སེམས་ཅན་རྣམས་སྨིན་པར་བྱེད་པ་དང་། དམ་པའི་ཆོས་ཡོངས་སུ་འཛིན་ཅིང་ཕྱོགས་བཅུའི་རྒྱལ་བ་རྣམས་ལ་མཉེས་པ་མཐའ་ཡས་པ་སྒྲུབ་པར་བྱེད་པར་གྱུར་ཅིག། ༈ །།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཁོར་བ་འཇིག་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ལན་བདུན། འཕགས་པའི་ཚོགས་སོགས་འགྲེ། དེང་རྒྱལ་བ་སྲས་དང་བཅས་པའི་ཚོགས་གདན་འཛོམ་པའི་སྤྱན་སྔར་དེ་བཞིན་གཤེགས་པ་འཁོར་བ་འཇིག་གི་མཚན་ནས་བརྗོད་ཅིང་ཚོགས་བསགས་པའི་དགེ་བའི་རྩ་བ་ལ་བརྟེན་ནས། སྔོན་རྫོགས་པའི་སངས་རྒྱས་འཁོར་བ་འཇིག་གིས་ཐུགས་ཇི་ལྟར་བསྐྱེད་པ་དང་ཐུགས་དམ་ཇི་ལྟར་བཞེས་པ་དེ་བཞིན་ཏུ་བདག་གིས་ཀྱང་རྒྱལ་བ་ ― LT34_Page_0044 ―
[མ་དཔེ་གཟིགས་ན་འདིར་གནོན།]
སྲས་དང་བཅས་པའི་སྤྱན་སྔར་བྱང་ཆུབ་མཆོག་ཏུ་སེམས་བསྐྱེད་ཅིང་བསླབ་པའི་གཞི་མཐའ་དག་ལ་རྗེས་སུ་བསླབ་པར་བགྱིའོ། །དེ་བཞིན་གཤེགས་པ་འཁོར་བ་འཇིག་གི་རྣམ་ཐར་བསམ་གྱིས་མི་ཁྱབ་པ་དང་གཟུངས་དང་ཏིང་ངེ་འཛིན་དང་སྨོན་ལམ་དང་ཐབས་ལ་མཁས་པའི་སྤྱོད་ཡུལ་དང་རྣམ་པར་འཕྲུལ་པ་དང་ཡེ་ཤེས་རྒྱ་མཚོ་ཚད་མེད་པ་ཐམས་ཅད་བདག་གིས་མྱུར་དུ་འགྲུབ་ནས་སེམས་ཅན་ཐམས་ཅད་ཀྱང་དེ་ལྟ་བུ་ལ་འགོད་ནུས་པར་གྱུར་ཅིག །འཕོས་མ་ཐག་ཏུ་བཅོམ་ལྡན་འདས་འཁོར་བ་འཇིག་གི་ཞལ་མངོན་སུམ་དུ་མཐོང་སྟེ་སྒྲིབ་པ་མ་ལུས་པ་སྐད་ཅིག་ལ་བྱང་ནས་སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པར་འཇུག་ཅིང་། ཞིང་ཡོངས་སུ་སྦྱོང་བ་དང་། སེམས་ཅན་རྣམས་སྨིན་པར་བྱེད་པ་དང་། དམ་པའི་ཆོས་ཡོངས་སུ་འཛིན་ཅིང་ཕྱོགས་བཅུའི་རྒྱལ་བ་རྣམས་ལ་མཉེས་པ་མཐའ་ཡས་པ་སྒྲུབ་པར་བྱེད་པར་གྱུར་ཅིག། ༈ །།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་ཐུབ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ལན་བདུན། འཕགས་པའི་ཚོགས་སོགས་འགྲེ། དེང་རྒྱལ་བ་སྲས་དང་བཅས་པའི་ཚོགས་གདན་འཛོམ་པའི་སྤྱན་སྔར་དེ་བཞིན་གཤེགས་པ་གསེར་ཐུབ་ཀྱི་མཚན་ནས་བརྗོད་ ― LT34_Page_0045 ―
[མ་དཔེ་གཟིགས་ན་འདིར་གནོན།]
ཅིང་ཚོགས་བསགས་པའི་དགེ་བའི་རྩ་བ་ལ་བརྟེན་ནས། སྔོན་རྫོགས་པའི་སངས་རྒྱས་གསེར་ཐུབ་ཀྱིས་ཐུགས་ཇི་ལྟར་བསྐྱེད་པ་དང་ཐུགས་དམ་ཇི་ལྟར་བཞེས་པ་དེ་བཞིན་ཏུ་བདག་གིས་ཀྱང་རྒྱལ་བ་སྲས་དང་བཅས་པའི་སྤྱན་སྔར་བྱང་ཆུབ་མཆོག་ཏུ་སེམས་བསྐྱེད་ཅིང་བསླབ་པའི་གཞི་མཐའ་དག་ལ་རྗེས་སུ་བསླབ་པར་བགྱིའོ། །དེ་བཞིན་གཤེགས་པ་གསེར་ཐུབ་ཀྱི་རྣམ་ཐར་བསམ་གྱིས་མི་ཁྱབ་པ་དང་གཟུངས་དང་ཏིང་ངེ་འཛིན་དང་སྨོན་ལམ་དང་ཐབས་ལ་མཁས་པའི་སྤྱོད་ཡུལ་དང་རྣམ་པར་འཕྲུལ་པ་དང་ཡེ་ཤེས་རྒྱ་མཚོ་ཚད་མེད་པ་ཐམས་ཅད་བདག་གིས་མྱུར་དུ་འགྲུབ་ནས་སེམས་ཅན་ཐམས་ཅད་ཀྱང་དེ་ལྟ་བུ་ལ་འགོད་ནུས་པར་གྱུར་ཅིག །འཕོས་མ་ཐག་ཏུ་བཅོམ་ལྡན་འདས་གསེར་ཐུབ་ཀྱི་ཞལ་མངོན་སུམ་དུ་མཐོང་སྟེ་སྒྲིབ་ཕ་མ་ལུས་པ་སྐད་ཅིག་ལ་བྱང་ནས་སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པར་འཇུག་ཅིང་། ཞིང་ཡོངས་སུ་སྦྱོང་བ་དང་། སེམས་ཅན་རྣམས་སྨིན་པར་བྱེད་པ་དང་། དམ་པའི་ཆོས་ཡོངས་སུ་འཛིན་ཅིང་ཕྱོགས་བཅུའི་རྒྱལ་བ་རྣམས་ལ་མཉེས་པ་མཐའ་ཡས་པ་སྒྲུབ་པར་བྱེད་པར་གྱུར་ཅིག། ༈ །།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་ལ་ ― LT34_Page_0046 ―
[མ་དཔེ་གཟིགས་ན་འདིར་གནོན།]
ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ལན་བདུན། འཕགས་པའི་ཚོགས་ སོགས་འགྲེ། དེང་རྒྱལ་བ་སྲས་དང་བཅས་པའི་ཚོགས་གདན་འཛོམ་པའི་སྤྱན་སྔར་དེ་བཞིན་གཤེགས་པ་འོད་སྲུངས་ཀྱི་མཚན་ནས་བརྗོད་ཅིང་ཚོགས་བསགས་པའི་དགེ་བའི་རྩ་བ་ལ་བརྟེན་ནས། སྔོན་རྫོགས་པའི་སངས་རྒྱས་འོད་སྲུངས་ཆེན་པོས་ཐུགས་ཇི་ལྟར་བསྐྱེད་པ་དང་ཐུགས་དམ་ཇི་ལྟར་བཞེས་པ་དེ་བཞིན་ཏུ་བདག་གིས་ཀྱང་རྒྱལ་བ་སྲས་དང་བཅས་པའི་སྤྱན་སྔར་བྱང་ཆུབ་ཏུ་སེམས་བསྐྱེད་ཅིང་བསླབ་པའི་གཞི་མཐའ་དག་ལ་རྗེས་སུ་བསླབ་པར་བགྱིའོ། །དེ་བཞིན་གཤེགས་པ་འོད་སྲུངས་ཆེན་པོའི་རྣམ་ཐར་བསམ་གྱིས་མི་ཁྱབ་པ་དང་གཟུངས་དང་ཏིང་ངེ་འཛིན་དང་སྨོན་ལམ་དང་ཐབས་ལ་མཁས་པའི་སྤྱོད་ཡུལ་དང་རྣམ་པར་འཕྲུལ་པ་དང་ཡེ་ཤེས་རྒྱ་མཚོ་ཚད་མེད་པ་ཐམས་ཅད་བདག་གིས་མྱུར་དུ་འགྲུབ་ནས་སེམས་ཅན་ཐམས་ཅད་ཀྱང་དེ་ལྟ་བུ་ལ་འགོད་ནུས་པར་གྱུར་ཅིག །འཕོས་མ་ཐག་ཏུ་བཅོམ་ལྡན་འདས་འོད་སྲུངས་ཆེན་པོའི་ཞལ་མངོན་སུམ་དུ་མཐོང་སྟེ་སྒྲིབ་པ་མ་ལུས་པ་སྐད་ཅིག་ལ་བྱང་ནས་སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པར་འཇུག་ཅིང་། ཞིང་ཡོངས་སུ་སྦྱོང་བ་དང་། སེམས་ཅན་རྣམས་སྨིན་པར་བྱེད་པ་དང་། དམ་པའི་ཆོས་ཡོངས་ ― LT34_Page_0047 ―
[མ་དཔེ་གཟིགས་ན་འདིར་གནོན།]
སུ་འཛིན་ཅིང་ཕྱོགས་བཅུའི་རྒྱལ་བ་རྣམས་ལ་མཉེས་པ་མཐའ་ཡས་པ་སྒྲུབ་པར་བྱེད་པར་གྱུར་ཅིག། ༈ །།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་རྒྱལ་བ་ཤཱཀྱ་ཐུབ་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ལན་བདུན། འཕགས་པའི་ཚོགས་སོགས་འགྲེ། དེང་རྒྱལ་བ་སྲས་དང་བཅས་པའི་ཚོགས་གདན་འཛོམ་པའི་སྤྱན་སྔར་སྟོན་པ་བཅོམ་ལྡན་འདས་ཤཱཀྱ་ཐུབ་པའི་མཚན་ནས་བརྗོད་ཅིང་ཚོགས་བསགས་པའི་དགེ་བའི་རྩ་བ་ལ་བརྟེན་ནས། སྔོན་བདག་ཅག་གི་སྟོན་པ་ཐུགས་རྗེ་ཆེན་པོ་དང་ལྡན་པ་གང་གིས་ཐུགས་ཇི་ལྟར་བསྐྱེད་པ་དང་ཐུགས་དམ་ཇི་ལྟར་བཞེས་པ་དེ་བཞིན་ཏུ་བདག་གིས་ཀྱང་རྒྱལ་བ་སྲས་དང་བཅས་པའི་སྤྱན་སྔར་བྱང་ཆུབ་མཆོག་ཏུ་སེམས་བསྐྱེད་ཅིང་བསླབ་པའི་གཞི་མཐའ་དག་ལ་རྗེས་སུ་བསླབ་པར་བགྱིའོ། །དེ་བཞིན་གཤེགས་པ་ཤཱཀྱའི་དབང་པོའི་རྣམ་ཐར་བསམ་གྱིས་མི་ཁྱབ་པ་དང་གཟུངས་དང་ཏིང་ངེ་འཛིན་དང་སྨོན་ལམ་དང་ཐབས་ལ་མཁས་པའི་སྤྱོད་ཡུལ་དང་རྣམ་པར་འཕྲུལ་བ་དང་ཡེ་ཤེས་རྒྱ་མཚོ་ཚད་མེད་པ་ཐམས་ཅད་བདག་གིས་མྱུར་དུ་འགྲུབ་ནས་སེམས་ཅན་ཐམས་ཅད་ཀྱང་དེ་ལྟ་བུ་ལ་འགོད་ནུས་པར་གྱུར་ཅིག །འཕོས་མ་ཐག་ཏུ་བཅོམ་ལྡན་འདས་ ― LT34_Page_0048 ―
[མ་དཔེ་གཟིགས་ན་འདིར་གནོན།]
ཤཱཀྱ་ཐུབ་པའི་ཞལ་མངོན་སུམ་དུ་མཐོང་སྟེ་སྒྲིབ་པ་མ་ལུས་པ་སྐད་ཅིག་ལ་བྱང་ནས་སངས་རྒྱས་ཀྱི་ཞིང་ཐམས་ཅད་དུ་ཐོགས་པ་མེད་པར་འཇུག་ཅིང་། ཞིང་ཡོངས་སུ་སྦྱོང་བ་དང་། སེམས་ཅན་རྣམས་སྨིན་པར་བྱེད་པ་དང་། དམ་པའི་ཆོས་ཡོངས་སུ་འཛིན་ཅིང་ཕྱོགས་བཅུའི་རྒྱལ་བ་རྣམས་ལ་མཉེས་པ་མཐའ་ཡས་པ་སྒྲུབ་བར་བྱེད་པར་གྱུར་ཅིག །གཉིས་པ་གཟུངས་བཟླ་བ་ལ། ཐོག་མར་ཕྱག་འཚལ་ཞིང་བདེན་ཚིག་བསྐུལ་བ་ནི། འཇིག་རྟེན་མཁས་པ་རྫོགས་སངས་རྒྱས། །གང་གིས་ཐོག་མར་རིག་སྔགས་རྣམས། །འཛམ་བུའི་གླིང་དུ་གསུངས་པ་ཡི། །སངས་རྒྱས་དཔལ་ལ་ཕྱག་འཚལ་ལོ། །རྫོགས་པའི་སངས་རྒྱས་དཔལ་ལྡན་པ། །རྣམ་པར་གཟིགས་ལ་ཕྱག་འཚལ་ལོ། །འོད་ཅན་གཟི་བརྗིད་ལྡན་པ་པོ། །གཙུག་ཏོར་ཅན་ལ༴ །ལེགས་པར་མཆོད་པ་གྲགས་ལྡན་པ། །ཐམས་ཅད་སྐྱོབ་ལ། བདུད་དཔུང་རབ་ཏུ་འཇོམས་པ་པོ། །ལོག་དང་སེལ་ལ༴ །བྲམ་ཟེ་དཔལ་དང་ལྡན་པ་པོ། །གསེར་ཐུབ་དེ་ལ༴ །སེམས་ཅན་ཀུན་ལ་ཐུགས་བརྩེ་བ། །འོད་སྲུང་དེ་ལ༴ །ཤཱཀྱ་སེང་གེ་འོད་མཛད་པ། གསེར་མདོག་ཅན་ལ༴ །ད་ལྟར་བྱུང་དང་འདས་པ་དང་། །མ་བྱོན་སངས་རྒྱས་གང་ལགས་པ། །ཐམས་ཅད་ལ་ཡང་ཕྱག་འཚལ་ལོ། །དེ་དག་ལ་ནི་ཕྱག་འཚལ་བས། །རིགས་སྔགས་འདི་ནི་འགྲུབ་ ― LT34_Page_0049 ―
[མ་དཔེ་གཟིགས་ན་འདིར་གནོན།]
གྱུར་ཅིག །གང་གི་དོན་ཏུ་བྱ་བ་ཡི། །དོན་དེ་བདག་ལ་འགྲུབ་གྱུར་ཅིག །དཀོན་མཆོག་གསུམ་གྱི་བདེན་པ་དང་། དེ་བཞིན་གཤེགས་པ་སྲས་དང་བཅས་པ་ཐམས་ཅད་ཀྱི་མཐུ་དང་བྱིན་གྱིས་རླབས་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་དང་། །འཕགས་པ་སྐུ་གསུང་ཐུགས་ཀྱི་སྤྱོད་པ་མ་དག་པ་མི་མངའ་བ་རྣམས་ཀྱི་ཐུགས་ངེས་པའི་བདེན་པས་གཟུངས་སྔགས་བཟླས་པ་ཚུལ་བཞིན་ཏུ་འགྲུབ་པར་བྱིན་གྱིས་རློབ་པར་མཛད་དེ། བདག་སོགས་འགྲོ་བ་མང་པོའི་དོན་དཔག་ཏུ་མེད་པ་མཛད་པར་གྱུར་ཅིག །སྐུ་ལས་འོད་ཟེར་འཕྲོས་པས་འཇིག་རྟེན་གྱི་ཁམས་ཐམས་ཅད་ཁྱབ། དེས་འཕགས་པ་ཐམས་ཅད་སེམས་ཅན་གྱི་དོན་ལ་བསྐུལ་ཞིང་ངན་སོང་གི་གནས་ཐམས་ཅད་སྦྱངས་ཏེ་སེམས་ཅན་ཐམས་ཅད་མཐོ་རིས་དང་ཐར་པའི་གོ་འཕང་ལ་འཇུག་པར་གྱུར་ཅིག །འོད་ཟེར་དེས་བདག་ཅག་རྣམས་ལ་ཁྱབ་པས་འགྲོ་དོན་དཔག་མེད་སྒྲུབ་ནུས་པའི་མཐུ་ཐོབ་སྟེ། དེ་བཞིན་གཤེགས་པ་རྣམས་དང་སྐུ་གསུང་ཐུགས་མཚུངས་པར་གྱུར་ཅིག །བདག་ཅག་ལ་སོགས་པ་བསྒྲུབ་བྱའི་ལུས་དང་འཁོར་དང་ཡོ་བྱད་ཐམས་ཅད་ལ་ཁྱབ་སྟེ། ནད་དང་གནོད་པ་ཐམས་ཅད་ནི་བསལ། ལུས་སེམས་ཀྱི་སྐྱོན་ཐམས་ཅད་དང་ནི་བྲལ་ཏེ། ཆོས་ཀྱི་སྣོད་རུང་དུ་གྱུར་ ― LT34_Page_0050 ―
[མ་དཔེ་གཟིགས་ན་འདིར་གནོན།]
ཅིག །བདག་ཅག་རྣམས་ཀྱིས་འཕགས་པ་རྣམས་མངོན་སུམ་ལྟ་བུར་དམིགས་ནས་གཟུངས་བཟླས་པས། དེ་བཞིན་གཤེགས་པ་སྲས་དང་བཅས་པ་རྣམས་ཀྱི་ཏིང་ངེ་འཛིན་གྱི་སྒོ་སྣ་ཚོགས་དང་ཚིག་འབྲུ་མཐའ་ཡས་པ་རྟོགས་ཤིང་རྣམ་པར་དག་པར་བྱིན་གྱིས་རློབ་པར་གྱུར་ཅིག །ཅེས་བདེན་ཚིག་གིས་བསྔོས་པས། འཕགས་པ་རྣམས་ཀྱིས་གནང་ཞིང་ཕྲིན་ལས་མཛད་པར་དེས་ཤེས་བསྐྱེད་དེ་ཇི་ལྟར་བསྔོས་པ་བཞིན་མངོན་ཏུ་གྱུར་པར་དམིགས་ནས། སངས་རྒྱས་རྣམ་གཟིགས་ཀྱི་གཟུངས་ནི། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ཏདྱ་ཐཱ། ཨོཾ་ཧུ་ལུ་ཧུ་ལུ། ཧི་ལི་ཧི་ལི་ཡ། ན་མོ་ཛ་ག །ན་མ་ཤྩ་ནཱ་ཡ། ན་མོ་ན་མཿསྭཱ་ཧཱ། མཚན་སྔགས་ནི། ཨོཾ་ན་མོ་བི་པ་ཤྱེ་ཏ་ཐཱ་ག་ཏཱ་ཡ་སྭཱ་ཧཱ། སངས་རྒྱས་གཙུག་ཏོར་ཅན་གྱི་གཟུངས་སྔགས་ནི། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷ་ཡ། ཨོཾ་པ་ཙ་པ་ཙ། པ་ཙ་པ་ཙ་ཡ་སརྦ་བྷཱུ་ཏ་ནི། ཚིནྡྷཱ་ཡཀྵི་ལ་པ་རི་བིདྱ་ནཱཾ་སྭཱ་ཧཱ། མཚན་སྔགས་ནི། ཨོཾ་ན་མཿཤི་ཁེ་ནི་ཏ་ཐཱ་ག་ཏཱ་ཡ་སྭཱ་ཧཱ། སངས་རྒྱས་ཐམས་ཅད་སྐྱོབ་ཀྱི་གཟུངས་སྔགས་ནི། ན་མོ་བུདྡྷཱ་ཡ། ན་མོ་དྷཱརྨཱ་ཡ། ན་མཿསཾ་གྷཱ་ཡ། ཨོཾ་ཀ་ལ་ཀ་ལ། ཀི་ལི་ཀི་ལི། ཀུ་ལུ་ཀུ་ལུ། ཀུ་ལ་ཨུཏྶཱ་དྷཱ་ནཾ་ཀུ་རུ་སརྦ་གྲ་ཧཱ་ནཾ་སྭཱ་ཧཱ། མཚན་སྔགས་ནི། ཨོཾ་ན་མོ་བི་ཤྭ་བྷུ་ཛེ་ཏ་ཐཱ་ག་ཏཱ་ཡ་སྭཱ་ཧཱ། ལོག་པར་དད་སེལ་གྱི་གཟུངས་སྔགས་ནི། ― LT34_Page_0051 ―
[མ་དཔེ་གཟིགས་ན་འདིར་གནོན།]
ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ན་མཿཀྲ་ཀུཙཱ་ན་ཡ། ཏ་ཐཱ་ག་ཏཱ་ཡ་ཨརྷ་ཏེ་སམྱཀྶཾ་བུདྡྷ་ཡ། ཨོཾ་ཀ་ཊ་ཀ་ཊ། ཀ་ཋ་ཀ་ཋ། ཀི་ཊི་ཀི་ཊི། ཀི་ཋི་ཀི་ཋི། ཀི་ཏཱ་བ་ཡ་ན་མཿསྭཱ་ཧཱ། མཚན་སྔགས་ནི། ཨོཾ་ན་མཿཀྲ་ཀུ་ཏ་ཙྪནྡེ་ཏ་ཐཱ་ག་ཏཱ་ཡ་སྭཱ་ཧཱ། སངས་རྒྱས་གསེར་ཐུབ་གཟུངས་སྔགས་ནི། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ན་མཿཀ་ན་ཀ་མུ་ན་ཡེ། ཏ་ཐཱ་ག་ཏཱ་ཡ། ཨརྷ་ཏེ་ས་མྱཀྶཾ་བུདྡྷཱ་ཡ། ཏདྱ་ཐཱ། ཨོཾ་ས་ར་ས་ར། ས་ར་ས་ར། སི་རི་གི་རི། སི་རི་སི་རི། སཱི་རཱ་ཡ། དྷ་མ་དྷ་མ། དྷ་མ་དྷ་མ། དྷུ་མ་།དྷུ་མ། དྷུ་མ་དྷུ་མ། དྷུ་མཱ་ཡ། ན་མོ་ན་མཿཀ་ན་ཀ་མུ་ན་ཡེ། ཏ་ཐཱ་ག་ཏཱ་ཡ། ཨརྷ་ཏེ་སཾམྱཀྶཾ་བུདྡྷཱ་ཡ་སྭཱ་ཧཱ། མཚན་སྔགས་ནི། ཨོཾ་ན་མཿཀ་ན་ཀ་མུ་ན་ཡེ་ཏ་ཐཱ་ག་ཏཱ་ཡ་སྭཱ་ཧཱ། སངས་རྒྱས་འོད་སྲུང་གི་གཟུངས་སྔགས་ནི། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ཨོཾ་ཧ་ར་ཧ་ར། ཧ་ར་ཧ་ར། ཧ་ཧ་ཧ། ན་མཿཀ་ཤྱ་པཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། སིདྡྷ།།།ནྟུ་མནྟྲ་པ་དཻཿསྭཱ་ཧཱ། མཚན་སྔགས་ནི། ཨོཾ་ན་མཿཀཤྱ་པ་ཏ་ཐཱ་ག་ཏཱ་ཡ་སྭཱ་ཧཱ། སྟོན་པ་ཐུབ་པའི་དབང་པོའི་གཟུངས་ནི། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ཏདྱ་ཐཱ། གྷུ་མེ་གྷུ་མེ་མ་ཧཱ་གྷུ་མེ། ― LT34_Page_0052 ―
[མ་དཔེ་གཟིགས་ན་འདིར་གནོན།]
ཏ་ལེ་ཏ་ལེ་མ་ཧཱ་ཏ་ལེ། ཙ་ལེ་ཙ་ལེ་མ་ཧཱ་ཙ་ལེ། དྷུ་རེ་དྷུ་རེ་མ་ཧཱ་དྷུ་རེ། ཏི་རི་ཏི་རི་མ་ཧཱ་ཏི་རི། ཀི་ལི་ཀི་ལི་མ་ཧཱ་ཀི་ལི། ཙུ་རུ་ཙུ་རུ་མ་ཧཱ་ཙུ་རུ། མི་ལི་མི་ལི་མ་ཧཱ་མི་ལི། ཏི་ལི་ཏི་ལི་མ་ཧཱ་ཏི་ལི། དྷུ་མེ་དྷུ་མེ་མ་ཧཱ་དྷུ་མེ། ཙ་ལེ་ཙ་ལེ་མ་ཧཱ་ཙ་ལེ། ཁི་རི་ཁི་རི་མ་ཧཱ་ཁི་རི། ཙི་ལི་ཙི་ལི་མ་ཧཱ་ཙི་ལི་སྭཱ་ཧཱ། མཚན་སྔགས་ནི། ཨོཾ་ན་མཿཤཱཀྱ་མུ་ན་ཡེ་ཏ་ཐཱ་ག་ཏཱ་ཡ་སྭཱ་ཧཱ། སྙིང་པོ་ནི། ཏདྱ་ཐཱ། ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ། དེ་བཞིན་གཤེགས་པ་སྤྱིའི་སྙིང་པོ་ནི། ན་མཿསརྦ་ཏ་ཐཱ་ག་ཏཱ་ཧྲྀ་ད་ཡ་ཨ་ནུ་ག་ཏེ། ཨོཾ་ཀུ་རུཾ་གི་ནི་སྭཱ་ཧཱ། ཞེས་པའི་གསུངས་རྣམས་ཉེར་གཅིག་གམ་བདུན་རེ་སོགས་གང་འགྲུབ། མཚན་སྔགས་རྣམས་ཅུང་མང་བ་དང་། སྙིང་པོ་ཚན་གཉིས་སྟོང་ཕྲག་གམ་བརྒྱ་ལས་མི་ཉུང་བ་བཟླ། སྙིང་པོ་བཟླས་པའི་ཚེ་སངས་རྒྱས་རྣམས་ཀྱི་ཐུགས་ཀར་ཟླ་བའི་དཀྱིལ་འཁོར་ལ་སྔགས་ཀྱི་ཕྲེང་བ་བཀོད་པ་ལས་འོད་ཟེར་འཕྲོས། བདག་དང་སེམས་ཅན་ལ་ཕོག་པས་སྡིག་སྒྲིབ་ཉེས་ལྟུང་ནད་གདོན་ཐམས་ཅད་སྦྱོང་བར་དམིགས་ཀྱང་ཆོག་གོ། །གསུམ་པ་སྤྱིར་སྨོན་ལམ་དུ་བྱ་བ་ནི། འདས་པའི་སངས་རྒྱས་རྣམས་དང་ཕྱོགས་བཅུ་ཡི། སོགས་བཟང་པོ་སྤྱོད་པ་ཚང་བར་བརྗོད། ལྕོགས་ན་བྱམས་སྨོན་སོགས་སྨོན་ལམ་གཞན་ཡང་ཅི་ནུས་གདབ། སྤྱོད་འཇུག་ལས་འབྱུང་བ་འདིའང་བྱ་སྟེ། དེ་ལྟར་འདི་དག་ཀུན་བྱས་ཏེ། །དགེ་བ་བདག་གིས་གང་བསགས་པ། །དེས་ནི་སེམས་ ― LT34_Page_0053 ―
[མ་དཔེ་གཟིགས་ན་འདིར་གནོན།]
ཅན་ཐམས་ཅད་ཀྱི། །སྡུག་བསྔལ་ཐམས་ཅད་སེལ་བར་ཤོག །འགྲོ་བ་ནད་པ་ཇི་སྲིད་དུ། །ནད་སོས་གྱུར་གྱི་བར་དུ་ནི། །སྨན་དང་སྨན་པ་ཉིད་དག་དང་། །དེ་ཡི་ནད་གཡོག་བྱེད་པར་ཤོག །ཟས་དང་སྐོམ་གྱི་ཆར་བབ་སྟེ། །བཀྲེས་དང་སྐོམ་པའི་གནོད་པ་བསལ། །མུ་གེའི་བསྐལ་པ་བར་མའི་ཚེ། །བདག་ནི་ཟས་དང་སྐོམ་དུ་གྱུར། །སེམས་ཅན་ཕོངས་ཤིང་དབུལ་བ་ལ། །བདག་ནི་མི་ཟད་གཏེར་གྱུར་ཏེ། །ཡོ་བྱད་མཁོ་དགུ་སྣ་ཚོགས་སུ། །མདུན་ན་ཉེ་བར་གནས་གྱུར་ཅིག །ལུས་དང་དེ་བཞིན་ལོངས་སྤྱོད་དང་། །དུས་གསུམ་དགེ་བ་ཐམས་ཅད་ཀྱང་། །སེམས་ཅན་ཀུན་གྱི་དོན་གྱི་ཕྱིར། །ཕོངས་པ་མེད་པར་གཏང་བར་བྱ། །ཐམས་ཅད་བཏང་བས་མྱ་ངན་འདའ། །བདག་བློ་མྱ་ངན་འདས་པ་སྒྲུབ། །ཐམས་ཅད་གཏང་བར་ཆབ་ཅིག་ལ། །སེམས་ཅན་རྣམས་ལ་བཏང་བ་མཆོག །བདག་གིས་ལུས་ཅན་ཐམས་ཅད་ལ། །ལུས་འདི་ཅི་བདེར་བྱིན་ཟིན་གྱིས། །རྟག་ཏུ་གསོད་དང་སྨོད་པའམ། །བརྡེག་སོགས་ཅི་དགར་བྱེད་ལ་རག །བདག་གི་ལུས་ལ་རྩེ་བྱེད་དམ། །ཅོ་འདྲི་ག་ཞའི་རྒྱུ་བྱེད་ཀྱང་། །བདག་གིས་ལུས་འདི་བྱིན་ཟིན་གྱིས། །འདི་ཡི་ཁ་ངས་ཅི་ཞིག་བྱ། །དེ་ལ་གནོད་པ་མི་འགྱུར་བའི། །ལས་གང་ཡིན་པའང་བྱེད་དུ་ཆུག །བདག་ལ་དམིགས་ནས་ནམ་དུ་ཡང་། ། ― LT34_Page_0054 ―
[མ་དཔེ་གཟིགས་ན་འདིར་གནོན།]
འགའ་ཡང་དོན་མེད་མ་གྱུར་ཅིག །བདག་ལ་དམིགས་ནས་གང་དག་གིས། །ཁྲོའམ་དད་པའི་སེམས་བྱུང་ན། །དེ་ཉིད་རྟག་ཏུ་དེ་དག་གི། །དོན་ཆེན་འགྲུབ་པའི་རྒྱུར་གྱུར་ཅིག །གང་དག་བདག་ལ་ཁ་ཟེར་རམ། །གཞན་དག་གནོད་པ་བྱེད་པའམ། །དེ་བཞིན་ཕྱར་ཀ་གཏོང་ཡང་རུང་། །ཐམས་ཅད་བྱང་ཆུབ་སྐལ་ལྡན་གྱུར། །བདག་ནི་མགོན་མེད་རྣམས་ཀྱི་མགོན། །ལམ་ཞུགས་རྣམས་ཀྱི་དེད་དཔོན་དང་། །རྒལ་འདོད་རྣམས་ཀྱི་གྲུ་དང་ནི། །གཟིངས་དང་ཟམ་པ་ཉིད་དུ་གྱུར། །གླིང་དོན་གཉེར་ལ་གླིང་དང་ནི། །གནས་མལ་འདོད་ལ་གནས་མལ་དང་། །བདག་ནི་ལུས་ཅན་བྲན་འདོད་པ། །ཀུན་གྱི་བྲན་དུ་འགྱུར་བར་ཤོག །ཡིད་བཞིན་ནོར་དང་བུམ་པ་བཟང་། །རིག་སྔགས་གྲུབ་དང་སྨན་ཆེན་དང་། །དཔག་བསམ་གྱི་ནི་ཤིང་དག་དང་། །ལུས་ཅན་རྣམས་ཀྱི་འདོད་འཇོར་གྱུར། །ས་སོགས་འབྱུང་བ་ཆེན་པོ་དང་། །ནམ་མཁའ་བཞིན་དུ་རྟག་པར་ཡང་། །སེམས་ཅན་དཔག་ཏུ་མེད་པ་ཡི། །རྣམ་མང་ཉེར་འཚོའི་གཞིར་ཡང་ཤོག །དེ་བཞིན་ནམ་མཁའི་མཐས་གཏུགས་པའི། །སེམས་ཅན་ཀུན་ལ་རྣམ་ཀུན་ཏུ། །ཐམས་ཅད་མྱ་ངན་འདའ་བར་རུ། །བདག་ནི་ཉེར་འཚོའི་གཞིར་ཡང་ཤོག །ཅེས་སོགས་རྒྱས་པར་བརྗོད་དོ། །གསུམ་པ་ཆོ་གའི་ ― LT34_Page_0055 ―
[མ་དཔེ་གཟིགས་ན་འདིར་གནོན།]
རྗེས་ལྟར་བྱ་བ་ལ་ལྔ། གཏོར་མཆོད་འབུལ་ཞིང་འདོད་དོན་གསོལ་བ། བཟོད་གསོལ། གཤེགས་སྟིམ། བསྔོ་བ། ཤིས་བརྗོད་དོ། །དང་པོ་ནི། གཏོར་མར་ཆབ་བྲན། མཆོད་པ་ཁ་གསོས་ལ། ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་ཨོཾ་ལས་བྱུང་བའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ། བྷྲཱུྃ་ལས་བྱུང་བའི་གཏོར་མ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་དང་། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱ་སརྦ་ཐཱ་ཁཾ་ཨུཏྒ་ཏེ་སྤ་ར་་ཨི་མཾ་ག་ག་ན་ཁཾ་སྭཱ་ཧཱ། ཞེས་ལན་གསུམ་གྱི་བྱིན་གྱིས་བརླབས་ལ། ན་མཿསརྦ་བུདྡྷ་བོ་དྷི་སཏྭ་ས་པ་རི་བཱ་རེ་བྷྱཿཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཱཾ་ཨཱ་དྱ་ནུཏྤནྣ་ཏཱྭཏ་ཨོཾ་ཨཱཿཧཱུྃ་ཕཊ་སྭཱ་ཧཱ། བཏགས་པ་ལན་གསུམ་གྱིས་འབུལ། ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ། །ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་པས་འགྲོ་བ་འདི་དག་ཀུན། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཅེས་པས་སངས་རྒྱས་འཁོར་བཅས་ལ་འབུལ། གཏོར་མ་གཉིས་པ་གོང་ལྟར་བྱིན་བརླབས། རྒྱལ་ཆེན་བཞི་དང་། དཀར་ཕྱོགས་ལྷ་རྣམས་ཡིད་ཀྱིས་བཀུག་པ་ལ་དམིགས་ཏེ། ཨ་ཀཱ་རོའི་སྔགས་ལན་བཅུ་གཅིག་གིས་བསྔོས་ལ། སངས་རྒྱས་རྣམ་གཟིགས་མྱ་ངན་འཚང་ལ་གནས། །རྒྱལ་བ་གཙུག་ཏོར་པདྨ་དཀར་པོའི་དྲུང་། །ཐམས་ཅད་སྐྱོབ་པ་སཱ་ལའི་དྲུང་ན་ ― LT34_Page_0056 ―
[མ་དཔེ་གཟིགས་ན་འདིར་གནོན།]
གནས། །བྲམ་ཟེ་འཁོར་བ་འཇིག་ནི་ཤིརྵའི་དྲུང་། སངས་རྒྱས་གསེར་ཐུབ་ཨུ་དུམྦ་རའི་དྲུང་། །འོད་སྲུང་ནྱ་གྲོ་དྷ་ཡི་དྲུང་ན་གནས། །ཤཱཀྱ་ཐུབ་མཆོག་ཨ་ཤྭཏྠ་དྲུང་ཏུ། །ཕྱིས་ནས་བྱང་ཆུབ་ཐོབ་གྱུར་གཽ་ཏ་མ། །སངས་རྒྱས་རྫུ་འཕྲུལ་ཆེན་པོ་དེ་དག་ལ། །མངོན་པར་དད་པའི་ལྷ་གང་འཁོད་པ་དག །ལྷ་རྣམས་དེ་དག་ཡིད་དགའ་མགུ་གྱུར་ནས། །རྟག་ཏུ་དགེ་ཞིང་ཞི་བར་འགྱུར་བར་མཛོད། ཅེས་བརྗོད་ལ། གཏོར་མདོར། གཙྪ་གཙྪ་སྭ་བྷཱ་ཝཱ་ནཱཾ། ཞེས་མགྲོན་རྣམས་གཤེགས། འཕགས་པའི་ཚོགས་དེ་དག་ཐམས་ཅད་ལ་མཆོད་ཡོན་དང་སོགས་གོང་བཞིན་བརྗོད། བཅོམ་ལྡན་འདས་རྫོགས་པའི་སངས་རྒྱས་དཔའ་བོ་བདུན་པོ་བྱང་ཆུབ་སེམས་དཔའི་ཚོགས་དང་བཅས་པ་ཐམས་ཅད་བདག་ཅག་རྣམས་ལ་དགོངས་སུ་གསོལ། ཁྱོད་རྣམས་ལ་མཁྱེན་པའི་ཡེ་ཤེས། བརྩེ་བའི་ཐུགས་རྗེ། མཛད་པའི་ཕྲིན་ལས་བསམ་གྱིས་མི་ཁྱབ་པ་མངའ་བ་ལགས་པས། ཕན་བདེའི་འབྱུང་གནས་ཀུན་མཁྱེན་རྒྱལ་བའི་བསྟན་པ་རིན་པོ་ཆེ་སྒོ་ཐམས་ཅད་ནས་ཕྱོགས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པ་དང་། བསྟན་འཛིན་གྱི་སྐྱེས་བུ་རྣམས་སྐུ་ཚེ་བརྟན་ཅིང་ཐུགས་ཀྱི་བཞེད་པའི་དོན་ཀུན་འབད་མེད་དུ་འགྲུབ་པ་དང་། བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ནད་གདོན་འགལ་རྐྱེན་མི་མཐུན་པའི་ཕྱོགས་ཐམས་ཅད་ཞི་ཞིང་། མཐུན་རྐྱེན་ཆོས་དང་མཐུན་པའི་བསམ་པ་ཡིད་བཞིན་ཏུ་འགྲུབ་པར་བྱིན་ ― LT34_Page_0057 ―
[མ་དཔེ་གཟིགས་ན་འདིར་གནོན།]
གྱིས་བརླབ་ཏུ་གསོལ། ཡུལ་རིས་རྒྱལ་ཁམས་ཐམས་ཅད་དུའང་ནད་མུག་འཁྲུགས་རྩོད་ལ་སོགས་པ་སྙིགས་མའི་རྒུད་བ་མཐའ་དག་མིང་ཡང་མི་གྲགས་ཤིང་བདེ་སྐྱིད་རྫོགས་ལྡན་གྱི་དགའ་སྟོན་དུས་རྟག་ཏུ་འཕེལ་བར་མཛད་དུ་གསོལ། ཁྱད་པར་དུའང་བདག་ཅག་དཔོན་སློབ་འཁོར་དང་བཅས་པས་ཐོགས་དྲངས་སེམས་ཅན་ཐམས་ཅད་གནས་སྐབས་མི་མཐུན་པའི་ཕྱོགས་ཐམས་ཅད་ཞི་ནས། འཇིག་རྟེན་དང་འཇིག་རྟེན་ལས་འདས་པའི་བདེ་ལེགས་ཕུན་སུམ་ཚོགས་པའི་དཔལ་ལ་ལོངས་སྤྱོད་པ་དང་། མཐར་ཐུག་དོན་གཉིས་ལྷུན་གྱིས་གྲུབ་པ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱིན་གྱིས་བརླབ་ཏུ་གསོལ། གཉིས་པ་ནི། བདག་ཅག་དུས་ངན་པའི་སེམས་ཅན་སྤྱོད་པ་དམན་ཞིང་མ་དག་པས་མ་འཚལ་བ་དང་། ལུས་ངག་ཡིད་གསུམ་ཉོན་མོངས་པ་དང་འདྲེས་པ་དང་། མཆོད་པའི་དངོས་པོ་ཆུང་ཞིང་དམན་པ་དང་། གཙང་སྦྲས་མ་ཕྱེད་པ་དང་། མདོ་ལས་བྱུང་པའི་ཆོ་ག་བཞིན་ཏུ་མ་ལྕོགས་པ་ལ་སོགས་པ་འཁྲུལ་ཞིང་ནོངས་པ་ཐམས་ཅད་འཕགས་པ་ཐུགས་རྗེ་ཆེན་པོ་དང་ལྡན་པ་རྣམས་ལ་བཟོད་པར་གསོལ་ཞིང་མཆིས་ན། ཐུགས་བརྩེ་བར་དགོངས་ཏེ་བཟོད་པར་བཞེས་ཤིང་འཕྲལ་དང་ཀུན་ཏུ་བདག་ཅག་གི་སྒྲིབ་བར་མི་འགྱུར་བར་བྱིན་གྱིས་བརླབ་ཏུ་གསོལ། ། ― LT34_Page_0058 ―
[མ་དཔེ་གཟིགས་ན་འདིར་གནོན།]
གསུམ་པ་ནི། མགོན་པོ་ཐུགས་རྗེ་ཆེན་པོ་དང་ལྡན་པ་ཁྱེད་རྣམས་ཀྱིས་བདག་ཅག་དང་སེམས་ཅན་ཐམས་ཅད་ཀྱི་དོན་མཛད་ལགས་ཀྱིས་སོ་སོའི་ཞིང་ཁམས་སུ་འཁོར་དང་བཅས་པ་གཤེགས་སུ་གསོལ། སླར་ཡང་སེམས་ཅན་དོན་ལ་ཐུགས་རྗེས་འབྱོན་པར་ཞུ། སྐུ་རྟེན་སོགས་ཡོད་ན་བརྙན་བཞུགས་སྤྱི་མཐུན་བྱས་ཀྱང་ཆོག་གོ། །བཞི་པ་ནི། བསོད་ནམས་འདི་ཡིས་ཐམས་ཅད་གཟིགས་པ་ཉིད། །ཐོབ་ནས་ཉེས་པའི་དགྲ་རྣམས་ཕམ་བྱས་ནས། །སྐྱེ་རྒ་ན་འཆིའི་རྦ་རླབས་འཁྲུགས་པ་ཡི། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །ཅེས་པ་ཙམ་མམ། སྤྲོ་ན། འགྲོ་ཀུན་དགེ་རྩ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དང་། །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ཀྱང་ཀུན་ནས་བཟང་པོར་རེད་གྱུར་ཅིག །འཇིག་རྟེན་ཐམས་ཅད་མ་ལུས་སེམས་ཅན་རྣམས། །ཇི་སྙེད་རྒྱལ་བ་ཀུན་གྱིས་ཐུགས་ཆུད་པ། །ཀུན་ཀྱང་མཁས་པ་ཀུན་གྱིས་བསྔགས་པ་ཡི། །ཀུན་ཏུ་བཟང་པོ་དེ་བཞིན་འགྱུར་བར་ཤོག །ཕྱོགས་རྣམས་མ་ལུས་ཀུན་ཏུ་ཅི་བྱས་པ། །སྐྱེས་བུ་དམ་པ་དེ་ལྟར་ཡོངས་སུ་བསྔོ། །རྡོ་རྗེ་རྒྱལ་མཚན་རྒྱལ་བས་གང་གསུངས་པ། །ཡོངས་བསྔོ་དམ་པ་མཆོག་དང་ཕུལ་ཡང་ཡིན། །དེ་བཞིན་ཞིང་རྣམས་ཐམས་ཅད་མ་ལུས་པ། །རྒྱུ་ ― LT34_Page_0059 ―
[མ་དཔེ་གཟིགས་ན་འདིར་གནོན།]
བཞིན་ཀུན་ཀྱང་ཁོང་དུ་ཆུད་བྱས་ཏེ། །སེམས་ཅན་ཇི་སྙེད་ཐམས་ཅད་མ་ལུས་པར། །དེ་དག་ཀུན་ཀྱང་ཀུན་ཏུ་བཟང་གྱུར་ཅིག །སྦྱིན་པས་ཡོངས་བསྔོ་ཇི་བཞིན་རེད་གྱུར་ཅིག །ཚུལ་ཁྲིམས་ཀྱིས་ཀྱང་བསྔོས་བཞིན་རེད་གྱུར་ཅིག །བརྩོན་འགྲུས་སྟོབས་ཀྱིས་བསྐལ་པར་མི་ལྡོག་ཅིང་། །བཟོད་པ་འཁྲུགས་པ་མེད་པའི་ཡིད་གྱུར་ཅིག །བསམ་གཏན་གྱིས་ཀྱང་རྩེ་གཅིག་ཡིད་ལྡན་ཞིང་། །ཏིང་འཛིན་ཀུན་གྱི་སྤྱོད་ཡུལ་ཤེས་གྱུར་ཅིག །ཤེས་རབ་དུས་རྣམ་གསུམ་པོ་ཐམས་ཅད་དུ། །འཇིག་རྟེན་དག་ཏུ་མཐར་དམིགས་མེད་གྱུར་ཅིག །ལུས་དང་ངག་དང་ཡིད་རྣམས་ཐམས་ཅད་ཀྱང་། །རྣམ་པ་ཀུན་ཏུ་རྣམ་དག་མཁས་གྱུར་ཅིག །སྤྱོད་པ་དེ་དག་ཐམས་ཅད་མ་ལུས་པ། །ཀུན་ཀྱང་ཀུན་ཏུ་བཟང་པོར་རེད་གྱུར་ཅིག །ཇི་ལྟར་ཆོས་དབྱིངས་རློམས་པའི་སེམས་མེད་ཅིང་། །དེ་ལ་སྤྲོས་དང་ཆགས་པ་མེད་པ་ལྟར། །མྱ་ངན་འདའ་དང་སྒྲིབ་པ་མེད་པ་དང་། །དེ་བཞིན་སེམས་ལ་རློམ་སེམས་མེད་གྱུར་ཅིག །ཆོས་མཁས་ཡོངས་སུ་བསྔོ་བ་གང་བརྗོད་པ། །དེ་ནི་རྒྱལ་བས་གསུངས་པའི་བསྔོ་བ་སྟེ། །མཁས་པར་སྤྱོད་པ་ཅི་ནས་འགྲུབ་འགྱུར་བར། །དགེ་བ་དེ་ཡང་དེ་ཡིས་ཡོངས་སུ་བསྔོ། །རྒྱལ་ ― LT34_Page_0060 ―
[མ་དཔེ་གཟིགས་ན་འདིར་གནོན།]
བའི་སྲས་ཀྱིས་འདི་ལ་བསླབས་པ་སྟེ། །ཇི་སྙེད་གང་ཡོད་ཐམས་ཅད་མ་ལུས་པར། ཁམས་རྣམས་ཀུན་ཀྱང་ཡོངས་སུ་བསྡུ་བྱས་ཏེ། །ཅི་ནས་བདེ་གཤེགས་སྟོབས་ལ་འཇུག་པར་བསྔོ། །ཞེས་པ་ཕལ་པོ་ཆེ་ལས་འབྱུང་བའི་རྡོ་རྗེ་རྒྱལ་མཚན་གྱི་བསྔོ་བས་རྒྱས་གདབ། ལྔ་པ་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། སོགས་ཞལ་ནས་གསུངས་པའི་དཀོན་མཆོག་གསུམ་གྱི་ཤིས་བརྗོད། གོང་གསལ་ཕྱག་གི་སྐབས་སུ་འབྱུང་བ། བཅོམ་ལྡན་རྣམ་པར་གཟིགས་ནི་རྒྱལ་རིགས་རྫུ་འཕྲུལ་ཅན། །ཚེ་ལོ་བརྒྱད་ཁྲིའི་དུས་ན་གྲོང་ཁྱེར་མཉན་ལྡན་ཏུ། །པ་ཏོ་ལ་ཡི་ཤིང་དྲུང་མངོན་པར་སངས་རྒྱས་པ། །དེང་འདིར་བདེ་གཤེགས་བཀྲ་ཤིས་ཕུན་སུམ་ཚོགས་གྱུར་ཅིག །ཅེས་ཚིག་རྐང་བཞི་པ་ཤིས་བརྗོད་དུ་བསྒྱུར་བའི་རབས་བདུན་ཚང་བ་དང་། གཞན་ཡང་ཤིས་བརྗོད་རྒྱས་པར་བྱ་ཞིང་མེ་ཏོག་གི་ཆར་བསྙིལ་ཏེ་དགེ་ལེགས་ཀྱི་སྣང་བ་གོང་དུ་འཕེལ་བར་བྱའོ། །གདུལ་དཀའི་འགྲོ་བ་འདུལ་བའི་ཐུགས་བསྐྱེད་དང་། །རྣམ་ཐར་རྨད་བྱུང་ཆོས་འདུལ་བཅས་མཚམས་ཀུན། །གཅིག་ཏུ་མཐུན་པ་ཟླ་མེད་སྟོབས་བཅུ་པ། །གྲགས་ཆེན་རྫོགས་པའི་སངས་རྒྱས་དཔའ་བོ་བདུན། །སྐུ་གཟུགས་བཞེངས་ཤིང་རྒྱ་ཆེར་མཆོད་པ་སོགས། །འཕགས་པའི་ཡུལ་དུ་འདི་ཉིད་གཙོར་བྱེད་ཀྱང་། །ལྗོངས་འདིར་ཕྱག་ལེན་དམིགས་གསལ་མཛད་པ་དཀོན། །དེ་ཕྱིར་མཆོག་གཟིགས་གོང་མས་རྗེས་གདམས་ལྟར། །མདོ་ཆོག་ ― LT34_Page_0061 ―
[མ་དཔེ་གཟིགས་ན་འདིར་གནོན།]
སྤྱི་ཡི་འགྲོས་སུ་སྦྱར་བའི་དགེས། །ཐུགས་རྗེ་ཆེ་ལྡན་རྫོགས་སངས་རྒྱས་རྣམས་ཀྱི། །དགོངས་པ་བསྐངས་ནས་འགྲོ་ཕན་སྒྲུབ་པ་ལ། །རྒྱལ་ཀུན་ཕྲིན་ལས་གཅིག་བསྡུས་ཉིད་གྱུར་ཅིག །ཅེས་སངས་རྒྱས་དཔའ་བོ་བདུན་གྱི་རིང་བསྲེལ་རིན་པོ་ཆེ་དངོས་གྲུབ་ཀྱི་སྐལ་བར་ཐོབས་དང་སྐུ་གཟུགས་ཀྱི་སྤྱན་སྔར་ཚོགས་གསོག་པའི་ཆོ་ག་དམིགས་སུ་བསལ་བ་ཞིག་ཉེར་མཁོར་གྱུར་པ་དང་། སྒྲུབ་བརྩོན་ཀརྨ་དྷཱ་ཛ་ནས་ནན་ཏན་ཏུ་བསྐུལ་པའི་ངོར་རྒྱལ་བའི་རྗེས་འཇུག་རྟགས་ཙམ་འཛིན་པ་ཀུ་སཱ་ལི་བློ་གྲོས་མཐའ་ཡས་སམ། ཀརྨ་ངག་དབང་ཡོན་ཏན་རྒྱ་མཚོས་རྫོང་ཤོད་བདེ་གཤེགས་འདུས་པའི་སྒྲུབ་གནས་ཆེན་པོར་སྦྱར་བ་དགེ་ལེགས་འཕེལ།། །།སྭ་སྟི། རྒྱལ་བས་ལུང་བསྟན་རྒྱལ་ཚབ་རྗེ། །ཀུན་མཁྱེན་བླ་མའི་ལེགས་བཤད་མཆོག །རྒྱལ་བ་སྐྱོབ་པ་དཔའ་བོ་བདུན། །དཀྱིལ་འཁོར་གཅིག་ཏུ་མཆོད་པའི་ཚུལ། །བསགས་སྦྱོང་སྤེལ་བའི་ཐབས་མཁས་ཀྱི། །ཆོ་ག་ངོ་མཚར་མཛེས་འབར་བའི། །འཕྲུལ་སྦར་བླ་མ་རྒྱལ་མཚན་གྱི། །ལྷག་བསམ་དགེ་བའི་བརྩོན་པས་བསྒྲུབས། །དེས་ཐོབ་རབ་དགེ་དྲི་མེད་ཀྱིས། །བླ་མའི་ཞབས་བརྟན་བསྟན་པ་དར། །ཕ་མས་གཙོར་བྱས་མཁའ་མཉམ་འགྲོ། །ས་ལམ་དཔལ་རྫོགས་བྱང་ཆུབ་ཤོག །ཅེས་ཞུས་དག་སོགས་ཀྱི་ཞབས་ཏོག་བཅས་ཀརྨ་བཀྲ་ཤིས་ཆོས་འཕེལ་པས་སྨྲས་པ་དགེ་ལེགས་འཕེལ།། །། གཙུག་ཏོར་དྲི་མ་མེད་པའི་གཟུངས་དང་འབྲེལ་བར་སཱཙྪ་གདབ་པའི་ཆོ་གའི་ལག་ལེན་དྲི་མེད་ཀུན་སྣང་།― LT34_Page_0063 ―
[མ་དཔེ་གཟིགས་ན་འདིར་གནོན།]
གཙུག་ཏོར་དྲི་མ་མེད་པའི་གཟུངས་དང་འབྲེལ་བར་སཱཙྪ་གདབ་པའི་ཆོ་གའི་ལག་ལེན་དྲི་མེད་ཀུན་སྣང་ཞེས་བྱ་བ་བཞུགས་སོ། ། ― LT34_Page_0064 ―
[མ་དཔེ་གཟིགས་ན་འདིར་གནོན།]
ན་མོ་བུདྡྷཱ་ཡ། གང་གསུང་བདུད་རྩིའི་ཟེགས་མ་ཕྲ་རབས་ཀྱང་། །འཇིག་རྟེན་བཅུད་མཆོག་ཀུན་གྱིས་མི་བསྒྲུན་པ། །ཐུབ་གསུང་སྙིང་གི་ཟེའུ་འབྲུར་ཆགས་པ་ཡིས། །བློ་དམན་དད་པ་ཅན་གྱི་དབྱིག་འདི་སྦྱིན། །གཙུག་ཏོར་དྲི་མེད་ཀྱི་གཟུངས་ལས་མཆོད་རྟེན་བརྒྱ་རྩ་བརྒྱད་དང་ལྔ་གདབ་པའི་ཆོ་ག་གཉིས་དངོས་སུ་གསུངས་ཤིང་། འབུམ་ཕྲག་བཏབ་པའི་ཕན་ཡོན་བསྟན་པའི་ཤུགས་ལས་སྟོང་རྩ་སོགས་གདབ་པའི་ཆོ་གའང་བསྟན་པར་གྲུབ་ཅིང་། དེའི་དོན་གསལ་ཤེས་གྲུབ་ཏུ་བརྒྱའམ་སྟོང་སོགས་དཀྱིལ་འཁོར་གཅིག་ཏུ་བཏབ་པའི་ཚུལ་རྒྱས་པར་བཤད་ལ། གང་ལྟར་སཱཙྪ་བརྒྱ་བརྒྱད་ལ་གཟུངས་རིང་ཐུང་དང་སྐོར་བ་བརྒྱ་རྩ་འགྲོ་བའི་ཆོ་ག་སྦྱོར་དངོས་རྗེས་ཚང་ཚར་རེ་འགྲོ་དགོས་པ་གཉུང་གི་དགོངས་པ་དང་བླ་མ་རྣམས་ཀྱི་ཕྱག་ལེན་ ― LT34_Page_0065 ―
[མ་དཔེ་གཟིགས་ན་འདིར་གནོན།]
ཡིན་པས། འབྱོར་པ་ཆེ་ན་ཆོ་ག་ཚར་རེ་ལ་སཱཙྪ་བརྒྱ་བརྒྱད་དང་མཆོད་པ་དེ་མཚུངས་བཤམས་པའི་ཚར་སྟོང་ཕྲག་གཅིག་གིས་མཆོད་རྟེན་འབུམ་འགྲུབ་པ་བྱས་ན་ཕན་ཡོན་ཚད་མེད་ཅིང་། དེ་ལྟར་གྱི་ཚེ་ཆོ་ག་མཁན་པོ་དགེ་སློང་བཞི་སྡེ་ཙམ་དང་གཟུངས་དང་སྐོར་བའི་གྲངས་སྤྱི་འགོ་ནས་འགྲོ་བར་བྱས་ན་འཆམས་པར་འགྱུར་བ་དང་། འབྱོར་པ་ཆུང་བས་དེ་ལྟར་མི་ལྕོགས་ན་སཱཙྪ་སྟོང་ཕྲག་རེ་དང་བརྒྱ་མཆོད་སོགས་བཤམས་ཏེ་དགེ་སློང་བཅུ་ཐམ་པས་ཆོག་བཏང་ན་ཚར་གྲངས་བརྒྱ་ཕྲག་གིས་འབུམ་ཐེར་འགྲུབ་པར་འགྱུར་ལ། དེ་ལྟར་གྱི་ཚེ་ཆོ་ག་རེ་ལ་གཟུངས་དང་སྐོར་བ་མི་རེས་བརྒྱ་རྩ་རེ་འགྲུབ་དཀའ་བས་ལན་བཅུ་གཅིག་རེ་བྱས་ན་སྤྱི་ནས་བརྒྱ་དང་བཅུ་འགྲོ་བས་དེས་ཀྱང་རུང་ཞིང་། བར་རྣམས་ནི་དེ་ཡིས་རིགས་འགྲེས་པས་ཆོག་གོ། །ཤིན་ ― LT34_Page_0066 ―
[མ་དཔེ་གཟིགས་ན་འདིར་གནོན།]
ཏུ་འབྱོར་པ་དམན་པས་ཆོ་ག་ཚར་གྲངས་མང་པོ་མི་འགྲུབ་ལ་སཱཙྪ་གྲངས་མང་གདབ་པར་འདོད་ན། གཞི་ཡངས་པོར་པདྨའི་གདན་མང་པོར་སཱཙྪ་གང་ཤོང་བསྒྲིག །མཆོད་པ་ཡང་ཅི་འབྱོར་བཤམས་ནས་དགེ་སློང་གྲངས་ཀ་གང་འཛོམ་གྱིས་ཆོ་ག་བཏང་། དེ་ལྟར་ཉིན་གཅིག་གམ་གསུམ་སོགས་ལ་ཆོག་གང་ཐོན་གྱིས་སཱཙྪ་རྫོགས་པར་བྱས་ན་ཆོག་མ་བྱས་པ་ལས་ནི་ཕན་ཡོན་འགྱུར་ཁྱད་ཤིན་ཏུ་ཆེ་ཞིང་། འབྱོར་བསམ་ལྕོགས་པ་ལ་ཉེས་པའང་མེད་དོ། །ཚར་གྲངས་མང་ཉུང་གང་བྱེད་ཀྱང་བཤམ་བཀོད་སོགས་ནི་འོག་ཏུ་གསལ་བའི་རྒྱས་བསྡུས་གང་འགྲུབ་མ་འཁྲུལ་བ་བྱ་དགོས་སོ། །དེ་ལྟར་སྤྱིར་རྒྱས་བསྡུས་བྱེད་ཚུལ་གྱི་རྣམ་དབྱེ་ཕྱེད་པར་བྱས་ནས། བྱེ་བྲག་ལག་ལེན་དངོས་བཤད་པ་ལ་བཞི། སཱཙྪ་འདེབས་པའི་རིམ་པ། དཀྱིལ་འཁོར་མཆོད་པའི་བཤམ་བཀོད། ཆོ་ག་རྒྱས་བསྡུས་བཏང་ཚུལ། རྗེས་ཇི་ལྟར་བཞུགས་པའི་ཚུལ་བཤད་པའོ། །དང་པོ་ནི། སཱཙྪའི་རྒྱུ་འཇིམ་པའི་ས་གང་ནས་ལེན་པའི་གནས་དེར། དཀར་གཏོར་དང་གསེར་སྐྱེམས་བཤམ། རང་ཉིད་རྡོ་རྗེ་འཛིན་པའི་ང་རྒྱལ་གྱིས་བྱིན་བརླབས་ལ་འབུལ་ཚིག་རྒྱས་བསྡུས་ཅི་འགྲུབ་བྱ། ཚོན་སྐུད་ལྔ་བསྒྲིལ་གྱི་སྐུད་པས་ས་ཇི་ཙམ་ལེན་དགོས་པའི་རྒྱ་ཁྱོན་གྱི་མཐར་གྲུ་བཞིར་བཅད་ལ། ཨོཾ་བཛྲ་སཱུ་ཏྲ་ཧཱུྃ་ཕཊ། ལན་གསུམ། ས་ལ་ ― LT34_Page_0067 ―
[མ་དཔེ་གཟིགས་ན་འདིར་གནོན།]
གནས་པའི་གདོན་བགེགས་བསམ་སྦྱོར་ངན་པ་མཆོད་རྟེན་དང་དགེ་བའི་ལས་ལ་བར་དུ་གཅོད་པ་རྣམས་རྡོ་རྗེའི་རྭ་བས་མཚམས་བཅད། གཞི་དེ་ཉིད་མཆོད་རྟེན་གྱི་རྒྱུ་རིན་པོ་ཆེ་སྣ་ཚོགས་པའི་རང་བཞིན་ཏུ་གྱུར། སེང་ལྡེང་གི་ཕུར་བུ་སོར་བརྒྱད་པ་ལྔ་དབུས་དང་ཐིག་གི་གྲྭ་བཞིར་གདབ། གཅིག་ལས་མ་འབྱོར་ན་འདེབས་པའི་ཚུལ་བྱས་ལ་མཐར་དབུས་སུ་གདབ་སྟེ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་དུཥྚཱ་ན་ཧཱུྃ་ཕཊ། ལན་བདུན་བརྗོད་ལ། ས་ཇི་ཙམ་དགོས་པ་བླངས་ལ་ཟིན་གྱི་བར་ཐིག་དང་ཕུར་བུ་མི་བསྡུའོ། །དེ་ནས་ཏིལ་དང་ཡུངས་ཀར་ལ། ཨོཾ་ཨ་མྲྀ་ཏེ་ཧ་ན་ཧ་ན་ཧཱུྃ་ཕཊ། ལན་བདུན་བཟླས་ལ་འཐོར་བས། བགེགས་ཐམས་ཅད་ཚར་བཅད་དེ་སའི་ཕྱོགས་དེ་བཞིན་གཤེགས་པའི་བཞུགས་གནས་དཔག་ཏུ་མེད་པར་གྱུར། །ཅེས་དང་། གཟུངས་ཐུང་ཡང་བརྗོད་ལ་བྱིན་གྱིས་བརླབ་པོ། །དེ་ནས་ཨོཾ་བཛྲ་ཁ་ན་ཁ་ན་ཧཱུྃ་ཕཊ། ཅེས་བཟླ་ཞིང་ས་བརྐོ། ས་གཞི་རིན་ཆེན་རྣམ་ལྔ་བརྐོས་པ་ཡིས། །དེ་བཞིན་གཤེགས་སྐུ་རྣམ་དག་རྒྱུར་གྱུར་ཅིག །ཅེས་བརྗོད་ལ་ཡིད་ཀྱིས་ཀྱང་དམིགས་པ་གཞན་ལའང་འགྲེའོ། །ས་གཙང་མ་བླངས་པ་གནས་གཙང་མར་སྤུངས་ལ་རྡོ་རྗེ་རྩེ་གསུམ་པའི་ཕྱག་རྒྱ་བཅས་ཐོ་བས་བརྡུང་ལ། ཨོཾ་བཛྲ་མུངྒ་ར་ཨཱ་ཀོ་ཊ་ཡ་ཨཱ་ཀོ་ཊ་ཡ་ ― LT34_Page_0068 ―
[མ་དཔེ་གཟིགས་ན་འདིར་གནོན།]
ཧཱུྃ་ཕཊ། ལན་བདུན་སོགས་བརྗོད། ཉོན་མོངས་བག་ཆགས་བྱང་ཞིང་འཇོམས་གྱུར་ཅིག །འཇིམ་པ་བརྫི་བ་ནི། ཆུ་གཙང་དྲི་ཞིམ་སྔོས་དང་སྦྱར་བ་ལ་རྡོ་རྗེའི་ཕྱག་རྒྱ་གཏུགས་ཏེ། སྤོས་ཆུའི་སྟེང་དུ་ཨ་ལས་ཟླ་དཀྱིལ་ལས། །འོད་འཕྲོས་ཆུ་ཉིད་བདུད་རྩིའི་རང་བཞིན་གྱུར། །ཨོཾ་ཨ་མྲྀ་ཏེ་ཧཱུྃ་ཕཊ། ལན་བདུན་གྱིས་བྱིན་བརླབས་པས་འཇིམ་པ་བརྫིས་ལ། ཨོཾ་བཛྲ་པྲ་མརྡ་ནཱ་ཡ་ཧཱུྃ་ཕཊ། ཅེས་དང་རྟེན་སྙིང་བཟླས། འཇིམ་པ་དེ་བཞིན་གཤེགས་པའི་སྐུར་གྱུར་ཅིག །དེ་ནས་འཇིམ་པ་བྱིན་གྱིས་བརླབ་པ་ནི། ཨོཾ་ཤུདྡྷེ་ན་དུ་ཤོདྷ་ཡ་སྭཱ་ཧཱ། པད་ཟླར་འཇིམ་པ་རིན་ཆེན་ཕུང་པོར་གྱུར། །རང་གི་ཐུགས་ཀའི་འོད་ཟེར་འོག་མིན་དུ། །འཕྲོས་པས་རྣམ་པར་སྣང་མཛད་ཐུགས་རྒྱུད་བསྐུལ། །དེ་ལས་འོད་འཕྲོས་འགྲོ་རྒྱུད་ཉོན་མོངས་སྦྱངས། །སླར་འདུས་འཇིམ་པའི་ཕུང་པོ་ལ་ཐིམ་པས། །བདེ་གཤེགས་ཀུན་གྱི་ཡེ་ཤེས་རང་བཞིན་གྱུར། །ལག་གཡོན་པའི་མཐེའུ་ཆུང་མཐེ་བོས་མནན་པ་གྱེན་བསྟན་དང་། ལག་གཡས་དེ་བཞིན་བྱས་པ་ཁ་སྦུབས་པའི་བར་དུ་འཇིམ་པ་བཞག་ལ། ན་མོ་བྷ་ག་བ་ཏེ་བཻ་རོ་ཙ་ན་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་ས་མྱཀྶཾ་བུདྡྷཱ་ཡ། ཏདྱ་ཐཱ། ཨོཾ་སུ།།། ས་མེ་ས་མ་ཡེ། ཤཱནྟེ་དཱནྟེ། ― LT34_Page_0069 ―
[མ་དཔེ་གཟིགས་ན་འདིར་གནོན།]
ཨ་ས་མ་རོ་པེ། ཨ་ན་ལམྦེ། ཏ་རམྦེ། ཡ་ཤོ་བ་ཏི། མ་ཧཱ་ཏེ་ཛ། ནི་ར་ཀུ་ལེ། ནི་རྦཱ་ེ། སརྦ་བུདྡྷཱ་ཨ་དྷིཥྛཱ་ན་ཨ་དྷིཥྛི་ཏེ་སྭཱ་ཧཱ། ཞེས་རྣམ་སྣང་གི་གཟུངས་རིང་ལན་ཉེར་གཅིག་དང་། ཨོཾ་ཛི་ན་ཛི་ཀ་སྭཱ་ཧཱ། ཉེར་གཅིག །གཟུངས་ཐུང་ཅི་ནུས་བཟླས། འཇིམ་པ་བཅད་ལ། ན་མཿས་མནྟ་བུདྡྷཱ་ནཱཾ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། འཆི་མེད་རྡོ་རྗེའི་སྲོག་ཟུངས་ཐོབ་པར་ཤོག །འབི་འབི་བྱས་ལ། ཨོཾ་བཛྲོ་དྦྷ་བཱ་ཡ་སྭཱ་ཧཱ། འོད་ཟེར་འཇིག་རྟེན་ཀུན་ཁྱབ་འགྲོ་དོན་བྱས། །སླར་འདུས་འབི་འབི་ཤེལ་གོང་ལྟར་དག་པ། །ཡེ་ཤེས་རྡོ་རྗེ་འབྱུང་བའི་རང་བཞིན་གྱུར། །བརྐོས་ཕོར་དུ་སྣུམ་བྱུགས་ལ། ཨོཾ་ཨ་ར་ཛེ་བི་ར་ཛེ་སྭཱ་ཧཱ། ཐབས་ཤེས་ཟུང་འཇུག་ཡེ་ཤེས་རྡུལ་བྲལ་གྱུར། །བརྐོས་ཕོར་དུ་བཅུག་ལ། ཨོཾ་བཛྲ་དྷཱ་ཏུགྷེ་སྭཱ་ཧཱ། ཞེས་དང་། ཨོཾ་དྷརྨ་དྷཱ་ཏུ་གྷེ་སྭཱ་ཧཱ། ཆོས་དབྱིངས་རྟག་པའི་སྙིང་པོ་རྙེད་པར་གྱུར། །ལེགས་པར་གདབ་ལ། ཨོཾ་བཛྲ་མུངྐ་ར་ཨཱ་ཀོ་ཊ་ཡ་ཨཱ་ཀོ་ཊ་ཡ་ཧཱུྃ་ཕཊ། སངས་རྒྱས་ཀུན་གྱི་ཕྱག་རྒྱས་བཏབ་པར་གྱུར། །གཟུངས་བསྒྲིལ་མགོ་མཇུག་མ་ལོག་པར་གཞུག་ལ། ཨོཾ་བཛྲ་གྷེ་སྭཱ་ཧཱ། ཨོཾ་སརྦ་བིདྱཱ་སྭཱ་ཧཱ། ཞེས་དང་གཟུངས་ཐུང་ཡང་བཟླ། དབྱིངས་ཡེ་ ― LT34_Page_0070 ―
[མ་དཔེ་གཟིགས་ན་འདིར་གནོན།]
གཉིས་མེད་ཆོས་སྐུའི་མཆོད་རྟེན་ནི། །འབྱམས་ཀླས་ཡེ་ཤེས་སྙིང་པོ་ཁོང་ཆུད་གྱུར། །ཕྱིར་ཕྱུང་ལ། ཨོཾ་དྷརྨ་ར་ཏེ་སྭཱ་ཧཱ། ཆོས་ཀྱི་སྐུ་ལས་གཟུགས་སྐུ་གྲངས་མེད་བྱོན། །འགྲོ་དོན་འཁོར་བ་ཇི་སྲིད་མཛད་པར་གྱུར། །སྐམ་ཐག་ཆོད་ནས་ཆོས་འཁོར་སོགས་རྒྱན་བཏགས་པར་མོས་ལ། ཨོཾ་པྲ་མ་ན་ཡེ་སྭཱ་ཧཱ། རིན་ཆེན་རྒྱན་བཀོད་སྣ་ཚོགས་གསོལ་བ་ཡིས། །ཡོན་ཏན་ཀུན་རྫོགས་འགྲོ་དོན་མཛད་གྱུར་ཅིག །སྐུ་དཀར་སོགས་ན་བཟའ་གསོལ་ལ། ཨོཾ་དྷརྨ་དྷཱ་ཏུ་སྭ་བྷཱ་བ་བི་ཤུདྡྷེ་དྷརྨ་ཏེ་སྭཱ་ཧཱ། ཆོས་དབྱིངས་རྣམ་པར་དག་བའི་དོན་ལྡན་ཤོག །ཅེས་པའི་ཆོག་རྣམས་ཀྱིས་བཏབ་ཟིན་ནས་གདན་ལ་བཞུགས་པའི་སྐབས་སུ། ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱ། ཞེས་བཟླ་བཞིན་ཏུ་བསྒྲིག །རྒྱལ་བ་ཐམས་ཅད་རྟེན་འདི་དང་། །དབྱེར་མེད་བརྟན་པར་བཞུགས་སུ་གསོལ། །ཅེས་བརྗོད། དེ་ལྟར་སཱཙྪ་འདེབས་པའི་ཚེ་འབྱོར་པ་དང་བསྟུན་པའི་ཀློག་མཁན་གྲངས་ཅི་རིགས། བྲུས་སོགས་གཙང་སྦྲ་དང་ལྡན་པས་སྐྱབས་སེམས། ས་གཞི་བྱིན་རླབས། སྤྱན་འདྲེན། བཞུགས་གསོལ་ལྷ་ཁྲུས་ཡན་ལག་བདུན་པ་སྔོན་ཏུ་འགྲོ་བས། འཕགས་པ་རྣམས་ཀྱི་ཐུགས་དམ་བསྐུལ་བ་དང་། རིས་མེད་པའི་སེམས་ཅན་རྣམས་ལ་ཆོས་ཀྱི་སྦྱིན་པ་བཏང་བར་སེམས་བསྐྱེད་དེ། བརྒྱད་ ― LT34_Page_0071 ―
[མ་དཔེ་གཟིགས་ན་འདིར་གནོན།]
སྟོང་པ་སོགས་ཤེར་ཕྱིན་གྱི་མདོ། གསེར་འོད་དམ་པ། འདུས་པ་རིན་པོ་ཆེའི་ཏོག །འཕགས་པ་གཙུག་ན་རིན་པོ་ཆེས་ཞུས་པ་དང་། གཙུག་ཏོར་དྲི་མེད་ཀྱི་མདོ་གཟུངས་རྣམས་རྒྱུན་མི་འཆད་པར་གསལ་དག་ཏུ་བཀླགས་ལ། མཐར་རྟེན་སྙིང་དང་། ཆོས་བཤད་པ་ལས་བྱུང་བ་སོགས་ཀྱིས་བསྔོ་བའང་བྱ། དེ་ཐམས་ཅད་མ་འགྲུབ་ནའང་ཤེར་སྙིང་དང་དྲི་མེད་ཀྱི་གཟུངས་རིང་ཐུང་། ཁྱད་པར་སྙིང་པོའི་གཟུངས་ཐུང་རྟག་ཏུ་བཟླ། ཤིན་ཏུ་འཛོམ་ན་སཱཙྪ་འདེབས་པ་དང་སྒྲུབ་པའི་ཚེ་ཛབ་རྒྱུན་ཀྱང་བཙུགས་པར་གསུངས་ཏེ་གལ་ཡང་ཆེའོ། །དེ་དག་རྣམས་ཀྱིས་སཱཙྪ་གདབ་པའི་བྱ་བ་འགྲུབ་བོ། །དེ་ལ་ནང་གཞུག་དྲི་མེད་ཀྱི་གཟུངས་རིང་ཐུང་གཉིས་ཀ་དགོས་ཀྱང་བརྒྱ་བརྒྱད་ཙམ་ལ་དེ་བཞིན་འགྲུབ་པ་ཅི་ནས་གལ་ཆེ་ཞིང་། ཁྲི་འབུམ་ལ་དེ་བཞིན་འགྲུབ་དཀའ་བས་གཟུངས་ཐུང་ཁོ་ནས་ཆོག །གང་ལྟར་རྒྱ་ཤོག་སོགས་ལ་སྦར་དུ་བཏབ་ནས་དྲི་བཟང་གིས་བྱུགས་པའམ་མཚལ་སྣག་ལ་བསྲེས་ཀྱང་རུང་། ཤུག་པ་སོགས་བཟང་ཤིང་མགོ་མཇུག་མ་ལོག་པའི་སྲོག་ཤིང་མཚོན་བྱེད་ལ་གཟུངས་ཀྱི་དབུ་ནས་སྔགས་ངོ་ནང་བསྟན་ཏུ་དྲིལ་བ་བཅུག །སཱཙྪ་སྐམ་ཐག་ཆོད་ནས་ཞི་བ་ལ་དཀར་པོ། རྒྱས་པ་ལ་སེར་པོ་སོགས་ལས་བཞིའི་མདོག་མཚུངས་ཀྱི་ཁ་དོག་བསྒྱུར་བ་གསུངས་ཀྱང་དཀྱུས་སུ་ཐམས་ཅད་སྐུ་དཀར་ལེགས་པར་གསོལ་ཞིང་། ― LT34_Page_0072 ―
[མ་དཔེ་གཟིགས་ན་འདིར་གནོན།]
གདུགས་ཀྱི་མཚོན་བྱེད་དར་ཚོན་སྣ་ལྔ་གང་འཛོམ་གྱི་དུམ་བུ་རེའང་སཱཙྪའི་དབུ་ལ་སྦྱར་གྲུབ་ན་ལེགས་སོ། །སཱཙྪ་འང་ཕལ་ཆེར་གྱིས་མཆོད་བརྒྱ་མ་ཁྲི་ཕྲག་ལ་འབུམ་ཐེར་བྱེད་སྲོལ་སྣང་ཡང་། །འདིའི་གཞུང་ནས་གསུངས་པའི་འབུམ་ཕྲག་ནི་གཟུངས་ཉིད་ལ་དགོངས་པ་ཡིན་པས་ངེས་པར་གཟུངས་འབུམ་ཕྲག་དང་ལྡན་པའི་སཱཙྪ་འབུམ་ཕྲག་གྲུབ་དགོས་པས་མཆོད་བརྒྱད་མ་གྲངས་ལྡན་བཏབ་ན་ལག་ལེན་བདེ་ཞིང་ཁུངས་བཙུན་པར་སྣང་ངོ་། །གཉིས་པ་བཤེམ་བཀོད་ནི། མཁན་པོའི་གཞུང་དུ་རྒྱས་བསྡུས་ཀྱི་ཁྱད་པར་མ་གསུངས་ཀྱང་། དྲི་མེད་འགྲེལ་པ་སློབ་དཔོན་ལྷན་སྐྱེས་རོལ་པས་མཛད་པ་ཉིད་ཕལ་ཆེར་གྱིས་ཚད་མར་བྱེད་པས་དེའི་ལུགས་དང་སྦྲེལ་ན་གཉིས། རྒྱས་པ་དང་། བསྡུས་པའོ། །དང་པོ་ནི། དཀྱིལ་འཁོར་གང་དུ་བྱ་བའི་གཞི་དེར་སློབ་དཔོན་གྱིས་དཀར་གཏོར་གསེར་སྐྱེམས་འབུལ་ཞིང་། ཐིག་གིས་བཅད་པ་དང་། ཕུར་གདབ། ཏིལ་ཡུངས་བྲབས་ཤིང་གཟུངས་ཐུང་བརྗོད་པ་ཡན་ཆད་གོང་དུ་སཱཙྪ་འདེབས་པའི་ཆོ་གར་བཤད་པ་རྣམས་སྔར་ཉིན་ཏུ་གྲུབ་པར་བྱ། དཀྱིལ་འཁོར་གྱི་སྟེགས་བུ་ས་རྡོ་ལས་བརྩིགས་པའམ་ཤིང་ལ་བཟོས་ཀྱང་རུང་སྟེ་དབྱིབས་གྲུ་བཞི། སྟེང་མེ་ལོང་ལྟར་འཇམ་ཞིང་མཉམ་པ། ངོས་བཞིར་སེང་གེ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་རྐང་འབུར་རམ་རི་མོར་བྲིས་པ། རྒྱ་ཚད་ཆོ་ག་ཚར་རེ་ལ་སཱཙྪ་ ― LT34_Page_0073 ―
[མ་དཔེ་གཟིགས་ན་འདིར་གནོན།]
གྲངས་གང་བཞུགས་ཉིད་ཤོང་བར་བྱེད་དགོས་པས་སཱཙྪ་ཆེ་ཆུང་སོགས་དང་བསྟུན་པའི་སྟེང་དུ་བ་བྱུང་ལྡེ་དང་གུར་གུམ་ཙནྡན་སོགས་དྲིའི་ཆུས་ཆག་ཆག་གདབ། དེ་ནས་ཕྱག་ལེན་གྱི་གཙོ་བོ་མཆོད་རྟེན་བརྒྱ་རྩ་བརྒྱད་པ་ལྟར་ན། གཞལ་ཡས་ཁང་རྟ་བབས་མེད་པའི་སྒོ་རྐྱང་གི་ཕྱི་རོལ་ཁྲུས་རྫིང་པདྨ་འོད་ཟེར་གྱི་ཁོར་ཡུག་དང་བཅས་པའི་ཐིག་ཚོན་སྤྱི་ལྟར་ལ། ཚངས་ཐིག་གི་གཡས་གཡོན་བཞི་པོར་ཆ་དྲུག་རེར་བགོས་པའི་རེའུ་མིག་སྣ་ཚོགས་པདྨ་འདབ་མ་བརྒྱད་པ་རེ་རེ་བྲི། དེའི་ཆ་ལྔ་པ་ཡན་ཆད་རྣམས་སུ་སཱཙྪ་བརྒྱ་རྩ་བཞུགས་པའི་གནས་ཡིན་ཅིང་། ཆ་དྲུག་པའི་ཚངས་ཐིག་ཕྱོགས་བཞིའི་གཡས་གཡོན་གྱི་རེའུ་མིག་གཉིས་གཉིས་ལ་སཱཙྪ་རེ་རེ་བཞུགས་པས་བརྒྱད་ཚང་། དེའི་འཕྲོས་འཕགས་པ་རྣམས་གདན་འཛོམ་པའི་ལྷ་སྣམ་ཡིན་ལ། ཤོང་ཡངས་ཆེན་ཐོག་མ་ནས་ཆ་བདུན་རེར་ཕྱེས་ཏེ་ལྷ་སྣམ་རིམ་པ་གཉིས་སུ་བྱས་ནའང་ལེགས་སོ། །གལ་ཏེ་ཆོ་ག་གཅིག་ལ་སཱཙྪ་སྟོང་རྩ་བཞུགས་ན་ཕྱོགས་རེར་ཆ་དྲུག་ཅུ་རེར་དབྱེ་དགོས་པས་མཚོན། བར་རྣམས་རིགས་པས་དཔག །དེ་ལྟར་དཀྱིལ་འཁོར་ཡང་སཱཙྪ་བླང་བཞག་གི་ཚེ་མི་ཟུབ་པ་བྱ་དགོས་པས་ཤིང་སྟེགས་ཡིན་ན་ཆུ་ཚོན་གྱིས་བྲིས་ནས་རྩི་བཏང་བ་སོགས་ཤེས་པར་བྱ། དེ་ནས་རེའུ་མིག་གི་པདྨ་རེ་ལ་སཱཙྪ་རེ་བཞག་སྟེ། དེའང་ཐོག་མར་དབུས། དེ་ནས་ཤར་ལྷོ་ནུབ་ ― LT34_Page_0074 ―
[མ་དཔེ་གཟིགས་ན་འདིར་གནོན།]
བྱང་རིམ་བཞིན་གཡས་བསྐོར་དུ་དགོད། དབུས་སུ་འཕྲུལ་སྟེགས་ལ་ལུག་མ་ལ་སོགས་པའི་མཆོད་རྟེན་སངས་རྒྱས་ཀྱི་རིང་བསྲེལ་དང་ལྡན་པ་བཞུགས། སྟེང་དུ་གདུགས་དང་བླ་བྲེ། ལོགས་སུ་འཕན་དང་རྒྱལ་མཚན། ཁྱད་པར་བ་དན་དམར་པོ་བརྒྱ་རྩ་བརྒྱད་ལོགས་རེར་ཉེར་བདུན་རེ་བཀོད་ལེགས་མཛེས་པར་བཀྲམ། དེ་དག་གི་དབུས་ཀྱི་ཆར་འཇའ་འོད་ལྔ་ལྡན་གྱི་ནང་དུ་ཐིག་ལེ་སྔོན་པོ་ལ་གཙུག་ཏོར་དྲི་མེད་ཀྱི་གཟུངས་རིང་ཐུང་གསེར་གྱིས་བྲིས་པ་དང་། ཕྱོགས་བཞིར་མཆོད་རྟེན་དཀར་སེར་དམར་ལྗང་བཞིའི་བུམ་སྒོར་གཟུངས་ཐུང་། གདུགས་ལ་གཟུངས་རིང་བྲིས་པའི་ཐང་ཀའང་བཤམ། སྐུ་གདུང་རྣམས་ཀྱི་ཕྱི་རོལ་ངོས་བཞིར་བུམ་པ་རྒྱན་ལྡན་བཞིའི་ནང་འབྲུ་ལྔ་སྨན་ལྔ་རིན་པོ་ཆེ་ལྔ་དང་དྲི་ཆབ་བླུགས་པའི་ཁར། སྣོད་གཙང་མར་བྱེ་མ་བརྔོས་ནས་དུག་ཕྱུང་བ་ཡུངས་ཀར་དང་བསྲེས་པ་བཞག །དཀྱིལ་འཁོར་གྱི་གྲྭ་བཞིར་སྤོས་ཕོར་བཞི་བཞག་སྟེ་ཙནྡན་དང་ཨ་ག་རུ་དང་ཏུ་རུཥྐ་དང་གུ་གུལ་བཞི་པོ་རྒྱུན་མ་ཆད་པར་བདུག །ཏུ་རུཥྐ་དངོས་མ་རྙེད་ན་སྤོས་དཀར་གྱིས་རུང་། སྒོ་བཞིར་མཆོད་ཡོན་གྱི་སྣོད་བཞི་བཞག་པའི་ནང་དུ། གུར་གུམ་འབྲས་ཡོས་ནས་ཏིལ་དཀར་ཀུ་ཤ་འོ་མ་མེ་ཏོག་དཀར་པོ་སྟེ་རྫས་བདུན་ཅུང་ཟད་རེ་བླུགས། མཆོད་ཡོན་སྦྲེང་བའི་བྱ་མ་བུམ་ཆུ་གཙང་གིས་བཀང་བ་དང་། ཁྲུས་སྣོད་མེ་ལོང་སྐུ་ཕྱི་ན་བཟའ། རྒྱལ་ཆེན་ ― LT34_Page_0075 ―
[མ་དཔེ་གཟིགས་ན་འདིར་གནོན།]
ཕྱོགས་སྐྱོང་སྡེ་བརྒྱད་རྣམས་ལ་ཟླུམ་གཏོར་གསུམ་རྣམས་ཀྱང་སྟེགས་བདེ་བར་བཞག །མེ་ཏོག་མར་མེ་ཞལ་ཟས་གཙོ་བོར་གྱུར་པའི་ཉེར་སྤྱོད་ལྔ་བརྒྱ་ཕྲག་གི་ཕྲེང་བས་མཚོན་མཆོད་པའི་བྱེ་བྲག་རྒྱས་པར་བཤམ་དགོས་ཀྱང་དཀྱིལ་འཁོར་གྱི་མཐར་སཱཙྪ་ལེན་བཞག་སྐབས་སྟབས་མི་བདེབས། བར་ཕྱེས་ནས་ཕྱོགས་ཕྱོགས་ཀྱི་སྟེགས་བུར་བསྒྲིགས་པ་རྣམས་ཀྱི་དབུས་སུ་སྣོད་གཙང་མར་ཙཱ་རུའི་བཟའ་བ་ཟླུམ་གཏོར་ཆེ་ལེགས་དཀར་མངར་ཤིང་ཏོག་གི་བཟའ་བཅའ་སྣ་ཚོགས་དང་ལྡན་པ་སྨན་ལྔ་འབྲུ་ལྔ་དྲི་ལྔ་རིན་པོ་ཆེ་ལྔ་སྙིང་པོ་ལྔ་སྟེ་ལྔ་ཕྲག་ལྔའི་རྫས། བཀྲ་ཤིས་རྫས་རྟགས་འབུར་རམ་རི་མོར་བྲིས་པ་རྣམས་རྟེན་ལ་ཁ་ཕྱོགས་ཏེ་བཀོད། སློབ་དཔོན་གྱི་མདུན་ཏུ་ཁྲུས་བུམ་མམ་དུང་ཕོར་དྲི་ཆབ་ཀྱིས་བཀང་བ། ཡུངས་ཀར་དང་འཐོར་ནས། གཞན་ཡང་རོལ་མོའི་བྱེ་བྲག་མདོ་ཆོག་ལ་འོས་པའི་རིགས་ཀྱང་འདུ་བྱའོ། །གཉིས་པ་བསྡུས་པ་ནི། དཀྱིལ་འཁོར་གྱི་ས་ཆོག་རྣམས་འདོར་ལེན་ཇི་ལྟར་བྱས་ཀྱང་རུང་ལ། དཀྱིལ་འཁོར་སྒོ་དང་རྟ་བབས་སོགས་མེད་པའི་པདྨའི་གདན་སྣམ་བུ་དང་བཅས་པ་བྲི། བཤམ་བཀོད་རིགས་གོང་ལྟར་ལ་གཟུངས་དང་མཆོད་རྟེན་བྲིས་པའི་ཐང་ཀ་ལྔ་པོ་མི་དགོས་ལ། བརྒྱ་མཆོད་རྣམས་གང་འབྱོར་བྱས་ནས་ཚར་རེ་བཞིན་ཁ་གསོ། ཙཱ་རུའི་བཟའ་བའང་དཀྱིལ་འཁོར་མདུན་ཏུ་ཚར་ ― LT34_Page_0076 ―
[མ་དཔེ་གཟིགས་ན་འདིར་གནོན།]
གཅིག་བཀོད་པས་ཆོག །བུམ་པ་བཞི་མི་འཛོམ་ན་གཅིག་བྱེ་སྣོད་བཅས་སློབ་དཔོན་མདུན་ཏུ་བཞག །སྤོས་ཕོར་ཡང་གཅིག་གིས་མཚོན་ཙམ་རུང་ཞིང་བཟང་སྤོས་མ་འཛོམ་ན་ཤུག་པ་དང་ཨ་ག་རུ་དཀྱུས་མ་སིལ་སོགས་བདུག་པས་གོ་ཆོད། ལྔ་ཚན་ལྔ་མ་འབྱོར་ན་རི་མོར་བྲིས་པས་ཀྱང་རུང་ངོ་། །གསུམ་པ་ཆོ་ག་བཏང་ཚུལ་ལ་གཉིས། ཐུན་མོང་གི་ལག་ལེན། བྱེ་བྲག་དབྱེ་བསྡུའོ། །དང་པོ་ནི། བསླབ་པ་དང་ལྡན་པའི་དགེ་འདུན་པ་རྣམས་ཀྱིས་མགོ་ལུས་ལ་ཁྲུས་བྱ་ཞིང་བཀྲུ། ཆོས་གོས་རྣམ་གསུམ་ཚུལ་དང་ལྡན་པར་བགོ། ཁྱིམ་པ་ཡིན་ན་བསྙེན་གནས་ཀྱི་ཁྲིམས་བཟུང་ལ་ཁྲུས་དང་གོས་གཙང་མ་གྱོན། ཤ་ཆང་སྒོག་གཙོང་མ་ཡིན་པའི་དཀར་མངར་གྱི་བཟའ་བཏུང་བག་ཡོད་པར་ལོངས་སྤྱད། ཉོན་མོངས་པའི་རྣམ་པར་རྟོག་པ་དང་། གཉིད་དང་ལེ་ལོ། གཞན་ལ་གནོད་འཚེ་སོགས་མ་དག་པའི་བསམ་སྦྱོར་ཅི་ནུས་སུ་སྤང་། དཀོན་མཆོག་གསུམ་གྱི་ཡོན་ཏན་དང་མདོ་སྡེ་དང་མཆོད་རྟེན་གྱི་ཕན་ཡོན་ལ་ཡིད་ཆེས་པའི་དད་པ་དང་གུས་པ་ཆེར་བསྐྱེད། སེམས་ཅན་རྣམས་ལ་བྱམས་པ་དང་སྙིང་རྗེའི་སེམས་བསྐྱེད་ལ་ཆོ་གའི་ཚིག་དལ་ཐེལ་རན་ཅིང་སྔགས་སྒྲ་དག་པ་སོགས་གལ་ཆེ། འགྲུབ་ཏུ་རུང་ན་དོན་ཞགས་ལུགས་ཀྱི་ཐེག་ཆེན་གསོ་སྦྱོང་བླངས་ལ་ཚུལ་ཁྲིམས་རྣམ་དག་གཟུངས་བཟླ་བ་ནངས་རེ་བཞིན་བྱས་ན་ཤིན་ཏུ་ལེགས། ― LT34_Page_0077 ―
[མ་དཔེ་གཟིགས་ན་འདིར་གནོན།]
འབྱོར་པས་ལྕོགས་ན་གོང་སྨོས་མདོ་སྡེ་རྣམས་ཀློག་པ་པོ་གཅིག །གཟུངས་ཟློ་བ་པོ་གཅིག་བཅས་བཞག་གོ། །གཉིས་པ་ལ་གསུམ། རྒྱས་པ། འབྲིང་པོ། བསྡུས་པའོ། །དང་པོ་ནི། དགེ་འདུན་རྣམས་གྲལ་དུ་འཁོད་པ་དང་རྡོ་རྗེ་རྣམ་འཇོམས་ཀྱི་གཟུངས་བརྗོད། སྙིང་པོ་དང་ཁྲུས་བདུན་རིག་པ་ཅི་འགྲུབ་བཟླས་པས་བུམ་པའི་ཆུ་བྱིན་གྱིས་བརླབས་ཏེ་འདུས་པ་རྣམས་ནས་ཁྲུས་དང་འཐོར་འཐུང་བྱས་མཐར་ཕན་ཡོན་བརྗོད། སྤྲོ་ན་ཐུབ་བསྟོད་གང་རུང་འདོན། འགྲེང་སྟེ་སེམས་བརྩེ་མ་བརྗོད་ལ་ཕྱོགས་བཅུའི་རྒྱལ་བ་སྲས་བཅས་མངོན་སུམ་ལྟ་བུར་དམིགས་ནས་ཕྱག་བྱ། དེ་ནས་གདན་ལ་འཁོད་དེ། ཤེས་པས་གྲུབ་པ་ལས། ཨོཾ་སུ་པྲ་ཏིཥྛ་སྟུ་བེ་སྭཱ་ཧཱ། ལན་གསུམ་བརྗོད་པ་ནས་བརྩམས། ཕུན་སུམ་ཚོགས་པའི་དབང་ཐམས་ཅད་བསྐུར་བར་གྱུར་བར་དང་། དེའི་གོང་དུ་ཡོད་པ། ཨོཾ་ཏྲཻ་ཡ་སོགས་སྔགས་ཚན་བཞི། ཨོཾ་རཏྣ་ཙཻདྱ་སོགས་གོང་འོག་གི་སྔགས་ཐམས་ཅད་ལན་གསུམ་གསུམ་དང་། བར་གྱི་དམིགས་པ་རྣམས་ཀྱང་། གྱུར་ཅིག་ཅེས་སྨོན་ལམ་ཏུ་བསྒྱུར་བ་སོགས་ཤེས་པར་བྱས་ལ་རྟེན་དང་ཡོ་བྱད་སྤྱིར་བྱིན་གྱིས་བརླབ། ཡང་ན་འདི་དག་ཁོ་བོས་གསར་བསྒྲིག་དྲི་མེད་ལམ་འཇུག་ལྟར་བྱས་ཀྱང་རུང་ངོ། །དེ་ནས་གང་གིས་རྟེན་ཅིང་འབྲེལ་བར་འབྱུང་། སོགས་དང་། གང་ ― LT34_Page_0078 ―
[མ་དཔེ་གཟིགས་ན་འདིར་གནོན།]
ཞིག་རྐྱེན་ལས་སྐྱེས་པ་སོགས་ཤློ་ཀ་བརྗོད་ལ་སྟོང་པ་ཉིད་ཀྱི་ཏིང་ངེ་འཛིན་བསྒོམ། དེ་ནས་དྲི་མེད་ཆོག་གཞུང་ལྟར། ཆོས་ཐམས་ཅད་དོན་དམ་པར་སོགས་ནས། དགོད་པར་བྱ། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། བདག་ནི་དུས་ངན་པའི་སོགས་ཀྱིས་སེམས་བསྐྱེད་ལ། ས་གཞི་རྟེན་མཆོད་བྱིན་རླབས་དང་། བདེན་སྟོབས་བརྗོད་པ་ལན་གསུམ་གསུམ། དེ་ནས་མར་མེ་སྦར། བདུག་སྤོས་བཏུལ། དགེ་འདུན་རྣམས་པུས་བཙུག་ཐལ་སྦྱར་མེ་ཏོག་བླངས་ལ། བཅོམ་ལྡན་དཔལ་ཤཱཀྱ་ཐུབ་པ་སོགས་ནས། བྱིན་གྱིས་བརླབ་པར་ཅི་གནང་ཞེས་པའི་ཚིག་གོང་མའི་བར། དེ་ནས་མཆོད་འབུམ་ལས། དེ་བཞིན་གཤེགས་པ་དང་སོགས་ནས། གཤེགས་ཤིང་གཞེས་པར་གསོལ། ཅེས་པའི་བར་དང་། སླར་ཆོག་གཞུང་ལས། གནོད་སྦྱིན་གྱི་སྡེ་དཔོན་ནས། ཅི་གནང་ཞེས་པའི་བར། མཆོད་འབུམ་ལས། ལྷའི་འཇིག་རྟེན་ནས། དེ་ལྟ་བུར་གཤེགས་པར་གསོལ། ཅེས་པའི་བར་གྱིས་རྒྱལ་བ་སྲས་བཅས། མཆོད་རྟེན་ཆོས་སྐྱོང་བ་བཅས་སྤྱན་དྲངས་ལ་བར་མཚམས་རྣམས་སུ་མེ་ཏོག་འཐོར་ཞིང་རོལ་མོའི་སྒྲ་བྱ་ཆོག་གཞུང་ལས། ཕོ་བྲང་གི་དཀྱིལ་འཁོར་ནས། བཞུགས་པར་གྱུར་བར། འགྲེངས་ལ་ཕྱག་ལན་བདུན་འཚལ་བཞིན་ཏུ། མཆོད་འབུམ་ལྟར། ཡེ་ཤེས་ཚོགས་ཀྱིས་སོགས་བྱོན་ཕྱག་འབུལ་བ་ནས། སྨོན་ ― LT34_Page_0079 ―
[མ་དཔེ་གཟིགས་ན་འདིར་གནོན།]
ལམ་འཇུག །མྱུར་ཐོབ་ཤོག་བར་བཏང་། ཨརྒྷཾ་འབུལ་བའི་སྐབས་ཕྱོགས་བཞིར་མཆོད་ཡོན་སྦྲེང་། ཁྲུས་ཀྱི་སྐབས་ཕྱོགས་བཞིའི་བུམ་པས་ཕྱོགས་སོ་སོ་ནས། ཁྲུས་གསོལ་བ་སོགས་དང་། མཆོད་པ་རྣམ་ལྔ་འབུལ་བའི་ཐོག་མར་མཆོད་སྤྲིན་གྱི་སྔགས་ལན་གསུམ་བརྗོད། ཡུངས་ཀར་འབུལ་བའི་སྐབས་སུ་ཡུངས་ཀར་འཐོར་བ་དང་རོལ་མོ་སོགས་བྱ། མཆོད་འབུམ་ལ་གོང་འོག་འཁྲུགས་ཅུང་ཟད་སྣང་ཡང་ལག་ལེན་མི་བདེ་བས་བཏང་སྙོམས་སུ་བཞག་པའོ། །དེ་ནས་འགྲེང་ལ་ཕྱག་འཚལ་བའི་གཟུངས་ལན་གསུམ་སྔོན་དུ་འགྲོ་བས། ཆོག་གཞུང་ལྟར། བཅོམ་ལྡན་འདས་མི་འཁྲུགས་པ་སོགས་ནས། ཆོས་དཀོན་མཆོག་ལ་ཕྱག་འཚལ་བ་ཡན་དང་། མཆོད་འབུམ་ལས། ཤེས་རབ་མཆོག་གིས་སོགས་ནས། རྨད་རྫོགས་མངའ་ལ་ཕྱག་འཚལ་བསྟོད་བར། ཆོག་གཞུང་ལས། སངས་རྒྱས་བཅོམ་ལྡན་འདས་དེ་དག་གི་ནས་ཕྱག་འཚལ་རྫོགས་པའི། སྐྱབས་སུ་མཆིའོའི་བར་བརྗོད་ལ་ཕྱག་བྱ། གདན་ལ་འཁོད་ནས། འཕགས་པའི་ཚོགས་ཐམས་ཅད་སོགས་ནས། མཆོད་ཅིང་འབུལ་ལོ་བར་དང་མཆོད་སྤྲིན་གྱི་གཟུངས་སྔགས་བཅས་རོལ་མོ་བྱ། དེ་ནས་མཆོད་འབུམ་ལས། ― LT34_Page_0080 ―
[མ་དཔེ་གཟིགས་ན་འདིར་གནོན།]
ཡེ་ཤེས་ཚོགས་རྫོགས་སོགས་མཐར་ཆགས་སུ་བཏང་བ་ལས། ཨརྒྷ་གསོལ་བའི་སྐབས་བྱ་མ་བུམ་སྤོས་ཀྱིས་བདུག །ལག་ཐལ་སྦྱར་གྱིས་དཔྲལ་པར་བཟུང་ལ་ཕྱོགས་བཞིའི་མཆོད་ཡོན་གྱི་སྣོད་རྣམས་སུ་གཡས་བསྐོར་དུ་སྦྲེང་། རྒྱལ་ཆེན་སོགས་ལ་མཆོད་ཅིང་བསྟོད་པ་མ་གཏོགས་གཏོར་འབུལ་གཞུང་འདིར་མ་བཤད་པས་མི་དགོས་ཀྱང་སྤྱི་ལྟར་སྤྲོ་ན་འགལ་བ་མེད་པས། མཆོད་རྟེན་བསྟོད་པ་གྲུབ་ནས་འཁྱིལ་པའི་སྔགས་ཀྱིས་བསང་། སྭ་བྷཱ་བས་སྦྱང་། ཆ་གསུམ་ལྟར་ཐུན་མོང་དུ་བྱིན་བརླབ། རྒྱལ་ཆེན་བཞིའི་སྔགས་ལ་ཨ་ཀཱ་རོ་བཏགས་པ་ལན་གསུམ་གྱིས་འབུལ། ཤར་ཕྱོགས་ན་ནི་སོགས་ཀྱིས་བསྟོད་ཅིང་ཕྲིན་ལས་བཅོལ། ཨོཾ་ཨིནྡྲཱ་ཡ་སོགས་ཀྱིས་ཕྱོགས་སྐྱོང་དང་། ཨོཾ་དེ་བ། ནཱ་ག་སོགས་ཀྱིས་སྡེ་བརྒྱད་ལ་འབུལ་ཞིང་མཆོད་བསྟོད་བྱས་ལ་གཏོར་མ་གཤེགས། སྡིག་པ་བཤགས་པ་ནས། བྱང་ཆུབ་བསྔོ་བའི་བར་གཞུང་རྫོགས་པར་གྲུབ་པ་དང་། ཆོག་གཞུང་སྔ་མའི་འཕྲོས། འཕགས་པའི་ཆོགས་ཐམས་ཅད་དགོངས་སུ་གསོལ་སོགས་ནས། དེ་བཞིན་ཏུ་གྱུར་ཅིག་བར་གཞུང་ལས་ལན་གསུམ་གསུངས་པ་རྣམས་ཀྱང་དེ་ལྟར་བརྗོད། དེ་ནས་གཙུག་ཏོར་དྲི་མེད་ཀྱི་མདོ་ ― LT34_Page_0081 ―
[མ་དཔེ་གཟིགས་ན་འདིར་གནོན།]
གཟུངས་དགུའི་རྒྱ་སྐད་ནས་བཟུང་ཚར་གཅིག་བཀླག །གཟུངས་རིང་ཐུང་ལ་སླེབས་པ་དང་ད་དག་བརྒྱ་རྩ་རེ་བཟླ་དགོས་པས་གཅིག་གིས་གྲངས་འགྲོ་དཀའ་ན་སྤྱི་མགོར་བརྩིས་ཀྱང་རུང་ངོ་། །གཟུངས་མདོ་གྲུབ་པ་དང་། ཆོག་གཞུང་ལྟར། ཕྱོགས་བཅུ་དུས་གསུམ་སོགས་ནས། དབྱིངས་ལ་འགོད་པར་གྱུར་ཅིག་བར་བརྗོད། གཟུངས་རིང་ཐུང་བརྗོད་ཅིང་གཟུངས་བུམ་རྣམས་ཀྱི་བུམ་ཆུ་བཀྱེས་ལ་འཐོར་འཐུང་བྱ། དེ་ནས་རིན་ཆེན་རྒྱལ་མཚན་གྱི་སྔགས་དང་འོད་ཟེར་དྲི་མེད་ལས་འབྱུང་བའི་སྐོར་བའི་སྔགས་ལན་གསུམ་གསུམ་བརྗོད། གཟུངས་རིང་ཐུང་གཉིས་ཀའམ་མི་ཤེས་ན་གཟུངས་ཐུང་བཟླ་བཞིན་ཏུ་སྐོར་བ་ལན་བརྒྱ་རྩ་བརྒྱད། དེའང་མི་ལྕོགས་ན་མི་གྲངས་ལ་བརྩིའོ། །དེ་ནས་གདན་ལ་འཁོད་དེ་མཆོད་རྟེན་བསྐོར་བའི་ཕན་ཡོན་དང་། གསལ་རྒྱལ་གྱི་ཚིགས་བཅད་གཉིས་ཀའམ་མི་ནུས་ན་རེས་མོས་སུ་བཀླག །དེ་ནས་སྐབས་འདིར་བཟང་སྤྱོད་སྨོན་ལམ་འདོན་པར་གསུངས་ཀྱང་ཆོ་ག་ཚར་གྲངས་མང་པོའི་སྐབས་སཱཙྪ་རྣམས་བླང་བཞག་གི་ཁྱད་ཀྱིས་རྗེས་ནས་འདོན་ན་ལེགས། དེ་ནས་འཕགས་པའི་ཚོགས་ཐམས་ཅད་ལ་སོགས་ནས། མཆོད་ཅིང་འབུལ་ལོ་བར་དང་། མཆོད་སྤྲིན་སྔགས་ ― LT34_Page_0082 ―
[མ་དཔེ་གཟིགས་ན་འདིར་གནོན།]
བཅས་བརྗོད། གཞུང་ལྟར་བཟོད་གསོལ་དང་གཤིགས་གསོལ་བྱ། རྟེན་ལ་དམིགས་ནས་བརྟན་བཞུགས་བྱས་ཀྱང་རུང་། དེ་ནས་གོང་དུ་མ་འདོན་ན་བཟང་སྤྱོད་འདིར་འདོན་ཅིང་། ཕུན་སུམ་ཚོགས་པ་སོགས་ཞལ་ནས་གསུངས་པའི་བཀྲ་ཤིས་ཀྱི་ཚིགས་སུ་བཅད་པས་ཐོག་དྲངས་ཤིས་བརྗོད་བྱ། ཚར་གྲངས་མང་པོའི་སྐབས་དེའི་ཚེ་ལས་རྡོར་སོགས་ཀྱིས་སཱཙྪ་རྣམས་གཞན་ཏུ་སྤྱན་དྲངས་ལ། རྗེས་མ་རྣམས་དཀྱིལ་འཁོར་དུ་བསྒྲིག་པ་དང་། མཆོད་གཏོར་གསར་དུ་བཤམ་པ་དང་ཁ་གསོ་བ་སོགས་བྱའོ། །གཉིས་པ་ཆོ་ག་འབྲིང་པོ་ཙམ་བྱེད་ན། སྤྱིའི་ལག་ལེན་སོགས་རྒྱས་པ་ལྟར་ལ། ཐོག་མར་ཚིགས་སུ་བཅད་པ་བཞི་པ་ལྟ་བུའི་ཚིགས་བརྗོད་ནས་འཕགས་པ་རྣམས་ལ་ཕྱག་བྱ། གང་གིས་རྟེན་ཅིང་སོགས་སྟོང་པ་ཉིད་བསྒོམ་པ་ནས་བརྩམས་ཆོག་གཞུང་ལྟར་བཏང་བ་ལས། སྤྱན་འདྲེན་སྔ་ཕྱིའི་བར་དུ་མཆོད་འབུམ་ལྟར། དེ་བཞིན་གཤེགས་པ་དང་སོགས་ཀྱིས་མཆོད་རྟེན་སྤྱན་འདྲེན་སྦྱར། ཆོག་གཞུང་གི་ཕྱག་མཆོད་དང་། གླིང་གཞི་བརྗོད་ཅིང་ཐུགས་དམ་བསྐུལ་བ། བདེན་པ་བདར་ཞིང་ཡིད་ཀྱིས་བསྔོ་བ་རྣམས་གྲུབ་པའི་རྗེས་སུ། གཟུངས་མདོ། སྔགས་བཟླས། ཡན་ལག་བདུན་པ། བསྐོར་བ། ཕན་ཡོན་གྱི་ཚིགས་བཅད། མཆོད་པ། བཟོད་གསོལ་སོགས་ ― LT34_Page_0083 ―
[མ་དཔེ་གཟིགས་ན་འདིར་གནོན།]
ཀྱང་རྒྱས་པ་དང་འདྲ་ལ། མདོར་ན་མཆོད་འབུམ་ལས་མཆོད་རྟེན་སྤྱན་འདྲེན་སྦྱོར་བ་ཙམ་མ་གཏོགས་གཞན་ཆོག་གཞུང་ཁོ་ན་ཚང་བར་བཏང་བ་ཡིན་ནོ། །གསུམ་པ་ཆོ་ག་བསྡུས་པ་ནི། ཆོ་ག་གཞུང་ལས་སྙིང་པོར་ཕྱུང་ནའང་ཕྱོགས་ཙམ་རུང་མོད། འཕྲི་བསྣན་འགའ་ཞིག་མ་བྱས་ན། འབྲིང་བསྡུས་འདི་དག་ལ་ཆོ་གའི་ཆ་ལག་ཚང་དཀའ་བ་དང་། འཕྲི་བསྣན་བསབ་འོས་མང་ན་ལག་ལེན་ཏུ་ཁྱེར་མི་བདེ་བས་བསྡུས་པའི་ཆོ་ག་དྲི་མེད་ལམ་འཇུག་ཅེས་བྱ་བ་ནག་འགྲོས་ཟུར་དུ་བཀོད་པ་ལས་རྟོགས་པར་བྱའོ། །དེའང་ཆོ་ག་ཚར་གྲངས་མང་དུ་བྱ་དགོས་པའི་ཚེ་སྔ་དྲོ་ཐོག་མར་རྒྱས་པ་ཚར་གཅིག་བཏང་། དེ་ནས་འབྲིང་པོ་ཚར་གཅིག །དེ་ནས་བསྡུས་པ་དུ་ཐོན་བྱ་བའམ། རྒྱས་པའི་ཁོངས་སུ་འབྲིང་པོའང་འདུ་བས་ཟུར་དུ་མི་བྱ་བར་རྒྱས་པ་ཚར་གཅིག་གི་རྗེས་སུ་བསྡུས་པ་ཉིད་གང་འགྲུབ་བྱས་ན་བདེ་ཞིང་ལེགས་པར་མངོན་ནོ། །བཞི་པ་རྗེས་ནི། སཱཙྪ་བརྒྱ་སྟོང་ལྟ་བུ་ཉུང་ངུ་ལས་མི་འགྲུབ་ན་དེ་དག་གི་ཆོག་ཟིན་ནས་ཚ་ཁང་ལྟ་བུ་ཕྱག་བསྐོར་སོགས་བཀུར་བསྟི་དང་ཚོགས་བསགས་ཀྱི་རྟེན་ཏུ་འགྱུར་ལ་ཆུད་མི་ཟ་བའི་གནས་སུ་དབུ་ཞབས་མ་ལོགས་པར་བཞུགས་སུ་གསོལ་བས་འཐུས་ཤིང་། འབུམ་ཐེར་ལྟ་བུ་ལ་ལམ་གྱི་གཞི་མདོའམ་གོང་ ― LT34_Page_0084 ―
[མ་དཔེ་གཟིགས་ན་འདིར་གནོན།]
སྨོས་ཀྱི་གནས་སོགས་སུ། ས་ཆོག་སྔོན་ཏུ་འགྲོ་བས་ཁང་བུ་བརྩེགས་པའི་མཆོད་རྟེན་བརྩིགས་པའི་ནང་དབུས་སུ་རྡོ་ལ་བརྐོས་པའི་དཀྱིལ་འཁོར་སོགས་འདུ་བྱས་ཏེ། དྲི་མེད་རྣམ་གཉིས་ཀྱི་ཆོ་གའི་གཞུང་ཇི་ལྟ་བར་སྲོག་ཤིང་འཛུག་པའི་ཆོ་ག་བྱས་ལ། གཙུག་ཏོར་དྲི་མེད་ཀྱི་མཆོད་རྟེན་བརྒྱ་རྩ་བརྒྱད་དང་། འོད་ཟེར་དྲི་མེད་ཀྱི་མཆོད་རྟེན་དགུ་བཅུ་རྩ་དགུ་རྣམས་དབུས་སུ་བོང་སྒྲམ་ལྟ་བུར་བཞུགས་པའི་མཐའ་བསྐོར་དུ་སཱཙྪ་བྱིངས་རྣམས་ཀྱང་དབུ་ཞབས་མ་ལོགས་པར་བཞུགས་སུ་གསོལ་ན་ཕན་ཡོན་བསམ་ལས་འདས་པ་གཞུང་དེ་དག་ཏུ་གསལ་བ་ལྟར་རོ། །གལ་ཏེ་འོད་ཟེར་དྲི་མེད་ཀྱི་སཱཙྪའི་ཆོ་ག་བྱེད་ནའང་གཞུང་འདི་དག་ལ་སྨོན་ལམ་སོགས་ཅུང་ཟད་ཁ་བསྒྱུར་བས་འགྲུབ་སྟེ་དེའི་ཚུལ་ནི་ལོ་ཆེན་དྷརྨ་ཤྲཱིའི་ཡིག་ཆ་སོགས་སུ་ཤེས་པར་བྱའོ། །ཆོ་ག་ལན་ཅིག་གྲུབ་ཀྱང་ངན་འགྲོ་ཡི། །སྐྱེ་སྒོ་གཅོད་ཅིང་བྱང་ཆུབ་ཚོགས་རྫོགས་པའི། །ཐབས་མཆོག་སངས་རྒྱས་ཞལ་ནས་ཆེད་བསྔགས་པ། །དང་དུ་ལེན་པའི་སྐལ་ཅན་དེང་སང་དཀོན། །འོན་ཀྱང་སྙིང་ནས་ཡིད་ཆེས་དད་བ་ཡིས། །བྲིས་འདིས་རིང་བསྲེལ་སྙིང་པོ་ཅན་གྱི་གདུང་། །རྣམ་དག་ཆོ་གའི་གཟི་ལྡན་ས་གསུམ་ཁྱབ། །བཟང་པོ་སྤྱོད་པའི་རྣམ་ཐར་ཡོངས་རྫོགས་ཤོག ། ― LT34_Page_0085 ―
[མ་དཔེ་གཟིགས་ན་འདིར་གནོན།]
དྲི་མེད་ཆོ་གའི་ལག་ལེན་འདི་ཉིད་སྐྱབས་མགོན་རྒྱལ་དབང་ཐམས་ཅད་མཁྱེན་པ་བཅུ་བཞི་པས་བཀའ་སྩལ་མེ་ཏོག་སྤྱི་བོར་བཅིངས་ཤིང་། སྔ་ཕྱིར་དོན་གཉེར་ཅན་འགའ་ཞིག་གི་བཞེད་པ་སྐོང་བའི་ཕྱིར་དང་། ཆོས་ཚུལ་ཁྱད་པར་འཕགས་པ་འདི་ཉིད་དར་ཞིང་རྒྱས་པར་གྱུར་ན་ཅི་མ་རུང་སྙམ་དུ་ལྷག་པའི་བསམ་པས་ཀུན་ནས་བསླངས་ཏེ། ཡོན་ཏན་རྒྱ་མཚོའི་མིང་ཅན་བློ་གྲོས་མཐའ་ཡས་པའི་སྡེས་རྫོང་སར་བཀྲ་ཤིས་ལྷ་རྩེའི་ཆོས་གྲྭ་བྲིས་པ་དགེ་ལེགས་འཕེལ། ཞེས་པ་འདིའང་ནཱ་ཐ་སིདྡྷིའི་སྤར་དུ་བསྒྲུབས་པའོ།། མཆོད་རྟེན་བརྒྱ་རྩ་བརྒྱད་གདབ་པའི་ཆོ་ག་མཁན་ཆེན་ཞི་བ་འཚོས་མཛད་པ་ལས་ཉུང་ངུར་བསྡུས་པ་དྲི་མེད་ལམ་འཇུག― LT34_Page_0087 ―
[མ་དཔེ་གཟིགས་ན་འདིར་གནོན།]
མཆོད་རྟེན་བརྒྱ་རྩ་བརྒྱད་གདབ་པའི་ཆོ་ག་མཁན་ཆེན་ཞི་བ་འཚོས་མཛད་པ་ལས་ཉུང་ངུར་བསྡུས་པ་དྲི་མེད་ལམ་འཇུག་ཅེས་བྱ་བ་བཞུགས་སོ། ། ― LT34_Page_0088 ―
[མ་དཔེ་གཟིགས་ན་འདིར་གནོན།]
བླ་མ་རྫོགས་པའི་སངས་རྒྱས་ལ་ཕྱག་འཚལ་ལོ། །ཚོགས་གཉིས་མཐར་ཕྱིན་རྒྱལ་བའི་གཙུག་ཏོར་ལས། །གྲོལ་བ་བཞི་ལྡན་ཕྱག་རྒྱར་ཤར་བའི་ལྷ། །རྒྱུད་དང་རྒྱུད་ཀྱི་སྦྱོར་བ་སྟོན་མཛད་པ། །ཞི་འཚོ་བརྒྱུད་པར་བཅས་ལ་གུས་ཕྱག་འཚལ། །རིང་བསྲེལ་སྙིང་པོ་ཅན་གྱི་གདུང་། །བདེན་པར་གསུངས་པས་རབ་བསྔགས་པ། །རྣམ་དག་ཚོགས་བསྒྲུབ་པའི་ཚུལ། །བསྡུས་ཏེ་བྱ་བའི་རིམ་པ་འཆད། །གང་དག་སཱཙྪ་འབུམ་ཕྲག་ལ་སོགས་པ་གྲངས་མང་དུ་འདེབས་པའི་ཚེ། མཆོད་རྟེན་བརྒྱ་རྩ་གདབ་པའི་ཆོག་རྒྱས་འབྲིང་ཚར་མང་དུ་མི་ལྕོགས་པས་ཟོར་ཡངས་སུ་བྱ་བར་འདོད་ན། ཆོག་ལ་མི་གཏོགས་པའི་སྦྱོང་བ་བཤམ་གྱི་རིམ་པ་རྒྱས་འབྲིང་གི་ཕྱག་ལེན་ལྟར་བྱས་ནས། དངོས་གཞིའི་ཆོ་ག་ལ་གསུམ། ཚོགས་ཞིང་ཉེ་བར་སྒྲུབ་ ― LT34_Page_0089 ―
[མ་དཔེ་གཟིགས་ན་འདིར་གནོན།]
པ། ཡན་ལག་བཅུས་ཚོགས་བསགས་ཤིང་གཟུངས་བཟླ་བ། བསགས་སྦྱོང་སོགས་ཀྱིས་མཇུག་བསྡུ་བའོ། །དང་པོ་ལ་གཉིས། སྦྱོར་བ་དང་། དངོས་སོ། །དང་པོ་ལྔ། བཞུགས་གསོལ་བདག་མདུན་མཆོད་རྫས་བསྒྲུབ། །རིག་པ་ཆེན་མོས་བྱིན་བརླབ་བོ། །དང་པོ་ནི། མཆོད་རྟེན་རྣམས་དཀྱིལ་འཁོར་གྱི་དབུས་སུ་བཞག་པའི་ཚེ། ཨོཾ་སུ་པྲ་ཏིཥྛ་སྟུ་བེ་སྭཱ་ཧཱ། བདག་གཞན་དོན་གཉིས་ཕུན་ཚོགས་སྤྱོད་གྱུར་ཅིག །ཨོཾ་བཛྲ་པདྨ་ས་མ་ཡེ་སྭཱ་ཧཱ། རྡོ་རྗེ་པདྨའི་གདན་ལ་བཞུགས་སུ་གསོལ། ནམ་མཁའ་ས་གཞི་རྒྱ་མཚོའི་མཇིང་ཐམས་ཅད། །མཆོད་རྟེན་རྣམ་པ་མང་པོས་གང་བར་གྱུར། །གཉིས་པ་བདག་སྒྲུབ་པ་ནི། བདག་ཉིད་རྡོ་རྗེ་འཛིན་པའི་སྐུར་གསལ་བའི། ― LT34_Page_0090 ―
[མ་དཔེ་གཟིགས་ན་འདིར་གནོན།]
སྙིང་གར་ཟླ་སྟེང་རྡོ་རྗེ་མེ་ལྔ་ལས། །ཡེ་ཤེས་འོད་ཟེར་སངས་རྒྱས་དཀྱིལ་འཁོར་འཕྲོས། །ལུས་ཀྱི་ནང་གང་བ་སྤུའི་བུ་ག་ནས། །ནམ་མཁའི་མཐར་ཁྱབ་འགྲོ་ཁམས་བྱིན་གྱིས་བརླབས། །དོན་མཛད་སླར་འདུས་སྐུ་ཡི་ནང་ཐིམ་གྱུར། །གཉིས་པ་མདུན་རྟེན་སྒྲུབ་པ་ནི། དཀྱིལ་འཁོར་སྟེང་དུ་ཡི་གེ་རཾ་དམར་པོ། ཧཱུྃ་རཾ་སྭཱ་ཧཱ། དེ་ལས་མེ་འབར་གནས་ཀྱི་རྟོག་པ་སྦྱངས། །ཡེ་ཤེས་རིན་ཆེན་ལྔ་ལྡན་དཀྱིལ་འཁོར་གྱུར། །པད་སྟེང་ལིང་ཚེ་རྣམས་སུ་ཨ་དཀར་པོ། །ཨོཾ་ཨ་ཙནྡྲ་མཎྜ་ལ་ཧཱུྃ་ཕཊ། ཨ་ཡིག་ཡོངས་གྱུར་ཟླ་གདན་རེ་རེར་གྱུར། ཨོཾ་བཛྲ་དྷཱ་ཏུ་ཨ་དྷི་ཏིཥྛ་ཧཱུྃ། རིན་ཆེན་གཞལ་ཡས་ཆོས་ཀྱི་དབྱིངས་མཉམ་ནང་། །དག་གསལ་ཡེ་ཤེས་ལྔ་ལས་གྲུབ་པ་ཡི། །མཆོད་རྟེན་རྣམས་ཀྱི་བུམ་པའི་དབུས་ཉིད་དུ། །དྲི་མེད་སྙིང་པོ་གསེར་གྱི་མདོག་ཅན་དང་། །ཕྱོགས་བཞི་དབུས་ལྔར་དེ་བཞིན་གཤེགས་པ་ལྔ། །ས་བོན་ལྔ་གསལ་ཡེ་ཤེས་འོད་ལྔ་འཕྲོས། །བདེ་གཤེགས་སྐུ་ཡི་སྤྲིིན་གྱིས་ནམ་མཁར་ཁྱབ། །འཇིག་རྟེན་ཁམས་ཀུན་དག་པའི་ཞིང་དུ་བསྒྱུར། །འགྲོ་དོན་མཛད་ནས་སླར་འདུས་ཐུགས་ཀར་ཞུགས། །ཕྲིན་ལས་སྒྲིབ་དག་རྡོ་རྗེ་གསུམ་ ― LT34_Page_0091 ―
[མ་དཔེ་གཟིགས་ན་འདིར་གནོན།]
དུ་གྱུར། །བཞི་པ་མཆོད་རྫས་བསྒྲུབ་པ་ནི། ཨོཾ་སརྦ་པཱུ་ཛ་པུཥྤེ་སྭཱ་ཧཱ། ཀུན་བཟང་མཆོད་སྤྲིན་རྒྱ་ཆེན་ཟད་མེད་པས། །མཆོད་རྟེན་རེ་རེ་བཞིན་ཏུ་མཆོད་པར་གྱུར། སྤོས་ཆུའི་སྟེང་དུ་ཨ་ལས་ཟླ་དཀྱིལ་ལས། །འོད་འཕྲོས་སྤོས་ཆུ་ཡེ་ཤེས་བདུད་རྩིར་གྱུར། །མཆོད་ཡོན་གྱི་ཕྱག་རྒྱ་བྱས་ལ། ཨོཾ་ཨ་མྲྀ་ཏེ་ཨརྒྷཾ་པྲ་ཏཱིཙྪ་སྭཱ་ཧཱ། འཕགས་པ་ཐམས་ཅད་མཉེས་པར་གྱུར་ཅིག །ཕྱག་རྒྱ་རྒྱ་མཚོའི་སྤྲིན་ཕུང་དབུ་གཙུག་ནས། །བཀྲམ་སྟེ་ཡེ་ཤེས་སྐུ་ཡི་ནང་དུ་འདུས། །ཕུན་སུམ་ཚོགས་པའི་དབང་རྣམས་བསྐུར་བར་གྱུར། །ལྔ་པ་རིག་པ་ཆེན་མོའི་བྱིན་གྱིས་བརླབ་པ་ནི། ཨོཾ་ཏྲཻ་ཡ་དྷེྭ་སརྦ་ཏ་ཐཱ་ག་ཏ་ཧྲྀ་ད་ཡ་གྷེ། ཛྭ་ལ་དྷརྨ་དྷཱ་ཏུ་གྷེ། སྃ་ཧ་ར་་ཨཱ་ཡུཿསྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏ་ས་མནྟ་ཨུཥྞཱི་ཥ་བི་མ་ལེ་བི་ཤུདྡྷེ་སྭཱ་ཧཱ། འཇིག་རྟེན་ཁམས་ཀུན་མཆོད་རྟེན་རང་བཞིན་གྱུར། ཨོཾ་ཏྲཻ་ཡ་དྷེྭ་སརྦ་ཏ་ཐཱ་ག་ཏ་ཧྲྀ་ད་ཡ་གྷེ། ཛྭ་ལ་དྷརྨ་དྷཱ་ཏུ་དྷེ། སྃ་ཧ་ར་་ཨཱ་ཡུཿསཾ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏ་ས་མནྟ་ཨུཥྞཱི་ཥ་བི་མ་ལེ་བི་ཤུདྡྷེ་མ་ཧཱ་བི་ར་ཛེ་ར་གམྦྷཱི་ར་སི་དྷརྨ་དྷཱ་ཏུ་གྷེ། བི་བི་སཱ་ར་ཨ་ཨ་ལཾ་སྭཱ་ཧཱ། ས་གཞི་ཐམས་ཅད་མཆོད་རྟེན་རང་བཞིན་གྱུར། ཨོཾ་ཏྲཻ་ཡ་དྷེྭ་སརྦ་ཏ་ཐཱ་ག་ཏ་ཧྲྀ་ད་ཡ་ ― LT34_Page_0092 ―
[མ་དཔེ་གཟིགས་ན་འདིར་གནོན།]
གྷེ། ཛྭ་ལ་དྷརྨ་དྷཱ་ཏུ་གྷེ། སྃ་ཧ་ར་་ཨཱ་ཡུཿསྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏ་ས་མནྟ། བི་མ་ལ་ཨུཥྞཱི་ཥ་བི་ཤུདྡྷེ། མ་ཧཱ་བི་ར་ཛེ་ར་གམྦྷཱི་ར་སི། དྷརྨ་དྷཱ་ཏུ་བི་བི་སཱ་ར་ཨ་མ་མ་ཀི་སྭཱ་ཧཱ། ཆུ་མཚོ་ཀུན་ཀྱང་མཆོད་རྟེན་རང་བཞིན་གྱུར། ཨོཾ་ཏྲཻ་ཡ་དྷེྭ་སརྦ་ཏ་ཐཱ་ག་ཏ་ཧྲྀ་ད་ཡ་གྷེ། ཛྭ་ལ་དྷརྨ་དྷཱ་ཏུ་གྷེ། སཾ་ཧ་ར་། ཨཱ་ཡུཿསྃ་ཤོ་དྷ་ཡ། པཱ་པྃ་སརྦ་ཏ་ཐཱ་ག་ཏ་ས་མནྟ། བི་མ་ལ་ཨུཥྞཱི་ཥ་བི་ཤུདྡྷེ། མ་ཧཱ་བི་ར་ཛེ་ར་གམྦྷཱི་ར་སི། དྷརྨ་དྷཱ་ཏུ་བི་བི་སཱ་ར་ཨ་ཨ་ཨེ་ཁྃ་ཡ་སྭཱ་ཧཱ། ནམ་མཁའི་ཁམས་ཀུན་མཆོད་རྟེན་རང་བཞིན་གྱུར། ཨོཾ་རཏྣ་ཙཻཏྱེ་པཉྩ་ཡེ་བི་བི་སཱ་ར་སྭཱ་ཧཱ། ལན་གསུམ། རིན་ཆེན་སྣ་ལྔ་ལས་གྲུབ་མཆོད་པའི་རྟེན། །ཚད་དཔག་མེད་པས་འཇིག་རྟེན་གང་གྱུར་ཅིག །ཅེས་པ་རྣམས་བརྗོད་ཅིང་དོན་ཡིད་ལ་བྱའོ། །སྦྱོར་བ་འདི་རྣམས་ནི་ཤེས་པས་གྲུབ་པ་ལས་གསུངས་པ་སྟེ་ད་ལྟ་གཞུང་ཉིད་ཚད་མར་བྱེད་པས་ཕན་ཡོན་ལ་བསམས་ནས་བཀོད་པ་ཡིན་ཅིང་། མཁན་པོའི་ཆོག་གཞུང་དུ་མི་གཏོགས་པས་འདི་ཡན་ཆད་མ་བྱས་ཀྱང་ཆད་པའི་སྐྱོན་མེད་དོ། །གཉིས་པ་ཚོགས་རྟེན་སྒྲུབ་པའི་ཐོག་མར་ཕྱོགས་བཅུའི་འཕགས་པ་རྣམས་མངོན་སུམ་ལྟ་བུར་དམིགས་ནས་ཕྱག་འཚལ་བའི་གཟུངས་བཅས་ཕྱག་ལན་གསུམ་བྱས་ཏེ་འཁོད། ཆོག་དངོས་ལ། སེམས་བསྐྱེད་གནས་ཡོ་ ― LT34_Page_0093 ―
[མ་དཔེ་གཟིགས་ན་འདིར་གནོན།]
བྱིན་གྱིས་བརླབ། །སྤྱན་འདྲེན་ཕྱག་མཆོད་བཞུགས་གསོལ་ཁྲུས། །ཞེས་རྣམ་གྲངས་བདུན་ཡོད་པ་ལས། དང་པོ་ནི། ཆོས་ཐམས་ཅད་དམིགས་སུ་མེད་པའི་སྟོང་པ་ཉིད་དོ། །ཞེས་བརྗོད་ལ་མཉམ་པར་བཞག །འཕགས་པ་རྣམས་ཀྱིས་དེ་ཁོ་ན་ཉིད་ཐུགས་སུ་ཆུད་པས་བསམ་གྱིས་མི་ཁྱབ་པའི་གོ་འཕང་བརྙེས་ལ། སེམས་ཅན་རྣམས་ཀྱིས་དེ་བཞིན་ཉིད་མ་རྟོགས་པས་མཐའ་མེད་པའི་འཁོར་བར་སྡུག་བསྔལ་ཤ་སྟག་གིས་ཉེན་པའི་འགྲོ་བ་དེ་དག་བདག་གི་ཕ་མར་མ་གྱུར་པ་འགའ་ཡང་མེད་ཅིང་། བདག་གིས་ཀྱང་བྱང་ཆུབ་མཆོག་ཏུ་སེམས་བསྐྱེད་ནས་འགྲོ་བ་བསྒྲལ་བར་དམ་བཅས་པས་དེ་རྣམས་ཡལ་བར་འདོར་བ་ནི་མི་རིགས་པས། འདི་དག་སྡུག་བསྔལ་ལས་འདོན། བདེ་བ་ལ་འགོད་པར་བྱའོ་སྙམ་དུ་བྱམས་པ་དང་སྙིང་རྗེ་དྲག་ཏུ་བསྒོམ། འོན་ཀྱང་ད་ལྟ་བདག་ལྟ་བུས་འགྲོ་བའི་དོན་རླབས་པོ་ཆེ་སྒྲུབ་པར་མི་ནུས་པས་གཙུག་ཏོར་དྲི་མ་མེད་པའི་གཟུངས་ཀྱི་ཆོ་ག་ལ་བརྟེན་ཏེ་འཕགས་པ་རྣམས་ཀྱི་མཐུ་དང་བྱིན་གྱི་རླབས་ཀྱིས་འགྲོ་བ་རྣམས་ལ་ཕན་པ་བསྒྲུབ་པར་བྱས་ལ། བདག་ཉིད་དབང་ཐོབ་ནས་གཞན་དྲིང་མི་འཇོག་པར་ཐབས་མཁས་པའི་སྒོ་སྣ་ཚོགས་ཀྱིས་སེམས་ ― LT34_Page_0094 ―
[མ་དཔེ་གཟིགས་ན་འདིར་གནོན།]
ཅན་ཐམས་ཅད་ལ་ཕན་པ་དང་བདེ་བ་བླ་ན་མེད་པར་བསྒྲུབ་པར་བྱའོ་སྙམ་དུ་བསམས་ལ། སངས་རྒྱས་ཆོས་ཚོགས་ལན་གསུམ། སེམས་ཅན་ཐམས་ཅད་བདེ་བ་དང་སོགས་བརྗོད་ལ་ཚད་མེད་བཞིའི་ཏིང་འཛིན་བསྒོམ། གཉིས་པ་ནི། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱི་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས། དེང་ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང་དམ་ཚིག་ལ་རྣམ་པར་ལྟ་བའི་གཟུངས་ཀྱི་མདོ་ལས་བྱུང་བའི་ཆོ་ག་བཞིན་དེ་བཞིན་གཤེགས་པའི་ཆོས་ཀྱི་སྐུའི་མཆོད་རྟེན་བརྒྱ་རྩ་བརྒྱད་གདབ་པའི་གནས་འདིར། ཕྱོགས་བཅུའི་དེ་བཞིན་གཤེགས་པ་སྲས་དང་བཅས་པ་དང་། འཕགས་པ་ཆོས་སྐྱོང་བ་ཐམས་ཅད་གདན་འཛོམ་པའི་ཕོ་བྲང་གི་དཀྱིལ་འཁོར་དང་མཆོད་པའི་ཚོགས་སྦྱར་བ་འདི་རྣམས། ཇི་ལྟར་སངས་རྒྱས་དང་བྱང་ཆུབ་སེམས་དཔའ་དེ་དག་གིས་སྔོན་གྱི་སྨོན་ལམ་ཁྱད་པར་ཅན་གྱིས་བསྒྲུབས་པའི་སངས་རྒྱས་ ― LT34_Page_0095 ―
[མ་དཔེ་གཟིགས་ན་འདིར་གནོན།]
ཀྱི་ཞིང་ཡོངས་སུ་དག་པ་དང་། བཅོམ་ལྡན་འདས་འོད་དཔག་མེད་ཀྱི་ཞིང་གི་བཀོད་པའི་ཡོན་ཏན་དང་ལྡན་པར་གྱུར་ཏེ། ཕུན་སུམ་ཚོགས་པའི་རྒྱན་ཐམས་ཅད་ཀྱིས་བརྒྱན་པའི་ས་གཞི་ལ། བཀོད་པ་ཐམས་ཅད་ལས་འཕགས་པ་དེ་བཞིན་གཤེགས་པའི་བཀོད་པ་ལ་བརྟེན་པའི་རིན་པོ་ཆེའི་གཞལ་མེད་ཁང་ཆེན་པོར་གྱུར་པའི་དབུས་སུ་པདྨའི་གདན། རིན་པོ་ཆེ་སེང་གེའི་ཁྲིའི་སྟེང་ན། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྐུའི་མཆོད་རྟེན་རིན་པོ་ཆེ་སྣ་ཚོགས་ལས་གྲུབ་པ་ཆེ་བའི་ཡོན་ཏན་ཐམས་ཅད་ཀྱིས་བརྒྱན་པའི་བདག་ཉིད་གྲངས་མེད་པ་ཞིག་རོམ་མེར་དཀྲིགས་པར་གྱུར་པའི་མཐའ་འཁོར་བར་གཞལ་མེད་ཁང་ཆེན་པོའི་ནང་དུ་འཕགས་པ་རྣམས་གདན་འཛོམས་པའི་གདན་ཁྲི་སོ་སོའི་སྨོན་ལམ་ཁྱད་པར་ཅན་གྱི་མངའ་ཐང་དང་མཚམས་པར་གྲུབ་པ་མཛེས་པ་ཤ་སྟག་འབྱུང་བར་གྱུར་ཅིག། ཕྱི་ནང་ཀུན་ཏུའང་ཆ་རིགས་དང་མཚམས་པར་ལྷ་དང་མིའི་ཡོ་བྱད་དམ་པ། ཞལ་ཟས་དང་ན་བཟའ་དང་། རྒྱན་དང་རོལ་མོ་ལ་སོགས་པ་ཕུལ་དུ་ཕྱིན་པ་སྣ་ཚོགས་པ། ཕུང་པོ་གསུམ་པའི་མདོ་དང་བཟང་པོ་སྤྱོད་པའི་སྨོན་ལམ་ལས་བྱུང་བའི་མཆོད་པའི་སྤྲིན་རྒྱ་ ― LT34_Page_0096 ―
[མ་དཔེ་གཟིགས་ན་འདིར་གནོན།]
མཚོ་ཐམས་ཅད་ཀྱིས་བཀང་ཞིང་རྒྱན་ཀླུབས་པ་དང་ལྡན་པར་གྱུར་ཅིག །འཕགས་པ་ཐམས་ཅད་གདན་འཛོམས་ནས། དེ་བཞིན་དུ་བྱིན་གྱིས་རླབས་ཤིང་བཞེས་ཏེ་ལོངས་སྤྱོད་པར་གྱུར་ཅིག །ཅེས་ལན་གསུམ་གྱིས་གནས་དང་མཆོད་པའི་ཡོ་བྱད་བྱིན་བརླབ། ཡང་དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱི་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེ་བཞིན་དུ་གྱུར་ཅིག །ཅེས་ལན་གསུམ་གྱིས་ཐུན་མོང་དུ་བྱིན་གྱིས་བརླབ་བོ། །གསུམ་པ་ནི། པུས་མོ་བཙུགས། མེ་ཏོག་བླང་། ཐལ་མོ་སྦྱར་ཏེ། འདུན་པ་རྩེ་གཅིག་པས། བཅོམ་ལྡན་འདས་དཔལ་རྒྱལ་བ་ཤཱཀྱ་ཐུབ་པ་ལ་སོགས་པ་ཕྱོགས་བཅུ་ན་དུས་གསུམ་དུ་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་ཐམས་ཅད་དགོངས་སུ་གསོལ། །ཐུགས་རྗེ་ཆེན་པོ་དང་། བྱིན་རླབས་བསམ་གྱིས་མི་ཁྱབ་པ་མངའ་ཞིང་། འགྲོ་བའི་དོན་དུ་སྨོན་ལམ་ཁྱད་པར་ཅན་མཛད་པ་ལས་གླེངས་ཏེ། བདག་ ― LT34_Page_0097 ―
[མ་དཔེ་གཟིགས་ན་འདིར་གནོན།]
སོགས་འགྲོ་བ་མང་པོ་བསྐྱབ་པའི་སླད་དུ་མགོན་སྐྱབས་སུ་གསོལ་ནས་སྤྱན་འདྲེན་ཅིང་མཆིས་ན། མཆོད་པའི་ཚོགས་སྦྱར་བའི་ཕོ་བྲང་གི་དཀྱིལ་འཁོར་འདིར་གཤེགས་ཤིང་གདན་འཛོམས་པ་ཆེན་པོ་མཛད་དེ་བྱིན་གྱིས་བརླབ་པར་ཅི་གནང་། དེ་བཞིན་གཤེགས་པ་དང་། བྱང་ཆུབ་སེམས་དཔའ་དང་། འཕགས་པ་རང་རྒྱལ་དང་། འཕགས་པ་ཉན་ཐོས་ཆེན་པོའི་སྐུ་གདུང་རིང་བསྲེལ་དང་། སྐུ་གདུང་གི་མཆོད་རྟེན་དང་། ཆོས་ཀྱི་སྐུའི་མཆོད་རྟེན་གཟུགས་ཀྱི་ཚུལ་དུ་རྣམ་པར་བཞག་པ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། མ་འདྲེས་པའི་དྲན་པ་ཉེ་བར་བཞག་པ་གསུམ་དང་། བསྲུང་བ་མེད་པ་གསུམ་དང་། བསྙེལ་བ་མི་མངལ་བའི་ཆོས་ཉིད་དང་། མི་འཇིགས་པ་བཞི་དང་། སྟོབས་བཅུ་དང་། མ་འདྲེས་པའི་ཆོས་བཅོ་བརྒྱད་དང་། ཐུགས་རྗེ་ཆེན་པོ་དང་། ཡེ་ཤེས་ལ་སོགས་པ་ཡོན་ཏན་བསགས་པའི་མཆོད་རྟེན་དང་། ཆོས་ཀྱི་དབྱིངས་དང་། རིག་སྔགས་དང་། གསང་སྔགས་དང་། སྙིང་པོ་དང་། ཕྱག་རྒྱ་དང་། འཕགས་པའི་བྱིན་གྱིས་བརླབས་པ་ལུམྦའི་ཚལ་དུ་སྐུ་བལྟམས་པའི་མཆོད་རྟེན་ལ་སོགས་ཏེ། ཕྱོགས་བཅུ་ཐམས་ཅད་ ― LT34_Page_0098 ―
[མ་དཔེ་གཟིགས་ན་འདིར་གནོན།]
ན་མཆོད་རྟེན་ཁྱད་པར་ཅན་འཁོར་དང་བཅས་པ་ཇི་སྙེད་བཞུགས་པ་ཐམས་ཅད། ཆོས་ཀྱི་དབྱིངས་དང་རིགས་ཐམས་ཅད་ན་བཞུགས་པའི་འཕགས་པ་ཐམས་ཅད་མཉེས་པར་བགྱི་བ་དང་། བདག་སོགས་སེམས་ཅན་ཐམས་ཅད་ཀྱི་བསོད་ནམས་སྤེལ་བའི་སླད་དུ། དེང་དཀོན་མཆོག་གསུམ་དང་མཆོད་རྟེན་ཁྱད་པར་ཅན་འཁོར་དང་བཅས་པ་སྤྱན་དྲངས་པའི་གནས་སུ་བྱིན་གྱིས་བརླབས་པ་འདིར། མཆོད་པར་འོས་པའི་བདེ་བ་སྦྱར་བ་ཐམས་ཅད་ཀྱིས་བསྟབས་ཤིང་སྤྱན་འདྲེན་གྱིས། མཐུ་སྟོབས་བསམ་གྱིས་མི་ཁྱབ་པ་དང་ལྡན་པ་རྣམས་ཀྱིས་རྣམ་པར་འཕྲུལ་པ་མཛད་དེ། ཆོས་ཀྱི་དབྱིངས་ཀུན་ཏུ་འགྲོ་བའི་ཚུལ་གྱིས་གཤེགས་ཤིང་བཞེས་པར་གསོལ་ལོ། །ཞེས་དང་། མཆོད་རྟེན་མཆོད་གནས་དཔལ་ལྡན་པ། །སྐུ་གདུང་ཆོས་སྐུ་ཆོས་དབྱིངས་དང་། །རིག་སྔགས་གསང་སྔགས་སྙིང་པོ་དང་། །ཕྱག་རྒྱ་བྱིན་རླབས་གཤེགས་སུ་གསོལ། །གཤེགས་འབྱོན་སྐྱེ་འགྲིབ་མེད་པའི་སྐུ། །ཇི་ལྟར་སྨོན་བཞིན་ཡོད་པ་དག །དཀྱིལ་འཁོར་འཆར་བའི་ཚུལ་བཞིན་དུ། །འཇིག་རྟེན་སྐྱབས་ཕྱིར་གཤེགས་སུ་གསོལ། །སངས་རྒྱས་ཆོས་དང་དགེ་འདུན་དང་། །མཆོད་ ― LT34_Page_0099 ―
[མ་དཔེ་གཟིགས་ན་འདིར་གནོན།]
རྟེན་ཁྱད་པར་འཁོར་གཏོགས་པ། །འོག་མིན་གནས་དང་ལྷ་ཚོགས་དང་། །བསམ་གཏན་བཞི་དང་འདོད་ཁམས་དྲུག །སྡེ་བརྒྱད་ཚོགས་དང་འབྱུང་པོ་ཀུན། །དམ་ཚིག་ཅན་དང་ཐུགས་དམ་ཅན། །ཚངས་པ་བརྒྱ་བྱིན་རྒྱལ་ཆེན་བཞི། །ཕྱོགས་སྐྱོང་གཟའ་དང་རྒྱུ་སྐར་དང་། །དཀོན་མཆོག་མཐོང་ཐོས་སྐྱབས་བརྟེན་པ། །ཕྱག་བགྱི་ཐལ་མོ་སྦྱར་འོས་ཤིང་། །མགོས་གཏུགས་མཆོད་དང་ཀུན་སྦྱིན་དང་། །རབ་ཏུ་སྦྱིན་འོས་ཀུན་གཤེགས་ཤིག །ཅེས་རོལ་མོའི་སྒྲ་དང་སྦོས་དུད་བཅས་སྤྱན་དྲངས་པས། འཕགས་པའི་ཚོགས་ཕྱོགས་བཅུ་ནས་གཤེགས་ཏེ་འཁོར་དང་བཅས་པ་གདན་ལ་བཞུགས་པར་གྱུར་པར་མོས། བཞི་པ་བསུ་ཕྱག་ནི། དགེ་འདུན་རྣམས་འགྲེངས་ནས་ཕྱག་ལན་བདུན་འཚལ་ཏེ། ཡེ་ཤེས་ཚོགས་ཀྱིས་བསྐྱེད་པའི་སྐུ། །མིང་དང་གཟུགས་ལས་རྣམ་པར་གྲོལ། །རྟོག་དང་སྤྲོས་ལས་རབ་འདས་ཀྱང་། །བསྙེལ་བ་མི་མངའི་རང་བཞིན་ཅན། །དངོས་དང་དངོས་མེད་མཐའ་ལས་དབེན། །བསམ་བརྗོད་ཡུལ་ལས་ཤིན་ཏུ་འདས། །ཡེ་ཤེས་རྣམས་ཀྱི་གནས་གྱུར་པ། །རྣམ་དག་སྐུ་ལ་ཕྱག་འཚལ་ལོ། །བསོད་ནམས་ཚོགས་ཀྱིས་ ― LT34_Page_0100 ―
[མ་དཔེ་གཟིགས་ན་འདིར་གནོན།]
བསྐྱེད་པའི་སྐུ། །དབང་ཕྱུག་ཆེན་པོའི་གནས་མཆོག་ན། །ཆོས་ལ་མངའ་མཛད་ལོངས་སྤྱོད་པ། །བྱང་ཆུབ་སེམས་དཔའ་ཡོངས་ཀྱི་མགོན། །གཙང་མའི་གནས་ནས་མ་གཡོས་པ། །གདུལ་བྱའི་བསམ་པ་ཅི་བཞིན་དུ། །འཇིག་རྟེན་ཁམས་ནི་མཐའ་ཡས་པར། །སྤྲུལ་མང་འགྱེད་ལ་ཕྱག་འཚལ་བསྟོད། །སྐད་ཅིག་ཐང་ཅིག་ཡུད་ཙམ་ལ། །དགའ་ལྡན་མཆོག་ནས་བབས་པ་དང་། །འཇིག་རྟེན་སྒྱུ་རྩལ་ཕུལ་བྱུང་ཞིང་། །བདུད་བཅོམ་བྱང་ཆུབ་འཚང་རྒྱ་སྟེ། །འཁོར་ལོ་བསྐོར་ནས་འདས་པའི་བར། །ཆོ་འཕྲུལ་གཅིག་ཆར་སོ་སོར་སྟོན། །ཆོ་འཕྲུལ་ངོ་མཚར་རྨད་བྱུང་བ། །ལྷ་ཡི་ལྷ་ལ་ཕྱག་འཚལ་བསྟོད། །སྟོན་པ་མཆོག་བཞུགས་གཞལ་མེད་ཁང་། །དབྱིབས་ལེགས་རྣམ་པར་ཕྱེ་བས་མཛེས། ཁ་དོག་སྣ་ཚོགས་སྤེལ་ལེགས་སུ། །རིན་ཆེན་འབར་བ་མང་པོས་བརྒྱན། །ཡིད་འོང་ཉམས་དགའ་ལྷ་ཡི་གནས། །རྒྱན་བཀོད་དཀྱིལ་ན་མཛེས་པ་ལ། །འཕགས་པ་མཆོད་པའི་རྟེན་བགྱིས་ཏེ། །སྟོན་པ་འཁོར་དང་བཅས་ལ་བསྟོད། །ལྔ་པ་བསུ་བའི་མཆོད་པ་ནི། ན་མོ་རཏྣ་ཏྲ་ཡཱ་ཡ། ན་མོ་བྷ་ག་བ་ཏེ་བཛྲ་སཱ་ར་པྲ་མརྡྷ་ནི་ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ ― LT34_Page_0101 ―
[མ་དཔེ་གཟིགས་ན་འདིར་གནོན།]
ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ་མ་ཧཱ་ཏེ་ཛོ་བཛྲེ། མ་ཧཱ་བི་དྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་་བཛྲེ། སརྦ་ཀརྨ་ཨཱ་བ་ར་་བི་ཤོ་དྷ་ན་བཛྲེ་སྭཱ་ཧཱ། ཞེས་བཟླ་ཞིང་། མཆོད་པ་དྲི་མེད་ཡོངས་དག་པ། །རྣམ་མང་རྒྱ་ཆེ་ཐམས་ཅད་དང་། །སོ་སོའི་མངའ་ཐང་རྒྱ་ཆེན་དུ། །འོས་པའི་བདེ་བར་སྦྱར་བ་འབུལ། །ཞེས་པས་མཆོད་པ་བཟང་ཞིང་རྒྱ་ཆེ་བར་དམིགས་ཏེ་འབུལ་ལོ། །དྲུག་པ་བཞུགས་སུ་གསོལ་བ་ནི། སྐུ་གདུང་ཆོས་སྐུ་བྱང་ཆུབ་ཕྱོགས། །མ་འདྲེས་བསྲུང་མེད་བསྙེལ་མི་མངའ། །མི་འཇིགས་སྟོབས་དང་སངས་རྒྱས་ཆོས། །རྡོ་རྗེ་ཡེ་ཤེས་ཚོགས་བསགས་པ། །ཆོས་དབྱིངས་རིག་སྔགས་གསང་སྔགས་དང་། །སྙིང་པོ་ཕྱག་རྒྱ་བྱིན་རླབས་ཀྱིས། །མཆོད་རྟེན་ཁྱད་པར་ཇི་སྙེད་དང་། །དཔལ་ལྡན་བསོད་ནམས་ཞིང་མཆོག་ཀུན། །ཆོས་དོན་དག་པའི་དཀྱིལ་འཁོར་འདིར། །རིན་ཆེན་སྟེགས་དང་ཁྲི་འཕང་དང་། །གཙང་གདངས་ལྷ་རྫས་པདྨ་ལ། །མི་གནས་ཚུལ་གྱིས་གདན་ལ་བཞུགས། །བཛྲ་ཨཱ་ས་ན་ཏིཥྛ་ནྟུ། བདུན་པ་ཁྲུས་གསོལ་བ་ནི། ཕྱོགས་བཞིའི་བུམ་པ་དང་ཆུ་བོ་རྣམ་ལྔས་སྐུ་ཁྲུས་ཕུལ་ལ། ཇི་ལྟར་ ― LT34_Page_0102 ―
[མ་དཔེ་གཟིགས་ན་འདིར་གནོན།]
མེ་ལོང་གཟུགས་བརྙན་སྣང་གྱུར་ཀྱང་། །ཆོས་དབྱིངས་དག་པའི་སྐུ་ལ་བསྐྱོད་པ་མེད། །རིན་ཆེན་ལྔ་ལས་གྲུབ་པའི་མཆོད་རྟེན་དང་། །སའམ་ཆུའམ་འོན་ཏེ་བར་སྣང་ལ། །སེམས་ཅན་དོན་དུ་རིན་ཆེན་སྐུར་བསྟན་པ། །མཆོད་རྟེན་དམིགས་པར་བཅས་ཏེ་སྐུ་ཁྲུས་གསོལ། ཁམས་གསུམ་གནས་པའི་བག་ཆགས་དག་གྱུར་ཅིག །ཕྱོགས་བཞིར་བཞུགས་པའི་རིགས་མཆོག་རྣམ་པ་བཞིའི། །ཆོས་ཀྱི་སྐུ་ལ་ཡེ་ཤེས་ཁྲུས་གསོལ་བས། ཁམས་གསུམ་འཁོར་བའི་ཉོན་མོངས་སྐྱོན་བྲལ་ནས། །ལེགས་པའི་ཡོན་ཏན་ཕུན་སུམ་ཚོགས་པར་ཤོག །སྐུ་མཆོག་རྣམ་དག་བལྟ་བས་མི་ངོམས་ལ། །ངོ་མཚར་སྐྱོན་བྲལ་མཁའ་དབྱིངས་ཉི་གསལ་འདྲ། །ཆོས་ཀྱི་སྐུ་ལ་དྲི་མ་མི་མངའ་ཡང་། །སྲི་ཞུ་བཀུར་སྟི་རིམ་གྲོའི་ཚུལ་ཙམ་དུ། །ཆུ་གཙང་སྨན་སྤོས་འོ་མ་འདག་ཆལ་ཆུས། །གུས་པའི་ཡིད་ཀྱིས་སྐུ་ཁྲུས་འདི་གསོལ་བས། །འགྲོ་བའི་ལུས་སེམས་སྡུག་བསྔལ་ནད་བསལ་ཏེ། །ཉེས་པའི་སྐྱོན་བྲལ་འགྲོ་བའི་ཡིད་འོང་བ། །དམ་པའི་སྐུ་མཆོག་བདག་གིས་ཐོབ་པར་ཤོག །ཅེས་སྨོན་ལམ་རེ་རེའི་མཐར། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ ― LT34_Page_0103 ―
[མ་དཔེ་གཟིགས་ན་འདིར་གནོན།]
ཡ་ཤྲཱི་ཧཱུྃ། ཞེས་བཏགས་ཏེ་བཀྲུའོ། །དེ་ནས་རས་ཁ་ཚར་མ་ཉམས་པས་ཕྱི་ཞིང་། བདེ་གཤེགས་སྐུ་གཟུགས་དཔེ་དང་མཚན་མངའ་ཡང་། །འགྲོ་བའི་དོན་དུ་གཟུགས་སྐུ་ཅིར་ཡང་གདའ། །རིན་ཆེན་དབྱིག་ལྟར་ཉེས་པའི་སྐྱོན་བྲལ་ཡང་། །འཇིག་རྟེན་སྲི་ཞུ་གུས་པའི་ཚུལ་ཙམ་དུ། །སྡིག་མེད་རྒྱལ་བ་རྣམས་ཀྱིས་རབ་བསྔགས་པའི། །རས་མཆོག་འདི་ཡིས་རྒྱལ་བའི་སྐུ་ཕྱིས་པས། །ཉོན་མོངས་དུག་གསུམ་སྒྲིབ་པ་ཀུན་བྱང་ནས། །སྐུ་གསུམ་ངང་དུ་བདག་ཅག་འགྱུར་བར་ཤོག །ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ནེ་སྭཱ་ཧཱ། ཞེས་ཕྱིའོ། །གཉིས་པ་ཡན་ལག་བཅུའི་ཚོགས་བསགས་ཤིང་གཟུངས་བཟླ་བ་ལ་བཅུ་གཅིག །ཕྱག་འཚལ་མཆོད་བཤགས་ཡི་རང་བསྐུལ། །གསོལ་འདེབས་སྐྱབས་སེམས་བསྔོ་བ་དང་། །འདོད་གསོལ་གཟུངས་སྔགས་བཟླ་བའོ། །དེ་ལ་དང་པོ་ཕྱག་འཚལ་བ་ནི། སྟོན་པ་བཅོམ་ལྡན་འདས་ཤཱཀྱ་ཐུབ་པ་ལ་སོགས་པ་ཕྱོགས་བཅུ་ན་དུས་གསུམ་དུ་གཤེགས་ཤིང་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ ― LT34_Page_0104 ―
[མ་དཔེ་གཟིགས་ན་འདིར་གནོན།]
ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དཀོན་མཆོག་བླ་ན་མེད་པ་ཐམས་ཅད་ལ་གུས་པར་ཕྱག་འཚལ་ལོ། །སྐྱབས་སུ་མཆིའོ། །དེ་བཞིན་གཤེགས་པ་དེ་དག་གིས་ལེགས་པར་གསུངས་པ། ལེགས་པར་བསྒྲུབས་པ། ལེགས་པར་ཐུགས་སུ་ཆུད་པ། དམ་པའི་ཆོས་དཀོན་མཆོག་བླ་ན་མེད་པ་ཐམས་ཅད་ལ་གུས་པར་ཕྱག་འཚལ་ལོ། །སྐྱབས་སུ་མཆིའོ། །སྟོན་པ་བཅོམ་ལྡན་འདས་དེ་དག་གི་ཐུགས་ཀྱི་སྲས་ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་ཆེན་པོ་ཐམས་ཅད་དང་། སྟོན་པ་བདེ་བར་གཤེགས་པ་དེ་དག་གི་གསུང་གི་སྲས་འཕགས་པ་རང་རྒྱལ་དང་འཕགས་པ་ཉན་ཐོས་ཀྱི་དགེ་འདུན་ཏེ། ཚོགས་ཀྱི་མཆོག་བླ་ན་མེད་པ་ཐམས་ཅད་ལ་གུས་པར་ཕྱག་འཚལ་ལོ། །སྐྱབས་སུ་མཆིའོ། །ཕྱོགས་བཅུ་ན་མཆོད་རྟེན་རིང་བསྲེལ་དང་སྐུ་གདུང་དང་བཅས་པ་ཐམས་ཅད་ལ་གུས་པར་ཕྱག་འཚལ་ལོ། །སྐྱབས་སུ་མཆིའོ། །འཕགས་པ་དམ་པའི་ཆོས་སྐྱོང་བ་འཇིག་རྟེན་དང་འཇིག་རྟེན་ལས་འདས་པའི་ཚུལ་དུ་བཞུགས་པ་ཐམས་ཅད་ལ་གུས་པར་ཕྱག་འཚལ་ལོ། །སྐྱབས་སུ་མཆིའོ། །སྐུ་གདུང་ཕྲ་མོར་བསིལ་བའི་ ― LT34_Page_0105 ―
[མ་དཔེ་གཟིགས་ན་འདིར་གནོན།]
རིང་བསྲེལ་སྣོད། །རྒྱུ་དང་འབྲས་བུར་བཅས་པའི་ཆོས་ཀྱི་ཚུལ། །སེམས་ཅན་རྣམས་ཀྱིས་མཆོད་པར་བྱ་བའི་རྟེན། །ཆོས་སྐུའི་རྟེན་ཏུ་བཞག་ལ་ཕྱག་འཚལ་བསྟོད། །རང་བཞིན་རྣམ་དག་ཆོས་དབྱིངས་དེ་བཞིན་ཉིད། །སྤྲོས་པའི་དྲི་མས་མ་གོས་དཀར་བ་ལ། །རིན་ཆེན་སྤྲས་བས་མཚན་མཆོག་རྫོགས་པའི་སྐུ། །འགྲོ་དོན་ལེགས་པར་མཛད་ལ་ཕྱག་འཚལ་བསྟོད། །དེ་བཞིན་སྐུ་གདུང་དབྱིབས་བཅས་ཆོས་སྐུ་དག །གང་གིས་མཐོང་ཐོས་དྲན་ནམ་རེག་ཀྱང་རུང་། །མཐོ་རིས་དཔལ་དང་ཐར་མཆོག་བདེ་ཐོབ་པ། །ཡོན་ཏན་སྣ་ཚོགས་མངའ་ལ་ཕྱག་འཚལ་བསྟོད། །སྐུ་བལྟམས་རབ་བྱུང་བྱང་ཆུབ་བདུད་ཚོགས་བཏུལ། །ཆོས་འཁོར་དབྱེན་ཟླུམ་ཆོ་འཕྲུལ་ལྷ་ལས་བབས། །བྱིན་རླབས་མྱང་འདས་རིང་བསྲེལ་བཞི་བཞུགས་སོགས། །བདེ་གཤེགས་མཆོད་རྟེན་རྣམས་ལ་ཕྱག་འཚལ་ལོ། །སྟེང་དང་འོག་དང་བར་དག་དང་། །ཕྱོགས་དང་ཕྱོགས་མཚམས་རྣམས་སུ་ཡང་། །སྐུར་བཅས་སྐུར་ནི་མེད་པ་ཡི། །མཆོད་རྟེན་རྣམས་ལ་ཕྱག་འཚལ་ལོ། །ཕྱག་བྱར་འོས་པ་སོགས་བརྗོད་ལ་ཕྱག་བྱའོ། །གཉིས་པ་ལ་གསུམ། མཆོད་པ། བསྟོད་པ། ― LT34_Page_0106 ―
[མ་དཔེ་གཟིགས་ན་འདིར་གནོན།]
ཆོས་སྐྱོང་མཆོད་པའོ། །དང་པོ་ལ་མཆོད་ཡུལ་བཟུང་བ་ནི། མཆོད་སྤྲིན་འབྱུང་བའི་གཟུངས་ལན་གསུམ་བརྗོད་ལ། ཕྱོགས་བཅུའི་སངས་རྒྱས་རྣམས་དང་དམ་པའི་ཆོས། །འཕགས་པའི་དགེ་འདུན་ཆོས་སྐྱོང་སྲུང་མའི་ཚོགས། །ཚད་མེད་བཞི་དངོས་རིན་ཆེན་བཞི་ལས་གྲུབ། །རིགས་བཞིའི་མཆོད་རྟེན་རྣམས་ལ་མཆོད་པ་འབུལ། །ལྷོ་ཕྱོགས་འཛམ་གླིང་རིན་ཆེན་ལ་སོགས་ན། བཞུགས་པའི་ཕྱོགས་བཞིའི་མཆོད་རྟེན་རྣམ་བཞི་སོགས། །བྱང་ཆུབ་ཕྱོགས་ཆོས་སུམ་ཅུ་རྩ་བདུན་དང་། །རྒྱལ་བའི་མ་འདྲེས་ཡོན་ཏན་ཀུན་བསགས་པའི། །ཆོས་ཀྱི་སྐུ་ཡི་མཆོད་རྟེན་ཁྱད་པར་ཅན། །ཕྱོགས་བཅུ་ཀུན་ན་བཞུགས་ལ་མཆོད་པ་འབུལ། །དད་བརྩོན་ཤུགས་ཀྱིས་ལུས་ངག་སེམས་བཏུད་དེ། །བརྩོན་འགྲུས་དྲག་པོས་རིན་ཆེན་སྣ་ལྔ་དང་། །འབྱུང་བ་ལྔ་ལས་གྲུབ་པའི་མཆོད་རྟེན་དང་། །སྐུ་གདུང་རིང་བསྲེལ་རྣམས་ལ་མཆོད་པ་འབུལ། །རྡོ་རིང་ཐེམ་སྐས་ཆུ་སྲིན་རྒྱལ་མཚན་དང་། །གདུགས་དང་བ་དན་དར་གྱི་ཅོད་པན་དང་། །པདྨ་ཉི་ཟླ་སིལ་སྙན་ལྷ་རྫས་ཀྱིས། །ཚངས་པའི་དབྱངས་ལྡན་དམིགས་པ་དག་པར་མཆོད། །ཏིང་འཛིན་སྔགས་དང་ཕྱག་རྒྱའི་མཐུས་བསྒྱུར་བ། །ཡོན་ཆབ་བདུག་པ་མར་མེ་དྲི་ཆབ་ ― LT34_Page_0107 ―
[མ་དཔེ་གཟིགས་ན་འདིར་གནོན།]
དང་། །མེ་ཏོག་དམ་པ་བཤོས་གཙང་མཉེས་པའི་མཆོག །མཆོད་ཡོན་རྣམ་ལྔའི་ཚོགས་ཀྱིས་མཉེས་པར་བགྱི། །དངོས་སུ་འབྱོར་དང་ཡིད་ཀྱིས་སྤྲུལ་པ་ཡི། །འཇིག་རྟེན་འདས་དང་འཇིག་རྟེན་གྲུབ་པའི་རྫས། །ཀུན་བཟང་རྣམ་དག་མཆོད་པའི་སྤྲིན་ཕུང་གིས། །ནམ་མཁའ་གང་བར་དམིགས་ཏེ་མཆོད་པར་བགྱི། །སྲིད་གསུམ་འཁོར་བའི་འདམ་ལས་དྲངས་པ་དང་། །འགྲོ་དོན་མཛད་པའི་ཐུགས་དམ་བསྐང་སླད་དུ། །ཡེ་ཤེས་ཉི་མས་མཚན་མའི་སྐྱོན་སྤངས་ཏེ། །བྱམས་པའི་ཐུགས་རྗེས་མཆོད་པ་བཞེས་སུ་གསོལ། །མཆོད་ཡོན་འབུལ་བ་ནི་ཕྱོགས་བཞིའི་བཟེད་ཞལ་དུ་མཆོད་ཡོན་སྦྲེངས་ལ། སྐུ་གསུང་ཐུགས་ཀྱི་ཡོན་ཏན་རྫོགས། །བླ་ན་མེད་དང་ཡིད་ལས་གྲུབ། །རང་བཞིན་སྤྲུལ་དང་གཟུགས་བརྙན་སོགས། །ངོ་མཚར་དཔལ་ཡོན་བསམ་མི་ཁྱབ། །ཐུགས་རྗེ་བྱིན་རླབས་རྨད་པོ་ཆེ། །མཆོད་པའི་རྟེན་གྱུར་གང་བཞུགས་ལ། །བཀྲ་ཤིས་དཔལ་ཚོགས་གཞལ་ཡས་འདིར། །བླ་མེད་མཆོད་པའི་རྒྱུན་བཤམས་ནས། །ཆུ་བོ་གངྒཱའི་རྒྱུན་བཞིན་ཏུ། །ཨརྒྷའི་རྒྱུན་ཡང་མི་འཆད་དེ། །བཀྲ་ཤིས་མཆོད་པ་འདི་འབུལ་ན། །ཐུགས་རྗེས་དགོངས་ལ་བཞེས་སུ་གསོལ། །བྱེ་བྲག་ཏུ་ ― LT34_Page_0108 ―
[མ་དཔེ་གཟིགས་ན་འདིར་གནོན།]
འབུལ་བ་ནི། བདེ་གཤེགས་རྣམས་ཀྱིས་ལོངས་སྤྱོད་ཀྱི། །ཀུན་བཟང་མཆོད་པས་རོལ་མཛད་ཀྱང་། །འགྲོ་བའི་མུན་པ་བསལ་སླད་དུ། །བཀུར་སྟི་རིམ་གྲོའི་ཚུལ་ཙམ་དུ། །བླ་མེད་མཆོད་པ་རྣམ་ལྔ་འདི། །འགྲོ་བའི་དོན་དུ་འབུལ་ལགས་ན། །མཆོད་པའི་སྤྲིན་གྱིས་ཁྱབ་གྱུར་ནས། །བསོད་ནམས་གཏེར་ཆེན་ཐོབ་པར་ཤོག །ཅེས་པས་ཉེར་སྤྱོད་ལྔ་འབུལ། བདེ་གཤེགས་སྐུ་མཆོག་མཚན་དང་དཔེ་བྱད་ལྡན། །བྱང་ཆུབ་མཆོག་གི་རྒྱན་གྱིས་མཛེས་ལགས་ཀྱང་། །རིན་ཆེན་དོ་ཤལ་སེ་མོ་དོ་ལ་སོགས། །རྒྱན་གྱི་ཁྱད་པར་བརྒྱ་ཕྲག་མང་པོ་དང་། །དྲི་ཞིམ་ན་བཟའ་སྣ་ཚོགས་དབུལ་བར་བགྱི། །ཞེས་རྒྱན་དང་ན་བཟའ་འབུལ། ཐེག་མཆོག་བླ་བྲེ་གདུགས་དང་བ་དན་སྒྱེང་། །བདུད་བཅོམ་རྒྱལ་མཚན་ལྷབ་ལྷུབ་དར་འཕན་དང་། །གར་དང་རོལ་མོ་མཆོད་པའི་སྒྲ་དབྱངས་ཀྱིས། །རྒྱལ་བའི་དཀྱིལ་འཁོར་མཛེས་པར་བརྒྱན་པར་ཤོག །ཅེས་རོལ་མོའི་ཁྱད་པར་དུ་མས་མཆོད། དེ་ནས་ཞལ་ཟས་ནམ་མཁའ་མཛོད་ཀྱི་སྔགས་རྒྱས་བྱིན་བརླབས་ལ། རྒྱལ་བའི་སྐུ་ལ་བཀྲེས་སྐྱེམས་མི་མངའ་ཡང་། །བདག་ཅག་བསོད་ནམས་ཞིང་དུ་འགྱུར་སླད་དུ། །བཤོས་དང་ཞལ་ཟས་སྦྱར་བ་འདི་འབུལ་བས། ― LT34_Page_0109 ―
[མ་དཔེ་གཟིགས་ན་འདིར་གནོན།]
དུས་ཀུན་དགེ་བའི་ལོ་ཏོག་འཕེལ་རྒྱས་ནས། །བདེ་བ་ཅན་དུ་པདྨ་ལས་སྐྱེས་ཏེ། །ཏིང་འཛིན་ཆོས་དང་ཟས་ལ་སྤྱོད་པར་ཤོག །ཅེས་འབུལ། བདེ་གཤེགས་མགོན་པོ་དཔག་བསམ་འཁོར་དང་བཅས། །བསོད་ནམས་ཡེ་ཤེས་སྐུ་ལྔ་མཐར་ཕྱིན་པ། །ཆོས་ཀྱི་ལོངས་སྤྱོད་བཀུར་སྟིའི་ཚུལ་ཙམ་དུ། །འབྲུ་ལྔ་སྤོས་ལྔ་སྨན་ལྔ་རིན་ཆེན་ལྔ། །སྙིང་པོ་ལྔ་བཅས་རྒྱལ་བས་རབ་བསྔགས་པ། །བདག་གཞན་དོན་གྱི་སྙིང་པོ་འདི་ཕུལ་བས། །འགྲོ་ལ་ཕན་ཕྱིར་ཚུལ་ཁྲིམས་མཆོག་ལྡན་ཏེ། །རིན་ཆེན་གཏེར་ལྟར་ཀུན་ལ་ཕན་འདོགས་ཤོག །ཅེས་ལྔ་ཕྲག་ལྔ་འབུལ། །དེ་ནས་རྟེན་འབྲེལ་སྙིང་པོས་བྱིན་གྱིས་བརླབས་པའི་ཡུངས་ཀར་འཐོར་ཞིང་། །བདེ་གཤེགས་ཀུན་བཟང་མངོན་པར་སངས་རྒྱས་ཏེ། །རྡོ་རྗེ་གདན་ལ་མངོན་པར་བཞུགས་པ་ན། །དཔལ་ལྡན་རྡོ་རྗེ་འཛིན་གྱིས་གུས་བཅས་པས། །སྔགས་གྲུབ་རྒྱལ་པོ་ཡུངས་ཀར་ཕུལ་བ་ལྟར། །དེང་འདིར་སྟོན་པས་བདུད་བཞི་ཚར་བཅད་ནས། །སྐྱེ་རྒ་ན་འཆི་འཁོར་བའི་སྡུག་བསྔལ་ལས། །བདག་དང་མཐའ་ཡས་འགྲོ་བ་ཀུན་བསྒྲལ་ནས། །རྡོ་རྗེ་གདན་ལ་མངོན་པར་འཚང་རྒྱ་ཤོག །བཀྲ་ཤིས་ཀྱི་རྫས་ཕུལ་ལ། བདེ་གཤེགས་ ― LT34_Page_0110 ―
[མ་དཔེ་གཟིགས་ན་འདིར་གནོན།]
ཀུན་བཟང་མཐོང་བས་བཀྲ་ཤིས་ལྟར། །རྒྱལ་བ་འཁོར་བཅས་དེང་འདིར་བཀྲ་ཤིས་ཤོག །ངན་སྡིག་ལོག་པའི་ཚོགས་རྣམས་བཅོམ་གྱུར་ནས། །རྒྱལ་སྲས་ཏིང་འཛིན་ཚོགས་རྣམས་འཕེལ་དར་ཞིང་། །ཞལ་མཐོང་ཙམ་གྱིས་བདེ་བའི་མཆོག་བརྙེས་ནས། །ཉི་ལྟར་ཞལ་དྲོ་ཟླ་ལྟར་འོད་གསལ་ཞིང་། །བདག་དང་འགྲོ་ལ་ཞལ་དྲོ་བྱིན་ཆེ་ནས། །བསྐལ་པའི་མཐར་ཐུག་བར་དུ་བཞུགས་སུ་གསོལ། །ཞེས་མངའ་དབུལ། དེ་ནས་སྤྱན་དབྱེ་བའི་སྨོན་ལམ་གསོལ་བ་ནི། ཕྱོགས་བཅུ་དུས་གསུམ་གྱི་འཕགས་པ་དཀོན་མཆོག་གསུམ་ལ་ཕྱག་འཚལ་ལོ། །བདག་ཅག་གིས་དེ་བཞིན་གཤེགས་པའི་ཆོས་ཀྱི་སྐུའི་གཟུགས་བརྙན་བཞེངས་སུ་གསོལ་ཏེ། མཆོད་པར་འོས་པའི་བདེ་བར་སྦྱར་བ་ཐམས་ཅད་ཀྱིས་མཆོད་ཅིང་བཀུར་བས། བདག་དང་མཐའ་ཡས་པའི་སེམས་ཅན་ཐམས་ཅད་ཀྱི་སྡིག་སྒྲིབ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཏེ། དེ་དང་དེ་དག་ཕུལ་བ་ལས་ཐོབ་པའི་ཡོན་ཏན་ཁྱད་པར་ཅན་ཐམས་ཅད་མ་ལུས་པ་ཐོབ་པར་གྱུར་ཅིག །རྟེན་འདི་ཡང་འཇིག་རྟེན་ཇི་སྲིད་ཀྱི་བར་དུ་མཆོད་པའི་རྟེན་དུ་བཞུགས་ནས་ཕྱོགས་དུས་ཐམས་ཅད་དུ་བཀྲ་ཤིས་ཤིང་བྱིན་ཆེ་བར་གྱུར་ཅིག ། ― LT34_Page_0111 ―
[མ་དཔེ་གཟིགས་ན་འདིར་གནོན།]
རྒྱལ་བའི་རིང་བསྲེལ་མཆོད་འོས་བླ་མེད་རྣམས། །སྤྱན་དྲངས་ཕྱག་བགྱིས་བསྟོད་དང་བཀུར་བའི་མཐུས། །སྔོན་བསགས་ལས་ཀྱི་སྒྲིབ་པ་ཀུན་བྱང་ནས། །འགྲོ་དྲུག་ཚོགས་རྫོགས་མངོན་པར་འཚང་རྒྱ་ཤོག །ཅེས་བརྗོད་ལ་མེ་ཏོག་འཐོར་རོ། །གཉིས་པ་ནི། རང་བྱུང་འདྲེན་པ་དཔའ་བོ་ལྷ་ཡི་ལྷ། །བཅོམ་ལྡན་ཤཱཀ་ཐུབ་སྐུ་གདུང་རིང་བསྲེལ་སྣོད། །འཇིག་རྟེན་གསུམ་གྱི་མཆོད་གནས་མཆོག་བཞུགས་པ། །ཆོས་བཟང་རྣམ་སྣང་རྣམ་པ་ཐམས་ཅད་ཞལ། །གཟུགས་ཀྱི་ཁྱད་པར་ལྟ་བས་མི་ངོམས་ཁྱོད། །ཡེ་ཤེས་ཚོགས་རྫོགས་ཆོས་ཀྱི་སྐུ་ལགས་ཏེ། །རྣམ་རྟོག་བྲལ་བས་ཡོན་ཏན་ཀུན་གྱི་གཞི། །བྱང་ཆུབ་ཕྱོགས་ཆོས་ཤེས་བཅུ་སྟོབས་བཅུ་སོགས། །འདི་འདྲའི་དམ་ཆོས་ངོ་མཚར་རྨད་རྣམས་ཀྱིས། །ཐབས་མཁས་ཐུགས་རྗེས་མཆོད་རྟེན་ཚུལ་དུ་སྤྲུལ། །ནམ་མཁའི་ཁམས་ལ་ཚོན་བཀྱེ་ཇི་བཞིན་དུ། །ཡོན་ཏན་ཁྱད་པར་ཁ་དོག་དབྱིབས་སུ་བསྒྱུར། །དཔལ་གནས་རིན་ཆེན་འབྱུང་གནས་ཆེན་པོ་པ། །དུས་གསུམ་རྒྱལ་བའི་མཆོད་རྟེན་སྐུ་གདུང་ཚུལ། །དཔལ་འབྱུང་ཀ་ནིཥྐ་དང་རབ་བྱུང་ཚུལ། །བསོད་ནམས་ཕུང་པོས་ཡུལ་ཁམས་བྱིན་ཆགས་ཤིང་། ― LT34_Page_0112 ―
[མ་དཔེ་གཟིགས་ན་འདིར་གནོན།]
སངས་རྒྱས་སྤྲུལ་པ་ཕྲིན་ལས་རྫོགས་པར་མཛད། །ས་བཅུའི་རྒྱལ་ཚབ་བྱམས་པའི་གཙུག་གི་རྒྱན། །དཀོན་མཆོག་གསུམ་གྱི་བདག་ཉིད་ཆེན་པོ་ལ། །རི་ལུང་ནགས་ཚལ་ཆུ་ཀླུང་མཁར་གནས་པའི། །ལྷ་ཚོགས་དད་པས་གནམ་ས་ཀུན་ནས་དཀྲིགས། །སྡོམ་བརྩོན་རྒྱལ་སྲས་འཁོར་བཞི་ཁྱིམ་བདག་དང་། །དབུས་མཐའི་རྒྱལ་ཁམས་མི་ཚོགས་ཀུན་འདུས་ནས། །མེ་ཏོག་ཕྲེང་བ་སྤེལ་ལེགས་མཛེས་པ་དང་། །ཙནྡན་དྲི་བཤོས་མར་མེ་རོལ་མོར་བཅས། །བཀྲ་ཤིས་གླུ་དབྱངས་བསྟོད་པའི་རྣམ་པ་དང་། །གདུགས་དང་རྒྱལ་མཚན་བ་དན་ལྷབ་ལྷུབ་བརྒྱན། །ལུས་ངག་ཡིད་གསུམ་དད་པས་བསྟོད་པར་བགྱི། །གསུམ་པ་གཏོར་འབུལ་ལ། ཟླུམ་གཏོར་གསུམ་བཤམས་ལ། ཨོཾ་བཛྲ་ཨ་མྲྀ་ཏས་བསང་། སྭ་བྷཱ་བས་སྦྱང་། སྟོང་པའི་ངང་ལས། ཨོཾ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་འོད་དུ་ཞུ་བ་ལས་ལྷ་རྫས་ལས་གྲུབ་པའི་གཏོར་མ་དྭངས་ཤིང་ཐོགས་པ་མེད་པ་ཟག་པ་མེད་པའི་བདེ་བསྐྱེད་པར་གྱུར། ཨ་ཀཱ་རོ་སོགས་གསུམ་བརྗོད་པས་བྱིན་བརླབ། ཨོཾ་དྷྲྀཥྚ་རཱཥྚཱ་ཡ་སྭཱ་ཧཱ། ཨོཾ་བཻ་རུ་ཌྷ་ཀཱ་ཡ་སྭཱ་ཧཱ། ཨོཾ་བི་རུ་པཱ་ཀྵཱ་ཡ་སྭཱ་ཧཱ། ཨོཾ་བཻ་ཤྲ་བ་ཱ་ཡ་སྭཱ་ཧཱ། ― LT34_Page_0113 ―
[མ་དཔེ་གཟིགས་ན་འདིར་གནོན།]
རྣམས་ཀྱི་མཐར་ཨ་ཀཱ་རོ་བཏགས་པས་ཕུལ་ལ། ཟབ་ཅིང་རྒྱ་ཆེ་གཟིགས་པ་པོ། །ཡུལ་འཁོར་སྲུང་དང་འཕགས་སྐྱེས་པོ། །སྤྱན་མི་བཟང་དང་རྣམ་ཐོས་སྲས། །རྒྱལ་ཆེན་བཞི་ལ་ཕྱག་འཚལ་བསྟོད། །རྒྱལ་བའི་སྤྱན་སྔར་ཞལ་བཞེས་ལྟར། །བསྟན་དང་བསྟན་འཛིན་བུ་བཞིན་སྐྱོངས། །མཆོད་རྟེན་གཙུག་ལག་ཁང་རྣམས་དང་། །སྐྱེ་དགུ་མ་ལུས་བདེ་བར་བསྲུང་། །འཇིག་རྟེན་བདེ་ཞིང་ལོ་ལེགས་དང་། །ཞེས་སོགས་བརྗོད། ཕྱོགས་སྐྱོང་བཅུ་ལ། ཨོཾ་ད་ཤ་དིཀྲ་ལོ་ཀ་པཱ་ལ་ས་པ་རི་བཱ་ར་ཨ་ཀཱ་རོ་སོགས་ཀྱིས་ཕུལ་ལ། དབང་པོ་མེ་ལྷ་གཤིན་རྗེ་དང་། །བདེན་བྲལ་ཆུ་བདག་རླུང་གི་ལྷ། །གནོད་སྦྱིན་དབང་ལྡན་ཚངས་པ་ཆེ། །ས་བདག་འཁོར་དང་བཅས་ལ་བསྟོད། །རྒྱལ་བའི་སྤྱན་སྔར་སོགས་འདོད་གསོལ་གོང་ལྟར་བརྗོད། འཁོར་དུ་གཏོགས་པའི་འབྱུང་པོ་རྣམས་ལ། དེ་བ་ནཱ་ག་ཡཀྵ་སོགས་ཀྱི་མཐར། ཨ་ཀཱ་རོ་བཏགས་ལ་གཏོར་མ་བསྔོ། འཁོར་དུ་གཏོགས་པའི་སྡེ་བརྒྱད་པོ་མི་དང་མི་མིན་འབྱུང་པོའི་ཚོགས། །སའམ་བར་སྣང་གནས་བཅས་པའི། །བྱང་སེམས་ལྡན་པ་ཐམས་ཅད་ལ། །མཆོད་པ་འབུལ་ཞིང་ཕྱག་ཀྱང་འཚལ། །འབྱུང་པོ་གང་ ― LT34_Page_0114 ―
[མ་དཔེ་གཟིགས་ན་འདིར་གནོན།]
དག་འདིར་ནི་ལྷགས་གྱུར་ཏམ། །སོགས་ཤློ་ཀ་གཅིག་བརྗོད་དོ། །ཚར་གྲངས་མང་པོའི་སྐབས་སྔ་མ་རྣམས་སུ་ཚིགས་བཅད་ཁོ་ནས་མཆོད་བསྟོད་ཕྲིན་བཅོལ་བྱ། གཏོར་འབུལ་འདི་རྣམས་རྗེས་མ་ཁོ་ནར་ཚར་གཅིག་གིས་ཆོག་གོ། །གསུམ་པ་སྡིག་བཤགས་ནི། ཁམས་གསུམ་འགྲོ་ལྔ་སྐྱེ་གནས་བཞི། །འཁོར་བའི་རྒྱུད་དུ་གཏོགས་ཀུན་དང་། །རིགས་མཐུན་སྐྱེས་པ་བདག་ཅག་གིས། །དུག་གསུམ་དབང་གིས་སྒོ་གསུམ་ནས། །ལས་དང་ཉོན་མོངས་སྐྱེ་བའི་རྒྱུ། །མཚམས་མེད་ལྔ་དང་ཉེ་བ་ལྔ། །མི་དགེ་བཅུ་དང་ལོག་པ་བཞི། །སྒྲིབ་པ་རྣམས་དང་ཀུན་སྦྱོར་དང་། །དེ་ཡི་རྒྱུ་དང་འབྲས་བུ་དང་། །ཡུན་རིང་འཁོར་ཞིང་མི་ཁོམ་བརྒྱད། །མཐོ་རིས་ཐར་པའི་ལམ་འགོག་ཅིང་། །བདག་དང་གཞན་ལ་ཡོངས་གདུང་བའི། ཁ་ན་མ་ཐོ་ཅི་བགྱིས་པ། །ཆོས་དབྱིངས་ཕྱོགས་བཅུ་དུས་གསུམ་དང་། །རིགས་རྣམས་ཀུན་ལ་རབ་བཞུགས་པའི། །རྒྱལ་བ་སྲས་དང་བཅས་རྣམས་ལ། །མ་ལུས་བཤགས་ཤིང་སྡོམ་པར་བགྱི། །བཞི་པ་རྗེས་སུ་ཡི་རང་བ་ནི། ཕྱོགས་བཅུའི་སངས་རྒྱས་སྲས་བཅས་དང་། །རང་རྒྱལ་ཉན་ཐོས་ཐམས་ཅད་དང་། །འགྲོ་ཀུན་བསོད་ ― LT34_Page_0115 ―
[མ་དཔེ་གཟིགས་ན་འདིར་གནོན།]
ནམས་ཡེ་ཤེས་ཀྱི། །རྒྱུ་དང་འབྲས་བུ་ཐམས་ཅད་དང་། །སེམས་བསྐྱེད་ལམ་ཞུགས་མཆོག་ཐོབ་པ། །དེ་དག་ཀུན་ལ་ཡི་རང་ཞིང་། །བསམ་དང་སྦྱོར་བ་དག་པ་ཡིས། །འགྲོ་བ་ཀུན་ལ་བདེ་སླད་དུ། །འཁོར་གསུམ་དག་པའི་ཚུལ་གྱིས་བསྒྲུབ། །ལྔ་པ་ཆོས་འཁོར་བསྐོར་བར་བསྐུལ་བ་ནི། ཕྱོགས་བཅུའི་འཇིག་རྟེན་སྣང་མཛད་པ། །བདེ་གཤེགས་སངས་རྒྱས་བཅོམ་ལྡན་འདས། །བྱང་ཆུབ་རིམ་པར་སངས་རྒྱས་ཏེ། །བསྐུལ་བའི་དོན་ལ་གཞེས་རྣམས་ལ། །ཚངས་པ་འདྲ་བར་ཚུལ་བསྒྱུར་ཏེ། །རིམ་གྲོ་གུས་པ་མཆོག་བསྐྱེད་ཅིང་། །ཐལ་མོ་སྦྱར་བས་རབ་བཏུད་དེ། །ཆོས་ཀྱི་འཁོར་ལོ་བསྐོར་བར་བསྐུལ། །དྲུག་པ་མྱ་ངན་ལས་མི་འདའ་བར་གསོལ་བ་འདེབས་པ་ནི། ཕྱོགས་བཅུའི་འཇིག་རྟེན་རབ་འབྱམས་ན། །བདེ་གཤེགས་བདུད་བཞི་ངེས་བཅོམ་ཞིང་། །འགྲོ་དོན་སངས་རྒྱས་མཛད་པ་མཛད། །མྱ་ངན་འདའ་སྟོན་བཞེད་རྣམས་ལ། །ཐལ་མོ་སྦྱར་བ་རབ་བཏུད་དེ། །འགྲོ་བ་ཀུན་ལ་ཕན་པའི་ཕྱིར། །ཆོས་དབྱིངས་བརྟན་པའི་ལུགས་བཞིན་དུ། །མྱ་ངན་མི་འདའ་གཡུང་དྲུང་སྐུ། །སྟུག་པོ་བཀོད་པའི་བདག་ ― LT34_Page_0116 ―
[མ་དཔེ་གཟིགས་ན་འདིར་གནོན།]
ཉིད་རྣམས། །བསྐལ་པའི་མཐར་ཡང་བཞུགས་པར་གསོལ། །བདུན་པ་སྐྱབས་སུ་འགྲོ་བ་ནི། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ལན་གསུམ། བརྒྱད་པ་སེམས་བསྐྱེད་རྗེས་འབྲེལ་དང་བཅས་པ་ནི། རྫོགས་སངས་རྒྱས་དང་རྒྱལ་བའི་སྲས། །དཔང་གྱུར་སྤྱན་གྱུར་ཚད་མར་གྱུར། །འགྲོ་དོན་མཛད་པར་དབང་གྱུར་པ། །བྱང་ཆུབ་བློ་མངའ་དགོངས་སུ་གསོལ། །ཇི་ལྟར་སྔོན་གྱི་རྒྱལ་བ་དང་། །རྒྱལ་སྲས་དཔའ་བོ་དེ་དག་གིས། །འགྲོ་ལ་ཕན་དང་བདེ་སླད་དུ། །བྱང་ཆུབ་སྙིང་པོར་བཞུགས་བཞུགས་སུ། །དངོས་པོ་ཀུན་དང་བྲལ་བ་དང་། །ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་རྣམ་སྤངས་པ། །བདག་མེད་ཆོས་ཀྱི་བདག་ཉིད་ཀྱིས། །རང་སེམས་གདོད་ནས་མ་སྐྱེས་པ། །སྟོང་ཉིད་རང་བཞིན་ཐུགས་བསྐྱེད་ལྟར། །བདག་དང་རིགས་མཐུན་གཞན་གྱིས་ཀྱང་། །བླ་མེད་བྱང་ཆུབ་སེམས་བསྐྱེད་བགྱི། །ཞེས་ལན་གསུམ་དང་། དཀོན་མཆོག་གསུམ་གྱི་བྱིན་རླབས་དང་། །འཕགས་པ་ཀུན་གྱི་ཐུགས་རྗེ་ ― LT34_Page_0117 ―
[མ་དཔེ་གཟིགས་ན་འདིར་གནོན།]
དང་། །ཆོས་ཉིད་དག་པའི་མཐུ་དང་ནི། །བསམ་དང་སྦྱོར་བ་དག་པ་ཡིས། ཁམས་གསུམ་རྒྱུད་ལྔ་གནས་བཞིན། །གཟུགས་ཅན་གཟུགས་ཅན་མ་ཡིན་དང་། །འདུ་ཤེས་མེད་དང་ཡོད་མིན་དང་། །སེམས་ཅན་རིགས་རྣམས་ཇི་སྙེད་པས། །སོ་སོའི་སྐྱེ་བོར་གཏོགས་པའི་ས། །སྡུག་བསྔལ་ཐམས་ཅད་མྱུར་སྤངས་ཏེ། །འཕགས་ལམ་བདེ་བ་མྱ་ངན་འདས། །ངེས་པར་ལེགས་པ་རྟོགས་གྱུར་ཅིག །འཕགས་ལམ་བརྙེས་པ་ཐམས་ཅད་ཀྱིས། །གོང་མའི་ཡོན་ཏན་མཆོག་ཐོབ་ཅིང་། །བླ་མེད་རྫོགས་པའི་བྱང་ཆུབ་ཀྱི། །བདེ་བ་དག་ལ་གཞོལ་གྱུར་ཅིག །ཅེས་ཤིས་པ་བརྗོད། ཕྱོགས་བཅུ་དུས་གསུམ་གཤེགས་པ་ཡི། །རྒྱལ་བ་སྲས་དང་བཅས་རྣམས་ཀྱིས། །བསོད་ནམས་དང་ནི་ཡེ་ཤེས་ཚོགས། །སེམས་ཅན་ཀུན་ལ་བསྟབས་མཁྱེན་ལྟར། །བདག་དང་སེམས་ཅན་ཀུན་གྱིས་ཀྱང་། །རང་གི་བསོད་ནམས་མ་ལུས་པ། །རྫོགས་སངས་རྒྱས་བདེ་མ་ཐོབ་བར། །སེམས་ཅན་རྣམས་དང་འཕགས་ཆོགས་ལ། །དེ་དག་རབ་ཏུ་བསྟབ་པར་བགྱི། །ཞེས་བསོད་ནམས་གཞན་ལ་བསྟབ་བོ། །དགུ་པ་བསྔོ་བ་ནི། བླ་མའི་ ― LT34_Page_0118 ―
[མ་དཔེ་གཟིགས་ན་འདིར་གནོན།]
བླ་མ་དཀོན་མཆོག་དང་། །མཆོད་རྟེན་ཁྱད་པར་འཁོར་བཅས་ལ། །འདིས་མཚོན་དགེ་བ་ཅི་བསགས་པ། །དེས་ནི་སེམས་ཅན་ཐམས་ཅད་དང་། །འཕགས་པའི་སྐྱེ་བོའི་ཚོགས་ཀུན་གྱིས། །ཡེ་ཤེས་པ་ཡི་ལམ་གྱི་མཆོག །འཇུག་དང་གནས་དང་འཕར་བ་དང་། །སྤྱོད་པ་ཉིད་ཀྱི་ཡུལ་རྣམས་ནི། །གོ་རིམ་བཞིན་དུ་རབ་རྟོགས་ཏེ། །སྐུ་གསུམ་མཁྱེན་བཞིའི་ཚོགས་རྫོགས་ཤིང་། །བླ་མེད་སངས་རྒྱས་འགྲུབ་པར་སྨོན། །བཅུ་པ་སྐབས་དོན་ལ་གནང་བ་ཞུ་བ་ནི། འཕགས་པའི་ཚོགས་ཐམས་ཅད་དགོངས་སུ་གསོལ་ལོ། །བདག་ཅག་རྣམས་དུས་གསུམ་གྱི་རྒྱལ་བ་སྲས་དང་བཅས་པའི་རྗེས་སུ་འཇུག་ཅིང་སློབ་ཏེ། སྲིད་པའི་མཚོ་ལས་འགྲོ་བ་རྣམས་བླ་ན་མེད་པའི་བདེ་བ་ལ་འགོད་པར་དམ་བཅས་ནས་དེང་འདིར་མཆོད་པའི་ཚོགས་མཆོག་གིས་བརྒྱན་པའི་ཕོ་བྲང་གི་དཀྱིལ་འཁོར་བཤམས་ཏེ། འཕགས་པ་རྣམས་གདན་འཛོམས་པར་སྤྱན་དྲངས་ནས། ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་དང་དམ་ཚིག་ལ་རྣམ་པར་བལྟ་བ་ཞེས་བྱ་བའི་གཟུངས་བཀླག་ཅིང་། དེ་བཞིན་གཤེགས་པའི་ཆོས་ཀྱི་ ― LT34_Page_0119 ―
[མ་དཔེ་གཟིགས་ན་འདིར་གནོན།]
སྐུའི་མཆོད་རྟེན་བརྒྱ་རྩ་བརྒྱད་ཚུལ་བཞིན་དུ་བཏབ་ཅིང་མཆོད། ཐེག་པ་ཆེན་པོའི་མདོ་སྡེ་དང་གཟུངས་ཟབ་ཅིང་རྒྱ་ཆེ་བ་བཀླག་ཅིང་མཆོད་དེ་གདན་འཛོམས་པ་ཆེན་པོའི་གླེང་གཞིར་གསོལ་ནས་བདག་ཅག་དཔོན་སློབ་ཡོན་མཆོད་ལ་སོགས་ཏེ་འགྲོ་བ་མང་པོའི་མགོན་སྐྱབས་དང་དཔུང་གཉེན་དུ་གསོལ་ཞིང་མཆིས་ན། འཕགས་པ་རྣམས་ཀྱི་སྨོན་ལམ་ཁྱད་པར་ཅན་དང་། ཐུགས་དམ་བཟང་པོའི་དབང་དུ་མཛད་ནས་སེམས་ཅན་སྐྱབས་སུ་གསོལ་བ་རྣམས་ལ་ཐུགས་བརྩེ་བར་དགོངས་ཏེ་བདག་ཅག་རྣམས་ཀྱིས་ཐེག་པ་ཆེན་པོའི་མདོ་སྡེ་དང་གཟུངས་ཟབ་ཅིང་རྒྱ་ཆེ་བ་རྣམས་བཀླགས་ཤིང་། དེ་བཞིན་གཤེགས་པའི་ཆོས་སྐུའི་མཆོད་རྟེན་བགྱི་བའི་ཆོ་ག་གཟུགས་བརྙན་ཙམ་ཞིག་བགྱིས་པ་འདིར་གླེང་གཞིར་མཛད་ནས། མཆོད་པའི་ཚོགས་སྦྱར་བའི་ཕོ་བྲང་གི་དཀྱིལ་འཁོར་འདིར་གདན་འཛོམས་པ་ཆེན་པོ་མཛད་དེ། མཆོད་པ་བཞེས་ཤིང་། ཇི་ལྟར་སྔོན་ཆོ་ག་གང་། ཚུལ་གང་གིས་བྱིན་གྱིས་བརླབས་ཏེ་མཛད་པ་བཞིན་དུ། དེང་ཡང་ཆོག་ཡོངས་སུ་རྫོགས་པར་མཛད་དེ་བྱིན་གྱིས་བརླབ་ཅིང་ཆོས་ཀྱི་དེ་ཁོ་ན་ཉིད་གཏན་ལ་དབབ་པ་ལ་སོགས་ཏེ་ཐབས་མཁས་པའི་སྒོ་སྣ་ཚོགས་ནས། འཕགས་པ་ཐམས་ཅད་ ― LT34_Page_0120 ―
[མ་དཔེ་གཟིགས་ན་འདིར་གནོན།]
ཀྱི་རྣམ་པར་ཐར་པའི་སྒོ་ཡོངས་སུ་རྫོགས་པར་འགྱུར་བ་དང་། བདག་སོགས་སེམས་ཅན་ཐམས་ཅད་སྡུག་བསྔལ་དང་གནོད་པ་ཐམས་ཅད་རྒྱུ་དང་བཅས་པ་བྱང་ཞིང་ཞི་བ་དང་། ཕན་པ་དང་བདེ་བ་བླ་ན་མེད་པ་འཕྲལ་དུ་ཐོབ་པར་འགྱུར་བར་བྱིན་གྱིས་བརླབ་ཅིང་། ཇི་ལྟར་འཚལ་བ་ཡིད་བཞིན་དུ་འགྲུབ་པའི་དངོས་གྲུབ་དམ་པ་སྩལ་བར་ཅི་གནང་། སྔོན་ལྷའི་བུ་ནོར་བུའི་སྙིང་པོ་དྲི་མ་མེད་པ་ལ་རྗེས་སུ་ཐུགས་བརྩེ་བས། བཅོམ་ལྡན་འདས་ཉིད་ཀྱིས་དཔལ་གྱི་མགུར་ནས་ཕན་ཡོན་ཇི་ལྟར་གསུངས་པ་དེ་ཐམས་ཅད་བདག་ཅག་དཔོན་སློབ་ཡོན་མཆོད་འཁོར་དང་བཅས་པས་ཐོག་དྲངས་སེམས་ཅན་ཐམས་ཅད་ཀྱིས་འཕྲལ་དུ་ཐོབ་ཅིང་མངོན་དུ་འགྱུར་བར་བྱིན་གྱིས་བརླབ་པར་ཅི་གནང་། གཟུངས་འདི་ཉིད་ཕྱག་མཚན་དུ་བཞེས་པ་ལ་སོགས་ཏེ་འཕགས་པ་ཆོས་སྐྱོང་བ་ཐམས་ཅད་ཀྱིས་ཀྱང་སྟོན་པས་བཀའ་གཏད་ཅིང་སོ་སོ་ནས་ཞལ་གྱིས་བཞེས་པ་ལྟར་ཇི་སྐད་གསུངས་པའི་ཕན་ཡོན་ཐམས་ཅད་བདག་སོགས་སེམས་ཅན་ཐམས་ཅད་ཀྱིས་འཕྲལ་དུ་ཐོབ་པར་བྱིན་གྱིས་བརླབ་བར་ཅི་གནང་། ཅི་ནས་ཀྱང་དཀོན་མཆོག་གསུམ་གྱི་སྐུ་མི་ངས་པ་དང་། བསྟན་པ་འཛིན་པ་དང་བདག་ཅག་རྣམས་ཀྱི་ངག་མི་སུན། ― LT34_Page_0121 ―
[མ་དཔེ་གཟིགས་ན་འདིར་གནོན།]
འཇིག་རྟེན་གྱིས་སྨད་པར་མི་འགྱུར་བའི་ཚུལ་དུ་མཐུ་དང་ཕན་ཡོན་མངོན་དུ་བསྟན་པར་ཅི་གནང་། ཞེས་བརྗོད་པས། ཇི་ལྟར་གསོལ་བ་བཞིན་འཕགས་པ་རྣམས་ཀྱིས་ཕྲིན་ལས་མཛད་ཅིང་འགྲོ་དོན་དུ་འགྱུར་བར་བདེན་པ་བདར་ཞིང་ཡིད་ཀྱིས་བསྔོ་བ་ནི། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཐུ་དང་བྱིན་གྱི་རླབས་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་དང་། འཕགས་པ་སྐུ་གསུང་ཐུགས་ཀྱི་སྤྱོད་པ་མ་དག་པ་མི་མངའ་བ་རྣམས་ཀྱི་ཐུགས་དམ་ངེས་པའི་བདེན་པས། རིག་སྔགས་རྒྱལ་མོ་ཡིད་བཞིན་གྱི་ནོར་བུ་རིན་པོ་ཆེའི་ཚུལ་བཞིན་དུ་ཆོས་ཀྱི་སྐུའི་མཆོད་རྟེན་བཏབ་སྟེ། མཆོད་སྤྲིན་རྒྱ་མཚོས་བརྒྱན་ཅིང་ཕོ་བྲང་གི་དཀྱིལ་འཁོར་བཤམས་པ་འདིར་ཕྱོགས་བཅུའི་རྒྱལ་བ་སྲས་དང་བཅས་པ་དང་། ཆོས་སྐྱོང་བ་ཐམས་ཅད་གདན་འཛོམ་པ་ཆེན་པོར་མཛད་དེ་མཆོད་པ་བཞེས་ཤིང་། ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བའི་གཟུངས་དང་། ཆོས་ཀྱི་སྐུའི་མཆོད་རྟེན་རྣམས་ཚུལ་བཞིན་དུ་བྱིན་གྱིས་བརླབས་པར་མཛད་དེ། མདོ་སྡེ་དང་གཟུངས་ཟབ་ཅིང་རྒྱ་ཆེ་བ་རྣམས་སོ་ ― LT34_Page_0122 ―
[མ་དཔེ་གཟིགས་ན་འདིར་གནོན།]
སོའི་ཆོ་ག་ཡོངས་སུ་རྫོགས་པར་བསྐངས་ཏེ། བདག་སོགས་འགྲོ་བ་མང་པོའི་དོན་དཔག་ཏུ་མེད་པ་མཛད་པར་གྱུར་ཅིག །ཆོས་སྐུའི་མཆོད་རྟེན་ལ་ཡིད་བཞིན་གྱི་ནོར་བུ་རིན་པོ་ཆེ་རིག་པའི་རྒྱལ་མོའི་ཡིག་འབྲུ་གསེར་གྱི་མདོག་ཅན་ཕྲེང་བར་གནས་པ་དང་། འཕགས་པ་རྣམས་ཀྱི་སྐུ་གསུང་ཐུགས་ལས་འོད་ཟེར་འཕྲོས་པས་འཇིག་རྟེན་ཐམས་ཅད་དུ་ཁྱབ་ཅིང་འཕགས་པ་རྣམས་ཀྱི་སྐུ་ལ་བབས་པས་ནི་སྒྲིབ་པ་གཉིས་ལས་གྲོལ་ཞིང་རྣམ་པར་ཐར་པ་གོང་ནས་གོང་དུ་འཕར་ཏེ་འགྲོ་དོན་སྤྱོད་པའི་མཐུ་དཔག་མེད་ཐོབ་ཅིང་། སེམས་ཅན་ཐམས་ཅད་ཀྱི་དོན་ལ་བསྐུལ་བར་གྱུར་ཅིག །འགྲོ་བ་ལྔའི་སེམས་ཅན་གྱི་ལུས་ལ་ཕོག་པས་སོ་སོའི་སྡུག་བསྔལ་དང་སྒྲིབ་པ་ཐམས་ཅད་བྲལ་ཞིང་བདེ་བ་དང་ལྡན་པར་གྱུར་ལ། འོད་ཟེར་གྱི་ཕུང་པོའི་ནང་ནས་འཕགས་པ་གདན་འཛོམས་པ་མཐོང་ནས་སྐྱབས་སུ་འགྲོ་ཞིང་བྱང་ཆུབ་ཏུ་སེམས་བསྐྱེད་ནས་ངན་འགྲོ་ལས་ཐར་ཏེ་འཕགས་པའི་ལམ་ལ་འཇུག་པར་གྱུར་ཅིག །བདག་ཅག་རྣམས་ལ་ཁྱབ་པས་འགྲོ་དོན་དཔག་མེད་སྒྲུབ་ནུས་པའི་མཐུ་ཐོབ་སྟེ་དེ་བཞིན་གཤེགས་པ་དག་དང་སྐུ་གསུང་ཐུགས་མཚུངས་པར་གྱུར་ཅིག། ཡང་འོད་ཟེར་དེ་དག་གཅིག་ཏུ་འདུས་ནས་བུམ་པའི་ ― LT34_Page_0123 ―
[མ་དཔེ་གཟིགས་ན་འདིར་གནོན།]
གཟུངས་ཆབ་ལ་ཁྱབ་སྟེ་རེག་པ་ཙམ་གྱིས་གནོད་པ་དང་། བཀྲ་མི་ཤིས་པ་མི་བདེ་བ་ཐམས་ཅད་ཞི་བར་བྱེད་པ། དཔལ་དང་བདེ་ལེགས་སྐྱེད་པར་བྱེད་པའི་བདུད་རྩིའི་དག་བྱེད་དུ་གྱུར་ཅིག །བསྒྲུབ་བྱའི་ལུས་དང་འཁོར་དང་ཡོ་བྱད་ཐམས་ཅད་ལ་ཁྱབ་སྟེ། ནད་དང་གནོད་པ་ཐམས་ཅད་བསལ་ཞིང་ཞི་ནས་ལུས་སེམས་སྐྱོན་ཐམས་ཅད་དང་བྲལ་སྟེ་རྡོ་རྗེ་ལྟ་བུར་མཁྲེགས་ཤིང་བརྟན་པ་དང་ཆོས་ཀྱི་སྣོད་དུ་གྱུར་ཅིག །གཞན་ཡང་ཆོས་ཀྱི་དེ་ཁོ་ན་ཉིད་གཏན་ལ་དབབ་པ་ལ་སོགས་པ་ཐབས་མཁས་པའི་སྒོ་སྣ་ཚོགས་པས་འཕགས་པ་ཐམས་ཅད་འགྲོ་བ་མ་ལུས་པའི་དོན་རྫོགས་པར་མཛད་པར་གྱུར་ཅིག །བདག་ཅག་རྣམས་ཀྱིས་སེམས་ཀྱི་དམིགས་པ་འགའ་བསྐྱེད་པ་དང་། གཟུངས་ཀྱི་ཚིག་འབྲུ་འགའ་བརྗོད་པ་ཡང་འཕགས་པ་རྣམས་ཀྱི་ཏིང་ངེ་འཛིན་གྱི་སྒོ་སྣ་ཚོགས་དང་། ཚིག་འབྲུ་མཐའ་ཡས་པར་རྫོགས་ཤིང་རྣམ་པར་དག་པར་བྱིན་གྱི་བརླབ་པར་གྱུར་ཅིག །ལན་གསུམ་མམ་བསྡུ་ན་གཅིག་བརྗོད། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཐུ་དང་བྱིན་གྱི་རླབས་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་ ― LT34_Page_0124 ―
[མ་དཔེ་གཟིགས་ན་འདིར་གནོན།]
སྟོབས་དང་། འཕགས་པ་རྣམས་ཀྱི་ཐུགས་དམ་ངེས་པའི་བདེན་པས་དེ་བཞིན་དུ་གྱུར་ཅིག །ཅེས་ལན་གསུམ་བརྗོད་དོ། །བཅུ་གཅིག་པ་གཟུངས་བཟླ་བ་ནི། འཕགས་པ་རྣམས་ཀྱིས་གནང་ཞིང་ཕྲིན་ལས་མཛད་དེ་ཇི་ལྟར་བསྔོས་པ་བཞིན་མངོན་ཏུ་འགྱུར་བར་མོས་ལ། དྲི་མེད་ཀྱི་གཟུངས་མདོ་བཀླགས་ཤིང་། གཟུངས་རིང་ཐུང་བརྒྱ་རྩ་བརྒྱད་རེ་བཟླ། མཐར་གཟུངས་བཟླ་བཞིན་ཏུ་བུམ་ཆུས་རང་གཞན་ཁྲུས་བྱ་ཞིང་ཁོང་དུ་བཏུང་། གཟུངས་ཆབ་ཕྱོགས་ཀུན་ཏུ་འཐོར་ཞིང་། འབྱུང་པོ་གང་དག་འདིར་ནི་ལྷག་གྱུར་ཏམ། ཞེས་སོགས་བརྗོད་དོ། །གསུམ་པ་མཇུག་བསྡུ་བ་ལ་བརྒྱད། བསགས་སྦྱོང་སྨོན་ལམ་བསྐོར་མཆོད་དང་། །བཟོད་གསོལ་གཤེགས་བསྔོ་བཀྲ་ཤིས་སོ། །དང་པོ་སླར་ཡང་བསགས་སྦྱོང་བྱ་བ་ནི། ཕྱོགས་བཅུ་དུས་གསུམ་དུ་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། དམ་པའི་ཆོས་དང་བྱང་ཆུབ་སེམས་དཔའ་དང་ཉན་ཐོས་དང་། རང་རྒྱལ་བའི་དགེ་འདུན་དང་བཅས་པ་དཀོན་མཆོག་བླ་ན་མེད་པ་ཐམས་ཅད་ལ་གུས་པར་ཕྱག་འཚལ་ལོ། །ཕྱོགས་བཅུ་ན་མཆོད་རྟེན་སྐུ་གདུང་དང་རིང་བསྲེལ་དང་བཅས་པ་ཐམས་ཅད་ལ་གུས་པར་ཕྱག་འཚལ་ལོ། །འཕགས་པའམ་པའི་ ― LT34_Page_0125 ―
[མ་དཔེ་གཟིགས་ན་འདིར་གནོན།]
ཆོས་སྐྱོང་བ་འཇིག་རྟེན་དང་འཇིག་རྟེན་ལས་འདས་པའི་ཚུལ་དུ་བཞུགས་པ་ཐམས་ཅད་ལ་གུས་པར་ཕྱག་འཚལ་ལོ། །འཕགས་པའི་ཚོགས་དེ་དག་ཐམས་ཅད་ལ་མཆོད་ཡོན་དང་དྲི་ཆབ། བདུག་སྤོས་དང་མེ་ཏོག །ཞལ་ཟས་དང་མར་མེ། རོལ་མོ་དང་སིལ་སྙན། གདུགས་དང་བ་དན་ལ་སོགས་པ་དངོས་སུ་ཅི་འབྱོར་པ་འདི་དག་དང་། ཕྱོགས་བཅུ་ན་བདག་པོས་ཡོངས་སུ་མ་བཟུང་བའི་ལྷ་རྫས་དང་། མིའི་ཡོ་བྱད་ཕུན་སུམ་ཚོགས་པ་ཅི་མཆིས་པ་ཐམས་ཅད་དང་། གཟུངས་དང་རིག་པའི་མཐུ་དང་མོས་པའི་སྟོབས་ཀྱིས་བསྐྱེད་པའི་བཟང་པོ་སྤྱོད་པའི་སྨོན་ལམ་ལས་བྱུང་བའི་མཆོད་པའི་སྤྲིན་རྒྱ་མཚོ་ཐམས་ཅད་ཀྱིས་ནམ་མཁའི་མཐའ་ཀླས་པའི་ཆོས་ཀྱི་དབྱིངས་སུ་གཏོགས་པ་ཐམས་ཅད་རྒྱས་པར་བཀང་སྟེ་དབུལ་ཞིང་མཆོད་དོ། །བདག་ཅག་གིས་ཐོག་མ་མ་མཆིས་པ་ནས་འཁོར་བ་ན་འཁོར་བའི་ཚེ་རབས་ཐམས་ཅད་དུ་སྡིག་པ་མི་དགེ་བའི་ལས་མདོར་ན་མི་བགྱི་བར་རིགས་པའི་ལས་ནི་བགྱིས་བགྱི་བར་འོས་པའི་ལས་མ་བགྱིས་པ་ལ་སོགས་པ་དངོས་སྡིག་ཅི་མཆིས་པ་ཐམས་ཅད་ཡང་དག་པར་འཆགས་སོ། །དུས་གསུམ་གྱི་འཕགས་པ་དང་སྐྱེ་བོའི་དགེ་བ་མཐའ་དག་གི་བསོད་ནམས་ཐམས་ཅད་ལ་རྗེས་ ― LT34_Page_0126 ―
[མ་དཔེ་གཟིགས་ན་འདིར་གནོན།]
སུ་ཡི་རང་ངོ་། །ཕྱོགས་བཅུའི་རྒྱལ་བ་ཐམས་ཅད་ལ་ཆོས་ཀྱི་འཁོར་ལོ་བླ་ན་མེད་པ་བསྐོར་བར་བསྐུལ་ལོ། །འཇིག་རྟེན་གྱི་སྒྲོན་མེ་གང་དག་མྱ་ངན་འདའ་བའི་ཚུལ་སྟོན་པར་བཞེད་པ་དེ་དག་ཐམས་ཅད་ལ་མྱ་ངན་ལས་མི་འདའ་བར་འཇིག་རྟེན་གྱི་དོན་མཛད་ཅིང་ཡུན་རིང་དུ་བཞུགས་པར་གསོལ་བར་འཚལ་ལོ། །བསོད་ནམས་འདི་ཡིས་ཐམས་ཅད་གཟིགས་པ་སོགས་དང་། སེམས་ཅན་ཐམས་ཅད་བདེ་དང་ལྡན་གྱུར་ཅིག་སོགས་ཤློ་ཀ་རེ་རེ་བརྗོད་དོ། །གཉིས་པ་ནི། དེ་ལྟར་ཆོས་ཀྱི་སྐུའི་མཆོད་རྟེན་ཚུལ་བཞིན་བྱས་ཏེ་བསགས་སྦྱངས་བགྱིས་པ་ལ་སོགས་པ་དགེ་བ་རླབས་པོ་ཆེའི་སྟོབས་ཀྱིས། ཕྱོགས་བཅུའི་སངས་རྒྱས་བཅོམ་ལྡན་འདས་ཐམས་ཅད་རང་གཞན་གྱི་དོན་ཕུན་སུམ་ཚོགས་པ་མཐར་ཕྱིན་པར་མཛད་པའི་དགོངས་པ་ལྷུན་གྱིས་གྲུབ་པར་གྱུར་ཅིག །ཕོ་བྲང་གི་དཀྱིལ་འཁོར་ཐམས་ཅད་དུ་བཟང་པོ་སྤྱོད་པའི་མཆོད་པའི་སྤྲིན་རྒྱས་པས་ཀླུབས་པར་གྱུར་ཅིག །དམ་པའི་ཆོས་རྣམ་པ་ཐམས་ཅད་ཀྱི་སྒོ་ནས་འཇིག་རྟེན་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །བྱང་ཆུབ་སེམས་དཔའ་དང་རང་རྒྱལ་དང་ཉན་ཐོས་ཐམས་ཅད་སོ་སོའི་རྣམ་པར་ཐར་པ་མཐར་ ― LT34_Page_0127 ―
[མ་དཔེ་གཟིགས་ན་འདིར་གནོན།]
ཕྱིན་ནས་ཐམས་ཅད་མཁྱེན་པའི་གོ་འཕང་མྱུར་དུ་ཐོབ་པར་གྱུར་ཅིག །དམ་པའི་ཆོས་སྐྱོང་བ་ཐམས་ཅད་ཀྱང་ཐུགས་དམ་རླབས་པོ་ཆེ་ཡོངས་སུ་རྫོགས་ཤིང་མཐུ་སྟོབས་གཟི་བྱིན་རབ་ཏུ་འཕེལ་བ་དང་སངས་རྒྱས་ཀྱི་གོ་འཕང་མངོན་ཏུ་བརྙེས་པར་གྱུར་ཅིག །བདག་ཅག་འཁོར་དང་བཅས་པ་ལ་ཕན་འདོགས་པའི་ལྷ་མགོན་ཐམས་ཅད་ལུས་སེམས་ལ་ཉེས་པའི་སྐྱོན་དང་བྲལ་ནས་དཔལ་དང་ཡོན་ཏན་ཕུན་སུམ་ཚོགས་པ་དང་ལྡན་པར་གྱུར་ཅིག །མཐའ་ཡས་པའི་སེམས་ཅན་ཐམས་ཅད་ཀྱང་སྒྲིབ་གཉིས་བག་ཆགས་དང་བཅས་པ་བྱང་། སྡུག་བསྔལ་གནོད་པ་ཐམས་ཅད་ཞི། དགེ་བའི་ཆོས་ཐམས་ཅད་ཡོངས་སུ་རྫོགས་ནས་མྱུར་དུ་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །དགེ་བ་འདིས་མཚོན་ཏེ་བདག་སོགས་སེམས་ཅན་ཐམས་ཅད་ཀྱིས་འཁོར་བ་ཐོག་མ་མེད་པ་ནས་བསགས་པའི་དགེ་བའི་རྩ་བ་ཅི་མཆིས་པའི་སྟོབས་དང་། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱི་རླབས་དང་། ཐེག་པ་ཆེན་པོའི་མདོ་སྡེ་དང་གཟུངས་ཟབ་ཅིང་རྒྱ་ཆེ་བ་རྣམས་མཆོད་དེ་བཀླགས་ནས། ཆོས་ཀྱི་སྐུའི་ ― LT34_Page_0128 ―
[མ་དཔེ་གཟིགས་ན་འདིར་གནོན།]
མཆོད་རྟེན་ཚུལ་བཞིན་བགྱིས་པའི་བསོད་ནམས་དང་། ཆོས་ཀྱི་དབྱིངས་རྣམ་པར་དག་པའི་སྟོབས་ཀྱིས་མདོ་སྡེ་དང་གཟུངས་ལས་ཕན་ཡོན་ཇི་སྐད་བཀའ་སྩལ་པ་ཐམས་ཅད་བདག་དང་སྦྱིན་པའི་བདག་པོས་འཕྲལ་དུ་ཐོབ་ཅིང་ཡོངས་སུ་རྫོགས་ནས་མངོན་དུ་གྱུར་ཅིག །བདག་སོགས་སེམས་ཅན་ཐམས་ཅད་ཀྱིས་ཐོག་མ་མ་མཆིས་པའི་འཁོར་བ་ནས་ལས་དང་ཉོན་མོངས་པ་དང་རྣམ་པར་སྨིན་པའི་སྒྲིབ་པ་ལ་སོགས་པས། ངན་སོང་གསུམ་དང་མི་ཁོམས་པ་རྣམས་སུ་སྐྱེ་བར་འགྱུར་བའམ། བྱང་ཆུབ་ཀྱི་སེམས་དང་དགེ་བའི་ཕྱོགས་ལས་ཉམས་པ་ལ་སོགས་པ་སྡིག་པའི་ལས་ཅི་མཆིས་པ་ཐམས་ཅད་མ་ལུས་པར་བསལ་ཏེ་གཏན་ནས་ཞི་ཞིང་བྱང་བར་གྱུར་ཅིག །སྔོན་གྱི་ལས་དང་འཕྲལ་གྱི་རྐྱེན་ལས་གྱུར་པའི་ནད་དང་། ཚེ་ཐུང་བ་དང་། གནོད་པ་དང་། མི་དགེ་བ་དང་། བཀྲ་མི་ཤིས་པ་དང་། ངན་པ་དང་། སྡིག་ཏོར་བགྲང་བ་ཐམས་ཅད་ཞི་ཞིང་གཏན་དུ་མི་འབྱུང་བར་གྱུར་ཅིག །གདོན་བགེགས་ཀྱི་གནོད་པ་ལས་གྲོལ་ཞིང་དེ་དག་བྱམས་པའི་སེམས་དང་ལྡན་ནས་ཕྱིན་ཆད་སུ་ལའང་གནོད་སེམས་མི་འབྱུང་བར་གྱུར་ཅིག །ཚེ་རིང་ཞིང་ནད་མ་མཆིས་པ་དང་། འབྱོར་པ་ཕུན་སུམ་ཚོགས་ལ་བསམ་པ་ཐམས་ཅད་ཡིད་ ― LT34_Page_0129 ―
[མ་དཔེ་གཟིགས་ན་འདིར་གནོན།]
བཞིན་ཏུ་འགྲུབ་པ་ལ་སོགས་པ་འཇིག་རྟེན་དང་འཇིག་རྟེན་ལས་འདས་པའི་དཔལ་ཐམས་ཅད་དང་ལྡན་པར་གྱུར་ཅིག །ཚེ་རབས་ཐམས་ཅད་དུ་ཡང་བྱང་ཆུབ་ཀྱི་ཚོགས་ཡོངས་སུ་རྫོགས་པར་བྱེད་པའི་ལུས་དང་ལོངས་སྤྱོད་འཁོར་གྲོགས་བཤེས་གཉེན་ཕུན་སུམ་ཚོགས་པ་དང་ལྡན་པར་གྱུར་ཅིག །ཐེག་པ་ཆེན་པོའི་ཆོས་དང་རྟག་ཏུ་འཕྲད་ཅིང་ཐོས་བསམ་སྒོམ་པའི་སྒོ་ནས་དོན་མངོན་སུམ་དུ་བགྱིད་པར་གྱུར་ཅིག །དམ་པའི་ཆོས་མ་ནོར་བར་སྟོན་པའི་དགེ་བའི་བཤེས་གཉེན་དམ་པ་རྣམས་དང་རྒྱུན་དུ་འགྲོགས་ཤིང་མཉེས་པར་བྱེད་པ་དང་། ཡོ་བྱད་ལ་མ་ཆགས་ཤིང་ཐབས་ལ་མཁས་པ་དང་ཤེས་རབ་ཀྱི་མཐུ་ཐོགས་པ་མེད་པ་དང་ལྡན་ཏེ་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ཐམས་ཅད་བདེ་བླག་ཏུ་ཉམས་འོག་ཏུ་ཆུད་པར་གྱུར་ཅིག །བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པ་གཡུང་དྲུང་གི་སྐུ་སངས་རྒྱས་བཅོམ་ལྡན་འདས་ཀྱི་གོ་འཕང་ཆེན་པོ་མྱུར་དུ་ཐོབ་ནས་སེམས་ཅན་ཐམས་ཅད་སྲིད་པའི་རྒྱ་མཚོ་ལས་སྒྲོལ་ཞིང་མི་གནས་པའི་མྱ་ངན་ལས་འདས་པའི་དབྱིངས་ལ་འགོད་པར་གྱུར་ཅིག །གསུམ་པ་བསྐོར་བ་བྱ་བའི་ཐོག་མར། ན་མཿན་བ་ན་བ་ཏཱི་ནཱཾ། ཏ་ཐཱ་ག་ཏ་གཾ་གྡ་ནཱ་དི། བཱ་ལུ་ ― LT34_Page_0130 ―
[མ་དཔེ་གཟིགས་ན་འདིར་གནོན།]
ཀཱ་ནཱཾ། ཀོ་ཊི་ནི་ཡུ་ཏ་ཤ་ཏ་ས་ཧ་སྲཱ་ཱཾ། ཨོཾ་བོ་བོ་རི། ཙ་རི་ི་ཙ་རི། མོ་རི་གོ་རི་ཙ་ལ་བཱ་རི་སྭཱ་ཧཱ། ཞེས་དང་། ན་མོ་བྷ་ག་བཏེ་རཏྣ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་རཏྣེ་རཏྣེ་མ་ཧཱ་རཏྣེ་རཏྣ་བི་ཛ་ཡེ་སྭཱ་ཧཱ། ཞེས་པའི་སྔགས་གཉིས་ལན་བདུན་ནམ་གསུམ་བརྗོད། དེ་ནས་དྲི་མེད་ཀྱི་གཟུངས་རིང་ཐུང་གཉིས་ཀའམ་མི་ཤེས་ན་སྙིང་པོ་གཟུངས་ཐུང་བཟླ་བཞིན་ཏུ་བསྐོར་བ་བརྒྱ་རྩ་བརྒྱད་བྱའོ། །མཐར་ནུས་ཤིང་སྤྲོ་ན་མཆོད་རྟེན་བསྐོར་བའི་ཚིགས་བཅད་དང་གསལ་རྒྱལ་གྱི་ཚིགས་སུ་བཅད་པ་དག་བཀླག་དགོས་ཀྱང་ཚར་གྲངས་ལྟ་བུ་ལྕོགས་དཀའ་བས། མཁས་པ་གང་དག་རབ་ཏུ་སེམས་དང་ཞིང་། །སངས་རྒྱས་མཆོད་རྟེན་དག་ལ་གོམ་འདོར་ན། །འཛམ་བུ་ཆུ་བོའི་གསེར་གྱི་སྲང་ཚད་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །ཅེས་དང་། ཡེ་དྷརྨཱ་ཙམ་བརྗོད་དོ། །བཞི་པ་ནི། མཆོད་པ་དྲི་མེད་ཡོངས་དག་པ། །རྣམ་མང་རྒྱ་ཆེ་ཐམས་ཅད་དང་། །སོ་སོའི་མངའ་ཐང་རྒྱ་ཆེན་དུ། །འོས་པ་བདེ་བར་སྦྱར་བ་འབུལ། །ཞེས་པས་མཆོད་ཅིང་རོལ་མོ་བྱའོ། །ལྔ་པ་ནི། འཕགས་པ་གདན་འཛོམས་པ་ཆེན་པོ་དགོངས་སུ་གསོལ། དེང་འདིར་འཕགས་པ་རྣམས་སྤྱན་དྲངས་ཏེ་བདག་སོགས་འགྲོ་བ་རྣམས་ ― LT34_Page_0131 ―
[མ་དཔེ་གཟིགས་ན་འདིར་གནོན།]
ཀྱི་དོན་མཛད་པར་གསོལ་བའི་སྐབས་འདིར། བདག་ཅག་དུས་ངན་པའི་སེམས་ཅན་སྤྱོད་པ་དམན་ཞིང་མ་ངག་པས་འགལ་འཁྲུལ་ནོངས་པར་གྱུར་པ་ཅི་མཆིས་པ་ཐམས་ཅད་མཐོལ་བཤགས་བཟོད་པར་གསོལ་ན་ཐུགས་བརྩེ་བར་དགོངས་ཏེ་བཟོད་པར་བཞེས་ནས་འཕྲལ་དང་ཡུན་དུ་སྒྲིབ་པར་མི་འགྱུར་བར་བྱིན་གྱིས་བརླབ་པར་ཅི་གནང་། དྲུག་པ་ནི། ཨོཾ། ཁྱེད་ཀྱིས་སེམས་ཅན་དོན་ཀུན་མཛད། །ཅེས་སོགས་བརྗོད་པའམ། ཡང་ན་རིང་བསྲེལ་སྙིང་པོ་ཅན་གྱི་རྟེན་ལ་དམིགས་ཏེ་བརྟན་བཞུགས་སྤྱི་མཐུན་བྱས་ཀྱང་རུང་ངོ། །བདུན་པ་ནི། འཕགས་པའི་སྐུ་གདུང་རིན་ཆེན་རིང་བསྲེལ་སྣོད། །རྙིང་བཅོས་བྱི་དོར་བགྱིས་ཤིང་མཆོད་པ་དང་། །གསར་བརྩིགས་མཆོད་ཅིང་ཁྲུས་ཆབ་གསོལ་བ་དང་། །བསྟོད་དང་བསྐོར་དང་གུས་པ་བགྱིས་པ་དང་། །སྨོན་ལམ་ཟབ་མོ་སེམས་ཡིད་དང་བཏབ་པའི། །བྱིན་རླབས་ཡོན་ཏན་ཁྱད་པར་ཆེན་པོའི་མཐུས། །བདག་ཅག་ཡོན་བདག་འཁོར་དང་བཅས་པ་དང་། །དད་མོས་གྲོགས་བྱེད་རྗེས་སུ་ཡི་རངས་རྣམས། །སྨོན་ལམ་མཐུ་སྟོབས་ཁྱད་པར་ཆེན་པོ་ཡིས། །དང་བའི་ཡིད་ཀྱིས་མཆོད་རྟེན་འདི་བརྩིགས་པས། ། ― LT34_Page_0132 ―
[མ་དཔེ་གཟིགས་ན་འདིར་གནོན།]
དེང་ནས་བདག་ཅག་སྡིག་སྒྲིབ་བྱང་གྱུར་ཏེ། །བླ་མེད་བྱང་ཆུབ་བདག་ཅག་མྱུར་ཐོབ་ཤོག །བརྒྱད་པ་ནི། ཕུན་སུམ་ཚོགས་པ་མངའ་བ་སོགས་སམ། སྟོན་མཆོག་དམ་པ་སོགས་སམ། ཆེ་བའི་ཆེ་མཆོག་སོགས་ཞལ་ནས་གསུངས་པའི་བཀྲ་ཤིས་ཀྱི་ཚིགས་སུ་བཅད་པ་གང་རུང་བརྗོད་ལ། རོལ་མོ་བསྒྲག་ཅིང་མེ་ཏོག་གི་ཆར་དབབ་པར་བྱའོ། །སཱཙྪ་ཁྲི་འབུམ་ལ་སོགས་འདེབས་པའི་ཚེ། །ཆོ་ག་མེད་ན་ཕན་ཡོན་བྱིན་རླབས་ཆུང་། །རྒྱས་འབྲིང་ལན་གྲངས་མང་པོ་ལྕོགས་དཀའ་ཞིང་། །བསྡུས་པ་འགའ་ཡང་རང་བཟོར་སྦྱར་བར་མཐོང་། །དེས་ན་ཆོ་ག་ཚར་མང་བཏང་བ་ལ། །ཕན་པའི་སེམས་ཀྱིས་གཞུང་དང་མཆོད་འབུམ་གྱི། །སྙིང་པོར་བསྡུས་ཀྱང་བྱིས་བློས་ནོངས་པ་ཀུན། །མཆོག་གསུམ་སྤྱན་སྔར་བཤགས་སོ་ཚངས་པ་སྩོལ། །རྒྱལ་བས་ཆེ་ཐང་བསྔགས་པའི་ཆོས་ཚུལ་འདི། །ཛམ་གླིང་ཀུན་ཏུ་རྒྱས་པས་ལུས་ཅན་ཀུན། །གནས་སྐབས་མཐར་ཐུག་དགེ་ལེགས་དཔལ་གྱིས་འབྱོར། །མི་གནས་བྱང་ཆུབ་ཆེན་པོ་མངོན་བྱེད་ཤོག །ཅེས་པ་འདིའང་གདན་ས་ཆེན་པོ་དཔལ་སྤུངས་སུ་ལོ་བསྟར་སཱཙྪ་མང་པོ་རྒྱུན་སྒྲུབ་ཀྱི་སྲོལ་དབོན་སྤྲུལ་རིན་པོ་ཆེ་ནས་བཙུགས་པ་སོགས་ལ་ཤིན་ཏུ་ཉེར་མཁོར་གྱུར་པ་དང་། དད་འབྱོར་ལྡན་པ་གཉེར་མགོན་འགྲུབ་ནས་ ― LT34_Page_0133 ―
[མ་དཔེ་གཟིགས་ན་འདིར་གནོན།]
དྲི་མེད་ཁང་བརྩེགས་མཆོད་རྟེན་རིང་བསྲེལ་འབུམ་ཕྲག་གི་སྙིང་པོ་ཅན་གསར་བཞེངས་སྐབས་སྔ་ཕྱིར་དོན་གཉེར་ཆེན་པོས་བསྐུལ་ངོར། མང་ཐོས་ཀྱི་དགེ་སྦྱོང་ཀརྨ་ངག་དབང་ཡོན་ཏན་རྒྱ་མཚོའམ། བློ་གྲོས་མཐའ་ཡས་ཀྱིས་རྫོང་སར་བཀྲ་ཤིས་ལྷ་རྩེའི་ཆོས་གྲྭ་ཆེན་པོར་སྦྱར་བ་དགེ་ལེགས་འཕེལ། །རྒྱལ་བས་ལུང་བསྟན་འཇམ་མགོན་བླ་མའི་གསུང་། །དེ་བཞིན་གཤེགས་པའི་མཆོད་རྟེན་སྒྲུབ་པའི་ཚུལ། །འདི་ཡང་མགོན་འགྲུབ་འབྱོར་པའི་དཔལ་ལས་བསྐྲུན། །དགེ་བས་འགྲོ་ཀུན་བདེ་གཤེགས་ཉིད་གྱུར་ཅིག །སརྦ་དཱ་ཀ་ལྱཱ་ཾ་བྷབ་ཏུ། འཕགས་པ་འོད་ཟེར་དྲི་མེད་ཀྱི་རྒྱུན་གྱི་བཟླས་པ་བྱ་ཚུལ་འཆི་མེད་འབྱུང་བ།― LT34_Page_0135 ―
[མ་དཔེ་གཟིགས་ན་འདིར་གནོན།]
འཕགས་པ་འོད་ཟེར་དྲི་མེད་ཀྱི་རྒྱུན་གྱི་བཟླས་པ་བྱ་ཚུལ་འཆི་མེད་འབྱུང་བ་ཞེས་བྱ་བ་བཞུགས་སོ། །ཚོགས་གཉིས་རྒྱ་མཚའི་བཅུད་ལས་འཁྲུངས། །གྲུབ་མཆོག་ནོར་བུའི་འོད་ཟེར་ནི། །བྱང་ཆུབ་བར་དུ་གཙུག་གི་རྒྱན། །བཀོང་ནས་དེ་ཡི་རྣལ་འབྱོར་འཆད། །འདིའི་དབང་ཐོབ་ཅིང་དམ་ཚིག་ལ་གནས་པ་དག་གིས་འཕགས་པ་འོད་ཟེར་དྲི་མ་མེད་པ་རྣམ་པར་དག་པའི་འོད་ཀྱི་རྣལ་འབྱོར་རྒྱུན་ཁྱེར་བསྡུས་པའི་ཚུལ་ལ་འཇུག་པར་སྤྲོ་ན། ཁ་ཟས་མ་ཟོས་པའི་གོང་དམ། ཤ་ཆང་སྒོག་ཙོང་ལ་སོགས་ཁོང་པར་མ་སོང་བའི་སྔ་དྲོའི་ཆར་ཁྲུས་དང་གཙང་སྦྲ་བྱས་ལ། ཐལ་མོ་སྦྱར་ཏེ། སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །བདག་དང་གཞན་དོན་བསྒྲུབ་སླད་དུ། །བདག་གིས་བྱང་ཆུབ་སེམས་བསྐྱེད་དོ། །ཕྱོགས་བཅུ་དག་ན་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་གསོན། །བདག་གིས་རྫོགས་པའི་བྱང་ཆུབ་ཕྱིར། །དེད་ནས་བྱང་ཆུབ་སེམས་བསྐྱེད་དོ། །ལན་གསུམ་གྱིས་སྐྱབས་སུ་འགྲོ་ཞིང་སེམས་བསྐྱེད། མདུན་གྱི་ནམ་མཁར་བཅོམ་ལྡན་འདས་ཤཱཀྱ་ཐུབ་པ་སྐུ་མདོག་གསེར་བཙོམ་ལྟ་བུ། མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པ། སེང་གེའི་ཁྲི་དང་པད་ཟླའི་གདན་ལ་རྡོ་རྗེའི་སྐྱིལ་ཀྲུང་གིས་བཞུགས་པ། ཕྱག་གཉིས་ཆོས་ཀྱི་འཁོར་ལོའི་ཕྱག་རྒྱ་མཛད་པའི་འཁོར་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ ― LT34_Page_0136 ―
[མ་དཔེ་གཟིགས་ན་འདིར་གནོན།]
གསལ་བར་གྱུར། དེ་རྣམས་ཀྱི་གཙུག་ཏོར་ནས་འོད་ཟེར་བྱུང་། འཇིག་རྟེན་གྱི་ཁམས་ཐམས་ཅད་སྣང་བར་བྱས། །སངས་རྒྱས་ཐམས་ཅད་ཀྱི་ཐུགས་རྒྱུད་བསྐུལ། འོད་ཟེར་སླར་འདུས་ཏེ་རྒྱལ་བ་རྣམས་ཀྱི་གཙུག་ཏོར་དུ་ཐིམ་པས་རྒྱལ་བ་རྣམས་དགྱེས་ཏེ། ཀ་ལ་པིངྐའི་དབྱངས་ལྟ་བུའི་སྒྲས་གསང་སྔགས་གསུངས་པའི་སྒྲའི་རྗེས་ཟློས་བདག་ཉིད་ཀྱིས་བྱེད་པར་གྱུར། ཞེས་མོས་ལ། ན་མཿས་པྟ་ནཱཾ། སཾ་མྱཀྶཾ་བུདྡྷ་ཀོ་ཏཱི་ནཱཾ། པ་རི་ཤུདྡྷི་མ་ན་སེ། ཨ་བྷྱ་རྩི་ཏ་པྲ་ཏིཥྛི་ཏཱ་ནཱཾ། ན་མོ་བྷ་ག་ཝ་ཏེ། ཨ་མྲྀ་ཏཱ་ཡུརྵ་སྱ། ཏ་ཐཱ་ག་ཏ་སྱ། ཨོཾ་སརྦ་ཏ་ཐཱ་ག་ཏ་ཤུདྡྷ། ཨཱ་ཡུར་བི་ཤོ་དྷ་ནི། སཾ་ཧ་ར་སཾ་ཧ་ར། སརྦ་ཏ་ཐཱ་ག་ཏ་བཱིརྻ་བ་ལེ་ན་པྲ་ཏི་སཾ་ཧ་ར་ཨཱ་ཡུཿས་ར་ས་ར། སརྦ་ཏ་ཐཱ་ག་ཏ། ས་མ་ཡ། བོ་དྷི་བོ་དྷི། བུ།།།བུ།།། བོ་དྷ་ཡ་བོ་དྷ་ཡ། མ་མ་སརྦ་པཱ་པཾ་ཨཱ་ཝ་ར་་བི་ཤུདྡྷེ། བི་ག་ཏ་མ་ལཾ། ཚ་ར་སུ་བུདྡྷ་བུདྡྷེ་ཧུ་རུ་ཧུ་རུ་སྭཱ་ཧཱ། རྩ་སྔགས་སོ། ཨོཾ་སརྦ་ཏ་ཐཱ་ག་ཏ་མ་ལ་བི་ཤོདྷ་ནི། རུ་དྷ་བ་ལེ་པྲ་རྟི་སཾ་སྐཱ་ར། ཏ་ཐཱ་ག་ཏ་དྷཱ་ཏུ་དྷ་རེ། དྷ་ར་དྷ་ར། སཾ་དྷ་ར་སཾ་དྷ་ར། སརྦ་ཏ་ཐཱ་ག་ཏ་ཨ་དྷིཥྛཱ་ན་ཨ་དྷིཥྛཱི་ཏེ་སྭཱ་ཧཱ། སྙིང་པོའོ། །དེ་དག་ནངས་རེ་ཚར་རེ་མ་ཆགས་པར་བཟླ་ཞིང་ལན་མང་དུ་གྲུབ་ན་མཆོག་གོ། །དེའང་གཟུངས་མདོ་ཉིད་ལས། གང་ལ་ལ་ཞིག་གིས་གཙང་སྦྲ་ཆེར་བྱས་ཏེ་ཉིན་གཅིག་བཞིན་དུ་རྟག་པར་གསང་སྔགས་ལན་རེ་རེ་ཇི་སྲིད་འཚོའི་བར་དུ་བཏོན་ན། དེ་འཆི་བའི་དུས་བྱས་ན་ ― LT34_Page_0137 ―
[མ་དཔེ་གཟིགས་ན་འདིར་གནོན།]
ལོངས་སྤྱོད་དང་བདེ་བ་མི་ཟད་པའི་གནས་སུ་སྐྱེ་བར་འགྱུར་རོ། །རྟག་པར་དུས་ཐམས་ཅད་དུ་བཟླས་བརྗོད་བྱས་ན་སངས་རྒྱས་བཞུགས་པའི་ཞིང་དུ་སྐྱེ་བར་འགྱུར་ཞིང་ཚེ་རབས་རྗེས་སུ་དྲན་པར་ཡང་འགྱུར་རོ། །དུས་མ་ཡིན་པའི་འཆི་བ་དང་སྒྲིབ་པ་ཐམས་ཅད་བྱང་བར་འགྱུར་རོ། །ཞེས་པས་མཚོན་ཏེ་ཕན་ཡོན་རྒྱ་ཆེར་གསུངས་པ་ལ་དད་པས་ཡི་དམ་དུ་བྱའོ། །ཡང་གཙུག་ཏོར་དྲི་མེད་ཀྱི་གཟུངས་སོགས་བཟླ་བར་སྤྲོ་ནའང་རྣལ་འབྱོར་འདི་ཁོ་ནས་བཀླག་པར་བྱ་སྟེ། གཟུངས་འདིའི་འཕྲོས་སམ། འདིའི་ཚབ་ཏུ་བཟླ་བ་གང་འདོད་བྱ་ཆོག་གོ། །མཐར་སངས་རྒྱས་འཁོར་བཅས་མི་དམིགས་པར་བཞག །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་འདིར་ནི་མྱུར་དུ་འཚང་རྒྱ་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང་། །སེམས་ཅན་སྡུག་བསྔལ་མང་པོས་གཟིར་ལས་སྒྲོལ། །ཞེས་སོགས་བསྔོ་སྨོན་གྱི་རྒྱས་གདབ་བོ། །དེང་སང་རྩེ་གཅིག་སྒོམ་ནུས་དཀོན། །ཀློག་པའི་ཁ་ཁྲལ་བརྩོན་པ་མང་། །རྒྱལ་བས་བཀླག་བར་གདམས་འདི་ལ། །ཀློག་པའི་སྐལ་བ་ལྡན་ན་རྨད། །ཅེས་པ་འདིའང་ཆོས་རྗེ་ཐམས་ཅད་མཁྱེན་པ་བུ་སྟོན་ཡབ་སྲས་དང་། ངོར་ཆེན་རྡོ་རྗེ་འཆང་ལས་བརྒྱུད་པའི་གདམས་ངག་ལག་ལེན་ཏུ་ཡོན་ཏན་རྒྱ་མཚོས་བསྡེབས་པ་གཞན་ལ་ཕན་པར་གྱུར་ཅིག །སརྦ་མངྒ་ལཾ།། །། དམ་ཚིག་རྡོ་རྗེའི་སྒོམ་བཟླས་མདོར་བསྡུས།― LT34_Page_0139 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་ས་མ་ཡ་བཛྲཱ་ཡ། བཅོམ་ལྡན་འདས་དམ་ཚིག་རྡོ་རྗེའི་སྒོམ་བཟླས་མདོར་བསྡུས་ནི། སྐྱབས་སེམས་སྔོན་ཏུ་སོང་ནས། རང་ཉིད་ཐ་མལ་སྤྱི་བོ་རུ། །པདྨ་ཉི་མའི་གདན་སྟེང་དུ། །ཁཾ་ལས་རལ་གྲི་ཁཾ་གིས་མཚན། །འོད་འཕྲོས་རྒྱལ་མཆོད་བྱིན་རླབས་བསྡུས། །སེམས་ཅན་སྒྲིབ་སྦྱངས་ཚུར་འདུས་ཏེ། །ཡོངས་གྱུར་བླ་མ་བཅོམ་ལྡན་འདས། །དམ་ཚིག་རྡོ་རྗེ་སྐུ་མདོག་ལྗང་། །ཞི་འཛུམ་རལ་པའི་ཐོར་ཚུགས་ཅན། །ཕྱག་གཡས་རལ་གྲི་ཐུགས་ཀར་བསྣམས། །གཡོན་པས་དྲིལ་བུ་དཀུ་ལ་བརྟེན། །ཡུ་བ་སྣ་ཚོགས་རྡོ་རྗེས་སྤྲས། །དར་དང་རིན་ཆེན་རུས་པས་བརྒྱན། །ཞབས་གཉིས་སེམས་དཔའི་སྤྱིལ་ཀྲུང་བཞུགས། །དམ་ཚིག་ཡེ་ཤེས་དབྱེར་མེད་གསལ། །གནས་གསུམ་འབྲུ་གསུམ་ཐུགས་ཀ་རུ། །ཉི་སྟེང་ཁཾ་མཐར་སྔགས་ཕྲེང་བསྐོར། །མོས་གུས་བཟླས་པས་ཐུགས་རྒྱུད་བསྐུལ། །ས་བོན་སྔགས་ཕྲེང་བཅས་པ་ལས། །བདུད་རྩིའི་རྒྱུན་བབས་སྐུ་ལུས་གང་། །ཞབས་ནས་བརྡོལ་ཏེ་སྤྱི་བོར་ཞུགས། །དམ་ཚིག་ཉམས་ཆགས་སྡིག་སྒྲིབ་ཀུན། །དག་ནས་རང་ལུས་འོད་ཕུང་གྱུར། །ཨོཾ་ཨཱཿཁཾ་ཧཱུྃ་ཕཊ་སྭཱ་ཧཱ། ཞེས་ཅི་ནུས་བཟླ། སྤྲོ་ན། ཨོཾ་ཀརྨ་སཏྭ་ས་མ་ཡ་སོགས་པས་རིགས་ཀྱི་ཡིག་བརྒྱའང་བཟླས་ལ་མཐར། བཅོམ་ལྡན་དམ་ཚིག་རྡོ་རྗེ་ཡིས། །བདག་གི་ ― LT34_Page_0140 ―
[མ་དཔེ་གཟིགས་ན་འདིར་གནོན།]
དམ་ཚིག་ཉམས་ཆགས་ཀུན། །དག་ཅིང་དམ་ཚིག་གཙང་བ་དང་། །དམ་ཚིག་སེམས་དཔའ་མཆོག་སྒྲུབ་མཛོད། །མོས་གུས་དྲག་པོས་གསོལ་བཏབ་པས། །འོད་དུ་ཞུ་ནས་རང་ལ་ཐིམ། །རང་ཉིད་དམ་ཚིག་རྡོ་རྗེ་སེམས། །སྣང་ལ་རང་བཞིན་མེད་པར་གྱུར། །དགེ་བ་འདི་ཡིས་སོགས་བརྗོད། ཅེས་པའང་དགེ་བཤེས་ཀུན་དགའ་རྒྱལ་མཚན་ངོར་གུ་ས་སྤེལ་བ་དགེ་ལེགས་འཕེལ།། །།སརྦ་མངྒ་ལཾ།། །། འཕགས་པ་ནམ་མཁའི་སྙིང་པོའི་བཟླས་ལུང་སྒྲུབ་ཐབས་ལྟུང་བ་བཤགས་པའི་ཆོ་ག་དང་བཅས་པ་འཕགས་པའི་ལམ་གྱི་ཤིང་རྟ།― LT34_Page_0141 ―
[མ་དཔེ་གཟིགས་ན་འདིར་གནོན།]
འཕགས་པ་ནམ་མཁའི་སྙིང་པོའི་བཟླས་ལུང་སྒྲུབ་ཐབས་ལྟུང་བ་བཤགས་པའི་ཆོ་ག་དང་བཅས་པ་འཕགས་པའི་ལམ་གྱི་ཤིང་རྟ་ཞེས་བྱ་བ་བཞུགས་སོ།། །། ― LT34_Page_0142 ―
[མ་དཔེ་གཟིགས་ན་འདིར་གནོན།]
སེམས་དཔའ་ཉི་མའི་ཤིང་རྟའི་འགྲོས་ལྡན་པ། །རྒྱུ་སྐར་བྱེ་བའི་དབུས་ན་ཉི་མའི་དཔལ། །བརྒྱ་བྱིན་ཐོགས་དབུས་ནོར་བུའི་ཅོད་པན་གྱིས། །མཚོན་མཛད་ས་བཅུའི་དབང་ཕྱུག་དེ་ལ་འདུད། །སྲིད་པ་གསུམ་དུ་མཚན་ཙམ་ཡང་། །བརྒྱ་ལམ་ཐོབ་དཀའི་རིན་པོ་ཆེ། །ནམ་མཁའི་སྙིང་པོ་ལ་བརྟེན་ནས། །ལྟུང་བ་བཤགས་པའི་ཆོ་ག་བྲི། །དེ་ལ་ལྔ། དགོས་ཆེད་ཀྱིས་ཁོག་བཀྲོལ། ཉམས་ལེན་སྣོད་རུང་དུ་བསྒྲུབ། བསྙེན་པའི་ཆོག་བཤད། ལྟུང་བ་བཤགས་པ་བྱེ་བྲག་ཏུ་སྨོས། འཕྲོས་དོན་ཁྱད་པར་ཅན་བརྗོད་པའོ། །དང་པོ་ལ་གཉིས། ལུང་དང་ལོ་རྒྱུས་སོ། །དང་པོ་ནི། བོད་ཡུལ་འདིར་མུ་སྟེགས་བྱེད་དང་ཉན་ཐོས་ཀྱི་ཐེག་པ་ཁོ་ན་འཛིན་པ་ནི་ཡེ་མེད་དེ། ཐམས་ཅད་ཀྱང་ཐེག་པ་ཆེན་པོ་ལ་མོས་པས་སྤྱོད་ཅིང་དངོས་སམ་བརྒྱུད་ནས་བྱང་ཆུབ་ཏུ་སེམས་བསྐྱེད་པ་ཤ་སྟག་ཡིན་མོད། བྱང་ཆུབ་སྤྱོད་པ་དང་ལྟུང་བ་ལེགས་པར་འཆོས་པ་ནི་ ― LT34_Page_0143 ―
[མ་དཔེ་གཟིགས་ན་འདིར་གནོན།]
ཆེས་དཀོན་ཅིང་། ཁ་ན་མ་ཐོ་བ་ཆེན་པོ་དང་ལྡན་པའི་རྩ་བའི་ལྟུང་བ་རྣམས་ལའང་བག་མེད་པར་སྤྱོད་པ་མང་ན་ལྟུང་བ་ཕྲ་ཞིབ་དང་རྟག་ཏུ་འགྲོགས་པ་ནི་ལྟ་ཅི་སྨོས། །འོན་ཀྱང་ལྟུང་བའི་རྣམ་གྲངས་ཙམ་ཡང་མི་ཤེས་པའི་དགེ་སྦྱོང་དུ་ཁས་འཆེ་བ་རང་ཉིད་ཀྱི་ཐར་པའི་ལམ་སྟོར་བ་མ་ཟད། དད་པ་ཅན་རྣམས་ཀྱི་ཡོན་ཆུད་གསོན་ཅིང་ཐར་པའི་གོ་འགེགས་པར་བྱེད་པ་ནི་ཆེས་མང་ངོ། །དེའང་དཔལ་མར་མེ་མཛད་ཀྱིས། །སེམས་ཅན་རྣམས་ལ་སྲོག་གཅེས་ཤིང་སྲོག་ལ་བརྟེན་པ་དེ་བཞིན་ཏུ། བྱང་ཆུབ་སེམས་དཔའ་ལའང་སྲོག་ལྟ་བུའི་བྱང་ཆུབ་ཀྱི་སེམས་གཅེས་ཤིང་དེ་ལ་བརྟེན་པའོ། །ཕ་མ་ལྟ་བུའི་ཆོས་ནི་སྟོང་པ་ཉིད་དང་སྙིང་རྗེ་ཡིན་ཏེ། དེས་མ་བསྐྱེད་པའི་བྱང་ཆུབ་སེམས་དཔའ་འབྱུང་བར་མི་འགྱུར་རོ། །ཞེས་པས་བྱང་ཆུབ་ཏུ་སེམས་མ་བསྐྱེད་ན་ཐེག་པ་ཆེན་པོ་བར་མི་ཆུད་ལ། སེམས་བསྐྱེད་པ་ཙམ་གྱིས་མི་ཆོག །བསླབ་བྱ་ལ་སློབ་ཅིང་ ― LT34_Page_0144 ―
[མ་དཔེ་གཟིགས་ན་འདིར་གནོན།]
ལྟུང་བ་ཕྱིར་བཅོས་ལ་མཁས་པར་བྱ་དགོས་ཏེ། ས་བོན་བཏབ་པ་ཙམ་ཀྱིས་མི་ཆོག། སོ་ནམ་གྱི་བྱ་བ་ལ་བརྩོན་དགོས་པ་བཞིན་ནོ། །བྱང་སྡོམ་གྱི་ངོ་བོ་གཞན་དོན་ཏུ་རྫོགས་པའི་བྱང་ཆུབ་འདོད་པ་ལ། །བདག་རྐྱེན་དགེ་བའི་བཤེས་གཉེན་དང་། དམིགས་རྐྱེན་མདོ་སྡེ་སོགས་ལ་བརྟེན་ཏེ། དེའི་མཐུན་ཕྱོགས་སྒྲུབ་ཅིང་མི་མཐུན་ཕྱོགས་སྤོང་བར་མཚུངས་ཀྱང་། ཐོབ་ཚུལ་ལས་གསུམ་སྟེ། སོ་ཐར་དང་ཆོ་ག་ཐུན་མོང་བའི་བྱང་སྡོམ། ཆོ་ག་ཐུན་མོང་མ་ཡིན་པའི་བྱང་སྡོམ། དབང་བསྐུར་དང་ཆོ་ག་ཐུན་མོང་གི་བྱང་སྡོམ་མོ། །དང་པོ་ནི། སོ་ཐར་གྱི་སྡོམ་པ་ལ་བྱང་ཆུབ་སེམས་ཀྱིས་ཟིན་པའི་ཐེག་ཆེན་སོ་ཐར་དུ་གྲགས་པ། གཉིས་པ་དབུ་སེམས་ཀྱི་ཆོ་ག་གང་རུང་གིས་ཐོབ་པའི་སྨོན་འཇུག་གི་སྡོམ་པ། གསུམ་པ་དབང་བསྐུར་སྟ་གོན་དང་འཇུག་པའི་སྐབས་སུ་ཐོབ་པའི་བྱང་སྡོམ་དང་དངོས་གཞིའི་སྐབས་ཐོབ་པའི་སྔགས་སྡོམ་རྣམས་སོ། །དེ་དག་ལས་སྐབས་སུ་བབ་པ་བྱང་སྡོམ་ཐུན་མིན་གྱི་ཆོ་ག་ལ་དབུ་སེམས་ཀྱི་ལུགས་གཉིས་སུ་གྲགས་ཏེ། དང་པོ་ནི། འཇམ་དབྱངས་ནས་ཀླུ་སྒྲུབ་ཡབ་སྲས་ལ་བརྒྱུད་དེ་ཞི་བ་ལྷའི་ཕྱག་སྲོལ་ཇོ་བོ་པུཎྱ་ཤྲཱི་ལས་བྱུང་བ་ཀླུ་སྒྲུབ་ཀྱི་སེམས་བསྐྱེད་ཆོག་དང་ཛེ་ཏཱ་རའི་ཡི་དམ་བླང་བའི་ཆོ་ག་ཞི་བ་ལྷའི་བསླབ་སྤྱོད་སོགས་ཀྱི་དགོངས་པ་དང་། གཉིས་པ་ནི། བྱམས་པ་ནས་ཐོགས་མེད་སྐུ་མཆེད་ལ་ ― LT34_Page_0145 ―
[མ་དཔེ་གཟིགས་ན་འདིར་གནོན།]
བརྒྱུད་དེ་ཙནྡྲ་གོ་མཱིའི་ཕྱག་སྲོལ་ཨ་ཏི་ཤ་ལས་བྱུང་བ་བྱང་ས་དང་སྡོམ་པ་ཉི་ཤུ་པ་སོགས་ཀྱི་དགོངས་པ་སྟེ། སྔ་མ་ནི་གཙོ་བོར་རྗེ་བཙུན་ས་སྐྱ་པ་རྣམས་ཀྱིས་ཕྱག་ལེན་ཏུ་མཛད་ཅིང་། ཕྱི་མ་ནི་གཙོ་བོར་བཀའ་གདམས་པ་དང་མཉམ་མེད་དྭགས་བརྒྱུད་པ་རྣམས་ཀྱིས་ཕྱག་ལེན་ཏུ་མཛད་ལ་གཉིས་ཀ་ལའང་གཉིས་ཀ་མངའོ། །དེ་དག་གི་བསླབ་བྱ་ཤིན་ཏུ་རྒྱ་ཆེའང་མདོར་བསྡུ་ན་གཉིས། དགག་པའི་བསླབ་བྱ་དང་བསྒྲུབ་པའི་བསླབ་བྱའོ། །དང་པོ་ལ་གཉིས། སྨོན་པ་དང་འཇུག་པའི་བསླབ་བྱའོ། །དང་པོ་ནི། མཉམ་མེད་དྭགས་པོས། སེམས་ཅན་གཅིག་ཀྱང་བློས་མི་སྤང་། །རྟག་ཏུ་སེམས་དེའི་ཕན་ཡོན་བསམ། །ཚོགས་གཉིས་གསག་ལ་བརྩོན་པར་བྱ། །ཡང་ཡང་བྱང་ཆུབ་སེམས་གཉིས་སྦྱང་། །ནག་པོའི་ཆོས་བཞི་སྤངས་ནས་ནི། །དཀར་པོའི་ཆོས་བཞི་བསྟེན་པར་བྱ། །ཞེས་པ་ལྟར་ཏེ། འདི་དག་འཆོར་ན་བྱང་སྡོམ་རྩད་ནས་གཏོང་སྟེ་རྨེང་འགྱེལ་ན་ཁང་པ་ལ་བརྟེན་ས་མི་འོང་བ་བཞིན་ནོ། །གཉིས་པ་ལ་གཉིས། དབུ་མ་ལུགས་དང་། སེམས་ཙམ་ལུགས་སོ། །དང་པོ་ལ་གསུམ། བྱང་སེམས་དབང་རྣོན་ལ་ནམ་སྙིང་མདོའི་དགོངས་དོན་བསླབ་བཏུས་སུ་ཚིགས་བཅད་ཀྱིས་བསྟན་བལྟར་རྩ་ལྟུང་བཅུ་བཞི་དང་། དབང་འབྲིང་ལ་ཐབས་ལ་མཁས་པའི་མདོ་དོན་རྩ་ལྟུང་བཞི་དང་། དབང་བརྟུལ་ལ་སྡུད་པ་སོགས་ནས་གསུངས་པ་ལྟར་བྱང་ཆུབ་ཀྱི་ ― LT34_Page_0146 ―
[མ་དཔེ་གཟིགས་ན་འདིར་གནོན།]
སེམས་མི་སྤོང་བ་སྟེ། དེ་སྤོང་ན་སྨོན་སེམས་འདོར་བས་དབང་པོ་གསུམ་ཀ་ལའང་རྩ་ལྟུང་ཀུན་གྱི་ནང་ནས་ཆེས་ལྕི་བ་ཡིན་མོད། ད་ལྟ་ནི་བདག་འདྲའི་དགེ་སྦྱོང་གི་གཟུགས་བརྙན་ཕལ་མོ་ཆེ་འདི་ཉིད་སྤོང་བ་ལ་བརྩོན་པ་མང་སྟེ་སེམས་ཅན་གཅིག་ཅིག་བློས་བཏང་ནའང་དེར་འགྱུར་བར་བཤད་པའི་ཕྱིར། ཡན་ལག་གི་ཉེས་བྱས་བརྒྱད་ཅུ་ལ་སོགས་པ་མཐའ་ཡས་སོ། །གཉིས་པ་ལ་གཉིས། བྱང་སའི་དོན་སྡོམ་པ་ཉི་ཤུ་བ་ལས་ཚིགས་བཅད་དུ་གསུངས་པ་ལྟར་རྩ་ལྟུང་བཞི། ཡན་ལག་གི་ཉེས་བྱས་ཞེ་དྲུག་གོ། །གཉིས་པ་བསྒྲུབ་པའི་བསླབ་བྱའང་མདོར་བསྡུ་ན་ཕ་རོལ་ཕྱིན་དྲུག་གམ། ཚུལ་ཁྲིམས་རྣམ་པ་གསུམ་སྟེ། བསླབ་པ་བླང་ཕྱིན་ཆད་བསླབ་བྱ་འདི་དག་ངེས་པར་ཤེས་ཤིང་བསླབ་དགོས་ཏེ། གང་ལས་ཤེས་ཞེ་ན། སློབ་དཔོན་ཞི་བ་ལྷས། མདོ་སྡེ་རྣམས་ལས་བསླབ་པ་སྣང་། །དེ་བས་མདོ་སྡེ་བཀླག་པར་བྱ། །ནམ་མཁའི་སྙིང་པོའི་མདོ་སྡེ་ནི། །ཐོག་མ་ཉིད་དུ་བལྟ་བར་བྱ། །ཞེས་སོགས་གསུངས་པ་ལྟར་མདོ་སྡེ་སྤྱི་དང་ཁྱད་པར་སའི་སྙིང་པོ་འཁོར་ལོ་བཅུ་པ། ནམ་སྙིང་། ཐར་པ་ཆེན་པོའི་མདོ་ལ་སོགས་པ་དང་། ཚུལ་ཁྲིམས་ལེའུ། སྡོམ་པ་ཉི་ཤུ་པ། མདོ་བཏུས། བྱངས། བསླབ་བཏུས་ལ་སོགས་པའི་རྒྱ་གཞུང་། སྡོམ་གསུམ་སྟོན་པའི་བོད་གཞུང་རྣམས་ལ་ལེགས་པར་བརྟགས་ཏེ་ཕན་ཡོན་ཉེས་དམིགས་ཞར་ ― LT34_Page_0147 ―
[མ་དཔེ་གཟིགས་ན་འདིར་གནོན།]
ལ་ཤེས་པས་དགོས་པའི་སྐབས་ཕྱེད་དེ་གླེན་འཐམ་ཇི་མི་སྙམ་དུ་མ་གྱུར་པ་བྱའོ། །བསླབ་བྱའི་སྡོམ་པ་ཉམས་ཤིང་ཕྱིར་བཅོས་མ་བྱས་པས་ཅི་འགྱུར་སྙམ་ན། སྟོན་པ་སངས་རྒྱས། ཡུལ་སེམས་ཅན། བྱེད་པོ་རང་ཉིད་བཅས་བསླུས་པས་དོན་གཉིས་ཉམས་ཤིང་ཀུན་གྱིས་སྨད་པའི་གནས་སུ་འགྱུར། ཚེ་འདིར་མི་ཤིས་པ་དུ་མ་འབྱུང་ཞིང་འཆི་ཁར་འགྱོད་པས་གདུང་། ཕྱི་མ་ངན་འགྲོ་མུ་མཐའ་མེད་པར་ལྟུང་ཞིང་ཐར་པར་དཀའ། ཁྱད་པར་རྩ་ལྟུང་གིས་ནི་སྔོན་གྱི་དགེ་རྩ་མཐའ་དག་འཛད་ཅིང་ངེས་པར་དམྱལ་བར་སྐྱེ་བ་དང་། སོ་ཐར་བསྲུང་མི་ནུས་ན་རེ་ཞིག་བསླབ་པ་འབུལ་བ་བསླབ་བྱར་གསུངས་མོད། བྱང་སྡོམ་འབུལ་ན་ནི་ཉེས་པ་ཆེས་ལྕི་བས་བྱང་སྡོམ་མ་བླངས་ན་དེར་ཟད། བླངས་ཕྱིན་ཆད་བསླབ་པ་ཅི་ནུས་སུ་བསྲུང་ཞིང་ཉམས་ན་ཕྱིར་བཅོས་བྱ་བ་ལས་ཐབས་གཞན་ཡོད་པ་མ་ཡིན་ནོ། །དེའང་ཉིན་མཚན་ཚ་དྲུག་ཏུ་བགོས་པའི་སོ་སོའི་ཐུན་དང་པོར་ལྟུང་བ་བྱུང་ན་ཐུན་དེ་ཀའི་མཇུག་ཏུ་གཉེན་པོས་སླེབ་ན་ཚུལ་ཁྲིམས་རྣམ་པར་དག་པར་འགྱུར་བས་བཤགས་ཚད་ལས་མ་འདས་ན་རྩ་ལྟུང་ཡང་ཡང་བྱུང་རུང་བཤགས་པས་སོར་ཆུད་པར་འགྱུར། བཤགས་ཚད་ལས་འདས་ན་བཤགས་པ་ཙམ་གྱིས་གསོ་བར་མི་ནུས་པས་ཕྱིར་བཅོས་སྔོན་ཏུ་འགྲོ་བའི་བསླབ་པ་བསྐྱར་དགོས་སོ། །བྱང་སྡོམ་ཚང་བ་ལྟ་ཅི་སྨོས། ། ― LT34_Page_0148 ―
[མ་དཔེ་གཟིགས་ན་འདིར་གནོན།]
སྨོན་སེམས་ཙམ་བསྲུངས་ཀྱང་ཕན་ཡོན་བསམ་གྱིས་མི་ཁྱབ་སྟེ་ཉན་ཐོས་ཀྱི་སྡོམ་པ་རྣམ་དག་ཇི་སྲིད་འཚོའི་བར་དུ་བསྲུང་བའང་སེམས་བསྐྱེད་པ་གཅིག་གི་ཕན་ཡོན་གྱི་ཆར་མི་ཉེ་སྟེ། །དཔས་བྱིན་གྱིས་ཞུས་པའི་མདོ་ལས། བྱང་ཆུབ་སེམས་ཀྱི་བསོད་ནམས་གང་། །གལ་ཏེ་དེ་ལ་གཟུགས་མཆིས་ན། །ནམ་མཁའི་ཁམས་ནི་ཀུན་གང་སྟེ། །དེ་ནི་དེ་ལས་ལྷག་པར་འགྱུར། །གངྒཱའི་བྱེ་མའི་གྲངས་སྙེད་ཀྱི། །སངས་རྒྱས་ཞིང་རྣམས་མི་གང་གིས། །རིན་ཆེན་དག་གིས་ཀུན་བཀང་སྟེ། །འཇིག་རྟེན་མགོན་ལ་ཕུལ་བ་བས། །གང་གིས་ཐལ་མོ་སྦྱར་བགྱིས་ཏེ། །བྱང་ཆུབ་ཏུ་ནི་སེམས་བཏུད་ན། །མཆོད་པ་འདི་ནི་ཁྱད་པར་འཕགས། །དེ་ལ་མཐའ་ནི་མ་མཆིས་སོ། །ཞེས་དང་། སྤྱོད་འཇུག་ལས། བྱང་ཆུབ་སེམས་བསྐྱེད་གྱུར་ན་སྐད་ཅིག་གིས། །འཁོར་བའི་བཙོན་རར་བསྡམས་པའི་ཉམ་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང་། །འཇིག་རྟེན་ལྷ་མིར་བཅས་པས་ཕྱག་བྱར་འགྱུར། །ཞེས་སོགས་བཀའ་བསྟན་བཅོས་ལས་མཐའ་ཡས་པར་གསུངས་པས་བསླབ་པ་འདི་ལ་ནན་ཏན་ཏུ་བྱ་ཞིང་ལྟུང་བ་བྱུང་ན་ཕྱིར་བཅོས་པ་ལ་འབད་པར་བྱ་སྟེ། དེའང་ཆོ་ག་གསུམ་སོ་སོའི་རང་ལུགས་ལྟར་དགོས་མོད་ཀྱི་བྱང་ཆུབ་སེམས་དཔའི་རྒྱུད་ཀྱི་ལྟུང་བ་གཙོ་བོར་དེ་ཉིད་ཀྱི་ཐེག་པ་ལས་བཤད་པ་ ― LT34_Page_0149 ―
[མ་དཔེ་གཟིགས་ན་འདིར་གནོན།]
ལྟར་བཅོས་དགོས་ཏེ། སྤྱོད་འཇུག་ལས། ཉིན་དང་མཚན་མོ་ལན་གསུམ་དུ། །ཕུང་པོ་གསུམ་པ་འདོན་བྱ་ཞིང་། །རྒྱལ་དང་བྱང་ཆུབ་སེམས་བརྟེན་ནས། །ལྟུང་བའི་ལྷག་མ་ངེས་ཞི་བྱ། །ཞེས་སྤྱི་དང་། ཁྱད་པར་མདོ་ལས། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་འདི་ནི་སྙིང་རྗེ་ཆེན་པོ་དང་ལྡན་པ། སེམས་ཅན་ལ་ཕན་པའི་ཕྱིར་ཞུགས་པ། སྡུག་བསྔལ་ཆེན་པོ་ལས་ཐར་བར་བྱེད་པ་སྟེ། སེམས་ཅན་གང་དག་ལྟུང་བའི་རྩ་བ་བྱུང་བ་ངན་སོང་དུ་འགྲོ་བ། དགེ་བའི་རྩ་བ་ཐམས་ཅད་སྤྲུག་པར་བྱེད་པ། འཇིག་པར་བྱེད་པའི་སེམས་ཅན་དེ་དག་ལ་རིགས་ཀྱི་བུ་འདི་ནི་སྨན་ཏུ་གྱུར་པའོ། །མ་རིག་པའི་མུན་པ་མུན་ནག་དང་། ལྟ་བ་ངན་པས་སྡུག་བསྔལ་བར་གྱུར་པ་རྣམས་ལ་ནི་འདི་ཉི་མ་དང་མཚུངས་པའོ། །རྩ་བའི་ལྟུང་བ་འཆགས་སུ་འཇུག་པའོ། །དེ་དག་གི་སྙིང་ལ་ཐེ་ཚོམ་ཡོད་པ་འདྲལ་བར་བྱེད་པའོ། །ཞེས་པ་ལ་སོགས་པ་རྒྱ་ཆེར་གསུངས་པ་ལྟར་འཕགས་པ་ནམ་མཁའི་སྙིང་པོ་ལ་གསོལ་བ་བཏབ་ཅིང་བཤགས་ན་དེས་སྔོན་གྱི་སྨོན་ལམ་གྱི་དབང་གིས་རྩ་བའི་ལྟུང་བ་ལ་སོགས་པ་སེལ་བར་མཛད་པར་གསུངས་པས་དེས་ན་འདི་ཉིད་ལ་ནན་ཏན་ཏུ་འབད་པར་ཅི་ནས་གདམས་སོ། །གཞུང་ལུགས་རྣམས་སུ་དབུ་མ་ལུགས་ཀྱི་ཕྱིར་བཅོས་ཁོ་ན་ལ་ ― LT34_Page_0150 ―
[མ་དཔེ་གཟིགས་ན་འདིར་གནོན།]
བཤད་པ་ལྟར་ཡོད་ཀྱང་། ལུགས་དེའི་བསླབ་བྱ་གང་ལས་འབྱུང་བའི་ཁུངས་དང་འབྲེལ་བ་ཙམ་དུ་དགོངས་ཀྱི། དོན་ཏུ་དབུ་མ་ལུགས་ཀྱི་བསླབ་བྱའི་ཉེས་ལྟུང་ཁོ་ནར་མ་ཟད་སངས་རྒྱས་བྱང་སེམས་ཀྱི་སྤྱོད་ཡུལ་བསམ་གྱིས་མི་ཁྱབ་པ་དང་། ལྷག་པར་སྡིག་ལྟུང་མཐའ་དག་སེལ་བའི་མཛད་པ་མངའ་བ་མདོ་ལ་མཇལ་བས་ཤེས་ནུས་ཤིང་། ནག་པོ་པས། དབང་རབ་སྟོང་ཉིད་ཀྱིས་བཤགས། དབང་འབྲིང་རིག་སྔགས་སྤྱིའི་ལྷ་ནམ་མཁའི་སྙིང་པོ་ལ་བཤགས། དབང་པོ་ཐ་མ་གང་ཟག་ལའམ་སྟོབས་བཞི་ཚང་བས་བཤགས་པར་གསུངས་པའང་། འདི་ལ་དོན་གྱིས་ཚད་བ་ཡིན་ནོ། །གཉིས་པ་ནི། །དེ་སྐད་དུ་བཤད་ཀྱང་མདོ་སྡེ་རྣམས་ལ་ད་ལྟ་གདམས་ངག་མེད་པས་ལག་ལེན་བྱས་ཀྱང་འབྲས་བུ་མི་འབྱིན་ནོ་སྙམ་ན། སྤྱིར་རྒྱུད་དང་མ་འབྲེལ་བའི་མདོ་སྡེ་ཕལ་མོ་ཆེ་ལ་གསང་བ་མེད་པས་སྒྲ་ཇི་བཞིན་ཏུ་སྤྱོད་པས་ཆོག་པའང་ཡིན་ལ། དད་བརྩོན་གྱིས་ལྕོགས་ན་མཐར་ཐུག་འབྲས་བུ་ཆུད་མི་ཟབ་གཞིར་བཅས། མངོན་རྟགས་ཀྱང་ངེས་པར་འབྱུང་སྟེ་བརྒྱད་སྟོང་པ་དང་སྡུད་པ་ལ་ཁ་ཏོན་རྩེ་གཅིག་བྱས་པ་ཙམ་གྱིས་དེ་ཁོ་ན་ཉིད་ཀྱི་རྟོགས་པ་མཐར་ཐུག་སྐྱེས་ཤིང་། གདུང་རིང་བསྲེལ་དུ་གྱུར་པ་མང་དག་བྱུང་བ་དང་། ཀུན་མཁྱེན་བསྟན་པའི་ཉིན་བྱེད་ཀྱི་མཐར་པ་ཆེན་པོའི་མདོའི་དགོངས་དོན་བཞིན་དཀྱིལ་འཁོར་བཞེངས་ནས་ཞག་བདུན་ ― LT34_Page_0151 ―
[མ་དཔེ་གཟིགས་ན་འདིར་གནོན།]
གཟིམས་སྤངས་ཏེ་ཆོག་མཛད་པས་སངས་རྒྱས་ཉན་ཐོས་དང་བཅས་པ་གདུག་ཚོད་གསོལ་བའི་གྲལ་དུ་དམ་ཆོས་ཀྱི་འགྲོ་བ་ངོ་མཚར་བ་མཛད་པའི་དག་སྣང་བྱུང་བ་དང་། སྨན་བླའི་མདོ་ཆོག་དང་གནས་བརྟན་ཆོ་གའི་བྱིན་རླབས་བྱུང་ཚུལ་རྒྱ་ཆེར་ལོ་རྒྱུས་རྣམས་སུ་གསལ་བ་མ་ཟད། འདི་ལ་ནི་གདམས་ངག་ཀྱང་ཡོད་དེ་རྒྱ་གར་ཤར་ཕྱོགས་ཀྱི་པཎྜི་ཏ་བཱུརྞ་བཛྲ་ལ་རྗེ་བཙུན་སྒྲོལ་བའི་མགོན་པོས་ནོད་དེ་བསྙེན་པ་དང་བཤགས་ཆོག་སྐྱ་རེངས་གསོལ་གདབ་མཛད་པས། ནུབ་བདུན་གྱི་ཐ་མར་དག་པའི་སྣང་བར། བོད་པའི་དགེ་སློང་སྐུ་ཤ་དཀར་བ་དར་ཡོལ་དུལ་ཉམས་ཅན། གོས་ཆེན་གྱི་སྣམ་སྦྱར་སྔོན་པོ་གསོལ་བ་ཞིག་གིས། ཁྱོད་རང་ད་བཤགས་པ་གྱིས་གསུངས། སྤྱི་བཤགས་བླ་མ་རྡོར་འཛིན་མ་ཞིག་མཛད་པས། དེ་ཙམ་གྱིས་མི་ཆོག་སྒོས་བཤགས་གྱིས་གསུངས། ལྟུང་བ་ཐུགས་ལ་མངའ་བ་ཁ་ཅིག་མིང་ནས་སྨོས་ཏེ་བཤགས་པ་ཕུལ་བས་ཞལ་འཛུམ་མཛད་དེ། དེ་དག་འདུག་སྟེ་སཱཙྪ་སྟོང་ཕྲག་གཅིག་ཐོབ་གསུངས་གནམ་སྒོ་ཞིག་ནས་ཡར་བཞུད་ཅེས་བཀའ་བསྩལ་ལ། དེ་ཙམ་དུ་མ་ཟད་ད་ལྟའི་སྐབས་སུའང་ཆོ་ག་འདི་དང་ཐར་པ་ཆེན་པོའི་མདོ་སོགས་ལ་རང་གཞན་ཉམས་སུ་ལེན་པ་ན་བྱིན་རླབས་ཀྱི་རྟགས་མཚན་གཞན་ཟབ་མོར་བརྫུ་བའི་འད་འུད་ཅན་ཀུན་ལས་ཆེ་བ་ཡིད་ཆེས་པ་འབྱུང་བ་ནི་ངེས་པའོ། །གཉིས་པ་སྣོད་རུང་དུ་བྱེད་པ་བཟླས་ལུང་འབོགས་པ་ནི། སྐུ་བརྙན་མཎྜལ་མཆོད་པ་སོགས་བཤམ་ ― LT34_Page_0152 ―
[མ་དཔེ་གཟིགས་ན་འདིར་གནོན།]
ལ། སློབ་དཔོན་གྱིས་བསྒོམ་བཟླས་ཚར་གཅིག་ཉམས་སུ་བླངས། སློབ་མ་རྣམས་ཕྱག་བཅས་མདུན་ཏུ་འཁོར་པ་ལ་འདི་སྐད་ཅེས། ནམ་མཁའ་དང་མཉམ་པའི་སེམས་ཅན་ཐམས་ཅད་རྫོགས་པའི་སངས་རྒྱས་ཀྱི་གོ་འཕང་ལ་འགོད་པར་བྱ། དེའི་ཆེད་དུ་བསྒོམ་བཟླས་ཀྱི་ལུང་ཟབ་མོ་བླང་བར་བགྱིའོ་སྙམ་དུ་སེམས་བསྐྱེད་ཅིང་། ཆོས་གསན་པའི་ཀུན་སྤྱོད་རྣམ་པར་དག་པ་དང་ལྡན་པས་གསེན་པར་ཞུ། དེ་ཡང་ལུས་ཅན་རྣམས་ཀྱིས་དོན་ཏུ་གཉེར་བྱ་མཐར་ཐུག་པ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཁོ་ན་ཡིན་ལ། དེ་སྒྲུབ་པར་བྱེད་པའི་ཐབས་འཆད་པ་ནི་ནང་པ་སངས་རྒྱས་པ་དང་། དེ་ལས་ཀྱང་ཐེག་པ་ཆེན་པོ་པ་ཁོ་ནའི་ཁྱད་ཆོས་ཡིན་ཅིང་། དེ་ལའང་དོན་སྤྱི་སྟོན་པ་བྱང་ཆུབ་སེམས་དཔའི་སྡེ་སྣོད་ལས་ཁྱད་པར་དུ་འཕགས་པ་གསང་སྔགས་རྡོ་རྗེ་ཐེག་པ་འདི་ཉིད་ལ་བརྟེན་ནས་དུས་གསུམ་གྱི་དེ་བཞིན་གཤེགས་པ་མཐའ་དག་མི་གནས་པའི་མྱང་འདས་ཆེན་པོར་གཤེགས་ཤིང་གཤེགས་པར་འགྱུར་བ་སྟེ། དེ་ལའང་འབྲས་དུས་ཀྱི་སྐུ་དང་ཡེ་ཤེས་ཀྱི་རྣམ་པ་ལམ་དུ་བྱེད་པའི་ཐབས་རིམ་པ་གཉིས་ནི་ལམ་འདིའི་ཉམས་སུ་བླང་བྱའི་རྩ་བ་ཡིན་ཅིང་དེའི་གཞིའམ་རྩ་བ་རྒྱུད་སྨིན་པར་བྱེད་པ་ལ་ཐུག་པས་དེ་ཉིད་སྔོན་ཏུ་འགྲོ་དགོས། དེ་ལའང་དབང་། བྱིན་རླབས། རིག་གཏད། བཟླས་ལུང་སྟེ་རྣམ་པ་བཞིའི་བྱེ་བྲག་ཅན་ཏུ་བཞུགས་པ་ལས། ད་ལམ་སྐབས་སུ་བབ་པ་ ― LT34_Page_0153 ―
[མ་དཔེ་གཟིགས་ན་འདིར་གནོན།]
ནི། འཕགས་ཡུལ་ལྷོ་ཕྱོགས་ར་ཁང་ཙསྨར་སྐུ་འཁྲུངས་པ་མཁས་ཤིང་གྲུབ་པ་བརྙེས་པའི་སློབ་དཔོན་ཤཱཀྱ་རཀྵི་ཏ་ལ་རྡོ་རྗེ་རྣལ་འབྱོར་མས་དངོས་སུ་གནང་བའི་སྒྲུབ་ཐབས་བརྒྱ་དང་བརྒྱད་ཡོད་པ་ལས། སློབ་དཔོན་པཱུརྞ་བཛྲ་ལས་རྗེ་བཙུན་སྒྲོལ་བའི་མགོན་པོས་སྒྲུབ་ཐབས་ཉེར་བཞི་གསན་པའི་ནང་ཚན་འཕགས་པ་ནམ་མཁའི་སྙིང་པོའི་བཟླས་ལུང་སྒྲུབ་པ་སྟེ། ཆོས་འདི་གང་ལས་བརྒྱུད་པའི་རིམ་པ་ནི། རྡོ་རྗེ་རྣལ་འབྱོར་མ། གྲུབ་ཆེན་ཤཱཀྱ་རཀྵི་ཏ། བུདྡྷ་སྭཱ་མཱི། སུ་ཛཱ་ཏ། སཱདྷུ་ཛྙཱ་ན། སཾ་པྲ་ཀཱི་རྟི། བྲམ་ཟེའི་སློབ་དཔོན་བེ་དཱ་བནྡྷུ། བཱི་ར་མི་ཏྲ། པཱུརྞ་བཛྲ། ཐམས་ཅད་མཁྱེན་པ་ཏཱ་ར་ནཱ་ཐ། རྒྱལ་ཚབ་རིན་ཆེན་རྒྱ་མཚོ། ཡེ་ཤེས་རྒྱ་མཚོ། དེ་ལས་ཀུན་བཟང་དབང་པོས་གསན་ཅིང་། ཡང་ན། རྒྱལ་ཚབ་ཡེ་རྒྱམ་ནས། བློ་གྲོས་རྣམ་རྒྱལ། ངག་དབང་ཕྲིན་ལས། ཀུན་བཟང་དབང་པོ། ཚེ་དབང་ནོར་བུ། བཀའ་བརྒྱུད་ཕྲིན་ལས་ཤིང་རྟ། ཀུན་མཁྱེན་ཆོས་ཀྱི་འབྱུང་གནས། བསྟན་འཛིན་ཆོས་ཀྱི་ཉི་མ། བཀའ་བརྒྱུད་ཕྲིན་ལས་རྣམ་རྒྱལ། རྡོ་རྗེ་འཆང་དངོས་པདྨ་ཉིན་བྱེད་དབང་པོའི་ཞལ་སྔ་ནས་བཀའ་དྲིན་ཆེན་པོས་བསྩལ་བ་ལགས། དེ་འདས་བཅུའི་དབང་ཕྱུག་འདི་ནི་དོན་ཏུ་དེ་བཞིན་གཤེགས་པའི་འགྲོས་ཀྱིས་ཆོས་ཐམས་ཅད་ལ་ཡང་ནས་ཡང་དུ་དབང་བསྒྱུར་བར་མཛད་ཀྱང་། རྣམ་པ་རྒྱལ་ ― LT34_Page_0154 ―
[མ་དཔེ་གཟིགས་ན་འདིར་གནོན།]
ཚབ་ཆེན་པོའི་ས་ལ་བཞུགས་པའི་རྒྱལ་སྲས་ཐུ་བོའི་ཚུལ་དུ་སྟོན་པ། རྫོགས་པའི་སངས་རྒྱས་རྣམས་ཀྱི་བློན་པོ། བྱང་ཆུབ་སེམས་དཔའ་རྣམས་ཀྱི་ཤིང་རྟ། ཆོས་ཀྱི་གྲོང་ཁྱེར་ཆེན་པོའི་སྒོ་སྲུང་། མོས་ཤིང་མཚན་བཟུང་བ་ཙམ་གྱིས་སྲིད་པའི་ཆུ་བོ་བཞི་ལ་སོགས་འཇིགས་དང་སྡུག་བསྔལ་ཉམ་ངའི་གནས་མཐའ་དག་ལས་སྐྱོབ་པ། ཁྱད་པར་སྨོན་ལམ་གྱི་དབང་གིས་དུས་སྙིགས་མ་དང་ཡུལ་མཐའ་འཁོབ་ཏུ་སྐྱེས་པའི་སེམས་ཅན་རྨུ་རྒོད་ལྟུང་པའི་རྩ་བ་ཆེན་པོ་དང་ལྡན་པ་རྣམས་ཀྱི་ངན་འགྲོའི་སྒོ་གཅོད་པ་ལ་འདི་དང་མཚུངས་པ་གང་ཡང་མ་མཆིས་པ། རི་མོར་བྲིས་པའི་སྐུ་གཟུགས་ལ་མཆོད་པ་ཙམ་གྱིས་ཀྱང་འཆི་ཀར་ཞལ་སྟོན་ཅིང་། མཐོ་རིས་དང་ཐར་པ་ལ་འགོད་པར་མཛད་པ་སོགས་རྣམ་ཐར་ཆོས་ཀྱི་དབྱིངས་དང་མཉམ་ཞིང་ཐུགས་རྗེ་ཚད་མ་མཆིས་པ་སྟེ། དེ་ལྟ་བུའི་བསྒོམ་བཟླས་ཀྱི་ལུང་སྦྱིན་པ་ལ་ཐོག་མར་མཎྜལ་འབུལ་འཚལ། ཞེས་མཚམས་སྦྱར་ནས་མཎྜལ་འབུལ་དུ་གཞུག །དེ་ནས་ཐེག་པ་ཆེ་ཆུང་གི་ལམ་གྱི་སྒྲུབ་ཐབས་ཐམས་ཅད་ཀྱི་སྔོན་ཏུ་འགྲོ་བ་སྐྱབས་སུ་འགྲོ་བ་དང་སེམས་བསྐྱེད་པ་འདིའི་རྗེས་ཟློས་མཛོད། །སངས་རྒྱས་ཆོས་ཚོགས་སོགས་ལན་གསུམ། ཁྱད་པར་དུ་གསོལ་བ་འདེབས་པ་འདིའི་རྗེས་ཟློས། སློབ་དཔོན་གྱིས་བདག་ལ་རིག་སྔགས་དམ་པ་བསྩལ་དུ་གསོལ། །ལན་གསུམ། དེ་ནས་ཁྱེད་རང་རྣམས་གཞན་ཏུ་མ་ཡེངས་པར་ལྷའི་རྣལ་འབྱོར་འདི་བཞིན་ཏུ་ ― LT34_Page_0155 ―
[མ་དཔེ་གཟིགས་ན་འདིར་གནོན།]
བསྒོམ་འཚལ། ཞེས་བརྡ་སྦྱར་ལ། ཤཱུ་ནྱ་ཏཱས་སྟོང་པར་སྦྱང་། ཁྱེད་རང་གི་སྙིང་གར་ཁཾ༴ ཞེས་པ་ནས། ཐུགས་ཀར་ཧཱུྃ་གིས་མཚན་པར་གྱུར། ཡན་མངོན་རྟོགས་ལྟར་བརྗོད། སློབ་དཔོན་ལྷར་གསལ་བའི་ཐུགས་ཀར་ཟླ་བ་ལ་སྔགས་ཀྱི་ཕྲེང་བ། མོས་གུས་མཛད་པས་སྔགས་ཕྲེང་གཉིས་པ་ཆད་དེ་ཞལ་ནས་ཐོན། ཁྱེད་རང་རྣམས་ལྷར་གསལ་བའི་ཞལ་དུ་ཞུགས། ཐུགས་ཀར་ཟླ་བའི་སྟེང་དུ་འཁོད་པར་མོས་ལ་སྔགས་འདིའི་རྗེས་ཟློས་མཛོད། །ཅེས་སྔགས་ཀྱི་རྗེས་ཟློས་ལན་གསུམ་གྲུབ་མཐར། དེ་བཞིན་གཤེགས་པ་ཐམས་ཅད་ཀྱི་གསུང་གི་བྱིན་རླབས་དང་། ཁྱད་པར་འཕགས་པ་ནམ་མཁའི་སྙིང་པོའི་གསུང་རིག་སྔགས་ཀྱི་ནུས་མཐུ་ཐམས་ཅད་རྡོ་རྗེའི་སློབ་མ་འདི་རྣམས་ཀྱི་ངག་ལ་ཐོགས་མེད་དུ་འཇུག་པར་གྱུར་ཅིག །འདིར་སློབ་དཔོན་དང་ཕྲེང་བ་སྤྲེལ་བ་དང་མཐར་ཕྲེང་བ་སློབ་མའི་མགོར་འཇོག་པའང་ཕྱག་ལེན་ཏུ་འདུག །དེས་འཕགས་པ་ནམ་མཁའི་སྙིང་པོའི་བསྒོམ་བཟླས་ཀྱི་ལུང་ལགས་པར་ཕུལ་གྲུབ་པ་ཡིན་པས་གཏོང་རག་ཏུ་མཎྜལ་དང་། དགེ་བསྔོ་བྱས་པས་འགྲུབ་བོ། །འདི་ནི་རྒྱུད་ལྡེ་གང་རུང་གི་དབང་བསྐུར་སྔོན་ཏུ་ཐོབ་པ་ལ་བྱ་ཡི། །དབང་བསྐུར་མ་ཐོབ་པ་ལ་བཟླས་ལུང་མི་འབོག་གོ། གསུམ་པ་ལ་གཉིས། ཐུན་དང་ཐུན་མཚམས་ཀྱི་བྱ་བའོ། །དང་པོ་ལ་གཉིས། སྦྱོར་བ་དང་། དངོས་གཞིའོ། །དང་པོ་ནི། འཕགས་པའི་བྲིས་སྐུ་རབ་གནས་དང་ལྡན་པ་བཀྲམ་པའི་མདུན་ཏུ་སྟེགས་གཙང་མར་མཎྜལ་ལ་ཚོམ་བུ་གཅིག་བཀོད། ཆུ་གཉིས་ཉེར་སྤྱོད། མཆོན་པའི་མཎྜལ་སོགས་ ― LT34_Page_0156 ―
[མ་དཔེ་གཟིགས་ན་འདིར་གནོན།]
མཆོད་པའི་ཡོ་བྱད་ཅི་འབྱོར་བཤམ། དུས་བཟང་པོ་ལ་བབ་པའི་ཚེ་ནས་ལངས་ནས་ཁྲུས་དང་གཙང་སྤྲ་བྱས་ཏེ། འགྲུབ་ན་དོན་ཞགས་ནས་འབྱུང་བའི་ཐེག་ཆེན་གསོ་སྦྱོང་བླང་སྟེ། ཕྱི་དྲོའི་ཁ་ཟས་སྤང་བ་སོགས་སྡོམ་པ་ལ་གནས་པར་བྱ། མ་འགྲུབ་ནའང་ཟས་དཀར་གསུམ་མངར་གསུམ་ལ་བརྟེན་ཅིང་སྤྱོད་ལམ་བག་ཡོད་པ་ངེས་པར་དགོས་སོ། །གཉིས་པ་ནི། ཐོག་མར་སྐྱབས་འགྲོ་སེམས་བསྐྱེད་རྒྱས་པའམ། སངས་རྒྱས་ཆོས་ཚོགས་ལན་གསུམ། སེམས་ཅན་ཐམས་ཅད་སོགས་ཚད་མེད་བཞི་བསྒོམ། ཤཱུ་ནྱ་ཏཱས་སྟོད་པར་སྦྱང་། རང་གི་སྙིང་གར་ཁཾ་ཡིག་ཡོངས་སུ་གྱུར་པ་ལས། རང་ཉིད་ནམ་མཁའི་སྙིང་པོ་སྐུ་མདོག་སྔོན་པོ་ན་བཟའ་སྔོན་པོ་ཅན། ཕྱག་གཉིས་ཐུགས་ཀར་ཆོས་འཆད་ཀྱི་ཕྱག་རྒྱ་མཛད་པའི་གཡོད་པས་པདྨའི་རྩ་བ་འཛིན་པ་སྙན་གྱི་ཐད་ཀར་ཁ་བྱེ་བའི་སྟེང་ན་རལ་གྲི་སྔོ་སངས་ཅན་ནམ་མཁའི་རང་བཞིན་གྱི་ཁང་བཟང་འོད་ཟེར་སྔོན་པོ་འབར་བའི་དབུས་ན། ཁྲོ་བོ་དབྱུག་སྔོན་སོགས་འཁོར་རིག་འཛིན་མཚོན་ཆ་ཐོགས་པ་མང་པོ་དང་། རང་གི་སྤྲུལ་པ་ཁ་དོག་སྣ་ཚོགས་ཅན་མང་པོས་བསྐོར་བ། སྤྱན་གྱི་འོད་ཀྱིས་ནམ་མཁའ་ཐམས་ཅད་འོད་དང་དྲི་ཞིམ་པོས་ཁྱབ་པར་མཛད་པ། དར་དང་རིན་པོ་ཆེའི་རྒྱན་གྱིས་བརྒྱན་པ། སེམས་དཔའི་སྐྱིལ་ཀྲུང་གིས་བཞུགས་ཤིང་རྒྱལ་པ་རིགས་ལྔའི་དབུ་རྒྱན་ཅན་ནོ། །ཡེ་ཤེས་སེམས་དཔའ་བཛྲ་ས་མཱ་ཛཿ ཛཿཧཱུྃ་བྃ་ཧོཿ དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པར་གྱུར། ཐུགས་ཀར་ཟླ་བ་ལ་སྔགས་ཕྲེང་བཀོད་དེ། ཨོཾ་སྭ་སྟི་ཀ་ ― LT34_Page_0157 ―
[མ་དཔེ་གཟིགས་ན་འདིར་གནོན།]
མ་ལཱཀྵི། བི་པུ་ལ། སཾ་བྷ་བ་དྷརྨཱ་དྷཱ་ཏུ། གོ་ཙ་རེ་སྭཱ་ཧཱ། ཞེས་ཅི་ནུས་བཟླ། ཐུན་གྲོལ་བ་ན། ལྷ་སྐུ་སྟོང་པར་སྐུང་ལ་མཉམ་པར་བཞག །འཇམ་དཔལ་དཔའ་བོ་སོགས་གྱིས་དགེ་བ་བསྔོའོ།། །།གཉིས་པ་ཐུན་མཚམས་སུ་སྐུ་གཟུགས་ལ་མཆོད་བསྟོད་སྨོན་ལམ་འདེབས་ཤིང་། འདི་ཉིད་ཀྱི་མཚན་བརྒྱ་དང་། ཕལ་པོ་ཆེ་དང་། གསེར་འོད་དམ་པ་ལ་སགས་པའི་ཐེག་ཆེན་གྱི་མདོ་སྡེ་བཀླག་པར་བཤད་པས། ལག་ལེན་ཏུ། སྔར་བཤམས་པའི་བྲིས་སྐུ་སོགས་ལ་རྟེན་བྱས་ཏེ། ཐམས་ཅད་དུ་ནི་ས་གཞི་དག། སོགས་དང་། མ་ལུས་སེམས་མགོན། བཅོམ་ལྡན་འདིར་ནི། ཇི་ལྟར་བལྟམས་པ། སྲབ་འཇམ་ཡངས་པ། བདག་དང་འགྲོ་ལ་སོགས་ཤློ་ཀ་རེ་རེ། དེ་ནས་འགྲུབ་ན་སྤང་སྐོང་ཕྱག་བརྒྱ་བ་ལྟ་བུའི་ཕྱག་མཆོད་གཉིས་སྔོན་ཏུ་འགྲོ་བས། གསེར་འོད་དམ་པ་ནས་འབྱུང་བའི་ཡན་ལག་ལྷག་མ་རྣམ་ལ་དང་། ཡོངས་སུ་བསྔོ་བའི་འཁོར་ལོའི་མདོ་སོགས་སྔ་ཐུན་གཤམ་ལྟ་བུར་ཉིན་རེར་རེས་མོས་སུ་བཀླག་ཅིང་། མི་ནུས་པའམ། ཐུན་གཞན་མ་རྣམས་ལ། ཇི་སྙེད་སུ་དག་ནས། བྱང་ཆུབ་ཕྱིར་བསྔོའོ། །ཞེས་པའི་པར་གྱིས་ཡན་ལག་བདུན་པ་སྤྱིར་ཕུལ། བྱེ་བྲག་ཏུ་མཎྜལ་རྒྱས་པ། སྤྱོད་འཇུག་ལས་བྱུང་རིན་ཆེན་སེམས་དེ་སོགས་ནས། ངེས་པར་ཀུན་ཏུ་འབྱུང་གྱུར་ཅིག །བར་གྱིས་མཆོད་ལ། ཕྱག་སྔོན་ཏུ་འགྲོ་བའི་མཚན་བརྒྱ་རྩ་བརྒྱད་བས་བསྟོད་དེ། འཕགས་པ་ནམ་མཁའི་སྙིང་པོ་ཞལ་རས་རྒྱ་ཆེ་ཞིང་སྤྱན་གྱི་འོད་འཕྲོ་བས་ནམ་མཁའི་དཀྱིལ་དྲི་ཞིམ་པར་མཛད་པ་ལ་ཕྱག་འཚལ་ལོ། ། ― LT34_Page_0158 ―
[མ་དཔེ་གཟིགས་ན་འདིར་གནོན།]
ནམ་མཁའི་སྤྱོད་ཡུལ་ཅན་སའི་དཀྱིལ་འཁོར་ཐམས་ཅད་སྣང་བར་མཛད་པ་ལ་ཕྱག་འཚལ་ལོ། །ཨོཾ་སྭསྟི་ཀ་མ་ལཱཀྵི་པི་པུ་ལ་སམྦྷ་བ། དྷརྨ་དྷཱ་ཏུ་གོ་ཙ་ར་སྭཱ་ཧཱ། གཟུངས་འདི་བརྗོད་མ་ཐག་ཏུ་ངན་སོང་དང་ངན་འགྲོ་ཐམས་ཅད་ནི་རབ་ཏུ་ཞི་བར་གྱུར། ས་ཡང་གཡོས་པར་གྱུར། རྔ་བོ་ཆེ་དག་གི་སྒྲ་ཡང་གྲགས་པར་གྱུར། སངས་རྒྱས་ཐམས་ཅད་ཀྱིས་ཀྱང་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བཀའ་སྩལ་བ ཀྱེ་འཁོར་གྱི་དཀྱིལ་འཁོར་ན་འཁོད་པའི་སེམས་ཅན་རྣམས་ནམ་མཁའི་སྙིང་པོའི་སྙིང་པོ་དཀྱིལ་འཁོར་མངོན་སུམ་པ་རྣམས་ཀྱི་སྭཱ་ཧཱའི་མཆོག་གི་གཟུངས་འབྱུང་བ་ཤིན་ཏུ་དཀའ་བ། བསོད་ནམས་ཆེན་པོ། སྡིག་པ་དང་ཉོན་མོངས་པ་ཐམས་ཅད་སྲེག་པ། བྱང་ཆུབ་སེམས་དཔའ་རྣམས་ཀྱི་མ། རིན་པོ་ཆེའི་ཕུང་པོར་གྱུར་པ་འདི་ཉོན་ཅིག་དང་འདི་ཐོས་པས་དྲི་མ་མེད་པར་འགྱུར་ཞིང་ལེགས་པར་ཁྲུས་བྱས་པར་འགྱུར་ལ། ཤིན་ཏུ་རྣམ་པར་དག་པར་འགྱུར་རོ། །པདྨ་ལྟ་བུར་འགྱུར་ཏེ་འཁོར་བའི་འདམ་གྱིས་མི་གོས་སོ། །ཉི་མ་ལྟ་བུར་འགྱུར་ཏེ། སེམས་ཅན་ཐམས་ཅད་སྣང་བར་བྱེད་དོ། །ཟླ་བ་ལྟ་བུར་འགྱུར་ཏེ། སེམས་ཅན་ཐམས་ཅད་རབ་ཏུ་སིམ་པར་བྱེད་དོ། །ནམ་མཁའ་ལྟ་བུར་འགྱུར་ཏེ། ངན་སོང་གི་སྡུག་བསྔལ་ཐམས་ཅད་ཀྱིས་མི་གོས་སོ། །ས་གཞི་ལྟ་བུར་འགྱུར་ཏེ། མཐོ་དམན་ ― LT34_Page_0159 ―
[མ་དཔེ་གཟིགས་ན་འདིར་གནོན།]
མེད་དོ། །ལྷུན་པོ་ལྟ་བུར་འགྱུར་ཏེ། སེམས་ཅན་ཐམས་ཅད་ཀྱིས་བསྐྱོད་པར་མི་ནུས་སོ། །ཐར་པ་ལྟ་བུར་འགྱུར་ཏེ། བདེ་བ་དང་སྡུག་བསྔལ་གྱིས་མི་གོས་སོ། །དེ་ལ་སོགས་པ་ཡོན་ཏན་སྟོང་ཕྲག་བགྲང་བ་ཚད་མེད་གྲངས་མེད་པ་དག་ཐོབ་བར་འགྱུར་ཏེ། ཉན་པ་དང་། འཆང་བ་དང་། ཀློག་པ་དང་། བརྗོད་པ་དང་། སྟོན་པ་ཙམ་དང་། བཟླས་བརྗོད་བྱས་པ་ཙམ་གྱིས་གང་ཅི་ཡང་རུང་སྟེ། དེའི་འདོད་པ་དང་། སྨོན་པ་དང་། རེ་བ་དེ་དག་འགྲུབ་པར་འགྱུར་རོ། །བཟླས་བརྗོད་བྱས་པ་ཙམ་གྱིས་ཀྱང་ཆར་ཆེས་པ་དང་། ཆར་མི་འབབ་པ་དང་། སྡང་བས་དཀྲུགས་པ་དང་མི་ནད་དང་། རྨི་ལམ་ངན་པ་དང་། གནོད་པ་འབྱུང་བ་དང་། འཇིགས་པའི་དུས་དང་། འཆི་བ་དང་། ཆོམ་རྐུན་དང་། དགོན་པ་དང་། གཡུལ་འགྱེད་པ་དང་། གཅན་གཟན་དང་། མུ་གེའི་སྡུག་བསྔལ་རྣམས་ལས་ཡོངས་སུ་ཐར་བར་བྱེད་ལ། བདེ་བ་དང་། འབྱོར་པ་དང་། ཅི་འདོད་པ་དང་། ཅི་དགའ་བ་ཐམས་ཅད་ཀྱང་འགྲུབ་པར་འགྱུར་རོ། །དེ་ནས་འཁོར་དེ་དག་ཐམས་ཅད་ཀྱིས་ཧ་ཧ་ཞེས་ཅ་ཅོ་དང་ག་ཞ་བཏོན་ཏེ། སྒྲ་རིང་ཞེས་བྱས་ནས་གོས་དང་། རྒྱན་སྣ་ཚོགས་བསྐྱོད་དེ། སྙིང་ནས་ཕྱག་འཚལ་ནས་བྱང་ཆུབ་སེམས་དཔའ་ཐམས་ཅད་ལ་དབང་བྱེད་པ་འཕགས་པ་ནམ་མཁའི་སྙིང་པོའི་ ― LT34_Page_0160 ―
[མ་དཔེ་གཟིགས་ན་འདིར་གནོན།]
མཚན་བརྒྱ་རྩ་བརྒྱད་པའི་བསྔགས་པ་རྒྱ་མཚོའི་བསྟོད་པ་ཡང་དག་པར་བརྗོད་པ། ནམ་མཁའི་སྙིང་པོ་སྲིད་གསུམ་སེམས་ཅན་མཆོག །འབྱོར་ལྡན་བློ་གྲོས་རིན་ཆེན་རྒྱ་མཚོ་མངའ། །སེམས་ཅན་དག་པ་བླ་མེད་རིན་ཆེན་མཆོག །ཐར་པའི་ས་བོན་འཁོར་བའི་སྡུག་བསྔལ་སེལ། །ཀུན་མཁྱེན་ཚུལ་མཁྱེན་ལེགས་དང་ལེགས་མིན་མཁྱེན། །ཐར་མཁྱེན་ཆོས་མཁྱེན་བདེ་དང་མི་བདེ་མཁྱེན། །ལམ་མཁྱེན་གཅེས་མཁྱེན་དགེ་དང་མི་དགེ་མཁྱེན། །དུས་མཁྱེན་དགེ་མཁྱེན་སྟོབས་དང་སྟོབས་མིན་མཁྱེན། །འགྲོ་མཆོག་ཆོས་མཆོག་སེམས་ཅན་ཡོན་ཏན་མཆོག །ལམ་མཆོག་སྔགས་མཆོག་ཚུལ་དང་ཚུལ་མིན་མཆོག །རྒྱན་མཆོག་ཆོས་མཆོག་འཛིན་དང་འཛིན་མིན་མཁྱེན། །དག་མཆོག་རྟོགས་མཆོག་མཆོག་དང་མཆོག་མིན་མཆོག །ཞི་རབ་སྙིང་རྗེའི་རབ་སྟེ་འཁོར་གྱི་རབ། །འོད་རབ་ཐར་པའི་རབ་སྟེ་རྟེན་གྱི་རབ། །རྒྱ་རབ་སྔགས་ཀྱི་རབ་སྟེ་ཐུགས་བརྩེའི་རབ། །མཉམ་རབ་སེམས་ཅན་རབ་སྟེ་གསུམ་རིག་རབ། །ལེགས་སྒྲོན་མཆོག་སྒྲོན་སྟོབས་དང་སྟོབས་མིན་སྒྲོན། །ཐར་སྒྲོན་རིགས་སྒྲོན་རྒྱལ་དང་རྒྱལ་མིན་སྒྲོན། །དགེ་སྒྲོན་གཟི་སྒྲོན་ནོར་བུའི་འོད་ཀྱི་སྒྲོན། །རྒྱུ་སྐར་ཟླ་བའི་རྒྱན་ལས་ཤར་བའི་སྒྲོན། །མཆོག་འོད་ཡོན་ཏན་ཀུན་གྱི་འོད་ཟེར་འོད། །ལེགས་འོད་ཐར་པའི་ཕོ་བྲང་ ― LT34_Page_0161 ―
[མ་དཔེ་གཟིགས་ན་འདིར་གནོན།]
རྟེན་གྱི་འོད། །འོད་ཆེན་གཏི་མུག་རབ་ཏུ་འབྱེད་པའི་འོད། །རྡོ་རྗེའི་འོད་འབར་བདེ་བའི་འོད་འཆར་བ། །རྡོ་རྗེའི་དབང་པོ་འདྲེན་དབང་སེམས་ཅན་དབང་། །རིན་ཆེན་འོད་ཀྱི་དཀྱིལ་འཁོར་རྒྱན་དབང་པོ། །རྒྱལ་དབང་རྒྱལ་བའི་སྟོབས་རྒྱུན་ཚད་མེད་དབང་། །དཔའ་བོ་རིག་སྔགས་འཆང་དབང་སྲིད་གསུམ་དབང་། །རྡོ་རྗེ་བཟང་པོ་རྡོ་འོད་རྡོ་རྗེ་འབར། །རྡོ་རྗེ་སེམས་དཔའ་རྡོ་རྗེ་འབར་བས་བརྒྱན། །རྡོ་རྗེ་འོད་ཅན་རྡོ་འཛིན་རྡོ་རྗེ་གྲགས། །རྡོ་རྗེ་རྒྱ་ཆེན་རྡོ་རྗེ་རབ་མཆོག་དབང་། །ན་བཟའ་སྔོ་ཞིང་སྐུ་ཡི་ཆ་ལུགས་སྔོ། །སྐུ་མདོག་སྔོ་ཞིང་སྔོ་བའི་འོད་ཀྱིས་བརྒྱན། །རལ་གྲི་རྣོ་འཇེབས་སྔོ་ཞིང་བརྟན་པ་བསྣམས། །མཁའ་སྔོ་གཞལ་མེད་ཁང་འབར་ནང་ན་བཞུགས། །ལྷ་ཞལ་དྲི་མེད་ཤིན་ཏུ་མི་བཟད་འབར། །རབ་ཏུ་གྲགས་ལ་འོད་ཟེར་འཕྲོ་ཞིང་འགྱུ། །སྡིག་སེལ་རྡུལ་ལྟར་འཁྲུག་བྱེད་ཕྲེང་མཆོག་ཅན། །གློག་གི་སྟོབས་ཀྱི་སྣང་བས་སྒེག་ལ་བརྟན། །རལ་གྲི་མཚོན་ཐོགས་དབང་ལྡན་མཐུ་སྟོབས་མཚོན། །རྡོ་རྗེའི་མཚོན་ཐོགས་མདའ་དང་མདུད་ཐུང་འཇིགས། །འཁོར་ལོའི་མཚོན་ཐོགས་བཅིབས་པ་རི་དང་འཁྲུལ། །གསལ་ཤིང་མཚོན་ཐོགས་བགེགས་ཀྱི་སྟོབས་འཇོམས་བ། །བདེ་འབྱུང་འཇིག་རྟེན་གསུམ་བདག་རྡོ་རྗེ་དབྱུག །སྐུ་རྣམས་ཐམས་ཅད་ཉི་མའི་འོད་ཀྱིས་བརྒྱན། །གྲགས་པའི་རིགས་སུ་བྱུང་བས་རྒྱལ་པོ་མཛད། །མུ་ ― LT34_Page_0162 ―
[མ་དཔེ་གཟིགས་ན་འདིར་གནོན།]
ཏིག་ཕྲེང་བས་སྒེག་ཅིང་མཛེས་པར་བགྱིས། །སྐུ་མཛེས་བརྙེས་ཤིང་ཕུན་སུམ་ཚོགས་པ་བརྙེས། །རབ་འབྱམས་མཆོག་བརྙེས་ས་ལ་འཇུག་པ་བརྙེས། །མཐུ་སྟོབས་ལྷག་མ་བརྙེས་ཤིང་གྲུབ་བརྙེས་ལ། །རིག་པ་གསུམ་གྱི་སྟོབས་བརྙེས་གྲུབ་བརྙེས་ལ། །བདེ་འདྲེན་ཞི་བ་འདྲེན་ཞིང་འོད་འདྲེན་ལ། །ཆ་ལུགས་གསལ་མཆོག་དར་བ་ཆེན་པོ་འདྲེན། །བྱམས་འདྲེན་ཉི་མ་འདྲེན་ཞིང་སྐྱེ་དགུ་འདྲེན། །ལོག་འདྲེན་སྙིང་གི་སྟོབས་འདྲེན་སྙིང་རྗེ་ཅན། །དྲི་མེད་ཆ་ལུགས་གསལ་བ་ཆ་ལུགས་འབར། །རྣམ་གྲགས་སྒེག་པས་གྲགས་པའི་བ་དན་ཅན། །འགྲོ་བའི་སྐབས་འབྱེད་འཇུག་དང་ལྡོག་པ་མཁྱེན། །ལོངས་སྤྱོད་གསལ་བར་སྟོན་པའི་སེམས་ཀྱིས་འཇུག །སྐུ་དམར་སྐུ་མཐོན་སྐུ་མཛེས་སྐུ་བཟང་བ། །སྐུ་སེར་སྐུ་དཀར་དར་བ་ཆེན་པོའི་སྐུ། །སྐུ་རོལ་རྡོ་རྗེའི་སྐུ་མངའ་སྤྱན་ལེགས་སྐུ། །རིགས་སྐུ་རིག་སྔགས་འཆང་བ་རིན་ཆེན་བསྣམས། །གཙུག་གི་ནོར་བུ་གཙུག་ཅན་ཅོད་པན་མཆོག །ཅོད་པན་ཅན་ཏེ་ཆོས་འཛིན་རྡོ་རྗེ་མཆོག །དཔལ་འཛིན་རིན་ཆེན་དམ་པ་འཆང་བའི་མཆོག །སྔགས་གཞི་ཕྱག་རྒྱ་འཆང་བ་ཕུན་སུམ་ཚོགས། །རབ་མཛེས་མཁའ་ལ་གཤེགས་ཤིང་རབ་ཏུ་རྒྱུ། །སྲིད་གསུམ་ཉི་མ་གཅིག་པུ་འོད་སྟོང་མངའ། །རི་རྩེར་འཆར་བ་བདལ་ལགས་བཀྲ་ཤིས་པ། །ཡོན་ཏན་མཐུ་སྟོབས་ཁྱད་པར་རྣམ་ ― LT34_Page_0163 ―
[མ་དཔེ་གཟིགས་ན་འདིར་གནོན།]
པར་གྲགས། །ནོར་བུ་ཆེན་པོ་ནོར་སྡུག་ནོར་བུའི་འོད། །ཉི་མའི་ནོར་བུ་ཚུལ་སྤྱོད་ནོར་བུ་འབར། །ཡིད་བཞིན་ནོར་བུ་འགྲོ་ཀུན་མགོན་གཅིག་པུ། །ནམ་མཁའི་དཀྱིལ་ན་ནོར་བུ་གཅིག་སྣང་བ། །སེམས་ཅན་རྣམ་དག་ཡངས་ཤིང་རྣམ་པར་གྲགས། །སྲིད་གསུམ་སྲུང་མ་གཅིག་པུ་རྒྱལ་སྲས་མཆོག །ཞི་བ་རབ་ཏུ་ཞི་བ་སྐྱབས་འོས་རྟག །སྐྱེ་དགུའི་བདག་པོ་པད་བྱུང་པདྨ་སྐྱེས། ཀུན་ནས་འོད་བཟང་ལེགས་བཤད་ཆོས་མངའ་བ། །དར་བ་ལེགས་བཤད་རབ་དུལ་ལེགས་བཤད་ཕྱག །བློ་བཟང་འོད་བཟང་བདེ་ལྡན་སྐྱེ་གནས་བཟང་། །མཁས་རབ་ཞི་རབ་མཆོག་གི་ཆོས་དང་ལྡན། །ཞི་མཛད་རྒྱལ་འབྱུང་བདེ་བ་འབྱུང་བའི་གནས། །འོད་ཀྱི་འབྱུང་གནས་བདེ་མཛད་དབང་དུ་མཛད། །ལེགས་འབྱུང་ཤེས་རབ་འབྱུང་གནས་སྟོབས་སྐྱེད་པ། །སྙིང་རྗེའི་འབྱུང་གནས་བློ་བཟང་རྣམ་གྲགས་མཛད། །རྣམ་གྲོལ་ངེས་གྲོལ་ཤིན་ཏུ་གྲོལ་བའི་བློ། །བློ་ཡངས་རྣམ་པར་བཀྲམ་ཞིང་རྣམ་པར་གྲགས། །ཀུན་ཏུ་ལོངས་སྤྱོད་སྒོ་སྟེ་བློ་ཡི་མདོག །བློ་གྲོས་བརྟན་པ་དཀོན་མཆོག་གསུམ་ལས་བསྒྲུབས། །སངས་རྒྱས་པདྨ་འདབ་རྒྱས་འདྲ་བའི་ཞལ། །དག་ཅིང་སྤྱན་ཡངས་ཆ་ལུགས་ཡིད་དུ་འཐད། །སྙིང་པོ་གསལ་བའི་སྙིང་པོ་བརྟེན་ཞེ་འདུལ། །ངོ་བོ་ཉིད་ཀྱི་རྒྱུན་བརྙེས་རབ་གསལ་བ། །སྤྱན་ཟུར་མདའནི་རབ་ ― LT34_Page_0164 ―
[མ་དཔེ་གཟིགས་ན་འདིར་གནོན།]
ཏུ་གཏད་ལེགས་པ། །འཇིགས་མེད་ཞལ་རས་སྟོན་གྱི་ཟླ་བ་འདྲ། །མདུང་ཐུང་བརྒྱ་ཡི་མཚོན་མཆོག་མཚོན་ཆ་རྫོགས། །དྲག་པོ་འཇིགས་པ་སྡིག་སེལ་གསུམ་ལས་སྐྱེས། །རབ་དུལ་མཁས་པ་འགྲོགས་དགའ་འདྲིས་པར་སླ། །རབ་ཏུ་གྲགས་པ་གཉེན་རབ་གསེར་མདོག་ཅན། །ལྷ་ཆེན་བདེ་བྱེད་གསལ་ཤིང་ཕྱག་ན་བསྣམས། །སྤྱན་གསུམ་རིག་པ་གསུམ་ལྡན་མེ་གསུམ་སེལ། །འདོད་བཟང་མེ་ཏོག་མཚོན་ཐོགས་མེ་ཏོག་མདའ། །ན་བཟའ་བཟང་མནབས་གཡས་འཕེན་ཚབས་ཆེར་འཕེན། །ལེགས་བྲིས་སྣ་ཚོགས་མཚོན་ཆ་སྣ་ཚོགས་མངའ། །ན་བཟའ་སྣ་ཚོགས་སྣ་ཚོགས་རྒྱན་གྱི་དཔལ། །ཞལ་རས་ཟླ་བ་འོད་ཟེར་རྒྱས་པ་འདྲ། །ཞལ་མདངས་བསྟན་པས་འཇིག་རྟེན་ཀུན་འབྱོར་མཛད། །བཞད་པ་ཉི་མའི་འོད་ཟེར་རབ་འཇེབས་མདའ། །ཞལ་མདངས་རྒྱ་མཚོ་གསལ་མཛད་ལམ་མེ་བ། །དབང་ཆེན་རྡོ་རྗེའི་ཐོག་ལགས་འཇིགས་པའི་སྒྲ། །རྡོ་རྗེ་དྲག་པོ་ནོར་བུ་གཡོ་བ་འཛིན། །སྒྲ་སྙན་སྣང་བར་མཛད་པའི་མཐུ་དང་ལྡན། །བློ་གྲོས་ཆེན་པོ་བློ་གྲོས་རྣོ་བའི་མཆོག །རྒྱན་འཛིན་དཔལ་འཛིན་རིན་ཆེན་ཞལ་དང་ལྡན། །རྒྱུ་དང་མི་རྒྱུ་འགྲོ་བ་ཀུན་གྱི་གནས། །དེ་བཞིན་གཤེགས་པ་མགོན་སྲས་ཕྲེང་བ་བཟང་། །སྟོབས་ཆེན་འཇིག་རྟེན་བློ་གྲོས་ངོ་བོ་ཉིད། །སྐྱེ་དགུའི་བདག་པོ་བཀའ་ལུང་མཉམ་ཞིང་བརྟགས། །མི་ཡི་མངའ་བདག་ ― LT34_Page_0165 ―
[མ་དཔེ་གཟིགས་ན་འདིར་གནོན།]
མཐོ་རིས་སྐྱེད་པའི་རྒྱུ། །སྒྱུ་འདྲེ་འདོད་པའི་མདའ་དང་རྡོ་རྗེ་ཅན། །མཐུ་སྟོབས་མངའ་ཞིང་སྤྱན་བཟང་སྡུག་པར་ལྡན། །སྟོན་པ་བཟང་པོ་སྟོང་ཉིད་ལམ་གྱི་སྟེགས། །གཅེས་གསུམ་འཕེལ་བའི་རྒྱུ་ལ་འཇུག་པ་མཛད། །བརྟན་པོ་རྒྱུ་ལ་རབ་ཏུ་ངེས་གྱུར་པ། །དཀྱིལ་འཁོར་དམ་པ་ཀུན་གྱི་སློབ་དཔོན་ལགས། །གཅིག་པུ་སྐྱེ་དགུའི་དཀྱིལ་འཁོར་ཆོ་ག་མཁྱེན། །རྣམ་པར་སྣང་མཛད་ཞིང་གི་གནས་ནས་སྐྱེས། །དབང་བསྐུར་བརྙེས་ཤིང་བཅུར་ལེགས་པ་གནས། །གནས་ཆེན་སོན་པ་མཆོག་གནས་གཅིག་པུ་ལགས། །སྐྱེ་དགུ་རྣམས་ཀྱི་ཉོན་མོངས་སེལ་བ་དང་། །སྡིག་འཇོམས་མཚན་བརྒྱ་རྩ་བརྒྱད་འདི་ཐོས་ནས། །བདེ་གཤེགས་སྲས་མཆོག་སུ་ཞིག་འདོན་བྱེད་པ། །འཇིག་རྟེན་ཟླ་བ་གཅིག་ཤར་བཞིན་ཏུ་སྣང་། །ནམ་མཁའི་སྙིང་པོ་སེམས་ཅན་གཅིག་པུ་ཡི། །མདུན་འདུག་ནངས་པར་བསྟོད་པ་འདི་བརྗོད་གང་། །དེ་ནི་སྲིད་གསུམ་སེམས་ཅན་མཆོག་འགྱུར་ཞིང་། །དྲི་མའི་གནས་ཀུན་དག་ལས་ཐར་བར་འགྱུར། །གཡུལ་དང་འཐབ་རྩོད་ཤིན་ཏུ་མི་བཟད་དང་། །མུ་གེའི་གནོད་པ་མི་ནད་བྱུང་བ་ན། །མཁས་པ་སུ་ཞིག་སྔར་ལངས་དད་བསྐྱེད་ནས། །ནམ་མཁའི་སྙིང་པོ་ལ་ནི་བསྟོད་བྱེད་པ། །དེ་ནི་འཇིགས་པའི་འབྱུང་གནས་ཐམས་ཅད་དང་། །སྡུག་བསྔལ་འབྱུང་འདྲེན་སྡིག་པ་ ― LT34_Page_0166 ―
[མ་དཔེ་གཟིགས་ན་འདིར་གནོན།]
རྣམས་ལས་གྲོལ། །དེས་ནི་ཞི་མཆོག་མཆོག་བདེ་ཀུན་གནས་དང་། །བདེ་བ་རྒྱ་ཆེན་ངེས་པར་ཐོབ་པར་འགྱུར། །བདེ་འཐོབ་ལོངས་སྤྱོད་འཕེལ་བར་བྱ་བའམ། རྒྱལ་སྲིད་འཐོབ་དང་བྱད་གཟུགས་ནོར་འཐོབ་དང་། །རིགས་འཐོབ་ཡོན་ཏན་ཀུན་གྱི་གཞི་བསྒྲུབ་ཕྱིར། །བཏོན་ན་འགྲུབ་འགྱུར་འདི་ལ་ཐེ་ཚོམ་མེད། །དེ་ཕྱིར་ཇི་སྟེ་རྟག་ཏུ་འདོད་བདེ་ཀུན། །འདོད་ན་འགྲོ་བ་ཀུན་ལ་གཅིག་དཔའ་བ། །ནམ་མཁའི་སྙིང་པོ་སྲིད་གསུམ་མགོན་པོ་ལ། །རྟག་ཏུ་བསྟེན་ཅིང་སྔགས་ཀྱང་བསྟེན་པར་བགྱི། །ཞེས་པའི་མཐར་བཟང་སྤྱོད། བྱམས་སྨོན། སྤྱོད་འཇུག་སྨོན་ལམ་སོགས་རྒྱས་བསྡུས་གང་ཡང་རུང་བ་རེས་མོས་སུ་བྱ། །བཟོད་གསོལ། བརྟན་བཞུགས་སམ་གཤགས་གསོལ་དག་ཀྱང་མདོ་ཆོག་ལས་འབྱུང་བ་ལྟར་མདོར་བསྡུས་ཙམ་བྱ་ཞིང་བཀྲ་ཤིས་ཤློ་ཀ་གསུམ་རེ་ཙམ་བརྗོད་དོ། །ཀློག་པ་ལ་སྤྲོ་ན་ཐུན་མཚམས་སུ་མདོ་སྡེ་ཅི་ནུས་ཀྱང་བཀླག་གོ། །པཎྜི་ཏ་གང་བའི་རྡོ་རྗེའི་ཞལ་ནས། དེང་སང་རྨི་ལམ་ཞལ་ལྟའི་ཆོ་ག་བྱེད་པ་ལ་བསྙེན་པ་སྔོན་ཏུ་འགྲོ་དགོས་ཞེས་གསུངས་པས་འདི་ལྟ་བུའི་ཚུལ་གྱིས་བསྙེན་པ་འབུམ་ཕྲག་མ་མཐར་བྱས་པ་ངེས་པར་འགྲུབ་དགོས་སོ། །བཞི་པ་ལ་གཉིས། ཐུན་བཞིའི་རིམ་བས་བཤགས་པ་དང་། རྨི་ལམ་དུ་བཤགས་པའོ། །དང་པོ་ནི། མདོ་ལས། གལ་ཏེ་སེམས་ཅན་དེ་དག་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ཐོས་ནས་མཐོང་བར་འདོད་ཅིང་ངན་སོང་དུ་ལྟུང་བས་འཇིགས་ཏེ། ལྟུང་བའི་རྩ་བ་བཤགས་པར་འདོད་ན། གལ་ཏེ་ ― LT34_Page_0167 ―
[མ་དཔེ་གཟིགས་ན་འདིར་གནོན།]
དེ་དག་བྱང་ཆུབ་སེམས་དཔའ་ནམ་མཁའི་སྙིང་པོ་ལ་ཕྱག་འཚལ་ཞིང་དེའི་མིང་ནས་བརྗོད་ན། རིགས་ཀྱི་བུ་དེ་དག་གི་སྐལ་པ་ཇི་ལྟ་བ་བཞིན་ཏུ། སེམས་ཅན་དེའི་མདུན་ཏུ་ཐ་མལ་པའི་ཚུལ་དུ་འདུག་པའམ། བྲམ་ཟེའི་གཟུགས་ནས། བུ་མོའི་གཟུགས་ཀྱི་བར་གྱིས་བྱང་ཆུབ་སེམས་དཔའ་ལས་ཐོག་མ་པ་དེའི་མདུན་ཏུ་འདུག་སྟེ། ལྟུང་བའི་རྩ་བ་དེ་ཇི་ལྟར་བྱུང་བ་བཤགས་སུ་འཇུག་གོ། །དེའི་ཐབས་མཁས་པ་ཟབ་མོ་དང་། བླ་ན་མེད་པའི་ཐེག་པ་ཆེན་པོ་ལ་སྤྱོད་པ་ཡང་སྟོན། ས་དང་ས་དག་ཏུ་ཡང་ཏིང་ངེ་འཛིན་དང་། །གཟུངས་དང་། བཟོད་པ་ལ་གཞོག་པར་བྱེད་དེ། རིམ་གྱིས་ལམ་ཡན་ལག་བརྒྱད་པའི་བར་གྱིས་གཞོག་པར་བྱེད་དོ། །ཞེས་གསུངས་པའི་དོན་ཉམས་སུ་ལེན་པ་ན། དཀོན་མཆོག་སྤྲིན་ལ་སོགས་པ་མདོ་སྡེའི་དོན་འཕགས་པ་ཐོགས་མེད་ཀྱི་ཞལ་ནས། བྱང་ཆུབ་སེམས་དཔའ་མྱུར་དུ་མངོན་པར་རྫོགས་པར་འཚང་རྒྱ་བར་འདོད་པས་ཉིན་ལན་གསུམ་མཚན་ལན་གསུམ་དུ་ཕྱག་འཚལ་བ་དང་། མཆོད་པ་དང་། སྡིག་པ་སོ་སོར་བཤགས་པ་དང་། རྗེས་སུ་ཡི་རང་བ་དང་། བསྐུལ་བ་དང་། གསོལ་བ་གདབ་པ་དང་། ཡོངས་སུ་འགྲོ་བ་རྣམས་ཀྱང་བྱའོ། །ཞེས་གསུངས་པ་འདི་ལྟ་བུ་ལ་བརྟེན་ནས་ལྟུང་བ་བཤགས་ཤིང་། བྱང་ཆུབ་ཀྱི་སེམས་བསྐྱེད་དགོས་པས། བསྙེན་པ་སྔོན་ཏུ་སོང་ནས། སྐུ་གཟུགས་མཆོད་པ་མཎྜལ་སོགས་བསྙེན་པའི་སྐབས་ལྟར་བཤམ། ཨ་ག་རུ་དང་རྒྱ་སྤོས་སོགས་སྦྱར་བའི་སྤོས་མང་པོ་དང་ཁྲུས་ཆབ་སོགས་འདུ་བྱས། གོས་གཙང་མ་གོ། །ནམ་ལངས་པ་དང་། ཨོཾ་པྲ་ཀྲྀ་ཏ་པ་རི་ཤུདྡྷཿསརྦ་དྷརྨཱཿཔྲ་ཀྲྀ་ཏ་པ་རི་ཤུདྡྷོ྅་ཧཾ། ཞེས་པས་ཁྲུས་ཆབ་བྱིན་གྱིས་བརླབས་ལ་ཡན་ལག་ལྔ་ཁྲུས་བྱ། སྐྱབས་ ― LT34_Page_0168 ―
[མ་དཔེ་གཟིགས་ན་འདིར་གནོན།]
འགྲོ་སེམས་བསྐྱེད། ས་གཞི་བྱིན་བརླབ། སྤྱན་འདྲེན་བཞུགས་གསོལ། ཁྲུས་གསོལ་སྐུ་ཕྱི་ན་བཟའ་འབུལ་བ་ཡན་ཆད་མདོ་ལུགས་ཆོས་སྤྱོད་ནང་ལྟར་ཐུན་དང་པོ་ལ་རྒྱས་པ་དང་། གཞན་ལ་ཇི་ལྟར་འོས་པ་བྱ། ཚིགས་སུ་བཅད་པ་གཅིག་པ་དང་བཞི་པ་ལྟ་བུས་དཀོན་མཆོག་སྤྱི་ལ་ཕྱག་འཚལ་བ་སྔོན་ཏུ་འགྲོ་བས། འཕགས་པ་ནམ་མཁའི་སྙིང་པོ་ཞལ་རས་རྒྱ་ཆེ་ཞིང་སོགས་མཚན་བརྒྱའི་དབུ་ནས་འབྱུང་བའི་ཕྱག་འཚལ་དེའི་གཤམ་དུ། འཕགས་པས་བདག་ལ་ཞལ་བསྟན་ཏེ་སྡིག་པ་དག་པར་མཛད་དུ་གསོལ། །ཞེས་བཏགས་པས་ཕྱག་བརྒྱ་རྩ་རེ་འཚལ། མགྱོགས་ཁྱད་འདོད་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྗེ་ཆེན་པོ་དང་ལྡན་པ་འཕགས་པ་ནམ་མཁའི་སྙིང་པོ་ལ་ཕྱག་འཚལ་ལོ། །ཞེས་པའི་གཤམ་དུ་གསོལ་གདབ་བཏགས་ཀྱང་རུང་། སྤོས་བཏུལ། མེ་ཏོག་ལ་སོགས་པས་མཆོད། མཆོད་བའི་སྤྲིན་གྱི་གཟུངས་ལན་གསུམ་དང་། རིན་ཆེན་སེམས་དེ་སོགས་ཀྱིས་མཆོད། མཎྜལ་རྒྱས་པར་འབུལ། ལྟུང་བཤགས་ཚང་གསུམ། གསེར་འོད་ལས་འབྱུང་བའི། སངས་རྒྱས་རྐང་གཉིས། སྲིད་འགྲོར་ཉམ་ངར་སོགས། སྤྱོད་འཇུག་ལས་བྱུང་བ། གཙོ་བོ་རྒྱལ་བ། ཇོ་བོ་རྗེའི་བཤགས་ཆོག་ཏུ་བྱུང་བ། བླ་མ་རྡོར་འཛིན་སོགས་ལན་གསུམ་མཐར་རྗེས་སུ་ཡི་རང་ནས་བསྔོ་བའི་བར་གྱི་ཡན་ལག་ཆོས་སྤྱོད་ལྟར་བྱ། ནམ་སྙིང་གི་མཚན་བརྒྱ་ཚར་གཅིག་མཐར་གཟུངས་སྔགས་འདི་ཇི་ཙམ་ནུས་པ་བཟླའོ། །ཏདྱ་ཐཱ། སུ་མྲྀ་ཤ་སུ་མྲྀ་ཤ །ཀཱ་རུ་ི་ཀ །ཙ་ར་ཙ་ར། བི་ཙ་ར། སཾ་ཙ་ར། ― LT34_Page_0169 ―
[མ་དཔེ་གཟིགས་ན་འདིར་གནོན།]
ཀཱ་རུ་ི་ཀ །མུ་ར་མུ་ར། བེ་ག་དྷ་རི་མ་ཙ་མ། བྷུ་ཛ་པཱ་ད་ཀཱ་རུ་ི་ཀཱ། ཙིནྡྷ་མ་ི་པཱུ་ར་ཡ་ཀཱ་རུ་ི་ཀ །སརྦ་ཤ་མེ་སཱ་པཱ་ཡ་ཨཱཛྙཱ་དྷ་རི། སྷུ་གུང་སྷུ་གུང་། རུ་ཏི་བི་བེ་ཀ་གུང་། དྲྀཥྚི་བི་བེ་ཀ་གུང་། པཱུ་ར་ཡ་ཀྔ་རུ་ི་ཀ །པཱུ་ར་ཡནྟུ་མ་མ་ཨཱ་ཤ་ཡ་སརྦ་པནྠཱ་ཙ་ཨ་ཤོ་ཀ་ག་ཏི་སྭཱ་ཧཱ། གཟུངས་བཟླ་བ་ལ་སོགས་པའི་ཚེ་སྤོས་བཏུལ་བ་མ་ཆད་པར་བྱ། །མཐར་གོང་དུ་སྨོས་པའི་ཕྱག་ལན་གསུམ་དང་། དགོངས་ཤིག་དགོངས་ཤིག་ཐུགས་རྗེ་ཆེན་པོ་དང་ལྡན་པ། གྲགས་པ་ཆེན་པོ་ནམ་མཁའི་སྙིང་པོ་འགྲོ་བའི་དོན་བཞེད་པ་ཐུགས་རྗེ་ཆེན་པོ་དང་ལྡན་པ་བདག་ལ་གཟིགས་ཤིག །བདག་ཅག་ལ་སོགས་པའི་སེམས་ཅན་ལྟུང་བའི་རྩ་བ་བྱུང་བ། ངན་སོང་དུ་འགྲོ་བ། དགེ་བའི་རྩ་བ་ཐམས་ཅད་སྤྲུགས་པར་བྱེད་པ། འཇིག་པར་བྱེད་པའི་སེམས་ཅན་མ་རིག་པའི་མུན་ནག་དང་། ལྟ་བ་ངན་པས་སྡུག་བསྔལ་བར་གྱུར་པ་རྣམས་ཀྱི་ལྟུང་བའི་རྩ་བ་ཡོངས་སུ་དག་ནས་སྙིང་གི་ཐེ་ཚོམ་དྲལ་བར་མཛད་དུ་གསོལ། བདག་ཅག་ལ་སོགས་པ་སྙིང་གི་སྣོད་ཆག་པར་གྱུར་པ། །ལྟུང་བའི་དངོས་པོར་གྱུར་པ། ཕས་ཕམ་པའི་སེམས་ཅན་དགེ་བའི་ཆོས་ཐམས་ཅད་ཞིག་བར་གྱུར་བ། ངན་སོང་དུ་འགྲོ་བ། མགོན་མེད་པ། རྟེན་མེད་པ། མཁས་པ་ཐམས་ཅད་ཀྱིས་སྤངས་ ― LT34_Page_0170 ―
[མ་དཔེ་གཟིགས་ན་འདིར་གནོན།]
པ་རྣམས་ཀྱི་སྡིག་པའི་དྲི་མ་འཁྲུད་ནས་འགྲོ་བ་ངན་པའི་ལམ་ལས་བཟློག་པར་མཛད་དུ་གསོལ། །རྨི་ལམ་ནའང་རུང་། སད་པའི་ཚེའང་རུང་སྟེ་སྐལ་པ་དང་མཚམས་པའི་སྐུ་གཟུགས་ཀྱི་སྣང་བ་བསྟན་ནས་བདག་ཅག་གི་ལྟུང་བ་འཆགས་སུ་འཇུག་ཅིང་དག་ཚངས་ཀྱི་བཀའ་དྲིན་བསྩལ་དུ་གསོལ། །ཐབས་མཁས་པས་མངོན་སུམ་དུ་ལམ་དྲང་བའི་ཐབས་ཀྱིས་སྟོན་ཏེ། ཐབས་དེས་ལྟ་བ་ངན་པར་བྱེད་པ། སྨོན་ལམ་ངན་པའི་བསམ་པ་དང་། སྐྱབས་ངན་པ་དང་། ངན་པར་འཇུག་པའི་སེམས་ལས་མྱུར་དུ་ཐར་བར་མཛད་དུ་གསོལ། ཅི་ནས་ཀྱང་བདག་གི་ལུས་དང་ངག་དང་ཡིད་ཀྱི་སྦྱོར་བ་དྲང་པོར་འགྱུར་བ་དང་། སྨོན་ལམ་དྲང་པོ་དང་དགེ་བའི་བཤེས་གཉེན་དྲང་པོ་བསྟེན་པར་འགྱུར་བ་དང་། མྱུར་དུ་དྲི་ངན་པ་དང་། ཉོན་མོངས་པ་དང་། སྡིག་པའི་ལྟ་བ་ལས་ཡོངས་སུ་ཐར་བར་མཛད་དུ་གསོལ། །བདག་ཅག་གི་ངན་སོང་དུ་འགྲོ་བའི་ལམ་ཐམས་ཅད་སྨོན་ལམ་གྱི་དབང་དང་། ལེགས་པར་སྤྱད་པའི་ལས་ཀྱིས་མྱུར་དུ་བྱད་བར་མཛད་དུ་གསོལ། །མྱུར་དུ་བདག་ཅག་གི་སེམས་ལ་དབང་ཐོབ་པ་དང་། ཐབས་ལ་མཁས་པ་ཟབ་མོ་དང་། བླ་ན་མེད་པའི་ཐེག་པ་ཆེན་པོ་ལ་སྤྱོད་ཅིང་ཕྱིར་མི་ལྡོག་པ་དང་། ས་དང་། ས་དག་ཏུ་ཡང་ཏིང་ངེ་འཛིན་དང་། གཟུངས་དང་། བཟོད་པ་དང་། ཕ་རོལ་ཏུ་ཕྱིན་པ་དྲུག་ལ་རྡོ་རྗེ་བཞིན་ཏུ་མཐུ་ཆེ་ ― LT34_Page_0171 ―
[མ་དཔེ་གཟིགས་ན་འདིར་གནོན།]
ཞིང་། བརྟུལ་བ་བརྟན་པོས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མཛད་དུ་གསོལ། །ཅེས་གསོལ་བ་དྲག་ཏུ་གདབ། བཟོད་གསོལ། །བརྟན་བཞུགས་སམ་གཤེགས་གསོལ། །བསྔོ་སྨོན་གང་འོས་ཆོས་སྤྱོད་ལྟར་བྱ། །དེ་ལྟ་བུའི་ཚུལ་གྱིས་ཐུན་བཞི་དང་། ཁྱད་པར་ཐོར་ཐུན་ལ་རྩེ་གཅིག་ཏུ་བྱ། ཐུན་མཚམས་གང་རིགས་སུ་བསྙེན་པའི་སྐབས་ལྟར་བསྒོམ་བཟླས་ཁྱུག་ཙམ་རེའང་མ་ཆག་བར་གྲུབ་ན་ལེགས་སོ། །གཉིས་པ་ནི། མདོ་ལས། གལ་ཏེ་དེ་བདག་ལ་མངོན་སུམ་དུ་སྟོན་པར་མི་བྱེད་ན། གང་དེ་ལ་གསོལ་བར་བྱེད་པའི་བྱང་ཆུབ་སེམས་དཔའ་ལས་ཐོག་མ་པ་ཉེས་པ་དང་བཅས་པས་ཐོ་རངས་ཀྱི་ཐུན་ལ་ལངས་ཏེ། ཁ་ཤར་ཕྱོགས་སུ་བསྟན་ཏེ་འདུག་ལ། ལྷའི་བུ་སྐྱ་རེངས་ལ་གསོལ་བ་གདབ་པར་བྱ། ཞེས་དང་། བསླབ་བཏུས་ལས། རྨི་ལམ་འཕགས་པ་ནམ་སྙིང་གི། །མདུན་ཏུ་འདུག་སྟེ་བཤགས་པར་བྱ། །ཞེས་པས་ཐོར་ཐུན་གྱི་གཤམ་དུ། སྔ་ན་སྐྱ་རེངས་དང་པོ་དང་། ཕྱིན་སྐྱ་རེངས་ཐ་མ་ཤར་བའི་ཚེ་ཁང་སྟེང་ལ་སོགས་པ་བླ་གབ་མེད་པའི་སར་ཕྱིན་ལ་སྤོས་བཏུལ། ཕྱག་འཚལ་གསོལ་གདབ་ཀྱི་ཤམ་ཅན་ཕྱོགས་བཅུ་ལ་ལན་བཅུ་བྱ། མཐར་ཁ་ཤར་དུ་ཕྱོགས། པུས་བཙུགས་ཐལ་མོ་སྦྱར་ཏེ། སྐྱ་རེངས་སྐྱ་རེངས་ཐུགས་རྗེ་ཆེན་པོ་ཅན། སྐལ་པ་ཆེན་པོ་ཅན་ཁྱོད་ཛམྦུའི་གླིང་དུ་ཤར་མ་ཐག་ཏུ། བདག་ལ་ཐུགས་རྗེས་དགབ་པར་མཛོད་ཅིག །བྱང་ཆུབ་སེམས་དཔའ་ནམ་མཁའི་སྙིང་པོ་ཐུགས་རྗེ་ཆེན་པོ་ཅན་ལ་བདག་གི་ཚིག་གིས་སྦྲོན་ཏེ། ། ― LT34_Page_0172 ―
[མ་དཔེ་གཟིགས་ན་འདིར་གནོན།]
བདག་གི་རྨི་ལམ་དུ་ཡང་དེ་སྟོན་པར་འགྱུར་ཞིང་། གང་གི་ཐབས་དེས་ལྟུང་བ་བཤགས་པར་འགྱུར་བ་དང་། འཕགས་པའི་ཐེག་པ་ཆེན་པོ་ལ་ཐབས་དང་ཡེ་ཤེས་ཀྱི་མིག་ཆེན་པོ་ཐོབ་པར་མཛོད་ཅིག །ཅེས་བརྗོད་ལ་མལ་དུ་འོངས་ནས་གཟུངས་སྔགས་བརྗོད་བཞིན་གཉིད་དུ་ལོག་པ་སར་བཞག་གཅིག་གམ་གསུམ། འབྲིད་བདུན། ཐ་མ་བསྐྱར་བལྡབས་ལན་གསུམ་གྱིས་སྐལ་བ་དང་འཚམས་པར། སྐུ་དངོས་སམ། བླ་མའམ། ཕ་མ་ལ་སོགས་པའི་གཟུགས་སྟོན་པ་ལ་བཤགས་བ་བྱེད་དུ་བསྩལ་ཞིང་། དག་བྱེད་ཀྱི་ཐབས་སྟོན་པ་དེ་ལ་ཐེ་ཚོམ་མི་བྱ་བར་ལག་ཏུ་ལེན་པར་བྱའོ། །ལྔ་པ་ལ་ལྔ་ལས། དང་པོ་སྐུ་གཟུགས་མཆོད་པ་ནི། ངེས་པར་བྲིས་སྐྱུའམ་ལུག་སྐུ་བྱས་ལ། གཟུངས་སྔགས་མ་གཏོགས་པ་བཤགས་པ་ཆོ་ག་ལྟར་རམ། ཉིན་བཞིན་དད་མོས་རྩེ་གཅིག་པས་ཕྱག་མཆོད་མ་ཆད་པར་ཕུལ་ན། མེ་ཆུ་མཚོན་དུག་སོགས་དུས་མ་ཡིན་པར་འཆི་བའི་འཇིགས་པ་མི་འབྱུང་། ཚེ་ཟད་པ་མ་གཏོགས་ནད་གདོན་གྱི་འཚེ་བ་མི་འབྱུང་། ཇི་སྲིད་འཚོ་བའི་བར་དུ་ལྟུང་བའི་རྩ་བ་མི་འབྱུང་། བཀྲེས་སྐོམ་དང་རྒྱལ་པོའི་ཆད་པ་ལ་སོགས་པའང་མི་འབྱུང་ཞིང་། འཆི་བའི་དུས་ལ་བབ་སྟེ་ནང་དབུགས་གནས་པའི་སྐབས་སུ་རང་གི་མོས་པ་གང་ལ་ཆེ་བའི་གཟུགས་སུ་སྤྲུལ་ནས་ཆོས་སྟོན་ཏེ་སངས་རྒྱས་བཞུགས་པའི་ཞིང་དུ་ལམ་སྣ་འདྲེན་པར་གསུངས་སོ། །གཉིས་པ་ཏིང་ངེ་འཛིན་ཁྱད་པར་ཅན་སྐྱེ་བར་འདོད་པས། །ཆོ་ག་སྔར་ ― LT34_Page_0173 ―
[མ་དཔེ་གཟིགས་ན་འདིར་གནོན།]
ལྟར་ལ། གཟུངས་སྔགས་བཟླ་པ་ལ་བབ་པའི་ཚེ། དགོངས་ཤིག་དགོངས་ཤིག་ནམ་མཁའི་སྙིང་པོ་ཐུགས་རྗེ་ཆེན་པོ་བརྙེས་པ་བདག་ལ་དར་པ་དང་། ཏིང་ངེ་འཛིན་གྱི་རྣལ་འབྱོར་སྩོལ་ཅིག །ལན་གསུམ་མམ་བདུན། ཏདྱ་ཐཱ། ཨུ་མུ་ར་་ཁེ། པཀྵ།།།ནཱི་ལེ། ས་མུ་དྲ་ཨ་བ་ཏ་རེ་ན་ན་ཡ་ན་ཡ། མ་ཧཱ་ཀཱ་རུ་ི་ཀ །ཨ་ནུ་པ་ཛམྦྷ་སྨྲྀ་ཏི། ཨ་གྲ་ཛམྦྷ་སྨྲྀ་ཏི། བཛྲ་ཛམྦྷ་སྨྲྀ་ཏི། ཀོ་ཥ་སྨྲྀ་ཏི། ཨ་ནུ་པ་མ་སྨྲྀ་ཏི། བུདྡྷ་ཀོ་ཊི་སྨྲྀ་ཏི་སྭཱ་ཧཱ། ཞེས་བཟླ། གསུམ་པ་ཆོས་ལ་གཟུངས་ཐོབ་པར་འདོད་ན། གཟུངས་སྔགས་ཁ་བསྒྱུར། དགོངས་ཤིག་དགོངས་ཤིག །མཁས་པ་ཆེན་པོ་སེམས་ཅན་ཐམས་ཅད་ཀྱི་ནང་ན་བསམ་གྱིས་མི་ཁྱབ་པ། རིགས་ཀྱི་བུ་ནམ་མཁའི་སྙིང་པོ་གང་ཟག་གི་མཆོག །དྲན་པ་དང་། །ཏིང་ངེ་འཛིན་གྱི་རྣལ་འབྱོར་བདག་ལ་སྩོལ་ཅིག །གསུམ་མམ་བདུན། །ཏདྱ་ཐཱ། ཨི་ནཱ་ལ་ཛ། བི་ཥ་ན་དུ་ཥ་ཛ། བི་ཡ་བ་ན་ཛ། བི་བཀྵིས་མེ། པཱ་ཤལ་ཛཱ་སི། སྠཱ་ན་ཤ་ར་བེ། ཤཱསྟྲ་ཀརྞྞེ། ཧུ་མ་ཧུ་མ། མ་ཧཱ་ཀཱ་རུ་ི་ཀ་སྭཱ་ཧཱ། བཞི་པ་ནད་དང་དབུལ་ཕོངས་ཆད་པ་འཇིགས་པ་བརྒྱད་ལ་སོགས་པ་ཞི་བ་པ་འདོད་ན། ཆོ་ག་སྔར་ལྟར་ལ། མཚན་བརྒྱ་དང་གཟུངས་ཅི་ནུས་སུ་བཀླག་པའི་མཐར། དགོངས་ཤིག་དགོངས་ཤིག་ཐུགས་རྗེ་ཆེན་པོ་དང་ལྡན་པ། གྲགས་པ་ ― LT34_Page_0174 ―
[མ་དཔེ་གཟིགས་ན་འདིར་གནོན།]
ཆེན་པོ་ནམ་མཁའི་སྙིང་པོ་འགྲོ་བའི་དོན་བཞེད་པ་ཐུགས་རྗེ་ཆེན་པོ་དང་ལྡན་པ་བདག་ལ་གཟིགས་ཤིག །བདག་འདི་ལྟ་བུ་ལས་རབ་ཏུ་ཐར་པ་མཛོད་ཅིག །སྐལ་པ་མཛོད་ཅིག །མཐུ་ཆེན་པོ་བདག་ནི་སྡུག་བསྔལ་གྱིས་ཉམ་ཐག་གོ། །ཤིན་ཏུ་འབུལ་ལོ། །བདག་ནི་ཁྱོད་ལ་གནས་ནས། ཞི་བ་དང་བདེ་བ་འདི་དང་ཚེ་རབས་གཞན་ཏུ་འཐོབ་པར་འགྱུར་བར་མཛོད་ཅིག །ཅེས་ལན་བདུན་ལ་སོགས་པ་བརྗོད་དོ། །ལྔ་པ་ཆོས་ཀྱི་གདན་ས། འཇིག་རྟེན་གྱི་རྒྱལ་སྲིད་དང་། ཕྱུག་པོ་ལ་སོགས་པ་གནས་ཆེན་པོ་འཐོབ་པར་འདོད་པས། ཆོ་ག་དང་མཚན་བརྒྱ་གཟུངས་བཅས་ཀྱི་མཐར། ནམ་མཁའི་སྙིང་པོ་ཐུགས་རྗེ་ཆེན་པོ་དང་ལྡན་པ་བདག་ལ་སྐལ་བ་སྩོལ་ཅིག །བསམ་པ་དང་། །སེམས་པ་ཐམས་ཅད་དང་། བསམ་པ་ཡིད་བཞིན་རབ་ཏུ་རྫོགས་པར་མཛོད་ཅིག །གང་སེམས་ཤིང་གང་གསོལ་བ་ཐུགས་རྗེ་ཆེན་པོ་དང་ལྡན་པ་ཁྱོད་ཀྱིས་མཛོད་ཅིག །ཅེས་གསོལ་པ་ལན་མང་དུ་གདབ་བོ། །དེ་དག་ཀྱང་ཁྲུས་དང་གཙང་སྦྲ་བྱས། དད་མོས་ཀྱི་ཤུགས་ཆེན་པོས་གསོལ་བ་རྩེ་གཅིག་ཏུ་གདབ། མཆོད་པའི་བྱེ་བྲག་ཅི་འབྱོར་པས་མཆོད། དུས་བཞི་དང་ཁྱད་པར་ཐོ་རངས་ཀྱི་ཐུན་ལ་ནན་ཏན་ཏུ་འབད་པ་བསྔགས་སོ། །ཀྭ་ཡེ། ལས་ངན་གྱི་འབྲས་བུས་འཕངས་བའི་སྙིགས་མའི་ལུས་སྡུག་བསྔལ་བརྒྱ་ཡིས་ ― LT34_Page_0175 ―
[མ་དཔེ་གཟིགས་ན་འདིར་གནོན།]
བརྒྱན་པའི་བྱིས་པ་བསོད་ནམས་ཆུང་བ་དག་གིས་ནོར་བུ་བོར་ནས་མཆིང་བུ་ཚོལ་བ་ལྟོས། །དེ་འདྲ་བ་ལ་འདོད་པའི་དོན་ཡིད་ལ་འབབ་པ་དག་གང་གི་ཕྱིར་འཇོ། དབང་ཆེན་པོ་ཐོབ་པའི་རྒྱལ་བའི་སྲས་པོ་དུས་ཐུང་ངུས་ཞལ་ལྟ་བའི་སྒྲུབ་ཐབས་དེ་བཞིན་གཤེགས་པས་གསུངས་པ་འདི་ལ་ཡིད་ཆེས་པའི་སྐལ་པ་དང་ལྡན་པ་ནི་སུ་ཞིག་ཡོད། །ལག་ཏུ་ལེན་ནུས་པའི་བསོད་ནམས་ཆེན་པོ་དང་ལྡན་པའང་ནམ་གྱི་དུས་སུ་འབྱུང་བར་འགྱུར་ཞིག་གུ། འདི་ལྟར་འདྲི་བ་བརྙེད་པའང་སངས་རྒྱས་ཀྱི་མཐུ་སྟེ་བྱང་ཆུབ་སེམས་ཀྱི་ནུས་པས་བསོད་ནམས་ཀྱི་བློ་གྲོས་ཐང་འགའ་འབྱུང་རིགས་པས་སོ། །ཚུལ་འདི་ལ་རྣམ་བཞག་རྒྱས་པ་དག་ཀྱང་སྤྲོ་བར་རིགས་མོད། རྗེ་བླ་མ་ཀུན་མཁྱེན་ཆེན་པོས་ཀྱང་འདུས་ལ་གསལ་བར་གྱིས་ཤིག་པའི་བཀའ་བསྩལ་པ་དང་། རྗེ་བཙུན་ཀུན་དགའ་སྙིང་པོས། སྨྲ་མང་ཡི་གེ་གདམས་པས་དབེན། །རྙེད་པའི་ལྕགས་ཀྱུ་ཡ་མཚན་རྨད། །གཞན་ཏུ་མི་དབང་ཚིག་གཅིག་གིས། །གྲོང་ཁྱེར་ཡུལ་འཁོར་བཅས་མངའ་བདག །ཅེས་གསུངས་པ་བཞིན་དགོས་ཆེད་སོགས་འབུད་ཙམ་ལས་མ་སྨོས་བཟད་དོ། །ཡང་སྨྲས་པ། མཐུ་ཆེན་སྲས་པོ་ཡིད་བཞིན་ནོར། །བསྟེན་ལས་འདོད་པ་ཀུན་འཇོ་ཡང་། །ཉེས་པ་གཙང་བྱེད་ཀེ་ཏ་ཀ །ནམ་མཁའི་སྙིང་པོ་མཚུངས་གཞན་མེད། །དཔའ་ ― LT34_Page_0176 ―
[མ་དཔེ་གཟིགས་ན་འདིར་གནོན།]
རྣམས་ཐུགས་རྗེ་ཉམ་ང་བའི། །ཡུལ་ལ་འཇུག་པ་ཆོས་ཉིད་ཕྱིར། །བདག་འང་ལྟུང་ལྡན་གང་ཟག་གིས། །བསྒྲུབ་བྱའི་སྙིང་པོ་འདི་ཡིན་ནོ། །དེང་སང་ཆོས་ལྟར་བཅོས་པས་གང་། །ཆོས་མིན་སྣ་ཚོགས་འབད་ནས་འཆད། །དམ་ཆོས་རྩྭ་ལྟར་དོར་ནས་སུ། །ལྟར་སྣང་ཆོས་ལ་ཡི་དམ་འཆའ། །སངས་རྒྱས་བྱང་སེམས་ཡལ་བར་འདོར། །གདུག་པའི་འབྱུང་པོ་སྐྱབས་སུ་བསྟེན། །མི་དགེའི་འབྲས་བུ་བདེ་བར་རེ། །རྩ་ལྟུང་སྤྱོད་ཅིང་འདྲེན་པར་རློམས། །ཀྱེ་མ་སྙིགས་མའི་དུས་ངན་འདིར། །མཁས་པའི་ལེགས་བཤད་ཐན་ཏུ་ལྟ། །བླུན་པོའི་རང་བཟོ་སྲོག་ལྟར་བཙའ། །བསྟན་པའི་ཉི་མ་ནུབ་རིར་ཕྱོགས། །དེས་ན་ཉམ་ཆུང་བདག་འདྲའི་ཚིག །སུ་ལ་ཕན་པར་འགྱུར་དཀའ་ཡར། །དམ་ཆོས་ཡིན་ངེས་འདི་དག་ལ། །མོས་འདུན་བཟོད་དུ་མེད་པས་བྲིས། །ཁམས་དང་དབང་པོ་སྣ་ཚོགས་ཤིང་། །གཟུར་གནས་ཆོས་ཀྱི་སྤྱན་ལྡན་ཀྱང་། །འབྱུང་འགྱུར་སྲིད་མཐའ་མ་བཀག་པས། །དྲན་གསོ་ཙམ་དུའང་འགྱུར་རམ་སྙམ། །སངས་རྒྱས་སྲས་བཅས་བྱིན་རླབས་དང་། །བདག་གི་ལྷག་བསམ་རྣམ་དག་མཐུས། །ལྟུང་ལྡན་གང་ཟག་ཇི་སྙེད་པ། །འདི་ལ་བརྟེན་ནས་ལྗང་ནུས་ཤོག །དེ་ལས་ཐར་པའི་ལམ་པོ་ཆེ། །གྲོང་ཁྱེར་ཆེན་པོའི་ལམ་སྲོལ་བཞིན། །ཤིན་ཏུ་འདས་པར་གྱུར་ནས་ཀྱང་། །འབྲེལ་ཚད་དོན་དང་ལྡན་ ― LT34_Page_0177 ―
[མ་དཔེ་གཟིགས་ན་འདིར་གནོན།]
གྱུར་ཅིག །བསྟན་པའི་རྒྱ་མཚོ་མི་འགྲིབ་འཕེལ་ཞིང་བརྟན། །དེ་སྲིད་ཆོས་འདིའི་ཆུ་ཀླུང་ཞིང་ཀུན་ཏུ། །ཆད་མེད་འབབས་པས་སྡིག་ལྟུང་དྲི་ཀུན་བཀྲུས། །ཐུབ་པའི་བསྟན་ལ་སྲི་ཞུའི་མཆོག་གྱུར་ཤོག །ཅེས་པའི་ཚུལ་འདིའང་རང་ཉིད་ཀྱིས་འདི་ལྟར་ཉམས་ལེན་བགྱིས་པའི་སྐབས་སུ་ཕྱིན་ཆད་བསྙེལ་གསོ་དང་། སྐལ་མཉམ་རེ་རེ་ཙམ་ལའང་ཕན་ཏུ་རེ་བས་འབྲི་བར་འདོད་པའི་ཚེ། ཀུན་གཟིགས་ཐུགས་རྗེའི་མངའ་བདག་མཉྫུ་གྷོ་ཥའི་ཞལ་སྔ་ནས་ཅིས་ཀྱང་བགྱི་བར་འོས་སོ་ཞེས་པའི་བཀའ་བསྩལ་གཙུག་ཏུ་མཆོད་དེ། བྱམས་མགོན་ཏཱའི་སི་ཏུའི་བཀའ་འབངས་ཐ་ཤལ་པ་རྨོངས་བརྟུལ་བློ་གྲོས་མཐའ་ཡས་ཀྱིས་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་བསྟན་འགྲོར་ཕན་བདེའི་སྣང་བ་འདྲེན་པའི་ཤིང་རྟ་མཆོག་ཏུ་གྱུར་ཅིག །དགེ་ལེགས་འཕེལ།། ༈ །།བདེ་བར་གཤེགས་པའི་ལམ་ཞུགས་སྲས་རྣམས་ཀྱི། །ལྟུང་བའི་དྲི་མ་འཁྲུད་བྱེད་དཔེ་མེད་པ། །རྒྱལ་སྲས་དཔའ་པོ་ནམ་མཁའི་སྙིང་པོ་ཡི། །ཆོ་ག་སྐལ་ལྡན་ཤིང་རྟའི་ཕྱི་མོ་འདི། །ངེས་དོན་དང་ནི་དོན་བཟང་སྒྲུབ་མཆེད་ཀྱིས། །རྐྱེན་སྦྱར་དཔལ་སྤུངས་ཆོས་གྲྭར་བསྒྲུབས་པའི་དགེའི། །ཁ་ལོས་དྲངས་པའི་ཤིང་རྟ་ལ་ཞུགས་ནས། །འགྲོ་བའི་དེད་དཔོན་དམ་པ་ཉིད་གྱུར་ཅིག ། ནམ་སྙིང་བཤགས་ཆོག་གི་བརྒྱུད་པའི་གསོལ་འདེབས་ཨིནྡྲ་ནཱི་ལའི་ཕྲེང་བ།― LT34_Page_0179 ―
[མ་དཔེ་གཟིགས་ན་འདིར་གནོན།]
ནམ་སྙིང་བཤགས་ཆོག་གི་བརྒྱུད་པའི་གསོལ་འདེབས་ཨིནྡྲ་ནཱི་ལའི་ཕྲེང་བ་བཞུགས་སོ། །ཡེ་ཤེས་རྒྱ་མཚོ་རྣམ་པར་སྣང་མཛད་དཔལ། །རྣམ་གྲོལ་ལམ་གྱི་ས་མཁན་ཉི་མའི་གཉེན། །ས་བཅུའི་དབང་ཕྱུག་ནམ་མཁའི་སྙིང་པོ་ལ། །གསོལ་བ་འདེབས་སོ་ཐུགས་རྗེའི་བྱིན་རླབས་སྩོལ། །རྣལ་འབྱོར་མ་དཔལ་ཤཱ་ཀྱ་རཀྵི་ཏ། །བུདྡྷ་སྭཱ་མཱི་སློབ་དཔོན་ལེགས་སྐྱེས་ཞབས། །སཱ་དྷུཛྙཱ་ན་སཾ་པྲ་ཀཱིརྟི་ལ། །གསོལ་བ་འདེབས་སོ། །བེ་དཱ་བནྡྷུ་དཔའ་བའི་བཤེས་གཉེན་དང་། །པཱུརྞ་བཛྲ་རྗེ་བཙུན་སྒྲོལ་བའི་མགོན། །ཉིད་སྤྲུལ་རྒྱལ་ཚབ་རྒྱ་མཚོ་རྣམ་གཉིས་ལ། །གསོལ་བ་འདེབས་སོ། ཀུན་བཟང་དབང་པོ་ཚེ་དབང་ནོར་བུ་མཆོག །ཕྲིན་ལས་ཤིང་རྟ་ཆོས་ཀྱི་ཉི་མ་དང་། །ཕྲིན་ལས་རྣམ་རྒྱལ་པདྨ་ཉིན་བྱེད་ལ། །གསོལ་བ་འདེབས་སོ། སྨིན་གྲོལ་བདུད་རྩིའི་བཅུད་མཆོག་སྩོལ་མཛད་པ། །བཀའ་དྲིན་མཉམ་མེད་རྩ་བའི་བླ་མ་དང་། །སངས་རྒྱས་བྱང་སེམས་འཕགས་པའི་ཚོགས་བཅས་ལ། །གསོལ་བ་འདེབས་སོ། ཐོག་མེད་ནས་བསགས་ལས་ཉོན་སྡིག་སྒྲིབ་དང་། །ཁྱད་པར་བྱང་ཆུབ་སེམས་དཔའི་སྡེ་སྣོད་ལས། །གསུངས་པའི་བསླབ་བྱར་འགལ་ཉམས་གང་གྱུར་བ། །མུན་ལ་ཉི་བཞིན་ཡུད་ཀྱིས་བྱང་བར་ཤོག །དངོས་སམ་རྨི་ལམ་ཉིད་དུ་འཕགས་པའི་ཞལ། །དངོས་སུ་མཐོང་ནས་ཐུགས་རྗེའི་ ― LT34_Page_0180 ―
[མ་དཔེ་གཟིགས་ན་འདིར་གནོན།]
ཕྱག་བརྐྱང་སྟེ། །སྒྲིབ་པ་ཀུན་བསལ་ལམ་མཆོག་བགྲོད་པའི་ཐབས། །སྟོན་ཅིང་དག་པའི་ས་ལ་དབུགས་དབྱུང་ཤོག །འཐབ་རྩོད་མུ་གེ་མི་ངས་ལ་སོགས་པ། །རྙོགས་ལྡན་ཞིང་གི་རྣམ་འགྱུར་ཀུན་ཞི་ཞིང་། །རིགས་དང་བློ་གྲོས་ཚེ་དང་ལོངས་སྤྱོད་སོགས། །དཔལ་འབྱོར་ཡར་ངོའི་ཟླ་ལྟར་འཕེལ་བར་ཤོག །མཁའ་ཁྱབ་འགྲོ་དྲུག་གནས་སུ་མཚན་གྱི་སྒྲས། །ཁྱབ་ཅིང་ཐུགས་རྗེ་ཅན་ཞལ་མཐོང་བ་ཡི། །སྐལ་པ་བཟང་ལྡན་ཀུན་ཀྱང་རྒྱལ་སྲས་ཆེའི། །རྣམ་ཐར་བསམ་མི་ཁྱབ་ལ་འཇུག་གྱུར་ཅིག །ཅེས་པའང་ལུང་རྟོགས་ཀྱི་བདག་ཉིད་སེར་རྩ་མཆོག་གི་སྤྲུལ་པའི་སྐུས་མདོ་ཆོག་ཉམས་བཞེས་སྐབས་གསུང་བསྐུལ་ངོར་བློ་གྲོས་མཐའ་ཡས་ཀྱིས་དཔལ་སྤུངས་གདན་སར་སྦྱར་བ་དགེ་ལེགས་འཕེལ།། །།མངྒ་ལཾ།། །། ནམ་མཁའ་ལྟར་དྲི་མ་མེད་པའི་གསུང་གི་དབང་ཕྱུག་ཆེན་པོའི་བསྙེན་པའི་ཆོ་ག་བསྡུས་པ་ཟབ་མོའི་ཡེ་ཤེས་ལ་འཇུག་པ།― LT34_Page_0181 ―
[མ་དཔེ་གཟིགས་ན་འདིར་གནོན།]
ནམ་མཁའ་ལྟར་དྲི་མ་མེད་པའི་གསུང་གི་དབང་ཕྱུག་ཆེན་པོའི་བསྙེན་པའི་ཆོ་ག་བསྡུས་པ་ཟབ་མོའི་ཡེ་ཤེས་ལ་འཇུག་པ་ཞེས་བྱ་བ་བཞུགས་སོ། ། ― LT34_Page_0182 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་མཉྫུ་ཤྲཱི་ཡེ། །མཁའ་སྙིང་རིན་ཆེན་འབྱོར་པས་ཉམས་དགའི་ཞིང་། །དོན་སྒྲུབ་བདེ་བ་སྦྱིན་མཛད་ནམ་མཁའ་ལྟར། །དྲི་མེད་གསུང་གི་དབང་ཕྱུག་ཡེ་ཤེས་དང་། །སྨྲ་བའི་འདོད་འཇོར་མཛོད་ཅིག་བདག་གཞན་ལའོ། །གང་དང་ཉེ་བ་ཉིད་སྒྲུབ་པ། །ཀུན་མཁྱེན་གཉིས་པ་བུ་སྟོན་གྱི། །གསུང་རབ་འོ་མའི་རྒྱ་མཚོ་ལས། །སྐལ་བཟང་འཚོ་བའི་བཅུད་འདི་ཕྱུང་། །ནམ་མཁའ་ལྟར་དྲི་མ་མེད་པ་ཤིན་ཏུ་ཡོངས་སུ་དག་པ་ཆོས་ཀྱི་དབྱིངས་ཀྱི་ཡེ་ཤེས་སྙིང་པོའི་དཀྱིལ་འཁོར་ཆེན་པོར་དབང་བསྐུར་བ་དང་རྗེས་སུ་གནང་བ་ཐོབ་པའི་གང་ཟག་གིས་བསྙེན་པའི་ཆོ་ག་བསྡུས་ཏེ་བྱ་བར་འདོད་པས། ཡིད་དང་རྗེས་སུ་མཐུན་པའི་གནས་སུ་སྤོས་ཆུ་བཅས་པའི་བ་ ― LT34_Page_0183 ―
[མ་དཔེ་གཟིགས་ན་འདིར་གནོན།]
བྱུང་གིས་བྱུག་ཅིང་མེ་ཏོག་སིལ་མ་དགྲམ། དྲི་ཞིམ་པོའི་སྤོས་ཀྱིས་བདུག་ལ། བྲིས་སྐུ་ལ་སོགས་བའི་རྟེན་བཀྲམ་པའི་མདུན་ཏུ་མཆོད་པ་ལྔ་སོགས་ཇི་ལྟར་འབྱོར་པ་བཤམས་ཏེ་ཆོ་ག་དངོས་ལ་འཇུག་པ་ལ་གསུམ། སྔོན་འགྲོ། དངོས་གཞི། རྗེས་ཀྱི་བྱ་བའོ། །དང་པོ་ལ་གཉིས། བསོད་ནམས་དང་ཡེ་ཤེས་ཀྱི་ཚོགས་བསགས་བའོ། །དང་པོ་ནི། རྣམ་འཇོམས་ལ་སོགས་པ་གཟུངས་སྔགས་བཟླས་པའི་ཆབ་ཀྱིས་ཕྱི་རོལ་དུ་ཁྲུས་བྱས་ནས་སྟན་བདེ་བ་ལ་འཁོད་དེ། བཅོམ་ལྡན་འདས་གསུང་གི་དབང་ཕྱུག་གི་དཀྱིལ་འཁོར་གྱི་ལྷ་ཚོགས་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱཀ་ཙིཏྟ་བཛྲ་པྲ་་མེ་ན་བཛྲ་བནྡྷ་ནཾ་ཀ་རོ་ ― LT34_Page_0184 ―
[མ་དཔེ་གཟིགས་ན་འདིར་གནོན།]
མི། ཞེས་པས་ཕྱག་བྱ། རྡོ་རྗེ་ཐལ་མོ་ཁ་ཕྱེ་སྟེ་མཐེ་བོང་མཛུབ་མོའི་ལོགས་ལ་བརྟེན་པ་མཆོད་ཡོན་གྱི་ཕྱག་རྒྱ་དང་། ཨོཾ་ཧཱུྃ་ཧྲཱིཿབྷ་ག་ཝཱ་ན་ཛྙཱ་ན་མུ་རྟི་ཝཱ་གཱི་ཤྭ་ར་མ་ཧཱ་ཝ་ཙ་སརྦ་དྷརྨཱ་ག་ག་ན་ཨ་མ་ལ་སུ་པ་རི་ཤུདྡྷ་དྷརྨཱ་དྷཱ་ཏུ་ཛྙཱ་ན་གྷ་ཨཱཿ ཞེས་པས་མཆོད་ཡོན་དབུལ། གཡས་པའི་ཁུ་ཚུར་གྱི་སོར་མོ་ཐམས་ཅད་བསྐུམས་ལ་མཛུབ་མོ་དང་མཐེ་བོང་གཉིས་སྐམ་པ་ལྟར་བྱས་ལ། མེ་ཏོག་བླངས་ཏེ་འབུལ་བའི་ཚེ་ན་སོར་མོ་དེ་རྣམས་མཐའ་མ་ནས་རིམ་གྱིས་འགྲོལ་བར་བྱེད་པའི་ཕྱག་རྒྱ་དང་། ཨོཾ་པྲ་ཝ་ར་སཏ་ཀཱ་ར་པྲ་ཏཱིཙྪ་སྭཱ་ཧཱ། ཞེས་པས་ཞབས་བསིལ་དབུལ། རྡོ་རྗེ་ཁུ་ཚུར་གཉིས་ཀྱིས་གྱེན་ཏུ་མེ་ཏོག་འཐོར་བའི་ཚུལ་དང་། ཨོཾ་སརྦ་ཏ་ཐཱ་ག་ཏ་པུཥྤ་པུ་ཛ་མེ་གྷ་ས་མུ་དྲ་སྥ་ར་་ས་མ་ལེ་ཧཱུྃ་གིས་མེ་ཏོག་དང་། དེ་བཞིན་ཏུ་པཥྤེའི་གནས་སུ་གོ་བ་རྗེས་ལ་གནྡྷེ་དང་། རྡོ་རྗེ་ཐལ་མོ་བརྐྱངས་ནས་དྲི་བྱུག་པའི་ཚུལ་གྱིས་དྲི་དང་། དྷཱུ་པེ་དང་། རྡོ་རྗེ་ཁུ་ཚུར་ཐུར་དུ་ལྷུག་པའི་ཚུལ་གྱིས་བདུག་སྤོས་དང་། ཨ་ཀཱ་རོ་དང་རྡོ་རྗེ་བསྡམས་པ་ལས་རལ་གྲི་འདེབས་བའི་ཚུལ་དུ་བྱེད་པས་ལྷ་བཤོག་དང་། །ཨཱ་ལོ་ཀེ་དང་། རྡོ་རྗེ་ཁུ་ཚུར་གཉིས་ལས་མཐེ་བོང་གཤི་བག་ཏེ་བསྒྲེངས་བའི་ཕྱག་རྒྱས་མར་མེ་སྟེ་ཉེར་སྤྱོད་ལྔས་མཆོད། རྡོར་ཐལ་སྙིང་གར་བཀོད་དེ། ཨོཾ་སརྦ་པཱ་པཱ་ཏ་ཀཱ་ཡི་ཝཱ་ཙི་ཀ་མ་ན་སོད་བྷཱུ་ཏ་ན་རཱ་ག་དེྭ་ཥ་མོ་ཧ་མ་ད་མཱ་ན་དྷིཥྛེ་ཏིཥྛ་ན་ཡད་ཀྲི་ཏཾ་ཏན་ཏྲཻ་ཀཱ་ལི་ཀཱཾ་ཧཱུྃ་ཧཱུྃ་ཧཱུྃ་ཕཊ་ཕཊ་ཕཊ་སརྦ་བཱ་པཾ་སྤོཊ་ཡཱ་མི་སྭཱ་ཧཱ། ཨོཾ་སརྦ་བཱ་པ་ན་པྲ་ཏི་དེ་ཤ་ཡ་མི་སྭཱ་ཧཱ། སྡིག་པ་ཐམས་ཅད་བཤགས་པར་བགྱིའོ། །ཨོཾ་སརྦ་ཏ་ཐཱ་ག་ཏཱ་ནཱཾ་ ― LT34_Page_0185 ―
[མ་དཔེ་གཟིགས་ན་འདིར་གནོན།]
ཨཱདྶབྷཱ་ཝ་ནི་རྻཏ་ཡ་མི། སརྦ་ཏ་ཐཱ་ག་ཏཱཿཔྲ་ཏི་གྷྲྀཧྞནྟུ་མཱཾ་སྭཱ་ཧ། དེ་བཞིན་གཤེགས་པ་ཐམས་ཅད་ལ་བདག་ཉིད་དབུལ་བར་བགྱིའོ། །ཨོཾ་སརྦ་ཏ་ཐཱ་ག་ཏཱ་པུཎྱ་ཛྙཱ་ན་སཾ་བྷ་རཱ་་ཨ་ནུ་མོ་ད་ཡཱ་མི་སྭཱ་ཧཱ། ཚོགས་གཉིས་ཀྱི་དགེ་བ་ཐམས་ཅད་ལ་རྗེས་སུ་ཡི་རང་བར་བགྱིའོ། །ཨོཾ་སརྦ་ཏ་ཐཱ་ག་ཏ་ས་མནྟ་བྷ་དྲ་མ་ཧཱ་བཛྲ་ས་མ་ཡི་མ་ཧཱ་བོ་དྷི་ཙིཏྟ་ཨུཏྤཱ་ད་ཡཱ་མི་སྭཱ་ཧཱ། བྱང་ཆུབ་ཀྱི་སེམས་བསྐྱེད་པར་བགྱིའོ། །ཨོཾ་བཛྲ་མུཿ རྡོ་རྗེ་བསྡུ་བའི་རྒྱ་ལ་ཕྱིར་བསྟན་ནས་སེ་གོལ་ལོ། །ཚོགས་རྟེན་གྱི་དཀྱིལ་འཁོར་རང་བཞིན་གྱི་གནས་སུ་གཤེགས་པར་གྱུར། གཉིས་པ་ནི། ཨོཾ་སརྦ་ཏ་ཐཱ་ག་ཏཤྴ་ན་སིཏ་ཏ་སརྦ་ས་ཏཱྭ་ནཱ་ན། སརྦ་སིདྡྷཱ་ཡ་སཾ་པ་དེ་སརྦ་ཏ་ཐཱ་ག་ཏནྩ་ཨ་དྷི་ཏིཥྛ་ནྟཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅ཧཾ། ཕྱི་ནང་གི་ཆོས་ཐམས་ཅད་གཟད་མ་ནས་མ་སྐྱེས་ཤིང་རང་བཞིན་གྱིས་ཡོངས་སུ་དག་པ་ནམ་མཁའ་དང་མཉམ་པའོ། །གཉིས་པ་དངོས་གཞི་ལ་གཉིས་ལྷ་བསྒོམ་པ་དང་། སྔགས་བཟླ་བའོ། །དང་པོ་ནི། སེམས་ཉིད་ནམ་མཁའི་དབུས་ཀྱི་ངོས་སུ་ཆུད་པ་འོད་ཀྱི་དྲབ་ཆེན་པོ་དང་ལྡན་པའི་པདྨ་དང་ཟླ་བའི་དཀྱིལ་འཁོར་དུ་གྱུར་པའི་སྟེང་དུ། ཤེས་རབ་དང་ཐབས་ཀྱི་བདག་ཉིད་ཅན་གྱི་ཡི་གེ་མུཾ་ཁ་དོག་དམར་སྐྱ་དེ་བཞིན་གཤེགས་པ་དང་དཔག་ཏུ་མེད་པའི་འོད་ཟེར་འཕྲོ་བ་བསམ། དེས་དོན་གཉིས་ ― LT34_Page_0186 ―
[མ་དཔེ་གཟིགས་ན་འདིར་གནོན།]
བྱས་ཚུར་འདུས་ཡོངས་སུ་གྱུར་པ་ལས། རང་ཉིད་རྗེ་བཙུན་འཇམ་དཔལ་ཟླ་བ་ཉ་བ་ལྟ་བུའི་སྐུ་དང་ལྡན་པ། པདྨ་དང་ཟླ་བའི་སྟེང་དུ་རྡོ་རྗེ་སྐྱིལ་མོ་ཀྲུང་གིས་བཞུགས་པ། ཕྱག་གཡས་གཉིས་ན་རལ་གྲི་དང་མདའ་བསྣམས་པ། གཡོན་གཉིས་ན་ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་དང་གཞུ་བསྣམས་པ། སངས་རྒྱས་ལྔའི་ཅོད་པན་ཅན། བྱིས་པའི་རྒྱན་ཐམས་ཅད་ཀྱིས་བརྒྱན་པ། དེ་བཞིན་གཤེགས་པ་དང་། ཁྲོ་བོ་དང་། བྱང་ཆུབ་སེམས་དཔའ་དང་རིག་པའི་ལྷ་མོ་ཐམས་ཅད་དང་སྤྲོ་བ་དང་སྡུད་པའི་བདག་ཉིད་ཅན་ཏུ་གྱུར། རྡོ་རྗེ་བསྡམས་པ་ལས་གུང་མོ་གཉིས་བསྒྲེང་བའི་ཚིགས་གསུམ་པ་བཀུག་ལ་རལ་གྲི་ལྟ་བུར་བཞག །མཛུབ་མོ་གཉིས་བསྒྲེངས་ཏེ་བཀུག་ལ་མཐེ་བོང་གཤིབས་པའི་སྟེང་དུ་བཞག་པ་འཇམ་པའི་དབྱངས་ཀྱི་ཕྱག་རྒྱས་སྙིང་ག་དང་། དཔྲལ་བ་དང་། ལྐོག་མ་དང་། སྤྱི་བོ་རྣམས་སུ་གཏུགས་ལ། ས་མ་ཡ་སཏྭ་ཨ་དྷི་ཏེཥྛ་སྭ་མཱཾ། ཞེས་བརྗོད་པས་རྡོ་རྗེ་དང་། རིན་པོ་ཆེ་དང་། པདྨ་དང་། སྣ་ཚོགས་རྡོ་རྗེ་ལ། རྡོ་རྗེ་སེམས་མ་དང་། རིན་ཆེན་སེམས་མ་དང་། ཆོས་ཀྱི་སེམས་མ་དང་། ལས་ཀྱི་སེམས་མའི་སྐུ་སྦས་བའི་ཕྱག་རྒྱ་བཞིས་རིམ་པ་བཞིན་ཏུ་ཟླ་བའི་སྟེང་དུ་བཀོད་དེ་རྒྱས་བཏབ་བར་བསམས་ལ། ས་མ་ཡ་སཏྭ་ཉཧཾ། ཞེས་དམ་ཚིག་སེམས་དཔའི་ང་རྒྱལ་བྱའོ། །དེ་ནས། མདུན་ཏུ་ཡི་གེ་ཧྲཱིཿལས་པདྨ་དང་ཨ་ལས་ཟླ་བའི་སྟེང་དུ་མུྃ་ལས་རྗེ་བཙུན་འཇམ་དཔལ་ཟླ་བ་ ― LT34_Page_0187 ―
[མ་དཔེ་གཟིགས་ན་འདིར་གནོན།]
ཉ་བ་ལྟ་བུའི་སྐུ་དང་ལྡན་པ་ནས། བདག་ཉིད་ཅན་ཏུ་གསལ། སྒོ་བ་བཞིའི་ལས་རྒྱ་དང་། བཛྲ་ཨངྐུ་ཤ་ཛཿབཛྲ་པཱ་ཤ་ཧཱུྃ། བཛྲ་སྥོ་ཊ་བཾ། བཛྲ་ཨཱ་ཝེ་ཤ་ཡ་ཨཱཿ ཞེས་པས་ཡེ་ཤེས་སེམས་དཔའ་དགུག །གཞུག །བཅིང་། དབང་དུ་བྱའོ། །དེ་ནས་མཆོད་པ་རྣམས། ཨོཾ་བཛྲ་ཡཀྵ་ཧཱུྃ། ཨོཾ་བཛྲ་ཤི་ཥ་རེ་རུཊ་མཊ། ཞེས་རྡོ་རྗེ་གནོད་སྦྱིན་དང་རྩེ་མོའི་སྔགས་བཟླས་པའི་སྤོས་ཆུས་བསངས། ཨོཾ་བཛྲ་ཛྭ་ལ་ཨཱ་ན་ལ་ཧ་ན་ད་ཧ་པ་ཙ་མ་ཐབྟཉྫ་ར་་ཧཱུྃ་ཕཊ། ཞེས་རྡོ་རྗེ་མི་ཡི་ཕྱག་རྒྱས་བསྲེག །སྭ་བྷཱ་བས་སྟོང་པར་སྦྱངས། སྟོང་པའི་ངང་ལས་ཨོཾ་ལས་བྱུང་བའི་མཆོད་པའི་སྣོད་དུ། ཨོཾ་ལས་མཆོད་བའི་ཡོ་བྱད་རྣམས་བཟང་ཞིང་རྒྱ་ཆེ་བ། ཡེ་ཤེས་ཀྱི་སྣང་བ་ལས་གྲུབ་པར་གྱུར། ཨོཾ་ཧཱུྃ་ཧྲཱིཿ སོགས། ཨོཾ་བྲ་ཝ་ར་སོགས། ཨོཾ་བཛྲ་པུཥྤེ་ཧཱུྃ། དེ་བཞིན་ཏུ། གནྡྷེ་དྷཱུ་པེ། ཨ་ཀཱ་རོ་སོགས། ཨཱ་ལོ་ཀེ་ཧཱུྃ་སྦྱར་བའི་སྔགས་དང་སོ་སོའི་ཕྱག་རྒྱས་བྱིན་གྱིས་བརླབ། བསོད་ནམས་ཚོགས་བསགས་ཀྱི་སྐབས་སུ་སྨོས་པའི་སྔགས་རྒྱས་ཕུལ་ནས། རྗེ་བཙུན་གྱི་དམ་རྒྱ་སྟེ་སྔར་བཤད་པའི་འཇམ་དབྱངས་ཀྱི་ཕྱག་རྒྱ་བཅིངས་ལ། ཨོཾ་ཧཱུྃ་ཧྲཱིཿབྷ་ག་ཝཱན་ཛྙཱ་ན་མཱུརྟི་ཝཱ་གཱི་ཤྭར་མ་ཧཱ་ཝཱ་ཙ་སརྦ་དྷརྨཱ་ག་ག་ན་ཨ་མ་ལ་སུ་པ་རི་ཤུདྡྷ་དྷརྨཱ་དྷཱ་ཏུ་ཛྙཱ་ན་གྷ་ཨཱཿདྲྀ་ཤྱ། ཞེས་པས་ཡེ་ཤེས་པ་ལ་བལྟ། མངོན་སུམ་དུ་མཐོང་བ་གསལ་བ་དང་། ཕྱག་རྒྱ་དེ་ཉིད་དང་ཛཿཧཱུྃ་བཾ་ཧོཿ ཞེས་པས་རང་གི་ལུས་ལ་དགུག་གཞུག་བཅིང་ ― LT34_Page_0188 ―
[མ་དཔེ་གཟིགས་ན་འདིར་གནོན།]
དབང་དུ་བྱ། ས་མ་ཡ་སྟཾྭ། ཞེས་བརྗོད་ནས་རྒྱབ་ཏུ་ཟླ་བའི་དཀྱིལ་འཁོར་བསྐྱེད། ས་མ་ཡ་སྟཾྭ་ཨ་ཧཾ། ཞེས་པས་དམ་ཚིག་པ་དང་ཡེ་ཤེས་པ་དབྱེར་མེད་པའི་བདག་ཉིད་དུ་བསྒོམས་ལ། རྗེ་བཙུན་གྱི་སྙིང་པོ་ལན་གསུམ་བཟླས་པས་དམ་ཚིག་པ་དང་ཡེ་ཤེས་པ་གཅིག་ཏུ་གྱུར་པས་རྣམ་པ་ཐམས་ཅད་ཀྱི་མཆོག་དང་ལྡན་པ། མཚན་བཟང་པོ་སུམ་ཅུ་རྩ་གཉིས། དཔེ་བྱད་བཟང་པོ་བརྒྱད་ཅུས་བརྒྱན་པར་གྱུར། དེ་བཞིན་གཤེགས་པ་ལ་སོགས་པའི་འཇིག་རྟེན་དང་འཇིག་རྟེན་ལས་འདས་པའི་དཀྱིལ་འཁོར་གྱི་འཁོར་ལོ་སྤྲུལ་པར་བྱ་བའི་ཕྱིར། སངས་རྒྱས་ཐམས་ཅད་ཀྱིས་བདག་ཉིད་ལ་དབང་སྐུར་བར་གྱུར། རྡོ་རྗེ་བསྡམས་པ་ལས་མཐེ་བོང་གཡས་པས་གཡོན་མནན་པ་སེམས་དཔའི་སྐྱིལ་མོ་ཀྲུང་དུ་བྱས་ལ་མཛུབ་མོ་གཉིས་ལྕགས་ཀྱུའི་རྣམ་པས་རྩེ་མོ་ནང་དུ་བཀུག་ལ་གུང་མོ་གཉིས་མཉམ་པར་བསྒྲེང་བའི་ཚིགས་གསུམ་པ་བཀུག་ནས་དེའི་ཚིགས་དབུས་མའི་སྟེང་དུ་མཛུབ་མོ་གཉིས་ཀྱི་རྩེ་མོ་སྦྱར་བ་དེ་བཞིན་གཤེགས་པ་ཐམས་ཅད་ཀྱི་སྐུའི་མཆོག་གི་ཕྱག་རྒྱ་སྤྱི་གཙུག་ཏུ་བཞག་ལ། ཨོཾ་བྷཱུ་ཁཾ་ཨ་བྷི་ཥིཉྩ་མཱཾ་གྱིས་སྤྱི་གཙུག་ཏུ་རྣམ་སྣང་། དེ་ཉིད་དཔྲལ་བར་བཞག་ལ། བཛྲ་སཏྭ་ཨ་བྷི་ཥིཉྩ་མཱཾ་གྱིས་མི་བསྐྱོད་པ། རྣ་བ་གཡས་པའི་སྟེང་དུ་བཞག་ལ། བཛྲ་རཏྣ་ཨ་བྷི་ཥིཉྩ་མཱཾ་གྱིས་རིན་འབྱུང་། ལྟག་པར་བཞག་ལ། བཛྲ་དྷརྨཱ་ཨ་བྷི་ཥིཉྩ་མཾ་གྱིས་འོད་དཔག་མེད། རྣ་ལྟག་གཡོན་པར་བཞག་ལ། བཛྲ་ཀརྨ་ཨ་བྷི་ཥིཉྩ་མཾ་གྱིས་དོན་གྲུབ་སྟེ་སངས་རྒྱས་ལྔའི་དབུ་རྒྱན་དང་། དེ་ནས་ ― LT34_Page_0189 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཐལ་མོ་བཅིངས་ནས་མཛུབ་མོ་གཉིས་ཀྱིས་ཕན་ཚུན་མདུད་བ་བཅིངས་ལ། མཐེ་བོང་གཉིས་གཤིབས་ཤིང་སྲིན་ལག་གཉིས་ཀྱང་གཤིབས་ཏེ་རྩེ་མོར་བྱས་ནས་ཡོངས་སུ་བསྐོར་བ་བཟློག་སྟེ་གཙུག་ཏོར་གྱི་ཕྱོགས་ནས་བརྩམས་ཏེ་ཕྱོགས་བཞིར་ཕྲེང་བ་འཆིང་བའི་ཚུལ་དུ་བྱས་ལ་དཔྲལ་བའི་སྟེང་དུ་བཟུང་སྟེ། ཧཱུྃ་ཨ་བྷི་ཥིཉྩ་ཞེས་བརྗོད་དེ་རྡོ་རྗེ་ཕྲེང་བའི་དབང་དང་། དེ་ནས་རྡོ་རྗེ་ཐལ་མོའི་ཁ་ཐུར་དུ་བསྟན་ཏེ་མཛུབ་མོ་གཉིས་བཀུག་ནས་མཐེ་བོང་ལ་རྩེ་སྦྱར་བར་བྱས་ནས་དེ་ཉིད་སྙིང་ག་ནས་བཏེག་སྟེ་དཔྲལ་བའི་སྟེང་དུ་བཞག་ལ། བཛྲ་རཏྣ་ཨ་བྷི་ཥིཉྩ་མཱཾ་ཞེས་པས་རིན་པོ་ཆེའི་ཕྲེང་བ་དང་། རྡོ་རྗེ་བསྡམས་པ་ལས་མཐེ་བོང་གཉིས་གཤིབས་ཏེ་བསྒྲེང་། མཛུབ་མོ་གཉིས་ཀྱི་ཚིགས་བར་མ་བཅག་སྟེ་མཐེ་བོང་དང་རྩེ་སྤྲད། སྲིན་ལག་དང་མཐེའུ་ཆུང་མཉམ་སྟེ་བརྐྱངས་ལ་བདན་ལྟར་བྱས་པ་དཔྲལ་བའི་སྟེང་དུ་བཞག་ལ། ཨོཾ་ཨ་ཨ་བྷི་ཥིཉྩ་མཱཾ་ཞེས་པས་སྣ་ཚོགས་རྡོ་རྗེའི་ཕྲེང་བ་དང་། ཨོཾ་པདྨ་མཱ་ལེ་ཨ་བྷི་ཥིཉྩ་ལོ་ཀེ་ཤྭ་ར་ས་ར་ཧྲཱིཿཞེས་པས་པདྨའི་ཕྲེང་བའི་དབང་བསྐུར་བ་བླང་། དེ་ནས་དར་དཀར་པོ་ཞིང་དུ་ཁྲུ་གང་དཀྱུས་སུ་ཁྲུ་ཉི་ཤུ་པས་གནས་དགུར་མདུད་པ་བཅིང་བར་བསྒོམ་ཞིང་། ཨོཾ་ཊུཾ་ཞེས་བརྗོད་དེ་སྙིང་གར་མདུད་པ་བཅིང་བའི་ཚུལ་དང་། དེ་བཞིན་ཏུ་མགྲིན་པ་དང་། ལྟག་པ་དང་། སྙིང་ག་དང་། ནུ་མའི་བར་དང་། ཡང་སྙིང་ག་དང་། མགྲིན་པ་དང་། རྒྱབ་དང་། དགྲལ་བའི་སྟེང་དུ་མདུད་པ་བྱ་བའི་ཚུལ་གྱིས་ཡོངས་སུ་བསྐོར་ལ། རྣ་ལྟག་གཉིས་སུ་དར་དཔྱངས་བཅིང་བའི་ཚུལ་བྱ་སྟེ། རྣ་བ་གཉིས་ཀྱི་སྟེང་དུ་བཅུག་ལ་གྱེན་དུ་སོར་བཞི་ཙམ་ཕྱུང་ནས། ཁྱུང་གཤོག་ལྟར་ ― LT34_Page_0190 ―
[མ་དཔེ་གཟིགས་ན་འདིར་གནོན།]
བྱས་ཏེ་སྒེག་པ་དང་བཅས་པས། གཡས་མཐེ་བོང་དང་། གཡོན་མཛུབ་མོ་ནས་རིམ་པ་བཞིན་བཀྲོལ་ལ། མཐར་མཉམ་པའི་ཐལ་མོའི་རྟིང་པ་བརྡབས་ནས་བཛྲ་ཏུཥྱ་ཧོཿཞེས་པས་མཉེས་པར་བྱ་ཞིང་། ལྷག་མ་ལུས་ཚད་དང་མཉམ་པར་བརྐྱང་བ་དར་དཔྱངས་ཀྱི་དབང་བླང་བར་བྱའོ། །དེ་ནས་རྡོ་རྗེ་ཁུ་ཚུར་གཉིས་བཅིངས་ལ་མཛུབ་མོ་དང་མཐེའུ་ཆུང་གཉིས་ལུ་གུ་རྒྱུད་ལྟར་བཅིངས་པ་བཀན་ཏེ་ཁར་བཞག་པ་རྡོ་རྗེ་འཁོར་ལོའི་ཕྱག་རྒྱ་ཕྱོགས་ཐམས་ཅད་དུ་བསྐོར་ལ། ཨོཾ་བཛྲ་ཙཀྲ་ཧཱུྃ། ཞེས་པ་ལན་བདུན་བཟླས་པས་དཀྱིལ་འཁོར་གྱི་འཁོར་ལོ་མ་ལུས་པ་སྤྲུལ་ཏེ་བརྟེན་དང་བརྟེན་པར་བཅས་པ་མངོན་སུམ་བཞིན་ཏུ་ཡང་དག་པར་བལྟས་ལ། ཆུ་གཉིས་སྔོན་ཏུ་འགྲོ་བའི་ཉེར་སྤྱོད་ལྔ་དང་། སྒེག་སོགས་བརྒྱད་ཀྱིས་མཆོད་པ་བྱ་སྟེ། དེ་ལ་རང་སྒེག་མོར་བསྒོམས་ནས་ཐུགས་ཀར་ཟླ་བ་ལ་སྣ་ཚོགས་རྡོ་རྗེའི་ལྟེ་བ་ལ་ས་བོན་ཧོ་བསམ་སྟེ། དེ་ལ་རང་འདྲའི་སྒེག་མོ་སྤྲོས་ནས་བྱང་ཆུབ་སེམས་ལ་དགའ་བའི་མཆོད་པས་མཆོད་པར་བསམ་ཞིང་། གར་སྔོན་དུ་འགྲོ་བས་སྒེས་མོའི་ལས་རྒྱ་བཅིངས་ལ། ཨོཾ་བཛྲ་སུ་སཾ་གྲ་ཧད། ཅེས་གླུར་བླང་ཞིང་གར་དགུ་གཡོན་པའི་ཆར་བསྡུ་ཞིང་། སྒེག་མོ་རྣམས་ཐུགས་ཀའི་ས་བོན་ལ་བསྡུའོ། །དེ་བཞིན་ཏུ་གདན་རྣམས་ལའང་རིགས་འགྲོས་ཤེས་པར་བྱས་ལ། ཨོཾ་བཛྲ་རཏྣ་མ་ནུཏ་རཾ་ལས་ཕྲེང་བ་མ། ཨོཾ་བཛྲ་དྷརྨ་ག་ཡཱ་ནི་ལས་གླུ་མ། ཨོཾ་བཛྲ་ཀརྨ་ཀ་རོྷ་ཝ་ལས་གར་མ། ཡང་གླུ་དེ་བཞིས་རིམ་པར་བདུག་སྤོས་མེ་ཏོག་མར་མེ་དྲི་ཆབ་སྟེ་ཕྱིའི་ལྷ་མོ་རྣམས་ཀྱིའང་སོ་སོའི་ཕྱག་རྒྱ་དང་བཅས་པས་མཆོད་རྫས་རྣམས་དངོས་སུ་ཡོད་ན་ལག་པས་བླངས་ལ་ ― LT34_Page_0191 ―
[མ་དཔེ་གཟིགས་ན་འདིར་གནོན།]
དབུལ། མེད་ན་བསྒོམས་པའི་ལྷ་མོས་མཆོད་དོ། །གཉིས་པ་སྔགས་བཟླ་བ་ལ་གཉིས། མཚན་ཡང་དག་པར་བརྗོད་པ་ཀླག་པ་དང་། སྙིང་པོ་བཟླ་བའོ། །དང་པོ་ནི། བདག་དང་མདུན་གྱི་དཀྱིལ་འཁོར་གྱི་གཙོ་བོའི་ཐུགས་ཀར་མཚན་བརྗོད་ཀྱི་ཡི་གེ་རྣམས། མུ་ཏིག་གི་ཕྲེང་བ་བཞིན་ཏུ་བཀོད་དེ་བཟླས་པས། དེ་དག་ལས་འོད་ཟེར་འཕྲོས་དོན་གཉིས་བྱས་ཚུར་འདུས་ནས་བདག་ཉིད་ལ་ཐིམ་པར་གྱུར། ཞེས་བསྒོམ་ཞིང་ཐུན་བཞིའི་རིམ་པས་མཚན་བརྗོད་གདོན་ཏེ། ཇི་སྲིད་དཀྱིལ་འཁོར་མངོན་སུམ་དུ་མཐོང་བའམ། མཚན་མ་བྱུང་བའམ། དཀྱིལ་འཁོར་བྲི་བའི་ཕྱིར་རྨི་ལམ་དུ་གནང་བ་ཐོབ་ཀྱི་བར་དུ་བཟླ། དེའང་ཤེས་ན་མཚན་ཡང་དག་པར་བརྗོད་པ་ཉིད་ལེགས་སྦྱར་གྱི་སྐད་དུ་བཀླག་ཅིང་། མི་ཤེས་ན། དེ་ནས་དཔལ་ལྡན་རྡོ་རྗེ་འཆང་། །ཞེས་པ་ནས། རྫོགས་པའི་སངས་རྒྱས་ཀུན་གྱིས་བཤད། །ཅེས་པའི་བར་བོད་སྐད་དུ་དག་པར་བཀླག་གོ། །གཉིས་པ་ནི། རྗེ་བཙུན་གྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ། འཁོར་ལོ་རྩིབས་དྲུག་པའི་ལྟེ་བ་ལ། ཨོཾ་མུ་ཨོཾ། ཤར་གྱི་རྩིབས་ལ་ཨོཾ་བཛྲ་ཏཱིཀྵ་ཱ་ཡ་ན་མཿ དེ་ནས་བསྐོར་ཕྱོགས་ཀྱི་རིམ་པས་རྩིབས་གཉིས་པ་ལ་ཨོཾ་དུཿཁ་ཙྪེ་དཱ་ཡ་ན་མཿ གསུམ་པ་ལ་ཨོཾ་པྲཛྙཱ་ཛྙཱ་ན་མཱུརྟ་ཡེ་ན་མཿ བཞི་པ་ལ་ཨོཾ་ཛྙཱ་ན་ཀཱ་ཡཿན་མཿ ལྔ་པ་ལ་ཨོཾ་ཝཱ་གཱི་ཤྭ་རཱ་ཡ་ན་མཿ དྲུག་པ་ལ་ཨོཾ་ཨ་ར་པ་ཙ་ནཱ་ཡ་ན་མཿ ― LT34_Page_0192 ―
[མ་དཔེ་གཟིགས་ན་འདིར་གནོན།]
དེའི་ཕྱིའི་མུ་ཁྱུད་ལ་དབྱངས་ཡིག་བཅུ་གཉིས། དེའི་ཕྱིའི་མུ་ཁྱུད་ལ་གསལ་བྱེད་སོ་བཞི་ཐམས་ཅད་ཀྱང་ཟླ་བའི་མདོག་ལྟ་བུའི་འོད་ཀྱིས་རང་གི་ལུས་ཐམས་ཅད་སྣང་བར་བྱེད་པ། སྔགས་ཀྱི་ཡི་གེའི་ཚོགས་རྣམས་ལས་འོད་ཟེར་སྣ་ལྔ་བྱུང་ནས་རང་གི་ལུས་སྣང་བར་བྱས་ནས་ཕྱི་རོལ་དུ་འཕྲོས་པས་མཐའ་ཡས་པའི་ནམ་མཁའི་ཁོངས་ན་གནས་པའི་རྒྱུ་བ་དང་མི་རྒྱུ་བའི་དངོས་པོ་མ་ལུས་པ་རྣམས་རབ་ཏུ་སྣང་བར་བྱས་པར་བལྟས་ལ། ཤེས་བྱའི་དཀྱིལ་འཁོར་མ་ལུས་པ་མེ་ལོང་ལྟ་བུར་ཤིན་ཏུ་འོད་གསལ་བར་བསྒོམས་ལ། །སྔགས་དེ་རྣམས་དང་། གཙོ་བོར། ཨོཾ་ཧཱུྃ་ཧྲཱིཿསོགས་འཇམ་དཔལ་གྱི་སྙིང་པོ་བཟླས་ཤིང་རྣམ་པ་ཐམས་ཅད་ཀྱི་མཆོག་དང་ལྡན་པས་སྤྲོ་བ་དང་བསྡུ་བའི་བདག་ཉིད་ཅན། སྐད་ཅིག་མའི་ཡེ་ཤེས་ལས་བྱུང་བའི་རྗེ་བཙུན་འཇམ་དཔལ་དུ་བདག་ཉིད་བསམས་ལ་དངོས་པོ་ཐམས་ཅད་ཀྱི་ངོ་བོར་ཉིད་སེམས་ཙམ་གྱི་སྤྲུལ་པ་ཁོང་དུ་ཆུད་བས་སེམས་ཀྱི་སྤྲུལ་པའི་དཀྱིལ་འཁོར་གྱི་འཁོར་ལོ་ཡང་དག་པར་བལྟས་ལ་ཐུན་བཞིའི་རྣལ་འབྱོར་གྱིས་སྔགས་བཟླའོ། །བཟླས་པའི་གྲངས་ནི་གཙོ་བོར་མཚན་བརྗོད་ལ་འཛིན་པར་བཞེད་ཀྱང་། མི་འགྲུབ་ན་མཚན་བརྗོད་བརྒྱའམ་སྟོང་ནས། ཁྲི་དང་འབུམ་གྱི་བར་གང་འགྲུབ་བློ་ནུས་དང་སྦྱར་ཞིང་། བསྙེན་པའི་ཆད་དངོས་སྙིང་པོ་ལ་བཟུང་སྟེ་འབུམ་ཕྲག་བཞི་བཟླའོ། །གསུམ་པ་རྗེས་ནི། ཐུན་བཞི་སོ་སོའི་མཐར། །ཆུ་གཉིས་སྔོན་ཏུ་འགྲོ་བའི་ཉེར་སྤྱོད་ལྔ་དང་། སྒེག་སོགས་བརྒྱད་གོང་དུ་བསྟན་པ་ཉིད་ཀྱིས་མཆོད། མཆོག་སྦྱིན་རྡོ་རྗེ་མཆོག་ཁྱོད་འདུད། ། ― LT34_Page_0193 ―
[མ་དཔེ་གཟིགས་ན་འདིར་གནོན།]
ཡང་དག་མཐར་གྱུར་ཁྱོད་ལ་འདུད། །སྟོང་ཉིད་ལས་བྱུང་ཁྱོད་ལ་འདུད། །སངས་རྒྱས་བྱང་ཆུབ་ཁྱོད་ལ་འདུད། །སངས་རྒྱས་ཆགས་པ་ཁྱོད་ལ་འདུད། །སངས་རྒྱས་འདོད་ལ་ཕྱག་འཚལ་འདུད། །སངས་རྒྱས་དགྱེས་པ་ཁྱོད་ལ་འདུད། །སངས་རྒྱས་རོལ་ལ་ཕྱག་འཚལ་འདུད། །སངས་རྒྱས་འཛུམ་པ་ཁྱོད་ལ་འདུད། །སངས་རྒྱས་བཞད་ལ་ཕྱག་འཚལ་འདུད། །སངས་རྒྱས་གསུང་ཉིད་ཁྱོད་ལ་འདུད། །སངས་རྒྱས་ཐུགས་ལ་ཕྱག་འཚལ་འདུད། །མེད་པ་ལས་བྱུང་ཁྱོད་ལ་འདུད། །སངས་རྒྱས་འབྱུང་བ་ཁྱོད་ལ་འདུད། །ནམ་མཁའ་ལས་བྱུང་ཁྱོད་ལ་འདུད། །ཡེ་ཤེས་ལས་བྱུང་ཁྱོད་ལ་འདུད། །སྒྱུ་འཕྲུལ་དྲ་བ་ཁྱོད་ལ་འདུད། །སངས་རྒྱས་རོལ་སྟོན་ཁྱོད་ལ་འདུད། །ཐམས་ཅད་ཐམས་ཅད་ཁྱོད་ལ་འདུད། །ཡེ་ཤེས་སྐུ་ཉིད་ཁྱོད་ལ་འདུད། །ཅེས་འདུད་ཉི་ཤུས་བསྟོད། སྔར་གྱི་རྗེ་བཙུན་གྱི་དམ་རྒྱ་དགྲོལ་ཞིང་སྙིང་པོའི་གཤམ་དུ་མུཿཞེས་པ་བཏགས་ནས་བརྗོད་པས་ཕྱག་རྒྱ་ཐམས་ཅད་བཀྲོལ་བར་བསམ་མོ། །དེ་ནས་རྡོ་རྗེ་བསྡམས་པ་ལས་མཐེ་བོང་གཉིས་གཤིབས་པའི་སྟེང་དུ་མཛུབ་མོ་གཉིས་རྩེ་མོ་བཀུག་ནས་རྩེ་སྤྲད་པའི་ཕྱག་རྒྱ་རང་གི་སྙིང་ག་ནས་དཔྲལ་བར་བཞག་ལ། ཨོཾ་བཛྲ་རཏྣ་ཨ་བྷི་ཥིཉྩ་མཱཾ་གྱིས་ཕྱག་རྒྱ་ཐམས་ཅད་ལ་དབང་བསྐུར། ཕྱག་རྒྱ་དེ་ཉིད་གཉིས་སུ་བྱས་ལ། མཛུབ་མོ་གཉིས་ཀྱིས་གོ་ཆ་འཆིངས་བའི་ཚུལ་དུ་བྱ་ཞིང་། ཨོཾ་བཛྲ་མུ་ཏྲཾ་མེ་ཏྲི་ཌྷི་ཀུ་རུ་ ― LT34_Page_0194 ―
[མ་དཔེ་གཟིགས་ན་འདིར་གནོན།]
བ་ར་ཀ་བ་ཙེ་ན་པཾ། ཞེས་བརྗོད་པས་གོ་བགོ། །མཉམ་པའི་ཐལ་མོའི་རྟིང་བ་བརྡབ་ཅིང་། ཨོཾ་བཛྲ་ཏུ་ཥྱ་ཧོཿཞེས་མཉེས་པར་བྱ། ཡིག་བརྒྱ་ལན་བདུན་གྱིས་ལྷག་ཆད་ཁ་བསྐང་སྟེ། བདག་གིས་ཆོ་ག་མ་ཚང་བ་གང་དག་བགྱིས་པ་དེ་དག་བཟོད་པར་མཛད་དུ་གསོལ་ལོ། །ཞེས་ནངས་པ་བཟོད་པར་གསོལ། དགེ་བའི་རྩ་བ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། དགེ་བའི་རྩ་བ་འདི་དག་གིས་བདག་དང་སེམས་ཅན་ཐམས་ཅད་འཇིག་རྟེན་དང་འཇིག་རྟེན་ལས་འདས་པའི་རྒུད་པ་ཐམས་ཅད་དང་བྲལ་བར་གྱུར་ཅིག །འཇིག་རྟེན་དང་འཇིག་རྟེན་ལས་འདས་པའི་ཕུན་སུམ་ཚོགས་པ་ཐམས་ཅད་དང་ཡང་དག་པར་ལྡན་པའི་བདེ་བ་ཉིད་དང་ཡིད་བདེ་བ་ཉིད་ཀྱི་མིའི་མཆོག་སངས་རྒྱས་སུ་ཚེ་འདི་ཉིད་ལ་གྱུར་ཅིག །བདག་གིས་དགེ་བའི་ལས་རྣམས་འདི་དག་གིས། །འཇིག་རྟེན་དུ་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང་། །སེམས་ཅན་སྡུག་བསྔལ་མང་པོས་གཟིར་ལས་སྒྲོལ། །ཞེས་དགེ་རྩ་མངོན་པར་འདོད་པའི་དངོས་གྲུབ་ཀྱི་ཕྱིར་དུ་བསྔོ། །སེམས་མ་རྡོ་རྗེ་མའི་ཕྱག་རྒྱ་གྱེན་ཏུ་བཀྲོལ་ནས། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །སྙིང་པོ་ལ་མུཿབཏགས་ལ་ཡེ་ཤེས་པ། ― LT34_Page_0195 ―
[མ་དཔེ་གཟིགས་ན་འདིར་གནོན།]
གཤེགས། ཨོཾ་བཛྲ་ས་མཱ་ཛཿ ཛཿཧཱུྃ་བཾ་ཧོཿ ཞེས་རྡོ་རྗེ་བསྡུ་བའི་སྔགས་རྒྱས་སྤྲུལ་པ་རང་གི་ལུས་ལ་བསྡུ། གོ་ཆ་གོན་པའི་ཚུལ་དང་། ཨོཾ་བཛྲ་རཀྵ་ཧཾ། མཆེ་བའི་རྒྱ་དང་། ཨོཾ་བཛྲ་ཡཀྵ་ཧཱུྃ་ཁུ་ཚུར་བསྡུས་པ་དང་། ཨོཾ་བཛྲ་སིནྡྷི་བཾ། ཞེས་པ་རྣམས་ཀྱིས་བདག་ཉིད་བསྲུང་སྟེ་ཐུན་མཚམས་སུའང་མདོ་བཀླག་པ་དང་། སཱཙྪ་གདབ་པ་དང་། མཆོད་རྟེན་ལ་བསྐོར་བ་སོགས་དགེ་བའི་བྱ་བ་ལ་འཇུག་པར་བྱའོ། །རྒྱུད་ཐམས་ཅད་ཀྱི་རྩེ་མོར་གྱུར་པ་མཚན་ཡང་དག་པའི་བརྗོད་པའི་སྒྲུབ་ཐབས་ཆེན་པོ་རྣལ་འབྱོར་ལུགས་སུ་བཀྲལ་བའི་བསྙེན་པ་བསྡུས་པ་འདི་ཙམ་ཞིག་ཉམས་སུ་ལོན་པར་གྱུར་ནའང་མི་ལུས་ཐོབ་ཅིང་སྔགས་ཀྱི་སྒོར་ཞུགས་པ་ཉིད་དེས་བར་དོན་ཡོད་པ་བྱས་པ་ཉིད་དོ། །རྒྱུ་རྒྱལ་ཉམས་ལེན་འཇམ་དཔལ་གྲགས་པའི་ལུགས། །བུ་སྟོན་ཆེན་པོའི་གསུང་ལས་ཕྱུངས་གང་འདིས། །འགྲོ་ཚོགས་མ་རིག་རྨོངས་པའི་མཛོད་བརྟོལ་ནས། །ཡེ་ཤེས་རིན་ཆེན་གླིང་དུ་སྤྱོད་བྱེད་ཤོག །ཅེས་པའང་རྒྱལ་བ་ཀུན། ཡེ་ཤེས་ཀྱི་སྐུ་གཅིག་བུ་མཁྱེན་པའི་གཏེར་ཆེན་བརྩེ་བ་ཆེན་པོའི་ཞལ་སྔ་ནས། རྒྱུད་འདིའི་སྨོན་གྲོལ་རྒྱ་ཆེན་པོའི་བཀའ་དྲིན་དང་རྗེས་སུ་འབྲེལ་བར་གསུང་གི་གནང་བ་བསྩལ་བ་དང་། རང་གཞན་ལ་ཕན་པའི་སེམས་ཀྱིས་འདུ་གསུམ་པ་ཀརྨ་ངག་དབང་ཡོན་ཏན་རྒྱ་མཚོས་གདན་ས་ཆེན་པོ་དཔལ་སྤུངས་ཀྱི་བླ་བྲང་གཉིས་པ་དབེན་ར་ཟླ་མཛེས་སུ་སྤེལ་བ་དགེ་ལེགས་འཕེལ།། །།སརྦ་མངྒ་ལཾ།། །། ཐར་པ་ཆེན་པོ་ཕྱོགས་སུ་རྒྱས་པའི་མདོའི་ཆོ་ག་མན་ངག་ལྟར་བཀོད་པ་ཉེས་པའི་གདུང་སེལ།― LT34_Page_0197 ―
[མ་དཔེ་གཟིགས་ན་འདིར་གནོན།]
ཐར་པ་ཆེན་པོ་ཕྱོགས་སུ་རྒྱས་པའི་མདོའི་ཆོ་ག་མན་ངག་ལྟར་བཀོད་པ་ཉེས་པའི་གདུང་སེལ་ཅེས་བྱ་བ་བཞུགས་སོ།། །། ― LT34_Page_0198 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་ཤཱ་ཀྱ་མུན་ཡེ། །སྲིད་པའི་གནས་སུ་བརྩེ་བའི་ཐུགས་རྗེ་ཆེས། །འགྲོ་ཀུན་ཞི་བསིལ་བདུད་རྩིས་ཚིམས་མཛད་དང་། །སྐྱེ་དགུ་སྐྱོབ་པའི་གཉེན་གཅིག་ཤཱཀྱའི་རྒྱལ། །སངས་རྒྱས་ཀུན་ལས་རྨད་བྱུང་དེར་བཏུད་ནས། །ཉེས་པས་ཉམས་གྱུར་སྐྱེ་བོ་ལ། །ཆེད་དུ་བཀའ་སྩལ་འགྱོད་ཚང་གི། །ཆོ་གའི་རྒྱལ་པོ་ལག་ལེན་ཚུལ། །མན་ངག་རྗེས་སུ་འབྲང་སྟེངས་གི། གང་ཞིག་མི་ལུས་ཐོབ་ཅིང་སངས་རྒྱས་ཀྱི་བསྟན་པ་རིན་པོ་ཆེ་དང་མཇལ་བ་ནི་དབུལ་པོས་ཡིད་བཞིན་གྱི་ནོར་བུ་རིན་པོ་ཆེ་རྙེད་པ་དང་མཚུངས་ཤིང་། དེ་ལས་ཀྱང་བསྟན་པ་དམ་པའི་ཆོས་ལ་ལག་ལེན་ཏུ་སྐྱེ་དང་ནི་དོན་ཆེ་ལ་ངོ་མཚར་གྱི་ཕུལ་དུ་གྱུར་བ་ཡིན་ཏེ། སྐབས་འདིར་འཕྲལ་དུ་བྱས་ཞིང་ཞུག་ཏུ་སངས་རྒྱས་བདེ་བླག་ཏུ་འགྲུབ་པའི་དོན་ཆེན་པོ་དང་ ― LT34_Page_0199 ―
[མ་དཔེ་གཟིགས་ན་འདིར་གནོན།]
ལྡན་པ་ཐར་པ་ཆེན་པོ་ཕྱོགས་སུ་རྒྱས་པའི་མདོ་སྡེ་བཀླགས་ཤིང་ཚེ་རབས་ཀྱི་ནོངས་པ་འགྱོད་ཚངས་སུ་བྱ་བའི་ཆོ་གའི་ཚུལ་བཤད་པ་ལ་གསུམ། མདོའི་དངོས་བསྟན་སྤྱིར་བཤད་པ་མན་ངག་གི་ཆོག་བྱེ་བྲག་ཏུ་དབྱེ་བ། ལག་ཏུ་བླང་བའི་ཁྲིགས་ཞིབ་ཏུ་སྨོས་པའོ། །དང་པོ་ནི། རྟེན་གྱི་གང་ཟག་ཁྱིམ་པའམ་རབ་ཏུ་བྱུང་བ་གང་ཡང་རུང་བས། ཁྲུས་དང་གཙང་སྦྲའི་ཀུན་སྤྱོད་ཤིན་ཏུ་དག་ཅིང་དུས་ཁྲིམས་དང་གཏན་ཁྲིམས་ལ་གནས་པས། །གནས་ཁང་རྒྱན་ཐམས་ཅད་ཀྱིས་བརྒྱན་ཅིང་དྲི་བཟང་གིས་བྱུགས་པའི་སྟེགས་ལ་སྐུ་གསུང་ཐུགས་ཀྱི་རྟེན་དང་མཆོད་པའི་ཡོ་བྱད་ཇི་ལྟར་འབྱོར་བ་བཤམ། སྐྱབས་སེམས་ས་གཞི་བྱིན་རླབས་སྤྱན་འདྲེན་བཞུགས་གསོལ་རྣམས་མདོ་ཆོག་སྤྱི་ལྟར་སྔོན་ཏུ་འགྲོ་བས། མདོ་སྡེ་ཉིད་ཀྱི་ ― LT34_Page_0200 ―
[མ་དཔེ་གཟིགས་ན་འདིར་གནོན།]
དབུ་ནས་བརྩམ་མཐར་ཆགས་སུ་བཀླག་སྟེ་ཕྱག་དངོས་སུ་འཚལ། གཟུངས་བརྒྱ་རྩ་བཟླ་ཞིང་བསྐོར་བ་ལན་བདུན་བྱ། བཤགས་པ་མན་ཆད་ཀྱང་དཀྱུས་ལྟར་ཚང་བར་བཀླག་པ་ཉིན་མཚན་ལན་དྲུག་ཏུ་ཡིད་གཞན་ཏུ་མི་གཡེང་བས་བྱ་ཞིང་། དེ་ལྟ་བུའི་ཚུལ་གྱིས་ཞག་བདུན་གྲུབ་ནས་མཐར་བཟང་སྤྱོད་ལྟ་བུའི་ཡན་ལག་བདུན་པ་ཚང་བ་བསྔོ་སྨོན་དང་བཅས་པ་རྒྱས་པར་བྱས་ལ། སྤྱན་དྲངས་པའི་ལྷ་གཤེགས་གསོལ་དང་ཤིས་པ་བརྗོད་པས་འགྲུབ་བོ། །གཉིས་པ་སྔ་འགྱུར་ཀུན་འདུས་རིག་པའི་མདོའི་དགོངས་དོན་རྒྱུད་ཀྱི་ཆུ་བོའི་ཡན་ལག་གི་དཀྱིལ་འཁོར་དང་པོར་བཤད་པ་ཉིད་ཁུངས་སུ་བྱས་ཏེ་མདོ་འདིའི་ཆོ་ག་ཉམས་སུ་བསྟར་བར་འདོད་པས། རྟེན་གྱི་གང་ཟག་ཁྲིམས་དང་གཙང་སྦྲ། གནས་ཁང་རྒྱན་བཀོད་སོགས་གོང་དང་མཚུངས་ཤིང་། སྟེགས་གཙང་མ་བ་བྱུང་དང་དྲི་བཟང་པོས་ཆག་ཆག་བཏབ་པ་ལ། དཀྱིལ་འཁོར་རི་རབ་ཕྱོགས་མདོག་གི་སྟེང་དུ་པདྨ་འདབ་བཞི་ལྟེ་བ་དཀར། འདབ་བཞི་ཕྱོགས་མདོག །རི་རབ་ཀྱི་མཐར་གསེར་རི་བདུན་དང་རོལ་མཚོ་བདུན་སྤེལ་མས་བསྐོར་བ། དེ་རྒྱབ་ཤར་གླིང་གསུམ་ཟླ་གམ་དཀར་པོ། ལྷོ་གླིང་གསུམ་སོག་ཁ་སྔོན་པོ། ནུབ་གླིང་གསུམ་ཟླུམ་པོ་དམར་པོ། བྱང་གླིང་གསུམ་གྲུ་བཞི་སེར་པོ། ཕྱི་ལྕགས་རི་སྔོན་པོས་བསྐོར་བའི་ཕྱི་རོལ་དུ་ཁྱམས་ཟླུམ་པོ་ལ་གཏོད་པའི་སྒོ་བཞི་རྩིགས་པ་ལྗང་གུས་བསྐོར་ ― LT34_Page_0201 ―
[མ་དཔེ་གཟིགས་ན་འདིར་གནོན།]
ཞིང་རྟ་བབས་སྤངས་བ། སྒོའི་ནང་ཁྱམས་སྔོན་པོ་མགོ་མེད་རིས་དང་། ཕྱིའི་ཁོར་ཡུག་དཀར་པོ། རྩིགས་པའི་ཕྱི་ནས་འདོད་སྣམ་ཕན་ཆད་སྤྱི་དང་འདྲ་བ། མདའ་ཡབ་ཀྱི་ཕྱི་རོལ་རིན་པོ་ཆེའི་ས་གཞིའི་འཁོར་ཡུག་ལ་ལྗོན་ཤིང་དང་ཁྲུས་རྫིང་ལ་སོགས་པས་བརྒྱན་པའི་མཐར་རྡོ་རྭ་དང་འོད་ཟེར་གིས་བསྐོར་བ་རྡུལ་ཚོན་ནམ་རས་བྲིས་གང་བདེ་བཀྲམ། པདྨ་འདབ་བཞིའི་དབུས་དང་འདབ་མ་བཞིར་སངས་རྒྱས་ལྔའི་སྐུ་རྟེན། མ་འཛོམ་ན་དབུས་སུ་ཐུབ་སྐུ། གསུང་རྟེན་གསུང་རབ་ཀྱི་གླེགས་བམ། ཐུགས་རྟེན་སཱཙྪ་དཀར་པོ་མི་གྲངས་སམ་སོ་སོའི་ལོ་གྲངས་ཀྱིས་དཀྱིལ་འཁོར་གྱི་མཐའ་བསྐོར་བའི་ཕྱི་རོལ་དུ་མཆོད་ཡོན་ཞབས་བསིལ་གྱི་སྣོད་དང་། མེ་ཏོག་ལ་སོགས་པ་འབྱོར་ན་བརྒྱ་རྩ་བརྒྱད་རེ་སོགས་ཇི་ཙམ་འཛོམ་པ་གཙང་ཞིང་དག་པས་བསྐོར། མདུན་དུ་གཙང་ཞིང་བསོད་པའི་བཟའ་བཅས་བརྒྱན་པའི་འདས་གཏོར་དང་ཆ་གསུམ་ཀྱང་བཤམ། རང་གི་མདུན་ཏུ་རྡོར་དྲིལ་སྤོས་སྣོད་འཐོར་ནས་སོགས་ཡོ་བྱད་ཐམས་ཅད་ཚོགས་པར་བྱའོ། དེ་ནས་ཆོ་ག་དངོས་ལ། ཐོག་མར་གཟུངས་སྔགས་བཟླས་པའི་ཆུས་ཁྲུས་བྱ། ཁྱིམ་པ་ཡིན་ན་དོན་ཞགས་ལས་འབྱུང་བའི་ཐེག་ཆེན་གསོ་སྦྱོང་བླང་། རབ་བྱུང་ཡིན་ཀྱང་དེ་ནི་ལེགས་པའི་ཡན་ལག་ཏུ་འགྱུར་རོ། །དེ་ནས་ཕྱོགས་བཅུའི་འཕགས་པ་ཐམས་ཅད་མངོན་སུམ་པ་ལྟ་བུར་དམིགས་ཏེ། སེམས་ ― LT34_Page_0202 ―
[མ་དཔེ་གཟིགས་ན་འདིར་གནོན།]
ཅན་རྣམས་ལ་བརྩེ་བ་ཅན། །སོགས་མདོ་རྒྱན་ལས་འབྱུང་བའམ། ཚིགས་བཅད་གཅིག་བཞི་ལྟ་བུའི་བདེ་གཤེགས་སྤྱི་ཕྲུག་ཞིག་སྔོན་ཞུ་བཏང་སྟེ་ཕྱག་བྱས་ནས་སྟན་ལ་འདུག །བདག་དང་། གང་ཟག་དང་། སེམས་ཅན་ཏུ་ལྟ་བ་ལ་སོགས་པས་གདོད་ནས་སྟོང་པའི་ཆོས་ཐམས་ཅད་སྤྲོས་པ་ལ་ནམ་མཁའ་ལྟ་བུའི་དོན་ལ་མཉམ་པར་བཞག་སྟེ། གང་གིས་རྟེན་ཅིང་འབྲེལ་པར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། །གང་ཞིག་རྐྱེན་ལས་སྐྱེས་པ་དེ་མ་སྐྱེས། །དེ་ལ་སྐྱེ་བའི་རང་བཞིན་ཡོད་མ་ཡིན། །རྐྱེན་ལ་རག་ལས་གང་དེ་སྟོང་པ་སྟེ། །གང་གིས་སྟོང་ཉིད་ཤེས་དེ་བག་ཡོད་ཡིན། །ཅེས་བརྗོད། སྐྱབས་སེམས་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ། ཚད་མེད་བཞི་བསྒོམ་པ་ནི། སེམས་ཅན་ཐམས་ ― LT34_Page_0203 ―
[མ་དཔེ་གཟིགས་ན་འདིར་གནོན།]
ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཚད་མེད་པ་ལ་གནས་པར་གྱུར་ཅིག །ཅེས་ལན་གསུམ། དེ་ནས་དཀྱིལ་འཁོར་བསྐྱེད་པ་ནི། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་འཕགས་པ་ཉན་ཐོས་དང་རང་སངས་རྒྱས་ཐམས་ཅད་ཀྱི་བྱིན་གྱིས་རླབས་དང་། ལྷ་དང་མི་བདེན་ཚིག་གྲུབ་པ་རྣམས་ཀྱི་བདེན་པ་དང་། བདག་ཅག་ལ་སོགས་པ་མི་དང་ལྷ་རྣམས་ཀྱི་སྨོན་ལམ་དང་། མོས་པ་དང་། བསོད་ནམས་ཀྱི་སྟོབས་ཀྱིས། དེང་འདིར་དེ་བཞིན་གཤེགས་པ་སྲས་དང་བཅས་པ་རྣམས་དང་། ལྷ་ཆེན་པོ་བཞི་དང་། རྒྱལ་པོ་ཆེན་པོ་བཞི་ལ་སོགས་ཏེ་གཙང་རིགས་ཀྱི་མགོན་པོ་ཐུགས་དམ་ཅན་ཐམས་ཅད་ལ་མཆོད་པའི་ཚོགས་སྦྱར་བའི་ཕོ་བྲང་བཀོད་པ་མཐའ་ཡས་པའི་ཡོན་ཏན་དང་ལྡན་པར་གྱུར་ཏེ། ས་གཞི་རིན་པོ་ཆེ་སྣ་ཚོགས་ཀྱི་རང་བཞིན་ལག་མཐིལ་ལྟར་མཉམ་པ། རེག་ན་འཇམ་ཞིང་ཡངས་པ་ཐ་གྲུ་ཆེ་བའི་ ― LT34_Page_0204 ―
[མ་དཔེ་གཟིགས་ན་འདིར་གནོན།]
གཞི་ལ། རིན་པོ་ཆེ་སྣ་ཚོགས་ཀྱི་ཕ་གུས་ཟླུམ་པོར་བརྩིགས་པ། ཕྱོགས་བཞིར་སྒོ་བཞི་དོད་པ། རྩིག་པའི་སྟེང་དུ་ཕ་གུ་དྲྭ་བ་དྲྭ་ཕྱེད་ཤར་བུ་མདའ་ཡབ་དང་། རྩ་བར་འདོད་པའི་སྣམ་བུ་དམར་པོས་བསྐོར་བ། དེའི་ནང་དུ་བཻ་ཌཱུརྻའི་རང་བཞིན་གྱི་ཁམས་ཀྱིས་ཡོངས་སུ་བསྐོར་བའི་དབུས་སུ། རིན་པོ་ཆེ་སྣ་བཞིའི་རང་བཞིན་ལས་གྲུབ་པའི་ལྷུན་པོ། རྩ་བར་གསེར་གྱི་རི་བདུན་དང་། རོལ་པའི་མཚོ་བདུན། ཕྱོགས་བཞི་ན་རྒྱ་མཚོ་ཆེན་པོ་བཞི་དང་། གླིང་བཞི་གླིང་ཕྲན་བརྒྱད། ཁོར་ཡུག་དང་བཅས་པས་ཡོངས་སུ་བསྐོར་བའི་དབུས་ན། རིན་པོ་ཆེ་པདྨའི་རྒྱལ་པོ་འདབ་མ་བཞི་པ་ཡངས་ཤིང་རྒྱ་ཆེ་བ་ཤིན་ཏུ་མཛེས་པར་གྱུར་བ་ལ། འཕགས་པའི་ཚོགས་འཁོར་དང་བཅས་པ་རྣམས་གདན་འཛོམ་པ་ཆེན་པོ་མཛད་པའི་སྟན་སོ་སོའི་སྨོན་ལམ་དང་བསོད་ནམས་ཁྱད་པར་ཅན་གྱི་མངའ་ཐང་དང་འཚམས་པར་གྲུབ་པ་མཛེས་པ་ཤ་སྟག་འབྱུང་བར་གྱུར་ཅིག །ཅེས་ལན་གསུམ་བརྗོད། མཆོད་པ་བྱིན་གྱིས་རློབ་པ་ནི། ཕྱི་ནང་ཀུན་ཏུ་ཆ་རིགས་དང་འཚམས་པར་ལྷ་དང་མིའི་ཡོ་བྱད་དམ་པ། ཁ་དོག་དང་། དྲི་དང་། རོ་དང་། རེག་པ་དང་ལྡན་པ་ཡིད་དུ་འོང་བ། གྱ་ནོམ་པའི་ ― LT34_Page_0205 ―
[མ་དཔེ་གཟིགས་ན་འདིར་གནོན།]
ཞལ་ཟས་དང་། ན་བཟའ་དང་། རྒྱན་དང་། རོལ་མོ་ལ་སོགས་པ་ཕུལ་དུ་ཕྱིན་པ་སྣ་ཚོགས་པ་མཆོད་པའི་སྤྲིན་རྒྱ་མཚོ་ཐམས་ཅད་ཀྱིས་རྒྱས་པར་བཀང་ཞིང་རྒྱན་ཀླུབས་པ་དང་ལྡན་པར་གྱུར་ཅིག །འཕགས་པའི་ཚོགས་འཁོར་དང་བཅས་པ་ཐམས་ཅད་གདན་འཛོམ་ནས། དེ་བཞིན་དུ་བྱིན་གྱིས་རླབས་ཤིང་བཞེས་ཏེ་ལོངས་སྤྱོད་པར་གྱུར་ཅིག །ཅེས་ལན་གསུམ་དང་། མཆོད་སྤྲིན་གྱི་གཟུངས། ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་ཝ་ཏེ་བཛྲ་སཱ་ར་པྲ་མརྡྷ་ནེ། ཏ་ཐཱ་ག་ཏཱ་ཡ། ཨརྷ་ཏེ་སཾ་མྱཀྶཾ་བུདྡྷཱ་ཡ་ཏདྱ་ཐཱ། ཨོཾ་བཛྲེ་བཛྲེ། མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲམ་་བཛྲེ་སརྦ་ཀརྨ་ཨཱ་ཝར་་བི་ཤོ་དྷ་ན་བཛྲེ་སྭཱ་ཧཱ། ཞེས་པའང་བརྗོད། དེ་ནས་སྤྱན་དྲངས་པ་ནི། སྟན་ལས་ལངས་ཏེ། ལག་གཡས་སྤོས་སྣོད་ཐོགས་ཤིང་གཡོན་དྲིལ་དུ་བསིལ་བ་དང་བཅས་འདུན་པ་རྩེ་གཅིག་པས། བཅོམ་ལྡན་འདས་རྣམ་པར་སྣང་མཛད་ལ་སོགས་པ་ཕྱོགས་བཅུ་ན་དུས་གསུམ་དུ་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། དེ་དག་གིས་ལེགས་པར་ ― LT34_Page_0206 ―
[མ་དཔེ་གཟིགས་ན་འདིར་གནོན།]
གསུངས་པ། ལེགས་པར་བསྒྲུབས་པ། ལེགས་པར་ཐུགས་སུ་ཆུད་པ་དམ་པའི་ཆོས་ཐམས་ཅད་དང་། ཐུགས་ཀྱི་སྲས་སུ་གྱུར་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། གསུང་གི་སྲས་ཉན་རང་འཕགས་པའི་ཚོགས་དང་བཅས་པ་ཐམས་ཅད་དགོངས་སུ་གསོལ། ཐུགས་རྗེ་ཆེན་པོ་དང་། བྱིན་གྱིས་བརླབས་པ་བསམ་གྱིས་མི་ཁྱབ་པ་མངའ་ཞིང་། འགྲོ་བའི་དོན་དུ་སྨོན་ལམ་ཁྱད་པར་ཅན་མཛད་པ་ལས་གླེངས་ཏེ། བདག་སོགས་སེམས་ཅན་ཐམས་ཅད་ཀྱི་ཉེས་ལྟུང་གི་དྲི་མ་སྦྱང་ཞིང་བསོད་ནམས་སྤེལ་བའི་སླད་དུ། དེང་སྤྱན་འདྲེན་ཞིང་མཆི་ན། མཆོད་པའི་ཚོགས་སྦྱར་བའི་ཕོ་བྲང་གྱི་དཀྱིལ་འཁོར་འདིར་གཤེགས་ཤིང་གདན་འཛོམ་པ་ཆེན་པོ་མཛད་དེ། བྱིན་གྱིས་རློབ་པར་ཅི་གནང་། ན་མོ་ཕྱོགས་བཅུའི་འཇིག་རྟེན་རབ་འབྱམས་ན། །རྒྱལ་བ་ཇི་སྙེད་བཞུགས་པ་ཀུན། །སྐུ་གསུམ་མཆོག་ལ་མངའ་བརྙེས་ཤིང་། །གསུང་མཆོག་ཆོས་ཀྱིས་ཉོན་མོངས་སྐྱོབས། །ཉན་ཐོས་རང་རྒྱལ་བྱང་སེམས་ཏེ། །འདས་དང་མ་བྱོན་ད་ལྟར་བཞུགས། །ངག་རྣམས་ཀུན་ལས་བཅུ་གཉིས་འཕགས། ། ― LT34_Page_0207 ―
[མ་དཔེ་གཟིགས་ན་འདིར་གནོན།]
གཞན་གྱི་དོན་ཕྱིར་ལམ་ལ་ཞུགས། །ཉོན་མོངས་སྐྱོབ་པའི་ཚོགས་རྣམས་ཀུན། །བདག་སོགས་སེམས་ཅན་མོས་ཕྱིར་དང་། །ཡོན་མཆོད་ཀུན་ལ་བརྩེ་བའི་ཕྱིར། །དད་པའི་ཤུགས་ཀྱིས་སྤྱན་འདྲེན་ན། །ཐུགས་རྗེའི་སྟོབས་ཀྱིས་གཤེགས་སུ་གསོལ། །ཨོཾ་སརྦ་ཏ་ཐཱ་ག་ཏ་ཨེ་ཧྱེ་ཧི་བྷ་ག་ཝཱ་ན་མ་ཧཱ་ཀཱ་རུ་ི་ཀཱ་བཛྲ་དྷཱ་ཏུ་ས་རི་ཛཿཛཿ ཛཿཧཱུྃ་བཾ་ཧོཿ ས་མ་ཡ་སྟཾྭ། ཞེས་པས་རྒྱལ་བ་སྲས་དང་བཅས་པ་སྤྱན་དྲངས། དེ་ནས་ལྷ་ཆེན་པོ་འཁོར་བཅས་སྤྱན་དྲང་བ་ནི། ལྷའི་འཇིག་རྟེན་མཐོ་རིས་ན་འཕགས་པ་གང་ཡང་དག་པའི་ཤེས་རབ་ཀྱིས་ཆོས་ཐམས་ཅད་ཀྱི་དེ་ཁོ་ན་ཉིད་རྟོགས་ཤིང་གཟིགས་པ་དང་ལྡན་པས་ཉོན་མོངས་པའི་སྒྲིབ་པ་བསལ་བ་དང་། བསམ་གཏན་དང་། རྣམ་ཐར་དང་། སྙོམས་འཇུག་དང་། གཟུངས་དང་། ཏིང་ངེ་འཛིན་ལ་དབང་དུ་གྱུར་པ། ཐབས་མཁས་པའི་སྤྱོད་པ་དང་ལྡན་པས་ལྷའི་རྒྱལ་པོའི་ཆ་ལུགས་ཀྱིས་ལྷ་མང་པོ་དག་ལ་དགེ་བའི་བཤེས་གཉེན་མཛད་ཅིང་བཞུགས་པ། ལྷ་མང་པོ་གཞན་དག་ཀྱང་དེ་བཞིན་དུ་བདེན་པ་རྟོགས་པ། ཐམས་ཅད་ཀྱང་སྔོན་སྟོན་པ་བཅོམ་ལྡན་འདས་ཀྱི་སྤྱན་སྔར་སོ་སོ་ནས་ ― LT34_Page_0208 ―
[མ་དཔེ་གཟིགས་ན་འདིར་གནོན།]
ལྷའི་ངག་རྟག་པས་ཞལ་གྱིས་བཞེས་པའི་ཐུགས་དམ་ལས་མ་གཡེལ་བར། དེང་རྒྱལ་བ་སྲས་བཅས་སྤྱན་དྲང་པའི་གནས་འདིར་གཤེགས་སུ་གསོལ། ཧཱུྃ། ཚངས་དང་ལྷ་དབང་སྲེད་མེད་བུ། །དབང་ཕྱུག་རྒྱལ་ཆེན་སྡེ་བཞི་པོ། །ལྷ་དང་ཀླུ་དང་ལྷ་མ་ཡིན། །མིའམ་ཅི་ཡི་དབང་པོ་དང་། །ཕྱོགས་སྐྱོང་བཅུ་སོགས་འཁོར་དང་བཅས། །མི་ཕྱེད་རབ་དད་ལྡན་པ་ཀུན། །དེ་རིང་སྙན་གསན་དུས་ཀྱི་ཕྱིར། །མཆོད་གཏོར་བཟང་པོ་བཞེས་པ་དང་། །བསྟན་པ་རྒྱས་སླད་གཤེགས་སུ་གསོལ། །ཨོཾ་བྲཧྨ། ཨིནྡྲ། བིཥྞུ། ཨཱི་ཤྭར། དྷྲྀཥྚ་རཱཥྚ། བཻ་རཱུ་ཌྷ་ཀ །བི་རཱུ་པཱ་ཀྵ། བཻ་ཤྲ་བ་་ས་པཱ་རི་ཝཱ་ར་ཛཿ ཛཿཧཱུྃ་བཾ་ཧོཿ ས་མ་ཡ་ཧོཿས་མ་ཡ་སྟྭཾཾ། ཞེས་སྤྱན་དྲངས་བས། དཀོན་མཆོག་གསུམ་དང་། ལྷའི་རྒྱལ་པོ་རྣམས་སོ་སོའི་ཞིང་ཁམས་ནས། རང་རང་གི་འཁོར་དང་བཅས་པ་རྫུ་འཕྲུལ་གྱི་མཐུས་བྱོན་ནས་རང་རང་གི་གནས་སུ་བཞུགས་པ་ནི། དཀྱིལ་འཁོར་གྱི་དབུས་ཀྱི་གདན་གྱི་སྟེང་དུ་བཅོམ་ལྡན་འདས་ཀུན་རིག་རྣམ་པར་སྣང་མཛད་སྐུ་མདོག་དཀར་པོ། ཞལ་བཞི་པ། བྱང་ཆུབ་མཆོག་གི་ཕྱག་རྒྱ་མཛད་པ། དར་དང་ ― LT34_Page_0209 ―
[མ་དཔེ་གཟིགས་ན་འདིར་གནོན།]
རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། རྡོ་རྗེའི་སྐྱིལ་ཀྲུང་གིས་བཞུགས་པ། འདབ་མ་བཞིའི་ཤར་དུ་ཞིང་སྦྱོང་བའི་ལྷ་རྡོ་རྗེ་མི་འཁྲུགས་པ་སྔོན་པོ། གཡས་ས་གནོན་དང་གཡོན་མཉམ་བཞག་སྟེང་ན་རྡོ་རྗེ། ལྷོར་སྟོང་གི་ལྷ་སྟོན་པ་ཤཱཀྱ་ཐུབ་པ་སེར་པོ་གཡས་ས་གནོན་དང་གཡོན་མཉམ་བཞག་སྟེང་ན་ལྷུང་བཟེད། ནུབ་ཏུ་ཉའི་ལྷ་འོད་དཔག་མེད་དམར་པོ་ཕྱག་གཉིས་མཉམ་བཞག་གི་སྟེང་ན་ཚེ་བུམ། བྱང་དུ་ཚེས་བརྒྱད་ཀྱི་ལྷ་སྨན་གྱི་བླ་བཻ་ཌཱུརྻ་འོད་ཀྱི་རྒྱལ་པོ་མཐིང་ག །གཡས་མཆོག་སྦྱིན་ཨ་རུ་དང་གཡོན་མཉམ་བཞག་བདུད་རྩིའི་ལྷུང་བཟེད་ཀྱིས་མཚན་པ། དེ་བཞི་ཀ་མཆོག་གི་སྤྲུལ་སྐུ་ཚངས་པར་སྤྱོད་པའི་ཆ་ལུགས་ཅན་རྡོ་རྗེའི་སྐྱིལ་ཀྲུང་གིས་བཞུགས་པ། དེ་རྣམས་ཀྱི་མཐའ་བསྐོར་དུ་ཕྱོགས་བཅུ་དུས་གསུམ་གྱི་སངས་རྒྱས་དཀོན་མཆོག་ཐམས་ཅད་དང་། ཆོས་དཀོན་མཆོག་གི་ངོ་བོ་ཡུམ་ཆེན་མོ། དགེ་འདུན་དཀོན་མཆོག་ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་དང་། འཕགས་པ་ཉན་རང་གི་ཚོགས་མ་ལུས་པ་ཐམས་ཅད་སྤྲིན་གཏིབས་པ་ལྟར་བཞུགས་པ། ཤར་གླིང་དབུས་མར་བརྒྱ་བྱིན་དཀར་པོ་དབང་མོ་དང་ ― LT34_Page_0210 ―
[མ་དཔེ་གཟིགས་ན་འདིར་གནོན།]
བཅས་པ། ལྷོ་གླིང་དབུས་མར་ཚངས་པ་སེར་པོ་ཚངས་མ་དང་བཅས་པ། ནུབ་གླིང་དབུས་མར་ཁྱབ་འཇུག་སྔོ་ནག་དཔལ་མོ་དཔལ་ཅེས་པ། བྱང་གླིང་དབུས་མར་དབང་ཕྱུག་དམར་པོ་ཨུ་མ་དང་བཅས་པ། གཡས་གླིང་བཞི་རུ་སོ་སོའི་མངགས་གཞུག་པ་བཞི་དང་། གཡོན་གླིང་བཞི་རུ་ཕོ་ཉ་བ་བཞི། དེ་ཐམས་ཅད་ཀྱང་ལྷའི་ཆ་བྱད་ཅན་དར་དང་རིན་པོ་ཆེས་བརྒྱན་པའོ། །སྒོ་བཞིའི་ཤར་དུ་ཡུལ་འཁོར་སྲུང་དཀར་པོ་པི་ཝཾ། ལྷོར་འཕགས་སྐྱེས་པོ་སྔོན་པོ་རལ་གྲི། ནུབ་ཏུ་མིག་མི་བཟང་དམར་པོ་སྦྲུལ་ཞགས་དང་མཆོད་རྟེན། བྱང་དུ་རྣམ་ཐོས་སྲས་སེར་པོ་རྒྱལ་མཚན་དང་ནེའུ་ལེ་འཛིན་པ། སྒོའི་ནང་གི་ཁྱམས་དང་ཕྱིའི་འཁོར་ཡུག་ལ་འཁོར་དུ་གཏོགས་པའི་ཁམས་གསུམ་གྱི་ལྷ་དང་མི་མཐའ་ཡས་པ། །ཐམས་ཅད་ཀྱང་རང་རང་གི་རྒྱན་དང་ཆ་ལུགས་རྣམ་འཕྲུལ་སྣ་ཚོགས་པའི་རོལ་པས་བཞུགས་པར་བསམ་ལ། བཞུགས་སུ་གསོལ་བ་ནི། མྱ་ངན་མི་འདའ་ཐུགས་རྗེའི་དང་། །ཉོན་མོངས་མི་སྤོང་གོས་པ་མེད། །མ་ཆགས་རང་བཞིན་དག་པས་ན། །པདྨའི་སྟན་ལ་བཞུགས་སུ་གསོལ། །པདྨ་ཀ་མ་ལཱ་ཡ་སྟཾ། དེ་ནས་མདོ་བཀླག་པ་དང་སྦྲེལ་ཏེ་བསགས་སྦྱོང་བྱ་བའི་རིམ་པ་ལ། ― LT34_Page_0211 ―
[མ་དཔེ་གཟིགས་ན་འདིར་གནོན།]
ཐོག་མར་གནས་ལྔ་ས་ལ་འདུད་པའི་ཕྱག་དང་བཅས། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དང་། སྟོན་པ་བཅོམ་ལྡན་འདས་ཤཱཀྱ་ཐུབ་པ་ལ་སོགས་པ་ཕྱོགས་བཅུ་དུས་གསུམ་དུ་གཤེགས་ཤིང་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་བསྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས། དཀོན་མཆོག་བླ་ན་མེད་པ་ཐམས་ཅད་ལ་གུས་པས་ཕྱག་འཚལ་ལོ། །དེ་བཞིན་གཤེགས་པ་དེ་དག་གིས་ལེགས་པར་གསུངས་པ། ལེགས་པར་བསྒྲུབས་པ། ལེག་པས་ཐུགས་སུ་ཆུད་པ། དམ་པའི་ཆོས་དཀོན་མཆོག་བླ་ན་མེད་པ་ཐམས་ཅད་ལ་གུས་པས་ཕྱག་འཚལ་ལོ། །སངས་རྒྱས་བཅོམ་ལྡན་འདས་དེ་དག་གི་ཐུགས་ཀྱི་སྲས་ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་ཆེན་པོ་ཐམས་ཅད་དང་། སྟོན་པ་བདེ་བར་གཤེགས་པ་དེ་དག་གི་གསུང་གི་སྲས་འཕགས་པ་རང་རྒྱལ་དང་། ། ― LT34_Page_0212 ―
[མ་དཔེ་གཟིགས་ན་འདིར་གནོན།]
འཕགས་པ་ཉན་ཐོས་ཀྱི་དགེ་འདུན་ཏེ། ཚོགས་ཀྱི་མཆོག་བླ་ན་མེད་པ་ཐམས་ཅད་ལ་གུས་པས་ཕྱག་འཚལ་ལོ། །ཚངས་པ་དང་བརྒྱ་བྱིན་ལ་སོགས་ཏེ་འཕགས་པ་དམ་པའི་ཆོས་སྐྱོང་བ་འཇིག་རྟེན་དང་འཇིག་རྟེན་ལས་འདས་པའི་ཚུལ་དུ་བཞུགས་པ་ཐམས་ཅད་ལ་གུས་པས་ཕྱག་འཚལ་ལོ། །ཞེས་པ་ཙམ་སྔོན་དུ་བཏང་ནས། ཐར་པ་ཆེན་པོ་ཕྱོགས་སུ་རྒྱས་པའི་མདོའི་དབུ་ནས་བརྩམས་ཏེ། འདུས་བྱས་ཀྱི་ཆོས་ཐམས་ཅད་མི་རྟག་པར་མཐོང་ངོ། །ཞེས་པའི་བར་བཀླག །ཕྱག་གི་སྐབས་ཕྱག་དངོས་སུ་ལྕོགས་ན་མཆོག་ཏུ་འགྱུར་ཞིང་མི་ནུས་ན་ཐལ་མོ་སྦྱར་ལ་རྩེ་གཅིག་གུས་པས་ཡིད་ཀྱིས་ཕྱག་བྱ། གལ་ཏེ་རྟོག་པ་ཆེན་པོ་ཡོངས་སུ་རྒྱས་པའི་མདོ་ལྟར་ན་ངག་ནས་བརྩམས། བྱང་ཆུབ་ཀྱི་སྙིང་པོར་མངོན་པར་རྫོགས་པར་འཚང་རྒྱའོ། །ཞེས་པའི་བར་བརྗོད། དེ་ནས་མཆོད་ཅིང་བསྟོད་པ་ནི། སྤྱོད་འཇུག་ལས་འབྱུང་བའི། རིན་ཆེན་སེམས་དེ་སོགས། སླན་ཆད་མི་བགྱིད་དོ། །ཁྲུས་ཀྱི་ཁང་པ་སོགས། དེ་བཞིན་གཤེགས་དང་དེ་ཡི་སྲས་སོགས་ཤློ་ཀ་རེ་རེ། དེ་དག་སྐུ་ལ་སོགས། དེ་ནས་དེ་ལ་སོགས། བརྒྱན་པར་བགྱི། སྟོང་གསུམ་ཀུན་ཏུ་དྲི་ངད་སོགས་ནས། ངེས་པར་ཀུན་ཏུ་འབྱུང་གྱུར་ཅིག །བར་བརྗོད། དེ་ནས་ ― LT34_Page_0213 ―
[མ་དཔེ་གཟིགས་ན་འདིར་གནོན།]
གཟུངས་སྔགས་བཟླ་ཞིང་བསྐོར་བ་བྱ་བ་ནི། ཐར་མདོ་ལྟར་ན། དེ་ནས་ཚོགས་ཀྱི་ནད་ནས་སོགས་བརྗོད་ཅིང་གཟུངས་སྔགས་ལན་བརྒྱ་རྩ་བརྒྱད་བཀླས་པའི་མཇུག་ཏུ་དཀོན་མཆོག་གསུམ་པོ་རེ་རེ་ལ་བསྐོར་བ་བདུན་རེ་སྟེ་ཉེར་གཅིག་བྱ། དེའི་ཚེ་རྒྱལ་བ་སྲས་དང་བཅས་པའི་སྐུ་ལས་འོད་ཟེར་དཔག་ཏུ་མེད་པ་བྱུང་། བདག་སོགས་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་ཉེས་ལྟུང་ཐམས་ཅད་བ་མོ་ལ་ཉི་མས་རེག་པ་ལྟར་སར་གིས་དག་པར་མོས་ལ། སྔགས་འདི་དུས་གཅིག་ལ་སོགས་ནས་མཇུག་ཡོངས་སུ་རྫོགས་ཀྱི་བར་མཐར་ཆགས་སུ་བཀླག །རྟོག་པ་ཆེན་པོ་ལའང་། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སོགས་བརྗོད་ཅིང་གཟུངས་བཟླ་བ་དང་བསྐོར་བ་སོགས་སྔ་མ་ལྟར་བྱའོ། །སླར་ཡང་མདོའི་དབུ་ནས་བརྩམས་ཏེ་ཕྱག་འཚལ། མཆོད་པ། གཟུངས་སྔགས། བསྐོར་བ། བཤགས་པ་མཇུག་གྲུབ་ཀྱི་བར་ལན་གཉིས་སུ་བསྐྱར་ཞིང་ཡོངས་བསྡམས་ལན་གསུམ་གྲུབ་པའི་མཐར། ཇི་སྙེད་སུ་དག་སོགས་ཡན་ལག་བདུན་པ་སྔོན་ཏུ་འགྲོ་བའི་བཟང་པོ་སྤྱོད་པའི་སྨོན་ལམ་ཚང་བར་གདབ། འདས་གཏོར། ཨོཾ་ཨཱཿབིགྷྣཱནྟ་ཀྲྀ་ཏ་ཧཱུྃ་ཕཊ་ཀྱིས་བསང་། སྭ་བྷཱ་བས་སྦྱང་། སྟོང་པའི་ངང་ལས་བྷྲཱུྃ་ལས་གཏོར་གཞོང་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་བཅུད་ཨོཾ་ཡིག་ ― LT34_Page_0214 ―
[མ་དཔེ་གཟིགས་ན་འདིར་གནོན།]
ཞུ་བ་ལས་བྱུང་བའི་གཏོར་རྫས་འདོད་ཡོན་གྱི་རྣམ་པ་མཆོད་པའི་སྤྲིན་ཕུང་མཐའ་ཡས་པ་སྤྲོ་བར་གྱུར། ཨོཾ་ཨཱཿཧཱུྃ། གསུམ་གྱིས་བྱིན་བརླབ། ན་མཿསརྦ་སོགས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་ཕུལ་ལ། མི་མཉམ་མཉམ་པའི་ལྟ་ཁྱོད་རྟག་ཏུ་བདག་ལ་ནི། །ཐུགས་རྗེའི་སྤྱན་གྱིས་གཟིགས་ཤིང་རྒྱུན་དུ་འགྲོ་བའི་དཔལ། །བྱང་ཆུབ་མཆོག་གི་སྤྱོད་པ་བསྒྲུབ་བར་དམ་བཅས་པའི། །བདག་གི་རེ་བའི་འབྲས་བུ་འདི་ཡང་མཆིས་པར་མཛོད། །གཏི་མུག་མུན་པ་འདྲ་བས་ལྡོངས་གྱུར་ན། །བྱམས་མགོན་ཅི་སླད་བདག་ལ་ཐུགས་མི་བརྩེ། །ཁྱོད་ཀྱི་མཁྱེན་རབ་བསྐལ་པའི་མེ་འདྲ་བས། །སེམས་ཀྱི་མུན་སེལ་སྒྲོན་མེ་བདག་ལ་སྩོལ། །མགོན་པོ་ཐུགས་རྗེ་ཆེ་དང་ལྡན་གྱུར་པས། སེམས་ཅན་དོན་ལ་བསྐུལ་བ་མི་འཚལ་ཡང་། །སྡུག་བསྔལ་རང་བཞིན་དབང་དུ་བདག་གྱུར་བས། །སྐྱོབ་པའི་སྤྱན་སྔར་གདུང་བས་གསོལ་བ་འདེབས། །གང་ཞིག་པ་དང་མས་ནི་སྐྱོབ་པ་ལ། །ཤིན་ཏུ་སྐྱོ་ངལ་མེད་པ་དེ་བཞིན་དུ། །འགྲོ་བའི་དོན་བརྩོན་མཛད་པ་ཁྱེད་ལགས་ཀྱིས། །ཚེ་རབས་ཀུན་ཏུ་བདག་གི་སྐྱབས་མཛོད་ཅིག། མཆོད་ ― LT34_Page_0215 ―
[མ་དཔེ་གཟིགས་ན་འདིར་གནོན།]
སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་སོགས་ཀྱིས་འདོད་དོན་གསོལ། དེ་ནས་ཆ་གསུམ་སྤྱི་ལྟར་བཏང་། ཉིན་གྲངས་མང་པོ་ལྟ་བུར་ཆ་གསུམ་མི་ལྕོགས་ན་འདས་གཏོར་སྔར་ལྟར་ལ། གཏོར་མ་གཅིག་གོང་བཞིན་བྱིན་རླབས། ཨོཾ་སརྦ་ལོ་ཀ་པཱ་ལ་བྷཱུ་ཏ་བི།།།ན་ན་མཿསརྦ་སོགས་ནས། གྲྀཧྞེ་དཾ་བ་ལྱཱ་དི་སྭཱ་ཧཱ། ཞེས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་བསྔོས། འཇིག་རྟེན་སྐྱོང་བ་གྲགས་ལྡན་པ། །གཙང་རིས་དཔལ་མགོན་བདུན་ཅུ་ལྔ། །འཁོར་དུ་གཏོགས་པའི་སྡེ་བརྒྱད་སོགས། །མི་དང་མི་མིན་འབྱུང་པོའི་ཚོགས། །བདག་གི་རྣམ་ལྔའི་མཆོད་པ་དང་། །མཆོད་སྦྱིན་གཏོར་མ་བླང་བར་མཛོད། །དེ་དག་རྣམས་ཀྱི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །མི་ཤིས་པ་ཀུན་འཇོམས་གྱུར་ཅིག །འཇིག་རྟེན་བདེ་ཞིང་ལོ་ལེགས་དང་། ཞེས་སོགས་ཀྱིས་གཙང་སར་དབུལ་ལོ། །དེ་ནས་མཆོད་པ་ཁ་གསོས་ལ་རྗེས་ཆོག་ནི། མཆོད་པ་དྲི་མེད་ཡོངས་དག་པ། །རྣམ་མང་རྒྱ་ཆེ་ཐམས་ཅད་དང་། །སོ་སོའི་མངའ་ཐང་རྒྱ་ཆེན་དུ། །འོས་པ་བདེ་བར་སྦྱར་ཏེ་འབུལ། །ཞེས་པས་མཆོད་ནས། མ་འབྱོར་པ་དང་སོགས་ཀྱིས་ནོངས་ ― LT34_Page_0216 ―
[མ་དཔེ་གཟིགས་ན་འདིར་གནོན།]
པ་བཤགས། རས་བྲིས་དང་རྟེན་ལ་བརྟན་བཞུགས་སྤྱི་ལྟར་བྱས་ཀྱང་ཆོག །རྡུལ་ཚོན་ལ། ཨོཾ་ཁྱེད་ཀྱིས་སེམས་ཅན་སོགས་ཀྱིས་གཤེགས། ཕྱོགས་བཅུའི་སངས་རྒྱས་སྲས་དང་བཅས་པ་བདག་གིས་མཆོད་པས། སེམས་ཅན་མ་ལུས་པ་ཐམས་ཅད་ས་བཅུ་ལ་གནས་པར་བགྱིས་ཏེ། ཀུན་གྱིས་དེ་བཞིན་གཤེགས་པའི་ཡང་དག་པ་ཉིད་ཐུགས་སུ་ཆུད་པ་དང་ལྡན་པ་བགྱིད་པར་གྱུར་ཅིག །ཅེས་དགེ་བ་བསྔོ། དེ་ནས་བཀྲ་ཤིས་བརྗོད་པ་ནི། མེ་ཏོག་འཐོར་ལ། ཕུན་སུམ་ཚོགས་པ་སོགས་ཞལ་ནས་གསུངས་པའི་ཚིགས་སུ་བཅད་པ་གང་ཡང་རུང་བ་ཞིག་བརྗོད་དོ། །སླར་མཆོད་པ་གསོ་ཞིང་གཙང་སྦྲ་དང་བཅས་པས་མཚན་མོའི་ཐུན་དང་པོ་ལ། བདེ་གཤེགས་སྤྱི་ཕྱག་ནས་བརྩམས་ཏེ་ཤིས་བརྗོད་ཀྱི་བར་ཆོ་གས་ཁོག་དབུབ་པའི་མདོ་ལན་གསུམ་དུ་བཀླག་པར་བྱའོ། །གསུམ་པ་ཆོ་གའི་ཚུལ་དེ་གཉིས་གང་གི་ཚེ་ནའང་། དུས་རྒྱལ་བའི་དུས་ཆེན་བཞི་པོ་ལྟ་བུར་གྲིགས་ན་འགྱུར་ཆེ་བས་ལེགས། གནས་ཁང་དབེན་ལ་གཙང་མ་བྱི་དོར་བྱས་ཤིང་གདུགས་དང་རྒྱལ་མཚན་བ་དན་སོགས་ཅི་འབྱོར་པས་བརྒྱན་ཅིང་དཀོན་མཆོག་གསུམ་གྱི་རྟེན་དང་མཆོད་པ་གོང་སྨོས་ལྟར་བཀྲམ་པའི་དཀྱིལ་འཁོར་ཁང་པའི་དབུས་སུ་བསྐོར་བ་འགྲོ་བདེ་བར་བཀོད། ཙནྡན་ཨ་ག་རུ་སོགས་གཙོ་བོར་གྱུར་པའི་དྲི་བཟང་པོའི་བདུག་སྤོས་མང་དུ་བསྡོགས་ལ་ཆོ་གའི་སྐབས་སུ་བདུག་ ― LT34_Page_0217 ―
[མ་དཔེ་གཟིགས་ན་འདིར་གནོན།]
ཐོག་མར་ཡན་ལག་ལྔ་ཁྲུས་ཤིན་ཏུ་དག་པར་བྱས་ལ། བཟའ་བཏུང་དང་གཤང་གཅིའི་རྗེས་སུའང་ལྕོགས་ན་ཁྲུས་དང་། མི་ལྕོགས་ན་ཆབ་ལེན་པའམ་ཁྲུས་ཆུས་འཐོར། གོས་གསར་པ་གཙང་མ་བགོ། འདོན་རྒྱུའི་གླེགས་བམ་ཡང་སྟེགས་ཁེབ་བཟང་པོས་བཀབ་པའི་ཁྲིའུ་ལ་བཀོད་དེ། གུས་པ་དང་བཅས་པས་བཀླག་པ་ལས། ཞར་བྱུང་དུ་སྒྲེན་མོར་འཇོག་པ་དང་། ལགས་ཟས་སོགས་མི་གཙང་བས་འབགས་པས་རེག་པ་ནམ་ཡང་མི་བྱ། མི་གཅིག་གམ་ཉི་ཤུ་མན་ཆད་ལྷན་ཅིག་ཏུ་འཚོགས་རུང་ཞིང་། ཐམས་ཅད་ཀྱང་དད་གུས་ལྷག་པའི་བསམ་པ་རྣམ་པར་དག་པས་སེམས་གཞན་ཏུ་མི་གཡེང་བར་སྤྱོད་ལམ་མཐུན་ཅིང་འདུམ་པར་བྱ་བ་ལས། མི་མཐུན་པ་དང་རྩོད་ཅིང་ཁོང་ཁྲོ་བར་བྱེད་ན་འགྱོད་ཚངས་སུ་མི་འགྱུར་བར་གསུངས་པས་རྟག་ཅུ་བག་ཡོད་པར་གནས་པ་དང་། ཁ་ཟས་ཀྱང་ཤ་ཆང་སྒོག་བཙོང་སྤང་བའི་དཀར་གསུམ་གྱི་གཟའ་བཏུང་གུང་ཚིགས་སོགས་ཚུལ་དང་མཐུན་པར་སྤྱོད། །གཙོ་བོར་ཉིན་ཞག་བདུན་ཏུ་གཉིད་སྤངས་སེམས་ཐག་པ་ནས་སངས་རྒྱས་དང་ཆོས་དང་དགེ་འདུན་དང་ཚུལ་ཁྲིམས་གཏོད་བ་དོན་དམ་པའི་ལྷ་རྗེས་སུ་དྲན་ཅིང་སྡིག་པ་དང་ཉོན་མོངས་པ་ཡིད་ལ་མི་བྱེད་པར། དད་པ་དང་དགའ་བ་ཆེན་པོས་མི་ནོར་མི་གཡེང་མི་འཁྲུགས་པར་ཉིན་རབས་ཉིན་རེ་འགྲུས་པའི་སྙིང་རུས་བསྐྱེད་དེ་མདོ་བཀླག་པ་དང་། ཕྱག་མཆོད་གཟུངས་སྔགས་བསྐོར་བ་ ― LT34_Page_0218 ―
[མ་དཔེ་གཟིགས་ན་འདིར་གནོན།]
མཐོལ་བཤགས་རྣམས་རྒྱུན་མི་འཆད་པར་གཟའ་ཅིང་བྱས་ལ། ཞག་དྲུག་ལོན་ནས་བདུན་པ་ལ་བབ་པའི་ནངས་མོར་སླར་ཡང་དཀྱིལ་འཁོར་ལ་དྲི་བཟང་གི་ཆུས་ཆགས་ཆགས་བསྐྱར་ནས་བཏབ། འབྱོར་ན་མཆོད་པ་གསར་དུ་བརྗེ། ལུས་ཀྱང་སྤོས་ཆུས་བཀྲུས་ཤིང་བདུག་སྤོས་རྒྱུན་མ་ཆད་པར་བཏུལ་ཏེ་ཆོ་ག་ལ་འཇུག །དེ་ལྟར་གཉིད་སོགས་ཀྱིས་བར་དུ་མཆོད་པར་ཞག་བདུན་ལེགས་པར་གྲུབ་པ་ན། ཚེ་རབས་ཀྱི་སྡིག་ལྟུང་ཐམས་ཅད་བྱང་བའི་ལྟས་རྨི་ལམ་རྣམ་པ་ལྔ་གཞུང་གསལ་གང་ཡང་རུང་བ་ཞིག་དོན་མི་ཟ་བར་འབྱུང་བར་འགྱུར་ཏེ། དེ་ལྟར་ཞག་བདུན་ཙམ་ཞིག་ངལ་བ་བྱས་པས་སྔོན་བསགས་ཀྱི་སྡིག་སྒྲིབ་མ་ལུས་པ་བྱང་ཞིང་ངན་སོང་གསུམ་གྱི་སྐྱེ་སྒོ་བཅད་དེ་གཏན་གྱི་དོན་ཆེན་པོ་བདེ་བླག་ཏུ་འགྲུབ་ངེས་པ་འདི་ལ་སྐལ་བཟང་སྙིང་རུས་དང་ལྡན་པ་རྣམས་ཀྱིས་གཡར་དམ་དུ་བྱ་བར་རིགས་སོ། །འོན་ཀྱང་བཤགས་པ་བྱས་རློམས་དང་བྱེད་པར་ཆོག་པའི་འདུ་ཤེས་ཀྱིས་ཕྱིན་ཆད་སྡིག་ལྟུང་གི་འཕྲོ་མི་གཅོད་ན་སྔར་བྱས་འགྱོད་ཚངས་ཀྱི་ཆོ་གདོན་མེད་པར་འགྱུར་བས་སླད་ནས་ཉེས་པ་བསྡམ་པའི་ཡི་དམ་བརྟན་པར་བྱ་བ་རང་གཅེས་སོ། །དེང་སང་བསྟན་པ་རིན་པོ་ཆེ་འཇིག་ལ་ཉེ་བའི་སྔ་ལྟས་གལ་ཆུང་ཆོས་ལ་བྱེད་པའི་དུས་ངན་ཤར་བའི་དབང་གིས་ཞག་བདུན་གྱི་ངལ་བ་ཙམ་ཡང་ཁྱད་དུ་གསོད་མི་ནུས་པ་རྒྱུ་མཚན་དུ་བྱས་ནས། ― LT34_Page_0219 ―
[མ་དཔེ་གཟིགས་ན་འདིར་གནོན།]
ཆོ་ག་འདི་ཉིད་ལག་ཏུ་ལེན་པ་ཉིན་མོའི་སྐར་མ་ལྟར་དཀོན་པར་མཐོང་བས། ཅིས་ཀྱང་ཞག་གྲངས་ལ་གཉིད་སྤང་པ་སོགས་མི་ནུས་ན་ཞག་གཅིག་ལ་རྣམ་པར་དག་པའི་དགེ་སློང་བདུན་གྱིས་ཉིན་མཚན་ལན་དྲུག་ཏུ་ཆོ་ག་ཚད་ལྡན་བགྱིད་དུ་བཅུག་ནའང་ཕན་ཡོན་རྗེས་མཐུན་པ་ཐོབ་ཅིང་། དེར་མ་ཟད་ཞག་གྲངས་བཞི་བཅུ་ཞེ་དགུར་ཉིན་མོ་ལན་གསུམ་གྱི་ཆོ་ག་རང་ངམ་གཤིན་པོའི་དོན་ཏུ་བརྩམ་པའམ། ཞག་བདུན་ནམ། ཐ་ན་ཉིན་གཅིག་ལ་གུས་པའི་སེམས་ཀྱིས་ཆོ་ག་དང་མདོ་བཀླག་པ་བགྱིས་ཀྱང་དེའི་འབྲས་བུ་ཆུད་མི་ཟ་བར་བརྩོན་པ་དང་ལྷག་བསམ་གྱི་ཚོད་དང་སྦྱར་བའི་ཕན་ཡོན་ཐོང་སྟེ། མདོ་ཉིད་ལས། མྱ་ངན་ལས་འདས་པའི་འོག་ཏུ་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་ཉིན་གཅིག་གམ། དུས་གཅིག་གམ། མཚན་གཅིག་གམ། སྐད་ཅིག་མ་གཅིག་ལ་ཕྱོགས་བཅུ་དུས་གསུམ་དུ་གཤེགས་པའི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའི་དགེ་འདུན་ཆེན་པོ་རྣམས་ལ་ཕྱག་འཚལ་ཞིང་ཐེག་པ་ཆེན་པོ་ཚུལ་བཞིན་ཏུ་ཡིད་ལ་བྱེད་པ་དང་། དོན་དམ་པའི་བདེན་པ་ལ་བསམས་ན་གང་ཟག་དེ་ནི་སྐད་ཅིག་མ་སེ་གོལ་གཏོགས་པ་ཙམ་གྱིས་མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་བ་དང་། ཀུན་ནས་ཉོན་མོངས་པའི་ ― LT34_Page_0220 ―
[མ་དཔེ་གཟིགས་ན་འདིར་གནོན།]
ལས་ཐམས་ཅད་ཡོངས་སུ་མ་ལུས་པ་འབྱང་བར་འགྱུར་རོ། །གལ་ཏེ་དགེ་སློང་ངམ། དགེ་སློང་མའམ། བྱང་ཆུབ་སེམས་དཔའམ། དགེ་སྦྱོང་ངམ། དགེ་སྦྱོང་མས་སེམས་ཀྱི་རང་བཞིན་སྟོང་ནས་རྩ་བ་བཞི་དང་། སྡོམ་པ་བརྒྱད་ཉམས་པ་དང་། མི་དགེ་བ་བཅུ་དང་། མཚམས་མེད་པ་ལྔ་བྱས་པ་དང་། མཉམ་པ་ཉིད་ལ་སྐུར་པ་རྣམས་ཕྱོགས་བཅུ་དུས་གསུམ་དུ་གཤེགས་པའི་སངས་རྒྱས་ཀྱི་མཚན་ལ་དད་པ་བསྐྱེད་དེ་ཕྱག་འཚལ་ན་འདི་ལྟ་བུའི་ལས་ངན་པ་ཀུན་མ་ལུས་པར་འབྱང་བར་འགྱུར་རོ། །ཞེས་རྫོགས་པའི་སངས་རྒྱས་གཉིས་སུ་མི་གསུང་བ་ཚད་མའི་བཀའ་ལ་རྣམ་ཀུན་ཡིད་ཆེས་པ་དེ་ལ་ནང་པའི་གང་ཟག་ཅེས་བྱ་བ་ཡིན་ནོ། །བསྟན་ཞབས་ཆུ་ལྷའི་ཕངས་པར་ཕྱོགས་པའི་དུས། །ནོངས་བ་རྒྱལ་མཚན་བཞིན་དུ་ཕྱར་བ་ཡི། །ཙོ་བྲེག་སྡིག་ཅན་བདག་འདྲར་འགྱོད་པའི་སེམས། །རྙེད་ནས་འགྱོད་ཚངས་བཀའ་བཞིན་བགྱིད་ནུས་ཤོག །ཚེ་རབས་སྡིག་ལྟུང་ཀུན་བྱང་སྟེ། །ངན་པར་འགྲོ་བའི་ལམ་རྒྱུན་ཆད། །ཞི་བ་ཐར་མཆོག་སྒོ་མོ་རུ། །བདག་སོགས་སྐྱེ་ཀུན་འཇུག་གྱུར་ཅིག །ཅེས་པའི་ཟིན་ཐུན་ཙམ་འབྲི་བར་སྔར་ནས་འདུན་པའི་ཐོག་འཕགས་བོད་ཀྱི་གཞུང་ལུགས་མང་དུ་གཡན་པའི་མཁྱེན་དཔྱོད་རྣམ་པར་ཡངས་པ་སྒྲུབ་བླ་མ་ཀརྨ་བཀྲ་ཤིས་འོད་ཟེར་ནས་ ― LT34_Page_0221 ―
[མ་དཔེ་གཟིགས་ན་འདིར་གནོན།]
ཉམས་བཞེས་ཚུལ་བཞིན་མཛད་པ་ལ་ཉེ་བར་མཁོ་བས་ཡང་ཡང་བསྐུལ་བ་དང་། མཁན་ཆེན་བླ་མ་ཟླ་བཟང་རིན་པོ་ཆེ་ནས་ཀྱང་གསུང་གི་གནང་བ་སྩལ་བས་མཚམས་སྦྱར་ཏེ། ཤཱཀྱའི་རྗེས་འཇུག་རྟགས་ཙམ་འཛིན་པ་ཀརྨ་ངག་དབང་ཡོན་ཏན་རྒྱ་མཚོ་ཕྲིན་ལས་ཀུན་ཁྱབ་དཔལ་བཟང་པོས་དཔལ་སྤུངས་ཡང་ཁྲོད་དུ་བགྱིས་པ་དགེ་ལེགས་འཕེལ།། །།གསུང་རབ་མཆོག་འདི་ཉམས་སུ་ལེན་པའི་ཚུལ། །གང་འདི་སྒྲུབ་བླ་རྒྱལ་རོང་ཁྲོ་ཆུ་པ། ཤེས་རབ་ཅེས་པས་སྤར་བསྒྲུབས་བསོད་ནམས་དེས། བསྟན་དང་བསྟན་འཛིན་འཕེལ་རྒྱས་བདག་གཞན་འགྲོའི། །དོན་གཉིས་ལྷུན་གྱིས་འགྲུབ་པའི་རྒྱུར་གྱུར་ཅིག །སརྦ་མངྒ་ལམ།། །། མདོ་ཆོག་རྣམས་ལ་སྦྱར་བར་བྱ་བའི་གཤིན་པོ་རྗེས་འཛིན་ཐར་ལམ་སྣང་བྱེད།― LT34_Page_0223 ―
[མ་དཔེ་གཟིགས་ན་འདིར་གནོན།]
མདོ་ཆོག་རྣམས་ལ་སྦྱར་བར་བྱ་བའི་གཤིན་པོ་རྗེས་འཛིན་ཐར་ལམ་སྣང་བྱེད་ཅེས་བྱ་བ་བཞུགས་སོ། ། ― LT34_Page_0224 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་བུདྡྷ་བོ་དྷི་སཏཱྭ་ཡ། ངོ་མཚར་ཐུགས་བསྐྱེད་སྨོན་ལམ་མཐར་ཕྱིན་པ། །སྲིད་པའི་བཙོན་རར་བཅིངས་པའི་ཉམ་ཐག་འགྲོ། །མཚན་ཙམ་གྱིས་ཀྱང་གཏན་བདེར་དབུགས་འབྱིན་པ། །བདེ་གཤེགས་སྲས་དང་བཅས་ལ་གུས་ཕྱག་འཚལ། །མདོ་ལུགས་ཆོ་གར་དེར་འབྲེལ་གྱི། །གཤིན་པོ་རྗེས་འཛིན་ཚུལ་འདི་ཡང་། །རྒྱ་བོད་མཁས་པས་གསལ་མཛད་ཕྱིར། །གཞན་ཕན་སྒྲུབ་རྣམས་དོན་གཉེར་འོས། །སྨན་བླ་དང་ཐར་མདོ་ལྟ་བུ་མདོ་ལུགས་ཀྱི་ཆོ་ག་ལ་བྱང་ཆོག་སྦྱར་དགོས་པ་བྱུང་ན་སྦྱོང་རྒྱུད་ནས་འབྱུང་བ་སོགས་སྔགས་ལུགས་ཀྱི་ཆོ་ག་ནི་མི་འབྲེལ་བས་མདོ་དང་མཐུན་པའི་ལག་ལེན་དམ་པ་སྔ་མ་རྣམས་ཀྱི་ཕྱག་ ― LT34_Page_0225 ―
[མ་དཔེ་གཟིགས་ན་འདིར་གནོན།]
བཞེས་བགྱིད་པ་ལ་གསུམ། སྦྱོར་བ། དངོས་གཞི། རྗེས་ཀྱི་བྱ་བའོ། །དང་པོ་ནི། སྨན་ཆོག་དང་ཐར་ཆོག་ལྟ་བུ་གང་ཡིན་པའི་རྟེན་དང་མཆོད་པ། བུམ་པ་ཉེར་ལྔའི་རྫས་དང་དྲི་བཟང་ཆུས་བཀང་བ་བཤམ། གཤིན་པོའི་གཟུགས་སམ་མིང་ཡིག་བྲིས་པའི་བྱང་བུ། བགེགས་གཏོར། ཏིལ། བྲབ་རྫས་བྱེ་མ། ཡུངས་ཀར། ཁྲུས་ཆས་རྣམས་འདུ་བྱ། མདོ་ཆོག་རིགས་ལ་ཁྲུས་བྱ་ཞིང་ཤ་ཆང་སོགས་བཟའ་བ་མིན་པ་སྤངས་ལ་དཀར་གསུམ་ཁ་ཟས་ཀྱིས་མཚོན་གཙང་སྦྲ་ལ་གནས་པ་གཞིར་བཞག །འགྲུབ་ན་ཐེག་ཆེན་གསོ་སྦྱོང་བླང་། སོ་སོའི་ཆོ་གའི་དབུ་ནས་བཟུང་དངོས་གཞི་ཚང་བ་བཏང་། །ཕྱག་མཆོད་སོགས་ཀྱི་སྐབས་ཚེ་འདས་དེས་ཀྱང་རེ་རེ་ནས་བྱེད་པར་བསམ། གཟུངས་བཟླ་བའི་སྐབས། སྔགས་ ― LT34_Page_0226 ―
[མ་དཔེ་གཟིགས་ན་འདིར་གནོན།]
བཟླས་པའི་རྐྱེན་གྱིས་བདེ་བར་གཤེགས་པ་འཁོར་དང་བཅས་པའི་ཐུགས་དམ་གྱི་རྒྱུད་བསྐུལ་ཏེ་སྐུའི་ཆ་ཐམས་ཅད་ལས་འོད་ཟེར་དཔག་ཏུ་མེད་པ་བྱུང་། བུམ་ཆུ་ལ་ཐིམ་པས་དག་བྱེད་ཡེ་ཤེས་ཀྱི་ཆུ་རྒྱུན་ཏུ་བྱིན་གྱིས་བརླབས། བྱེ་མ་ལ་ཐིམ་བས་སྡིག་སྒྲིབ་སྦྱོང་བྱེད་རེག་གྲོལ་གྱི་རྫས་སུ་བྱིན་གྱིས་བརླབས་པར་གྱུར། ཅེས་མོས་ལ་གཟུངས་སྔགས་བརྒྱ་རྩའམ་ཉེར་གཅིག་ཙམ་ཁྱད་པར་དུ་བཟླས་ལ་བྱིན་གྱིས་བརླབ་བོ། །གཉིས་པ་ནི། ཆོ་ག་དངོས་གཞི་གྲུབ། རྗེས་ཆོག་ལ་སླེབ་པའི་གོང་དེར་བྱང་ཆོག་བྱ་དགོས་པས། དེའང་སྨན་ཆོག་ལ་གཟུངས་སྔགས་རྣམས་བཟླས་ཟིན་པའི་མཚམས་དང་། ཐར་ཆོག་ལ་གཏོར་འབུལ་གྲུབ་པ་དང་འདིར་འཇུག་སྟེ། མིང་བྱང་སློབ་དཔོན་མདུན་ཏུ་བཞག་ལ་བདེན་ཚིག་གིས་རྟེན་གསལ་གདབ་པ་ནི། སྨན་ཆོག་སྐབས། བཅོམ་ལྡན་འདས་དེ་བཞིན་གཤེགས་པ་བདུན་གྱི་སྨོན་ལམ་གྱི་ཁྱད་པར་རྒྱས་པའི་མདོ་ཡི་ཆོ་ག་ཇི་ལྟ་བ་བཞིན་དུ་དེང་འདིར་ཕོ་བྲང་མཆིས་པ་ཙམ་ལ་བརྟེན་ནས་བདེ་བར་གཤེགས་པ་བརྒྱད་སྤྱན་དྲངས་པའི་ཞབས་འབྲིང་དུ་ཚེ་ལས་འདས་པ་ཆྒཻ་མོ་མིང་འདི་ཞེས་བགྱི་བ་ཡང་ཕོ་བྲང་གི་སླད་རོལ་དུ་མཆིས་ནས་གསོན་པོའི་རྣམ་པ་ཇི་ལྟ་བ་བཞིན་དུ་ཐལ་མོ་སྦྱར་ཏེ་ཙོག་པུར་འཁོད་པར་གྱུར་ཅིག །ཅེས་དང་། ཐར་ཆོག་ལ། བཅོམ་ལྡན་འདས་ཀྱིས་ལེགས་པར་གསུངས་ ― LT34_Page_0227 ―
[མ་དཔེ་གཟིགས་ན་འདིར་གནོན།]
པའི་ཐར་པ་ཆེན་པོ་ཕྱོགས་སུ་རྒྱས་པའི་མདོ་སྡེ་འགྱོད་ཚངས་བཤགས་པའི་རྒྱལ་པོའི་ཆོ་ག་ཇི་ལྟ་བ་བཞིན་དུ། དེང་འདིར་ཕོ་བྲང་མཆིས་པ་ཙམ་ལ་བརྟེན་ནས་བདེ་བར་གཤེགས་པ་སྲས་དང་བཅས་པ་སྤྱན་དྲངས་པའི་ཞབས་འབྲིང་དུ་ཚེ་ལས་འདས་པ་ཆྒཻ་མོ་མིང་འདི་ཞེས་བགྱི་བ་ཡང་ཕོ་བྲང་གི་སླད་རོལ་དུ་མཆིས་ནས་གསོན་པོའི་རྣམ་པ་ཇི་ལྟ་བ་བཞིན་དུ་ཐལ་མོ་སྦྱར་ཏེ་ཙོག་པུར་འཁོད་པར་གྱུར་ཅིག །རྣམ་ཤེས་དགུག་པ་ནི། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། ཁྱད་པར་བཅོམ་ལྡན་འདས་སྨན་གྱི་བླ་བཻ་ཌཱུརྻ་འོད་ཀྱི་རྒྱལ་པོ་ལ་སོགས་པ་སྟོན་པ་བདེ་བར་གཤེགས་པ་བརྒྱད་འཁོར་དང་བཅས་པ་རྣམས་ཀྱི་བཀའ་བདེན་པ་དང་། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་ལ་སོགས་པ་སྲུང་མ་དམ་ཚིག་ཅན་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་བྱིན་གྱི་རླབས་ཀྱིས་ཚེ་ལས་འདས་པ་ཆྒཻ་མོ་ཞེས་བགྱི་བའི་རྣམ་པར་ཤེས་པ་ཁམས་གསུམ་སྐྱེ་གནས་བཞི་རིགས་དྲུག་སྲིད་པ་བར་དོ་གང་ན་གནས་ཀྱང་སྐད་ ― LT34_Page_0228 ―
[མ་དཔེ་གཟིགས་ན་འདིར་གནོན།]
ཅིག་ལ་འདིར་མཆིས་པར་གྱུར་ཅིག །ཐར་ཆོག་ལ། ཁྱད་པར་བཅོམ་ལྡན་འདས་དཔལ་རྣམ་པར་སྣང་མཛད་ཆེན་པོ་ལ་སོགས་པ་རྒྱལ་བ་སྲས་དང་བཅས་པ་རྣམས་ཀྱི་བཀའ་བདེན་པ་དང་། བསྟན་པ་དམ་པའི་ཆོས་སྐྱོང་བའི་སྲུང་མ་དམ་ཚིག་ཅན་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་བྱིན་གྱི་རླབས་ཀྱིས་ཚེ་ལས་འདས་པ་ཆྒཻ་མོ་ཞེས་བགྱི་བའི་རྣམ་པར་ཤེས་པ་ཁམས་གསུམ་སྐྱེ་གནས་བཞི་རིགས་དྲུག་སྲིད་པ་བར་དོ་གང་ན་གནས་ཀྱང་སྐད་ཅིག་ལ་འདིར་མཆིས་པར་གྱུར་ཅིག །ཅེས་ལན་གསུམ་བརྗོད། ཨོཾ་ཤོ་དྷ་ནི་ཤོ་དྷ་ནི་སྦ་པཱ་པཾ་ཨ་པ་ནཱ་ཡ་ཧཱུྃ། ཚེ་ལས་འདས་པའི་རྣམ་པར་ཤེས་པ་ཨ་ཐུང་གི་རྣམ་པར་བཀུག་པ་དེ་ཉིད་རྟེན་འདི་ལ་ཐིམ་པར་གྱུར། ཅེས་དམིགས། བགེགས་སྦྱོང་བ་ནི། མདོ་ལུགས་ལ་ཞི་དྲག་གི་སྦྱོང་བ་སྦྱོར་བའི་སྲོལ་མེད་པས། བགེགས་གཏོར་ལ་ཆབ་བྲན། ཨོཾ་ཨཱཿཧཱུྃ། ལན་གསུམ་གྱི་བྱིན་གྱིས་བརླབས་ནས་མཆོག་སྦྱིན་གྱི་ཕྱག་རྒྱ་དང་བཅས་ཏེ། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ། ཨོཾ་སམྦྷ་ར་སམྦྷ་ར་ཧཱུྃ། ཞེས་ལན་བདུན་བརྗོད་ནས་བསྔོས་ལ། བཅོམ་ལྡན་འདས་དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ ― LT34_Page_0229 ―
[མ་དཔེ་གཟིགས་ན་འདིར་གནོན།]
ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །མཆོད་སྦྱིན་གྱི་གཏོར་མ་རྒྱ་ཆེན་པོ་འདི་ཚེ་ལས་འདས་པ་ཆྒཻ་མོ་ཞེས་བགྱི་བ་གསོན་གྱི་དུས་སུ་ཆེ་གནས་པ་དང་། གཤིན་གྱི་དུས་ན་སྡིག་པ་སྦྱོང་བ་ལ་སོགས་པར་བར་དུ་གཅོད་པར་བྱེད་པའི་གདོན་བགེགས་ལོག་པར་འདྲེན་པ་ཐམས་ཅད་ལ་སྦྱིན་ནོ། །གཏོར་མ་འདིས་ཚིམ་པར་གྱིས་ལ་ས་ཡི་ཕྱོགས་འདིར་མ་གནས་པར་གཞན་དུ་སོང་ཞིག །ཅེས་བརྗོད་ལ་རོལ་མོ་བཅས་གཏོར་མ་ཕྱིར་དོར། སྡིག་པ་སྦྱོང་བ་ནི། ཏིལ་དང་གཡས་གཡོན་དུ་མེ་ཆུ་བཤམས་ལ། ཚེ་ལས་འདས་པ་ཆྒཻ་མོའི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཀཾ་ཡིག་ནག་པོའི་རྣམ་པས་སྣ་སྒོ་ནས་ཐོན་ཏེ་སྡིག་པ་རྭ་ཅན་གྱི་རྣམ་པ་མདུན་གྱི་ཏིལ་ལ་ཐིམ་པར་གྱུར། ཏིལ་ནག་ཐེབ་སྲིན་གྱིས་བླངས་ནས་གཡས་གཡོན་ཏུ་ལན་གསུམ་གསུམ་བསྐོར་ཞིང་མེ་དང་ཆུར་དོར་ལ། ཨོཾ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཞེས་ལན་གསུམ་གྱི་མཐར། ཚེ་ལས་འདས་པའི་སྡིག་སྒྲིབ་ཐམས་ཅད་ཡེ་ཤེས་ཀྱི་མེ་ཆུས་བསྲེགས་ཤིང་སྦྱངས་པར་གྱུར། བྱེ་མ་ཡུངས་ཀར་གྱིས་རྟེན་ལ་བྲབས་ཤིང་ཆོ་ག་སོ་སོའི་གཟུངས་སྔགས་རྣམས་ཀྱི་ཆ་ཐར། ཚེ་ལས་འདས་པ་ཆྒཻ་མོའི་སྡིག་པ་དང་། སྒྲིབ་པ་ཐམས་ཅད་ ― LT34_Page_0230 ―
[མ་དཔེ་གཟིགས་ན་འདིར་གནོན།]
བྱང་ཞིང་དག་པར་གྱུར་ཅིག །ཅེས་བཏགས་པ་ལན་གསུམ་བརྗོད། ལྷ་རྣམས་ཀྱི་སྐུ་ལས་འོད་ཟེར་དཔག་ཏུ་མེད་པ་བྱུང་ནས་དམིགས་ཡུལ་གྱི་སྡིག་ལྟུང་བག་ཆགས་དང་བཅས་པ་ལྷག་མེད་དུ་སྦྱང་བར་བསམ། དེ་ནས་ཁྲུས་ཀྱིས་སྦྱོང་བའི་ཐོག་མར་ལྷ་ཁྲུས་ཕྱག་ལེན་ལྟར་གསོལ་ལ། ཇི་ལྟར་བལྟམས་པ་ཙམ་གྱིས་ནི། །ལྟ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཅེས་དང་རོལ་མོ་བྱ་ཞིང་། རྒྱས་པར་ནུས་ན་མཆོད་པའི་སྤྲིན་གྱི་གཟུངས་སྔགས། ཨོཾ་ན་མོ་བྷ་ག་ཝ་ཏེ་བཛྲ་སཱ་ར་པྲ་མརྡྷ་ནེ། ཏ་ཐཱ་ག་ཏཱ་ཡ་ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ། མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་་བཛྲེ་སརྦ་ཀརྨ་ཨ་བ་ར་་བི་ཤོ་དྷ་ན་བཛྲེ་སྭཱ་ཧཱ། ཞེས་པའམ། བསྡུ་ན་ཡེ་དྷརྨཱ་སོགས་བརྗོད། དེས་འགྲེས་ཏེ། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་སྩོལ་བར་མཛོད། །འདི་ཕྱིན་ཤློ་ཀ་རེ་རེའི་བར་མཚམས་རྣམས་སུ་རོལ་མོ་དང་སྔགས་རིང་ཐུང་གང་ལྕོགས་བརྗོད་པ་འགྲེ། རྒྱལ་བའི་སྐུ་ལ་འགྱུར་བ་མི་མངའ་ཡང་། །ཚེ་འདས་ལུས་ཀྱི་སྒྲིབ་པ་སྦྱང་སླད་དུ། །རྒྱལ་བའི་སྐུ་ལ་ཁྲུས་ཆབ་འདི་གསོལ་ ― LT34_Page_0231 ―
[མ་དཔེ་གཟིགས་ན་འདིར་གནོན།]
བས། །ཚེ་འདས་ལུས་ཀྱི་སྒྲིབ་པ་དག་གྱུར་ཅིག །རྒྱལ་བའི་གསུང་ལ་འགག་པ་མི་མངའ་ཡང་། །ཚེ་འདས་ངག་གི་སྒྲིབ་པ་སྦྱང་སླད་དུ། །རྒྱལ་བའི་གསུང་ལ་ཁྲུས་ཆབ་འདི་གསོལ་བས། །ཚེ་འདས་ངག་གི་དྲི་མ་དག་གྱུར་ཅིག །རྒྱལ་བའི་ཐུགས་ལ་འཁྲུལ་པ་མི་མངའ་ཡང་། །ཚེ་འདས་ཡིད་ཀྱི་སྒྲིབ་པ་སྦྱང་སླད་དུ། །རྒྱལ་བའི་ཐུགས་ལ་ཁྲུས་ཆབ་འདི་གསོལ་བས། །ཚེ་འདས་ཡིད་ཀྱི་དྲི་མ་དག་གྱུར་ཅིག །དེ་བཞིན་གཤེགས་དང་དེ་ཡི་སྲས་རྣམས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོད་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །ཞེས་པ་རྣམས་དང་སྔགས་རོལ་བཅས་ཁྲུས་གསོལ། དེ་ནས་རས་དཀར་པོ་ཁ་ཚར་མ་ཉམས་པས་སྐུ་ཕྱི་བའི་ཚུལ་བྱ་ཞིང་། བདེ་གཤེགས་སྐུ་གསུམ་དཔེ་དང་མཚན་མངའ་ཡང་། །འགྲོ་བའི་དོན་དུ་གཟུགས་སྐུ་ཅིར་ཡང་གདའ། །རིན་ཆེན་དབྱིག་ལྟར་ཉེས་པའི་སྐྱོན་བྲལ་ཡང་། །འཇིག་རྟེན་སྲི་ཞུ་གུས་པའི་ཚུལ་ཙམ་དུ། །སྡིག་མེད་རྒྱལ་བ་རྣམས་ཀྱིས་རབ་བསྔགས་པའི། །རས་མཆོག་འདི་ཡིས་རྒྱལ་བའི་སྐུ་ཕྱིས་པས། །ཉོན་མོངས་དུག་གསུམ་སྒྲིབ་པ་ཁྲུད་སྦྱངས་ནས། །སྐུ་གསུམ་ངང་དུ་བདག་ཅག་མྱུར་འགྲུབ་ཤོག །དྲི་ཆབ་ ― LT34_Page_0232 ―
[མ་དཔེ་གཟིགས་ན་འདིར་གནོན།]
ཀྱིས་བྱུགས་པ་འབུལ་བའི་ཚུལ་བྱ་ཞིང་། སྟོང་གསུམ་ཀུན་ཏུ་དྲི་མཆོག་འབྱུང་འགྱུར་བའི། །སྤོས་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཞེས་བརྗོད། དེ་ནས་ཁྲུས་ཆུ་སླར་ཡང་བུམ་པར་བླུགས་པས་མེ་ལོང་ངོས་སུ་དམིགས་རྟེན་ལ་ཁྲུས་བྱ་ཞིང་། འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱོང་མཛད་པ། །གཏོང་བ་དྲི་ཡིས་ལེགས་བསྒོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། །འདི་ནས་བཟུང་འོག་གི་ཤློ་ཀ་ལྔ་པོ་རེ་རེའི་བར་མཚམས་རྣམས་སུ་ཆོ་ག་སོ་སོའི་གཟུངས་སྔགས་བརྗོད་བཞིན་ཁྲུས་བྱ། སྨན་ཆོག་སྐབས་གཟུངས་རིང་མི་ལྕོགས་པས་མཚན་སྔགས་བརྗོད། མཐར། འཇིག་རྟེན་འདི་ནས་ཚེ་ལས་འདས་པ་ཆྒཻ་མོ་ཞེས་བགྱི་བས་ཐོག་དྲངས། སེམས་ཅན་ཐམས་ཅད་ཀྱི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་དང་། ཁྱད་པར་དུ་སེར་སྣའི་དྲི་མ་ཐམས་ཅད་བྱང་ཞིང་དག་ནས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ་མྱུར་དུ་མངོན་པར་རྫོགས་པ་འཚང་རྒྱ་བར་གྱུར་ཅིག །དེས་འགྲེས་ཏེ། འདི་ནི་ཚུལ་ཁྲིམས་རང་བཞིན་ཆུ། །ཁྲིམས་འཆལ་དྲི་མ་སྦྱོང་མཛད་པ། །ཚུལ་ཁྲིམས་དྲི་ཡིས་ལེགས་བསྒོས་ཆུ། །ཁྲུས་ ― LT34_Page_0233 ―
[མ་དཔེ་གཟིགས་ན་འདིར་གནོན།]
ལེགས་མཛད་ལ༴ །གཟུངས་སྔགས་དང་། འཇིག་རྟེན་འདི་ནས་ཚེ་ལས་སོགས་གོང་ལྟར་ལ། ཁྱད་པར་ཁྲིམས་འཆལ་གྱི་དྲི་མ་ཐམས་ཅད་བྱང་ཞིང་དག་ནས་ཚུལ་ཁྲིམས་ཀྱི་ཕ་རོལ་ཏུ་སོགས་འགྲེ། དེ་བཞིན་དུ། འདི་ནི་བཟོད་པའི་རང་བཞིན༴། ཁོང་ཁྲོའི་དྲི་མ་སྦྱོང་༴ །བཟོད་པ་དྲི་ཡིས། །ཁྲུས་ལེགས་མཛད་ལ༴ ། གཟུངས་སྔགས་དང་། །འཇིག་རྟེན་འདི་ནས་སོགས། ཁྱད་པར་ཁོང་ཁྲོའི་དྲི་མ་ཐམས་ཅད་བྱང་ཞིང་དག་ནས་བཟོད་པའི་ཕ་རོལ་ཏུ་ཕྱིན་པ་སོགས་འགྲེ། འདི་ནི་བརྩོན་འགྲུས་རང་བཞིན༴ །ལེ་ལོའི་དྲི་མ་སྦྱོང་༴ །བརྩོན་འགྲུས་དྲི་ཡིས་ལེགས༴ །ཁྲུས་ལེགས་མཛད་ལ། སྔགས་དང་། འཇིག་རྟེན་འདི་ནས་སོགས། ཁྱད་པར་དུ་ལེ་ལོའི་དྲི་མ་ཐམས་ཅད་བྱང་ཞིང་དག་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སོགས་འགྲེ། འདི་ནི་བསམ་གཏན་རང་བཞིན་ཆུ། །རྣམ་གཡེང་དྲི་མ་སྦྱོང་མཛད་པ། །བསམ་གཏན་དྲི་ཡིས་ལེགས་བསྒོས་ཆུ། །ཁྲུས་ལེགས་མཛད་ལ༴ །སྔགས་དང་། འཇིག་རྟེན་འདི་ནས་ཚེ་ལས་འདས་པ་ཆྒཻ་མོ་ཞེས་བགྱི་བས་ཐོག་དྲངས། སེམས་ཅན་ཐམས་ཅད་ཀྱི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་། སྒྲིབ་པ་ཐམས་ཅད་དང་། ཁྱད་པར་དུ་ ― LT34_Page_0234 ―
[མ་དཔེ་གཟིགས་ན་འདིར་གནོན།]
རྣམ་གཡེང་གི་དྲི་མ་ཐམས་ཅད་བྱང་ཞིང་དག་ནས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ་མྱུར་དུ་མངོན་པར་རྫོགས་པ་འཚང་རྒྱ་བར་གྱུར་ཅིག །འདི་ནི་ཤེས་རབ་རང་བཞིན་ཆུ། །ཤེས་འཆལ་དྲི་མ་སྦྱོང་མཛད་པ། །ཤེས་རབ་དྲི་ཡིས་ལེགས་བསྒོས་ཆུ། །ཁྲུས་ལེགས་མཛད་ལ༴ །སྔགས་དང་། འཇིག་རྟེན་འདི་ནས་སོགས། ཁྱད་པར་དུ་ཤེས་འཆལ་གྱི་དྲི་མ་ཐམས་ཅད་བྱང་ཞིང་དག་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ཏེ་མྱུར་དུ་མངོན་པར་རྫོགས་པ་འཚང་རྒྱ་བར་གྱུར་ཅིག །ཅེས་པ་རྣམས་ཀྱི་མཐར་འོག་གི། གཙོ་བོ་རྒྱལ་བ་སོགས་ཕྱག་འཚལ་བ་མན་ཆད་སྦྱར་ཡང་ཆོག་མོད། སྤྱི་ལྟར་སྤྲོ་ན། བདེན་ཚིག་གིས་དུག་སྦྱོང་བ་ནི། ཀུ་ཤས་བྱབས་ལ། འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །སངས་རྒྱས་བཅོམ་ལྡན་དུག་མི་མངའ། །སངས་རྒྱས་བདེན་པས་དུག་བཅོམ་མོ། །དེ་བཞིན་དུ། འདོད་ཆགས་ཞེ་སྡང་༴ །འདི་དག་འཇིག་རྟེན༴ །བཅོམ་ལྡན་དམ་ཆོས། །དམ་ཆོས་བདེན་པས༴ །འདོད་ཆགས་ཞེ་སྡང་༴ །འདི་དག་འཇིག་རྟེན༴ །འཕགས་པའི་དགེ་འདུན༴ །དགེ་འདུན་བདེན་པས་དུག་བཅོམ་མོ། །གཟུངས་སྔགས་བརྗོད་ཅིང་ཁྲུས་བྱ། དཀོན་མཆོག་གསུམ་གྱི་བདེན་པའི་བྱིན་གྱི་རླབས་ཀྱིས་ ― LT34_Page_0235 ―
[མ་དཔེ་གཟིགས་ན་འདིར་གནོན།]
ཚེ་ལས་འདས་པ་ཆྒཻ་མོའི་ཉོན་མོངས་པ་དུག་གསུམ་གྱི་སྒྲིབ་པ་ཐམས་ཅད་བཅོམ་ནས་དགེ་བ་གསུམ་དང་ལྡན་པར་གྱུར་ཅིག །ས་ནི་དུག་གི་ཕ་ཡིན་ཏེ། །ས་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་དག་གིས། །དུག་གསུམ་ས་ཡི་ནང་དུ་སོང་། །དེ་བཞིན་དུ། ཆུ་ནི་དུག་གི་ཕ༴ །ཆུ་ནི་དུག་གི་མ༴ །བདེན་པའི༴ །དུག་གསུམ་ཆུ་ཡི༴ །མེ་ནི་དུག་གི་ཕ༴ །མེ་ནི་དུག་གི་མ༴ །བདེན་པའི་བདེན༴ །དུག་གསུམ་མེ་ཡི༴ །རླུང་ནི་དུག་གི་ཕ༴ །རླུང་ནི་དུག་གི་མ༴ །བདེན་པའི་བདེན༴ །དུག་གསུམ་རླུང་གི་ནང་དུ་སོང་། །གཟུངས་སྔགས་དང་ཁྲུས་བྱ། ཚེ་ལས་འདས་པ་ཆྒཻ་མོས་གཙོར་བྱས་པའི་སེམས་ཅན་ཐམས་ཅད་འབྱུང་བ་བཞི་ལ་བརྟེན་ནས་སྐྱེས་པའི་ཉོན་མོངས་པ་རྒྱུ་དང་བཅས་པ་ཐམས་ཅད་འབྱུང་བ་བཞིའི་ཆོས་ཉིད་ཀྱི་ངང་དུ་ཐིམ་ནས་སྡུག་བསྔལ་རྒྱུ་དང་བཅས་པ་ཐམས་ཅད་དང་བྲལ་བར་གྱུར་ཅིག །ཤིས་པ་བརྗོད་པས་བདེ་ལེགས་སུ་བྱ་བ་ནི། རྟེན་ལ་བུམ་ཆུ་དང་མེ་ཏོག་འཐོར་ཞིང་། གང་ལ་སེར་སྣ་རྣམ་ཆགས་པ། །རྣམ་བཅོམ་དྲི་མ་མེད་མཛད་ཅིང་། །ཐུགས་ཞི་གནོད་པ་མི་མངའ་དེས། །ཁྱེད་ལ་བདེ་ལེགས་མཛད་པར་གྱུར། །འདྲེན་པ་གང་ཞིག་འགྲོ་བ་རྣམས། །ཐར་པའི་ལམ་དུ་ ― LT34_Page_0236 ―
[མ་དཔེ་གཟིགས་ན་འདིར་གནོན།]
འཇུག་མཛད་ཕྱིར། །ཆོས་རྣམས་མ་ལུས་སྟོན་མཛད་དེས། །ཁྱེད་ལ་བདེ་ལེགས༴ །སྟོན་པ་འགྲོ་བ་རྣམས་ཀྱི་རྟེན། །སེམས་ཅན་ཀུན་གྱི་དོན་གྱི་ཕྱིར། །གང་ལ་བདེ་བ་མངའ་མཛད་དེས། །ཁྱེད་ལ་བདེ་ལེགས༴། སྐྱོབ་པ་གང་ཞིག་བྱམས་པ་ཡི། །ཐུགས་ཀྱིས་འགྲོ་བ་འདི་དག་ཀུན། །བུ་གཅིག་བཞིན་དུ་རྟག་བསྐྱངས་དེས། །ཁྱེད་ལ་བདེ་ལེགས༴ །གང་ཞིག་འཁོར་བར་འགྲོ་བ་ཡི། །སེམས་ཅན་ཀུན་གྱི་མགོན་གྱུར་ཅིང་། །གླིང་དང་དཔུང་གཉེན་གྱུར་པ་དེས། །ཁྱོད་ལ་བདེ་ལེགས༴ །གང་ཞིག་ཆོས་ཀུན་མངོན་སུམ་དུ། །གཙང་ཞིང་བཀྲུ་བ་མི་མངའ་ལ། །གསུམ་གཙང་གཙང་མར་མཛད་པ་དེས། །ཁྱེད་ལ་བདེ༴ །དཔའ་བོ་ཆེན་པོ་གང་སྐྱེས་པ། །ཕུན་སུམ་ཚོགས་དོན་གང་འབྱོར་ཅིང་། །དོན་གྲུབ་ཚོགས་ཀྱང་གྲུབ་པ་དེས། །ཁྱེད་ལ་བདེ༴ །གང་ཞིག་སྐྱེས་པས་ས་རྣམས་ནི། །ནགས་ཚལ་བཅས་པ་རབ་གཡོ་ཞིང་། །སེམས་ཅན་ཐམས་ཅད་རབ་དགའ་དེས། །ཁྱེད་ལ་བདེ༴ །བྱང་ཆུབ་སྙིང་པོར་གཤེགས་པ་ན། །ས་དག་རྣམ་དྲུག་གཡོས་གྱུར་ཅིང་། །བདུད་ཡིད་མི་བདེར་གྱུར་པ་དེས། །ཁྱེད་ལ་བདེ༴། ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་རྣམས་གསུངས་ཤིང་། །ཐུབ་པའི་ ― LT34_Page_0237 ―
[མ་དཔེ་གཟིགས་ན་འདིར་གནོན།]
སྙན་པ་གང་བྱུང་དེས། །ཁྱེད་ལ་བདེ༴། ཡིད་འཕྲོག་གང་ཞིག་མུ་སྟེགས་བྱེད། །ཐམས་ཅད་ཆོས་ཀྱིས་ཕམ་མཛད་ཅིང་། །ཚོགས་ཀུན་དབང་དུ་མཛད་པ་དེས། །ཁྱེད་ལ་བདེ་ལེགས་མཛད་པར་འགྱུར། །སངས་རྒྱས་ཁྱེད་ལ་བདེ་ལེགས་མཛད། །བརྒྱ་བྱིན་ཚངས་པའི་ལྷ་རྣམས་དང་། །འབྱུང་པོ་ཀུན་གྱི་བདེ་ལེགས་ནི། །ཁྱེད་ལ་རྟག་ཏུ་སྦྱིན་གྱུར་ཅིག །སངས་རྒྱས་བསོད་ནམས་མཐུ་དག་དང་། །ལྷ་རྣམས་ཀུན་གྱི་བསམ་པ་ཡིས། །ཁྱེད་ཀྱི་འདོད་དོན་གང་ཡིན་པ། །དོན་དེ་དེ་རིང་འགྲུབ་གྱུར་ཅིག །རྐང་གཉིས་ཁྱེད་ཅག་བདེ་ལེགས་ཤོག །རྐང་བཞི་ཁྱེད་ཅག་བདེ་ལེགས་ཤོག །ཁྱེད་ཅག་ལམ་དུ་བདེ་ལེགས་ཤོག །ཕྱིར་འོད་དག་ཀྱང་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉིན་མའི་གུང་ལ་བདེ་ལེགས་ཤིང་། །ཁྱེད་ཅག་ཀུན་ཏུ་བདེ་ལེགས་གྱུར། །ཁྱེད་ཅག་སྡིག་པར་མ་གྱུར་ཅིག །ཚེ་ལས་འདས་པ་ཆྒཻ་མོས་གཙོར་བྱས་པའི་སྐྱེ་དགུ་ཐམས་ཅད་མི་མཐུན་པའི་ཕྱོགས་ཐམས་ཅད་ལས་ཤིན་ཏུ་རྒྱལ་ཞིང་བཀྲ་ཤིས་པར་གྱུར་ཅིག །ཅེས་པ་རྣམས་ཀྱིས་སྒོ་གསུམ་རྣམ་པར་དག་པར་བྱས་ནས། སྐྱབས་སུ་འགྲོར་གཞུག་པ་ནི། ཉེ་དུ་ཡོད་ན་མིང་བྱང་འཛིན་དུ་བཅུག་ཅིང་ཕྱག་བྱེད་དུ་གཞུག་ལ། གཙོ་བོ་རྒྱལ་བ་འགྲོ་ ― LT34_Page_0238 ―
[མ་དཔེ་གཟིགས་ན་འདིར་གནོན།]
བའི་མགོན། །འགྲོ་བ་སྐྱོབ་པའི་དོན་བརྩོན་པ། །སྟོབས་ཆེན་འཇིགས་པ་རྣམ་སེལ་བ། །ཚེ་འདས་སྐྱབས་སུ་མཆི་ལགས་སོ། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་མཛད་པ། །བྱང་ཆུབ་སེམས་དཔའི་ཚོགས་ལ་ཡང་། །དེ་བཞིན་ཚེ་འདས་སྐྱབས་སུ་མཆི། །ཚེ་འདས་འཇིགས་པ་ཆེར་མཐོང་ནས། །ཀུན་ཏུ་བཟང་ལ་ཚེ་འདས་འབུལ། །འཇམ་པའི་དབྱངས་ལ་ཚེ་འདས་ཀྱི། །ལུས་འདི་བདག་གིས་འབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་བའི། །སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །སྡིག་ལྡན་འདི་ལ་བསྐྱབ་ཏུ་གསོལ། །འཕགས་པ་ནམ་མཁའི་སྙིང་པོ་དང་། །ས་ཡི་སྙིང་པོ་དག་དང་ནི། །ཐུགས་རྗེའི་བདག་ཉིད་ཐམས་ཅད་ལ། །ཕྱག་འཚལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཅུར་འབྱེར་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱེད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། །ཁྱེད་ལ་སྐྱབས་སུ་མཆི་ལགས་ཀྱི། །འཇིགས་པ་མྱུར་དུ་བསལ་དུ་གསོལ། །ཚེ་ལས་འདས་པ་ཆྒཻ་མོ་ཞེས་བགྱི་བ་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ ― LT34_Page_0239 ―
[མ་དཔེ་གཟིགས་ན་འདིར་གནོན།]
ཀྱི་བར་དུ། བརྒྱུད་ལྡན་བླ་མ་ཐུགས་རྗེ་ཅན་དང་། དཀོན་མཆོག་རིན་པོ་ཆེ་རྣམ་པ་གསུམ་དང་། སྨན་ཆོག་སྐབས། བཅོམ་ལྡན་འདས་སྨན་གྱི་བླ་བཻ་ཌཱུརྻ་འོད་ཀྱི་རྒྱལ་པོ་བདེ་བར་གཤེགས་པ་བརྒྱད་ཀྱི་ལྷ་ཚོགས་འཁོར་བྱང་ཆུབ་སེམས་དཔའ་བཅུ་དྲུག་དང་བཅས་པ་ཐམས་ཅད་ལ་ཕྱག་འཚལ་ཞིང་སྐྱབས་སུ་མཆིའོ། །ཞེས་དང་། ཐར་ཆོག་ལ། བཅོམ་ལྡན་འདས་དཔལ་རྣམ་པར་སྣང་མཛད་ཆེན་པོ་ལ་སོགས་པ་བདེ་བར་གཤེགས་པ་སྲས་དང་སློབ་མར་བཅས་པ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །ཞེས་སྦྱར། མཐར། སྡིག་པ་ཐམས་ཅད་སྤྱད་དུ་གསོལ། ལམ་བསྟན་དུ་གསོལ། མྱུར་དུ་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་ཐོབ་པར་མཛད་དུ་གསོལ། ཞེས་དང་གུས་དྲག་པོ་དང་བཅས་སྙིང་ཐག་པ་ནས་གསོལ་བ་བཏབ་པས་སྐྱབས་འོག་ཏུ་ཚུད་ཅིང་ཐར་པའི་ལམ་སྣ་ཟིན་པར་བསམ། བཀྲེས་སྐོམ་བསལ་ཞིང་འཁྲི་བ་བཅད་པའི་ཕྱིར་ཟས་གཏད་བྱེད་པ་ནི། ཤ་ཆང་ལ་སོགས་པ་དང་མ་འདྲེས་པའི་དཀར་མངར་གྱི་ཁ་ཟས་དང་། ཇ་འོ་སོགས་བཏུང་བ་དར་ཟབ་ལ་སོགས་པ་བཤམས་ལ་ཆབ་བྲན། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བྱིན་གྱིས་བརླབས་པའི་སྟོབས་དང་། བདག་གི་བསོད་ནམས་དང་སྨོན་ལམ་གྱི་སྟོབས་དང་རིག་སྔགས་ཀྱི་ ― LT34_Page_0240 ―
[མ་དཔེ་གཟིགས་ན་འདིར་གནོན།]
སྟོབས་ཀྱིས་བཤམས་པའི་རྫས་འདི་དག་འདོད་པའི་ཡོན་ཏན་ཟད་མི་ཤེས་པ། ཚེ་ལས་འདས་པའི་དབང་པོའི་སྤྱོད་ཡུལ་དུ་ཅི་འདོད་འབྱུང་ཞིང་རྒྱས་པར་གྱུར་ཅིག །ཨོཾ་ཨཱཿཧཱུྃ་ལན་གསུམ་གྱིས་བྱིན་བརླབ། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན་གྱིས་སྤྱིར་བསྔོ། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །གཟུགས་མཛེས་དམ་པ་ལ༴ །སྐུ་འབྱམས་གླས་ལ༴ །འཇིགས་པ་ཐམས་ཅད་དང་ཡོངས་སུ་བྲལ་བ་ལ༴ །མཚན་བཞི་བརྗོད་པས་སྒྲིབ་པ་དང་བྲལ་བར་བྱས་ལ། ཁ་དོག་དབྱིབས་ལེགས་ཡིད་འོང་གཟུགས་མཛེས་ལྡན། །ཕྱོགས་དུས་ཀུན་ན་གཟུགས་མཆོག་ཅི་མཆིས་པ། །བློ་ཡིས་བླངས་ཏེ་དམིགས་ཡུལ་ཁྱོད་ལ་སྦྱིན། །བཞེས་ཤིག་གཟུགས་ཀྱི་འདོད་པ་ཡོངས་རྫོགས་ཤོག །ཨོཾ་རཱུ་པ་ཀཱ་མ་གུ་་ཨཱཿཧཱུྃ། ཕྱོགས་དུས་ཀུན་ན་ཟིན་དང་མ་ཟིན་པའི། །ཡོན་ཏན་ཚིག་བརྗོད་སྒྲ་བརྙན་ཡིད་འོང་ལྡན། །བློ་ཡིས་བླངས་ཏེ་དམིགས་ཡུལ་ཁྱོད་ལ་སྦྱིན། །བཞེས་ཤིག་སྒྲ་ཡི་འདོད་པ་ཡོངས་རྫོགས་ཤོག །ཨོཾ་ཤབྡ་ཀཱ་མ་གུ་་ཨཱཿཧཱུྃ། ཕྱོགས་དུས་ཀུན་ན་ཙནྡན་སྦྲུལ་སྙིང་དང་། །ཨ་གར་ལ་སོགས་དབང་པོ་ཚིམས་བྱེད་དྲི། །བློ་ཡིས་བླངས་ཏེ་དམིགས་ཡུལ་ཁྱོད་ལ་སྦྱིན། །བཞེས་ཤིག་དྲི་ཡི་འདོད་ ― LT34_Page_0241 ―
[མ་དཔེ་གཟིགས་ན་འདིར་གནོན།]
པ་ཡོངས་རྫོགས་ཤོག །ཨོཾ་གནྡྷེ་ཀཱ་མ་གུ་་ཨཱཿཧཱུྃ། ཕྱོགས་དུས་ཀུན་ན་རོ་དང་བཅུད་ལྡན་པ། །ལུས་སེམས་བརྟས་བྱེད་རོ་མཆོག་ཅི་མཆིས་པ། །བློ་ཡིས་བླངས་ཏེ་དམིགས་ཡུལ་ཁྱོད་ལ་སྦྱིན། །བཞེས་ཤིག་རོ་ཡི་འདོད་པ་ཡོངས་རྫོགས་ཤོག །ཨོཾ་རཱ་ས་ཀཱ་མ་གུ་་ཨཱཿཧཱུྃ། ཕྱོགས་དུས་ཀུན་ན་འཇམ་མཉེན་འཁྲིལ་ཆགས་པའི། །རེག་བྱ་ཁྱད་པར་འཕགས་པ་ཅི་མཆིས་པ། །བློ་ཡིས་བླངས་ཏེ་དམིགས་ཡུལ་ཁྱོད་ལ་སྦྱིན། །བཞེས་ཤིག་རེག་བྱའི་འདོད་པ་ཡོངས་རྫོགས་ཤོག །ཨོཾ་སྤརྴེ་ཀཱ་མ་གུ་་ཨཱཿཧཱུྃ། ཅེས་ཚིགས་སུ་བཅད་པས་འདོད་ཡོན་སོ་སོར་བསྡོས་ལ། ཐམས་ཅད་ནམ་མཁའི་མཛོད་བཞིན་ཏུ། །ལོངས་སྤྱོད་ཆད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །ཁ་ཟས་བསྟབས་པ་འདི་ཡི་མཐུས། །འཁྲུལ་སྣང་འཇིགས་སྐྲག་ཐམས་ཅད་ཞི། །བར་དོ་རང་ངོ་འཕྲོད་གྱུར་ཏེ། །དག་པའི་ཞིང་དུ་འགྲོ་བར་ཤོག །ཅེས་སྨོན་ལམ་བྱའོ། །དེ་ནས་ལམ་བསྟན་པ་ནི། དཀོན་མཆོག་རིན་ཆེན་དཔལ་ཞིང་དུ། །དཀོན་མཆོག་རིན་ཆེན་ལས་བྱུང་བ། །དཀོན་མཆོག་རིན་ཆེན་འོད་ཟེར་ ― LT34_Page_0242 ―
[མ་དཔེ་གཟིགས་ན་འདིར་གནོན།]
གྱིས། །རིན་ཆེན་ཕྲེང་བ་རྣམ་དག་པ། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བླ་ན་མེད་པའི་ཁྱད་པར་ལམ། །བྱང་ཆུབ་བར་ཆད་མེད་པའི་ལམ། །རྣམ་པར་གྲོལ་བའི་ལམ་དག་ལ། །བརྟེན་ནས་སྡིག་པ་ཀུན་སྦྱངས་ནས། །འཕགས་པའི་ལམ་དེར་འགྲོ་བར་ཤོག །ཨོཾ་རཏྣེ་རཏྣེ་མ་ཧཱ་རཏྣེ་རཏྣ་སཾ་བྷ་ཝ། རཏྣ་ཀི་ར་ེ། རཏྣ་མཱ་ལ་བི་ཤུདྡྷེ་ཤོ་དྷ་ཡ་སརྦ་པཱ་པཾ་ཧཱུྃ་ཕཊ། ཚེ་འདས་ཀྱི་རྣམ་ཤེས་ཨ་དཀར་པོ་དྲི་མ་མེད་པའི་རྣམ་པ་ཅན་དེ་ཤར་ཕྱོགས་བཻ་ཌཱུརྻའི་ཞིང་ན་བཞུགས་པའི་བཅོམ་ལྡན་འདས་སྨན་གྱི་བླ་མའི་ཐུགས་ཀར་འཕོས་པར་གྱུར། ཅེས་སྨན་ཆོག་དང་། ཐར་ཆོག་ལ། རྣམ་པ་ཅན་དེ་འོག་མིན་སྟུག་པོ་བཀོད་པའི་ཞིང་ཁམས་སུ་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་འཕོས་པར་གྱུར། ཅེས་བསྒྱུར། པདྨ་འདམ་གྱིས་མ་གོས་ལྟར། །སྲིད་གསུམ་དྲི་མས་མ་གོས་པ། །སྲིད་པའི་པདྨོ་ལས་བྱུང་བའི། །དག་པའི་ཞིང་དུ་སྐྱེ་བར་ཤོག །རོལ་མོ་དང་བཅས་ཏེ། ཨོཾ་པདྨེ་པདྨེ་པདྨ་ཨུདྦྷ་ཝེ་མ་ཧཱ་བུདྡྷ་ཀྵེ་ཏྲ་གཙྪ་ནྟུ་སྭཱ་ཧཱ། ཞེས་བརྗོད་ལ་ལྟ་བའི་དབྱིངས་སུ་མཉམ་པར་བཞག་པས་ ― LT34_Page_0243 ―
[མ་དཔེ་གཟིགས་ན་འདིར་གནོན།]
རྒྱས་གདབ་སྟེ་རྣམ་ཤེས་དག་པའི་ཞིང་དུ་སྤར། རྟེན་མིང་བྱད་བསྲེག་པ་ནི། མར་མེ་སྦར་ལ། སྟོང་ཉིད་ཡེ་ཤེས་འབར་བའི་མེས། །ཚེ་འདས་སྒྲིབ་བའི་བུད་ཤིང་དང་། །འཁོར་བའི་སྡུག་བསྔལ་མ་ལུས་པ། །ཡེ་ཤེས་སྣང་བར་འབར་གྱུར་ཅིག །ལན་གསུམ། དེ་ནས་རོལ་མོ་དང་བཅས་ཏེ་གཟུངས་སྔགས་རྣམས་བརྗོད་ཅིང་བསྲེགས་པའི་ཐལ་བ་ཆུ་བོར་དོར་བའམ་སཱཙྪ་གདབ། བསྔོ་བ་རྒྱས་བསྡུས་གང་ལྕོགས་དང་། བཟང་སྤྱོད་སོགས་ཐེག་པ་ཆེན་པོའི་སྨོན་ལམ་རྒྱས་པར་སྤེལ་ལོ།། ༈ །།ཡང་གསོན་དགུད་བཟུང་བའི་བདུན་ཚིགས་ཀྱི་མཚམས་ལྟ་བུར་སྡིག་སྦྱོང་བྱེད་ན། བཅའ་གཞི་དང་འདོན་བྱ་རྣམས་སྔ་མ་དང་ཁྱད་པར་མེད་པ་ལས་དམིགས་རྟེན་བྱང་བུ་མི་དགོས། ཆོ་གའི་དངོས་གཞི་གྲུབ་པ་དང་སྦྱིན་བདག་ཉིད་མདུན་དུ་འཁོད་བཅུག་ལ། ཐོག་མར་གཟུངས་སྔགས་ཚར་གཅིག་བརྗོད། བགེགས་གཏོར་བྱིན་རླབས་ནས་བསྔོ་བ་མན་ཆད་གོང་གི་གཤིན་ཆོག་ལྟར་བྱ་བ་ལས། ཚེ་འདས་ཞེས་པ་རྣམས་དོར་ནས། ཚེ་དང་ལྡན་པ་ཞེས་སམ། སྦྱིན་བདག་གམ། དམིགས་ཡུལ། ཞེས་བསྒྱུར་བ་སོགས་རིག་པས་འཕྲུལ་ཏེ་མཐར་ཆགས་སུ་བཏང་། གཙོ་བོ་རྒྱལ་བས་ཕྱག་འཚལ་ཞིང་སྐྱབས་སུ་སོང་བའི་མཇུག་གི་ཚིག་ལྷུག ། ― LT34_Page_0244 ―
[མ་དཔེ་གཟིགས་ན་འདིར་གནོན།]
སངས་རྒྱས་ཀྱི་གོ་འཕང་ཐོབ་བར་མཛད་དུ་གསོལ། ཅེས་པ་ཡན་གྱིས་གྲུབ་པ་ཡིན་ཀྱང་། ཁ་ཅིག་གིས་སྡིག་པའི་ས་བོན་སྲེག་པའི་ཕྱག་ལེན་འདུག་པ་ལྟར་ན་ཀཾ་ཡིག་བྲིས་པའི་བྱང་བུ་ལ་སྦྱིན་བདག་གི་སྡིག་སྒྲིབ་ཐམས་ཅད་ཐིམ་པར་མོས་ལ། སྟོང་ཉིད་ཡེ་ཤེས་སོགས་དང་གཟུངས་སྔགས་བརྗོད་པས་བསྲེག །གང་ལྟར་དགེ་བ་བསྔོས་པས་གྲུབ་བོ། །གསུམ་པ་ནི། ཆོ་གའི་མཇུག་གི་བྱ་བ་གཏང་རག་གི་ཕྱག་མཆོད་འབུལ་བ་ནས་ཤིས་པ་བརྗོད་པའི་བར་ཆོ་ག་སོ་སོའི་གཞུང་ལས་འབྱུང་བ་ལྟར་མཐའ་རྒྱས་སུ་བྱའོ། །འཇུག་པར་སླ་ཞིང་ཉམས་ལེན་ཤིན་ཏུ་བདེ། །ཁེ་ཆེ་ཉེན་ཆུང་མདོ་སྡེ་རྟོགས་པའི་རྒྱུད། །ཚུལ་བཞིན་སྒྲུབ་རྣམས་གཞན་ཕན་ཕྱག་ཆ་རུ། །ལྷག་པའི་བསམ་པ་བཟང་པོས་འདུས་གསལ་བཀོད། །དྲི་མེད་རྒྱལ་བའི་བཀའ་གཞུང་སྤྱོད་རྣམས་ཀྱིས། །སྐལ་བཟང་འགྲོ་བ་ཐར་པའི་ལམ་མཆོག་ཏུ། །འདྲེན་པའི་ཤིང་རྟ་ཆེན་པོར་འདི་གྱུར་ནས། །སྡུག་བསྔལ་འཁོར་བའི་གྲོང་ཁྱེར་སྟོང་བྱེད་ཤོག །ཅེས་པ་འདི་དང་བསླབ་བ་གསུམ་གྱི་བདག་ཉིད་འདུལ་འཛིན་མཁན་པོ་ཀརྨ་དབང་ལྡན་ནས་ཆེད་དུ་བསྐུལ་ངོར།། ༈ །།ཀརྨ་ངག་དབང་ཡོན་ཏན་རྒྱ་མཚོ་ཕྲིན་ལས་ཀུན་ཁྱབ་དཔལ་བཟང་པོས་སྦས་པའི་སྒྲུབ་གནས་ཀྱི་ ― LT34_Page_0245 ―
[མ་དཔེ་གཟིགས་ན་འདིར་གནོན།]
རྒྱལ་པོ་འོད་གསལ་རྡོ་རྗེ་ཨའི་ཕུག་པར་དཔལ་ཞྭ་ལུ་པ་ཆེན་པོ་རིན་ཆེན་བློ་གསལ་བསྟན་སྐྱོང་གི་གསུང་ཉིད་གཞིར་བཞག །ཁ་སྐོང་མཐོང་བརྒྱུད་མདོ་ལུགས་ཀྱི་ཆོག་གང་རུང་ལ་སྤོ་ཆོག་པ་བཀླགས་པས་གྲུབ་པར་བསྡེབས་པ་དགེ་ལེགས་འཕེལ།། ༈ །།ཚུལ་འདི་མཁན་པོ་བླ་མ་དབང་ལྡན་གྱི། །དགོངས་བཞེད་ཇི་བཞིན་དཔལ་སྤུངས་གདན་ས་རུ། །སྤར་དུ་བསྒྲུབས་པའི་དགེ་བས་འགྲོ་བ་ཀུན། །གནས་སྐབས་མཐར་ཐུག་ཕན་བདེའི་དཔལ་གྱིས་འཚོ། །ས་དང་ལམ་གྱི་ཡོན་ཏན་རབ་རྫོགས་ནས། །སྐུ་བཞི་ཡེ་ཤེས་ལྔ་ལྡན་རྒྱལ་བ་འགྲུབ། །བླ་མ་མཆོག་ཀྱང་དགོངས་པ་ཆོས་དབྱིངས་སུ། །རྫོགས་ནས་འགྲོ་བའི་དཔལ་མགོན་བགྱིད་པར་ཤོག། །།སརྦ་དཱ་མངྒ་ལཾ།། །། བཅུ་གཅིག་ཞལ་དཔལ་མོ་ལུགས་དང་འབྲེལ་བར་སྨྱུང་གནས་སྒྲུབ་པའི་ལག་ལེན་གསེར་སྡོང་གཡུའི་ཕྲ་ཚོམ།― LT34_Page_0247 ―
[མ་དཔེ་གཟིགས་ན་འདིར་གནོན།]
བཅུ་གཅིག་ཞལ་དཔལ་མོ་ལུགས་དང་འབྲེལ་བར་སྨྱུང་གནས་སྒྲུབ་པའི་ལག་ལེན་གསེར་སྡོང་གཡུའི་ཕྲ་ཚོམ་ཞེས་བྱ་བ་བཞུགས་སོ།། །། ― LT34_Page_0248 ―
[མ་དཔེ་གཟིགས་ན་འདིར་གནོན།]
ན་མོ་གུ་ར་བེ། ཐུགས་རྗེའི་དབང་ཕྱུག་སྤྱན་རས་གཟིགས། །མཚན་ཐོས་ཙམ་གྱིས་འཁོར་བ་དང་། །ངན་སོང་ངན་འགྲོའི་རྒྱུན་གཅོད་ཅིང་། །དངོས་གྲུབ་མཆོག་སྩོལ་དེར་བཏུད་ནས། །གང་གི་སྒྲུབ་ཐབས་རྒྱ་མཚོ་ལས། །དཔལ་མོའི་བཞེད་གཞུང་བདུད་རྩིའི་བཅུད། །མཆོག་དམན་བར་མའི་ཉེར་འཚོའི་གསོས། །ཉམས་ལེན་འདོད་རྣམས་འཇུག་ངོགས་འདིའོ། །དེ་ཡང་གྲུབ་བརྙེས་མ་དཔལ་མོས་མཛད་པའི་བཅུ་གཅིག་ཞལ་གྱི་སྒྲུབ་ཐབས་འདི་ཉིད་བྱ་རྒྱུད་པདྨའི་རིགས་ཀྱི་འཁོར་ལོས་སྒྱུར་བ་ཞལ་བཅུ་གཅིག་པའི་གཟུངས་ལ་བརྟེན་པ་རྒྱ་བོད་མཁས་གྲུབ་རྣམས་ཀྱི་བཞེད་པ་མཐུན་ཅིང་། བྱ་རྒྱུད་ཡིན་ན་བདག་བསྐྱེད་མེད་པས་ཁྱབ་པའང་ཆེན་པོ་ཕལ་གྱི་དགོངས་བཞེད་མཐུན་ཡང་། བོད་ཀྱི་བླ་མ་ཁ་ཅིག་ནས་རྡོ་རྗེ་ཕྲེང་བའི་རིགས་པས་བདག་བསྐྱེད་ཅན་འདི་རིགས་ལྷའི་ངོ་བོ་བྱ་རྒྱུད་ཡིན་ཀྱང་ཆོ་གའི་ཆིངས་བླ་མེད་ཀྱིས་བཀབ་པར་ ― LT34_Page_0249 ―
[མ་དཔེ་གཟིགས་ན་འདིར་གནོན།]
བཞེད་པ་དང་། ཁ་ཅིག་གིས་བྱ་རྒྱུད་ལ་ཙམ་པོ་བ་དང་ཁྱད་པར་བ་གཉིས་ཡོད་པའི་ཁྱད་པར་བ་ལ་བདག་བསྐྱེད་ཡོད་པའི་ཁུངས་དྲངས་བ་སོགས་བཞེད་པ་འདྲ་མིན་མང་པོའི་ནང་གཙོ་བོ་དེ་གཉིས་མཆིས་པ་ལས། སྔ་མ་ལྟར་ན་ཆོ་གའི་སྲོག་ལྷ་སྔགས་ཀྱི་རྣལ་འབྱོར་བདག་མདུན་སྒྲུབ་པའི་ཆིངས་བླ་མེད་ལྟར་ཆོག་དུས། ཡན་ལག་གཞན་ཡང་དེ་ལྟར་མི་ཆོག་པའི་རྒྱུ་མཚན་མེད་ལ། དེ་ལྟ་ན་ཁྲུས་དང་སྨྱུང་གནས་སོགས་ཀྱང་གཏན་ནས་མི་དགོས་པའམ་བག་ཡངས་སུ་སྤྱོད་ཆོག་བར་འགྱུར་ཞིང་དེ་ནི་ད་ལྟའི་བར་གྱི་ཕྱག་ལེན་གྱི་རྒྱུན་རྣམ་དག་ལ་མི་བྱེད་པས། ལུགས་དེ་སྐབས་འདིར་ནི་མི་ལེགས་སོ། །ཕྱི་མ་ལྟར་ནའང་ཡེ་ཤེས་རྡོ་རྗེ་ཀུན་བཏུས་སོགས་ཀྱི་ལུང་དོན་དང་མི་འབྱོར་བ་དམ་པ་མང་པོས་བཏགས་ཟིན་འཐག་མི་དགོས་ལ། འདིར་ནི་རྗེ་བཙུན་སྒྲོལ་མགོན་ཞབས་དང་། ཀུན་མཁྱེན་ཆོས་ཀྱི་འབྱུང་གནས་སོགས་ཀྱིས་བྱ་རྒྱུད་སྤྱོད་རྒྱུད་ ― LT34_Page_0250 ―
[མ་དཔེ་གཟིགས་ན་འདིར་གནོན།]
ལྟར་ཉམས་སུ་ལེན་པའི་ཚུལ་ཡིན་པར་བཞེད་ཅིང་། ལྷ་དྲུག་གི་རྣམ་བཞག་སོགས་ཀྱང་སྤྱོད་རྒྱུད་དང་འབྲེལ་བར་འཆད་དེ། ཕྱིའི་བྱ་བ་གཙང་སྒྲ་ལ་སོགས་པ་དང་ནང་གི་ཏིང་ངེ་འཛིན་ཆ་མཉམ་དུ་སྤྱོད་པ་སྒྲུབ་ཐབས་འདི་ལ་ཡོད་པའི་ཕྱིར་ཕྱོགས་དེ་འཐད་ལྡན་ཡིན་ནོ། །གང་ལྟར་བྱ་བ་ཐུན་མོང་དུ་འགྲོ་བའི་ལས་ཀྱི་རིམ་པ་རྣམས་ངེས་པར་དགོས་པ་རིགས་པས་གྲུབ་མོད། ཕྱག་ལེན་གྱི་རྒྱུན་ལ་མི་གསལ་བ་ནི་བོད་འདིར་ཡུལ་དུས་དབང་གིས་བྱ་སྤྱོད་རང་རྐང་ཚུགས་པའི་ཉམས་ལེན་མཁན་གྱི་སྒྲུབ་པོ་དང་ཆོས་སྡེ་མ་དར་བས་སྲོལ་ཀ་མདོད་པའི་ཁར། ཆོག་ཐན་ཐུན་འདི་རིགས་ཉམས་ལེན་མཛད་མཁན་མཆོག་དམན་ཕལ་མོ་ཆེ་སྔགས་བླ་མེད་ལ་མོས་བས་སྤྱོད་པ་མང་བའི་རྒྱུས་ཅུང་ཟད་ལྷོད་ཡངས་སུ་གྱུར་པ་མངོན་ལ། འོན་ཀྱང་བླ་མེད་ཀྱི་ལུགས་སུ་བསྐྱེད་རྫོགས་གང་ལ་རྣལ་འབྱོར་དུ་བྱེད་ཀྱང་མཉམ་བཞག་གི་ཡེ་ཤེས་རྗེས་ཐོབ་ཏུ་བསྲེ་ནུས་དགོས་ལ། དེ་ལྟར་ལམ་དུ་ཁྱེར་བ་ཡོད་ན་མ་དག་པ་དང་བར་ཆད་སོགས་ཀྱི་མཚན་རྟོག་གི་འཇུག་ཡུལ་སྟོང་པས་ཕྱིའི་བྱ་བ་ཕྲན་བུ་ལ་ལྟོས་པ་མིན་ཀྱང་། ད་ལྟ་འདི་རིགས་ཉམས་སུ་ལེན་ཁུལ་བྱེད་པ་ཡང་རུང་དེ་ལྟའི་དྲན་པ་དང་ཤེས་བཞིན་གྱི་ཏིང་ངེ་འཛིན་རྒྱུན་ཆགས་ཡོད་པ་དཀོན་ཕྱིར་གཉིས་བསྲེས་པས་གཉིས་མིན་ཏུ་འགྱུར་བར་དོགས་པས། བྱ་སྤྱོད་རང་ལུགས་ཇི་ལྟ་བའི་ཉམས་ལེན་བྱེད་པ་མ་འཁྱོངས་རུང་། ― LT34_Page_0251 ―
[མ་དཔེ་གཟིགས་ན་འདིར་གནོན།]
ཅི་ནུས་ཅི་ལྕོག་གིས་གཙོ་གང་ཆེ་ཙམ་ཞིག་མི་བསྒྲུབ་པར་བཏང་སྙོམས་བྱེད་པའང་ཤིན་ཏུ་རིགས་པ་མ་ཡིན་པས། བྱ་རྒྱུད་དཀྱིལ་འཁོར་སུམ་སྟོང་ལྔ་བརྒྱའི་གསང་བ་སྤྱིའི་ཆོ་ག་བསྟན་པ་གསང་བ་སྤྱི་རྒྱུད་དང་ལེགས་པར་གྲུབ་པ་སོགས་ལས་ཡུལ་དུས་དང་འཚམས་པ་ཙམ་ཞིག་ལག་ལེན་ཏུ་འདེབས་པར་བྱ་འོས་པས་ཆོ་ག་མི་ཉམས་པར་བཏང་བ་རྣམས་ཀྱི་ཆ་རྐྱེན་ཏུ་འདིར་ཉེར་མཁོ་ཅུང་ཟད་འཆད་པར་འདོད་དོ།། ༈ །།དེ་ལའང་སྤྱིར་ཤེས་པར་བྱ་བ་དང་། བྱེ་བྲག་ལག་ཏུ་ལེན་ཚུལ་གཉིས་འབྱུང་བ་ལས་དང་པོ་ལའང་གནས་དུས་སྒྲུབ་པའི་ཡོ་བྱད་གསུམ། ཐོག་མར་གནས་ལའང་སྤྱི་དང་ཁྱད་པར་རོ། །སྤྱིར་ནི་ལག་ན་རྡོ་རྗེ་དབང་བསྐུར་བའི་རྒྱུད་ལས། བྱང་ཕྱོགས་ཀྱི་རྒྱུད་དུ་ནི་བྱང་ཆུབ་སེམས་དཔའ་ལག་ན་པདྨོ་འགྲུབ་པར་འགྱུར་རོ། །ཞེས་རང་རེ་བྱང་ཕྱོགས་ཁ་བ་ཅན་པའི་ལྗོངས་འདིར་རིག་སྔགས་ཐམས་ཅད་ལས་འཕགས་པ་སྤྱན་རས་གཟིགས་ཀྱི་རིག་སྔགས་འགྲུབ་ཐག་ཉེ་ཞིང་བསྒྲུབ་པའི་གནས་ཁྱད་པར་དུ་འཕགས་ལ། བྱེ་བྲག་ཏུ་གསང་བ་སྤྱི་རྒྱུད་ལས། པདྨའི་རིགས་ཀྱི་དཀྱིལ་འཁོར་པདྨ་དང་ལྡན་པའི་མཚོ་འགྲམ་དུ་བྱ་བར་གསུངས་ལ། དེ་ལྟར་མ་འཛོམ་ཚེ་རྒྱུད་དེ་ལས། རིང་བསྲེལ་ཅན་གྱི་མཆོད་རྟེན་དྲུང་། །བདེ་བར་གཤེགས་པའི་སྔགས་འགྲུབ་འགྱུར། ― LT34_Page_0252 ―
[མ་དཔེ་གཟིགས་ན་འདིར་གནོན།]
ཞེས་རྟེན་རིང་བསྲེལ་ཅན་བཞུགས་པའི་མདུན་ཏུ་གསང་སྔགས་བསྒྲུབ་ན་གེགས་མི་འཇུག་པ་དང་དངོས་གྲུབ་མྱུར་བའི་དགོས་པ་ཡོད་དོ། །གཉིས་པ་དུས་ཀྱང་སྤྱིར་ཡར་ངོའི་ཚེས་གཉིས་བཞི་དྲུག་དགུ་བཅུ་གཉིས་མ་གཏོགས་པའི་ཉི་མ་བཅུ་པོ་རྣམས་དཀྱིལ་འཁོར་སྤྱིའི་བྱ་བ་ལ་དགེ་བར་བཤད་ཅིང་། ཁྱད་པར། ཚེས་ལྔའམ་ཡང་ན་ཚེས་བདུན་ནམ། །ཟླ་བ་ཉ་ལ་ཁྱད་པར་དུ། །ཕྱག་ན་པདྨོའི་དཀྱིལ་འཁོར་གྱི། །ཆོ་ག་རྣམས་ནི་བྱ་བར་ཤིས། །ཞེས་པ་ལྟར་འཕྲལ་གྱི་རྟེན་འབྲེལ་ཡང་གལ་ཆེ་བས་གཟབ་དགོས་ཏེ། ཚེས་གྲངས་ངན་དང་དུས་མིན་དང་། །གནས་མིན་ཆོག་མི་ལྡན་པར། །མཁས་པས་དཀྱིལ་འཁོར་མི་བྲིའོ། །བྲིས་ན་དོགས་པ་མེད་པར་འཆི། །ཞེས་ཚེས་གྲངས་ངན་པ་གཉིས་དང་མར་ངོ་སོགས། དུས་མིན་ལྷོ་བགྲོད་ལ་རྒྱས་པའི་ལས་ལྟ་བུ། གནས་མིན་མི་ནག་གི་གྲོང་དང་དུར་ཁྲོད་ལྟ་བུ། ཆོ་ག་གཞུང་མཐུན་མི་ཤེས་པར་གསང་སྔགས་ཀྱི་དཀྱིལ་འཁོར་བརྩམས་པ་ནི་འདིར་མ་ཟད་རྣམ་པ་ཀུན་ཏུ་སྨད་དོ། །གསུམ་པ་ཡོ་བྱད་ལའང་སྤྱིར་དབང་བསྐུར་བ་དང་། དངོས་གྲུབ་སྒྲུབ་པའི་དཀྱིལ་འཁོར་ལྟ་བུའི་སྐབས་སུ་ནི་དགོས་ཆས་མང་རུང་། བྱེ་བྲག་དཀྱིལ་འཁོར་འདི་ལ་མེད་དུ་མི་རུང་བ་ལག་ཏུ་འབྱོར་ཚོད་སྟ་གོན་ཏུ་ ― LT34_Page_0253 ―
[མ་དཔེ་གཟིགས་ན་འདིར་གནོན།]
དགོས་པ་ནི། རབ་ཙནྡན་དཀར་པོ་ལས་བྱས་པའི་ཞལ་བཅུ་གཅིག་པའི་སྐུ་བརྙན་རིང་བསྲེལ་ལྡན་པ། མ་འབྱོར་ན་བྲིས་སྐུ་ཚད་ལྡན། རིན་པོ་ཆེའི་མཎྜལ་ཆེ་ལེགས་གས་ཆག་མེད་པ། རྡུལ་ཚོན་སྣ་ལྔ། གསེར་དངུལ་ལམ་ཁྱད་པར་དུ་བསྔགས་པ་ཟངས་བུམ་ཚད་ལྡན་དར་རས་དཀར་པོ་ཁ་ཚར་མཉམས་པའི་མགུལ་ཆིངས། ལོ་མ་དང་འབྲས་བུ་ལྡན་པའི་ཤིང་གི་ཁ་རྒྱན། ཟངས་ལས་བྱས་པའི་པདྨ་དང་མེ་ཏོག་གི་ཕྲེང་བས་བརྒྱན་པ། འབྱོར་ན་བརྒྱད་དམ་བཞི་དགོས་ཀྱང་མ་འབྱོར་ཚེ་གཅིག །ཀུ་ཤའི་ཁ་རྒྱན་ཀྱང་འགལ་བ་མེད་མོད་རྨ་བྱའི་སྒྲོ་ནི་མཚོན་དོན་གྱི་དབང་གིས་བྱ་སྤྱོད་རིགས་ལ་འཛུགས་སྲོལ་མེད་དོ། །བུམ་རྫས་ཀྱང་སྤྱི་རྒྱུད་ལས་གསུངས་པའི་བཅོ་ལྔ་པ་དགོས་སྟེ། དེའང་རིན་པོ་ཆེ་ལྔ་ནི་གསེར། བྱེ་རུ། དུང་། མུ་ཏིག །ནོར་བུ་སྟེ་ཤེལ་རིགས་གང་རྙེད་དགོས་ཀྱང་རྙེད་དཀའ་བས་པད་རཀ་ཕྱོགས་གཏོགས་ནལ་བཅས་དང་། འབྲུ་ལྔ་ནི། འབྲས་མ་གྲུགས་པ་སྟེ་ཤུན་པ་མ་ཕྲལ་བ། སྲན་མཱ་ཥ་སྟེ་སྲན་མ་ཟླུམ་པོ་ཁ་དོག་སྲེ་བོ་ཅན། ནས། གྲོ། ཏིལ་དཀར་བཅས། སྨན་ལྔ་ནི། སྟག་ཚེར། སེང་ཚེར། ཤུ་དག་དཀར་པོ། ཅོ་ག་གླད་སྨན། ཨུཏྤལ་བཅས་གཙང་སྦྲ་ལྡན་པ་དགོས། དྲི་བཟང་ཆུའམ་སྦོས་ཆུས་བཀང་བ་ཞེས་པ་ནི། ― LT34_Page_0254 ―
[མ་དཔེ་གཟིགས་ན་འདིར་གནོན།]
ཙན་དན་ག་བུར་གུར་གུམ་རྣམས་སྦྱར་བའི་ཆུས་བཀང་བའོ། །ལས་བུམ་མགུལ་ཆིངས་དམར་པོ་ཅན། མེ་ལོང་། ཁྲུས་སྣོད། ཁྲུས་རས་དཀར་པོ། གོས་ཟུང་སྣ་ཚོགས་དང་། འབྲས་ཡོས། དྲི་བཟང་། མེ་ཏོག་དཀར་པོ། ཀུ་ཤ །ཏིལ་དཀར། ཆུ་གཙང་བཅས་སྦྱར་བའི་མཆོད་ཡོན་ཏེ་དེའང་། ལེགས་གྲུབ་ལས། མཆོད་ཡོན་ཕྱིར་ནི་ཟངས་ཀྱི་སྣོད། །ལས་རྣམས་ཀུན་ལ་རབ་ཏུ་ཤིས། །ཞེས་གསུངས་པ་ལྟར་ཟངས་སྣོད་རྗེས་སྣ་ལྔ་པོ་བཏབ་ལ། སྤྱན་འདྲེན་དང་བཛྲ་ཨརྒྷཾ་ནམ་བྱུང་ཆུ་བུམ་ནས་ཆུ་གཙང་དེར་སྦྲེང་དགོས་ལ། རྒྱུད་དེ་དག་ལས་མེ་ཏོག་བདུག་སྤོས་དྲི་ཞལ་སོགས་ལ་རིགས་ད་བྱང་སོ་སོའི་ཁྱད་པར་ཤིན་ཏུ་རྒྱས་པར་འབྱུང་ཡང་འབྱོར་དཀའ་བས། སྐབས་འདིར་འཛོམ་ན་ཆུ་སྐྱེས་མེ་ཏོག་དཀར་པོ་དང་དམར་པོ་གང་རྙེད་མ་རྙེད་ན་ཙམ་པ་ཀར་གྲགས་པ་དང་ནས་འབྲས། འཛོམ་ན་ཙན་དན་དང་ཨ་ག་རུ་བསྲེས་པའི་བདུག་སྤོས། སྤོས་སྣོད་རིན་པོ་ཆེའམ་ཁམ་ཕོར་སོ་མ་བཏང་བ་དཀྱིལ་འཁོར་ཕྱོགས་མཚམས་བརྒྱད་དུ་བཞག་པའམ་གང་འབྱོར། མ་འཛོམ་ན་ཆང་དང་གླ་རྩི་སོགས་སྲོག་ཆགས་ཀྱི་ཡན་ལག་མ་འདྲེས་པའི་སྤོས་ཕྱེ་སོགས། རྩི་མར་དང་འབྲུ་མར་གྱི་མར་མེ། ཙན་དན་དཀར་པོ་དང་ག་བུར་སྦྱར་བའི་དྲི་ཆབ་ཤ་ཁྲག་གི་རིགས་མ་འདྲེས་པའི་ཞལ་ཟས། ཏིང་ཤག་ལྟ་བུ་རོལ་མོའི་རིགས་བྱེད། གཞན་ཡང་འཕན་གདུགས་རྒྱལ་མཚན། བཀྲ་ཤིས་རྫས་རྟགས། རྒྱལ་སྲིད་རྣམ་བདུན་སོགས་མཆོད་པའི་བྱེ་བྲག་འཚམས་ཤིང་འོས་པ་རྣམས་འབྱོར་ན་བརྒྱ་རྩ་ ― LT34_Page_0255 ―
[མ་དཔེ་གཟིགས་ན་འདིར་གནོན།]
ལ་སོགས་པ་དང་། མ་འབྱོར་རུང་ཅི་ཙམ་འབྱོར་པ་ནུས་པ་མ་བསྲིས་པ་བཤམ་དགོས་ཏེ། སྤྱི་རྒྱུད་ལས། དྲི་དང་མེ་ཏོག་བདུག་སྤོས་དང་། །ལྷ་བཤོས་སྦྱིན་སྲེག་ལས་ཀྱི་རྣམས། །ཕོངས་པར་གྱུར་ཀྱང་མི་དབྲི་སྟེ། །ཕྲིས་ན་ངེས་པར་འཆི་བར་འགྱུར། །ཞེས་སོ། །གཞན་ཡང་མཎྜལ་དང་དཀྱིལ་འཁོར་གྱི་ཆགས་ཆགས་འདེབས་པ་སོགས་དག་བྱེད་ཕལ་མོ་ཆེར་མཁོ་བའི་བ་བྱུང་རྣམ་ལྔར་གྲགས་པ་ནི། བེའུ་ཐོག་མར་སྐྱེས་པའི་བ་སེར་སྐྱ་རབ། མ་རྙེད་ན་དམར་ཟལ་གྱིས་ཀྱང་རུང་། དེ་ལ་གླང་ཆེན་རྩི་ཞེས་བྱ་བའི་སྨན་ཡོན་ཏན་ལྔ་ལྡན་ཡོད་པར་བཤད་དེ། ཇི་སྐད་དུ། གདོན་བགེགས་ཐུབ་དང་འདུས་ནད་སེལ། །དྲི་ཞིམ་འགྲོ་བ་དབང་དུ་འདུ། །ཤིན་ཏུ་གཙང་བའི་ཡོན་ཏན་ཉིད། །ཅེས་པ་ལྟར་ཡོད་པའི་དབང་གིས་ཡིན་གྱི་བ་རྒན་པ་སོགས་གང་རུང་རུང་གིས་མི་ཆོག་ཅིང་། སྦྱར་ཐབས་མེད་པར་རང་གར་བ་ལྕི་སོགས་བསྐུས་པས་ཀྱང་གཙང་བྱེད་དུ་མི་འགྱུར་བ་མ་ཟད་མི་གཙང་བ་གཞན་གྱིས་བྱི་དོར་བྱས་པ་དང་ཆོས་མཚུངས་སུ་འགྱུར་རོ། །སྦྱར་ཐབས་ནི་སློབ་དཔོན་སངས་རྒྱས་གསང་བ་དང་། དགྲ་ལས་རྣམ་རྒྱལ་སོགས་ཀྱིས་བཤད་པ་ལྟར། བ་གསར་སེར་སྐྱ་ས་གཙང་གི་རྩྭ་ཆུ་ལས་བརྔས་པའི་རྩྭ་དང་སྦང་མ་སོགས་མི་གཙང་བ་མ་ཟོས་པའི་ལྕི་བ་ས་ལ་མ་ལྷུང་བ་སྣོད་གཙང་མར་བླངས། གཅིན་ཡང་དེ་བཞིན་ ― LT34_Page_0256 ―
[མ་དཔེ་གཟིགས་ན་འདིར་གནོན།]
གཟེད་ལ། སྣོད་གཙང་དུ་ལྕི་བར་ཆུ་བླུགས་ནས་བསྐོལ་ཏེ་ཆུ་རྣམས་ཕོལ་ལྕི་བ་ཉི་མར་སྐམ་ནས་ཞིབ་པར་བཏགས། དེ་ལ་བ་གཅིན་བསྲེ་ནས་སླར་སྐམ། དེ་བཞིན་ཏུ་སྐམ་བརྡུད་བསྲེ་བ་ལན་གསུམ་གྲུབ་པའི་ཕྱི་མ་ལ། བའི་མར་ལྕི་བའི་ཉི་ཤུའི་ཆ་ཙམ་དང་། འོ་མ་དང་ཞོ་དག་མར་གྱི་སུམ་འགྱུར་བསྲེས་ལ་ཤིན་ཏུ་གཙང་བས་རིལ་བུ་དྲིལ་ཏེ་གྲིབ་སྐམ་བྱས་བདེ་དགོས་དུས་སུ་དྲི་བཟང་གི་ཆུ་དང་སྦྱར་ལ་ལོངས་སྤྱོད་པ་ཡིན་ཅིང་། དེ་ལྟར་བ་བྱུང་དང་། མཆོད་པའི་མཎྜལ། དེ་བཟུང་བའི་ཚས་རྟེན་ཁེབ་ལྟ་བུ། དྲི་བཟང་ཆུ། ཀུ་ཤའི་ཆུན་པོ། ཀླུ་སྨན། འཐོར་ནས། ཉེ་རེག་སྣོད་སྒྲུབ་པོ་རེ་རེའམ་གཉིས་གཉིས་ཙམ་གྱི་བར་དུང་ཆོས་ལྟ་བུའི་ཆུ་སྣོད་སོགས་དངོས་གཞིའི་སྐབས་སུ་དགོས་པ་རྣམས་སྔ་ཚགས་ཚུད་པར་བྱའོ། །ཁྱད་པར་བགྲང་ཕྲེང་ནི་པདྨའི་རིགས་ལ་ལྷག་པར་བསྔགས་པ་པདྨའི་སྙིང་པོའམ། མ་རྙེད་ན་དུང་ཤེལ་བོ་དྷི་ཙི་སོགས་བ་བྱུང་རྣམ་ལྔས་བཀྲུས། བུ་མོ་མགོ་གཙང་གིས་བཀལ་བའི་སྐུད་པ་སུམ་བསྒྲིལ་ལ་གྲངས་བརྒྱ་རྩ་བརྒྱད་ཚང་བར་བརྒྱུས་ཏེ། ལག་པ་ཐལ་མོ་སྦྱར་བའི་བར་དུ་བཟུང་ལ། ན་མོ་རཏྣ་ཏྲ་ཡཱ་ཡ། ན་མོ་ཨཱརྻ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏཱྭ་ཡ། ཨོཾ་ཨ་མི་ཏེ་ག་མེ། ཤྲི་ཡེ་ཤྲི་ཡ་ནི་ལི་སྭཱ་ཧཱ། ཞེས་ལན་བདུན་སོགས་བརྗོད་པས་བྱིན་གྱིས་བརླབ་པའི་ ― LT34_Page_0257 ―
[མ་དཔེ་གཟིགས་ན་འདིར་གནོན།]
ཕྲེང་བ་དེ་སྔགས་ཀྱི་ནོར་བུ་ཞེས་བྱ་བ་ཡིན་པས་རས་དཀར་སྣོད་དུ་གཞན་གྱིས་མ་རེག་མ་མཐོང་བར་སྦས་ཏེ་འཆང་དགོས་སོ།། ༈ །།གཉིས་པ་བྱེ་བྲག་ལག་ལེན་དངོས་ལའང་། བྱེད་པོ་སྒྲུབ་པ་པོ་དང་། བྱ་བ་ཆོ་གའི་མཚན་ཉིད་དོ། །དང་པོ་སྒྲུབ་པ་པོ་ཡང་དག་པའི་ལྟ་བ་དང་ལྡན་པ། ས་ཐར་དང་བྱང་སྡོམ་ཐོབ་ལ་མ་ཉམས་པ། བྱ་རྒྱུད་རིགས་གསུམ་སྤྱིའམ། པདྨའི་རིགས་ཀྱི་དཀྱིལ་འཁོར་དུ་དབང་བསྐུར་ཐོབ་ཅིང་དམ་ཚིག་དང་ལྡན་པ་དགོས་ལ། དེང་སང་ཁྲོམ་མང་གི་སྨྱུང་གནས་ལྟ་བུར་དེ་ཅི་བཞིན་མི་འབྱུང་མོད། ཚད་ལྡན་བྱེད་ན་སྨྱུང་གནས་སྡོད་པ་པོ་དུ་ཡོད་ལ་ཐོག་མར་སློབ་དཔོན་གྱིས་བཅུ་གཅིག་ཞལ་གྱི་ཆུ་དང་ཅོད་པན་དབང་བསྐུར། བཟླས་ལུང་། སྒྲུབ་ཐབས་ལུང་བཅས་གནང་དགོས་ལ། དེ་ཙམ་མ་གྲུབ་ཀྱང་དཀྱིལ་ཆོག་བཏང་མཁན་རྣམས་ནི་ངེས་པར་དཀྱིལ་འཁོར་དེའི་དབང་ལུང་ཐོབ་པ་དགོས་སོ། །བསྲུང་བྱའི་དམ་ཚིག་ཀྱང་། དཀོན་མཆོག་གསུམ་ལ་སྐྱབས་སུ་འགྲོ་ཞིང་སྲོག་གི་ཕྱིར་ཡང་མི་སྤོང་བ། བྱང་ཆུབ་མཆོག་ཏུ་སེམས་བསྐྱེད་པ། །གསང་སྔགས་རིག་སྔགས་ཀྱི་ལྷ་རྣམས་ལ་མཆོག་དམན་སྤང་བླང་གི་འདུ་ཤེས་མེད་པར་ཐམས་ཅད་ཀྱང་ངོ་མཚར་ཆེན་པོའི་ཚུལ་ལ་དད་གུས་བསྐྱེད་པ་སྟེ་སྤྱིའི་དམ་ཚིག་གསུམ་གཞིར་བཞག་ནས་ཐུན་མིན་དམ་ ― LT34_Page_0258 ―
[མ་དཔེ་གཟིགས་ན་འདིར་གནོན།]
ཚིག་བཅུ་གསུམ་ནི། རང་གི་བསྒྲུབ་བྱའི་ལྷ་ལ་ཁྱད་པར་དུ་གུས་པ། སྡོམ་ལྡན་གསང་སྔགས་ཀྱི་སྒོར་ཞུགས་པ་རྣམས་ལ་ལུས་ངག་ཡིད་གསུམ་གྱིས་མ་གུས་པ་མི་བྱེད་པ། བསྟན་སྒོར་ཞུགས་ཚད་ལ་སྐྱོན་བརྗོད་ཕྲན་བུ་ཙམ་ཡང་མི་བྱེད་ཅིང་གུས་པ། བླ་མའི་སྐྱོན་ལ་མི་བརྟགས་ཤིང་གུས་པ། ཚུལ་བཞིན་མ་གྲུབ་ཀྱང་ལྷ་ལ་ལོག་ལྟ་མི་བྱེད་པ། དུས་བཟང་རྣམས་སུ་ལྷ་དང་དཀོན་མཆོག་ལ་མཆོད་པ་རྒྱ་ཆེན་པོས་མཆོད་པ། ཕྱི་རོལ་པའི་ལྷ་དང་འབྱུང་པ་ལ་མི་མཆོད་པ། གློ་བུར་དུ་འོངས་པ་ལ་གནས་མལ་ཁ་ཟས་སྦྱིན་པ། མི་ནས་སྲོག་ཆགས་ཕྲ་མོ་གྲོག་སྦུར་གྱི་བར་ལ་གནོད་འཚེའི་བསམ་སྦྱོར་སྐད་ཅིག་ཀྱང་སྤངས་ནས་ཕན་སེམས་བསྐྱེད་པ། བཟླས་བརྗོད་དང་སྡོམ་པ་བཟུང་བ་སོགས་བསོད་ནམས་འཕེལ་བའི་ཐབས་ལ་བརྩོན་པ། བཟླས་པའི་སྤྱོད་ལམ་འོག་ཏུ་གསལ་བ་རྣམས་དང་ལྡན་པ། གསང་སྔགས་ཀྱི་དམ་ཚིག་གཞན་རྣམས་ཀྱང་ཡལ་བར་མི་འདོར་བ། དབང་མ་ཐོབ་པ་དང་། དམ་ཚིག་ཉམས་པ་རྣམས་ལ་དཀྱིལ་འཁོར་ལྷ་སྔགས་སོགས་གསང་བ་བཅས་བཅུ་གསུམ་པོ་དེ་རྣམས་མ་ཉམས་པར་བསྲུང་ཞིང་། གལ་ཏེ་ཉམས་ན་བཤགས་པ་སྤྱི་དང་། ཁྱད་པར་རྡོ་རྗེ་མེ་ལྟར་རྨོངས་བྱེད་ཀྱི་གཟུངས་བཟླ་ཞིང་ཞི་བའི་སྦྱིན་སྲེག་དང་དབང་བསྐུར་བསྐྱང་བ་སོགས་གསུངས་སོ། །དེ་དག་ནི་ཅི་ནས་གལ་ཆེ་སྟེ་དབུང་བཟང་ལས། རིག་དང་དམ་ཚིག་མ་ཐོབ་སྙིང་རྗེ་མེད། །དེ་བཞིན་བྱང་ཆུབ་སེམས་ནི་མ་བསྐྱེད་ཅིང་། །སངས་རྒྱས་ལ་དད་ལྷ་གཞན་ལ་བརྟེན་པས། ། ― LT34_Page_0259 ―
[མ་དཔེ་གཟིགས་ན་འདིར་གནོན།]
ང་ཡི་གསང་སྔགས་བཟླས་ན་ཕུང་བར་འགྱུར། ཞེས་སོ། །གཉིས་པ་ཆོ་ག་ནི། རྗེ་རིག་པ་འཛིན་པས་མཛད་པའི་སྨྱུང་ཆོག་དེ་ཉིད་བཅུ་དྲུག་པ་འདི་བྲག་དཀར་སེམས་དཔའ་ཆེན་པོའི་ཕྱག་སྲོལ་ཇོ་ནང་རྗེ་བཙུན་རིན་པོ་ཆེའི་བཞེད་པ་སོར་བཞག་རྒྱས་བསྡུས་འཚམས་པ་ཡིན་པས་ཆོ་ག་དེ་ཉིད་བཏང་བའི་ཚེ། སང་ལྟ་བུ་སྔོན་འགྲོ་གདན་གཅིག་བྱེད་པའི་དེ་རིང་ནས་སྔར་བཤད་པའི་ཡོ་བྱད་རྣམས་ཉེ་བར་བསྡོག །སློབ་དཔོན་སྔོན་ཏུ་དཀར་པོ་ཆ་བརྒྱད་དུ་གྲགས་པའི་བསྙེན་སོང་ཞིག་འཛོམ་ན་རབ། ཅིས་ཀྱང་མ་འཛོམ་ཚེ་སྨྱུང་གནས་ཚད་ལྡན་ཆ་ཤས་ཐོན་པ་ཞིག་གི་མདུན་ཏུ་ལས་བུམ་བཅུད་ལྡན་བཞག་ལ། རང་ཉིད་སྐད་ཅིག་གིས་སྤྱན་རས་གཟིགས་ལོ་ཀ་ནཱ་ཐའི་སྐུར་གྱུར། བསངས་སྦྱངས། སྟོང་ཉིད་ཡེ་ཤེས་རྡོ་རྗེ་ལས། །ལས་ཀྱི་བུམ་པའི་གོ་ས་རུ། །སྣ་ཚོགས་པདྨ་ཉི་མའི་སྟེང་། །ཧཱུྃ་ལས་ཁྲོ་བོ་རྟ་མགྲིན་ནི། །དམར་ཞིང་ཉི་མ་ལྟར་འབར་བ། །སྤྱན་གསུམ་མཆེ་གཙིགས་ཧཱུྃ་སྒྲ་སྒྲོག །སྤྱི་བོར་རྟ་མགོ་ལྗང་གུས་མཚན། །ཕྱག་བཞི་པད་དབྱུག་རྡོ་རྗེ་དང་། །སྡིགས་འཛུབ་པདྨའི་སྡོང་པོ་འཛིན། །གཡོན་བརྐྱངས་ཁྲོ་བོའི་ཆས་ཀྱིས་བརྒྱན། །མེ་དཔུང་འབར་བའི་དབུས་བཞུགས་པའི། །གནས་གསུམ་འབྲུ་གསུམ་ཐུགས་སྟོད་ཧྲཱིཿ །འོད་ཀྱིས་ཡེ་ ― LT34_Page_0260 ―
[མ་དཔེ་གཟིགས་ན་འདིར་གནོན།]
ཤེས་པ་སྤྱན་དྲངས། །ཛཿཧཱུྃ་བྃ་ཧོཿགཉིས་མེད་གྱུར། །སླར་ཡང་དབང་ལྷས་དབང་བསྐུར་ཏེ། །སྣང་བ་མཐའ་ཡས་དབུ་བརྒྱན་གྱུར། །ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་ཡེ་སྭཱ་ཧཱ། བར་སྔགས་དང་ཕྱག་རྒྱ་ཙམ་གྱིས་མཆོད། །ཧཱུྃ་ལས་བྱུང་བའི་རྟ་མགྲིན་རྒྱལ། །དྲག་པོའི་རྟ་སྐད་སྒྲོག་པ་ཡིས། །གདུག་བཅད་རྣམས་འཇོམས་པར་མཛད། །ཁྲོ་བོའི་དབང་པོ་ལ་ཕྱག་འཚལ། སྔགས་བཟླས་པས་ཐུགས་རྒྱུད་བསྐུལ་བ་མོས་ལ། ཨོཾ་ཧ་ཡ་གྲཱི་བ་ཧྲཱིཿཧཱུྃ་ཕཊ་སྭཱ་ཧཱ། ཞེས་ཅི་འགྲུབ་བཟླ། མཐར། ཁྲོ་བོའི་དབང་པོ་འོད་དུ་ཞུ། བུམ་ཆུ་ནུས་སྟོབས་ལྡན་པར་གྱུར། ཞེས་ང་ནི་དཀྱིལ་འཁོར་གྱི་ལས་ཐམས་ཅད་ལ་བགེགས་སྲུང་བའི་དོན་ཏུ་གལ་ཆེ་བ་སྟེ། སྤྱི་རྒྱུད་ལས། པདྨའི་རིགས་ལ་རིག་སྔགས་རྒྱལ། །རྟ་མགྲིན་ཡི་གེ་བཅུ་པའོ། །ཞེས་པས་སོ། །དེ་ནས་ཨོཾ་ཧ་ཡ་གྲཱི་བ་སོགས་ཀྱིས་བསངས་སྦྱང་། ཀུན་རིག་ལྟར་ཆ་གསུམ་ཚང་བར་བཏད། བགེགས་གཏོར་སྐབས་བདག་བསྐྱེད་ཁྲོ་བོ་འཇིག་རྟེན་གསུམ་རྒྱལ་མི་བྱ་བར། བདག་ཉིད་སྐད་ཅིག་གིས་དཔལ་རྟ་མཆོག་ཧེ་རུ་ཀར་གསལ་བར་གྱུར། རྗེ་བཙུན་རྩ་བ་སོགས་དང་། བཅོམ་ལྡན་འདས་འཕགས་མཆོག་ཐུགས་རྗེ་ཆེན་པོའི་ལྷ་ཚོགས་འཁོར་དང་བཅས་པའི་བདེན་པ་ཞེས་ཁ་བསྒྱུར་ ― LT34_Page_0261 ―
[མ་དཔེ་གཟིགས་ན་འདིར་གནོན།]
མཐར་འབྱུང་པོ་གང་དག་འདིར་ནི་ལྷགས་གྱུར་སོགས་ཤློ་ཀ་གཅིག་བརྗོད། དེ་ནས་ཟངས་སྣོད་དུ་བ་བྱུང་ལྔ་ཆུར་སྦྱང་། ཤར་དུ་ཁ་བལྟས་ཙོག་པུར་འདུག་ལ། ཨོཾ་ཡ་ཤོ་ཛ་སྭཱ་ཧཱ། ཞེས་བརྒྱ་རྩ་བརྒྱད་བཟླས་ལ་བཏུང་སྟེ་དེས་ནི་ཟླ་བ་ཕྱེད་ཚུན་ཆད་ཀྱི་ཤ་ཆང་སོགས་བཟའ་བ་མ་ཡིན་པ་ཟོས་པ་རྣམས་དག་པར་འགྱུར་རོ། །དེའང་ཟླ་བ་ཕྱེད་ཕྱེད་བཞིན་ཞག་གཅིག་སྨྱུང་བར་གནས་ལ་སྲང་གསུམ་གསུམ་འཐུད་དགོས་པར་གསུངས་ཀྱང་འགྲུབ་དཀའ་ལ་འདི་ཙམ་བྱས་ཀྱང་ཕན་ཡོན་ནི་ཡོད་དོ། །དེ་ནས་ལག་མཐིལ་གཡོན་པར་བ་བྱུང་དང་དྲི་བཟང་ཆུ་བླུགས་པ་དང་། ཡུངས་ཀར་ལ། ཨོཾ་ཀཱི་ལི་ཀཱི་ལ། བཛྲཱི་བཛྲཱི་བྷུ་རུ་བནྡྷ་བནྡྷ་ཧཱུྃ་ཕཊ། ཞེས་ལན་བདུན་བཟླས་ལ་དཀྱིལ་འཁོར་གང་དུ་བྱ་བའི་གཞི་སོགས་ཕྱོགས་ཀུན་ཏུ་བསངས་གཏོར་བྱ། ཡུངས་ཀར་གྱིས་བྲབས། །བར་དུ་གཅོད་པའི་བགེགས་ཐམས་ཅད་ཕུར་བུས་བཏབ་པར་མོས། དེ་ནས་གུ་གུལ་དང་ཙནྡན་སོགས་བདུག་ལ། དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །མཐོང་བ་དང་ནི་ཐོས་པ་དང་། །རེག་པ་དང་ནི་དྲན་པའང་རུང་། །བདག་ནི་སེམས་ཅན་ཐམས་ཅད་ཀྱི། །ནད་ ― LT34_Page_0262 ―
[མ་དཔེ་གཟིགས་ན་འདིར་གནོན།]
རྣམས་ཀུན་གྱི་གསོས་གྱུར་ཅིག །ཏདྱ་ཐཱ། ཀ་ཊེ། བི་ཀ་ཊེ། ནི་ཀ་ཊེ། ཀ་ཊ། བི་ཀ་ཊ། ཀ་ཊཾ། ཀ་ཊེ་བྷ་ག་བ་ཏི་བི་ཛ་ཡེ་སྭཱ་ཧཱ། ཞེས་སྔགས་ལན་བདུན་ནམ་ཉེར་གཅིག་བརྗོད། །རྡོ་རྗེའི་རྭ་བ་དྲྭ་བ་གུར་བླ་བྲེ་ཡེ་ཤེས་ཀྱི་མེ་དཔུང་འབར་བའི་སྲུང་འཁོར་ཡངས་ཤིང་བརྟན་པར་གྱུར་པར་མོས་ཏེ། ལེགས་གྲུབ་ལས། དེས་ནི་བདག་དང་ལྷ་ཡང་བསྲུང་། །སྡིག་པ་ཐམས་ཅད་བྱང་བར་འགྱུར། །བགེགས་རྣམས་སྨ་ཡང་འབེབས་པ་དང་། །བསམ་པའི་འབྲས་བུ་མངོན་ཏུ་འགྱུར། །ཞེས་པས་སོ། །སྐབས་འདིར་མཆོད་གཡོག་པས་གཏོར་མ་བཅའ་བ་དང་གཞི་འགོད་པའི་ཚེ། སློབ་དཔོན་པས་ལས་བུམ་དང་ཡུངས་ཐུན་གུ་གུལ་སོགས་ལ་དམིགས་ཏེ་རྣམ་འཇོམས། སྨེ་བརྩེགས། བདུད་རྩི་འཁྱིལ་པ། ཡིག་བརྒྱ་སོགས་དང་། ཁྱད་པར་སྤྱི་རྒྱུད་ལས། ཁྲོ་བོ་བདུད་རྩི་ཐབ་སྦྱོར་ནི། །རིགས་གསུམ་དག་གི་སྤྱི་ལ་ཡང་། །བགེགས་རྣམས་ཐམས་ཅད་གཞོམ་པའི་ཕྱིར། །གསང་བ་པ་ཡི་བདག་པོས་བཤད། ཅེས་དང་། ལེགས་གྲུབ་ལས། ལས་རྣམས་ཀུན་ལ་ཐམས་ཅད་དུ། །བགེགས་ལ་སོགས་པ་བསལ་བ་ལ། །རྣམ་པར་རྟོག་པའི་ཆོ་ག་ཡིས། །བདུད་རྩི་ཐབ་སྦྱོར་རབ་ཏུ་སྦྱར། །ཞེས་དང་། དཔུང་བཟང་ ― LT34_Page_0263 ―
[མ་དཔེ་གཟིགས་ན་འདིར་གནོན།]
ལས་ཀྱང་རིག་སྔགས་འདི་བརྗོད་པ་ལ་བགེགས་དང་ལོག་འདྲེན་གྱིས་མི་ཚུགས་པར་གསུངས་པས། གཤམ་གསལ་གཟུངས་རིང་དང་། ཡོངས་གྲགས་ཨ་མྲྀ་ཏའི་སྔགས་རིང་ཐུང་གཉིས་བརྒྱ་སྟོང་དུ་བཟླས་པ་དང་། ན་མོ་མ་ཧཱ་ཤྲི་ཡཻ། ཨོཾ་ཤ་མེ་ས་མ་ཡེ་སཽ་མེ་སིངྡྷི་སིངྡྷི་སཱ་དྷ་ཡ་ཤི་བེ་ཤི་བཾ་ཀ་རི། ཨཱ་བ་ཧ་སརྦ་ཨརྠ་སཱ་དྷ་ནི་སྭཱ་ཧཱ། ཞེས་པདྨའི་རིགས་ཀྱི་ལས་ཐམས་ཅད་པ་དཔལ་མོའི་སྔགས་ཀྱང་ཅི་འགྲུབ་བཟླས་པས་བསྔགས། ཀུ་ཤའི་ཆུན་པོ་ལ། ཨ་རོ་ལི་ཀྲ། བརྒྱ་རྩ་བཟླས། འདི་སྲིན་ལག་ལ་འཆིང་བའི་ཆོ་ག་ཡིན་ཀྱང་དམ་ཚིག་རྡོ་རྗེ་དང་། ཟེའུ་ཁ་སོགས་ཇི་བཞིན་མི་འཛོམ་པས་ཀུ་ཤ་བྱིན་རླབས་ཙམ་འདིར་བཀོད་པ་སྟེ་དེས་ཀྱང་ཡོ་བྱད་སོགས་སྲུང་བའི་ནུས་པ་དང་ལྡན་ནོ། །བཅས་བཤམ་ནི་གཞུང་གི་དེ་ཉིད་ལྔ་པའི་སྐབས་སུ་གསུངས་པ་བཞིན་བྱ་སྤྱོད་ལ་མཎྜལ་དཀྱིལ་འཁོར་རྡུལ་ཚོན་མེད་ཐབས་མེད་པ་ཡིན་མོད། རྡུལ་ཚོན་ཅིས་ཀྱང་མ་འཛོམ་ཚེ་སྤྱན་རས་གཟིགས་ཀྱི་དཀྱིལ་འཁོར་རས་ལ་བྲི་རུང་བ་དམིགས་བསལ་ཏེ། ཕྱག་སྟོང་སྤྱན་སྟོང་ཐོགས་པ་མི་མངའ་བའི་གཟུངས་ལས། དཀྱིལ་འཁོར་གྱི་ཆོ་ག་འདི་ནི་བལ་རས་སམ། བཙོ་རས་ལ་རི་མོར་བྲིས་ཏེ་བགྱི་ནའང་རུང་ལགས་སོ། །ཞེས་གསུངས་ ― LT34_Page_0264 ―
[མ་དཔེ་གཟིགས་ན་འདིར་གནོན།]
སོ། །གང་ལྟར་གནས་ཁང་ཤིན་ཏུ་གཙང་སྦྲ་དང་བྱི་དོར་བྱས། བླ་བྲེ་འཕན་གདུགས་ཡོལ་བ་སོགས་དང་སྤྲོ་བར་བཀྲམ། སྐུ་གསུང་ཐུགས་ཀྱི་རྟེན་སྤྱི་དང་ཁྱད་པར་སྤྱན་རས་གཟིགས་ཀྱི་ཞལ་ཐང་མདོ་གཟུངས་གླེགས་བམ་སོགས་བཞུགས་པའི་གུད་དུ། སྟེགས་མཐོ་ཞིང་གཙང་བར་མེ་ཏོག་སིལ་མ་བཀྲམ་པའི་དབུས་སུ་མཎྜལ་ལ་བ་བྱུང་དྲི་བཟང་ཙནྡན་དཀར་པོའི་ཕྱེ་མས་བྱུགས་ཏེ་རྡུལ་ཚོན་གྱིས་དཀྱིལ་འཁོར་གཞུང་གསལ་བྲིས་པ་བཞག་པའི་ཁར་རྐང་གསུམ་ལྟ་བུར་འཕགས་པའི་སྐུ་བརྙན་ཙན་དཀར་ལས་གྲུབ་པ་སོགས་གང་འཛོམ་ཞིག་ན་བཟའ་བཅས་བཞུགས་སུ་གསོལ་བའི་མདུན་ཏུ་རིན་པོ་ཆེའི་སྣོད་གཙང་མར་གཙོ་གཏོར་དཀར་ཟླུམ་པད་འདབ་བཞི་ལྡན་པ་རྒྱན་ལྔ་སྒྲོམ་ཉི་ཟླ་ནོར་བུས་མཚན་པ་ཆེ་ལེགས། དེའི་གཡས་སུ་སངས་རྒྱས་བྱང་སེམས་སྤྱི་དང་། གཡོན་ཏུ་ཆོས་སྐྱོང་ལ་བཟོ་དབྱིབས་གོང་མཚུངས་དབུས་མའི་ཕྱེད་ཆ་ཆུང་བ་ཙམ་རེ་བཤམ། འབྱོར་མཁོས་ཡོད་ཅིང་གཞུང་མཐུན་རྒྱས་སྤྲོས་བྱེད་ན་དེ་རྒྱབ་བུམ་པ་བཅུད་ལྡན་ཁ་རྒྱན་བཅས་བརྒྱད། དེ་རྒྱབ་སྤོས་པོར་གསར་པ་བརྒྱད། དེ་རྒྱབ་རྒྱལ་མཚན་རྨ་བྱའི་སྒྲོའི་ཏོག་ཅན་བརྒྱད། མ་འབྱོར་ན་དེ་དག་བཞི་བཞིའང་རུང་། དེ་རྒྱབ་བྱང་དུ་མཆོད་ཡོན་གྱི་སྣོད། ཤར་དུ་དྲི་ཆབ། ལྷོར་ཞལ་ཟས། ནུབ་ ― LT34_Page_0265 ―
[མ་དཔེ་གཟིགས་ན་འདིར་གནོན།]
ཏུ་མར་མེ། ཞབས་བསིལ་ཤར་རམ་ཕྱོགས་བཞི་ཀར། དེ་ལྔ་པོ་རེ་རེའང་ཚར་ལྔ་ལྔ། ཀ་ཊོ་ར་ལྟ་བུར་མེ་ཏོག་དངོས་སམ་གཟུགས་བརྙན་ཅི་རིགས། །མ་འབྱོར་ཚེ་ནས་འབྲས་སྤུངས་བ་མཆོད་པའི་སྐབས་སུ་འཐོར་ཞིང་སྤོས་རྒྱུན་ཏུ་བདུག་པ་དང་། བུམ་པ་རྣམས་གཟུངས་ཐག་གིས་སྦྲེལ་བའི་ཤར་བུམ་ནས་སློབ་དཔོན་ཕྱག་ཏུ་ཕུལ་ཆོག་པ་སོགས་དགོས་ཀྱང་། ད་ལྟའི་ལག་ལེན་དཀྱུས་མ་ལ་དེ་ཙམ་འཛོམ་དཀའ་བས། བུམ་པ་རྒྱུན་འབབས་ཆུ་ཡིས་སུམ་གཉིས་བཀང་བ་དྲི་བཟང་དང་རྫས་བཅུད་ཁ་རྒྱན་མགུལ་ཆིངས་ལྡན་པ་ལ། སློབ་དཔོན་གྱིས་གཟུངས་རིང་བཟླ་བས་བགེགས་བསྐྲད་ལ་མཎྜལ་གྱི་གཡས་དང་། ལས་བུམ་གཡོན་ཏུ་བཀོད། བྱང་དུ་མཆོད་ཡོན་ནས་བརྩམས་ཏེ་མཆོད་པ་རྣམ་བདུན་བསྐོར་བཤམ་བྱ། དེ་རྒྱབ་མདུན་ཏུ་མཆོད་པ་ཕྲེང་ཚར་མགོ་གཡས་ནས་བརྩམས་པ་ཞིག་ཀྱང་བཤམ། མདུན་ལོགས་ཅུད་དམའ་བར་མཆོད་པའི་མཎྜལ་དང་ཁྲུས་ཀྱི་ཆས་བཀོད། དེའི་ཡང་མདུན་དམའ་བར་སྣོད་གཙང་མར་ཀླུ་གཏོར་དཀར་བཤོས་བ་དམར་སེར་གྱི་འོ་མ་དང་ཀླུ་སྨན་བཏབ་པ། གཞི་བདག་དཀར་གཏོར། ཆ་གསུམ་གཏོར་མ་བཅས་བཤམ། ཡང་ཚར་སྔ་མ་གཉིས་ལ་འབུལ་རྒྱུའི་དཀར་གཏོར་གཉིས་དང་། གཏོར་མ་ ― LT34_Page_0266 ―
[མ་དཔེ་གཟིགས་ན་འདིར་གནོན།]
གཞན་གསོ་བའི་ཐེབས་ཀྱུ་འབྲུ་སྣ་སོགས་འདུ་བྱ། ཐམས་ཅད་གཙང་སྦྲ་ཤིན་ཏུ་ཆེ་བས་དུས་རྒྱུན་བག་ཡོད་དང་ལྡན་པ་གལ་ཆེ་ལ། དེ་དག་གི་ཉེ་ལོགས་གར་བདེར་དུང་ཆོས་སུ་ལས་བུམ་གྱི་ཆུ་བླུགས་པ་དང་། ཀུ་ཤའི་འཐོར་གཡབ་བཞག །འཛོམ་ན་བཀྲ་ཤིས་རྫས་རྟགས་སོགས་མཆོད་པའི་རྣམ་གྲངས་རུང་མཐུན་འབྱོར་ཚད་ཅི་ལྟར་འོས་ཤིང་མཛེས་པར་བཀྲམ་ལ། མཆོད་གཏོར་རྣམས་དང་མཉམ་དུ་དཀར་མངར་ཤིང་ཏོག་སོགས་ཀྱང་བླུགས་པར་བྱའོ། །འདིར་མཆོད་ཡོན་བྱང་དུ་བཞག་དགོས་པའི་རྒྱུ་མཚན་སྤྱི་རྒྱུད་དུ། པདྨ་འཛིན་ལ་བྱང་ཕྱོགས་སུ། །ཞེས་བྱ་རྒྱུད་རིགས་གསུམ་སོ་སོར་མཆོད་པ་འབུལ་བའི་དུས་དང་ཕྱོགས་སོགས་མི་འདྲ་བས་སོ། །བཅས་བཤམས་ཟིན་མ་ཐག་སློབ་དཔོན་གྱིས་རྟ་མགྲིན་ཡིག་བཅུ་དང་། བདུད་རྩི་ཐབ་སྦྱོར་གྱི་སྔགས། ན་མོ་རཏྣ་ཏྲ་ཡཱ་ཡ། ན་མཤྩ་ཎྜ་བཛྲ་པཱ་་ཡེ། མ་ཧཱ་ཡཀྵ་སེ་ན་པ་ཏ་ཡེ། ན་མོ་བཛྲ་ཀྲོ་དྷཱ་ཡ། ཏདྱ་ཐཱ། ཨོཾ་ཧུ་ལུ་ཧུ་ལུ། ཏིཥྛ་ཏིཥྛ། གྲྀཧྞ་གྲྀཧྞ། བནྡྷ་བནྡྷ། ཨ་མྲྀ་ཏེ་ཧཱུྃ་ཕཊ། ཞེས་དང་། །ཨ་མྲྀ་ཏ་ཀུཎྜ་ལཱི་དང་། ཨོཾ་ཨ་མྲྀ་ཏེ་ཧཱུྃ་ཕཊ། ཞེས་དང་། ཨ་རོ་ལི་ཀྲ། །ཞེས་དང་། གོང་གི་དཔལ་མོ་ལས་ཐམས་ཅད་པ་བཅས་གྲངས་མང་བཟླ་བཞིན་ཏུ་མཆོད་རྫས་རྣམས་ལ་དུད་ ― LT34_Page_0267 ―
[མ་དཔེ་གཟིགས་ན་འདིར་གནོན།]
ཆུ་ཀུ་ཤས་བྲན། ཡུངས་ཐུན་བྲབས། གུ་གུལ་བདུགས། སྔོན་ཏུ་རྫས་འཛོམ་ཞིང་བསྙེན་པ་ཐེམས་ན་ཆགས་མེད་རི་ཆོས་ནས་འབྱུང་བའི་མཆོད་པའི་གེགས་སེལ་སོགས་སྐབས་འདིར་བྱ་བ་གཅེས་ཏེ། དེར་དམིགས་བསལ་མ་གསུངས་ཀྱང་གེགས་སེལ་འདི་ནི་བྱ་སྤྱོད་ཀྱི་དཀྱིལ་འཁོར་ལ་མེད་ཀ་མེད་ཀྱི་འཇུག་པ་ཆེ་བ་ཡིན་གྱི། སྔགས་བླ་མེད་ཀྱི་དཀྱིལ་འཁོར་ལ་ནི་འདི་རིགས་མི་དགོས་ཏེ་དེར་བགེགས་བསྐྲད་སྲུང་འཁོར་བྱིན་བརླབས་སོགས་ཏིང་ངེ་འཛིན་དང་བྱ་བ་ཁྱད་པར་བ་དུ་མ་ཡོད་པ་དེ་དག་ཉམས་འོག་ཏུ་ཆུད་དགོས་པར་དགོངས་བས་སོ། །གེགས་སེལ་དེའི་ཕན་ཡོན་དགོས་ཆེད་དུ་མ་དཔུང་བཟང་སོགས་ལས་གསུངས་ཤིང་། ལོག་འདྲེན་སའི་གཙུག་ཕུད་ལ་སོགས་པའི་བགེགས་དེ་རྣམས་ཕལ་ཆེར་རྒྱུད་སྡེ་འོག་མའི་རྣལ་འབྱོར་པ་ལ་འཚེ་བ་ཡིན་ཏེ་དཔེར་ན་རྣམ་སྲས་པའི་སྒབ་འདྲེ་བཞིན་ནོ། །དེ་ནས་འདི་མན་ཆད་བྱིན་རླབས་ཀྱི་སྔགས་ཐམས་ཅད་ཀྱི་ཐོག་མར། ན་མོ་རཏྣ་ཏྲ་ཡཱ་ཡ། ན་མ་ཨཱརྻ་ཛྙཱ་ན་སཱ་ག་ར་བཻ་རོ་ཙ་ན་བྻཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ན་མཿསརྦ་ཏ་ཐཱ་ག་ཏེ་བྷྱཿ ཨརྷ།།།ཿ སམྱཀྶཾ་བུདྡྷེ་བྷྱཿ ན་མ་ཨཱརྻ་ ― LT34_Page_0268 ―
[མ་དཔེ་གཟིགས་ན་འདིར་གནོན།]
ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏཱྭ་ཡ། མ་ཧཱ་སཏཱྭ་ཡ། མ་ཧཱ་ཀཱ་རུ་ི་ཀཱ་ཡ། ཞེས་པ་འདི་ཚར་རེ་སྦྱར་ནས་སོ་སོའི་བྱིན་རླབས་སྔགས་ནི། བདུག་སྤོས་ཐམས་ཅད་ལ། ཏདྱ་ཐཱ། དྷུ་རུ་དྷུ་རུ། ཧ་ཧ་ཧ་ཧ་སྭཱ་ཧཱ། ལན་བདུན། མར་མེ་ལའང་སྔགས་དེ་ལན་བདུན་བརྗོད་དེ་གྲུབ་ན་མར་མེའི་རྒྱུ་མར་ལ་དང་པོ་བྱིན་བརླབ་བྱ། གཟོད་མར་མེ་བཅའ་འོ། །སྤྱན་འདྲེན་དུས་བདུག་རྒྱུའི་སྤོས་ལ་གོང་གི་དཔལ་མོ་ལས་ཐམས་ཅད་པས་བསྔགས་ཏེ་ཟུར་དུ་འཇོག །མེ་ཏོག་དང་དྲི་ཆབ་ལ། ཏདྱ་ཐཱ། སི་རི་སི་རི། དྷི་རི་དྷི་རི། སི་རི་དྷི་རི་སྭཱ་ཧཱ། ལན་བདུན། མེ་ཏོག་ལ་ནི་ཁྱད་པར་དུ་པུཥྤེ་ཀི་ཏུའི་སྔགས་ལན་བདུན་གྱིས་བྱིན་གྱིས་བརླབ་བོ། །ཞལ་ཟས་དཀར་མངར་ཤིང་ཏོག་སོགས་ལ། ཏདྱ་ཐཱ། ཨ་ཏེ་ས་ཏེ། སི་ཏི་སི་ཏི། སུ་དྷུ་སུ་དྷུ་སྭཱ་ཧཱ། ལན་ཉེར་གཅིག་བརྗོད། བྱིན་བརླབས་རིགས་ཐམས་ཅད་ལ་སྔགས་བརྗོད་ཅིང་ཕུས་གདབ་པ་སོགས་ནི་མི་རུང་གི། ཆབ་ལ་ཀུ་ཤས་རེག་ཅིང་གཞན་རྣམས་ལག་པ་གཡས་པས་རེག་བཞིན་ཏུ་སྔགས་བཟླའོ། །སླར་ཡང་བདུད་རྩི་ཐབ་སྦྱོར་དང་། །ཨཱ་རོ་ལིཀྲ་བཟླས་ལ་མཆོད་པའི་གཟི་བྱིན་བསྐྱེད་ཅིང་བགེགས་བསྲུང་། དེ་དག་ཟིན་ནས་མཚམས་བཅིང་བ་ནི། གོང་གི་སྔགས་རིང་ལན་ ― LT34_Page_0269 ―
[མ་དཔེ་གཟིགས་ན་འདིར་གནོན།]
གཅིག་དང་། ཏདྱ་ཐཱ། ཨི་ལི་མི་ལི། པི་ལི་ཏི་ལི། ཙི་ལི་ཧི་ལི་སྭཱ་ཧཱ། ཞེས་པ་ཆུ་དང་ཡུངས་ཀར་ལ་ལན་བདུན་བཏབ་སྟེ་ཕྱོགས་བཞིར་གཏོར་བས་སྟ་གོན་གྱི་བྱ་བ་འགྲུབ་བོ། །ཞལ་ཏ་པས་ཆོས་འཆད་པའི་སློབ་དཔོན་ལ་ཧ་ཅང་མཐོ་བ་མ་ཡིན་པའི་ཁྲིད་དང་། དགེ་སློང་རྣམས་ལ་གདན་དམར་པོ། ཁྱིམ་པའི་རིགས་ལ་དཀར་པོ་སོགས་འོས་འཚམས་བཏིང་ལ་ཀུ་ཤས་བྱབས་པའི་ཚུལ་དང་ལས་བུམ་ཆུས་བྲན། འདི་ཉིན་སྨྱུང་གནས་སྡོད་མཁན་རྣམས་ལས་བུམ་གྱི་གཟུངས་ཆུ་བསྲེས་པའི་ཆུས་མགོ་ལུས་ཚང་མ་བཀྲུ། ཟས་སྒྲིབ་དག་བྱེད་བ་བྱུང་ལ་སྔགས་བཏབ་པའང་འདི་ཉིན་དང་སྨྱུང་གནས་སྔོན་འགྲོའི་ཉིན་ལན་གསུམ་བླུད། བསླབ་བྱ་རྒྱས་པར་བྱའོ།། ༈ །།ཉིན་དང་པོའི་ནང་མོ་སྔ་བར་སློབ་དཔོན་པས་དུང་ཞལ་ཆུ་ལ་གོང་གི་སྔགས་རིང་ལན་གཅིག་དང་། ཏདྱ་ཐཱ། ཧ་ཧ་ཧ་ཧ། ཨི་ལི་མི་ལི། ཙི་ལི་སི་ལི། ཁི་ལི་ཧི་ལི་སྭཱ་ཧཱ། ཞེས་ལན་བདུན་བཏབ་པ་དང་། ལས་བུམ་ཆུ་བསྲེས་པའི་ཆུས་ཕྱི་རོལ་དུ་དཔོན་སློབ་ཚང་མས་ཨ་མྲྀ་ཏེ་སོགས་བཟླ་བཞིན་པས་ཡན་ལག་ལྔ་ཁྲུས་བྱ། ཁ་བཤལ། བ་བྱུང་སྔགས་བཏབ་བླུད། དུང་ཆུའི་སྔགས་དེ་ཉིད་ལན་བདུན་བརྗོད་པས་གོས་སོགས་གྱོན་པ་ཐམས་ཅད་ལ་ཕུས་ ― LT34_Page_0270 ―
[མ་དཔེ་གཟིགས་ན་འདིར་གནོན།]
གདབ་ཅིང་རེག །པདྨོ་ཥྞཱི་ཥའི་གཟུངས་ཀྱིས་བསྔགས་པའི་སྤོས་འདུག་གིས་ཀྱང་ལུས་དང་གོས་ལ་བདུག །དགེ་སློང་ཐམས་ཅད་ཆོས་གོས་རྣམ་གསུམ། གདེང་བ། ལྷུང་བཟེད་སྤྱི་བླུགས་སོགས་ལྡན་པ་དང་། ཁྱིམ་པ་ཕོ་མོ་རྣམས་ཀྱང་སྐེ་རྒྱན། རྣ་ལོང་། རྒྱན་ཕྲེང་། རྐེད་གྲི་སོགས་དོར། ཀུན་གྱིས་མཆིལ་ལྷམ་ཕུད། གཅོང་ནད་ཡོད་མཁན་ལྟ་བུ་མ་གཏོགས་གྱོན་པ་ཤ་འབྱར་གྱི་རིགས་ཀྱང་སྤངས་ནས་སྣམ་ཐེར་སོགས་གསར་པ་གཙང་མ་གྱོན། བཏུང་བའི་རིགས་ལ་ཧ་ཅང་དགག་པ་མེད་མོད། ཁ་ཟས་མ་ཟོས་གོང་ཐེག་ཆེན་གསོ་སྦྱོང་གྲུབ་དགོས་པས་ནམ་ལངས་མ་ཐག་འཚོགས་གྲུབ་པར་བྱས་ལ་པདྨའི་སྐྱིལ་ཀྲུང་གིས་འདུག །ཐོག་མར་ཐུབ་བསྟོད་གང་རུང་ཞིག་བཏོན། ཆོས་སྒྱོད་སྣ་སྣེ་གཞན་འདོན་པར་སྤྲོ་ན་ཉུང་ཙམ་བྱས་ཀྱང་ཆོག །ཕལ་ཆེར་མི་དགོས། དེ་ནས་གཞུང་གསལ་པདྨའི་རིགས་ཀྱི་དམ་ཚིག་གི་སྔགས་རྒྱ་བྱ་སྟེ། དེའང་སྤྱི་རྒྱུད་ལས། ཐལ་མོ་ལེགས་པར་སྦྱར་བ་ལས། སོར་མོ་དབུས་མ་གསུམ་འགྱེད་པ། །འདི་ནི་པདྨོའི་ཕྱག་རྒྱ་སྟེ། །པདྨ་ཁ་བྱེའི་མཚན་ཉིད་དོ། །ཞེས་པ་ལྟ་བུའོ། །དེ་ནས་གོང་གསལ་ལས་བུམ་བསྒྲུབ། སྔགས་བརྒྱ་རྩ་བཟླ། འོད་ཞུ་ཟིན་ནས་མཆོད་གཡོག་པས་ལས་ ― LT34_Page_0271 ―
[མ་དཔེ་གཟིགས་ན་འདིར་གནོན།]
བུམ་གྱི་ཆུ་ཆོ་ག་མཁན་པོ་རྣམས་ཀྱི་མདུན་དུང་ཆོས་སོགས་ཆུ་སྣོད་དུ་ཆུ་བཞག་པ་ལ་ཐིགས་རེ་བསྲེ། ཆུ་སྣོད་གཞན་ཆེ་བ་ཞིག་ཏུའང་ལས་བུམ་ཆུ་བསྲེས་ནས་ཆུ་དེ་སྨྱུང་གནས་སྡོད་མཁན་ཐམས་ཅད་ལ་བཀྱེ། དཔོན་སློབ་ཚང་མས་པདྨ་སཏྭ་ལན་གསུམ་བརྗོད་པའི་ཚེ་མགོ་ལུས་ལ་བསངས་གཏོར་དང་ཁ་བཤལ། ཁོང་དུ་བཏུང་། སྡོད་གནས་ལྷ་ཁང་ལྟ་བུ་ཡིན་ན་འདི་སོགས་སྔ་ཕྱི་ཀུན་ཏུ་ཁ་བཤལ་གྱི་ཆུ་སོགས་གང་ཡིན་ཕོས་ན་དམྱལ་བའི་རྒྱུ་སོག་པས་བཤལ་ཆུ་ཕོ་སྣོད་གཟེད་ཞལ་ལྟ་བུ་གཉིས་གསུམ་རེ་ལ་སྤྱིར་བཞག་ནས་དེར་ཕོ། ཡང་ན་ཞལ་ཏ་པས་སྣོད་ཅིག་འགྲིམས། གཞན་ཡང་སྣབས། ལུད་པ། འཐུང་ལྷག་སོགས་དགེ་འདུན་གྱི་ཀུན་དགའ་ར་བར་དོར་ན་རྩིགས་པ་ལྟ་བུའི་དམྱལ་བ་སོགས་སྐྱེ་བར་གསུངས་པས་སྐབས་འདིར་མ་ཟད་དུས་རྒྱུན་བག་ཡོད་བྱའོ། །དེ་ནས་ལག་པ་གཉིས་རྡོ་རྗེ་བསྡམས་པ་ལས་མཐེའུ་ཆུང་གཉིས་གཤིབས། མཛུབ་མོ་གཉིས་རྩེ་སྤྲད་པའི་ངོས་ཐེ་བོང་གཉིས་སྙིང་གར་བཙུག་ལ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧ་ན་ད་ཧ་པ་ཙ་བི་དྷྭནྶ་ཨུཙྪུཥྨ་ཀྲོ་དྷ་ཧཱུྃ་ཕཊ། ཞེས་ཁྲོ་བོ་མནོལ་བ་མེད་པའི་སྔགས་རྒྱ་འདི་སྐབས་འདི་དང་། གུང་ཚིགས། འཆགས་པ་ཆེ་ཆུང་སོགས་ཀྱིས་ཕྱི་རོལ་དུ་འགྲོ་བའི་ ― LT34_Page_0272 ―
[མ་དཔེ་གཟིགས་ན་འདིར་གནོན།]
སྐབས་ཐོག་མཐའ་གཉིས་ཀར་བྱས་པས་བགེགས་དང་མི་གཙང་བ་ཐམས་ཅད་ལས་བསྲུང་ཞིང་སྤྱིར་ཁྲོ་བོ་སྟོབས་པོ་ཆེའི་སྔགས་ཡིན་པས་ཕན་ཡོན་རབ་ཏུ་མང་ངོ། །དེ་ནས་ཐལ་མོ་སྦྱར་ལ། ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨོཾ་བི་ར་ཛ་པི་ར་ཛ། མ་ཧཱ་བཛྲི། ས་ཏ་ས་ཏ། སཱ་ར་ཏེ་སཱ་ར་ཏེ། ཏྲ་ཡི་ཏྲ་ཡི། བི་དྷ་མ་ནི། སཾ་བཉྫ་ནི། སིདྡྷ་ཨ་གྲེ་ཏེ་སྭཱ་ཧཱ། ཞེས་བརྗོད་པས་སངས་རྒྱས་ཐམས་ཅད་ཀྱི་དཀྱིལ་འཁོར་དུ་ཞུགས་པར་འགྱུར་རོ། །དེ་ནས་ཐལ་མོ་དམ་དུ་སྦྱར་བ་པདྨའི་ཚུལ་དང་མཛུབ་མོ་ནོར་བུའི་ཚུལ་བྱས། གུང་མོ་ཅུང་ཟད་བཀུག་པའི་ཕྱག་རྒྱ་སྤྱི་བོར་བཞག་ལ། ཨོཾ་སྟྲཻ་ཡ་དྷྭཱ་ནུ་ག །ཨ་བྷི་ཥིཉྩ་ཏུ། སརྦ་སྟྲཻ་ཡ་དྷྭ། ཨ་བྷི་ཥེ་ཀཻཿཔདྨ་མ་ི་སུ་པདྨེ། ཨ་མོ་གྷེ། སརྦ་ཏ་ཐཱ་ག་ཏ། ཨ་དྷིཥྛི་ཏེ་ཧཱུྃ། དེས་སངས་རྒྱས་ཐམས་ཅད་དང་ཁྱད་པར་སྤྱན་རས་གཟིགས་ཀྱི་ཕྱག་གིས་དབང་བསྐུར་བར་འགྱུར་རོ། །འདི་ནི་གཞུང་འདིར་དམིགས་བསལ་དུ་མ་གསུངས་ཀྱང་དོན་ཞགས་ཆོ་ག་ཞིབ་མོ་སོགས་ལས་གསུངས་པ་བླ་མེད་ཀྱི་བདག་འཇུག་བཞིན་སྔགས་སྡོམ་གསོ་བའི་ཡན་ལག་ཏུའང་འགྱུར་བས་དགོས་པ་ཕན་ཡོན་ཆེའོ། །དེ་ནས་མཎྜལ་དེ་ཉིད་ཀྱི་ཐོག་མའི་གསོལ་འདེབས་དབྱངས་བཅས་འདོན། མཎྜལ་ཕུལ་སྐབས་ ― LT34_Page_0273 ―
[མ་དཔེ་གཟིགས་ན་འདིར་གནོན།]
ཐམས་ཅད་ལ་བྱིན་རླབས་བྱས་པའི་མེ་ཏོག་བཀྱེ། མཆོད་གཡོག་པས་ཕྲག་གཡོན་དང་དཔུང་པར་རྟེན་ཁེབས་བཀབ་ལ་མཎྜལ་ཐོགས། གཡས་པས་རྡུལ་གཡས་བསྐོར་དུ་ལན་གསུམ་ཕྱི། བཛྲ་བྷཱུ་མིའི་སྐབས་དྲི་བཟང་ཆུའི་ཆགས་ཆགས་གདབ། བཛྲ་རེ་ཁེའི་སྐབས་སྲིན་མཛུབ་ཀྱིིས་མཎྜལ་མཐའ་གཡོན་ཏུ་སྐོར་ཚུལ་བྱ། དབུས་སུ་ཧཱུྃ་ཞེས་པའི་སྐབས་མཐེབ་སྲིན་གྱིས་མེ་ཏོག་སྲུང་བའི་ཚུལ་དུ་མཎྜལ་དབུས་སུ་བཞག །རིའི་རྒྱལ་པོ་སོགས་ཚོམ་བུ་སོ་བདུན་མ་བགོད་ཚུལ་སྤྱི་ལྟར་རོ། །བཤགས་པའི་སྐབས་བླ་མ་རྡོར་འཛིན་གསུམ། ལྟུང་བཤགས་ལན་གསུམ་བརྗོད། སྐུ་གསུང་ཐུགས་རྟེན་ཡོད་ན་སྐྱབས་ཡུལ་སྐབས་འདིར་བསྡུ་ཆོག །མེད་ན་གསོ་སྦྱོང་བླང་རྗེས་སྐྱབས་ཡུལ་བསྡུ་དགོས། གང་ལྟར་ཐོག་མར་གནས་ལྔ་ས་ལ་འདུད་པའི་ཕྱག་གསུམ་གཟུངས་བཅས་བྱ། ཙོག་པུ་འདུད་རྒྱ་བཅས། ཕྱོགས་བཅུ་ན་བཞུགས་པའི་སོགས་དགོངས་གསོལ་སྔོན་ཏུ་འགྲོ་བས་ཐེག་ཆེན་གསོ་སྦྱོང་གི་ཚིག་བརྗོད་པ་ཚར་གསུམ་བྱས་ནས་ཕྱག་གསུམ་ཕུལ། གྲལ་དུ་བཞུགས་ནས་ཚུལ་ཁྲིམས་རྣམ་དག་གཟུངས་བརྒྱ་རྩ་བརྒྱད། དོན་ཞགས་སྙིང་པོ་ཉེར་གཅིག་ཡིད་བཟླས་སམ་གོང་བས་ཐོས་ཙམ་བཟླས་ནས་ ― LT34_Page_0274 ―
[མ་དཔེ་གཟིགས་ན་འདིར་གནོན།]
སྨོན་ལམ་བཏབ། ཉིན་དང་པོ་སྔོན་འགྲོ་ལ་སྐབས་འདིར་ཆོས་འདིའི་དགོས་པ་ཕན་ཡོན་གཙོ་བོར་གྱུར་པའི་ཆོས་བཤད་གོ་སླ་ལ་འབྲེལ་ཆགས་པར་བྱ། མི་ཤེས་ན་རྗེ་བླ་མས་མཛད་པའི་ཕན་ཡོན་སྐལ་ལྡན་ངལ་གསོ་ལས་ཇི་ལྟར་འཚམས་པའམ། དེའང་མི་ནུས་ཚེ་གཞུང་གསལ་གྱི་ཚིག་དོན་བརྡ་སྤྲོད་པའམ་གསལ་ལ་དག་པར་འདོན། ཁྱད་པར་དེ་རིང་དང་སང་འདི་ལྟར་ཞེས་པའི་བསླབ་བྱ་ཞིབ་ཅིང་རྒྱས་པ་གོ་བརྡ་འཕྲོད་ངེས་བྱ། དེ་ནས་སྐྱབས་སེམས་ལན་གསུམ་རེ། གནས་ཡོ་བྱིན་བརླབས་མཐར་ཐལ་མོ་ཁོང་སྟོང་སྦྱར་ལ་སྔགས་ཚན་དང་པོ་གཉིས་གསུམ་གསུམ། ཞི་རོལ་ཟིན་ནས་དྲིལ་གསིལ་བཅས་མཆོད་པའི་སྤྲིན་གྱི་གཟུངས་ཚར་གསུམ་བརྗོད། ཚོགས་ཞིང་བསྐྱེད། སྤོས་གཏུལ། ལས་རྡོར་གྱིས་ཆུ་བུམ་ཐལ་མོ་སྦྱར་བའི་བར་དུ་བཟུང་། བྱང་སྒོའི་གཟེད་ཞལ་རྫས་ལྡན་ཏུ་མགྲིན་པའི་ཐད་ནས་ཆུ་སྦྲེང་ལ་སྤྱན་འདྲེན་དང་། བཞུགས་གསོལ་བྱ། གཟུངས་བཅས་ཕྱག་གསུམ་དང་། གང་གི་དྲིན་གྱིས་སོགས་ལ་ཤློ་ཀ་རེ་རེ་བཞིན་ཕྱག་བྱ། བརྒྱུད་པའི་ཕྱག་འཚལ་སྐབས་གདན་ལ་བཞུགས་ནས་ཐལ་སྦྱར་བཅས་གསུང་ན་ལེགས་ཤིང་། དེའང་ཚར་དང་པོ་ལ། དུས་གསུམ་རྒྱལ་བའི་སོགས་ ― LT34_Page_0275 ―
[མ་དཔེ་གཟིགས་ན་འདིར་གནོན།]
དང་། ཚར་གཉིས་པ་ལ་གཤམ་གྱི་ན་མོ་ལོ་ཀེ་ཤཱ་རཱ་རིང་བ་དང་། གསུམ་པ་ལ་དེའི་གཤམ་གྱི་ན་མོ་ལོ་ཀེ་ཐུང་བ་བཅས་འདོན་རེས་བྱ། དེ་མཚམས་ཡན་ལག་བདུན་པའང་ཚར་དང་པོ་ལ་ཇི་སྙེད་སུ་དག །གཉིས་པ་ལ་འཕགས་པ་སྤྱན་རས་གཟིགས་དབང་སོགས། གསུམ་པ་ལ་རྒྱུན་བཤགས་སེམས་ཅན་ཐམས་ཅད་སོགས་བཅས་གསུམ་པོའང་རེས་མོས་བྱ། ཚད་མེད་བཞི་བསྒོམ། བདག་བསྐྱེད་གཙོ་རྐྱང་གཞུང་ལྟར་ལ་དབང་བསྐུར་སྐབས་མཆོད་པ་ལྔ་ཕུལ་ཞེས་པ་ནི། ཨོཾ་བཛྲ་པུཥྤེ། དྷཱུ་པེ། ཨཱ་ལོ་ཀེ། གནྡྷེ། །ནཻ་བི་དྱ་ཨཱཿཧཱུྃ་སྭཱ་ཧཱ། །ཞེས་པའི་སྔགས་རྒྱས་མཆོད། །བཟླས་པའི་ཐོག་མར་ཕྲེང་བ་སྙིམ་པར་བཅུག་ནས། ཨོཾ་བ་སུ་མ་ཏི་ཤྲི་ཡེ་སྭཱ་ཧཱ། ཞེས་ལན་ཉེར་གཅིག་བཏབ་ལ་སྙིང་གར་ལག་པ་གཡོན་པའི་ཐེབ་སྲིན་གྱིས་བགྲང་བར་བཤད་དོ། །བསྙེན་དམིགས་གཞུང་གསལ་ལྟར་ལ་གཟུངས་རིང་ཚར་གཅིག་གིས་སྣ་དྲངས་པའི་གཟུངས་ཐུང་བརྒྱ་བརྒྱད་ཡན་ཅི་ལྕོགས་དང་། ཡིག་དྲུག་སྟོང་རྩ་སོགས་བཟླ། ལུགས་འདིར་མེད་ཀ་མེད་ཀྱི་དགོས་གལ་ཆེ་བ་མིན་ཀྱང་ཕན་ཡོན་བསྐྱེད་པའི་ཕྱིར་མགྲིན་སྔོན་ཅན་གྱི་གཟུངས་རིང་ཚར་གསུམ། ཡིད་བཞིན་འཁོར་ལོའི་ ― LT34_Page_0276 ―
[མ་དཔེ་གཟིགས་ན་འདིར་གནོན།]
གཟུངས་རིང་ཉེར་གཅིག །སྙིང་པོ་བརྒྱ་རྩ། པདྨོཥྞཱི་ཥ་བརྒྱ་རྩ། སྒོ་མཐའ་ཡས་པའི་གཟུངས་ཚར་གཅིག་བཅས་བརྗོད་ལ་ཐུན་འཇོག་པ་ན། དབྱངས་གསལ། ཡིག་བརྒྱ། རྟེན་སྙིང་རྣམས་ལན་གསུམ་གསུམ་བརྗོད། རང་གི་ལུས་ལས་ཡེ་ཤེས་པ། །ཕྱུངས་ནས་ནམ་མཁར་བཞུགས་པ་ལ། ཨོཾ་བཛྲ་པུཥྤེ༴ ནས། ཤབྡ་ཨཱཿཧཱུྃ་སྭཱ་ཧཱ། དཀྱིལ་འཁོར་ཀུན་ཏུ་སོགས་ནས། བསྟོད་པར་འོས་པ་སོགས་ཀྱི་བར་མཆོད་བསྟོད་ཤློ་ཀ་དྲུག་བརྗོད། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་སོགས་དགེ་བ་བསྔོ། ཡེ་ཤེས་སེམས་དཔའ་རང་ལ་ཐིམ། ཞེས་བརྗོད། རྒྱུད་སྡེ་འོག་མའི་རང་ལུགས་ལ་ལྷ་དང་ཞག་ཏུ་འགྲོགས་བ་ལྟུང་བ་ཡིན་པས་ཡེ་ཤེས་པ་མཆོད་བསྟོད་ཟིན་ནས་རྒྱ་གཞུང་ལས་གསུངས་པ་ལྟར་ཛ་ཧི་ལན་གསུམ་གྱིས་གཤེགས་སུ་གསོལ་དགོས་ཀྱང་། འདིར་སྔགས་བླ་མེད་ཀྱི་རྣལ་འབྱོར་པས་འདི་ཉིད་ཉམས་སུ་ལེན་པའི་དབང་དུ་མཛད་ནས་ཕྱག་རྒྱ་སྒོ་བཅད་ཀྱི་སྒྲུབ་ཚུལ་དུ་གསུངས་པར་སྣང་ངོ་། །དེ་ནས་མདུན་སྐྱེད་ནི། ཧ་ཡ་གྲཱི་ཝས་བསངས། སྭ་བྷཱ་བས་སྦྱང་། དོན་འགྲིགས་འབྱིན་འཇུག་གཞུང་གསལ་ལྟར་ལ། བསྙེན་པའི་སྐབས་གཟུངས་རིང་ ― LT34_Page_0277 ―
[མ་དཔེ་གཟིགས་ན་འདིར་གནོན།]
ཁོ་ན་གཙོ་བོ་དང་། ཡིག་དྲུག་ཀྱང་ཅི་ལྕོགས་བཟླ། གོང་གསལ་གཞན་རྣམས་སྤྲོ་ཞིང་ལོངས་ཁྱབ་ཡོད་ན་བཟླས་པས་ཆོག་མོད། །མ་གྲུབ་ཀྱང་མི་དགོས་སོ། །སྐབས་འདིར་དཔལ་མོའི་རྒྱ་གཞུང་ལས། འདིར་གང་དག་དེ་སྙེད་ཀྱི་ཕྱག་རྒྱ་དག་དམིགས་པར་མི་ནུས་པས་ཕྱག་བརྒྱད་པའམ། ཞལ་གཅིག་ཕྱག་བཞི་པའམ། །ཞལ་གཅིག་ཕྱག་གཉིས་པ་ཡང་བསམ་ཞིང་ཕྱག་གཉིས་པ་པདྨ་དང་མཆོག་སྦྱིན་པར་བལྟའོ། །ཞེས་གསུངས་པ་ལྟར་བློ་གྲོས་དམན་པས་དམིགས་པ་ཟིན་དཀའ་ན་དེ་དག་གང་རུང་བསྒོམ་པས་ཆོག་ཅིང་། རྒྱས་པར་བསྒོམ་ཚེའང་བདག་མདུན་གྱི་ཐུགས་ཀའི་ཡེ་ཤེས་སེམས་དཔའ་ཁ་སརྤ་ི་པོ་བསྟོད་ལས་འབྱུང་བ་ལྟ་བུ་དམིགས་རྣམ་འཆར་བདེ་བས་ལེགས་ལ། རྒྱས་བསྡུས་གང་བསྒོམ་ཡང་བཟླ་བྱའི་སྔགས་ནི་གཟུངས་རིང་ཐུང་དང་ཡིག་དྲུག་ཁོ་ན་གཙོ་བོར་དགོས་པ་ཁྱད་མེད། མཐར་དབྱངས་གསལ་རྟེན་སྙིང་ཡེ་དྷར་ལན་གསུམ་བརྗོད་ནས་བསྟོད་ཕྱག་གི་དེ་ཉིད་ལ་འཇུག་གོ། །བཟླས་པའི་སྐབས་སུ་ཤེས་པར་བྱ་བའི་གནད་གལ་པོ་ཆེ་དཔུང་བཟང་དང་ལེགས་གྲུབ་སོགས་ལས་གསུངས་པ་མདོར་བསྡུ་ན་ལུས་ངག་ཡིད་ཀྱི་བྱ་བ་གསུམ་སྟེ། ལུས་གནད་ ― LT34_Page_0278 ―
[མ་དཔེ་གཟིགས་ན་འདིར་གནོན།]
དང་ལྡན་པས་ཐོག་མར་གཟུངས་རིང་ཚར་གཅིག་ལ་ཐལ་མོ་སྦྱར་ཏེ་དད་པའི་མིག་གིས་སྐུ་གཟུགས་ལ་བལྟ་བཞིན་པས་བརྗོད། བཟླས་པའི་འགོ་བརྩམས་ནས་བཟུང་མཇུག་མ་རྫོགས་པར་གཉིད། །གླལ་བ། སྤྲིད་པ། ལུད་པ་འདོར་བ། འོག་རླུང་། གཤང་གཅི་ལ་སོགས་པ་དང་བཟའ་བཏུང་། སྣ་ཐ་འཐེན་པ་སོགས་མི་རུང་ཞིང་དེ་ལྟར་དབང་མེད་དུ་བྱུང་ན་དེའི་སྐབས་ཀྱི་ཕྲེང་བའི་ནང་ཇི་ཙམ་སོང་བ་དེ་རྣམས་གྲངས་ལ་མི་བརྩི་བར་ཕྲེང་བ་བཞག་ནས་དུང་ཆོས་ཀྱི་ཆུས་ཉེ་རེག་བྱ་སྟེ། དེའི་ཚུལ་ཡང་དཔུང་བཟང་ལས། ཆུ་ཡིས་ལག་པ་རྐང་པ་བཀྲུས་ནས་སུ། །པུས་མོ་ཕྱི་རོལ་དུ་ནི་བསྟན་བྱས་ཏེ། །བར་དུ་ལག་བཞག་ཙོག་ཙོག་པོར་འདུག་ནས། །སྒྲ་མེད་ལྦུ་བ་མེད་པས་ཉེ་རེག་བྱ། །ལན་གསུམ་པར་དུ་ཆུ་ནི་འཐུངས་ནས་ཀྱང་། །མཆུ་ལ་ལན་གཉིས་ཡོངས་སུ་ཕྱི་བར་བྱ། །ཞེས་པ་ལྟར་རྐང་ལག་ལ་ཆབ་གཏོར། ཙོག་པུར་འདུག །པུས་མོའི་སྟེང་དུ་ཆུ་སྣོད་བཟུང་ནས་མི་སྨྲ་བར་ལན་གསུམ་འཐུངས། མཆུ་ལ་ལན་གཉིས་བྱབས་པར་བྱའོ། །ངག་གིས་མི་ཚིག་དང་མ་འདྲེས་པར་མི་མྱུར་མི་དལ་གུག་བཀྱེད་ཀླད་ཀོར་ཚེག་དྲག་རིང་ཐུང་སོགས་མ་ཉམས་པར་མདོར་ན་ཤིན་ཏུ་དག་པར་ལྕེ་རྩེ་མི་བསྐྱོད་པར་ཡིད་ཁོ་ནས་བཟླས་པ་རྡོ་རྗེའི་ ― LT34_Page_0279 ―
[མ་དཔེ་གཟིགས་ན་འདིར་གནོན།]
ཚིག་བཟླས་སུ་གྲགས་པ་བྱུང་ན་མཆོག་ཡིན་ཀྱང་། བློ་གྲོས་དམན་པས་ཆད་ལྷག་ཤོར་བར་དོགས་ན་ཤུབ་བུའི་བཟླས་པར་གྲགས་པ་རང་ཉིད་ཀྱིས་ཐོས་ཤིང་དྲུང་ན་ཡོད་པ་རྣམས་ཀྱིས་མཐོས་ཙམ་དུ་བཟླ་སྟེ་དྲག་ཤུལ་སྤྱོད་པ་མ་གཏོགས་སྐད་ཆེར་བཟླ་བ་ནི་ཤིན་ཏུ་སྤང་། ཡེངས་ནས་གསང་སྔགས་གཞན་བཟླས་ནའང་ཡིད་ཀྱིས་འགྱོད་ཅིང་གསོལ་བ་བཏབ་ནས་བཟླས་བརྗོད་ཕྲེང་བའི་མདོ་འཛིན་ནས་བསྐྱར། ཡིད་ཀྱིས་ཆགས་སྡང་རྨོངས་གསུམ་ཞུམ་པ་དང་ང་རྒྱལ། འཇིགས་སྐྲག་སེར་སྣ། ཡུལ་ལ་རྟོག་དཔྱོད་སོགས་མི་དགེ་བ་དང་ལུང་མ་བསྟན་མཐའ་དག་སྤང་བ་ལྟ་ཅི་སྨོས། ལྷ་གཞན་གྱི་སྐུ་དང་སྔགས་དང་ཆོས་ཀྱི་དོན་སོགས་སེམས་པའི་རྣམ་རྟོག་འཕྲོ་འདུའང་སྤངས་ནས་སྟོང་ཉིད་སྙིང་རྗེ་མོས་གུས་གསུམ་གྱིས་གཞི་བཟུང་། དམིགས་པའི་རྣམ་པ་དང་སྔགས་ཀྱི་སྒྲ་གཟུགས་དང་འདི་ཉིད་ཀྱི་ལྷ་སྔགས་ཁོ་ན་ལ་སེམས་རྩེ་གཅིག་ཏུ་གཏོད་པ་དགོས་ཏེ། ལེགས་གྲུབ་ལས། ཡིད་ཀྱིས་གསང་སྔགས་ལྷ་རྣམས་ནི། །ཡང་དང་ཡང་དུ་མངོན་བསམ་སྟེ། །རྟོག་པ་ངན་པ་རྣམ་བསལ་ནས། །མཁས་པས་བཟླས་བརྗོད་བརྩམ་པར་བྱ། །ཞེས་དང་། ཟློས་པ་བཟླས་བརྗོད་བྱེད་པའི་ཚེ། །རིག་སྔགས་ལྷ་ནི་མ་གཏོགས་པ། ། ― LT34_Page_0280 ―
[མ་དཔེ་གཟིགས་ན་འདིར་གནོན།]
བསྒོམ་པ་མཆོག་ཏུ་གྱུར་པ་ཡང་། །རྣམ་རྟོག་བཟུང་ནས་མི་བསམ་མོ། །ཞེས་པ་ལྟར་རོ། །མདུན་བསྐྱེད་བཟླས་པ་གྲུབ་པའི་སྐབས་སྤྲོ་ན་ཐལ་སྦྱར་བར་དུ་ཕྲེང་བ་ཐོགས་ལ། །བཟླས་བརྗོད་ཀྱི་ནི་དགེ་བ་གང་། །འགྲོ་ཀུན་བྱང་ཆུབ་ཆེ་ཐོབ་པའི། །མཆོག་གི་དངོས་གྲུབ་རྒྱུ་རུ་ནི། །སྤྱན་རས་གཟིགས་ལ་དབུལ་བར་བགྱི། །ཞེས་བརྗོད། ཚིག་མི་སྤྲོ་ན་དོན་དྲན་ཙམ་བྱ། དཀའ་ཐུབ་དང་བཟླས་པའི་ཕན་ཡོན་སྤྱིར་དཔུང་བཟང་ལས། སོ་ཀའི་ནགས་མེ་མཆེད་པའི་མེ་ལྕེ་ཡིས། །མ་བསྒྲིམས་བཞིན་ཏུ་ཚང་ཚིང་ཀུན་བསྲེགས་ལྟར། །བཟླས་བརྗོད་མེ་ལ་ཚུལ་ཁྲིམས་རླུང་གིས་སྦར། །བརྩོན་འགྲུས་ཆེན་པོའི་མེ་ལྕེས་སྡིག་པ་བསྲེགས། །ཇི་ལྟར་གངས་ལ་ཉི་མའི་འོད་ཟེར་གྱིས། །གདུང་ན་གཟི་བརྗིད་མི་བཟོད་འཇུ་བ་བཞིན། །ཚུལ་ཁྲིམས་ཉི་མའི་འོད་ཟེར་གཟི་བརྗིད་ཀྱིས། །གདུད་ན་སྡིག་པ་གང་ཡང་ཟད་པར་འགྱུར། །མུན་ནག་སྨག་ལ་མར་མེ་ཕྱུངས་པ་ཡིས། །མུན་ནག་མ་ལུས་སེལ་བར་བྱེད་པ་ལྟར། །ཚེ་རབས་སྟོང་ནས་བསགས་པའི་སྡིག་པའི་མུན། །བཟླས་བརྗོད་མར་མེས་མྱུར་དུ་སེལ་བར་བྱེད། །ཅེས་སོགས་གསུངས་ཤིང་། བྱེ་བྲག་གཟུངས་རིང་ཐུང་དང་ཡིག་དྲུག་སོགས་ ― LT34_Page_0281 ―
[མ་དཔེ་གཟིགས་ན་འདིར་གནོན།]
ཀྱི་ཕན་ཡོན་མཐའ་ཡས་པ་ནི་ཕན་ཡོན་ཆེན་མོ་དང་མདོ་གཟུངས་སོགས་ལས་རྟོགས་པར་བྱའོ། །དེ་ནས་མགྲོན་ཐབས་ཀྱི་ལྷ་སྤྱན་འདྲེན་ཞིང་། གཟུངས་བཅས་ཕྱག་འཚལ་བཞིན་པས་ཕྱག་འཚལ་རྣམས་གྲུབ་ནས་བཞུགས། མཆོད་པ་སོགས་ཡན་ལག་བདུན་པ་ཚང་བར་བཏང་། མཎྜལ་ཚར་གསུམ་ཀར་སོ་བདུན་མ་མཎྜལ་དེ་ཉིད་ནས་འབྱུང་བ་ལྟར་རྒྱས་པར་འབུལ། བདེ་གཤེགས་སྤྱི་བསྟོད་ལ་དངོས་སུ་ཕྱག་མི་འཚལ་བར་དྲིལ་གསིལ་བཅས་འདོན་པ་ལེགས། དེའང་ཚར་དང་པོ་ལ་སེམས་བརྩེ་མ། གཉིས་པར་མཉམ་མེད་མི་གཡོ། གསུམ་པར་རྒྱལ་བཟླ་བ་བཏང་། གཤམ་དུ་རོལ་མོ་བསྒྲགས། སངས་རྒྱས་བྱང་ཆུབ་སེམས་དཔའི་འཁོར་གྱིས་དཀྱིལ་འཁོར་དུ་བསྟོད་དབྱངས་རྒྱ་མཚོ་འབྱུང་བའི་སྔགས་འདི་ལན་བརྒྱད་བརྗོད། །ན་མཿསརྦ་བུདྡྷ་བོ་དྷི་སཏཱྭ་ནཱཾ། སརྦ་ཏྲ་སཾ་ཀུ་སུ་མི་ཏཱ་ཨ་བྷིཛྙཱ་རཱ་ཤི་ནི་ན་མཿསྟུ་ཏེ་སྭཱ་ཧཱ། ཞེས་སོ། །དེ་ནས་པོ་བསྟོད་དམིགས་པ་དང་ཕྱག་འཚལ་བའི་གཟུངས་ཕྱག་གསུམ་བཅས་སྔོན་ཏུ་འགྲོ་བས་ཚིག་བཞི་རེའི་མཚམས་ཕྱག་འཚལ་བཞིན་པས་ཚར་ཉེར་གཅིག་རེ་ངེས་པར་བརྗོད་དགོས་ཀྱང་འགྲུབ་དཀའ་ན་ཚར་རེ་ལ་བདུན་རེ་སྟེ་ཁྱོན་ཚར་གསུམ་ལ་ཉེར་ ― LT34_Page_0282 ―
[མ་དཔེ་གཟིགས་ན་འདིར་གནོན།]
གཅིག་འགྲོ་བར་བྱའོ། །དེ་ནས་བཞུགས་ལ་ཐལ་སྦྱར་བཅས་གསོལ་བ་གདབ། བསངས་སྦྱང་ལ་འདས་གཏོར་འབུལ། དེ་མཚམས་ཚར་སྔ་མ་གཉིས་ལ་ཆོས་སྐྱོང་དང་འཇིག་རྟེན་པའི་གཏོར་འབུལ་གཞུང་གསལ་ཁོ་ནས་འཐུས། ཚར་རྗེས་མའི་སྐབས་འདས་གཏོར་གྲུབ་མཚམས། གཞུང་གི་གཏོར་འབུལ་གཅིག་ཤོས་བསྒྱུར་ལ་ཟུར་གསལ་ཆོས་སྐྱོང་། ཀླུ་གཏོར། །གཞི་བདག་གཏོར་འབུལ་མཐར་ཆ་གསུམ་གོང་སྨོས་ལྟར་བཏང་། དེའང་འདས་གཏོར་གཉིས་ཆོས་སྐྱོང་གཏོར་འབུལ་བཅས་གསུམ་པོ་ཉིན་སྔ་ཕྱི་གསུམ་ཀར་ཁ་གསོ་བ་ཁོ་ནས་འཐུས། ཀླུ་དང་གཞི་བདག་ཀྱང་ཚར་སྔ་མ་གཉིས་ལ་གསོ་ཞིང་དཀར་གཏོར་ཟུར་པ་རེ་བཤམ་ལ་འབུལ། རྗེས་མ་ལ་ཀླུ་གཏོར་ཆུ་མིག་དང་གཞི་བདག་སོགས་གཙང་སར་གཤེགས་ལ་གསར་པ་སླར་བཤམ་མོ། །དེ་ནས་མཆོད་ཁ་གསོས་ལ་མཆོད་བསྟོད་ཚར་སྔ་མ་གཉིས་ལ། ཨོཾ་ན་མོ་བྷ་ག་བ་ཏེ་བཛྲ་སཱ་ར་སོགས་སྔགས་ཀྱིས་བྱིན་བརླབ། དཀྱིལ་འཁོར་ཀུན་ཏུ་སོགས་ནས། བསྟོད་པར་འོས་པའི་བར་བཏང་། ཚར་རྗེས་མ་ལ་མདུན་བསྐྱེད་སྐབས་ལྟར་མཆོད་པ་བྱིན་རླབས་དང་། མཆོད་ཡོན་ཕལ་ཆེར་སོགས་ཀྱིས་མཆོད། པོ་བསྟོད་ཚར་གཅིག་གིས་བསྟོད། དེ་ནས་སྨོན་ལམ་བྱ། ཁྲུས་ ― LT34_Page_0283 ―
[མ་དཔེ་གཟིགས་ན་འདིར་གནོན།]
ཀྱང་ཚར་སྔ་མ་གཉིས་ལ་འགྲོ་བའི་སྒྲོན་མེ་ཁོ་ན་དབྱངས་བཅས་བཏོན་ལ་མཆོད་གཡོག་པས་རྣམ་རྒྱལ་བུམ་པས་ལྷ་ཁྲུས་གསོལ་བའི་ཆུ་འདུས་པ་རྣམས་ཀྱི་དུང་ཞལ་དུ་བཀྱེ། ཚར་རྗེས་མ་ལ་ཁྲུས་ཁང་བསྐྱེད་པ་ནས་བཟུང་ཁྲུས་གསོལ། སྐུ་ཕྱི། ནབ་བཟའ་འབུལ་བའི་བར་སྤྱི་ལྟར་རྒྱས་པར་བྱ་ཞིང་ཁྲུས་གསོལ་སྐབས། གཞུང་གི་འགྲོ་བའི་སྒྲོན་མེ་སོགས་ཤློ་ཀའང་བཙུད། དེ་ནས་བཟོད་གསོལ་དང་པདྨ་ས་ཏྭ་ཚར་སྔ་མ་གཉིས་ལ་ལན་གསུམ། རྗེས་མ་ལ་ལན་བདུན་བརྗོད། ཁྲུས་ཆུའི་བྱིན་རླབས་ལེན་སྐབས་སྔར་གྱི་གཟུངས་སྒྲུབ་ཁྲུས་ཆུས་ཁ་གདོང་ལན་གསུམ་བཀྲུ། ལན་གསུམ་འཐུང་དགོས་པ་གཞུང་ལྟར་ལ་དངོས་གཞི་སྨྱུང་གནས་ཉིན་ཁྲུས་བྱ་བ་ལས་འཐུང་མི་རུང་། ཁྲུས་ཆོག་འདི་ནི་འདི་ཉིད་ཀྱི་ལས་ཚོགས་ཤིན་ཏུ་གལ་པོ་ཆེ་སྟེ་ཞལ་བཅུ་གཅིག་པའི་གཟུངས་ལས། ཆབ་ལ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་རང་ཉིད་ཀྱི་ལུས་ལ་གཏོར་ན། སྒྲིབ་པ་དང་བགེགས་རྣམས་ཐམས་ཅད་རང་གི་ངང་གིས་ཞུ་བྱང་ནས་སྨོན་པ་རྣམས་ཡིད་བཞིན་ཏུ་འགྲུབ་པར་འགྱུར་ལགས་སོ། །ཞེས་གསུངས་སོ། །གཞན་ཡང་གཟུངས་རིང་ཐུང་གིས་ས་གཙང་མ་དང་མར་ལ་བསྔགས་ནས་ནད་གདོན་ལ་ཁོང་དུ་བཏང་ ― LT34_Page_0284 ―
[མ་དཔེ་གཟིགས་ན་འདིར་གནོན།]
ཞིང་བྱུགས་པས་དེ་ལས་གྲོལ་བ་དང་། སྐུད་པ་དཀར་པོ་ལ་མདུད་པ་བཏབ་སྟེ་སྔགས་བཏབ་ནས་བཏགས་ན་བསྲུང་བར་འགྱུར་བ་དང་། ཙན་དན་སོགས་ལ་བསྔགས་ནས་བདུག་ན་སྒྲིབ་པ་སེལ་བ་དང་། བྱེ་མ་ལ་བསྔགས་ནས་དུར་ཁྲོད་དང་རུས་པ་ལ་གཏོར་ན་སེམས་ཅན་དེ་བདེ་འགྲོར་སྐྱེ་བ་སོགས་ལས་ཚོགས་མང་པོ་མདོ་གཟུངས་ཀྱི་དངོས་དང་ཤུགས་བསྟན་ལས་འབྱུང་བའང་ཞར་འཕྲོས་སོ། །དེ་མཚམས་གཞུང་ལྟར་གཤེགས་གསོལ་བརྗོད་ལ་རྡུལ་ཚོན་གྱི་ལྷ་ཚོགས་རྣམས་བྲིས་སྐུ་སོགས་ལ་བསྟིམས་ཏེ་ཡེ་དྷར་དང་སུ་པྲ་ཏིཥྛ་བརྗོད། བདག་བསྐྱེད་བསྡུ་ལྡང་བྱ། མདུན་བསྐྱེད་བརྟན་བཞུགས་སྐབས་ཀྱང་ཐོག་མར་གཤེགས་གསོལ་གྱི་ཚིག་འདི་ངེས་པར་བརྗོད་དགོས་ཏེ་རྒྱུད་སྡེ་འདི་རིགས་ཀྱི་ཁྱད་པར་རོ། །དེ་ནས་བསྔོ་བ་གཞུང་ལྟར་ལ། འཇམ་དཔལ་དཔའ་བོ་སོགས་བསྐྱུར་ནས་བཟང་སྤྱོད་ཚར་རེ་ངེས་པར་གལ་ཆེ། ཚར་རྗེས་མའི་སྐབས་བདེ་སྨོན་སོགས་བཏོན་ཐུབ་ནའང་ལེགས་པ་སྨོས་མ་དགོས། དེ་མཚམས་བཀྲ་ཤིས་ནི་ཚར་དང་པོ་ལ་ཕུན་སུམ་ཚོགས་པ་མངའ་བ་སོགས། །གཉིས་པ་ལ་སྟོན་མཆོག་དམ་པ། གསུམ་པ་ལ་ཆེ་བའི་ཆེ་མཆོག་སོགས་བརྗོད་ཅིང་གྲོལ། དེ་ལྟར་ཉིན་དང་པོ་ལ་ཆོ་ག་ཚར་གསུམ་བཏང་བའི་ཁྱད་པར་ ― LT34_Page_0285 ―
[མ་དཔེ་གཟིགས་ན་འདིར་གནོན།]
ཕྲན་བུ་བཤད་མ་ཐག་པ་ལྟར་ལ། ཚར་རྗེས་མ་གཉིས་སྐྱབས་སེམས་ནས་འགོ་བཟུང་། བཀྲ་ཤིས་བར་ཚང་བར་བཏང་། ཉིན་གཉིས་པ་དངོས་གཞི་ལའང་ཆོ་གའི་འགྲོས་དང་ཚར་གྲངས་སོགས་དེ་དང་ཁྱད་པར་མེད་ལ། སློབ་དཔོན་ཀྱང་ངག་བཅད་ཡིན་སྟབས་ཆོས་བཤད་མི་དགོས། གྲོལ་ཉིན་སྔ་དྲོ་ཚར་གཅིག་ལ་གསོ་སྦྱོང་གི་སྐོར་བསྐྱུར་ལ་ཆོ་ག་གཞན་རྒྱས་པ་ཚར་གཅིག་དང་། རྗེས་ཀྱི་བསྔོ་སྨོན་དང་བཀྲ་ཤིས་ཀྱང་ཞལ་ནས་གསུངས་པའི་རིགས་གང་ཤེས་རྒྱས་པར་བྱའོ། །ཉིན་སྔ་ཕྱི་དེ་དག་གི་སྐབས་སུ་སྤྱོད་ལམ་འགའ་ཞིག་ནི་བཟླས་པའི་སྐབས་སུ་བསྟན་པ་བཞིན་དང་། རྒྱས་པར་ལེགས་གྲུབ་ལས་འབྱུང་བའི་དོན་བསྡུ་ན། ལུས་ཀྱི་ལས་སུ་སྲོག་གཅོད། མ་བྱིན་ལེན། མི་ཚངས་སྤྱོད། གླུ་གར་རྩེད་འཇོ་རྒྱན་ཕྲེང་ཁ་དོག་བྱུགས་པ་མཆོངས་རྒྱུག་རྩབ་ཧྲལ། ལྟད་མོ་ལྟ་བ། ཆས་གོས་ཧ་ཅང་བཟང་བ་དང་ཧ་ཅང་ངན་ཞིང་དྲི་མ་ཅན་བགོ་བ། རྟ་དང་ཤིང་རྟ་སོགས་བཞོན་པ། མེ་ཏོག་ལྡུམ་བུ་གསར་པ་བརྫི་བཅད། མཆོད་རོ་འགོངས་པ། ཞྭ་ལྷྭམ་རྐེད་གྲི། ལག་པས་ལག་པ་དང་། རྐང་པས་རྐང་པ་འཕུར་བ། གཤང་གཅི་ཆུ་ལ་འདོར་བ། རྩྭ་ཤིང་གཅོག་པ། གན་ ― LT34_Page_0286 ―
[མ་དཔེ་གཟིགས་ན་འདིར་གནོན།]
རྐྱལ་ཁ་སྦུབས་མི་གཙང་སར་ཉལ་བ། རྐང་བརྐྱང་། མགོ་བསྒྲིལ། ཧ་བགད་ཐལ་རྡེབ། གོས་ཕུད་ནས་སྟོད་གཅེར་བ། ཧ་ཅང་བརྗེས་ནས་འདོམ་སྣང་བ། མུ་སྟིགས་དང་ལྷ་མིན་གྱི་ཆ་ལུགས་འཆང་བ། སྲུང་བ་ཕྱིར་ཟློག་སོགས་སྤང་། ངག་གི་ལས་སུ་བརྫུན་ཕྲ་མ་ཚིག་རྩུབ་ངག་འཁྱལ། དོན་མེད་ལོངས་གཏམ། མུ་སྟེགས་ཀྱི་ཚིག །ཕན་ཚུན་རྩོད་པ། ཤན་པ་ལ་སོགས་རིགས་ངན་དང་མཉམ་དུ་སྔགས་བཟླ་བ། བདག་བསྟོད་གཞན་སྨོད། ཆོ་ག་དང་བསྙེན་པའི་འཕྲོ་དུས་མིན་ཏུ་འཇོག་པ། དེ་དག་གི་བར་དུ་འདོན་ཟློས་གཞན་བྱེད་པ། ཉམས་མཚར་འགྲན་འདོད་སོགས་ཀྱིས་ཆོ་ག་དང་སྔགས་བཟླ་བ། སྔགས་ལ་འཕྱས་གདགས་པ་སོགས་སྤང་། ཡིད་ཀྱི་ལས་སུ་བརྣབ་སེམས་གནོད་སེམས་ལོག་ལྟ། དུག་ལྔའི་རྣམ་རྟོག །རྒྱལ་པོའི་མངའ་ཐང་། བུད་མེད་ཀྱི་འདོད་ཡོན། དམག་དང་རྒྱན་པོ། སོ་ནམ་ཚོང་ཁེ། རྙེད་བཀུར་བཟའ་བཏུང་། མུ་སྟེགས་ཀླ་ཀློའི་ཆོས་ལུགས་སོགས་མདོར་ན་དོན་མེད་ཀྱི་རྣམ་པར་རྟོག་པའི་རིགས་སུ་གྱུར་ཚད་དང་། རང་ལ་ང་རྒྱལ་བ། ཡང་ན་སེམས་ཞུམ་པ། དཀའ་སྤྱད་སྔགས་བཟླས་ལ་སྐྱོ་བ་སོགས་སྤང་། མདོར་ན་ལུས་ངག་ཡིད་གསུམ་གྱི་ཁ་ ― LT34_Page_0287 ―
[མ་དཔེ་གཟིགས་ན་འདིར་གནོན།]
ན་མ་ཐོ་བའི་རིགས་སུ་གྱུར་ཚད་ཅི་ནུས་སུ་སྤང་ཞིང་། འཛོམ་ན་ཉིན་རེ་ཁྲུས་ལན་གསུམ་བྱ། གོས་ལན་གསུམ་བརྗེ་དགོས་ལ། དེ་ལྟར་མ་གྲུབ་ཀྱང་གོང་དུ་སྨོས་པ་ལྟར་གཙང་སྦྲ་ཆེན་པོ་དང་ལྡན་པ་ཤིན་ཏུ་གལ་ཆེ་སྟེ། དཔུང་བཟང་ལས། མི་ནི་ཚུལ་ཁྲིམས་གཙང་སྦྲ་མི་ལྡན་ཀྱང་། །གསང་སྔགས་ལྷ་ནི་དེ་ལ་གནོད་མི་མཛད། །ལྷ་ཡི་འཁོར་དུ་གྱུར་པ་གང་ཡིན་རྣམས། །མི་ཡི་གླགས་མཐོང་ནས་ནི་ཕུང་བར་བྱེད། །ཅེས་སོ། བཟའ་བཏུང་གི་ཁྱད་པར་ཡང་། ཤ་ཆང་། སྒོག་གཙོང་། ལ་ཕུག །ཏིལ། བྲ་སྲན་གྱི་རིགས། །གཡོས་སྣ་ཚོགས་སྦྱར་བ། ལ་དུ། ཚྭ་རིགས། རང་དང་གཞན་གྱི་ཁ་འཕྲོ། ལྷའི་མཆོད་རོ། །གཞན་གྱིས་འབགས་འཕྲོ་སོགས་སྤང་། རྒྱུད་ལས་ཞོ་དང་འོ་མ་འབྲས་ཆན་ཏེ་དཀར་གསུམ་ཁོ་ན་བཟའ་བར་གསུངས་ཀྱང་ཡུལ་ལུགས་དང་སྦྱར་བའི་ཇའི་བཏུང་བ་རྩམ་ཐལ་སོགས་ཀྱིས་ཧ་ཅང་སྐ་བ་མ་ཡིན་པ་དང་། ཞོ་དང་། འོ་མ། ཀ་ར་བུ་རམ། མར་གསར་སོགས་བྱིན་བརླབས་བྱས་པའི་རུང་ཆུས་བྲན་པ་བཅས་ནམ་ལངས་ནས་མུན་རུག་བར་སྔ་ཕྱི་དྲོ་ནམ་དུའང་སྤྱད་ཆོག་ཅིང་། ནས་དང་གྲོའི་བཤོས། འབྲས་ཆན། གྲོ་མ། ཐུད་སོགས་ ― LT34_Page_0288 ―
[མ་དཔེ་གཟིགས་ན་འདིར་གནོན།]
ཉིན་གུང་སྔ་ཐལ་ཕྱི་ཐལ་མ་ཡིན་པར་གུང་ཚིགས་གདན་གཅིག་ཏུ་སྤྱོད་ཅིང་། སྐབས་དེར་ཡང་དཀོན་མཆོག་རྗེས་དྲན་སྔོན་ཏུ་འགྲོ་བས་ཟས་ཀྱི་ཕུད་དཀོན་མཆོག་ལ་མཆོད་ཅིང་ཕུད་ལ་དབང་པའི་འབྱུང་པོ་ལ་ཆངས་བུ་སྟེར། བཟའ་བཏུང་ཨོཾ་ཨཱཿཧཱུྃ་གིས་བདུད་རྩིར་བྱིན་གྱིས་བརླབ། རང་ཐུགས་རྗེ་ཆེན་པོར་གསལ་བས་ལོངས་སྤྱོད། ལྷག་མ་འཕྲོག་མམ་བུ་དང་ལྷག་མ་ཟ་བ་རྣམས་ལ་སྦྱིན། ཡོན་སྤྱོད་གཟུངས་དང་མདོ་བསྔོ་སོགས་མཐོང་བརྒྱུད་ལྟར་བྱ། བཟའ་བའི་སྣོད་ཀྱང་དགེ་སློང་རྣམས་ནས་ལྷུང་བཟེད་དང་། བཏུང་བའི་སྣོད་རིན་པོ་ཆེས་སྤྲས་པ་མིན་པའི་ཕོར་པ་ལ་བྱ། ཐམས་ཅད་ཀྱིས་རིན་པོ་ཆེའི་ཕོར་པ། ཐོད་ཕོར། ཟངས་རག་འཁར་བའི་སྣོད། ལོ་མའི་རྒྱབ། སྙིམས་པ་དང་ལག་མཐིལ་ཁོ་ནར་བཟའ་བཏུང་བྱེད་པ་སྤང་། །བཟའ་བའི་ཚེ་ཁམ་ཧ་ཅང་ཆེ་བ། ཧ་ཅང་ཆུང་བ། སྒྲ་དང་བཅས་ཟ་བ། གཏམ་དགོད་ཀྱི་ཞོར་དུ་ཟ་བ། ཕན་ཚུན་ཡེངས་པ། མདོམས་ཀྱང་ཚུལ་འཆོས་ནས་མི་ཟ་བ། །འགྲང་བཞིན་ཏུ་ལྷག་པར་ཟ་བ་སོགས་སྤངས་ཏེ། རན་ཞིང་འོས་པར་སྤྱད། དེའང་སྔོན་འགྲོ་དང་རྗེས་ཆོག་བཅས་ཉིན་གཉིས་པོ་ལ་དེ་ལྟར་བྱ་ཡི། །དངོས་གཞི་སྨྱུང་གནས་ཉིན་མོ་ནི་ནམ་ལངས་ནས་སང་ ― LT34_Page_0289 ―
[མ་དཔེ་གཟིགས་ན་འདིར་གནོན།]
ནམ་ལངས་ཀྱི་བར་ཆུ་ཐིགས་གཅིག་གམ། ནས་འབྲུ་གཅིག་ཙམ་ཡང་སྤང་ལ། མཆིལ་མ་ཡང་ཕྱིར་ཕོ་བ་དང་མི་ཕོ་བའི་ཕྱག་ལེན་གཉིས་སྣང་བ་རང་ཉིད་གང་ནུས་པ་དེ་ལྟར་བྱ་ཆོག་གི་ངེས་དཀྲིག་མི་དགོས། ངག་སྨྲ་བ་བཅད་དེ་ཆོ་གའང་ཡིད་ཀྱིས་འདོན་ཏེ་སྒྲ་བཅས་མི་བྱ་བ་ཡིན་ཀྱང་ཇི་བཞིན་མི་ཀློག་པ་དང་། ཆད་ལྷག་གི་སྐྱོན་འབྱུང་བར་ཉེན་སྐད་གདངས་དམའ་ཞིང་དལ་བུས་འདོན་པ་ལེགས། འདི་ཉིན་ཕྱག་སོགས་ཀྱང་དངོས་སུ་མི་བྱ་བར་ཡིད་ཀྱིས་དམིགས་པ་ཡིན་ཀྱང་ཕྱག་སྐོར་ནུས་ན་ཧ་ཅང་བཀག་པ་མེད་ཅིང་དེའང་དལ་བུས་བྱེད། ཡིད་ཀྱང་རྣམ་རྟོག་གི་འཕྲོ་འདུ་མཐའ་དག་སྤང་སྟེ་ལྷ་སྔགས་ལ་སེམས་རྩེ་གཅིག་ཏུ་བཟུང་། གཉིད་ཡུར་བ། ལྟོག་སྐོམ་སོགས་ཀྱི་བར་ཆད་གདུང་བ་བྱུང་ན་དྲན་ཤེས་དང་གཉེན་པོ་དྲག་ཏུ་བསྟེན་ལ། འཇིག་རྟེན་ཁྱིམ་པ་རྣམས་ངན་སོང་གི་རྒྱུ་གསོག་པ་ལ་ལྷོག་སྐོམ་ངལ་དུབ་ཉིན་ཞག་མང་པོར་ཁྱད་དུ་གསོད་དེ་བརྩོན་པ་ཆེན་པོས་ཉིན་མཚན་གར་སོང་མི་ཚོར་བ་འབད་ནུས་ན། །སྨྱུང་གནས་ཚད་ལྡན་ཚར་གཅིག་འགྲུབ་ཀྱང་མི་དེ་ངན་སོང་དུ་མི་བཏང་ཞིང་མཐར་བདེ་བ་ཅན་ཏུ་ཁྲིད་པ་འཕགས་པས་དབུ་བསྙུང་བཞེས་པས། ཟབ་ཆོས་འདི་ལྟ་བུ་སྔོན་ཚོགས་ཆེན་བསགས་ ― LT34_Page_0290 ―
[མ་དཔེ་གཟིགས་ན་འདིར་གནོན།]
པའི་འབྲས་བུས་ད་རེས་ཁོ་ན་ཙམ་ཞིག་སྤྱོད་དུ་ཡོད་པ་ཉིན་ཞག་གཅིག་ཁོ་ནར་བསྒྲུབ་མི་ནུས་པ་སྐལ་པ་ངན་པའི་སྐྱོན་ཏུ་ཤེས་པར་བྱས་ལ་དམ་བཅའ་དང་བརྩོན་འགྲུས་དྲག་པོ་བྱ། མདོར་ན་སྒོ་གསུམ་སྙོམས་ལས་སུ་མ་ལུས་པ་ཅི་ནས་གལ་ཆེ། ཉལ་བ་དང་ཆོས་གོས་གྱོན་པའི་སྐབས་སུའང་སངས་རྒྱས་ཀྱི་རྗེས་སུ་སློབ་བོ་སྙམ་པའི་འདུན་པ་མེད་ན་ལྟུང་བ་འོང་བར་གསུངས་པས་དེ་བཞིན་དང་། ལྷག་པར་ཉལ་བའི་སྐབས་ལེགས་གྲུབ་སོགས་ལས་གསུངས་པའི་བྱང་སེམས་སྲུང་བ་དང་། བདུད་རྩི་ཐབ་སྦྱོར་སོགས་བགེགས་སྲུང་བའི་སྔགས་དམིགས་བསྟེན་ཞིང་ཉལ་བའི་རྣལ་འབྱོར་གང་རུང་དང་ལྡན་པས་བག་ཡོད་པར་ཉལ། དངོས་གཞིའི་ཕྱིར་ནང་ནམ་ལངས་རྒྱབ་ལུས་ཀྱི་སྲིན་བུ་རྣམས་ཀྱི་བཀྲེས་པ་སེལ་བའི་ཕྱིར་ཆུ་ཐང་སླ་མོ་བཞིན་རས་འཆར་བ་ཕོར་པ་གང་འཐུང་། སྨྱུང་གནས་ཀྱི་སྡོམ་པ་ལྷག་པའི་ལྷ་ལ་འབུལ་བའི་མོས་པས་མཎྜལ་ཕུལ་ཞིང་། དབྱངས་གསལ་རྟེན་སྙིང་ཡིག་བརྒྱ་བརྗོད་པས་ཆད་ལྷག་སྐོང་བའི་ཕྱག་སྲོལ་ཡང་ཁ་ཅིག་ལ་འདུག་མོད། གཞུང་ནས་གསུངས་པ་ནི་མིན་པས་ཅི་བདེར་ཆོག །གྲོལ་ཉིན་ཀྱང་བག་དང་ལྡན་པས་ལེགས་པར་སྡོམ་པ་ལ་གནས་ཤིང་། ཕྱིན་ཆད་ ― LT34_Page_0291 ―
[མ་དཔེ་གཟིགས་ན་འདིར་གནོན།]
མི་དགེ་བ་ལ་ཁྲེལ་འཛེམ་གྱིས་བསྡམ་པར་བྱས་ཚེ་སྔར་བསགས་ཀྱི་ཉེས་ལྟུང་བྱང་ཞིང་ངེས་པར་མངོན་མཐོ་ངེས་ལེགས་ཀྱི་གོ་འཕང་ལ་རེག་པར་འགྱུར་རོ། །རྗེས་ཆོག་ཆོ་ག་ཚར་གཅིག་གྲུབ་སྐབས། སློབ་དཔོན་གྱིས་སྔར་བཅིངས་པའི་བགེགས་རྣམས་ཡིད་ཀྱིས་བཀྲོལ་ཞིང་སྲུང་འཁོར་ཡང་བསྡུ། མཆོད་གཡོག་པས་ཀྱང་གཙང་སྦྲ་ཤིན་ཏུ་ཐོན་པར་བྱ་ཞིང་། བདུན་ཚར་སོགས་མཆོད་པའི་སྣོད་ཐམས་ཅད་ཕྱི་བདར་དང་། མེ་ཏོག་སོགས་མཆོད་པ་རྙིང་པ་རྣམས་འཕྲལ་དུ་བརྗེ་ཞིང་གསར་པ་བཤམ། མཆོད་རོ་ཐམས་ཅད་མི་བྱིས་མི་འགོང་བའི་གཙང་སར་གཤེགས། སྤྲང་ལོངས་ལྟ་བུ་ལ་ཅིས་ཀྱང་སྦྱིན་དགོས་ན་གཞུང་གསལ་སྔགས་བཏབ་ལ་སྦྱིན། རང་གིས་ནི་རྣམ་པ་ཀུན་ཏུ་སྤྱད་པར་མི་བྱ། རྡུལ་ཚོན་དང་གཟུངས་ཆུ་སྤྱོད་ཚུལ་གཞུང་གསལ་དེ་ཅི་ནས་གལ་ཆེ་བས་ལག་ལེན་ཏུ་གདབ། འཛོམ་ཞིང་སྤྲོ་ན་སྨྱུང་གནས་སྡོད་པའི་ཉིན་སྔ་ཕྱིར་ཁ་ཅིག་ལ་བརྒྱད་སྟོང་པ་སོགས་ཤེར་ཕྱིན་དང་། སཱཙྪ་འདེབས་པ། ཆུ་གཏོར་བཏང་བ། ཞི་བའི་སྲེག་བླུགས་སོགས་བྱ་བཅུག་པས་བར་གཅོད་ཞི་བ་དང་། ཚོགས་རྫོགས་ཤིང་ལྷ་མྱུར་དུ་འགྲུབ་པའི་དགོས་པ་ཁྱད་པར་ཅན་ཡོད་ལ། འོན་ཀྱང་མི་སྤྲོ་ ― LT34_Page_0292 ―
[མ་དཔེ་གཟིགས་ན་འདིར་གནོན།]
བར་སྨྱུང་གནས་ཁོ་ན་རྩེ་གཅིག་ཏུ་བསྒྲུབ་ནུས་ན་དེ་ཉིད་ཀུན་གོ་གཅིག་ཆོད་དུ་འགྱུར་རོ། །ཅུང་ཟད་ངལ་བས་བསྐལ་མང་སྡིག་ལྟུང་སྤྱོད། །ཞག་གཅིག་འབྲུས་པས་གཏན་འདུན་བདེ་བླག་བྱེད། །འབྲེལ་ཐོགས་ཁོ་ནས་སྲིད་པའི་འཆིང་བ་ཀློད། །ཐབས་འདི་སྟོན་པ་ཐུགས་རྗེ་ཅན་དེས་བསྟན། །སྐྱེ་བོ་རྨོངས་པས་སྐྱོན་ཡོན་དོན་མ་གོ། །རབ་བྱུང་རྣམས་ཀྱང་བསྟན་ལ་གུས་པ་ལྷོད། །དམ་པ་ཕལ་ཆེར་ཇི་མི་སྙམ་གྱིས་འདའ། །འདི་འདྲས་གཞན་ལ་ཕན་པར་འགྱུར་དཀའ་ཡང་། །སློབ་ན་འཆད་ལ་རྒོལ་ངན་རྩོད་པས་འཇོམས། །མ་བཤད་བཤད་ལ་རྩོམ་པས་མགྲིན་རྒྱན་པ། །རྒྱལ་བསྟན་འཛིན་མཆོག་རྣམས་ཀྱི་ལམ་སྲོལ་དུ། །འཇུག་པར་སྤྲོ་དང་སྐལ་མཉམ་དགའ་སྐྱེད་ཕྱིར། །རྒྱུད་སྡེ་མ་འདྲེས་སྤྱོད་པའི་སྐལ་དམན་པས། །དུས་དང་གཞན་གྱི་འདོད་མཐུན་ཟིན་ཆུང་འདི། །ཉི་མའི་རྗེས་སུ་མེ་ཁྱེར་སྤྱོད་པ་ལྟར། །བསྟན་པ་ཁོ་ན་ཡིད་ལ་བཞག་ནས་བྲིས། །ཉེས་ཆོགས་བཤགས་ཤིང་དགེ་བས་མཁའ་ཁྱབ་འགྲོ། །འཕགས་པ་དགྱེས་པའི་ཀུན་བཟང་སྤྱོད་ལ་ཞུགས། །བརྩེ་ཆེན་ཕྱག་གིས་སྙིང་པོར་དབུགས་ཕྱུང་ནས། །སྐུ་གསུམ་སྤྲིན་གྱིས་ཆོས་དབྱིངས་ཡོངས་ཁྱབ་ཤོག ། ― LT34_Page_0293 ―
[མ་དཔེ་གཟིགས་ན་འདིར་གནོན།]
ཅེས་པའང་ཐུགས་རྗེའི་དབང་ཕྱུག་ཀརྨ་ངེས་དོན་བསྟན་པ་རབ་རྒྱས་སོགས་དམ་པ་མང་པོའི་ཐུགས་བཞེད་སྐོང་སླད། འཇིག་རྟེན་དབང་ཕྱུག་ཀརྨ་པའི་རྗེས་འཇུག་མ་ི་བ་ཡོན་ཏན་རྒྱ་མཚོས། འོག་མིན་བླ་མའི་གདན་ས་དཔལ་སྤུངས་ཡང་ཁྲོད་དུ་དབོ་ཟླ་བའི་ཡར་ཚེས་བཅོ་ལྔར་གྲུབ་པ་བགྱིས་པས་གཞན་ཕན་མཐའ་ཡས་འབྱུང་བར་གྱུར་ཅིག །དགེ་ལེགས་འཕེལ།། །། ཡན་ལག་བརྒྱད་པའི་གསོ་སྦྱོང་སྨྱུང་གནས་སྒྲུབས་ཐབས་དང་འབྲེལ་བའི་ཕན་ཡོན་མདོར་བསྡུས་སྐལ་ལྡན་ངལ་གསོ།― LT34_Page_0295 ―
[མ་དཔེ་གཟིགས་ན་འདིར་གནོན།]
ཡན་ལག་བརྒྱད་པའི་གསོ་སྦྱོང་སྨྱུང་གནས་སྒྲུབས་ཐབས་དང་འབྲེལ་བའི་ཕན་ཡོན་མདོར་བསྡུས་སྐལ་ལྡན་ངལ་གསོ་ཞེས་བྱ་བ་བཞུགས་སོ། ། ― LT34_Page_0296 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་ལོ་ཀེ་ཤྭ་རཱ་ཡ། །རབ་འབྱམས་རྒྱལ་བ་སྲས་བཅས་སྐུ་དང་ཞིང་། །གཅིག་བསྡུས་ཐུགས་རྗེའི་ཡེ་ཤེས་ཚད་མེད་པས། །ནམ་མཁའ་ཇི་སྲིད་འཁོར་བ་དོང་ནས་སྤྲུག །ཕྱག་ན་པདྨས་བྱང་ཆུབ་བར་དུ་སྐྱོངས། །འཇིག་རྟེན་མགོན་པོ་སྙིགས་དུས་གདུལ་བྱའི་ངོར། །གང་འདུལ་སྐུར་བསྟན་དགེ་སློང་དཔལ་མོའི་ཞབས། །སྲོང་བཙན་ཀརྨ་ཀ་སོགས་རྩ་བ་དང་། །བརྒྱུད་པའི་བླ་མ་སྙིང་གི་ཟེའུ་འབྲུར་བཞུགས། །སྲིད་མཚོའི་སྡུག་བསྔལ་སྒྲོལ་བྱེད་ཆོས་ཀྱི་གྲུ། །བརྒྱ་ལམ་རྙེད་དཀའ་མདོ་སྔགས་ཟབ་མོའི་བཅུད། །འབྲེལ་ཐོབ་ཙམ་གྱིས་ངན་འགྲོའི་སྒོ་བཅད་པ། །སྨྱུང་བར་གནས་པའི་ཕན་ཡོན་མདོ་ཙམ་བཤད། །དེ་ལ་འདིར་ཐེག་ཆེན་གསོ་སྦྱོང་དང་ ― LT34_Page_0297 ―
[མ་དཔེ་གཟིགས་ན་འདིར་གནོན།]
འབྲེལ་བའི་སྨྱུང་གནས་ཀྱི་ཆོ་གས་འཕགས་པ་སྒྲུབ་པའི་ཐབས་ཀྱི་ཕན་ཡོན་མདོར་བསྡུས་བརྗོད་པ་ལ། སྤྱིར་བསྟན་པ་དང་། བྱེ་བྲག་ཏུ་བཤད་པ། འཕྲོས་དོན་ཅུང་ཟད་བརྗོད་པའོ། །དང་པོ་ལའང་གཞི་བསྙེན་གནས་ཡན་ལག་བརྒྱད་པ། དེ་ཉིད་ཐེག་ཆེན་གསོ་སྦྱོང་དང་འབྲེལ་པ། སྨྱུང་གནས་དངོས། ཞར་བྱུང་གདན་གཅིག་འཆད་པ་སྟེ་བཞི་ལས། དང་པོ་ལ་ཇི་ལྟར་སྲུང་བའི་ཚུལ། མ་བསྲུངས་པའི་ཉེས་དམིགས། བསྲུངས་པའི་ཕན་ཡོན་ནོ། །དེའི་དང་པོ་ལའང་གང་གིས་སྲུང་ན། རབ་ཏུ་མ་བྱུང་བའི་ཁྱིམ་པ་ཕོ་མོ་ཐམས་ཅད་ཀྱིས་སོ། །ཚུལ་ཇི་ལྟར་སྲུང་ན། དགེ་བསྙེན་དགེ་ཚུལ་དགེ་སློང་གང་རུང་སྟེ་སྡོམ་ལྡན་ཞིག་གི་མདུན་ནས་སྐྱབས་གསུམ་ ― LT34_Page_0298 ―
[མ་དཔེ་གཟིགས་ན་འདིར་གནོན།]
འཛིན་པ་སྔོན་ཏུ་འགྲོ་བའི་སྡོམ་པའི་ཚིག་རྣམས་རྗེས་ཟློས་ལན་གསུམ་བྱས་པའི་བརྗོད་པ་ཐ་མར་སྡོམ་པ་ཐོབ་པས་དེ་ནས་བརྩམས་སྡོམ་པ་མ་བཏང་བར། གནས་སྐབས་ནད་གདོན་རྒྱལ་པོའི་ཆད་པ་སོགས་ཀྱི་འཇིགས་སྐྱོབ་དང་། ལྷ་མིའི་བདེ་འབྲས་ལ་སྨོན་པ་ཙམ་གྱི་ལེགས་སྨོན་གཉིས་སུ་མ་སོང་བར་ཁམས་གསུམ་ལས་ངེས་པར་འབྱུང་ནས་མྱང་འདས་ལ་དམིགས་པའི་བསམ་པས་ཟིན་ཏེ་དྲན་པ་དང་ཤེས་བཞིན་གྱི་སྒོ་ནས་བསྲུང་བ་ནི་ཕྱི་མ་རྣམས་ལའང་ཤེས་པར་བྱའོ། །དུས་གང་གི་ཆེ་སྲུང་ན། ཟླ་བའི་དུས་ཆེན་བཞི་དང་། ཞག་གི་དུས་ཆེན་ཉ་སྟོང་བརྒྱད་གསུམ་སོགས་འོག་ཏུ་འབྱུང་བའི་དུས་འགྱུར་ཁྱད་ཅན་རྣམས་ལ་བབ་པའམ། ཆོས་སེམས་སྐྱེ་ཞིང་མཐུན་རྐྱེན་འཛོམ་ན་དེ་ཉིད་དུའང་རུང་སྟེ། མིའི་ཚེ་ལ་ངེས་པ་མེད་ཅིང་ཕྱི་བཤོལ་ཁོ་ན་ཆོས་ཀྱི་བར་ཆད་དུ་ཆེ་བས་སོ། །དེ་ཡང་ནངས་པར་ཟས་མ་ཟོས་པའི་གོང་སྐྱ་རེངས་ཤར་བ་ནས་སྡོམ་པ་བླངས་ཏེ་སང་སྐྱ་རེངས་ཤར་བའི་ཚེ་བསྙེན་གནས་གཏོང་བའི་དུས་མཚམས་ཡིན་པས་དེ་བར་ཉིན་ཞག་ཕྲུག་གཅིག་བསྲུང་། ཆོ་འཕྲུལ་ཟླ་བ་སོགས་ཀྱི་ཚེ་ལན་གྲངས་སྦྲེལ་བ་ནའང་དེ་ལྟར་ལ་ལེན་ཚུལ་གཞན་ནས་གསལ་ལོ། །གང་བསྲུང་བར་བྱ་བ་ནི། ཡན་ལག་ ― LT34_Page_0299 ―
[མ་དཔེ་གཟིགས་ན་འདིར་གནོན།]
བརྒྱད་ལ་བསྙེན་པར་གནས་པ་སྟེ། དེ་ཡང་བསམ་བཞིན་ཏུ་སྲོག་གཅོད་པ། དངོས་པོ་གང་རུང་མ་བྱིན་པ་ལེན་པ། བུད་མེད་སོགས་ལ་མི་ཚངས་པར་སྤྱོད་པ། མིའི་ཆོས་བླ་མ་གཙོ་བོར་གྱུར་པའི་རྫུན་སྨྲ་བ་བཅས་རྩ་བ་བཞི་སྤོང་བ་ཚུལ་ཁྲིམས་ཀྱི་ཡན་ལག །མྱོས་འགྱུར་གྱི་ཆང་སྤོང་བ་བག་ཡོད་གྱི་ཡན་ལག །ཉིན་གུང་ཡོལ་ནས་ཇ་སོགས་བཏུང་བ་ལ་རུང་ཆུས་ཤིན་ཏུ་སླ་བར་བྱས་པ་མ་གཏོགས་དུས་མ་ཡིན་པའི་ཁ་ཟས་བཟའ་བཅའི་རིགས་གྱུར་ཐམས་ཅད་དང་། ཆོ་ག་དང་མ་འབྲེལ་པར་རྩེད་མོའི་ཕྱིར་དུ་གར་རྩེ་གླུ་ལེན་རོལ་མོ་འཁྲོལ་བ་གར་སོགས་གསུམ། འཕྱོར་སྒེག་གིས་རྒྱན་ཕྲེང་འདོགས་པ་སྨུག་རྩི་སོགས་ཁ་དོག་འཆང་བ་ལུས་གོས་དྲི་ཞིམ་པའི་ཕྱིར་སྤོས་བྱུག་པ་ཕྲེང་སོགས་གསུམ། ཆོས་འཆད་པ་པོ་མ་གཏོགས་པར་རིན་པོ་ཆེ་དངོས་ཀྱིས་སམ། གསེར་ཤོག་སོགས་ཀྱི་རྒྱན་སྤྲས་པའི་ཁྲི་དང་། དར་ཟབ་ཐོར་ཕྲུག་གཅན་ལྤགས་རིགས་རིན་ཐང་ཆེ་ཞིང་ཁ་དོག་འཚེར་བའི་སྟན་ཏེ་ཁྲི་སྟན་ཆེན་པོ། ཁྲུ་གང་ལས་ལྷག་པའི་མཐོན་པོ་བསྟེན་པ་བཅས། །དེ་ལྟར་དུས་མིན་གྱི་ཟས། གར་སོགས་ཕྲེང་སོགས། ཁྲི་སྟན་ཆེ་མཐོ་གསུམ་པོ་སྤོང་བ་བརྟུལ་ཞུགས་ཀྱི་ཡན་ལག་སྟེ་བསྡམས་པས་ ― LT34_Page_0300 ―
[མ་དཔེ་གཟིགས་ན་འདིར་གནོན།]
བརྒྱད་དང་། ཇོ་བོ་རྗེས་དེ་སྟེང་གུང་ཚིགས་དཀར་གསུམ་ཁོ་ནར་སྤྱོད་པ་དང་། བག་ཡོད་ཀྱི་སླད་དུ་ཆབ་ལེན་པ་གཉིས་བསྣན་པར་མཛད་དོ། །གཉིས་པ་ནི། སྲོག་གཅོད་པས་ངན་སོང་གསུམ་དང་ཁྱད་པར་དམྱལ་བ་ཡང་སོས་སུ་སྐྱེ། གལ་ཏེ་མིར་སྐྱེས་ཀྱང་ཚེ་ཐུང་། གཟུགས་ངན། ཤེས་རབ་འཚལ། རྟག་ཏུ་སྐྲག་ཅིང་ཁྲོ། ནད་མང་། མྱ་ངན་ཆེ། དགའ་བ་ཐམས་ཅད་དང་འབྲལ། སྲོག་རེ་རེ་བཅད་པ་ལ་སྲོག་ལེན་དགུ་བརྒྱ་གོ་དགུ་ནས་སུམ་བརྒྱའི་བར་མཆོག་དམན་ལ་ལྟོས་པ་འཇལ་དགོས་པར་གསུངས། མ་བྱིན་པ་བླངས་པས་དམྱལ་བ་དུ་འབོད་དུ་སྐྱེ། མིར་སྐྱེས་ཀྱང་ལོངས་སྤྱོད་ཅུང་ཟད་ཀྱང་མི་ཆགས། གསར་དུ་མི་རྙེད། ཡོད་པ་དང་བྲལ་ནས་དབུལ། གཞན་གྱིས་སྡང་ཞིང་འཚེ། མི་ཚངས་པར་སྤྱོད་པས་དུ་འབོད་ཆེན་པོར་སྐྱེ། མིར་སྐྱེས་ཀྱང་སྐྱེ་བ་ལྔ་བརྒྱར་མཛེ་མོ་དང་དབང་པོ་མ་ཚང་ཞིང་མི་སྡུག་པའི་བུད་མེད་དང་མ་ནིང་ཁོ་ནར་སྐྱེ། ཉེར་འཚེ་དང་དགྲ་བོ་མང་། རྫུན་སྨྲས་པས་ཐིག་ནག་ཏུ་སྐྱེ། མིར་སྐྱེས་ཀྱང་ངག་ལྐུག །སྙིང་རྗེ་མི་སྐྱེ། ཕྲག་དོག་ཆེ། དྲི་མི་ཞིམ། སྐྱེ་བ་ཀུན་ཏུ་ཆོས་ཀྱི་དོན་མི་གོ། །ཆང་འཐུང་བས། ལྕགས་ཞུན་ཁོལ་མ་འཐུང་བའི་ཚ་དམྱལ་དུ་སྐྱེ། ― LT34_Page_0301 ―
[མ་དཔེ་གཟིགས་ན་འདིར་གནོན།]
མིར་སྐྱེས་ཀྱང་གཉིད་དང་གཏི་མུག་བརྗེད་ངས་ཆེ། བློ་གྲོས་དམན། འཇིགས་སྐྲག་དོགས་པ་ལྡན། ཐ་མ་མང་། ཁྲེལ་དང་ངོ་ཚ་མེད། ཕྲག་དོག་དང་སེར་སྣ་ཆེ། དགེ་བའི་ཆོས་རྣམས་ཉམས། གནོད་སྦྱིན་དང་ཁྱི་དང་སྨྱོན་པ་རྣམས་ཀྱི་སྐྱེ་བ་ལྔ་བརྒྱ་དེ་ལེན་པ་དང་། ལྔ་ཀའི་ཐུན་མོ་བདུ་ངན་སོང་གསུམ་གྱི་སྡུག་བསྔལ་ལན་གྲངས་མང་དུ་མྱོང་བ་སོགས་རང་བཞིན་གྱི་ཁ་ན་མ་ཐོ་བ་ཞེས་སྡོམ་པ་ཞུས་མ་ཞུས་གང་གིས་སྤྱོད་ཀྱང་ཉེས་པ་དེ་དག་མྱོང་བ་སྟེ། སྡོམ་པ་ཞུས་ནས་མི་དགེ་བ་དེ་དག་སྤྱོད་ན་ཉེས་པ་འབུམ་འགྱུར་གྱིས་ཆེ་ཞིང་། བཀའ་འདས་ཀྱི་ལྟུང་བ་ཕོག །ཕྱི་དྲོའི་ཁ་ཟས་སོགས་ལའང་ཉེས་པ་ཆེས་ཆེ་བ་མང་ཡང་སྨོས་ཀྱིས་མ་ལོངས་སོ། །གསུམ་པ་ནི། སྤྱིར་རྩ་བཞི་ཆང་ལྔ་སོགས་མི་དག་བ་སྤངས་པས་ལྷ་མི་ཁྱད་པར་ཅན་དུ་སྐྱེ་བ་དང་། སྲོག་གཅོད་སྤངས་བས་ཚེ་རིང་ཞིང་ནད་མེད་པ་སོགས་གོང་གི་ཉེས་པ་དེ་རྣམས་ལས་ལྡོག་པའི་ཕན་ཡོན་དུ་མ་ཐོབ་ཚུལ་རྒྱས་པ་བསླབ་པ་ལྔའི་ཕན་ཡོན་གྱི་མདོར་གསལ་ལ། བྱེ་བྲག་ཏུ་བསྙེན་གནས་ཀྱི་སྡོམ་པ་དང་འབྲེལ་བའི་ཕན་ཡོན་ནི། གནས་འཇོག་གི་མདོ་ལས། གསོལ་བ། བཅོམ་ལྡན་འདས། འདི་ན་གང་སྐྱེས་བུ་གཉིས་ཤིག་གནས་ ― LT34_Page_0302 ―
[མ་དཔེ་གཟིགས་ན་འདིར་གནོན།]
པ་ལ་གཅིག་ནི་ཇི་སྲིད་འཚོའི་བར་དུ་སྦྱིན་པ་བཏང་། གཅིག་ནི་ཡན་ལག་བརྒྱད་པའི་བསྙེན་གནས་ལ་གནས་ན་དེ་གཉིས་བསོད་ནམས་གང་ཆེ་བར་འགྱུར་ཞེས་ཞུས་པས། བཀའ་སྩལ་པ། གནས་འཇོག་འདི་ལ་འཕགས་པའི་ལམ་ཡན་ལག་བརྒྱད་པ་སྲུང་བ་དང་། སྦྱིན་པ་གཏོང་བ་གཉིས་མཉམ་པ་མ་ཡིན་ནོ། །འདི་ལྟ་སྟེ་དཔེར་ན་འཛམ་བུའི་གླིང་ན་དགྲ་བཅོམ་པ། སེམས་ཤིན་ཏུ་རྣམ་པར་གྲོལ་བར་གྱུར་པས་གང་བ་དེ་དག་ལ། གང་ལ་ལ་ཞིག་གིས་ཇི་སྲིད་འཚོའི་བར་དུ། ཨངྒ་དང་། ཀཱ་ཤི་ལ་སོགས་པའི་ཡུལ་ཆེན་པོ་དྲུག་ཅུ་པོ་རྣམས། རྡོ་རྗེ་དང་། ནོར་བུ་བཻ་ཌཱུརྻ་སོགས་རིན་པོ་ཆེའི་རིགས་རྣམ་པ་ཐམས་ཅད་ཀྱིས་བཀང་ནས་བརྩོན་འགྲུས་ཀྱི་སྟོབས་བསྐྱེད་ཅིང་འབུལ་བ་དང་། གཞན་ཡང་ཆོས་གོས་དང་། ན་བའི་གསོས་སྨན་སོགས་ཡོ་བྱད་རྣམ་པ་སྣ་ཚོགས་ཀྱིས་བསྙེན་བཀུར་བྱས་པ་བས། གང་བསྙེན་གནས་ལ་ལན་གཅིག་གནས་ན། སྔ་མ་དེས་ནི་བསྙེན་གནས་ལས་བྱུང་བའི་བསོད་ནམས་ཀྱི་བརྒྱ་ཡི་ཆ་དང་། སྟོང་གི་ཆ་དང་། དཔེ་དང་རྒྱུར་ཡང་མི་བཟོད་དེ་དེ་ལྟར་འབྲས་བུ་དང་། མཐུ་དང་། རྒྱ་ཆེ་བ་ཡིན་ནོ། །གནས་འཇོག་ཁྱོད་འཕགས་པའི་ལམ་ཡན་ལག་བརྒྱད་དང་ལྡན་པའི་བསྙེན་གནས་ལ་ ― LT34_Page_0303 ―
[མ་དཔེ་གཟིགས་ན་འདིར་གནོན།]
གནས་པར་གྱིས་ཤིག །ཆོ་འཕྲུལ་གྱི་ཟླ་བའི་དཀར་ཕྱོགས་ལ་ནན་ཏན་དུ་གྱིས་ཤིག །ལྷ་དང་མིའི་སྤྱད་པ་ལ་ལོངས་སྤྱོད་པར་གྱིས་ཤིག །ཅེས་གསུངས་པ་དེ་ལ་དགོངས་ནས་དབྱིག་གཉེན་གྱིས། །གང་ཞིག་དད་པའི་སེམས་ཀྱིས་ལོ་བརྒྱར་སྦྱིན་པ་བྱིན་པ་བས། །གང་ཞིག་ཉིན་གཅིག་ཚུལ་ཁྲིམས་སྲུང་བའི་བསོད་ནམས་ཁྱད་པར་འཕགས། ཞེས་གསུངས་ཤིང་། རྒྱ་མཚོ་ཆེན་པོ་དང་། གངྒཱ་ལ་སོགས་ཆུ་ཀླུང་ཆེན་པོ་ལྔ་ཡི་གྲངས་བུམ་པས་བཟུང་བར་ནུས་ཀྱི་བསྙེན་གནས་ཀྱི་ཕན་ཡོན་ནི་ཚད་གཟུང་མི་ནུས་པ་དང་། བསྙེན་གནས་གཙང་མ་ལན་གཅིག་གིས་རྒྱལ་ཆེན་རིགས་བཞིའི་ལྷ། ལན་གཉིས་ཀྱིས་སུམ་ཅུ་རྩ་གསུམ། གསུམ་པས་འཐབ་བྲལ། ལན་བཞིས་དགའ་ལྡན། ལན་ལྔས་འཕྲུལ་དགའ། ལན་དྲུག་གིས་གཞན་འཕྲུལ་དབང་བྱེད་ཀྱི་ལྷ་རྣམས་སུ་སྐྱེ་བར་མདོ་དེ་ལས་གསུངས། གདགས་པའི་མདོར་བསྙེན་གནས་ལན་གཅིག་གིས་བརྒྱ་བྱིན་ཏུ་སྐྱེ་བ་དང་། བྱང་ཆུབ་སེམས་དཔའི་སྡེ་སྣོད་སོགས་མདོ་སྡེ་མང་པོར་སྐྱེ་བ་ཀུན་ཏུ་ངན་འགྲོ་ལོག་པར་མི་ལྟུང་། སངས་རྒྱས་འབྱུང་བ་དང་འཕྲད། ཚུལ་ཁྲིམས་རྣམ་པར་དག །དེའི་ཕྱིར་སྨོན་ལམ་གང་བཏབ་འགྲུབ་པ་སོགས་དང་། ― LT34_Page_0304 ―
[མ་དཔེ་གཟིགས་ན་འདིར་གནོན།]
ད་ལྟ་སྐྱབས་འགྲོ་མཆོད་འབུལ་བསླབ་གཞི་བླང་བ་སོགས་དཀོན་མཆོག་ལ་འབྲེལ་བ་བཞག་པས་མ་འོངས་རྒྱལ་བ་བྱམས་པའི་འདུས་པ་དང་པོར་སྐྱེ་བའང་བྱམས་པ་ལུང་བསྟན་གྱི་མདོ་ལས། །གདུགས་དང་རྒྱལ་མཚན་བ་དན་དང་། །དྲི་དང་ཕྲེང་བ་བྱུག་པ་ཡིས། །ཤཱཀྱ་ཐུབ་པ་མཆོད་བྱས་པས། །ང་ཡི་བསྟན་ལ་ལྷགས་པ་ཡིན། །གུར་གུམ་ཆུ་ཡིས་གཏོར་བ་དང་། །ཙན་དན་གྱི་ནི་བྱུག་པ་ཡིས། །ཤཱཀྱ་ཐུབ་ལ་མཆོད་པ་ནི། །ཕུལ་བས་ང་ཡི་བསྟན་ལ་ལྷགས། །རྟག་ཏུ་སངས་རྒྱས་ཆོས་དང་ནི། །དགེ་འདུན་ལ་ཡང་སྐྱབས་སོང་ཞིང་། །དགེ་བའི་ལས་ཀྱང་བྱས་པ་ནི། །ང་ཡི་བསྟན་ལ་ལྷགས་པ་ཡིན། །ཤཱཀྱ་སེང་གེའི་བསྟན་པ་ལ། །བསླབ་གཞི་ཡང་དག་བླངས་ནས་སུ། །ཇི་ལྟར་གསུང་བཞིན་བསྒྲུབས་པ་ནི། །ང་ཡི་བསྟན་ལ་ལྷགས་པ་ཡིན། །དགེ་འདུན་ལ་ཡང་ཆོས་གོས་དང་། །ཞལ་ཟས་དང་ནི་བཏུང་བ་དང་། །སྙུན་གསོས་སྣ་ཚོགས་སྦྱིན་པ་རྣམས། །ཕུལ་བས་ང་ཡི་བསྟན་ལ་ལྷགས། །ཟླ་ཕྱེད་ཀྱི་ནི་བཅུ་བཞི་དང་། །བཅོ་ལྔ་དེ་བཞིན་ཚེས་བརྒྱད་དང་། །ཆོ་འཕྲུལ་གྱི་ནི་ཟླ་ཕྱེད་ལ། །ཡན་ལག་བརྒྱད་ལ་ལེགས་གནས་པའི། །བསྙེན་གནས་གསོ་སྦྱོང་བྱས་པས་ནི། །ང་ཡི་བསྟན་ལ་ལྷགས་སོ་གསུངས། ― LT34_Page_0305 ―
[མ་དཔེ་གཟིགས་ན་འདིར་གནོན།]
ཞེས་གསུངས་པས་དེའི་ཤུགས་ཀྱིས་བདེ་བ་ཅན་སོགས་རང་གང་འདོད་ཀྱི་སངས་རྒྱས་ཞིང་དུ་སྐྱེ་བའང་བསྙེན་གནས་བསྲུངས་པས་འགྲུབ་པ་གཞུང་གསལ་དང་། ལྷས་ཞུས་པའི་མདོ་དང་རྟོགས་བརྗོད་གཉིས་ཀར། །བཅུ་བཞི་དང་ནི་བཅོ་ལྔ་དང་། །ཚེས་བརྒྱད་དང་ནི་གནམ་སྟོང་ལ། །བསྙེན་གནས་ཡན་ལག་བརྒྱད་པ་སྲུང་། །ང་ཉིད་ཅི་འདྲ་དེ་འདྲར་འགྱུར། །ཞེས་དབང་པོ་བརྒྱ་བྱིན། ཤཱ་རིའི་བུ། བཅོམ་ལྡན་འདས་ཀྱིས་རེ་རེ་བཞིན་ཏུ་གསུངས་པས་ལྷ་དབང་། དགྲ་བཅོམ། སངས་རྒྱས་ཀྱི་གོ་འཕང་ཡང་ཐོབ་པར་བསྟན་པ་དང་། ཀུན་ཏུ་རྒྱུ་སེན་རིང་གིས་ཞུས་པ་ལས། སྲོག་གཅོད་སྤངས་པས་རྡོ་རྗེའི་སྐུ་ཐོབ། དེ་བཞིན་ཏུ་མ་བྱིན་ལེན་སྤངས་སོགས་བདུན་པོས་རིམ་བཞིན་ཕྱག་ཞབས་དྲ་བས་འབྲེལ་ཞིང་གསེར་འཁོར་རྩིབས་སྟོང་དང་ལྡན། དབང་པོ་ཚང་ཞིང་ལུས་ཡོངས་སུ་རྒྱས། ལྗགས་ཀྱིས་ཞལ་ཁེབས་ཤིང་གསུང་ཚངས་དབྱངས་དང་ལྡན། ཚེམས་དཀར་མཉམ་བཞི་བཅུ་ཚང་ཞིང་ཟས་རོ་བྲོ་བའི་མཆོག་ཏུ་འགྱུར། ཚུལ་ཁྲིམས་ཀྱི་དྲི་ཞིམ་པོ་ལྡངས། མཚན་བཟང་ཐམས་ཅད་ཚང་། ཆོས་བསྟན་པ་སུམ་ཅུ་ལ་ལོངས་སྤྱོད་པ་བཅས་དང་། མཆོད་འོས་ལ་ཕྱག་བྱས་པས་གཙུག་ཏོར་ ― LT34_Page_0306 ―
[མ་དཔེ་གཟིགས་ན་འདིར་གནོན།]
ལྟར་མི་མངོན་པ་ཐོབ་པ་བཅས་གསུངས་ལ། གནས་སྐབས་ཀྱི་འབྲས་བུའང་ཁང་བུ་བརྩེགས་པའི་མདོར། ཡན་ལག་བརྒྱད་པའི་ཚུལ་ཁྲིམས་ཉིན་ཞག་གཅིག་སྲུང་ན་མཚོན་གྱི་བསྐལ་པ་ལས་ཐར། གང་གིས་དགེ་སློང་ལ་ཨ་རུ་ར་རྡོག་པོ་གཅིག་ཙམ་ཕུལ་ན་ནད་ཀྱི་བསྐལ་པ་ལས་ཐར། གང་གིས་ཟས་ནལ་ཟེ་གང་ཙམ་དགེ་འདུན་ལ་ཕུལ་ན་མུ་གེའི་བསྐལ་པ་ལས་ཐར་བར་འགྱུར་བར་གསུངས། གཞན་ཡང་ཕྱི་དྲོའི་ཟས་སྤངས་པས་ཚེ་རབས་གར་སྐྱེས་སུ་ལོ་ལེགས། བཟའ་བཏུང་དང་འདོད་དགུ་འབད་མེད་དུ་འབྱུང་། གར་ཕྲེང་སྤངས་པས་གཟུགས་མཛེས། དྲི་ཞིམ་དབང་པོ་ཚང་བའི་ལུས་མཆོག་ཐོབ། ཁྲི་སྟན་ཆེ་མཐོ་སྤངས་པས་གཞན་གྱིས་བསྟོད་བཀུར་ཆེ། མལ་ཆ་དང་བཞོན་པ་མང་བ་སོགས་ཕན་ཡོན་རྣམ་གྲངས་དུ་མ་འབྱུང་བ་དེ་རྣམས་ནི་འདིར་བསྟན་སོ་ཐར་ལུགས་ཀྱི་བསྙེན་གནས་གཙང་མ་སྲུང་བ་ཙམ་ཁོ་ནའི་ཕན་ཡོན་ཏུ་ཤེས་པར་བྱའོ། །གཉིས་པ་བསྙེན་གནས་དེ་རྒྱུད་སྡེ་འོག་མ་རྣམས་ནས་གསོ་སྦྱོང་གི་བརྡར་བཞག་པའི་ཐེག་ཆེན་སྡོམ་པ་དང་འབྲེལ་པ་འཆད་པ་ལའང་། སྲུང་ཚུལ་ཉེས་དམིགས་ཕན་ཡོན་ནོ། །དང་པོ་ལའང་། སྲུང་བ་པོ་ནི། ཁྱིམ་པ་དང་རབ་བྱུང་གཉིས་ཀས་སོ། ། ― LT34_Page_0307 ―
[མ་དཔེ་གཟིགས་ན་འདིར་གནོན།]
སྲུང་ཚུལ་ནི། སོ་ཐར་སྡོམ་ལྡན་གྱི་དགེ་སློང་ཙམ་གྱིས་མི་ཆོག་པར་འདི་ཉིད་ཀྱི་སྡོམ་རྒྱུན་བར་མ་ཆད་པ་ཞིག་ལས་ཐོག་མར་སེམས་ཅན་ཐམས་ཅད་ལ་ཕན་པའི་ཕྱིར་དང་ཞེས་སོགས་གཞུང་ཚིག་དུམ་བུ་བདུན་གྱིས་བསྟན་པའི་བྱང་ཆུབ་སེམས་ཀྱིས་ཟིན་ངེས་པར་བྱས་ནས་རྗེས་ཟློས་ལན་གསུམ་གྱིས་སྡོམ་པ་བླངས་ནས། སླར་ནམ་འདོད་དུས་རྟེན་དྲུང་ནས་རང་གིས་ལེན་པ་སོགས་གཞུང་གསལ་ལྟར་ལ། སྡོམ་པ་དེ་སོ་ཐར་བཅས་རྐྱང་མིན་པར་ཐེག་ཆེན་སོ་ཐར་ཉེས་སྤྱོད་སྡོམ་པའི་ཚུལ་ཁྲིམས་ཡིན་པས། ཡན་ལག་བརྒྱད་ནི་ཉིན་ཞག་སོགས་ཁས་བླངས་རྫོགས་ནས་བཏང་ཡང་སེམས་བསྐྱེད་ས་བོན་ནི་བྱང་ཆུབ་མ་ཐོབ་བར་མི་བཏང་བས་དེ་ནས་བརྩམས་རྣམ་པ་ཀུན་ཏུ་གཞན་ཕན་གྱི་སེམས་འབའ་ཞིག་དང་མི་འབྲལ་བར་བྱའོ། །སྡོམ་པ་འདི་རྒྱལ་བུ་སྙིང་རྗེ་ཆེར་སེམས་ཀྱིས་ཇི་སྲིད་འཚོའི་བར་དུ་བླངས་པ་དཀོན་བརྩེགས་ལས་གསུངས་པས་དེ་ཙམ་མམ་ལོ་ཟླ་ཅི་རིགས་པར་བླངས་ཀྱང་ཆོག་པའང་དེའི་ཤུགས་བསྟན་ཏུ་སྣང་ངོ། །དུས་སྔར་དང་འདྲ། བསྲུང་བྱ་རྣམ་གྲངས་གོང་ལྟར་ལ་འདིར་ནི་ཐེག་ཆེན་གྱི་སྡོམ་པའི་ཁྱད་ཀྱིས་ཡིད་ཀྱི་མི་དགེ་བ་གསུམ་གཙོ་བོ་སྤོང་ལ། ལུས་ངག་གི་སྤང་བདུན་ཞར་བྱུང་སྤོང་བའི་ཕྱིར། ། ― LT34_Page_0308 ―
[མ་དཔེ་གཟིགས་ན་འདིར་གནོན།]
སྲོག་གཅོད་ལྟ་བུ་ལ་མཚོན་ན་མིའམ་མིར་ཆགས་པ་ནས་ཐ་ན་གྲོགས་སྦུར་ཡན་ཆད་དངོས་སུ་བསད་པ་ལྟ་ཅི་སྨོས། མ་མཐོང་བར་རྡོག་པས་བརྫིས་པའང་གཏི་མུག་དབང་ལས་བྱུང་ཕྱིར་བཤགས་པ་མ་ཐེང་ན་སེམས་ཅན་བློས་སྤོང་གི་ལྟུང་བ་འབྱུང་བ་སོགས་ཡན་ལག་བརྒྱད་ཀར་དངོས་དང་ཕྱོགས་གཏོགས་ཕྲ་ཞིང་ཕྲ་བ་ནས་བསྲུང་དགོས་ལ། ཁ་ཟས་ཀར་བུ་རམ་སྦྲང་རྩི་ཞུན་མར་དང་འོ་ཞོ་ཆུར་ཁུ་ཇ་རྣམས་རུང་ཆུས་བསླད་པ་དེ་ནམ་ལངས་ནས་མུན་རུག་གི་བར་བསྟེན་ཏུ་རུང་ཞིང་། དེ་འཕྲོས་གྲོ་ནས་འབྲས་སོགས་དུས་མ་ཡིན་པའི་ཟས་སུ་གསུངས་པ་དེ་རིགས་ནམ་ལངས་ནས་ཉིན་ཕྱེད་ཀྱི་བར་བསྟེན། དེ་ཕན་ཆད་ཅུང་ཟད་ཀྱང་བཟར་མི་རུང་བ་དང་ཁྱད་པར་ཐེག་ཆེན་གསོ་སྦྱོང་ལ་ནི། ཤ་ཁྲག་གི་དྲི་ཙམ་ཡང་འདྲེས་མི་རུང་སྟེ། གླང་པོའི་རྩལ་དང་སྤྲིན་ཆེན་དང་། མྱ་ངན་འདས་དང་སོར་ཕྲེང་དང་། །ལང་ཀར་གཤེགས་པའི་མདོ་ལས་ཀྱང་། །ངས་ནི་ཤ་ཡང་རྣམ་པར་སྨད། ཅེས་གསུངས་པ་ལྟར་མདོ་སྡེ་དེ་རྣམས་སུ་ཤ་ཟོས་པའི་ཉེས་པ་དཔག་མེད་གསུངས་ཤིང་། འཇམ་དཔལ་གྱི་ལྟ་འདོད་མདོར་བསྟན་ལས་ཀྱང་། །རྫས་ཐོབ་དོན་དུ་སྲོག་གཅོད་དང་། །བཟའ་བའི་དོན་དུ་རིན་འཇལ་བ། །གཉིས་པོ་དག་ཀྱང་གསོད་པ་སྟེ། །ངུ་འབོད་ ― LT34_Page_0309 ―
[མ་དཔེ་གཟིགས་ན་འདིར་གནོན།]
ལ་སོགས་རྣམས་སུ་འཚེད། །གང་ཚེ་རྫས་ཀྱིས་ཤ་ཉོས་པ། །ཁྱིམ་གནས་རྣམས་ལ་སྡིག་མེད་ན། །དེ་བཞིན་སྐུ་གཟུགས་ལ་སོགས་པ། །བྱས་ནའང་ཇི་ལྟར་བསོད་ནམས་འགྱུར། །གསོད་པོ་ནོར་ལ་སྲེད་པ་དག །བསྐལ་བ་འབུམ་དུ་འཚེད་པའོ། །ཟ་པོ་ཤ་ལ་སྲེད་པ་དག །བསྐལ་པ་བྱེ་བར་འཚེད་པའོ། །ཤ་ཟ་བ་ཡི་མི་གང་ཞིག །དང་པོ་ཡི་དྭགས་འགྲོ་བ་སྟེ། །ཕྱི་མ་ངུ་འབོད་འགྲོ་བའོ། །ཞེས་དོན་བསྡུས་སུ་བསྟན་ཅིག །ཤ་ཟའི་དྲི་ཚོར་བས་གནམ་ས་བར་གྱི་མི་སྣང་བའི་འགྲོ་བ་ཕྲ་མོ་རྣམས་ཤི་ལ་ཐུག་པར་བརྒྱལ་ཞིང་འབྱུང་པོ་རྣམས་ཀྱང་དངང་བ་དང་། སྐྱེ་བ་དུ་མར་མར་མ་གྱུར་པའི་སེམས་ཅན་ནི་མི་སྲིད་པས་མའི་ཤ་ཟ་བ་ཁྲེལ་ཆེ་བ་དང་། བསྟན་པ་ལ་མི་དད་ཅིང་བཀུར་པ་འདེབས་པའི་རྒྱུར་འགྲོ་བ་དང་། ཕྲ་མེན་ལྕེ་སྦྱང་སོགས་སྐྱེ་གནས་ངན་པ་དུ་མའི་མཐར་ངན་སོང་དུ་ལྷུང་སྟེ། མདོར་ན་ཤ་ཟ་བ་ནི་རྒྱལ་བའི་རྗེས་སློབ་མིན་ལ། རྒྱལ་བ་ཉིད་དེའི་སྟོན་པ་མིན་པར་གསུངས་ཤིང་། བཙོང་སྒོག་སོགས་ལའང་ཉེས་པ་དེ་དང་ཆ་འདྲར་སྣང་བས་བག་ཡོད་གལ་གནད་ཀྱང་ཞར་བྱུང་དུ་འཕྲོས་པའོ། །གཉིས་པ་མ་བསྲུངས་པའི་ཉེས་དམིགས་གོང་དུ་བསྟན་པ་དེས་ཤེས་ལ། ཁྱད་པར་བྱང་ཆུབ་ཏུ་སེམས་ ― LT34_Page_0310 ―
[མ་དཔེ་གཟིགས་ན་འདིར་གནོན།]
མ་བསྐྱེད་ན་སངས་རྒྱས་ཐོབ་པའི་ཐབས་ནི་འགའ་ཡང་མེད་པ་གསུང་རབ་ཀུན་ནས་འབྱུང་བའི་དོན་བསྡུས་མཉམ་མེད་དྭགས་པོས། །གང་ལ་བྱང་ཆུབ་མཆོག་གི་སེམས་ཞིག་མ་སྐྱེས་ན། དེ་ལྟར་སྤྱོད་པ་ཕུན་སུམ་ཚོགས་པ་དང་ལྡན་ཡང་ཐེག་པ་ཆེན་པོའི་ཁོང་དུ་མི་ཚུད་ལ། ཐེག་པ་ཆེན་པོར་མ་ཚུད་ན་རྫོགས་པའི་སངས་རྒྱས་མི་ཐོབ་བོ། །ཞེས་གསུངས། གསུམ་པ་ཕན་ཡོན་ཀྱང་གོང་གསལ་ཐུན་མོང་བ་དེ་སྟེང་། བྱང་ཆུབ་ཀྱི་སེམས་སྐྱེས་བས་སྡིག་པ་མྱུར་དུ་དག །ཚོགས་ཡོངས་སུ་རྫོགས། རང་གཞན་དོན་གཉིས་འགྲུབ་ནས་རིང་པོར་མི་ཐོགས་པར་འཚང་རྒྱ་བ་སོགས་དཔག་ཏུ་མེད་དེ། དཔའ་སྦྱིན་གྱིས་ཞུས་པའི་མདོ་ལས། །བྱང་ཆུབ་སེམས་ཀྱི་བསོད་ནམས་གང་། །གལ་ཏེ་དེ་ལ་གཟུགས་མཆིས་ན། །ནམ་མཁའི་ཁམས་ནི་ཀུན་བཀང་སྟེ། །དེ་ནི་དེ་བས་ལྷག་པར་འགྱུར། ཞེས་དང་སྤྱོད་འཇུག་ལས། །དགེ་བ་གཞན་ཀུན་ཆུ་ཤིང་བཞིན་དུ་ནི། །འབྲས་བུ་བསྐྱེད་ནས་ཟད་པར་འགྱུར་བ་ཉིད། བྱང་ཆུབ་སེམས་ཀྱི་ལྗོན་ཤིང་རྟག་པར་ཡང་། །འབྲས་བུ་འབྱིན་པས་མི་ཟད་འཕེལ་བར་འགྱུར། །དེས་ནི་དུས་མཐའི་མེ་བཞིན་སྡིག་ཆེན་རྣམས། །སྐད་ཅིག་གཅིག་གིས་ངེས་པར་སྲེག་པར་བྱེད། ཅེས་སོགས་རྒྱ་ ― LT34_Page_0311 ―
[མ་དཔེ་གཟིགས་ན་འདིར་གནོན།]
ཆེར་འབྱུང་ངོ། །གསུམ་པ་སྨྱུང་གནས་དངོས་ལའང་བསྲུང་ཚུལ་ཉེས་དམིགས་ཕན་ཡོན་གསུམ་གྱིས་འཆད་པའི་དང་པོ་སྲུང་བ་པོ་ནི། སྤྱིར་བཏང་བྱ་སྤྱོད་ཉམས་སུ་ལེན་པ་ཁོ་ནས་སྦྱང་བྱར་ཡིན་རུང་། བྱེ་བྲག་རིགས་ཀྱི་ལྷའི་སྒྲུབ་ཐབས་དང་འབྲེལ་བའི་དབང་དུ་ནི་སུས་ཀྱང་རུང་བ་དང་། ཁྱད་པར་གངས་ཅན་འགྲོ་བ་མཐའ་དག་མགོན་པོ་སྤྱན་རས་གཟིགས་ཀྱི་གདུལ་བྱ་ཐུན་མིན་ཉིད་ཕྱིར། ལྷ་དེའི་སྒྲུབ་ཐབས་དང་འབྲེལ་བར་མ་ི་འདོན་ཤེས་ཡན་ནས་བླ་མེད་ཀྱི་རྣལ་འབྱོར་པ་མན་ཆད་བྱེ་བྲག་མེད་པར་འཇུག་པ་གོང་མ་རྣམས་ཀྱི་ཕྱག་བཞེས་ཏེ་གདུལ་བྱ་འདུལ་ཐབས་ཁྱད་པར་འཕགས་པའོ། །སྲུང་ཚུལ་ནི། ལྷ་སྔགས་གང་ཡིན་དེའི་རྗེས་གནང་རིགས་གཏད་བཀླགས་ལུང་ཚང་མ་ཐོབ་ན་རབ། ཐ་ནའང་དེ་བཞིན་གཤེགས་རིགས་ལ་མི་འཁྲུགས་པ་དང་། པདྨའི་རིགས་ལ་དོན་ཞགས་ལྟ་བུ་རིགས་ཀྱི་གཙོ་བོ་ཞིག་གི་དཀྱིལ་འཁོར་དུ་ཞུགས་པ་ཞིག་ནི་ངེས་པར་དགོས་ལ། དེང་སང་ཕལ་པ་རྣམས་སྨྱུང་གནས་སྡོད་པའི་ཚེ་ནའང་བསླབ་སྡོམ་སྦྱིན་པ་གཞིར་བཞག་ནས་སྐབས་དེར་རུང་བའི་ཕྱིར་མདོ་གཟུངས་ཀྱི་བཀླག་ལུང་། གཟུངས་སྔགས་རིང་ཐུང་གི་རྗེས་ཟློས་ལན་གསུམ་རེ་ཐོག་མར་བགྱིད་བཅུག་དགོས། ― LT34_Page_0312 ―
[མ་དཔེ་གཟིགས་ན་འདིར་གནོན།]
ཕྱིན་ཆད་འཇུག་རུང་བའི་སླད་དུ་སྨྱུང་གནས་གྲོལ་བའི་ཉིན་ལྷ་དེའི་རྗེས་གནང་ཞིག་མཛད་པའང་ཕྱག་ལེན་ནོ། །དུས་ནི་གོང་སྨོས་ལྷ་སྔགས་ཉམས་སུ་ལེན་པའི་ཚེ་ནའོ། །བསྲུང་བྱ་ནི། སྨྱུང་གནས་དངོས་གཞིའི་ནང་མོ་ནམ་ལངས་ནས་བཟུང་། ཕྱིར་ནང་དེ་ཆོད་ཀྱི་བར་ནས་འབྲུ་ཆུ་ཐིགས་ཙམ་ཡང་བཟའ་བཏུང་མི་རུང་། གཉིད་དང་གླལ་པ་སྦྲིད་པ་འོག་རླུང་སོགས་ཤིན་ཏུ་བསྡམ་ཞིང་། གལ་ཏེ་ཤོར་ན་འཕྲལ་དེར་གཟུངས་ཆུས་ཉེ་རེག་བྱ། བསྐྱེད་རྫོགས་ལ་བློ་མི་ངེས་པ་རྣམས་ཀྱིས་རྟོག་པ་འོག་འགྱུའང་ཤོར་མི་རུང་བས་དད་འདུན་སྙིང་རྗེ་སོགས་དགེ་བསམ་ལ་བསྒྲིལ། ངག་གི་གཏམ་གླེང་སོགས་ཅིའང་མི་རུང་བ་མ་ཟད་བསྐྱེད་རྫོགས་ཤེས་པ་རྣམས་ཀྱིས་ངག་སྨྱུང་བར་གནས་པ་ཞེས་འདོན་པའང་སྒྲ་བཅས་མིན་པའི་ཡིད་འདོན་བྱ་ཞིང་ཕྱག་བསྐོར་སོགས་ལུས་ཀྱི་ངལ་དུབ་ཀྱང་སྤང་སྟེ་ལྷ་སྔགས་ལ་རྩེ་གཅིག་ཏུ་གཞོལ། བསྐྱེད་རྫོགས་མི་ཤེས་པའམ་མི་བརྟན་ན་དེ་ལྟར་བྱས་ཀྱང་ཐ་མལ་དུ་བསྡད་པར་འགྱུར་བས་འདོན་བརྗོད་སྔགས་བཟླས་ཕྱག་བསྐོར་སོགས་ཅི་ནུས་སུ་འབད། རབ་བྱུང་རྣམས་ཆོས་གོས་རྣམ་གསུམ་བགོ། །གཞན་དག་ཀྱང་ལྤགས་རིགས་མིན་པའི་གོས་གསར་པ་གྱོན། ནང་སྔ་ཡན་ལག་ལྔ་ཁྲུས་གཙོས་ཉི་མ་དེར་ཁྲུས་ ― LT34_Page_0313 ―
[མ་དཔེ་གཟིགས་ན་འདིར་གནོན།]
ལན་གསུམ་བྱ། བྲེང་ཐག་ཀྱང་ཀོ་ཐིག་མིན་པའི་རས་སྐུད་སོགས་ལ་བརྒྱུས། མདོར་ན་ལུས་དཀའ་ཐུབ། ངག་སྨྲ་བཅད། ཡིད་རྣམ་རྟོག་གིས་མ་བསླད་ཅིང་སྤྱོད་ལམ་གཙང་སྦྲ་ཕུལ་དུ་བྱུང་བར་བྱའོ། །གཉིས་པ་ནི། བྱ་སྤྱོད་ཉམས་སུ་ལེན་པ་ཙམ་གྱིས་སྨྱུང་བར་མ་གནས་ན་མི་རུང་སྟེ་ལྟ་སྒོམ་གྱི་གྲོགས་སུ་སྤྱོད་པ་གཞུང་མཐུན་ཏུ་སྤྱོད་པ་ཉིད་དེའི་དམ་ཚིག་ཏུ་གསུངས་ཤིང་། དམ་ཚིག་མེད་ན་ཆོས་ཀྱི་རྩ་བ་རུལ་བས་གསང་སྔགས་ཉམས་སུ་ལེན་པ་སྐད་བྱས་ཀྱང་དོན་འབྲས་མི་འབྱུང་ཞིང་ལོག་པའི་རྒྱུར་འགྲོ་བ་དང་། ཁྱད་པར་བཟའ་བཏུང་དང་སྨྲ་བ་མང་པོས་རྣམ་རྟོག་རག་པ་སྤེལ། དེས་ཉོན་མོངས་པ་བསྐྱེད། དེས་ཏིང་ངེ་འཛིན་ལས་སུ་མི་རུང་ལ། ལུས་ངག་ཡིད་གསུམ་སྨྱུང་བར་གནས་པས་སྒོ་གསུམ་གྱི་ཉེས་ལྟུང་ཕལ་ཆེར་རང་འགག་ཏུ་འགྲོ་བར་ཤེས་པར་བྱའོ། །གསུམ་པ་ནི། སྤྱིར་བཤད་མ་ཐག་པའི་ཉེས་པ་དེ་ལྡོག་ཕན་ཡོན་རྣམས་ཐོབ་ཅིང་། ཁྱད་པར་རྒྱུད་སྡེའི་དགོངས་པ་བསྡུས་པའི་སྨྱུང་གནས་ཕན་ཡོན་ཆེན་མོ་ལས། རིགས་ཀྱི་བུའམ། རིགས་ཀྱི་བུ་མོ་གང་གིས་སྨྱུང་བར་གནས་པ་ཚར་གཅིག་བྱས་ན་བསྐལ་པ་བཞི་ཁྲིའི་སྡིག་པ་དག་ཅིང་ལྷ་མིའི་མཆོག་དམ་པ་ ― LT34_Page_0314 ―
[མ་དཔེ་གཟིགས་ན་འདིར་གནོན།]
ཐོབ་པར་འགྱུར་རོ། །སྨྱུང་བར་གནས་པ་ལན་བརྒྱད་བྱས་ན་རྒྱུན་ཏུ་ཞུགས་པ་དང་ཆ་མཐུན་ཞིང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཉེར་ལྔ་བྱས་ན་ལན་གཅིག་ཕྱིར་འོང་བ་དང་ཆ་མཐུན་ཞིང་བསྐལ་པ་བརྒྱད་ཁྲིའི་སྡིག་པ་དག་པར་འགྱུར་རོ། །ལན་ལྔ་བཅུ་བྱས་ན་ཕྱིར་མི་འོང་བ་དང་ཆ་མཐུན་ཞིང་བསྐལ་པ་ཁྲི་ཕྲག་བརྒྱད་ཀྱི་སྡིག་པ་དག་པར་འགྱུར་རོ། །སྨྱུང་གནས་ཚར་བརྒྱ་རྩ་བརྒྱད་བྱས་ན་དགྲ་བཅོམ་པ་དང་མཚུངས་ཤིང་བསྐལ་པ་བྱེ་བ་ཕྲག་བརྒྱའི་སྡིག་པ་དང་སྒྲིབ་པ་ཐམས་ཅད་དག་པར་འགྱུར་རོ། །ངེས་པར་འཇིག་རྟེན་གྱི་ཁམས་བདེ་བ་ཅན་དུ་སངས་རྒྱས་ཚེ་དཔག་མེད་ཀྱི་ཞབས་དྲུང་དུ་སྐྱེ་བར་འགྱུར་རོ། །ཞེས་དང་། གཞན་ཡང་ལུས་སྨྱུང་བར་གནས་པས་སྲོག་བཅད། མ་བྱིན་ལེན། མི་ཚངས་སྤྱོད་ལ་སོགས་པ་ལུས་ཀྱི་སྒོ་ནས་བསགས་པའི་སྡིག་པ་དག །ཡི་དྭགས་སུ་མི་སྐྱེ། ནད་གདོན་ཞི། གནས་སྐབས་སུ་གཟུགས་བཟང་གཟི་བརྗིད་ཆེ། མཐར་ཐུག་མཚན་དཔེས་བརྒྱན་པའི་སྐུ་ཐོབ། ངག་སྨྲ་བ་བཅད་པས་རྫུན། ཕྲ་མ། ཚིག་རྩུབ། ངག་འཁྱལ་སོགས་ངག་གི་སྒྲིབ་པ་དག །བྱོལ་སོང་དུ་མི་སྐྱེ། ནུས་པ་ཆེ། གནས་སྐབས་སུ་ཁ་ན་མ་ཐོ་བ་དང་ངག་འཁྱལ་མི་འབྱུང་ཞིང་ངག་ ― LT34_Page_0315 ―
[མ་དཔེ་གཟིགས་ན་འདིར་གནོན།]
ཚངས་དབྱངས་དང་ལྡན། མཐར་ཐུག་གསུང་དབྱངས་ཡན་ལག་དྲུག་ཅུ་ཐོབ། ཡིད་ཏིང་ངེ་འཛིན་ལས་མ་ཡེངས་པས་བརྣབ་སེམས། གནོད་སེམས། ལོག་ལྟ་སོགས་ཡིད་ཀྱི་སྡིག་སྒྲིབ་དག །དམྱལ་བར་མི་སྐྱེ། ཉམས་རྟོགས་འཆར། གནས་སྐབས་སུ་བློ་རྣོ་ཡིད་གཞུངས་ཆོས་ཀྱི་དོན་གོ། །མཐར་ཐུག་ཡེ་ཤེས་ལྔ་ཐོབ། སྨྱུང་བར་གནས་པའི་ཚེ་ངང་ལུས་ཚ་གྲང་ནད་ཀྱིས་ཉེན་ན་དམྱལ་བར་སྐྱེ་བའི་ལས་བྱང་། བཀྲེས་སྐོམ་ངལ་དུབ་ཀྱིས་ཐང་ཆད་ན་ཡི་དྭགས་ཀྱི་སྐྱེ་སྒོ་ཆོད། གཉིད་རྨུག་བྱིངས་འཐིབས་དྲན་པ་མི་གསལ་བའི་ཚེ་བློ་གསེང་བ་སྟོང་བས་བྱོལ་སོང་དུ་མི་སྐྱེ་བ་སོགས་རྒྱ་ཆེར་གསུངས་སོ། །བཞི་པ་ཕན་ཡོན་ཆེ་ཞིང་མཆོག་དམན་སུས་ཀྱང་ཉམས་ལེན་བདེ་བའི་གདན་གཅིག་གམ་མེ་གཅིག་ཆུ་གཅིག་ཏུ་གྲགས་པ་ནི། སྲུང་བ་པོ་སུས་ཀྱང་རུང་ལ། སྲུང་ཚུལ་རྒྱུན་ལྡན་ཞིག་ལས་སྡོམ་ལུང་ནོད་དེ། ཉིན་གུང་དུ་གོང་སྨོས་རུང་བའི་བཟའ་བཏུང་རྣམས་གུང་མཆོད་ཆང་བུ་སོགས་གུང་ཚིགས་ཀྱི་བྱ་བ་དང་འབྲེལ་བས་ངོམས་པར་ལོངས་སྤྱོད། དེ་མ་གཏོགས་པའི་དུས་སྔ་ཕྱི་ནམ་དུ་ཡང་བཟའ་བཏུང་ཅི་ཡང་མི་བྱེད་པར་དགེ་སྦྱོར་ལ་འབད་པའོ། །དུས་ནི། སྤྱིར་ཟླ་བ་དང་པོའི་ཚེ་ས་གཅིག་ནས་བཅོ་ ― LT34_Page_0316 ―
[མ་དཔེ་གཟིགས་ན་འདིར་གནོན།]
ལྔའི་བར་ཆོ་འཕྲུལ་ཆེན་པོ་བསྟན་པའི་དུས། ཟླ་བ་བཞི་པའི་ཚེས་བརྒྱད་ལ་སྐུ་བལྟམས། བཅོ་ལྔར་མངོན་པར་བྱང་ཆུབ་པའི་དུས། འགའ་ཞིག་གིས་བརྒྱད་ལ་མྱང་འདས་ཀྱི་དུས་སུའང་ངོས་འཛིན་ནས་དུས་ཆེན་སུམ་འཛོམ་ཟེར། དྲུག་པའི་ཚེས་བཞིར་ཆོས་འཁོར་བསྐོར་བའི་དུས། དགུ་པའི་བཅོ་ལྔར་ལྟ་བབ་ཞལ་བཞེས་དང་ཉེར་གཉིས་དངོས་ཏེ་ཆོ་འཕྲུལ་ཆུང་ངུའི་དུས་སུ་གྲགས་པ་བཅས་དུས་ཆེན་བཞི་དང་། ཡང་བརྒྱད་དུ་བཞེད་པ་ལྟར་ན་ཧོར་ཟླ་བཅུ་གཉིས་པའི་ཚེས་བརྒྱད་ནས་བཅོ་ལྔའི་བར་བྱང་ཆུབ་ཤིང་དྲུང་དུ་བཞུགས། གཉིས་པའི་ཚེས་གཅིག་ནས་བརྒྱད་ཀྱི་བར་ལྷུམས་སུ་ཞུགས། གསུམ་པའི་བཅོ་ལྔར་འབྲས་སྤུངས་སུ་དུས་འཁོར་གསུངས། བཅུ་པའི་ཚེས་བརྒྱད་ཐོ་རངས་མྱང་འདས་ཀྱི་དུས་ཏེ། དེ་རྣམས་སུ་དགེ་སྡིག་གང་བྱས་འབུམ་དུ་འགྱུར་བ་ཡོངས་གྲགས་དང་། ཕལ་ཆེད་ས་ཡ་ཕྲག་བརྒྱར་འགྱུར་བའང་གསུངས། ཟླ་བ་བྱུང་ངོ་ཅོག་གི་ཚེས་གཅིག་ལ་ལྷའི་བུ་གཞོན་ནུ་སེམས་ཅན་རྣམས་དགེ་སྡིག་ཅི་བྱེད་ཉུལ་དུ་མཆི་སྟེ། དེའི་ཉིན་སངས་རྒྱས་ཏིང་འཛིན་རྒྱལ་པོའི་མཚན་ནས་བརྗོད་ཅིང་སྐྱབས་སུ་འགྲོ་བ་དང་སྔགས་བཟླ་ཞིང་ཟས་གཅིག་པ་སྲུང་ན་བསྐལ་པ་བཞི་བཅུའི་སྡིག་པ་བྱང་། རལ་གྲི་ ― LT34_Page_0317 ―
[མ་དཔེ་གཟིགས་ན་འདིར་གནོན།]
མདུང་ཐུང་གི་དམྱལ་བ་ལས་ཐར། ཚེས་བརྒྱད་ལ་རྒྱལ་བུ་བེ་ཅོན་སེམས་ཅན་རྣམས་ཚེ་རིང་ཐུང་ཉུལ་དུ་མཆི་སྟེ། དེའི་ཉིན་སངས་རྒྱས་སྨན་གྱི་བླའི་མཚན་བརྗོད་སྔགས་བཟླས་སོགས་ཀྱིས་བསྐལ་པ་སུམ་ཅུའི་སྡིག་པ་བྱང་། གཅད་གཏུབས་དམྱལ་བ་ལས་ཐར། ཚེས་བཅུ་བཞིར་གཤིན་རྗེའི་འཁོར་དབང་པོ་འཆར་བྱེད་དགེ་སྡིག་གང་བྱེད་ཡི་གེར་བྲི་བར་ཞུལ་དུ་མཆི་སྟེ། དེའི་ཉིན་བསྐལ་བཟང་སངས་རྒྱས་སྟོང་གི་མཚན་ནས་བརྗོད་དེ་ཕྱག་འཚལ་བས་བསྐལ་པ་སྟོང་གི་སྡིག་བྱང་། ཆུ་ཚན་ཁོལ་མའི་དམྱལ་བ་ལས་ཐར། བཅོ་ལྔར་ལམ་རྒྱུད་ལྔའི་དེད་དཔོན་ཚངས་པ་ཀུན་རིག་སྔར་བཞིན་ཉུལ་ཏེ། དེའི་ཉིན་སངས་རྒྱས་སྣང་བ་མཐའ་ཡས་ཀྱི་མཚན་སྔགས་བརྗོད་པས་བསྐལ་པ་གཉིས་བརྒྱའི་སྡིག་བྱང་། གྲང་དམྱལ་དུ་མི་སྐྱེ། བཅོ་བརྒྱད་ལ་གཤིན་རྗེ་ཆོས་ཀྱི་རྒྱལ་པོ་དགེ་སྡིག་ཅི་བྱེད་ཉུལ་བའི་དུས་ཏེ། དེའི་ཉིན་འཕགས་པ་སྤྱན་རས་གཟིགས་ཀྱི་མཚན་དང་སྔགས་བཟླས་པས་བསྐལ་པ་དགུ་བཅུའི་སྡིག་བྱང་། རལ་གྲི་གདོང་གཡང་གི་དམྱལ་བ་ལས་ཐར། ཉེར་གསུམ་ལ་ལྷ་དབང་ཕྱུག་ཆེན་པོ་ཉུལ་ཏེ། དེའི་ཉིན་སངས་རྒྱས་རྣམ་པར་སྣང་མཛད་ཀྱི་མཚན་བཟུང་བས་བསྐལ་པ་སྟོང་ ― LT34_Page_0318 ―
[མ་དཔེ་གཟིགས་ན་འདིར་གནོན།]
གི་སྡིག་བྱང་། ཡི་དྭགས་སུ་མི་སྐྱེ། ཉེར་བཞིར་གཤིན་རྗེའི་འཁོར་དབང་པོ་ཐེའུ་ཤན་ཉུལ་ཏེ། དེའི་ཉིན་བྱང་ཆུབ་སེམས་དཔའ་ས་ཡི་སྙིང་པོའི་མཚན་དང་སྔགས་བཟླས་པས་བསྐལ་པ་སྟོང་གི་སྡིག་བྱང་། གཅོད་ཅིང་གཏུབས་པའི་དམྱལ་བ་ལས་ཐར། ཉེར་བརྒྱད་ལྷའི་དབང་པོ་བརྒྱ་བྱིན་ཉུལ་བའི་སྐབས་ཏེ། དེའི་ཉིན་སངས་རྒྱས་སྣང་བ་མཐའ་ཡས་ཀྱི་མཚན་བརྗོད་པས་བསྐལ་པ་དགུ་བཅུའི་སྡིག་བྱང་། དམྱལ་བ་ཐིག་ནག་ལས་ཐར། ཉེར་དགུར་ཕྱོགས་སྐྱོང་བཅུ་ཉུལ་ཏེ། དེའི་ཉིན་སངས་རྒྱས་སྨན་བླའི་མཚན་བཟུང་བས་བསྐལ་པ་སྟོང་གི་སྡིག་བྱང་། ཐལ་ཚན་མེ་མུར་གྱི་དམྱལ་པ་ལས་ཐར། གནམ་སྟོང་ལ་ལྷ་ཆེན་ཚངས་པ་ཉུལ་དུ་མཆི་སྟེ། དེའི་ཉིན་རྒྱལ་བ་ཤཱཀྱ་ཐུབ་པའི་མཚན་བཟུང་སྔགས་བཟླས་སོགས་ཀྱིས་བསྐལ་བ་སྟོང་གི་སྡིག་པ་བྱང་། ཞིབ་མོར་འཇོམས་པའི་དམྱལ་བ་ལས་ཐར་རོ། །དེ་རྣམས་ནི་དམིགས་བསལ་གྱི་ཕན་ཡོན་མདོར་བསྡུས་ཏེ། སྤྱིར་སངས་རྒྱས་བྱང་སེམས་རེ་རེའི་མཚན་ཐོས་པ་དང་། ཡི་གེ་དྲུག་པ་ལན་གཅིག་བཟླས་པའི་ཕན་ཡོན་ཀྱང་ཕྱོགས་བཅུ་དུས་གསུམ་གྱི་རྒྱལ་དང་རྒྱལ་སྲས་རྣམས་ཀྱིས་བརྗོད་པར་མི་ནུས་པར་གསུངས། ཟས་གཅིག་པ་ལན་གཅིག་ ― LT34_Page_0319 ―
[མ་དཔེ་གཟིགས་ན་འདིར་གནོན།]
བྱས་པས་ཀྱང་ཚེ་རབས་ཐམས་ཅད་དུ་མུ་གེའི་བསྐལ་པ་ལས་ཐར། བསྐལ་པ་ཁྲིའི་བར་དུ་བཟའ་བཏུང་ལོངས་སྤྱོད་ཕུན་སུམ་ཚོགས། ལྷ་དང་མི་མ་ཡིན་གྱིས་སྐྱོབ་ཅིང་བྱ་བ་སྒྲུབ། སྐྱོན་ཐམས་ཅད་དང་བྲལ། ཚེ་དཔལ་བསོད་ནམས་སྙན་གྲགས་འཕེལ། མཐར་ཐུག་མི་གནས་པའི་མྱང་འདས་ལ་རེག་པ་སོགས་ཆོས་བཞིན་སྤྱོད་ན་དོན་ཆེན་འགྲུབ་པ་ཆོས་ཀྱི་བབས་སུ་སྣང་བས་ལོ་རྒྱུས་རྙིང་པ་རྣམས་སུའང་། ཤན་པ་ཞིག་གིས་གདན་གཅིག་ལྔ་བཅུ་བྱས་པས་མི་དཔོན་ཆོས་ལྡན་ཏུ་སྐྱེས་པ་དང་། མི་དྲུག་གཡོ་སྒྱུས་བསད་པའི་བུད་མེད་ཞིག་གིས་གདན་གཅིག་སོ་དགུ་བྱས་པས་ཆོས་ལྡན་གྱི་མི་ལུས་ཐོབ་པ་དང་། ཡང་བུད་མེད་ཞིག་གིས་གདན་གཅིག་ཉེར་ལྔ་བསྲུངས་པས་དགེ་བཤེས་ཚད་ལྡན་ཞིག་ཏུ་སྐྱེས་པ་སོགས་གཏམ་རྒྱུད་སྤྲོ་བསྐྱེད་མང་དུ་སྣང་ཡང་ཆོས་ལ་ཡིད་ཆེས་ཞིག་ཐོབ་ཕྱིན་ཆད་དེ་ཁོ་ནས་དོན་ཚང་བས་མང་དུ་སྨོས་མི་དགོས་སོ། །དེ་རྣམས་ཉམས་སུ་ལེན་ཚུལ་སོ་སོའི་སྙིང་པོ་སོགས་རྒྱས་པར་གཞན་དུ་གསལ་བ་ལྟར་ལ། མདོར་བསྡུས་ནང་སྔ་བར་ཁྲུས་དང་གཙང་སྦྲ་བྱས་ཏེ་སྡོམ་པ་བླང་། བཤེས་སྤྲིང་ལས། །རྒྱལ་བས་སངས་རྒྱས་ཆོས་དང་དགེ་འདུན་ ― LT34_Page_0320 ―
[མ་དཔེ་གཟིགས་ན་འདིར་གནོན།]
དང་། །གཏོད་དང་ཚུལ་ཁྲིམས་ལྷ་རྗེས་དྲན་པ་དྲུག །རབ་ཏུ་བཀའ་སྩལ་དེ་དག་སོ་སོ་ཡི། །ཡོན་ཏན་ཚོགས་ཀྱི་རྗེས་སུ་དྲན་པར་བགྱིད། །ཅེས་གསུངས་པ་ལྟར་སྐྱབས་སེམས་ཡན་ལག་བདུན་པ་སྔོན་ཏུ་འགྲོ་བའི། མདུན་གྱི་ནམ་མཁར་ཚེས་སོ་སོའི་ལྷ་དང་། བོད་སྤྱིའི་ལྷ་སྐལ་ཐུགས་རྗེ་ཆེན་པོའང་ཆབ་གཅིག་བསྒོམ་གལ་རྒྱལ་པོ་བཀའ་ཆེམས་ལས་གསུངས་པས་ཆོས་ལྷ་ཐམས་ཅད་ཀྱི་གཡོན་ཏུ་འགྲོ་འདུལ་ཕྱག་བཞི་བར་བསྒོམས་ནས་དེ་དག་གི་མཚན་ནས་བརྗོད་དེ་ཕྱག་འཚལ་ཞིང་སྐྱབས་སུ་མཆིའོ་ཞེས་ལན་བརྒྱ་སྟོང་གང་འགྲུབ་དང་། སོ་སོའི་གཟུངས་སྔགས་དང་ཡིག་དྲུག་ཅི་འགྲུབ་བཟླ། སྐུ་གསུང་ཐུགས་ལས་འོད་ཟེར་འཕྲོས། བདག་དང་སེམས་ཅན་ཐམས་ཅད་ལ་ཕོག་པས་སྒོ་གསུམ་གྱི་སྡིག་སྒྲིབ་དག་པར་བསམ། མཐར་སྣོད་བཅུད་འོད་དུ་ཞུ་ལྟར་ཐིམ། དེ་ཡང་དམིགས་མེད་དུ་བཞག་ནས་དགེ་བ་བསྔོ། །དེ་ལྟར་ཐུན་བཞིའམ་དྲུག་གང་འགྲུབ་འབད། ཉིན་གུང་གདན་གཅིག་ཚུལ་བཞིན་བྱ། སྔོན་འགྲོ་དང་རྗེས་བཅས་ཉིན་ཕྱེད་གཉིས་པོའང་སྨྱུང་གནས་ལྟར་ཐོན་ན་ལེགས། མ་འགྲུབ་ཀྱང་ཉིན་གཅིག་པོ་དེས་འཐུས་ལ། དེ་ལྟར་ཆོས་གཉན་སོ་སོའི་ངེས་པ་ ― LT34_Page_0321 ―
[མ་དཔེ་གཟིགས་ན་འདིར་གནོན།]
སོགས་མདོ་སྡེ་ལས་འབྱུང་། གདན་གཅིག་དང་ཡན་ལག་བརྒྱད་པོ་ཐེག་པ་ཆེ་ཆུང་གི་བསླབ་བྱ་ཐུན་མོང་བ་སྟེ། ཉམས་སུ་ལེན་ཚུལ་གྱི་གོ་རིམ་དེ་རྣམས་སྤྲུལ་པའི་རྒྱལ་པོའི་ཞལ་གདམས་ལས་འབྱུང་ངོ་། །དེང་སང་བསྟན་པའི་གཟུགས་བརྙན་ལ་སྤྱོད་པའི་དུས་མདོ་སྔགས་ཟབ་ཆོས་ཀྱི་དེས་གསང་བླ་ན་མེད་པ་རྣམས་ནི་མོས་པ་ལམ་བྱེད་ཙམ་ལས་ཉམས་སུ་མི་ལོན། མཐུན་རྐྱེན་ཚང་ཞིང་རང་དབང་ཡོད་པའི་དུས་འདིར་ལམ་སྣ་ཟིན་ཙམ་ཞིག་མ་བྱུང་ན་ནི་རང་གིས་རང་བསླུས་པར་གདའ་བས་ཚེགས་ཆུང་ལ་དོན་ཆེ་ཞིང་ཁེ་ཆེ་ལ་ཉེན་ཆུང་བའི་ཆོས་སྦྱོང་འདི་འདྲར་ཐ་ན་འབྲེལ་འཇོག་རེ་ཙམ་བྱུང་ན་སྙམས་པས་ཞར་འཕྲོས་སུ་སྨོས་པའོ།། ༈ །།རྩ་བའི་ས་བཅད་གཉིས་པ་ལའང་འཕགས་པའི་ཡོན་ཏན་སྤྱིར་བསྟན། དེའི་སྒྲུབ་ཐབས་དཔལ་མོ་ལུགས་དང་འབྲེལ་པའི་དོན་ཁྱད་པར་དུ་བཤད་པའོ། །དང་པོ་ནི། འཕགས་པ་སྤྱན་རས་གཟིགས་དབང་ཕྱུག་ཅེས་པ་ཉིད་དོན་ལ་སངས་རྒྱས་ཐམས་ཅད་ཀྱི་སྤྲུལ་གཞི་སྟེ་ཆོས་སྐུའི་ངོ་བོ་གཟི་བརྗིད་འོད་དཔག་མེད། ལོངས་སྐུ་ནམ་མཁའ་རྒྱལ་པོ་གངས་ཆེན་མཚོ། སྤྲུལ་སྐུ་རྒྱུད་པདྨ་དྲྭ་བ་ལས་གསུངས་པའི་སེང་གེ་སྒྲ་སོགས་རིགས་བཅུའི་གཙོས་བྱེ་བ་གྲངས་ ― LT34_Page_0322 ―
[མ་དཔེ་གཟིགས་ན་འདིར་གནོན།]
སྙེད། ཡང་སྤྲུལ་སྐལ་བཟང་གི་སངས་རྒྱས་སྟོང་རྩ་གཉིས་ལ་སོགས་པ་ནམ་མཁའ་རང་སེམས་ཅན་གྱི་ཁམས་ཇི་སྲིད་པ་དེ་སྲིད་དུ་ཐུགས་རྗེའི་འཇུག་པ་བསམ་གྱིས་མི་ཁྱབ་པ་ལས། སྐུའི་ངོ་བོ་ཞལ་བཅུ་གཅིག་པ། གསུང་སྤྲུལ་ཡི་གེ་དྲུག་པ། ཐུགས་སྤྲུལ་ཡེ་ཤེས་ཀྱི་མགོན་པོ་ཕྱག་དྲུག་པ། ཡོན་ཏན་སྤྲུལ་པ་རྟ་མགྲིན། ཕྲིན་ལས་སྤྲུལ་པ་འཇིག་པ་བརྒྱད་སྐྱོབས་དང་སྒྲོལ་མ་དཀར་སྔོན་རྣམས་སྙིགས་དུས་ཀྱི་གདུལ་བྱ་སྤྱི་དང་། བོད་ཁ་བ་ཅན་འདུལ་བའི་ལྷ་མཆོག་གཙོ་བོར་གྱུར་པ་ཡིན་ལ་དེ་དག་གི་ཁུངས་སྤྱན་རས་གཟིགས་ཀྱི་མདོ་རྒྱུད་ཉེར་གཅིག་ཏུ་གྲགས་པ་རྣམས་ལས་མཚན་ཐོས་པ་ཙམ་གྱི་ཕན་ཡོན་དཔག་ཏུ་མེད་པ་གསུངས་པ་སོགས་སྨོས་ཀྱིས་མི་ལངས་ལ། མདོར་བསྡུས་ཟ་མ་ཏོག་བཀོད་པ་ལས། རིགས་ཀྱི་བུ་ག་དང་འདྲ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་སུ་གྱུར་ལ། དེ་དག་ཀྱང་གནས་གཅིག་ཏུ་བཞག་ཅིང་ན་བཟའ་དང་། བཤོས་དང་། མལ་སྟན་དང་། ན་བའི་གསོས་སྨན་དང་། ཡོ་བྱད་རྣམས་ཀྱིས་བསྐལ་པར་མཆོད་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་བྱང་ཆུབ་སེམས་དཔའ་སེམས་དཔའ་ ― LT34_Page_0323 ―
[མ་དཔེ་གཟིགས་ན་འདིར་གནོན།]
ཆེན་པོ་སྤྱན་རས་གཟིགས་ཀྱི་དབང་པོའི་བསོད་ནམས་ཀྱི་ཕུང་པོ་བགྲང་མི་ནུས་ན། རིགས་ཀྱི་བུ་གང་ང་གཅིག་པུ་འཇིག་རྟེན་གྱི་ཁམས་འདི་ན་གནས་པས་ལྟ་ཅི་སྨོས། གང་འཇིག་རྟེན་ན་སྤྱན་རས་གཟིགས་ཀྱི་དབང་པོའི་མིང་དྲན་པ་དེ་དག་ནི་བདེ་བ་དང་ལྡན་པ་ཡིན་ནོ། །དེ་དག་ནི་རྒ་བ་དང་། ན་བ་དང་། འཆི་བ་དང་། སྡུག་བསྔལ་བ་ལས་ཡོངས་སུ་ཐར་བ་ཡིན་ནོ། །དེ་དག་འཁོར་བའི་ཐ་མ་གཞན་མེད་པའི་སྡུག་བསྔལ་ལས་ཐར་བར་འགྱུར་རོ། །དེ་དག་ནི་གོས་དཀར་པོ་དང་སྐྱ་བོ་བགོས་བཞིན་དུ་བྱ་ངང་པའི་རྒྱལ་པོ་མགྱོགས་པ་དང་རླུང་གི་ཤུགས་འོང་བ་བཞིན་དུ་བདེ་བ་ཅན་གྱི་ཁམས་སུ་དེ་བཞིན་གཤེགས་པ་སྣང་བ་མཐའ་ཡས་ལས་ཆོས་མངོན་དུ་ཉན་པའི་ཕྱིར་འགྲོའོ། །ཐོས་ནས་ཀྱང་དེ་དག་གི་ལུས་ལ་འཁོར་བའི་སྡུག་བསྔལ་མི་འབྱུང་། འདོད་ཆགས་དང་། ཞེ་སྡང་དང་། གཏི་མུག་མི་འབྱུང་། རྒ་བ་དང་། ཤི་བར་མི་འགྱུར། དེ་དག་གི་ལུས་ལ་བགྲེས་པར་མི་འགྱུར། མངལ་ན་གནས་པའི་སྡུག་བསྔལ་བ་ཤེས་པར་མི་འགྱུར་ཏེ། ཆོས་ཀྱི་རོས་བསྐྱོད་ནས་དེ་ཉིད་དུ་པདྨའི་ནང་དུ་སྐྱེ་བར་འགྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་ ― LT34_Page_0324 ―
[མ་དཔེ་གཟིགས་ན་འདིར་གནོན།]
དབང་པོའི་ཡི་དམ་བརྟན་པོ་ཡོངས་སུ་རྫོགས་པ་དང་། སེམས་ཅན་ཐམས་ཅད་ཐར་པ་ལ་བཞག་གི་བར་དུ་འཇིག་རྟེན་གྱི་ཁམས་དེ་ན་རྟག་ཏུ་འཛིན་ཅིང་གནས་སོ། །ཞེས་གསུངས། གཞན་ཡང་འཕགས་པའི་མཚན་འཛིན་པས་གནས་སྐབས་སུ་ཡང་ནད་གདོན་མེ་ཆུ་དགྲ་རྐུན་དུག་མཚོན་གཅན་གཟན་སོགས་འཇིགས་པ་བརྒྱད་དང་བཅུ་དྲུག་ལས་སྐྱོབ་ཅིང་ཕན་ཡོན་འགའ་ཞིག་འོག་ཏུ་འབྱུང་ལ། མདོར་ན་གོང་སྨོས་རྒྱལ་བ་ཀུན་གྱི་སྤྲུལ་གཞི། ད་ལྟའང་འགྲོ་དྲུག་གི་གནས་རྣམས་སུ་ཐ་ན་གྲུ་ཟམ། ཟས་སྨན། སྲིན་བུའི་གཟུགས་སོགས་གང་ལ་གང་འདུལ་དུ་སྦྲུལ་ནས་འགྲོ་དོན་རྒྱུན་ཆད་མེད་པར་མཛད་བཞིན་པ་སྟེ། མདོ་རྒྱུད་ཀྱི་ཕན་ཡོན་ཇི་སྙེད་པ་རྣམས་འཕགས་པའི་ཡོན་ཏན་ཁོ་ན་བརྗོད་པ་དང་འདྲ་བར་ཤེས་པར་བྱའོ། །གཉིས་པ་འདིར་བསྟན་དངོས་གཞི་འཆད་པ་ལ། ཕྱོགས་གང་དུ་གཏོགས་ཀྱི་ཁུངས་བསྟན། བརྒྱུད་པའི་རྣམ་ཐར་མདོར་བསྡུ། སྒྲུབ་དུས་བསྙེན་ཚད་སྤྱིར་བསྟན། ཕན་ཡོན་རྒྱས་པར་བཤད། རྗེས་དམ་ཚིག་བསྲུང་ཚུལ་ཏེ་ས་བཅད་ལྔ་ཡོད་པའི་དང་པོ་ནི། སྤྱིར་སྤྱན་རས་གཟིགས་ཀྱི་མདོ་གཟུངས་དང་། བཀའ་གཏིར་གྱི་རྒྱུད་དུ་མ་ཡོད་ཅིང་རྒྱུད་སྡེ་བཞི་ཀ་དང་ ― LT34_Page_0325 ―
[མ་དཔེ་གཟིགས་ན་འདིར་གནོན།]
འབྲེལ་བ་ལས། འདིར་བྱ་རྒྱུད་ལ་འཇིག་རྟེན་ལས་འདས་པའི་རིགས་གསུམ། འཇིག་རྟེན་པའི་རིགས་གསུམ་སྟེ་དྲུག་ཡོད་པའི་སྔ་མ་པདྨའི་རིགས་སུ་གཏོགས་པ་ཞལ་བཅུ་གཅིག་པའི་གཟུངས་ལ་བརྟེན་པའོ། །གཉིས་པ་ནི། དེ་ཡང་འཕགས་པ་བཅུ་གཅིག་ཞལ་དངོས་ཀྱིས་རྗེས་སུ་བཟུང་བ་ནི་དགེ་སློང་མ་དཔལ་མོ་སྟེ། དེ་ནི་ཨོ་རྒྱན་རྒྱལ་པོའི་སྲས་མོ་ཞིག་ཁྱིམ་གྱི་ཉེས་དམིགས་མཐོང་ནས་རབ་ཏུ་བྱུང་། རིག་པའི་གནས་ལྔ་ལ་མཁས། ཁྲིམས་ཤིན་ཏུ་བཙུན་པར་བཞུགས་ཀྱང་སྔོན་གྱི་ལས་ངན་སྨིན་ནས་མཛེ་བྱུང་སྟེ་ལུས་ལ་ན་ཚ་དང་སེམས་ལ་སྡུག་བསྔལ་དྲག་པོ་མྱོང་། ཕྱག་གཉིས་མཁྲིག་མ་ནས་ཆད་དེ་ཁ་ཟས་ཀྱང་བསྙབས་མི་ཤེས་པར་དུད་འགྲོ་ལྟར་གསོལ་དགོས་པས། འཁོར་རྣམས་ཀྱིས་བས་མཐའི་རྩའི་སྤྱིལ་པོ་ཞིག་ཏུ་བསྐྱལ་ནས་པ་ཞུམ་ཞིང་བཞུགས་པའི་ནུབ་གཅིག་རྣལ་ལམ་དུ། རྒྱལ་པོ་ཨིནྡྲ་བྷུ་ཏིས་བྱིན་གྱིས་བརླབས་ཤིང་འཕགས་པ་སྒྲུབ་ན་མྱུར་དུ་མཆོག་འགྲུབ་པར་ལུང་བསྟན་པའི་ཕྱིར་ནང་ནས་ཐུག་རྔུ་ཅུང་ཟད་ཞི་སྟེ། ཉིན་མོ་ཡི་གེ་དྲུག་པ་དང་། མཚན་མོ་གཟུངས་རིང་ཐུང་བཟླས། ལོ་རྒྱུས་ཁ་ཅིག་ཏུ་ཁ་སརྤ་འི་ནགས་སུ་དཔལ་གྱི་སེང་གེ་ ― LT34_Page_0326 ―
[མ་དཔེ་གཟིགས་ན་འདིར་གནོན།]
བྱ་བའི་ཐུགས་རྗེ་ཆེན་པོའི་གྲུབ་ཐོབ་ལས་འདིའི་གདམས་ངག་ཞུས་ནས་དེ་ཉིད་དུ་བསྒོམས་པའང་བཤད། གང་ལྟར་སྐབས་ཤིག་ཏུ་སྒྲུབ་པས་སུན་ནས་ཐུགས་སྐྱོ་བ་ན་རྣལ་ལམ་དུ་འཇམ་དཔལ་གྱིས་ཞལ་བསྟན་ཏེ། ལི་ཁར་ཤིང་འཕེལ་དུ་སོང་ལ་འཕགས་པ་སྒྲུབས་ཤིག །ལོ་ལྔ་ནས་རྗེ་བཙུན་སྒྲོལ་མ་དང་རྟོགས་པ་མཉམ་པར་འགྱུར་རོ། །ཞེས་ལུང་བསྟན་པ་ལྟར། གནས་དེར་ཕེབ་པའི་ལམ་དུ་པདྨ་མཁའ་འགྲོ་བདུན་གྱིས་ཕྲིན་ལས་ཞུས་ཏེ། ཤིང་འཕེལ་རང་བྱོན་འཕགས་པའི་དྲུང་དུ་མཆོག་མ་ཐོབ་བར་གདན་མི་སྤོ་བར་དམ་བཅས་ནས་གདན་གཅིག་དང་བསྙུང་གནས་སྤེལ་ཏེ་འཇིག་རྟེན་མགོན་པོའི་བསྐྱེད་རྫོགས་དང་གཟུངས་རིང་ཐུང་བཟླས་པས་ལོ་གཅིག་ནས་སྙུན་ལས་གྲོལ། ཏིང་ངེ་འཛིན་གྱི་སྒོ་དུ་མ་འཁྲུངས། སྐུ་ལུས་སོར་ཆུད། བདུད་དང་ཕྱོགས་སྐྱོང་བཅུ་སོགས་གླགས་ལྟ་བ་ཀུན་རྗེ་བཙུན་གྱི་བསྐྱེད་རིམས་དང་བྱམས་སྙིང་རྗེའི་དམ་འོག་ཏུ་ཆུད། ཀླུ་ཆེན་བརྒྱད་ཀྱིས་ཆོས་འདིའི་སྲུང་མར་ཁས་བླངས། དེ་ནས་དུས་ལན་གཅིག་དགེ་སློང་མས་དགུང་ལོ་ཉེར་བདུན་བཞེས་པའི་ས་ག་ཟླ་བའི་ཚེས་གཅིག་ལ་རྗེ་བཙུན་སྒྲོལ་མས་ཞལ་བསྟན། ས་དང་པོ་ཐོབ། དུས་གསུམ་སངས་རྒྱས་ཐམས་ཅད་ཀྱི་ ― LT34_Page_0327 ―
[མ་དཔེ་གཟིགས་ན་འདིར་གནོན།]
ཕྲིན་ལས་ཁྱོད་ཀྱིས་བྱེད་པར་འགྱུར་རོ་ཞེས་གསུངས། ཚེས་བརྒྱད་ལ་དོན་ཞགས་སོགས་ཀྲི་ཡའི་ལྷ་ཕལ་ཆེར་ཞལ་གཟིགས། ས་བརྒྱད་པ་ཐོབ། ཁྱོད་ཀྱིས་སྤྱན་རས་གཟིགས་ཀྱི་སྒོ་ནས་འགྲོ་བ་ཐམས་ཅད་བླ་ན་མེད་པའི་བྱང་ཆུབ་ཏུ་འགོད་པར་འགྱུར་རོ། །ཞེས་གསུངས། བཅོ་ལྔའི་ཉིན་ཕྱག་སྟོང་སྤྱན་སྟོང་གི་སྐུའི་ནང་རྒྱུད་སྡེ་བཞིའི་དཀྱིལ་འཁོར་དང་བ་སྤུའི་བུ་ག་རེ་རེ་ལ་སངས་རྒྱས་ཀྱི་ཞིང་ཁམས་དཔག་ཏུ་མེད་པ་བཀོད་པ་གཟིགས་པས་ལོ་བཅུ་གཉིས་ལ་དཀའ་བ་སྤྱད་པས་དེ་ཙམ་མི་མཇལ་བའི་ཡུས་གསོལ་བ་ན། ཁྱོད་ཀྱིས་དང་པོ་སྒྲུབ་པའི་འགོ་བརྩམས་ནས་འབྲལ་མེད་དུ་གནས་ཀྱང་ད་བར་ལས་སྒྲིབ་མ་ཟད་པས་མ་མཐོང་བ་ཡིན་ནོ་ཞེས་གསུངས་ཏེ་ཆོས་བསྟན་ཅིང་བྱིན་གྱིས་བརླབས་པས་ས་བཅུའི་ཡོན་ཏན་མ་ལུས་པ་རྫོགས། འཕགས་པ་དང་གཉིས་སུ་མེད་པའི་གོ་འཕང་བརྙེས་ཤིང་སྐུ་ལུས་ཀྱང་གསེར་གྱི་ཁ་དོག་ལྟ་བུར་གྱུར་ཏོ། །དེ་ནས་སྔགས་སྤྱོད་ལ་ཞུགས་པས་མི་ཀུན་གྱིས་བཀུར་པ་བཏབ། དེར་མ་དད་པ་བཟློག་པའི་ཆེད་དུ། ཁ་སརྤ་འི་དུས་སྟོན་གྱི་ཁྲོམ་གསེབ་ཏུ་རང་གི་དབུ་གྲི་གུག་གིས་བཅད་དེ་འཁར་གསིལ་གྱི་རྩེར་བསྐྱོན་ནས་ནམ་མཁར་སྤྲིན་གསེབ་ཏུ་གང་ ― LT34_Page_0328 ―
[མ་དཔེ་གཟིགས་ན་འདིར་གནོན།]
མཛད། སླར་ས་ལ་བབས་ཤིང་སྔ་མ་ལྟར་སོར་ཆུད་པ་མཛད་པས་དེར་འདུས་ཐམས་ཅད་དད་པ་ལ་བཀོད། དེར་སྤྱན་རས་གཟིགས་ཀྱི་རྟོགས་པ་གསུངས་པ་ཙམ་གྱིས་དེ་རྣམས་དང་། ཡུལ་གྲུ་དེའི་ཕོ་མོ་ཐམས་ཅད་ཀྱིས་མཆོག་གི་དངོས་གྲུབ་ཐོབ་ནས་མཁའ་སྤྱོད་དུ་གཤེགས་པར་གྲགས་སོ། །དེ་ཡང་ཕྱི་ལྟར་དགེ་སློང་མ་དཔལ་མོ། ནང་ལྟར་རྗེ་བཙུན་སྒྲོལ་མ། གསང་བ་རྡོ་རྗེ་ཕག་མོ་དབུ་བཅད་མ་དངོས་ཡིན་ལ། ཨིནྡྲ་བྷུ་ཏིའི་ལྕམ་ལ།།།་ཀ་ར་དང་གཅིག་པར་ཡང་བཤད་དོ།། ༈ །།དེ་ཡིས་རྗེས་སུ་བཟུང་པ་པཎྜི་ཏ་ཟླ་བ་གཞོན་ནུ་ནི། རྒྱ་གར་ནུབ་ཕྱོགས་བྲམ་ཟེ་ཞིག་ཏུ་འཁྲུངས། སྒྲ་ཚད་སོགས་ལ་མཁས་པའི་གྲགས་པས་ཁྱབ་ཅིང་རབ་ཏུ་བྱུང་ནས་ཐོས་པ་མང་པོའི་དོན་ཉམས་སུ་ལེན་པ་ན། ཐུགས་རླུང་གི་གེགས་ཤིག་བྱུང་སྟེ་ཅི་བྱས་ཀྱང་མ་ཕན་ནས་དགེ་སློང་མ་དཔལ་མོ་མཇལ་བར་ཕྱིན་པས་བྱིན་རླབས་མཛད་པ་ཙམ་གྱིས་སོས། ཁྱོད་ཀྱིས་སྔོན་བླ་མ་ཞིག་གི་ཐུགས་དཀྲུག་ཀྱང་དེའི་བཤགས་པ་བྱས་པས་ད་རེས་ནད་འདི་བྱུང་ཞིང་ང་དང་མཇལ་བ་ཡིན་གསུངས། ཞལ་བཅུ་གཅིག་པའི་གདམས་པ་གནང་བས་ཕྱག་རྒྱ་ཆེན་པོ་མཆོག་གི་དངོས་གྲུབ་དེ་ཉིད་དུ་ཐོབ་བོ། ། ― LT34_Page_0329 ―
[མ་དཔེ་གཟིགས་ན་འདིར་གནོན།]
པཎྜི་ཏ་ཡེ་ཤེས་བཟང་པོ་ནི་རྒྱལ་རིགས་རབ་ཏུ་བྱུང་སྟེ་རིག་པའི་གནས་ལྔ་ལ་མཁས་པ་ཞིག་སྔོན་ལས་ཀྱིས་སྐུ་སྟོད་དུ་རྨ་སྲོལ་ཆེན་པོ་བྱུང་བར་སྨན་བཅོས་དུ་མ་བྱས་ཀྱང་མ་ཕན། ལྷ་འདྲེའི་གནོད་པར་ངོགས་ཏེ་གྲུབ་ཐོབ་ཞིག་ལས་གཤིན་རྗེའི་གཤེད་ཀྱི་གདམས་པ་ཞུས་ནས་བསྒོམས་པས་སུམ་ལོགས་ཀྱིས་ཐུར་སོང་། སྐུ་ལུས་ཆུ་བུར་གྱིས་ཁྱབ། ཚ་རེག་ཟུག་རྡུམ་བཟོད་པར་རྫིང་བུར་ཞུགས་ཀྱང་དྲོད་ཀྱིས་མཚོ་ཁོལ་ནས་ཆུ་བརྗེ་དགོས་པ་བྱུང་། གཉན་མེ་དཔལ་ནག་པོ་ཞེས་པ་སྟེ། ནུས་པ་ཅན་ཐམས་ཅད་ལ་གཏུགས་ཀྱང་མ་ཕན་པར་ཟླ་བ་གཞོན་ནུ་ལ་ཞུས་པས་དེར་འབྱོན་པར་རྩོམ་པ་ན། རྗེ་བཙུན་སྒྲོལ་མས། འདི་ནི་བླ་མ་ཞིག་ལ་དམ་ཉམས་བྱས་པའི་རྣམ་སྨིན་ཡིན་ཏེ་ཁྱོད་ཀྱིས་ཀྱང་གསོ་མི་ནུས་པས་དཔལ་མོ་ལ་གསོལ་བ་ཐོབ་ཅིག་པའི་ལུང་བསྟན་བྱུང་བ་ལྟར། དགེ་སློང་མ་སྤྱན་འདྲེན་གྱི་གྲོགས་མཛད་དེ་དཔོན་སློབ་གཉིས་མཚོ་ཁར་ཕེབ་པ་ལ་གསོལ་བ་བཏབ་པས་བྱིན་རླབས་མཛད་པ་ཙམ་གྱིས་སྙུན་གཞི་མེད་དུ་དངས། དགེ་སློང་མ་བཅུ་གཅིག་ཞལ་དངོས་སུ་མཐོང་། དེར་སྤྱན་རས་གཟིགས་ཀྱི་གདམས་པ་ཉུང་ངུ་ཞིག་གནང་། རྒྱུད་སྒྲུབ་ཐབས་རྒྱས་པ་ཟླ་བ་ ― LT34_Page_0330 ―
[མ་དཔེ་གཟིགས་ན་འདིར་གནོན།]
གཞོན་ནུ་ལ་ཞུས་ཏེ་ཟླ་བ་གསུམ་དུ་སྨྱུང་གནས་མཛད་ཅིང་བསྒོམས་པས་འཕགས་པའི་སྐུར་དངོས་སུ་གྱུར་ཏེ་མཆོག་ཐོབ་བོ།། ༈ །།བལ་པོ་པཎྜི་ཏ་པེ་ཉ་བ་ནི་རྒྱལ་རིགས་མཁས་པའི་ཕུལ་དུ་ཕྱིན་པ་ཞིག་འཇམ་དཔལ་གྱིས་ལུང་བསྟན་ནས་རྒྱ་གར་དུ་བྱོན། ཡེ་ཤེས་བཟང་པོ་ལ་བཅུ་གཅིག་ཞལ་གྱི་གདམས་ངག་ཞུས་ནས་ལོ་ལྔར་འཚོ་བ་བསོད་སྙོམས་ལ་བསྟེན། སྒྲུབ་པ་མཛད་པས་ཞལ་མཐོང་། མཆོག་གི་དངོས་གྲུབ་ཐོབ་སྟེ་འཆའ་ལུས་སུ་གཤེགས་སོ།། ༈ །།དེའི་སློབ་མ་བྱང་ཆུབ་སེམས་དཔའ་ཟླ་བ་རྒྱལ་མཚན་ནི་འཕགས་པ་སྤྱན་རས་གཟིགས་དངོས་ཡིན་པར་ཡོངས་སུ་གྲགས་ཏེ་མཁས་པ་དང་གྲུབ་པ་བརྙེས་པ་མང་པོ་ལ་སྤྱན་རས་གཟིགས་ཀྱི་ལུང་བསྟན་བྱུང་བས་ཞབས་ལ་བཏུད་པའི་ལོ་རྒྱུས་དུ་མ་སྣང་། ཉིད་ཀྱིས་སྐྱིད་གྲོང་ལོ་ཀེ་ཤྭ་རའི་དྲུང་དུ་ཞག་བདུན་གསོལ་བ་བཏབ་པས། ལོང་བ་བརྒྱ་ལ་མིག་བྱིན། གཙུག་ལག་ཁང་བརྒྱ་བརྩིགས། ལམ་འཕྲང་བརྒྱ་སོལ། དགེ་སློང་བརྒྱའི་འཚོ་བ་དྲོངས་ཕྱག་སྟོང་སྤྱན་སྟོང་ལ་གསོལ་བ་བཏབ་པས་དེ་རྣམས་འགྲུབ་སྟེ་མྱུར་དུ་འཚང་རྒྱ་བར་འགྱུར་རོ་ཞེས་ལུང་བསྟན་ཐོབ། དེར་དགེ་སློང་བཞི་སྡེ་རེ་ཁྲིད་ནས་བསོད་སྙོམས་མཛད་པས་སྐུ་བསོད་ ― LT34_Page_0331 ―
[མ་དཔེ་གཟིགས་ན་འདིར་གནོན།]
སྐྱེས་ཏེ་ཟང་ཟིང་འདུས། ལྷ་ཁང་བརྒྱ་ལྷག་བཞེངས། སྲོག་བསླུ་དང་མིག་བསླུ་སུམ་བརྒྱ་ལྷག་མཛད། ལམ་འཕྲང་དུ་མ་གསོས། དགེ་སློང་སྟོང་ཉིས་བརྒྱ་ཙམ་རེའི་འཚོ་བ་སྦྱོང་བ་སོགས་དགེ་བ་རླབས་ཆེན་དཔག་མེད་འགྲུབ། དེའི་ཚེ་ལྷོ་རྒྱུད་ཀྱི་གྲོང་ཞིག་ཏུ་ཕེབས་པ་ན། བུད་མེད་ནང་མ་ཞིག་གིས་བྱིན་རླབས་ཞུས་པར་གཏོར་མ་དང་བསྔོ་བ་ཡང་མཛད་ནས། ན་ཚ་སྔོན་གྱི་མི་དགེ་བ་ལས་བྱུང་བ་ཡིན་པས་བཟོད་པ་དང་བྱང་ཆུབ་ཀྱི་སེམས་སྒོམས་ཤིག་གསུངས་པས་མོ་དད་པ་སྐྱེས་ཏེ་མཆི་མ་བླགས་བཞིན་ཏུ། ཚེ་སྔོན་མ་ལྟ་ཞོག །ཚེ་འདིར་ཡང་སྡིག་པ་མང་དུ་བྱས་ཡོད་ན་ཟེར་བས། འོ་ན་སྡིག་པ་དྲན་ཚད་མཐོལ་བཤགས་གྱིས་དང་དག་པ་ཡིན་ནོ་གསུངས། དེར་མོ་ན་རེ། བདག་སྐྱིད་གྲོང་དུ་ཚོང་དཔོན་ཕྱུག་པོ་ཞིག་གི་ཆུང་མ་ལ་ཕྱིན། བུ་ཞིག་ཡོད་པ་ལོ་བདུན་ལོན་པའི་ཚེ། ཚོང་དཔོན་བལ་ཡུལ་དུ་ཚོང་ལ་ཕྱིན་པ་ལོ་གསུམ་དུ་མ་འཁོར། ཤུལ་དུ་སྐྱེ་མཆེད་ལེགས་པ་དང་། ཉོན་མོངས་དྲག་པོའི་དབང་གིས་སྐྱེས་པ་གཞན་དང་འགྲོགས་པའི་བུ་ཞིག་སྐྱེས་པ་དེ་བསད། ལོངས་སྤྱོད་རྣམས་ཀྱང་ཕྱེད་མེད་བུ་སོང་བས། བུ་སྔ་མས། ངའི་ཕ་དེ་བྱུང་ ― LT34_Page_0332 ―
[མ་དཔེ་གཟིགས་ན་འདིར་གནོན།]
དུས་ཁྱོད་ལ་ཅི་འདྲ་ཞིག་འོང་ངམ་ཟེར་བར། ངས་ཅི་བྱས་སྨྲས་ཏེ་རྡོག་ཐོ་ཞིག་བརྒྱབ་པས་མཆིན་ཁར་ཕོག །ཁ་ནས་ཁྲག་སྐྱུག་སྟེ་ཤི། དེར་ངའི་བུ་གཟའ་གདོང་ཐུག་གིས་བུམ་བྱས་ནས་གཡོ་ཁྲམ་མང་པོ་ལབ། བླ་མཆོད་ཞིག་ལ་དེའི་རྒྱུས་ཡོད་པས་དེའང་དུག་བླུད་ནས་བཀྲོངས། དེ་ནས་ཚོང་དཔོན་ནོར་དཔག་མེད་བཅས་སླེབ་པ་ན། གཡོག་མོ་ཞིག་གིས་ལོ་རྒྱུས་རྣམས་ལྐོག་ཏུ་བཤད་པས། ཁོ་ན་རེ། དོ་ནུབ་མི་ཤེས་པ་ལྟར་གྱིས། ནང་པར་མིག་འདོན་ནོ་ཟེར་བ་མོས་ཕག་ཉན་བྱས་པས་ཚོར་ཏེ་འཇིགས་དྲག་ནས་དུག་མང་པོ་ཆང་ལ་སྦྱར་ནས་ཚོང་དཔོན་དཔོན་གཡོག་བརྒྱད། ཁྱིམ་མཚེས་སྐྱེས་པ་གཉིས། ཁོ་ལ་མོ་གཉིས་བཅས་ལ་བླུད་པས་དེའི་ཐོ་རངས་ནས་སྨྲ་མི་ནུས་པར་གྱུར་ཏེ་ཞག་གཉིས་ཀྱི་ཁོངས་སུ་ཞི། བདག་ལྷོ་བལ་དུ་བྲོས། དེའི་ལེ་ལེན་འདས་པས་ཕ་མི་རྣམས་ཀྱང་ཕུང་དུ་བཅུག །གཞན་ཡང་གཡོ་ཟོལ་གྱི་སྡིག་ཅིའང་བགྱིས་ན་ཐུགས་རྗེས་བཟུང་འཚལ་ཟེར། དེར་བྱང་ཆུབ་སེམས་དཔས་བུད་མེད་ཅིག་ལ་འདི་འདྲའི་སྡིག་ཆེ་པ་དགོངས་ཏེ་སྤྱན་ཆབ་མང་པོ་ཤོར། སྨྱུང་གནས་ཚར་གཅིག་བྱས་ཀྱང་ངན་སོང་དུ་མི་འགྲོ་བ་འཕགས་པས་དབུ་སྨྱུང་བཞེས་པ་ཡིན་པས་འདི་ལ་དེ་ལས་དྲག་པའི་རེ་ས་ ― LT34_Page_0333 ―
[མ་དཔེ་གཟིགས་ན་འདིར་གནོན།]
གཞན་མེད་དགོངས་ཏེ་ལུང་ཕོག །སྨྱུང་གནས་ཚར་བརྒྱད་བགྱིད་པར་བགོས། མོའི་ན་བའང་བླ་མའི་ཐུགས་རྗེས་ཅུང་བདེ་བ་དང་། ས་ག་ཟླ་བ་ལ་སྨྱུང་གནས་བྱས་པའི་ལན་གཅིག་གི་དགོངས་མོར་ཁ་སྐོམ་ནས་ཆང་འཐུང་། ཡན་ལག་གཅིག་ལ་ལྟོག་དྲག་པས་ཞལ་ཟས་བཞི་ཕུལ་ཡོད་པའི་གཉིས་ཟོས། དེ་ལྟར་སྨྱུང་གནས་ཧྲུལ་པོ་ལན་གཉིས་དང་། གདན་གཅིག་ལ་བརྟེན་པའི་བསྙེན་གནས་དྲུག་སྟེ། བརྒྱད་ཚར་ནས་རིང་པོ་མ་ཐོགས་པར་ཤིའོ། ལན་གཅིག་བྱང་ཆུབ་སེམས་དཔས་གཙང་སྟོང་དུ་སེམས་བསྐྱེད་ཞིག་གསུངས་པའི་ཚེ་མི་ཐམས་ཅད་ཀྱིས་མཐོང་བར་ཙི་མར་དངོས་སུ་བྱུང་ནས་གྲུབ་རྟགས་ཞིག་སྟོན་པར་ཞུས་པས་ཕྱག་མཐིལ་དུ་སྤྱན་ཁ་ཧྲིག་ཧྲིག་པ་ཀུན་གྱིས་མཐོང་། ཁ་ཅིག་གིས་བཅུ་གཅིག་ཞལ། འགྲོ་འདུལ་ཕྱག་བཞི་པ། ཁ་སརྤ་ི་ལ་སོགས་དངོས་སུ་མཐོང་། ཁོ་ཡང་དང་རེ་ཆོས་འདིའི་སྲུང་མར་ཁས་བླངས་སོ། །དེའི་ཚེ་མི་རྣམས་ཤིན་ཏུ་དད་ནས་སྡིག་བཤགས་ཕུལ་བ་མང་པོ་བྱུང་བ་ན་དགེ་སློང་ཞིག་གིས། ན་ནིང་རྒན་མོ་མི་བཅོ་ལྔ་བསད་པ་དེ་ཤི་བར་ཐོས་པས་གར་སྐྱེ་ཞུས་པར། ཞལ་འཛུམ་མཛད་དེ་ཞལ་བཅུ་གཅིག་པའི་སྨྱུང་གནས་ ― LT34_Page_0334 ―
[མ་དཔེ་གཟིགས་ན་འདིར་གནོན།]
འདི་ཕན་ཡོན་ཚད་མེད་ཀྱང་ནུས་པ་ཤིན་ཏུ་ཉུང་བར་འདུག །བུད་མེད་དེ་རྒྱ་གར་ཤར་ཕྱོགས་ན་བྲམ་ཟེ་འབྱོར་ལྡན་ཞིག་གི་བུར་སྐྱེས་ནས་རིན་པོ་ཆེའི་རྒྱན་མང་པོ་ཅན་དུ་གདའ། སྔོན་སྨྱུང་གནས་བྱེད་ལོ་དེས་མི་ལུས་ཐོབ་ཀྱང་། ཁ་སྐོམ་ནས་ཆང་འཐུང་བས་ཤེས་པ་མཐོ་དམན་ཅན། ཞལ་ཟས་ཟོས་པས་གཟུགས་ངན་པ་ཞིག་ཏུ་སྣང་། སྐྱེ་བ་དེར་སྤྱན་རས་གཟིགས་ལ་ཡི་དམ་བྱེད་ཅིང་ཚེ་འཕོས་མ་ཐག་ཏུ་བདེ་བ་ཅན་དུ་སྐྱེ་བར་འདུག །སྨྱུང་གནས་རྣམ་དག་ཚར་བརྒྱད་བྱས་ཤིང་། འཕགས་པའི་མཚན་བརྒྱ་རྩ་རེ་བརྗོད་དེ་ཕྱག་འཚལ་ན་ངེས་པར་བདེ་བ་ཅན་གྱི་འཇིག་རྟེན་ཏུ་ཕྱིར་མི་ལྡོག་པའི་ས་ཐོབ་ཅིང་། མཐར་བྱང་ཆུབ་ཏུ་འཚང་རྒྱ་བར་འགྱུར་ལ། ལན་གཅིག་གིས་ཀྱང་ངེས་པར་ངན་འགྲོའི་སྒོ་བཅད་པར་འགྱུར། ཆོས་འདི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྒྲུབ་ཐབས་ཡིན་པས་ཀུན་གྱིས་འདི་ལ་བསླབ་པར་བྱའོ། །ཞེས་ཀྱང་གདམས་པར་མཛད་དོ།། ༈ །།གྲུབ་ཐོབ་ཉི་ཕུག་པ་ནི། མངའ་རིར་འཁྲུངས་པའི་མཚན་ཡིད་འཕྲོགས། རབ་ཏུ་བྱུང་ནས་དགུང་ལོ་ཉེར་དྲུག་ཚུན་ལ་མཁས་བཙུན་བཟང་གསུམ་གྱི་གྲགས་པ་ཐོན། དེར་རྣལ་ལམ་དུ་སྒྲོལ་མས། རིགས་ཀྱི་བུ། ― LT34_Page_0335 ―
[མ་དཔེ་གཟིགས་ན་འདིར་གནོན།]
མར་ཡུལ་དུ་སྤྱན་རས་གཟིགས་བྱོན་ཡོང་པས་དེར་སོང་དང་དོན་གཉིས་འགྲུབ་པར་འགྱུར་རོ་ཞེས་པའི་ལུང་བསྟན་ལྟར་བྱོན་པས་བྱང་སེམས་ཟླ་རྒྱལ་དང་མཇལ། ཕྱག་རྟེན་བཏང་ནས་སྒྲུབ་སླ་ལ་དོན་ཆེ་བ། ངན་སོང་དང་གཏན་གྱེས་བྱེད་པའི་ཆོས་ཤིག་ཞུ་བྱས་པས་ཞལ་བཅུ་གཅིག་པའི་གདམས་ངག་གནང་། བླ་མའི་བཀའ་ལྟར་བྱང་ཕྱོགས་དྷཱ་ཀིའི་གངས་སུ་ཙམ་བ་བྲེ་ལྔ་ལ་རླུང་ནོན་མཛད། སྨྱུང་གནས་དང་བཅུད་ལེན་ཁོ་ནས་མི་སུས་ཀྱང་མ་ཚོར་བར་ལོ་བདུན་བཞུགས་པས་ཕྱག་མཐིལ་ལ་ཉི་ཟེར་ཐལ་བྱུང་དུ་འཆང་བ་སོགས་འབྱུང་བཞི་དེངས་པའི་མཚན་མ་བརྙེས། རྟ་སྒོའི་ལྷ་བཙན་འབུམ་རྗེས་ཆོས་སྐྱོང་དུ་ཁས་བླངས། ནམ་མཁའ་ལ་འཕུར་ཏེ་ཉི་ཕུག་ཏུ་ཕེབས་ནས་སྤྲུལ་པའི་བཟོ་བོ་དུ་མས་གཙུག་ལག་ཁང་དང་ཇོ་བོའི་སྐུ་བཞེངས་ནས་གདན་ས་བཏབ་པས་མཚན་ཡང་ཉི་ཕུག་པར་གྲགས། རེ་ཞིག་སྨྱུང་གནས་མཛད་པའི་ནམ་ཕྱེད་སྤྱན་བུད་འགྲོ་བ་ལྟ་བུའི་སྙུང་ཟུག་བྱུང་བར། མི་དཀར་པོ་ཞིག་གིས། ཁྱོད་ཀྱི་སྐྱེ་བ་ལྔ་བརྒྱའི་གོང་དུ་རྒྱ་གར་ལྷོ་ཕྱོགས་སུ་མཉན་པར་སྐྱེས་ཏེ་གྲུ་སྐྱས་ཉ་བོ་ཆེའི་མིག་བཅར་བའི་རྣམ་སྨིན་གྱི་ཐ་མ་ཡིན་ཟེར། ཡང་ལན་གཅིག་གཞལ་འགྲམ་ ― LT34_Page_0336 ―
[མ་དཔེ་གཟིགས་ན་འདིར་གནོན།]
གཡས་སྐྲངས་ནས་ཟུག་རྔུའི་མི་བཟོད་པ་ལའང་སྔ་མ་ལྟར། སྐྱེ་བ་དགུ་བརྒྱའི་གོང་དུ་མ་ཧེའི་འགྲམ་པ་རྡོས་བཅག་པའི་རྣམ་སྨིན་ཐ་མ་ཡིན་ཟེར། དེར་འགྲོ་དོན་དཔག་མེད་མཛད། དུས་རྒྱུན་དུ་སྨྱུང་གནས་ཁོ་ན་དང་། སྐུ་ཁམས་ངན་དུས་ཀྱང་དུས་བཟང་གསུམ་ལ་མ་ཆགས་པར་གནང་། སྐྱེ་བ་དེ་འཕོས་མ་ཐག་ཏུ་ནུབ་ཕྱོགས་བདེ་ལྡན་གྱི་ཞིང་དུ་བྱང་ཆུབ་བརྙེས་པར་ལུང་བསྟན་ཐོབ། དགུང་ལོ་དོན་བདུན་བཞེས་པའི་ཚེས་བརྒྱད་ཅིག་ལ་སྨྱུང་གནས་ངག་བཅད་གནང་བཞིན་ཉི་མ་ཕྱེད་ཡོལ་དུ་གཤེགས་པའི་ཚུལ་བསྟན་ཅིང་ངོ་མཚར་བའི་ལྟས་མཐའ་ཡས་སོ།། ༈ །།སྲུ་པ་རྡོ་རྗེ་རྒྱལ་པོ་ནི། སྲུ་ཡུལ་སྒང་དུ་འཁྲུངས། མཚན་ཚུལ་ཁྲིམས་དཀོན་མཆོག་ཏུ་བཏགས། ལས་སད་དེ་དགུང་ལོ་བདུན་པ་ནས་གྲུབ་ཐོབ་པ་དང་མཇལ། རིམ་པར་རབ་ཏུ་བྱུང་། ཐེག་པ་རིམ་པ་གསུམ་ལ་མཁས་ཤིང་བཙུན་པའི་མཆོག་ཏུ་བཞུགས། ཁྱོད་མི་གཅིག་ལ་ཆོས་གཅིག་གིས་ཆོག་པ་སྟེར་གསུངས་ནས་སྤྱན་རས་གཟིགས་ཀྱི་དབང་གདམས་ངག་གནང་། མ་ཤིའི་བར་དུ་སྨྱུང་གནས་བགྱིད་པའི་དམ་བཅའ་ཕུལ་ཏེ་ལོ་ཧྲིལ་པོ་ལྔར་བཅག་མལ་གཅིག་ཏུ་སྨྱུང་གནས་མཛད་པས་ལོ་སོ་དྲུག་ཏུ་ ― LT34_Page_0337 ―
[མ་དཔེ་གཟིགས་ན་འདིར་གནོན།]
འགྲོ་བའི་ཟླ་བ་གསུམ་པའི་ཚེས་བརྒྱད་ལ་འཕགས་པ་ཞལ་གཟིགས་ཏེ་ཉིད་ཀྱི་སྐུ་གསུང་ཐུགས་དང་དབྱེ་བ་མེད་པར་བྱིན་གྱིས་བརླབས། མངོན་ཤེས་རྫུ་འཕྲུལ་འགྲོ་དོན་བསམ་གྱིས་མི་ཁྱབ། འཚོ་བ་བསོད་སྙོམས་ཁོ་ན་མཛད། ཤ་ཆད་ལྗགས་ཐོག་ཏུ་བཞེས་མ་མྱོང་། སྨྱུང་གནས་ཆགས་མེད་དུ་གནང་ཞིང་མཐར་སྐུ་གཤེགས་པའི་གདུང་རྣམས་རིང་བསྲེལ་དུ་གྱུར་པ་མཆོད་རྟེན་དུ་བཞུགས་པས་ད་ལྟའང་གསོལ་བ་བཏབ་ན་འཕེལ་གདུང་འབྱོན་པར་གྲགས་སོ།། ༈ །།ཞང་སྟོན་དགྲ་འཇིགས་ནི། ཁྲོ་ཕུར་འཁྲུངས་པའི་ཚེ་ས་གཡོ་བ་དང་འབྲུག་སྒྲོག་པ་སོགས་ཀྱིས་ཡབ་མེས་ཀྱི་དགྲ་ཞིག་ཡོད་པ་འཇིགས་པས་མཚན་དེ་སྐད་གྲགས། རབ་ཏུ་བྱུང་ནས་ས་སྐྱ་སོགས་སུ་ལུང་རིག་གི་གྲ་བསྐོར་མཛད་པས་མཁས་པའི་སྙན་པས་ཁྱབ། བཀའ་གདམས་ཀྱི་རྣམ་ཐར་ཤིན་ཏུ་གཙང་ཞིང་གྲ་པ་ལྔ་བརྒྱ་ཙམ་འདུས་པའི་ཆོས་སྡེ་སྐྱོང་བ་ལ་སྒྲོལ་མས་ལུང་བསྟན་ཏེ། བྱང་སེམས་སྲུ་བའི་དྲུང་ནས་ཞལ་བཅུ་གཅིག་པའི་གདམས་སྐོར་ཞུས། སྨྱུང་གནས་མཛད་ནས་ལོ་གསུམ་དང་ཟླ་བ་བཞི་སོང་བའི་ཚེས་བཅོ་ལྔའི་ནུབ་ཀྱི་ཆ་དང་པོར་སྒྲོལ་མ་ཕྱག་འཚལ་ཉེར་གཅིག །གཉིས་ ― LT34_Page_0338 ―
[མ་དཔེ་གཟིགས་ན་འདིར་གནོན།]
པར་སྨན་བླ་མཆེད་བརྒྱད། གསུམ་པར་འཕགས་པ་ལ་བྱ་སྤྱོད་ཀྱི་ལྷ་མང་པོས་བསྐོར་བཞལ་གཟིགས། དབང་བསྐུར་བྱིན་གྱིས་བརླབས། བུ་ཁྱོད་དད་ཟས་དང་གཤིན་ཟས་མ་ཟ་བར་རི་ཁྲོད་དབེན་པ་བསྟེན་ལ་ནུས་ན་བཅུད་ལེན་གྱིས། མི་ནུས་ན་བསོད་སྙོམས་གྱིས་ལ་སེམས་ཅན་གྱི་དོན་མཛོད་ཅེས་ལུང་བསྟན། དེར་བླ་མའི་བཀའ་ལྟར་གདན་ས་ལོ་གསུམ་མཛད་གྲུབ་འཕྲལ་ན་བཟའ་དང་བཞུགས་གདན་ཡོད་པ་སྤངས་དག་མཛད། ལུང་པའི་ཕུ་རྫ་གསེབས་ཞིག་ཏུ་སུས་ཀྱང་མ་མཐོང་བར་སྨྱུང་གནས་ཟླ་བ་གསུམ་མཛད་པས་ཚད་ནད་དྲག་པོ་ཞག་བདུན་ཏུ་བྱུང་སྟེ། ད་རང་ཤིའམ་སྙམ་པར་ཐོ་རངས་རྣལ་ཟ་ཟི་ཞིག་ལ་སྤྱན་རས་གཟིགས་ཀྱིས། ཁྱོད་ཀྱི་སྐྱེ་བ་མང་པོའི་གོང་རྒྱ་གར་དུ་ཉ་པ་ཞིག་ལ་སྐྱེས་ཏེ་ཉ་རྣམས་གསོན་པོར་ཆུ་ཚན་ཏུ་བཙོས་ནས་ཟོས་པས་ཆུ་ཚན་ཁོལ་མའི་དམྱལ་བར་ལོ་གྲངས་དུང་ཕྱུར་སྡུག་བསྔལ་མྱོང་བའི་ཚེ་བདག་གི་འོད་ཀྱིས་རེག་པས་མིར་སྐྱེས་ནས་སྐྱེ་བ་བཅུ་དྲུག་བརྒྱུད་པའི་ཚེ་ངལ་འབྲེལ་བ་བཞག་པས་ད་རེས་རྗེས་སུ་བཟུང་ཞིང་ནད་འདིས་སྒྲིབ་པའི་ལྷག་མ་དག་པ་ཡིན་གསུངས་ཏེ་ཕྱག་གིས་བྱབ་པས་སྙུན་ལས་གྲོལ། དེ་ནས་ཀྱང་དཀའ་བ་ ― LT34_Page_0339 ―
[མ་དཔེ་གཟིགས་ན་འདིར་གནོན།]
སྤྱད་དྲག་བས་རླུང་ལངས་ཏེ་ཞག་བདུན་ཅུ་ཐུགས་དྲན་མ་བྱུང་བ་ལ་སྤེན་མའི་ཐལ་བ་ཆུར་བསྐོལ་བ་དང་། རེས་ཟ་ཚོད། རེས་ལུག་རྫིའི་སྣབ་ལུད་སྐམ་པོས་ཀྱང་རླུང་ནོན་མཛད། ཆུ་ཐིགས་གཅིག་ཀྱང་མ་གསོལ་བར་ཟླ་བ་བདུན་བཞུགས་པ་སོགས་ལོ་གསུམ་ལ་དཀའ་བ་སྤྱད་ནས་འཕགས་པའི་བསྐྱེད་རྫོགས་བསྒོམས་པས་གྲུབ་པ་བརྙེས་ཏེ་མཁའ་ལ་འཕུར་བ་དང་། ཆུ་བོ་གྱེན་དུ་ཟློག་པ་སོགས་རྫུ་འཕྲུལ་ལ་མ་ཟུང་དུ་མ་བསྟན། །གཤེགས་པའི་ཚེ་རིང་བསྲེལ་བྲེ་དོ་དང་ཐུགས་ལྗགས་བྱོན་པ་གདུང་རྟེན་གཉིས་སུ་བཞུགས་སོ།། ༈ །།བྱང་པ་མཁན་ཆེན་རྩི་འདུལ་བ་ནི། གཞོན་ནུ་ནས་རབ་ཏུ་བྱུང་ཞིང་བྱམས་ཆོས་གཙོ་བོར་གྱུར་པའི་ཆོས་ལ་སྦྱངས་པ་ཤིན་ཏུ་ཆེ་བས་མཁས་ཤིང་བཙུན་པའི་མཐར་ཐུག །མཚན་ཐུགས་རྗེ་བྱང་ཆུབ་ཏུ་གྲགས། ཚུལ་ཁྲིམས་ཀྱི་དྲི་དྲོ་ལམ་རེར་ཁྱབ། སྐུ་བསོད་ཆེ་བས་གྲྭ་པ་སྟོང་ཕྲག་རེ་འདུས་པའི་དགེ་འདུན་གྱི་སྡེ་འཛུག་པ་སོགས་དགེ་བ་རླབས་ཆེན་དུ་མ་མཛད། སྒྲོལ་མས་ལུང་བསྟན་པ་ལྟར་མདོག་སློད་དུ་ཞང་སྟོན་རིན་པོ་ཆེ་ལས་བཅུ་གཅིག་ཞལ་གྱི་སྒྲུབ་ཐབས་ཞུས་ཏེ་སྨྱུང་གནས་སྟོང་ཕྲག་གཅིག་དམ་བཅའ་མཛད་ནས་ ― LT34_Page_0340 ―
[མ་དཔེ་གཟིགས་ན་འདིར་གནོན།]
སུམ་བརྒྱ་སོང་བའི་ས་ག་ཟླ་བའི་བཅོ་ལྔའི་ཉིན་ཕྱག་སྟོང་སྤྱན་སྟོང་ཞལ་གཟིགས་ཤིང་བྱིན་གྱིས་བརླབས་ནས་གྲུབ་པ་བརྙེས། སེམས་ཅན་དུ་མ་སྨིན་གྲོལ་ལ་བཀོད། གཤེགས་མ་ཐག་ཏུ་བྱམས་པའི་དྲུང་ནས་བདེ་བ་ཅན་དུ་ཕེབ་པར་གྲགས་པ་སོགས་ངོ་མཚར་བའི་རྣམ་ཐར་བརྗོད་ལས་འདས་སོ།། ༈ །།ཆོས་རྒྱལ་བདེ་བ་ཅན་པ་ནི། འཁྲུངས་ཡུལ་མདོག་སློད། མཚན་ཤཱཀྱ་བྱང་ཆུབ། རབ་ཏུ་བྱུང་ནས་ཐོས་བསམ་བརྩོན་ཞིང་ཁྱད་པར་འདུལ་བ་ལ་མཁས། སྨན་བླ་དང་སྒྲོལ་མ་ལ་ཐུགས་དམ་མཛད་པས་འཕགས་མས་ལུང་བསྟན་ཏེ་རྩི་འདུལ་བའི་དྲུང་དུ་བྱོན་ནས་སྤྱན་རས་གཟིགས་ཀྱི་དབང་ཁྲིད་སྒྲུབ་ཐབས་ཞུས། གྲངས་པ་སྙེན་ཉེར་གཅིག་དེར་མཛད་ནས་སླར་ཕེབས་ཏེ་མདོག་སློད་ཀྱི་གདན་ས་བཏབ་པས་སྐུ་བསོད་སྐྱེས་ཏེ་ལོ་རེ་ལ་ཕར་འདུལ་གྱི་བཤད་གྲྭ་ཚར་ཉི་ཤུ་ཙམ་རེ་བྱུང་། སྨྱུང་གནས་སྟོང་ཕྲག་གཅིག་གི་དམ་བཅའ་མཛད་ནས་སུམ་བརྒྱ་སོང་བའི་ཚེས་བརྒྱད་ཀྱི་དངོས་གཞིའི་ནུབ་མོ་དག་སྣང་དུ་པོ་ཏ་ལར་ཕེབས། བཀོད་པའི་ཁྱད་པར་མདོ་ལས་གསུངས་པ་ལྟར་གཟིགས། འཕགས་པས་ལུང་བསྟན་བྱིན་གྱིས་བརླབས། ཏིང་ངེ་འཛིན་གྱི་སྒོ་ ― LT34_Page_0341 ―
[མ་དཔེ་གཟིགས་ན་འདིར་གནོན།]
དུ་མ་འཁྲུངས། དེ་ཕྱིན་ཆད་ནས་གྲུབ་རྟགས་མངོན་ཤེས་ལ་ཐོགས་པ་མེད་ཅིང་སེམས་ཅན་གྱི་དོན་རྒྱ་ཆེན་པོ་མཛད་དེ་ངོ་མཚར་བའི་ལྟས་དང་བཅས་རི་བོ་ཏ་ལར་གཤེགས་སོ།། ༈ །།མཁན་ཆེན་ཆུ་བཟང་པ་ནི། མུས་ལྡང་དཀར་དུ་འཁྲུངས། རབ་ཏུ་བྱུང་བའི་མཚན་བྱང་ཆུབ་འབར་ཏེ་མཁས་པའི་སྒོ་ནས་བསྟན་པའི་བྱ་བ་མཐར་ཕྱིན། འཕགས་པས་ལུང་བསྟན་པ་ལྟར་མདོག་སློད་པའི་དྲུང་དུ་སྒྲུབ་ཐབས་ཞུས། བླ་མའི་བཀའ་བཞིན་དེ་ཉིད་དུ་སྨྱུང་གནས་མཛད་པས་སུམ་བརྒྱ་སོང་བའི་ཚེས་བཅོ་ལྔའི་དངོས་གཞིའི་ནུབ་མོ་ཕྱག་སྟོང་སྤྱན་སྟོང་ལ་བཀའ་གདམས་བརྒྱུད་པས་བསྐོར་བ་ཞལ་གཟིགས། སྒྲུབ་ཡུན་རིང་ཡང་ད་བར་མ་མཇལ་བའི་ཡུས་གསོལ་བས། ཁྱོད་དང་སྐད་ཅིག་ཀྱང་མ་བྲལ་བར་ཡོད་དེ་དང་པོ་ལུང་བསྟན་པའི་དུས་གུ་འདི་བདུད་ཀྱི་སྤྲུལ་པ་ཡིན་ནམ་སྙམ་དུ་རྟོག་པ་ཟོས་པ་དེས་བསྒྲིབས་པ་ཡིན་གསུངས་ནས་བྱིན་གྱིས་བརླབས། སེམས་ཅན་དོན་དཔག་མེད་གྱིས་ཤིག་པའི་ལུང་བརྙེས་ཏེ། དེ་ནས་བཟུང་འཕགས་པ་དང་མི་འབྲལ་བར་བཞུགས་ཤིང་བསོད་སྙོམས་ལ་བརྟེན་པའི་དགེ་འདུན་སུམ་བརྒྱ་རེའི་འཚོ་བ་སྦྱར་བ་སོགས་བསྟན་འགྲོའི་ ― LT34_Page_0342 ―
[མ་དཔེ་གཟིགས་ན་འདིར་གནོན།]
དོན་མཐའ་ཡས་མཛད། སྨན་བླའི་ཆོ་གའི་ཚེ་སྨན་བླ་མཆེད་བརྒྱད་ཞལ་གཟིགས། གནོད་སྦྱིན་སྡེ་དཔོན་རྣམས་ཀྱིས་ལྷའི་བདུད་རྩི་དྲངས། གནས་ཆོག་མཛད་པ་ན་གནས་བརྟན་རྣམས་དངོས་སུ་བྱོན་པ་སོགས་ངོ་མཚར་མཐའ་ཡས། ལན་གཅིག་ཆོས་གསུངས་པའི་ཆེ། ད་སྟེ་ལོ་སུམ་བརྒྱ་ཙམ་ན་གནས་འདིར་དུས་རྟགས་གསུམ་འོང་། དེའི་ཚེ་དམ་ཆོས་འདི་སྒྲུབ་སླ་བ་ཡིན་པས་ནན་ཏན་གྱིས་ཤིག །ལས་ངན་སྡིག་པའི་ཕྱག་ཤིང་ཡིན་ནོ་གསུངས། དེ་ཞིག་ན། ད་ང་འགྲོ་བས་ངའི་རྒྱག་ལྷག་མ་གང་ཡོད་ཀྱིས་དགེ་བ་གཞན་བྱ་མི་དགོས། སྨྱུང་གནས་འཚོགས་པའི་མི་རྣམས་ལ་འབྱོར་ན་གདན་གཅིག །མ་འབྱོར་ན་ཐོང་ཐུག་རེ་དྲངས། དེའང་མ་འབྱོར་ན་མེ་ཤིང་དུམ་པ་རེའི་གཞི་གྱིས་དང་འདི་ཁོ་ན་བསོད་ནམས་ཆེ་བ་དལ་འཕགས་པས་དངོས་སུ་གསུངས་པ་ཡིན། མིའི་ཟེར་ལོ་ཙམ་མ་ཡིན། ཁོང་གིས་རྫུན་མི་གསུངས་ཞེས་སོགས་གདམས་པར་མཛད་ནས་སྐུ་གཤེགས་ཏེ་པུར་ཞག་བདུན་བཞུགས་ན་འཇའ་ལུས་སུ་ཡལ་རྒྱུ་ལ། ཞག་གསུམ་ན་བྱིས་པ་ལོ་བདུན་པའི་ཚོད་ཙམ་གྱུར་པ་བུ་ཆེན་ཞིག་གིས་མཐོང་སྟེ་རྟེན་སྐལ་མ་ཐོབ་དགོས་ ― LT34_Page_0343 ―
[མ་དཔེ་གཟིགས་ན་འདིར་གནོན།]
པས་སྐུ་གདུང་བཞུས་པ་རིང་བསྲེལ་གྱི་ཕུང་པོར་གྱུར་ཏོ།། ༈ །།ཆོས་རྗེ་ཤེས་རབ་འབུམ་ནི། གཙང་དུ་ཡ་མཚན་པའི་ལྟས་བཅས་སྐུ་འཁྲུངས། རབ་ཏུ་བྱུང་ནས་སློབ་གཉེར་སྦྱངས་པས་དཀའ་བཞི་མཁྱེན་ནས་གྲྭ་སྐོར་མཛད། སྔགས་རྒྱུད་དུ་མ་མཁྱེན་ཅིང་སྦྱོར་དྲུག་བསྒོམས་པས་རྟགས་བཅུ་རྫོགས། མངོན་ཤེས་ལྔ་ཐོབ་པར་གྲགས་འཇམ་དཔལ་དམར་པོ་ཞལ་གཟིགས། རྗེ་བཙུན་མས་ལུང་བསྟན་པ་ལྟར། ཆུ་བཟང་པ་ལས་འཕགས་པའི་སྒྲུབ་ཐབས་ཞུས་ནས་ཟླ་བ་གསུམ་སྨྱུང་གནས་མཛད་པས་བཅུ་གཅིག་ཞལ་ལ་འཇིགས་པ་བརྒྱད་སྐྱོབས་ཀྱིས་བསྐོར་བ་གཟིགས་ཏེ། དེ་ནས་བཟུང་འཕགས་པ་དང་འབྲལ་མེད་དུ་གྱུར། ཤེས་རབ་ཀྱི་རྩལ་ཤིན་ཏུ་ཆེ་ཞིང་བཤད་སྒྲུབ་ཀྱི་སྒོ་ནས་བསྟན་འགྲོའི་དོན་དཔག་མེད་མཛད་དེ་གཤེགས་པའི་ཚེ་ན་ཡང་ངོ་མཚར་བའི་ལྟས་དུ་མ་བྱུང་ངོ་།། ༈ །།རྒྱལ་སྲས་རིན་པོ་ཆེ་ཐོགས་མེད་ཞབས་ནི། གཙང་བྲག་སྐྱར་ས་གཡོ་ཞིང་མེ་ཏོག་གི་ཆར་བབ་པ་སོགས་ངོ་མཚར་དང་བཅས་ཏེ་སྐུ་བལྟམས། བརྡ་འཕྲོད་ཙམ་ཉིད་ནས་བདག་ལས་གཞན་གཅེས་ཀྱི་ཐུགས་བཅོས་མིན་ཏུ་འཁྲུངས། སྐབས་ཤིག་ཕྱུགས་ ― LT34_Page_0344 ―
[མ་དཔེ་གཟིགས་ན་འདིར་གནོན།]
ལུག་སྐྱོང་བཞིན་པར་སྔོན་གྱི་ལས་འཕྲོ་སད་དེ་ཆོས་བྲོས་ལ་བྱོན། བསླབ་སྦྱང་ཆེར་མཛད། རབ་ཏུ་བྱུང་བའི་ཚེ་ནའང་མེ་ཏོག་གི་ཆར་སོགས་ལྟས་ཡ་མཚན་དུ་མ་བྱུང་། མཚན་བཟང་པོ་དཔལ་དུ་གསོལ། དབུ་ཕར་འདུལ་མཛོད་ཀྱི་གཞུང་མཐའ་དག་ཐུགས་སུ་ཆུད་ཅིང་རིག་པའི་གྲགས་པས་ཁྱབ་སྟེ་བོ་དོང་ཨེའི་གདན་ས་མཛད། ས་སྐྱ་དཔལ་ལྡན་བླ་མ། བུ་དོལ་གཉིས། སངས་རྒྱས་དབོན། རིན་ཆེན་གླིང་པ། དཔང་ལོ་ཆེན་པོ་སོགས་བླ་མ་བཞི་བཅུ་ཙམ་བསྟེན་ནས་རྒྱ་ཆོས་བོད་དུ་འགྱུར་བ་གངས་ཅན་དུ་ཡོད་དོ་ཅོག་གསན་པ་མཐར་ཕྱིན། འགྲན་ཟླ་བྲལ་བའི་ཡོངས་འཛིན་གཉིས་ལས་མཁན་ཆེན་བསོད་ནམས་གྲགས་ལ་ཐེག་ཆེན་བློ་སྦྱོང་ཞུས་ཏེ་བསྒོམས་པས་བྱང་ཆུབ་ཀྱི་སེམས་རྣམ་གཉིས་གཞུང་ལས་ཇི་སྐད་བཤད་པ་དེ་ཐུགས་སུ་འཁྲུངས་ནས། མཛེ་སྤྲང་བྱུང་ཚད་ཀྱི་ཤིག་ནད། ནད་གདོན་ཟུག་གཟེར་ལ་སོགས་སྙིང་རྗེ་བའི་སེམས་ཅན་གཟིགས་སོ་ཅོག་གི་སྡུག་བསྔལ་དེ་ཉིད་དུ་དངོས་སུ་བཞེས་ཤིང་སེམས་ཅན་དེ་དག་འདི་ཕྱི་གཉིས་ཀའི་སྡུག་བསྔལ་ལས་གྲོལ་བར་མཛད། ཐུགས་བསྐྱེད་ཆེན་མོ་གསན་པའི་ཚེ་ས་གཡོས་འཇའ་འོད་སོགས་ཡ་མཚན་དཔག་མེད་བྱུང་། ཆོས་ ― LT34_Page_0345 ―
[མ་དཔེ་གཟིགས་ན་འདིར་གནོན།]
རྗེ་ཤེས་རབ་འབུམ་པ་ལས་སྦྱོར་དྲུག་གསན་པས་རྟགས་བཅུ་ཡོན་ཏན་བརྒྱད་རྫོགས་ཏེ་གྲུབ་རྟགས་ཐོན་ཀྱང་། བླ་མས་འཕགས་པ་བཅུ་གཅིག་ཞལ་ཉིད་སྐྱེ་བ་དུ་མའི་ལྷ་སྐལ་དུ་དགོངས་ནས་ཀླུ་སྒྲུབ། ཙནྡྲ་གོ་མཱི། དཔལ་མོ་སོགས་ལུགས་སྲོལ་དུ་མའི་དབང་ཁྲིད་སྒྲུབ་ཐབས་གནང་། གདན་སའི་ཆོས་དཔོན་ཀྱང་དཔང་ལོ་ཆེན་པོར་ཞུས་ནས་དགུང་ལོ་ཞེ་གསུམ་པ་ལ་དངུལ་ཆུ་ཆོས་རྫོང་གི་དབེན་པར་གཤེགས་ཏེ་ཉེ་གནས་མ་གཏོགས་སུ་ཡང་མི་མཇལ་ངའི་སྐུ་མཚམས་ལོ་ཉི་ཤུ་ལ་སྨྱུང་གནས་དང་བློ་སྦྱོང་གཙོ་བོར་གྱུར་བའི་ཉམས་བཞེས་དང་། ཉིན་རེ་ཕྱག་བསྐོར་བརྒྱ་རྩ་རེ་སོགས་མདོ་སྔགས་ཆོས་སྤྱོད་བཅད་ཁྲིགས་ཀྱང་ཕལ་པའི་བློས་མི་འཁྱུད་པ་མཛད་པས་ཟླ་བ་དྲུག་ནས་ཞལ་བཅུ་གཅིག་པ་ལ། དོན་ཞགས་ལྷ་ལྔ་སོགས་སྤྱན་རས་གཟིགས་ཀྱི་ལྷ་ཚོགས་དཔག་ཏུ་མེད་པས་བསྐོར་བ་ཞལ་གཟིགས་ཤིང་བྱིན་གྱིས་བརླབས་པས་འཕགས་པ་དང་དབྱེར་མི་ཕྱེད་པའི་སྟོང་ཉིད་སྙིང་རྗེ་ཁྱད་པར་ཅན་འཁྲུངས་ཏེ། རྗེ་རང་བྱུང་བའི་བུ་ཆེན་ཏྲེའོ་རྟོགས་ལྡན་གྱིས། ཐུགས་རྗེ་ཆེན་པོ་བྱས་ཀྱང་གྱང་ལ་བྲིས་པའི་དཀར་པོ་དེ་ལ་ཟེར་བ་མིན། །སེམས་ཅན་ཐམས་ཅད་ལ་བུ་གཅིག་ ― LT34_Page_0346 ―
[མ་དཔེ་གཟིགས་ན་འདིར་གནོན།]
བ་ལྟ་བུའི་འདུ་ཤེས་མངའ་ཞིང་སྟོང་ཉིད་སྙིང་རྗེ་ཀློང་དུ་གྱུར་པ་རྒྱལ་སྲས་ཐོགས་མེད་འདྲ་བ་ལ་ཟེར་བ་ཡིན་ཞེས་གསུངས་པས་མཚོན་ནོ། །རྟག་ཏུ་རང་སྐྱོན་ཁོ་ནར་རྟོག་ཅིང་གཞན་སྐྱོན་མི་རྟོག་པས་མཆོག་དམན་ཀུན་གྱི་ཡོན་ཏན་གླེང་བ་འབའ་ཞིག་ལྷུར་མཛད། ཆོས་བརྒྱད་གཏན་ནས་མི་མངའ། བྱམས་པའི་མཐུ་ཡིས་དྲུང་དང་ཉེ་བའི་མ་ཕྱུགས་ཐམས་ཅད་རང་བཞིན་གྱིས་དུལ་ཏེ། རི་དྭགས་དང་གཅན་གཟན། བྱིའུ་དང་བྱི་ལ། ཁྱི་དང་སྤྲང་པོ་སོགས་ཀྱང་ཕན་ཚུན་གཅིག་གིས་གཅིག་ལ་སྡང་བའི་སེམས་བརྗེད་པ་ལྟར་འབོལ་ཤིག་གི་འགྲོ། བཞུགས་གདན་ན་བཟའ་ཚུན་ཆད་ཀྱང་གཞན་ལ་སྟེར་བ་སོགས་ཕར་ཕྱིན་དྲུག་ལ་ཆད་མེད་དུ་སྤྱོད་དེ། མདོར་ན། །བརྩེ་དང་སྙན་པར་སྨྲ་བ་དང་། །བརྟན་པ་ཉིད་དང་ལག་བརྒྱད་དང་། །དགོངས་པ་ཟབ་མོ་ངེས་འགྲེལ་བ། །འདི་དག་བློ་ལྡན་རྣམས་ཀྱི་རྟགས། ཞེས་པ་མངོན་དུ་གྱུར། སེམས་བསྐྱེད་སོགས་ཆོས་གར་གསུང་དུ་མེ་ཏོག་གི་ཆར་ཆེན་པོ་རྟག་ཏུ་བབ། ཞལ་ནས། ཇོ་བོ་ཡབ་སྲས་ཀྱི་དུས་སུ་སེམས་བསྐྱེད་ཀྱི་ཆོས་འདི་བཀའ་དོགས་པས་དུས་ཕྱིས་ཀྱང་འདི་འབོག་པ་ཉུང་བས་བྱང་ཆུབ་སེམས་རྒྱུད་ལ་སྐྱེས་པ་མང་པོ་མ་ ― LT34_Page_0347 ―
[མ་དཔེ་གཟིགས་ན་འདིར་གནོན།]
བྱུང་། དེ་ནས་བཀའ་ཡང་དུ་བཏང་བ་ཡིན་པས་ཉིད་ཅག་འབོག་ནུས་པ་ཀུན་གྱིས་ཕོག་ཅིག་ཅེས་གསུངས། ན་བཟའ་དང་གཟིམས་ཁང་དུ་ཚུལ་ཁྲིམས་ཀྱི་དྲིས་ཁྱབ། བཤེས་གཉེན་དང་བུ་སློབ་དུ་མས་ཐུགས་རྗེ་ཆེན་པོའི་སྐུར་ཡང་ཡང་མཇལ། རྨི་ལམ་སྒྱུ་ལུས་མངོན་ཤེས་རྣམས་ལ་དབང་ཐོབ། སོ་ཐར་དང་བྱང་སེམས་ཀྱི་སྡོམ་པ་ལོག་པ། འཆད་རྩོམ་མཛད་པ། དབེན་པ་བསྟེན་པ། གྲུབ་ཐོབ་ཀྱི་སློབ་མ་ཐོན་པ་སོགས་རེ་རེ་ལ་བལྟས་ཀྱང་སྐུ་ཚེ་རིལ་པོར་དེ་ཁོ་ན་མཛད་པ་འདྲ་བར་ཡོད། སྐབས་དེའི་བོད་ཀྱི་ཆེ་དགུ་དང་། སྐད་རིགས་མི་གཅིག་པའི་སྐྱེ་བོ་གྲངས་ལས་འདས་པ་མཐོང་ཐོས་དྲན་རེག་ཐམས་ཅད་བྱང་ཆུབ་ཀྱི་སར་སྨིན་པ་དང་གྲོལ་བར་མཛད་ནས་བྱ་ལོ་ཟླ་བ་དགུ་པའི་ཚེས་ཉི་ཤུའི་དགོངས་མོར་ཆོ་འཕྲུལ་མཐའ་ཡས་པ་བསྟན་ཏེ་འཕགས་པའི་ཐུགས་ཀར་ཐིམ་མོ། །རྗེ་དེ་ལ་མཁས་གྲུབ་ཀྱི་སློབ་མ་བསམ་གྱིས་མི་ཁྱབ་པ་བྱོན་པའི་ནང་ནས་ཇོ་གདན་དཀོན་མཆོག་བཟང་པོ་ནས་སྙག་པུ་མཁན་ཆེན་སོགས་བརྒྱུད་དེ། གར་དབང་ལྔ་པའི་ཡིག་ཆ་ལ་ཆགས་མེད་ཞབས་ཀྱིས་གསལ་ཀ་མཛད་པ་ཀཾ་ཚང་ལུགས་སྲོལ་ད་ལྟའང་རྒྱུན་བཞུགས་པ་སོགས་བོད་གངས་ཅན་ ― LT34_Page_0348 ―
[མ་དཔེ་གཟིགས་ན་འདིར་གནོན།]
གྱི་གྲུབ་མཐའ་ཀུན་ལ་རྒྱལ་སྲས་ཞབས་ཀྱི་སློབ་ཚོགས་ལས་གྱེས་པའི་རྒྱུན་ཁོ་ན་དར་ཆེ་ཞིང་། རྗེ་རིག་པ་འཛིན་པའི་ཡིག་ཆ་ནི་ཇོ་ནང་གི་སྲོལ་ཀ་དང་འབྲེལ་བ་སྟེ། དེ་ནི་བྲག་དཀར་སེམས་དཔའ་ཆེན་པོ་བསོད་ནམས་རིན་ཆེན་ཡབ་སྲས་ནས་འཇམ་མགོན་གྲོལ་མཆོག་དང་། ཀུན་སྙིང་སོགས་མཁས་གྲུབ་ཀྱི་སྐྱེས་བུ་ཆེས་ཆེ་བ་དག་ལས་བརྒྱུད་པ་སྟེ། རྣམ་ཐར་ནི་སྨོས་ཀྱིས་མ་ལོངས་ལ། ད་ལྟའི་བར་དུ་བྱིན་རླབས་ཀྱི་ཚན་ཁ་མ་ཉམས་པ་ཤེས་པར་བྱའོ། །གསུམ་པ་ལས་སྒྲུབ་པའི་དུས་ནི། སྤྱིར་གོང་གསལ་གྱི་ཟླ་ཞག་འགྱུར་ཁྱད་ཅན་རྣམས་སྐབས་སུ་གང་བབས་ཀྱང་རུང་ལ། ཁྱད་པར་ས་ག་ཟླ་བར་དཔལ་མོ་ཉིད་དང་། བརྒྱུད་པའི་བླ་མ་ཕལ་ཆེར་ཀྱང་གྲུབ་པ་བརྙེས་ནས་བྱིན་གྱིས་བརླབས་པའི་དུས་ཁྱད་པར་ཅན་ཡིན་པས་དེར་སྨྱུང་གནས་ཀྱིས་ན་བར་ཆད་མི་འབྱུང་ཞིང་དངོས་གྲུབ་མྱུར་བར་གསུངས། བསྙེན་པའི་ཚད་ལ་དུས་བསྙེན་ནི། སྨྱུང་གནས་ལན་བརྒྱད་ལ་སྔོན་དངོས་རྗེས་དང་འབྲེལ་བའི་ཉིན་ཞག་ཕྱེད་དང་བཅུ་བདུན་ཏེ་དེང་སང་དཀར་པོ་ཆ་བརྒྱད་དུ་གགས་པ་འདིའོ། །གྲངས་བསྙེན་ནི་གཟུངས་རིང་ཁྲི་ཕྲག་བཞི། གཟུངས་ཐུང་འབུམ་ཕྲག་གཅིག །སྙིང་པོ་ ― LT34_Page_0349 ―
[མ་དཔེ་གཟིགས་ན་འདིར་གནོན།]
འབུམ་ཕྲག་དྲུག །ཡིད་བཞིན་འཁོར་ལོའི་གཟུངས་སྟོང་ཕྲག་གཅིག །ས་བཅུ་པ་དང་སྒོ་མཐའ་ཡས་པའི་གཟུངས་ཅི་རིགས་བཟླ་བར་གསུངས་སོ། །རྟགས་ཀྱི་བསྙེན་པ་ནི་བརྒྱུད་པའི་རྣམ་ཐར་དུ་གསལ་བ་ལྟར་མཚན་མ་མ་བརྙེས་བར་དུ་སྟེ་གྲངས་ངེས་མེད་དོ། །བཞི་པ་དེ་ལྟར་བསྒྲུབས་པའི་ཕན་ཡོན་ལའང་། དང་པོ་འཕགས་པས་དམ་བཅས་པའི་གནད་ཀྱིས་འབྲེལ་པ་བཞག་ན་མི་བསླུ་བའི་ཚུལ་ནི་ཕྱག་སྟོང་སྤྱན་སྟོང་ཐུགས་རྗེ་ཐོགས་པ་མི་མངའ་བའི་གཟུངས་ལས། བཅོམ་ལྡན་འདས་སེམས་ཅན་གང་ལ་ལ་ཞིག་ཐུགས་རྗེ་ཆེན་པོའི་རིགས་སྔགས་འདི་འདོན་ཅིང་ཡོངས་སུ་འཛིན་པ་དག་གལ་ཏེ་ངན་འགྲོ་གསུམ་པོ་དག་ཏུ་ལྟུང་བར་གྱུར་ན། བདག་ནམ་ཡང་མངོན་པར་རྫོགས་པར་འཚང་རྒྱ་བར་མི་བགྱིའོ། །དེ་བཞིན་དུ། གལ་ཏེ་སངས་རྒྱས་ཀྱི་ཞིང་ཁམས་རྣམས་སུ་སྐྱེ་བར་མ་གྱུར་ན་བདག་ནམ་ཡང་མངོན་པར་རྫོགས་པར་འཚང་རྒྱ་བར་མི་བགྱིའོ། །གལ་ཏེ་ཏིང་འཛིན་དང་སྤོབས་པ་ཚད་མ་མཆིས་པ་སྙེད་ཐོབ་པར་མ་གྱུར་ན་བདག་ནམ་ཡང་མངོན་པར་རྫོགས་པར་འཚང་རྒྱ་བར་མི་བགྱིའོ། །གལ་ཏེ་ཚེ་འདི་ཉིད་ལ་སྨོན་པ་ཐམས་ཅད་ཇི་ལྟར་སྨོན་པ་བཞིན་དུ་གྲུབ་པར་མ་ ― LT34_Page_0350 ―
[མ་དཔེ་གཟིགས་ན་འདིར་གནོན།]
གྱུར་ན་སྙིང་རྗེ་ཆེན་པོའི་སེམས་ཀྱི་གཟུངས་ཞེས་མི་བགྱི་ལགས་ཏེ། མི་དགེ་བ་རྣམས་དང་། སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ལགས་སོ། །བུད་མེད་གང་ལ་ལ་ཞིག་བུད་མེད་ཀྱི་ལུས་ཀྱིས་ཡོངས་སུ་སྐྱོ་ནས་སྐྱེས་པའི་ལུས་ཐོབ་པར་འཚལ་བ་གང་ལགས་པ་དེས་ཐུགས་རྗེ་ཆེན་པོའི་སེམས་ཀྱི་གཟུངས་ཀྱི་ཚིག་འདི་འདོན་ཅིང་ཡོངས་སུ་བཟུང་བས་གལ་ཏེ་བུད་མེད་ཀྱི་དངོས་པོ་ལས་ཡོངས་སུ་གྱུར་ཏེ། སྐྱེས་པའི་ལུས་ཐོབ་པར་མ་གྱུར་ན་བདག་ནམ་ཡང་མངོན་པར་རྫོགས་པར་འཚང་རྒྱ་བར་མི་བགྱིའོ། །ཐེ་ཚོམ་ཀྱི་བསམ་པ་ཅུང་ཟད་ཅིག་བསྐྱེད་པར་གྱུར་ན་གདོན་མི་འཚལ་བར་གང་སྨོན་པའི་འབྲས་བུ་དེ་མངོན་པར་འགྲུབ་པར་མི་འགྱུར་ལགས་སོ། །སེམས་ཅན་གང་ལ་ལ་ཞིག་དགེ་འདུན་གྱི་ཞལ་ཟས་དང་དཀོར་འཕྲོག་ཅིང་ཆུད་གསོན་པ་གང་ལགས་པ་དེ་དག་ནི་སངས་རྒྱས་སྟོང་འཇིག་རྟེན་དུ་བྱུང་བ་དག་ལ་འགྱོད་པས་མཐོལ་ཞིང་བཤགས་ནའང་འབྱང་ཞིང་ཚངས་པར་མི་འགྱུར་མོད་ཀྱི། འོན་ཀྱང་ཐུགས་རྗེ་ཆེན་པོའི་རིགས་སྔགས་འདི་བཏོན་པ་ཙམ་གྱིས་དེ་དག་ཡོངས་སུ་འབྱང་བར་འགྱུར་བ་ལགས་ཏེ། དཀོན་མཆོག་གསུམ་གྱི་ཞལ་ཟས་དང་། དཀོན་ ― LT34_Page_0351 ―
[མ་དཔེ་གཟིགས་ན་འདིར་གནོན།]
མཆོག་གསུམ་གྱི་དཀོར་ནོར་འཕྲོག་ཅིང་ཆུད་གསོན་པ་དེ་དག་ནི་ཕྱོགས་བཅུའི་སྟོན་པ་རྣམས་མངོན་སུམ་དུ་གྱུར་པའི་སྤྱན་སྔར་བཤགས་ན་གདོད་ཡོངས་སུ་འབྱང་བར་འགྱུར་ལགས་ལ། ཐུགས་རྗེ་ཆེན་པོའི་གཟུངས་འདི་འདོན་པའི་ཚེ་ཕྱོགས་བཅུའི་སྟོན་པ་རྣམས་དེར་གཤེགས་ནས་དབང་མཛད་པར་འགྱུར་བས་ཁ་ན་མ་ཐོ་བའི་སྒྲིབ་པ་དེ་དག་ཐམས་ཅད་ཀྱང་ཡོངས་སུ་འབྱང་བར་འགྱུར། མི་དགེ་བ་བཅུ་དང་། མཚམས་མ་མཆིས་པ་ལྔ་དང་། གང་ཟག་ལ་སྐུར་པ་བཏབ་པ་དང་། གསོ་སྦྱོང་བཤིགས་པ་དང་། ཚུལ་ཁྲིམས་བཤིགས་པ་དང་། མཆོད་རྟེན་བཤིགས་པ་དང་། གཙུག་ལག་ཁང་བཤིགས་པ་ཐམས་ཅད་དང་། དགེ་འདུན་གྱི་དཀོར་བརྐུས་པ་དང་། ཡོངས་སུ་དག་པའི་ཚངས་པར་སྤྱོད་པ་སུན་བར་བགྱིས་པ་འདི་ལྟ་བུ་ལ་སོགས་པ་སྡིག་པའི་ལས་ལྕི་བ་ཐམས་ཅད་ཡོངས་སུ་འབྱང་བར་འགྱུར་ལགས་སོ། །རིགས་སྔགས་འདི་ལ་ཐེ་ཚོམ་འཚལ་བའི་དངོས་པོ་གཅིག་ནི་མ་གཏོགས་ཏེ། ཐེ་ཚོམ་འཚལ་བར་གྱུར་ན་ཐ་ན་ཁ་ན་མ་ཐོ་བ་ཆུང་ངུའི་ལས་ཡང་བ་ཙམ་ཡང་ཡོངས་སུ་འབྱང་བར་མི་འགྱུར་ན་ཁ་ན་མ་ཐོ་བ་ལྕི་བ་ལྟོ་སྨོས་ཀྱང་ ― LT34_Page_0352 ―
[མ་དཔེ་གཟིགས་ན་འདིར་གནོན།]
ཅི་འཚལ་ལགས། ཁ་ན་མ་ཐོ་བ་ལྕི་བ་དག་ཡོངས་སུ་འབྱང་བར་མི་འགྱུར་མོད་ཀྱི། འོན་ཀྱང་བྱང་ཆུབ་ཀྱི་རིང་བའི་རྒྱུ་ནི་བགྱིད་པར་འགྱུར་ལགས་སོ། །ཞེས་དང་། གཞན་ལས་ཀྱང་འདི་སྐད་དུ། འཁོར་བའི་བརྩོན་དོང་ཉམ་ང་བར་གནས་པའི་སེམས་ཅན་འདི་རྣམས་བདག་གིས་དྲངས་ནས་བླ་ན་མེད་པའི་བྱང་ཆུབ་ཏུ་བཀོད་པར་བགྱིའོ། །འཁོར་བ་དོང་སྤྲུག་གི་ཕྲིན་ལས་བསྒྲུབ་པར་བགྱིའོ། །བདག་གི་གདོང་བཅུ་གཅིག་གིས་རྟག་ཏུ་ལྟ་ཞིང་ལག་པ་སྟོང་གིས་བྱབས་པར་བགྱིའོ། །རིགས་ཀྱི་བུའམ། རིགས་ཀྱི་བུ་མོ་གང་དག་ཆོས་བརྒྱད་དམ་བཅོ་ལྔའི་དུས་ལ་བབ་པའི་ཚེ། བསྙུང་བར་གནས་པའམ། བསྙེན་གནས་ལ་གནས་པ་དག་གིས་ཀྱང་རུང་སྟེ། བདག་གི་མིང་ནས་བརྒྱ་རྩ་བརྒྱད་ཀྱི་བར་དུ་བརྗོད་ཅིང་ཕྱག་འཚལ་བར་བྱེད། ཡིད་ལ་སེམས་པར་བྱེད་ན། སེམས་ཅན་དེས་མཚམས་མེད་པ་ལྔའི་ལས་བྱས་ཀྱང་། དེ་རེས་པར་དྲངས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་བགྱིའོ། །ཡིད་ལ་སེམས་པར་བྱེད་ན། སེམས་ཅན་དེས་འཚམས་མེད་པ་ལྔའི་ལས་བྱས་ཀྱང་ངེས་པར་དྲངས་ནས་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་བགྱི་སྟེ། ― LT34_Page_0353 ―
[མ་དཔེ་གཟིགས་ན་འདིར་གནོན།]
ངན་སོང་དང་ངན་འགྲོར་འགྲོ་བའི་གནས་མ་མཆིས་གོ་སྐབས་མ་མཆིས་སོ། །གལ་ཏེ་སེམས་ཅན་དེ་ངན་འགྲོར་སོང་ན། བདག་བླ་ན་མེད་པའི་བྱང་ཆུབ་ཏུ་འཚང་རྒྱ་བར་མི་འགྱུར་རོ། །ཞེས་དམ་བཅས་ཏེ། འཕགས་པ་རྣམས་ནི་བདེན་ཚིག་གྲུབ་པས་ནམ་མཁའ་གཞན་དུ་གྱུར་ཀྱང་དམ་བཅས་པ་མི་བསླུ་བ་དང་། ངེས་པར་སྨོན་ལམ་འགྲུབ་པ་དབང་བཅུ་བརྙེས་པའི་ཡོན་ཏན་ནོ། །གཉིས་པ་སངས་རྒྱས་གཞན་ལས་ཀྱང་སྤྱན་རས་གཟིགས་ཐུགས་རྗེ་ཆེ་སྟེ། ཞལ་བཅུ་གཅིག་པའི་གཟུངས་ལས། གང་ལ་ལ་ཞིག་གིས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་དུ་མའི་མཚན་ནས་བརྗོད་ཅིང་ཡིད་ལ་བསམས་པ་དང་། གཞན་ཡང་འགའ་ཞིག་གིས་སྐད་ཅིག་གཅིག་ཙམ་དུ་བསམ་པ་ཐག་པ་ནས། བདག་གི་མིང་ནས་བརྗོད་ཅིང་རྗེས་སུ་དྲན་པར་གྱུར་ན་དེ་གཉིས་ཀྱི་ཡོན་ཏན་མཉམ་ཞིང་མཚུངས་ལགས་སོ། །བདག་གི་མིང་ནས་བརྗོད་པ་དེ་དག་ཐམས་ཅད་ཀྱང་ཕྱིར་མི་ལྡོག་པའི་ས་འཐོབ་པར་འགྱུར། བྲོ་ནད་ཐམས་ཅད་དང་བྲལ་བར་འགྱུར། སྒྲིབ་པ་ཐམས་ཅད་དང་འཇིགས་པ་ཐམས་ཅད་ལས་ཐར་བར་འགྱུར། ལུས་དང་ངག་དང་ཡིད་ཀྱི་ནོངས་པ་ཞུ། བྱང་བར་འགྱུར་ ― LT34_Page_0354 ―
[མ་དཔེ་གཟིགས་ན་འདིར་གནོན།]
ན་བདག་གིས་བསྟན་པའི་རིགས་སྔགས་འདི། ལེན་པ་དང་། འཛིན་པ་དང་། ཀློག་པ་དང་། འདོན་པ་དང་། ཅི་སྐད་བསྟན་པ་བཞིན་དུ་སྒྲུབ་པ་ལྟ་སྨོས་ཀྱང་ནི་འཚལ་ལགས་ཏེ། གང་ཟག་དེ་དག་ནི་བླ་ན་མ་མཆིས་པའི་བྱང་ཆུབ་ལག་མཐིལ་དུ་མཆིས་པ་བཞིན་དུ་ཁོང་དུ་ཆུད་ཅིང་ལེགས་པར་འགྱུར་བར་རིག་པར་བགྱི་ལགས་སོ། །ཞེས་གསུངས་ཤིང་ཁྱད་པར་སྙིགས་མའི་འགྲོ་བ་སྤྱི་དང་གངས་ཅན་གྱི་གདུལ་བྱ་ལ་བྱིན་རླབས་ལྷག་པར་མྱུར་བ་ཡོངས་སུ་གྲགས་པ་ལྟར། སྔོན་ཐུགས་བསྐྱེད་པའི་ཚེ་ནའང་། ཁྱད་པར་དུ་སྙིགས་མའི་དུས་ལྔ་བརྒྱ་ཐ་མ་པའི་སེམས་ཅན་ཉོན་མོངས་པ་རགས་ཤིང་མི་དགེ་བ་བཅུ་ལ་སྤྱོད་པ་དང་། མཚམས་མེད་པ་ལྔ་དང་། འཕགས་པ་ལ་སྐུར་པ་འདེབས་པ་དང་། ཆོས་ལ་སྐུར་པ་འདེབས་པ་དང་། མཆོད་རྟེན་དང་གཙུག་ལག་ཁང་བཤིགས་པ་དང་། ཚུལ་ཁྲིམས་འཆལ་ཞིང་ཉམས་པ་དང་། དཀོན་མཆོག་གསུམ་གྱི་ནོར་བརྐུས་པ་དང་། ཚངས་པར་སྤྱོད་པའི་དགེ་འདུན་ལ་གནོད་པ་བྱེད་པ་དང་། ཉ་པ་དང་། ཕག་པ་དང་། ཤན་པ་ལ་སོགས་པའི་སྡིག་པ་ཆེན་པོ་ལ་སྤྱོད་པ་དེ་དག་བདག་གི་མིང་བརྗོད་པ་དང་གཟུངས་སྔགས་འདྲེན་པ་དེ་དག་གི་ ― LT34_Page_0355 ―
[མ་དཔེ་གཟིགས་ན་འདིར་གནོན།]
འདྲེན་པ་མཆོག་ཏུ་གྱུར་ཅིག །སྐྱབས་དང་སྐྱོབ་པ་དམ་པར་གྱུར་ཅིག །གླིང་དང་དཔུང་གཉེན་དམ་པར་གྱུར་ཅིག །ཞེས་སོགས་དམ་བཅས་ཤིང་། སྤྱན་རས་གཟིགས་ཀྱི་རིགས་ལས་ཀྱང་བཅུ་གཅིག་ཞལ་ཉིད་རྩ་བའི་ལྷ་ཡིན་པ་དང་། མ་འོངས་སྙིགས་དུས་ཀྱི་གདུལ་བྱ་འདུལ་བར་དམ་བཅས་པས་བྱིན་རླབས་ཆེ་བ་བྱང་སེམས་པས་གསུངས་ཏེ། དེའང་ཆོ་ག་ཞིབ་མོ་ལས། འདི་ལྟར་བདག་མ་འོངས་པའི་དུས་ན། སེམས་ཅན་ལ་ཕན་པ་དང་། བདེ་བ་དང་། ཞི་བར་བགྱིད་ནུས་པར་འགྱུར་ཞེ་ན། ད་ངེས་པར་བདག་གི་ལུས་ལ་ལག་པ་སྟོང་དང་། མིག་སྟོང་ཡོངས་སུ་རྫོགས་པར་གྱུར་ཅིག །ཅེས་སྨོན་ལམ་བཏབ་པའི་མོད་ལ་ཕྱག་སྟོང་སྤྱན་སྟོང་དུ་གྱུར་ཏེ། སངས་རྒྱས་རྣམས་ཀྱིས་དབང་བསྐུར་ཞིང་ལྟས་ཆེན་པོ་བཅོ་བརྒྱད་བྱུང་བར་གསུངས་ལ། རྒྱུད་པད་དྲྭ་བ། །ཕྱིས་ནི་འདྲེན་པ་ཤཱཀྱ་ཞེས། །མི་མཇེད་འཇིག་རྟེན་ཁམས་འཁྲུངས་ཚེ། །མི་ཡུལ་ལས་ཀྱང་ཁྱད་པར་དུ། །ཡི་དྭགས་གླིང་དུ་སྐྱེས་བ་འགའ། །བསྟན་ལ་འདུད་འཕེལ་བྱ་བའི་ཕྱིར། །མཚན་མོ་མུན་ནག་སྤྲིན་རུམ་དུ། །སྐད་ཅིག་གློག་འགྱུ་ཅི་ལྟ་བར། །རིག་སྔགས་འཆང་བ་གདོང་བཅུ་གཅིག །པྲེ་ཏ་སྟེ་བོན། མཆན། ― LT34_Page_0356 ―
[མ་དཔེ་གཟིགས་ན་འདིར་གནོན།]
ཡན་ལག་སྟོང་དང་ལྡན་པ་ལ། །སྤྱན་ནི་ཆིག་སྟོང་སུམ་ཅུ་པའི། །མཚན་དང་ལྡན་པའི་སྐུ་འབྱུང་འགྱུར། །དེ་ཚེ་སྐལ་ལྡན་ལ་ལ་ཞིག །མཚན་ནས་བརྗོད་ཅིང་སྐུ་ལ་མོས། །རིག་སྔགས་ཟློས་པ་པོ་གང་ཞིག །འཇིག་རྟེན་འདོད་པ་ཀུན་འགྲུབ་ཅིང་། །ཕྱི་ནས་ཡེ་ཤེས་ཉིས་འགྱུར་རོ། །ཞེས་འདས་པའི་བསྐལ་པར་སངས་རྒྱས་ཚེ་དཔག་མེད་ཅེས་པས་མགོན་པོ་ཉིད་ལ་ལུང་བསྟན་པར་གསུངས་པའི་དགོངས་པར་སྣང་ངོ་། །གཞན་ཡང་དེ་ཉིད་ལས། །གངྒཱའི་ཀླུང་བརྒྱའི་སངས་རྒྱས་ཀྱི། །མཚན་ནས་བརྗོད་ཅིང་བསྟོད་པ་བས། །རིགས་ཀྱི་བུའམ་བུ་མོ་གང་། །བདག་གི་མིང་བརྗོད་དྲན་བྱེད་ཅིང་། །རིག་སྔགས་རྒྱུན་ཏུ་བརྗོད་ན་དེ། །མྱུར་དུ་མཆོག་དགའི་ས་ཐོབ་ཅིང་། །ལག་པའི་མཐིལ་ནས་མཐོང་བ་ལྟར། །བླ་མེད་བྱང་ཆུབ་མྱུར་དུ་འབྱུང་། ཞེས་དང་། དམ་ཆོས་པད་དཀར་དུ། གང་ཞིག་སངས་རྒྱས་གངྒཱའི་ཀླུང་དྲུག་ཅུ་རྩ་གཉིས་ཀྱི་བྱེ་མ་སྙེད་འཚོ་ཞིང་གཞེས་པ་ལ་ཡོ་བྱད་རྣམ་པ་སྣ་ཚོགས་ཀྱིས་བསྙེན་བཀུར་བྱེད་ཅིང་མཚན་ནས་བརྗོད་དེ་ཕྱག་འཚལ་བ་དང་། གང་ཞིག་སྤྱན་རས་གཟིགས་ཀྱི་མཚན་ལན་གཅིག་བརྗོད་དེ་ཕྱག་ལན་གཅིག་བྱས་པའི་བསོད་ནམས་དག་མཉམ་ ― LT34_Page_0357 ―
[མ་དཔེ་གཟིགས་ན་འདིར་གནོན།]
པར་གསུངས་ཤིང་། ཟ་མ་ཏོག་བཀོད་པར། རིགས་ཀྱི་བུ་འདི་ལྟ་སྟེ། དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་ཕྲག་བཅུ་གཉིས་དང་མཉམ་པ་ལ། ན་བཟའ་དང་། བགོས་དང་། མལ་སྟན་དང་། ན་བའི་རྐྱེན་གྱི་སྨན་གྱི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པའི་བསོད་ནམས་ཀྱི་ཕུང་པོ་ནི། བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་པོའི་སྐྲའི་ཉག་མ་གཅིག་ལ་གནས་པའི་བསོད་ནམས་དང་མཉམ་མོ། །ཞེས་གསུངས་པས་མཆོད་བསྟོད་བསྙེན་སྒྲུབ་བགྱིས་པའི་ཕན་ཡོན་ཀྱང་གཞན་ལས་ཆེས་ཆེ་བར་གྲུབ་བོ། །གསུམ་པ་མདོ་སྔགས་གཉིས་ལས་ཀྱང་སྔགས་ཀྱི་དཀྱིལ་འཁོར་འདི་ལྟ་བུར་ཞུགས་ནས་སྒྲུབ་པ་ཉིད་དངོས་གྲུབ་ཆེས་མྱུར་བས་ཁྱད་པར་འཕགས་ཚུལ་ལུང་དུ་མ་དང་། རྒྱུད་པདྨ་དྲྭ་བ་ལས་ཀྱང་། །སྔགས་དང་རྫས་དང་ཕྱག་རྒྱའི་རིམ། །སྣ་ཚོགས་ཀྱིས་ནི་དོན་མཛད་ཕྱིར། །ཐེག་པ་ཀུན་ལས་ཁྱད་པར་དུ། །སྔགས་ཀྱི་ཐེག་པ་ཁྱད་པར་འཕགས། །ནན་ཏན་སྒྲུབ་པ་སྨོས་ཅི་དགོས། །སྔགས་དང་ཕྱག་རྒྱ་འཆང་བས་ཀྱང་། །ནད་དང་གདོན་སེལ་བསྐལ་པ་ཡི། །སྒྲིབ་རྣམས་འབྱང་བས་ ― LT34_Page_0358 ―
[མ་དཔེ་གཟིགས་ན་འདིར་གནོན།]
ཁྱད་པར་འཕགས། །དབུལ་པོ་རིགས་དང་དམན་པ་ཡང་། །ཞུགས་མ་ཐག་ནས་བདེ་ལྡན་ཞིང་། །ཅུང་ཟད་གྲུབ་ནས་ནུས་མཐུ་ནི། །དཔག་མེར་འབྱུང་བས་ཁྱད་པར་འཕགས། ཞེས་གསུངས་སོ། །བཞི་པ་གཟུངས་རིང་ཐུང་བཟླས་པའི་ཕན་ཡོན་ནི། རྒྱུད་པདྨ་དྲྭ་བ་ལས། རིག་སྔགས་སྙིང་པོ་གདོང་བཅུ་གཅིག །།མཐུ་ཆེན་ཐོགས་པ་མེད་པ་སྟེ། །འགྲོ་ལ་སྨན་ཅིང་བདེ་བ་དང་། །ནད་ཀུན་སེལ་བྱེད་སྡིག་ཀུན་སྦྱོང་། །རྨི་ལམ་མཚན་མ་ངན་ཀུན་སེལ། །དུས་མིན་འཆི་དང་ངན་སེམས་ཟློག །རྩོད་འཁྲུགས་བདུད་དང་གདོན་བགེགས་ཞི། །འཇིག་རྟེན་སྨོན་པ་ཀུན་འགྲུབ་ཅིང་། །བདུད་དང་བར་ཆད་མཚོན་ཆའི་ནད། །བརྩོན་རར་བཅུག་དང་མཚོན་ཆས་བསྩལ། །ཆུ་དང་མེ་དང་རླུང་ས་གཡོས། །དུག་དང་བྱད་སྟེམས་རོ་ལངས་དང་། །ཆོམ་རྐུན་མི་མ་ཡིན་རྣམས་གནོན། །རིག་སྔགས་འདི་ཡིས་བསྲུངས་པ་དང་། །ལེན་འདྲི་ཁ་ཏོན་བཤད་སོགས་རྣམས། །བརྩོན་ལ་ལྷར་བཅས་གནོད་པ་མེད། །སྔོན་གྱི་ལས་དྲག་ཡོད་པ་ཡང་། །བྱང་ཞིང་བསྲབས་ཏེ་མེད་པར་འགྱུར། ཞེས་སོགས་དང་། །གང་གིས་སངས་རྒྱས་ཕྱག་འཚལ་མཆོད། །སྐྱབས་སུ་འགྲོ་ཞིང་སྡིག་པ་བཤགས། །མངོན་ ― LT34_Page_0359 ―
[མ་དཔེ་གཟིགས་ན་འདིར་གནོན།]
པར་དགའ་ཞིང་གསང་སྔགས་འདི། །ཉི་ཤུ་རྩ་གཅིག་བརྗོད་པ་ལ། །ཕྱོགས་བཅུའི་སངས་རྒྱས་མ་ལུས་པ། །མཚུངས་པར་ཡི་རངས་ལེགས་སོ་སྦྱིན། །རྩ་བ་བཞི་དང་མཚམས་མེད་ལྔ། །མ་ལུས་སྡིག་ཀུན་བྱང་བར་འགྱུར། །ཞེས་དང་། ཡང་། །རྟག་ཏུ་ནང་པར་སྔར་ལངས་ནས། །ཆོས་བཞིན་ཏུ་ནི་དགེ་བགྱིས་ཏེ། །བརྒྱ་རྩ་བརྒྱད་དུ་གང་བརྗོད་པ། །ཚེ་འདིར་ཕན་ཡོན་བཅུ་ཐོབ་འགྱུར། །རྟག་པར་ལུས་ལ་ནད་མེད་དང་། །ལྷ་དང་སངས་རྒྱས་ཀུན་གྱིས་སྲུང་། །ནོར་འབྲུ་རིན་ཆེན་གོས་རྙེད་དང་། །དགྲ་སྡང་དུལ་ཞིང་འཇིགས་མེད་དང་། །བཟའ་རྣམས་བཀུར་ཞིང་རིགས་བཙུན་ཐོབ། །དུག་དང་འདྲེ་གཤིན་གདོན་བྲལ་དང་། །ལུས་ལ་དྲི་ཞིམ་ཀུན་དགའ་དང་། །བསམ་ངན་མི་སྙན་རྗོད་བྱེད་དང་། །རིམས་ནད་བྲལ་ཞིང་དགད་སླ་དང་། །དུས་མིན་འཆི་བ་སངས་པར་འགྱུར། །གཞན་ཡང་ཡོན་ཏན་བཞི་ཐོབ་སྟེ། །འཆི་ཁར་སངས་རྒྱས་ཞལ་མཐོང་དང་། །མཁའ་ལ་འོད་འབྱུང་ལྷས་མཆོད་དང་། །ནམ་ཡང་ངན་འགྲོར་མི་འགྲོ་ཞིང་། །བདེ་བ་ཅན་ནམ་བདེ་འགྲོར་སྐྱི། །འདི་འཛིན་སངས་རྒྱས་བྱང་སེམས་ཀྱི། །རྣམ་པར་ཐར་པའི་ཆོས་སྒོ་འཐོབ། །ཅེས་སོགས་གསུངས་ལ། ཞལ་བཅུ་གཅིག་པའི་ ― LT34_Page_0360 ―
[མ་དཔེ་གཟིགས་ན་འདིར་གནོན།]
གཟུངས་ལས། བཅོམ་ལྡན་འདས་སྙིང་པོ་གདོང་བཅུ་གཅིག་པ་ཞེས་བྱ་བ་འདི་ནི། སངས་རྒྱས་བྱེ་བ་ཕྲག་བཅུ་གཅིག་གིས་གསུངས་པ་ལགས་ཏེ། དེ་སེམས་ཅན་ཐམས་ཅད་ལ་སྨན་པ་དང་། ནད་ཐམས་ཅད་རབ་ཏུ་ཞི་བར་བགྱིད་པ་དང་། སྡིག་པ་དང་བཀྲ་མི་ཤིས་པ་དང་རྨི་ལམ་ངན་པ་ཐམས་ཅད་ཟློག་པར་བགྱིད་པ་དང་། དུས་མ་ཡིན་པར་འཆི་བ་ཐམས་ཅད་ཟློག་པར་བགྱིད་པ་དང་། མ་ཞུགས་པ་རྣམས་དད་པ་དང་། བགེགས་དང་ལོག་འདྲེན་ཐམས་ཅད་ཞི་བར་བགྱི་བའི་སླད་དུ་བཤད་པར་བགྱིའོ། །བཅོམ་ལྡན་འདས་སྙིང་པོ་འདིས་བསྲུང་ཞིང་ཞི་བར་བགྱིས་པ་ལ་འགལ་བར་བགྱིད་པ་དེ་ནི་ལྷ་དང་བཅས་པའི་འཇིག་རྟེན་ན་གནས་མ་མཆིས་ཏེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་སོ། །ཞེས་དང་། ནངས་པར་ལངས་ནས་བརྒྱ་རྩ་བརྒྱད་བཏོན་ན་ཚེ་འདི་ལ་ཡོན་ཏན་བཅུ་ཡོངས་སུ་འཛིན་པར་འགྱུར་ཏེ། བཅུ་གང་ཞེ་ན། བྲོ་ནད་མ་མཆིས་པར་འགྱུར་བ་དང་། སངས་རྒྱས་ཐམས་ཅད་ཀྱིས་ཡོངས་སུ་བཟུང་བ་དང་། ནོར་དང་འབྲུ་རྣམས་འབད་མེད་དུ་རྙེད་པ་དང་། དགྲ་ཐམས་ཅད་ཐུལ་བ་དང་། རྒྱལ་པོ་རྣམས་བྱམས་པ་དང་། དུག་དང་། དབྱིག་དུག་དང་། རིམས་ཀྱིས་མི་ ― LT34_Page_0361 ―
[མ་དཔེ་གཟིགས་ན་འདིར་གནོན།]
ཚུགས་པ་དང་། མེ་དང་། ཆུ་དང་། དུས་མ་ཡིན་པར་འཆི་བས་དུས་བྱེད་པར་མི་འགྱུར་ལགས་སོ། །གཞན་ཡང་ཡོན་ཏན་བཞི་ཡོངས་སུ་འཛིན་པར་འགྱུར་ཏེ། འཆི་བའི་དུས་དེ་བཞིན་གཤེགས་པ་མཐོང་བར་འགྱུར་བ་དང་། ངན་སོང་རྣམས་སུ་མི་སྐྱེ་བ་དང་། ཡ་ང་བ་མ་སྤངས་པར་འཆི་བའི་དུས་མི་བྱེད་པ་དང་། འདི་ནས་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་ཏུ་སྐྱེ་བར་འགྱུར་ལགས་སོ། །ཞེས་སོགས་དང་། ལན་གཅིག་བརྗོད་པས་རྩ་བའི་ལྟུང་བ་བཞི་པོ་དག་ཀྱང་བྱང་བར་འགྱུར། མཚམས་མ་མཆིས་པ་ལྔ་པོ་དག་ཀྱང་མ་ལུས་པ་འབྱང་བར་འགྱུར་ན། ཇི་སྐད་དུ་བཤད་པ་བཞིན་ཏུ་ནན་ཏན་བགྱིད་པ་ལྟ་སྨོས་ཀྱང་ཅི་འཚལ། དེ་དག་ནི་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དུ་མ་ལ་དགེ་བའི་རྩ་བ་བསྐྱེད་པར་འགྱུར་བ་ལགས་ན། བཟླས་བརྗོད་བགྱིད་པ་དང་། སྒྲུབ་པ་ལྟ་སྨོས་ཀྱང་ཅི་འཚལ་ཏེ་བསམ་པ་ཐམས་ཅད་ཡིད་བཞིན་ཏུ་རྫོགས་པར་བགྱིའོ། །ཞེས་སོགས་གསུངས་ལ། རིག་སྔགས་སྙིང་པོ་ལས་གང་ལ་ལ་ཞིག་གིས་ཟླ་བ་ཕྱེད་ཀྱི་ཚེས་བཅུ་བཞིའམ་བཅོ་ལྔ་ལ་སྨྱུང་བ་བགྱིས་ཏེ། སྡོམ་པ་ཡང་དག་པར་བླངས་ནས་ཆོས་བཞིན་ཏུ་ཡོངས་སུ་ ― LT34_Page_0362 ―
[མ་དཔེ་གཟིགས་ན་འདིར་གནོན།]
དག་པར་བགྱིས་ཏེ། སེམས་རྩེ་གཅིག་ཏུ་བདག་རྗེས་སུ་དྲན་པར་བགྱིས་ནས་རིག་སྔགས་འདི་བཟླས་བརྗོད་བགྱིས་ན་བསྐལ་པ་བཞི་ཁྲིའི་འཁོར་བ་བསྙིལ་བར་འགྱུར་ལགས་སོ། །ཞེས་གསུངས་ཤིང་། ཡང་པད་དྲྭའི་རྒྱུད་ལས། །རིག་སྔགས་འདི་གསུངས་པའི་རྗེས་སུ། །རྩ་བའི་སྙིང་པོ་སྟོང་བརྗོད་པས། །དངོས་གྲུབ་ཅི་དང་ཅི་འདོད་འགྲུབ། ཅེས་དང་། རྩ་བའི་རིག་པ་དེའི་རྗེས་ཐོག་ཏུ་གསུངས་ནས་ཆོ་གའི་ཚུལ་ཡང་ཞིབ་པར་བསྟན་ཅིང་འདི་སྐད་དུ། །མགོན་པོ་སྤྱན་རས་གཟིགས་དབང་གི། །སྔགས་གང་བརྗོད་པ་ཙམ་ལ་ཡང་། །གཤིས་ངན་ཤི་བ་བཅོ་ལྔ་མེད། །སྐྱེ་བཟང་བཅོ་ལྔ་ཐོབ་པར་འགྱུར། །མུ་གེ་རྒྱལ་པོའི་ཆད་པ་དང་། །དུག་དང་མཚོན་དཔག་ཡུལ་འགྱེད་དང་། །སྟག་སོགས་སྦྲུལ་སོགས་གཅན་གཟན་གདུག །དུག་ཅན་ཟས་དང་མེ་ཆུས་འཆི། །སྲོག་ཆགས་མདུན་ཏུ་ཉལ་ཉེས་དང་། །གཡེད་བྱེད་དང་ནི་ལྷ་འདྲེས་གཅེས། །གསོར་མི་རུང་དང་བདག་ལྕེབ་རྣམས། །དེ་ལ་ནམ་ཡང་མ་འཇིགས་སོ། །རྒྱལ་པོ་ཆོས་ལྡན་ཡུལ་སྐྱེ་ཞིང་། །འཕགས་པ་བཞུགས་དང་དུས་བཟང་ཡུལ། །བཤེས་གཉེན་བཟང་དང་དབང་པོ་ཚང་། །དགེ་ལ་དགའ་ཞིང་ཚུལ་ཁྲིམས་ལྡན། །བྲན་ཁོལ་བཟང་ ― LT34_Page_0363 ―
[མ་དཔེ་གཟིགས་ན་འདིར་གནོན།]
ཞིང་ནོར་མང་རྟག །གཞན་གྱིས་བཀུར་ཞིང་དགོས་འདོད་སྦྱོར། །སེམས་བདེར་འཇིག་རྟེན་སྐྱོང་བས་སྲུང་། །སངས་རྒྱས་ཞལ་མཐོང་དོན་ཟབ་བརྟགས། །གཞན་ཡང་དམན་ལ་བྱམས་སེམས་བསྐྱེད། །སྙིང་རྗེ་མཆི་མ་འཁྲུགས་པ་དང་། །ཡོན་ཏན་དྲན་ནས་སྤྲོ་བ་དང་། །དཀོན་མཆོག་གསུམ་ལ་དད་པ་དང་། །ཕུལ་དུ་བྱུང་བའི་བློ་གྲོས་འཕེལ། །ཚུལ་བཞིན་མ་ཡིན་ཡིད་བྲལ་དང་། །བཀའ་ལུང་སྡེ་སྣོད་དད་པ་རྣམས། །ཡང་ནས་ཡང་དུ་སྐྱེ་བར་འགྱུར། ཞེས་དང་། རྒྱུད་པདྨ་ཅོད་པན་ལས། སྔགས་འདི་འདོན་པ་བགྱིད་པའི་རིགས་ཀྱི་བུའམ་རིགས་ཀྱི་བུ་མོས་ལན་ཅིག་བརྗོད་དམ་དྲན་ཞིང་ཡིད་ལ་བྱས་སམ་ལུས་ལ་བཅངས་ན་མཚམས་མེད་པ་ལྔ་དང་། དེ་དང་ཉེ་བའི་སྡིག་པའི་ལས་བྱང་ཞིང་སེམས་ཅན་དམྱལ་བ་དང་ཡི་དྭགས་དང་དུད་འགྲོའི་སྐྱེ་གནས་སུ་མི་སྐྱེ་ཞིང་མི་ཁོམ་པ་བརྒྱད་དུ་སྡུག་བསྔལ་དང་བཅས་པར་མི་འགྱུར་རོ། །གཅན་གཟན་དང་། སྲིན་པོ་དང་། མི་མ་ཡིན་པ་དང་། ནད་དང་འཇིགས་པ་ཐམས་ཅད་ལས་གྲོལ་བར་འགྱུར་རོ། །ཞེས་སོགས་རྒྱ་ཆེར་གསུངས་ལ། སྤྱིར་ཕྱག་སྟོང་སྤྱན་སྟོང་ངམ། ནམ་མཁའ་རྒྱལ་པོ་ལ་རྣམ་འགྱུར་དང་སྙིང་པོ་མི་འདྲ་བ་མང་ ― LT34_Page_0364 ―
[མ་དཔེ་གཟིགས་ན་འདིར་གནོན།]
དུ་མཆིས་ཀྱང་། དཔལ་མོ་ལུགས་ཀྱིས་བཟླ་བྱའི་གཙོ་བོ་གདོང་བཅུ་གཅིག་པའི་གཟུངས་རིང་ཐུང་ཡིན་ལ། གཞན་ཏུ་མགྲིན་སྔོན་ཅན་གྱི་གཟུངས་ཉིད་རྩ་བའི་རིག་སྔགས་ཆེན་མོར་གསུངས་པ་ལྟར་ཀླུ་སྒྲུབ་ཀྱི་སྒྲུབ་ཐབས་ཀྱང་དེ་ལ་བསྟེན་ཅིང་། དེའི་ཕན་ཡོན་མཐའ་ཡས་པ་ཞིག་ལས་འཕགས་ཞབས་ཀྱིས་བསྡུས་པ་ནི། གཟུངས་འདི་ལན་ཅིག་བརྗོད་པས་རྩ་བའི་ལྟུང་བ་བཞི་བྱུང་བ་ཡང་མ་ལུས་པར་འབྱུང་བར་འགྱུར་རོ། །འདི་འཛིན་པ་དེ་ལ་འཕགས་པ་སྤྱན་རས་གཟིགས་ཀྱིས་རྒྱུན་མི་འཆད་པར་སྤྱན་སྟོང་གི་ཐུགས་རྗེས་གཟིགས་ཤིང་། ཕྱག་སྟོང་གིས་བསྐྱབ་པར་འགྱུར་རོ། །མཚམས་མེད་པ་ལྔ་དང་དེ་དང་ཉེ་བ་ལྔ་དང་དགེ་འདུན་གྱི་དཀོར་རྐུ་འཕྲོག་བྱས་པ་རྣམས་ཀྱང་ལན་ཅིག་བརྗོད་པས་མ་ལུས་པར་ཟད་པར་འགྱུར་རོ། །ཐེ་ཚོམ་ཟ་བ་ནི་མ་གཏོགས་སོ། །གཤིས་ངན་ཏུ་འཆི་བ་བཅོ་ལྔ་མི་འབྱུང་ཞིང་། སྐྱེ་བ་བཟང་པོ་བཅོ་ལྔ་འཛིན་པར་འགྱུར་རོ། །སུས་སྙིང་པོ་འདིའི་མིང་ཐོས་པ་དེ་ནི་བསྐལ་པ་དུ་མའི་སྐྱེ་འཆིའི་ལས་བསགས་པ་ལྕི་པ་རྣམས་ཀྱང་བྱང་བར་འགྱུར་ན་བརྗོད་ཅིང་འཛིན་པ་ལྟ་ཅི་སྨོས། རྒྱུན་མི་འཆད་པར་བཟུང་ནས་བཅུའི་འབྲས་བུ་ཐོབ་པ་ལ་དཀའ་བ་མེད་ན་འཇིག་རྟེན་པའི་བསོད་ནམས་ལྟ་ཅི་སྨོས། ཞེས་ ― LT34_Page_0365 ―
[མ་དཔེ་གཟིགས་ན་འདིར་གནོན།]
སོགས་རྒྱ་ཆེར་གསུངས་པས་ཕན་ཡོན་བསྐྱེད་པའི་ཕྱིར་གཟུངས་འདིའང་ལན་གྲངས་ཁ་ཤས་བཟླ་ཞིང་། དེ་ཡང་། བདག་གི་སློབ་དཔོན་འོད་དཔག་མེད་རྟག་ཏུ་དྲན་པར་བགྱིའོ། །དེ་ནས་གསང་སྔགས་འདི་བརྗོད་པར་རིགས་སོ། །ཞེས་གསུངས་པ་ལྟར་བྱའོ། །ལྔ་པ་ཡིག་དྲུག་བཟླས་པའི་ཕན་ཡོན་ནི། སྤྱིར་རྒྱུད་སྡེ་བཞི་ཀ་ནས་གསུངས་སོ་ཅོག་གི་ཐུགས་རྗེ་ཆེན་པོའི་རིགས་ཐམས་ཅད་ཀྱི་ཡང་སྙིང་ཡིག་དྲུག་ཉིད་ཡིན་པས་སོ་སོར་བཤད་པའི་ཕན་ཡོན་ཐམས་ཅད་ཀྱང་དེ་ཁོ་ན་ལ་ཚང་བར་འགྱུར་ཏེ། པདྨ་ཅོད་པན་ལས། དེ་རྣམས་ཀྱི་སྔགས་བསྡུས་པ་ནི། ཨོཾ་མ་ི་པདྨེ་ཧཱུྃ་ཞེས་པའོ། །འདིས་ནི་རིགས་གསུམ་གྱི་བདག་པོར་འགྱུར་ཏེ་ཕན་ཡོན་ནི་དེའོ། །ཆོས་ཀྱི་སྐུ་དང་གཟུགས་ཀྱི་སྐུའི་ཐུགས་རྗེ་ཆེན་པོ་མཐོང་བར་འགྱུར་རོ། །ཞེས་དང་། །ཁྱད་པར་ཟ་མ་ཏོག་བཀོད་པར། འདི་ནི་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་པོའི་སྙིང་པོ་དམ་པའོ། །གང་ཡང་ཡི་གེ་དྲུག་པའི་རིག་སྔགས་འཛིན་ཅིང་ཟློས་པའི་སེམས་ཅན་དེ་དག་ནི་བསོད་ནམས་དང་ལྡན་པ་སྟེ། དེ་དག་ཟློས་པའི་ཚེ་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་དགུ་བཅུ་རྩ་དགུ་འདུ་བར་འགྱུར་རོ། ། ― LT34_Page_0366 ―
[མ་དཔེ་གཟིགས་ན་འདིར་གནོན།]
བྱང་ཆུབ་སེམས་དཔའ་རྡུལ་ཕྲ་རབ་དང་མཉམ་པ་འདུ་བར་འགྱུར་རོ། །ཕ་རོལ་ཏུ་ཕྱིན་པ་དྲུག་སྒོ་ན་གནས་པར་འགྱུར་རོ། །གཞན་ཡང་ལྷའི་སྡེ་སུམ་ཅུ་རྩ་གཉིས་ཀྱི་ལྷའི་བུ་དག་འདུ། རྒྱལ་པོ་ཆེན་པོ་བཞིས་ནི་ཕྱོགས་བཞི་ནས་བསྲུང་། ཀླུའི་རྒྱལ་པོ་དང་ཀླུ་བྱེ་བ་སྟོང་ཕྲག་དུ་མས་ནི་ཡོངས་སུ་སྲུང་། ས་བླའི་གནོད་སྦྱིན་དག་ནི་བླ་གབ་མེད་པར་སྲུང་བར་བྱེད་དོ། །དེའི་བ་སྤུའི་ཁུང་བུ་རེ་རེ་ལ་ཡང་དེ་བཞིན་གཤེགས་པ་བྱེ་བ་བཞུགས་ཏེ། ཁྱོད་ཀྱིས་རེགས་རུས་བདུན་བརྒྱུད་ཚུན་ཆད་དུ་ཡིད་བཞིན་གྱི་ནོར་བུ་ཐོབ་པར་བྱས། ལུས་ཀྱི་སྲོག་ཆགས་ཐམས་ཅད་ཀྱང་ཕྱིར་མི་ལྡོག་པར་བཀོད་པར་བྱས་ཏེ་ལེགས་སོ་ལེགས་སོ་ཞེས་སྦྱིན་པར་མཛད་དོ། །ལ་ལ་ཞིག་གིས་ལུས་ལ་འཆང་ན་དེ་ནི་རྡོ་རྗེའི་ལུས། རིང་བསྲེལ་གྱི་མཆོད་རྟེན། རྒྱལ་བའི་ཡེ་ཤེས་སུ་རིག་པར་བྱའོ། །གང་ཞིག་འདི་ཟློས་པ་དེ་ནི་སྤོབས་པ་མི་ཟད་ཅིང་ཡེ་ཤེས་ཀྱི་ཕུང་པོ་རྣམ་པར་དག་ལ་སྙིང་རྗེ་ཆེན་པོ་དང་ལྡན་ཏེ་ཉི་མ་རེ་རེ་ཞིང་ཕར་ཕྱིན་དྲུག་ཡོངས་སུ་རྫོགས་ནས་རིག་འཛིན་གྱིས་འཁོར་ལོས་སྒྱུར་བ་དང་། བླ་ན་མེད་པའི་བྱང་ཆུབ་ཀྱང་མྱུར་དུ་ཐོབ་པར་འགྱུར་རོ། །དེའི་ལག་གིས་རེག་པ་ཐམས་ཅད་བྱང་ཆུབ་སེམས་དཔའ་སྲིད་ ― LT34_Page_0367 ―
[མ་དཔེ་གཟིགས་ན་འདིར་གནོན།]
པ་ཐ་མ་པར་འགྱུར་རོ། །སེམས་ཅན་གང་དག་ཐ་ན་དུད་འགྲོའི་སྐྱེ་གནས་སུ་གྱུར་པས་ཀྱང་མཐོང་ངམ། དེའི་ཡིད་ཀྱིས་སེམས་པར་བྱེད་ན་དེ་དག་སྐྱེ་རྒ་ན་འཆིའི་སྡུག་བསྔལ་མཛད་དེ་སྲིད་པ་ཐ་མ་པའི་བྱང་ཆུབ་སེམས་དཔར་འགྱུར་རོ། །ཞེས་སོགས་དང་། ཡང་། རྡུལ་ཕྲ་རབ་ཀྱི་རྡུལ། རྒྱ་མཚོའི་མཆིང་གི་བྱེ་མ། གླིང་བཞི་པའི་ཆུའི་ཐིགས་པ་དང་འབྲུ་དང་སྦུའི་ཚོགས་དང་ཐང་ཤིང་གི་ལོ་མ་ཇི་སྙེད་ཡོད་པ། ལོ་བཅུ་གཉིས་སུ་ཉིན་མཚན་མེད་པར་ཆར་བབ་པའི་ཐིགས་པ་རེ་རེ་ནས་དེ་བཞིན་གཤེགས་པའི་ཡེ་ཤེས་ཀྱིས་བགྲང་ནུས་ལ། ཡི་གེ་དྲུག་པ་ལན་གཅིག་བཟླས་པའི་བསོད་ནམས་ནི་བགྲང་མི་ནུས་པ་དང་། གླིང་བཞི་པའི་སེམས་ཅན་ཐམས་ཅད་ས་བདུན་པ་ལ་གནས་པར་གྱུར་པ་དེའི་བསོད་ནམས་ལས་ཀྱང་ཡིག་དྲུག་ལན་གཅིག་བཟླས་པས་ཆེ་བ་སོགས་གསུངས་ལ། གཞན་ཡང་ཡི་གེ་དྲུག་པའི་རིག་སྔགས་འདྲིར་འཇུག་པ་དེས་ནི་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་འདྲིར་འཇུག་པར་འགྱུར་རོ། །སངས་རྒྱས་ཀྱི་སྐུ་རྡུལ་ཕྲ་རབ་དང་མཉམ་པ་ལྷའི་གསེར་རིན་པོ་ཆེ་ལས་ཉིན་རེ་བཞིན་ཏུ་བྱེད་ཅིང་རིང་བསྲེལ་འཇུག་པ་དེའི་རྣམ་པར་སྨིན་པ་ནི་ཡི་གེ་དྲུག་པའི་ ― LT34_Page_0368 ―
[མ་དཔེ་གཟིགས་ན་འདིར་གནོན།]
འབྲུ་གཅིག་གི་རྣམ་པར་སྨིན་པ་སྟེ་ཡོན་ཏན་བསམ་གྱིས་མི་ཁྱབ་བོ། །འདི་ཟློས་པར་བྱེད་ན་ཏིང་ངེ་འཛིན་བརྒྱ་རྩ་བརྒྱད་ཐོབ་པར་འགྱུར་རོ། །རྣལ་འབྱོར་གཞན་རྣམས་ནི་ཕུབ་མ་དང་མཚུངས་ལ་འདི་ནི་འབྲས་ཀྱི་སྙིང་པོར་གྱུར་པའོ། །ཞེས་སོགས་མདོ་རྒྱུད་དུ་མ་ནས་རྒྱ་ཆེར་བསྔགས་པའི་དོན་བསྡུས་རྒྱལ་པོ་བཀའ་ཆེམས་སུའང་གསལ་ཞིང་། སྤྲུལ་པའི་རྒྱལ་པོའི་ཞལ་གདམས་ཀྱི་སྒྲུབ་སྐོར་རྣམས་སུའང་ཡིག་དྲུག་ཁོ་ན་གཙོ་བོར་མཛད་ལ། མདོར་ན་ངག་ཏུ་བཟླ་བྱའི་སྔགས་ཞིག་ལ་ཡིག་དྲུག་འདྲ་བའི་ཕན་ཡོན་ཆེ་བ་གཞན་ན་མེད་པས་འདི་ཁོ་ན་ལ་རྟག་ཏུ་བརྩོན་པར་རིགས་སོ། །དྲུག་པ་བླ་མ་རྣམས་ཀྱིས་མན་ངག་གི་ཚུལ་དུ་ཁ་བསྐང་བའི་གཟུངས་ལས། ཡིད་བཞིན་འཁོར་ལོ་ལའང་ལྷ་སྔགས་ཀྱི་རྣམ་གྲངས་མི་འདྲ་བ་འབྱུང་ཡང་། ཕན་ཡོན་ཡིད་བཞིན་ནོར་བུ་འཁོར་ལོས་སྒྱུར་བའི་གཟུངས་སུ་ཐམས་ཅད་ཚང་པས། དེ་ནི་དེ་ཉིད་ལས། རིགས་ཀྱི་བུའམ་བུ་མོ། འཁོར་བཞི་པོ་གང་སུ་ཡང་རུང་བས་འབྲས་བུ་མོད་ལ་ཐོབ་པར་འཚལ་བས། ཡིད་བཞིན་ནོར་བུའི་ཕྱག་རྒྱ་ལ་མངོན་པར་བརྩོན་པར་བགྱིའོ། །ཚེས་གྲངས་རྒྱུ་སྐར་སྦྱར་མི་འཚལ། །སྨྱུང་བའི་ཆོ་ག་བགྱི་མི་འཚལ། ― LT34_Page_0369 ―
[མ་དཔེ་གཟིགས་ན་འདིར་གནོན།]
ཁྲུས་དང་གོས་གསར་བགོ་མི་འཚལ། །དེ་བཞིན་སྒྲུབ་པའི་ཆོ་ག་མེད། །བཀླགས་པ་ཉིད་ཀྱིས་འགྲུབ་འགྱུར་ཏེ། །བཟླས་བརྗོད་ཙམ་གྱིས་ཐེ་ཚོམ་མེད། །ལས་ནི་སྟོང་དང་བརྒྱ་ཡང་བགྱིད། །འདི་དང་མཚུངས་པའི་རིག་སྔགས་མེད། །སྔོན་གྱི་སྡིག་སྒྲིབ་ཟད་འགྱུར་ཏེ། །བཏབ་པ་ཙམ་གྱིས་མནར་མེད་པར། །འཆི་བའི་སྡིག་པ་འཕྲལ་དུ་དག །ཅེས་དང་། མཚམས་མེད་པའི་སྡིག་པ་མ་ལུས་པ་ཟད་པར་འགྱུར། ནད་ཐམས་ཅད་དང་། རིམས་དང་། བྱད་སྟེམས་དང་། གནོད་སྦྱིན་དང་སྲིན་པོ་ལ་སོགས་པའི་གདོན་ཐམས་ཅད་ལས་ཐར་ཞིང་ཕྱིས་མི་ཚུགས་པར་འགྱུར། དུག་དང་། མཚོན་དང་། མེ་དང་། ཆུ་དང་། ལྕེ་འབབ་པས་མི་ཚུགས། ཆོམ་རྐུན་དང་། རྒྱལ་པོ་དང་། དགྲ་དང་། དུས་མ་ཡིན་པའི་འཆི་བ་ལ་སོགས་པའི་འཇིགས་པ་མི་འབྱུང་། རྨི་ལམ་ངན་པ་མི་རྨི། འཐབ་པ་དང་རྩོད་པ་ཐམས་ཅད་ལས་རྒྱལ་བར་འགྱུར། ལན་བརྒྱ་རྩ་བརྒྱད་བཟླས་པས་དེའི་ཉིན་མོར་འཕགས་པ་སྤྱན་རས་གཟིགས་མངོན་སུམ་དུ་སྟོན་ཏེ་དབུགས་འབྱིན་ཅིང་དངོས་གྲུབ་སྩོལ་བར་བགྱིད། འོད་དཔག་མེད་སོགས་དེ་བཞིན་གཤེགས་པ་རྣམས་དང་། འཇིག་རྟེན་གྱི་ ― LT34_Page_0370 ―
[མ་དཔེ་གཟིགས་ན་འདིར་གནོན།]
ཁམས་བདེ་བ་ཅན་དང་། རི་བོ་ཏ་ལའི་གཞལ་མེད་ཁང་རྣམས་ཀྱང་མཐོང་བར་འགྱུར་རོ། །འཆི་བའི་ཚེ་འཕགས་པ་མངོན་སུམ་དུ་མཐོང་ཞིང་སངས་རྒྱས་ཀྱི་ཞིང་དུ་པདྨ་ལས་རྫུས་ཏེ་སྐྱེ་བར་འགྱུར། ཚེ་རབས་ཐམས་ཅད་དུ་སྐྱེ་བ་དྲན་པ་དང་། རྟག་ཏུ་ངན་སོང་དུ་མི་ལྟུང་བ་དང་། སངས་རྒྱས་ཀྱི་གོ་འཕང་ཡང་ཐོབ་པར་འགྱུར་རོ། །ཞེས་སོགས་གསུངས་སོ། །ས་བཅུ་པའི་གཟུངས་རིགས་བཅུ་པོ་འབུམ་ཕྲག་རེ་བཟླས་པས་ས་དང་པོ་ནས་བཅུ་པའི་བར་ཐོབ་པ་སོགས་ཕན་ཡོན་རྒྱ་ཆེན་སྨོས་ཀྱིས་མ་ལོངས་པས་དེའི་ཁུངས་དོན་ཞགས་ཀྱི་རྟོག་པ་ཆེན་མོར་གསལ་ཞིང་། པདྨོ་ཥྞཱི་ཥའི་ཕན་ཡོན་མདོར་བསྡུས་ནི། གང་གིས་གསང་སྔགས་ཡི་གེ་བཅུ་པ་འབུམ་བཟླས་བརྗོད་བགྱིས་ན་ས་བཅུ་ལ་གནས་ཞིང་ཕྱིར་མི་ལྡོག་པར་དོན་ཡོད་པའི་པདྨ་གཙུག་ཏོར་གྱི་འཁོར་ལོས་སྒྱུར་བར་འགྱུར་ཏེ་ཐེ་ཚོམ་མི་བྱའོ། །ཡིག་འབྲུ་རེ་རེ་ཙམ་བཟླས་པས་སངས་རྒྱས་ཀྱི་མཛད་པ་བྱེད་པར་འགྱུར་ན་ཆེས་ངལ་ཞིང་དུབ་པར་སྒྲུབ་ན་ལྟ་སྨོས་ཀྱང་ཅི་དགོས། ཉིན་ཞག་གཅིག་སྨྱོང་བར་གནས་པའམ། གང་ལ་ལ་སྐད་ཅིག་ཡུད་ཙམ་དུ་སྙིང་པོ་འདི་ལན་ཅིག་དྲན་ན། མཚམས་མེད་པ་ལྔ་བྱེད་པ། མནར་མེད་དུ་ཚེ་བསྐལ་པར་གཞོལ་བ་ཡང་རྣམ་པར་དག་ཅིང་། ― LT34_Page_0371 ―
[མ་དཔེ་གཟིགས་ན་འདིར་གནོན།]
སྡིག་པ་དང་སྒྲིབ་པ་ཐམས་ཅད་ཟད། ནམ་ཡང་ངན་འགྲོར་མི་འགྲོ་ཞིང་ཚེ་རབས་བྲན་པར་འགྱུར། བསྐལ་པ་འབུམ་ཕྲག་དུ་མ་རེ་རེ་བཞིན་ཏུ། འཁོར་ལོས་སྒྱུར་བའི་རྒྱལ་སྲིད་དང་། མངོན་པར་དགའ་བ་དང་། བདེ་བ་ཅན་གྱི་འཇིག་རྟེན་ལ་སོགས་པར་སྐྱེས་ནས་བདེ་བ་མྱོང་བར་འགྱུར། ཉིན་རེ་བཞིན་ཏུ་སེམས་ཅན་ཐམས་ཅད་ལ་དམིགས་ནས་ལན་བདུན་བདུན་བརྗོད་ན་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་ལ་དགེ་བའི་རྩ་བ་བསྐྱེད་པར་འགྱུར། ཚེ་བརྗེས་ནས་བདེ་བ་ཅན་ཏུ་སྐྱེ་ཞིང་ཏིང་ངེ་འཛིན་བརྒྱ་ཕྲག་དུ་མ་དག་ཀྱང་ཐོབ་པར་འགྱུར། བྱེ་མ་གཙང་མ་ལ་སྔགས་ནས་རོའམ་རུས་པའམ་དུར་ཁྲོད་དང་པུར་ཁང་སོགས་སུ་གཏོར་ན་བསླབ་སྡོམ་རལ་པ་ལ་སོགས་པས་ངན་སོང་དུ་སྐྱེས་པ་རྣམས་ཀྱང་དེ་མ་ཐག་ཏུ་ཚེ་བརྗེས་ནས་མཐོ་རིས་སུ་སྐྱེ་བར་འགྱུར། གྲོ་ག་ལ་བྲིས་ནས་མཆོད་རྟེན་གྱི་ནང་དུ་བཅུག་ན་དེའི་གྲིབ་མས་ཕོག་པའི་སྲོག་ཆགས་ཐམས་ཅད་མཐོ་རིས་སུ་སྐྱེ་བར་འགྱུར། དུད་ལ་སྔགས་ཏེ་རི་མཐོན་པོར་བུས་པའི་སྒྲ་སྡོམ་པ་ལ་ཞུགས་པས་ཐོས་ན་ཕྱིར་མི་ལྡོག་པར་བདེ་བ་ཅན་ཏུ་སྐྱེ་བར་འགྱུར། སེམས་ཅན་ཐ་མལ་པ་སུས་ཐོས་མཐོ་རིས་སུ་གཞོལ་བར་འགྱུར་ ― LT34_Page_0372 ―
[མ་དཔེ་གཟིགས་ན་འདིར་གནོན།]
ཙནྡན་ལ་སྔགས་ཏེ་དགེ་འདུན་གྱི་ཀུན་དགའ་ར་བ་སོགས་མང་པོ་འཚོགས་པའི་དབུས་སུ་བདུགས་ན་དྲི་མ་ནམས་པ་ཐམས་ཅད་སངས་རྒྱས་ཀྱི་སྐུ་ཡོངས་སུ་རྫོགས་ཤིང་། ཆོས་གོས་ལ་བདུགས་ནས་གྱོན་ན་གང་ཟག་དེའི་སྡིག་པ་དང་སྒྲིབ་པ་ཟད། སྲང་ཁར་བདུགས་ན་འཐབ་རྩོད་དང་ཡམས་ནད་ཆད། འབྲོག་ཏུ་བདུགས་ན་དགྲ་རྐུན་གཅན་གཟན་བཅངས། རིམས་ནད་སོགས་ལ་བདུགས་ན་ནད་ཞི་བ་ལ་སོགས་པ་རྒྱ་ཆེར་གསུངས་སོ། །སྒོ་མཐའ་ཡས་པའི་གཟུངས་ནི། དེ་ཉིད་ལས། །སངས་རྒྱས་ཀུན་གྱིས་དེ་ནི་ཡིད་ལ་མཛད། དེ་ལ་བདུད་ཀྱིས་གླགས་ནི་རྙེད་མི་འགྱུར། །དེ་ཡི་ལས་ཀྱི་སྒྲིབ་པ་མྱུར་དུ་འབྱང་། །སྤོབས་པ་མཐའ་ཡས་རྣམས་ཀྱང་ཐོབ་པར་འགྱུར། ཞེས་སོགས་ཕན་ཡོན་དུ་མ་གསུངས་ལ། འདི་ནི་ཞལ་བལྟ་ཞིང་གསུང་ཐོས་པ་ལ་སྒྲིབ་པའི་ཚོགས་མྱུར་དུ་སྦྱོང་བའི་དགོས་པ་ཁྱད་པར་ཅན་དང་འབྲེལ་བ་ཞིག་གོ། །དེ་ལྟར་བསྙེན་པ་རྣམས་གྲངས་ཐེམ་ཞིང་སྤྱན་རས་གཟིགས་ཀྱི་རྣལ་འབྱོར་ལ་བརྩོན་པ་དེ་མཐོང་ཐོས་དྲན་རེག་འབྲེལ་ཚད་དོན་ལྡན་ཏུ་གསུངས་ཏེ། མདོ་བཏུས་ལས། གལ་ཏེ་ཐུགས་རྗེ་ཆེན་པོའི་གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ཆུ་ཀླུང་ངམ་རྒྱ་ ― LT34_Page_0373 ―
[མ་དཔེ་གཟིགས་ན་འདིར་གནོན།]
མཚོར་ཞུགས་ཏེ་ཁྲུས་བྱས་པའི་ཆུས་ལུས་ལ་རེག་པའི་དེར་གནས་སེམས་ཅན་ཐམས་ཅད་སྡིག་པའི་ལས་དང་། ཁ་ན་མ་ཐོ་བ་ལྕི་བ་ཡོངས་སུ་བྱང་ནས་ཞིང་དག་པར་པདྨ་ལས་རྫུས་ཏེ་སྐྱེ་བར་འགྱུར་ན་ཁ་ཏོན་ཏུ་བྱེད་པ་དང་འཆང་བ་རྣམས་ལྟ་ཅི་སྨོས། ལམ་དུ་ཞུགས་ནས་འགྲོ་བའི་ཚེ་རླུང་ལངས་ཏེ་གང་ཟག་དེའི་ལུས་དང་གོས་ལ་རེག་པའི་རླུང་དེ་ཕྱོགས་གཞན་ཏུ་སོང་ནས་སེམས་ཅན་གང་གི་ལུས་ལ་རེག་ཀྱང་། དེ་དག་གི་སྡིག་སྒྲིབ་ལྕི་བ་མ་ལུས་པ་བྱང་ནས་ངན་སོང་གསུམ་གྱི་རྣམ་སྨིན་མི་མྱོང་ཞིང་རྟག་པར་སངས་རྒྱས་ཀྱི་སྤྱན་སྔར་སྐྱེ་བར་འགྱུར་ན་འདོན་པ་དང་། ཡོངས་སུ་འཛིན་པ་དེ་དག་གིས་ཐོས་པའི་ཕན་ཡོན་ནི་བསམ་གྱིས་མི་ཁྱབ་པར་རིག་པར་བྱའོ། །ཞེས་དང་། བྱང་སེམས་པས། གཟུངས་སྔགས་འདི་རྣམས་དུད་འགྲོ་ཕོ་མོ་འཆི་བའི་རྣ་ལམ་དུ་བསྒྲགས་ན་ལྷ་མིའི་ལུས་ཐོབ་ཅིང་བྱང་ཆུབ་སེམས་ཀྱི་ས་བོན་ཐེབས་ཏ་བདེ་བ་ཅན་དུ་སྐྱེ་བར་གསུངས་སོ། །བདུན་པ་ཆོ་ག་བྱས་པའི་ཕན་ཡོན་ནི། རྒྱུད་པད་དྲྭར། །བཅུ་བཞིའམ་ནི་བཅོ་ལྔ་དང་། །ཁྱད་པར་དུ་ནི་ཚེས་བརྒྱད་ལ། །གསོ་སྦྱོང་སྐུ་ཡི་མདུན་ཏུ་བླང་། །སྐྱོན་མེད་ཙནྡན་དཀར་སོགས་ཤིང་། །རིགས་བཟང་ལས་བྱས་སྐུ་ ― LT34_Page_0374 ―
[མ་དཔེ་གཟིགས་ན་འདིར་གནོན།]
གཟུགས་སམ། །ཡང་ན་ས་རྡོ་རིན་ཆེན་སོགས། །བཟང་ལ་ས་བདེ་བར་གཤེགས་གཟུགས་བྱ། །ཡང་ན་རིས་སུ་བྲིས་ཀྱང་རུང་། །སྐུ་གཅིག་པོའམ་ལྷ་ཚོགས་ཀྱི། །དཀྱིལ་འཁོར་རྒྱས་པར་བྱས་པ་ལ། །མངོན་སུམ་བཞིན་ཏུ་དམིགས་བྱས་ན། །མྱུར་དུ་མངོན་སུམ་མཐོང་བར་འགྱུར། །ཞེས་དང་། །ཡོན་ཏན་ཀུན་གྱིས་བརྒྱན་པ་ཡི། །བུམ་པ་ཆུ་དང་བཅས་པ་ལ། །སྔགས་བརྗོད་པས་ནི་འདོད་དོན་ཀུན། །འགྲུབ་འགྱུར་ཐེ་ཚོམ་མི་བྱའོ། །ཞེས་བུམ་ཆོག་དང་ཞར་བྱུང་ཕན་ཡོན་བཅས་བསྟན་པ་དང་། ཆོ་ག་ཞིབ་མོ་ལས། སུ་ཞིག་གཟུངས་སྔགས་འདི་འཛིན་པ་དེས། ཚེས་བཅོ་ལྔའི་ཟླ་བ་ཉ་བ་ལ་བསླབ་པའི་གཞི་བརྒྱད་བཟུང་སྟེ། གོས་གཙང་མ་བགོས་ལ་རིང་བསྲེལ་དང་བཅས་པའི་མཆོད་རྟེན་གྱི་མདུན་ཏུའམ། སངས་རྒྱས་ཀྱི་གཟུགས་ཀྱི་སྤྱན་སྔར་ཙན་དན་དཀར་པོའི་དཀྱིལ་འཁོར་བགྱིས་ལ། དེར་མེ་ཏོག་སྣ་ཚོགས་གཏོར་བར་བགྱི། བདུག་པས་ཀྱང་བདུགས་པར་བགྱི། །མར་མེ་ཡང་བུད་པར་བགྱིའོ། སངས་རྒྱས་བཅོམ་ལྡན་འདས་ལ་གུས་པ་བསྐྱེད་པར་བགྱིའོ། །གཟུངས་སྔགས་འདིའང་ལན་བརྒྱ་རྩ་བརྒྱད་བཟླས་བརྗོད་བགྱིས་ན། བྱང་ཆུབ་སེམས་དཔའ་སྤྱན་རས་གཟིགས་དབང་ ― LT34_Page_0375 ―
[མ་དཔེ་གཟིགས་ན་འདིར་གནོན།]
ཕྱུག་དཀྱིལ་འཁོར་དེར་འདུག་སྟེ། མཚམས་མེད་པ་ལ་སོགས་པ་ལས་ཀྱི་སྒྲིབ་པ་ཇི་སྙེད་ཡོད་པ་ཐམས་ཅད་འབྱང་བར་འགྱུར་རོ། །ལུས་དང་ངག་དང་ཡིད་ཀྱི་ལས་རྣམས་ཀྱང་ཡོངས་སུ་དག་པར་འགྱུར་རོ། །སངས་རྒྱས་ཀྱི་ཏིང་ངེ་འཛིན་དང་འོད་ཟེར་གྱིས་དབང་བསྐུར་བའི་སྟོབས་ཀྱང་འཐོབ་བོ། །ས་དང་ཕ་རོལ་དུ་ཕྱིན་པ་ཡང་ཡོངས་སུ་རྫོགས་པར་འགྱུར་རོ། །ཞེས་གསུངས་པའང་རྒྱུད་རིགས་མཐུན་པའི་དབང་གིས་ཆོ་ག་འདིའི་ཡང་ལུང་ཁུངས་སུ་འགྱུར་ལ། དེ་བཞིན་ཏུ། ཐོགས་པ་མི་མངའ་བའི་གཟུངས་ལས། གང་ལ་ལ་ཞིག་རྟག་པར་སྤོས་སམ་མེ་ཏོག་སྙིམ་པ་གང་ཙམ་སྐུ་གཟུགས་ཀྱི་མདུན་ཏུ་གཏོར་ནས་གཟུངས་འདོན་པར་བགྱིད་ན། སྟོང་ཆེན་པོའི་འཇིག་རྟེན་ཁམས་ཀྱི་ཡོན་ཏན་དང་སྙིང་རྗེ་ཆེན་པོའི་ཆོས་ཉིད་འཐོབ་པར་འགྱུར། མཐར་གྱིས་མཐུ་ཆེན་པོ་མངོན་པར་འགྲུབ་པར་འགྱུར་ལགས་སོ། །ཞེས་དང་། རྒྱུད་པད་དྲྭར། ནད་དང་འཕྲོད་པའི་སྨན་རྣམས་ལ། །སྔགས་བཟླས་བཟའ་འམ་ཁྱུགས་པའམ། །བདུགས་པ་ཙམ་ཡང་གནོད་པ་སེལ། །སྲད་བུའམ་ནི་གོས་དག་དང་། ཕྱག་རྒྱས་གདགས་ཀྱང་དེ་བཞིན་ནོ། །ཞེས་པའི་ལས་ཚོགས་དང་། ― LT34_Page_0376 ―
[མ་དཔེ་གཟིགས་ན་འདིར་གནོན།]
ཞལ་བཅུ་གཅིག་པའི་གཟུངས་ལས། ཆབ་ལ་ལན་བརྒྱ་རྩ་བརྒྱད་སྔགས་ཏེ་ལུས་ལ་གཏོར་ན་སྒྲིབ་པ་དང་བགེགས་ཐམས་ཅད་ངང་གིས་བྱང་ནས་སྨོན་པ་ཐམས་ཅད་ཡིད་བཞིན་ཏུ་འགྲུབ་པར་འགྱུར་ལགས་སོ། །ཞེས་གཟུངས་ཁྲུས་ཀྱི་ཕན་ཡོན་དང་། བྱང་སེམས་ཟླ་རྒྱལ་གྱི་ཞལ་ནས་ཕན་ཡོན་མཐའ་ཡས་པ་ཞིག་གསུངས་པའི་གཤམ་དུ། སྐྱེས་པ་རྣམས་ཀྱིས་འདིའི་སྨྱུང་གནས་ལན་གཅིག་བྱས་པས་བདེ་བ་ཅན་དུ་སྐྱེ། བུད་མེད་རྣམས་ཀྱིས་སྨྱུང་གནས་ལན་གཅིག་བྱས་པས་འཁོར་བ་ལ་རྒྱབ་ཀྱིས་ཕྱོགས་ཏེ་ས་དང་པོའི་ཡོན་ཏན་ཐོབ། སྨྱུང་གནས་སྔོན་འགྲོ་གདན་གཅིག་གི་ཉིན་མི་གཅིག་ལ་འཚོ་བ་དྲངས་ནས་བརྒྱད་པའི་བྱང་སེམས་ལ་འཚོ་བ་དྲངས་པ་དང་བསོད་ནམས་མཉམ་ཞིང་། སྨྱུང་གནས་ཚར་བའི་ཕྱིར་ནང་མི་གཅིག་ལ་འཚོ་བ་དྲངས་ཀྱང་རང་སངས་རྒྱས་ལྔ་བརྒྱ་ལ་དྲངས་པ་དང་འདྲ། གསོ་སྦྱོང་བླངས་པ་ཙམ་ལ་དྲངས་ན་དགྲ་བཅོམ་པ་ལ་དྲངས་པའི་ཕན་ཡོན་ཐོབ་པ་དང་། སྤྱིར་བདག་དེ་ངན་སོང་གསུམ་དང་། ནད་མཚོན་མུ་གེའི་བསྐལ་པར་ནམ་ཡང་མི་སྐྱེ་ཞིང་། ཚེ་རབས་ཐམས་ཅད་དུ་བདེ་སྐྱིད་ཕུན་སུམ་ཚོགས། བྱང་ཆུབ་ཀྱི་སེམས་རྒྱུད་ལ་འཁྲུངས་ ― LT34_Page_0377 ―
[མ་དཔེ་གཟིགས་ན་འདིར་གནོན།]
པ་སོགས་ཕན་ཡོན་མང་དུ་འབྱུང་བར་གསུངས་སོ། །དེ་དག་ལའང་ཐེ་ཚོམས་མེད་པ་ཁོ་ན་གལ་ཆེ་སྟེ། ཐེ་ཚོམས་ཅུང་ཟད་ཅིག་ཡོད་ན་འབྲས་བུ་ཅིའང་མི་འགྲུབ་པ་སྔགས་རྒྱུད་སྤྱི་དང་གོང་དུ་དྲངས་པའི་ལུང་ལས་གསལ་ལོ། །བརྒྱད་པ་བསྐྱེད་རྫོགས་བསྒོམས་པའི་ཕན་ཡོན་ནི། སྤྱིར་སྦྱིན་པ་ལས་ཚུལ་ཁྲིམས་སོགས་ཕར་ཕྱིན་དྲུག་ཕྱི་རིམ་བཞིན་ཏུ་ཕན་ཡོན་ཆེ་བས། ཤེས་རབ་སྟེ་སྟོང་པ་ཉིད་སྒོམ་པའི་ཕན་ཡོན་ནི། ཏིང་འཛིན་རྒྱལ་པོའི་མདོ་ལས། ཁམས་གསུམ་གྱི་སེམས་ཅན་ཐམས་ཅད་དགེ་བ་བཅུའི་ལམ་དུ་བཀོད་པ་བས། གང་གིས་ཆོས་བདག་མེད་པ་ལ་མོས་ཏེ་དབེན་པའི་ཕྱོགས་སུ་གོམ་པ་བདུན་བོར་བ་བསོད་ནམས་ཆེའོ། །ཞེས་དང་། དེ་ཁོ་ན་ཉིད་བསྟན་པའི་མདོ་ལས། ཤཱ་རིའི་བུ། གང་གིས་བསྐལ་པ་གཅིག་གི་བར་དུ་ཉན་པ་བས། སེ་གོལ་གཏོགས་པའི་ཡུན་ཙམ་དེ་ཁོ་ན་ཉིད་ལ་མཉམ་པར་བཞག་ན་བསོད་ནམས་ཆེས་མང་དུ་འཕེལ་ལོ། །ཞེས་དང་། རྟོག་པ་ཆེན་པོ་ལས། །ཐང་གཅིག་བསམ་གཏན་ཐུན་ཞུགས་ན། །ཁམས་གསུམ་གང་བའི་མི་རྣམས་ལ། །སྲོག་བྱིན་པས་ནི་དེ་དོན་ཆེ། ― LT34_Page_0378 ―
[མ་དཔེ་གཟིགས་ན་འདིར་གནོན།]
ཞེས་སོགས་བརྗོད་ལས་འདས་པར་གསུངས་ཤིང་། དེ་ཐམས་ཅད་ལས་ཀྱང་སྔགས་རྒྱུད་དང་འབྲེལ་པའི་དགེ་རྩ་ཅུང་ཟད་རེ་ཕན་ཡོན་ཆེ་སྟེ། དུས་འཁོར་རྩ་རྒྱུད་ལས། །གདོལ་པ་སྨྱིག་མ་མཁན་སོགས་དང་། །མཚམས་མེད་ལྔ་ནི་བྱེད་པ་ཡང་། །སྔགས་ཀྱི་སྤྱོད་པ་རྗེས་སྤྱད་ན། །ཚེ་འདི་ཉིད་ལ་འཚང་རྒྱ་འགྱུར། ཞེས་གསུངས་པ་ལྟར། འདུས་བྱས་ཀྱི་དགེ་རྩ་ཞིག་ཡིན་ཀྱང་ཆགས་བྲལ་གྱི་ལྷ་སྐུ་བརྒྱ་རྩ་ལས་སྔགས་སུ་གསུངས་པའི་ལྷ་སྐུ་གཅིག་བཞེངས་པ་བསོད་ནམས་ཆེ་བར་གསུངས་པ་དེས་འགྲེ་ཞིང་། ཞུ་བདེའི་ཁྱད་པར་ཅན་གྱི་བསྐྱེད་རྫོགས་སྒོམ་པའི་ཡོན་ཏན་ནི་མང་དུ་སྨས་ཅི་འཚལ། ངེས་པར་ལས་དང་ཉོན་མོངས་པའི་སྒྲིབ་པ་མྱུར་དུ་ཟད་ཅིང་། མཆོག་ཐུན་མོངས་གཉིས་ཀ་ཚེ་འདིའམ་བར་དོ་ལས་མི་འགྱངས་པར་ཐོབ། གནས་སྐབས་སུའང་ལུས་ལ་བདེ་བ། ངག་ལ་ནུས་པ། སེམས་ལ་རྟོགས་པའི་ཡེ་ཤེས་འཆར། འཆི་བའི་ཚེ་འཇའ་འོད་རིང་བསྲེལ་ས་གཡོས་འབྱུང་། ཁྱད་པར་དུ་ཞལ་བཅུ་གཅིག་པ་ཉིད་སངས་རྒྱས་ཐམས་ཅད་ཀྱི་ངོ་བོ་ཡིན་ཕྱིར་དེ་བསྒོམས་པས་དཀྱིལ་འཁོར་འཁོར་ལོ་མ་ལུས་པ་བསྒོམ་པར་འགྱུར། ཞལ་གྱི་ཁ་དོག་བཞིས་འཕྲིན་ ― LT34_Page_0379 ―
[མ་དཔེ་གཟིགས་ན་འདིར་གནོན།]
ལས་བཞི་འགྲུབ་བ་དང་། ཕྱག་རེ་རེ་ལ་དམིགས་པའི་ཕན་ཡོན་མི་འདྲ་བ་རེ་རེ་སོགས་མཐའ་ཡས་པ་གསུངས་སོ། །དེ་དག་ནི་རྒྱུད་གཟུངས་དག་གི་དཀྱུས་སུ་བསྟན་པའི་སྨྱུང་གནས་དང་གཟུངས་སྔགས་ཆོ་གའི་ཕན་ཡོན་མདོར་བསྡུས་ཏེ། བླ་མ་གོང་མའི་མན་ངག་གི་ཕྱག་བཞེས་སྒྲུབ་མཆོད་ལུགས་ལ་ནི། དེའི་སྟེང་དུ་ཕན་ཡོན་ལྷག་པོ་དུ་མ་འབྱུང་སྟེ། ཡན་ལག་བདུན་པོ་རེ་རེའི་ཕན་ཡོན་ཀྱང་བརྗོད་ཀྱིས་མི་ལོངས་པའི་ཕྱིར་རོ། །བཞི་པ་རྗེས་ནི། སྤྱིར་གསང་སྔགས་ཀྱི་སྲོག་དམ་ཚིག་ཡིན་པས་དེ་མ་བསྲུངས་ན་སྔགས་ཀྱི་འབྲས་བུ་མི་འགྲུབ་ཀྱི་སྟེང་དུ་ཉེས་དགུ་སྣ་ཚོགས་འདི་ཕྱི་གཉིས་ཀར་འབྱུང་ལ། བསྲུང་ན་དེ་ལས་ལྡོག་པའི་དངོས་གྲུབ་མཆོག་ཐོབ་སྟེ། དེའང་། གསུམ་ལ་སྐྱབས་སུ་སོང་བ། བྱང་ཆུབ་ཏུ་སེམས་བསྐྱེད་པ། རང་རིགས་ཀྱི་དཀྱིལ་འཁོར་དུ་དབང་བསྐུར་ནོད་པ་གཞིར་བཞག་ནས། འདིར་བྱ་རྒྱུད་རང་ལུགས་ཀྱི་དམ་ཚིག་གསང་བ་སྤྱི་རྒྱུད་ཀྱི་རྩ་ལྟུང་བཅུ་བཞི། ལེགས་གྲུབ་ནས་གསུངས་པའི་རིགས་དང་འཇམ་དཔལ་རྩ་རྒྱུད་ཀྱི་ལྔ་པོ་སོགས་བསྲུང་དགོས་ཀྱང་བྲིར་མ་ལོངས་པས་གཞན་ཏུ་ཤེས་པར་བྱ་ཞིང་། ― LT34_Page_0380 ―
[མ་དཔེ་གཟིགས་ན་འདིར་གནོན།]
ཁྱད་པར་སྤྱན་རས་གཟིགས་ཀྱི་དམ་ཚིག་ཏུ། བྱང་སེམས་རིན་པོ་ཆེའི་ཞལ་གདམས་ཀྱི་སྙིང་པོ་ནི། རང་ལ་ཉེས་པ་མེད་བཞིན་ཏུ་ཕ་རོལ་པོས་ཁྲོ་བ་དང་། གཤེ་བ་དང་། རྡེག་པ་དང་། མཚང་འབྲུ་བ་ལ་སླར་ལན་མི་ལྡོན་པའི་དགེ་སྦྱོང་གི་ཆོས་བཞི་དང་ལྡན་པས། ལུས་ཀྱིས་རྡེག་བཙོག་འཕྲོག་བཅོམ། ངག་གིས་ཚིག་རྩུབ་སྐུར་འདེབས། ཡིད་ཀྱིས་ཕྲག་དོག་གནོད་སེམས་གང་བྱུང་ཡང་འཕགས་པའི་སྐུ་གསུང་ཐུགས་ཀྱི་བྱིན་རླབས་དང་རང་གི་སྒྲིབ་སྦྱོང་དུ་ཤེས་པར་བྱ། མདོར་ན་སྐྱིད་སྡུག་ཅི་བྱུང་ཡང་འཕགས་པ་ཉིད་ལ་བློ་ལིངས་ཀྱིས་བསྐྱུར། རང་དང་སེམས་ཅན་ཀུན་གྱི་ལུས་ཐུགས་རྗེ་ཆེན་པོ། ངག་ཡི་གེ་དྲུག་མ། ཡིད་རྣམ་པར་མི་རྟོག་པའི་སྟོང་ཉིད་སྙིང་རྗེ་ཟུང་འཇུག་བསྒོམ་ལ། གནོད་ལན་ཕན་གདགས་གཞན་ཕན་འབའ་ཞིག་གི་བསམ་སྦྱོར་ལ་ནན་ཏན་མ་བྱས་ན་སྐུ་གསུང་ཐུགས་ཀྱི་དམ་ཚིག་དང་འགལ་ཞིང་འཕགས་པའི་ཐུགས་ཀྱིས་ཁྲེལ་ནས་བྱིན་རླབས་རྒྱང་རིང་དུ་འགྲོ་བས་དེ་རྣམས་དང་མ་འགལ་བ་དང་། གཞན་གྱི་སྡུག་བསྔལ་བདག་གིས་ལེན། བདག་གི་བདེ་དགེ་གཞན་ལ་སྦྱིན་པ་ལ་བསླབ། སེམས་ཅན་ཐམས་ཅད་བདག་ཁོ་ནས་སངས་ ― LT34_Page_0381 ―
[མ་དཔེ་གཟིགས་ན་འདིར་གནོན།]
རྒྱས་ཀྱི་ས་ལ་འགོད་པའི་ཆེད་དུ་དགེ་བའི་ལས་བགྱིད་དོ་སྙམ་པའི་བྱང་ཆུབ་ཀྱི་སེམས་དང་མི་འབྲལ་བའི་ངང་། །ཉིན་རེ་ལ་འཕགས་པའི་བསྐྱེད་རིམ་ཐུན་རེ། གཟུངས་སྔགས་རབ་བརྒྱ་རྩ། འབྲིང་ཉེར་གཅིག །ཐ་མའང་བཅོ་ལྔ་རེ་མ་ཆག་པར་འདྲེན་ཞིང་། སྤྱོད་ལམ་རྣམ་བཞི་རང་ཉིད་གང་ལ་གོམས་པའི་རྣལ་འབྱོར་དང་བསྲེ་བས་དགེ་སྦྱོར་ཆུ་བོའི་རྒྱུན་ལྟ་བུས་ཚོགས་གཉིས་ཡར་ལྡན་ཏུ་སྤེལ་བར་བྱའོ། །རྩ་བའི་ས་བཅད་གསུམ་པ་གལ་ཆེའི་འཕྲོས་དོན་ནི། དེའང་དུས་གསུམ་གྱི་སངས་རྒྱས་ཐམས་ཅད་ཀྱིས་ཡོངས་སུམ་བཟུང་བའི་བདག་ཅག་སྙིགས་མའི་འགྲོ་བ་མགོན་མེད་རྣམས་བསྐྱབ་པའི་སླད་དུ། སྟོན་པ་ཤཱཀྱའི་རྒྱལ་པོ་ཐུགས་རྗེ་ཅན་འདིས་བསྐལ་པ་བྱེ་བ་ཁྲག་ཁྲིག་དུ་མར་ཆོས་ཚིག་བཞི་པ་རེའི་དོན་ཏུ་ལུས་སྲོག་ལོངས་སྤྱོད་ལྟོས་མེད་དུ་དོར་བ་སོགས་དཀའ་བ་གྲངས་མེད་པ་སྤྱད་ནས་བྱང་ཆུབ་བརྙེས་ཏེ་ལེགས་པར་གསུངས་པའི་དམ་ཆོས་རིན་པོ་ཆེ་འདི་སྙེད་ཅིག་ལས། ཐ་ན་ཚིག་བཞི་པ་གཅིག་གི་དོན་ཙམ་ལག་ལེན་ཏུ་མ་ཐེབས་ན་རང་ཅག་རྗེས་འཇུག་རྣམས་ཀྱིས། སྟོན་པ་བཀའ་དྲིན་ཅན་དེ་མི་མཉེས་པར་བྱས་པ་ཡིན་པས། དེས་ན་ཐོག་མར་ཆོས་འཆད་ ― LT34_Page_0382 ―
[མ་དཔེ་གཟིགས་ན་འདིར་གནོན།]
ཉན་གལ་ཆེ་ལ་དེའི་ཕན་ཡོན་ཀྱང་། བྱམས་པ་སེང་གེའི་མདོ་ལས། །གངྒཱའི་བྱེ་སྙེད་འཇིག་རྟེན་གསེར་དག་གིས། །བཀང་སྟེ་གང་ལ་སྦྱིན་པ་བྱིན་པ་བས། །དུས་ངན་ཚེན་ཚིགས་བཅད་གཅིག་འཆད་པ། །དེའི་ཕན་ཡོན་ཅི་འདྲ་སྔ་མར་མེད། །ཅེས་དང་། རྒྱན་སྟུག་ལས། འཇམ་དཔལ་ཕྱོགས་གང་ན་ཆོས་སྨྲ་བ་འདུག་གམ། དེ་མཐོང་ན་མཚམས་མེད་པ་ལྔ་བྱང་བར་འགྱུར་རོ། །དེ་ལ་མཆོད་པ་ཡང་བྱ་སྟེ། གལ་ཏེ་ཆོས་སྨྲ་བ་དེས་མཚམས་མེད་པ་ལྔ་སྒྱོད་ཀྱང་སེམས་འཁྲུགས་པར་མི་བྱའོ། །ཞེས་དང་། ཆོས་ཐོས་པས་ངན་འགྲོའི་སྒོ་བཅད་ཅིང་མྱང་འདས་ཀྱི་ས་བོན་བཞག་སྟེ། དེ་ཕྱིན་ཆད་ཆོས་རྟོགས་པའི་བློ་གྲོས་ཅན་ཁོ་ནར་སྐྱེ་བ་སོགས་མང་དུ་གསུངས། གཞན་ཡང་ཟུང་གི་མདོ་ལས། །གང་དག་ང་ཡི་བསྟན་པ་ལ། །སྦྱིན་པ་སྐྲ་ཙམ་བྱིན་པ་ནི། །བསྐལ་པ་སྟོང་ཕྲག་བརྒྱད་ཅུ་རུ། །ལོངས་སྤྱོད་ཆེ་ཞིང་ནོར་ཡང་མང་། ཞེས་སོགས་སྦྱིན་པའི་ཕན་ཡོན་རྒྱ་ཆེ་ཞིང་དེ་ལས་ཀྱང་ཚུལ་ཁྲིམས་བསྲུང་བ་མཆོག་སྟེ། འཛད་བླུན་ལས། གང་ཞིག་རབ་ཏུ་བྱུང་བ་དེའི་བསོད་ནམས་ནི་ཤིན་ཏུ་མང་སྟེ། བདག་གི་བུའམ་བུ་མོའམ་བྲན་ཁོལ་གང་ཡང་རུང་བ་རབ་ཏུ་བྱུང་བར་གནང་ངམ། བདག་ ― LT34_Page_0383 ―
[མ་དཔེ་གཟིགས་ན་འདིར་གནོན།]
ཉིད་རབ་ཏུ་བྱུང་ན་དེའི་བསོད་ནམས་དཔག་ཏུ་མེད་དོ། །སྦྱིན་པའི་བསོད་ནམས་ནི་ཟད་མཐའ་ཡོད་ཀྱི་སངས་རྒྱས་ཀྱི་བསྟན་པ་ལ་རབ་ཏུ་བྱུང་བའི་བསོད་ནམས་བསམ་གྱིས་མི་ཁྱབ་སྟེ། མྱ་ངན་ལས་འདས་པའི་བར་དུ་བསོད་ནམས་ཟད་མི་ཤེས་སོ། །ཞེས་གསུངས། རབ་ཏུ་བྱུང་ནས་ཚུལ་ཁྲིམས་སྲུང་བའི་ཕན་ཡོན་ནི་བརྗོད་ལས་འདས་ཤིང་། དེའང་སྔོན་བསྟན་པ་མ་ཉམས་པའི་སྐབས་བསླབ་གཞི་རྫོགས་པ་ལོ་དུ་མར་བསྲུངས་ཤིང་སེམས་རྣམ་པར་གྲོལ་བ་ལས་ཀྱང་། བསྟན་པ་ནུབ་ཀ་དེང་སང་ལྟ་བུར་བསླབ་པ་སྣེ་གཅིག་ཙམ་མམ། སེམས་ཀྱི་ཉོན་མོངས་ཅུང་ཟད་རེ་བཅོམ་ནུས་ན་ཕན་ཡོན་ཆེ་བར་གསུངས་ཏེ། ཏིང་རྒྱལ་ལས་ཀྱང་། །བསྐལ་པ་བྱེ་བ་གངྒཱའི་བྱེ་སྙེད་དུ། །དང་བའི་སེམས་ཀྱིས་ཟས་དང་སྐོམ་རྣམས་དང་། །གདུགས་དང་བ་དན་མར་མེའི་ཕྲེང་བ་ཡིས། །སངས་རྒྱས་བྱེ་བ་ཁྲག་ཁྲིག་རིམ་གྲོ་བྱས། །གང་ཞིག་དམ་ཆོས་རབ་ཏུ་འཇིག་པ་དང་། །བདེ་གཤེགས་བསྟན་པ་འགག་པར་གྱུར་པའི་ཚེ། །ཉིན་མཚན་དུ་ནི་བསླབ་པ་གཅིག་སྤྱོད་པ། །དེ་ནི་དེ་ལས་བསོད་ནམས་ཁྱད་པར་འཕགས། ཞེས་པ་ལྟར་ཕན་ཡོན་ཆེ་རུང་དེང་སང་གི་རབ་བྱུང་ཕལ་མོ་ཆེ་སྡོམ་པ་ ― LT34_Page_0384 ―
[མ་དཔེ་གཟིགས་ན་འདིར་གནོན།]
ལ་ནན་ཏན་མི་བྱེད་པས་ངན་འགྲོར་འགྲོ་ཞིང་། ཁྱིམ་པ་རྣམས་དད་པའི་སེམས་ཀྱིས་ལྷར་སྐྱེ་བ་སོགས་སྙིང་རྗེ་པད་དཀར་ལས་རྒྱས་པར་གསུངས་ཏེ། ཀུན་དགའ་བོ། དེ་ན་ཁྱིམ་པ་གང་དག་འཆི་བའི་དུས་བྱེད་པ་དེ་དག་འཆི་བའི་དུས་བྱས་མ་ཐག་ཏུ་ཕལ་ཆེར་དགའ་ལྡན་གྱི་ལྷའི་རིས་སུ་སྐྱེ་བར་འགྱུར་རོ། །རབ་ཏུ་བྱུང་བ་གང་དག་འཆི་བའི་དུས་བྱེད་པ་དེ་དག་ནི་ཕལ་ཆེར་ལོག་པར་ལྟུང་བར་འགྱུར་རོ། །དེའི་ཅིའི་ཕྱིར་ཞེ་ན། དེ་དག་ཡོ་བྱད་བསྙུངས་པ་ལ་མི་གནས་ཤིང་སྡོམ་པ་ལ་མི་གནས་པའི་ཕྱིར་རོ། །ཞེས་པའི་ལུང་དོན་འདི་ལ་སྐྱི་ཟ་བས་འདུན་པ་དང་། བརྩོན་འགྲུས་དང་། བག་ཡོད་པ་སྟེ་གནས་གསུམ་ལ་ཐ་ན་ཆུ་ཚོད་རེ་ཡང་སློབ་པ་ཅི་ནས་གལ་ཆེ་ཞིང་། ཡང་མདོ་དེ་ལས། ཕྱི་མའི་དུས་དམ་པའི་ཆོས་ཟད་པར་འགྱུར་བ་ན་གང་དག་ངའི་བསྟན་པ་ལ་རབ་ཏུ་བྱུང་ནས་བུའི་ལག་ནས་བཟུང་སྟེ་ཆང་སྐྱོག་གང་གི་ཕྱིར་ཆང་མའི་ཁྱིམ་དུ་འཁྱམ་ལ། ངའི་ཆོས་ཀྱི་རྗེས་སུ་སློབ་པ་དེ་དག་ཐམས་ཅད་ཀྱང་བསྐལ་པ་བཟང་པོ་འདི་ལ་ཡོངས་སུ་མྱ་ངན་ལས་འདའ་བར་འགྱུར་རོ། །ཞེས་རྒྱལ་བ་ཉིད་ཀྱི་སྨོན་ལམ་གྱི་མཐུ་བསམ་གྱིས་མི་ཁྱབ་པས་འབྲེལ་ཚད་དོན་ལྡན་གྱི་ཚུལ་དེ་ལྟ་ལགས་ན། བསྟན་པ་ལ་ ― LT34_Page_0385 ―
[མ་དཔེ་གཟིགས་ན་འདིར་གནོན།]
ཞུགས་ནས་བསླབ་པ་ཉིན་གཅིག་ཙམ་བསྲུང་བའང་དོན་ཆེན་པོའོ། །དེ་བཞིན་ཏུ། ཡུལ་བསམ་གྱིས་མི་ཁྱབ་པ་ལ་ཅུང་ཟད་འབྲེལ་པའི་དགེ་རྩ་ཡང་བསམ་གྱིས་མི་ཁྱབ་སྟེ། སྐུ་གཟུགས་ལེའུར། མཚམས་མེད་པ་ལྔ་བྱས་སུ་ཟིན་ཀྱང་དེ་བཞིན་གཤེགས་པ་ལ་དད་པ་རྙེད་དེ་སྐུ་གཟུགས་བྱས་ན་ལས་དེས་སེམས་ཅན་དམྱལ་བ་མྱོང་བའང་ཆུང་ངུ་མྱོང་སྟེ་ཐེག་པ་གསུམ་གང་ཡང་རུང་བས་ངེས་པར་འབྱུང་བར་འགྱུར་རོ། །ཞེས་དང་། བསམ་པ་དག་ན་རྒྱུ་ཡང་རབ་རིན་པོ་ཆེ། ཐ་མ་འཇིམ་པའམ་རྩིག་ངོས་ལ་སེན་མོས་བྲིས་པ་ཚུན་ཁྱད་མེད་ཚུལ་མདོ་དེ་དང་། དམ་ཆོས་པད་དཀར་ལས་རྒྱས་པར་གསུངས་ཏེ། བྱིས་པ་རྩེད་མོར་དགའ་དང་དེ་དག་ཏུ། གང་གིས་རྒྱལ་བ་དེ་ཕྱིར་མཆོད་རྟེན་དག །བྱེ་མ་ལས་ནི་ཕུང་པོ་བྱས་པ་ཡིས། །དེ་དག་གིས་ཀྱང་བྱང་ཆུབ་ཐོབ་པར་འགྱུར། ཞེས་དང་། །རོ་ཉེ་དང་ནི་ལྕགས་སམ་ས་ལའང་རུང་། །བདེ་གཤེགས་རྣམས་ཀྱི་སྐུ་གཟུགས་བྱས་པ་དང་། །གང་དག་ལ་ལ་དེ་ན་སློབ་པའི་ཚེ། །རྩེད་མོའི་ཕྱིར་དང་གསང་བ་བྱེད་པ་ན། །རྩིག་ངོས་ཤིང་བུ་སེན་མོས་གཟུགས་བྲིས་པ། །དེ་དག་ཐམས་ཅད་བྱང་ཆུབ་ཐོབ་འགྱུར་ཏེ། ― LT34_Page_0386 ―
[མ་དཔེ་གཟིགས་ན་འདིར་གནོན།]
དེ་དག་ཐམས་ཅད་སྙིང་རྗེ་ཅན་ཏུ་འགྱུར། །དེ་དག་ཐམས་ཅད་སྲོག་ཆགས་བྱེ་བ་སྒྲོལ། ཞེས་སོགས་དང་། རྨད་བྱུང་དང་ཁང་བརྩེགས་མདོ་གཉིས་ཀར། སྟོང་གསུམ་གྱི་ཁམས་རིན་པོ་ཆེ་སྣ་བདུན་གྱི་རང་བཞིན་ཏུ་བྱས་ཏེ་ཕྱོགས་བཞིའི་ཉན་ཐོས་དང་རང་རྒྱལ་རྣམས་ལ་ཕུལ་བ་བས། སངས་རྒྱས་ཀྱི་མཆོད་རྟེན་ཐ་ན་འཇིམ་པ་ལ་སྐྱུ་རུ་ར་ཙམ་བྱེད་ཅིང་སྲོག་ཤིང་ཁབ་ཙམ་བཙུགས་པ་དང་། སྐུ་གཟུགས་ནས་འབྲུ་ཙམ་ལ་རིང་བསྲེལ་ཡུངས་འབྲུ་ཙམ་བཅུག་པས་བསོད་ནམས་ཆེ་བར་གསུངས་ཤིང་། རིང་བསྲེལ་ནི་གཟུངས་ཆེན་སྡེ་ལྔའི་ཤོག་དྲིལ་ལ་སོགས་བའང་ཡིན་ཞིང་། གསུང་རྟེན་གླེགས་བམ་བཞེངས་པའི་ཕན་ཡོན་ཀྱང་གསུང་རབ་སྤྱི་དང་ཤེར་ཕྱོགས་ལས་ཤིན་ཏུ་རྒྱས་པའི་དོན་བསྡུས། མདོ་སྡུད་པར། །ལ་ལས་བདེ་གཤེགས་ཡོངས་སུ་མྱ་ངན་འདས་པ་ཡི། །མཆོད་རྟེན་རིན་ཆེན་བདུན་ལས་བྱས་ཤིང་མཆོད་བྱེད་ལ། །བདེ་བར་གཤེགས་པའི་མཆོད་རྟེན་དེ་དག་གངྒཱ་ཡི། །བྱེ་མ་སྙེད་ཀྱི་བྱེ་བ་ཕྲག་སྟོང་ཞིང་བཀང་སྟེ། །ཡོངས་སུ་བརྟག་བཟུང་ཞིང་རྣམས་བྱེ་བ་མཐའ་ཡས་ན། །སེམས་ཅན་ཇི་སྙེད་འཁོད་པ་དེ་དག་ཐམས་ཅད་ཀྱིས། །ལས་གཞན་མི་བྱེད་ལྷ་ཡི་མེ་ཏོག་སྤོས་ ― LT34_Page_0387 ―
[མ་དཔེ་གཟིགས་ན་འདིར་གནོན།]
རབ་དང་། །བྱུག་པས་དུས་གསུམ་བསྐལ་པའམ་དེ་བས་ལྷག་མཆོད་ལ། །གང་ཞིག་གང་ལས་རྣམ་འདྲེན་སྟོབས་བཅུ་འབྱུང་འགྱུར་བ། །བདེ་བར་གཤེགས་ཀྱི་ཡུམ་འདི་གླེགས་བམ་ལ་བྲིས་ཏེ། །འཆང་ཞིང་མེ་ཏོག་བྱུག་པས་བསྟི་སྟང་བྱེད་གྱུར་ན། །མཆོད་རྟེན་བྱས་མཆོད་བསོད་ནམས་དེས་ནི་ཆར་མི་ཕོད། ཅེས་དང་། །ལ་ལས་གངྒཱའི་ཀླུང་གི་བྱེ་སྙེད་ཞིང་རྣམས་ན། །སེམས་ཅན་ཇི་སྙེད་འཁོད་ཀུན་དགྲ་བཅོམ་ཉིད་བཏུལ་བས། །གང་གིས་ཤེས་རབ་ཕ་རོལ་ཕྱིན་འདི་ཡིག་བྲིས་ཏེ། །སེམས་ཅན་མཆོག་ལ་གླེགས་བྱིན་བསོད་ནམས་ཁྱད་པར་འཕགས། ཞེས་སོགས་འབྱུང་ཞིང་། དར་ཅོག །འཁོར་ལོ། རྡོ་འབུམ་སོགས་ཀྱང་འདིའི་ཁོང་དུ་བསྡུའོ། །དེ་དག་ལ་མཆོད་བསྟོད་བསྙེན་བཀུར་བགྱིས་པའི་ཕན་ཡོན་ཀྱང་ཤིན་ཏུ་རྒྱ་ཆེན་གསུངས་ལ། མདོར་བསྡུས་པད་དཀར་དུ། །བདེ་གཤེགས་མཆོད་རྟེན་ལ་ནི་ཅུང་ཟད་ཅིག །མཆོད་ཕྱིར་སིལ་སྙན་བརྡུངས་པའི་སྒྲ་ཕྱུང་ངམ། མ་ཏོག་གཅིག་ཙམ་གྱིས་ནི་མཆོད་པ་དང་། །བདེ་གཤེགས་སྐུ་ནི་རྩིག་ངོས་བྲིས་པ་ལ། །འཁྲུགས་བཞིན་པ་ཡིས་སེམས་ཀྱིས་བལྟས་ན་ཡང་། །དེ་དག་རིམ་གྱིས་སངས་རྒྱས་བྱེ་བ་ ― LT34_Page_0388 ―
[མ་དཔེ་གཟིགས་ན་འདིར་གནོན།]
མཐོང་། །མཆོད་རྟེན་དེ་ལ་གང་གིས་ཐལ་མོ་སྦྱར། །ཡང་ན་མགོ་བོ་སྐད་ཅིག་བཏུད་པ་དང་། །གཡེང་བའི་སེམས་ཀྱིས་སངས་རྒྱས་ཕྱག་འཚལ་ཞེས། །ཚིག་ནི་ལན་འགའ་བརྗོད་པར་བྱས་ན་ཡང་། །དེ་དག་ཀུན་གྱིས་བྱང་ཆུབ་མཆོག་འདི་ཐོབ། ཅེས་དང་། སྙིང་རྗེ་པད་དཀར་ལས་ཀྱང་དེ་མཚུངས་མང་དུ་གསུངས་ཤིང་། འདི་ལྟར། ངའི་ཕྱིར་མཆོད་རྟེན་བྱས་པ་ལ་བསྟི་སྟང་བྱེད་པ་ལྟ་ཞོག །གང་དག་སངས་རྒྱས་ལ་དམིགས་ནས་ཐ་ན་མེ་ཏོག་གཅིག་ནམ་མཁའ་ལ་འཐོར་ན། དགེ་བ་དེ་ཡི་འབྲས་བུས་མྱ་ངན་ལས་འདས་པར་ང་སྨྲའོ། །ཞེས་དང་། སེམས་ཅན་མྱ་ངན་ལས་འདའ་བའི་སྐལ་པ་མེད་པ་ཞིག་གིས་སངས་རྒྱས་ལ་དམིགས་ཏེ་མེ་ཏོག་གཅིག་ནམ་མཁའ་ལ་འདོར་བ་དང་། ཐ་ན་དུད་འགྲོ་ཞིག་གིས་ཀྱང་སངས་རྒྱས་ལ་དམིགས་པའི་དྲན་པ་སྐད་ཅིག་རྙེད་ན་དེའང་བྱང་ཆུབ་ཀྱི་རྒྱུར་འགྱུར་བ་དང་། ཡང་། གང་ལ་ལའང་རྗེས་སུ་དྲན་ནས་ཆོས་ཀྱི་ཤུགས་ཀྱིས་མཆི་མ་ཕྱུང་བའམ། སྤུ་ཟིང་ཞེས་བྱེད་པའམ། ཤུགས་རིང་འབྱིན་པ་དེ་དག་ནི་ནམ་ཡང་དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལོག་པར་ལྟུང་བ་ཐམས་ཅད་དུ་མི་འགྲོའོ། །ཞེས་དང་། མཐའ་འཁོབ་དད་པ་མེད་པའི་མི་རྣམས་ ― LT34_Page_0389 ―
[མ་དཔེ་གཟིགས་ན་འདིར་གནོན།]
ཀྱིས་རྒྱལ་བའི་སྐུ་དང་མཆོད་རྟེན་མཐོང་ནས་སེམས་ཅད་ཟད་དགའ་བའང་བྱང་ཆུབ་ཏུ་འགྲོ་བ་སོགས་ཚད་མེད་པར་གསུངས་ལ། ཁྱད་པར་ཕྱག་བྱས་པས་རང་ལུས་འོག་དུ་ཆུད་པའི་སའི་རྡུལ་གྱི་གྲངས་མཉམ་འཁོར་ལོས་སྒྱུར་བའི་རྒྱལ་སྲིད་ཐོབ་ནས་མཐར་མྱ་ངན་འདའ་བ་སོགས་དང་། བསྐོར་བ་ལའང་ཕན་ཡོན་དེ་བཞིན་ཏུ་གསུངས་ཏེ། སྤྱན་རས་གཟིགས་ཀྱི་མདོར། འཇིག་རྟེན་མགོན་གྱི་མཆོད་རྟེན་ལ། །མི་གང་བསྐོར་བ་བྱེད་པ་ཡི། །བསྔགས་པ་བསྐལ་པ་བྱེ་བར་ཡང་། །བརྗོད་པས་ཟད་པར་བྱ་མི་ནུས། །གང་ཞིག་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ལ། །བསྐལ་བ་བྱེ་བར་བསམ་ཡས་བསྟི་སྟང་བྱས་པ་བས། གང་ཞིག་ཕྱི་དུས་མི་ཟད་བསྐལ་པ་འདི་ལ་ནི། །མཆོད་རྟེན་ཕྱག་འཚལ་དེ་ཡི་བསོད་ནམས་ཆེས་མང་ངོ། །ཞེས་སོགས་དང་། མར་མེའི་ང་ན་ཡོན་ཀྱང་། དེ་ལས། གལ་ཏེ་ཁྲག་ཁྲིག་བརྒྱ་སྟོང་སངས་རྒྱས་ཞིང་། །ཡུངས་འབྲུ་དག་གིས་ཕྱུར་བུར་གང་གྱུར་པ། །བགྲང་བ་དང་ནི་གཞལ་ཞིང་བརྗོད་པར་ནུས། །བདེ་གཤེགས་མར་མེ་གཅིག་ཕུལ་དེ་ལྟ་མིན། ཞེས་དང་། མར་མེ་འབུལ་བའི་མདོར་ཡང་། ཐ་ན་སྲིན་བུའི་འོད་ཙམ་གྱི་མར་མེས་མཆོད་རྟེན་གྱི་བང་རིམ་གཅིག་སྣང་བས་ཀྱང་ཡེ་ཤེས་ཀྱི་ ― LT34_Page_0390 ―
[མ་དཔེ་གཟིགས་ན་འདིར་གནོན།]
ཕུང་པོ་རྫོགས་པ་སོགས་རྒྱ་ཆེར་འབྱུང་ལ། དེ་བཞིན་ཏུ། ལས་རྣམ་འབྱེད་ལས། དཀོན་མཆོག་གི་རྟེན་ལ་ཐལ་མོ་སྦྱར་བ། ཕྱག་འཚལ་བ། ཕྱག་དར་བྱས་པ། མེ་ཏོག་བདུག་སྤོས་མར་མེ་དྲི་ཆབ་ན་བཟའ་སིལ་སྙན་སོགས་ཕུལ་བ་ལ་རེ་རེ་བཞིན་གནས་སྐབས་མཐར་ཐུག་གི་ཕན་ཡོན་ཆེས་ཆེ་བ་བཅུ་བཅུ་གསུངས་ཤིང་། དཀོན་མཆོག་ཏ་ལར། སངས་རྒྱས་ཀྱི་བསྔགས་པ་བརྗོད་པ། འཆི་ཁར་སངས་རྒྱས་ལ་སྐྱབས་སུ་འགྲོ་ཞིང་སྐུ་གཟུགས་བསྟན་པ་སོགས་ཀྱི་ཕན་ཡོན་ཀྱང་དུ་མ་འབྱུང་ངོ། །དེ་ཡང་སངས་རྒྱས་མངོན་སུམ་བཞུགས་པ་ལ་མཆོད་པ་དང་། ད་ལྟ་མཆོད་རྟེན་ནམ་སེམས་ཀྱིས་སངས་རྒྱས་དམིགས་ནས་མཆོད་པ་གཉིས་བསོད་ནམས་ལ་ཁྱད་པར་ཅུང་ཟད་ཀྱང་མེད་པ་མེ་ཏོག་བརྩེགས་པའི་མདོ་དང་། མྱང་འདས་ཆེན་པོར་ཡང་གསུངས་ཏེ། དགའ་བོ་སངས་རྒྱས་མངོན་སུམ་དུ་བཞུགས་སམ། མྱ་ངན་ལས་འདས་ཀྱང་རུང་། གང་གིས་དད་པའི་སེམས་ཀྱིས་བསྟི་སྟང་དང་བཅས་པས་ཕྱག་འཚལ་ཏེ། མཆོད་པ་བྱས་ན། སྐྱེས་བུ་ད་གཉིས་ཀྱིས་བསོད་ནམས་ཐོབ་པ་ནི་གཉིས་སུ་བྱར་མེད་པར་རིགས་པར་བྱའོ། །ཞེས་གསུངས། གཞན་ཡང་རིན་པོ་ཆེ་ཕུང་པོའི་མདོར། སྟོང་གསུམ་ ― LT34_Page_0391 ―
[མ་དཔེ་གཟིགས་ན་འདིར་གནོན།]
གྱི་སེམས་ཅན་ཐམས་ཅད་འཁོར་ལོས་སྒྱུར་རྒྱལ་ཤ་སྟག་ཏུ་གྱུར་ལ། དེ་རེ་རེས་ཀྱང་རྒྱ་མཚོའི་མར་ཁུ། རི་རབ་ཀྱི་སྡོང་བུ་བྱས་ནས་དེ་བཞིན་གཤེགས་པའི་མཆོད་རྟེན་ལ་མར་མེ་འབུལ་བ་བས། ཁྱིམ་ནས་རབ་ཏུ་བྱུང་བའི་སྡོམ་ལྡན་ཞིག་གིས་ཡུངས་འབྲུ་ཙམ་གྱིས་བསྐུས་པའི་མར་མེའི་སྡོང་བུ་ཕུལ་བ་དང་། ཡང་། འཁོར་ལོས་སྒྱུར་བ་དེ་དག་རེ་རེས་འཛམ་བུའི་གླིང་ཐམས་ཅད་མེ་ཏོག་གིས་བཀང་སྟེ་འབུལ་བ་བས། རབ་ཏུ་བྱུང་བས་མེ་ཏོག་གཅིག་ཕུལ་ན་བསོད་ནམས་དེ་ལ་བསོད་ནམས་སྔ་མ་དེས་བརྒྱ་ཡི་ཆེ། སྟོང་གི་ཆར་ཡང་ཉེ་བར་མི་འགྲོ་བ་ནས། རྒྱུའི་བར་དུ་ཡང་མི་བཟོད་དོ། །ཞེས་དང་། དེ་ལས་ཀྱང་བྱང་ཆུབ་སེམས་ཀྱིས་ཟིན་པ་དང་། དམིགས་མེད་ཀྱིས་ཟིན་པ་གོང་ནས་གོང་དུ་ཕན་ཡོན་ཆེ་སྟེ། མེ་ཏོག་བརྩེགས་པར། གང་ཞིག་དེ་བཞིན་གཤེགས་པ་ལ་ལོ་སྟོང་ཕྲག་ཚང་བར་བདེ་བའི་ཡོ་བྱད་ཐམས་ཅད་ཀྱིས་བཀུར་སྟི་བྱས་པ་བས། མྱ་ངན་ལས་འདས་པའི་མཆོད་རྟེན་ལ་བྱང་སེམས་ཀྱི་ཟིན་ནས་མེ་ཏོག་གམ། སྤོས་སམ། མར་མེ་གཅིག་ཙམ་མམ། ཆུ་སྙིམ་པ་གང་འཐོར་ནས། དེ་བཞིན་གཤེགས་པ་དེ་ལ་ཕྱག་འཚལ་ལོ། །ཞེས་སྨྲས་ན་ ― LT34_Page_0392 ―
[མ་དཔེ་གཟིགས་ན་འདིར་གནོན།]
དེ་ནི་བསྐལ་པ་བརྒྱ་ཕྲག་སྟོང་དུ་ཡང་ངན་འགྲོ་ལོག་པར་ལྟུང་བའི་གནས་མེད་དོ། །ཞེས་དང་། རིན་པོ་ཆེ་ཕུང་པོའི་མདོར། སྲིད་པ་གསུམ་གྱི་སེམས་ཅན་དེ་དག་རེ་རེས་མཆོད་རྟེན་རི་རབ་ཙམ་རེ་རེ་བྱེད་ལ། སོ་སོ་ནས་བསྐལ་པ་གང་གཱའི་བྱེ་སྙེད་དུ་བསྟི་སྟང་བྱད་པ་ལས། ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བས་མེ་ཏོག་གཅིག་འཐོར་ན་སྔ་མ་ལས་བསོད་ནམས་ཆེས་མང་དུ་བསྐྱེད་པར་གསུངས་ཤིང་། བྱམས་པ་འཇུག་པའི་མདོར་ཡང་དེ་དང་མཚུངས་པར་གསུངས་སོ། །དེ་ལྟར་བཀའ་དང་བསྟན་བཅོས་རྣམས་ལས་རྒྱུ་འབྲས་ཀྱི་བླང་དོར་ཁོ་ན་རྒྱ་ཆེར་འབྱུང་བས་ཐོས་བརྩོན་ནུས་པ་དག་ལ་བསྐྱར་བཟློས་མ་དགོས་ཀྱང་། བློ་དམན་དག་གི་གོ་བདེ་བའི་སླད་དང་། སྙིང་རྗེ་པད་དཀར་ལས། ཀུན་དགའ་བོ་བསྐལ་པ་གྲངས་མེད་པ་བྱ་བ་ཁྲག་ཁྲིག་བརྒྱ་སྟོང་དུ་བསྒྲུབས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ནི་གནས་གསུམ་གྱིས་མེད་པར་འགྱུར་རོ། །གསུམ་གང་ཞེ་ན། མ་དད་པ་དང་། མི་སྒྲུབ་པ་དང་། མི་སྟོན་པའོ། །ཞེས་དང་། མདོ་གཞན་ལས་ཀྱང་། བསྟན་པ་འཇིག་པའི་ཚེ་ཐ་ན་ཚིགས་བཅད་གཅིག་ཙམ་འཆད་པས་ཀྱང་ཆོས་ལ་བྱ་བ་བྱས་ ― LT34_Page_0393 ―
[མ་དཔེ་གཟིགས་ན་འདིར་གནོན།]
པར་གསུངས་པའི་སླད་དང་། དགེ་རྩ་ཡོངས་འཛིན་གྱི་མདོར། །བསྟན་པ་རབ་ཏུ་རྣམ་འཇིག་པའི། །ཆོས་ལ་མི་བདེ་ཉེར་གནས་ཚེ། །གུས་པར་བྱེད་དེ་ཆོས་སྲུང་ཞིང་། །ལུས་དང་ངག་དག་བོར་གྱུར་ལ། །དེ་བཞིན་ཆོས་ནི་འཛིན་བྱེད་པ། །དེ་དག་སྲུང་བར་བྱེད་པ་དག །ལྷ་རྣམས་ཀྱིས་ནི་བསྲུང་བར་འགྱུར། །སངས་རྒྱས་རྣམས་ཀྱིས་བྱིན་གྱིས་བརླབ། །དེས་ནི་ཀུན་ཏུ་བསྲུངས་བྱས་པ། །དེ་དག་འཁོར་ལོ་བསྐོར་བར་འགྱུར། ཞེས་ཕན་ཡོན་རྒྱ་ཆེ་ཞིང་། ཡང་མདོ་ལས། །མཚམས་མེད་ལྔ་ནི་བྱས་པ་བས། །དགོངས་དོན་ཟབ་མོའི་ཆོས་རྣམས་ལ། །གང་གི་བློས་ནི་མ་རིག་པར། །ལོག་པར་བཤད་པ་སྡིག་བ་ལྕི། ཞེས་ཆོས་ལ་མི་མཁས་པས་ཆོས་བཤད་ན་ཕན་པ་ལས་ཉེས་པ་ཆེ་བར་འགྱུར་བས་དེ་དག་ལ་ཕན་གདགས་པའི་ཕྱིར་དང་། དམ་ཆོས་འཛིན་སྐྱོང་ཞེས་པའང་རང་ཉིད་བསླབ་པ་ལ་བརྩོན་ཞིང་གཞན་དག་དེ་ལ་བསླབ་ཏུ་འཇུག །ཁྱིམ་པ་རྣམས་དད་པ་ལ་བཀོད་པ་དེ་ཡིན་པས་དེའི་ཕྱིར་བཤད་པ་འདིའང་དོན་དང་ལྡན་པར་འགྱུར་ལ། བརྒྱད་སྟོང་པ་ལས། དགེ་བའི་བཤེས་གཉེན་གྱིས་ཡོངས་སུ་ཟིན་པའི་ ― LT34_Page_0394 ―
[མ་དཔེ་གཟིགས་ན་འདིར་གནོན།]
བྱང་ཆུབ་སེམས་དཔའ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པ་འཚང་རྒྱའོ། །ཞེས་གསུངས་པའི་བཤེས་གཉེན་གྱི་བྱ་བ་ཡང་འདིས་འགྲུབ་པར་ཡོད་པས་འཆད་ཤེས་པ་རྣམས་ཀྱིས་འཆད། དཔྱོད་ཤེས་པ་རྣམས་ཀྱིས་བཟིགས་རྟོག་རེ་གནང་བ་ཅི་ནས་གལ་ཆེ་བ་ཡོད་ཅིང་། མ་བཅས་པ་ནི་མི་བཅའ། བཅས་པ་ནི་མི་གཞིག་ཅེས་ཆེད་དུ་བསྔགས་པ་ལྟར་རྒྱལ་བ་ཉིད་ཀྱིས་བཅས་པའི་བསླབ་གཞི་འདི་འདྲར་བག་ཡོད་ཀྱིས་བསླབ་ན་ལྟར་སྣང་གི་ཆོས་སྤྱོད་དང་མི་མཉམ་ཞིང་། གཞུང་དམ་པར། དོན་གྱི་དབང་དང་མི་འགལ་བའི་དོན་ཉི་ཚེ་བཏུས་ཏེ་གཏམ་དུ་ཡང་བརྗོད་ན་མདོ་སྡེའི་མཐའ་མ་རུངས་པར་མི་འགྱུར་བར་རྗེས་སུ་གནང་བ་ལྟར། གོ་བདེ་དང་ཚིག་ཚོགས་ཉུང་བ་གཙོ་བོར་བཏོན་ནས་ལུང་སྦྱོར་རྣམས་ཀྱང་ཚིག་སྣ་བསྟུངས་ཤིང་དོན་གྱི་གནད་ཚང་བར་བྱས་པ་ལགས་སོ། །རྣམ་དགར་བདེན་ཚིག་ཛམྦུ་ནཱ་དའི་ལྟེར། །ཡིད་ཆེས་མདོ་རྒྱུད་ལུང་གི་རྩིབས་སྟོང་བཀྲ། །མཐོང་བ་དོན་ལྡན་ཆོས་ཀྱི་འཁོར་ལོ་འདི། །སྲིད་པའི་འཕྲུལ་འཁོར་ཟློག་པའི་སྐྱེས་སུ་སྦྱིན། །དེ་བྱུང་དགེ་བས་མཁའ་ཁྱབ་འགྲོ་བ་ཀུན། །ལྷག་བསམ་ཐབས་སྟོབས་སྨོན་ལམ་ཏིང་འཛིན་སོགས། །རྣམ་ ― LT34_Page_0395 ―
[མ་དཔེ་གཟིགས་ན་འདིར་གནོན།]
ཐར་སྤྱོད་ཡུལ་འཇིག་རྟེན་དབང་ཕྱུག་དང་། །དབྱེར་མེད་འཁོར་བ་དོང་ནས་སྤྲུག་པར་ཤོག །ཅེས་ཟབ་མོའི་ཆོས་འདིར་འདུན་པ་ལྷུར་ལེན་ཟླ་སྤྲུལ་པས་འགྲོ་དོན་ཕྱོགས་མེད་སྤེལ་བའི་ཆེད་དུ་བརྒྱུད་པའི་རྣམ་ཐར་དང་ཕན་ཡོན་བཅས་འདི་ལྟར་དགོས་ཞེས་བསྐུལ་ངོར་སི་ཏུ་པས་སྔོན་བྱོན་དམ་པ་རྣམས་ཀྱི་གསུང་ལས་མདོར་བསྡུས་ཏེ་དཔལ་སྤུངས་ཆོས་འཁོར་གྱི་ཡང་དབེན་དུ་བཀོད་པ་འབྲེལ་ཚད་རྫོགས་སངས་གོ་འཕང་ཐོབ་པའི་རྒྱུར་གྱུར་ཅིག །སརྦ་མངྒ་ལཾ།། །དེ་ལྟར་སྨྱུང་གནས་ཀྱི་ཕན་ཡོན་ཁྱད་པར་འཕགས་པ་འདི་ཉིད་ཚེ་ལས་འདས་པ་མགོན་སྲུང་གི་དགེ་རྩར་དམིགས་ཏེ་མི་འཛད་ཆོས་སྦྱིན་སྤེལ་ཕྱིར་དཔལ་སྤུངས་ཆོས་གྲ་ཆེན་པོར་པར་དུ་བཞེངས་པའི། ཡོན་སྦྱོར་ཕྲན་མོ་བསོད་ནམས་དཔལ་སྒྲོན་གྱིས་བགྱིས་པའི་དགེ་བས་འདས་པ་དེ་ཉིད་ཀྱི་གཙོར་བྱས་བདག་དང་ཕ་མ་ཉེ་འབྲེལ་མཁའ་ཁྱབ་སེམས་ཅན་དང་བཅས་པ་རྣམས་འཕགས་མཆོག་ཐུགས་རྗེ་ཆེན་པོས་ལམ་སྣ་དྲངས་ཏེ་བདེ་བ་ཅན་དུ་སྐྱེ་བའི་རྒྱུར་གྱུར་ཅིག །སུ་ཛ་ཡ། ། བཅོམ་ལྡན་འདས་མི་འཁྲུགས་པའི་ཆོག་མངོན་དགའི་ཞིང་གི་རྒྱན་མཛེས་བྱད་ལྷན་ཐབས་ཨིནྡྲ་ནཱི་ལའི་ཆུན་འཕྱངས།― LT34_Page_0397 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་མི་འཁྲུགས་པའི་ཆོག་མངོན་དགའི་ཞིང་གི་རྒྱན་མཛེས་བྱད་ལྷན་ཐབས་ཨིནྡྲ་ནཱི་ལའི་ཆུན་འཕྱངས་ཞེས་བྱ་བ་བཞུགས་སོ། ། ― LT34_Page_0398 ―
[མ་དཔེ་གཟིགས་ན་འདིར་གནོན།]
བླ་མ་དང་མགོན་པོ་མི་འཁྲུགས་པ་ལ་ཕྱག་འཚལ་ལོ། །སྟོབས་བཅུའི་དབང་ཕྱུག་ཁྱོད་མཚན་དྲན་མ་ཐག །བདུད་ཀྱི་དཀྱིལ་འཁོར་རྣམ་པར་དཀྲུགས་པ་དང་། །ལྷན་ཅིག་བྱང་ཆུབ་ལམ་ལས་ཕྱིར་མི་ལྡོག །མཐོང་ཐོས་དོན་དང་ལྡན་ལ་ཕྱག་འཚལ་ལོ། །མུན་ཁུང་།།།ལ་ནི་སྒྲོན་མེ་བཞིན། །ལས་སྒྲིབ་མཚན་ཙམ་གྱིས་སེལ་བ། །གང་དེའི་གཟུངས་མདོ་རྒྱ་གཞུང་གི། །གསལ་བྱེད་གཞན་ལ་ཕན་ཕྱིར་འབྲི། །དེའང་གར་དབང་ཐམས་ཅད་མཁྱེན་པ་ཆོས་ཀྱི་དབང་ཕྱུག་གིས་མཛད་པའི་མི་འཁྲུགས་པའི་སྒྲུབ་ཐབས་འདི་ནི་རྩ་བའི་རྒྱ་གཞུང་དང་ཇོ་བོ་ཆེན་པོའི་དགོངས་པར་ ― LT34_Page_0399 ―
[མ་དཔེ་གཟིགས་ན་འདིར་གནོན།]
འབྱོར་ངེས་པའི་ཚིག་ཉུང་དོན་ཟབ་ཡིད་ཆེས་པའི་གནས་སུ་སྣང་ཞིང་། སྤྱིར་ཇོ་བོ་ལུགས་ཀྱི་མི་འཁྲུགས་པ་ལྷ་དགུ་འདི་ཇོ་ནང་རྗེ་བཙུན་ཆེན་པོས་བྱ་རྒྱུད་སྤྱོད་རྒྱུད་དུ་བཀྲལ་བར་བཞེད་པའི་རྗེས་སུ་ཕྱི་མ་རྣམས་འབྲངས་མོད། སྤྱོད་རྒྱུད་རང་ལུགས་ཐུན་མོང་མ་ཡིན་པའི་དབང་དང་ལམ་རིམ་སྦྱོར་དུ་མེད་པས། ནང་གི་ཏིང་ངེ་འཛིན་ཙམ་ལས་དབང་དང་ཡན་ལག་ལྷག་མ་བྱ་རྒྱུད་ལྟར་སྦྱོར་ཞིང་། བྱ་རྒྱུད་དཀྱིལ་འཁོར་བསྡུས་པའི་རིགས་ལ་བྱ་བའང་བསྡུས་པ་མཛད་པ་བརྒྱུད་པའི་ཕྱག་བཞེས་སུ་འབྱུང་བ་ཉིད་སོར་བཞག་སྟེ་གསལ་བྱེད་ལྷན་ཐབས་འགོད་པ་ལ་གསུམ། རང་དོན་བསྙེན་སྒྲུབ་ ― LT34_Page_0400 ―
[མ་དཔེ་གཟིགས་ན་འདིར་གནོན།]
ཀྱི་ཟིན་བྲིས། གཉིས་དོན་སྦྱིན་སྲེག་གི་ལག་ལེན། གཞན་དོན་ཕན་གདགས་པའི་རིམ་པའོ། །དང་པོ་ལ་བཞི། འཇུག་པའི་སྤྱོད་པ། སྦྱོར་བའི་སྤྱོད་པ། སྒྲུབ་པའི་སྤྱོད་པ། གྲུབ་པའི་སྤྱོད་པའོ། །དང་པོ་ནི། བསྙེན་པ་སོགས་ཀྱིས་དག་པར་བྱས་པའི་བླ་མ་ཡོན་ཏན་དང་ལྡན་པ་ལས། འཇིག་རྟེན་ལས་འདས་པའི་རིགས་གསུམ་གྱི་ཡ་གྱལ་དེ་བཞིན་གཤེགས་པའི་རིགས་བཅོམ་ལྡན་འདས་མི་འཁྲུགས་པའི་དཀྱིལ་འཁོར་དུ་ཞུགས་ཏེ། ཆུ་དང་ཅོད་པན་གྱི་དབང་འཁོར་བཅས་ནོད་ལ། རྒྱུད་སྡེ་ཐམས་ཅད་ཀྱི་རྩ་བའི་དམ་ཚིག་ཆེན་པོ་བཞིར་གྲགས་པ། འཇིག་རྟེན་པའི་ཡང་དག་ལྟ་བ། གསུམ་ལ་སྐྱབས་སུ་འགྲོ་བ། བྱང་ཆུབ་ཏུ་སེམས་བསྐྱེད་པ། དཀྱིལ་འཁོར་དུ་དབང་བསྐུར་བ་རྣམས་དང་། བྱ་རྒྱུད་སྤྱིའི་དམ་ཚིག་བཅུ་བཞི། རང་རིགས་ཁྱད་པར་གྱི་སྤང་བླང་ལ་བརྩོན་པ་སྟེ། མདོར་ན་དབང་དང་དམ་ཚིག་ལེགས་པར་ལྡན་པའི་རྣལ་འབྱོར་པས་བསྙེན་སྒྲུབ་ལ་འཇུག་དགོས་པ་ནི། ལོ་ཏོག་བསྐྱེད་འདོད་པས་ཞིང་ས་དང་ས་བོན་དྲོད་གཤེར་འཛོམ་དགོས་པ་བཞིན་ནོ། །གཉིས་པ་སྦྱོར་བའི་སྤྱོད་པ་ནི་བསྙེན་པ་དངོས་ཏེ། དེ་ལ་གཉིས། ཡན་ལག་དང་། གཙོ་བོའོ། དང་པོ་ནི། དཔུང་བཟང་ལས་ ― LT34_Page_0401 ―
[མ་དཔེ་གཟིགས་ན་འདིར་གནོན།]
ཡན་ལག་བཅུ་དང་ལྡན་པའི་སྒོ་ནས་བསྙེན་པ་བྱ་བར་གསུངས་པ་དེ་རྣམས་དངོས་གྲུབ་ངེས་པར་སྒྲུབ་པའི་དབང་དུ་མཛད་ཅིང་། དཀྱུས་འགྲེ་ཙམ་ལ་གཙོ་བོར་བསྡགས་པ་གནས་དུས་སོགས་ཚོགས་པའི་དབང་དུ་བྱས་ནས། གནས་ཁང་བྱི་དོར་དང་རྣམ་འཇོམས་བཟླས་པའི་གཟུངས་ཆུས་གཙང་བར་བྱས་པའི་ཀུ་ཤ་འོག་ཏུ་བཀྲམ་པའི་མལ་ལེགས་པར་འཆོས་པ་སོགས་བསྙེན་སྒྲུབ་སྤྱི་ལྟར་མཁོ་བའི་ཡོ་བྱད་སྟ་གོན་བྱ། མདུན་གྱི་སྟེགས་བུར་རིང་བསྲེལ་དང་ལྡན་པའི་སངས་རྒྱས་ཀྱི་སྐུ་གསུང་ཐུགས་རྟེན། མི་འཁྲུགས་པ་ལྷ་དགུའི་རས་བྲིས་ཡོད་ན་བཀྲམ་པའི་སྤྱན་སྔར་ཁ་ཟས་དཀར་གསུམ་བཟང་དགུ་ལས་བཅོས་པའི་ཟླུམ་གཏོར་པད་འདབ་བཞི་པ། ཆུ་གཉིས་ཉེར་སྤྱོད། མཎྜལ་གྱི་ཡོ་བྱད། ཆ་གསུམ་དང་གཞི་བདག་གཏོར་མ་བཤམ། རང་གི་མདུན་ཏུ་ལས་བུམ་མམ། དུང་ཞལ་གྱི་ཆུར་དྲི་བཟང་སྦྱར་བ་གང་བདེ་རྒྱུན་ཏུ་ཉེ་རེག་ལ་སྤྱོད་བདེ་བར་བཞག །གཞན་ཡང་ཨ་མྲྀ་ཏས་བསྔགས་པའི་མར་དཀར་དང་སྤྲ་རྩི་ལུས་ལ་བདུག་པས་མཚོན་བྱ་རྒྱུད་ཀྱི་གེགས་སེལ་རྫས་ཀྱང་ཆགས་མེད་རི་ཆོས་ལས་འབྱུང་བ་ལྟར་སྔ་ཚག་བྱ་ཞིང་། སྐབས་སུ་སྤྱད་པར་བྱའོ། ། ― LT34_Page_0402 ―
[མ་དཔེ་གཟིགས་ན་འདིར་གནོན།]
གཟའ་སྐར་ཚེས་དུས་བཟང་པོར་བསྙེན་པ་ལ་འཇུག་པའི་སྔ་ཉིན་གྱི་སྔ་དྲོར་མགོ་ལུས་ལེགས་པར་བཀྲུ། དྲི་ཞིམ་པོའི་སྤོས་ཀྱིས་བདུག །བ་བྱུང་དང་སྦྱར་བའི་དྲི་ཆབ་ལ། ཨོཾ་ན་མོ་བྷ་ག་ཝ་ཏེ་ཨུཥྞི་ཥཱ་ཡ། ཨོཾ་བི་ཤུདྡྷེ་བཱི་ར་ཛེ་ཤཱི་བ་ཤཱ་ན་ཏི་ཀ་རེ་སྭཱ་ཧཱ། ཞེས་པའི་སྔགས་འདི་བརྒྱ་རྩ་སོགས་ཅི་འགྲུབ་བཟླས་ལ་ཁ་བཤལ་།།།ཁོང་དུ་བཏུང་བས་ཟླ་ཕྱེད་ཕན་ཆད་ཀྱི་ཤ་སོགས་བཟའ་མིན་ཟོས་པའི་ཉེས་པ་བྱང་བར་གསུངས། དེ་ནས་ཕྱག་བསྐོར་མཎྜལ། གསེར་འོད་ལས་འབྱུང་བའི་བཤགས་པ། དེ་བཞིན་གཤེགས་པའི་ཡིག་བརྒྱ་བཟླ་བ་སོགས་ཅི་འགྲུབ་བྱ། ལེགས་གྲུབ་ལས། རྒྱལ་བའི་རིགས་ལ་བོ་དྷེ་ཙེ། །སྔགས་ཀྱི་ནོར་བུ་རབ་ཏུ་བསྒྲགས། །ཞེས་པ་ལྟར། བོ་དྷི་ཙེའི་བགྲང་ཕྲེང་བ་བྱུང་གིས་བཀྲུས་ལ་སྤོས་ཀྱིས་བདུག །ལུང་ཐག་ཀྱང་གྲུབ་ན་ཀོ་ཐིག་མ་ཡིན་པ་རས་བལ་གྱི་སྐུད་པ་ལ་བརྒྱུ་དགོས་པ་ཡིན་ནོ། །ཕྱི་དྲོར་རང་ཉིད་ལྷག་པའི་ལྷའི་ང་རྒྱལ་དང་ལྡན་པས་གཞི་བདག་སྤྱི་གཏོར་གང་བདེ་དང་། ཆ་གསུམ་གཏོར་མ་བྱིན་རླབས་ནས་བརྩམས་ཀུན་རིག་ལྟར་བསྔོས། བདུད་རྩི་འཁྱིལ་བའི་སྔགས་རིང་ཐུང་སོགས་དྲག་སྔགས་ཀུ་གུལ་དུད་བ་ཡུངས་ཐུན་བཅས་པས་ ― LT34_Page_0403 ―
[མ་དཔེ་གཟིགས་ན་འདིར་གནོན།]
བགེགས་བསྐྲད་ལ་སྲུང་འཁོར་སྤྱི་མཐུན་ཙམ་བསྒོམ། སྒོ་རྩར་ཐོ་དཀར་པོ་འཛུགས་པ་ལ་ཕྱག་རྡོར་དང་རྒྱལ་ཆེན་བཞིའི་སྔགས་བྱང་གཟུག །དེ་ནས་བརྩམས་ཏེ་བསྙེན་པ་གྲུབ་ཀྱི་བར་དམིགས་འོག་ཏུ་མ་ཆུད་པའི་རྒྱུ་འགྲུལ་དང་ཡོ་བྱད་སོགས་ཞུད་སྲུང་ཞིང་། གཙང་སྦྲའི་ཀུན་སྤྱོད་སོགས་དམ་ཚིག་ལ་ལྷག་པར་གནས་པར་བྱའོ། །གཉིས་པ་སྦྱོར་སྤྱོད་གཙོ་བོ་ལ་གསུམ། སྦྱོར་བ། དངོས་གཞི། རྗེས་ཀྱི་བྱ་བའོ། །དང་པོ་ནི། བསྙེན་པ་ལ་འཇུག་པའི་ཉིན་དང་པོའི་ནངས་མོར་ཡང་སྒྲུབ་པ་པོས་ཡན་ལག་ལྔ་ཁྲུས་དང་། སྤོས་དཀར་གྱིས་བདུག །གོས་གཙང་མ་གྱོན། བྱང་མཆིས་མ་ལན་གསུམ་གྱིས་སེམས་བསྐྱེད། ཐེག་པ་ཆེན་པོའི་གསོ་སྦྱོང་དོན་ཞགས་ལུགས་ལྟར་རབ་དུས་རྒྱུན། འབྲིང་ཉ་སྟོང་བརྒྱད། ཐ་ན་ཉིན་དང་པོ་ཙམ་ལ་ལེན་ནུས་ན་རབ་བྱུང་ཕྱོགས་ལའང་ཐེག་ཆེན་སྡོམ་པ་གསོ་བའི་ཐབས་མཆོག་ཏུ་གྱུར་པ་ཡིན་པས་གསོ་སྦྱོང་ལན་གསུམ་བླངས་ལ་ཚུལ་ཁྲིམས་རྣམ་དག་གི་གཟུངས་ཉེར་གཅིག་བརྗོད། འདི་བླངས་ཕྱིན་ཡན་ལག་བརྒྱད་གཙང་མར་བསྲུང་དགོས་པས་ཕྱི་དྲོའི་ཁ་ཟས་ཀྱང་ངེས་པར་སྤང་། དེ་ནས་སྒྲུབ་ཁང་གི་ཁྱམ་མམ་ ― LT34_Page_0404 ―
[མ་དཔེ་གཟིགས་ན་འདིར་གནོན།]
སྡོད་གནས་ལས་གཞན་པ་ཞིག་ཏུ་འདུག་ལ། ཁྲུས་ཆབ་དང་། ས་གཙང་མ་ཐེབ་གང་མདུན་ཏུ་བཞག །ལག་གཉིས་རྡོ་རྗེ་བསྡམས་པའི་མཐེའུ་ཆུང་གཤིབས་ཏེ་བསྒྲེངས། མཛུབ་མོ་གཉིས་རྩེ་སྦྱར་ཏེ་བརྐྱང་བའི་གཡས་གཡོན་ཏུ་མཐེ་བོང་གཉིས་སྦྱར་བ་ཁྲོ་བོ་མནོལ་བ་མེད་པའི་ཕྱག་རྒྱ་དེ། སྙིང་ག་དང་། ལྐོག་མ་དང་། སྨིན་མཚམས་དང་། སྤྱི་བོ་རྣམས་སུ་སྔགས་ལན་རེ་རེས་གཏུགས། ཨོཾ་བཛྲ་ཀྲོ་དྷ་མ་ཧཱ་བ་ལ། ཧ་ན་ད་ཧཾ་པ་ཙ། བི་དྷཱ་ན་ས་ཡ། ཨུ་ཙུཥྨ་ཀྲོ་དྷ་ཧཱུྃ་ཕཊ། ལན་བཞི། རྡོར་བསྡམས་ལས་མཛུབ་མོ་གཉིས་གཤིབས་ཏེ་བསྒྲེངས། མཐེ་བོང་གཉིས་དེའི་གཡས་གཡོན་ཏུ་སྦྱར་ལ། ཨོཾ་ནི་ཁ་ན་བ་སུ་དྷེ་སྭཱ་ཧཱ། ལན་བདུན་ལ་སོགས་པ་མང་དུ་བཟླས་ཏེ། ས་དང་ཆུས་བཀྲུས་པར་བསམ། དེ་ནས་ཁྲུས་ཀྱིས་སྲུང་བ་ནི། མཐེ་བོས་མཐེ་ཆུང་གི་སེན་མོ་མནན། སོར་མོ་ལྷག་མ་གསུམ་རྡོ་རྗེ་རྩེ་གསུམ་པའི་ཚུལ་དུ་བྱས། ལག་གཉིས་བསྣོལ་ནས་ཕྱག་རྒྱ་དེ་དཔུང་པ་གཡས་གཡོན་ཏུ་བཞག་ལ། ཡིད་ཙམ་ཨམ་གཙིགས་བསྡམས། ཁྲོ་བོའི་ལྟ་བ་དང་བཅས་པས། ན་མོ་རཏྣ་ཏྲ་ཡཱ་ཡ། མ་ཧཱ་ཡཀྵ་སེ་ན་པ་ཏ་ཡེ། ན་མོ་བཛྲ་ཀྲོ་དྷཱ་ཡ། ཏདྱ་ཐཱ། ཨོཾ་ ― LT34_Page_0405 ―
[མ་དཔེ་གཟིགས་ན་འདིར་གནོན།]
ཧུ་ལུ་ཧུ་ལུ། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། ཨ་མྲྀ་ཏེ་ཧཱུྃ་ཕཊ། ཅེས་བདུད་རྩི་ཐབ་སྦྱོར་གྱི་སྔགས་རྒྱས་བདག་ཉིད་སྲུང་ངོ། །དེ་ནས་བསངས་ཆུ་སྒྲུབ་པ་ནི། སྣོད་བཟང་པོར་ཆུ་གཙང་མ་དྲི་ཞིམ་པོས་སཱགས་པ་ལ་དམིགས་ཏེ། ན་མོ་རཏྣ་ཏྲ་ཡཱ་ཡ། ན་མཿཙཎྜ་བཛྲ་པཱ་་ཡེ། ཨོཾ་ཧཱུྃ་ཧ་ན་ཧ་ན་བཛྲེ་བཛྲེ་་ཧཿབརྒྱ་རྩ་ཙམ་བཟླས། གཡོན་པ་རྡོ་རྗེ་རྩེ་གསུམ་གྱི་རྒྱ་གོང་དུ་སྨོས་པས་བསངས་ཆུ་བླངས་ཏེ། ཨོཾ་ཀི་ལི་ཀི་ལི་བཛྲ་ཧཱུྃ་ཕཊ། ཅེས་ལན་བདུན་བཟླ་ཞིང་། བདག་དང་། གནས་དང་། ཡོ་བྱད་དང་། སའི་གོང་བུ་ལ་བསངས་གཏོར་བྱ། དེ་ནས་ས་བྱིན་གྱིས་བརླབས་ནི། ཨོཾ་བཛྲ་ཧ་ར་ཧཱུྃ། ལན་བདུན་བརྗོད། ཨོཾ་བྷུར་ཛྭ་ལ་ཧཱུྃ་ཕཊ། ལན་བདུན་ལས་མི་ཉུང་བ་བཟླས་ཏེ། ལག་པ་ལས་ས་བྱུག་ཅིང་འཕྱིད་པར་བྱ། ཨོཾ་ཨ་མྲྀ་ཏེ་ཧཱུྃ་ཕཊ། ལན་ཉེར་གཅིག་ཙམ་ཡིད་ཀྱིས་བཟླ་ཞིང་། ལུས་དང་གདོང་དང་ལག་པ་རྣམས་ཁྲུས་ཆུས་བཀྲུའོ། །དེ་ནས་ཁང་པར་ཞུགས། ལྷ་རྣམས་མངོན་སུམ་དུ་དམིགས་པ་ལ་ཕྱག་བྱས་ནས། སྒོ་ནང་དུ་ལྷོ་ལ་ཕྱོགས་ཏེ་འདུག་ལ། གནས་སུ་ཞུགས་ཤིང་དམ་ཚིག་ལ་འཇུག་ ― LT34_Page_0406 ―
[མ་དཔེ་གཟིགས་ན་འདིར་གནོན།]
པའི་སྔགས། ཨོཾ་བི་ར་ཛ་བི་ར་ཛ་མ་ཧཱ་བཛྲཱི་ས་ཏ་ས་ཏ་སཱ་ར་ཏེ་སཱ་ར་ཏེ་ཏྲ་ཡེ་ཏྲ་ཡེ། བི་དྷ་མ་ནི་སམ་བྷཉྫ་ནི་ཏ་ར་མ་ཏི་སིདྡྷ་ཨ་གྲེ་ཏཾ་སྭཱ་ཧཱ། ལན་གསུམ་བརྗོད་ལ་འགྲེངས་བཞིན་ཏུ། བདག་སྲུང་བ་ནི། ཨོཾ་ཥྚོཾ་བནྡྷ་སྭཱ་ཧཱ། ཞེས་པ་དེ་བཞིན་གཤེགས་རིགས་ཀྱི་ལས་ཐམས་ཅད་པ་ལན་ཉེར་གཅིག་དང་། ན་མོ་རཏྣ་སོགས་བདུད་རྩི་ཐབ་སྦྱོར་གྱི་སྔགས་འབྲིང་པོ་ལན་གསུམ་གྱིས་དུང་ཆོས་ལ་སོགས་པ་བསང་ཆུའི་སྣོད་ལག་པ་གཡོན་ཏུ་བཞག །གཡས་པས་རང་གི་ལུས་ལ་གཏོར། སྔགས་དེ་ལན་གསུམ་བཟླ་བཞིན་ཏུ། མཆོད་པ་ལ་འཐོར་ཡབ་ཀྱིས་བསངས་ཆུ་གཏོར། ཡང་ཛི་ན་ཛཾ་ཀ་ཅེས་པ་དེ་བཞིན་གཤེགས་རིགས་ཀྱི་སྙིང་པོ་ལན་བདུན་ལས་མི་ཉུང་བས་ཀྱང་མཆོད་པ་ལ་བསངས་གཏོར་བྱ། དེ་ནས་ལག་གཡོན་པའི་གུང་སྲིན་མཐེ་བོས་མནན། མཛུབ་མོ་དང་མཐེའུ་ཆུང་གཉིས་གདུ་བུའི་ཚུལ་དུ་གུང་སྲིན་གཉིས་ཀྱི་རྒྱབ་ཏུ་སྦྱར། གཡས་རྡོ་རྗེ་རྩེ་གསུམ་པའི་ཕྱག་རྒྱ་ཁ་གྱེན་ཏུ་བསྟན་ནས་གཡོན་གྱིས་ཐེབ་མཛུབ་གི་འོག་ནས་བཏོན་ཏེ། གུང་མོ་བཟུང་བ་ལྟར་བྱེད་པ་ནི། གཟི་བྱིན་བསྐྱེད་པའི་ཕྱག་རྒྱ་སྟེ། དེ་ཉིད་མཆོད་པ་རྣམས་ཀྱི་སྟེང་ནས། ལྡིང་སྐོར་དང་ ― LT34_Page_0407 ―
[མ་དཔེ་གཟིགས་ན་འདིར་གནོན།]
བྲམ་པ་སྟེ་ཅབ་ཅབ་རེག་པའི་ཚུལ་དང་ཐིགས་གཏོར་གྱི་ཚུལ་བྱེད་ལ། ཨོཾ་ཏེ་ཛ་ཏེ་ཛ་སཾ་སིདྡྷི་སཱ་དྷ་ཡ་སྭཱ་ཧཱ། ལན་མང་དུ་བཟླས་ལ་མཆོད་པའི་གཟི་བྱིན་བསྐྱེད། བདུད་རྩི་ཐབ་སྦྱོར་གྱི་སྔགས་འབྲིང་པོ་ཕྱག་རྒྱ་བཅས་གོང་བཞིན་ལན་གསུམ་མམ་བདུན་སོགས་ཀྱིས་མཆོད་པ་བྱིན་རླབས། ཛི་ན་ཛིཀྲ་ལན་གསུམ་ལ་སོགས་པས་བརྟན་པར་བྱ། དེ་ནས་ལག་པ་གཉིས་ཀའི་གུང་སྲིན་གཉིས་གདུ་བུ་ལྟར་བྱས་ཏེ། རང་རང་ཕྱོགས་ཀྱི་སྦེ་ཤ་ལ་བཙུགས། མཐེའུ་ཆུང་དང་མཛུབ་མོ་གཤིབས་ཏེ་བསྒྲེངས། མཐེ་བོང་རྩེ་སྦྱར་ཏེ་བསྒྲེང་བ་ལས་ལག་མགོའི་རྒྱབ་ནང་དུ་ཕྱོགས་པས་རྩེ་མོ་འཐུར་ལ་བསྟན་པ་ནི་ཕུར་བུའི་ཕྱག་རྒྱ་སྟེ། ཨོཾ་ཀཱི་ལི་ཀཱ་ལ་བཛྲེ་བཛྲེ་བྷུར་བྷནྡྷ་ཧཱུྃ་ཕཊ། ལན་གསུམ་བཟླས་པས་བགེགས་ཐམས་ཅད་ལ་ཕུར་བུས་བཏབ་པར་བསམ། ཨོཾ་ཀེ་ལི་ཀཱི་ལ་བཛྲ་ཧཱུྃ་ཕཊ་ཀྱིས་ཀྱང་བསངས་གཏོར་བྱ། རྡོ་རྗེའི་རྭ་གུར་སྲ་ཞིང་མཐུག་ལ་རྩེ་མོ་མཐོན་པོར་གྲུབ་པར་མོས། ཨོཾ་ཀཱི་ལི་ཀཱི་ལ་བཛྲི་བཛྲི་བྷུར་བནྡྷ་ཧཱུྃ་ཕཊ་ཀྱིས་སྔགས་དང་ཕྱག་རྒྱ་ལན་གསུམ་གྱིས་བསྲུང་འཁོར་རྣམས་བྱིན་གྱིས་བརླབས་པར་མོས་ཤིང་། མཐེ་བོས་སོར་མོ་རྣམས་མནན་པའི་ཁུ་ཚུར་བཅིངས་ལ། སྡིག་མཛུབ་བརྐྱང་སྟེ། ― LT34_Page_0408 ―
[མ་དཔེ་གཟིགས་ན་འདིར་གནོན།]
དབུས་ནས་རྒྱ་ཇེ་ཆེ་ཇེ་ཆེར་ལན་གསུམ་དུ་བསྐོར་ཞིང་། ན་མཿས་མནྟ་བཛྲ་ཱཾ། ཨོཾ་ཏ་ར་ཏ་ར་ཏུ་རུ་ཏུ་རུ་མ་ཊ་མ་ཊ་བནྡྷ་བནྡྷ། སརྦ་ཏྲ་ཨ་པྲ་ཏི་ཧ་རས་ས་མེ་ས་མཱནྟ་ཀུ་རུ་ཀུ་རུ། ཏ་ར་ཏ་ར། ས་མནྟ་བཛྲེ་ས་མནྟ་བཛྲེ་ཀུ་རུ་ཨ་མ་ལེ་ཀུ་རུ་་མ་ཡེ། ཏུ་ཏ་ཡེ་ཏུ་ཏ་ཡེ། བ་ར་བ་ར་ཀ་ར་ཀ་ར་སུ་མེ་མས་མནྟ་བི་དྷཱ་ན་ས་ཡ་ཛྭ་ལ་ཡ་སྭཱ་ཧཱ། ལན་གསུམ། རྡོ་རྗེའི་རྭ་བའི་ཕྱི་རོལ་དུ་མེ་དཔུང་འབར་བས་བསྐོར་བར་གྱུར། སླར་ཡང་སྤོས་ཆུ་ལག་མཐིལ་དུ་བླུགས་ལ། ཛི་ན་ཛི་ཀ་མང་དུ་བཟླས་ཏེ། རང་གི་སྤྱི་བོ་ནས་བསངས་གཏོར་བྱ། རྩྭ་ཀུ་ཤའི་གདན་སོགས་ལ་འདུག་པར་མོས་ཏེ། ན་མོ་རཏྣ་ནས། ཨ་མྲྀ་ཏེ་ཧཱུྃ་ཕཊ་གྱི་བར་བདུད་རྩི་ཐབ་སྦྱོར་བཟླ་བཞིན་ཏུ། སྙན་ལ་བསངས་གཏོར་བྱས་ཏེ། སྐྱིལ་མོ་ཀྲུང་གིས་འདུག་གོ། །དེ་ནས། བདག་གིས་སེམས་ཅན་སོགས་བྱང་ཆུབ་ཀྱི་སེམས་སྔོན་ཏུ་འགྲོ་བའི་བསོད་ནམས་ཚོགས་བསགས་ནི། རང་སྐད་ཅིག་གིས་བཅོམ་ལྡན་འདས་མི་འཁྲུགས་པ་སྤྲུལ་སྐུའི་རྣམ་པ་ཅན་ཏུ་གསལ་བའི་ཐུགས་ཀར་པད་ཟླའི་སྟེང་དུ་ཧཱུྃ་སྔོན་པོ་ལས་འོད་ཟེར་ཁ་དོག་ལྔ་ལྡན་འཕྲོས་པས། བླ་མ་མི་བསྐྱོད་པ་ལོངས་སྐུའི་རྣམ་པ་ཅན་གྱིས་དབུ་བརྒྱན་པའི་མི་འཁྲུགས་པ་རིགས་ལྔ་རྒྱལ་བ་སྲས་དང་ ― LT34_Page_0409 ―
[མ་དཔེ་གཟིགས་ན་འདིར་གནོན།]
བཅས་པས་བསྐོར་བ་སྤྱན་དྲངས་མདུན་གྱི་ནམ་མཁར་པད་ཟླའི་གདན་ལ་བཞུགས་པ་ལ། རང་ཉིད་ཐ་མལ་པའི་ལུས་གྲངས་མེད་པ་སྤྲུལ་ཏེ་ཕྱག་འཚལ་བར་མོས་ལ་སྔགས་བརྗོད། ཐུགས་ཀའི་ཧཱུྃ་ཡིག་ལས་སྤྲུལ་པའི་ལྷ་མོ་ཉེར་སྤྱོད་ལྔ་དང་། བཀྲ་ཤིས་རྫས་རྟགས་འཛིན་པ་རྣམས་དང་། རིན་ཆེན་རྣམ་བདུན་སོགས་མཆོད་པ་ནམ་མཁའ་གང་བས་མཆོད་པར་མོས་ལ་སྔགས་རྒྱས་མཆོད། སྡིག་པ་བཤགས་ལ་སོགས་ཡན་ལག་ལྷག་མ་དོན་དྲན་བཞིན་པས་ལན་གསུམ་བརྗོད་ལ། སྔགས་རྒྱས་ཚོགས་ཞིང་ཆོས་ཀྱི་དབྱིངས་སུ་གཤེགས་ལ་ཚད་མེད་པ་བཞི་སྤྱི་ལྟར་བསྒོམ། དེ་ནས་ཤཱུ་ནྱ་ཏཱའི་སྔགས་བརྗོད་ཅིང་། སྟོང་པ་ཉིད་ཡེ་ཤེས་རྡོ་རྗེའི་རང་བཞིན་གྱི་བདག་ཉིད་ངའོ་ཞེས་པའི་སྔགས་དོན་དྲན་པ་ནི་ཡེ་ཤེས་ཚོགས་བསགས་ཏེ་སྦྱོར་བའི་ཆོས་གྲུབ་པོ། །གཉིས་པ་དངོས་གཞི་ལ་བཞི། བདག་གི་དེ་ཁོ་ན་ཉིད། ལྷའི་དེ་ཁོ་ན་ཉིད། བཟླས་པའི་དེ་ཁོ་ན་ཉིད། བསམ་གཏན་གྱི་དེ་ཁོ་ན་ཉིད་དོ། །དང་པོ་ནི། ཆོས་རྣམས་ཐམས་ཅད་སོགས་རྐང་པ་གཉིས་ཏེ། ཁམས་གསུམ་པོ་ནི་སེམས་ཙམ། སེམས་དེའང་དམིགས་པ་མེད་པ་ནམ་མཁའ་ལྟ་བུ། ― LT34_Page_0410 ―
[མ་དཔེ་གཟིགས་ན་འདིར་གནོན།]
ཐམས་ཅད་ཀྱི་རང་བཞིན་ནི། གཟུང་འཛིན་ལ་སོགས་པའི་རྟོག་པ་མེད་པ། རྣམ་པར་རྟོག་པའི་སྣང་བ་མེད་པ། རྡུལ་ཕྲ་རབ་ཀྱི་གཟུགས་དངོས་པོ་མེད་པ། མཚན་མའི་གཡོ་བ་མེད་པ། དེ་རྣམས་ཀྱིས་སྟོང་པའི་མེད་དགག་ལས་ཀྱང་འདས་པ་འོད་གསལ་བའི་རང་བཞིན། ངོ་བོ་སོ་སོར་རང་གིས་རིག་པ་སྟེ་མཚན་ཉིད་དྲུག་ལྡན་གྱི་གཞི་བདེ་བར་གཤེགས་པའི་སྙིང་པོ་སྤྲོས་པ་དང་བྲལ་པའི་ཡེ་ཤེས་ཀུན་འགྲོ་ཀུན་ལ་ཁྱབ་པའོ་སྙམ་དུ་ཡུན་རིང་མཉམ་པར་བཞག་གོ། །གཉིས་པ་ལྷའི་དེ་ཁོ་ན་ཉིད་ལ་གཉིས། དངོས་དང་། དེ་སྒྲུབ་པའི་ཡན་ལག་གོ། །དང་པོ་ལ་དྲུག །སྟོང་དང་ཡི་གེ་སྒྲ་གཟུགས་དང་། །ཕྱག་རྒྱ་མཚན་མ་དྲུག་ཡིན་ཏེ། །ཞེས་པ་ལྟར་ལས་དང་པོ་སྟོང་པའི་ལྷ་ནི། བདག་གི་དེ་ཁོ་ན་ཉིད་སྤྲོས་བྲལ་འོད་གསལ་བའི་རང་བཞིན་ཡིན་པ་ལྟར་ལྷའི་དེ་ཁོ་ན་ཉིད་ཀྱང་དེ་ལྟར་ཡིན་པས་དེ་གཉིས་དབྱེར་མེད་དོན་དམ་བྱང་ཆུབ་སེམས་ཀྱི་ངོ་བོ་སྟོང་པ་ཉིད་ལ་མཉམ་པར་འཇོག་གོ། །གཉིས་པ་ཡི་གེའི་ལྷ་ནི། དེ་ཡི་ངང་ལས་སོགས་རྐང་པ་ལྔ་སྟེ། སྟོང་ཉིད་དེའི་ངང་ལས་དམིགས་མེད་སྙིང་རྗེའི་རང་རྩལ་རང་སེམས་ཟླ་བར་སྣང་བ་ལ་ཧཱུྃ་སྔོན་པོ་འོད་ཟེར་འབར་བས་མཚན་པར་བསམ། གསུམ་པ་སྒྲའི་ལྷ་ནི། ― LT34_Page_0411 ―
[མ་དཔེ་གཟིགས་ན་འདིར་གནོན།]
ཧཱུྃ་དེ་ལས་སྔགས་ཀྱི་རང་སྒྲ་སི་ལི་ལི་སྒྲོག་པར་བསམ། བཞི་པ་ཕྱག་རྒྱའི་ལྷ་ནི། ཧཱུྃ་དེ་རྡོ་རྗེ་སྔོན་པོ་རྩེ་ལྔ་པ་ལྟེ་བར་སྔོན་པོས་མཚན་བར་གྱུར་པ་མོས། དེ་ལས་འོད་འཕྲོས་སོགས་རྐང་པ་དྲུག་གི་དོན་དྲན་བཞིན་ཏུ་གཤེགས་རིགས་ཀྱི་དམ་རྒྱ་ཐལ་མོ་བཀན་པའི་མཛུབ་མོ་གཉིས་ཅུང་ཟད་ནང་དུ་བཀུག་པ་བཅས་ལ་སྔགས་བརྗོད། གཞུང་ལས་རྡོ་རྗེ་རིགས་ཀྱི་དམ་རྒྱ་འཆའ་བར་བཤད་པ་ནི་སྔགས་དང་འགལ་བས་བརྟག་པར་བྱའོ། །ལྔ་པ་གཟུགས་ཀྱི་ལྷ་ནི། དེ་དག་ཡོངས་སུ་གྱུར་པ་སོགས་ཤློ་ཀ་ཕྱེད་གསུམ་གྱིས་བདག་ཉིད་མི་འཁྲུགས་པ་སྤྲུལ་སྐུ་ཆགས་བྲལ་གྱི་རྣམ་པ་གཟུགས་ཡོངས་སུ་རྫོགས་པར་བསྒོམ་པའོ། །དྲུག་པ་མཚན་མའི་ལྷ་ནི་འོག་ནས་འབྱུང་། འདི་རྣམས་རྒྱུད་སྡེ་གཞན་གྱི་མངོན་བྱང་ལྔ་ལ་སོགས་པའི་དོད་ཡིན་ནོ། །གཉིས་པ་ཡན་ལག་ནི། བདག་ཉིད་ལྷར་གསལ་བའི་ཐུགས་ཀར་པད་ཟླ་ལ་ཧཱུྃ་སྔོན་པོ་འོད་ཟེར་འཕྲོ་བ་གསལ་བཏབ། འདིའང་དོན་དུ་ཕྱག་རྒྱའི་ལྷར་འདུའོ། །དེའི་འོད་ཟེར་གྱིས་དབང་ལྷ་སྤྱན་དྲངས། བུམ་པའི་ཆུ་བླུགས་ཤིང་། ཅོད་པན་སྤྱི་བོར་བཞག་པས་དབང་བསྐུར། དབང་རྟགས་སུ་གནས་གསུམ་དུ་ཟླ་བ་ལ་གནས་པའི་འབྲུ་གསུམ་གྱིས་མཚན་ངར་གྱུར། ― LT34_Page_0412 ―
[མ་དཔེ་གཟིགས་ན་འདིར་གནོན།]
སླར་ཡང་ཐུགས་སྲོག་འོད་ཀྱིས་མངོན་དགའི་ཞིང་ནས་མི་འཁྲུགས་ཡེ་ཤེས་པ་སྤྱན་དྲངས། མདུན་གྱི་ནམ་མཁར་བཞུགས་པ་ལ་ཆོགས་ཞིང་སྐབས་ལྟར་སྤྲུལ་པའི་ལྷ་མོས་མཆོད། རྒྱ་བཞིས་རང་དམ་ཚིག་པ་ལ་བསྟིམས་པས་ཐུགས་ཀར་པད་ཟླ་ལ། དབུས་སུ་ཡེ་ཤེས་སེམས་དཔའ་མི་འཁྲུགས་པ་རང་དང་འདྲ་བ་དེའི་ཕྱོགས་བཞིར་སངས་རྒྱས་རིགས་བཞི་སྤྲུལ་སྐུའི་རྣམ་པ། གཙོ་བོ་ཡེ་ཤེས་སེམས་དཔའི་ཐུགས་ཀར་པད་ཟླ་ལ་ཏིང་ངེ་འཛིན་སེམས་དཔའ་ཧཱུྃ་སྔོན་པོ་བཻ་ཌཱུརྻའི་མདོག་ལྟ་བུ། འོད་ཟེར་སྣ་ལྔ་འཕྲོ་བའི་མཐར་བཟླ་བྱའི་གཟུངས་སྔགས་ཡིག་ངོ་ནང་བསྟན་གཡས་བསྐོར་དུ་སྤྲུལ་འཁྱིལ་བའི་ཚུལ་གྱིས་མི་གཡོ་བར་གནས་པ་གསལ་གདབ། ཐུགས་ག་ནས་སྤྲོས་པའི་ལྷ་མོ་དཔག་ཏུ་མེད་པས་རང་ལ་མཆོད་ཅིང་བསྟོད་པར་མོས་ལ། མཆོད་བསྟོད་ངག་ཏུ་འདོན། མཐར་ལྷ་མོ་རྣམས་རང་ལ་བསྡུ། དེ་ནས་རང་ལྷར་གསལ་བ་ལ་རྩེ་གཅིག་ཏུ་སེམས་བཟུང་ནས་སྲོལ་རྩོལ་བསྡམས་ཏེ་ཇི་སྲིད་གསལ་སྣང་ཐོབ་པའམ། མི་སྐྱོའི་བར་དུ་མཉམ་པར་བཞག །གལ་ཏེ་དེ་ལས་ལྡང་བར་འདོད་ན་རྗེས་ཤེས་ཐམས་ཅད་དུ་ལྷ་དེའི་རྣམ་པ་ཡང་ནས་ཡང་དུ་དྲན་ཅིང་སྣོད་བཅུད་ཀྱི་སྣང་བ་ཐམས་ཅད་དག་སྣང་དུ་བལྟས་ལ་རང་གི་ལྷའི་གནས་ལུས་ ― LT34_Page_0413 ―
[མ་དཔེ་གཟིགས་ན་འདིར་གནོན།]
ལོངས་སྤྱོད་དུ་བསྒོམ་པ་ནི་མཚན་མའི་ལྷའོ། །གསུམ་པ་བཟླས་པའི་དེ་ཁོ་ན་ཉིད་ནི། བསམ་གཏན་ཕྱི་མ་ལས། སྒྲ་དང་སེམས་དང་གཞི་ལ་གཞོལ། །གསང་སྔགས་མི་འགྱུར་གཞི་ལ་གནས། །ཡན་ལག་མ་ཉམས་གསང་སྔགས་བཟླས། །ངལ་ན་བདག་ལ་ངལ་སོས་ཤིག །ཅེས་པས་ཡན་ལག་གསུམ་གྱིས་བཟླས་པའི་གཞི་འཛིན་པ། དངོས་གྲུབ་སྒྲུབ་པའི་བཟླས་པ་ཁྱད་པར་དུ་དབྱེ་བ། བཟླས་པའི་སྐྱོན་སྤངས་ཞིང་གྲངས་ཀྱི་ཚུལ། དུབ་པ་ངལ་གསོ་པ་དང་བཞི། ཞར་བྱུང་བསླབ་བྱའི་གནས་དང་ཕན་ཡོན་བསྟན་པ་བཅས་ལྔའོ། །དང་པོ་ཡན་ལག་གསུམ་ནི། གཞི་དང་སེམས་དང་སྒྲ་སྟེ་གསུམ་ཡོད། གཞི་ལའང་རྣམ་སྣང་མངོན་བྱང་གི་དགོངས་པས་གཉིས་ཀྱི་གཞི་དང་པོ་རང་སེམས་བདེ་བར་གཤེགས་པའི་སྙིང་པོ་གདོད་མའི་སངས་རྒྱས་རང་ཆོས་སུ་བཞུགས་པར་ཤེས་པ། གཞི་གཉིས་པ་ནི་དེ་ཉིད་གཟུགས་སྐུའི་རྣམ་པར་ཤར་བ་རང་ཉིད་རྫོགས་པའི་སངས་རྒྱས་མི་འཁྲུགས་པར་གསལ་བའི་ཐུགས་ཀར། སེམས་ཀུན་རྫོབ་བྱང་ཆུབ་སེམས་ཀྱི་རང་བཞིན་ཟླ་བའི་དཀྱིལ་འཁོར་གྱི་སྟེང་དུ། སྒྲ་ཧཱུྃ་ཡིག་སྔགས་ཕྲེང་སྒྲ་གདངས་ཅན་ཏུ་གསལ། འདི་གཉིས་ ― LT34_Page_0414 ―
[མ་དཔེ་གཟིགས་ན་འདིར་གནོན།]
ལ་རྣམ་སྣང་མངོན་བྱང་དུ་ཡི་གེ་དང་པོ་དང་གཉིས་པའི་ཐ་སྙད་མཛད། དེ་ནས་བགྲང་ཕྲེང་རབ་གནས་སྔགས་ལན་གསུམ་བརྗོད། ཐོག་མར་ལག་པ་གཡས་པའི་གུང་མོ་དང་མཐེའུ་ཆུང་བརྐྱང་། མཛུབ་མོ་གུང་མོའི་རྒྱབ་ཏུ་བཀུག་ཅིང་སྦྱར། མཐེ་བོས་སྲིན་ལག་གི་སྟེང་ནས་སྙིང་གའི་ཐད་དུ་བགྲང་དགོས་ལ། རིམ་པར་ངལ་ན་ལག་པ་གཡོན་པས་སྤྱི་ལྟར་དུ་བགྲང་། ཡུལ་ལ་འཕྲོ་བའི་ཀུན་རྟོག་ཐམས་ཅད་སྤང་སྟེ་ལྷ་སྔགས་སྒྲ་དང་བཅས་པ་ལ་དྲན་འདུན་རྒྱུན་མི་འཆད་པ་ཡང་དང་ཡང་དུ་དྲན་པ་རྩེ་གཅིག་པའི་སེམས་ཀྱིས་མངོན་སུམ་དང་འདྲ་བར་བལྟས་ལ་སྐྱོན་རྣམས་སྤངས་པའི་བཟླས་པ་ལ་གཞོལ། དམིགས་པ་བརྟན་པ་ན། ས་བོན་སྔགས་ཕྲེང་དང་བཅས་པ་ལས་འོད་ཟེར་འཕྲོས། འཇིག་རྟེན་གྱི་ཁམས་ཐམས་ཅད་སྣང་བར་བྱས། སེམས་ཅད་ཀྱི་སྡིག་སྒྲིབ་སྦྱངས། སངས་རྒྱས་ཐམས་ཅད་ཀྱི་ཐུགས་རྒྱུད་བསྐུལ། འོད་ཟེར་སླར་འདུས་ཏེ་རང་ལ་ཐིམ་པས་བདག་ཉིད་ཀྱི་ཚེ་རབས་ཐོག་མེད་ནས་བསགས་པའི་ལས་ངན་སྡིག་སྒྲིབ་ཐམས་ཅད་བྱང་ཞིང་དག་པར་བསམ། འདིར་སྔགས་ངོ་ནང་དུ་བསྟན་པ་ནི་རྒྱུད་སྡེ་རྣམས་སྤྱིར་བཏང་ཡིན་ཅིང་འཕགས་བོད་མཁས་གྲུབ་སྤྱིའི་བཞེད་པར་མ་ཟད། བོ་དོང་འཇིགས་བྲལ་ ― LT34_Page_0415 ―
[མ་དཔེ་གཟིགས་ན་འདིར་གནོན།]
ཆེན་པོ་སོགས་ཀྱིས་ཡང་ཡང་དམིགས་སུ་བཤད་པའི་རྗེས་སུ་འབྲང་བ་ཡིན་ལ། ལུགས་འདིར་སྔགས་ཕྲེང་འཁོར་རྒྱུ་མེད་ཅིང་། གཞུང་དུ་སྔགས་ཕྲེང་འཁོར་བར་བཤད་པ་ལྟར་ན་སྔགས་ངོའང་ཕྱིར་བསྟན་དགོས་ལ་འདི་ནི་གྲུབ་ཆེན་ཀརྨ་པའི་གདམས་ངག་རྙིང་ལུགས་དང་བསྲེ་འདྲེས་མཛད་པའི་ཀི་ཚང་ལུགས་སྤྱིའི་དབང་དུ་མཛད་པར་མངོན་པས། འདིར་ནི་གོང་སྨོས་ལྟར་རྒྱུད་སྡེ་རང་ལུགས་དང་ཆོས་འདི་གང་ལས་བརྒྱུད་པའི་ཁུངས་བུ་ལུགས་སོགས་དང་མཐུན་ན་ལེགས་པར་སེམས་སོ། །ཡང་། བོ་དོང་ཀུན་མཁྱེན་འཇིགས་མེད་ཞབས་ཀྱིས་རྒྱུད་སྡེ་སྤྱི་རྣམ་བྱ་རྒྱུད་སྐབས་སུ་བཟླས་པ་ལ་སྟོང་པའི་བཟླས་པ་སོགས་ལྷ་དྲུག་དང་སྦྱོར་བར་མཛད་ཅིང་། གཟུགས་ཀྱི་བཟླས་པ་སྤྲོ་བསྡུ་ལ་སྦྱོར་ཏེ། ཟླ་བ་སྔགས་དང་བཅས་པ་ལས་འོད་ཟེར་སྣ་ཚོགས་པ་འཕྲོས་པའི་རྩེ་མོ་ལས་རང་གི་ལྷའི་གཟུགས། སྐུའི་སྤྲིན་མཐའ་ཡས་བས་ནམ་མཁའི་དབྱིངས་ཐམས་ཅད་ཁྱབ། འཕགས་པ་ཐམས་ཅད་མཆོད་པའི་སྤྲིན་གྱིས་དགྱེས་པར་བྱས་ཤིང་སེམས་ཅན་ཐམས་ཅད་སྔགས་ཀྱི་འོད་ཟེར་གྱི་བདུད་རྩིའི་རྒྱུན་གྱིས་སྡུག་བསྔལ་ཞི་བར་བྱས་ནས། ལྷའི་སྐུ་འོད་ཟེར་དང་བཅས་པ་རྣལ་འབྱོར་པ་རང་གི་གནས་ ― LT34_Page_0416 ―
[མ་དཔེ་གཟིགས་ན་འདིར་གནོན།]
གསུམ་དུ་ཐིམ་པ་ཡང་རྩེ་གཅིག་ཏུ་བསམ་ཞེས་གསུངས་པ་སློབ་དཔོན་བྱང་ཆུབ་མཆོག་གི་དགོངས་པར་ཡང་སྣང་བས་སྐབས་སུ་དམིགས་པའི་རྩལ་སྦྱོང་བྱ་སྟེ། འདི་དག་གི་སྐབས་སུ་ཐོག་མར་སྒྲ་བཅས་དང་རིམ་པར་ཤུབ་བུའི་བཟླས་པ་གོང་བས་ཐོས་ཙམ་དུ་བྱའོ། །གཉིས་པ་དངོས་གྲུབ་སྒྲུབ་པའི་བཟླས་པ་ནི། གཙོ་བོར་མདུན་བསྐྱེད་དང་འབྲེལ་བ་ཡིན་ཀྱང་བདག་བསྐྱེད་ལའང་སྦྱོར་བ་མཛད་པས་དེ་ལྟར་ན། ཐོག་མར་ངག་བཟླས་གྲངས་བསྙེན་ཙམ་སོང་ནས་འདི་ཉིད་གཙོར་བྱ་བ་སྟེ། དམིགས་པའི་གཞི་སྔར་ལྟར་ལ། སྲོག་རྩོལ་བསྡམས་ནས་ཟླ་བ་སྔགས་ཕྲེང་ལ་སེམས་རྩེ་གཅིག་ཏུ་བཞག་སྟེ་ཡིད་བཟླས་བྱ། རླུང་གཏོང་བ་ན་རང་ཉིད་གོང་སྨོས་ལྟར་གཞི་གཉིས་ཀྱི་ང་རྒྱལ་བཟུང་བ་ལ་ཡང་ཡང་བསླབ་པའོ། །གསུམ་པ་སྐྱོན་སྤང་གྲངས་ཚད་དང་བཅས་པ་ནི། དཔུང་བཟང་ལས། བཟླས་བརྗོད་བྱེད་ཚེ་མི་མྱུར་མི་དལ་ཞིང་། །སྒྲ་ཆེར་མི་བྱ་ཧ་ཅང་ཆུང་བ་མིན། །སྨྲ་བཞིན་མ་ཡིན་གཞན་ཏུ་གཡེངས་བཞིན་མིན། །གུག་སྐྱེད་ཀླད་ཀོར་ཚེག་དྲག་ཉམས་པས་མིན། །གུག་སྐྱེད་ཡི་གེ་ལྷག་ཆད་གྱུར་པ་ཡིས། །གསང་སྔགས་དངོས་གྲུབ་རྒྱ་ཆེན་མི་སྟེར་རོ། །ཞེས་དང་། གུག་སྐྱེད་ཀླད་ ― LT34_Page_0417 ―
[མ་དཔེ་གཟིགས་ན་འདིར་གནོན།]
ཀོར་ཚེག་ཚང་ཟུར་ཕྱིན་ལ། །གསང་སྔགས་དག་ཅིང་ཤིན་ཏུ་ཆོ་གར་བཅས། །སངས་རྒྱས་བྱང་ཆུབ་སེམས་པས་བསྟན་པ་ཡི། །གནས་སུ་བཟླས་ན་ཡིད་འོང་དངོས་གྲུབ་འཐོབ། །ཅེས་གསུངས་པ་ལྟར་ཡན་ལག་མཉམས་པར་བཟླ་དགོས་སོ། །བཟླས་པའི་ཚད་ནི། དངོས་གྲུབ་སྒྲུབ་པ་ལ་ཚད་མེད་དེ་མ་འགྲུབ་ཀྱི་བར་དུ་བསྐྱར་ནས་བསྒྲུབ་དགོས་ལ། གྲངས་བསྙེན་ཙམ་གྱི་དབང་དུ་བྱས་ན། ལེགས་གྲུབ་ལས་ཡིག་འབྲུ་བཅོ་ལྔ་མན་ཆད་ལ། འབྲུ་འབུམ། སུམ་ཅུ་རྩ་གཉིས་མན་ཆད་ལ་སུམ་འབུམ། དེ་ཡན་ཆད་ལ་ཁྲི་བཟླ་བར་གསུངས་པ་འདི་ལ་བོ་དོང་ཆེན་པོ་སོགས་བཤད་ཚུལ་འདྲ་མིན་འགའ་རེ་སྣང་བ་ལས། དེང་སང་ལག་ལེན་ཏུ་སྒྲོལ་མ་རལ་པ་གྱེན་བརྫེས་ཀྱི་རྒྱུད་ལས་གསུངས་པའི་གཟུངས་རིང་འདིའི་དབང་དུ་བྱས་ནས། རབ་འབུམ་ཕྲག་བཞི་ཁ་སྐོང་དང་བཅས་པ། ཐ་མ་འབུམ་ཕྲག་གཅིག་ཁ་སྐོང་བཅས་ཀྱིས་བསྙེན་པ་དང་། མདུན་བསྐྱེད་དང་འབྲེལ་བའི་སྒྲུབ་པ་ལ་ཁྲི་ཙམ་གྱིས་འགྲུབ་པའི་རྩིས་སུ་མཛད་དོ། །བཞི་པ་ངལ་གསོ་བ་ནི། ངག་བཟླས་དང་ཡིད་བཟླས་ལ་སོགས་པས་སྐྱོ་ཞིང་དུབ་པའི་སྐབས་སུ་ཏིང་ངེ་འཛིན་བཏང་ནས་ཡུལ་ལ་གཡེང་བ་མི་བྱ་ ― LT34_Page_0418 ―
[མ་དཔེ་གཟིགས་ན་འདིར་གནོན།]
པར་བདག་གི་དེ་ཁོ་ན་ཉིད་རྣམ་པར་མི་རྟོག་པའི་ངང་དུ་མཉམ་པར་བཞག་སྟེ་ངལ་གསོ་ཞིང་ཐུན་མཚམས་ལ་འཇུག་པར་བཤད་དོ། །ལྔ་པ་བསླབ་བྱ་ཕན་ཡོན་དང་བཅས་པ་ནི། བསྙེན་སྒྲུབ་ལ་ཞུགས་ནས་མཐར་མ་སོན་གྱི་བར་དུ་རབ་དཀར་གསུམ་ལ་བརྟེན་པའི་གདན་གཅིག །ཐ་མ་གདན་གཉིས་པ་ཞེས་སྔ་དྲོ་དང་ཉིན་གུང་ལ་ལན་གཉིས་ཟ་ཞི་ཕྱི་དྲོ་ཁ་ཟས་སྤང་བར་བཤད་པས་ནུས་ན་ལེགས། གང་ལྟར་ཡང་ཤ་ཆང་སྒོག་བཙོང་ལ་ཕུག་རང་གི་ཁམ་འཕྲོ་ཟ་བ་རྣམས་སྤང་། འཁར་བའི་སྣོད་ལོ་མ་ལག་མཐིལ་རྣམས་སུ་མི་བཟའ། བཟླས་པ་ལ་ཞུགས་ནས་ཐུན་མཚམས་ལ་མ་སླེབ་བར་བཟའ་བཏུང་གཤང་གཅི་འདོར་བ་ལངས་འདུག་སོགས་སྤང་། བཟླས་པའི་གྲངས་ལྟན་ཐོག་གཅིག་ཏུ་སོང་བ་དང་། ལྷ་གཞན་གྱི་སྒོམ་བཟླས་དང་མ་འདྲེས་པ་དང་། བཟླས་པ་ལ་ཞུགས་ནས་སྨྲ་བཅད་དང་། ཉལ་བ་དང་བསྙེས་པ་ལ་སོགས་པས་ལུས་མི་འགྱུར་བ་དང་། རྟོག་པ་འོག་འགྱུ་དང་བྲལ་བ་དང་། ལྷ་ལ་གསོལ་བ་གདབ་པའི་ཚུལ་གྱིས་སུས་པར་བཟླ་བ། ཁྲུས་དང་གཙང་སྦྲ་ལ་གནས་པ་དང་། སྔགས་ཀྱི་ནོར་བུ་ཞེས་བ་ཕྲེང་རྡོག་ཡིན་པས་མདོ་འཛིན་རྫོགས་པ་ཕྲེང་སྐོར་ཅིག་ཟློས་ཀྱི་བར་དུ་སྦྲིད་པ་དང་། ལུད་པ་དང་། ཐུར་སེལ་ ― LT34_Page_0419 ―
[མ་དཔེ་གཟིགས་ན་འདིར་གནོན།]
གྱི་རླུང་སོགས་བྱུང་ན་དེའི་ཕྲེང་སྐོར་བོར་ནས་ཉེ་རེག་བྱས་ཏེ་ཡིད་ཀྱིས་ཕྱག་བྱས་ནས། སླར་ཡང་མདོ་འཛིན་ནས་བརྩམས་ཏེ་བཟླས་པ་དག་གྲངས་སུ་བགྲང་བར་བྱ་ལ། མདོ་འཛིན་པར་མ་རྫོགས་པའི་བཟླས་པ་བསགས་པས་ཀྱང་གྲངས་ཀྱི་གོ་མི་ཆོད་ཅིང་། བཟླས་པའི་བར་དུ་བགེགས་ཀྱིས་རློམས་པ་དང་། ནད་ཀྱིས་གཟིར་པ་སོགས་བྱུང་ན་གྲངས་ཀྱི་བཟླས་པར་མི་སྦྱར་བ་སོགས་ཀྱི་བླང་དོར་བྱ་བ་གལ་ཆེའོ། །གལ་ཏེ་སྟན་ཐོག་གཅིག་ཏུ་བཟླས་པ་མ་རྫོགས་པ་གློ་བུར་དུ་འགྲོ་དགོས་པ་སོགས་བྱུང་ནས་སླར་བསྙེན་པ་རྫོགས་པར་འདོད་ན། གཞི་ནས་བསྐྱར་ཐུབ་ན་ལེགས། མ་ཐུབ་ན་བསྙེན་ཚད་ཀྱི་སྟེང་དུ་འབུམ་ཕྲག་ཕྱེད་ལྷག་པོར་བཟླས་པས་གོ་ཆོད་པར་བཤད་དེ། ལེགས་གྲུབ་ལས། གནས་གཅིག་ཏུ་ནི་ཕྱེད་བཟླས་ནས། གང་ཞིག་གཞན་ལ་བཟླས་བྱས་པ། །བཟླས་པ་ཐམས་ཅད་རྫོགས་གྱུར་ཀྱང་། །དེ་དག་ཐམས་ཅད་དོན་མེད་འགྱུར། །དེ་ལྟའི་ཀླག་ལ་ཆོ་ག་བཞིན། །ཕྱེད་འབུམ་ལྷག་པར་བཟླས་བརྗོད་བྱ། །བདག་པོ་སྟོང་དུ་བཟླས་པའམ། །ཡང་གཞན་ཏུ་བཟླས་པས། ཡང་ན་བསྙེན་པ་སླར་བརྩམ་མོ། །ཞེས་གསུངས་སོ། །བསྙེན་པ་སྟན་ཐོག་གཅིག་ཏུ་མ་སོང་ན་བསྙེན་ཚད་ཀྱི་སྟེང་དུ་འབུམ་ཕྲག་ཕྱེད་ལྷག་པོར་བཏང་ན་གོ་ཆོད་པས། ― LT34_Page_0420 ―
[མ་དཔེ་གཟིགས་ན་འདིར་གནོན།]
བཟླས་པའི་ཕན་ཡོན་སྤྱིར། དཔུང་བཟང་གིས་ཞུས་པ་ལས། ཚེ་རབས་གཞན་ཏུ་གང་དང་གང་བྱས་པའི། །སྡིག་པ་མ་ལུས་བཟླས་བརྗོད་བྱས་པས་འབྱང་། །བཟླས་པས་སྡིག་པ་མ་ལུས་བྱང་གྱུར་ན། །དང་པའི་ཡིད་ཀྱིས་དངོས་གྲུབ་འཐོབ་པར་འགྱུར། །དེར་ནི་བཅོམ་ལྡན་རྒྱལ་བའི་དབང་པོ་ཡིས། །ཆོས་འདི་ཀུན་གྱི་རྩ་བ་སེམས་ཞེས་གསུངས། །སེམས་ནི་དང་བས་ལྷ་མིའི་བདེ་བ་དང་། །མཐོ་རིས་དང་ནི་བྱང་གྲོལ་འཐོབ་པར་འགྱུར། །སེམས་ཀྱི་སྐྱོན་གྱིས་དུད་འགྲོར་སྐྱེ་བ་དང་། །སེམས་དམྱལ་གནས་ཤིང་མི་སྡུག་དབུལ་གན་འགྱུར། །སེམས་ནི་རབ་ཏུ་དང་བར་གྱུར་པའི་མིས། །ས་ཆུ་མེ་རླུང་སྐྱེ་རྒ་འཆི་ལ་སོགས། །ཐོག་མ་བར་མཐར་གནོད་པ་ཀུན་བྲལ་བ། །རྣམ་གྲོལ་བདེ་ཞིང་ཞི་བ་འཐོབ་པར་འགྱུར། །གསང་སྔགས་དངོས་གྲུབ་ཀུན་དང་ཐུན་མོང་བ། །བདེ་བ་ཆུང་ཞིང་སྡུག་བསྔལ་བརྒྱ་དང་འབྲལ། །ཉོན་མོངས་དུག་བཅས་རྣམ་པར་འཇིགས་འགྱུར་བ། །དང་བའི་སེམས་ཀྱིས་འཐོབ་པར་འགྱུར་བ་ཡིན། །ཞེས་སོགས་གསུངས་ཤིང་། ཁྱད་པར་ལས་སྒྲིབ་སྦྱོང་བའི་གཟུངས་ཉིད་ཀྱི་ཕན་ཡོན་ནི་གཞུང་དུ་གསལ་བ་ལྟར་རོ། །བཞི་པ་བསམ་གཏན་གྱི་དེ་ཁོ་ན་ཉིད་ལ་གསུམ། བསམ་གཏན་ཕྱི་མ་ལས་ ― LT34_Page_0421 ―
[མ་དཔེ་གཟིགས་ན་འདིར་གནོན།]
གསང་སྔགས་མོ་གནས་དངོས་གྲུབ་སྟེར། །སྒྲ་གནས་རྣལ་འབྱོར་སྟེར་བར་དྲན། །སྒྲ་མཐས་ཐར་པ་སྟེར་བ་ཉིད། །འདི་དག་དེ་ཉིད་གསུམ་པོ་ཡིན། །ཞེས་སྤྱོད་རྒྱུད་ཀྱི་མཚན་མེད་ཏིང་ངེ་འཛིན་བོད་ཀྱི་སློབ་དཔོན་རྣམས་ཀྱིས་བྱ་རྒྱུད་ལ་སྦྱོར་བ་མཛད་པ་སྟེ། དང་པོ་མེ་གནས་ཀྱི་དེ་ཉིད་ནི། རང་ཉིད་ལྷག་པའི་ལྷའི་གཞིའི་ཡན་ལག་ཡོངས་སུ་རྫོགས་པའི་ཐུགས་ཀར་མར་མེའི་ལྕེ་འདྲ་པའི་མེ་འབར་བ། ཚ་རེག་མེད་པ་ཞི་བའི་ནང་དུ། ཟླ་བ་ལ་གནས་པའི་སྔགས་ཀྱི་ཚིག་གི་ཡི་གེའི་འབྲུ་གཅིག་ནས་གཅིག་ཏུ་བརྒྱུད་པའི་རང་བཞིན་ཅན་བསམ་པ་ལ་རྩེ་གཅིག་ཏུ་དམིགས་ཏེ། སྲོག་བསྡམ་པའི་སྦྱོར་བས་གསལ་མ་ཐོབ་ཀྱི་བར་དུ་བསླབ། འདི་ནི་ཞི་སོགས་ཀྱི་ལས་ཐམས་ཅད་བསྒྲུབ་པའི་གཞིར་གྱུར་པའོ། །གཉིས་པ་སྒྲ་གནས་ཀྱི་དེ་ཉིད་ནི། རང་ལྷའི་ཐུགས་ཀར་ཟླ་བ་ལ་ཞི་བའི་མེ་མར་མེའི་ལྕེ་ལྟ་བུའི་དབུས་སུ་གཟུངས་སྔགས་ཀྱི་ཕྲེང་བ་རབ་ཏུ་གསལ་བར་བསྒོམ། ཅུང་ཟད་ཙམ་ནས་དེའི་རྣམ་པའང་མི་དམིགས་པར་དྲིལ་བུའི་སྒྲ་ལྟ་བུའི་རང་བྱུང་གི་སྔགས་སྒྲའི་དབྱངས་ཙམ་གྲགས་པ་འབའ་ཞིག་བསམས་ནས། སྲོག་བསྡམ་ཞིང་རྩེ་གཅིག་ཏུ་དམིགས་པས་གསལ་སྣང་ཐོབ་ཀྱི་བར་དུ་བསླབ། ― LT34_Page_0422 ―
[མ་དཔེ་གཟིགས་ན་འདིར་གནོན།]
འདི་ནི་ཞི་གནས་སྐྱེ་བའི་རྟེན་གཞིར་གྱུར་པའོ། །གསུམ་པ་སྒྲ་མཐའི་དེ་ཉིད་ནི། སྔགས་ཀྱི་སྒྲ་ཙམ་དེ་ཡང་དཔྱད་ཅིང་གཞིག་པས་ངོ་བོ་སྐྱེ་འགག་གནས་གསུམ་དང་བྲལ་བར་ཤེས་ནས་བདག་གི་དེ་ཁོ་ན་ཉིད་རྣམ་པར་མི་རྟོག་པའི་ཡེ་ཤེས་ཀྱི་ངང་ལ་མཉམ་པར་འཇོག །འདིས་ནི་ལྷག་མཐོང་གི་ཡེ་ཤེས་འཆར་ཞིང་ཐར་པའི་ཉེར་ལེན་དངོས་ཉིད་དུ་འགྱུར་རོ། །སྤྱིར་ལྷ་དྲུག་དང་། བཟླས་བརྗོད་ཡན་ལག་གསུམ། བསམ་གཏན་གསུམ་རྣམས་སྔ་མ་སྔ་མ་ལ་བརྟན་པ་ཐོབ་ནས་ཕྱི་མ་ཕྱི་མར་འཇུག་ཅིང་གཞོལ་དགོས་པ་ཡིན་མོད། ད་ལྟ་གྲངས་བསྙེན་ཙམ་གྱི་སྐབས་སུའང་བཟླས་པ་ཆེ་ལོངས་ཙམ་སོང་ནས་ཐུན་མཐའ་རྣམས་སུ་གསུམ་ཀའམ། ཕྱི་མ་གཉིས་ཀྱི་ཏིང་ངེ་འཛིན་ལ་འབྲེལ་པ་འཇོག་པར་བྱའོ། །གསུམ་པ་རྗེས་ཀྱི་བྱ་བ་ལ་གཉིས། ཐུན་དང་ཐུན་མཚམས་ཀྱི་བྱ་བའོ། །དང་པོ་ཐུན་གྲོལ་ཞིང་བཟླས་པ་རྫོགས་པའི་མཐར། ལག་གཉིས་སྲིན་ལག་གི་རྒྱབ་ཏུ་གུང་མོ་སྦྱར། དེ་གཉིས་གཡོན་པའི་མདུན་ཏུ་གཡས་པའི་རྒྱབ་སྦྱར་ཏེ་བསྣོལ། གཡས་ཀྱི་མཛུབ་མོ་གཡོན་གྱི་གུང་སྲིན་དང་། གཡོན་གྱི་མཛུབ་མོ་གཡས་ཀྱི་གུང་སྲིན་ལ་འཁྱུད། མཐེ་བོང་གཉིས་མཛུབ་མོའི་ཚིགས་དབུས་མ་ ― LT34_Page_0423 ―
[མ་དཔེ་གཟིགས་ན་འདིར་གནོན།]
ལ་བཞག །མཐེའུ་ཆུང་གཉིས་གཤིབས་ཏེ་བསྒྲེང་བ་བུམ་པའི་ཕྱག་རྒྱ་བྱས་ལ་བཟླས་བརྗོད་ཀྱི་ནི་སོགས་བརྗོད་ལ་བཟླས་བརྗོད་ཀྱི་དགེ་བ་འབུལ་ཞིང་འདོད་པའི་དོན་ལ་གསོལ་བ་གདབ་སྟེ་ཕྲེང་བ་རྟེན་གྱི་སྤྱན་སྔར་བཞག །ཐུགས་ཀའི་རིགས་བཞི་ཟླ་བ་སྔགས་ཕྲེང་བཅས་གཙོ་བོ་ལ་བསྡུས་ཏེ་ནམ་མཁར་ཕྱུངས་ནས་མཆོད་བསྟོད་ནོངས་བཤགས་མཐར་རང་ལ་སླར་བསྟིམ། ཡེ་ཤེས་པ་རང་གི་ལུས་ལས་ཕྱུང་ནས་དེ་ལ་མཆོད་བསྟོད་གཤིགས་གསོལ་བྱ་བ་ནི་རྒྱུད་སྡེ་འོག་མའི་བཤད་ཚོད་ནི་ཡིན་མོད། བླ་མེད་ཀྱི་ཉམས་ལེན་ཅན་ལ་དེ་ཤིན་ཏུ་མི་འཐད་ཅེས་བླ་མ་གོང་མ་རྣམས་བཞེད་བས་བདག་གི་དེ་ཁོ་ན་ཉིད་ལ་མཉམ་པར་བཞག །རང་དམ་ཚིག་པའི་གནས་གསུམ་དུ་འབྲུ་གསུམ་དང་། ཁྱད་པར་མགོ་དང་སྙིང་གར་ཟླ་བ་བྷྲཱུྃ་ཡིག་གིས་མཚན་པས་བསྲུང་བར་བསམས་ལ། ཛི་ན་ཛིཀ །ལན་གསུམ་བརྗོད། གཉིས་པ་ནི་སྟན་ལས་ལྡངས་བ་ན། སེམས་ཅན་ཐམས་ཅད་ཀྱི་དོན་བྱ་བའི་སྤྱོད་པ་ལ་འཇུག་གོ་སྙམ་དུ་བསམས་ལ། སྒྲུབ་ཐབས་ལྟར་གཏོར་མ་འབུལ། མངོན་དགའི་ཞིང་གི་སྨོན་ལམ་སོགས་ཐེག་པ་ཆེན་པོའི་སྨོན་ལམ་བསམ་པ་ཐག་པ་ནས་གདབ། ཤེར་ཕྱིན་སོགས་ཐེག་པ་ཆེན་པོའི་མདོ་སྡེ་གང་ ― LT34_Page_0424 ―
[མ་དཔེ་གཟིགས་ན་འདིར་གནོན།]
རུང་ཁྲིའུ་གཙང་མ་ལ་བཀུར་བསྟི་དང་བཅས་པས་བཞུགས་སུ་གསོལ་ནས་བཀླག་དགོས་ལ། ཅིས་ཀྱང་མ་གྲུབ་ན་དེ་ལ་ཕྱག་འཚལ་བ་ཙམ་ངེས་པར་དགོས། ཁ་ཟས་ལ་འཇུག་པ་ན། ཨོཾ་ཨོ་ཀ་ཛྭཱ་ལ་བཛྲ་པཱ་ི་ཧཱུྃ་ས་མ་ཡ་མ་ནུ་སྨར་ཧཱུྃ་ཕཊ། སྲུང་བ་བྱ། ན་མཿས་མནྟ་བུདྡྷ་བོ་དྷི་སཏྭཱ་ནཱཾ། ཨོཾ་བ་ལི༚་དད་དེ་ཏེ་ཛོ་མཱ་ལི་ནི་སྭཱ་ཧཱ། ཞེས་ལན་བརྒྱད་ཀྱིས་བསྔགས་ཏེ། ཁམ་དང་པོ་ལྷག་པའི་ལྷ་ལ་འབུལ། དེ་ནས་ཟོས་ཏེ་ཁྲུས་བྱའོ། །ཁྲུས་བྱེད་པ་ན་བདུད་རྩི་འཁྱིལ་བའི་སྔགས་བཟླའོ། །ཉལ་པ་ན་སྟོབས་པོ་ཆེའི་སྔགས་ཀྱིས་བསྲུངས་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ཕྱག་ན་རྡོ་རྗེ་དང་། ཤཱ་རིའི་བུ་རྣམས་ལ་ཕྱག་བྱས་ཏེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་རློབས་དང་། བླ་ན་མེད་པའི་དངོས་གྲུབ་ཀྱི་མཆོག་སྩོལ་ཞིག །རྣམ་པར་འཚེ་བ་ཐམས་ཅད་རབ་ཏུ་ཞི་བར་མཛད་དུ་གསོལ། ཅེས་གསོལ་བ་བཏབ་ལ། ཆོས་ཀྱི་འདུ་ཤེས་ཀྱིས་ཉལ་ལོ། །དེ་བཞིན་ཏུ་རྗེས་དྲན་དྲུག་དང་། མཎྜལ་དང་། སཱཙྪ་འདེབས་པ་དང་། སྣོད་དག་པར་བྱེད་པ་དང་། གོས་བགོ་བའི་སྔགས་དང་། དངོས་དང་རྨི་ལམ་དུ་འཛག་པ་སྲུང་ ― LT34_Page_0425 ―
[མ་དཔེ་གཟིགས་ན་འདིར་གནོན།]
བ་སོགས་ཀྱང་བྱ་སྤྱོད་སྤྱི་ལྟར་གང་ཤེས་བྱ། སྐབས་སྐབས་སུ་གོང་སྨོས་བཟའ་བ་མིན་པའི་ཉེས་པ་འདག་པའི་སྔགས་བཟླ་ཞིང་བའི་རྣམ་ལྔ་བཏུང་བ་སོགས་ཀྱང་བྱའོ། །དེ་ལྟ་བུའི་ཚུལ་གྱིས་ཐུན་བཞིའམ་གསུམ་རེ་བཅད་ཅིང་བསྙེན་པའི་གྲངས་རྫོགས་པར་བྱེད་དགོས་པ་ལས། ཐུགས་རྗེས་མ་རྣམས་ཀྱི་འགོར། བདུད་རྩི་འཁྱིལ་པའི་སྔགས་རིང་ཐུང་གིས་སྲུང་བ་དང་བསངས་གཏོར་བྱ། མཆོད་ཁ་གསོ་ཞིང་གཟི་སྐྱེད་བྱིན་རླབས་བརྟན་པ་ཙམ་བྱས་ཏེ། གཞུང་གི་སེམས་བསྐྱེད་ནས། གཏོར་འབུལ་སྨོན་ལམ་གྱི་བར་དུ་འགྲེས་སུ་འཁོར་རོ། །བསྙེན་པ་རྫོགས་པ་ན་བསྙེན་པ་ཇི་ཙམ་གྲུབ་པའི་བཅུ་ཆ་ཞི་པའི་སྲེག་བླུགས་སྐབས་འདིར་ངེས་པར་བྱ་དགོས་ཤིང་། སྦྱིན་སྲེག་ཅིས་ཀྱང་མི་འགྲུབ་པ་དག་གིས་སཱཙྪ་གྲངས་དེ་ཙམ་བཏབ་པས་ལྷག་ཆད་ཀྱི་ཁ་སྐོང་འགྱུར་བ་ཡིན་ནོ། །གསུམ་པ་སྒྲུབ་པའི་སྤྱོད་པ་ནི། དཔུང་བཟང་ལས། ཆོ་ག་བཞིན་ཏུ་དང་པོར་འབུམ་བཟླས་ནས། །དེ་ནས་གསང་སྔགས་སྒྲུབ་ལ་འཇུག་པར་བྱ། །དེ་ལས་མྱུར་དུ་དངོས་གྲུབ་འཐོབ་འགྱུར་ལ། །གསང་སྔགས་ཆོ་གས་ཡུན་རིང་ཉོན་མི་མོངས། །ཞེས་གསུངས་པ་ལྟར་གོང་དུ་བརྗོད་པའི་ ― LT34_Page_0426 ―
[མ་དཔེ་གཟིགས་ན་འདིར་གནོན།]
བསྙེན་པའི་ཡན་ལག་མ་ཚང་བ་མེད་པ་རྣམས་ཀྱིས་ལྷ་བསྟེན་པས་ཉེ་བའི་མཚན་མ་མཐོང་བ་ན་སྒྲུབ་པ་ལ་འཇུག་སྟེ། དེའི་དགོངས་པ་དངོས་ནི་རལ་གྲི་མིག་སྨན་སོགས་ལ་བརྟེན་ནས་འདོད་གཟུགས་ཀྱི་རིག་འཛིན་བསྒྲུབས་ནས་ཕུ་ཡང་སོགས་དབང་ཕྱུག་གི་ཡོན་ཏན་བརྒྱད་མངོན་ཏུ་བྱས་ཏེ་མཁའ་སྤྱོད་དུ་འགྲོ་བ་ཡིན་ཀྱང་། ད་ལྟ་མཆོག་གི་དངོས་གྲུབ་སྒྲུབ་པ་ལ་དམིགས་ནས་སྒྲུབ་བའི་ས་བཅད་ཙམ་ནི། བསྙེན་པ་རྫོགས་པའི་རྗེས་སུ། ས་ཆོག་གྲུབ་ན་ཀུན་རིག་ལྷར་བྱ། སྒྲུབ་གནས་རྙིང་པར་མ་གྲུབ་ཀྱང་ཧ་ཅང་འགལ་བ་མེད་པས་སྐུ་རྟེན་གྱི་སྤྱན་སྔར་རས་བྲིས་ཀྱི་དཀྱིལ་འཁོར་བཀྲམ་པའི་དབུས་སུ་བུམ་པ་དང་། སྲུང་འཁོར་གཟུངས་བསྒྲིལ། ཕུར་པ་ཚོན་སྐུད་གྱི་དྲྭ་བ། མཆོད་པའི་ཡོ་བྱད་སོགས་གཞུང་ལས་འབྱུང་བ་ལྟར་བཀོད་ལ་ཐུན་རེ་རེ་བཞིན་བདག་མདུན་བུམ་པའི་བཟླས་པ་གྲུབ་མཐར། རྗེས་ཀྱི་ཆོ་ག་རྣམས་ཕྱག་ལེན་བཞིན་བྱ། མདུན་བསྐྱེད་བཟླས་པའི་སྐབས་སུ་ཐུན་མོང་གི་བཟླས་དམིགས་བསྟེན་པ་དང་མཚུངས། ཁྱད་པར་གྱི་བཟླས་པའི་སྐབས་ཐོག་མར་བཟླས་པའི་གཞི་གསལ་ཐེབས་པ་ན། སྲོག་བསྡམས་པས་མདུན་བསྐྱེད་ཐུགས་ཀ་ནས་ཟླ་བ་སྔགས་ཕྲེང་ ― LT34_Page_0427 ―
[མ་དཔེ་གཟིགས་ན་འདིར་གནོན།]
དང་བཅས་པ་གཉིས་པ་བཀུག་སྟེ་བྱོན། རང་གི་སྙིང་གའི་ཟླ་བ་སྔགས་ཕྲེང་ལ་ཐིམ་པས་སངས་རྒྱས་ཀྱི་ཡོན་ཏན་ཡོངས་སུ་རྫོགས་བར་གྱུར་པར་མོས་ལ་སེམས་བཟུང་། དབུགས་གཏོང་བ་ན་འོད་ཟེར་སྤྲོས་ཏེ་མདུན་གྱི་བཅོམ་ལྡན་འདས་ཀྱི་ཐུགས་ཀར་ཐིམ་པས་ཐུགས་རྒྱུད་བསྐུལ་བར་མོས་ནས་མདུན་བསྐྱེད་ལ་སེམས་གཏད། སླར་སྲོག་བསྡམས་ཤིང་དམིགས་པ་སྔ་མ་ལྟར་བར་མ་ཆད་པར་བྱ། གྲུབ་པའི་སྐབས་འདིར་ཁྲུས་དང་གཙང་སྦྲ་མཆོད་པ་དང་། གཏོར་མའི་ཆོ་ག་སོགས་རྒྱས་ལ་མ་ཆགས་པ་གནང་ཆེ་ཞིང་། སྒྲུབ་པ་གྲུབ་པའི་མཇུག་བརྒྱད་དམ་བཅོ་ལྔ་ལྟ་བུ་ཞིག་ལ་ཁེལ་བར་བྱས་ཏེ། གསོ་སྦྱོང་ལེགས་པར་བླངས། ཉིན་མོ་བདག་མདུན་བུམ་བཟླས་བདག་འཇུག་བཅས་གྲུབ་པའི་རྗེས་སུ་སྦྱིན་སྲེག་ཅི་འགྲུབ་དང་མཆོད་བསྟོད་བྱ། རྒྱས་པར་མི་ནུས་པས་ཀྱང་མདོར་བསྡུས་ཙམ་ངེས་པར་བསྒྲུབ་དགོས། དེ་ནས་ལྷུང་བཟེད་ནང་དུ་དཀར་གསུམ་མངར་གསུམ་དང་སྦྱར་བའི་ཞོ་ཟན་གྱི་རིལ་བུ་བླུགས། དར་ཚོན་གྱིས་ཁ་བཀབ་པའི་སྟེང་དམ་ཚིག་གི་རྡོ་རྗེར་མོས་པའི་རྡོ་རྗེ་བཞག་ལ་རང་དང་དཀྱིལ་འཁོར་གྱི་མདུན་བར་དུ་བཀོད། བརྩོན་པས་ལྕོགས་ན་དེ་ནས་རྒྱུན་མ་ཆད་པར་མཚན་ཐོག་ ― LT34_Page_0428 ―
[མ་དཔེ་གཟིགས་ན་འདིར་གནོན།]
ཐག །ཕྱིར་ནང་ནམ་མ་ལངས་བར་བཟླས་བརྗོད་མ་ཆད་པར་བྱ་དགོས་པས་ཐུན་མཚམས་བཟའ་བཏུང་ལ་སོགས་པའི་ཚེ་ནའང་ཡིད་འདོན་བྱ། དེ་ལྟར་མི་ལྕོགས་ན་ཉིན་མོ་བཟླས་པ་གཏོར་ཆོག་སོགས་ལ་བརྩོན་པར་བྱས་ཏེ། སད་ཐོ་རངས་སྔ་བའི་ཆར་ལངས་ལ་བདག་མདུན་བུམ་བཟླས་སྦྱིན་སྲེག་རྗེས་གནང་མཆོད་བསྟོད་ཀྱི་བར་གཞུང་ལྟར་གྲུབ་རྗེས་ལྷུང་བཟེད་ལག་གཡོན་ཏུ་བཞག །གཡས་པས་ཁ་བཀབ་ལ་བཟླས་པ་བྱས་པས། མདུན་བསྐྱེད་ཀྱི་ཐུགས་ཁ་ནས་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་རང་བཞིན་འོད་ཟེར་ཁ་དོག་སྣ་ལྔ་དཔག་ཏུ་མེད་པ་བྱོན་ཏེ་རིལ་བུ་ལ་ཐིམ་པས་དངོས་གྲུབ་ཀྱི་དབྱིག་ཆེན་པོར་འཁྱིལ་བར་བསྒོམས་ལ་བཟླས་པ་ཅི་ཙམ་ནུས་པ་བྱས་ལ་ལྷུང་བཟེད་མདུན་ཏུ་བཞག་གོ། །གལ་ཏེ་མཚན་ལ་བཟླ་ནའང་སྒྲུབ་མཆོད་ཚར་གཅིག་ཙམ་གྱིས་ཆོག་པས་དངོས་གྲུབ་བླང་བའི་བཟླས་དམིགས་དེ་ཉིད་མ་ཆད་པར་བྱ། སྒྲ་འོད་ལ་སོགས་པའི་རྟགས་འབྱུང་བར་བཤད་ཀྱང་དེང་སང་འགྲུབ་རྟགས་དཀོན་པས། ནམ་ལངས་པ་དང་བཟླས་པའི་འཕྲོ་བརྟུལ། མཆོད་པ་གསར་པ་བཤམ། དཀྱིལ་ཆོག་ལྟར་ཕུལ་བའི་མཐར། བཅོམ་ལྡན་འདས་མགོན་པོ་མི་འཁྲུགས་པའི་ལྷ་ཚོགས་ ― LT34_Page_0429 ―
[མ་དཔེ་གཟིགས་ན་འདིར་གནོན།]
ཐམས་ཅད་བདག་ལ་དགོངས་སུ་གསོལ། ཁྱེད་རྣམས་ལ་མཁྱེན་པའི་ཡེ་ཤེས། བརྩེ་བའི་ཐུགས་རྗེ། མཛད་པའི་ཕྲིན་ལས་བསམ་གྱིས་མི་ཁྱབ་པ་མངའ་བ་ལགས་པས། བདག་དང་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ལ་རང་རང་གི་སྐལ་པ་དང་འཚམས་པའི་ཕྲིན་ལས་རྣམ་པ་གསུམ་དང་དངོས་གྲུབ་རྣམ་པ་གསུམ་དང་བྱང་ཆུབ་རྣམ་པ་གསུམ་གྱི་བཀའ་དྲིན་སྩལ་ནས། མཐར་ཐུག་ཐམས་ཅད་ཀྱང་རྣམ་པ་ཐམས་ཅད་མཁྱེན་པའི་སངས་རྒྱས་ཀྱི་ས་ལ་འཇོག་པར་མཛད་དུ་གསོལ། གནས་སྐབས་སུ་འཇིག་རྟེན་གྱི་ཁམས་ཐམས་ཅད་དུ་ཡང་ངན་འགྲོའི་འགྲོ་བ་དང་། སྡུག་བསྔལ་ཐམས་ཅད་རྒྱུན་ཆད་པ་དང་། སྡིག་པའི་ལས་དང་ཉོན་མོངས་པ་ཐམས་ཅད་རབ་ཏུ་ཞི་བ་དང་། འདོད་པའམ་བསམ་གཏན་གྱི་བདེ་བ་ཁ་ན་མ་ཐོ་བ་མེད་པས་ཕྱོགས་ཀུན་ཏུ་ཁྱབ་ཅིང་རྒྱས་པ་དང་། རྣམ་དཀར་དགེ་བ་ཆོས་ཀྱི་དགའ་སྟོན་བླ་ན་མེད་པ་ཐོབ་པར་མཛད་དུ་གསོལ། གཞན་ཡང་སངས་རྒྱས་ཀྱི་བསྟན་པ་དར་ཞིང་རྒྱས་པ་དང་། ནད་དང་འཁྲུགས་པ་དང་མུ་གེ་ལ་སོགས་པ་འཇིགས་པ་དང་ཉམ་ང་བ་ཐམས་ཅད་ཞི་ནས། འགྲོ་བ་ཐམས་ཅད་བདེ་ཞིང་སྐྱིད་པ་དང་། བདག་ ― LT34_Page_0430 ―
[མ་དཔེ་གཟིགས་ན་འདིར་གནོན།]
ཅག་དཀྱིལ་འཁོར་ཆེན་པོ་འདི་ལ་ཡོངས་སུ་བརྟེན་བར་བགྱིད་པ་རྣམས་མཁན་པོ་དང་། སློབ་དཔོན་དང་། ཕ་མ་དང་། གྲོགས་དང་། འཁོར་དང་། ཡོན་བདག་དང་བཅས་པ་རྣམས་ལ་ཚེ་དང་འབྱོར་པ་དང་དབང་ཕྱུག་ཕུན་སུམ་ཚོགས་པ་དང་། ལས་ཀྱི་རྒྱུད་རབ་འབྱམས་འགྲུབ་པ་དང་། རང་རང་གི་སྐལ་པ་དང་མཚམ་པར་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་ཚོགས་ཐམས་ཅད་སྩལ་དུ་གསོལ། བརྩེ་བས་བཟུང་དུ་གསོལ། བྱིན་གྱིས་བརླབ་ཏུ་གསོལ། བདག་ཅག་རྣམས་ཀྱི་དོན་གྱི་མཆོག་ཐམས་ཅད་འགྲུབ་པར་གྱུར་ཅིག །ཅེས་ལན་གསུམ་གསོལ་བ་བཏབ་ཅིང་རྫས་ལ་ལོངས་སྤྱོད་བས་ཚེ་རིང་བ་དང་ནད་ཉུང་བ་དང་འབྲེལ་ཚད་དོན་ལྡན་གྱི་དངོས་གྲུབ་ཐོབ་པའི་རྟེན་འབྲེལ་འགྲིགས་པར་འགྱུར་རོ། །དེ་ནས་ནོངས་བཤགས། འདོད་གསོལ། གཤེགས་བསྡུ། བདག་བསྐྱེད་བསྡུ་བ། རྒྱུན་སྤྱོད་སོགས་དཀྱུས་ལྟར་བྱས་ལ། མི་མཉམ་པའི་ཡན་ལག་གི་ཕྱག་རྒྱ་ཞེས་བྱ་བ། གཡོན་པའི་ཐལ་མོ་གན་རྐྱལ་གྱི་སྟེང་དུ་གཡས་བའི་རྒྱབ་སྦྱར། སོར་མོ་རྣམས་བསྣོལ་བའི་རྩེ་མོ་བཀུག་སྟེ། རྩ་བའི་ཕྱོགས་སུ་བསྟན་པ་གཡོན་ཏུ་བསྐོར་ཏེ། ཨོཾ་ཧུ་ལུ་ཧུ་ལུ་ཙཎྜ་ལི་མ་ཏི་གི་སྭཱ་ཧཱ། ཅེས་གཞན་གྱིས་ ― LT34_Page_0431 ―
[མ་དཔེ་གཟིགས་ན་འདིར་གནོན།]
མི་ཐུབ་མའི་རིག་པས་རྭཾ་བ་ལ་སོགས་པ་དགྲོལ་བར་བྱའོ། །མེ་ཏོག་འཐོར་ལ་བཀྲ་ཤིས་རྒྱ་ཆེར་བརྗོད། གྲུབ་ན་དེའི་རྗེས་སུའང་ཞི་བའི་སྦྱིན་སྲེག་གིས་ཉེས་པ་སོར་གཞུག་ཅིང་། འདིར་མ་གྲུབ་ཀྱང་སྔ་མ་དག་ནི་ངེས་པར་དགོས་ཀྱི་སྔ་མའི་གོ་ཆུ་རུབ་འདིར་བྱས་པས་གོ་མི་ཆོད་དོ། །བཞི་པ་གྲུབ་པའི་སྤྱོད་པ་ལ་གཉིས། དངོས་དང་། མཚོན་བྱེད་དོ། །དང་པོ་ནི། ཐུན་མོང་བ་རྫས་ལུས་ལོངས་སྤྱོད་ཀྱི་མཁའ་སྤྱོད་ལ་བརྟེན་ནས་དཀའ་བ་མེད་པ་ཡིད་ལ་གང་བསམ་འགྲུབ་པས་དོན་གཉིས་བྱེད་ལ། ཐུན་མོང་མ་ཡིན་པ་སེམས་བསྐྱེད་ཆུང་ན་ཉན་རང་དང་། ལྷག་པའི་བསམ་པ་དང་ལྡན་ན་མཁའ་སྤྱོད་ཀྱི་བརྟེན་ལས་སྔགས་ཀྱི་ཕ་རོལ་ཏུ་ཕྱིན་པའི་སྤྱོད་པ་སྤྱད་པས་འབྲས་བུའང་སྐུ་གསུམ་གྱི་གོ་འཕང་མངོན་ཏུ་འགྱུར་རོ། །གཉིས་པ་ནི། བྱ་སྤྱོད་དག་གི་དངོས་གྲུབ་སྒྲུབ་པ་མཚན་ཉིད་པ་དེང་སང་ལག་ཏུ་མི་ལོན་པས་སྒྲུབ་པའི་སྤྱོད་པ་ས་བཅད་ཙམ་ཞིག་ལག་ཏུ་བཀལ་བ་ལྟར། གྲུབ་པའི་སྤྱོད་པའང་རྒྱུན་གྱི་རྣལ་འབྱོར་ཙམ་ལ་གཏད་སོ་འཆའ་དགོས་ཤིང་། དེའང་དེ་བཞིན་གཤེགས་པའི་ཐུགས་རྒྱུད་བསྐུལ་བས་བསྙེན་པའི་རྒྱུན་དེ་ཉིད་མི་ཉམས་པར་བྱ་བའི་ཕྱིར་ཉིན་རེ་བཞིན་ ― LT34_Page_0432 ―
[མ་དཔེ་གཟིགས་ན་འདིར་གནོན།]
སྐྱབས་འགྲོ་སེམས་བསྐྱེད་སྔོན་ཏུ་འགྲོ་བས། བདག་བསྐྱེད་བཟླས་པའི་རྣལ་འབྱོར་མཐར་བསྔོ་བ་སྨོན་ལམ་གྱི་བར་དུ་ཆགས་མེད་ཚུལ་གྱིས་ཉམས་སུ་བླངས་བས། ལས་གཅིག་ནས་གཅིག་ཏུ་བརྒྱུད་པ་ཐམས་ཅད་བྱང་བར་འགྱུར་བ་དང་། མཚམས་མེད་པ་ལྔ་ལ་སོགས་པ་ལས་ཀྱི་སྒྲིབ་པ་མ་ལུས་པར་ཟད་པར་འགྱུར་བ་སོགས་ཕན་ཡོན་དཔག་ཏུ་མེད་པ་མདོ་ལས་གསུངས་སོ། །གཉིས་པ་རང་གཞན་གཉིས་ཀའི་དོན་ཏུ་བྱ་བ་སྦྱིན་སྲེག་གི་རིམ་པ་ནི། བསྙེན་པ་ཡོངས་སུ་རྫོགས་ནས། སྔགས་ཀྱི་ནུས་པ་དབྱུང་ཞིང་ལྷག་ཆད་ཁ་སྐོང་བའི་ཕྱིར་ཞི་བའི་སྦྱིན་སྲེག་བྱ་བའི་ཕྱག་ལེན་ལ། སྦྱོར་དངོས་རྗེས་གསུམ་གྱི་དང་པོ་ནི། ལུགས་འདིར་རྒྱས་བ་ཤར་དང་ཞི་བ་བྱང་དུ་ཕྱོགས་དགོས་པས་བསྙེན་རྐྱང་ལ་དེ་ལྟར་དང་། དཀྱིལ་འཁོར་དང་འབྲེལ་ན་ཞི་བའི་ཐབ་ཁུང་དཀྱིལ་འཁོར་གྱི་བྱང་དུ་ཐབ་ཀྱི་ལྷ་རྣམས་ཞལ་དཀྱིལ་འཁོར་ཕྱོགས་ལ་སྟོན། སྦྱིན་སྲེག་བྱེད་པ་པོ་ཐབ་ཁུང་དང་དཀྱིལ་འཁོར་གྱི་བར་དུ་འདུག་སྟེ། དཀྱིལ་འཁོར་ལ་རྒྱབ་བརྟེན་ཅིང་ཐབ་ལ་མངོན་ཏུ་ཕྱོགས་པས་བྱ། ཐབ་སྟེགས་སུ་དང་པོ་ཚངས་ཟུར་གྱི་ཐིག་གདབ། ཚངས་ཐིག་དབུས་ནས་སོར་བཅུ་གཉིས་ཀྱི་ཚད་ཀྱིས་ཟླུམ་པོར་ ― LT34_Page_0433 ―
[མ་དཔེ་གཟིགས་ན་འདིར་གནོན།]
བསྐོར། དེ་ནས་སོར་བཞི་བཀྱེད་ནས་ཟླུམ་པོར་བསྐོར་བ་མུ་རན། ཡང་སོར་བཞི་བཀྱེད་ནས་བསྐོར་བ་ཁ་ཁྱེར། དེའི་སྟེང་དུ་ལོགས་ཐིག་གྲུ་བཞིར་གདབ་སྟེ། དེའི་གྲ་བཞིར་རྡོ་རྗེ། ཁ་ཁྱེར་ལ་པདྨ་འདབ་བརྒྱད་ཕྱི་ཕྲེང་བ། ནང་གི་ཟླུམ་པོའི་ཁོང་པར་པདྨའི་གཅུས་ཐིག་གདབ། དེ་ཡང་ལྟེ་བ་གསུམ་ཆ། འདབ་མ་གསུམ་གཉིས་སུ་བྱས་པའི་ལྟེ་བ་དང་འདབ་མ་བརྒྱད་ལ་ལྷའི་ཁ་དོག་དང་མཐུན་པའི་ཐིག་ལེ་བཀོད། ནགས་ཀྱི་ལྕི་སྐམ་སྲོག་ཆགས་མེད་པས་ཐབ་ཀྱི་ཟླུམ་བསྐོར་དང་མཐུན་པར་རྒྱ་ཁྲུ་གང་། ཟབས་སུ་ཁྲུ་ཕྱེད་དེའི་ཤར་ལྷོར་མེ་ཚང་འཆའ། ཀུ་ཤ་མཚོན་བྱེད་རྩ་ཡི་གདན་ལ་གཡས་སུ་མེ་ལྷ་དང་། དཀྱིལ་འཁོར་ལྷའི་བསྲེག་རྫས་ཏེ་བསྲེག་རྫས་ཚར་གཉིས་འགོད་དེ། དེའང་བྱ་རྒྱུད་སྤྱིར་ཞི་བ་ལ་སྦྲང་རྩི་འོ་མ་མར་འོ་ཐུག་ནས་འབྲས་ཏིལ་དང་དཱུརྦ་ལོ་མ་དང་བཅས་པ་ལ་སོགས་པའོ། །རྒྱས་པ་ལ་ཡང་འོ་མ་དང་འོ་ཐུག་དང་ཞོ་དང་ལག་པན་དང་ནས་ཆན་དང་ཏིལ་དཀར་ནག་དང་སྒྲོན་ཤིང་གི་དུམ་བུ་དང་ནཱ་ག་པུཥྤ་དང་ཤུ་ཏི་དང་ཉེ་ཤིང་དང་བིལ་བ་དང་གྲོ་དང་སྲན་མ་ལ་སོགས་པ་དགོས་པར་གསུངས་ཤིང་གཅིག་ལ་མེད་ཅིང་དགོས་པ་རྣམས་གཅིག་གིས་ཁ་སྐོང་བྱ་བར་ཡང་བཤད་ ― LT34_Page_0434 ―
[མ་དཔེ་གཟིགས་ན་འདིར་གནོན།]
མོད། འདིར་ཛེ་ཏཱ་རིའི་རྒྱ་གཞུང་ལས། མར་དང་གྲོ་ནས་སྲན་མ་དང་། །ཞོ་དང་སྨན་དང་དཱུརྦ་དང་། །ཀུ་ཤ་ཡམས་ཤིང་མེ་ཏོག་དང་། །ཏིལ་དང་ཉུང་ཀར་ལ་སོགས་བསྲེགས། །ཅེས་པ་ལྟར་ཏིལ་ལ་སོགས་པ་དེ་རྣམས་ཚོགས་པར་བྱ། དེ་ཉིད་ལས། ཁྱད་པར་ལས་སུ་བྱ་བ་ནི། །ཏིལ་དང་ཉུངས་ཀར་དག་ལ་ནི། །བརྒྱའམ་སྟོང་ངམ་ཁྲི་རུ་བསྲེག །སྡིག་སྒྲིབ་སྦྱོང་བའི་ལས་སུ། །ཅེས་པ་བསྙེན་པའི་ཁ་སྐོང་སོགས་སྡིག་པ་དང་སྡུག་བསྔལ་ཞི་བྱེད་ཀྱི་སྐབས། ཏིལ་དང་ཡུངས་ཀར་སྔགས་གྲངས་དང་བསྟུན་འདོད་ངེས་དང་། དེ་མཉམ་དཀྱིལ་འཁོར་ལྷའི་བསྲེག་རྫས་ཏེ་བསྲེག་རྫས་ཚར་གཉིས། བསངས་ཆུའམ། དཀྱིལ་འཁོར་དང་འབྲེལ་བའི་ཚེ། ལས་བུམ་དངོས་སམ་བུམ་ཆུ་དུང་ཕོར་སོགས་སུ་བླུགས་པས་ཀྱང་རུང་སྟེ་དེ་རྣམས་བཤམས། གཡོན་ཏུ་རིགས་སྔགས་ཀྱི་གཟི་བྱིན་བསྐྱེད་པའི་དྲི་ཆབ་གཅིག་དང་། རྩ་བའི་མཆོད་ཡོན་སྣོད་གཙང་མར་སྤོས་ཆུ་མེ་ཏོག་དཀར་པོས་བཀང་བ། ཡང་སྣོད་གཙང་མར་ཁྱད་པར་མཆོད་ཡོན་འོ་མ་འབྲས་ཡོས་བཅས་པའི་མཆོད་ཡོན་རྩྭ་ཀུ་ཤ་བཅས་པ། ཉེར་སྤྱོད་ཚར་གཉིས་མེ་ལྷའི་འབུལ་གཏོར་རྣམས་བཤམ། སྲེག་བླུགས་བྱེད་པ་པོའི་མདུན་ཏུ་མེ་ཡོལ། ― LT34_Page_0435 ―
[མ་དཔེ་གཟིགས་ན་འདིར་གནོན།]
རྩིགས་པའི་ནང་དུ་རྡོ་རྗེ་དྲིལ་བུའི་བར་དུ་དགང་བླུགས་ཁ་སྦྱར་བ་དང་། དེ་དང་ཉེ་བ་ལེན་སྟབས་བདེ་བའི་ཕྱོགས་གང་ཡང་འོས་པར་མར་ཁུ་དང་། ཡམས་ཤིང་ནི་འོ་མ་ཅན་གྱི་ཤིང་གི་རྩེ་མོའི་ཆ་ལས་བྱུང་བ། སྦོམས་སུ་མཐེ་བོང་ངམ་མཐེའུ་ཆུང་གི་ཚད། སྲིད་དུ་ཁྲུ་གང་ངམ་ཁུ་ཚུར་གཉིས་བཅངས་བའི་ཚད། ཕན་ཚུན་རིང་ཐུང་མཉམ་པ། གས་ཆག་དང་རྨ་མེད་པ། རྒྱུ་མ་རུལ་བ། ངོ་བོ་མ་འཁྱོགས་པ། དེའི་རྩེ་མོ་གཉིས་མར་རམ། སྦྲང་ངམ། འོ་མ་ལ་སོགས་པས་ལེགས་པར་བྱུགས་བ་གྲངས་མང་། རླུང་གཡབ་དང་། འཕྲལ་ལ་བསོ་བའི་བུད་ཤིང་དང་། ཀུ་ཤའི་ཆུན་པོ་བརྒྱད་དང་བཅས་པ་ལེགས་པར་བཤམ། དེ་ནས་སྒྲུབ་པ་པོ་རྒྱན་དཀར་པོས་བརྒྱན་པ། ཞི་བའི་བསམ་པས་གདན་ནང་ཚང་ཅན་གྱི་སྟེང་དུ་ཞི་བ་ལ་པདྨའི་སྐྱིལ་ཀྲུང་དང་། རྒྱས་པ་ལ་བཀྲ་ཤིས་སྐྱིལ་ཀྲུང་སྟེ་བཟང་པོའི་སྟབས་ཀྱིས་ཁ་ཤར་ཕྱོགས་སུ་ཕྱོགས་པས་འདུག་སྟེ། བསྙེན་པའི་སྐབས་བདག་བསྐྱེད་དང་བཟླས་པ་བསྡུ་ལྡངས་བར་བྱས། སྐབས་འདིར་རྒྱ་གཞུང་ལས། ལས་དུས་རྗེས་ཀྱི་བཅོམ་ལྡན་ནི། །ཁྲུས་དང་སྦྱིན་སྲེག་ལ་སོགས་དཀར། །ཞེས་སོགས་དང་། དེ་ལྟར་བྱས་ན་ལས་ ― LT34_Page_0436 ―
[མ་དཔེ་གཟིགས་ན་འདིར་གནོན།]
རྣམས་འགྲུབ། །ཅེས་འབྱུང་བས། བདག་ཉིད་བཅོམ་ལྡན་མི་འཁྲུགས་པ། །སྐུ་མདོག་དཀར་པོ་མཚན་དཔེར་ལྡན། །ཞེས་བསྒྱུར་ཞིང་། སྦྱིན་སྲེག་དངོས་གཞིའི་སྐབས་སུའང་དེ་ལྟར་བསྒྱུར་དགོས། དཀྱིལ་འཁོར་དང་འབྲེལ་ན་ཆུ་དང་ཅོད་པན་གྱི་དབང་ལེན་དགོས་པས་བདག་འཇུག་ཡན་རྫོགས་པར་བྱའོ། །གཉིས་པ་དངོས་གཞི་ལ་བཞི། ཡོ་བྱད་སྒྲུབ་པ། འཇིག་རྟེན་པ་མཆོད་པ། དཀྱིལ་འཁོར་པ་མཆོད་པ། མཇུག་སྡུད་པའོ། །དང་པོ་ནི། བསངས་ཆུའམ་ལས་བུམ་གྱི་ཆུ་ལ་དམིགས་ཏེ། སྟོང་པའི་ངང་ལས་ཤཾ་ལས་བྱུང་བའི་དུང་ཕོར་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཧཱུྃ་ལས་བྱུང་བའི་བསང་བའི་ཆུ་དྭངས་ཤིང་ཐོགས་པ་མེད་པ། རྫས་ཐམས་ཅད་ཀྱི་མ་དག་པ་སེལ་བའི་ནུས་པ་དང་ལྡན་པར་གྱུར། བདུད་རྩི་ཐབ་སྦྱོར་རྩ་སྔགས་འབྲིང་པོ་ལན་བདུན་དང་། ཨོཾ་ཨ་མྲྀ་ཏེ་ཧཱུྃ་ཕཊ། ཅེས་ཅི་ནུས་བཟླས་པའི་མཐར་ཧཱུྃ་རིང་པོ་བདུན་ནམ་ཉེར་གཅིག་བརྗོད། གཟི་བྱིན་བསྐྱེད་པའི་དྲི་ཆབ་ལ་དམིགས་ཏེ། ན་མོ་ལོ་ཀ་ཌྷྲྀ་ཏཱ་ཡ། ཨོཾ་ཤང་ཀ་རེ། ཤནྟི་ཀ་རེ། གྷུྚ་གྷུྚ་གྷུྚ་ནི་གྷཱ་ཏ་ཡ་གྷུྚི་ནི་སྭཱ་ཧཱ། ཨོཾ་ཀུ་ལནྡྷ་རི་བནྡྷ་བནྡྷ་ཧཱུྃ་ཕཊ། ཅེས་མཱ་མ་ཀཱིའི་རིགས་སྔགས་དང་། ― LT34_Page_0437 ―
[མ་དཔེ་གཟིགས་ན་འདིར་གནོན།]
སྙིང་པོ་གཉིས་ཉེར་གཅིག །ཛྭ་ལ་ཛྭ་ལ་ཡ་ཕཊ། སིདྡྷི་སཱ་དྷ་ཡ་ཕཊ། དི་བེ་དི་བཱ་ཡ་ཕཊ། ཅེས་པ་རྣམས་ཀྱང་ཅི་རིགས་པར་བཟླས། དྲི་ཆབ་དེས་མཆོད་རྫས་བསྲེག་རྫས་ཐམས་ཅད་ལ་བསངས་གཏོར་བྱས་ཏེ། བདུད་རྩི་ཐབ་སྦྱོར་དང་སྔགས་བཤད་མ་ཐག་པ་དེ་རྣམས་ལན་གཅིག་གི་མཐར། ཨོཾ་གཟི་བརྗིད་ལྡན་པས་རྫས་ནང་དུ། །ཕྱི་བཤོལ་མ་མཛད་བཞུགས་ནས་སུ། །ཀུན་གྱི་གཟི་བརྗིད་སྤེལ་བ་དང་། །བྱིན་རླབས་ཅན་ཏུ་མཛད་དུ་གསོལ། །ཨོཾ་བཛྲ་ཧཱུྃ་དྷ། ཅེས་དང་། ཛི་ན་ཛིཀྲ་མང་དུ་བརྗོད། དཔལ་འབར་ཐོགས་ལ། ཨ་མྲྀ་ཏེ་དང་ཛི་ན་ཛིཀ་བཟླ་བཞིན་ཏུ་མེ་སྦར། མར་ཁུ་བླུགས་གཟར་གྱིས་ཅུང་ཟད་བཅུས་ཏེ་བླུགས་ལ། གདངས་རིང་པོས་སྭཱ་ཧཱ་དང་ཧཱ་ཡིག་རིང་པོ་ལན་མང་དུ་བརྗོད་ཅིང་བསྒྱིངས་པ་དང་བཅས་པར་བྱའོ། །ཨོཾ་དང་བྷྲཱུྃ་མང་དུ་བརྗོད། རླུང་ཡབ་ཀྱིས་གཡབས། ཀུ་ཤ་ལ་སོགས་པའི་རྩ་སྔོན་པོའི་བམ་པོ་ཐོགས་ལ། ཨོཾ་ཀུ་ཤ་འདི་ནི་གཙང་ཞིང་དགེ། །ས་ལས་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཏེ། །ཚངས་པ་ཡི་ཡང་དག་བྱེད་ཡིན། །འདིས་བདག་ཅག་འཁོར་དང་བཅས་པ་ལ་གེགས་མེད་ཅིང་ལས་ཀྱི་དངོས་གྲུབ་ཀྱང་སྩལ་དུ་གསོལ་ཞེས་ ― LT34_Page_0438 ―
[མ་དཔེ་གཟིགས་ན་འདིར་གནོན།]
བརྗོད། དེ་ནས་རང་གི་མདུན་ནས་གཡས་སྐོར་གྱི་རིམ་པས་ཐབས་ཀྱི་ཕྱོགས་མཚམས་བརྒྱབ་དུ་སྔ་མ་སྔ་མའི་རྩེ་མོ་ཕྱི་མ་ཕྱི་མའི་རྩ་བས་ནོན་པར་བཀྲམ་མོ། །ཐབ་ལཾ་བསངས་ཆུ་འཐོར། །སྟོང་པའི་ངང་ལས་ཞི་བའི་ཐབས་ཁུང་དཀར་པོ་ཟླུམ་པོ། །རྒྱར་ཁྲུ་གང་བ། ཟབས་སུ་ཁྲུ་ཕྱེད་བ། མུ་རན་དང་ཁ་ཁྱེར་སོར་བཞི་པ་ལ་པདྨའི་ཕྲེང་བས་བསྐོར་བ། ཕྱི་རོལ་གྱི་སྟེགས་བུ་གྲུ་བཞི་པའི་གྲྭ་བཞིར་རྡོ་རྗེ་རེ་རེས་མཚན་པ། དྭངས་ཤིང་ཐོགས་པ་མེད་པའི་ནང་ཞི་བའི་མེ་དཀར་ལ་བསིལ་བར་འབར་བའི་དབུས་སུ་པདྨ་དང་ཟླ་བའི་གདན་གྲུབ་པར་གྱུར། གཉིས་པ་ནི། ལག་གཉིས་ཁུ་ཚུར་ལས་གུང་མོ་སྒྲེང་བའི་ཚིགས་གསུམ་པར་མཛུམ་མོའི་རྩེ་མོ་སྦྱར། གཡས་སྙིང་གར་ཕྱིར་བསྟན་གཡོན་དཀུར་བཞག །མཐེ་བོང་ནང་དུ་གཡབ་ལ། ཨོཾ། ཚུར་བྱོན་ཚུར་བྱོན་འབྱུང་པོ་ཆེ། །ལྷ་ཡི་དྲང་སྲོང་བྲམ་ཟེ་མཆོག །སྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །ཨོཾ་ཨགྣ་ཡེ་ཧ་བྱ་ཀ་བ་བ་ཧཱ་ནཱ་ཡ་སྭཱ་ཧཱ། ཞེས་མེ་ལྷའི་སྔགས་ཐུང་བས་སྤྱན་དྲངས། བདུད་རྩིའི་སྔགས་དང་བསང་ཆུ་འཐོར། མེ་ལྷའི་སྔགས་ཐུང་གིས་མར་ཁུ་དགང་བླུགས་གསུམ་འབུལ། ཐབ་ཀྱི་དབུས་སུ་དྲང་སྲོང་ ― LT34_Page_0439 ―
[མ་དཔེ་གཟིགས་ན་འདིར་གནོན།]
ཆེན་པོ་མེ་ལྷ་སྐུ་མདོག་དཀར་པོ། ཕྱག་གཡས་གཉིས་ཀྱིས་མཆོག་སྦྱིན་དང་བགྲང་ཕྲེང་། གཡོན་གཉིས་ཀྱིས་དབྱིག་པ་དང་རིལ་བ་སྤྱི་བླུགས་འཛིན་པ། ཞབས་སེམས་དཔའི་སྐྱིལ་མོ་ཀྲུང་གིས་གནས་པ། འཁོར་དྲང་སྲོང་གི་ཚོགས་ཐམས་ཅད་ཀྱིས་བསྐོར་ཏེ་བཞུགས་པར་གྱུར། ཨོཾ་བཛྲ་ཀི་ལི་ཀཱི་ལ་བཛྲ་བྷི་མ་རོ་དྲིས་མི་ཏྲ་མ་ཧཱ་ཀྲོདྷཱ་ཡ་བི་ཛ་ཡ་ནི་ཀྲིནྟ་ཧཱུྃ་ཕཊ། བནྡྷ་བནྡྷ་སྭཱ་ཧཱ། ཞེས་བགེགས་བསངས། སྤྱན་འདྲེན་པའི་ཕྱག་རྒྱ་ལས་མཐེ་བོང་མཛུབ་མོའི་གློར་བཞག་པ་དང་མེ་ལྷའི་སྔགས་ཐུང་བརྗོད་པས་དམ་ལ་བཞག །ཨོཾ་ཨགྣ་ཡེ་ཧ་བྱ་ཀ་བྱ་བཱ་ཧ་ན་ཨཱ་དི་བྱ་ཨཱ་དི་བྱ་ལ་སྭཱ་ཧཱ། ཅེས་མེ་ལྷའི་སྔགས་རིང་པས་མར་ཁུ་དང་ཡམས་ཤིང་འབུལ། ཨོཾ་ཏིཥྛ་ཧ་རི་སིངྒ་ལ་ལོ་ཧིཏ་ཨཀྵ་དེ་ཧི་ད་དཱ་པ་ཡ་ཧཱུྃ་ཕཊ་ཕཊ། སརྦ་བི།།།ན་ནཱ་ཤ་ཡ་སྭཱ་ཧཱ། ཞེས་པའི་སྔགས་འདི་ཁོ་ནས་དཀར་གསུམ་དང་འབྲུ་སྣ་ལ་སོགས་པ་མེ་ལྷ་ཉིད་ཀྱི་བསྲེག་རྫས་རྣམས་ཇི་ཙམ་འོས་པ་རིམ་གྱིས་འབུལ། ཡང་གོང་བཞིན་ཨོཾ་ཨགྣ་ཡེ་སོགས་སྔགས་ཐུང་བས་དགང་བླུགས་ལན་གསུམ་ལ་སོགས་པ་ཇི་ཙམ་འོས་པ་འབུལ། སྐབས་དེ་དག་ཏུ་མ་བཀྲ་ངན་པ་དག་བྱུང་ན། བདུད་རྩི་ཐབས་སྦྱོར་ ― LT34_Page_0440 ―
[མ་དཔེ་གཟིགས་ན་འདིར་གནོན།]
ཀྱི་སྔགས་ཀྱིས་བསངས་ཆུ་གཏོར་བས་བཟློག་པར་འགྱུར་རོ། །མཐར། བདག་གི་སྦྱིན་སྲེག་གི་ལས་འདི་གེགས་མེད་ཅིང་འབྲས་བུའི་མཆོག་དང་ལྡན་པར་མཛད་དུ་གསོལ། །ཅེས་གསོལ་བ་ལན་གསུམ་གདབ། མེ་ལྷ་ཐས་ཀྱི་ཟུང་ན་ཅི་བདེར་བཞུགས་པར་གྱུར། ཞེས་མོས། སྐབས་འདིར་འོག་ཏུ་འཆད་པར་འགྱུར་བའི་མེ་ལྷ་ལ་མཆོད་ཡོན་ཉར་སྤྱོད་གཏོར་མ་དགང་བླུགས་བསྟོད་པ་རྣམས་གྲུབ་ནས་གཤེགས་གསོལ་བྱས་ན་བྱ་རྒྱུད་རང་ལུགས་ཡིན་པས་ཆོ་གའི་རིམ་པ་འདི་ལྟར་བཟང་མོད། སྤྱི་འགྲོས་ཀྱི་རིགས་པ་འདི་ལའང་འགལ་བ་མེད་པས་ཐོས་ཆུང་མགུ་བྱེད་དུ་བགྱིས་པའོ། །གསུམ་པ་ནི། བུད་ཤིང་གསོ། ན་མ༔སརྦ་ཏ་ཐཱ་ག་ཏཱ་ནཱཾ། སརྦ་ཐ་ཨུངྒ་ཏེ་སྦར་་ཨི་མཾ་ག་ག་ན་ཁཾ་སྭཱ་ཧཱ། ལན་གསུམ་གྱིས་ལྷའི་གདན་གྲུབ་པར་གྱུར། མཆོད་ཡོན་སྤོས་ཀྱིས་བདུག །བྷྲཱུྃ་བདུན་དང་། ཛི་ན་ཛིཀྲ་བདུན། ཨོཾ་ཥྚྃ་བྷནྡྷ་སྭཱ་ཧཱ། ཇི་ལྟར་རིགས་པས་བྱིན་གྱིས་བརླབས་ལ་རྩ་བའི་མཆོད་ཡོན་མདུན་གྱི་དབུས་སུ་བཞག །གཡོན་ཏུ་ཁྱད་པར་གྱི་མཆོད་ཡོན་དང་། གཡས་སུ་བདུག་སྤོས་རྣམས་བཤམས་ཏེ། ན་མོ་རཏྣ་ཏྲ་ཡཱ་ཡ། ཞེས་ལན་གསུམ་གྱིས་ཕྱག་འཚལ། ― LT34_Page_0441 ―
[མ་དཔེ་གཟིགས་ན་འདིར་གནོན།]
རྡོ་རྗེ་ཐལ་མོ་ཁ་ཕྱེ་ལ། མཛུབ་མོ་གཉིས་རྩེ་མོ་སྦྱར་ཏེ་བསྒྲེངས། མཐེ་བོང་གཡབ་ཅིང་། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་བཅོམ་ལྡན་འདིར། །བདག་གི་མཆོད་ཡོན་འདི་བཞེས་ལ། །མཆོད་པས་བདག་ལ་དགེས་པར་མཛོད། །བྷྲཱུྃ་ཛི་ན་ཛིཀྲ ཨཀྵོ་བྷྱ་ཨེ་ཧྱེ་ཧི། ཞེས་ལན་གསུམ་ལ་སོགས་པར་གསོལ་བ་འདེབས་པས་ནན་ཏན་གྱིས་སྤྱན་དྲངས། དེ་ཡང་ཕྱག་རྒྱ་སྤྱི་བོའི་ཐད་དུ་བྱས་ཏེ། ལན་དང་པོ་ཕྱག་རྒྱ་ཁོ་ན་བྱ། གཉིས་པ་ལ་ཕྱག་རྒྱ་དེས་མཆོད་ཡོན་གཙང་མ་ཐོགས་ཏེ། སྤྱི་བོའི་ཐད་ནས་བཟེད་ཞལ་དུ་འབུལ། གསུམ་པ་ལ་རྫས་སྦྱར་བའི་མཆོད་ཡོན་ཐོགས་ཏེ་འབུལ། རྫས་རྣམས་དངོས་སུ་མེད་ན། ཆུ་གཙང་ངམ་མེ་ཏོག་ཙམ་དང་བཅས་པ་འབུལ་ཞིང་། ལྷག་མ་དམིགས་པ་ཁོ་ནས་འགྲུབ་བོ། །དེ་ནས་ཕྱག་རྒྱ་པདྨ་ཁ་ཕྱེ་བའི་ཚུལ་ཅན་གྱིས། །བཅོམ་ལྡན་ཐུགས་རྗེས་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་ནས་ཀྱང་། །མཆོད་པས་བདག་ལ་དགྱེས་པར་མཛོད། །ཨོཾ་ཀ་མ་ལཱ་ཡ་སྭཱ་ཧཱ། ཡང་ཕྱག་རྒྱ་དེ་དང་འདྲ་བ་ལས་གུང་མཛུབ་སྲིན་གསུམ་རྡོ་རྗེ་རྩེ་ལྔ་ལྟ་བུར་བྱས་ལ། ― LT34_Page_0442 ―
[མ་དཔེ་གཟིགས་ན་འདིར་གནོན།]
བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་མཆོད་ཡོན་བཞེས་ནས་ཀྱང་། །ཐུགས་རྗེས་ཐུགས་དཔག་མཛད་དུ་གསོལ། །ཨོཾ་བཛྲ་ཨཱ་པ་ནི་ཧཱུྃ་ཕཊ། པདྨ་ཁ་ཕྱེ་ལས། སོར་མོ་དབུས་མ་གཉིས་གཤིབས་ཏེ་བསྒྲེངས་བ་དང་། བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་ལྡན་བཞུགས་སུ་གསོལ། །ཨོཾ་བཛྲ་ཀ་ཧཱུྃ་ཕཊ། ཡེ་ཤེས་ཀྱི་དཀྱིལ་འཁོར་ལྷ་ཚོགས་ཐམས་ཅད་སོ་སོ་རང་རང་གི་གདན་ལ་བཞུགས་བར་གྱུར་པ་ནི། དབུས་སུ་བཅོམ་ལྡན་མི་འཁྲུགས་པ། །སྐུ་མདོག་དཀར་པོ་སོགས་ནས། བཀྲ་ཤིས་ལྷ་མོ་བརྒྱད་བསྐྱེད་ཚིག་རྒྱས་བསྡུས་གང་རིགས་ཏེ། བསྡུས་པ་ལྟར་ན། དར་དང་རིན་ཆེན་རྒྱན་ལྡན་གསལ། །ཞེས་པའི་བར་གྱིས་གསལ་གདབ། དཀྱིལ་འཁོར་དང་འབྲེལ་ན་འདིར་མེ་ཏོག་ལེན་པ་དང་། རྗེས་གཤེགས་པ་སོགས་བོད་རྙིང་པའི་ཕྱག་བཞེས་ལྟར་སྤྲོ་ན་བྱར་རུང་། སྐབས་འདིར་སྒྲུབ་མཆོད་དང་མ་འབྲེལ་ན་གཤེགས་རིགས་ཀྱི་དམ་རྒྱ་བཅས་ལ། ཨོཾ་སརྦ་ཏ་ཐཱ་ག་ཏོདྦྷ་བ་སྭཱ་ཧཱ། ཞེས་བརྗོད། གང་ལྟར་ ― LT34_Page_0443 ―
[མ་དཔེ་གཟིགས་ན་འདིར་གནོན།]
དེ་ནས་སྒྲུབ་མཆོད་སྐབས་ལྟར། མཆོད་པ་བྱིན་རླབས། འཇིག་རྟེན་ཁམས་ནི་སོགས་ཀྱིས་མཆོད། རྒྱལ་བ་ཟླ་བས་བསྟོད། དེ་ནས་མར་གྱི་དགང་བླུགས་སྔོན་ཏུ་འགྲོ་བའི། ཡམས་ཤིང་ནས་བརྩམས་བསྲེག་རྫས་ཐམས་ཅད་རིམ་བཞིན་འབུལ་ཏེ། སྔགས་ནི་རྒྱ་གཞུང་ལས། ཐམས་ཅད་རྒྱུན་གཅོད་སྔགས་ཀྱིས་བྱ། །ཞེས་པས་གཟུངས་རིང་ཁོ་ནས་འབུལ། བོད་སྐད་ཀྱི་སྤེལ་ཚིག་སྦྱར་བ་སྤྲོ་ན། བསྲེག་རྫས་ཚན་རེའི་མཚམས་སུ། བདག་དང་སེམས་ཅན་ཐམས་ཅད་ཀྱི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་ཤཱནྟི༚་ཀུ་རུ་ཡེ་སྭཱ་ཧཱ་ཞེས་བརྗོད། བསྙེན་པའི་ཁ་སྐོང་ལ་མར་ཁུའི་དགང་བླུགས་བརྒྱ་ཕྲག་མན་གང་འགྲུབ་དང་། བསྲེག་རྫས་གཞན་ཆ་སྙོམས་པའི་གྲངས་ཉེར་གཅིག་ཡན་གང་འགྲུབ་སོང་མཚམས། ཏིལ་དང་ཡུངས་ཀར་ཁོ་ན་ལ་གྲངས་བཟུང་། གཟུངས་སྔགས་ཁོ་ན་གྲངས་ཚད་འགྲུབ་པར་དཀའ་ན། གཤེགས་རིགས་ཀྱི་རིགས་པའི་རྒྱལ་པོ་དང་། རིགས་ཀྱི་སྙིང་པོ་ཡིན་པས། བྷྲཱུྃ་ཛི་ན་ཛིཀྲ །ཅེས་པའི་ཡི་གེ་ལྔ་པོས་ཁ་སྐོང་བར་བྱས་ཀྱང་རུང་བར་མངོན། མཐར་གཟུངས་སྔགས་བདུན་དང་། ― LT34_Page_0444 ―
[མ་དཔེ་གཟིགས་ན་འདིར་གནོན།]
ལྷ་མོ་བརྒྱད་ཀྱི་མཚན་སྔགས་གསུམ་རེས་དགངས་བླུགས་འབུལ། མཆོད་བསྟོད་བཟོད་གསོལ་དཀྱིལ་ཆོག་ལྟར་བྱས་པའི་རྗེས་སུ། ཨོཾ་ན་མོ་བྷ་ག་ཝ་ཏེ་ཨ་ཀྵྱོ་བྷྱཱ་ཡ་ཨརྒྷཾ་པྲ་ཏིཙྪ་སྭཱ་ཧཱ། དེས་འགྲེས་ཏེ་ལྷ་མོ་བརྒྱད་ཀྱི་སྔགས་མཐར་ཨརྒྷཾ་སོགས་སྦྱར་བས་མཆོད་ཡོན་འབུལ། དཀྱིལ་འཁོར་དང་འབྲེལ་ན་སྔར་གྱི་མེ་ཏོག་ཅུང་ཟད་ཙམ་དཀྱིལ་འཁོར་ལ་གཏོར། མེ་ནང་དུ་བཞུགས་པའི་དཀྱིལ་འཁོར་གྱི་ལྷ་ཚོགས་རྣམས་སླར་ཕྱིར་ལ་གཤེགས་ལ། དཀྱིལ་འཁོར་ཆེན་པོའི་གནས་སུ་རང་རང་གི་གདན་ལ་བཞུགས་པར་གྱུར། ཞེས་བརྗོད། དཀྱིལ་འཁོར་དང་མ་འབྲེལ་བའི་སྐབས་སྤྱན་འདྲེན་པའི་ཕྱག་རྒྱ་ལས། མཐེ་བོང་གཉིས་ཕྱིར་བསྐྱེད། གཤེགས་གསོལ་གྱི་ཚིག་སྤྱི་འགྲོའི་མཐར། གདོན་མི་ཟ་བར་བདག་ལ་ཡང་། །རྗེས་སུ་བརྩེ་བར་དགོངས་ནས་ཀྱང་། །རྒྱལ་བ་སྲས་དང་བཅས་པ་རྣམས། །ཅི་བདེ་བར་ནི་གཤེགས་སུ་གསོལ། །དང་པོར་བཅིངས་པའི་དེ་བཞིན་གཤེགས་རིགས་ཀྱི་དམ་ཚིག་གི་ཕྱག་རྒྱ་དེ་མགོ་བོའི་སྟེང་དུ་བཅས། རྩེ་མོ་གྱེན་ཏུ་བསྟན། སོར་མོ་བསྐྱེད་ཅིང་དཀྲོལ་ཏེ། སེ་གོལ་ཏོག་པ་ལན་གསུམ་དང་། ཨོཾ་སརྦ་ཏ་ཐཱ་ག་ཏོ་དྦྷ་ཝཱ་ཡ་སྭཱ་ཧཱ། ཅེས་ལན་ ― LT34_Page_0445 ―
[མ་དཔེ་གཟིགས་ན་འདིར་གནོན།]
གསུམ་གྱིས་ལྷ་རྣམས་གཞལ་ཡས་ཁང་དང་བཅས་པ་གཤེགས་སུ་གསོལ། བཞི་པ་ནི། བསྲེག་རྫས་ལྷག་མ་རྣམས་གོང་སྨོས་ཏིཥྛ་ཧ་རིའི་སྔགས་ཀྱིས་གྲངས་ཇི་ཙམ་འོས་པ་ཕུལ་མཐར། སྔགས་དེའི་སྭཱ་ཧཱའི་གོང་དུ་ཨརྒྷཾ་སོགས་སྦྱར་བས་མཆོད་ཡོན་ཉེར་སྤྱོད་རྣམས་དང་། བ་ལི༚་སྦྱར་བ་ལན་གསུམ་གྱིས་གཏོར་མ་ཕུལ། སླར་ཡང་མེ་ལྷའི་སྔགས་རིང་བས་དགང་བླུགས་ལན་བདུན་གྱི་མཐར། ཚངས་དབང་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་པོ་ཡོངས་སུ་བསྐྱབ་པའི་ཕྱིར། །ཐུགས་རྗེ་སྤྲུལ་པའི་སྐུ་སྤྲུལ་པ། །རིགས་སྔགས་གྲུབ་པའི་དྲང་སྲོང་ཚུལ། །ཉོན་མོངས་སྲེག་པའི་ཤེས་རབ་འོད། །བསྐལ་པའི་མེ་ལྟར་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱིས་སྤྲུལ་པའི་ཐེག་པ་ཆིབས། །རིགས་སྔགས་གསུང་གི་བགྲང་ཕྲེང་འཛིན། །བདུད་རྩིའི་བཅུད་ལྡན་གྷུནྡྷེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་པའི་སྐྱོན་བྲལ་ཚངས་པར་སྤྱོད། །འཇིག་རྟེན་འདས་ཀྱང་མྱ་ངན་འདས། །ཞི་བ་བརྙེས་ཀྱང་ཐུགས་རྗེ་ཆེ། །དེ་ལ་བསྟོད་དེ་ཕྱག་ཀྱང་ ― LT34_Page_0446 ―
[མ་དཔེ་གཟིགས་ན་འདིར་གནོན།]
འཚལ། །ཞེས་བརྗོད། སྤྱན་འདྲེན་པའི་ཕྱག་རྒྱ་ལས་མཐེ་བོང་ཕྱིར་བསྐྱེད། ཨོཾ་ཨགྣ་ཡེ་སོགས་སྔགས་ཐུང་བའི་མཐར། གཙྪ་གཙྪ་ཞེས་བརྗོད་པས་གཤེགས་སུ་གསོལ། །བཞུད་ཅིག་ཅེས་ནི་བདག་པོའི་བཀའ། །བཟློས་པས་རབ་ཏུ་བསྒྲགས་ནས་བཞུད། །སྤྱན་ཡང་དྲངས་མ་ཐག་ཏུ་ནི། །གསང་སྔགས་དགྱེས་ནས་འབྱོན་པར་མཛོད། །ཅེས་པའང་སྤྲོ་ན་བརྗོད། མཐར་སྨོན་ལམ་དང་ཤིས་བརྗོད་རྒྱས་པར་བྱ། གསུམ་པ་རྗེས་ཀྱི་བྱ་བ་ནི། མེ་མ་ཤི་བར་དུ་གཞན་རེག་ཏུ་མི་འཇུག་ཅིང་མི་དཀྲུག །ལོངས་ཡོད་ན་འོ་མའི་ཆུས་བཀྲུས་ལ་ཐལ་བ་སྣོད་གཙང་མར་བསྡུས་ཏེ། ཆུའི་ནང་ན་གནས་པའི་སྲོག་ཆགས་མང་པོ་ལ་ཕན་གདགས་པའི་ཕྱིར་རྒྱ་མཚོ་ཆེན་པོར་འབབ་པའི་ཆུར་དོར། ཐབས་ཀྱི་ཉེ་འཁོར་དྲི་ཞིམ་པོའི་ཆུས་བྱུགས་ཏེ་ལས་ཀྱི་རྗེས་མི་མངོན་པར་བྱའོ། །སྒྲུབ་པའི་དངོས་གྲུབ་ལེན་པའི་གོང་དུའང་ཞི་བའི་སྦྱིན་སྲེག་གིས་འཐུས་མོད་ཀྱིས། རྒྱས་པ་བྱ་བར་འདོད་ན་ཐབ་སྤྱི་མཚུངས་དང་། གཞན་འདི་ཉིད་ལ་ཁ་བསྒྱུར་བར་ཆོག་གོ། །སྤྱོད་རྒྱུད་ལུགས་ཀྱི་སྦྱིན་སྲེག་ཅུང་བྱ་དཀའ་བ་དང་། འདིར་ཡན་ལག་ཐམས་ཅད་བྱ་རྒྱུད་ལུགས་གཞིར་བཞག་པ་མ་ཟད་ ― LT34_Page_0447 ―
[མ་དཔེ་གཟིགས་ན་འདིར་གནོན།]
རྒྱ་གཞུང་ལས་ཚུལ་འདི་གསལ་བར་བཤད་པས་བྱ་རྒྱུད་རང་ལུགས་སུ་བཀོད་པའོ། །གསུམ་པ་གཞན་ལ་ཕན་གདགས་པའི་རིམ་པ་ལ་གཉིས། གསོན་པོ་ལ་ཕན་གདགས་པ་དང་། གཤིན་པོ་ལ་ཕན་གདགས་པའོ། །དང་པོ་ལ་གསུམ། སྲུང་བ་གདགས་པ། སྲུང་དམིགས་བྱ་བ། བཀྲུ་བྱ་བསྲུང་གསུམ་བྱ་བའོ། །དང་པོ་ལ་གཉིས་ལས་འཁོར་ལོ་གདགས་པར་འདོད་ན། དར་རས་གྲོ་ཤོག་གང་རུང་ལ་འཁོར་ལོ་རྩིབས་བཞི་པའམ་བརྒྱད་པ་བྲིས་ལ། ལྟེ་བར་ཨོཾ་ཀཾ་ཀ་ནི་ཀཾ་ཀ་ནི་བྲི། རྩིབས་བཞི་པར་བྱེད་ན་ཤར་གྱི་རྩིབས་ལ་རོ་ཙ་ནི་རོ་ཙ་ནི་བྲི། ལྷག་མ་འགྲེ། བརྒྱད་བྱེད་ན་སྔགས་ཚན་ཕྲལ་ཏེ་ཤར་རྩིབས་ལ་རོ་ཙ་ནི་གོང་མ་བྲི། ལྷག་མ་འགྲེ། མུ་ཁྱུད་ལ། ན་མོ་རཏྣ་ཏྲ་ཡཱ་ཡ། ཆེ་གེ་མོའི་སརྦ་ཀརྨ་པ་རཾ་པ་ར་ི་མེ་རཀྵ་རཀྵ་སྭཱ་ཧཱ། ཞེས་ཡིག་འགོ་ཐམས་ཅད་ཕྱིར་བསྟན་གཡོན་སྐོར་དུ་བྲི། ཚོན་ཐོབ་ནི། ལྟེ་བ་དཀར། རྩིབས་སེར། གཞི་སྔོ། མུ་ཁྱུད་དམར། དེའི་ཕྱི་རོལ་རྭ་བ་སེར་པོ་བྱ། ཡང་། ལུགས་གཅིག་ལ། པད་འདབ་དགུ་བྲིས་པའི་ལྟེ་བར་ཧཱུྃ་གི་མཐར་ཆེ་གེ་མོ་ལ་སྲུངས་ཤིག་རཀྵ་རཀྵ། ནུབ་ཀྱི་ ― LT34_Page_0448 ―
[མ་དཔེ་གཟིགས་ན་འདིར་གནོན།]
འདབ་མ་ལ་ན་མོ་རཏྣ་ཏྲ་ཡཱ་ཡ། ནུབ་བྱང་གི་འདབ་མ་ལ་ཨོཾ་ཀཾ་ཀ་ནི་ཀཾ་ཀ་ནི་བྲིའོ། །ལྷག་མ་འགྲེ་གསུང་། ལག་ལེན་ཏུ་སྔ་མ་མཛད། གླེགས་བམ་སྟེ་ཤོག་དྲིལ་གདགས་པར་འདོད་ན། རྒྱ་ཤོག་ལ་ཕེ་ལ་གི་ཝང་དང་གུར་གུམ། མོ་ལ་རྒྱ་སྐྱེགས་ཀྱི་ཁུ་བས་གཟུངས་སྔགས་ཚར་གསུམ་མམ་བདུན་བྲི། སརྦ་ཀརྨའི་གོང་དུ་བསྲུང་བྱའི་མིང་གཞུག །མཐར་རཀྵ་རཀྵ་སྭཱ་ཧཱ། གཉིས་ཀ་ལ་རབ་གནས་བྱ་བ་ནི། སྟེགས་གཙང་མར་རིན་པོ་ཆེའི་སྣོད་འབྲུ་ཡིས་བཀང་པ་ལ་བཀྲམ། བདག་བསྐྱེད་བཟླས་པ་དང་བཅས་པ་སྔོན་ཏུ་འགྲོ་བས་ཞི་དྲག་གི་སྦྱོང་བ་དང་། བདུད་རྩི་འཁྱིལ་པའི་སྔགས་བཟླས་པའི་བུམ་ཆུས་ཁྲུས་གསོལ། མདུན་ཏུ་མཆོད་པ་བཤམ། རང་མི་འཁྲུགས་པར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས། ཤར་ཕྱོགས་མངོན་པར་དགའ་བའི་ཞིང་ཁམས་ནས་བཅོམ་ལྡན་འདས་མི་བསྐྱོད་བ་རྒྱལ་བ་སྲས་དང་བཅས་པས་བསྐོར་བ་མདུན་གྱི་ནམ་མཁར་སྤྱན་དྲངས་པར་གྱུར། སྤོས་འཐུལ་ལ། ཧཱུྃ་དད་པ་དང་ནི་སོགས་ཀྱིས་སྤྱན་དྲངས། པདྨ་ཀ་མ་ལཱ་ཡ་སྟྭཾཾ། ཞེས་བཞུགས་སུ་གསོལ། མཆོད་པ་རྣམས་བྱིན་གྱིས་བརླབས་ལ་ ― LT34_Page_0449 ―
[མ་དཔེ་གཟིགས་ན་འདིར་གནོན།]
མཆོད་བསྟོད་བྱ། འོག་སྲུང་དམིགས་སྐབས་ལྟར་ཚིག་ལྷུག་གི་ཕྱག་འཚལ་བདེན་པ་བསྐུལ་པའི་མཐར། བྱིན་གྱིས་བརླབས་ཀྱིས་བསྲུང་བྱ་ངན་སོང་གསུམ་དང་མི་ཁོམས་པའི་གནས་རྣམས་སུ་སྐྱེ་བའི་ལས་ཐམས་ཅད་དང་། དགེ་བའི་བར་དུ་གཅོད་པ་མི་དང་མི་མ་ཡིན་པའི་གནོད་པ་མཐའ་དག་དང་། རྨི་ལམ་མཚན་ལྟས་ངན་པ་འཇིགས་པ་བརྒྱད་དང་བཅུ་དྲུག་སོགས་དུས་མ་ཡིན་པའི་འཆི་བ། ནད་གདོན་བགེགས་དང་བར་དུ་གཅོད་པ་མཐའ་དག་ཞི་བ་དང་སྲུང་བ་ཆེན་པོ་མཛད་དུ་གསོལ། ཞེས་ལན་གསུམ། གསོལ་བ་གདབ་པས་བཅོམ་ལྡན་འདས་འཁོར་དང་བཅས་པ་ཡིག་འབྲུའི་རྣམ་པར་ཞུ་ནས་ཙ་ཀྲའམ་གླེགས་བམ་ལ་ཐིམ་པས་ལྷའི་རང་བཞིན་སྲུང་བའི་ནུས་པ་དང་ལྡན་པར་གྱུར། རྟེན་འབྲེལ་སྙིང་པོ་བརྒྱ་རྩ་བཟླས་པའི་མེ་ཏོག་ལན་ཉེར་གཅིག་གམ་བདུན་འཐོར་ལ་ཡེ་དྷར་དང་སུ་པྲ་ཏཱིཥྛ་སྦྲེལ་མ་བརྗོད། འདི་ཁོ་ན་ཆེ་གེ་མོའི་སྲུང་བའི་གོ་ཆ་ཆེན་པོ་གཞོམ་གཞིག་དང་བྲལ་བར་གྱུར་ཅིག །ཅེས་བརྗོད་ལ། འཁོར་ལོ་ལྟེ་བ་ཆིངས་སྤྱི་འགྲེ་དང་། ཤོག་དྲིལ་འགོ་ནས་ཡིག་ངོ་ནང་བསྟན་ཏུ་དྲིལ། བཀྲ་ཤིས་རྒྱས་པར་བརྗོད། ལ་ཆས་ ― LT34_Page_0450 ―
[མ་དཔེ་གཟིགས་ན་འདིར་གནོན།]
བཏུམས་པའམ་གཡོགས་ལེགས་པར་བྱས་ལ་བཏགས་པའི་ཕན་ཡོན་སྤྱིར་ཚད་མེད་ཅིང་། ཁྱད་པར་གཟུངས་ལས། ལུས་ལ་འཆང་ངམ། གླེགས་བམ་ལ་བྲིས་ནས་མགུལ་དུ་ཐོགས་ཏེ་འཆང་ན། དེ་ལ་དུས་མ་ཡིན་པའི་འཆི་བ་རྣམས་གཏན་ཏུ་འབྱུང་བར་མི་འགྱུར་རོ། །ཞེས་གསུངས་པ་ལྟར་རོ། །གཉིས་པ་སྲུང་དམིགས་ནི། མདོའི་དགོངས་པ་དང་གཏེར་མའི་མན་ངག་གྲུབ་ཆེན་ཆགས་མེད་རིན་པོ་ཆེས་བཀྲལ་བ་སྟེ། རང་ཉིད་ཡི་དམ་སྐུར་གསལ་ཐུགས་ཀ་ཡི། །ས་བོན་འོད་ཟེར་ཤར་གྱི་ཕྱོགས་སུ་འཕྲོས། །ཤར་ཕྱོགས་མངོན་པར་དགའ་བའི་ཞིང་ཁམས་ན། །བཅོམ་ལྡན་མི་འཁྲུགས་རྒྱལ་བའི་ཐུགས་ཀར་ཕོག །སྔོན་གྱི་ཐུགས་བསྐྱེད་སྨོན་ལམ་རྗེས་སུ་དྲན། །སྐུ་ལས་འོད་ཟེར་མཐིང་ག་འཕྲོས་པ་ཡིས། །ནད་དང་སྡུག་བསྔལ་འཇིགས་སྐྲག་གནོད་པ་ཀུན། །མུན་ལ་ཉི་ཤར་བཞིན་ཏུ་བསལ་བར་གྱུར། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མགོན་པོ་མི་འཁྲུགས་པ་ལ་ཕྱག་འཚལ་ལོ། །བཅོམ་ལྡན་འདས་མི་འཁྲུགས་པས་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། བདེན་པ་དང་ ― LT34_Page_0451 ―
[མ་དཔེ་གཟིགས་ན་འདིར་གནོན།]
བདེན་པའི་ཚིག་གང་གིས་དམ་བཅས་པ་དང་། ཚིག་བརྗོད་པ་གང་ཡིན་པའི་དམ་བཅས་པ་དང་། ཚིག་བརྗོད་པ་དེ་དག་ཐམས་ཅད་ཡོངས་སུ་རྫོགས་པར་གྱུར་ཅིང་དམ་བཅས་པ་དང་། ཚིག་བརྗོད་པ་དེ་དག་ཐམས་ཅད་ཀྱི་ཕ་རོལ་ཏུ་སོན་པའི་བདེན་པ་དང་། བདེན་པའི་ཚིག་དེས་བདག་ཅག་དཔོན་སློབ་བམ། བསྲུང་བྱ་འདི་ལ་འཇིགས་པའམ། གདོན་ནམ། རིམས་ནད་ཀྱི་བར་དུ་གཅོད་པ་སོགས་ཁ་སྒྱུར་ལ། འདི་དག་ད་ལྟ་ཉིད་དུ་ཞི་ཞིང་ནུབ་པར་གྱུར་ཅིག གཟུངས་རིང་ལན་ཁ་ཤས་དང་། ཨོཾ་ཨཀྵོ་བྷྱཿཛཿ བི།།།ནྟ་ཀྲྀ་ཏྲ་ཧཱུྃ་ཕཊ། འཇིགས་པ་དང་གནོད་པ་ཐམས་ཅད་ཤཱནྟི༚་ཀུ་རུ་སྭཱ་ཧཱ། ཞེས་བརྒྱ་རྩ་སོགས་གལ་ཆེ་ཆུང་ལོངས་སྐབས་དང་སྦྱར་བའི་བཟླས་དམིགས་མཐར། ཤིས་བརྗོད་བྱས་པས་ལས་ཀྱི་རྣམ་པར་སྨིན་པ་མ་གཏོགས་པའི་གནོད་པ་ཐམས་ཅད་དེ་མ་ཐག་ཏུ་ཞི་བར་འགྱུར་བ་གསུངས་ཤིང་། དོན་ལའང་སྐྱོབ་སྲུང་གཞན་གང་ལས་ཀྱང་ཟབ་ངེས་པའི་ཉམས་མྱོང་ཅན་ཡིན་སྙིགས་དུས་སུ་ཆོས་སྒྲུབ་པ་ལ་བདུད་ཀྱིས་ལྷག་པར་བར་དུ་གཅོད་པར་བྱེད་ཅིང་། མི་འཁྲུགས་པའི་མཚན་གཟུང་བ་ཙམ་གྱིས་ཀྱང་བདུད་ཀྱི་གནས་ཐམས་ཅད་དཀྲུགས་ཤིང་བདུད་ཀྱི་ ― LT34_Page_0452 ―
[མ་དཔེ་གཟིགས་ན་འདིར་གནོན།]
སྤྱོད་ཡུལ་ལས་རབ་ཏུ་འདའ་བར་གསུངས་པས། རང་གི་རྒྱུན་གྱི་ཉམས་ལེན་ཏུའང་ཤིན་ཏུ་ཟབ་པར་གོ་ཞིང་། དེ་ལྟ་ན། བྱིན་གྱིས་རླབས་ཀྱིས། ཞེས་པའི་མཇུག་ཏུ། དམ་པའི་ཆོས་སྒྲུབ་པ་ལ་བར་དུ་གཅོད་པ་ཐམས་ཅད་མྱུར་དུ་ཞི་ཞིང་ནུབ་པར་གྱུར་ཅིག །ཅེས་བསྒྱུར་རོ། །གསུམ་པ་བཀྲུ་བྱབ་སྲུང་གསུམ་བྱ་བ་ནི། དེའང་གཟུངས་ལས། ལན་གཅིག་བཟླས་བརྗོད་བྱས་ན། ལྟས་ངན་པ་དང་། རྨི་ལམ་ངན་པ་དང་། བཀྲ་མི་ཤིས་པ་རྣམས་མེད་པར་འགྱུར་རོ། །ཅེས་དང་། ཛེ་ཏཱ་རིའི་རྒྱ་གཞུང་དུ། ངན་པ་བཟློག་ལ་ལས་འདི་བྱ། །ཅེས་གསུངས་པ་ལྟར། རྨིས་ལྟས་ངན་པ་དང་། མོ་ངན་པ་དང་། ཆག་ཆེ་བ། ལོ་ཟླའི་སྐག །གཞན་གྱི་སྦྱོར་ངན། དམོད་པ་སོགས་ཞི་བར་འདོད་ན། བདག་བསྐྱེད་བཟླས་པ་བཅས་སྔོན་ཏུ་འགྲོ་བས། དཀྱིལ་ཆོག་ལྟར་མདུན་བུམ་བསྒྲུབ་པ་དང་། ཆ་གསུམ་བཏང་། བསྲུང་བྱ་མདུན་ཏུ་འཁོད། རྒྱས་པར་སྤྲོ་ན་ཀུན་རིག་ལྟར་ཞི་སྐྱོང་ཕྱེད་མ་དྲག་སྦྱོང་ཏིལ་སྦྱོང་བཅས་བྱ། བསྡུ་ན་མི་དགོས། བུམ་ལྷ་ནམ་མཁར་ཡིད་ཀྱིས་བཏེགས་ལ། ལྷ་ཁྲུས་སྤྱི་ལྟར་བྱས་པའི་ཁྲུས་ཆུ་སླར་ཡང་རྣམ་བུམ་དུ་བླུགས་པས་བསྒྲུབ་ ― LT34_Page_0453 ―
[མ་དཔེ་གཟིགས་ན་འདིར་གནོན།]
བྱར་ཁྲུས་བྱ་ཞིང་། འདི་ནི་སྦྱིན་པའི་རང་བཞིན་སོགས་ཚིགས་བཅད་དང་། གཟུངས་ཀྱི་མཐར། ཆེ་གེ་མོའི་སྡིག་པ་སྒྲིབ་པ་ཐམས་ཅད་ཤཱནྟི༚་ཀུ་རུ་སྭཱ་ཧཱ། དེ་བཞིན་ཏུ་གཟུངས་ཚར་རེའི་མཐར། བགེགས་ཐམས་ཅད། ནད་ཐམས་ཅད༴ གདོན་ཐམས་ཅད༴ གདུགས་པ་ཅན་ཐམས་ཅད༴ རིམས་ཐམས་ཅད༴ ནད་འགོ་བ་ཐམས་ཅད༴ ཉེ་བར་འཚེ་བ་ཐམས་ཅད༴ དུས་མ་ཡིན་པར་འཆི་བ་ཐམས་ཅད༴ རྨི་ལམ་ངན་པ་ཐམས་ཅད༴ ལྟས་ངན་པ་ཐམས་ཅད༴ སེམས་ཀྱི་གཡེང་བ་ཐམས་ཅད་ཤཱནྟི༚་ཀུ་རུ་སྭཱ་ཧཱ། ཅེས་བརྗོད་ཅིང་བཀྲུ། བྱབ་པ་ནི། རྒྱ་གཞུང་ལས། ཨ་པཱ་ན་ཡས་བྱབ་པར་བྱ། ཅེས་པ་ལྟར། །བར་བུམ་ཆུ་ཅུང་ཟད་བཟུང་དུ་གཞུག་ལ། རྨ་བྱའི་སྒྲོའི་དབུས་སུ་ཟླ་བ་ལ་གནས་པའི་ཧཱུྃ་གི་མཐར་སྔགས་ཀྱི་ཕྲེང་བས་བསྐོར་བའི་འོད་ཟེར་ཀྱིས་ཁྱེད་རང་རྣམས་ཀྱི་ནད་རིམས་གདོན་བགེགས་ཐམས་ཅད་རྡོ་ཁབ་ལེན་གྱི་ལྕགས་ལེན་པ་ལྟར་བླངས་ནས་ཕྱིར་དོར་བའི་མོས་པ་གྱིས། གཟུངས་ཀྱི་མཐར། སྡིག་པ་དང་སྒྲིབ་པ་ཐམས་ཅད་ཨ་བཱ་ན་ཡ་སྭཱ་ཧཱ། སོགས་གོང་ལྟར་མཐའ་བསྒྱུར་བ་བརྗོད་ཅིང་རྡོ་རྗེ་དང་བཅས་པའི་སྒྲོས་ཕྱི་ཚུལ་བྱ། ནད་གདོན་ ― LT34_Page_0454 ―
[མ་དཔེ་གཟིགས་ན་འདིར་གནོན།]
སྐྱུགས་པར་བསམ་ལ་ཁའི་ཆུ་སྣོད་དུ་ཕོ། །སྲུང་བ་ནི། རྒྱ་གཞུང་ལས། རཀྵ་ཞེས་པས་བསྲུང་བར་བྱ། །ཅེས་པ་ལྟར། ཁྱེད་རང་རྣམས་ཀྱི་སྤྱི་བོ་ལ་སོགས་པའི་གནས་རྣམས་སུ་རྡོ་རྗེས་རེག་པ་ལ་བརྟེན་དེ་ལས་དེ་འདྲ་བའི་རྡོ་རྗེ་བསམ་གྱིས་མི་ཁྱབ་པ་བྱུང་བས་ལུས་ལ་རྡོ་རྗེའི་གོ་གྱོན་ཏེ་བར་དུ་གཅོད་པ་གང་གིས་ཀྱང་གླགས་མི་རྙེད་པར་བྱས་སྙམ་དུ་མོས་པ་མཛོད། གཟུངས་ཀྱི་མཐར། ཆེ་གེ་མོའི་སྡིག་པ་དང་སྒྲིབ་པ་ཐམས་ཅད་ལས་རཀྵ་རཀྵ། སོགས་བརྗོད། སྤྱི་བོ། མདུན། རྒྱབ། དཔུང་མགོ་གཉིས། པུས་མོ་གཉིས་ཏེ་གནས་བདུན། རྡོ་རྗེ་རྒྱ་གྲམ་དུ་བཞག་པས་སྲུང་ངོ། །དེ་ནས་རྒྱ་གཞུང་དུ། གསོན་པོར་བཀྲ་ཤིས་རྫས་བརྒྱད་སྦྱིན། །ཞེས་པ་ལྟར་ཤིས་པའི་སླད་དུ་བཀྲ་ཤིས་རྫས་རྣམས་ལ་བུམ་ཆུ་གཏོར་ཏེ། བསངས་སྦྱང་། སྟོང་པའི་ངང་ལས་མཾ་ལས་བྱུང་བའི་བཀྲ་ཤིས་རྫས་བརྒྱད་ཆེ་གེ་མོའི། ཚེ་དང་བསོད་ནམས་དཔལ་འབྱོར་རྒྱས་པར་བྱེད་པའི་ནུས་པ་དང་ལྡན་པར་གྱུར། ཨོཾ་མངྒ་ལཾ་ཨཥྚ་དྲ་བྱ་ཧཱུྃ། ཞེས་བྱིན་བརླབས་ལ། རྫས་བརྒྱད་སྦྱིན་པའི་ཚིག་རྒྱས་བསྡུས་གང་རུང་བརྗོད་པའི་མཐར། བསྲུང་བྱ་རྣམས་སྤང་བྱ་མི་མཐུན་པའི་ ― LT34_Page_0455 ―
[མ་དཔེ་གཟིགས་ན་འདིར་གནོན།]
ཕྱོགས་ཐམས་ཅད་ལས་རྣམ་པར་རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག །ཅེས་དང་། ཞལ་ནས་གསུངས་པའི་ཤིས་བརྗོད་བྱ། རྗེས་ཆོག་སོགས་གཞུང་ལྟར་གྱིས་འགྲུབ་པོ། །གལ་ཏེ་དབང་བསྐུར་དང་སྦྲེལ་བར་སྤྲོ་ན་བདག་མདུན་བུམ་པ་ཆ་གསུམ་བདག་འཇུག་བཅས་གྲུབ་པའི་རྗེས་སུ་སྦྱོར་བ་སྔོན་ཏུ་འགྲོ་བའི་དབང་བསྐུར་རྟགས་བརྒྱད་སྦྱིན་པ་ཡན་གྲུབ་མཚམས། ལྷ་ཁྲུས་ནས་བརྩམས། བཀྲུ་བྱབ་སྲུང་གསུམ་རྫས་བརྒྱད་སྦྱིན་པ་ཡན་གྲུབ་ནས། སྲུང་སྔགས་ཀྱིས་ཙཀྲ་སྦྱིན་ལ། རྗེས་དམ་ཚིག་མན་མཐར་དབྱུང་ངོ་། །གཉིས་པ་གཤིན་པོ་ལ་ཕན་གདགས་པའི་རིམ་པ་ལ་ལྔ། མེ་ཆོག །རུས་ཆོག །ཆུ་ཆོག །སྦ་སྐྱེལ། སཱཙྪའི་ཆོ་གའོ། །དང་པོ་མེ་ལ་བརྟེན་པའི་ཆོ་ག་སྦྱིན་སྲེག་ནི། ལག་ལེན་རྒྱས་པ་གཞན་ཏུ་ཤེས། མདོར་ན་ཐོག་མར་ས་བཙལ། རྙེད་ནས་ས་སློང་བ་དང་སྦྱོང་བ་བྱས་ལ། ལས་ཐམས་ཅད་པའི་སྔགས་བཟླ་བཞིན་ཏུ་ཐབ་བརྩིགས། དབུས་སུ་ལྷ་མཚན་པདྨ་འདབ་བརྒྱད་སོགས་ཞི་བའི་ཐབ་ཁུང་སྤྱི་དང་མཚུངས། གཟུངས་སྔགས་དང་ངན་སོང་སྦྱོང་བའི་སྔགས་བཏབ་པའི་བུད་ཤིང་བརྩིགས། ― LT34_Page_0456 ―
[མ་དཔེ་གཟིགས་ན་འདིར་གནོན།]
བསྲེག་རྫས་བུད་ཤིང་སོགས་ལའང་ཡུངས་ཀར་ལ་ལས་སྔགས་བཟླས་པས་བྲབས། རས་སམ་ཤོག་གུར་པདྨ་འདབ་བརྒྱད་ཁྲུ་གང་པའི་ལྟེ་བར་འཁོར་ལོས་མཚན་པ་བྲིས་ཤིང་ཞུན་མར་གྱིས་བགོས་པ་རོའི་གདན་ཏུ་བཏིང་། བདག་མདུན་བུམ་ཆོག་བདག་འཇུག་བཅས་ཟིན་པའི་རྗེས་སུ། རོ་ལ་གཟུངས་ཆོག་གི་བསྒྲུབས་པའི་བུམ་ཆུས་བཀྲུ། སྣམ་རས་ཀྱིས་ཕྱི། དེ་དག་དངོས་སུ་མ་འབྱོར་ནའང་མཚོན་བྱེད་བྱ། གནས་ཡིག་རྒྱས་པ། གཞན་ཡང་གྲུབ་ན་ལེགས་ཤིང་། དམིགས་བསལ་སྤྱི་བོར་ཨོཾ་དང་གཟུངས་རིང་པྲ་ཏི་ཧ་ནའི་མཐར། ཆེ་གེ་མོའི་ལུས་ཀྱི་སྒོ་ནས་བསགས་པའི་སྡིག་སྒྲིབ་ཉེས་ལྟུང་བག་ཆགས་དང་བཅས་པ་སརྦ་ཀརྨ་སོགས་དང་། མགྲིན་པར་ཨཱཿདང་། གཟུངས་རིང་གཤམ། ཆེ་གེ་མོའི་ངག་གི་སྒོ་ནས་སོགས། སྙིང་གར་ཧཱུྃ་དང་གཟུངས་རིང་གཤམ། ཆེ་གེ་མོའི་ཡིད་ཀྱི་སྒོ་ནས་ཞེས་སོགས་ཀྱི་ཤམ་བུ་སྦྱར་བ་མཐིང་ཤོག་ལ་གསེར་དངུལ་ལམ། མ་འབྱོར་ན་རྒྱ་ཤོག་ལ་དྲི་བཟང་བསྲེས་པའི་མཚལ་གྱིས་བྲིས་ཏེ་གནས་སོ་སོར་ཡིག་ངོ་ནང་བསྟན་ཏུ་དགྲིས་ཏེ་སྦྱར། དེ་དག་ལས་འོད་ཟེར་འཕྲོས་རྟེན་དེའི་སྡིག་སྒྲིབ་སྦྱོང་བར་བསམས་ལ་གཟུངས་སྔགས་ཤམ་བུ་ཅན་དེ་མང་དུ་ ― LT34_Page_0457 ―
[མ་དཔེ་གཟིགས་ན་འདིར་གནོན།]
བརྗོད་ལ་སྔགས་བཟླ་བཞིན་ཏུ་རབ་བྱུང་ཡིན་ན་ཆོས་གོས། ཁྱིམ་པ་ལ་རས་སྣམ་ཀྱིས་དཀྲིས་ཏེ་སྔགས་ཀྱིས་བཏབ་པའི་བདུག་པས་བདུག །དཀྱིལ་འཁོར་ལྷོ་སྒོར་པདྨ་འདབ་བརྒྱད་བྲིས་པའི་སྟེང་དུ་བཞག་ལ་རྟེན་བསྐྱེད་འགུགས་པ་སྦྱོང་བ་རྣམ་གསུམ་ཏིལ་སྦྱོང་བྲབས་པ་བཀྲུབ་དུག་སྦྱོང་སྐྱབས་འགྲོ་དབང་བསྐུར་རྫོགས་པར་བྱས་བའི་རྗེས་སུ་ལམ་སྦྱོང་བསྟན་བྱས། སླར་ཡང་སྐད་ཅིག་གིས་ཕུང་པོ་ལྷར་གསལ། གནས་གསུམ་བྱིན་གྱིས་བརླབས་ལ་མཆོད་པ་ལྔས་མཆོད། སློབ་དཔོན་རྡོར་དྲིལ་ཐོགས་ཤིང་གཟུངས་སྔགས་བརྗོད་པས་སྣ་དྲངས་ཏེ་བསྲེག་ཁང་དུ་མགོ་སློབ་དཔོན་ལ་བསྟན་ནས། དཀྲིས་ཕུང་དེ་ལྟག་པའི་ཕྱོགས་སུ་བཞག །ཞི་བའི་སྲེག་བླུགས་དཀྱུས་བཞིན་བྱ་བ་ལས། མེ་སྦར་སྐབས། གསོན་ཅིག་དགོངས་ཤིག་རིགས་ཀྱི་བུ་སོགས་བརྗོད། བསྲེག་རྫས་རྣམས་བྱིན་གྱིས་བརླབ་བའི་ཚེ། ཚེ་ལས་འདས་པའི་ཕུང་ཁམས་སྐྱེ་མཆེད་དང་། བསྲེག་རྫས་རྣམས་ཐ་མི་དད་པ་དྭངས་ཤིང་ཐོགས་པ་མེད་པ་འཁོར་བ་ཐོག་མ་མེད་པ་ནས་བསགས་པའི་ལས་ངན་སྡིག་སྒྲིབ་ཐམས་ཅད་ཡོངས་སུ་སྦྱོང་བའི་ནུས་པ་དང་ལྡན་པར་མོས། འཇིག་རྟེན་པའི་ ― LT34_Page_0458 ―
[མ་དཔེ་གཟིགས་ན་འདིར་གནོན།]
དགངས་བླུགས་བདུན་སོང་མཚམས། མེ་ལྷ་རྡོ་རྗེ་ལས་ཀྱི་གཙོ། །ཚེ་འདས་སེམས་ཅན་སྒྱོང་བ་དང་། །ལྷ་རྣམས་ཆམས་པར་བྱ་བའི་ཕྱིར། །འདི་ཉིད་དུ་ནི་ཕྲིན་ལས་མཛོད། །ཅེས་གསོལ་བ་བཏབ་པས་མེ་ལྷའི་ཐུགས་ཀའི་འོད་ཟེར་གྱི་ལྕགས་ཀྱུས་ཚེ་འདས་ཀྱི་སྡུག་བསྔལ་སྡིག་སྒྲིབ་ཉེས་ལྟུང་ཐམས་ཅད་དྲངས་ཏེ་རོ་དང་བསྲེག་རྫས་རྣམས་དང་གཉིས་སུ་མེད་པ་བདུད་རྩིའི་དྭངས་མར་བྱས་ཏེ་བཞེས་པར་བསམ། བསྲེག་རྫས་སྔགས་ཤམ་དུ། ཚེ་འདས་ཀྱི་སྡིག་སྒྲིབ་ཐམས་ཅད་ཤཱནྟི༚་ཀུ་རུ་སྭཱ་ཧཱ། ཞེས་སྦྱར། དཀྱིལ་འཁོར་པའི་བསྟོད་པ་རྒྱལ་བ་ཟླ་བའི་རྗེས་སུ། ནམ་མཁའི་མདངས་ལྡན་ཀུན་ནས་གསལ་བའི་སྐུ། །མཚན་དཔེས་རབ་མཛེས་རྡོ་རྗེ་སྐྱིལ་ཀྲུང་བཞུགས། །རྡོ་རྗེ་དང་བཅས་བདུད་འདུལ་མཉམ་གཞག་མཛད། །མགོན་པོ་མི་འཁྲུགས་སྐུ་ལ་ཕྱག་འཚལ་ལོ། །ཆེ་གེ་ཞེས་བྱ་བའི་ཚེ་འདས་རིགས་ཀྱི་བུའི། །ཐོག་མེད་ནས་བསགས་སྲོག་གཅོད་ལ་སོགས་པའི། །ལུས་ཀྱི་སྒྲིབ་པ་མ་ལུས་དག་གྱུར་ནས། །མི་འགྱུར་རྡོ་རྗེ་སྐུ་ཡི་དངོས་གྲུབ་སྩོལ། །ལྷ་ཡི་རྔ་བོ་ཆེ་ལྟར་རྣམ་ཀུན་ཏུ། །རྣམ་པར་རྟོགས་མེད་ལེགས་བཤད་སེང་གེའི་སྒྲ། །ཡན་ལག་དྲུག་ཅུའི་བརྒྱན་པ་ལེགས་སྒྲོགས་པ། ། ― LT34_Page_0459 ―
[མ་དཔེ་གཟིགས་ན་འདིར་གནོན།]
བཅོམ་ལྡན་མི་འཁྲུགས་གསུང་ལ་ཕྱག་འཚལ་ལོ། །ཆེ་གེ་ཞེས་བྱའི་ཚེ་འདས་རིགས་ཀྱི་བུའི། །ཐོག་མེད་ནས་བསགས་རྫུན་ཚིག་ལ་སོགས་བ། །ངག་གི་སྒྲིབ་པ་མ་ལུས་དག་གྱུར་ནས། །ཡན་ལག་དྲུག་ཅུ་གསུང་གི་དངོས་གྲུབ་སྩོལ། །ཡེ་ཤེས་རྒྱ་མཚོ་ཡོན་ཏན་ནོར་བུས་བརྒྱན། །ཆོ་འཕྲུལ་རྣམ་པར་འཕྲུལ་བའི་རྦ་རླབས་ཅན། །སྲིད་ཞིའི་རླུང་གིས་རྣམ་པར་མི་གཡོ་བ། །མི་འཁྲུགས་རྒྱལ་པོའི་ཐུགས་ལ་ཕྱག་འཚལ་ལོ། །ཆེ་གེ་ཞེས་བྱའི་ཚེ་འདས་རིགས་ཀྱི་བུའི། །ཐོག་མེད་ནས་བསགས་བརྣབ་སེམས་ལ་སོགས་པའི། །ཡིད་ཀྱི་དྲི་མ་མ་ལུས་དག་གྱུར་ནས། །ཡེ་ཤེས་ལྔ་ལྡན་ཐུགས་ཀྱི་དངོས་གྲུབ་སྩོལ། །གཙོ་བོ་དཀྱིལ་འཁོར་ལྷ་ཚོགས་དང་བཅས་ཀྱིས། །ཚེ་འདས་ཆེ་གེ་ལ་སོགས་འགྲོ་རྣམས་ལ། །སྒྲིབ་མེད་ཡེ་ཤེས་སྤྱན་གྱིས་ལེགས་གཟིགས་ནས། །བརྩེ་བའི་ཐུགས་རྗེ་ཆེན་པོས་ལེགས་གཟུང་ལ། །སྔོན་ཆད་བསགས་པའི་སྒྲིབ་བ་གང་མཆིས་དང་། །བག་ཆགས་དང་བཅས་སྒྲིབ་པ་སོལ་མཛོད་ལ། །སྲིད་དང་རྣམ་གྲོལ་བདེ་བ་གང་ལགས་པ། །དངོས་གྲུབ་བདེ་ཆེན་མྱུར་དུ་བསྩལ་དུ་གསོལ། །ཞེས་གསོལ་བ་གདབ་བོ། ། ― LT34_Page_0460 ―
[མ་དཔེ་གཟིགས་ན་འདིར་གནོན།]
དེ་ནས་ལྟུང་བ་སློང་བའི་སྔགས་རྒྱས་ངན་སོང་གསུམ་ཚེ་འདས་དང་བཅས་པ་གཙོ་བོའི་མདུན་ཏུ་བཀུག་པར་བསམ། འདོད་པའི་རྒྱལ་པོའི་ཕྱག་རྒྱ་དང་། སྡིག་པ་དགུགས་པའི་སྔགས་ཀྱིས་ཚེ་ལས་འདས་པ་དེའི་སྡིག་པ་ཐམས་ཅད་ཀྱང་བཀུག་པར་བསམ། སྡིག་པ་སྦྱོང་བའི་སྔགས་དང་། སྡིག་པ་བྲལ་བའི་སྔགས་རྒྱས་ཚེ་ལས་འདས་པའི་སྡིག་པ་ཐམས་ཅད་བཀུག་ཅིང་དྲལ་ཏེ། རོ་དང་བསྲེག་རྫས་རྣམས་ལ་ཐིམ་སྟེ། ཡེ་ཤེས་ཀྱི་མེས་གསོལ་བར་བསམ། བསྲེག་རྫས་རྣམས་ཕུལ་ལ། གཟུངས་སྔགས་ཀྱི་མཐར། ཨོཾ་སརྦ་པཱ་པཾ་ད་ཧ་ན་བཛྲཱ་ཡ་ཆེ་གེ་མོའི་པཱ་པཾ་ནི་ད་ཧ་སྭཱ་ཧཱ། ཞེས་བཏགས་ཏེ་ཕུལ་བས། ལྷ་ཐམས་ཅད་ཀྱིས་ཚེ་ལས་འདས་པ་དེའི་ལུས་ལ་དབང་བསྐུར་ཞིང་སྡིག་སྒྲིབ་དང་ངན་སོང་གི་སྡུག་བསྔལ་ལ་སོགས་པ་ཞི་བར་བྱས་པར་བསམ། རྫས་ཚན་རེའི་མཐར། བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ་ཐུགས་རྗེའི་བདག་པོ་མི་འཁྲུགས་པའི་ལྷ་ཚོགས་འཁོར་དང་བཅས་པས་ཚེ་ལས་འདས་པ་ཆེ་གེ་མོ་ཞེས་བྱ་བའི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཡོངས་སུ་སྦྱོང་བ་དང་། མྱུར་དུ་འཁོར་བ་དང་ངན་སོང་གི་སྡུག་བསྔལ་ལས་འདོན་པའི་ཕྲིན་ལས་ ― LT34_Page_0461 ―
[མ་དཔེ་གཟིགས་ན་འདིར་གནོན།]
མཛོད་ཅིག །ཅེས་སྦྱར། བསྲེག་རྫས་རྫོགས་པའི་མཐར། ཚེ་འདས་ཧཱུྃ་གི་ས་བོན་ལས་སྐྱེས་པའི་གཙོ་བོའི་སྐུ་རྡོ་རྗེ་ལྟ་བུར་བསམས་ལ། ཨོཾ་བཛྲ་རཀྵ་ཧཾ་གིས་བསྲུང་བ་བྱ། ལྷ་རྣམས་ཀྱི་འོད་ཟེར་གྱིས་དབང་བསྐུར་བར་བསམས་ལ། མཇུག་ཏུ་ལམ་སྦྱང་བསྟན་རྣམས་བྱས་ལ། སྦྱིན་སྲེག་དང་དཀྱིལ་འཁོར་རྗེས་ཀྱི་བྱ་བ་གཞུང་ལྟར་བགྱིད་པ་ནི་ཕལ་པའི་རོ་མཆོད་རྫས་ཀྱི་ཚུལ་དུ་སྦྱོང་བའོ།། ༈ །།གང་ཟག་མཆོག་གམ་རང་གི་རྩ་བའི་བླ་མ་ལྟ་བུ་ཡིན་ན། བཀྲུ་ཞིང་གནས་ཡིག་གདགས་པ་ཡན་སྔར་དང་འདྲ། སྐུ་ཆས་ལེགས་པར་བྱས་ལ་བསངས་སྦྱང་སྔོན་ཏུ་འགྲོ་བས་གཙོ་བོར་བསྐྱེད། ཡེ་ཤེས་པ་དགུག་གཞུག་ལ་སོགས་པ་ནས་མཆོད་བསྟོད་ཀྱི་བར་རྒྱས་པར་བྱས་ལ་གཟུངས་ཅི་ནུས་བཟླ། ཁྲུས་གསོལ་གོས་ཟུང་འབུལ་བ་ལྷ་ཁྲུས་ལྟར་གྲུབ་ནས་མཆོད་བསྟོད་མདོར་བསྡུས་རྗེས་བསྲེག་ཐབ་ཏུ་རོལ་མོ་མཆོད་པ་དང་བཅས་པས་སྤུར་གདན་དྲངས་ཏེ། དེའི་ཐུགས་ཀར་དཀྱིལ་འཁོར་ཡོངས་སུ་རྫོགས་པར་བསྐྱེད་ནས། དེ་དང་སྤུར་གྱི་ཡེ་ཤེས་པ་གཅིག་ཏུ་བསྲེས་ཕ་ལ་མཆོད་བསྟོད་སྔོན་ཏུ་འགྲོ་བས། ཨོཾ་ཁྱེད་ཀྱི་སེམས་ཅན་དོན་ཀུན་ ― LT34_Page_0462 ―
[མ་དཔེ་གཟིགས་ན་འདིར་གནོན།]
མཛད། །ཅེས་སོགས་ཀྱིས་ཡེ་ཤེས་པ་གཤེགས་སུ་གསོལ་ལ། དེ་བཞིན་གཤེགས་པ་ཐམས་ཅད་ཀྱིས་མེ་སྦར་བར་བསམ་ཤིང་ཆོས་འབྲེལ་མེད་པའི་མི་ཞིག་བོས་ཏེ་ཐབ་ཏུ་མེ་སྤོར་དུ་གཞུག །དེ་ལ། གསོན་ཅིག་དགོངས་ཤིག་སོགས་ཀྱི་ཚབ་ཏུ། དཔལ་ལྡན་བླ་མ་དགོངས་སུ་གསོལ། །ཞེས་འདོན་པ་སྤོས་ལ་བརྗོད། མེ་སྦར་བས་སྔར་སྤུར་ལྷར་བསྐྱེད་པ་དེ་གསལ་བར་བསྒོམས་ལ། འཇིག་རྟེན་པའི་མེ་ལྷའི་སྦྱིན་སྲེག་སྔར་དང་འདྲ་བར་བྱ། འདས་པའི་མེ་ལྷ་མཆོད་པའི་སྐབས་སུ་དཀྱིལ་འཁོར་གྱི་གཙོ་བོ་དང་བླ་མ་དབྱེར་མེད་དུ་མོས། ཞི་བའི་སྲེག་བླུགས་དཀྱུས་སུ་བསྟན་པ་དེ་ཉིད་ལས་ཕལ་པའི་རོ་སྲེག་ལ་སྨོས་པའི་ཁ་འགེངས་དེ་རིགས་མི་དགོས། སྦེལ་ཚིག་ཏུ། དཔལ་ཀུན་བླ་མ་དམ་པ་སངས་རྒྱས་ཀྱི་ཞིང་ཁམས་གང་ན་བཞུགས་བའི་སྐུ་གསུང་ཐུགས་ཀྱི་བར་ཆད་དང་། གདུལ་བྱར་གྱུར་པའི་སེམས་ཅན་ཐམས་ཅད་ཀྱི་ལས་ངན་སྡིག་སྒྲིབ་ཐམས་ཅད་ཤཱནྟི༚་ཀུ་རུ་སྭཱ་ཧཱ། ཞེས་སྦྱར་རོ། །རྗེས་གདུང་ཁང་བཅས་ལ་ཞག་གསུམ་མམ་བདུན་ཏུ་མཆོད་པ་བྱ་བ་སོགས་སྤྱི་ལྟར་རོ། །གཉིས་པ་རུས་ཆོག་ནི། ཆོ་གས་བསྲེགས་པའི་རུས་བུ་རྣམས་དེ་བཞིན་ ― LT34_Page_0463 ―
[མ་དཔེ་གཟིགས་ན་འདིར་གནོན།]
གཤེགས་པའི་རང་བཞིན་འོད་ཟེར་གྱི་རྡུལ་ཕྲ་རབ་རུས་པ་ལ་ཐིམ་པས་སྡིག་སྒྲིབ་སྦྱོང་ཞིང་བྱིན་གྱིས་བརླབས་པར་བསམས་ལ། སློབ་དཔོན་གྱིས་རྡོ་རྗེ་བསྡུ་པའི་རྒྱ་དང་། བཛྲ་ས་མཱ་ཛཿ ཛཿཧཱུྃ་བྃ་ཧོཿ སཾ་ཧ་ར་་ཧཱུྃ། ཞེས་ལན་མང་དུ་བརྗོད་པས་བསྡུས་ལ། མེ་ཏོག་དཀར་པོ་དཀྲམ་པའི་ཁར་པདྨ་འདབ་བརྒྱད་བྲིས་པའི་ལྟེ་བར་རིན་པོ་ཆེའི་སྣོད་དམ་ཁམ་ཕོར་དུ་བཞག །བདག་བུམ་སྒྲུབ་བཟླས་སྔོན་ཏུ་འགྲོ་བས། རུས་བུ་རྣམས་ཀྱི་སྟེང་དུ་ཨ་ལས་ཟླ་བའི་དཀྱིལ་འཁོར་ལ་ཡི་གེ་ཨ་དཀར་པོ། དེ་ལས་བདུད་རྩིའི་རྒྱུན་སྐྱ་ཆི་ལི་ལི་བབ་བས་ཚེ་འདས་ཀྱི་སྡིག་སྒྲིབ་ཉེས་ལྟུང་ཐམས་ཅད་སངས་ཀྱིས་དག་པར་གྱུར་པར་མོས་ལ། འདི་ནི་སྦྱིན་པའི་རང་བཞིན་སོགས་ཕྱིན་དྲུག་དུག་སྦྱོང་བའི་ཚིགས་བཅད་ཡོངས་རྫོགས་བརྗོད་ཅིང་བར་རྣམས་སུ། གཟུངས་སྔགས་ཤམ་བུ་ཅན་བརྗོད་པས་བཀྲུ། མཐར་ཡང་གཟུངས་སྔགས་ཤམ་ཅན་དང་། ཨོཾ་བཛྲ་པྲ་མརྡྷ་ན་པྲ་མརྡྷ་ན་སྭཱ་ཧཱ། ཅི་འགྲུབ་བཟླ་བཞིན་པས་བཀྲུ། གང་སེར་མས་ཤིས་པ་བརྗོད། ཉེ་དུ་མ་ཡིན་པས་ཞིབ་པར་བཏགས་ལ་དྲི་བཟང་དང་བསྲེས་པའི་འཇིམ་པ་མདུན་ཏུ་བཞག །དེའི་སྟེང་དུ་སྐད་ཅིག་གིས་མི་འཁྲུགས་ ― LT34_Page_0464 ―
[མ་དཔེ་གཟིགས་ན་འདིར་གནོན།]
པ་གསལ། མཆོད་བསྟོད་མདོར་བསྡུས་བྱས། བཅོམ་ལྡན་འདས་མགོན་པོ་མི་འཁྲུགས་པས་ཚེ་ལས་འདས་པའི་སྒྲིབ་གཉིས་བྱང་ཚོགས་གཉིས་རྫོགས་ནས་མྱུར་དུ་མངོན་པར་རྫོགས་པར་འཚང་རྒྱ་བར་མཛད་དུ་གསོལ། །ཞེས་ལན་གསུམ། ཐུགས་ཀ་ནས་འོད་འཕྲོས། ཚེ་འདས་ཀྱི་སྒྲིབ་པ་སྦྱངས། ཚུར་འདུས་ཏེ་བཅོམ་ལྡན་འདས་འོད་དུ་ཞུ་ནས་རུས་པ་ལ་ཐིམ་པས་དེ་བཞིན་གཤེགས་པ་ཐམས་ཅད་ཀྱི་འབྱུང་གནས་སུ་གྱུར་པའི་རིན་པོ་ཆེའི་ཕུང་པོར་གྱུར། ཞེས་མོས་ལ་སཱཙྪའི་ཆོ་ག་གཞན་ནས་འབྱུང་བ་ལྟར་རམ། ལུགས་འདི་ལ་གཙོ་བོར་རུས་པ་བརྡུང་བ་ནས། སཱཙྪ་གྲུབ་ཀྱི་བར་གཟུངས་སྔགས་ཁོ་ནས་ལས་ཐམས་ཅད་བྱེད་པ་ཡིན་པས་དེ་ཉིད་བཟླ་པར་བྱ། ནང་གཞུག་གཟུངས་ཀྱི་ཤོག་དྲིལ་འཇུག །རབ་གནས་འཆད་འགྱུར་ལྟར་བྱས་གྲུབ་ནས་བསྐོར་ལམ་དུ་བཞག་ཀྱང་ཧ་ཅང་འགལ་བ་མེད་རུང་། བློ་ཆུང་ཉེས་པ་དགག་པའི་ཕྱིར་དབེན་པར་མགོ་མཇུག་མ་ལོག་པ་གྲལ་བསྒྲིགས་ལ་བཞག །དེའང་མི་བདེ་ན་ཕྱིས་ཆུར་བབ་པར་འགྱུར་བའི་བདེ་ལམ་མམ། ཆུ་ཀླུང་དུ་བསྒྲིག་པའི་ཚུལ་གྱིས་གཤེགས་ན་ཕན་ཡོན་ཆེའོ། །འདི་ནི་ཕལ་པ་ལ་བྱ་བའི་ཚུལ་ཏེ་མཆོག་ ― LT34_Page_0465 ―
[མ་དཔེ་གཟིགས་ན་འདིར་གནོན།]
ལ་རུས་པ་བཀྲུ་བ་སོགས་མི་དགོས་པས། སཱཙྪའི་ཆོ་ག་ཁོ་ན་བྱ་བ་ཡིན་ནོ། །གསུམ་པ་ཆུ་ཆོག་ཏུ་གྲགས་པའི་ལག་ལེན་ནི། སྦྱོང་རྒྱུད་ལས། རོལ་སྔགས་ཀྱིས་བཏབ་ནས་ཀྱང་། །ཆུ་ཆོག་གིས་ནི་བཀྲུ་བར་བྱ། །ཞེས་དང་། རྒྱ་མཚོར་འབབ་པའི་ཆུ་ཀླུང་དོར། །དེ་ལྟར་ཡང་ནི་སྡིག་ཅན་ཡང་། །ངན་སོང་ལས་ནི་ཐར་གྱུར་ན། །འཇིག་རྟེན་བསོད་ནམས་ལྟ་ཅི་སྨོས། །ཞེས་སྡིག་སྦྱོང་སྒོ་དགུའི་ཡ་གྱལ་དུ་གསུངས་པའི་རུང་མཐུན་སྦྱོར་བ་འདི་བྱ་སླ་ཕན་ཡོན་ཆེ་བཀྲ་ཤིས་པ་ཡིན་པས། བདག་མདུན་བུམ་སྒྲུབ། རོ་བཀྲུ་ཕྱི། གནས་ཡིག་གདགས་ནས་དཀྲིས་དང་བདུག་པ་རྣམས་དང་། རྟེན་བསྐྱེད་ནས་སྐྱབས་འགྲོའི་བར་ཡང་སྦྱིན་སྲེག་དང་ཁྱད་པར་མེད་པ་ལས། དེ་ནས་གང་དུ་དོར་བའི་ཆུ་བཀྲ་ལེགས་པའི་ཁར་གནས་བདག་ལ་དཀར་གཏོར་གསེར་སྐྱེམས་འབུལ། ཆུ་བོ་བསངས་སྦྱང་། སྟོང་པའི་ངང་ལས་བྃ་ཡིག་ལས་བྱུང་བའི་ཆུ་བོ་ཡེ་ཤེས་ཀྱི་བདུད་རྩིའི་རྒྱུན་ཆེན་པོར་གྱུར། ཨོཾ་ཏཔྟེ་དཔྟེ་མ་ཧཱ་ཏཔྟེ་སྭཱ་ཧཱ། ལན་གསུམ། ལྷའི་ཆུ་བོ་གངྒཱ་བཀུག་ནས་ཐིམ་པས་དག་བྱེད་ཀྱི་རང་བཞིན་ཅན་ཏུ་གྱུར། ཨོཾ་ན་མ་སྟྲཻ་ཡ་དྷིྭ་སརྦ་ཏ་ཐཱ་ག་ཏ་ཧྲྀ་ད་ཡ་ ― LT34_Page_0466 ―
[མ་དཔེ་གཟིགས་ན་འདིར་གནོན།]
གརྦྷེ། ཛྭ་ལ་དྷརྨ་དྷཱ་ཏུ་གརྦྷེ། སྃ་ཧ་ར་་ཨཱ་ཡུཿསྃ་ཤོ་དྷ་ཡ། པཱ་བྃ་སརྦ་ཏ་ཐཱ་ག་ཏ་ས་མནྟ། བི་མ་ལ་ཨུཥྞི་ཥ་བི་ཤུདྡྷེ། མ་ཧཱ་བི་ར་ཛེ་ར་གམྦྷཱི་ར་སི། དྷརྨ་དྷཱ་ཏུ་བི་བི་སཱ་ར་ཨ་མ་མཱ་ཀི་སྭཱ་ཧཱ། ཆུ་བོ་དེ་བཞིན་གཤེགས་པའི་རྡུལ་ཕྲ་རབ་ཏུ་གྱུར། རང་གི་ཐུགས་ཀ་ནས་འོད་ཟེར་འཕྲོས་ཕྱོགས་བཅུའི་རྒྱལ་བ་སྲས་དང་བཅས་པའི་ཐུགས་རྗེ་བསྐུལ། བྱིན་རླབས་འོད་ཟེར་གྱི་རྣམ་པར་བྱོན་ནས་སྐུའི་རྡུལ་རྣམས་ལས་བདུད་རྩིའི་རྒྱུན་བབས། རེག་ཚད་ཀྱི་འགྲོ་བ་འབད་མེད་དུ་གྲོལ་བའི་ནུས་པ་དང་ལྡན་པ་དེ་ཉིད་ཀྱིས་ཚེ་འདས་ཀྱི་སྒོ་གསུམ་གྱི་སྡིག་སྒྲིབ་བཀྲུ་བར་གྱུར། ཕུང་པོ་རྡོ་དང་སྒྲགས་ཏེ་ཆུའི་གཏིང་དུ་དོར་བའི་ཁར་རྣམ་རྒྱལ་བུམ་པའི་ཆུ་བསྒྲེངས་ལ། འདི་ནི་སྦྱིན་པའི་རང་བཞིན་ཆུ། །སོགས་ཁྲུས་ཀྱི་ཚིགས་རྣམས་དང་མཚམས་སུ་གཟུངས་སྔགས་ཤམ་བུ་བཅས་བརྗོད། ཡེ་ཤེས་ཀྱི་ཆུ་རྒྱུན་གྱིས་ཚེ་འདས་ཀྱི་ལུས་བཀྲུས་སྒོ་གསུམ་གྱི་སྒྲིབ་པ་སྦྱངས་ལམ་ལྔས་བཅུ་རིམ་གྱིས་བགྲོད་པར་གྱུར། དཀོན་མཆོག་རིན་ཆེན་དཔལ་ཞིང་དུ། །དཀོན་མཆོག་རིན་ཆེན་ལས་བྱུང་བ། །དཀོན་མཆོག་རིན་ཆེན་འོད་ཟེར་གྱིས། །རིན་ཆེན་ཕྲེང་བ་རྣམ་དག་པ། །ཚོགས་ཀྱི་ལམ་དང་སྦྱོར་བའི་ ― LT34_Page_0467 ―
[མ་དཔེ་གཟིགས་ན་འདིར་གནོན།]
ལམ། །མཐོང་པའི་ལམ་དང་སྒོམ་པའི་ལམ། །བླ་ན་མེད་པའི་ཁྱད་པར་ལམ། །བྱང་ཆུབ་བར་ཆད་མེད་པའི་ལམ། །བྱང་ཆུབ་བར་ཆད་མེད་པའི་ལམ། །རྣམ་པར་གྲོལ་བའི་ལམ་དག་ལ། །བརྟེན་ནས་སྡིག་པ་ཀུན་བྱང་ནས། །འཕགས་པའི་ལམ་དེར་འགྲོ་བར་ཤོག །ཨོཾ་རཏྣེ་རཏྣེ་མ་ཧཱ་རཏྣེ་རཏྣ་སམྦྷ་ཝེ། རཏྣ་ཀཱི་ར་ེ་རཏྣ་མཱ་ལ་བི་ཤུདྡྷེ་ཤོདྷ་ཡ་སརྦ་པཱ་པྃ་ཧཱུྃ་ཏྲཊ། ཅེས་བརྗོད། ཚེ་འདས་ཀྱི་རྣམ་ཤེས་ཨ་དཀར་པོ་དྲི་མ་མེད་པའི་རྣམ་པ་ཅན་དེ་ཤར་ཕྱོགས་མངོན་པར་དགའ་བའི་ཞིང་ན་བཞུགས་པའི་བཅོམ་ལྡན་འདས་མགོན་པོ་མི་འཁྲུགས་པའི་ཐུགས་ཀར་ཐིམ་པར་གྱུར། འདི་ནས་ཉིང་མཚམས་སྦྱར་མ་ཐག །དག་པའི་ཞིང་ཁམས་མངོན་དགའ་རུ། །པདྨའི་སྙིང་པོ་དམ་པ་ལ། །རྫུས་ཏེ་སྐྱེ་བ་ལེན་པར་ཤོག །ཅེས་དང་། མངོན་དགའི་ཞིང་སོགས། ཐེག་པ་ཆེན་པོའི་སྨོན་ལམ་དང་བཀྲ་ཤིས་རྒྱས་པར་བརྗོད། ཆོ་གའི་རྗེས་ཀྱི་རིམ་པ་རྣམས་བྱའོ། །བཞི་པ་ནི། གལ་ཏེ་ཁང་པའི་ཕྱོགས་གཅིག་གམ། དུར་རམ། མཆད་པར་འཇོག་པར་འདོད་ན་བཀྲུ་ཕྱི་གནས་ཡིག །དཀྲིས་བདུག་སྔར་ལྟར་ལ། དེའི་ཡི་དམ་དམིགས་བསལ་ཡོད་ན་དེའི་སྙིང་པོ་གསེར་གྱིས་བྲིས་ ― LT34_Page_0468 ―
[མ་དཔེ་གཟིགས་ན་འདིར་གནོན།]
པ་སྙིང་གར་བླན། རྟེན་བསྐྱེད་ནས་དབང་བསྐུར་ཚང་བར་བྱས་ཏེ། བཞག་སྣོད་རབ་བྱུང་ལ་མཆོད་རྟེན་གྱི་དབྱིབས་དཀར་པོ། དག་བསྙན་ལ་པདྨ་དམར་པོ་ཁ་སྦྱར་གྱི་གཟུགས། རྒྱལ་པོ་ལ་སྔོན་པོ་གཙུག་ཏོར་ལྟ་བུ། བློན་པོ་ལ་དམར་སྐྱ་ཟ་མ་ཏོག་ལྟ་བུ། ཐ་མལ་པ་ཕོ་ལ་སེར་སྐྱ་གདན་ཁྲི་ལྟ་བུ། མོ་ལ་སྔོ་སྐྱ་བིལ་བའི་འབྲས་བུ་ལྟ་བུ། བྱིས་པ་ལ་དམར་སེར་ལྷུང་བཟེད་ལྟ་བུ། འཇམ་ཞིང་དབྱིབས་ལེགས་པར་བཟོ་བྱས་ནས། དེའི་ནང་དུ་སྟན་གྱི་སྟེང་དུ་རོ་ཁ་ལྷོར་བསྟན། མགོ་ནུབ་ཏུ་བསྟན་ལ་ཅུང་ཟད་བསླང་སྟེ་ལག་པ་ཐལ་མོ་སྦྱར་བ་སྤྱི་བོར་བཞག །དེའི་སྤྱི་བོའམ་སྙིང་ག་ནས་སྲ་དགུ་དམར་བ་ཞིག་བཏགས་ལ། སྣོད་དེའི་སྤྱི་བོར་བཏོན་ཏེ་ནུབ་ཕྱོགས་སུ་དྲངས་ཏེ་ཐོག་ལ་གདགས་སོ། །སྣོད་དེའི་སྟེང་དུ་གདུགས་ཁྲ་བོ་གཅིག་ཕུབ། སྣོད་དེའི་ཕྱོགས་བཞིར་རིན་པོ་ཆེ་སྣ་བདུན་ལ་སོགས་པའི་གཟུགས་བྱ། གཞན་ཡང་མཆོད་རྫས་དང་བཟའ་བཏུང་སྣ་ཚོགས་ཀྱིས་བསྐོར་ལ། རོ་དེ་ལྷར་བསྐྱེད་པ་ན། གཟུངས་བཟླ་ཞིང་མཆོད་བསྟོད་བར་མདུན་བསྐྱེད་ལྟར་བྱ་ཞིང་ཤིས་པའི་ཚིགས་སུ་བཅད་པ་རྒྱ་ཆེར་བརྗོད། ཁྱིམ་དུ་བཞག་ན་རྒྱུན་ཏུའང་མཆོད་པར་བྱའོ། །རི་ལ་སྐྱེལ་ནའང་གནས་ཡིག་སྦྱོང་ཁྲུས་དབང་བསྐུར་སོགས་དེ་ ― LT34_Page_0469 ―
[མ་དཔེ་གཟིགས་ན་འདིར་གནོན།]
ལྟར་གྲུབ་ན་ལེགས་ལ། ཕུང་པོ་གཏོར་རན་པ་དང་གནས་ཡིག་རྣམས་རྙིང་མའི་བཏགས་གྲོལ་གྱི་ཕྱག་ལེན་ལྟར་རང་ཉིད་མི་བསྐྱོད་པའི་ཐུགས་ཀའི་འོད་ཟེར་དང་སྔགས་ཀྱི་སྒྲས་ཁམས་གསུམ་ཐམས་ཅད་སྣང་བར་བྱས། ངན་སོང་རྣམས་སྦྱངས། དམིགས་ཡུལ་གཙོ་བོར་གྱུར་པའི་སེམས་ཅན་ཐམས་ཅད་སངས་རྒྱས་ཀྱི་ཞིང་དུ་དྲངས་པར་བསམས་ལ། གཟུངས་སྔགས་བཟླ་བཞིན་ཏུ་མེ་སྒྲོན་གྱིས་བསྲེགས་པའི་ཐལ་བའང་གནས་སོ་སོར་བྱུག །ཕུང་པོ་ཟག་མེད་བདུད་རྩི་མྱང་གྲོལ་གྱི་རང་བཞིན་རྣམ་པ་ཤ་ཁྲག་སོགས་གང་འདོད་ཀྱི་ལོངས་སྤྱོད་སྦྱིན་ཡུལ་བྱག་ཅན་རང་བྱུང་ལྷའི་འཁོར་ལོར་ཤེས་པའི་མཆོད་སྦྱིན་གཞན་ནས་འབྱུང་བ་ལྟར་བྱ་ཞིང་མཐར་སྦྱིན་འབྲས་དམིགས་མེད་དུ་བསྔོ། །ལྔ་པ་སཱཙྪ་ཆོ་ག་ལ་གསུམ། འདེབས་བའི་ཚུལ། རབ་གནས། གཤེགས་པའམ་བཞུགས་པའི་ཚུལ་ལོ། །དང་པོ་ནི། ས་སློང་ཐུན་མིན་གྲུབ་ན་ལེགས། མ་གྲུབ་ན་གསེར་སྐྱེམས་ཙམ་ཕུལ་ཏེ་སྲོག་ཆགས་མེད་པའི་ས་གཙང་མ་ལ་རིན་ཆེན་སྨན་སྤོས་སོགས་བསྲེས་ཏེ་ཆོ་ག་སྤྱི་ལྟར་རམ། གཟུངས་སྔགས་ཁོ་ན་བཟླ་བཞིན་ཏུ་སཱཙྪ་འབུམ་ཕྲག་གཅིག་གདབ། ནང་ ― LT34_Page_0470 ―
[མ་དཔེ་གཟིགས་ན་འདིར་གནོན།]
དུ་ཚེ་འདས་ཀྱི་མིང་སརྦ་ཀརྨའི་གོང་དུ་བྲིས་པའི་གཟུངས་གཞུག་འཇོག་དགོས་པས། མིང་སྤེལ་ཤེས་ན་ལེགས་སྦྱར་དང་མ་ཤེས་ན་བོད་སྐད་དེ་སྦྱོར་ལུགས་དཔེར་ན། པྲ་ཏི་ཧ་ན་ཕྱི་མའི་རྗེས་སུ། ཁྱིམ་བདག་ལེགས་སྐྱེས་ཀྱིས་རྒ་ཀརྨ་པ་རམྤ་རཱ་ི་སརྦ་པཱ་པཾ་ཀྵ་ཡཾ་ཀ་རི་སྭཱ་ཧཱ་ཞེས་སྦྱོར། མེ་སརྦ་སཏྭཱ་ནཉྩ་སྦྱོར་མི་དགོས། སཱཙྪ་རྣམས་གདུགས་མཚོན་བྱེད་སྣ་ཚོགས་པའི་དར་གྱི་ཅོད་པན་རེ་རྩེར་སྦྱར་གྲུབ་ན་ལེགས་སོ། །གཉིས་པ། དེ་རྣམས་ལེགས་པར་བསྒྲིགས་ལ་རབ་གནས་ཀྱི་ཆོ་ག་རྒྱས་བསྡུས་གང་འགྲུབ་བྱ་དགོས་ཀྱང་མི་འགྲུབ་ན། བདག་བསྐྱེད་རྫོགས་པར་བྱ། ལས་བུམ་དུ་འཁྱིལ་པ་བཟླ། དེའི་སྔགས་རིང་ཐུང་རྣམས་ཀྱིས་ཡུངས་ཀར་དང་། ན་མོ་བུདྡྷ་སོགས་སྦྲེལ་བའི་རྟེན་འབྲེལ་སྙིང་པོས་འཐོར་ནས་བྱིན་བརླབ། སྦྱོང་བ་གསུམ་དང་། བགེགས་བསྐྲད། ལྷ་ཁྲུས་གསོལ་བ་དང་ཤིས་བརྗོད་བཅས་རྒྱས་པར་བྱ། བུམ་པ་དང་ལྷ་མོ་བཅས་ཀྱི་བསྐྱེད་ཚིག་དོར་བའི་ལྷག་མ་མདུན་བསྐྱེད་ལྟར་གྱི་བསྐྱེད་བཟླས་མཆོད་བསྟོད་རྒྱས་པ་དང་། ལྷག་པར་མཆོད་པའི་རྗེས་སུ་གདུགས་དང་རྒྱལ་མཚན་བ་དན་དང་མེ་ཏོག་གི་ཕྲེང་བ་སོགས་གང་འབྱོར་དངོས་ ― LT34_Page_0471 ―
[མ་དཔེ་གཟིགས་ན་འདིར་གནོན།]
སུ་བསྟར། ཐ་ན་ཙ་ཀ་ལི་ཙམ་ཐོགས། མ་འབྱོར་པ་ཡིད་ཀྱིས་སྤྲུལ་ཏེ། མེ་ཏོག་དམ་པ་སོགས་ཤློ་ཀ་གསུམ་དང་མཆོད་པའི་སྤྲིན་གྱི་གཟུངས་སྔགས་ཀྱི་རྗེས་སུ། དེ་བཞིན་གཤེགས་པའི་རྟེན་འདི་རྣམས་ལ་རིན་པོ་ཆེའི་གདུགས་ནམ་མཁའ་དང་མཉམ་པ་ཕུལ་བས་ཞལ་དྲོ་ཞིང་བྱིན་ཆེ་བ་འགྲོ་བ་སྐྱོབ་ནུས་པའི་དབང་དང་ལྡན་པར་གྱུར་ཅིག །ཅེས་རྒྱལ་མཚན་སོགས་ལའང་རིགས་འགྲེས་ཏེ་བརྗོད། ཕྱོགས་བཅུ་ན་བཞུགས་པའི་སོགས་ཀྱིས་གསོལ་བ་བཏབ་པས། བཅོམ་ལྡན་འདས་འོད་དུ་ཞུ་བ་སཱཙྪའི་རྣམ་པར་གྱུར། རྟེན་སྙིང་བཟླ་བཞིན་ཏུ་མེ་ཏོག་འཐོར། སླར་ཡང་ཡན་ལག་བདུན་པ་བཟང་སྤྱོད་ལས་འབྱུང་བ་ཙམ་བྱ་ཞིང་བཀྲ་ཤིས་བརྗོད་ལ་ཆོ་གའི་རྗེས་རྣམས་བྱ། དེ་ཙམ་ཡང་མི་ནུས་ན། གདུགས་སོགས་ཡིད་ཀྱིས་ཕུལ་བར་མོས། གོ་མྱོང་ལྡན་པ་ཞིག་གིས་རྟེན་འབྲེལ་སྙིང་པོས་མེ་ཏོག་འཐོར་བས་ཀྱང་རུང་མཐུན་ཏུ་བརྩི་དགོས་སོ། །གསུམ་པ་ལ་གཤེགས་བཞུགས་གཉིས་ལས། སཱཙྪ་ཆུར་གཤེགས་ན། ས་དཔྱད་ཆུ་བཀྲ་ལེགས་པའི་གནས་སུ་བདག་བསྐྱེད་སྔོན་ཏུ་འགྲོ་བས། མཆོད་པའི་ཡོ་བྱད་ ― LT34_Page_0472 ―
[མ་དཔེ་གཟིགས་ན་འདིར་གནོན།]
གསར་དུ་བཤམ། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རང་བཞིན་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས། དེང་འདིར་འཁོར་ཡུག་གི་ས་གཞི་འདི་དག་བཅོམ་ལྡན་འདས་འོད་དཔག་མེད་གྱི་ཞིང་གི་བཀོད་པའི་ཡོན་ཏན་ལྟ་བུ་དང་ལྡན་པར་གྱུར་པའི་ཕྱོགས་ཀུན་ཏུ་འཕགས་པ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པའི་སྤྲིན་གྱི་ཕུང་པོ་བསམ་གྱིས་མི་ཁྱབ་པ། རྒྱུ་འཇིག་རྟེན་པ་དང་འཇིག་རྟེན་ལས་འདས་པའི་དགེ་བ་ལས་གྲུབ་པ། ངོ་བོ་བཟང་ཞིང་གཙང་བ། ཡུལ་ནམ་མཁའི་མཐའ་ཁྱབ་པ། དུས་འཁོར་བ་ཇི་སྲིད་མ་སྟོངས་ཀྱི་བར་དུ་རྒྱུན་མི་འཆད་པར་འབྱུང་ཞིང་རྒྱས་པར་གྱུར་ཅིག །ཅེས་དང་། ཨོཾ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡ་ན་ཡ། ཏ་ཐཱ་ག་ཏ་ཡ། ཨརྷ་ཏེ། སམྱཀྶ་མྦུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ། མ་ཧཱ་བཛྲེ། མ་ཧཱ་བིདྱཱ་བཛྲ། མ་ཧཱ་ཏེ་ཛོ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ེ་སརྦ་ཀརྨ་ཨཱ་བ་ར་་བི་ཤོ་དྷ་ནི་སྭཱ་ཧཱ། ཞེས་མཆོད་ ― LT34_Page_0473 ―
[མ་དཔེ་གཟིགས་ན་འདིར་གནོན།]
པའི་སྤྲིན་གྱི་གཟུངས་ལན་གསུམ་བརྗོད། འདུན་པ་རྩེ་གཅིག་པས། སཱཙྪ་རྣམས་དེ་བཞིན་གཤེགས་པའི་ཆོས་སྐུའི་རྟེན་མཚན་ཉིད་ཐམས་ཅད་ཡོངས་སུ་རྫོགས་པའི་རང་བཞིན་རྡུལ་ཕྲ་རབ་རེ་རེ་བཞིན་ཡང་བཅོམ་ལྡན་འདས་རྣམ་པ་སྣང་མཛད་ཆེན་པོའི་སྐུར་བསམས་ལ། ཡན་ལག་བདུན་པ་ཉིད་ལན་གསུམ་བྱ། སྨོན་ལམ་མཐར་དབྱུང་། སྤྲོ་ན་སྐབས་འདིར་རྡུལ་ཚོན་ཆུར་གཤེགས་པའི་སྐབས་ལྟར། ཀླུ་ཆོག་བྱས་ལ། རྡུལ་ཚོན་ཆུར་གཤེགས་ཚབ་ཏུ་འདིར་འཇུག །ཀླུའི་རྒྱལ་པོ་ཁྱེད་རྣམས་ཀྱིས་དེ་བཞིན་གཤེགས་པའི་རྟེན་བྱིན་རླབས་ཅན་འདི་རྣམས་རྒྱ་མཚོ་ཆེན་པོར་སྤྱན་དྲངས་ལ་སྤྱིར་སེམས་ཅན་དཔག་ཏུ་མེད་པ་ལ་ཕན་པ་རྒྱ་ཆེན་པོ་འབྱུང་བ་དང་། འཇིག་རྟེན་གྱི་ཁམས་སུ་ལོ་ཕྱུག་རྟག་ཏུ་ལེགས་པ་དང་། ཁྱད་པར་བདག་དང་སྦྱིན་པའི་བདག་པོའི་ནད་གདོན་སྡིག་སྒྲིབ་ཚེའི་བར་དུ་གཅོད་པ་ཐམས་ཅད་ཉེ་བར་ཞི་བ་དང་། ཚེ་དང་བསོད་ནམས་ཡེ་ཤེས་ཐམས་ཅད་འཕེལ་ཞིང་རྒྱས་པ་དང་། མཐུན་རྐྱེན་ཐམས་ཅད་ཡིད་བཞིན་ཏུ་འགྲུབ་པའི་ཕྲིན་ལས་རྒྱ་ཆེན་པོ་མཛད་དུ་གསོལ། ཁྱད་པར་ཚེ་ལས་འདས་པ་འདི་ཞེས་བྱ་བའི་སྡིག་སྒྲིབ་བར་ཆད་ ― LT34_Page_0474 ―
[མ་དཔེ་གཟིགས་ན་འདིར་གནོན།]
ཐམས་ཅད་ཞི་བ་དང་། ཐར་པ་དང་ཐམས་ཅད་མཁྱེན་པའི་གོ་འཕང་སྒྲུབ་པའི་མཐུན་རྐྱེན་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། །ཞེས་འདོད་དོན་གསོལ། ཀླུ་ཆོག་མ་གྲུབ་ན་སྨོན་ལམ་ཚར་མ་ཐག་པར་འདིར་འཇུག་སྟེ། སཱཙྪ་རྣམས་རེ་རེ་བཞིན་ཆུའི་སྟེང་དུ་བཞུགས་སུ་གསོལ་བའི་ཚུལ་གྱིས་མགོ་མཇུག་མ་ལྡོག་པར་བཞག་ལ། གཟུངས་སྔགས་ཚར་རེའི་མཇུག་ཏུ། ཚེ་ལས་འདས་པ་འདི་ཞེས་བྱ་བའི་དགེ་བའི་རྩ་བར་གྱུར་ཅིག །འདི་ཁོ་ནས་ངན་སོང་གསུམ་གྱི་གནས་ལས་ཐར་ཏེ་བདེ་འགྲོ་མཐོ་རིས་ཀྱི་འཇིག་རྟེན་དང་དག་པའི་ཞིང་ཁམས་རྣམས་སུ་སྐྱེ་བར་གྱུར་ཅིག །མཐར་ཐུག་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་རིན་པོ་ཆེ་མྱུར་དུ་ཐོབ་པར་གྱུར་ཅིག །ཅེས་ཅི་ནུས་བརྗོད། ཡིད་ཀྱིས་རྣམ་པར་སྣང་མཛད་ཀྱི་སྐུ་རྡུལ་ཕྲ་རབ་ཏུ་གྱུར་ཏེ་ཀླུའི་རྒྱལ་པོ་རྣམས་ཀྱིས་རྒྱ་མཚོ་ཆེན་པོར་མཆོད་པའི་ཡོ་བྱད་དང་བཅས་ཏེ་སྤྱན་དྲངས་པའི་ཚེ། རྒྱ་མཚོའི་འགྲམ་དུ་གནས་པའི་དྲང་སྲོང་བདེན་ཚིག་གྲུབ་པ་རྣམས་ཀྱིས་ཀྱང་མངོན་པར་ཤེས་པས་དགོངས་ཏེ་སྨོན་ལམ་གྱི་མཐུན་འགྱུར་མཛད་པ། ས་བླའི་ལྷས་འོག་མིན་གྱི་བར་དུ་རྗེས་སུ་བསྒྲགས་ཤིང་། ― LT34_Page_0475 ―
[མ་དཔེ་གཟིགས་ན་འདིར་གནོན།]
དེ་བཞིན་གཤེགས་པ་སྲས་དང་བཅས་པས་ཀྱང་བདེན་ཚིག་གིས་མཚམས་སྦྱར་བར་བསམ། ལས་གྲུབ་པ་དང་། དེ་དག་གི་མཐུ་ལ་བརྟེན་ནས་ཚེ་འདས་ཉིད་ངན་སོང་ལས་གྲོལ་ཏེ་མཐོ་རིས་སུ་སྐྱེས་ཤིང་ལུས་ཀྱང་སྟོན་ནས་སངས་རྒྱས་ཀྱི་ཕྲིན་ལས་ལ་ཆེད་དུ་བརྗོད་པ། ཨེ་མའོ་སངས་རྒྱས་ཨེ་སངས་རྒྱས། །ཨེ་མ་སངས་རྒྱས་མཛད་པ་ལེགས། །གང་ཕྱིར་ངན་སོང་བདག་ཅག་སྦྱང་། །བྱང་ཆུབ་སྤྱོད་པ་ཉིད་ལ་བཞག །ཅེས་བརྗོད་ནས་མི་སྣང་བར་བསམས་ལ་ཀླུ་ཆོག་ཡོད་ན་གཤེགས། གང་ལྟར་ཡང་བསྔོ་སྨོན་དང་ཤིས་པ་རྒྱས་པར་བརྗོད་པས་དགེ་ལེགས་སུ་བྱ། བདག་བསྐྱེད་བསྡུ། མཆོད་པའི་ཡོ་བྱད་དམན་མ་རྣམས་ཆུ་བོར་དོར་ལ་ལས་ཀྱི་རྗེས་མི་མངོན་པར་བྱའོ། །ཚྭ་ཁང་སྤྲོས་པས་མི་ལྕོགས་བ་དང་ཕལ་པ་རྣམས་ལ་འདི་ཁོ་ན་ལྟར་ལེགས་ཤིང་། འདི་ཉིད་གཟུངས་མདོའི་དགོངས་པ་དམིགས་བསལ་ཡིན་པས་སཱཙྪ་ཡིན་ཚད་ཆུར་གཤེགས་རུང་བ་མ་ཡིན་ནོ། །གང་ཟག་བཟང་པོ་ཡིན་ཀྱང་འདི་ལྟར་འགྲུབ་ན་ཐུགས་དགོངས་རྫོགས་བྱེད་དུ་འགྱུར་བ་ལས་ཉེས་པའི་ཆ་ཕྲ་མོའང་མེད་པས། དེ་ལྟར་ན། སྨོན་ ― LT34_Page_0476 ―
[མ་དཔེ་གཟིགས་ན་འདིར་གནོན།]
ལམ་གྱི་སྐབས་སུ་དགེ་བའི་བཤེས་གཉེན་ཆེ་གེ་མོའི་དེའི་ཐུགས་ཀྱི་དགོངས་པ་ཁྱད་པར་ཅན་རྫོགས་པར་གྱུར་ཅིག །དེ་ཉིད་ཀྱི་འབྲེལ་ཐོགས་ཀྱི་འགྲོ་བ་ཐམས་ཅད་ངན་སོང་གསུམ་གྱི་གནས་ལས་ཐར་ཏེ་སོགས་བསྒྱུར་བར་བྱའོ། །གཉིས་པ་བཞུགས་སུ་གསོལ་བ་ནི། སཱཙྪ་རྣམས་རབ་གནས་གྲུབ་པ་དང་ལམ་གྱི་བཞི་མདོར་མཆོད་རྟེན་བརྩིགས་པའི་ནང་དུ་ལེགས་པར་བསྒྲིགས་པའི་བར་དུ་བྱེ་མས་བཅེར། དེའང་ཚད་ལ་ངེས་པ་མེད་དེ་འབྱོར་པ་དང་བསྟུན། དབྱིབས་ལ་ངེས་པ་མེད་དེ་གང་འདོད་བྱ། མཐོང་ཚད་རེག་ཚད་ཀྱི་སྒྲིབ་པ་འདགས་པའི་རྒྱུ་ཡིན་གསུངས་ཀྱང་དེང་སང་ཚྭ་ཁང་དུ་གྲགས་པའི་ཁང་བུ་བརྩེགས་པའི་མཆོད་རྟེན་ཉིད་བྱ་སླ་ལ་ལེགས་པར་མངོན། དེ་ལའང་དྲི་མེད་ཆོ་གས་སྲོག་ཤིང་འཛུག་ཆོག་གྲུབ་ན་ཕན་ཡོན་ལྷག་པར་ཆེ། བཞུགས་སུ་གསོལ་གྲུབ་ནས། ཚུར་གཤེགས་སྐབས་ལྟར་ས་གཞི་བྱིན་རླབས་ནས་སྨོན་ལམ་ཚིགས་ལྷུག་གི་བར་དུ་བྱ། ཀླུ་ཆོག་མི་དགོས། རྣམ་སྣང་གི་རྡུལ་ཕྲ་རབ་ཀྱི་རང་བཞིན་མཆོད་རྟེན་གྱི་ཕུང་པོ་ལས་འོད་ཟེར་འཕྲོ་བས་མཐོང་ཐོས་དྲན་རེག་སངས་རྒྱས་ཀྱི་སར་སྒྲོལ་བའི་ཕྲིན་ ― LT34_Page_0477 ―
[མ་དཔེ་གཟིགས་ན་འདིར་གནོན།]
ལས་རྟག་ཏུ་མཛད་པར་མོས་ལ་རྟེན་སྙིང་གི་མེ་ཏོག་འཐོར་ཞིང་བཀྲ་ཤིས་རྒྱས་པར་བརྗོད། སྲུང་མ་ལ་གཏོར་མ་འབུལ་ཏེ་མཆོད་རྟེན་གྱི་གཉེར་དུ་གཏད། སྔ་ཕྱི་གཉིས་ཀ་གང་བྱེད་ཀྱང་དེའི་ཉིན་མོ་བཞི་སྡེར་ལོངས་པ་ཡན་ཆོད་ཀྱི་དགེ་འདུན་ལ་ཅི་འབྱོར་བའི་ཆོས་སྟོན་གསོལ་ཏེ་སྨོན་ལམ་རྒྱ་ཆེན་པོ་གདབ་ཏུ་གཞུག་གོ། །གཞན་ཡང་པདྨ་དང་སེང་གེའི་ཁྲི་ལ་བཞུགས་པའི་མི་འཁྲུགས་པའི་སྐུ་ཚོན་གྱིས་འབྲི་བའམ། ས་ལས་བྱས་པའང་རུང་སྟེ་སྟོང་ཕྲག་གཅིག་བཞེངས་ནས་སྨོན་ལམ་གདབ་ན་མངོན་དགའི་ཞིང་དུ་སྐྱེ་བར་ངེས་པ་མདོ་ལས་གསུངས་པའང་བྱ་སླ་ལ་དོན་ཆེན་པོར་སྣང་བས་ཞར་བྱུང་དུ་སྨོས་པའོ།། ༈ །།ལྟོ་དང་གྲགས་པ་སྒྲུབ་པའི་ཡང་ཟོང་གིས། །དོན་ཆུང་མཛེས་ཁྲིགས་ཙམ་ལ་བློ་རྩེ་གཏད། །རྒྱལ་བས་གསུང་རྣམས་སླ་ཡང་མི་བྱེད་པ། །དེང་སང་ཕལ་ཆེར་ཐུབ་པའི་གདུང་གཅོད་དོ། །ཤི་བ་མངོན་སུམ་མཐོང་ལ་བརྩེ་བ་ཡི། །སྙིང་རྗེ་ཙམ་པོ་མེད་པའི་རྡོ་རྗེ་འཛིན། །གཟུགས་བརྙན་ཆོ་གས་འཚོ་བ་བཙལ་བ་ལས། །དབྱུག་ཐོགས་སྦྲང་དུ་འཁྱམས་པ་བསྐལ་པ་ཆེ། །ཆོས་ ― LT34_Page_0478 ―
[མ་དཔེ་གཟིགས་ན་འདིར་གནོན།]
མིན་དུཿཁའི་ཉེ་བར་མི་ལེན་པར། །དགེ་སློང་མི་འཁྲུགས་པ་ཡི་སྨོན་ལམ་དང་། །མཚུངས་སྤྱོད་རྒྱལ་བ་དགྱེས་པའི་ལམ་འདིར་ཡང་། །རྒྱ་མཚོར་ཆུ་ཀླུང་བཞིན་ཏུ་འཇུག་པར་ཤོག །ཅེས་པའང་མི་འཕྲོག་པའི་ཐུགས་རྗེ་ཆེན་པོ་དང་ལྡན་པ་མཁན་ཆེན་རྡོ་རྗེ་འཛིན་པ་ཀརྨ་ངེས་དོན་བསྟན་པ་རབ་རྒྱས་ཀྱི་གསུང་གི་བདུད་རྩི་སྙིང་ལ་སིམས་པ་དང་། སྒྲུབ་བླ་མ་སྔ་ཕྱི་རྣམས་ནས་ཀྱང་ཐུགས་ཉམས་སུ་འབྱོར་བའི་ཆ་རྐྱེན་ཏུ་ཉེ་བར་བསྐུལ་བས་མཚམས་སྦྱར་ཏེ། ཀུན་མཁྱེན་ཏཱའི་སི་ཏུའི་འབངས་ཐ་ཀརྨ་ངག་དབང་ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བྲིས་པའི་ཡི་གེ་པ་ནི་ལྔ་རིག་སྨྲ་བ་དགེ་སློང་ཀརྨ་འགྱུར་མེད་ཀྱིས་བགྱིས་པ་འགྲོ་བ་མཐའ་ཡས་པ་ལ་ཕན་ཐོགས་པར་གྱུར་ཅིག། །།དགེ་ལེགས་འཕེལ།། །།སརྦ་མངྒ་ལཾ།། །། ཇོ་བོ་ལུགས་ཀྱི་མི་འཁྲུགས་པ་ལྷ་དགུའི་དཀྱིལ་འཁོར་གྱི་སྒོ་ནས་ཕུང་པོ་བསྲེག་སྦྱོང་གི་ཆོ་ག་འཇམ་མགོན་བླ་མའི་དགོངས་རྒྱན།― LT34_Page_0479 ―
[མ་དཔེ་གཟིགས་ན་འདིར་གནོན།]
ཇོ་བོ་ལུགས་ཀྱི་མི་འཁྲུགས་པ་ལྷ་དགུའི་དཀྱིལ་འཁོར་གྱི་སྒོ་ནས་ཕུང་པོ་བསྲེག་སྦྱོང་གི་ཆོ་ག་འཇམ་མགོན་བླ་མའི་དགོངས་རྒྱན་ཞེས་བྱ་བ་བཞུགས་སོ།། །། ― LT34_Page_0480 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་ཨཱཀྵོ་བྷྱཿབཛྲཱ་ཡ། གང་མཚན་བསིལ་ཟེར་རྣ་བར་ལྷུང་ཙམ་གྱིས། །ངན་སོང་འཁོར་བའི་གདུང་བ་ལས་སྐྱོབ་ཅིང་། །རྣམ་གྲོལ་གཏན་བདེའི་དཔལ་ལ་སྦྱོར་མཛད་པ། །བླ་མ་བཅོམ་ལྡན་མི་འཁྲུགས་མགོན་ལ་འདུད། །དེ་ཡི་ཆོ་ག་ཇོ་བོའི་བཞེད་གཞུང་དོན། །རྣམ་གསལ་དམ་པའི་གསུང་དང་རྗེས་འབྲེལ་བའི། །གཞན་དོན་སྲེག་སྦྱོང་ལག་ཏུ་བསྟར་བའི་ཚུལ། །འཇམ་མགོན་བླ་མའི་དགོངས་པ་གསལ་བའི་རྒྱན། །འདི་ཀོ་ལྔ་པའི་གནས་སྐབས་སུ། །འཕྱན་ཏེ་ཉམས་ངའི་འགྲོ་བ་དག །ངན་འགྲོའི་དུཿཁ་ལས་ཟློག་སྟེ། །གཏན་བདེར་ངལ་འཚོའི་དཔྱིད་དུ་སྤེལ། །དེ་ལ་འདིར་མགོན་པོ་མི་འཁྲུགས་པའི་སྒོ་ནས་གསོན་གཤིན་ལ་ཕན་གདགས་པའི་ཐབས་ཀྱི་སྒོ་ཟབ་མོ་རྣམས་ལས་ ― LT34_Page_0481 ―
[མ་དཔེ་གཟིགས་ན་འདིར་གནོན།]
ལྔ་པའི་གནས་སྐབས་སུ་གྱུར་པའི་འགྲོ་བ་ཕལ་པ་དག་གི་ངན་སོང་གི་སྒོ་གཅོད་ཅིང་། མཐོ་རིས་དང་ཐར་པའི་ལམ་བཟང་པོར་འགོད་པའི་ཕྱིར་དུ་ཕུང་པོ་སྲེག་སྦྱོང་གི་ཆོ་ག་ལག་ཏུ་ཇི་ལྟར་ལེན་པའི་ཚུལ་གོ་གསལ་དུ་བསྡེབ་པ་ལ་ཐོག་མར་ཇི་ལྟར་བྱ་བ། བར་དུ་ཇི་ལྟར་བྱ་བ། ཐ་མར་ཇི་ལྟར་བྱ་བ་སྟེ་གསུམ་གྱིས་ཤེས་པར་བྱ་བ་ལས། ཐོག་མར་ཕུང་པོ་གང་དུ་བསྲེག་བའི་ས་བཙལ་ལ་དེར་སྟེགས་དུ་བྱས་ལ་སྔོན་འགྲོ་གཏོར་མ་ཉེར་སྤྱོད་བཅས་བཤམས། ཨོཾ་བཛྲ་ཡཀྵ་ཧཱུྃ། སོགས་ཀུན་རིག་ལྟར་བྱིན་བརླབས། ལྷ་དང་ལྷ་མིན་སོགས་དང་། འབྱུང་པོ་གང་དག་སོགས་ཀྱིས་གཏོར་མ་ཕུལ་བས་ས་བསླང་། སྦྱོང་བ་གསུམ་བྱས་ལ། ལས་ཐམས་ཅད་པའི་སྔགས་བཟླ་བཞིན་དུ་ཐབས་བརྩིག །དབུས་སུ་ལྷ་མཚན་པདྨ་འདབ་བརྒྱད་སོགས་ཞི་བའི་ཐབ་ཁུང་སྤྱི་མཚུངས་ཀྱི་ཐིག་དང་རྡུལ་ཚོན་གྱིས་བྲི་བའམ། ― LT34_Page_0482 ―
[མ་དཔེ་གཟིགས་ན་འདིར་གནོན།]
རས་ལ་ཞི་ཐབ་སྤྱི་འགྲ་སླར་བཏབ་སྟེ་ཆུ་མཚོན་བྱས་པ་བཏིང་བ་གང་འཛོམ་བྱ། ཐབ་བརྩིགས་ཚུལ་སོགས་འདི་སྐོར་བརྗེད་བོན་རིན་པོ་ཆེ་ཀརྨའི་གསུང་དུས་ཐ་མའི་ཉེར་མཁོ་བེ་བུམ་དུའང་བལྟས་ན་གལ་ཆེ་བ་ཡོད། གཟུངས་སྔགས་དང་ངན་སོང་སྦྱོང་བའི་སྔགས་བཏབ་པའི་བུད་གང་སོགས་ལའང་ཡུངས་ཀར་ལ་ལས་སྔགས་བཟླས་པས་བྲབས། རས་སམ་ཤོག་བུར་པདྨ་འདབ་བརྒྱད་ཁྲུ་གང་བའི་ལྟེ་བར་འཁོར་ལོས་མཚན་པ་བྲིས་ཤིང་ཞུན་མར་གྱོས་དགོས་པ་རོའི་གདན་དུ་བཏིང་། །བདག་མདུན་བུམ་ཆོག་བདག་འཇུག་བཅས་ཟིན་པའི་རྗེས་སུ། རོ་ལ་གཟུངས་ཚེག་གིས་བསྒྲུབས་པའི་བུམ་ཆུས་བཀྲུ། སྣམ་རས་ཀྱིས་ཕྱི། དེ་དག་དངོས་སུམ་བྱུང་ཡང་མཚོན་བྱེད་བྱ། གནས་ཡིག་རྒྱས་པ་གཞན་ཡང་གྲུབ་ན་ལེགས་ཤིང་། དམིགས་བསལ་སྤྱི་བོར་ཨོཾ་དང་གཟུངས་རིང་པྲ་ཏི་ཧ་ནའི་མཐར། ཆེ་གེ་མོའི་ལུས་ཀྱི་སྒོ་ནས་བསགས་པའི་སྡིག་སྒྲིབ་ཉེས་ལྟུང་བག་ཆགས་དང་བཅས་པ་སརྦ་ཀརྨ་སོགས་དང་། མགྲིན་པར་ཨཱཿདང་། གཟུངས་རིང་གཤམ་ཆེ་གེ་མོའི་ངག་གི་སྒོ་ནས་སོགས། སྙིང་གར་ཧཱུྃ་དང་། གཟུངས་རིང་གཤམ། ཆེ་གེ་མོའི་ཡིད་ཀྱི་སྒོ་ནས་ཞེས་སོགས་ཀྱི་ཤམ་བུ་སྦྱར་པ་མཐིང་ཤོག་ལ་གསེར་དངུལ་ལམ། མ་འབྱོར་ན་རྒྱ་ཤོག་ལ་དྲི་བཟང་བསྲེས་པའི་མཚལ་གྱིས་བྲིས་ཏེ་གནས་སོ་སོར་ཡིག་ངོ་ནང་བསྟན་དུ་དཀྲིས་ཏེ་སྦྱར། དེ་དག་ལས་འོད་ཟེར་འཕྲོས་རྟེན་དེའི་སྡིག་སྒྲིབ་སྦྱོང་བར་བསམ་ལ་གཟུངས་སྔགས་ཤམ་བུ་ཅན་དེ་དག་མང་དུ་བརྗོད་ལ་སྔགས་བཟླ་བཞིན་དུ་རབ་བྱུང་ཡིན་ན་ཆོས་གོས། ཁྱིམ་པ་ལ་རས་ ― LT34_Page_0483 ―
[མ་དཔེ་གཟིགས་ན་འདིར་གནོན།]
སྣམ་གྱིས་དཀྲིས་ཏེ་སྔགས་ཀྱིས་བཏབ་བའི་བདུག་ངས་བདུག །དཀྱིལ་འཁོར་ལྷོ་སྒོར་པདྨ་འདབ་བརྒྱད་བྲིས་པའི་སྟེང་དུ་བཞག་ལ་རྟེན་བསྐྱེད་འགུགས་བ་སྦྱོང་བ་རྣམ་གསུམ་ཏི་ལ་སྦྱོང་བྲབ་པ་བཀྲུ་བདུག་སྦྱོང་སྐྱབས་འགྲོ་དབང་བསྐུར་རྫོགས་པར་བྱས་པའི་རྗེས་སུ་ལམ་སྦྱོང་བསྟན་བྱ། སླར་ཡང་སྐད་ཅིག་གིས་ཕུང་པོ་ལྷར་གསལ་བར་གྱུར་པའི་སྤྱི་བོར་ཨོཾ་སོགས་གནས་གསུམ་བྱིན་གྱིས་བརླབས་ལ་མཆོད་པ་ལྔ་སྔགས་ཙམ་གྱིས་མཆོད། སློབ་དཔོན་རྡོར་དྲིལ་ཐོགས་ཤིང་གཟུངས་སྔགས་བརྗོད་པས་སྣ་དྲངས་ཏེ་བསྲེག་ཁང་དུ་མགོ་སློབ་དཔོན་བསྟན་ནས། དཀྲིས་ཕུད་དེ་ལྟག་པའི་ཕྱོགས་སུ་བཞག་བུད་ཤིང་གིས་ལེགས་པར་གཅེར་བ་དེ་དག་ནི་ཐོག་མར་ཇི་ལྟར་བྱ་བའི་རིམ་པ་སྙིང་པོར་འདྲིལ་བའོ། །གཉིས་པ་བར་དུ་བྱ་བ་སྦྱིན་སྲེག་དངོས་གཞིའི་རིམ་པ་སྨོས་པ་ལ། སློབ་དཔོན་སོགས་སྒྲུབ་པ་པོ་རྣམས་ཁ་ཤར་རམ་བྱང་དུ་ཕྱོགས་པས་འཁོད་པའི་སློབ་དཔོན་མདུན་དུ་རྡོར་དྲིལ། ལས་བུམ་མམ་བསད་ཆུ་གང་བདེ། དགང་བླུགས་ཁ་སྦྱར་དུ་དགོད། གཡས་གཡོན་གཉིས་སུ་སྟེགས་དཀར་པོ་ཀུ་ཤ་བཀྲམ་པ་རེ་རེའི་སྟེང་། གཡོན་དུ་མེ་ལྷའི་འབུལ་གཏོར་དཀར་ཟླུམ། ཆུ་གཉིས་ཉེར་སྤྱོད་ཕྲེང་ཚར་ཆ་གཉིས། མདུན་དུ་དུང་ཞལ་ལྟ་བུར་དྲི་བཟང་སྦྱར་བའི་ཆབ། རྩ་བ་དང་ཁྱད་ཕར་གྱི་མཆོད་ཡོན་གཉིས། གསས་སུ་བསྲེག་རྫས་བལ་བུ་ཤུག་པ་སོགས་ཞི་བའི་ཤིང་ལས་བཅོག་པའི་ཡམ་ཤིང་། ཏིལ། ཡུངས་ཀར། གྲོ། ནས། སྲན་མ། ཞོ། སྨན་ལྔ། དཱུ་རྦ། ཀུ་ཤ། མེ་ཏོག་དཀར་པོའམ་མ་འབྱོར་ན་འབྲས་དཀར་ ― LT34_Page_0484 ―
[མ་དཔེ་གཟིགས་ན་འདིར་གནོན།]
རྣམས་མེ་ལྷ་དང་སྲེག་ལྷ་ལ་མང་ཉུང་ཚར་གཉིས་སམ། མེ་ལྷ་ལ་གྲོ་ནས་ཕྱིན་རྫས་སྤུངས་བྱས་ཀྱང་ཆོག །སྟབས་གང་བ་དེར་མར་ཁུ། ཀུ་ཤའི་ཆུན་པོ་བརྒྱད། དཔལ་འབར། རླུང་གཡབ་སོགས་བཞག་གོ། །དེ་ནས་བསངས་ཆུའམ་ལས་བུམ་གྱི་ཆུ་ལ་དམིགས་ཏེ། སྟོང་པའི་ངང་ལས་ཤཾ་ལས་བྱུང་བའི་དུང་ཕོར་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཧཱུྃ་ལས་བྱུང་བའི་བསང་བའི་ཆུ་དྭངས་ཤིང་ཐོགས་པ་མེད་པ། རྫས་ཐམས་ཅད་ཀྱི་མ་དག་པ་སེལ་བའི་ནུས་པ་དང་ལྡན་པར་གྱུར། །ན་མོ་རཏྣ་ཏྲ་ཡཱ་ཡ། མ་ཧཱ་ཡཀྵ་སེ་ན་པ་ཏ་ཡེ། ན་མོ་བཛྲ་ཀྲོདྷ་ཡ། ཏདྱ་ཐཱ། ཨོཾ་ཧུ་ལུ་ཧུ་ལུ། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། ཨ་མྲྀ་ཏེ་ཧཱུྃ་ཕཊ། ཅེས་བདུད་རྩི་ཐབ་སྦྱོར་རྩ་སྔགས་འབྲིང་པོ་ལན་བདུན་དང་། ཨོཾ་ཨ་མྲྀ་ཏེ་ཧཱུྃ་ཕཊ། ཅེས་བརྒྱ་རྩ་ཙམ་བཟླས་པའི་མཐར་ཧཱུྃ་རིང་པོ་བདུན་ནམ་ཉེར་གཅིག་བརྗོད། མཆོད་གཞི་གཡོན་ལ་བཤམས་པ་གཟི་བྱིན་བསྐྱེད་པའི་དྲི་ཆབ་ལ་དམིགས་ཏེ། ན་མོ་ལོ་ཀ་དྷྲྀ་ཏཱ་ཡ། ཨོཾ་ཤང་ཀ་རེ། ཤཱནྟི་ཀ་རེ། གྷུྚ་གྷུྚ་གྷུྚ་ནི་གྷཱ་ཏ་ཡ་གྷུྚི་ནི་སྭཱ་ཧཱ། །ཉེར་གཅིག །ཨོཾ་ཀུ་ལནྡྷ་རི་བནྡྷ་བནྡྷ་ཧཱུྃ་ཕཊ། ཅེས་ཉེར་གཅིག་བཅས་མཱ་མ་ཀིའི་རིགས་སྔགས་དང་སྙིང་པོ་བཅས་བཟླ། ཛྭ་ལ་ཛྭ་ལ་ཕཊ། སིདྡྷི་སཱ་དྷ་ཡ་ཕཊ། དཱི་པེ་དཱི་པཱ་ཡ་ཕཊ། ཅེས་ལན་བདུན་བཟླས། ཀུ་ཤའི་རྩེ་མོས་ཐོག་མར་བསང་ཆུ་དང་། དེ་ནས་དྲི་ཆབ་ཀྱིས་མཆོད་རྫས་བསྲེག་རྫས་ཐམས་ཅད་ལ་བསང་གཏོར་བྱས་ཏེ། ― LT34_Page_0485 ―
[མ་དཔེ་གཟིགས་ན་འདིར་གནོན།]
ན་མོ་རཏྣ། ཨ་མྲྀ་ཏེ༴ ན་མོ་ལོ་ཀ༴ ཨོཾ་ཀུ་ལནྡྷ༴ ཛྭ་ལ༴ སོགས་བདུད་རྩི་ཐབ་སྦྱོར་དང་སྔགས་བཤད་མ་ཐག་བདེ་ལན་གཅིག་བརྗོད་ལ། ཨོཾ་གཟི་བརྗིད་ལྡན་པས་རྫས་ནང་དུ། །ཕྱི་བཤོལ་མ་མཛད་བཞུགས་ནས་སུ། །ཀུན་གྱི་གཟི་བརྗིད་སྤེལ་བ་དང་། །བྱིན་རླབས་ཅན་དུ་མཛད་དུ་གསོལ། ཨོཾ་བཛྲ་ཧཱུྃ་དྷ། བདུན། ཛི་ན་ཛིཀྲ། ལན་བདུན་བཅས་བརྗོད། ཚེ་ལས་འདས་པའི་ཕུང་ཁམས་སྐྱེ་མཆེད་དང་། བསྲེག་རྫས་རྣམས་ཐ་མི་དད་པས་དྭངས་ཤིང་ཐོགས་པ་མེད་པས་འཁོར་བ་ཐོག་མ་མེད་པ་ནས་བསགས་པའི་ལས་ངན་སྡིག་སྒྲིབ་ཐམས་ཅད་ཡོངས་སུ་སྦྱོང་བའི་ནུས་པ་དང་ལྡན་པར་གྱུར། པར་མོས་མཐར་དཔལ་འབར་ཐོགས་ལ། །གསོན་ཅིག་དགོངས་ཤིག་རིགས་ཀྱི་བུ། །ཕུང་པོ་ལྔ་ཡི་བུད་ཤིང་ལ། །རྒྱལ་བ་རིགས་ལྔའི་མེ་སྦར་རོ། །འབྱུང་བ་བཞི་ཡི་བུད་ཤིང་ལ། །ལྷ་མོ་བཞི་ཡི་མེ་སྦར་རོ། །དབང་པོ་དྲུག་གི་བུད་ཤིང་ལ། །བྱང་ཆུབ་སེམས་དཔའི་མེ་སྦར་རོ། །ཡུལ་རྣམས་དྲུག་གི་བུད་ཤིང་ལ། །ལྷ་མོ་དྲུག་གི་མེ་སྦར་རོ། །ལུས་ངག་ཡིད་གསུམ་བུད་ཤིང་ལ། །རྒྱལ་བའི་སྐུ་གསུམ་མེ་སྦར་རོ། །སྐུ་གསུམ་ཡེ་ཤེས་ལྔ་ལྡན་དུ། །འགྲོ་བའི་དོན་དུ་འགྲུབ་པར་ཤོག །ཅེས་དྲིལ་གདངས་བཅས་བརྗོད་མཐར། ཨ་མྲྀ་ཏ་དང་ཛི་ན་ཛིཀྲ་བཟླ་བཞིན་དུ་མེ་སྦར། མར་ཁུ་བླུགས་གཟར་གྱིས་ཅུང་ཟད་བཅུས་ཏེ་བླུགས་ལ། གདངས་རིང་པོས་སྭཱ་ཧཱ་ཞེས་ལན་བདུན་དང་། ཧཱ་ཡིག་ ― LT34_Page_0486 ―
[མ་དཔེ་གཟིགས་ན་འདིར་གནོན།]
རིང་པོའང་ལན་བདུན་བརྗོད་ཅིང་བསྒྱིངས་བ་དང་བཅས་པར་བྱའོ། །ཨོཾ་དང་བྷྲཱུྃ་མང་དུ་བརྗོད། རླུང་གཡབ་ཀྱིས་གཡབ། ཀུ་ཤ་ལ་སོགས་པའི་རྩ་སྔོན་པོའི་བམ་པོ་ཐོགས་ལ། ཨོཾ་ཀུ་ཤ་འདི་ནི་གཙང་ཞིང་དགེ། །ས་ལས་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཏེ། །ཚངས་པ་ཡི་ཡང་དག་བྱེད་ཡིན། །འདིས་བདག་ཅག་འཁོར་དང་བཅས་པ་ལ་གེགས་མེད་ཅིང་དམིགས་ཡུལ་ཚེ་ལས་འདས་པའི་སྡིག་སྒྲིབ་ཞི་བའི་ལས་ཀྱི་དངོས་གྲུབ་ཀྱང་སྩལ་དུ་གསོལ། །ཞེས་བརྗོད། དེ་ནས་རང་གི་མདུན་ནས་གཡས་བསྐོར་གྱི་རིམ་པས་ཐབ་ཀྱི་ཕྱོགས་མཚམས་བརྒྱད་དུ་སྔ་མ་སྔ་མའི་རྩེ་མོ་ཕྱི་མ་ཕྱི་མའི་རྩ་བས་ནོན་པར་བཀྲམ་མོ། །ཐབ་ལ་བསང་ཆུ་འཐོར། སྟོང་པའི་ངང་ལས་ཞི་བའི་ཐབ་ཁུང་དཀར་པོ་ཟླུམ་པོ། རྒྱར་ཁྲུ་གང་པ། ཟབས་སུ་ཁྲུ་ཕྱེད་པ། མུ་རན་དང་ཁ་ཁྱེར་སོར་བཞི་པ་ལ་པདྨའི་ཕྲེང་བས་བསྐོར་བ། ཕྱི་རོལ་གྱི་སྟེགས་བུ་གྲུ་བཞི་པའི་གྲྭ་བཞིར་རྡོ་རྗེ་རེ་རེས་མཚན་པ། དྭངས་ཤིང་ཐོགས་པ་མེད་པའི་ནང་ཞི་བའི་མེ་དཀར་ལ་བསིལ་བར་འབར་བའི་དབུས་སུ་པདྨ་དང་ཟླ་བའི་གདན་གྲུབ་པར་གྱུར། །ལག་གཉིས་ཁུ་ཚུར་ལས་གུད་མོ་སྒྲེང་བའི་ཚིགས་གསུམ་པར་མཛུབ་མོའི་རྩེ་མོ་སྦྱར། གཡས་སྙིང་གར་ཕྱིར་བསྟན། གཡོན་དཀུར་བཞག་མཐེ་བོང་ནང་དུ་བསྐྱོད་ལ། ཨོཾ་ཚུར་བྱོན་ཚུར་འབྱོན་འབྱུང་པོ་ཆེ། །ལྷ་ཡི་དྲང་སྲོང་བྲམ་ཟེ་མཆོག །སྲེག་བླུགས་ཞལ་ཟས་བཞེས་ ― LT34_Page_0487 ―
[མ་དཔེ་གཟིགས་ན་འདིར་གནོན།]
སླད་དུ། །འདི་ཉིད་དུ་ནི་བཞུགས་སུ་གསོལ། །ཨོཾ་ཨགྣ་ལེ་ཧ་བྱ་ཀ་བྱ་པ་ཧ་ནཱ་ཡ་སྭཱ་ཧཱ། །ཞེས་མེ་ལྷའི་སྔགས་ཐུང་བས་སྤྱན་དྲངས། འོག་ཏུ་མེ་ལྷའི་སྔགས་ཐུང་ཟེར་ཚད་འདི་ཡིན་པའང་ཤེས་པར་བྱའོ། །ན་མོ་རཏྣ་སོགས་བདུད་རྩིའི་སྔགས་དང་བསང་ཆུ་འཐོར། མེ་ལྷའི་སྔགས་ཐུང་སྨོས་མ་ཐག་པས་མར་ཁུ་དགང་བླུགས་གསུམ་འབུལ། ཐབ་ཀྱི་དབུས་སུ་དྲང་སྲོང་ཆེན་པོ་མེ་ལྷ་སྐུ་མདོག་དཀར་པོ། ཕྱག་གཡས་གཉིས་ཀྱིས་མཆོག་སྦྱིན་དང་བགྲང་ཕྲེང་། གཡོན་གཉིས་ཀྱིས་དབྱིག་པ་དང་རིལ་བ་སྤྱི་བླུགས་འཛིན་པ། ཞབས་སེམས་དཔའི་སྐྱིལ་མོ་ཀྲུང་གིས་གནས་པ། འཁོར་དྲང་སྲོང་གི་ཚོགས་ཐམས་ཅད་ཀྱིས་བསྐོར་ཏེ་བཞུགས་པར་གྱུར། །ཨོཾ་བཛྲ་ཀི་ལི་ཀཱི་ལ་ཡ་བཛྲ་བྷི་མ་རོ་དྲྀ་པ་མི་ཏྲ་མ་ཧཱ་ཀྲོ་དྷཱ་ལ་བི་ཛ་ལ་ནི་ཀྲྀནྟ་ཧཱུྃ་ཕཊ། བནྡྷ་བནྡྷ་སྭཱ་ཧཱ། །ཞེས་བགེགས་བསངས། སྤྱན་འདྲེན་པའི་ཕྱག་རྒྱ་ལས་མཐེ་བོང་མཛུབ་མོའི་གློར་བཞག་པ་དང་མེ་ལྷའི་སྔགས་ཐུང་བརྗོད་པས་དམ་ལ་བཞག །ཨོཾ་ཨཱགྣ་ཡེ་ཧ་བྱ་ཀ་བྱ་པཱ་ཧ་ན་ཨཱ་དི་བྱ་ཨཱ་དི་བྱཱ་ཡ་སྭཱ་ཧཱ། །ཞེས་མེ་ལྷའི་སྔགས་རིང་བས་མར་ཁུ་དགང་བླུགས་བདུན་དང་ཡམས་ཤིང་བདུན་འབུལ། མེ་ལྷ་རྡོ་རྗེ་ལས་ཀྱི་གཙོ། །ཚེ་འདས་སེམས་ཅན་སྦྱོང་བ་དང་། །ལྷ་རྣམས་ཚིམས་པར་བྱ་བའི་ཕྱིར། །འདི་ཉིད་དུ་ནི་ཕྲིན་ལས་མཛོད། །ཅེས་གསོལ་བ་བཏབ་པས་མེ་ལྷའི་ཐུགས་ཀའི་འོད་ཟེར་གྱི་ལྕགས་ཀྱུས་ཚེ་འདས་ཀྱི་ ― LT34_Page_0488 ―
[མ་དཔེ་གཟིགས་ན་འདིར་གནོན།]
སྡུག་བསྔལ་སྡིག་སྒྲིབ་ཉེས་ལྟུང་ཐམས་ཅད་དྲངས་ཏེ་རོ་དང་སྲེག་རྫས་རྣམས་གཉིས་སུ་མེད་པ་བདུད་རྩིའི་དྭངས་མར་བྱས་ཏེ་བཞེས་པར་བསམ་ལ། ཨོཾ་ཏིཥྛ་ཧ་རི་པིངྒ་ལ་ལོ་ཧ་ཏ་ཨཀྵ་དེ་ཧི་ད་དཱ་པ་ཡ་ཧཱུྃ་ཕཊ་ཕཊ། །སརྦ་བི།།།ན་ནཱ་ཤ་ཡ་སྭཱ་ཧཱ། །ཞེས་པའི་སྔགས་འདི་ཁོ་ནས་ཏིལ་ཡུངས་བདུན་རེ། དཀར་གསུམ་དང་འབྲུ་སྣ་ལ་སོགས་པ་སྲེག་རྫས་གཞན་རྣམས་གསུམ་རེའམ། རྫས་ལྤུངས་བྱས་ལོད་ན་ཉེར་གཅིག་ཙམ་འབུལ་ཞིང་། བསྲེག་རྫས་སྔགས་ཤམ་དུ། ཚེ་འདས་ཀྱི་སྡིག་སྒྲིབ་ཐམས་ཅད་ཤཱིནྟཾ་ཀུ་རུ་སྭཱ་ཧཱ། །ཞེས་སོ་སོར་སྦྱར་ཏེ་བསྲེག་རྫས་རྣམས་གོང་སྨོས་གྲངས་བཅད་དམ་ཇི་ཙམ་འོས་པའི་མ་གྱིས་འབུལ། ལང་གོང་བཞིན་ཨོཾ་ཨཱགྣ་ཡེ་ཧ་བྱ་ཀ་བྱ་བ་ཧ་ནཱ་ཡ་སྭཱ་ཧཱ། །ཅེས་བསམ་པ་དགང་བླུགས་བདུན་ལ་སོགས་པས་ཇི་ཙམ་འོས་པ་འབུལ། སྐབས་དེ་དག་ཏུ་མེ་བྲ་ངན་པ་དག་བྱུང་ན་བདུད་རྩི་ཐབས་སྦྱོར་གྱི་སྔགས་ཀྱིས་བསང་ཆུ་གཏོར་བས་བཟློག་པར་གསུངས་སོ། །མཐར་བདག་གི་སྦྱིན་སྲེག་གི་ལས་འདི་གེགས་མེད་ཅིང་འབྲས་བུའི་མཆོག་དང་ལྡན་པར་མཛད་དུ་གསོལ། །ཞེས་གསོལ་བ་ལན་གསུམ་དུ་གདབ། མེ་ལྷ་ཐབ་ཀྱི་ཟུར་ན་ཅི་བདེར་བཞུགས་པར་གྱུར། །ཞེས་མོས། དེས་མེ་ལྷ་གྲུབ་ནས་འདས་ལྷ་ལ་བུད་ཤིང་གསོ། ན་མ་སརྦ་ཏ་ཐཱ་ག་ཏཱ་ནཱཾ། སརྦ་ཐཱ་ཁཾ་ཨུཏྒ་ཏེ་སྥ་ར་་ཨི་མཾ་ག་ག་ན་ཁཾ་སྭཱ་ཧཱ། །ལན་གསུམ་གྱིས། །ལྷའི་གདན་གྲུབ་པར་གྱུར་བར་བསམ། སྟེགས་གཡོན་པའི་མཆོད་ཡོན་གཉིས་རིམ་པར་ལག་ ― LT34_Page_0489 ―
[མ་དཔེ་གཟིགས་ན་འདིར་གནོན།]
གཡོན་པས་བླངས། གཡས་པས་སྤོས་ཐུང་གླ་རྩི་འདྲེས་པ་སོགས་མ་ཡིན་པའི་སྤོས་དཀར་ཙནྡན་སོགས་ཀྱིས་འདུག །བྷྲཱུྃ་བདུན་དང་། ཛི་ན་ཛིཀྲ་བདུན། ཨོཾ་ཥྚོཾ་བྷནྡྷ་སྭཱ་ཧཱ། །ཉེར་གཅིག་བཅས་སོ་སོར་བཟླས་པས་བྱིན་གྱིས་བརླབས་ལ་རྩ་བའི་མཆོད་ཡོན་སློབ་དཔོན་གྱི་མདུན་ཅོག་དབུས་སུ་བཞག །དེའི་གཡོན་དུ་ཁྱད་པར་གྱི་མཆོད་ཡོན་དང་། གཡས་སུ་སྤོས་ཕོར་དུ་འདུག་སྤོས་གཙང་མ་རྣམས་བཤམས། ཙག་སྟེང་བཟེད་ཞལ་གཙང་མའང་བཞག །ན་མོ་རཏྣ་ཏྲ་ཡཱ་ཡ། ལན་གསུམ་གྱིས་ཕྱག་བཙལ། རྡོ་རྗེ་ཐལ་མོ་ཁ་ཕྱེ་ལ། མཛུབ་མོ་གཉིས་རྩེ་མོ་སྦྱར་ལ་སྒྲེངས། མཐེ་བོང་གཡབ་ཅིང་། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་བཅོམ་ལྡན་འདར། །བདག་གི་མཆོད་ཡོན་འདི་བཞེས་ལ། །མཆོད་པས་བདག་ལ་དགེས་བར་མཛོད། །བྷྲཱུྃ་ཛིན་ཛིཀྲ། ཨཀྵོ་བྷྱ་ཨེ་ཧྱེ་ཧི། ཞེས་སྤྱན་འདྲེན་གྱི་གསོལ་འདེབས་འདི་ཚར་གསུམ་དལ་བར་བརྗོད་པའི་ཚེ་ལན་དང་པོར་ཕྱག་རྒྱ་སྤྱི་བོའི་ཐད་དུ་བྱ། ཚར་གཉིས་པ་ལ་གོང་སྨོས་ཕྱག་རྒྱ་དེས་རྩ་བའི་མཆོད་ཡོན་གཙང་མ་ཐོགས་ཏེ་སྤྱི་བོའི་ཐད་ནས་བཟེད་ཞལ་དུ་འབུལ། ཚར་གསུམ་པ་ལ་རྫས་སྦྱར་བའི་ཁྱད་པར་གྱི་མཆོད་ཡོན་ཐོགས་ཏེ་འབུལ། །མཆོད་ཡོན་རྫས་དངོས་སུ་མ་འཛོམ་ན་ཆུ་གཙང་ངམ་མེ་ཏོག་ཙམ་དང་བཅས་པ་འབུལ་ཞིང་། ལྷག་མ་དམིགས་པ་ཁོ་ནས་འགྲུབ་པོ། །དེ་ནས་ཕྱག་རྒྱ་པདྨ་ཁ་བྱེ་བའི་ཚུལ་ཅན་གྱིས། བཅོམ་ལྡན་ཐུགས་རྗེས་བྱོན་པ་ལེགས། ། ― LT34_Page_0490 ―
[མ་དཔེ་གཟིགས་ན་འདིར་གནོན།]
བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་ནས་ཀྱང་། །མཆོད་པས་བདག་ལ་དགྱེས་པར་མཛོད། །ཨོཾ་ཀ་མ་ལཱ་ཡ་སྭཱ་ཧཱ། །ཡང་ཕྱག་རྒྱ་དེ་དང་འདྲབ་པས་གུང་མཛུབ་སྲིན་གསུམ་རྡོ་རྗེ་རྩེ་ལྔ་ལྟ་བུར་བྱས་ལ། བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་མཆོད་ཡོན་བཞེས་ནས་ཀྱང་། །ཐུགས་རྗེས་ཐུགས་དཔག་མཛད་དུ་གསོལ། །ཨོཾ་བཛྲ་ཨཱས་ནི་ཧཱུྃ་ཕཊ། །པདྨ་ཁ་ཕྱེ་ལས། སོར་མོ་དབུས་མ་གཉིས་གཤིབས་ཏེ་བསྒྲེང་བ་དང་། བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་ལྡན་བཞུགས་སུ་གསོལ། །ཨོཾ་བཛྲ་ཀ་ཧཱུྃ་ཕཊ། །ཡེ་ཤེས་ཀྱི་དཀྱིལ་འཁོར་ལྷ་ཚོགས་ཐམས་ཅད་སོ་སོ་རང་རང་གི་གདན་ལ་བཞུགས་པར་གྱུར་པ་ནི། དབུས་སུ་བཅོམ་ལྡན་མི་འཁྲུགས་པ། །སྐུ་མདོག་དཀར་པོ་སོགས་ནས། བཀྲ་ཤིས་ལྷ་མོ་བརྒྱད་བསྐྱོད་ཚིག་དོན་ཐོབ་ལྟར་ན། དར་དང་རིན་ཆེན་རྒྱན་ལྡན་གསལ། །ཞེས་པའི་བར་གྱིས་གསལ་གདབ། གཤེགས་རིགས་ཀྱི་དམ་རྒྱ་པ་ཅེས་ལ། ཨོཾ་སརྦ་ཏ་ཐཱ་ག་ཏོདྦྷ་བ་སྭཱ་ཧཱ། །ཞེས་བརྗོད། མཆོད་ཡོན་སོགས་རིམ་པར་ཕུལ་ཡ། འཇིག་རྟེན་ཁམས་ནི་སོགས་ཀྱིས་མཆོད། རྒྱལ་བ་ཟླ་བ་སོགས་ཀྱིས་བསྟོད་མཐར། ནམ་མཁའི་ ― LT34_Page_0491 ―
[མ་དཔེ་གཟིགས་ན་འདིར་གནོན།]
མདངས་ལྡན་གསལ་བའི་སྐུ། །མཚན་དཔེས་རབ་མཛེས་རྡོ་རྗེ་སྐྱིལ་ཀྲུང་བཞུགས། །རྡོ་རྗེ་དང་བཅས་བདུད་འདུལ་མཉམ་བཞག་མཛད། །མགོན་པོ་མི་འཁྲུགས་སྐུ་ལ་ཕྱག་འཚལ་ལོ། །ཆེ་གེ་ཞེས་བྱའི་ཚེ་འདས་རིགས་ཀྱི་བུ། །ཐོགས་མེད་ནས་བསགས་སྲོག་གཅོད་ལ་སོགས་པའི། །ལུས་ཀྱི་སྒྲིབ་བ་མ་ལུས་དག་གྱུར་ནས། །མི་འགྱུར་རྡོ་རྗེ་སྐུ་ཡི་དངོས་གྲུབ་སྩོལ། །ལྷ་ཡི་རྔ་བོ་ཆེ་ལྟར་རྣམ་ཀུན་ཏུ། །རྣམ་པར་རྟོག་མེད་ལེགས་བཤད་སེང་གེའི་སྒྲ། །ཡན་ལག་དྲུག་ཅུས་བརྒྱན་པ་ལེགས་སྒྲོགས་པ། །བཅོམ་ལྡན་མི་འཁྲུགས་གསུང་ལ་ཕྱག་འཚལ་ལོ། །ཆེ་གེ་ཞེས་བྱའི་ཚེ་འདས་རིགས་ཀྱི་བུའི། །ཐོགས་མེད་ནས་བསགས་རྫུན་ཚིག་ལ་སོགས་པ། །ངག་གི་སྒྲིབ་པ་མ་ལུས་དག་གྱུར་ནས། །ཡན་ལག་དྲུག་ཅུ་གསུང་གི་དངོས་གྲུབ་སྩོལ། །ཡེ་ཤེས་རྒྱ་མཚོ་ཡོན་ཏན་ནོར་བུས་བརྒྱན། །ཆོ་འཕྲུལ་རྣམ་པར་འཕྲུལ་བའི་རྦ་རླབས་ཅན། །སྲིད་ཞིའི་རླུང་གིས་རྣམ་པར་མི་གཡོ་བ། །མི་འཁྲུགས་རྒྱལ་པོའི་ཐུགས་ལ་ཕྱག་འཚལ་ལོ། །ཆེ་གེ་ཞེས་བྱའི་ཚེ་འདས་རིགས་ཀྱི་བུའི། །ཐོགས་མེད་ནས་བསགས་པ་རྣབ་སེམས་ལ་སོགས་པའི། །ཡིད་ཀྱི་དྲི་མ་མ་ལུས་དག་གྱུར་ནས། །ཡེ་ཤེས་ལྔ་ལྡན་ཐུགས་ཀྱི་དངོས་གྲུབ་སྩོལ། །གཙོ་བོ་དཀྱིལ་འཁོར་ལྷ་ཚོགས་དང་བཅས་ཀྱིས་ ― LT34_Page_0492 ―
[མ་དཔེ་གཟིགས་ན་འདིར་གནོན།]
ཚེ་འདས་ཆེ་གེ་ལ་སོགས་འགྲོ་རྣམས་ལ། །སྒྲིབ་མེད་ཡེ་ཤེས་སྤྱན་གྱིས་ལེགས་གཟིགས་ནས། །བརྩེ་བའི་ཐུགས་རྗེ་ཆེན་པོས་ལེགས་བཟུང་ལ། །སྔོན་ཆད་བསགས་པའི་སྒྲིབ་པ་གང་མཆིས་དང་། །བག་ཆགས་དང་བཅས་སྒྲིབ་པ་སོལ་མཛོད་ལ། །སྲིད་དང་རྣམ་གྲོལ་བདེ་བ་གང་ལགས་པ། །དངོས་གྲུབ་བདེ་ཆེན་མྱུར་དུ་སྩལ་དུ་གསོལ། །ཞེས་གསོལ་བ་གདབ་བོ། །དེ་ནས་ལྟུང་བ་སློང་བའི་སྔགས། ཨོཾ་ཤོ་དྷ་ནེ་ཤོ་དྷ་ནེ་སརྦ་ཨ་པཱ་ཡ་ཨ་པཱ་ཡ་ཧཱུྃ། དེའི་ཕྱག་རྒྱ་ལག་གཉིས་ཁུ་ཚུར་སོ་སོར་བཅངས་པའི་མཛུབ་མོ་གཉིས་ཅུང་ཟད་བཀུག་པ་ཁ་སྦུབས་ནས་བརྐྱངས་ཏེ་ཚུར་དྲངས་པ་གྱེན་དུ་བཀན་ཅིང་། ངན་སོང་གསུམ་ཚེ་འདས་དང་བཅས་པ་གཙོ་བོའི་མདུན་དུ་བཀུག་པར་གྱུར། བར་བསམ། འདོད་རྒྱལ་གྱི་རྒྱ་དང་། སྡིག་པ་འགུགས་པའི་སྔགས། ཨོཾ་སརྦ་པཱ་པཾ་ཊཀྐི་ཧཱུྃ་ཛཿ ཚེ་ལས་འདས་པ་དེའི་སྡིག་པ་ཐམས་ཅད་ཀྱང་བཀུག་པར་གྱུར། པར་བསམ། སྡིག་པ་སྦྱོང་བའི་སྔགས། ཨོཾ་ཤོ་དྷ་ནེ་ཤོ་དྷ་ནེ་སརྦ་པཱ་པཾ་ཨཱ་བ་ན་ཡ་ཧཱུྃ། སྡིག་པ་དྲལ་བའི་སྔགས། ཨོཾ་ཨཀྵོ་བྷྱ་བཛྲ་སརྦ་པཱ་པཾ་བི་ཤོ་དྷ་ནི་ཨཀྵོ་བྷྱ་བཛྲ་ཏྲཊ། བཛྲ་པཱ་ི་བི་སྥོ་ཊ་ཡ། སརྦ་ཨཱ་པཱ་ཡ། བྷནྡྷ་ནི། པྲ་མོཀྵ་ཡ། སརྦ་ཨཱ་པཱ་ཡ་ག་ཏི་བྷྱཿ སརྦ་སཏཱཾྭ། སརྦ་ཏ་ཐཱ་ག་ཏ་བཛྲ་ས་མ་ཡ་ཏྲ་ཊྲ། ཕྱག་རྒྱ་རྡོ་རྗེ་བསྡོམས་པ་ལས་གུང་མོ་གཉིས་བསྒྲེངས་བའི་རྩེ་སྦྱར་བའི་མཐེ་བོང་གཉིས་དང་མཐེའུ་ཆུང་གཉིས་གཅིག་ལ་གཅིག་སྦྱང་བས་ཕན་ཚུན་ཡང་ ― LT34_Page_0493 ―
[མ་དཔེ་གཟིགས་ན་འདིར་གནོན།]
ཡང་དྲུད་པ་དང་། སླར་ཡང་། བཛྲ་བྷནྡྷ་ཏྲཊྲ། ཅེས་ལན་གསུམ་བརྗོད་ཅིང་ཕྱག་རྒྱ་རྡོར་བསྡམ་ལན་གསུམ་བྲལ་ནས། ཚེ་ལས་འདས་པའི་སྡིག་པ་ཐམས་ཅད་བཀྲུག་ཅིང་དྲིལ་ཏེ། རོ་དང་བསྲེག་རྫས་རྣམས་ལ་ཐིམ་སྟེ། ཡེ་ཤེས་ཀྱི་མེས་ལྷག་མེད་དུ་གསོལ་བར་གྱུར་པར་བསམ་སྟེ། དེ་ནས་མར་གྱི་དགང་བླུགས་སྔོན་དུ་འགྲོ་བའི། ཡམས་ཤིང་ནས་བརྩམས་བསྲེགས་རྫས་ཐམས་ཅད་རིམ་བཞིན་འབུལ་ཏེ། །སྔགས་ནི་རྒྱ་གཞུང་ལས། ཐམས་ཅད་རྒྱུན་གཅོད་སྔགས་ཀྱིས་བྷྱ། ཞེས་པས་གཟུངས་རིང་ཁོ་ནས་འབུལ་བ་ཡིན་པས། ན་མོ་བྷ་གབ་ཏེ་ཨཀྵོ་སོགས་གཟུངས་རིང་ཚར་རེ་དང་མར་ཁུ་བླུགས་གཟར་རེ་སྦྲགས་ལ་ཚར་ཉེར་གཅིག་སོགས་འབུལ། དེའང་གཟུངས་རིང་མཐར། ཨོཾ་སརྦ་པཱ་བཾ་ད་ཧ་ན་པཛྲཱ་ཡ་ཆེ་གེ་མོའི་པཱ་པཾ་ནི་ད་ཧ་སྭཱ་ཧཱ། ཞེས་བཏགས་ཏེ་ཕུལ་བས། ལྷ་ཐམས་ཅད་ཀྱིས་ཚེ་ལས་འདས་པ་དེའི་ལུས་ལ་དབང་བསྐུར་ཞིང་སྡིག་སྒྲིབ་དང་ངན་སོང་གི་སྡུག་བསྔལ་ལ་སོགས་པ་ཞི་བར་བྱས་པར་བསམ། རྫས་ཚན་རེའི་མཐར། བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ་ཐུགས་རྗེའི་བདག་པོ་མི་འཁྲུགས་བའི་ལྷ་ཚོགས་འཁོར་དང་བཅས་པས་ཚེ་ལས་འདས་པ་ཆེ་གེ་མོ་ཞེས་བྱ་བའི་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཡོངས་སུ་སྦྱོང་བ་དང་། མྱུར་དུ་འཁོར་བ་དང་ངན་སོང་གི་ ― LT34_Page_0494 ―
[མ་དཔེ་གཟིགས་ན་འདིར་གནོན།]
སྡུག་བསྔལ་ལས་འདོན་པའི་ཕྲིན་ལས་མཛོད་ཅིག །ཅེས་སྦྱར། རྫས་ཐམས་ཅད་རྫོགས་པ་དང་། ཏིལ་ཡུངས་དང་སྔགས་གཟུངས་རིང་ཁོ་ན་ལ་བརྒྱ་རྩ་སོགས་གྲངས་གསོག་ནས་མཚམས་སུ་སྦེལ་ཚིག་འདོད་གསོལ་སྦྱར་བ་སྟེ། མདོར་ན་བསྲེག་རྫས་རྣམས་གྲངས་ཀ་མང་ཉུང་ཕུང་པོ་ཚིག་ཚོད་དང་སྦྱར་ནས་སྐབས་བསྟུན་བྱ། བཞག་རན་པའི་ཚེ། ན་མོ་བྷ་ག་བ་ཏེ་སོགས་གཟུངས་རིང་སྔགས་ཤམ་ཅན་བདུན་གྱིས་མར་ཁུ་དགངས་བླུགས་བདུན་དང་། ཨོཾ་མངྒ་ལ་ཤྲཱི་བཏྶ་དེ་བཱི་ཨཿ ཧཱུྃ། དེས་འགྲེས་ཏེ། མངྒ་ལ་ཀུམྦྷ་དེ་ཝཱི༴ མངྒ་ལ་པདྨ་དེ་བཱི༴ མངྒ་ལ་དྷྭ་ཛ་དེ་བཱི༴ མངྒ་ལ་ཚཱ་ཏྲཾ་དེ་བཱི༴ མངྒ་ལ་ཤངྑ་དེ་བཱི༴ མངྒ་ལ་ཙཀྲ་དེ་བཱི༴ མངྒ་ལ་མཏྶྱ་དེ་བཱི༴ བཅས་བཀྲ་ཤིས་ལྷ་མོ་བརྒྱད་ཀྱི་མཚན་སྔགས་ཚར་གསུམ་རེས་དགང་བླུགས་འབུལ་ནས། མཐར་འདོད་གསོལ་གོང་བཞིན་བརྗོད། བསྲེག་རྫས་རྫོགས་པའི་མཐར། ཚེ་འདས་ཧཱུྃ་གི་ས་བོན་ལས་སྐྱེས་པའི་གཙོ་བོའི་སྐུ་རྡོ་རྗེ་ལྟ་བུར་གྱུར། པར་བསམ་ལ། ཨོཾ་བཛྲ་རཀྵ་ཧཾ་གིས་བསྲུང་བ་བྱ། ལྷ་རྣམས་ཀྱི་འོད་ཟེར་གྱིས་དབང་བསྐུར་བར་གྱུར་ཅེས་བསམ། ལམ་སྦྱང་བསྟན་གོང་དུ་མ་བྱས་ན་འདིར་བྱ་བ་ཡིན་ནོ། །འཇིག་རྟེན་ཁམས་ནི་སོགས་མཆོད་པ་དང་། རྒྱལ་བ་ཟླ་བ་སོགས་བསྟོད་པ། བཅོམ་ལྡན་ཆོ་གའི་སོགས་བཟོད་གསོལ་རྣམས་དཀྱིལ་ཆོག་ལྟར་བྱས་པའི་རྗེས་སུ། ན་མོ་བྷ་ག་བ་ཏེ་ཨཀྵོ་བྷྱེ་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ། །ཨོཾ་མངྒ་ལ་ཤྲཱི་བཏྶ་ཨརྒྷཾ་སོགས་འགྲེས་ཏེ་བཀྲ་ཤིས་ལྷ་ ― LT34_Page_0495 ―
[མ་དཔེ་གཟིགས་ན་འདིར་གནོན།]
མོ་བརྒྱད་བཅས་ལ་རྩ་བའི་མཆོད་ཡོན་ཕྱག་རྒྱ་བཅས་གང་གི་སྤྱན་འདྲེན་སྐབས་ལྟར་འབུལ། མེ་ནང་དུ་བཞུགས་པའི་དཀྱིལ་འཁོར་གྱི་ལྷ་ཚོགས་རྣམས་སླར་ཕྱིར་བྱོན་ནས་དཀྱིལ་འཁོར་ཆེན་པོའི་གནས་སུ་རང་གི་གདན་ལ་བཞུགས་པར་གྱུར། །ཞེས་བརྗོད་དེ་མེ་ཏོག་ཅུང་ཟད་དཀྱིལ་འཁོར་ལ་གཏོར་བ་ནི་སྐབས་འདིར་དཀྱིལ་འཁོར་དང་འབྲེལ་བའི་དབང་དུ་བྱས་པའོ། །དེ་ནས། མེ་ལྷ་མེའི་དབུས་སུ་བཞུགས་པར་གསལ་བཏབ་ལ་ཡམས་ཤིང་སོགས་བསྲེག་རྫས་ལྷག་མ་ཐམས་ཅད་གོང་སྨོས་ཨོཾ་ཏིཥྛ་ཧ་རི་སིངྒ་ལ་ལོ་ཧི་ཏ་ཨཀྵ་དེ་ཧི་ད་དཱ་བ་ཡ་ཧཱུྃ་ཕཊ་ཕཊ། སརྦ་པཱ་པཾ་ཤཱིནྟཾ་ཀུ་རུ་ཡེ་སྭཱ་ཧཱ། ཞེས་པས་གྲངས་ཇི་ཙམ་འོས་པ་ཕུལ་ཏེ་ཚར་གསུམ་རེ་ཙམ་བྱས་ན་འཐུས། སྔགས་དེའི་སྭཱ་ཧཱའི་གོང་དུ་ཨརྒྷཾ་སོགས་སྦྱར་བས་མཆོད་ཡོན་ཉེར་སྤྱོད་རྣམས་དང་གཏོར་མ་དགངས་བླུགས་སུ་བཟུང་སྟེ་སྔགས་པ་ལི༚་སྦྱར་བ་ལན་གསུམ་གྱིས་ཕུལ། སླར་ཡང་མེ་ལྷའི་སྔགས་རིང་བས་དགངས་བླུགས་ལན་བདུན་ཀྱི་མཐར། ཚངས་དབང་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་པོ་ཡོངས་སུ་བསྐྱབ་པའི་ཕྱིར། །ཐུགས་རྗེ་སྤྲུལ་པའི་སྐུ་སྤྲུལ་བ། །རིག་སྔགས་གྲུབ་པའི་དྲང་སྲོང་ཚུལ། །ཉོན་མོངས་སྲེག་པའི་ཤེས་རབ་འོད། །བསྐལ་པའི་མེ་ལྟར་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱིས་སྤྲུལ་པའི་ཐེག་པ་ཆིབས། །རིག་སྔགས་གསུང་ ― LT34_Page_0496 ―
[མ་དཔེ་གཟིགས་ན་འདིར་གནོན།]
གི་བགྲང་ཕྲེང་འཛིན། །བདུད་རྩིའི་བཅུད་ལྡན་གྷུནྡྷེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་པའི་སྐྱོན་བྲལ་ཚངས་པར་སྤྱོད། །འཇིག་རྟེན་གནས་ཀྱང་མྱ་ངན་འདས། །ཞི་བ་བརྙེས་ཀྱང་ཐུགས་རྗེ་ཆེ། །དེ་ལ་བསྟོད་དེ་ཕྱག་ཀྱང་འཚལ། །ཞེས་བརྗོད། སྤྱན་འདྲེན་པའི་ཕྱག་རྒྱ་ལས་མཐེ་བོང་ཕྱིར་བསྐྱེད་ནས། ཨོཾ་ཨཱགྣ་ཡེ་སོགས་སྔགས་ཐུང་བའི་མཐར། གཙྪ་གཙྪ་ཞེས་བརྗོད་པས་གཤེགས་སུ་གསོལ། བཞུད་ཅིག་ཅེས་ནི་བདག་པོའི་བཀའ། །བཟློས་པས་རབ་ཏུ་བསྒྲགས་ནས་བཞུད། །སྤྱན་ཡང་དྲངས་མ་ཐག་ཏུ་ནི། །གསང་སྔགས་དགྱེས་ནས་འབྱོན་པར་མཛོད། །ཅེས་པའང་སྤྲོ་ན་བརྗོད། མཐར་མངོན་དགའི་ཞིང་ན་སོགས་སྨོན་ལམ་དང་། སྟོན་མཆོག་དམ་པ་སོགས་ཤིས་བརྗོད་རྒྱས་པར་བྱ། རྗེས་ཇི་ལྟར་བྱ་བ་ནི། མེ་མ་ཤི་བར་དུ་གཞན་གྱིས་མི་རེག་ཅིང་མི་དཀྲུག །ལོངས་མེད་ན་འོ་མའི་ཆུས་གཞིལ་ནས་དུས་པ་བཏུ་བ་དང་རུས་ཆོག་དང་སཱཙྪ་ཇི་ལྟར་གདབ་པའི་རིམ་པ་སོགས་རྗེ་བླ་མའི་ལེགས་བཤད་ཀྱི་གཞུང་ནས་འབྱུང་བ་ལྟར་བགྱིད་ཅིང་། ཐབ་ཀྱི་ཉེ་འཁོར་ཡང་དྲི་ཞིམ་པོའི་ཆུས་བྱུགས་ཏེ་ལས་ཀྱི་རྗེས་མི་མངོན་པར་བྱའོ། །དེ་དག་གིས་ནི་ཕལ་པའི་རོ་མཆོད་རྫས་ཀྱི་ཚུལ་དུ་སྦྱོང་པའི་ལག་ལེན་སྙིང་པོར་དྲིལ་བ་སྨོས་ཟིན་ལ། གང་ཟག་མཆོག་གི་སྤུར་སྦྱོང་བའི་རིམ་པའང་ཁོ་བོའི་བླ་མའི་ལེགས་བཤད་དག་ལས་རྟོགས་པར་བྱ་ཡི་འདིར་མ་བྲིས་སོ། །འདི་རྒྱུད་རྒྱ་གཞུང་གི་ཁུངས་དང་འབྲེལ་ཞིང་། མན་ ― LT34_Page_0497 ―
[མ་དཔེ་གཟིགས་ན་འདིར་གནོན།]
ངག་ཕྱག་ལེན་གྱི་ངེས་པ་ཅན་ལུང་དང་རིགས་པས་དཔྱད་བཟོད་པ་བདག་གི་བླ་མའི་ལེགས་བཤད་ཀྱི་སྙིང་པོ་དྲིལ་ནས་བཀླག་ཆོག་ཏུ་བགྱིས་མོད། ད་དུང་ཕྲ་ཞིབ་ཀྱི་དགོངས་པ་བདག་ལྟ་བུས་དཔྱིས་ཕྱིན་པ་མ་རྙེད་པ་ཡོད་མཆི་བས་དཔྱོད་ལྡན་རྣམས་ཀྱིས་རྗེ་བླ་མའི་གསུང་དང་རྒྱུད་རྒྱ་གཞུང་ལ་རིག་པ་བཅུག་སྟེ་བླ་མེད་སོགས་དང་རྙིང་མའི་རྒྱས་འགེབས་སོགས་འདྲ་འདྲེས་རང་རྟོག་གིས་མ་བསླད་པ་བྱ་སྤྱོད་རང་རྐང་ཚུགས་པའི་ཕྱག་བཞེས་གཙང་དག་གནང་བ་གལ་ཆེ་ཞིང་། ཕྱིན་ཆད་རང་ལུགས་མི་འཁྲུགས་པའི་སྒོ་ནས་རོ་བསྲེག་གི་ཆོ་ག་ལག་ལེན་དུ་བསྟར་བ་ཡོད་ན་འདི་ཁོ་ན་ལྟར་མཛད་ན་དོན་དང་མཐུན་པར་འགྱུར་བས་དམན་པ་ཁོ་བོ་ལྟ་བུའི་འབྲི་བ་པོ་ལ་མི་བསམ་པར་ཆོས་ལ་བརྟོན་པའི་བཀའ་དྲིན་ཞུ། སྨྲས་བ། སྐྱེ་རྒ་ན་འཆིའི་རྦ་རླབས་དྲག་འཁྲུགས་ཤིང་། །ལས་ཉོན་མཐའ་དང་གཏིང་མེད་རྒྱ་མཚོ་ལ། །ཡང་ཡང་གཡེང་བའི་འགྲོ་རྣམས་ཡར་བ་རུ། །མི་འདོར་ཐུགས་རྗེས་བཟུང་མཛད་རྒྱལ་རྣམས་དང་། །རྒྱལ་སྲས་རྣམས་ཀྱི་ཚད་མེད་སྙིང་རྗེ་དང་། །གཉིས་སུ་མེད་བློ་བྱང་ཆུབ་སེམས་ཀྱི་མཐུས། །ཕན་མཛད་ཕྲིན་ལས་ཕྱོགས་དུས་མུ་མཐའ་རུ། །མཁའ་ལྟར་བརྡལ་བའི་ཚུལ་ལ་བསངས་ཀྱིན་དད། །མགོན་པོ་མི་འཁྲུགས་པ་ཡི་ཆོ་ག་ལ། །བརྟེན་ནས་ལྔ་པའི་ལམ་དུ་དུབ་པ་ཡི། །འགྲོ་བའི་གདུང་བ་བསིལ་བའི་ཟླ་འོད་ཟེར། །རྣམ་པ་དུ་མར་འཕྲོས་པའི་ཆ་ཤས་ནི། །ལས་ཉོན་དང་བཅས་ཕུང་པོ་བསྲེག་སྦྱོང་ཉིད། །ཚུལ་འདི་ཁུངས་ཐུབ་ལགས་བཤད་ལྟར་བསྡེབས་ཏེ། །བཀླག་ཆོག་རྣམ་གསལ་གཞན་ཕན་ཁོ་ནའི་བློས། །བགྱིས་ལས་མཁས་ཁྱད་གྲགས་འདོད་རང་བཟོ་མེད། །དེ་ཡི་ ― LT34_Page_0498 ―
[མ་དཔེ་གཟིགས་ན་འདིར་གནོན།]
དགེ་བས་འདི་ལ་འབྲེལ་ཐོགས་གཙོས། །རང་གཞན་ཕ་མར་གྱུར་པའི་སྐྱེ་རྒུ་རྣམས། །ལས་ཉོན་སྒྲིབ་པའི་བུད་ཤིང་ཡེ་ཤེས་མེས། །བསྲེག་སྟེ་མི་འཁྲུགས་གོ་འཕང་མྱུར་ཐོབ་ཤོག །ཅེས་པའང་རང་གཞན་ལ་མཁོ་གལ་ཆེ་ཡང་༧རྗེ་བླ་མ་རིན་པོ་ཆེའི་ལེགས་བཤད་ཀྱི་དགོངས་དོན་ལག་ལེན་དུ་དྲིལ་མི་ཤེས་པ་རྣམས་ལ་ཕན་པའི་ཕྱིར་དུ་འདི་ལྟར་བྲིས་ཤིག་ཅེས་བསླབ་ལྡན་བླ་མ་ཀརྨ་བསོད་ནམས་ཚེ་བརྟན་ནས་བྲི་གཞིའི་རྐྱེན་བཅས་ཆེད་དུ་བསྐུལ་ངོར། ཛམ་གླིང་ཆོས་ཀྱི་ཤིང་རྟ་རྒྱལ་བས་ལུང་བསྟན་འཇམ་མགོན་བླ་མ་བློ་གྲོས་མཐའ་ཡས་ཀྱི་ཞབས་རྡུལ་དྲི་མ་མེད་པ་གཙུག་ཏུ་ཐོབ་པའི་བཀའ་འབངས་ཀྱི་ཐ་ཤལ་རིག་སྔགས་འཆང་བའི་གཟུགས་བརྙན་ཀརྨ་བཀྲ་ཤིས་ཆོས་འཕེལ་བཟང་པོས་ཐུབ་བསྟན་ཆོས་འཁོར་གླིང་མཁས་མང་འདུས་པའི་གྲྭ་ཟུར་ནས་བྲིས་པ་འགལ་འཁྲུལ་ནོངས་པ་བླ་མ་དང་བཅོམ་ལྡན་འདས་མི་འཁྲུགས་པའི་སྤྱན་སྔར་བཤགས་ཤིང་། དགེ་བས་འབྲེལ་བཅས་འགྲོ་རྣམས་མངོན་དགའི་ཞིང་དུ་སྐྱེ་བའི་རྒྱུར་གྱུར་ཅིག །དགེ་ལེགས་འཕེལ།། །། དཔལ་ཀུན་རིག་གི་ཆོ་ག་རྣམ་གྲོལ་སྒོ་ཆེན་གྱི་བསྙེན་སྒྲུབ་ལས་ཀྱི་རིམ་པ་གསལ་བར་བྱེད་པ་རྣམ་གྲོལ་ཤིང་རྟ།― LT34_Page_0499 ―
[མ་དཔེ་གཟིགས་ན་འདིར་གནོན།]
དཔལ་ཀུན་རིག་གི་ཆོ་ག་རྣམ་གྲོལ་སྒོ་ཆེན་གྱི་བསྙེན་སྒྲུབ་ལས་ཀྱི་རིམ་པ་གསལ་བར་བྱེད་པ་རྣམ་གྲོལ་ཤིང་རྟ་ཞེས་བྱ་བ་བཞུགས་སོ། ། ― LT34_Page_0500 ―
[མ་དཔེ་གཟིགས་ན་འདིར་གནོན།]
ན་མཿསརྦ་བིཏྤུ་ར་བེ། །ཐུགས་རྗེའི་གཟི་བརྗིད་ཉི་མའི་སྟོབས་འབར་བས། །ངན་འགྲོའི་མུན་ཁང་རྩད་ནས་བཅོམ་པ་དང་། །ལྷན་ཅིག་རྣམ་གྲོལ་དགང་ཚལ་རྒྱས་མཛད་པ། །རྣམ་སྣང་ཐམས་ཅད་རིག་པའི་ཞབས་ལ་འདུད། །སྟོན་པ་ཐུགས་རྗེ་ཅན་གྱིས་ལེགས་གསུངས་ཤིང་། །འཕགས་བོད་མཁས་གྲུབ་དུ་མས་བཀྲལ་བའི་གཞུང་། །ངན་སོང་ཡོངས་སུ་སྦྱོང་བའི་ཆོ་ག་ཡི། །དམིགས་རིམ་ལག་ལེན་ཡང་སྙིང་བཅུད་དྲིལ་དགོད། །རྒྱལ་བ་ཐམས་ཅད་མཁྱེན་པས་གསུངས་པའི་ཆོས་ཐམས་ཅད་ཀྱི་ཡང་སྙིང་དུས་གསུམ་དུ་འབྱོན་པར་དཀའ་བ་གསང་སྔགས་རྡོ་རྗེ་ཐེག་པ་ལ་རྒྱུད་སྡེ་རྣམ་པ་བཞིར་བཞུགས་པ་ལས། འདིར་ངོ་བོ་སྤྱོད་བའི་རྒྱུད་དང་དེའང་རྣལ་འབྱོར་རྒྱུད་དང་ཆ་མཐུན་ཅིང་རྒྱུད་སྡེ་གོང་འོག་མཚམས་སྦྱོར་བ་པོའི་རྒྱུད་དུ་བཞེད་པ་ངན་སོང་སྦྱོང་རྒྱུད་བརྟག་པ་གཉིས་པའི་དང་པོ་ལས་བསྟན་པ་ཀུན་རིག་རྩ་བའི་དཀྱིལ་འཁོར་འདི་ལ་བོད་ཡུལ་དུ་ལོ་ཆེན་རིན་ཆེན་བཟང་པོ་ནས་ཡོ་ག་སྟོད་ལུགས་སྨད་ལུགས་ ― LT34_Page_0501 ―
[མ་དཔེ་གཟིགས་ན་འདིར་གནོན།]
གཉིས་སུ་གྲགས་པ་དང་། ཇོ་བོ་དཱི་པཾ་ཀ་རའི་བཀའ་སྲོལ་གསུམ་དུ་གྲགས་ཆེ་བ་ལས་འདི་ནི་སྟོད་ལུགས་ཡིན་ཅིང་ཇོ་བོ་རྗེའི་བཀའ་སྲོལ་གྱི་ཆུ་བོ་གཅིག་འདྲེས་སུ་གྱུར་པ་ཡིན། དེ་ལའང་རྒྱུད་ཀྱི་དངོས་བསྟན་སྤྱོད་རྒྱུད་ཀྱི་ལུགས་ལྟར་གཙོ་རྐྱང་ལ་བརྟེན་པ་དང་། རྣལ་འབྱོར་རྒྱུད་ཀྱི་ལུགས་ལྟར་དཀྱིལ་འཁོར་ཡོངས་རྫོགས་ལ་བརྟེན་ནས་བསྙེན་པའི་ལུགས་གཉིས་སུ་བྱུང་བ་ལས། འདིར་རྒྱལ་བས་ལུང་བསྟན་པ་ཡོ་གའི་ཤིང་རྟ་པ་ཆེན་པོ་སློབ་དཔོན་ཀུན་དགའ་སྙིང་པོའི་འགྲེལ་པ་དང་སྒྲུབ་ཐབས་ཀྱི་དགོངས་པ་གཞིར་བཞག་པ་དཀྱིལ་འཁོར་ཡོངས་རྫོགས་ལ་བརྟེན་ནས་བསྙེན་པའི་ལུགས་ཡིན་ནོ། །དེའང་རྒྱུད་འདི་ཉིད་གཤིན་པོའི་དོན་དུ་གཙོ་བོར་གསུངས་ཤིང་དེའི་ཆོ་ག་བྱེད་པ་ལ་ཐོག་མར་བསྙེན་པས་ལས་སུ་རུང་བར་བྱ་དགོས་པས་དང་པོ་བསྙེན་པ། དེ་ནས་དཀྱིལ་འཁོར་གྱི་ལས་རིམ། སྦྱིན་སྲེག་དང་ངན་སོང་སྤྱོད་པའི་བྱ་བའི་རིམ་པ་གསུམ་དུ་འབྱུང་བ་ཡིན་ནོ། །དེ་ལ་དང་པོ་བསྙེན་པའི་གནས་དབེན་ཅིང་ཉམས་དགའ་ལ་བླ་མ་གོང་མས་ ― LT34_Page_0502 ―
[མ་དཔེ་གཟིགས་ན་འདིར་གནོན།]
བྱིན་གྱིས་བརླབས་པ། གང་ཟག་འདི་ཉིད་ཀྱི་དབང་བསྐུར་ཚད་ལྡན་ཐོབ་ཅིང་དམ་ཚིག་དང་སྡོམ་པ་མ་ཉམས་པ། དུས་རབ་བཞིའི་ཡར་ངོ་སོགས་གཟའ་ཚེས་བཟང་པོ་ལ་དབུ་འཛུག །སྔ་རོལ་དུ་བར་ཆད་མི་འབྱུང་ཞིང་དངོས་གྲུབ་འགྲུབ་པའི་འདུན་སྨོན་བཅས་ཚོགས་གསོག་མཆོད་སྦྱིན་ཅི་འགྲུབ་དང་། སཱཙྪ་འདེབས་པ། ཆུ་གཏོར་བཏང་བ་སོགས་གྲུབ་ན་ལེགས། བསྙེན་པ་དངོས་ཀྱི་གསལ་བྱེད་དུ་ལག་ལེན་འདོན་འགྲིགས་དང་། དམིགས་རིམ་གོ་དོན་བཤད་པ་གཉིས་ལས་དང་པོ་ལག་ལེན་ནི། གནས་ཁང་བྱི་དོར་གཙང་སྦྲ་བྱས་ལ་སྐུ་གསུང་ཐུགས་རྟེན་དང་མཆོད་རྫས་ཡོ་བྱད་ཅི་འབྱོར་བཀྲམ། ཆུ་གཉིས་ཉེར་སྤྱོད་བདག་བསྐྱེད་མཆོད་པ་ཡིན་པས་རང་གི་མདུན་དུ་བཤམ་དགོས་པ་ཡིན་ཀྱང་རྒྱུན་རིང་ལ་སྟབས་མི་བདེ་བས་མདུན་ཕྱོགས་སྟེགས་བུ་ཁེབས་ལྡན་སྟེང་དུ་དགོད། ལས་བུམ་དང་ཆ་གསུམ་གཏོར་མའང་བཤམ། ཐོག་མར་ཐུབ་བསྟོད་གང་རུང་དང་བརྒྱུད་པའི་གསོལ་འདེབས་ཀྱང་གྲུབ་ན་འདོན། ལས་བུམ་དུ་རྡོ་རྗེ་གནོད་སྦྱིན་བསྐྱེད་ལ་དེའི་སྙིང་པོ་སྟོང་ཕྲག་ཙམ་བཟླས་ཏེ་ཕྲིན་ལས་བཅོལ། གཏོར་མ་ཆ་གསུམ་བཏང་ལ་སུམྦྷ་ནི་དང་གུ་གུལ་དུད་པ་ཡུངས་ཐུན་སོགས་ཀྱིས་མཚམས་བཅད། དེ་ཕྱིན་ཆད་མི་དང་གདོང་མི་སྤྲད་པ་སོགས་མཚམས་ཀྱི་སྤང་བླང་སྤྱི་ལྟར་བྱ། གནས་ཁང་གདན་གོས་ཡོ་བྱད་ཐམས་ཅད་ལ་སྤོས་དཀར་གྱི་དུ་བས་བདུག །ལས་བུམ་གྱི་ཆུ་འཐོར་ལ་རྡོ་རྗེ་གནོད་སྦྱིན་གྱི་སྔགས་ ― LT34_Page_0503 ―
[མ་དཔེ་གཟིགས་ན་འདིར་གནོན།]
བརྗོད། དེ་ནས་གདན་ལ་འདུག་བའི་སྔགས་རྒྱ་བཅས་མཆོད་རྫས་བྱིན་བརླབ། སྐྱབས་སེམས་ནས་བཟུང་སྔོན་འགྲོ་རྣམས་དང་། དང་པོའི་སྦྱོར་བ། དཀྱིལ་འཁོར་རྒྱལ་མཆོག །ལས་རྒྱལ་མཆོག་གི་བར་ཚང་བར་བཏང་། ལུགས་འདི་རྣལ་འབྱོར་རྒྱུད་དང་བསྟུན་པ་ཡིན་པས་རྒྱ་བཞིའི་རྒྱས་འདེབས་ཆད་དུ་མི་རུང་ཞིང་ཕྲིན་ལས་བཅོལ་བ་ཡན་ཆད་ཚང་བར་བྱས་ནས་བསྙེན་པ་ལ་འཇུག །བསྙེན་ཐུན་དང་པོ་གྲུབ་མཚམས་འཁོར་སྔགས་རྣམས་ཚར་རེ་བཟླ་བ་དང་འདོད་གསོལ་ལྟར་བྱས་ཀྱང་ཆོག །སྔགས་མཆོད་དང་། རྣམ་པར་སྣང་མཛད་རིགས་བཞི་སོགས་ཤློ་ཀ་གཅིག་གིས་བསྟོད། ཡིག་བརྒྱ་ལན་གསུམ། མ་འབྱོར་པ་དང་སོགས་ཀྱིས་ནོངས་པ་བཤགས། དགེ་བ་འདི་ཡིས་སོགས་བསྔོ་བ་ཅི་འགྲུབ་བྱས་ཏེ་གཙོ་བོ་ལས་རང་ཉིད་རྡོ་རྗེ་སེམས་དཔའི་རྣམ་པས་ལོགས་སུ་ཕྱེ་སྟེ་ཤར་སྒོ་ནས་ཕྱིར་ཐོན་པར་བསམ་ཞིང་སྤྱོད་ལམ་ལ་འཇུག །སླར་ཐུན་གཉིས་པ་ལ་བབས་པའི་ཚེ་ལས་བུམ་གྱི་ཆུས་ཉེ་རེག་བྱ་ཞིང་ཁ་བཤལ། གཙོ་བོའི་དམ་རྒྱ་བཅིང་། ཨོཾ་བཛྲ་ས་མ་ཡ་ཧཱུྃ། ཞེས་པ་ཙམ་མམ། ཨོཾ་བཛྲ་དྷ་ར་སོགས་བརྗོད་ཀྱང་ཆོག །རང་རྡོར་སེམས་དེ་ཉིད་གཙོ་བོའི་ཐུགས་ཀར་ཞུགས་ནས་དཔེར་མེད་དུ་གྱུར་པའི་ང་རྒྱལ་བཟུང་ལ་དམ་རྒྱ་སྙིང་ག་དཔྲལ་པ་ལྐོག་མ་སྤྱི་བོ་རྣམས་སུ་རེག་ཏེ་བྱིན་བརླབ། དམིགས་པ་གསལ་ན་མཆོད་བསྟོད་མདོར་བསྡུས་བྱས་ལ་བསྙེན་བཟླས་ ― LT34_Page_0504 ―
[མ་དཔེ་གཟིགས་ན་འདིར་གནོན།]
བྱས་པས་ཆོག །དམིགས་པ་མི་གསལ་ན་མངོན་རྟོགས་ཚར་གཅིག་བཏོན་པས་གསལ་གདབ། ཡན་ལག་གཞན་མི་དགོས་མཆོད་བསྟོད་དང་བཟླས་པ་ལ་འཇུག །དེ་ལྟ་བུ་ཐུན་བཞིའམ་གསུམ་གཅོད་པ་གང་བདེ་ཡིན་ལ་ཐུན་སྔ་མ་གྲོལ་ཅིང་ཕྱི་མ་ལ་འཇུག་ཚུལ་རྣམས་ཀྱང་གོང་སྨོས་དང་ཁྱད་མེད། དགོངས་ཐུན་གྱི་རྗེས་སུ་བསྡུ་དགོས་པས་སྒྲུབ་དཀྱིལ་གཤམ་དུ་འབྱུང་བ་ལྟར་མཆོད་བསྟོད་བྱ། རྡོ་རྗེ་རིན་ཆེན་གྱི་དམ་རྒྱ་སྙིང་ག་ནས་དཔྲལ་བར་དཀྲོལ་ལ། ཨོཾ་བཛྲ་རཏྣ་ཨ་བྷི་ཥིཉྩ་མཾ། ཞེས་ལྷ་རྣམས་ལ་དབང་བསྐུར། རྒྱ་དེ་གཉིས་སུ་བྱས། མཐེ་བོང་དང་མཛུབ་མོ་གཉིས་རྩེ་སྦྱར་བས་དར་དཔྱངས་སྐབས་བཞིན་གོ་བགོ་སྟེ། སརྦ་མུ་དྲང་ཡེ་ཏྲ་དྷི་ཀུ་རུ་ཝ་རཀ། ཀ་ཝ་ཙ་ན་བཾ། ཞེས་པའི་མཐར་ཐལ་མོའི་རྟིང་པ་བརྡབ། བཛྲ་ཏུཥྱ་ཧོཿ ཞེས་མཉེས་བར་བསམ། དཀོན་མཆོག་རིན་ཆེན་སོགས་བསྔོ་སྨོན། དམ་རྒྱ་བཀྲོལ་ཞིང་སོ་སོའི་སྔགས་མཐར་བཛྲ་མུཿབཏགས་པས་ཡེ་ཤེས་པ་མདུན་མཁར་དབྱེ། ཡིག་བརྒྱ་དང་། མ་འབྱོར་བ་དང་སོགས་ཀྱིས་ལྷག་ཆད་བསྐང་། ཨོཾ་ཁྱེད་ཀྱིས་སེམས་ཅན་སོགས་ཀྱིས་ཡེ་ཤེས་པ་རྣམས་རང་བཞིན་གྱི་གནས་སུ་གཤེགས། འཁོར་གྱི་དམ་ཚིག་པ་རྣམས་རང་ལ་ཞུགས་པར་མོས། རྡོ་རྗེ་སྲུང་བའི་དམ་རྒྱ་དཔྲལ་བར་བཞག་ལ། ཨོཾ་བཛྲ་རཀྵ་རཾ། གནོད་སྦྱིན་གྱི་དམ་རྒྱ་ཁ་ལ་བཞག་ནས། ཨོཾ་བཛྲ་ཡཀྵ་ཧཱུྃ། ཁུ་ཚུར་གྱི་དམ་རྒྱ་དཀུ་གཉིས་ལ་བཞག་སྟེ། ཨོཾ་བཛྲ་སནྡྷི་བྃ། ― LT34_Page_0505 ―
[མ་དཔེ་གཟིགས་ན་འདིར་གནོན།]
རྡོ་རྗེ་ལས་ཀྱི་དམ་རྒྱ་སྤྱི་བོར་བཞག་ནས། ཨོཾ་བཛྲ་ཀརྨ་ཀྃ། ཞེས་བརྗོད་པས་བསྲུང་བཞིར་ལས་ཀྱི་སེམས་དཔའི་ང་རྒྱལ་གྱིས་ཉལ་བའི་སྤྱོད་ལམ་ལ་འཇུག་གོ། །བསྡུ་རིམ་འདི་རྒྱ་འགྲེལ་གྱི་དགོངས་པ་རྒྱས་པ་ཡིན་ལ་བསྡུ་ན་ཐུན་བཞི་བའི་མཐར་སྒྲུབ་དཀྱིལ་དཀྱུས་བཞིན་བྱས་ལ། བཛྲ་སཏྭ་ཀྲོ་དྷ་སོགས་ཚར་གསུམ་བརྗོད་པས་སྒོ་གསུམ་བསྲུང་བས་ཀྱང་འཐུས་པ་ཡིན་ནོ། །བསྙེན་པའི་གྲངས་ཚད་ནི། རབ་མཚན་མའི་བསྙེན་པ་སྟེ་ལྷའི་ཞལ་མཐོང་བའམ་དངོས་གྲུབ་འགྲུབ་པར་ལུང་བསྟན་པ་སོགས་དང་། རྒྱུད་ཀྱི་བྲིས་སྐུའི་ཆོ་གའི་སྐབས་སུ། །བཞད་པ་དང་ནི་རྔ་སྒྲ་དང་། །དྲིལ་བུའི་སྒྲ་དང་འབྲུག་དེ་བཞིན། །དགེ་སློང་བྲམ་ཟེ་བུ་མོ་དང་། །འབྲས་བུ་མཐོང་ན་མྱུར་དུ་ནི། །མཆོག་དང་བར་དང་ཐ་མ་འགྲུབ། ཅེས་གསུངས་པ་དང་། གཞན་ཡང་སྡིག་སྒྲིབ་དག་པའི་རྟགས་སོགས་རབ་དངོས། འབྲིང་ཉམས། ཐ་མ་རྨི་ལམ་དུ་མཐོང་བའི་བར་རོ། །འབྲིང་དུས་ཀྱི་བསྙེན་པ་ནི། སྦྱོང་རྒྱུད་ལས། །ཟླ་བ་གཅིག་གམ་ཡང་ན་དྲུག །དེ་བཞིན་ལོ་ཡི་བར་དག་ཏུ། ཞེས་གསུངས་པས། རབ་ལོ་གཅིག །འབྲིང་ཟླ་བ་དྲུག །ཐ་མ་ཟླ་བ་གཅིག་གོ། །ཐ་མ་གྲངས་ཀྱི་བསྙེན་པ་ལའང་། རྒྱུད་ལས། །འབུམ་ཕྲག་གསུམ་མམ་ཡང་ན་དྲུག །ཇི་སྲིད་མཚན་མ་མཐོང་བར་དུ། །སྔགས་ནི་འཁྲུལ་པ་མེད་པར་བཟླ། ཞེས་གསུངས་པས་རབ་གྲངས་མེད། ― LT34_Page_0506 ―
[མ་དཔེ་གཟིགས་ན་འདིར་གནོན།]
འབྲིང་འབུམ་ཕྲག་དྲུག །ཐ་མ་འབུམ་ཕྲག་གསུམ་བཟླ་དགོས། དེའང་རང་དོན་དཀྱིལ་འཁོར་སྒྲུབ་མཆོད། གཞན་དོན་དབང་བསྐུར་གཤིན་ཆོག་རབ་གནས་སོགས་གང་ལའང་བསྙེན་པ་སྔོན་དུ་མ་སོང་བར་བྱར་མི་རུང་ཞིང་དེ་དག་བྱ་བའི་ལས་རུང་ལ་ནི་གྲངས་བསྙེན་ཙམ་གྱིས་ཆོག་པ་ཡིན་ནོ། །བྱ་སྤྱོད་གཉིས་ལ་ཁྲུས་དང་གཙང་སྦྲ་སོགས་ཕྱིའི་ཀུན་སྤྱོད་དག་པ་གཙོ་བོར་བྱ་དགོས་ལ། རྣལ་འབྱོར་རྒྱུད་ནང་གི་ཏིང་ངེ་འཛིན་གཙོ་ཆེ་ཡང་གཙང་སྦྲའི་ཀུན་སྤྱོད་གྲོགས་སུ་བསྟེན་པར་བྱ་དགོས་པས་བསྙེན་སྒྲུབ་ཀྱི་སྐབས་སུ་ཐོག་མར་ཁྲུས་བྱ་དགོས་ཤིང་དེ་ལ་རྣམ་གྲངས་བཞིར་བཤད་ཀྱང་སྐབས་སུ་བབས་པ་ཕྱིའི་ཁྲུས་རྡོ་རྗེ་གནོད་སྦྱིན་གྱི་སྔགས་རྒྱས་བྱིན་གྱིས་བརླབས་པའི་ཁྲུས་ཆུས་ཡན་ལག་ལྔ་ཁྲུས་དང་ཁ་བཤལ། ཤ་ཆང་སྒོག་གཙང་སོགས་ཁ་ན་མ་ཐོ་བའི་བཟའ་བཏུང་སྤངས་ལ་ཁ་ཟས་དཀར་གསུམ་བསྟེན། བསྙེན་པ་བཟླ་བའི་སྐབས་སུ་མ་ཡེངས་བའི་ཏིང་ངེ་འཛིན་རྩེ་གཅིག་པའི་ངང་གཞན་དང་གཏམ་ལབ་མི་བྱ། བཟླས་པའི་སྒྲ་ཧ་ཅང་ཆེ་བ་མ་ཡིན། ཆུང་བ་ཡིད་བཟླས་ལྟ་བུས་ཀྱང་ངག་བཟླས་ཀྱི་གོ་མི་ཆོད། ཧ་ཅང་བུལ་བ་དང་ཧ་ཅང་མྱུར་ནས་སྒྲ་འདྲེས་པ་མ་ཡིན་པར་གཙང་དག་སི་ལི་ལི་ཤུབ་བུར་བཟླ། ངག་ཤོར་བ་དང་གཉིད་འཐིབས་པ། ཡེངས་ནས་སྔགས་གཞན་བཟླ་བ། གླལ་བ་སྤྲིད་པ་འོག་རླུང་ཤོར་བ་བྱུང་ན་དེ་མ་ཐག་བུམ་ཆུས་ཁ་བཤལ། ― LT34_Page_0507 ―
[མ་དཔེ་གཟིགས་ན་འདིར་གནོན།]
དབྱངས་གསལ་ཡིག་བརྒྱ་ཚར་རེ་བཟླ་ཞིང་མདོ་འཛིན་ནས་ཕྲེང་རྡོག་ཇི་ཙམ་སོང་བ་དེ་གྲངས་ལ་མི་བརྩི་བར་སླར་མདོ་འཛིན་ནས་བསྐྱར་ཏེ་བགྲང་། བཟའ་བཏུང་དང་གཤང་གཅི་འདོར་བ་རྣམས་ཀྱང་བསྙེན་ཐུན་མ་གྲོལ་བར་མི་རུང་བས་གལ་ཏེ་མི་འདོར་ཀ་མེད་བྱུང་ན་ཐུན་གྲོལ་ནས་སྤྱོད་ལམ་བྱས་ཏེ་སླར་ཐུན་ལ་འཇུག་དགོས་སོ། །གཉིས་པ་ལ། ཆོ་གའི་གོ་དོན་ཤེས་པ་ཤིན་ཏུ་གལ་ཆེ་ཡང་རེ་རེ་ནས་བཀྲོལ་ན་ཚིག་ཚོགས་མང་བར་འགྱུར་བས་གཞན་དུ་ཤེས་དགོས་ལ་འདིར་དམིགས་རིམ་མདོར་བསྡུས་ཏེ་བཤད་ན། །དང་པོ་རྒྱུད་ལས། །དེ་ནས་ཁྲུས་སོགས་རབ་བྱས་ལ། །དྲི་དང་རྒྱན་མཆོག་ཕྲེང་བ་ཅན། །དྲི་ཞིམ་ལ་བཀང་མཆོག་མཛེས་པས། །རྡོ་རྗེ་འཛིན་མས་ཞུགས་ནས་ཀྱང་། །མེ་ཏོག་ཐོགས་ཏེ་སྒོ་ཕྱོགས་འདུག །ཅེས་གསུངས་པའི་དོན་ཕྱིའི་ཁྲུས་ཙམ་སྔོན་དུ་བཏང་ནས་ཞུགས་པ་ལ་གནས་སྐབས་བཞི་ལས་འདིར་སྒྲུབ་ཁང་དུ་འཇུག་པ་ལ་རྡོ་རྗེ་འཛིན་མའི་རྒྱ་བཅིངས་ཏེ། རང་ཉིད་ལས་ཐམས་ཅད་ཀྱི་རྡོ་རྗེ་འཛིན་མ་དཀར་མོ་པད་ཟླའི་གདན་ལ་འཁོད་པར་བསམ་ལ། ས་མ་ཡ་སྟཾྭ། ཞེས་པས་གདན་ལ་འདུག །དེ་ནས་འདི་ཕྱིན་ཆད་བྱིན་རླབས་སོགས་ཐམས་ཅད་ལ་སྔགས་དང་ཕྱག་རྒྱ་ཏིང་ངེ་འཛིན་གསུམ་གསུམ་ཚང་དགོས་ཏེ། ཕྱག་རྒྱ་ནི་སངས་རྒྱས་ཐམས་ཅད་ཀྱི་སྐུའི་བྱིན་གྱིས་རློབ་བྱེད་ཡིན་པས་དེ་མ་ཚང་ན་སྐུའི་བྱིན་རླབས་མི་ ― LT34_Page_0508 ―
[མ་དཔེ་གཟིགས་ན་འདིར་གནོན།]
འཇུག །སྔགས་ནི་སངས་རྒྱས་ཐམས་ཅད་ཀྱི་གསུང་གི་བྱིན་གྱིས་རློབ་བྱེད་ཡིན་པས་དེ་མ་ཚང་ན་གསུང་གི་བྱིན་རླབས་མི་འཇུག །ཏིང་ངེ་འཛིན་ནི་སངས་རྒྱས་ཐམས་ཅད་ཀྱི་ཐུགས་ཀྱི་བྱིན་གྱིས་རློབ་བྱེད་ཡིན་པས་དེ་མ་ཚང་ན་ཐུགས་ཀྱི་བྱིན་རླབས་མི་འཇུག་པས་གསུམ་ཀ་ཚང་དགོས་པས་ཤེས་པར་བྱས་ནས། སྔོན་འགྲོ་གཏོར་མ་རྒྱས་པ་ཕྱོགས་སྐྱོང་བཅུ། འབྱུང་པོ་སྤྱི། བགེགས་རིགས་ལན་ཆགས་ཏེ་ཆ་གསུམ་མམ། བསྡུས་པ་འབྱུང་གཏོར་ཙམ་བཏང་བ་ལ་བྱིན་རླབས་འཆད་པར་འགྱུར་བས་རིགས་བསྒྲེས་ཏེ་གཏོར་མཆོད་ཀྱི་བརྔན་པ་བྱིན་པས་མགུ་ཞིང་ཚིམས་པར་བྱས་ཏེ་སྒྲུབ་པ་མཐར་ཕྱིན་པའི་གྲོགས་བཅོལ་བ་སྟེ་དམིགས་རིམ་གོ་སླའོ། །ཆོ་ག་དངོས་ལ་གསུམ། སྦྱོར་བ། དངོས་གཞི། རྗེས་ཀྱི་བྱ་བའོ། །དང་པོ་སྦྱོར་བ་ལ་རྣམ་གྲངས་དྲུག་ཡོད་པའི་ཐོག་མར་མཆོད་རྫས་བྱིན་རླབས་ལ། བསང་བ། སྦྱོང་བ། བྱིན་གྱིས་བརླབ་པ་དང་གསུམ། དང་པོ་བསང་བ་ལ་གཉིས་ཀྱི་བགེགས་བསང་བ་ནི། རྡོ་རྗེ་གནོད་སྦྱིན་གྱི་རྒྱ་བཅས་ལ་སྔགས་ལན་གསུམ་བརྗོད་པའི་དང་པོས་རང་རྡོ་རྗེ་གནོད་སྦྱིན་དུ་བསྒོམ། གཉིས་པ་དང་གསུམ་པས་རིག་པ་མཆོག་དང་དཔུང་བཟང་གི་རྒྱུད་ལས་གསུངས་པའི་ལོག་འདྲེན་ཆུ་ལྟར་གཡོ་བ་སོགས་མཆོད་རྫས་སོ་སོ་ལ་བར་དུ་གཅོད་པའི་བགེགས་རེ་ཡོད་པ་རྣམས་སྦྲང་བུ་རླུང་གིས་བདས་བ་ལྟར་ལྷ་སྔགས་ཕྱག་རྒྱའི་གཟི་བྱིན་གྱིས་རིང་དུ་བསྐྲད་པར་བསམ། འབག་རྩོག་བསང་བ་ནི། རང་རྡོར་སེམས་སུ་གསལ། རྡོ་རྗེ་མེའི་ཕྱག་རྒྱ་བཅའ་ཞིང་སྔགས་ ― LT34_Page_0509 ―
[མ་དཔེ་གཟིགས་ན་འདིར་གནོན།]
བརྗོད་པས་ཕྱག་རྒྱ་ལས་ཡེ་ཤེས་ཀྱི་མེ་འབར་བས་མཆོད་རྫས་ཀྱི་མ་དག་པ་ཐམས་ཅད་བསྲེགས་ནས་གཟི་བརྗིད་ཕུན་སུམ་ཚོགས་པར་བསྒོམ། །གཉིས་པ་སྦྱོང་བ་ནི། སྭ་བྷཱ་ཝའི་སྔགས་དང་ཕྱག་རྒྱས་ཡུལ་མཆོད་རྫས་དང་། ཡུལ་ཅན་དེར་འཛིན་གྱི་ཤེས་པ་ནམ་མཁའི་དབྱིངས་ལྟར་རང་བཞིན་གྱིས་རྣམ་པར་དག་པའི་སྟོང་པ་ཉིད་དུ་བལྟ། །གསུམ་པ་བསྐྱེད་ཅིང་བྱིན་གྱིས་བརླབ་པ་ནི། སྟོང་ཉིད་དེའི་ངང་ལས་ཨོཾ་ཡིག་དུ་མ་ལས་བྱུང་བའི་མཆོད་རྫས་ཀྱི་སྣོད་རྣམས་རིན་པོ་ཆེ་སྣ་ཚོགས་ལས་གྲུབ་པ་ཤིན་ཏུ་ཡངས་ཤིང་རྒྱ་ཆེ་བ་མང་པོའི་ནང་དུ། བཅུད་ཐམས་ཅད་ལྷའི་ཡོ་བྱད་ལྟ་བུ་ཤིན་ཏུ་དྭངས་ཤིང་ཀུན་ཏུ་ཐོགས་པ་མེད་པར་འཕྲོ་བར་བསྒོམ། དེའང་ཨོཾ་ནམ་མཁའ་མཛོད་ཀྱི་ས་བོན་ཡིན་པས་ནམ་མཁའ་མཛོད་ལས་ཅི་འདོད་ཟད་མེད་དུ་འབྱུང་ནུས་པའི་ཕྱིར་རོ། །མཆོད་ཡོན་ནི་ཡན་ལག་བརྒྱད་དང་ལྡན་པའི་ཆུའི་བཏུང་བ། ཞབས་བསིལ་ནི་གདན་ལ་བཞུགས་པའི་སྔ་རོལ་ཞབས་བཀྲུ་བའི་ཆུ་གཙང་། མེ་ཏོག་མཛེས་སྡུག་ཁ་དོག་སྣ་ཚོགས་པ། བདུག་སྤོས་དྲི་ངད་བཟང་པོས་ཞིང་ཀུན་ཁྱབ་པ། མར་མེ་ཉི་ཟླ་ལྟར་འོད་རབ་ཏུ་གསལ་བ། དྲི་ཆབ་སྐུ་ལུས་ལ་བྱུགས་རྒྱུ་དྲི་བཟང་གིས་སྦགས་པའི་ཆུ། ཞལ་ཟས་རོ་བརྒྱ་དང་ལྡན་པའི་དཀར་གསུམ་ལ་སོགས་པ། རོལ་མོ་ཡིད་དུ་འོང་བའི་སྒྲ་ ― LT34_Page_0510 ―
[མ་དཔེ་གཟིགས་ན་འདིར་གནོན།]
སྙན་སྣ་ཚོགས་པ། ཐམས་ཅད་ཀྱང་ངོ་བོ་སྟོང་པ། རྣམ་པ་མཆོད་རྫས་སོ་སོ། བྱེད་ལས་ཟག་མེད་ཀྱི་བདེ་བ་སྐྱེད་པ། ཀུན་ཏུ་བཟང་པོའི་སྨོན་ལམ་ལས་བྱུང་བ་ལྟ་བུའི་མཆོད་སྤྲིན་བསམ་གྱིས་མི་ཁྱབ་པས་ཞིང་ཁམས་ཐམས་ཅད་གང་བར་གྱུར་པར་དམིགས། ཨོཾ་སརྦ་བིད་པཱུ་ར་སོགས་ཀྱི་སྔགས་རྒྱ་བྱས་པས་ཀུན་བཟང་མཆོད་སྤྲིན་རྒྱ་མཚོས་ཞིང་ཀུན་གང་བར་འགྱུར་བ་སྟེ་སྔགས་རྒྱ་དེ་སངས་རྒྱས་ཀྱི་བྱིན་གྱིས་བརླབས་པའི་སྟོབས་ཀྱིས་སོ། །མཆོད་སྔགས་རྣམས་དེ་ཉིད་གསུམ་སྤེལ་བྱས་པས་འབྲུ་གསུམ་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་ངོ་བོ་ཡིན་པས་དེས་བྱིན་གྱིས་བརླབ་པ་སྟེ། དགོས་པ་ནི་མཆོད་རྫས་ཆུང་ངུ་རྣམས་ཆེན་པོ། ཉུང་ངུ་རྣམས་མང་པོ། ངན་པ་རྣམས་བཟང་པོར་སྒྱུར་ཅིང་ཡུན་རིང་གནས་ཤིང་རྒྱས་པར་སྤེལ་བའི་དོན་ཡིན་ནོ། །སེ་གོལ་གཏོགས་པ་ནི་སོ་སོར་བཞེས་ཤིག་པའི་བརྡ་ཡིན་པས་འབུལ་བའི་སྐབས་ལས་བྱིན་རླབས་ལ་སེ་གོལ་བརྡེབ་པར་མི་བྱའོ། །གཉིས་པ་སྐྱབས་སེམས་གཉིས་ལས། སྐྱབས་འགྲོའི་སྐབས། མཁའ་ཁྱབ་ཀྱི་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོར་རྟག་ཏུ་བྱིང་བ་ལ་བཟོད་མེད་ཀྱི་སྙིང་རྗེའི་སེམས་དང་། བླ་མ་དཀོན་མཆོག་ལ་ཐུགས་རྗེ་ཡོན་ཏན་བསམ་གྱིས་མི་ཁྱབ་པས་སྡུག་བསྔལ་དེ་ལས་སྐྱོབ་པའི་ནུས་པ་ཡོད་པར་ཤེས་པའི་དད་གུས་དྲག་པོས་བདག་ ― LT34_Page_0511 ―
[མ་དཔེ་གཟིགས་ན་འདིར་གནོན།]
གཞན་སེམས་ཅན་ཐམས་ཅད་དུས་འདི་ནས་བྱང་ཆུབ་མ་ཐོབ་ཀྱི་བར་དུ་བློ་གཏད་ལིངས་བསྐྱུར་ཅི་མཛད་ཁྱེད་མཁྱེན་གྱི་སྐྱབས་སུ་འགྲོ་བའི་འདུན་པས་སྐྱབས་འགྲོ་ལྔ་སྐོར་བརྗོད། སྐྱབས་ཡུལ་རྣམས་གང་ན་བཞུགས་པའི་ཞིང་དེར་སྐྱབས་སུ་འགྲོ་བ་ཡིན་པས་སྐྱབས་ཡུལ་ཆེད་དུ་བསྒོམ་མི་དགོས། འདི་ནི་ནང་པ་སངས་རྒྱས་པའི་ཆོས་སྒྲུབ་པའི་གཞི་རྟེན་ཡིན་ནོ། །སེམས་བསྐྱེད་ནི། སེམས་ཅན་ཐམས་ཅད་རང་ཉིད་ཀྱི་ཕ་མར་མ་གྱུར་པ་གཅིག་ཀྱང་མེད་ལ་དེ་ཐམས་ཅད་འཁོར་བ་ན་འཁོར་ཞིང་སྡུག་བསྔལ་བ་ལ་སྙིང་རྗེ་ཆེན་པོས་ཐམས་ཅད་འཁོར་བ་ནས་བསྒྲལ་ཏེ་སངས་རྒྱས་ཀྱི་གོ་འཕང་ལ་འགོད་པར་བྱའོ་སྙམ་པ་སྨོན་པ་སེམས་བསྐྱེད་དང་། དེའི་ཕྱིར་དུ་རྒྱལ་སྲས་ཀྱི་སྤྱོད་པ་སྤྱད་དགོས་པས་དེ་ལ་ཕ་རོལ་ཏུ་ཕྱིན་པའི་སྤྱོད་པ་དང་། དེ་ཉིད་ཡར་ལྡན་སྔགས་ཀྱི་སྤྱོད་པ་གཉིས་ལས། འདིར་ཐུན་མོང་མ་ཡིན་པ་གསང་སྔགས་ཀྱི་སྤྱོད་པར་དམ་བཅའ་བ་སྟེ་བཅོམ་ལྡན་འདས་ངན་འགྲོ་ཐམས་ཅད་ཡོངས་སུ་སྦྱོང་བ་ཀུན་རིག་རྣམ་པར་སྣང་མཛད་ཀྱི་ཆོ་ག་ཉམས་སུ་བླངས་ནས་རྫོགས་པའི་སངས་རྒྱས་བསྒྲུབ་པར་བགྱིའོ་སྙམ་པ་ནི་འཇུག་པ་སེམས་བསྐྱེད་དེ། འདི་ནི་ཐེག་པ་ཆེན་པོའི་ལམ་གྱི་རྩ་བའོ།། །གསུམ་པ་ལྕེ་ལག་བྱིན་བརླབས་ནི། སྦྱོང་རྒྱུད་ ― LT34_Page_0512 ―
[མ་དཔེ་གཟིགས་ན་འདིར་གནོན།]
དཀྱིལ་འཁོར་སྤྱིའི་ཁྱབ་བྱེད་རྡོར་སེམས་སུ་བསྒོམ་པ་ཡོ་ག་བ་སྔ་མ་རྣམས་བཞེད་པ་ལྟར་ཆོག་གཞུང་ལས་འབྱུང་བ་ལྟར་བསྒོམ་པའི་ཕྱག་གཡས་གུང་མཐེབ་སྦྱར་བས་རྡོ་རྗེ་འཛིན་ཅིང་ལྷག་མ་བརྐྱངས་པ་དང་། ལྕེ་སྟེང་རྡོ་རྗེ་ཉལ་ཐབས་སུ་བསྒོམ། རྡོ་རྗེ་ཞེས་པ་ཐམས་ཅད་མི་ཆོད་པ་མི་ཤིགས་པ་སོགས་ཆོས་བདུན་ལྡན་གྱི་ངོ་བོ་ལ་ཟེར་བས་ལྕེ་རྡོ་རྗེའི་རང་བཞིན་དུ་བསམ་པ་ལ་རྡོ་རྗེའི་དབྱིབས་སུ་བསྒོམ་དགོས་པའི་ངེས་པ་མེད་ཅིང་དེ་ལྟར་བྱིན་གྱིས་བརླབས་པས་སངས་རྒྱས་ཐམས་ཅད་ཀྱི་ལྗགས་ཀྱི་ཡོན་ཏན་ཐམས་ཅད་དང་ལྡན་པར་མོས། དེས་སྔགས་བཟླ་བ། བདེན་སྟོབས་བརྗོད་པ། བསྟོད་པ་བྱེད་པ་རྣམས་ལ་ཕན་ཡོན་ཁྱད་པར་ཅན་སྐྱེད་པའི་དགོས་པ་ཡོད། ལག་པ་བྱིན་གྱིས་བརླབས་པའི་སྐབས་ལག་གཉིས་ཀ་རྡོ་རྗེའི་རང་བཞིན་སོར་མོ་བཅུ་པོ་རེ་རེ་བཞིན་རྡོ་རྗེ་རྩེ་གཅིག་པའི་རྣམ་པ་སངས་རྒྱས་ཀྱི་ཕྱག་རྒྱའི་ཡོན་ཏན་གྱི་ནུས་པ་དང་ལྡན་པར་མོས། དེས་ཕྱག་རྒྱ་འཆིང་བ་ལ་རྒྱུད་ནས་གསུངས་པའི་ཕན་ཡོན་དང་ལྡན་པར་འགྱུར་ཏེ། གཙུག་དགུ་ལས་ལག་པ་རྡོ་རྗེར་བྱིན་པས། །ཕྱག་རྒྱ་ནུས་པར་ལྡན་པར་འགྱུར། །ལྕེ་ནི་རྡོ་རྗེར་བྱིན་པས། །སྔགས་རྣམས་མཐུ་དང་ལྡན་པར་འགྱུར། །ཅེས་སོ། །བཞི་པ་སྲུང་འཁོར་ནི། ― LT34_Page_0513 ―
[མ་དཔེ་གཟིགས་ན་འདིར་གནོན།]
རང་ཉིད་རྡོར་སེམས་སུ་གསལ་བ་གནས་འགྱུར་ཏེ་ཁྲོ་བོ་འཇིག་རྟེན་གསུམ་རྒྱལ་དུ་བསྐྱེད། ཁྲོ་བོ་འདི་དང་ཁམས་གསུམ་རྣམ་རྒྱལ། མེ་ལྟར་འབར་བ་རྣམས་དོན་གཅིག་ཡིན། གནས་བྱིན་གྱིས་བརླབ་པ་ནི། ཁྲོ་བོ་ཏི་རིནྟིའི་ཕྱག་རྒྱ་གནས་བཞིར་གཏུགས་ཤིང་། ཨོཾ་གྲྀཧྞ་སོགས་སྔགས་བརྗོད་པའི་ཚེ་སྙིང་ཁར་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུྃ། དཔྲལ་བར་རིན་པོ་ཆེ་སེར་པོ་ལ་ཏྲཱཾ། མགྲིན་པར་པདྨ་དམར་པོ་ལ་ཧྲཱིཿ སྤྱི་བོར་སྣ་ཚོགས་རྡོ་རྗེ་ལྗང་གུ་ལ་ཨཱཿས་མཚན་པ་རྣམས་གསལ་བར་བསྒོམ། དབང་བསྐུར་བ་ནི། རང་བཞིན་གྱི་གནས་ནས་རྡོ་རྗེ་དབྱིངས་ཀྱི་དབང་ཕྱུག་མ་སྔོན་མོ་གཡས་ཆོས་འབྱུང་འཛིན་པ་བར་སྣང་དུ་བྱོན་པའི་ཐུགས་ཀའི་འོད་ཟེར་གྱིས་ཁྲོ་བོའི་རྡོ་རྗེ་སྔོན་པོ་རྩེ་ལྔ་པ་ཁ་གདེངས་པའི་ལྟེ་བར་དེ་བཞིན་གཤེགས་པ་རིགས་ལྔ་བཞུགས་པ་སྤྱན་དྲངས་ཏེ་རང་གི་མགོ་བོའི་གནས་ལྔར་གྱེན་བསྒྲེང་དུ་བརྒྱན་པར་བསམ་ལ་རིགས་ལྔའི་དམ་རྒྱ་མགོ་བོའི་གནས་ལྔར་བཞག་ཅིང་། ཨོཾ་བཛྲ་ཛྭ་ལ་སོགས་སྔགས་ལན་ལྔར་བརྗོད། གོ་བགོ་བ་ནི། དར་དཀར་པོ་ཞེས་ཁྲུ་གང་དཀྱུས་ཁྲུ་ཉེར་ལྔ་པ་ཞིག་གིས་ལུས་ཀྱི་གནས་དགུར་མདུད་པ་རེ་རེ། རྣ་ལྟག་གཉིས་སུ་ཁྱུང་གཤོག་ལྟ་བུའི་ཁུག་པ་གཉིས་བྱས་པའི་ལྷག་མ་ལུས་ཚད་མཉམ་པར་འཕྱང་བར་བསམ་ལ། ― LT34_Page_0514 ―
[མ་དཔེ་གཟིགས་ན་འདིར་གནོན།]
ཨོཾ་ཊུཾ་ཞེས་པའི་སྔགས་རྒྱ་བྱ། སྙིང་མགྲིན་ལན་གཉིས་སུ་བྱུང་བའི་སྔ་མ་རྣམས་གཡས་དང་རྗེས་མ་རྣམས་གཡོན་དུ་མདུད། ནུ་བར་ཅེས་པ་སྙིང་གི་དབུས་སུའོ། །བཛྲ་ཏུཥྱའི་སྔགས་རྒྱས་མཉེས་པར་བྱས་པར་བསམ། དེ་ནས་བགེགས་བསྐྲད་པའི་དོན་དུ་འོག་མིན་ནས་རིག་པའི་རྒྱལ་པོ་ཁམས་གསུམ་རྣམ་རྒྱལ་སོགས་ཁྲོ་བོ་དང་ཁྲོ་མོ་དཔག་ཏུ་མེད་པ་རང་གི་དཔུང་རོག་གི་ཚུལ་དུ་སྤྱན་དྲངས། བར་སྣང་ཁམས་ཁྱབ་པར་བཞུགས་པ་ལ་མཆོད་ཅིང་བསྟོད་ནས་བགེགས་ལ་བཀའ་བསྒོས་པ་ཙམ་གྱིས་བགེགས་ཐམས་ཅད་རྒྱ་མཚོའི་ཕ་མཐར་བྲོས། མི་འགྲོ་བ་ཐམས་ཅད་ཁྲོ་བོའི་ཚོགས་ཀྱིས་དབང་མེད་དུ་བསྐྲད་པར་བསམ། བགེགས་སླར་མི་འཇུག་པར་སྲུང་བ་ནི། ཧཱུྃ་མཛད་ཀྱི་ཕྱག་རྒྱ་ཧཱུྃ་བཞི་པའི་སྔགས་དང་འབྲེལ་བ་ནི་ཁུ་ཚུར་གཡས་འོག་གཡོན་སྟེང་དུ་བྱས་པ་དང་། མེ་ལྟར་འབར་བའི་ཕྱག་རྒྱ་ནི་ཁུ་ཚུར་གཡས་སྟེང་གཡོན་འོག་ཏུ་བྱས་པ་སྟེ་སྐབས་འདིར་ཕྱི་མ་ལྟར་བཅིངས་ལ། ཨོཾ་བཛྲ་སཏྭ་ཀྲོ་དྷ་སོགས་ཚར་གསུམ་དང་སྦྲགས་ཏེ་གནས་གསུམ་དུ་བཞག་པས་བདག་གི་ལུས་ངག་ཡིད་གསུམ་ཁྲོ་བོའི་རྒྱལ་པོའི་རྡོ་རྗེ་གསུམ་དང་དབྱེར་མེད་པར་གྱུར་ཅིང་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་གྱིས་བརླབས་པར་བསམ་ལ་བདག་བསྲུང་། ཡང་སྔགས་རྒྱ་ལན་གསུམ་འོག་དང་བར་དང་སྟེང་དུ་བསྟན་པས་འོག་ཐམས་ཅད་རྡོ་རྗེའི་ས་གཞི། བར་ ― LT34_Page_0515 ―
[མ་དཔེ་གཟིགས་ན་འདིར་གནོན།]
ཐམས་ཅད་རྡོ་རྗེའི་ར་བ་ཟླུམ་པོ། སྟེང་ཐམས་ཅད་རྡོ་རྗེའི་གུར་ཁང་དུ་གྱུར་པས་སྟེང་འོག་བར་གསུམ་གྱི་བགེགས་འཇུག་པའི་གོ་སྐབས་དང་བྲལ་བར་བསམ་ལ་གནས་བསྲུང་། ཡང་སྔགས་རྒྱ་ལན་གསུམ་གྱི་རྣལ་འབྱོར་པའི་སྔགས་དང་ཕྱག་རྒྱ་ཏིང་ངེ་འཛིན་གསུམ་དང་ཆོ་གའི་ཐོག་མཐའ་བར་གསུམ་ལ་བར་དུ་གཅོད་པའི་བགེགས་ཐམས་ཅད་བསྲུང་བར་བསམ་ལ་རྣལ་འབྱོར་བསྲུང་། སྤྱན་དྲངས་པའི་ཁྲོ་བོ་རྣམས་ཀྱང་སྲུང་བའི་གུར་ཁང་ལ་ཐིམ་པར་མོས། །ལྔ་པ་བསོད་ནམས་གྱི་ཚོགས་བསགས་པ་ལ། སྤྱིར་རྣལ་འབྱོར་རྒྱུད་ནི་ཐར་པའི་འདྲ་འབག་ལམ་དུ་བྱེད་པ་དང་། རྣལ་འབྱོར་བླ་མེད་ཀྱི་རྒྱུད་ནི་འཁོར་བའི་འདྲ་འབག་ལམ་དུ་བྱེད་པར་བཤད་པས་འདིར་སྔོན་སྟོན་པ་ཉིད་ས་ལམ་བགྲོད་ནས་མངོན་པར་རྫོགས་པར་སངས་རྒྱས་ཏེ་ཆོས་ཀྱི་འཁོར་ལོ་བསྐོར་བའི་ཚུལ་དང་མཐུན་པར་བདག་བསྐྱེད་བསྒོམ་པའི་ཐོག་མར་རྒྱུ་བསོད་ནམས་ཀྱི་ཚོགས་བསགས་པ་སྟེ་ཐོག་མར་ཚོགས་རྟེན་སྤྲུལ་པ་ནི། རང་ཉིད་ཁྲོ་བོ་གནས་འགྱུར་ཏེ་སེམས་དཔའ་རྡོ་རྗེ་རྒྱུ་གསེར་མདོག་ཕྱག་གཡས་ཀྱི་གུང་མོའི་རྩེ་མོར་འཁོར་ལོ་འཛིན་པས་སྲུང་འཁོར་ནང་གི་བར་སྣང་དུ་བཅོམ་ལྡན་འདས་ཀུན་རིག་གི་དཀྱིལ་འཁོར་རྟེན་གཞལ་ཡས་ཁང་བརྟེན་པ་ལྷ་ཚོགས་གཙོ་འཁོར་ཐམས་ཅད་ ― LT34_Page_0516 ―
[མ་དཔེ་གཟིགས་ན་འདིར་གནོན།]
སྐད་ཅིག་གིས་སྤྲུལ་པར་བསམ་ལ། ཨོཾ་སརྦ་བིད་མཎྜ་ལ་སོགས་སྔགས་རྒྱ་བྱ། འདིར་སྔགས་བརྒྱ་རྩ་བརྒྱད་བཟླ་བར་གསུངས་པ་དཀྱིལ་འཁོར་གསལ་ཐེབས་དགོས་པས་ནུས་ན་དེ་ལྟར་གལ་ཆེ། དེ་ནས་རང་ཉིད་དཀྱིལ་འཁོར་གྱི་སྒོ་ཕྱེས་པའི་ནང་དུ་ཞུགས་ཏེ་ཕྱག་འཚལ་བར་བསམ་ལ། ཨོཾ་སརྦ་ཏ་ཐཱ་སོགས་སྔགས་བརྗོད་ཅིང་ཐལ་མོ་གནས་གསུམ་དུ་གཏུགས། དེ་ནས་རྒྱུན་བཤགས་ནི་ཡོ་གའི་རྒྱུད་རྒྱས་པ་སྟོང་ཕྲག་བརྒྱ་པ་ལས་འབྱུང་བ་ཀུན་སྙིང་གིས་སྒྲུབ་ཐབས་རྣམས་སུ་དྲང་བར་བཤད་པ། དབང་མེད་བདག་གིས་སོགས་བརྗོད། དེའང་ཚིག་བཅད་དང་པོས་བཤགས་པ། གཉིས་པས་རྗེས་སུ་ཡི་རང་བ། དེ་ནས་གསུམ་གྱིས་དཀོན་མཆོག་གསུམ་ལ་སྐྱབས་སུ་འགྲོ་བ། དེ་ནས་གསུམ་གྱིས་སྨོན་འཇུག་གི་སེམས་བསྐྱེད། མཐར་གཅིག་གིས་ལམ་ལ་གནས་པར་དམ་བཅའ་བ་ཡིན་ཅིང་། མགོན་པོ་སངས་རྒྱས་སོགས་ཀྱིས་རིགས་ལྔའི་སྡོམ་པ་བཟུང་བས་རང་དོན་དུ་ཚོགས་བསགས་པ་གྲུབ། དེ་ནས་ལྷ་དང་ཀླུ་གཙོ་བོར་གྱུར་པའི་འགྲོ་བ་མཐའ་དག་གློ་བུར་དུ་ལྷགས་ནས་མཆོད་སྤྲིན་བསམ་གྱིས་མི་ཁྱབ་པས་མཆོད་པའི་བསོད་ནམས་ཀྱིས་དེ་དག་ཐམས་ཅད་སྐད་ཅིག་ལ་བྱང་ཆུབ་ཀྱི་གོ་འཕང་ཐོབ་ནས། ཨེ་མའོ་སངས་རྒྱས་སོགས་ཀྱིས་དཀྱིལ་འཁོར་བ་ལ་ཆེད་དུ་བརྗོད་ ― LT34_Page_0517 ―
[མ་དཔེ་གཟིགས་ན་འདིར་གནོན།]
ནས་དེ་ཉིད་དུ་མི་སྣང་བར་གྱུར་པར་བསམ་པ་ནི་གཞན་དོན་ཏུ་ཚོགས་བསགས་པ་ཡིན་ལ། དེ་དག་སྟོན་པ་ཉིད་ཀྱིས་སྔོན་བསྐལ་པ་གྲངས་མེད་པ་གསུམ་དུ་ཚོགས་བསགས་པའི་དག་པ་སྦྱར་ཏེ་སྐབས་འདིར་ཚོགས་ལམ་བགྲོད་པར་བསམ། དེའང་ཕར་ཕྱིན་ཐེག་པས་བསྐལ་པ་གྲངས་མེད་པ་གསུམ་དུ་ཚོགས་གསོག་ཅིང་ས་ལམ་བགྲོད་པ་དང་འདིའི་བདག་བསྐྱེད་བསྒོམ་པ་བསོད་ནམས་མཉམ་པ་རྩ་རྒྱུད་དེ་ཉིད་འདུས་པ་ལས་གསུངས་པ་ཡིན་ནོ། །དྲུག་པ་ཡེ་ཤེས་ཀྱི་ཚོགས་བསགས་པ་གཟུགས་བརྙན་སྦྱོར་བ་ནི། རང་ཉིད་རྡོ་རྗེ་རྒྱུ་ཚོགས་རྟེན་གྱི་དཀྱིལ་འཁོར་ལས་ཕྱིར་ཐོན་ཏེ་སྔར་གྱི་མལ་དུ་འཁོད་པའི་ལག་མཐིལ་གཉིས་སུ་ཨ་དཀར་པོ་རེ་རེ་ལས་ཟླ་བའི་དཀྱིལ་འཁོར་རེ་རེའི་སྟེང་དུ་གཡས་སུ་སངས་རྒྱས་ཐམས་ཅད་ཀྱི་བྱང་ཆུབ་སེམས་ཡེ་ཤེས་ལྔ་མཚོན་པའི་ཧཱུྃ་སྔོན་པོ། གཡོན་དུ་ཤེས་རབ་སྟོང་པ་ཉིད་མཚོན་པའི་ཨ་དཀར་པོ་གཉིས་ཀྱི་མཐའ་བསྐོར་དུ་སྟོང་ཉིད་བཅུ་དྲུག་གི་ངོ་བོ་དབྱངས་ཡིག་བཅུ་དྲུག་པོ་ཧཱུྃ་ལ་གཡས་བསྐོར་དང་ཨ་ལ་གཡོན་བསྐོར་དུ་འཁོད་པ་དེ་དག་འོད་དུ་ཞུ་ནས་ལག་པ་ལ་ཐིམ་པས་སོར་མོ་རྣམས་རྡོ་རྗེ་རྩེ་གཅིག་པའི་རྣམ་པ་ཤེལ་ལྟར་དྭངས་བའི་མཐེ་བོང་གཉིས་ལ་ཨ་དཀར་པོ་སོགས་གཡས་གཡོན་གྱི་མཛུབ་མོ་ལྔ་ལ་ས་ ― LT34_Page_0518 ―
[མ་དཔེ་གཟིགས་ན་འདིར་གནོན།]
བོན་གྱི་ཡིག་འབྲུ་ལྔ་རེ། དེ་རྣམས་ཡོངས་སུ་གྱུར་པ་ལས་གཡས་ཀྱི་མཐེ་བོང་ལ་རྣམ་སྣང་སོགས་རྒྱལ་བ་རིགས་ལྔ་དཀར་མཐིང་སེར་དམར་ལྗང་བའི་མདོག་ཅན། གཡོན་གྱི་མཐེ་བོང་ལ་རྡོ་རྗེ་དབྱིངས་ཕྱུག་མ་སོགས་རིགས་ཀྱི་ཡུམ་ལྔ་དཀར་སྔོ་སེར་དམར་ལྗང་གུ་རྣམས་མེ་ལོང་ལ་གཟུགས་བརྙན་ཤར་བ་ལྟ་བུར་བསྒོམ། ཡབ་ཡུམ་ཕན་ཚུན་ཞལ་ཕན་ཚུན་གཟིགས་པས་བལྟས་པའི་བདེ་བ་ཉམས་སུ་མྱང་བས་སྦྱོར་ལམ་དྲོད་ཐོབ་པར་བསམ་ལ་མཉམ་པའི་ཐལ་མོ་དང་། ཨ་ནྱོ་ནྱ་སོགས་བརྗོད། ལྷ་ཡབ་ཡུམ་རེག་པའི་བདེ་བ་ཉམས་སུ་མྱོང་བས་སྦྱོར་ལམ་རྩེ་མོ་ཐོབ་པར་བསམ་ལ་རྡོ་རྗེ་ཐལ་མོ་དང་། བ་ར་སྤ་ར་སོགས་བརྗོད། ཡབ་ཡུམ་རྣམས་རོ་གཅིག་པའི་བདེ་བ་ཉམས་སུ་མྱོང་བས་སྦྱོར་ལམ་བཟོད་པ་ཐོབ་པར་བསམ་ལ་རྡོ་རྗེ་བསྡམས་པ་དང་། ཨ་དྱནྟ་སོགས་བརྗོད། སྟོང་གཞི་བདེ་གཤེགས་སྙིང་པོ་འོད་གསལ་བའི་སེམས་ལ་སྒོ་གསུམ་དང་ཁམས་གསུམ་གྱི་ཉོན་མོངས་པས་བཅིངས་པའི་དྲི་མ་བག་ཆགས་དང་བཅས་པ་དྲལ་བས་སྦྱོར་ལམ་ཆོས་མཆོག་ཐོབ། སོར་མོ་སོ་སོར་ཡང་རིགས་ལྔ་ཡབ་ཡུམ་ཆ་རེ་གྱུར་པར་མོས་ལ་རྡོར་བསྡམས་སྒྲ་དང་བཅས་སྙིང་ཁར་ལན་གསུམ་དྲལ་ལ། བཛྲ་བྷནྡྷ་ཏྲཊ། གསུམ་བརྗོད། དེ་དག་ནི་གཞོན་ནུ་དོན་གྲུབ་ཆུ་བོ་ནཻ་རཉྫ་ནའི་ ― LT34_Page_0519 ―
[མ་དཔེ་གཟིགས་ན་འདིར་གནོན།]
འགྲམ་དུ་རྣམ་སྨིན་གྱི་སྐུ་ལུས་དཀའ་ཐུབ་ལ་བཞུགས་ནས་ཡེ་ཤེས་ཀྱི་ལུས་འོག་མིན་དུ་བྱང་ཆུབ་སེམས་དཔའ་རྡོ་རྗེ་རྒྱུར་གཤེགས་ནས་ཞི་བ་ཆེན་པོའི་ཏིང་ངེ་འཛིན་ལ་བཞུགས་པ་དང་སྦྱོར་བའོ། །དེ་ནས་ཡེ་ཤེས་འབེབས་པའི་རྒྱ་དང་སྔགས་བརྗོད་པའི་ཚེ། དཀྱིལ་འཁོར་བ་དང་ཕྱོགས་བཅུའི་སངས་རྒྱས་རྣམས་ཀྱི་ཐུགས་ཀ་ནས་དང་པོའི་རྡོ་རྗེ་པདྨ་རཱ་ག་ལས་གྲུབ་པ་དམར་པོ་སོར་བཞིའི་ཚད་རྩེ་ལྔ་པ། མཐའི་རྭ་རྣམས་དབུས་རྭ་ལ་མ་འབྱར་བ། ལྟེ་བར་འོད་ཟེར་ལྔ་འཕྲོ་བ་དུ་མ་བྱུང་སྟེ་རང་གི་སྙིང་གར་ཞུགས་པས་མཐོང་ལམ་ཐོབ་པས་ས་དང་པོ་མངོན་དུ་བྱས་པར་མོས། ཏིཥྛ་བཛྲ་སོགས་ཀྱིས་ཡེ་ཤེས་པ་བརྟན་པ་དང་། རྡོ་རྗེ་ཁུ་ཚུར་གྱི་སྔགས་རྒྱས་བཅིངས་པས་སྒོམ་ལམ་རིམ་པར་བགྲོད་དེ་ས་དྲུག་པ་ནས་བདུན་པའི་བར་ཐོབ་པར་མོས། དེའང་སངས་རྒྱས་རྣམས་དང་པོར་སངས་རྒྱས་པའི་སྐབས་སུ་སྔོན་གྱི་སངས་རྒྱས་ཐམས་ཅད་ཀྱི་བྱིན་རླབས་རྡོ་རྗེའི་རྣམ་པར་བཅུག་པའི་ཕྱིར་དང་པོའི་རྡོ་རྗེ་བརྗོད་པར་བཤད་དོ། །དངོས་གཞིའི་ཏིང་ངེ་འཛིན་རྣམ་པ་གསུམ་ལས། དང་པོའི་སྦྱོར་བ་ནི། རང་ཉིད་རྡོ་རྗེ་རྒྱུ་གནས་གྱུར་ནས་བཅོམ་ལྡན་འདས་ཀུན་རིག་རྣམ་པར་སྣང་མཛད་མཚན་ཉིད་ཐམས་ཅད་ཡོངས་སུ་རྫོགས་པར་གསལ་བཏབ་ ― LT34_Page_0520 ―
[མ་དཔེ་གཟིགས་ན་འདིར་གནོན།]
པའི་དཔྲལ་བར་འཁོར་ལོ་དཀར་པོ་རྟེན་འབྲེལ་བཅུ་གཉིས་གཅོད་པར་བྱེད་པའི་རྩིབས་བཅུ་གཉིས་པ་ཨོཾ་དཀར་པོས་མཚན་པ། མགྲིན་པར་པདྨ་དམར་པོ་སྟོང་ཉིད་བཅུ་དྲུག་རྟོགས་པར་བྱེད་པའི་འདབ་མ་བཅུ་དྲུག་པ་ཨཱཿདམར་པོས་མཚན་པ། སྙིང་གར་རྡོ་རྗེ་སྔོན་པོ་ཡེ་ཤེས་ལྔའི་རང་བཞིན་གྱི་རྩེ་ལྔ་པ་ཧཱུྃ་སྔོན་པོས་མཚན་པ་རྣམས་བསྒོམས་ལ་སོ་སོའི་སྔགས་རྒྱས་གནས་གསུམ་དུ་གཏུགས་པས་སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀྱི་བདག་ཉིད་ལུས་ངག་ཡིད་གསུམ་བྱིན་གྱིས་བརླབས། དག་པ་ས་གསུམ་ཐོབ་པར་མོས། དེ་ནས་རང་བཞིན་གྱི་དབྱིངས་ཀྱི་དབང་ཕྱུག་མ་བྱོན་ཏེ་རིགས་ལྔའི་ཕྱག་རྒྱས་མགོ་བོའི་གནས་ལྔར་དབང་བསྐུར་བས་ངོ་བོ་རྒྱལ་བ་རིགས་ལྔས་དབུ་བརྒྱན་ཏེ་འོད་ཟེར་ཆེན་པོའི་དབང་གིས་སངས་རྒྱས་ཐོབ་པར་བསམ་ལ་རིགས་ལྔའི་ཕྱག་རྒྱ་བྱ། དེ་དག་ནི་གཞོན་ནུ་དོན་གྲུབ་འོག་མིན་དུ་བྱང་ཆུབ་སེམས་དཔའ་རྡོ་རྗེ་རྒྱུའི་སྐུར་གཤེགས་པའི་ཚེ་སངས་རྒྱས་ཐམས་ཅད་ཀྱི་ཟླ་བ་རྡོ་རྗེ་སེམས་བསྐྱེད་པ་གནང་ནས་ཡེ་ཤེས་ཆེན་པོའི་དབང་བསྐུར་བས་མངོན་བྱང་ལྔའི་སྒོ་ནས་བཅོམ་ལྡན་འདས་རྣམ་སྣང་ཆེན་པོར་སངས་རྒྱས་པའི་དག་པ་དང་སྦྱར་རོ། །དེ་ནས་རང་གི་སྙིང་ག་ཟླ་བའི་དཀྱིལ་འཁོར་གྱི་སྟེང་དུ་རྩ་རིག་གི་སྔགས་ ― LT34_Page_0521 ―
[མ་དཔེ་གཟིགས་ན་འདིར་གནོན།]
ཕྲེང་གཡས་བསྐོར་དུ་འཁོད་པ་ཉིད་ཡོངས་སུ་གྱུར་པ་ལ་བཅོམ་ལྡན་འདས་ཀུན་རིག་གི་དཀྱིལ་འཁོར་རྟེན་དང་བརྟེན་པར་བཅས་པ་གསལ་ལམ་འདྲེས་ཡོངས་སུ་རྫོགས་པར་གྱུར། སྒོ་བ་བཞིའི་སྔགས་རྒྱ་བྱས་པས་ནམ་མཁའི་ཚོགས་ཞིང་གི་དཀྱིལ་འཁོར་པ་བཀུག་ནས་སྙིང་གའི་དཀྱིལ་འཁོར་དང་གཅིག་ཏུ་འདྲེས། སྙིང་གའི་དཀྱིལ་འཁོར་གྱི་གཙོ་བོའི་ཐུགས་ཀར་ཟླ་བའི་གདན་ལ་ཧཱུྃ་དཀར་པོ། དེའི་མཐའ་བསྐོར་དུ་རྩ་རིག་གི་སྔགས་ཕྲེང་གཡས་བསྐོར་དུ་བསྐོར་བའི་ཡིག་འབྲུ་རྣམས་ལས་འོད་ཟེར་རིམ་པ་ལྔ་ལྔ་འཕྲོས། རིམ་པ་དང་པོས་སྤྱིར་ཁམས་གསུམ་གྱི་འགྲོ་བ་མཐའ་དག་དང་། གཉིས་པས་ཁྱད་པར་ངན་སོང་གསུམ་ལ་ཁྱབ་ཅིང་སྣང་བར་བྱས། ལྟུང་བ་སློང་བའི་སྔགས་རྒྱ་དང་འོད་ཟེར་གསུམ་པས་ངན་འགྲོ་གསུམ་དང་ཁྱད་པར་ཚེ་འདས་ཉིད་བཀུག་སྟེ་དཀྱིལ་འཁོར་གྱི་ཁྱམས་སུ་བཞག་པས་ལྷ་ལ་སྐྱབས་སུ་འགྲོ་བར་མོས། སྡིག་པ་འཇོམས་པའི་སྔགས་རྒྱ་དང་འོད་ཟེར་བཞི་པས་སྡིག་སྒྲིབ་ཐམས་ཅད་ཉི་མས་པ་མོ་ཞུ་བ་བཞིན་སྐད་ཅིག་གིས་བཅོམ། དྲལ་བའི་སྔགས་རྒྱ་དང་འོད་ཟེར་ལྔ་པས་སྡིག་སྒྲིབ་ས་བོན་བཅས་རྩད་ནས་དྲལ་པས། དེ་རྣམས་ཁམས་གསུམ་གྱི་སྡུག་བསྔལ་ལས་གྲོལ་ ― LT34_Page_0522 ―
[མ་དཔེ་གཟིགས་ན་འདིར་གནོན།]
ནས། དཀྱིལ་འཁོར་ཤར་གྱི་ཁྱམས་ལ་འཁོད་པ་རྣམས་སྦྱོང་བའི་རྒྱལ་པོ་སོགས་ཕྱོགས་བཞིར་རིགས་བཞིའི་རྒྱལ་པོ་རྣམས་ཀྱི་སྐུར་གྱུར་ཏེ་སྒོ་བཞི་ནས་ནང་དུ་ཞུགས་པར་མོས་ལ། ཨོཾ་བཛྲ་ས་མ་ཡ་ཧཱུྃ། ཞེས་བརྗོད། དཀྱིལ་འཁོར་པའི་ཐུགས་ཀ་ནས་སྤྲུལ་པའི་ལྷ་མོ་རྣམས་ཀྱིས་དེ་དག་ལ་དབང་བསྐུར་བར་བསམ་ལ་སྔགས་བརྗོད་པས་དེ་དག་དཀྱིལ་འཁོར་དུ་ཞུགས་ཤིང་དབང་ཐོབ་པས་བྱང་ཆུབ་སེམས་དཔའ་རྣམས་དང་སྐལ་པ་མཉམ་པའི་གོ་འཕང་ཐོབ་པར་མཐོང་ནས་རང་རང་གི་ཐུགས་ཀ་ནས་མཆོད་པའི་ལྷ་མོ་རྣམས་སྤྲུལ་ཅིང་མཆོད་བསྟོད་བྱས། དེ་རྣམས་མི་དམིགས་པར་བཞག །ཐུགས་ཀའི་དཀྱིལ་འཁོར་གཞི་ལུས་རྣམ་སྣང་ཉིད་ལ་ཐིམ་པར་དམིགས། དེ་དག་ནི་སྟོན་པ་མི་སློབ་པའི་ལམ་མཐར་ཕྱིན་ནས་རྣམ་སྣང་ཆེན་པོར་སངས་རྒྱས་པ་དང་། ལྷ་གནས་སུམ་ཅུ་རྩ་གསུམ་དུ་ལྷའི་བུ་ནོར་བུ་དྲི་མ་མེད་པ་ཚེ་འཕོས་ནས་དམྱལ་གནས་སུ་ལྷུང་བ་ལ་བརྒྱ་བྱིན་གྱིས་གསོལ་བ་བཏབ་པའི་ངོར་ཀུན་རིག་གི་དཀྱིལ་འཁོར་དུ་གཞུག་ནས་སྒྲིབ་པ་སྦྱངས་པས་ལྷའི་བུ་ཐར་པ་ཐོབ་སྟེ་མཆོད་བསྟོད་ཕུལ་བ་དང་སྦྱར་བའོ། །གཉིས་པ་དཀྱིལ་འཁོར་རྒྱལ་མཆོག་ནི། དང་པོ་ཨ་ཀཱ་རོའི་སྔགས་བརྗོད་པས་ཕྱི་ནང་གི་ཆོས་ཐམས་ཅད་སྟོང་པ་ཉིད་དུ་གྱུར་པར་མོས། ― LT34_Page_0523 ―
[མ་དཔེ་གཟིགས་ན་འདིར་གནོན།]
དེ་ཡི་ངང་ལས་འོག་གཞི་ཡྃ་ལས་རླུང་གི་དཀྱིལ་འཁོར་ལྗང་གུ། དེ་སྟེང་རྃ་ལས་མེའི་དཀྱིལ་འཁོར་དམར་པོ། དེ་སྟེང་བྃ་ལས་ཆུའི་དཀྱིལ་འཁོར་དཀར་པོ། དེ་སྟེང་ལྃ་ལས་སའི་དཀྱིལ་འཁོར་སེར་པོ། དེ་སྟེང་སུྃ་ལས་རིན་ཆེན་སྣ་བཞི་ལས་གྲུབ་པའི་རི་རབ་ལྷུན་པོ་རྣམས་ཀྱི་དབྱིབས་སོགས་མངོན་པ་དང་མཐུན་པར་རིམ་བརྩེགས་ཀྱི་སྟེང་དུ་སྣ་ཚོགས་རྡོ་རྗེ་ཕྱོགས་རེ་རེ་ལ་རྭ་གསུམ་གསུམ་སྟེ་རྩེ་མོ་བཅུ་གཉིས་པ་ལེབ་ཆགས་སུ་གནས་པའི་ལྟེ་བར་གཞལ་ཡས་ཁང་ཕྱི་ནང་གཉིས་སྦྲགས། ཕྱི་མའི་ཐོག་ཕུབས་ཀྱི་དབུས་ནས་མཐོངས་ཁ་གྲུ་བཞི་པའི་ཚོད་དུ་གདན་གར་བུའི་སྟེང་དུ་གཞལ་ཡས་ཁང་ནང་མ་ཐོག་ཕུབས་ཕྱུར་བུ་རྡོ་རྗེ་ནོར་བུའི་ཏོག་གིས་མཛེས་པ། ཕྱི་ནང་གཉིས་ཀ་གྲུ་བཞི་སྒོ་བཞི་རྟ་བབས་བང་རིམ་བཅུ་གཅིག་དང་ལྡན་པ། རྒྱན་གྱི་བཀོད་པ་སོགས་གཞུང་གསལ་ལྟར་ཕྱི་རོལ་འཇིག་རྟེན་པའི་འཁོར་ཡུག་དཀར་པོ། དེ་རྒྱབ་རྡོ་རྗེའི་ར་བ་དང་འོད་ཟེར་གྱི་ཕྲེང་བས་བསྐོར་བ། གཞལ་ཡས་ཁང་ནང་མའི་ལྟེ་བར་ལིང་ཚེ་དགུ། དེ་རྒྱབ་ཆོས་ཀྱི་འཁོར་ལོ་སྔོན་པོ་རྩིབས་བཅུ་དྲུག་པ་ཡོད་པའི་དབུས་དང་ཕྱོགས་བཞིར་སོ་སོའི་མིང་ཡིག་གི་ཐོག་མ་ལས་བྱུང་བའི་སེང་གེ་སོགས་སེམས་ཅན་ཆེན་པོ་ལྔས་བཏེགས་པའི་རིན་པོ་ཆེའི་ཁྲི། རྩ་བའི་ལྷ་སོ་བདུན་མགྲོན་ཐབས་ ― LT34_Page_0524 ―
[མ་དཔེ་གཟིགས་ན་འདིར་གནོན།]
ཐབས་ཀྱི་ལྷ་དང་བཅས་པའི་བཞུགས་གནས་རྣམས་སུ་ཧྲཱིཿལས་པདྨ་ཁ་དོག་སྣ་ཚོགས་པ་རེ་རེའི་སྟེང་དུ་ཨ་ལས་ཟླ་བའི་གདན། ཁྲོ་བོ་བརྒྱད་ལ་ཉི་མའི་གདན་རེ་རེ་གསལ་གདབ་པ་ནི་རྟེན་གྱི་དཀྱིལ་འཁོར་རོ། །དེ་སྟེང་བརྟེན་པ་ལྷ་བསྐྱེད་པ་ལ། དབུས་ཀྱི་གཙོ་བོ་མངོན་བྱང་ལྔའི་སྒོ་ནས་བསྐྱེད་པ་སྟེ། དང་པོ་ཅིའང་མི་དམིགས་པར་འཇོག་པ་གཞི་སྟོང་པ་ཉིད་ལ་མངོན་པར་བྱང་ཆུབ་པ། དེའི་ངང་ལས་དབུས་ཀྱི་གདན་གྱི་སྟེང་དུ་ཨ་ཨཱ་ཨི་ཨཱི་སོགས་ཨཱ་ལི་བཅུ་དྲུག་གཡོན་བསྐོར་དུ་འཁོད། དེ་ཞུ་བ་ལས་ཟླ་བའི་དཀྱིལ་འཁོར་ཤེས་རབ་ཀྱི་རང་བཞིན། དེའི་སྟེང་དུ་ཀ་ཁ་ག་གྷ་ང་སོགས་ཀཱ་ལི་སོ་བཞི་གཡས་བསྐོར་དུ་འཁོད། དེ་ཞུ་བ་ལས་ཟླ་བའི་དཀྱིལ་འཁོར་ཐབས་ཀྱི་རང་བཞིན་ཏུ་བསྒོམ་པ་ནི་གདན་ཟླ་བ་ལ་མངོན་པར་བྱང་ཆུབ་པ། ཟླ་བ་གཉིས་པོ་འོད་དུ་ཞུ་བ་ལས་ཨོཾ་ཤཱ་དྷ་ནི་སོགས་ཀྱི་སྔགས་ཕྲེང་དཀར་པོ་འོད་ཟེར་འཕྲོ་བར་གྱུར་པ་ནི་གསུང་ཡིག་འབྲུ་ལ་བྱང་ཆུབ་པ། དེ་རྣམས་ལས་འོད་ཟེར་དཔག་ཏུ་མེད་པ་འཕྲོས། འཕོ་དང་ལྷུམས་ཞུགས་བལྟམས་པ་ནས་མྱ་ངན་ལས་འདས་པའི་བར་གྱི་སངས་རྒྱས་ཀྱི་མཛད་པ་བཅུ་གཉིས་བསྟན་ཏེ་འགྲོ་བ་མཐའ་ཡས་པའི་དོན་མཛད། འོད་ཟེར་སླར་འདུས་ཡིག་འབྲུ་ལ་ཐིམ་སྟེ་ཡོངས་སུ་གྱུར་པ་ལས་དང་པོའི་རྡོ་རྗེ་དཀར་པོ་ ― LT34_Page_0525 ―
[མ་དཔེ་གཟིགས་ན་འདིར་གནོན།]
རྩེ་ལྔ་པར་གྱུར་པ་ནི་ཐུགས་ཕྱག་མཚན་ལ་བྱང་ཆུབ་པ། དེ་ཡོངས་སུ་གྱུར་པ་ལས་སྐད་ཅིག་གིས་རང་ཉིད་ཀུན་རིག་རྣམ་པར་སྣང་མཛད་རྒྱན་དང་ཆ་ལུགས་ཡོངས་སུ་རྫོགས་པའི་སྐུར་གསལ་པ་ནི་སྐུ་ཡོངས་རྫོགས་ལ་བྱང་ཆུབ་པའོ། །འཁོར་རྣམས་ནི་སྒོ་དྲུག་གིས་བསྐྱེད་པ་ཡིན་པས་རང་ཉིད་རྣམ་སྣང་གི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་རྩ་བའི་རིག་པ་གཡས་བསྐོར་དུ་གསལ་བའི་ནང་གི་ཤར་དུ་ཧཱུྃ་དཀར་དམར། ལྷོར་ཏྲཱྃ་སྔོན་པོ། ནུབ་ཏུ་ཧྲཱིཿདམར་སེར། བྱང་དུ་ཨཱཿལྗང་གུ་རྣམས་གསལ་བ་ནི་སྙིང་པོ་བསྐྱེད་པའི་སྒོ། དེ་རྣམས་ལས་འོད་ཟེར་རིམ་པ་ལྔ་ལྔ་སྤྲོ་བ་ནི་འོད་ཟེར་འཕྲོ་བའི་སྒོ། དེས་འགྲོ་བ་རྣམས་ཀྱི་ངན་སོང་སྦྱོང་བ་སོགས་ནི་མཛད་པ་མཛད་པའི་སྒོ། འོད་ཟེར་རྣམས་ཚུར་འདུས་ས་བོན་རྣམས་ལ་ཐིམ་པ་ནི་སླར་བསྡུ་བའི་སྒོ། ཧཱུྃ་ལས་སྦྱོང་བའི་རྒྱལ་པོ་སོགས་རིགས་བཞི་སོ་སོར་བསྐྱེད་པ་ནི་སྐུ་བསྐྱེད་པའི་སྒོ། འབྱིན་སྔགས་བརྗོད་པས་རིགས་བཞི་ཐུགས་ཀ་ནས་ཕྱུང་། ཕྱོགས་བཞིའི་ཁྲིའི་སྟེང་དུ་ཞལ་ནང་དུ་ཕྱོགས་པས་འཁོད་པ་ནི་གནས་སུ་གནས་པའི་སྒོ་སྟེ་དེ་ལྟར་ཐམས་ཅད་སྒོ་དྲུག་གིས་བསྐྱེད་པ་རིགས་འགྲེ། འདི་ལ་རྩ་རིག་རེ་རེ་དང་ས་བོན་རེ་རེ་ལས་བསྐྱེད་པ་རྒྱ་གཞུང་གི་དགོངས་པ་ཡིན་ཀྱང་གསལ་ཐེབས་དཀའ་ན་འདི་ ― LT34_Page_0526 ―
[མ་དཔེ་གཟིགས་ན་འདིར་གནོན།]
ཙམ་གྱིས་དོན་ཚང་བའོ། །ཡང་ཐུགས་ཀའི་རྩ་རིག་དང་ཤར་ལྷོར་ཧཱུྃ་དཀར་པོ་སོགས་མཚམས་བཞིར་ས་བོན་བཞི་ལས་ཡུམ་བཞིར་བསྐྱེད་པ་རྣམས་བྱུང་སྟེ་མཚམས་བཞིར་པད་ཟླའི་གདན་ལ་འཁོད། ཐུགས་ཀའི་རྩ་རིག་གི་ནང་ཕྱོགས་བཞིར་སེམས་དཔའ་བཞི་རེའི་ས་བོན་བཀོད་པ་ལས་སེམས་དཔའ་བཅུ་དྲུག་བསྐྱེད། དེ་རྣམས་ཕྱིར་ཕྱུང་སྟེ་འཁོར་ལོའི་རྩིབས་བཅུ་དྲུག་གི་སྟེང་དུ་པད་ཟླའི་གདན་ལ་ཤར་ཕྱོགས་ཀྱི་རྡོ་རྗེ་སེམས་དཔའ་ནས་བརྩམས་རིམ་པར་གཡས་བསྐོར་དུ་འཁོད། འདིར་རྡོ་རྗེ་ལས་སྣ་ཚོགས་ཞེས་པ་ནི་དབུ་དང་ཞབས་གཉིས་དཀར་པོ། མགྲིན་པ་ནས་སྐེད་པ་ཡན་དམར་སྐྱ། བརླ་རྣམས་སེར་སྐྱ། རྐེད་པ་དང་ཕྱག་གཉིས་སྔོ་སྐྱ། འདོམ་བར་སྔོན་པོ་ཡིན་པར་བཤད། རྡོ་རྗེ་གནོད་སྦྱིན་ནག་པོ་ནི་ཁྲོས་པའི་གཟུགས་ཅན་མ་ཡིན་ཏེ་སེམས་དཔའ་སྤྱི་ལྟར་ཞི་བ་ཕྱག་གཉིས་ཀྱིས་གནམ་ལྕགས་ཀྱི་རྡོ་རྗེ་རྩེ་ལྔ་པས་ཡུ་བ་བྱས་པའི་མཆེ་བ་གཉིས་ཞལ་གྱི་གྲྭར་འཛིན་པའོ། །དེ་ནས་ཐུགས་ཀར་སྒེག་སོགས་བརྒྱད་ཀྱི་ས་བོན་མཚམས་བཞི་དང་སྒོ་བ་བཞིའི་ས་བོན་ཕྱོགས་བཞིར་བཀོད་ཅིང་དེ་དག་བསྐྱེད་པ་རྣམས་ཕྱི་རོལ་དུ་ཕྱུང་སྟེ་འཁོར་ལོའི་གྲྭ་ནང་མར་སྒེག་སོགས་བཞི། ཕྱི་མར་མེ་ཏོག་མ་སོགས་བཞི། སྒོ་བ་བཞི་ཞལ་ཕྱིར་ཕྱོགས་པས་པད་ཟླ་ལ་འཁོད་ ― LT34_Page_0527 ―
[མ་དཔེ་གཟིགས་ན་འདིར་གནོན།]
པས་གཞལ་ཡས་ཁང་ནང་མའི་རྩ་ལྷ་སོ་བདུན་ཚར། དེ་ནས་མགྲོན་ཐབས་ཀྱི་ལྷ་ལས་བསྐལ་བཟང་སེམས་དཔའ་བཅུ་དྲུག་དང་། དཔེ་བྲས་སེམས་དཔའ་བཅུ་དྲུག་སྔར་ལྟར་སྒོ་དྲུག་བསྐྱེད། གཞལ་ཡས་ཕྱི་མའི་ལྷ་སྣམ་རིམ་པ་བཞིའི་དང་པོ་དང་གཉིས་པ་ལ་བཀོད། ལྷ་སྣམ་གསུམ་པར་ཉན་ཐོས་བཅུ་དྲུག །བཞི་པར་རང་རྒྱལ་བཅུ་གཉིས། ཕྱི་རོལ་གྱི་སྒོ་སྲུང་ཁྲོ་བོ། མུ་རན་གྱི་འཁོར་རྣམས་སྙིང་པོ་ལྷ་གྲངས་རེ་རེ་ལས་སྐད་ཅིག་གིས་བསྐྱེད། སྒོ་བཞིའི་གཡས་གཡོན་གྱི་ཁྲོ་བོ་བརྒྱད་པོ་པདྨ་དང་ཉི་མའི་གདན་ལ་ཞལ་ཕྱིར་བསྟན་ཏུ་བཀོད། གཙོ་འཁོར་ཐམས་ཅད་ཀྱང་གཙོ་བོ་ཉིད་ཀྱི་ཡེ་ཤེས་ཀྱི་རང་སྣང་ཡིན་པས་འཇིག་རྟེན་པའི་དཔོན་གཡོག་ལྟར་མཆོག་དམན་མེད་པར་ཤེས་དགོས་སོ། །གསུམ་པ་ལས་རྒྱལ་མཆོག་ནི། རང་ཉིད་སྐད་ཅིག་གིས་ཁྲོ་བོ་ཧཱུྃ་མཛད་ཞལ་བཞི་ཕྱག་དྲུག་པར་གྱུར་ནས་སྒོ་དབྱེ་བའི་སྔགས་རྒྱ་བཅས་སྒོ་སྲུང་རྣམས་ལ་སྒོ་ཕྱེས་ཤིག་པར་བཀའ་བསྒོས་པས་གཞལ་ཡས་ཁང་གི་སྒོ་ཐམས་ཅད་ཕྱེས་པར་མོས། དཀྱིལ་འཁོར་སྤྲུལ་པའི་སྔགས་རྒྱ་བྱས་པས་འོག་མིན་ཏུ་ཡེ་ཤེས་ཀྱི་དཀྱིལ་འཁོར་རང་གིས་བསྒོམ་པ་དང་འདྲ་བ་རང་བྱུང་ལྷུན་གྲུབ་ཏུ་བཞུགས་པ་གསལ་གདབ། བསྡུ་བའི་སྔགས་རྒྱ་བྱས་པས་དེ་དག་སྒོ་ ― LT34_Page_0528 ―
[མ་དཔེ་གཟིགས་ན་འདིར་གནོན།]
སོ་སོ་ནས་བྱོན་ཏེ་དམ་ཚིག་པའི་བར་སྣང་ལ་བཞུགས་པར་མོས། རྡོ་རྗེ་གནོད་སྦྱིན་གྱི་སྔགས་རྒྱས་ཕྱི་འབྲང་གི་བགེགས་བསྐྲད་ཅིང་རྡོ་རྗེ་ཁུ་ཚུར་གྱིས་སྒོ་རྣམས་བཅད་པར་བསམ། དམ་ཚིག་པའི་ཐུགས་ཀ་ནས་སྤྲུལ་པའི་ལྷ་མོ་རྣམས་ཀྱིས་ཡེ་ཤེས་པའི་དཀྱིལ་འཁོར་ལ་མཆོད་པར་དམིགས་ལ་སྔགས་རྒྱ་བྱ། ཨེ་མའོ་ཀུན་ཏུ་བཟང་པོ་སོགས་ཀྱི་དམ་ཚིག་པ་ལས་ཡེ་ཤེས་པ་གཙོ་འཁོར་རྣམས་མགྲིན་གཅིག་པས་ཆེད་དུ་བརྗོད་པར་བསམ། དམ་ཡེ་བསྲེ་བ་ནི། ཡེ་ཤེས་པའི་གཙོ་བོ་དང་གཤེགས་པ་བཞི་སོ་སོའི་དམ་ཚིག་པ་ལ་ཐིམ། ཡེ་ཤེས་པའི་ཡུམ་བཞི་གཙོ་བོའི་ཐུགས་ཀར་བསྡུ། ཤར་ཕྱོགས་ཀྱི་ཡེ་ཤེས་སའི་སེམས་དཔའ་བཞི། མཆོད་ལྷ་གཉིས། སྒོ་སྲུང་གཅིག །བསྐལ་བཟང་དང་དཔེ་བྲལ་ཉན་ཐོས་རྣམས་བཞི་རེ། རང་རྒྱལ་གསུམ། ཁྲོ་བོ་གཉིས་བཅས་སྦྱོང་བའི་རྒྱལ་པོའི་ཐུགས་ཀར་བསྡུ། དེས་འགྲེས་ཏེ་ལྷོ་ཕྱོགས་པ་རྣམས་རྒྱལ་མཆོག་རིན་ཆེན། ནུབ་ཕྱོགས་པ་རྣམས་ཤཱཀྱ་རིག་དབང་། བྱང་ཕྱོགས་པ་རྣམས་མེ་ཏོག་ཆེར་རྒྱས་པའི་ཐུགས་ཀར་བསྡུ། གཤེགས་པ་བཞི་ཡང་གཙོ་བོའི་ཐུགས་ཀར་བསྡུ། དེ་མ་ཐག་ཡེ་ཤེས་པ་སོ་སོའི་ལྷག་མ་རྣམས་ཅུང་ཟད་རེ་ཐུགས་ཀར་བཞག་ལ་ཡུམ་བཞི་དམ་ཚིག་པའི་ཡུམ་བཞི་སོ་སོར་ཐིམ། དེ་བཞིན་གཤེགས་པ་ ― LT34_Page_0529 ―
[མ་དཔེ་གཟིགས་ན་འདིར་གནོན།]
བཞི་ཡང་ཐུགས་ཀ་ནས་ཐོན་ཏེ་སོ་སོའི་ཁྲི་ལ་བཞུགས་མ་ཐག་ཏུ་རང་རང་ཕྱོགས་ཀྱི་ཡེ་ཤེས་པ་རྣམས་ཐུགས་ཀ་ནས་ཐོན་ཏེ་དམ་ཚིག་པ་སོ་སོ་ལ་ཐིམ་པར་བསམ་ནས། ཨེ་མའོ་སངས་རྒྱས་ཐམས་ཅད་ཀྱི་སོགས་ཆེད་དུ་བརྗོད་པར་བསམ། དེ་ནས་དབང་བླང་བ་ནི། གཙོ་བོའི་ཐུགས་ཀར་ཡེ་ཤེས་སེམས་དཔའི་ལྷག་མ་བཞག་པ་རྣམས་དབང་བསྐུར་བའི་དོན་ཏུ་ནམ་མཁའ་གང་བར་སྤྲོས་ནས། གཙོ་བོ་དང་གཤེགས་པ་བཞིས་དབང་བསྐུར་བའི་དགོངས་པ་མཛད། སེམས་དཔའ་རྣམས་ཀྱིས་བཀྲ་ཤིས་བརྗོད། སྒེག་སོགས་ཀྱིས་གླུ་ལེན། ཁྲོ་བོ་རྣམས་ཀྱིས་བགེགས་བསྐྲད། རྡོ་རྗེ་དབྱིངས་ཀྱི་དབང་ཕྱུག་མ་དང་ཡུམ་བཞིས་བུམ་པ་སོགས་ཐོགས་ནས་ལྷ་ཐམས་ཅད་ལ་ཆུ་དང་ཅོད་པན། དར་དཔྱང་ཕྱག་མཚན་མིང་རྣམས་ཀྱིས་དབང་བསྐུར། གཙོ་བོ་རིགས་བཞི་བསྐལ་བཟང་དཔེ་བྲལ་གྱི་སེམས་དཔའ་རྣམས་ལ་རིན་པོ་ཆེའི་སྲོག་ཞུ། ཡུམ་བཞི། སེམས་དཔའ་བཅུ་དྲུག །སྒེགས་སོགས་བརྒྱད། ནང་གི་སྒོམ་བཞི་རྣམས་ལ་རིགས་ལྔའི་ཅོད་པན། ཉན་རང་མ་གཏོགས་པའི་ཕྱིའི་ཁོར་ཡུགས་དང་བཅས་པའི་ལྷ་རྣམས་ལ་མེ་ཏོག་གི་ཕྲེང་བ། ཁྲོ་བོ་བརྒྱད་ལ་རྡོ་རྗེ་སྔོན་པོ་རྩེ་ལྔ་པ་རེས་དབང་བསྐུར་བས་དེ་རྣམས་ཀྱིས་དབུར་བརྒྱན་པར་བསམ་ལ། ཕྱག་རྒྱ་བཞིས་དབང་ལྷ་རྣམས་དཀྱིལ་འཁོར་པ་ལ་ཐིམ་པར་དམིགས། དེ་ནས་ཕྱག་རྒྱ་བཞིའི་ ― LT34_Page_0530 ―
[མ་དཔེ་གཟིགས་ན་འདིར་གནོན།]
རྒྱས་འདེབས་པའི་དང་པོ་དམ་རྒྱ་ནི། རྒྱུད་ཚིག་གིས་བསྐུལ་ནས་ཐོག་མར་ས་མ་ཡ་སྟྭཾཾ། ཞེས་པས་རང་གཙོ་བོ་རྣམ་སྣང་གི་དམ་ཚིག་པ་དང་ཡེ་ཤེས་པ་སོ་སོར་ཕྱེས་ནས་དམ་ཡེ་གཉིས་ཞལ་སྤྲོད་ཀྱི་རྣམ་པར་བཞུགས་པར་བསམ། བཛྲ་དྲྀཥྚི་མ་ཊ། ཞེས་པས་དམ་ཡེ་གཉིས་ཀྱི་སྤྱན་གཡས་པ་མ་ལས་ཉི་མ་དང་། གཡོན་པ་ཊ་ལས་ཟླ་བར་བསྒོམ། དྲྀ་ཤྱ་ཧོཿཞེས་པའི་སྐབས་དམ་ཡེ་གཉིས་ཕར་གཟིགས་ཚུར་གཟིགས་མཛད། ཛཿཧཱུྃ་བྃ་ཧོཿ ཞེས་པས་ཡེ་ཤེས་པ་དམ་ཚིག་པ་ལ་སླར་ཐིམ། ས་མ་ཡ་སྟཾྭ། དང་པོས་ཉི་མའི་རྒྱབ་ཡོལ་གསལ་འདེབས། ས་མ་ཡ་སྟཾྭ་ཨ་ཧཾ་ཞེས་པས་ཀུན་རིག་རྣམ་སྣང་གི་ང་རྒྱལ་བཟུང་། དམ་རྒྱ་བཅས་ཏེ་རྩ་རིག་ལན་གསུམ་བརྗོད་པའི་སྐབས་ཐུགས་ཀར་ཟླ་བའི་སྟེང་དུ་རྡོ་རྗེ་དཀར་པོ་རྩེ་ལྔ་པས་རྒྱས་བཏབ་པས་དམ་རྒྱ་མ་བཀྲོལ་བར་དུ་ཡེ་ཤེས་པ་བཞུགས་པར་བསམ། དེས་ཐམས་ཅད་ལ་རིགས་འགྲེས་ཏེ་རང་ཉིད་སྦྱོང་བའི་རྒྱལ་པོའི་ང་རྒྱལ་གྱིས་དམ་ཡེ་དབྱེ་བ་ནས་བརྟན་པའི་བར་སྔར་ལྟར་དེ་བཞིན་གཤེགས་པ་བཞི་ཀ་ལ་ཉི་མ་རྒྱབ་ཡོལ་བསྒོམ་པ་ནི་བྱང་ཆུབ་སྨིན་པའི་བརྡའ་ཡིན་ལ། ཡུམ་བཞི་ཕྱིན་ཆད་ལ། སུ་ར་ཏ་སྟཾྭ། གིས་དམ་ཡེ་དབྱེ་བ་དང་། ཟླ་བའི་རྒྱབ་ཡོལ་ཁོ་ན་བསྒོམ་པ་ནི་བྱང་ཆུབ་མྱུ་གུ་བསྐྱེད་པའི་བརྡར་བཤད་དོ། །དེ་ལྟ་བུའི་རིམ་པས་ཁྲོ་བོ་བརྒྱད་ཡན་ཆད་ལ་སྔགས་རྒྱ་ཏིང་ངེ་འཛིན་སྤོ་བ་ནི་ཐུགས་དམ་ཚིག་གི་ཕྱག་ ― LT34_Page_0531 ―
[མ་དཔེ་གཟིགས་ན་འདིར་གནོན།]
རྒྱའོ། །རང་གཙོ་བོ་རྣམ་སྣང་གི་ལྐོག་མ་སྟེ་མགྲིན་པའི་ནང་དུ་ཧྲཱིཿལས་པདྨ་དམར་པོ་འདབ་མ་བརྒྱད་པའི་མདུན་གྱི་པད་འདབ་གཅིག་ལྕེར་གྱུར་པའི་སྟེང་དུ་ཟླ་བའི་དཀྱིལ་འཁོར་གྱི་དབུས་སུ་ཧཱུྃ་ལས་རྡོ་རྗེ་རྩེ་ལྔ་པ་ཉལ་ཐབས་སུ་གནས་པའི་ལྟེ་བར། ཨོཾ་ཤོ་དྷ་ནེ་སོགས་རྩ་རིག་གིས་བསྐོར་བར་བསམ་ལ་སྔགས་བརྗོད། དེས་འགྲེས་ཏེ་སྤྱོད་རྒྱལ་ནས་ཁྲོ་བོ་བརྒྱད་ཀྱི་བར་རབ་སྔགས་དང་དམིགས་པ་སྤོ་བ་ནི་གསུང་ཆོས་ཀྱི་ཕྱག་རྒྱའོ། །གཙོ་འཁོར་ཐམས་ཅད་ཀྱི་ཐུགས་ཀར་སྣ་ཚོགས་རྡོ་རྗེ་རྭ་བཅུ་གཉིས་པའི་ཤར་གསུམ་དཀར། ལྷོ་སེར། ནུབ་དམར། བྱང་ལྗང་། ལྟེ་བ་མཐིང་གའི་མདོག་ཅན་ལས་འོད་ཟེར་རིམ་པ་ལྔ་ལྔ་འཕྲོས། དང་པོས་ཁམས་གསུམ། གཉིས་པས་ངན་སོང་གསུམ་སྣང་བས་ཁྱབ། གསུམ་པས་དེ་དག་གི་རྒྱུད་ལ་གནས་པའི་ཉོན་མོངས་པའི་དུག་ལྔ་ཡེ་ཤེས་ལྔས་སྦྱང་། བཞི་པས་རྒྱུའི་ངན་འགྲོ་དུག་གསུམ་དང་། ལྔ་པས་འབྲས་བུའི་ངན་སོང་དམྱལ་བ་ཡི་དྭགས་དུད་འགྲོ་གསུམ་ལས་ཐར་བར་མཛད། འོད་ཟེར་ཚུར་འདུས་སྙིང་གའི་སྣ་ཚོགས་རྡོ་རྗེ་ལ་ཐིམ་པར་བསམ། ཨོཾ་གླུ་བླངས་པའི་ལས་རྒྱ་བཅས་ལ་རིགས་ལྔ་ནས་ཁྲོ་བོ་བརྒྱད་ཀྱི་བར་སོ་སོའི་སྔགས་བརྗོད་ཅིང་ཏིང་ངེ་འཛིན་བྱ་བ་ནི་སྐུ་ལས་ཀྱི་ཕྱག་རྒྱའོ། །གཙོ་འཁོར་ཐམས་ཅད་ཀྱི་ཐུགས་ཀར་ཟླ་བའི་སྟེང་དུ་ཧཱུྃ་ཡིག་ལས་དང་པོའི་རྡོ་རྗེ་དམར་པོ་རྩེ་ལྔ་པ་རེ་རེས་རྒྱས་གདབ་པར་བསམ་ལ་ལྷའི་ ― LT34_Page_0532 ―
[མ་དཔེ་གཟིགས་ན་འདིར་གནོན།]
དེ་ཁོ་ན་ཉིད་དང་བདག་གི་དེ་ཁོ་ན་ཉིད་དབྱེར་མི་ཕྱེད་པའི་མཚན་མེད་ཀྱི་ཏིང་ངེ་འཛིན་ལ་མཉམ་པར་བཞག་བཞིན་དུ་ལྷ་སོ་སོའི་སྔགས་བརྗོད་ཅིང་ཕྱག་རྒྱ་འཆའ་བ་ནི་ཕྱག་རྒྱ་ཆེན་པོའོ། །དེ་ནས་གནས་ཉེར་གཉིས་བྱིན་གྱིས་བརླབ་པ་ནི། སྙིང་ག་མགྲིན་པ་དཔྲལ་བ་སོགས་གཞུང་ནས་བཤད་པའི་གནས་རྣམས་སུ་རྡོ་རྗེའི་ཕྱག་རྒྱས་རེག་ལ། ཨོཾ་སརྦ་བིད་བཛྲ་སོགས་སྔགས་བརྗོད་པས་གནས་རེ་རེ་བཞིན་ཟླ་བ་རྡོ་རྗེ་རེ་རེས་རྒྱས་གདབ་པར་བསམ། དེ་རྣམས་བསྡུ་ན་རིགས་གསུམ་སྤྱིའི་སྔགས་རྒྱས་རྒྱ་བཞི་དང་། གནས་གསུམ་དང་གཙུག་ཕུད་ཙམ་གྱིས་གནས་བྱིན་གྱིས་བརླབས་པའི་དོན་ཚང་བར་བཞེད་ཀྱང་སྦྱོང་རྒྱུད་དངོས་བསྟན་སྤྱོད་རྒྱུད་དུ་བྱེད་ན་ལས། རྣལ་འབྱོར་རྒྱུད་ཀྱི་ལུགས་སུ་བྱེད་ན་མཚན་ཉིད་མ་ཚང་བས་ཆོ་ག་ཉམས་པའི་སྐྱོན་དུ་འགྱུར་ཅེས་མཁས་པ་དག་གིས་བཤད་པའང་བདེན་པར་སྣང་། དེ་ནས་མཆོད་བསྟོད་བྱ་བ་ནི། རང་གི་ཐུགས་ཀ་ནས་ལས་ཀྱི་རྡོ་རྗེ་སེམས་དཔའ་ཞིག་སྤྲོས་པ་ཤར་སྒོར་འཁོད། དེའི་ཐུགས་ཀ་ནས་མཆོད་རྫས་འཛིན་པའི་ལྷ་མོ་མང་པོ་སྤྲོས་ཏེ་མཆོད་བསྟོད་ཕུལ་བར་བསམ་ལ་མཆོད་པ་ཉེར་ལྔ་པས་མཆོད་ཅིང་། རྡོ་རྗེ་འཛིན་པའི་དབྱངས་མཉམ་མེད་མས་བསྟོད་པ་ཕྱག་ལེན་དུ་འབྱུང་། མཐར་མཆོད་ལྷ་རྣམས་རྡོར་སེམས་དང་དེའང་རང་ལ་བསྡུ། དེ་ནས་ཕྲིན་ལས་བཅོལ་བ་ནི་ལྷ་སོ་སོའི་ཕྱག་ཆེན་བཅིངས་ ― LT34_Page_0533 ―
[མ་དཔེ་གཟིགས་ན་འདིར་གནོན།]
ཤིང་སྔགས་བརྗོད། རྒྱས་པར་རེ་རེ་བཞིན་མཚན་ནས་སྨོས་ཏེ་ཕྲིན་ལས་བཅོལ། འབྲིང་པོ་ལ་གཙོ་བོ། རིགས་བཞི་ཡབ་ཡུམ་བཞི། སེམས་དཔའ་བཅུ་དྲུག། སྒེགས་སོགས་བརྒྱད་དང་སྒོ་བ་བཞི། བསྐལ་བཟང་དང་དཔེ་བྲལ། ཉན་ཐོས་དང་རང་རྒྱལ། ཁྲོ་བོ་ཆེན་པོ་བརྒྱད། འཇིག་རྟེན་སྐྱོང་བ་བཙས་ཕྱོགས་སུ་བསྡུས་པ་དང་། བསྡུས་པ་ཆོ་གའི་དཀྱུས་སུ་བཀོད་པ་ལྟར་རྩ་རིག་དང་གཙོ་འཁོར་ཕྱོགས་བསྡུས་ཅན་རྣམས་སུ་ཡོད་པ་ལས་བསྙེན་པ་བཏང་བའི་སྐབས་སུ་ནི་བསྡུས་པ་འདི་ཙམ་གྱིས་ཆོག་ཅིང་། ཏིང་ངེ་འཛིན་ནི། གོང་དུ་ལས་རྒྱའི་སྐབས་སུ་བཤད་པ་ལྟར་བྱའོ། །བཟླས་པའི་ཕྲེང་བ་དུང་ཤེལ་ལམ་ལས་སྤྱིར་བསྔགས་པའི་བོ་དྷི་ཙེ་ཡིན་ཀྱང་ཕྲེང་ལུང་ཀོ་ཐིག་མིན་པའི་རས་སྐུད་དཀར་པོ་ལ་བརྒྱུས་པ་དགོས་ཤིང་། བྱིན་རླབས་རྒྱུད་སྡེ་འོག་མ་ནས་ཁ་འགེངས་པའི་ཕྱག་སྲོལ་ལྟར་ན། ཕྲེང་བ་ཐལ་མོའི་བར་དུ་བཅུག་སྟེ། དཀོན་མཆོག་གསུམ་ལ་ཕྱག་འཚལ་ལོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །རྡོ་རྗེ་འཛིན་པ་ཐམས་ཅད་ལ་ཕྱག་འཚལ་ལོ། །ཆོས་ཐམས་ཅད་པའི་རྣམ་པ་ཐམས་ཅད་དུ་བྱིན་གྱིས་བརླབ་ཏུ་གསོལ། ན་མོ་རཏྣ་ཏྲ་ཡཱ་ཡ། ཨོཾ་ཨརྦྷཱ་ཏེ་བི་ཛ་ཡ་སིདྡྷེ་སིདྡྷརྠ་སྭཱ་ཧཱ། ཞེས་པ་ཉེར་ཅིག་གམ་བདུན་བཟླ། ཨོཾ་རུ་ཙི་ར་མ་ི་པྲ་ཝྷ་ནི་ཡེ་སྭཱ་ཧཱ། ཞེས་པ་བདུན་ནམ་ལྔ་བཟླས་ལ་ཕུས་གདབ་ ― LT34_Page_0534 ―
[མ་དཔེ་གཟིགས་ན་འདིར་གནོན།]
བདག་གི་རིགས་སྔགས་འདི་འགྲུབ་པར་གྱུར་ཅིག །ཅེས་བརྗོད་དོ། །དེ་ནས་བཟླས་པའི་དམིགས་པ་ནི། ལྷ་ཚོགས་ཐམས་ཅད་བདག་ཉིད་དང་ངོ་བོ་གཅིག་ལ་རྣམ་པ་སོ་སོར་སྣང་བར་ཤེས་པར་བྱས་ལ། ལྷ་ཚོགས་གཙོ་འཁོར་ཐམས་ཅད་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་དཀར་པོ་རྩེ་ལྔ་པ་རེ་རེའི་ལྟེ་བར་ལྷ་སོ་སོའི་ས་བོན་གྱི་མཐར་རང་རང་གི་སྙིང་པོ་དང་། དེ་ཡི་མཐར་རྩ་རིག་གིས་བསྐོར་བར་བསམ་པ་ནི་བཟླས་པའི་གཞི་ཡིན་པས་གསལ་མ་ཐེབས་པར་དེ་ལྟར་བསྒོམས་ནས་རྩ་རིག་བཟླ། དེ་ཉིད་གསལ་ཐེབས་ནས་སྔར་ལས་རྒྱའི་སྐབས་སུ་བཤད་པ་ལྟར་འོད་ཟེར་རིམ་པ་ལྔ་ལྔའི་སྤྲོ་བསྡུ་རྣམས་ཀྱང་རིམ་པ་བཞིན་གསལ་གདབ་ཅིང་བཟླས་པ་བྱ། འཁོར་སྔགས་བཟླ་བའི་ཚེ་འཁོར་སོ་སོའི་ཐུགས་ཀར་སྤྲོ་བསྡུ་བྱའོ། །གཉིས་པ་དཀྱིལ་འཁོར་གྱི་ལས་རིམ་ནི། བསྙེན་པ་གྲུབ་པའི་རྣལ་འབྱོར་པས་རང་གཞན་དོན་དུ་དཀྱིལ་འཁོར་གྱི་ལས་བྱ་བའི་ཚུལ་རྡུལ་ཚོན་དང་འབྲེལ་བ་ནི་གཞུང་ལས་ཤེས་པར་བྱ་དགོས་ཤིང་། རས་བྲིས་ལ་བརྟེན་པའི་ལག་ལེན་ནི་བྱ་སླ་བས་ཀུན་གྱིས་ཤེས་པ་དེར་ཟད། བསྒོམ་དོན་ལ་བུ་མ་བསྐྱེད་སྐབས་བུམ་པ་ཁ་གཡེལ་ཞབས་ཞུམ་པ་སོགས་མཚན་ཉིད་ཐམས་ཅད་ཡོངས་སུ་རྫོགས་པའི་ལྟོ་བ་ཡངས་པའི་ནང་དྲི་ལྡན་གྱི་ཆུའི་སྟེང་དུ་པདྨ་འདབ་མ་བརྒྱད་པའི་སྟེང་དུ་རྩ་བའི་ལྷ་སོ་བདུན་གྱི་གདན་བསྐྱེད། དེའི་སྟེང་དུ་གཙོ་བོ་མངོན་ ― LT34_Page_0535 ―
[མ་དཔེ་གཟིགས་ན་འདིར་གནོན།]
བྱང་ལྔ་བསྐྱེད་དང་། འཁོར་རྣམས་མགྲོན་ཐབས་སུ་སྒོ་མ་བཞི་ཡན་ཆད་བསྐྱེད། སྒོ་དབྱེ་བ་མི་དགོས་པས་ཡེ་ཤེས་པ་སྤྱན་འདྲེན་ནས་ཕྲིན་ལས་བཅོལ་བའི་བར་བདག་བསྐྱེད་དང་འདྲ། བཟླས་པའི་དམིགས་པ་བདག་བསྐྱེད་ལྟར་བྱས་ཀྱང་ཆོག་མོད། སྤྱི་འགྲོ་ལྟར་ན་རང་གི་ཐུགས་ཀའི་འོད་ཟེར་གཟུངས་ཐག་ལ་བརྒྱུད་ནས་བུམ་པའི་ནང་དུ་སོང་། ལྷ་ཚོགས་གཙོ་འཁོར་ཐམས་ཅད་ཀྱི་ཐུགས་རྒྱུད་བསྐུལ། སྐུ་ལས་བདུད་རྩིའི་རྒྱུན་བབས་པས་བུམ་པ་གང་བར་དམིགས་ལ་གཙོ་འཁོར་རྣམས་ཀྱི་སྔགས་བཟླ། མཐར་གནས་འདིའམ་ནི་སོགས་ངོ་མཚར་བའི་མཆོད་པ་བཅོ་བརྒྱད་ཀྱིས་མཆོད། ཕྱག་རྡོར་མཚན་བརྒྱས་བསྟོད། མཆོད་ཡོན་ཕུལ་བས་བུམ་ལྷ་འོད་དུ་ཞུ། བྱང་ཆུབ་སེམས་ཀྱི་རང་བཞིན་བུམ་ཆུ་དང་རོ་གཅིག་ཏུ་གྱུར་པར་མོས། ལས་བུམ་དུ་རྡོ་རྗེ་གནོད་སྦྱིན་བསྐྱེད་བཟླས་བྱ། ཕྲིན་ལས་བཅོལ་ལ་འོད་ཞུ་མི་དགོས་དེ་ཀར་བཞག །བསྡུ་ན་བུམ་པ་རྡོར་འཛུག་ཅེས་བུམ་པ་ལ་རྡོ་རྗེས་རེག་ཏེ་བུམ་པའི་ནང་སྔགས་ཀྱི་ཡིག་འབྲུས་གང་བར་མོས་ལ་གཙོ་འཁོར་ཐམས་ཅད་ཀྱི་སྙིང་པོའམ་རྩ་རིག་རྐྱང་པ་བཟླས་ཀྱང་ཆོག །མཆོད་བསྟོད་བྱས་ལ་ཡིག་འབྲུ་འོད་ཞུ་བྱ་བ་ནི་རྒྱུད་རྐྱང་གི་དགོངས་པ་ཡིན་པས་ཤིན་ཏུ་གོ་ཆོད་ལ། འདི་སྐབས་ལས་བུམ་ཏུ་རྡོ་རྗེ་གནོད་སྦྱིན་གྱི་སྙིང་པོ་གསལ་བཏབ་ལ་སྔགས་བཟླ་བས་བྱིན་གྱིས་བརླབ། འོད་ཞུ་མི་དགོས་སོ། །དེ་ནས་མདུན་བསྐྱེད་ཀྱི་དཀྱིལ་ ― LT34_Page_0536 ―
[མ་དཔེ་གཟིགས་ན་འདིར་གནོན།]
འཁོར་སྒྲུབ་མཆོད་ནི། རས་བྲིས་ཀྱི་དཀྱིལ་འཁོར་ལ་རྟེན་བྱས་ཏེ་རང་ཉིད་རྡོ་རྗེ་རྒྱུ་དང་དབྱེར་མེད་པས་དཀྱིལ་འཁོར་སྤྲུལ་པར་བསམ་ལ་མངོན་རྟོགས་ལྟར་རྟེན་བརྟེན་པར་བཅས་པ་གསལ་གདབ་སྟེ་གཙོ་བོ་མངོན་བྱང་ལྔ་བསྐྱེད་དང་། འཁོར་རྣམས་རང་རང་གི་གདན་ཁ་ས་བོན་ཙམ་ལས་བསྐྱེད། མདུན་བསྐྱེད་གཙོ་བོ་ཧཱུྃ་མཛད་དུ་གནས་འགྱུར་པས་སྒོ་དབྱེ། ཡེ་ཤེས་བཀུག་བསྟིམ་དབང་བསྐུར་རྒྱས་གདབ་ཕྲིན་ལས་བཅོལ་བའི་བར་བདག་བསྐྱེད་ཀྱི་དམིགས་པ་སྤོ། བཟླས་པའི་སྐབས་རང་དང་མདུན་བསྐྱེད་ཀྱི་གཙོ་བོ་དབྱེར་མེད་ཡིན་པར་མོས། དེང་སང་དཀྱུས་ཀྱི་ཕྱག་ལེན་དུ་ཟོར་ཡང་བའི་ཆེད་དུ་མཆོད་བསྟོད་རྣམས་ལྷུ་ཕྲལ་ནས་ཆོ་ག་ཚར་གཅིག་ནང་དུ་ཚང་པ་མཛད་ཀྱང་མཆོད་བསྟོད་ནི་མདུན་བསྐྱེད་ལ་དགོས་དོན་གྱི་གཙོ་བོ་ཡིན་ཏེ་དེའང་ཆུ་གཉིས་ཉེར་སྤྱོད་འབུལ་བ་རབ་འབྱམས་རྒྱ་མཚོ། མཆོད་པ་ཉེར་ལྔ་འབུལ་ཚིག་དཔག་མེད་བསོད་ནམས། འདོད་ཡོན་ལྔ་འབུལ་ཚིགས་ཁ་དོག་དབྱིབས་ལེགས། རྒྱལ་སྲིད་སྣ་བདུན་འབུལ་ཚིག་བདེ་བར་གཤེགས་པ་རྣམས་ནི་ཕྱི་མཆོད། ངོ་མཚར་བའི་མཆོད་པ་བཅོ་བརྒྱད་འབུལ་ཚིག་གནས་འདིའམ་ནི་སོགས་ནང་མཆོད། སྒེག་སོགས་ལྷ་མོ་བརྒྱད་འབུལ་ཚིག་རྡོ་རྗེ་སེམས་དཔའ་བསྡུས་པ་སོགས་གསང་མཆོད་ཡིན་ནོ། །མཆོད་པ་རེ་རེ་ལའང་ལྔ་ལྔ་ཚང་བ་རྒྱུད་རྡོ་རྗེ་རྩེ་མོའི་དགོངས་པ་སྟེ། ཕྱི་རྫས་ཀྱི་མཆོད་པ་རྫས་དངོས། དེའི་སྔགས་ ― LT34_Page_0537 ―
[མ་དཔེ་གཟིགས་ན་འདིར་གནོན།]
བརྗོད་པ་རིག་སྔགས་བཟླས་པའི་མཆོད་པ། ཕྱག་རྒྱ་འཆིང་བར་བྱེད་པ་ཕྱག་རྒྱའི་མཆོད་པ། མཆོད་ཡུལ་ལྷ་དང་མཆོད་བྱེད་ལྷ་མོར་དམིགས་པ་སྒོམ་པ་ཏིང་ངེ་འཛིན་གྱི་མཆོད་པ་སྟེ། དེས་རང་གཞན་གྱི་དོན་སྒྲུབ་པ་ནི་སྒྲུབ་པའི་མཆོད་པར་གསུངས་པས་ལྔ་ཀ་ཚང་བར་བྱ། ཕྱི་ནང་གི་མཆོད་པ་རྣམས་རང་གི་ཐུགས་ཀ་ནས་མཆོད་པའི་ལྷ་མོ་དཔག་ཏུ་མེད་པ་སྒྲུལ་ཏེ་ཕུལ་བར་དམིགས་པའམ། ཡང་ན་དེ་བཞིན་གཤེགས་པ་ཐམས་ཅད་མཆོད་པས་མཉེས་ཤིང་དབང་དུ་བྱེད་པ་ལས་ཀྱི་རྡོ་རྗེ་འཛིན་མར་སྤྲུལ་ནས་མཆོད་པར་མོས་པར་བཤད་པའང་འབྲེལ་ཆགས་པས་ཅི་བདེར་བྱ། དེ་ལ་རབ་འབྱམས་རྒྱ་མཚོའི་སྐབས་འཇིག་རྟེན་གྱི་ཁམས་རབ་འབྱམས་རྒྱ་མཚོ་ནས་བདག་པོས་མ་བཟུང་བའི་མཆོད་རྫས་ཇི་སྙེད་ཡོད་པ་དང་། རང་ཉིད་ཀྱིས་གུས་ཤིང་དང་བའི་བློས་དངོས་སུ་གཙང་མར་སྦྱར་ཏེ་ཅི་འབྱོར་པའི་མཆོད་ཡོན་སོགས་བཤམས་པ་འབུལ་བའི་དོན་ཡིན་ལ། མཆོད་པ་ཉེར་ལྔ་པ་ནི། ལྷའི་བུ་ནོར་བུ་དྲི་མ་མེད་པ་ངན་སོང་ལས་ཐར་ནས་བཅོམ་ལྡན་འདས་ལ་མཆོད་པ་ཕུལ་བའི་དོན་བསྡུས་པ་སྟེ། རྒྱན་གྱི་ཁྱད་པར་བརྒྱད། ཡོ་བྱད་ཀྱི་ཁྱད་པར་དྲུག །གནས་ཀྱི་ཁྱད་པར་དྲུག །མཆོད་པའི་ཁྱད་པར་ལྔ་རྣམས་ཡིན་ལ་སྦྱོང་རྒྱུད་ཀྱི་སྐབས་དོན་དམིགས་བསལ་ཡིན་པས་ཤིན་ཏུ་གལ་ཆེའོ། །འདོད་ཡོན་ལྔ་དང་རྒྱལ་སྲིད་བདུན་ནི་སོ་སོའི་ཚིག་ ― LT34_Page_0538 ―
[མ་དཔེ་གཟིགས་ན་འདིར་གནོན།]
དོན་ལྟར་བློས་བླངས་ཤིང་སྤྲུལ་ཏེ་འབུལ། ངོ་མཚར་བའི་མཆོད་པ་བཅོ་བརྒྱད་ནི། བདག་པོས་མ་བཟུང་བའི་མེ་ཏོག་བདུག་སྤོས་མར་མེ་དྲི་ཆབ་རིན་པོ་ཆེའི་རི་རབ་དཔག་བསམ་ཤིང་རྣམས་ཕྱི་མཆོད། རྩེ་འཇོའི་བདེ་བ་གསང་མཆོད། སེམས་བསྐྱེད་པ་དང་ཕ་རོལ་ཏུ་ཕྱིན་པ་དྲུག་གི་དེ་ཁོ་ན་ཉིད་སྒེག་མོ་སོགས་དྲུག་ནང་མཆོད། ལུས་ངག་ཡིད་གསུམ་དང་རྣམ་ཐར་སྒོ་གསུམ་འབུལ་བ་ནི་དེ་ཁོ་ན་ཉིད་ཀྱི་མཆོད་པ་སྟེ་འདིའང་རྒྱུད་ཀྱི་དགོངས་པ་ཁྱད་པར་ཅན་ནོ། །རྒྱུད་དེ་ཉིད་འདུས་པ་ནས་གསུངས་པའི་རྡོ་རྗེ་སེམས་དཔའ་བསྡུས་པ་སོགས་གསང་མཆོད་ཀྱི་སྐབས་དང་། རྡོ་རྗེ་སེམས་དཔའ་སོགས་བོད་སྐད་ཀྱི་སྐབས། མཆོད་ཡུལ་གྱི་དཀྱིལ་འཁོར་གྱི་ཤར་ཕྱོགས་རྡོ་རྗེ། ལྷོ་ཕྱོགས་རིན་པོ་ཆེ། ནུབ་ཕྱོགས་པདྨ། བྱང་ཕྱོགས་ལས་ཀྱི་རིགས་རྣམས་གསལ་འདེབས། ཨོཾ་བཛྲ་སཏྭ་སོགས་ཀྱི་སྐབས་ལས་ཀྱི་ལྷ་རྡོ་རྗེ་སེམས་དཔའི་ཐུགས་ཀར་ཟླ་བའི་སྟེང་དུ་སྣ་ཚོགས་རྡོ་རྗེ་ལའང་སྒེགས་སོགས་ནང་གི་ལྷ་མོ་བཞི་དང་། བདུག་སྤོས་མ་སོགས་ཕྱིའི་ལྷ་མོ་རྣམས་རིམ་པར་སྤྲུལ་ནས་ཕྱོགས་སོ་སོའི་ལྷ་ལ་ཕུལ་བས་ལྷ་རྣམས་ཀྱི་ཕྱག་གིས་ཕྱག་ལ་བཅངས་ཏེ་བདེ་བ་ཆེན་པོས་མཉེས་པར་བསམ་པའོ། །བསྟོད་པའི་སྐབས་གཙུག་དགུའི་རྒྱུད་ལས། ཐམས་ཅད་ལ་ལྕེ་བརྒྱ་པའི་ཁ་དུམས་བསྟོད་པ་ཉེ་བར་སྦྱོར་པར་མོས་ཏེ། རྡོ་རྗེ་དྲིལ་བུ་འཛིན་པས་བསྟོད་པར་བྱའོ། ― LT34_Page_0539 ―
[མ་དཔེ་གཟིགས་ན་འདིར་གནོན།]
ཞེས་གསུངས་པ་ལྟར་བྱ་དགོས་ལ། དྲིལ་སྟབས་ནི་ཉང་སྟོད་ཕོ་རོག་པའི་ལག་ལེན་ཡིན་པས་དོ་གལ་ཆུང་། དེ་ལས་ཆོས་དབྱིངས་ཡེ་ཤེས་སོགས་རྒྱུད་དང་རྒྱ་གཞུང་གི་ཚིག །ངོ་བོ། ཕྱག་མཚན། ཡོན་ཏན་གསུམ་གྱི་སྒོ་ནས་བསྟོད་པ་དང་། མཉམ་མེད་མི་གཡོ་སོགས་ནི་དཔལ་ཡང་དག་པར་སྦྱོར་བའི་རྒྱུད་ལས་འབྱུང་བའི་བདེ་གཤེགས་སྤྱི་བསྟོད་ཡིན་ཅིང་ཕྱག་རྡོར་གྱི་མཚན་བརྒྱ་ནི་སྤྱོད་རྒྱུད་ལས་འབྱུང་བ་ཡིན་ནོ། །དེ་ནས་འཇིག་རྟེན་པ་ལ་གཏོར་མ་སྦྱིན་པའི་སྐབས་བདག་བསྐྱེད་ཀྱི་ཐུགས་ཀ་ནས་རང་ཉིད་རྡོར་སེམས་རྣམ་པར་འཐོན་ཏེ་དཀྱིལ་འཁོར་གྱི་ཕྱི་རོལ་དུ་སོང་བར་བསམ་ལ། ཕྱི་རོལ་དུ་རང་རྒྱུད་པར་གནས་པའི་ཕྱོགས་སྐྱོང་རྣམས་དང་འབྱུང་པོ་སྤྱི་དང་། བགེགས་རིགས་བཅས་ལ་གཏོར་མ་ཆ་གསུམ་སྦྱིན། བགེགས་གཏོར་སྐབས་གུང་ཀའི་སྲིན་པོ། པི་ཙི་ཤ་ཟ། གུང་གུང་འབྱུང་པོ་བགེགས་རིགས་ཡིན་པར་བཤད། ཕྱི་རོལ་དུ་འབྱུང་པོ་དང་སྨྲ་བས་མི་གཙང་བར་གྱུར་པ་ཉེ་རེག་བྱས་པས་བསངས་ཏེ་སླར་གཙོ་བོའི་ཐུགས་ཀར་ཞུགས་པར་མོས། དེ་ནས་གཞན་ལ་དབང་བསྐུར་བའི་སྔོན་དུ་རང་ཉིད་སྔགས་ཀྱི་སྡོམ་པ་དང་ལྡན་པར་དགོས་པས་དབང་རྫོགས་པར་ལེན་པ་ཡིན་ཏེ། བདག་བསྐྱེད་ཀྱི་ཐུགས་ཀ་ནས་རང་ལུས་ཐ་མལ་པ་ཞིག་སྤྲོས་ནས་མདུན་བསྐྱེད་ཀྱི་ཤར་སྒོའི་གཡས་ཟུར་དུ་འཁོད། །དཀྱིལ་འཁོར་གྱི་གཙོ་བོ་དང་རང་གི་བླ་མ་དབྱེར་མེད་པས་དབང་གི་ ― LT34_Page_0540 ―
[མ་དཔེ་གཟིགས་ན་འདིར་གནོན།]
ཕྲིན་ལས་མཛད་པར་བསམ། ལས་སློབ་རྡོ་རྗེ་སེམས་དཔའི་རྣམ་པས་ཁྲུས་སོགས་རིམ་པར་བྱས་པ་མོས་ལ་ཁྲུས་བྱ་ཞིང་། ཞུ་བའི་ཡོན་དུ་མཎྜལ་འབུལ། གསོལ་བ་གདབ་ཅིང་རྒྱུན་བཤགས་ཀྱིས་རྒྱུད་སྦྱངས་ལ་རིགས་ལྔའི་སྡོམ་པ་བཟུང་། རྣལ་འབྱོར་རྒྱུད་ཀྱི་ཁྱད་ཆོས་ཟླ་བ་རྡོ་རྗེའི་སེམས་བསྐྱེད་ཅིང་བརྟན་པར་བྱ། རིགས་གསུམ་སྤྱིའི་སྔགས་རྒྱ་དང་ཏིང་ངེ་འཛིན་སྔར་སྨོས་པ་ལྟར་གྱིས་གནས་གསུམ་བྱིན་བརླབས། རྡོ་རྗེའི་སྔགས་རྒྱ་ཏིང་ངེ་འཛིན་གྱིས་གནས་ཉེར་གཉིས་སམ་བསྡུ་ན་གནས་བཞིའམ་སྐྱེ་བའི་གནས་ལྔ་བྱིན་བརླབ། དགེ་རྩ་བྱང་ཆུབ་ཏུ་བསྔོ། གསང་སྔགས་འབྱུང་བར་དཀའ་ཞིང་ཕན་ཡོན་ཆེ་བའི་ཆོས་བཤད། ཁྲོ་བོ་མེ་ལྟར་འབར་བའི་སྔགས་རྒྱས་ལུས་ངག་ཡིད་གསུམ་ལ་བར་དུ་གཅོད་པའི་བགེགས་རྣམས་བསྲུང་། རྡོ་རྗེ་གནོད་སྦྱིན་གྱི་སྔགས་རྒྱས་གདོང་གཡོགས་པ་ཐོག་མེད་ནས་བསགས་པའི་སྡིག་སྒྲིབ་ཀྱི་ངོ་བོར་མོས། ཨོཾ་བཛྲ་ཨདྷིྭ་ཏིཥྛ་ཧཱུྃ་གིས་རྡོ་རྗེ་སེམས་དཔའི་ངོ་བོར་བྱིན་གྱིས་བརླབ་པ་ལ་ཉེར་སྤྱོད་ལྔས་མཆོད་པར་མོས་ལ་པུཥྤེ་སོགས་བརྗོད། དཀྱིལ་འཁོར་གྱི་ལྷ་དང་མཇལ་བའི་ཕྱག་རྟེན་ཏུ་མེ་ཏོག་ཁ་དོག་སྣ་ཚོགས་པའི་ཕྲེང་བ་ཐོགས་པར་མོས་ལ་རྡོ་རྗེ་འཛིན་མའི་རྒྱས་མེ་ཏོག་བཟུང་། ཨོཾ་བཛྲ་ས་མ་ཡ་ཧཱུྃ་གིས། ཤར་སྒོ་ནས་དཀྱིལ་འཁོར་དུ་ཞུགས་ཏེ་ཤར་གྱི་ལྷ་སྣམ་ལ་གནས་པར་བསམ། ཡེ་ཤེས་པ་དབབ་པ་བསྡུ་ན་གཞུང་གསལ་ ― LT34_Page_0541 ―
[མ་དཔེ་གཟིགས་ན་འདིར་གནོན།]
དམིགས་པ་ཙམ་གྱིས་ཀྱང་ཆོག་མོད། བསྒོམ་དོན་དངོས་ནི། སློབ་དཔོན་གྱི་ཐུགས་ཀར་ཨ་ལས་རྡོ་རྗེ་དམར་པོ་འོད་ཟེར་གྱི་ཕྲེང་བ་དང་ལྡན་པ་སློབ་མ་ཧཱུྃ་ལས་རྡོ་རྗེ་སེམས་དཔར་གསལ་བའི་ལུས་ཤིན་ཏུ་དྭངས་བའི་གནས་བཞིར་ཟླ་བའི་དཀྱིལ་འཁོར་གྱི་སྟེང་དུ་སྙིང་གར་ཧཱུྃ་ལས་རྡོ་རྗེ། དཔྲལ་བར་ཏྲཱྃ་ལས་རིན་པོ་ཆེ། མགྲིན་པར་ཧྲཱིཿལས་པདྨ། སྤྱི་བོར་ཨཱཿལས་སྣ་ཚོགས་རྡོ་རྗེ་རྣམས་ཀྱིས་མཚན་པ། སློབ་དཔོན་གྱི་ཐུགས་ཀའི་རྡོ་རྗེ་ལས་ཨཱཿབྱུང་སྟེ་སློབ་མའི་སྙིང་གའི་སྒོ་ཕྱེས་ནས། སྙིང་གར་བཅུག་པས་ལུས་ཐམས་ཅད་འོད་ཀྱིས་གང་། སངས་རྒྱས་ཐམས་ཅད་ཀྱི་ཐུགས་ཀ་ནས་ཐུགས་གཉིས་སུ་མེད་པའི་ཡེ་ཤེས་ཡི་གེ་ཧཱུྃ་གི་རྣམ་པ་ཆར་བབས་པ་ལྟར་བྱོན་ནས་ལུས་ལ་ཐིམ་པར་མོས་ཏེ་སྔགས་བཅུ་ནས་བརྒྱའི་བར་དུ་བརྗོད་ལ་རོལ་མོ་བྱ། ཨ་ས་མེ་སོགས་ཀྱིས་རྒྱལ་བ་རྣམས་ཀྱི་སྐུ་གསུང་ཐུགས་དང་རང་གི་སྒོ་གསུམ་མཉམ་པ་ཉིད་དུ་བྱས་པར་མོས། མེ་ཏོག་གི་ཕྲེང་བ་དཀྱིལ་འཁོར་གྱི་གཙོ་བོ་རྣམ་སྣང་ལ་ཕུལ་བས་དེ་ཉིད་སླར་སྤྱི་བོར་དབང་རྟགས་ཅོད་པན་དུ་བཅིངས་ཏེ་རྣམ་སྣང་ཉིད་བསྒྲུབ་བྱའི་ལྷ་སྐལ་དུ་ཐོབ་པར་བསམ། མིག་དར་བསལ་བས་སྒྲིབ་པ་ཐམས་ཅད་དང་བྲལ་ཏེ་དག་པ་ཡེ་ཤེས་ཀྱི་སྤྱན་ཐོབ། ཨོཾ་བཛྲ་ཧཱ་སྱ་སོགས་ཀྱིས་རྡོ་རྗེ་བཞད་པས་སྒོ་ཕྱེས་ཏེ་ཡེ་ཤེས་ཀྱི་དཀྱིལ་འཁོར་མངོན་སུམ་དུ་མཇལ་བར་བསམ། ཨོཾ་བཛྲ་ས་མ་ཡ་ ― LT34_Page_0542 ―
[མ་དཔེ་གཟིགས་ན་འདིར་གནོན།]
ཧྲཱྀ་ད་ཡ་སོགས་ཀྱིས་ཡེ་ཤེས་པའི་བྱིན་རླབས་རང་གི་རྒྱུད་ལ་བརྟན་པར་བྱ། དམ་ཚིག་གི་ཆུ་བླུད་ནས་བསྲུང་བསྡོམ་བྱ་བའི་ཚུལ་བཀའ་བསྒོས་ཉེ་དམ་ལ་བཞག་པར་བསམ་པ་རྣམས་ནི་དཀྱིལ་འཁོར་འཇུག་པའི་ཆོས་རྣམས་སོ། །དེ་ནས་དངོས་གཞིའི་དབང་གི་དོན་དུ་མཎྜལ་ཕུལ། ཤར་ཕྱོགས་ཀྱི་སྒོ་དང་ཉེ་བར་དབང་སྟེགས་པདྨ་དཀར་པོའི་ལྟེ་བར་འཁོར་ལོ་རྩིབས་བརྒྱད་པའི་སྟེང་དུ་སློབ་མ་རྡོ་རྗེ་སེམས་དཔའི་རྣམ་པས་འཁོད་པར་བསམ་ལ་ཐོག་མར་སྔགས་དབང་ནི་རྒྱུད་རྐྱང་སྤྱོད་རྒྱུད་ཀྱི་ལུགས་ལྟར་ན་ལག་ལེན་གཞན་ཡོད་ཀྱང་། འདིར་རྣལ་འབྱོར་རྒྱུད་ཀྱི་ལུགས་སུ་གསུང་རྒྱུན་ལས་བྱུང་བ་ལྟར་ལྷ་ཚོགས་རྣམས་ཀྱི་ཐུགས་ཀ་ནས་སོ་སོའི་སྔགས་ཀྱི་ཡིག་འབྲུ་གསེར་གྱི་མདོག་ཅན་གྱི་ཚོགས་འཕྲོས་ཏེ་སློབ་མའི་སྤྱི་བོར་ཐིམ་པར་བསམ་ལ་རྡོ་རྗེ་སྤྱི་བོར་བཟུང་ལ་སྔགས་བརྗོད། དེ་ནས་དབང་བཅུ་བསྐུར་བའི་བུམ་པ་སོགས་ཀྱི་སྐབས། དེ་བཞིན་གཤེགས་པ་ལྔས་དབང་བསྐུར་བའི་དགོངས་པ་མཛད། ཡུམ་བཞིས་བུམ་པས་དབང་བསྐུར་བས་དྲི་མ་ཐམས་ཅད་བཀྲུས་ཤིང་སྦྱངས། རྩ་བའི་ལྷ་རྣམས་ཀྱི་སྤང་རྟོགས་ཀྱི་ཡོན་ཏན་དང་ཡེ་ཤེས་རྒྱུད་ལ་བླུགས་པར་བསམ། དེ་བཞིན་དུ་རིན་པོ་ཆེའི་སྲོག་ཞུ་དང་། མེ་ཏོག་གི་ཕྲེང་བ་མགོར་བཅིངས། དར་དཔྱང་སྙན་གཡས་གཡོན་ཏུ་འཕྱང་། ལྷ་ཐམས་ཅད་ཀྱི་ཕྱག་ནས་རིགས་ལྔའི་ཕྱག་མཚན་སྤྲོས་ནས་སློབ་མའི་ལག་ ― LT34_Page_0543 ―
[མ་དཔེ་གཟིགས་ན་འདིར་གནོན།]
ཏུ་བཀོད། ལྷ་ཚོགས་རྣམས་ཀྱིས་གསང་མཚན་མགྲིན་གཅིག་ཏུ་བཏགས་པར་བསམ་པ་རྣམས་ནི་རིགས་པའི་དབང་ལྔ་སྟེ། རང་དོན་བསྙེན་སྒྲུབ་བྱར་རུང་བའི་དབང་ངོ། །དེ་ནས་སློབ་མ་རྡོ་རྗེ་སེམས་དཔར་གསལ། སྟེང་དུ་བླ་བྲེ་དང་གདུགས་དཀར་པོ་ཕུབ། གཡས་གཡོན་དུ་རྒྱལ་མཚན་དང་བ་དན་བསྒྲེང་། མཐའ་བསྐོར་དུ་མཆོད་པའི་ཡོ་བྱད་དུ་མས་མཆོད་པར་བསམ། རྡོར་སེམས་ཀྱི་སྐུའམ་དམ་རྒྱ་སྤྱི་བོར་བཞག་ལ་སྙིང་པོ་བརྗོད། འདིར་བཀྲ་ཤིས་པའི་ཚིགས་སུ་བཅད་པ་སྔོན་དུ་འགྲོ་བས་སྔར་བཤད་པའི་བུམ་པ་སོགས་ཀྱི་དབང་ལྔ་པོ་སྔགས་ཙམ་གྱིས་སླར་བསྐུར་བར་གསུངས་པ་རང་དོན་བདག་འཇུག་སྐབས་སོགས་གྲུབ་ན་གནད་དོན་ཆེའང་དཀྱུས་ཀྱི་ཕྱག་ལེན་ལ་མི་འབྱུང་བ་དང་། མཚན་བརྒྱས་བསྟོད་པར་གསུངས་པའང་ད་ལྟ་ནི་ཤློ་ལོ་ཀ་གཅིག་ཙམ་ལ་བསྡུ་བར་སྣང་ངོ། །དེ་ནི་གཞན་དོན་བྱེད་པ་ཕྱིར་མི་ལྡོག་པ་རྡོ་རྗེ་སློབ་དཔོན་གྱི་དབང་ཡིན་ལ་དེའི་ལག་ཏུ་སྣ་ཚོགས་རྡོ་རྗེ་ལག་ཏུ་གཏད་པ་ནི་ཞི་རྒྱས་དབང་དྲག་གི་ཕྲིན་ལས་རྣམ་པ་བཞིའི་སྒོ་ནས་རང་གཞན་གྱི་དོན་བསྒྲུབ་ཏུ་རུང་བའི་དབང་། འཁོར་ལོ་རྐང་པའི་བར་དུ་བྱིན་པས་རྣམ་སྣང་གི་རིགས་ཀྱི་རྒྱུད་བཤད་པ་དང་ཆོས་ཀྱི་འཁོར་ལོ་བསྐོར་ནུས་པའི་དབང་། རིགས་ལྔའི་བདག་པོ་སོགས་ཀྱི་སྐབས་སློབ་མ་རིགས་ལྔ་སོ་སོའི་ང་རྒྱལ་དུ་འཕོས་པ་ལ་རིགས་ལྔའི་ཕྱག་མཚན་ ― LT34_Page_0544 ―
[མ་དཔེ་གཟིགས་ན་འདིར་གནོན།]
གཏད་པས་རྣལ་འབྱོར་རྒྱུད་ཀྱི་རིགས་ལྔ་ཀའི་དབང་བསྐུར་བ་དང་རྒྱུད་འཆད་པ་སོགས་རུང་བའི་དབང་ཡིན་པས་དེ་དང་དེ་ལྟར་ཐོབ་པར་བསམ་དགོས་ལ། ཡུམ་ལྔའི་ཕྱག་རྒྱ་སྤྱི་བོར་བཞག་པ་ནི་རྒྱུད་སྡེ་གོང་མའི་གསང་དབང་གི་དོད་ཡིན་པས་རྒྱུད་ཀྱི་གསང་བ་མཐའ་དག་ཉན་པ་དང་སྤྱོད་དུ་རུང་བའི་དབང་ཡིན་ཅིང་རིགས་ལྔའི་ཕྱག་རྒྱ་གནས་ལྔར་བཅིང་པ་རྒྱུད་སྡེ་གོང་མའི་ཤེས་རབ་ཡེ་ཤེས་ཀྱི་དབང་གི་དོད་ཡིན་པས་ཡབ་ལྔ་དང་ཡུམ་ལྔའི་ཕྱག་མཚན་ཕན་ཚུན་རེག་པའི་བརྡས་བལྟ་བ་དང་དགོད་པ་དང་ལག་བཅངས་གི་བདེ་བ་ཉམས་སུ་མྱང་བའི་དགའ་བའི་ཡེ་ཤེས་སྐྱེས་པར་མོས་པ་སྟེ། དབང་རྫས་ལའང་ཡབ་ཡུམ་གཉིས་ཀའི་ཕྱག་མཚན་དགོས་པར་བཤད་དོ། །སངས་རྒྱས་ཀུན་གྱི་སོགས་དཀྱིལ་འཁོར་གྱི་རྣམ་དག་བཤད་པ་ཡིན་པས་དེའི་དོན་དྲན་པ་དང་། རྡོ་རྗེ་དང་དྲིལ་བུ་དང་ཕྱག་རྒྱའི་དམ་ཚིག་གསུམ་བྱིན་པས་དེ་དང་དེའི་བརྟུལ་ཞུགས་ལས་མི་འདའ་བར་མཚན་བཅས་དང་མཚན་མེད་ཀྱི་རྣལ་འབྱོར། ཐབས་དང་ཤེས་རབ། བདེ་བ་དང་སྟོང་པ། སྙིང་རྗེ་དང་སྟོང་ཉིད་ལ་སོགས་པ་ཟུང་འཇུག་ཏུ་སྤྱོད་དགོས་པ་དང་། དེ་རིང་ཕན་ཆད་སོགས་ཀྱི་དམ་ཚིག་བསྒྲགས་པ་སྟེ། སློབ་དཔོན་དཀྱིལ་འཁོར་གྱི་བདག་པོས་ཇི་ལྟར་བསྒོས་པའི་བཀའ་ལས་ནམ་ཡང་འདར་མི་རུང་བར་གདམས་པའོ། །ཡོ་ག་རྒྱལ་པོའི་ཆོས་ལུགས་ཡིན་པས་མཐའ་ ― LT34_Page_0545 ―
[མ་དཔེ་གཟིགས་ན་འདིར་གནོན།]
རྟེན་ཏུ་རྒྱལ་སྲིད་རིན་པོ་ཆེ་སྣ་བདུན་གྱིས་འཁོར་ལོས་བསྒྱུར་བའི་དབང་ཕྱུག་ཆེན་པོར་མངའ་དབང་གསོལ་ནས། ཚེ་འདིའི་བདེ་བ་སོགས་ཀྱིས་དབང་ཐོབ་པའི་ཕན་ཡོན་དང་། སངས་རྒྱས་ཀུན་དང་སོགས་ཀྱིས་སྤང་བླང་གི་བསླབ་བྱ་བསྟན་ཅིང་རྗེས་སུ་གནང་བས་དབང་བསྐུར་གྲུབ་ནས་རྗེས་དམ་ཚིག་ཁས་བླང་། གཏང་རག་མཎྜལ། ལུས་འབུལ་བྱས་ལ་རང་རྡོར་སེམས་སུ་གསལ་བ་ཉིད་བདག་བསྐྱེད་གཙོ་བོའི་ཐུགས་ཀར་ཞུགས་པར་མོས་ལ་རྡོ་རྗེ་འཛིན་མའི་རྒྱ་བཅིངས་ཏེ། ཨོཾ་བཛྲ་དྷ་ར་སོགས་བརྗོད་ལ་རིགས་ལྔ་དང་དབྱེར་མེད་པའི་ང་རྒྱལ་བཟུང་ངོ། །གསུམ་པ་སྡིག་སྦྱོང་དང་སྦྱིན་སྲེག་གཉིས་ལས་གཤིན་པོའི་དོན་གཙོ་བོར་གྱུར་པ་སྡིག་པ་སྦྱོང་བའི་ལས་སྦྱོང་རྒྱུད་ལས་གསུངས་པ་ཐམས་ཅད་སྡིག་སྦྱོང་གི་སྒོ་བདུན་ཏུ་འདུ་བར་བཞེད་པའང་སྣང་མོད། ཀུན་རིག་གི་སྐབས་འདིར་སྡིག་སྦྱོང་གི་སྒོ་བཅུ་དང་ཞར་བྱུང་ཕྲ་མོ་རྣམས་བསྣན་པས་རྣམ་གྲངས་བཅོ་ལྔར་ཡང་འགྱུར་བ་ལས། ད་ལྟ་ལྷོ་སྒོའི་ཆོ་གར་གྲགས་པ་འདི་ཉིད་དེ་ཐམས་ཅད་ནས་ལག་ཏུ་བླང་བདེའི་རིགས་སྣ་ཚང་ཙམ་བསྡུས་པ་སྡིག་སྦྱོང་གི་སྒོ་ཀུན་གྱི་འདྲ་འབག་ལམ་བྱེད་ཙམ་ཡིན་ལ། ལྷོ་སྒོ་ཞེས་པ་ནི་ལྷོ་ཕྱོགས་གཤིན་རྗེའི་གནས་ཡིན་ཅིང་དེས་སྲོག་ལ་དབང་བྱེད་པ་སོགས་ཀྱི་རྒྱུ་མཚན་ལས་བཏགས་པར་བཤད། བྱང་བུའང་གཟུགས་བརྙན་ནམ་གུར་གུམ་གྱི་མིང་ཡིག་དང་སྙིང་ ― LT34_Page_0546 ―
[མ་དཔེ་གཟིགས་ན་འདིར་གནོན།]
པོ་བྲི་བརྒྱུད་ལས་གསུངས་པ་ལྟར་བྱས་ན་ལེགས་ཤིང་། ནྲྀ་ཡིག་དང་འཕན་གདུགས་སོགས་སྔགས་རྙིང་མའི་མན་ངག་ལུགས་ལས་གསར་མའི་རྒྱུད་རྒྱ་གཞུང་རྣམས་ལས་མི་འབྱུང་། བྱང་སྟེགས་པདྨ་དཀར་པོའི་སྟེང་དུ་འཁོར་ལོ་དཀར་པོ་རྩིབས་བརྒྱད་པའི་ལྟེ་བར་ཟླ་གདན་བྲིས་པ་ནི་རྒྱ་གཞུང་གི་དགོངས་པའོ། །དེ་ལ་ཐོག་མར་རང་ཉིད་ལས་ཀྱི་རྡོ་རྗེ་སེམས་དཔར་གྱུར་པ་མདུན་བསྐྱེད་དཀྱིལ་འཁོར་གྱི་ལྷོ་སྒོར་སེང་གེའི་ཁྲི་ལ་འཁོད་པའི་མདུན་དུ་གདན་གོང་སྨོས་ཀྱི་སྟེང་དུ་ནྲྀ་ཡིག་ལས་ཚེ་འདས་གསོན་པོའི་རྣམ་པ་ཇི་ལྟ་བ་བཀྲག་མདངས་དང་ལྡན་པར་བསྐྱེད། དཀོན་མཆོག་གསུམ་གྱི་བདེན་པའི་སྟོབས་དྲན་ཅིང་ལྕགས་ཀྱུའི་ཕྱག་རྒྱ་དང་། ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་དཔག་ཏུ་མེད་པ་འཕྲོས། ཚེ་འདས་ཀྱི་རྣམ་ཤེས་ཨ་ཐུང་དམར་པོའམ་རླུང་མེད་པའི་མར་མེ་ལྟ་བུའི་རྣམ་པར་བཀུག་སྟེ་སྤྱི་བོ་ནས་ཞུགས་སྙིང་གར་ཐིམ་པས་ཚེ་འདས་དངོས་སུ་གྱུར་པར་བསམ་ལ་གནས་གསུམ་དུ་ཨོཾ་ཨཱཿཧཱུྃ་གི་རྒྱས་གདབ། འདིར་རྣམ་ཤེས་འགུགས་པའི་ཕྱག་རྒྱ་ནི། དེ་ཉིད་བསྡུས་པ་ལས། གསང་བའི་ལྕགས་ཀྱུ་བསྡམས་བྱས་ཏེ། །ཐ་མ་མདུན་ཏུ་བརྐྱང་བྱས་ལ། །ཤི་བའི་མགོ་བོར་བཞག་ན་ནི། །སྲོག་གི་སླར་ཡང་ཐོབ་པར་འགྱུར། ཅེས་གསུངས་པ་ལྟར། རྡོ་རྗེ་ནང་བསྡམས་ཀྱི་མཛུབ་མོ་གཉིས་བརྐྱངས་པའི་རྩེ་མོ་ཅུང་ཟད་བཀུག་ནས་ལྕགས་ཀྱུ་ལྟར། མཐེའུ་ ― LT34_Page_0547 ―
[མ་དཔེ་གཟིགས་ན་འདིར་གནོན།]
ཆུང་གཉིས་གཤིབས་ཏེ་བརྐྱང་བ་རོའམ་བྱང་བུའི་མགོར་བཞག་པ་བུ་སྟོན་དང་ཆོས་གྲགས་རྒྱ་མཚོའི་ཀུན་རིག་ཆེན་མོར་གསུངས་མོད། རྗེ་བརྒྱད་པའི་ཆོ་གའི་ཚིག་ཤིན་ཏུ་བསྡུས་པའི་དབང་གིས་དཀྱུས་སུམ་གསུངས་པས་ཕྱིས་འདིར་བདེན་བརྗོད་ཀྱི་འགུགས་པ་སྤྱི་ལ་འདོད་རྒྱལ་གྱི་ཕྱག་རྒྱ་འཆིང་སྲོལ་ཡོད་པའི་ལག་ལེན་དཀྱུས་སུ་ཤོར་བ་ཡིན་འདུག་ཀྱང་དམིགས་བསལ་འདི་ལྟར་བྱུང་ན་གལ་ཆེ་བར་མངོན་ནོ། །ལྟུང་བ་སློང་བའི་སྔགས་རྒྱས་ངན་སོང་གསུམ་པོ་ཐམས་ཅད་ཀྱང་བཀུག་ནས་དཀྱིལ་འཁོར་གྱི་ཁྱམས་ལ་འཁོད་པར་བསམ། སྡིག་པ་འཇོམས་པའི་སྔགས་རྒྱའི་སྐབས་ལྷ་ཚོགས་རྣམས་ཀྱི་ཐུགས་ཀ་ནས་འོད་ཟེར་འཕྲོས་ཚེ་འདས་དང་ངན་སོང་གི་འགྲོ་བ་རྣམས་ཀྱི་སྡིག་སྒྲིབ་ཉི་མས་བ་མོ་བཅོམ་པ་བཞིན་བྲལ་བར་བསམ། དེ་ནས་བགེགས་སྦྱང་བ་ནི། ཚེ་འདས་ཉིད་ལ་ཐོག་མ་མེད་པ་ནས་ལན་ཆགས་པའི་བགེགས་རིགས། མཐོ་རིས་དང་ཐར་པ་ཐོབ་པ་ལ་བར་དུ་གཅོད་པར་བྱེད་པ་མདོ་རྒྱུད་རྣམས་ལས་གསུངས་པའི་བགེགས་ཀྱི་རིགས་དུ་མ་ཡོད་པ་རྣམས་དང་བྲལ་བར་བྱ་བ་སྟེ། ཟླུམ་གཏོར་ལ་ཨ་ཀཱ་རོས་བདུད་རྩིའི་རྒྱ་མཚོ་འདོད་ཡོན་ལྔའི་སྤྲིན་འཕྲོ་བར་བྱིན་བརླབ། ནམ་མཁའ་མཛོད་ཀྱི་སྔགས་རྒྱས་བགེགས་རིགས་ལན་ཆགས་རྣམས་ལ་སྦྱིན་པས་ཐམས་ཅད་དགའ་མགུ་ཡི་རངས་ཤིང་ཚིམས་ཏེ་བུ་ལོན་ལན་ཆགས་བྱང་བར་བསམ་པ་ནི་ ― LT34_Page_0548 ―
[མ་དཔེ་གཟིགས་ན་འདིར་གནོན།]
ཞི་བས་སྦྱར་བའོ། །ཞི་བས་མི་ཚིམས་པའི་བགེགས་རྣམས་ལ་མར་མེ་ལམ་སྒྲོན་དང་། ཆང་བུ་ལམ་བརྒྱག་གི་ཚུལ་དུ་སྦྱིན་ཅིང་སྔགས་དྲག་པོས་བསྐྲད་པ་ནི་ཞི་དྲག་ཕྱེད་མའི་སྦྱོང་བའོ། །དེས་ཀྱང་མི་འགྲོ་བར་གནོད་པར་བྱེད་པའི་ནག་ཕྱོགས་གདུག་པ་ཅན་རྣམས་ཚར་བཅད་པའི་ཕྱིར་གཙོ་བོ་རིགས་ལྔའི་ཐུགས་ཀ་ནས་འོད་ཟེར་འཕྲོས་པས་སྒོ་སྲུང་ཁྲོ་བོ་བརྒྱད་བསྐུལ། དེ་རྣམས་ལས་རང་འདྲ་བའི་ཁྲོ་བོ་དཔག་ཏུ་མེད་པ་འཕྲོས་ཏེ་མཚོན་ཆའི་ཆར་དང་མེ་དཔུང་འབར་བས་བགེགས་རྣམས་བྱ་སྤུ་རླུང་གིས་གཏོར་བ་ལྟར་ལྕགས་རིའི་ཕྱི་རོལ་དུ་བསྐྲད་པར་བསམ་ལ་བཀའ་བསྒོ་དང་བདེན་སྟོབས་དྲག་སྔགས་བརྗོད་པས་བསྐྲད་པ་ནི་དྲག་པོའི་སྦྱང་བའོ། །དེ་ནས་རྫས་གཅིག་པའི་སྦྱིན་སྲེག་གིས་སྡིག་པ་སྦྱོང་བ་ནི། ཚེ་འདས་ཀྱི་སྙིང་ཁར་ཡི་གེ་ཀཾ་ནག་པོ་ལ་ལུས་ངག་ཡིད་གསུམ་གྱི་སྡིག་སྒྲིབ་ཐམས་ཅད་ཐིམ་ལ་སྣ་བུག་གཡས་ནས་ཕྱིར་ཐོན་ཏེ་མདུན་གྱི་ཏིལ་ལ་ཐིམ། ཡེ་ཤེས་ཀྱི་མེ་གྲུ་གསུམ་འབར་བ་བསྒོམ་པ་ལ་སྲེགས་ཀྱང་ཆོག་ལ། ལྷ་བསྒོམ་པར་འདོད་ན་ཟ་བྱེད་རྡོ་རྗེ་མཁའ་འགྲོ་བསྐྱེད་པའི་ཞལ་མེ་འབར་བའི་ནང་དུ་ཕུལ་བས་སྦྱངས་པར་བསམ། །ཕྱིར་ཟློག་གིས་སྡིག་པ་སྦྱོང་བ་ནི། བྲབ་རྫས་ཡུངས་ཀར་དང་བྱེ་མ་མི་ཁྱིས་མ་འགོང་པ་བརྔོས་པ་ལ་ལྷ་བསྐྱེད། གཟུངས་ཐག་བཏགས་ནས་བཟླས་པ་གང་མང་བྱ་དགོས་པ་རྒྱུད་རྒྱ་ ― LT34_Page_0549 ―
[མ་དཔེ་གཟིགས་ན་འདིར་གནོན།]
གཞུང་གི་དགོངས་པ་ཡིན་ཀྱང་དིང་སང་དེ་ལྟར་ལག་ལེན་ཐུབ་མཁན་མེད་པས་ཆོ་གའི་བསྙེན་པའི་སྐབས་ཕུ་འགྲིམ་བྱས་པ་དེས་གོ་ཆོད་རྩིས་མི་བྱེད་ཀ་མེད་དུ་འདུག་པས་སྔགས་རྣམས་ཀྱི་ཕན་ཡོན་དྲན་བཞིན་རོ་དང་བྱང་བུ་སོགས་ལ་བཏབ་པས་ཐོག་མེད་ནས་བསགས་པའི་སྡིག་སྒྲིབ་ཐམས་ཅད་བཅོམ་པར་མོས་པ་ཙམ་ལས་དམིགས་བཟུར་བ་གཞུང་ནས་མ་བཤད་པས་མི་དགོས། གལ་ཏེ་དམིགས་པ་བྱེད་ཕྱིན་ཆད་བསྙེན་པའི་དམིགས་པ་དེ་ཉིད་གཞུང་གི་དགོངས་པ་ཡིན་པས་དེ་ཀས་བྱ་བ་ལེགས། དེ་ནས་ཁྲུས་ཀྱི་སྒོ་ནས་སྡིག་པ་སྦྱོང་བ་ལ་ལྷ་ཁྲུས་སྐབས་མདུན་བསྐྱེད་དཀྱིལ་འཁོར་ཁྱམས་སུ་ཁྲུས་ཁང་གྲུ་བཞི་པ་མཐིལ་ཤེལ་ལས་བྱས་ཤིང་མདུན་ནས་ཀ་བ་གཉིས་ཀྱིས་བཏེགས་ཤིང་ཧད་པོར་ཡོད་པའི་མཐའ་རིན་པོ་ཆེའི་བརྩིག་པས་བསྐོར་བའི་ནང་སྤོས་ཆུ་ཡན་ལག་བརྒྱད་ལྡན་གྱི་རྫིང་བུ་འཁྱིལ་བ་མེ་ལོང་དེ་དང་དབྱེར་མེད་པ་ལ་དཀྱིལ་འཁོར་གྱི་ལྷ་ཚོགས་རྣམས་བཞུགས་པར་དམིགས་ལ། མདུན་གྱི་བར་སྣང་ལ་ལྷ་མོ་ཁྲུས་བུམ་ཐོགས་པ་མང་པོས་སྐུ་ཁྲུས་གསོལ་བར་མོས་ནས་ཚིགས་བཅད་རྣམས་བརྗོད་ཅིང་། སྐུ་ཕྱི་བའི་སྐབས་ལྷའི་དར་པཉྩ་ལི་ཀཱ་ས་སྐུ་ཕྱི་བ་དང་། ལྷ་ཚོགས་ཐམས་ཅད་ལ་དར་གྱི་གོས་ཟུང་རིན་པོ་ཆེ་དང་མེ་ཏོག་གི་ཕྲེང་བ་ཕུལ་བར་དམིགས་ལ་གོས་རྒྱན་འབུལ། ཁྲུས་ཆུ་ལས་བུམ་དུ་བླུགས་ནས་ལྷ་ཚོགས་རྣམས་ ― LT34_Page_0550 ―
[མ་དཔེ་གཟིགས་ན་འདིར་གནོན།]
ཀྱི་སྐུ་ལུས་བཀྲུས་པའི་ཁྲུས་ཆུ་ཡེ་ཤེས་ལྔ་དང་ཕར་ཕྱིན་དྲུག་གི་རང་བཞིན་ཏུ་གྱུར་པས་ཚེ་འདས་ཁྲུས་བྱས་པས་སྦྱིན་པའི་ཕ་རོལ་ཏུ་ཕྱིན་པའི་ཆུས་ཚེ་འདས་ཀྱིས་ཐོག་མེད་ནས་ད་ལྟའི་བར་དུ་བསགས་པའི་སེར་སྣའི་དྲི་མ་བཀྲུས་པར་བསམ་པ་སོགས་ཕར་ཕྱིན་སོ་སོའི་ཆུས་རང་རང་གི་མི་མཐུན་ཕྱོགས་ཀྱི་དྲི་མ་རྣམས་བཀྲུས་པར་བསམ། སངས་རྒྱས་ཀུན་གྱི་གཟི་བརྗིད་སོགས་ཀྱི་སྐབས་དཀོན་མཆོག་གསུམ་པོ་དེ་དང་དེ་དག་གི་ཡོན་ཏན་དང་བདེན་པ་སོ་སོའི་མཐུ་སྟོབས་ཀྱིས་ཚེ་འདས་ཀྱི་ཉོན་མོངས་དུག་གསུམ་བཅོམ་ནས་དག་པར་མོས་ལ་བཀྲུ། འདོད་ཆགས་ཞེ་སྡང་སོགས་དང་ས་ཆུ་མེ་རླུང་གི་སྐབས་དཀོན་མཆོག་གི་ཡོན་ཏན་དྲན་ཅིང་འབྱུང་བ་བཞི་པོ་དུག་གསུམ་གྱི་འབྱུང་ཁུངས་ཡིན་པའི་བདེན་ཚིག་བརྗོད་པས་ཚེ་འདས་ཀྱི་དུག་ལྔ་དུག་གསུམ་བྱང་བར་དམིགས་ཤིང་བུམ་ཆུས་བཀྲུ་བ་ལས་རྫས་སོ་སོའི་སྦྱང་བ་དང་དམིགས་རིམ་འདྲ་མཚུངས་བསྒྲིགས་པ་རྣམས་ལ་ཁུངས་དང་ཤེས་བྱེད་མེད་པ་ཀུན་མཁྱེན་དྷརྨ་ཀ་རའི་གསུང་རྒྱུན་ལས་འབྱུང་ཞིང་རྗེ་ཉིད་ཀྱིས་མི་མཛད་པ་བཤད། གང་ལ་སེར་སྣ་སོགས་བཀྲ་ཤིས་ཀྱི་ཚིགས་བཅད་བརྗོད་པའི་སྐབས་དཀྱིལ་འཁོར་གྱི་ལྷ་ཚོགས་རྣམས་ཀྱིས་ཤིས་པ་བརྗོད་ཅིང་མེ་ཏོག་དཀར་པོའི་ཆར་འབེབས་པར་བསམ་ལ་བུམ་ཆུ་དང་མེ་ཏོག་འཐོར། ཚིགས་བཅད་འདི་རྣམས་ནི་མདོ་རྒྱུད་ལས་བྱུང་བའི་སངས་རྒྱས་ཀྱི་ ― LT34_Page_0551 ―
[མ་དཔེ་གཟིགས་ན་འདིར་གནོན།]
གསུང་རབ་འབའ་ཞིག་ཡིན་ནོ། །དེ་ནས་དཀྱིལ་འཁོར་པ་རྣམས་རང་མལ་དུ་གསལ་བཏབ་ལ་ཚེ་འདས་དེས་དཀོན་མཆོག་གསུམ་དང་དཀྱིལ་འཁོར་གྱི་ལྷ་ཚོགས་རྣམས་ལ་སྙིང་ཐག་པ་ནས་དད་གུས་ཀྱི་བློས་ལུས་གྲངས་མེད་སྤྲུལ་ནས་ཕྱག་འཚལ་ཞིང་ལུས་འབུལ་བར་བསམ་ལ་ཕྱག་འཚལ་གྱི་ཚིག་རྣམས་བརྗོད། །དེ་ནས་དབང་བསྐུར་བས་སྡིག་པ་སྦྱོང་བ་ནི། སྤྱིར་ཚེ་འདས་ཀྱི་རོ་དང་རུས་པ་སོགས་དབང་བསྐུར་བའི་ཡུལ་དགུར་གསུངས་པ་ལས་ད་ལྟའི་མིང་བྱང་ལ་དབང་བསྐུར་བ་གཙོ་བོར་བྱེད་པ་ལྟར་ཚེ་འདས་ཉིད་ཤར་སྒོའི་དྲུང་ཏུ་གནས་པ་ལ། རང་ཉིད་ཤར་སྒོའི་གཡས་ཟུར་དུ་རྡོ་རྗེ་སེམས་དཔའི་རྣམ་པར་གནས་པས་དཀྱིལ་འཁོར་པའི་ལས་རྡོར་གྱི་ཚུལ་གྱིས་དབང་གི་བྱ་བ་བྱེད་པར་བསམ་ལ་དབང་ཡོངས་སུ་རྫོགས་པ་བདག་འཇུག་གི་སྐབས་སུ་བཤད་པ་ལྟར་བསྐུར་ཏེ། སྦྱོང་རྒྱུད་ལས། ཀྱེ་ལྷའི་བུ་རྣམས་ངན་སོང་དུ་སྐྱེས་ཟིན་པ་དེ་དག་ནི། མིང་ལ་ཡང་དབང་བསྐུར་བར་གྱིས་ཤིག །གཟུགས་བརྙན་ལའང་དབང་བསྐུར་བར་གྱིས་ཤིག །ཅེས་གསུངས་པ་ལྟར། མིང་དང་གཟུགས་བརྙན་གྱི་བྱང་བུ་ལ་བརྟེན་ཏེ་དབང་བསྐུར་བ་ཕྱག་ལེན་གྱི་གཙོ་བོ་སྟེ། དེ་དག་ཚེ་འདས་དངོས་སུ་གསལ་ནས་མཎྜལ་འབུལ་བ་དང་རྗེས་ཟློས་རྣམས་བྱས་པར་མོས་ནས་དེ་ཉིད་ལ་དབང་བསྐུར་བས་ ― LT34_Page_0552 ―
[མ་དཔེ་གཟིགས་ན་འདིར་གནོན།]
ལྷ་རྣམས་དང་སྐལ་བ་མཉམ་པར་བསམ་པ་རྣམས་ཁྱད་པར་རོ། །དེ་ནས་རྗེས་ཟས་བསྔོ་བྱ་བ་ནི། སྤྱིར་འདོད་ཡོན་རྣམས་སྔགས་རྒྱ་ཏིང་ངེ་འཛིན་གྱིས་བྱིན་བརླབས་ནས་མཆོད་ཡུལ་དང་སྦྱིན་ཡུལ་ཐམས་ཅད་ལ་འབུལ་ཞིང་བསྔོས་པས་མཉེས་ཤིང་ཚིམ་པར་འགྱུར་བ་དང་། ཁྱད་པར་ཕ་མ་སོགས་སྔར་ཤི་བ་ལ་ལོ་དུས་བཞིན་ཟས་བསྔོ་བྱས་པས་ཕན་ཡོན་ཐོབ་ཚུལ་མདོ་ལས་འབྱུང་བ་དང་། འཕགས་པ་མོངྒལ་གྱི་མའི་དྲིན་ལན་བསབ་པའི་མདོ་སོགས་ལས་ཀྱང་འབྱུང་བ་མ་ཟད་སྤྱོད་རྒྱུད་འགྲེལ་བར་ཁྱི་སྙིང་ཕྲུ་མ་ལ་ཆགས་པ་ལྟར་འདོད་ཡོན་མ་བསྔོས་པར་འགྲོ་མི་འདོད་པར་གསུངས་པ་ལྟར་གོང་མ་རྣམས་ཀྱིས་སྐབས་འདིར་འདོད་ཡོན་བསྔོ་བའི་ཕྱག་ལེན་མཛད་པ་སྟེ། ཤ་ཆང་མ་གཏོགས་པའི་ཟས་སྐོམ་དར་རས་ཅི་འབྱོར་བ་བཤམ། སྔགས་རྒྱ་ཏིང་ངེ་འཛིན་གྱིས་འདོད་ཡོན་ནམ་མཁའ་མཛོད་མི་ཟད་བའི་གཏེར་ཡིད་ལ་ཇི་ལྟར་འདོད་པ་ཐམས་ཅད་འབྱུང་བར་བྱིན་གྱིས་བརླབ། གཟུགས་མཛེས་པ། སྒྲ་སྙན་པ། དྲི་ཞིམ་པ། རོ་མངར་བ། རེག་བྱ་འཇམ་པ་རྣམས་ཀྱིས་དབང་པོ་ལྔའི་གནས་སུ་ཟག་པ་མེད་པའི་བདེ་བས་ཚིམས་པར་བསམ་ལ་བསྔོ་ཞིང་བར་དོའི་སེམས་ཅན་དྲི་ཡིས་ཚིམས་པ་ཡིན་པས་ཟས་སྣ་རྣམས་གསུར་བྱ། དེ་ནས་རང་ཉིད་བདག་བསྐྱེད་ཀྱི་ཐུགས་ཀར་ཐིམ་པས་དབྱེར་མེད་དུ་གྱུར་ ― LT34_Page_0553 ―
[མ་དཔེ་གཟིགས་ན་འདིར་གནོན།]
པའི་ང་རྒྱལ་བཟུང་། །བྱང་བུ་བསྲེག་པ་ནི། བདག་མདུན་གཙོ་བོ་རིགས་ལྔའི་སྐུ་ལས་ཡེ་ཤེས་ཀྱི་མེ་ལྕེ་ཁ་དོག་ལྔ་འཕྲོས་པས་ཚེ་འདས་ཀྱི་ཕུང་པོ་ལྔའི་བག་ཆགས་བསྲེགས། ཡུམ་བཞི་ལས་ཡེ་ཤེས་ཀྱི་མེས་འབྱུང་བ་བཞི། སེམས་དཔའ་རྣམས་ལས་འཕྲོས་པའི་ཡེ་ཤེས་ཀྱི་མེས་དབང་པོ་དྲུག་དང་། སྒེག་སོགས་ལྷ་མོ་རྣམས་ཀྱི་ཡེ་ཤེས་ཀྱི་མེས་ཡུལ་དྲུག་དང་། གཙོ་འཁོར་ཀུན་གྱི་གནས་གསུམ་ལས་ཡེ་ཤེས་ཀྱི་མེ་དཀར་དམར་མཐིང་གསུམ་འཕྲོས་པས་ལུས་ངག་ཡིད་གསུམ་གྱི་བག་ཆགས་བསྲེགས་པར་མོས་ལ་རྩ་བརྒྱུད་བླ་མའི་དཀྱིལ་འཁོར་ལྷ་ཚོགས་རང་གི་རྟོགས་པ་ཚེ་འདས་ཀྱི་སེམས་རྒྱུད་རྣམས་དབྱེར་མེད་གཅིག་ཏུ་བསྲེས་ལ་འཁོར་གསུམ་མི་རྟོག་པའི་ལྟ་བའི་ངང་ནས་བཞུ། མཁས་པ་དག་གིས་བྱང་བུ་བཞུ་བའི་ཚིག་འདི་ནག་པོ་པའི་རོ་སྲེག་གི་ཆོ་གར་གྲགས་པ་ལས་འབྱུང་ཡང་གཞུང་འདི་ནི་བོད་བརྩམས་ཟངས་མ་ཡིན་པས་སྐབས་འདིར་སྦྱིན་སྲེག་གི་དམིགས་འདུན་ཁུངས་ལྡན་ལ་བརྟེན་ན་ལེགས་པར་བཤད་ཀྱང་དེང་སང་ཆོ་གའི་དཀྱུས་ལ་འཁོད་པ་ལྟར་དབང་བཙན་དུ་བྱས་པའོ། །དེ་ནས་ཚེ་འདས་ཀྱི་ཕུང་ཁམས་དབང་ཡུལ་རྣམས་བསྲེགས་ཏེ་སྦྱང་། སེམས་ཉིད་ཨ་ཡིག་དཀར་པོ་དྲི་མ་མེད་པ་དེ་ཉིད་དཀོན་མཆོག་རིན་ཆེན་སོགས་ལམ་བསྟན་སྦྱོང་བརྗོད་ཚེ་ཇེ་མཐོར་སོང་ནས་ ― LT34_Page_0554 ―
[མ་དཔེ་གཟིགས་ན་འདིར་གནོན།]
བར་སྣང་དུ་ཟླ་བའི་གདན་ལ་འཁོད་པ་ལ། སྔར་བདག་མདུན་སྒྲུབ་མཆོད་ནས་སྡིག་སྦྱོང་རྣམས་ཀྱི་བར་གྱིས་ཚོགས་ལམ་ནས་བར་ཆད་མེད་པའི་ལམ་གྱི་བར་བགྲོད་པར་བྱས་པ། དེའི་སྡིག་པ་དང་སྒྲིབ་པའི་ས་བོན་རྣམས་ཨོཾ་རཏྣེ་སོགས་སྔགས་ཀྱི་མཐུས་སྦྱངས་ཏེ་། ཁྱད་པར་གྱི་ལམ་ཞིང་མཆོག་བདེ་བ་ཅན་དུ་གནས་སྐབས་མངོན་མཐོ་དང་མཐར་ཐུག་བྱང་ཆུབ་ཆེན་པོར་གནས་སྤོར་བར་བསམ། ཨོཾ་པདྨེ་སོགས་སྔགས་བརྗོད་པས་ཟླ་སྟེང་ཨ་ཡིག་ཚེ་འདས་ཀྱི་རྣམ་ཤེས་དང་དབང་བསྐུར་བའི་ཡེ་ཤེས་སེམས་དཔའ་དབྱེར་མེད་པ་སྐར་མདའ་འཕངས་པ་ལྟར་བདེ་བ་ཅན་དུ་སོང་ནས་པདྨ་ལས་བརྫུས་ཏེ་སྐྱེས་པར་མོས་ལ་ཉམས་ལེན་ལྟ་བའི་ངང་དུ་ཅུང་ཟད་བཞག །བདེ་བ་ཅན་དུ་སྐྱེས་པ་དེ་ཉིད་གསེར་མདོག་མཚན་དཔེས་བརྒྱན་པའི་དགེ་སློང་གི་ཆ་ལུགས་སུ་གྱུར་པས་མངོན་ཤེས་ཀྱིས་དེར་སྐྱེས་པའི་རྒྱུ་རྐྱེན་ཆོག་བྱས་པའི་མཐུ་ཡིན་པར་ཤེས་ནས་སློབ་དཔོན་དང་དཀྱིལ་འཁོར་གྱི་ལྷ་ལ་དྲིན་གསོབ་བའི་ཕྱིར་སྐད་ཅིག་གིས་མདུན་གྱི་ནམ་མཁར་འོང་ནས། ཨེ་མའོ་སངས་རྒྱས་སོགས་ཀྱིས་ཆེད་དུ་བརྗོད་ཅིང་མཆོད་བའི་བྱེ་བྲག་སྣ་ཚོགས་པས་མཆོད། སླར་ཡང་བདེ་བ་ཅན་དུ་སོང་བ་སོགས་གཞུང་ཚིག་ལྟར་དམིགས་པ་བསྒོམ། བྱང་ཐལ་རྩ་རིག་བརྗོད་ཅིང་སཙྪ་བཏབ་ལ་རབ་གནས་བྱས་ཏེ་ཆུས་མི་ ― LT34_Page_0555 ―
[མ་དཔེ་གཟིགས་ན་འདིར་གནོན།]
འཇིག་པའི་དབེན་གནས་སུ་བཞག་གོ། །དེ་ནས་སྦྱིན་སྲེག་ནི་རྒྱུད་སྡེ་ཐམས་ཅད་ལས་གསུངས་ཤིང་སྦྱོང་རྒྱུད་ནས་ལས་ཚོགས་མང་པོ་མ་གསུངས་ཀྱང་། གཤིན་པོའི་སྡིག་སྦྱང་དང་སྦྱིན་སྲེག་གཉིས་བྱ་བའི་རིམ་པ་གཙོ་བོར་གསུངས་པ་ལྟར་འདིར་ཡང་བསྙེན་པའི་ཁ་སྐོང་དུ་སྦྱིན་སྲེག་ངེས་པར་དགོས་ཤིང་། དེའང་བསྙེན་པའི་བཅུ་ཆ་སྦྱིན་སྲེག་འགྲོ་དགོས་པས་བསྙེན་པ་འབུམ་ཐེར་དྲུག་སོང་ན་སྦྱིན་སྲེག་ཁྲི་ཚོ་དྲུག་འགྲོ་བར་དགོས། གྲངས་བསགས་ལུགས་ས་ངོར་སོགས་ཀྱིས་འདི་ཉིད་སྡིག་པ་སྦྱོང་བའི་དོན་གཙོ་བོར་བཟུང་ནས་རྫས་ཏིལ་ནག་དང་སྔགས་སརྦ་པཱ་པཾ་སོགས་ཁོ་ན་ལ་གྲངས་བཟུང་བ་དང་། རྙིང་ཕྱོགས་ཁ་གཅིག་གིས་རྫས་དེ་ལྟར་ལ་སྔགས་ལྷ་སྔགས་རྫས་སྔགས་སྦྲེལ་མར་བྱེད་པ་སོགས་མང་བ་ལས་རང་ལུགས་འདིར་ནི་ཐོག་མར་རྫས་ཆེན་རྣམས་སོ་སོར་འབུལ། དེ་དག་གྲུབ་ནས་རྫས་སྤུངས་བྱས་ཏེ་རྩ་རིག་ལ་འབྲུ་གསུམ་བཏགས་པས་འབུལ་བ་ལ་གྲངས་བཟུང་ཞིང་བར་བར་དུ་འདོད་གསོལ་བརྗོད་པའི་ཕྱག་ལེན་འདུག །དེའང་བསྙེན་པ་གྲུབ་རྗེས་དཀྱིལ་འཁོར་སྒྲུབ་མཆོད་བདག་འཇུག་བཅས་ཞག་བདུན་ཡར་བཅད་གྲུབ་ན་ཤིན་ཏུ་ལེགས་པས་དེ་མཚམས་སྦྱིན་སྲེག་དང་། སྒྲུབ་མཆོད་མི་འགྲུབ་ན་བསྙེན་པ་གྲུབ་མ་ཐག་པར་ ― LT34_Page_0556 ―
[མ་དཔེ་གཟིགས་ན་འདིར་གནོན།]
སྦྱིན་སྲེག་བྱ་སྟེ། སྒྲུབ་པ་པོ་ཁ་ཤར་དུ་ཕྱོགས་པའི་མདུན་དུ་ཐབ་ཁུང་ཞི་ཐབ་སྤྱི་འགྲེ་ལྟར་རྡུལ་ཚོན་གྱིས་བྲིས་པའི་སྟེང་སྲོག་ཆགས་མེད་པའི་ཤིང་ངམ་ལྕི་བ་སྐམ་པོའི་བུད་ཤིང་ཟླུམ་པོར་བརྩེགས་ལ་མེ་ཡོལ་གངས་རི་དང་ཝཾ་བྲིས་པ། རྡོར་དྲིལ་དགང་བླུགས་མར་ཁུ་སོགས་མཁོ་བའི་ཡོ་བྱད་རྣམས་བཞག །གཡོན་ཕྱོགས་སུ་སྟེགས་དཀར་པོར་ཆུ་གཉིས་ཉེར་སྤྱོད་ཚེར་གཉིས། ལས་བུམ་རྣམས་དང་། གཡས་ཕྱོགས་སྟེགས་དཀར་པོར་འོ་མ་ཅན་གྱི་ཡམ་ཤིང་སོར་བརྒྱད་པ། ཏིལ། ཡུངས་ཀར། འབྲས། སོ་བ། ཟས་མཆོག །ཀུ་ཤ །དུརྦ། གྲོ། ནས། སོ་བ། སྲན་མ། བིལྦ། ཏརྑ་སོགས་ཤིང་ཏོག་རྣམས་བཀོད། ནམ་ལོངས་ནས་དབུ་བཟུང་སྟེ་སྒྲུབ་པ་པོ་རྒྱན་གོས་དཀར་པོ་བཅས་ཁ་ཤར་དུ་ཕྱོགས་ལ་པདྨའི་སྐྱིལ་ཀྲུང་གིས་འདུག་སྟེ་སྔོན་གཏོར་ནས་བདག་བསྐྱེད་རྫོགས་པར་བཏང་། རྒྱས་འདེབས་བྱིན་རླབས་ཕྲིན་བཅོལ་རྣམས་བསྡུས་པ་ཙམ་གྱིས་རུང་། བཟླས་པ་ཅི་འགྲུབ་དང་། ལས་བུམ་དུ་རྡོ་རྗེ་གནོད་སྦྱིན་བསྐྱེད་བཟླས་ཕྲིན་བཅོལ་བཅས་བྱ། བདག་བསྐྱེད་ལས་རང་ཉིད་ལས་ཀྱི་ལྷ་རྡོ་རྗེ་སེམས་དཔའི་རྣམ་པར་བྱེ་བ་དཀྱིལ་འཁོར་གྱི་ཤར་སྒོར་འཁོད་པར་མོས་ལ། ཐོག་མར་རྡོར་དྲིལ་མདུན་དུ་བཀོད་པ་ཉིད། ཨོཾ་བཛྲ་ཡཀྵས་བསང་། སྭ་བྷཱ་ཝས་སྦྱང་། རྡོར་དྲིལ་ ― LT34_Page_0557 ―
[མ་དཔེ་གཟིགས་ན་འདིར་གནོན།]
མི་དམིགས་སྟོང་ཉིད་གྱུར། །སྟོང་པའི་ངང་ལས་པད་ཟླའི་སྟེང་། །ཧཱུྃ་ལས་རྡོར་སེམས་ཡབ་ཡུམ་དཀར། །ཞལ་གཅིག་ཕྱག་གཉིས་རྡོར་དྲིལ་འཛིན། །སྣང་ལ་རང་བཞིན་མེད་པའི་སྐུའི། །གནས་གསུམ་ཨོཾ་ཨཱཿཧཱུྃ་གིས་མཚན། །ཧཱུྃ་ལས་འོད་འཕྲོས་ཡེ་ཤེས་པ། །དབང་གི་ལྷར་བཅས་སྤྱན་དྲངས་ཏེ། །ཛཿཧཱུྃ་བྃ་ཧོཿཡེ་ཤེས་པ། །དམ་ཚིག་པ་དང་དབྱེར་མེད་གྱུར། །སླར་ཡང་དབང་ལྷ་འཁོར་བཅས་ཀྱིས། །དབང་བསྐུར་སྐུ་གང་དྲི་མ་དག །ཆུ་ལྷག་སྤྱི་བོར་བརྟན་པ་ལས། །མི་བསྐྱོད་པ་ཡིས་དབུ་བརྒྱན་གྱུར། །རྡོར་སེམས་ཡབ་ཡུམ་ཞུ་བ་ལས། །རྡོར་དྲིལ་མཚན་ཉིད་ལྡན་པར་གྱུར། །ལག་མཐིལ་གཡས་སུ་ཟླ་བ་དང་། །གཡོན་དུ་ཉི་མའི་དཀྱིལ་འཁོར་གསལ། བར་བསམས་ཏེ་པད་སྐོར་དང་བཅས་པས། ཨོཾ་མ་ཧཱ་བཛྲ་ཧཱུྃ། ཞེས་རྡོ་རྗེ་བླངས་ཏེ་གསོར། ཨོཾ་བཛྲ་གྷཎྜེ་ཨཱཿ ཞེས་པད་སྐོར་དང་བཅས་ཏེ་དྲིལ་བུ་བླངས་ཏེ་བཀྲོལ་བས་སངས་རྒྱས་ཀྱི་ཞིང་ཁམས་ཐམས་ཅད་སྒྲས་བསྐུལ་ཞིང་མཆོད་པར་བསམས་ལ། ཨོཾ་བཛྲ་གྷཎྜེ་ར་ི་ཏ་པྲ་ར་ི་ཏ་སཾ་པྲ་ར་ི་ཏ་སརྦ་བུདྡྷ་ཀྵེ་ཏྲ་པྲ་ཙ་ལི་ནེ་པྲཛྙཱ་པཱ་ར་མི་ཏཱ་ནཱ་ད་སཾ་བྷ་བི་ཏ་བཛྲ་དྷརྨ་ཧྲྀ་ད་ཡཾ་སནྟོ་ཥ་ི་ཧཱུྃ་ཧཱུྃ་ཧཱུྃ་ཧོཿཧོཿཧོཿཨཱ་ཁཾ་སྭཱ་ཧཱ། ཞེས་བརྗོད། སྔོན་གཏོར་ལྕེ་ལག་བྱིན་རླབས་སྲུང་བ་སོགས་སྔར་སོང་བས་འཐུས། ལས་བུམ་ ― LT34_Page_0558 ―
[མ་དཔེ་གཟིགས་ན་འདིར་གནོན།]
གྱི་ཆུས་རྫས་ཐམས་ཅད་ལ་འཐོར་ཏེ་གནོད་སྦྱིན་སྔགས་མང་དུ་བརྗོད། ཁུ་ཚུར་གཉིས་སྟེང་དུ་བཏེགས་པས་རྡོ་རྗེ་རྩེ་མོའི་རྒྱ་དང་། ཨོཾ་བཛྲ་ཤི་ཁ་རེ་རུ་ཊ་མ་ཊ། ཞེས་པས་རྫས་རྣམས་གནས་སུ་དགོད། ཆོ་གའི་དཀྱུས་ལྟར་མཆོད་པ་བྱིན་བརླབ། སྲེག་རྫས་རྣམས་བསང་སྦྱང་། སྟོང་པའི་ངང་ལས་ཨོཾ་ཞུ་བ་ལས་བྱུང་བའི་སྲེག་རྫས་རྣམས་དྭངས་ཤིང་ཐོགས་པ་མེད་པ་ཞི་བའི་ལས་འགྲུབ་པའི་ནུས་པ་དང་ལྡན་པར་གྱུར། ཅེས་བརྗོད། རྡོ་རྗེ་ཁུ་ཚུར་ལ་མཛུབ་མོ་གཉིས་གཤིབས་པ་ཆོས་འབྱུང་གི་ཕྱག་རྒྱས་སོ་སོར་རེག་པའི་ཚུལ་བྱས་ལ། ཨོཾ་ཨཱཿསྭཱ་ཧཱ་ས་ཡ་མ་ཤིང་། ཨོཾ་ཤྲི༚་སྭཱ་ཧཱས་མར། ཨོཾ་ཛྲི༚་སྭཱ་ཧཱས་འབྲུ་རྣམས། ཨོཾ་ཀུ་རུ་ཀུ་རུ་སྭཱ་ཧཱས་དེ་དག་ལས་གཞན་པའི་རྫས་ཐམས་ཅད་སྦྱངས་ཞིང་བྱིན་གྱིས་བརླབ། སྔགས་རྣམས་ལན་གསུམ་རེ་བརྗོད། དེ་ནས་ཐབ་ལ་བསང་ཆུ་འཐོར་ཞིང་བསང་སྦྱང་། སྟོང་པའི་ངང་ལས། ཧཱུྃ་ལས་ཞི་བའི་ཐབ་ཁུང་མཚན་ཉིད་དང་ལྡན་པའི་དབུས་སུ་པདྨ་དང་ར་སྐྱེས་ཀྱི་གདན་ལ་མེ་ལྷ་དཀར་པོ་ཞལ་གཅིག་ཕྱག་བཞི་པ་སྤྱན་གསུམ། རལ་པའི་ཐོར་ཚུགས་ཅན། གཡས་གཉིས་དབྱུག་པ་དང་མི་འཇིགས་པའི་ཕྱག་རྒྱ། གཡོན་གཉིས་ཕྲེང་བ་དང་རིལ་བ་འཛིན་པ་མེ་ལྕེ་སྟོང་གིས་དཀྲིས་ཤིང་འོད་འབར་བར་གྱུར། དཔལ་འབར་སྤར་ལ་བསང་ཆུ་འཐོར། གཡས་བསྐོར་ལན་གསུམ་ ― LT34_Page_0559 ―
[མ་དཔེ་གཟིགས་ན་འདིར་གནོན།]
བྱས་ཏེ། ཨོཾ་བཛྲ་ཛྭ་ལ་ཛྭ་ལ་ཧཱུྃ། ཞེས་པས་ཐབ་ཀྱི་ཤར་ལྷོ་ནས་སྦར། ཀུ་ཤ་རྣམས་ཐོགས་ལ། །ཨོཾ་ཀུ་ཤ་འདི་ནི་གཙང་ཞིང་དགེ། །ཚངས་པ་ལྷ་རྣམས་དག་བྱེད་ཡིན། ས་ལས་སྐྱེས་པའི་འདབ་མའི་སྙིང་། །དཀོན་མཆོག་གསུམ་པོ་མཉེས་བྱེད་པ། །བདག་གི་བགེགས་རྣམས་ཐམས་ཅད་ནི། །ཞི་ཞིང་བདེ་ལེགས་མཛད་དུ་གསོལ། ཞེས་ཀུ་ཤའི་ཆུན་བུ་ཐབ་ཀྱི་ཁ་ཁྱེར་ལ་གཡས་སྐོར་དུ་བཀོད། ཆུན་བུ་གཅིག་ཐབ་ཀྱི་ནང་དུ་རྩེ་མོ་ཤར་དུ་བསྟན་ལ་བཞག །མི་འཇིགས་པའི་ཕྱག་རྒྱ་ལས་མཐེ་བོང་སྲིན་ལག་གི་རྩར་གཡོབ་ཅིང་། །ཨོཾ་ཚུར་བྱོན་ཚུར་སྦྱོན་འབྱུང་པོ་ཆེ། །ལྷ་ཡི་དྲང་སྲོང་གཉིས་སྐྱེས་མཆོག །བསྲེག་བླུགས་ཞལ་ཟས་བཞེས་སླད་དུ། །འདིར་ནི་ཡང་དག་བསྙེན་པར་མཛོད། ཨོཾ་ཨགྣ་ཡེ་མ་ཧཱ་ཏེ་ཛཿསརྦ་ཀཱ་མལ་ཨརྠ་སཱ་དྷ་ཀ་ཀཱ་རུ་་ཀྲྀ་ཏ་མ་ཧཱ་ཏེ་ཛཿསདྷ་ཀཾ་ཨ་སྨིན་ས་ན་ནི་ཧི་ཏོ་བྷ་ཝ་ཛཿཧཱུྃ་བྃ་ཧོཿཞེས་པས་མེ་ལྷ་སྤྱན་དྲངས་ལ་བསྟིམ། ཨོཾ་ཨགྣ་ཡེ་ས་པཱ་རི་ཝཱ་ར་ཨརྒྷཾ་པྲ་ཏིཙྪ་སྭཱ་ཧཱ། དེས་འགྲེས་ཏེ། པཱ་དྱཾ་ནས། ཤབྡའི་བར་གྱིས་མཆོད། རྒྱས་པར་སྤྲོ་ན། །གཙང་ཞིང་གཙང་མ་སོགས་ཚིགས་བཅད་སྦྱར། བྱོན་སྐྱེམས་འབུལ་བ་ནི། མེ་ལྷའི་ལྕེ་དང་དགང་བླུགས་གི་ཁར་རཾ་ཡིག་གིས་མཚན་པར་གྱུར། ལག་གཡོན་ཁུ་ཚུར་ ― LT34_Page_0560 ―
[མ་དཔེ་གཟིགས་ན་འདིར་གནོན།]
གྱི་ཧཱུྃ་བསྒྲེང་པ་གན་རྐྱལ་གྱིས་དགང་གཟར་བཟུང་། གཡས་ཁུ་ཚུར་གྱིས་བླུགས་གཟར་མར་གྱིས་བཀང་བ་བདུན་ནམ་གསུམ་དགང་གཟར་དུ་བླུགས། ལག་གཉིས་བརྩེགས་ཏེ་པུས་མོ་ཕྱིར་མི་འདའ་བར་གཡས་སུ་ལན་གསུམ་བསྐོར་ནས། ཨོཾ་ཨགྣ་ཡེ་ཧ་བྱ་ཀ་བྱ་བཱ་ཧཱ་ནཱ་ཡ་ཨཱ་དཱི་བྱེ་སྭཱ་ཧཱ། ཞེས་མར་ཁུ་དགང་གཟར་གསུམ་མམ་བདུན་ཕུལ། བདག་དང་སེམས་ཅན་ཐམས་ཅད་ཀྱི་ཚེ་རབས་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཤིནྟིང་ཀུ་རུ་སྭཱ་ཧཱ། ཞེས་ལས་སྔགས་སྤེལ་ཚིག་སྦྱར། མེ་པྲ་བརྟགས་ལ་མཚན་མ་ངན་ན་རྡོ་རྗེ་གནོད་སྦྱིན་གྱི་སྔགས་རྒྱ་དང་ལས་བུམ་ཆུས་བསང་། བསྲེག་རྫས་རྣམས་གཡས་པའི་ཨོཾ་ཧྲཱིཿསྦྱར་བས་འབུལ་ཞིང་། ཨོཾ་ཨགྣ་ཡེ་ཞེས་ལན་གཅིག་དང་རྫས་སྔགས་རྣམས་བདུན་རེ་ཙམ། མཐར་སྤེལ་ཚིག་ལན་གཅིག་བརྗོད་ལ་འབུལ་ཏེ། ཡམ་ཤིང་ལ་ཨོཾ་བོ་དྷི་བྲྀཀྵ་ཡེ་སྭཱ་ཧཱ། མར་ཁུ། ཨོཾ་ཨགྣ་ཡེ༴ཏིལ་དང་ཡུངས་ཀར། ཨོཾ་སརྦ་པཱ་པཾ་ད་ཧ་ན་བཛྲཱ༴ འབྲས་མ་གྲུས་པ། ཨོཾ་བཛྲཱ་པུཥྚཱ་ཡ༴ ཟས་མཆོག །ཨོཾ་སརྦ་སམྤ་དེ༴ ཀུ་ཤ །ཨོཾ་ཨ་པྲ་ཏི་ཧ་ཏཱ་ཡ༴ དཱུར་བ་ཨོཾ་བཛྲ་ཨཱ་ཡུ་ཥེ་སྭཱ་ཧཱ། གྲོ་ཨོཾ་བཛྲ་གྷསྨ་རྱེ་སྭཱ་ཧཱ། ནས་དང་སོ་བ་ཨོཾ་བཛྲ་བིཛ་ཡེ་སྭཱ་ཧཱ། སྲ་ནམ་ཨོཾ་བཛྲ་མཱ་ཧཱ་བ་ལ་ཡ་སྭཱ་ཧཱ། བིལྦ་དང་སྟ་རཀ་ཨོཾ་བཛྲ་ཥི་བྷ་ཡ་སྭཱ་ཧཱ། ཞེས་པ་རྣམས་ཀྱིས་འབུལ། ཏིལ་ཡུངས་གཉིས། ནས་དང་སོ་བ་སྔགས་གཅིག་ཡིན་ཀྱང་ ― LT34_Page_0561 ―
[མ་དཔེ་གཟིགས་ན་འདིར་གནོན།]
རྫས་སོ་སོ་ལ་སྔགས་བསྐྱར་ནས་འབུལ་ན་ལེགས། དེའང་མེ་ལྷ། འཇིག་རྟེན་གསུམ་རྒྱལ། རྡོར་སེམས། གཤམ་གྱི་ཁམས་གསུམ་རྣམ་རྒྱལ་རྣམས་ལ་བདུན་རེ་ཙམ་ལས་འགྲུབ་དཀའ། དེ་རྣམས་ལས་ཡམ་ཤིང་འོད་ཀྱི་དཀྱིལ་འཁོར། མར་ཁུ་སོགས་ཞལ། ཀུ་ཤ་དང་དཱུརྦ་ཕྱག་ཏུ་འབུལ་བ་དམིགས་པར་གསུངས་སོ། །བསྲེག་རྫས་རྣམས་རྫོགས་ནས། །འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཊཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། ཅེས་བསྟོད། མེ་ལྷའི་ལྟོ་བར་ཁྲོ་བོ་འཇིག་རྟེན་གསུམ་རྒྱལ་སྐུ་མདོག་སྔོན་པོ་དབུ་དང་ཕྱག་མཐའ་ཡས་པ། ཞེས་པ་ནས། ཡེ་ཤེས་ཀྱི་མེ་འབར་བའི་དབུས་ན་བཞུགས་པར་གྱུར། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། བསྲེག་རྫས་རྣམས་ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛཱ་ཡའི་མཐར། ཨོཾ་བོ་དྷི་བྲྀཀྵཱ་ཡ་སོགས་སོ་སོའི་སྔགས་སྤེལ་ཚིག་དང་བཅས་བཏགས་པ་གྲངས་ཅི་རིགས་ཕུལ། །ཁྲོ་བོ་སྲིན་པོའི་ཆ་ལུགས་ཅན། །སྦྲུལ་དང་མི་སྡུག་མགོས་བརྒྱན་ཅིང་། །སྟག་ལྤགས་ཀྱིས་ནི་སྨད་དཀྲིས་པ། ཁམས་གསུམ་རྣམ་རྒྱལ་ཕྱག་འཚལ་བསྟོད། འཇིག་རྟེན་གསུམ་ལས་རྣམ་པར་རྒྱལ་བའི་ལྟོ་བར་པཾ་ལས་པདྨ། ཨ་ལས་ཟླ་བའི་སྟེང་དུ་ ― LT34_Page_0562 ―
[མ་དཔེ་གཟིགས་ན་འདིར་གནོན།]
རྡོ་རྗེ་སེམས་དཔའ་སྐུ་མདོག་དཀར་པོ་གཡས་རྡོ་རྗེ་ཐུགས་ཀར་འཛིན་ཅིང་གཡོན་དྲིལ་བུ་དཀུར་བསྟེན་པ། རྒྱན་ཐམས་ཅད་ཀྱིས་བརྒྱན་པ། སེམས་དཔའི་སྐྱིལ་ཀྲུང་གིས་བཞུགས་པར་གྱུར། ཨོཾ་བཛྲ་སཏྭ་ས་པཱ་རི་ཝཱ་ར་ཨརྒྷཾ་སོགས་དང་། ཨོཾ་བཛྲ་སཏྭའི་མཐར་བསྲེག་རྫས་སོ་སོའི་སྔགས་སྤེལ་ཚིག་དང་བཅས་པ་གྲངས་ཅི་རིགས་ཕུལ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོ་ཀུན་ཏུ་བཟང་། །ཕྱག་འཚལ་ཕྱག་ན་རྡོ་རྗེ་ལའོ། ཞེས་བསྟོད། དེ་ནས་དཀྱིལ་འཁོར་པ་ལ་འབུལ་བ་དངོས་ནི། རྡོ་རྗེ་རྒྱུའི་ཕྱག་རྒྱ་གཡས་སུ་བསྐོར་ལ། ཨོཾ་སརྦ་བིད་མཎྜལ་བཛྲ་ཙཀྲ་ཧཱུྃ། རྡོ་རྗེ་སེམས་དཔའ་དེའི་ལྟོ་བར་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཀྱི་ཁང་པ་སོགས་མདུན་བསྐྱེད་སྐབས་ལྟར་དཀྱིལ་འཁོར་ཡོངས་རྫོགས་བསྐྱེད་པ་ནས་རྒྱས་འདེབས་ཀྱི་བར་བྱ། །རབ་འབྱམས་རྒྱ་མཚོ་སོགས་དང་། སྒེགས་སོགས་བརྒྱད་ཀྱིས་མཆོད་ལྷའི་ལྗགས་དང་དགང་བླུགས་ཀྱི་ཁར་ཧཱུྃ་ཡིག་གིས་མཚན་པར་གྱུར། ཨོཾ་ཤྭ་དྷ་ནེ་སོགས་གཙོ་བོའི་སྔགས་ཀྱི་མཐར། ཧ་བྱ་ཀ་བྱ་སོགས་མེ་སྔགས་བཏགས་པ་ཉེར་གཅིག་གིས་བྱོན་སྐྱེམས་ཕུལ། སྤེལ་ཚིགས་གོང་ལྟར་བརྗོད། དེ་ནས་བསྲེག་རྫས་རྣམས་གོང་གིས་འགྲེས་ཏེ་ལྷ་སྔགས་སོ་སོ་སྔོན་དུ་འགྲོ་བས་རྫས་སྔགས་གྲངས་གསོག་མཐར་སྤེལ་ཚིག་ལན་རེ་ ― LT34_Page_0563 ―
[མ་དཔེ་གཟིགས་ན་འདིར་གནོན།]
སྦྱར་ཏེ། གཙོ་བོ་ལ་ཉེར་གཅིག །རིགས་ལྔ་ཡབ་ཡུམ་བཞི་ལ་བདུན་རེ། སེམས་དཔའ་བཅུ་དྲུག་ནས་སྒོ་སྲུང་ཁྲོ་བོའི་བར་ཚར་གསུམ་རེ་འབུལ། དེ་ནས་ཁ་སྐོང་གི་གྲངས་གསོག་དངོས་ལ་རྫས་སྤུངས་མང་དུ་བྱས་པ་ཉིད་འབུལ་བྱའི་དངོས་གཞི་དང་། སྐབས་སྐབས་སུ་ཡམ་ཤིང་དང་མར་ཁུ་ཅི་འགྲུབ་རེ་འབུལ། སྔགས་རྩ་རིག་ལ་འབྲུ་གསུམ་བཏགས་པ་ཁོ་ན་ལ་གྲངས་བཟུང་། ཉེར་ལྔའམ་བརྒྱ་རྩ་རེའི་མཚམས་སུ་ཕྲིན་བཅོལ་ཚར་རེ་བྱ། འདིར་ཆགས་མེད་རིན་པོ་ཆེས་རྩ་རིག་ཅིས་ཀྱང་གྲངས་གསོག་མ་ཐུབ་ན། ཨོཾ་སརྦ་བིད་སརྦ་ཨཱ་བ་ར་་བི་ཤྭ་དྷ་ཡ་ཧ་ན་ཧཱུྃ་ཕཊ། ཅེས་པ་ལ་གྲངས་བཟུང་ན་ཆོག་པར་གསུངས་ཀྱང་འདི་ནི་གཙོ་བོ་ཀུན་རིག་ཁོ་ནའི་སྙིང་པོ་ཡིན་ལ། རྩ་རིག་དཀྱིལ་འཁོར་ཡོངས་རྫོགས་ཀྱི་སྙི་པོར་གསུངས་པའི་ཁྱད་པར་ཡོད་པས་རྩ་རིག་ཚར་ཐུབ་ན་ལེགས་པར་མངོན། བར་མཚམས་སུ་གུང་ཚིག་ཆབ་བསིལ་སོགས་སྤྱོད་ལམ་ལ་འཇུག་དགོས་ན་ལས་ཀྱི་སེམས་དཔའི་ང་རྒྱལ་དེ་ཀས་བྱ་ཆོག །ནམ་ཡང་མེ་སྙིང་མི་དཀྲུགས་པ་དང་མེ་མ་ཤི་བར་བྱེད་པ་ཡོགས་ལག་ལེན་སྤྱི་བསྲེག་བླུགས་ཚད་ལྡན་ཤེས་པ་ཞིག་གིས་བྱ་དགོས་སོ། །དགོངས་མོ་བཞག་མཚམས་སྐབས། ཆོས་དབྱིངས་ཡེ་ཤེས་སོགས་ནས། འཇིག་རྟེན་གསུམ་སྣང་སོགས་ཕྱག་འཚལ། བར་གྱིས་བསྟོད། བདག་སོགས་སེམས་ཅན་ཐམས་ཅད་ཀྱི་སྡིག་སྒྲིབ་ཐམས་ཅད་བྱང་ཞིང་དག་ནས་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་མྱུར་དུ་ཐོབ་བར་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ། ― LT34_Page_0564 ―
[མ་དཔེ་གཟིགས་ན་འདིར་གནོན།]
རང་གི་ཐུགས་ཀའི་ས་བོན་ལས་འོད་ཟེར་འཕྲོས་བས། ཕྱག་ན་རྡོ་རྗེ་ཁམས་གསུམ་རྣམ་རྒྱལ་ཞལ་གཅིག་ཕྱག་བཞིའི་དང་པོ་གཉིས་ཧཱུྃ་མཛད་ཀྱི་ཕྱག་རྒྱས་རྡོར་དྲིལ་འཛིན་པ། ཐ་མ་གཉིས་པདྨ་དམར་པོ་དང་ཞགས་པ་དང་བཅས་པའི་སྡིགས་མཛུབ་ཅན། ཁྲོ་བོའི་རྒྱན་ཐམས་ཅད་དང་ལྡན་པ་སྤྱན་དྲངས་ཏེ་བཅོམ་ལྡན་འདས་ཀུན་རིག་གི་སྤྱན་སར་བཞུགས་པར་གྱུར། ཨོཾ་བཛྲ་སཏྭ་ཀྲོ་དྷ་ཨ་ན་ལཱརྐ་སོགས་ཀྱི་མཐར་བསྲེག་རྫས་སོ་སོའི་སྔགས་སྤེལ་ཚིག་དང་བཅས་པས་གྲངས་ཅི་རིགས་འབུལ། །ཡེ་ཤེས་ཞི་བའི་ངང་ལས་མ་གཡོས་ཀྱང་། །སྐུ་ཡི་ཆ་ལུགས་ཟ་བྱེད་རྔམ་སྟབས་ཅན། །གསུང་གི་ང་རོ་འབྲུག་སྟོང་ལྡིར་བའི་སྒྲས། །མ་ལུས་དབང་དུ་སྡུད་ལ་ཕྱག་འཚལ་བསྟོད། ཅེས་བསྟོད། དེ་ནས་རང་གི་ཡི་དམ་དང་ཆོས་སྐྱོང་ལ་འབུལ་བར་གསུངས་པ་ལྟར་རྒྱལ་བ་རྒྱ་མཚོ་སོགས་རང་གི་ཡི་དམ་དམིགས་བསལ་ལམ། ཕྱག་སྲོལ་ལྟར་ན། སླར་རང་བཞིན་གྱི་ཞིང་དང་ཨོ་རྒྱན་གྱི་གནས་ནས་རྡོ་རྗེ་རྣལ་འབྱོར་མ་སྤྱན་དྲངས་ཏེ་མདུན་དུ་བཞུགས་པར་གྱུར། ཨོཾ་བཛྲ་བཻ་རོ་ཙ་ནཱི་ཡེ་ཧ་རི་ནི་ས་ཧཱུྃ་ཧཱུྃ་ཕཊཿ ཅེས་པའི་མཐར་རྫས་སྔགས་སོ་སོ་སྦྱར་བ་ལན་གསུམ་རེ་ཙམ་དང་རྫས་སྤུང་ཚར་བདུན་ཙམ་འབུལ། མཐར་སྤེལ་ཚིག་དང་། དཔལ་ལྡན་རྡོ་རྗེ་མཁའ་འགྲོ་མ་སོགས་ཀྱིས་བསྟོད། སླར་ཡང་འོག་མིན་གྱི་གནས་དང་དུར་ཁྲོད་ཆེན་པོ་ནས་དཔལ་ལྡན་མགོན་པོ་ལྕམ་དྲལ་སྤྱན་དྲངས་ཏེ་དཀྱིལ་འཁོར་ཆེན་པོའི་བར་ཁྱམས་སུ་བཞུགས་པར་གྱུར། ཨོཾ་ཤྲཱི་མ་ཧཱ་ཀཱ་ལ་ཀཱ་ལི་ཡེ་ ― LT34_Page_0565 ―
[མ་དཔེ་གཟིགས་ན་འདིར་གནོན།]
ཨོཾ་བོ་དྷི་བྲྀཀྵ་ཡེ་སོགས་རྫས་སྔགས་ལན་གསུམ་རེ། རྫས་སྤུངས་བདུན་ཙམ་སྤེལ་ཚིག་བཅས་འབུལ། །བཅོམ་ལྡན་འདས་ཀྱི་སྤྱན་སྔ་རུ། སོགས་ཀྱིས་བསྟོད། ཁོར་ཡུག་གི་འཇིག་རྟེན་པ་རྣམས་ལ་དམིགས་ནས་རྩ་རིག་གི་མཐར་རྫས་རྣམས་གསུམ་རེ། རྫས་སྤུངས་བདུན་ཙམ་ཕུལ་ལ། ཕྱིའི་ཁོར་ཡུག་ལ་གནས་པའི་དཔལ་མགོན་རྣམས་ཀྱིས་ཀྱང་བདག་དང་སེམས་ཅན་ཐམས་ཅད་ཀྱི་ས་ལམ་གྱི་བར་ཆད་ཐམས་ཅད་ཡོངས་སུ་ཞི་བའི་ཕྲིན་ལས་མཛད་དུ་གསོལ། ཅེས་སྤེལ་ཚིག་དང་། །ཕྱི་ཡི་ཁོར་ཡུག་ལ་གནས་པའི། སོགས་ཀྱིས་བསྟོད། དེ་ནས་རྗེས་ཆོག་ནི། ཁ་དོག་དབྱིབས་ལེགས་ཀྱིས་འདོད་ཡོན་ལྔས་མཆོད། རྣམ་པར་སྣང་མཛད་སོགས་ཀྱིས་བསྟོད། ཨོཾ་ཤོ་དྷ་ནེ་སོགས་ཀྱིས་མཐར། ཧ་བྱ་ཀ་བྱ་བཧྞཱ་ཡ་ཨ་དཱི་བྱེ་སྭཱ་ཧཱ། བཏགས་པ་དང་མར་ཁུ་ལན་བདུན་གྱིས་གཤེགས་སྐྱེམས་འབུལ། དཀོན་མཆོག་རིན་ཆེན་སོགས་ཀྱིས་བསྔོ་སྨོན་བྱས་ལ་དམ་རྒྱ་བཀྲོལ། ཡིག་བརྒྱ་ལན་གསུམ་གྱིས་ལྷག་ཆད་བསྐང་། མ་འབྱོར་པ་དང་སོགས་ཀྱིས་བཟོད་པར་གསོལ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད་སོགས་ཀྱིས་ལྷ་ཡེ་ཤེས་པ་རང་གནས་སུ་གཤེགས་སྤྲུལ་པའི་དམ་ཚིག་པ་རང་ལ་བསྡུ། སླར་མར་ཁུ་བླུགས་གཟར་གང་ཐབ་ཏུ་འབུལ། ཨོཾ་ཨགྣ་ཡེ་ཛྭ་ལ་རཾ། ཞེས་པ་མེ་ལྷ་གཟི་བརྗིད་ལྡན་པར་གསལ་གདབ། བསྲེག་ ― LT34_Page_0566 ―
[མ་དཔེ་གཟིགས་ན་འདིར་གནོན།]
རྫས་རྣམས་གོང་ལྟར་ལན་གསུམ་རེ་འབུལ། སྤེལ་ཚིག་སྦྱར་མི་དགོས། བསྟོད་པ་གོང་བཞིན་བྱ། དྲང་སྲོང་ཆེན་པོ་མེ་ལྷས་བདག་གཞན་སེམས་ཅན་ཐམས་ཅད་ཀྱི་ཚེ་རབས་ཐོག་མ་མེད་པ་ནས་བསགས་པའི་སྡིག་སྒྲིབ་ཐམས་ཅད་ཞིབ་དང་མཆོག་ཐུན་མོང་གི་དངོས་གྲུབ་མ་ལུས་པ་སྩོལ་བར་མཛད་དུ་གསོལ། ཅེས་འདོད་དོན་གསོལ། ཨོཾ་ཨགྣ་ཡེ་ཨརྒྷཾ་པྲ་ཏིཙྪ་སྭཱ་ཧཱ་ནས། ཤབྡའི་བར་གྱིས་མཆོད། །མེ་སྟེ་བསྲེག་བྱ་སོགས་ཀྱིས་བསྟོད། ཨོཾ་ཨགྣ་ཡེ་ཧ་བྱ་ཀ་བྱ་སོགས་མར་ཁུ་ལན་གསུམ་གྱིས་གཤེགས་སྐྱེམས་འབུལ། ཡིག་བརྒྱ་བཟོད་གསོལ་སྔར་ལྟར་བྱ། །བདག་གི་དོན་དང་གཞན་གྱི་དོན། །བྱིན་ཟ་ཁྱོད་ཀྱིས་བསྒྲུབ་ཀྱི་གཤེགས། །ཇི་བཞིན་དུས་སུ་སླར་བྱོན་ཏེ། །བདག་གི་དངོས་གྲུབ་ཐམས་ཅད་སྒྲུབས། ཨོཾ་ཨགྣ་ཡེ་ས་པ་རི་བཱ་ར་བཛྲ་མུཿཞེས་པས་མེ་ལྷ་གཤེགས་ཤིང་ཤིས་པ་བརྗོད། དེ་ནས་ལས་ཀྱི་ལྷ་རྡོར་སེམས་བདག་བསྐྱེད་ཀྱི་ཐུགས་ཀར་ཞུགས་ཏེ་མཆོད་བསྟོད་སོགས་རྗེས་རིམ་ཚང་བ་ཆོ་གའི་དཀྱུས་ལྟར་བྱ། ནུབ་མོ་མེ་ཐབ་རས་དཀར་པོས་གཡོགས་ནས་བཞག་དགོས་པར་གསུངས་སོ། །ཉིན་གཉིས་པ་ནས་བཟུང་ཁ་སྐང་གྲངས་མ་རྫོགས་བར་ཐབ་ལ་བུད་ཤིང་གསར་པ་བརྩེགས། མཆོད་རྫས་བསྲེག་རྫས་རྣམས་གསར་དུ་བཤམ། འདོན་བྱ་ཐམས་ཅད་ཁར་སང་དང་ཁྱད་པར་མེད་པར་བསྐྱར། མདུན་བསྐྱེད་མཆོད་པའི་སྐབས། མཆོད་པ་ཉེར་ལྔ་པ་དང་ཉི་ཤུ་པ་རེས་མོས་ལ་ནུས་ན་ ― LT34_Page_0567 ―
[མ་དཔེ་གཟིགས་ན་འདིར་གནོན།]
རྒྱལ་སྲིད་ཀྱང་སྦྲེལ་བ་དང་། བསྟོད་པ་མཉམ་མེད་མ་དང་མཚན་བརྒྱ་རེས་མོས་གྲུབ་ནའང་ལེགས་སོ། །རྒྱུད་འདིའི་དངོས་བསྟན་གྱི་དོན་ཕུང་པོ་སྲེག་སྦྱོང་གི་ལས་རིམ་ཡིན་ཅིང་། དེའི་ལག་ལན་ཞྭ་དམར་ལྔ་པའི་གསུང་ལ་ཁ་གསལ་བལྟས་ཆོག་གིས་བརྒྱན་པ་ཟུར་དུ་བཀོད་པ་ལས་ཤེས་པར་བྱའོ། །སྤྱིར་སངས་རྒྱས་ཀྱིས་གསུངས་པའི་སྔགས་ཆོག་ཐམས་ཅད་ལ་འབྲེལ་ཚད་དོན་ལྡན་གྱི་ཕན་ཡོན་བསམ་གྱིས་མི་ཁྱབ་པ་ཡོད་མོད། ངན་སོང་དུ་སྐྱེས་པ་དང་སྐྱེ་བར་ངེས་པའི་ལས་ཀྱི་སྒྲིབ་པ་སྦྱང་བ་ལ་ཀུན་རིག་ལས་ལྷག་པ་ནམ་ཡང་མེད་དེ་ངན་སོང་ཐམས་ཅད་ཡོངས་སུ་སྦྱོང་བའི་རྒྱུད་ཅེས་རྒྱལ་བ་ཐུགས་རྗེ་ཅན་གྱིས་ཆེད་དུ་གསུངས་པ་ཡིན་ཅིང་། ཀུན་རིག་རྣམ་པར་སྣང་མཛད་ཀྱི་མཚན་ཙམ་ཡང་དགེ་བ་བཅུ་དང་ལྡན་ཅིང་པ་རོལ་ཕྱིན་བཅུ་ལ་མོས་པ། ཕྱིར་མི་ལྡོག་པའི་ལྷག་བསམ་ངེས་པ། ཐམས་ཅད་མཁྱེན་པའི་ཡེ་ཤེས་ལ་བརྟེན་པའི་སེམས་ཅན་རྣམས་ཀྱི་རྣ་ལམ་དུ་གྲགས་པ་ལས་སྐལ་མེད་རྣམས་ཀྱི་རྣ་བར་མི་ཐོས་པར་གསུངས་བ་དང་། བརྒྱ་བྱིན་ལ་སོགས་པའི་ལྷ་རྣམས་ཀྱིས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོ་ཞེས་བགྱི་བའི་མཚན་བརྗོད་པ་འདི་བཅོམ་ལྡན་འདས་པདྨའི་ཞལ་ཉིད་ནས་ཐོས་པས་བདག་ཅག་ནི་ངན་སོང་གིས་འཇིགས་པར་ ― LT34_Page_0568 ―
[མ་དཔེ་གཟིགས་ན་འདིར་གནོན།]
མི་འགྱུར། དུས་མ་ལེགས་པར་འཆི་བས་འཇིགས་པར་མི་འགྱུར། འཆི་བ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པ་ལ་སོགས་པས་འཇིགས་པར་མི་འགྱུར་ཏེ། བཅོམ་ལྡན་འདས་བདག་ཅག་ནི་གདོན་མི་འཚལ་བར་སངས་རྒྱས་ཉིད་དུ་འགྲུབ་པའི་སྣོད་དུ་གྱུར་པ་ལགས་སོ། །ཞེས་ཞུས་པ་དང་། སྔགས་ཀྱི་ཕན་ཡོན་ཀྱང་སྦྱོང་རྒྱུད་ཉིད་ལས། ལྷའི་དབང་པོ་དེ་བཞིན་གཤེགས་པ་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོའི་གསང་བའི་སྙིང་པོ་འདི་ནི་རིགས་ཀྱི་བུའམ། རིགས་ཀྱི་བུ་མོ་གང་ཡང་རུང་བས་མིང་ཙམ་ཡང་ཉན་ཏམ། བཅངས་སམ། བཀླགས་སམ། བྲིས་ནས་ཀྱང་མགོ་བོའམ། གཙུག་ཕུད་དམ། དཔུང་པའམ། མགུལ་དུ་བཏགས་ཏེ་འཆང་ན་ཚེ་འདི་ཉིད་ལ་དུས་མ་ཡིན་པར་འཆི་བ་བརྒྱད་དམ། དུས་མ་ཡིན་པར་འཆི་བ་བརྒྱད་དང་འབྲེལ་བའི་རྨི་ལམ་གྱི་རྣམ་པའམ། ངན་སོང་དང་འབྲེལ་བའི་མཚན་མ་དེ་དག་ཐམས་ཅད་རྨི་ལམ་ཙམ་དུ་ཡང་མི་འབྱུང་ན། དཀྱིལ་འཁོར་དུ་ཇི་ལྟ་བ་བཞིན་དུ་ཞུགས་ལ། ཞུགས་ནས་ཀྱང་དབང་བསྐུར་ལ་སྙིང་པོ་ཡང་བཟླས་བརྗོད་བྱེད་ཅིང་། སྔགས་ཀྱི་དོན་ཡང་བསྒོམ་པ་གང་ཡིན་པ་ལྟ་སྨོས་ཀྱང་ཅི་དགོས་ཏེ། དེ་དག་ལ་ནི་སྡིག་པ་གང་ཡང་ཉེ་བར་མི་འགྱུར། ངན་སོང་དུ་འགྲོ་བར་ཡང་མི་འགྱུར་རོ། །ཞེས་དང་། དབང་བསྐུར་བའི་ཕན་ཡོན་ཀྱང་། སེམས་ཅན་གང་ཡང་རུང་བ་ཤི་བའི་ ― LT34_Page_0569 ―
[མ་དཔེ་གཟིགས་ན་འདིར་གནོན།]
ལུས་དཀྱིལ་འཁོར་དུ་བཅུག་སྟེ། དབང་བསྐུར་ན། དེ་སེམས་ཅན་དམྱལ་བར་སྐྱེས་ན་ཡང་དེ་མ་ཐག་ཏུ་རྣམ་པར་ཐར་ནས་ལྷའི་རིགས་སུ་སྐྱེ་བར་འགྱུར་རོ། །ལྷའི་རིགས་དེར་སྐྱེས་ནས་ཀྱང་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་མངོན་སུམ་དུ་བྱེད། དེ་བཞིན་གཤེགས་པ་ཐམས་ཅད་ལ་བསྙེན་བཀུར་ལ་སོགས་པ་ཡང་བྱེད། ཕྱིར་མི་ལྡོག་པར་ཡང་འགྱུར། རྒྱུད་ངེས་པ་ཅན་དུ་ཡང་འགྱུར། དེ་བཞིན་གཤེགས་པའི་རིགས་སུའང་སྐྱེ། སྒྲིབ་བ་རྣམས་རབ་ཏུ་སྤང་ནས་དེ་བཞིན་གཤེགས་པ་ཐམས་ཅད་ཀྱི་རིགས་སམ། ལྷའི་རིགས་སམ། གཞན་གང་ཡང་རུང་བར་བདེ་བ་མྱོང་བར་འགྱུར་རོ། །ལྷའི་དབང་པོ་མདོར་ན་འཇིག་རྟེན་ནམ། འཇིག་རྟེན་ལས་འདས་པའི་ཕན་པ་དང་བདེ་བ་ཐམས་ཅད་མྱོང་བར་འགྱུར་རོ། །ཞེས་གསུངས་ཤིང་། དེར་མ་ཟད་གསོན་པོ་དང་ནད་པ་སོགས་ལ་འདིའི་ཆོ་ག་དང་དབང་བྱས་པས་ལྷ་དང་ཀླུ་དང་གནོད་སྦྱིན་གྱི་དབང་པོ་རྣམས་དང་། བྱང་ཆུབ་སེམས་དཔའ་རྣམས་དང་། འདྲེ་སྲིན་འབྱུང་པོའི་རིགས་ཐམས་ཅད་ཀྱིས་ཀྱང་སྲུང་ཞིང་སྐྱོབས་ལ་བར་ཆད་སེལ་བ་དང་། ཡུལ་ཁམས་སུའང་བདེ་ལེགས་རྒྱ་ཆེར་སྤེལ་བར་གསུངས་པ་དང་། གཞན་ཡང་རྒྱུད་ལས་ལྷ་རྣམས་ཀྱིས་གསོལ་བ། བཅོམ་ལྡན་འདས་འཛམ་བུའི་གླིང་པའི་སེམས་ཅན་རྣམས་བསོད་ནམས་ཆུང་ཞིང་ཚེ་ཐུང་བ་དང་། ངན་སོང་གི་ ― LT34_Page_0570 ―
[མ་དཔེ་གཟིགས་ན་འདིར་གནོན།]
རྒྱུད་དང་ལྡན་པ་དང་། དམྱལ་བ་དང་། ཡི་དྭགས་དང་། བྱོལ་སོང་རྣམས་སུ་སྐྱེ་བ་དག་ཀྱང་མཆིས་ན། བཅོམ་ལྡན་འདས་དེ་དག་ལ་བདག་གིས་ཇི་ལྟར་བསྒྲུབ་པར་བྱ། ཀྱེ་ལྷའི་བུ་དག་དེ་དག་ནི་དཀྱིལ་འཁོར་འདི་ཉིད་དུ་ཆུག་ཅིག །བཅུག་ནས་ཀྱང་དབང་སྐུར་ཞིང་། །ཆོས་ཀྱི་ཡི་གེ་ཡང་ཟློག་སུ་ཆུ་གཅིག །དེ་ནས་སེམས་ཅན་ཐམས་ཅད་ཚེ་རིང་བར་འགྱུར། བསོད་ནམས་དང་བྲལ་བ་བསོད་ནམས་དང་ལྡན་པར་འགྱུར། ངན་སོང་ལས་རྣམ་པར་གྲོལ་བར་འགྱུར་རོ། །ཞེས་དང་། ངན་སོང་དུ་སྐྱེས་པ་རྣམས་ཀྱི་མིང་དང་གཟུགས་བརྙན་སོགས་ལ་ཞག་བདུན་དུ་ལན་བདུན་གྱི་དཀྱིལ་འཁོར་དུ་བཅུག་སྟེ་དབང་བསྐུར་བས། ངེས་པར་ངན་སོང་གི་སྒྲིབ་པ་ལས་རྣམ་པར་གྲོལ་བར་འགྱུར་བར་གསུངས་ཤིང་། གཞན་ཡང་སློབ་དཔོན་བསྙེན་སོང་གིས་ལྷག་བསམ་དག་པས་སྔགས་རྒྱ་ཏིང་ངེ་འཛིན་དང་ལྡན་པའི་ཆོག་བྱེད་ན་དེ་ཉིད་སངས་རྒྱས་ཀྱི་མཛད་པ་དང་མཉམ་པར་གསུངས་ཏེ། རྒྱུད་ལས། བཅོམ་ལྡན་འདས་རྟག་པའི་རྒྱལ་པོ་འདིས་སེམས་ཅན་རྣམས་ཀྱི་དོན་བགྱིད་པ་གང་ལགས་པའི་སྐྱེས་བུ་དམ་པ་དེ་དག་གི་འབྲས་བུ་ནི་ཅིར་གྱུར། རྣམ་པར་སྨིན་པ་ནི་ཅིར་འགྱུར། བཅོམ་ལྡན་འདས་ཀྱིས་བཀའ་སྩལ་བ། ལྷའི་དབང་པོ་དེ་དག་ནི་སྐྱེས་བུ་དམ་པ་འབའ་ཞིག་ ― LT34_Page_0571 ―
[མ་དཔེ་གཟིགས་ན་འདིར་གནོན།]
ཏུ་མ་ཟད་ཀྱི། ཡང་དག་པར་རྫོགས་པའི་སངས་རྒྱས་ཉིད་དུ་བལྟ་བར་བྱ་སྟེ། ཞེས་སོགས་དང་། སྐྱེས་བུ་དམ་པ་གཞན་ལ་ཕན་འདོགས་པ་དེ་དག་དེ་བཞིན་གཤེགས་པ་རྣམས་ཀྱིས་ཀྱང་ཕྱག་དང་མཆོད་པར་བྱ་བ་ཡིན་ན་ལྷ་དང་བཅས་པའི་འཇིག་རྟེན་གྱིས་བཀུར་བར་བྱ་བ་ལྟ་ཅི་སྨོས་པར་གསུངས་པས་ཀུན་རིག་གིས་གཞན་ཕན་ཚད་ལྡན་མཛད་པ་རྣམས་ལའང་གྲོང་ཆོག་པ་ཞེས་སྨོད་ན་ཆོས་སྤོངས་བའི་ཉེས་པ་འབྱུང་བས་རྗེས་སུ་ཡི་རང་བའི་འོས་སུ་གྱུར་པའོ།། །།དེ་ལྟར་ནའང་དེང་སོང་གྲོང་ཆོག་པ་སོགས་ཕལ་མོ་ཆེས་ཆོ་གའི་ཚིག་དང་ཏིང་ངེ་འཛིན་ནི་ར་འཕྲོད་པ་ལྟ་ཞོག །ཚིག་ཙམ་དེའང་དག་པར་བརྗོད་ལོངས་མེད་པའི་བྲེལ་བ་དང་བཟླས་པ་ཉུང་ངུ་ལས་མི་ཕྱེད་ཅིང་ཆོ་ག་ཚར་གྲངས་བར་མཚམས་སུ་ཆོས་སྤྱོད་གཏོར་བསྔོས་སོགས་ཀྱིས་ཉི་མ་འཕུལ་སྲོལ་འདུག་སྔགས་ཕྱག་རྒྱ་ཏིང་ངེ་འཛིན་གསུམ་ཚང་བའི་ཆོ་ག་ཚར་གཅིག་ལས་མ་ཚར་ཡང་དེས་ཆོ་གའི་གོ་ཆོད་ཅིང་རྒྱུད་ལས་གསུངས་པའི་ཕན་ཡོན་རྣམས་ཐོབ་པར་འགྱུར་བ་དང་། དེ་དག་མ་ཚང་བའི་ཁ་ཁྲལ་ཙམ་གྱིས་ཆོ་ག་བརྒྱ་སྟོང་འདོན་ནའང་ཕན་ཡོན་མེད་པའི་ཐོག་གསང་སྔགས་ཁྱད་དུ་བསད་ཅིང་ཟོང་དུ་འཚང་བའི་ཉེས་པར་བྱུང་བར་ངེས་པས་བག་ཡོད་པ་གལ་ཆེ་བར་སྣང་ངོ་།། །།འདི་བྱུང་དགེ་ཚོགས་ ― LT34_Page_0572 ―
[མ་དཔེ་གཟིགས་ན་འདིར་གནོན།]
ཉི་མའི་སྟོབས་འབར་བས། །ངན་སོང་འཁོར་བའི་མུན་ཁང་སྐད་ཅིག་བརྟོལ། །གཟི་བརྗིད་རྒྱལ་པོའི་སྣང་ཆེན་གྱིས་དྲངས་ཏེ། །ཕྱམ་གཅིག་རྣམ་གྲོལ་སྒོ་ཆེན་ལ་འཇུག་ཤོག །ཅེས་པ་འདི་ནི་གདན་ས་གོང་མ་དཔལ་གྱི་མཚུར་ཕུ་དང་འདི་གའི་སྒྲུབ་བླ་མ་འགའ་ཞིག་གིས་སྔར་ནས་བསྐུལ་མ་བྱུང་ཡང་རིང་དུ་ལུས་པ་ལ། ཕྱིས་སུ་མཁན་བླ་མ་བཀྲ་ཤིས་འོད་ཟེར་དང་སྒྲུབ་ཁང་འོག་མའི་རྡོར་སློབ་བླ་མ་དོན་གྲུབ་བཅས་ནས་ནན་ཏན་དུ་གསུང་བསྐུལ་མཛད་ངོར་གོ་དོན་རྣམ་བཞག་སོགས་བཤད་ན་ཤིན་ཏུ་མང་བར་འགྱུར་བས་བློ་དམན་ལ་ཕན་པའི་སེམས་ཀྱིས་དམིགས་པ་དང་ལག་ལེན་ཙམ་མདོ་དོན་དྲིལ་ནས་ཀརྨ་ངག་དབང་ཡོན་ཏན་རྒྱ་མཚོས་རང་ལོ་གྱ་གསུམ་པར་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བཀོད་པའི་ཡི་གེ་བ་ནི་ཉེ་བར་གནས་པ་གསང་སྔགས་བསྟན་འཛིན་ནས་བགྱིས་པ་དགེ་ལེགས་འཕེལ།། ༈ །།གཟི་བརྗིད་རྒྱལ་པོ་ཐམས་ཅད་རིག་པ་ཡི། །མཚན་ཙམ་ཐོས་པས་འཁོར་བ་དོང་སྤྲུགས་ཕྱིར། །སྡིག་ཅན་ངན་སོང་གནས་ནས་འདྲེན་པའི་སླད། །སྤྱོད་པའི་རྒྱུད་ཅེས་ཉི་ཟླ་ལྟར་གྲགས་པ། །སྟོན་མཆོག་ཐུགས་རྗེ་ཅན་དེས་བསྟེན་པ་ལ། །འཕགས་བོད་མཁས་རྣམས་སྙིང་གི་བཅུད་མཛད་ནས། །བསྙེན་སྒྲུབ་དབང་བསྐུར་བྱང་ཆོག་ལ་སོགས་པས། །གསོན་པོའི་རྐྱེན་སེལ་གཤིན་པོའི་སྒྲིབ་སྦྱོང་གི། །མཆོག་གྱུར་མནའ་ནས་དབང་རླུང་ལྟར་གྲགས། ། ― LT34_Page_0573 ―
[མ་དཔེ་གཟིགས་ན་འདིར་གནོན།]
དེ་ཕྱིར་ཉམས་ལེན་མཁན་ལ་ཕན་ཐོགས་པའི། །བསྙེན་ཡིག་རོ་སྲེག་དང་བཅས་སྐུལ་བ་པོའི། །བཞེད་དོན་སྒྲུབ་དང་གཞན་ཕན་ལྷག་བསམ་གྱིས། །བསྐྲུན་བའི་བསྙེན་ཡིག་སྤར་འདི་དཔལ་སྤུངས་སུ། །བསླབ་པ་གསུམ་འཛིན་སྒྲུབ་བླ་ཚེ་དབང་གིས། །བསམ་སྦྱོར་དག་པས་བསྒྲུབས་པའི་དགེ་རྩ་ཡིས། །མཁའ་ཁྱབ་སྐྱེ་དགུ་སྤྱི་དང་ཁྱད་པར་དུ། །ལུས་སྐྱེད་སྒྲོན་ཆུང་ཤ་ཉེ་ནོར་བུ་དང་། །ཞང་པོ་མགོན་ལྷོག་གཙོར་བྱས་འབྲེལ་བཅས་ཀྱི། །སྡིག་སྒྲིབ་ཉེས་ལྟུང་མ་ལུས་རྩད་ནས་བྱང་། །ངན་འགྲོ་མི་ཁོམས་འཁོར་བའི་གནས་རིགས་སུ། །ནམ་ཡང་མི་སྐྱེ་བདེ་ཅན་ཞིང་ཁམས་སུ། །ཐོགས་མེད་བགྲོད་ནས་བརྫུས་སྐྱེས་ལུས་མཆོག་ཐོབ། །རྒྱལ་བའི་ཞལ་མཐོང་ཆོས་ཐོས་ས་ལམ་བགྲོད། །རང་དོན་མཐར་ཕྱིན་གཞན་དོན་ལྷུན་གྲུབ་ཤོག །སརྦ་སིདྡྷི་རསྟུ།། །།ཞེས་པའང་ཡི་གེའི་འབྱུང་ཁུངས་བཞེངས་པ་པོའི་ཐུགས་བཞེད་ལྟར་བློ་གྲོས་མཐའ་ཡས་ཀྱིས་བགྱིས་བ་དགེ་ལེགས་འཕེལ། ། བཅོམ་ལྡན་འདས་གདུགས་དཀར་མོའི་བསྐྱེད་བཟླས་རྒྱུན་ཁྱེར་རྡོ་རྗེ་འབར་བ།― LT34_Page_0575 ―
[མ་དཔེ་གཟིགས་ན་འདིར་གནོན།]
བཅོམ་ལྡན་འདས་གདུགས་དཀར་མོའི་བསྐྱེད་བཟླས་རྒྱུན་ཁྱེར་རྡོ་རྗེ་འབར་བ་ཞེས་བྱ་བ་བཞུགས་སོ།། །། ― LT34_Page_0576 ―
[མ་དཔེ་གཟིགས་ན་འདིར་གནོན།]
དེ་བཞིན་གཤེགས་པ་སྲས་བཅས་ཀྱིས། །ཕྱག་བྱས་དེ་ལ་གུས་བཏུད་དེ། །རིག་སྔགས་རྒྱལ་མོ་སྟོབས་པོ་ཆེ། །རྣལ་འབྱོར་བསྡུས་ཏེ་བྱ་བ་འཆད། །སངས་རྒྱས་ཆོས་ཚོགས་སོགས་གྱིས་སྐྱབས་སེམས་ལན་གསུམ་བྱ། རང་ཉིད་བཅོམ་ལྡན་འདས་མར་གསལ། །ཐུགས་ཀར་པད་ཟླར་ཨོཾ་དཀར་པོའི། །འོད་ཀྱིས་སངས་རྒྱས་བྱང་ཆུབ་སེམས། །སྤྱན་དྲངས་ནམ་མཁའ་གང་བར་གྱུར། །དཀོན་མཆོག་རིན་ཆེན་གསུམ་ལ་ཕྱག་འཚལ་ལོ། །རྫོགས་པའི་སངས་རྒྱས་བྱེ་བ་ཕྲག་བདུན་པོ། །ཉན་ཐོས་དགེ་འདུན་བཅས་ལ་ཕྱག་འཚལ་ལོ། །ཨུཏྤལ་བསུང་གི་ཏོག་དང་རྣམ་སྣང་མཛད། །ཀུན་བཟང་རིན་ཆེན་ཏོག་དང་ཤཱཀྱ་ཐུབ། །སཱ་ལའི་དབང་པོ་སྨན་བླ་མི་འཁྲུགས་པ། །འོད་དཔག་མེད་དང་དཔའ་བརྟན་སྡེར་ཕྱག་འཚལ། །དེ་བཞིན་རྡོ་རྗེ་ནོར་བུ་པདྨའི་གདུང་། །གླང་པོ་གཞོན་ནུ་ཀླུ་ཡི་གདུང་བདུན་ལ། །རབ་ཏུ་གུས་པ་ཆེན་པོས་ཕྱག་འཚལ་ལོ། །སྐྱེས་བུ་ཟུང་བཞི་ཡང་དག་སོང་དང་ཞུགས། །དྲང་སྲོང་རིག་སྔགས་འཆང་དང་ཚངས་དབང་པོ། །ལེགས་ལྡན་མཆེད་གསུམ་ལ་ཡང་གུས་པས་འདུད། །ཅེས་དང་། བཅོམ་ལྡན་འདས་མ་ཁྱོད་ལ་ཕྱག་འཚལ་ཞིང་། མཆོད་པ་རྣམ་པ་དུ་མས་རབ་མཆོད་དོ། །ཉེས་གསུམ་མཐར་བྱེད་ཁྱོད་ཀྱི་སྤྱན་སྔ་འདིར། །སྡིག་པ་མཐའ་དག་ ― LT34_Page_0577 ―
[མ་དཔེ་གཟིགས་ན་འདིར་གནོན།]
བཤགས་ཤིང་བསྡམ་པར་བགྱི། །འགྲོ་བའི་དགེ་ལེགས་ཀུན་ལ་དགའ་བསྐྱེད་དེ། །སྲིད་ཞི་ཀུན་ཏུ་བཅོམ་ལྡན་འདས་མ་ཁྱོད། །རབ་བདེ་བླ་མེད་ཆོས་ཀྱི་འཁོར་ལོ་མཆོག །རྟག་པར་བསྐོར་བས་མཐའ་དག་ཚིམས་པར་གསོལ། །ནམ་ཡང་ཁྱོད་ཚུལ་ནུབ་མེད་བཀའ་དྲིན་དང་། །དགེ་འདུན་ཁྱོད་ཉིད་ཁོ་ནའི་རྒྱུར་གསོལ་ཞིང་། །དགེ་ལེགས་སྙིང་པོའི་དཔལ་འབྲས་ཁྱེད་དང་བདག །རྣམ་པ་ཀུན་ཏུ་མི་བྱེད་ཉིད་གྱུར་ཅིག །ཨོཾ་བཛྲ་མུཿ ཚོགས་ཞིང་རྣམས་གཤེགས་ལ་ཚད་མེད་བཞི་བསྒོམ། ཨོཾ་སྭ་བྷཱ་བ་སོགས་ཀྱིས་སྟོང་བར་སྦྱངས། སྟོང་པའི་ངང་ལས་རྡོ་རྗེའི་སྲུང་འཁོར་དབུས། །རིན་ཆེན་གཞལ་ཡས་མཚན་ཉིད་ཡོངས་སུ་རྫོགས། །ལྟེ་བར་སེང་ཁྲི་པད་ཟླའི་གདན་གྱི་སྟེང་། །ཨོཾ་ལས་འཁོར་ལོ་ཨོཾ་གྱིས་མཚན་པ་ལས། །འོད་འཕྲོས་འཕགས་མཆོད་དོན་བྱས་གདོན་བགེགས་རྣམས། །ཚར་བཅད་འདུས་ཏེ་ཡོངས་སུ་གྱུར་པ་ལས། །རང་ཉིད་གཞན་གྱིས་མི་ཐུབ་གཙུ་གཏོར་རྒྱལ། །གངས་རི་ལྟར་དཀར་དབུ་ཕྱག་ཞབས་སྟོང་ལྡན། །རྩ་ཞལ་གཉིས་བརྒྱ་ཞི་དང་སྙིང་རྗེ་དཀར། །གཡས་ཞལ་ཉིས་བརྒྱ་སྒེག་ཅིང་དཔའ་བ་སེར། །རྒྱབ་ཞལ་ཉིས་བརྒྱ་རྒོད་དང་དྲག་ཤུལ་དམར། །གཡོན་ཞལ་ཉིས་བརྒྱ་རྔམས་དང་སྣ་ཚོགས་ལྗང་། །སྟེང་ཞལ་ཉིས་བརྒྱ་མི་སྡུག་འཇིགས་རུང་སྔོ། ། ― LT34_Page_0578 ―
[མ་དཔེ་གཟིགས་ན་འདིར་གནོན།]
ཞལ་རྣམས་བཞད་དང་ཁྲོ་སོགས་མ་ངེས་ཤིང་། །སྣ་ཚོགས་ཉམས་ལྡན་སྤྱན་མིག་གསུམ་གསུམ་མཚན། །ཕྱག་གཡས་དང་པོ་འཁོར་ལོ་སྐྱབས་སྦྱིན་རྒྱ། །འོག་མས་འཁོར་ལོ་རྡོ་རྗེ་རིན་པོ་ཆེ། །པདྨ་སྣ་ཚོགས་རྡོ་རྗེ་བརྒྱ་བརྒྱ་བསྣམས། །གཡོན་གྱི་དང་པོས་མདའ་དང་བཅས་པའི་གདུགས། །དཀར་པོ་རིན་ཆེན་ཏོག་གིས་སྤྲས་པ་འཛིན། །དེ་འོག་མདའ་གཞུ་ལྕགས་ཀྱུ་ཞགས་བ་དང་། །རལ་གྲི་འབར་བ་བརྒྱ་ཕྲག་རེ་རེ་འཆང་། །ཞབས་གཡས་ལྔ་བརྒྱ་བསྐུམས་པས་འཇིགས་པ་དང་། །གཡོན་པ་ལྔ་བརྒྱ་བརྐྱང་ཞིང་གདོན་ཀུན་མནན། །ལྷ་རྫས་གོས་དང་རིན་ཆེན་རྒྱན་ཆས་ཀླུབས། །ཟུར་བལྟས་བགྲང་དང་འཁྱུགས་སོགས་སྤྱན་བྱེ་བ། །བརྒྱ་སྟོང་མང་པོས་སྐུ་ཡི་ཆ་ཀུན་གཏམས། །སྤྱི་བོར་མེ་ལྕེ་འབར་བའི་མཚན་རྟགས་དང་། །སངས་རྒྱས་བྱེ་བ་ཕྲག་བདུན་ཅོད་པན་འཆང་། །འཕགས་མཆོད་སྡུག་བསྔལ་སྐྱོབ་ཅིང་མ་རུངས་པ། །ཟིལ་གྱིས་གནོན་པའི་འོད་ཟེར་འབྱམས་ཀླས་དབུས། །གདུག་པ་ཅན་རྣམས་ཚར་གཅོད་ཚུལ་དུ་བཞུགས། །རྡོ་རྗེ་ཡངས་བ་ཆེན་པོས་ས་གསུམ་གྱི། །དཀྱིལ་འཁོར་དབང་མཛད་སེམས་ཅན་ཐམས་ཅད་ཀུན། །འཇིགས་ལས་སྐྱོབ་པའི་བདག་ཉིད་ཆེན་མོར་གྱུར། །གནས་གསུམ་འབྲུ་གསུམ་ཐུགས་དབུས་ཟླ་སྟེང་ཨོཾ། །འོད་འཕྲོས་ཡེ་ཤེས་སེམས་དཔའ་སྤྱན་ ― LT34_Page_0579 ―
[མ་དཔེ་གཟིགས་ན་འདིར་གནོན།]
དྲངས་ཐིམ། །བཛྲ་ས་མཱ་ཛཿ ཛཿཧཱུྃ་བཾ་ཧོཿ སླར་ཡང་འོད་འཕྲོས་དབང་ལྷ་སྤྱན་དྲངས་གྱུར། །ཨོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཱཾ། རིགས་ལྔས་བུམ་པའི་བདུད་རྩིས་དབང་བསྐུར་བས། །ལུས་གང་སྒྲིབ་དག་རྣམ་སྣང་དབུ་བརྒྱན་གྱུར། །ཨོཾ་སརྦ་ཏ་ཐཱ་ག་ཏ་ཨུཥྞཱི་ཥ་བཛྲ་ཨརྒྷཾ་ནས། ཤབྡ་པྲ་ཏིཙྪ་སྭཱ་ཧཱ། །སྐྱོབ་པ་ཤཱཀྱ་སེང་གེ་ཡི། །གཙུག་ཏོར་འོད་ཀྱི་འཕྲོ་འདུ་ལས། །འཁྲུངས་པའི་ལྷ་མོ་སྟོབས་ཆེན་མོ། །རིག་པའི་རྒྱལ་མོ་ཁྱོད་ཕྱག་འཚལ། །ཐུགས་སྲོག་མཐའ་བསྐོར་སྔགས་ཕྲེང་མུ་ཏིག་མདོག །འོད་འཕྲོས་འགྲོ་བའི་དོན་བྱས་ལས་བཞི་བསྒྲུབས། །སངས་རྒྱས་བྱང་སེམས་བྱིན་རླབས་ནུས་པ་བསྡུས། །རང་ཐིམ་མཐུ་སྟོབས་ཡེ་ཤེས་རྒྱས་པར་གྱུར། །ཏདྱ་ཐཱ། ཨོཾ་ཨ་ན་ལེ་ཨ་ན་ལེ། ཁས་མེ། ཁས་མེ། བཻར་བཻར། སཽ་མེ་སཽ་མེ། སརྦ་བུདྡྷ་ཨ་དྷིཥྛཱ་ན་ཨ་དྷིཥྛི་ཏེ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུྃ་ཕཊ། ཧཱུྃ་མམ་ཧཱུྃ་ནི་སྭཱ་ཧཱ། ཞེས་བསྙེན་པའི་སྔགས་བཟླ་ཞིང་། བསྡུ་ན། ཨོཾ་སརྦ་ཏ་ཐཱ་ག་ཏོཥྞཱི་ཥ་ཧཱུྃ་ཕཊ། ཧཱུྃ་མ་མ་ཧཱུྃ་ནི་སྭཱ་ཧཱ། ཞེས་སྙིང་པོ་ཅི་འགྲུབ་བཟླའོ། །སྤྲོས་མེད་ཀྱི་བསྲུང་བ་བྱ་བར་འདོད་ན། ཕྱག་རྒྱ་བསྒོམས་ཤིང་རིག་སྔགས་བཟླས་པའི་བདེན་སྟོབས་ཀྱིས་བདག་དང་བསྲུང་བྱ་གདོན་དང་འཇིགས་པ་ཐམས་ཅད་ལས་བསྲུང་བར་མོས་ལ། བཅོམ་ལྡན་འདས་དེ་ ― LT34_Page_0580 ―
[མ་དཔེ་གཟིགས་ན་འདིར་གནོན།]
བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་རྡོ་རྗེ་གཙུག་ཏོར་ཕྱིར་ཟློག་པ་ཆེན་མོ། །ཕྱག་སྟོང་མངའ་བ་ཆེན་མོ། །དབུ་སྟོང་མངའ་བ་ཆེན་མོ། །སྤྱན་བྱེ་བ་བརྒྱ་སྟོང་མངའ་བ་ཆེན་མོ། །མི་ཕྱེད་འབར་བའི་མཚན་རྟགས་ཅན། རྡོ་རྗེ་ཡངས་པ་ཆེན་པོ་ས་གསུམ་གྱི་དཀྱིལ་འཁོར་ལ་མངའ་མཛད་པ་ཆེན་མོས་ཀུན་ནས་བདག་ཅག་འཁོར་དང་བཅས་པ་ལ་བསྲུང་དུ་གསོལ་ལོ། །འཇིགས་པ་དང་གདོན་ཐམས་ཅད་ལས་བདག་བདེ་ལེགས་སུ་གྱུར་ཅིག །རིམས་ལ་སོགས་པའི་ནད་ཐམས་ཅད་རབ་ཏུ་བསལ་དུ་གསོལ་ལོ། །རིག་པ་དང་ཕྱག་རྒྱའི་ཚོགས་ཐམས་ཅད་ཀྱིས་བདག་ལ་བསྲུང་དུ་གསོལ་ལོ། །ཏདྱ་ཐཱ། ཨོཾ་སརྦ་ཏ་ཐཱ་ག་ཏ་ཨོཾ་ཥྚྃ་བནྡྷ་བནྡྷ་མ་མ་རཀྵ་རཀྵ་སྭཱ་ཧཱ། །ཨོཾ་ཥྚྃ་བནྡྷ་བནྡྷ་བཛྲ་མ་མ་རཀྵ་རཀྵ་བཛྲ་པཱ་ི་ཧཱུྃ་ཕཊ་སྭཱ་ཧཱ། ཞེས་དང་། ནུས་ན། ཨོཾ་རྀ་ཥི་ག་་སོགས་ཀྱང་བཟླས་ལ། མཐར། སེམས་ཅན་གང་སུ་དག་བདག་ལ་གདུག་པ་དང་། དྲག་ཤུལ་དང་། སྡིག་པ་དང་། འཁྲུགས་པ་དང་། སྡང་བ་དང་། དེ་དག་གི་སེམས་དང་ལྡན་པ་རྣམས་བྱམས་པའི་སེམས་དང་ལྡན་པར་གྱུར་ནས་བདག་དང་སེམས་ཅན་ཐམས་ཅད་བསྲུང་དུ་གསོལ། ལོ་བརྒྱ་འཚོ་བར་གྱུར་ཅིག །སྟོན་བརྒྱ་མཐོང་བར་གྱུར་ཅིག །སྤྲོས་མེད་ཀྱི་ཟློག་པ་བྱ་འདོད་ན། སྐུ་ལས་མེ་མཚོན་ཁྲོ་བོའི་ ― LT34_Page_0581 ―
[མ་དཔེ་གཟིགས་ན་འདིར་གནོན།]
ཚོགས་སྤྲོས་ཏེ། །མི་མཐུན་ཕྱོགས་ཀུན་གཟིར་ཟློག་བཅིང་བར་གྱུར། །བཅོམ་ལྡན་འདས་དེ་བཞིན་གཤེགས་པའི་གཙུག་ཏོར་ནས་བྱུང་བ་གདུགས་དཀར་མོ་ཅན་གཞན་གྱིས་མི་ཐུབ་པ་ཕྱིར་ཟློག་པ་ཆེན་མོའི་རིག་པ་དང་ཕྱག་རྒྱ་དང་སྔགས་ཀྱི་ཚོགས་ཀྱི་བདེན་པའི་སྟོབས་དང་གཟི་བརྗིད་ཀྱི་མཐུ་ཡིས་བདག་འཁོར་དང་བཅས་པ་ལ་སྡང་བ་དང་རྨི་ལམ་ངན་པ་དང་ལྟས་ངན་པ་དང་ནད་དང་དགྲ་དང་འཇིགས་པ་ཐམས་ཅད་ཕྱིར་ཟློག་པར་གྱུར་ཅིག །ལྷ་དང་། དྲང་སྲོང་དང་། རིག་སྔགས་འཆང་བ་དང་། གདོན་དང་། འབྱུང་པོ་དང་། མདོར་ན་འཇིག་རྟེན་དང་འཇིག་རྟེན་ལས་འདས་པ་གང་སུའང་རུང་གདུག་པའི་སེམས་ཀྱིས་བྱས་པའི་རིག་སྔགས་བཅད་དོ། །ཕུར་བུས་གདབ་བོ། །ཨོཾ་སརྦ་ཏ་ཐཱ་ག་ཏོཥྞཱི་ཥ་ཨ་ན་ལེ་ཨ་པ་ལོ་ཀི་ཏེ་ཙཱུརྞ་ཏེ་ཛོ་རཱ་སི་ཨོཾ་ཛྭ་ལ་ཛྭ་ལ། དྷ་ཀདྷ་ཀ །དྷ་ར་དྷ་ར། བི་དྷ་ར་བི་དྷ་ར། ཙྪིནྡ་ཙྪིནྡ བྷིནྡ་བྷིནྡ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཐུན་མཐར། སྣོད་བཅུད་འོད་ཞུ་རང་ཐིམ་བདག་ཉིད་ཀྱང་། །རིམ་འདུས་མི་དམིགས་ཆོས་ཀྱི་དབྱིངས་སུ་ཐིམ། །སླར་ཡང་གཟུགས་ཀྱི་སྐུར་གྱུར་གནས་གསུམ་དུ། །འབྲུ་གསུམ་ཡི་གེས་མཚན་པས་བསྲུང་བར་གྱུར། །འདི་བྱ་རྒྱུད་རང་ལུགས་ལྟར་ཉམས་སུ་ལེན་ན་བདག་བསྐྱེད་ཀྱི་ཡེ་ཤེས་པ་མཆོད་བསྟོད་ནོངས་པ་བཤགས་ནས་གཤེགས། དམ་ཚིག་པ་ཕྱག་གཉིས་ ― LT34_Page_0582 ―
[མ་དཔེ་གཟིགས་ན་འདིར་གནོན།]
པའི་ང་རྒྱལ་གྱིས་སྤྱོད་ལམ་ལ་འཇུག་ཅིང་ཡི་གེ་གསུམ་གྱིས་བསྲུང་བ་བྱའོ། །གལ་ཏེ་གཏོར་མ་འབུལ་བར་འདོད་ན། དཀར་གསུམ་གཙང་མ་ལས་བྱས་པའི་གཏོར་མ་པདྨའི་སྙིང་པོ་ལྟ་བུ། སྭ་བྷཱ་བས་སྦྱངས། ཨོཾ་ཨཱཿཧཱུྃ། དང་། ཨོཾ་ཨ་ཀཱ་རོ་ལན་གསུམ་གྱིས་བྱིན་གྱིས་བརླབས་ལ། རང་གི་ཐུགས་ལས་འོད་ཟེར་འཕྲོས་པ་ཡིས། །བཅོམ་ལྡན་འདས་མ་གཙུག་ཏོར་གདུགས་དཀར་ཅན། །འཁོར་བཅས་མདུན་གྱི་ནམ་མཁར་སྤྱན་དྲངས་ཏེ། །གཏོར་མ་བདུད་རྩིའི་བཅུད་དྲངས་གསོལ་བར་གྱུར། །ཨོཾ་སརྦ་ཏ་ཐཱ་ག་ཏ་ཨུཥྞཱི་ཥ་སི་ཏཱ་ཏ་པ་ཏྲེ་ས་པ་རི་བཱ་ར་ན་མཿསརྦ་སོགས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་འབུལ། མཆོད་བསྟོད་གོང་ལྟར་དང་། བཅོམ་ལྡན་འཁོར་དང་བཅས་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་འདོད་པའི་ཕྲིན་ལས་བཅོལ་ཞིང་། ནོངས་པ་བཟོད་པར་གསོལ། ཨོཾ་བཛྲ་མུཿ ཞེས་གཤེགས་སུ་གསོལ་ལ་ཤིས་པ་བརྗོད་དོ། །སྲུང་ཟློག་ཀུན་ལས་མྱུར་ཞིང་སྟོབས་ཆེ་ལ། །ཕྱི་མ་བདེ་ཅན་ཞིང་དུ་འདྲེན་བྱེད་པ། །རིག་སྔགས་རྒྱལ་མོ་འདི་མཐུས་འདིར་འབད་ཀུན། །བདེན་གསུང་འབྲས་བུ་བསླུ་མེད་མངོན་གྱུར་ཅིག །ཅེས་པའང་སྒྲུབ་བརྩོན་རྣལ་འབྱོར་མཁྱེན་དཔྱོད་ལྡན་པ་ཀརྨ་མཐུ་སྟོབས་ནས་ཆེད་བསྐུལ་ངོར། ཀརྨ་ངག་དབང་ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་རྡོ་རྗེ་ཐུགས་ཀྱི་མཁར་དུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །། འཇམ་དབྱངས་བླ་མེད་ལུགས་ཀྱི་བླ་མའི་རྣལ་འབྱོར།― LT34_Page_0583 ―
[མ་དཔེ་གཟིགས་ན་འདིར་གནོན།]
འཇམ་དབྱངས་བླ་མེད་ལུགས་ཀྱི་བླ་མའི་རྣལ་འབྱོར་ཞེས་བྱ་བ་བཞུགས་སོ།། །། ― LT34_Page_0584 ―
[མ་དཔེ་གཟིགས་ན་འདིར་གནོན།]
ན་མོ་གུ་རུ་མཉྫུ་བཛྲཱ་ཡ། རྗེ་བཙུན་འཇམ་དབྱངས་རྒྱུད་ཀྱི་རྒྱལ་པོའི་ལུགས་ཀྱི་ཕྱི་སྒྲུབ་བླ་མའི་རྣལ་འབྱོར་ལྟར་བསྒོམ་བཟླས་བྱ་བར་འདོད་པས་ཐོག་མར་སྐྱབས་སེམས་ནི། བདག་སོགས་འགྲོ་ཀུན་བྱང་ཆུབ་བར། །རྗེ་བཙུན་བླ་མ་འཇམ་དཔལ་དབྱངས། །དཀོན་མཆོག་ཀུན་འདུས་བདག་ཉིད་ལ། །མི་ཕྱེད་གུས་པས་སྐྱབས་སུ་མཆི། །གཞན་དོན་སངས་རྒྱས་ཐོབ་བྱའི་ཕྱིར། །བླ་མ་འཇམ་དཔལ་དཔའ་བོ་ཡི། །རྣལ་འབྱོར་ཟབ་མོས་མཁྱེན་གཉིས་ཀྱི། །ཡེ་ཤེས་བསྒྲུབ་པར་སེམས་བསྐྱེད་དོ། །རྟེན་བསྐྱེད་པ་ནི། དབྱིངས་ཀྱི་ནམ་མཁར་ཡེ་ཤེས་འཇའ་ཚོན་འཁྲིགས། །རྣམ་དག་རོལ་པའི་མཆོད་སྤྲིན་རྒྱ་མཚོའི་དབུས། །ཆགས་བྲལ་པདྨ་ཐབས་ཤེས་ཉི་ཟླའི་སྟེང་། །ཟུང་འཇུག་དཔལ་ལྡན་བླ་མ་འཇམ་དཔལ་དབྱངས། །གསེར་གྱི་ལྷུན་པོར་མཚམས་སྤྲིན་འཁྱུད་པའི་མདངས། །ཞལ་གཅིག་ཕྱག་བཞི་དཀྱུས་རིང་འཛུམ་པའི་ཞལ། །མཐོན་མཐིང་ཟུར་ཕུད་ལྔ་ལྡན་ནོར་བུའི་ཏོག །རྩ་ཕྱག་རལ་གྲི་ཨུཏྤལ་གླེགས་བམ་བསྣམས། །འོག་མས་ཐབས་ཤེས་མདའ་གཞུ་གཡོན་ཏུ་འགེངས། །དར་དང་རིན་ཆེན་རྒྱན་སྤྲས་སྐྱིལ་ཀྲུང་བཞུགས། །པང་དུ་དབྱངས་ཅན་རེག་བྱ་རྡོ་རྗེ་མ། །སྔོ་ལྡང་ཞི་འཛུམ་མཛེས་ཤིང་སྒེག་པའི་ཉམས། །ཕྱག་གཉིས་པི་ཝྃ་ལྷ་ཡི་རེག་བྱ་བཅས། །ཡབ་ལ་འཁྱུད་ཅིང་ཞབས་གཉིས་རྐེད་ནས་འཁྲིལ། ། ― LT34_Page_0585 ―
[མ་དཔེ་གཟིགས་ན་འདིར་གནོན།]
རྒྱན་ཆས་ཡབ་མཚུངས་འོད་ཀྱི་ཀློང་ན་བཞུགས། །བདེ་ཆེན་དགའ་བཞིའི་གཟི་མདངས་རབ་ཏུ་འབར། །འཁོར་ཚོགས་སྤྲུལ་པའི་སྤྲིན་ཕུང་བསམ་ཡས་འཕྲོ། །གནས་གསུམ་རྡོ་རྗེ་གསུམ་དུ་གདོད་ནས་གྲུབ། །ཐུགས་སྲོག་ཐབས་ཤེས་ཡིག་འབྲུའི་འོད་ཟེར་གྱིས། །རང་བཞིན་གནས་ནས་བཛྲ་ས་མཱ་ཛཿ། འཇམ་མགོན་བླ་མ་རྒྱལ་བ་སྲས་དང་བཅས། །དོན་གྱི་དབྱིངས་ལ་གཤེགས་བཞུགས་མི་མངའ་ཡང་། །མོས་པའི་ཡིད་ངོར་ཆུ་ཟླ་འཇའ་ཚོན་ལྟར། །ཐུགས་རྗེའི་རང་གཟུགས་ཅིར་ཡང་སྣང་བར་མཛོད། །ཆོས་དབྱིངས་རྒྱས་པར་གཏམས་པའི་ཞིང་དང་སྐུ། །དེ་སྙེད་བདག་སོགས་འགྲོ་བའི་ལུས་སྤྲུལ་ནས། །ཡན་ལག་འབུམ་ལྡན་བསྟོད་པའི་སྒྲ་དབྱངས་བཅས། །མི་ཕྱེད་གུས་པའི་ཡིད་ཀྱིས་ཕྱག་འཚལ་ལོ། །གཞན་དོན་བྱང་ཆུབ་སེམས་གཉིས་རབ་ཏུ་བཟུང་། །འཇམ་དཔལ་དཔའ་བོའི་རྣམ་ཐར་རྗེས་སུ་སློབ། །བཟང་པོ་སྤྱོད་པའི་སྨོན་ལམ་ལས་བྱུང་བའི། །མཆོད་པའི་སྤྲིན་ཆེན་བསམ་མི་ཁྱབ་པ་འབུལ། །བྱ་བྱེད་རང་བཞིན་མཁའ་ལྟར་རྣམ་དག་ཀྱང་། །གཟུང་འཛིན་དབང་གྱུར་ཀུན་འབྱུང་འཆིང་བས་བཅིངས། །གདོད་ནས་རང་གྲོལ་ངང་དུ་བཤགས་བགྱི་ན། །གཉིས་སུ་མེད་པའི་ཚངས་པ་སྩལ་དུ་གསོལ། །འཇམ་མགོན་ཡབ་ཡུམ་ཐབས་ཤེས་ཟུང་དུ་ ― LT34_Page_0586 ―
[མ་དཔེ་གཟིགས་ན་འདིར་གནོན།]
འཇུག །འཁོར་འདས་ཆོས་རྣམས་ཁྱེད་ཀྱི་རང་བཞིན་ཏེ། །བདག་ཀྱང་དེ་བཞིན་ཉིད་དུ་དབྱིངས་གཅིག་པར། །སྡོམ་པའི་ཕུལ་ལ་མཆོག་ཏུ་ཡི་རང་ངོ། །བརྗོད་དུ་མེད་ཀྱང་བརྗོད་པ་ཀུན་གྱི་གཞི། །དོན་དམ་ཆོས་ཀྱི་འཁོར་ལོ་རྟག་ཏུ་གནས། །གདུལ་བྱའི་སྣང་ངོར་འཕེལ་འགྲིབས་མི་སྟོན་པར། །དུས་གསུམ་རྒྱུན་ཆད་མེད་པར་བསྐོར་བར་བསྐུལ། །གདོད་ནས་སྐྱེ་འགག་གནས་གསུམ་མཚན་མ་བྲལ། །མི་གནས་གནས་པ་ཆེན་པོ་རྡོ་རྗེའི་སྐུ། །རྟག་བརྟན་ཡོངས་གྲུབ་གཡུང་དྲུང་ནམ་མཁའི་དབྱིངས། །གཞན་དབང་ཀུན་བརྟགས་སྤྲིན་གྱིས་མི་སྒྲིབ་གསོལ། །ཆོས་ཁམས་གཤིས་ཀྱིས་བསྡུས་པའི་རྣམ་པར་དཀར། །སྲིད་དང་ཞི་བ་མཆིས་ཀུན་ཕྱམ་གཅིག་ཏུ། །བླ་མ་འཇམ་མགོན་ཡབ་ཡུམ་གོ་འཕང་དུ། །དམིགས་པ་མེད་པའི་ཚུལ་གྱིས་ཡོངས་སུ་བསྔོ། །དཔལ་ལྡན་བླ་མ་རིགས་རྣམས་ཀུན་གྱི་བདག །རྒྱལ་ཀུན་ཡེ་ཤེས་སེམས་དཔའ་འཇམ་པའི་དབྱངས། །སྒྲ་དབྱངས་ལྷ་མོ་རྒྱལ་ཀུན་སྐྱེད་པའི་ཡུམ། །རྣམ་གསུམ་དབྱེར་མེད་ངང་དུ་གསོལ་བ་འདེབས། །སངས་རྒྱས་ཀུན་གྱི་གསང་གསུམ་ཕྲིན་ལས་བཅས། །གཅིག་བསྡུས་འཇམ་མགོན་བླ་མ་ཡབ་ཡུམ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མཁྱེན་གཉིས་ཡེ་ཤེས་རྒྱས་པར་མཛད་དུ་གསོལ། ། ― LT34_Page_0587 ―
[མ་དཔེ་གཟིགས་ན་འདིར་གནོན།]
ཅེས་གསོལ་བ་ལན་མང་དུ་བཏབ་བས་ཐབས་ཤེས་ཟུང་འཇུག་གི་རང་བཞིན་དབྱངས་གསལ་སྙིང་པོའི་སྔགས་ཕྲེང་བྱུང་། སྣ་བུག་གཡས་གཡོན་དང་སྨིན་མཚམས་ནས་ཞུགས། སྙིང་དབུས་སུ་ཐིམ་པས་སྒྲིབ་གཉིས་དྲི་མ་སངས་གྱིས་དག །མཁྱེན་གཉིས་སྣང་བ་རབ་ཏུ་རྒྱས་པར་བསམས་ལ། ཨོཾ་ཧྲཱིཿདྷཱིཿམ་མེ་དཱྭི་པྃ་མཉྫུ་ཤྲཱི་མུཾ་ཧྲཱིཿཔྲཛྙཱ་བྷ་ནི་ཧྲཱིཿདྷཱིཿསྭཱ་ཧཱ། ཞེས་ཅི་ནུས་བཟླ། མཐར། ཨེ་མ་ཧོཿ གཞོན་ནུ་མཛེས་པའི་དཔའ་བོ་གེ་སར་ལས། །ལོགས་བྱུང་སྒྲིབ་གཉིས་སྐྱོན་བྲལ་གུར་གུམ་མདངས། །ཞལ་གཅིག་ཕྱག་བཞི་རལ་གྲི་གླེགས་བམ་དང་། །ཐབས་ཤེས་མདའ་གཞུ་འགེངས་པས་བདུད་དཔུང་འཇོམས། །རེག་བྱ་རྡོ་རྗེ་དབྱངས་ཅན་མ་རྒད་མདོག །བི་ཝཾ་དར་དཔྱངས་འཛིན་པས་བདེ་ཆེན་སྐུལ། །ཟུང་འཇུག་རང་བཞིན་རྗེ་བཙུན་བླ་མ་ཉིད། །ཐུགས་རྗེའི་དབང་གིས་འགྲོ་དོན་འདོད་རྒུར་སྒྱུར། །ཁྱེད་ལ་མཆོད་བསྟོད་སྐྱབས་གསོལ་བྱིན་རླབས་ཀྱིས། །སྒྲིབ་གཉིས་ཀུན་སངས་མཁྱེན་གཉིས་ཡེ་ཤེས་རྒྱས། །ཉིད་ཀྱི་རྣམ་པར་ཐར་དང་དབྱེར་མེད་མཛོད། །ཅེས་དང་། མཆོག་སྦྱིན་རྡོ་རྗེ་མཆོག་ཁྱོད་འདུད། །སོགས་འདུད་ཉི་ཤུས་བསྟོད། གང་ཚེ་བལྟ་བར་འདོད་པ་སོགས། ཕྱོགས་བཅུ་ནམ་མཁའི་སོགས། བདག་ཀྱང་འཇམ་དབྱངས་སོགས། བརྩེ་ལྡན་ཁྱོད་ཀྱི་སོགས་ཤློ་ཀ་རེ་རེ་བརྗོད། གནས་གསུམ་རྡོ་རྗེ་གསུམ་གྱི་ས་བོན་ལས། །སྐུ་དང་སྔགས་ཕྲེང་ཕྱག་མཚན་བདུད་རྩིའི་རྒྱུན། །དཔག་ ― LT34_Page_0588 ―
[མ་དཔེ་གཟིགས་ན་འདིར་གནོན།]
མེད་འཕྲོས་ནས་རང་གི་གནས་གསུམ་ཐིམ། །སྒོ་གསུམ་སྒྲིབ་དག་དབང་ཐོབ་རྒྱུད་སྨིན་གྱུར། །སྦྱོར་མཚམས་བྱང་སེམས་རྒྱུན་བབས་ལུས་ཀུན་གང་། །བདེ་བས་ཐབས་བྱས་དོན་གྱི་འོད་གསལ་མཐོང་། །ཡབ་ཡུམ་འོད་ཞུ་རང་ལ་ཐིམ་པ་ཡིས། །ཐུགས་ཡིད་དབྱེར་མེད་གནས་ལུགས་ཕྱག་རྒྱ་ཆེ། །བློ་བྲལ་གཉུག་མ་ཁྱབ་གདལ་ཆེན་པོའོ། །དགེ་བ་འདི་དང་དུས་གསུམ་དགེ་ཅི་མཆིས། །བླ་མ་འཇམ་དཔལ་ཡབ་ཡུམ་རྣམ་པར་ཐར། །བདག་སོགས་མཁའ་ཁྱབ་འགྲོ་བས་མྱུར་འགྲུབ་སྟེ། ཁམས་གསུམ་འཁོར་བ་དོང་ནས་སྤྲུགས་ཕྱིར་བསྔོ། །འཇམ་མགོན་བླ་མའི་མཁྱེན་བརྩེའི་འོད་རྣོན་གྱིས། །བདག་གཞན་འགྲོ་བའི་སྙིང་གི་མུན་ཁང་བརྟོལ། །ཆགས་ཐོགས་མེད་པའི་ཡེ་ཤེས་སྣང་ཆེན་གྱིས། །སྲིད་ཞི་ཀུན་ཏུ་ཁྱབ་པའི་བཀྲ་ཤིས་ཤོག །ཅེས་པའང་དམ་པའི་རིགས་ཅན་དགེ་བའི་བློ་མངའ་ཀརྨ་མདོ་སྔགས་བསྟན་འཛིན་ནས་བསྐུལ་ངོར་ཤཱཀྱའི་དགེ་སྤྱོད་བློ་གྲོས་མཐའ་ཡས་ཀྱིས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བགྱིས་པ་དགེ་ལེགས་འཕེལ།། །།སརྦ་མངྒ་ལཾ།། ། |
