རྒྱ་ཆེན་བཀའ་མཛོད།

རྒྱ་ཆེན་བཀའ་མཛོད།

གླེགས་བམ་བཅུ་གཅིག་པ།

འཇམ་མགོན་ཀོང་སྤྲུལ་བློ་གྲོས་མཐའ་ཡས།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཀར་ཆག

― LT38_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་ཆག

དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་རྟེན་དང་བརྟེན་པར་བཅས་པའི་དཀར་ཆག་ཞིང་ཁམས་ཀུན་ཏུ་ཁྱབ་པའི་སྒྲ་སྙན།

― LT38_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་རྟེན་དང་བརྟེན་པར་བཅས་པའི་དཀར་ཆག་ཞིང་ཁམས་ཀུན་ཏུ་ཁྱབ་པའི་སྒྲ་སྙན་ཅེས་བྱ་བ་བཞུགས་སོ། །

― LT38_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཀུན་གྱི་ཡོན་ཏན་མཐའ་དག་བསོད་ནམས་བརྒྱ་ལས་གྲུབ་པའི་བ་སྤུའི་ཁུང་བུ་གཅིག་ན་གནས། །

― LT38_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་མཐིལ་ཉི་མའི་མེ་ལོང་ཚངས་སོགས་གཙུག་གི་ནོར་བུའི་གདེངས་ཀས་རྟག་ཏུ་བྱི་དོར་བྱས་པ་ལས། །

― LT38_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་འཇིག་རྟེན་འདས་པའི་དགེ་ལེགས་པདྨོའི་ནགས་ཀླུང་རྣམ་ཐར་འོད་ཀྱི་དྲྭ་བས་ཁ་འབྱེད་པ། །

― LT38_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཉིན་བྱེད་དཀོན་མཆོག་དབང་པོ་ཁྱོད་ཞབས་བྱང་ཆུབ་བར་དུ་མི་འབྲལ་སྙིང་གི་ཐིག་ལེར་བཞུགས། །

― LT38_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

མུ་ཏིག་དུང་དང་ཁ་བའི་རི་འདྲ་ཡིད་འོང་ཟླ་བའི་ཞལ་མངའ་དྲི་མེད་ནོར་བུའི་རྒྱན་ཆས་སྒེག །མཚན་གྱི་ཡི་གེ་ཡིད་ལ་ཤར་བའི་དེ་མ་ཐག་པར་རྟོག་སྒྲིབ་ཉེས་པའི་མུན་ཁང་ཧྲུལ་གྱིས་འཇིག །སངས་རྒྱས་སེམས་དཔའ་ཁྲོ་བོ་བཙུན་མོ་དང་བཅས་དཀྱིལ་འཁོར་རྒྱ་མཚོ་སྤྲོ་ཞིང་སྡུད་པའི་ཁྱབ་བདག་ཆེ། །མི་ཕྱེད་བརྟན་བསྡུས་རྟོགས་པའི་དཔའ་བོའི་སྒྲ་ལ་རྒྱལ་བས་ཕྱག་བྱས་རྡོ་རྗེ་སེམས་དཔའ་ལ་ཕྱག་འཚལ། །གནམ་སྔོན་བཻ་ཌཱུརྻ་ཡི་ཐིག་ལེར་ཉིན་བྱེད་འོད་ཟེར་སྟོང་གིས་འཁྱུད་འདྲ་སྲིད་གསུམ་ཆེ་བའི་མཆོག །བདུད་སྡེ་འཇིགས་བྱེད་འབར་བའི་སྟོབས་འཆང་མཁའ་འགྲོ་སྒྱུ་མ་བདེ་མཆོག་བདེ་བའི་བདུད་རྩིའི་བཅུད་ཀྱིས་བརླན། །སྐུ་དང་ཞིང་ཁམས་ཅི་ཡང་འགྱུར་བའི་ཉམས་བརྒྱའི་གར་མཁན་སངས་རྒྱས་ཀུན་གྱི་ཡེ་ཤེས་འཁྱིལ་པའི་སྐུ། །ཡང་དག་གྲུབ་པ་གཅིག་པུའི་བྱིན་རླབས་རོལ་མོས་ས་གསུམ་གཡོ་བས་མ་རིག་གཉིད་ལས་བསླང་བར་མཛོད། །ཤེས་རབ་སྟོང་ཉིད་རྡོ་རྗེ་བཙུན་མོའི་བདེ་བའི་རོ་ལ་རྗེས་ཆགས་ཐབས་མཆོག་བདེ་བ་ཆེན་པོའི་སྐུ། །འཁོར་འདས་བསྟན་གཡོའི་འཁོར་ལོ་མཁའ་འགྲོ་མ་ཡི་དྲྭ་བ་མི་འགྱུར་ལྷན་ཅིག་སྐྱེས་པའི་བདེ་བར་སྡོམ། །གཅིག་པུའི་བདག་ཉིད་ཀུན་ཁྱབ་རྣམ་པ་ཐམས་ཅད་པ་ཡི་གཟུགས་ཀྱིས་ནམ་མཁའ་ཇི་སྲིད་ཕྲིན་ལས་མཛད། །ཡན་ལག་བདུན་ལྡན་ཧེ་རུ་ཀ་དཔལ་དཔའ་

― LT38_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

བོའི་དབང་ཕྱུག་རིག་པ་ཆེན་པོའི་སྐྱེས་བུའི་གཟུགས་ལ་འདུད། །ཤེས་བྱའི་ཁོང་ན་དཔེ་ལས་འདས་པའི་མི་མཆོག་ལྷ་མིའི་སྟོན་པ་ཤཱཀྱའི་རྒྱལ་པོ་དང་། །དེ་ཉིད་རྡོ་རྗེ་སློབ་དཔོན་གཟུགས་ཀྱིས་འཁོར་བ་ཇི་སྲིད་སངས་རྒྱས་གར་མཛད་པདྨ་འབྱུང་། །མདོ་སྔགས་བསྟན་པ་ཡོངས་སུ་གསལ་མཛད་རྒྱ་བོད་མཁས་གྲུབ་དུས་གསུམ་ཀུན་ཏུ་བྱོན་རྣམས་ཀྱི། །གསང་གསུམ་དཀྱིལ་འཁོར་ཡིད་མཁར་གསལ་ལ་དད་པའི་མཚོར་སྐྱེས་བསྔགས་བརྗོད་མེ་ཏོག་ཕྲེང་བ་འབུལ། །ཁྱད་པར་སེམས་ཅན་ལས་ལ་སྤྱོད་པའི་རྒྱུད་ངན་ཐ་རྒོད་རབ་སྲ་བ། །སྨོན་ལམ་འབྲེལ་པའི་ཐུགས་རྗེའི་སྟོབས་ཀྱིས་ལེགས་པར་བཏུལ་ནས་སྨིན་གྲོལ་གྱི། །ས་བོན་དྲི་མེད་བྱིན་རླབས་གཤེར་གྱིས་རིང་དུ་བསྐྱེད་བསྲིང་བཀའ་དྲིན་ཅན། །འདྲེན་མཆོག་རྣམས་ལ་ལེགས་སྤྱད་བསྟི་སྟངས་འཚང་རྒྱའི་བར་དུ་སྟོབ་པར་བགྱི། །ཞི་ཆགས་ཁྲོ་བོའི་ཚུལ་ཅན་དཀྱིལ་འཁོར་ལྷ་རྣམས་རྟེན་ལ་བཞུགས། །གནས་ཡུལ་ཞིང་སྐྱོང་མཁའ་འགྲོའི་ཚོགས་ཀྱི་འདུ་བ་གནས་འདིར་རོལ། །རྒྱུད་གསུམ་དྲེགས་བྱེད་རྡོ་རྗེའི་ཡལ་གམ་ཇི་བཞིན་གནས་རྟེན་སྲུངས། །དཀར་ཕྱོགས་སྐྱོང་བ་དམ་ཚིག་ཅན་རྣམས་ཉིན་མཚན་རྟག་ཏུ་མེལ་ཚེ་མཛོད། །མྱུར་མཛད་ཡེ་ཤེས་མགོན་པོ་བེར་ཅན་ལྕམ་དྲལ་དང་། །རལ་གཅིག་མ་སོགས་བརྟེན་སྒྲུབ་མཆོད་པའི་དམ་ཅན་རྣམས། །ཧེ་རུ་ཀ་

― LT38_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་སྐུ་གསུང་ཐུགས་ཀྱི་ཕྱག་རྒྱའི་སྡེ། །རྟག་ཏུ་མི་ཉམས་དར་རྒྱས་ཡུན་གནས་གྲོགས་མཛོད་ཅིག །བཀྲ་ཤིས་དགེ་བའི་འཛུམ་ཞལ་ཡིད་འོང་བ། །འཕགས་མ་མཆོག་དང་ཚེ་ཡི་དབང་ཕྱུག་མའི། །བྱིན་རླབས་ཟླ་འོད་བདུད་རྩིའི་ཐིགས་ཕྲེང་གིས། །རིང་འཚོའི་བཅུད་ལེན་རྣམ་པར་རྒྱས་པར་མཛོད། །གཏམ་གྱི་ཨུཏྤལ་གཞོན་ནུ་མཚར་སྡུག་ཅན། །རྣམ་དཀར་དཔལ་གྱི་དུམ་བུའི་ངད་ཆགས་པས། །དཔྱོད་ལྡན་བུང་བའི་ན་ཆུང་ཡིད་མྱོས་ཚེ། །ལེགས་བཤད་མགྲིན་པའི་པི་ཝཾ་ཅི་ཡང་བརྡུང་། །འཁོར་བ་གཏིང་དཔག་དཀའ་བའི་ཆུ་གཏེར་ཆེར། །ཡང་སྲིད་ཁོར་མོ་ཡུག་ཏུ་འཇུག་པ་ན། །བརྒྱ་ལམ་ལེགས་སྤྱད་ཏིལ་གྱི་སྙིང་པོ་ཙམ། །ཐར་པ་བདེ་བའི་ས་བོན་བསྐྱེད་པར་གྱུར། །བས་མཐའི་ནགས་སུ་འཚོ་བ་ངན་དོོན་གྱིས། །བསམ་གཏན་ཞི་བའི་བདུད་རྩི་དོན་གཉེར་བ། །རྣམ་གཡེང་ལྦུ་བའི་ཕྲེང་བ་བསྲུབས་པ་ལས། །ཆོས་བརྒྱད་ཆུ་རླབས་ཤུགས་ཀྱིས་འཕེལ་དང་འགལ། །རྒྱལ་བས་ཁྱིམ་པའི་ལེགས་སྤྱད་རྣམ་ལྔ་པོ། །རབ་ཏུ་བྱུང་ལ་བསྔགས་པ་མི་གསུངས་ཀྱང་། །དད་ཅན་འགའ་ཡིས་བྱིན་པའི་རྫས་ཕྲ་མོ། །གནས་མིན་ཆུད་མི་འཛའ་ཕྱིར་ཚོགས་སུ་སྤེལ། །གཏོང་བ་ཙམ་དུ་ངོ་བོ་མཚུངས་ན་ཡང་། །འབྲས་བུའི་སྨིན་ཚུལ་ཞིང་དང་བསམ་པས་འབྱེད། །དེ་ཕྱིར་རྣམ་དཀར་སྐྲ་རྩེའི་ཆུ་ཐིགས་ཀྱང་། །

― LT38_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་རྒྱ་མཚོར་སྤེལ་ཕྱིར་སྐལ་པ་སྦོམ། །ཟང་ཟིང་སྤོང་བའི་བརྟུལ་ཞུགས་ལྷུར་ལེན་རྣམས། །འབྱོར་ལྡན་སྤྱོད་པ་ཉམས་འོག་ཆུད་མིན་ཀྱང་། །ནུས་དང་སྦྱར་བའི་རྣམ་དཀར་སྒྲུབ་པ་ལ། །ལྷ་མིའི་འགྲོ་བ་གང་ཡང་གཤུང་མི་བྱེད། །མཆོག་ལ་རློམས་པའི་ལྟར་སྣང་དགེ་བ་དང་། །མཉམ་ལ་འགྲན་པའི་བྱ་བ་ལས་ཀྱི་སྒོ། །དམན་པ་ཁྱད་གསོད་བྱ་བྱེད་སྣ་ཚོགས་པ། །ཐར་འདོད་བློ་ལྡན་རྣམས་ཀྱིས་སྤང་བྱའི་གནས། །བདག་ནི་ཤིན་ཏུ་ཉམ་ཆུང་སྟོབས་འབྱོར་དམན། །དེ་ལྟའི་གནས་ལ་སྤྲོ་བ་མི་འཕེལ་ཡང་། །ལྷག་བསམ་ཤུགས་དང་རྟེན་འབྱུང་བཟང་པོའི་འགྲོས། །ལེགས་པའི་ལམ་དུ་འབད་པ་མེད་པར་འཆེལ། །ལས་ཀྱིས་བྲིས་པའི་རི་མོ་མི་ཟུབ་པས། །མུན་རུམ་གློག་གི་སྒྲོན་མེ་འགྱུ་བ་བཞིན། །བསོད་ནམས་བློ་གྲོས་ཐང་འགའ་འབྱུང་ན་ཡང་། །དཀོན་མཆོག་ཐུགས་རྗེས་བསྲུངས་འགའ་མཐའ་རུ་འཁྱོལ། །དམ་པས་དགེ་བ་གཞན་ལ་མི་སྤྱོམ་ཞིང་། །ཉེས་པ་རྣམས་ནི་མཐོལ་ཏེ་གཙང་བར་བྱེད། །བྱིས་པས་ལེགས་སྤྱད་ཕྲ་མོ་འབྲུག་ལྟར་སྒྲོག །ནོངས་པ་མི་བཟད་གཏེར་བཞིན་སྦེད་ལ་བརྩོན། །སཱ་ལུའི་སྙེ་མ་གེགས་མེད་སྨིན་པས་ཆོག །སོ་ནམ་འབད་རྩོལ་བཤད་པ་ངོ་མཚར་མིན། །ལེགས་སྤྱད་ལེགས་པའི་ལམ་དུ་སོང་བས་ཆོག །ཟང་ཟིང་སྟོབས་འབྱོར་ངོམས་པ་འཛངས་པ་མིན། །

― LT38_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

འོན་ཀྱང་ཕྱི་རབས་དད་ལྡན་འབྱུང་སྲིད་ན། །ཡིད་ཆེས་སྐྱེད་དང་དགེ་བའི་ཚོགས་སྤེལ་ཕྱིར། །ཧེ་རུ་ཀ་དཔལ་སྐུ་གསུང་ཐུགས་ཀྱི་རྟེན། །ཕྱི་ནང་དཀར་ཆག་མདོ་ཙམ་གླེང་བར་སྤྲོ། །དེ་ལྟར་རིན་ཆེན་མེ་ཏོག་གསར་པའི་ཕྲེང་བ་ལྟ་བུའི་ཚིགས་སུ་བཅད་པ་ཅུང་ཟད་ཀྱིས་མདུན་བསུས་ཏེ། འདིར་དཔལ་ཆེན་ཧེ་རུ་ཀའི་སྐུ་གསུང་ཐུགས་ཀྱི་རྟེན་མཆོག་ལས་བརྩམས་ཏེ་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་རྟེན་དང་བརྟེན་པར་བཅས་པ་ཇི་ལྟར་བསྒྲུབས་ཤིང་ཇི་ཙམ་དུ་བཞུགས་པའི་དཀར་ཆག་མདོ་ཙམ་བུ་བརྗོད་པ་ལ་བརྒྱད། གང་དུ་བསྒྲུབས་པའི་གནས། ཇི་ལྟར་བསྒྲུབས་པའི་ཚུལ། གང་ཞིག་སྒྲུབ་པའི་རྟེན་གཙུག་ལག་ཁང་། དེ་ལ་བརྟེན་པ་སྐུ་ཕྱག་རྒྱ། གསུང་དམ་ཆོས། །ཐུགས་མཆོད་རྟེན་དང་རྣལ་འབྱོར་སྒྲུབ་པའི་སྡེ། །དེ་དག་རབ་ཏུ་གནས་པའི་ཚུལ། དགོས་པ་ཕན་ཡོན་ཤིས་པ་བརྗོད་པ་སྟེ་བཀྲ་ཤིས་པའི་ཕྱག་རྒྱའི་གྲངས་དང་ལྡན་པའོ། །དང་པོ་དགེ་བའི་བྱ་བ་གང་དུ་བསྒྲུབས་པའི་གནས་ནི། སངས་རྒྱས་ཀྱི་བསྟན་པ་རིས་མེད་པ་རྟག་ཏུ་བཞུགས་ལ་དར་ཞིང་རྒྱས་པའི་ཡུལ་མདོ་ཁམས་སའི་ཐིག་ལེ་འབྲི་ཟླ་སྒང་གི་བྱེ་བྲག །དཀར་ཕྱོགས་ཀྱི་དགེ་བསྙེན་དུ་མ་དང་ལྷ་རིགས་ཀྱིས་སྐྱོང་སྡེ་དགེ་སོགས་ཆོས་ལྡན་གྱི་རྒྱལ་པོ་རིམ་པར་བྱོན་པ་རྣམས་ཀྱིས་སྐྱོང་བའི་མངའ་རིས། ཀཿཐོག་

― LT38_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་གདན་གྱི་བྱང་ཕྱོགས། དཔལ་ལྡན་ཕག་མོ་གྲུ་པ་དང་། ཀུན་མཁྱེན་བསྟན་པའི་ཉིན་བྱེད་སོགས་མཁས་གྲུབ་ཀྱི་སྐྱེས་བུ་མང་པོ་སྐྱེ་བའི་སྲིད་པ་བཟུང་ཞིང་ཆོས་ཀྱི་རྔ་བོ་ཆེ་སྒྲོག་པའི་ཡུལ་ལྗོངས། མདོ་ཁམས་གནས་ཆེན་ཉེར་ལྔ་ཡན་ལག་དང་བཅས་པའི་ནང་གསེས་ཡོན་ཏན་ཐུགས་ཀྱི་གནས་མཆོག་དཔལ་ཧེ་རུ་ཀའི་ཡེ་ཤེས་ཀྱི་སྤྱན་རས་ལས་ཤར་བ་དེ་བཱི་ཀོ་ཊི་གསུམ་པ། ཕྱི་ལྟར་ན་ཡུལ་གྱི་དགེ་བཅུ་ལེགས་པར་ཚང་ཞིང་། ནང་ལྟར་ན་མདོ་རྒྱུད་རྣམས་ནས་ཇི་སྐད་བཤད་པའི་དགེ་འདུན་འདུ་བའི་གཞི་དང་རྣལ་འབྱོར་སྒྲུབ་པའི་གནས་ཀྱི་མཚན་ཉིད་ཀུན་དང་ལྡན་ཅིང་ཉེས་པའི་སྐྱོན་སྤངས་པ། གསང་བ་ལྟར་ན་དཔལ་རྡོ་རྗེ་སེམས་དཔའ་དང་། འཕགས་པ་འཇིག་རྟེན་དབང་ཕྱུག་གཙོ་བོར་གྱུར་པའི་རྩ་གསུམ་རབ་འབྱམས་རྒྱ་མཚོའི་ཕོ་བྲང་འོག་མིན་རྡོ་རྗེ་བཀོད་པའི་གྲོང་ཁྱེར་དང་རྣམ་དབྱེར་མ་མཆིས་པ་འདི་ཉིད་དུ། ཐོག་མར་སངས་རྒྱས་གཉིས་པ་པདྨ་ཐོད་ཕྲེང་ཡབ་ཡུམ། ཐུགས་ཀྱི་རིག་འཛིན་ཧཱུྃ་ཀ་ར། མཁས་པ་ཆེན་པོ་བི་མ་ལ་མི་ཏྲ། རིག་འཛིན་གྲུབ་པའི་ཚོགས་དང་བཅས་པ་རྣམས་ཡེ་ཤེས་ཀྱི་རོལ་པས་ཞབས་ཀྱིས་བཅགས་ཤིང་སྒྲུབ་པའི་གནས་སུ་བྱིན་གྱིས་བརླབས། གསང་གཏེར་ཆེན་པོ་ལྔ་ལ་སོགས་པ་གཏེར་ཆེན་གཏེར་ཕྲན་དུ་མ་སྦས་ཤིང་ལས་ཅན་ལུང་བསྟན། བར་དུ་སྐྱོབ་པ་འཇིག་

― LT38_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་གསུམ་གྱི་མགོན་པོའི་ཐུགས་སྲས་དཔལ་ལྡན་བྱང་ཆུབ་གླིང་པས་རྫུ་འཕྲུལ་གྱི་ཆོ་འཕྲུལ་དུ་མས་གདུག་པའི་ལྷ་འདྲེ་འགའ་ཞིག་དམ་ལ་བཞག །བཤད་སྒྲུབ་ཀྱི་སྡེ་ཆེན་པོ་གསུམ་ལ་སོགས་པ་བཙུགས་ནས་མི་དང་མི་མ་ཡིན་ཆོས་ལ་བཀོད། བར་སྐབས་སུ་དཔལ་ལྡན་ས་སྐྱ་པའི་བསྟན་འཛིན་ཆེན་པོ་མངའ་རིས་རབ་འབྱམས་པ་ཚུལ་ཁྲིམས་འོད་ཟེར་གྱིས་མདོ་སྔགས་ཀྱི་ཆོས་འཁོར་ཟབ་ཅིང་རྒྱ་ཆེ་བར་བསྐོར། དེ་དག་གི་རིང་ལུགས་ཀྱང་དུས་ཀྱི་དབང་གིས་རིམ་པར་མི་སྣང་བར་གྱུར་པ་ན། མཐར་འཕགས་ཡུལ་གྱི་ཤིང་རྟ་ཆེན་པོ་རྣམས་དང་མཁྱེན་རྟོགས་རྣམ་དབྱེར་མ་མཆིས་པ་ཀུན་མཁྱེན་ཆོས་ཀྱི་འབྱུང་གནས་ཀྱིས་སྒྲུབ་བརྒྱུད་རིན་པོ་ཆེ་ཀརྨ་ཀཾ་ཚང་གི་རིང་ལུགས་དྲི་མ་མེད་པ་གསར་དུ་སྣང་བར་མཛད་པ་སྟེ། དེའང་ཐོག་མར་མངའ་བདག་མར་པ་ལོ་ཙཱས་མ་འོངས་པར་ཙཱ་རིའི་ཤར་ཕྱོགས་དེ་བཱི་ཀོ་ཊིའི་གནས་སུ་རང་ཉིད་ཀྱི་བཀའ་བརྒྱུད་འབྱུང་བར་ལུང་བསྟན་པ་དང་། བར་དུ་སི་ཏུ་ཆོས་ཀྱི་རྒྱལ་མཚན་ལ་ཡེ་ཤེས་ཀྱི་མཁའ་འགྲོས་རྗེ་ཉིད་ཀྱི་བསྟན་པ་ཕྱོགས་འདིར་འབྱུང་བར་རྡོ་རྗེའི་གླུ་ཡིས་བསྙད་པ་དང་། ཐ་མར་སི་ཏུ་ཕྲིན་ལས་རབ་བརྟན་ཕྱོགས་འདིར་ཕེབས་པའི་སྐབས་སུའང་ཞལ་བཞེས་ལུང་བསྟན་དང་མཐུན་པར་ཀུན་མཁྱེན་ཆོས་ཀྱི་འབྱུང་གནས་ཉིད་ཨ་ལོ་དཔོན་ཚང་དུ་བསམས་བཞིན་སྐྱེ་བའི་རོལ་གར་

― LT38_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན། སྡེ་དགེ་ཆོས་རྒྱལ་ཁྲི་ཆེན་སངས་རྒྱས་བསྟན་པ་དང་། བསྟན་པ་ཚེ་རིང་ཡབ་སྲས་རྣམས་ཀྱིས་ཞབས་འདེགས་དང་མཐུན་རྐྱེན་ཁྱད་པར་ཅན་ཕུལ་བ་ལ་བརྟེན། ཕྱོགས་ཀྱི་བུ་མོའི་རྣ་བའི་རྒྱན་ཏུ་སྙན་གྲགས་ནོར་བུའི་དོ་ཤལ་རིང་དུ་འགོད་པ་དཔལ་སྤུངས་ཐུབ་བསྟན་ཆོས་འཁོར་གླིང་གི་གཙུག་ལག་ཁང་དགེ་འདུན་འདུས་པའི་སྡེ་དང་བཅས་པ་གསར་དུ་བསྐྲུན་ནས། རྒྱ་འཇང་ཧོར་བོད་སོགས་སྐད་རིགས་མི་གཅིག་པའི་སྐྱེ་བོ་གྲངས་མེད་པ་ལ་ཐུན་མོང་དང་ཐུན་མོང་མ་ཡིན་པའི་དམ་པ་ཆོས་ཀྱི་རྔ་བོ་ཆེ་བརྡུངས། ཆོས་ཀྱི་དུང་བུས། ཆོས་ཀྱི་རྒྱལ་མཚན་ལེགས་པར་བསྒྲེངས་པའི་གདན་ས་ཆེན་པོ་དེ་དང་ཧ་ཅང་ཐག་རིང་བ་མ་ཡིན་པར། གང་གི་བསྟན་པའི་ཉི་མ་ཕྱོགས་བརྒྱར་འདྲེན་པའི་ཤིང་རྟ་པ་ཆེན་པོ་རྗེ་དཔོན་བསམ་འཕེལ་མཆོག་གི་སྤྲུལ་པའི་སྐུ་དབང་རྒྱལ་རྡོ་རྗེས་ཀྱང་རིམ་པ་གཉིས་ལ་རྩེ་གཅིག་ཏུ་གཞོལ་བའི་བསམ་གཏན་པ་མང་དུ་འདུ་བའི་སྡེ་སྒྲུབ་བརྒྱུད་དར་རྒྱས་གླིང་ཞེས་རྟོགས་པ་དོན་གྱི་བརྒྱུད་པ་འབྱུང་བའི་ཆུ་མགོ་ལེགས་པར་བཙུགས་པ་དེ་ལས་གྱེན་ཏུ་འཕགས་པའི་གཡོན་གྱི་ཆ། རྡོ་རྗེའི་སློབ་དཔོན་པདྨཱ་ཀ་རས་བཏགས་པའི་མཚན་ཙཱ་འདྲ་རིན་ཆེན་བྲག་ཅེས། དཔལ་ཆེན་པོ་བཛྲ་ཧེ་རུ་ཀ་དབུ་གསུམ་ཕྱག་དྲུག་ཞབས་བཞི་པའི་མདུན་འོག་ཏུ་ཀེ་སེང་སྒོ་མའི་ཚོགས་

― LT38_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ཀྱི་རྣམ་པ་རང་བྱུང་དུ་གསལ་བའི་ཐུགས་འོད་གསལ་ཆོས་ཀྱི་འཁོར་ལོའམ། དེ་བཱི་ཀོ་ཊིའི་ཤར་སྒོ་ཡེ་ཤེས་ཀྱི་རྩ་འདབ། ཞིང་སྐྱོང་ལྷན་ཅིག་སྐྱེས་མ་དང་། དཔལ་མ་ཧཱ་ཀཱ་ལ་སོགས་རྟག་ཏུ་ཆགས་པའི་ཕོ་བྲང་གཉན་པོ་རྣམས་ཀྱང་འདབས་འབྲེལ་བ། གྲུབ་པའི་སློབ་དཔོན་རྣམ་གསུམ་འཁོར་དང་བཅས་པའི་སྒྲུབ་ཕུག་བྱིན་རླབས་ཀྱི་ངད་ཆགས་ཤིང་སྐུ་གསུང་ཐུགས་ངེས་པ་བརྡའི་བཀའ་རྟགས་དང་ཕྱག་ཞབས་ཀྱི་རྗེས་སོགས་རང་བྱོན་དུ་མས་སྤྲས་པ་རྣམས་ཀྱིས་སྟེང་འོག་གཡས་གཡོན་ནས་མཛེས་པ། ཟབ་གཏེར་རྡོ་རྗེའི་ལུང་ལས་བསྔགས་བརྗོད་རྒྱ་ཆེར་མཛད་པའི་གནས་ཏེ། ཞིབ་པར་གནས་ཡིག་གཏེར་གཞུང་རྩ་བ་དང་། དེའི་དོན་ཁོ་བོས་རྒྱས་པར་བཀྲལ་བ་ཡིད་ཀྱི་རྒྱ་མཚོའི་རོལ་མོ་སོགས་ལས་ཤེས་པར་བྱའོ། །དབང་སྔོན་རྡོ་ཡི་ཁང་བཟང་སྤྱད་ན་བདེ། །ཙནྡན་ལྗོན་པའི་གྲིབ་བསིལ་རེག་ན་འཇམ། །ལྷུང་ལྷུང་འབབ་ཆུའི་རོལ་མོ་རྣ་བར་སྙན། །འདུ་འཛིས་དབེན་པའི་དགའ་བ་སྙིང་ལ་རྒྱས། །གདོས་བཅས་འདི་རྣམས་རྟེན་དང་བརྟེན་པ་ཡི། །རྣམ་འཕྲུལ་བཀོད་པའི་ཁྱད་པར་བསམ་ལས་འདས། །བྱིས་པའི་བློ་མིག་མཚན་མར་འཛིན་པས་ལྡོངས། །ཡེ་ཤེས་ཅན་ངོར་པྲ་སེ་ན་བཞིན་སྣང་། །དཔལ་ཆེན་ཡེ་ཤེས་ཐུགས་ཀྱི་དཔལ་བེའུའི་མཛོད། །རྟེན་མཆོག་

― LT38_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བུས་གྲམ་པས་གཏམས་པ་ནི། །མངོན་པར་དགའ་བའི་ཞིང་གི་རྒྱན་བཀོད་པར། །མི་བསྐྱོད་རྒྱལ་བའི་མྱུ་གུས་མཛེས་པ་བཞིན། །གཉིས་པ་ཇི་ལྟར་བསྒྲུབས་པའི་ཚུལ་ནི། ཐོག་མར་རྣམ་དཀར་སྒྲུབ་པ་པོའི་གང་ཟག་གི་བདག་ཚུལ་བརྗོད་པར་རིགས་ཤིང་། དེའང་ལོ་རྒྱུས་སྨྲ་བ་རྣམས་རིགས་རུས་ཆོ་འབྲང་ལས་བརྩམས་ཏེ་འཕེལ་བའི་གཏམ་རྗོད་པར་བྱེད་པས། དེ་ལྟར་ན་ལོ་བོའང་ཁྱུང་དཀར་གྱི་གདུང་བརྒྱུད་མ་འཁྲུལ་པ་ལས་གྲོལ་ལོ་ཞེས་ཐོས་ཏེ། དེ་ནི་རིག་འཛིན་ཞིག་པོ་རྣམ་དྲུག་གི་ཡ་གྱལ། སྟེང་ཕྱོགས་ཀྱི་སྟོན་པ་ཀུན་ཏུ་བཟང་པོ་རིག་སྣང་འོད་ཀྱི་རྒྱལ་པོས་འགྲོ་དོན་སྤྲུལ་བསྒྱུར་མཛད་པའི་མཁའ་ལྡིང་ཁྱུང་ཆེན་གྱི་སྒོ་ང་དཀར་སེར་གཡུ་དང་ནག་པོ་བཞི་ལས་སྤྲུལ་པའི་ཁྱེའུ་བཞི་བྱོན་པའི་ཐ་ལྟག་ཁྱུང་འཕགས་ཁྲ་མོ་ཞེས་གཡུ་འབྲུག་འཆིབས་ཤིང་རྫུ་འཕྲུལ་སྨན་བཞིས་ཞབས་ནས་བཏེགས་ཏེ་རྒྱལ་མོ་རོང་དུ་བྱོན་ནས་གཙོ་བོར་ཡུལ་དེར་འགྲོ་དོན་མཛད་པ་དེ་ཉིད་ཀྱི་གདུང་རིགས་ཀྱི་བྱེ་བྲག་འདན་ཆུང་ཞེས། ནང་ཆེན་གྲགས་པ་རྒྱལ་མཚན་སོགས་གྲུབ་པའི་སྐྱེས་མཆོག་ངོ་མཚར་ཅན་དུས་ཕྱིས་བར་རྒྱུན་མ་ཆད་དུ་བྱོན་པ་དེའི་རིགས་སུ་སྐྱེས་ཞེས་བརྗོད་པར་འདོད་པར་སྣང་ཡང་། སངས་རྒྱས་བཅོམ་ལྡན་འདས་ཀྱི་བསྟན་པ་ནི་རིགས་གཙོ་བོར་བྱེད་པ་མ་ཡིན། རུས་

― LT38_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ་བོར་བྱེད་པ་མ་ཡིན། བསླབ་པ་དང་ཡོན་ཏན་འབའ་ཞིག་གཙོ་བོར་བྱེད་པ་ཡིན་ནོ། བདག་ལྟ་བུ་ཟོས་ཚད་ལོག་འཚོ་དང་དཀོར་ནག་འབའ་ཞིགདྲན་ཚད་ཆོས་བརྒྱད་དང་ཉོན་མོངས་པ། བྱས་ཆད་འཁྲུལ་པའི་ཁ་བསྣོན་ཁོ་ན་ལ་དང་ངམ་ཤུགས་ཀྱིས་སྤྱོད་ཅིང་། སངས་རྒྱས་ཀྱིས་གསུངས་པའི་ལྟ་སྤྱོད་ཡང་དག་པ་སྣ་གཅིག་ལ་ལག་ལེན་ཏུ་མི་ཐེབས་པར་ཐོས་ལོ་བྱས་ལོ་བསྒྲུབ་ལོའི་ངང་དུ་མི་ཚེ་རིལ་གྱིས་རྒས་པ་ལ་ཆོས་དང་མཐུན་པའི་ཡོན་ཏན་ནམ་མཁའི་མེ་ཏོག་དང་རི་བོང་གི་རྭ་ལྟར་བརྗོད་རྒྱུས་ཤིན་ཏུ་ཕོངས་ཤིང་། སྐྱོན་དང་མཚངས་ནས་བརྗོད་པ་ནི་སྐབས་སུ་མ་བབས་པས་རེ་ཞིག་བཏང་སྙོམས་སུ་བཞག །འོན་ཀྱང་དྲན་པ་རྙེད་ཚུན་ཆད་དགེ་བའི་ཕྱོགས་ཁོ་ནར་བློ་གཞོལ་ཞིང་། དབེན་པའི་གནས་བཟང་པོ་ཤུག་པའི་ནགས་ཚལ་སྐྱེས་ཤིང་ལྷ་བྱ་གོང་མོའི་གསུང་སྙན་ཀོང་ཀོང་སྒྲོགས་པ་ཞིག་ཏུ་ཏིང་ངེ་འཛིན་སྒོམ་པ་ཞིག་སྙིང་ལ་འདོད་པའི་སྐྱོ་ཤས་ལྡན་པ་དང་། ཁྱད་པར་སངས་རྒྱས་ཀུན་དངོས་གུ་རུ་རིན་པོ་ཆེར་མི་ཕྱེད་པའི་དད་པ་ལྷན་སྐྱེས་སུ་མངའ་བའི་མཐུ་དང་རྟེན་འབྲེལ་ལས། ཁྱིམ་པ་དང་དེའི་ཕྱོགས་དང་མཐུན་པའི་བྱ་བཞག་རྣམས་ལ་ཆུང་ནས་ཞུགས་མ་དགོས་པར་ནམ་དུའང་རང་དབང་ཡོད་པ་དང་། རང་ལོ་ཉི་ཤུ་སྔོན་ཕན་ཆད་རིག་གནས་སོགས་ལ་སྦྱང་བརྩོན་ཅི་རིགས་བྱས་ཤིང་

― LT38_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཚུན་ཆད་སྤྲོས་མེད་ཀྱི་བྱ་བཏང་ཁོ་ན་འདོད་ཀྱང་ཆོས་སྡེ་ཆེན་པོ་འདི་ཉིད་ཀྱི་གྲལ་དུ་ཞུགས་པའི་བསྒྲིགས་ལམ་དང་། རྗེ་བླ་མའི་དགོངས་པ་མ་ཁྲོལ་བའི་སྟོབས་ཀྱིས་རིག་གནས་ཕྲན་ཚེགས་འཆད་སྤེལ། སྒྲུབ་ཁང་ཆེན་མོ་སོགས་སུ་བསྙེན་སྒྲུབ་ཀྱི་རྣམ་པ་འགའ་ཞིག་བགྱིས་པའི་མུར། རང་ལོ་སུམ་ཅུ་པར་བྲོ་ནད་འགའ་ཞིག་གིས་གཙེས་པ་རྐྱེན་ངན་གྲོགས་སུ་ཤར་ཏེ། བདོག་པའི་དངོས་པོ་ཕྲན་ཚེགས་སྤང་དག་གི་སྒོ་ནས་ཚེ་འདིའི་རྟེན་བཞེངས་མིང་འདོགས་རྣམས་ཀྱི་ཐོག་མ། བླ་མ་དགོངས་པ་འདུས་པའི་ཞལ་ཐང་གྲ་ཚར་སྤུས་ལེགས་བཅུ་གཅིག །བཟང་གོས་ཁོ་ནའི་གོང་ཤམ་སོགས་སྒྲོས་ལྡན། གསེར་དངུལ་གྱིས་བྲིས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་གླེགས་བམ། སཱཙྪ་འབུམ་ཐེར་སོགས་བགྱིས་ནས་རི་ཁྲོད་འདིར་བསྙེན་མཚམས་ལོ་གསུམ་མ་ཞིག་གི་དགོངས་ཁྲོལ་སྐྱབས་མགོན་རྡོ་རྗེ་འཆང་ལ་ཞུས་པ། ཐོག་མར་དཀའ་ཚེགས་ཆེ་ཙམ་ལ་མཐར་དགྱེས་བཞིན་ཏུ་ཁྲོལ་བས་འདིར་སྡོད་པ་ལ་བློ་ཕྱོགས་པར་བགྱིས་སོ། །དེའང་དཔལ་ལྡན་བྱང་ཆུབ་གླིང་པའི་སྐབས་སོགས་སུ་འདིར་རྣལ་འབྱོར་གྱི་དབང་ཕྱུག་དུ་མས་བསམ་གཏན་སྒོམ་པའི་གནས་སུ་བདག་གིར་བཟུང་བ་གདོན་མི་ཟ་སྟེ། ད་ལྟའང་རིའི་སྐྱིབས་རྣམས་སུ་སྡོད་པའི་ཤུལ་དུ་མ་སྣང་ལ། གཞི་བདག་གི་

― LT38_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

བསེང་རྙིང་དུ། ཡང་ཁྲོད་ཆོས་ཀྱི་ཕོ་བྲང་། ཞེས་པའང་འདི་དག་ཏུ་ངོས་བཟུང་བར་བྱའོ། །ཕྱིས་སུ་ཀུན་མཁྱེན་ཆེན་པོ་དྷརྨཱ་ཀ་རས་སྙིང་པོའི་ཚུལ་ལས་བརྩམས་ཏེ་ངེས་དོན་ཆོས་ཀྱི་འཁོར་ལོ་བསྐོར་ཞིང་ཕྱིར་མི་ལྡོག་པ་སེང་གེའི་སྒྲ་ཆེན་པོ་བསྒྲགས་པའི་ཚེ་ཕྱོགས་འདིར་འཕགས་པ་ཐོགས་མེད་ལྷའི་རྒྱལ་པོའི་ཆ་བྱད་ཅན་དུ་གཟིགས་ཤིང་། བེར་ཅན་ལྕམ་དྲལ་དང་དཔལ་ལྡན་ཞིང་སྐྱོང་དབང་པོ་དག་གིས་ཀྱང་གནས་འདི་རུ་ཞལ་བསྟན་པར་གྲགས་པའི་རྟེན་འབྱུང་དང་། བསྟན་པའི་སྲོག་རྩ་ནི་སྒྲུབ་པའི་བརྒྱུད་ཁོ་ན་ལ་རགས་ལས་པ་སོགས་ཐུན་མོང་དང་ཐུན་མོང་མ་ཡིན་པའི་དགོས་པ་དུ་མ་གཟིགས་ནས། ཐོག་མར་རྗེ་ཉིད་ཀྱིས་སྒྲུབ་པ་ཐོག་གཅིག་མཛད་ནས་བྱིན་གྱིས་བརླབས་ཤིང་། སཱཙྪ་བློ་གྲོས་སུ་གྲགས་པ་གྲུབ་ཆེན་བཀའ་བརྒྱུད་བསྟན་འཛིན་ལ་བཀས་གནང་སྟེ་གནས་འདི་ཉིད་དུ་ནི་གུ་ཆོས་དྲུག་དང་ཕྱག་ཆེན་སོགས་ལོ་གསུམ་སྒོམ་དུ་བཅུག །དེ་རྗེས་རྟོགས་ལྡན་འོད་གཅུང་བླ་མ་ཀརྨ་བསྟན་རྒྱས་ཞེས་བྱ་བ་བླ་མར་བསྐོས་ཤིང་སྒྲུབ་པ་པོ་བཅུ་ཕྲག་གཅིག་བཞུགས་པའི་གནས་ཁང་དང་བཅས་པ་ཆེད་དུ་བསྒྲུབས་ཏེ་ཇི་སྲིད་ཀྱི་བར་དུ་གནས་དགོས་པར་བཀའ་ཡིས་གནང་ཞིང་དགོངས་པ་གཏད་པས་རྗེ་ཉིད་གཞན་དོན་ཏུ་དགོངས་པའི་བར་ལེགས་པར་གནས་ཤིང་། མཚུར་ཕུ་

― LT38_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཁྱུད་རྫོང་ནས་མཁའ་སྤྱོད་དུ་གཤེགས་པའི་གཡོ་རུ་སྨྱོན་པ་བྱ་བ་དེའང་འདི་ནས་གྲུབ་པ་བརྙེས་ཏེ་སྟོད་དུ་འབྱོན་པས་མཚོན་རྟོགས་པ་དང་ལྡན་པ་དང་། རྣམ་པར་དག་པའི་སྤོང་བ་པ་སྐུ་ཚེ་རིང་དུ་འཚོ་བ་མང་དུ་བྱོན་ཅིང་། སྒྲུབ་གནས་འདི་བཟུང་ཚད་མ་མཐར་ཡང་བསྙེན་བཟླས་དུང་ཕྱུར་མི་འགྲོ་བ་མེད་ཅེས་ད་ལྟའང་རྒན་པོ་ཀུན་ལ་གཏམ་དུ་གྲགས་པ་ལྟར་ནའང་བསྟན་པའི་ཉིན་བྱེད་དགའ་ལྡན་གྱི་གནམ་དུ་གཤེགས་ནས་བླ་བྲང་ལ་འབྱོར་པ་ཅུང་ཟད་ཕྲ་བའི་སྟོབས་ཀྱིས་གནས་འདིའི་སྒྲུབ་པ་པོ་རྣམས་ལ་འཚོ་ཆས་སྟོབ་པ་དཀོན་པས་གྲངས་ཉུང་དུ་སོང་བ་དང་། དབོན་སྤྲུལ་རིན་པོ་ཆེ་དབང་རྒྱལ་རྡོ་རྗེས་བསྟན་པ་སྐྱོང་བའི་སྐབས་སུ་རང་ཉིད་བྱ་བ་ལས་ཀྱི་འཁོར་ལོ་གཙོ་བོར་མཛད་དགོས་པའི་སྟབས་སྤོང་བ་བསམ་གཏན་གྱི་འཁོར་ལོ་ལས་ཅུང་ཟད་གཡེལ་བས། དེའི་ཚབ་ཏུ་སྤོང་བ་པའི་སྡེ་ཁྱད་པར་ཅན་ཞིག་བཙུགས་ན་སྒྲུབ་བརྒྱུད་རིན་པོ་ཆེའི་བསྟན་པ་ལའང་སྲི་ཞུའི་ཕྱག་རྗེས་ཟླ་མེད་པར་འགྱུར་བར་གཟིགས་ནས་བཞེངས་པའི་གནས་བརྟགས་པ་ན། ཕྱོགས་འདིར་ཁང་བའི་ས་རྡོ་དཀོན་ཅིང་ས་མཁོས་བདེ་ཁྱིམ་དབེན་པས་གཙུག་ལག་ཁང་དང་དགེ་འདུན་གྱི་ཀུན་དགའ་ར་བ་སོགས་མཐོ་ཡངས་སྲ་མཁྲང་དངོས་གཙང་བ་བསྒྲུབ་དཀའ་བའི་སྟབས། དུང་དཀར་སྒང་སོགས་ས་

― LT38_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་གསུམ་གྱི་བརྟག་པ་རྗེ་བཅུ་གསུམ་པར་ཞུས་པས། གླིང་སྟོད་དུ་བརྟག་པ་བབས་པ་ལྟར། རིག་འཛིན་རྡོ་རྗེ་དྲག་པོས་ས་འདུལ་མཛད་དེ་སྒྲུབ་ཁང་ཆེན་མོ་སྒྲུབ་བརྒྱུད་དར་རྒྱས་གླིང་རྟེན་བརྟེན་པར་བཅས་གསར་དུ་བཞེངས། སྒྲུབ་པ་པོ་བཅོ་ལྔ་རེ་ལོ་གསུམ་ཕྱོགས་གསུམ་གྱི་གྲངས་བཅད་དུ་ཏིང་ངེ་འཛིན་སྒོམ་པའི་འཚོ་ཆས་དང་། ཞབས་འདེགས་པ་བཅས་ཁྲིགས་ཆགས་སུ་བཀོད་པ་ནས་བཟུང་། གནས་འདིའི་རྟེན་བརྟེན་པ་རང་ཤུགས་ཀྱིས་དབྱིངས་སུ་ཐིམ་ཞིང་། སྐྱབས་མགོན་རྡོ་རྗེ་འཆང་དེ་ཉིད་ཀྱིས་ཀྱང་འདི་ཉིད་ཉམས་མི་རུང་ཞེས་ཡང་ཡང་གསུང་བཞིན་ཏུ་ལས་འཛིན་རྣམས་ཀྱི་ཤུགས་ལ་སོང་སྟེ་དགོངས་པ་ལམ་ལུས་ལྟ་བུས་ས་སྟོང་དུ་སོང་བ་ན་ཁོ་བོ་རི་ཁྲོད་དབེན་པ་ཞིག་ཏུ་འགྲོ་འདོད་སྙིང་ལ་བརྣག་པའི་བག་ཆགས་ཀྱིས། རང་ལོ་ཉེར་བརྒྱད་པའི་དབྱར་གྱི་ཡར་ཚེས་ཞིག་ཏུ་འདིར་ལྷ་བསང་གི་ཆེད་དུ་ཕྱིན་པ་ན། སྐབས་དེར་ལམ་སྲོལ་མ་དོད་ཅིང་ཁོ་བོ་ཟླ་གྲོགས་དང་བཅས་པས་འགྲོ་ལམ་ཇི་བཞིན་པ་མ་ཤེས་ཀྱང་ནམ་ལངས་ཙམ་དུ་ཚིག་བདུན་གསོལ་འདེབས་འདོན་བཞིན་ཕྱིན་པར། སྒྲུབ་ཁང་ཆེན་མོའི་ལྟག་ཏུ་བྱ་རྒོད་ཞིག་བབ་འདུག་པ། ཕྲན་རྣམས་མཐོང་བ་དང་མགོ་གུག་པ་དང་བཅས་ཏེ་གྱེན་ཏུ་སོང་བས། རྒོད་འདི་གར་འགྲོ་ཏུ་ངེད་རང་རྣམས་འགྲོ་བྱས་ཏེ་ཕྱིན་པར་ཡང་ཁྲོད་འདིའི་རྒྱབ་

― LT38_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

རིའི་རྩེ་བར་རྐང་འགྲོས་ཀྱིས་སོང་ནས་ཤར་དུ་འཕུར་སོང་བ། དེ་ནས་ཕྱིར་བལྟས་པས་རི་ཁྲོད་ཀྱི་ཁང་ཤུལ་མཐོང་བ་ན་མཐུར་དུ་བབས་ཏེ་དེར་ཕྱིན་ཅིང་ལྟ་བསང་རྒྱས་བར་བཏང་བས། ཁ་བའི་རྣམ་པ་འདྲེས་པའི་མེ་ཏོག་གི་ཆར་བབས་པ་སོགས་ལ་ཉེ་ཤིན་ཏུ་ལེགས་ཤིང་ཡིད་ལ་སྤྲོ་བ་འཕེལ་བར་བྱུང་སྟེ། རྒོད་ཀྱི་རྐང་ལམ་དེ་ལའང་བྱ་རྒོད་གདོང་ལམ་དུ་བཏགས་ཏེ་ད་ལྟའི་གདོང་ལམ་གཟར་པོ་འདི་ཉིད་དོ། །དེ་རྗེས་ནམ་འོང་དུས་ཀྱང་ལྟས་མཚན་ལེགས་པ་འདྲ་བྱུང་ཞིང་། །ཁྱད་པར་རང་ལོ་སུམ་ཅུ་པའི་སྟོན་སོར་སྒྲུབ་ཁང་རྣམ་པ་བརྡ་མཚོན་བཅོས། སྒྲུབ་རྒྱགས་ཇ་རྡུམ་གྱི་མགོ་འཁྲི་ཙམ་དང་། གཟན་གོས་ཧྲུལ་པོ་ཐེབས་ཡོད་ཙམ། སྐུ་གསུང་ཐུགས་རྟེན་མཚོན་བྱེད་ཙམ་ལས་བདོག་པའི་དངོས་པོ་གང་ཡང་མེད་ཀྱང་འཚོ་བ་སྤྲང་མ་དགོས་ཙམ་རིམ་པར་འབྱོར་བ་དང་། རིག་པ་དྭངས་ཤིང་དགེ་སྦྱོར་འཕེལ་བའི་ངང་། ཐོག་མར་སྐྱབས་རྗེ་ལ་བཀའ་ལུང་ཞུས་པ་བཞིན་བླ་མ་དཀོན་མཆོག་སྤྱི་འདུས་སྔོན་འགྲོ་དངོས་གཞི་ཡོངས་རྫོགས་ལོ་གསུམ་མའི་ཁུལ་དང་། རིམ་པར་བླ་མ་གསང་འདུས་དང་དགོངས་འདུས། བཀའ་བརྒྱད་བདེ་གཤེགས་འདུས་པ་སོགས་རྙིང་མ་གཏེར་ཁ་གསར་རྙིང་དུ་མ་དང་། བདེ་དགྱེས་རྒྱལ་བ་རྒྱ་མཚོ་སོགས་གསར་མའི་རྒྱུད་སྡེ་གོང་འོག་རྣམས་ཀྱི་བསྙེན་སྒྲུབ་རྫོགས་རིམ་ཅི་རིགས་པ་དང་ཁྱད་པར་གནས་

― LT38_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཕྱག་རྒྱ་ཆེན་པོའི་དོན་ལ་མཉམ་པར་བཞག་ཅིང་བསྟན་བཅོས་ཅི་རིགས་པའང་བརྩམས་པའི་གཡར་ཁྲལ་བླངས་ནས་ད་ལྟ་ཕན་བགྲང་བྱ་ཉི་ཤུ་རྩ་གཅིག་ཙམ་སོང་བ་ལ་སྔོན་གྱི་ལས་ངན་བསླངས་པ་དང་། འཕྲལ་གྱི་དམ་གྲིབ་སོགས་ལ་བརྟེན་ནད་འཚེ་ཅི་རིགས་བྱུང་ཡང་སྔར་ཕན་བླ་མ་དཀོན་མཆོག་ཐུགས་རྗེས་ལེགས་པར་སོར་ཆུད་ཅིང་། གཞན་མི་བདེ་བའི་རྐྱེན་ངན་གང་ཡང་མ་བྱུང་བར་ལེགས་པའི་ཕྱོགས་འཕེལ་བའི་རྣམ་པ་དང་། ཁྱད་པར་ཆུང་ངུའི་དུས་ནས་གུ་རུ་རིན་པོ་ཆེར་མོས་ཤིང་དེ་ཉིད་ཀྱི་སྒྲུབ་ཐབས་བྱེ་བའི་སྙིང་པོ་དག་ལ་དད་ཅིང་འབད་པས་བསྒྲུབས་པའི་གྲུབ་རྟགས་ཡིད་ཆེས་ཤིང་མངོན་སུམ་པ། བི་མ་ལ་མི་ཏྲ་བཤེས་གཉེན་གྱི་རྣམ་པར་སྣང་བ་ཀུན་མཁྱེན་རྡོ་རྗེ་གཟི་བརྗིད་རྩལ་དང་། ཨོ་རྒྱན་གྱི་སློབ་དཔོན་ཆེན་པོའི་ཞལ་སྐྱིན་འགྲོ་འདུལ་སྤྲུལ་པའི་ཕོ་ཉ་ཨོ་རྒྱན་མཆོག་གྱུར་བདེ་ཆེན་གླིང་པ་ཟུང་དག་གནས་འདིར་སྔ་ཕྱི་ཀུན་ཏུ་རྒྱུད་སྡེ་རྒྱ་མཚོའི་གསང་མཛོད་སྒོ་སྐྱེལ་གྱི་ཚུལ་དུ་བྱོན་ཅིང་། སྐུ་ཚབ་དང་ཤོག་སེར་སོགས་ཁྱད་པར་འཕགས་པའི་རྟེན་དམ་རྫས་དུ་མ་བསྩལ་བ་དང་། ལེགས་ཚོགས་ཀྱི་རྟེན་འབྲེལ་མཐའ་ཡས་པ་བསྒྲིགས་པར་མཛད་པ་ཉིད་དོ། །དེའང་རང་ཉིད་ཀྱི་རྨི་ལམ་དང་རྟོག་པའི་འཆར་སྒོར་འདི་ཉིད་གནས་རི་ཞིག་ཡིན་ནམ་སྙམ་པ་དང་། དགོངས་འདུས་སོགས་གསར་རྙིང་གི་སྒྲུབ་མཆོད་འདྲ་བཏང་བའི་སྐབས་སུ་ཁྱིམ་གྱི་གོ་ཡུལ་ཧ་

― LT38_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

ཅང་དོགས་པ་སོགས་ཀྱིས་ལྷ་ཁང་ཆུང་ངུ་ཞིག་བྱུང་ན་སྙམ་ཡང་། རང་ཉིད་ཇི་ཙམ་སྡོད་པའི་རིང་ལས་བྱས་པ་ཆུད་ཟོས་སུ་འགྱུར་བར་ཤེས་ནས་སྤྲོས་མེད་ཀྱི་བརྟུལ་ཞུགས་ལྷུར་བླངས། ཕྱིས་ཞིག་སྐྱབས་མགོན་རྡོ་རྗེ་འཆང་དེ་ཉིད་ཀྱི་ཞལ་ནས། རི་ཁྲོད་འདིར་སྔར་དུས་རྗེ་གོང་མས་ཐུགས་རྩེ་གཏང་། བར་སྐབས་སུ་གུད་ཀྱང་ད་ལྟ་ཡར་རྒྱས་སུ་སོང་བ་ཤིན་ཏུ་ལེགས། ད་སྟེ་ལྷ་ཁང་དང་སྒྲུབ་པའི་སྡེ་ཞིག་བྱུང་ན་ལེགས་པས་ཐབས་བརྩོན་དགོས་ཞེས་བཀའ་ཕེབ་ཀྱང་རྗེ་ཉིད་གཞན་དོན་ཏུ་དགོངས་པར་ཉེ་བ་སོགས་ཀྱིས་དོན་ཐོག་ཏུ་མ་ཁེལ། མེ་འབྲུག་ལོར་གདན་ས་ཆེན་པོའི་ལྷ་གསར་བཀྲ་ཤིས་དཔལ་འབར་དུ་བླ་མ་དགོངས་འདུས་དབང་སྒྲུབ་ཆེན་མོ་བགྱིས་པའི་སྐབས་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོས་གནས་འདི་ཉིད་དེ་བཱི་ཀོ་ཊི་གསུམ་པ་ཡིན་ཅེས་ཡེ་ཤེས་མཁའ་འགྲོའི་རྡོ་རྗེའི་གླུ་ལས་གསན་པ་ལྟར། ལོ་དེའི་མཇུག་ཏུ་འོག་མིན་ཀརྨའི་གདན་ས་ནས་སྤྲུལ་པའི་གཏེར་ཆེན་མཆོག་གྱུར་གླིང་པ་ཉིད་བདག་ཅག་རྣམས་ལ་གུ་རུའི་ཐུགས་དམ་ཟབ་པ་སྐོར་བདུན་གྱི་ཆོས་སྐལ་བཀའ་དྲིན་ཏུ་སྩལ་བར་ཆེད་དུ་ཕེབ་སྟེ། སྨན་ཤོད་ཛཾ་ནང་པདྨ་ཤེལ་ཕུག་གཙོས་གནས་ཆེན་རྣམས་ཞལ་འབྱེད་ཅིང་། དམ་ཆོས་རྫོགས་པ་ཆེན་པོ་སྡེ་གསུམ་སོགས་སྔར་ས་སྟེང་དུ་མ་གྲགས་པའི་བརྒྱུད་པ་གསུམ་གྱི་གསང་མཛོད་ཟབ་མོའི་རྒྱ་བཀྲོལ་བར་མཛད་

― LT38_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚེ། གནས་འདིའི་ཞལ་དབྱེ་བར་གསོལ་བ་བཏབ་པས། དཔའ་བོ་དབང་ཆེན་བྲག་ནས་གནས་ཆེན་ཉེར་ལྔའི་མདོ་བྱང་བཞེས་ཏེ་གནས་འདི་ཉིད་ཕྱོགས་ཙམ་མཚོན་པར་མཛད། རྩ་གསུམ་ཚེ་དཀར་དང་བླ་མ་དྲག་པོའི་སྐོར་གྱི་ཤོག་སེར་འགའ་ཞིག་སྒྲུབ་ཁང་འདིར་འབེབས་པར་གནང་བས་རྟེན་འབྱུང་ཤིན་ཏུ་དགེ་བར་གྱུར། སླར་དོན་གྲུབ་ས་མོ་ལུག་གི་ལོར་འཇིག་རྟེན་གསུམ་གྱི་འདྲེན་པ་མཐིང་དམར་ཅོད་པན་འཆད་བའི་རྒྱལ་བ་ཡབ་སྲས་ཞལ་རྒྱས་ཤིང་། ཁོ་བོས་ཀྱང་གནས་འདིར་ལྷ་ཁང་ཆུང་ངུ་ཞིག་ཅིས་ཀྱང་བཞེངས་པར་བྱའོ་སྙམ་དུ་དམ་བཅས་པའི་སྐབས། གཏེར་ཆེན་བླ་མ་ཉིད་ཀྱང་ཆགས་ཕེབ་སྟེ་སྒྲུབ་གནས་འདིར་རྩ་བའི་ཐུགས་སྒྲུབ་དགོངས་པ་ཀུན་འདུས་ཀྱི་ཤོག་སེར་འབེབས་པར་གནང་བའི་ཚེ། རྡོ་རྗེའི་གསུང་ལས། མདོ་ཁམས་གནས་ཆེན་ཉེར་ལྔ་ཡན་ལག་དང་བཅས་པ་སོ་སོར་ལྷ་ཁང་དང་སྒྲུབ་པའི་སྡེ་རེ་རེ་བྱུང་ན། སྤྱིར་གངས་ཅན་ལྗོངས། སྒོས་མདོ་ཁམས། ཡང་སྒོས་སོ་སོའི་ཡུལ་ལྗོངས་སུ་མཐའ་དམག་གཙོ་བོར་གྱུར་པའི་མི་བདེ་བའི་རྒུད་པ་མཐའ་ངག་ཞི་བའི་གནད་ཀྱི་མེ་བཙའ་ཡིན་ཅིང་། དེ་བཞེངས་པ་པོའི་གང་ཟག་ཀྱང་གནས་དང་འབྲེལ་བར་སོ་སོར་འབྱུང་བས་འདིར་ནི་ཁྱོད་རང་ལ་སྐབས་སུ་བབ་ཅིང་། དེའང་དཔལ་ཡང་དག་ཧེ་རུ་ཀའི་སྐུ་བརྙན་ཞིག་ཅིས་ཀྱང་བཞེངས་དགོས་ལ། དེའི་སྐུ་རྒྱུ་དང་ནད་གཞུག་

― LT38_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཉེ་ལོགས་འདིར་གཏེར་དུ་ཡོད་པར་སྣང་ཞེས་ཕེབ་པས། རང་ཉིད་རྟེན་ཆེན་བཞེངས་པའི་འབྱོར་བ་དམན་ཀྱང་རྟེན་འབྲེལ་གྱི་ཁྱད་ལ་བསམ་སྟེ་ཇི་ལྟར་བཀའ་སྩལ་བ་ལྟར་བསྒྲུབ་བར་བགྱི་བའི་ཁས་ལེན་ཞུས་ནས། སླར་ཡང་དབོན་སྤྲུལ་རིན་པོ་ཆེ་དང་ཆབ་གཅིག་གནས་གཏེར་གྱི་ཞལ་དབྱེ་བར་གསོལ་བ་བཏབ་པ་ན། ལགས། ཙཱ་འདྲ་རིན་ཆེན་བྲག་དཔལ་སྤུངས་ཀྱི་གནས་སྒོ་འབྱེད་པར་དགོས་ཞེས་བཀའ་སྩལ་བྱུང་དོན་བཞིན་རྩ་གསུམ་མཁའ་འགྲོའི་ལུང་བསྟན་འདི་ལྟར་མཆིས། ཐུགས་ཀྱི་གནས་མཆོག་ཙཱ་འདྲ་འདིཿ སྙིང་རྩ་འདབ་བརྒྱད་ཚུལ་དུ་ཡོད༔ ཤར་སྒོར་དཔལ་ཆེན་ཧེ་རུ་ཀའིཿ ༔ལྷ་ཁང་བཞེངས་ཤིང་གནས་སྲུང་ལ༔ རྟེན་བཅའ་བརྟེན་གཟུགས་བྱས་ནས་སུ༔ གནས་སྒོ་འབྱེད་པར་ཤིན་ཏུ་གཅེས༔ ཞེས་དང་། ལུང་བསྟན་མདོ་བྱང་ལས། འུག་པ་ལུང་དུ་སྤྲུལ་པའི་ལྷ་ཁང་འབྱུང་༔ དེ་ཉིད་འཕོས་ནས་ཤར་ཕྱོགས་མི་འགོ་བརྩེགས༔ ཙཱ་འདྲ་རིན་ཆེན་སྤུངས་སུ་ལྷ་ཁང་འབྱུང་༔ བཻ་རོའི་རྣམ་འཕྲུལ་ཤཱཀྱ་བློ་གྲོས་གཉིས༔ ཧེ་རུ་ཀ་དཔལ་ས་ལ་འཕོས་པ་ཡི༔ མཐོང་ཐོས་དྲན་རེག་གྲོལ་བའི་སྐུ་ཡང་བཞེངས༔ ནང་རྒྱུད་སྡེ་གསུམ་སྒྲུབ་པའི་སྡེ་བཙུགས་ནས༔ བརྩོན་འགྲུས་ཅན་དག་མཁའ་སྤྱོད་ངེས་པར་འགྲུབ༔ ཅེས་པའི་ལུང་བསྟན་སོགས་དང་། མཁའ་འགྲོའི་གསང་

― LT38_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་ལས། ངེས་པར་དགོན་གནས་མེ་ཡིས་འཇིག༔ བྱང་ཕྱོགས་དཔལ་ཆེན་ལྷ་ཁང་བཞེངས༔ ཞེས་པས་གནས་ཀྱི་གཙོ་བོ་གནས་ཆེན་ཉེར་ལྔའི་ལྟེ་བར་འཕགས་པའི་སྐྱེས་བུ་རེ་འབྱུང་། དེ་རྣམས་ཀྱིས་ལྷ་ཁང་རེ་བཞེངས་ན་བོད་ཁམས་བདེ་ཐབས་དེ་བས་ལྷག་པ་མི་དགོས་པར་གསུངས་པས། འདིར་ཡང་། གནས་ཀྱི་ཤར་ཕྱོགས་ཡེ་ཤེས་རྩ་ཡི་མཚོན་པ་ཤར་སྒོར་འདིར་ཧེ་རུ་ཀའི་ལྷ་ཁང་བཞེངས། ཡོངས་འདུས་ཤིང་རྩར་སྔགས་སྲུང་མའི་རྟེན་ཡིན་པས་དེ་འབྲེལ་ཤར་སྒོ་འདིར་སྲུང་མའི་རྟེན་བཅའ་ཞིང་གནས་སྒོ་འབྱེད་པར་གལ་ཆེ་བས་དེ་ལྟར་འབྱུང་ཐུབ་མིན་སྐུ་མཆེད་གཉེར་ཕྱག་ཀུན་ནས་ཐུགས་གྲོས་མཛད་ནས་གསུང་གསལ་ཞུ། ཞེས་ཕྱག་བྲིས་ཕྱག་ཐམ་གྱིས་སྤྲས་པ་སྩལ་ཞིང་། གདན་ས་འདིར་མེ་དགྲའི་དོགས་པ་ཤིན་ཏུ་ཆེ་བ་ཤོག་སེར་དང་གསང་ལུང་གཉིས་ཀར་གསལ་ཞིང་། དེའི་གཉེན་པོར་བྱང་ངོས་སུ་དཔལ་ཆེན་པོའི་ལྷ་ཁང་ཞིག་བྱུང་ན་སྐྱོན་མེད་ཅིང་དེའང་དུས་ཀྱི་རྟེན་འབྲེལ་འགྱང་ན་ཕན་པ་མེད་པས་ལོ་འདི་ཉིད་དུ་ལྷ་ཁང་གྲུབ་པ་དགོས་ཞེས་ཕེབ་པས། ཤིང་ཆ་སོགས་སྔ་ཚག་མ་བྱས་པ་དང་། རང་ཉིད་འཚོ་བ་རྒྱལ་ཁམས་ཀྱི་བསོད་ནམས་ལ་རེ་བས་འཕྲལ་དུ་ལྷ་ཁང་འགྲུབ་པའི་ཡོ་བྱད་རྔོ་མི་ཐོགས་པས། སྒྲུབ་བརྒྱུད་བསྟན་པའི་སྲོག་ཤིང་དབོན་སྤྲུལ་རིན་པོ་ཆེར་ཕྱིའི་ལྷ་ཁང་རྩ་བ་ཙམ་བླ་བྲང་གཞུང་

― LT38_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཞེངས་པ་གནང་གྲུབ་པ་བྱུང་ན། ཡན་ལག་དང་ནང་རྟེན་ཆེ་ཕྲ་རང་ནས་ཀ་ཅ་གང་ཡོད་སྤང་དག་གི་ཚུལ་གྱིས་རིམ་པར་སྒྲུབ་ཚུལ་ཞུས་པས། བསྟན་པའི་སྤྱི་དོན་ལ་དགོངས་རྒྱ་ཆེ་བསྐྱེད་ཀྱིས་ཐུགས་ལ་གཅགས་ཏེ་གཉེར་ལས་རྣམས་ལ་རྒྱུ་མཚན་བཅས་བཀའ་ཡིས་གནང་བས་འདིར་ལྷ་ཁང་བཞེངས་རྒྱུའི་ཐག་ཆོད་པའི་ཚེ། རང་གི་རྣམ་པར་རྟོག་པ་ལ། ལྷ་ཁང་ཙམ་ཞིག་གྲུབ་ཏུ་ཟིན་ཀྱང་འཛིན་བདག་དམིགས་སུ་བསལ་བ་ཞིག་མེད་ན་སྤྱི་བདག་བླ་བྲང་ནས་ཀྱང་ཡུན་རིང་པོར་ཉམས་རྩ་ཇི་བཞིན་འབྱུང་བར་དཀའ་བས། རྟེན་དང་འབྲེལ་པར་སྒྲུབ་པའི་སྡེ་ཉུང་ངུ་ཞིག་བཙུགས་ན་ཇི་ལྟར་འགྱུར་སྙམ་མཁན་ཆེན་བླ་མ་ཟླ་བཟང་རིན་པོ་ཆེར་བརྟགས་པ་ཞུས་པས་བསྟན་པ་ལ་ཕན་པའི་མནལ་ལྟས་ཤིན་ཏུ་ལེགས་ཤིང་། ཀུན་མཁྱེན་བླ་མ་རྡོ་རྗེ་གཟི་བརྗིད་རྩལ་ལ་ཞུས་པས་ཀྱང་གཟིགས་སྣང་ཁྱད་པར་ཅན་བྱུང་བས་ལེགས་པར་འོང་ཞེས་དབུགས་དབྱུང་སྩལ་བས་སྤོང་པའི་ཁང་པ་འཁོར་དང་བཅས་པ་བགྱིད་པ་ལ་བློ་ཉ་བར་གཞོལ་བར་བྱས་སོ། །དགུན་དུས་སོ་ནམ་འབད་ཀྱང་འདོད་པའི་འབྲས། །འབྱུང་མིན་ནམ་ཟླ་ས་ཆུ་དྲོས་པ་ན། །སྨན་གྱི་མྱུ་གུ་མེ་ཏོག་གསར་པའི་ཚལ། །ལོ་ཏོག་མཐར་ཕྱིན་སྨིན་པ་དངོས་པོའི་སྟོབས། །ཉམ་ཆུང་ཁོངས་སུ་སྦས་པའི་ལྷག་བསམ་གྱི། །སཱ་ལའི་ས་བོན་ཕྲ་ཡང་སྔོན་དགེ་ཡི། །དུས་ལ་སོན་ཚེ་

― LT38_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

དགུང་ཞག་འགའ་ཞིག་ནས། །ཡལ་གའི་རྩལ་རྒྱས་འཕྲུལ་དགའི་རྣམ་འཕྲུལ་བཞིན། །གནས་སྐབས་ལེགས་པའི་འདུན་མའི་སྟངས་འཛིན་ཅིང་། །མཐར་ཐུག་སྒྲུབ་བརྒྱུད་བསྟན་པའི་སྲོག་བཟུང་བ། །གཏེར་ཆེན་བླ་མའི་བཀའ་དྲིན་ལྕིད་གཞལ་ན། །ལྷུན་པོའི་གཏོས་ཀྱང་ཤིན་ཏུ་ཡང་བར་རྟོག །གསུམ་པ་གང་ཞིག་སྒྲུབ་པའི་རྟེན་གཙུག་ལག་ཁང་ལ་གཉིས། ཇི་ལྟར་འདུ་བགྱིས་པ། དེ་དང་རྗེས་སུ་འབྲེལ་པ་རྣམས་ཀྱི་བཞུགས་ཚུལ་དཀར་ཆག་སྨོས་པའོ། །དང་པོ་ནི། ཐོག་མར་རི་ཁྲོད་སྔ་མའི་ཤུལ་དུ་གཤག་མིག་མཚོན་བྱེད་གཅིག་གཉིས་འདུག་པ་ལ་ཡང་བཟོ་ཕྲན་བུ་བགྱིས་ནས་སྒྲུབ་པ་ལོ་ཤས་དགེ་སྦྱོར་འཕེལ་བར་བྱུང་ཐོབ། འདོན་སྒྲུབ་མཁན་དང་བྲིས་པ་སྡོད་གནས་སོགས་མ་བྱས་ཀ་མེད་རྣམས་རིམ་པར་བཅོས་པའི་འོག་ཁང་སྐོར་གྱི་གཙོ་བོ་རང་གི་སྒྲུབ་ཁང་བང་བའི་ནང་དུ། དོན་གྲུབ་ས་མོ་ལུག་གི་དཔྱིད་སོས་གནས་ཞལ་རྒྱས་པར་དབྱེ་བའི་སྔ་ལོག་ཏུ་གཏེར་ཆེན་རིན་པོ་ཆེའི་བཀའ་ལྟར་མ་མགོན་ཟུང་གི་རྟེན་བཅའ་བ་དང་འབྲེལ་པར་མགོན་ཁང་དུ་བགྱིས་པ་ནི་འདིའི་ལྷ་ཁང་དང་སྒྲུབ་པའི་སྡེ་གསར་འཛུགས་རྣམས་ཀྱི་ཐོག་མ་ཡིན་ལ། སླར་གཏེར་ཆེན་རིན་པོ་ཆེ་གུ་རུ་སྣང་སྲིད་ཐམས་ཅད་ཟིལ་གྱིས་གནོན་པའི་སྐུར་བཞེངས་ནས་ལྷ་སྲིན་དམ་འདོགས་ཀྱི་བཀའ་ནན་རབ་ཏུ་བརྗིད་པ་ལན་དགུ་མཛད་པ་དང་འབྲེལ་བར་

― LT38_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་ལག་ཁང་གི་ས་གཞིའི་ཁྱོན་ཐམས་ཅད་ལ་བཀྲ་ཤིས་པའི་མེ་ཏོག་གི་ཆར་ཆེན་པོ་བསྙིལ་ཏེ་བྱིན་གྱིས་བརླབས། ནག་པ་ཟླ་བའི་དཀར་ཕྱོགས་ཀྱི་ཚེས་བཅུ་གཟའ་སྐར་འཕྲོད་སྦྱོར་ཤིན་ཏུ་དགེ་བར་སྒྲུབ་ཁང་ཆེན་མོའི་རྡོ་རྗེ་སློབ་དཔོན་སྡེ་སྣོད་གསུམ་གྱི་གླེགས་བམ་སྤང་ཕུག་ཀརྨ་ངེས་དོན་གཙོར་མཛད་བསྙེན་སོང་གི་སྒྲུབ་བླ་མ་རྣམས་ནས་བཀྲ་ཤིས་པའི་གསོ་སྦྱོང་སྔོན་ཏུ་འགྲོ་བ་ཅན་གྱི་བཅོམ་ལྡན་འདས་འཁོར་ལོ་སྡོམ་པའི་སྒོ་ནས་ས་སློང་བ་སྦྱོང་བ་བཟུང་ཞིང་སྲུང་བ་རྣམས་ལེགས་པར་མཛད། དེའི་ཉ་ལ་རང་ཉིད་དང་འཚོགས་ཆེན་གྱི་རྡོར་སློབ་ལུང་རྟོགས་ཡོན་ཏན་གྱི་གཏེར་མཛོད་ཀརྨ་རཏྣ་སོགས་བསྙེན་སོང་ཁ་ཅིག་གིས་དཔལ་དུས་ཀྱི་འཁོར་ལོའི་སྒོ་ནས་ས་ཡི་ཆོ་ག་དང་སྒྲུབ་མཆོད་རྒྱས་པར་བགྱིས་ཤིང་། བླ་མ་དགོངས་པ་འདུས་པའི་སྒོ་ནས་ཀྱང་ས་ཆོག་དང་རྗེས་སུ་འབྲེལ་བར་གཏེར་བུམ་ཁྱད་པར་ཅན་མང་དུ་སྦས། དེ་ནས་བསྟན་པའི་སྲོག་ཤིང་དབོན་སྤྲུལ་རིན་པོ་ཆེས་ཐུགས་རྩོལ་གནང་སྟེ་ལྷ་ཁང་གི་ཁྱམས་དང་བཅས་པའི་ཕྱི་ཁོག་བླ་བྲང་ནས་གྲུབ་པར་མཛད། དེའི་རྗེས་འབྲེལ་དུ་རང་གི་སྒྲུབ་ཁང་བང་ཆུང་གིས་མཚོན་པའི་བར་ཁང་སྤོང་བ་པའི་ཁོར་ས་རྣམས་རང་ཉིད་ནས་རྩོལ་བ་དང་བླ་བྲང་ནས་ཀྱང་མཐུན་རྐྱེན་གནང་། གསེར་ཟངས་ལས་བཅོས་པའི་པུ་ཤུའི་རྒྱན་དང་ཉེ་སྲས་དགུ་ཐང་ཡང་དག་སྤར་སོགས་རང་གི་ཉེ་དུ་གཡུང་

― LT38_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུང་ཚུལ་ཁྲིམས་ནས་བསྒྲུབས། གཞན་ཁང་བཟོའི་ཞིབ་ཚགཀུན་དགའ་ར་བ་དང་མཆོད་ཁྲིས་མཚོན་ཤིང་ལས་ཆེ་ཕྲ། སྒོ་ལྕགས་སོགས་མགར་ལས་ཆེ་ཕྲ། ཚོན་རྩི་དང་ལྷ་བཟོའི་བྱ་བ། མདོར་ན་རྟེན་བཞག་ཏུ་བྱུང་བའི་སྐུ་བརྙན་ཞལ་ཐང་མཆོད་ཆ་རོལ་མོའི་རིགས་འགའ་ཞིག་མ་གཏོགས་རྟེན་བརྟེན་པ་ཡོངས་སུ་རྫོགས་པ་རང་ཉིད་ཀྱིས་རྩོལ་བ་བྱས་ཏེ་རིམ་གྱིས་གྲུབ་པའོ། །གཉིས་པ་ནི། གཙུག་ལག་ཁང་གི་ཕྱིའི་རྒྱན་གྱི་གཙོ་བོ་རྡོ་རྗེ་ནོར་བུའི་ཏོག་གི་མཚོན་བྱེད་གསེར་འཕྲུའི་འོག་བཞི་བང་ཆུང་ནང་དུ། བླ་མའི་ཐུགས་སྒྲུབ་བར་ཆད་ཀུན་སེལ་གྱི་རིག་འཛིན་ཁྱད་པར་འཕགས་པའི་ལས་ཚོགས་སུ་བཤད་པ་ལྟར་གནས་ཆེན་བྱིན་འབེབས་ཀྱི་ཆོག །སྒྲོམ་བུའི་དབུས་སུ་དཀྱིལ་འཁོར་མཚན་ཉིད་དང་ལྡན་པ་བཞེངས་པའི་ལྷ་གནས་རྣམས་སུ། ལྷ་ཤིང་གི་བྱང་བུ་ལ་གཙོ་འཁོར་སོ་སོའི་སྐུ་དང་རྒྱབ་ངོས་སུ་སྔགས་བྱང་ཤམ་བུ་བཅས་གསེར་དངུལ་ལས་རང་གིས་ལག་བསྟར་དུ་བྲིས་པ་བཙུགས་ཤིང་གཏེར་རྫས་བསླད་མེད་གཙོར་གྱུར་རིང་བསྲེལ་བཞི་དམ་རྫས་རིན་ཆེན་སྨན་འབྲུ་དར་ཟབ་སོགས་ཀྱིས་བཀང་བ། ཕྱོགས་བཞིར་རྒྱལ་ཆེན་གྱི་རྟེན་དང་བཅས་པ་དང་། གཏེར་ཆེན་རཏྣ་གླིང་པའི་ཕུར་པ་ཡང་གསང་བླ་མེད་ཀྱི་ལས་ཚོགས་སུ་གསུངས་པ་གླང་ཆེན་བཀྲ་ཤིས་འབྱུང་བའི་རྒྱུད་དོན་ལྟར། ཆོས་འཁོར་རྣམ་གསུམ་གཙོས་

― LT38_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་ཤིང་བྱིན་རླབས་ཆགས་པའི་ས་སྣ་མཐའ་ཡས་པ་ལས་གླང་པོ་ཆེའི་གཟུགས་ལུ་གུ་ཙམ་བཅོས་པའི་ནང་གི་སྟོད་ཀྱི་ཆར། བསོད་ནམས་གླང་པོ་སྟོབས་བསྐྱེད་ཀྱི་འཁོར་ལོ་གཏེར་ཁ་གསར་རྙིང་གི་ལུགས་སོ་སོ་རྗེ་བླ་མ་འཇམ་དབྱངས་མཁྱེན་བརྩེས་བཅའ་སྒྲུབ་གནང་བ་དང་། ནོར་ལྷའི་རིགས་ཀྱི་སྲོག་གཟུངས། བཀྲ་ཤིས་བརྩེགས་པའི་གཟུངས་རྣམས་ཚར་གྲངས། ཡབ་སྲས་རྣམས་ཀྱིས་རབ་གནས་སྐབས་ཆེད་སྒྲུབ་གནང་བའི་ཕྱག་ནས་དང་། ཇོ་ཤཱཀ་སོགས་ལ་སྐུ་ཁྲུས་གསོལ་བའི་ཁྲུས་ཆབ་དྲི་བཟང་ཕུར་མ། དར་ཟབ་སྨན་འབྲུ་རིན་པོ་ཆེ་ཟས་སྣ་ཚོགས་ཚད། སྨད་ཀྱི་ཆར་གཙུག་ཏོར་རྣམ་རྒྱལ་དང་སྟོབས་པོ་ཆེའི་གཟུངས། ཟློག་པ་དང་ཡང་ཟློག་གི་རིགས། ཆེད་དུ་བཅོས་པའི་མཚོན་ཆ་སྣེ་ཚང་བཅས་ཀྱིས་བཀང་བའི་གླང་ཆེན་བཅས་ཆོག་ཏུ་གྲགས་པ་འདུ་བགྱིས་ཤིང་། དེ་གཉིས་ཀའང་སྦྱོར་དངོས་རྗེས་ཀྱི་བྱ་བ། དུས་ཀྱི་ཁྱད་པར། ཆོ་གའི་ཚུལ་རྣམས་སོ་སོའི་གཞུང་ལས་བཤད་ཚོད་ལྟར་མ་ཆད་བར་བགྱིས་ནས་བདེན་པའི་མཐུ་བསྐུལ་ཏེ་རྒྱལ་ཁམས་བདེ་བའི་སྨོན་ལམ་ནན་ཏུ་བཏབ་ཅིང་བརྟན་པར་བཞུགས་པར་བགྱིས་པའོ། །དེ་དག་གི་དགོས་པའང་སྔ་མ་ནི་ཞལ་གདམས་སྙིང་བྱང་ལེའུ་བཅུ་གཅིག་པ་ལས། ཨེ་མ་ངོ་མཚར་རྨད་ཀྱི་ཕུལ༔ བྱིན་རླབས་ཆོ་ག་འདི་ལྡན་ན༔ ས་ཕྱོགས་

― LT38_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

གང་དང་གང་ཡིན་ཀྱང་༔ རང་བྱུང་གདོད་ནས་གྲུབ་པ་ཡི༔ ཡུལ་ཆེན་རྣམས་དང་དབྱེར་མེད་ཅིང་༔ ཁྱད་པར་གནས་རྟེན་ཉམས་པ་གསོ༔ བྱིན་རླབས་ལྡན་པ་གོང་དུ་འཕེལ༔ དམ་སྲི་འབྱུང་པོས་ཉེ་མི་ནུས༔ བཀྲ་ཤིས་བྱིན་ཆགས་ཉམས་དགར་འགྱུར༔ གནས་ཀྱིས་གང་ཟག་བྱིན་རླབས་པས༔ གནས་དེའི་ཉེ་སྐོར་ཚུན་ཆད་དུ༔ རང་བཞིན་གནས་པའི་དུད་འགྲོ་ཡན༔ ཐམས་ཅད་རྩ་གསུམ་ལྷ་ཚོགས་ཀྱི༔ ཡེ་ཤེས་ཆེན་པོས་རྗེས་འཛིན་ན༔ རྩེ་གཅིག་བསྒོམ་དང་བསྒྲུབ་པ་ཀུན༔ མྱུར་དུ་མཆོག་དང་ཐུན་མོང་གི༔ དངོས་གྲུབ་འགྲུབ་པ་སྨོས་ཅི་དགོས༔ བར་ཆད་སེལ་ཞིང་བསམ་དགུ་འགྲུབ༔ མདོར་ན་མང་དུ་སྨོས་ཅི་དགོས༔ པདྨ་འོད་དང་དབྱེར་མེད་པའི༔ སྣོད་བཅུད་དག་པའི་ཞིང་དུ་འགྱུར༔ མཐོང་ཐོས་དྲན་རེག་གྲོལ་བའི་ཕྱིར༔ གཞན་དོན་ཕྲིན་ལས་རླབས་པོ་ཆེ༔ སྒྲུབ་པའི་གདམས་པ་མཐར་ཐུག་གོ༔ ཞེས་གསུངས་པ་ལྟར་དང་། ཕྱི་མ་ནི་སའི་དགྲ་དང་ས་དམིགས་ཀྱི་གཉན་ཆ། ལྷ་འདྲེ་འགྱུ་སྲང་དུ་ཐུག་པའི་ཀོ་ལོང་། དུས་འཁྲུགས་དགྲ་སྲི་ཁ་སྨྲ་ཟློག་ཅིང་གནས་ཁང་ལོངས་སྤྱོད་དང་ལྡན་ལ་མཐའ་བརྟན་པ་དང་མི་ཤིས་པ་ཐམས་ཅད་ཤིས་པར་བྱེད་ཅིང་། བཀྲ་ཤིས་པ་དང་ཡོན་ཏན་ཐམས་ཅད་འགྲུབ་པར་བྱེད་པ་སྟོབས་ཆེན་བཀྲ་ཤིས་ཀྱི་རྟེན་འབྲེལ་མཆོག་ཏུ་གྱུར་པར་གསུངས་སོ། །གསེར་

― LT38_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུ་ནི་གཙུག་ལག་ཁང་མཛེས་བྱེད་ཀྱི་རྒྱན་ཙམ་དུ་གྱུར་པས་ནང་གཞུག་གི་ཚུལ་དམིགས་སུ་མ་བཤད་ཀྱང་ལེགས་པའི་ཡན་ལག་ཏུ་རིང་བསྲེལ་གྱི་སྙིང་པོ་ཅན་ཏུ་བགྱིད་པའི་ཕྱག་ལེན་གྱི་རྒྱུན་བཞིན་དེ་བཞིན་གཤེགས་པའི་གདུང་ཡུངས་འབྲུ་ལྟ་བུ་དང་། རྩ་བ་གསུམ་གྱི་གཟུངས་སྔགས། གཟུངས་ཆེན་སྡེ་ལྔ་ཆ་གྲངས་ཀྱིས་གཙོར་བྱས་རིང་བསྲེལ་རྣམ་པ་བཞི་སྟོད་སྨད་གོ་རིམ་མ་ལོག་པར་བཅུག་ཅིང་། བླ་མ་དགོངས་འདུས་རྒྱུད་དགུ། མཚན་བརྗོད་གླེགས་བམ་སོགས་གསར་རྙིང་རྒྱུད་ཀྱི་ཡང་སྙིང་ཆེས་ཟབ་པ་རྣམས་དང་། གྲོང་ཁྱེར་སྒྲོལ་བའི་འཁོར་ལོ་སོགས་ཙཀྲའི་རིགས་གྲོལ་བ་བཞི་ལྡན་གྱི་ཕན་ཡོན་ཁྱད་པར་ཅན་རྣམས་དང་། ལྷག་པར་གཙུག་ཏོར་གདུགས་དཀར་གྱི་འཁོར་ལོ་ཆ་བདུན། རྒྱལ་མཚན་རྩེ་མོའི་དཔུང་རྒྱན་གྱི་མདོ་གཟུངས་རས་དཀར་ལ་བཏབ་པ། བླ་མ་དགོངས་པ་འདུས་པ་དང་ཐུགས་རྗེ་ཆེན་པོའི་མཐོང་གྲོལ་ཙཀྲ་ཚད་ལྡན་ཏུ་བསྒྲུབས་པ། གུར་དྲག་ཡེ་ཤེས་རབ་འབར་གྱི་རྩ་རྒྱུད་གླེགས་བམ་རྣམས་ན་བཟའ་དང་ལྡན་པ། ཁྲོ་པུ་སེམས་དཔའ་ཆེན་པོའི་དབུ་ལྗོན་ལས་གྲུབ་པའི་ཐུབ་པའི་དབང་པོའི་སྐུ་བརྙན་ཁྲོ་ཕུ་ཐོག་ཐུབ་མར་གྲགས་པའི་སྨན་སྐུ་ཁྱད་པར་ཅན་བཞུགས་སྒྲོམ་དང་བཅས་པ། བུ་སྟོན་ཐམས་ཅད་མཁྱེན་པས་རྒྱུད་སྡེ་རྣམས་ཀྱི་དགོངས་པ་བསྡུས་པ་ཐོག་དང་ས་

― LT38_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོས་སོགས་གནོད་པ་སྲུང་བའི་ཙཀྲ་ལུང་བསྟན་མ་བཅས་གཞུག་པར་བགྱིས་ཤིང་། དགུན་ཟླ་ར་བའི་ཡར་ཚེས་འགྲུབ་པའི་སྦྱོར་བ་ལ་འཛུགས་སྟོན་དང་འབྲེལ་བར་རབ་ཏུ་གནས་པ་དང་། དམིགས་བསལ་གདུགས་དཀར་གྱི་རྒྱལ་མཚན་འཛུགས་པའི་ཆོ་ག་ལེགས་ལྡན་གྱི་གཏོར་འབུལ་དང་བཅས་པ། རྒྱལ་མཚན་རྩེ་མོའི་ཆོ་ག །གཏེར་གསར་ཐུགས་སྒྲུབ་གནས་ཆེན་བྱིན་འབེབས། དགོངས་འདུས་དང་ཡེ་འབར་གྱི་གཙུག་ལག་ཁང་མཐོང་གྲོལ་གྱི་ཆོ་ག་རྣམས་ཀྱང་དཔོན་སློབ་ཁ་ཤས་ཀྱིས་ཉིན་གསུམ་དུ་བསྒྲུབས་པར་བགྱིས་སོ། །མགོན་ཁང་གི་ཕྱི་རྟེན་བོད་སྔགས་རྙིང་པ་རྣམས་ཀྱི་ཕྱག་ལེན་རྔ་ཐུག་གི་རྒྱལ་མཚན་ལ་བཤད་ཁུངས་ཆེ་བས་ལུགས་སུ་ཐུན་མོང་གི་རུ་མཚོན་ཏུ་གྲགས་པའང་ལུགས་དེ་དང་། སྨིན་གླིང་གཏེར་ཆེན་གྱི་གསུང་རབས་གཏེར་གསར་ཟབ་བདུན་གྱི་ཆ་ལག་ལས་དམིགས་སུ་བྱུང་བ་རྣམས་གུང་སྤྲོས་ཏེ། ཐུག་དབུས་མར་མྱུར་མཛད་ཡེ་ཤེས་ཀྱི་མགོན་པོ། རྡོ་རྗེ་བེར་ཅན། ཕྱག་བཞི་པ། ཚོགས་བདག་བཀའ་གཏེར། མ་ནིང་སོགས་མགོན་ཆེན་རྣམས་དང་། གཡས་ཡེ་ཤེས་ཀྱི་མ་མོ་སྔགས་ཀྱི་སྲུང་མ། དཔལ་ལྡན་ལྷ་མོ་རང་བྱུང་མ་སོགས་མོ་རྒྱུད་རྣམས་དང་། གཡོན་གཟའ་དམ་ཅན་ཞིང་སྐྱོང་སོགས་དྲེགས་པ་སྤྱིའི་རྟེན་ཏུ། སོ་སོའི་སྐུ་གཟུགས། སྲོག་འཁོར། མེ་

― LT38_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ལོང་སྙིང་པོ་ཅན། རིག་འཛིན་རོལ་པའི་རྡོ་རྗེའི་གཏེར་བྱོན་ཆོས་སྐྱོང་ཕོ་རྒྱུད་མོ་རྒྱུད་སྤྱིའི་སྲོག་འཁོར་མགོ་ལག་དང་གཡེར་ཁའི་ཆུན་འཕྱང་། རུ་མཚོན་གྱི་རྒྱན་སོགས་འདུ་བགྱིས་ནས་སོ་སོར་སྦྱོང་ཁྲུས་སྔོན་ཏུ་འགྲོ་བའི་བསྐྱེད་བསྟིམ་སྔགས་རྒྱུན་དང་འབྲེལ་བའི་རབ་གནས་སོགས་ལོ་མཇུག་ཡར་མར་གྱི་མགོན་སྒྲུབ་རྣམས་ཀྱི་སྐབས་སོགས་སུ་ཡིད་ཆེས་བགྱིས་ནས་གཟའ་ཚེས་བཟང་པོ་ལ་འཛུགས་པའི་སྐབས་སུའང་གོང་སྨོས་དེ་དག་སོ་སོ་ལས་ཇི་ལྟར་བཤད་པའི་ཆོ་ག་གསར་རྙིང་སོ་སོར་ཆད་ལུས་མེད་པར་བསྒྲུབས་པའོ། །གནས་སྒོ་འབྱེད་པ་དང་གཙུག་ལག་ཁང་བརྩེགས་པའི་སྔ་རོལ་དུ་འབུར་མོ་བྲག་དཀར་གྱི་ཟབ་གཏེར་ལས་བྱོན་པའི་ལུང་བྱང་ལྟར་ཞིང་སྐྱོང་ལྷན་ཅིག་སྐྱེས་མ་གནས་འཆའ་བའི་ལྗོན་ཤིང་བྷ་ཊའི་རྩ་བར་ལྷ་རྟེན་གྱི་ནང་དུ་སྨུག་ནག་ཁྲོས་པའི་རྒྱལ་མོ་སྔགས་སྲུང་རྡོ་རྗེ་རལ་གཅིག་མའི་བླ་རྡོ་སྲོག་འཁོར་གྱིས་མཚོན་པའི་རྟེན་རྣམས་ཚད་ལྡན་དུ་སྦྱར་བ་དང་། སྔགས་སྒྲ་སྒྲོག་པའི་ཆུ་བོ་རྣམ་བཞིའི་ཡ་གྱལ་རུ་ལུའི་སྒྲ་ལྡན་ནད་གདོན་ཀུན་སེལ་གྱི་ཁྲུས་ཆུང་ངོས་འཛིན་གནང་བའི་ཉེ་ལོགས་ཀྱི་ཀླུ་རྟེན་ཏུ། ལས་འབྲེལ་རྩལ་གྱི་གཏེར་བྱོན་གསང་བདག་དྲེགས་འདུལ་གྱི་ལས་ཚོགས་སྨིན་གླིང་རྒྱལ་སྲས་པདྨ་འགྱུར་མེད་རྒྱ་མཚོས་གོ་བདེའི་ལག་ལེན་ཏུ་བསྡེབས་པ་ཀླུ་ཆོག་གདེངས་ཅན་

― LT38_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩི་ལས་ཇི་ལྟར་བཤད་པ་ལྟར། ཀླུ་གཏའ་སྡོམ་པའི་གཏེར་བུམ་དགུ་ས་ལེ་སྦྲམ་གྱི་གླང་དམར་སོགས་ལ་གཟུངས་སྔགས་འདོད་གསོལ་ནང་བཅུད་གཙང་ལ་དག་པ་འདུ་བགྱིས་ཤིང་། ཁྱད་པར་སེང་བྲག་གཏེར་བྱོན་འཕགས་པ་ཀླུ་སྒྲུབ་ཀྱི་ཀླུ་སྨན་རིལ་བུ་རྩ་བའི་གཏའ་སྤེལ་སེང་གེ་སྒྲའི་གཟུངས་འབུམ་ཕྲག་གིས་བསྒྲུབས་པའི་བྱིན་ལྡན་གྱིས་བཀང་བ་རྣམས་དང་། ཆུ་བོ་འདི་ཉིད་མཁར་ནག་རྡོ་རྗེ་རྒྱལ་པོའི་བསྟི་གནས་ཡུལ་ཕྱོགས་འདིའི་ཆུ་བོ་རྣམས་ཀྱི་ནང་ནས་གཉན་ཤོས་ཡིན་པའི་སྟབས་ཇོ་བོ་སྔགས་བདག །གཉན་ཆེན་མཁར་ནག་གི་སྒེར་བུམ་རེ་རེ། ཀླུ་ནོར་སྤྱན་གཟིགས་དཀོར་ཆའི་ཚོགས་ཀྱིས་གཏམས་ཏེ་ལྷ་ཀླུ་རྟེན་གཉིས་ཀའང་གཏེར་ཆེན་ཉིད་ཀྱིས་བཙུགས་པའི་སྐབས་སུ་ནམ་མཁའ་དྭངས་པ་ལ་འཇའ་ཚོན་ཡ་མཚན་པ་ཤར་ཅིང་མེ་ཏོག་གི་ཆར་ཟིམ་བབས་པ་དང་། དེ་ཕྱིན་ཆད་ནས་ཤར་ངོས་ཀྱི་ཆུའང་ལྷག་པར་རྒྱས་པ་མཐུན་སྣང་དུ་གྲུབ་པ་ཡིན་ནོ། །འདིས་ནི་གནས་དེ་དང་ཡུལ་ཕྱོགས་ཀུན་ལ་ཀླུའི་ནད་དང་གནོད་པ་སྔར་ཡོད་པ་ཞི་ཞིང་གསར་དུ་མི་འབྱུང་བ་དང་། ཆར་ཆུ་དུས་སུ་འབེབས་ཤིང་ལོ་ཕྱུགས་ལེགས་པ་དང་། འདོད་རྒུའི་དཔལ་འབྱོར་ཕུན་སུམ་ཚོགས་པའི་དགོས་པ་ཆེན་པོ་དང་ལྡན་པས་བོད་ཡུལ་གྱི་ཆེན་པོ་རྣམས་ཀྱིས་ཀྱང་གནས་དང་ཕོ་བྲང་གི་ཉེ་ལོགས་སུ་སྤྲོས་པ་རྒྱས་

― LT38_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བཀོད་སྒྲུབ་བགྱིས་པ་ལྟར་མཆོག་ཕལ་ཀུན་ལ་གནད་གལ་དང་ལྡན་པ་ཉིད་དོ། །ལྷ་དབང་བསྟི་བའི་རྣམ་རྒྱལ་ཁང་བཟང་དང་། །འབོད་གྲོགས་གཟུགས་ཤར་ནོར་བུའི་རྩིག་པ་ཡང་། །དཀོན་མཆོག་རཏྣས་ལྕི་བའི་ཁང་དྲུང་ན། །ལྟར་སྣང་མཛེས་པ་དབང་པོའི་གུར་ཁྱིམ་བཞིན། །རིང་ནས་བརྣག་པའི་ངལ་བ་མ་བསྟེན་ཅིང་། །དཀའ་དགུས་རྩོལ་སྒྲུབ་ཆེ་ཐང་མ་བྱས་པར། །རླན་དྲོད་འཛོམ་པས་ས་ལ་མྱུ་གུ་བཞིན། །སྨོན་ལམ་རང་གཟུགས་ཡིད་དང་མཐུན་པར་སྣང་། །ཉི་འོད་འགོག་བྱེད་གསེར་སྦྱངས་རྒྱན་མཛེས་ཤིང་། །རྟེན་མཆོག་ནོར་བུའི་སྒྲོན་མེས་ཕྱུར་བུར་གཏམས། །ལེགས་པའི་ཆ་རྫོགས་ཉི་ཟླའི་ཁང་བཟང་འདི། །ས་སྟེང་དུས་ཀྱི་མུན་པ་སྣང་བའི་གཉེན། །ཁྱིམ་གྱི་འདུ་འཛིས་གཡེང་བའི་ས་མཁར་དང་། །ཆགས་སྡང་གནས་གཞི་ལེགས་ཀྱང་སྡིག་པའི་རྒྱུ། །ལྟར་སྣང་བདེ་ལས་རིང་སོང་བཤད་སྒྲུབ་གནས། །བརྩིགས་པའི་བསོད་ནམས་རྒྱལ་བས་གཞལ་དཀར་བསྔགས། །བཞི་པ་དེ་ལ་བརྟེན་པ་སྐུ་ཕྱག་རྒྱའི་དཀར་ཆག་བཤད་པ་ལ་གསུམ། གཙོ་བོ་ཧེ་རུ་ཀ་གསུམ་གྱི་སྣང་བརྙན་ཇི་ལྟར་བསྒྲུབས་པའི་ཚུལ། དེ་དག་གི་ནང་གཞུག་རིང་བསྲེལ་རྣམ་ལྔའི་དཀར་ཆག་དངོས། ཞར་བྱུང་སྐུ་བརྙན་གཞན་གྱི་ཚུལ་དང་རྟེན་དང་མཆོད་པའི་ཡོ་བྱད་བཅས་མདོ་ཙམ་སྨོས་

― LT38_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །དང་པོ་ནི། དེ་ལ་འབྱོར་ལྡན་ཆེན་པོ་རྣམས་ཀྱི་ལུགས་བཞིན་ཏུ་གསེར་དངུལ་གྱི་སྐུ་གཟུགས་དངོམ་ཆེན་བཞེངས་པའི་མཁོས་ནི་མེད་ཅིང་། རང་སྟོབས་དང་སྦྱར་བའི་ཇི་ཙམ་འོས་པ་འགྲུབ་ཏུ་རུང་ནའང་། ཨོ་རྒྱན་ཆེན་པོའི་ཞལ་ནས། །ཞེས་གསུངས་པ་ལྟར་སྙིགས་མའི་དུས་ངན་འདི་ལྟ་བུར་ལ་ལའི་དགེ་བ་ལ་ལའི་སྡིག་པའི་རྒྱུར་འགྲོ་བ་མང་བས་ས་རྡོ་སོགས་ལས་བཞེངས་པ་བསོད་ནམས་ཀྱི་སྒོ་མཉམ་ཞིང་འདོད་ཅན་གྱིས་བཅད་གཏུབས་སོགས་སྡིག་པ་གསོག་དཀའ་བ་དང་། རིན་པོ་ཆེ་དང་ས་རྡོ་ལས་བྱས་པ་གཉིས་ཀའང་ཡེ་ཤེས་པ་འཇུག་པའི་སྒོ་མཐུན་པས་ཕྱི་མའི་རྒྱུ་ལས་མི་རུང་བའམ་ཕན་ཡོན་མེད་པའང་མ་ཡིན་ཏེ། རྒྱུད་རྒྱལ་གསང་བ་སྙིང་པོ་ལས། ས་ལ་སོགས་ལས་ཕྱག་རྒྱ་བྱས། །རྣམ་གྲོལ་རིམ་པ་འཐོབ་འགྱུར་ན། །དག་པའི་ཡེ་ཤེས་ཀྱིས་སྦྱངས་པ། །སྨོས་ཅི་དགོས་ཏེ་དེ་ཉིད་ཡིན། །ཅེས་སོགས་མདོ་རྒྱུད་ཀུན་ནས་གསལ་བར་གསུངས་པས་ཆོས་འཁོར་རྣམ་གསུམ་གཙོས་ཆོས་རྒྱལ་མེས་དབོན་གྱིས་བཞེངས་པའི་སྐུ་བརྙན་རྣམས་ཀྱང་རིན་

― LT38_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་བསྲེས་པའི་ལྡེར་སྐུ་འབའ་ཞིག་ཡིན་པས་མཐའ་དབུས་ཀུན་ཏུ་ད་ལྟའང་བརྟན་པར་བཞུགས་པ་མངོན་སུམ་གྱིས་གྲུབ་པ་དང་། ལྷག་པར་འདིའི་སྐུ་རྒྱུ་གཏེར་ནས་དམིགས་སུ་བྱོན་པ་ལ་བརྟེན་གཙུག་ལག་ཁང་གྲུབ་པའི་ཕྱི་ལོར་ལྡེར་བཟོའི་སྟ་གོན་ལ་ཞུགས་ཏེ། ཐོག་མར་འོག་གཞི་བརྩིགས་ཤིང་གཏེར་བུམ་འཇོག་པ། པད་གདན་གྱི་ནང་དུ་ནོར་ལྷའི་རྟེན་གཞུག་པ་སོགས་དང་། རྒྱལ་དབང་ཀརྨ་པ་ཆེན་པོ། ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོ། གཏེར་ཆེན་མཆོག་གྱུར་གླིང་པ་རྣམས་དང་། ཁོ་བོ་ཅག་ནས་ཀྱང་སྐུ་རྒྱུ་བྱིན་རླབས་སྔ་རྗེས་མང་དུ་བགྱིས། ལྕགས་ཕོ་སྤྲེའུའི་ལོ་རྒྱ་རྩིས་པའི་སྟོན་ར་སྤྲེལ་གྱི་ཟླ་བའི་ཚེས་བཅུ་ལ་རྒྱུད་རྣམ་པར་དག་ཅིང་ལུང་རྟོགས་ཀྱི་ཡོན་ཏན་དང་ལྡན་པའི་སྒྲུབ་བླ་མ་བཞི་སྡེས་བཀྲ་ཤིས་པའི་གསོ་སྦྱོང་སྔོན་ཏུ་འགྲོ་བའི་གནས་བརྟན་གྱི་ཆོ་ག་རྒྱས་པ་དང་འབྲེལ་པར་མདོ་རྒྱུད་ལས་འབྱུང་བའི་ཞལ་ནས་གསུངས་པའི་ཤིས་པ་བརྗོད་པས་མེ་ཏོག་གི་ཆར་བསྙིལ་བས་རུ་ཤིང་དང་སྲོག་ཤིང་བརྟན་པར་བཙུགས། བཟོ་བོ་དང་ལག་ཆ་བྱིན་རླབས་ཀྱང་ལེགས་པར་བགྱིས་ཏེ་ནང་གཞུག་རྣམས་སྦྱོང་ཁྲུས་དང་རབ་གནས་སྔོན་ཏུ་འགྲོ་བས་གོ་རིམ་མ་ནོར་ཞིང་མགོ་གཞུག་མ་ལོག་པ་དང་། ཆུད་ཟོས་སུ་མི་འགྱུར་བར་སོ་སོར་གཞུག་སྒྲོམ་གླེགས་ཤིང་ན་བཟའ་ཇི་ལྟར་

― LT38_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

འོས་པའི་སྲི་ཞུ་དང་བཅས་ཏེ་གཟུངས་སྔགས་ཀྱི་རིགས་བཟླ་བཞིན་པར་རང་ཉིད་དང་སྒྲུབ་བླ་ཚད་ལྡན་རྣམས་ཀྱིས་བཞུགས་སུ་གསོལ། །གོ་སྟོད་འོད་འབར་བྲག་གི་གཏེར་བྱོན་གུ་རུའི་སྐུ་ཚབ་ཀྱི་རྒྱུ་དང་པོ་དང་དུར་ཁྲོད་ཆེན་པོ་བརྒྱད་ཀྱི་ས་རྡོ། འདི་གའི་དཔལ་ཆེན་པོ་རང་བྱུང་གི་ཕྲག་གཡས་ནས་སྐུ་རྒྱུར་དམིགས་བསལ་དངོས་གྲུབ་ཏུ་བབས་པའི་ཡུལ་ཆེན་དྲུག་ཅུ་རྩ་བཞིའི་ས་སྣ་ཆུ་སྣ། ན་བུན་རྫོང་གི་གཏེར་བྱོན་པོ་ཏ་ལའི་ས་རྡོ་མྱང་གྲོལ་རྣམས་གཙོར་བྱས། གཞན་ཡང་ས་ཆུ་འབྱུང་བཅུད་ཀུན་འདུས་ཀྱི་རིལ་བུ་འདོད་འཇོའི་ལྗོན་ཤིང་གི་དཀར་ཆག་ཏུ་གསལ་བའི་རྒྱ་བོད་ཀྱི་གནས་རྟེན་ཆོས་འཁོར་ཁྱད་པར་ཅན་རྣམས་ཀྱི་ས་ཆུ་རྡོ་ཤིང་མཐའ་ཡས་པ་རྣམས་དང་། རིང་བསྲེལ་བཞི། བདུད་རྩི་ལྔ། སྐྱེ་བདུན་དང་ཆོས་སྨན། བསྒྲུབས་པའི་དམ་རྫས་ཀྱི་རིགས་དུ་མས་མཚོན་བྱིན་རྟེན་ཁྱད་པར་འཕགས་པ་རྣམས་དང་། བཟང་པོ་དྲུག་འབྲས་བུ་གསུམ་ཙནྡན་དང་གུར་གུམ་གཙོ་བོར་གྱུར་པའི་བཟང་སྨན་ཕུར་མ་བུངས་ཆེན། གསེར་དངུལ་གྱི་ཕྱེ་མ་མང་ཙམ་སོགས་རིན་པོ་ཆེའི་ཕྱེ་མ་རྣམས་བྱིན་གྱིས་བརླབས་པའི་སྐུ་འདེར་ལ་བསྲེས་ཏེ་དུས་འཁོར་དང་སྡོམ་འབྱུང་སོགས་ལས་བཤད་པའི་ཆགས་ཚད་ཀྱི་ཁོངས་ནས་དྲངས། ཞི་ཆགས་ཁྲོ་བོའི་ཉམས་སོ་སོ་དང་ལྡན་ཅིང་གཙང་སྒྲོས་ཐོན་པའི་ཐོག་ཚད་མར་

― LT38_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

འབུར་བཟོའི་རིག་བྱེད་པ་རྣམས་ཀྱིས་འདུ་བགྱིས་ཏེ་ཚོན་དང་བཅས་དགུན་ཟླ་ར་བའི་ཡར་ངོ་ལ་ལེགས་པར་གྲུབ་པའོ། །གཉིས་པ་ལ་གཉིས། སྲོག་ཤིང་སྤྱིར་བཤད། ནང་གཞུག་བྱེ་བྲག་ཏུ་བཤད་པའོ། །དང་པོ་ནི། སྒྲུབ་ཁང་འདི་ཉིད་ཀྱི་རྟེན་གྱི་གཙོ་བོ་དཔལ་ཆེན་ལྷ་ཁང་རྡོ་རྗེ་བཀོད་པ་འཆི་མེད་དགའ་བའི་ཚལ་གྱི་གུང་དུ་བཞུགས་པའི་སྐུ་རྟེན་ཆེན་མོ་གསུམ་ཀའི་ནང་གཞུག་གི་གཙོ་བོ་སྲོག་ཤིང་ནི། གནས་ཆེན་ཙཱ་འདྲ་རིན་ཆེན་བྲག་གི་བྱང་ཤར་རིགས་གསུམ་མགོན་པོའི་གནས་ཀྱི་ཉེ་འདབས་ནས་བཏུས་ཤིང་ཚད་ལྡན་འདུ་བགྱིས་པ་ལ། གཞི་སེང་བྲག་གཏེར་བྱོན་ཙནྡན་དམར་པོ་དང་པོ་ཏ་ལའི་ཙནྡན་དཀར་དམར་རྣམས་ཀྱི་ཁུ་བས་བྱུགས་པའི་སྟེང་། ཆོས་འཁོར་རྣམ་གསུམ་རྟེན་གཙོ་རྣམས་ཀྱི་ཞལ་གསེར་དང་། འབུར་མོའི་གཏེར་བྱོན་མཁའ་འགྲོ་ཡེ་ཤེས་མཚོ་རྒྱལ་གྱི་གསང་ཆབ་གསེར་འགྱུར་གཅིག་ཏུ་བསྲེས་པས་གཙུག་ཏོར་ལ་ཧཾ། རྩེ་མོའི་ཕྱོགས་བཞིར་དབུས་ལྔར་དཔའ་བོ་འབྲུ་ལྔ། གནས་ལྔར་ཨོཾ་ཨཱཿཧཱུྃ་སྭཱ་ཧཱ། ཐུགས་ཀར་སོ་སོའི་རྩ་སྔགས་སྙིང་པོ་ཉེ་སྙིང་སོགས། གནས་གསུམ་དུ་འབྲི་བར་འོས་པའི་གཟུངས་རྣམས་དང་། ཕྱོགས་བཞིར་གཙུག་ཏོར་དྲི་མེད། གཙུག་ཏོར་རྣམ་རྒྱལ། གསང་བ་རིང་བསྲེལ། བྱང་ཆུབ་རྒྱན་འབུམ་རྣམས་ཀྱི་གཟུངས་རིང་ཐུང་

― LT38_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀ །མདུན་ཕྱོགས་རྟེན་འབྲེལ་སྙིང་པོ་དང་། སུ་པྲ་ཏིཥྛ་བཅས་འབྲི་བྱའི་གཙོ་བོ་རྣམས། ཐམས་ཅད་མཁྱེན་པ་རྒྱལ་དབང་ཀརྨ་པས་བཀའ་དྲིན་ཏུ་སྩལ་ཞིང་འཕྲོས་ཐམས་ཅད་རང་ཉིད་ཀྱིས་ལ་ཉ་ཝར་གྱི་གཟུགས་དག་པར་བྲིས། རྩ་བར་སྲོག་ཤིང་བརྟན་པའི་སྔགས་ཚར་བདུན་རེ། རྣམ་གཟིགས་ལ་སོགས་སངས་རྒྱས་རབ་བདུན་གྱི་གསོ་སྦྱོང་ཚིགས་སུ་བཅད་པ་ཚར་གསུམ་རེ། མཆོག་གི་རིན་ཆེན་སྣ་ལྔ་དར་སེར་པོའི་ན་བཟའ་དང་བཅས་བཞུགས་སུ་གསོལ་བའོ། །གཉིས་པ་ལ་གསུམ། རྡོར་སེམས། ཡང་དག །བདེ་མཆོག་གི་ནང་གཞུག་གོ། །དང་པོ་རིགས་དང་དཀྱིལ་འཁོར་ཐམས་ཅད་ཀྱི་ཁྱབ་བདག་བཅོམ་ལྡན་འདས་དཔལ་རྡོ་རྗེ་སེམས་དཔའ་ཧེ་རུ་ཀ་བདེ་བ་ཆེན་པོའི་སྣང་བརྙན་བཀྲ་ཤིས་དཔལ་འབར་གྱི་གདན་ཁྲིའི་ནང་དུ། བོད་ཡུལ་ས་འོག་ཀུན་གྱི་གཏེར་གཅིག་བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཞལ་གདམས་སྙིང་བྱང་ཕྲིན་ལས་སྣ་ཚོགས་ལྷུན་གྱིས་གྲུབ་པ་ཡིད་བཞིན་སྒྱུ་འཕྲུལ་དྲྭ་བའི་རིམ་པར་ཕྱེ་བ་བཅུ་བདུན་པ་ལས་བཤད་པའི་བཀྲ་ཤིས་གཏེར་བུམ་ཆེན་མོའི་བཅས། དབུས་སུ་བསོད་ནམས་གླང་པོ་སྟོབས་སྐྱེད་ཀྱི་ཙཀྲ་དང་འབྱུང་ལྔའི་སྙིང་པོ་སོགས་ཞི་རྒྱས་དབང་གི་ཕྲིན་ལས་ཁྱད་པར་བའི་རྫས་སུམ་ཅུ་རྩ་ལྔ། ཕྱོགས་མཚམས་རྣམས་སུ་ཡུལ་ཁམས་ཐམས་ཅད་

― LT38_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲུང་བ་བཀྲ་ཤིས་གདུགས་ཀྱི་ཙཀྲ། བློ་དང་ཤེས་རབ་ཀྱི་སྟོབས་རྒྱས་པ་བཀྲ་ཤིས་གསེར་ཉའི་ཙཀྲ། འདོད་རྒུ་ཡིད་བཞིན་འཇོ་བ་བཀྲ་ཤིས་བུམ་པའི་ཙཀྲ། བརྟན་གཡོའི་ཕུན་ཚོགས་དབང་སྡུད་བཀྲ་ཤིས་པདྨའི་ཙཀྲ། སྙན་གྲགས་སྲིད་གསུམ་ཁྱབ་པ་བཀྲ་ཤིས་དུང་གི་ཙཀྲ། ཚེ་དང་བསོད་ནམས་རྒྱས་པ་བཀྲ་ཤིས་དཔལ་བེའུའི་ཙཀྲ། ཕྱོགས་ལས་རྣམ་པར་རྒྱལ་བ་བཀྲ་ཤིས་རྒྱལ་མཚན་གྱི་ཙཀྲ། ཆོས་སྲིད་མངའ་དབང་སྒྱུར་བ་བཀྲ་ཤིས་འཁོར་ལོའི་ཙཀྲ་བརྒྱད་པོ་སོ་སོའི་རྫས་ཁྱད་པར་བ་རྣམས་དང་། ཀུན་ལ་ཐུན་མོང་དུ་འབྱུང་བཞིའི་གནོད་པ་སེལ་ཞིང་དྭངས་བཅུད་འགུགས་པའི་ཙཀྲ་རྫས་སོ་སོ་དང་བཅས་པ། ཁ་བསྒྱུར་རྟེན་འབྲེལ་གྱི་ལས་ཀྱི་ནང་ཚན་ཉེས་པ་ཐམས་ཅད་སེལ་བ་དང་། བོད་ཁམས་སྤྱི་དང་བྱེ་བྲག་ཡུལ་ཕྱོགས་དེ་ཉིད་བདེ་བར་བྱེད་པའི་གཟུངས་དང་རྫས་རྣམས་མ་འཁྲུལ་ཞིང་ཚང་བར་གཞུག་པའི་གཏེར་བུམ་དགུ་པོ་ཚད་ལྡན་ཏུ་བསྒྲུབས་པ་སླར་ཡང་མཆོད་བསྟོད་བརྟན་བཞུགས་ཤིས་བརྗོད་དང་འབྲེལ་བར་བཞུགས་པར་བགྱིས་པ་ནི། གཞུང་ལས། ཡུལ་ཁམས་སྤྱི་དང་བྱེ་བྲག་ལ༔ དགེ་ཞིང་མཆོག་ཏུ་ཤིས་པ་དང་༔ ཁྱད་པར་གནས་ཁང་གཙུག་ལག་སོགས༔ གང་ལ་ཚུལ་འདི་བསྒྲུབས་པ་ཡིས༔ ཆོས་སྲིད་དཔལ་འབྱོར་རིང་གནས་ཤིང་༔ བཀྲ་ཤིས་

― LT38_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་ཆགས་དགེ་ལེགས་འཕེལ༔ ཚེ་རིང་ནད་མེད་འཐབ་རྩོད་བྲལ༔ མདོར་ན་སྲིད་དང་ཞི་བ་ཡི༔ ཕུན་ཚོགས་ཐམས་ཅད་ངང་གིས་འདུ༔ བསྐལ་པའི་བར་དུ་གནས་པར་འགྱུར༔ ཅེས་གསུངས་པ་ལྟར་སྒོ་དུ་མ་ནས་དགོས་པ་ཕན་ཡོན་ཆེན་པོ་དང་ལྡན་པའོ། །པད་གདན་གྱི་ནང་དུ་མགོན་པོ་དངོས་གྲུབ་འབྱུང་རྒྱུད་ལས་གསུངས་པའི་ཛམ་དཀར་ལྷ་ལྔ་དཔལ་ཇོ་བོ་རྗེའི་ལུགས་ཀྱི་ལས་སྦྱོར་གའུ་ལྔ་སོ་སོར་རྗེ་བཅུ་གསུམ་པ་བདུད་འདུལ་རྡོ་རྗེའི་ཕྱག་བཏབ་དང་རབ་གནས་གནང་བའི་ཛམ་དཀར་གྱི་སྨན་སྐུ་ལ་བཀྲས་ལྷུན་ནོར་བུའི་རྡུལ་ཕྱིས་དང་ལུང་ཟིན་ཆོས་རྒྱལ་བསྟན་པ་ཚེ་རིང་གིས་དབུས་གཙང་གི་རྟེན་རྣམས་ལ་རྡུལ་ཕྱིས་མཛད་པའི་དར་དཀར་གྱི་ན་བཟས་དྲིལ་བ་སོགས་གཙོ་འཁོར་ལྔ་པོའི་འདེར་སྐུ་སྲོག་འཁོར་གཡང་རྫས་སོགས་ཀྱིས་གཏམས་པ་གྲུབ་པའི་སློབ་དཔོན་པདྨ་གསང་སྔགས་བསྟན་འཛིན་གྱིས་བདུན་ཕྲག་གཅིག་ཏུ་བསྒྲུབས་པ་དང་། དཔའ་བོ་གཅིག་གྲུབ་ཀྱི་རྒྱུད་དང་འཕགས་འགྲེལ་དགེ་བའི་འདོད་འཇོ་ལས་བཤད་པ་བཞིན་གནོད་སྦྱིན་ཕོ་དགུ་མོ་དགུ་ཡབ་ཡུམ་སྦྲགས་པ་དང་། ཡབ་རྐྱང་། ཡུམ་རྐྱང་ཁ་སྦྱོར་གྱི་འཕྲུལ་འཁོར་རིན་པོ་ཆེ་ལས་བཅོས་ཤིང་མངར་གསུམ་གྱི་རྩི་དང་དར་གྱི་ན་བཟས་བཀླུབས་ཏེ་སྒྲུབ་པ་ཚུལ་བཞིན་བགྱིས་པ་རྣམས་ཀྱང་དབུས་དང་གཡས་གཡོན་ཏུ་ལག་ལེན་གྱི་རྒྱུན་ལྟར་

― LT38_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲམ་པའི་མཐའ་བསྐོར་དུ་སྣམ་རས་ཀྱི་སྣོད་མང་པོར་ཀར་འབྲུག་གཞུང་ས་རྩེ་ཤོད་བཀྲས་ལྷུན་སོགས་མདོ་དབུས་གཙང་གསུམ་གྱི་ཆེ་དགུ་རྣམས་དང་། ལྷ་ལྡན་སོགས་ཚོང་དུས་ཆེན་པོ་རྣམས་ལས་བྱུང་བའི་གསེར་དངུལ་གཡུ་བྱེར་དུང་ཤེལ་གོས་དར་ཐེར་ཕྲུག་སྣེ་ཚང་བ་དང་། རྒྱ་བལ་བོད་རྒྱ་ནག་གི་སྨན་རིགས་ཁྲོལ་བུ། ཇོ་ཤཱཀ་རྣམས་ཀྱི་གསོལ་ལྷུང་གི་འབྲུ་དང་གདན་ས་ཐེལ་གྱི་ཟད་མེད་འབྲུའི་བང་མཛོད་ཀྱི་འབྲུ་སོགས་འབྲུ་སྣའི་རིགས་རྒྱ་བོད་རྒྱལ་རོང་འཇང་རྣམས་ནས་བྱུང་བ་དང་། དེ་དག་ལས་བྱུང་བའི་ཤིང་ཏོག་དང་དཀར་མངར་ཟས་སྣའི་རིགས་དུ་མ་བཟང་ཇ་ཁྱད་པར་ཅན་གྱི་རིགས་ཁྱད་པར་སེང་བྲག་གཏེར་བྱོན་རྒྱལ་ཆེན་ཨིནྡྲ་བྷཱུ་ཏིའི་རིན་ཆེན་རིལ་བུ་རྩ་བའི་གཏའ་སྤེལ་དང་རིན་ཆེན་མང་སྦྱོར་ཆེན་མོ། །ཀུན་མཁྱེན་བསྟན་པའི་ཉིན་བྱེད་དང་ཆོས་རྒྱལ་བློ་གྲོས་རྒྱ་མཚོ་མཆོད་ཡོན་ནས་ལྕང་ར་ལྷ་ཀླུ་འཆི་མེད་དགའ་ཚལ་སོགས་སུ་སྦྱར་བའི་རིན་ཆེན་རིལ་ནག་ཆེན་མོ་དང་མང་སྦྱོར། རྒྱལ་དབང་བཅུ་བཞི་པས་གདན་ས་བར་པར་དེང་སང་ཉ་ཕྱིས་ཀྱི་དུམ་བུ་ལྟ་བུའི་ཕ་ལམ་ཕལ་པ་དང་། ཤེལ་རིགས་ཕྱོགས་མཐུན་ལ་ཨིནྡྲ་ནཱི་ལ་སོགས་ཡིན་པར་རློམ་པ་ཙམ་མ་ཡིན་པར་གསེར་སྲང་བརྒྱ་ཕྲག་ལས་བརྒལ་བའི་རིན་ཐང་ཅན་གྱི་རྡོ་རྗེ་ཕ་ལམ་མཐེ་བོང་ཙམ་པ་དང་། རྒྱ་མཚོ་མཐའ་ནས་བྱུང་བའི་པདྨ་

― LT38_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

རཱ་ག་མུན་པ་ལ་འོད་འབར་བ་མཐེའུ་ཆུང་གི་རྩེ་ཙམ་པ་དང་། ཨིནྡྲ་ནཱི་ལ། མརྒད། པུཥྤ་རཱ་ག་སོགས་ཀྱང་མ་འཁྲུལ་བའི་དངོས་པོ་རིན་ཐང་ཤིན་ཏུ་ཆེ་བ་འབའ་ཞིག་སྦྱར་བར་མཛད་པའི་རིན་ཆེན་རིལ་ནག་ཆེན་མོ་དང་མང་སྦྱོར་གྱི་རིལ་བུ་རྣམས་དང་། སེང་བྲག་སོགས་གཏེར་ཁ་འགའ་ཞིག་ལས་བྱུང་བ་པོ་ཏ་ལའི་འབྲུ་སྨན་བརྟན་གཡོའི་དྭངས་བཅུད་དང་གོང་གསལ་རྣམས་ལ་གཞི་བྱས། ཡར་ལུང་དང་ཟོ་དང་གི་ཞིང་ས་སོགས་ཡུལ་དགེ་བ་དང་ཕྱུག་པོ་མང་པོའི་ཞིང་ས། རྟ་ཕྱུག་མང་པོའི་སྤུ་སྣ་མདོ་དབུས་གཙང་གསུམ་གྱི་དཀར་སྣ། སྐྱེས་ཆེན་རྣམས་ཀྱི་བཞེས་འཕྲོ། ཆེ་དགུ་མང་པོའི་སྟོན་མོའི་ཟས་སྣ། གཞུང་སའི་འབྲུ་མཛོད་དང་འབྲས་མཛོད་ནས་བྱུང་བས་མཚོན་ཕྱུག་པོ་མང་པོ་དང་སྡེ་མང་གི་ནས་སྣ། རྒྱ་ནག་ཕོ་བྲང་གི་གཡང་རྫས། གངས་ཅན་ཏུ་ཡོངས་སུ་གྲགས་པའི་གཙུག་ལག་ཁང་དང་ཕོ་བྲང་རྣམས་ཀྱི་ཁང་ས་དང་ཐབ་ས། གངས་རྒྱལ་ཏི་སེ་ནས་བྱུང་བའི་ཁྱུང་སྐྱུག་དང་ཧ་ཤིག་དཀར་དམར། གྲུ་གུ་དང་ཆབ་མདོའི་གཡང་མཚོ་ནས་བྱུང་བའི་ཤེལ་རིགས་ཀྱི་རིན་པོ་ཆེ་ངོ་མཚར་བ་སོགས་ཕྱོགས་སུ་སྦྱར་བ་གཡང་རྫས་ཀུན་འདུས་དཔལ་ཆེན་རིལ་བུའི་དཀར་ཆག་ཏུ་བཤད་པའི་གཡང་རྫས་མ་ཚང་བ་མེད་པ་རྣམས་དང་། ས་ཆུ་འབྱུང་བཅུད་ཀུན་འདུས་ཀྱི་རིལ་བུ་འདོད་འཇོའི་ལྗོན་ཤིང་གི་དཀར་ཆག་ཏུ་གསལ་བའི་

― LT38_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཆུ་རྡོ་ཤིང་གི་རིགས་ཚད་མེད་པས་གཏམས་པར་བགྱིས་པའོ། །སྐུ་བརྙན་དངོས་ལ་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོར་ལྷུན་གྱིས་གྲུབ་པའི་མཚོན་བྱེད་གནས་ལྔར་ཁྱད་པར་ཅན་གྱི་རྟེན་ལྔ་བཞུགས་པ་སྟེ། དེའང་དབུའི་དཔྲལ་བར་རྒྱལ་དབང་བདུད་འདུལ་རྡོ་རྗེ་ཞྭ་དམར་ཆོས་གྲུབ་རྒྱ་མཚོ་ཀུན་མཁྱེན་བསྟན་པའི་ཉིན་བྱེད་འབྲུག་ཆེན་ཆོས་ཀྱི་སྣང་བ་རྣམས་ཀྱི་ན་བཟའ་ལས་གྲུབ་པའི་ཞྭ་ཁྲ་སྐྱབས་མགོན་རྡོ་རྗེ་འཆང་པདྨའི་མཚན་ཅན་གྱི་རྒྱུན་བཞེས་ཤིན་ཏུ་བྱིན་ལྡན། མགྲིན་པར་རིག་འཛིན་ཆེན་པོ་འོད་གསལ་སྤྲུལ་པའི་རྡོ་རྗེས་ཀློང་གསལ་སྤྲུལ་པའི་བརྡ་རིས་ལས་ཐོག་མར་ཕབ་པའི་ཕྱག་བྲིས་མཁའ་འགྲོའི་ཁ་རླངས་ཅན་ལྕེ་བཙུན་ཆེན་པོའི་བི་མ་ལའི་ཟབ་ཏིག་མན་ངག་ཐམས་ཅད་ཀྱི་རྒྱལ་པོ་ཀློང་ལྔའི་ཡི་གེ་དུམ་བུ་གསུམ་པའི་གླེགས་བམ། ཐུགས་ཀར་པདྨ་འོད་གསལ་མདོ་སྔགས་གླིང་པ་ལ་རྡོ་རྗེ་གཡུ་སྒྲོན་མས་དངོས་སུ་ཕུལ་བའི་རྡོ་རྗེ་སེམས་དཔའི་སྐུ་བརྙན་སྐལ་ལྡན་རྒྱལ་པོ་ཛཿའི་ཐུགས་དམ་ཨཏྨ་གྷ་ལས་གྲུབ་པ་གྲོལ་བ་བཞི་ལྡན་ཡེ་ཤེས་སེམས་དཔའ་དངོས་དང་ཁྱད་པར་མ་མཆིས་པ་དང་། ཨོ་རྒྱན་ཆེན་པོས་ལྷ་སྲས་དམ་འཛིན་ལ་ཐུགས་དམ་དུ་སྩལ་བ་བླ་མ་དགོངས་འདུས་ཀྱི་སྒྲུབ་རྟེན་མེ་ལོང་མཚན་ཉིད་དང་ལྡན་པ་ཁྱད་འཕགས་གཏེར་ཆེན་མཆོག་གྱུར་གླིང་པའི་གཏེར་བྱོན། ལྟེ་བར་

― LT38_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་འཆང་པདྨ་དབང་ཆེན་གྱི་མཆོད་ཞལ་རིན་པོ་ཆེ་གཡང་ཊེའུ་ལས་གྲུབ་པ་ཆུ་གླང་ལོའི་དཔྱིད་སོར་འབྱུང་འགྱུར་གྱི་རྟེན་འབྲེལ་ལ་དགོངས་ཤིང་དུས་མཁྱེན་པས་ནང་བཅུད་བཅས་བཀའ་དྲིན་ཏུ་སྩལ་བ་ལ་གཏེར་བྱོན་བདུད་རྩི་ཆོས་སྨན་དང་། ཉེར་ལྔའི་རྫས་ཁྱད་པར་ཅན་གྱིས་ཕྱུར་བུར་གཏམས་པ། གསང་གནས་སུ་ཁྱུང་རས་འོད་གསལ་ཀློང་ཡངས་ཀྱི་མགུལ་ཕུར་བྱིན་རླབས་ཅན་གཏེར་བྱོན་ཡིན་ངེས། འོག་མིན་ཨོ་རྒྱན་སྨིན་གྲོལ་གླིང་ནས་རྟེན་འབྲེལ་གྱི་དགེ་མཚན་བཅས་ཕེབ་པ་རྣམས་སོ་སོར་འཚམས་པའི་བཞུགས་སྒྲོམ་དུ་དྲི་བཟང་གི་ཕུར་མ་དང་ན་བཟའ་གོས་དར་གྱིས་ཀླུབས་ཏེ་བཞུགས་སུ་གསོལ་བའོ། །ནང་གཞུག་སྤྱིར་བྱང་ཆུབ་སྙིང་པོ་རྒྱན་འབུམ་གྱི་ཆོ་ག་ཞིབ་མོ་རྒྱ་ནག་འགྱུར་ལས། ཆོས་སྐུའི་རིང་བསྲེལ་དང་། ཆོས་ཀྱི་རིང་བསྲེལ་དང་། སྐུ་གདུང་གི་རིང་བསྲེལ་དང་། སྐུ་བལ་གྱི་རིང་བསྲེལ་དང་། ཡུངས་འབྲུ་ལྟ་བུའི་རིང་བསྲེལ་ལྔར་གསུངས་པའི་དང་པོ་སཱཙྪ་མཆོད་རྟེན་སོགས་ཆོས་སྐུའི་རྟེན། གཉིས་པ་གཟུངས་སྔགས་དང་གླེགས་བམ་སོགས་ཆོས་ཀྱི་རྟེན། གསུམ་པ་ས་ལ་གནས་པ་སོགས་གང་ཟག་ཁྱད་པར་ཅན་ཡིན་ངེས་པ་རྣམས་ཀྱི་གདུང་རུས་དབུ་ཀླད་སྐུ་ཤ་སོགས། བཞི་པ་གང་ཟག་དེ་ལྟ་བུའི་དབུ་ལོ་ན་བཟའ་སྐུའི་ཉེར་སྤྱད། ལྔ་པ་སངས་རྒྱས་ཀྱི་རིང་བསྲེལ་ལྟ་བུ་འཕེལ་གདུང་དུ་གྲགས་པ་རྣམས་ལ་

― LT38_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་སྔ་མ་རྣམས་ཀྱིས་ངོས་བཟུང་ཞིང་ཕྱག་ལེན་ཏུ་བསྟར་བར་མཛད་པ་ལྟར་འདིར་ཡང་གཙོ་བོར་རིང་བསྲེལ་རྣམ་ལྔ་ཇི་ལྟར་ནུས་པ་འདུ་བགྱིས་ཤིང་། གནོད་སྦྱིན་ནོར་མཛོད་སོགས་ཕྱུག་པོ་དང་བཙན་པོ་རྣམས་ཀྱི་མཛད་པའི་རྣམ་ཐར་སྤོང་བ་པས་མི་འཁྱོངས་པས་དཀའ་དགུས་ཆེ་ཐང་དུ་ཚོལ་བའི་ངལ་བ་མ་བགྱིས་པར་རང་བཞིན་ཞོར་ལས་འབྱོར་པ་ཙམ་ཞིག་འདུ་བྱས་པའོ། །དེ་ལ་རིང་བསྲེལ་རྣམ་ལྔའི་ཐོག་མ་ཡུངས་འབྲུ་ལྟ་བུའི་རིང་བསྲེལ་ནི། དབུའི་གཙུག་ཏོར་དུ། འོག་མིན་མཚུར་ཕུའི་རྟེན་ཁྲོད་ནས་བྱོན་པའི་དེ་བཞིན་གཤེགས་པའི་རིང་བསྲེལ་རྡོག་གཅིག །ཨོ་རྒྱན་སྨིན་གྲོལ་གླིང་གི་རྟེན་ཁྲོད་ནས་བྱོན་པའི་སངས་རྒྱས་ཀྱི་རིང་བསྲེལ་རྡོག་གཅིག །རིག་འཛིན་འཇའ་ཚོན་སྙིང་པོས་ཙཱ་རི་ཕོ་བྲང་གཡུ་མཚོ་ནས་སྤྱན་དྲངས་པའི་སངས་རྒྱས་ཤཱཀྱ་ཐུབ་པའི་རིང་བསྲེལ་འབྲུག་ཆེན་རིན་པོ་ཆེའི་ཕྱག་ནས་ཕེབ་པ་གཅིག །ཁྲག་འཐུང་བདུད་འདུལ་ནུས་ལྡན་རྡོ་རྗེའི་གཏེར་བྱོན་སངས་རྒྱས་འོད་སྲུང་གི་རིང་བསྲེལ་རྡོག་གཅིག །དེ་ཉིད་ཀྱི་གཏེར་བྱོན་སངས་རྒྱས་དཔའ་བོ་བདུན་གྱི་རིང་བསྲེལ་རྟེན་འདམ་རིལ་བུ་རྡོག་གཅིག །གཏེར་ཆེན་མཆོག་གྱུར་བདེ་ཆེན་གླིང་པས་རྒྱམ་རྒྱལ་གནོད་སྦྱིན་ཆེན་པོའི་གངས་ཞོལ་འགྱུར་མེད་གཏན་འཁྱིལ་གཡུ་མཚོ་ནས་སྤྱན་དྲངས་པའི་སངས་རྒྱས་འོད་སྲུང་གི་རིང་

― LT38_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེལ་གཏའ་སྤེལ་དུ་སྦྱར་བའི་རིལ་བུ་རྡོག་བདུན། དེ་ཉིད་ཀྱིས་ཙཱ་འདྲ་རིན་ཆེན་བྲག་མགུལ་ནས་སྤྱན་དྲངས་པའི་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་གདུང་དང་རིང་བསྲེལ་མཐའ་དག་འདུས་པའི་དམ་རྫས་རིན་པོ་ཆེའི་ཏོག་རྩ་བའི་གཏའ་སྤེལ་གྱི་རིལ་བུ་རྡོག་ཉེར་གཅིག་རྣམས་སོ་སོར་དྲི་བཟང་ཕུར་མ་དར་གྱི་ཐུམ་དང་བཞུགས་སྒྲོམ་ལྡན་པ། ཞར་བྱུང་འཕགས་ཡུལ་ལྗོན་ཤིང་གི་འབྲས་བུ་བཅས་བཞུགས། ཆོས་སྐུའི་རིང་བསྲེལ་དངོས་སཱཙྪ་དང་ཕྱོགས་གཏོགས་སྐུ་ཕྱག་རྒྱའི་སྐོར་ནི། རྗེ་ཐམས་ཅད་མཁྱེན་པ་གྲུབ་དབང་རྡོ་རྗེ་གཟི་བརྗིད་ཞབས་ལ་ཆེད་དུ་གསོལ་བ་བཏབ་པ་ཐུགས་རྗེ་ཆེན་པོས་གཟིགས་ཏེ་བཀའ་དྲིན་ཏུ་སྩལ་བའི་དཀར་ཆག་རྗེ་ཉིད་ཀྱིས་གནང་བ་འདི་ལྟ་སྟེ། རྡོ་རྗེ་གསུམ་གྱི་སྣང་བརྙན་རབ་འབྱམས་ཙིནྟ་མ་ིའི་ཕུང་པོ་གྲུབ་པ་མཆོག་གི་ཞལ་སྐྱིན་གྱི་དཀར་ཆག་ཀུན་ཏུ་དགེ་བ་ལྷའི་རོལ་མོ་ཞེས་བྱ་བ། ཨོཾ་སྭ་སྟི་སིདྡྷཾ། རྡོ་རྗེའི་སྐུ་དང་ནཱ་དའི་གསུང་། །འོད་གསལ་རྟག་པ་དམ་པའི་ཐུགས། །མངོན་སུམ་སྣང་བའི་དགེ་མཚན་གྱིས། །ཕན་བདེའི་པདྨོ་རྒྱས་གྱུར་ཅིག །དེ་ལ་གཟུངས་གཞུག་གི་གནས་གསུམ་བྱིན་རླབས་རིགས་གསུམ་གྱི་སྐུའི་ཕབ་གཏར། ཐོག་མར་མཆོད་རྟེན་གྱི་ཏོག་ནས་བྲེའི་བར་དང་། སྐུ་གཟུགས་ལྟ་བུའི་དཔྲལ་བར་བཞག་རྒྱུ་སྐུ་རྡོ་རྗེ་རྣམ་པར་སྣང་མཛད། འཇམ་

― LT38_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་ཨ་ར་པ་ཙ་ན་ཆེ་ཆུང་། འཇིགས་བྱེད་ཞལ་ཕྱག་ཡོངས་རྫོགས། དཔའ་བོ་གཅིག་པ། གཙུག་ཏོར་རྣམ་རྒྱལ་ཆེ་ཆུང་རྣམས་ལ། གཏེར་གསར་གཟི་བརྗིད་སྐྱེད་པ་སྐུ་ཡི་རིལ་བུ། སྔ་ཕྱིར་སྦྱར་བའི་སྐུ་གདུང་རིང་བསྲེལ་ཀུན་འདུས། སྐུ་བ་ལ་རིང་བསྲེལ་ཀུན་འདུས། དམ་རྫས་དཔལ་གྱི་སྙིང་པོ་རྣམ་སྣང་རིལ་བུ། པྲ་བྷ་ཧ་སྟིའི་གདུང་རིལ། པྲ་བྷ་ཧ་སྟིའི་རྣམ་སྣང་རིལ་བུ། འོད་སྲུང་དང་ཐུབ་པའི་སྐུ་ཆོས་རིལ་བུར་དྲིལ་བ། སྐྱེ་བདུན་དང་སྐུ་ཤའི་རིལ་བུ། བོ་དྷི་ས་ཏྭའི་ཆོས་གོས། ཁྲི་སྲོང་གདུང་རུས་རིལ་བུ། འཇམ་དབྱངས་རིལ་བུ་ཤེས་རབ་དཔལ་སྐྱེད་རྣམས་དང་།། ༈ །།མཆོད་རྟེན་ལྟ་བུའི་བྲེ་དང་། སྐུ་གཟུགས་ལྟ་བུའི་མགྲིན་པར་བཞག་རྒྱུ་གསུང་རྡོ་རྗེ་སྣང་བ་མཐའ་ཡས། འོད་དཔག་མེད། ཚེ་དཔག་མེད་ཆེ་ཆུང་། སྤྱན་རས་གཟིགས་ཆེ་ཆུང་། རྟ་མགྲིན། སྒྲོལ་དཀར་ཡིད་བཞིན་འཁོར་ལོ་ཆེ་ཆུང་རྣམས་ལ། ཚངས་དབྱངས་སྐྱེད་པ་གསུང་གི་རིལ་བུ། ཆོས་ཀྱི་རིང་བསྲེལ་ཀུན་འདུས་རིལ་བུ། སྣང་མཐའ་རིལ་བུ། ཚེ་རྫས་ཀུན་འདུས་རིལ་བུ། ཆོས་གླིང་གཏེར་བྱོན་ཚེ་རྫས་ཧྲཱིཿརྒྱ་ཅན། སྒྲོལ་དཀར་ཚེ་བཅུད་རིལ་བུ། གཏེར་གསར་ཚེ་རྫས་རིལ་བུ། གཡུ་བྲག་ནས་སྤྱན་དྲངས་པའི་ཚེ་རྫས་ཟླ་བའི་སྙིང་པོ། མ་ར་ཏི་

― LT38_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

ཀའི་ཚེ་བཅུད་རིལ་བུ། མ་ི་རིལ་བུ། འཁོར་བ་དོང་སྤྲུགས་རིལ་བུ། སློབ་དཔོན་རིན་པོ་ཆེའི་ཤངས་མཚལ་རིལ་བུ་རྣམས་དང་།། ༈ །།མཆོད་རྟེན་གྱི་བུམ་པ་དང་། སྐུ་གཟུགས་ཀྱི་ཐུགས་ཀར་བཞག་རྒྱུ་ཐུགས་རྡོ་རྗེ་མི་བསྐྱོད་པ། རྡོ་རྗེ་སེམས་དཔའ། ཕྱག་རྡོར་ཞི་བ། ཁྲོ་བོ་འབྱུང་པོ་འདུལ་བྱེད་ཆེ་ཆུང་། སཱཙྪ་ཆེ་ཆུང་རྣམས་ལ། བདེ་ཆེན་སྐྱེད་པ་ཐུགས་ཀྱི་རིལ་བུ། ཡུངས་འབྲུ་ལྟ་བུའི་རིང་བསྲེལ་ཕྱོགས་བསྡུས་རིལ་བུ། བྱང་སེམས་ཟླ་ཐིག་རིལ་བུ། གཏེར་གསར་བདེ་བར་གཤེགས་པ་ཐམས་ཅད་ཀྱི་གདུང་གི་རིལ་བུ་དམ་རྫས་རིན་པོ་ཆེའི་ཏོག །སློབ་དཔོན་རིན་པོ་ཆེའི་ཆོམས་ལས་བྱུང་བའི་རིང་བསྲེལ་གྱི་འཕེལ་ཕྱེ་བསྲེས་པའི་རིལ་བུ། དགའ་རབ་རྡོ་རྗེའི་ཐུགས་ཀྱི་དྭངས་མ་གདུང་རྟེན་རིལ་བུ། སངས་རྒྱས་གསང་བའི་རྡོར་སེམས་རིལ་བུ། སློབ་དཔོན་པྲ་བྷ་ཧ་སྟིའི་གསང་ཆབ་རིལ་བུ། གུ་རུ་ཡབ་ཡུམ་བྱང་སེམས་རོལ་པ་ཆེན་པོ། མཚོ་རྒྱལ་གསང་ཆབ་རིལ་བུ་རྣམས་དང་། དེ་ཐམས་ཅད་ལ་ཐུན་མོང་དུ། དམ་རྫས་ཨུ་དུམྦཱ་ར། བུམ་ཆུ་ཁྲུས་ཆབ་ཀུན་འདུས། སྨན་གྱི་ཕབ་གཏའ་བུམ་རྫས་རིལ་བུ། དཔལ་ས་སྐྱ་པ་གོང་མ་ལྔ་དང་ངོར་ཆེན་རྡོ་རྗེ་འཆང་གི་བདུད་རྩི་རིལ་བུ་སོགས་བདུད་རྩི་རིལ་བུའི་རིགས་མང་པོ། ས་ཆུ་འབྱུང་བཅུད་ཀུན་འདུས་རིལ་བུ། གཏེར་

― LT38_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་གྱི་གནས་ཡུལ་དུར་ཁྲོད་དྲུག་ཅུ་རྩ་བཞིའི་ས་སྣ་རིལ་བུ། སྐུ་ཚབ་རིན་པོ་ཆེའི་རྒྱུ་དམ་རྫས་དཔལ་གྱི་སྙིང་པོ། གཏེར་གསར་ཆོས་སྨན་ཀུན་འདུས། དམ་རྫས་མྱོང་གྲོལ་རིལ་ནག་ཕྱག་དྲིལ། པོ་ཏ་ལའི་ས་མྱོང་གྲོལ། པོ་ཏ་ལའི་འབྲུ་སྨན་རིལ་བུ། རིག་པའི་ཡེ་ཤེས་སྨན་གྱི་རིལ་བུ། ཨིནྡྲ་བྷཱུ་ཏིའི་རིན་ཆེན་རིལ་བུ། ཅུ་གང་རིལ་བུ། ཨོ་རྒྱན་སོགས་ཀྱི་སིནྡྷུ་རའི་རིལ་བུ། གི་ཝཾ་རིལ་བུ། གཏེར་བྱོན་ག་བུར་དང་ཙནྡན་དཀར་དམར། ཡང་ཕུར་གྱི་སྒྲུབ་གཏོར་ལས་བབ་པའི་བདུད་རྩི་དང་དངོས་གྲུབ་ཀྱི་རྫས། གསར་རྙིང་གི་དཀྱིལ་འཁོར་མང་པོའི་རྡུལ་ཚོན་དང་བུམ་ཆུ་སོགས་འདྲེས་པར་སྦྱར་བ་དང་།། ༈ །།གཞན་ཡང་གོང་གི་སྐུ་གསུང་ཐུགས་དང་། སྤྱི་ཁྱབ་ཀྱི་དམ་རྫས་བཅས་ཡང་རྫོགས་ལས། བླ་སྐུ། རྡོ་རྗེ་འཆང་། ཀླུ་སྒྲུབ། བི་རཱུ་པ། གུ་རུ་ཞི་བ། རཏྣའི་དྲག་དམར། དྲག་དམར་དཔའ་གཅིག །མཚན་བརྒྱད། མནྡཱ་ར། མཚོ་རྒྱལ། ཇོ་བོ་རྗེ། ས་སྐྱའི་རྗེ་བཙུན་གོང་མ་ལྔ། ངོར་ཆེན། བྱམས་པ་ཀུན་དགའ་བསྟན་འཛིན། དམ་པ་རྒྱ་གར། ལབ་སྒྲོན། མི་ལ། རྗེ་བླ་མ། གྲུབ་ཆེན་ཐང་སྟོང་པ། ཡི་དམ། ཀྱེ་རྡོ་རྗེ་ཆེ་ཆུང་། བདེ་མཆོག་ལཱུ་ཧི་པ། ལྷན་སྐྱེས། དཱ་རོ་མཁའ་སྤྱོད་སྐུ་ཆེ་འབྲིང་ཆུང་གསུམ། མཁའ་སྤྱོད་སྐོར་གསུམ། ཕག་

― LT38_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

མོ། སེང་གདོང་མ། གསང་འདུས། སངས་རྒྱས་བྱང་སེམས་སྐོར་ལ། ཐུབ་སྐུ་ཆེ་ཆུང་། ཐུབ་པ་རྡོར་གདན། སངས་རྒྱས་རིགས་ལྔ། སྨན་བླ། མི་འཁྲུགས་པ། ཚེ་ལྷ་རྣམ་གསུམ་སོགས་འདོད་ལྷ་གཙོ་བསྡུས། ངོར་མཁན་ཆེན་སངས་རྒྱས་ཕུན་ཚོགས་ལ་བཀའ་གདམས་ལྷ་བཞིས་བསྐོར་བ། རིགས་གསུམ་མགོན་པོ་བཞེངས་སྐུ། བྱམས་པ། ཡུམ་ཆེན་མོ། སྒྲོལ་ལྗང་། ཆོས་སྲུང་སྐོར་ལ། གུར་མགོན་ཆེ་ཆུང་། ཞལ་ཁྲ། ལས་གཤིན། མ་ནིང་། གཟའ། དམ་ཅན་རྡོར་ལེགས་སོགས་ཀྱི་སྣང་བརྙན་རབ་འབྱམས་ཞིག་བཞུགས་པ། མཆོད་རྟེན་གྱི་རྩེ་ནས་སེང་ཁྲི་དང་། སྐུ་གཟུགས་ཀྱི་གཙུག་ཏོར་ནས་པད་གདན་བར་གོ་རིམ་འོས་བསྟུན་གྱིས་བཞུགས་སུ་གསོལ་རྒྱུ་དང་།། ༈ །།རིག་འཛིན་དགའ་རབ་རྡོ་རྗེའི་གདུང་རྟེན་དང་། ཀུན་མཁྱེན་ཀློང་ཆེན་པའི་གདུང་རུས་ལས་སོ་སོའི་སྣང་བརྙན་ཐེག་རྩེ་ཤིན་ཏུ་རྣལ་འབྱོར་གྱི་བླ་བརྒྱུད་སོགས་སྔ་འགྱུར་གཙོ་བོར་གྱུར་པའི་རྟེན་གྱི་ནང་དུ་གཞུག་པ་དང་།། ༈ །།ཀླུ་སྒྲུབ་སྙིང་པོའི་ཀླུ་སྨན་ཕབ་གཏར་སྦྱར་བའི་ཀླུའི་རྩི་སྨན་ཕོན་མང་དུ་བསྲེས་པ་ལས། གླུ་དབང་རྒྱལ་པོ་ཆེ་ཆུང་དང་། སེང་གེ་སྒྲའི་སྣང་བརྙན་དག་ཀླུ་བུམ་སོགས་ཀྱི་ནང་གཞུག་ལ་བསྔགས་ཤིང་།། ༈ །།གཏེར་བྱོན་གི་ཝཾ་རིལ་བུ་དང་། ཀུ་རུ་ཀུལླེའི་དོན་ཀུན་

― LT38_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པ་དང་། དབང་དུ་བྱེད་པའི་རྫས་སྦྱོར། ཚོགས་བདག་གི་གཏེར་བུམ་སྒྲུབ་རྫས། འདོད་པའི་རྒྱལ་པོའི་རྗེས་གནང་སོགས་སྒྲུབ་པའི་སྐབས་ཀྱི་རྡུལ་ཚོན་དང་། མེ་ཏོག་སོགས་དབང་གི་རྫས་བྱིན་ལྡན་ལས་དམར་པོ་སྐོར་གསུམ་གྱི་སྣང་བརྙན།། ༈ །།གཡང་རྫས་དཔལ་ཅན་རིལ་བུ་དང་། ཨིནྡྲ་བྷཱུ་ཏིའི་རིན་ཆེན་རིལ་བུ་སོགས་རིན་ཆེན་རིལ་བུའི་རིགས་ཀྱིས་གཙོས་རིན་ཆེན་འབྲུ་སྨན་ལས་ཛཾ་སེར་ནག་ཆེ་ཆུང་། དཔལ་ཆེན་མོ་ནོར་རྒྱུན་མ། རྣམ་སྲས་མདུང་དམར་ཅན། མགོན་དཀར་ཡིད་བཞིན་ནོར་བུ། དུར་ཁྲོད་བདག་པོ་ཡབ་ཡུམ་བཅས་ཀྱི་སྣང་བརྙན་རྣམས་གཏེར་བུམ་གྱི་ནང་གཞུག་དང་། གནོད་སྦྱིན་བང་མཛོད་ཀྱི་ཁོར་ཡུག་དང་། སྐྱིལ་ཀྲུང་དང་པད་གདན་གྱི་མཚམས་སོགས་གང་འོས་སུ་གཞུག་རྒྱུར་བསྔགས་སོ། །དེ་ལྟ་བུའི་སྦར་སྐུ་རྣམས། ཐོག་མར་ཕབ་གཏའ་རྣམས་དང་རིན་པོ་ཆེའི་ཕྱེ་མ་ཁམ་ས་གཙང་མ་ལ་བསྲེས་ཏེ་འདྲེས་པར་བརྫིས་པ་རྒྱུ་བྱིན་གྱིས་བརླབས་པ་སྔོན་ཏུ་འགྲོ་བས། སངས་རྒྱས་ཆོས་སྐུའི་དབྱིངས་ལས་མངོན་བྱང་ལྔ་དང་། རྡོ་རྗེའི་ཆོ་ག་གསུམ་ལ་སོགས་པས་གཟུགས་ཀྱི་སྐུར་བཞེངས་པའི་མོས་འདུན་དང་། སྤྱི་དང་བྱེ་བྲག་གི་རིག་པ་བཟླ་བཞིན་ཏུ་ལག་བསྟར་ཏེ་བཏབ་ནས་སྐམ་པ་དང་ན་བཟའི་རིགས་མ་འདྲེས་པར་གསོལ། སཱཙྪ་ཆེ་བ་དང་ཐུབ་སྐུའི་ནང་གཞུག་ཏུ་

― LT38_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བར་གཤེགས་པ་ཐམས་ཅད་ཀྱི་གདུང་གི་རིལ་བུ། བདུད་འདུལ་གཏེར་བྱོན་བདེ་གཤེགས་བདུན་གྱི་གདུང་འཕེལ་རིལ་བུ། རིང་བསྲེལ་བཞིའི་རིལ་བུ། རྟེན་ཅིང་འབྲེལ་བར་འབྱུང་བའི་གཟུངས་སོགས་དང་། གུ་རུ་རིན་པོ་ཆེའི་སྐུ་ཚབ་ལ། སྐུ་ཚབ་ཀྱི་རྒྱུ་དམ་རྫས་དཔལ་གྱི་སྙིང་པོ་དང་། སློབ་དཔོན་རིན་པོ་ཆེའི་དབུ་སྐྲ། ཤངས་མཚལ། བྱང་སེམས། ཕྱག་བྲིས་ཀྱི་ཤོག་སེར། གཏེར་ཁ་སྔ་ཕྱི་ལས་བྱུང་བའི་སྐུ་བེར། སྐུ་རེག །གསང་གོས། ཞབས་ལྷྭམ་རྣམས་ནང་གཞུག་ཏུ་བཅུག་ཅིང་། ཚེ་དཔག་ཏུ་མེད་པའི་ཆོ་ག་དང་འབྲེལ་བར་རབ་ཏུ་གནས་པ་སྤྱི་དང་། བྱེ་བྲག་ཏུ་རྟེན་སོ་སོ་རེ་རེ་བཞིན་མངོན་རྟོགས་དང་མཐུན་པར་དམ་ཚིག་པ་བསྐྱེད། གནས་གསུམ་བྱིན་རླབས། ཡེ་ཤེས་པ་བསྟིམ། དབང་བསྐུར་ཞིང་རྒྱས་གདབ། སྤྱན་དབྱེ་ཞིང་མཆོད་བསྟོད་དང་སོ་སོའི་རིག་པས་མདའ་དབུལ་ཞིང་། མཐར་བརྟན་བཞུགས་བརྒྱ་རྩ་དང་བཅས་དམིགས་འདུན་ནན་ཏན་ཏུ་བགྱིས་པ་སྟེ། དེ་ལྟར་རྒྱུ་བྱིན་རླབས་དང་ལྡན་ཅིང་། ཆོ་ག་སྦྱོར་དངོས་རྗེས་གསུམ་ཚང་བའི་རྡོ་རྗེ་གསུམ་གྱི་རིང་བསྲེལ་ཁྱད་པར་ཅན་འདི་རྣམས་འཕགས་པ་གསུམ་གྱི་ཙིནྟ་མ་ིའི་སྙིང་པོ་ལྟར་བཟུང་སྟེ། མཆོད་པའི་གྲལ་དུ་བཞུགས་པ་དང་། རྟེན་གྱི་ནང་དུ་གཞུག་པ་དང་། དད་མོས་ཀྱི་རྟེན་མགུལ་དུ་འཆད་

― LT38_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སོགས་བགྱིས་པས་ཕན་བདེའི་འབྱོར་པ་ཡིད་བཞིན་ཏུ་འབྱུང་བ་ནི་ངེས་པའོ། །གང་གིས་གྲུབ་པའི་ནོར་བུའི་མཆོག །མཐོང་ཐོས་རེག་གམ་དྲན་པས་ཀྱང་། །འཇིག་རྟེན་འཇིག་རྟེན་འདས་པ་ཡི། །དངོས་གྲུབ་མཐའ་དག་འགྲུབ་གྱུར་ཅིག །ཅེས་པའང་རྗེ་བཙུན་འཇམ་པའི་དབྱངས་ཀྱི་ངོ་བོར་བཞུགས་པ་འཇིགས་བྲལ་གྱི་སློབ་དཔོན་བློ་གྲོས་མཐའ་ཡས་པའི་ཞལ་སྔ་ནས་ཀྱི་ཐུགས་བཞེད་སྐོང་བའི་ཞབས་འདེགས་སུ་གཙོ་བོར་དམིགས་པས་བྱང་དྲངས་ཏེ། རང་གཞན་གྱི་ཉེར་མཁོའི་སླད་རྡོ་རྗེ་གསུམ་གྱི་རིང་བསྲེལ་ཙིནྟ་མ་ི་འདུ་བགྱིས་པའི་ཟིན་ཐོ་ཉུང་ངུ་འདིའང་བྱ་བྲལ་བ་རྒྱལ་ཁམས་ཀྱི་དཀྱུས་སུ་ཉུལ་བའི་འཁོས་ཆུང་འཇིམ་ལས་པ་དཱ་རི་དྲ་མཉྫུ་གྷོ་ཥས་བྲིས་པ་རྟེན་འདི་རྣམས་མཐོང་ཐོས་དྲན་རེག་ཐམས་ཅད་དོན་དང་ལྡན་པར་སིདྡྷི་ར་སྟུ། སརྦ་དཱ་མངྒ་ལཾ་བྷ་བ་ཏུ། ཞེས་བཀའ་སྩལ་པ་ལྟར་ལས། སྐབས་འདིར་ཐུགས་ཀའི་ཆ་སྨད་དུ་རྒྱལ་དབང་ཀརྨ་པའི་ཕྱག་ཚ་རབ་གནས་ཅན་གསུམ། གཙུག་ཏོར་དྲི་མེད་ཀྱི་ཆོ་གས་ཚད་ལྡན་ཏུ་བསྒྲུབས་པའི་སཱཙྪ། གོང་གསལ་གྱི་ཕྱག་ཚ་ཁྱད་པར་ཅན། སྟག་ལུང་སངས་རྒྱས་དབོན་རིན་པོ་ཆེས་རྫུ་འཕྲུལ་གྱིས་ཆུ་ལ་བཏབ་པའི་སཱཙྪ་ཆུའི་ནང་དུ་གཞུག་པས་རོ་མཉམ་དུ་འདྲེས་པའི་ཆུའི་རིལ་བུ་གང་དུ་བཞུགས་ཀྱང་མེའི་འཇིགས་པ་སྲུང་ངེས་པ་བཅས་

― LT38_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། གཙུག་ཏོར་དུ་རྡོ་རྗེ་འཆང་། གཙུག་ཏོར་རྣམ་རྒྱལ་མ། རིག་འཛིན་དགའ་རབ་རྡོ་རྗེ། དཔྲལ་བར་སྐུ་རྡོ་རྗེ་རྣམ་པར་སྣང་མཛད། འཕགས་པ་འཇམ་དཔལ་དབྱངས། མགྲིན་པར་གསུང་རྡོ་རྗེ་འོད་དཔག་མེད། ཚེ་དཔག་མེད། སྤྱན་རས་གཟིགས། རྟ་མགྲིན། སྒྲོལ་དཀར་ཆེ་གཅིག །རྡོ་རྗེ་འཆང་པདྨ་ཉིན་བྱེད་ཀྱི་གདུང་རུས་ལ་བཏབ་པའི་སྒྲོལ་དཀར། འཕགས་པ་ཀླུ་སྒྲུབ། རྒྱལ་དབང་བདུད་འདུལ་རྡོ་རྗེའི་ཕྱག་བཏབ་འོད་དཔག་མེད་གཙོ་འཁོར་གསུམ་པ། ཐུགས་ཀའི་ཆ་སྟོད་དུ། གུ་རུ་ཞི་བ་དང་དྲག་པོ། གུ་རུ་མཚན་བརྒྱད། སྟག་ཤམ་གཏེར་བྱོན་སྤར་ཁང་ལ་གཏེར་གསར་སྐུ་ཚབ་རྒྱུ་རྣམས་སྦྱར་ཏེ་རྒྱལ་དབང་བཅུ་བཞི་པའི་ཕྱག་བཏབ་གུ་རུའི་སྐུ་ཚབ་ཁྱད་པར་འཕགས་པ་ཆུང་གཅིག །ཐུགས་དབུས་སུ་ཐུགས་རྡོ་རྗེ་མི་བསྐྱོད་པ། རྡོ་རྗེ་སེམས་དཔའ། ཐུབ་དབང་སྐུ་ཁྱད་པར་ཅན་ཆེ་ཆུང་གཉིས། རྗེ་བཅུ་གསུམ་པའི་ཕྱག་སྤར་ཐུབ་སྐུ་གཅིག །རྒྱལ་བ་རིགས་ལྔ། མི་འཁྲུགས་པ། ཡུམ་ཆེན་མོ། ཕྱག་རྡོར་ཞི་བ་དང་འབྱུང་འདུལ། ཐུགས་ཀའི་ཆ་སྨད་དུ། དམ་པ་རྒྱ་གར། ཇོ་བོ་རྗེ། རྗེ་བཙུན་མི་ལ། ཀློང་ཆེན་རབ་འབྱམས། ཐང་སྟོང་རྒྱལ་པོ། གནས་ནང་དཔའ་བོའི་ནང་རྟེན་ཏུ་བཞུགས་པའི་རིག་འཛིན་འཇའ་ཚོན་སྙིང་པོའི་སྐུ་བརྙན་ཁྱད་འཕགས་རྣམས་དང་། ཐུགས་

― LT38_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

ཀའི་སྐོར་སྤྱི་ལ་ཀུན་མཁྱེན་བླ་མ་རྡོ་རྗེ་གཟི་བརྗིད་རྩལ་གྱི་དབུ་ལྗོན་གྱི་རྟེན་འདམ་ལས་རང་གིས་ལག་བསྟར་དུ་བཏབ་ཅིང་གསེར་དངུལ་གྱི་ན་བཟའ་གསོལ་བའི་རྡོར་སེམས་སྐུ་གྲངས་མང་ལྟེ་བར་བཅོམ་ལྡན་འདས་སྨན་གྱི་བླ་མ། སངས་རྒྱས་ཀླུ་དབང་རྒྱལ་པོ། སྤྱན་རས་གཟིགས་སེང་གེ་སྒྲ། མཁའ་འགྲོ་མནྡྷ་ར་བ། ཡེ་ཤེས་མཚོ་རྒྱལ། ལབ་སྒྲོན། གསང་བར་སྒྲོལ་མ་ལྗང་མོ། སེང་གདོང་མ། པད་གདན་གྱི་ནང་དུ་དཔལ་མགོན་མ་ནིང་། གཟའ་མཆོག་རཱ་ཧུ་ལ། དམ་ཅན་མགར་དམར། རྣམ་སྲས་མདུང་དམར་ཅན། ལྷ་མོ་དཔལ་ཆེན་མོ། ཛཾ་སེར། ཛཾ་དམར་བཅས་དེ་དག་སོ་སོའི་གཟུངས་སྔགས་གཤམ་གསལ་རྣམས་དང་འབྲེལ་བར་བཞུགས་ཤིང་། འདིར་སྨོས་པ་ནི་རིང་བསྲེལ་ཕྱོགས་བསྡེབས་བཤད་སླ་བའི་དབང་དུ་བྱས་པ་སྟེ། ཆོས་ཀྱི་རིང་བསྲེལ་སོགས་གཞན་ལའང་དེ་ལྟར་གོ་དགོས་སོ། །སྐུ་ཚབ་ཁྱད་འཕགས་རིགས་མ་གཏོགས་སྨན་སྐུའི་རིགས་གསུམ་ནས་བདུན་གྱི་བར་གྲངས་ལྡན་བཞུགས་པའོ། །ཆོས་ཀྱི་རིང་བསྲེལ་གཟུངས་སྔགས་དང་རྒྱུད་ཀྱི་གླེགས་བམ་མཐོང་གྲོལ་འཁོར་ལོའི་རིགས་སོགས་ཧེ་རུ་ཀ་གསུམ་ཀར་ཆབ་གཅིག་གཤམ་དུ་སྨོས་པར་བྱའོ། །སྐུ་གདུང་སྐུ་བལ་དམ་རྫས་ཁྱད་པར་ཅན་གྱི་སྐོར་ལ། གཙུག་ཏོར་དུ། ཨོ་རྒྱན་མཆོག་གྱུར་གླིང་

― LT38_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གཏེར་བྱོན་སངས་རྒྱས་འོད་སྲུང་སྐུ་ཆོས་དང་། བདག་ཅག་གི་སྟོན་པ་ཐུབ་པའི་དབང་པོའི་སྐུ་ཆོས་གྲོལ་བ་བཞི་ལྡན་གྱི་ཚལ། མཆོག་ལྡན་མགོན་པོའི་གཏེར་བྱོན་ཨོ་རྒྱན་རིན་པོ་ཆེའི་དབུ་ཞྭ་མཁའ་འགྲོ་འབུམ་ཞུའི་ཚལ། སྟག་ཤམ་གཏེར་བྱོན་སངས་རྒྱས་འོད་སྲུང་དབུ་ཀླད། ཨོ་རྒྱན་རིན་པོ་ཆེའི་དབུ་ལྗོན་ཆོས་གླིང་གཏེར་བྱོན། མཆོག་གླིང་གཏེར་བྱོན་རིག་འཛིན་དགའ་རབ་རྡོ་རྗེའི་འོད་གསལ་ཐུགས་ཀྱི་དྭངས་མ་རྩ་བའི་རིལ་བུ། པ་ཆེན་བི་མ་ལ་མི་ཏྲའི་དབུ་སྐྲ་གཏེར་བྱོན་འཁྲུལ་མེད།། ༈ །།དཔྲལ་བར། སྐུ་གདུང་རིང་བསྲེལ་གྱི་སྐོར་ལ། བྱང་ཆུབ་སེམས་དཔའ་ཆོས་འཕགས་ཀྱི་ཚེམ་དུམ་བུ། བལ་མོ་ཤཱཀྱ་དེ་བའི་དབུ་ཐོད་དུམ། ཆོས་དབང་གཏེར་བྱོན་བྲམ་ཟེའི་དབུ་ཐོད་དུམ་བུ། ཀཿཐོག་ཆོས་རྗེ་གཙང་སྟོན་པའི་དབུ་ཐོད་ཚལ། དབུ་འོད་བྱམས་པ་འབུམ་པའི་དབུ་ཐོད་དུམ། སྤང་མཁན་ཆེན་འོད་ཟེར་བླ་མའི་དབུ་ཐོད་ཚལ། ཕྱོགས་མེད་བྱང་སེམས་ཆོས་རྗེའི་དབུ་ཐོད་ཚལ། གཏེར་སྟོན་ཀརྨ་གླིང་པའི་དབུ་ཐོད་ཚལ། སྟག་ཤམ་རྡོ་རྗེའི་དབུ་ཀླད། རིག་འཛིན་འགྱུར་མེད་རྡོ་རྗེས་གཡའ་མ་ལུང་ནས་སྤྱན་དྲངས་པའི་དམ་རྫས་ཨ་དམ་མ། བྱང་གནམ་མཚོར་རང་བྱུང་ཞབས་ཀྱིས་རབ་གནས་མཛད་པའི་རིལ་ནག་རང་བྱོན།། ༈ །།སྐུ་བལ་རིང་བསྲེལ་གྱི་སྐོར་ལ། ལྷོ་

― LT38_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་ནམ་མཁའི་སྙིང་པོའི་དབུ་སྐྲ་བྱང་ཆུབ་གླིང་པའི་གཏེར་བྱོན། མངའ་བདག་ཉང་རལ་གྱི་དབུ་རལ། གུ་རུ་ཆོས་དབང་དབུ་ཞྭ་དུམ། ཀཿཐོག་བྱམས་པ་འབུམ་པའི་དབུ་སྐྲ། གཏེར་ཆེན་རིན་ཆེན་གླིང་པའི་དབུ་སྐྲ། གཏེར་སྟོན་དྲི་མེད་སྙིང་པོའི་དབུ་སྐྲ། པདྨ་གླིང་པའི་དབུ་ལྗོན། ཐང་སྟོང་རྒྱལ་པོའི་དབུ་སྐྲ། མངའ་རི་པ་ཆེན་རིན་པོ་ཆེའི་དབུ་ཞྭ། ཧེ་པ་ཆོས་འབྱུང་དབུ་ལྗོན། འཇའ་ཚོན་སྙིང་པོའི་དབུ་ཞྭ་དུམ། བདུད་འདུལ་རྡོ་རྗེའི་དབུ་ཞྭ་མཁའ་འགྲོའི་སྤྲིན་ཕུང་གི་ཚལ་པ། རྗེ་པདྨ་ཉིན་བྱེད་དབང་པོའི་དབུ་ལྗོན། ཆགས་མེད། སྟག་ཤམ། ཡང་དགེ་མི་འགྱུར་རྡོ་རྗེ་གསུམ་གྱི་དབུ་ཞྭ་ཚལ། གནམ་ཆོས་མི་འགྱུར་རྡོ་རྗེའི་དབུ་སྐྲ། གཏེར་ཆེན་སྟག་ཤམ་པའི་དབུ་ལོ། རིག་འཛིན་ཆེན་མོ། ཡོན་དགེ། རྡོ་རྗེ་དྲག་པོ་གསུམ་གྱི་དབུ་སྐྲ། རོལ་པའི་རྡོ་རྗེའི་དབུ་ཞྭ།། ༈ །།མགྲིན་པར་ཤ་བ་འབུམ་པའི་གནས་རྡོ་དུང་དཀར་རང་བྱོན། གཏེར་ཆེན་བདུད་འདུལ་རྡོ་རྗེ། ཆོས་རྗེ་གླིང་པ། རིག་འཛིན་ཚེ་དབང་ནོར་བུ་རྣམས་ཀྱི་ཤངས་མཚལ་རིལ་བུ།། ༈ །།ཆོས་ཀྱི་རིང་བསྲེལ་སྐོར་ལ། གཏེར་ཆེན་གུ་རུ་ཆོས་དབང་གི་གཏེར་མ་བཻ་རོའི་རྒྱ་དཔེ། བཻ་རོའི་ཕྱག་བྲིས་འབུམ་ཤ་སྒྲོ་མ། ཀ་བ་དཔལ་བརྩེགས་ཕྱག་བྲིས་རྒྱ་དཔེ། པད་གླིང་གཏེར་བྱོན་ལྡན་མ་རྩེ་མང་ཕྱག་བྲིས། སྟག་ཤམ་རྡོ་རྗེས་

― LT38_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བ་ལུང་ནས་སྤྱན་དྲངས་པའི་ཨོ་རྒྱན་རིན་པོ་ཆེའི་རྒྱ་དཔེ་རྣམས་དང་། གཏེར་ཆེན་རིན་པོ་ཆེས་རྡོར་སེམས་སྒོ་ནས་བསྒྲུབས་པའི་དཀར་གསལ་ཨ་རྒྱའི་རིལ་བུ་རྩ་བའི་གཏའ་སྤེལ།། ༈ །།ཐུགས་ཀའི་ཆ་སྟོད་དུ། བདུད་འདུལ་གཏེར་བྱོན་ཟག་མེད་འཇའ་ལུས་འགྲུབ་པའི་རིལ་བུ་དང་། དམ་རྫས་ཟླ་ཤེལ་ཆེན་མོ། རྒྱལ་དབང་བཅུ་བཞི་པའི་དམ་རྫས་རིན་པོ་ཆེ་དངུལ་མདོག་མ།། ༈ །།སྐུ་གདུང་རིང་བསྲེལ་སྐོར་ལ། ཀུན་མཁྱེན་ཀློང་ཆེན་པའི་གདུང་རུས། རིག་འཛིན་རྒོད་ལྡེམ་ཅན་གྱི་གདུང་རུས་དང་སྐུ་ཤའི་རིལ་བུ། འཇའ་ཚོན་སྙིང་པོའི་གདུང་གི་ཞུན་ཐིག །འཁྲུལ་ཞིག་དབང་དྲག་རྒྱ་མཚོའི་དབུ་ཐོད། གྲོ་ཞ་བསོད་ནམས་འབུམ་པའི་དབུ་ཐོད། སྤྲུལ་སྐུ་མི་འགྱུར་རྡོ་རྗེའི་གདུང་རུས། གཏེར་ཆེན་བདུད་འདུལ་རྡོ་རྗེའི་ཞལ་འགྲམ།། ༈ །།སྐུ་བལ་རིང་བསྲེལ་སྐོར་ལ། ཉང་གཏེར་ཨོ་རྒན་རིན་པོ་ཆེ་དང་ཡེ་ཤེས་མཚོ་རྒྱལ་གཉིས་ཀྱི་ཞབས་ཆགས། བི་མ་མི་ཏྲའི་ན་བཟའ་མཁར་ཆུའི་གཏེར་མ། ཀཿདམ་པ་བདེ་གཤེགས་ཀྱི་སྐུ་བེར་འཁོར་ལོ་དགུ་བརྩེགས། ཉང་རལ་དང་ཆོས་དབང་ན་བཟའ། སོ་ཡེ་ཤེས་རྒྱ་མཚོའི་དབུ་ལོ། །གྲུབ་ཆེན་མེ་ལོང་རྡོ་རྗེའི་རས་གོས། ཀུན་མཁྱེན་ཀློང་ཆེན་པའི་སྐུ་ཆོས་དང་སྐུ་འགག་ཚལ། མཁའ་སྤྱོད་གྲུབ་པ་མ་ི་རིན་ཆེན་གྱི་ན་བཟའ། སངས་རྒྱས་གླིང་པའི་ན་བཟའ།

― LT38_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་ལེགས་ལྡན་རྡོ་རྗེའི་དབུ་ཞྭ་ན་བཟའ། དབུ་སྐྲ། རྨུགས་སངས་ཉི་མ་རྒྱལ་མཚན་དབུ་སྐྲ། འཇའ་ཚོན་སྙིང་པོའི་གདུང་རས་དང་ན་བཟའ། གནམ་ཆོས་མི་འགྱུར་རྡོ་རྗེའི་དབུ་སྐྲ་དང་ན་བཟའ། རིག་འཛིན་པདྨ་ཕྲིན་ལས་དབུ་ལྗོན། གཏེར་བདག་གླིང་པའི་སྐུ་འགགས་དང་སྤུར་རས། ལོ་ཆེན་རིན་པོ་ཆེའི་དབུ་ལོ། རྗེ་བཙུན་མི་འགྱུར་དཔལ་སྒྲོན་དབུ་ལོ། ཡིད་བཞིན་ལེགས་གྲུབ་དབུ་ལོ། མཁན་ཆེན་གསང་སྔགས་བསྟན་འཛིན་དབུ་ལོ། མཁན་ཆེན་ཨོ་ཌི་ཡཱ་ནའི་དབུ་ལོ། ཀཿཐོག་པ་སངས་རྒྱས་བཀྲ་ཤིས་དབུ་ལོ། སྟག་བླ་པད་བློའི་དབུ་ལྗོན། པདྨ་ནོར་བུའི་དབུ་ཞྭ། དྲུང་ཆོས་ཉིད་རྒྱ་མཚོའི་དབུ་སྐྲ། དཀོན་མཆོག་རྒྱལ་མཚན་དབུ་སྐྲ་ན་བཟའ། སྟོན་པ་རྒྱལ་མཚན་དབུ་སྐྲ། རིག་འཛིན་ཀུན་བཟང་ཤེས་རབ་དབུ་སྐྲ་དང་དབུ་ཞྭའི་དུམ། པདྨ་ཚེ་བརྟན་དབུ་ལོ། གྲུབ་ཆེན་པྲཛྙཱ་ཛྙཱ་ནའི་དབུ་ལོ།། ༈ །།ཐུགས་ཀར། དམ་རྫས་རིལ་ནག་ཆེན་མོ་ཕྱག་བསྒྲིལ་བཅས། རྒྱལ་བ་དཔག་བསམ་དབང་པོས་བསྒྲུབས་པའི་འཇའ་ཚུགས་རིལ་བུ། དཱ་རི་ཀ་པའི་ཚེ་ཆུ་རིལ་བུ། གཏེར་ཆེན་རཏྣ་གླིང་པའི་ཚེ་རིལ་ཁྱད་འཕགས། བདུད་འདུལ་གཏེར་བྱོན་འཆི་མེད་ཚེ་ཡི་རིལ་བུ། བདུད་འདུལ་རྡོ་རྗེའི་དམ་རྫས་ཡིད་བཞིན་ནོར་བུ། རིག་འཛིན་ཚེ་དབང་ནོར་བུས་རྡོར་སེམས་དུང་བཟླས་ཀྱི་རིལ་བུ་ཁྱད་

― LT38_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས། འཇམ་དབྱངས་རིལ་བུ་ཤེས་རབ་དཔལ་སྐྱེད་ཀྱི་ཕབ་གཏའ།། ༈ །།སྐུ་གདུང་རིང་བསྲེལ་སྐོར་ལ། པདྨ་ཉིན་བྱེད་དབང་པོའི་གདུང་རུས། འཁྲུལ་ཞིག་དབང་དྲག་རྒྱ་མཚོའི་ཐུགས་གློ་མཆིན་སྐུ་ཤ་བཅས་ཀྱི་རིལ་བུ། རིག་འཛིན་གསུང་རབ་རྒྱ་མཚོའི་ཐུགས། གཏེར་སྟོན་རོལ་པའི་རྡོ་རྗེའི་ཐུགས།། ༈ །།སྐུ་བལ་རིང་བསྲེལ་ལ། ཀཿདམ་པ་བདེ་གཤེགས་ན་བཟའ། གཏེར་སྟོན་སངས་རྒྱས་གླིང་པའི་བསྒོམ་ཐག་འཁྲུལ་བྲལ། གནམ་ཆོས་མི་འགྱུར་རྡོ་རྗེའི་ཕྱག་ཕྲེང་།། ༈ །།ཆོས་ཀྱི་རིང་བསྲེལ་སྐོར་ལ། ཉང་གཏེར་ཁྲོས་ནག་ཤོག་སེར། བཀའ་བརྒྱད་བདེར་འདུས་བླ་དཔེ་བཻ་རོའི་ཕྱག་བྲིས། བཻ་རོ་ཙ་ནའི་རྒྱ་དཔེ་དུམ་བུ་འཁྲུལ་མེད། བྱང་གཏེར་དང་། སངས་གླིང་གཏེར་ཤོག །དགོངས་འདུས་བཏགས་གྲོལ་ཤོག་སེར་བཅས། འབྲི་གུང་རིན་ཆེན་ཕུན་ཚོགས་དང་ཆོས་རྗེ་གླིང་པའི་ཤོག་སེར། བདུད་འདུལ་རྡོ་རྗེའི་དམ་ཆོས་དགོངས་པ་ཡོངས་འདུས་སོགས་ཤོག་སེར་རིགས་གཉིས། སྟག་ཤམ་རྡོ་རྗེས་སྒྲོལ་དཀར་སྤྱན་བདུན་མའི་གསང་སྒྲོམ་ནས་སྤྱན་དྲངས་པའི་གུ་རུའི་ཐུགས་སྒྲུབ་རྣམ་གསུམ་གྱི་ཤོག་སེར།། ༈ །།ཐུགས་ཀའི་ཆ་སྨད་དུ། བདུད་འདུལ་རྡོ་རྗེའི་ཕྱག་བྱོན་གཏེར་སྟོན་བརྒྱ་རྩའི་དམ་རྫས་གཅིག་དྲིལ་དམ་རྫས་ཨ་དོམ། དམ་རྫས་ས་ལེ་སྤྲམ། ཀུན་བཟང་ཤེས་

― LT38_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ནས་བླ་རབས་ལྔ་ཡི་བར་དུ་བསྒྲུབས་པའི་མྱོང་གྲོལ་རིལ་བུ་བུམ་སྙིང་མ།། ༈ །།སྐུ་གདུང་རིང་བསྲེལ་སྐོར་ལ། བྱང་བདག་བཀྲ་ཤིས་སྟོབས་རྒྱལ་སྐུ་ཤའི་རིལ་བུ། པདྨ་བློ་གྲོས་དབུ་ཐོད་དུམ། ཀརྨ་ཆགས་མེད་གདུང་ཁྲུས་རིལ་བུ། གནམ་ཆོས་མི་འགྱུར་རྡོ་རྗེའི་གདུང་རུས་རིལ་བུ། ཀློང་གསལ་སྙིང་པོའི་གདུང་རུས་རིལ་བུ། ཨོ་རྒྱན་ཆོས་འཕེལ་གདུང་རུས། པདྨ་བདེ་ཆེན་གླིང་པའི་སྐུ་ཤ་རིལ་བུ། རྒྱལ་སྲས་པདྨ་དབང་རྒྱལ་སྐུ་ཤ །རིག་འཛིན་ཚེ་དབང་ནོར་བུའི་གདུང་རུས། སྐུ་ཤ་གདུང་ཁྲུས་རིལ་བུ། དཔའ་བོ་གཙུག་ལག་ཆོས་རྒྱལ་གྱི་གདུང་རུས་དང་གདུང་ཐལ།། ༈ །།སྐུ་བལ་རིང་བསྲེལ་སྐོར་ལ། པདྨ་གླིང་པའི་གཏེར་བྱོན་ཨོ་རྒྱན་རིན་པོ་ཆེའི་སྐུ་ཆིངས། བསྟན་འཛིན་ངག་དབང་ཉི་ཟླ་བཟང་པོའི་སྐུ་སྐེད། རིག་འཛིན་པདྨ་ཕྲིན་ལས་ཀྱི་ཟབ་བེར། སྐུ་རེག །ཞལ་ཕྱིས། སྨིན་གླིང་རྗེ་བཙུན་མི་འགྱུར་དཔལ་སྒྲོན་གྱི་ན་བཟའ། རྒྱལ་སྲས་རིན་ཆེན་རྣམ་རྒྱལ་ན་བཟའ། རིག་འཛིན་བཀྲ་ཤིས་ཚེ་བརྟན་དབུ་ལྗོན། གཏེར་ཆེན་བདུད་འདུལ་རྡོ་རྗེའི་ན་བཟའ། ལུང་ཟིན་ཆོས་ཉིད་རྒྱ་མཚོའི་ན་བཟའ། ཀརྨ་ཆགས་མེད་ན་བཟའ། སྟག་ཤམ་རྡོ་རྗེའི་སྐུ་བེར། ཆོས་གླིང་ན་བཟའ་སྤུར་རས། བསམ་གཏན་བསྟན་འཛིན་གྱི་མགུལ་དཀྲིས། ར་བླ་པདྨ་ནོར་བུའི་ན་བཟའ། རིག་

― LT38_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ཀུན་བཟང་ཤེས་རབ་ན་བཟའ། གནམ་སྐྱབས་བླ་མའི་ན་བཟའ། ཡོན་དགེ་མི་འགྱུར་རྡོ་རྗེའི་ན་བཟའ། སྐུ་བེར། དགོ་ཐུལ། རིག་འཛིན་རོལ་པའི་རྡོ་རྗེའི་ན་བཟའ་དང་སྐུ་ཤམ། རྡོ་རྗེ་གཙུག་ལག་དགའ་བའི་ན་བཟའ།། ༈ །།ལྟེ་བར། སྨིན་གླིང་གཏེར་རྫས་སྒྲུབ་རིལ་ཀུན་འདུས། ཆོས་དབང་དང་སངས་གླིང་དགོངས་འདུས་ཀྱི་གཏེར་སྒྲོམ་ཚལ། རྗེ་བཅུ་གསུམ་པའི་དམ་རྫས་ཡིད་བཞིན་ནོར་བུ། སྐྱོ་བྲག་བསྟན་འཛིན་བཟང་པོའི་བུམ་རིལ། ཨ་ལོ་བླ་རྒན་རྣམས་ཀྱི་བུམ་རིལ། རྗེ་པདྨ་དབང་ཆེན་ཞབས་ཀྱིས་པདྨ་བཛྲའི་སྒོ་ནས་བསྒྲུབས་པའི་མྱོང་གྲོལ། སྨིན་གླིང་རབ་གནས་མེ་ཏོག་བདུད་འདུལ་རྡོ་རྗེའི་དམ་རྫས་རིགས་བཅུ་གསུམ་ཕྱོགས་གཅིག་ཏུ་དྲིལ་བ། ཟུར་མང་དགོན་ཁག་གཉིས་ཀྱི་བླ་རབས་བདུན་བརྒྱད་ལ་བསྙེན་རྒྱུན་གཏན་ནས་མ་ཆད་པའི་ཐུགས་གསང་བུམ་སྒྲུབ་རིལ་བུ་ཁྱད་འཕགས། ཡབ་སྲས་ཟུང་གིས་རྒྱུད་སྡེའི་སྒྲུབ་པ་མཛད་པའི་རྡུལ་ཚོན། འཇའ་ཚོན་སྙིང་པོའི་རྟེན་འདུས། རིག་འཛིན་བདུད་འདུལ་རྡོ་རྗེའི་རྩ་གསུམ་སྨན་གྱི་རིལ་བུ། ཀརྨ་ཆགས་མེད་ཀྱི་རྟེན་འདུས་རིལ་བུ། གནམ་ཆོས་རིལ་བུ་རིགས་གསུམ་གཅིག་དྲིལ་ཆགས་མེད་རིན་པོ་ཆེས་བསྒྲུབས་པ། གནམ་ཆོས་ཙུནྡ་རིལ་བུ་དང་བྲམ་ཤུ་རིལ་བུ། རིག་འཛིན་ཆོས་རྗེ་གླིང་པས་མཚུར་ཕུར་བླ་མ་

― LT38_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་གྱི་སྒོ་ནས་སྨན་སྒྲུབ་གནང་བའི་ཆོས་སྨན། རིག་འཛིན་ཚེ་དབང་ནོར་བུའི་ཆོས་སྨན།། ༈ །།སྐྱེ་བདུན་སྐོར་ལ། ཆོས་དབང་གཏེར་བྱོན་བྲམ་ཟེའི་གདུང་། སངས་གླིང་གཏེར་བྱོན་བྲམ་ཟེའི་སྐུ་ཤ་རིལ་བུ། བདུད་འདུལ་གཏེར་བྱོན་བྲམ་ཟེ་དྲི་མེད་སྙིང་པོའི་གདུང་རུས། སྟག་ཤམ་གཏེར་བྱོན་བྲམ་ཟེ་ཟླ་བ་སྒྲོན་མེའི་གདུང་རུས་དང་བྲམ་ཟེའི་སྐུ་ཤའི་རིལ་བུ།། ༈ །།སྐུ་བལ་རིང་བསྲེལ་སྐོར། གཏེར་བདག་གླིང་པའི་སྐུ་ཤམ་ཚལ། ར་བླ་པདྨ་ནོར་བུའི་ཕྱག་ཕྲེང་། རིག་འཛིན་ཆེན་མོའི་སྐུ་ཤམ་ཚལ།། ༈ །།གསང་བར། བདུད་འདུལ་གཏེར་བྱོན་གུ་རུ་ཡབ་ཡུམ་གྱི་བྱང་སེམས་དཀར་དམར་རིལ་བུ། སྟག་ཤམ་གཏེར་བྱོན་ཨོ་རྒྱན་ཡབ་ཡུམ་གྱི་བྱང་སེམས། ཆོས་གླིང་གཏེར་བྱོན་མཚོ་རྒྱལ་དང་ཨཱརྻ་ས་ལེའི་བྱང་སེམས། གྲུབ་ཆེན་ཐང་སྟོང་རྒྱལ་པོའི་རྣམ་སྣང་། གཏེར་ཆེན་བདུད་འདུལ་རྡོ་རྗེའི་གསང་ཆབ། གྲུབ་བརྙེས་ཀརྨ་ཆགས་མེད་གསང་ཆག །གནམ་ཆོས་མི་འགྱུར་རྡོ་རྗེའི་གསང་ཆབ་རིལ་བུ། གཏེར་ཆེན་འགྱུར་མེད་རྡོ་རྗེའི་རྣམ་སྣང་དང་མི་བསྐྱོད་རིལ་བུ། དཔའ་བོ་གཙུག་ལག་ཆོས་རྒྱལ་གསང་ཆབ་རིལ་བུ།། ༈ །།སྐུ་བལ་རིང་བསྲེལ། གནུབས་ཆེན་སངས་རྒྱས་ཡེ་ཤེས་ཀྱི་ཕུར་དར། བདེ་གཤེགས་ཟུར་པོ་ཆེའི་ཕུར་དང་། འཇའ་ཚོན་ཞབས་ཆགས། མི་འགྱུར་

― LT38_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་ཞབས་ཆགས། ཆོས་རྒྱལ་གཏེར་བདག་གླིང་པའི་ཞབས་ལྷྭམ་དུམ་བུ། ལོ་ཆེན་ཆོས་དཔལ་རྒྱ་མཚོའི་ཞབས་ཆགས།། ༈ །།ཆོས་ཀྱི་རིང་བསྲེལ། ཤ་འུག་གཏེར་བྱོན་ཐུགས་རྗེ་ཆེན་པོ་ལས་ལྷ་ཆེན་ཤོག་སེར་བཅས་ལེགས་པར་བཞུགས་སོ། །སྐུའི་གནས་རྣམས་སུ་གསང་བ་ཡོངས་རྫོགས་ཆེན་པོའི་རྒྱུད་ལས་གསུངས་པའི་གནས་བྱིན་རླབས་ཀྱི་སྔགས་དང་། ཚོགས་ཆེན་འདུས་པ་སྒྱུ་འཕྲུལ་དོང་སྤྲུགས་སོགས་ཀྱི་ཞི་བའི་ལྷ་རྣམས་ཀྱི་སྙིང་པོ་གསེར་དངུལ་གྱིས་བྲིས་པ་མ་འཆོལ་བར་བཞུགས་པ་དང་། ཁྱད་པར་གསང་རྫོགས་ལས། སྤྱི་གཙུག་གདུང་བཞུགས་མགྲིན་པ་རུ༔ ཨཱ་ལི་ཀཱ་ལི་བཞེངས་པར་བྱ༔ ཐུགས་ཀར་མན་ཤེལ་ཧཱུྃ་བཅས་བཞུགས༔ སྲོག་ཤིང་རྩེ་ནས་རྨངས་ཡན་ཆད༔ ཐེག་པའི་རིམ་པ་དང་སྦྱར་བའི༔ རྒྱུད་ལུང་མན་ངག་རིམ་པར་གཞུག༔ སྲོག་ཤིང་ནང་དུ་སྲོག་ཕུར་གདབ༔ སྲོག་ཤིང་ཕྱི་ལ་ཚེ་དཔག་མེད༔ གཟུངས་དང་སྔགས་སུ་བཅས་པ་བཀོད༔ ཁ་དོག་ཕྱོགས་མཚོན་གདུལ་བྱར་བསྟུན༔ དར་ཟབ་ལ་སོགས་ན་བཟས་ཀླུབ༔ ཅེས་སོགས་གསུངས་པའི་བཅས་སྤྱི་དང་། ཁྱད་པར་ཙནྡན་དཀར་པོའི་སྲོག་ཕུར་ཚེ་གཟུངས་གསེར་བྲིས་ཀྱིས་དྲིལ་བ་སོགས་ཀྱང་ལེགས་པར་འདུ་བགྱིས་པའོ། །གཉིས་པ་ཁྲག་འཐུང་རྡོ་རྗེ་བདེ་བ་ཆེན་པོ་མཁའ་འགྲོ་སྒྱུ་མ་

― LT38_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་མཆོག་དཔལ་ཆེན་པོ་ཡང་དག་གྲུབ་པ་གཅིག་པུ་འབྲས་བུའི་ཧེ་རུ་ཀའི་རྣམ་པར་བཞེངས་པའི་སྣང་བརྙན་བྱིན་རླབས་དཔལ་འབར་གྱི་གདན་ཁྲིའི་ནང་དུ། ཕྱིས་བྱོན་ཟབ་གཏེར་འཛིན་པ་ཡོངས་ཀྱི་འཁོར་ལོས་སྒྱུར་བ་གཏེར་ཆེན་བསམ་གཏན་གླིང་པས་ཡི་དམ་དགོངས་འདུས་ཀྱི་ཆ་ལག་ཏུ་སྤྱན་དྲངས་པ་མཁའ་འགྲོ་བདུད་འདུལ་དྲག་མོའི་རྒྱས་པའི་ལས་ཚོགས་སུ་འབྱུང་བ་བཀྲ་ཤིས་ས་ལྷའི་གཏེར་བུམ་ལྔ། བརྟན་མ་དང་འབྱུང་བཞི་ལྷ་མོའི་སྐུ་གཟུགས་རིང་བསྲེལ་གཟུངས་སྔགས་གསེར་བྲིས་རྫས་མ་ཚང་བ་མེད་པ་ལ་སྒྲུབ་པའི་རིམ་པ་སོགས་གཞུང་ནས་ཇི་སྐད་བཤད་པ་ཚད་ལྡན་ཏུ་བགྱིས་པ་དང་པད་གདན་གྱི་ནང་དུ། གྲ་སྟོན་ཆེན་པོ་དབང་ཕྱུག་འབར་གྱི་གཏེར་བྱོན་རྨུགས་འཛིན་དམར་པོའི་འཁྲུལ་འཁོར་གཞུང་མཐུན་གྱི་རྫས་ཚང་ཞིང་གྲུབ་དབང་པདྨ་གསང་སྔགས་བསྟན་འཛིན་ནས་ཡུན་རིང་དུ་བསྒྲུབས་པ་དང་། གནོད་སྦྱིན་ཕོ་དགུ་མོ་དགུའི་འཁྲུལ་འཁོར་དང་སྤྱན་གཟིགས་གཡང་རྫས་ས་སྣ་ཆུ་སྣ་སོགས་རྡོར་སེམས་སྐབས་སུ་སྨོས་པ་རྣམས་ཚང་བར་བཞུགས་སོ། །སྐུ་བརྙན་དངོས་ཀྱི་གནས་ལྔར་ཁྱད་པར་ཅན་གྱི་རྟེན་ལྔ་བཞུགས་པ་ནི། དབུའི་དཔྲལ་བར། རྩོད་བྲལ་དུས་བབས་ཀྱི་གཏེར་སྟོན་ཆེན་པོ་ཨོ་རྒྱན་མཆོག་གྱུར་བདེ་ཆེན་གླིང་པས་ལུག་ལོ་སྦྲེལ་ཟླའི་ཚེས་བཅུར་ཙཱ་འདྲ་རིན་ཆེན་

― LT38_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་གི་སྙིང་པོ་དཔལ་ཆེན་པོ་རང་བྱུང་གི་ཕྲག་གཡས་གུ་རུ་རིན་པོ་ཆེའི་གསང་ཕུག་ནས་གསང་ཐིག་སྐོར་གསུམ་དང་ལྷན་ཅིག་སྤྱན་དྲངས་པ་ཕྱོགས་བཅུའི་བདེ་བར་གཤེགས་པ་ཐམས་ཅད་ཀྱི་སྐུ་གདུང་དང་རིང་བསྲེལ་འདུས་པའི་དམ་རྫས་རིན་པོ་ཆེའི་ཏོག །མགྲིན་པར་གསང་ཐིག་སྐོར་གསུམ་གྱི་ཤོག་སེང་ཨོ་རྒྱན་ཆེན་པོའི་ཕྱག་བྲིས་ཧ་ཡིག་གི་ཁ་བྱང་དང་གཞུང་དངོས་འཕྲུལ་ཡིག་ཏུ་བཞུགས་པ་བུབ་ཚང་བ་དང་། གནས་ཆེན་ཉེར་ལྔའི་མགོ་བོ་སྐུའི་སྐུ་གནས་སྐྱོ་བྲག་སེང་གེ་གནམ་མཆོང་ནས་རྙེད་པའི་ཨོ་རྒྱན་ཆེན་པོས་རྡོ་རྗེའི་ཚེ་སྒྲུབ་ཀྱི་རྟེན་ཏུ་བྱིན་གྱིས་བརླབས་པ་རང་བྱུང་རྡོ་རྗེའི་ཕྲེང་བ་བརྒྱ་རྩ་བརྒྱད་ལ་རྒྱལ་དབང་བདུད་འདུལ་རྡོ་རྗེའི་ཕྱག་ཕྲེང་གིས་ཁ་བསྐང་བ་དང་བཅས་པ། ཐུགས་ཀར་ལོ་ཆེན་བཻ་རོའི་རྣམ་འཕྲུལ་གཏེར་སྟོན་གུ་རུ་ཇོ་རྩེས་ཟང་ཡག་བྲག་ནས་སྤྱན་དྲངས་པ་ཡང་དག་བདེ་ཆེན་སྙིང་པོའི་རྣལ་འབྱོར་གྱིས་ཕྱག་རྒྱ་ཆེན་པོའི་མཆོག་གྲུབ་པའི་རྡོ་རྗེའི་རིག་འཛིན་གུ་རུ་བདེ་བ་ཆེན་པོའི་སྐུ་ཚབ་བྱེ་མ་ཨ་ཀྲོང་ལས་གྲུབ་པ་ཕྱགས་གང་པ། ལྟེ་བར་གཏེར་ཆེན་ཆོས་ཀྱི་རྒྱལ་པོ་ཨོ་རྒྱན་གཏེར་བདག་གླིང་པས་མཛད་པའི་རབ་གནས་སྤྱི་དོན་རྗེ་ཉིད་ཀྱི་གཅུང་གཡུ་སྒྲའི་རྣམ་འཕྲུལ་མཁན་ཆེན་ལོ་ཙཱ་བ་དྷརྨ་ཤྲཱིའི་ཕྱག་བྲིས་བྱིན་ལྡན། གསང་བར་སྤྲུལ་པའི་གཏེར་ཆེན་པདྨ་ཀུན་སྐྱོང་གླིང་པས་མཚོར་རྡོ་རྗེ་སྐྱེད་བྲག་ནས་སྤྱན་

― LT38_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

དྲངས་པའི་དཔལ་ཆེན་རྡོ་རྗེ་གཞོན་ནུའི་སྐུ་བརྙན་ལི་སེར་ལས་གྲུབ་པ་ཤིན་ཏུ་ཁྱད་འཕགས་རྣམས་དང་། གཞན་ཡང་སྐུའི་ལྟེ་བར་གཏེར་ཆེན་མཆོག་གྱུར་གླིང་པའི་མགུལ་གཡུ་དྲུག་དཀར་ཁྱད་པར་ཅན་དང་། མཁའ་འགྲོའི་བླ་གཡུ་ཧ་ཡིག་རང་བྱུང་དུ་གསལ་བ། རྗེ་བླ་མ་ཐམས་ཅད་མཁྱེན་པ་འཇམ་དབྱངས་མཁྱེན་བརྩེའི་དབང་པོས་ལྷུན་གྲུབ་སྟེང་དུ་ཚོགས་ཆེན་འདུས་པའི་སྨན་སྒྲུབ་མཛད་སྐབས་སྨན་སྣོད་གཤའ་རྩི་གོང་བུར་ཞུ་བ་ལས་སྐུ་བརྙན་འགའ་ཞིག་རང་བྱུང་དུ་གྱུར་པའི་ནང་ཚན་མ་མོ་ཙནྡྷ་སེར་སྐྱའི་སྐུ་བརྙན་རང་བྱུང་དུ་གསལ་བ། ཡང་ཐུགས་སྒྲུབ་བར་ཆད་ཀུན་སེལ་གྱི་སྨན་སྒྲུབ་མཛད་སྐབས་ཆོས་སྨན་གོང་བུར་འདྲིལ་བ་ལས་ཕྱི་དབྱིབས་རྗེ་བཙུན་སྒྲོལ་མ་དང་ནང་དབྱིབས་ཨོ་རྒྱན་ཟ་ཧོར་མའི་རྣམ་པ་ཤིན་ཏུ་གསལ་བ་རྣམས་དར་གོས་ཀྱི་ན་བཟས་ཀླུབས་ཏེ་དྲི་བཟང་གིས་ཕུར་མས་གཏམས་པའི་བཞུགས་ཁང་ཇི་ལྟར་མཚམས་པར་བཞུགས་སུ་གསོལ་བའོ། །རིང་བསྲེལ་རྣམ་པ་ལྔ་ལས་ཡུངས་འབྲུ་ལྟ་བུའི་རིང་བསྲེལ་ནི་དབུ་གཙུག་རལ་པའི་རྩེ་མོར་མཚུར་ཕུའི་རྟེན་ཁྲོད་ཀྱི་རིང་བསྲེལ་གཅིག །སྨིན་གླིང་རྟེན་ཁྲོད་ཀྱི་རིང་བསྲེལ་གཅིག །བདུད་འདུལ་གཏེར་བྱོན་རིང་བསྲེལ་གཅིག །མཆོག་གླིང་འོད་སྲུང་རིང་བསྲེལ། དམ་རྫས་རིན་པོ་ཆེའི་ཏོག་རྩ་བའི་གཏའ་སྤེལ་རྡོག་ཉེར་གཅིག་

― LT38_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་ཡུལ་བྱང་ཆུབ་ལྗོན་ཤིང་ཚལ་པ་བཅས། ཆོས་སྐུའི་རིང་བསྲེལ་ལ་སཱཙྪའི་སྐོར་རྡོར་སེམས་ལྟར་ལ། བྱིན་སྐུ་གཙུག་ཏུ་རྣམ་རྒྱལ་མ། རྡོ་རྗེ་འཆང་། དགའ་རབ་རྡོ་རྗེ། དཔྲལ་བར་སྐུ་རྡོ་རྗེ་རྣམ་སྣང་། འཇམ་དབྱངས། འཇིགས་བྱེད་ཞལ་ཕྱག་ཡོངས་རྫོགས་དང་དཔའ་གཅིག །མགྲིན་པར་གསུང་རྡོ་རྗེ་སྣང་བ་མཐའ་ཡས་སོགས་དང་། ཐུགས་ཀར་ཐུགས་རྡོ་རྗེ་མི་བསྐྱོད་པ་སོགས་ནས་པད་གདན་ཆོས་སྐྱོང་ནོར་ལྷའི་བར་རྡོར་སེམས་ལ་གང་བཞུགས་ཐམས་ཅད་གྲངས་དང་བཅས་མཚུངས་པར་བཞུགས་ལ། ཆོས་ཀྱི་རིང་བསྲེལ་ནི་འོག་ཏུ་འཆད་དོ། །སྐུ་གདུང་སྐུ་བལ་དམ་རྫས་ཁྱད་པར་ཅན་གྱི་སྐོར་ལ། དབུ་གཙུག་ཏུ། སྟག་ཤམ་གཏེར་བྱོན་སངས་རྒྱས་འོད་སྲུང་དབུ་ཀླད། གཏེར་གསར་འོད་སྲུང་དང་ཐུབ་པའི་སྐུ་ཆོས། མཆོག་ལྡན་མགོན་པོའི་གཏེར་བྱོན་ཨོ་རྒྱན་རིན་པོ་ཆེའི་དབུ་ཞྭ་མཁའ་འགྲོ་འབུམ་ཞུའི་ཚལ་པ།། ༈ །།འཕྲལ་བར། གཏེར་ཆེན་འགྱུར་མེད་རྡོ་རྗེས་རྡོར་སེམས་སྒོ་ནས་བསྒྲུབས་པའི་དཀར་གསལ་ཨ་རྒྱའི་རིལ་བུ་རྩ་བའི་གཏའ་སྤེལ། བྱང་གནམ་མཚོར་རང་བྱུང་ཞབས་ཀྱིས་རབ་གནས་མཛད་པའི་རིལ་ནག་རང་བྱོན།། ༈ །།སྐུ་གདུང་རིང་བསྲེལ་སྐོར་ལ། བྱང་ཆུབ་སེམས་དཔའ་ཆོས་འཕགས་ཀྱི་ཚེམ་དུམ་བུ། གཏེར་གསར་དགའ་རབ་རྡོ་རྗེའི་འོད་གསལ་ཐུགས་

― LT38_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དྭངས་མ་གཏེར་བྱོན་ངོ་མའི་ཕྱེ་མ་ལ་བྲམ་ཟེ་ཉི་མའི་སྙིང་པོའི་གདུང་དང་ཤྲཱི་སི༚་ཡབ་ཡུམ། གུ་རུ་ཡབ་ཡུམ་གྱི་བྱང་སེམས་རྣམས་ཕྱོགས་གཅིག་འདྲེས་པ། བལ་མོ་ཤཱཀྱ་དེ་བའི་དབུ་ཐོད་ཚལ་པ་དང་དེའི་རིལ་བུ། ཆོས་དབང་གཏེར་བྱོན་བྲམ་ཟེའི་དབུ་ཐོད་ཚལ་པ་དང་དེའི་རིལ་བུ། ཀཿདམ་པ་བདེ་གཤེགས་དབུ་ཐོད་ཚལ་དང་དེའི་རིལ་བུ། གཏེར་སྟོན་ཀརྨ་གླིང་པའི་དབུ་ཐོད་ཚལ་བུ། སྟག་ཤམ་རྡོ་རྗེའི་དབུ་ཀླད་རིལ་བུ།། ༈ །།སྐུ་བལ་རིང་བསྲེལ་སྐོར་ལ། ལྷོ་གྲག་ནམ་མཁའི་སྙིང་པོའི་དབུ་སྐྲ་བྱང་ཆུབ་གླིང་པའི་གཏེར་བྱོན། ཀཿཐོག་བྱམས་པ་འབུམ་པའི་དབུ་སྐྲ། གུ་རུ་ཆོས་དབང་དབུ་ཞྭ། གཏེར་ཆེན་རིན་ཆེན་གླིང་པའི་དབུ་སྐྲ། གཏེར་སྟོན་དྲི་མེད་སྙིང་པོའི་དབུ་སྐྲ། པདྨ་གླིང་པའི་དབུ་ལྗོན། གྲུབ་ཆེན་ཐང་སྟོང་རྒྱལ་པོའི་དབུ་སྐྲ། མངའ་རི་པ་ཆེན་རིན་པོ་ཆེའི་དབུ་ཞྭ་ཚལ། ཆགས་མེད། སྟག་ཤམ། མི་འགྱུར་རྡོ་རྗེ་གསུམ་གྱི་དབུ་ཞྭ་ཚལ། གཏེར་ཆེན་སྟག་ཤམ་རྡོ་རྗེའི་དབུ་སྐྲ་དང་ཐོར་ཅོག་བཅིངས་སྤྱད་དར་ལྗང་། རིག་འཛིན་ཀློང་གསལ་སྙིང་པོའི་དབུ་ཆིངས་དང་དབུ་ཞྭ་ཚལ། རུས་རྒྱན་རྡོག་གཅིག །ཡོན་དགེ་མི་འགྱུར་རྡོ་རྗེ་དང་། རིག་འཛིན་ཆེན་པོ་ཚེ་དབང་ནོར་བུ། རྡོ་རྗེ་དྲག་པོ་གསུམ་གྱི་དབུ་སྐྲ། རིག་འཛིན་རོལ་པའི་རྡོ་རྗེའི་དབུ་སྐྲ་དང་དབུ་ཞྭ་ཚལ། རྡོ་རྗེ་

― LT38_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་ལག་དགའ་བའི་དབུ་སྐྲ། རྗེ་པདྨ་ཉིན་བྱེད་དབང་པོའི་དབུ་ལྗོན།། ༈ །།མགྲིན་པར། ཤ་བ་འབུམ་པའི་གནས་རྡོ་དུང་དཀར་རང་བྱོན། སྐུ་བལ་རིང་བསྲེལ་ལ། རིག་འཛིན་ལེགས་ལྡན་རྡོ་རྗེའི་དབུ་ཞྭ་དབུ་སྐྲ། གཏེར་ཆེན་བདུད་འདུལ་རྡོ་རྗེའི་ཤངས་མཚལ་རིལ་བུ། ཆོས་རྗེ་གླིང་པའི་ཤངས་མཚལ་རིལ་བུ། རིག་འཛིན་ཚེ་དབང་ནོར་བུའི་ཤངས་མཚལ།། ༈ །།ཆོས་ཀྱི་རིང་བསྲེལ་སྐོར་ལ། ལོ་ཆེན་བཻ་རོའི་ཕྱག་བྲིས་རྒྱ་དཔེ། གུ་རུ་ཆོས་དབང་གཏེར་ཤོག །སྟག་ཤམ་རྡོ་རྗེས་དགའ་བ་ལུང་ནས་སྤྱན་དྲངས་པའི་ཨོ་རྒྱན་རིན་པོ་ཆེའི་རྒྱ་དཔེ། ཡེ་ཤེས་མཚོ་རྒྱལ་གྱི་ཕྱག་བྲིས་རྒྱ་དཔེ།། ༈ །།ཐུགས་ཀའི་ཆ་སྟོད་དུ། བདུད་འདུལ་གཏེར་བྱོན་ཟག་མེད་འཇའ་ལུས་འགྲུབ་པའི་རིལ་བུ། དམ་རྫས་ཟླ་ཤེལ་ཆེན་མོ།། ༈ །།སྐུ་གདུང་རིང་བསྲེལ་སྐོར་ལ། ཀཿདམ་པ་བདེ་གཤེགས་ཐུགས་ནོར་བུའི་བཅད་འཕེལ་གྱི་ཕྱེ་མ། ཀུན་མཁྱེན་ཀློང་ཆེན་པའི་གདུང་རུས། རིག་འཛིན་རྒོད་ལྡེམ་གདུང་རུས་དང་སྐུ་ཤ་རིལ་བུ། དྲུང་རྡོ་རྗེ་དཔལ་གྱི་དབུ་ཐོད། ཕྱོགས་མེད་བྱང་སེམས་ཆོས་རྗེའི་གདུང་རུས། འཇའ་ཚོན་སྙིང་པོའི་གདུང་གི་ཞུན་ཐིགས། གཏེར་ཆེན་བདུད་འདུལ་རྡོ་རྗེའི་ཞལ་འགྲམ་དུམ། སྤྲུལ་སྐུ་མི་འགྱུར་རྡོ་རྗེའི་གདུང་རུས། རྒྱ་ར་ལྷུན་གྲུབ་རྒྱ་མཚོའི་དབུ་ཐོད།། ༈ །།སྐུ་བལ་རིང་བསྲེལ་

― LT38_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་ལ། ཉང་གཏེར་ཨོ་རྒྱན་རིན་པོ་ཆེ་དང་ཡེ་ཤེས་མཚོ་རྒྱལ་གཉིས་ཀྱི་ཞབས་ཆགས་དུམ། ཟུར་ཤེས་རབ་གྲགས་པའི་ན་བཟའ། ཀཿདམ་པ་བདེ་གཤེགས་སྐུ་བེར་འཁོར་ལོ་དགུ་བརྩེགས་དང་ན་བཟའ་དུམ། ཉང་རལ་དང་ཆོས་དབང་ན་བཟའ། གུ་རུ་ཆོས་དབང་གི་དབང་ཕོད། རྒྱལ་བ་ཀློང་ཆེན་རབ་འབྱམས་བཟང་པོའི་སྐུ་ཆོས་ཚལ། གཏེར་ཆེན་སངས་རྒྱས་གླིང་པའི་ན་བཟའ། གྲུབ་ཐོབ་ཐང་སྟོང་རྒྱལ་པོའི་སླེ་བན། རིག་འཛིན་ལེགས་ལྡན་རྡོ་རྗེའི་ན་བཟའ་དང་སྐུ་རེག་མཚོན་ཐུབ་མ། རིག་འཛིན་འཇའ་ཚོན་སྙིང་པོའི་ན་བཟའ་དང་གདུང་རས། གནམ་ཆོས་མི་འགྱུར་རྡོ་རྗེའི་ན་བཟའ། གཏེར་བདག་གླིང་པའི་སྐུ་འགག་དང་སྤུར་རས། པདྨ་འགྱུར་མེད་རྒྱ་མཚོའི་དབུ་ལོ། ཀཿཐོག་སངས་རྒྱས་བཀྲ་ཤིས་དབུ་སྐྲ། སྟོན་པ་སེང་གེའི་དབུ་སྐྲ། རིག་འཛིན་ཀུན་བཟང་ཤེས་རབ་དབུ་སྐྲ། དཔལ་ཡུལ་རྫོང་འགོ་པདྨ་རིག་འཛིན་གདུང་དཀྲིས། དཔའ་བོ་ནམ་མཁའ་རྡོ་རྗེའི་དབུ་སྐྲ། དབང་འབྱོར་བླ་མའི་དབུ་ལྗོན། པདྨ་ཤེས་རབ་དབུ་ལོ། གནས་མདོ་བདེ་ཆེན་སྙིང་པོའི་དབུ་སྐྲ།། ༈ །།ཐུགས་ཀར། དམ་རྫས་རིལ་ནག་ཆེན་མོ་ཕྱག་སྒྲིལ་བཅས། བདུད་འདུལ་རྡོ་རྗེའི་དམ་རྫས་ཡིད་བཞིན་ནོར་བུ་དང་ཕྱག་ཕྲེང་། གནམ་ཆོས་ཡང་བུ་ཤ་རི་རཾ། འཇམ་དབྱངས་རིལ་བུ་ཤེས་རབ་དཔལ་སྐྱེད་ཀྱི་ཕབ་

― LT38_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

གཏའ།། ༈ །།སྐུ་གདུང་རིང་བསྲེལ་སྐོར། འཁྲུལ་ཞིག་དབང་དྲག་རྒྱ་མཚོའི་ཐུགས་གློ་མཆིན་སྐུ་ཤ་བཅས་ཀྱི་རིལ་བུ། གཏེར་སྟོན་རོལ་པའི་རྡོ་རྗེའི་ཐུགས་ཀྱི་རིལ་བུ། པདྨ་ཉིན་བྱེད་དབང་པོའི་གདུང་རུས། ཀཿསེང་གེ་བླ་མའི་ཐུགས།། ༈ །།ཚེ་རྫས་སྐོར། དཱ་རི་ཀ་པའི་ཚེ་ཆུ་རིལ་བུ། བདུད་འདུལ་གཏེར་བྱོན་འཆི་མེད་ཚེ་ཡི་རིལ་བུ། སྨིན་གླིང་གཏེར་ཆེན་རིན་པོ་ཆེས་བསྒྲུབས་པའི་ཚེ་རིལ་ཧྲཱིཿརྒྱ་ཅན་རྩ་བའི་གཏའ་སྤེལ་རྣམས་དང་། སངས་རྒྱས་གླིང་པའི་སྒོམ་ཐག་དུ་མ།། ༈ །།ཆོས་ཀྱི་རིང་བསྲེལ་སྐོར་ལ། ཉང་གཏེར་ཁྲོས་ནག་ཤོག་སེར། བྱང་གཏེར་དང་སངས་གླིང་གཏེར་ཤོག །ཆོས་རྒྱལ་རཏྣ་གླིང་པའི་གཏེར་ཤོག །བདུད་འདུལ་རྡོ་རྗེའི་དམ་ཆོས་དགོངས་པ་ཡོངས་ཟབ་ཤོག་སེར་རིགས་གཉིས་དང་ཡང་ཤོག་སེར་ཚལ་ཆེ་བ།། ༈ །།ཐུགས་ཀའི་ཆ་སྨད་དུ། བདུད་འདུལ་རྡོ་རྗེའི་དམ་རྫས་ས་ལེ་སྦྲམ། དེ་ཉིད་ཀྱི་ཕྱག་བྱོན་གཏེར་སྟོན་བརྒྱ་རྩའི་དམ་རྫས་གཅིག་དྲིལ་དམ་རྫས་ཨ་དོ་མ། ཀུན་བཟང་ཤེས་རབ་ནས་བླ་རབས་ལྔ་ཡི་བར་དུ་བསྒྲུབས་པའི་མྱོང་གྲོལ་རིལ་བུ་བུམ་སྙིང་མ།། ༈ །།སྐུ་གདུང་རིང་བསྲེལ་སྐོར་ལ། སྐལ་ལྡན་ཡར་ལུང་སྤྲུལ་སྐུའི་གདུང་རུས། བྱང་བདག་བཀྲ་ཤིས་སྟོབས་རྒྱལ་གྱི་སྐུ་ཤ་རིལ་བུ། གནམ་ཆོས་མི་འགྱུར་རྡོ་རྗེའི་གདུང་རུས་རིལ་བུ། ཀློང་གསལ་སྙིང་

― LT38_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་གདུང་རུས་རིལ་བུ། པདྨ་བདེ་ཆེན་གླིང་པའི་སྐུ་ཤའི་རིལ་བུ། ཀུན་བཟང་ཤེས་རབ་ཀྱི་སྐུ་ཤ་དང་གདུང་རིལ། རིག་འཛིན་ཚེ་དབང་ནོར་བུའི་གདུང་རུས། སྐུ་ཤ་གདུང་ཁྲུས་རིལ་བུ། ཀད་པ་རིན་ཆེན་ཟླ་བའི་དབུ་ཐོད་དུམ། པདྨ་ལྷུན་གྲུབ་རྒྱ་མཚོའི་སྐུ་ཤ། རྒྱ་གར་བླ་མའི་གདུང་རུས། །རྨུགས་སངས་རྡོ་རྗེ་ཀུན་བཟང་སྐུ་ཤ། རིག་འཛིན་རྡོ་རྗེ་དྲག་པོའི་གདུང་རུས། རི་ཆེ་ཨོ་རྒྱན་ཆོས་འཕེལ་གདུང་རུས།། ༈ །།སྐུ་བལ་རིང་བསྲེལ་སྐོར་ལ། མཚོ་རྒྱལ་རྣམ་འཕྲུལ་སྣང་གསལ་འོད་དེ་འབུམ་གྱི་ན་བཟའ། ཐང་རྒྱལ་སྐུ་དབོན་བསྟན་འཛིན་ཉི་ཟླ་བཟང་པོའི་ན་བཟའ། གཏེར་ཆེན་བདུད་འདུལ་རྡོ་རྗེའི་ན་བཟའ་སྐུ་བེར་དུམ་སྐུ་ཆིང་། རྒྱལ་སྲས་ནོར་བུ་ཡོངས་གྲགས་ཀྱི་ན་བཟའ། གནམ་ཆོས་མི་འགྱུར་རྡོ་རྗེའི་ཞལ་ཕྱིས། ཀརྨ་ཆགས་མེད་ན་བཟའ། ཀཿསངས་རྒྱས་བཀྲ་ཤིས་ན་བཟའ། རྡོར་བྲག་རིག་འཛིན་པདྨ་ཕྲིན་ལས་ན་བཟའ། རྒྱལ་སྲས་བསོད་ནམས་ལྡེའུ་བཙན་སྐུ་བེར། ཀུན་བཟང་ཤེས་རབ་ཀྱི་སྐུ་ཆོས་སྐུ་འཇམ་ན་བཟའ་དུམ། ཀད་པ་རིན་ཆེན་ཟླ་བའི་ན་བཟའ། དཔལ་འབར་དྲུང་བ་ཆོས་ཉིད་རྒྱ་མཚོའི་ན་བཟའ། ཤེས་རབ་རྒྱ་མཚོའི་ན་བཟའ། ཤེས་རབ་བློ་གྲོས་ཀྱི་ན་བཟའ། ལོ་ཆེན་དྷརྨ་ཤྲཱིའི་སྐུ་ཆོས། སྟག་ཤམ་རྡོ་རྗེའི་སྐུ་བེར། ཆོས་

― LT38_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་ན་བཟང་དང་སྤུར་རས། ཡོན་དགེ་མི་འགྱུར་རྡོ་རྗེ་དང་རོལ་པའི་རྡོ་རྗེའི་ན་བཟའ། བསམ་གཏན་བསྟན་འཛིན་གྱི་མགུལ་དཀྲིས། རྡོ་རྗེ་གཙུག་ལག་དགའ་བའི་ན་བཟའ། དཔའ་བོ་རྟ་མགྲིན་མགོན་པོའི་རྡུལ་ལེན།། ༈ །།ལྟེ་བར། སོ་ཡེ་ཤེས་དབང་ཕྱུག་སྒྲུབ་གཏོར་ཆ་ཤས། ཆོས་དབང་དང་སངས་གླིང་དགོངས་འདུས་གཏེར་སྒྲོམ་དུམ། བདུད་འདུལ་རྡོ་རྗེའི་དམ་རྫས་རིགས་བཅུ་གསུམ་ཕྱོགས་གཅིག་ཏུ་དྲིལ་པ། རྩ་གསུམ་སྨན་གྱི་རིལ་བུ། གནམ་ཆོས་བྲམ་ཤུ་རིལ་བུ། ཙུནྡ་རིལ་བུ། གནམ་ཆོས་རིལ་བུ་རིགས་གསུམ་སྤྱི་དྲིལ་ཆགས་མེད་ནས་བསྒྲུབས་པ་དང་དེ་ཉིད་ཀྱི་རྟེན་འདུས་རིལ་བུ། སྨིན་གླིང་གཏེར་ཆེན་རིན་པོ་ཆེས་ཁྲ་འབྲུག་ཏུ་བསྒྲུབས་པའི་ཆོས་སྨན། སྨིན་གླིང་གི་གཏེར་རྫས་བསྒྲུབས་རིལ་ཀུན་འདུས། རབ་གནས་མེ་ཏོག །རིག་འཛིན་ཀློང་གསལ་སྙིང་པོའི་རྟེན་འདུས། ཆོས་གླིང་བདུད་རྩི་ཆོས་སྨན། རིག་འཛིན་ཚེ་དབང་ནོར་བུའི་རྟེན་འདུས་དང་བདུད་རྩི་ཆོས་སྨན། ཟུར་མང་དགོན་ཁག་གཉིས་ཀྱི་མ་ི་བུམ་སྒྲུབ་རིལ་བུ། རྡོར་བཟང་གིས་བསྒྲུབས་པའི་སྨན་སྒྲུབ་ཁྱད་འཕགས། རྣམ་རྒྱལ་རྡོ་རྗེའི་ཨ་རྒྱ་མ་གཏའ་སྤེལ།། ༈ །།སྐུ་གདུང་རིང་བསྲེལ་སྐོར་ལ། སངས་གླིང་གཏེར་བྱོན་བྲམ་ཟེའི་སྐུ་ཤ་རིལ་བུ། བདུད་འདུལ་གཏེར་བྱོན་

― LT38_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

བྲམ་ཟེ་དྲི་མེད་སྙིང་པོའི་གདུར་རུས་རིལ་བུ། སྟག་ཤམ་གཏེར་བྱོན་སྐྱེ་བདུན་སྐུ་ཤའི་རིལ་བུ་དང་བྲམ་ཟེའི་གདུང་གི་རིང་བསྲེལ་འཕེལ་མ། ཆོས་གླིང་གཏེར་བྱོན་སྐྱེ་བདུན་ཤ་རིལ།། ༈ །།སྐུ་བལ་རིང་བསྲེལ་སྐོར་ལ། བདེ་གཤེགས་ཟུར་པོ་ཆེའི་ཕུར་དར། གྲ་པ་མངོན་ཤེས་ཀྱི་ཕྱག་ཕྲེང་། གཏེར་བདག་གླིང་པའི་སྐུ་ཤམ་དུམ། རྟ་མགྲིན་མགོན་པོའི་ཕྱག་ཕྲེང་།། ༈ །།གསང་བར། བདུད་འདུལ་གཏེར་བྱོན་གུ་རུ་ཡབ་ཡུམ་གྱི་བྱང་སེམས་དཀར་དམར་རིལ་བུ། སྟག་ཤམ་གཏེར་བྱོན་ཨོ་རྒྱན་ཡབ་ཡུམ་གྱི་བྱང་སེམས། ཆོས་གླིང་གཏེར་བྱོན་མཚོ་རྒྱལ་དང་ཨཱརྻ་ས་ལེའི་བྱང་སེམས། གྲུབ་ཆེན་ཐང་སྟོང་རྒྱལ་པོའི་རྣམ་སྣང་། གཏེར་སྟོན་བདུད་འདུལ་རྡོ་རྗེའི་གསང་ཆབ། གནམ་ཆོས་མི་འགྱུར་རྡོ་རྗེའི་གསང་ཆབ་རིལ་བུ། གྲུབ་བརྙེས་ཀརྨ་ཆགས་མེད་གསང་ཆབ། གཏེར་ཆེན་འགྱུར་མེད་རྡོ་རྗེའི་རྣམ་སྣང་དང་མི་བསྐྱོད་རིལ་བུ། རྡོ་རྗེ་ཀུན་བཟང་གསང་ཆབ།། ༈ །།བཀའ་བརྒྱད་བདེར་འདུས་བླ་དཔེ་བཻ་རོའི་ཕྱག་བྲིས་ལས་དྲག་སྔགས་སྐོར་གྱི་ལྡེབ། སྨིན་གླིང་གཏེར་ཆེན་རིན་པོ་ཆེས་བསྒྲུབས་པའི་གུར་དྲག་རིལ་བུ། མཁར་དྲུང་མཚོ་སྐྱེས་རྡོ་རྗེའི་ཐུན་རྫས།། ༈ །།སྐུ་བལ་རིང་བསྲེལ་སྐོར་ལ། པདྨ་གླིང་པའི་བཞུགས་གདན་འཁྲུལ་མེད། འཇའ་ཚོན་སྙིང་པོའི་ཞབས་ཆགས།

― LT38_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འགྱུར་རྡོ་རྗེའི་ཞབས་ཆགས། ས་སྐྱ་པ་ཀུན་དགའ་བློ་གྲོས་ཕུར་དར་བཅས་བཞུགས། ཐུགས་ཀར་རྡོ་རྗེ་སྲོག་ཕུར་རྡོར་སེམས་དང་མཚུངས་པ་སྐུའི་གནས་རྣམས་སུ་སྐྱེ་མཆེད་བྱིན་བརླབས། ཁྱད་པར་ཕྱག་ཞབས་བརྒྱད་ལ་ཀེ་སེང་སྒོ་མའི་སྔགས། འདུས་མདོ་དང་སྒྱུ་འཕྲུལ་དོང་སྤྲུགས་ཁྲོ་བོའི་སྔགས་རྣམས་གསེར་དངུལ་གྱིས་བྲིས་པ་ལུས་དཀྱིལ་སོ་སོ་དང་མཐུན་པའི་གནས་རྣམས་སུ་གཞུག་པ་དང་། འཁོར་གྱི་གཽ་རཱི་བརྒྱད་ལའང་སོ་སོའི་སྔགས་རྣམས་ཚར་གྲངས་དང་རིང་བསྲེལ་རྣམ་བཞི་ཀུན་འདུས་ཀྱི་རིལ་བུ་སོགས་ཀྱིས་གཏམས་པར་བགྱིས་པའོ། །རྡོར་སེམས་དང་ཡང་དག་ཞི་ཁྲོ་གཉིས་ལ་གཏེར་གསར་བཞུགས་ཚོགས་ནི། གཙུག་ཏོར་གོང་དུ་སོང་། དང་ལ་བར་ཀརྨའི་དཔལ་དེའུའི་གཏེར་བྱོན་གཟི་བརྗིད་སྐྱེད་པ་སྐུའི་རིལ་བུ། ཤེལ་ཕུག་གཏེར་བྱོན་རིག་འཛིན་ཤྲཱི་སི༚་ཧའི་བདུད་རྩི་ཆོས་སྨན་གཏེར་བྱོན་དངོས་དང་རྩ་བའི་གཏའ་སྤེལ། མཁའ་འགྲོ་འབུམ་རྫོང་གཏེར་བྱོན་སློབ་དཔོན་པྲ་སྷ་ཧ་སྟའི་སྐུ་གདུང་། སེང་བྲག་གཏེར་བྱོན་ཨོ་རྒྱན་རིན་པོ་ཆེའི་སྐུ་བེར་དང་གསང་གོས་ལྗང་གུ། ཤེལ་ཕུག་གཏེར་བྱོན་མཚོ་རྒྱལ་དབུ་ལྗོན། ཤེལ་ཕུག་དང་ནམ་མཁའ་མཛོད་ཀྱི་གཏེར་བྱོན་བཻ་རོ་ཙ་ནའི་དབུ་ལྗོན། དེ་དང་ཀརྨའི་གཏེར་བྱོན་གནུབས་ཆེན་སངས་རྒྱས་ཡེ་ཤེས་དབུ་ལྗོན།

― LT38_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པར་ཚངས་དབྱངས་སྐྱེད་པ་གསུང་གི་རིལ་བུ། མཁའ་འགྲོ་མ་ལས་ཀྱི་དབང་མོ་ཆེའི་རང་བྱུང་གསང་བའི་བདུད་རྩི། ན་བུན་རྫོང་གཏེར་བྱོན་ཨོ་རྒྱན་རིན་པོ་ཆེའི་ཤངས་མཚལ་རིལ་བུ། ནམ་མཛོད་གཏེར་མ་རི་བོ་པོ་ཏ་ལའི་ས་རྡོ་མྱོང་གྲོལ། གཏེར་གནས་མང་པོའི་ཤོག་སེར་ཚལ་དང་། ཤོག་སེར་ཆོས་ཀྱི་རིང་བསྲེལ་ཀུན་འདུས་རིལ་བུ། གཡུ་བྲག་གཏེར་བྱོན་ཚེ་རྫས་ཟླ་བའི་སྙིང་པོ།། ༈ །།ཐུགས་ཀའི་སྟོད་དུ་སེང་བྲག་གི་འཇམ་དཔལ་བཤེས་གཉེན་ཤེས་རབ་རིལ་བུ། འཛི་ལུང་གཏེར་བྱོན་མཁན་པོ་བོ་དྷི་སཏྭའི་སྐུ་ཆོས། སེང་བྲག་གི་ལྷ་ལྕམ་མནྡྷ་ར་བ་དང་མཚོ་རྒྱལ་ན་བཟའ། གཏེར་གནས་གཉིས་ཀྱི་མཚོ་རྒྱལ་གསང་གོས་དཀར་པོ། སེང་བྲག་གི་ཁྲི་སྲོང་ན་བཟའ་སེར་པོ། ན་བུན་རྫོང་གཏེར་མ་ཆོས་རྒྱལ་ཁྲི་སྲོང་ལྡེའུ་བཙན་གདུང་རུས། སེང་བྲག་གཏེར་བྱོན་ལོ་ཆེན་བཻ་རོའི་སྐུ་ཆོས་དུམ། རིག་འཛིན་ཆོས་རྒྱལ་རྡོ་རྗེས་གཉན་རྫོང་རྡོ་རྗེ་ཁྱུང་ཕུག་ནས་སྤྱན་དྲངས་པའི་ལང་གྲོ་ལོ་ཙཱའི་འཕེལ་གདུང་། གཏེར་གསར་སྐུ་གདུང་རིང་བསྲེལ་ཕྱོགས་བསྡུས་རིལ་བུ།། ༈ །།ཐུགས་དབུས་སུ་བདེ་ཆེན་སྐྱེད་པ་ཤུགས་ཀྱི་རིལ་བུ། ས་ལུག་ལོར་ལྷ་མདོའི་འབུར་མོ་བྲག་དཀར་ནས་ཙཱ་འདྲ་རིན་ཆེན་བྲག་གི་ཁ་བྱང་སོགས་དང་ལྷན་ཅིག་སྤྱན་དྲངས་པ་ཕྱོགས་བཅུའི་སངས་རྒྱས་

― LT38_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་དང་བཅས་པའི་བྱང་སེམས་འདུས་པ་དམ་རྫས་རོལ་པ་ཆེན་པོ་དང་། མཁའ་འགྲོ་འབུམ་རྫོང་ནས་མེ་རྟ་ལོར་སྤྱན་དྲངས་པ་ཐུགས་རྗེ་ཆེན་པོ་འཁོར་བ་དོང་སྤྲུགས་ཀྱི་རིལ་བུ་ཨོ་རྒྱན་རིན་པོ་ཆེའི་ཕྱག་བསྒྲིལ་ཁྱད་འཕགས་ཚུལ་དྲུག་ཅན། གཏེར་བྱོན་དངོས་རྡོག་རེ་རེ། སེང་བྲག་གི་སངས་རྒྱས་གསང་བའི་རྡོར་སེམས་རིལ་བུ། ཀེ་རོང་རྡོ་རྗེ་ཅོང་ཕུག་གཏེར་བྱོན་ཨོ་རྒྱན་ཡབ་ཡུམ་གྱི་འཆི་མེད་རྡོ་རྗེའི་ཚེ་རིལ། མ་ར་ཏཱི་ཀིའི་ཚེ་རྫས་ཁྱད་འཕགས་རི་བོ་དབང་ཞུའི་གཏེར་བྱོན། ན་བུན་རྫོང་གི་གཏེར་མ་པདྨ་གཙུག་ཏོར་དྲི་མེད་ཀྱི་མཐོང་གྲོལ་དུམ། གཏེར་གསར་སྐུ་བལ་རིང་བསྲེལ་ཕྱོགས་བསྡུས་རིལ་བུ། སྒྲོལ་མ་དཀར་མོ་བླ་མེད་ཀྱི་རིལ་བུ་རྟག་པའི་རྡོ་རྗེ།། ༈ །།ཐུགས་ཀའི་ཆ་སྨད་དུ། སེང་བྲག་གཏེར་བྱོན་འཕགས་པ་ཀླུ་སྒྲུབ་ཞབས་ཆགས་དུམ། དཔལ་དེའུ་དང་གནམ་བྲག་རྩེའི་གཏེར་མ་ཨོ་རྒྱན་རིན་པོ་ཆེའི་སྐུ་ཆིངས་དུམ། གཏེར་གསར་དམ་རྫས་ཀུན་འདུས་རིལ་བུ།། ༈ །།ལྟེ་བར་ཡེལ་ཕུག་ནམ་མཁའ་མཛོད་ཀྱི་གཏེར་བྱོན་ཨོ་རྒྱན་ཡབ་ཡུམ་གྱི་བྱང་སེམས་དམ་རྫས་རོལ་པ་ཆེན་པོ་གྲོལ་བ་བཞི་ལྡན་ངོ་མཚར་བའི་བཀའ་རྟགས་ཀྱིས་སྤྲས་པ་གཏེར་བྱོན་དངོས་རྡོག་རེ་རེ། དེ་དང་འབུར་མོ་བྲག་དཀར་གྱི་རོལ་པ་ཆེན་པོ་རྩ་བའི་གཏའ་སྤེལ་བདུན་ཕྲག་གསུམ་རེ། འབུམ་རྫོང་མཚོ་

― LT38_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་ཨོ་རྒྱན་རྗེས་འབྲང་སྟོང་ཕྲག་བཅས་པས་རྫ་རྒྱལ་གོ་བོ་ཁྱུང་ཕུག་ཏུ་འདུས་པ་མདོའི་སྒོ་ནས་བསྒྲུབས་པའི་བདུད་རྩི་ཆོས་སྨན། གཏེར་བྱོན་དངོས་དང་རྩ་བའི་གཏའ་སྤེལ་ཕོན་མང་། མངོན་རྫོགས་རྒྱལ་པོའི་སྨན་སྐུའི་ཆ་ཤས་དང་གཏེར་སྒྲོམ། སེང་བྲག་གཏེར་བྱོན་རིག་འཛིན་དགའ་རབ་རྡོ་རྗེའི་བདེ་ཆེན་ཡེ་ཤེས་སྐྱེད་པའི་བདུད་རྩི། ཤཱི་སི༚་ཧའི་ཆོས་སྨན། སྐལ་ལྡན་རྒྱལ་པོ་ཛཿའི་བདུད་རྩི་ཆོས་སྨན་གཏའ་སྤེལ། ན་བུན་རྫོང་གི་གཏེར་མ་པ་ཆེན་བི་མ་ལ་མི་ཏྲའི་ཆོས་སྨན། སེང་བྲག་འཕགས་ཡུལ་རིག་འཛིན་བརྒྱད་ཀྱི་ཆོས་སྨན། ཨོ་རྒྱན་རྗེ་འབངས་ཉེར་ལྔའི་ཆོས་སྨན། རིག་པའི་ཡེ་ཤེས་སྨན་གྱི་རིལ་བུ། པོ་ཏ་ལའི་འབྲུ་སྨན་འབྱུང་བཅུད་ཀུན་འདུས། རྩི་སྐེ་ནོར་བུ་སྤུན་གསུམ་གྱི་གཏེར་མ་གི་ཝཾ་རིལ་བུ། སེང་བྲག་གི་ཙནྡན་དཀར་དམར་རིལ་བུ། ཅུ་གང་རིལ་བུ། ཀརྨར་ཡང་ཕུར་སྒྲུབ་མཆོད་མཛད་སྐབས་གཏོར་མ་ཞུ་བའི་བདུད་རྩི་དང་། སྨན་རཀ་གི་ཕུར་མ། རྒྱལ་ཆེན་ཨིནྡྲ་བྷཱུ་ཏིའི་རིན་ཆེན་རིལ་བུ་རྩ་བའི་གཏའ་སྤེལ་དང་མང་སྦྱོར་རྡོག་རེ་བཅས།། ༈ །།གསང་བར་སློབ་དཔོན་པྲ་བྷ་ཧ་སྟའི་མི་བསྐྱོད་དང་རྣམ་སྣང་རིལ་བུ། འབུར་མོ་བྲག་གི་གཏེར་མ་མཁའ་འགྲོ་ཡེ་ཤེས་མཚོ་རྒྱལ་གསང་ཆབ། ཡུལ་རེ་བཞི་དུར་ཁྲོད་བརྒྱད་ཀྱིས་ཧུ་རིལ་བུ། སེང་བྲག་ཡེལ་

― LT38_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུག་ཤེལ་ཕུག་སོགས་ཀྱི་གཏེར་ལྕིབས་ག་བུར་སིནྡྷཱུ་ར་དང་ཡུངས་ཀར་རིལ་བུ། གཏེར་གསར་བྱད་ཁྲོལ་རིལ་བུ་བཅས་སོ། །གསུམ་པ་བཅོམ་ལྡན་འདས་དཔལ་མཁའ་འགྲོའི་དབང་ཕྱུག་དྲྭ་བ་སྡོམ་པ་འཁོར་ལོ་བདེ་མཆོག་གྲུབ་ཆེན་ལཱུ་ཧི་པའི་ལུགས་ཀྱི་སྣང་བརྙན་བདེ་ཆེན་དཔལ་འབར་གྱི་གདན་ཁྲིའི་ནང་དུ། ཆོས་རྒྱལ་རཏྣ་གླིང་པའི་ཟབ་གཏེར་ཕུར་པ་ཡང་གསང་བླ་མེད་ཀྱི་ལས་ཁ་ཚར་ལས་འབྱུང་བ་དགེ་འདུན་གྱི་སྡེ། རྒྱལ་པོའི་ཕོ་བྲང་། རྣལ་འབྱོར་པའི་སྒྲུབ་ཁང་གང་ལའང་མི་ནོར་ལོངས་སྤྱོད་འཕེལ་ཞིང་བསྟན་པ་དར་ཞིང་རྒྱས་པ་སོགས་བཀྲ་ཤིས་རྟེན་འབྲེལ་གྱི་ཆེ་བ་པི་དྱོཏྟ་མ་ལ་འབུམ་སྡེ་ནོར་དབང་གི་རྒྱུད་ཀྱི་དགོངས་དོན་ཀླུ་རྒྱལ་ནོར་རྒྱས་ཡབ་ཡུམ་གྱི་གཏེར་བུམ་ཚད་ལྡན་དགེ་སློང་བཞི་སྡེས་སྦ་བ་སོགས་གཞུང་མཐུན་བགྱིས་ཤིང་། ས་བདག་དང་ཀླུའི་གཏེར་བུམ་ཡང་སྦས། པད་གདན་གྱི་ནང་དུ་མགོན་དཀར་ཡིད་བཞིན་ནོར་བུའི་གཏེར་བུམ་ཆེ་ལེགས་འཇམ་དབྱངས་མཁྱེན་བརྩེའི་དབང་པོས་བཅའ་སྒྲུབ་བཀའ་དྲིན་ཏུ་སྩལ་བའི་ཁྱད་པར་ཅན་དང་། གནོད་སྦྱིན་ཡབ་ཡུམ་གྱི་འཁྲུལ་འཁོར། སྤྱན་གཟིགས་གཡང་རྫས་ས་ཆུ་ཤིང་སྣ་སོགས་གོང་དུ་སྨོས་པ་དང་མཚུངས་པར་བཞུགས་སོ། །སྐུ་བརྙན་དངོས་ཀྱི་གནས་ལྔར་རྟེན་མཆོག་ཁྱད་པར་ཅན་སྡེ་ལྔ་བཞུགས་པ་ནི། དཔྲལ་བར་རྗེ་བཙུན་ནཱ་རོ་པའི་སློབ་མ་བལ་

― LT38_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཕམ་མཐིང་བ་ཆུང་བ་བྷ་དནྟའི་དབུ་ཐོད་རང་བྱོན་གྱི་ཕུང་པོའི་དུམ་བུ་རིང་བསྲེལ་གྱིས་གཏམས་ཤིང་རྡོ་རྗེ་ཆོས་ཀྱི་སྣང་བརྙན་ཤིན་ཏུ་གསལ་བ། མགྲིན་པར་རྗེ་དྲུག་པ་མཐོང་བ་དོན་ལྡན་གྱི་ཞལ་འགྲམ་ལ་སྤྱན་རས་གཟིགས་བཅུ་གཅིག་ཞལ་གྱི་སྐུ་བརྙན་རང་བྱུང་བུབ་ཚང་། ག་རོད་ལོ་ཙཱ་ཚུལ་ཁྲིམས་འབྱུང་གནས་ཀྱིས་ཏཱ་ལའི་ལོ་མར་བི་ཀྲ་མ་ལ་ཤཱི་ལའི་གཙུག་ལག་ཁང་དུ་ཕྱག་བྲིས་མཛད་པའི་རྣལ་འབྱོར་རྫོགས་ཕྲེང་གི་གཞུང་ལས་འཁོར་ལོ་བདེ་མཆོག་དང་སངས་རྒྱས་ཐོད་པའི་སྒྲུབ་ཐབས་བཞུགས་པ་ལྡེབ་གསུམ། ཐུགས་ཀར་པ་ཆེན་སྨྲྀ་ཏི་ཛྙཱ་ནས་ཐུགས་དམ་དུ་བཏབ་པ་འཁོར་ལོ་བདེ་མཆོག་ལཱུ་ཧི་ལུགས་ཀྱི་སྐུ་བརྙན་སྙིང་པོ་བཅས་ཆགས་གང་པ་བདེ་མཆོག་དངོས་སུ་བཞུགས་པའི་ཕོ་བྲང་གངས་རྒྱལ་ཏི་སེ་ནས་བྱོན་པ། བྱམས་མགོན་རྡོ་རྗེ་འཆང་པདྨ་ཉིན་བྱེད་དབང་པོའི་སྐུ་སྦུར་གྱི་ཕྱག་ཏུ་བསྲེགས་བཞུ་ལྷན་ཅིག་ཕུལ་བས་མེས་གཏན་ནས་མ་ཉམས་པའི་རྡོ་རྗེ་དང་དྲིལ་བུ། གྲུབ་ཆེན་ཀརྨ་པཀྴའི་སྒོམ་ཐག་དྲྭ་བ་མ་སྐུ་དྲེགས་ཅན་ལྕགས་མོ་ནང་སོའི་རྟེན་སྒྲོམ་ནས་བྱོན་པ་བྱིན་ལྡན་འཁྲུལ་མེད་བུབ་ཚང་བཅས། ལྟེ་བར་སངས་རྒྱས་མཉན་པ་གྲུབ་ཆེན་གྱི་སྐུ་ཆོས་རྙིང་པ་སྐུ་དྲེགས་ཅན་བུབ་ཚང་། ཞྭ་དམར་བཅུ་པའི་རྟེན་ཁྲོད་ནས་བེ་རི་བླ་མ་བསོད་ནམས་བརྟན་པས་སྤྱན་དྲངས་པ། ཙཱ་འདྲ་རིན་ཆེན་བྲག་

― LT38_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

གི་གཡས་ཕྱོགས་མཚོ་རྒྱལ་སྒྲུབ་ཕུག་གི་འགྲམ་ལོགས་ནས་བྱོན་པ་ཡེ་ཤེས་མཁའ་འགྲོ་མཚོ་རྒྱལ་གྱི་བདུད་རྩི་ཕྱག་མཆོད་མཛད་ནས་རྡོ་ལ་རེག་པས་ཕག་མོ་ལྷ་ལྔ་དམར་ལ་སྨུག་པའི་མདངས་ཅན་རང་བྱུང་དུ་གསལ་བ། གསང་བར་རྭ་ལོ་རྡོ་རྗེ་གྲགས་ཀྱི་ཕྱག་སྤར་ལས་བྱོན་པའི་འཇིགས་བྱེད་ཞལ་ཕྱག་ཡོངས་རྫོགས་གསེར་ལྗིབས་བྱུགས་ཅན། རྒྱལ་དབང་ཐམས་ཅད་མཁྱེན་པ་བཅུ་བཞི་པས་ཕྱག་བསྟར་དུ་མཛད་པའི་ཡེ་ཤེས་མགོན་པོའི་སྐུ་བརྙན་ལ་རྡོ་རྗེ་འཆང་པདྨ་དབང་ཆེན་དང་རྒྱལ་དབང་རིན་པོ་ཆེའི་སྐུ་མཚལ་གྱིས་བྱུགས་ཤིང་ནང་གཞུག་རབ་གནས་ཁྱད་འཕགས་ལྡན་པ་བཅས་བཞུགས་སྣོད་ཇི་ལྟར་འཚམས་པར་དར་སྣས་ཀླུབས་ཤིང་དྲི་བཟང་གི་ཕུར་མས་གཏམས་ཏེ་བཞུགས་པའོ། །རིང་བསྲེལ་རྣམ་པ་ལྔ་ལས་ཡུངས་འབྲུ་ལྟ་བུའི་རིང་བསྲེལ་ནི། གཙུག་ཏོར་དུ་མཆུར་ཕུའི་རིང་བསྲེལ་གཅིག །སྨིན་གླིང་རིང་བསྲེལ་གཅིག །བདུད་འདུལ་གཏེར་བྱོན་རིང་བསྲེལ་གཅིག་དང་སངས་རྒྱས་དཔའ་བོ་བདུན་གྱི་རིང་བསྲེལ་རིལ་བུ། མཆོག་གླིང་འོད་སྲུང་རིང་བསྲེལ་གཅིག །མཁས་གྲུབ་ཁྱུང་པོ་རྣལ་འབྱོར་གྱི་ཐུགས་ལས་བྱོན་པའི་རིང་བསྲེལ་གཅིག །དམ་རྫས་རིན་པོ་ཆེའི་ཏོག་རྩ་བའི་གཏའ་སྤེལ་རྡོག་ཉེར་གཅིག་བཅས་བཞུགས། ཆོས་སྐུའི་རིང་བསྲེལ་སཱཙྪ་གོང་མཚུངས་དང་། ཁྱད་པར་ཇོ་བོ་རྗེའི་ཕྱག་ཚ་གཅིག་སྐུ་

― LT38_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་དུ་བཞུགས། བྱིན་སྐུའི་སྐོར་ལ་གཙུག་ཏོར་ཏུ། རྡོ་རྗེ་འཆང་། རྣམ་རྒྱལ་མ། དཔྲལ་བར་རྣམ་སྣང་། འཇམ་དབྱངས། འཇིགས་བྱེད་ཞལ་ཕྱག་ཡོངས་རྫོགས་དཔའ་གཅིག་མགྲིན་པར་རྗེ་བཅུ་གསུམ་པའི་ཕྱག་བཏབ་འོད་དཔག་མེད་གཙོ་འཁོར་གསུམ་པ་དང་ཚེ་དཔག་མེད། སྣང་བ་མཐའ་ཡས། ཚེ་དཔག་མེད། སྤྱན་རས་གཟིགས། རྟ་མགྲིན། སྒྲོལ་དཀར། འཕགས་པ་ཀླུ་སྒྲུབ། ཐུགས་སྟོང་བི་རཱུ་པ། དམ་པ་རྒྱ་གར། རྗེ་བཙུན་མི་ལ། རྒྱལ་དབང་བཅུ་བཞི་པའི་ཕྱག་བཏབ་གྲུབ་ཆེན་ཀརྨ་པཀྴིི། ཐུགས་དབུས་སུ་རྒྱལ་དབང་བཅུ་བཞི་བའི་ཕྱག་བཏབ་བདེ་མཆོག་ཀརྨ་སྙན་བརྒྱུད་ལུགས་ཀྱི་སྐུ་བརྙན་དང་། འབྲུག་ཆེན་ཀུན་གཟིགས་ཆོས་ཀྱི་སྣང་བའི་ཕྱག་བཏབ་བདེ་མཆོག་རས་ཆུང་སྙན་བརྒྱུད་ལུགས་ཀྱི་སྐུ་བརྙན། ཡང་ཀརྨ་སྙན་བརྒྱུད་བདེ་མཆོག་སྐུ་བརྙན་གཉགས་ཆེན་སྤྲུལ་པ་མཁན་ཆེན་བླ་མ་ཟླ་བ་བཟང་པོས་རྟེན་འདམ་ལ་ཕྱག་བཏབ་དང་སྒྲུབ་པ་རབ་གནས་ཚད་ལྡན་གནང་བ་ནང་གཞུག་བཅས། གྲུབ་ཆེན་ཏེ་ལོ་སངས་རྒྱས་ཉིད་རྡོ་རྗེ་འཆང་གི་རྒྱལ་རབས་བཅུ་གསུམ་པར་བདེ་མཆོག་མཁའ་འགྲོ་སྙན་བརྒྱུད་ཀྱི་མངའ་བདག་ཏུ་བྱོན་པ་དྲུང་རྨ་སེ་བློ་གྲོས་རིན་ཆེན་གྱི་དབུ་ཐོད་ཚལ་པ་ལ་འཁོར་ལོ་སྡོམ་པ་བསྟན་འཛིན་དགེ་ལེགས་ཉི་མའི་ཕྱག་བྲིས་བདེ་མཆོག་ལྷན་སྐྱེས་ཀྱི་སྐུ་བརྙན་

― LT38_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པས་བཀོད་པ་ལྟ་བུ་བྱིན་ལྡན་ཁྱད་འཕགས། མི་བསྐྱོད་པ། དགྱེས་རྡོར་ཆེ་ཆུང་། བདེ་མཆོག་ལཱུ་ཧི་ལུགས་དང་ལྷན་སྐྱེས། གསང་འདུས། རྡོར་སེམས། ཐུབ་སྐུ་ཁྱད་འཕགས་ཆེ་ཆུང་། ཐུབ་པ་རྡོ་རྗེ་གདན་མ། མི་འཁྲུགས་པ། ཡུམ་ཆེན་མོ། ཕྱག་རྡོར་ཞི་བ་དང་འབྱུང་འདུལ། ཐུགས་སྨད་དུ། ས་སྐྱའི་རྗེ་བཙུན་གོང་མ་ལྔ་དང་ངོར་ཆེན་རྡོ་རྗེ་འཆང་། ཐང་སྟོང་རྒྱལ་པོ། ལྟེ་བར་སྨན་བླ། ཀླུ་དབང་རྒྱལ་པོ་སེང་གེ་སྒྲ། ནཱ་རོ་མཁའ་སྤྱོད་ཆེ་འབྲིང་ཆུང་གསུམ། མཁའ་སྤྱོད་སྐོར་གསུམ། ཕག་མོ། ལབ་སྒྲོན། གསང་བར་སྒྲོལ་མ་ལྗང་ལོ། དམར་པོ་སྐོར་གསུམ། པད་གདན་ཏུ་གུར་མགོན་ཆེ་ཆུང་། མགོན་དཀར་ཡིད་བཞིན་ནོར་བུ། དུར་བདག་ཡབ་ཡུམ། ཞལ་ཁྲ། ལས་གཤིན། རྣམ་ཐོས་སྲས། དཔལ་ཆེན་མ། ཛཾ་དཀར། ཛཾ་དམར། ཛཾ་སེར། ཛཾ་ནག་བཅས་གསུམ་ནས་བདུན་རེའི་བར་གྱི་གྲངས་ཅི་རིགས་པ་བཞུགས་སོ། །ཆོས་ཀྱི་རིང་བསྲེལ་འོག་ཏུ་གསལ་ལ། སྐུ་གདུང་སྐུ་བལ་དམ་རྫས་ཁྱད་པར་འཕགས་པའི་སྐོར་ལ། དབུའི་ནང་དུ་གཏེར་གསར་གཟི་བརྗིད་སྐྱེད་པ་སྐུའི་རིལ་བུ། བྱང་གནམ་མཚོར་རང་བྱུང་ཞབས་ཀྱིས་རབ་གནས་མཛད་པའི་རིལ་ནག་རང་བྱོན་དང་། དེའི་གོང་བུ་ལ་རྗེ་བཙུན་མི་ལའི་སྐུ་བརྙན་ཤིན་ཏུ་གསལ་བ།

― LT38_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གདུང་རིང་བསྲེལ་ནི། བྱང་ཆུབ་སེམས་དཔའ་ཆོས་འཕགས་ཀྱི་ཚེམས། རྗེ་མར་པ་ལོ་ཙཱའི་ཞལ་འགྲམ་དུམ། རྗེ་དུས་གསུམ་མཁྱེན་པའི་དབུ་ཐོད་དུམ་བུ་དང་དབུ་ཀླད་རིང་བསྲེལ་ཅན། ཀརྨ་པཀྴིིའི་ཞལ་འགྲམ་ཆ་ཤས། རྗེ་རང་བྱུང་རྡོ་རྗེའི་དབུ་ཐོད་ཚལ། གྲུབ་ཆེན་རྨ་སེ་བློ་གྲོས་རིན་ཆེན་གྱི་དབུ་ཐོད་དུམ། རྗེ་བན་སྒར་ཀུན་མཁྱེན་དབུ་ཐོད་ཚལ། སྤང་མཁན་ཆེན་འོད་ཟེར་བླ་མའི་དབུ་ཐོད་དུམ།། ༈ །།སྐུ་བལ་རིང་བསྲེལ་སྐོར་ལ། འཕགས་པ་ཤཱ་རིའི་བུའི་ཆོས་གོས་དུམ། པ་ཆེན་ཤཱཀྱ་ཤྲཱིའི་དབུ་ཞྭ་དང་སྣམ་སྦྱར་དུམ། མཉམ་མེད་དྭགས་པོ་རིན་པོ་ཆེའི་དབུ་ལྗོན་དང་དབུ་ཞྭ་ཚལ། དུས་གསུམ་མཁྱེན་པའི་དབུ་ལྗོན་དང་དབུ་ཞྭ་ཚལ། རྒྱལ་སྲས་སྦོམ་ཕྲག་པའི་དབུ་ལྗོན། ཀརྨ་པཀྴིིའི་དབུ་ལྗོན་དང་དབུ་ཞྭ་ཚལ། རྗེ་རང་བྱུང་རྡོ་རྗེའི་དབུ་ལྗོན། ཆོས་རྗེ་རོལ་པའི་རྡོ་རྗེའི་དབུ་སྐྲ། ཆོས་རྗེ་དེ་བཞིན་གཤེགས་པའི་དབུ་སྐྲ། རྗེ་ཆོས་གྲགས་རྒྱ་མཚོའི་དབུ་ཞྭ་དུམ། མི་བསྐྱོད་རྡོ་རྗེའི་དབུ་ལྗོན། ཆོས་དབྱིངས་རྡོ་རྗེའི་དབུ་སྐྱེས། ཡེ་ཤེས་རྡོ་རྗེའི་དབུ་སྐྲ། རྒྱལ་དབང་བྱང་ཆུབ་རྡོ་རྗེའི་དབུ་སྐྲ། རྗེ་བཅུ་གསུམ་པ་བདུད་འདུལ་རྡོ་རྗེའི་དབུ་ལྗོན། བན་སྒར་འཇམ་དཔལ་བཟང་པོའི་དབུ་ལོ། དཔའ་བོ་ཆོས་དབང་ལྷུན་གྲུབ་དབུ་ཞྭ་དུམ། དྲུང་ཆེན་ཀུན་དགའ་རྣམ་རྒྱལ་དབུ་ལོ། རྟོགས་ལྡན་དོན་གྲུབ་བཀྲ་ཤིས་

― LT38_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྒྲུབ་བརྒྱུད་བསྟན་པ་རྣམ་རྒྱལ་དབུ་སྐྲ། གར་དབང་ཆོས་སྐྱོང་འགྱུར་མེད་དབུ་ལྗོན། ཨ་རཱ་ག་ལོ་བཅུ་གསུམ་སྐུ་མཚམས་བཞུགས་སྐབས་ཀྱི་དབུ་སྐྲ། ཏྲེ་ཆེན་ཆོས་ཀྱི་དབང་པོའི་དབུ་སྐྲ། སི་ཏུ་ཆོས་ཀྱི་འབྱུང་གནས་དབུ་སྐྲ། རྗེ་པདྨ་ཉིན་བྱེད་དབང་པོའི་དབུ་ལྗོན། མ་གཅིག་ལབ་སྒྲོན་དབུ་སྐྲ། ས་སྐྱ་པ་ཆེན་དབུ་ཞྭ་དུམ། འགྲོ་མགོན་ཆོས་རྒྱལ་འཕགས་པའི་དབུ་ལྗོན། བུ་སྟོན་རིན་པོ་ཆེའི་དབུ་སྐྲ། རྒྱལ་སྲས་ཐོགས་མེད་དབུ་སྐྲའི་རྟེན་འདམ། བོ་དོང་པ་ཆེན་གར་ཞྭ་མཁའ་འགྲོའི་དབུ་སྐྲ་ལས་གྲུབ་པའི་ཚལ། གྲུབ་ཆེན་ཐང་རྒྱལ་དབུ་སྐྲ། རྗེ་ལྷ་རྩེ་བའི་དབུ་ལྗོན། འབྲི་གུང་ཆོས་གྲགས་དབུ་སྐྱེས། ཀརྨ་གཞན་ཕན་འོད་ཟེར་དབུ་ལྗོན།། ༈ །།མགྲིན་པར། གཏེར་གསང་ཚངས་དབྱངས་སྐྱེད་པ་གསུང་གི་རིལ་བུ། པ་ཆེན་ག་ཡ་དྷ་རའི། ཕྱག་དཔེ་དགྱེས་རྡོར་བརྟགས་གཉིས་ཀྱི་རྒྱ་དཔེ་དུམ། ཤ་བ་འབུམ་པའི་གནས་རྡོ་དུང་དཀར་རང་བྱོན། རྗེ་མར་པ་ལོ་ཙཱའི་ཞལ་དཀར་དུམ་བུ། ཀརྨ་པཀྴིིའི་ཞལ་རྒྱན་དང་ཤངས་མཚལ་རིལ་བུ། རྒྱལ་བ་ལོ་རས་པའི་ཐུགས་ལྗགས་རིལ་བུ། གྲུབ་ཆེན་ཐང་སྟོང་རྒྱལ་པོའི་ཤངས་མཚལ་རིལ་བུ། ཆོས་དབྱིངས་རྡོ་རྗེའི་ཕྱག་ཕྲེང་གི་ལུང་དང་སྐུ་མཚལ་རིལ་བུ། གར་དབང་ཡེ་ཤེས་སྙིང་པོའི་ཕྲེང་ལུང་། རྒྱལ་ཚབ་གྲགས་པ་དཔལ་འབྱོར་ཤངས་

― LT38_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

མཚལ། གྲགས་པ་དོན་གྲུབ་ཤངས་མཚལ།། ༈ །།ཐུགས་ཀའི་སྟོད་དུ། ཇོ་བོ་རྗེའི་གདུང་རུས་རིང་བསྲེལ་ཅན། སྲས་དར་མ་མདོ་སྡེའི་གདུང་རུས། དཔལ་ལྡན་ཕག་མོ་གྲུ་པའི་གདུང་རུས་དང་སྐུ་ཤའི་རིལ་བུ། སྟག་ལུང་ཐང་པའི་གདུང་རུས་རིལ་བུ། གཙང་པ་རྒྱ་རས་ཀྱི་སྐུ་ཤ །རྒོད་ཚང་པ་མགོན་པོ་རྡོ་རྗེའི་གདུང་རུས་རིལ་བུ། གྲུབ་ཆེན་ཨོ་རྒྱན་པའི་རིང་བསྲེལ་དང་གདུང་རུས། འགྲམ་རུས་རིལ་བུ། རྗེ་སངས་རྒྱས་དབོན་གྱི་གདུང་རུས། རྗེ་མཐོང་བ་དོན་ལྡན་གྱི་སྐུ་ཤ་དང་སྐུ་གདུང་གདུང་ཞུན་རིལ་བུ། བན་སྒར་འཇམ་དཔལ་བཟང་པོ་དང་གོ་ཤྲཱི་དཔལ་འབྱོར་དོན་གྲུབ་གདུང་རུས། ཆོས་གྲགས་རྒྱ་མཚོའི་སྐུར་ཤའི་རིལ་བུ་དང་གདུང་ཞུན། རྗེ་བརྒྱད་པའི་གདུང་ཤཱ་རི་རཾ་ཁྱད་འཕགས་སྐུ་མཚལ་རིལ་བུ་དང་གདུང་ཐལ་རྟེན་འདམ། དབང་ཕྱུག་རྡོ་རྗེའི་གདུང་རུས། ཆོས་དབྱིངས་རྡོ་རྗེའི་གདུང་རུས།། ༈ །།སྐུ་བལ་རིང་བསྲེལ་སྐོར་ལ། རྗེ་ནཱ་རོ་པའི་རུས་རྒྱན་ཚལ། ཇོ་བོ་རྗེའི་སྐུ་ཆོས་དུམ། རྗེ་མར་པའི་ན་བཟའ་བྱིན་ཅན། རྗེ་བཙུན་མི་ལའི་རས་གཟན་དང་སྒོམ་ཐག་དུམ། མཉམ་མེད་དྭགས་པོ་ལྷ་རྗེའི་སྐུ་ཆོས་དུམ། རྗེ་དུས་གསུམ་མཁྱེན་པའི་སྐུ་ཆོས། ཀུན་མཁྱེན་རང་བྱུང་རྡོ་རྗེའི་སྐུ་ཆོས། ཆོས་རྗེ་རོལ་པའི་རྡོ་རྗེའི་ན་བཟའ། ཆོས་རྗེ་དེ་བཞིན་གཤེགས་པའི་བཞུགས་གདན་དང་

― LT38_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཆིངས། མཐོང་བ་དོན་ལྡན་ན་བཟའ། རྗེ་ཆོས་གྲགས་རྒྱ་མཚོའི་ན་བཟའ་དང་སྐུ་ཆིངས། མི་བསྐྱོད་རྡོ་རྗེའི་ན་བཟའ། དབང་ཕྱུག་རྡོ་རྗེའི་ན་བཟའ་སྐུ་ཆོས་དང་སྤུར་རས། རྗེ་ཆོས་དབྱིངས་རྡོ་རྗེའི་སྐུ་གཟན། རྒྱལ་དབང་ཡེ་ཤེས་རྡོ་རྗེའི་མནབ།།།སླག །རྒྱལ་དབང་བྱང་ཆུབ་རྡོ་རྗེའི་ན་བཟའ། རྒྱལ་དབང་བདུད་འདུལ་རྡོ་རྗེའི་ན་བཟའ། གྲུབ་ཆེན་ཁྱུང་པོ་རྣལ་འབྱོར་ན་བཟའ། བླ་མ་ཞང་རིན་པོ་ཆེའི་གདུང་རས། དཔལ་ལྡན་ཕག་མོ་གྲུབ་པའི་སྐུ་འགག་དུམ། ཁྲོ་ཕུ་སེམས་དཔའ་ཆེན་པོའི་ན་བཟའ། གླིང་རས་པདྨ་རྡོ་རྗེའི་ན་བཟའ། འབྲི་གུང་འཇིག་རྟེན་གསུམ་མགོན་དབུ་ཞྭ། སྟག་ལུང་ཐང་པ་རིན་པོ་ཆེའི་ན་བཟའ་དང་དབུ་ལྗོན། ཆོས་རྗེ་སྨར་པ་གྲུབ་ཐོབ་སྐུ་ཚེས། འགྲོ་མགོན་སངས་རྒྱས་ཡེལ་པའི་ན་བཟའ་དང་ཕྱག་མཁར། རྒྱལ་བ་གཡའ་བཟང་པའི་དབུ་སྐྲ། ཆོས་རྗེ་ཤུག་གསེབ་པའི་གཟིམ་ཐུལ། ཆོས་རྗེ་གཙང་བརྒྱ་རས་དབུ་སྐྲ། བུ་སྟོན་རིན་པོ་ཆེའི་ན་བཟའ། སྟག་ལུང་སངས་རྒྱས་དབོན་གྱི་དབུ་སྐྲ། ཇོ་ནང་རྗེ་བཙུན་ཏཱ་ར་ནཱ་ཐའི་སྐུ་ཆོས་འཁྲུལ་བྲལ། དཔལ་ཆེན་ཆོས་ཀྱི་དོན་གྲུབ་དབུ་སྐྲ། རྒྱལ་ཚབ་གྲགས་པ་མཆོག་དབྱངས་ཀྱི་དབུ་སྐྲ། དཔའ་བོ་གཙུག་ལག་རྒྱ་མཚོའི་དབུ་སྐྱེས། འབྲི་གུང་རིན་ཆེན་ཕུན་ཚོགས་ན་བཟའ། འབྲུག་ཀུན་མཁྱེན་མི་ཕམ་པདྨ་དཀར་པོའི་དབུ་སྐྲ། འབྲུག་པ་བཀའ་བརྒྱུད་

― LT38_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་ཤིང་རྟའི་དབུ་སྐྲ།། ༈ །།ཐུགས་ཀར། གཏེར་གསར་བདེ་ཆེན་སྐྱེད་པ་ཐུགས་ཀྱི་རིལ་བུ། གྲུབ་ཆེན་བིརྦ་པས་ཆུ་བོ་ནཻ་རཉྫ་ན་དང་། ཆུ་བོ་གངྒཱ་གཉིས་ལ་རྫུ་འཕྲུལ་གྱིས་བཏབ་པའི་སཱཙྪའི་དུམ་བུ། དཱ་རི་ཀ་པའི་ཚེ་ཆུ་རིལ་བུ། དམ་རྫས་རིལ་ནག་ཆེན་མོ་རྗེ་བདུན་པའི་ཕྱག་བསྒྲིལ། རྗེ་བརྒྱད་པའི་རིལ་ནག་འཕེལ་མ། དམ་རྫས་རིལ་ནག་ཆེན་མོ་རྗེ་བཅུ་བཞི་པའི་ཕྱག་བསྒྲིལ་བཅས་ཕོན་མང་། རྗེ་བཅུ་བཞི་པའི་དམ་རྫས་ཁྱད་འཕགས་དངུལ་མདོག་མ། འབྲུག་ཆེན་མི་ཕམ་དབང་པོས་ཙཱ་རི་གཅིག་ཆར་ནས་བཞེས་པའི་རྩྭ་མཆོག་ཀླུ་བདུད་རྡོ་རྗེ། འབྲུག་ཆེན་ཆོས་ཀྱི་སྣང་བས་བསྒྲུབས་པའི་འཇའ་ཚུགས། འབྲུག་ཆེན་མི་འགྱུར་དབང་གི་རྒྱལ་པོས་བསྒྲུབས་པའི་འཇའ་ཚུགས་གཙོར་གྱུར་རྟེན་འདུས་ཕབ་གཏའ། ཛཾ་ཐང་དུ་བཞུགས་པའི་ཀུན་མཁྱེན་དོལ་པོ་པའི་ཞུན་ཐིག་བདེ་མཆོག་རང་བྱོན་ལ་སྐུ་ཁྲུས་གསོལ་བའི་རིང་བསྲེལ། ལྷོ་སྟ་ཤོང་བུ་མོ་པདྨ་མཚོས་རྫུ་འཕྲུལ་གྱིས་ཆབ་བུམ་པ་གང་གསེར་དུ་བསྒྱུར་བས་བྲིས་པའི་འབུམ་གྱི་དུམ་བུ། བདེ་མཆོག་གྲུབ་བརྙེས་མང་དགེ་རྡོ་རྗེ་འཆང་གི་ཕྱག་ཚའི་ཁྲུས་རིལ་སྐལ་ལྡན་རྣམས་ངོར་རང་བྱུང་གི་ཡིག་འབྲུ་གསལ་བ། གཡུ་བྲག་ཚེ་རྫས་ཟླ་བའི་སྙིང་པོ། མ་ར་ཏཱི་ཀིའི་ས་ཆུ་ཚེ་རྫས། སྒྲོལ་དཀར་བླ་མེད་ཀྱི་རིལ་བུ་རྟག་པའི་

― LT38_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ།། ༈ །།སྐུ་གདུང་རིང་བསྲེལ་སྐོར་ལ། འགྲོ་མགོན་གཙང་པ་རྒྱ་རས་ཀྱི་ཞུན་ཐིག །ཀརྨ་པ་རོལ་པའི་རྡོ་རྗེའི་ཐུགས་ཀྱི་ཆ་ཤས། གྲུབ་ཆེན་མ་ཏི་རཏྣའི་ཐུགས་ཚལ་པ་དང་གདུང་རུས། རྟོགས་ལྡན་ཡ་བརྒྱད་ཀྱི་གྲལ་ཆུ་གསོལ་འོད་ཟེར་སེང་གེའི་གདུང་རུས། གར་དབང་པདྨ་བློ་གྲོས་གདུང་རུས། རྗེ་བདུན་པ་ཆོས་གྲགས་རྒྱ་མཚོའི་ཐུགས་ཀྱི་རིལ་བུ། ཞྭ་དམར་མཁའ་སྤྱོད་དབང་པོའི་སྐུ་ཤ །རྗེ་སངས་རྒྱས་མཉན་པའི་ཐུགས། སངས་རྒྱས་དབོན། སངས་རྒྱས་ཡར་བྱོན། ཆོས་སྐུ་ཨོ་རྒྱན་མགོན་པོ་སྟེ་སྟག་ལུང་སངས་རྒྱས་རྣམ་གསུམ་གྱི་རིང་བསྲེལ་ཁྱད་འཕགས་རྡོག་རེ་རེ། རྗེ་བཙུན་སྒྲོལ་བའི་མགོན་པོའི་ལྗགས་མཆིལ་ལས་བྱོན་པའི་རིང་བསྲེལ། རིག་འཛིན་གསུང་རབ་རྒྱ་མཚོའི་ཐུགས། སི་ཏུ་ཆོས་ཀྱི་རྒྱལ་མཚན་གྱི་ཐུགས་ཚལ་པ། པདྨ་ཉིན་བྱེད་དབང་པོའི་གདུང་རུས། རྣལ་འབྱོར་གྱི་དབང་ཕྱུག་ཀརྨ་ནོར་བུའི་གདུང་རུས།། ༈ །།སྐུ་བལ་རིང་བསྲེལ་སྐོར། ས་ར་ཧའི་དུག་སྤྲུལ་པགས་པའི་སྒོམ་ཐག་གི་ཆ་ཤས། ཏཻ་ལོ་པའི་སྒོམ་ཐག་དུམ། གྲུབ་ཆེན་ཨོ་རྒྱན་པའི་སྒོམ་ཐག །ས་ཆེན་ཀུན་དགའ་སྙིང་པོའི་ན་བཟའ། སློབ་དཔོན་བསོད་ནམས་རྩེ་མོའི་ན་བཟའ། རྗེ་བཙུན་གྲགས་པ་རྒྱལ་མཚན་དབུ་སྐྲ་དང་ན་བཟའ། ཆོས་རྗེ་ས་སྐྱ་པ་ཆེན་སྐུ་ཆོས། དཔལ་

― LT38_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་བླ་མ་བསོད་ནམས་རྒྱལ་མཚན་ན་བཟའ། ཐེག་ཆེན་ཆོས་རྗེ་ཀུན་དགའ་བཀྲ་ཤིས་ཀྱི་སྣམ་སྦྱར། རྗེ་བཙུན་ཏཱ་ར་ནཱ་ཐའི་ན་བཟའ། གྲུབ་ཆེན་ཐང་སྟོང་རྒྱལ་པོའི་ཕྱག་ཕྲེང་དང་ཀླུ་ཡི་དབང་པོས་ཕུལ་བའི་ཨ་ག་རུའི་ཕྱག་མཁར་དུམ། དྲུང་རྨ་སེའི་སྐུ་བེར་ཚལ། སྒྲུབ་བརྒྱུད་བསྟན་པ་རྣམ་རྒྱལ་ཞབས་ཀྱིས་བདེ་མགོན་སྦྲེལ་མ་དུང་ཕྱུར་ཁ་ཤས་ལྗགས་བཟླས་གནང་བའི་ཕྱག་འཛབ། གཙང་སྨྱོན་ཧེ་རུ་ཀའི་སྒོམ་ཐག །ཞྭ་དམར་ཡེ་ཤེས་སྙིང་པོའི་ན་བཟའ། རྒྱལ་དབང་བདུད་འདུལ་རྡོ་རྗེའི་ཕྱག་ཕྲེང་། འབྲི་གུང་ཆོས་ཀྱི་གྲགས་པའི་སྒོམ་ཐག། ༈ །།ཐུགས་ཀའི་སྨད་དུ། དཔལ་ས་སྐྱ་པའི་རྟེན་འདམ་དཔེ་བྲལ་མ། རྗེ་བཙུན་ཏཱ་ར་ནཱ་ཐའི་བླ་ཤིང་དུ་སྐྱེས་པའི་ས་བའི་ལོ་མ།། ༈ །།སྐུ་གདུང་རིང་བསྲེལ་སྐོར་ལ། དགོན་པ་བ་དབང་ཕྱུག་རྒྱལ་མཚན་གདུང་ས། རྗེ་བརྒྱད་པའི་གདུང་ཐལ་རྟེན་འདམ། དཀོན་མཆོག་ཡན་ལག་གི་གདུང་དཀྲིས། གར་དབང་ཆོས་ཀྱི་དབང་ཕྱུག་གི་གདུང་ཚྭ་དང་གདུང་དཀྲིས། ཀརྨ་ཕྲིན་ལས་པ་དང་པོའི་གདུང་རུས། རྒྱལ་དབང་ཆོས་དབྱིངས་རྡོ་རྗེའི་གདུང་ཚ། རྒྱལ་ཚབ་བཀྲ་ཤིས་རྣམ་རྒྱལ་སྐུ་ཤ །གྲགས་པ་དཔལ་འབྱོར་གདུང་རུས། གྲགས་པ་མཆོག་དབྱངས་ཀྱི་གདུང་རུས། ཆགས་མེད་རིན་པོ་ཆེའི་གདུང་ཁྲུས་རིལ་བུ།

― LT38_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་བདེ་བའི་འབྱུང་གནས་ཀྱི་གདུང་ཐལ། དཔའ་བོ་གཙུག་ལག་ཆོས་རྒྱལ་གྱི་གདུང་རུས་དང་གདུང་ཐལ། དྲུང་ཆེན་བརྒྱད་པ་འགྱུར་མེད་བསྟན་འཕེལ་གྱི་གདུང་ཤ་རཱི་རཾ། བསྟན་འཛིན་ལྔ་པ་དཀོན་མཆོག་རབ་བརྟན་གདུང་རུས། བདུན་པ་ངེས་དོན་རྒྱ་མཚོའི་གདུང་། འབྲུག་ཆེན་དཔག་བསམ་དབང་པོའི་གདུང་རུས། ཡོངས་འཛིན་འཇམ་དཔལ་དཔའ་བོའི་གདུང་རུས། ཐེག་ཆེན་ཆོས་རྗེའི་གདུང་རུས། ཆགས་ལོ་ཆོས་རྗེ་དཔལ་གྱི་སྐུ་ཤ །བོ་དོང་འཇིགས་བྲལ་ཆེན་པོའི་སྐུ་ཤའི་རིལ་བུ། སྟག་ལུང་བཀྲ་ཤིས་དཔལ་གྲུབ་གདུང་རུས། ཚར་ཆེན་བློ་གསལ་རྒྱ་མཚོའི་གདུང་ཐལ། དེའི་དངོས་སློབ་མཁན་ཆེན་གཞོན་ནུ་བློ་གྲོས་ཀྱི་སྤུར་ཚྭ། གནས་གསར་བ་འཇམ་དབྱངས་མཁྱེན་བརྩེའི་དབང་ཕྱུག་གདུང་ཐལ། མགོན་པོ་བསོད་ནམས་མཆོག་ལྡན་གྱི་གདུང་ཐལ། རྨོར་ཆེན་ཆོས་ཀྱི་རྒྱལ་པོའི་གདུང་རུས། མཁན་ཆེན་སངས་རྒྱས་ཕུན་ཚོགས་ན་བཟའ། བདེ་མཆོག་གྲུབ་པ་མང་དགེ་རྡོ་རྗེ་འཆང་གི་གདུང་ཐལ། སྐུ་བལ་རིང་བསྲེལ་སྐོར་ལ། གཏེར་བྱོན་འཕགས་པ་ཀླུ་སྒྲུབ་ཞབས་ཆགས། མཆིམས་ནམ་མཁའ་གྲགས་ཀྱི་ན་བཟའ། ཞྭ་དམར་སྤྱན་སྔ་རིན་པོ་ཆེའི་སྐུ་བེར། གར་དབང་ཆོས་ཀྱི་དབང་ཕྱུག་ན་བཟའ། གར་དབང་དྲུག་པའི་སྐུར་བཞེས་ཧེ་རུ་ཀའི་ཆས་

― LT38_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གདན་གཞི། ཞྭ་དམར་བདུན་པ་དང་བརྒྱད་པའི་ན་བཟའ། སི་ཏུ་མི་འཁྲུགས་ཆོས་ཀྱི་གོ་ཆའི་ན་བཟའ། སི་ཏུ་བསོད་ནམས་རྣམ་རྒྱལ་ན་བཟའ། ཀུན་མཁྱེན་བསྟན་པའི་ཉིན་བྱེད་ཀྱི་ཕྱག་ཕྲེང་ལུང་དང་ན་བཟའ། རྡོ་རྗེ་འཆང་པདྨ་ཉིན་བྱེད་དབང་པོའི་སྐུ་མནབས་བྱིན་ལྡན། དཔའ་བོ་གཙུག་ལག་ཕྲེང་བའི་སྐུ་ཆོས། ཏྲེ་ཧོ་བསྟན་འཛིན་དར་རྒྱས་ཀྱི་ན་བཟའ། རྒྱལ་ཚབ་གྲགས་པ་དོན་གྲུབ་ན་བཟའ། གྲུབ་བརྙེས་ཀརྨ་ཆགས་མེད་ཤངས་ཕྱིས། གར་དབང་ཆོས་སྐྱོང་རྣམ་རྒྱལ་ན་བཟའ། ཆོས་སྐུ་ཨོ་རྒྱན་མགོན་པོའི་ན་བཟའ། དཔལ་ལྡན་འབྲུག་པ་རིན་པོ་ཆེའི་ན་བཟའ། ལོ་ཆེན་སྐྱབས་མཆོག་དཔལ་གྱི་ན་བཟའ། བོ་དོང་འཇིགས་བྲལ་ཆེན་པོའི་སྐུ་ཆོས། རྗེ་བཙུན་ཨོ་རྒྱན་མཚོ་མོའི་གསང་གོས། གསང་བདག་ཏཱ་ར་ནཱ་ཐའི་སྤུར་རས། གངས་དཀར་རྡོ་རྗེ་གདན་པ་ཀུན་དགའ་རྣམ་རྒྱལ་གྱི་ཆོས་གོས། ངོར་ཆེན་རྡོ་རྗེ་འཆང་གི་སྐུ་ཆོས། རྒྱལ་ཚབ་དམ་པ་ཀུན་དགའ་དབང་བོ་དོང་གསང་ཡུམ། ཕྱུག་གི་ཆོས་གོས། མུས་ཆེན་སེམས་དཔའ་ཆེན་པོའི་དབུ་སྐྲ། ངོར་ཆེན་དབོན་ཡོངས་འཛིན་དཀོན་མཆོག་འཕེལ་བའི་ན་བཟའ། བྱམས་ཆེན་རབ་འབྱམས་པ་སངས་རྒྱས་འཕེལ་གྱི་ན་བཟའ། ཚར་ཆེན་བློ་གསལ་རྒྱ་མཚོའི་སྐུ་གཟན་དང་། སྐུ་རེག །སྐུ་ཆོས།

― LT38_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

ཐར་རྩེ་པ་ཆེན་ནམ་མཁའ་དཔལ་བཟང་ན་བཟའ། གནས་གསར་མཁྱེན་བརྩེའི་སློབ་མའི་གཙོ་བོ་མཁན་ཆེན་བསླབ་གསུམ་རྒྱལ་མཚན་གྱི་དབུ་ལོ། རྡོ་རྗེ་འཆང་དབང་ཕྱུག་རབ་བརྟན་ན་བཟའ། མགོན་པོ་བསོད་ནམས་མཆོག་ལྡན་སྐུ་ཆོས། ཞྭ་ལུ་བསོད་ནམས་མཆོག་གྲུབ་སྐུ་ཆོས། མང་དགེ་རྡོ་རྗེ་འཆང་གི་ན་བཟའ།། ༈ །།ལྟེ་བར། གྲུབ་ཆེན་ཤ་བ་རི་པའི་དྲྭ་ཕད་དུམ། མཉམ་མེད་དྭགས་པོ་རིན་པོ་ཆེའི་སྨན་སྒོམ་དུམ། དྲུང་མཐོང་བ་དོན་ལྡན་གྱི་རྟེན་འདུས་ཕྱག་དྲིལ་མ། རྗེ་དབང་ཕྱུག་རྡོ་རྗེའི་སྒྲོལ་དཀར་རིལ་བུ། ས་ཆེན་གོང་མ་ལྔ་སོ་སོ། བདག་ཆེན་བློ་གྲོས་རྒྱལ་མཚན། ངོར་ཆེན་རྡོ་རྗེ་འཆང་། རྗེ་ཀུན་དགའ་གྲོལ་མཆོག །རྗེ་བཙུན་ཏཱ་ར་ནཱ་ཐ་རྣམས་ཀྱི་བདུད་རྩི་རིལ་བུ། པ་ཆེན་ག་ཡ་དྷ་རའི་བུམ་ཆུ་དང་ཞྭ་ལུ་པའི་རྒྱུད་སྡེ་ང་གསུམ་གྱི་བུམ་ཆུ་གཅིག་བསྡུས་རིལ་བུ། ཞྭ་དམར་བརྒྱད་པ་དང་རྗེ་བྷརྨཱ་ཀ་ར་སོགས་ནས་སྒྲུབ་རྒྱུན་མ་ཆད་པའི་བདེ་ཕག་གཉིས་ཀྱི་བདུད་རྩི་རིལ་བུ། ཟུར་མང་ཁག་གཉིས་ཀྱི་བུམ་སྒྲུབ་མ་ི་རིལ་བུ། སྟག་ཤམ་གཏེར་བྱོན་སྐྱེ་བདུན་སྐུ་ཤའི་རིང་བསྲེལ། གཏེར་གསར་དམ་རྫས་རོལ་པ་ཆེན་པོ་རིགས་གཉིས། རིག་པའི་ཡེ་ཤེས་སྨན་གྱི་རིལ་བུ། པོ་ཏ་ལའི་འབྲུ་སྨན་རིལ་བུ། ཡང་ཕུར་གཏོར་མའི་བདུད་རྩི། གི་ཝཾ་རིལ་བུ། གཡང་

― LT38_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་དཔལ་ཅན་རིལ་བུ། ཙནྡན་དཀར་དམར་དང་ཅུ་གང་རིལ་བུ།། ༈ །།སྐུ་བལ་རིང་བསྲེལ་སྐོར་ལ། ནཱ་རོ་པའི་ཀྲྀཥྞ་སཱ་ལེའི་པགས་པའི་བཞུགས་གདན། ཇོ་བོ་རྗེའི་ཞབས་ཆགས། ཕ་དམ་པ་སངས་རྒྱས་ཀྱི་རྟེན་འབྲེལ་གལ་ཏའི་འཕྲུལ་ཚར། རྗེ་བཙུན་མི་ལའི་ཟྭ་ཚོད་བྲག་དཀར་རྟ་སོ་ནས་བྱུང་བ། ཕག་གྲུའི་སྒོམ་ཐག་དང་ཨང་རག །རྡོ་རྗེ་ཕག་མོའི་རླུང་རས།། ༈ །།གསང་བར་སྐུ་བལ་རིང་བསྲེལ་ལ། ཙཱ་རིའི་བདེ་མཆོག་ཡབ་ཡུམ་རང་བྱུང་གི་བྱང་སེམས་དཀར་དམར། བྱ་ཡུལ་པའི་ཆིབ་སྒའི་ཨ་འཇོག །མཉམ་མེད་དྭགས་པོ་རིན་པོ་ཆེའི་ཞབས་ཆགས་ཚལ་པ། ཀརྨ་པ་དུས་གསུམ་མཁྱེན་པའི་གསང་ཆབ། གྲུབ་ཆེན་ཀརྨ་པཀྴིའི་བཅུད་ལེན་མཛད་པའི་གསང་ཆེན་དང་ཞབས་ཆགས། རང་བྱུང་རྡོ་རྗེའི་གསང་ཆབ་དང་བཞུགས་གདན། རྗེ་མཐོང་བ་དོན་ལྡན་བཞུགས་གདན། མི་བསྐྱོད་རྡོ་རྗེའི་གསང་ཆབ་དང་། ག་བུར། དབང་ཕྱུག་རྡོ་རྗེའི་གསང་ཆབ། རྗེ་བཅུ་པའི་གསང་ཆབ་དང་ག་བུར། རྒྱལ་དབང་བདུད་འདུལ་རྡོ་རྗེའི་མི་བསྐྱོད། ཞྭ་དམར་དཀོན་མཆོག་ཡན་ལག་གསང་ཆབ་དང་རྣམ་སྣང་རིལ་བུ། ཞྭ་དམར་ཆོས་ཀྱི་དབང་ཕྱུག་གསང་ཆབ། རྒྱལ་ཚབ་གྲགས་པ་དོན་གྲུབ་གསང་ཆབ། དཔའ་བོ་ཆོས་དབང་ལྷུན་གྲུབ། གཙུག་ལག་ཕྲེང་བ། གཙུག་ལག་རྒྱ་མཚོ་རྣམས་ཀྱི་ཞབས་

― LT38_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས། ཆགས་མེད་རིན་པོ་ཆེའི་གསང་ཆབ། ཀུན་མཁྱེན་ཆོས་ཀྱི་འབྱུང་གནས། དཔའ་བོ་གཙུག་ལག་དགའ་བ། རྗེ་པདྨ་ཉིན་བྱེད་རྣམས་ཀྱི་རྣམ་སྣང་དང་མི་བསྐྱོད་རིལ་བུ། རྭ་ལོའི་ཕྱག་མཚན་རྡོ་རྗེའི་མགུལ་དར། ས་ཆེན་ཀུན་དགའ་སྙིང་པོའི་ཞབས་ཆགས། འགྲོ་མགོན་ཆོས་རྒྱལ་འཕགས་པའི་ཞབས་ཆགས། གཙང་པ་རྒྱ་རས་ཞབས་ཆགས། ངོར་ཆེན་རྡོ་རྗེ་འཆང་གི་རྣམ་སྣང་རིལ་བུ་དང་བཞུགས་གདན། གྲུབ་ཆེན་ཐང་སྟོང་རྒྱལ་པོའི་རྣམ་སྣང་། འགྲོ་མགོན་ཙཱ་རི་རས་པའི་ཞབས་ཆགས། རྗེ་བཙུན་ཏཱ་ར་ནཱ་ཐའི་བཞུགས་གདན། གཏེར་བྱོན་ཡུལ་དྲུག་ཅུ་རྩ་བཞིའི་ས་སྣ། སིནྡྷཱུ་ར། ག་བུར། ཡུངས་ཀར་རྣམས་ཀྱི་རིལ་བུ། གཏེར་གསར་བྱད་ཁྲོལ་རིལ་བུ་བཅས་བཞུགས་སོ། །དབང་པོ་ལ་སོགས་པ་སྐུའི་གནས་རྣམས་སུ་སྡོམ་པ་རྩ་བཤད་ཀྱི་རྒྱུད་རྣམས་ལས་འབྱུང་བའི་ཕུང་ཁམས་སྐྱེ་མཆེད་བྱིན་བརླབས་དང་གོ་ཆའི་དཔའ་བོ་ཡབ་ཡུམ་གྱི་སྔགས་བྱང་གསེར་དངུལ་གྱིས་བྲིས་པས་ལེགས་པར་སྤྲས་པའོ། །ཆོས་ཀྱི་རིང་བསྲེལ་གྱི་ཐོག་མར་བླ་བརྒྱུད་དང་མཚན་སྔགས་ཀྱི་སྐོར་ལ། ཧེ་རུ་ཀ་གསུམ་ཀའི་གཙུག་ཏོར་དུ། རྒྱལ་བ་རིགས་ལྔ། ཕྱོགས་བཅུའི་སངས་རྒྱས། ཉེ་བའི་སྲས་བརྒྱད། གནས་བརྟན་ཆེན་པོ་བཅུ་དྲུག །འཛམ་གླིང་མཛེས་པའི་རྒྱན་དྲུག་གྲུབ་ཆེན་བརྒྱད་བཅས་ཀྱི་

― LT38_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་སྔགས་ཚར་བཅུ་རེ། རྡོར་སེམས་ཡང་དག་གཉིས་ཀྱི་དཔྲལ་བ་ཡན་ཆད་དུ། རྫོགས་པ་ཆེན་པོ་བླ་མ་ཡང་ཏིག །མཁའ་འགྲོ་སྙིང་ཐིག །ཀློང་སྡེ་རྡོ་རྗེ་ཟམ་པ། སེམས་སྡེ་ཨ་རོ་ལུགས་དང་ཉང་ལུགས། འདུས་པ་མདོ། སྒྱུ་འཕྲུལ་གསང་བ་སྙིང་པོ་དབང་བཤད། བཀའ་བརྒྱུད་རྫོང་འཕྲང་། བདེ་འདུས་གསང་རྫོགས་རང་ཤར་གསུམ། བླ་མ་དགོངས་འདུས། ཕུར་པ་བཀའ་གཏེར་སྤྱི་ཁྱབ་བཅས་ཀྱི་བླ་མ་བརྒྱུད་པའི་མཚན་སྔགས་རྣམས་ཆ་བཅོ་ལྔ་རེ། གུ་རུ་མཚན་མཆོག་བརྒྱད་ཀྱི་མཚན་སྔགས་དང་ཀཿཐོག་བླ་རབས་བཅུ་གསུམ། ཇོ་ནང་སྤྲུལ་སྐུ་བཅུ་གསུམ་བཅས་ཀྱི་མཚན་སྔགས་རྣམས་ཀྱང་ཆ་བཅོ་ལྔ་རེ། རྡོར་སེམས་ལ་བཀའ་མ་སངས་རྒྱས་མཉམ་སྦྱོར་དང་དཔའ་གཅིག་མར་ལུགས། གཏེར་མ་རྡོར་གླིང་། ཀུན་སྐྱོང་གླིང་པ། གཏེར་བདག་གླིང་པ། བསམ་གཏན་གླིང་པ། མཆོག་གྱུར་གླིང་པ་བཅས་ཀྱི་བརྒྱུད་རིམ། ཡང་དག་ལ་བཀའ་མ་སོ་ལུགས་དང་མཁོན་ལུགས། གཏེར་མ་ཆོས་དབང་། ཆོས་རྗེ་གླིང་པ། མཆོག་གྱུར་གླིང་པ་བཅས་ཀྱི་བརྒྱུད་རིམ། དེ་དག་རྣམས་གཙོ་བོ་གསེར་དངུལ་གྱིས་བྲིས་པ་དང་གཞན་དག་སྤར་བཏབ་པ་བཞུགས། བདེ་མཆོག་དཔྲལ་བ་ཡན་ཆད་དུ། ཤངས་ལུགས་རྒྱུད་སྡེ་ལྔ་སྤྱི་དང་བདེ་མཆོག་ལྷ་ལྔ་བྱེ་བྲག་གི་བརྒྱུད་པ། ཀཾ་ཚང་ལུགས་ཀྱི་བདེ་མཆོག་ལྷ་ལྔ་དང་ཁྱད་པར་གྲུབ་ཆེན་རྨ་སེ་རྟོགས་ལྡན་ལ་བཀའ་བབས་པའི་ཟུར་མང་སྙན་བརྒྱུད་ཐུན་

― LT38_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

མོང་མ་ཡིན་པའི་བརྒྱུད་པ། ལཱུ་ཧི་པ་དྲིལ་བུ་པ་ནག་པོ་པ་སྟེ་ལུགས་གསུམ་གྱི་བརྒྱུད་པའི་མཚན་སྔགས་གསེར་དངུལ་གྱིས་བྲིས་པ་བཞུགས། ཧེ་རུ་ཀ་གསུམ་གྱི་དཔྲལ་བ་ནས་སྐུ་སྟོད་སྟོད་ཆ་ཡན་ལ་སྒྲུབ་བརྒྱུད་རིན་པོ་ཆེ་ཀརྨ་ཀཾ་ཚང་རྟོགས་པ་དོན་གྱི་བརྒྱུད་པ་ཟུང་འཇུག་བརྒྱུད་རིམ་དུ་གྲགས་པ། ཕྱག་ཆེན་བརྒྱུད་པ། བཀའ་བཞི་བརྒྱུད་པ། བྱང་སྡོམ་བརྒྱུད་པ། སོ་ཐར་སྡོམ་རྒྱུན་བཅས་ཀྱི་མཚན་སྔགས་རྣམས་རྡོར་སེམས་ཡང་དག་གཉིས་ལ་ཆ་བདུན་རེ། བདེ་མཆོག་ལ་ཆ་བཅོ་ལྔ་རེའི་སྟེང་དུ། རིན་ཆེན་བདུན་བརྒྱུད་མཚན་སྔགས་སོགས་ཤངས་ཆོས་སྤྱི་བྱེའི་བརྒྱུད་པ། དུས་འཁོར་སྦྱོར་དྲུག་བརྒྱུད་པ་རྣམས་ཀྱང་ཆ་བཅོ་ལྔ་རེ་བཅས། སོ་སོའི་གཤམ་དུ། སྒྲུབ་པ་པོ་མཐོང་ཐོས་དྲན་རེག་སློབ་མ་ཆོས་བརྒྱུད་བཅས་པའི་ལས་ཉོན་སྡིག་ལྟུང་ཆོས་སྒྲུབ་པའི་འགལ་རྐྱེན་མི་མཐུན་པའི་ཕྱོགས་ཞི་ཞིང་ཉམས་རྟོགས་ཡར་ངོའི་ཟླ་བ་བཞིན་ཏུ་འཕེལ་ནས་མྱུར་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་འཇའ་ལུས་རྡོ་རྗེའི་སྐུ་འགྲུབ་པའི་རྡོ་རྗེའི་ཡེ་ཤེས་ཐོགས་མེད་དུ་སྩལ་བར་བྱིན་གྱིས་བརླབ་པར་སྐུལ་བའི་གསོལ་ཚིག་གསེར་བྲིས་བཅས་བཞུགས་སོ།། ༈ །།རྒྱུད་ཀྱི་གླེགས་བམ་བཏགས་གྲོལ་མཐོང་གྲོལ་གྱི་སྐོར་ལ། རྡོར་སེམས་ཞི་ཁྲོ་གཉིས་ཀྱི་གཙུག་ཏོར་དུ་སངས་རྒྱས་ཀྱི་འདས་རྗེས་གསུམ་པོ། མཁའ་འགྲོ་སྙིང་ཐིག་

― LT38_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སྙིང་པོའི་རྒྱུད་ཚིག་བདུན་པ། གཅིག་ཤེས་ཀུན་གྲོལ། ཡང་ཏི་སྙིང་པོ། སངས་རྒྱས་སྲས་གཅིག །རང་བྱུང་རིག་པ། འབྲས་བུ་ཡོངས་རྫོགས་ཆེན་པོ་སྟེ་རྒྱུད་དྲུག །བླ་མ་དགོངས་འདུས་རྫོགས་ཆེན་གསེར་གྱི་ཡང་ཞུན་ལས་འབྱུང་བའི་བསྟན་པ་ཐམས་ཅད་ཀྱི་ཡང་སྙིང་གསང་བཅོད་པན་ས་བོན་གྱི་རྒྱུད། རང་གླིང་ཀློང་གསལ་སྙིང་ཐིག་ལས་བསྟན་པ་བུ་གཅིག་ཡང་གསང་ལེའུ་གཅིག་པ། སྦས་ཆོས་ཡང་ཏིག་གཅིག་ཤེས་ཀུན་གྲོལ། རང་བྱུང་རིག་པ་རྒྱལ་པོའི་རྒྱུད་གསུམ། རིག་པ་གནད་དགུའི་བཏགས་གྲོལ། འཇའ་ཚོན་ཞི་ཁྲོ་ངེས་དོན་སྙིང་པོའི་སངས་རྒྱས་སྲས་གཅིག་གི་རྒྱུད། གནམ་ཆོས་དང་དགོངས་གཏེར་གྱི་རང་བྱུང་ཐིག་ལེ་བསྟན་པ་བུ་གཅིག་བཅས། དཔྲལ་བར་བླ་མ་དགོངས་འདུས་ཀྱི་སྐུ་རྒྱུད་ཤེལ་གྱི་རི་བོ་དང་བླ་མའི་གསང་རྒྱུད་བཀའི་བང་མཛོད། མགྲིན་པར་གསུང་རྒྱུད་རིན་ཆེན་འབྲུག་སྒྲ་དང་ཡི་དམ་གསང་རྒྱུད་བཀའི་ཐ་རམ། ཐུགས་ཀར་ཐུགས་རྒྱུད་ནམ་མཁའ་ཀློང་ཡངས་དང་མཁའ་འགྲོའི་གསང་རྒྱུད་བཀའི་ལྡེའུ་མིག །མཐོང་གྲོལ་ཙཀྲ་ཐིག་ལེ་སུམ་ཅུ་རྩ་དགུ་པ། ཐུགས་སྟོང་དུ་ཀར་གླིང་ཞི་ཁྲོའི་བཏགས་གྲོལ་ཕུང་པོ་རང་གྲོལ་དུ་གྲགས་པ་རང་བྱུང་གི་རྒྱུད་རྒྱས་བསྡུས་གཉིས། འཁོར་ལོ་ཐིག་ལེ་བརྒྱ་པ་རྒྱས་བསྡུས་གཉིས། བདུད་འཇོམས་སེང་གེའི་

― LT38_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་རྡོ་རྗེའི་གདུང་བཞི་མ། ཐུགས་སྨད་དུ་ཀློང་གསལ་གཏེར་བྱོན་དྲག་པོ་ཡེ་ཤེས་རབ་འབར་གྱི་རྩ་བའི་རྒྱུད། ལྟེ་བར་ཡོན་ཏན་རྒྱུད་བསྟན་པའི་སྲོག་ཤིང་། གསང་བར་ཕྲིན་ལས་རྒྱུད་སྤུ་གྲི་རེག་གཅོད། སྐུ་བརྙན་གསུམ་ཀའི་གཙུག་ཏོར་ནང་གདུགས་དཀར་འཁོར་ལོ། ཐུགས་ཀར་མཚན་ཡང་དག་པར་བརྗོད་པའི་རྒྱུད་ཀྱི་རྒྱལ་པོ་རྒྱ་སྐད་མ། འཇའ་ཚོན་གནམ་ལྕགས་རྡོ་རྗེའི་ཚེ་འཁོར། ལྟེ་བར་ཐུགས་རྗེ་ཆེན་པོ་རྒྱལ་པོ་ལུགས་ཀྱི་མཐོང་གྲོལ། བདེ་མཆོག་ལྟེ་བར་སོ་སོར་འབྲང་མ་དང་གྲོང་ཁྱེར་སྒྲོལ་བའི་འཁོར་ལོ་ཇོ་བོ་རྗེའི་ཐུགས་དམ་བཅས་རྒྱུད་ཀྱི་གླེགས་བམ་རྣམས་དང་འཁོར་ལོ་ཚང་མ་ཆ་གསུམ་རེ་དར་སྣ་ལྔའི་ན་བཟའ་བཅས། བདེ་མཆོག་ལ་འོག་མིན་མཚུར་ཕུའི་ནང་རྟེན་གྱི་གྲལ་གྲུབ་ཆེན་ཀརྨ་པཀྴིས་ཕྱག་ཀླུགས་སོ་འབྲང་འཁོར་ལོ་ཁྲོ་སྤར་མ། ཀུན་མཁྱེན་རང་བྱུང་རྡོ་རྗེས་ཙནྡན་དཀར་པོ་ལ་ཕྱག་བརྐོས་གནང་བ་གཉིས་ཀའང་རྒྱལ་དབང་བཅུ་བཞི་པས་ཕྱག་སྤར་དང་ཕྱག་བཏབ་རབ་གནས་གནང་བ་རྣམས་བཞུགས་པའོ། །ཡི་དམ་སོགས་མདོ་རྒྱུད་ཀྱི་གཟུངས་སྔགས་ཀྱི་སྐོར་ལ། རྡོར་སེམས་ཐུགས་ཀར་རིགས་ལྔའི་ཡིག་བརྒྱ། སྙིང་པོ་ཡིག་དྲུག་བརྒྱ་དང་བརྒྱད། ཚོགས་ཆེན་འདུས་པ། སངས་རྒྱས་མཉམ་སྦྱོར། སྒྱུ་འཕྲུལ་ཞི་ཁྲོ་རྣམས་ཀྱི་སྙིང་པོ། ཡང་དག་ཐུགས་ཀར་རུ་ལུ་

― LT38_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་དང་བརྒྱད། ཁྲོ་བོ་སྤྱི་སྔགས། བདེ་མཆོག་ཐུགས་ཀར་རྩ་སྔགས་སྙིང་པོ། ཉེ་སྙིང་བརྒྱ་དང་བརྒྱད། ཡུམ་སྔགས་འཁོར་སྔགས་བཅས་གསེར་དངུལ་གྱིས་བྲིས་པ་བཞུགས།། ༈ །།ཧེ་རུ་ཀ་གསུམ་ལ་སྤྱིར་གཙུག་ཏོར་དུ། གདུགས་དཀར་མཆོག་གྲུབ་གཟུངས་རིང་། གཙུག་ཏོར་དྲི་མེད། པདྨ་གཙུག་ཏོར། གཙུག་ཏོར་འབར་བ། གཙུག་ཏོར་འཁོར་ལོས་སྒྱུར་བའི་གཟུངས་རྣམས་ཆ་བཅུ་རེ། གཙུག་ཏོར་རྣམ་རྒྱལ་གཟུངས་རིང་སྙིང་པོ་ཉེ་སྙིང་བཅས་ཚར་བརྒྱ་དང་བཅོ་ལྔ་རེ། དབུའི་ནང་དུ་འོད་དཔག་མེད་ཀྱི་གཟུངས་རིང་ཚར་སུམ་ཅུ་རྩ་ལྔ་རེ། མཛོད་སྤུ་དང་སྤྱན་དབུས་མར་མཛོད་སྤུ་ནོར་བུའི་གཟུངས་དང་ནོར་བུ་རྒྱས་པ་གཞལ་མེད་ཁང་གི་གཟུངས་རྒྱས་པའི་འདོད་གསོལ་སྦྱར་བ། མགྲིན་པར་སྤྱན་རས་གཟིགས་ཀྱི་ཡིག་དྲུག་བདུན་བརྒྱ་རེ། ཡིག་བཅུ་སུམ་བརྒྱ་ལྔ་བཅུ་རེ། དབྱངས་གསལ་དང་རྟེན་སྙིང་སུམ་ཅུ་རྩ་ལྔ་རེ། ཐུགས་ཀར་ཕྱག་རྡོར་གཏུམ་པོ་ལྔ་བརྒྱ་དང་ཉེར་ལྔ་རེ། འབྱུང་འདུལ་བཞི་བརྒྱ་དང་ང་ལྔ་རེ། གྲུབ་རྒྱལ་རྟ་མགྲིན་སྙིང་པོ་ཉིས་བརྒྱ་དང་བཅུ་རེ། རིགས་གསུམ་མགོན་པོའི་སྙིང་པོ་བརྒྱ་ཕྲག་རེ། ལྟེ་བ་སྐུ་རྐེད་ཀྱི་སྐོར་དུ་ཐུབ་པའི་སྙིང་པོ་མུ་ནི་དང་། དེ་བཞིན་གཤེགས་པའི་ཡིག་བརྒྱ་ཚར་སུམ་ཅུ་རྩ་ལྔ་རེ།

― LT38_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་རིག་སྙིང་པོ་དང་མི་འཁྲུགས་པའི་གཟུངས་ཚར་བདུན་ཅུ་རེ། བཛྲ་སཏྭ་བརྒྱ་དང་ལྔ་རེ། སྨན་བླའི་གཟུངས་བརྒྱ་དང་བཞི་བཅུ་རེ། འཇམ་དཀར་ཡིག་དྲུག་སུམ་བརྒྱ་གྱ་ལྔ་རེ། སྨྲ་སེང་བསྙེན་པ་དྲུག་ཅུ་རྩ་གསུམ་རེ། ས་ལུགས་ཨ་ར་པ་ཙ་ཤེར་ཕྱིན་དཀར་མོ། རྡོ་རྗེ་དབྱངས་ཅན་མའི་སྙིང་པོ་རྣམས་ཚར་ལྔ་བཅུ་རེ། ཤེར་ཕྱིན་དཀར་མོའི་སྙིང་པོ་བརྒྱ་རེ། སེང་གེ་སྒྲའི་སྙིང་པོ་སོ་ལྔ་རེ། འཇམ་དཔལ་གྱིས་དམ་བཅས་པའི་གཟུངས་སོགས་འཇམ་དཔལ་གྱི་སྙིང་པོའི་རིགས་ཐམས་ཅད་བཅུ་གཅིག་རེ། གདུགས་དཀར་སྙིང་པོ་ཉིས་བརྒྱ་དང་བརྒྱད་ཅུ་རེ། ཉེ་སྙིང་ལྔ་བརྒྱ་དང་དྲུག་ཅུ་རེ། གཟུངས་ཐུང་བདུན་ཅུ་རེ། མཚན་བརྒྱ་རྩ་བརྒྱད་པའི་ཚེ་གཟུངས་སུམ་ཅུ་རེ། སྒྲོལ་མའི་ཡིག་བཅུ་སུམ་བརྒྱ་གྱ་ལྔ་རེ། སྒྲོལ་དཀར་ཚེ་ཤམ་ཅན་ཆིག་བརྒྱ་བདུན་ཅུ་རྩ་ལྔ་རེ། མདོ་གཟུངས་ཀྱི་རིགས་ཐམས་ཅད་བཅུ་རེ། འཇམ་དཔལ་གྱི་གཟུངས་སྔགས་སྙིང་པོའི་རིགས་བཅུ་རེ། རིག་བྱེད་མའི་སྙིང་པོ་ཉིས་བརྒྱ་དང་བཅུ་བདུན་རེ་ཞི་བ་དང་དབང་གི་སྤེལ་ཚིག་བཅས། གསང་བར་སྨེ་བརྩེགས་གཟུངས་སྔགས་རིང་ཐུང་ཁྲུས་བདུན་རིག་པ་བཅས་སུམ་ཅུ་རྩ་ལྔ་རེ། འོད་ཟེར་ཅན་མའི་སྙིང་པོ་བརྒྱ་དང་བཅུ་གཅིག་རེ་སྲུང་བའི་ཤམ་བུ་བཅས། མགོན་པོ་སྤྱི་སྔགས་དང་ཞལ་སྦྱོར་སྐུ་

― LT38_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ཐུགས་སྔགས་ཉིས་བརྒྱ་དང་བཅུ་རེ། པད་གདན་ཏུ་ཛཾ་དཀར་སྙིང་པོ་མཁའ་འགྲོ་སྡེ་ལྔ་རྣམ་པར་མི་རྟོག་པའི་གཟུངས་བཅས་ཚར་ཉིས་བརྒྱ་དང་སོ་གཅིག་རེ། ཛཾ་དམར་སྙིང་པོ་བརྒྱ་དང་དོན་ལྔ་རེ། ཛཾ་སེར་སྙིང་པོ་བདུན་ཅུ་རེ། ཛཾ་ནག་སྙིང་པོ་རིང་ཐུང་བརྒྱ་དང་བཅུ་གསུམ་རེ་ཤམ་བུ་བཅས་སྐུའི་སྟོད་སྨད་སྤྱི་ལ་གཟུངས་ཆེན་སྡེ་ལྔ་གཟུངས་རིང་གཟུངས་ཐུང་བཅས་ཚར་བརྒྱ་དང་བརྒྱད་རེ། རིག་པ་ཕུག་རོན། རྟེན་འབྲེལ་སྙིང་པོ་གྲངས་མང་བཅས་བཞུགས། བྱེ་བྲག་ཏུ་རྡོར་སེམས་ལ་ཡི་གེ་བརྒྱ་པ་སྟོང་ཕྲག་གཅིག །ཡིག་དྲུག་འབུམ་ཐེར་གཅིག །ཡང་དག་ལ་རུ་ལུ་འབྲུ་བརྒྱད་འབུམ་ཐེར་གཅིག །དེ་གཉིས་ཀྱི་དཔྲལ་བར་ཨ་མི་དེ་བ་དྲུག་བརྒྱ་ཉེར་ལྔ་རེ། པདྨ་བཛྲ་སུམ་བརྒྱ་རེ་བདུན་རེ། པྲ་བཱ་ཀ་ར་བདུན་ཅུ་རེ། ཐོད་ཕྲེང་རྩལ་ལས་སྔགས་བཅས་བཞི་བཅུ་རེ། མགྲིན་པར་ཚེ་སྒྲུབ་རྡོ་རྗེ་རྒྱ་མདུད་སྙིང་པོ་ཉི་ཤུ་རེ། ཚེ་སྒྲུབ་གསང་འདུས་སྙིང་པོ་ཤིན་ཏུ་གྲངས་མང་། ཐུགས་སྟོད་དུ་ཞི་ཁྲོའི་སྙིང་པོ་བཏགས་གྲོལ་འབྲུ་དྲུག་བཅས་ཉེར་བརྒྱད་རེ། རིགས་ལྔའི་ཡིག་བརྒྱ་ཉེར་བདུན་རེ། བཛྲ་གུ་རུ་བཞི་བརྒྱ་རེ་གསུམ་རེ། རིག་འཛིན་ཚེ་དབང་ནོར་བུའི་དགོངས་གཏེར་བསམ་པ་ལྷུན་གྲུབ་མན་ངག་བཅུ་གསུམ་གྱི་སྙིང་པོ་ཐམས་ཅད་ཚར་བཅོ་ལྔ་རེ། བཀའ་མ་ཚོགས་ཆེན་འདུས་པ། སྒྱུ་

― LT38_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་ཞི་ཁྲོ། སངས་རྒྱས་མཉམ་སྦྱོར། བཀའ་བརྒྱད་རྫོང་འཕྲང་། གཤིན་རྗེ་གཤེད་དགྲ་ནག །ཁ་ཐུན། གདོང་དྲུག །གཤེད་དམར་རུ་མཚོན་དམར་པོ། རྟ་མགྲིན་བདེ་གཤེགས་ཐུགས་དྲིལ། ཡང་དག་ལུགས་གཉིས། བདུད་རྩིའི་རྒྱུད་ལུང་། ཕུར་པ་རོང་ལུགས་རོག་ལུགས་འཁོན་ལུགས། ལུང་ལུགས་ཚེ་དཔག་མེད་ལ་སོགས་པ་རྣམས་ཀྱི་སྙིང་པོ་ཉེ་སྙིང་རྒྱུད་དང་སྒྲུབ་ཐབས་ནས་བྱུང་བ་རྣམས་དང་། གཏེར་མ་བཀའ་བརྒྱད་བདེར་འདུས། བླ་མ་དགོངས་འདུས། གཤིན་རྗེ་ཚེ་བདག །རྟ་མགྲིན་རིགས། རྡོ་རྗེ་ཕུར་པ་རྣམས་ཀྱི་སྙིང་པོ་ཐམས་ཅད་ཚར་བཅོ་ལྔ་རེ། གསར་མའི་ལུགས་ཀྱི་བླ་མེད་མ་རྒྱུད་རིགས་ཆ་བདུན་རེ། ཐུགས་ཀའི་སྨད་དུ་བླ་མེད་ཕ་རྒྱུད་ཆ་བདུན་རེ། ལྟེ་བར་ཉང་གཏེར་མཁའ་འགྲོ་ཆེན་མོ་སྤྱི་དང་བྱེ་བྲག་ཕག་མོ་རྣམ་གསུམ། ཁྲོས་མ་ནག་མོ། གཏེར་ཁ་གཞན་གྱི་གསང་ཡེ་དང་། སེང་གདོང་མ་དམར་མོ་སོགས་མཁའ་འགྲོའི་སྙིང་པོ་རྣམས་ཚར་བཅུ་ཕྲག་རེ། གསང་བར་ཕུར་པའི་སྙིང་ལོ་ཀཱི་ལ་བཅུ་དྲུག་པ་ཉིས་བརྒྱ་སོ་བརྒྱད་རེ། བཞི་སྙིང་གཅིག་དྲིལ་གྲངས་མང་། སེང་གདོང་སྔོན་མོའི་ཡི་གེ་བཅུ་བཞི་པ་དྲུག་ཅུ་ཐམ་པ་རེ། ཡང་དག་ལ་གཤིན་རྗེ་གཤེད་ཡབ་ཡུམ་ལས་གཤིན་ཁྲོ་ཆ་དུག་གདོང་བཅས་པའི་སྔགས་རྣམས་དང་རིམ་སྲུང་

― LT38_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བདག་སྔགས་ཚར་སོ་ལྔ། གཉིས་ཀར་ལེགས་ལྡན་ཚོགས་ཀྱི་བདག་པོ་བཀའ་མ་རྒྱུད་ལུང་གི་ལུགས་གཉིས། གཏེར་མ་ཆུ་ཕོ་རྟོགས་ལྡན་དང་མཆོག་གླིང་གི་ལུགས་གཉིས། ཉང་གཏེར་ཕྱག་བཞི་པ་མགོན་དཀར་ཚེ་བདག་དང་བཅས་པ། གཏེར་གསར་མྱུར་མཛད་ཕྱག་དྲུག་པ། གཏེར་ཁ་དུ་མའི་མ་ནིང་། ཞལ་བཞི་པ་སྨིན་ལུགས་བཅས་མགོན་ཆེན་ལྔ་ཀར་ཡབ་ཡུམ་ལས་མགོན་འཁོར་དང་བཅས་པའི་རྩ་སྔགས་སྙིང་པོ་ཉེ་བསྙེན་དང་བཅས་པ། སྔགས་སྲུང་མ། སྲོག་སྒྲུབ་མ། རང་བྱུང་རྒྱལ་མོ། རེ་མ་ཏི། རྡོ་རྗེ་གཤོག་རྒོད་མ། གཟའ་བདུད། ཤན་པ་དམར་ནག །དུར་ཁྲོད་མ་མོ། ཞིང་སྐྱོང་སེང་གདོང་། དམ་ཅན་རྡོར་ལེགས། ཐང་ལྷ་བཅས། ཆོས་སྐྱོང་གི་སྐོར་དང་། རྣམ་སྲས་མདུང་དམར་ཅན། དྲག་བྱེད་རྟ་སྔོན་ཅན། ཡང་གསང་ཕྱག་མཚན་བཞི་པ། རྟ་བདག་བརྒྱད། ཞང་བློན་རྡོ་རྗེ་བདུད་འདུལ། ཆོས་དབང་དང་བྱང་གཏེར་ཛཾ་ལྷའི་རིགས། ལྷ་ཆེན་དབང་ཕྱུག་ཡབ་ཡུམ། ཛཾ་དམར་ཆགས་པ་རྡོ་རྗེ། གཏེར་གསར་བཀྲ་ཤིས་ཚེ་རིང་མ་གཙོ་འཁོར། ཀུན་འཁྱིལ་མཆེད་གསུམ། རྨ་གཉན་སྤོམ་ར་སོགས་ནོར་ལྷའི་རིགས་ཀྱི་སྙིང་པོ་རྣམས་ཚར་བཅུ་ཕྲག་རེ། ཁྱད་པར་དཔལ་མགོན་མ་ནིང་ཡུམ་ལས་མགོན་བཅས་

― LT38_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྙིང་པོ་བཞི་བཅུ་རྩ་བཞི་རེ། གསར་མའི་ལུགས་ཀྱི་ཆོས་སྐྱོང་ནོར་ལྷའི་རིགས་ཡོངས་རྫོགས་ཚར་བདུན་རེ་བཅས་བཞུགས།། ༈ །།དཔལ་འཁོར་ལོ་སྡོམ་པ་ལ་བདེ་མཆོག་སྙིང་པོ་ཉེར་གཉིས་མ་དང་ཉེ་སྙིང་ཡིག་བདུན་བསྡམས་པ་འབུམ་ཕྲག་གཅིག །ཡུམ་ལ་ཕག་མོ་ལྷན་སྐྱེས་སྙིང་པོ་བདུན་བརྒྱ་ཐམ་པ། ཐུགས་ཀའི་སྟོད་དུ་བླ་མེད་མ་རྒྱུད་དུས་ཀྱི་འཁོར་ལོའི་སྙིང་པོ་ཉེ་སྙིང་རྩ་སྔགས་རྐང་པ་བཅུ་དྲུག་པ་དང་བདུན་ཅུ་རྩ་གཉིས། སྐུ་གསུང་ཐུགས་དཀྱིལ་ཡོངས་རྫོགས་མཆོད་སྔགས་ཀྱིས་མཚོན་ཏེ་འགྲེལ་ཆེན་ལས་གསུངས་པའི་སྔགས་ཚང་བ། འཁོར་ལོ་བདེ་མཆོག་གོ་ཆ་དང་བཅས་པ། ཕག་མོའི་རིགས། ནཱ་རོ་མཁའ་སྤྱོད། མཁའ་འགྲོ་རྒྱ་མཚོ། འཁོར་ལོས་སྒྱུར་དྲུག །དགྱེས་རྡོར་ལྷ་དགུ། ཕྱག་གཉིས་ཕྱག་བཞི་ཕྱག་དྲུག་པ། བདག་མེད་ལྷ་མོ་བཅོ་ལྔ། གུར་རིགས་བསྡུས་རྒྱས་པའི་ལྷ་ཁྲོ་བཅུ་ལ་སོགས་པ། སམྦུ་ཊ་རྡོ་རྗེ་དབྱིངས། དྲག་པོ་གདན་ཅན། ལས་རྒྱས་པའི་ལྷ་རྣམས་དང་བཅས་པ། སངས་རྒྱས་ཐོད་པ། མ་ཧཱ་མཱ་ཡ། གདན་བཞི་ཡབ་ཡུམ་རྣམས་སོ་སོའི་རྩ་སྔགས་ཕྲེང་སྔགས་སྙིང་པོ་ཉེ་སྙིང་འཁོར་སྔགས་དང་བཅས་པ་ཚར་བཅུ་བདུན་རེ། ཐུགས་ཀའི་སྨད་དུ། བླ་མེད་ཕ་རྒྱུད་གསང་བ་འདུས་པ་མི་བསྐྱོད་རྡོ་རྗེ། འཇམ་པའི་

― LT38_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ། གསང་འདུས་སྤྱན་རས་གཟིགས། གཤེད་དམར་ལྷ་ལྔ། གཤིན་རྗེ་གཤེད་དགྲ་ནག །གདོང་དྲུག །རྡོ་རྗེ་འཇིགས་བྱེད། འཇམ་དཔལ་སྒྱུ་འཕྲུལ་དྲྭ་བ། རྣམ་སྣང་སྒྱུ་འཕྲུལ་དྲྭ་བ་རྣམས་གཙོ་འཁོར་དང་བཅས་པའི་སྙིང་པོ། ཧེ་རུ་ཀའི་ཡིག་བརྒྱ་སོགས་ཚར་གྲངས་བཅུ་བདུན་རེ་བཞུགས། སྐུ་སྐེད་དུ་རྣལ་འབྱོར་རྒྱུད། དཔལ་མཆོག་རིགས་བསྡུས། རྩེ་མོ་རིགས་བསྡུས། རྡོ་རྗེ་དབྱིངས། གཙུག་ཏོར་དགུ་པ། ཁམས་གསུམ་རྣམ་རྒྱལ། ཆོས་དབྱིངས་གསུང་དབང་། ཀུན་རིག་རྩ་བའི་དཀྱིལ་འཁོར་སོགས་སྦྱོང་རྒྱུད་དཀྱིལ་འཁོར་བཅུ་གཉིས། སྤྱོད་རྒྱུད་རྣམ་སྣང་མངོན་བྱང་ལྷ་བརྒྱ་དང་ཉེར་གཉིས་པ་བཅས་གཙོ་འཁོར་ཡོངས་རྫོགས་ཀྱི་སྔགས་རྣམས་དང་། འཇམ་དབྱངས་ཨ་ར་པ་ཙ་ལྷ་ལྔ། བྱ་རྒྱུད་རིགས་གསུམ་སྤྱི། དམ་ཚིག་གསུམ་བཀོད་སོགས། དེ་བཞིན་གཤེགས་པའི་རིགས། དོན་ཞགས་དང་བཅུ་གཅིག་ཞལ་སོགས་པདྨའི་རིགས། ཕྱག་རྡོར་དང་རྣམ་འཇོམས་གཟུངས་རིང་སོགས་རྡོ་རྗེའི་རིགས། འཇིག་རྟེན་པའི་རིགས་གསུམ་ཕལ་མོ་ཆེ་རྣམས་ཀྱི་གཟུངས་སྔགས་སྙིང་པོ་རྣམས་དང་། སྒྲུབ་ཐབས་རྒྱ་མཚོ་དང་བརྒྱ་རྩ་ལས་བྱུང་བའི་ལྷ་རྣམས་ཀྱི་སྙིང་པོ་ཡོངས་སུ་རྫོགས་པ་ཚར་བཅོ་ལྔ་རེ་བཞུགས། མདོ་གཟུངས་ཀྱི་

― LT38_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་ལ་བཅོམ་ལྡན་འདས་དང་ཉེ་བའི་སྲས་རྣམས་ཀྱི་མཚན་བརྒྱ་རྩ་བརྒྱད་པའི་གཟུངས། ཕལ་པོ་ཆེ་སོགས་གཟུང་བར་འགྱུར་བའི་སྔགས། སྒོ་མཐའ་ཡས་པ་དང་སྒོ་དྲུག་པའི་གཟུངས་ཀྱིས་མཚོན་མདོ་སྡེ་དང་གཟུངས་སྡེ་རྣམས་ལས་བྱུང་བའི་སྔགས་ཐམས་ཅད་ཚར་གསུམ་རེ། གདན་ས་འདི་གའི་སྤར་མའི་རིགས་ཚར་བཅོ་ལྔ་རེ་བཞུགས། གསང་བར་ཡེ་ཤེས་ཀྱི་མགོན་པོ་ཕྱག་དྲུག་པ། ཕྱག་བཞི་པ། རྡོ་རྗེ་བེར་ཅན་ལྕམ་དྲལ། རྡོ་རྗེ་གུར་གྱི་མགོན་པོ་ལྕམ་དྲལ། དཔལ་མགོན་ཞལ། ལེགས་ལྡན་མཆེད་གསུམ། སྟག་ཞོན། ཏྲཀྴད། ཟངས་གྲི་རིགས་གཉིས། དཀར་བདུད་བྲན་བདུད། བེག་རྩེ་ལྕམ་དྲལ། ལས་གཤིན་ཡབ་ཡུམ། མེ་རུ་ཙེ་བཞི་སྐོར། ཁྲག་མདོག་ཡབ་ཡུམ། དམ་ཅན་མགར་ནག །སྲིན་མགོན་ཡབ་ཡུམ། ཞིང་སྐྱོང་སེང་གདོང་། ཀླུ་རྒྱལ་སྔགས་བདག་དང་མཁར་ནག །ཨ་ཕྱི་དང་ཚེ་རིང་མ་ལ་སོགས་པ་སྟེ་མགོན་ཆེན་རྣམས་ལ་ཡབ་ཡུམ་ལས་མགོན་འཁོར་དང་བཅས་པའི་རྩ་སྔགས་སྙིང་པོ་ཉེ་སྙིང་རང་སྔགས། གཞན་རྣམས་ཀྱང་སོ་སོའི་སྙིང་པོ། ཐམས་ཅད་ལ་འབོད་རྦད་བསད་གསུམ་དང་ལས་ཁ་ཚར་བའི་སྔགས་བཅས་ཚར་གསུམ་རེ། ཁྱད་པར་དུར་ཁྲོད་བདག་པོ་སྲུང་སྔགས་ཀྱི་ཤམ་བཅས་ཚར་བཞི་བཅུ་རྩ་བཞི་བཅས་ཆོས་

― LT38_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་གི་སྐོར་དང་། མགོན་དཀར་ཡིད་བཞིན་ནོར་བུ། རྣམ་སྲས་རིགས་ཆེན་བརྒྱད། ཚོགས་བདག་དམར་པོ། ནོར་རྒྱུན་མ་ལྷ་ལྔ། ཛམ་སེར་ལྷ་དགུ། གནོད་སྦྱིན་ཕོ་དགུ་མོ་དགུ། ཛཾ་བྷ་ལ་ཕྱག་དྲུག་པ། ཛཾ་སེར་དང་ཛཾ་ནག་གཙོ་རྐྱང་། ཚངས་དབང་། ཁྱབ་འཇུག་དབང་ཕྱུག །དཔལ་མགོན་བདུན་ཅུ་རྩ་ལྔ་སོགས་ནོར་ལྷ་རྗེས་འབྲང་དང་བཅས་པ། མཆོད་པའི་སྤྲིན། ལས་གྲུབ་པ། དོན་ཐམས་ཅད་གྲུབ་པའི་གཟུངས་སོགས་ཚར་གསུམ་རེ། གདན་ས་འདི་ཀའི་ཆོས་སྐྱོང་དང་ནོར་ལྷའི་གཟུངས་སྦར་གང་ཡོད་ཆ་བཅོ་ལྔ་རེ་བཞུགས།། ༈ །།ཧེ་རུ་ཀ་གསུམ་ཀའི་ཐུགས་ཀར་སྙིང་པོའི་ཤམ་སོགས་སུ་འདོད་གསོལ་བླ་བརྒྱུད་ཀྱི་སྐབས་དང་མཚུངས་པ་ལ་ཁྱད་པར་ལས་བཞི་གྲུབ་པ་ཆེན་པོ་བརྒྱད་སོགས་ཐུན་མོང་དང་། མཆོག་ཏུ་མི་འགྱུར་བ་ཕྱག་རྒྱ་ཆེན་པོའི་དངོས་གྲུབ་དཔལ་ཧེ་རུ་ཀ་སོ་སོའི་གོ་འཕང་ཚེ་གཅིག་ལུས་གཅིག་སྟན་ཐོག་འདི་ཉིད་དུ་ཐོབ་ནས་མཁའ་ཁྱབ་ཀྱི་འགྲོ་བ་མ་ལུས་པ་དེའི་གོ་འཕང་ལ་འགོད་ནུས་པའི་མཐུ་ཐོབ་པར་གསོལ་བའི་ཚིག་གསེར་གྱིས་བྲིས་པ་དང་། པད་གདན་ཏུ་བསྟན་འགྲོ་སྤྱིའི་མི་མཐུན་པའི་རྒུད་པ་ཞི་ཞིང་བདེ་ལེགས་དཔལ་འབྱོར་ཡིད་ལ་འདོད་རྒུ་རྒྱས་པའི་སྨོན་ཚིག་ཆེན་མོ་རྡོ་རྗེ་ཚེ་དབང་ནོར་བུའི་གསུང་དང་། ཁྱད་པར་ངེས་དོན་སྙིང་པོའི་བསྟན་པ་

― LT38_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པའི་སྨོན་ལམ་ཇོ་ནང་རྗེ་བཙུན་ཆེན་པོའི་གསུང་། ཀརྨ་བཀའ་བརྒྱུད་ཀྱི་བསྟན་པ་རྒྱས་པའི་སྨོན་ལམ་བདེན་གྲུབ་མ་སོགས་དང་། ཁྱིམ་བདག་དེས་པ་ལ་གསུངས་པ་སོགས་དཀོན་མཆོག་གསུམ་གྱི་བཀྲ་ཤིས་རིགས་གསུམ། མཛད་པ་བཅུ་གཉིས་དང་ཕར་ཕྱིན་དྲུག་གི་ཤིས་བརྗོད། གཞན་ཡང་བཀྲ་ཤིས་ཐོར་བུའི་རིགས་དུ་མ་ལེགས་སྦྱར་གྱི་སྐད་དུ་བསྒྱུར་བ་རྣམས་ཚར་གསུམ་རེ། སྨོན་ལམ་དང་ཤིས་བརྗོད་ཕུན་སུམ་ཚོགས་པ་སོགས་འགའ་ཞིག་ནི་ཚར་གྲངས་དུ་མ་ཡང་བཞུགས་སོ། །དེ་དག་རྣམས་ཀྱང་རྒྱ་ཤོག་ལ་རྒྱ་མཚལ་གསེར་དངུལ་རིན་ཆེན་ཕྱེ་མ་སྨན་སྣ་བྱིན་རྟེན་བསྲེས་པས་བཏབ་ཅིང་དབུ་ཞབས་མ་ལོག་པར་དར་སྣའི་ན་བཟའ་སོགས་སྒྲུབ་བླ་མ་འབའ་ཞིག་པས་ཕྱག་བསྟར་དུ་མཛད་ཅིང་སོ་སོའི་སྒྲུབ་པ་དང་། སྤྱིའི་རབ་གནས་ཚུལ་བཞིན་བགྱིས་པའོ། །གསུམ་པ་ཞར་བྱུང་སྐུ་བརྙན་གཞན་གྱི་བཞུགས་ཚུལ་མདོ་ཙམ་བཤད་པ་ལ། དཔལ་ཆེན་ལྷ་ཁང་། གསུང་རབ་ལྷ་ཁང་། ཐུགས་དམ་ལྷ་ཁང་། གནས་བཅུ་ཁང་། མགོན་ཁང་བསིལ་བའི་ཚལ་དུ་ཇི་ལྟར་བཞུགས་པ་དང་། རྟེན་གྱི་བྱེ་བྲག་གཞན། མཆོད་པའི་ཡོ་བྱད་ལ་སོགས་པའོ། །དང་པོ་དཔལ་ཆེན་ལྷ་ཁང་དུ་ལྡེར་སྐུ་གསུམ་བཞུགས་པའི་བཅོམ་ལྡན་འདས་དུས་འཁོར་ལྷན་སྐྱེས་ཀྱི་ཐུགས་ཀར་ཐུབ་དབང་

― LT38_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་བརྙན་ཁྱད་འཕགས། མཚན་བརྗོད་གླེགས་བམ་རྒྱ་སྐད་མ། བཤད་རྒྱུད་རྭ་ལུགས་ཞྭ་ལུ་ནས་བརྒྱུད་པ་གཙོ་བོར་གྱུར་བ་དང་། དབང་དང་མན་ངག་འབྲོ་ལུགས་ཇོ་ནང་བརྒྱུད་པ་གཙོ་བོར་གྱུར་པའི་མཚན་སྔགས་སྙིང་པོ་ཉེ་སྙིང་ལ་སོགས་པ་ཚར་གྲངས་གསེར་དངུལ་གྱིས་བྲིས་ཤིང་འདོད་གསོལ་དང་བཅས་པ། ཀུན་མཁྱེན་རང་བྱུང་ཞབས་ཀྱི་དབུ་ལྗོན། གདུང་རུས། བུ་སྟོན་ཐམས་ཅད་མཁྱེན་པའི་དབུ་ལྗོན། དཔལ་ལྡན་བླ་མ་བསོད་ནམས་རྒྱལ་མཚན་ན་བཟའ། ཇོ་ནང་ཆོས་རྗེ་ཀུན་མཁྱེན་ཆེན་པོའི་ན་བཟའ། དེ་ཉིད་ཀྱི་ཞུན་ཐིག་དུས་བདེ་གསང་འདུས་རྣམས་ཀྱི་སྐུ་བརྙན་ལ་སྐུ་ཁྲུས་ཕུལ་བའི་ཁྲུས་ཆབ་རིང་བསྲེལ། ཀུན་སྤངས་ཆོས་གྲགས་དཔལ་བའི་དབུ་མནབས། ཆོས་རྗེ་ཕྱོགས་ལས་རྣམ་རྒྱལ་ན་བཟའ། དྲུང་བཀའ་བཞི་པ་རཏྣ་ཤྲཱི། ཀུན་མཁྱེན་གཉིས་པ་རིན་ཆེན་གྲགས་པ། ཛཾ་ཐང་ཆོས་རྗེ་རྒྱལ་བ་སེང་གེ། དཔལ་འབྱོར་བཟང་པོ་རྣམས་ཀྱི་ན་བཟའ། རྗེ་བཙུན་ཏཱ་ར་ནཱ་ཐའི་ན་བཟའ། སྐུ་ཆོས། བཞུགས་གདིང་ལ་སོགས་པ་དང་། བོ་དོང་འཇིགས་བྲལ་ཆེན་པོའི་སྣམ་སྦྱར་ཚལ་སོགས་ཁྱད་པར་དུ་བཞུགས་པའོ། །བླ་མ་དགོངས་འདུས་དཀྱིལ་འཁོར་ཚོམ་བུ་དགུའི་གཙོ་མཆོག་ཁྱབ་བདག་པདྨ་བཛྲའི་སྣང་བརྙན་གྱི་ཐུགས་ཀར། དགོངས་འདུས་གཏེར་

― LT38_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོམ་ཙནྡན་ས་མཆོག་ལས་གྲུབ་པའི་ཚལ་བར་ཡེ་ཤེས་སེམས་དཔའ་ལྷན་སྐྱེས་སྙིང་པོ་བཅས་གསེར་གྱིས་བྲིས་པ་དང་། རྩ་རྒྱུད་སྐུ་གསུང་ཐུགས་ཡོན་ཏན་ཕྲིན་ལས་བླ་མ་ཡི་དམ་མཁའ་འགྲོ། རང་བྱུང་བསྟན་པ་བུ་གཅིག་གི་རྒྱུད་རྣམས་ཀྱི་གླེགས་བམ། མཐོང་གྲོལ་ཙཀྲ་ཆེ་ཆུང་། བླ་མ་བརྒྱུད་པའི་མཚན་སྔགས། གཙོ་དགུའི་སྙིང་པོ་དང་སྤྱི་དྲིལ་ཆེ་ཆུང་འདོད་གསོལ་གསེར་གྱིས་བྲིས་པ། སྲོག་ཕུར་དང་སྔགས་བྱང་བཅས། དགོངས་འདུས་བཏགས་གྲོལ་ཤོག་སེར། སངས་གླིང་གི་ཐུགས་རྗེ་ཆེན་པོའི་ཤོག་སེར། འཇའ་ཚོན་ཕྱག་བྲིས་ཧཱུྃ་ནག་སྙིང་ཐིག་རྩ་བའི་ཤོག་སེར་འབྲུ་རེས་རྒྱལ་གདོན་ཐུབ་ངེས་ཀྱིས་མཚོན་གཏེར་ཁ་གསར་རྙིང་གི་ཤོག་སེར་དུ་མ། སངས་གླིང་ན་བཟའ་དང་སྒོམ་ཐག་ཚལ། དགོངས་འདུས་བཀའ་བབས་ཏའུ་བླ་མ་རྣམས་ཀྱི་དད་རྟེན་སོགས་ཁྱད་པར་དུ་བཞུགས་སོ། །བདུད་འདུལ་ཕྲིན་ལས་ཡོངས་རྫོགས་ཀྱི་ལྷ་མཆོག་དཔལ་ཆེན་རྡོ་རྗེ་གཞོན་ནུའི་སྣང་བརྙན་གྱི་ཐུགས་ཀང་། ཀུན་མཁྱེན་བླ་མ་རྡོ་རྗེ་གཟི་བརྗིད་རྩལ་ནས་སྩལ་བ་མཁོན་སྟོན་གྲུབ་པའི་དབང་པོས་ཕྱག་བསྟར་རྡོ་རྗེ་གཞོན་ནུའི་སྨན་སྐུ་ཁྱད་པར་འཕགས་པ། བཀའ་གཏེར་བརྒྱུད་པ་རྣམས་དང་སྙིང་པོ་འདོད་གསོལ་གསེར་བྲིས་སྲོག་ཕུར་བཅས། བདུད་འདུལ་དང་ཆོས་གླིང་

― LT38_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་པའི་ཤོག་སེར་ཚལ་ཆེ་བ། བཀའ་གཏེར་ཕུར་པ་གྲུབ་པའི་རིག་འཛིན་ཡོངས་གྲགས་རྣམས་ཀྱི་དད་རྟེན་སྣེ་འདུས་ཁྱད་པར་དུ་བཞུགས་སོ། །གསེར་ཟངས་ལས་གྲུབ་པའི་སྐུ་བརྙན་རྣམས་ཀྱི་ཐོག་མ་གཡོན་ཕྱོགས་གོང་མའི་གཙོ་བོ་སྟོན་པ་ཐུབ་པའི་དབང་པོའི་གཙུག་ཏོར་དུ་ཡུངས་འབྲུ་ལྟ་བུའི་རིང་བསྲེལ། གཏེར་བྱོན་འོད་སྲུང་དང་ཐུབ་པའི་སྐུ་ཆོས། འོད་སྲུང་དབུ་ཀླད། ཐུགས་ཀར་ཀུན་མཁྱེན་འཕགས་པ་འོད་ཀྱི་གདུང་ལས་བཞེངས་པའི་ཐུབ་པའི་དབང་པོའི་སྐུ་བརྙན་ཁྱད་འཕགས། བྱང་ཆུབ་ཤིང་གི་ཚལ་དང་ལོ་མ། མཁན་ཆེན་ཞི་འཚོ། ཤཱཀ་ཤྲཱི། ཇོ་བོ་རྗེ་སོགས་ཀྱི་རིང་བསྲེལ་ཆ་ཤས། གཟུངས་སྔགས་གསེར་བྲིས། མཚན་བརྗོད་གླེགས་བམ། དེ་བཞིན་གཤེགས་པའི་ཡིག་བརྒྱ། མུ་ནི། རྟེན་སྙིང་སོགས་བརྒྱ་སྟོང་ཁྱད་པར་དུ་བཞུགས་ཤིང་། སངས་རྒྱས་སོ་ལྔ་ལའང་སྙིང་པོ་དེ་དག་ཚར་གྲངས་དུ་མས་དམིགས་བསལ་དུ་གཏམས་པའོ། །གཡོན་ལོགས་འོག་མའི་གཙོ་བོ་ཨོ་རྒྱན་ཟ་ཧོར་མའི་ཐུགས་ཀར་སྐུ་ཚབ་ཁྱད་པར་ཅན་ཆེ་ཆུང་གཉིས། སྙིང་པོ་གསེར་བྲིས། གུ་རུ་ཞི་དྲག་མཚན་བརྗོད་ཡུམ་དང་བཅས་པའི་བྱིན་སྐུ། གཏེར་ཁ་གསར་རྙིང་ལས་བྱོན་པའི་ཨོ་རྒྱན་རིན་པོ་ཆེའི་དབུ་ལྗོན། ན་བཟའ། གསང་གོས། སྐུ་ཆོས། སྐུ་

― LT38_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

བེར། ཞབས་ལྷྭམ། མཁའ་འགྲོ་གཉིས་ཀྱི་ན་བཟའ། ཡབ་ཡུམ་གྱི་བྱང་སེམས་ལ་སོགས་པ། རྩ་རྒྱུད་པད་སྡོང་བརྩེགས་པ། སྙིང་ཐིག་རྒྱུད་དྲུག་དང་འདས་རྗེས། བསྟན་པ་བུ་གཅིག་རིགས་མང་པོ། ཡེ་འབར་རྩ་རྒྱུད་སོགས་གླེགས་བམ་དང་ཙཀྲ་རྣམས་དང་ཤོག་སེར་སྣེ་མང་། བཛྲ་གུ་རུ་དང་། ཐོད་ཕྲེང་རྩལ་སོགས་སྙིང་པོ་གྲངས་མང་བཅས་ཁྱད་པར་བཞུགས་པའོ། །དེའི་འཁོར་དུ་བཞུགས་པ་སྤྲུལ་པའི་གུ་རུ་མཚན་བརྒྱད་ནི་རྗེ་བླ་མ་ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོ་ནས་བཀའ་དྲིན་ཏུ་སྩལ་བ་སྟེ་ནང་གཞུག་གི་ཐོ་བྱང་རྗེ་ཉིད་ནས་སྩལ་བ་ནི། ཨོཾ་སྭ་སྟི་སིདྡྷཾ། དགེ་ལེགས་རྟག་པ་དམ་པའི་དབྱིངས། །ཡེ་ཤེས་ཆེན་པོའི་སྐུར་སྨིན་པས། །མཁའ་ཁྱབ་སྤྲུལ་པའི་རྩལ་འཆང་བ། །མཚོ་སྐྱེས་བླ་མས་བྱིན་གྱིས་རློབས། །དེ་ལ་སྐུ་གསུམ་སྟོན་པ་རྒྱ་མཚོའི་ཁྱབ་བདག་མཚོ་སྐྱེས་ཀུན་ཏུ་འཆང་བ་ཆེན་པོ་ཉིད་དངོས་གཅིག་དུ་མའི་ཚུལ་དུ་ཐོད་ཕྲེང་རིགས་ལྔ། གུ་རུ་མཚན་བརྒྱད། རིག་འཛིན་བཅུ་གཉིས་སོགས་གདུལ་བྱའི་མོས་པ་དང་འཚམས་པར་མཚན་དང་སྐུའི་རྣམ་འགྱུར་འདོད་རྒུར་འཚར་བ་ལས། གུ་རུའི་མཚན་མཆོག་རྣམ་པ་བརྒྱད་ཅེས་ཡོངས་སུ་གྲགས་པའི་སྣང་བརྙན་རིན་པོ་ཆེར་ནང་གཞུག་གི་ཁྱད་པར་ཇི་ལྟར་འདུ་བགྱིས་པའི་ཚུལ་

― LT38_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ཐོག་མར་འཆི་མེད་པདྨ་འབྱུང་གནས་ཀྱི་ཐུགས་ཀར་ཐུགས་སྒྲུབ་བར་ཆད་ཀུན་སེལ་གྱི་རྩ་བའི་འཁོར་ལོ། མ་བསྒོམ་སངས་རྒྱས་ཆོས་དྲུག་གི་མཐོང་གྲོལ་གྱི་རིག་པ། བླ་མ་ཡང་ཏིག་ཡིད་བཞིན་ནོར་བུའི་བཏགས་གྲོལ། བླ་མ་གསང་བ་འདུས་པའི་ལས་ཚོགས་ཁ་སྒྱུར་ཉེར་གཅིག་གི་ནང་ཚན། ཚེ་སྲིང་བའི་འཁོར་ལོ་སྤེལ་ཚིག་དམིགས་བསལ་སྦྱར་བ། ཨོ་རྒྱན་ཟ་ཧོར་མའི་སྣང་བརྙན་རང་བྱོན་གྱི་རྟེན་རྡོ་ཆུང་ངུ། གུ་རུ་ཡབ་ཡུམ་གྱི་བྱང་སེམས་རོལ་པ་ཆེན་མོ། སློབ་དཔོན་རིན་པོ་ཆེའི་གསང་གོས་སེང་བྲག་གཏེར་བྱོན་བཅས་བཞུགས། པདྨ་སཾ་བྷཱ་ཝར། གུ་རུ་རིན་པོ་ཆེའི་ཚེམས་ལས་སྤྲུལ་པའི་རིང་བསྲེལ་རིན་ཆེན་ཤེལ་བྲག་ལས་བྱོན་པའི་འཕེལ་ཕྱེ། ཤངས་མཚལ་རིལ་བུ། ཐུགས་སྒྲུབ་ཀྱི་ནོར་སྒྲུབ་གླང་པོའི་འཁོར་ལོ། གསང་འདུས་ལས་ཚོགས་ནོར་འགུགས་པའི་ཙཀྲ་རྣམས་བཞུགས། བློ་ལྡན་མཆོག་སྲེད་ལ། གུ་རུ་རིན་པོ་ཆེའི་ཕྱག་བྲིས་མཐོང་གྲོལ་བདུད་རྩི་ལྔ་ཤོག་རིགས་གཉིས་གཙོར་གྱུར་གཏེར་གསར་གྱི་ཤོག་སེར་མི་འདྲ་བ་རིགས་དགུ། འཇམ་དཔལ་བཤེས་གཉེན་ཤེས་རབ་རིལ་བུ། མཚན་ཡང་དག་པར་བརྗོད་པའི་རྒྱུད་ཀྱི་གླེགས་བམ། གསང་འདུས་ལས་ཚོགས་ཤེས་རབ་འཕེལ་བའི་ཙཀྲ་རྣམས་བཞུགས། པདྨ་

― LT38_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་ལ། སློབ་དཔོན་རིན་པོ་ཆེའི་ཟ་བེར་སེང་བྲག་གཏེར་བྱོན། གཏེར་བྱོན་གི་ཝཾ། སིནྡྷུ་ར། ཙནྡན་དམར་པོ་རྣམས་གུ་རུ་རྒྱལ་བའི་གདུང་འཛིན་གྱི་རིག་པས་བྱིན་གྱིས་བརླབས་པ། གསང་འདུས་ལས་ཚོགས་སྣང་བ་དབང་སྡུད་ཀྱི་ཙཀྲ་བཅས་བཞུགས། ཉི་མ་འོད་ཟེར་ལ། གུ་རུ་རིན་པོ་ཆེའི་ཞབས་ཆགས་ཉང་གཏེར། ཐུགས་རྗེ་ཆེན་པོའི་མ་ི་རིལ་བུ་དང་། འཁོར་བ་དོང་སྤྲུགས་རིལ་བུ། གསང་འདུས་ལས་ཚོགས་རང་ལ་མོས་པའི་ཙཀྲ་བཅས་བཞུགས། གུ་རུ་ཤཱཀྱ་སེང་གེར། འོད་སྲུང་དང་ཐུབ་པའི་སྐུ་ཆོས། སློབ་དཔོན་རིན་པོ་ཆེའི་སྐུ་ཆོས་བདུད་འདུལ་གཏེར་བྱོན། གསང་འདུས་ལས་ཚོགས་དོན་ཀུན་གྲུབ་པའི་ཙཀྲ། གཏེར་བྱོན་གཙོར་གྱུར་སིནྡྷུ་ར་རིགས་མང་པོའི་སཱཙྪ་ནང་དུ་དགེ་འདུན་འདུ་བའི་རིག་པ་བཅུག་པ་བཅས་བཞུགས། སེང་གེ་སྒྲ་སྒྲོགས་ལ། སློབ་དཔོན་རིན་པོ་ཆེའི་སྐུ་རེག་གཏེར་གསར་ལས་བྱུང་བ་ལེ་ཚན། གཏེར་བྱོན་ཡུངས་ཀར་རིལ་བུ། གསང་འདུས་ལས་ཚོགས་བདག་སྲུང་བའི་ཙཀྲ་རྣམས་བཞུགས། རྡོ་རྗེ་གྲོ་ལོད་ལ། སློབ་དཔོན་རིན་པོ་ཆེའི་དབུ་སྐྲ་དཔལ་གྱི་དེའུའི་གཏེར་བྱོན། འཆོལ་བའི་ཁྲོ་རྒྱལ་ཆེན་པོའི་སྲོག་འཁོར། གསང་འདུས་ལས་ཚོགས་བགེགས་སྐྲོད་པའི་ཙཀྲ་བཅས་དང་། དེ་རྣམས་ལ་ཐུན་མོང་དུ་ཡུངས་འབྲུ་ལྟ་བུའི་རིང་བསྲེལ་

― LT38_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་རིང་བསྲེལ་རྣམ་བཞི་དངོས་དང་རིལ་བུར་བགྱིས་པ། སོ་སོའི་སྣང་བརྙན་ཆུང་ངུ་བྱིན་རྟེན་ལས་བཏབ་པ་དང་། སྔགས་བྱང་མཐིང་ཤོག་ལ་གསེར་གྱིས་བྲིས་པ་ཚར་ཁ་ཤས། བཛྲ་གུ་རུ་དང་། རྒྱུད་སྡེ་བཞི་གཙོ་བསྡུས་ཀྱི་སྔགས་སོགས་གཟུངས་རྣམས་ཀྱིས་ཕྱུར་བུར་བཀང་ཞིང་། གནོད་སྦྱིན་འཁོར་ལོ་སོགས་ཇི་སྐད་བཤད་པའི་བཅའ་གཞི་ལེགས་པར་བསྒྲིགས་ཏེ། འཁོར་ལོ་རྣམས་ལ་སོ་སོའི་རྫས་དང་། ཐུན་མོང་མ་ཡིན་པའི་རབ་གནས་སྔོན་ཏུ་འགྲོ་བས་དབུ་ཞབས་མདུན་རྒྱབ་སོགས་མ་འཁྲུལ་བར་བཞུགས་པས་མཚོན་གཟུངས་འབུལ་ཕྱག་ལེན་ལྟར་ཕུལ་ཞིང་། བླ་མ་གསང་བ་འདུས་པ་མཚན་བརྒྱད་སྒོས་སྒྲུབ་དང་བཅས་པའི་སྒོ་ནས་ལྷག་པར་གནས་པའི་མེ་ཏོག་གི་ཆར་སིལ་མར་བསྙིལ་བ་དང་། མཆོག་དང་ཐུན་མོང་གི་དངོས་གྲུབ་རྒྱ་མཚོའི་གཞི་ཆེན་པོར་འདུན་སྨོན་གསོལ་འདེབས་ནན་ཏན་དུ་བགྱིས་ཏེ། སྙེ་མོ་བྱེ་མཁར་གྱི་ལོ་ཙཱ་བ་ཆེན་པོ་འཇིག་རྟེན་མིག་གཅིག་རྣམ་སྣང་སྲུང་བའི་མཆོག་གི་སྤྲུལ་པའི་སྐུ་རིན་པོ་ཆེ་རྡོ་རྗེ་འཆང་བློ་གྲོས་མཐའ་ཡས་པའི་སྡེའི་ཡེ་ཤེས་གཟིགས་པའི་འབབས་སྟེགས་སུ་ཕུལ་བ་དགེ་ལེགས་སྣང་བས་ཁྱབ་ཅིང་རྟག་པའི་རྒྱུར་སིདྡྷ་རསྟུ། ཞེས་པའང་འཆི་མེད་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་

― LT38_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

པོས་སོ། །ཞེས་པ་ལྟར་རོ། །གཡས་ཕྱོགས་གཙོ་བོ་ཚེ་དཔག་མེད་དང་འཁོར་གྱི་འཆི་མེད་དབང་པོའི་སྐུ་བརྙན་བརྒྱ་ཕྲག་རྣམས་ལ་མཚན་བརྒྱ་རྩ་བརྒྱད་པ་དང་སྣང་བ་མཐའ་ཡས་རྗེས་སུ་དྲན་པའི་གཟུངས་གཙོ་བོར་གྱུར་པའི་བཀའ་གཏེར་ལས་བྱུང་བའི་འོད་དཔག་མེད་དང་ཚེ་བསྙེན་གྱི་རྣམ་གྲངས་དུ་མ་གཙོ་བོ་ལ་ལྷག་པ་དང་། འཁོར་རྣམས་ལ་བདུན་ཕྲག་ལ་སོགས་པའི་གྲངས་ལྡན། རྒྱལ་བ་ཞྭ་དམར་ནག་ཡབ་སྲས། རྗེ་བླ་མ་ཏཱའི་སི་ཏུ་གོང་འོག །རད་གླིང་། པད་གླིང་། ཐང་རྒྱལ། སྨིན་གླིང་གཏེར་ཆེན་སོགས་ཀྱིས་བསྒྲུབས་པའི་ཚེ་རིལ་རིགས་མང་པོ། གཏེར་བྱོན་ཇི་སྙེད་པ་དང་གསང་སྦྱར་གྱི་ཚེ་རིལ་མང་པོ་ཁྱད་པར་དུ་བཞུགས་པའོ། །གཡས་གཡོན་གྱི་སྐུ་བརྙན་གཞན་རྣམས་ཀྱི་བླ་སྐུའི་རིགས་ལ་སོ་སོའི་དབུ་ལོ་ན་བཟའ་ཚེམས་ཤངས་མཚལ་སོགས་ཇི་ལྟར་འབྱོར་བ་དང་། ཀུན་ལ་འཆད་འགྱུར་ལྟར་རིང་བསྲེལ་རྣམ་བཞི་མ་ཚང་བ་མེད་པས་ལེགས་པར་གཏམས་པར་བགྱིས་པ་སྟེ་རྐང་གྲངས་ཞིབ་པར་དེབ་ཡིག་ཏུ་གསལ་ལོ། །གཉིས་པ་གསུངས་རབ་ལྷ་ཁང་སྙིང་པོའི་གསང་མཛོད་ངེས་དོན་དགའ་བའི་ཚལ་གྱི་ཁྱམས་ཕྱི་མར་གཙོ་བོ་ཐུབ་པའི་དབང་པོའི་སྐུ་བརྙན་ཆེ་ལེགས་རྒྱབ་ཡོལ་དང་བཅས་པ། ཡང་གསེར་སྐུ་བར་རྙིང་ཆེ་ལེགས། ཨོ་རྒྱན་གཙོ་

― LT38_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་གསུམ་པ་རྒྱབ་ཡོལ་བཅས་པ་རྣམས་ལའང་ཡེ་ཤེས་སེམས་དཔའི་ཚུལ་གྱི་བྱིན་སྐུ་ཁྱད་འཕགས་སོགས་གོང་སྨོས་དང་ཕྱོགས་མཚུངས་ཀྱི་ནང་གཞུག་མདོ་སྔགས་བཀའ་གཏེར་སོ་སོར་ཇི་ལྟར་འཚམས་པ་དང་། འཁོར་གྱི་སངས་རྒྱས་སོ་ལྔ་སོགས་ལའང་རིང་བསྲེལ་རྣམ་པ་བཞིས་ཡོངས་སུ་གཏམས་པའོ། །གསུམ་པ་ཐུགས་དམ་ལྷ་ཁང་གྲུབ་གཉིས་ཡོངས་འདུ་རྟག་བརྟན་དགའ་བའི་ཚལ་དུ། རྟེན་གྱི་གཙོ་བོ་གཏེར་ཆེན་རྡོ་རྗེ་གླིང་པའི་གཏེར་བྱོན་གུ་རུའི་སྐུ་ཚབ་རིན་པོ་ཆེ་དང་། ཡང་སྐུ་ཚབ་གཏེར་བྱོན། ཀླུ་སྒྲུབ་ཕྱག་བརྐོས་ཐུབ་དབང་མཛད་བཅུ་མ་དང་རྒྱ་བལ་ཁ་ཆེ་བོད་ཀྱི་ལི་རྙིང་གི་རིགས་ཀྱི་རྟེན་རྣམས་དང་། རྗེ་བདུན་པའི་འདྲ་ཞལ་ཀུན་མཁྱེན་དྷརྨཱ་ཀ་རའི་ཕྱག་བཟོ་མཐོང་གྲོལ་ཆེན་མོ། རྒྱལ་སྲས་རིན་ཆེན་རྣམ་རྒྱལ་འདྲ་ལྕོགས་སྨིན་གླིང་ནས་ཕེབ་པ། གཏེར་ཆེན་མཆོག་གྱུར་གླིང་པའི་ཕྱག་བཟོ་རྡོར་སེམས་བདེ་བ་ཆེན་པོ། དཔལ་ཆེན་ཡང་དག་རྒྱུའི་ཧེ་རུ་ཀ །བདེ་མཆོག་ལྷན་སྐྱེས་བཅས་ནང་གཞུག་ཁྱད་ཅན་རབ་གནས་སྒྲུབ་པ་བརྟན་བཞུགས་རྣམས་ཀྱང་རྗེ་ཉིད་ཀྱིས་མཛད་ནས་འདིར་ནང་རྟེན་ཏུ་སྩལ་བ་སོགས་སྨན་སྐུ་རྣམས་ཀྱི་རྐང་གྲངས་ཞིབ་བར་དེབ་ཡིག་ཏུ་གསལ་ཞིང་། བསམ་ཡས་འདྲ་བཤུས་མཁན་སློབ་ཆོས་གསུམ་ལོ་ཆེན་བཻ་རོའི་སྣང་བརྙན་བཞི།

― LT38_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་རྒྱལ་འཇའ་ཟུག་མའི་འདྲ་བཤུས་གྲུབ་ཆེན་ཐང་སྟོང་རྒྱལ་པོ། ཚོང་འདུས་རྫ་སྐུའི་འདྲ་ལྕོགས་པ་ཆེན་ཤཱཀ་ཤྲཱིའི་སྐུ་རྣམས་ལའང་གཏེར་བྱོན་གྱིས་མཚོན་སོ་སོའི་སྐུ་གདུང་སྐུ་བལ་གྱི་རིང་བསྲེལ་ཁྱད་པར་འཕགས་པ་འབའ་ཞིག་གིས་གཏམས་ཤིང་། ལག་གྲུའི་སྐུ་བརྙན་གྲས་ས་མ་བོད་ནས་འབྱོར་ཡང་ཅུང་ཉམས་པ་ལྟར་སྣང་བས་ཕག་གྲུ་ཉིད་ཀྱི་སྐུ་ཤ །ན་བཟའ། འཇག་སྤྱིལ་གྱི་རྩ་སོགས་བྱིན་རྟེན་ཁྱད་པར་བ་རྣམས་དང་། རིང་བསྲེལ་རྣམ་པ་བཞིས་སྙིང་པོ་ཅན་ཏུ་བགྱིས་པའོ། །བཞི་པ་གནས་བཅུ་ཁང་དུ་བཞུགས་པའི་ཐུབ་དབང་གནས་བརྟན་དང་བཅས་པའི་ལྡེར་སྐུ་རྣམས་ལ་སྤྱིར་རིང་བསྲེལ་བཞི་དང་། ཁྱད་པར་ཐུབ་དབང་ལ་ཡུངས་འབྲུ་ལྟ་བུའི་རིང་བསྲེལ། དེ་བཞིན་གཤེགས་པའི་ཡིག་བརྒྱ་དང་མུ་ནི་རྟེན་སྙིང་ཚར་གྲངས། གཞན་རྣམས་ལ་སོ་སོའི་སྙིང་པོ་ཚར་གྲངས་ཀྱིས་ཁྱད་པར་དུ་གཏམས་པའོ། །ལྔ་པ་མགོན་ཁང་སྲིད་གསུམ་རྣམ་རྒྱལ་འཇིགས་མེད་བསིལ་བ་ཚལ་གྱི་དཀར་ཆག་ལ་གཉིས། གཙོ་བོ་སྐུ་བརྙན་དང་། ཞར་བྱུང་རྟེན་གཞན་གྱི་ཚུལ་ལོ། །དང་པོ་ནི། བླ་མའི་རྟེན་རྡོ་རྗེ་འཆང་གི་སྐུ་བརྙན་རྙིང་མ་ཁྱད་འཕགས་ནང་གཞུག་མ་ཉམས་པ་དང་། ཨོ་རྒྱན་རིན་པོ་ཆེ་ཟ་ཧོར་མའི་སྣང་བརྙན་དེ་མཚུངས་སོགས་ནི་སྨོས་མ་དགོས། ཡི་དམ་རྟེན་དཔལ་འཁོར་ལོ་སྡོམ་པ་ལཱུ་ཧི་

― LT38_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལུགས་ཀྱི་སྣང་བརྙན་ཙནྡན་དམར་པོ་ལས་གྲུབ་པ་ཁྲུ་གང་བའི་ནང་དུ། ཡུངས་འབྲུ་ལྟ་བུའི་རིང་བསྲེལ། འབྲུག་ཆེན་བཀའ་བརྒྱུད་བསྟན་པའི་རྒྱལ་མཚན་གྱི་ཕྱག་བཏབ་བདེ་མཆོག་སྙན་བརྒྱུད་གསེར་བྱུགས་ཅན། བླ་བརྒྱུད་དང་རྩ་སྔགས་སྙིང་པོ་ཉེ་སྙིང་། རྒྱུད་སྡེ་ལྔའི་སྔགས་རྣམས་གསེར་དངུལ་གྱིས་བྲིས་པ་འདོད་གསོལ་དང་བཅས་པ། གོང་གསལ་དྭགས་ཤངས་ཀྱི་བཀའ་བརྒྱུད་རིན་པོ་ཆེ་རྣམས་ཀྱི་སྐུ་གདུང་སྐུ་བལ་རིང་བསྲེལ་སོགས་ཀྱིས་ཁྱད་པར་དུ་གཏམས་པའོ། །ཆོས་སྐྱོང་རྟེན་གྱི་གཙོ་བོ་མྱུར་མཛད་ཡེ་ཤེས་ཀྱི་མགོན་པོ་རྡོ་རྗེ་ཕྱག་དྲུག་པའི་སྐུ་བརྙན་མེ་འབར་མ་ནི། གཏེར་བྱོན་ཡུལ་ཆེན་རེ་བཞི། དུར་ཁྲོད་ཆེན་པོ་བརྒྱད་ཀྱིས་རྡོ། བལ་ཡུལ་གངས་ཅན་དབུས་གཙང་མདོ་ཁམས་རྣམས་སུ་ཡོངས་སུ་གྲགས་པའི་སྒྲུབ་གནས་དང་དུར་ཁྲོད་རྣམས་ཀྱི་ས་རྡོ། གྲུབ་ཆེན་པཀྴི་དང་ཐང་རྒྱལ་རྗེ་པདྨ་ཉིན་བྱེད་དབང་པོ་དང་། རྒྱལ་དབང་ཐེག་མཆོག་རྡོ་རྗེ་སོགས་ཀྱི་ཤངས་མཚལ་སྐུ་མཚལ་གྱིས་གཙོས། བྱིན་རྫས་སྨན་སྣ་རིན་ཆེན་ཕྱེ་མ་སོགས་སྦྱར་བའི་རྒྱུ་བྱིན་བརླབས་ནས་བཟུང་། དྲག་པོའི་ཤིང་གི་རུ་ཤིང་དང་སྲོག་ཤིང་འཛུག་པ། གྲུབ་ནས་རབ་གནས་བཀའ་རྒྱ་མ་བགྱི་བའི་བར་ཐུན་མོང་དང་ཁྱད་པར་གནད་ཀྱི་མན་ངག་རྣམས་ལས་ཇི་སྐད་བཤད་པ་ཚུལ་བཞིན་ཏུ་བགྱིས་

― LT38_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། དབུ་གཙུག་མི་བསྐྱོད་པ་ལ་ཡུངས་འབྲུ་ལྟ་བུའི་རིང་བསྲེལ་སོགས་དང་། ཁྱད་པར་གསང་གཏེར་ལས།། ༈ །།།ས་མ་ཡ༔ དཔལ་ལྡན་མགོན་པོ་སྐུ་འདི་ནི༔ ཀླུ་འཇིམ་དག་ལ་ཀླུ་སྒྲུབ་ཀྱིས༔ བཟོས་ཏེ་ཁྲག་འཐུང་ནག་པོར་སྩལ༔ བསིལ་བའི་ཚལ་དུ་སྒྲུབ་པའི་ཚེ༔ མེ་འབར་མུ་སྟེགས་ཐལ་བར་བརླག༔ མ་འོངས་བསྟན་པ་སྲུང་བའི་ཕྱིར༔ འདི་ཡང་རིན་ཆེན་གཏེར་དུ་སྦ༔ ས་མ་ཡ༔ ཞེས་གསུངས་པ་གསང་བའི་མགོན་པོ་ཧེ་རུ་ཀའི་སྐུ་བརྙན་ངོ་མཚར་ཞིང་བྱིན་རླབས་ཀྱི་གཟི་བརྗིད་ཅན་ཁྱད་པར་དུ་འཕགས་པ་སྤྲུལ་པའི་གཏེར་འབྱིན་རྒྱ་མཚོའི་འཁོར་ལོས་སྒྱུར་བ་ཨོ་རྒྱན་མཆོག་གྱུར་བདེ་ཆེན་གླིང་པས་ཡེལ་ཕུག་ནམ་མཁའ་མཛོད་ཀྱི་གསང་མཛོད་ཆེན་པོ་ཞལ་དབྱེ་བའི་སྐབས་སུ་སྤྱན་དྲངས་ནས་ལུང་དོན་བཞིན་ཁོ་བོ་ལ་སྩལ་ཏེ། གང་དུ་བཞུགས་པའི་ཕྱོགས་སུ་མེ་ཆུ་གཙོ་བོར་གྱུར་པའི་འཇིགས་པ་བརྒྱད་དང་བཅུ་དྲུག་ལས་སྐྱོབ་ཅིང་། མཆོག་ཐུན་མོང་གི་དངོས་གྲུབ་གསོལ་བ་གང་བཏབ་ཡིད་བཞིན་ཏུ་སྩོལ་བར་ཞལ་གྱིས་བཞེས་པ། མཐོང་ཐོས་དྲན་རེག་གྲོལ་བར་ནུས་པའི་མགོན་སྐུ་མེ་འབར་མ་ཡིད་བཞིན་ནོར་བུ་ལྟ་བུ་ཉིད་ཤིན་ཏུ་འབྲལ་བར་ཕོངས་ཀྱང་རྗེ་བླ་མའི་བསྟན་པ་དང་གདན་ས་འདི་ལ་བསམ་སྟེ་ཐུགས་ཀར་ཨ་ག་རུའི་སྒྲོམ་བུ་དྲི་བཟང་དང་སིནྡྷཱུ་རའི་ཕུར་མས་བཀང་བར་དར་

― LT38_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ཀྱི་ན་བཟའ་སྣ་ལྔས་ཀླུབས་ཏེ་བཞུགས་སུ་གསོལ་བའི་གཡས་སུ་གྲི་ལྕགས་ཀྱི་རྡོ་རྗེ་ལྟེ་བར་ཧཱུྃ་མཚན་གཟུངས་སྔགས་གསར་བྲིས་ཀྱིས་དཀྲིས་པ། གཡོན་ཏུ་གྲི་སྙིང་གི་རྩྭ་སྦུབས་གཡས་གཡོན་དབུས་མར་ཡབ་ཡུམ་གྱི་སྔགས་གསེར་བྲིས་སྨན་འབྲུ་དར་ཟབ་རིན་ཆེན་གྱིས་བཀང་བ། དབུའི་ནང་དུ་ཤངས་ལུགས་བརྒྱུད་པ་སྤྱི་བྱེ་བྲག་གི་མཚན་སྔགས་དང་། སྐུའི་སྟོད་ཆར་རྒྱུད་སྡེ་ལྔ། ཐུགས་ཀར་གཙོ་འཁོར་གྱི་སྙིང་པོ། གཏེར་མགོན་གྱི་སྔགས། སྨད་ཆར་འབོད་རྦད་བསད་གསུམ་གཅིག་དྲིལ་ཤཱ་ས་ན་ལ་སོགས་པ་གསེར་དངུལ་གྱིས་བྲིས་པ་དང་སྤར་དུ་བཏབ་པ་ཆ་གྲངས་དུ་མ། ཞབས་ངར་གཡས་གཡོན་གྲི་རྐང་གི་སྲོག་ཤིང་ལ་ལས་མགོན་གྱི་སྔགས་དྲིལ་བ་དང་། གདན་གྱི་ཐུགས་ཀར་ཚོགས་བདག་གི་ཙཀྲ་སོགས་ཁྱད་པར་དུ་བཞུགས་སུ་གསོལ་ཞིང་སྤྱིར་རིང་བསྲེལ་རྣམ་བཞིས་རྒྱས་པར་གཏམས་པའོ། །དེའི་གཡས་གཡོན་ཏུ་བཞུགས་པའི་པད་ལུགས་མྱུར་མཛད་མགོན་པོ་ཕྱི་སྒྲུབ་ཞལ་གསུམ་ཕྱག་དྲུག་པ་དང་། ཡེ་ཤེས་ཀྱི་མ་མོ་སྔགས་སྲུང་རྡོ་རྗེ་རལ་གཅིག་མའི་སྐུ་བརྙན་གཉིས་པོ་གནས་སྒོ་འབྱེད་པའི་སྔོན་རོལ་སྐུ་བརྙན་ཐམས་ཅད་ཀྱི་ཐོག་མར་བསྒྲུབས་ཤིང་ནང་གཞུག་རབ་གནས་རྣམས་ཉི་མ་གཅིག་ལ་གྲུབ་པར་གཏེར་ཆེན་ཉིད་ཀྱིས་མཛད་པའི་སྐུ་བརྙན་གཉིས་ཀར་སོ་སོའི་

― LT38_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་འཁོར། བླ་བརྒྱུད། སྙིང་པོ། རིང་བསྲེལ་གྱི་རིགས་རྣམས་དང་། ཁྱད་པར་མགོན་སྐུ་ལ་དུར་ཁྲོད་ཆེན་པོ་བསིལ་བའི་ཚལ་གྱི་ཏཱ་ལའི་ཤིང་སྡོང་མགོན་པོ་ཉིད་གནས་པའི་ཤུན་པའི་ལོགས་གཅིག་ལ་སློབ་དཔོན་ཁྲག་འཐུང་རྡོ་རྗེ་དང་། ལོགས་གཅིག་ལ་ཨོ་རྒྱན་ཆེན་པོའི་ཕྱག་བྲིས་སུ་མཛད་པ་གསང་མགོན་གཉིས་པའི་སྒྲུབ་ཐབས་ཉིན་དེ་ཉིད་དུ་ཁོ་བོས་ཡི་གེ་པ་བགྱིས་ཏེ་གཏན་ལ་ཕབ་ཟིན་འཕྲལ་གཏེར་ཆེན་ཉིད་ཀྱི་ཕྱག་རྒྱས་བཏབ་ནས་བཞུགས་པར་གནང་བའི་ཁྱད་དུ་འཕགས་པའོ། །རྡོ་རྗེ་བེར་ཅན་ཡབ་རྐྱང་གི་སྐུ་བརྙན་ཆེ་བ་རྡོ་རྗེ་འཆང་པདྨ་ཉིན་བྱེད་དབང་པོས་ནང་གཞུག་རབ་གནས་གནང་ཞིང་སྒྲུབ་རྟེན་ཏུ་མཛད་པ་དང་། ཆུང་བ་ལང་གྲོ་ལོ་ཙཱའི་རྣམ་འཕྲུལ་དབོན་སྤྲུལ་རིན་པོ་ཆེ་སྒྲུབ་བརྒྱུད་བསྟན་འཛིན་ཕྲིན་ལས་ཀྱི་ཕྱག་བསྟར་ཡབ་སྲས་ཟུང་གི་སྐུ་མཚལ་ལྗིབས་བྱུགས་དང་། རྗེ་པདྨའི་དབུ་ལྗོན་དང་གདུང་རུས་སོགས་ནང་གཞུག་ཁྱད་འཕགས་དང་ལྡན་པའོ། །རྡོག་ལུགས་རྒྱུད་མགོན་གྲི་ཐོད་ཅན་ཏུ་གྲགས་པ་རྡོ་རྗེ་གུར་རྩ་བའི་མགོན་རྐྱང་། ཡེ་ཤེས་ཀྱི་མགོན་པོ་ཕྱག་བཞི་པ། རྙིང་ལུགས་ལེགས་ལྡན་ཚོགས་ཀྱི་བདག་པོ་རྒྱུད་མགོན་ཕྱག་གཉིས་པ། དཔལ་མགོན་མ་ནིང་ནག་པོ། རྣམ་སྲས་སེང་ཆེན། ཞིང་སྐྱོང་དུར་ཁྲོད་ཀྱི་མ་མོ། ལྷ་སྨན་བཀྲ་ཤིས་ཚེ་རིང་མ་གཏེར་

― LT38_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་གྱི་ལུགས་རྣམས་ཀྱང་སྐུ་རྒྱུ་ཕལ་ཆེར་གོང་མཚུངས་ལ། གསར་རྙིང་བཀའ་གཏེར་སོ་སོ་ནས་བཤད་པའི་བླ་རྡོ་སྲོག་འཁོར། བླ་རྒྱུད་སྲོག་སྔགས། ཕྱག་བཞི་པ་ལ་བདུད་འདུལ་རྡོ་རྗེའི་ཕྱག་བཞི་པའི་གཏེར་ཤོག་མཐིང་ནག་ལ་ཨོ་རྒྱན་རིན་པོ་ཆེའི་ཤངས་མ་ཚལ་གྱིས་ཡིག་འབྲུ་བྲིས་པས་མཚོན་རྟེན་དང་དམ་རྫས་ཇི་ལྟར་འོས་ཤིང་འཚམས་པས་གཏམས་པར་བགྱིས་པའོ། །གཉིས་པ་ནི། ཆོས་སྐྱོང་སྒྲུབ་པའི་རྟེན་གྱི་གཙོ་བོ་རྟེན་གཏོར་ནི། ནས་ནག་རྗེ་ནང་ཐག་གི་ཕྱེ་སོགས་རྒྱུ་དང་རྒྱུ་བྱིན་རླབས་སོགས་གཞུང་མཐུན་བགྱིས་ཤིང་། རྟེན་གཏོར་ཀུན་ལ་རྩེ་མོར་བཀའ་གཏེར་བརྒྱུད་སྲོལ་དུ་མའི་མཚན་སྔགས། བར་དུ་བླ་མ་ཡི་དམ་ལ་སོ་སོའི་བསྙེན་སྒྲུབ་ལས་སྦྱོར་རིགས་མི་འདྲ་དུ་མ། ཆོས་སྐྱོང་རྣམས་ལ་སྙིང་པོ་རྩ་སྔགས། འབོད་རྦད་བསད་གསུམ་གོ་རིམ་མ་ལོགས་པ་འདོད་གསོལ་རྒྱས་པ་བཅས་རྒྱ་ཤོག་ལ་གསེར་དངུལ་གྱིས་བྲིས་ཤིང་ཟངས་སྦུབས་དང་མ་མགོན་རྣམས་ལ་གྲི་ལྕགས་ཀྱི་སྦུ་གུར་སྨན་སྣ་རིན་ཆེན་ལ་སོགས་པ་དང་བཅས་ཏེ་བཅུག་ཅིང་དར་སྣས་དྲིལ་བ་གཟུངས་སུ་གཞུག་པ་དང་། སྐུ་རྟེན་སོ་སོའི་ཙཀ་ལི་གསུང་རྟེན་སྲོག་འཁོར་དམིགས་བསལ་བཤད་པ་རྣམས་ལ་སོ་སོའི་ལུགས་དང་། དམིགས་བསལ་མེད་པ་རྣམས་ལ་སྤྱི་ཁྱབ་རིག་འཛིན་རོལ་

― LT38_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྡོ་རྗེའི་བྲག་གཏེར་ཕྱག་རྡོར་དྲེགས་འདུལ་ཐེམ་མེད་ལས་འབྱུང་བ་བླ་མ་ཡི་དམ་མཁའ་འགྲོ་ཆོས་སྐྱོང་ཕོ་རྒྱུད་མོ་རྒྱུད་ཀྱི་སྲོག་འཁོར་ཚད་ལྡན་འདུ་བགྱིས་པ་དང་། ཐུགས་རྟེན་མེ་ལོང་སོགས་ཀྱིས་བརྒྱན་ནས་སྤྱིར་བླ་མ་དགོངས་འདུས་ལས་གསུངས་པའི་གཏོར་སྒྲུབ་བདུད་རྩིའི་རྒྱ་མཚོ་དང་། བྱེ་བྲག་སོ་སོའི་ལུགས་ཀྱི་སྒྲུབ་པའང་བགྱིས་ནས་བྱིན་གྱིས་བརླབས་པའོ། །གཞན་ཡང་རྡོ་རྗེ་འཆང་པདྨ་ཉིན་བྱེད་དབང་པོའི་སྤུར་རས་ལ་གཞུང་མཐུན་རྫས་དང་ཆོ་གས་བསྒྲུབས་པའི་མྱུར་མཛད་མགོན་པོ་རིགས་ཐམས་ཅད་བསྡུས་པའི་ཞལ་ཐང་རབ་གནས་བཀའ་རྒྱ་མ་ཚུལ་བཞིན་བགྱིས་པ་དང་། མགོན་དཀར་ཡིད་བཞིན་ནོར་བུ། རིག་འཛིན་འཇའ་ཚོན་སྙིང་པོའི་ཕྱག་བྲིས་མ་ནིང་། མི་འགྱུར་རྡོ་རྗེའི་ཕྱག་བྲིས་དར་ནག །བྲི་དྲུབས་ཚོན་རྫོགས་གཏེར་ཆེན་རིན་པོ་ཆེས་རབ་གནས་བཅས་མ་མོ་རྒྱུ་བའི་དུས་གཉན་ལ་ཉིན་རྫོགས་སུ་བྱས་པའི་སྔགས་སྲུང་མ། རྒྱལ་དབང་བཅུ་བཞི་པའི་ཕྱག་བྲིས་མ་མགོན་ཞལ་སྦྱོར་གྱིས་མཚོན་དམ་ཚིག་གི་བྲིས་སྐུ་རྣམས་དང་། སྒ་རྗེ་པདྨ་ལྷུན་གྲུབ་ཀྱིས་བཅའ་སྒྲུབ་ཚད་ལྡན་མཛད་པའི་ཚོགས་བདག་བེང་ཕུར་རྗེ་བླ་མ་གསང་སྔགས་བསྟན་

― LT38_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ནས་བཀའ་དྲིན་ཏུ་སྩལ་བ་དང་། སོ་སོའི་རྟེན་མདའ་རྟེན་མདུང་སྙིང་དང་ཐོད་པ་སོགས་ཀྱིས་མཚོན་ཕྱི་ནང་གསང་བའི་རྟེན་རྫས་ཇི་ལྟར་འབྱོར་ཞིང་འཚོགས་པ་རྣམས་ཀྱང་ཕུན་ཚོགས་སུ་བགྱིས་པའོ། །གོང་འོག་ཏུ་བཤད་པའི་སྐུ་བརྙན་རྣམས་ལ་དམིགས་སུ་བསལ་བར་བཞུགས་པའི་ཚོགས་རགས་པར་སྨོས་པ་ཡིན་གྱི། སྤྱིར་དེ་དག་ཐམས་ཅད་ལ། ཡུངས་འབྲུ་ལྟ་བུའི་རིང་བསྲེལ་ཕྱོགས་བསྡུས་དམ་རྫས་ཏོག་གི་བློ་གྲོས། ཆོས་ཀྱི་རིང་བསྲེལ་ཕྱོགས་བསྡུས་རིལ་བུ་དམ་རྫས་གསེར་ཞུན་ཆེན་མོ། སྐུ་གདུང་རིང་བསྲེལ་ཕྱོགས་བསྡུས་དམ་རྫས་བདུད་རྩིའི་ཐིགས་པ། སྐུ་བལ་རིང་བསྲེལ་ཕྱོགས་བསྡུས་རིལ་བུ་དམ་རྫས་འཇའ་འོད་འཁྱིལ་པ་སྟེ་རིང་བསྲེལ་རྣམ་པ་བཞི་དང་། བདུད་རྩི་སྨན་གྱི་ཕབ་གཏའ་བཅུད་འདུས་རཱ་ས་ཡ་ན་ཟླ་བ་བདུད་རྩིའི་ཐིག་ལེ། གསང་ཆབ་ཀུན་འདུས་མི་བསྐྱོད་རིལ་བུ་དམ་རྫས་ཨིནྡྲ་ནཱི་ལ། གསང་ཆེན་ཕྱོགས་བསྡུས་རྣམ་སྣང་རིལ་བུ་དམ་རྫས་དཔལ་གྱི་སྙིང་པོ། བྱང་སེམས་ཟླ་ཐིག་རིན་འབྱུང་རིལ་བུ་དམ་རྫས་ཟླ་ཤེལ་གཞོན་ནུ། བྱང་སེམས་དམར་པོ་ཤངས་མཚལ་སྐུ་མཚལ་ཕྱོགས་བསྡུས་སྣང་མཐའ་རིལ་བུ་དམ་རྫས་པདྨ་རཱ་ག །སྐུ་ཤ་ཕྱོགས་བསྡུས་རིལ་བུ་དམ་རྫས་ས་ལེ་སྦྲམ། དབུ་ཀླད་གདུང་རུས་ཕྱོགས་

― LT38_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་དོན་གྲུབ་རིལ་བུ་དམ་རྫས་གཡུ་ཞུན་འཁྱིལ་པ་སྟེ་ཤ་དང་བདུད་རྩི་ལྔའི་སྐོར་རྣམས་དང་། དམ་རྫས་རིལ་ནག་ཆེན་མོ་ཕྱག་བསྒྲིལ་བཅས། སྐྱེ་བདུན་མྱོང་གྲོལ་རིལ་བུ་མཁའ་སྤྱོད་བདེ་ལམ་དང་སྐྱེ་བདུན་ཡང་ཟབ། དམ་རྫས་ཨུ་དུམྦ་ར་བློ་གཏད་གཅིག་ཆོག །དམ་རྫས་ཡིད་བཞིན་ནོར་བུ་མྱང་བ་རང་གྲོལ། རྡོར་སེམས་རིལ་བུ་འཁོར་བ་དོང་སྤྲུགས། བུམ་ཆུ་ཁྲུས་ཆབ་ཀུན་འདུས་སྡིག་སྒྲིབ་ཀུན་འཇོམས་སོགས་རྟེན་འདུས་ཀྱི་སྐོར་རྣམས་དང་། ཚེ་སྒྲུབ་གསང་འདུས་རིལ་བུ་འཆི་མེད་སྲོག་སྟེར། ཚེ་བཅུད་ཀུན་འདུས་ཀྱི་རིལ་བུ་འཆི་མེད་བདུད་རྩིའི་བུམ་པ། སྒྲོལ་དཀར་རིལ་བུ་བདུད་རྩིའི་ཟིལ་ཐིགས་སོགས་ཚེ་རིལ་གྱི་སྐོར་རྣམས་དང་། འཇམ་དབྱངས་རིལ་བུ་ཤེས་རབ་དཔལ་སྐྱེད། གཡང་རྫས་དཔལ་ཅན་རིལ་བུ། ས་ཆུ་འབྱུང་བཅུད་ཀུན་འདུས་ཀྱི་རིལ་བུ་འདོད་འཇོའི་ལྗོན་ཤིང་ལ་སོགས་པ་རྣམས་དང་། གཏེར་གསར་རིང་བསྲེལ་བཞི། དམ་རྫས་ཀུན་འདུས་ཀྱི་རིལ་བུ། རྡོ་རྗེ་འཆང་པདྨ་ཉིན་བྱེད་དབང་པོས་སྔ་རྗེས་སྦྱར་བའི་དམ་རྫས་རིགས་དང་། གཏེར་ཆེན་ཉིད་དང་རྒྱལ་དབང་རིན་པོ་ཆེ་སོགས་ཆོས་བདག་ཞལ་རྒྱས་ནས་འོག་མིན་ཀརྨར་བསྒྲུབས་པའི་ཆོས་སྨན་ཆེན་མོ་གཙོར་གྱུར། གཏེར་ཆེན་ཉིད་ཀྱིས་སྔ་རྗེས་ལན་གྲངས་དུ་མར་བསྒྲུབས་པའི་བདུད་རྩི་ཆོས་སྨན་

― LT38_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་དང་། འཇམ་དབྱངས་མཁྱེན་བརྩེའི་དབང་པོས་ལན་གྲངས་སྔ་རྗེས་དུ་མར་སྦྱར་བསྒྲུབས་མཛད་པའི་རྟེན་འདུས་ཚེ་རིལ་བདུད་རྩི་ཆོས་སྨན་གྱི་རིགས་ལ་སོགས་པ་སྟོད་སྨད་གོ་རིམ་མ་འཆོལ་ཞིང་སོ་སོར་ཇི་ལྟར་འཚམས་པར་བཞུགས་ཤིང་། རིལ་བུའི་རིགས་ཀྱང་སྐུ་བརྙན་ཆེ་བ་རྣམས་ལ་བདུན་ཕྲག་གསུམ་རེ། འབྲིང་བ་ལ་བདུན་རེ། ཆུང་བ་ལ་གསུམ་རེ། ཤིན་ཏུ་ཆུང་བ་ལ་རེ་རེ་བསྡུས་ནས་སྣེ་ཚང་བར་བགྱིས་པ་དང་། ཀུན་མཁྱེན་ཆོས་ཀྱི་འབྱུང་གནས་ཀྱི་ན་བཟའ། རྒྱལ་དབང་བདུད་འདུལ་རྡོ་རྗེའི་དབུ་ལྗོན་དང་ན་བཟའ། རྡོ་རྗེ་འཆང་པདྨ་ཉིན་བྱེད་དབང་པོའི་དབུ་ལྗོན། ན་བཟའ། སྤུར་རས། གདུང་ཚྭ། གདུང་རུས། རབ་གནས་མེ་ཏོག་རྣམས་ནི་ཐམས་ཅད་དུ་ཁྱབ་པར་བཞུགས་སུ་གསོལ་བ་དང་། གཟུངས་གཞུག་སྤར་མ་རྣམས་ཀྱང་རྒྱས་བསྡུས་འབྲིང་གསུམ་གྲངས་མང་ཉུང་སྐུ་བརྙན་ཆེ་ཆུང་ལ་འཚམས་པ་དང་། ཐམས་ཅད་དུ་གཟུངས་ཆེན་སྡེ་ལྔ་རིང་ཐུང་ཇི་ལྟར་འོས་པས་ཕྱུར་བུར་གཏམས་པའོ། །དྲུག་པ་རྟེན་བྱེ་བྲག་ཐོར་བུ་པའི་སྐོར་ལ། གསུང་རྟེན་དང་ཐུགས་རྟེན་ནི་འོག་ཏུ་འཆད་པར་བྱ་ཞིང་། ཞལ་ཐང་གི་སྐོར་ལ། དཔལ་ཆེན་ལྷ་ཁང་དུ་གཏེར་གསར་ཐུགས་སྒྲུབ་ཆོས་སྐུ་ཚེ་དཔག་མེད་རང་གི་ལུས་ཚད་ཀྱི་སྟེང་དུ་ཚེ་བདག་ཡབ་ཡུམ་སྲས་

― LT38_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། བི་མ་ལ་མཁའ་འགྲོ་ལྔས་བསྐོར་བ། འོག་ཏུ་ཚེ་རིང་མཆེད་ལྔ་དང་བཅས་པ། ཐུབ་པའི་དབང་པོ་ལུས་ཚད། བཅུ་གཅིག་ཞལ་དཔལ་མོ་ལུགས། ཀུན་མཁྱེན་ཆོས་ཀྱི་འབྱང་གནས་གཙོ་བོར་གྱུར་པའི་བཀའ་བརྒྱུད་གསེར་ཕྲེང་། ཕུར་པ་གཙོ་འཁོར་ཡོངས་རྫོགས་སོགས་རྒྱུན་བཤམས་ཆེ་ལེགས་རྣམས་དང་། སྟོན་པ་ཉེ་སྲས་བརྒྱད་ཐང་སོགས་ཆུང་གྲས། བླ་མ་དགོངས་འདུས་གྲ་ཚར་བཅོ་ལྔ། ཐོར་བུ་ཆེ་ཆུང་དུ་མ་བཞུགས་པ་དང་། གསུང་རང་ལྷ་ཁང་དུ་ལྟུང་བཤགས་དང་གནས་བཅུ་ཕྱོགས་བསྡུས་སོགས་ཆེ་གྲས་དང་། སྒྲོལ་དཀར་སོགས་ཆུང་གྲས་མང་དུ་བཞུགས། ཐུགས་དམ་ལྷ་ཁང་དུ་བཟོ་སྦྱོང་འཇིག་རྟེན་དབང་ཕྱུག་རྒྱལ་དབང་བཅུ་པ་ཆོས་དབྱིངས་རྡོ་རྗེའི་ཕྱག་བྲིས་ཉེ་སྲས་བརྒྱད། ཕྱག་རྡོར་ཁྲོ་བོ། རྗེ་བཙུན་མི་ལ། རྗེ་བཅུ་གསུམ་པའི་ཕྱག་བྲིས་སྒྲོལ་ཐང་ཆེ་ཆུང་། ཡབ་སྲས་འདུས་ཐང་། མྱུར་མཛད་ཡེ་ཤེས་མགོན་པོ། རྒྱལ་དབང་བཅུ་བཞི་པའི་ཕྱག་བྲིས་རྒྱལ་བ་རྒྱ་མཚོ་ལྷ་ལྔ། ཞིག་པོ་གླིང་པ་དང་སྟག་ཤམ་རྡོ་རྗེ་སོ་སོའི་སྣང་བརྙན་ཕྱག་ཞབས་རྗེས་ཅན། རྗེ་པདྨ་ཉིན་བྱེད་ཀྱི་ཕྱག་རྗེས་ཕྱག་བྲིས་སོགས་ཀྱི་བྱིན་གྱིས་བརླབས་པའི་རིགས་སོ་སོ་དང་། ཕྱིའི་ཁྱམས་ལའང་ཞལ་ཐང་ཆེ་ཆུང་མང་དུ་བཞུགས། གནས་བཅུ་ཁང་དུ་གནས་བརྟན་ལྔ་

― LT38_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་གསེར་ཐང་དང་ཚོན་ཁྲ་ཅན་ཆ་གཉིས། མགོན་ཁང་དུ་གོང་གསལ་རྣམས་དང་། ཁྱམས་ཕྱི་མར་རྩ་གསུམ་ཞལ་ཐང་ཁ་ཤས། གཤག་མིག་གཞན་རྣམས་སུའང་ལྡེར་སྐུ་དང་ཟངས་རག་སྐུ་བརྙན་རིང་བསྲེལ་རྣམ་བཞིས་གཏམས་པ། ཞལ་ཐང་ཆེ་ཆུང་གི་རིགས་མང་དུ་བཞུགས་པའོ། །བདུན་པ་སྒྲུབ་རྫས་མཆོད་རྫས་ལ་སོགས་པའི་སྐོར་ལ། དཔལ་ཆེན་ལྷ་ཁང་དུ། སྒྲུབ་ཆེན་ཆས་སྒབ་སྐོར། མདའ་དར་དང་རལ་གྲི་བཞི། ཕུར་པ་བཅུ། འཕན་གདུགས་རྒྱལ་མཚན། ཡང་དག་ལྷ་དགུའི་ཐོད་སྐུ་གཙོ་བོ་ཐོད་པ་མཚན་ལྡན་ལ་བྲིས་པ་དང་འཁོར་རྣམས་ཐོད་ཚལ་ལ་བྲིས་པ། དུས་མཆོད་དང་སྒྲུབ་མཆོད་དཀྱིལ་ཐང་གསར་རྙིང་བཀའ་གཏེར་གྱི་རིགས་མང་པོ། འདུས་མདོ་དང་སྒྱུ་འཕྲུལ་ཞི་ཁྲོ་སོགས་རྙིང་མ་བཀའ་མ་རྣམས་དང་། འདོད་བུམ་སོགས་གཏེར་མ། ཤངས་ལུགས་སྨིན་བྱེད་ཀྱི་བཀའ་རྣམས་དང་། ཞི་བྱེད་དཀྱིལ་ཐང་སྐོར་གྲ་འགྲིགས། ཀར་གླིང་ཞི་ཁྲོ། པདྨ་བཛྲ། ཚེ་སྒྲུབ་ཐབས་ཤེས་ཁ་སྦྱོར་རྣམས་ཀྱི་ཙཀ་གདུགས་སྤུས་ལེགས། སྨན་རཀ་སྣོད་དང་མར་མེའི་ཀོང་བུ་བརྒྱ་བརྒྱད་རེ། མེ་ཏོག་རིགས་གཉིས་བརྒྱ་རྩ་རེ་རེ། ཡང་རྒྱུན་མཁོའི་སྨན་ཐོད་བརྒྱ་བརྒྱད། བུམ་པ་དངུལ་རྒྱན་ཅན་ཆེ་ལེགས་ཆ། དངུལ་བུམ་ཆ་སོགས་བུམ་པ་ཆ་

― LT38_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི། དངུལ་བདུན་གསེར་ཁ་མ། རྡོར་དྲིལ། སྟེགས་ཁེབས་ཆེ་ཆུང་། དགངས་གཟར་བླུགས་ལེགས་པ་ཞི་རྒྱས་དབང་དྲག་གི་སྟེགས་ཁེབས་བརྒྱད་སོགས་སྦྱིན་སྲེག་ཆས། བདག་འཇུག་ཆས་རིགས་ལྔ་ཐོར་ཚུགས་པང་ཁེབས་དར་དཔྱངས་བཅས། གནམ་རྒྱན་བཟང་གོས་བླ་རེ་ལ་སོགས་པ་སྐུ་བརྙན་སོ་སོའི་སྙན་ཤལ་ཕོན་མང་། རྒྱུན་བཤམས་དང་དུས་ཆེན་བཞི་སོགས་གཟབ་སྟོན་གྱི་རྒྱལ་མཚན་ཆེ་དྲུག །ཆུང་དྲུག །ཀ་འཕན་ཆེ་བརྒྱད། ཆུང་གཉིས། དར་འཕན་ཆ། དར་ཕྱང་དང་། ཡོལ་བ། མདུན་མཆོད་རྒྱུན་བཤམ་ཐོག་བདུན་འོག་བདུན་ཆ་གསུམ། ཏོང་བདུན་སྤུས་ལེགས་དང་། ལི་བདུན་ཆ་རེ་རེ། ཟི་ལིང་རག་བདུན་ཆེ་ཆུང་ཆ་གྲངས་མང་པོ། མཆོད་རྟིབས། དངུལ་ཀོང་། སྨན་རཀ་ཐོད་པ་ཁ་ཁེབས་སྟེགས་བཅས། རྒྱ་བོད་ཀྱི་སྤྱད་པའི་རིགས་ཟངས་གསེར་མཎྜལ་ཆེ་ལེགས་གཙོས་མཎྜལ་ཆེ་ཆུང་ལྔ། རོལ་མོ་སིལ་སྙན་དང་སྦུབ་ཆོལ་འགང་ཆེན་དང་དཀྱུས་གྲས་ཆེ་ཆུང་ཆ་ཁ་ཤས། རྒྱ་གླིང་རྐང་གླིང་དུང་དཀར་དུང་དམར་རྣམས་དངུལ་རྒྱན་སོགས་རྒྱུ་རྩ་བཟང་ཞན་དང་ཆེ་ཆུང་གིས་དབྱེ་བའི་ཆ་གཉིས་རེ། རྔ་ཆེ་ཆུང་། ཞྭ་ཁྲ་བཅུ། རས་གོས། བསངས་དར་ཆ། གསེར་དངུལ་གྱི་མེ་ཏོག །བ་བྱུང་ལྔ། མཆོད་ཡོན་རྫས་བདུན་ཞབས་བསིལ་

― LT38_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུན་པ་ལྔ་དྲི་ལྔ་སོགས་ཀྱི་སྣོད་སྣེ་སྦྲེལ་ཁ་བྱང་ལྡན་པ། མདུན་ཆས་ཌ*ཌཱ་དྲི*། ནས་ཟེད། ཕུར་པ། སྤྱི་བླུགས། ཉིན་བསྟར་ཆགས་ཞལ་ཟས་དང་མར་མེ་རྒྱུན་འབུལ་གྱི་ཐེབས་སྦྱར་བ་ལ་སོགས་པའོ། །གསུང་རབ་ལྷ་ཁང་དུ་གནམ་ཡོལ། རྒྱལ་མཚན་དང་འཕན་དར། སྤྱན་གཟིགས་དཀར་སྤྱད། བདུན་ཚར་ཆ་གཉིས། མཆོད་པ་ཞལ་ཟས་རྒྱུན་འབུལ་སོགས་སོ། །ཐུགས་དམ་ལྷ་ཁང་དུ། གནམ་རྒྱན། དྲ་ྭ་ཕྱེད། བླ་མ་དགོངས་འདུས་དང་རྡོ་རྗེ་ཕུར་པའི་སྒྲུབ་རྟེན་ཁྱད་པར་ཅན་རྣམས་དང་། གསར་རྙིང་བྱིན་རྟེན་དམ་རྫས། བུམ་རྫས་སོགས་ཉེར་མཁོའི་མཆོད་རྫས་རིགས་ཀྱི་སྒྲོམ་ཆུང་མང་པོ། རྟེན་གཏོར་བྱིན་ལྡན་གྱི་སྒྲོམ། མཎྜལ་གསུམ། སྨན་རཀ་སྣོད། བདུན་ཚར་ཆ་གསུམ་ལ་ཞལ་ཟས་སོགས་མཆོད་པ་རྒྱུན་འབུལ། མཆོད་རྔ། མཆོད་རྟིབས། སྤྱན་གཟིགས་ཤེལ་དང་དཀར་སྤྱད་ལ་སོགས་པའོ། །གནས་བཅུ་ཁང་དུ། དཀར་ཡོལ་ལྷུང་བཟེད་ཞལ་ཟས་ལྡན་པ་སོགས་སྤྱན་གཟིགས་དཀར་སྤྱད། བདུན་ཚར་དང་མཆོད་པ་རྒྱུན་འབུལ་ལོ། །མགོན་ཁང་དུ་གནམ་རྒྱན། བཟང་དར་རིང་ཐུང་། ཤུག་ཚང་ལིང་སྐུ་དར་སོགས་ཚོན་སྣ་ལྔ་པའི་སྙན་ཤལ་ཕོན་མང་། སྐུ་བརྙན་རྣམས་ཀྱི་མདུན་ཏུ་དར་ཡོལ། དར་འཕན་དང་

― LT38_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་མཚན་ཆ་འགྲིགས། སྤྱན་གཟིགས་ཀར་བུམ་སོགས་རྒྱ་བོད་སྤྱད་པ་དྲག་ཚར་རྒྱུན་བཞག །སྨན་རཀ་ཐོད་པ་སྟེགས་དང་ཁེབས་ལྡན། དྲག་མཆོད་བཅས་རྣམས་དང་ཟངས་ཀྱི་བདུན་ཚང་། ལི་བདུན་ཆ་གཅིག །ལྕགས་ཧོམ་དང་མཚོན་ཆ་ཆ་ཚང་། ལོ་བསྟར་གཏོར་སྒྲུབ་སྐབས་གཏོར་ཆེན་སྣོད་ཟངས་ཀྱི་ཀ་ཊོ་ར་ཆེ་ལེགས་སྟེགས་ཁེབས་ལ་སོགས་པ་དང་། ཁྲག་གི་མཆོད་ཡོན་དུག་ཆུའི་ཞབས་བསིལ་གི་ཝཾ་དང་མཁྲིས་པའི་དྲི་ཆབ་སོགས་ཀྱི་རྫས་རྣམས་དང་། མྱུར་མཛད་མགོན་པོའི་སྤོས་སྦྱོར་ཆེ་ཆུང་། རྡོ་རྗེ་བེར་ཅན་གྱི་སྤྱན་འདྲེན་དང་སྐོང་གསོལ་སྦྱར་སྤོས་བསྡུས་པའི་སྣོད་སྣེ་སྦྲེལ་ཁ་བྱང་ལྡན་པ་ལ་སོགས་པ་རྣམས་དང་། ཁྱམས་སུ་ལོ་བསྟར་དུས་ཚིགས་ངེས་པ་ཅན་ཏུ་བརྗེ་པའི་རྟག་གཏོར་གྱི་སྒྲོམ་བུ། སྨན་རཀ་སྣོད། སྤྱན་གཟིགས་དར་དཀར་ནག་གི་བ་དན། ཞྭ་ནག །བེར་ཕོད། བེ་ཏའི་འབྲས་བུ་ཆ། མེ་ཤེལ་ཆུ་ཤེལ། གྲི་གུག་ཐོད་པ་ཁ་ཊྭཱྃ་ཌ་མ་རུ་ཞགས་པ་རལ་གྲི་སོགས་མཚོན་ཆ་ཕྱག་མཚན་གྱི་རིགས། ཁྲབ་རྨོགས། རལ་གྲི་ཆེ་ཆུང་། མེ་སྒྱོགས་རིང་ཐུང་། སྟག་རལ་གཟིག་ཤུབས་མདའ་གཞུ་དང་བཅས་པ། མདུང་རིང་ཐུང་། སྟག་གཟིག་སོགས་གཅན་གཟན་གྱི་གཡང་གཞི། སྤོས་ཕོར། བདུན་ཚར་ཞལ་ཟས་སོགས་མཆོད་པ་རྒྱུན་འབུལ་དང་བཅས་

― LT38_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

པ། གསེར་བརྡར་ཆེ་ལེགས། ཕུད་ཀོང་གཟེད་ཞལ་མཆོད་རྟིབ་ཆེ་ཆུང་ལ་སོགས་པ། སིལ་སྙན་དང་སྦུབ་ཆོལ་ཆེ་ཆུང་། དུང་དམར་ཆ། དུང་ཀར། གྲི་རྐང་སོགས་རྐང་གླིང་ཆ་ཁ་ཤས། རྔ་ཆེན་མདུན་ཆས་ཐོད་ཌཱར་རྡོར་དྲིལ་རྡོ་རྗེ་ཁྱད་ཅན་དང་ལྡན་པའི་དར་ནག་གཡབ་དར། ནས་ཟེ་ལ་སོགས་པ་མཆིས་ཤིང་། མདོར་ན་གང་ལ་གང་མཁོ་ཞིང་འོས་པའི་ཡོ་བྱད་རྣམས་མ་ཚང་བ་མེད་པར་བསྟན་པའི་དོན་ཏུ་བསམས་ནས་འབད་པས་འདུ་བགྱིས་པ་དེ་དག་གི་ཚུལ་ཞིབ་པར་དེབ་ཡིག་ཏུ་གསལ་ལོ། །རྟེན་མཆོག་སཱ་ལུའི་སྙེ་མ་གང་དུ་སྨིན། །དེ་ན་རྒྱལ་གསུང་སྤྱོད་པའི་སྐྱེ་བོ་ཡོད། །གསང་ཆེན་རྟེན་མཆོག་ཡོངས་འདུས་འཁྲི་ཤིང་ལ། །གྲུབ་པ་མཁའ་འགྲོའི་ཁྲོམ་ཚོགས་སྤྲིན་བཞིན་འདུ། །མུ་སྟེགས་ཀླ་ཀློ་ཟིལ་གྱིས་གནོན་པའི་གཉེན། །དད་དང་འབྱོར་ལྡན་བསོད་ནམས་སྤེལ་བའི་ཞིང་། །བཞུགས་པའི་ཕྱོགས་ཙམ་གྱིས་ཀྱང་དོན་མཛད་པ། །སྐལ་དམན་རྣམས་ངོར་རྒྱལ་བའི་ཞལ་སྐྱིན་ཉིད། །གྲགས་འབྱོར་རྒྱས་མིན་རེ་བའང་མ་མཆིས་པས། །རྒྱུ་དངོམས་ཆུང་ཕྱིར་བླུན་པོ་མགུ་མིན་ཀྱང་། །སྲིད་ན་དཀོན་པའི་ནོར་བུའི་རིང་བསྲེལ་གྱི། །སྙིང་པོའི་ལྕིད་འདིས་དཔྱོད་ལྡན་དགྱེས་ཞལ་གཡོ། །ས་ལ་ས་བོན་ཕྲ་ཡང་རྣམ་པར་རྒྱས། །ནོར་བུ་རྡོ་ལྟར་སྣང་ཡང་

― LT38_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པ་འཇོ། །རྒྱུ་དངོས་དག་པའི་རྣམ་སྨིན་འཕེལ་ཆེ་ཞིང་། །གཤིས་ཀྱི་ནུས་པ་རྫོགས་རྣམས་ཕུན་ཚོགས་བྱེད། །རྐུ་འཕྲོག་གཡོ་སྒྱུའི་སྦྱོར་བས་མ་བསྡུས་ཤིང་། །ཚེ་གང་ཤ་ཐང་ཆད་པའང་འབད་མིན་པར། །དགོས་རྒུ་ངང་གིས་འབྱོར་པའི་མ་དྲོས་པ། །སྒྲུབ་བརྒྱུད་ཀླུ་དབང་བསྟི་བའི་གནས་སུ་གྲུབ། །ལྔ་པ་གསུང་རྟེན་དམ་ཆོས་ཀྱི་བཞུགས་བྱང་འཆད་པ་ལ་གཉིས། སྤྱིའི་ཚུལ། མདོར་སྨོས། བྱེ་བྲག་རྒྱུ་མཚན་བཅས་བཤད་པའོ། །དང་པོ་ནི། སྤྱིར་རྒྱལ་བའི་བསྟན་པ་ནི་བསླབ་པ་རིན་པོ་ཆེ་གསུམ་ལ་བརྟེན་ནས་གནས་ཤིང་། དེ་གསུམ་ཀའང་ཐོས་བསམ་སྒོམ་གསུམ་གྱི་ལག་ལེན་ལ་ལྟོས་པ་དང་། ཐོས་བསམ་གྱི་གཞི་མ་ཡི་གེ་འབྲི་ཀློག་སྦྱོར་བའི་ཚུལ་ལུགས་ལ་བརྟེན་པའི་ཕྱིར་རྒྱལ་བའི་བསྟན་པ་རིན་པོ་ཆེ་འཇིག་རྟེན་ཏུ་གནས་པ་དང་དར་པ་དང་རྒྱས་པར་འགྱུར་བའི་སྒོ་ནི་ལུང་གི་ཆོས་གླེགས་བམ་ཁོ་ན་ལ་རགས་ལས་པར་མཁྱེན་ནས། བསྟན་པ་ལ་ཐུགས་ཁྲལ་ཡོད་པའི་ཆོས་ཀྱི་སྤྱན་ལྡན་དམ་པ་རྣམས་ཀྱིས་ཕྲིན་ལས་ཀྱི་གཙོ་བོར་གླེགས་བམ་ཡི་གེར་འབྲི་བ་དང་། ཕྱི་མོའི་སྤར་དུ་བསྒྲུབ་པ་ལྷུར་མཛད་པས་ལུང་རྟོགས་བཤད་སྒྲུབ་ཀྱི་བསྟན་པ་ལ་སྒོ་ཐམས་ཅད་ནས་སྲི་ཞུ་མཚུངས་ཟླ་མ་མཆིས་པར་འགྱུར་བ་དེ་ལྟ་བུའི་ཐུགས་བསྐྱེད་ཀྱི་རླབས་དང་

― LT38_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་ནམས་ཀྱི་སྟོབས་འབྱོར་ཁོ་བོའི་སྐལ་པར་མ་གྲུབ་ཀྱང་། དམ་ཆོས་འཛིན་སྐྱོང་སྤེལ་བ་ལ་ཤུགས་ཀྱིས་དད་པའི་ས་བོན་ཙམ་གྱིས་བསྐུལ་ཏེ། གསུང་རྟེན་གྱི་ཐོག་མ་ཤེར་ཕྱིན་བརྒྱད་སྟོང་བའི་གླེགས་བམ་སོགས་གསེར་དངུལ་གྱིས་བྲིས་པ་དང་། ཆེད་དུ་འབྲིར་གཞུག་པ་དང་ཡོན་སྦྱར་ནས་བསླུས་པའི་སྤར་པོང་གསུང་རབ་མདོ་རྒྱུད་དགོངས་འགྲེལ་དང་བཅས་པ་དུ་མ། སྐྱ་པོད་ཤངས་ཆོས་སོགས་གསར་མའི་སྐོར། བླ་མ་དགོངས་འདུས་གཙོས་སངས་གྲིང་རད་གླིང་བྱང་གཏེར་འཇའ་ཚོན་སྨིན་གླིང་ཆོས་གླིང་དང་གཏེར་གསར་སྐོར་ཡོངས་རྫོགས་སོགས་རྙིང་མ་བཀའ་གཏེར་གྱི་སྐོར། རང་གིས་ཡོན་སྦྱར་དང་གཞན་ལ་བགྱིད་པར་བསྐུལ་བའི་སྤར་ཡང་མང་དག་ཅིག་འཁོད་པ་དང་། རྗེ་འཇམ་མགོན་བླ་མ་དང་མཁན་ཆེན་ཟླ་བ་བཟང་པོ་སོགས་བསྟན་པ་ལ་གཅིག་ཏུ་དགོངས་པ་རྣམས་ཀྱི་བཀའ་མཆིད་གསེར་སྦྲམ་ལྟར་ལྕི་བ་ལྡོག་མ་བཟོད་པར། མར་ལུགས་རྒྱུད་སྡེ་རིན་པོ་ཆེ་རྣམས་ཀྱི་སྨིན་གྲོལ་ཡིག་ཆ་ཕྱོགས་སུ་བསྡེབས་པ་པོད་གསུམ། ཕུར་པ་བདུད་འཇམས་རོལ་པ་པོད་གཅིག །ཤེས་བྱ་ཀུན་ཁྱབ་རྩ་འགྲེལ། དམ་པའི་ཆོས་ཚུལ་རྒྱ་མཚོའི་ཐོབ་ཡིག་པུ་སྟ་ཀ་རྒྱ་མཚོ་མཐའ་ཡས་བཅོ་ལྔས་བསྡུས་པའི་རྩོམ་ཐོར་བུའི་སྐོར་སོགས་གསར་རྩོམ་གཡར་

― LT38_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲལ་རྣམས་ཀྱང་ཕལ་ཆེར་ལག་བསྟར་དུ་བྲིས་པ་སྟེ། དེ་ལས་གླེགས་བམ་གྱི་སྐོར་ཞིབ་པར་གསུང་རབ་ལྷ་ཁང་སོགས་ཀྱི་དེབ་ཡིག་ཟུར་དུ་འཁོད་པས་འདིར་མ་སྤྲོས་སོ། །གཉིས་པ་ནི། སྐབས་འདིར་གནས་ཡིག་གཏེར་བྱོན་གྱི་ལུང་དོན་ཧེ་རུ་ཀའི་གསུང་རྟེན་གྱི་ངོ་བོར་སྤྲུལ་པའི་གཏེར་ཆེན་རིན་པོ་ཆེས་ངོས་འཛིན་པ་ནི་རིན་ཆེན་གཏེར་གྱི་མཛོད་དེ། དེའི་ཚུལ་ཟུར་ཙམ་སྨོས་ན། ཡོངས་འཛིན་ཆུ་བྱི་ལོར་བསྟན་པ་ཡོངས་རྫོགས་ཀྱི་མངའ་བདག་ཐམས་ཅད་མཁྱེན་པ་འཇམ་དབྱངས་མཁྱེན་བརྩེའི་དབང་པོ་ཉིད་སྔོན་རབས་བགྲང་ལས་འདས་པར་དམ་པའི་ཆོས་འཛིན་ཅིང་སངས་རྒྱས་ཀྱི་བསྟན་པ་ཡོངས་རྫོགས་བསྐྱང་བར་མཛད་པའི་ཕྲིན་ལས་ཀྱི་འཕྲོ་དང་། ཐུགས་བསྐྱེད་སྨོན་ལམ་གྱི་འབྲས་བུ་དུས་སུ་སྨིན་པས་མདོ་རྒྱུད་དགོངས་འགྲེལ་དང་བཅས་པའི་སྨིན་གྲོལ་བཤད་ལུང་ཡིད་བཞིན་ནོར་བུའི་བང་མཛོད་ཤིན་ཏུ་དཀོན་པའི་གླེགས་བམ་གྱི་ཕྲེང་བ་དང་བཅས་པ་བསྣམས་ཏེ་དབུས་གཙང་དག་པའི་ལྗོངས་ནས་མདོ་ཁམས་སའི་ཐིག་ལེར་ཞབས་བཀོད་པའི་ཚེ། མཁན་ཆེན་བླ་མ་ཟླ་བ་བཟང་པོ་དང་ཁོ་བོ་ཅག་རྣམས་ཀྱིས་དམ་པའི་ཆོས་ཀྱི་བདུད་རྩི་སྙིང་ལ་འདོད་དེ། རྡོ་རྗེ་འཆང་པདྨ་ཉིན་བྱེད་དབང་པོའི་ཞལ་སྔར་བསླབ་སྟོན་ཞུས་པར། སྐྱེས་ཆེན་ཁྱད་པར་འཕགས་པ་ལས་དམ་

― LT38_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དྲི་མ་མེད་པའི་རྒྱུན་ཚོལ་བ་ལ་ཤིན་ཏུ་དགྱེས་ཤིང་ལེགས་པའི་བཀའི་གནང་བ་ཐོབ་པ་ལ་བརྟེན། འཇམ་མགོན་བླ་མར་ཚུལ་དེ་བཞིན་གསོལ་བ་བཏབ་པས་དགྱེས་པ་ཆེན་པོས་མདོ་རྒྱུད་གསར་རྙིང་བཀའ་གཏེར་སྨིན་གྲོལ་གྱི་རྒྱུན་ཡོད་ངེས་པ་ལ། དམ་ཉམས་དང་འདྲེས་ཁྱེར་རང་བཟོའི་བསྲེ་བསླད་མ་ཞུགས་པ་རྣམས་ཀྱི་དབང་ལུང་བཤད། བཀའ་གདམས་ཁྲིད་དང་བཅས་པ་ཇི་ལྟར་འདོད་པ་མཐའ་དག་རིམ་གྱིས་ཡིད་ཀྱི་རེ་བ་རྫོགས་པར་སྩལ་བ་དང་། སྤྱིར་འདྲེན་མཆོག་དམ་པ་རྣམས་ལས་ཆོས་ཀྱི་བདུད་རྩི་ཐུན་མོང་དང་ཐུན་མོང་མ་ཡིན་པ་མཐའ་ཡས་པ་ཐོབ་པའི་བཀའ་དྲིན་ཆུད་མི་གཟོན་པར་བྱ་བའི་ཕྱིར། འདོན་སྒོམ་ཇི་ལྟར་ནུས་པ་རང་གིས་བགྱིས་པ་དང་། འཆད་འགྱུར་སྒྲུབ་པའི་སྡེ་བཙུགས་པས་མཚོན་གཞན་ལ་བགྱིད་པར་བསྐུལ་བ་དང་། ཕལ་མོ་ཆེ་དག་ཀར་འབྲུག་སི་ཏུ་རིན་པོ་ཆེ་ཡབ་སྲས་གཙོར་གྱུར་མཆོག་དམན་མོས་ལྡན་བྱུང་ངོ་ཅོག་ལ་དཔེ་མཁྱུད་དང་རྙེད་བཀུར་ལ་ལྟ་བ་སྤངས་པའི་འཆད་སྤེལ་ནུས་ཚད་དུ་བགྱིས་པ་དང་། ཁ་ཅིག་ལ་ཕྲིན་ཆོག་ཟིན་བྲིས་བརྒྱུད་འདེབས་ཡན་གྱི་རྩོམ་པའི་ཞབས་འདེགས་འབྲེལ་འཇོག་ཏུ་ཞུས་པ་དང་། ཐ་ནའང་དཔེ་ཚར་རེ་འབྲི་བ་དང་ཚོལ་བའི་རྩོལ་བས་གང་རྙེད་དད་པའི་རྟེན་ཏུ་བཟུང་ནས་མཆོད་པའི་ཡོ་བྱད་

― LT38_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་བས་མཚོན་མཁོས་ནུས་དང་སྦྱར་ཏེ་གང་ཐོབ་བཏང་སྙོམས་སུ་མ་བསྐྱུར་བའི་བཟང་འབྲེལ་ཅི་ཞོག་བགྱིས་པ་དང་། སྐྱེ་དང་ཚེ་རབས་ཀུན་ཏུ་གལ་ཆུང་ཆོས་ལ་བྱེད་པའི་རྣམ་ཐར་མི་འཛིན་པའི་གཡར་དམ་དང་སྨོན་ལམ་བགྱིད་བཞིན་པ་ལས། སྐབས་དོན་དངོས་ཀར་རྙིང་ས་དགེ་དར་སྲོལ་ཆེ་བ་སོ་སོའི་རང་ཆོས་ཞེན་འཛིན་གྱིས་བདག་ཏུ་བཟུང་བས་རེ་ཞིག་རྒྱུན་མི་འཆད་ཅིང་རྙེད་པར་སླ་ཡང་གསར་མའི་ཤངས་ཆོས་ཞི་བྱེད་སོགས་དང་། རྙིང་མའི་གཏེར་རྙིང་ཕྲན་ཚེགས་ཕལ་མོ་ཆེ་དབང་ལུང་ལྟ་ཅི། དཔེ་རྒྱུན་ཙམ་ཡང་ཤིན་ཏུ་འབྱོར་དཀའ་བ་དུ་མ་ཞིག་འཇམ་མགོན་བླ་མ་གཙོ་བོར་གྱུར་པའི་ཡོངས་འཛིན་རྣམས་ཀྱི་བཀའ་དྲིན་ལས་ལེགས་པར་ཐོས་པས་རིང་ནས་བརྣག་པའི་འདོད་དོན་མཐར་ཕྱིན་པར་གྲུབ་པ་ཉིད་མྱུར་བར་རྗེས་མེད་དུ་འགྲོ་བར་ཕོངས་པས། གཏེར་ཕྲན་ཕྱོགས་བསྒྲིགས་ཀྱི་པུསྟི་ཁ་ཤས་ཞིག་བྱ་བའི་བློ་ཐོག་མར་སྐྱེས། སླར་གཏེར་ཆོས་རྒྱུན་གང་བཞུགས་སྣེ་འདུས་ཀྱི་རྩ་གསུམ་ཆོས་སྐྱོང་ཕྲིན་ལས་རྫོགས་རིམ་དང་བཅས་པ་ཚང་བ་ཞིག་བྱུང་ན་སྙམ་པའི་བློ་གཉིས་པ་སྐྱེས་ཏེ། ཀུན་མཁྱེན་རྡོ་རྗེ་གཟི་བརྗིད་རྩལ་གྱི་སྤྱན་སྔར་རང་གི་ཡིད་ལ་ཇི་ལྟར་འཆར་བའི་ཚུལ་དང་། དོན་དེ་ལྟར་རྗེས་སུ་སྒྲུབ་ན་རུང་མིན་གྱི་བཀའ་བརྟགས། རུང་ན་གནང་བ་སྩོལ་བ་དང་ཁྱད་པར་གོ་རིམ་ཡིག་སྣ་དང་བཅས་ཇི་ལྟར་

― LT38_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

འོས་པར་གསལ་བར་གནང་ཐུབ་པར་གསོལ་བ་བཏབ་པས་དགྱེས་བཞིན་ཏུ་གནང་བ་ཐོབ་ཅིང་དཀར་ཆག་ཟབ་རྒྱས་ཆོས་ཀྱི་སྒོ་འབྱེད་ཀྱང་བཀའ་དྲིན་ཆེ་ཐང་དུ་སྩལ་བས་དེ་ལ་གཞི་བྱས་ཏེ་རིམ་པར་བྲིས་པ་ན། ཐུགས་སྒྲུབ་ཞལ་གདམས་སྙིང་བྱང་པས། ས་ཁམས་སྤྲེའུ་ལོ་ཡི་སྟོན༔ ཟབ་མོའི་ཆོས་འདི་ས་སྟེང་འབྱུང་༔ཡོས་ཀྱི་ལོ་རུ་གཏན་ལ་ཕེབ༔ འབྲུག་གི་ལོ་ལ་ཡོངས་གྲགས་ཏེ༔ རིམ་པ་བཞིན་ཏུ་འཕེལ་བར་འགྱུར༔ ཞེས་པའི་ལུང་དོན་མངོན་ཏུ་གྱུར་ཏེ་མེ་འབྲུག་ལོར་སྙིགས་མའི་འགྲོ་འདུལ་མཆོག་གྱུར་བདེ་ཆེན་གླིང་པ་ཉིད་གངས་རིས་བསྐོར་བའི་ལྗོངས་ན་རྩོད་མེད་སྙན་པའི་རྔ་སྒྲས་ཡོངས་སུ་ཁྱབ་སྟེ་ཟབ་གཏེར་གྱི་གསང་བའི་རྒྱ་རིམ་པར་དཀྲོལ་བ་དང་གནས་ཀྱི་ཞལ་དུ་མ་གསར་དུ་དབྱེ་བར་མཛད་པའི་སྐལ་བཟང་གི་ཉིན་བྱེད་འགོག་པ་མེད་པ་དགུང་དུ་ཤར་བ་ན། སྔོན་བསྒྲིགས་ཟིན་པ་གཟིགས་ལམ་དུ་ཕབ། སླད་ནས་འབྲི་བར་འདོད་པ་རྣམས་སྙན་འབུལ་ཞུས། གཙོ་བོར་གནས་གཏེར་སྒོ་འབྱེད་ཀྱི་སྐབས་ཕལ་ཆེར་ཨོ་རྒྱན་ཡབ་ཡུམ་དངོས་ལ་ཞུ་དོན་འབུལ་བའི་སྐབས་ཕྱེད་པར་སྣང་བས་ཚུལ་འདི་ལ་གནང་བ་ཞུ་བ་དང་། ཚིག་བརྒྱུད་ཀྱི་དབང་ལུང་མ་ཐོབ་པར་སྤོམ་ཡོར་ཆོག་བཟོད་ཀྱིས་ཐོབ་གྲལ་དུ་བསྒྲིགས་པ་མེད་ཀྱང་། གཏེར་རྙིང་ཤིན་ཏུ་དཀོན་པ་ཚིག་དོན་

― LT38_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་ཉུང་ངུ་ཅན་འགའ་རེའི་རྒྱུན་མ་རྙེད་པ་དང་། བརྒྱུད་པ་ཉེ་རིང་ཐམས་ཅད་ལ་ཉེ་བརྒྱུད་ཀྱི་བྱིན་རླབས་ཞུ་བར་མཛད་ཐུབ་པར་མཆོད་པ་དང་ཚོགས་འཁོར་བརྒྱ་རྩ་བཤམས་ཏེ་མཎྜལ་བཅས་གསོལ་བ་ཆེད་དུ་བཏབ་པར། དོན་དེ་དགོངས་པར་གཅགས་པས་སྔ་རྗེས་ལན་གྲངས་ཁ་ཤས་ནན་ཏན་ཆེན་པོས་གསོལ་གདབ་དང་རྟེན་འབྲེལ་མཛད་པས་རྒྱུ་མཚན་རྡོ་རྗེའི་གསུང་བཅས་གནང་བ་ལེགས་པར་ཐོབ་པ་དང་། ཁྱད་པར་གཏེར་སྟོན་བརྒྱ་རྩའི་གཏེར་ཆོས་སྤྱི་དང་བྱེ་བྲག་མཁའ་འགྲོ་ཀུན་དགའ་འབུམ་པ། རྡོ་རྗེ་གླིང་པ། ཞིག་གླིང་། ཤེར་འོད། ཆོས་གླིང་། བདེ་གླིང་སོགས་ཀྱི་གཏེར་ཆོས་དམིགས་ཀྱིས་བསལ་བའི་བྱིན་རླབས་ཉེ་རྒྱུད་ཁྱད་པར་ཅན་བརྙེས་ཏེ། ཁོ་བོ་ལའང་གླེགས་བམ་ཇི་ཙམ་འབྱོར་པ་ཐམས་ཅད་ཀྱི་གདམས་གཏད་འཐོར་ལུང་བྱིན་རླབས་བཀའ་བསྒོ་བཀའ་དྲིན་ཏུ་སྩལ་པ་དང་། དེའི་རྒྱུ་མཚན་ཕྱག་བྲིས་ཕྱག་རྒྱས་བཏབ་པ་གནང་བའང་འདི་ལྟ་སྟེ། རྒྱལ་ཀུན་འདུས་གཟུགས་པདྨཱ་ཀ་ར་ཡི། །གསང་བ་གསུམ་གྱི་སྒྱུ་འཕྲུལ་རོལ་པའི་ཚོགས། །གཅིག་ལས་དུ་མ་རྣམ་མང་གཅིག་འདུས་པའི། །རྒྱལ་སྲས་རྩ་གསུམ་སྲུང་མར་བཅས་ལ་འདུད། །ཆོས་དབྱིངས་རྣམ་པར་དག་པའི་ལྷ་ལམ་ནས། །རང་རྩལ་ཡེ་ཤེས་ཤིང་རྟ་ལ་དྲངས་པའི། །

― LT38_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ཀུན་ཕན་བདེ་སྤེལ་བའི་འོད་འབུམ་ཅན། །དཀྱིལ་འཁོར་རབ་འབྱམས་སྣང་བས་ཤིས་གྱུར་ཅིག །འདིར་སྔ་འགྱུར་བཀའ་གཏེར་དག་སྣང་བབ་སོ་གསུམ་གྱི་ནང་ནས་བརྒྱུད་པ་དྲུག་ལྡན་གྱིས་འཕགས་པ་གཏེར་མའི་ཕྱོགས་ཁུངས་བཙུན་ཞིང་གནད་ཟབ་མེད་དུ་མི་རུང་བའི་གདམས་སྐོར་ནུབ་པར་ཕོངས་པའི་རིགས་རྣམས་ཕྱོགས་གཅིག་ཏུ་བསྒྲིགས་པར་མཛད་པའི་ཐུགས་བསྐྱེད་རྒྱ་ཆེན་པོས་ལོ་ཆེན་བེ་རོའི་དངོས་སྤྲུལ་འདྲེན་མཆོག་རྡོ་རྗེ་སེམས་དཔའ་ཀོང་སྤྲུལ་རིན་པོ་ཆེས་མཛད་པའི་ཚེ། ཁོ་བོ་ལ་རུང་མིན་བཏགས་པ་དགོས་ཞེས་གསུངས་པ་ནན་ཆར་རྩ་གསུམ་ལྷ་ལ་གསོལ་བ་བཏབ་པས་གནང་བ་སྩལ་བའི་སྣང་བ་དུ་མ་ཤར་ཞིང་། ལྷག་པར་གུ་རུ་རིན་པོ་ཆེས་གཏེར་མའི་སྐོར་གྱི་པུསྟི་མང་པོ་ཞིག་ཕྱོགས་གཅིག་ཏུ་བསྡོམས་ནས་རང་ལ་གནང་ནས་གཞན་ཞིག་ལ་བཀའ་གཏད་དགོས་པའི་བསླབ་སྟོན་སྩལ་བའི་སྣང་བ་གསལ་བོ་བྱུང་བས་ཀོང་སྤྲུལ་འཇམ་པའི་རྡོ་རྗེ་ཉིད་ལ་ཡང་བཀའ་གཏད་ཕུལ་ཞིང་། གདམས་པ་ཕྲན་ཚེགས་ལུང་རྒྱུན་མེད་པ་འགའ་རེ་ཐབས་རྩོལ་བརྟགས་གཞིག་དུ་མའི་སྒོ་ནས་ལུང་རྒྱུན་ཐོབ་པ་བྱུང་བ་ཕྱིས་འདིས་ཆད་ཉན་དོན་མེད་དུ་མི་འགྲོ་བར་བརྒྱུད་པ་འཛིན་ངེས་གླེགས་བམ་བཞེངས་ཤིང་འཆད་ཉན་མཛད་པ་དང་མཐའ་ན་ཆོས་ཚན་རེ་རེ་

― LT38_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ཕྱིན་བསྙེན་སྒྲུབ་མཛད་མཁན་མ་གཏོགས་རང་བཞིན་ཐོབ་ཆོག་སླ་ཆོས་བབ་ཅོལ་རིགས་མི་མཛད་པར་གལ་ཆེ། གླེགས་བམ་འདི་རིགས་ལ་བསྲེ་བསླད་བཅོས་སྒྱུར་འཕྲི་བསྣན་སོགས་ཚུལ་མིན་སྤྱོད་མཁན་རྣམས་ལ་བཀའ་སྲུང་རྣམས་ཀྱིས་བཀའི་ཆད་པ་ཆོད། ཚུལ་བཞིན་འབྲི་ཀློག་ཀུན་ཆུབ་འཆད་ཉན་སྒོམ་སྒྲུབ་བྱེད་མཁན་རྣམས་ལ། དཔལ་མ་ཧཱ་ཀཱ་ལ་ལྕམ་དྲལ་ཆོས་སྐྱོང་བའི་རྒྱལ་པོ་རྣམ་མང་ཐོས་ཀྱི་སྲས་ཞིང་སྐྱོང་དུར་ཁྲོད་ལྷ་མོ་ལྷ་ཆེན་དབང་ཕྱུག་མགོན་དཀར་ཡབ་ཡུམ་བཀྲ་ཤིས་ཚེ་རིང་མ་རྣམས་ཀྱིས་སྲུང་ཞིང་སྐྱོབ་པ་དང་གང་འདོད་པའི་ཕྲིན་ལས་སྒྲུབས་ཤིག །གླེགས་བམ་འདི་རྣམས་ཀྱི་གཉེར་ཁ་གྱིས་ལ་སྲུངས་ཤིག །ཞེས་པ་མཆོག་གྱུར་གླིང་པས་བྲིས་པའོ། །སརྦ་མངྒ་ལཾ། ཞེས་དང་། གཞན་ཡང་གུ་རུ་རིན་པོ་ཆེ་གཏེར་ཆེན་རྡོ་རྗེ་གླིང་པའི་རྣམ་པར་བསྟན་ནས་རྗེ་ཉིད་མགྲོན་གཉེར་གྱི་ཚུལ་གྱིས་གཞན་ཞིག་ལ་གནང་དགོས་པའི་བཀའ་ལུང་བྱིན་རླབས་དུ་མ་སྩལ་བ་ལྷག་པར་གསལ་བ་འདི་ལ་གནད་དོན་དགོས་པ་མང་དུ་ཡོད་པར་སྣང་བ་དང་། གླེགས་བམ་ཕལ་ཆེར་གྲུབ་པའི་ཚེ་རྒྱལ་དབང་ཐམས་ཅད་མཁྱེན་པ་གནས་མཆོག་འདིར་ཞབས་བཀོད་ཅིང་གདན་འཇག་པའི་སྐལ་བཟང་རྫོགས་ལྡན་གྱི་ཉིན་བྱེད་འཆར་བའི་སྐབས་སུ་གཟིགས་ལམ་དུ་ཕབ་པས། རིན་པོ་ཆེ་

― LT38_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་གྱི་མཛོད་ལ་ཆེད་དུ་བརྗོད་པ་ངོ་མཚར་རྣ་བའི་རྒྱན་ཅེས་བྱ་བ་རྡོ་རྗེའི་གསུང་ལེགས་བཤད་ཀྱི་གཏེར་ཆེན་བཀའ་དྲིན་ཏུ་སྩལ་བ་ལས་ཀྱང་། ཟབ་བའི་གསང་མཛོད་མཐའ་དག་བསྡུ་བ་ནི། །རྡོ་རྗེ་ཆོས་སོགས་ས་བཅུའི་དབང་ཕྱུག་གི། སྤྱོད་ཡུལ་ཡིན་མོད་ནུས་པ་དང་འཚམས་པར། །གསང་བ་འཛིན་འདི་གསང་ཆེན་བསྟན་པའི་བཙས། །དེ་ཕྱིར་རྡོར་འབུམ་ཆོས་ཀྱི་གྲགས་པ་ནས། །མཆོག་གྱུར་བདེ་ཆེན་གླིང་པའི་བར་བྱོན་པའི། །མཆོག་ཆེན་རྣམ་གསུམ་གླིང་པ་ཉི་ཤུ་དང་། །དྲི་མེད་སྡེ་ལྔ་ནུས་ལྡན་ཉི་ཤུ་གཅིག །གཙོར་གྱུར་གསར་རྙིང་ཀུན་ལ་ཚད་ཐུབ་ཏུ། །གྲགས་པའི་གཏེར་བྱོན་རྣམས་ཀྱི་སྨིན་གྲོལ་དང་། །གདམས་ངག་ཉེར་མཁོའི་ཡིག་སྣ་ཚང་བ་བཅས། །རིན་ཆེན་རིགས་འདུས་གཏེར་གྱི་མཛོད་འདི་གྲུབ། །ཨོ་རྒྱན་ཆེས་བསྟན་ཟབ་མོའི་ཆོས་རྣམས་ལ། །གཞུང་བཞིན་སུ་དང་སུ་ཡིས་སྤྱོད་པ་ཀུན། །ཀུན་གྱིས་བཀུར་སྟི་ཕུ་དུད་བྱ་བའི་ཡུལ། །ང་སྤྲུལ་ཡིན་ཅེས་ཚད་མའི་ལུང་ལས་འབྱུང་། །པདྨའི་ཆོས་ལ་མོས་ཀུན་གུ་རུ་ཡི། །ཞལ་མཇལ་སྨོན་ལམ་ཐེབས་པའི་ལས་འཕྲོ་ཅན། །འབྲེལ་ཚད་དོན་ལྡན་ཡིན་ཅེས་ཡེ་ཤེས་ཀྱི། །མཁའ་འགྲོའི་གཙོ་མོ་མཚོ་རྒྱལ་ཞལ་ནས་གདམས། །ཁྱད་པར་གསང་མཛོད་འདི་བསྐྲུན་རིག་པ་

― LT38_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན། །ཀརྨ་ངག་དབང་ཡོན་ཏན་རྒྱ་མཚོའི་སྡེ། །རྒྱལ་བའི་སྲས་པོ་བློ་གྲོས་མཐའ་ཡས་པ། །པདྨ་གར་དབང་ཕྲིན་ལས་འགྲོ་འདུལ་རྩལ། །རིགས་ཀུན་ཁྱབ་བདག་པདྨ་ཉིན་བྱེད་ཀྱིས། །སྡོམ་པ་གསུམ་ལྡན་མཚན་གྱིས་དབང་བསྐུར་ཏེ། །འགྱུར་མེད་རྡོ་རྗེའི་རྣམ་རོལ་ཞལ་གྱིས་བཞེས། །སྐྱེས་ཆེན་མཆོག་གཟིགས་གཞན་ཡང་དགོངས་པ་མཐུན། །དེ་མཚུངས་ཤེལ་ཕུག་གསང་བའི་ལུང་བྱང་ལས། །ཕན་ཚུན་གབ་སྤྲད་བཻ་རོའི་སྐྱེ་བ་ནི༔ བློ་གྲོས་མིང་ཅན་དེ་ལ་བདག་པོར་སྤྲོད༔ ཞེས་སོགས་གཏེར་གསར་ཤོག་སེར་ཕལ་མོ་ཆེར། །བཻ་རོའི་རྣམ་འཕྲུལ་འཆད་རྩོམ་བཀའ་བབ་པར། །ལུང་བསྟན་གཏེར་ཆེན་རྗེ་ཡིས་བླ་མར་བཀུར། །ཟབ་ཆོས་ཆོག་བསྒྲིགས་དབང་བར་རྗེས་སུ་གནང་། །ཁོ་བོས་ཀྱང་ནི་དེ་མཚུངས་གཟེངས་བསྟོད་བྱས། །ཐུན་མོང་རྣམས་ཀྱི་མཐུན་སྣང་གྲུབ་པར་ཡང་། །བསྟན་བཅོས་རྩོམ་ལ་དབང་བའི་མཚན་ཉིད་ཚང་། །ལྷག་པར་དད་ལྡན་རེ་མདུན་པད་འབྱུང་རེ། །དངོས་སུ་བཞུགས་ཞེས་ལུང་ཉིད་མི་བསླུ་བས། །རྩོད་བྲལ་དུས་བབ་སྤྲུལ་པའི་གཏེར་སྟོན་ཆེ། །མཆོག་གྱུར་བདེ་ཆེན་གླིང་པ་གམ་ཉིད་དུ། །བྱོན་ནས་གང་གིས་སྔར་ཕན་མ་རྙེད་པའི། །གཏེར་རྙིང་མང་པོ་ཉེ་བརྒྱུད་ཐོབ་པ་དང་། །སྔོན་ཆད་གཏེར་ཁ་ཀུན་ལས་མ་གྲགས་

― LT38_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

པའི། །མདོ་སྒྱུ་སེམས་ཀློང་རྒྱུད་སྡེའི་སྐོར་ལ་སོགས། །སོ་ཟུར་གནུབས་རྣམས་སླར་ཡང་བྱོན་འདྲ་བའི། །ངོ་མཚར་གཞུང་གདམས་མང་པོའི་མཛོད་སྒོ་འབྱེད། །གཏེར་ཆེན་གང་གིས་ཚོགས་མཆོད་རྒྱ་ཆེར་བཅས། །ཨོ་རྒྱན་དངོས་ལ་གནང་བ་ཞུས་པར་ཡང་། །ལས་འཕྲོ་སྐལ་ལྡན་སྨོན་ལམ་ཤུགས་ཡིན་པས། །ཅི་འདོད་བསྡུ་བའི་རུང་བའི་བཀའ་ལུང་ཐོབ། །དེ་ཕྱིར་དབང་རབ་སྐལ་ལྡན་རྣམས་ཀྱི་ངོར། །རིན་ཆེན་གཏེར་མཛོད་འདི་རུ་གང་བཞུགས་པ། །ཨོ་རྒྱན་དངོས་ལ་ཉེ་བརྒྱུད་འདེད་རུང་བས། །བརྒྱུད་ཚུལ་སོགས་ཀྱི་བརྟགས་དཔྱད་མ་དགོས་མོད། །སྣང་ཚུལ་དུ་ཡང་བརྒྱུད་པ་ཡོད་དེས་ཤིང་། །དམ་སེལ་བསླད་མེད་ཁུངས་བཙུན་ལེགས་བསྡུས་པ། །འདི་ནི་རྫོགས་ཆེན་བསྟན་པའི་བཙས་གསུམ་བཞིན། །ཟབ་གཏེར་བསྟན་པའི་བཙས་སུ་ཤེས་པར་གྱིས། །དེ་ཕྱིར་ཨོ་རྒྱན་རྗེས་འཇུག་སྐལ་བཟང་རྣམས། །འདི་ཉིད་འབྲི་དང་འཆད་ཉན་སྒོམ་སྒྲུབ་སོགས། །བློ་ནུས་འཚམས་པར་འཛིན་སྐྱོང་བྱེད་པ་ལ། །ཨོ་རྒྱན་མཁའ་འགྲོའི་ཚོགས་བཅས་དགྱེས་པར་ངེས། །ཞེས་སོགས་ཀྱིས་དབུགས་དབྱུང་བ་ཐོབ་ཅིང་། མདོར་ན་སངས་རྒྱས་ཀུན་དངོས་ཨོ་རྒྱན་གྱི་སློབ་དཔོན་ཆེན་པོ་དངོས་ཀྱིས་ལུང་བསྟན་ཅིང་དབང་བསྐུར་བ་ཐོབ་སྟེ་མཁྱེན་བརྩེ་ནུས་

― LT38_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྲིན་ལས་གངས་རིའི་ར་བས་བསྐོར་བའི་ལྗོངས་སུ་སྟོན་མཚན་ཟླ་བའི་དཀྱིལ་འཁོར་ལྟར་མ་བསྒྲིབས་ལྷམ་མེར་སྣང་བའི་སྐྱེས་མཆོག་འགྲོ་བའི་མགོན་པོ་ཁྱད་པར་འཕགས་པ་རྣམས་ཀྱིས་རྗེས་སུ་གནང་ཞིང་དགོངས་པ་གཏད་པ་ལས་རང་འདོད་གྱ་ཚོམ་གྱིས་དཔེ་སྣ་གང་རྙེད་བསྡུས་པ་མ་ཡིན་པའི་གླེགས་བམ་མི་ཟད་རྒྱན་འཁོར་ལྔ་ཕྲག་ལྔའི་གྲངས་ལྡན། །བཀའ་རྒྱ་ཅན་གྱི་སྐོར་སྐུ་གསུང་ཐུགས་ཀྱི་ཕྱག་རྒྱས་བཏབ་པ་དང་བཅས་པ་འདི་ལ་ཇི་ཙམ་བཞུགས་པའི་དབང་དུ་བྱས་ན། སྤྲུལ་པའི་གཏེར་ཆེན་ཆོས་ཀྱི་གྲགས་པ་ནས་བཟུང་། མཆོག་གྱུར་བདེ་ཆེན་གླིང་པའི་བར་དུ་བྱོན་པའི་གཏེར་ཆེན་དང་གཏེར་ཕྲན་སྐྱེས་ཆེན་ཚད་ཐུབ་རྩོད་མེད་ཡོངས་སུ་གྲགས་པ་རྣམས་ཀྱི་ས་གཏེར། གནམ་གཏེར། དགོངས་གཏེར། དག་སྣང་ལས་བྱོན་པའི་ཆོས་བཀའ་ཅི་རིགས་སྣེ་ཚང་དུ་མཆིས་ཤིང་། དེ་དག་གི་སྡོམ་ནི། རྡོར་འབུམ་ཆོས་གྲགས་མཁའ་འགྲོ་ཀུན་དགའ་འབུམ། །རྒྱ་བན་རྡོར་འོད་སར་བན་ཕྱོགས་མེད་དང་། །གྲུབ་ཐོབ་དངོས་གྲུབ་འབྲེ་རྐྱང་སུམ་པ་གསུམ། །ལྡང་མ་ལྕེ་བཙུན་ཞང་སྟོན་བཀྲ་ཤིས་རྡོར། །ཞང་བཙུན་དར་རིན་གྲྭ་མངོན་དབང་ཕྱུག་འབར། །ར་ཤག་བསོད་རྡོར་ལོ་སྟོན་རྡོ་རྗེ་དབང་། །སངས་རྒྱས་བླ་མ་གུ་རུ་ཧཱུྃ་འབར་དང་། །ཁྲོ་ཕུ་ལོ་ཙཱ་

― LT38_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བྱུང་ཀུན་མཁྱེན་ཞབས། །ཉང་རལ་ཆོས་དབང་བརྩོན་སེང་ཛཾ་བྷ་ལ། །བ་མཁལ་སྨུག་པོ་མང་ལམ་བཟང་པོ་གྲགས། །རྒོད་ལྡེམ་འཇམ་དབྱངས་བླ་མ་རྒྱ་ཕུར་བུ། །ཞང་ཁྲམ་སྐལ་ལྡན་བྱིས་པ་ལྷ་རྗེ་གནུབས། །གཡུ་ཐོག་མགོན་པོ་བྱ་མང་བརྩོན་འགྲུས་གྲགས། །གཉལ་པ་ཉི་ཤི་བྲང་ཏི་ལས་འབྲེལ་རྩལ། །རྒྱལ་སྲས་ལེགས་པ་ཀློང་ཆེན་རབ་འབྱམས་བཟང་། །སངས་རྒྱས་དབང་ཆེན་དབོན་སྟོན་སྐྱེར་སྒང་པ། །དུང་མཚོ་རས་པ་སྟག་ལུང་སངས་རྒྱས་དབོན། །གུ་རུ་ཇོ་རྩེ་མེ་ཉག་གྲགས་པ་འབྱུང་། །ཚེ་བརྟན་རྒྱལ་མཚན་བྲམ་པ་ཀུན་དགའ་བཟང་། །གྲུ་གུ་ཡང་དབང་དཱུ་གུ་རིན་ཆེན་སེང་། །བཛྲ་མ་ཏི་ཁམས་པ་མེ་ཟོར་དང་། །ཆུ་ཕོ་རྟོགས་ལྡན་འབྲོག་པ་ཐུབ་རྒྱལ་རྗེ། །རྐྱང་སྨན་དོན་གྲུབ་རོང་སྨན་ཉི་མའི་འོད། །བལ་པོ་ཨ་ཧཱུྃ་སྐྱེྱས་བུ་ཟངས་གླིང་པ། །གཡས་བན་ཡ་བོན་སྟོན་པ་ཤཱཀྱ་འོད། །སྦུར་བུ་བྱ་མགོན་ཡང་བོན་རི་ཁྲོད་པ། །ཨ་ཇོ་བལ་པོ་འབྲེ་སྟོན་ཤེས་རབ་འོད། །ཉི་ཟླ་སངས་རྒྱས་ཀུན་སྤང་ཟླ་བའི་འོད། །ཨོ་རྒྱན་སངས་རྒྱས་རྡོ་རྗེ་རིན་ཆེན་གླིང་། །རཏྣ་པདྨ་ཀརྨ་ཀུན་སྐྱོང་གླིང་། །བསྟན་གཉིས་བྱང་ཆུབ་གྲོ་ཤུལ་བདེ་ཆེན་གླིང་། །དྲི་མེད་ཀུན་དགའ་དྲི་མེད་ལྷུན་པོ་དང་། །ཐང་རྒྱལ་ཚེ་རིང་རྡོ་རྗེ་པདྨ་དབང་། །མཉམ་ཉིད་རྡོ་རྗེ་མཆོག་ལྡན་རྡོ་རྗེའི་

― LT38_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན། །མི་བསྐྱོད་རྡོ་རྗེ་ཀུན་མཁྱེན་པདྨ་དཀར། །དཔལ་འབྱོར་བཟང་པོ་རྟོགས་ལྡན་སངས་རྒྱས་མགོན། །མ་ཏི་རཏྣ་རིན་ཆེན་ཕུན་ཚོགས་དང་། །ཞིག་གླིང་ཤེས་རབ་འོད་ཟེར་ལེགས་ལྡན་རྗེ། །བཀྲ་ཤིས་སྟོབས་རྒྱལ་འབྲི་གུང་ཆོས་ཀྱི་གྲགས། །འཇའ་ཚོན་བདུད་འདུལ་ནམ་མཁའ་འཇིགས་མེད་རྩལ། །གནམ་ཆོས་གཏེར་བདག་གླིང་དང་ཀློང་གསལ་སྙིང་། །གར་དབང་རྡོ་རྗེ་ཉི་ཟླ་ཀློང་གསལ་དང་། །ཆོས་རྗེ་གླིང་དང་ར་ཡི་སྟོན་པ་མཆོག །སྟག་ཤམ་རྡོ་རྗེ་པདྨ་བདེ་ཆེན་གླིང་། །མི་འགྱུར་རོལ་པ་ངག་གི་རྡོ་རྗེ་དང་། །ཀུན་གྲགས་ཁྱུང་གྲགས་ཧ་རི་ནཱ་ཐའི་ཞབས། །རྡོ་རྗེ་དྲག་པོ་དཔལ་ལྡན་དཔའ་བོ་མཆོག །མདོ་སྔགས་གླིང་དང་མཆོག་གྱུར་བདེ་ཆེན་གླིང་། །དེ་ཡི་གཏེར་ཕྲན་ཟུང་དང་བཅས་པ་སྟེ། །བརྒྱ་ཕྲག་གཅིག་ལ་བཅུ་གསུམ་ལྷག་པའོ། །དེའང་བཀའ་དགོངས་ལྟ་བུ་རྒྱ་ཆེ་ཞིང་རྒྱུན་དར་རྒྱས་ཡོངས་གྲགས་བཞུགས་པ་རྣམས་ལས་ཉེར་མཁོ་སྙིང་པོ་ཙམ་དང་། ཆོས་བཀའ་ཚན་ཆུང་ཞིང་རྒྱུན་དཀོན་པ་རྣམས་གཞུང་ཆ་ལག་རྫོགས་པར་བཞུགས་སུ་གསོལ་ཞིང་། གནམ་ཆོས་དང་ཀློང་གསལ་རྡོ་རྗེ་སྙིང་པོ་ལྟ་བུ་རེ་རེ་ཚན་ཆུང་ཡང་ཐམས་ཅད་བསྡམས་ཚེ་གླེགས་བམ་མང་པོར་འགྱུར་བ་དང་མ་ཟད་སོ་སོའི་ཕྱོགས་སུ་རྒྱུན་ཤིན་ཏུ་དར་ཞིང་རྒྱས་པ་རྣམས་ཀྱང་ཉེར་མཁོ་རེ་ཟུང་ཙམ་ལས་

― LT38_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུད་པར་མ་ནུས་ཤིང་། བཀའ་ཐང་རྣམས་སུ་གསལ་བའི་ཉི་མ་སེང་གེ། གྲ་སྒོམ་ཆོས་རྡོར་ལྟ་བུ་མང་དག་ཅིག་ནི་གཏེར་ཆོས་ཀྱི་དཔེ་ཙམ་ཡང་མངལ་དུ་མེད་པ་དང་། བཀའ་ཐང་དུ་མི་གསལ་ཡང་སྒྲོ་སྐུར་མེད་པའི་ཚད་མར་བྱེད་པ་སྤུ་བོ་ར་ཞི་གཏེར་སྟོན། འཕེལ་ཚ་མཐུ་སྟོབས་གླིང་པ་སོགས་ནི་དཔེ་ལུང་གི་རྒྱུན་མ་རྙེད་ལ། སྐྱིད་གྲོང་ངག་དབང་བསླབ་གསུམ། དྲི་མེད་གླིང་པ། ཆོས་གླིང་ཀུན་བཟང་འོད་ཟེར་གྱིས་མཚོན་ཕྱིས་བྱོན་གྱི་གཏེར་ཆོས་ཚད་མར་གྱུར་ཅིང་འགྲོ་ཕན་ཆེ་བ་མངོན་སུམ་དུ་གྱུར་པ་འགའ་ཡང་གཅིག་ཤོས་ཀྱི་ལྷ་གཅིག་ཤོས་ཀྱི་འདྲེར་མཐོང་བ་མང་བས་རེ་ཞིག་བཏང་སྙོམས་སུ་བཞག་པའོ། །བཞུགས་ཚུལ་གྱི་དབང་དུ་བྱས་ན་སྤྱིར་གསང་སྔགས་རྡོ་རྗེ་ཐེག་པའི་ཤིང་རྟ་ཆེན་པོ་རྣམས་ལ། དབང་། བཤད་པ། བསྐྱེད་རིམ། རྫོགས་རིམ་སྟེ་ཆུ་བོ་བཞིའི་བཀའ་སྲོལ་ཡོངས་སུ་གྲགས་པ་ལས་སྐབས་འདིར་བཤད་པ་མ་གཏོགས་པ་ཆུ་བོ་གསུམ་གྱི་བཀའ་སྲོལ་འདུ་བའི་མཛོད་དུ་བྱས་ཏེ། དབང་གི་རྩ་བ་ཆོས་རྒྱལ་གཏེར་བདག་གླིང་པས་ཟབ་མོའི་བཀའ་བསྡུ་གནང་བའི་འདོད་འཇོ་བུམ་བཟང་ལ་གཞི་བྱས། གཞན་དག་དེའི་རྒྱབ་ཆོས་དང་ཁ་སྐོང་གི་ཚུལ་དུ་བཀོད་པ་ལ། སྔ་འགྱུར་བ་རྣམས་ལ་ཡོངས་སུ་གྲགས་པ་བསྐྱེད་རྫོགས་རྫོགས་པ་ཆེན་པོའི་སྡེ་གསུམ་གྱི་

― LT38_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་མར། ཆོས་ཐམས་ཅད་ཀྱི་གཞི་ལྟ་བུ་བསྐྱེད་པ་མ་ཧཱ་ཡོ་གའི་སྐོར་ལ་རྒྱ་ཆེ་བ་གཙོ་བོར་གྱུར་པའི་རྒྱུད་སྡེ། ཟབ་པ་ལག་ལེན་ཏུ་འདྲིལ་བའི་སྒྲུབ་སྡེ་གཉིས་ཀྱི་དང་པོ་ལ་ཡོངས་གྲགས་དངོས་བསྟན་བཀའ་མའི་སྐོར་གྱི་ཆོག་ཁྲིགས་སྔ་འགྱུར་བསྟན་པའི་སྲོག་འཛིན་ཆོས་རྒྱལ་གཏེར་བདག་གླིང་པ་སྐུ་མཆེད་དང་། རིག་འཛིན་པདྨ་ཕྲིན་ལས་སོགས་ཀྱི་གསུང་རབ་རྒྱ་ཆེ་བར་བཞུགས་པ་ནི། སྔ་འགྱུར་གྱི་བསྟན་འཛིན་ཆེན་པོ་གཞན་དག་གིས་བཀའ་བསྡུ་ལེགས་པར་མཛད་པ་དང་། འདིར་གཙོ་བོར་གཏེར་མའི་སྐོར་སྡུད་པའི་གཤིས་ཀྱིས་སྐབས་སུ་མ་བབས་པས། ཞར་བྱུང་ཕྲན་ཚེགས་ཅི་རིགས་བཀོད་པ་ཙམ་ལས་བསྡུ་བའི་སྤྲོས་པ་མ་བགྱིས་ཤིང་། །གཏེར་མའི་ཕྱོགས་སྒྲུབ་སྡེ་གཙོར་གྱུར་ཀྱང་རྒྱུད་སྡེའི་དཀྱིལ་འཁོར་དངོས་དང་ཆར་གཏོགས་ཀྱང་ཅི་རིགས་སྣང་བས། སྐབས་འདིར་རིགས་དང་དཀྱིལ་འཁོར་ཐམས་ཅད་ཀྱི་ཁྱབ་བདག་རྡོར་སེམས་ཐུགས་ཀྱི་སྒྲུབ་པ་སྨིན་གླིང་ལུགས་ཉིད་བཀའ་གཏེར་ཟུང་འཇུག་ཟབ་འདྲིལ་ཁྱད་པར་དུ་མས་འཕགས་པས་ཐོག་མར་དགེ་བའི་ཚུལ་དུ་བཞུགས་ཤིང་། །རྗེས་འབྲེལ་དུ་གནས་དུས་རྟེན་འབྲེལ་ཟབ་མོའི་མཐུས་སྐལ་པ་བཟང་པོའི་དཔྱིད་དུ་སྣང་བ་གཏེར་གསར་སྒྱུ་འཕྲུལ་ཞི་ཁྲོ། དོང་སྤྲུགས། མཉམ་སྦྱོར། གཤེད་

― LT38_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་ནག །ཡང་དག །བཀའ་བརྒྱད་རྫོང་འཕྲང་ལ་སོགས་པ་རྒྱུད་ཀྱི་སྙིང་པོའི་ཡང་ཞུན་བསྡུས་པའི་པད།། །གནུབས་ཀྱི་མན་ངག་རྣམས་དང་། ཀར་གླིང་ཞི་ཁྲོ་ལ་སོགས་པའང་ས་བཅད་འདིའི་ཁོངས་སུ་བཞུགས། གཉིས་པ་སྒྲུབ་སྡེ་ལ། སྒྲུབས་ཐབས་གཙོ་བོར་གྱུར་པའི་རྩ་བ་དང་། ལས་ཚོགས་གཙོ་བོར་གྱུར་པའི་ཡན་ལག་སྐོར་གཉིས་ཀྱི་དང་པོ་ལ། བྱིན་རླབས་ཀྱི་རྩ་བ་བླ་མ། དངོས་གྲུབ་ཀྱི་རྩ་བ་ཡི་དམ། ཕྲིན་ལས་ཀྱི་རྩ་བ་མཁའ་འགྲོ་ཆོས་སྐྱོང་གི་སྐོར་གསུམ། དེ་ལའང་རྩ་གསུམ་སྤྱི་དང་། བྱེ་བྲག་ཏུ་སྒྲུབ་པའི་སྐོར་གཉིས་ཀྱི་སྔ་མ་ལ། ཆོས་རྒྱལ་རཏྣ་གླིང་པའི་རྩ་གསུམ་འབྲས་བུའི་དོན་ཁྲིད། ཀུན་མཁྱེན་རང་བྱུང་ཞབས་དང་རྗེ་བརྒྱད་པའི་དགོངས་གཏེར་རྩ་གསུམ་དྲིལ་སྒྲུབ། ཞིག་གླིང་ཐུགས་དམ་ཟབ་པ་སྐོར་བདུན། ཆོས་གླིང་རྩ་གསུམ་དྲིལ་སྒྲུབ། ཀློང་གསལ་ཟབ་གཏེར་ལས་ཉེར་མཁོ་ཅི་རིགས་པ་རྣམས་བཞུགས། གཉིས་པ་ལ་རྩ་བ་གསུམ་གྱི་ཐོག་མར་བླ་མའི་སྒྲུབ་སྐོར་ལའང་ཕྱི་ནང་གསང་གསུམ་གྱི་དང་པོ་ཕྱི་གསོལ་འདེབས་ལྟར་སྒྲུབ་པ་མང་ལམ་བཟང་པོ་གྲགས་པའི་ལེའུ་བདུན་མ། བྱང་གཏེར་བརྡ་དོན་ལམ་ཟབ། ལེགས་ལྡན་བླ་མ་སྐུ་གསུམ་བླ་མ་མཆོད་པ་ལ་སོགས་པ་བཞུགས། ནང་ལྟར་སྒྲུབ་པ་

― LT38_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་བ་ལའང་ཆོས་དབང་གསང་འདུས་སོགས་བླ་མ་ཆོས་སྐུ་རྡོ་རྗེ་འཆང་གི་སྒྲུབ་སྐོར། རྫོགས་ཆེན་ཚེ་དབང་དང་རཏྣའི་གསང་འདུས་སོགས་ལོངས་སྐུ་ཚེ་དཔག་མེད་པའི་སྐོར། ཉང་རིན་པོ་ཆེའི་བླ་མ་ཡོངས་རྫོགས་དང་བླ་མ་དགོངས་འདུས་ནས་བཟུང་གཏེར་གསར་ཐུགས་སྒྲུབ་རྣམ་གཉིས་མཚོ་སྐྱེས་སྙིང་ཐིག་གི་བར་སྤྲུལ་སྐུ་ཐོད་ཕྲེང་རྩལ་གྱི་སྐོར་རྣམས་བཞུགས། གསང་སྒྲུབ་བླ་མ་དྲག་པོ་ལ་དྲག་དམར་བཀའ་མའོ་བྲན་ལུགས། ཉང་གཏེར་དྲག་པོ་བདེར་འདུས་ཆེ་འབྲིང་ཆུང་གསུམ། བྱང་གཏེར་དྲག་མཐིང་ནས་བཟུང་རིག་འཛིན་ཆོས་རྒྱལ་རྡོ་རྗེའི་དྲག་མཐིང་གི་བར་རྣམས་བཞུགས་གཉིས་པ་ཡི་དམ་གྱི་སྐོར་ལ་སྒྲུབ་སྡེ་ཆེན་པོ་བརྒྱད། དེ་ལའང་སྤྱིར་སྒྲུབ་པ་དང་བྱེ་བྲག་གི་སྒྲུབ་སྐོར་གཉིས་ཀྱི་དང་པོ་ལ། ཉང་ཆོས་ནས་བཟུང་གཏེར་གསར་ཤེལ་ཕུག་མའི་བར་གྱི་ལུགས་སྲོལ་དགུ་ཙམ་གྱི་སྨིན་གྲོལ་སྙིང་པོ་རྣམས་བཞུགས། གཉིས་པ་བྱེ་བྲག་སྒྲུབ་སྡེ་ཆེན་པོ་བརྒྱད། དེ་རེ་རེ་ལའང་ཞི་བ་དང་ཁྲོ་བོའི་སྒྲུབ་སྐོར་གཉིས་གཉིས་སུ་བཞུགས་པའི་འཇམ་དཔལ་སྐུ་སྒྲུབ་ལ། སངས་གླིང་འཇམ་དཔལ་དཀར་དམར་སོགས་ཞི་བ། ཞང་ཁྲོམ་ཚེ་བདག་ལྕགས་སྡིག་སྐོར་གྱི་དབང་དང་། ཆོས་དབང་འཆར་ཀ །ཡང་ཟློག །ཀིང་དམར་ནག །ཁྲོ་ཆུ།

― LT38_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་ཤིན་ཏུ་ཁྲོས་པ་ནཱ་ག་རཀྴ། གཏེར་གསར་གནམ་ལྕགས་ཞུན་འདྲིལ་གྱི་བར་དྲག་པོའི་སྐོར། པདྨ་གསུང་སྒྲུབ་ལ་བྱང་གཏེར་ཚེ་སྒྲུབ་ལྕགས་སྡོང་མ་ནས་བརྩམས། དཔའ་བོ་བརྒྱད་པའི་དགོངས་གཏེར་ཚེ་སྒྲུབ་དང་གཏེར་གསར་སྐོར་གྱི་བར་རིགས་བདག་ཚེ་དཔག་མེད་ཀྱི་སྐོར་རྣམས་དང་། སྟག་ཤམ་དང་གནམ་ཆོས་འོད་དཔག་མེད་ཀྱི་སྐོར། གྲུབ་ཐོབ་དངོས་གྲུབ་ཀྱི་ཐུགས་རྗེ་ཆེན་པོ་རྒྱལ་པོ་ལུགས་དང་། གཏེར་ཁ་གོང་འོག་བྱང་གཏེར་ནས་བཟུང་། གཏེར་གསར་པདྨ་སྒྱུ་འཕྲུལ་དྲྭ་བ། དོང་སྤྲུགས། གཙུག་ཏོར་དྲི་མེད། ཡིད་བཞིན་འཁོར་ལོ། སེམས་ཉིད་ངལ་གསོའི་བར་ཞི་བ། གཏེར་སྟོན་སུམ་ཚོགས་ཀྱི་ཆོས་རྟ་མགྲིན་ཡང་གསང་ཁྲོས་པ། ཉང་ཆོས་རྟ་ནག །རྟ་མགྲིན་གསང་སྒྲུབ་ནས་བཟུང་། ཡི་དམ་དགོངས་འདུས། གཏེར་གསར་ཟབ་བདུན་རྟ་མགྲིན་ཡང་ཕྱུང་དམར་པོའི་བར་རྟ་མགྲིན་དམར་ནག་གི་ཆོས་སྡེ་དྲག་པོའི་སྐོར། ཡང་དག་ཐུགས་སྒྲུབ་ལ། རོལ་རྡོར་རིགས་འདུས་རྡོར་སེམས་གཏེར་གསར་ཐུགས་ཀྱི་སྙིང་པོ་དང་། བདེ་བ་ཆེན་པོ་ཕྱག་རྒྱ་གཅིག་པ་སོགས་ཞི་བ། ཆོས་དབང་ཟབ་གཏེར་ཡང་དག་སྙིང་པོའི་སྐོར། རཏྣའི་ཕྱག་རྒྱ་གཅིག་པ། ཆོས་གླིང་བདེ་ཆེན་

― LT38_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ། གཏེར་གསར་ཟབ་བདུན་ལས། མཆོག་སྒྲུབ་ལ་ཟབ་པའི་སྐོར་དང་། གསང་ཐིག་ཕྱག་རྒྱ་གཅིག་པ་སོགས་དང་། ཞར་བྱུང་ཆོས་དབང་གཏུམ་པོ་དང་། དྲེགས་འདུལ། ཁང་བརྩེགས་ཁྱུང་གསང་བ་ཡང་ཁོལ་སོགས་ཕྱག་རྡོར་གྱི་རིགས་ཏེ་ཁྲོ་བོའི་སྐོར། བདུད་རྩི་ཡོན་ཏན་ལ་བཀའ་བརྒྱད་བདུད་རྩི་སྨན་སྒྲུབ་ཀྱི་སྐོར་རྣམས་དང་། གཡུ་ཐོག་སྙིང་ཐིག །གཏེར་གསར་བི་མ་ལའི་སྒྲུབ་ཐབས་སོགས་ཀྱི་སྨིན་གྲོལ་ལས་ཚོགས་དང་བཅས་པ། བདུད་རྩི་བུམ་པ་ཆེ་ཆུང་། རྒྱ་བན་རྡོ་རྗེ་འོད་ཀྱི་རྟག་དུའི་བཅུད་ལེན་སོགས་གཏེར་ཕྲན་བཅུད་ལེན་གྱི་རིགས། གྲུབ་ཆེན་ཛཱ་བྷིར་གྱི་གདམས་སྐོར་རླུང་གི་བཅུད་ལེན་བཀའ་བབས་སྔ་ཕྱི་བར་གསུམ་ལ་སོགས་པ། ཕུར་པ་ཕྲིན་ལས་ལ་རྭ་སྟོན་རྡོར་སེམས་རིགས་ལྔ་རྒྱན་གཅིག་སོགས་ཞི་བ། ཆོས་དབང་སྤུ་གྲི་ནས་བཟུང་གཏེར་གསར་གསང་ཐིག་ཕྱག་རྒྱ་གཅིག་པའི་བར་ཁྲོ་བོའི་སྐོར། མ་མོ་རྦོད་གཏོང་ལ་ར་ཤག་གི་མ་མོ་སྒང་ཤར། གཏེར་གསར་ཟབ་བདུན་མངོན་རྫོགས་རྒྱལ་པོའི་སྐོར་དང་། མ་མོ་སྤྱི་བསྡུས་ལས་ཉེར་མཁོའི་རིགས། འཇིག་རྟེན་མཆོད་བསྟོད་ལ། གཏེར་གསར་དྲང་སྲོང་དྲི་མེད་ཞི་བའི་སྐོར་དང་། དྲེགས་པ་ཀུན་འདུལ། ཆོས་དབང་ལོཀྟྲིི་སོགས་ཁྲོ་བོ། དམོད་པ་དྲག་སྔགས་ལ་དྲག་

― LT38_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་རྡོ་རྗེ་གཙུག་ལག །གཏེར་གསར་སྟོབས་ལྡན་ནག་པོའི་སྐོར་དང་། ངག་གི་རྡོ་རྗེའི་ཕྱག་རྡོར་ཞི་ཁྲོ། གྲུ་གུ་ཡང་དབང་གི་འཇོམས་བྱེད་རྩལ་ཉིའི་སྐོར། སྲིད་པ་གཏེར་ཁྱིམ་སོགས་བཞུགས། གསུམ་པ་ལ་མཁའ་འགྲོ་དང་ཆོས་སྐྱོང་གཉིས་ཀྱི་དང་པོ་ལ། བླ་མ་མངའ་བདག་ཆེན་པོའི་ཕག་མོ་དང་ཁྲོས་ནག་གི་སྐོར། ཆོས་དབང་དང་རཏྣའི་མཚོ་རྒྱལ་སྒྲུབ་སྐོར། ཕག་མོ་ཟབ་རྒྱ། རིག་འཛིན་སྲོག་སྒྲུབ་ཀྱི་ཕག་མོ། རྩ་རླུང་མཁའ་འགྲོ་གསང་མཛོད་ལ་སོགས་པ་དང་། རིན་ཆེན་ཕུན་ཚོགས་ཞིག་གླིང་དང་བདུད་འདུལ་ལུགས། འཆི་མེད་འཕགས་མའི་སྙིང་ཐིག་སོགས་སྒྲོལ་དཀར་གྱི་སྐོར། ཡེ་ཤེས་མཁའ་འགྲོ་དྲག་མོ་སེང་གེའི་གདོང་པ་ཅན་བོ་དོང་སྙན་བརྒྱུད་རྗེས་གནང་བཅུ་དང་གཞུང་གཅེས་བཏུས། བ་རི་ལུགས། ཀློང་གསལ་སི༚་ཧ་དམར་མོ། སྟག་ཤམ་བདུད་འདུལ་དྲག་མོ་སོགས་དམར་སྔོའི་རིགས་རྣམས་དང་། ཞར་བྱུང་བཞུགས། ཆོས་སྐྱོང་གི་ཐོག་མར་བསྟན་སྲུང་མགོན་པོའི་སྐོར་ལ། རྒྱུད་མགོན་ལེགས་ལྡན་ཚོགས་ཀྱི་བདག་པོ། གཏེར་གསར་ཚོགས་བདག །ཉང་གཏེར་ཕྱག་བཞི་པ་མཐིང་དཀར། གཏེར་གསར་མྱུར་མཛད་ཕྱག་དྲུག་པ། མ་ནིང་རིགས་ཁ་ཤས། གུར་མགོན།

― LT38_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

སྨིན་གཏེར་ཞལ་བཞི་པ། བཀའ་གཏེར་གཉིས་ལྡན་སྟག་ཞོན། བེང་། ཚོགས་བདག་རྣམས་དང་། ལྷ་མོའི་སྐོར་ལ་སྙིང་ཐིག་བཀའ་སྲོལ་གཙོར་གྱུར་སྔགས་སྲུང་མ། བཀའ་གཏེར་གཉིས་འདུས་རང་བྱུང་མ། ཉང་གཏེར་དང་གྲོལ་ཐིག་གི་རྡོ་རྗེ་གཤོག་རྒོད་མ། གཡུ་སྒྲོན་མ་དང་ཞྭ་ལུའི་སྲུང་མ་རྡོ་རྗེ་རབ་བརྟན་མ། ལས་འབྲེལ་ལུགས་ཀྱི་སྲོག་སྒྲུབ་མའི་སྐོར་རྣམས་དང་། དྲེགས་པ་སྣ་ཚོགས་པའི་སྐོར་ལ་ལས་འབྲེལ་གཟའ་བདུད། པུ་ཏྲ་མིང་སྲིང་། གཏེར་ཁ་གཉིས་ལྡན་ཤན་པ་དམར་ནག །བཀའ་གཏེར་མང་འདུས་དམ་ཅན་མགར་བ་དམར་ནག་དང་ཞིང་སྐྱོང་སེང་གདོང་ཅན། ཉང་གཏེར་དུར་ཁྲོད་མ་མོ། ཆོས་དབང་བརྟན་མ་བཅུ་གཉིས། ཉང་གཏེར་བེ་ཧ་ར། མངའ་རིས་པ་ཆེན་གཏེར་བྱོན་ཙི་དམར་སྐོར། བྱང་གཏེར་ཟངས་མཛོད་ཀྱི་སྲུང་མ་ཐང་ལྷ། གཏེར་གསར་བཀྲ་ཤིས་ཚེ་རིང་མའི་སྐོར་རྣམས་དང་། ཆོས་སྐྱོང་དགོངས་འདུས་སྒོ་འབྱེད་དབང་བསྐུར། སྤྱི་འགྲོའི་གཏོར་མ་རུ་མཚོན་གྲིབ་སེལ་གྱི་མན་ངག་ལ་སོགས་པ་བཞུགས། གཉིས་པ་ལས་ཚོག་གཙོ་བོར་གྱུར་པའི་སྐོར་ལ། བསྙེན་སྒྲུབ་ཆོ་ག་སྤྱིའི་ཡན་ལག་ཏུ་ཉེ་བར་མཁོ་བའི་སྐོར་དང་། བྱེ་བྲག་ལས་ཀྱི་ཚོགས་གཉིས་ཀྱི་དང་པོ་ལ། ལོ་ཆེན་

― LT38_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

དྷརྨ་ཤྲཱིའི་དབང་བསྐུར་སྤྱིའི་མཚམས་སྦྱོར་སོགས་སྨིན་བྱེད་དབང་གི་སྐོར། སྔགས་ལྡེབ་སྙིང་གཟེར་ནག་པོ། ཀུན་མཁྱེན་ཀློང་ཆེན་པའི་ཆོས་སྤྱོད་ལམ་རིམ་སོགས་བསྙེན་སྒྲུབ་སྤྱིར་གཅེས་ཀྱི་སྐོར། དམ་ཅན་སྤྱི་གཏོར་ཆ་གསུམ་སོགས་ཐུན་མཚམས་གཏོར་ཆོག་གི་སྐོར། ན་རཀ་སྐོང་ཆོག་སོགས་ཚོགས་ཀྱི་འཁོར་ལོ་དང་འབྲེལ་པའི་སྐོར། དགེ་ལེགས་འདོད་འཇོ་སོགས་རྟེན་གསུམ་བབ་གནས་ཀྱི་སྐོར། ཐར་པའི་མྱུར་ལམ་སོགས་གནས་ལུང་དཔྱང་ཐག་གི་སྐོར། ཞི་བ་ལས་ཐམས་ཅད་པའི་སྦྱིན་སྲེག་སོགས་ལས་མཐར་ཕྱིན་པ་སྲེག་བླུག་གི་སྐོར་བདུན་ཏུ་བཞུགས། བྱེ་བྲག་ལས་ཀྱི་ཚོགས་རབ་འབྱམས་ལ་ལས་སྤྱི་དང་བྱེ་བྲག་གཉིས་ཀྱི་དང་པོ་ལ། མཆོག་གི་ཕྲིན་ལས་ཡང་ཏིག་ཡིད་བཞིན་ནོར་བུའི་བཏགས་གྲོལ་གྱི་དབང་ལ་སོགས་པ་དང་། སྣ་ནམ་ཐུབ་རྒྱལ་གྱི་གཏོ་བཅོས་བརྒྱ་རྩ་སོགས་འཁོར་ལོ། །རྡོ་རྗེ་གླིང་པའི་ནོར་བུའི་བང་མཛོད་སོགས་ཟ་ཡིག །ཨོ་རྒྱན་གླིང་པའི་རྟེན་འབྲེལ་ཡང་སྙིང་འདུས་པ། གནས་ཆེན་བྱིན་འབེབས་བཀའ་ནན་རབ་བརྗིད། མོ་པྲ་བརྟགས་པ། ཀུན་མཁྱེན་ཀློང་ཆེན་པའི་བདེ་ལེགས་ཀུན་འབྱུང་སོགས་བསང་བརྔན་དང་ཕུད་སྐོང་། ཆོས་གླིང་བར་ཆད་སེལ་བའི་ཆོས་བཀའ་བཞི། ར་ཤག་མདོས་

― LT38_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་སོགས་མདོས་གླུད་ཉེར་མཁོའི་སྐོར་རྣམས་སོ། །གཉིས་པ་བྱེ་བྲག་ལས་སོ་སོར་སྒྲུབ་པ་ལ་འཇམ་དཔལ་གཤིན་རྗེ་རོལ་པའི་རྒྱུད་ལས། སྲུང་དང་ཞི་རྒྱས་དགུག་པ་དང་། །མངོན་སྤྱོད་ལས་ཀྱི་ཆོ་ག་ནི། །ཞེས་གསུངས་པ་ལྟར་དང་པོ་སྲུང་བའི་སྐོར་ལ། རྒྱ་ཕུར་བུའི་དུག་ཁྲག་རྫས་ཀྱི་སྲུང་བའི་དབང་དང་། བུམ་ལྕགས་གཞུང་། ཉང་ཆོས་དབང་སངས་གླིང་གི་གཏེར་བྱོན་རྣམས་དང་། ཞང་ཁྲོམ་གྱི་ཞྭ་སྲུང་། ལྕང་སྨན་དུག་སྲུང་། ཡུལ་འཁོར་སྲུང་བ་ཞིག་གླིང་ལུགས། མཚོན་སྲུང་གི་རིགས། གནམ་ལྕགས་གུར་ཁང་སོགས་སེར་སྲུང་། གནུབས་ཀྱི་གོང་ཁུག་སོགས་ཆར་སྲུང་། སད་སྲུང་དང་ཤྭ་སྲུང་། གུ་གེ་ཆིག་དྲིལ་སོགས་ནད་སྲུང་། ཕྱུགས་ནད་སྲུང་བའི་རིགས། བདེན་ཚིག་བཀའ་བསྒོས་སྲུང་བ། དམོད་ཚིག་སྤྲིང་ཡིག་གིས་སྲུང་བ་རྣམས་སོ། །གཉིས་པ་ཞི་བའི་ལས་ཀྱི་སྐོར་ལ། ནད་བདག་སྟོབས་འཇོམས། རིལ་བུ་དཀར་དམར། འཆི་མེད་ཚེ་བུམ། བདུད་འདུལ་ལོ་གྱོན་མ་སོགས་ནད་ཞི་བའི་སྐོར། བྱ་ཁྱུང་དམར་ནག་ཁྲ་གསུམ། ལས་འབྲེལ་དང་བདེ་གླིང་གཉེན་པོ་ལྷ་གསུམ། ཞི་སྦྱོང་དྲག་སྦྱོང་སོགས་གདོན་ཞི་བའི་སྐོར། བི་མ་ལ་དང་གནུབས་ལུགས། རྣམ་འཇོམས་དཀར་མཐིང་། ཉང་གཏེར་འཁོན་སྦྱོང་

― LT38_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཁྲོ་མོ་སྨེ་བརྩེགས། གཏེར་ཁ་གསར་རྙིང་གི་སྨེ་བརྩེགས་ལ་སོགས་པ་གྲིབ་དང་མི་གཙང་བཞི་བའི་སྐོར། བི་མ་མི་ཏྲ་དང་གཏེར་གསར་ལུགས་ཀྱི་གདུགས་དཀར། བྱད་འགྲོལ་གསེར་ལྡེ། འཁོར་ལོ་འཛུལ་ཆོག །ཡིག་རྒོད་ཆད་ཁྲུས་སོགས་བྱད་ཕུར་རྦོད་གཏོང་ཞི་བའི་སྐོར། ཉེས་པ་ཀུན་སེལ་རིགས་བཞི། སྲུང་བ་དང་རྫས་ཀྱི་ལས་འཇུག །སྤྱི་བཅོས་རྣམ་གཉིས། གཏེར་བུམ་གྱི་རིགས་སོགས་སྣོད་བཅུད་ཀྱི་ཉེས་པ་ཞི་བའི་སྐོར། གནམ་ཆོས་དང་ཀློང་གསལ་སོགས་ཀྱི་སྨན་བླ་ཀུན་རིག་མི་འཁྲུགས་པ། འཇའ་ཚོན་ལྟུང་བཤགས་ཆོ་ག་སོགས་མཐར་ཐུག་སྡིག་སྒྲིབ་ཞི་བའི་སྐོར་རྣམས་སོ། །གསུམ་པ་རྒྱས་པའི་ལས་ཀྱི་སྐོར་ལ། པདྨ་གསུང་གི་ཞི་སྒྲུབ་དང་འབྲེལ་བ་ཅི་རིགས་གོང་དུ་སོང་བས་འདིར་གཏེར་གསར་ཐུགས་སྒྲུབ་ཆོས་སྐུའི་སྐོར་ལས་ཚོགས་དང་བཅས་པ་ཀློང་གསལ་ལུགས་ཀྱི་རྣམ་རྒྱལ་མ། སྒེག་རྡོར་ལུགས་སོགས་བླ་བསླུ་དང་འཇའ་ཚོན་ལུགས་སོགས་འཆི་སླུའི་རིགས། ལྷ་བཙུན་དག་སྣང་མ་སོགས་སུན་ཟློག་དང་བརྟན་བཞུགས་གི་རིགས་ཏེ་ཚེ་རྒྱས་པར་བྱེད་པའི་སྐོར། ཆོས་དབང་བློ་ལྡན་མཆོག་སྲེད་སྒོས་སྒྲུབ། རཏྣའི་དབྱངས་ཅན་མ། ཤེས་རབ་འོད་ཟེར་གྱི་དབྱངས་ཅན་མའི་སྒྲུབ་ཐབས། གཏེར་གསར་བླ་མ་

― LT38_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྲ་བའི་སེང་གེའི་སྒྲུབ་ཐབས་ལས་ཚོགས་དང་བཅས་པ་སོགས་ཤེས་རབ་རྒྱས་པར་བྱེད་པའི་སྐོར། གཉལ་བའི་རྣམ་སྲས་ཕྱི་ནང་གསང་སྒྲུབ། ཕྱ་ཕྲིན་ནོར་བུ་མཆོག་རྒྱལ། གྲ་མངོན་ཞང་བློན་དང་ཛམ་དམར། གཏེར་ཁ་མང་པོའི་ཛམ་ལ་དཀར་སེར་དམར་ནག །གནམ་ཆོས་ཛམ་ལ་ཉེར་གཅིག །བསོད་ནམས་གླང་པོ་སྟོབས་སྐྱེད། གླང་ཆེན་བཅས་ཆོག །ལྷ་ལྔ་མཆོད་པ་དང་ཀླུང་རྟ་སྐྱེད་པ། གཏེར་གསར་བླ་མ་སྐྱེས་མཆོག་ཚུལ་བཟང་གི་སྐོར། དེའི་རྗེས་འབྲེལ་ལོ་ཏོག་རྒྱས་བྱེད་ཆར་འབེབས་ཀྱི་སྐོར་སོགས་བསོད་ནམས་དཔལ་འབྱོར་ལོངས་སྤྱོད་སྙན་གྲགས་རྒྱས་བྱེད་ཀྱི་སྐོར། རྡོར་གླིང་ལྷ་མོ་བུ་རྫི་མའི་རྟེན་མདོས། གཏེར་གསར་སོ་འབྲང་མ་སོགས་རིགས་རྒྱུད་རྒྱས་པར་བྱེད་པའི་སྐོར། རྒྱལ་བསྟན་རིན་པོ་ཆེ་རྒྱས་པར་བྱེད་པ་སངས་གླིང་གནས་བཅུའི་དབང་དང་ཆོག །མཐར་ཐུག་ཉམས་རྟོགས་ཀྱི་ཡེ་ཤེས་རྒྱས་པར་བྱེད་པ་ནི་སྔ་ཕྱིའི་བསྐྱེད་རྫོགས་ཀྱི་གདམས་པ་ཇི་སྙེད་པའོ། །བཞི་པ་དབང་གི་ལས་ཀྱི་སྐོར་ལ། གསང་འདུས་པདྨ་རྒྱལ་པོའི་སྒོས་སྒྲུབ། སངས་གླིང་ནོར་བུ་སྐོར་གསུམ། ཞིག་གླིང་བདེ་མཆོག་དམར་པོ། སྒྲོལ་མ་དམར་མོ་ལུགས་གཉིས། ཆོས་གླིང་ཛམ་དམར། ལྷ་ཆེན་དབང་ཕྱུག་རིགས་གཉིས། གཏེར་

― LT38_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་པདྨ་མཁར་འགྲོའི་སྐོར་ལ་སོགས་པ་རྣམས་སོ། །ལྔ་པ་མངོན་སྤྱོད་ཀྱི་སྐོར་ལ། དྲག་ཤུལ་གྱི་ལས་ཐབས་ཆེན་པོ་བཅུ་གཉིས་སོགས་མཐའ་ཡས་པར་བཤད་ཀྱང་། གཙོ་བོར་སྲུང་ཟློག་བསད་པ་མཐའ་སྡུད་དེ་བཞིར་འདུ་བ་ལས། སྲུང་བ་གོང་དུ་སོང་བས་འདིར་ཆོས་དབང་ཟབ་གཏེར་བྱད་མ་འབུམ་ཐུབ་ཀྱི་སྲོག་འཁོར། ཟློག་པ་ལ། འཁོར་ལོ་འབར་བ་སོགས་སྲི་ཟློག །གཏེར་ཁ་གསུམ་ལྡན་གྱི་ཡང་ཟློག་སོགས་ཡང་ཟློག་ཕྲ་མོའི་རིགས། རྩོད་རྒྱལ་བཙན་པོ་ཁ་ཆིངས། གཏད་ཧྲུལ་ཟངས་གླིང་མ། གཏད་ཟློག །འདུན་བཤིགས་ལ་སོགས་པ་རྣམས་དང་། བསད་པ་གནུབས་ལུགས་ཀིང་ནག་སྟག་བྱང་མ། སྲུང་ཟློག་བསད་པ་གསུམ་ཀའི་མཐར་ཐུག་གནུབས་ལུགས་མཐུ་སྟོབས་དྲེགས་པའི་རྒྱལ་པོ། ཧྲཱིཿདམར་གཤིན་རྗེའི་ཡང་སྙིང་། ཡ་བོན་རི་ཁྲོད་སེང་གེའི་ཕར་ཕྱིན་རྒྱལ་བའི་བཀའ་མཐུ་སོགས་དང་། མཐའ་སྡུད་འབྱུང་གཞིའི་སྦྱོར་བ་ལ། ཀིང་དམར་ནག །བྱང་གཏེར་སྲི་མནན་སོགས་དགྲ་བགེགས་ས་ལ་མནན་པ། གཏད་གཞུང་རྒྱས་པ་མཐའ་ཡས་པ་ལས་འདིར་ལས་འབྲེལ་དྲེགས་འདུལ་ལས་མཐའ་གཏད་ཁྲོམ་གྱི་གཞུང་ཙམ་སྟེ་ཆུ་ལ་གཏད་པ། མེ་ལ་བསྲེགས་པ་ཅི་རིགས་གོང་དུ་སོང་བས། རླུང་འཁྲུགས་འབུམ་

― LT38_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཡང་སྙིང་དུག་གི་འཁོར་ལོ་སོགས་རླུང་ལ་བསྐུར་བའི་ལས་རྣམས་མཆིས་ཤིང་། མངོན་སྤྱོད་ལས་ཀྱི་སྦྱོར་བ་རྒྱུན་ལྡན་དུ་མ་ཞིག་སྣང་ཡང་འདིར་ས་བཅད་ཙམ་ལས་སྡུད་པའི་སྤྲོས་པ་མ་བགྱིས་སོ། །སྤྱི་དོན་གཉིས་པ་ཆོས་ཐམས་ཅད་ཀྱི་ལམ་ལྟ་བུ་རྫོགས་པ་ཨ་ནུ་ཡོ་གའི་སྐོར་ལ། ལུང་ལུགས་དང་འདུས་མདོའི་ཚེ་དབང་ཁྲིད་བཅས། འདུས་མདོའི་ངང་སྒོམ་གྱི་ཁྲིད། ཆོས་དྲུག་སྲས་མཁར་མ། གཏེར་གསར་སེང་བྲག་གསང་བའི་གླེགས་བམ་ལས་བྱོན་པ་མདོ་ལུང་ཆེན་པོ་ལྔའི་དགོངས་པ་རྒྱུན་གྱི་རྣལ་འབྱོར་ཕྱག་རྒྱ་གཅིག་པ་རྣམས་བཞུགས། གསུམ་པ་ཆོས་ཐམས་ཅད་ཀྱི་འབྲས་བུ་ལྟ་བུ་མན་ངག་རྫོགས་པ་ཆེན་པོ་ཨ་ཏི་ཡོ་ག་ལ། ཕྱི་སེམས་སྡེ། ནང་ཀློང་སྡེ། གསང་བ་མན་ངག་གི་སྡེ་གསུམ་གྱི་དང་པོ་ལ། སེམས་སྡེ་ཨ་དོན་བཅོ་བརྒྱད་ཀྱི་དབང་། ཉང་ལུགས་དང་ཨ་རོ་ལུགས་ཀྱི་ཁྲིད། ཀུན་བྱེད་རྒྱལ་པོའི་དོན་ཁྲིད། རཏྣའི་ཕྱག་ཆེན་ཉི་མའི་སྙིང་པོ། གཏེར་གསར་ཤེལ་ཕུག་མའི་སེམས་སྡེའི་སྐོར་ཚང་བ། གཉིས་པ་ཀློང་སྡེའི་སྐོར་ལ་རྡོ་རྗེ་ཟམ་པའི་སྒོམ་ཚུལ་བླ་མའི་བྱིན་རླབས་ཀྱི་དབང་། ཁྲིད་རྩ་འགྲེལ། གཏེར་གསར་ཤེལ་ཕུག་ཀློང་སྡེའི་སྨིན་གྲོལ་གྱི་སྐོར། གསུམ་པ་མན་ངག་གི་སྡེ་ལ་བཀའ་མ་སྙན་བརྒྱུད་ཐིག་ལེ་གསང་

― LT38_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར། གཏེར་མ་ལ། ཨ་ཏི། སྤྱི་ཏི། ཡང་ཏི་གསུམ། དང་པོ་ལ་བཀའ་སྲོལ་བཞིར་གྲགས་པ་ལས། སློབ་དཔོན་བི་མ་ལའི་བཀའ་སྲོལ་རྒྱུད་བཅུ་བདུན་ཁྲོས་མ་དང་བཅས་པའི་དབང་བསྐུར་བཀའ་རྒྱ་མ། ཀརྨ་སྙིང་ཐིག །ཞིག་གླིང་གསང་བ་སྙིང་ཐིག །ལྕེ་བཙུན་བི་མའི་ཟབ་ཏིག་རྣམས་དང་། སློབ་དཔོན་ཆེན་པོ་པདྨའི་བཀའ་སྲོལ་མཐའ་ཡས་པ་ལས། མཁའ་འགྲོ་ཡང་ཏིག་གི་དབང་དང་སྙིང་ཐིག་ཁྲིད། རཏྣའི་ཀློང་གསལ་སྙིང་ཐིག །ཀུན་སྐྱོང་གླིང་པའི་རྡོར་སེམས་སྙིང་ཐིག །རོལ་རྡོར་གསང་ཡེ། པདྨ་བདེ་ཆེན་གླིང་པའི་མཁའ་འགྲོ་སྙིང་ཐིག་གི་སྨིན་གྲོལ་རྣམས་དང་། སློབ་དཔོན་བཻ་རོ་ཙ་ནའི་བཀའ་སྲོལ་ཤེལ་ཕུག་མན་ངག་སྡེའི་སྐོར་རྣམས་དང་། སློབ་དཔོན་རྣམ་གསུམ་གྱི་དགོངས་ཉམས་གཅིག་དྲིལ་ཨ་ཏི་ཟབ་དོན་སྙིང་པོ་བཅས། གཉིས་པ་སྤྱི་ཏི་ཡོ་ག་སྤ་གྲོ་བ་ཚེ་རིང་རྡོ་རྗེའི་གཏེར་མ་སྨིན་གྲོལ་ཆོས་བཀའ་ཚང་བ། གསུམ་པ་ཡང་ཏིའི་སྐོར་ལ་ཆོས་དབང་རིན་པོ་ཆེའི་ཡང་ཏི་སངས་རྒྱས་མཉམ་སྦྱོར། དུང་མཚོ་རས་པའི་ཡང་ཏི་གསེར་གྱི་འབྲུ་གཅིག །ཞར་བྱུང་གསང་སྔགས་ལམ་རིམ་དང་འཇམ་དཔལ་རྫོགས་ཆེན། ཐ་མར་དགེ་བ་ཕྱག་རྫོགས་ཟུང་འཇུག་ནོར་བུ་མཐོང་གྲོལ་བྲམ་པ་གྲུབ་ཆེན་ཀུན་

― LT38_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བཟང་པོའི་ཟབ་གཏེར་གྱི་ཁྲིད་བཅས་སོ། །དེ་དག་ལ་སོ་སོའི་གཞུང་དང་གསལ་བྱེད་ཀྱི་ཡིག་ཆ་ཁུངས་ཐུབ་གསར་རྙིང་གི་རིགས་འགོད་པར་འོས་པ་རྣམས་དང་། ཕལ་མོ་ཆེར་དབང་དང་ཆོག་བསྒྲིགས་ཀྱིས་མཚོན་གོ་སླ་ཁྱེར་བདེའི་ཡིག་ཆ་རང་ཉིད་ཀྱིས་ཞབས་ཏོག་ཏུ་སྤེལ་བ་སྟེ། ཞིབ་པར་རིན་ཆེན་གཏེར་མཛོད་ཀྱི་དབུར་བཞུགས་པའི་དཀར་ཆག་དངོས་གྲུབ་སྒོ་བརྒྱ་འབྱེད་པའི་ལྡེའུ་མིག་ཏུ་གསལ་བས་འདིར་ས་བཅད་ཙམ་ལས་མ་སྤྲོས་སོ། །ཐར་པའི་སྲོག་འཚོ་སྦྱིན་པའི་བདུད་རྩིའི་རྫིང་། །གྲུབ་གཉིས་འདོད་རྒུ་འཇོ་བའི་བཻ་ཌཱུརྻ། །སྒྲིབ་པའི་རི་འཇོམས་རྡོ་རྗེ་ཆེན་པོ་ནི། །གསང་མཆོག་དམ་པའི་ཆོས་མཚུངས་གཞར་ཡང་མེད། །རིན་ཆེན་བཀོད་པའི་སྙིང་པོའི་བཅུད་ཇི་སྲིད། །ཆུ་གཏེར་ཆེན་པོའི་འཇིང་རུམ་ཟད་མི་ཤེས། །རིན་ཆེན་གཏེར་གྱི་མཛོད་ཆེན་གནས་དེ་སྲིད། །སྔ་འགྱུར་ཆུ་ཀླུང་གཞན་ཕན་གསོས་སུ་འབབས། །དམ་ཆོས་ཚིག་གཅིག་ཐོས་པའི་རྣ་བའི་རིན། །གསེར་ཞིང་ནོར་བུས་བཀང་བས་གཞལ་བྱར་མིན། །ཆོས་མཆོག་གསང་མཐའི་རྒྱལ་སྲིད་རིན་ཆེན་ལ། །ཅི་དགར་སྤྱོད་རྣམས་ཆོས་ཀྱི་འཁོར་ལོས་སྒྱུར། །ལྷོ་རླུང་ཙནྡན་བསིལ་བའི་ངད་པ་དང་། །མཐོ་རིས་མཛེས་མའི་ལུས་འཇམ་རེག་པས་ཀྱང་། །ཞི་བསིལ་

― LT38_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ་སྦྱིན་ལ་ཆ་ཙམ་ཡང་། །མི་མཚོན་ཆགས་བྲལ་ལུང་གི་ཆོས་འདི་རྨད། །དྲུག་པ་ཐུགས་རྟེན་གྱི་དཀར་ཆག་བཤད་པ་ལ་གཉིས། ཆོས་སྐུའི་རྟེན་མཆོད་རྟེན་དང་། རྣལ་འབྱོར་སྒོམ་པའི་སྡེའོ། །དང་པོ་ནི། ཐུགས་རྟེན་གཙོ་བོ་དུས་འཁོར་ཡེ་ཤེས་མཆོད་རྟེན་ནི། རྒྱུད་དེ་ཉིད་ཀྱི་ཡེ་ཤེས་ལེའུ་ལས་གསལ་བར་གསུངས་པའི་ཆགས་ཚད་མཁས་པ་སྔ་ཕྱི་དག་གིས་གཏན་ལ་དབབ་པ་ཇི་ལྟ་བར་བཞེངས་སུ་གསོལ་བའི་ནང་གཞུག་ཡུངས་འབྲུ་ལྟ་བུའི་རིང་བསྲེལ། གཟུངས་ཆེན་སྡེ་ལྔ་དང་དུས་འཁོར་རྩ་སྔགས་སྙིང་པོའི་རིགས། སྦྱོར་དྲུག་བླ་བརྒྱུད་སོགས་ཆ་གྲངས། དཔལ་ལྡན་ཛཾ་ཐང་གི་རྟེན་ཁྲོད་ནས་བྱོན་པའི་འགྲོ་མགོན་ཆོས་རྒྱལ་འཕགས་པའི་ཚེམས་ཆེར་འཕེལ་བ་གཅིག །འཇམ་དབྱངས་བདུན་པ་ཐེག་ཆེན་ཆོས་རྗེ་ཀུན་དགའ་བཀྲ་ཤིས་ཀྱི་ཕྱག་མཐེབ་སེན་མོ་བུབ་ཚང་། བྱིན་སྐུ་ཁྱད་འཕགས་ཁ་ཤས། ཇོ་ཞལ་གྱི་བྱིན་རྟེན་རིགས་ཁྱད་པར་བཞུགས་ཤིང་། བུམ་སྒོར་ཐུབ་དབང་གྲོང་གཤེགས་མའི་སྐུ་བརྙན་སྟོད་ཧོར་ལི་མ་བྱོན་ལེགས་རྒྱལ་དབང་བཅུ་བཞི་པས་འདི་གའི་ནང་རྟེན་ཏུ་སྩལ་བ་ཉིད་བཞུགས་པའོ། །ལྷ་བབ་སོགས་མཆོད་རྟེན་ཆ་བརྒྱད་རེ་རེ་ལའང་གཟུངས་ཆེན་སྡེ་ལྔ་རྒྱས་བསྡུས་ཚར་གྲངས་མང་བ་

― LT38_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

རེས་གཙོས་རིང་བསྲེལ་རྣམ་བཞིས་ཕྱུར་བུར་བཀང་ཞིང་། མཆོད་རྟེན་དགུ་པོ་ཐམས་ཅད་ལ་སེང་ཁྲིའི་ནང་གཏེར་བུམ་ཚད་ལྡན་རེ། ཚད་མེད་ནང་དྲི་མེད་རྣམ་གཉིས་ཀྱི་དཀྱིལ་འཁོར་རས་བྲིས་ཁར་སྲོག་ཤིང་ཆོགས་བཙུགས་ཏེ། རྡོ་རྗེ་འཆང་པདྨ་ཉིན་བྱེད་དབང་པོའི་གདུང་རུས་གདུང་ཐལ་སྤུར་ཚྭ་གདུང་ཁྲུས་སོགས་བསྲེས་པའི་གཙུག་ཏོར་དྲི་མེད་ཀྱི་སཱཙྪ་བརྒྱ་དང་རྩ་བརྒྱད་རེ། འོད་ཟེར་དྲི་མེད་ཀྱི་སཱཙྪ་དགུ་བཅུ་རྩ་དགུ་རེ་སྤར་ཁོང་ཆུང་ངུ་ལ་སྔགས་ཆོག་གིས་བཏབ་ཅིང་སོ་སོའི་གཟུངས་ལྡན་ཆོ་གས་ལེགས་པར་བསྒྲུབས་པ་ཉིད་བཞུགས་སུ་གསོལ་བ་དང་། རག་གི་མཆོད་རྟེན་ཆ་བརྒྱད་ཆེ་ཆུང་ཆ་གཉིས་ལའང་སྲོག་ཤིང་དང་རིང་བསྲེལ་བཞི་ཚང་བར་བཞུགས་པའོ། །རྗེ་བླ་མ་ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོའི་བཀའ་ལུང་བཞིན་ཕྱི་རོལ་བྱང་ངོས་སུ་བཞེངས་པའི་རྣམ་རྒྱལ་མཆོད་རྟེན་ལའང་། ཐོག་མར་གཙུག་ཏོར་དྲི་མེད་ཀྱིས་སློང་བའི་ཆོ་ག་བགྱིས་ནས་རྨངས་བཏིང་བའི་ནང་དུ་གཏེར་བུམ་ཚད་ལྡན་ཏུ་བསྒྲུབས་པ་ཁ་ཤས་བཞག་སེང་ཁྲིའི་ནང་དུའང་གནོད་སྦྱིན་བང་མཛོད་ཀྱི་བཅའ་ཁ་ཚང་བར་འདུ་བགྱིས། ཚད་མེད་དང་བུམ་རྟེན་སྐོར་ལ། དྲི་མེད་རྣམ་གཉིས་ཀྱི་དཀྱིལ་འཁོར་རྡོ་ལ་བརྐོས་པའི་ཁར་སྟོད་སྨད་ཀྱི་

― LT38_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་དང་མཆོད་པའི་བྱེ་བྲག་སོགས་གཞུང་ལས་ཇི་སྐད་བཤད་པ་ལག་ལེན་ཚད་མའི་རྒྱུན་བཞིན་འདུ་བགྱིས་པའི་སྲོག་ཤིང་སོ་སོའི་ཆོ་ག་དངོས་སྟ་དབྱེ་བའི་ཉིན་གཉིས་པས་ལེགས་པར་བཙུགས། ཁྱབ་བདག་བླ་མ་རྡོ་རྗེ་འཆང་གི་གདུང་རུས་སོགས་བསྲེས་ནས་བྱིན་གྱིས་བརླབས་པའི་འདམ་པ་ལ་དྲི་མེད་རྣམ་གཉིས་ཀྱི་གཟུངས་རིང་ཐུང་ནང་གཞུག་ལྡན་པའི་སཱཙྪ་ཆེ་བ་གྲངས་གོང་གསལ་སྔགས་ཀྱི་ཆོ་ག་དང་ལྡན་པས་ལེགས་པར་བཏབ་ཅིང་སོ་སོའི་ཆོ་གས་ཚད་ལྡན་ཏུ་བསྒྲུབས་པ་རྣམས་བཞུགས་སུ་གསོལ། །གཞན་ཡང་བུམ་པའི་སྟོད་སྨད་ཀུན་ཏུ་རྒྱུ་བྱིན་རླབས་དང་སོ་སོའི་གཟུངས་ཀྱི་ནང་གཞུག་ཚད་ལྡན་བགྱིས་པའི་ཚེ་ལྷ་རྣམ་གསུམ་བརྒྱ་དང་བརྒྱད། རྡོར་སེམས་སྐུ་དང་མི་འཁྲུགས་པ་སྟོང་སྐུ་རེ། ཏོག་གི་ནང་དུ་བདུད་འདུལ་གཏེར་བྱོན་གཙོར་གྱུར་ཡུངས་ལྟ་བུའི་རིང་བསྲེལ་དངོས་བཅུ་ཕྲག་གཅིག །ཉི་ཟླའི་ནང་དུ་ལི་རྙིང་མ་ཉམས་པའི་ཐུབ་སྐུ་བྱིན་ཆེན་དང་བཀའ་གདམས་མཆོད་རྟེན་དེ་མཚུངས་གཅིག །རྒྱལ་དབང་བཅུ་གསུམ་པ་དང་ཆོས་རྒྱལ་བསྟན་པ་ཚེ་རིང་གི་ཕྱག་བཏབ་མདོ་རྒྱུད་ཀྱི་བྱིན་སྐུ་མང་པོ་སོགས་ཁྱད་པར་དུ་བཞུགས་ཤིང་། སྤྱིར་རྟེན་གཙོ་ལྷ་ཆེན་རྣམ་གསུམ་གྱི་སྐབས་སུ་སྨོས་པའི་བྱིན་རྟེན་དམ་རྫས་འབྲུ་སྨན་རིན་པོ་ཆེ་ས་

― LT38_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཆུ་སྣ་སོགས་དང་གཏེར་གསར་བྱིན་རྫས་ཚང་མ། གཟུངས་ཆེན་སྡེ་ལྔ་ཆ་གྲངས་མང་པོ་གཙོར་བྱས་གཟུངས་གཞུག་རྒྱས་བསྡུས་རིགས་ལྷ་ཆེན་གསུམ་ལྟར་གོ་རིམ་མ་ལོག་པར་བཞུགས་པ་དང་། གདུགས་དཀར། སོ་འབྲང་མ། གྲོང་ཁྱེར་སྒྲོལ་འཁོར། ཐོག་དང་ས་གཡོས་སྲུང་བའི་ཙཀྲ་སོགས་གསར་མའི་རིགས། དགོངས་འདུས་རྒྱུད་དགུ། སྙིང་ཐིག་འདས་རྗེས་དང་རྒྱུད་དྲུག་སངས་རྒྱས་སྲས་གཅིག་རིགས་མང་ངོ་། །ཡེ་འབར་རྩ་རྒྱུད། ཐུགས་རྗེ་ཆེན་པོ་དང་དགོངས་འདུས་ལུགས་སོགས་མཐོང་གྲོལ་རིགས། གཏེར་གསར་ཐུགས་སྒྲུབ་ལོངས་སྐུ་སེམས་ཉིད་ངལ་གསོའི་མཐོང་གྲོལ་ཙཀྲ། འོད་དཔག་མེད་པའི་ཞིང་བཀོད་ཀྱི་མདོ། མི་འཁྲུགས་པའི་ཞིང་བཀོད་ཀྱི་མདོ། སྨན་བླའི་མདོ་གཟུངས་ཆེ་ཆུང་། ཐར་པ་ཆེན་པོ་ཕྱོགས་སུ་རྒྱས་པའི་མདོ་སྡེ་ཆེ་ཆུང་། སངས་རྒྱས་ཀྱི་མཚན་ལྔ་སྟོང་ལྔ་བརྒྱ་པ། མེ་ཏོག་ཚོགས་ཀྱི་མདོ། ཡོངས་བསྔོ་འཁོར་ལོའི་མདོ། སྤང་སྐོང་ཕྱག་བརྒྱ་པ། ཤེར་ཕྱིན་སྡུད་པ་དང་ཤེར་སྙིང་། རྡོ་རྗེ་གཅོད་པ། དེ་བཞིན་གཤེགས་པའི་སྙིང་པོའི་མདོ། ཚེ་མདོ་དང་འཆི་མེད་རྔ་སྒྲ། འཇམ་དཔལ་མཚན་བརྗོད་སོགས་མདོ་རྒྱུད་ཀྱི་གླེགས་བམ་གཉིས་རྣམས་བཞུགས་ཤིང་། རབ་གནས་ཀྱི་རྗེས་ཐོབ་ཏུའང་

― LT38_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དགོངས་འདུས་དང་ཡེ་འབར་ལུགས་ཀྱི་མཐོང་གྲོལ་ཆོ་ག་གཏེར་གསར་ཐུགས་སྒྲུབ་ལོངས་སྐུའི་ལས་ཚོགས་རིན་འབྱུང་ཤཱཀྱ་སེང་གེའི་རིག་གྲོལ་གྱི་ཆོ་ག་སོགས་ཀྱང་སོ་སོའི་གཞུང་ལས་བཤད་པ་ལྟར་ལེགས་པར་བགྱིས་སོ། །གཉིས་པ་ནི། དཔལ་ཧེ་རུ་ཀའི་རྟེན་མཆོག་དང་ཟུང་དུ་འབྲེལ་བར་དེ་ཉིད་ཀྱི་ཡེ་ཤེས་ཕྱག་རྒྱ་སྒྲུབ་པའི་སྡེ་ཉུང་ཡང་དངོས་གཙང་བ་ཞིག་བྱུང་ན་སྙམ་པའི་རེ་འདུན་ཡིད་ལ་གཅགས་ཀྱང་། སྐུ་དང་གསུང་རྟེན་གཙོས་ཕྱི་ནང་གི་བཞེངས་བཀོད་རྣམས་ལ་ཡོད་དགུ་རྩལ་སྤྲུགས་ཀྱིས་ལྷ་བཟོ། བྲིས་མགར་ཤིང་མཁན་གྲོགས་ངན་པ་ཡན་ཆད་ལ་བཟའ་བཏུང་ཕོག་རྒྱུགས། དབུ་མཛད་ལ་ཞག་སུམ་ཁག་དང་འཕར་ཆ། གཞན་རྣམས་ལའང་བབ་འོས་དང་བསྟུན་པའི་བཞི་ཁག་ནས་བདུན་ཁག་གི་བར། འཛུགས་སྟོན་འཕར་སྟོན་གཟབ་སྟོན། རབ་གནས་ལེགས་འབུལ་སོགས་དང་རོལ་མོ་མཆོད་ཆ། ཐབ་ཆས་གྲལ་གདན་ཡན་ཆད་མི་མཁོ་བ་དང་ཉོ་བཙལ་མི་དགོས་པའང་གཅིག་ཀྱང་མེད་པ་ལྟ་བུས་དེ་དག་ལའང་སོ་སོའི་རིན་ཐང་ལ་དཔག་པའི་རིན་རྩ་བཅས་གང་ཐད་འབྱོར་ལྡན་རྣམས་ཀྱི་ལུགས་བཞིན་དུས་གཅིག་ལ་གཡེར་ཆེན་མ་བྱུང་ཡང་གང་འབྱོར་སེར་སྣས་མ་བཅིངས་ཤིང་ཕུག་བསྲིས་ཀྱི་

― LT38_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་ལུས་མེད་པར་འཕྲལ་བྱུང་འཕྲལ་དག་ཏུ་རྒྱུན་མི་འཆད་པར་བཏང་བཞིན་པའི་སྟབས་ཟང་ཟིང་འབྱོར་མཁོས་རྒྱ་མི་ཆེ་བས་སྤོབས་པའི་གཟེངས་ཆེས་ཞུམ་ནའང་། དཀོན་མཆོག་པ་འབབས་དངོས་པོས་ཐབས་མ་ཆགས་ཙམ་རིམ་པར་འབྱོར་བ་དང་། གཙོ་ཆེར་དབོན་སྤྲུལ་རིན་པོ་ཆེ་ཉིད་བསམས་བཞིན་སྐྱེ་བ་བཞེས་པའི་རྟགས་མ་འཁྲུལ་བས་བསྟན་དོན་སྤྱི་ལ་ཕྱོགས་ལྷུང་བྲལ་བའི་དགོངས་རྒྱ་མཁའ་ལྟར་ཡངས་ཤིང་ནམ་དུའང་མི་འགྱུར་བའི་སྟབས། ཁོ་བོ་ལའང་རྣམ་པ་ཀུན་ཏུ་བོང་བ་གསེར་དུ་གཟིགས་པའི་ཡང་ཁྲོད་འདི་གའི་རྟེན་བརྟེན་པ་མཐའ་དག་ལ་སྒོ་ཐམས་ཅད་ནས་བཀའ་དྲིན་ཐུགས་རྗེའི་གྲིབ་བསིལ་གཅིག་ཏུ་སྣུམ་པའི་མཐུ་ཁོ་ན་ལ་བརྟེན་བློ་གྲོས་ཀྱི་སྤོབས་པ་སྐྱེས་ཏེ། རྡོར་སློབ་བཅས་པའི་སྒྲུབ་པ་ལྔ། མགོན་ཁང་བླ་མ་གཅིག །ཞབས་འདེགས་པ་མ་ཆེན་ཤིང་པ་གཉིས་བཅས་དཔོན་སློབ་བརྒྱད་ལ་གདན་ས་ཆེན་པོ་ཉིད་ནམ་གནས་པར་འཚོ་ཆས་མཐུན་རྐྱེན་སྦྱོར་བའི་རྟེན། ཇ་ནས་ཀྱི་ཐེབས་སུ་གསེར་དངུལ་རྡེལ་ཚད་བཞི། གསོལ་མར་མཆོད་མེ་ཚེ་འབར་བཅས་ཀྱི་ཐེབས་འབྲི་མ་དྲུག་ཅུ་ཡར་བརྒལ་བླ་བྲང་གཞུང་དུ་ཕུལ་ཏེ། རབ་བྱུང་བཅུ་བཞི་པའི་གདོང་ངན་མེ་ཕོ་སྤྲེལ་གྱི་ལོ་ནས་བཟུང་། ཇི་སྲིད་བར་སྒྲུབ་ཐེབས་རེ་ལ་ལོ་གསུམ་ཕྱོགས་གསུམ་

― LT38_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་མཚམས་རྒྱ་སྒྲུབ་ཁང་འོག་མ་དང་མཉམ་བསྡམ་མཉམ་གྲོལ་སོགས་མགོ་ལུང་སྤྱི་བླ་བྲང་སྐུ་མཆེད་ནས་གནང་བའི། བཞུགས་མཁན་སྒྲུབ་པ་པོ་སྡོམ་པ་དང་དམ་ཚིག་ཡོད་པར་ངེས་ཤིང་དབྱར་གནས་ཀྱི་གྲལ་དུ་བཞུགས་ཏེ་ཐོས་བསམ་གྱི་གོ་མྱོང་ཅི་རིགས་ཡོད་པ་དང་ཁྱད་པར་དད་འདུན་ལྷག་བསམ་ལྡན་ཅིང་ཉམས་ལེན་ལ་བརྩོན་འགྲུས་ནུས་ངེས་ལས་འདོད་ཞུས་གང་བྱེད་མི་འཇོག་པ་དང་། བཞུགས་པར་ཉེ་བ་ན་ཉེར་མཁོའི་ཁྲིད་དཔེའི་རིགས་སོགས་འདིར་གང་མཁོ་ཚང་མ་སྤར་དུ་འཁོད་གྲུབ་པས་སོ་སོས་ཚག་དོན་གྲུབ་ནས། ཕྱག་སྐོར་སཱཙྪ་ཆུ་གཏོར་སོགས་སྒྲུབ་པའི་བར་ཆད་ཞི་ཞིང་སྒྲུབ་པ་མཐར་ཕྱིན་པའི་སྣ་སེལ་བསགས་སྦྱོང་གི་རིགས་གྲུབ་ནས། བསྒྲུབ་བྱའི་ཉམས་ལེན་སྐྱེས་བུ་གསུམ་གྱི་ལམ་གྱི་རིམ་པས་ཉམས་ལེན་གྱི་གཞི་བཟུང་། གསར་རྙིང་རྒྱུད་སྡེའི་བསྐྱེད་རྫོགས་རྣམས་ཀྱིས་སྒྲུབ་པའི་གཞུང་བསྲང་། བློ་སྦྱོང་དང་གཅོད་ཡུལ་སོགས་ཀྱི་ཉམས་ལེན་གྱི་ཟུར་བརྒྱན་ནས་བླ་མའི་མིང་ཐོགས་ཙམ་མ་ཡིན་པར་རབ་རང་རྒྱུད་སྨིན་ནས་གཞན་རྒྱུད་གྲོལ་བར་ནུས་པ། འབྲིང་བསྐྱེད་རྫོགས་ལ་རང་བློའི་གཏད་སོ་ཡོད་པ། ཐ་མའང་བློ་ཆོས་དང་འདྲེས་ནས་རང་གཞན་མི་བསླུ་བ་ཞིག་བྱ་དགོས་པའི་ཐོག་མར་བར་ཆད་

― LT38_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་འཇོམས་རྡོ་རྗེ་ཕུར་པའི་བསྙེན་པ་གསང་ཐིག་ཕྱག་རྒྱ་གཅིག་པ་ལྟར་ཞག་བདུན་ཕྲག་གཅིག་ཏུ་བཏང་། དེ་ནས་མཉམ་མེད་དྭགས་པོ་རིན་པོ་ཆེའི་གསུང་རབ་ཐར་པ་རིན་པོ་ཆེའི་རྒྱན་དང་། ཕྱག་ཆེན་ངེས་དོན་རྒྱ་མཚོའི་གཞུང་། ཇོ་ནང་རྗེ་བཙུན་ཆེན་པོའི་གསུང་དང་ལམ་རིམ་རྣམས་ལྟོ་སྦྱར་ཏེ་དལ་འབྱོར་རྙེད་དཀའ་སོགས་ཐུན་མོང་གི་སྔོན་འགྲོ་བཞི་རྒྱུད་ལ་འབྱོར་ངེས་བྱ། སྔར་མ་ཐོབ་པ་ཡིན་ན་བྱང་ཆུབ་སེམས་སྡོམ་ཡང་ཕོག་ལ་ཐུན་མིན་སྔོན་འགྲོ་བསགས་སྦྱོང་ཕྱག་དང་བཅས་འབུམ་ཐེར་ལྷག་རེ་གྲུབ་ནས། རྒྱུད་སྡེ་ལྔའི་དབང་ཆེན་སྔོན་ཏུ་འགྲོ་བའི་བདེ་མཆོག་ལྷ་ལྔ་སོགས་ཤངས་ལུགས་དབང་བཀའ་ཆེ་ཆུང་བྱིན་རླབས་ཀྱི་རིགས། བསྐྱེད་རྫོགས་སྨིན་ཁྲིད་སོ་སོ། རྒྱབ་བརྟེན་ཡིག་ཆ་རྣམས་ཀྱི་ལུང་བཅས་སྐབས་བསྟུན་རིམ་པར་བགྱིད་ཅིང་། ཉམས་ལེན་གྱི་སྒོ་ཐོག་མར་བསྐྱེད་རིམ་ལ། ཤངས་ལུགས་བདེ་མཆོག་ལྷ་ལྔ་བསྙེན་ཚད་ལྷག་ཙམ། རྒྱུད་སྡེ་ལྔ་གཙོ་བསྡུས་ཀྱི་ལུས་དཀྱིལ་སོ་སོར་འབུམ་ཐེར་རེ། སོ་སོའི་སྒྲུབ་མཆོད་ཁ་སྐོང་སྦྱིན་སྲེག་བཅས་གྲུབ་པ་དང་། རྫོགས་རིམ་ལ་དག་བྱེད་ཨའི་སྟོང་ར་ནས་བཟུང་། རྩ་བ་ནི་གུ་ཆོས་དྲུག །སྡོང་པོ་ཕྱག་རྒྱ་ཆེན་པོ། ཡལ་ག་ལམ་ཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར།

― LT38_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་འཆི་མེད་འཆུགས་མེད། སུ་ཁ་ཆོས་དྲུག །ལྷ་བཞི་དྲིལ་སྒྲུབ། བླ་མགོན་དབྱེར་མེད། ནི་དྷི་གཉིས་ཀྱི་ཚེ་སྒྲུབ་བདུན་ཕྲག་ཙམ་རེས་མཐའ་རྒྱས་སུ་བྱ། དེ་ནས་དབང་ཆེན་མཆོག་དབང་ཁྲིད་རྣམས་སྐབས་དང་བསྟུན་པའི་དུས་འཁོར་ལྷ་དགུའི་བསྙེན་ཚད་དང་། སྦྱིན་སྲེག །སྔོན་འགྲོ་འོས་འཚམས་བཏང་ནས། དབེན་གསུམ་ནས། རྡོ་རྗེའི་རྣལ་འབྱོར་ཡན་ལག་དྲུག་པའི་ཉམས་ལེན་ཟླ་བ་དྲུག་ཙམ་བསྐྱང་། དེ་འབྲེལ་རྡོ་རྗེ་གསུམ་གྱི་བསྙེན་སྒྲུབ་ཀྱང་ཁྲིད་རྒྱུན་དང་འབྲེལ་འཇོག་སྤེལ་ནས། སོ་སོའི་ཡིག་ཆའི་ལུང་བཀླག །དེ་ནས་བཀའ་གཏེར་ཟུང་འཇུག་རྡོར་སེམས་ཐུགས་ཀྱི་སྒྲུབ་པ་དང་། སོ་ལུགས་ཡང་དག་ཟླ་གམ་དགུ་མ་སོ་སོའི་དབང་ལུང་ཁྲིད་བཅས་བསྙེན་ཚད་སྒྲུབ་མཆོད་སྦྱིན་སྲེག་རྣམས་ལེགས་པར་བཏང་ནས་ཁ་སྐོང་སྲེག་བླུགས་བཅས་གྲུབ་མཚམས། ཀུན་མཁྱེན་དྲི་མེད་འོད་ཟེར་གྱི་དགོངས་བཅུད་བླ་མ་ཡང་ཏིག་ཡིད་བཞིན་ནོར་བུའི་སྔོན་འགྲོ་སེམས་སྦྱོང་བདུན་པོ་དང་། བསགས་སྦྱོང་རྣམས་ཞག་བདུན་ཕྲག་ལ་སོགས་པའི་གྲངས་བཅད་སྔོན་ཏུ་འགྲོ་བས། སྤྲོས་བཅས་སྤྲོས་མེད་ཤིན་ཏུ་རབ་ཏུ་སྤྲོས་མེད་ཀྱི་དབང་བཞི་སྨིན་ཁྲིད་སོ་སོའི་སྐབས་སྦྱར་དུ་བགྱིས་ཏེ། ཐུན་མིན་སྔོན་འགྲོ་

― LT38_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་ནན་ཏན་དང་། ཁྲེགས་ཆོད་ཐོད་རྒལ་ལ་ཉམས་ལེན་དངོས་གཞི། དེའི་སྐབས་སུ་སྦྱོར་བར་འོས་པའི་ཟུར་འདེབས་རྣམས་ཁྲིད་ཡིག་དྲི་མེད་ཞལ་ལུང་སོར་བཞག་ཉམས་ལེན་མཐར་ཕྱིན་པར་བགྱིས་ནས། རྒྱབ་བརྟེན་གཞུང་བོད་ཀྱི་ལུང་རྒྱུན་ཀྱང་སྤེལ། མཐར་དགེ་བའི་རྟེན་འབྲེལ་དུ་རྗེ་བཙུན་མ་ཡིད་བཞིན་འཁོར་ལོའི་བསྙེན་སྒྲུབ་ཞག་བདུན་སོགས་ཅི་འགྲུབ་བཅས་གྲོལ་རྗེས། སླར་སྔོན་སྲོལ་བཞིན་ཀུན་རིག། མི་འཁྲུགས་པ། གནམ་ཆོས་འོད་ཆོག་རྣམས་ཀྱི་བསྙེན་ཚད་སྦྱིན་སྲེག་བཅས་པའང་མུ་མཐུད་དུ་བཏང་དགོས་སོ། །ལོ་དུས་ཀྱི་འཕར་ཆའང་ཟླ་བཞིའི་དུས་ཆེན་ལ་ཚོགས་བསོགས་གསོ་སྦྱང་ཐར་པའི་ཐེམ་སྐས་རྒྱས་འདོན། ཆོ་འཕྲུལ་ཟླ་བའི་ཚེས་བཅུ་བཞི་ལ་རྗེ་བཙུན་མི་ལའི་སྐུ་མཆོད་རས་བུང་། བཅོ་ལྔར་མར་པའི་སྐུ་མཆོད་ཚོགས་འཁོར། དེའི་ཉེར་ལྔའི་དུས་མཆོད་སྐབས་རྗེ་བདུད་འདུལ་རྡོ་རྗེའི་དུས་ཆེན་ལ་སྐུ་བསྟོད་གསོལ་འདེབས། དཔོ་ཟླའི་ཚེས་གཉིས་ལ་གཏེར་ཆེན་རིན་པོ་ཆེའི་སྐུ་མཆོད་རིག་འཛིན་ཐུགས་ཐིག་དང་རྒྱུད་མཆོད། དེའི་ཉེར་ལྔར་དུས་མཆོད་དང་འབྲེལ་བར་ཆོས་ཀྱི་འབྱུང་གནས་དུས་ཆེན་ལ་སྐུ་བསྟོད་གསོལ་འདེབས། ཉེར་བརྒྱད་ལ་ཇོ་ནང་རྗེ་བཙུན་ཆེན་

― LT38_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་སྐུ་མཆོད་དང་འབྲེལ་བར་རྒྱུད་སྡེ་ལྔའི་སྒྲུབ་མཆོད་ཉིན་གསུམ། དུས་འཁོར་རྒྱུད་མཆོད། ས་ག་ཟླ་བའི་ཡར་ཚེས་ལ་ལྷ་བསངས་རྒྱབ་བརྡན། ཟླ་བ་དྲུག་པའི་ཚེས་བཅུ་བཞི་ལ་མཉམ་མེད་དྭགས་པོ་ལྷ་རྗེ་དང་ཀུན་མཁྱེན་རང་བྱུང་རྡོ་རྗེའི་སྐུ་མཆོད་བཀའ་བརྒྱུད་མགུར་མཚོ་དང་འབྲེལ་བའི་ཚོགས་མཆོད། ཟླ་བ་དགུ་པའི་ཚེས་བཅུ་བཞི་ལ་མཁས་གྲུབ་ཁྱུང་པོ་རྣལ་འབྱོར་གྱི་སྐུ་མཆོད་ཤངས་ལུགས་བླ་མཆོད། ཟླ་བ་བཅུ་གཅིག་པའི་མཇུག་ཏུ་མགོན་ཁང་གི་རྟག་གཏོར་བརྗེ་ཞིང་གསོལ་ཁ་ཉིན་གསུམ་ལྔ་གང་འགྲུབ། ཟླ་བ་བཅུ་གཉིས་པའི་ཚེས་བཅོ་བརྒྱད་ལ་ཀུན་མཁྱེན་དྲི་མེད་འོད་ཟེར་གྱི་སྐུ་མཆོད་དང་སྙིང་ཐིག་བླ་མཆོད། དེའི་ཚེས་ཉེར་ལྔ་ནས་ཡར་ཚེས་གཉིས་ཀྱི་ནང་མོ་བར་ཞག་བདུན་ལ་མྱུར་མཛད་ཡེ་ཤེས་མགོན་པོའི་གཏོར་སྒྲུབ་བསྙེན་རྒྱུན་བཅས་ཞག་བདུན་རྣམས་བསྒྲུབ་དགོས་པ་དང་། ཟླ་རེ་བཞིན་གྱི་དུས་མཆོད་ཚེས་བདུན་བྱུང་ངོ་ཅོག་ལ་ཁྱབ་བདག་བླ་མ་པདྨའི་མཚན་ཅན་གྱི་སྐུ་མཆོད་རྡོར་སེམས་ཆོ་ག །ཚེས་བརྒྱད་ལ་སྒྲོལ་མ་རྣལ་འབྱོར་མའི་སྒྲུབ་མཆོད་དམ་མཎྜལ་བཞི་ཆོག །ཚེས་བཅུ་ཐམས་ཅད་ལ་དགོངས་འདུས་ལས་བྱང་མེ་ཕྲེང་གི་ཚོགས་སྐོང་དང་བི་མ་ལའི་བླ་སྒྲུབ། པདྨའི་སྙིང་པོའི་རྒྱུད་བཀླག །འབུམ་འགྱུར་ཚེས་བཅུ་ལ་དམིགས་བསལ་དཀོན་མཆོག་སྤྱི་འདུས་ཚོགས་བརྒྱ། ཟླ་བ་ལྔ་པའི་ཚེས་བཅུ།

― LT38_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཆོས་དབང་བླ་མ་གསང་འདུས་བཏང་། བཅོ་ལྔར་དུས་འཁོར་མཆོད་ཆོག །ཉེར་ལྔར་ཤངས་ལུགས་བདེ་མཆོག་ལྷ་ལྔ་དང་མཁའ་སྤྱོད་དཀར་དམར་རེས་མོས་ཀྱི་སྒྲུབ་མཆོད། ཉེ་དགུར་གསར་རྙིང་གི་སྐོང་གསོལ་འཕར་མ། གནམ་གང་ཡང་དག་སྒྲུབ་མཆོད་དང་སེམས་སྡེའི་ཀུན་བཟང་དོན་ཕྲིན་རྒྱུད་ཆོག་དང་ལྡན་པས་གསང་བ་སྙིང་པོའི་རྒྱུད་བཀླག །སྨོན་ལམ་རྣམ་ལྔ་ཀུན་བཟང་སྨོན་ལམ་སོགས་དེ་དག་ལ་ཆ་བསྒོ་ནས་ཟླ་རེའི་ཁོངས་སུ་ཚར་རེ་འགྲོ་བར་བྱ། ཡར་མར་གྱི་གསོ་སྦྱོང་ཡང་རྣམ་ཀུན་མ་ཆག་པ་དང་ཀུན་སྤྱོད་ཚུལ་ལྡན་གྱི་སྒོ་ནས་བྱ་དགོས་པ་དང་། ཉིན་རེའི་རྒྱུན་གྱི་རྣལ་འབྱོར་ལ། སྔོན་འགྲོ། ཤངས་ཆོས། སྦྱོར་དྲུག །རྫོགས་ཆེན་བཞི་པོ་སོ་སོའི་ཉམས་ལེན་གྱི་སྐབས་དང་མཐུན་པར་ཐུན་བཞིའི་རྣལ་འབྱོར་ལ་བརྟེན་ནས་དགེ་སྦྱོར་སྲང་དུ་གཞུག་དགོས་ཤིང་། སྤྱིར་བཏང་སྔགས་བླ་མེད་ཀྱི་རྣལ་འབྱོར་པ་ཡིན་པ་དང་། འདི་ཕྱིའི་རེ་ས་སྙིགས་འགྲོའི་སྐྱབས་གཅིག་སངས་རྒྱས་གཉིས་པ་པདྨཱ་ཀ་ར་ཡིན་པ་གཞིར་བྱས་ནས། ཐོ་རངས་ལྡངས་པའི་རྣལ་འབྱོར་གྱིས་ལྡངས་ཏེ་རླུང་རོ་བསལ། ཤེས་པ་རྣལ་དུ་དབབ། རྩ་བའི་ཡི་དམ་གྱི་ང་རྒྱལ་གྱིས་བདུད་རྩི་མྱང་། ངག་བྱིན་གྱིས་བརླབས། རྟེན་བསྐྱེད་སྔོན་ཏུ་འགྲོ་བའི་གསོལ་འདེབས་ལེའུ་བདུན་མ་ལས་བླ་མ་སྐུ་གསུམ་དང་ཉི་མ་ལྷོ་ནུབ་མ། སྒྲོལ་དཀར་སྒོམ་བཟླས་

― LT38_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱུག་ཙམ་བཏང་སྟེ། ཕྱག་ཆེན་སྔོན་འགྲོ་དང་གཏུམ་མོའི་རྣལ་འབྱོར་སོགས་སོ་སོའི་སྐབས་ཀྱི་དགེ་སྦྱོར་དངོས་གཞི་ལ་འཇུག །ནམ་ལངས་གསང་ཐིག་རྡོར་སེམས་ཕྱག་རྒྱ་གཅིག་པའི་སྒོམ་བཟླས་དབང་ལེན། གྲུབ་ན་ཚེ་སྒྲུབ་སྒོམ་བཟླས་ཀྱང་སྦྱར་ལ་ཆབ་གཏོར་འབྲིང་བསྡུས་གང་རུང་བཏང་། ཐུན་གྲོལ་ནས་དཔལ་ཆེན་ལྷ་ཁང་དུ་སྤྲོས་བྲལ་བདེ་ཆེན་མའི་གསོལ་འདེབས་དང་བླ་མ་སངས་རྒྱས་རྗེས་དྲན་ཞར་བྱུང་ངེས་དོན་སྙིང་པོའི་ལྟ་བ་བསྐྱང་བ་བྱང་ཆུབ་ལྟུང་བཤགས་དང་སྤྱི་བཤགས་སྔོན་ཏུ་འགྲོ་བའི། ཞི་གནས་གསོ་སྦྱོང་། བྱང་སྡོམ་ལེན་པ། སྔགས་ཀྱི་སྡོམ་བཟུང་བཅས་ཀྱི་ཞར་བྱུང་ཚོགས་བསགས་སྙིང་པོ་བསྡུས་པ་ཐར་པའི་ཐེམ་སྐས་ལྟར་བྱ། དེ་ནས་ཞོག་ཐུན་དགེ་སྦྱོར་སོ་སོའི་སྐབས་བསྟུན་བྱ། ཉིན་གུང་དཀོན་མཆོག་རྗེས་དྲན་སྔོན་ཏུ་འགྲོ་བའི་ཕུད་མཆོད་སོགས་གཙང་སྦྲ་ཕྱེད་པར་བྱ་ཞིང་། གུང་ཚིགས་ཟས་ཀྱི་རྣལ་འབྱོར་ལ་གྲོལ་ཐིག་དང་ཀུན་མཁྱེན་དྲི་མེད་འོད་ཟེར་གྱི་གསུང་ལྟོ་སྦྱར་བའི་ནང་གི་ཚོགས་འཁོར་གྱིས་ལོངས་སྤྱད་ནས། མཐར་མདོ་བསྔོ་དང་གསོལ་འདེབས་བསམ་པ་ལྷུན་གྲུབ་བར་ཆད་ལམ་སེལ། གཞན་ཡང་འཇམ་དཔལ་མཚན་བརྗོད་གཙོར་གྱུར་མདོ་རྒྱུད་བཀླག་པའམ། བསྙེན་སྒྲུབ་རྣམས་ཀྱི་སྐབས་སུ་སྔགས་ཤུབ་བུར་བཟླས་པའི་རྒྱུན་མི་འཆད་པ་

― LT38_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། གཏུམ་མོ་སྒྱུ་ལུས་ཕྱག་རྫོགས་སོགས་རྫོགས་རིམ་སོ་སོའི་སྐབས་སྦྱར་ཏིང་ངེ་འཛིན་གྱི་དྲན་འདུན་རྒྱུན་ཆགས་པས་དོན་མེད་ལོངས་གཏམ་སོགས་རྣམ་གཡེང་གི་རིགས་ཀྱང་སྟེ་སྒོ་གསུམ་སྙོམས་ལས་སུ་མ་ཤོར་བར་བྱ། ཕྱི་ཐུན་གྱི་ཐོག་མར་གསང་ཐིག་ཡང་དག་ཕྱག་རྒྱ་གཅིག་པའི་སྒོམ་བཟླས་གཏོར་འབུལ་དབང་ལེན་བཅས་ཁྱུག་ཙམ་བྱེད་ནས་སོ་སོའི་ཐུན་ལ་འཇུག །ཐུན་གྲོལ་བ་ན་མགོན་ཁང་དུ་རྒྱུད་སྡེ་ལྔའི་ལུས་དཀྱིལ་གྱི་བདག་གི་རྣལ་འབྱོར་སྔོན་ཏུ་འགྲོ་བས། མྱུར་མཛད་ཡེ་ཤེས་མགོན་པོའི་གཏོར་ཆོག །བླ་མགོན་དབྱེར་མེད། དམ་ཚིག་གྲིབ་སེལ། མཁའ་འགྲོ་དབང་སྡུད་དང་བཅས་པའི་བསྙེན་བཟླས་གཏོར་འབུལ། རྡོ་རྗེ་བེར་ཅན་ལྕམ་དྲལ་བདག་སྒོམ་འཁོར་ལྔའི་གཏོར་འབུལ་དང་བཅས་པ་མདོར་བསྡུས། དམ་ཅན་སྤྱི་གཏོར་གྱིས་ཁོག་དབུབ་པའི་སྔགས་ཀྱི་སྲུང་མ་གཙོར་གྱུར་རྙིང་ལུགས་བཀའ་གཏེར་གསར་རྙིང་གི་རྡོ་རྗེའི་ཆོས་སྲུང་རྣམས་ལ་གཏོར་མ་འབུལ། མཐར་ཤེར་སྙིང་བདུད་ཟློག །ཡང་ཟློག །སེང་གདོང་མ། ལོག་ཏྲི་སོགས་ཀྱི་ཟློག་པ་དང་དགེ་རྩ་བྱང་ཆུབ་ཏུ་བསྔོ་བས་རྒྱས་གདབ། དགོངས་ཐུན་གྱི་ཐོག་མར་མེ་བསུར་བསྡུས་པ་རེ་དང་རྟེན་བསྐྱེད་བཅས་ལྷོ་ནུབ་རྔ་ཡབ་མའི་གསོལ་འདེབས་དབང་ལེན་བཅས་བྱས་ཏེ་སོ་སོའི་

― LT38_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

།ཐུན་ལ་འཇུག །སྲོད་ཀྱི་ཆར་གསང་ཐིག་རྡོ་རྗེ་ཕུར་པའི་བཟླས་སྒོམ་གཏོར་འབུལ་དང་བཅས་པ། གྲུབ་ན་དབང་ལེན་ཀྱང་བྱ། རྟེན་བསྐྱེད་བཅས་སངས་རྒྱས་བསྟན་པ་དང་ནུབ་ཕྱོགས་བདེ་ཆེན་མའི་གསོལ་འདེབས་དབང་ལེན་བཅས་ཀྱི་མཇུག་ཏུ་ལུས་མཆོད་སྦྱིན་མདོར་བསྡུས་བྱ། སོ་སོའི་སྐབས་སྦྱར་གྱི་ཉལ་བའི་རྣལ་འབྱོར་དང་སྤྱི་ལ་འོད་དཔག་མེད་ཀྱི་ཉལ་འཕོའི་ཏིང་འཛིན་དང་ལྡན་པས་གཉིད་ལམ་དུ་བསྒྱུར་ཅིང་། སླར་ཐོ་རངས་ལྡངས་པའི་རྣལ་འབྱོར་ལ་འཇུག་པ་སོགས་མདོར་ན་སྒྲུབ་གྲལ་འདིར་ཞུགས་ཕྱིན་ཆད་དེ་ནས་བརྩམས་ཇི་སྲིད་འཚོའི་བར་དགེ་སྦྱོར་སྲང་དུ་གཞུག་པའི་ཁྲིགས་ཆགས་འདི་ཉིད་ལས་མི་འདའ་བར། གཙོ་བོར་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་མ་སྐྱེས་པ་བསྐྱེད་པ་དང་། སྐྱེས་པ་གོང་ནས་གོང་དུ་སྤེལ་བས་རྣལ་འབྱོར་དབང་ཕྱུག་ཆེན་པོའི་མིང་དོན་ལྡན་པར་བྱ་བ་ཡིན་ནོ། །མགོན་ཁང་བླ་མས་ཨོ་རྒྱན་ལས་འཕྲོ་གླིང་པའི་ཟབ་ཆོས་བླ་མ་དཀོན་མཆོག་སྤྱི་འདུས་ཀྱི་སྔོན་འགྲོ་བཞི་སྦྱོར་སངས་གླིང་ཡང་གཏེར། ཁྲིད་ཆེན་གུ་རུའི་དགོངས་རྒྱན། བསྙེན་ཡིག་པདྨའི་ཞལ་ལུང་། རྫོགས་རིམ་ཁྲིད་ཁམས་གསུམ་ཡོངས་གྲོལ་རྣམས་སུ་མཐར་ཆགས་སུ་ཉམས་སུ་བླངས་དགོས་པས། ཐོག་མར་བྱིན་རླབས་བླ་མའི་རྣལ་འབྱོར་

― LT38_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་གསུམ་སོགས་སྔོན་ཏུ་འགྲོ་བའི་ཐུན་མོང་བློ་ལྡོག་རྣམ་བཞི་རྒྱུད་ལ་འགྲེ་ངེས་དང་། ཐུན་མིན་བསགས་སྦྱོང་གསོལ་འདེབས་སོགས་སོ་སོ་ནས་འབུམ་ཐེར་འགྲོ་ངེས་བྱ། དབང་བསྐུར་བྱིན་རླབས་ཚང་བར་ནོང་དེ། དངོས་གཞི་ཕྱི་སྒྲུབ་ནང་སྒྲུབ་ཞི་བ། གསང་སྒྲུབ་དྲག་པོ། ཡང་གསང་མཁའ་འགྲོ། ཕྲིན་ལས་བཞི་དང་མཐའ་རྒྱས་ཚེ་སྒྲུབ་བཅས་བསྙེན་ཡིག་ལས་བཤད་ཚོད་དང་མཐུན་པ་སོང་ནས། ཡོ་ག་གསུམ་གྱི་རྫོགས་རིམ་ཆ་ལག་འཕོ་བ་དང་བཅས་པ་སོ་སོར་རྟགས་ཐོན་ཏུ་སྦྱངས། ལོ་ཕྱི་མ་ཙམ་དུ་དབང་ཁྲིད་ཞུས་ནས་ལས་བྱང་བདེ་བ་ཆེན་པོའི་རྣམ་རོལ་ལ་གཞི་བྱས། ལོ་ཆེན་བསྙེན་ཡིག་གིས་ཁོག་དབུབ། གསལ་བྱེད་ཏི་ལ་མར་སྒྲོན་མེ་ལག་ལེན་ཏུ་བསྟར་ནས་བཀའ་བརྒྱད་བདེ་གཤེགས་འདུས་པའི་བསྙེན་ཆེན་ལོ་གཅིག་ཚུན། ཟླ་བ་དྲུག་ཕན་ཆད་བཟླས་གྲངས་དང་བསྟུན་གང་འོས་བྱ། སྒྲུབ་བར་དུ་གཏེར་གསར་འཇམ་དཔལ་གཤིན་རྗེ་གཤེད་ཚེ་བདག་ནག་པོ་དང་། གཏེར་ཁ་གསར་རྙིང་གང་རུང་གི་རྟ་མགྲིན་ཕུར་པའི་སྒོས་བསྙེན་ཀྱང་གང་འགྲུབ་བྱ་དགོས། ལོ་ཟླའི་དུས་མཆོད་རིགས་སྒྲུབ་པ་སྤྱིའི་གྲལ་དུ་ཞུགས་དགོས་ཤིང་། ཉིན་རེའི་འདོན་སྒོམ་ཡང་ཉལ་ལྡངས་ཀྱི་རྣལ་འབྱོར་དང་། གསང་ཐིག་སྐོར་གསུམ། གསོལ་འདེབས་ལེའུ་བདུན་མ། བསུར་

― LT38_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་སྦྱིན་སོགས་སྤྱི་དེ་དང་འདྲ་བ་ལས། ཁྱད་པར་ཐོ་རངས་ཐུན་ལ་བླ་མ་ཞི་བ་ཚེ་སྒྲུབ་བཅས་ནམ་ལངས་རི་བོ་བསངས་མཆོད་དང་དགེ་ལེགས་སྤྲིན་ཕུང་ལྟ་བུའི་ལྷ་བསངས་ཉུང་ངུ། ཕྱི་ཐུན་མཇུག་ཏུ་སེར་པོ་སྐོར་གསུམ་དང་ལྷ་མོ་དཔལ་གྱི་གཏོར་འབུལ། གཏེར་གསར་ཕྱག་དྲུག་པ་དང་ཚེ་རིང་མའི་ཕྲིན་ལས་གསོལ་མཆོད། སྲོད་ཐུན་མཇུག་ཏུ་དྲག་སེང་དང་དཀོན་སྤྱིའི་ཚོགས་སྐོང་ཆགས་མེད་དུ་བྱ། དུས་གཉན་ཐམས་ཅད་ལ་གཏེར་གསར་སོགས་འཕར་ཆ་ཁ་ཤས་ཀྱང་བཅའ་ཡིག་ལྟར་བྱ་བ་དང་། ལོ་བསྟར་ཟླ་བ་བཞི་པའི་ནང་ཀླུ་ཐེབས་ཡོད་སྐབས་ཉིན་གཉིས་ལ་ཀླུ་རྟེན་གསོ། ཟླ་བ་ལྔ་པའི་ཡར་ཚེས་བཅུ་དང་བཅུ་གཅིག་གཏེར་ཆེན་རིན་པོ་ཆེས་གསང་ཐིག་སྐོར་གསུམ་སོགས་སྤྱན་དྲངས་པའི་དུས་མཆོད་ལ་སློབ་དཔོན་རྣམ་གསུམ་སོགས་ཀྱི་སྒྲུབ་ཕུག་གོང་འོག་རྣམས་སུ་གཏེར་གསར་ཐུགས་སྒྲུབ་དང་བི་མའི་བླ་སྒྲུབ་ཤེལ་ཕུག་བཀའ་བརྒྱད་རྣམས་ཀྱི་ཚོགས་བརྒྱ་ཉིན་གཉིས་སུ་བསྒྲུབ་པ་ལ་མགོན་བླ་རྩ་བ་དང་། ཞབས་བརྟན་སྒྲུབ་བླ་གཉིས་རེས་མོས་ཀྱིས་བྱོན་པ་ཡིན་ཅིང་། དེ་ལྟ་བུའི་ཚོགས་བསགས་བཟླས་བསྒོམ་གྱི་རྣལ་འབྱོར་སྒྲུབ་པ་སྔ་མ་རྣམས་ཀྱིས་གྲུབ་ནས་ལོ་གྲངས་ཐེམས་ཏེ་གྲོལ་བའི་རྗེས་ཐོག་ཡུན་མི་རིང་བར་ཕྱི་མ་རྣམས་སླར་བཞུགས་ནས་ཆུ་བོ་རྒྱུན་གྱི་རྣལ་འབྱོར་ལ་བརྩོན་པ་སྟེ། འདིའི་

― LT38_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་སྤྱོད་བཅའ་ཁྲིམས་ཞིབ་པར་བཅའ་ཡིག་བླང་དོར་རབ་གསལ་ཕན་བདེའི་འབྱུང་གནས་སུ་གསལ་བ་ཡིན་ནོ། །དེའང་ལོ་གསུམ་ཕྱོགས་གསུམ་གྱི་ཚེ་ལུགས་སྲོལ་གང་ཡིན་པ་གཅིག་གི་བསྐྱེད་རྫོགས་ཁོ་ན་ལ་བརྩོན་འགྲུས་བརྩམས་ན་གནད་དུ་ཁེལ་བ་ལ་ཟབ་པ་ལྟར་སྣང་ཞིང་། འདོན་ཟློས་ཀྱི་སྤྲོས་པ་ཧ་ཅང་མ་མང་ན་དབང་བརྟུལ་བརྩོན་དམན་རིགས་ལ་ཚེགས་ཆུང་བས་སྟབས་བདེ་བ་ལྟར་སྣང་ཡང་། སྐྱེས་མཆོག་སྔོན་སྦྱངས་ཅན་ཁ་ཅིག་ཡུན་རིང་ཐུང་དང་སྦྱང་རྩོལ་ཆེ་ཆུང་ལ་མ་ལྟོས་པར་ཀུན་རྫོབ་དོན་དམ་གྱི་བྱང་སེམས་རིམ་པ་གཉིས་ཀྱི་ཏིང་ངེ་འཛིན་རྩལ་རྫོགས་པའི་ནང་རྟགས་ཕྱིར་ཤར་ཏེ་མཁྱེན་བརྩེ་ནུས་པ་ཤུགས་འབྱུང་མ་སྦས་གསལ་བར་སྣང་བའི་འགྲན་ཟླ་ནི་སོ་སྐྱེ་རང་རྒྱུད་པས་མི་འོང་། གང་ཟག་སྤྱི་ཙམ་ཏུ་དེང་སང་དུས་ཀྱི་དབང་གིས་མི་ཚེ་རིལ་པོར་སྒོམ་ལོ་དང་འདོན་ལོ་བགྱིས་ནས་རྟོགས་ལྡན་དང་གྲུབ་ཐོབ་ཀྱི་མཚན་ཐོགས་པ་ཀུན་ཀྱང་། བློ་ལྡོག་རྣམ་བཞི་ཙམ་ཡང་རྒྱུད་ལ་ཇི་བཞིན་པར་མ་འབྱོར་བས་གཙོ་བོར་ཚེ་འདི་དོན་ཏུ་གཉེར་བ་ཤས་ཆེ་ཞིང་། དེ་ལྟ་བུ་ལ་རིམ་གཉིས་ཀྱི་མངོན་རྟོགས་བཤད་ཚོད་རྒྱུད་ལ་སྐྱེ་བ་ནི་ཤིན་ཏུ་དཀོན། གལ་ཏེ་ཕྱོགས་འགོ་ཙམ་སྐྱེས་ཀྱང་ཡོན་ཏན་ཡར་འཕེལ་གྱི་བོགས་ཐོན་པ་ནི་མི་སྲིད་པ་ལྟ་བུར་སྣང་བ་དང་། སྤྱིར་སྤྲོས་མེད་སེམས་ཕྱོགས་ཀྱི་ཉམས་ལེན་

― LT38_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ་ལའང་ངོ་ཤེས། བོགས་ཐོན། བརྟན་པ་ཐོབ། རྩལ་རྫོགས་པ་བཞི་མ་ཚང་ན་དགོས་དོན་མི་འགྲུབ་པ་ལ་དེང་སང་ངོ་འལ་འོལ་ཤེས་པ་ཙམ་གྱི་ཐོག་ཏུ་ལུས་པས་དགོས་དུས་ཉམས་ལེན་གྱིས་མི་སླེབ་པར་མོ་གཏོ་ཡན་ལ་སྐྱབས་བཅོལ་དགོས་པས་མཚོན་ལོ་གྲངས་སུ་སྣེ་གཅིག་ལ་ཕུར་ཚུགས་བགྱིས་རུང་རིམ་གྱིས་སྙིང་རུས་ཀྱིས་མ་ལྕོགས་པར་སྒོམ་དང་མཁོན་གྱེས་སུ་སོང་ནས་མཐར་འདི་བྱས་གང་ཡང་མེད་པའི་རྣམ་གཡེང་ངན་ལོང་གིས་རྒྱུད་ཧྲིལ་གྱིས་བསླད་དེ་ཏིང་ངེ་འཛིན་གྱི་མྱོང་བ་ལྟ་ཅི། ཐོག་མར་སྒྲུབ་པ་ལ་ཞུགས་ཀའི་དང་འདུན་རྩོལ་བ་དེ་ཙམ་ཡང་འཆོར་ནས་སྐྱེ་བོ་རྣམས་ཀྱི་མཐུན་སྣང་དུའང་ང་རྒྱལ་དང་གཟེ་རེ་ཆེ། ཞེན་ལོག་དང་དག་སྣང་ཆུང་ངུ་སོང་བ་ཞིག་ལས་འབྱུང་བར་དཀའ་བ་སྣང་བ་དང་། བསྟན་འཛིན་སྐྱེས་མཆོག་ཁྱད་པར་ཅན་རྣམས་ཀྱང་མཚུངས་པར་རང་ལུགས་ཁོ་ནར་ཐོས་སྒོམ་འཆད་སྤེལ་རྩལ་འདོན་ལས་ལུགས་སྲོལ་གཞན་པའི་ཐོས་པ་མི་ཚོལ་ཞིང་ཅུང་ཟད་ཚོལ་ཡང་ཕྲིན་ལས་ཀྱི་རྒྱུན་སྤེལ་བར་མི་མཛད་པས་རང་ལུགས་དར་རྒྱས་སུ་བཞུགས་པ་རྣམས་ནི་ལོ་ལེགས་པའི་སྙི་མ་ལྟར་རྒྱས་ཀྱང་སྒྲུབ་བརྒྱུད་ཁྱད་པར་དུ་འཕགས་པ་ཁ་ཅིག་དབྱིངས་སུ་ཐིམ་པར་ཉེ་བ་དང་། སྒྲུབ་བརྒྱུད་རིན་པོ་ཆེ་ཀརྨ་ཀཾ་ཚང་གི་ཕྱོགས་འདིར་གྲུབ་པའི་དབང་ཕྱུག་ཀརྨ་པཀྴིི་དང་ཀུན་མཁྱེན་

― LT38_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བྱུང་ཞབས་ཀྱིས་དྭགས་བརྒྱུད་དང་སྔ་འགྱུར་གྱི་ཆུ་བོ་གཅིག་ཏུ་བསྲེ་བར་མཛད། ཁྱད་པར་རང་བྱུང་ཞབས་ཉིད་བི་མ་ལས་རྗེས་སུ་བཟུང་སྟེ་ཀརྨ་སྙིང་ཐིག་གི་ཤིང་རྟའི་སྲོལ་ཕྱེས་པའི་རྒྱུན་དེང་སང་ཡང་བཞུགས་པ་དང་། རང་ལུགས་ཀྱི་གཏེར་ཆེན་རྩོད་བྲལ་སངས་རྒྱས་གླིང་པ། ཆོས་རྒྱལ་རིན་ཆེན་ཕུན་ཚོགས། འཇའ་ཚོན་སྙིང་པོ། ཆོས་རྗེ་གླིང་པ། གནམ་ཆོས་དང་ཡོན་དགེ་མི་འགྱུར་རྡོ་རྗེ། རོལ་པའི་རྡོ་རྗེ། རྡོ་རྗེ་དྲག་པོ། མཆོག་གྱུར་བདེ་ཆེན་གླིང་པ་སོགས་ཀྱི་གཏེར་ཆོས་དང་ལུགས་སྲོལ་རིམ་འདྲས་སུ་གྱུར་པ་དང་། ཆོས་རྒྱལ་རཏྣ་གླིང་པ། ཞིག་པོ་གླིང་པ། སྟག་ཤམ་བསམ་གཏན་གླིང་པས་མཚོན་གཏེར་ཆེན་ཕལ་མོ་ཆེའི་ཆོས་བདག་ཀྱང་རྒྱལ་བ་ཡབ་སྲས་རྣམས་སུ་གྱུར་པས་དེ་དག་གི་གཏེར་ཆོས་རྣམས་ཀྱང་ཉམས་ལེན་གྱི་སྲོལ་འཇགས་པ་དང་། ལྷག་པར་སྤྱན་རས་གཟིགས་དབང་ཆགས་མེད་ཞབས་ཀྱིས་ཀར་རྙིང་ཟུང་འཇུག་གི་རིང་སྲོལ་ཁོ་ན་རྩལ་འདོན་མཛད་ཅིང་། ཕྱིས་སུ་བྱམས་མགོན་ཀུན་མཁྱེན་བསྟན་པའི་ཉིན་བྱེད་སྐུ་གོང་འོག །རྒྱལ་དབང་བཅུ་བཞི་པ་རྣམས་ཀྱིས་དེ་ལས་ཀྱང་ཟབ་པ་རྒྱ་ཆེ་བར་སྤེལ་ཏེ་ད་ལྟའི་བར་ཀར་རྙིང་ལྟ་སྤྱོད་སྒོམ་པ་ཟུང་དུ་འབྲེལ་བའི་རྒྱུན་མ་ཉམས་པ་དང་། མཉམ་མེད་དྭགས་པོ་ལྷ་རྗེ་ཐོག་མར་བཀའ་གདམས་པ་

― LT38_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པས་ད་ལྟའི་བར་བཀའ་གདམས་པའི་སྐྱེས་བུ་གསུམ་གྱི་ལམ་རིམ་གྱིས་སྒོམ་གྱི་རྩ་བ་བཙུགས་དགོས་པ་དང་། རྒྱལ་བ་གཉིས་པ་རང་བྱུང་ཞབས་ལ་སྦྱོར་དྲུག་ཞི་བྱེད་གཅོད་ཡུལ་སོགས་ཀྱི་བཀའ་བབས་པས་དེང་སང་གི་བར་དུའང་ཀར་གཅོད་ཅེས་ལུགས་སྲོལ་ཁྱད་པར་ཅན་གྱི་རྒྱུན་མ་ཉམས་ཤིང་། ཞི་བྱེད་ལ་ཟུར་མང་དྲུང་ཆེན་ཀུན་དགའ་རྣམ་རྒྱལ་དང་། སྦྱོར་དྲུག་ལ་ཐམས་ཅད་མཁྱེན་པ་ཆོས་ཀྱི་འབྱུང་གནས་སོགས་ཀྱིས་རྩལ་འདོན་མཛད་པ་དང་། རྗེ་བཞི་པ་ཛམ་གླིང་རོལ་པའི་རྡོ་རྗེས་ཤངས་ཆོས་ཐུགས་དམ་དང་འཆད་སྤེལ་གྱི་སྙིང་པོར་མཛད་པ་ནས་བཟུང་ཕྱིས་ཀྱི་བར་དུ་ཐམས་ཅད་མཁྱེན་པ་ན་རིམ་གྱིས་དྭགས་ཤངས་བཀའ་བརྒྱུད་བསྐྱངས་མཉམ་དུ་མཛད་པའི་མགོན་པོའི་རྒྱུན་ཙམ་ད་དུང་ཡང་མ་ཆད་པ་དང་། རྡོ་རྗེ་གསུམ་གྱི་བསྙེན་སྒྲུབ་རང་ལུགས་གསེར་ཕྲེང་དུ་བཞུགས་པའི་གྲུབ་ཆེན་ཨོ་རྒྱན་པའི་སྒེར་ཆོས་ཡིན་པ་དང་། ཆོས་རྗེ་རང་བྱུང་ཞབས་དང་རྗེ་བདུན་པ། རྟོགས་ལྡན་མཁའ་སྤྱོད་དབང་པོ། སོག་དབོན་རིག་པའི་རལ་གྲི། གོ་ཤྲཱི་དཔལ་འབྱོར་དོན་གྲུབ། ཀརྨ་ཕྲིན་ལས་པ། དཔལ་ཆེན་ཆོས་ཀྱི་དོན་གྲུབ། ཀུན་མཁྱེན་ཆོས་ཀྱི་འབྱུང་གནས་སོགས་ཀྱིས་བོད་ཡུལ་དུ་བཞུགས་སོ་འཚལ་གྱི་ཆོས་ཚུལ་ཇི་སྙེད་ཅིག་གསན་

― LT38_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་མཛད་པ་ཙམ་དུ་མ་ཟད། རང་ལུགས་གཙོར་བཏོན། བཤད་སྒྲུབ་ཀྱི་རིང་སྲོལ་རིས་མེད་དུ་སྤེལ་བར་མཛད་པས་བསྟན་པ་ལ་ཕན་པའི་སྒོ་བླ་ན་མེད་པར་གྱུར་པ་དེ་ལྟ་བུའི་རྣམ་ཐར་རང་རེ་ཐ་མལ་པའི་སྐྱེ་བོ་ལམ་གྱི་སྣེ་ཙམ་ཡང་མ་ཟིན་པ་ཞིག་གིས་ག་ལ་འཁྱོངས་རུང་དེ་དག་གི་རྗེས་སུ་སློབ་པ་པོ་ཡིན་པའི་ཁུལ་བྱེད་དུས། མཛད་པའི་ཚུལ་ལ་མིག་ལྟོས་ཡར་ལྡན་གྱིས་སློབ་པའི་འདུན་སྟངས་མ་ཉམས་པ་དགོས་པའི་བློ་བཅོས་མིན་ལྷན་སྐྱེས་སུ་མངའ་བས་དམ་པའི་ཆོས་ཀྱི་བདུད་རྩི་ལ་ཆོག་ཤེས་དང་། ཐུབ་པའི་བསྟན་པ་ཡིན་མཉམ་ལ་བཟང་ངན་བླང་དོར་རིས་སུ་གཅོད་པའི་སྤོབས་པ་དང་། བདག་རྒྱལ་གཞན་ཕམ་ཕྱོགས་ལྷུང་གི་འཆིང་བ་དམ་པོ་མ་མཆིས་པས། མི་ཚེའི་མཐར་ཡང་དམ་ཆོས་རིས་མེད་དུ་ཚོལ་བ་ལ་བརྩོན་པའི་གོ་ཆ་དང་ལྡན་པའི་ལྷག་བསམ་དགེ་བའི་མཐུ་དང་། རང་ཉིད་ཀྱིས་ཚེ་རབས་དུ་མར་རྣམ་དཀར་ཅུང་ཟད་བགྱིས་པའི་འབྲས་བུ་སྟོབས་སུ་གྱུར་ཅིང་བླ་མ་དཀོན་མཆོག་གི་ཡེ་ཤེས་གཟིགས་པ་དྲི་མ་མེད་པའི་སྟོབས་ཀྱིས། གངས་རིའི་ལྗོངས་ཀྱི་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་ལམ་སྲོལ་ཟབ་ཅིང་རྒྱ་ཆེ་བ་རྣམས། དམ་སེལ་དང་འདྲེས་ཁྱེར་གྱིས་མ་བསླད། གཡོ་སྒྱུ་རྫུན་ཟོབ་ཀྱིས་མ་བསྒྲིབས། ཉམས་རྟོགས་ཀྱི་འཕེལ་ཁ་མ་འགྲིབས།

― LT38_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་པའི་མྱོང་བ་མ་ཆད། བྱིན་རླབས་ཀྱི་དྲོད་ཚད་མ་ཡལ་བར་དཔལ་ལྡན་བླ་མ་རྡོ་རྗེ་འཆང་གཉིས་པ་རྣམས་ཀྱི་དམིགས་པ་མེད་པའི་ཐུགས་རྗེ་ཆེན་པོའི་མཐུ་ལ་བརྟེན་ཏེ་རེ་བ་ཡོངས་སུ་རྫོགས་པར་ཐོབ་པ་ལས། ཆ་ཤས་ཕྲ་མོ་ཙམ་རེའི་སྨིན་གྲོལ་གྱི་རྒྱུན་གནས་པ་ཞིག་བྱུང་ནའང་། གྲུབ་ཐོབ་རྟོགས་ལྡན་གྱི་མཚན་སྙན་གྱིས་བརྗིད་པ་དང་། ཆོས་བརྒྱུད་གཅིག་གི་རྐང་ཟིན་ངེས་པའི་གཡེར་ཆེན་ཤོག་ཆེན་མ་བྱུང་ཡང་གོང་མ་དེ་དག་གི་དགོངས་པ་ཆོས་ཀྱི་དབྱིངས་སུ་རྫོགས་ཤིང་། འབྱུང་འགྱུར་སྐལ་བཟང་དཔྱོད་ལྡན་དག་གི་མིག་ལྟོས་དང་བསྟན་པའི་རྒྱུན་ལའང་ཕན་པ་ཕྲ་མོ་ཙམ་འགྱུར་དུ་རེ་ཞིང་། གལ་ཏེ་རང་ཉིད་སྐལ་པའི་མཐུ་ཤིན་ཏུ་དམན་པས་ཕན་པར་མ་ནུས་ནའང་། ཀུན་མཁྱེན་དོལ་པོས། ཁུར་ཆེན་ཁྱེར་བར་མ་ནུས་ཀྱང་། །བསྟན་པ་ཉམས་ཀྱིས་དོགས་པ་ཡི། །སེམས་ཁྲལ་ཙམ་ཡང་འབྱུང་བར་ཤོག །ཅེས་གསུངས་པ་ལྟར་རང་ངོས་ནས་སངས་རྒྱས་ཀྱི་བསྟན་པའི་ཡང་སྙིང་བཏང་སྙོམས་སུ་མ་བོར་བའི་ལྷག་བསམ་གྱི་འབྲས་བུ་ཆུད་འཛའ་བར་མི་འགྱུར་ཞིང་། རྒྱུད་སྡེའི་བསྐྱེད་རྫོགས་ཟབ་མོ་རྣམས་ལ་བཟང་འབྲེལ་ཞོག་པའི་ཐབས་སུ་སྒྲུབ་ཁང་ཡར་མར་གཉིས་སུ་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་ལམ་སྲོལ་རགས་པར་ཚང་བ་ཞིག་གི་འདུན་རྩོལ་

― LT38_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

བགྱིས་པ་ལས། གདམས་ངག་ལམ་འབྲས་བུ་དང་བཅས་པ་འཆད་སྤེལ་ཉམས་ལེན་ཚད་ལྡན་འགྲུབ་དཀའ་ཞིང་རིང་ལུགས་འཛིན་པ་པོས་གངས་ཅན་གྱི་ལྗོངས་ཕྱེད་དུ་གཏམས་པས་རེ་ཞིག་བཏང་སྙོམས་སུ་བཞག་ནས་གཞན་བདུན་པོ་ལས་མངའ་བདག་མར་པའི་བཀའ་བརྒྱུད་ཀྱི་བསྐྱེད་རྫོགས་ཟབ་རྒྱས་དང་གཅོད་ཡུལ་གྱི་ཉམས་ལེན་སྒྲུབ་ཁང་ཆེན་མོར་སྔོན་ནས་བཞུགས་པའི་ཁར། དམ་ཆོས་སྡུག་བསྔལ་ཞི་བྱེད་ཀྱི་སྨིན་གྲོལ་ཉམས་ལེན་གྱི་སྲོལ་བཙུགས། སྒྲུབ་ཁང་འདི་གར་ཤངས་ཆོས་ཡོངས་སུ་རྫོགས་པ། སྦྱོར་དྲུག་གི་ཡན་ལག་བསྙེན་སྒྲུབ་དང་བཅས་པ་སྔ་འགྱུར་གྱི་ཡང་སྙིང་རྫོགས་པ་ཆེན་པོ་ཡང་གསང་སྙིང་ཏིག་བཅས་ཀྱི་གཞུང་བསྲང་། སྒྲུབ་ཁང་གཉིས་ཀར་ལམ་རིམ་སྔོན་འགྲོའི་མཐིལ་དུ་བྱས་པས་ལམ་སྲོལ་བདུན་ལེགས་པར་རྫོགས་པ་དང་། གཞན་ཡང་སྒྲུབ་ཁག་གཉིས་ཀས་སྒྲུབ་ལ་ཞུགས་པའི་ཐོག་མར་ཤེས་བྱ་ཀུན་ཁྱབ་རྫོགས་པའམ། དེ་ཙམ་ཐོས་བསམ་མ་ནུས་ཀྱང་རིམ་པར་ཕྱེ་བ་ལྔ་པ་བླ་སློབ་ཀྱི་མཚན་ཉིད་བསྟེན་ཚུལ་སྡོམ་གསུམ་རྣམ་བཞག་ཙམ་མ་ཤེས་པའི་ཐབས་མེད་ཅིང་། དཀྱུས་སུ་གོ་བདེ་བའི་རྒྱ་གཞུང་བླ་མ་ལྔ་བཅུ་པ། སྡོམ་པ་ཉི་ཤུ་པ། རང་བྱུང་བའི་དམ་ཚིག་རྒྱ་མཚོ། ཆོས་ཀྱི་དབང་ཕྱུག་གི་སྡོམ་པ་ཉེར་ལྔ་པ་

― LT38_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ཐོག་མ་ནས་འཆད་སྤེལ་དང་ཡིད་ལ་ངེས་པས་བླང་དོར་བྱ་དགོས་པའང་ཡིན་ནོ། །སྒྲུབ་པ་པོ་དེ་དག་གི་སྒྲུབ་པའི་མཐུན་རྐྱེན་འཚོ་ཆས་ཀྱི་ཐེབས་ཞབས་འདེགས་པ་དང་བཅས་པ་གོང་དུ་སྨོས་པ་བཞིན་དང་། དུས་དང་རྒྱུན་གྱི་བཞུགས་འབོལ་དང་བཞུགས་གདན། སྒྲུབ་པའི་གཤགས་སོ་སོར་སྐུ་བརྙན་ཞལ་ཐང་མཎྜལ་བདུན་ཚར་ལ་སོགས་པ། རུང་ཁང་དུ་ཐབ་སྤྱད་ཁྲོ་ཟངས་རྟིབ་དཀར་ཟོ་སྐྱོགས་སླ་ང་སོགས་སྤྱད་པ་ཆེ་ཆུང་དངོས་གཙང་ཞིང་ཐེབས་འཁྲོལ་གྱི་རྐང་གྲངས་དང་ལྡན་པ། གཉེར་ཁང་དུའང་འོས་མཐུན་གྱི་སྤྱད་པ་སོགས་དགོས་རྒ་མ་ཚང་བ་མེད་པར་འདུ་བགྱིས་པའོ། །གླང་ཆེན་ས་ལ་འགྱིང་འདྲའི་ཤ་ཚུགས་ཅན། །དཔལ་གྱི་རི་བོར་ངེས་པའི་ཐེག་པ་ཡི། །སྒྲུབ་བརྒྱུད་གསེར་གྱི་དྲྭ་བས་བཀབ་པ་དང་། །ལྷན་ཅིག་འཕགས་ནོར་བདུན་གྱི་ཡན་ལག་བརྟན། །དེ་ཡིས་ཟབ་གསང་སྙིང་པོའི་ཁུར་ལྕི་འདེགས། །དེས་ཀྱང་གྲུབ་གཉིས་ནོར་བུའི་དཔྱ་འདྲེན་ནས། །རྫོགས་ལྡན་དགེ་བའི་འབྱོར་པས་གཏམས་པ་དང་། །སྡིག་ཏོ་འདམ་བུའི་ཚལ་བཞིན་བཅོམ་པར་གྱུར། །གཡོན་ཅན་ཆོས་ལྟར་བཅོས་པའི་ཕྲེང་བ་ལ། །མངོན་ཤེས་བྲལ་བའི་སྐྱེ་དགུས་བསྟི་སྟང་དབུལ། །བསླབ་གསུམ་དྲི་མེད་རྒྱལ་མཚན་འཛིན་རྣམས་ལ། །སྲས་བཅས་རྒྱལ་བ་དགྱེས་པའི་འཛུམ་ཞལ་

― LT38_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ། །མཁའ་མཐར་གཏུགས་པའི་ལེགས་སྤྱད་གཞལ་མེད་ཀྱང་། །མི་རྟོག་ཏིང་འཛིན་གཅིག་གིས་ཟིལ་གནོན་ན། །རྡོ་རྗེའི་ལམ་ལ་རྣལ་དུ་འབྱོར་བའི་མཐུ། །དག་པའི་སེམས་ཅན་གྱི་ཡང་བསམ་བྱར་མིན། །གང་ཞིག་དགེ་བ་ཅན་གྱི་ཡུལ་གྲུ་ན། །སེམས་ཀྱི་རིན་ཆེན་རྙེད་པ་གཅིག་གི་མཐུས། །འཇིག་རྟེན་གསུམ་གྱི་དབུལ་བ་འཕྲོག་པ་དང་། །འཇིགས་ཚོགས་ལྟ་བའི་ཐིབས་པོ་དྭངས་པར་བྱེད། །བདུན་པ་དེ་ལྟར་བསྒྲུབས་པའི་རྟེན་དེ་དག་ཇི་ལྟར་རབ་ཏུ་གནས་པའི་ཚུལ་བརྗོད་ན། སྤྱིར་རྟེན་གསུམ་གྱི་སྐུ་མཆོག་དམན། ཚད་ཆེ་ཆུང་། གྲངས་མང་ཉུང་གང་ཡང་འདྲ་བར་རབ་ཏུ་གནས་པར་མ་བྱས་ན་ཕན་ཡོན་ཇི་བཞིན་མི་འབྱུང་བའི་ཁར་ཉེས་པའི་རྣམ་གྲངས་དུ་མ་བསྐྱེད་ལ། དང་པོ་ཀུན་སློང་རྣམ་པར་དག །བར་དུ་རྒྱུ་དངོས་རྣམ་པར་དག །མཐར་རབ་གནས་རྣམ་པར་དག་པ་བསྒྲུབས་པའི་རྟེན་ནི་ཆེ་ཆུང་སོགས་ཇི་ལྟར་ཡང་ཕན་ཡོན་དང་བྱིན་རླབས་རྒྱ་ཆེ་ལ་རྒྱུན་ཆགས་པར་འབྱུང་བ་རབ་གནས་ཀྱི་རྒྱུད་སོགས་མདོ་རྒྱུད་དུ་མ་ལས་འབྱུང་ཞིང་། དེས་ན་ཐོག་མར་རང་དོན་ཚེ་བསོད་དཔལ་འབྱོར་སྙན་གྲགས་སྤེལ་བའི་ཕྱིར་རམ་གཞན་ལ་འགྲན་འདོད་ལྟ་བུའི་ཀུན་སློང་ཕྱིན་ཅི་ལོག་མ་འདྲེས་པ། བར་དུ་འཕྲོག་བཅོམ་གཡོ་སྒྱུ་རྐུན་རྫུན་གསོད་གཅོད་ཀྱི་ཉོ་ཚོང་དཀོན་མཆོག་གི་སྐུ་

― LT38_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

གླུང་འདྲེས་པ་ལྟ་བུའི་དངོས་པོ་མ་དག་པ་མ་ཡིན་པ། མཐར་གནས་དུས་ཡོ་བྱད་སློབ་དཔོན་ཆོ་ག་སོགས་གང་བྱུང་དེས་ཆོག་མ་ཡིན་པར་ཚུལ་ལམ་བཟང་པོ་དྲུག་ལྡན་གྱི་སྒོ་ནས་རབ་ཏུ་གནས་པ་ཤིན་ཏུ་གལ་ཆེ་བས། སྔོན་གྱི་ཆོས་སྤྱན་ལྡན་པ་རྣམས་ཀྱིས་རྟེན་རེ་རེ་ལ་རྒྱུད་སྡེ་ཆེན་པོ་དང་འབྲེལ་བའི་རབ་གནས་ཀྱི་རྣམ་གྲངས་ཚར་བདུན་རེས་ཉུང་མཐའ་མཛད་པའི་འདབ་སྐྱོར་རྟགས་མཐོང་ཡིད་ཆེས་པ་དང་། ཚོགས་དང་དགའ་སྟོན་ལ་དངུལ་སྲང་བརྒྱ་ཕྲག་དུ་མའི་རིན་ཐང་གི་གཏོང་བ་རྒྱ་ཆེར་མཛད་པས་ད་ལྟའི་བར་དུའང་རྟེན་གྱི་བྱིན་རླབས་ཉམས་པ་མི་མངའ་ཞིང་ཡུལ་ཕྱོགས་ལ་བཀྲ་ཤིས་པ་བྱུང་བ་མངོན་སུམ་གྱིས་གྲུབ་པས་མཚོན། གནད་ཀྱི་དགོས་དོན་འདི་ཁོ་ན་ཆེ་བ་ཡིན་ལ། རང་ཉིད་འབྱོར་མཁོས་དམན་པས་གཏོང་བ་རླབས་ཆེན་འགྲུབ་པའི་རེ་བ་མ་མཆིས་ཀྱང་རྗེ་བཙུན་དཔལ་ལྡན་བླ་མ་རྣམས་ལ་གུས་པ་ཆེན་པོས་གསོལ་བ་བཏབ་པའི་མཐུ་ལ་བརྟེན་ཏེ། སློབ་དཔོན་མཚན་ཉིད་ཐམས་ཅད་ཡོངས་སུ་རྫོགས་པ། ཆོ་ག་རྣམ་པར་དག་པ་འབའ་ཞིག་པའི་རབ་གནས་ལན་གྲངས་ཡིད་ཁེལ་བ་གྲུབ་པའི་ཚུལ་ཡང་འདི་ལྟ་སྟེ། གཙུག་ལག་ཁང་ཕྱི་ཁོག་གྲུབ་བའི་སྐབས་སྤྲུལ་པའི་གཏེར་ཆེན་མཆོག་གྱུར་གླིང་པ་དང་། གཉགས་ཆེན་ཡེ་ཤེས་གཞོན་ནུའི་རྣམ་རོལ་མཁན་ཆེན་བླ་མ་

― LT38_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་བཟང་པོ་རྣམ་པ་གཉིས་ནས། བགེགས་ཞི་ཞིང་ལེགས་ཚོགས་རྒྱས་པའི་རྟེན་འབྲེལ་དུ། རྡོར་སེམས་ཐུགས་ཀྱི་སྒྲུབ་པ་དང་འབྲེལ་པར་སྣོད་བཅུད་བྱིན་རླབས། ཞི་བའི་སྦྱིན་སྲེག་གྲངས་ལྡན། རྗེ་བཙུན་ཡིད་བཞིན་འཁོར་ལོའི་སྒོ་ནས་རྒྱས་པའི་སྦྱིན་སྲེག །བླ་མ་དཀོན་མཆོག་སྤྱི་འདུས་སོགས་ཀྱི་ཚོགས་སྐོང་དང་འབྲེལ་བར་རབ་ཏུ་གནས་ཤིང་ཤིས་པའི་མེ་ཏོག་ཆར་དུ་བསྙིལ་བར་མཛད། །རྟེན་བརྟེན་པ་ཕལ་ཆེར་གྲུབ་པའི་སྐབས། དྲག་པོ་ལྕགས་སྤྲེལ་ལོ། །མངའ་རིས་པ་ཆེན་རིན་པོ་ཆེ། སྨིན་གླིང་གཏེར་ཆེན་སྐུ་མཆེད་སོགས་སྔ་འགྱུར་གྱི་མཁས་གྲུབ་ཆེན་པོ་རྣམས་ཀྱིས་སྤྲེལ་ཟླ་འཁྲུལ་མེད་དུ་ངོས་འཛིན་པར་མཛད་པ་ཧོར་ཟླ་ལྔ་པའི་དཀར་ཕྱོགས་ཀྱི་ཐོག་མར་ཚེས་པ་ན། འཇིག་རྟེན་གསུམ་གྱི་རྣམ་པར་འདྲེན་པ་གངས་ཅན་མགོན་པོ་མཐོན་མཐིང་མི་བསྐྱོད་པའི་རྟགས་ཀྱི་ཅོད་པན་འཛིན་པ་རིམ་པར་བྱོན་པ་ལས་བཅུ་བཞི་པ། སྲིད་དང་ཞི་བའི་ཁོང་ན་ཡོངས་སུ་གྲགས་པའི་མཚན། རྒྱལ་དབང་ཐམས་ཅད་མཁྱེན་པ་ཐེག་པ་མཆོག་གི་རྡོ་རྗེའི་ཞབས་པད་བཀྲ་ཤིས་ཀྱི་རེ་ཁཱས་མཚན་པ་རྣམ་པར་བཀོད་དེ་ཐུན་མོང་མ་ཡིན་པའི་ཆོས་ཀྱི་འཁོར་ལོ་བསྐོར་བས་བྱིན་གྱིས་བརླབས། གང་གི་རིགས་དབོན་སྤྲུལ་པའི་གཏེར་ཆེན་ཆོས་ཀྱི་དབང་ཕྱུག་གི་རྣམ་རོལ་མཆོག་དང་། རྗེ་བརྒྱད་

― LT38_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྲིན་ལས་ཀྱི་རོལ་གར་སྐུ་མདུན་ཀརྨ་སྲིད་བྲལ་གྱི་ཡང་སྲིད། ལང་གྲོ་ལོ་ཙཱའི་རྣམ་འཕྲུལ་རྗེ་དཔོན་བསམ་འཕེལ་མཆོག་སྦྲུལ། གྲུབ་པའི་དབང་ཕྱུག་པདྨ་གསང་སྔགས་བསྟན་འཛིན་དང་རི་པ་མཆོག་སྤྲུལ་དར་རྒྱས་རྒྱ་མཚོ་སོགས་སྟོན་འཁོར་ཁྱད་པར་དུ་འཕགས་པ་རྣམས་དང་འདུས་པ་ལྔ་བཅུ་སྐོར་གྱིས་བཟང་པོ་གཉིས་པ་ནས་ཕྱི་མཚམས་བཅད་པ་སོགས་ཀྱི་དབུ་བརྩམས། ཚེས་བཅུ་ལ་དངོས་གཞི་ཁེལ་བར་མཛད་དེ་ཞག་བདུན་ཉིན་བརྒྱད་ཀྱི་ཁོངས་བོད་ཡུལ་ས་འོག་ཀུན་གྱི་གཏེར་གཅིག་བྱིན་རླབས་ཀྱི་ཚན་ཁ་ཟབ་མོ་གཞན་ལས་མངོན་སུམ་གྱིས་ཁྱད་པར་འཕགས་པ། ལྷག་པར་བཀའ་བརྒྱུད་ཀཾ་ཚང་ལ་བཀའ་བབས་པའི་གསེར་ཆོས་བླ་མ་དགོངས་པ་འདུས་པའི་ཚོམ་བུ་འབུམ་སྒྲུབ་དང་འབྲེལ་པར་བདུད་རྩི་སྨན་གྱི་སྒྲུབ་ཆེན་དགེ་བའི་མཚན་མ་དང་བཅས་བར་ཆད་མེད་པར་མཐར་ཕྱིན་ཏུ་གྲུབ་པའི་རྗེས་འབྲེལ་དུ་སྦྱོར་དངོས་མཇུག་གསུམ་གྱི་བྱ་བ་ལེགས་པར་ཚང་བའི་སྒོ་ནས་རྟེན་བརྟེན་པར་བཅས་པ་ལ་ཡེ་ཤེས་སེམས་དཔའ་ལྷག་པར་རབ་ཏུ་གནས་པའི་དགེ་ལེགས་ཀྱི་མེ་ཏོག་ཆར་དུ་བསྙིལ་བར་མཛད། དགའ་སྟོན་དང་ལེགས་འབུལ་གྱི་མཎྜལ་ཡང་མཁོས་ལྕོགས་རྒྱས་པར་ཞུས། རྟེན་གསུམ་ཡོངས་སུ་རྫོགས་པར་གྲུབ་པའི་ལོ་

― LT38_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་ཐ་སྐར་ཟླ་བ་རྒྱལ་བ་ལྷ་ལས་བབས་པའི་དུས་ཆེན་ལ། སངས་རྒྱས་གཉིས་པ་པདྨཱ་ཀ་རས་ཉིད་ཀྱི་རྣམ་འཕྲུལ་རྒྱལ་ཚབ་ཏུ་གཏེར་ཁ་གསར་རྙིང་རྣམས་ལས་ཡང་ནས་ཡང་དུ་ལུང་བསྟན་པ། བྱམས་མགོན་ཀུན་མཁྱེན་ཏཱའི་སི་ཏུའི་མཆོག་གི་སྤྲུལ་པའི་སྐུ་པདྨ་ཀུན་བཟང་ཆོས་ཀྱི་རྒྱལ་པོ་དང་། གཏེར་ཆེན་ཀློང་གསལ་སྙིང་པོའི་ཡང་སྲིད་རྗེ་དཔོན་བསམ་འཕེལ་མཆོག་གི་སྤྲུལ་པའི་སྐུ་ཀརྨ་སྒྲུབ་བརྒྱུད་བསྟན་འཛིན་ཕྲིན་ལས་དང་། མཉམ་མེད་དྭགས་པོ་ལྷ་རྗེ་དང་རྗེ་གཡུ་ཐོག་པ་སོགས་ཀྱི་ཡེ་ཤེས་སྒྱུ་འཕྲུལ་དྲྭ་བའི་རང་གཟུགས་རྗེ་དཔོན་བསམ་གཏན་མཆོག་གི་སྤྲུལ་པའི་སྐུ་གཙོ་བོར་བཞུགས་པའི་བསླབ་པ་གསུམ་དང་ལྡན་ཅིང་བསྙེན་སྒྲུབ་ཚད་ལྡན་ཏུ་སོང་བའི་རྡོར་སློབ་བཅུ་ཕྲག་གཅིག་ལ་ལྔ་ཡིས་ལྷག་པ་དང་བཅས་པས། བཅོམ་ལྡན་འདས་དཔལ་འཁོར་ལོ་སྡོམ་པའི་དཀྱིལ་འཁོར་དང་འབྲེལ་བར་རབ་གནས་ཀྱི་ཆོ་ག་རྗེ་དགུ་པའི་ཡིག་ཆ་ཇི་ལྟ་བར་རྒྱས་པའི་སྲེག་བླུགས་ཙཱ་རུའི་བཟའ་བ་སྒྲུབ་པ་སོགས་སྔོན་དངོས་རྗེས་ཀྱི་བྱ་བ་ཚང་ལ་མ་འཁྲུལ་བར་ཉིན་གཉིས་ལ་ལེགས་པར་བསྒྲུབས་པར་མཛད་པ་ལའང་དགའ་སྟོན་དང་ལེགས་འབུལ་གྱི་མཎྜལ་སོགས་གོང་མཚུངས་ཞུས། བློ་ངན་ལྕགས་མོ་བྱ་ལོ་གསར་དུ་ཚེས་པའི་ནག་པ་ཟླ་བའི་ཚེས་བརྒྱད་རྒྱལ་དང་ཕུར་བུའི་འགྲུབ་

― LT38_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྦྱོར་བ་དང་ལྡན་པ་ལ། སངས་རྒྱས་ཐམས་ཅད་ཀྱི་མཁྱེན་རབ་ཡེ་ཤེས་གཅིག་ཏུ་བསྡུས་པའི་སྐུ་སློབ་དཔོན་འཇམ་དཔལ་བཤེས་གཉེན་དང་པ་ཆེན་བི་མ་ལ་མི་ཏྲ་མཆོག་གི་བཤེས་གཉེན་དམ་པའི་སྐུར་སྣང་བ་ཀུན་མཁྱེན་རྡོ་རྗེ་གཟི་བརྗིད་རྩལ་གཉིས་པ་ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོ་ཉིད་རིགས་དང་དཀྱིལ་འཁོར་ཀུན་གྱི་ཁྱབ་བདག་བཅོམ་ལྡན་འདས་དཔལ་རྡོ་རྗེ་སེམས་དཔའི་སྐུར་བཞེངས་ཏེ་སྨིན་ལུགས་དགེ་ལེགས་འདོད་འཇོ་ལྟར་དངོས་སྟ་ཉིན་གསུམ་མའི་སྒོ་ནས་ཡེ་ཤེས་སེམས་དཔའ་དམ་ཚིག་གི་རྟེན་ལ་ལྷག་པར་རབ་ཏུ་གནས་པའི་ཆོ་ག་སྦྱོར་དངོས་རྗེས་ཚང་མཐའ་རྒྱས་སུ་བཀའ་དྲིན་སྩལ་ཞིང་། སླར་ཡང་སོ་ལུགས་ཡང་དག་ལྷ་དགུ། བདེ་མཆོག་ལཱུ་ཧི་པའི་ལུགས། དཔལ་དུས་ཀྱི་འཁོར་ལོ། །བླ་མ་དགོངས་པ་འདུས་པ་རྣམས་ཀྱི་རྣལ་འབྱོར་སོ་སོ་དང་འབྲེལ་བར་རབ་ཏུ་གནས་པའི་ཆོ་ག་ཆ་ཚང་བར་མཛད་ཅིང་བྱིན་བརླབས་ཀྱི་མེ་ཏོག་ཆར་དུ་བསྙིལ་བའི་རྗེས་སུ་འབྲེལ་བར། བཅོམ་ལྡན་འདས་དགྱེས་པ་རྡོ་རྗེ་ལུགས་སྲོལ་བཞིའི་དཀྱིལ་འཁོར་ཆེན་པོའི་ཞལ་ཕྱེས་ནས་ནང་ཚན་དང་བཅས་པའི་སྨིན་བྱེད་བདུན། དཔལ་ཆེན་བི་རཱུ་པའི་ཐུགས་བཅུད་གདམས་ངག་ལམ་འབྲས་བུ་དང་བཅས་པའི་ཁྲིད་ཆེན། བྱིན་བརླབས་ཀྱི་བཀའ་རྣམས་

― LT38_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་པ། རྡོ་རྗེ་བཙུན་མོའི་ཞལ་ལུང་གྲུབ་ཆེན་ཨོ་རྒྱན་པའི་རྡོ་རྗེ་གསུམ་གྱི་བསྙེན་སྒྲུབ་གཙོ་བོར་གྱུར་པའི་ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་བསྐོར་ཏེ་རྟེན་དང་བརྟེན་པར་བཅས་པ་འོག་མིན་རྡོ་རྗེ་བཀོད་ལྷུན་གྲུབ་ངེས་པ་ལྔ་ལྡན་གྱི་དཀྱིལ་འཁོར་དུ་བྱིན་གྱིས་བརླབས་པར་མཛད་པ་ལའང་མཎྜལ་དང་དགའ་སྟོན་གྱི་དངོས་པོ་སོགས་མཁོས་བསྟུན་བཀའ་དྲིན་གྱི་མདོངས་གསོལ་དུ་ཞུས། སླར་ཆུ་མོ་ཕག་ལོའི་ནག་པ་ཟླ་བར་རང་ཉིད་དང་བསྙེན་པ་ཚད་ལྡན་སོང་བའི་སྒྲུབ་པའི་རིག་འཛིན་ཕུན་སུམ་ཚོགས་པའི་འདུས་པ་དང་བཅས་པས་ཞག་བཅུ་ཕྲག་གཅིག་ལ་རིགས་ཀུན་ཁྱབ་བདག་རྡོ་རྗེ་སེམས་དཔའ་ཐུགས་ཀྱི་སྒྲུབ་པའི་ཚོམ་བུ་ཚོགས་སྒྲུབ་གཟབ་རྒྱས་སུ་བགྱིས་པ་དང་འབྲེལ་བ་ལ་སོགས་པ་ལན་གྲངས་དུ་མར་གདོད་ནས་དམ་ཡེ་དབྱེར་མེད་རང་བཞིན་ཡོངས་གྲུབ་ཆོས་ཀྱི་དབྱིངས་སྤྲོས་བྲལ་འགྱུར་བ་མེད་པའི་གནས་ལུགས་ཀྱི་རང་བབ་ལ་ཅི་ནུས་སུ་མཉམ་པར་བཞག་པས་ཀུན་རྫོབ་རྟེན་འབྲེལ་གྱི་རང་མདངས་བསྐལ་བརྒྱར་བརྟན་པར་བཞུགས་པའི་སྨོན་ལམ་བདེན་ཚིག་ཡང་ནས་ཡང་དུ་གསོལ་བར་བགྱིས་པའོ། །དེའང་ཡེ་ཤེས་མཆོག་བརྙེས་པའི་དམ་པ་རྣམས་ཀྱིས་སྤྱན་གྱིས་གཟིགས་པའམ་དགོངས་པ་གཏད་པ་ཙམ་གྱིས་ལྷུན་

― LT38_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་རང་བཞིན་གྱིས་རབ་ཏུ་གནས་པར་འགྱུར་ཏེ་བརྡ་དང་ཆོ་ག་ལ་མ་ལྟོས་ཤིང་། རིམ་པ་གཉིས་ཀྱི་དྲོད་ཚད་ཅི་རིགས་བརྙེས་པའམ། དེ་ཉིད་བཅུའི་ཕ་མཐར་སོན་པའི་རྡོ་རྗེ་སློབ་དཔོན་མཚན་ཉིད་དང་ལྡན་པ་དག་གིས་ཀྱང་ཚད་དང་ལྡན་པའི་ཆོ་ག་རྒྱས་བསྡུས་གང་རུང་ལ་བརྟེན་ནས་ལྷག་གནས་ཀྱི་མེ་ཏོག་འཐོར་བས་ཡེ་ཤེས་པ་རྟེན་ལ་འཇུག །དེའང་དུས་རིང་པོའི་བར་རྟག་ཅིང་བརྟན་ལ་བཞུགས་པའི་ཡུལ་ཕྱོགས་བཀྲ་ཤིས་རྒྱ་མཚོའི་དཔལ་གྱིས་འབྱོར་པ་རྒྱུད་དང་གྲུབ་པའི་སློབ་དཔོན་རྣམས་ཀྱི་ཞལ་གྱི་ལུང་བཟང་ལས་ཡང་དག་པར་འབྱུང་བས། འདིར་ཡེ་ཤེས་མཆོག་བརྙེས་པ་ལ་ཐེ་ཚོམ་དང་ནེམ་ནུར་མེད་ཅིང་དེ་ཉིད་བཅུ་སོགས་རྡོ་རྗེ་སློབ་དཔོན་གྱི་ཕྲིན་ལས་རབ་འབྱམས་ལ་དབང་འབྱོར་བ་གཅིག་ཙམ་མ་ཡིན་པ་བཟང་ཟ་ར་ཚགས་འབའ་ཞིག་པས་རྒྱུད་སྡེ་ཆེན་པོའི་ཆོ་ག་དང་འབྲེལ་བར་རབ་ཏུ་གནས་པའི་ཆོ་ག་མཚན་ཉིད་དང་ལྡན་པས་ཡང་ནས་ཡང་དུ་བྱིན་གྱིས་བརླབས་པར་མཛད་པ་ནི། མཐོང་ཐོས་དྲན་རེག་དོན་དང་ལྡན་པ་སོགས་སྲིད་པ་ཇི་སྲིད་བར་སངས་རྒྱས་ཀྱི་ཕྲིན་ལས་རྒྱུན་མི་འཆད་པར་འབྱུང་བའི་རྟེན་མཆོག་ཁྱད་པར་དུ་འཕགས་པ་གྲུབ་པའོ། །སངས་རྒྱས་བྱིན་རླབས་སྟོབས་ནི་བསམ་མི་ཁྱབ། །སྔགས་རྒྱ་ཏིང་འཛིན་མཐུ་ཡང་དེ་བཞིན་ཏེ། །ནོར་བུ་སྨན་ཆེན་རྫས་ཀྱི་འཕྲུལ་འཁོར་ལས། །

― LT38_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་རྒུའི་རོལ་མོ་ཅི་ཡང་འཆར་བར་མཐོང་། །ཡོངས་གྲུབ་ཡེ་ཤེས་བྱིན་གྱིས་བརླབས་པ་ན། །སེམས་མེད་བེམ་པོས་རྒྱལ་བའི་ཕྲིན་ལས་མཛད། །ཇི་སྲིད་ལྔ་ཕུང་དག་ལ་སྲོག་ཞུགས་པ། །དེ་སྲིད་ལུགས་བརྒྱའི་བླང་དོར་གནས་ལ་འཇུག །གནས་ལུགས་སྐུ་དང་ཡེ་ཤེས་ཟུང་དུ་འཇུག །འཁྲུལ་ངོར་དམ་ཡེ་རྟེན་དང་བརྟེན་པར་འབྲེལ། །ལྟོས་ཆོས་ཐབས་ཤེས་གནས་ལུགས་གཤིས་སུ་གྲུབ། །དེ་ཚུལ་སངས་རྒྱས་ཉག་གཅིག་མཁྱེན་པའི་ཡུལ། །ཡེ་ཤེས་བརྙེས་པའི་རྣམ་འདྲེན་མཆོག་རྣམས་དང་། །བྱིན་རླབས་དཔལ་དུ་ཆགས་པ་རྒྱལ་བའི་རྟེན། །གཟི་བརྗིད་འོད་འབར་ཉི་མའི་དཀྱིལ་འཁོར་རྣམས། །དངོས་གཞན་ཟིལ་གྱིས་གནོན་ནས་ལྷམ་མེར་སྣང་། །བརྒྱད་པ་དེ་དག་གི་ཕན་ཡོན་དགོས་ཆེད་ཤིས་པ་བརྗོད་པ་དང་བཅས་པ་ལ་གསུམ། རྟེན་གྱི་ཕན་ཡོན་མདོ་ཙམ་སྨོས། དམིགས་སུ་བསལ་བའི་དགོས་ཆེད་བཤད། ཤིས་པ་བརྗོད་པའི་ཚིག་ཕྲེང་གིས་མཐར་དགེར་བྱ་བའོ། །དང་པོ་ལ་གཉིས། རྟེན་གསུམ་བཞེངས་པའི་ཕན་ཡོན། དེ་ལ་ཕྱག་མཆོད་ཞབས་ཏོག་བྱས་པའི་ཡོན་ཏན་ནོ། །དང་པོ་ནི། སྤྱིར་དགེ་བའི་བྱ་བ་གང་ཡང་བསམ་པ་རྣམ་པར་དག་ན་རྒྱུ་ཆུང་ཡང་འབྲས་བུ་འཕེལ་ཆེ་བས་རྣམ་པར་སྨིན་པ་བདེ་བ་ཟད་མི་ཤེས་

― LT38_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་སྤྱོད་པ་ཤ་སྟག་ཡིན་ཅིང་། ལྷག་པར་དཀོན་མཆོག་གི་རྟེན་དང་དགེ་འདུན་འདུ་བའི་གཙུག་ལག་ཁང་བརྩིགས་པ་ནི་འདུས་བྱས་ཀྱི་དགེ་རྩ་གང་ལས་ཀྱང་ཁྱད་པར་དུ་འཕགས་པར་གསུངས་པས་སྐྱེས་བུ་དམ་པ་རྣམས་ཀྱིས་ཕྱག་བཞེས་སུ་མཛད་པ་དང་། དེ་ཐམས་ཅད་ལས་ཀྱང་སངས་རྒྱས་ལ་དམིགས་ཏེ་ཚོགས་བསགས་པ་ནི་འགྲན་ཟླ་ཀུན་དང་བྲལ་བ་སྟེ། སྙིང་རྗེ་པད་དཀར་མདོ་ལས། ཀུན་དགའ་བོ་ང་ལྟ་བུ་ལ་གནས། ང་ལྟ་བུ་ལ་བརྟེན་ཏེ་ཡོན་ཕུལ་ན་དེའི་བསོད་ནམས་ཀྱི་དཔེར་བྱ་བར་ཡང་སླ་བ་མ་ཡིན་ནོ། །ཞེས་གསུངས་པ་དང་། འཕགས་པ་རྨད་དུ་བྱུང་བའི་ཆོས་ཀྱི་རྣམ་གྲངས་ལས། ཀུན་དགའ་བོ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོད་དེ། དེ་རིགས་ཀྱི་བུའམ་རིགས་ཀྱི་བུ་མོ་དད་པ་ཅན་གང་ལ་ལ་ཞིག་གིས་རིན་པོ་ཆེ་སྣ་བདུན་གྱི་རང་བཞིན་དུ་བྱས་ཏེ། རྒྱུན་དུ་ཞུགས་པ་རྣམས་དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་བས། གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པའི་མཆོད་རྟེན་འཇིམཔ་ལས་སྐྱུ་རུ་རའི་

― LT38_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་ཙམ་བྱས་ལ་ཁབ་ཙམ་གྱིས་སྲོག་ཤིང་བཙུགས་ཏེ། རྒྱ་ཤུག་གི་ལོ་མ་ཙམ་གྱི་གདུགས་བྱས་ནས། ནས་ཀྱི་འབྲུ་ཙམ་གྱི་སྐུ་གཟུགས་བྱས་ལ་ཡུངས་འབྲུ་ཙམ་གྱི་རིང་བསྲེལ་བཅུག་ན་དེ་ནི་དེ་བས་ཆེས་བསོད་ནམས་ཆེའོ་ཞེས་ང་སྨྲའོ། །དེ་ཅིའི་ཕྱིར་ཞེ་ན། ཀུན་དགའ་བོ་དེ་བཞིན་གཤེགས་པ་ནི་ཡེ་ཤེས་ཀྱིས་དཔག་ཏུ་མེད་པ། དེ་བཞིན་ཏུ་སྦྱར་ཏེ། ཚུལ་ཁྲིམས། བཟོད་པ། བརྩོན་འགྲུས། བསམ་གཏན། ཤེས་རབ། ཚད་མེད་བཞི། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། སྟོབས་བཅུ་དང་། མི་འཇིགས་པ་བཞི་དང་། སངས་རྒྱས་ཀྱི་ཆོས་དྲན་པ་ཉེ་བར་བཞག་པ་མ་འདྲེས་པ་གསུམ་དང་སྙིང་རྗེ་ཆེན་པོས་དཔག་ཏུ་མེད་པ་སྟེ། ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཡོན་ཏན་དཔག་ཏུ་མེད་པ་དང་ལྡན་པའི་ཕྱིར་རོ། །ཞེས་དང་། སའི་སྙིང་པོ་འཁོར་ལོ་བཅུ་པའི་མདོ་ལས། ཕྱོགས་བཞིའི་དགེ་འདུན་གྱི་ཕྱིར་གཙུག་ལག་ཁང་དང་གནས་ཁང་བརྩིགས་པ་དང་། དགྲ་བཅོམ་པ་རྣམ་ཐར་བརྒྱད་དང་ལྡན་པས་སྟོང་གསུམ་གྱི་སྟོང་ཆེན་པོ་འདི་ཏིལ་དང་འདམ་བུའི་ཚལ་ལྟར་གང་བ་དེ་དག་བཅིངས་པ་ལྔས་བཅིངས་པ་ལ། མཐུ་ཆེན་པོ་དང་ལྡན་པའི་གང་ཟག་ཞིག་གིས་བཅིངས་པ་བཀྲོལ་ནས་ལོ་བརྒྱ་

― LT38_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་གི་བར་དུ་བདེ་བའི་ཡོ་བྱད་ཐམས་ཅད་ཀྱིས་མཆོད། དེ་དག་མྱ་ངན་ལས་འདས་པའི་རིང་བསྲེལ་ལ་ལྷའི་ཡོ་བྱད་སྣ་ཚོགས་ཀྱིས་རབ་ཏུ་མཆོད་པའི་བསོད་ནམས་ཀྱིས་ཀྱང་སངས་རྒྱས་ཀྱི་རིང་བསྲེལ་གྱི་ཕྱིར་མཆོད་རྟེན་བརྩེགས་པའི་བསོད་ནམས་ཀྱི་ཕུང་པོ་ལ་བྱེ་བ་བརྒྱ་སྟོང་དཔེ་དང་རྒྱུའི་ཆར་ཡང་མི་འགྲོ་བར་གསུངས་པ་དང་། དད་པའི་སྟོབས་སྐྱེད་པ་ལ་འཇུག་པ་ཕྱག་རྒྱའི་མདོ་ལས། འཇམ་དཔལ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་བསྐལ་པ་གང་གཱའི་ཀླུང་གི་བྱེ་མ་སྙེད་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི། རྒྱུན་ཏུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་དག་ལ་ཉིན་གཅིག་བཞིན་དུ་ལྷའི་ཟས་རོ་བརྒྱ་དང་ལྡན་པ་བྱིན་པ་དང་། དེ་བཞིན་དུ་ལྷའི་གོས་རྣམས་སྦྱིན་པ་བྱིན་པ་བས། རིགས་ཀྱི་བུའམ། རིགས་ཀྱི་བུ་མོ་གཞན་གང་ཞིག་གིས་སངས་རྒྱས་རི་མོར་བྲིས་པའམ། གཟུགས་སུ་བྱས་པ་མཐོང་ན། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་ན། ཐལ་མོ་སྦྱོར་བའམ། མེ་ཏོག་གམ། བདུག་པའམ། སྤོས་སམ། མར་མེ་འབུལ་བ་ལྟ་ཅི་སྨོས་ཏེ། འདི་ནི་དེ་བས་ཆེས་བསོད་ནམས་གྲངས་མེད་པར་སྐྱེད་དོ། །ཞེས་

― LT38_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་མདོ་རྒྱུད་ཀུན་ནས་མཐའ་ཡས་པ་འབྱུང་ངོ་། །སངས་རྒྱས་ཀྱི་རྟེན་གསུམ་ལས་སྐུ་གཟུགས་བཞེངས་པའི་ཡོན་ཏན་ནི། དེ་བཞིན་གཤེགས་པའི་སྐུ་གཟུགས་ཀྱི་ལེའུ་ལས། སའམ། རྡོ་ཐལ་ལམ། ཤིང་ངམ། རྡོའམ། ར་གན་ནམ། ལྕགས་སམ། གསེར་རམ། དངུལ་ལམ། བཻ་ཌཱུརྻ་འམ། ཤེལ་ལམ། མུཀྟི་ཀ་དམར་པོའམ། རྡོའི་སྙིང་པོའམ། སླུག་གམ། དུང་ངམ། མན་ཤེལ་ལམ། སྤོས་སམ། རས་སམ། ཤིང་ལེབ་བམ། རྩིག་ངོས་ལ། དེ་བཞིན་གཤེགས་པའི་སྐུ་གཟུགས་བཞེངས་པར་བྱ། རལ་བ་གསོ་བར་བྱ་བ་དང་། གྲུམ་པ་བཅོས་པར་བྱས་ཏེ་དེ་བཞིན་གཤེགས་པའི་སྐུ་གཟུགས་བྱས་ན་རིགས་དམའ་བ་ཐམས་ཅད་དང་། སྡིག་པ་བྱེད་པའི་རིགས་རྣམས་དང་། ལོག་པར་ལྟ་བའི་རིགས་སུ་མི་སྐྱེ། ཡན་ལག་གང་ཡང་མ་ཚང་བར་མི་འགྱུར་རོ། །གལ་ཏེ་མཚམས་མེད་པ་ལྔ་བྱས་སུ་ཟིན་ཀྱང་དེ་བཞིན་གཤེགས་པ་ལ་དད་པ་རྙེད་དེ་སྐུ་གཟུགས་བྱས་ན་ལས་དེས་སེམས་ཅན་དམྱལ་བ་མྱོང་བ་ཆུང་ངུ་མྱོང་སྟེ། ཐེག་པ་གསུམ་གང་ཡང་རུང་བས་ངེས་པར་འབྱུང་བར་འགྱུར་རོ། །དཔེར་ན་མི་ཞིག་མི་གཙང་བས་རེག་པ་ལ་རབ་ཏུ་དག་པར་བཀྲུས་ཏེ་སྤོས་ཀྱིས་བྱུགས་ན་དྲི་མི་ཞིམ་པ་དེ་མེད་པར་འགྱུར་རོ། །དེ་བཞིན་དུ་མཆམས་

― LT38_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ་བྱས་པ་དེའི་སྡིག་པ་ཡང་མེད་པར་འགྱུར་རོ། །མི་དགེ་བ་བཅུའི་ལས་ཀྱི་ལམ་དང་ལྡན་པ་ཡང་དེ་བཞིན་གཤེགས་པ་ལ་དད་པ་རྙེད་དེའི་སྐུ་གཟུགས་བྱས་ན་དེའི་སྡིག་པ་དེ་ཇི་ལྟར་མེའི་ཕུང་པོས་མར་ཚིག་སྟེ་དུ་བ་ཡང་མི་མངོན་པ་བཞིན་དེའི་སྡིག་པ་དེ་ཡང་མི་སྣང་བར་འགྱུར་རོ། །ཞེས་དང་། དམ་པའི་ཆོས་པདྨ་དཀར་པོ་ལས། ལ་ལས་དེར་ནི་རིན་ཆེན་གཟུགས་བྱས་པ། །སུམ་ཅུ་རྩ་གཉིས་མཚན་དང་ལྡན་པའི་གཟུགས། །གང་གིས་དེ་ཕྱིར་བྱས་པ་དེ་དག་ཀྱང་། །དེ་དག་ཐམས་ཅད་བྱང་ཆུབ་ཐོབ་པར་འགྱུར། །ལ་ལས་དེར་ནི་རིན་ཆེན་སྣ་བདུན་དང་། །ལ་ལས་དེ་བཞིན་ཟངས་དང་འཁར་བ་ལས། །བདེ་བར་གཤེགས་པ་རྣམས་ཀྱི་གཟུགས་བྱས་པ། །དེ་དག་ཐམས་ཅད་བྱང་ཆུབ་ཐོབ་པར་འགྱུར། །རོ་ཉེ་དང་ནི་ལྕགས་སམ་ས་ཡང་རུང་། །བདེ་བར་གཤེགས་པ་རྣམས་ཀྱི་གཟུགས་བྱས་ཏེ། །བལྟ་ན་སྡུག་པ་འཇིམ་པའི་ལས་བྱེད་བཅུག །དེ་དག་ཐམས་ཅད་བྱང་ཆུབ་ཐོབ་པར་འགྱུར། །གང་གིས་རྩིག་ངོས་གཟུགས་ཀྱི་རི་མོ་དག །བསོད་ནམས་བརྒྱ་མཚན་ཡོངས་སུ་རྫོགས་པའི་སྐུ། །བདག་གིས་བྲིས་སམ་འབྲི་རུ་བཅུག་ཀྱང་རུང་། །དེ་དག་ཐམས་ཅད་བྱང་ཆུབ་ཐོབ་པར་འགྱུར། །སྐྱེས་བུ་དག་གམ་འོན་ཏེ་གཞོན་ནུའང་རུང་། །གང་དག་ལ་ལ་དེ་ནི་སློབ་པའི་ཚེ། །རྩེད་མོ་དགའ་དང་བསང་བར་བྱེད་པ་ན། །རྩིག་ངོས་སེན་མོ་ཤིང་བུས་གཟུགས་བྲིས་པ། །དེ་དག་ཐམས་ཅད་བྱང་ཆུབ་ཐོབ་འགྱུར་ཏེ། །དེ་དག་ཐམས་ཅད་སྙིང་རྗེ་ཅན་དུ་འགྱུར། །

― LT38_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱང་ནི་སྲོག་ཆགས་བྱེ་བ་སྒྲོལ། །བྱང་ཆུབ་སེམས་དཔའ་མང་པོ་ཡང་དག་འཛུད། །ཅེས་དང་། དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་བསྟན་པ་ལས་ཕན་ཡོན་ཆེན་པོ་ལྔར་གསུངས་པའི་བསྡམས་ནི། གཞལ་ཡས་ཁང་གནས་གྲགས་བཟང་སྤྲོ་བ་མང་། །ཚེ་རིང་གྲགས་ལྡན་བདེ་མང་དང་པོའོ། །བྱུག་ཅིང་ནོར་མང་ཡོ་བྱད་ལོངས་སྤྱོད་ཆེ། །འབྲུ་ནོར་གཉེན་ཕྱུགས་བྲན་མང་གཉིས་པའོ། །གཟུགས་བཟང་མདོག་མཛེས་རྒྱན་ལྡན་གསུམ་པ་སྟེ། །འཁོར་ལོས་སྒྱུར་རྒྱལ་ཉིད་འགྱུར་བཞི་པའོ། །ལྷ་རྒྱལ་ཁྱད་པར་ཅན་ཏུ་སྐྱེས་ནས་ཀྱང་། །ཚེ་སོགས་གནས་བཅུར་དབང་བྱེད་ལྔ་པའོ། །གསལ་རྒྱལ་གྱི་ཚིགས་སུ་བཅད་པ་ལས། །བཅོམ་ལྡན་འདས་ཀྱི་མཆོད་རྟེན་རྣམས་དང་ནི། །སྐུ་གཟུགས་རྣམས་ལ་རྡུལ་ཕྲན་ཅི་སོང་བ། །དེ་ཡི་གྲངས་སྙེད་དེ་བྱེད་མི་རྣམས་ཀྱིས། །ལྷ་ཡུལ་ས་སྟེང་ངེས་པར་རྒྱལ་སྲིད་འཐོབ། །གཟུགས་དང་གཟུགས་མེད་ཁམས་ཀྱི་ཏིང་ངེ་འཛིན། །ཕུན་སུམ་ཚོགས་པའི་ས་མཆོག་ཀུན་མྱོང་ནས། །ཐ་མར་སྐྱེ་དང་རྒ་ལ་སོགས་པ་ཡི། །སྡུག་བསྔལ་མེད་པའི་སངས་རྒྱས་གོ་འཕང་འཐོབ། །ཅེས་སོགས་རྒྱ་ཆེར་འབྱུང་བ་དང་། བུ་མོ་རིན་ཆེན་གྱིས་ཞུས་པའི་མདོ་ལས། དེ་བཞིན་གཤེགས་པའི་སྐྱེས་བུ་ཆེན་པོའི་

― LT38_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་མཐུ་བོ་ཆེ་ཆེན་པོའི་ལུས་ཀུན་ནས་མཛེས་པ་འདི་ནི་སྔོན་དེ་བཞིན་གཤེགས་པའི་སྐུ་གཟུགས་བྱེད་པ་དང་། མཆོད་རྟེན་ཞིག་པ་བཅོས་པ་དང་། གཞན་འཇིགས་པ་དག་དབུགས་ཕྱུང་བ་དང་། སེམས་ཅན་མི་འདུམ་པའི་བསྡུམས་བྱས་པས་གྲུབ་སྟེ། ཞེས་སོགས་འབྱུང་བ་དང་། ཚོང་དཔོན་སྤོབས་པའི་བློ་གྲོས་ཀྱིས་ཞུས་པ་ལས། དེ་བཞིན་གཤེགས་པའི་སྐུ་གཟུགས་བྱེད་དུ་འཇུག་པ་དང་། མདོའི་དོན་འཆད་ཉན་བགྱིད་པ། བྱམས་པ་སྒོམ་པ། མཁན་སློབ་ལ་གུས་ཤིང་རིམ་གྲོ་བྱེད་པ། གསུམ་ལ་སྐྱབས་སུ་འགྲོ་བ་ལ་རང་ཉིད་བརྩོན་ཞིང་གཞན་དག་དེ་ལ་བཀོད་པའི་ཆོས་ལྔ་པོ་དང་ལྡན་པས། ཚེ་རབས་ཀུན་ཏུ་མཆོག་གསུམ་དང་མི་འབྲལ་ཞིང་། སངས་རྒྱས་རྣམས་མཇལ་ཞིང་དམ་པའི་ཆོས་ཐོས་པ་དང་། ཅི་འདོད་པའི་ཕུན་སུམ་ཚོགས་པ་ཐོབ་ཅིང་མཐར་གྱིས་བྱང་ཆུབ་བརྙེས་པར་འགྱུར་བར་གསུངས་པ་དང་། ཀླུའི་རྒྱལ་པོ་རྒྱ་མཚོས་ཞུས་པ་ཆེ་བ་ལས། སངས་རྒྱས་མཐོང་བ་དང་མི་འབྲལ་བའི་ཆོས་བརྒྱད་ཀྱི་ཡ་གྱལ་གཅིག་སངས་རྒྱས་ཀྱི་སྐུ་གཟུགས་བཞེངས་པ་ལས་བཤད་པ་དང་། དཀོན་མཆོག་ཏ་ལའི་མདོ་ལས། སྐུ་གཟུགས་དང་མཆོད་རྟེན་བྱས་པ་དང་། དེ་མཐོང་བ་དང་། དེ་ལ་མར་མེ་སོགས་ཀྱིས་མཆོད་པས་འོད་

― LT38_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་གྱིས་ཁྱད་པར་མཐའ་ཡས་པ་འགྲུབ་པའི་རྒྱུར་གསུངས་པ་དང་། བུ་མོ་རྣམ་དག་དད་པས་ཞུས་པའི་མདོ་ལས། སངས་རྒྱས་ཀྱི་སྤྱན་སྔར་བརྫུས་ཏེ་སྐྱེ་བའི་ཆོས་བརྒྱད་ཀྱི་ཡ་གྱལ་གཅིག་དེ་བཞིན་གཤེགས་པའི་སྐུ་གཟུགས་བྱས་ནས་པདྨོའི་གདན་ལ་འཇོག་པ་ལ་གསུངས་བ་དང་། འཕགས་པ་དོན་དམ་རྣམ་པར་ངེས་པའི་མདོ་ལས། དེ་བཞིན་གཤེགས་པའི་སྐུ་སྲེད་མེད་ཀྱི་བུ་ལྟ་བུར་ཀུན་ཏུ་མཛེས་པ་འདི་ནི། སྔོན་དེ་བཞིན་གཤེགས་པའི་སྐུ་གཟུགས་བྱས་པ་དང་། མཆོད་རྟེན་ཞིག་པ་བཅོས་པ་དང་། གཞན་དག་འཇིགས་པ་དག་ལས་དབུགས་དབྱུང་བ་བྱས་པས་མངོན་པར་གྲུབ་བོ། །ཞེས་གསུངས་པ་སོགས་ཤིན་ཏུ་མང་ཞིང་། རྒྱུད་སྡོམ་པ་འབྱུང་བ་སོགས་དང་། ཁྱད་པར་འཇམ་དཔལ་རྩ་རྒྱུད་ལས་རས་བྲིས་ཀྱི་སྐུ་གཟུགས་བྱ་བའི་ཚུལ་དང་ཕན་ཡོན་ཚད་མེད་པས་གསུངས་ལ། མདོར་བསྡུས་སྡོམ་འབྱུང་ལས། སྔགས་པ་ལས་ནི་དང་པོ་པས། །གཟུགས་བརྙན་ལ་སོགས་བྱ་བ་སྟེ། །བྲིས་སྐུ་བསྒྲུབས་ན་མྱུར་དུ་ནི། །དངོས་གྲུབ་རྒྱ་ཆེན་འཐོབ་པར་འགྱུར། ཅེས་དང་། འཇམ་དཔལ་རྩ་རྒྱུད་ལས། བསྐལ་པ་བྱེ་བར་བྱས་པའི་སྡིག །ཤིན་ཏུ་མི་བཟད་གང་ཡིན་པ། །ས་སྟེང་རི་མོ་མཐོང་བ་ཡིས། །དེ་ཡི་མོད་ལ་བྱང་བར་བྱེད། །ཅེས་

― LT38_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་འབྱུང་ཞིང་། བསླབ་བཏུས་ལས། མི་མཇེད་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་ལ་འདོད་ཡོན་ལྔའི་སྦྱིན་པ་བྱིན་པ་ལས། དགེ་བསྙེན་རྣམ་དག་གཅིག་ལ་བསྙེན་བཀུར་བ་བསོད་ནམས་ཆེས་ཁྱད་པར་འཕགས་སོ། །དེ་ཐམས་ཅད་ལས་ནི་དགེ་ཚུལ་གཅིག་ལའོ། །དེ་ཐམས་ཅད་ལས་ནི་དགེ་སློང་གཅིག་ལའོ། །དེ་ཐམས་ཅད་ལས་ནི་རྡོ་རྗེ་འཛིན་པ་གཅིག་ལའོ། །དེ་ཐམས་ཅད་བསྙེན་བཀུར་བ་ལས་ནི་སྐུ་གཟུགས་མཚན་ཉིད་དང་ལྡན་པ་ཚོན་གང་བ་ཞིག་བཞེངས་པ་བསོད་ནམས་ཆེས་ཁྱད་པར་འཕགས་སོ། །ཞེས་སོགས་མདོ་རྒྱུད་བསྟན་བཅོས་རྣམས་ནས་མཐའ་ཡས་པ་འབྱུང་ངོ། །ཡོན་ཏན་དེ་ལྟར་འབྱུང་བའི་རྒྱུ་མཚན་གྱི་གཙོ་བོ་ངེས་དོན་གྱི་གསང་བ་ཟབ་མོ་རྣམས་ནས། སྐུ་དང་སྐུའི་གཟུགས་བརྙན། གསུང་དང་སྒྲའི་གཟུགས་བརྙན་ཇི་ལྟར་སྣང་ཡང་དངོས་གཞི་ལས་མི་འདའ་བས་ཐ་དད་མེད་པར་གསུངས་ཏེ། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས། ལང་ཀའི་བདག་པོ་དཔེར་ན་རྡོ་རྗེ་སེམས་དཔའ་ནི་སངས་རྒྱས་རྣམས་ཀྱི་སྤྱོད་ཡུལ་དགོངས་པ་དམ་པ་ཡིན་ན་དེའི་གཟུགས་བརྙན་ཞིག་བླུན་པོ་གང་ཞིག་གི་མདུན་ཏུ་བཞག་ན་བླུན་པོ་དེ་ཅི་སྙམ་དུ་སེམས། སྨྲས་པ། གསང་བ་པའི་བདག་པོ་དེ་ནི་འདི་ལྟར་འདི་ནི་རྡོ་རྗེ་སེམས་

― LT38_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་ཉིད་མ་ཡིན་ཏེ། དེའི་འདྲ་བ་འབའ་ཞིག་གོ་སྙམ་དུ་རྟོག་གོ། །སྨྲས་པ། ལང་ཀའི་བདག་པོ་དེ་བས་ན་གང་དམ་པ་དག་གིས་བལྟས་ན་མི་དམིགས་པའི་དབྱིངས་ན་རྡོ་རྗེ་སེམས་དཔའ་དང་དེའི་གཟུགས་བརྙན་གཉིས་གཞན་དང་གཞན་ན་སོ་སོར་གནས་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་གཉིས་ཀྱི་རང་བཞིན་དེ་ཁོ་ན་ཉིད་དེ་དེ་བཞིན་ཡིན་པའི་ཕྱིར་རོ། །དེ་སོ་སོ་བ་ཞིག་ཡིན་ན་ནི་དམིགས་པས་འབྲས་བུ་སྐྱེ་བར་མི་རིགས་སོ། །ལང་ཀའི་བདག་པོས་སྨྲས་པ། གསང་བ་པའི་བདག་པོ་དེ་དག་ལ་ཁྱད་པར་མ་མཆིས་སམ། སྨྲས་པ། ལང་ཀའི་བདག་པོ་མི་ཤེས་པའི་དབང་དུ་གཟུགས་བརྙན་དང་དེས་མཚོན་པའི་དོན་ཞེས་བརྗོད་ཅིང་སྣང་བར་ཟད་ཀྱི། དམ་པ་རྣམས་ཀྱི་དེ་ཁོ་ན་ཉིད་བརྩོན་པར་བྱས་ན་དེ་ལ་ནི་ཁྱད་པར་ཅུང་ཟད་ཀྱང་མེད་དོ། །ཞེས་སོགས་གསུངས་པ་བཞིན་ནོ། །མཆོད་རྟེན་བཞེངས་པའི་ཕན་ཡོན་ནི། །དམ་ཆོས་པད་དཀར་ལས། རྒྱལ་བའི་རིང་བསྲེལ་དག་ལ་སུས་མཆོད་ཅིང་། །གསེར་དང་དངུལ་དང་འོན་ཏེ་ཤེལ་གྱིའམ། སོགས་ནས། གང་གིས་མཆོད་རྟེན་རྡོ་ལས་བྱས་པ་དང་། །གང་གིས་ཨ་ག་རུ་དང་ཙནྡན་ནམ། །གང་གིས་ཐང་ཤིང་མཆོད་རྟེན་བྱས་པ་དང་། །ལ་ལས་ཤིང་མང་གཞན་ལས་བྱས་པ་དང་། །ས་དང་སོ་ཕག་ལས་ནི་བརྩིགས་པ་ཡི། །རྒྱལ་

― LT38_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མཆོད་རྟེན་དགའ་ཞིང་བྱས་པ་དང་། །དེ་ཕྱིར་ས་རྡུལ་ཕུང་པོ་དག་ལས་ཀྱང་། །མྱ་ངམ་དགོན་པ་དག་ཏུ་བྱས་པ་དང་། །བྱིས་པ་རྩེད་མོར་དེ་དང་དེ་དག་ཏུ། །གང་གིས་རྒྱལ་བ་དེ་ཕྱིར་མཆོད་རྟེན་དག །བྱེ་མ་ལས་ནི་ཕུང་པོ་བྱས་པ་ཡང་། །དེ་རྣམས་ཀྱིས་ཀྱང་བྱང་ཆུབ་འཐོབ་པར་འགྱུར། །ཅེས་དང་། གསལ་རྒྱལ་གྱིས་ཞུས་པའི་མདོ་ལས། མཆོད་རྟེན་བཞེངས་པ་སོགས་ཀྱི་ཕན་ཡོན་ཚད་མེད་པ་གསུངས་ནས། རྒྱལ་བའི་མཆོད་རྟེན་གཞན་གྱིས་བྱས་པ་ལ། །རྗེས་སུ་ཡི་རངས་དོན་དེ་མ་བྱས་ཀྱང་། །མདོར་ན་དེ་དག་གིས་ཀྱང་བྱས་པར་འགྱུར། །ཅེས་གཞན་གྱིས་བྱས་པ་ལ་རྗེས་སུ་ཡི་རང་བ་ཙམ་གྱིས་བསོད་ནམས་བླ་ན་མེད་པ་འཐོབ་པར་བཤད་པ་དང་། མདོ་སྡེ་རྣམ་འབྱེད་ལས། མཆོད་རྟེན་བཞེངས་པའི་ཕན་ཡོན་བཅོ་བརྒྱད་གསལ་བར་གསུངས་པ་བ་དང་། གསང་བ་རིང་བསྲེལ་ཟ་མ་ཏོག་གི་གཟུངས་ལས། གང་ཞིག་ཆོས་ཀྱི་རྣམ་གྲངས་འདི་བྲིས་ཏེ་མཆོད་རྟེན་གྱི་ནང་དུ་བཞག་པ་དེ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྙིང་པོ་རིང་བསྲེལ་གྱི་མཆོད་རྟེན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གཟུངས་ཀྱི་སྙིང་པོ་གསང་བས་བྱིན་གྱིས་བརླབས་པའི་མཆོད་རྟེན་དུ་འགྱུར་རོ། །དེ་བཞིན་གཤེགས་པ་ཏིལ་གྱི་གང་བུ་སྙེད་དགུ་བཅུ་རྩ་

― LT38_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

དགུའི་མཆོད་རྟེན་དུ་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་དང་། སྤྱན་གྱི་མཆོད་རྟེན་དུ་བྱིན་གྱིས་བརླབ་པར་འགྱུར་རོ། །ཞེས་སོགས་དང་། དེ་བཞིན་གཤེགས་པ་ཐམས་ཅད་དང་། ཆོས་ཀྱི་རྣམ་གྲངས་འདིའི་མཐུ་དང་བྱིན་གྱིས་བརླབས་དང་། བདེན་པ་དང་། དམ་ཚིག་གིས་བྱང་ཆུབ་ཀྱི་སྙིང་པོ་ལ་ཐུག་གི་བར་དུ་བྱིན་གྱིས་བརླབས་པར་འགྱུར་རོ། །སེམས་ཅན་གང་དག་མཆོད་རྟེན་དེ་ལ་ཕུ་དུད་དང་། བསྟི་སྟངས་བྱེད་པ་དེ་དག་ངེས་པར་ཕྱིར་མི་ལྡོག་པར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཕྱག་འཚལ་བ་གཅིག་དང་། བསྐོར་བ་བྱེད་པ་གཅིག་གིས་མནར་མེད་པ་ཐུག་པ་ལ་སོགས་པ་རྣམས་ལས་ཡོངས་སུ་ཐར་བར་འགྱུར་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །གནས་གང་ན་མཆོད་རྟེན་ནམ་གཟུགས་བརྙན་འདི་ལྟ་བུ་གནས་པའི་ས་ཕྱོགས་དེ་ཡང་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབ་པར་འགྱུར་རོ། །ཞེས་དང་། མཆོད་རྟེན་བཞུགས་པའི་ཕྱོགས་དེར་རྒྱལ་ཆེན་སྡེ་བཞི་སོགས་ལྷ་དང་གནོད་སྦྱིན་ཐམས་ཅད་ཀྱིས་སྲུང་བ་དང་། ནད་རིམས་འཁྲུགས་རྩོད་སད་སེར་དུས་མིན་འཆི་བ་སོགས་གནོད་པ་གང་ཡང་མི་

― LT38_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་དང་། མཆོད་རྟེན་དང་སྐུ་གཟུགས་ས་རྡོ་ཤིང་དང་གསེར་དངུལ་གང་ལ་བྱེད་ཀྱང་གཟུངས་འདི་བཞག་མ་ཐག་ཏུ་རིན་པོ་ཆེ་སྣ་བདུན་གྱི་རང་བཞིན་ཏུ་བྱིན་གྱིས་བརླབས་ཤིང་ཕྱོགས་ཀུན་ན་དེ་བཞིན་གཤེགས་པའི་གཟུགས་བརྙན་གནས་པར་འགྱུར་བ་སོགས་གསུངས། བྱང་ཆུབ་སྙིང་པོ་རྒྱན་འབུམ་གྱི་ཆོ་ག་ཞིབ་མོ་ལས། གང་ལ་ལ་ཞིག་གིས་བྱང་ཆུབ་སྙིང་པོའི་རྒྱན་འབུམ་གྱི་གཟུངས་འདི་གྲོག་ལ་བྲིས་ཏེ། ཕྱག་མཚན་གྱི་རྡོ་རྗེའི་ནང་དུ་བཅུག་པའམ། སྐུ་གཟུགས་ཀྱི་ནང་བཅུག་པའམ། ཁོག་པར་བྲིས་པའམ། ལྷ་ཁང་གི་གནྡྷོ་ལའི་ནང་བཅུག་པའམ། མཆོད་རྟེན་གྱི་ནང་བཅུག་ན། དེས་མཆོད་རྟེན་གཅིག་བྱས་པས་འབུམ་བྱས་པར་འགྱུར་རོ། །མཆོད་རྟེན་དེ་སྙེད་བཞེངས་པའི་བསོད་ནམས་ཐོབ་པར་འགྱུར་རོ། །རིགས་ཀྱི་བུའམ་རིགས་ཀྱི་བུ་མོ་དེས་ངས་སྔར་དཔེ་དངས་ཏེ་བསྟན་པ་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་གྲངས་དང་མཉམ་པའི་ཆོས་ཀྱི་སྐུའི་རིང་བསྲེལ་དང་། ཆོས་ཀྱི་དབྱིངས་ཀྱི་རིང་བསྲེལ་དང་། རུས་པའི་རིང་བསྲེལ་དང་། ཤའི་རིང་བསྲེལ་དེ་དག་ཐམས་ཅད་ལ་མཆོད་རྟེན་བྱས་པའི་བསོད་ནམས་འཐོབ་པར་འགྱུར་རོ། །ཞེས་སོགས་དང་། གསེར་དངུལ་ཟངས་ལྕགས་ས་རྡོ་ཤིང་དང་སྨན་འདམས་

― LT38_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་མཆོད་རྟེན་སྐུ་གཟུགས་བྱས་པའམ། རི་མོར་བྲིས་པ་ལའང་གཟུངས་འདི་དར་རམ་ཤོག་གུ་ལ་བྲིས་ཏེ་ནང་དུ་བཅུག་ནས། ཕྱག་མཆོད་བཀུར་སྟི་རིམ་གྲོ་བྱས་ན། སངས་རྒྱས་ཀྱི་མཁྱེན་པ་དང་འོད་ཟེར་གྱི་གཞལ་བ་དང་། སངས་རྒྱས་ཀྱི་སྤྱན་གྱིས་གཟིགས་པའི་རིང་བསྲེལ་གྲངས་ཇི་སྙེད་པ་དང་། རྒྱ་མཚོ་ཆེན་པོའི་ཆུ་ཐིགས་ཀྱི་གྲངས་དང་མཉམ་པའི་མཆོད་རྟེན་དང་སྐུ་གཟུགས་བྱས་པར་འགྱུར་བ་དང་། དེ་སྙེད་ལ་ཕྱག་མཆོད་སྲི་ཞུ་བྱས་པའི་བསོད་ནམས་ཀྱི་འབྲས་བུ་ཐོབ་པར་གསུངས། འོད་ཟེར་དྲི་མེད་ཀྱི་གཟུངས་ལས། ཡང་གང་ལ་ལ་ཞིག་གིས་གསང་སྔགས་ཡི་གེར་བྲི་བ་གཞན་གྱི་མིང་ནས་སྨོས་ཏེ། མཆོད་རྟེན་གྱི་ནང་དུ་བཅུག་ལ་ནན་ཏན་དུ་མཆོད་པ་བྱས་ན་ཤི་བ་གང་ཡིན་པ་དེ་ངན་སོང་གི་གནས་ནས་ཐར་ཏེ་མཐོ་རིས་སུ་སྐྱེ་བར་འགྱུར་རོ། །ཡང་ན་དགའ་ལྡན་གྱི་ལྷའི་རིས་སུ་སྐྱེ་བར་འགྱུར་ཏེ། སངས་རྒྱས་ཀྱི་བྱིན་གྱིས་བརླབས་ཀྱིས་ངན་སོང་དུ་ལྟུང་བར་མི་འགྱུར་རོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་མཆོད་རྟེན་དེ་ལ་བསྐོར་བ་བྱས་སམ། ཕྱག་བྱས་སམ། མཆོད་པ་ཕུལ་ཡང་རུང་སྟེ། དེ་བཞིན་གཤེགས་པའི་བྱིན་གྱིས་བརླབས་ཀྱིས་བླ་ན་མེད་པའི་བྱང་ཆུབ་ལམ་ལས་ཕྱིར་མི་ལྡོག་པར་ཡང་འགྱུར་རོ། །སྔོན་གྱི་ལས་ཀྱི་སྒྲིབ་པ་རྣམས་

― LT38_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་མ་ལུས་པར་འབྱང་བར་འགྱུར་རོ། །ཐ་ན་བྱ་དང་རི་དྭགས་ལ་སོགས་ཏེ་གང་དག་ལ་མཆོད་རྟེན་དེའི་གྲིབ་མ་ཕོག་པ་དེ་དག་ཀྱང་ནམ་ཡང་དུད་འགྲོ་ལ་སོགས་པ་ངན་སོང་གི་གནས་སུ་སྐྱེ་བར་མི་འགྱུར་རོ། །གང་ལ་ལ་མཚམས་མེད་པ་ལྔའི་སྡིག་པ་ཆེན་པོ་དང་ལྡན་པ་ཡང་མཆོད་རྟེན་དེ་ལ་རེག་གམ། དེའི་གྲིབ་མས་ཕོག་ཀྱང་རུང་སྟེ། དེའི་སྡིག་པ་ཐམས་ཅད་བྱང་ཞིང་ཟད་པར་འགྱུར་རོ། །ཞེས་སོགས་དང་། འཇིགས་པ་གནོད་པ་ལྟས་ངན་བཀྲ་མི་ཤིས་པ་ཐམས་ཅད་ཞི་ཞིང་ཕྱིར་ཟློག་པའི་ཚུལ་རྒྱ་ཆེར་གསུངས་ལ། སྲོག་ཤིང་གི་གསང་སྔགས་དགུ་བཅུ་རྩ་དགུ་གཞུག་པའི་ཡོན་ཏན་ཀྱང་གང་ལ་ལ་ཞིག་གིས་འཇིམ་པ་ལས་མཆོད་རྟེན་ཆུང་ངུ་ཞིག་བྱས་ཏེ། དེའི་ནང་དུ་གསང་སྔགས་འདི་དག་བཅུག་ན་ཡང་རིན་པོ་ཆེ་སྣ་བདུན་གྱི་མཆོད་རྟེན་དགུ་ཁྲི་དགུ་སྟོང་བརྩིགས་པ་དང་འདྲའོ། །ཞེས་དང་། ཐ་ན་བྱ་དང་སྦྲང་མ་ལ་སོགས་པ་མཆོད་རྟེན་དེའི་གྲིབ་མས་ཕོག་ན་ཡང་དེ་བཞིན་གཤེགས་པས་མཁྱེན་ཅིང་རྗེས་སུ་དགོངས་པར་མཛད་དོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་ཅིང་ཕྱིར་མི་ལྡོག་པའི་ས་ལ་གནས་པར་ཡང་འགྱུར་རོ། །ཡང་གང་ལ་ལ་ཞིག་གིས་མཆོད་རྟེན་འདི་ལྟ་བུ་རྨི་ལམ་དུ་རྨིས་སམ། རྒྱང་ནས་མཐོང་ངམ། དྲིལ་བུའི་སྒྲ་ཐོས་སམ། མཆོད་

― LT38_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་བཞེངས་པ་རྣ་བར་གཏམ་ཐོས་པ་དེ་དག་ཀྱང་མཚམས་མེད་པ་ལྔ་ལ་སོགས་ཏེ། སྡིག་པ་དང་སྒྲིབ་པ་ཐམས་ཅད་བྱང་སྟེ། རྟག་ཏུ་དེ་བཞིན་གཤེགས་པ་རྣམས་ཀྱིས་བསྲུང་བ་དང་། རྗེས་སུ་དགོངས་པ་མཛད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ལམ་ཡོངས་སུ་དག་པ་ཐོབ་པར་འགྱུར་རོ། །ཞེས་དང་། སྒྲིབ་སེལ་གཟུངས་སོགས་ལས་དེ་མཚུངས་གསུངས་ཤིང་། འདིའི་སྲོག་ཤིང་བཙུགས་པའི་ཆོ་ག་ཚུལ་བཞིན་བྱས་པའི་ཡོན་ཏན་ཀྱང་ངོ་མཚར་ཆེ་ཞིང་ཚད་མེད་པ་རྒྱས་པར་གསུངས་ནས། དེ་ལྟར་སེམས་ཐག་པ་ནས་ཆོ་ག་ཚུལ་བཞིན་དུ་བྱས་ན་ཡོན་ཏན་དེ་དག་དང་། གཞན་ཡང་མཆོད་རྟེན་དེ་ཡིད་བཞིན་གྱི་ནོར་བུ་རིན་པོ་ཆེ་ལས་བྱས་པའི་བསོད་ནམས་ཐོབ་པར་འགྱུར་ཏེ། རིན་པོ་ཆེའི་རྣམ་པ་བྱེ་བ་ཁྲག་ཁྲིག་བརྒྱ་སྟོང་དུ་མ་ལས་མཆོད་རྟེན་བྱས་པ་དང་འདྲ་བར་འགྱུར་ཏེ། དགེ་བའི་རྩ་བ་རྒྱ་ཆེན་པོ་དང་ལྡན་ཞིང་ལུས་རྣམ་པར་དག་ལ་ཚེ་རིང་ཞིང་ནད་མེད་པ་དང་། བགེགས་ཐམས་ཅད་ཀྱིས་མི་ཚུགས་པར་འགྱུར་རོ། །གང་གཞན་ལ་ལ་ཞིག་གིས་མཆོད་རྟེན་འདི་མཐོང་ངམ། མཆོད་རྟེན་དེའི་དྲིལ་བུའི་སྒྲ་ཐོས་ན་ཡང་ལས་ཀྱི་སྒྲིབ་པ་དང་། སྡིག་པ་ཐམས་ཅད་བྱང་བར་འགྱུར་ཏེ། མཚམས་མེད་པ་ལྔ་བྱས་པ་ཡང་ཡོངས་སུ་བྱང་ནས་འཆི་བའི་དུས་བྱས་པའི་འོག་ཏུ་

― LT38_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ་ཅན་གྱི་འཇིག་རྟེན་དུ་སྐྱེའོ། །གང་ལ་ལ་ཞིག་གིས་མཆོད་རྟེན་དེའི་མིང་ཙམ་ཐོས་པ་ཡང་འཆི་བའི་དུས་བྱས་ནས་བླ་ན་མེད་པའི་བྱང་ཆུབ་ཀྱི་ལམ་འཐོབ་པར་འགྱུར། ཐ་ན་བྱ་དང་། རི་དྭགས་ལ་སོགས་པ་སེམས་ཅན་གང་གིས་མཐོང་བ་དེ་ཡང་ཚེ་འཕོས་ནས་དུད་འགྲོའི་སྐྱེ་གནས་སྤངས་ཏེ། བསོད་ནམས་དང་ལྡན་པའི་ལུས་ཐོབ་པར་འགྱུར་རོ། །ཞེས་སོགས་མཐའ་ཡས་པར་གསུངས། རྟེན་ཅིང་འབྲེལ་བར་འབྱུང་བའི་མདོ་ལས། སྤྱན་རས་གཟིགས་དབང་ཕྱུག་རིགས་ཀྱི་བུའམ། རིགས་ཀྱི་བུ་མོ་དད་པ་ཅན་གང་ལ་ལ་ཞིག་གིས་མི་གནས་པའི་ས་ཕྱོགས་སུ་མཆོད་རྟེན་ནི་སྐྱུ་རུ་རའི་འབྲུ་ཙམ། སྲོག་ཤིང་མོ་ཁབ་ཙམ། གདུགས་ནི་བཀྐུ་ལའི་མེ་ཏོག་ཙམ་ཞིག་བྱས་ལ། རྟེན་ཅིང་འབྲེལ་བར་འབྱུང་བ་ཆོས་ཀྱི་དབྱིངས་ཀྱི་ཚིགས་སུ་བཅད་པ་ནང་དུ་བཅུག་ན། དེས་ཚངས་པའི་བསོད་ནམས་བསྐྱེད་པར་འགྱུར་ཏེ། འདི་ནས་ཤི་འཕོས་ཤིང་འཆི་བའི་དུས་བྱས་ནས་ཚངས་པའི་འཇིག་རྟེན་ཏུ་སྐྱེ་བར་འགྱུར་རོ། །ཞེས་གསུངས། གཙུག་ཏོར་རྣམ་པར་རྒྱལ་མའི་གཟུངས་ལས། གཟུངས་དེ་ཉིད་ཡི་གེར་བྲིས་ཏེ་རྒྱལ་མཚན་གྱི་རྩེ་མོ། རི་མཐོན་པོ། ཁང་སྟེང་དང་མཆོད་རྟེན་གྱི་ནང་དུ་བཞག་པས། དེ་མཐོང་ངམ། དེ་དང་ཉེ་བར་གནས་སམ། ཐ་ན་དེའི་གྲིབ་མས་ཕོག་གམ། དེའི་རྡུལ་

― LT38_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་གིས་བཏབ་པ་ཕོག་ནའང་སྡིག་པ་ཐམས་ཅད་བྱང་ཞིང་ངན་འགྲོར་འགྲོ་བའི་འཇིགས་པ་མི་འབྱུང་། ངན་སོང་གསུམ་དང་ལྷ་མ་ཡིན་གྱི་རིས་སུ་མི་སྐྱེ། སངས་རྒྱས་ཐམས་ཅད་ཀྱིས་ལུང་བསྟན་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག །ཐ་ན་མཆོད་རྟེན་སོགས་ཀྱི་ཤིང་བཟོ་བྱེད་པ་ལའང་ཕན་ཡོན་ཆེན་པོ་འགྱུར་ན་ཕྱག་བསྐོར་མཆོད་པ་བགྱིད་པ་ལྟ་ཅི་སྨོས་ཤིང་། ལམ་གྱི་བཞི་མདོར་གཟུངས་འདི་བཞག་པའི་མཆོད་རྟེན་བཞེངས་ཏེ་ཕྱག་བསྐོར་སོགས་བྱས་པའི་ཕན་ཡོན་ནི་ཚད་མེད་པར་གསུངས། གཙུག་ཏོར་དྲི་མེད་ཀྱི་གཟུངས་ལས། མཆོད་རྟེན་བརྒྱ་རྩ་བརྒྱད་བཏབ་པ་ལ་རིག་སྔགས་ཀྱི་སྙིང་པོ་འདི་བྲིས་ཏེ་མཆོད་རྟེན་གྱི་ནང་དུ་བཅུག་ནས་དཀྱིལ་འཁོར་གྱི་སྟེང་དུ་བཞག་ན་གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུའི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་ཀྱི་སྐུ་གདུང་དང་རིང་བསྲེལ་མཆོད་རྟེན་རེ་རེའི་ནང་དུ་བཅུག་པར་འགྱུར་རོ། །རིང་བསྲེལ་གྱི་སྙིང་པོར་ཡང་འགྱུར་རོ། །ཞེས་དང་། དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་ལ་གུས་པར་བྱས་ཏེ་མཆོད་རྟེན་གྱི་ལས་བྱས་ན་ཚེ་ཟད་པ་ལས་སླར་ནུར་ཏེ་ཚེ་རིང་པོར་སྦྱོང་བར་བྱེད་དོ། །གལ་ཏེ་ཤི་འཕོས་ན་ཡང་སྦྲུལ་གྱི་པགས་པ་བརྗེས་པ་བཞིན་དུ་ལུས་པོར་ནས་སྐལ་པ་མཉམ་པས་འཇིག་རྟེན་གྱི་

― LT38_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་བདེ་བ་ཅན་དུ་འགྲོ་བར་འགྱུར་རོ། །འཆི་བའི་སྡུག་བསྔལ་མྱོང་བར་མི་འགྱུར་རོ། །ཕྱིན་ཆད་ནམ་ཡང་འཆི་བའི་ཚོར་བ་མྱོང་བར་མི་འགྱུར་རོ། །ཕྱིན་ཆད་སེམས་ཅན་དམྱལ་བ་དང་། དུད་འགྲོ་དང་། གཤིན་རྗེའི་འཇིག་རྟེན་དང་། ངན་འགྲོར་འགྲོ་ཞིང་སྐྱེ་བར་མི་འགྱུར་རོ། །ཕྱིན་ཆད་སེམས་ཅན་དམྱལ་བ་བའི་སྒྲ་རྣ་ལམ་དུ་ཡང་གྲགས་པར་མི་འགྱུར་ན་འབྲས་བུ་རྣམ་པར་སྨིན་པར་འགྱུར་བ་ལྟ་ཅི་སྨོས་ཏེ་དེ་ནི་གནས་མེད་དོ། །ཞེས་དང་། འདིའི་ཆོ་གའི་ཚུལ་ཡང་གསལ་བར་བསྟན་ནས། དེས་ནི་གངྒཱའི་ཀླུང་གི་བྱེ་མ་སྙེད་ཁྲག་ཁྲིག་ཕྲག་འབུམ་གྱི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་ལ་དགེ་བའི་རྩ་བ་བསྐྱེད་པར་འགྱུར་རོ། །བསོད་ནམས་ཆེན་པོ་དང་ལྡན་པར་འགྱུར་རོ། །མཚམས་མེད་པ་ལྔའི་ལས་ཀྱི་སྒྲིབ་པ་རྣམས་ཀྱང་ཡོངས་སུ་བྱང་བར་འགྱུར་རོ། །སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་གྱི་ངན་སོང་རྣམས་ལས་ཡོངས་སུ་ཐར་བར་འགྱུར་རོ། །ཚེ་རིང་པོར་འགྱུར་རོ། །སྦྲུལ་གྱི་པགས་པ་བརྗེས་པ་བཞིན་དུ་ལུས་བོར་ནས་སྐལ་བ་མཉམ་པའི་ཕྱིར་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་རོ། །ཕྱིན་ཆད་མངལ་གྱི་གནས་ཀྱི་དྲི་མས་མི་གོས་པར་འགྱུར་རོ། །གང་དང་གང་དུ་སྐྱེ་བ་དེ་དང་དེར་

― LT38_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

བརྫུས་ཏེ་སྐྱེ་ཞིང་པདྨ་ལས་སྐྱེ་བར་འགྱུར་རོ། །ཚེ་རབས་ཐམས་ཅད་དུ་ཚེ་རབས་དྲན་པར་འགྱུར་རོ། །རྟག་ཏུ་དེ་བཞིན་གཤེགས་པ་ཐམས་ཅད་ལ་ལྟ་འདོད་པར་འགྱུར་རོ། །བསམ་པ་ཐམས་ཅད་ཡིད་བཞིན་དུ་ཡོངས་སུ་རྫོགས་པར་འགྱུར་རོ། །ཞེས་སོགས་རྒྱ་ཆེར་གསུངས་སོ། །གསུང་རྟེན་དམ་པའི་ཆོས་བཞེངས་པའི་ཕན་ཡོན་ནི། ནམ་མཁའ་མཛོད་ཀྱིས་ཞུས་པའི་མདོ་ལས། སྟོང་གསུམ་རིན་པོ་ཆེས་བཀང་ནས་དེ་བཞིན་གཤེགས་པ་ལ་ཕུལ་བ་བས། བསྟན་པའི་མཇུག་དེང་སང་ལྟ་བུར་ཆོས་ཚིག་བཞི་པའི་ཚིགས་སུ་བཅད་པ་གཅིག་འབྲི་བ་དང་། ཀློག་པ་དང་། གཞན་ལ་འཆད་པ་སོགས་ཕན་ཡོན་ཆེ་བར་གསུངས་པ་དང་། འཕགས་པ་སངས་རྒྱས་ཀྱི་སྟོབས་སྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས། འཛམ་བུའི་གླིང་འདི་དེ་བཞིན་གཤེགས་པའི་རིང་བསྲེལ་གྱི་མཆོད་རྟེན་རིན་པོ་ཆེ་སྣ་བདུན་ལས་བྱས་པས་གང་བར་བགྱིས་ཏེ་ལོ་འབུམ་དུ་ལྷའི་ཡོ་བྱད་སྣ་ཚོགས་པས་མཆོད་པ་དང་། ཛམ་བུ་གླིང་གི་སེམས་ཅན་ཐམས་ཅད་འཕགས་པའི་ལམ་ཡན་ལག་བརྒྱད་དང་ལྡན་པ་ལ་བཞག་ཅིང་། དེ་དག་ལ་ལོ་སྟོང་དུ་ཡོ་བྱད་ཐམས་ཅད་ཀྱིས་མི་བྲེལ་བར་མཆོད་པ་ལས་ཆོས་ཀྱི་རྣམ་གྲངས་འདི་ལས་ཚིགས་སུ་བཅད་པ་གཅིག་འབྲི་འཆང་ཉན་ཀློག་གི་ཕན་ཡོན་ཆེ་བར་གསུངས་

― LT38_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། དེ་བཞིན་གཤེགས་པའི་སྙིང་པོའི་མདོ་ལས། དེ་ཉིད་འཆད་ཉན་འབྲི་འཆང་བྱས་མ་ཐག་ཏུ་བྱེད་པ་པོ་དེས་བྱང་ཆུབ་ཐོབ་བོ་སྙམ་དུ་འདུ་ཤེས་སྐྱེད་ཆོག་ཅིང་ལྷ་དང་བཅས་པའི་འཇིག་རྟེན་གྱིས་ཕྱག་བྱ་བའི་འོས་སུ་གསུངས་པ་དང་། བྱང་ཆུབ་སེམས་དཔའི་སྤྱོད་པ་བསྟན་པའི་མདོ་ལས། བྱང་ཆུབ་སེམས་དཔའ་གང་གིས་བསྐལ་པ་འབུམ་གྱི་བར་དུ་ཐབས་ལ་མཁས་པ་མེད་པར་ཕ་རོལ་ཏུ་ཕྱིན་པ་དྲུག་ལ་སྤྱད་པ་བས། ཆོས་ཀྱི་རྣམ་གྲངས་འདི་སོམ་ཉི་དང་བཅས་ཐོས་པས་བསོད་ནམས་ཆེ་བར་གསུངས་པ་སོགས་མདོ་རྒྱུད་སོ་སོ་ལས་སོ་སོ་འབྲི་ཀློག་འཆད་སོགས་ཀྱི་ཕན་ཡོན་ཚད་མེད་པར་གསུངས་ཤིང་། ཕྱོགས་ཙམ་མཚོན་ན། སྡུད་པ་ཚིགས་སུ་བཅད་པ་ལས་ཀྱང་། ལ་ལས་བདེ་གཤེགས་ཡོངས་སུ་མྱ་ངན་འདས་པ་ཡི། །མཆོད་རྟེན་རིན་ཆེན་བདུན་ལས་བྱས་ཤིང་མཆོད་བྱེད་ལ། །བདེ་བར་གཤེགས་པའི་མཆོད་རྟེན་དེ་དག་གངྒཱ་ཡི། །བྱེ་མ་སྙེད་ཀྱིས་བྱེ་བ་ཕྲག་སྟོང་ཞིང་བཀང་སྟེ། །ཡོངས་སུ་བརྟག་བཟུང་ཞིང་རྣམས་བྱེ་བ་མཐའ་ཡས་ན། །སེམས་ཅན་ཇི་སྙེད་འཁོད་པ་དེ་དག་ཐམས་ཅད་ཀྱིས། །ལས་གཞན་མི་བྱེད་ལྷ་ཡི་མེ་ཏོག་སྤོས་རབ་དང་། །བྱུག་པས་དུས་གསུམ་བསྐལ་པའམ་དེ་བས་ལྷག་མཆོད་པ། །གང་ཞིག་གང་ལས་རྣམ་འདྲེན་སྟོབས་བཅུ་འབྱུང་འགྱུར་

― LT38_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

བ། །བདེ་བར་གཤེགས་ཀྱི་ཡུམ་འདི་གླེགས་བམ་ལ་བྲིས་ཏེ། །འཆང་ཞིང་མེ་ཏོག་བྱུག་པས་བསྟི་སྟང་བྱེད་གྱུར་ན། །མཆོད་རྟེན་བྱས་མཆོད་བསོད་ནམས་དེས་ནི་ཆར་མི་ཕོད། །ཅེས་དང་། ལ་ལས་གངྒཱའི་ཀླུང་གི་བྱེ་སྙེད་ཞིང་རྣམས་ན། །སེམས་ཅན་ཇི་སྙེད་འཁོད་ཀུན་དགྲ་བཅོམ་ཉིད་བཏུལ་བས། །གང་གིས་ཤེས་རབ་ཕ་རོལ་ཕྱིན་འདི་ཡིག་བྲིས་ཏེ། །སེམས་ཅན་མཆོག་ལ་གླེགས་བྱིན་བསོད་ནམས་ཁྱད་པར་འཕགས། །ཅི་ཕྱིར་ཞེན་སྨྲ་མཆོག་དེ་དག་འདིར་བསླབས་ནས། །ཆོས་རྣམས་མཐའ་དག་སྟོང་པ་ཉིད་དུ་འདིར་སྟོན་བྱེད། །དེ་ཐོས་ཉན་ཐོས་མྱུར་ལམ་རྣམ་པར་གྲོལ་ལ་རེག །རང་རྒྱལ་བྱང་ཆུབ་དང་ནི་སངས་རྒྱས་བྱང་ཆུབ་རེག །ཅེས་གསུངས་པ་དང་། དེ་བཞིན་དུ་ཟབ་མོའི་ཆོས་ཀྱི་ཚུལ་སྣ་གཅིག་ཙམ་ཡང་ཐོས་པ་དང་འཆད་པ་དང་། འཛིན་པའི་ཕན་ཡོན་ཁོ་ན་ལའང་མཐའ་གཟུང་བར་མི་ནུས་པའི་ཚུལ། བློ་གྲོས་རྒྱ་མཚོས་ཞུས་པའི་མདོ་ལས། སྟོང་ཆེན་པོ་ཡི་འཇིག་རྟེན་ཁམས་འདི་ནི། །གསེར་གྱིས་བཀང་སྟེ་བདེ་གཤེགས་ཕུལ་བ་བས། །གང་གིས་ཆོས་ཀྱི་མཛོད་འདི་ཐོས་ནས་ནི། །མོས་པའི་བསོད་ནམས་འདི་ནི་ཁྱད་པར་འཕགས། །གང་གིས་འཇིག་རྟེན་ཁམས་ཁྲི་རིན་ཆེན་བཀང་། །དེ་བཞིན་གཤེགས་པ་རྣམས་ལ་ཕུལ་བ་བས། །གང་གིས་མདོ་སྡེ་འདི་ལ་འཇུག་བྱས་པ། །

― LT38_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་ནམས་དེ་ལ་སྔ་མས་བསྐྱེད་དུ་མེད། །གང་གིས་འཇིག་རྟེན་ཁམས་ནི་སྟོང་ཕྲག་བཅུ། །རིན་ཆེན་བཀང་སྟེ་སྦྱིན་པ་བྱིན་པ་བས། །གང་གིས་མདོ་འདི་བཏོན་ནས་སྟོན་པ་ཡི། །བསོད་ནམས་དེ་ཡི་ཆ་ནི་སྔ་མ་མིན། །ཞིང་ནི་བྱེ་བ་ཁྲག་ཁྲིག་སྟོང་གི་རྣམས། །རིན་ཆེན་བཀང་སྟེ་འཇིག་རྟེན་སློབ་དཔོན་སྐྱོབ། །སངས་རྒྱས་རྣམས་ལ་དབུལ་བར་ཕུལ་བ་བས། །གང་འདིར་ཚུལ་འདིར་རབ་ཏུ་སྦྱོར་བ་དང་། །ཕྱོགས་བཅུ་རྣམས་སུ་གངྒཱའི་བྱེ་སྙེད་ཞིང་། །རིན་ཆེན་བཀང་སྟེ་རྒྱལ་ལ་ཕུལ་བ་བས། །ཇི་ལྟར་བསྟན་པ་བཞིན་དུ་གང་གནས་པའི། །བསོད་ནམས་དེ་ལ་མཉམ་པ་ཡོད་མ་ཡིན། །རྫོགས་པའི་བྱང་ཆུབ་སེམས་དང་ཆོས་འཛིན་དང་། །ཆོས་སྒྲུབ་པ་དང་སྲོག་ཆགས་སྙིང་རྗེ་བ། །ཆོས་བཞི་འདི་དག་བསོད་ནམས་མཐའ་ཡས་ཏེ། །དེ་དག་མཐའ་ནི་བདེ་གཤེགས་མི་གསུང་ངོ། །ཞེས་སོགས་གསུངས་པ་དང་། ནམ་མཁའི་མཐའ་དང་མཉམ་པའི་རྒྱུད་ལས། །རིན་ཆེན་སྣ་བདུན་ལ་སོགས་ལ། །རྒྱལ་བ་ཀུན་གྱི་རང་བཞིན་གྱིས། །མ་ལུས་བསྡུས་པའི་ངོ་བོ་ཉིད། །སྐུ་གསུང་ཐུགས་ཉིད་བྲིས་པ་ཡིན། །དེ་བས་རྒྱལ་བ་ཀུན་བྲིས་པའི། །ཆེ་བའི་ཡོན་ཏན་བསམ་མི་ཁྱབ། །ཅེས་གླེགས་བམ་འབྲི་བའི་ཕན་ཡོན་དང་། །གྲོ་ག་ཤིང་ཤུན་ལ་སོགས་ལ། །གསང་བའི་རྒྱུད་འདི་

― LT38_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་བྲིས་ནས། །རིན་ཆེན་ཁྲི་ལ་ལེགས་བཞག་སྟེ། །གུས་པས་མཆོད་ཅིང་རབ་བཟུང་ན། །ཇི་སྲིད་གནས་པར་བསམ་པ་ཡིས། །དགའ་བའི་བསམ་པས་འཛིན་བྱེད་པར། །སངས་རྒྱས་ཐམས་ཅད་བཟུང་བ་ཡིན། །ཅེས་བཟུང་བའི་ཕན་ཡོན་བསྟན་ཏོ། །མདོར་ན་སྐུ་གཟུགས་མཚན་ཉིད་དང་ལྡན་པ་འཇིག་རྟེན་ཁམས་གང་བ་བཞེངས་ཤིང་མཆོད་པ་བགྱིས་པ་ལས་མཆོད་རྟེན་ཆུང་ངུ་ཙམ་བཞེངས་པས་ཕན་ཡོན་ཆེ་ཞིང་། མཆོད་རྟེན་རིན་པོ་ཆེ་སྣ་བདུན་ལས་བྱས་པ་འཇིག་རྟེན་གྱི་ཁམས་གང་བར་བཞེངས་ནས་ཉིན་རེ་བཞིན་ཏུ་ལྷ་རྫས་ཀྱི་བྱེ་བྲག་བསམ་གྱིས་མི་ཁྱབ་པས། མཆོད་པ་ལས་ཀྱང་དམ་པའི་ཆོས་ཚིག་བཞི་པ་ཞིག་འབྲི་ཀློག་བཤད་སྒྲུབ་བྱས་པའི་བསོད་ནམས་ཆེ་བར་གསུངས་སོ། །ལྷག་པར་བསྟན་པ་འཇིག་པར་ཉེ་བ་ན་འབད་པ་གང་ཡོད་ཀྱིས་དམ་ཆོས་བཟུང་བའི་ཡོན་ཏན་བསམ་གྱིས་མི་ཁྱབ་སྟེ། འཕགས་པ་སྤྱན་རས་གཟིགས་ཞེས་བྱ་བའི་མདོ་སྡེ་ལས། འཇིག་ཚེ་རྒྱལ་བ་མཆོག་གི་ཆོས་བཟུང་བ། །མཐུ་དང་སྟོབས་དང་ལྡན་ཞིང་བརྩོན་འགྲུས་ལྡན། །མི་དམན་པ་རྣམས་ཀུན་ཏུ་རྣམ་པར་རྒྱུ། །སངས་རྒྱས་བརྒྱ་སྟོང་དག་ལ་བསྙེན་བཀུར་བྱེད། །འཇིག་ཚེ་རྒྱལ་བ་མཆོག་གི་ཆོས་བཟུང་བས། །མཆོག་ཏུ་རབ་མཛེས་གཟུགས་ལྡན་ཤེས་རབ་ལྡན། །

― LT38_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཡི་འཇིག་རྟེན་མཆོག་ཏུ་བསྙེན་བཀུར་བྱེད། །རྒྱལ་པོ་མཁས་པ་འཛངས་པ་རྣམས་ཀྱིས་བསྔགས། །ཞེས་དང་། གང་གིས་སངས་རྒྱས་སྟོང་རྣམས་དང་། །བརྒྱ་དང་བྱི་བ་བགྲང་དག་ལ། །བསྐལ་པ་གང་གཱའི་བྱེ་མ་སྙེད། །དེ་སྙེད་བསྐལ་པར་བཀུར་བ་ལས། །འཇིག་རྟེན་མགོན་གྱིས་གསུངས་པ་ཡི། །དམ་ཆོས་འཇིག་ཚེ་གང་ཞིག་གིས། །ཉིན་དང་མཚན་དུ་འཛིན་བྱེད་པ། །དེ་ནི་བསོད་ནམས་ཁྱད་པར་འཕགས། །ཆོས་འཇིག་དུས་ན་ཆོས་འཛིན་པ། །སྔོན་གྱི་སངས་རྒྱས་ཐམས་ཅད་དང་། །སངས་རྒྱས་ཡེ་ཤེས་རབ་གནས་པ། །ང་ལ་དེས་ནི་མཆོད་པ་བྱེད། །དམ་པའི་ཆོས་ནི་འཇིག་པའི་ཚེ། །སྟོན་པའི་བསྟན་པ་སྲུང་བྱེད་པ། །བསྐལ་པ་བྱེ་བ་སྟོང་རྣམས་སུ། །དེ་ནི་ནམས་ཀྱང་རྒུད་མི་འགྱུར། །ལུས་ཀྱི་བདེ་བ་མྱོང་འགྱུར་ཞིང་། །དེ་ནི་ནད་ཀྱིས་བཏབ་མི་འགྱུར། །ནམས་ཀྱང་ཕྲོག་པར་མི་འགྱུར་རོ། །སྟོན་པའི་བསྟན་པ་བསྲུང་བྱས་ནས། །བཟོད་པ་ཕུན་སུམ་ཚོགས་པ་དང་། །དེས་དང་གསལ་དང་མཉེན་པ་དང་། །སེམས་ཅན་རྣམས་ལ་བྱམས་པར་འགྱུར། །ཅེས་སོགས་ཤིན་ཏུ་རྒྱ་ཆེར་གསུངས་སོ། །མདོ་འདུལ་སོགས་ཐུན་མོང་གི་ཐེག་པར་བཤད་པའི་རྟེན་གསུམ་ལས་ཀྱང་སྔགས་སུ་བཤད་པའི་རྟེན་གསུམ་ཐུན་མོང་

― LT38_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན་པ་རྣམས་ཕན་ཡོན་ལྷག་པར་ཆེ་སྟེ། སྤྱི་མདོ་དགོངས་འདུས་ལས། དབུ་མ་རྣམ་ཐར་གསུམ་སྒོར་དཀའ་སྤྱད་ཀྱང་། །དེ་ལ་རྒྱལ་བས་མི་དགོངས་བཀུར་མི་མཛད། །སྙིང་པོའི་དོན་རིག་སྐད་ཅིག་ཙམ་གྱིས་ཀྱང་། །བྱིན་བརླབས་ཡོན་ཏན་རྒྱལ་བས་བཤད་མི་རྫོགས། །དཀར་པོ་མཐར་ཐུག་བསོད་ནམས་ཀུན། །སེན་མོ་ཐོག་གི་ས་རྡུལ་འདྲ། །རྡོ་རྗེ་སྙིང་པོར་གཅིག་བསྐྱེད་པས། །ས་ཡི་དཀྱིལ་འཁོར་ཆེན་པོ་ཙམ། །དཀར་པོ་ཕྱོགས་ཀྱི་མཐར་ཐུག་པ། །དེ་ནི་མུན་ཁང་སྒྲོན་མེ་ཙམ། །རྡོ་རྗེ་སྙིང་པོར་གཅིག་རིག་པ། །དུས་མཐའི་བསྐལ་པའི་མེ་ཆེན་འདྲ། །དབུ་མར་སྣང་བའི་ནམ་མཁའ་ནི། །གང་གི་གསེང་ཁུང་ནམ་མཁའོ། །རྡོ་རྗེ་གསང་བའི་ནམ་མཁའ་ནི། །འབྱུང་ཆེན་གཏོས་ཀྱི་ནམ་མཁའ་འདྲ། །ཞེས་གསུངས་ཤིང་། ཆགས་བྲལ་སྐུ་གཟུགས་བརྒྱ་བཞེངས་པ་ལས་ཀྱང་སྔགས་སྐུ་གཅིག་བཞེངས་པ་བསོད་ནམས་ཆེ་བ་ཇོ་ནང་རྗེ་བཙུན་ཆེན་པོས་གསུངས་པས་ཐུགས་རྟེན་དང་གསུང་ལའང་དེས་མཚོན་ཏེ། རིན་ཆེན་སྤུངས་པའི་རྒྱུད་ལས། དེ་ཡི་ཕྱིར་ན་གསང་བའི་རྒྱུད། །འདི་ཉིད་འཛིན་པའི་སྐྱེས་བུ་ནི། །རང་རིག་རྣམས་ཀྱི་དབང་ཐོབ་སྟེ། །རྒྱུད་འདི་བཅངས་པ་ཙམ་གྱིས་ནི། །རྡོ་རྗེ་འཆང་གི་སྤྲུལ་པར་འགྱུར། །རྒྱུད་འདི་སུ་ཡིས་བཀླགས་པའི་མི། །

― LT38_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བའི་དོན་ཀུན་སེམས་ལ་འཆར། །འདི་ཉིད་སུ་ཡིས་བྲིས་པའི་མི། །སངས་རྒྱས་ཀུན་གྱི་གསང་ལ་རོལ། །ཞེས་པ་དང་། ཨ་ཏི་བཀོད་པ་ཆེན་པོ་ལས། །འདི་ཉིད་གང་གིས་བཟུང་བ་དེ། །བཟོ་དང་སྒྱུ་རྩལ་ཐམས་ཅད་དང་། །བསྟན་བཅོས་ཀུན་དང་སྒྲ་རྣམས་ནི། །ཇི་ལྟར་འདོད་བཞིན་ཤེས་པར་འགྱུར། །གསང་མཆོག་བླ་ན་མེད་པ་འདི། །མཆོད་དང་བསྟོད་པ་བཀུར་བྱས་ན། །མཆོག་དང་ཐུན་མོང་དངོས་གྲུབ་རྣམས། །ཇི་ལྟར་འདོད་པ་བཞིན་དུ་འབྱུང་། །འདི་ཉིད་བཅངས་པ་ཙམ་གྱིས་ཀྱང་། །ལུང་དང་མན་ངག་འཛིན་པར་འགྱུར། །ཞེས་པ་ལ་སོགས་རྒྱས་པར་གསུངས་སོ། །རྟེན་གསུམ་ཡོངས་རྫོགས་བཞེངས་པའི་ཡོན་ཏན་བཀའ་བརྒྱད་ཡོངས་རྫོགས་ཀྱི་རྒྱུད་ཆེན་གསང་བ་འདུས་པ་ལས། སྐུ་གསུམ་རྒྱལ་བ་ཞི་དང་ཁྲོ༔ གསང་བ་ཡོངས་རྫོགས་བདེར་གཤེགས་ཀྱི༔ རྟེན་གསུམ་ཡོངས་རྫོགས་ངོ་མཚར་ཆེཿ རྟེན་འདི་ཇི་སྲིད་གནས་ཀྱི་བར༔ དེ་སྲིད་སངས་རྒྱས་བསྟན་པ་རྒྱསཿ འགྲོ་བ་ཀུན་འདུལ་ལས་སྒྲིབ་སྦྱོང་༔ བསོད་ནམས་ཕུན་ཚོགས་ཡོངས་རྫོགས་ཤིང་༔ རྒྱུ་སྦྱོར་བཞེངས་མཁན་མ་ལུས་ཀུན༔ ཚེ་འདིར་བཀྲ་ཤིས་ཚེ་རིང་འཕེལ༔ ཕྱི་མ་ཞིང་ཁམས་རྣམ་དག་ཐོབ༔ ཡུལ་ཕྱོགས་རྒྱལ་ཁམས་བཀྲ་ཤིས་འབྱུང་༔ ཐབས་མཆོག་ཡོངས་

― LT38_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་རྨད་བྱུང་བའོ༔ བསྟན་པའི་རིམ་གྲོ་དེ་ཁོ་ན༔ དང་དུ་ལོང་ཞིག་བསམ་པ་འགྲུབ༔ ཞེས་དང་། བྱང་གཏེར་རབ་གནས་བསེ་སྒྲོམ་མ་ལས། སེམས་ཅན་བདེ་སྐྱིད་རྟེན་ལ་ཡོད༔ ཅེས་གསུངས་པས་གནས་སྐབས་ཀྱི་བདེ་སྐྱིད་ཀྱང་རྟེན་གསུམ་ཚད་ལྡན་བཞུགས་པ་ལ་རགས་ལས་སོ། །གཉིས་པ་རྟེན་གསུམ་ལ་མཆོད་ཅིང་བསྙེན་བཀུར་བའི་ཡོན་ཏན་ནི། སྤྱིར་རྟེན་གསུམ་བཞེངས་ཤིང་དེ་ལ་བསྙེན་བཀུར་བ་ནི་དཀོན་མཆོག་གསུམ་ལ་བྱ་བ་བྱེད་པ་ཡིན་པས་ཡོན་ཏན་བསམ་གྱིས་མི་ཁྱབ་སྟེ། དཀོན་མཆོག་སྤྲིན་ལས། ཇི་ལྟར་ན་བྱང་ཆུབ་སེམས་དཔའ་མཆོད་པ་དང་། རིམ་གྲོའི་སྦྱིན་པ་ཕུན་སུམ་ཚོགས་པ་ཡིན་ཞེ་ན། བྱང་ཆུབ་སེམས་དཔའ་སངས་རྒྱས་དང་། ཆོས་དང་དགེ་འདུན་ལ་བྱ་བ་དག་བྱེད་དེ། ཇི་ལྟར་ན་སངས་རྒྱས་ལ་བྱ་བ་དག་བྱེད་ཅེ་ན། འདི་ལྟ་སྟེ། དེ་བཞིན་གཤེགས་པའི་མཆོད་རྟེན་དག་དང་། དེ་བཞིན་གཤེགས་པའི་སྐུ་གཟུགས་ལ་སྤོས་སམ། མེ་ཏོག་གམ། བདུག་པའམ། བྱུག་པའམ། སྐྱོང་ནུས་ལམ། དེ་བཞིན་གཤེགས་པའི་མཆོད་རྟེན་ཞིག་པ་བཅོས་པ་དག་གིས་ཏེ། དེ་ལྟར་ན་སངས་རྒྱས་ལ་བྱ་བ་དག་བྱེད་དོ། །ཇི་ལྟར་ན་ཆོས་ལ་བྱ་བ་དག་བྱེད་ཅེ་ན། དེ་ཆོས་ཉན་ཏོ། །ཀློག་གོ། །འཆད་དོ། །ཡི་གེར་འབྲིའོ། །ཁ་ཏོན་བྱེད་དོ།

― LT38_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཆུབ་པར་བྱེད་དོ། །སེམས་སོ། །མ་ལོག་པར་སྒོམ་པའི་སྦྱོར་བས་གོམས་པར་བྱེད་དེ། དེ་ལྟར་ན་ཆོས་ལ་བྱ་བ་དག་བྱེད་དོ། །ཇི་ལྟར་ན་དགེ་འདུན་ལ་བྱ་བ་དག་བྱེད་ཅེ་ན། དེ་གོས་དང་། བསོད་སྙོམས་དང་། མལ་ཆ་དང་། ན་བའི་རྐྱེན་སྨན་དང་། ཡོ་བྱད་རྣམས་དང་། ཆུང་ངུ་ན་ཆུ་གྲང་མོ་ཁྱོར་གང་ཙམ་ཡང་དགེ་འདུན་ལ་འབུལ་ཏེ། དེ་ལྟར་ན་དགེ་འདུན་ལ་བྱ་བ་དག་བྱེད་དེ། དེ་ལྟར་ན་བྱང་ཆུབ་སེམས་དཔའ་མཆོད་པ་དང་རིམ་གྲོའི་སྦྱིན་པ་ཕུན་སུམ་ཚོགས་པ་ཡིན་ནོ། །ཞེས་གསུངས། བྱེ་བྲག་ཏུ། དམ་ཆོས་པད་དཀར་ལས། བདེ་གཤེགས་རིང་བསེལ་ལ་ནི་ཅུང་ཟད་དང་། །སིལ་སྙན་གཅིག་བརྡུངས་པ་ཡི་སྒྲ་ཕྱུང་ངམ། །མེ་ཏོག་གཅིག་ཙམ་གྱིས་ནི་མཆོད་པ་དང་། །བདེ་གཤེགས་གཟུགས་དག་རྩིག་ངོས་བྲིས་པ་ལ། །འཁྲུག་བཞིན་པ་ཡི་སེམས་ཀྱིས་མཆོད་ན་ཡང་། །དེ་དག་རིམ་གྱིས་སངས་རྒྱས་བྱེ་བ་མཐོང་། །མཆོད་རྟེན་དག་ལ་གང་གིས་ཐལ་མོ་སྦྱར། །ཡོངས་སུ་ཚང་བའམ་ཐལ་མོ་ཡ་གཅིག་གམ། །ཡང་ན་མགོ་བོ་སྐད་ཅིག་བཏུད་པ་དང་། །དེ་བཞིན་ལན་ཅིག་ལུས་ཀྱང་བཏུད་པ་དང་། །གང་གིས་རིང་བསྲེལ་གནས་པ་དེ་དག་ལ། །གཡེངས་པའི་སེམས་ཀྱིས་ཕྱག་འཚལ་སངས་རྒྱས་ཤེས། །ཚིག་གཅིག་ལན་འགའ་

― LT38_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་པར་བྱས་པ་ཡང་། །དེ་དག་ཀུན་གྱིས་བྱང་ཆུབ་མཆོག་འདི་འཐོབ། །ཅེས་དང་། དཀོན་མཆོག་སྤྲིན་ལས། རིགས་ཀྱི་བུ་ཆོས་བཅུ་དང་ལྡན་ན་བྱང་ཆུབ་སེམས་དཔའ་རྣམས་མངལ་གྱི་དྲི་མས་མ་གོས་པར་སྐྱེའོ། །བཅུ་གང་ཞེ་ན། འདི་ལྟ་སྟེ། དེ་བཞིན་གཤེགས་པའི་གཟུགས་བྱེད་པ་དང་། མཆོད་རྟེན་ཞིག་པ་བཅོས་པ་དང་། དེ་བཞིན་གཤེགས་པའི་མཆོད་རྟེན་དག་ལ་སྤོས་ཀྱི་བྱུག་པ་འབུལ་བ་དང་། དེ་བཞིན་གཤེགས་པའི་སྐུ་གཟུགས་དག་ལ་ཁྲུས་ཀྱི་སྤོས་ཆུ་འབུལ་བ་དང་། དེ་བཞིན་གཤེགས་པའི་མཆོད་རྟེན་དག་ལ་ཕྱག་དར་དང་། རྐྱང་ནུལ་བྱ་བ་འབུལ་བ་དང་། ཕ་མ་དག་ལ་ལུས་ཀྱི་རིམ་གྲོ་བྱེད་པ་དང་། མཁན་པོ་དང་། སློབ་དཔོན་དག་ལ་ལུས་ཀྱི་རིམ་གྲོ་བྱེད་པ་དང་། ཚངས་པ་མཚུངས་པར་སྤྱོད་པ་རྣམས་ལ་ལུས་ཀྱི་རིམ་གྲོ་བྱེད་ཅིང་། དེ་ཡང་ཟང་ཟིང་མེད་པའི་སེམས་ཀྱིས་ཏེ། ཟང་ཟིང་དང་བཅས་པས་མ་ཡིན་ལ། དགེ་བའི་རྩ་བ་དེ་ཡང་འདི་ལྟར་དགེ་བའི་རྩ་བ་འདིས་སེམས་ཅན་ཐམས་ཅད་མངལ་གྱིས་དྲི་མས་མ་གོས་པར་སྐྱེ་བར་གྱུར་ཅིག་ཅེས་ཡོངས་སུ་བསྔོ་ཞིང་། དེ་ཡང་བསམ་པ་ཐག་པ་ནས་སེམས་པ་སྟེ། རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་བྱང་ཆུབ་སེམས་དཔའ་རྣམས་མངལ་གྱི་དྲི་མས་མ་གོས་

― LT38_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སྐྱེའོ། །ཞེས་དང་། སྙིང་རྗེ་པད་དཀར་ལས། སངས་རྒྱས་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་ལ་མཆོད་པ་བྱེད་པ། མཆོད་རྟེན་མཐོང་ནས་སེམས་དང་པོ་སྐྱེད་པ། ཐ་ན་དེ་བཞིན་གཤེགས་པ་ལ་དམིགས་ནས་མེ་ཏོག་གཅིག་ནམ་མཁའ་ལ་དོར་བ། སངས་རྒྱས་ལ་དམིགས་ནས་སེམས་ལན་ཅིག་སྐྱེད་པ། དུད་འགྲོའི་སྐྱེ་གནས་སུ་སོང་བས་ཀྱང་སངས་རྒྱས་ལ་དམིགས་པའི་དྲན་པ་རྙེད་པ། སེམས་ཅན་མྱ་ངན་ལས་འདའ་བའི་སྐལ་པ་མེད་པ་ཞིག་གིས་ཀྱང་སངས་རྒྱས་ལ་དམིགས་ཏེ་མེ་ཏོག་གཅིག་ནམ་མཁའ་ལ་འདོར་བ་དེ་ཐམས་ཅད་ཀྱི་འབྲས་བུའང་བྱང་ཆུབ་ཀྱི་མཐར་ཐུག་གི་བར་མི་ཟད་ཅིང་མཐར་ཡོངས་སུ་མྱ་ངན་ལས་འདའ་བར་འགྱུར་བ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དགྲ་བཅོམ་པ་དང་རང་སངས་རྒྱས་ཀྱིས་ཏིལ་ལམ་རྩྭ་ཀུ་ཤ་སྟུག་པོ་ལྟར་གང་བར་གྱུར་པ་ལ་བསྐལ་པ་ལས་ལྷག་པར་བདེ་བའི་ཡོ་བྱད་ཐམས་ཅད་ཀྱིས་མཆོད་ཅིང་དེ་དག་མྱ་ངན་ལས་འདས་པའི་མཆོད་རྟེན་རིན་ཆེན་སྣ་བདུན་ལས་བྱས་ཏེ་མཆོད་པ་ཐམས་ཅད་ཀྱིས་མཆོད་པའི་བསོད་ནམས་ཀྱིས། དེ་བཞིན་གཤེགས་པ་ལ་ཐ་ན་ཐལ་མོ་ལན་ཅིག་སྦྱར་བའི་བསོད་ནམས་ཀྱི་བརྒྱ་སྟོང་གྲངས་སུ་བགྲང་བའི་ཆར་ཡང་མི་

― LT38_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

ཉ་བར་གསུངས་པ་དང་། མདོ་སྡེ་ལས་རྣམ་འབྱེད་ལས་རྟེན་ལ་ཕྱག་འཚལ་བ། ཐལ་མོ་སྦྱར་བ། ཕྱགས་དར་བྱེད་པ། གདུགས། དྲིལ་བུ། བ་དན། མེ་ཏོག །ཕྲེང་བ། མར་མེ། བྱུག་པ་དང་སྤོས། རོལ་མོ་སིལ་སྙན་རྣམས་ཕུལ་པ་ལ་སོ་སོར་ཕན་ཡོན་ཆེན་པོ་བཅུ་རེ་ཡོད་པར་གསུངས་ཤིང་། ན་བཟའ་ཕུལ་བའི་ཕན་ཡོན་བཅུ་གཉིས་འཐོབ་པར་གསུངས། སངས་རྒྱས་ཀྱི་མཆོད་རྟེན་ལ་དད་པའི་སེམས་ཀྱིས་སྐད་ཅིག་ཅིག་བསྐོར་བ་བྱས་པས། མི་ཁོམས་བརྒྱད་སྤངས་དྲན་དང་བློ་གྲོས་ལྡན། །ཚེ་རིང་མདོག་བཟང་རིགས་མཐོ་འཁོར་མང་ཞིང་། །ཕྱུག་ཅིང་ནོར་ཆེ་སྟོབས་དང་བརྩོན་འགྲུས་མངའ། །ཚངས་དབང་འཁོར་ལོས་སྒྱུར་སོགས་ཆོས་རྒྱལ་སྐྱེ། །བྱང་ཆུབ་ཕྱོགས་ཆོས་མྱུར་རྫོགས་མངོན་ཤེས་འཐོབ། །ཉན་རང་དང་ནི་སངས་རྒྱས་གོ་འཕང་འཐོབ། །ཕྱག་མཆོད་བསྟོད་པ་བགྱིས་པའང་དེ་དང་མཚུངས། །འདིའི་དོན་ཤིན་ཏུ་ཞིབ་ཅིང་རྒྱས་པར་མཆོད་རྟེན་བསྐོར་བའི་ཚིགས་སུ་བཅད་པ་ལས་གསུངས་ཤིང་། གསལ་རྒྱལ་གྱི་ཚིགས་བཅད་ལས་ཀྱང་། །སུ་དག་བདེ་བར་གཤེགས་པའི་མཆོད་རྟེན་ལ། །མཆོད་པའི་ཁྱད་པར་ཅི་ཡོད་ཅི་འབྱོར་བ། །འཚམ་པར་འབུལ་བྱེད་དེ་དག་དྲི་མེད་ཅིང་། །མྱ་ངན་མེད་པའི་བླ་མེད་བྱང་ཆུབ་འཐོབ། །མི་རྣམས་གང་

― LT38_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བ་ནི་མཚུངས་གྱུར་ན། །བསོད་ནམས་ལ་ནི་ཁྱད་པར་མེད། །ཅེས་སོགས་གསུངས་པས་སངས་རྒྱས་དངོས་སུ་བཞུགས་པ་ལ་མཆོད་ཅིང་བསྙེན་བཀུར་བ་དང་། དེའི་རྟེན་ལ་བསྙེན་བཀུར་བ་ཕན་ཡོན་ཁྱད་པར་མ་མཆིས་ཏེ། མེ་ཏོག་བརྩེགས་པའི་གཟུངས་ལས། གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལོ་གཅིག་གམ་ལོ་བརྒྱའམ་ལོ་སྟོང་ཡང་རུང་སྟེ། བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པ་དང་། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་རྟེན་རྣམས་ལ་མེ་ཏོག་འགའ་འབུལ་ལམ། ཆུ་སྙིམ་པ་གང་འཐོར་རམ། བྱུག་པའི་ཐིག་ལེ་འདྲིའམ། མེ་ཏོག་གི་ཉལ་ཉིལ་འཕྱག་གམ། བྱུག་པ་འབུལ་ལམ། སྤོས་འབུལ་ལམ། བདུག་སྤོས་འབུལ་ལམ། མར་མེ་འབུལ་ལམ། ཕུལ་ནས་དགའ་བའི་སེམས་ཀྱིས་གོམ་པའི་སྟབས་འགའ་བོར་ཏེ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ་ཞེས་སྨྲ་བ་དེ་དག་ནི། སེང་གེ་རྣམ་པར་བརྩེ་བ་བསྐལ་པ་བརྒྱའམ། བསྐལ་པ་སྟོང་དུའང་བསྐལ་པ་བརྒྱ་ཕྲག་སྟོང་དུ་ཡང་ངན་འགྲོ་ལོག་པར་ལྟུང་བའི་གནས་སུ་འགྲོ་བར་འགྱུར་བ་དེ་ནི་གནས་མེད་དོ། །ཞེས་པ་ལ་སོགས་པ་གསུངས་ཤིང་། ངམ་པའི་ཆོས་ཀྱི་གླེགས་བམ་དང་དེ་འཛིན་པ་པོ་བཞུགས་

― LT38_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ས་ཕྱོགས་དེར་ཡང་ལྷ་དང་ཀླུ་དང་གནོད་སྦྱིན་ལ་སོགས་པ་ཆོས་སྐྱོང་བའི་སྲུང་མ་མཐུ་བོ་ཆེ་རྣམས་རྟག་ཏུ་མི་གཡེལ་བར་སྲུང་ཞིང་འཇིགས་པ་དང་གནོད་པ་ལས་སྐྱོབ་པར་སངས་རྒྱས་ཀྱི་སྤྱན་སྔར་དམ་བཅས་པས་ཆོས་འཛིན་པ་པོ་དང་། ཆོས་ལ་བཀུར་སྟི་ཚད་ལྡན་ཡོད་ན་གནས་སྐབས་ཀྱི་རྐྱེན་སེལ་ལའང་སྲུང་ཟློག་གསོལ་མཆོད་བརྒྱ་སྟོང་མང་པོས་དོ་ཟླ་མ་ཡིན་ནོ། །དགེ་འདུན་ལ་བསྙེན་བཀུར་བའི་ཕན་ཡོན་ནི་མདོ་སྡེ་རྣམས་ལས་རྒྱ་ཆེར་གསུངས་ཤིང་། དེའང་ཀློག་པ་པའི་སྡེ་ལས་སྤོང་བ་པ་ཁྱད་པར་དུ་མས་འཕགས་ཏེ། ཡབ་སྲས་མཇལ་བའི་མདོ་ལས། བྱང་ཆུབ་སེམས་དཔའི་ཏིང་ངེ་འཛིན་ངེས་པར་བསྟན་པ་འདི་གང་གིས་བསྐལ་པ་བཅུའི་བར་དུ་ཉན་ནས། དེ་གཞན་ལ་བསྙད་པ་བས་གང་གིས་སེ་གོལ་གཏོགས་ཙམ་དུ་བསྒོམས་ན་འདི་ཉིད་དེ་བས་ཆེས་བསོད་ནམས་མང་དུ་བསྐྱེད་དོ། །ཞེས་དང་། ཏིང་འཛིན་ཚོགས་དམ་པ་ལས། བསམ་གཏན་ཏིང་ངེ་འཛིན་བསྒོམས་པས་དགེ་སྦྱོང་གི་འབྲས་བུ་བཞི་མ་ཐོབ་ཀྱང་མང་དུ་ཐོས་པ་བས་ཁྲི་ཕྲག་སྟོང་གིས་འཕགས་སོ། །ཞེས་དང་། ལྔ་བརྒྱ་པ་ཐ་མའི་སྐབས་སུའང་ཏིང་ངེ་འཛིན་སྒོམ་པ་ནི་འཁོར་བ་ལས་མྱུར་དུ་ཐར་བའི་ཆོས་སུ་གསུངས་པས། བསམ་གཏན་སྒོམ་པའི་སྡེ་ལ་བསྙེན་བཀུར་བ་དང་ཡོན་སྦྱོར་བ་ནི་དགེ་འདུན་བརྒྱ་ཕྲག་

― LT38_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

དག་སངས་རྒྱས་མཆོད་རྟེན་ནམ། །སྐུ་གཟུགས་དག་ལ་མགོས་བཏུད་གུས་ཕྱག་འཚལ། །དེ་དག་ལྷ་རྣམས་དང་ནི་མི་རྣམས་ཀྱིས། །ཆེར་ཡང་ཆེ་བར་བཀུར་བའི་གནས་སུ་འགྱུར། །སུ་ཞིག་དད་པས་ཐུབ་པའི་མཆོད་རྟེན་ནམ། །སྐུ་གཟུགས་དག་ལ་བསྐོར་བ་བྱེད་པ་དེ། །ཕྱི་མའི་ཚེ་ན་དགྲ་ཆེན་རྣམས་ཀྱིས་བཏུད། །བཟང་པོའི་སྣོད་འགྱུར་ཡོན་ཏན་རྣམས་དང་ལྡན། །ཅེས་སོགས་མཆོད་བཀུར་རིམ་གྲོ་སོ་སོའི་ཕན་ཡོན་རྒྱ་ཆེན་པོ་འབྱུང་བར་གསུངས་པ་དང་། དགེ་རྩ་ཡོངས་འཛིན་གྱི་མདོ་ལས། དེ་བཞིན་གཤེགས་པའི་མཆོད་རྟེན་མཆོད་པ། ཕྱིར་བཅོས་པ་དང་། བྱི་དོར་བགྱིས་པས། གཟུགས་དང་། དལ་བ་དང་། ཡང་དག་པར་བླང་བ་དང་། དེ་བཞིན་གཤེགས་པ་ལྟ་བའི་སྨོན་ལམ་གྱི་མཆོག་རྣམ་པར་དག་པ་བཞི་རྗེས་སུ་ཐོབ་པར་གསུངས་ཤིང་། རིན་པོ་ཆེའི་ཕུང་པོའི་མདོ་ལས། མཆོད་རྟེན་ཞིག་རལ་དུ་གྱུར་ན་དགེ་འདུན་གྱི་རྙེད་པ་ལས་འཕྲིས་ཏེ་གསོ་བར་བྱ་ཞིང་། མཆོད་རྟེན་རྣམས་ལ་ཡོ་བྱད་ཇི་ཙམ་ཆེ་ཡང་དགེ་སློང་རང་ག་བས་ཏིལ་ཙམ་སྤྱད་པ་ལྟ་ཅི་སྨོས། དགེ་འདུན་ལའང་ཆ་ཤས་ཕྲ་མོ་ཙམ་བསྔོ་མི་རུང་བ་དང་། དགེ་སློང་ཞལ་ཏ་བྱེད་པས་དཀོར་རྫས་སྦས་ན་ཉི་ཚེ་བའི་སེམས་ཅན་དམྱལ་བ་ཕུར་བུ་མང་པོ་ཞེས་བྱ་བར་སྐྱེས་ནས་སྡུག་བསྔལ་ཆེན་པོ་མྱོང་བར་གསུངས་པ་དང་། འཕགས་

― LT38_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མར་མེ་འབུལ་བའི་མདོ་ལས། དེ་བཞིན་གཤེགས་པའི་རྟེན་ལ་དད་པའི་སེམས་ཀྱིས་མར་མེ་ཆུང་ངུ་ངན་ངོན་ཙམ་མམ། ཐེམ་སྐས་ཀྱི་གཞི་གཅིག་སྣང་བ་ཙམ་མམ། ཡུད་ཙམ་གློག་གི་རྒྱུན་ཙམ་སྣང་བར་བྱས་པའི་བསོད་ནམས་ཀྱི་འབྲས་བུའང་བསམ་གྱིས་མི་ཁྱབ་པས་སངས་རྒྱས་ཉག་གཅིག་མ་གཏོགས་ཉན་ཐོས་དང་རང་སངས་རྒྱས་སོགས་ཀྱིས་ཤེས་པར་མི་ནུས་པ་དང་། མར་མེ་ཕུལ་བས་འཆི་བའི་དུས་ཀྱི་ཚེ་ཁྱད་པར་ཅན་གྱི་སྣང་བ་གསུམ་དང་བཞི་རྣམས་འཐོབ་པ་དང་། སུམ་ཅུ་རྩ་གསུམ་དུ་སྐྱེས་ནས་ལྷའི་བུ་ཡོངས་སུ་དག་པ་རྣམ་པ་ལྔ་དང་ལྡན་པར་འགྱུར་བ་དང་། ནམ་ཡང་ལོག་པར་མི་ལྟུང་ཞིང་མིག་རྣམ་པར་དག་པ་སོགས་ཡོན་ཏན་ཁྱད་པར་ཅན་དུ་མ་འཐོབ་ཅིང་། སངས་རྒྱས་མཐོང་ལ་ཆོས་ཀྱི་སྣང་བ་འཐོབ་པ་དང་། འདུན་པ་བཞི། ཡོངས་སུ་དག་པ་བཞི། ཆོས་ཀྱི་མཆོག་བརྒྱད་ཕྲག་གཉིས། སོ་སོ་ཡང་དག་རིག་པ་བཞི་ལ་སོགས་པ་འཐོབ་ཅིང་འཇིགས་པ་དང་མྱ་ངན་ཐམས་ཅད་དང་བྲལ་བ་དང་། དེའང་རང་སངས་རྒྱས་ལ་བསྐལ་པའི་བར་དུ་ཕུལ་བ་བས་སངས་རྒྱས་ལ་རྩྭའི་མེ་སྒྲོན་ཙམ་འབུལ་བས་འབྲས་བུ་ཆེ་བ་སོགས་གསུངས་སོ། །དེ་དག་ཀྱང་མདོ་ལས། །བཞུགས་པའི་ཚེ་ན་གང་གིས་མཆོད། །མྱ་ངན་འདས་འོག་གང་གིས་མཆོད། །སེམས་

― LT38_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་མ་ལ་བསྙེན་བཀུར་བ་ལས་ཀྱང་ཕན་ཡོན་ཆེ་ཞིང་། དེའང་མདོ་འདུལ་དང་རྒྱུད་སྡེ་འོག་མའི་ཏིང་འཛིན་སྒོམ་པ་ལས་ཀྱང་། སྔགས་བླ་མེད་སྤྱི་དང་ཁྱད་པར་གསང་ཆེན་འོད་གསལ་རྡོ་རྗེ་རྩེ་མོའི་རྣལ་འབྱོར་པ་ལ་ཚོགས་ཅུང་ཟད་བསགས་པ་ཕན་ཡོན་བྱེ་བ་བརྒྱ་འགྱུར་གྱིས་ཆེ་སྟེ། རྒྱུད་ཀྱི་རྒྱལ་པོ་ཡེ་ཤེས་རྔམ་གློག་ལས། རིགས་ཀྱི་བུ་གང་ཟག་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་སོ་སོའི་སྐྱེ་བོའམ། ཉན་ཐོས་སམ། རང་སངས་རྒྱས་སམ། བྱང་ཆུབ་སེམས་དཔའ་སངས་རྒྱས་ཀྱི་ཞིང་ཡོངས་སུ་གང་བ་སྙེད་ལ་མེ་ཏོག་དང་། ཕྲེང་བ་དང་། བྱུགས་སྤོས་དང་། བླ་བྲེ་དང་། རྒྱལ་མཚན་དང་། བ་དན་དང་། ལྷབ་ལྷུབ་དང་། རོལ་མོའི་ཁྱད་པར་མང་པོ་ལ་སོགས་པས་སངས་རྒྱས་ཀྱི་ཞིང་ཡོངས་སུ་གང་བར་བྱས་ཏེ་ཕུལ་བ་བས། ཐ་ན་གསང་བའི་ཐེག་པ་ལ་གནས་པའི་རྣལ་འབྱོར་པ་གཅིག་ཙམ་ལའང་གཡོ་སྒྱུ་དང་། གསོག་འཇོག་སྤངས་པའི་སྒོ་ནས་འདོད་པའི་ཡོན་ཏན་གྱི་ཚོགས་སྐད་ཅིག་ཙམ་བཏེགས་ཤིང་ལོངས་སྤྱད་པའི་བསོད་ནམས་ཁྱད་པར་དུ་འཕགས་ཏེ་འབུམ་གྱི་ཆར་ཡང་མི་ཕོད་དོ། །དེ་ཅིའི་ཕྱིར་ཞེ་ན། སོ་སོའི་སྐྱེ་བོའམ། ཉན་ཐོས་སམ། རང་སངས་རྒྱས་སམ། བྱང་ཆུབ་སེམས་དཔའི་བསོད་ནམས་དང་ཡེ་ཤེས་ཀྱི་ཕུང་པོ་དེ་དག་བས་གསང་བའི་

― LT38_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་ལ་གནས་པ་གཅིག་གི་བ་སྤུའི་ཆ་གཅིག་གི་བསོད་ནམས་དང་ཡེ་ཤེས་ཀྱི་ཕུང་པོ་ཁྱད་པར་དུ་འཕགས་ཏེ་འབུམ་གྱི་ཆར་ཡང་མི་ཕོད་དོ། །དེ་བཞིན་ཏུ་གང་ཟག་ལ་ལ་ཞིག་གིས་མེ་ཏོག་ལ་སོགས་པས་སངས་རྒྱས་ཀྱི་ཞིང་ཡོངས་སུ་གང་བའི་བསོད་ནམས་དང་ཡེ་ཤེས་ཀྱི་ཕུང་པོ་གང་ཡིན་པ་དེ་བས་འདོད་པའི་ཡོན་ཏན་གྱི་ཚོགས་ཆེན་པོ་གཅིག་གི་རྡུལ་ཕྲ་རབ་ཀྱི་ཆ་ཙམ་གྱི་བསོད་ནམས་དང་ཡེ་ཤེས་ཀྱི་ཕུང་པོ་ཁྱད་པར་དུ་འཕགས་ཏེ་འབུམ་གྱི་ཆར་ཡང་མི་ཕོད་དོ། །རིགས་ཀྱི་བུ་དེ་བས་ན་དང་པ་ཅན་གྱི་སྐྱེ་བོ་གསང་བའི་ཐེག་པ་ཉིད་དང་། གསང་བའི་ཐེག་པ་ལ་གནས་པའི་བླ་མ་འཁོར་དང་བཅས་པ་ལ་དད་པའི་སེམས་ཀྱིས་གཡོ་སྒྱུ་དང་། གསོག་འཇོག་སྤངས་པའི་ཚོགས་གསོག་པ་དེའི་བསོད་ནམས་དང་ཡེ་ཤེས་ཀྱི་ཕུང་པོ་ནི་ཚད་མེད་དེ། ཐམས་ཅད་མཁྱེན་པའི་སངས་རྒྱས་རྣམས་ཀྱིས་ཀྱང་བགྲང་བར་མི་ནུས་སོ། །ཞེས་སོགས་གསང་རྒྱུད་ཀུན་ནས་མཐའ་ཡས་པ་འབྱུང་ངོ། །གཉིས་པ་དམིགས་སུ་བསལ་བའི་དགོས་ཆེད་ནི་གོང་དུ་ཞིབ་པར་སོང་བ་ལྟར་ལ། ཕྱིས་སུ་གཏེར་ཆེན་མཆོག་གྱུར་གླིང་པ་ལ་གསང་བའི་མགོན་པོའི་སྐུ་བརྙན་གྱི་དགོས་པ་དམིགས་སུ་ཞུས་པའི་བཀའ་ལན་འོག་མའི་ཀརྨའི་གདན་ས་ནས་སྩལ་བ་འདི་ལྟ་སྟེ། ཨེ་མ་ཧོ། ཤར་ཕྱོགས་དཔལ་སྤུངས་རི་ཁྲོད་ཡང་དབེན་

― LT38_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །རྗེ་བཙུན་བླ་མ་ཀོང་སྤྲུལ་རིན་པོ་ཆེས། །ཁོང་ལ་ཕུལ་བའི་མགོན་སྐུ་གཏེར་བྱོན་དེ། །ཧེ་རུ་ཀ་ཡི་ལྷ་ཁང་ནང་དུ་ནི། །མགོན་ཁང་རྟེན་གཙོ་མཛད་པའི་སྐུ་འདྲ་དེའི། །ལོ་རྒྱུས་གཏེར་བྱུང་སྔོན་དུ་ཕུལ་ན་ཡང་། །ད་དུང་དགོས་ཆེད་གང་ཡོད་བཀའ་སྩལ་བྱུང་། །གུ་རུ་པདྨའི་གསང་ལུང་སྤྱི་ལུང་སོགས། །ཀུན་གྱི་དགོངས་པར་ཁྲག་འཐུང་ལྷ་ཁང་འདི། །བཞེངས་ན་བོད་ཡུལ་ས་གནད་ཆེ་བ་དང་། །ཁྱད་པར་སྙིང་པོའི་བསྟན་པའི་སྲོག་ཏུ་འགྱུར། །ཀུན་གཟིགས་ཀོང་སྤྲུལ་གར་གྱི་དབང་ཕྱུག་ཉིད། །ལོ་ཆེན་བཻ་རོའི་དངོས་སྤྲུལ་ཡིན་པའི་ཕྱིར། །དེ་ལ་དཔལ་ལྡན་མགོན་པོའི་ཆོས་སྐོར་དང་། །མགོན་སྐུ་ཕུལ་ན་སྙིང་པོའི་བསྟན་པ་ཡི། །ལྕགས་རི་ཡོང་བར་ལུང་ནས་ཤིན་ཏུ་གསལ། །དེ་ཕྱིར་ལུང་ལྟར་བླ་མ་དམ་པར་ཕུལ། །རྟེན་དང་ཆོས་ནི་སུས་འཛིན་གཅེས་པར་ཟུངས། །ཡལ་བར་མ་དོར་དགོས་པ་ཆེ་བར་ཡོད། །གང་དྲན་མ་ཡིན་པདྨའི་ལུང་བཞིན་ཡིན། །གལ་ཆེན་ཡིན་ནོ་དུས་ངན་སྙིགས་མ་འདིར། །གནས་གཞི་རྟེན་དགོན་རྙིང་པ་མི་ཟིན་དུས། །གསར་པ་བཟོ་བའི་ངལ་བ་དོན་མེད་ཀྱང་། །རྗེ་བཙུན་བླ་མ་གར་གྱི་དབང་ཕྱུག་གིས། །གསང་རྙིང་བསྟན་པའི་སྙིང་ནོར་ཟབ་ཆོས་རྣམས། །མི་འཐོར་རིན་ཆེན་སྒྲོམ་ནང་གཅིག་བསྡུས་པའི། །མར་

― LT38_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོག་དཀྱིལ་འཁོར་ཟབ་མོའི་གཏེར་ཆོས་རྣམས། །ཆོག་བསྒྲིགས་དབང་ལུང་བཤད་ཁྲིད་མཛད་པ་མང་། །གཅུག་ལག་བཞེངས་པའི་སོས་དལ་མིན་པ་དང་། །སྤོང་བ་རི་ཁྲོད་པ་རུ་སོང་གཤིས་ཀྱི། །རྟེན་བཞེངས་མཛད་པའི་ཟང་ཟིང་ཆེ་བར་མེད། །འོན་ཀྱང་ང་ཡི་གཏེར་ལུང་ཟོལ་མེད་ཞུས། །ཁོང་གིས་དེ་ལ་ཡིད་ཆེས་དང་ལེན་གྱིས། །དཀའ་བ་དུ་མས་རྟེན་དང་བརྟེན་བཅས་བསྒྲུབས། །བསྟན་པའི་སྲོག་ཤིང་དབོན་སྤྲུལ་རིན་པོ་ཆེས། །མཐུན་རྐྱེན་མཛད་ཅིང་ཕྱི་ནང་ངོ་མཚར་གྲུབ། །ཀུན་གཟིགས་མཁྱེན་བརྩེའི་དབང་པོ་བདག་ཟུང་གིས། །ནང་རྟེན་གང་བཟང་ཐམས་ཅད་ཁོང་ལ་ཕུལ། །ཧེ་རུ་ཀ་ཡི་ལྷ་ཁང་ཁྱད་པར་འཕགས། །སྤྱིར་ཡང་བོད་ཡུལ་ས་གནད་ཐམས་ཅད་དང་། །ཁྱད་པར་སྡེ་དགེའི་ཕྱོགས་ཀྱི་ས་གནད་ཀུན། །བཟུང་བའི་གཙུག་ལག་བཤད་སྒྲུབ་མཆོད་རྟེན་སོགས། །མང་པོ་དགོས་ཀྱང་སུ་ཡང་མ་གྲུབ་ཅིང་། །འཇམ་མགོན་ཀུན་གཟིགས་མཁྱེན་བརྩེའི་དབང་པོ་ཡིས། །སྒྲུབ་གནས་རྒྱལ་པོ་པདྨ་ཤེལ་ཕུག་དང་། །པདྨ་དབང་ཕུག་རྣམས་སུ་ཁྱད་པར་ཅན། །བཟོ་བར་མཛད་རྣམས་ཕན་བདེ་འབྱུང་བའི་གནས། །ཙཱ་འདྲ་རིན་ཆེན་དཔལ་སྤུངས་རི་ཁྲོད་ཀྱི། །ཧེ་རུ་ཀ་ཡི་ལྷ་ཁང་འདི་དག་ཏུ། །སྤྲེལ་ལོར་དགོངས་འདུས་སྨན་སྒྲུབ་ལུང་བསྟན་ལྟར། །རྒྱལ་དབང་ཞྭ་ནག་བཅུ་བཞི་པ་ཆེན་

― LT38_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། །མཆོག་གི་སྤྲུལ་སྐུ་པདྨ་ཀུན་བཟང་སོགས། །འདི་རུ་དགོངས་འདུས་སྨན་སྒྲུབ་ཆེན་པོ་མཛད། །ཡེ་ཤེས་མགོན་པོ་རྡོ་རྗེ་ཕྱག་དྲུག་པ། །བཀའ་སྲུང་ཀླུ་བཙན་འབར་བའི་ཕྲིན་ལས་ཀྱིས། །མི་ཆེན་རྒྱལ་བློན་རྣམས་དང་ཡོན་མཆོད་བྱུང་། །དེང་སང་རོང་དམག་འདི་ཡི་འུར་ཟེང་གིས། །ཐམས་ཅད་འབྲོས་པའི་ཁོང་མེད་སྡུག་བསྔལ་ཚེ། །ཀར་རྙིང་བསྟན་འཛིན་ཐམས་ཅད་སྡོང་ཟོས་བདེ། །འདི་ཡང་གཙུག་ལག་ཁང་འདིའི་བཀའ་དྲིན་ཡིན། །ད་དུང་སྟབས་ཉེས་མཐའ་དབུས་ཐམས་ཅད་འཁྲུགས། །བོད་ཁམས་སུ་ཡང་མི་བདེ་སྣ་ཚོགས་འབྱུང་། །དེ་དག་བཟློག་རིམ་གཙུག་ལག་ཁང་འདི་རུ། །བོད་ཁམས་བདེ་བའི་རིམ་གྲོ་ལུང་བཞིན་སྒྲུབས། །མ་འོངས་དུས་སུ་གཙུག་ལག་ཁང་འདི་དང་། །སྒྲུབ་རྒྱུན་མན་ངག་དང་བཅས་ཉམས་མ་འཇུག །འདི་ལ་དོན་ཆེན་ཡོད་དོ་ཕྱི་རབས་རྣམས། །འདི་ཡང་གཅིག་གི་སྒེར་དོན་མ་ཡིན་གྱི། །རིས་མེད་བསྟན་པ་ཆོས་མཛད་ཕན་བདེ་ངེས། །འདི་ལྟར་ལྷོ་ཕྱོགས་ཀརྨའི་རི་ཁྲོད་དུ། །མཆོག་གྱུར་གླིང་པ་ལོ་གསུམ་མཚམས་ཀྱི་སྐབས། །བླ་མའི་བཀའ་ལན་དགེ་སྦྱོར་ཐུན་གསེར་ལ། །བྲིས་ནས་ཕུལ་བ་དགྱེས་པའི་རོལ་མོར་ཤོག །ཅེས་པ་འདི་ལ་དོན་གནད་ཆེན་པོ་ཡོད་པས་ད་ལྟ་བཞུགས་པ་དང་སླད་ནས་འབྱོན་པར་འགྱུར་བའི་བསྟན་པ་སྤྱི་དང་བྱེ་བྲག་

― LT38_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཐུགས་ཁྲལ་ཡོད་པ་རྣམས་ཀྱིས་དོན་འདི་ཡལ་བར་མི་འདོར་བ་ཅི་ནས་གལ་ཆེ་བ་ཡོད་དོ། །གསུམ་པ་མཐའ་མར་དགེ་བ་ཤིས་པ་བརྗོད་པའི་ཚིགས་སུ་བཅད་པའི་ཕྲེང་བ་ཅུང་ཟད་ཅིག་བསྟར་བ་ནི། ཨོཾ་སྭ་སྟི་སརྦ་སིངྡྷི་ཀ་ལྱཱ་ཾ་ཀཱ་མ་དྷེ་ནུ་བྷ་བནྟུ། གང་མཚན་རིན་ཆེན་རིན་ཐང་མེད་པའི་སྣང་བའི་ཆ་ཡིས་བགོས་པ་ན། །དགེ་ལེགས་གསེར་གྱི་པདྨོ་འཛུམ་པས་འཇིག་རྟེན་གསུམ་པོ་ཤིས་བྱེད་པ། །དཀོན་མཆོག་རྩ་གསུམ་བདེན་པའི་སྤྲིན་ལས་བྱིན་རླབས་བདུད་རྩིའི་ཆར་བབ་པས། །དད་མོས་ནོར་བུ་འཛིན་མའི་ཐང་གར་འདོད་དོན་སྙེ་མས་ལྕི་བར་མཛོད། །སེམས་གཙང་དགེ་བ་སྤྲིན་གྱི་བླར་བསོད་ནམས་དང་པོའི་དུས་སུ་དཀྲིགས་པ་ན། །མཐོ་རིས་དཔལ་དང་ཐར་པའི་འབྱོར་བ་ནོར་བུ་དབྱིག་གི་ཆར་རྒྱུན་འཇོ་བྱེད་པ། །གང་དེ་བདེན་པའི་རླབས་དང་གྲུབ་པའི་མཐུ་སྟོབས་གློག་གི་ལྕེ་བཞིན་འབར་པས་ཏེ། །མངོན་པར་འདོད་པའི་ས་བོན་གང་ཡང་རླན་དྲོད་བཞིན་ཏུ་དེ་མཐུས་བསྐྱེད་གྱུར་ཅིག །དགེ་བའི་པདྨོ་ཅན་གྱི་རྣམ་དཀར་འཁྲི་ཤིང་རྩ་བ་སེམས་ཀྱིས་བཙུགས་པ་ནས། །མཚུངས་པར་ལྡན་པའི་ལང་ཚོའི་ཡལ་འདབ་རིམ་དང་ཅིག་ཆར་ཡོངས་སུ་རྒྱས་པའི་འཕྲུལ། །རེ་བའི་འབྲས་བུ་རྫོགས་པར་སྨིན་པའི་མཐར་ཐུག་གདེངས་ཀ་ཅན་གྱིས་ཆུ་ཀླུང་བཞིན། །རྒྱལ་བའི་སྙིང་པོ་དགེ་བའི་སྟོབས་

― LT38_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུངས་སེང་གེའི་སྒྲ་ལྡན་དེས་ཀྱང་གྲུབ་སྩོལ་ཤོག །བསོད་ནམས་གང་ཞིག་ཅུང་ཟད་བགྱིས་དང་བགྱིད་སྩལ་བགྱིད་ལ་ཡི་རང་བྱ་བྱེད་ཡུལ། །ཆོས་ཉིད་རང་བཞིན་གདོད་ནས་མ་སྐྱེས་རྟོག་བྲལ་ལྟ་བས་དེ་བཞིན་ཉིད་དབྱིངས་སུ། །བློ་ཆེན་གྲགས་ལྡན་ཀུན་ཏུ་བཟང་སོགས་མཁྱེན་པས་ཡོངས་བཟུང་གང་ལ་མཚན་རྟོག་གི། དྲི་བྲལ་བསྔོ་བའི་རྒྱལ་པོ་དེར་ནི་མཚུངས་པར་བསྔོས་པས་སངས་རྒྱས་ཆོས་རྣམས་རྫོགས་པར་བགྱི། །གང་ལ་སྐྱེ་འགག་གནས་དང་མཚན་མ་མི་དམིགས་སངས་རྒྱས་ཀུན་གྱི་གསང་བའི་སྒོར། །ཡང་དག་འཇུག་པའི་བློ་གྲོས་མཐུ་ཐོབ་གང་དེར་མཚན་མར་བཟུང་བའི་འདུ་ཤེས་ཀྱི། །འཆིང་བ་བརྒྱས་དཀྲིས་སྲིད་པའི་བཙོན་རར་ཉམ་ཐག་མ་རྣམས་འདོན་ལ་མི་སྐྱོ་བའི། །བྱམས་པའི་གོ་ཆ་སྙིང་རྗེའི་ཡ་ལད་མཁྲེགས་ལྡན་སྐྱེས་བུ་དཔའ་བོ་ཉིད་གྱུར་ཅིག །ཚུལ་ཁྲིམས་རྣམ་དག་ས་གཙང་ཉམས་དགར་ཏིང་འཛིན་བྱེ་བའི་མེ་ཏོག་ལྡིང་ཁང་བཀྲ། །དྲི་མེད་ཤེས་རབ་སྦྲང་རྩིའི་ཟིལ་དངར་ཡིད་ཅན་བུང་བས་ཅི་དགར་མྱོང་བ་ལས། །ཐར་པ་དམ་པའི་ཆོས་འཚོ་རབ་རྒྱས་མཐའ་གཉིས་ཉལ་སློང་ཆོས་དབྱངས་དར་དིར་སྒྲོག །ས་གསུམ་དགེ་བའི་དཔྱིད་ཀྱི་དཔལ་མོ་སྲིད་པ་ཇི་སྲིད་རབ་ཏུ་བཞད་གྱུར་ཅིག །

― LT38_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་མཐོ་ངེས་ལེགས་ས་མཚུངས་གཞིར་གྱུར་ཆོས་འདུལ་འཛིན་པས་ལྷུན་པོའི་གཏོས་སུ་ཁྱབ། །འཇིག་རྟེན་འཚོ་བྱེད་མདོ་སྡེའི་སྨན་ལྗོངས་ཆོས་ཀྱི་མ་མོའི་པདྨ་གཞོན་ནུས་མཛེས། །ཐུབ་བསྟན་དགའ་ཚལ་དར་ལ་བབས་པས་རིས་བྲལ་སྐྱེ་དགུ་ཉེར་འཚོར་མཛད་བཞིན་ཏུ། །བྱམས་པའི་ཉི་མས་འཇིག་རྟེན་སྣང་བ་དེ་སྲིད་ཉམས་མེད་རབ་ཏུ་རྒྱས་གྱུར་ཅིག །གངས་ལྗོངས་གདུལ་བྱའི་བསོད་ནམས་ཡིད་མཁར་སྔ་ཕྱིར་འཆར་བའི་ཉི་ཟླའི་དཀྱིལ་འཁོར་བཞིན། །ཐུན་མོང་སྣང་བྱེད་མཐའ་དག་ཟིལ་གནོན་གསང་ཆེན་རྒྱུད་དང་དེ་ཡི་སྦྱོར་བ་ནི། །གྲུབ་པའི་ཤིང་རྟ་སོ་སོས་དྲངས་དང་ཁྱད་པར་མཐར་ཐུག་སྙིང་པོའི་གསང་བ་རྣམས། །ཕྲིན་ལས་འོད་རླབས་ནམ་ཡང་མི་བརྟུལ་མཁའ་ཁམས་སྲིད་དུ་ཀུན་གསལ་འཚོ་གཞེས་གསོལ། །ཞིང་ཁམས་རྒྱ་མཚོའི་འགྲོ་བ་འདུལ་ཕྱིར་རྒྱལ་བ་བྱེ་བས་བཅིངས་པའི་ཅོད་པན་ནི། །ཐོན་ཀ་ཆེ་དང་རཱ་གའི་མདངས་འཛིན་གང་གི་ཆེ་བའི་ལུང་གི་སྤྲིང་ཡིག་ཀྱང་། །འཇིག་རྟེན་ཀུན་ཏུ་པདྨའི་མགོན་པོས་ཡང་ཡང་བྱིན་པའི་འདྲེན་མཆོག་ཉི་ཟླ་ཟུང་། །གདུལ་བྱའི་ཡིད་མཁར་འགྲིབས་མེད་འཆར་བས་ཉེས་པའི་མུན་ཁང་རབ་ཏུ་བརྟོལ་མཛད་གསོལ། །རིས་བྲལ་ཐུབ་བསྟན་

― LT38_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོན་མེ་རྣམས་ཀྱི་སྐུ་འཚོའི་རི་དབང་རྡོ་རྗེར་བརྟན། །འཁོར་ལོ་གཉིས་ལྡན་ཚོགས་མཆོག་ནགས་ཀླུང་འཛིན་མའི་ཁྱོན་ཀུན་རྒྱས་པར་དཀྲིགས། །སྙིང་པོའི་ཆོས་དབྱངས་གཞོམ་དུ་མེད་པས་རྨོངས་པའི་གཉིད་ལས་ཀུན་བསླངས་ཏེ། །བྱང་ཆུབ་སྙིང་པོར་རྒྱལ་བའི་རྔ་ཆེན་མཁའ་མཉམ་འགྲོ་བས་བརྡུང་གྱུར་ཅིག །སྡུག་བསྔལ་རྦ་རླབས་དྲག་ཏུ་གཡོ་བ་སྲིད་པའི་ཆུ་གཏེར་གཏིང་ཟབ་པ། །རྟེན་འབྲེལ་འཁྲུལ་འཁོར་ལུགས་སུ་ལྡོག་སྟེ་ཐར་པ་བདེ་བའི་སྨན་ལྗོངས་སུ། །མ་གྱུར་དེ་སྲིད་འཐབ་རྩོད་ཕོངས་དང་མི་ངས་ལ་སོགས་རྩོད་དུས་ཀྱི། །རྣམ་འགྱུར་ཀུན་ཞི་རྫོགས་ལྡན་དབྱིག་གི་སྙིང་པོས་གཏམས་ནས་འཁྱིལ་གྱུར་ཅིག །དགེ་ལེགས་འབྱོར་པ་ཡོངས་སུ་སྡུད་པ་རྣམ་དཀར་སེམས་ཀྱི་རིན་ཆེན་ནི། །བསོད་ནམས་དམ་པའི་ལག་ཏུ་ཐོབ་པས་ལེགས་སྤྱོད་འདོད་པ་ཟད་མི་ཤེས། །བདག་གཅིག་ཅི་འདྲར་ཡིད་ཅན་ཀུན་ཀྱང་ལྷག་བསམ་ནོར་བུའི་གཏེར་བརྡོལ་ནས། །དོན་གཉིས་ཡོངས་རྫོགས་ཕ་རོལ་བྱིན་པའི་ནམ་མཁའི་མཛོད་ལ་ལོངས་སྤྱོད་ཤོག །རང་འདོད་འཁྲི་བ་རྩད་ནས་བཅད་པ་གང་གི་མངོན་པར་འདོད་པའི་དོན། །གཞན་ཕན་ཁོ་ནའི་རྗེས་སུ་སོང་བའི་ཚོགས་ཆེན་ནམ་མཁའི་མཐའ། །སངས་

― LT38_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་སྤྱན་གྱིས་ཇི་སྙེད་གཟིགས་པ་སྤྱོད་ཡུལ་ཡངས་པའི་སྤྲིན་ཆེན་ལས། །རེ་སྐོང་བདུད་རྩིའི་ཆར་ཆེན་འབེབས་པས་ཡིད་ཅན་ཟུག་རྔུ་འཇིལ་ནུས་ཤོག །གསང་བ་བསམ་ཡས་དྲུག་པའི་བདག་ཉིད་སྐལ་པ་མཉམ་པའི་གཟུགས་བཟུང་སྟེ། །སྲས་བཅས་རྒྱལ་ལས་ངེས་པར་ལྷག་པའི་བཀའ་དྲིན་དམ་པའི་མཛོད་གཏད་ནས། །གདུལ་བྱ་གཞན་གྱི་དོན་ལ་དགྱེས་པ་དེ་ཀུན་བཞེད་པ་གང་མཆིས་ཀྱང་། །རྣམ་དཀར་འདི་མཐུས་རྫོགས་པར་བསྐངས་ཏེ་གསང་བ་གསུམ་གྱི་དབྱིག་འཛིན་ཤོག །ཐུབ་བསྟན་ཡོངས་རྫོགས་བདེ་བླག་བཟུང་བའི་མཁྱེན་བརྩེ་ནུས་པའི་རྩལ་ཆེན་རྫོགས། །བློ་དང་འཚམས་པའི་ཆོས་ཆར་འབེབས་ལ་རྨོངས་དང་བསྙེངས་མེད་སྟོན་མཆོག་བཞིན། །ཚིགས་བཅད་གཅིག་གིས་འགྲོ་ཁམས་མཐའ་ཡས་ལེན་པའི་འཆིངས་ལས་དགྲོལ་བ་ཡི། །ཆོས་སྒོ་རྡུལ་སྙེད་མཁའ་མཉམ་སྐྱེ་དགུས་འཛིན་དང་སྟོན་ལ་སྤོབས་གྱུར་ཅིག །ཡེ་ཤེས་རྡོ་རྗེའི་ཅོད་པན་རབ་མཛེས་ཐབས་ཤེས་ཕྱག་རྒྱ་མི་འབྲལ་འཆང་། །གསང་རྒྱུད་རྒྱ་མཚོའི་གཞོམ་མེད་སྐད་ཀྱིས་སྲིད་པར་འཕོ་བའི་མཐའ་བཀག་ནས། །སྒྱུ་འཕྲུལ་ཉམས་བརྒྱའི་གར་གྱི་རོལ་པས་ཞིང་དང་

― LT38_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུའི་སྤྲིན་བཀོད་པ། །རིགས་ཀུན་ཁྱབ་བདག་རྡོ་རྗེ་སེམས་དཔར་སྐྱེ་འདི་ཉིད་ལ་མངོན་གྱུར་ཤོག །བཟང་ངན་བར་མའི་འབྲེལ་བས་བསྡུས་ཀུན་སྒྲིབ་པའི་དྲྭ་བ་ཕྱིར་བསལ་ཏེ། །འདབ་བརྒྱ་བཞད་པའི་ཟེའུ་འབྲུའི་ལྷུམས་ན་གསེར་མདོག་མཚན་དཔེ་འབར་བའི་བཞིན། །སྣང་མཐའ་ཡས་པའི་དཀྱིལ་འཁོར་གང་ལ་མི་འཕྲོག་དད་པས་ཕྱོགས་དེ་ཡི། །སྙིང་གི་བུམ་པ་ཞི་བསིལ་ཆོས་ཆུ་རོ་ལྡན་བཅུད་ཀྱིས་བལྟམས་པར་ཤོག །བདེན་གསུང་རྡོ་རྗེའི་ཐ་ཚིག་ནམ་མཁའ་བཞིན་ཏུ་འགྱུར་བ་མི་སྲིད་པས། །ཧེ་རུ་ཀ་དཔལ་གསང་བ་གསུམ་གྱི་ཕྱག་རྒྱ་གང་ལ་ལྷ་ཀླུ་མིས། །བསྙེན་བཀུར་དང་བཅས་རྣམ་འདྲེན་ལྔ་པའི་ཆོས་ལྔ་སྒྲོགས་པ་དེ་སྲིད་དུ། །ཕྲིན་ལས་ཆུ་ཀླུང་ཞིང་བརྒྱར་འགྱེད་པའི་མ་དྲོས་མཚོ་བཞིན་གང་གྱུར་ཅིག །དྲི་མེད་བསླབ་པའི་གཞི་ལ་རབ་གནས་བརྩོན་འགྲུས་གོ་ཆ་ཤིན་ཏུ་མཁྲེགས། །ངེས་པར་འབྱུང་བའི་གློ་ཡི་ཤུགས་ཀྱིས་ཏིང་འཛིན་རྒྱ་མཚོའི་ཕ་རོལ་སོན། །གདོད་མའི་གྲུབ་མཐའ་ཚེ་འདིར་སྙོགས་པས་མཐའ་གཉིས་ལས་རྒྱལ་དཔའ་བོ་ནི། །མུ་ཏིག་ཕྲེང་

― LT38_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་བསྟར་ལ་བརྒྱུས་པས་གྲུབ་པའི་ཚལ་འདི་མཛེས་བྱེད་ཤོག །མི་ཤིགས་ཚེ་དབང་རྡོ་རྗེའི་ལྷུན་པོར་དཔལ་འབྱོར་ཉི་ཟླའི་རྣ་ཆས་སྒེག །གྲགས་པའི་རྔ་སྒྲས་སྲིད་གསུམ་ཀུན་ཁྱབ་དེ་དག་བསྡུ་བཞིའི་མགྲོན་ཏུ་འགུགས། །རེ་བ་མེད་པའི་སྐྱིན་པ་རྣམ་བཞིས་འདི་དང་རྟེན་གྱི་དབུལ་སེལ་ནས། །ཡིད་ཅན་ཀུན་གྱི་འདོད་པ་མ་ལུས་བདག་ཉིད་ཁོ་ནས་བསྐངས་གྱུར་ཅིག །དཔལ་ལྡན་རྡོ་རྗེའི་ཡེ་ཤེས་སྒྲིབ་བྲལ་འཁོར་འདས་བརྟན་གཡོའི་སྲོག་ཏུ་ཞུགས་པ་དང་། །འགྲོ་ཁམས་རྒྱལ་བའི་སྙིང་པོས་སྙིང་གསེར་བཞིན་ལྷུན་གྲུབ་འདུས་མ་བྱས་པ་དང་། །བདེ་གཤེགས་མྱ་ངན་མི་འདའ་དམ་ཆོས་ནམ་ཡང་ནུབ་མེད་བདེན་གསུང་བཀྲ་ཤིས་ཀྱི། །སྒོ་འཕར་བྱེ་བ་ཀུན་ཏུ་འབྱེད་ལས་འདོད་རྒུ་ནོར་བུའི་གཏེར་ཁ་བརྡོལ་གྱུར་ཅིག །ཅེས་པ་འདིའང་ཕྱི་ནང་གི་རྟེན་བརྟེན་པ་ཡོངས་སུ་རྫོགས་པ་གྲུབ་ཅིང་། ལོ་གསུམ་ཕྱོགས་གསུམ་གྱི་རྣལ་འབྱོར་ཐོག་མའང་བར་ཆད་མེད་པར་མཐར་ཕྱིན་ཏེ། དྲུག་ཅུ་སྐོར་ཅིག་གི་དང་པོ་ཤིང་ཕོ་བྱི་བའི་གནམ་ལོ་གསར་དུ་བཞེད་པའི་དཀར་ཕྱོགས་ཀྱི་གྲལ་ཚེས་བཟང་

― LT38_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་རྣམ་དཀར་བགྱིད་པ་པོ་ཀརྨ་ངག་དབང་ཡོན་ཏན་རྒྱ་མཚོ་ཕྲིན་ལས་ཀུན་ཁྱབ་དཔལ་བཟང་པོས་བྲིས་པ་དགེ་ལེགས་རྟག་པའི་ཉི་མ་ནུབ་མེད་ཁོར་ཡུག་ཏུ་འཆར་བར་གྱུར་ཅིག །སརྦ་དཱ་མངྒ་ལཾ་བྷ་བནྟུ།། །།

དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་གི་སྒྲུབ་པ་རྣམས་ཀྱི་ཀུན་སྤྱོད་བཅའ་ཁྲིམས་བླང་དོར་རབ་གསལ་ཕན་བདེའི་འབྱུང་གནས།

― LT38_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་གི་སྒྲུབ་པ་རྣམས་ཀྱི་ཀུན་སྤྱོད་བཅའ་ཁྲིམས་བླང་དོར་རབ་གསལ་ཕན་བདེའི་འབྱུང་གནས་ཞེས་བྱ་བ་བཞུགས་སོ། །

― LT38_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་སིདྡྷཾ་ཤྲཱི་ཛ་ཡ་ཏིཥྛནྟུ། །སྲིད་ཞིའི་དཔལ་དུ་འབར་བའི་མཚན་དཔེའི་སྐུ། །ཆོས་སྒོ་རབ་འབྱམས་ཀུན་འབྱུང་ཚངས་པའི་གསུང་། །མཁའ་ཁྱབ་རྣམ་པར་མི་རྟོག་ཡེ་ཤེས་ཐུགས། །གསང་བ་གསུམ་བདག་རྗེ་བཙུན་བླ་མར་འདུད། །སྒྲུབ་བརྒྱུད་བསྟན་པའི་སྲོག་རྩ་དཔལ་སྤུངས་ཀྱི། །ཡང་ཁྲོད་སྒྲུབ་ལ་གཞོལ་བའི་སྤོང་བ་པ། །འབྱུང་དང་འབྱུང་འགྱུར་ཀུན་གྱི་བཅའ་བའི་ཁྲིམས། །བླང་དོར་རབ་གསལ་ཕན་བདེའི་འབྱུང་གནས་སྤྲོ། །དེ་ལ་ཚེ་རབས་སྔ་མ་རྣམས་སུ་བསོད་ནམས་ཀྱི་ཚོགས་རྒྱ་ཆེན་པོ་བསགས་ཤིང་སྨོན་ལམ་གྱི་ལས་འཕྲོ་རྣམ་པར་དཀར་བའི་མཐུ་ལ་བརྟེན་ནས་ཡིད་བཞིན་གྱི་ནོར་བུ་ལས་ལྷག་པའི་དལ་འབྱོར་གྱི་རྟེན་བཟང་པོ་ཐོབ། སངས་རྒྱས་ཀྱི་

― LT38_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་ཡང་སྙིང་གསང་སྔགས་རྡོ་རྗེ་ཐེག་པ་དང་མཇལ། མཚན་ཉིད་དང་བརྒྱུད་པར་ལྡན་པའི་དགེ་བའི་བཤེས་གཉེན་ཅི་འདོད་བསྟེན་དུ་ཡོད། །དམ་པའི་ཆོས་སྒྲུབ་པའི་མཐུན་རྐྱེན་ཚོགས་ནས་སྒྲུབ་པ་སྙིང་པོར་བྱེད་དུ་ཡོད་པ་ནི་དབུལ་པོས་རྨི་ལམ་ན་ཡིད་བཞིན་གྱི་ནོར་བུ་རྙེད་པ་ལྟར་མི་སྲིད་པའི་ཆོས་ཅན་ཞིག་ལག་ཏུ་རྙེད་པ་ཡིན་ཀྱང་། བླ་འདོད་ཙམ་སེམས་ཕུག་ཏུ་འཆང་ནས་སྒྲུབ་ཁང་དུ་ལོ་ཟླའི་གྲངས་ཚང་བ་ཙམ་གྱིས་ཆོག་པར་བྱས་ཏེ། བསམ་སྦྱོར་རྣམ་དག་དང་ཉམས་ལེན་ཚད་ལྡན་མ་བྱུང་ན། །ཡོན་སྦྱོར་བ་པོའི་སྦྱིན་བདག་བསླུས། སྒྲུབ་པ་པོ་རང་ཉིད་སྐྱེ་བ་གཏན་གྱི་འདུན་མ་འཆུགས་པར་འགྱུར་བས། རྩ་བའི་རྨངས་གཞི་མཉེས་པ་དགོས། རྩ་བའི་རྨངས་ནི་སྒྲུབ་

― LT38_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་བཞུགས་མཁན་སྡོམ་པ་གསུམ་ཡིད་ཆེས་སུ་ལྡན་ཅིང་དབྱར་གནས་ལ་ཞུགས་ནས་མདོ་རྒྱུད་ཀྱི་ཐོས་བསམ་བག་རེ་ཡོད་པ། ཁྱད་པར་ཚེ་ཕྱི་མ་དང་ཐར་པ་བྱང་ཆུབ་སྒྲུབ་པའི་འདུན་པ་ཡོད་ངེས་ལས། མ་བརྟགས་པ་གང་བྱུང་བཞག་ན་ཕོག་ཡོན་ཆུད་ཟོས་མ་གཏོགས་གང་ཡང་མི་འབྱུང་བས་ལེགས་པར་དཔྱད་ནས་བཞག་དགོས། སྒྲུབ་པ་ལ་འཇུག་པ་ལ། ཐོག་མར་འདུན་པ་ཕྱིན་ཅི་ལོག་ཏུ་མ་སོང་བས་གཞི་ལེགས་པ། བར་དུ་བསྒྲུབ་བྱའི་ལྟ་སྒོམ་སྤྱོད་གསུམ་ཉམས་སུ་ལོན་པས་གཞན་དག་མགུ་བ། མཐར་བསྒྲུབས་པའི་འབྲས་བུ་ཆུད་ཟོས་སུ་མ་ཤོར་བས་རང་བློ་བདེ་བ་ཞིག་དགོས་པ་བཅའ་ཁྲིམས་ཀྱི་སྤྱི་སྡོམ་ཡིན་ནོ། །དེ་ལ་དང་པོ་འདུན་པ་ཕྱིན་ཅི་མ་ལོག་པ་ཇི་ལྟར་དགོས་ན། རིན་པོ་ཆེའི་ཕུང་པོའི་མདོ་ལས། འོད་སྲུང་དགེ་སློང་གང་དག་དགོན་པའི་གནས་སུ་འགྲོ་བར་འདོད་ན། ཆོས་རྣམ་པ་བརྒྱད་ཡིད་ལ་བསམ་པར་བྱའོ། །བརྒྱད་གང་ཞེ་ན། རང་གི་ལུས་ཡོངས་སུ་སྤང་བར་བྱའོ་སྙམ་པ་དང་། སྲོག་ཡོངས་སུ་བཏང་བར་བྱའོ་སྙམ་པ་དང་། བཀུར་བསྟི་རྣམས་སྤང་བར་བྱའོ་སྙམ་པ་དང་། ཆགས་ཤིང་སྲེད་པ་ཐམས་ཅད་སྤང་བར་བྱའོ་སྙམ་པ་དང་། རི་ཁྲོད་དུ་རི་དྭགས་ལྟར་གནས་པར་བྱའོ་སྙམ་པ་དང་། དགོན་པར་གནས་པའི་སྤྱོད་པ་གང་ཡིན་པ་ལ་བསླབ་པར་བྱའོ་སྙམ་པ་དང་། ཆོས་ཀྱི་འཚོ་བས་གནས་པ་དང་། ཉོན་མོངས་པས་འཚོ་བར་མི་བྱའོ་སྙམ་པ་སྟེ། དེ་ནི་ཆོས་བརྒྱད་

― LT38_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་བྱའོ། །དགེ་སློང་དགོན་པ་བས་གང་ཡིད་ལ་བྱ་བ་དེ་ཡིད་ལ་བྱས་ནས་དགོན་པའི་གནས་སུ་གནས་པར་བྱའོ། །ཞེས་གསུངས་ཏེ། མདོར་ན་འཇིག་རྟེན་གྱི་བྱ་བ་ཐམས་ཅད་རྒྱབ་ཏུ་བསྐྱུར་ནས། བླ་ན་མེད་པའི་བྱང་ཆུབ་ཆེན་པོ་ཐོབ་པར་འདོད་པའི་འདུན་པས་སྒྲུབ་པ་ལ་འཇུག་དགོས། ཆོས་རྗེ་འཇིག་རྟེན་གསུམ་མགོན་གྱི་གསུང་ལས། རྟེན་འགྲེལ་ཐམས་ཅད་བྱང་ཆུབ་ཀྱི་སེམས་ལ་རགས་ལས་པས་ཤིན་ཏུ་གཟབ་པ་གལ་ཆེ། ནམ་ཞིག་རི་ལ་འགྲོ་བའི་དུས་སུ། བྱང་ཆུབ་སེམས་ལ་རྟོག་པ་གཞན་གྱི་འདྲེས་མེད་པ་གཅིག་དགོས་པས། གྲོགས་པོའམ་གཞན་ཁྱད་གསོད་ཀྱིས་རི་ལ་འགྲོ་ན་ཅི་བསམ་མི་འགྲུབ། ཁྱིས་ཆུ་འབོག་པ་བཞིན་རང་ཇེ་ངན་འགྲོ་བ་ཡིན། གཞན་དབང་དུ་འདུ་བ་དང་། ཟས་ནོར་འདོད་ཡོན་གྱི་བསམ་པས་རི་ལ་འགྲོན་རང་གི་སྡོམ་པ་ཡང་འཆོར་ལ་གཞན་གྱི་སྡིག་པ་ཡང་བསགས་ཤིང་མི་དད་པའོ། །ཞེ་སྡང་གི་བསམ་པས་རི་ལ་འགྲོ་ན་ཐམས་ཅད་རང་ལ་སྡང་ཞིང་སྐུར་བ་ལ་སོགས་པ་ཡང་འོང་བ་ཡིན། ང་རྒྱལ་གྱི་བསམ་པས་རི་ལ་འགྲོ་ན་རང་གི་རྒྱུད་ལ་ཡོན་ཏན་མི་སྐྱེ། ཟས་གོས་བཅས་བདར་གྱི་བསམ་པས་རི་ལ་འགྲོ་ན་ལྟོ་གོས་ཀྱིས་ཕོངས་ཤིང་ཡོད་པ་རྣམས་དང་བྲལ། རང་འདོད་གཅིག་པུ་ཡི་བསམ་པས་རི་ལ་འགྲོ་ན། ཉན་ཐོས་ཀྱི་ཐེག་པ་དང་འདྲ་བས་རང་གཞན་གྱི་དོན་མི་འབྱུང་། རྐྱེན་དེ་རྣམས་ཀྱི་རྒྱུ་མཚན་དང་ཉེས་དམིགས་མི་ཤེས་པར་གཏི་མུག་གིས་རི་ལ་འགྲོ་ན་

― LT38_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་སྦྱོར་མི་འཕེལ་བ་དང་བོག་མི་ཐོན་པ་དང་ངན་པའི་ཆོ་དགུ་རེད་པ་ཡིན་གསུངས། དེ་ལྟར་མི་འོང་བའི་ཐབས་ཤིག་ཞུ་བྱས་པས། འོ་ཁྱོད་རང་དབང་ཚེ་མོད་ངས་རྟག་ཏུ་བྱང་ཆུབ་ཀྱི་སེམས་ཀྱི་ཕན་ཡོན་ཚོགས་སུ་བཤད་པ་དེ་ཡིན། དེ་ལྟར་བྱམས་པ་དེང་ཆས་ནས་རི་ལ་འགྲོ་ན་མི་མཐུན་ཐམས་ཅད་ཞི་ཞིང་གར་ཡང་བཀྲ་ཤིས་པ་ཡིན། སྙིང་རྗེ་དང་ཆས་ནས་འགྲོ་ན་གཞན་དོན་འབྱུང་། དགའ་བ་དང་ཆས་ནས་རི་ལ་འགྲོ་ན་ལྷ་འདྲེ་མི་གསུམ་གྱིས་ཡིད་དུ་སྙན་པ་ཐོབ། བཏང་སྙོམས་དང་ཆས་ནས་རི་ལ་འགྲོ་ན་སྣང་བ་དབང་དུ་འདུ་བ་ཡིན། ཚད་མེད་པ་བཞིས་རི་ལ་འགྲོ་ན་ཕྲིན་ལས་བཞིས་རང་གཞན་གྱིས་དོན་འགྲུབ། ཡང་ཡི་དམ་ལྷའི་གདུང་བ་དང་བཅས་ནས་རི་ལ་འགྲོ་ན་ཐུན་མོང་གི་དངོས་གྲུབ་འཐོབ། བླ་མར་གདུང་བ་དང་བཅས་ནས་རི་ལ་འགྲོ་ན་མཆོག་གི་དངོས་གྲུབ་འཐོབ། སྤྱིར་བསམ་པ་རབ་ཀྱི་རི་ལ་འགྲོ་ན་དངོས་གྲུབ་རབ་འཐོབ། འབྲིང་གིས་རི་ལ་འགྲོ་ན་འབྲིང་འཐོབ། ཐ་མས་འགྲོ་ན་དགེ་སྦྱོར་འཕེལ་བ་དང་བར་ཆད་མི་ཡོང་བ་ཙམ་ཡིན་ཅེས་གསུངས་པ་ལྟར་འདུན་སེམས་ཀྱི་སྤང་བླང་མ་ལོག་པ་གལ་ཆེ། དང་པོའི་འཕེན་པ་ནི་ས་བོན་བཏབ་པ་དང་འདྲ། གྲོ་ནས་བྲ་སྲན་ལ་ལོ་འདབ་འབྲས་བུ་སོ་སོར་སྨིན་པ་ལྟར་འབྱུང་བས། རི་ལ་སྒྲུབ་པ་ཞུགས་ཕྱིན་ཆད་ནམ་མཁས་ཁྱབ་པའི་མ་རྒན་སེམས་ཅན་རྣམས་ཀྱི་དོན་ཏུ་ཟུང་འཇུག་རྡོ་རྗེ་འཆང་གི་གོ་འཕང་ཚེ་གཅིག་ལ་བསྒྲུབ་སྙམ་པའི་བློ་དང་མ་བྲལ་

― LT38_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཤིན་ཏུ་གལ་ཆེ། བླ་མའི་མིང་ཞིག་ཐོགས་དགོས་སྙམ་པ་དང་། དེ་ཐོགས་ན་དཀོར་ཟས་ཕོངས་མེད་ཅིག་འབྱུང་སྙམ་པ་དང་། གྲོགས་མཆེད་གཞན་རྣམས་ལས་ལྷག་པའམ། བླ་མ་གཞན་དང་འདྲ་བ་ཞིག་བྱེད་དགོས་སྙམ་པ་སོགས་གཉེར་སེམས་ལོག་པ་གཏན་ནས་མི་བྱ་བ་གལ་ཆེ། སྒྲུབ་ཁང་ཡར་མར་ཕྱོགས་བསྡམས་ཕྱོགས་གྲོལ་གྱིས་སྒྲུབ་པ་ལ་འཇུག་ཐག་ཆོད་པ་ན། འདིར་གང་མཁོའི་འདོན་བྱ་རྣམས་ཀྱི་ཆོ་གའི་འགྲིགས་རིམ། མཆོད་པའི་ཕྱག་ལེན། དབྱངས་རོལ། གཏོར་བཟོ། འབུད་དཀྲོལ་རྣམས་སྣེ་མ་ཐོགས་པར་བསླབ། འདོན་དཔེ་གསོལ་འདེབས་ལེའུ་བདུན་མ་རྟེན་བསྐྱེད་བཅས། ཇོ་ནང་དང་སྨིན་གླིང་། པདྨ་ཉིན་བྱེད་དབང་པོའི་གསོལ་འདེབས་རིགས། ཚོགས་བསགས་དང་འབྲེལ་བའི་གསོ་སྦྱོང་། སྨིན་གླིང་རྡོར་སེམས། ཡང་དག །དགོངས་འདུས་ལས་བྱང་མེ་ཕྲེང་སྐོང་བ་བཀའ་སྲུང་བསྡུས་པ་སོགས་ཆ་ལག་ཚང་བ། དུས་འཁོར་ལྷ་དགུའི་སྒྲུབ་ཐབས་དང་མཆོད་ཆོག །ཤངས་ལུགས་བདེ་མཆོག་ལྷ་ལྔ། རྒྱུད་སྡེ་ལྔ་གཙོ་བསྡུས། མཁའ་སྤྱོད་དཀར་དམར། སྒྲོལ་མའི་མཎྜལ་གསར་རྙིང་། གཏེར་གསར་གསང་ཐིག་སྐོར་གསུམ། རྡོར་སེམས་བཟླས་གྲོལ་དང་པདྨའི་སྙིང་པོའི་རྒྱུད་བཀླགས་ཐབས། དགུ་གཏོར་འདོན་ཆ་ཚང་བ་དང་མཚལ་མ། ཕྱག་དྲུག་པའི་གཏོར་ཆོག་གཞུང་ཟུར་འདེབས་བཅས། དམ་ཅན་སྤྱི་གཏོར། སྔགས་སྲུང་

― LT38_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

མ་དུར་ཁྲོད་མ་མོ་གཏེར་གསར་ཚེ་རིང་མ་སོགས་དང་། ཁྲིད་དཔེ་ཤངས་ཆོས་ནི་གུ་ཆོས་དྲུག་སྔོན་འགྲོ་གཞུང་ལྷན་ཐབས་བཅས། ཐང་ལུགས་ཆོས་དྲུག །ཕྱག་ཆེན་ངེས་དོན་རྒྱ་མཚོ། དེའི་གསལ་བྱེད་ཟུར་འདེབས། ལམ་རིམ་བློ་སྦྱོང་ཕྱག་ཆེན་གྭའུ་མ་ལུགས་གཉིས། ལམ་ཁྱེར་རྣམ་གསུམ། འཆི་མེད་འཆུགས་མེད། བླ་མགོན་དབྱེར་མེད། ལྷ་བཞི་དྲིལ་སྒྲུབ་ཚན་གཉིས། དུས་འཁོར་སྦྱོར་དྲུག་ཁྲིད་མཐོང་བ་དོན་ལྡན་སྔོན་འགྲོ་བཅས། རྫོགས་ཆེན་བླ་མ་ཡང་ཏིག་ཁྲིད་ཡིག་སྔོན་འགྲོ་རྒྱུད་འདེབས་བཅས། ཟུར་གཅོད་ཚོགས་ལས་ཟིན་བྲིས་ཀྱི་སྐོར་བཅས། སྒྲོལ་དཀར་ཡིད་བཞིན་འཁོར་ལོའི་གཞུང་དང་རྒྱུན་ཁྱེར་བཅས་ཚང་མ་སྤར་དུ་ཡོད་པས་སྔ་ཚགས་ཚུད་པ་དང་། གཏེར་གསར་ཕྱག་དྲུག་པ་སོགས་སྤར་མེད་རིགས་ཕྲན་ཚེགས་ཁ་ཤས་ཀྱང་གསར་བྲིས་ཀྱིས་འདོན་དུས་མ་ཤོལ་བ་བྱ་དགོས། མགོན་ཁང་པས་དཀོན་མཆོག་སྤྱི་འདུས་འདོན་ཆ་བསྐྱེད་རྫོགས་ཁྲིད་དཔེ་ཚང་མ། བཀའ་བརྒྱད་བདེ་འདུས། གཏེར་གསར་ཚེ་བདག་སོགས་ཀྱི་འདོན་ཆའི་རིགས་དང་ཟིན་བྲིས་སོགས་ཚགས་སུ་ཚུད་པར་བྱ། སྒྲུབ་པ་ལ་ཞུགས་ཉེ་བ་ན། སཱཙྪ་གཟུངས་ལྡན་སྟོང་ཕྲག་ཡན་ཆད་གང་འགྲུབ། མཆོད་སྡོང་རིན་པོ་ཆེ་ཡར་མར་ལ་བསྐོར་བ་སྟོང་ཕྲག་དང་མར་མེ་སོགས་མཆོད་པ་ཅི་འགྲུབ། འབྱོར་པ་ཡོད་ན་དགེ་འདུན་ལ་མང་ཇའམ། དགེ་སློང་རྣམ་དག་བཞི་སྡེ་ལ་གྲོ་དྲངས། འབྱོར་པ་མེད་ན་དགེ་སློང་ཚད་ལྡན་དད་པ་འགྲོ་བ་རེ་རེ་ཙམ་

― LT38_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གུང་ཚིགས་དྲངས། དེ་ཐམས་ཅད་ལ་སྒྲུབ་པ་ལ་བར་ཆད་མེད་པ་མཐར་ཕྱིན་པ་དང་སེམས་རྒྱུད་ཆོས་དང་འདྲེས་པའི་སྨོན་ལམ་གདབ། འགྲུབ་ཏུ་རུང་ན་ལམ་འཕྲང་བཅོས་པ། སྲོག་བསླུ་ཚེ་ཐར། དབུལ་པོ་ལ་སྦྱིན་གཏོང་ལ་སོགས་པ་དགེ་བའི་དཔུང་བསྐྱེད་ཅི་རིགས་བགྱིས་པས་འཕྲལ་ཡུན་དུ་དགེ་བའི་གནད་དང་རྟེན་འབྲེལ་ཆེན་པོ་ཡོད་པས་འདི་རིགས་སྒྲུབ་དཔོན་རྡོར་སློབ་ཀྱིས་ཐོག་མ་ནས་བཀོད་པ་ཐེངས་པར་བྱ་དགོས་སོ། །གཉིས་པ་བར་དུ་སྒྲུབ་པ་དངོས་ལ་འཇུག་པའི་ཐོག་མར་ཉིན་གཅིག་ལ་ལག་ལེན་གཙང་དག་ཚད་ལྡན་གྱིས་ཆུ་གཏོར་ཅི་འགྲུབ་བྱ། དཔལ་ཆེན་ལྷ་ཁང་དང་མགོན་ཁང་དུ་སྙན་ཤལ་གང་འབྱོར་ལེགས་པ་རེ་འབུལ། བགེགས་དང་བར་ཆད་ཞི་བའི་དོན་དུ་གཏེར་གསར་གསང་ཐིག་རྡོ་རྗེ་གཞོན་ནུ་ཕྱག་རྒྱ་གཅིག་པ་ཞག་བདུན་ཕྲག་གཅིག་ཏུ་བསྙེན་ཅིང་། མགོན་ཁང་དུ་གསར་རྙིང་གི་བསྐང་གསོལ་ཉིན་གསུམ་ཙམ་བྱ་བ་བཅས་གཞུང་གི་སྒྲུབ་པ་དངོས་ལ་མི་ཐེ་ཞིང་ལོ་གསུམ་ཕྱོགས་གསུམ་ཁོངས་སུ་བརྩི་རྒྱུ་མེད་པས་སོ་སོས་རང་རྒྱགས་བཟུང་ནས་མཚམས་ཡང་ངེས་འདོན་སྒྲུབ་བྱ་དགོས་པ་ཉིད་དོ། །དེ་ནས་གཟའ་སྐར་འཕྲོད་སྦྱོར་བཟང་པོའི་སྔ་དྲོའི་ཆར་སྒར་བསངས་ཆེན་མོའི་ལྷ་བསངས་རྒྱགས་བརྣན་བཅས་རྒྱས་པར་གྲུབ་འཕྲལ་གྱི་ཕྱི་དྲོ་སྒོ་རྩར་ཆ་གསུམ་བཏང་ནས་མཚམས་ཐོ་གཟུག །སྐབས་འདིར་ལོ་མཇུག་མགོན་པོའི་གཏོར་སྒྲུབ་ཀྱི་བསྙེན་རྒྱུན་པ་བརྒྱད་དགོན་ནས་འོང་དགོས་པ་མིང་ཡིག་དམིགས་

― LT38_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

རྡེལ་བཞག །དེ་ཕྱིན་ཆད་མ་ཆེན་ཤིང་བ་གཉིས་མ་གཏོགས་དྲག་ཞན་རྡོག་པོ་གཅིག་ནང་དུ་བཙུད་མི་ཆོག །དངོས་གཞིའི་བསླབ་བྱ་ལ་ལྔ། ལོ་གསུམ་ཕྱོགས་གསུམ་བྱེ་བྲག་གི་ཉམས་ལེན། ལོ་དུས་དང་ཟླ་དུས་ཀྱི་འདོན་བྱ་འཕར་མ། ཞག་རེ་བཞིན་གྱི་ཐུན་བཞིའི་བཅད་ཁྲིགས། མགོན་ཁང་བླ་མའི་ཉམས་ལེན་འདོན་བྱ། ཀུན་སྤྱོད་བླང་དོར་གྱི་བཅའ་ཁྲིམས་སྤྱིར་སྨོས་པའོ། །དང་པོ་ནི། ཉམས་ལེན་གྱི་ཐོག་མར་མཉམ་མེད་དྭགས་པོ་རིན་པོ་ཆེའི་གསུང་རབ་ཐར་བ་རིན་པོ་ཆེའི་རྒྱན་དང་། རྗེ་དགུ་པའི་ཕྱག་ཆེན་ངེས་དོན་རྒྱ་མཚོ་ཟུར་འདེབས་དང་བཅས་པ། ཇོ་ནང་རྗེ་བཙུན་ཆེན་པོས་མཛད་པའི་སྐྱེས་བུ་གསུམ་གྱི་ལམ་རིམ་གྱི་ཁྲིད་བཅས་སོ་སོའི་སྐབས་བསྟུན་གུང་བསྒྲིགས་ཤེས་པར་བྱ་སྟེ། དེའང་ཕྱག་ཆེན་ངེས་རྒྱམ་ལ་གཞི་བཟུང་བའི་ཞིབ་ཁྲིད་དང་། གཞན་གཉིས་རྒྱབ་སྐྱོར་ལུང་ཁྲིད་ཚུལ་དུ་བཏང་སྟེ། དལ་འབྱོར་རྙེད་དཀའ། འཆི་བ་མི་རྟག །ལས་རྒྱུ་འབྲས། འཁོར་བའི་ཉེས་དམིགས་བསམ་པ་བཞི་ཞག་གསུམ་རེ། སྐྱབས་སེམས། ཡིག་བརྒྱ། མཎྜལ། བླ་མའི་རྣལ་འབྱོར་བཞི་པོ་འབུམ་ཐེར་རེ་འགྲོ་ངེས་ཀྱིས་ཁྱོན་ཟླ་བ་ལྔའི་ཁོངས་སུ་སྔོན་འགྲོ་རྣམས་རྫོགས་པར་བྱ། འདི་དག་གི་ཐུན་བར་རྣམས་སུ་རྡོར་སློབ་ནས་བླ་མ་ལྔ་བཅུ་པ། སྡོམ་པ་ཉི་ཤུ་པ། རྩ་ལྟུང་བཅུ་བཞི་པ་རྣམས་ཀྱི་རྒྱ་གཞུང་ལ་འགྲེལ་པ་སྦྱར་བ་དང་། གར་དབང་ཆོས་ཀྱི་དབང་ཕྱུག་གི་སྡོམ་པ་ཉེར་ལྔ་པ་རྩ་འགྲེལ་སྦྲགས་མའི་བཤད་ཁྲིད་བྱ། སྒྲུབ་པ་རྣམས་ནས་ཀྱང་ནང་བར་ནམ་བདེར་སྡོམ་པ་ཉེར་ལྔ་བའི་རྩ་བ་ལ་སྐྱབས་འགྲོ་བཏང་བའི་བསམ་སྦྱོར་མི་བྱའོ། །ཞེས་སོགས་དམ་བཅའ་བའི་ཚིག་སྦྱར་ཏེ་དལ་བུས་ཚིག་རྗེས་སུ་དོན་དྲན་པར་བཀླག །དགོང་མོ་སྲོད་ཐུན་མཇུག་ལྟ་

― LT38_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

བུར་ཕྱག་འཚལ་བ་དང་སྦྲགས་ནས་སྐྱབས་འགྲོ་བཏང་བའི་བསམ་སྦྱོར་བྱས་པ་བཤགས། ཞེས་བཤགས་ཚིག་ཏུ་བསྒྱུར་ཏེ་འདོན་པའི་ཞར་བྱུང་། དེ་རིང་སྒོ་གསུམ་ལ་སྡོམ་པ་གསུམ་དང་འགལ་བའི་ཉེས་ལྟུང་བྱུང་མ་བྱུང་ལེགས་པར་བརྟགས་ནས་གང་བྱུང་ཐམས་ཅད་འགྱོད་པས་སྙིང་ནས་བཤགས་ཤིང་ཕྱིན་ཆད་མི་བྱ་བར་དམ་བཅའ་བ་ནི་ཤིན་ཏུ་གལ་པོ་ཆེ་ཡིན་པས་ཞེ་ཐག་པ་ནས་བསླབ་ཅིང་སྤང་བླང་དུ་བྱ་དགོས་ཏེ། སྔོན་བཀའ་གདམས་པའི་དགེ་བའི་བཤེས་གཉེན་ཆེན་པོ་རྣམས་ཀྱིས། དེ་རིང་དགེ་བའི་རྟོག་པ་འགྱུས་ཚད་ལ་རྡེའུ་དཀར་པོ་དང་། མི་དགེ་བའི་རྟོག་པ་འགྱུས་ཚད་ལ་རྡེའུ་ནག་པོ་བསགས་པས་ཐོག་མར་རྡེའུ་ནག་པོ་མང་། བར་དུ་དཀར་ནག་མཉམ། མཐར་རྡེའུ་དཀར་པོ་འབའ་ཞིག་ཏུ་གྱུར་པ་ན་ཆོས་པའི་གྲལ་དུ་ཚུད་པར་བརྩི་བ་དང་། ཕྱིས་ཀྱི་སྐྱེས་ཆེན་དམ་པ་འགའ་ཞིག་གིས་ཀྱང་། ཉིན་པར་དགེ་སྡིག་གི་བསམ་སྦྱོར་ཅི་བགྱིས་དེ་འཕྲལ་ཡི་གེར་བྲིས་ནས་དགོང་མོར་དེ་ལ་དཔྱོད་ཅིང་བཤགས་སྡོམ་མཛད་པ་ལྟ་བུ་མ་ནུས་ཀྱང་། བག་ཡོད་དྲན་ཤེས་ཀྱིས་རང་རྒྱུད་ཅུང་ཟད་དག་པ་ཞིག་མ་བྱུང་ན་ཆོས་པའི་གྲལ་མེད་ཅིང་སྒྲུབ་པ་ལའང་སྙིང་པོ་མ་མཆིས་སོ། །སྐྱབས་སེམས་ཀྱི་སྐབས་སུ་སྔར་མ་ཐོབ་ན་ཤིང་རྟའི་སྲོལ་གཉིས་ཀྱི་བྱང་སྡོམ་འབོག་པའི་རྗེས་འབྲེལ་དུ། བློ་སྦྱོང་དོན་བདུན་མའི་ཁྲིད་བཤད་ལ་དེ་ནས་ཇི་སྲིད་འཚོ་བའི་བར་དུ་དེའི་ཁྲིད་ཡིག་ཉམས་ལེན་བསླབ་བྱ་དང་མི་འབྲལ་བར་བསྐྱེད་རྫོགས་

― LT38_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ལ་མྱོང་གོམས་གདིང་ཁེལ་མ་བྱུང་ཡང་འདི་ཙམ་ལ་ཡིད་ཀྱི་གཏད་སོ་ཡོད་པའི་སྐྱིད་དུས་མ་བརྗེད། སྡུག་དུས་མ་ཤོར་བ་རྐྱེན་ངན་སོག་དགོས་དུས་སུ་སླེབས་པར་བྱ། སྐྱབས་འགྲོ་ནས་མགོ་བརྩམ་ཕྱག་འབུམ་ཐེར་ཡང་རིམ་གྱིས་འགྲུབ་པར་དགོས། སྔོན་འགྲོ་གྲུབ་པ་དང་ཤངས་ལུགས་རྒྱུད་སྡེ་ལྔའི་དབང་ཆེན་དངོས་སྟ་ཉིན་གཉིས་མ། བྱིན་རླབས་སྒོ་འབྱེད་ཀྱི་བཀའ་དང་པོ་བདེ་མཆོག་ལྷ་ལྔའི་དབང་དངོས་སྟེ་སྤྲིལ་བ། བཀའ་གཉིས་པ་ལྷ་ལྔའི་ཏིང་ངེ་འཛིན་གྱི་དབང་བསྐུར། སྒྲུབ་དཀྱིལ་གྱི་ལུང་དང་བསྙེན་ཡིག་ཁྲིད་ལུང་བྱས་ལ། ཤངས་ལུགས་བདེ་མཆོག་ལྷ་ལྔའི་བསྙེན་པར་འཇུག་སྟེ། ཡིག་བདུན་འབུམ་ཕྲག་བདུན། །སྙིང་པོ་ཉེར་གཉིས་མ་འབུམ་ཕྲག་བཞི། ཡུམ་སྔགས་འབུམ་ཕྲག་གཅིག །མཁའ་འགྲོ་བཞི་ཁྲི་རེ། སོ་སོའི་ཁ་སྐོང་བཅས་གྲུབ་ནས། སྒྲུབ་མཆོད་ཞག་གསུམ་ལྔ་བདུན་གང་རུང་། ཁ་སྐོང་ཞི་བའི་སྦྱིན་སྲེག་ཉིན་གསུམ་བཅས་ཁྱོན་བསྡོམས་ཟླ་བ་གཉིས་ལ་གྲུབ་པར་བྱ། དེ་ནས་བྱིན་རླབས་ཁོག་དབུབ་ཀྱི་བཀའ་དང་པོ་སྒྱུ་ལུས་དབང་མོ་ཆེའམ་འཇུག་སྒོ་ཡོན་ཏན་ཀུན་འབྱུང་དང་། བཀའ་གཉིས་པ་རྒྱུད་སྡེ་ལྔ་གཙོ་བསྡུས་ཀྱི་ཏིང་ངེ་འཛིན་གྱི་དབང་བཅས་བསྐུར། གཙོ་བསྡུས་སྒྲུབ་དཀྱིལ་གྱི་ལུང་དང་བསྙེན་ཁྲིད་བྱས་ལ། རྒྱུད་སྡེ་ལྔ་གཙོ་བསྡུས་ཀྱི་བསྙེན་པ་ཟླ་བ་གཅིག་གི་ཁོངས་སུ་སོ་སོར་འབུམ་ཕྲག་རེ་རེ་སྟེ་ཁྱོན་འབུམ་ཕྲག་ལྔ་ཁ་སྐོང་དང་བཅས་

― LT38_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

པ། སྒྲུབ་མཆོད་རྒྱས་པ་ཉིན་གསུམ་ཙམ་བྱ། དེ་ནས་ཤངས་ཆོས་རྩ་བ་ཇོ་ལུགས་དང་། ཉེ་བརྒྱུད་ཐང་ལུགས་ཁྲིད་སྦྲགས་ཏེ་ནི་གུ་ཆོས་དྲུག་གི་སྔོན་འགྲོ་ལ་འཇུག་ཅིང་དག་བྱེད་ཨའི་སྟོང་ར་བདུན་ཕྲག་གཅིག་བསྒོམ། བྱིན་རླབས་གཞུང་ཤིང་གི་བཀའ་དྲུག་གི་ཐོག་མ་གཏུམ་མོའི་བྱིན་རླབས་དང་ཁྲིད་དམིགས་ཕོག་སྟེ་གཏུམ་མོ་མེ་རྒོད་བདུན་ཕྲག་གསུམ། འདི་ནས་བརྩམ་ནཱ་རོ་ནི་གུ་ལུགས་ཀྱི་འཁྲུལ་འཁོར་རྣམས་བསླབ་ཅིང་ཉིན་རེ་བཞིན་མ་ཆག་པར་སྐབས་བསྟུན་རྒྱགས། དངོས་གཞི་ཟས་ཟ་ཟླ་བ་གཉིས་ཏེ་ཁྱོན་ཟླ་བ་གསུམ་བྱས་པ་དེའི་ཁོང་གི་མཇུག་ཏུ་གཏུམ་མོ་སྟན་གཅིག་ཤིན་ཏུ་ཉེ་བརྒྱུད་ཞག་བདུན་ཙམ་སྦྱང་། དེ་ནས་སོ་སོའི་བྱིན་རླབས་དང་ཁྲིད་དམིགས་རིམ་པར་ཕོག་ལ། སྒྱུ་ལུས། འོད་གསལ། རྨི་ལམ་རྣམས་བདུན་ཕྲག་གསུམ་རེ། འཕོ་བ་བར་དོ་གཉིས་བདུན་ཕྲག་རེ་རེ་ལ་འཇུར་དྲགས་པས་རྟགས་ཐོན་དུ་སྦྱང་། སྟན་གཅིག་མ་རྣམས་ཀྱང་སོ་སོའི་མཇུག་ལ་ཁྲིད་དམིགས་རྫོགས་པར་བྱ། དེ་ནས་ཕྱག་ཆེན་གྭའུ་མའི་བྱིན་རླབས་བྱས་ལ་ཉམས་ལེན་ཟླ་བ་གཉིས་བྱ་ཞིང་། ཇི་ཙམ་འོས་པའི་སྐབས་སུ་ཇོ་ལུགས་བརྐུ་ཐབས་ངོ་སྤྲོད་དུ་གྲགས་པའི་བྱིན་རླབས་ཀྱང་བྱ་བ་དང་། ངེས་དོན་རྒྱ་མཚོའི་དངོས་གཞིའང་ཁྲིད་ལུང་རྫོགས་པར་བྱ། དེ་ནས་བླ་མ་དང་ཡི་དམ་ལམ་ཁྱེར་གྱི་བྱིན་རླབས་གཉིས་བྱས་ལ་ལམ་ཁྱེར་རྣམ་གསུམ་བདུན་ཕྲག་གཅིག་བསྐྱང་། སྒྱུ་

― LT38_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལམ་ཁྱེར་གྱི་བྱིན་རླབས་ཆོས་དྲུག་སྒྱུ་ལུས་དང་གཅིག་པས་ཟུར་དུ་མི་དགོས། དེ་ནས་མཁའ་སྤྱོད་དཀར་མོ་དང་མཁའ་སྤྱོད་སུམ་ཕྲུག་གི་བྱིན་རླབས་བྱ། དམར་མོ་འཕོ་བའི་སྒོས་བཀའ་དེ་ཡིན་པས་བསྐྱར་མི་དགོས། ཁྲིད་ལུང་བྱས་ལ་དཀར་དམར་སོ་སོར་ཞག་བཅུ་ཕྲག་རེ་རེ་བསྙེན་པ་འབུམ་ཕྲག་རེ་དང་རྫོགས་རིམ་འཕོ་བ་རྟགས་ཐོན་སྦྱང་། དེ་ནས་ལུས་སེམས་འཆི་མེད་འཆུགས་མེད་ཀྱི་བྱིན་རླབས་ཁྲིད་བཅས་བྱས་ལ་ཞག་བདུན། བླ་མགོན་དབྱེར་མེད་ཀྱི་བྱིན་རླབས་དང་ཁྲིད་བྱས་ལ་ཞག་བདུན་བཟླས་བསྒོམ་བྱ། དེ་ནས་ཡེ་ཤེས་མཁའ་འགྲོ་སུ་ཁ་སིངྡྷིའི་བྱིན་རླབས་དམིགས་ཁྲིད་སྔོན་ཏུ་འགྲོ་བས། ཐུན་མགོར་བསྐྱེད་བཟླས་ཅི་འགྲུབ་རེ་བཏང་བའི་རྩ་བའི་ཆོས་བཞི་བདུན་ཕྲག་རེ་རེ། འཕོ་བ་བར་དོ་ཞར་བྱུང་དུ་བཏང་བའི་ཟླ་བ་གཅིག་ཏུ་བསྒོམ། མཐར་ནི་དྷི་གཉིས་ཀྱི་ཚེ་དབང་བསྐུར་ནས་རྟེན་འབྲེལ་དགེ་བའི་ཆེད་དུ་གཉིས་ཀའི་ཚེ་སྒྲུབ་ཞག་བདུན་ཕྲག་གཅིག་ཙམ་ཉམས་ལེན་བྱས་པས་ཤངས་ཆོས་རྩ་བ་རྣམས་གྲུབ། ལོ་གཉིས་པའི་མཇུག་ཏུ་ཟླ་བ་དྲུག་གི་ཁོངས་སུ་དཔལ་དུས་ཀྱི་འཁོར་ལོའི་བསྐྱེད་རྫོགས་བསྒོམ་དགོས་པས། དེའང་སྔོན་འགྲོ་བསགས་སྦྱོང་བདུན་ཕྲག་གཉིས་ཀྱི་ཁོངས་སུ་བྱིས་པ་འཇུག་པའི་དབང་ཆེན་དངོས་སྟ་དབྱེ་བའི་ཉིན་གཉིས་མ་བསྐུར། སྒྲུབ་དཀྱིལ་ཉེར་མཁོ་རྣམས་ཀྱི་ལུང་དང་བསྙེན་ཁྲིད་བྱས་ལ་ལྷ་དགུའི་བསྙེན་པ་ཟླ་བ་ཕྱེད་གཉིས་ཀྱི་

― LT38_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོངས་སུ་ཧཾ་ཀྵ་བྱེ་བ་གཅིག་སྲེག་སྣུན་དབབ་བསྲེ་ཡེ་ཤེས་དབབ་པ་སོགས་གང་འགྲུབ་རེ། སྒྲུབ་མཆོད་དང་སྦྱིན་སྲེག་ཉིན་གསུམ་ཙམ་རེ་བསྒྲུབ། རྫོགས་རིམ་ཁྲིད་ཡིག་མཐོང་བ་དོན་ལྡན་ལྟར་རིམ་པར་བྱས་ལ་དབེན་གསུམ་སྟོང་ཕྲག་གསུམ་བསྒོམ། མཆོག་དབང་གོང་མ་བསྐུར། སོར་སྡུད་ཀྱི་ཁྲིད་སྟོན་ཅིང་དམ་པའི་བྱིན་རླབས་བྱས་ལ་སོར་བསམ་ཟླ་བ་གཉིས། སོ་སོའི་ཁྲིད་བཅས་སྲོག་འཛིན། དྲན་ཏིང་བཞི་ལ་ཞག་བཅུ་རེ་ཙམ། འཕོ་བ་སོགས་ཡན་ལག་རྣམས་ཞར་བྱུང་དུ་སྦྱར་དགོས། གནད་གལ་དང་དགོས་པ་ཡོད་ན་དྲན་ཏིང་སྐབས་ཙམ་རྡོ་རྗེ་སློབ་དཔོན་བདག་པོ་དང་བདག་པོ་ཆེན་པོའི་དབང་བསྐུར་ཡང་སྦྱིན་ལ་མང་ཁྲིད་ཀྱི་དཀྱུས་སུ་མི་དགོས་སོ། །ལོ་རྗེས་མའི་ཐོག་མར་རྡོར་སེམས་ཐུགས་ཀྱི་སྒྲུབ་པ་དང་། སོ་ལུགས་ཡང་དག་ཟླ་གམ་དགུ་མའི་དབང་དང་ཁྲིད་ལུང་སོ་སོར་བྱས་ལ། རྡོར་སེམས་སྙིང་པོ་འབྲུ་དྲུག་འབུམ་ཕྲག་དྲུག །ཡིག་བརྒྱ་འབུམ་ཐེར་གཅིག །ཡང་དག་རུ་ལུ་འབུམ་ཕྲག་བརྒྱད་འགྲོ་ངེས། སོ་སོར་སྒྲུབ་ཆེན་བསྙེན་རྒྱུན་བཅས་ཞག་བདུན་ཉིན་བརྒྱད་རེའམ། མི་འགྲུབ་ན་དཀྱིལ་འཁོར་སྒྲུབ་མཆོད་ཉིན་གསུམ་རེ། ཁ་སྐོང་ཞི་བའི་སྲེག་བླུགས་ཉིན་གཉིས་རེ་ཙམ་བྱ་བ་བཅས་ཁྱོན་རྡོར་སེམས་ཞི་ཁྲོ་གཉིས་ཀྱི་བསྙེན་སྒྲུབ་ཁ་སྐོང་བཅས་ཟླ་བ་གསུམ་གྱི་ཁོངས་སུ་གྲུབ་པར་བྱ། དེ་ནས་རྫོགས་པ་ཆེན་པོ་བླ་མ་ཡང་ཏིག་ཡིད་བཞིན་ནོར་བུའི་སྤྲོས་བཅས་ཀྱི་

― LT38_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བསྐུར་ལ་ཁྲིད་ཡིག་དྲི་མེད་ཞལ་ལུང་ལྟར། སྔོན་འགྲོ་ནས་བརྩམས་རིམ་པར་དམིགས་ཁྲིད་ཞིབ་པར་འབོགས་ཏེ། ཐོག་མར་མི་རྟག་པ། འཕྲལ་ཡུན་གྱི་བདེ་བ། རྐྱེན་དུ་མ། བྱས་པ་དོན་མེད་སངས་རྒྱས་ཀྱི་ཡོན་ཏན། བླ་མའི་མན་ངག་བསམ་པ་རྣམས་ལ་ཞག་གསུམ་རེ། བདེ་གསལ་མི་རྟོག་པ་གསུམ་ལ་ཞག་གསུམ་རེ་སྟེ་ཁྱོན་བསྡོམས་ཞག་ཉེར་བདུན་ལ་སེམས་སྦྱོང་བདུན་པོ་རྫོགས་པར་བྱ། ད་ནས་ཐུན་མོང་གི་བསགས་སྦྱོང་སྐྱབས་སེམས། ཡིག་བརྒྱ། མཎྜལ། བླ་མའི་རྣལ་འབྱོར་བཞི་ལ་ཞག་བདུན་རེ་སྟེ་ཁྱོན་ཞག་ཉེར་བརྒྱད་ལ་ཐུན་སྟོད་དུ་ཐུན་མོང་དང་ཐུན་སྨད་དུ་ཐུན་མོང་མིན་པའི་འདོན་བསྒོམ་ཟུང་འབྲེལ་བྱ། དེ་ནས་ཆགས་བྲལ་རླུང་ལ་བསླབ་པའི་ཁ་དོག །དབྱིབས། གྲངས། འགྲོ་འོང་། བུམ་པ་ཅན་སྔོན་པོ་ཞག་གསུམ་རེ། ཆགས་བྲལ་ཐིག་ལེ་ལ་བསླབ་པ་ཞག་ལྔ་བཅས་ཉི་ཤུ་ཨ་ལྔ་སྐྱེ་མེད་ལ་འབྱུང་བ་རེ་རེ་བཞིན་ཞག་གསུམ་རེ་སྟེ་བསྡོམས་པས་ཞག་བཅོ་ལྔ། དེ་ལྟར་སེམས་སྦྱོང་བདུན་ནས་འདི་བར་གྱི་སྔོན་འགྲོ་རྣམས་ལ་ཟླ་བ་གསུམ་བྱ། དེ་ནས་སྤྲོས་མེད་ཀྱི་དབང་བསྐུར་ལ་ཁྲེགས་ཆོད་ཟླ་བ་གསུམ་བྱ་བའི་ཐོག་མར་ལུས་རྡོ་རྗེའི་འདུག་སྟངས་ལ་ཞག་ལྔ། ངག་རྒྱས་གདབ། རྩལ་སྦྱོང་། མཉེན་བཙལ། ལམ་གཞུག་བཞི་ལ་ཞག་ལྔ་རེ། སེམས་བྱུང་གནས་འགྲོ་གསུམ་བརྟག་པ་ལ་ཞག་ལྔ་སྟེ་ཁྱོན་ཟླ་བ་གཅིག་སྦྱངས་ནས་རྣལ་དུ་དབབ་པ་མན་ཆད་དངོས་གཞི་ཟླ་བ་གཉིས་ཀྱི་ཁོངས་སུ་ངོ་སྤྲོད་བྱིན་རླབས་འབེབས་

― LT38_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སོགས་བྱ་ཞིང་ནན་ཏན་དུ་བསྒོམ། དེ་ནས་ཐོད་རྒལ་ཟླ་བ་གསུམ་བྱ་བའི་ཐོག་མར་འཁོར་འདས་རུ་ཤན་དབྱེ་བ་ཞག་བདུན་སོང་ནས། ཤིན་ཏུ་སྤྲོས་མེད་རབ་ཏུ་སྤྲོས་མེད་ཀྱི་དབང་བསྐུར། རྣལ་དབབ་ཇི་ལྟར་འོས་པ་ནས་དངོས་གཞི་བཞུགས་སྟངས་གཟིགས་སྟངས་སོགས་དང་བསྟུན་པའི་འོད་གསལ་ལ་བསླབ། ཆོས་ཉིད་མངོན་སུམ་གྱི་སྒོ་མཐོང་ནས་བྱིན་རླབས་འབེབས་པའི་དབང་པོ་འབྲིང་དང་ཐ་མའི་ཁྲིད་དམིགས་ཀྱང་སྦྲེལ་ལ་འཕོ་དམིགས་ཇི་ལྟར་འོས་པ་སྦྱང་། གནད་བཞི་ཆོས་ཉིད་ཀྱི་འཁོར་ལོའི་ཆུ་བོའི་རྒྱུན་གྱི་རྣལ་འབྱོར་ནི་ཁྲེགས་ཆོད་ཀྱི་ཐོག་མ་ནས་འཆད་ཅིང་ཉམས་སུ་ལེན་པ་དང་། གཞན་ཡང་ཁྲེགས་ཆོད་ཀྱི་སྐབས་སོགས་སྔ་ཕྱི་ནམ་བདེར་བླ་མ་ཡི་དམ་མཁའ་འགྲོ་ཡིད་བཞིན་ནོར་བུ་སྐོར་གསུམ་གྱི་སྒོམ་བཟླས། ཐོད་རྒལ་སྐབས་བདུད་རྩི་ལྗོན་ཤིང་འོད་གསལ་གྱི་གནད་ཡིག་ལྟར་ཐུན་མོང་མིན་པའི་བླ་སྒྲུབ་ཕྱི་ནང་གསང་བ་ཡང་གསང་རྣམས་དང་། །ལྕེ་བཙུན་ཆེན་པོའི་བི་མ་ལའི་ཟབ་ཏིག་བཅས་ཇི་ལྟ་བུར་ནུས་པ་ཉམས་སུ་ལེན་དགོས་སོ། །དལ་ཁོམས་དང་བསྟུན་པའི་དུས་སྐབས་ནམ་བདེར་ཤངས་ཆོས་པུསྟི་གསུམ། མགོན་བོད་གཉིས། སྦྱོར་དྲུག་སྐོར་པུསྟི་གཅིག་བླ་མ་ཡང་ཏིག་པུསྟི་གཅིག་དང་ཉེར་མཁོ་རྣམས་ཀྱི་ལུང་ཡང་མ་ཆད་པར་བཀླག །ལོ་འཇུག་གསུམ་གྱི་དང་པོའི་ལོར་ལྷ་བཞི་དྲིལ་སྒྲུབ། གཉིས་པར་གཏོར་ཆོག་ཕྲིན་ལས་གཏེར་མཛོད་དང་། གསུམ་པར་གཏེར་

― LT38_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་ཕྱི་སྒྲུབ་ལས་བྱང་ལ་བརྟེན་པའི་མྱུར་མཛད་ཡེ་ཤེས་མགོན་པོའི་བསྙེན་པ་ཞག་བདུན་རེ་བྱ་དགོས་ཤིང་། དང་པོ་ལ་དྲིལ་སྒྲུབ་ཀྱི་བྱིན་རླབས་དང་ཁྲིད། གཉིས་པ་ལ་གཏོར་དབང་བར་ཆད་ཀུན་སེལ། བླ་མགོན་དབྱེར་མེད། གྲིབ་སེལ་གནད་དབབ་བཅས་ཀྱི་བཀའ་དང་ཁྲིད་ལུང་། གསུམ་པ་ལ་གཏོར་མའི་བྱིན་རླབས་ལུང་བཅས་བྱ། བསྙེན་པ་འདིའི་གཤམ་གཏོར་སྒྲུབ་དང་སྦྲེལ་བའི་ལོ་རེ་བདུན་གཉིས་རེ། ཁྱོན་བསྡོམས་པས་ཞག་བཞི་བཅུ་ཞེ་གཉིས་ནི་ཕྱོགས་གསུམ་གྱི་ནང་དུ་བརྩི་དགོས། གྲོལ་ལ་ཉེ་བའི་མཐར་དགེར་རྗེ་བཙུན་མ་ཡིད་བཞིན་འཁོར་ལོའི་བསྙེན་པ་སྒྲུབ་མཆོད་བཅས་ཞག་བདུན་ཕྲག་གཅིག་ལ་བྱ་དགོས་པ་དང་། སྔར་ནི་དྷི་གཉིས་ཀྱི་ཚེ་སྒྲུབ་སོགས་ནི་ལོ་གསུམ་གྱི་ནང་དུ་ཟླ་ལྷག་གཅིག་ངེས་པར་འབྱུང་བ་ལ་བརྩི་དགོས་སོ། །ལོ་གསུམ་ཕྱོགས་གསུམ་ལེགས་པར་གྲུབ་པའི་གཟའ་ཚེས་འཕྲོད་སྦྱོར་དགེ་བའི་སྔ་དྲོར་གཏོང་རག་གི་ལྷ་བསངས་དང་ཆ་གསུམ་བཏང་ཞིང་མཚམས་ཐོ་ལེན། དམ་གཙང་དང་གདོང་སྤྲད་ཅིང་སྒྲུབ་ཁང་ལ་བསྐོར་བ་ཙམ་བྱོན། དེའི་ཕྱིར་ཉིན་ལྟ་བུར་དགོན་དུ་མཆོད་སྡོང་ཡར་མར་ལ་མཎྜལ་འབུལ་ཞིང་། སྐྱབས་མགོན་སྐུ་མཆེད་ཞལ་མཇལ་ཞུ་བ་སོགས་བྱས་ལ། ཡུན་མི་རིང་བར་སླར་མཚམས་ལ་འཇུག་སྟེ་ཀུན་རིག་ཟླ་བ་དྲུག །ཁ་སྐོང་སྦྱིན་སྲེག་ཉིན་བཅུ་ཙམ་དང་བཅས་པ། མི་འཁྲུགས་པ་ཟླ་བ་གསུམ་ཁ་སྐོང་སྲེགས་བླུགས་དང་བཅས་

― LT38_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

པ། གནམ་ཆོས་འོད་ཆོག་ཟླ་གཅིག་ཙམ་བཅས་སྒྲུབ་ཁང་འདི་ཉིད་དུ་རང་མལ་ལ་གདན་འཇག་ནས་གྲུབ་པར་སླར་བྱ་དགོས་སོ། །གཉིས་པ་ལོ་དུས་དང་ཟླ་དུས་ཀྱི་སྒྲུབ་མཆོད་སྐུ་མཆོད་འདོན་བྱ་འཕར་མ་ནི། ཆོ་འཕྲུལ་ཟླ་བའི་ཚེས་གཉིས་ནས་བཅོ་ལྔ་བར། ས་ག་ཟླ་བའི་ཚེས་བརྒྱད་ནས་བཅོ་ལྔ་བར། ཆུ་སྟོད་ཟླ་བའི་ཚེས་གཅིག་ནས་བཞིའི་བར། ཐ་སྐར་ཟླ་བའི་ཚེས་བཅོ་ལྔ་ནས་ཉེར་གཉིས་ཀྱི་བར་རྣམས་སུ་ཚོགས་བསགས་གསོ་སྦྱོང་ཐར་པའི་ཐེམ་སྐས་རྒྱས་པ་ཚར་རེ་བྱ། དེའང་ཉིན་གུང་ཐུན་པར་ལ་འཚོགས་དགོས་ཀྱང་། སྒྲུབ་མཆོད་ལྟ་བུ་འདོན་བྱ་དམིགས་བསལ་ཡོད་ན་ཞོག་འཚོགས་འཚོགས་ཐེངས་དང་པོའི་དབུར་སྦྱར་དགོས། ཆོ་འཕྲུལ་ཟླ་བའི་ཚེས་བཅུ་བཞིར་རྗེ་བཙུན་མི་ལ་རས་པའི་སྐུ་མཆོད་རས་བུད་ལ་བྱི་དོར་སྤྱན་གཟིགས་མཆོད་བཤམས་བསྒྲིགས་ཤིང་བདུད་རྩི་ལྔའི་ཕྱི་ཁྲུས་དང་ནང་ཁྲུས་དྲིལ་ཕྱིས་བཅས་ལག་ལེན་བཞིན་བྱས། མགོན་ཁང་གཏོར་བསྔོས་གྲུབ་འཕྲལ་ལྷ་ཁང་དུ་འཚོགས་ཏེ། ཆོས་སྤྱོད་སེམས་བརྩེ་མ། ཐུབ་བསྟོད། བྱང་སེམས་གཉིས། གནས་བརྟན། མར་མི་དྭགས་གསུམ། ཞྭ་དམར་ནག་སི་ཏུ་རྣམས་ཀྱི་སྐྱེ་ཕྲེང་གསོལ་འདེབས་ཙམ་བཅས་པའི་ཆོས་སྤྱོད་མདོར་བསྡུས་སྔོན་དུ་འགྲོ་བའི། མི་ལའི་བླ་སྒྲུབ་ཡེ་ཤེས་དཔལ་འབར་ཚོགས་མཆོད་བཅས་བཏང་ཞིང་། རྒྱང་འབོད་ཀྱི་གསོལ་འདེབས་བསྙེན་པ་

― LT38_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ཅི་འགྲུབ་བྱ། དེ་ནས་སྔོན་འགྲོ་དང་རླུང་བུམ་ཅན་གཏུམ་མོའི་རྣལ་འབྱོར་ལ་གནས་པས་རས་བུད་བྱས་ཏེ་བཀའ་བརྒྱུད་མགུར་མཚོ་ཁོག་དབུབ་བཅས་བཏང་། ཐོ་རངས་འཁྲུལ་འཁོར་ཚང་བར་རྒྱགས། ཚེས་བཅོ་ལྔ་མངའ་བདག་མར་པའི་སྐུ་མཆོད་ལ་སྔ་དྲོ་ཚོགས་ཐེངས་གཉིས་གསོ་སྦྱོང་ཚོགས་བསགས་རྒྱས་པ་དང་དགྱེས་རྡོར་རྒྱུད་མཆོད། ཕྱི་དྲོ་མར་པའི་བླ་སྒྲུབ་ཕྱི་ནང་གསང་གསུམ་བདག་འཇུག་ཚོགས་འཁོར་བཅས་བཏང་། དེའི་ཉེར་ལྔའི་དུས་མཆོད་སྐབས་རྗེ་བདུད་འདུལ་རྡོ་རྗེའི་དུས་ཆེན་ལ་སྐུ་བསྟོད་གསོལ་འདེབས། དབོ་ཟླའི་ཚེས་གཉིས་ཉིན་ཨོ་རྒྱན་གཏེར་བདག་གླིང་པའི་སྐུ་མཆོད་ལ་རིག་འཛིན་ཐུགས་ཐིག་གི་ཚོགས་སྐོང་གསང་སྙིང་རྒྱུད་མཆོད། དེའི་ཉེར་ལྔའི་དུས་མཆོད་འབྲེལ་བར་ཀུན་མཁྱེན་ཆོས་ཀྱི་འབྱུང་གནས་སྐུ་མཆོད་ལ་དེ་ཉིད་ཀྱི་སྐུ་བསྟོད་གསོལ་འདེབས་དང་། བདེ་མཆོག་དུས་མཆོད་དཀྱུས་མ་བཞག་ནས་རྒྱུད་བཀླགས་པའི་ཆོ་ག་དང་ལྡན་པས་བདེ་མཆོག་རྒྱུད་མཆོད་ཚོགས་བཅས་བྱ། ཚེས་ཉེར་བརྒྱད་ལ་ཇོ་ནང་རྗེ་བཙུན་ཆེན་པོའི་སྐུ་མཆོད་འབྲེལ་པར་ཚེས་ཉེར་དྲུག་ནས་འགོ་བརྩམས་ཤངས་ལུགས་རྒྱུད་སྡེ་ལྔའི་སྒྲུབ་མཆོད་ཉིན་གསུམ་བྱ། ནག་པ་ཟླ་བའི་ཉ་ལ་རྒྱུད་བཀླག་པའི་ཆོ་ག་དང་ལྡན་པས་དཔལ་དུས་ཀྱི་འཁོར་ལོའི་རྒྱུད་མཆོད་ཚོགས་འཁོར་དང་བཅས་པ་ལ་ཉིན་འཚོགས་གཅིག །ས་ག་ཟླ་བའི་ཡར་ཚེས་ལ་སྒར་བསངས་

― LT38_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་གསར་གཉིས་ཀའམ་གང་རུང་གི་ལྷ་བསངས་རྒྱགས་བརྔན་རྒྱས་པ། ཟླ་བ་དྲུག་པའི་ཚེས་བཅུ་བཞི་ལ་ཐམས་ཅད་མཁྱེན་པ་རང་བྱུང་རྡོ་རྗེ་དང་། བཅོ་ལྔ་མཉམ་མེད་དྭགས་པོ་ལྷ་རྗེའི་དུས་ཆེན་ཡིན་ཀྱང་བཅོ་ལྔ་ལ་དུས་མཆོད་ཡོད་སྟབས་བཅུ་བཞི་ཉིན་བཀའ་བརྒྱུད་མགུར་མཚོ་དང་འབྲེལ་བའི་ཚོགས་མཆོད། བཅོ་ལྔའི་དུས་མཆོད་དྭགས་པོ་རིན་པོ་ཆེའི་སྐུ་བསྟོད་གསོལ་འདེབས། ཟླ་བ་དགུ་པའི་བཅུ་བཞིར་མཁས་གྲུབ་ཁྱུང་པོ་རྣལ་འབྱོར་གྱི་སྐུ་མཆོད་ལ་ཤངས་ལུགས་བླ་མཆོད་དང་འབྲེལ་བའི་ཚོགས་འཁོར། བརྒྱུད་པའི་རྣམ་ཐར་གསོལ་འདེབས་བཅས། ཟླ་བ་བཅུ་པའི་ཚེས་དྲུག་ལ་དུས་གསུམ་སངས་རྒྱས་དོལ་པོ་པའི་སྐུ་མཆོད་ལ་ཇོ་ནང་ཡབ་སྲས་རྣམས་ཀྱི་གསོལ་འདེབས་དང་། ཟླ་བ་བཅུ་གཅིག་པའི་མཇུག་ཏུ་མགོན་ཁད་ཕྱི་ཁྱམས་ཀྱི་རྟག་གཏོར་བརྗེ་བ་དང་འབྲེལ་བར་གསོལ་ཀ་འཕར་མ་བཏང་དགོས་པས། དེའང་ཉི་ཤུ་བཞི་ལྔ་སྐོར་གཏོར་མ་གསར་པ་བཅའ། ཉེར་དྲུག་དགོང་མོར་རྒྱུན་གསོལ་དང་འབྲེལ་བར་གཏོར་མ་རྙིང་པ་ཡང་ཐོག་ཏུ་འབུལ། དེ་འཕྲལ་གསར་བ་སླར་བཀོད་ནས་བྱིན་རླབས་བྱ། ཉེར་བདུན་ནས་ཉིན་གསུམ་མམ་ལྔ་ལ། མྱུར་མཛད་ཡེ་ཤེས་མགོན་པོ། བེར་ཅན་ལྕམ་དྲལ་འཁོར་ལྔ་རྗེས་འབྲངས་བཅས་མགོན་ཕྲིན་སོགས་ཀྱི་གཞུང་རྒྱས་པར་བསྲང་བ་དང་། རྙིང་མའི་དངོས་གྲུབ་རོལ་མཚོ། གཏེར་གསར་དགོས་རིགས་ཀྱི་གསོལ་སྐོང་རེ་རེ་ནས་བརྒྱ་རྩ་ཡར་བརྒལ་གྱི་གྲངས་འགྲོ་ངེས་བྱ། ཟླ་བ་བཅུ་གཉིས་པའི་

― LT38_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོ་བརྒྱད་ལ་ཀུན་མཁྱེན་ཀློང་ཆེན་རབ་འབྱམས་བཟང་པོའི་སྐུ་མཆོད་སྙིང་ཐིག་བླ་མཆོད་ཚོགས་འཁོར་བཅས། དེའི་ཚེས་ཉེར་བཞི་ལ་གཏོར་མ་བཅའ་བཤམས་གཞུང་ལྡན་སོགས་སྟ་གོན་བྱས་ཏེ། ཉེར་ལྔ་ནས་ཡར་ཚེས་གཉིས་ཀྱི་ནང་མོ་བར་མྱུར་མཛད་ཡེ་ཤེས་མགོན་པོའི་གཏོར་སྒྲུབ་བསྙེན་རྒྱུན་བཅས་ཞག་བདུན་ལ་བྱ་དགོས་པའི་ལག་ལེན་འདོན་འགྲིགས་ཟུར་གསལ་ལྟར་ཆད་ལྷག་ནོར་འཁྲུལ་མེད་པ་དང་། ལས་རྡོར་གྱིས་ཕྱག་ལེན་མ་ནོར་ཞིང་གཙང་སྦྲ་ཤིན་ཏུ་ཐོན་པ་དང་། གཏོར་ཕྱེ་ཆང་ཕུད་འབྲུ་སྣ་དམ་རྫས་སོགས་བླ་བྲང་དང་སྒྲུབ་བཞུགས་རྣམས་མ་གཏོགས་གཞན་སུ་ཡང་མ་འདྲེས་པ་དང་། སྔགས་སྒྲ་ཧ་ཅང་ཆེ་བའི་སྒྲུབ་ཁང་ཕྱི་རོལ་ཏུ་ཐོས་པ་དང་། ཧ་ཅང་དམའ་བའི་དྲུང་ནས་ཀྱང་མི་ཐོས་པ་དང་། འཚོགས་ཐེངས་སོགས་ཀྱི་སྐབས་སུ་རྒྱབ་ནས་བཟླ་བ་དང་། སྔགས་རྒྱུན་མཁན་ཕན་ཚུན་གཏམ་ལབ་པ་དང་། གཉིད་ཡུར་བས་བར་མཚམས་བཅད་པ་ནང་འཐབ་འཁོན་འཛིངས་སོགས་གཏན་ནས་བྱ་མི་རུང་ཞིང་། རྒྱངས་ནས་མི་ཐོས་ཤིང་དྲུང་ནས་ཐོས་ངེས་ཀྱི་སྐད་མཐོ་དམའ་རན་པ་དང་། དལ་བྲེལ་སྙོམས་ལ་ཐོག་མ་ནས་ཁོང་ཀློད་པས་རིམ་གྱིས་ངལ་དུབ་ཏུའང་མི་འགྱུར་བའི་ཛབྲ་དབྱངས་ཚུལ་དུ་བཟླ། ཚེས་གཉིས་ནང་མོ་ཐོར་ཐུན་མཇུག་ཏུ་སྤོས་བསུ་སེར་སྤྲེང་བཅས་ཁང་སྟེང་དུ་གཏོར་མ་བཏེགས་སྐབས་ཐུན་པ་རྣམས་མ་གཏོགས་སྒྲུབ་པོ་གཅིག་ཀྱང་རྒྱབ་ཏུ་མི་འབུད་པར་འདོན་བྱ་རྣམས་

― LT38_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་ཁང་ནས་བྱ། སླར་རྗེས་ཆོག་གྲུབ་འཕྲལ་ཚང་མ་ལྷ་ཁང་དུ་འཚོགས་ནས་ཚོགས་བསགས་གསོ་སྦྱོང་རྒྱས་པར་བཏང་དགོས་སོ། །ཟླ་རེ་བཞིན་གྱི་དུས་མཆོད་འདོན་བྱའང་ཚེས་བདུན་བྱུང་ངོ་ཅོག་ལ་ཁྱབ་བདག་རྡོ་རྗེ་འཆང་པདྨ་ཉིན་བྱེད་དབང་པོའི་སྐུ་མཆོད་དུ་སྨིན་གླིང་ལུགས་ཀྱི་བཀའ་གཏེར་ཟུང་འཇུག་དཔལ་རྡོ་རྗེ་སེམས་དཔའི་སྒྲུབ་མཆོད་དམིགས་བསལ་ཟླ་ལྔ་པའི་ཚེས་བདུན་ལ་རྣམ་ཐར་གསོལ་འདེབས་རྒྱས་པ་དང་མཆོད་པ་རྒྱས་པ་དགོས། ཚེས་བརྒྱད་ལ་སྒྲོལ་མ་རྣལ་འབྱོར་མའི་སྒྲུབ་མཆོད་དམ་ཇོ་བོ་ལུགས་དང་གཏེར་གསར་རེས་མོས་ཀྱི་སྒྲོལ་མ་མཎྜལ་བཞི་ཆོག །ཚེས་བཅུ་ཐམས་ཅད་ལ་བླ་མ་དགོངས་འདུས་ལས་བྱང་མེ་ཏོག་ཕྲེང་མཛེས་ཀྱི་ཚོགས་སྐོང་བཀའ་སྲུང་གཏོར་འབུལ་བཅས་པ། སྲོལ་གཉིས་རེས་མོས་ཀྱི་བི་མ་ལའི་བླ་སྒྲུབ་ཚོགས་མཆོད་བཅས་དང་། གཏེར་གསར་ཐུགས་སྒྲུབ་པདྨའི་སྙིང་པོའི་རྒྱུད་བཀླག །དམིགས་བསལ་འབུམ་འགྱུར་ཚེས་བཅུ་ལ་དཀོན་མཆོག་སྤྱི་འདུས་ཀྱི་ཚོགས་བརྒྱ། ཟླ་བ་ལྔ་པའི་ཚེས་བཅུ་ལ་ཆོས་དབང་བླ་མ་གསང་འདུས་ཀྱི་ཚོགས། རྩ་གསུམ་སྤྱི་སྐོང་བཅས་བཏང་། ཚེས་བཅོ་ལྔ་རྣམས་ལ་དཔལ་དུས་ཀྱི་འཁོར་ལོའི་མཆོད་ཆོག །ཉེར་ལྔ་ཤངས་ལུགས་བདེ་མཆོག་ལྷ་ལྔའི་སྒྲུབ་མཆོད་དང་མཁའ་སྤྱོད་དཀར་དམར་རེས་མོས་ཀྱི་མཆོད་ཆོག །ཉེར་དགུར་ཡེ་ཤེས་མགོན་པོ་ཕྱག་དྲུག་པ་གཞུང་ཟུར་འདེབས་སྦྱར་བའི་ཚོགས་ཐེངས་གཅིག །བེར་ཅན་མཚལ་མ་

― LT38_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་སྐོང་བཅས་འཚོགས་ཐེངས་གཅིག །དམ་ཅན་སྤྱི་གཏོར་ལ་གཏེར་གསར་མྱུར་མཛད་ཡེ་ཤེས་མགོན་པོ། སྔགས་སྲུང་མ། སྲིད་རྒྱལ་མ། དུར་ཁྲོད་མ་མོ། ཚེ་རིང་མ་རྣམས་སྦྱར་བ་དང་རྒྱུན་གྱི་སྲུང་ཟློག་ཆགས་མེད་རིགས་བཅས་འཚོགས་ཐེངས་གསུམ་བྱ། གནམ་གང་ལ་དཔལ་ཆེན་ཡང་དག་ལྷ་དགུའི་སྒྲུབ་མཆོད། སེམས་སྡེའི་ཀུན་བཟང་དོན་ཕྲིན། རྒྱུད་བཀླག་པའི་ཆོ་ག་དང་ལྡན་པས་སྒྱུ་འཕྲུལ་གསང་བ་སྙིང་པོའི་རྒྱུད་བཀླགས་ཤིང་རྒྱུད་གཏོར་འབུལ། སྟོན་དགུན་གྱི་ཟླ་བ་དྲུག་པོར་ཉི་མ་ཐུང་བས་གསང་སྙིང་འདོན་ལོང་མེད་ན། ཀློག་ཐབས་དང་ལྡན་པས་འཇམ་དཔལ་མཚན་བརྗོད་ཚར་རེ་བཀླགས་པར་བྱ་དགོས། དེ་ནས་དགུ་གསོལ་མ་གཏོགས་པའི་དུས་མཚོད་ཐམས་ཅད་འཚོགས་ཐེངས་གཉིས་རེ་ཡིན་ཅིང་། ཚེས་བཅུ་དང་མཎྜལ་བཞི་ཆོག་སྔ་དྲོ། སྒྲུབ་མཆོད་རིགས་གཞན་ཐམས་ཅད་ཕྱི་དྲོ་ལ་འཚོགས། སྨོན་ལམ་རིགས་ཟླ་བ་གཅིག་གི་ཁོངས་སུ་ཆ་བསྒོ་ནས་རྫོགས་པར་བྱ་དགོས། དེའང་ཚེས་བདུན་ལ་ཚིག་བདུན་གསོལ་འདེབས་ཆོས་དབང་ལུགས། སྨིན་གཏེར་རྣམ་ཐར་གསོལ་འདེབས། རྗེའི་གསོལ་འདེབས་པདྨའི་ལུང་ཟིན་འཕྲོས་རྡོར་སེམས་བརྒྱུད་འདེབས་ལ་འཇུག་ཅིང་བདག་མདུན་བུམ་སྒྲུབ་སྐོང་ཆོག་བདག་འཇུག་ཚོགས་འཁོར་ཆ་གསུམ་བཅས་ཚང་བར་བཏང་། བཀའ་སྲུང་གཏོར་འབུལ་དང་དགོང་མོར་མགོན་ཁང་ནས་ཡོད་སྟབས་འདིར་མི་དགོས། མཐར་བཟང་པོ་

― LT38_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པ་དང་། བྱམས་པའི་སྨོན་ལམ་གདབ། ཚེས་བརྒྱད་ལ་གནས་བརྟན་ཕྱག་མཆོད། རྗེའི་གསོལ་འདེབས་རྒྱལ་བ་ཡོངས་ཀྱི་འཕྲོས་མཎྜལ་ཆོ་ག་དངོས་ཚང་བར་བཏང་བའི་མཐར་སྤྱོད་འཇུག་སྨོན་ལམ་གདབ། ཚེས་བཅུར་ཚིག་བདུན་གསོལ་འདེབས་བདེ་གླིང་ལུགས། པདྨས་ལུང་ཟིན་ནས་བརྒྱུད་འདེབས་དུས་གསུམ་སངས་རྒྱས་ལ་འཇུག་ཅིང་། བཀའ་སྲུང་གཏོར་འབུལ་སྐོང་བ་བཅས་ཆགས་མེད་ཞབས་ཀྱིས་མཛད་པ་སྦྱར། པད་སྙིང་རྒྱུད་དང་བི་མ་ལའི་བླ་སྒྲུབ་གྲུབ་ནས་བདེ་སྨོན་ཤེས་བྱ་མ་བཏོན། ཚེས་བཅོ་ལྔར་ཀུན་མཁྱེན་རྔོ་ནང་པ་ཡབ་སྲས་ཀྱི་གསོལ་འདེབས་བསྡུས་པ། རྒྱལ་བའི་མདུན་ན། ཀུན་མཁྱེན་ཆོས་རྗེ། བདེ་ཆེན་ཟབ་གསལ། རྒྱལ་བ་ཡོངས་ཀྱི་བཅས་སོང་ནས་ནང་མཆོད་བྱིན་རླབས་ནས་བརྩམས། མཆོད་ཆོག་དང་ལྷ་དགུའི་སྒྲུབ་ཐབས་ལྟོ་སྦྱར་བའི་སྒྲུབ་མཆོད་གཏོར་འབུལ་ཚོགས་འཁོར་བཅས་རྒྱས་པར་གྲུབ་ནས་དོལ་པོའི་བདེ་སྨོན། ན་མོ་ལོ་ཀེ་ཤྭ་རཱ་སོགས་སྦྱར། ཉེར་ལྔར་ཛེ་ནང་རྗེ་བཙུན་ཆེན་པོའི་རྣམ་ཐར་གསོལ་འདེབས་ཞལ་གསུང་མ་དང་ཁ་སྐོང་། པདྨས་ལུང་ཟིན་བཅས་ཀྱི་འཕྲོས་སུ་བདེ་མཆོག་སྒྲུབ་མཆོད་བདག་འཇུག་ཚོགས་འཁོར་སོགས་རྒྱས་པར་བྱ་ཞིང་། མཁའ་སྤྱོད་དཀར་དམར་ལ་ཚོགས་བཀྱེབ་མ་གྲུབ་ན་ཚོགས་མཆོད་ཙམ་བྱས་ནས་མཐར་ཕྱག་ཆེན་སྨོན་ལམ་གདབ། གནམ་གང་ལ་ཚིག་བདུན་གསོལ་འདེབས་ཆོས་དབང་ལུགས། སྨིན་གཏེར་སྐྱེས་རབས་གསོལ་འདེབས། རྒྱལ་བ་ཡོངས་ཀྱི་འཕྲོས་

― LT38_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དག་བརྒྱུད་འདེབས་ནས་བརྩམས་བཟླས་པ་ཚོགས་འཁོར་རྒྱས་པར་བྱ། རྒྱུད་བཀླགས་པ་དང་ཀུན་བཟང་དོན་ཕྲིན་མཐར་བྱང་གཏེར་ཀུན་བཟང་སྨོན་ལམ་གདབ་བོ། །ཟླ་བ་ཡར་མར་ངོ་གཉིས་ལ་སོ་ཐར་གསོ་སྦྱོང་མདོ་བཀླག་པ་བཅས་མ་ཆགས་པར་འདིར་བཞུགས་དགེ་སློང་ཐམས་ཅད་གདིང་ཆོས་བཅས་འདུས་པ་དང་། གཎྜི་བརྡུང་བ་ནས་བསྔོ་སྨོན་རྫོགས་ཀྱི་བར་གང་དྲན་བྱུང་རྒྱལ་གཏན་ནས་མི་བྱ་བར་ཀུན་སྤྱོད་ཚུལ་ལྡན་གྱིས་བསྒྲུབ་དགོས་སོ། །གསུམ་པ་ཉིན་རེ་བཞིན་ཐུན་བཞིའི་རྣལ་འབྱོར་ཁྲིགས་ཆགས་སུ་བྱ་དགོས་པ་ནི། སྔོན་འགྲོ། ཤངས་ཆོས། སྦྱོར་དྲུག །རྫོགས་ཆེན་བཞི་པོ་སོ་སོའི་ཉམས་ལེན་གྱི་སྐབས་དང་བསྟུན། མཉམ་བཞག་ཏིང་འཛིན་དང་། རྗེས་ཐོབ་ལྡང་ཉལ་སོགས་སྤྱོད་ལམ་རྣམ་པ་བཞིར་ལམ་ཁྱེར་གྱི་དྲན་ཤེས་བརྟེན་ཏེ་ཐུན་བཞིའི་རྣལ་འབྱོར་སྲང་དུ་གཞུག་དགོས་ཤིང་། དེའི་ཚུལ་ནི་ཁྲིད་ཡིག་སོ་སོར་གསལ་བ་ལྟར་ལ། སྤྱིར་བཏང་རང་རེ་ཐམས་ཅད་སྔགས་བླ་མེད་ཀྱི་རྣལ་འབྱོར་པ་ཡིན་པའི་རྩིས་དགོས་པ་དང་། བོད་འབངས་སྤྱི་དང་ལྷག་པར་ཀར་རྙིང་གི་རྗེས་འཇུག་ཐམས་ཅད་ཀྱི་འདི་ཕྱིའི་རེ་བའི་ཕུག་སྙིགས་འགྲོའི་སྐྱབས་གཅིག་སངས་རྒྱས་གཉིས་པ་ཨོ་རྒྱན་གྱི་སློབ་དཔོན་ཆེན་པོ་ཡིན་པ་གཞིར་བྱས་ནས། ཐོ་རངས་ལྡང་བྱའི་རྣལ་འབྱོར་བསྐྱེད་རྫོགས་སྐབས་བསྟུན་གྱིས་ལྡངས་ཏེ་རླུང་རོ་ལན་གསུམ་བསལ། ལུས་གནད་བསྲང་ལ་མི་རྟོག་པའི་ངང་ལ་ཅི་གནས་སུ་བཞག་སྟེ་ཤེས་

― LT38_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣལ་དུ་དབབ། རྩ་བའི་ཡི་དམ་གྱི་ང་རྒྱལ་དང་ལྡན་པས་བདུད་རྩི་མྱོང་། དེ་ནས་བདུད་རྩི་རིལ་བུ་དང་ཆོས་སྨན་སོགས་ཡོད་ན་ལྕེ་ལ་བཞག་ཀྱང་ཆོག་ཅིང་། མེད་ན་དེ་དག་གི་ཕབ་རྒྱུན་བཏབ་པའི་བདུད་རྩི་ཀ་པཱ་ལ་ཉེ་ལོགས་སུ་བཞག་ལ་བྱིན་རླབས་ཁ་གསོས་རྒྱས་བསྡུས་གང་རུང་ངམ། མི་འགྲུབ་ན་ཨོཾ་ཨཱཿཧཱུྃ་ཧོཿལན་གསུམ་གྱིས་དམ་ཡེ་གཉིས་མེད་ཀྱི་བདུད་རྩིར་མོས་ལ་གཡོན་པའི་མཐེབ་སྲིན་གྱིས་མྱོང་། དེ་ནས་ཤེས་ཤིང་སྤྲོ་ན་བླ་མ་དགོངས་པ་འདུས་པའི་བཟླས་བརྗོད་ནུས་པ་སྟོབས་བསྐྱེད་དམ། མི་ནུས་ན་གར་དབང་ཆོས་ཀྱི་དབང་ཕྱུག་གིས་མཛད་པའི་སྒོམ་དོན་དང་འབྲེལ་བར་དབྱངས་གསལ་ལན་གསུམ་སོགས་ཀྱིས་ངག་བྱིན་གྱིས་བརླབ། །སྨིན་གླིང་གཏེར་ཆེན་གྱིས་མཛད་པའི་རྟེན་བསྐྱེད་སྔོན་དུ་འགྲོ་བས་གསོལ་འདེབས་ལེའུ་བདུན་མ་ལས། བླ་མ་སྐུ་གསུམ་དང་། ཉི་མ་ལྷོ་ནུབ་མ་སྐད་གཟེངས་བསྟོད་དེ་བཏོན་ལ། བཞེངས་ཤིག་པདྨ་ལ་ཌ*ཌཱ་དྲི*་ཀྱང་བཀྲོལ་མཐར་དབང་ལེན་ཞུ་བསྟིམ་བྱ་བ་ནི་རྟེན་བསྐྱེད་དང་འབྲེལ་བའི་གསོལ་འདེབས་ཐམས་ཅད་ལ་འགྲེ། རྟེན་བསྐྱེད་འདི་སྨིན་གཏེར་ཐོག་མ་རིག་འཛིན་ཐུགས་ཐིག་གི་དགོངས་དོན་བསྒྲིལ་བ་ཡིན་པ་དང་། ཁྲིད་རྒྱུན་བར་མ་ཆད་ཡོད་པས་སྒྲུབ་པ་ལ་ཞུགས་མ་ཐག་པའི་སྐབས་རྒྱལ་སྲས་པདྨ་འགྱུར་མེད་རྒྱ་མཚོའི་ཡིག་ཆ་ལྟར་ཁྲིད་ལུང་ཡང་བྱ་དགོས། དེ་ནས་སྒྲོལ་དཀར་ཡིད་བཞིན་འཁོར་ལོའི་བསྒོམ་བཟླས་ཁྱུགས་ཙམ་དང་། རྨི་ལམ་

― LT38_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

འཚུབས་པའི་སྐབས་སོགས་སུ་སྲུང་འཁོར་ཡང་བཟླས་སྒོམ་བྱས་ནས། ཕྱག་ཆེན་སྔོན་འགྲོ། བསྙེན་སྒྲུབ་སྐབས་བདག་བསྐྱེད། རྫོགས་རིམ་གཏུམ་མོ་སོགས་སོ་སོའི་སྐབས་བསྟུན་གྱི་དགེ་སྦྱོར་དངོས་གཞི་ལ་འཇུག །ནམ་ལངས་པར་ཉེ་བ་ན་ཐུན་གྲོལ་ནས་གསང་ཐིག་སྐོར་ལས་རྡོར་སེམས་ཕྱག་རྒྱ་གཅིག་པའི་རྣལ་འབྱོར་གྱིས་ཡིག་བརྒྱ་ཉེར་གཅིག །སཏ་ཕྲེང་སྐོར་ཙམ་དང་། བུམ་པ་བཅུད་ལྡན་སྔ་ཚགས་བྱས་པ་ལ་བུམ་བཟླས་གང་འགྲུབ་མཐར་དབང་ལེན་བྱ། གྲུབ་ན་དེ་མཐར་ཚེ་སྒྲུབ་སྒོམ་བཟླས་ཀྱང་སྦྱར། ནམ་ལངས་པ་དང་ཆབ་གཏོར་འབྲིང་བསྡུས་གང་འགྲུབ་བཏང་། འདིའང་དགོང་མོ་ནས་བཤམས་པ་དང་། འབགས་བཙོགས་ཀྱིས་གོས་པ་སོགས་སླ་ཆོས་གང་བྱུང་བྱས་ན་ཕན་ཡོན་ལས་ཉེས་དམིགས་ཆེ་བས། དམིགས་རིམ་ཕྱག་ལེན་ལེགས་པར་བསླབ་ལ་ཚུལ་བཞིན་བྱ་དགོས། ཐུན་གྲོལ་འཕྲལ་དཔལ་ཆེན་ལྷ་ཁང་དུ་འཚོགས་ཏེ་ཚིག་བདུན་གསོལ་འདེབས། སྤྲོས་བྲལ་བདེ་ཆེན་མ་དང་ཕྱག་འཚལ་ཉེར་གཅིག །བླ་མ་སངས་རྒྱས་རྗེས་དྲན་གྱི་ཞར་བྱུང་ངེས་དོན་སྙིང་པོའི་ལྟ་བ་བསྐྱང་བ་དང་། ཕུང་པོ་གསུམ་པའི་མདོ་དང་བླ་མ་རྡོར་འཛིན་མས་ཉིན་ཞག་གཅིག་གི་ཉེས་བྱས་རྣམས་བཤགས་ཤིང་། ཞི་གནས་གསོ་སྦྱོང་། བྱང་སྡོམ་ལེན་པ། སྔགས་ཀྱི་སྡོམ་བཟུང་རྣམས་ཀྱི་ཞར་བྱུང་ཚོགས་བསགས་སྙིང་པོ་བསྡུས་པ་ཐར་པའི་ཐེམ་སྐས་གཤམ་གྱི་ཟིན་ལྟར་བྱ། དེ་ནས་ཞོག་

― LT38_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་གྱི་ཐོག་མ་བསྟན་པ་རྒྱ་མཚོའི་རྩ་བ་ལ་མི་བྱ་བའི་དམ་བཅའ་བསྒྱུར་ཏེ་ཚིག་རྗེས་སུ་དོན་དྲན་པར་བྱས་ལ་དགེ་སྦྱོར་དངོས་གཞི་སོ་སོའི་སྐབས་བསྟུན་བྱ། ཉིན་གུང་དཀོན་མཆོག་རྗེས་དྲན་སྔོན་དུ་འགྲོ་བའི་གཙང་སྦྲ་ཐོན་པས་ཕུད་དང་འཕྲོག་མའི་ཆང་བུ་བཞག །གུང་ཚིགས་ལ་ཟས་ཀྱི་རྣལ་འབྱོར་གྲོལ་ཏིག་དང་ཀུན་མཁྱེན་དྲི་མེད་འོད་ཟེར་གྱི་གསུང་ཟུང་འབྲེལ་བས་ནང་གི་ཚེགས་འཁོར་གྱི་ལོངས་སྤྱོད་མཐར་ལྷག་མའི་ཆངས་བུ་བསྔོས་ཏེ་ཡོན་སྦྱོང་བའི་གཟུངས་དང་མདོ་བསྔོ་བྱས་ལ་གསོལ་འདེབས་བསམ་པ་ལྷུན་གྲུབ་དང་བར་ཆད་ལམ་སེལ་བཏང་། གཞན་ཡང་འཇམ་དཔལ་མཚན་བརྗོད་དང་ཤེར་ཕྱིན་སྡུད་པ་སོགས་མདོ་རྒྱུད་ཟབ་མོ་བཀླག་པའམ། བསྙེན་སྒྲུབས་ཀྱི་སྐབས་རྣམས་སུ་གྲངས་ལ་མི་བརྩི་བའི་སྔགས་བཟླས་ཤུབ་བུ་མི་འཆད་པར་བྱ། ཕྱི་ཐུན་གྱི་ཐོག་མར་གསང་ཐིག་ཡང་དག་ཕྱག་རྒྱ་གཅིག་པའི་སྒོམ་བཟླས་ཁྱུགས་ཙམ་དང་གཏོར་འབུལ་དབང་ལེན་བཅས་བྱ་ཞིང་ཐུན་གང་ཡིན་ལ་འཇུག །ཐུན་གྲོལ་འཕྲལ་མགོན་ཁང་བསིལ་བ་ཚལ་དུ་རྔ་བརྡ་དང་བསྟུན་ནས་འཚོགས་ཏེ། ཚིག་བདུན་ཐུང་བ། བདེ་ཆེན་ཟབ་གསལ། གདོད་ནས་རྣམ་དག །དུས་གསུམ་རྒྱལ་ཀུན་རྣམས་སྔོན་དུ་འགྲོ་བས་ཤངས་ལུགས་རྒྱུད་སྡེ་ལྔ་ལུས་དཀྱིལ་གྱི་བདག་བསྐྱེད་ལ་གཙོ་བོ་བརྒྱ་རྩ་བརྒྱད་གཞན་རྣམས་ལྔ་བཅུ་རེ་ཙམ་གྱི་བཟླས་པ་བསྡུ་ལྡངས་ནས་གཏོར་འབུལ་བཅས་གྲུབ་ནས། མྱུར་

― LT38_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་ཡེ་ཤེས་ཀྱི་མགོན་པོའི་གཏོར་ཆོག་ཕྲིན་ལས་གཏེར་མཛོད་ལ་བསྐྱེད་ཆོག་བསྡུས་པ་ཚིགས་བཅད་མ་སྦྱར་བ་དང་། བླ་མགོན་དབྱེར་མེད། དམ་ཚིག་གྲིབ་སེལ། མཁའ་འགྲོ་དབང་སྡུད་རྣམས་དང་བཅས་པའི་བསྙེན་བཟླས་གཏོར་འབུལ་བྱ། དེའང་གྲིབ་སེལ་ཡིག་བརྒྱ་ཉེར་གཅིག །གཞན་རྣམས་བརྒྱ་རྩ་བརྒྱད་རེ་འགྲོ་ངེས་བཟླ། དེ་ནས་རྡོ་རྗེ་བར་ཅན་ལྕམ་དྲལ་བདག་སྒོམ་བཟླས་པ་བརྒྱ་རྩ་འཁོར་ལྔ་སོགས་ཀྱི་གཏོར་འབུལ་སྔགས་བསྔོས་དང་བཅས་པ་རྗེ་བཅུ་བཞི་པའི་གསུང་ལྟར་བྱ། དེ་ནས་སྨིན་ལུགས་དམ་ཅན་སྤྱི་གཏོར་གྱི་ཁོངས་སུ་སྔགས་སྲུང་མ་དང་དུར་ཁྲོད་མ་མོའི་ཕྲིན་ལས་སྐོང་བ་དང་བཅས་པ་སྦྱར་ཏེ་གཏོར་འབུལ་གྲུབ་ནས། ཆོས་སྒྲུབ་པའི་བར་ཆད་སྤྱི་དང་བྱེ་བྲག་པ་ཐམས་ཅད་ཟློག་པའི་ཆེད་དུ། ཤེར་སྙིང་བདུད་ཟློག །སེང་གདོང་མ། ཡང་ཟློག །ལོ་ཀྟྲི་རྣམས་ཀྱི་སྒོམ་བཟླས་མདོར་བསྡུས་དང་འབྲེལ་པའི་ཐལ་རྡེབ། སྲི་ཟློག་འཁོར་ལོ་འབར་བ་གཏེར་གཞུང་དང་སྔགས་བདུན་ཙམ་དུས་མིན་འཆི་ཟློག་གསོལ་འདེབས། འཇམ་མགོན་བླ་མ་པདྨ་གར་དབང་གི་ཞབས་བརྟན་འཇམ་དབྱངས་མཁྱེན་བརྩེའི་དབང་པོས་མཛད་པ་འཇིག་རྟེན་གསུམ་མགོན་མ་ཆགས་མེད་དགོས། རྒྱབ་ཆོས་ཐེམས་མེད་ནས་འབྱུང་བའི་བསྔོ་སྨོན་གྱི་རྒྱས་གདབ། དགོང་ཐུན་གྱི་ཐོག་མར་མེ་བསུར་མདོར་བསྡུས་ཙམ་དང་། རྟེན་བསྐྱེད་བཅས་ལྷོ་ནུབ་རྔ་ཡབ་མའི་གསོལ་

― LT38_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་དབང་ལེན་ཞུ་བསྟིམས་བྱས་ཏེ་དངོས་གཞི་སོ་སོའི་ཐུན་བཟུང་། སྲོད་ལ་ཐུན་གྲོལ་བ་ན་གསང་ཐིག་རྡོ་རྗེ་ཕུར་པའི་སྒོམ་བཟླས་གཏོར་འབུལ་གྲུབ་ན་དབང་ལེན་ཀྱང་བྱ། དབང་ལེན་གསུམ་པོ་བྲེལ་བ་ཆེ་བའི་སྐབས་ལྟ་བུར་མ་འགྲུབ་ནའང་སྒོམ་བཟླས་ནི་ཆག་ཏུ་མི་རུང་། རྟེན་བསྐྱེད་སྔོན་དུ་འགྲོ་བའི་གསོལ་འདེབས་སངས་རྒྱས་བསྟན་པ་དང་ནུབ་ཕྱོགས་བདེ་ཆེན་མ་བཏང་ལ་དབང་ལེན་ཞུ་བསྟིམས་མཐར་ལུས་མཆོད་སྦྱིན་མདོར་བསྡུས་བྱ། སྔ་ཕྱི་ནམ་བདེར་བསྟན་པ་རྒྱ་མཚོའི་རྩ་ཚིག་བཤགས་ཚིག་སུ་བསྒྱུར་བ་དང་ལྟུང་བཤགས་སོགས་བཏོན་ལ་སྦྱོར་དྲུག་སོར་བསམ་དང་རྫོགས་ཆེན་འོད་གསལ་དངོས་གཞིའི་སྐབས་མིན་པའི་གཞན་རྣམས་སུ་ཕྱག་ཀྱང་ཅི་འགྲུབ་འཚལ། སྤྱི་ལ་འོད་དཔག་མེད་ཀྱི་ཉལ་འཕོ་དང་ཆོས་དྲུག་ཕྱག་རྫོགས་སོ་སོའི་སྐབས་སྦྱར་ཉལ་བའི་རྣལ་འབྱོར་གྱི་གཉིད་ཀྱང་ཐ་མལ་དུ་མ་ཤོར་བར་ལམ་དུ་བསྐྱུར། སླར་ཐོ་རངས་ལྡང་བའི་རྣལ་འབྱོར་ལ་འཇུག་པ་སོགས་ཉིན་གཅིག་བཞིན་ཐང་ལྷོད་ཆགས་འཁྲི་མ་སོང་བར་བསྟར་ཆགས་སུ་འབད་དགོས། གཏུམ་མོ་ལ་འཇུག་ནས་བཟུང་སྒྲུབ་པ་ནམ་གྲོལ་གྱི་བར་དུ་དུས་མཆོད་རྣམས་དང་། འདོན་བྱ་འཕར་མ། འོད་གསལ་སོར་བསམ། ཐོད་རྒལ་རྣམས་སྦྱངས་པའི་སྐབས་མ་ཡིན་པར་དུས་རྒྱུན་ཏུ་འཕྲུལ་འཁོར་ཡང་ནཱ་རོ་དང་ནི་གུ་རེས་མོས་ཀྱིས་རྒྱགས་དགོས། སྦྱོར་

― LT38_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་འཕྲུལ་འཁོར་ནི་རྐང་གྲངས་མང་བ་དང་ཡུན་ཐུང་བས་ལེགས་པར་རྐང་ཟིན་པ་མི་འོང་སྟབས་རེ་ཞིག་བཏང་སྙོམས་སུ་བཞག་པའོ། །བཞི་པ་མགོན་ཁང་སྒྲུབ་པ་པོའི་ཉམས་ལེན་དང་འདོན་བྱའི་སྐོར་ནི། དང་པོ་ལོ་གཉིས་ལ་ཨོ་རྒྱན་ལས་འཕྲོ་གླིང་པའི་ཟབ་ཆོས་བླ་མ་དཀོན་མཆོག་སྤྱི་འདུས་ཀྱི་བསྐྱེད་རྫོགས་མཐར་ཕྱིན་པ་དགོས་ཏེ། ཐོག་མར་བྱིན་རླབས་བླ་མའི་རྣལ་འབྱོར་ཞག་གསུམ་ཙམ། ཐུན་མོངས་སྔོན་འགྲོ་བཞི་སྦྱོར་སངས་གླིང་ཡང་དེ་ལྟར་ཞག་གསུམ་རེ་སྦྱང་། དེ་ཁྲིད་ཆེན་གུ་རུའི་དགོངས་རྒྱན་ལྟར་སྐྱབས་འགྲོ། སེམས་བསྐྱེད། ཡིག་བརྒྱ། མཎྜལ། བླ་མའི་རྣལ་འབྱོར་གྱི་གསོལ་འདེབས་ཆུང་བ་བཅས་འབུམ་ཕྲག་རེ་རེ་ཟླ་བ་ལྔའི་ཁོངས་སུ་འགྲོ་བར་བྱ། དེ་ལ་བསྙེན་ཡིག་པདྨའི་ཞལ་ལུང་དང་སྤྲགས་ཏེ་ཚིག་བདུན་གསོལ་འདེབས། དེ་འབྲེལ་བཛྲ་གུ་རུའི་བཟླས་པ་འབུམ་ཕྲག་རེ། ཕྱི་སྒྲུབ་ཐོད་ཕྲེང་རྩལ་འབུམ་ཕྲག་གསུམ་མམ་བཞི། དངོས་གཞི་ནང་སྒྲུབ་ཟླ་བ་གསུམ་ལ་འབུམ་ཕྲག་བཅུ་གཉིས་ཡན་ཆད་གང་འགྲུབ། གསང་སྒྲུབ་དྲག་པོ་འབུམ་ཕྲག་བཞི། ཡང་གསང་སེང་གདོང་མ་འབུམ་ཕྲག་གསུམ། ཕྲིན་ལས་བཞི་སྒྲུབ་སོ་སོར་ཞག་གསུམ་རེ་ཙམ། ཚེ་སྒྲུབ་བདུན་གསུམ་མམ་ཟླ་གཅིག་ལོངས་སྐབས་དང་སྦྱར་ལ། ཁ་སྐོང་སྦྱིན་སྲེག་ཞི་བཟླས་ཀྱི་བཅུ་ཆ་བཅས་འགྲུབ་པར་བྱས་ནས། བསྐྱེད་རིམ་རྗེས་འབྲེལ་

― LT38_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་ནུ་དང་ཨ་ཏིའི་རྣལ་འབྱོར་ཞག་གྲངས་ཉུང་ཙམ་རེ། དེ་ནས་རྫོགས་རིམ་ཁྲིད་ཡིག་ཁམས་གསུམ་ཡོངས་གྲོལ་ལྟར་ཁྲིད་རྐང་སོ་སོར་ལོ་གཅིག་གི་ཞག་གྲངས་ཆ་བགོས་ནས་སོ་སོར་རྟགས་ཐོན་ཏུ་སྦྱང་། དེའང་མ་ཧཱ་ཡོ་གའི་བསྐྱེད་རིམ་དང་འབྲེལ་བ་དང་། ཨ་ནུ་ཡོ་གའི་རྩ་རླུང་དང་འབྲེལ་བ་རྣམས་ཞག་གྲངས་ཉུང་ངུར་ཅི་རིགས་སྦྱང་བས་ཆོག་ཅིང་། ཨ་ཏི་རྫོགས་ཆེན་སྔོན་འགྲོ་ཐུན་མིན་རྣམས་དང་དངོས་གཞི་ཁྲེགས་ཆོད་ཐོད་རྒལ་ཟླ་གྲངས་ཁ་ཤས་ལ་མྱོང་བའི་སྣེ་ཟིན་ཏུ་སྒོམ་དགོས་ཤིང་། མཐར་འཕོ་བའང་རྟགས་ཐོན་ཏུ་སྦྱང་། དེ་དག་སོ་སོའི་ཁྲིད་ཡིག་ཆ་ལག་གཞུང་བོད་བཅས་པའི་བཀླག་ལུང་དངོས་གཞིའི་ཐོག་མར་བྱིན་རླབས་དབང་བསྐུར་ཞི་དྲག་སེང་གསུམ་ཚེ་དབང་བཀའ་གཏད་བཅས་ནོད་དགོས། ལོ་ཕྱི་མ་ཙམ་དུ་དབང་ལུང་ཁྲིད་ཀ་ལེགས་པར་ནོས་ཏེ་ལས་བྱང་བདེ་བ་ཆེན་པོའི་རྣམ་རོལ་གཞི་བྱས། ལོ་ཆེན་དྷརྨ་ཤྲཱིས་མཛད་པའི་བསྙེན་ཡིག་ཆེན་མོས་ཁོག་དབུབ། གསལ་བྱེད་ཏིལ་མར་སྒྲོན་མེར་བཤད་ཚོད་ལག་ལེན་ཏུ་བསྟར་ནས་སྒྲུབ་ཆེན་བཀའ་བརྒྱད་བདེ་གཤེགས་འདུས་པའི་བསྙེན་པ། ཞི་བར་བསྙེན་པ་བདུན་ཕྲག་གཉིས་ཙམ། ཁྲོ་བོར་སྒྲུབ་པ་ཟླ་བ་དྲུག་པ་ཕན་ཆོད་ལོ་གཅིག་ཚུན་གང་འགྲུབ་ལོངས་ཁྱབ་དང་བསྟུན། མཐར་ཁ་སྐོང་ཞི་བའི་སྲེགས་བླུགས་ཀྱང་བྱ། མགོན་བླ་སྒྲུབ་བར་དུ་སྡོད་

― LT38_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པས་གཏེར་གསར་ཚེ་བདག་བསྙེན་མཚམས་ཟླ་བ་གསུམ་ཡན་ཞི་དྲག་སོ་སོའི་བསྙེན་ཚད་འཁྱོལ་བ་དང་། ད་རུང་འགྲུབ་ན་ཕུར་པ་དང་རྟ་མགྲིན་ནག་པོའི་བསྙེན་ཚད་ཀྱང་འགྲུབ་པར་བྱའོ། །ལོ་མཆོད་དང་ཟླ་དུས་ཀྱི་མཆོད་པའི་འདོན་བྱའི་རིགས་རྣམས་སྒྲུབ་པ་སྤྱིའི་གྲལ་དུ་ཞུགས་དགོས་པ་དང་། ཉིན་བཞིན་རྒྱུན་གྱི་འདོན་སྒོམ་ཐམས་ཅད་ཀྱང་གོང་སྨོས་སྒྲུབ་པ་སྤྱི་རྣམས་དང་ཁྱད་པར་མེད་པ་མ་ཆད་པར་བྱ་དགོས་ལ། ཁྱད་པར་ལྷག་པོར་བྱ་རྒྱུ་ཐོར་ཐུན་སྒྲོལ་དཀར་བཟླས་སྒོམ་གྱི་རྗེས་སུ་བླ་མ་དཀོན་མཆོག་སྤྱི་འདུས་ཞི་བའི་ལས་བྱང་བཟླས་པ་ཚེ་སྒྲུབ་ལྕགས་ཀྱི་རི་བོ་བཅས། ནམ་ལངས་རི་བོ་བསང་མཆོད་དང་དགེ་ལེགས་སྤྲིན་ཕུང་ལྟ་བུའི་ལྷ་བསང་ཉུང་ངུ། གུང་ཐུན་མཇུག་ཏུ་གཏེར་གསར་ཕྱག་དྲུག་པའི་ཕྲིན་ལས་བཟླས་པ་གསོལ་སྐོང་བཅས། སེར་པོ་སྐོར་གསུམ་དང་ལྷ་མོ་དཔལ་གྱི་གཏོར་འབུལ། གཏེར་གསར་ཚེ་རིང་མའི་ལས་བྱང་བཟླས་པ་གཏོར་འབུལ་སྐོང་བ་རྣམས་བྱ་ཞིང་། སངས་རྒྱས་བསྟན་སྲུང་སོགས་ཀྱིས་མཇུག་བསྡུ། སྲོད་ཐུན་མཇུག་ཏུ་དྲག་སེང་དང་ཕྲིན་ལས་བཟླས་པ། སྤྱི་འདུས་ཚོགས་སྐོང་ཆགས་མེད་དུ་བྱ། ཚེས་བཅོ་ལྔ་གཏེར་གསར་རྣམ་སྲས། ཉེར་བརྒྱད་ལ་མ་མོ་མངོན་རྫོགས་རྒྱལ་པོའི་ཕྲིན་ལས་བཟླས་པ་གཏོར་འབུལ་རྣམས་ཀྱང་བྱ་དགོས། ལོ་རེ་བཞིན་ཟླ་བ་བཞི་པའི་ནང་ཀླུ་ཐེབས་དང་བསྟུན་མགོན་བླ་དང་ཞབས་བརྟན་

― LT38_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་བླ་གཉིས་པོ་རེས་མོས་ཀྱིས་ཉིན་གཉིས་ལ་ཀླུ་རྟེན་རྩར་ཀླུ་ཆོག་གདེངས་ཅན་འདོད་འཇོ་དང་། གནམ་ཆོས་ཀླུ་ཆེན་བརྒྱད་མཆོད། ཆགས་མེད་གསུང་ཡུལ་གྱི་ཆུ་མིག་ཀླུ་མཆོད། ཀླུ་བསངས་དང་ཀླུའི་སྤང་སྐོང་། ཀླུ་གཏོར་རིགས་གྲངས་གསོག་བྱ། ཟླ་བ་ལྔ་པའི་ཡར་ཚེས་བཅུ་དང་བཅུ་གཅིག་གཏེར་ཆེན་རིན་པོ་ཆེས་སྒྲུབ་གནས་ཀྱི་གཡས་རོལ་ནས་ཟབ་གཏེར་སྤྱན་དྲངས་པའི་དུས་མཆོད་ལ་མ་གོན་བླ་གཞིར་བྱས། ཞབས་བརྟན་སྒྲུབ་བླ་གཉིས་རེས་མོས་བྱོན་ཏེ་སློབ་དཔོན་རྣམ་གསུམ་གྱི་སྒྲུབ་ཕུག་གསུམ། མཚོ་རྒྱལ་བཻ་རོ་ནམ་སྙིང་བཅས་པའི་སྒྲུབ་ཕུག་དྲུག་ལ་གཏེར་གསར་ཐུགས་སྒྲུབ་རྣམ་གཉིས། བི་མའི་བླ་སྒྲུབ། ཤེལ་ཕུག་བཀའ་བརྒྱད་རྫོང་འཕྲང་མ། ཡང་དག་ནམ་མཛོད་མ་སོགས་ཀྱི་ཕྲིན་ལས་དང་འབྲེལ་བར་ཚོགས་བརྒྱ་གཉིས་གསུམ་གང་འགྲུབ་ཉིན་གཉིས་སུ་བསྒྲུབ་དགོས་པའི་མཆོད་ཆས་གསོལ་ཆས་སོགས་བླ་བྲང་ནས་གསར་དུ་དགོས་རྒྱུ་དང་། ཀླུ་མཆོད་ལ་གྲོགས་དན་སྒྲུབ་གཉེར་ནས་ཐེངས་དགོས། ཚོགས་བརྒྱ་ཉིན་གཉིས་ལ་ཞབས་འདེགས་པ་དགོན་ནས་བཏང་འོང་དགོས་པ་ཡིན་ནོ། །ལྔ་པ་སྤྱིའི་ཀུན་སྤྱོད་བླང་དོར་གྱི་བཅའ་ཁྲིམས་ནི། རྡོར་སློབ་ནས་སྒྲུབ་ཁང་འདིར་མཁོ་ཚད་ཀྱི་དབང་བསྐུར། ཁྲིད་ལུང་། འདོན་འགྲིགས། བཤམས་བཀོད། དབྱངས་རོལ་སོགས་འཆད་སྤེལ་བསླབ་སྟོན་

― LT38_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེར་ངེས་བྱ་བའི་ཐོག་མར་མི་ཤེས་པ་རྣམས་ལ་བསླབ། བར་དུ་མི་རེད་པ་ཐམས་ཅད་བཏང་སྙོམས་སུ་མི་བཞག་ཅིང་ཁོང་ཁྲོ་མི་བསླང་བར་རྒྱུ་མཚན་དལ་བུས་བཤད་ནས་འཕྲལ་འཕྲལ་བཅོས། མཐར་མི་ཉན་པ་ཚབ་ཆེན་བྱུང་ན་མང་ཇ་བརྒྱ་ཕྱག་གིས་མཚོན་པའི་ཆད་པ་འོས་འཚམས་བཅད། ཐམས་ཅད་ལ་ངོ་ཆེ་ཆུང་དང་ཕྱོགས་ལྷུང་གི་མཐོ་དམན་དྲག་ཞན་ཉམ་ཆེ་ཆུང་གི་དབང་དུ་མི་བཏང་བར་གཅིག་དང་འདྲ་བར་བསྐྱང་། ཇ་མར་གྱི་ཕོག་དང་མང་ཇ་སོགས་དགེ་འདུན་གྱི་ཞལ་དུ་ཐེངས་ངེས་ལས་ཆུད་ཟོས་ཕྲན་བུ་ཙམ་མ་སོང་བ་དང་། སྤྱིར་དཀོར་དང་སྒོས་ཀྱི་རྒྱེབ་ཆོག་ཆེ་ཕྲ་ཅི་བྱུང་ཡང་འདི་ཕྱི་ཐུབ་ངེས་ཀྱི་རིན་ཐང་དྲང་པོར་བཅད་པ་དང་། ཐོབ་སྐལ་འདྲ་མཉམ་དུ་བསྒོ། ལོ་གཅིག་གི་ལྷ་ཕོག་ཀྱང་ཟླ་བ་རེ་རེ་བཞིན་ཆ་བསྒོ་ནས་མཆོད་གཡོགས་པའི་ལག་ཏུ་སྤྲད་པ་དང་། མར་མེ་ཚེ་འབར་རྒྱུན་མི་འཆད་པ་དང་། ལྷ་ཁང་གཞན་རྣམས་ཀྱི་ནུབ་དེའི་མཆོད་མེའང་ཐེངས་མ་ཐེངས་བརྟགས། དབྱར་ཁ་ལྷ་ཁང་སྒྲུབ་ཁང་གི་ཐིག་ཚག །དགུན་ཁ་བ་བསྡུ་ཕྱགས། དུས་རྒྱུན་སྒོ་ཕྱི་ནང་ཐལ་བ་བསྡུ་ཕྱགས་རྣམས་ཀྱང་དགོས་ངེས་ཀྱི་སྐབས་དེར་མ་བྱས་མི་ཆོག་པའི་འཕྲལ་འཕྲལ་བཀོད་པ་ཐེངས་དགོས། ལྷ་ཁང་དུ་བྱི་བའི་གནོད་པ་ལའང་དེ་འཕྲལ་ཐབས་ཅི་དྲག་གིས་བཅོས་པ་ལས་བཏང་སྙོམས་སུ་མི་འཇོག་པ་སོགས་གཤམ་གསལ་

― LT38_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་དགོས་རྣམས་གཙོ་བོར་གྱུར་པའི་ལྷ་ཁང་འདིའི་རྟེན་དང་བརྟེན་པར་བཅས་པའི་ཚགས་དོན་ཁུར་ལེན་གྱི་གཙོ་བོ་རྡོར་སློབ་བླ་མ་ནས་མཛད་དགོས། བླ་མ་རང་གི་བྱ་བ་ཐོངས་མི་ཐེངས་པའི་ལོ་རེ་བཞིན་གྱི་ཐིགས་པ། བད་ཡང་བཟོ། ཐུག་གསོས། ཁ་སྨྲ་ཞལ་ལྕེ་བྱུང་བ་སོགས་བླ་བྲང་སྐུ་མཆེད་གཉེར་ཆོས་རྣམས་ལ་ཞུ་བསྐུལ་ཐོག་ཐུགས་རྩ་རྗེས་འཛིན་འཕྲལ་མར་གནང་རྒྱུ་ཞྭ་དམར་ནག་ལྷན་རྒྱས་བཀའ་ཐཾ་ཆོས་སྲུང་གཉེར་གཏད་བཅས་འདྲ་གཅིག་འདི་ག་དང་འདྲ་གཅིག་གཉེར་ཚང་དུ་བཞུགས་པ་ལྟར་ལགས། སྒྲུབ་པ་སྤྱི་རྣམས་ཀྱིས་སྣམ་སྦྱར། ཆོས་གོས། མཐང་ཤམ། གདིང་བཅས་མེད་ཐབས་མེད་ཅིང་། འཛོམ་ན་གུང་ཚིག་སྣོད་ལྷུང་བཟེད་ཀྱང་འཆང་པ་དང་། ཨང་རག་དང་སྒོམ་ཐག །འཇོམ་ན་སྒོམ་ཞྭའང་འཚག །གཏུམ་མོ་ལ་སླེབས་ཕྱིན་ཆད་ཤ་འབྱར་གྱི་གོན་པ་གཏན་ནས་གོན་སྲོལ་མེད་པས་ཐོག་མ་ནས་ཕྱིང་འགགས་སོགས་ཚག་བྱ། འདོན་བྱ་རྣམས་ཀྱང་བྱང་འདྲེན་རྡོར་སློབ་བླ་མས་གྲུབ་ན་ལེགས། མ་ལྕོགས་ན་སྐང་འདོན་བཟང་བ་རེ་བཟོ། ཐུན་བརྡ་སྒྲུབ་པ་དུ་ཡོད། མགོན་བླ། ཞབས་བརྟན་མཚམས་པ་གཉིས་བཅས་ནས་རེས་མོས་བསྐོར། མགོན་ཁང་གི་མཆོད་བཤམ། གཏོར་བཅའ། ཕྱི་ནང་ཚགས་དོན་སོགས་མགོན་བླ་ཁོ་ནས་བྱ་དགོས། རྩིས་སྤྲོད་ལོ་

― LT38_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བརྗེ་མཚམས་སུ་སྐུ་མཆེད་རེ་དང་འདི་གའི་རྡོར་སློབ་བཅས་ནས་ཞི་བ་ཆ་མཛད་དགོས། ཁང་སྟེང་གི་མཆོད་གཡོག་སྒྲུབ་པ་གཞུང་རྣམས་རེས་སྐོར་གྱི་རྩིས་སྤྲོད་ལེན་སྐབས་རྟེན་གསུམ། མཆོད་ཆ། རོལ་མོ། གཏོར་མ་སོགས་མཆོད་བཤམས། སྒམ་དང་ཤུབས་སོགས་ཕྱི་སྣོད། སྙན་ཤལ་ཚུན་དེབས་ཡིག་ཏུ་ཡོད་ཚད་ཀྱི་ཆེ་ཕྲ་ཐམས་ཅད་རྡོར་སློབ་ནས་ཞིབ་ཤེར་སྤྲོད་ལེན་ཟེར་བརྗོད་མེད་པར་བྱེད་ཐོག །རྩ་བ་ཆེ་ཆུང་དང་རྒྱུ་རྩ་བཟང་ངན་མ་ལྟོས་ཚང་མིན་རེད་ན་དེ་མཚུངས་མཇལ་དགོས་པ་དང་། ཆག་གྲུག་བྱུང་ན་ཡང་བཟོ་ཡང་བཅོས་བྱ་དགོས་པ་དང་། རོལ་མོ་སོགས་བཅགས་ན་རྐང་མཇལ་དགོས། སྒྲུབ་མཆོད་དུས་མཆོད་རྒྱུན་མཆོད་རིགས་ཀྱི་ལྷ་ཕོག་ལག་ཐོག་གང་བྱུང་ཐམས་ཅད་ཕབ་འཕྲི་ཕྲན་བུ་ཙམ་ཡང་མ་སོང་བར་མཆོད་ཆས་སུ་ཐེངས་ངེས་དང་། ལྷ་ཁང་ཕྱི་ནང་གི་ཐལ་བ་བསྡུ་ཕྱགས། བདུན་ཚར་ཐམས་ཅད་ནངས་རེ་བཞིན་ཕྱི་ཞིང་མཆོད་ཆས་གཞན་རྣམས་ཀྱང་སྐབས་སྐབས་སུ་ཕྱི་བརྡར་ལེགས་པར་བྱ་དགོས་ཤིང་། མཆོད་ཆུ་རྙིང་པ་འཐུང་ཆུ་དང་འགྲོ་ལམ་སོགས་མི་གཙང་བའི་གནས་སུ་མི་འདོར་བར་གཙང་སར་འདར་རྒྱུ་བསྐུར། ཞལ་ཟས་རྙིང་པ་ཐམས་ཅད་བསགས་ནས་རྒྱུན་བསང་གི་ཤུག་པ་ཉོ་སྤྱད་སྒྲུབ་གཉེར་ལ་སྤྲད་དགོས། ལོ་རེ་བཞིན་སྒྲུབ་པ་ཚང་མའི་སྤྱི་སོ་ནས་

― LT38_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཇ་བག་གཉིས་ཕྱུངས་བའི་གཅིག་གིས་སྒྲུབ་ཁང་ལ་རྒྱེབ་རྒྱུའི་དཀར་རྩི་ཉོ། གཅིག་གིས་ཨ་ལོ་དཔལ་འབྱོར་སྒང་རྒྱབ་ཀྱི་ཤུག་པ་ལྟ་བུ་དྲི་བཟང་ཡོད་ངེས། སྤང་སྤོས་སོགས་དྲི་ལྡན་གྱི་སྤོས་ཉོ་ནས་ཤིན་ཏུ་ཞིབ་པར་བརྡུངས་ནས་ཆང་བཟང་པོར་བསྙལ། ལངས་པ་དང་བསྐམ་ནས་ལྷ་ཁང་མགོན་ཁང་རྣམས་སུ་རྒྱུན་མཆོད་དུས་མཆོད་ལ་བདུག་པའི་འགོ་ལུང་རྡོར་སློབ། ཚག་དོན་སྒྲུབ་གཉེར་ནས་དགོས་པ་དང་། རྒྱུན་གྱི་གཏོར་མཆོད་སོགས་མཆོད་གཡོག་རེས་མོས་གང་ཕོག་དེས་ཐུབ་དགོས་ཤིང་། དམིགས་བསལ་བཅའ་རྒྱུ་ཆེ་རིགས་ཡོད་སྐབས་ལག་བདེ་ཐམས་ཅད་རུབ་དགོས། ཟླ་བཞིའི་དུས་ཆེན་དང་དམིགས་བསལ་དགོས་པ་ཡོད་སྐབས་འཕན་དང་རྒྱལ་མཚན་སོགས་བཤམས་བཀོད་གསར་བ་བྱ་ཞིང་རྙིང་པ་རྣམས་བསྡུ། དུས་ཆེན་ཡོལ་འཕྲལ་གསར་པ་བསྡུ་ཞིང་རྒྱུན་བཤམས་བཀོད་པ་སོགས་འཕྲལ་འཕྲལ་དགོས་རིགས་ཉིན་གུང་བར་ལ་སྒྲུབ་པ་ཚང་མས་བྱ་དགོས། དཀྱིལ་འཁོར་སྒྲུབ་མཆོད་ཀྱི་ཆས་སོགས་སྐབས་ཐོག་གང་མཁོ་ཚུར་ལེན། མཁོ་ཆོད་འཕྲལ་རང་མལ་དུ་བཞག་ལུགས་སོགས་ལག་བྱད་གཙང་བ་ལས་གར་ཐུག་ཏུ་འཕེན་རྒྱངས་བསྐྱུར་བའི་རིགས་བྱ་མི་ཆོག །གཏོར་ཚོགས་འབུལ་བ་སོགས་ལང་འདུག་དགོས་དངོས་གསལ་གྱི་སྐབས་མ་གཏོགས་ནམ་འདོད་དུས་འགྲོ་འདུག་མང་པོ་དང་འདོན་པ་ཆགས་

― LT38_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་རིགས་གཏན་ནས་མི་བྱེད། །བྱང་འདྲེན་པ་ནས་སྤྱིར་འདོན་པ་ཧ་ཅང་དལ་ཆེན་འཚོགས་ཐེངས་རིང་ཞིང་ཉི་མ་དང་ཁམས་ཀྱིས་མི་ལྕོགས། བྲེལ་ཆེ་ན་སུས་ཀྱང་འདོན་སྒོམ་བྱ་ལོངས་མེད་པས་ཀོ་ཅིའང་མི་ཆོད་པར་འགྱུར་བས་དལ་བྲེལ་རན་པ་དང་། ཉི་མ་རིང་སྐབས་དབྱངས་གདངས་དང་བཟླས་པའི་རིགས་ཀྱང་ཅུང་ཡུན་རིང་བ། ཉི་མ་ཐུང་སྐབས་དབྱངས་གདངས་མེད་ཅིང་བཟླས་ཡུན་ཐུང་ངེ་བ་བྱ། ཞོག་འཚོགས་གསོ་སྦྱོང་དང་དགོང་འཚོགས་གཏོར་བསྔོས་རྣམས་ཀྱང་འདོན་ལོངས་སྒོམ་ལོངས་ཡོད་ངེས་ལས་ཚིག་གར་སོང་ཙམ་ཡང་མི་ཤེས་པའི་བྲེལ་འདོན་ཆེན་པོ་གཏན་ནས་མི་བྱ། མང་འཚོགས་ཐམས་ཅད་ཀྱི་སྐབས་སུ་དབུ་མཛད་ཁོ་ན་ལ་ཁག་མི་བཀལ་བར་འདིར་བཞུགས་ཐམས་ཅད་སྒྲུབ་བླ་འདྲ་མཉམ་དང་འདོན་བྱ་རྣམས་རང་དོན་ཡིན་སྟབས་སུས་ཀྱང་འདོན་པའི་ཤུགས་ལེན་པ་དང་། སྒོམ་དོན་ལ་མི་གཡེལ་བ་དགོས། ཁྲིད་ཡིག་དང་འདོན་བྱའི་དཔེ་ཕལ་མོ་ཆེ་སྤར་འཁོད་ཡོད་པས་མི་འཛོམ་དོན་མེད་པ་དང་། འདོན་འགྲིགས་ལག་ལེན་མི་ཤེས་མི་ཐུབ་པའི་དཀའ་ལས་ཅན་གང་ཡང་མེད་པས་སྔ་ཐོག་ནས་དཔེ་ཆ་མཁོ་ཚད་ཚགས་སུ་ཚུད་པ་དང་། འདོན་འགྲིགས་ལག་ལེན་ཤེས་ངེས་པ་ལས། དཔེ་ཆ་མེད་ཟེར་པ་དང་འདོན་འགྲིགས་མི་ཤེས་ཟེར་བ་སོགས་སུས་ཀྱང་བྱེད་མི་ཆོག །སྐད་ཡོད་བློ་གསལ་བ་བྱུང་ན་བྱང་འདྲེན་རིང་བརྐོས་བྱེད་དུས་མཆོད་གཡོག་ཁུར་ཐང་མི་དགོས། ཐུན་རྔའི་རེས་ཁུར་

― LT38_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་ཀྱང་འཚོགས་པ་ཡོད་སྐབས་ཐུན་རྔ་མཆོད་གཡོགས་ནས་བསྔམས་གྲོལ་བྱེད་དགོས། སྐད་ཡོད་བློ་གསལ་མེད་ན་བྱང་འདྲེན་ཀྱང་རེས་མོས་བསྐོར་དགོས། ཚོགས་པ་ཡོད་སྐབས་ཚོགས་བརྡ་བཏང་མ་ཐག་འདུས། ལྷཾ་སྒོ་ཁང་དུ་ཕུད་པ་ལས་ལྷ་ཁང་ནང་དུ་ལྷཾ་གྱོན་མི་ཆོག །ཚོགས་རྗེས་སླེབས་མིན་བྱུང་ན་ཕྱག་འབུལ་སོགས་དགོན་ཆེན་གྱི་བཅའ་ཁྲིམས་ལྟར་དགོས། ཚོགས་ཐོག་ནས་ཕན་ཚུན་གཏམ་རྒོད། ཡར་མར་མིག་འགྲིམས་ལྟ་བ་གཉིད་ལུར་ཉལ་བསྙེས་རྐང་རྐྱང་མགོ་བཏུམས་སྣ་ཐ་འཐེན་པ་སོགས་མི་ཆོག་ཅིང་ལུས་གནད་བསྲངས་ལ་འདོན་སྒོམ་ལ་ཡིད་རྩེ་གཅིག་ཏུ་བྱ། མཆོད་གཡོགས་མ་གཏོགས་ཆབ་མ་བཏང་བར་དུ་སུའང་ལང་འདུག་མི་བྱ། ཐུན་རྡའམ་བསྡམ་སྐབས་ཀུན་གྱི་གོ་ཞིང་འགྲོ་སྡོད་ལོངས་ཡོད་པའི་རིང་བ་དང་། གྲོལ་སྐབས་ཡུན་ཐུང་བར་བརྡུང་། ཐོག་མར་མཚམས་ཐོ་བཞག་ནས་བཟུང་ཐོ་མ་བླངས་ཀྱི་བར་དུ་ལོ་མཇུག་མགོན་པོའི་བསྙེན་རྒྱུན་མཁན་བརྒྱད་པོ་དེ་མ་གཏོགས། གྲྭ་པ། མི་སྐྱ། ཁྱད་པར་བུད་མེད་རིགས་དྲག་ཞན་ཆེ་ཆུང་སུའང་མཚམས་ཐོ་ཚུན་ལ་བཙུད་མི་ཆོག །ཇ་ཁང་དུ་གྲྭ་བ་བཙུད་ན་མང་ཇ་བརྒྱ་ཕྱག །མི་སྐྱ་བཙུད་ན་སྙན་ཤལ་མང་མེ། ཇ་བག་གཅིག་གི་ཆད་པ། བུད་མེད་བཙུད་ན་སྐུ་མཆེད་རྣམས་མདུན་སྙན་ཞུ་ཕུལ་བའི་རྒྱུ་ལུས་གཉིས་ཀར་ཉེས་ཆད་དང་། ཚབ་ཆེན་གནས་ནས་དབྱུང་། བསྙེན་རྒྱུན་མཁན་ཐུན་དཔོན་སྒྲུབ་བླ་

― LT38_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། དགེ་སློང་དྲུག་དགོས་པ་དེ་རྣམས་ཀྱང་ཉེར་བཞིའི་ཉིན་ལར་བྱོན་སྤོས་ཆབ་བྱས་ནས་མགོན་ཁང་དུ་བཙུད། ཚེས་གཉིས་མར་བྱོན་པ་ལས་དེའི་སྔོན་རྗེས་ནམ་དུའང་བཙུད་པ་དང་འཛུལ་བ་སོགས་བྱེད་མི་ཆོག །དེ་བར་སྒྲུབ་པ་སུས་ཀྱང་རབ་གསལ་ནས་མགོ་འབུད་པ་དང་། ཉི་མཐོང་ནས་རྒྱབ་ཏུ་ལྟ་བ་སོགས་བྱེད་མི་ཆོག་ཅིང་བྱས་ན་ཚབ་ཆེ་ཆུང་དང་བསྟུན་པའི་བརྒྱ་ཕྱག་ནས་ཉེར་ལྔའི་བར་འཚལ་དགོས། ཐོ་བླངས་ཚར་བའི་སྒྲུབ་བར་ལའང་ལྷ་ཁང་སྟེང་ཤོང་མཇལ་མཁན་དོན་ཡོད་ངེས་རྡོར་སློབ་ནས་དགོངས་པ་གནང་བ་དམིགས་བསལ་མ་གཏོགས་གཞན་སུའང་ནང་དུ་མི་བཏང་བར་འོད་མཁན་རྣམས་འགྲི་མཁང་དུ་སྣ་ལེན་བྱེད་དགོས། སྒྲུབ་བཞུགས་ནད་འཚམ་མི་ཆེ་བ་བྱུང་ན་སྒྲུབ་གཉེར་ནས་གྲོགས་དན་བྱེད་པ་ལས་སྒྲུབ་པ་གཞན་དགེ་སྦྱོར་བཤོལ་མི་རུང་ཞིང་། ནད་ལྗི་ཚབ་ཆེན་བྱུང་ན་དེ་དང་སེམས་འདྲིས་པའི་བསམ་ཡོད་དབང་ཡོད་ཀྱིས་མ་དྲག་བར་དུ་ལྟ་རྟོག་དང་གྲོགས་དན་བྱེད་དགོས། གྲྭ་གཤགས་སོ་སོ་ལའང་མཆོད་པ་ཤམས། ཕྱི་དོར། མཎྜལ། གཏོར་མ་སོགས་གང་འབྱོར་དངོས་གཙང་བྱས་ན་རང་རང་གི་རྒྱུད་དག་ཅིང་ཚོགས་རྫོགས་པའི་རྟེན་འབྲེལ་ཡོད་པ་གཙང་སེང་ངེ་བ་བྱ། སོ་སོར་ཞལ་ཐང་སྐུ་བརྙན་སོགས་དེབ་ཡིག་ཏུ་ཕོགས་རིགས་ཞེ་མེད་ཀྱིས་གང་བྱུང་ཆུད་ཟོས་མི་བྱ་བར་སྒྲུབ་པ་བརྗེ་སྐབས་རྡོར་སློབ་ལ་རྩིས་འབུལ་དུས་མ་གོད་མ་ཉམས་པར་བྱ་དགོས་སོ། །

― LT38_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

སྤོས་མེ་ཙམ་ལས་མེ་བཞག་ལེན་མི་ཆོག་ཅིང་སྤོས་མེས་ཀྱང་ལྷ་ཁང་དང་ཡོ་བྱད་སྲེག་པའི་ལོ་རྒྱུས་མང་བས་ཁྱེར་ལུགས་ཚགས་ལུགས་ཤིན་ཏུ་སྟབས་གཟབ་དོ་དམ་བྱ་དགོས། སྟེང་ཤོད་ཀྱི་གྲལ་གདན་བུག་བརྡོལ་བྱུང་ན་རྡོར་སློབ་ནས་ཐུགས་རྩ་དེ་འཕྲལ་མཛད། སྒྲུབ་སྤྱི་ནས་རྒྱུ་རྩ་བྱུང་བའི་ལྷན་པ་དང་ཚེམས་དྲུབ་བྱ་བ་དང་། སྒྲུབ་ཐེབས་རེ་རེ་ལ་གྲལ་གདན་རེ་ཙམ་གེ་སར་བཞག་དགོས། གཏོར་སྒྲུབ་དང་ཚོགས་འཁོར་ལ་ཆང་ཕུད་ཕྲན་བུ་མ་གཏོགས་ཆང་རག་གི་རིགས་སྒྲུབ་ཁང་འདིའི་ནང་དུ་ཁྱེར་མི་ཆོག་ཅིང་། ཁྱེར་འཐུང་བྱེད་མཁན་བྱུང་ཚེ་ཚབ་ཆེན་དར། ཇ་བག །ཆུང་ན་མང་ཇ། བརྒྱ་ཕྱག་གི་ཆད་པ་ཡོད། སྒྲུབ་པ་རྣམས་སྤྱིར་ཕན་ཚུན་ཐོག་མ་ནས་མཛའ་ཆེ་བ་མི་བྱ། ཐ་མ་འཁོན་པའི་རྒྱུར་འོང་། འཁོན་ཏུ་བཟུང་དོན་མེད། རྡོ་རྗེ་མཆེད་ཀྱི་དམ་ཚིག་དང་འགལ། རྩེད་མོ་ཁ་མཚར་མི་རྩེ། རྩེད་སྣ་བྱུར་གྱིས་ཁྲིད་པ་ཡིན། ཕྱོགས་རིས་ཆགས་སྡང་མི་གླེང་། ཆོས་པའི་མཚངས་རྟགས་ངོམས་པ་འོང་། ངན་པའི་དོན་ལ་གཅིག་རྒྱབ་གཅིག་འདུག་མི་བྱ། གྲོགས་ངན་གྱི་བྱུར་ཆགས་དོན་མེད་ལ་འགོས་པ་ཡིན། ཐམས་ཅད་བླ་མའི་བཀའ་དང་དགོངས་པ་ལ་བསྟུན། སྒོ་ཕྱི་ནང་བྱོན་བཞུགས་སྐབས་ཐམས་ཅད་ལ་གཟན་ཆེན་དང་མི་འབྲལ། ཚོགས་ལ་ཤམ་ཐབས་མ་གྱོན་པར་མི་འགྲོ། ཁ་འཐབས་བྱས་ན་ཁ་སྔ་ནས་ཕྱག་བརྒྱ། ལན་སྤྲོད་

― LT38_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

མཁན་ནས་ཕྱག་ལྔ་བཅུ་འཚལ་དགོས། ལག་འཛིངས་བྱས་ན་ལག་སྔ་ལ་བེར་ཀ་བཅོ་ལྔ། ཇ་བག་གི་ཆད་པ། ལན་ཟློག་མཁན་ལ་བེར་ཀ་བཅུ། ཇ་རྡུམ་གྱི་ཆད་པ་ཡོད། ངན་པའི་རྒྱབ་འཚོ་མི་དཔུང་གྲྭ་བསྡེབས། རྡོར་སློབ་ལ་འཐབས་འཛིངས་བྱེད་པ་བྱུང་ན་སྐུ་མཆེད་མདུན་སྙན་གསན་ཕུལ་བའི་ཆད་པ་བབ་འོས་ཐོག་ཚབ་ཆེན་སྒྲུབ་གྲལ་ནས་ཕུང་། རྡོར་སློབ་ཀྱི་བཀོད་པ་ལ་མི་ཉན་པ་དང་། ཁ་ལེན་རློག་ན་མང་ཇ། བརྒྱ་ཕྱག་འཚལ་དགོས། སྒྲུབ་གཉེར་གྱི་ཇ་བརྡ་བྱུང་འཕྲལ་རུང་ཁང་ནས་ཇ་བླངས་ལ་ཆབ་བསིལ་ཏེ་ཐུན་བརྡ་བཏང་སྐབས་གྲལ་མལ་དུ་ཞུགས་ནས་དགེ་སྦྱོར་ལ་འཇུག །ཐུན་བརྡ་བཅད་ཟིན་པ་ནས་ཐུན་མ་གྲོལ་བར་དུ་སྒྲུབ་པ་སུའང་རང་གཤག་གི་སྒོར་བུད་མི་ཆོག །བུད་ན་ཕྱག་ཉེར་ལྔ་འཚལ་དགོས། ཐུན་འོག་ཕར་འབོད་ཚུར་འབོད་ཀྱི་གཏམ་ལབས་པ་བྱུང་ན་ཕྱག་བཅུ་རེ་འཚལ་དགོས། ཐུན་བསྡམས་རྒྱབ་སྤྱི་སྒེར་སུ་ལ་གཏུགས་འགྲུལ་བྱེད་མཁན་བྱུང་ཡང་སྒྲུབ་གཉེར་ནས་སྣ་བླངས་ལ་ཐུན་མ་གྲོལ་བར་དུ་སྒྲུབ་གཡོགས་གཉིས་ཀྱང་སྒྲུབ་བླ་གང་གི་རྩར་ཡང་འགྲོ་མི་ཆོག །སོང་ན་ཕྱག་བཅུ་རེ་འཚལ་དགོས། མི་འགྲོ་ཀ་མེད་གཏུགས་འགྲུལ་མཁན་གནད་དོན་དང་བྲེལ་བ་ཆེན་པོ་ཡོད་མཁན་ཡིན་ན་ཐོག་མར་རྡོར་སློབ་ལ་ཞུ། དེས་བརྟག་དཔྱད་ཀྱིས་གནད་ཆེ་ངེས་རེད་ན་འགྲོ་ཆོག །ཐུན་བཅད་ཟིན་ནས་སྔོན་འགྲོ་སོགས་འདོན་བྱ་རྣམས་ཀྱི་སྐབས་ཕན་ཚུན་འདོན་སྒྲ་ཐེས་ངེས་འུར་དི་

― LT38_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་བ་དགོས་པ་དང་། ཆོས་དྲུག་འོད་གསལ་སོགས་ཀྱི་སྐབས་བསྒོམ་བྱ་ལ་སེམས་རྩེ་གཅིག་ཏུ་བརྩོན་པ་མ་གཏོགས། འདོན་དུས་གོ་རྒྱུ་མེད་པ་དང་། སྒོམ་དུས་འདོན་བཟླས་ཀྱི་འུར་སྒྲ་སོགས་སྤྱི་དང་མི་མཚུངས་པའི་བསམ་གཏན་གྱི་ཚེར་མའི་རིགས་སུས་ཀྱང་བྱེད་མི་ཆོག །འདོན་བྱའང་བཅའ་ཡིག་འདི་ནང་གང་འཁོད་མ་གཏོགས་རྡོར་སློབ་བླ་མ། བྱང་འདྲེན་དབུ་མཛད་སུས་ཀྱང་རང་འདོད་ཀྱི་ཕབ་འཕྲི་བྱས་ཚེ་ཡེ་ཤེས་མགོན་པོ་བསིལ་ཚལ་མེ་འབར་ལ་བཀའ་གཏད་དམོད་བཅོལ་ཞུས་ཡོད་ཅིང་། སྒྲུབ་པ་གཞན་ནས་ཀྱང་སྣ་ཟིན་སྤུ་ཟིན་བླུན་པོའི་རང་ལུགས་མང་པོ་འདོན་ཟློས་གཏན་ནས་བྱེད་མི་ཆོག །གལ་སྲིད་དབང་ལུང་དང་བསྙེན་སྒྲུབ་སོང་བའི་དམ་བཅའ་ཆགས་སུ་མི་རུང་བ་འདྲ་ཡོད་ན་ཐུན་བར་ནམ་བདེ་ལ་མ་ཆགས་པ་ཙམ་བྱེད་པ་ལས་དངོས་གཞི་ཕབ་འཕྲི་མི་ཆོག །ནད་ནུབ་ཀྱི་ཌ*ཌཱ་དྲི*་རྐང་གླིང་སོགས་ཀྱང་ཐུན་བརྡ་དང་བསྟུན་ཐམས་ཅད་ཀྱི་འབུད་དཀྲོལ་དགོས་པ་ལས། སྔ་ཕྱི་ཧ་ཅང་ཁྱད་ཆེ་བ་དང་། འགའ་རེས་འབུད་བཀྲོལ་བྱེད། འགའ་རེས་མི་བྱེད་པའི་གང་འདོད་མི་ཆོག །ཐུན་ཞབས་སུ་དཔེ་བལྟས་ཡིག་འདྲི་བཟོ་དྲུབ་སོགས་རྣམ་གཡེངས་ཀྱི་རིགས་གཏན་ནས་བྱེད་མི་ཆོག་ཅིང་། ལར་སྒྲུབ་པ་ལོ་གསུམ་གྱི་རིང་ལག་ལེན་ཤེས་མཁན་ཡོད་ཀྱང་ལྷ་ཁང་དང་དགེ་འདུན་སྤྱིའི་དོན་བྱ་བ་གལ་ཆེན་མཐུན་སྣང་དུ་གྲུབ་ཅིང་རྡོར་སློབ་ནས་དམིགས་བསལ་གནང་བ་

― LT38_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་ན་མ་གཏོགས་ལྷ་བྲིས། ཚན་དྲུབས། ཤིང་བཟོ་སོགས་གཏན་ནས་བྱ་མི་ཆོག་ཅིང་། གནས་སྐབས་ཉེར་མཁོའི་ཡི་གེ་ཕྲན་བུ་མི་འདྲི་ཀ་མེད་བྱུང་ན་ཐུན་པར་ཁོ་ན་ལ་འདྲི། ཐུན་འོག་ཏུ་ལག་ལས་བྱེད་ན་རྡོར་སློབ་ནས་འཕྲལ་དུ་མི་བྱེད་པའི་བཀོད་པ་ཐེངས་ངེས་དང་། དེ་ལ་ཉན་མིན་བྱུང་ན་ལག་ཆ་སྤྱི་རྫས་སུ་ལེན་དགོས། བློ་གྲོས་གསར་པའི་རིགས་ཀྱང་འདིར་སྒྲུབ་ལ་ཞུགས་པའི་ཚེ་གོང་སྨོས་དགོས་ངེས་དང་དམིགས་བསལ་སྡོམ་གསུམ་བསླབ་བྱའི་གཞུང་ཙམ་མ་གཏོགས་རིག་གནས་ཆེ་ཆུང་གཞུང་ལུགས་ཀྱི་རིགས་ལ་འཆད་ཉན་སྦྱང་རྩོལ་ལྟ་རྟོག་གཏན་ནས་བྱ་མི་ཆོག །སྤྱིར་ཐོས་བསམ་དང་བསླབ་སྤྱད་གནད་དོན་ཤིན་ཏུ་ཆེ་ཡང་སྒོམ་པ་ཉམས་ལེན་གཙོ་བོར་བྱེད་པའི་སྐབས་སུ་རྣམ་རྟོག་གི་འཆར་སྒོ་མང་ན་ཉམས་མྱོང་རྒྱུད་ལ་མི་སྐྱེ་བའི་གེགས་བྱེད་ཅིང་ཐོས་བསམ་མི་ཚེ་རིལ་པོར་བྱས་པ་ལས་གནད་དུ་སོང་བའི་ཉམས་ལེན་ཐུན་གཅིག་གིས་ས་ཆོད་ཆེབས་འདིར་ནི་ཉམས་ལེན་རྡོ་རུས་གཏུགས་པས་ཆོག །སྒྲུབ་མཆོད་དུས་མཆོད་ཞོག་།།།དོག་གྱི་རྒྱུན་འཚོགས་རྣམས་ལ་རྡོར་སློབ་གཙོར་བྱས་སྒྲུབ་པ་ཚང་མ། མགོན་བླ་ཞབས་བརྟེན་མཚམས་པ་གཉིས་བཅས་ཆགས་འཁྲི་མེད་པ་བྱོན་དགོས་ཤིང་། ནད་ངོས་གསལ་དང་། བྱ་བ་གལ་ཆེན་དམིགས་བསལ་ཕན་རེ་གཉིས་ཙམ་རྡོར་སློབ་ནས་དགོངས་ཁྲོལ་གནང་བ་མ་གཏོགས་འཚོགས་འཐེངས་གཅིག་ཀྱང་ཆགས་མི་ཆོག། མགོན་

― LT38_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་དང་ཞབས་བརྟེན་སྒྲུབ་བླ་གཉིས་ཀྱང་འདོན་བྱའི་ཁྱད་པར་མ་གཏོགས་བསྒྲིགས་ལམ་སྒྲུབ་པ་སྤྱི་དང་འདྲ་བ་དགོས་པ་དང་། མགོན་ཁང་བླ་མས་ཐུན་བསྡམས་གྲོལ་སྐབས་རྣམས་ཀྱི་འདོན་བྱ་དང་། ནང་མོའི་བསང་མཆོད་ལ་རྔམ་ཆད་པར་བརྡུང་དགོས། ཇ་མར་གྱི་ཕོག་གི་གཙོས་སྤྱི་རྫས་གང་ཡོད་རྡོར་སློབ་བླ་མ་ནས་གཟིགས་རྟོག་དང་། སྒྲུབ་གཉེར་ནས་ཚག་རྩ་བྱེད་པའི་ཁབ་གཅིག་གི་རྩ་བ་དྲོན་འཛར་ཆུད་ཟོས་སུ་མ་སོང་བར་ལྷའི་ཕོག་མི་ཕོག་ཐོབ་སྐལ་ཆེ་ཕྲ་གང་ཡོད་ལྷ་ཁང་རྣམས་དང་སྒྲུབ་བླ་སོ་སོའི་ཞལ་ཕྱག་ཏུ་ཐེངས་ངེས། དེའང་ཉེ་རིང་ཕྱོགས་ལྷུང་གི་ཕམ་རྒྱལ་དུ་མ་སོང་བར་དགོས། ལྷ་ཁང་གི་ཙཀ་བླ་བྲང་ནས་གནང་དགོས་ཤིང་། དཀར་རྩི་ཇ་བག་རིན་དང་། གོང་སྨོས་སྤོས་ཕྱེ་ཇ་བག་རིན་ལོ་རེ་བཞིན་སྤྱི་རྫས་ནས་འཇོག་དགོས། སྒྲུབ་གཉེར་ནས་འགྱེད་དང་དཀོར་སྐལ་ཕོག་སོགས་སྤྱི་རྫས་ཚགས་དོན། གསོལ་ཇ་གསོལ་ཐང་གཡོ་བསྐོལ། གསོལ་ཆུ་ལེན་པ། ནང་རེ་བཞིན་སྒོ་ཕྱི་ནང་གི་ཐལ་བ་སྡུད་ཕྱགས། ལྷ་ཁང་ཕན་ཚུན་ཁང་སྟེང་ཤོད་ཐམས་ཅད་ཀྱི་ཐིག་ཚགས་བཀྱག་བརྡུང་། ཝ་ཁ་བད་སྣེ་སོགས་ཕྱི་ནང་ཁར་ཚག་ལྟ་རྟོག །འགྲུལ་འགྲིམས་བྱུང་ཚད་ལ་དོན་རྩ་ཆེ་ཆུང་དང་བསྟུན་པའི་སྣེ་ལེན་དེ་ལུགས་ཀྱིས། ཐུན་བར་སྒྲུབ་པ་རྣམས་ལ་ཟེར་རྒྱུ་ཡོད་རིགས་ཕན་ཚུན་ཆ་ཕྲིན་གཏུགས་བདར་ལྷོད་མེད་དུ་བྱ་དགོས། ཉེ་ཁ་

― LT38_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ལྷུང་ཆེན་པོས་རང་གི་སྒོས་མཛའ་ལ་སྤྱི་རྫས་ཚུན་སྦྱིན་པའི་ངོ་ལེན་ཆེ་བ་དང་། སྤྱི་དོན་སྦྱིན་བདག་གལ་ཆེན་སེམས་ཕམ་དུ་བཏང་བ་སོགས་བྱས་ན་མགོན་ཁང་དུ་མདོ་གྲུབ་ཡོད། གསོལ་ཇ་ཞན་པ་དང་སྤྱི་རྒྱུ་སྒྲེར་སྤྱད་ཀྱིས་སྤྱི་རྫས་ཆུད་ཟོས་སུ་བཏང་དངོས་གསལ་བྱུང་ན་སྒྲུབ་པ་སྤྱི་སོ་ནས་རྒྱུ་མཚན་རྩད་གཅོད་ཐོག་དྲོན་འཛར་ཆེ་ཆུང་དང་བསྟུན་པའི་སྤྲོད་མཇལ་ལེན། ཇ་མར་ཕོག་གང་ཡོད་བྱ་སྐྱེས་སྨྱུག་སྒྲོན་གྱིས་གསོལ་ཇ་ཁོལ་གྲངས་སོང་ཞིང་སོ་སོར་ལེན་དུས་གྲང་མོ་མ་ཡིན་པ་གསོལ་ལོངས་དང་། རྒུང་ཚིགས་ལ་གསོལ་ཆས་བཟོ་རྒྱུ་གང་ཡོད་སྔ་དྲོའི་ཐུན་འོག་ཐབས་རྩོལ་ལྷོད་མེད་ཀྱིས་ཆས་ཀ་ཆུད་ཟོས་སུ་མ་སོང་བ་གསོལ་ལོ་ངེས་བྱེད་དགོས། སྒྲུབ་གཉེར་མི་གཅིག་ལས་མེད་སྟབས་འདོན་བྱ་འཕར་མ་དང་དགུན་ཀ་ཁ་བ་བསྡུ་དགོས་ལྟ་བུའི་བྲེལ་བ་ཆེ་སྐབས་སྒྲུབ་པ་རྣམས་ནས་གཡོ་བསྐོལ་དམིགས་བསལ་སོགས་དགོས་དགོས་སྣེ་མང་མི་མངགས། སྣོད་ཆ་འཕྲལ་དུ་སྤྱད་མི་དགོས་རིགས་ཚག་དོན་གང་ལེགས་དང་། འཕྲལ་མཁོ་རིགས་ཀྱང་སྤྱད་ཤེས་སྟབས་གཟབ་ཀྱིས་བཀྲུ་གྱམ། ཕྱི་བདར་ལག་གཙང་དུས་རྒྱུན་ཐེངས་དགོས། གཉེར་ཁང་ཕན་ཚུན་སྒམ་དང་སྒྲོ་སྣོད་སོགས་ཀྱང་རྐང་བརླག་ཏུ་སོང་ན་གཉེར་པ་རང་ནས་ཚབ་སྐྱིན་འོང་དགོས་ཤིང་། ཁྲོ་ཟངས་གཙོས་ཐབ་ཆས་རྣམས་ནི་དེ་མཚུངས་སྨོས་མ་དགོས། ཤིང་པ་ལ་བླ་བྲང་གི་ཁྲལ་མེད་པའི་འདི་གའི་ཞབས་ཕྱི་ཁོ་ན་ཡིན་སྟབས་ནམ་ཡང་འབུད་

― LT38_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་འདོང་ངེས་ཆགས་འཕྲི་མེད་པ་དང་། ཞར་བྱུང་དབྱར་ཀ་ལྷ་ཁང་སྟེང་ཤོད་ཀྱི་ཐིགས་ཚགས། དཀར་རྩི་བཀྱེ་བ། དགུན་ཁ་ཁ་བ་སྡུ་ཕྱགས། དགོན་ཐོག་ཏུ་དགོས་དོན་མངགས་བཏང་གི་འགྲོ་སྡོད་སོགས་ལོང་ཁོམས་གང་ཡོད་ཀྱི་སྒྲུབ་པ་དཔོན་སློབ་རྣམས་ལ་ཞབས་ཕྱི། སྒྲུབ་གཉེར་ལ་གྲོགས་དན་སོགས་ཁ་དྲིན་མེད་པ་བྱེད་དུས་ཇ་ཐུག་འཕར་མའི་སྐལ་པ་སྟེར་བ་དང་། གསོལ་རས་མཚོན་བྱེད་སོགས་ལེགས་སོའི་བདག་རྒྱན་དགོས། ལོ་མཇུག་མགོན་སྒྲུབ་ཞག་བདུན་ལ་སྒྲུབ་གཉེར་གྱི་གྲོགས་དན་རིང་སྡོད་དང་མཚན་ཐུན་ལངས་ངེས་དགོས་པས་ད་ཚེ་འབུད་ཤིང་ལག་འཐོགས་མི་འོང་བ་སྔ་ཚགས་དགོས། སྒྲུབ་གཡོག་གཉིས་ཀས་མགོ་བཟང་ལ་གཤམས་ངན་པ་དང་། ལན་རེ་ཡོད་ལ་ལན་རེ་མེད་པ་དང་། ཉམས་ཆུང་བརྙས་འོག་ཏུ་བཅུག་པ་ལས་མ་ཡིན་པར་སྒྲུབ་ཁང་འདིར་བཞུགས་ཚད་ལ་ཕྱོགས་མཉམ་གྱིས་ཞབས་འདེགས་ཐང་ལྷོད་མེད་པ་སྒྲུབ་དགོས། སྒྲུབ་པ་དཔོན་སློབ་སུ་ལའང་དྲང་པོའི་གཏམ་གྱི་བརྡབ་བསལ་མ་གཏོགས་ཁོང་ཁྲོ་ཞེ་སྡང་གི་ཁ་ངན་ཚིག་ངན་སྨྲ་བ་སོགས་བརྙས་ཆོས་གཏན་ནས་བྱེད་མི་ཆོག །རྡོར་སློབ་ལ་ཚིག་ངན་སློག་པ་སོགས་འོས་མིན་བྱས་ན་མང་ཇ་བརྒྱ་ཕྱག་རེ་ཆད་པ་བཅད། ངན་མགོ་བཙན་ཤེད། ཡ་མགོ་ཁྲམ་ཤེད་བཟུང་བའི་ཞབས་འདེགས་ལེགས་པོ་ནམ་ཡང་མི་སྒྲུབ་པ་དང་། དཔུང་ཤེད་ཀྱི་བྱ་བ་བརྩམས་ན་བླ་བྲང་དུ་ཞུ་བསྐུལ་

― LT38_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་ཉེས་ཚབ་དང་བསྟུན་པའི་རྒྱུ་ལུས་ལ་ཉེས་པ་དང་། འདིར་སྡོད་མི་ཆོག་པའི་བརྗེ་དཀྲོལ་གྲུབ་མཚམས་ཚབ་ཆེན་མགོན་ཁང་དུ་མདོ་བྲུབ་དམོད་བཅོལ་གྱིས་ཚར་བཅད། གནས་ལམ་ནང་ཚུན་གྱི་ཉེ་སྒོར་ནས་རྩ་ཤིང་གཅོད་པ། བྱ་དང་རི་དྭགས་རྔན་པ་བྱུང་ན། རྒྱལ་བ་ཀརྨ་པ་ཡབ་སྲས། གཏེར་ཆེན་མཆོག་གྱུར་གླིང་པ་སོགས་གང་ཟག་སྐྱེས་ཆེན་མང་པོས་བཀའ་གཏད་ཕྲིན་བཅོལ་ལན་གྲངས་ཡོད་སྟབས་གཏན་ནས་མི་རུང་མི་ཤིས་པའི་རྫུན་ལབ་ནས་བཀག་སྲུང་ཐེངས་དགོས། དེའང་ཉན་འཇོག་མེད་པའི་རས་ཆོད་མཁན་བྱུང་ན། མགོན་ཁང་ནས་མདོ་བྲུབ་དམོད་བཅོལ། ཕྱག་བྲིས་དར་ནག་གི་གཡབ་མོ་རྡེབ་པ་སོགས་འཕྲལ་དུ་བྱ་དགོས། སྒྲུབ་པ་རྣམས་ནས་ཀྱང་སྒྲུབ་གཡོག་གཉིས་པོ་ཞིག་མངགས་རྒྱུ་ཡིན་སྙམ་པའི་རས་ཆོད་དང་། བབ་འོས་མེད་པའི་བསྙད་བརྐོ་བཙན་འདེད་མི་བྱ་བར་ཁོམས་ལྕོགས་དང་བསྟུན་པའི་ལས་ཀ་མངགས་གཞུག་དལ་བུས་སྒོ་ནས་བཅོལ། མདོར་ན་དཔོན་སློབ་ཐམས་ཅད་ཤེས་མེད་རང་འདོད་དང་། ཚེ་འདིའི་ལྟོ་རྒྱབ་གཙོར་བྱེད་པའི་དབང་དུ་མ་སོང་བར། གཙོ་བོར་དམ་པའི་ཆོས་གཤའ་མ་ཞིག་ཅི་འགྲུབ་ལ་བློ་ཕུག་གཏད་ཞར་བྱུང་འདི་གའི་རྟེན་བརྟེན་པ་བཀའ་བརྒྱུད་བསྟན་པའི་སྲོག་གཟེར་ཡིན་པས་ཆུད་ཟོས་རང་མལ་དུ་མི་བཏང་བར་བསམ་པ་ཕྱོགས་མཉམ་སྒོ་ནས་རང་རང་འདི་ཕྱིའི་གཏན་འདུན་མི་འཆུགས་ཤིང་། གཞན་གྱི་ཁྲེལ་དང་ངོ་ཚ་

― LT38_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཕོག་པར་ལོ་གསུམ་ཡང་ཡུན་ཐུང་ངུ་རེ་ཡིན་པས་མགོ་ཕྱོགས་ཐོན་བྱ་བ་མཐར་ལེགས་འབྱུང་བ་ལ་བློ་གཏོད་དགོས་པ་དང་། འདི་གའི་བཅའ་བསྒྲིགས་ཐམས་ཅད་ཀྱི་ནང་ནས་གལ་གནད་ཆེ་ཤོས། རང་རེ་ལ་སངས་རྒྱས་ཀྱི་མཛད་པ་དངོས་སུ་མཛད་པའི་སློབ་དཔོན་དགེ་བའི་བཤེས་གཉེན་ལ་ལུས་ངག་ཡིད་གསུམ་གྱི་མ་གུས་པ་ཅུང་ཟད་རེ་སྐྱེས་ནའང་ཚེ་འདིར་ན་ཚ་སོགས་འགལ་རྐྱེན་མང་། ཡོན་ཏན་སྣ་རེ་སྐྱེས་ཀྱང་རང་གཞན་གང་ལའང་ཕན་མི་ཐོགས་པ་སོགས་མི་འདོད་པ་ཐམས་ཅད་ཐོག་ཏུ་འབྱུང་ཞིང་། ཚེ་འཕོས་ནས་ཀྱང་སྲིད་པའི་སྡུག་བསྔལ་མི་བཟད་པ་དར་དྲག་ལ་ཡུན་རིང་བ་སྐྱེ་བ་དུ་མ་མྱོང་བར་འགྱུར་བས། སྒྲུབ་གྲྭ་འདིར་ཞུགས་པ་རྣམས་ཀྱིས་ཀྱང་གསུང་རབ་རྣམས་ནས་འབྱུང་བ་བཞིན། ལུས་ཀྱི་བླ་མ་ལ་མ་གུས་པ་སྤངས་ཏེ། གུས་པས་བཀུར་སྟི་རིམ་གྲོ་གོང་ནས་གོང་དུ་སྤེལ་བ་དང་། དག་གིས་བླ་མ་ལ་ཀུ་རེ་ཀྱལ་ཁའི་ཕྱིར་དུའང་སྐྱོན་བརྗོད་པ་སོགས་ཉེས་པ་སྤངས་ནས་དུས་དང་གནས་སྐབས་ཀུན་ཏུ་ཡོན་ཏན་དང་སྙན་པ་སྒྲོག་པ་སོགས་ངག་གི་གུས་པ་གོང་འཕེལ་དུ་སྤེལ། ཡིད་ཀྱིས་བླ་མའི་ཡོན་ཏན་དང་སྐུ་དྲིན་ཡང་ནས་ཡང་དུ་བསམས་ཏེ་མོས་གུས་ཚད་མེད་པ་གོང་ནས་གོང་དུ་སྤེལ་བ་སོགས། མདོར་ན་རྗེ་བཙུན་ནཱ་རོ་པ་དང་། རྗེ་བཙུན་མི་ལ་རས་པ་སོགས་རང་རེ་བཀའ་བརྒྱུད་རིན་པོ་ཆེའི་ཕྱག་སྲོལ་ལྟར། བླ་མ་ལ་ལོག་ལྟ་ནམ་ཡང་མི་སྐྱེ་བ་དང་། །

― LT38_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་གང་ཡང་མི་ལྕོགས་པར་དུས་རྒྱུན་མོས་གུས་ཁོ་ན་ལ་ཉམས་ལེན་གྱི་མཐིལ་དུ་བྱེད་དགོས་ཤིང་། བླ་མས་ཆོས་གསུངས་པའི་སྐབས་སུའང་ཐམས་ཅད་ཀྱིས་མེ་ཆིལ་ལྷྭཾ་ཕུད། འདི་གའི་སྤྱི་ཁྲིམས་ཡིན་པས་སོ་སོ་ལ་མཎྜལ་རེ་རེ་ལ་མ་འཛོམ་ཐབས་མེད་ཅིང་དེ་ཉིད་ཚད་ལྡན་གྱིས་འབུལ། གསུང་ཆོས་ཆེ་ཕྲ་གང་བྱུང་ལ་ཡིད་གཏད་ནས་གུས་པ་ཆེན་པོས་ཉན་པ་དང་། ཁྱད་པར་དབང་དང་བྱིན་རླབས་ཐམས་ཅད་ལ་རྗེས་ཟློས་དག་ཅིང་དམིགས་པ་ཏིང་ངེ་འཛིན་སྣེ་གཅིག་ཀྱང་མ་ཆད་པ་དང་། ཁྲིད་དམིགས་ཐམས་ཅད་ཡིད་ལ་ཟིན་ངེས་བྱེད་ཅིང་། བློ་དམན་པས་ཚར་གཅིག་གིས་བསྒོམ་དོན་མི་ཤེས་ན་དེ་ཉིད་ཀྱིས་དམིགས་བསལ་ཟུར་དུ་བསྐྱལ་ནས་ཞུ། དམིགས་པ་སྣེ་རེ་ཟུང་ལ་སྒོམ་དོན་འཕྲོད་མིན་བྱུང་ན་དེ་ཐད་དོགས་སེལ་ཞུ། །གོ་དོན་གྱི་གནད་མ་འཕྲད་ཀྱང་སྒོམ་དོན་ལ་ཐེ་ཚོམ་མེད་པ་ཞིག་མ་བྱུང་ན་ཅི་ཡང་མི་ཕན་པས་འཕྲལ་འཕྲལ་ཞུ་གཏུགས་ཀྱིས་ཐེ་ཚོམ་ཆོད་ངེས་དགོས། བླ་མས་ཀྱང་ལོངས་ཁྱབ་བྱུང་ན་སྔོན་འགྲོ་ནས་མཇུག་རྫོགས་ཀྱི་བར་བསྒོམ་བྱ་རྣམས་ཡིད་ལ་ངེས་མིན་གྱིས་རྒྱུགས་ལེན། དེ་ཙམ་མ་ནུས་ན་ཆོས་དྲུག་གི་ཉམས་རྟགས། སོར་བསམ་གྱི་རྟགས་སྣང་ཕྱག་ཆེན་དང་ཁྲེགས་ཆོད་ཀྱི་སྐྱེ་ཚུལ། ཐོད་རྒལ་གྱི་འཆར་སྒོ་རྣམས་རེ་རེ་ནས་རྒྱུགས་འབུལ་དང་རྩིས་ལན་ཡང་ཡང་མཛད་པའི་མ་སྐྱེས་ན་སྐྱོན་བཅོས་པའི་སྐྱེ་ཐབས། མ་བྱུང་བྱུང་

― LT38_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

བརྫུ་སོགས་ལ་དེ་རིགས་བཤད་མི་ཆོག་པའི་མགོ་བཅའ། གེགས་སེལ་བོགས་འདོན་རྒྱུད་ཚོད་དང་མཚམས་པ། སྒོམ་ནུས་ཤིང་ཉམས་མྱོང་སྐྱེས་ན་རྒྱུན་བསྐྱང་བའི་གཟེངས་པ་སྟོད་སོགས་དང་། །གཞན་ཡང་རྣམ་ཀུན་ལེགས་སྤེལ་ཉེས་བསུབ་ཀྱི་བསླབ་སྟོན་གང་ཡང་བླ་སློབ་ཡིན་ནས་ཡིན་བཞིན་ཏུ་མཛད་པ་དང་། ནད་པའི་རིགས་བྱུང་ན་ཐོག་མ་ནས་ཇི་མི་སྙམ་དུ་མི་བཞག་པར་ཐབས་གང་དྲག་གི་བཀོད་ཁྱབ་སོགས་ཕན་ཆའི་རིགས་གང་ཅིར་གཡེལ་མེད་དུ་མཛད་དགོས་པ་ལགས། །དགེ་སློང་དགོན་པར་གནས་པའི་རི་ཆོས་ཀྱི་གདམས་པ་བདག་ཅག་གི་སྟོན་པ་རྒྱལ་བ་ཐུགས་རྗེ་ཅན་དེས་མཐའ་ཡས་པར་གསུངས་པ་ལས་མདོར་བསྡུས་རིན་པོ་ཆེའི་ཕུང་པོའི་མདོ་ལས། འོད་སྲུངས་དགེ་སློང་དགོན་པ་བས་དགོན་པའི་གནས་སུ་ཕྱིན་ནས་དགོན་པའི་ཆོས་སྤྱོད་པ་ན། སྤྱོད་པ་རྣམ་པ་བརྒྱད་ཀྱིས་སེམས་ཅན་ཐམས་ཅད་ལ་བྱམས་པའི་སེམས་བསྐྱེད་པར་བྱའོ། །བརྒྱད་གང་ཞེ་ན། ཕན་པའི་བྱམས་པ་དང་། བདེ་བའི་བྱམས་པ་དང་། ཁོང་ཁྲོ་བ་མེད་པའི་བྱམས་པ་དང་། ཡང་དག་པའི་བྱམས་པ་དང་། ཐ་དད་མེད་པའི་བྱམས་པ་དང་། རྗེས་སུ་མཐུན་པའི་བྱམས་པ་དང་། ཆོས་ཐམས་ཅད་ལ་སོ་སོར་རྟོགས་པའི་བྱམས་པ་དང་། ནམ་མཁའ་ལྟར་ཡོངས་སུ་དག་པའི་བྱམས་པ་སྟེ། འོད་སྲུངས། དེ་ལྟར་ཆོས་སྤྱོད་པ་རྣམ་པ་བརྒྱད་ཀྱིས་སེམས་ཅན་ལ་བྱམས་པའི་སེམས་བསྐྱེད་

― LT38_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱའོ། །འོད་སྲུངས། དགེ་སློང་དགོན་པ་བས་འདི་ལྟར་སེམས་བསྐྱེད་པར་བྱ་སྟེ། བདག་འདི་ལྟར་ལམ་རིང་པོ་ནས་འདིར་འོངས་ཏེ། གཅིག་པུ་གྲོགས་མེད་པས། བདག་གི་ལེགས་པར་བྱས་པ་དང་ཉེས་པར་བྱས་པ་སུ་ཡང་རྗེས་སུ་བསྟོད་ཅིར་སྨོད་པ་མེད་མོད་ཀྱིས། འོན་ཀྱང་ལྷ་དང་ཀླུ་དང་གནོད་སྦྱིན་རྣམས་དང་སངས་རྒྱས་བཅོམ་ལྡན་འདས་དག་གིས་བསམ་པ་རྩེ་གཅིག་པ་ཤེས་ཤིང་མཁྱེན་པ་དག་ཡོད་དེ། དེ་དག་གི་དབང་དུ་གྱུར་པས་གནས་འདིར་དགོན་པའི་ཆོས་སྤྱོད་པ་ན། བདག་མི་དགེ་བའི་སེམས་སུ་མི་འགྱུར་བར་བྱའོ། །དེང་བདག་འདོད་པའི་རྣམ་པར་རྟོག་པ་དང་། འཚེ་བའི་རྣམ་པར་རྟོག་པ་གང་ཡིན་པ་དེ་དག་དང་། མི་དགེ་བའི་ཆོས་གཞན་ལ་རྣམ་པར་རྟོག་པ་གང་ཡིན་པ་དེ་དག་ཀྱང་། རྟོག་པ་ཁོང་དུ་ཆུད་པར་བྱ་ཞིང་། འདུ་འཛི་མང་པོ་ལ་མངོན་པར་དགའ་བ་དག་དང་བྱེ་བྲག་མེད་པར་མི་བྱའོ། །གྲོང་དང་གྲོང་བརྡལ་ལ་བརྟེན་པ་དག་དང་བྱེ་བྲག་མེད་པར་ཡང་མི་བྱའོ། །གལ་ཏེ་དེ་དག་དང་འདྲ་ཞིང་བྱེ་བྲག་མེད་པར་གྱུར་ན། བདག་གིས་ལྷ་དང་ཀླུ་དང་གནོད་སྦྱིན་རྣམས་བསླུས་པར་འགྱུར་ཞིང་། དེ་བཞིན་གཤེགས་པ་རྣམས་ཀྱིས་གཟིགས་ན་ཡང་དགྱེས་པར་མི་འགྱུར་རོ། །གལ་ཏེ་བདག་གིས་དགོན་པར་ཆོས་བཞིན་ཏུ་བྱས་པར་འགྱུར་ན། ལྷ་དང་ཀླུ་དང་གནོད་སྦྱིན་རྣམས་ཀྱིས་ཀྱང་བདག་ལ་འཕྱ་བར་མི་འགྱུར་ལ། དེ་བཞིན་གཤེགས་པ་རྣམས་ཀྱིས་གཟིགས་

― LT38_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

ནའང་བདག་ལ་དགྱེས་པར་འགྱུར་རོ། །སེམས་བསྐྱེད་པར་བྱའོ། །ཞེས་དང་། ཚུལ་ཁྲིམས་ཤིན་ཏུ་གཙང་མར་བསྲུང་ཞིང་འཚོ་བ་རྣམ་པར་དག་པས་བདེན་པ་བཞི་དང་། རྟེན་འབྲེལ་བཅུ་གཉིས་དང་བྱང་ཆུབ་ཀྱི་ཕྱོགས་ཀྱི་ཆོས་རྣམས་ལ་བརྩོན་འགྲུས་གཡེལ་བ་མེད་པར་བརྩོན་དགོས་པར་གདམས་ཤིང་། ཀུན་མཁྱེན་རང་བྱུང་རྡོ་རྗེའི་ཞལ་ནས་ཀྱང་། ཨེ་མ་ད་ལྟ་སྙིགས་མའི་དུས་འདི་རུ། །སྒྲུབ་པ་ཉམས་སུ་ལེན་འདོད་སྐལ་ལྡན་ཀུན། །དེང་སང་འགྲོ་རྣམས་ཚེ་ཐུང་དར་གུད་ཆེ། །མང་པོ་བྱ་བའི་ལོངས་ཡོད་མ་ཡིན་པས། །ཐོས་པ་རྒྱ་ཆེན་བྱེད་པ་མ་བྱུང་ཀྱང་། །དང་བའི་དད་པ་འགྱུར་བ་མེད་པ་དང་། །འགྲོ་ལ་རྒྱུན་ཏུ་སྙིང་རྗེ་ཆེར་བསྐྱེད་ནས། །བརྩོན་འགྲུས་ཆེན་པོས་དབེན་པ་བསྟེན་བྱ་ཞིང་། །ཉེ་ལམ་རྒྱུད་སྡེ་མཆོག་ལས་གསུངས་པ་ལྟར། །བསྐྱེད་རིམ་མ་ནོར་རྩེ་གཅིག་བསྒོམ་པ་དང་། །རྩ་རླུང་བྱང་ཆུབ་སེམས་ཀྱི་གནད་རྣམས་ཀུན། །རྩེ་གཅིག་རྒྱུན་དུ་ཉམས་སུ་བླང་བར་བྱ། །བསམ་གཏན་བཞི་དང་ཚད་མེད་གཟུགས་མེད་ཀྱི། །ཏིང་ངེ་འཛིན་དག་སྒོམ་ཞིང་རྟོགས་བྱས་ནས། །དེ་ལ་མི་གནས་འདོད་པའི་ཁམས་ཞུགས་ཏེ། །སྒྱུ་མ་ལྟ་བུར་ཕ་རོལ་ཕྱིན་པ་དྲུག །ཇི་སྲིད་མ་རྫོགས་བར་དུ་སྦྱང་བར་བྱ། །མ་རིག་ལ་སོགས་རྟེན་ཅིང་འབྲེལ་འབྱུང་འདི། །གཉེན་པོས་མི་དགག་རང་སར་གྲོལ་བར་བྱ། །བདག་ཉིད་བདག་

― LT38_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཕྱག་རྒྱ་ཆེ་ཐོབ་ནས། །ཞི་བར་དགའ་བ་སྤངས་ནས་འགྲོ་བའི་དོན། །འཁོར་བ་མ་སྟོངས་བར་དུ་བསྒྲུབ་པར་བྱ། །ཚུལ་འདི་ལྟ་བུ་ཉམས་སུ་བླངས་བྱས་ནས། །ས་བཅུ་ལམ་ལྔ་བྱང་ཆུབ་ཕྱོགས་ཆོས་དང་། །སྤྱན་དང་མངོན་ཤེས་ཏིང་འཛིན་དཔག་མེད་དང་། །སྟོབས་དང་མི་འཛིགས་མ་འདྲེས་བཅོ་བརྒྱད་ཀུན། །དགེ་བའི་བཤེས་ལ་བརྟེན་ནས་རྫོགས་པར་འགྱུར། །ཅེས་གདམས་པར་མཛད་པ་སྙིང་གི་བདུད་རྩིར་བཟུང་བར་བྱའོ། །དབེན་པ་མ་བསྟེན་པའི་སྐྱོན་ནི་ལྷག་པའི་བསམ་པ་བསྐུལ་བའི་མདོ་ལས་འདུ་འཛི་ལ་དགའ་བའི་ཉེས་དམིགས་ཉི་ཤུ་གསུངས་ཤིང་། ཚུལ་ཁྲིམས་འཆལ་པ་ཚར་གཅོད་པའི་མདོ་སྡེ་སོགས་ལས་འདུ་འཛིའི་ཉེས་པས་ངན་སོང་གསུམ་གྱི་འགྲོ་བ་གྲངས་མེད་པར་སྡུག་བསྔལ་མྱོང་བར་གསུངས་སོ། །དབེན་པ་བསྟེན་པའི་ཕན་ཡོན་ནི། འཕགས་པ་བྱམས་པས་སེང་གེའི་སྒྲ་སྒྲོགས་པའི་མདོ་ལས། འོད་སྲུངས་བྱང་ཆུབ་སེམས་དཔའ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་མེ་ཏོག་དང་། བདུག་པ་དང་། ཕྱེ་མར་དང་། སྤོས་ཀྱིས་རབ་ཏུ་བཀང་སྟེ། དེ་བཞིན་གཤེགས་པ་ལ་མཆོད་པའི་ལས་ཀྱི་ཕྱིར་ལོ་འབུམ་བར་དུ་ཉིན་ལན་གསུམ་མཚན་ལན་གསུམ་ཕུལ་བ་བས་ནི། བྱང་ཆུབ་སེམས་དཔའ་འདུ་འཛིའི་གཏམ་གྱིས་འཇིགས་ཤིང་སྐྲག་པ་གཞན་ཞིག་ཁམས་གསུམ་ཐམས་ཅད་ཀྱིས་འཇིགས་

― LT38_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་སེམས་ཅན་གྱི་དོན་མངོན་པར་སྒྲུབ་པ་ན་དགོན་པ་ལ་མངོན་པར་ཕྱོགས་ཏེ་གོམས་པ་བདུན་པོར་བར་བྱེད་པ་གང་ཡིན་པ་དེ་ནི་དེ་བས་ཆེས་བསོད་ནམས་མང་དུ་བསྐྱེད་པར་འགྱུར་རོ། །འོད་སྲུངས་འདི་ཇི་སྙམ་དུ་སེམས། དེ་བཞིན་གཤེགས་པས་གྱལ་གའི་ཕྱིར་རམ། བརྗོད་པའི་ཕྱིར་དུ་དེ་སྐད་གསུངས་པ་མ་ཡིན་གྲང་སྙམ་ན། འོད་སྲུངས། ཁྱོད་ཀྱིས་དེ་ལྟར་མི་ལྟ་སྟེ། དེ་ཅིའི་ཕྱིར་ཞེ་ན། དེ་ནི་ང་ལ་མངོན་སུམ་ཡིན་པའི་ཕྱིར་རོ། །ཞེས་གསུངས་སོ། །བཤད་ཉན་བྱས་པ་ལས་ཁྱད་པར་དུ་འཕགས་པའི་ཡོན་ཏན་ནི། ཡབ་སྲས་མཇལ་བའི་མདོ་ལས། བྱང་ཆུབ་སེམས་དཔའི་ཏིང་ངེ་འཛིན་ངེས་པར་བསྟན་པ་འདི་གང་གིས་བསྐལ་པ་བཅུའི་བར་དུ་ཉན་ནས། དེ་གཞན་ལ་བསྙད་པ་བས་གང་གིས་སེ་གོལ་གཏོགས་ཙམ་དུ་སྒོམ་ན། འདི་ཉིད་དེ་བས་ཆེས་བསོད་ནམས་མང་དུ་འཕེལ་ལོ། །ཞེས་གསུངས་པ་དང་། ཡང་ཏིང་ངེ་འཛིན་མཆོག་དམ་པ་ལས། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། བསམ་གཏན་གྱི་ཏིང་ངེ་འཛིན་བསྒོམས་པས་དགེ་སྦྱོང་གི་འབྲས་བུ་བཞི་མ་ཐོབ་ཀྱང་། མང་དུ་ཐོས་པ་ལས་ཁྲི་ཕྲག་སྟོང་གིས་འཕགས་སོ། །ཞེས་གསུངས་པ་དང་། མཆོད་པ་གཞན་ལས་ལྷག་པའི་ཚུལ་ནི། ཏིང་ངེ་འཛིན་དེ་ལས། ཇི་ལྟར་རབ་ཏུ་བྱུང་ནས་ཆོས་སྤྱོད་པས། །དེ་ལྟར་ཟས་དང་སྐོམ་དང་ཆོས་གོས་དང་། །མེ་ཏོག་དང་ནི་སྤོས་

― LT38_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བྱུག་པ་ཡིས། །མི་མཆོག་རྒྱལ་བ་རིམ་གྲོ་བྱས་མ་ཡིན། །སུ་དག་བྱང་ཆུབ་ཏུ་ཡང་འདོད་མོད་ཀྱི། །སེམས་ཅན་དོན་ཕྱིར་འདུས་བྱས་ཡོངས་སྐྱོ་ནས། །དགོན་པར་བལྟས་ཏེ་གོམས་པ་བདུན་བོར་ན། །དེ་བས་བསོད་ནམས་འདི་ནི་ཁྱད་པར་འཕགས། །ཞེས་གསུངས་པས། གཞན་ཡང་དབེན་པར་གནས་པས་ཐེག་པ་གསུམ་གྱི་འབྲས་བུ་མྱུར་དུ་ཐོབ་ཅིང་། གལ་ཏེ་སྐལ་བ་དང་བརྩོན་འགྲུས་དམན་པས་ཚེ་འདི་ལ་མ་ཐོབ་ཀྱང་དེ་བཞིན་གཤེགས་པ་གསུམ་ཕན་ཆད་ལས་མི་འགྱང་བར་ཟག་པ་སྤང་བ་དང་། ཉོན་མོངས་པ་ཞི་ཞིང་སྤང་བར་འགྱུར་བ་སོགས་མཐའ་ཡས་པར་གསུངས་པས་དབེན་པ་བསྟེན་ཅིང་སྒྲུབ་པ་ཁོ་ན་ལ་ནན་ཏན་སྙིང་པོར་ལྷུར་ལེན་པར་བྱའོ། །གསུམ་པ་མཐར་བསྒྲུབས་པའི་འབྲས་བུའང་ཆུད་ཟོས་སུ་མ་སོང་བས་རང་མ་འགྱོད་པར་བྱ་དགོས་ཏེ། ཇི་ལྟར་ན་ད་རུང་རང་རེ་རྣམས་ཀྱིས་གྲུབ་པ་ཐོབ་པ་ལྟ་ཅི། དྲོད་ཀྱི་སྣེ་ཟིན་ཙམ་ཡང་མ་ཐོབ་པའི་སོ་སོའི་སྐྱེ་བོ་སངས་རྒྱས་གཞི་ནས་སྒྲུབ་དགོས་མཁན་ཡིན་པས། སྒྲུབ་ཁང་དུ་ལོ་གྲངས་ཚང་བླ་མིང་ཐོགས་པས་ཆོག་གོ་སྙམ་དུ་དད་ཟས་གཤིན་ཟས་ལ་བག་མེད་དུ་ལོངས་སྤྱད། སྒྲུབ་པ་ལ་ཆོག་ཤེས་བྱས་ན་དུད་འགྲོའི་བཤས་ཚོང་གི་ཁེ་བ་ལས་ཀྱང་ལོད་པར་འགྱུར་བས། ད་རེས་ཐར་པའི་ལམ་སྣེ་རྙེད་ཤོམ་བྱས་པ་བླ་མ་དང་དགེ་བའི་མཐུན་རྐྱེན་བཟང་པོའི་བཀའ་དྲིན་ཡིན་པ་ལ་ཡིན་པར་ཤེས་པས་ལས་འཕྲོ་བཟང་པོ་དེ་ཆུད་ཟོས་

― LT38_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་མི་བཏང་བར་ཇི་སྲིད་འཚོའི་བར་དུ་འདི་ནས་ཉམས་ལེན་བགྱིས་པའི་བསྐྱེད་རྫོགས་རྣམས་ནམ་ཡང་བཏང་སྙོམས་སུ་མ་བོར་བར། རབ་འཇིག་རྟེན་གྱི་ཞེན་འཁྲིས་བཅད་ནས་གཅིག་པུར་སྒྲུབ་པའི་ས་སྡེ་བཙུགས་ལ་འབྲས་བུ་མཐར་དབྱུང་། འབྲིང་ཆོས་མཐུན་གྱི་འཚོ་བ་མ་ཤོལ་ཙམ་ལ་བློ་གཏང་ནས་ཚེ་དང་སྒྲུབ་པ་སྙོམས་ཤིང་བླ་མ་དང་བསྟན་པའི་ཞབས་འདེགས་གཞན་ཕན་རང་འཁོས་གང་ཡོད་བསྒྲུབས། ཐ་མས་ཀྱང་ལོ་གསུམ་གྱི་སྒྲུབ་པ་ལྟོ་རྒྱབ་འཚོལ་བའི་ཟོང་དུ་འཚོང་ནས་རང་ཉིད་འདི་ཕྱི་གཉིས་མེད་དུ་མི་བྱ་བར་བསགས་སྦྱོང་ཉམས་ལེན་སྣེ་རེ་ལ་བློའི་གཏད་སོ་ཡོད་དེས་བྱ། སྤྱིར་སྒྲུབ་གྲྭ་འདིར་ཞུགས་ཕྱིན་ཆད་དགོན་ཡུལ་གར་སོང་གར་སྡོད་ཐམས་ཅད་དུ་ལུས་ཚུལ་ཁྲིམས་ཀྱི་གོས། ངག་ཁ་བཏོན་བཟླས་བརྗོད། སེམས་བྱམས་སྙིང་རྗེ་མོས་གུས་དག་སྣང་བསྐྱེད་རྫོགས་ཀྱི་ཏིང་ངེ་འཛིན་དང་མི་འབྲལ་བར་རྟག་ཏུ་གཡོ་སྒྱུ་མེད་པའི་གཞན་ཕན་གྱི་སེམས་དང་། བག་ཡོད་དྲན་ཤེས་ཀྱི་སྒོ་ནས་ནམ་གྱི་ཆ་སྟོད་ཆ་སྨད་ལ་མི་ཉལ་བར་རྣལ་འབྱོར་ལ་བརྩོན། ཁ་བསགས། གཞོག་སློང་། རྙེད་འཚོལ། ཐོབ་མཇལ། བུན་སྐྱེད་ཀྱི་ལོག་འཚོ་གཏན་ནས་མི་སྡུད་པར་གོས་ལུས་ཡོག་ཙམ། ཁ་ཟས་འཚོ་ཐུབ་ཙམ། གནས་མལ་གང་བྱུང་གིས་ཆོག་ཤེས་པར་བྱས་ཏེ། རྟག་ཏུ་བློ་སྣ་ཡང་ཡང་བསྟུང་ཞིང་

― LT38_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱིད་སྡུག་བཟང་ངན་ཐམས་ཅད་བློ་སྦྱོང་། རོ་སྙོམས། སྟོང་ཉིད་སོགས་ནུས་སྟོབས་དང་སྦྱར་བས་ལམ་དུ་ཁྱེར། ལྷ་མཐོང་འདྲེ་མཐོང་མངོན་ཤེས་གྲུབ་རྟགས་སོགས་མེད་ལ་ཡོད་ཟོལ་གྱི་མི་ཆོས་བླ་མའི་རྫུན་ལབ་ན་སྡོམ་པ་ཤོར་བ་མ་ཟད་བཀའ་བརྒྱུད་གོང་མ་རྣམས་ཀྱི་ཐ་ཚིག་དང་འགལ་བས་རྫུན་གཏན་ནས་མི་ལབ། གཞི་བྱེས་ཀུན་ཏུ་ཆང་གཏན་ནས་མི་འཐུང་། ང་ཁྱོད་ཀྱི་ཕྱོགས་རིས། ཆོས་བརྒྱད་ཀྱི་ཆགས་སྡང་། །རང་རློམས་ཀྱི་ང་རྒྱལ། གཞན་ལ་ཁྱད་གསོད་སོགས་དུག་ལྟར་དུ་སྤངས་ནས་དམན་ས་ཅི་ཟིན་བྱ། བློ་བླ་མ་དཀོན་མཆོག་ལ་གཏོད། དག་སྣང་ཕྱོགས་རིས་མེད་པར་སྦྱང་། བྱེད་ལུགས་བཀའ་བརྒྱུད་གོང་མའི་རྣམ་ཐར་ལ་སློབ། ཉམས་ལེན་འདི་གའི་རང་ལུགས་ལ་གཡན་ཆུད་དང་ཐེ་ཚོམ་མེད་པའི་ཅངས་འཇུས་བྱ། མདོར་ན་ལྷག་པའི་བསམ་པ་བསྐུལ་བའི་མདོ་ལས། བྱམས་པ་བྱང་ཆུབ་སེམས་དཔའི་ཐེག་པ་པའི་གང་ཟག་ཆོས་བཞི་དང་ལྡན་ན། ལྔ་བརྒྱ་པ་ཐ་མལ་དམ་པའི་ཆོས་རྣམ་པར་འཇིག་པའི་ཚེ་མ་བསྣད་ཅིང་མ་དམས་ལ་བདེ་བར་ཡོངས་སུ་ཐར་བར་འགྱུར་རོ། །བཞི་གང་ཞེ་ན། བདག་གི་འཁྲུལ་པ་ལ་སོ་སོར་རྟོག་པ་དང་། བྱང་ཆུབ་སེམས་དཔའི་ཐེག་པ་པའི་གང་ཟག་གཞན་གྱི་ཉེས་པ་མི་གླེང་བ་དང་། མཛའ་བཤེས་ཀྱི་ཁྱིམ་དང་། སློང་མོ་སྟེར་བའི་ཁྱིམ་ལ་མི་ལྟ་བ་དང་། ཡིད་དུ་མི་འོང་བའི་ཚིག་སྤོང་

― LT38_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སྟེ། བྱམས་པ། བྱང་ཆུབ་སེམས་དཔའི་གང་ཟག་ཆོས་བཞི་པོ་དེ་དག་དང་ལྡན་ན་ལྔ་བརྒྱ་ཐ་མ་ལ་དམ་པའི་ཆོས་ཡོངས་སུ་འཇིག་པའི་ཚེ་མ་བསྣད་ཅིང་མ་ཉམས་ལ་བདེ་བར་ཡོངས་སུ་ཐར་བར་འགྱུར་རོ། །བྱམས་པ། གཞན་ཡང་བྱང་ཆུབ་སེམས་དཔའི་ཐེག་པ་བའི་གང་ཟག་ཆོས་བཞི་པོ་འདི་དག་དང་ལྡན་ན་ལྔ་བརྒྱ་ཐ་མལ་དམ་པའི་ཆོས་རྣམ་པར་འཇིག་པའི་ཚེ་མ་བསྣད་ཅིང་མ་དམས་ལ་བདེ་བར་ཡོངས་སུ་ཐར་བར་འགྱུར་ཏེ། བཞི་གང་ཞེ་ན། ཐེག་པ་ཆུང་ངུའི་སེམས་ཡོངས་སུ་སྤོང་བ་དང་། འཁོར་མི་བསྡུ་བ་དང་། བས་མཐའི་གནས་མལ་བསྟེན་པ་དང་། བདག་དུལ་བ་དང་། ཞི་བ་དང་། ཞི་གནས་ཀྱི་སྦྱོར་བ་ལ་བརྩོན་པ་སྟེ། བྱམས་པ་བྱང་ཆུབ་སེམས་དཔའི་ཐེག་པ་པའི་གང་ཟག་ཆོས་བཞི་པོ་དེ་དག་དང་ལྡན་ན། ལྔ་བརྒྱ་ཐ་མ་ལ་དམ་པའི་ཆོས་རྣམ་པར་འཇིག་པའི་ཚེ་མ་བསྣད་ཅིང་མ་སྨས་ལ་བདེ་བར་ཡོངས་སུ་ཐར་བར་འགྱུར་རོ། །བྱམས་པ། དེ་ལྟ་བས་ན་བྱང་ཆུབ་སེམས་དཔའི་ཐེག་པ་བའི་རིགས་ཀྱི་བུའམ་རིགས་ཀྱི་བུ་མོ་ལྔ་བརྒྱ་པ་ཐ་མལ་དམ་པའི་ཆོས་རྣམ་པར་འཇིག་པའི་ཚེ་མ་བསྣད་ཅིང་མ་དམས་ལ་བདེ་བར་ཡོངས་སུ་ཐར་བར་འགྱུར་བར་འདོད་པ་དང་། ལས་ཀྱི་སྒྲིབ་པ་ཐམས་ཅད་ཟད་པར་བྱེད་པར་འདོད་པས་འདུ་འཛི་ལ་མི་དགའ་བ་དང་། དགོན་པ་དང་ནགས་དང་། བས་མཐར་གནས་པ་

― LT38_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སེམས་ཅན་ལ་རིག་པ་མེད་ཅིང་མི་བརྩོན་པ་ཡོངས་སུ་སྤོང་བ་དང་། བདག་གི་འཁྲུལ་པ་ལ་རྟོག་ཅིང་གཞན་གྱི་འཁྲུལ་པ་མི་འཚལ་བ་དང་། མི་སྨྲ་བ་ལ་དགའ་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པས་གནས་པ་ལ་དགའ་བར་བྱའོ། །གལ་ཏེ་དེ་ལ་སེམས་ཅན་གཞན་དག་ལ་བརྡས་འཕྲད་པར་འདོད་པའི་སེམས་སྐྱེས་ན། དེས་ཟང་ཟིང་མེད་པའི་སེམས་ལ་གནས་ཏེ། ཆོས་ཀྱི་སྦྱིན་པ་སྦྱིན་པར་བྱའོ། །ཞེས་གདམས་པར་མཛད་པ་ཉིད་ལ་ཡིད་ཆེས་པས་ལག་ལེན་དུ་བསྟར་ན་དུས་ཀྱི་ཐ་མ་འདི་ལྟ་བུར་ཡང་རིང་པོར་མི་ཐོགས་པར་དོན་གཉིས་ལྷུན་གྱིས་གྲུབ་པའི་ཆོས་ཀྱི་རྒྱལ་པོ་ཆེན་པོའི་གོ་འཕང་ལ་མངའ་བརྙེས་པར་འགྱུར་བ་ནི་བདེན་གསུངས་ཡང་དག་པའི་ཚད་མའོ། །ངེས་འབྱུང་ཤུགས་ཀྱིས་བརྩོན་པའི་མེ་སྦར་ནས། །ཡེ་ཤེས་སྣང་བས་འཁྲུལ་པའི་མུན་ཁུང་བཅོམ། །གདོད་མའི་གཏན་སྲིད་ཚེ་འདིར་སྙོགས་པ་ཡི། །མི་ཡི་སེང་གེ་མཐའ་ཡས་འབྱོན་གྱུར་ཅིག །གསུང་རབ་ཡིད་བཞིན་ནོར་བུ་རྡུལ་ཁྲོད་དུ། །རྩིས་མེད་བོར་བའི་སྙིགས་དུས་རྨུ་རྒོད་ལ། །སྤང་བླང་གདམས་པའི་མཆིང་བུས་ཅི་ཞིག་བྱ། འོན་ཀྱང་བློ་ལྡན་རེས་འགའ་འབྱུང་སྲིད་སྙམ། །ལས་འཕྲོ་ཅན་ལ་ཐར་བའི་མིག་འབྱེད་དང་། །གཞན་དག་ལ་ཡང་བླང་དོར་ངོ་ཤེས་པའི། །རིན་ཆེན་སྒྲོན་མེ་ལེགས་བཤད་

― LT38_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

གཟི་ལྡན་ཏུ། །གྱུར་ནས་ཐར་ལམ་ཡུན་རིང་སྣང་བྱེད་ཤོག །ཅེས་པ་འདི་ཉིད་མདོ་ཁམས་བཀའ་བརྒྱུད་པའི་གདན་ས་ཆེན་པོ་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་ཟབ་མོའི་སྒྲུབ་ལ་གཞོལ་བ་རྣམས་ཀྱི་བླང་དོར་གྱི་དམིགས་ཕྱེད་པའི་སླད་དུ། སྙིགས་དུས་སྒྲུབ་བརྒྱུད་འཛིན་པའི་གཟུགས་བརྙན་ཀརྨ་ངག་དབང་ཡོན་ཏན་རྒྱ་མཚོ་ཕྲིན་ལས་ཀུན་ཁྱབ་དཔལ་བཟང་པོས་བྲིས་པ་སྒྲུབ་བརྒྱུད་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པའི་རྒྱུར་གྱུར་ཅིག། །།དགེ་ལེགས་འཕེལ།།

མཆོག་གཟིགས་བླ་མ་དམ་པ་གཡུང་དྲུང་ཕུན་ཚོགས་ཀྱི་གདུང་རྟེན་དཀར་ཆག་ལྷའི་སྒྲ་སྙན།

― LT38_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གཟིགས་བླ་མ་དམ་པ་གཡུང་དྲུང་ཕུན་ཚོགས་ཀྱི་གདུང་རྟེན་དཀར་ཆག་ལྷའི་སྒྲ་སྙན་ཞེས་བྱ་བ་བཞུགས་སོ། །

― LT38_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་བྱ་ཇི་སྙེད་ནམ་མཁའི་མུ་ཁྱུད་དུ། །དོན་དམ་ཇི་བཞིན་གཟིགས་པའི་འོད་སྟོང་སྤྲོ། །

― LT38_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

གདུལ་དཀའི་མ་རིག་མུན་པ་སེལ་བའི་གཉེན། །རྣམ་པ་ཀུན་མཁྱེན་སྟོན་པ་མཆོག་ལ་འདུད། །

― LT38_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

དམུ་གཤེན་རྒྱལ་བའི་རྗེས་སྐྱེས་སེམས་དཔའ་ཆེ། །འགྲོ་དྲུག་ཆུ་བོ་བཞི་ལས་སྒྲོལ་བའི་གྲུ། །འཕྲུལ་ངག་བདེན་པས་ཐར་པའི་ལམ་སྟོན་པ། །ཡིད་བཞིན་ནོར་བུའི་ཕྲེང་བ་མཚུངས་དེར་བསྔགས། །དོན་དམ་བདེན་མཐོང་མྱང་འདས་མཐར་སོན་ཀྱང་། །རྒྱུན་གནས་ཐུགས་རྗེས་རྒྱ་མཚོར་དེད་དཔོན་བཞིན། །སྲིད་པའི་ལམ་འཇུག་སྲིད་པ་དཀྲིད་དྲང་བ། །ཞར་བོད་མཁས་དང་གྲུབ་པའི་ཚོགས་ཀུན་རྒྱལ། །བསླབ་གསུམ་གསེར་གྱི་ལྷུན་པོ་བགྱིད་ཆགས་ཤིང་། །གསང་སེམས་མངོན་རྟོགས་ཉི་ཟླའི་རྣ་རྒྱན་གྱིས། །གཡུང་དྲུང་བོན་བསྟན་ཆུ་སྐྱེས་ཚལ་འབྱེད་པ། །ཕུན་ཚོགས་འབྱུང་གནས་བླ་མར་ཕྱག་བགྱིའོ། །མི་ཕྱེད་ཤིན་ཏུ་རྟོགས་དཀའ་གཡུང་དྲུང་གི། རེ་ཁཱས་མཚོན་བྱས་སྙིགས་དུས་གྲུབ་པའི་ཕུལ། །སྲིད་ཞིའི་ཕུན་ཚོགས་མཐའ་དག་སྐད་ཅིག་ལ། །འབད་མེད་སྩོལ་དེ་གང་གི་རྣམ་པར་ཐར། །གཡུང་དྲུང་བསྟན་པའི་སྒོར་ཞུགས་རྒྱུ་སྐར་དབུས། །མཁྱེན་རྟོགས་ཕུན་ཚོགས་བདུད་རྩིའི་ཐིག་ལེ་གང་། །མི་གནས་ཞི་བར་གཟིམས་པའི་བོན་གྱི་སྐུའི། །རྟེན་མཆོག་བྱུང་བ་མདོ་ཙམ་བསྙད་པར་བྱ། །དེའང་ཚངས་རྒྱུད་གི་འཇིག་རྟེན་ཁྲག་ཁྲིག་གཅིག་གིས་གཏམས་པའི་སྟོང་གསུམ་འཇིག་རྟེན་མཉམ་ཆགས་མཉམ་འཇིག་མཐའ་དག་འདུལ་བའི་སྟོན་པ་ནི། ཡེ་ཉིད་ཀྱི་སྟོན་པ་བོན་གྱི་སྐུ་བདེ་བ་ཆེན་པོ་བདག་ཏུ་མེད་པའི་

― LT38_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་བཟང་པོའི་ངང་ལས། ཐུགས་རྗེའི་སྟོན་པ་ལྷུན་གྲུབ་གནས་ཀྱི་འོག་མིན་དུ་བདག་ཏུ་ཡོད་པའི་ཀུན་བཟང་ལོངས་སྐུ་གཤེན་ལྷ་འོད་དཀར་དུ་ཤར། དེ་ཉིད་ཀྱི་ཐུགས་རྗེའི་རྩལ་ལས་འདུལ་བྱེད་དང་། སྲིད་པའི་རྒྱལ་པོ་སངས་པོ་འབུམ་ཁྲི་ཡབ་ཡུམ་གྱིས་གདུལ་བྱའི་ཡུལ་སྤྲོས་པས་ཐུགས་རྗེ་དང་ཡུལ་འཛོམས་ཏེ་སྤྲུལ་པའི་སྐུ་བྱེ་བ་ཕྲག་བརྒྱར་སྣང་། དེའང་ཕྱི་ལྟར་ན་སྟོན་པ་གཤེན་རབ་མི་བོ། ནང་ལྟར་ན་གསང་བ་འདུས་པ། གསང་བ་ལྟར་ན་ཁྲི་བཞིན་མ་ཏིང་ཞེས་བྱ་བ་དེ་ཉིད་གདུལ་བྱའི་སྣང་ངོར་བསྐལ་པ་གྲངས་མེད་གསུམ་དུ་ཚོགས་བསགས་ཤིང་སྒྲིབ་པ་སྦྱངས་ནས་དབྱིངས་ཀྱི་ངང་དུ་མངོན་པར་སངས་རྒྱས་ཀྱང་། རྒྱུན་གནས་ཐུགས་རྗེ་རྣམ་བཞིའི་རྩལ་གཡོས་ཏེ། དགའ་ལྡན་ལྷའི་གནས་ནས་འཛམ་གླིང་མིའི་སྟོན་པ་ལ་གཤེགས། གནས་རིས་ཆེན་པོ་བཞི་ནས་ཡས་མར་དུ་བྱོན། གཟུགས་མེད་གཟུགས་ཁམས་འདོད་ལྷ་རིགས་དྲུག་གི་གནས་སུ་བོན་གྱི་འཁོར་ལོ་བསྐོར། སུམ་ཅུ་རྩ་གསུམ་གྱི་གནས་སུ་དཔལ་ལྷ་ལས་བབས་པའི་མཆོད་རྟེན་ཐོག་མར་བཞེངས། གཟིགས་ཚད་ལྔ་དང་དགོངས་ཚད་ལྔ་ཐུགས་ལ་བཀྲམ་ནས་ཞིང་ཁམས་འོལ་མོ་ལུང་རིང་དུ་སྤྲུལ་པའི་སྐུར་བྱོན། མཛད་པ་ཆེན་པོ་བཅུ་གཉིས་དང་ཕྲ་མོ་དྲུག་ཅུ་ལ་སོགས་པ་མི་ལོ་སུམ་སྟོང་གཅིག་བརྒྱའི་བར་དུ་

― LT38_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན། འདོད་ཆགས་ཀྱི་གཉེན་པོར་འཕན་ཡུལ་འདུལ་བའི་བོན་སྒོ། ཞེ་སྡང་གི་གཉེན་པོ་ཆབ་དཀར་སྔགས་ཀྱི་བོན་སྒོ། གཏི་མུག་གི་གཉེན་པོར་དཔོན་གསས་ལུང་གི་བོན་སྒོ། དུག་གསུམ་ཆ་མཉམ་གྱི་གཉེན་པོར་གཙང་མཐོ་ཐོག་སྤྱི་རྒྱུག་མཛོད་ཀྱི་བོན་སྒོ། དེ་རེ་རེ་ལའང་ཉི་ཁྲི་ཆིག་སྟོང་རེ་སྟེ་བོན་སྒོ་བརྒྱད་ཁྲི་བཞི་སྟོང་གསུངས། འགྲོ་བ་རྣམས་ལ་ཐར་པའི་ལམ་བསྩལ། ཁྱད་པར་དུ། མདོ་དྲི་མ་མེད་པ་ལས། བསྟན་པ་རྗེས་བཞག་རྣམ་པ་གསུམ་ཡིན་ཏེ། །སྐུ་གདུང་སྐུ་གཟུགས་གསུང་རབ་གླེགས་བམ་གསུམ། །ཐོག་མར་སྐུ་གདུང་བསྟན་པའི་རྗེས་བཞག་བྱུང་། །ཞེས་གསུངས་པ་ལྟར་ལྷ་ཀླུ་མིའི་གནས་སུ་བསྟན་པ་རྣམ་གསུམ་རྗེས་སུ་བཞག་པའི་སླད་དུ་རིག་པའི་གནས་ལྔའི་ཐོག་མ་བཟོ་རིག་པ་ནི་བཟོ་རྒྱལ་གར་མ་ལི་ཤོ་ལ་གསུངས། དེ་ལ་གཏུགས་ཤིང་ཤེས་རབ་ཀྱི་རྩལ་སྦྱངས་པའི་མཁས་པ་ཆེན་པོ་དྲུག་བྱུང་། འཇིག་རྟེན་ཐམས་ཅད་ཡོན་ཏན་གྱི་རྒྱན། བསྟན་པ་ཆགས་པའི་ཞིང་དུ་མཛད། དེ་ལྟར་སྟོན་པ་ཉིད་འཇིག་རྟེན་ཏུ་བཞུགས་པའི་སྐབས་སུ་བདེ་གཤེགས་མཆོད་རྟེན་བརྒྱད་ལ་སོགས་པ་དཔག་ཏུ་མེད་པ་བྱུང་ཞིང་། སྟོན་པ་མྱ་ངན་ལས་འདས་ནས་གདུང་འཚོབ་ཆེན་པོ་མུ་ཆོ་ལྡེམ་དྲུག་གིས་བཀའི་འཁོར་ལོ་གཉིས་པ་བསྐོར། འཛམ་གླིང་མཛེས་པའི་རྒྱན་དྲུག་ལ་

― LT38_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པས་བཀའི་བསྡུ་བ་མཛད་པ་ནས་བཟུང་། ད་ལྟའི་བར་དུ། ཕོ་བྲང་གཞལ་ཡས་བདེ་གཤེགས་སྐུ་ཡི་རྒྱུད། །འཛབ་བསྙེན་ཚ་ཚ་བདེ་གཤེགས་གསུང་གི་རྒྱུད། །རྣམ་དག་མཆོད་རྟེན་བདེ་གཤེགས་ཐུགས་ཀྱི་རྒྱུད། །ཅེས་པ་ལྟར་སྐུ་གདུང་རྣམ་པ་གསུམ་གྱིས་འཇིག་རྟེན་གྱི་ཁམས་བཀངས་ཤིང་སྐྱེ་དགུའི་བསོད་ནམས་ཀྱི་ཞིང་དུ་གྱུར། བོད་ཀྱི་ཡུལ་འདིར་ཡང་བདུད་རྗེ་ཁྱབ་པའི་དམག་གིས་གཤེན་གྱི་རྟ་བདུན་བརྐུས་པའི་རྗེས་གཅོད་ཟོལ་གྱིས་རྣམ་མཁྱེན་སྟོན་པ་དངོས་སུ་ཕེབ་ནས་སྐུ་གསུང་ཐུགས་ཀྱི་རྟེན་སྤྲུལ། གྲུབ་མཐས་བློ་མ་བསྒྱུར་བའི་བོད་ཀྱི་སྐྱེ་བོ་དྲང་བའི་ཐབས་སུ་རྒྱུའི་བོན་སྒོ་ཕྱོགས་ཙམ་བསྟན། མ་འོངས་པ་ན་བསྟན་པ་ཆགས་ཤིང་རྒྱལ་གཤིན་གྱི་བརྒྱུད་པ་འབྱུང་བའི་གནས་སུ་བྱིན་གྱིས་བརླབས་པ་ལྟར། ལྷ་གཉའ་ཁྲི་བཙན་པོའི་སྐབས་ནས་བཟུང་། སྟོད་ཀྱི་བླ་མ་ཆེ་དྲུག་ལ་སོགས་པ་བྱོན་ཏེ་བོན་སྔ་དར་གྱི་དབུ་ཚུགས། རྒྱལ་པོ་བྱ་ཁྲིའམ་མུ་ནེ་བཙན་པོའི་སྐུ་རིང་ནས་ཁྲི་སྲོང་གི་བར་དུ་བར་གྱི་གདུང་བརྒྱུད་བཅུ་གསུམ་ལ་སོགས་པ་བྱོན་ཏེ་བོན་བར་དར་གྱི་སྐབས་བྱུང་། དེ་ནས་བསྟན་པ་རིན་པོ་ཆེ་གཏེར་དུ་གཤེགས་པའི་དུས་ཀྱི་ཚེ་མཁས་པ་མི་བཞི། མཐུ་ཆེན་མི་དགུ་ལ་སོགས་པས་འཇིག་རྟེན་བདེ་ལེགས་སྒྲུབ་པའི་བོན་ཅུང་ཟད་མ་

― LT38_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོགས་སྒོ་བཞི་མཛོད་ལྔའི་དངོས་གཞི་རྣམས་གཏེར་དུ་གཏམས་ནས་དུས་རིང་ཞིག་འདས་པ་ན། སྨོན་ལམ་གྱི་དབང་གིས་སྤྲུལ་སྐུ་གཤེན་གྱེར་རྨ་དབྱིལ་གྱིས་ཐོག་དྲངས། ཕྱིས་བྱོན་རིག་འཛིན་སྤྲུལ་སྐུ་རྣམ་བཞིས་གཞུག་སྐྱོང་བའི་གྱེར་གཤེན་སེམས་དཔའ་མང་པོས་གཏེར་སྒོ་བྱེ་སྙེད་འབྱེད་པར་མཛད་པ་ལས་གྲགས་ཆེ་བ་དབུས་གཏེར་བྱང་གཏེར་ལྷོ་གཏེར་གསུམ་སྟེ། དེ་དག་བརྒྱུད་འཛིན་བྲུ་ཞུ་སྤ་རྨེའུ། རྒྱལ་གཤེན་ཆེན་པོ་རིག་འཛིན་ཞིག་པོ་རྣམ་དྲུག་གི་གདུང་འཛིན་ལ་སོགས་པའི་གཤེན་པོ་རྣམས་ཀྱིས་ཡོངས་སུ་སྤེལ་བས་བོན་ཕྱི་དར་གྱི་བསྟན་པ་ཕྱི་ཕྱིར་རྒྱས་པར་འགྱུར་བ་ལུང་དང་ཁ་བྱང་རྣམས་ལས་གསུངས། དེ་ལྟ་བུའི་བརྒྱུད་འཛིན་གཤེན་པོ་ཉི་ཟླ་ལྟར་ཡོངས་སུ་གྲགས་པ་དང་། སྦས་པའི་ཚུལ་ཅན་ཀུ་སཱ་ལིའི་བརྟུལ་ཞུགས་འཆང་བས་བསྟན་པ་སྐྱོང་ཞིང་འབྲེལ་ཚད་དོན་ལྡན་ཏུ་མཛད་པ་མ་ངེས་སྐར་ལྟར་བཀྲ་བ་ལས། འདིར་མདོ་ཁམས་ཆུ་བཞི་སྒང་དྲུག་གི་ནང་ཚན་འབྲི་ཟླའི་ཆུ་ཀླུང་ཆེན་པོའི་བར་དུ་ཆུད་པ་ཟལ་མོ་སྒང་། ཆོས་བཞིན་སྤྱོད་པའི་ས་སྐྱོང་སྡེ་དགེའི་མངའ་རིས། སྤྲུལ་སྐུ་གཤེན་གསས་ལྷ་རྗེ། འགྲོ་མགོན་ཤར་བ་རྣལ་འབྱོར། ཁྲོམ་ཞིག་ཁྲོ་བོ་རྒྱལ་མཚན་སོགས་གྲུབ་པའི་སྐྱེས་བུ་མང་པོ་སྐུ་འཁྲུངས་ཤིང་སྒྲུབ་པའི་གནས་དང་ཉེ་བ། ནུ་གཤེན་

― LT38_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་རིའི་མཁན་རབས། རིག་འཛིན་ཀུན་གྲོལ་གྲགས་པ་སོགས་སྐྱེས་ཆེན་མང་པོའི་ཞབས་ཀྱིས་བཅགས་ཤིང་། ཁྱད་པར་མདོ་ཁམས་སྤྱིའི་བླ་མཆོད། ཞྭ་དཀར་མོ་ཅན་གྱི་བདག་པོ། ཁྱུང་པོ་བླ་མ་རང་གྲོལ་བློ་གྲོས་གྲགས་པ་རྒྱལ་མཚན་ནས་བརྩམས། དབོན་བརྒྱུད་མཁས་ཤིང་གྲུབ་པ་བརྙེས་པ་ཟམ་མ་ཆད་པར་བྱོན་པའི་ཡུལ་ལྗོངས་དང་འདབས་ཆགས་པ། ཞིང་སྐྱེས་ཀྱི་དཔའ་བོ་རྣལ་འབྱོར་མ་རྒྱུན་མི་ཆད་པར་བྱོན་པའི་གནས་བཟང་པོར་འགྲོ་བའི་འདྲེན་པ། གྲུབ་པའི་དབང་ཕྱུག །བསྟན་པའི་སྒྲོན་མེ། ཡོངས་སུ་གྲགས་པའི་མཚན་ཐར་བདེ་རྟོགས་ལྡན་གཡུང་དྲུང་ཕུན་ཚོགས་ཞེས་བྱ་བའི་སྐྱེས་བུ་ཆེན་པོ་དེ་ཉིད་བྱོན་པ་ཡིན་ནོ། །དེའང་སྐུ་ན་ཕྲ་མོའི་དུས་ནས་འཇིག་རྟེན་ཁྱིམ་པའི་གནས་ལ་ངན་སྐྱུགས་དང་མི་གཙང་བའི་ཕུང་པོ་ལྟར་གཟིགས། ལྷ་མའི་བདེ་འབྱོར་མཐའ་དག་ལ་སྐྱུགས་ནད་ཅན་གྱིས་ཟས་མཐོང་བ་ལྟར་ཞེན་པ་གཏིང་ནས་ལོག་སྲིད་ལས་ངེས་པར་འབྱུང་བའི་བློའི་ཤུགས་དྲག་པོས་གཞན་སུས་ཀྱང་མ་བསྐུལ་བར་རྟག་ཏུ་དགེ་བའི་བྱ་བ་ཁོ་ན་ལ་བརྩོན། གནས་ལུགས་ཇི་བཞིན་གཟིགས་པའི་རྟོགས་ལྡན་ཆེན་པོ་ཡེ་ཤེས་བསྟན་འཛིན་ལ་སོགས་པ་བཤེས་གཉེན་མཚན་ཉིད་དང་ལྡན་པ་མང་པོ་བསྟེན་ཏེ་ཕྱི་ནང་གསང་བའི་བོན་རྣམས་སྒྲོ་འདོགས་

― LT38_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད་པར་མཛད། ར་བླ་འདུལ་བ་ཚུལ་ཁྲིམས་དང་། ཁྱུང་པོ་ཚུལ་ཁྲིམས་མཆོག་ལེགས་སོགས་གྲུབ་པའི་སྐྱེས་བུ་དུ་མས་བསྟི་བའི་དབེན་གནས་ཐར་བདེ་མི་གཡོ་བསམ་གཏན་གླིང་དུ་སྒྲུབ་པའི་རྒྱལ་མཚན་སྐུ་ཚེ་རིལ་པོར་བཙུགས། སྐུ་མདུན་ཐམས་ཅད་མཁྱེན་པ་བསོད་ནམས་ཡེ་ཤེས་ཀྱིས་ཤིང་རྟའི་ལམ་སྲོལ་གསར་དུ་ཕྱེས་པའི་སྐྱེས་བུ་གསུམ་གྱི་ལམ་རིམ་དང་། དགོངས་མཛད་རི་ཁྲོད་ཆེན་པོའི་བཀའ་སྲོལ་ཨ་ཁྲིད་སོགས་ལ་གཞི་བཟུང་། བླ་ཆེན་དྲན་པའི་ཡང་སྲིད་རིག་འཛིན་ཆེན་པོ་ཀུན་གྲོལ་གྲགས་པའི་ཟབ་གཏེར་མཁའ་འགྲོའི་ཁ་རླངས་མ་ཡལ་ཞིང་བྱིན་རླབས་ཀྱི་གཟི་བྱིན་མ་ཉམས་པ་མཁའ་འགྲོ་གསང་མཛོད་ཆེན་མོ་དང་། གསས་མཁར་སུམ་བརྒྱ་དྲུག་ཅུའི་མན་ངག་སྙིང་ཏིག་ཏུ་དྲིལ་བ་དམར་མོ་མཛུབ་ཁྲིད་ལ་བཙལ་དུ་བཏོན་ཏེ། ཆུ་བོ་རྒྱུན་གྱི་རྣལ་འབྱོར་ལ་བརྩོན་པས་ལས་ཀྱི་རླུང་ཐམས་ཅད་ཡེ་ཤེས་ཀྱི་རྩ་ཨ་བ་དྷཱུ་ཏིར་དག །འོད་གསལ་ནམ་མཁའ་ལྟ་བུ་མངོན་ཏུ་གྱུར། འཁོར་འདས་ཐམས་ཅད་དག་པའི་སྣང་བ་དཀྱིལ་འཁོར་རབ་འབྱམས་སུ་གཟིགས། བར་སྐབས་འགའ་ཞིག་ཏུ་ཐུགས་དམ་གྱི་རྟོགས་པ་ལ་བོགས་དབྱུང་ཞིང་གདུལ་བྱའི་སྐྱེ་བོ་མང་པོ་ཐར་པའི་ལམ་ལ་དཀྲི་བའི་སླད་དུ། རོང་བཞི་ཤོད་ཆེན་བཅོ་བརྒྱད་གཙོས་རིག་འཛིན་གོང་མའི་འདུག་གནས་ཕལ་མོ་

― LT38_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེར་ཕེབ་ནས་བསགས་སྦྱངས་དང་ཐུགས་དམ་གྱི་རིམ་པ་རྒྱ་ཆེར་གནང་། ཁྱད་པར་གཙང་སྟོད་ཕྱུག་མོ་དཔལ་རིང་བཀྲ་ཤིས་སྨན་རིའི་གདན་སར་སྙིགས་དུས་ཀྱི་རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་གྱི་སེང་གེའི་ཁྲི་ལ་བཞུགས་པ་སྐུ་མདུན་མཁས་གྲུབ་བསོད་ནམས་བློ་གྲོས་ལས་གཙང་མའི་ཁྲིམས་ཉིས་བརྒྱ་ལྔ་བཅུ་རྫོགས་པར་གསན་ནས་སྐུ་ཚེ་ཇི་སྲིད་དུ་ཤ་ཆང་ལྗགས་ཐོག་ཏུ་མི་འཇོག་ཅིང་ཚུལ་གོས་རྒྱུན་ཏུ་བཞེས་པ་སོགས་དྲང་སྲོང་གི་སྤྱོད་ལམ་ཤིན་ཏུ་གཙང་བར་མཛད། སྙིང་པོ་རྣམ་གསུམ་གཙོར་གྱུར་གསར་རྙིང་བོན་སྡེ་མང་པོའི་ལྷག་པའི་ལྷ་ཡི་གསུང་བཟླས་ཀྱང་དཔག་མེད་མཛད་ཅིང་། གཞན་ཕན་ཐུགས་བསྐྱེད་ཆེན་པོས་ཆེད་དུ་བསྒྲུབས་པའི་དམ་རྫས་མྱང་གྲོལ་འགྱེད་ཅིང་སྨིན་གྲོལ་བོན་སྦྱིན་ལོ་བསྟར་དུ་བསྩལ་བས་རིས་མེད་ཀྱི་འགྲོ་བ་བསམ་གྱིས་མི་ཁྱབ་པ་རྣམ་པར་གྲོལ་བའི་ལམ་ལ་བཀོད། བྱ་བཏང་གི་ཚུལ་ལ་དཔག་པའི་སྐུ་གསུང་ཐུགས་རྟེན་ཀྱང་རྒྱ་ཆེར་བཞེངས་ནས་དད་རྫས་བྱུང་ངོ་ཅོག་ཚོགས་གཉིས་རླབས་པོ་ཆེར་སྤེལ། སྐལ་ལྡན་གྱི་སློམ་མ་སྤྱི་ལ་ལམ་རིམ་ལ་སོགས་པ་དང་། ཐུན་མོང་མ་ཡིན་པ་རྣམས་ལ་མཁའ་འགྲོ་གསང་བའི་མཛོད་སོགས་བོན་གྱི་འཁོར་ལོ་བསྐོར་བས་དད་བརྩོན་ལྡན་པ་མང་པོ་གྲུབ་པའི་ས་ལ་བཀོད་ཅིང་། འབྲེལ་ཚད་

― LT38_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ལ་ཐར་པའི་ས་བོན་ཁྱད་པར་ཅན་བསྐྲུན། མདོར་ན་དམ་པ་འདི་ཉིད། སྤྱོད་པ་བླ་མེད་ཕྱིན་བཅུའི་ཕ་རོལ་སོན། །ལྟ་བ་སྟོང་ཉིད་བཅོ་བརྒྱད་ཉམས་སུ་ལོངས། །ལམ་བྱང་ཆུབ་ཀྱི་ཡན་ལག་བཅུ་གཉིས་བགྲོད། གཡུང་དྲུང་གི་ས་བཅུ་མཐར་ཕྱིན་ནས། འབྲས་བུའི་རྟགས་བཅུ་གཅིག་དང་ལྡན་པའི་གདོད་མའི་མགོན་པོའི་རྒྱལ་སར་གཤེགས་པར་འགྱུར་བ་ཅན་ཏུ་གདོན་མི་ཟ་ཞིང་། དེ་ལྟར་ཡང་ལམ་རིམ་བགྲོད་ཀྱི་སོ་སྐྱེ་ཕལ་པ་ཙམ་མ་ཡིན་པ་བསམ་བཞིན་སྐྱེ་བ་བཞེས་པའི་སར་གནས་ཀྱི་སེམས་དཔའ་ཆེན་པོར་ངེས་ཏེ། བློ་ལྡན་སྙན་བརྒྱུད་ལས། ཁྱད་པར་ང་དང་སྟོང་རྒྱུད་བྱིན་བརླབས་པ། །མདོ་ཁམས་སྟོད་སྨད་ཀུན་ནས་གྲངས་མང་འབྱུང་། །ལ་ལ་སྒོམ་ཆེན་ཆས་ཞུགས་རི་ཁྲོད་འགྲིམས། །འདུལ་ཁྲིམས་འཛིན་ཅིང་འཆད་རྩོད་རྩོམ་གསུམ་སྤེལ། །བསྙེན་སྒྲུབ་བྱེད་ཅིང་གསང་སྔགས་གཞུང་བཞིན་སྤྱོད། །གནས་ལུགས་རྟོགས་ཤིང་གཞན་རྒྱུད་ཉོན་མོངས་འདུལ། །དགོན་གནས་འདེབས་ཤིང་གསས་མཁར་རྟེན་གསུམ་བཞེངས། །མཐུ་རྩལ་ལྡན་ཞིང་བསྟན་པའི་དགྲ་བགེགས་སྒྲོལ། །ཐབས་ལ་མཁས་ཤིང་སེམས་ཅན་མ་ལུས་འདྲེན། །ཐུགས་རྗེ་ཆེ་ཞིང་གདུལ་བྱ་ཐར་པར་བཀོད། །ཅེས་ལུང་བསྟན་པའི་ཡོན་ཏན་རྣམས་ནི་བདག་ཉིད་ཆེན་པོ་འདི་ལ་ཚང་བ་ཡིན་ནོ། །དེ་ལྟར་དོན་

― LT38_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀྱི་མཛད་པ་མཐར་ཕྱིན་ཏེ་མི་གནས་པའི་མྱང་འདས་ཆེན་པོར་སྐྱེས་བུ་རང་ཁྱིམ་དུ་བགྲོད་པ་ལྟར་གཤེགས་པའི་ཚེ། སྐུ་གདུང་རིན་པོ་ཆེ་ཞུགས་ལ་འབུལ་བ་དང་། ནང་རྟེན་བཞེངས་པ་སོགས་དགོངས་རྫོགས་ཀྱི་བྱ་བ་སྒྲུབ་ཅིང་བསྟན་པ་འཛིན་པ་པོ་ནི། རྗེ་ཉིད་ཀྱི་རིགས་དབོན་ཞལ་སློབ་ཀྱི་ཐུ་བོ། བསླབ་པ་གསུམ་གྱི་བདག་ཉིད། བོན་ཕྱི་ནང་གསང་བའི་མཛོད་ལ་མཁས་ཤིང་དངོས་གྲུབ་ཀྱིས་བརྒྱན་པ་ཤེས་རབ་དབང་ཕྱུག་སྐུ་མཆེད་ནས་དད་བརྩོན་ཆེན་པོས་གཡར་དམ་དུ་བཞེས་པ་སྟེ། དེའང་མཆོད་རྟེན་ལ་སྤྱིར་དབྱེ་ན། བོན་ཉིད་སྐུའི་མཆོད་རྟེན། དབྱིངས་ཀྱི་མཆོད་རྟེན་ལ་གསུམ། སྤྲུལ་པའི་མཆོད་རྟེན་ལ་བཞི། རང་བཞིན་ལྷུན་གྱིས་གྲུབ་པའི་མཆོད་རྟེན་ལ་བརྒྱད། སྲིད་པའི་ཁ་གནོན་རི་རབ་ལྡེག་གནོན་གྱི་མཆོད་རྟེན་ལ་བཞི། འདུས་བྱས་གཟུགས་བརྙན་གྱི་མཆོད་རྟེན་ལ་བརྒྱད། དུག་ལྔ་འདུལ་བའི་མཆོད་རྟེན་ལ་ཉེར་ལྔ། འགྲོ་བ་འདུལ་བའི་མཆོད་རྟེན་ལ་ལྔ། སྐུ་གདུང་རིང་བསྲེལ་གྱི་མཆོད་རྟེན་ལ་གྲངས་མེད་ཅིང་། ཏིང་ངེ་འཛིན་གྱི་མཆོད་རྟེན་མཐའ་ཡས་པ་རྣམས་སུ་ཡོད་པ་ལས། འདིར་ཕྱག་རྒྱུན་ལྟར་གཟུགས་བརྙན་མཆོད་རྟེན་གྱི་ནང་གསེས་གཡུང་དྲུང་བཀོད་ལེགས་མཆོད་རྟེན་ཐོག་སོ་གཅིག་གི་ཚད་ཅན། ཞིང་དང་བསམ་པ་དངོས་པོ་

― LT38_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་སྡིག་དང་མ་འདྲེས་པའི་རྒྱུ་གཙང་ཞིང་དག་ལ། བཀོད་པ་ཚར་དུ་དངར་བ། ཆགས་ཚད་དབྱིབས་སོགས་མཆོད་རྟེན་གྱི་རྒྱུད་དང་། རྒྱལ་བུ་རྒྱལ་ས་ལ་འཁྲུང་པའི་མདོའི་དགོངས་དོན་མ་འཁྲུལ་བར་བཞེངས་པར་འདི་ཉིད་ཀྱི་ནང་གཞུག་གི་གཙོ་བོ་རིང་བསྲེལ་སྡེ་ལྔར་གྲགས་པའི། ཐོག་མར་བོན་གྱི་རིང་བསྲེལ་ནི། བོན་ཕྱི་ནང་གསང་བའི་གཟུངས་སྡེ་རྣམས་ཀུན་གཟིགས་ནམ་མཁའ་ཡེ་ཤེས་ནས་གཅིག་ཏུ་བསྡུས་པའི་གཟུངས་སྡེ་རིན་ཆེན་སྤུངས་པ་ནས་འབྱུང་བ་རྒྱས་འབྲིང་བསྡུས་གསུམ་ཆ་ཚང་མཐིང་ཤོག་ལ་གསེར་དངུལ་གྱིས་བྲིས་པ་ཆ་གཅིག །རྒྱ་ཤོག་ལ་མཚལ་དང་བྱིན་རྟེན་སྨན་སྣ་རིན་པོ་ཆེ་བསྲེས་ནས་སྤར་དུ་བཏབ་པ་ཆ་བརྒྱད་དེ་རྒྱས་འབྲིང་བསྡུས་པ་ཁྱོན་བསྡམས་ཆ་ཉེར་བདུན། ཁ་འཐོར་གྲས། ཡིག་བརྒྱ་དང་། རྒྱལ་བ་རྒྱ་མཚོའི་གཟུངས་ཆེན་ཚར་ལྔ་བརྒྱ་རེ། མ་ཏྲི་བདེ་གཤེགས་སྟོང་འཛབ། རིགས་དྲུག་རང་སྦྱང་། སྙིང་པོ་སྤྱི་འདུས་ཤོག་བྱང་རྣམས་སྟོང་ཕྲག་རེ། ཀློང་རྒྱས་བོན་སྤྱོད་བཅས། ཡང་མཆོད་གཞུང་། ཁྲོ་བོ་ཡོངས་རྫོགས། རྣམ་རྒྱལ་གཟུངས་སྒྲུབ། སྐྱེ་སྒོ་གཅོད་མདོ། ཚེ་མདོ་གཟུངས། གདུགས་དཀར་མདོ་གཟུངས་བཅས་ཆ་རེ། དེ་དག་མདོ་རྒྱུད་ཐེག་པའི་གོ་རིམ་མ་འཁྲུལ་ཞིང་སོ་སོའི་ན་བཟའ་དང་བཅས་ཏེ་བཞུགས་པའོ། །གཉིས་པ་ཡུངས་

― LT38_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་ལྟ་བུའི་རིང་བསྲེལ་ནི། ཏོག་གི་ནང་དུ། ཁྱུང་པོ་རང་གྲོལ་བློ་གྲོས་རྒྱལ་མཚན་གྱི་གདུང་ལས་བྱོན་པའི་ཤ་རཱི་རཾ་བོད་སྲན་སྦོས་པ་ལས་ཀྱང་ཆེ་བ་གཅིག །སྐུ་མདུན་བསོད་ནམས་བློ་གྲོས་གདུང་ལས་བྱོན་པའི་ཤ་རཱི་རཾ་སྲན་མ་ཙམ་གཅིག་བཅས། གསུམ་པ་བོན་གྱི་སྐུའི་རིང་བསྲེལ་ནི། རྗེ་དེ་ཉིད་ཀྱི་གདུང་ཐལ་དང་རྟེན་འདམ་ལས་གྲུབ་པའི་བདེ་གཤེགས་གཙོ་བཞི། སྟོན་པ་ཀུན་བཟང་རྒྱལ་བ་འདུས་པ། ཁྲོ་བོ་གཙོ་མཆོག་མཁའ་འགྱིང་། བཅུ་གཅིག་ཞལ། སྟག་ལ་མེ་འབར། དྲན་པ་ཡབ་སྲས་རྣམ་གསུམ་བཅས་ཀྱི་སྐུ་བརྙན་སྟོང་ཕྲག་རེ་དང་། ཟངས་ལས་གྲུབ་པའི་སྐུ་གདུང་ཆ་བརྒྱད་མཛུབ་རེ་ཡོད་པ། དེ་རྣམས་སོ་སོ་ལའང་སྐུ་གསུང་ཐུགས་དང་རྟེན་འབྲེལ་སྙིང་པོའི་ནང་གཞུག་དང་ལྡན་པ་བཞུགས་སོ། །བཞི་པ་སྐུ་གདུང་གི་རིང་བསྲེལ་ནི། བུམ་པའི་ནང་སྟོད་ཀྱི་ཤར་དུ། བྲུ་ནམ་མཁའ་གཡུང་དྲུང་གི་ཚེམས་ལ་ཤ་རཱི་རཾ་ཡུངས་དཀར་ཙམ་གཉིས་ཀྱིས་མཚན་པ། བྱང་དུ་ཁྱུང་པོའི་སྟག་ལའི་ཐུགས་ལ་ཡི་གེ་མ་སྨུག་ནག་བྱོན་པ། ནུབ་ཏུ་དོ་ཤང་བླ་མའི་དབུ་ཐོད་རིང་བསྲེལ་གསེར་མདོག་གིས་མཚན་པ། བྱང་དུ་ཁྱུང་ཟ་ཆོག་སྒྲོན་དབུ་ཐོད་ལ་ཡི་གེ་ཨ་རང་བྱོན་ཡོད་པ། གཞན་ཡང་རིས་མེད་ཀྱི་མཁས་གྲུབ་སྐྱེས་ཆེན་མང་པོའི་གདུང་རུས།

― LT38_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ཤངས་མཚལ་ལ་སོགས་པ་བཞུགས་སོ། །ལྔ་པ་སྐུ་བལ་གྱི་རིང་བསྲེལ་ནི། མཉམ་མེད་ཤེས་རབ་རྒྱལ་མཚན། སྐུ་མདུན་གཡུང་དྲུང་དབང་རྒྱལ། སྐུ་མདུན་བསོད་ནམས་བློ་གྲོས། མཁན་ཆེན་ཉི་མ་བསྟན་འཛིན་སོགས་བཀྲ་ཤིས་སྨན་རིའི་གདན་སར་འཁོད་པ་རྣམས་དང་། བྲུ་ནམ་མཁའ་གཡུང་དྲུང་། བྲུ་ཤ་སངས་རྒྱས་བསྟན་འཛིན། གཤེན་རྒྱལ་བ་ཚུལ་ཁྲིམས། གཤེན་ཁྲི་ཆེན། སྤ་གཡུང་དྲུང་ནམ་བཟང་། ཞུ་གཡུང་དྲུང་དབང་རྒྱལ། ཞུ་སྒར་ཆེན་སྐུ་ཞབས། ཞུ་ཉི་མ་གྲགས་པ། རྨེའུ་བསོད་ནམས་དབང་དྲག །རྨེའུ་གཡུང་དྲུང་བསྟན་འཛིན། ཁྱུང་པོ་བློ་གྲོས་རྒྱལ་མཚན། སྨོན་རྒྱལ་དམ་པ་རང་གྲོལ། དགེ་བཤེས་གཡུང་དྲུང་བསྟན་འཛིན། གཏེར་ཆེན་སངས་རྒྱས་གླིང་པ། མཁའ་འགྲོ་བདེ་ཆེན་དཔལ་འདྲེན། སྐྱེ་བདུན་མི་ཕམ་མགོན་པོ། རིག་འཛིན་ཀུན་གྲོལ་གྲགས་པ། གསང་ཡུམ་པདྨ་ལས་རབ། ཡང་སྲིད་གཡུང་དྲུང་བསྟན་འཛིན་གྲགས་པ། མཚུངས་མེད་རིན་ཆེན་གཙུག་ཕུད། མཆོག་སྤྲུལ་ཞལ་བཞུགས། རྒྱལ་སྲས་རྒྱལ་བ་དབང་དྲག །རྒྱལ་སྲས་པདྨ་རྒྱལ་པོའི་སྤྲུལ་སྐུ། ཁྱུང་པོ་ཉི་གྲགས། ཟླ་གྲགས། ཡང་སྟོན་ཁྲི་བཙུག་བསྟན་པའི་རྒྱལ་མཚན། ཡང་སྟོན་གཙུག་ཕུད་རྒྱལ་མཚན། སྣང་བ་མདོག་ཅན་སྤྲུལ་

― LT38_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ། སྣང་ཞིག་ཟླ་བ་རྒྱལ་མཚན། ཁྱུང་པོ་སྤྲུལ་སྐུ། རྟོགས་ལྡན་ཡེ་ཤེས་བསྟན་འཛིན་རྣམས་ཀྱི་དབུ་ལོ། དབུ་ཞྭ། ན་བཟའ། ཕྱག་ཕྲེང་། ཕྱག་རྗེས་ལ་སོགས་པ་དང་། སྟོད་ཁྱུང་ལུང་དངུལ་མཁར་དང་དབུས་གཙང་མན་ནས། བར་ཁྱུང་པོ་སྨོན་རྒྱལ། སྨད་རྒྱལ་རོང་ཨ་མདོ་ཡན་གྱི་བྱིན་རླབས། རྟེན་འདུས། སྔགས་ནས། རྟེན་ཁྲུས་སོགས་ཁུངས་དག་ཕོན་མང་རྣམས་དང་།། ༈ །།ཆོས་ལུགས་ཀྱི་དམ་རྫས་ལོ་ཆེན་བཻ་རོའི་རྒྱ་དཔེ། བྲམ་ཟེ་སྐྱེ་བདུན་གྱི་སྐུ་ཤ་རིལ་བུ། ཀརྨ་པའི་དམ་རྫས་རིལ་ནག་ཆེན་མོ། ས་ངོར་གྱི་བདུད་རྩི་རིལ་བུ། ས་སྐྱོང་སྡེ་དགེའི་རྟེན་སྒམ་དུ་གང་བཞུགས་ཀྱི་བྱིན་རླབས་དམ་རྫས་རིགས་དང་གཞན་ནས་བྱུང་བ་སོགས། མདོར་ན་སྔགས་རྙིང་མ། ཀར་འབྲུག །ས་དགེ་ལ་སོགས་པའི་དམ་རྫས་ཁུང་ལྡན་ཕོན་མང་རྣམས། གང་ཟག་སྔ་ཕྱི་བྱོན་ལུགས་ཀྱི་གོ་རིམ་སོགས་དང་མཐུན་པར་བཞུགས་པའོ། །མཆོད་རྟེན་ལ་སྲོག་ཤིང་གཙོ་ཆེ་བ་མདོ་རྒྱུད་རྣམས་ནས་གསུངས་པ་ལྟར་བཟང་ཤིང་ཤར་རྟགས་རྩ་རྩེ་མ་འཁྲུལ་བའི་སྲོག་ཤིང་ལ་སྙིང་པོ་གསེར་གྱིས་བྲིས་པ། གནས་སོ་སོར་བུམ་རྫས་ཉེར་ལྔ། སེང་ཁྲིར་གནོད་སྦྱིན་འཁོར་ལོ་གསེར་དངུལ་གྱིས་བྲིས་པ་གཅིག །སྤར་མ་ཆ་བརྒྱད་སོགས་མདོར་ན་གཟུངས་འབུལ་གྱི་ཕྱག་ལེན་ཀུན་

― LT38_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་གྲགས་པས་མཛད་པ་གཡའ་བྲལ་ཤེལ་གྱི་མེ་ལོང་ལྟར་ཚང་ཞིང་མ་འཁྲུལ་བར་བཞུགས་སུ་གསོལ་ཞིང་། ས་འཛིན་ཏུ་གངས་རི་མཚོ་གསུམ། ཟ་ཧོར་ལ་དྭགས། རྒྱ་གར་བལ་ཡུལ། གུ་གེ་ཁྱུད་ལུང་། སྤ་གྲོ་གཙང་དབུས། ཀོང་ཡུལ་ཁྱུང་པོ། མདོ་ཁམས་སྟོད་སྨད། རྒྱལ་རོང་ཨ་མདོ། རྒྱ་ནག་སོགས་གནས་ཆེན་གནས་ཕྲན་མང་པོའི་ས་ཆུ་རྡོ་ཤིང་རྩྭ་དང་མེ་ཏོག །གནོད་སྦྱིན་བང་མཛོད་དུ་ཚོང་འདུས་སྟོད་སྨད་ཀྱི་ས་དང་འབྲུ་ནོར་སོགས་གཡང་རྫས་སྣ་ཚོགས། ས་འཛིན་འོག་ཏུ་དུག་གསུམ་གྱི་མནན་པ། མཆོད་རྟེན་སྟོད་སྨད་ཀུན་ཏུ་སྨེ་བཙོགས་ཀྱིས་མ་གོས་པའི་དར་ཟབ་རས་ལིང་། གཤའ་ར་གན། ཞ་ཉེ་སོགས་མ་ཡིན་པའི་རིན་པོ་ཆེ་སྣ་ཚོགས། དུག་དང་མཐུར་ལྟས་མ་ཡིན་པའི་མེ་ཏོག་སྣ་ཚོགས། བྲ་སྲན་འབྲུ་ནག་མ་ཡིན་པའི་འབྲུ་རིགས་སྣ་ཚོགས། དུག་དང་བཤལ་སྐྱུགས་མ་ཡིན་པའི་སྨན་སྣ་ཚོགས་ཐུམ་དང་ཁྲོལ་བུར་བྱས་པས་བཀངས་ཤིང་། བཟང་ཞིང་དྲི་བཟང་གི་ཕུར་མས་བར་མཚམས་ཐམས་ཅད་བཅེར་ཞིང་མཚམས་དར་སོ་སོས་བཀག་པ་སོགས་གཞུང་ནས་བཤད་ཚོད་ཚད་ལྡན་འདུ་བགྱིས་ཤིང་། རབ་ཏུ་གནས་པའི་ཆོ་གས་ཡེ་ཤེས་སེམས་དཔའ་བརྟན་པར་བཞུགས་པའི་བྱིན་རླབས་ཀྱི་གཟི་བརྗིད་འབར་ཞིང་། སྐྱེ་དགུའི་བསོད་ནམས་ཀྱི་ཞིང་

― LT38_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་དུ་གྱུར་པ་འདི་བསྒྲུབས་པ་ཡིན་ནོ། །དེ་ལྟར་བསྒྲུབས་པའི་ཕན་ཡོན་ཀྱང་མདོ་ལས། བདེ་གཤེགས་སྐུ་གདུང་རིང་བསྲེལ་བཞེངས་བྱེད་པ། །བསྐལ་པར་བསགས་པའི་བག་ཆགས་སྒྲིབ་པ་འདག །མཚམས་མེད་ལས་གྱུར་སྡིག་དང་སྒྲིབ་པ་བྱང་། །བསོད་ནམས་ཡེ་ཤེས་ཚོགས་ཆེན་མྱུར་དུ་རྫོགས། །འབྲས་བུ་སྐུ་གསུམ་སངས་རྒྱས་འཐོབ་པར་འགྱུར། །ཅེས་དང་། །སྟོན་པ་སངས་རྒྱས་བདེ་བར་གཤེགས་པ་རྣམས། །ཕྲ་རབ་རྡུལ་དང་གྲངས་འཛིན་རྡུལ་ཕྲན་མཁྱེན། །གངྒཱའི་ཀླུང་གི་བྱེ་མ་སྙེད་ཙམ་མངོན། །སྐུ་གདུང་ཡོན་ཏན་གྲངས་ཀྱིས་བརྗོད་མི་ནུས། །ཞེས་དང་བདེ་གཤེགས་མཆོད་རྟེན་བཞེངས་སུ་གསོལ་བ་ཡིས། །ངན་སོང་གསུམ་ལས་གཏན་ཏུ་ཐར་བར་འགྱུར་རོ། །གང་ཞིག་མཆོད་རྟེན་སྐུ་ཡི་བསྐོས་མཁན་བྱེད་པ་ནི། །སྒམ་པོ་ཕྱ་ཡི་ལུས་སུ་སྐྱེ་བར་འགྱུར་རོ། །ཞེས་དང་། གང་གིས་མཆོད་རྟེན་སྐུ་ལ་འཇིམ་པ་གཅིག་བོར་བ། །ཇི་སྙེད་རྡུལ་གྱི་གྲངས་ནི་དེ་སྙེད་དུ། །བསོད་ནམས་རྒྱུན་ཀྱང་དེ་བཞིན་ཟད་མི་ཤེས། །ཞེས་སོགས་ནས། གང་ཞིག་མཆོད་རྟེན་སྐུ་ལ་མར་མེ་འབུལ་བ་ནི། །ཡེ་ཤེས་གསལ་བའི་སྒྲོན་མེ་འདེགས་པར་འགྱུར། །གང་ཞིག་མཆོད་རྟེན་སྐུ་ལ་ཕྱག་བསྐོར་འབུལ་བ་ནི། །རྩ་གསུམ་གནས་སུ་བོན་

― LT38_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བསྐོར་བར་འགྱུར། །མཆོད་པའི་རྟེན་ལ་བཀུར་སྟི་སུས་བགྱིས་ཀྱང་། །ཚེ་འདིར་ཅི་བསམ་ཡིད་བཞིན་འགྲུབ་པ་དང་། །འགལ་རྐྱེན་བར་ཆད་མ་ལུས་ཞི་ནས་ཀྱང་། །ཕྱི་མ་བླ་མེད་འབྲས་བུ་འཐོབ་པར་འགྱུར་རོ། །ཞེས་པ་ལ་སོགས་པ་རྒྱ་ཆེར་གསུངས་པ་རྒྱས་པར་མདོ་བྲི་མ་མེད་པའི་གཟི་བརྗིད་སོགས་བལྟ་བས་དང་བ་དང་། འདོད་པ་དང་། ཡིད་ཆེས་པའི་དད་པ་དང་ལྡན་པས་བསོད་ནམས་ཀྱི་ཚོགས་རླབས་པོ་ཆེ་སྒོ་ཐམས་ཅད་ནས་གསག་པར་བྱའོ། །སླར་སྨྲས་པ། འདི་དང་གཏན་གྱི་དབུལ་བའི་འཇིགས་འཕྲོག་ཅིང་། །ཡིད་ལ་འདོད་རྒུའི་དངོས་པོ་འཇོ་བ་ལ། །བུམ་བཟང་དཔག་བསམ་ཤིང་གིས་མི་བསྐྲུན་པ། །ལྷ་མིའི་མཆོད་སྡོང་བོན་སྐུའི་རྟེན་འདི་རྨད། །འདི་བགྱིས་དགེ་བས་རྣམ་འདྲེན་བླ་མ་མཆོག །དགོངས་པའི་ལྷག་མ་བོན་ཉིད་དབྱིངས་སུ་རྫོགས། །གང་འདུལ་སྤྲུལ་པའི་རོལ་རྩེད་མཐའ་ཡས་པས། ཁམས་གསུམ་འཁོར་བ་དོང་ནས་སྤྲུགས་པར་ཤོག །དྲི་མེད་གཤེན་བསྟན་ཉིན་བྱེད་མི་འགྲིབས་གསལ། །སྐྱེ་དགུའི་བདེ་སྐྱིད་པད་ཚལ་ཕྱོགས་བརྒྱར་བཞད། །རྣམ་དཀར་དཔྱིད་ཀྱི་དཔལ་མོ་དར་བབ་པའི། །བཀྲ་ཤིས་སྣང་བས་འཇིག་རྟེན་མཛེས་གྱུར་ཅིག །ཅེས་པའང་སྐྱེས་མཆོག་རྣམ་པར་འདྲེན་པ་པྲཛྙེ་ཤྭ་རའི་གསུང་

― LT38_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུལ་རྗེས་སུ་བསྒྲུབ་སླད། ཁྱུང་དཀར་གྱི་རིགས་ལས་གན་ཇག་ཐང་ཏའི་སྨོན་ལམ་འཛིན་པ་རིག་འཛིན་བློ་གྲོས་མཐའ་ཡས་སམ། ཀརྨ་ངག་དབང་ཡོན་ཏན་རྒྱ་མཚོ་ཕྲིན་ལས་ཀུན་ཁྱབ་དཔལ་བཟང་པོས་དཔལ་སྤུངས་ཡང་དབེན་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་སརྦ་ཐཱ་ཀ་ལྱཱ་ཾ་བྷ་བ་ཏུ། །

ཁྱད་པར་བཅུ་གསུམ་དང་ལྡན་པའི་རྩ་བརྒྱད་སྟོང་སྦྱར་གྱི་རྟོག་པ་བརྗོད་པ་ཡོངས་འདུས་མེ་ཏོག་གསར་པའི་ཕྲེང་བ་དཔྱོད་ལྡན་རྣ་རྒྱན།

― LT38_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་བཅུ་གསུམ་དང་ལྡན་པའི་རྩ་བརྒྱད་སྟོང་སྦྱར་གྱི་རྟོག་པ་བརྗོད་པ་ཡོངས་འདུས་མེ་ཏོག་གསར་པའི་ཕྲེང་བ་དཔྱོད་ལྡན་རྣ་རྒྱན་ཅེས་བྱ་བ་བཞུགས་སོ། །

― LT38_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་བཅུ་གསུམ་དང་ལྡན་པའི་རྩ་བརྒྱད་སྟོང་སྦྱར་གྱི་རྟོགས་པ་བརྗོད་པ་ཡོངས་འདུས་མེ་ཏོག་གསར་པའི་ཕྲེང་བ་དཔྱོད་ལྡན་རྣ་རྒྱན་ཅེས་བྱ་བ། བླ་མ་ཧེ་རུ་ཀ་ལ་ཕྱག་འཚལ་ལོ། །གང་གིས་ཡེ་ཤེས་བདུད་རྩིའི་ཕྱག་རྒྱ་བཅིངས། །དེ་ལས་ཆགས་སོགས་དུག་གིས་མི་འདའ་བར། །རྟོགས་འཁྲུལ་སྤང་བླང་ལྷན་ཅིག་སྦྱོར་མཛད་པ། །ཆེ་བའི་མཆོག་ལ་འདུད་དོ་གྲུབ་པས་སྐྱོང་། །པདྨའི་ཉི་མ་རྡོ་རྗེའི་ལང་ཚོ་ཅན། །གངས་ཅན་མུན་པར་གཟི་བརྗིད་ལྷགས་པར་ཡང་། །པདྨ་དྲྭ་བའི་མཁའ་ལ་འབྲལ་མེད་པ། །བྱང་ཆུབ་བར་དུ་དབྱེར་མི་ཕྱེད་གྱུར་ཅིག །ལྐོག་གྱུར་གསང་བའི་ལྗགས་དེ་

― LT38_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་སུམ་བརྐྱང་། །ས་གསུམ་རྡོ་རྗེར་བྱེད་པའི་བདུད་རྩིའི་སྒྲས། །སྐལ་བཟང་བུང་བའི་ན་ཆུང་གཉིད་སད་ནས། །ཡོ་གའི་ཆང་གི་མྱོས་པའི་ངར་དིར་ལེན། །འདིར་རེ་ཞིག་བསྙད་པར་བྱ་བ་ནི་གང་ཞིག །ཁྱད་པར་གྱི་ཆོས་ཇི་ལྟ་བུ་དང་ལྡན་ཅེ་ན། སྨྲས་པ། སྐུ་གསུམ་གྱི་རྣམ་པ་ཐམས་ཅད་པས་ཆེ་བའི་བདག་ཉིད་རྣམས་ཀྱིས་དགོངས་པ་བརྡ་དང་ཚིག་གི་སྒོ་ནས་མཐའ་ཡས་པའི་ཞིང་རྣམས་སུ་ཚད་མེད་པར་གསུངས། རིག་འཛིན་རྣལ་འབྱོར་ཕོ་མོ་ཐམས་ཅད་གཤེགས་ཤིང་གཤེགས་པར་འགྱུར་བའི་ལམ་གསང་བ་བདེ་མྱུར་གྱི་ཆོས་ཅན་གྲངས་གཞལ་བར་མི་ནུས་པ་དག་ལས། མཆོག་ཏུ་

― LT38_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བའི་གོ་འཕང་བགྲོད་པ་གཅིག་པ་ལ་གང་ལས་བགྲོད་པའི་ལམ་གསང་བའི་གོང་ན་གཞན་མེད་པ། སྨན་ཆེན་པོ་འཁོར་འདས་བདུད་རྩིར་བྱེད་པ་དཔལ་ཧེ་རུ་ཀ་ཆེ་བའི་མཆོག་གདུལ་བྱ་ལ་ཐུགས་རྗེ་སྐྱེས་བའི་རྟོགས་པ་སྙིང་པོའི་སྙིང་པོར་གྱུར་པའི་རིམ་པ་ལས་དངོས་གྲུབ་ཀྱི་དམ་རྫས། བཅུད་ལེན་གྱི་ནོར་བུ་འདོད་པ་འཇོ་བའི་དབྱིག་གི་གཏེར་དུ་བསྒྲུབས་ཤིང་བྱིན་གྱིས་བརླབས་པའི་ཚུལ་ལས་བརྩམས་ཏེ། འཇིག་རྟེན་གྱི་ཉི་མ་མཆོག་གྱུར་གླིང་པ་གསར་དུ་ཤར་བའི་ཕྲིན་ལས་ཀྱི་སྣང་བ་གངས་རིས་མཛེས་པའི་ལྗོངས་སུ་སྒྲིབ་བའི་ཆུ་ཁུར་དང་བྲལ་བར་རབ་ཏུ་ཁྱབ་པའི་རྟེན་འབྲེལ་གྱི་སྒོ་དང་པོར་འབྱེད་པ་ལས། གངས་ཅན་གྱི་སྣོད་དང་བཅུད་དུ་གྱུར་པ་དག་བདེ་ལེགས་སུ་བྱེད་ཅིང་ཤིས་པ་སྒྲུབ་པའི་ཐབས་གསང་བའི་ཁྱད་པར་ལུང་དང་རིགས་པས་འཐད་པ་དག་ཇི་ལྟར་འབད་རྩོལ་དུ་བགྱིས་པའི་རབས་གང་ཡིན་པ་དེ་འདིར་མདོར་བསྡུས་ཏེ་འཆད་པར་བྱའི་རྒྱས་པར་ནི་མ་ཡིན་ནོ། །བློ་ལྡན་ནོར་བུའི་རྒྱལ་པོ་ཆོ་གས་བསྒྲུབས། །འཆིང་བུའི་ནོར་ལ་བྱི་དོར་བྱ་བ་མིན། །ཕྲ་བའི་མིག་ཅན་བདེ་མྱུར་ལམ་དུ་འཇུག །རིང་བའི་ལམ་ནི་ཀིམ་བའི་འབྲས་བུར་བྱེད། །ས་སྟེང་ཀུན་ཏུ་རྐང་པས་བསྐོར་བ་དང་། །རིན་ཐང་ཚད་མེད་ཟོང་

― LT38_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་བསྒྲུབས་པར་ཡང་། །བསོད་ནམས་ནོར་གྱིས་བཀྲེན་ལ་དཀོན་པ་བཞིན། །དེ་དངོས་ལེགས་བྱས་ལག་པའི་རྩེ་མོར་འོངས། །མཚན་རྟོག་ཡིད་ཀྱི་འཇིགས་ལས་སྐྱོབ་པའི་ཐབས། །འདི་དང་གཞན་ཏུ་བསྟན་པའི་ཁྱད་པར་ལྕིད། །སྐུ་གསུམ་སྟོན་པས་གཞལ་བ་ཚད་མའི་བཀས། །དབང་པོ་མཆོག་རྣམས་ཐེ་ཚོམ་སྐྱེད་པ་མིན། །ཡན་ལག་སྟོང་གིས་རྩ་བ་བརྒྱད་བརྒྱན་ཏེ། །ལུས་སེམས་ནད་དོ་ཅོག་གི་དགྲ་ཆེ་བར། །བསྒྲུབས་པའི་བྱུང་བ་ཁུ་བྱུག་མྱོས་པའི་གླུ། །དུས་ཀྱི་དང་པོའི་ལང་ཚོ་བཞད་ལས་ཐོས། །དེ་ལ་ཁྱད་པར་གྱི་སྡོམ་ནི། །སྒྲུབ་གནས་སྦྱིན་བདག་བསྒྲུབ་བྱ་བ། །སྒྲུབ་ཐབས་ཡོ་བྱད་རྟེན་དུས་ཚོད། །སྒྲུབ་པོའི་གྲོགས་དང་ཕྱག་བཞེས་དང་། །འགྲོ་དོན་བྱ་བ་རྟེན་འབྲེལ་ལོ། །ཇི་སྐད་སྨོས་པ་ལེགས་བྱས་མཆོག་གི་ཚུལ་དེ་འཆད་པར་བྱེད་པའི་ཁྱད་པར་ནི་བཅུ་ཕྲག་གཅིག་ལ་རྩེ་མོས་བརྒྱན་པ། འཁྱོག་པོར་བརྗོད་པའི་ལམ་དང་བྲལ་ཞིང་དངོས་པའི་རང་བཞིན་བརྗོད་པ་ལ་དགའ་བས་ཐོག་མ་གང་ཡིན་པ་དེ་བསྙད་པར་བྱའོ། །དེ་ལ་ཡིད་ཆེས་སྐྱེད་པར་ནུས་པའི་གསུང་ནི་ཇི་སྐད་དུ། ཁྱད་པར་ལར་ལུང་ཤེལ་གྱི་བྲག་ཕུག་འདི༔ བདུད་རྩི་སྨན་སྒྲུབ་བྱས་པའི་གནས་ཡིན་

― LT38_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

པས༔ གནས་གཞན་ལ་ཡང་ཡོན་ཏན་ཡོད་མོད་ཀྱང་༔ བསམ་འགྲུབ་ཤེལ་གྱི་བྲག་ཕུག་ཆར་མི་ཉེ༔ ཨོ་རྒྱན་ཧེ་རུ་ཀ་དང་མཚུངས་དཔེར་བཞག༔ ཅེས་བྱ་བ་ལ་སོགས་པས་མཐའ་ཡས་པའི་བསྔགས་པ་གསུངས་པ་དེ་ནི་བྱ་བ་འདི་གང་དུ་བསྒྲུབས་པའི་གནས་ཏེ། དེ་ཡང་ཡུལ་ལ་སྔ་བ་ཡར་མོ་ལུང་གི་ཐིག་ལེ། སྲིད་པའི་ལྷ་རབ་ཤམ་པོ་སོགས་ཀྱིས་མེལ་རྩེ་ལ་བརྩོན་པ། རྒྱལ་པོ་ལ་སྔ་བ་གཉའ་ཁྲི་བཙན་པོ་བསོད་ནམས་གནམ་གྱི་དམུ་ཐག་ལས་བབས་ཏེ་བདག་གིར་བཞེས་པ། མཁར་ལ་སྔ་བ་ཡུམ་བུ་བླ་མཁར་དུ་གྲགས་པའི་གཞལ་མེད་ཁང་ལ། ཕྱོགས་ཀུན་ནས་ཁང་པ་བརྩེགས་པ་དང་གྲོང་དང་གྲོང་བརྡལ་འབྱོར་པའི་འདུ་ལོང་ཅན་དག་གིས་མངོན་པར་བརྒྱན་པ། བསྟན་པ་ལ་སྔ་བ་ཐུགས་དམ་གཉན་པོ་གསང་བ་མཁའ་དབྱིངས་ཡངས་པའི་དཀྱིལ། དབང་པོའི་གཞུ་རིས་ཀྱི་ལམ་ནས་ནོར་འཛིན་གྱི་ཁྱོན་ལ་ཕེབས་ཏེ་དམ་པའི་ཆོས་ཀྱི་དབུ་བརྙེས་པ། གཙུག་ལག་ཁང་ལ་སྔ་བ་འཇིག་རྟེན་དབང་ཕྱུག་སྲོང་བཙན་སྒམ་པོས་ཆོས་སྣང་བའི་ཆོ་འཕྲུལ་གྱི་སྒོ་བསྟན་པའི་ཐོག་མ་རང་བྱུང་གི་རྟེན་ཁྱད་པར་ཅན་དུ་མས་རྒྱ་མཚོ་ལ་ནོར་བུ་བཞིན་ཡོངས་སུ་གཏམས་བ་གཡོ་རུ་ཁྲ་འབྲུག་བྱམས་པ་མི་འགྱུར་

― LT38_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུན་གྱིས་གྲུབ་པ་དང་ཟུང་དུ་འབྲེལ་པ་གཞན་ཡང་ངོ་མཚར་དང་བྱིན་རླབས་ཀྱི་གཟི་འོད་རྣོན་པོས་དབང་པོ་ལ་ཡ་མཚན་གྱི་དགའ་བ་སྟེར་བའི་རྟེན་དང་། གནས་དང་གཙུག་ལག་ཁང་གསེར་རིའི་ཕྲེང་བས་ཡོངས་སུ་བསྐོར་བའི་དབུས་ན། ལྷུན་པོ་ལྟར་གྱེན་ཏུ་འཕགས་པའི་རྡོ་ཤེལ་གྱི་རི་བརྩེགས་པའི་ཁོང་གསེང་ན་གྲུབ་པའི་རིག་འཛིན་རྣམས་བསམ་གཏན་མཛད་པ། དཔའ་བོ་དང་རྣལ་འབྱོར་མས་ཚོགས་ཀྱི་འདུ་བ་རྒྱུན་མི་འཆད་པ་ལ་སྤྱོད་པ། ཆོས་དང་ནོར་གྱི་རིགས་བཞག་ཏུ་འོས་པ་དང་། སྤྱད་དུ་འོས་པའི་གཏེར་གྱི་མཛོད་དུ་མས་གཏམས་པ་རྡོ་རྗེ་ཅན་གྱིས་གསང་བའི་ལྗགས་ཀྱིས་ཇི་སྐད་བསྒྲགས་པའི་སྒྲུབ་གནས་ཀྱི་ཡོན་ཏན་མ་ཚང་བ་མེད་པ་དང་ལྡན་པ་དེ། འདིར་སྒྲུབ་པའི་གནས་ཏེ་ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་དང་པོའོ། །ཁ་བ་ཅན་ལྗོངས་ཡུལ་གྱི་འགོ། །དབྱིབས་ལེགས་ཀུན་ནས་ཁོད་སྙོམས་པ། །བདེ་བའི་འབྱོར་པ་དུ་མས་བརྒྱན། །ཡར་མོ་ལུང་ཞེས་བྱ་བ་ཡོད། །དེ་ན་ཨོ་ཌཱི་ཡ་ལས་འོངས། །ཧེ་རུ་ཀ་ཡི་འདུ་ཁང་ནི། །ཆུ་བུར་ཅན་ངོར་རྡོ་བའི་རི། །པདྨ་བརྩེགས་ཞེས་བྱ་བ་བྱུང་། །དྲི་མེད་ཤེལ་གྱི་རྡོ་ལེབ་བརྩེགས་པའི་ངོས། །མརྐ་ཏ་ཡི་ཁུ་བས་བྱུགས་འདྲ་བ། །

― LT38_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ངོས་རྩེ་མོས་འབིགས་པའི་ས་འཛིན་ནི། །གཡུ་འོད་ཆར་སྤྲིན་གསར་པའི་ཕུད་ཀྱུ་ལྡེམས། །དབུ་སྐྱེས་དྲི་ལྡན་ཤིང་གི་ཟར་བུ་དང་། །གྲུབ་པའི་ཆུ་མིག་བདུད་རྩིའི་དོ་ཤལ་དཔྱངས། །མ་བཅོས་ཕུག་བའི་ཁང་བཟང་ཡིད་འོང་ངོས། །བཀའ་རྟགས་འཕྲུལ་གྱི་པ་ཏྲ་འབུར་དུ་དོད། །དེ་ན་འཁོར་གྱི་དབུས་བཞུགས་འཁོར་ལོའི་མགོན། །རྒྱལ་དང་གྲུབ་པ་ཏིལ་གྱི་གོང་བུ་བཞིན། །བཞུགས་ཚུལ་བསམ་གྱིས་མི་ཁྱབ་དག་པའི་བློར། །ཡེ་ཤེས་ཆེན་པོའི་རོལ་རྩེད་ཅི་ཡང་སྒྱུར། །གཙང་བྱེད་གྱ་གྱུའི་རྒྱུན་ནི་འཐོར་འཐུང་སོགས། ཁ་བའི་འདབ་མ་ལྷ་ཡི་མེ་ཏོག་ཉིད། །བསུང་ཞིམ་འཛག་པའི་ལྗོན་བཟང་ལྷན་སྐྱེས་སྤོས། །རྐང་འཐུང་འབྲས་བུའི་ལྕིད་ལྡན་ལྗགས་སྨིན་བྱེད། །ཙ་ཀོ་ར་དག་དྲི་ཟའི་པི་ཝཾ་རྡུང་། །བྱེའུའི་ཅ་ཅོ་མིའམ་ཅི་ཡི་གླུ། །སྤང་ལྗོངས་ངོས་སུ་མེ་ཏོག་ཚོམ་བུས་མཛེས། །རང་བྱུང་དུར་ཁྲོད་རྣམས་ནི་ཁྱུད་མོར་བསྐོར། །ལྷུན་གྲུབ་གནས་ཀྱི་རང་བཞིན་ནི། །རྣལ་འབྱོར་ལྡན་པ་ཁོ་ནས་མཁྱེན། །བརྟུལ་ཞུགས་གྲུབ་ལ་དགའ་སྐྱེད་པ། །དེ་ན་བསྟི་བའི་སྐལ་པ་ཐོབ། །ད་ནི་གཉིས་པར་བརྗོད་པ་དེ་བསྙད་པར་བྱའོ། །དེ་ལ་ཇི་སྐད་དུ། བསོད་ནམས་ལྡན་པའི་མི་ཡིས་བསམ་པ་ཐམས་ཅད་འགྲུབ། །ཅེས་དང་། སྐྱེས་པའི་རབས་ལས། ས་བདག་

― LT38_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ནི་ཚིག་གིས་ཏེ། །ལྷ་རྣམས་བསམ་པས་འགྲུབ་པ་ཡིན། །བསམ་གཏན་ལྡན་པ་རྣམས་ཀྱིས་ནི། །སེམས་བསྐྱེད་པ་ཡིས་ཐམས་ཅད་འགྲུབ། །ཅེས་འབྱུང་སྟེ་གང་སུ་ལ་ལེགས་བྱས་ལས་བྱུང་བའི་བསོད་ནམས་ཀྱི་གཟི་བརྗིད་ཚད་མེད་པ་དང་ལྡན་པ་དེས་ནི། སེམས་བསྐྱེད་པའམ། ཚིག་ཙམ་མམ། ཕལ་ཆེར་རྩོམ་པ་ཆུང་ངུས་ཀྱང་དོན་ཆེན་པོ་བདེ་བླག་ཏུ་འགྲུབ་པ་ཡིན་པས་ན། འདིར་ཡང་སེམས་ཅན་ལ་གནོད་པའི་རྐྱེན་ཏུ་འགྱུར་བའམ། ཟིང་ཟིང་པོའི་འདུ་ལོང་ངམ། གཡེར་ཆེན་ཏུ་བསྒྲག་པ་སྐད་ཀྱི་ལས་ཐབས་ལ་མ་བརྟེན་པར་དགོས་པར་བྱ་བ་གང་ཡིན་པ་དེ་རྨི་ལམ་བཞིན་ཏུ་འགྲུབ་པའི་བདག་པོའི་རྐྱེན་དང་། མཐུན་པའི་རྐྱེན་སྟོབ་པ་པོ་ནི། རི་ཁ་བ་ཅན་པའི་བསོད་ནམས་ཆམ་མཁའི་ངོས་སུ། སྙིང་རྗེ་ཉི་ཟླའི་ཤིང་རྟས་འགྲོ་བའི་དཔའ་བོ་ཆེན་པོ་ཞིང་ཀུན་ཏུ་མངོན་པར་གྲགས་པའི་བ་དན་བདུད་ཀྱི་དཔུང་གིས་ཀྱང་བསྙལ་བར་མི་བཟོད་པ། མཁྱེན་བརྩེའི་དཀྱིལ་འཁོར་ཚད་མེད་པར་རྒྱས་པས་ཉིན་མོ་དང་། མཚན་མོའི་གདུང་བ་ཞི་བར་བྱེད་པ་དག་ལས། གཅིག་པ་ནི། གཞན་ཕན་རྣམ་རོལ་ལ་སོགས་པ་སྔོན་ཡང་དག་པའི་མཐའ་ལ་དེ་བཞིན་གཤེགས་པའི་འགྲོས་ཀྱིས་ཡང་ནས་ཡང་དུ་

― LT38_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས། ད་ལྟ་སྤྱན་རས་གཟིགས་རྣམ་སྣང་གང་ཆེན་མཚོ་གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་མངོན་པར་བཀོད་དེ་འདུལ་བ་བཞིའི་ཆོ་འཕྲུལ་ཚད་མེད་པ་བསྟན། ཕྱིས་བསྐལ་བཟང་གི་སྒྲོན་མེ་དྲུག་པ་སེང་གེ་བྱང་ཆུབ་ཀྱི་སྙིང་པོ་ལ་བཞུགས་པར་འགྱུར་བ་ལ་སོགས་ཏེ་བསམ་གྱིས་མི་ཁྱབ་བའི་རྣམ་པར་ཐར་པ་རྒྱལ་བ་ཀུན་དང་མཉམ་པ་ཉིད་དུ་བརྙེས་པ། འཇིག་རྟེན་མགོན་པོ་རང་ཉིད་རང་གིས་ཕྱག་མཚན་ཏུ་བཞེས་པའི་ཁ་བ་ཅན་པའི་འདྲེན་པར་མི་འགྱུར་བ་ཕྱག་རྒྱའི་ཅོད་པན་མཐོང་གྲོལ་དབང་སྔོན་གསེར་གྱི་གཤོག་པ་ཅན་གཙུག་ཏུ་བཅིངས་ཏེ་ཡང་དང་ཡང་དུ་འོངས་པ་ལས། ཕྱོགས་རེའི་གྲངས་སུ་གཞལ་བ་དག་གི་རྟོག་ངོར་སྐྱེས་པ་རབས་ཀྱི་ཕྲེང་བ་བཅུ་བཞིའི་ཉག་ཐག་འཛིན་པ། ཐེག་པ་མཆོག་གི་རྡོ་རྗེ་ཞེས་པའི་མཚན་ཙམ་གྱིས་ཀྱང་འཁོར་བའི་བཅིངས་པ་ནི་དགྲོལ། སྲིད་པའི་སྲེད་པ་ནི་གཞིལ། ངན་འགྲོའི་སྒོ་ཆེན་ནི་བཅད། ཐར་པ་ཆེན་པོའི་ལམ་རབ་ཏུ་ཡངས་པར་མཛད་པ་སོགས་སངས་རྒྱས་ཀྱི་མཛད་པ་བདེ་བླག་ཏུ་བསྒྲུབ་ནུས་པ་གང་ཡིན་པ་དེ་ཉིད་དོ། །གཉིས་པའང་གང་ཞེ་ན། འདི་ལྟར་མི་ཡི་ལྷ་སྲོང་བཙན་སྒམ་པོས་དཀོན་མཆོག་གི་རྟེན་བཀོད་ཅིང་བདག་གིར་མཛད་པའི་ཆབ་སྲིད་དང་འབངས་ཀྱི་སྐྱེ་བོ་རྣམས་

― LT38_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པའི་རྣམ་པར་རོལ་པ་དུ་མས་བསྐྱངས་ཤིང་ཐར་པའི་ལམ་དུ་ཡང་དག་པར་འཁྲིད་པར་མཛད་པ་ལས། སྡོམ་བརྩོན་རྒྱལ་པོའི་ཚུལ་གྱིས་དམར་པོའི་ཕོ་བྲང་གཞན་གྱིས་ཟིལ་གྱི་མི་ནོན་པའི་མངའ་འོག་ཏུ། རྒྱ་དང་བོད་དང་ཧོར་ལ་སོགས་པའི་སྐྱེ་དགུ་མ་ལུས་པ་བཀར་བཏགས་ཏེ་མཐའ་བཞིའི་སོ་ཁ་འཚོ་བས་འདི་དང་ཕ་རོལ་གྱི་འཇིགས་པ་རྒྱུ་དང་བཅས་པ་ལས་ཟློག་པའི་ཆོ་འཕྲུལ་ཆེན་པོའི་སྣང་བ་བསྟར་ཆགས་པ་དེ་ཉིད་དུ་འཇིག་རྟེན་གསུམ་གྱི་རྣམ་པར་འདྲེན་པ། གནམ་བསྐོས་ཀྱི་སའི་དབང་ཕྱུག །འཕྲུལ་ལྡན་བསོད་ནམས་ཀྱི་ཤིང་རྟ་ལ་མངོན་པར་འཛེགས་པའི་བཀའི་མདུན་ན་འདོན་དག་གི་ཐུགས་བསྐྱེད་པ་དང་། བློ་གྲོས་ཀྱི་འདུན་སྟངས་གཅིག་ཏུ་མཐུན་པར་གྱུར་པ་ལས་ཏེ། སྔ་ཕྱི་གཉིས་ཀའང་གཞན་ལ་ཕན་པ་འབའ་ཞིག་གི་རྗེས་སུ་ཆགས་པའི་ཐུགས་རྗེ་ཆེན་པོ་སྐྱེས་ཏེ། ལས་སུ་བྱ་བ་འདི་དབྱིག་གི་སྙིང་པོ་ལྟར་མ་རྩོལ་བར་ཡང་བདེ་བླག་ཏུ་འགྲུབ་པར་མཛད་པ་དེ་དག་ནི། འདིར་ཡོན་སྦྱོར་བའི་བདག་པོ་སྟེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་གཉིས་པའོ། །རབ་དཀར་གངས་རིའི་ཕྲེང་བས་བསྐོར་བའི་ལྗོངས། །དེ་ན་དཔའ་བོ་སྙིང་རྗེའི་དབང་

― LT38_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་ཡོད། །དེ་དག་རྣམ་པར་ཐར་ནི་མཐའ་ཡས་ཏེ། །མི་མཉམ་སྟོབས་ཅན་ཕྱོགས་བཅུའི་འདྲེན་པས་བསྒྲགས། །དམ་པའི་སྨན་ཆེན་འགྲོ་བའི་ཟུག་རྔུ་གསོ། །དམ་པའི་ཉི་མས་རྒྱུ་མེད་པར་ཡང་ཕན། །དམ་པའི་ཟླ་བས་ཡིད་ལ་བདུད་རྩིར་བྱེད། །དམ་པ་ནོར་བུ་གང་གི་བསྟེན་རྣམས་འཆིངས། །གཞན་ལ་ཕན་པས་འགྲོ་བའི་དཔའ་བོ་རྣམས། །རང་དོན་བགྱི་བ་ཅིར་ཡང་མ་མཆིས་པས། །བྱ་དཀའི་ཁུར་ཡང་བདེ་བླག་བསྣམ་བྱེད་ན། །གཞན་ལས་ཕྱིར་མི་ལྡོག་པ་སྨོས་ཅི་དགོས། །དཔུང་པའི་འཁྲི་ཤིང་པུཎྜ་རཱི་ཀའི་འཛུམ། །རབ་དཀར་སྙིང་རྗེའི་དཀྱིལ་འཁོར་མཚོན་བྱེད་པ། །རྒྱལ་བ་ཀུན་གྱི་ཕྲིན་ལས་དབང་ཕྱུག་དེས། །ལས་འདིར་ཕྲིན་ལས་པ་བཞིན་དབང་བསྐུར་རོ། །ལྷ་ལྡན་ལུགས་གཉིས་འབྱོར་པའི་གཟི་བརྗིད་ནི། །མ་བཟོད་སུམ་རྩེན་དགུང་དུ་ཕྲོས་པ་བཞིན། །གང་དེའི་བདག་པོ་གཞན་ཕན་སྙིང་སྟོབས་ཅན། །མཐུན་རྐྱེན་ནམ་མཁའ་མཛོད་སྒོ་དབྱེ་ལ་ཞུགས། །གདེངས་ཀ་ཅན་སྐྱེས་ཆར་སྤྲིན་གཞོན་ནུའི་གདུགས། །དབྱར་རྔས་སྐུལ་བའི་རྨ་བྱའི་ཟློས་གར་དང་། །དམ་པའི་ཞོ་ཤས་འཚོ་བའི་དམ་པའི་ལས། །འཇིག་རྟེན་ཀུན་དགར་བྱེད་པའི་དགའ་ཚལ་ཉིད། །ད་ནི་གསུམ་པའི་གྲངས་སུ་སྨོས་པ་དེ་འཆད་

― LT38_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱའོ། །དེ་ལ་ཚུ་རོལ་མཐོང་བ་རྣམས་ཀྱིས་ནི་ཚེ་འདིའི་བྱ་བ་ཙམ་བསྒྲུབ་པར་བྱ་བ་ཟད་ལ། སོ་སོའི་སྐྱེ་བོའི་གང་ཟག་རྣམས་ཀྱིས་ནི་ཕ་རོལ་ཏུ་ཡང་དག་པར་འགྲོ་བའི་ལམ་དེ་ཚོལ་བ་དང་མངོན་པར་སྒྲུབ་པར་བྱེད་དོ། །བསྟན་པ་ལ་ཞུགས་པ་རྣམས་ནི་རང་རང་གི་སྐལ་བའི་ཁྱད་པར་བཞིན་ཏུ། ཁ་ཅིག་ཉན་ཐོས། ཁ་ཅིག་རང་སངས་རྒྱས། ཁ་ཅིག་བླ་ན་མེད་པའི་བྱང་ཆུབ་ཀྱི་གོ་འཕང་དོན་ཏུ་གཉེར་བར་བྱེད་དོ། །དེ་ལ་མཆོག་ཏུ་གྱུར་པ་ནི་ཕྱི་མ་ཁོ་ན་སྟེ་དེར་བགྲོད་པའི་ལམ་སངས་རྒྱས་ཀྱིས་བསྟན་པ་རིང་བ་དང་། ཉེ་བ་དང་། བར་མའི་ཁྱད་པར་མཐའ་ཡས་པ་ནི་དཔེར་ན་ཚོང་དུས་ཆེན་པོར་འགྲོ་བའི་ལམ་སྲང་བཞིན་ནོ། །དེ་དག་ཀྱང་དོན་གཅིག་པ། དགོངས་པ་གཅིག་པ། བསྒྲུབ་བྱ་གཅིག་ལ་མཐར་གྱིས་གཞོལ་ཞིང་འབབས་སུ་ཟིན་ཀྱང་རྡོ་རྗེ་ཐེག་པ་འབའ་ཞིག་བདེ་བ་དང་མྱུར་བའི་ཐབས་ཀྱིས་ཁྱད་པར་དུ་བྱས་པར་ཟད་དོ། །ཐབས་དེ་ལ་བརྟེན་ནས་ལས་ཆེན་བཅུ་དང་གྲུབ་པ་བརྒྱད་ལ་སོགས་པ་ཐུན་མོང་དང་། ཤེས་རབ་དང་ཐབས་ཀྱི་བདག་ཉིད་ཅན། བདེ་ཆེན་མཆོག་ཏུ་མི་འགྱུར་བས་སྤྲས་པ། སྒྱུ་འཕྲུལ་དྲ་བའི་རོལ་མོ་མཐའ་ཡས་པ་གྲུབ་པའི་མཆོག་ཆེན་པོ་དག་ཀྱང་རྡོ་རྗེ་རྩེ་མོའི་རིག་པ་

― LT38_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་བདག་གིས་རྒྱུན་མི་ཆད་པར་བསྒྲུབས་སོ། །འགྲུབ་པར་འགྱུར་རོ། །སྒྲུབ་བཞིན་པས་སྲིད་པའི་གདུང་བ་སེལ་བ་ལ་བརྩོན་པ་ཉིད་དོ། །ཐུན་མོང་ནི་དམན་པ་སྟེ། བླ་ན་མེད་པའི་བསྒྲུབ་བྱ་མཆོག་ལ་ཡང་དག་པར་གཞོལ་བ་འདི་ནི་བློ་གྲོས་དང་སྐལ་པར་ལྡན་པ་རྣམས་ཀྱིས་རིགས་པའོ། །དོན་དེ་རྡོ་རྗེ་ཐེག་པ་པ་རྣམས་ཀྱིས་ཚེག་ཆུང་ངུས་ཡུན་ཐུང་ངུར་བདེ་བླག་ཏུ་བྱེད་པའི་ཐབས་ཀྱི་ཁྱད་པར་མཐའ་ཡས་པ་དང་ལྡན་པ་ཡིན་ཏེ། འདི་ལྟར་ལྟ་བ་མ་བཅོས་པ་དང་སྒོམ་པ་མ་ནོར་བ་དང་སྤྱོད་པ་ཟབ་མོ་སྤྱད་པ་བསོད་ནམས་དང་། ཡེ་ཤེས་དང་། འཕོ་བ་མེད་པའི་ཚོགས་ཟུང་དུ་འཇུག་པའི་ཐབས་རེ་རེ་ལ་ཐབས་རྒྱ་མཚོ་འདུ་བ། སྒོ་གཅིག་ལ་སྒོ་ཀུན་འཇུག་པ། བགྲོད་པ་གཅིག་གིས་བགྲོད་པ་ཐམས་ཅད་སྡུད་པ། རྟོག་གེའི་སྤྱོད་ཡུལ་དུ་མ་གྱུར་པའི་ངོ་མཚར་བའི་གསང་བ་རྒྱ་མཚོ་ཡོད་པ་ལས། དཔེར་ན། གྲུབ་པའི་དངུལ་ཆུ་ནི་བསྒྲུབ་བྱ་རྣམས་ཀྱི་ནང་ནས་མཆོག་ཏུ་གྱུར་པ་སྟེ། དེ་གང་ལ་རེག་པ་ཙམ་གྱིས་བེམ་པོ་གསེར་དུ་སྒྱུར་བ་དང་། བློ་ལྡན་འཆི་བ་མེད་པའི་བཅུད་ལེན་གྱི་རིག་པ་འཛིན་ཏུ་སྒྱུར་བའི་བྱ་བ་བྱེད་དོ། །དམ་ཚིག་གི་རྫས་ར་ས་ཡ་ན་ནི་དེ་ལ་ས་འབུམ་ཕྲག་དུ་མས་འཕགས་པ་སྟེ།

― LT38_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཆེན་པོའི་གསང་བ་རྨད་དུ་བྱུང་བ་ཡིན་པས་མྱང་བ་ལྟ་ཅི་སྨོས། དྲི་ཙམ་ཚོར་བས་ཀྱང་ཐུན་མོང་དང་མཆོག་གི་འདོད་པ་བདེ་བླག་ཏུ་འཇོ་བ་ནི་སྐབས་སུ་བབས་པའི་བསྒྲུབ་བྱ་ཉིད་དེ། དེ་ལས་བསྒྲུབ་པའི་གཞི་དངོས་གྲུབ་འགུགས་པའི་ལྕགས་ཀྱུ་ལྔ་དང་། ཡེ་ཤེས་གསལ་བའི་སྒྲོན་མེ་ལྔ་ནི་རྒྱུད་ཀུན་ལས་གཙོར་གསུངས་པས། འདིར་ཐོག་མར་དབུས་ཉིད་དུ་བཞག་པ་རྡོ་རྗེ་མི་བསྐྱོད་པའི་རིལ་བུ་བཻ་ཌཱུརྻ་དང་། ཕྱོགས་བཞིར་རྣམ་སྣང་རིལ་བུ་ཟླ་ཤེལ་ཆེན་མོ། རིན་འབྱུང་རིལ་བུ་ཟླ་ཞུན་འཁྱིལ་པ། སྣང་མཐའ་རིལ་བུ་པདྨ་རཱ་ག །དོན་གྲུབ་རིལ་བུ་གཡུ་ཞུན་འབར་བ་རྣམས་ནི་ཨཱ་ཙརྻ་པདྨ་སཾ་བྷ་བ་དང་། ལས་ཅན་བུད་མེད་རྣམས་ལྔས་མཚོན་རིག་འཛིན་རྩལ་འཆང་འཕགས་པའི་ས་ལ་ངེས་པར་བཞུགས་པ་འབའ་ཞིག་པའི་སྐུའི་ཆ་ཤས་ལས་སོ་སོར་ཕེབ་པ་གོང་བུ་གཅིག་ཏུ་འདྲིལ་བ་རྣམས་དང་། སླར་ཡང་དབུས་དང་མཚམས་སུ་སྐྱེ་བ་བདུན་པའི་བམ་རིགས་མང་པོ་གཙོ་བོར་གྱུར་པའི་རྡོ་རྗེའི་མཱཾ་སའི་རིལ་བུ་ས་ལེ་སྦྲམ། གྷོ་ར་ཁྱད་པར་ཅན་གྱི་ཆ་ཤས་བཅས་དངོས་སུ་འབྱོར་བ་དེ་དག་གི་བཞུགས་ཚོགས་མྱོང་གྲོལ་དཀར་ཆག་མཐོང་བ་དོན་ལྡན་གྱི་སྐབས་གཉིས་པར་ཇི་སྐད་བཤད་པ་དག་ལ། སྐྱོབས་

― LT38_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་རྩ་བ་བརྒྱད་དང་ཡན་ལག་སྟོང་གི་འཕྲད་སྩལ་བའང་། སྔོན་དཔལ་ཆེན་པོས་རུ་ཏྲ་བཏུལ་ཞིང་རྣམ་པར་སྨིན་པའི་ཕུང་པོ་རྡོ་རྗེ་བདུད་རྩིར་བྱིན་གྱིས་བརླབས་པ་དེའི་ཚེ། ཟག་པའི་རྫས་ཡན་ལག་བརྒྱད་ལྡན་གྱི་མཚོར་ལྟུངས་པ་ལས་དཔག་བསམ་ཤིང་སྦྲུལ་གྱི་སྙིང་པོ་རྩ་བ་མཱུ་ལ་པ་ཏི་ལ་སོགས་པ་བརྒྱད་ལ། ཡན་ལག་རི་དང་ཐང་དང་ཆུ་དང་ནགས་སོགས་སྡེ་ཚན་གྱིས་དབྱེ་བའི་སྨན་གྱི་རྣམ་གྲངས་སུ་ལྷུན་གྱིས་གྲུབ་པ་ཕྱིའི་རྩ་བརྒྱད་སྟོང་སྦྱར་དེང་སང་འཕགས་པའི་ཡུལ་དང་། བལ་པོ་དང་། བོད་ལ་སོགས་པའི་ཡུལ་འཁོར་ཆེན་པོ་རྣམས་ལས་འབྱུང་བ་དག་ངོས་འཛིན་མ་འཁྲུལ་བས་ཁུངས་དང་ལྡན་ཅིང་། མི་མཐུན་པའི་ཕྱོགས་ཀྱིས་མ་བཅོམ་པ་དང་ཡོན་གཞལ་བ་སོགས་རྒྱུ་དང་དངོས་པོའི་སྒོ་ནས་གཙང་ཞིང་དག་པར་སྦྱར། ཡབ་ཀྱི་རྒྱུ་བཞི་དང་ཡུམ་གྱི་རྐྱེན་བཞི་ལས་དགའ་བའི་ཡན་ལག་རྩ་དང་རླུང་གི་གྲངས་སྙེད་དང་ལྡན་པའི་ནང་གི་རྩ་བརྒྱད་ཡན་ལག་སྟོང་སྦྱར་དམིགས་པའི་བྱེད་པ་དང་དམ་རྫས་ཀྱི་རྒྱུན་ཁྱད་པར་ཅན་དུ་མས་ཁྱབ་པར་སྦོལ། རྣམ་པར་ཤེས་པའི་ཚོགས་བརྒྱད་ཉོན་མོངས་པའི་བྲན་དང་བཅས་པ་ཡེ་ཤེས་ཀྱི་རོལ་བར་དག་པས་འཁོར་འདས་སྣང་སྲིད་གཞིར་བཞེངས་ཐམས་ཅད་བདུད་

― LT38_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིར་གདོད་ནས་དག་པ་གསང་བའི་རྩ་བརྒྱད་སྟོང་སྦྱར་དག་མཉམ་ཡོངས་ཤེས་ཀྱི་དགོངས་པས་བྱིན་གྱིས་བརླབས། བཅུད་ལྡན་གྱི་ཟས་ལ་ལན་ཚྭའི་ཁུ་བ་བཞིན་བསྒྲུབ་བ་ནུས་པ་འབྱིན་ཅིང་མ་བསྒྲུབས་པར་ཡང་བྱིན་གྱིས་རློབས་པའི་མྱང་གྲོལ་གྱི་རྫས་སྔོན་ཆད་ས་སྟེང་དུ་འབྱུང་བའམ་ལོངས་སྤྱོད་པ་མཐོང་བའམ་ཐོས་པ་ལྟ་ཞོག །མཚན་ཙམ་ཡང་རྣ་བའི་སྤྱོད་ཡུལ་དུ་མ་གྱུར་པ་དཔེ་དང་བློའི་སྤྱོད་ཡུལ་ལས་འདས་པ་དག །སྙིགས་མའི་དུས་སུ་ཨོ་རྒྱན་སངས་རྒྱས་གཉིས་པའི་ཐུགས་རྗེ་མྱུར་བའི་ཞལ་བཞེས་ལས་མི་འདའ་བར་སྟོན་པ་དང་། དད་མོས་ཀྱི་ཉེར་ལེན་ལས་བྱུང་བའི་རྣམ་དཀར་འབྲས་བུ་ཆུད་མི་ཟ་བར་མཚོན་པ་དང་། སྐྱེས་བུ་ཆེན་པོ་རྣམས་ཀྱི་ཐུགས་བསྐྱེད་དུས་ལས་ཡོལ་བ་མ་ཡིན་པར་སྟོན་པའི་སླད་དུ། ལས་འཕྲོ་གཏེར་གྱི་རྒྱ་ཐོབ་པ་ཨོ་རྒྱན་མཆོག་གྱུར་བདེ་ཆེན་གླིང་པས་རིན་ཆེན་བྲག་གི་བག་མ་ནས་རྡོ་རྗེའི་རྒྱ་བཀྲོལ་ཏེ་སྤྱན་དྲངས་ཤིང་བསོད་ནམས་གསེར་གྱི་ཡོལ་གོར་བསམ་འཕེལ་ནོར་བུའི་རྒྱལ་པོ་རྣམས། དམིགས་པ་མེད་པའི་ཐུགས་རྗེས་ཆགས་པ་མེད་པའི་གཏོར་བ་ཆེན་པོར་སྩལ་བ་ནི་དབུལ་པོས་རྨི་ལམ་ན་ནོར་བུ་རྙེད་པ་བཞིན་ཏེ། ཇི་སྙེད་ཐོབ་པ་དེ་དག་ཀྱང་བདག་གིར་ཡོངས་སུ་བཟུང་

― LT38_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

བས་ནི་རྒྱ་ཆེན་པོའི་དོན་ཏུ་འགྱུར་བ་མ་ཡིན་པས། འགྲོ་བ་མཐའ་ཡས་པ་ལ་ཕན་པར་སེམས་བསྐྱེད་དེ་བདུད་རྩི་ཕུར་མའི་ཕུང་པོ་དང་རོ་གཅིག་ཏུ་གཏམས་པ་ནི། མདོ་ཁམས་སྡེ་དགེ་ཆོས་སྐྱོང་བའི་རྒྱལ་པོ་ཆེན་པོའི་རྫོང་ཆེན་རྣམས་ལས་ཐོག་མ་གང་ཡིན་པའི་ཡུལ་གྱི་མགོ་བོ། ཤོད་ཆེན་རྣམས་ཀྱི་ཡ་གྱལ། སྨན་ཤོད་འཛོམ་ནང་བྲག་དཀར་ཡང་རྩེ་ནས་སྙིང་ཏིག་རྣམ་གཉིས་དང་ལྷན་ཅིག་སྤྱན་དྲངས་པ་ཨརྨ་གརྡྷའི་གའུ་ལས་བྱོན་པ། དམ་ཆོས་རྫོགས་པ་ཆེན་པོ་སྡེ་གསུམ་གྱི་བསྟན་པའི་བཙས། ངན་འགྲོའི་སྡུག་བསྔལ་ལས་སྒྲོལ་བའི་གྲུ་བོ་ཆེ། བཙན་ཐབས་འོད་སྐུར་སྒྲོལ་བའི་སྨན། དམ་རྫས་མྱང་གྲོལ་ཀུན་གྱི་རྒྱལ་པོ་མ་བྱོན་མི་འབྱོན་འབྱོན་པར་མི་འགྱུར་བ། རིག་འཛིན་ཆེན་པོ་དགའ་རབ་རྡོ་རྗེ་འཇའ་ལུས་འོད་སྐུར་གཤེགས་པའི་ཐུགས་ཀྱི་དངས་མ་ནོར་བུའི་གདུང་དུ་བྱིན་གྱིས་བརླབས་ནས་མཁས་པ་ཤྲཱི་སི༚་ཧའི་ཕྱག་ཏུ་བབས་པ་དང་། གུ་རུ་མཚོ་སྐྱེས་རྡོ་རྗེ་ཡབ་ཡུམ་གྱི་བྱང་སེམས་དཀར་དམར། མདོ་ཁམས་གནས་ཆེན་ཉེར་ལྔའི་གཙོ་བོ། འཛོམ་ནང་གནས་ཀྱི་མཐིལ་བདེ་ཆེན་པདྨ་ཤེལ་ཕུག་ནས་རྫོགས་ཆེན་སྡེ་གསུམ་དང་ལྷན་ཅིག་སྤྱན་དྲངས་པ་རིག་འཛིན་ཤྲཱི་སི༚་ཧས་བསྒྲུབས་པའི་བདུད་རྩི་ཆོས་སྨན།

― LT38_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་ཡེ་ཤེས་མཚོ་རྒྱལ་དང་ལོ་ཆེན་བཻ་རོ་ཙ་ནའི་དབུ་སྐྱེས། གུ་རུའི་རྫོང་ཆེན་བརྒྱད་ཀྱི་ཡ་གྱལ་ཆམས་གཤིས་ན་བུན་རྫོང་ནས་ཐུགས་རྗེ་ཆེན་པོའི་སྒྲུབ་ཐབས་ཐེག་པ་དགུ་འབྲེལ་དང་ལྷན་ཅིག་སྤྱན་དྲངས་པ། པ་ཆེན་བི་མ་ལ་མི་ཏྲའི་བདུད་རྩི་ཆོས་སྨན་གྱི་རིལ་བུ། ཨོ་རྒྱན་སློབ་དཔོན་ཆེན་པོའི་ཤངས་མཚལ་དང་གསང་གོས་དུང་གི་མདོག་ཅན། ཆོས་རྒྱལ་ཁྲི་སྲོང་ལྡེའུ་བཙན་གྱི་གདུང་རུས། ཐུགས་རྗེ་ཆེན་པོ་པདྨ་གཙུག་ཏོར་དྲི་མེད་ཀྱི་མཐོང་གྲོལ་དུམ་བུ། ཡེལ་ཕུག་ནམ་མཁའ་མཛོད་ཀྱི་གུ་རུའི་གསང་ཕུག་ཆེན་པོའི་སྒོ་གོང་བྲག་སྦྱར་གྱི་ཁྲོའི་སྒྲོམ་བུ་ཕྱུང་དུ་མི་བཏུབས་པ་ནས་དྷཱ་ཀི་མ་ཧཱ་སུ་ཁ་དང་ཟུང་དུ་འབྲེལ་བས། གུ་རུའི་སྐུ་ཚབ་རྣམ་གཉིས། གསང་བའི་མགོན་པོའི་སྐུ་རྟེན། ཐུགས་རྗེ་ཆེན་པོ་ཡིད་བཞིན་འཁོར་ལོ་དང་འབྲེལ་བའི་བོད་ཁམས་ཕན་བྱེད་ཀྱི་ཆོས་སྡེ་དགུ། གསང་མགོན་སྐོར་དགུ་ཟབ་བདུན་གྱི་ཆ་ལག་ཡང་ཟབ་གནད་ཟབ་སོགས་ཟབ་ལ་རྒྱ་ཆེ་བའི་གདམས་སྐོར་དཔག་ཏུ་མེད་པ་དང་ལྷན་ཅིག་སྤྱན་དྲངས་པ། གུ་རུ་ཡབ་ཡུམ་ཟག་མེད་བདེ་ཆེན་རོལ་བའི་ཏིང་ངེ་འཛིན་གྱི་དཀྱིལ་འཁོར་ལས་རང་བྱོན་པ། མཐོང་གྲོལ་མྱང་གྲོལ་ཚོར་གྲོལ་རེག་གྲོལ་དུ་བསྔགས་པའི་དམ་རྫས་རོལ་

― LT38_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཆེན་པོ་ཡིག་འབྲུ་སྣ་ཚོགས་ཀྱི་རྟགས་རྒྱ་རང་བྱོན་ཏུ་གསལ་བ། འོག་མིན་ཀརྨའི་གནས་ཆེན་པོའི་ཟླ་གམ་དབང་ཆེན་ཕོ་བྲང་གི་རྒྱབ་ངོས་དམ་ཅན་མཁར་གྱི་གཡས་ཟུར་གོང་མོ་འདྲ་བའི་བྲག་ནས་གནམ་ལྕགས་ཀྱི་ཕུར་སྒྲོམ་ཁྲུ་གང་པ་ལས་དམ་ཆོས་ཟབ་པ་སྐོར་བདུན་དང་ལྷན་ཅིག་སྤྱན་དྲངས་པ་གནུབས་ཆེན་སངས་རྒྱས་ཡེ་ཤེས་རིན་པོ་ཆེའི་དབུ་ལོ། ཕྲིན་ལས་འགྲོ་འདུལ་སྤྲུལ་པའི་གནས་བརྒྱད་ཀྱིས་ཡ་གྱལ་རི་བོ་དབང་ཞུ་ནས་ཐུགས་སྒྲུབ་བར་ཆད་ཀུན་སེལ་གྱི་ཆ་ལག་སྐོར་གསུམ་དང་ལྷན་ཅིག་སྤྱན་དྲངས་པ་འཕགས་པ་ཐུགས་རྗེ་ཆེན་པོས་ཨོ་རྒྱན་རིན་པོ་ཆེ་ལ་སྩལ་བ་དམ་རྫས་སྡུག་བསྔལ་ཞི་བྱེད་འཁོར་བ་དོང་སྤྲུགས། འཛི་ལུང་མཁའ་འགྲོ་ཤེལ་ཕུག་ནས་རྒྱལ་བ་མཆོག་དབྱངས་ཀྱི་སྙན་ལུང་སོགས་དང་ལྷན་ཅིག་སྤྱན་དྲངས་པ་མཁན་ཆེན་བོ་དྷི་སཏྭའི་སྐུ་ཆོས། འབྲི་ཀླུང་སེང་ཆེན་གནམ་བྲག་གི་གཡས་ཟུར་བྲག་རི་རིན་ཆེན་བརྩེགས་པའི་གོང་མོ་འོག་མ་ནས་སྐུ་ཚབ་མཐོང་གྲོལ། རྡོར་སེམས་སྐུ་རྒྱན་དམ་ཆོས་ཤོག་སྡེ་དྲུག་པ་སོགས་དང་ལྷན་ཅིག་ཁྲོམ་གཏེར་དུ་སྤྱན་དྲངས་པ། རིག་འཛིན་ཆེན་པོ་དགའ་རབ་རྡོ་རྗེའི་བདེ་ཆེན་ཡེ་ཤེས་ཀྱི་བདུད་རྩིའི་ཕབ་རྒྱུན། སློབ་དཔོན་འཇམ་དཔལ་བཤེས་གཉེན་གྱི་ཤེས་རབ་རིལ་

― LT38_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

བུ། བཀའ་བབས་རིག་འཛིན་ཆེན་པོ་བརྒྱད་ཀྱི་བདུད་རྩི་ཆོས་སྨན། སློབ་དཔོན་སངས་རྒྱས་གསང་བའི་རྡོར་སེམས་རིལ་བུ། དྲང་སྲོང་རིག་པའི་ཡེ་ཤེས་ཀྱི་སྨན་གྱི་རིལ་བུ། ཐུགས་རྗེ་ཆེན་པོའི་མ་ི་རིལ་བུ། སྐྱེ་བདུན་སྐུ་ཤའི་རིལ་བུ། སྟོན་པ་ཐུབ་པའི་དབང་པོའི་སྐུ་ཆོས། འཕགས་པ་ཀླུ་སྒྲུབ་ཀྱི་ཞབས་ཆགས། དུས་གསུམ་མཁྱེན་པ་གུ་རུ་རིན་པོ་ཆེའི་གསང་གོས། ཟབ་བེར། ལྷ་ལྕམ་མནྡཱ་ར་བའི་ན་བཟའ། མཁའ་འགྲོ་ཡེ་ཤེས་མཚོ་རྒྱལ་ ཀཱ་ནི་ཀཱ་རྡོ་ཚོས་མ། གྱི་ན་བཟའ་དང་གསང་གོས་དཀར་པོ། ཆོས་རྒྱལ་ཁྲི་སྲོང་ལྡེའུ་བཙན་ན་བཟའ། ལྡང་གུ། གསེར་མ། གསེར་མདོག་ལོ་ཆེན་མཐིང་ཁ་བཻ་རོ་ཙ་ནའི་སྐུ་ཆོས་རྣམས་དང་། མཁའ་འགྲོའི་བྲོ་རའི་དབང་སྔོན། རྒྱབ་ངོས་ནས་རྣམ་སྲས་སྐུ་རྟེན་དང་ལྷན་ཅིག་སྤྱན་དྲངས་པ་ཨོ་རྒྱན་རྗེ་འབངས་ཉེར་ལྔ་དང་བཅས་པས་བསམ་ཡས་མཆིམས་ཕུར་སྒྲུབ་ཆེན་བཀའ་བརྒྱད་ཀྱི་དཀྱིལ་འཁོར་དུ་བསྒྲུབས་པའི་བདུད་རྩི་ཆོས་སྨན། སེང་ཕུ་སྨན་གྱི་རི་བོ་ནས་བཞེས་པའི་ཙནྡན་དཀར་དམར་ཁྱད་ཅན། གཏེར་གནས་འགའ་ཞིག་ནས་བྱོན་པ་རི་བོ་པོ་ཏ་ལའི་ས་རྡོ་ཆུ་ཤིང་མྱང་གྲོལ་ཚོར་གྲོལ་ཨོ་རྒྱན་ཡབ་ཡུམ་གྱི་ཕྱག་བྲིས་བྱང་སེམས་ཀྱིས་དགོས་པ་སོགས་

― LT38_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སེར་རིགས་མི་གཅིག་པ་མང་པོའི་ཚལ་བ། གཏེར་སྒྲོམ་སྐུ་ཚབ་སོགས་ལྕིབས་བྱེད་ཨོ་རྒྱན་ག་ཛ་ནཱིའི་སིནྡྷཱུ་ར་གྲོག་མའི་རྐང་ལག་ཙམ་ཁར་མྱང་ན་ངན་སོང་དུ་མི་འགྲོ་བར་གསུངས་པ་དང་། ཅུ་གང་དང་ག་བུར་ཁྱད་ཅན། ཀེ་རོང་རྡོ་རྗེ་ཅོང་ཕུག་ནས་སྤྱན་དྲངས་པའི་ཤེལ་གྱི་གའུ་ལས་བྱོན་པ་ཨོ་རྒྱན་ཡབ་ཡུམ་གྱིས་བསྒྲུབས་པའི་འཆི་མེད་ཚེའི་རིལ་བུ་བཅས། སྲེག་ཟའི་སྡོང་པོ་ཅན་སྒྲ་རྒྱལ་འབྲུག་གི་གནམ་ཁོ་ཤར་བ་ཕན་ཆད་དུ་འགྲོ་བའི་དོན་ཏུ་ཇི་ལྟར་བདག་གིར་མཛད་པའི་ཡིད་བཞིན་ནོར་བུའི་རྒྱལ་པོ། ངན་འགྲོའི་སྒོ་མཐའ་དག་བཅད་པའི་གླེགས་བུ། འཁོར་བའི་གཅོང་ནད་གློ་བུར་དུ་འབྱིད་པའི་སྨན་ཆེན་པོ། གདོད་མའི་ས་ལ་བཙན་ཐབས་སུ་འཁྲིད་པའི་འཁྲུལ་འཁོར་ཚན་པོ་ཆེའི་སྟོབས་བརྙེས་པ་དག །རྣམ་བྲོས་བུའི་མཛོད་རིན་ཐང་མེད་པའི་རིན་པོ་ཆེའི་གཏེར་གྱིས་གཏམས་པ་ལྟར་ཕྱོགས་གཅིག་ཏུ་རབ་ཏུ་ཚོགས་པ་ནི། འདིར་བསྒྲུབ་བྱའི་དམ་རྫས་ཆེན་པོ་སྟེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་གསུམ་པའོ། །བསོད་ནམས་བློ་གྲོས་ཁྱད་པར་གྱིས། །འབད་པ་ཙམ་དུ་མཐུན་ན་ཡང་། །བསྒྲུབ་བྱ་མཆོག་དམན་མཐའ་ཡས་པས། །ཕལ་ཆེར་ངལ་བ་འབྲས་བུར་ཐོབ། །

― LT38_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

རྨོངས་པས་འཁོར་བའི་སྡུག་བསྔལ་སྒྲུབ། །བློ་ངན་ལོག་པའི་ལམ་ལ་ཞུགས། །བློ་ཆུང་རང་དོན་སྒྲུབ་པར་ཡང་། །ཐམས་ཅད་མཁྱེན་པས་རབ་ཏུ་སྨད། །བློ་ལྡན་ཙམ་དུ་མཚུངས་པར་ཡང་། །སྐལ་པའི་ཁྱད་པར་ཤིན་ཏུ་ཆེ། །མི་ཀུན་མཐོ་རིས་མཚུངས་སྤྱོད་ཀྱང་། །ས་བདག་དཔལ་ལ་འགྲན་མི་བཟོད། །གཞན་ཕན་རྨངས་བརྟན་ཐབས་ཀྱི་ཁྲི་འཕང་མཐོ། །ཤེས་རབ་བུམ་པ་ཟུང་འཇུག་རྩེ་མོས་བརྒྱན། །ཐེག་མཆོག་མཆོད་སྡོང་གང་གིས་སྒྲུབ་བྱེད་པ། །དེ་ལ་རྡོ་རྗེ་འཆང་གིས་རབ་ཏུ་བསྔགས། །ཇི་ལྟར་བསོད་ནམས་ཤེ་མོང་དར་དྲགས་པས། །དེད་དཔོན་རིན་ཆེན་གླིང་དུ་ཞུགས་པས་ནི། །ཆོ་གའི་འཁྲུལ་འཁོར་མཐའ་དག་ཟིལ་གྱིས་ནོན། །བསྒྲུབ་བྱ་དེས་ཀྱང་འཇིག་རྟེན་ཀུན་དགར་བྱེད། །གསང་བའི་སྙིང་པོ་བདུད་རྩི་རྣམ་དག་གི། དགོངས་པའི་རྒྱལ་པོས་སྣང་སྲིད་དེར་སྒྲུབ་པ། །སྒྲུབ་ཐབས་མཆིངས་བུའི་ཕུང་པོས་ཟིལ་མི་ནོན། །བསྒྲུབ་བྱའི་ནོར་བུས་འཇིག་རྟེན་ཕན་བདེ་སྤེལ། །འཕགས་པའི་ཡུལ་ནས་བྱུང་བའི་སྨན། །དྲང་སྲོང་ཕལ་པའི་སྦྱོར་བས་ཀྱང་། །ལུས་སྲོག་མངོན་སུམ་འཚོ་བའི་ཕྱིར། །སྐྱེ་དགུ་དགའ་བས་བསྟན་བྱེད་ན། །རྒྱལ་དང་གྲུབ་བའི་བདུད་རྩིའི་ཆ། །སྨན་གྱི་ཆར་རྒྱུན་མཉམ་

― LT38_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེས་པ། །གསང་སྔགས་བདེན་པའི་བྱིན་རླབས་ཅན། །སྲོག་གི་ཟུངས་སུ་ཅིས་མི་བསྟེན། །ད་ནི་བཞི་པར་སྨོས་པ་དེ་འཆད་པར་སྤྲོ་བས་ཡང་དག་པར་རབ་ཏུ་བཤད་པར་བྱའོ། །ཇི་ལྟར་འཇིག་རྟེན་ན་དོན་ཏུ་གཉེར་བ་ཐམས་ཅད་ཕྱོགས་གཅིག་ཏུ་འཇུག་པའི་གཞི། ཁང་བཟང་རིན་པོ་ཆེས་བརྒྱན་པའི་གྲོང་ཁྱེར་ཉམས་དགའ་བར། འབྱོར་བའི་བྱེ་བྲག་མ་ཚང་བ་མེད་པའི་འདུ་ལོངས་ཅན། དེར་ཕྱིན་པ་ཐམས་ཅད་ནི་རྟག་ཏུ་མི་ཉམས་པའི་བདེ་བ་འཐོབ་པར་འགྱུར་ལ། འགྲོ་བའི་ལམ་རིང་བ་དང་ཉེ་བའི་བྱེ་བྲག་མང་ཞིང་དེར་ཡང་འཇིགས་པ་དང་བཅས་པ་ཞིག་ཡོད་པར་གྱུར་ལ། ཕྱོགས་དེ་ན་སྐྱེས་བུ་མཁས་པ་མཛངས་པ་བློ་གསལ་བ་ཡིད་གཞུངས་པ་ཞིག་ཀྱང་མཆིས་པར་གྱུར་པ། དེས་དེར་བགྲོད་པ་ལ་དུངས་ཤིང་རིང་སྟེ། དཔུང་དང་ཐབས་ཀྱི་ཁྱད་པར་དུ་མ་ཉེ་བར་བསྡོགས་ནས་མྱུར་དུ་ཕྱིན་པའི་ལམ་གང་ཡིན་པ་ལ་ཞུགས་ཏེ་བདེ་བླག་ཏུ་མངོན་པར་འདོད་པའི་གནས་ག་ལ་བར་ཕྱིན་ཅིང་ཡུལ་གྱི་བདུད་རྩི་སྟེན་པར་བྱེད། བསོད་ནམས་དང་འབྱོར་བའི་ཁྱད་པར་ལ་སྤྱོད་པར་བྱེད། བགས་ཀྱིས་ཡུལ་འཁོར་དང་བཅས་པའི་བདག་པོའི་དབང་ཕྱུག་གང་ཡིན་པ་ལའང་མངོན་པར་སྦྱོར་བར་བྱེད་དོ། །དེ་བཞིན་

― LT38_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ། སངས་རྒྱས་ཀྱི་རྗེས་སུ་ཞུགས་པ་རྣམས་ནི་ཡེ་ཤེས་རིན་པོ་ཆེའི་ཁང་བཟང་གིས་བརྒྱན་པའི་ཐར་པ་ཆེན་པོའི་གྲོང་ཁྱེར། གཏན་གྱི་བདེ་བ་ལས་མི་གཡོ་མི་འགྱུར་བར་བགྲོད་པའི་དོན་མཐུན་པ་ལས། དབང་པོའི་ཁྱད་པར་གྱིས་ཐེག་པའི་ལམ་རིང་བ་དང་ཉེ་བའི་བྱེ་བྲག་མི་མཐུན་པའི་ཕྱོགས་ཀྱི་འཇིགས་པ་དང་བཅས་པ་དག་ལས། གང་དབང་པོ་རབ་ཏུ་གྱུར་པ་རྣམས་ནི་ཐབས་ལ་མཁས་པའི་དཔུང་དང་བཅས་ཏེ་ཤིན་ཏུ་གསང་བའི་ལམ་རིང་བ་མ་ཡིན་པ་དག་ལ་བརྩོན་པ་རབ་ཀྱི་མཐའ་ཡིས་བགྲོད། བཅིངས་གྲོལ་མེད་པའི་གནས་པས་སྤང་བླང་དང་བྲལ་བའི་འདོད་ཡོན་གྱི་བདུད་རྩི་བསྟེན། སྒྱུ་འཕྲུལ་དྲྭ་བའི་འབྱོར་པ་ལ་ལོངས་སུ་སྤྱོད། མཐར་གྱིས་དབང་ཕྱུག་ཆེན་པོ་སྐུ་བཞིའི་རང་གནས་མངོན་ཏུ་བྱེད་དོ། །དེ་ནི་ཤིན་ཏུ་དཀའ་བ་བྱེད་པ་སྟེ་བསོད་ནམས་དང་ལྡན་པ་རྣམས་ལ་ནི་བདེ་བླག་ཉིད་དུའོ། །བདེ་བླག་ཏུ་བྱ་བ་རྫོགས་ལྡན་ལ་སོགས་པར་སྣང་བར་མ་གྱུར་པ་གང་ཡིན་པ་དེ་དུས་ཀྱི་མཐར་རབ་ཏུ་གསལ་བས་སྔགས་པ་རྣམས་ལ་བློ་གྲོས་ཀྱི་འབྲས་བུ་སྟེར་བ་སྟེ་སྔགས་ཀྱི་མཐུ་ནི་དེ་འདྲའོ། །གང་སངས་རྒྱས་རྣམས་ནི་ལྐོག་ཏུ་གྱུར་ཀྱང་མངོན་སུམ་པ་སྟེ། དམ་པའི་ཆོས་ལ་སྐྱེས་པའི་

― LT38_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་དུ་མར་ཡིད་གདུང་བ་ཐོབ་པའི་རྒྱུ་མཐུན་གྱིས་འབྲས་བུ་ཚེ་རབས་འདིར་ཡང་འབྲལ་བར་མ་གྱུར་པ་རྣམས་ལ་ཐུགས་རྗེ་ཆེན་པོས་དགོངས། སྔ་ན་མ་མཆིས་པའི་གསང་བ་ཟབ་མོ་དག་ཀྱང་ནམ་མཁའི་ལམ་ནས་སྒྲ་དང་། རིའི་སུལ་ནས་གླེགས་བམ་ལ་སོགས་པའི་གཏེར་ཐོབ་པར་མཛད་དེ། དེ་ལ་ལོངས་སྤྱོད་པའི་སྐལ་པ་དང་ལྡན་པ་དེ་ནི་བདེ་ཆེན་མཆོག་མི་འགྱུར་བའི་གོ་འཕང་ལ་ཕྱོགས་པ། སྦྱོར་བའི་ལམ་གྱི་རྩེ་མོར་མངོན་པར་འཛེགས་པ་སྟེ་དེ་བཞིན་གཤེགས་པས་མཁྱེན་ཏེ་བསྡགས་སོ་བསྐུར་རོ། །གཏེར་ཆེན་པོ་བཞིའམ་བརྒྱད་ལ་སོགས་པའང་གཅིག་ཐོབ་ན་ཀུན་ཐོབ་པར་འགྱུར་བ་སྟེ་ཟབ་མོའི་མཛོད་དེ་དང་། བདག་པོའི་དབང་ཕྱུག་དེ་དག་ནི་སྙིགས་མ་ལྔ་བདོ་བའི་ཞིང་དུ་སངས་རྒྱས་འཇིག་རྟེན་ཏུ་འབྱུང་བའམ། ཨུ་དུམྦ་རའི་མེ་ཏོག་ལྟར་རབ་ཏུ་དཀོན་པའོ། །ཅི་ཚུལ་དེ་ལྟ་བུ་ནི་མདོ་ཁམས་ཀྱི་ལྗོངས་ཁོ་ནར་སླང་ལ་ཤྭ་མང་བརྡོལ་བ་ལྟར་གློ་བུར་དུ་རབ་ཏུ་མང་པོ་འབྱུང་བ་ཞིག་པས་ཁྱོད་ལ་སུ་ཞིག་དཀོན་ཙ་ན། དེ་ལ་བདུད་རིས་ཀྱི་ལྷ་དང་འབྱུང་པོའི་བྱིན་རླབས་ལས་བྱུང་བ་དམ་པའི་གཟི་བརྗིད་མི་གཟོད་པ་དང་། བཀའ་བཞིན་དུ་རྡོ་མི་ཐོགས་ཏེ་བརྟུལ་ཞུགས་

― LT38_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

འཆོལ་བར་སྤྱད་པས་ནོངས་པ་དང་། མིའི་ཆོས་བླ་མ་སྐྱབས་སུ་བཅོལ་ནས་རང་དང་གསང་བ་ཟབ་མོ་ལྟོ་རྒྱབ་ཀྱི་ཡང་ཟོང་དུ་འཚོང་བ་སྟེ། ཁོང་དུ་སྦས་པའི་ཟོལ་གྱི་སྦྱོར་བ་རིང་པོར་མ་ཐོགས་པར་རང་ཉིད་ཀྱིས་བརྟོལ་བ་དེ་དག་ལ་སྐྱེ་བོ་ཕལ་པའང་བཞད་གད་ཀྱི་གནས་སུ་བྱེད་པ་ཞིག་ན། དཔྱོད་ལྡན་སུ་ཞིག་ཡིད་བརྟོན་པར་འགྱུར། མངོན་སུམ་དང་རྗེས་སུ་དཔག་པའི་གཏན་ཚིག་གིས་ཡང་དག་པར་ཚད་མར་གྱུར་ཅིང་དཔང་དུ་གྱུར་པ། ངེས་དོན་གྱི་གསུང་རབ་དང་མཐུན་ཅིང་ལུང་དང་རིགས་པའི་གནོད་པས་མི་བརྫི་བ། སོ་སོ་སྐྱེ་བོས་བསྒྲུབ་པར་མི་ནུས་ཤིང་བསམ་གྱིས་མི་ཁྱབ་པའི་གནས་ལ་བདེ་བླག་ཏུ་སྤྱོད་པ། དུས་འདི་དང་གནས་སྐབས་འདི་ལྟ་བུའི་རྒུད་པ་གང་ལ་ཅི་འདུལ་དུ་གསོ་བ་ལ་སྨན་པ་མཁས་པས་ནད་ཀྱི་ཟུག་རྔུ་བཅོས་པ་བཞིན་ཐབས་ལ་མཁས་པ་དེ་ནི་ཁོ་བོ་ཅག་ལ་སངས་རྒྱས་དང་མཚུངས་པར་ཤིན་ཏུ་དཀོན་པ་སྟེ། དེ་ལྟ་བུའང་། སངས་རྒྱས་ཀྱི་མཐུ་དང་། གདུལ་བྱའི་བསོད་ནམས་དང་། རང་ཉིད་ཀྱི་སྨོན་ལམ་དུས་སུ་སོན་པས་གྲུབ་པའི་རིག་འཛིན་ཆེན་པོ་ཨོ་རྒྱན་མཆོག་གྱུར་བདེ་ཆེན་གླིང་པ་ཞེས་བྱ་བ་ཞིག་ཨོ་རྒྱན་གྱི་སློབ་དཔོན་ཆེན་པོའི་དགོངས་པའི་རྩལ་ལས་ཐོན་ཏེ། །

― LT38_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ལས་རྣམ་པར་རྒྱལ་བའི་བརྟུལ་ཞུགས་ཀྱིས་གནས་ངང་ཡུལ་དང་ཞིང་ལ་སོགས་པར་དངོས་དང་རྣམ་པར་འཕྲུལ་པས་རྒྱུ་ཞིང་། དགོངས་པའི་མཛོད་དང་། བྲག་གི་རྫོང་དང་། ཆུ་གཏེར་ཆེན་པོའི་མཇིངས་ལ་སོགས་པ་ནས་མཁའ་འགྲོའི་ཁ་རླངས་དང་བྱིན་རླབས་ཀྱི་བསུང་ཞིམ་ལྷན་ཅིག་པར་འཐུལ་བའི་ཆོས་དང་། དམ་རྫས་དང་གསང་བ་གསུམ་གྱི་རྟེན་མཐའ་ཡས་པ་བདག་གིར་བཞེས་ཏེ། གངས་རིའི་ལྗོངས་ཀྱི་འདྲེན་པ་ཆེན་པོ་རྣམས་ཀྱི་ཡང་འདྲེན་པར་ལྷུན་གྱིས་གྲུབ་པའི་ཕྲིན་ལས་འོད་ཀྱི་ཤིང་རྟ་གླིང་བཞིའི་ཁོངས་སུ་འགྲོ་བར་བརྩམས་པ་ན། ཁོ་བོ་ཅག་ལྟ་བུ་ཡང་སློབ་དཔོན་ཆེན་པོའི་བཀས་སྐལ་ལྡན་གྱི་གྲངས་སུ་དབུགས་ཕྱུང་ཞིང་། སྔོན་ཆད་ས་སྟེང་དུ་མ་གྲགས་པའི་གསང་བ་ཟབ་མོ་མངོན་པར་འདོད་པ་མཐའ་དག་དུས་མཁྱེན་པས་རེ་བ་བཞིན་ཏུ་སྩལ་བར་མཛད་པའི་རྣམ་གྲངས་བརྗོད་པར་དཀའ་བ་དང་། བརྗོད་པའི་སྐབས་སུ་མ་བབས་པ་ཇི་སྙེད་པ་དག་ལས། འདིར་དཔལ་ཀརྨའི་སྒྲས་བླ་དྭགས་སུ་བོད་པའི་ས་སྤྱོད་གསུང་གི་འཁོར་ལོ་བྲག་གི་ཁང་བཟང་ཟླ་བ་གམ་པའི་དབྱིབས་སུ་སྣང་བའི་རྒྱབ་ངོས་ནས་གསང་བའི་རྒྱ་བཀྲོལ་བ། གནམ་ལྕགས་ཕུར་བུའི་སྒྲོམ་བུ་ནས་རང་བྱུང་རིན་པོ་ཆེའི་བྱང་བུ་དབྱིབས་

― LT38_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་དད་པ་འཕྲུལ་ཆེན་བརྡའི་ཡི་གེས་སྤྲས་པ། རྣམ་པའི་བྱེ་བྲག་གཅིག་ཙམ་ལའང་ངེས་པའི་ཐིག་ལེ་འབུམ་ཕྲག་སྙེད་ལས་འཕྲོའི་དབང་པོ་ལ་སྣང་བས་གསུང་གི་གསང་བ་བསམ་གྱིས་མི་ཁྱབ་པ་ལ་དབང་ཐོབ་པའི་ཆོ་འཕྲུལ་མངོན་པར་འདུ་མཛད་ནས་དུང་གི་གླེགས་བུའི་ངོས་སུ་གཏན་ལ་ཕབ་སྟེ། ཇི་ལྟར་རྒྱལ་པོ་ཛཿམི་ལས་སྐལ་པ་དང་ལྡན་པའི་ཁང་ཐོག་ཏུ་ཏནྟྲ་སྡེ་བཅོ་བརྒྱད་ཀྱི་གླེགས་བམ་ཆར་དུ་བབས་པ་ན་བསྟན་པའི་དབུ་བརྙེས་པ་བཞིན། གཉགས་ཆེན་དྲི་མེད་ཟླ་ཤར་གྱི་སྤྲུལ་པའི་སྐུ་སོགས་སྐལ་ལྡན་རྣམས་ཀྱི་བསོད་ནམས་བགོ་སྐལ་དུ་རྒྱུད་དང་མན་ངག་ཟབ་པའི་སྐོར་ཆེན་པོ་བདུན་གྱི་གསང་བ་མངོན་ཏུ་ཕྱུངས་པ་རྣམས་ཀྱི་ཆེས་རྩེ་མོར་ཕྱིན་པ། གསང་བའི་སྙིང་པོ་དེ་ཁོ་ན་ཉིད་ངེས་པ་རྒྱུད་ཐམས་ཅད་ཀྱི་རྒྱལ་པོ། ལུང་ཐམས་ཅད་ཀྱི་བླ་མ། གྲུབ་མཐའ་ཐམས་ཅད་ཀྱི་སྤྱི་གཞི། རྡོ་རྗེ་སེམས་དཔའ་སྒྱུ་འཕྲུལ་དྲྭ་བ། བཀའ་མར་གྲགས་པའི་གཏམ་གྱི་ཆ་ཤས་ཙམ་གྱིས་རྒྱུད་སྡེ་ལ་མངོན་པར་དགའ་བ་ཀུན་འདོད་པ་འཇོ་བ་ཉིད་དུ་ཟད་ཀྱིས། བརྒྱུད་པ་དྲུག་ལྡན་གྱི་ལམ་དུ་སྔོན་ཆད་མ་བྱོན་པ། ཕྱིན་ཆད་འབྱུང་བར་དཀོན་པ། རྡོ་རྗེ་སེམས་དཔའི་གསང་བ་དངོས་སུ་སྣང་བ་ལྟ་བུ། གནུབས་སོ་ཟུར་གྱི་

― LT38_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་རྟ་ཆེན་པོ་རྣམས་སླར་མི་ཡུལ་དུ་འབྱོན་པ་སྙམ་བྱེད་པ། རྒྱུད་གདམས་ངག་དང་འབྲེལ་བ། དབང་རབ་ཏུ་བྱེད་པས་ཁྱད་པར་དུ་བྱས་པ། རིམ་པ་གཉིས་ཀྱི་སརྒ་མ་ལོག་པ། དངོས་པོ་བཅུའི་ལས་ཀྱི་རིམ་པ་མདོ་རྒྱས་འཚམས་ཤིང་རྣམ་པར་གསལ་བ། གཅིག་ནས་གཅིག་ཏུ་བརྒྱུད་པའི་གསང་བ་ཟབ་མོས་རབ་ཏུ་དབྱེ་བ། རྡོ་རྗེ་སེམས་དཔའ་དཔལ་བདེ་བ་ཆེན་པོ་དང་ཁོ་བོ་ཅག་གི་བར་དུ་གྲུབ་པའི་རིག་འཛིན་གཅིག་ཅིག་གིས་བར་དུ་ཆོད་པ། རྟོག་གེའི་ཚིག་དང་དམ་ཚིག་གི་སེལ་ལ་སོགས་པས་བར་དུ་མ་ཆོད་པ། རྡོ་རྗེ་གསང་བའི་ཚིག་ཡན་ལག་མེད་པའི་རྡོ་རྗེ་ལ། དགོས་པའི་ཡན་ལག་གཞན་ཚེ་དང་སྐོང་བ་དང་བགེགས་འདུལ་བའི་ཕྲིན་ལས་ཀྱི་ལྷའི་རིམ་པ་གཞན་གསོལ་བ་གདབ་པའམ་སྨོན་ལམ་དུ་བྱ་བ་ཅུང་ཟད་ཙམ་ཡང་རྡོ་རྗེའི་ཚིག་གུང་མཐུན་པར་བསྡེབས་པས་སྒྲུབ་པ་ཆེན་པོའི་ལས་ཀྱི་རིམ་པ་གཞུང་ཚུགས་པ་ལས་གཞན་ལ་གཞན་གྱིས་ལྷན་པ་གདབ་པ་མ་ཡིན་པ་ནི། །འདིར་སྒྲུབ་བྱེད་ཐབས་ཀྱི་མཆོག་ཏུ་གྱུར་པ་སྟེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་བཞི་པའོ། །ལེགས་སྤྱོད་ཡར་ངོར་གྱུར་པ་དེ་སྲིད་དུ། །སྐྱེས་བུ་ཟླ་བ་འཇིག་རྟེན་ཁམས་སུ་བྱུང་།

― LT38_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

། བདུད་རྩིའི་ཟེར་བརྒྱ་འཛག་ལ་རིས་མེད་ཀྱང་། །འཐུང་བའི་བློ་ལྡན་ཆུ་གཏེར་ཁོ་ན་ཉིད། །བརྒྱ་ལམ་སངས་རྒྱས་རྣམས་ནི་འབྱུང་བ་དཀོན། །དེ་ལས་རྡོ་རྗེ་རྩེ་མོ་དཀོན་པའི་མཆོག །དེ་བྱུང་འཁོར་བ་དོང་སྤྲུགས་ཕྲིན་ལས་ལ། །ཕྱོགས་བཅུའི་འདྲེན་པ་རྣམས་ཀྱང་ཐུགས་སྙོམས་མཛད། །གསང་བའི་སྣོད་ལྡན་བསམ་པ་དག་པ་ན། །དེ་ཡི་གན་ཏུ་བཅོམ་ལྡན་འདས་གཤེགས་ཏེ། །སྔ་ན་མེད་པའི་རྨད་ཅིག་སྩོལ་མཛད་པ། །འདི་ཡི་ངོ་མཚར་དཔེ་ཟླར་བྱ་བ་མེད། །ངེས་གསང་རིན་ཆེན་ལྷན་ཅིག་རིན་ཆེ་ཡང་། །གསང་བའི་སྙིང་པོ་ཀླུ་རྒྱལ་གཙུག་གི་ནོར། །བྱི་དོར་བྱེད་པའི་བློ་ལྡན་འདུན་ས་རུ། །གསང་བ་རྣམས་ཀྱང་མཆིངས་བུའི་ཕུང་པོར་བརྡལ། །སྒྱུ་འཕྲུལ་དྲྭ་བ་བདུད་རྩིའི་བཞིན་རས་སུ། །འཆར་བ་བདུད་རྩི་རྣམས་ཀྱི་ཆེན་པོ་ཉིད། །སྒྲུབ་ཐབས་ལས་ཀྱང་མྱུར་ཞིང་བདེ་བ་སྟེ། །ཆུ་ཤེལ་མེ་ལོང་འཕྲད་པའི་ཟླ་འོད་བཞིན། །མ་ལ་ཡ་ནས་འོངས་པའི་ཙནྡན་དྲི། །ནགས་སུ་སྤྱོད་པ་ཁུ་བྱུག་བུ་མོའི་གླུ། །སྔོན་མེད་གཏེར་གྱི་བྱུང་བ་བརྗོད་པའི་གཏམ། །ཀུན་དགའ་སྟེར་བ་དུས་སུ་སོན་པའི་མཐུ། །བརྒྱུད་མར་བརྒྱུད་པའི་གསང་བ་ལ་ཡང་དམ་པ་རྣམས་ནི་རིམ་གྲོ་མཛད། །སོ་སྐྱེའི་མིག་གིས་ནམ་ཡང་

― LT38_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མཚོན་ཡེ་ཤེས་སྐུ་ཅན་རིམ་ལས་སྐྱེས། །རྟོག་གེའི་བློ་ཡི་སྤྱོད་ཡུལ་ལས་འདས་བདེན་པའི་རེ་ཁཱ་མི་ཟུབ་པ། །འདིར་སྤྱོད་གང་ཟག་ཕལ་པ་དག་ཀྱང་རྒྱལ་བའི་སྲས་སུ་དབང་བསྐུར་རོ། །ད་ནི་ལྔ་པའི་རྣམ་གྲངས་འཆད་པར་སྤྲོའོ། །དེ་ལ་རྒྱུད་རྣམས་ནས་ཕུན་སུམ་ཚོགས་པའི་ཡན་ལག་ལྔ་ལྡན་ཏུ་བཤད་པ་ཡོད་ལ་གླེང་བཞིའི་ནི་མ་ཡིན་ནོ། །གང་སྒྲུབ་པའི་ཡན་ལག་ཏུ་བཤད་པ་གང་ཡིན་པ་དེ་དག་ལས་གཅིག་ནི་ཡོ་བྱད་ཕུན་སུམ་ཚོགས་པ་སྟེ་དེ་ནི་མ་འབད་པར་ཡང་ལྷུན་གྱིས་གྲུབ་པར་གྱུར་ཏོ། །འདིར་བསྒྲུབ་བྱའི་གཙོ་བོ་དམ་ཚིག་གི་རྫས་རྡོ་རྗེ་ཨ་མྲྀ་ཏ་ཡིན་པ་བཞིན་ཏུ་བརྟེན་པ་དེ་གང་ལ་རྟེན་པའི་ཡོ་བྱད་ཀྱི་གཙོ་བོ་ནི་རྡོ་རྗེའི་ལྷུང་བཟེད་ཡིད་བཞིན་གྱི་གཏེར་དང་ལྡན་པ་ལ་སོགས་ཏེ། དེའི་རྣམ་གྲངས་དང་མཚན་ཉིད་བདེ་གཤེགས་འདུས་པ་ལ་སོགས་ལ་ནས་བཤད་པ་དེ་མངོན་པར་མི་ཤེས་བཞིན་ཏུ་བརྟག་ཅིང་བརྙན་པོ་དྲི་མ་དར་བཅས་པ་མ་ཡིན་པ། སྒྲུབ་པ་པོ་ནུས་པའི་ཁྱད་པར་དང་མི་ལྡན་ཏུ་ཟིན་ཀྱང་སྣོད་མཆོག་གང་ལ་དམ་ཚིག་གི་རྫས་རྣམས་བླུགས་པ་ཙམ་གྱིས་མྱང་བས་རྒྱུད་གྲོལ་བར་བྱེད་པའི་ཡེ་ཤེས་ཀྱི་བདུད་རྩི་ཆེན་པོར་བྱིན་གྱིས་རློབས་པའི་སྣོད་དེ་གང་ལས་བྱུང་བའང་། བདག་ཅག་གི་སྟོན་པ་དམིགས་པ་

― LT38_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་ཐུགས་རྗེ་དང་ལྡན་པ་དཔལ་ཀརྨ་པའི་ཡེ་ཤེས་ཀྱི་གཟིགས་པ་ལྷུང་བ་ལས་ཏེ། མཁའ་སྤྱོད་ཐུགས་ཀྱི་འཁོར་ལོའི་རྟེན་དཔའ་བོ་དང་རྣལ་འབྱོར་མའི་ཚོགས་ཀྱི་མཆོད་པའི་གྲལ་ནས་འདོད་པའི་དོན་སྒྲུབ་པ་ལ་ཕེབ་པ་ཅི་འདི་ལྟར། དབང་ཆེན་ཧེ་རུ་ཀ་ཡི་དམ་དགོངས་པ་འདུས་པའི་གསང་མཛོད་མངའ་བས་རིག་འཛིན་ཡོངས་ཀྱི་འཁོར་ལོས་སྒྱུར་བ་དཔའ་བོ་སྟག་གི་སྟག་གི་ཤམ་ཐབས་ཅན་གྱིས་དངོས་གྲུབ་ཏུ་བརྙེས་པ། དཔལ་ཆེན་པོ་མཚོ་སྐྱེས་རྡོ་རྗེའི་ཕྱག་མཚན། བྲམ་ཟེ་སྐྱེ་བ་བདུན་པ་ཉི་མའི་སྙིང་པོའི་ཐོད་པ་གསེར་གྱི་ཁ་དོག་ཅན་ཤས་མཐུག་ལ་ལྕིད་ཆེ་བ། ཨཱ་ཡུཿདཔལ་དང་ལྡན་པ་སོགས་ཇི་སྐད་བཤད་པའི་ཡོན་ཏན་མཐའ་དག་ཕུན་སུམ་ཚོགས་པ་ནི་ཐབས་ཀྱི་སྣོད་དང་། ལས་འཕྲོ་གཏེར་འབྱིན་གྱི་སྤྲུལ་པའི་ལུས་བར་མ་ཆད་པ་ལས་བཅུ་དང་གཉིས་པར་གྱུར་པ་འཛམ་གླིང་བདེ་བའི་རྡོ་རྗེའི་གཅེས་ནོར། ཡེ་ཤེས་ཀྱི་ཌཱ་ཀི་ནཱིའི་བདེ་སྐྱོང་དུང་ཕྱིས་པའི་ཁ་དོག་ཅན། སྐུ་དང་ཡིག་འབྲུ་དང་རིང་བསྲེལ་གྱི་ཚོགས་རང་བྱུང་འབུར་དུ་དོད་པས་སྤྲས་པ་ནི་ཤེས་རབ་ཀྱི་སྣོད་དེ། རིག་འཛིན་རྩལ་འཆང་དེ་དག་དང་། མཐིང་དམར་གྱི་ཅོད་པན་འཆང་བའི་རྒྱལ་བ་ཟུང་དང་། འཇིག་རྟེན་དབང་ཕྱུག་བཅུ་

― LT38_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པ་དཔལ་ལྡན་དཔའ་བོའི་དབང་ཕྱུག་བཅས་ཀྱིས། དུར་ཁྲོད་དགའ་བའི་ཚལ་དང་། མཁའ་སྤྱོད་ཐུགས་ཀྱི་འཁོར་ལོ་ལ་སོགས་པར་བར་མ་ཆད་པར་བདུད་རྩི་ཆེན་པོ་བསྒྲུབ་པའི་སྣོད་ཁ་སྦྱར་བ་དང་། གཞན་ཡང་གྲུབ་ཐོབ་གཏེར་འབྱིན་ཐམས་ཅད་ཀྱི་རྒྱལ་པོ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་དབུ་ཐོད་རིགས་གསུམ་མགོན་པོ། ཌཱ་ཀི་སྡེ་ལྔ། སྐྱེ་མེད་ཀྱི་ཡིག་འབྲུ་དམར་པོ་སོགས་ཀྱིས་གཏམས་པ་དང་། གསང་བདག་ཆོས་ཀྱི་རྒྱལ་པོ་འགྱུར་མེད་རྡོ་རྗེ་འཆང་གི་ཐུགས་དམ་འོག་མིན་ཚོགས་ཆེན་འདུས་པ་དང་། བཀའ་བརྒྱད་བདེ་གཤེགས་འདུས་པ་ལ་སོགས་ཏེ་རྒྱུད་སྡེ་དང་སྒྲུབ་སྡེ་དུ་མ་སྒྲུབ་པའི་རྟེན་གྱི་གཙོ་བོ་མཚན་ཉིད་ཡོངས་སུ་རྫོགས་པའི་ཀ་པཱ་ལ་ཟུང་དུ་འབྲེལ་བ་སྟེ་དེ་དག་རྣམས་དང་། རྡོར་སེམས་སྒྱུ་འཕྲུལ་དྲྭ་བ་ཞི་བ་དང་ཁྲོ་བོའི་དཀྱིལ་འཁོར། མཁའ་དབྱིངས་ནས་བྱིན་གྱིས་རློབས་པ་ཚངས་པའི་ཕོ་བྲང་། བར་མཚམས་སུ་མཛེས་ཤིང་ཉེ་བར་མཁོ་བ་རྒྱན་དང་ཡོ་བྱད་ཀྱི་བྱེ་བྲག །མཐའ་བསྐོར་དུ་བར་ཆད་སྲུང་བའི་ཕུར་བུ་དང་རལ་གྲི་ལ་སོགས་པ་རྣམས་ཀྱང་གསང་བ་སྔགས་ཀྱི་འབྱུང་གནས་འོག་མིན་ཨོ་རྒྱན་སྨིན་གྲོལ་གླིང་ནས་བྱོན་པ་ངོ་མཚར་བའི་བཀོད་པས་ཁྱད་པར་དུ་བྱས་ཤིང་། བྱིན་རླབས་

― LT38_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གཟི་བརྗིད་ལྡན་པ་ཤ་སྟག་རྣམས་དང་། གཞན་ཡང་སྐུ་གསུང་ཐུགས་རྟེན་འོག་ཏུ་སྨོས་པ་རྣམས་དང་། བགེགས་འདུལ་བའི་ཕྱག་བརྙན་ཨོ་རྒྱན་ཀུན་སྐྱོང་གླིང་པས་གཏེར་དུ་བཞེས་པའི་རྡོ་རྗེ་ཕུར་བུས་མཚོན་ཤིན་ཏུ་རྙེད་པར་དཀའ་བའི་སྒྲུབ་རྫས་གཉན་པོ་ཐམས་ཅད་རྒྱ་མཚོ་ལ་ཆུ་བྲན་ལྟར་ངང་གིས་འདུས་པར་གྱུར་པ་ནི། །འདིར་སྒྲུབ་པའི་ཡོ་བྱད་དེ་ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་ལྔ་པའོ། །གླིང་བཞིར་བདེ་བའི་ཡོ་བྱད་ཇི་སྙེད་པ། །རྣམ་སད་འབྱོར་བ་གཅིག་གི་ཟིལ་གྱིས་གནོན། །དཔལ་འབྱོར་བརྒྱ་ཡིས་བསྒྲུབས་པའི་བཀོད་པ་ཡང་། །རིན་ཐང་མེད་དངོས་གཅིག་གི་བག་ལ་ཞ། །རིན་ཆེན་གླིང་གི་དབང་ཕྱུག་གདེངས་ཀ་ཅན། །རྣམ་ཐོས་བུ་ཡི་གཏེར་གྱི་གཉེར་ཁ་བ། །དེ་དག་ལ་ཡང་མཆོག་གིས་སོངས་པས་ན། །ལོངས་སྤྱོད་རྫོགས་འདིར་བདག་ཅག་སྐལ་པ་སྦོམ། །པདྨའི་གཞོང་པ་མི་ཡི་ནོར་བུ་སྟེ། །བགེགས་འདུལ་བ་ཡང་རྡོ་རྗེ་ཁྲོ་བོའི་མཚོན། །བཀོད་པའི་རྣམ་གྲངས་བྱིན་རླབས་གཟི་བརྗིད་ཅན། །གསང་ཆེན་རོལ་པའི་རྒྱན་ཏུ་ལྷུན་གྱིས་གྲུབ། །སྤྲིན་གྱི་ལམ་ནས་གནམ་ལྕགས་ལྟུང་བ་དང་། །ཆུ་གཏེར་བཅུད་དུ་འདོད་འཇོའི་ཕུང་པོ་འཁྲུངས། །

― LT38_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ལ་མི་ཟད་འབྲས་བུ་ལྡན་པ་ཡང་། །རྟེན་འབྲེལ་ནུས་པ་ཚོགས་པའི་སྟོབས་སུ་གྱུར། །དབང་བཅུ་གྲུབ་པའི་ཕྱག་ཆ་གང་དག་ཏུ། །ཕྱིན་པ་ཙམ་ལ་སྨོན་པའི་འབྲས་སྟེར་ན། །མཆོད་ཅིང་རྣལ་འབྱོར་སྦྱོར་བས་བསྒྲུབ་པའི་དོན། །ཟག་མེད་བདུད་རྩིར་སྒྱུར་བ་སྨོས་ཅི་དགོས། །ད་ནི་དྲུག་པ་བརྗོད་པའི་རྣམ་གྲངས་འཆད་པར་བྱའོ། །གནས་དེ་ན་ཤིན་ཏུ་རབ་ཏུ་ཁྱད་པར་འཕགས་པའི་རྟེན་རྣམས་གཟོད་མ་ནས་བཞུགས་ཤིང་། ཁོ་བོ་ཅག་གི་མཆོད་པའི་གནས་རྣམས་ཀྱང་ཚོགས་ཀྱི་ཞིང་དང་བྱིན་གྱིས་རློབས་པའི་མགོན་ཏུ་ལྷན་ཅིག་བཞུགས་སུ་གསོལ་བ་ནི་འདི་ལྟ་སྟེ། རྒྱལ་པོའི་སྲས་ལྷའི་རྗེ་བདག་པོ་རང་ནོར་ལ་ལོངས་སྤྱོད་པའི་སྨོན་ལམ་དུས་སུ་སོན་པ་ན་ཡར་རྗེ་ཨོ་རྒྱན་གླིང་པ་ཞེས་བྱ་བའི་གཟུགས་གཞན་གྱིས་རི་ཁ་བ་ཅན་གྱི་ལྗོངས་སུ་ཕྱིན་ཏེ། ཆོས་ཀྱི་རྒྱ་མཚོ་དང་། གདུང་སྐྱེ་བ་བདུན་པ་དང་། རྫས་དང་ཕྱག་ཆ་སྨྱོན་གཏེར་གྱི་རིགས་བྱེད་བསམ་གྱིས་མི་ཁྱབ་པ་རིའི་ཁོང་གསེང་ནས་ཕྱུངས་བ་ལས་ཁྱད་པར་གྱི་དབྱིག་གི་མཆོག་ཁྱབ་བདག་པདྨ་ཀུན་ཏུ་འཆང་ཆེན་པོས་རང་ཉིད་ཀྱི་ཚབ་ཏུ་བཞག་པའི་གཟུགས་བརྙན་གྱི་སྤྲུལ་སྐུ་ལྔ་ཕྲག་ལྔའི་བར་དུ་སྤྱན་དྲངས་པ་རྣམས་ལས་གོང་ན་མེད་པ། པདྨ་ཤེལ་གྱི་ཕུག་པ་ནས་བྱོན་པ། མཐོང་བ་ཐམས་

― LT38_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་དོན་དང་ལྡན་པ། ལྷ་དང་ཀླུ་དང་མིའི་རིན་པོ་ཆེ་སྣ་ཚོགས་ལས་གྲུབ་པ། ལྟ་བས་ཆོག་མི་ཤེས་པའི་བྱིན་རླབས་ཀྱི་འོད་ཟེར་མདུན་རྒྱབ་མི་མངའ་བར་ཀུན་ཏུ་འཕྲོ་བ། ས་ཧོ་རའི་རྒྱལ་པོའི་ཆེ་བའི་རྟགས་ཀྱིས་སྤྲས་པ་དང་། སྐུ་གསུམ་གྱི་རྒྱལ་ཚབ་རྣམ་སྣང་ལོ་ཙཱ་བ་ཆེན་པོ་གཉིས་མེད་གཉིས་སུ་སྣང་བ་ཆུ་ཟླའི་གར་མཁན། གཞོན་ནུ་བློ་གྲོས་མཐའ་ཡས་ཀྱི་མཚན་གྱིས་དབང་བསྐུར་བའི་མ་བྱོན་པའི་བཅོམ་ལྡན་འདས་སྣང་མཛད་བྱང་ཆུབ་ཀྱི་སྤྱོད་པ་ལ་ཞུགས་པ། འགྲོ་བ་ཀུན་གྱི་སྒྲ་སྐད་དུ་ཆོས་སྟོན་པ་ལ་མཁས་པ་སོགས་ཐམས་ཅད་མཁྱེན་པའི་རྒྱལ་སར་མ་བསླབ་པར་ཡང་འཛེགས་པ་རྡོ་རྗེ་གླིང་པ་འཇམ་དཔལ་ཆོས་ཀྱི་བཤེས་གཉེན་གྱིས་ངམ་ཤོད་གནམ་ལྕགས་འབར་བའི་རྡོ་རྗེའི་ཡང་མཛོད་ནས་འདུས་པ་ཆེན་པོ་སྐོར་བཞི་ལ་སོགས་པ་དང་ལྷན་ཅིག་དངོས་གྲུབ་ཏུ་བཞེས་པ། རྡོ་རྗེ་ཀླུའི་འཇིམ་པ་དང་། རིང་བསྲེལ་གྱི་ཕུང་པོ་དཀར་དམར་བྱང་ཆུབ་སེམས་ཀྱི་འདུ་འཕྲོད་ལས་དཔལ་བདེ་བ་ཆེན་པོ་དགོངས་པ་ལ་མཉམ་པར་བཞག་པའི་ཆ་ལུགས་སུ་རང་བྱོན་པས་ལག་གི་ཆོ་གས་བསྐྲུན་པ་སུས་ཀྱང་འགྲན་ཏུ་མི་བཟོད་པ། ཁ་བ་ཅན་པའི་རྗེ་འབངས་ཡོངས་ཀྱི་བསོད་ནམས་ཀྱི་

― LT38_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་དུ་སངས་རྒྱས་གཉིས་པ་རང་ཉིད་ཀྱིས་མངའ་ཆེན་གསོལ། བྱིན་ཆེན་ཕབ། དབང་ཆེན་བསྐུར་ཏེ་རང་ཉིད་དང་ཐ་དད་དུ་བགྱི་བ། བྱེ་བྲག་ཏུ་བགྱི་བ་ཅི་དང་མ་མཆིས་པར་གཉིས་སུ་མི་གསུང་བས་ཞལ་གྱི་འཆེས་པ་དང་། ས་ཆེན་པོ་ལ་རབ་ཏུ་བཞུགས་ཏེ་རྣམ་པར་འཕྲུལ་པས་ཞིང་རྒྱ་མཚོ་མངོན་པར་གཡོ་བར་མཛད་པའི་ཆོས་ཀྱི་ཉི་མ་རྣམ་པར་སྣང་མཛད་རཀྵི་ཏ་དཔའ་བོ་ཀུན་སྐྱོང་གླིང་པ་ཞེས་བྱ་བའི་མིའི་ཟོལ་གྱིས་གསང་བའི་མཛོད་ཆེན་པོ་ལ་དབང་བསྒྱུར་བ་དེའི་ཚེ་དབྱིག་གི་རྣམ་གྲངས་སུ་གྱུར་པ། བཀའ་སྡེ་ཟུར་གྱི་རིག་འཛིན་གྲུབ་པ་རྣམས་མཆོག་སྒྲུབ་པ་ལ་བར་དུ་གཅོད་པ་འདུལ་བའི་ཐུགས་དམ་གྱི་ལྷར་རྩོད་པ་དང་བྲལ་བ་རྡོ་རྗེ་སྲིན་པོ་བཛྲ་ཀུ་མཱ་ར་རིན་པོ་ཆེ་ལི་སེར་གྱི་གཟུགས་ཅན་རིགས་ལྔའི་ཅོད་པན་གྱིས་ཁྱད་པར་དུ་བྱས་པ་དང་། ཨོ་རྒྱན་ཆོས་ཀྱི་རྒྱལ་པོར་ཌཱ་ཀི་འབུམ་སྡེས་མདངས་གསོལ་དུ་ཕུལ་བའི་དར་ལེ་བརྒན་གྱི་ཆོས་གོས་ངོ་མཚར་གྱི་པ་ཏྲ་འཛིངས་པ་དང་། གདུགས་གཅིག་ལ་ནས་ཁལ་ལྔ་བརྒྱའི་ཆད་ཚོད་བཞེས་ཏེ་ནུས་པའི་ཆ་ཤས་བསྟན་པའི་ཞལ་སྐྱོགས་བདེ་སྐྱོང་གི་སྣོད་དངོས་གྲུབ་སྣ་ཚོགས་པའི་བཅུད་འཇོ་བ་དང་། གནས་གསུམ་གྱི་རྡོ་རྗེ་ཕོ་ཉ་མོ་རྡོ་རྗེ་ཅན་ཁོ་ནའི་སྤྱོད་ཡུལ་དུ་གྱུར་པ།

― LT38_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བར་འོས་པ། གསང་བ་ཟབ་མོ་ལྟ་བར་མི་དབང་བ་རྣམས་ལ་བརྡ་དང་རྟགས་ཀྱིས་དོན་མཚོན་པར་སྟོན་པ་ནམ་མཁའི་དབྱུག་པ་རྩེ་གསུམ་དང་དྲིལ་བུ་སོགས་རྒྱན་གྱིས་བརྒྱན་པ་དང་། འཇའ་ཚོན་གྱི་སྐུ་ལ་ཚ་གྲང་གི་རེག་བྱ་བཟུང་བ་མི་མངའ་ཡང་གདུལ་བྱའི་བློར་ཤོང་བའི་ཐབས་ལ་མཁས་པས་ཨཱ་ཙརྻ་ཆེན་པོའི་རྣམ་པས་ཕེབ་པ་ལྟར་མཛད་པའི་ཞབས་ཀྱི་ཆགས་ལྷྭམ་སྟེ། སྔ་ཕྱི་གཉིས་ཀའང་གདོང་དམར་གྱི་ཡུལ་དུ་ཚེ་ལ་དབང་བའི་རིག་པ་འཛིན་པའི་ལུས་ཀྱིས་ཕེབ་པའི་ཉེ་བར་སྤྱོད་པ་མ་ནོར་ཞིང་མ་བཅོས་པ་དག་དང་གསུང་གསང་བའི་གླེགས་བམ་གྱི་ཕྲེང་བ་ལས་ཀྱང་ཁྱད་པར་དུ་གྱུར་པ། དར་ཆེན་དང་ཟིམ་བུ་རའི་ཤུན་པ་ལ་སོགས་པའི་ངོས་སུ་གསུང་རྡོ་རྗེ་རྣམ་པ་ཐམས་ཅད་པ་བཀའ་རྟགས་གསང་བའི་བརྡ་རིས་རྡོ་རྗེ་ཐོད་ཕྲེང་མཁའ་འགྲོ་མའི་འཁོར་དང་བཅས་པས་ཆོ་འཕྲུལ་མངོན་པར་འདུ་མཛད་དེ་བཀོད་པ་དང་། བཻ་རོ་དང་རྩེ་མང་དང་ཨཱ་ཙར་སཱ་ལེ་ལ་སོགས་པས་འཕྲུལ་ཆེན་ཡི་གེའི་གཟུགས་ངོ་མཚར་གྱི་ཁྱད་པར་ཅན་ཏུ་མངོན་པར་སྣང་བར་མཛད་པ། བཀའ་ཤོག་མཐོང་བ་དང་། མཚོན་ཏུ་མེད་པའི་ངད་པ་བཟང་པོ་ཚོར་བས་ཀྱང་ངན་འགྲོའི་སྒོ་འགེགས་

― LT38_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

པ། ཡིག་འབྲུ་རེ་རེར་ཡང་ཌཱ་ཀི་མ་འབུམ་འབུམ་ཡོངས་སུ་འདུ་བ་སོགས་མཐའ་ཡས་པའི་བསྔགས་པ་ཅན་སྔ་ཕྱིའི་གཏེར་ཁ་དུ་མ་ལས་བྱོན་པ་ཅུང་ཟད་ཆང་བ་དང་། ཕལ་ཆེར་ཚང་བ་དང་། ཆོས་ཚན་གཅིག་མ་ཚང་བ་མེད་པའི་ཕྱི་མོར་གྱུར་པ་རྣམས་དང་། ཐུགས་དྲི་མ་མེད་པའི་མེ་ལོང་རྡོ་རྗེ་སེམས་དཔའི་བཞིན་རས་ཀྱི་སྣོད་ལྷའི་སྲས་དམ་འཛིན་མུ་རུབ་བཙད་པོར་བླ་མ་དགོངས་པ་འདུས་པའི་ཐུགས་ཀྱི་རྟེན་ཏུ་པདྨ་བཛྲས་སྩལ་བ། གཏེར་འབྱིན་གྱི་འཁོར་ལོས་སྒྱུར་བ་མཆོག་གྱུར་བདེ་ཆེན་གླིང་པ་གཞོན་ནུ་རོལ་རྩེད་ཀྱི་མཛད་པ་སྟོན་པ་ན། ལྷ་སྲས་རྒྱལ་པོའི་སྒྲུབ་རྫས་པདྨ་བྷཉྫ་དང་། རྡོ་རྗེའི་ཕྱག་མཚན་ལ་སོགས་པ་དང་ལྷན་ཅིག་པར་བྱོན་པ་དང་། གཞན་ཡང་ཐོད་ཕྲེང་རྩལ་གྱི་སྐུ་དང་གསུང་དང་ཐུགས་ཀྱི་གསང་བ་རྟེན་པའི་གནས་རིན་པོ་ཆེའི་མཆོད་སྡོང་ལྷུན་པོ་ལྟར་མངོན་པར་འཕགས་པ། སྐུ་ཚབ་དང་རིང་བསྲེལ་གྱི་ཚོགས་ཀྱིས་ཏིལ་གྱི་གོང་བུ་ལྟར་གཏམས་པ་ཆེ་ཞིང་བཀོད་ལེགས་པ། བག་དྲོ་ཞིང་བྱིན་ཆགས་པ་ལ་སོགས་ཏེ་སྟེང་དང་འོག་དང་ཕྱོགས་མཚམས་རྣམས་སུ་གྲུབ་པའི་དཔའ་བོ་ཆེན་པོ་དུར་ཁྲོད་རས་ཆེན་གྱིས་ཆོ་འཕྲུལ་མངོན་པར་འདུ་མཛད་པའི་བཀོད་པའི་ཁྱད་པར། རྩ་གསུམ་

― LT38_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་རྒྱ་མཚོ་རྟག་ཏུ་བཞུགས་པ། དཔའ་བོ་དང་རྣལ་འབྱོར་མའི་ཚོགས་རྣམས་རང་བཞིན་གྱིད་འདུ་བ། ཕོ་མོ་མ་ནིང་གི་དྲེགས་པ་དམ་ཚིག་གཉན་པོའི་གཉེར་ཁ་ཅན་རྣམས་ཀྱང་མེལ་ཚེ་ལ་བརྩོན་པ། པདྨ་དྲྭ་བའི་གཞལ་མེད་ཁང་རྟེན་དང་བརྟེན་པར་བཅས་པ་ལ་འཕོས་པའམ། རང་བཞིན་གྱིས་ལྷུན་གྱིས་གྲུབ་པ་ལྟ་བུ་ནི། འདིར་སྒྲུབ་པའི་རྟེན་གྱི་བྱེ་བྲག་སྟེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་དྲུག་པའོ། །དཔྱིད་ཀྱི་དཔལ་མོའི་ཕུན་སུམ་ཚོགས་པ་དང་། །བསོད་ནམས་ལྡན་ལ་འདོད་པ་ལྷུན་གྱིས་གྲུབ། །འཆི་མེད་གྲོང་ཁྱེར་ལེགས་དགུས་འབྱོར་པ་ཡང་། །རྒྱུ་ཡི་རྐྱེན་ལས་རང་བཞིན་སྟོབས་སུ་མངོན། །གང་ཞིག་གང་དུ་སྣང་བ་ཡང་། །པདྨ་དྲྭ་བར་བྱིན་རློབ་ཅིང་། །མཐོང་བས་སྡིག་པ་ཟད་བྱེད་པ། །ཚོགས་ཀྱི་མགོན་ཏུ་བཞུགས་པར་གྱུར། །དེ་ནས་དེ་ལ་རབ་གུས་པའི། །རིག་འཛིན་བུ་རྣམས་གླགས་ལྟ་ཡིས། །བརྫི་བར་མ་ནུས་བྱིན་རླབས་ཀྱི། །གཟི་བརྗིད་དཔལ་དང་མངོན་པར་འགྲོགས། །ལྷ་དག་ཆོས་བཟང་འདུན་སས་མཛེས། །ཀླུ་རྣམས་རིན་ཆེན་གྲམ་བུར་བརྡལ། །རྟེན་གྱིས་གཏམས་པའི་གཞལ་མེད་ཁང་། །རྣལ་འབྱོར་སྤྱོད་

― LT38_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

དག་འགྲན་ལས་རྒྱལ། །གསེར་བཟང་རིན་ཆེན་བརྒྱན་སྤྲས་པ། །མཆོད་སྟོད་མར་མེའི་ཕྲེང་བ་ཅན། །རང་བྱུང་ཉི་མའི་དོ་ར་འདིར། །ཟླ་བ་བཞིན་ཏུ་མོག་པོར་བྱེད། །མི་མཉམ་ཟླ་བ་དེ་ལ་ལུས་དང་སེམས། །དད་པས་ལྟ་བའི་སྙིང་ཆུའི་གདོང་བརླན་པ། །དེ་དང་ཡིད་ལ་དཔེ་བྲལ་ཆོས་སྐུའི་ཞལ། །མཚོ་ལ་པདྨོའི་ལང་ཚོ་ལྟ་བུར་བཞད། །གསང་གསུམ་ནོར་བུ་གྲུབ་པའི་གླིང་ནས་བྱུང་། །དེ་དག་སེམས་ཅན་དོན་ཏུ་རྣམ་པར་སྤྱོད། །མོས་པའི་རི་མགོར་ཕྱོགས་སུ་ལྷུང་བ་ལ། །འགྲོ་བའི་ཉི་མ་དེ་དག་སེམས་ལྡན་བཞིན། །མཁའ་ལ་བསིལ་བྱེད་རྒྱུ་སྐར་ཕྲེང་བས་གཏམས། །ས་གཞིར་མཐོང་གྲོལ་སྣང་བརྙན་རྟེན་གྱི་ཁྲོད། །མུན་པའི་དཀྱིལ་འཁོར་དག་ལ་དགྲ་ཆེ་བ། །སྙིང་གི་བདུད་རྩིར་བྱེད་ལ་མཚུངས་པ་ཉིད། །ད་ནི་རྣམ་གྲངས་བདུན་པ་བརྗོད་པར་བྱའོ། །དེ་ལ་འདིར་ནི་སྒྲུབ་པའི་དུས་ཚོད་ཀྱང་ཕུན་སུམ་ཚོགས་པ་སྟེ། གསང་བ་སྤྱོད་པའི་བྱེ་བྲག་བདུད་རྩི་ར་ས་ཡ་ན་ངེས་པར་སྒྲུབ་པའི་དུས་ནི་རྩ་བ་དང་བཤད་པའི་རྒྱུད་ཆེན་པོ་རྣམས་ནས། དཔྱིད་ཀྱི་དུས་བག་དྲོ་ཞིང་རྩྭ་ཤིང་དང་མེ་ཏོག་ལ་སོགས་པའི་སྟེང་དུ་འབྱུང་བ་དང་སྟོན་གྱི་དུས་ཅུང་ཟད་བསིལ་ཞིང་རྩི་སྨན་ཐམས་ཅད་ཀྱི་ནུས་པ་རང་གནས་སུ་སྡུད་པ་དག་

― LT38_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། བསིལ་དྲོད་ཀྱི་ཁོད་སྙོམས་པ་དང་། ཕྱི་ནང་གི་ནུས་པའི་འགྲོ་ལྡོག་མཚུངས་པས་ཡང་དག་པར་བསྔགས་ཤིང་། དབྱར་ཚ་བའི་དྲོད་ཤིན་ཏུ་རྒྱས་པའམ། དགུན་གྲང་བའི་ངར་རབ་ཏུ་ལྡངས་པ་དེའི་ཚེ་དམ་ཚིག་གི་རྫས་རུལ་བ་དང་འཁྱགས་པ་ལ་སོགས་པའི་ཉེས་པ་འབྱུང་བ་བཀག་པ་ལས་དཔྱིད་ཀྱི་དུས་བཟང་པོར་རབ་ཏུ་སོན་པ། སྐྱེ་བོ་རྣམས་སོ་ནམ་བྱ་བའི་གར་གྱིས་རྩེ་ཞིང་དགའ་བའི་གླུ་ལེན་པ། འཁྱགས་པ་དང་ཆབ་རོམ་ཞུ་བའི་ཆུ་ཀླུང་རྙོགས་པ་མེད་ཅིང་ཆེ་ཆུང་རན་པ་རྣམས་ལྷུང་ལྷུང་གི་སྒྲ་དང་བཅས་པས་དལ་གྱིས་འབབ་པ། རྩ་དང་ལོ་ཏོག་གི་མྱུ་གུའི་ཕྲེང་བ་དག་རྩེ་མོ་བརྟོལ་ཞིང་མེ་ཏོག་ཁ་དོག་སྣ་ཚོགས་པར་འབུས་པར་རྩོམ་པ་དག་གློ་བུར་དུ་ཉི་མའི་མདངས་ཀྱིས་ཀྱང་བརྟོལ་མི་བྲ་བ། ཁུ་བྱུག་དང་། ཅོ་ག་མ་བུ་དགའ་བས་མྱོས་ཤིང་མགྲིན་པའི་གླིང་བུ་ཡིད་དུ་འོང་ཞིང་སྙིང་དུ་སྡུག་པ་དག་སྒྱུར་བ། ན་བུན་གསར་པ་གཡུ་འོད་ཀྱི་མདངས་ཅན་རིའི་ཕོངས་པར་འཁྱུད་པ་ལས་ཆར་ཟིམ་བུ་འབེབས་པ། ཧ་ཅང་ཚ་བ་དང་གྲང་ཕ་མ་ཡིན་པས་དགོས་པ་བདེ་བླག་ཏུ་སྒྲུབ་ནུས་པ་དེ་ལྟ་བུའི་སྐབས་སུ་བབས་པ་ན། ཡུལ་ཡར་མོ་ལུང་གི་དགེ་མཚན་ལྟ་བ་ལ་ཕྱིན་པར་གྱུར་ཏོ། །

― LT38_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་ནས་ཀྱང་ལས་སུ་བྱ་བ་གཞན་དག་རེ་ཞིག་བཏང་སྙོམས་སུ་བྱས་ནས་ཐོག་མ་ཉིད་དུ་དང་པའི་རྒྱལ་པོ་ཆུ་གཏེར་ལ་འཇུག་པ་བཞིན་ཤེལ་གྱི་བྲག་རིའི་སྤོར་དལ་གྱིས་འཛེགས་ཏེ། པདྨ་བརྩེགས་པའི་ཕུག་ལ་སོགས་པར་འདོད་པའི་དོན་སྒྲུབ་པ་ལ་མངོན་པར་ཞུགས་སོ། །སའི་བདག་པོའི་མདུན་ན་འདོན་འཁོར་དང་བཅས་པ་རྣམས་ཀྱི་གནས་ཁང་བྱི་དོར་བྱ་ཞིང་རྒྱན་དགྲམ་པ་དང་། ཁྲི་དང་སྟན་བཤམ་པ་དང་། གནས་མལ་གྱི་མཐུན་པའི་རྐྱེན་དང་། ཁ་ཟས་དང་སྤྱོད་ལམ་ལ་མཁོ་བའི་ཡོ་བྱད་སྟ་གོན་དུ་བྱས་ཤིང་། སྒྲུབ་པའི་རྫས་གསང་བར་འོས་པ་དང་། མཆོད་པ་དང་ཚོགས་ཀྱི་ཡོ་བྱད་ལ་སོགས་པ་རྣམས་ཀྱང་འདྲེས་པའི་མཆེད་དག་གིས་ཉེ་བར་བསྡོགས་ཏེ་ཚོམ་བུ་དང་བཅས་པའི་ཚོགས་ཀྱི་སྒྲུབ་པ་ལ་གསང་བའི་འདུ་བ་ཐོག་མར་འདུས་ཤིང་བདུད་རྩིའི་དཀྱིལ་འཁོར་ཞལ་རས་དབྱེ་བའི་དུས་ཀྱི་ཁྱད་པར་དུ་གྱུར་པ་ཡང་འདི་ལྟར་སྡིག་པ་དང་ཉེས་པ་ཐམས་ཅད་ཆ་ཡིས་ཟད་པར་འགྱུར་བ་དབོས་ཉ་བའི་དམར་པོའི་ཕྱོགས། རྡོ་རྗེའི་རིག་པ་འཛིན་པ་ཧ་རི་ནཱ་ཐ་མ་ི་བཛྲ་རྩལ་དང་། ཡེ་ཤེས་ཀྱི་མེ་ལོང་བྱམས་པའི་གཟུགས་བརྙན་ཅན་བསྟན་པའི་ཉིན་བྱེད་དང་། དཔལ་ལྡན་དབྱར་རྔའི་སྒྲ་ས་གསུམ་དུ་འགྲོ་བ་

― LT38_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་བརྒྱུད་ཕྲིན་ལས་ཀྱི་ཤིང་རྟ་ཅན་དག །ཀུན་རྫོབ་གཟུགས་བརྙན་དོན་དམ་ཆོས་ཀྱི་སྐུ་འོད་གསལ་ཕྱག་རྒྱ་ཆེན་པོའི་མཁའ་ལ་སྙོམས་པར་ཞུགས་ཤིང་། སླར་ཡང་ལོངས་སྤྱོད་ཡོངས་སུ་རྫོགས་པའི་ཕྲིན་ལས་སྤྲུལ་པའི་སྐུའི་རྣམ་པར་རོལ་པ་སྣ་ཚོགས་ཀྱིས་འགྲོ་བ་འདུལ་བའི་ཆོ་འཕྲུལ་ཆེན་པོའི་སྒོ་བསྟན་པ། ཕྱི་དང་ནང་གི་གནས་དང་ཞིང་དང་དུར་ཁྲོད་རྣམས་སུ་ཐོད་པའི་དུམ་བུ་དང་རབ་ཏུ་གཏུམ་མོ་ལ་སོགས་པ་དཔའ་བོ་དང་རྣལ་འབྱོར་མ་རྣམས་ཚོགས་ཀྱི་འདུ་བ་ཁྱད་པར་ཅན་ལ་ལོངས་སུ་སྤྱོད་པ་རྫོགས་པ་གཉིས་པའི་དཔལ་མོ་གཞོན་ནུ་དང་མངོན་པར་འགྲོགས་པར་གྱུར་ཏོ། །མངོན་པར་འདོད་པ་གསང་བའི་དོན་གང་ཡིན་པ་ལེགས་པར་གྲུབ་ནས་དངོས་གྲུབ་ཀྱི་བགོ་སྐལ་ཚིམས་པར་ཉམས་སུ་བསྟར་བ་སོགས་མཐའ་རྒྱས་སུ་བྱེད་པའི་རྣམ་གྲངས་གང་གིས་དགེ་ལེགས་སུ་བྱེད་པ། བཀྲ་ཤིས་ཀྱི་སྣང་བའི་རླབས་སྲིད་རྩེར་འཆེལ་བ་དེར་ཡང་བཟང་པོའི་དུས་ཀྱི་དཔལ་མོ་བཞད་པའི་འཛུམ་མདངས་ཀྱིས་བསུས་པར་གྱུར་ཏེ། འབྱོར་པ་དྲུག་སོགས་ཡོན་ཏན་དང་ཡེ་ཤེས་ཀྱི་ཆ་ཤས་བླ་ནས་བླར་རྒྱས་ཤིང་གང་བ་ལ་ཕྱོགས་པ་ནག་པ་ཟླ་བའི་དཀར་པོའི་ཕྱོགས། དང་པོའི་སངས་རྒྱས་དོན་ཐམས་

― LT38_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་གྲུབ་པས་དཔལ་ལྡན་རྒྱུ་སྐར་གྱི་དཀྱིལ་འཁོར་དུ་རྡོ་རྗེའི་ཚིག་སྟོང་ཕྲག་བཅུ་གཉིས་པ་གཞོམ་དུ་མེད་པར་བསྒྲགས་པའི་སྒྲས་སྲིད་པ་གསུམ་གྱི་འཐོ་བའི་འཇིགས་པ་མཆོག་ཏུ་མི་འགྱུར་བའི་བདེ་བ་ཆེན་པོར་བཅོམ་ཞིང་། ཆོས་རྒྱལ་དང་རིགས་ལྡན་སྤྲུལ་པའི་སྐུ་རྣམས་ལུང་བསྟན་པར་མཛད་པའི་ཟླ་བའི་དཀྱིལ་འཁོར་གྱི་ཆ་ལས། རྒྱལ་བ་དང་པོའི་སྔ་གྲོ་ཆ་ལ་བབས་པའི་ཚེ་ལེགས་པར་འདོད་པའི་དོན་ཐམས་ཅད་གྲུབ་པར་གྱུར་བ་ནི། འདིར་གང་གི་ཚེ་སྒྲུབ་པའི་དུས་ཚོད་དེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་བདུན་པའོ། །ས་ལ་དཔྱིད་ཀྱི་ལང་ཚོ་གསར་དུ་བཞད། །མི་རྣམས་ལུས་སེམས་དགའ་བའི་ཆང་གིས་དྲེགས། །དུས་ཀྱི་དང་པོའི་ཕུན་སུམ་ཚོགས་པ་དང་། །དངོས་གྲུབ་སྒྲུབ་པའི་ཡ་མཚན་ལྷན་ཅིག་རྒྱས། །རྣལ་འབྱོར་མ་རྣམས་འདུ་དང་མཉམ་སྤྱོད་པ། །འདི་ལས་གྲུབ་པ་མྱུར་བའི་ཐབས་མཆོག་དཀོན། །ཚོང་ཟོང་དུས་སུ་སོན་པའི་མགྲོན་པ་ཡང་། །ཡུད་ཙམ་གྱིས་ནི་འབྱོར་པ་ཆེན་པོར་བྱེད། །སངས་རྒྱས་མཐུ་ཡིས་བྱིན་གྱིས་བརླབས་པའི་དུས། །ལས་ཀུན་ནྱ་གྲོ་དྷ་ཡི་ས་བོན་བཞིན། །ཤིན་ཏུ་ཕྲ་བའང་འཕེལ་ཞིང་འགྱུར་ཐོས་ནས། །བསོད་

― LT38_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

ནམས་ལྡན་པ་བསོད་ནམས་གནས་ལ་འཇུག །དུས་ཀྱིས་སྣོད་དང་བཅུད་ཀྱི་འཕེལ་འབྲི་བྱེད། །དུས་ཀྱིས་འཁོར་ལོས་སྒྱུར་བའང་འཇིག་རྟེན་འབྱོན། །དུས་ཀྱིས་རྒྱལ་རྣམས་བྱང་ཆུབ་ཤིང་དྲུང་བཞུགས། །དུས་ཀྱི་རྟེན་འབྲེལ་མཐུ་ནི་དེ་འདྲའོ། །བསམ་པའི་འདུ་བྱེད་འདི་ནི་མཐུ་ཆེ་སྟེ། །དུས་ཀྱི་བྱེ་བྲག་རྣམས་ནི་འགྱུར་དང་བཅས། །རྟེན་གྱི་ཁྱད་པར་དག་ཀྱང་སྟོབས་ལྡན་པས། །ལེགས་སྤྱད་གྲངས་ནི་གཞལ་དུ་མེད་པར་གྲུབ། །ད་ནི་རྣམ་གྲངས་བརྒྱད་པ་དེའང་ཅུང་ཟད་བསྙད་པར་བྱའོ། །དེ་ལ་སྒྲུབ་པ་པོ་གཙོ་བོའི་གྲངས་སུ་ཆུད་པ་དེ་ཐོག་མར་སྨོས་རིགས་ཏེ་རྡོ་རྗེ་སློབ་དཔོན་གྱི་མིང་གིས་དབང་བསྐུར་བའི་ཕྱིར་རོ། །འོན་ཀྱང་དེའི་མཚན་ཉིད་ལྡན་པ་ནི་མ་ཡིན་ཏེ་རྒྱུད་ནས་ཇི་སྐད་གསུངས་པའི་ཡན་ལག་ཚང་བ་ནི་ཤིན་ཏུ་ཉུང་བར་མཐོང་ངོ་། །མཚན་ཉིད་དང་མི་ལྡན་བཞིན་ཏུ་སློབ་དཔོན་གྱིས་བཟུང་བ་རྡོ་རྗེ་འཆང་གི་བཀག་པ་མ་ཡིན་ནམ་ཞེ་ན་མངོན་པའི་ང་རྒྱལ་གྱིས་དབང་གིས་རྡོ་རྗེའི་ཁྲི་འཕང་ལ་འཛེགས་པ་ནི་མ་ཡིན་ཏེ་ཇི་ལྟར་ན། དབང་པོ་ཆེའི་བགྱི་བ་གལ་པོ་ཆེའི་སྐབས་སུ་སོན་པ། མི་བྱ་མི་བཏུབས་པ་ཞིག་སྐྱེ་བོའི་ཚོགས་དག་ལ་བསྒྲུབ་ཏུ་བསྩལ་པ། དེར་སྐྱེ་བོ་དེ་དག་བློ་མཐུན་པ། གནས་དེ་

― LT38_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མ་བྱང་བ། ཁུར་མི་བཟོད་པས་རྟབ་རྟབ་པོར་གྱུར་བ་ཞིག་ན། དེ་དག་ལས་གང་ཅུང་ཟད་ཡིད་གཞུངས་པ། བགྱི་བ་དེ་ལྟ་བུ་ལ་བྱང་ཞིང་ཕོམས་པ་ཞིག་ཡོད་པ་དེ་དེ་དག་གིས་རིགས་ཀྱི་གཙོ་བོར་བསྙེན་བཀུར་ཏེ་དཀའ་བར་བྱེད་པ་དེ་བསྒྲུབ། དགའ་སྟོན་གྱི་དགའ་བའང་ཉམས་སུ་མྱོང་བར་བྱེད་དོ། །དེ་བཞིན་ཏུ་བགྱི་བ་འདི་ཉིད་ཀྱི་ཁུར་བདག་ཉིད་ཀྱིས་དབང་མ་མཆིས་པར་ཐོབ་པ་དེའི་ཕྱིར་རང་རེ་རང་བཞིན་གྱི་ཚུལ་ཅུང་ཟད་ཙམ་གླེང་བ་སྟེ། རིགས་རུས་དང་ཆོ་འབྲང་གིས་མངོན་པར་མཐོ་བའི་ཚུལ་འབའ་ཞིག་པ་ནི་སངས་རྒྱས་ཀྱི་བསྟན་པ་ལ་གཙོ་ཆེ་བ་མ་ཡིན་མོད་ཀྱི་གྲུབ་པའི་རིག་འཛིན་གཅིག་ནས་གཅིག་ཏུ་བརྒྱུད་པའི་རིགས་སུ་རང་བཞིན་གྱིས་སོན་པར་ཟད་དོ། །ཆེན་པོ་དང་ཕལ་པ་རྣམས་ལ་སྐྱོན་ལྟར་སྣང་བའི་ཡོན་ཏན་གྱི་ཆ་བག་ཙམ་དང་ལྡན་པར་སྲིད་ལ། དེ་དག་ལ་ཡོན་ཏན་ལྟར་སྣང་བའི་སྐྱོན་གྱི་ཕུང་པོ་ནི་ལྷན་ཅིག་བྱེད་པའི་རྐྱེན་གྱིས་རབ་ཏུ་འབྱོར་བ། དྲི་མ་མེད་པའི་ཤེས་རབ་དང་རྨད་དུ་བྱུང་བའི་ཡོན་ཏན་གྱི་ཚོགས་མོ་གཤམ་གྱི་ཁྱེའུ་ལ་ནམ་མཁའི་པདྨོའི་ཕྲེང་བས་བརྒྱན་པ་དེ་དག་ནི་མངོན་སུམ་གྱི་རྣམ་པར་ཐར་པ་སྟེ་བརྟག་པར་སླའོ། །ལྐོག་ཏུ་གྱུར་པ་ནི་དེ་ལས་

― LT38_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་སུ་དཔག་པས་མཚོན་པར་ཟད་དེ་སྤྲོས་པས་ཆོག་གོ། །འོན་ཀྱང་དུས་གསུམ་གྱི་གནས་སྣང་ཐམས་ཅད་དཔེར་ན་སྐྱུ་རུ་ར་རློན་པ་ལག་མཐིལ་དུ་བཞག་པའམ། དེང་ངམ་སང་གི་ལྟར་ཆགས་ཐོགས་དང་བྲལ་བའི་ཡེ་ཤེས་ཀྱིས་མ་བསྒྲིབས་ཟང་ཐལ་དུ་གཟིགས་པ་ཨོ་རྒྱན་གྱི་སློབ་དཔོན་ཆེན་པོའི་བཀའ་ལུང་ཆེན་པོ་དག་གི་ངང་ཅོད་པན་གྱི་རྒྱན་ཏུ་ཐོད་པར་དཀའ་བ་དེ། བཀའི་ཕྲིན་ལས་པར་རྣམ་པར་འཕྲུལ་བ་རིག་འཛིན་གྱི་རྒྱལ་པོ་མཆོག་གྱུར་བདེ་ཆེན་གླིང་པས་ཁོ་བོ་ཅག །གཙུག་ཏུ་བཀོད་ནས། ཡང་དག་པར་གཟེངས་བསྟོད། ཡང་དག་པར་དབུགས་དབྱུང་སྟེ་རབ་ཏུ་གནས་པ་དང་། སློབ་མ་བསྡུ་བ་ལ་སོགས་པ་རྗེས་སུ་གནང་བ་ཁོ་ནར་མ་ཟད་ཀྱི་ངེས་པར་དང་དུ་བླང་བའི་དམ་ཚིག་གི་ལུང་ཕོག་པ་རྗེས་སུ་བསྒྲུབ་པར་འོས་པ་ནི་ཇི་ལྟར་སའི་བདག་པོའི་བཀས་མདུན་ན་འདོན་ཉམ་ཆུང་བ་དག་དཔྱ་སྡུད་པ་དང་། སོ་ཁ་སྲུང་བའི་བྱ་བ་ལ་བསྐོས་པ་ན། མཆིད་གསོལ་བར་རྔོ་མ་ཐོག་པར་སྤ་གང་བ་དེས་ཚིག་གི་ཤེད་ཀྱིས་སྦྱོང་བ་དོར་ནས་ནུས་པ་དང་ཇི་ལྟར་འཚམས་པར་རྒྱལ་པོའི་བྱ་བ་བསྒྲུབ་པ་ལ་ཞུགས་པ་བཞིན་ནོ། །འཇིག་རྟེན་ན་སེང་གེ་དང་ཁྱི་རུས་གཅིག་པར་བརྗོད་པ་ནི་རིགས་བརྗོད་པ་དང་། ས་སྐྱེས་

― LT38_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བཀྲ་ཤིས་སུ་བརྗོད་པ་ནི་དགེ་ལེགས་སུ་བྱེད་པའི་དགོས་པས་ཚིག་ལམ་དུ་གྲགས་པ་ལྟར། ཁོ་བོ་ཅག་བཀའ་ལུང་གིས་ཡང་དག་པར་རྗེས་སུ་བསྟན་པ་ནི་དོན་ཏུ་ན་དགོངས་གཞི་དང་དགོས་པ་གཞན་ལ་གཟིགས་པ་སྟེ་ར་གན་སེར་པོ་དར་གཞི་མཐུན་པས་གསེར་དུ་བསྒྲགས་པ་ནི་དགོངས་པ་ཅན་གྱི་རྟགས་ཡང་དག་པའོ། །དེ་ལ་བརྗོད་དུ་མི་གཟོད་པའི་བཀའ་ལུང་དེ་ཇི་ལྟ་བུ། ཚད་མར་གྱུར་བའི་གཏན་ཚིགས་གང་ཞེ་ན། མོས་པས་སྤྱོད་པ་པའི་གང་ཟག་ནུས་པ་ཤེད་མ་བྱེ་བ་ཞིག་ལ། བཀའ་ལུང་གི་རྣམ་གྲངས་ཁྱད་དུ་འཕགས་པའི་ཁུར་ཆེན་པོ་ཐོབ་པ་སྟེ། དེ་དག་ཀྱང་དབང་པོའི་མངོན་སུམ་དུ་གྱུར་ཅིང་ཤོག་སེར་གྱི་ཡི་གེ་དཔང་པོ་ཡོད་པ། གོང་དུ་ཆོས་ཉིད་ཀྱི་ཡེ་ཤེས་གཟིགས་པའི་རྡོ་རྗེ་ཅན་དག་གིས་ཀྱང་གསང་བའི་གནས་ཅུང་ཟད་བསྟན་པ། ཚད་མར་གྱུར་ཅིང་དཔའ་ཕོར་རིད་བརྟོན་པའི་སྔར་བྱུང་བ་ལས་བྱུང་བ། ཟུར་གྱིས་མཚོན་པ་དང་དོན་གྱིས་ཐོབ་པ་ཁ་དྲང་བའི་ཐབས་སུ་བསྟན་པའི་གནས་འདི་ལ་ལྐོག་ཏུ་མཐུན་པ་དག་ཡོད་པའི་ཕྱིར། ཟོལ་གྱི་སྦྱོར་བས་གྲགས་པ་བསྒྲག་པ་མ་ཡིན་པ་ནི་ཡེ་ཤེས་གཟིགས་པ་རྣམས་ཀྱིས་མཁྱེན་ཅིང་གཟིགས་ཏེ། ཚུར་མཐོང་རྣམས་ཀྱི་རྣ་བའི་བུ་གར་སྲོག་ཆགས་གྲོག་མ་

― LT38_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུག་གི་སྒྲ་སྐད་ཐོས་པ་བཞིན་མི་ཤོང་ཞིང་ཟུག་རྔུ་ཆེན་པོ་སྐྱེད་ལ། དེ་ལས་བརྩམས་ཏེ་སྡིག་པའི་ཕུང་པོ་རྣམ་པར་འཕེལ་བ་འགྱུར་བས་ན་བརྗོད་པར་སླ་བ་མ་ཡིན་ལ། ཕྱིས་རིང་མོ་ཞིག་ན་གཏན་ལ་ཕེབ་བར་འགྱུར་ཏེ་ཕྱིས་པར་ཟད་དོ། །འདི་ནི་ཁྱད་པར་གང་ཡིན་ལ་སྨོས་པར་ཟད་ཀྱི་སྤྱིར་བདག་ཅག་གིས་ཀྱང་མཆོག་གི་དཔལ་ལྡན་བླ་མ་རྡོ་རྗེ་འཛིན་པ་དག་མཉེས་པར་བྱས་ཀྱི་མི་མཉེས་པར་མ་བྱས། གདམས་པ་དང་རྗེས་སུ་བསྟན་པ་ཡང་དག་པར་ནོས་ཤིང་རང་གཞན་གྱི་དོན་རྗེས་སུ་སྒྲུབས་ཤིག་པའི་བཀའ་ལུང་མིང་གི་ཅོད་པན་རྣམ་གྲངས་དང་དགོས་པར་འབྲེལ་བ་ཐ་དད་པ་སྩལ། དེ་ཉིད་བཅུ་ལ་སོགས་པ་སློབ་དཔོན་གྱི་ལས་སུ་བྱ་བ་དག་ཕྱོགས་ཙམ་རིག་ཅིང་ཉམས་སུའང་བསྟར། ལྷག་པའི་བསམ་པ་གཡོ་མེད་ཅིང་མ་འཁྱོགས་པ་རྒྱལ་སྲས་དཔའ་བོ་དང་། རིག་པ་འཛིན་པ་དག་གི་རྗེས་སུ་སློབ་པ་ལ་ཞུམ་པ་མེད་ཅིང་སྤྲོ་བའི་ཁུར་བཟོད་པ་ཞིག་སྟེ། འདི་ལྟར་ལྟོ་དང་གྲགས་པའི་སྨྲིག་རྒྱུ་ལ་དགོན་པའི་རི་དྭགས་ལྟར་སྲེད་པས་ཆོས་ནས་བཤད་པའི་ཡོན་ཏན་རྒྱུད་ལ་མ་བསླན་པས་བཙལ་ཡང་རྙེད་པར་དཀའ་བ། ཁྱིམ་པའི་ལས་ཐབས་དང་གྲོང་བའི་གླུད་ཟབ་སོགས་ལ་མི་ཚེ་རིལ་པོར་གོམས་པ་གདིང་དུ་ཐོབ་པའི་

― LT38_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བརྒྱད་ཀྱི་ནང་ནོར་དང་ཆོས་འགལ་གྱི་ཤེ་མོང་དར་ལ་དྲགས་པ། ཐུབ་པའི་རྒྱལ་མཚན་ལྟུང་བ་ཚན་པོ་ཆེའི་སྟོབས་དང་གཡོ་ཟོལ་གྱིས་འཛིན་པར་བརྩོན་པ། གཞན་གྱི་ཕུན་ཚོགས་ལ་མི་བཟོད་པ་ཁྭའམ་འུག་པ་རྒན་པོ་ལྟར་བླ་བརྡོལ་གྱི་སྐད་ངན་རྣར་གཟོན་པ་སྒྲོག་ཕས་ཆོས་སྤོང་གི་ཁུར་ཚན་པོ་ཁུར་བ་དེ་ལྟ་བུའི་ཁྱུ་ལ་གཅིག་ཏུ་མ་འཁྱར་བའི་ཁྱུ་མཆོག་ཅང་ཤེས་པའི་མིང་གིས་འབོད་དུ་སྲིད་ཀྱང་གཡར་ངོ་མི་ནོངས་པ་ནི། འདིར་སྒྲུབ་པ་པོ་གཙོ་བོའི་མཚན་ཉིད་དེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་བརྒྱད་པའོ། །རྟ་ལས་ཅང་ཤེས་པ་ལང་ཁྱུ་ཡི་མཆོག །གཙོ་བོ་རབ་ཏུ་འབྱེད་ཀྱང་དུད་འགྲོ་ཉིད། །མངོན་ཤེས་མི་ལྡན་སློབ་དཔོན་ས་བཟུང་བ། །རྒྱལ་དང་རྣལ་འབྱོར་མ་རྣམས་དེ་འདྲར་གཟིགས། །ཕྱོགས་ཞེན་རྒྱུ་མེད་པར་ནི་དགྲར་གྱུར་ལ། །དག་སྣང་རྒྱུ་མཚན་མེད་པར་གྲོགས་སུ་འཐམ། །ཅོལ་ཆུང་ཆེན་པོའི་གྲལ་མཐར་འཁོད་པ་ཡང་། །གཉིས་མེད་གསུངས་པས་དང་པོའི་གྲལ་དུ་དབྱུང་། །སྐལ་མཉམ་ལྟ་བུར་འདུག་ཀྱང་རྣལ་འབྱོར་ཅན། །གཙོ་བོའི་ཁྲི་ལ་འཛེགས་པར་རྗེས་སུ་གནང་། །གཉིས་སྐྱེས་མཇུག་སྒྲོས་རིན་ཆེན་བུམ་པའི་ཁ །བརྒྱན་པ་དགོས་པའི་དབང་ལས་ནོངས་

― LT38_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མིན། །མི་བདག་ལུང་ཐོབ་ཁྱིམ་པ་ཕལ་པའི་བུ། །སྐྱེ་བོའི་ཁྲོད་ན་མི་བདག་བཞིན་ཏུ་བརྗིད། །མངོན་པའི་ང་རྒྱལ་རབ་ཞི་ལྷག་བསམ་ཅན། །ཤིང་རྟའི་ལུང་ལས་མཁའ་ངོས་ཟླ་ལྟར་ཞུགས། །གང་གིས་ཐོབ་པའི་རབ་ཞི་དྲི་མེད་བཅུད། །མྱང་གྲོལ་སེང་གེའི་འོ་མ་ཡིན་ཤེས་ན། །དེ་ཡི་སྣོད་ལྡན་དགེ་བའི་སེམས་བྱུང་ཅན། །གཞི་རྒྱུད་ཛམྦུའི་གསེར་དུའང་རིགས་པས་གྲུབ། །ཡོངས་རྫོགས་ཐུབ་པའི་བསྟན་ལ་ཞུགས། །ཤེས་བྱ་རྣམས་ལ་ཐོས་ཤིང་བསམ། །ཀརྨའི་རྗེས་ཞུགས་ངག་གི་དབང་། །ཡོན་ཏན་རྒྱ་མཚོར་འཁྱིལ་བར་གྲགས། །ལྷག་པའི་བསམ་པར་གཡོ་མེད་ཅིང་། །བསམ་མི་ཁྱབ་ལ་སྤྲོ་བ་ཐོབ། །གང་དང་འགྲོགས་པ་དེ་མཐུན་ཚུལ། །བློ་གྲོས་མཐའ་ཡས་རྒྱལ་བའི་སྲས། །དཔལ་ལྡན་བླ་མ་མཉེས་པར་བྱས། །སྡོམ་པ་དམ་ཚིག་ཡང་ཡང་བླངས། །དབང་གི་ཡེ་ཤེས་རྒྱུད་ལ་བསྟེན། །པདྨ་གར་གྱི་དབང་ཕྱུག་རྩལ། །མིང་ལས་དོན་གྱི་ཁྱད་པར་སྟོན། །ཇི་ལྟར་གསེར་སོགས་མངོན་བརྗོད་བཞིན། །སྐབས་སུ་སྨྲ་བ་གཞན་མེད་པས། །འདི་ལས་ལུང་གི་འཐད་པ་བརྟག །ནགས་སུ་གླང་པོ་དུད་འགྲོའི་ཁྱུ། །ཚོང་དུས་འགྲིམ་ན་རིན་ཐང་ཆེ། །བློ་ལྡན་རྨོངས་པའི་གྲལ་དུ་

― LT38_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

དམན། །དཔྱོད་ཤེས་ཅན་ལ་བདུད་རྩིར་བྱེད། །སྐྱོན་མེད་ཡོན་ཏན་ལྡན་པ་དཀོན། །ཡོན་ཏན་སྐྱོན་དང་བཅས་པ་མོད། །ཕྱི་མ་ལ་ཡང་ཡིད་བརྟོན་པ། །མཁས་རྣམས་དེས་པའི་ལུང་འདི་ལེན། །སྨན་གྱི་འབྲས་བུས་དབེན་པའི་ལྗོངས་སུ་ཟུག་རྔུའི་རེག་བྱ་ལྡུམ་བུས་འཕྲོག །གྲུབ་པའི་རིག་འཛིན་དུས་ཀྱིས་བསྐལ་ལ་སོ་སྐྱེའི་སྟན་པ་ལམ་འདྲེན་ཉིད། །མོས་པའི་ཆུ་དྭངས་རིན་ཆེན་དེ་ཡང་རྡོ་རྗེ་ཅན་གྱི་གཟུགས་བརྙན་གཞིན། །འདོད་པ་སྒྲུབ་ལ་རང་བཞིན་གཅིག་ཀྱང་རྣོ་བརྟུལ་བསམ་པའི་མཐུ་ལས་སོ། །ད་ནི་དགུ་པའི་རྣམ་གྲངས་དེ་དག་བསྙད་པར་བྱའོ། །གང་དུ་གྲོགས་ཕུན་སུམ་ཚོགས་པ་ཡོད་པ་དེར་བསྒྲུབ་བྱ་ཤིན་ཏུ་ཕུན་སུམ་ཚོགས་པར་འགྱུར་བ་ཆོས་ཉིད་དེ། ཇི་ལྟར་ཁང་བཟང་རིན་པོ་ཆེ་ཆེ་ཞིང་འཕང་མཐོ་བ། དབྱིབས་ལེགས་ཤིང་ལྟ་ན་སྡུག་པ། ཕྱི་དང་ནང་དུ་བཀོད་པའི་ཁྱད་པར་དུ་མ་དང་ལྡན་པ། རྒྱལ་པོ་དང་བློན་པོ་ཆེན་པོའི་ཚོགས་འདུ་ཞིང་ལོངས་སྤྱད་པར་འོས་པ་དེ་འདི་ལྟར། མི་གཅིག་གམ་གཉིས་ལ་སོགས་པས་ཟླ་བའམ་ལོ་གྲངས་བརྒྱ་སྙེད་དུ་བགྱི་བར་རྡོ་མི་ཐོགས་པ་དག་བགྱི་བའི་དུས་སུ་སོན་པ་དང་། སྐྱེས་བུ་རྡོ་དང་ཤིང་གི་འཕྲུལ་འཁོར་ལ་བྱང་བ། ཤེད་ཆེ་ཞིང་ལས་ལ་

― LT38_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

རེམས་པ་དུ་མ་དག་འདུས་ཏེ་ཁང་པའི་བྱ་བ་ལེ་ལོ་མེད་པར་བསྒྲུབ་པར་གྱུར་ན་ཞག་གི་གྲངས་ཉུང་ངུས་ཀྱང་བདེ་བླག་ཏུ་འགྲུབ་པར་འགྱུར་རོ། །གཞན་ཡང་ས་གཞི་ལ་ལོ་ཏོག་གི་འབྲུ་དང་། པི་ཝཾ་དང་རྔའི་སྒྲ་ལ་སོགས་པ་འདུས་ཤིང་ཚོགས་པ་ལས་བྱུང་བ་ཕྱི་དང་ནང་གི་རྟེན་འབྲེལ་དག་ནི་གནད་ཀྱི་འགྲོས་གཅིག་པས་ན། ཚོགས་ཀྱི་གཙོ་བོ་གཟི་བརྗིད་སྐྱེད་པའམ། ཁས་དྲག་པོ་རྣམས་བྱ་བའི་ཁུར་ཡང་བའི་ཐབས་ཀྱི་ཁྱད་པར་རམ། རོལ་མོ་དང་དབྱངས་ཀྱི་རྣམ་གྲངས་སྤྲོས་པའི་ཆོ་གས་ཉི་ཚེ་བའི་བློ་ཁ་ཡན་རི་དྭགས་ཀྱི་ཁྱེའུ་འབྲིད་པའི་སྦྱོར་བ་ལྷུར་ལེན་པ་མ་ཡིན་པར། རྣམ་དག་རང་བྱུང་གི་སྨན་གྱི་ཐིག་ལེ་གསོ་བྱེད་རྩི་བཅུད་ར་ས་ཡ་ནའི་དབྱིག་ཏུ་སྣང་བ་དག །རིགས་ལྔའི་དམ་ཚིག་ཆེན་པོ་ཡིན་པ་ལ་ཡིན་པར་སྒྲུབ་བའི་ཏིང་འཛིན་དག་མཉམ་གྱི་འཁྲུལ་འཁོར། བཟླས་པ་རྣམ་བཞིའི་ཛབྲ། ནུས་འབྱིན་གྱི་རྣོ་ངར་ལུ་གུ་བརྒྱུད་དུ་སྤྲེལ་བས། མང་པོ་འདུས་པ་ལས་དངོས་གྲུབ་ཀྱི་ཁྱད་པར་གཅིག་མྱུར་བ་མྱུར་བར་མངོན་ཏུ་བྱེད་པ། གསང་བ་ཆེན་པོའི་ཐབས་ལ་མཁས་པའི་རྣམ་གྲངས་རྡོ་རྗེ་ཅན་གྱིས་ཉིད་ལས་མི་གཞན་པའི་འཁོར་རྣམས་ལ་བསྟན་པའི་དོན་ལས་ཕྱིན་ཅི་མ་ལོག་པ། གསང་བའི་འདུ་བར་

― LT38_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་པ། ཤིན་ཏུ་འདྲེས་པའི་མཆེད་དུ་གྱུར་པ། རྡོ་རྗེའི་སྤུན་མི་ཕྱེད་པའི་དམ་ཚིག་ཅན། ཤས་ཆེ་བ་བསྡུ་བ་རྣམ་པ་བཞིས་ལེགས་པར་བསྡུས་པ། གནས་འདི་ལ་ལྷག་པའི་བསམ་པ་གཉིས་སུ་མ་གྱུར་པ་ནུས་པ་དང་ཇི་ལྟར་འཆོམས་པའི་བརྩོན་འགྲུས་ཀྱི་གོ་ཆ་བརྟན་པོར་བགོས་པ་ནི་འདི་ལྟ་སྟེ། ལས་དང་ཏིང་ངེ་འཛིན་གྱི་གཉེར་འཛིན་པ་རྡོ་རྗེ་རྒྱལ་ཐེབས་ལོ་ཙཱ་བ་མཆན་བུའི་གནས་སུ་འདུག་པ། རྒྱལ་ཚབ་ཀྱི་སློབ་དཔོན་ཆེན་པོ་བ་གོར་རིན་ཆེན་བློ་གསལ་གྱི་ཐུགས་སྲས་རྒྱལ་མོ་རོང་པ་གཡུ་སྒྲ་སྙིང་པོའི་སྐྱེ་བའི་ཡང་སྲིད་ཁྱུང་གྲགས་རྡོ་རྗེ་ཡེ་ཤེས་རོལ་པ་རྩལ་གྱི་རྣམ་པར་འཕྲུལ་པ་གྲགས་པའི་རི་མོ་གདོད་ནས་མ་ཟུབ་བ་འགྱུར་མེད་སངས་རྒྱས་ཆོས་འཕེལ། ཚེ་དང་སྐོང་བའི་ཆོ་གས་ལས་ཀྱི་ཁ་སྐོང་བ་ཆོས་སྐྱོང་བའི་རྒྱལ་པོ་ཚངས་པ་ལྷའི་མེ་ཏོག་མཐའ་ཡས་པའི་རྣམ་པར་འཕྲུལ་པ་རྒྱ་མཚོས་སྲིད་པའི་ཁམས་རྣམས་སུ་ཁྱབ་པར་འགྲོ་བའི་དོན་མཛད་པ་ལས་རྣལ་འབྱོར་སྤྱོད་པའི་རྣམ་པར་སྣང་ཞིང་གསང་བ་ཟབ་མོ་བགོ་སྐལ་དུ་ཐོབ་པ་རྣམ་པར་རྒྱལ་བའི་རྡོ་རྗེ་ཅན་སླར་ཡང་སྲིད་པའི་གཟུགས་སུ་སྟོན་པ་ཀརྨ་འཆི་མེད་པདྨ་ཚེ་དབང་མཐུ་སྟོབས་རྣམ་རྒྱལ། སྲུང་བ་དང་མཚམས་ཀྱི་ཕྲིན་ལས་ཆེན་པོས་དངོས་གྲུབ་ཀྱི་བར་ཆད་

― LT38_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་ཞིང་སྲུང་བ་རྡོ་རྗེ་རྣལ་འབྱོར་མ་དང་མ་གཅིག་ཇོ་མོས་མངོན་སུམ་བྱིན་གྱིས་བརླབས་པས་བདུད་བཞི་ཐུག་ཕྲད་དུ་གཅོད་པ་ལ་མི་འཇིགས་སེང་གེའི་བརྟུལ་ཞུགས་བག་ཚ་མེད་པར་སྤྱོད་པ་རྣལ་འབྱོར་ཛྙཱ་ནའི་མཚན་ཅན་སླར་ཡང་འགྲོ་དོན་ཏུ་བྱོན་པ་ཀརྨ་བསྟན་འཛིན་རྣམ་རྒྱལ། དུས་མཚམས་ཀྱི་ཚོད་དང་དངོས་གྲུབ་ཀྱི་དྲོད་འཛིན་པ་གསང་འདུས་སྤྲུལ་པའི་སྐུ་ཚེ་ལ་དབང་བའི་རིག་པ་འཛིན་པ་སྐྱེ་བ་དང་མཆི་བའི་མཐའ་ལས་རྣམ་པར་གྲོལ་བ་ནམ་མཁའ་སྒྲོན་གསལ་གདུལ་བྱའི་བློ་ངོར་རྣམ་སྨིན་གྱི་གདོས་བཅས་ལྟར་སྣང་བ་གྲུབ་དབང་གཡུང་དྲུང་དགེ་ལེགས་རྩལ་གྱི་ཡང་སྲིད་ཀརྨ་ཀུན་བཟང་རྣམ་པར་རྒྱལ་བའི་སྡེ། ཆོ་ག་ལས་ཁྲིགས་ཀྱི་ཤིང་རྟ་བདེ་བླག་ཏུ་འདྲེན་པ་འོག་མིན་ཨོ་རྒྱན་སྨིན་གྲོལ་གླིང་ངེས་པ་དོན་གྱི་དགའ་བའི་ཚལ་ཆེན་པོ་ནས་པདྨ་རྒྱས་པ་ལྟ་བུའི་རྣམ་དཔྱོད་ཀྱིས་འོངས་པ་བསླབ་གསུམ་དབང་ཕྱུག་འགྱུར་མེད་བསྟན་འཕེལ་དང་སྔགས་ཀྱི་ཚུལ་ལ་རབ་འབྱམས་སྨྲ་བ་འགྱུར་མེད་ཆོས་ལྡན། ཛ་གད་གསང་བའི་ཕུད་གཉེར་ཞིང་མཆོད་པའི་ལས་རིམ་གྱི་ཏིང་ངེ་འཛིན་དང་ལག་ལེན་གྱི་ཁུར་ཐེག་པ་སྡོམ་གསུམ་གྱི་བུམ་བཟང་རིམ་གཉིས་བདུད་རྩིས་ལེགས་པར་གཏམས་པ་སྒྲུབ་བརྩོན་རྣལ་འབྱོར་གྱི་དབང་ཕྱུག་

― LT38_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་མེད་ཕྲིན་ལས་དོན་གྲུབ་དབང་གི་རྒྱལ་པོ་གཙོ་བོར་སྨོས་པའི། ཡིད་ཀྱིས་རྣམ་པར་བརྟགས་པའི་ཀུན་ཏུ་བཟང་མོ་དང་། ཆོས་འཆད་པའི་སྟོན་པ་རྒྱལ་ཐེབས་ནས། རྡོ་རྗེ་ཁོལ་པོ་དང་རྡུལ་ཕྱགས་ཀྱི་སྐྱེས་བུས་མཐའ་བརྟེན་པའི་ཚོམ་བུ་ཚོགས་སུ་འདུས་པ། གཞུང་ནས་ཇི་སྐད་བཤད་པའི་རྡོ་རྗེའི་མིང་གིས་བརྒྱན་ཅིང་ལས་ཀྱི་གཉེར་ཁ་ཐ་དད་པ་འཛིན་པ། ཇི་ལྟར་བགོས་པ་དེ་ལྟར་དུ་བྱེད་པའི་བློ་མཐུན་ཅིང་སྙིང་བརྩེ་བ། བག་མེད་པའི་ཚུལ་རིང་དུ་སྤངས་ཤིང་དགེ་བའི་ལས་ལམ་ལ་གཅིག་ཏུ་ཡིད་གཞུངས་པའི་གང་ཟག་བཅུ་ཕྲག་གསུམ་མཆོག་དང་རང་རྒྱུད་པའི་ཚུལ་དུ་ལེགས་པར་ཚོགས་པ་ནི། འདིར་སྒྲུབ་པའི་གྲོགས་ཏེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་དགུ་པའོ། །ཇི་ལྟར་སྲིད་ན་བྱ་དཀར་གྱུར་པ་དག །མང་པོ་འདུས་ལས་རྩོལ་བ་ཆུང་ངུས་འགྲུབ། །དེ་ལས་མཁས་པ་རྩལ་དང་ལྡན་པའི་མི། །ཚོགས་པར་གྱུར་ན་ཤིན་ཏུ་བདེ་བླག་བྱེད། །གྲུབ་པ་མཆོག་གི་འབྲས་བུ་ཐག་རིང་ཡང་། །མང་པོའི་ནུས་པས་དཀའ་བ་མེད་པར་སྨིན། །འཕགས་དང་རྣལ་འབྱོར་ལྡན་པའི་སྟོབས་འདུས་ན། །མིག་འཕྲུལ་བཞིན་ཏུ་ལག་པའི་མཐིལ་ན་འོངས། །ཕྱི་ནང་འབྲས་བུ་སྐྱེད་བྱེད་རྒྱུ་དང་རྐྱེན། །གཅིག་

― LT38_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་མ་ཡིན་དུ་མའང་དེ་བཞིན་གཅིག །དེ་བཞིན་གཤེགས་པའི་ཚུལ་འདི་གང་གིས་མཐོང་། །རིང་པོར་མི་ཐོགས་ཐམས་ཅད་གཟིགས་པར་འགྱུར། །སྔགས་ཀྱི་རྣལ་འབྱོར་གྲུབ་པའི་ཁྱིམ་དུ་འཇུག །རྡོ་རྗེའི་ཆོ་གས་ཐམས་ཅད་བདུད་རྩིར་བསྒྲུབ། །ལྷ་དབང་སུམ་བརྩེགས་རྒྱལ་ཐབས་འཚོ་བ་ཡང་། །འདིར་ལྟོས་སྲིད་པའི་དུག་གིས་རྨོངས་པ་ཉིད། །སོ་སྐྱེ་འཕགས་བཞིན་སྤྱོད་དོ་ཞེས། །ཟོལ་གྱིས་སྨྲ་མིན་སྒྲོ་བཏགས་མིན། །སྤྱན་དང་ལྡན་རྣམས་འདི་བསྒྲགས་པའི། །གྲགས་པ་ཡང་སྲིད་ཀུན་ཏུ་གསལ། །དུས་ཀྱི་དང་པོར་སོན་པ་ན། །ས་གཞིར་དཔལ་ཡོན་འགའ་ཞིག་ཉིད། །སྐལ་བཟང་དད་པའི་མིག་ཐོབ་ན། །ཅིར་སྣང་དག་པའི་ཟློས་གར་རྩེ། །ཉེ་དབང་བདག་པོ་མིག་སྟོང་པ། །བདུད་རྩིར་ལོངས་སུ་སྤྱོད་དེ་དག །ཐུགས་ཀྱི་ཐིག་ལེའི་མཆོག་སྒྲུབ་ན། །རྣལ་འབྱོར་སྤྱོད་རྣམས་རྗེས་སུ་བྱེད། །ད་ནི་རྣམ་གྲངས་སུ་བགྲངས་པ་ལས་བཅུ་པ་གང་ཡིན་པ་དེ་ལེགས་པར་བཤད་པར་བྱའོ། །དེ་ལ་གཏེར་འབྱིན་ཤིང་རྟ་ཆེན་པོ་འཇིག་རྟེན་གསུམ་གྱི་རྒྱན་དུ་བྱེད་པ་དེའི་ཡེ་ཤེས་ཡངས་པའི་དོ་རར་དག་སྣང་གི་ཟློས་གར་བརྗོད་དུ་མེད་པ་རྟག་པར་རྩེ་བ་ན། གྲུབ་པ་དང་རྣལ་འབྱོར་མའི་འདུས་པ་ཆེན་པོའི་ལུས་ངག་གི་

― LT38_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡ་དང་རྣམ་འགྱུར་ལས་བྱུང་བ་དག་དང་། ཞིབ་མོར་ཕྱིས་ནས་བསྟན་པ་རྣམས་ནི་ཐུན་མོང་མ་ཡིན་པའི་རང་ལུགས་རྩ་བར་བཞག །སྤྱིའི་ཁོག་དབུབ་པའི་ཆིངས་ཆེན་པོ། ཕྱག་ལེན་གྱི་ཞིབ་མོ་རྣམ་པར་འབྱེད་ཅིང་། ཕུ་ཐག་འཁྲུས་པའི་རྒྱབ་ཀྱི་བརྟེན་པོ་ནི་འོག་མིན་ཨོ་རྒྱན་སྨིན་གྲོལ་གླིང་པའི་རིང་ལུགས་དྲི་མ་མ་མཆིས་པ། རྨད་དུ་བྱུང་བ་ཇི་ལྟ་བ་དེ་ཁོ་ན་ཉིད་སློབ་ཅིང་མཐུན་པར་སྤྱོད་དགོས་པར་ཞལ་གྱིས་བཞེས་ཤིང་རྗེས་སུ་གདམས་པར་མཛད་པ་སྟེ། སྔོན་མ་བྱུང་བ་རྨད་དུ་བྱུང་བའི་ཆོས་བཀའ་ཆེན་པོ་འདི་སྙེད་ལ་ཕྱག་བཞེས་ཀྱི་ཁྱད་པར་དེ་ལྟ་བུས་བརྒྱན་པར་བྱེད་པ་ནི་གསེར་གྱི་མཆོད་སྡོང་ལ་གཡུའི་ཕྲ་ཚོམ་བསྟར་བ་བཞིན་འཇིག་རྟེན་ཐམས་ཅད་ཀྱིས་བཀུར་བར་འོས་པ་དང་། དཔྱོད་ལྡན་རྣམས་ཀྱིས་དཔེར་བྱ་བར་འོས་པ་དང་། གཞུང་དང་ལག་ལེན་དུ་འབྲེལ་བའི་རྣམ་དཔྱོད་ལ་སྔ་ཕྱིར་བྱུང་བ་སུས་ཀྱང་ཟིལ་གྱིས་མི་ནོན་པར་འགྱུར་རོ། །གལ་ཏེ་རིང་ལུགས་དེ་ལྟ་བུ་ལ་སློབ་པར་མ་ནུས་པར། མཐའ་འཁོབ་ཀྱི་སྐྱེ་བོ་རིགས་པ་དང་མི་རིགས་པའི་ཚུལ་མི་ཤེས་པ་དུད་འགྲོ་ལྟ་བུའི་ཁྲོད་དུ་བློ་གྲོས་ངན་པའི་སློབ་དཔོན་ལྟོ་འགེངས་པ་ལ་གོམས་པ་དག་གིས་སྲོང་སྔགས་པ་བོན་ཏུ་གྱེར་བའི་ལད་མོ་གང་བྱུང་ཅི་ཐོད་དུ་བཅོས་པའི་ལུགས་སྲོལ་

― LT38_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པ་རྣམས་ཀྱི་སྤྱན་སྔར་མི་བྲིམ་བ་ངག་གིས་ཆོ་ག་འདི་རྣམས་བསླད་པར་གྱུར་ན་གསེར་བཟང་པོའི་བུམ་པ་རེ་བའི་ལྷབ་ལྷུབ་ཀྱིས་བགོས་པ་ལྟར་ཤིན་ཏུའང་མི་མཛེས་པ་དང་། དོན་དང་མི་མཐུན་པས་གཏེར་ཆོས་ཆུང་གསན་པ་དང་། རིག་འཛིན་ཆེན་པོའི་བཀའ་ལས་འདེས་པ་སྟེ་མི་བདེ་བའི་ཁུར་ཆེན་པོ་གསུམ་ཐོབ་པར་འགྱུར་རོ། །དེ་ལྟ་བས་ན་སྐབས་འདིར་ཡང་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ཐུགས་ཀྱི་ཐིག་ལེའི་གཞུང་རང་རྐང་ཚུགས་པ་ལ་བཅའ་གཞི་དང་ཕྱག་བཞེས་ཀྱི་ཁྱད་པར་ཇི་སྙེད་པ་ཨོ་རྒྱན་སྨིན་གྲོལ་གླིང་པའི་རིང་སྲོལ་ལས་འོངས་པ་གང་ཡིན་པ་དེ་ཁོ་ན་དང་སྦྲེལ་བ་སྟེ། ལུགས་སྲོལ་དེའང་ཇི་ལྟ་བུ་ཞེ་ན། སངས་རྒྱས་བྱེ་བ་རྡུལ་སྙེད་ཀྱི་སྤྱན་སྔར་སྨོན་ལམ་རྒྱ་མཚོ་ཡང་དག་པར་གྲུབ་པས་ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་དམ་པའི་ཆོས་འཛིན་པ་ལ་རྒྱལ་བའི་མྱུ་གུ་ཇི་སྙེད་པས་འགྲན་ཏུ་མི་བཟོད་པ་རྒྱལ་ཚབ་ལོ་ཙཱ་བ་ཆེན་པོ་བཻ་རོ་ཙ་ན་རཀྵི་ཏ་སྔ་འགྱུར་བཀའ་གཏེར་གྱི་མེ་རོ་སློང་བ་ལ་བསམས་བཞིན་མིའི་ཤ་ཚུགས་བཟུང་བ་ཨོ་རྒྱན་གཏེར་བདག་གླིང་པའམ། པདྨ་གར་དབང་འགྱུར་མེད་རྡོ་རྗེ་རྩལ་ཡབ་སྲས་དང་། མཆེད་དུ་གྱུར་པ་རྒྱལ་མོ་གཡུ་སྒྲ་སྙིང་པོའི་ཡང་སྲིད་དྷརྨ་ཤྲཱི་དང་བཅས་

― LT38_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བསྟན་པའི་དོན་ཏུ་སྙིང་སྟོབས་ཆེན་པོའི་གྲུལ་ཞོན་ཏེ་རི་ཁ་བ་ཅན་གྱི་ཆུ་ངོགས་སུ་རྡོ་རྗེ་སྙིང་པོའི་ནོར་བུ་ཚོལ་བ་ལ་མངོན་ཏུ་ཕྱོགས་པ་ན་མཁས་པ་རྣམས་ཀྱི་ཞལ་སྒོ་ནི་འགྲིམ། གྲུབ་པ་རྣམས་ཀྱི་དགོངས་ཉམས་ནི་བསྡུར། གདམས་ངག་རྣམས་ཀྱི་ཕུ་ཐག་ནི་བཅད། སྨིན་གྲོལ་དང་གདམས་ངག་གི་ཆ་ཀླུང་མཐའ་ཡས་པ་གསོལ། སྔ་འགྱུར་ཆོས་ཀྱི་རྒྱུན་ཆད་དུ་ཉེ་བ་རྣམས་བསྡུས། འཇིག་རྟེན་ན་ཚད་མར་གྲགས་ཤིང་མཁས་པའི་སྐྱེ་བོ་རྣམས་དབང་དུ་བྱེད་པའི་ཕྱག་བཞེས་ལེགས་པའི་ཆ་ཤས་ཕྱོགས་གཅིག་ཏུ་བསགས་པའི་རྒྱུན། ཕྱིས་ནས་སྤྲོས་པའི་བསླད་ཀྱིས་རྣམ་པར་མ་བསླད་པ། གཟུ་བོར་གནས་པའི་དཔྱོད་ལྡན་དག་གི་ཐུགས་འཕྲོག་ཅིང་ཡིད་ཆེས་ཀྱི་ངོ་མཚར་སྐྱེད་པར་བྱེད་པ་ཡིན་ཏེ། དེ་ལ་ལྟ་བའི་ཁྱད་པར་རྫོགས་པ་ཆེན་པོ་ཤིན་ཏུ་རྣལ་འབྱོར་གྱི་དགོངས་པ་ཁྱུང་ནམ་མཁར་ལྡིང་བ་ལ་ཕྲ་བ་ནང་གི་དབུ་མའི་མིག་གིས་བརྒྱན་པ། སྒོམ་པའི་ཁྱད་པར་བསྐྱེད་རྫོགས་རྫོགས་པ་ཆེན་པོ་ཟུང་དུ་འབྲེལ་བའི་གཞུང་ལམ་ལ་སྙན་དང་ཞལ་དུ་བརྒྱུད་པའི་གདམས་ངག་གི་རྩལ་ཆེན་པོས་བགྲོད་པ། སྤྱོད་པའི་ཁྱད་པར་སྡོམ་གསུམ་ཡར་ལྡན་ཏུ་རྫོགས་ཤིང་ཐོས་བསམ་སྒོམ་པའི་བྱ་བ་ལས་འདར་མེད་པ་རབ་འབྱམས་སྨྲ་བའི་གནས་བརྟན་

― LT38_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཁན་པོས་བརྒྱན་པའི་དགེ་འདུན་གྱི་སྡེ་བསྟན་པའི་མིག་རྒྱན་ཏུ་གྱུར་པ་དང་། རིགས་ཀྱི་རིག་པ་འཛིན་པ་རྡོ་རྗེའི་རྣལ་འབྱོར་གྱི་ནུས་པའི་རྩལ་གྱིས་གཞན་སྣང་ཟིལ་གྱིས་གནོན་པ་སླས་ཀྱི་འཁོར་དང་བཅས་པ་སྟེ་སྡེ་གཉིས་མ་འདྲེས་པར་པདྨའི་མཚོ་དང་པ་དཀར་པོ་དང་སེར་པོ་དག་གི་ཁྱུས་བརྒྱན་པ་ལྟར་ཐ་དད་དུ་སྤྱོད་ཅིང་རྡོ་རྗེ་རྩེ་མོའི་བསྟན་པའི་སྲོག་ཤིང་འཛིན་པ་ལ་གཅིག་ཏུ་བརྩོན་པ། སྤྲོས་བཅས་ཕྱག་བཞེས་ཀྱི་ཁྱད་པར་ཧ་ཅང་མདོར་བསྡུས་ཏེ་གཞུང་གི་དགོངས་པ་ཧོལ་ཁོངས་སུ་ལས་པ་མ་ཡིན་པ། ཧ་ཅང་རྒྱས་དྲག་པས་སུས་ཀྱང་ལག་ཏུ་ལོན་པར་དཀའ་བ་མ་ཡིན་པ། དགོས་ངེས་པའི་བྱ་བ་ནི་དོར། མི་དགོས་པའི་རང་བཟོ་མང་པོས་ཟིང་ཟིང་པར་བཅོས་པ་མ་ཡིན་པ། འཕྲལ་དུ་བྱ་སླ་ལ་ཕུགས་སུ་དོན་ཆེ་བ། མིག་སྔར་མཛེས་ཤིང་ཉམས་སུ་བསྟར་བ་ལ་ཕན་པ། ཁུངས་དང་འབྲེལ་བས་བྱིན་རླབས་ཀྱི་ཟིལ་ཆགས་པ་ཤ་སྟག་སྟེ། གསང་བ་ཀུན་གྱི་འབྱུང་གནས་ཨོ་རྒྱན་དྷརྨ་གཉྫ། བསྟན་པའི་ཆུ་ཀླུང་ཕྱོགས་ཀུན་ཏུ་འབབས་པ་མ་དྲོས་པའི་མཚོ། མཁས་པ་དང་གྲུབ་བའི་འདུས་པ་རྒྱུན་མི་ཆད་དུ་འབྱུང་བ་གངས་རིའི་ཁྲོད་ཀྱི་པདྨ་འོད་དུ་བསྟི་བའི་རིག་འཛིན་ཚོགས་ཀྱི་གཙོ་བོ་མཁས་པར་ཆུད་པ་དག་གི་

― LT38_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གྱི་ལུང་དང་། ཕྱག་ལེན་སྨར་ཁྲིད་ཀྱི་རྒྱུན་སྲོལ་བར་མ་ཆད་པའི་སྣང་བ་ཉི་མའི་བྱ་བ་ཅན་དག་གིས་གོ་ཕྱེས་ཏེ། བདག་མདུན་དབྱེར་མེད་ཀྱི་དགོངས་པ་ལ་རྟེན་དང་བརྟེན་པ་བཀོད་པའི་ཁྱད་པར་གྱིས་གཟེར་བཏབ་པ། བསྙེན་སྒྲུབ་རྣམ་བཞིའི་དགོངས་པ་ལ་འཛབ་ཁོང་གི་དབྱེ་བསྡུ་ཡོ་གའི་འགྲོ་ལུགས་དང་བསྟུན་པ། དཀྱིལ་འཁོར་སྣ་ཚོགས་ཀྱི་བཀོད་པ་ལ་གཞི་རྫོགས་དང་ཞལ་བསྒྱུར་སོགས་རྒྱ་འབག་གི་མིག་བུ་ལྟར་འཕྲུལ་ཤེས་པ། གཏོར་མས་ཕྲིན་ལས་སྒྲུབ་པ་ལ་ཤེས་པ་དྲུག་ལྡན་གྱི་དམིགས་ཕྱེད་པ་སོགས་གཞིར་བྱས། སྤྲོས་བཅས་ཀྱི་བྱ་བ་དཀྱིལ་འཁོར་བྲི་ཞིང་རྒྱན་བཀོད་པའི་ཁྱད་པར། གཏོར་མ་དང་མཆོད་པའི་བྱེ་བྲག་མང་པོའི་དབྱིབས་དང་བཀོད་པའི་རྣམ་གྲངས། བསྙེན་སྒྲུབ་སྒྲུབ་ཆེན་གྱི་ཕྲིན་ལས་ཁྲིགས་སུ་བསྡེབ་པའི་གོ་རིམ། མི་ངལ་ཞིང་མི་སུན་པའི་དབྱངས་དང་རོལ་མོའི་རྣམ་འགྱུར། དལ་བྲེལ་སྙོམ་ལ་རྒྱུན་ཆད་མེད་པའི་འདོན་བཟླས་ཀྱིས་མཚོན། མདོར་བྱས་ན་སྦྱོར་དངོས་མཇུག་གི་བྱ་བ་གང་ཡིན་པ་དེ་དག་ཐམས་ཅད་བྱིན་རླབས་ཀྱི་བགས་ལྷུན་ཆགས་ཤིང་། ཡིད་ལ་དགའ་བ་དང་སེམས་ལ་བདེ་བ་སྐྱེད་པའི་ལས་ཀྱི་རིམ་པ་ལ་ཡིད་གཅིག་ཏུ་གཞུངས་པ་ནི། འདིར་སྒྲུབ་པའི་ཕྱག་བཞེས་

― LT38_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཁྱད་པར་ཏེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་བཅུ་བའོ། །ཨོ་རྒྱན་མཁན་པོའི་རིང་ལུགས་འཁྱིལ་བའི་མཚོ། །སྨིན་གྲོལ་ནོར་བུའི་རྦ་རླབས་དགུང་དུ་འཆེལ། །བློ་ལྡན་ངང་པའི་རྒྱལ་པོ་རྩེ་བའི་གླིང་། །རྙོགས་མེད་ཡིད་འོངས་འདུས་པའི་པདྨོ་བཞད། །རིག་པའི་གནས་ལ་རྣམ་དཔྱོད་འཛུམ་དཀར་ཅན། །མདོ་རྒྱུད་སྨྲ་བའི་སྤོབས་པ་གཟེངས་སུ་མཐོ། །དེར་ནི་བསམ་གཏན་བདུད་རྩིས་ཡང་དག་བརླན། །སྤྲོས་བཅས་ཀུན་སྤྱོད་སུས་ཀྱང་མཚུངས་པ་མེད། །གང་ཞིག་གསེར་དུ་འདྲ་བའི་ཁ་དོག་ཀྱང་། ཁ་དོག་གཞན་པས་ནམ་ཡང་འགྲན་མི་བཟོད། །དེ་འདྲའི་རིང་ལུགས་ལེན་པ་སྐྱོན་བཅས་མིན། །དཔེར་འོས་དཔེ་དུ་བྱ་བ་མཛངས་པའི་ལུགས། །རྨོངས་པ་ཕྱིན་ཅི་ལོག་གི་རིང་སྲོལ་སློབ། ཁ་གཅིག་ཕ་ཕོར་གཙང་མའི་ཞེན་ལ་འཐས། །ང་རྒྱལ་ཅན་རྣམས་རང་བཟོའི་ལམ་དུ་འཇུག །དེ་དག་སྔ་འགྱུར་བསྟན་པའི་གཞུང་འཛིན་མིན། །མ་ལ་ཡར་འཁྲུངས་ལྗོན་པའི་དུམ། །དྲི་བསུངས་གཞན་གྱིས་མཚོན་ཏུ་མེད། །ལུགས་སྲོལ་འདི་ཡི་བཟང་པོའི་ངང་། །གང་ལ་བགོས་པ་བསུང་ཞིམ་བྱེད། །ཀུ་ཤའི་ཡུལ་སྐྱེས་གྱད་ཕལ་པས། །སྒྱུ་རྩལ་མཁན་ཀུན་སྨ་འབེབས་

― LT38_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད། །ཚོགས་མཆོག་ལས་འོངས་ཕལ་གཅིག་གིས། །འདུས་པ་གཞན་སྤྱོད་ཟིལ་གྱིས་གནོན། །རིན་ཆེན་གླིང་ནས་བླངས་པའི་དབྱིག །རེ་བ་ཀུན་ལ་འདོད་པ་འཇོ། །གང་འདིར་སྦྱངས་པའི་བློ་གྲོས་ཅན། །བཀའ་གཏེར་སྣང་བའི་དཔལ་དུ་བྱེད། །ཐུབ་པའི་རིང་ལུགས་ནམ་མཁའ་འདྲ། །འདི་བདེན་གཞན་ནི་གཏི་མུག་ཅེས། །སངས་རྒྱས་འབྱུང་བ་མི་མཉེས་པའི། །ཆོས་སྤོང་ལས་ནི་བདག་གི་དུག །སྔ་འགྱུར་ངེས་པའི་ཁུངས་ཚོལ་ན། །ཁྱད་འཕགས་ལུགས་ནི་འདི་ཡིན་ཅེས། །གནུབས་སོ་ཟུར་སོགས་གཤེགས་པའི་ཤུལ། །མཛུབ་མོའི་བརྡ་ཡིས་མཚོན་པར་ཟད། །ཡང་དག་ལུང་གིས་རབ་བརྒྱན་འཐད་པ་ཅན། །དྲི་མེད་ཕྱག་བཞེས་ཉི་མའི་ཤིང་རྟ་ཡིས། ཁ་ལོ་བསྐྱོད་བྱས་གསང་བ་གསར་པའི་འོད། །གླིང་བཞིའི་ཁོངས་སུ་ཁྱབ་པའི་ཤེས་པ་བསྒྲུབ། །ད་ནི་རྣམ་གྲངས་སུ་སྨོས་པ་བཅུ་གཅིག་པ་དེའང་བཤད་པར་བྱའོ། །དེ་ལྟར་སྨོས་སྨོས་པ་དེ་ཡིས་དགོས་པའི་འབྲས་བུ་ཅི་ཞིག་འགྲུབ་ཅེ་ན། དེ་ལས་ནི་རིས་མེད་ཀྱི་འགྲོ་བ་མཐའ་ཡས་པའི་རྒྱུད་ལ་རྡོ་རྗེ་ཐེག་པའི་ས་བོན་བཞག་པར་གྱུར་ཏེ། འདི་ལྟར་ཚད་དང་ལྡན་པར་བསྒྲུབས་ནས་ཇི་བཞིན་ཏུ་གྲུབ་པའི་སྨན་གྱི་རིལ་བུ། དམ་ཚིག་གི་རྫས་ཆེན་པོ་མྱང་བས་

― LT38_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་བའི་རྩི་དེ་དག་ཆ་གཉིས་སུ་བྱས་པའི་ཆ་དང་པོ་གང་ཡིན་པ་དེ་ནི་ས་གས་ཉ་བའི་དཀར་པོའི་ཕྱོགས་རྫོགས་པ་གཉིས་པའི་ཚེས་ཀྱི་ཆ་དང་པོ་ཉིན་ཕྱེད་ཀྱི་འོད་ཟེར་ཤར་རི་ནས་ཆས་པའི་དུས་སུ། སྲིད་པ་གསུམ་གྱི་བླ་མ་དཔལ་འཇིག་རྟེན་དབང་ཕྱུག་ཀརྨ་པ་ཆེན་པོའི་སྤྱན་སྔར་ཡིད་རབ་ཏུ་དང་བའི་གུས་པ་ཆེན་པོས་ཞབས་ཀྱི་པདྨོར་སྤྱི་བོས་ཕྱག་བྱ་བ་སྔོན་ཏུ་འགྲོ་བས་མདངས་གསོལ་དུ་ཕུལ་བ་ན། བསོད་ནམས་བརྒྱ་ལས་གྲུབ་པའི་ཕྱག་གླང་པོ་ཆེའི་སྣ་ལྟ་བུ་བརྐྱངས་ཏེ། །ཞལ་གྱི་དཀྱིལ་འཁོར་འཛུམ་པའི་མདངས་དང་འགྲོགས་པའི་ལེགས་པོའི་ཚངས་དབྱངས་ཀྱིས་འཇིག་རྟེན་གསུམ་པོ་དབུགས་དབྱུང་བ་དང་ལྷན་ཅིག་བདག་གིར་བཞེས་པའི་མོད་ལ། ལྗགས་ཀྱི་པདྨོར་རྡོ་རྗེའི་དམ་ཚིག་ཏུ་བརྟེན་ཅིང་། དཔལ་ལྡན་ནཱ་རོ་ཏཱ་པ་སྲིད་པའི་སྒྱུ་ཐབས་ལ་ཆགས་པ་སྤྲིན་སྒྲའི་མཚན་སྙན་ཅན་གྱི་རྒྱལ་བ་དང་། གྲུབ་པའི་སྤྱི་དཔལ་མཁའ་འགྲོའི་ཚོགས་རྗེ་དཔའ་བོའི་དབང་ཕྱུག་སྟེ་ཉི་ཟླ་ལྟ་བུའི་ཐུགས་སྲས་རྣམ་པ་གཉིས་གཙོ་བོར་འཁོད་པའི་ལུང་དང་མངོན་པར་རྟོགས་པ་རྒྱ་མཚོའི་སྤྲིན་ཕུང་ཤེས་བྱའི་མཁའ་ངོས་སུ་འགེབས་པར་བཟོད་པ་ཞམ་རིངས་སུ་འདུས་པའི་འཁོར་གྱི་དཀྱིལ་འཁོར་ཟླ་བ་ཉ་གང་བ་ལྷ་བུ་སྐལ་པ་བཟང་

― LT38_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཆ་ཤས་ཡོངས་སུ་རྫོགས་པ་དག་ལ་བདུད་རྩིའི་ཆ་ཤས་དངོས་གྲུབ་ཀྱི་བགོ་སྐལ་དེ་ཉིད་དུ་སྩལ་ཅིང་། ལྷག་མ་མྱང་གྲོལ་བདུད་རྩིའི་ཆུ་ཀླུང་ནམ་ཡང་རྒྱུན་མི་འཆད་པ་འབྱུང་བའི་གཏར་འཇོག་པར་མཛད་དོ། །གཉིས་པ་ནི། ལྷ་དང་བཅས་པའི་འགྲོ་བ་ཐམས་ཅད་ཀྱི་སྐྱབས་དང་མགོན་དང་དཔུང་གཉེན་ཏུ་གྱུར་པ་ཕྱག་ན་པདྨོའི་གསང་གསུམ་གྱི་སྣང་བས་རྟག་ཏུ་མཛེས་པའི་གྲུ་འཛིན་གྱི་གཞལ་མེད་ཁང་། ཆོས་དང་སྲིད་ཀྱི་དཔལ་འབྱོར་མ་ཚང་བ་ཅིའང་མེད་པའི་འདུན་ས་ཆེན་པོར། སྐད་རིགས་མི་གཅིག་པའི་ཡུལ་ཁམས་དུ་མའི་སྐྱེ་བོ་ལ་བཀའ་ལུང་གི་ཅོད་པན་རང་དབང་དུ་སྦྱིན་པ། རྒྱལ་ཚབ་ཐམས་ཅད་མཁྱེན་པ་ཧོ་ཐོག་ཐུའི་ཞལ་སྔ་ནས། གནམ་བསྐོས་ཀྱི་བདག་པོ་འདུན་ན་འདོན་འཁོར་དང་བཅས་པ་ལྷ་མིའི་བླ་མ་འཇིག་རྟེན་ཏུ་བྱོན་པའི་དུས་ཀྱི་དང་པོའི་བྱ་བའི་རྣམ་བཞག་ཉིན་རེ་བཞིན་ཡང་མངོན་པར་འཕེལ་བའི་སྐབས་སུ་སོན་པ་ན། ཤེལ་གྱི་བྲག་ག་ལ་བར་བདུད་རྩི་གྲུབ་པའི་རྗེས་ཐོག་དེ་མ་ཐག་ཕར་གཡོ་རུ་ཁྲ་འབྲུག་སྤྲུལ་པའི་གཙུག་ལག་ཁང་ཆེན་པོར་ཕྱིན་ཏེ་བོད་ཁམས་བདེ་བའི་རིམ་གྲོ་ལ་མངོན་པར་བརྩོན་པ་དང་འབྲེལ་བར་བཀས་མངགས་པའི་འདུན་ན་འདོན་བློ་གྲོས་ཀྱི་འཕྲུལ་དང་ལྡན་པ་ལ་

― LT38_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་སྦྲ་དང་བཅས་པས་བསྐུར་བ། དེས་ཀྱང་གུས་པ་དང་ལྡན་པས་ཕྱག་གི་པདྨོར་ཕུལ་བ་དགྱེས་པ་རབ་ཀྱིས་དང་དུ་བཞེས། ཆ་ཆ་ནས་བགོས་ཏེ་སོ་སོའི་དམ་ཚིག་གི་བདུད་རྩིར་ལྗགས་ཀྱི་དབང་པོ་ལ་བརྡར། དད་པ་ཅན་དག་ལའང་བགོ་སྐལ་དུ་སྩལ་ཞིང་ལྷག་མ་གང་ཡིན་པ་དག་ནི། མངའ་རིས་དང་། དབུས་གཙང་དང་། མདོ་ཁམས་ལ་སོགས་པའི་རྫོང་ཆེན་བརྒྱ་ཕྲག་གཉིས་ཀྱིས་མཚོན། ཆབ་འོག་ཏུ་འཁོད་པའི་སྐྱེ་འགྲོ་མིར་གྱུར་པ་དང་། དུད་འགྲོའི་འགྲོ་བ་དང་། ཆུ་ནང་དུ་རྒྱུ་བ་དང་། ནམ་མཁར་སྤྱོད་པ་སོགས་ལ་ཅི་དགར་སྤྱད་དུ་སྩལ་ཞིང་ཐམས་ཅད་ཀྱང་གསང་བ་མཆོག་གི་ཐེག་པ་ལ་རིགས་ཡོངས་སུ་སད་པའི་བརྟུལ་བ་བརྟན་པོ་ལྷུར་བཞེས་ཏེ་ཐུགས་རྗེ་ཆེན་པོ་བསྐྱེད་པར་མཛད་དོ། །དེ་དག་གི་ཆ་ཤས་ཅུང་ཟད་ཙམ་ཁོ་བོས་ཀྱང་བགོ་སྐལ་ཏུ་ཞུས་ཏེ་གཏེར་ཆེན་ཆོས་ཀྱི་རྒྱལ་པོ་དང་། མཆོག་གི་དཔལ་ལྡན་བླ་མ་རྡོ་རྗེ་ཅན་ཉི་མ་དང་ཟླ་བ་ལྟ་བུ་མཁྱེན་བརྩེ་ནུས་པའི་དཀྱིལ་འཁོར་རབ་ཏུ་མཛེས་པ་རྣམས་ལ་དད་པས་མཆོད་པའི་བྱེ་བྲག་ཏུ་ཕུལ་བ་དེ་དག་གིས་ཀྱང་མྱོང་གྲོལ་ཆོས་ཆར་རྒྱུན་མི་འཆད་པར་འབེབས་པའི་བཙས་སུ་བཀའ་དྲིན་གྱི་ཞོ་ཤས་བསྐྱངས་བ་དང་། རང་ཉིད་ལ་ལྟོས་

― LT38_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཅས་པའི་སྐྱེ་དགུ་ཇི་སྙེད་པ་དག་གི་ཁར་སྩལ་ཞིང་གཞན་ཡང་དུས་དང་དུས་ཀྱི་རྣམ་དབྱེ་མེད་པར་ཚོགས་ཀྱི་འདུ་བ་དང་དམ་ཚིག་གི་བདུད་རྩིའི་དགའ་སྟོན་གྱི་གསོས་སུ་སྤེལ་བ་དང་། བསངས་ཀྱི་དུད་པ་ལ་སྦྱར་ཞིང་གཙང་པོ་དང་འབབས་ཆུ་ལ་སོགས་པའི་རྒྱུན་ལ་ལྡུགས་པ་དང་། དུད་འགྲོ་ཅི་རིགས་པ་ལ་སྟེར་བ་སོགས་གཞན་ལ་ཕན་པ་ཅི་རིགས་པ་གདགས་ཤིང་། མདོར་བསྡུ་ན། བོད་དང་བོད་ཆེན་པོ་དང་། རྒྱ་དང་རྒྱ་ནག་ཆེན་པོ་དང་། ནེ་པཱ་ལ་དང་། ལྷོ་མོན་དང་། མཐའ་འཁོབ་ཀྱི་སྐྱེ་བོ་དང་། འཇང་དང་། རྒྱལ་མོ་རོང་དང་། ཧོར་སོག་ལ་སོགས་པ་ཇི་སྲིད་འཇིག་རྟེན་གྱི་རྣམ་པར་འདྲེན་པ་དེ་དག་གི་དམིགས་པ་མེད་པའི་ཐུགས་རྗེས་ཁྱབ་པ་དེ་སྲིད་དུ་སྨན་ཆེན་པོའི་འགྲོ་དོན་གྱི་རྒྱུན་ཟད་པ་དང་འགྲིབ་པ་མེད་པར་སྲིད་པའི་མཐར་ཡང་མངོན་པར་འགྲོ་བས། རྩ་གསུམ་རྒྱལ་བ་སྲས་དང་བཅས་པ་རྣམས་དགྱེས་པའི་གཟི་མདངས་བསྐྱེད། དཔའ་བོ་ཌཱ་ཀི་དམ་ཅན་ཆོས་སྐྱོང་བའི་ཚོགས་རྣམས་ཐུགས་དམ་དབྱིངས་སུ་བསྐང་། རིག་འཛིན་དྲང་སྲོང་ལྷ་ཀླུ་དཀར་ཕྱོགས་ལ་དགའ་བ་རྣམས་ནུས་པའི་རྩལ་ཆེན་ཕྱུང་། སྲིད་རྩེ་ནས་མནར་མེད་པའི་བར་གྱི་རིགས་དྲུག་གི་འགྲོ་བ་ཀུན་གྲོལ་བ་བཞི་ལྡན་གྱིས་

― LT38_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་དབྱུང་ཐོབ་པ་ནི་ཐུགས་རྗེ་གཞན་བརྟེན་གྱི་མཐུ་ལས་ཏེ། དཔེར་བགྱི་ན། མི་ལ་ལ་ཞིག་ཡན་ལག་བརྒྱད་ལྡན་གྱི་ཆུའི་ཐིགས་པ་བུམ་པ་གང་ཡོད་པར་གྱུར་ལ་དེས་དེ་མི་སྐམ་བར་འདོད་ནས་ཕྱོགས་དབེན་པར་དམ་དུ་སྦས་ན་འོན་ཀྱང་དེ་ནི་བསྐམས་ཏེ་ཚར་ཕྱིན་པར་འགྱུར་རོ། །སྐྱེས་བུ་བློ་གསལ་བ་ཡིད་གཞུངས་པ་ཞིག་གིས་ཆུའི་ཐིགས་པ་དེ་རྒྱ་མཚོ་ཆེན་པོར་ལྡུགས་པར་གྱུར་ན་ཇི་སྲིད་རྒྱ་མཚོ་ཆེན་པོ་བསྐམས་པར་མ་གྱུར་པ་དེ་སྲིད་དུ་ཆུའི་ཐིགས་པ་དེའང་འཁོར་ཞིང་འབབས་ལ་རྒྱུན་ཆད་པ་མི་མངའ་སྟེ། དེ་ཅིའི་ཕྱིར་ཞེ་ན། རྒྱ་མཚོ་ཆེན་པོ་དང་ཆུའི་ཐིགས་པ་དག་ལ་གཉིས་སུ་བྱ་བའི་བྱེ་བྲག་མ་མཆིས་པའི་ཕྱིར་རོ། །དེ་བཞིན་ཏུ། མྱང་གྲོལ་བདུད་རྩིའི་ཕུར་མ་གང་ཟག་གཅིག་གི་སུག་བར་བཅངས་པ་གང་ཡིན་པ་དེ་ནི་ཁེ་ཆུང་ངུ་དང་། དོན་ཆུང་ངུས་མྱུར་དུ་ཟད་ཅིང་མེད་པར་འགྱུར་ལ། བསྟན་པའི་བདག་པོ་རྣམས་ཀྱིས་བསྟན་པའི་བཙས་སུ་བཅངས་ཤིང་སྤེལ་བ་གང་ཡིན་པ་དེ་ནི་དེ་དག་གི་བསྟན་པ་འཇིག་རྟེན་གྱི་ཁམས་སུ་འཚོ་ཞིང་གཞེས་པ་དེ་སྙེད་དུ་རྒྱུན་མི་འཆད་པ་དང་། བསྟན་པ་དེའི་ཕྲིན་ལས་ཀྱི་སྒོ་གང་ལ་འཇུག་པ་དེ་སྲིད་དུ་ཡོངས་སུ་ཁྱབ་པའི་གཞན་གྱི་དོན་འབྱུང་བ་ནི་རྒྱ་ཆེན་པོ་སྟེ། དེ་

― LT38_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུའང་བླ་མ་ལྷ་དང་མཁའ་འགྲོའི་བྱིན་གྱིས་རླབས་ཀྱིས་མ་འབད་པར་ལྷུན་གྱིས་གྲུབ་པ་ནི། འདིར་འགྲོ་དོན་གྱི་ཕྱོགས་མཚོན་པ་སྟེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་བཅུ་གཅིག་པའོ། །གསེར་འགྱུར་རྩི་ཡིས་ལྕགས་ཁམས་གསེར་དུ་སྒྱུར། །གྲུབ་པའི་ཆང་གིས་ཐམས་ཅད་བདུད་རྩིར་བྱེད། །གཉིས་མེད་གསུང་བ་གཞན་གྱིས་མ་གསུངས་པ། །དེང་འདིར་སྟོན་པ་ཐུགས་རྗེ་ཅན་གྱིས་བསྟན། ཁམས་དང་ཏིང་འཛིན་ཟས་ཀྱི་སྲིད་པ་གསུམ། །འཚོ་ཕྱིར་མྱང་གྲོལ་ཉིད་ལས་བདེ་བླག་ཏུ། །གྲོལ་བའི་ཐབས་མཁས་ཨུ་དུམྦཱ་ར་དག །གསང་ཆེན་ནགས་སུ་ཚོལ་བས་རྙེད་པར་དཀའ། །གྲུབ་པའི་རིག་འཛིན་ཕོ་མོས་འདི་བསྒྲུབས་ལ། །ཕྱི་རབས་རྣལ་འབྱོར་རྣམས་ལའང་གདམས་པར་མཛད། །དུས་ཀྱིས་ངེས་པར་རྫོགས་པའི་མཐུ་ཆུང་ཡང་། །གཟུགས་བརྙན་མོས་པས་སྤྱོད་རྣམས་སྐལ་པ་བཟང་། །རང་དོན་སྒྲུབ་པ་ཁ་ཅིག་འབྲས་བུས་དམན། །གཞན་དོན་སྒྲུབ་རྣམས་རང་དོན་བདེ་བླག་བྱེད། །རྡོ་རྗེ་ཐེག་པས་འགྲོ་བའི་དོན་སྤྱོད་པ། །ཕྱོགས་བཅུའི་ཞིང་ན་དཀའ་བར་བྱེད་པ་ཡིན། །རང་དོན་བགྱི་བ་ཅི་ཡང་མ་མཆིས་པ། །སྐྱེས་མཆོག་དེས་ནི་གཞན་ཕྱིར་

― LT38_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་སྒྲུབ་སྟེ། །སྲིད་པའི་སྦུབས་མཐུག་བརྟོལ་བར་མ་ནུས་པའི། །སེམས་ཅན་གྲངས་མེད་ཡར་གྱི་ཟང་ཐལ་སྒྲོལ། །བྱ་བ་རྣམས་ལས་གཞན་གྱི་དོན་སྒྲུབ་པ། །དེ་དག་སྐྱེས་བུ་ཆེན་པོའི་སྤྱོད་པ་སྟེ། །སྲོག་ཆགས་བྱེ་བ་སྟོང་ཕྲག་ཡོངས་སྨིན་ནས། །མྱུར་དུ་བྱང་ཆུབ་སྙིང་པོའི་རི་སྤོར་འཛེགས། །ཉིན་རེ་སྲོག་ཆགས་བྱེ་སྙེད་སྒྲོལ་ཡང་རྒྱལ་བའི་སྲས་རྣམས་རློམས་སེམས་མེད། །སོ་སྐྱེ་རྣམས་ནི་རང་དོན་སྒྲུབ་ཀྱང་ཡུས་དང་རློམས་པར་བཅས་པ་ཉིད། །རང་གཞན་རྒྱུད་ལ་ཉོན་མོངས་སྐྱེད་པའི་དགེ་རྩ་ཐུབ་མཆོག་དེས་སྨད་པས། །རང་ཉིད་བསྒྲགས་མིན་འཕགས་རྣམས་དགྱེས་ཤིང་འབྱུང་འགྱུར་དཔེ་རུ་མཚོན་ཕྱིར་རོ། །ད་ནི་རྣམ་གྲངས་བཅུ་གཉིས་པར་བགྲངས་པ་དེའང་འཆད་པར་བྱའོ། །དེ་ལ་འདི་ནི་བྱ་བ་རླབས་སུ་ཆེ་ཞིང་རྣམ་པར་དཀར་བའི་འབྲས་བུས་ལྕི་བ་ཡིན་ཏེ་རྗེས་སུ་བྱེད་པའི་བྱ་བ་ནི་བསམ་པ་སྔོན་དུ་འགྲོ་བ་ཅན་ཡིན་པའི་ཕྱིར་རོ། །དེའང་བགྱིད་དུ་སྩལ་བ་པོ་འཇིག་རྟེན་གྱི་སྒྲོན་མེ་ཟུང་གི་ཐུགས་བསྐྱེད་པ་ནི་བརྗོད་དུ་མེད་པའི་བསྐལ་པ་ནས་གཞན་གྱི་དོན་འབའ་ཞིག་ལ་གོམས་པས་རང་དོན་དུ་བགྱི་བ་ལྷུར་ལེན་པ་ནི་རྨི་ལམ་དུའང་མ་མཆིས་ན། འདི་ཁོ་ན་གཞན་ལ་ཕན་བའི་བཙས་

― LT38_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བཀས་གནང་བའང་སྨོས་པས་ཅི་བྱ། སྒྲུབ་པ་པོ་བློ་གྲོས་དཀྱིལ་ཆུང་བའང་དེ་དག་གི་བཞེད་པ་གང་ཡིན་པ་དེ་དག་བསྒྲུབ་པ་ལ་ཞུགས་པས་བྱ་བ་ཞར་ལ་ལེགས་པར་གྱུར་པས་དོན་ཆེན་པོ་ཉམས་སུ་མྱང་བ་ནི་ཉི་མའི་ཤིང་རྟས་ཁ་དྲངས་པའི་ལྷའི་བུ་གླིང་བཞིའི་མཁའ་ངོས་སུ་རྒྱུ་བ་བཞིན་ནོ། །ཇི་ལྟར་ཅེ་ན་ཐུབ་པའི་ཞིང་ཁམས་འདིར་སྙིགས་མ་ལྔ་ཆེར་བདོ་བའི་དུས་སུ་སོན་པས་ཆོས་དང་འཇིག་རྟེན་པའི་ཚུལ་ཐམས་ཅད་རང་རང་གི་ལུགས་སྲོལ་ལས་གོ་ལྡོག་སྟེ་ངན་པར་སྤྱོད་པའི་སྟོབས་ལྡན་ལྷན་ཅིག་ཏུ་བདོ་བའི་ཤུགས་ཀྱིས། ཁ་བ་ཅན་གྱི་རིའི་ལྗོངས་མཐའ་དང་དབུས་ཐམས་ཅད་དུའང་། འཐབ་ཅིང་འཁྲུགས་པ་དང་། རྩོད་ཅིང་འགྱེད་པས་གཡུལ་ངོར་ཤི་བའི་རོའི་ཕྲེང་བ་བར་མི་ཆད་པ་དང་། མི་ངས་དང་། ཕྱུགས་ཀྱི་ཁྱུ་ཕྱགས་མས་འདེད་པའི་ཡམས་ཀྱི་ནད་འགོ་བ་དང་། ཆར་ཆུ་མི་སྙོམས་ཤིང་སད་དང་སེར་བ་དང་། སྔར་མེད་པའི་སྲོག་ཆགས་གདུག་པ་ཅན་གློ་བུར་དུ་བརྟོལ་བས་ལོ་ཏོག་གི་ཚོགས་མ་རུངས་པར་བགྱིད་པ་སྟེ་དུ་རུཥྐའི་བསྐལ་པ་ཕལ་མོ་ཆེ་ཤར་ཞིང་། ཀླ་ཀློ་སྡིག་སྤྱོད་ཀྱི་དམག་གི་ཁ་ལྷུད་པར་ཉེ་བ་སོགས་སྐྱེ་དགུ་རྣམས་དམྱལ་ཐག་གཅོད་པའི་དུས་ཀྱི་

― LT38_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

རྟགས་མངོན་ཏུ་གྱུར་པ་ན། གངས་ཅན་མགོན་པོ་པདྨ་སཾ་བྷ་བ་ཐུགས་རྗེའི་ཤས་མི་བཟོད་པའི་ཐུགས་རྗེ་ལས། གཏེར་འབྱིན་གྱི་འཁོར་ལོས་སྐྱུར་བ་ཨོ་རྒྱན་མཆོག་གྱུར་བདེ་ཆེན་གླིང་པ་འཇིག་རྟེན་དུ་བྱུང་སྟེ། བོད་ཁམས་སྐྱོབ་བྱེད་ཀྱི་ཆོས་སྡེ་དགུ་ལ་སོགས་པ་རྡོ་རྗེའི་གསང་མཛོད་ནས་ཕྱུང་སྟེ། ལས་ཅན་ཆོས་ཀྱི་བདག་པོ་སོ་སོ་ལ་དངོས་གྲུབ་ཏུ་སྩལ་ཞིང་བོད་འབངས་བདེ་ཐབས་ལ་ཐུགས་གཅིག་ཏུ་གཞོལ་བ་ན་ཁོ་བོ་ཅག་ཀྱང་ཐུགས་རྗེ་འཇུག་པའི་སྣོད་རུང་དུ་གྱུར་པས་བཞེད་པ་ཅི་ནུས་པ་བསྒྲུབས་ཤིང་། ཁྱད་པར་གངས་ཅན་གྱི་མ་ག་དྷ་ལྷ་ལྡན་གྱིས་མཚན་པའི་ལྗོངས་རྒྱུ་བ་ན། འགྲོ་བའི་བླ་མ་རྣམས་ཀྱི་ཐུགས་བསྐྱེད་དུས་སུ་སོན་ཏེ། ཟབ་གཏེར་གྱི་གནས་ཚུལ་འདི་དག་ཐམས་ཅད་ལ་སྤྱན་དང་མངོན་པར་ཤེས་པ་དང་མངོན་རྗེས་ཚད་མའི་གཏན་ཚིག་དག་གིས་ལེགས་པར་བརྟགས་པ་ན། བསྲེག་བཅད་བརྡར་བའི་གསེར་བཟང་པོ་བཞིན་ཐེ་ཚོམ་གྱི་འཆིང་བ་ནི་ཆོད། ཡིད་ཆེས་ཀྱི་ངེས་པ་ནི་རྙེད་ནས། ཁོ་བོ་མེ་ཁྱེར་ལྟ་བུའང་ལུང་གི་སྒྲས་ཟིན་པའི་ཆོས་ཀྱི་བདག་པོར་དབང་ཐོབ་པ་རྒྱུ་མཚན་ཏུ་མཛད་ནས། །བོད་ཁམས་བདེ་ཐབས་ཀྱི་རིམ་གྲོ་སྒྲུབ་པ་ལ་མཐུ་དང་དབང་མི་ལྡན་ཀྱང་ཚུལ་དེ་དག་ལས་ཅི་རིགས་པར་

― LT38_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་པར་འོས་པའི་བཀའ་ལུང་གསེར་གྱི་ཅོད་པན་གཙུག་ཏུ་བཅིངས་པ་ལས། ལྷག་པའི་བསམ་པ་བཟང་པོ་རྒྱུར་བྱས། དད་པ་དང་བརྩོན་འགྲུས་ཀྱི་རྐྱེན་དང་འགྲོགས་ཏེ། འཛམ་གླིང་གི་མཆོད་སྡོད་ཇོ་ཤཱཀ་རིན་པོ་ཆེ་གཙོ་བོར་གྱུར་པའི་རྟེན་ཁྱད་པར་ཅན་རྣམས་ཀྱི་མདུན་དྲུང་དུ། ཡན་ལག་བདུན་གྱི་བསགས་སྦྱོང་དང་བྱང་ཆུབ་ཏུ་སེམས་བསྐྱེད་པ་སྔོན་དུ་འགྲོ་བས། བཻ་རོའི་སྐུ་ཆོས་དར་ཤོག་ལས་བྱོན་པའི་བསྟན་པ་སྤྱིའི་སྨོན་ལམ་དུ་བྱ་བས་མཚོན། བོད་ཡུལ་མཐའ་དབུས་ཀྱི་བསྟན་འགྲོ་བདེ་ཞིང་བསྟན་པ་དར་བའི་སྨོན་ལམ་བློ་ཡིས་ལྕོགས་ཚད་དུ་བཏབ། སྒྲགས་ཀྱི་ཡང་རྫོང་དུ་འཇམ་དཔལ་གཤིན་རྗེ་གཤེད་ཚེ་བདག་ནག་པོའི་བསྐྱེད་རྫོགས་ཐ་རམ་གྱི་མཛོད་གསུམ་མན་ངག་གི་ལྡེའུ་མིག་གསུམ་གྱིས་བཀྲོལ་ནས། བསྙེན་སྒྲུབ་ལས་ཀྱི་སྦྱོར་བའི་མཐར་ཕྲིན་ལས་གཏོར་ཟོར་གྱི་འཁོར་ལོས་བསྟན་འགྲོ་སྤྱི་དང་བྱེ་བྲག་ལ་འཚེ་བའི་ནག་པོའི་ཕྱོགས་ཐམས་ཅད་ཚར་བཅད་པའི་ཏིང་ངེ་འཛིན་གསལ། མཆིམས་ཕུའི་དབེན་རྩ་བྲེ་གུ་དགེའུ་ཕུག་པར་ཟླ་གམ་དབང་གི་དལ་དུ་དབང་ཆེན་འདུས་པ་ཡང་ཕྱུང་དམར་པོའི་བསྙེན་སྒྲུབ་ལས་ཀྱི་སྦྱོར་བ་དང་འབྲེལ་བར་རྟ་སྐད་ཐེངས་གསུམ་གྱི་དགོངས་ཉམས་གནས་གསུམ་ཁྱད་པར་སྤར། ལྷོ་བྲག་

― LT38_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་ཆུ་གསང་བའི་ཡང་ཕུག་ཏུ་ཟླ་གམ་གཅིག་དང་དགུ་པའི་དཀྱིལ་འཁོར་ལ་བརྟེན་ནས་དཔལ་ཧེ་རུ་ཀ་ཡང་དག་ཐུགས་ཀྱི་སྙིང་པོའི་བསྙེན་སྒྲུབ་ལས་ཀྱི་རྣལ་འབྱོར་གྱིས་སྣང་སྲིད་རུ་ལུ་འབྲུ་བརྒྱད་ཀྱིས་དགོངས་པར་བྱིན་གྱིས་བརླབས། ཡར་ལུང་ཤེལ་གྱི་བྲག་ཕུག་གི་སྤྲས་པའི་གཞལ་མེད་ཁང་དུ་སྒྱུ་འཕྲུལ་དྲྭ་བ་ཞི་བ་དང་ཁྲོ་བོའི་དལ་ཞལ་ཕྱེས་ཏེ་རྡོར་སེམས་ཐུགས་ཀྱི་ཐིག་ལེའི་རྣལ་འབྱོར་དང་འབྲེལ་བར་རྩ་བརྒྱད་ཡན་ལག་སྟོང་ཕྲག་དང་སྦྱར་བའི་སྨན་ཆེན་པོ་བཞུ་བརྟུལ་གྱི་སྦྱོར་བས་སྣང་སྲིད་བདུད་རྩི་རྣམ་དག་གི་དཀྱིལ་འཁོར་དུ་བསྒྲུབས། བསམ་ཡས་བདུད་འདུལ་སྔགས་པ་གླིང་དུ་ཨེ་ཁྲོམ་ཕུར་བུའི་དཀྱིལ་འཁོར་ལ་བརྟེན་ནས་རྡོ་རྗེ་གཞོན་ནུ་ཐུགས་ཀྱི་ཐིག་ལེའི་རྣལ་འབྱོར་ལ་གནས་པས་གདབ་ཁའི་ལས་དང་གཏོར་མའི་གཟེར་བུས་བོད་ཁམས་ཕུང་བྱེད་ཀྱི་དམ་སྲི་སྡོང་ཟླ་དང་བཅས་པ་ཐལ་འབྱིན་དྲག་པོའི་མངོན་སྤྱོད་ལ་ཞུགས། ཡར་སྟོད་ཤམ་པོ་གངས་ཀྱི་ར་བའི་མདུན་ཞོལ་དུ་དཔལ་ཆེན་མངོན་རྫོགས་རྒྱལ་པོའི་རྣལ་འབྱོར་དང་ལྡན་པས་སྲིད་པ་མ་མོའི་དཀྱིལ་འཁོར་དུ་བེམ་ཆེན་མདོས་ཀྱི་ཆོ་གས་ཡེ་ཤེས་ལས་དང་འཇིག་རྟེན་གྱི་མ་སྲིང་དྲེགས་བྱེད་ཐུགས་དམ་བསྐངས་ཞིང་སྣང་སྲིད་ལྷ་སྲིན་རྣམས་

― LT38_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་བདེའི་ཁོང་སྙོམས། བྲག་དམར་གཡའ་མ་ལུང་འཆི་མེད་ཚེའི་ཀེའུ་ཚང་དུ་སྒྱུ་འཕྲུལ་ཚེ་དཔག་མེད་རིགས་འདུས་ཀྱི་དཀྱིལ་འཁོར་ཞལ་ཕྱེས་ཏེ་བསྙེན་སྒྲུབ་ཡན་ལག་བཞི་ལྡན་གྱི་དགོངས་པས་མཆོག་གི་དཔལ་ལྡན་བླ་མ་དམ་པ་རྣམས་དང་རིས་མེད་བསྟན་པ་འཛིན་པའི་སྐྱེས་ཆེན་མཐའ་དག་གི་གསང་གསུམ་རྡོ་རྗེའི་རང་བཞིན་ཏུ་བརྟན་པའི་འཆི་མེད་བདུད་རྩིའི་བཅུད་ལེན་འཛད་མི་ཤེས་པའི་གཏེར་ཆུ་བོ་རྒྱུན་གྱི་རྣལ་འབྱོར་ཇི་སྲིད་དུ་སྒྲུབ་པའི་གཞུང་ཆེན་པོ་བཙུགས། གཡོ་རུ་ཁྲ་འབྲུག་སྤྲུལ་པའི་གཙུག་ལག་ཁང་དུ་བཀའ་འདུས་ཆོས་ཀྱི་རྒྱ་མཚོའི་བཅུད་ཕུར་རྫོགས་ཆེན་སྡེ་གསུམ་ལས་གསང་སྐོར་ཁྲོ་བོའི་བཀའ་བརྒྱད་རྫོང་འཕྲང་གི་རྣལ་འབྱོར་དང་འབྲེལ་པར་ག་་ཙ་ཀྲའི་ལོངས་སྤྱོད་རྒྱ་ཆེན་པོ་བསྟབས། ལྷ་སའི་བར་ཁང་གུ་རུ་རིན་པོ་ཆེའི་གཟིམས་སྤྱིལ་གྱི་མདུན་ཁྱམས་དང་། ཆོས་འཁོར་དཔལ་གྱི་བསམ་ཡས་ཀྱི་བར་ཁང་གཡུ་ཞལ་ཅན་ཏུ་ཐུགས་སྒྲུབ་བར་ཆད་ཀུན་སེལ་གྱི་དཀྱིལ་འཁོར་གཉན་པོར་ཚོགས་ཀྱི་མཆོད་པ་སྟོང་ཕྲག་གཅིག་ལ་བརྒྱ་ཡིས་ལྷག་པ་རེ་རེས་མཚོན། གནས་ཆེན་རྣམས་དང་གཙུག་ལག་ཁང་ཕལ་མོ་ཆེར་ག་་པཱུ་ཛའི་དགའ་སྟོན་བརྒྱ་ཕྲག་དུ་མ་ཉམས་སུ་བསྟར། མཆིམས་ཕུ་བྲག་དམར་

― LT38_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ཀེའུ་ཚང་པདྨ་འོད་ཀྱི་གཞལ་མེད་ཁང་གཉིས་པར་བླ་མ་དགོངས་པ་འདུས་པ། བཀའ་བརྒྱད་བདེ་གཤེགས་འདུས་བ། ཡི་དམ་དགོངས་པ་འདུས་པ་སྟེ་རྩ་གསུམ་རབ་འབྱམས་ཀྱི་སྐར་ཚོགས་ཕོ་བྲང་ནམ་མཁའི་མེ་ལོང་གཅིག་ཏུ་རྫོགས་པའི་རྡོ་རྗེའི་དཀྱིལ་འཁོར་རྣམ་པ་གསུམ་ཞལ་ཕྱེས་ཏེ་ཕྱི་ནང་གསང་བའི་ཚོགས་ཀྱི་འདུ་བ་བརྒྱ་ཕྲག་གསུམ་གྱི་གྲངས་སུ་བརྒལ་བ་ལ་ལོངས་སྤྱད། བསམ་ཡས་ཨཱརྻ་པ་ལོའི་གླིང་དུ་མཆོད་པའི་ཡོ་བྱད་རྒྱ་ཆེན་པོ་དངོས་འབྱོར་དང་ཡིད་ཀྱིས་སྤྲུལ་པས་ཁྱབ་པར་བྱས་ཏེ་བསྟན་པ་སྤྱིའི་སྨོན་ལམ་འཕགས་པའི་གང་ཟག་རྣམས་ཀྱི་རྗེས་སུ་སློབ་སྟེ་ནན་ཏན་དུ་བཏབ། བསམ་ཡས་ཧས་པོ་རི། ཟོ་དང་གང་པོ་རི། དཔལ་ཆེན་ཆུ་བོ་རི་རྣམས་ཀྱི་རྩེ་མོར་གུ་རུ་ཁྱད་པར་འཕགས་པའི་ཏིང་ངེ་འཛིན་ལ་གནས་པས་གསེར་སྐྱེམས་ཀྱི་ཕུད་དང་བསངས་བསུར་གྱི་དུད་པས་མགྲོན་རིགས་བཞི་པོ་མཉེས་ཤིང་དགྱེས་པ་བསྐངས། སྣང་སྲིད་ཀྱི་སྡེ་བརྒྱད་མཐུ་བོ་ཆེ་རྣམས་དང་། བོད་ཁམས་སྐྱོང་བའི་བརྟན་མ་བཅུ་གཉིས་གཡོག་དང་བཅས་པ་སོ་སོར་མདོས་ཀྱི་ཚོགས་ཚིམས་པ་བསྐྱེད། སྔོན་རྡོ་རྗེ་སློབ་དཔོན་ཐོད་ཕྲེང་རྩལ་གྱིས་དམ་འོག་ཏུ་ལན་གསུམ་བཅུག་པའི་འབྱུང་པོ་ཡིད་ཀྱི་གཟུགས་ཅན་

― LT38_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་འདོད་ཡོན་གྱིས་བརྔན་ཅིང་བཀའ་ནན་རབ་ཏུ་བརྗིད་པས་བདེན་སྟོབས་ཀྱི་ཐ་ཚིག་བསྒྲག །ཡེ་ཤེས་ཀྱི་རྡོ་རྗེ་མགོ་བོར་བཀོད། བདུད་རྩི་ཨ་མྲྀ་ཏ་ལྕེ་ལ་བྱིན། དུས་ཀྱི་རྩུབ་འགྱུར་ཟློག་ཅིང་བོད་ཁམས་ཆོས་བཞིན་དུ་སྐྱོང་བའི་དམ་ཚིག་གཉན་པོའི་གཙིགས་ལ་ཕབ། རྡོ་རྗེ་སྲིན་པོའི་བརྟུལ་ཞུགས་བསྐྱེད། ཧཱུྃ་ཆེན་རྟའི་འདུར་གླུ་བསྒྲགས། རྡོ་རྗེ་གིང་ཀ་རའི་བདུད་རྩིའི་ཆུ་རྒྱུན་གྱིས་ཡུལ་གྱི་ལྷ་དང་འགོ་བའི་སྲུང་མ་གནས་བརྟན་དང་བཅས་པའི་ཉམས་གྲིབ་རྒུད་ཅིང་དམེ་བའི་དྲི་མ་མཐའ་དག་ཤེལ་དཀར་གྱི་གོང་བུ་རྡུལ་ཕྱིས་པ་ལྟར་བཀྲུས་ཤིང་བྱབས་ནས་རྡོ་རྗེའི་གོ་ཆས་བསྲུངས། མདོ་སྡེ་ལས་བྱུང་བའི་ཚིགས་སུ་བཅད་པ་བསྒྲག་པ་དང་ལྷན་ཅིག་རྒྱལ་ཁམས་བདེ་ལེགས་སུ་བྱེད་པའི་ཤིས་བརྗོད་ཀྱི་མེ་ཏོག་ཆར་དུ་བསྙིལ་བས་བཀྲ་ཤིས་པའི་སྣང་བ་ཆེན་པོ་ནམ་མཁའི་ཕ་མཐར་བརྡལ་བར་བྱས་སོ། །ཐབས་ལ་མཁས་པ་དང་ཚིག་གིས་སྐུལ་པའི་སྒོས་གཞན་དག་ལ་བགྱིད་དུ་སྩལ་བའི་རྣམ་གྲངས་ནི་འདིར་མ་སྨོས་སོ། །འདི་དག་གི་ལས་སུ་བྱ་བ་ནི་འདི་ཡིན་ཏེ། ཐུབ་པའི་བསྟན་པ་ལུང་དང་རྟོགས་པས་བསྡུས་ཤིང་དྲི་མ་མེད་པ་གང་ཡིན་པ་དེ་དག་ཇི་སྲིད་བྱམས་པའི་ཉི་མ་འཇིག་རྟེན་ཏུ་ཤར་བར་མ་གྱུར་བ་དེ་སྲིད་དུ་ནུབ་པར་མི་

― LT38_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བར་དར་ཞིང་རྒྱས་པ་དང་། སངས་རྒྱས་ཀྱི་ཞིང་འདིར་རྡོ་རྗེ་རྩེ་མོའི་གསེབ་ལམ་ནས་དངོས་དང་། ལྐོག་གྱུར་གྱི་ཚུལ་གྱིས་འགྲོ་བ་མཐའ་ཡས་པ་གདོད་མའི་གྲུབ་མཐར་བཙན་ཐབས་སུ་དཀྲི་བར་བྱེད་པའི་གསང་བ་ཆེན་པོ་ཉིད་དུས་ཐམས་ཅད་དུ་སྣང་བ་དང་། དེ་དག་གི་སྟོན་པ་འཇིག་རྟེན་གྱི་རྣམ་པར་འདྲེན་པ་དག་གཙོ་བོར་བྱས་པའི་བསྟན་འཛིན་ཏུ་གྱུར་པ་ཚད་མའི་སྐྱེས་བུ། རྒྱལ་བསྟན་རྣམ་པར་མི་དཀྲུགས་ཤིང་གསལ་བར་བྱེད་པ་གང་ན་སུ་བཞུགས་པ་ཐམས་ཅད་དང་། ཁྱད་པར་བདག་ཉིད་ལ་ཐར་བའི་ལམ་ཤུལ་མཚོན་པའི་བཀའ་དྲིན་གྱི་སྣང་བ་ཚད་མེད་པས་ཁྱབ་པར་མཛད་པ་མཆོག་གི་དཔལ་ལྡན་བླ་མ་རྡོ་རྗེ་ཅན་མྱ་ངན་ལས་འདས་པ་ཐམས་ཅད་དགོངས་པའི་ལྷག་མ་ཟག་མེད་ཆོས་ཀྱི་དབྱིངས་སུ་རྫོགས་ཤིང་། ད་ལྟར་འཚོ་ཞིང་བཞེས་པ་རྣམས་གཟུགས་སྐུའི་དཀྱིལ་འཁོར་འདི་ཉིད་ཀྱིས་བསྐལ་པ་བརྒྱ་ཕྲག་དུ་མར་འགྲོ་བའི་ཉི་མ་མཛད་ཅིང་ཕྲིན་ལས་ཀྱི་གཟི་བརྗིད་ནམ་མཁའི་མུ་ཁྱུད་ཡོངས་སུ་གང་བ་དང་། འགྲོ་བ་ཕ་མར་གྱུར་པ་ལུས་དང་སྲོག་གིས་བསྡུས་པ་མཐའ་དག་རྣམ་པ་ཐམས་ཅད་དུ་བདེ་བ་དང་ལྡན། སྡུག་བསྔལ་དང་བྲལ། དེ་དག་གི་རྒྱུ་ལ་བླང་དོར་དུ་བྱ་བ་མ་ནོར་བས་མངོན་

― LT38_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོའི་བདེ་བ་དང་མི་འབྲལ་ཞིང་ངེས་ལེགས་ཀྱི་བཏང་སྙོམས་ཆེན་པོ་ལ་མྱུར་དུ་རེག་པ་དང་། འཇིག་རྟེན་གྱི་ཁམས་རྩོད་པ་དང་ལྡན་པ་སྤྱི་དང་བྱེ་བྲག་རི་ཁ་བ་ཅན་གྱི་ལྗོངས་སུ་བསྟན་པ་དང་འགྲོ་བའི་བདེ་སྐྱིད་ཀྱི་པད་ཚལ་འཇོམས་པའི་རྒྱུ་མི་དགེ་བའི་བསམ་སྦྱོར་ཐམས་ཅད་སངས་རྒྱས་ཀྱི་མཐུ་དང་ཆོས་ཉིད་ཀྱི་བདེན་པ་ཉི་མས་རེག་པའི་བ་མོ་བཞིན་ངང་གིས་ཞི། དེ་ཡི་མཐུ་ལས་ནག་པོའི་རེས་གདུག་པའི་འབྱུང་པོ་རྣམས་ཀྱི་མཐུ་སྟོབས་དང་སྦྱོར་བ་ངན་པ་ཐམས་ཅད་ཐན་པས་གདུང་བའི་ལྟེང་ཀ་ལྟར་རྩད་ནས་བསྐམ། དུས་ཀྱི་འཁྲུགས་པ་དང་། ནད་དང་མུ་གེའི་བསྐལ་པ་ལ་སོགས་པ་མི་བདེ་བའི་རིགས་སུ་གྱུར་པ་རྡུལ་ཆ་ཕྲ་མོ་ཙམ་ཡང་མིང་གི་ལྷག་མའི་གནས་སུ་བཀོད་ནས། བདེ་སྐྱིད་ཀྱི་དཔལ་འབྱོར་རྫོགས་ལྡན་གསར་པའི་ལང་ཚོ་རབ་ཏུ་བཞད་པ་ལས་སྦྱོར་དངོས་རྗེས་གསུམ་དུ་བསམ་པའི་བྱེད་པ་གཞན་ཏུ་མ་འཁྱོགས་པ་སྟེ། ཟས་ཀྱི་རོ་ལན་ཚྭས་བསྒྱུར་བ་བཞིན་བསམ་པའི་བྱེད་པ་ནི་སྟོབས་དང་ལྡན་པ་ཡིན་པའི་ཕྱིར། འཕགས་པའི་ས་མ་ཐོབ་པ་དག་གིས་འདོད་པའི་འབྲས་བུ་བདེན་པའི་ཚིག་གིས་བསྒྲུབ་པ་དག་མྱུར་དུ་སྨིན་པར་འགྱུར་བ་མ་ཡིན་ཀྱང་། དྲོད་གཤེར་ཆུ་ལུད་ལ་སོགས་པ་རྐྱེན་འཛོམ་

― LT38_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ས་བོན་ནི་ངེས་པར་འབྲས་བུའི་རྒྱུར་འགྱུར་བ་བཞིན་ཏུ། སངས་རྒྱས་གཉིས་པའི་ལུང་གི་དོན་རྗེས་སུ་སྒྲུབ་ཅིང་བོད་ཁམས་བདེ་བའི་ཐབས་ལ་ཡང་དག་པར་བརྩོན་པ་ནི། འདིར་བྱ་བའི་ལས་ཏེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་བཅུ་གཉིས་པའོ། །རྣམ་གྲོལ་ཁྱིམ་ལ་མྱུར་དུ་འཇུག་འདོད་པ། །དེ་དག་གཞན་གྱི་ཁུར་ཆེན་འབད་པས་ཁུར། །སྐྱོ་བའི་སེམས་དང་ལན་ལ་རེ་བ་མེད། །སེམས་མཆོག་བསྐྱེད་པའི་ཕ་མཐའ་ཁོ་ནར་སྙེགས། །རྨོངས་པ་གྲགས་ལྡན་བྱེད་རྣམས་འབྲས་བུ་ཕྲ། །མཁས་རྣམས་སྒྲ་སྐད་ཆུང་ཡང་རླབས་ཆེན་སྤྱོད། །བསམ་པའི་པིར་གྱིས་བྲིས་པའི་གཟུགས་བརྙན་ནི། །རྒྱུ་དང་འདྲ་བའི་རི་མོ་ཐ་དད་འབྱུང་། །བྱིས་པ་གཞོན་ནུ་འཇིམ་པའི་ཁུང་བུ་བཅོས། །བློ་གྲོས་མཐའ་ཡས་གངས་ཅན་བདེ་ཐབས་སྒྲུབ། །དཔྱོད་ལྡན་བཞད་གད་འབབས་ལ་ཆོས་མཐུན་ཀྱང་། །བསམ་པའི་རྒྱ་ཁྱོན་ཆུང་དང་ཆེ་བ་ཉིད། །འདྲིས་མེད་ཡུལ་རྣམས་སྔར་འདྲིས་ལྟ་བུར་བགྲོད། །གནས་བཟང་རྣམས་ནི་རང་གི་ཡུལ་མཚུངས་སྤྱོད། །བྲག་ཕུག་ལྷ་ཡི་ཁང་བཟང་བཞིན་ཏུ་བསྟེན། །མཐུན་རྐྱེན་འཕྲུལ་དགའི་འདོད་ཡོན་ཇི་བཞིན་

― LT38_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས། །གྲོང་སྔགས་པ་དག་གཏོར་མའི་རི་བོ་བརྩེགས། །པཀྴིི་བྲོ་པ་རོལ་མོའི་ཟློས་གར་སྒྱུར། །དེ་དག་གསང་བ་སྤྱོད་ལ་ཚོགས་ཆེན་རྒྱུ། །ལྟོ་ཕྱིར་རྣམ་པར་འཁྱམས་ལས་ཐ་དད་དོ། །འཇིགས་རུང་ལས་ཀྱི་གཟུགས་བརྙན་ནི། །མི་བཟད་སྦྲུལ་གདུག་ཁྲོས་པའི་ལྕེ། །བསྟན་འགྲོ་ཀུན་ལ་རྨ་འབྱིན་པ། །དེང་སང་ཐུབ་པའི་ཞིང་འདིར་བྱུང་། །གཉེན་པོ་གཞན་གྱིས་མི་ཆོམས་པ། །དུས་བབ་གསང་བའི་མ་གི་ཏ། །གཏེར་འབྱིན་སྐྱེས་བུའི་ཕྱུངས་པ་དེ། །ཕན་པའི་སེམས་ཀྱིས་ཀུན་ཏུ་འཐོར། །སྣོད་དག་དགུན་གྱི་སྐྱེད་ཚལ་བཞིན། །སྐྱེ་དགུ་དལ་འབབ་ལྷན་ཅིག་གཞོལ། །སངས་རྒྱས་བྱོན་ཀྱང་བཅོས་དཀའ་བའི། །ནད་འདི་སུ་ཡིས་འཚོ་ཞིག་གུ། །ལེགས་པར་འདོད་ལ་ཉེས་མེད་པས། །འཕེན་རྫོགས་གཅིག་ཏུ་དཀར་བའི་ལས། །དམ་པ་དགྱེས་པའི་ཤུལ་ལམ་དུ། །གཞན་ལ་འཇིགས་པ་མེད་པར་ཞུགས། །ཆར་རྒྱུན་འབབས་ལ་གེགས་མེད་ན། །ལོ་ཏོག་སྙེ་མ་ངེས་པར་ལེགས། །གསང་བ་སྒྲུབ་པ་མཐར་སོན་ན། །དངོས་གྲུབ་ནམ་ཡང་བསླུ་མེད་ཉིད། །སྔོན་སོང་རྒྱུ་ཡང་ཆུད་མི་ཟ། །བསམ་པའི་འཕྲུལ་འཁོར་སྟོབས་ལྡན་པ། །དཀའ་བ་ལྟར་དུ་སྣང་བའི་འབྲས། །

― LT38_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་ཞིག་གདོན་མི་ཟ་བར་སྨིན། །ང་ནི་བཅུ་གསུམ་པ་རྩེ་མོར་ཕྱིན་པའི་རྣམ་གྲངས་དེའང་འཆད་པར་བྱའོ། །འདི་ལྟར་གང་ལ་སྐྱེ་དགུ་ཐམས་ཅད་བརྟེན་པའི་གཞིར་གྱུར་པ་ས་ཆེན་པོ་འདི་རབ་ཏུ་དྲོས་པ་ན། རྩྭ་དང་། ཤིང་གེལ་པ་དང་། ལྕུགས་ཕྲན་དང་། མེ་ཏོག་དང་། འབྲས་བུའི་ཚོགས་ཐམས་ཅད་རང་བཞིན་གྱིས་རྒྱས་ལ་སྐྱེ་བོ་ཐམས་ཅད་ཀྱིས་ཉེར་འཚོར་བརྟེན་པ་ན། ས་དེས་འདི་སྙམ་དུ། མ་ལ་འདི་དག་ལ་གནོད་པ་སྦྱིན་ནོ། །འདི་དག་ལ་ནི་ཕན་པ་སྦྱིན་ནོ་སྙམ་དུ་མི་སེམས་ལ་རྣམ་པར་མི་རྟོག་ཀྱང་། ཁམས་དང་རྟེན་གྱི་བྱེ་བྲག་གིས་དེ་དག་གི་ལོངས་སྤྱད་པའང་ཐ་དད། དེའི་འབྲས་བུའང་ཐ་དད་པར་གྱུར་ལ། དེ་སྲུང་ཞིང་བསྔགས་པར་བརྗོད་པ་དང་། གཙེར་ཞིང་སུན་དབྱུང་བ་དག་ལ་ས་ཆེན་པོ་དེས་ཉེ་རིང་དུ་བགྱི་བ་བྱེ་བྲག་ཏུ་བགྱི་བ་ཅིའང་མ་མཆིས་པ་དེ་བཞིན་ཏུ། འགྲོ་བ་མ་འདྲིས་པ་ཐམས་ཅད་ཀྱི་མཛའ་བཤེས་གསུང་རྡོ་རྗེ་བདེ་བ་ཆེན་པོ་པདྨ་སཾ་བྷ་བའི་ཐུགས་རྗེ་དང་བྱིན་རླབས་ཀྱི་ཁྱད་པར་རྒྱ་ཆེ་ཞིང་གཏིང་ཟབ་པ། རྣམ་པ་ཐ་དད་པ་ལ་འགྲོ་བ་ཐམས་ཅད་ཉེར་འཚོར་སྤྱོད་ཅིང་། དེས་དེ་དག་ལ་ཉེ་བ་དང་རིང་བའི་ཐུགས་མི་སྐྱེད་ཅིང་རྣམ་པར་མི་རྟོག་ཀྱང་། སྐལ་པའི་ཁྱད་པར་དང་དབང་པོའི་རིམ་

― LT38_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

པས་འཕྲལ་གྱི་ཕན་པ་དང་། ཡུན་གྱི་བདེ་བ་མངོན་མཐོ་དང་ངེས་པར་ལེགས་པའི་འབྲས་བུ་ཐ་དད་པ་ལ་སྤྱད་དུ་བསྩལ་ཞིང་། མི་གཏི་མུག་ཅན་མངོན་ངའི་ང་རྒྱལ་གྱིས་འཚོ་བ་རྣམས་ཀྱིས་ལོག་པར་སྒྲུབ། སྨོན་ལམ་གྱིས་ཐོབ་པའི་བློ་ལྡན་དད་པ་ཅན་རྣམས་ཀྱིས་མཉེས་པ་ལེགས་པར་སྒྲུབ་ཀྱང་དེ་དག་ལ་དགྲ་གཉེན་ནམ། བླང་དོར་གྱི་འདུ་ཤེས་སུ་གྱུར་པ་མི་མངའ་འོ། །འོན་ཀྱང་ཟླ་བའི་དཀྱིལ་འཁོར་ནི་ཆུ་དྭངས་པ་ཁོ་ན་ལ་འཆར་བ་ལྟར་སངས་རྒྱས་རྣམས་ཀྱི་གདུལ་བྱ་ཡུལ་ལ་འཇུག་པའི་ཐུགས་རྗེ་ཡང་བསམ་པ་དག་པའི་སྣོད་དུ་འཆར་བ་ཆོས་ཉིད་ཡིན་པས། གསང་བའི་ཐེག་པ་འདི་དང་པོར་ཁོ་བོ་ཅག་ལ་སྣང་བའི་རྟེན་འབྲེལ་ཐོག་མ་ནས་རང་བཞིན་གྱིས་འགྲིགས་སོ། །དེ་ནས་དེ་གླེགས་བམ་དུ་བྲིས་ཤིང་གཡར་དམ་དུ་བྱེད་པ་དང་། འཛིན་ཅིང་སྤེལ་བའི་སྒོར་མངོན་ཏུ་ཕྱོགས་པ་ན། བདག་ཅག་གི་འདྲེན་པ་ཁྱབ་བདག་རིགས་དྲུག་པ་བྱམས་མགོན་པདྨའི་ཞལ་ཚབ་ཀྱི་སྣང་བརྙན་ཟླ་བ་རྒྱས་པ། དབུས་ལྗོངས་པདྨོའི་མཚོ་ལས་འགྲོ་བའི་བསོད་ནམས་ཀྱི་དགུང་དུ་ཚེས་བར་ཐོས་ནས། དད་པའི་ཀུནྡ་ནི་ཁོང་ནས་དགོད། དགའ་བ་དང་སྤྲོ་བའི་ཤུགས་རབ་ཏུ་རྒྱས་པས་མདོ་ཁམས་སྡེ་བཞི་དགེ་བཅུའི་དཔལ་ཡོན་རབ་ཏུ་བཞད་པའི་སའི་

― LT38_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིག་ལེར་སྤྱན་འདྲེན་པ་ལ་འཁོར་གྱི་ཚོགས་དང་བཅས་ཏེ་ལམ་དུ་ཆས་པ་ན། གྲུབ་པའི་རིག་འཛིན་ཆེན་པོས་དུས་མཁྱེན་པའི་མངོན་པར་ཤེས་པ་དང་། ཌཱ་ཀི་མའི་ལུང་གིས་བསྐུལ་ཏེ་ཁོ་བོའི་གན་ཏུ་མངོན་པར་གཤེགས་ཏེ། གསང་བའི་གཏད་རྒྱ་སྔར་མ་བཀྲོལ་བ་དག་བཀྲོལ་བ་དང་། རབ་ཏུ་སྦས་པའི་མཛོད་ཀྱི་ལྡེའུ་མིག་རྣམས་ཀྱང་བུ་ལ་ཕའི་ནོར་ཕོག་པ་ལྟར་སྩལ། ལུང་བསྟན་པ་དང་། རྗེས་སུ་གདམས་པ་ཇི་རིགས་པའི་མཐར། འདི་ལྟར་བྱམས་པའི་ཉིན་བྱེད་མདོ་ཁམས་ཀྱི་ལྗོངས་སུ་འདྲེན་པའི་ཤིང་རྟར་བསྐྱོད་པ་ནི་རྟེན་འབྲེལ་ཆེན་པོ་སྟེ་ད་དུང་དེ་ལས་རྟེན་འབྲེལ་ཆེན་པོ་གཞན་འབྱུང་བར་འགྱུར་བའང་ཉོན་ཅིག །ངས་ནི་གསང་བའི་ལུང་རྗེས་སུ་སྒྲུབ་པ་དང་། ཐག་རིང་པོར་འགྲོ་བ་ནི་ཉོན་མོངས་པ་མང་བ་ཡིན་པས་མྱུར་དུ་ཕྱིན་མི་ནུས་ཀྱི། ཁོ་བོས་བསྒྲུབ་པར་འོས་པ་འདི་དང་འདི་དག་ཁྱོད་ཀྱིས་ལེགས་པར་སྒྲུབ་པར་གྱིས་ཤིག་པའི་བཀའ་མཆིད་གསེར་སྦྲམ་ལྟར་ལྕི་བའང་རྟེན་འབྲེལ་གཞན་དབང་དུ་འཆོལ་བ་ལ་ནེམ་ནུར་དུ་གྱུར་ཏེ་ལྡོག་ཕྱོགས་སུ་ཚིག་ཙམ་ཡང་གསོལ་བར་རྔོ་མ་ཐོགས་ཏེ། ཡི་རང་བ་དང་ལེགས་སོ་མདངས་གསོལ་དུ་ཕུལ་ནས། རྡོ་རྗེའི་གླེགས་བམ་

― LT38_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་བསྲེལ་གྱི་ཚོགས་དང་བཅས་པ་དར་གྱི་ཁུད་དུ་དྲིལ་ནས་ཐོགས་ཏེ་ཕྱིན་པ་ན། བཅོམ་ལྡན་འདས་འཇིག་རྟེན་དབང་ཕྱུག་ཆགས་ཐོགས་མེད་པའི་ཡེ་ཤེས་ཀྱི་སྤྱན་གྱིས་མངོན་པར་གཟིགས་ཏེ། མཚུར་མདོ་བོ་ལུང་སྤྲུལ་པའི་གཙུག་ལག་ཁང་གི་ཡང་ཐོག་ནས་སྤོས་ཀྱི་དུད་པ་དང་། དུང་དང་། གླིང་བུའི་སྒྲ་ཆེ་ཞིང་སྙན་པར་སྒྲོག་པས་མདུན་བསུས་ཏེ། གསང་བ་ཆེན་པོའི་རིང་ལུགས་འདི་ཉིད་ཕྱོགས་ཐམས་ཅད་དུ་ཁྱབ་པ་དང་། སྙན་པར་གྲགས་པའི་རྔ་བོ་ཆེའི་སྒྲ་དབྱངས་ཞིང་ཁམས་ཀུན་ཏུ་སྒྲོག་པའི་རྟེན་འབྲེལ་ལྷུན་གྱིས་གྲུབ་པར་མཛད་དོ། །དེ་ནས་པདྨོ་རྣམ་པར་རྒྱས་པའི་གཞལ་མེད་ཁང་འཁོར་གྱི་ཁྱམས་དང་ལྡན་པའི་དབུས་སུ། རིན་པོ་ཆེའི་མྱུ་གུ་གསར་པས་སྤྲས་པའི་ནོར་བུའི་ཁྲི་རྐང་མཛེས་པ་ལ་ངལ་གསོ་བའི་སྟབས་ཀྱིས་བཞུགས་པ་འཇིག་རྟེན་དབང་ཕྱུག་གི་ཞབས་ཀྱི་པདྨོར་གཙུག་གིས་མངོན་པར་བཏུད་དེ། རིན་ཐང་མེད་པའི་རིང་བསྲེལ་གྱི་ཚོགས་ཀྱང་སྤྱན་ལམ་དུ་བསྟར་ཞིང་དྭངས་ཤེལ་ཕྱིས་པ་ལྟ་བུར་ས་གཞིར་དར་ཟབ་ཀྱི་སྟན་ལ་གུས་པས་འཁོད་དེ་ཇི་ལྟར་བྱུང་བ་རྒྱས་པར་གསོལ་བ་ལ་སྐབས་ཕྱེད་པར་གྱུར་ཏོ། །དེའི་ཚེ་འཇིག་རྟེན་གསུམ་པོ་དུས་གཅིག་ཏུ་སྣང་བའི་ཞལ་རས་འཛུམ་པའི་འོད་ཟེར་གྱིས་དབུགས་དབྱུང་

― LT38_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་ཆབ་ཅིག་རིན་པོ་ཆེའི་ཟ་མ་ཏོག་ལ་སོགས་པ་ཁ་ཕྱེས་ཏེ། རྡོ་རྗེ་ཅན་གྱི་ཐུགས་ཀྱི་ཐིགས་པ། ཌཱ་ཀི་གསང་བའི་བླ་རྡོ། རིང་བསྲེལ་གྱི་ཚོགས་དང་བཅས་པ་ལ་པདྨའི་འདབ་མ་རྣམ་པར་རྒྱས་པའི་སྤྱན་རས་ཀྱིས་མངོན་པར་གཟིགས་ནས། འགྲོ་བ་ཀུན་གྱི་དོན་ཏུ་ཐུགས་རྗེ་ཆེན་པོ་བསྐྱེད་དེ་རྒྱལ་བ་བྱེ་བས་དབང་རྟགས་སུ་སྩལ་བའི་ཨིནྡྲ་ནཱི་ལའི་ཅོད་པན་འོད་དཔག་མེད་པདྨ་རཱ་གའི་ཏོག་གིས་སྤྲས་པས་ཉི་དང་འོད་བཞིན་རྟག་ཏུ་མཚན་པའི་དབུའི་གཙུག་ཏོར་དུ་མངོན་པར་བཀོད། འདུས་པའི་འཁོར་དག་ལའང་བྱིན་རླབས་སྩལ་ནས་བླ་མར་མཛད། རི་མོར་མཛད་པ་དེ་ཉིད་ཀྱི་མོད་ལ་ཇི་ལྟར་ནོར་བུའི་རྒྱལ་པོ་གདོད་ནས་དག་པ་དེ་ཉིད་བྱི་དོར་དུ་བྱ་བ་ལན་གསུམ་བྱས་པ་ན། རྒྱལ་མཚན་གྱི་རྩེ་མོ་ལ་མངོན་པར་བཏགས་ཏེ་མཆོད་ཅིང་གསོལ་བ་གདབ་པ་ལས་གཞན་བྱར་མེད་པ་ལྟར། གསང་བའི་ཐེག་པ་གསར་དུ་སྣང་བ་དེ་དག་ནི་རྩོད་པ་ཐམས་ཅད་དང་བྲལ། ཐེ་ཚོམ་གྱི་སྦུབས་སྐད་ཅིག་ལ་བརྟོལ། འཇིག་རྟེན་ཐམས་ཅད་ཀྱི་ཕྱག་བྱ་བའི་འོས། བཀུར་སྟིར་བྱ་བའི་འོས་སུ་གྱུར་ཏོ། །དེ་ནས་རིམ་གྱིས་གསང་བའི་རྩེ་རྒྱལ་དུ་གྱུར་པ། རྒྱུད་ཀྱི་བླ་མ་སྒྱུ་འཕྲུལ་དྲྭ་བ་ལ་སོགས་པ་དང་། སྒྲུབ་པའི་སྡེ་ཟབ་མོའི་

― LT38_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་ཚོས་བསྡུས་པ་དང་། རིགས་ཐམས་ཅད་ཀྱི་དབང་ཕྱུག་བླ་མ་ཐུགས་ཀྱི་སྒྲུབ་པ་གཙོར་སྨོས་པ་དེ་དག་གི་སྨིན་བྱེད་དང་གྲོལ་བྱེད་དང་ཚིག་གི་ལུང་ཡན་ཆད་དང་བས་བཞེས་པར་མཛད་དེ་རྡོ་རྗེ་གསུམ་གྱི་ཏིང་ངེ་འཛིན་ལ་སྙོམས་པར་ཞུགས་པར་མཛད་དོ། །དེ་ཙམ་གྱིས་ཁོ་བོ་ལ་གཏེར་ཆེན་ཆོས་ཀྱི་རྒྱལ་པོས་བསྟན་ཕའི་གཉེར་གཏད་པའི་དོན་བདེ་བླག་ཏུ་གྲུབ་ཅིང་། ཁོ་བོས་ཀྱང་ཟབ་གཏེར་གྱི་བསྟན་པ་འདི་ལ་བྱ་བ་བྱས་པ་ཡིན་ཏེ་ཕུན་སུམ་ཚོགས་པའི་རྟེན་འབྲེལ་གྱི་ཚོགས་དེ་ལྟ་བུ་ལ་མཚོ་སྐྱེས་རྡོ་རྗེ་རྒྱལ་བ་རྒྱ་མཚོའི་ཚོགས་དང་བཅས་པ་རྣམས་ཀྱང་དགྱེས་པའི་འཛུམ་གྱིས་དབུགས་དབྱུང་ཞིང་། ལྷ་རྣམས་དགའ་བའི་ག་ཞ་འབྱིན་པ་སྙམ་བྱེད་དོ། །ཇི་ལྟར་འཁོར་ལོས་སྒྱུར་བའི་རྒྱལ་པོས་གཅེས་སྤྲས་སུ་མཛད་པའི་ནོར་བུ་རིན་ཐང་མེད་པ་དེ་ལ། བུ་སྟོང་དང་། བཙུན་མོའི་འཁོར་རྣམས་དང་། འདུན་ན་འདོན་ཁམས་ཀྱི་རྒྱལ་ཕྲན་དང་བཅས་པས་ཀྱང་རང་བཞིན་གྱིས་བསྙེན་བཀུར་བར་ལྟར། ཉེ་བའི་སྲས་རྒྱལ་ཚབ་ཆེན་པོའི་ས་ལ་བཞུགས་པ་དཔལ་ལྡན་འབྲུག་པ་རིན་པོ་ཆེ་དང་དཔའ་བོའི་དབང་ཕྱུག་ལ་སོགས་པས་ཀྱང་སྨིན་གྲོལ་གདམས་ངག་རྫོགས་པར་བདག་གིར་བཞེས་ཤིང་སྲི་ཞུ་མཛད་དོ། །ཕྱོགས་ཐམས་

― LT38_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ལས་རྣམ་པར་རྒྱལ་བའི་དགའ་ལྡན་གྱི་ཕོ་བྲང་ཆེན་པོ་སྐྱོང་བའི་ས་ཡི་བདག་པོ་ཕྱི་ནང་གི་བློན་པོའི་ཚོགས་དང་བཅས་པས་ཀྱང་། དེ་ནི་སྐྱེས་བུ་དམ་པ་དག་གིས་རི་མོར་མཛད་པ་ལས་ནི་ཚད་མར་གྱུར་ཡང་དག་གོ་དགོངས་པར་གྱུར་ཏེ། བདུད་རྩིའི་དཀྱིལ་འཁོར་ཞལ་དབྱེ་བའི་ཡོན་སྟོབ་བས་མཚོན་ཇི་སྐད་གསོལ་བ་དང་དུ་བཞེས་པ་དང་། ཆོས་ཀྱི་རྒྱལ་པོ་གཏེར་བདག་གླིང་པའི་རིགས་དང་ཆོས་ཀྱི་གསེར་ཕྲེང་འཛིན་པ་ཁྲི་ཆེན་རྡོ་རྗེ་འཆང་འགྱུར་མེད་ཡིད་བཞིན་དབང་གི་རྒྱལ་པོ་དང་། རྒྱལ་བ་གཉིས་པ་ཙོང་ཁ་པའི་རིང་ལུགས་འཛིན་པ་ལ་གཞན་དྲིང་མི་འཇོག་པ་སྨྲ་བའི་དབང་ཕྱུག་འདྲེན་མཆོག་ཡེ་ཤེས་བཟང་པོ་ལ་སོགས་པས་ཀྱང་སྨིན་གྲོལ་གདམས་པའི་བདུད་རྩི་གསོལ་ཏེ་ཐུགས་ཉམས་སུ་བསྟར་བ་དང་། སྐལ་པ་དང་ལྡན་པ་དག་ལ་འཆད་ཅིང་སྤེལ་བའི་ཐུགས་དམ་ལྷུར་བཞེས་པ་མཛད་དོ། །མདོར་ན་ཟབ་མོའི་གསང་བ་འདི་ཉིད་གངས་རིའི་ར་བས་བསྐོར་བའི་ལྗོངས་སུ་དར་བ་དང་རྒྱས་པར་འགྱུར་བའི་རྟེན་འབྲེལ་སྒོ་ཐམས་ཅད་ནས་འགྲིགས་པར་གྱུར་བ་དེའི་ཚེ། བདུད་རྩི་སྨན་གྱི་སྒྲུབ་པ་ཆེན་པོའི་གནས་དང་། ཡོ་བྱད་ཀྱིས་མཚོན། ཁྱད་པར་འཕགས་པའི་ཕྲེང་བ་

― LT38_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བུའི་རྒྱལ་པོ་ལྟ་བུ་བཅུ་ཕྲག་གཅིག་ལ་རྩེ་མོས་བརྒྱན་པའི་ལེགས་བྱས་དྲི་མ་མེད་པ་འདིའང་དཀའ་བས་འབད་པའི་རྩོལ་སྒྲུབ་ལ་མ་ལྟོས་པར་དཔག་བསམ་གྱི་ཤིང་དང་། འདོད་པ་འཇོ་བའི་བུམ་པ་བཟང་པོ་ལྟར་ལྷུན་གྱིས་གྲུབ་པར་གྱུར་ཏོ། །དེའི་ཡང་སྦྱོར་བའི་ཆོ་ག་ཐོག་མར་ཚུགས་པ་ན། གྲུབ་པ་ཡོངས་ཀྱི་རྒྱལ་པོ་ཁྱུང་རས་འོད་གསལ་ཀློང་ཡངས་ཀྱིས་བྱིན་གྱིས་བརླབས་པའི་བསྙེན་ཕུར་ཟབ་གཏེར་ལས་བྱོན་པར་ངེས་པ་ཞིག་ཨོ་རྒྱན་སྨིན་གྲོལ་གླིང་ནས་ཐོག་བབས་སུ་ཕེབས་ཏེ་གསང་ཆེན་འདིའི་བསྟན་པ་དེར་འཛིན་དང་བཅས་པ་བར་ཆད་བདུད་ཀྱི་གཡུལ་ལས་རྣམ་པར་རྒྱལ་བའི་འཁོར་འདས་ཐལ་འབྱིན་གྱི་དགོངས་པ་ལམ་དུ་ལོངས་པའི་བརྡར་གྱུར་པ་དང་། གྲུབ་ནས་རྗེས་སུ་བྱ་བ། བདུད་རྩིའི་དབང་དང་དངོས་གྲུབ་བླངས་ཤིང་སྐལ་ལྡན་དོན་ཏུ་གཉེར་བ་ཉེ་བ་དང་རིང་བའི་ལམ་ནས་འོངས་པ་དག་ལ་བྱིན་རླབས་ཀྱི་བགོ་སྐལ་ཚིམས་པར་སྩལ་ནས་ཤིས་པའི་མེ་ཏོག་འཐོར་བ་ལ་མངོན་ཏུ་ཕྱོགས་པ་དེའི་ཚེ། ལྷའི་རེག་བྱ་དཀར་པོའི་སྣེ་དྲངས་པའི་ཐུབ་དབང་དོན་ཀུན་གྲུབ་པའི་མཚན་དཔེའི་སྣང་བརྙན་སུག་པའི་ཡལ་འདབས་སུ་སོན་པས། གསང་ཆེན་ངེས་པའི་ལུང་ཆེན་པོ་འདིའི་བསྟན་པའི་བདག་

― LT38_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་འགྱུར་ཞིང་། ཐུབ་པའི་བསྟན་པ་རིན་པོ་ཆེས་འཇིག་རྟེན་ཇི་སྲིད་སྣང་བ་དེ་སྲིད་ཀྱི་དུས་དང་ཕྱོགས་ཐམས་ཅད་དུ་ཁྱབ་པའི་དགེ་མཚན་རང་བཞིན་གྱིས་མངོན་ཏུ་གྱུར་པ་ནི། འདིར་རྟེན་ཅིང་འབྲེལ་བར་འབྱུང་བའི་རབ་མདོར་སྨོས་པ་སྟེ། ངོ་མཚར་བའི་རྣམ་གྲངས་ཀྱི་རབས་སོ། །ཁྱད་པར་དུ་བྱེད་པའི་ཆོས་བཅུ་གསུམ་པའོ། །ཇི་ལྟར་ས་བོན་ཆུ་ལུད་དྲོད་གཤེར་གྱིས། །རྩ་བ་མྱུ་གུ་སྡོང་པོ་ལོ་མ་དང་། །མེ་ཏོག་འབྲས་བུའི་བར་དུ་སྨིན་པ་ཡིས། །སྐྱེ་བོའི་ལུས་ནི་གསོ་བར་བྱེད་པ་བཞིན། །ལྷག་བསམ་དགེ་བའི་བཤེས་དང་དམ་པའི་ཆོས། །དད་དང་རྩོལ་བ་དེ་མཐར་ཕྱིན་པའི་འབྲས། །འཇིག་རྟེན་གསུམ་པོ་འཚོ་བར་བྱེད་པ་ཡི། །རྟེན་འབྲེལ་གནས་འདི་ཐམས་ཅད་མཁྱེན་པས་བསྟན། །ཇི་ལྟར་པི་ཝཾ་དང་ནི་རྔ་ཡི་སྒྲ། །ཤིང་ལས་མ་བྱུང་གཡོགས་ལས་འབྱུང་བ་མིན། །རྒྱུད་དང་སྐུལ་བྱེད་རེ་རེས་བྱུང་མིན་ཀྱང་། །ཐམས་ཅད་ཚོགས་ལས་དེ་ཡི་སྒྲ་འབྱུང་བཞིན། །གནས་དང་གང་ཟག་དུས་ཚོད་དགེ་བའི་གྲོགས། །གཅིག་ལས་གསང་ཆེན་ཕྲིན་ལས་ཀུན་འབྱུང་མིན། །དེ་དག་ཚོགས་ལས་གསང་བ་རྒྱ་མཚོའི་ཀླུང་། །འགྲོ་ཁམས་སྲིད་པའི་མཐར་ཐུག་འཁོར་ཞིང་འབབ། །མི་མཉམ་གསང་བའི་

― LT38_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་བཀའ་བཙན་པས། །དུས་མཐར་སྔགས་ཀྱི་འབྲས་བུར་སྤྱོད་མཐོང་ན། །འདོད་པའི་ནོར་ཅན་སྐལ་བས་ཕོངས་པ་ཡང་། །ལྟོག་པའི་མཆོག་གྱུར་བཞིན་ཏུ་ཡི་ག་ལྡང་། །རྒྱལ་བའི་ཐུགས་རྗེའི་ཉི་འོད་རབ་ཚ་ཡང་། །སྣོད་མིན་ལྗོན་པའི་ཤིང་སོགས་ཁ་མི་འབྱེད། །བློ་ལྡན་པདྨ་བཞད་པའི་རྡུལ་དམར་གྱིས། །སྐྱེ་དགུའི་བུང་བ་མཐའ་དག་ཉེར་འཚོ་བྱེད། །དམ་པའི་ཆོས་ནི་སྐོམ་པས་ཆུ་བཞིན་འདོད། །སྙིང་རྗེའི་ཡིད་ཀྱིས་འགྲོ་ཀུན་དོན་ལ་ཞུགས། །བསམ་མི་ཁྱབ་པའི་གནས་ལ་བློ་གྲོས་ཐོབ། །དེ་དག་ངེས་པའི་ཐེག་པ་འབྱིན་ལུང་བསྟན། །སྟོང་ཉིད་རྟེན་འབྱུང་ཟུང་དུ་འབྲེལ་འདི་ཐུབ་དབང་ཐམས་ཅད་མཁྱེན་པའི་སྒོ། །རྒྱལ་སྲས་དཔའ་རྣམས་ཤིང་རྟ་འདི་ཞོན་སྲིད་པའི་མཚོ་ལས་འགྲོ་ཀུན་སྒྲོལ། །རིགས་པར་སྨྲ་རྣམས་གཏན་ཚིག་འདི་ཡིས་ཐེག་ཆེན་རྒྱ་མཚོའི་གཏིང་ཕྱིན་མཛད། །རྟེན་འབྲེལ་ཁ་ལོ་ལེགས་དགུར་བསྒྱུར་ལས་གསང་ཆེན་ཉི་མས་འཇིག་རྟེན་ཁྱབ། །ཤེས་བྱའི་ཆོས་ལ་དབང་བཙན་པ། །མཉན་པས་གདོས་པའི་འདུ་བྱེད་བཞིན། །རྟེན་འབྲེལ་གནད་ཀྱི་སྒྱུར་ཁ་ཡང་། །དགེ་ལེགས་འཇུག་ངོགས་ཉིད་དུ་དྲངས། །དེ་བཞིན་ཉིད་དང་སངས་རྒྱས་མཐུ། །རྟེན་འབྲེལ་བདེན་པ་བསམ་

― LT38_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཁྱབ། །དེ་ཕྱིར་གསང་མཐའི་བཻ་ཌཱུརྻ། །འཇིག་རྟེན་གསུམ་གྱི་རྒྱན་གྱུར་ཏོ། །འདི་ལྟ་བུའི་བྱུང་བ་གླེང་བཞི་ལས་བརྩམས་ཏེ་ཡན་ལག་ལྷག་མ་དང་བཅས་པའང་ཚིག་གི་གླེང་བུ་རྒྱས་པར་བཀྲོལ་ཏེ་བསྒྱུར་ན། གསང་བའི་བདག་པོ་རིག་འཛིན་གྱི་རྒྱལ་པོའི་རྣམ་པར་ཐར་པ་ཆ་ཙམ་མཐོང་བས་མཁས་པ་དང་གྲུབ་པའི་སྐྱེ་བོའི་འདུན་ས་མཛེས་པར་བྱེད་པ་དང་། ཕྱི་རབས་དད་པའི་མིག་མི་ཟུམས་པ་འགྱུར་བ་དག་ཀྱང་གསང་ཆེན་ཤིན་ཏུ་རྩེ་མོའི་ཐེག་པ་ལ་ངེས་པའི་རིགས་ཀྱི་འཁྲུལ་པ་རྨི་ལམ་ལྟར་སད་ནས། བློ་གྲོས་ཀྱི་པད་ཚལ་ཉིན་མོ་བཞིན་ཏུ་རྒྱས་པར་འགྱུར་བའི་དགོས་པ་དང་ལྡན་པ་ཞིག་ན། ཧ་ཅང་སྤྲོས་པའི་ཚིག་གིས་མི་མཁས་ཤིང་མ་སྦྱངས་པའི་བྱིས་པ་བློ་ཁབ་ཀྱི་བུ་ག་དང་འདྲ་བ་དག་རྣ་བའི་ནད་དུ་བྱེད་པ་དང་། འདོད་པའི་ཡོན་ཏན་གྱིས་མི་ངོམས་པ་དང་ཀློག་པའི་གཡར་ཁྲལ་ལ་ཡི་དམ་དུ་འཆའ་བ་སོགས་ཆོས་དང་མི་མཐུན་པའི་རྣམ་པར་གཡེང་པས་ཡིད་བལ་གྱི་འདབ་མ་ལྟར་གཡེང་ཞིང་ཐོས་པ་དང་བསམ་པ་དང་སྒོམ་པ་དང་ཐ་ན་གསུང་རབ་ཀྱི་གླེགས་བམ་ཀློག་པ་ཙམ་གྱི་བྱ་བས་ཀྱང་སྙིང་ལ་ཟུག་རྔུ་མི་བཟང་བ་སྐྱེད་པ་དག་ལའང་མང་བ་མ་ཡིན་པ་ཁོ་ན་སྨན་ཏུ་འགྱུར་བ་དང་། དད་པ་དང་ལྡན་

― LT38_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བློ་གྲོས་དང་མི་ལྡན་པ་ཁ་ཅིག་རྟོགས་དཀའ་བར་ཡང་མཐོང་ནས། ཡུལ་དབུས་ཀྱི་ལྗོངས་པཎྜི་ཏ་དང་། ལོ་ཙཱ་བ་དུ་མས་ཆོས་ཀྱི་ཉི་མ་དང་པོར་སྣང་བར་མཛད་པ། རྒྱལ་བློན་བྱང་ཆུབ་སེམས་དཔའ་ཁྱིམ་པའི་གཟུགས་བརྙན་ཅན་དག་གིས་བསྟན་པ་ལ་བྱ་བ་མཛད་པའི་ཕྱག་རིས་བཀྲ་ཤིས་ཀྱི་རེ་ཁཱ་མང་པོ་རྣམ་པར་བཀྲ་བ། ཧེ་རུ་ཀ་རིག་འཛིན་གྲུབ་པའི་གཟུགས་ཀྱིས་རྒྱུ་བ་མཐའ་ཡས་པས་དུས་གསུམ་རྒྱུན་ཆད་མེད་པར་བྱིན་གྱིས་བརླབས་པའི་གནས་དང་ཞིང་ལ་སོགས་པར་ངེས་ཤེས་ཀྱི་གོམ་པས་རྒྱུ་བ་དེའི་ཚེ། དཔལ་ཆེ་མཆོག་ཧེ་རུ་ཀ་རྣམ་པར་རོལ་པའི་ཤེལ་གྱི་བྲག་རྡོ་རྗེའི་ཁང་པ་ལ་སྟན་ཆགས་ཏེ་སྣང་སྲིད་བདུད་རྩིའི་དཀྱིལ་འཁོར་ཏུ་བསྒྲུབས་པའི་ཚུལ་ལས་བརྩམས། གངས་ཅན་གྱི་སྐྱེ་དགུ་སྣོད་དང་བཅས་པ་བདེ་ལེགས་སུ་བྱེད་པའི་ཐབས་ཀྱི་ཁྱད་པར་རྡུལ་ཕྲན་ནམ་སྐྲ་རྩེའི་ཆ་ཕྲ་རབ་ཙམ་མངོན་པར་འདུ་བགྱིས་པའི་རབས། རྡོ་རྗེ་ཅན་རྒྱལ་བའི་སྲས་དང་བཅས་པ་དག་དགྱེས་པའི་འཛུམ་མདངས་སྐུལ་བའི་ལྕགས་ཀྱུ། གཟུ་བོར་གནས་པའི་དཔྱོད་ལྡན་དག་ཡི་རངས་ཀྱི་མེ་ཏོག་འབབས་པའི་ཆུ་མཚོ། བསོད་ནམས་དང་བློ་གྲོས་རིས་མཐུན་པའི་གྲོགས་ཕལ་མོ་ཆེ་བཞིན་རས་ཀྱི་ཀུནྡ་ཟུམ་པའི་ཉིན་བྱེད། ཕྱོགས་

― LT38_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུང་ཕྲག་དོག་གི་གདོན་གྱིས་ཟིན་པས་བརྡོལ་ཐབས་སུ་སྨྲ་བ་ཆུ་སྐྱར་རྒན་པོའི་བརྟུལ་ཞུགས་ལ་དགའ་བ་རྣམས་སྙིང་གི་སྐྲན་ནད་བརྟོལ་བའི་ཐུར་མ། དད་པ་དང་ལས་འཕྲོའི་མིག་གིས་ལེགས་པའི་ལམ་ལས་ཕྱིར་མི་ལྡོག་པར་འགྲོ་བ་རྣམས་ཀྱི་སྤྲོ་བའི་ཀུ་མུད་ཅིའང་བཞད་པའི་ཟླ་བ་གཞོན་ནུའི་དཀྱིལ་འཁོར་འདི་རེ་ཞིག་ལེགས་པར་གྲུབ་བོ། །སྨྲས་པ། མི་མཆོག་རྣམས་ནི་མཉེས་པར་དཀའ། །སྐྱེ་བོ་རྣམས་ཀྱང་ཐེ་ཚོམ་ཆེ། །སུ་ལའང་མངོན་པར་ཤེས་དཀོན་པས། །སྤང་བླང་ཕལ་ཆེར་ལྡོག་སྟེ་སྤྱོད། །རྩོལ་བ་བརྒྱ་ཡིས་བསྒྲུབས་པའི་འབྲས། །འགའ་ཞིག་དགུན་གྱི་ལོ་ཏོག་བཞིན། །ལས་འཕྲོ་སོས་ཀའི་དུས་ཤར་ན། །བསམ་པའི་དཔལ་ཀུན་ཕུན་སུམ་ཚོགས། །བྱ་བ་རྣམས་ཀྱི་ཐོག་མ་དང་། །དངོས་པོ་རྣམས་ལའང་རྩེ་མོ་མཆོག །དེ་དག་སྐྱོན་དང་མི་ལྡན་ན། །ལེགས་པ་གཞན་དག་འབད་པར་སླ། །ལྷག་བསམ་གསེར་ལ་བཟོ་བྱས་པའི། །གཟུགས་བརྙན་ཅི་ཡང་ཁྱད་པར་འཕགས། །རྣལ་འབྱོར་བློ་ལྡན་ཆོ་ག་དང་། །འཕྲད་ན་ཤེས་བྱ་ཀུན་གྱི་དབྱིག །གསང་ཐིག་ནོར་བུའི་མཆོག་སྦྱིན་པ། །དེ་ཡི་བཀའ་དྲིན་ཕྱོགས་མཚོན་ཕྱིར། །སྒྲུབ་པའི་བྱི་དོར་བྱས་པའི་གཏམ། །

― LT38_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་ཤས་ཕྱོགས་ཙམ་འདིར་བརྗོད་དོ། །མཁས་པ་ཚིག་གི་འབྱུང་གནས་དང་། །བསོད་ནམས་ལྡན་པའི་ལོངས་སྤྱོད་དག །མ་འབད་པར་ཡང་ལྷུན་གྱིས་གྲུབ། །སྤྱད་པར་ཤེས་ལ་འདོད་འཇོ་ཉིད། །སྙན་ངག་ཕལ་ཆེར་བརྗོད་བྱས་སྟོང་། །དོན་ཆེན་ཕལ་པའི་སྐད་ཀྱིས་འཆད། །གཉིས་ཀའང་མཁས་རྣམས་བསྔགས་མིན་པས། །ཚིག་དོན་གསེར་གྱི་རྒྱན་བཟང་བསྟར། །དོན་འདི་རྣམས་ལ་གཏན་ཚིག་བཟང་པོ་ཡོད། །ཚིག་རྣམས་ལ་ཡང་གྲོང་པའི་སྒྲས་མ་བསླད། །བྱ་བ་གྲུབ་པའི་རྣལ་འབྱོར་ཉམས་དགའི་གླུ། །དབུ་གཡོར་ལྗོངས་སུ་དལ་བུས་རྒྱུ་བཞིན་བླངས། །ཡི་གེ་འདི་དག་བླུན་པོའི་མིག་ལ་གཟན། །དཔྱོད་ལྡན་གཞོན་ནུ་པདྨོའི་རྒྱན་ཏུ་བྱེད། །རྣལ་འབྱོར་བུང་བ་ཡིས་ཀྱང་བཅུད་གཞིབས་ན། །སྔོན་ཆད་མ་བྱུང་སྦྲང་རྩིའི་ཟིལ་དངར་མྱང་། །བསྟན་རྩ་འཛིན་མའི་གཞི་ལ་རབ་བརླིངས་རྩེ་མོ་ལེགས་བྲིས་ལམ་དུ་འཕགས། །མཁས་གྲུབ་ལྷ་དབང་བྱེ་བ་སྙེད་དག་འདོད་འཇོའི་གཏེར་ལ་གཅིག་ཏུ་འདུན། །གྲགས་པའི་དྲི་བསུངས་ཁོར་ཡུག་ཁྱབ་པ་དེ་ཀུན་དེ་ཡི་ངད་པ་བགོ། །ཡོངས་འདུས་མེ་ཏོག་ཕྲེང་བ་གསར་བ་འཇིག་རྟེན་གསུམ་གྱི་རྒྱན་བྱེད་ཤོག །དཔྱིད་ཀྱི་དཔལ་མོའི་འཛུམ་མདངས་

― LT38_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

བཞད་པ་ན་དུས་ཀྱི་དབྱངས་སྙན་མགྲིན་པའི་པི་ཝཾ་རྡུང་པ་ལྟ་བུའི་གཏམ། པདྨ་གསར་པ་ཡོངས་སུ་ཁ་བྱེ་བའི་ལང་ཚོ་ཅན་འདི་ནི། བློ་གྲོས་མཐའ་ཡས་པའི་ཡེ་ཤེས་ཀྱི་ཁྱེའུ་གཞོན་ནུ། བྱང་ཕྱོགས་ཀུན་གཞི་ཡངས་པའི་ནོར་འཛིན། །ཚོགས་དྲུག་ཁ་བའི་རི་དང་ནགས་ཀྱི་ཚང་ཚིང་འཁྲིགས་པ། རྣམ་པར་ཤེས་པའི་རྒྱལ་ཁམས་ན་བག་དང་ལྡན་པའི་འགྲོས་ཀྱིས་ཁ་ཡན་ཏུ་རྒྱུ་བ་ན། ཚུལ་འདི་ལ་མངོན་པར་དགའ་བ་དག་གི་རྣ་བའི་རྒྱན་ཏུ་བསྟར་བའོ། །འདི་ནི་ལེགས་བཤད་གསར་བ་ཟླ་བའི་འཛུམ། །རྟོག་གེས་འདྲ་མིན་འཆོས་རྣམས་དེ་ལྟར་མིན། བཅུ་གསུམ་རྫོགས་པའི་དཀྱིལ་འཁོར་སླར་འབྱུང་གི། །ཆ་ཀུན་གང་ནས་མི་འགྲིབ་སྣང་གྱུར་ཅིག །དགེ་ལེགས་འཕེལ།། །།

བདུད་རྩི་ཆོས་སྨན་ཕན་ཡོན་ཟུར་བཀོལ།

― LT38_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩི་ཆོས་སྨན་ཕན་ཡོན་ཟུར་བཀོལ་ཞེས་བྱ་བ་བཞུགས་སོ། །

― LT38_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་གསུམ་ཞི་ཁྲོའི་ལྷ་ལ་ཕྱག་འཚལ་ལོ། །དེ་ཡང་མདོ་སྡེ་འདུལ་བ་སོགས་ཐེག་པ་ཐུན་མོང་བ་ལས་ཁྱད་པར་རྣམ་པ་དུ་མས་འཕགས་པའི་གསང་སྔགས་རྡོ་རྗེ་ཐེག་པའི་རྩེ་རྒྱལ། བླ་ན་མེད་པའི་ཡོ་ག་སྐོར་གསུམ་འདི་དག་ཏུ། ཐབས་མང་ཐབས་ཆེ། ཐབས་ཟབ་པའི་དོན་གྱི་དཀའ་བ་མེད་པར་སངས་རྒྱས་ཀྱི་གོ་འཕང་སྒྲུབ་ཐབས་མང་དུ་གསུངས་པའི་ནང་ནས་ཤ་ལྔ་བདུད་རྩི་ལྔ་གཙོ་བོར་གྱུར་པའི་དམ་རྫས་བདུད་རྩིའི་སྒྲུབ་པ་འདི་ནི་གསར་མའི་གསང་འདུས། དགྱེས་རྡོར། བདེ་མཆོག །གདན་གཞི་སོགས་དང་། རྙིང་མའི་མདོ་སྒྱུ། བཀའ་དགོངས་སོགས་བླ་མེད་ཀྱི་རྒྱུད་དང་སྒྲུབ་ཐབས་རྣམ་ལས་ལས་ཚོགས་ཀྱི་གཙོ་བོར་གསུངས་ཏེ། གསང་སྔགས་ཀྱི་སྲོག་ནི་དམ་ཚིག་ཡིན་ལ། ཡན་ལག་གི་དམ་ཚིག་ཉེར་ལྔའི་ནང་ཚན་དང་དུ་བླང་བྱའི་དམ་ཚིག་ཏུ་གྲགས་པ་དེ་དམ་རྫས་འདི་རྒྱུན་དུ་བསྟེན་པའི་དོན་ཡིན་ཞིང་། དེའང་སྒྲུབ་པ་ལག་ལེན་གྱི་རྩ་བ་བརྒྱད་པོ་རེ་རེ་ལའང་ལྔ་ཚན་ལྔ་རེ། དེ་ལ་ཡན་ལག་སྟོང་དུ་སྦྱར་བའི་དམ་རྫས་ཀྱི་རུ་གཙང་ལ་ཁུངས་དང་ལྡན་པ་རྣམས་མང་དུ་བསག །བདུད་རྩི་ལྔ་སོགས་སྐྱེས་ཆེན་རྣམས་ཀྱིས་སྐུ་ཡི་ཆ་ཤས་ལས་

― LT38_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བ་དང་། དངོས་སུ་མ་འཛོམ་པ་རྣམས་གཤམ་གསལ་བླ་མ་གོང་མ་རྣམས་ཀྱི་སྨན་སྒྲུབ་ཕབ་རྒྱུན་སྣེ་མང་བུང་ཆེར་བསྲེས། གཏེར་སྟོན་ཐམས་ཅད་ཀྱི་རྒྱལ་པོ་མངའ་བདག་ཉང་ཉི་མ་འོད་ཟེར་གྱི་གཏེར་ཆོས་བཀའ་བརྒྱད་བདེ་གཤེགས་འདུས་པའི་སྒོ་ནས་རིམ་གཉིས་ཀྱི་ཉམས་རྟོགས་ལྡན་པའི་རྡོ་རྗེ་སློབ་དཔོན་བཅུ་ཕྲག་ཙམ་གྱིས་གཙོར་མཛད། འདུས་པ་བཟང་ལ་གྲངས་མང་བས་ཨུ་རྒྱན་སྨིན་གྲོལ་གླིང་པའི་ཕྱག་བཞེས་ལྟར་དཔལ་སྤུངས་ཐུན་བསྟན་ཆོས་འཁོར་གླིང་གི་ཡང་དབེན་དུ་སྒྲུབ་ཆེན་དང་འབྲེལ་བར་བདུན་ཕྲག་གཉིས་སུ་རྟགས་ཐོན་སྒྲུབ་ཤིང་དེའི་སྟེང་དུ་བྱིན་རླབས་ཀྱི་ཕབ་རྒྱུན་ཀྱང་ཀར་འབྲུག །རྙིང་མ། ས་སྐྱ་གོང་མ་གཙོས་རྩོད་བྲལ་ཡོངས་གྲགས་ཚད་ཐུབ་ཀྱིས་དམ་སེལ་དང་འདྲེས་ཁྱེར་གྱིས་མ་བསླད་ཅིང་། བཀའ་གཏེར་ལུང་གིས་ཟིན་པའི་སྐྱེས་ཆེན་རྣམས་ལས་བྱུང་བའི་བྱིན་རྟེན་རྒྱ་མཚོ་ཙམ་འདུས་པའི་ཆོས་སྨན་ཡིད་བཞིན་ནོར་བུ་ལྟ་བུ་འདི་ནི་ཇི་སྐད་དུ། རྒྱུད་ལས། མ་བསྒོམ་ན་ཡང་གྲོལ་བའི་ཐབས། །པད་ཅན་ཌཱ་ཀི་རྩ་ཡི་གནད། །སྐྱེ་བདུན་མྱོང་གྲོལ་རྫས་ཀྱི་གནད། །བཙན་ཐབས་འཕོ་བ་ཐབས་ཀྱི་གནད། །བཏགས་གྲོལ་མཐོང་གྲོལ་ཙཀྲའི་གནད། །ཅེས་མ་བསྒོམ་

― LT38_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་འགྲུབ་པའི་གནད་བཞིའི་ནང་ཚན་སྐྱེ་བདུན་མྱོང་གྲོལ་དང་འབྲེལ་བས་ན་མྱོང་རེག་གི་ཕན་ཡོན་བསམ་གྱིས་མི་ཁྱབ་སྟེ། རྩ་རྒྱུད་ལས། སྐད་ཅིག་ཐུག་འཕྲད་བརྟེན་པ་ཡིས། །ཚེ་རིང་ནད་མེད་བདེ་བ་དང་། །ལང་ཚོ་ཁ་དོག་སྟོབས་དང་གཟི། །འཕེལ་ཞིང་དབང་པོ་རིག་པ་གསལ། །མཁའ་ལ་འགྲོ་ཞིང་ཕ་རོལ་གྱི། །ནུས་སྟོབས་ནུས་པས་མི་ཚུགས་ཤིང་། །ཀུན་གྱི་བཀུར་སྟིའི་འོས་སུ་འགྱུར། །ཞེས་དང་། བམ་བརྒྱད་ལས། བཞི་བརྒྱ་རྩ་བཞིའི་ནད་རྣམས་སེལ། །མདོག་ནི་བཅུ་དྲུག་གཞོན་ནུ་འདྲ། །སྟོབས་ཀྱང་གླང་པོ་ཆེ་དང་འདྲ། །མངོན་ཤེས་ལྔ་དང་ལྡན་པར་འགྱུར། །ཞེས་སོགས་གནས་སྐབས་ཀྱི་ཡོན་ཏན་དུ་མ་གསུང་ཞིང་མཐར་ཐུག་གི་ཕན་ཡོན་ཀྱང་། རྒྱུད་ལས། ར་ས་ཡ་ན་སྨན་ཆེན་པོ། །ཟོས་པས་མཆོག་ཐུན་དངོས་གྲུབ་ཐོབ། །ཅེས་གསུངས་པའི་དོན་ཨོ་རྒྱན་རིན་པོ་ཆེའི་རྡོ་རྗེའི་གསུང་གིས་རྒྱས་པར་བཀྲལ་བ། བདེ་གཤེགས་མ་ལུས་མཆོད་པའི་རྫས། །བླ་མ་ཡི་དམ་སྡུད་པའི་རྩི། །མཁའ་འགྲོ་ཀུན་གྱི་སྙིང་ཁྲག་ཡིན། །ཟོས་པས་ཡོན་ཏན་བརྗོད་མི་ལང་། །སངས་རྒྱས་སྐུ་ལྔའི་ཡོན་ཏན་ཐོབ། །ཕྱི་ལྟར་ལུས་ཀྱི་ནད་གདོན་འཇོམས། །ནང་དུ་ཉོན་མོངས་དུག །

― LT38_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་དག །དམ་ཚིག་ཉམས་ཆག་ཐམས་ཅད་སྐོང་། །གསང་བ་རང་བྱུང་ཡེ་ཤེས་རྟོགས། །ཉན་ཐོས་རང་སངས་རྒྱས་རྣམས་ཀྱིས། །ཟོས་ན་ས་བཅུ་ཐོབ་ནས་ཀྱང་། །ཐེག་ཆེན་བྱང་སེམས་ཆེན་པོར་འགྱུར། །བླ་མ་མཆོད་ན་བྱིན་རླབས་འཇུག །ཡི་དམ་མཆོད་ན་དངོས་གྲུབ་སྟེར། །བདེ་གཤེགས་མཆོད་ན་ཐུགས་རྗེ་འབྱུང་། །མཁའ་འགྲོ་མཆོད་ན་ལུང་ཡང་སྟོན། །རྣལ་འབྱོར་པའམ་སུས་ཟོས་ཀྱང་། །ཕྱི་ཡི་ནད་གདོན་སྡིག་སྒྲིབ་བྱང་། །ནང་གི་བསྐྱེད་རིམ་ཏིང་འཛིན་གསལ། །གསང་བ་རང་རིག་ཆོས་སྐུར་རྟོགས། །ཉན་ཐོས་རང་སངས་རྒྱས་རྣམས་ཀྱིས། །ཉམས་དང་ལྷག་ཆད་མ་ལུས་སྐོང་། །འཆང་བས་དུས་མིན་འཆི་བ་བཟློག། གདུག་པའི་དུག་ཀྱང་འཇིལ་བར་ནུས། །བྱུགས་པས་ནད་གདོན་མ་ལུས་སེལ། །བསྲེག་ན་གདོན་བགེགས་མ་ལུས་སྐྲོད། །འདི་ཉིད་སྒྲུབ་པའི་གནས་དེ་ཡང་། །དུར་ཁྲོད་བསིལ་བའི་ཚལ་དང་མཚུངས། །དཔའ་བོ་མཁའ་འགྲོ་ཐམས་ཅད་ཀྱིས། །ས་ཕྱོགས་བྱིན་དང་ལྡན་པར་འགྱུར། །ཆར་ཆུ་འབེབས་ཤིང་ལོ་ཕྱུགས་ལེགས། །གང་བསྒྲུབ་པ་ཡི་གནས་དེ་རུ། །སུ་བསྡད་མི་རྣམས་ཏིང་འཛིན་འཆར། །ནམ་ཞིག་ཚེ་ཡི་དུས་བྱས་

― LT38_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །ཕོ་མོ་བཟང་ངན་མེད་པ་རུ། །རིག་པ་འཛིན་པའི་ས་ལ་གནས། །དེ་ཕྱིར་མཆོག་གི་དམ་རྫས་སོ། །ཞེས་གསུངས་པ་ལྟར་བདུད་རྩི་འདི་ཁ་ལ་རེག་པས་སྡོམ་གསུམ་གྱི་ཉེས་ལྟུང་ཉམས་ཆག་མང་པོ་བྱང་ཞིང་། ཡོན་ཏན་གསར་པ་དུ་མ་སྐྱེད་པར་བྱེད། མཁའ་འགྲོ་དམ་ཅན་རྣམས་འདུ་ཞིང་དངོས་གྲུབ་ཤིན་ཏུ་ཉེ། ཁྱད་པར་རྩ་བ་གསུམ་གྱི་བྱིན་གྱིས་རློབས་ཤིང་རིག་པ་འཛིན་པའི་གྲལ་ཐོབ་བ་དང་། བདེན་པ་མ་མཐོང་བར་དུ་ནད་མཚོན་མུ་གེས་མི་ཚུགས་ཤིང་། བར་གྱི་བསྐལ་པ་ནས་ཐར་བ་སོགས་ཁྲག་འཐུང་འདུས་པའི་རྩ་རྒྱུད་ལས་གསུངས། ཤ་ལྔས་དུག་ལྔ་སེལ། བདུད་རྩི་ལྔས་ཡེ་ཤེས་ལྔའི་རྟོགས་པ་བསྐྱེད། དེའི་མཐུས་ལམ་ལྔ་རྒྱུད་ལ་སྐྱེ། བདུད་བཞི་བཅོམ། དབང་བཞིའི་རྟོག་པ་ལམ་དུ་བསླང་བའི་རྟེན་འབྲེལ་འགྲིགས་ཏེ། མདོར་ན། བམ་བརྒྱད་ལས། འཇམ་དཔལ་བསྐལ་པ་སྟོང་དུ་སེམས་ཅན་གྱི་དོན་བྱས་པ་བས་བདུད་རྩི་ཆེན་པོ་འདིས་ལན་གཅིག་སེམས་ཅན་གྱི་དོན་བྱས་པ་བསོད་ནམས་ཆེ་སྟེ། སེམས་ཅན་ཐམས་ཅད་དམྱལ་ཁམས་བཅོ་བརྒྱད་ཀྱི་ནང་ནས་ཐར་པའི་ལམ་དུ་འདྲེན་པ་ཡིན་ནོ། །ཞེས་གསུངས་ཤིང་། སྤྱི་

― LT38_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

བོའམ་མགུལ་དུ་རབ་རིན་པོ་ཆེའི་གའུ། ཐ་མ་ལྤགས་ཤུན་སོགས་ཀྱི་སྣོད་དུ་བསྟུམ་སྟེ་བཅང་བའི་ཕན་ཡོན་ཀྱང་། ཨོ་རྒྱན་ཆེན་པོས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཞིང་རྡུལ་ཕྲ་རབ་ཀྱི་སངས་རྒྱས་ལ་བསམ་གྱིས་མི་ཁྱབ་པའི་ལུས་ཕུལ་བ་བས། བདུད་རྩི་ལུས་ལ་བཅང་བ་བསོད་ནམས་ཆེའོ། །དུས་གསུམ་གྱི་སངས་རྒྱས་ཞིང་ཡོངས་སུ་སྐྱོང་བ་བས་བདུད་རྩི་ཆེན་པོ་འདི་མགུལ་དུ་བཏགས་ན་འབུམ་གྱི་ཆར་ཡང་མི་ཕོད་དོ། །བསྐལ་པ་གངྒཱའི་ཀླུང་གི་བྱེ་མ་སྙེད་དུ་སངས་རྒྱས་རྣམས་ལ་སྤྱི་བོས་ཕྱག་བྱས་ཞིང་། བཀུར་བ་ལས་ཀྱང་བདུད་རྩི་སྤྱི་བོར་བཀུར་བས་སངས་རྒྱས་ཐམས་ཅད་བཀུར་བ་ཡིན་ནོ། །ཞེས་སོགས་གསུངས་ཤིང་། མྱོང་གྲོལ་དཀར་ཆག་ལས། ཚེ་གཅིག་སངས་རྒྱས་འགྲུབ་པའི་མྱོང་གྲོལ་འདི། །ལུས་ལ་བཅང་ན་ནད་མཚོན་འཇིགས་བརྒྱད་ཁོག །རྩ་གསུམ་དམ་ཅན་རྒྱ་མཚོ་སྤྲིན་བཞིན་འདུ། །མ་སྲིང་མཁའ་འགྲོའི་ཚོགས་རྣམས་སྤྲིན་བཞིན་འགྲོགས། །དམ་ཅན་རྒྱ་མཚོའི་ཚོགས་རྣམས་བྲན་ལྟར་འཁོལ། །ནག་ཕྱོགས་ལྷ་སྲིན་གདུག་པའི་གདུག་རྩུབ་ཞི། །ཕམ་ལྟུང་ཉེས་པའི་ལས་སྒྲིབ་ཐམས་ཅད་དག །མྱོང་ཙམ་གྱིས་ནི་ཚེ་གཅིག་སངས་རྒྱས་འགྲུབ། །

― LT38_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་མ་ཁྱི་ཕག་ལྟ་བུ་ཡིན་ན་ཡང་། །སྲོ་མ་ཙམ་ཞིག་ཁ་རུ་རེག་གྱུར་ན། །དལ་འབྱོར་ཆོས་ལྡན་མི་ལུས་ཐོབ་ནས་ནི། །ཚེ་གཅིག་ཀུན་མཁྱེན་འབྲས་བུ་རྙེད་པར་ངེས། །ཅེས་དང་། གཞན་ཡང་། སྲོ་མ་ཙམ་ཞིག་སུ་ཡི་ཁར་སོང་བ། །བཟང་ངན་འབྲེལ་གྱུར་རྔ་ཡབ་དཔལ་རི་རུ། །ཚོམ་གཅིག་འཚོགས་པར་མངོན་སུམ་སྨོན་ལམ་ཐེབས། །ཅེས་དང་། འདི་ཉིད་མྱོང་བའི་འགྲོ་བའི་བསོད་ནམས་བསག །བདག་གི་དྲུང་དུ་སླེབ་པར་ཐེ་ཚོམ་མེད། །སླར་ཡང་ཐེག་ཆེན་ཆོས་ཀྱི་དོན་རྟོགས་ནས། །ལྷུན་གྲུབ་རྫོགས་ཆེན་རིག་འཛིན་ཨེ་མ་ཧོ། །ཅེས་སོགས་མྱོང་གྲོལ་དཀར་ཆག་དོན་ཐིག །པདྨ་སྙིང་ཐིག །ཐང་ཡིག་རྣམས་ལས། སྐྱེ་བདུན་མྱོང་གྲོལ་གྱི་ཕན་ཡོན་བརྗོད་ཀྱིས་མི་ལངས་པར་གསུངས་ཤིང་། བུད་མེད། ཤན་པ། དུད་འགྲོ་རྐང་བཞི་པ་འདབ་ཆགས་སོགས་ཀྱི་ཁར་སོང་ཡང་སྒྲིབ་པ་དག་ཅིང་ཆོས་ལྡན་གྱིས་མི་ལུས་བདུན་བརྩེགས་ཐོབ་པའི་མཐར་རྟོགས་གྲོལ་དུ་འགྲོ་བ་དང་། ཆོས་སྨན་གྲོག་མའི་རྐང་ལག་ཙམ་རེ་ལ་མཁའ་འགྲོ་མ་འབུམ་ཕྲག་འདུ་བར་གསུངས་པས་རྩིས་མེད་སླ་ཆོས་བརྙས་ཐབས་སོགས་སྤངས་ཏེ་ཡིད་ཆེས་ངེས་ཤེས་ཀྱི་དད་མོས་བརྟན་པོས། རང་ཉིད་ལྷག་པའི་ལྷར་གསལ་བདུད་རྩི་ཡེ་ཤེས་ལྔ་ཡི་རང་

― LT38_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དུ་མོས། གཡོན་པའི་མཐེབ་སྲིན་རྡོ་རྗེ་དང་པདྨ་སྦྱོར་བ་ལས་ཡེ་ཤེས་ཀྱི་བདུད་རྩི་བྱུང་བ་ལྕེ་རྡོ་རྗེ་ཧཱུྃ་གིས་མཚན་པ་ལ་ཐིམ་པས་རྩ་ཁམས་ཐམས་ཅད་ཁྱབ་སྟེ་ལུས་རང་བཞིན་ཡོངས་གྲུབ་ཀྱི་དཀྱིལ་འཁོར་ཐམས་ཅད་བདེ་བ་ཆེན་པོར་ཚིམ་པར་མོས་ལ་རབ་ཐུན་བཞིའི་ཐོག་མཐའ། འབྲིང་ཉིན་རེ་ལན་ལྔ་རེ། ཐ་མས་ཀྱང་ཟླ་བ་རེ་བཞིན། ཡང་ཐས་དབྱིད་འབྲིང་པོའི་ཚེས་གཅིག་གམ་བཅོ་ལྔ་ལ་ལན་རེ་མ་ཆག་པར་བརྟེན་ཞིང་། དམ་རྫས་ཁོང་དུ་ཡོད་རིང་དགེ་སྦྱོར་གྱི་འགྱུར་སྟོབས་ཆེ་བས། རབ་ཀྱིས་རིམ་གཉིས་མཉམ་གཞག །འབྲིང་པོས་ཁ་ཏོན་བཟླས་བརྗོད། །ཐ་མས་ཀྱང་ཕྱག་བསྐོར་ཚེ་ཐར་སོགས་དགེ་སྒྲུབ་སྡིག་སྤངས་ཅི་ནུས་མཛད་པའང་གལ་ཆེ་དང་། ཕན་ཡོན་བསླུ་མེད་འབྱུང་བ་ནི་སྤྱིར་རྒྱལ་བ་སྲས་བཅས་ཐབས་མཁས་ལ་ཐུགས་རྗེ་ཆེ་བའི་ཁྱད་པར་དང་། རྟེན་འབྲེལ་བསླུ་བ་མེད་པའི་སྟོབས་དང་། མན་ངག་རྫས་ཀྱི་ནུས་པ་བསམ་གྱིས་མི་ཁྱབ་པའི་མཐུ་དང་། སྒོས་སུ་དམ་རྫས་མྱོང་གྲོལ་གྱིས་འདུལ་བར་ལུང་བསྟན་པའི་དུས་ནི་དེང་སང་གི་དུས་ཡིན་ལ། ལྷག་པར་དུའང་ཨོ་རྒྱན་ཆེན་པོ་ཉིད་དུས་གསུམ་གྱི་སངས་རྒྱས་ཀུན་ལས་མཛད་པ་ཕྲིན་ལས་ཁྱད་པར་དུ་འཕགས་པར་

― LT38_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པའི་ཕྲིན་ལས་ཀྱི་ཁྱད་པར་ཁ་ཅིག་ནི་མཐོང་ཐོས་དྲན་རེག་གྲོལ་བའི་གདམས་པ་རྣམ་པ་བཞིའི་ཡ་གྱལ་འདི་ཡིན་ཏེ། ཇི་སྐད་དུ། བསྒོམ་མི་དགོས་པར་སྐད་ཅིག་ཚེ་འདི་ལ། །བླ་མེད་སངས་རྒྱས་འགྲུབ་པའི་རྫས་མཆོག་འདི། །པད་འབྱུང་བདག་གི་རྒྱལ་ཚབ་མ་གཏོགས་པར། །ལྕགས་ཀྱི་ལྷྭམ་བུ་ཆ་བཅུ་བཟོས་ནས་ནི། །འཛམ་གླིང་གསེར་གྱིས་གང་བར་བྱས་ནས་ཀྱང་། །གླིང་བཞི་གླིང་ཕྲན་བརྒྱད་རྣམས་ཉུག་གྱུར་ཀྱང་། །སྐལ་ལྡན་གཞན་ལ་འདུག་གོམ་མི་འདུག་ལྟོས། །ཞེས་གསུངས་པ་ལྟར་བདུད་རྩི་ཆོས་སྨན་འདིའང་ཀུན་བཟང་བཀའ་བརྒྱུད་ཀྱི་རིང་ལུགས་འཛིན་པ་རྣམས་ཀྱི་ཆེ་བ་ཡིན་པས་ཡིད་གཉིས་ཐེ་ཚོམ་མེད་པར་བཅུད་ལེན་དུ་བརྟེན་ནུས་ན་མཆོག་ཐུན་དངོས་གྲུབ་ཐོབ་པར་གདོན་མི་ཟའོ། །འདིས་ཀྱང་འགྲོ་ཕན་རྒྱ་ཆེན་པོ་འབྱུང་བར་གྱུར་ཅིག །དགེ་ལེགས་འཕེལ།། །།

གདན་ས་ཆེན་པོ་ཐུབ་བསྟན་ཆོས་འཁོར་གླིང་གི་བླ་བྲང་དབེན་པ་ཟླ་མཛེས་སུ་བཞུགས་པའི་དཔེ་དེབ་རིན་པོ་ཆེ་འཕྲུལ་གྱི་ལྡེའུ་མིག

― LT38_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

གདན་ས་ཆེན་པོ་ཐུབ་བསྟན་ཆོས་འཁོར་གླིང་གི་བླ་བྲང་དབེན་པ་ཟླ་མཛེས་སུ་བཞུགས་པའི་དཔེ་དེབ་རིན་པོ་ཆེ་འཕྲུལ་གྱི་ལྡེའུ་མིག་ཅེས་བྱ་བ་བཞུགས་སོ།།

― LT38_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཡས་ཤེས་བྱའི་རྗེས་འགྲོ་མིང་ཚིག་གི། སྤྲོས་བཅས་རྟོག་པའི་འཕོ་བ་འགག་གྱུར་པས། །བརྗོད་མེད་དེ་ཁོ་ན་ཉིད་རྡོ་རྗེའི་གསུང་། །འགྲོ་ཀུན་ངག་གི་ལམ་དུ་རྫོགས་གྱུར་ཅིག །སྣ་ཚོགས་མཚན་མས་དབེན་པའི་གནས་ལུགས་ནི། །རྟོགས་པའི་ཆོས་ཏེ་ཡེ་ཤེས་སྤྱོད་ཡུལ་ཅན། །འོད་ལས་ཉི་བཞིན་རྒྱུ་འབྲས་རྗེས་དཔག་

― LT38_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར། །ལུང་གི་སྨན་མཆོག་འབད་པས་བསྒྲུབ་བྱ་ཉིད། །ཟླ་བ་ཟླ་ཤེལ་ཙནྡན་ཆུ་ཡིས་ཀྱང་། །མི་མཚོན་ཞི་བསིལ་རེག་བྱ་བརྒྱས་ལྷག་པ། །ཆོས་མཆོག་བདུད་རྩིའི་གོང་དུ་བདེ་སྟེར་བའི། །བདུད་རྩི་གཉིས་པ་འཇིག་རྟེན་གསུམ་ན་མེད། །སུ་ཞིག་སྐད་ཅིག་དད་པའི་ཡོལ་གོ་རུ། །གླེགས་བམ་བེམ་པོས་སྟེར་བའི་རྣམ་གྲོལ་གྱི། །རིན་ཆེན་དེ་ནི་ཚངས་སོགས་ཆེ་དགུས་ཀྱང་། །སྦྱིན་པའི་ར་བ་སྐྲ་རྩེ་སྟོང་ལས་ཕྲ། །སྒྲིབ་པ་བཀྲུ་ལ་དག་བྱེད་མཆོག་གྱུར་ཅིང་། །ཚོགས་གཉིས་རབ་སྤེལ་རྫོགས་ལྡན་བསོད་ནམས་སྤྲིན། །གནས་ལུགས་ལྟ་བའི་དམིགས་བུ་ཚད་མ་སྟེ། །ཆོས་ཀྱི་རྣམ་ཐར་སུ་ཡིས་བརྗོད་པར་ནུས། །དེ་ལྟ་བུའི་དམ་ཆོས་རིན་པོ་ཆེ་ལེགས་པར་གསུང་ཞིང་

― LT38_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་ན་དོན་ཡོད་པ། ཐོག་མཐའ་བར་དུ་དགེ་ཞིང་བཟང་ལ་མ་འདྲེས་པ་རྣམ་པར་བྱང་བའི་ཆོས་ཅན། ཁམས་གསུམ་གྱི་ཉོན་མོངས་པའི་རྒྱུ་བ་མཐའ་དག་བཅད་པའི་སྨན་མཆོག །གཉན་པོའི་ཕྱོགས་ཀྱིས་མི་མཐུན་པའི་མཐུ་བཅོམ་པ་ལ་འདི་དང་མཚུངས་པ་གང་ཡང་མེད་པ། བདེན་པ་གཉིས་ཀྱི་མཚན་ཉིད་ཅན་ཞི་བསིལ་ཆགས་དང་བྲལ་བ། སངས་རྒྱས་འཇིག་རྟེན་ཏུ་བྱོན་པའི་རྗེས་བཞག །སྟོན་པའི་བསྟན་པ་ཚད་མར་གྱུར་པའི་བཀའ་དང་བསྟན་བཅོས་རྒྱ་མཚོའི་མཇིངས་ལས་བསོད་ནམས་ཀྱི་བགོ་སྐལ་དུ་སྣང་བའི་གླེགས་བམ་རིན་པོ་ཆེའི་ཕྲེང་བ། རིན་ཐང་མེད་པའི་ནོར་བུའི་དོ་ཤལ་ལྟར་ཚར་དུ་དངར་བ་ཇི་སྙེད་ཅིག་བཞུགས་པའི་ཐོག་མར་འགྱུར་ཁྱད་ཀྱི་དབང་གིས་སྔགས་རྙིང་མ་ནས་བརྩམས་རིམ་པར་བཞུགས་པ་ལ། རང་རང་གི་སྡེ་ཚན་སྤྱི་སྟོན་བྱེད་གདོང་དར་དུ་ལེགས་སྦྱར་གྱི་སྐད་དང་། དེའི་ནང་གསེས་རིམ་པ་མི་འཆུག་པའི་ཀ་ཐེམས། ཚན་གྲངས་བྱེ་བྲག་པ་ཇི་ལྟ་བའི་ཐོ་ཡིག་ཞིབ་མོ་རྣམ་འབྱེད་བཅས། གཟེར་བཏབ་པའི་རིན་པོ་ཆེའི་སྒྲོམ་བུ་ལ་འཕྲུལ་གྱི་ཀུཉྩི་ཀ་དང་ཆོས་མཚུངས་པའི་དེབས་ཡིག་ནི་འདི་ལྟར་རོ།། ༈ །།འདིར་སྨྲས་པ། སྲས་བཅས་རྒྱལ་བའི་ཐུགས་ཀྱི་དབྱིག །གནས་ཡུལ་མཁའ་འགྲོས་བསྲུང་བྱའི་ནོར། །མཁས་རྣམས་འབད་བ་

― LT38_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱས་བཙལ་བ། །དེ་དག་ཆོས་ཀྱི་མཛོད་འདིར་བཞུགས། །རིན་ཆེན་འབྱུང་བའི་རྒྱ་མཚོ་སྟེ། །དགོས་རྒུའི་གཏེར་འབྱུང་བུམ་པ་བཟང་། །མདོ་སྔགས་ཆོས་ཀྱི་སྒྲོམ་ཆེན་པོ། །ཨོ་རྒྱན་གསང་མཛོད་གཉིས་པ་བཞིན། །དམ་ཆོས་རྒྱལ་བ་ཀུན་གྱི་ཡུམ། །རྒྱལ་ལ་མི་བཀུར་ཆོས་ལ་བཀུར། །དེ་ཡི་འབྲས་བུ་བྱེ་སྙེད་ཀྱི། །རྡོ་རྗེའི་ལྗགས་ཀྱིས་བརྗོད་དཀའ་གསུངས། །དེ་ལྟར་བདེན་གསུང་རྔ་བོ་ཆེས། །ཡིད་ཆེས་བྱས་པའི་མཁས་རྣམས་དང་། །ལྷན་ཅིག་དཀར་ཕྱོགས་སྐྱོང་རྣམས་ཀྱི། །ཅོད་པན་ནོར་བུའི་འབབ་སྟེགས་ཉིད། །རང་བསྟན་དྲི་མེད་སྐྱོང་བཞིན་ཏུ། །རྒྱལ་བསྟན་ཀུན་ལ་གུས་པ་དང་། །མ་དག་ཆོས་ཀྱི་རྒྱུན་འགོག་པ། །སྐྱེས་བུ་དམ་པའི་མཚན་ཉིད་ཡིན། །གང་ཞིག་ཚེས་ལ་རིས་བྱེད་པ། །དེ་ལ་ཆོས་ཀྱི་མིག་དགོས་པས། །སོ་སྐྱེས་བརྟགས་པའི་འགལ་འདུ་ལ། །རྒྱལ་བས་ཀིམ་པའི་འབྲས་འདྲར་གསུངས། །གྱེས་པ་ཀུན་ཀྱང་རྣམ་བྲོས་ལ། །གཅིག་ཕྱིར་རྒྱལ་བའི་སྤྱོད་ཡུལ་ཉིད། །དེ་བས་འདིར་ནི་རིས་མེད་ཀྱི། །ཆོས་རྣམས་མཆོད་པའི་ཞིང་དུ་བཞག །ཚུལ་དང་མི་མཐུན་རང་བཟོའི་རྟེན། །དད་སོགས་སྲི་ཞུའི་ཁུར་ལས་ཀྱང་། །ལུང་རྟོགས་ཆོས་ཀྱི་ཕུང་པོ་འདིར། །སྤྲོ་ན་མཆོད་པའི་སྤྲིན་སྤྲོས་ཤིག །དེ་ཡི་བསོད་ནམས་གཞལ་མེད་དེ། །

― LT38_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུད་ཟོས་གནོད་པ་སྲུང་བ་སོགས། །ཞབས་ཏོག་བྱས་པའི་འབྲས་བུ་ཡང་། །མཚན་བཅས་དགེ་རྩ་ཀུན་ལས་ལྷག །དཀོན་མཆོག་ལ་དམིགས་དད་སེམས་ཀྱིས། །ཐལ་མོ་ཡ་གཅིག་བསླང་བའམ། །མེ་ཏོག་གཅིག་ཙམ་ཕུལ་བའི་འབྲས། །བྱང་ཆུབ་བར་དུ་འཛད་མི་འགྱུར། །རྒྱལ་དང་གང་ཟག་མཆོག་གི་གསུང་། །རིན་ཆེན་ལས་ཀྱང་རིན་ཆེ་བ། །དེ་ལ་ཤིན་ཏུ་མི་བསྙེན་པ། །དེ་དག་ངེས་པར་དུད་འགྲོ་ཉིད། །ཞིང་པ་རྣམས་ཀྱིས་ལོ་ཏོག་དང་། །དོན་མཐུན་གྱིས་ནི་ནོར་བཞིན་ཏུ། །ངལ་བརྒྱས་བཀུར་བའི་ཕུ་དུད་ཀྱིས། །རྒྱལ་རྣམས་འཛུམ་ཞལ་གཡོ་བར་བྱོས། །དེ་ལས་ཐོབ་པའི་དགེ་ལེགས་ཀྱི། །ཆུ་གཏེར་ལས་འཁྲུངས་བསམ་འཕོས་ནོར། །མཆོག་དངོས་གྲུ་ཆར་འཇོ་བ་ཡིས། །འཇིག་རྟེན་གསུམ་པོ་མཛེས་བྱེད་ཤོག །རྒྱལ་བསྟན་ཉིན་བྱེད་གསལ་བ་དང་། །བསྟན་འཛིན་པད་ཚལ་རྒྱས་ཤིང་བརྟན། །ལུང་རྟོགས་སྦྲང་རྩིས་སྐྱེ་དགུ་ཡི། །སྲོག་འཚོ་ལྷན་ཅིག་ཉིད་དུ་ཤོག །རྫོགས་པའི་སངས་རྒྱས་པདྨའི་མཚན། །ཡབ་སྲས་བརྒྱུད་བཅས་ཞབས་བརྟན་ཅིང་། །ངེས་དོན་ཀརྨ་ཀཾ་ཚང་གི། བསྟན་པ་ཡུན་རིང་འབར་གྱུར་ཅིག །བདག་སོགས་འབྲེལ་བར་བཅས་ཀུན་ཀྱང་། །ཆོས་ཀྱི་དེ་ཉིད་མྱུར་རྟོགས་ཤིང་། །མི་གནས་ཡེ་ཤེས་ཆེ་བརྙེས་ཏེ། །གསུང་གི་

― LT38_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་ཉིད་གྱུར་ཅིག །ཅེས་པའང་། སྐྱབས་མཆོག་འཁོར་ལོའི་མགོན་པོ་སྐུ་མཆེད་ཀྱི་བཀའ་བཞིན་གླེགས་བམ་བཞུགས་ཚུལ་དང་དཔེ་དེ་བས་གསར་བསྒྲིགས་སྐབས་འདུ་གསུམ་པ་ཀརྨ་ངག་དབང་ཡོན་ཏན་རྒྱ་མཚོས་སྨྲས་པ་དགེ་ལེགས་འཕེལ། སརྦ་དཱ་ཀ་ལྱཱ་ཾ་བྷ་བནྟུ། །

དཔལ་གྱི་ཙཱ་རི་ཏྲའི་བསྔགས་བརྗོད་མདོར་བསྡུས་དཔྱིད་ཀྱི་ཕོ་ཉའི་མགྲིན་དབྱངས།

― LT38_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་གྱི་ཙཱ་རི་ཏྲའི་བསྔགས་བརྗོད་མདོར་བསྡུས་དཔྱིད་ཀྱི་ཕོ་ཉའི་མགྲིན་དབྱངས་བཞུགས་སོ། །

― LT38_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དེ་བ་ཌཱ་ཀི་ནཱི་ཧཱུྃ། ཛམ་བུའི་གླིང་དང་གངས་ཅན་བོད་ཡུལ་ན། །གནས་ཆེན་གནས་ཕྲན་གྲངས་ལས་འདས་པ་བཞུགས། །ཀུན་ཀྱང་འབྲེལ་ཚད་དོན་ལྡན་སངས་རྒྱས་ཀྱི། །བྱིན་རླབས་རྒྱལ་བའི་ཕྲིན་ལས་ཡིན་མོད་ཀྱང་། །གནས་ཆེན་རྩ་བ་རྣམས་ལས་སྡོང་པོ་དང་། །ཡལ་ག་ལོ་འདབ་སོགས་སུ་གྱེས་པ་དང་། །ཕལ་ཆེར་གྲུབ་ཐོབ་རིག་འཛིན་རྣལ་འབྱོར་པས། །སྒྲུབ་པ་མཛད་ནས་གང་ཟག་གིས་ནི་གནས། །བྱིན་བརླབས་བདག་པོ་བཟང་ངན་རྗེས་འགྲོ་མང་། །ཀུན་ལས་ཁྱད་འཕགས་གདོད་ནས་རང་བྱུང་གནས། །ཡུལ་ཆེན་ཉེར་བཞི་གནས་ཆེན་སོ་གཉིས་ཀྱི། །ནང་ཚན་ཉེ་བའི་འཐུང་གཅོད་ཙཱ་རི་ཏྲ། །ནང་དུ་མིག་ཡིན་མིག་རྩ་གཉིས་ཡོད་པའི། །རང་

― LT38_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

མདངས་ཕྱིར་ཤར་གཅིག་ནི་འཕགས་ཡུལ་གྱི། །ལྷོ་ཕྱོགས་རྒྱ་མཚོའི་འགྲམ་ན་བཞུགས་པར་གྲགས། །གཅིག་ནི་བོད་ཡུལ་ལྷོ་མོན་ས་མཚམས་སུ། །བཞུགས་པ་མངའ་བདག་མར་པས་ཕྱོགས་ཙམ་གསུངས། །ཁྱད་པར་རྒྱལ་བས་ལུང་བསྟན་འཚོ་བྱེད་ཞབས། །མཉམ་མེད་དྭགས་པོ་ཟླ་འོད་གཞོན་ནུ་ཡིས། །ས་ཐོབ་སློབ་མ་སྐྱེས་ཆེན་ལྔ་བརྒྱའི་དབུས། །ཙཱ་རིའི་གནས་ཀྱི་བཀོད་པ་ཡོན་ཏན་བཅས། །མི་འཇིགས་སེང་གེའི་སྒྲ་ཡིས་ལུང་དུ་བསྟན། །ནམ་སྙིང་རྣམ་འཕྲུལ་སྐྱེ་སྒོམ་ཡེ་རྡོར་ཉིད། །བཀའ་ཡིས་མངགས་ཏེ་གནས་ངོ་ཐོག་མར་བཟུང་། །དེ་ལ་ཙཱ་རི་རྙིང་མ་ཞེས་སུ་གྲགས། །དྭགས་པོའི་ཞལ་སློབ་སངས་རྒྱས་འཁོར་བ་འཇིག། དངོས་བྱོན་དཔལ་ལྡན་ཕག་

― LT38_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་གྲུ་པ་ཡི། །སློབ་མ་བཀའ་བརྒྱུད་ཟུང་བཞི་ཡ་བརྒྱད་ལས། །སྐྱོབ་པ་འཇིག་རྟེན་གསུམ་གྱི་མགོན་པོ་ཡིས། །རྗེས་བགྲུང་གྲུབ་ཐོབ་གཉོས་འགར་ཆོས་གསུམ་གྱིས། །གནས་ཀྱི་མཚན་ཉིད་ཕྱོགས་ཙམ་མཚོན་པར་མཛད། །ཁྱད་པར་འཕགས་ཡུལ་མཁས་གྲུབ་ནཱ་རོ་པ། །བསམ་བཞིན་སྲིད་བཟུང་གཙང་པ་རྒྱ་རས་ཉིད། །བརྟུལ་ཞུགས་ཆོ་འཕྲུལ་ངོ་མཚར་ཆེན་པོ་བཅས། །ཕེབ་ནས་མཁའ་སྤྱོད་ཙཱ་རིའི་གནས་སྒོ་ཕྱེས། །རང་བྱོན་ངོ་སྤྲོད་བསྐོར་ལམ་ཕྱི་ནང་གཏོད། །བར་ཆད་མེད་ཅིང་རྟེན་འབྲེལ་མཐའ་རུ་ཕྱིན། །དེ་སྤྲུལ་འབྲུག་པ་ཐམས་ཅད་མཁྱེན་པ་ཡི། །སྐུ་ཕྲེང་རིམ་བྱོན་གནས་བདག་གཙོ་བོར་མཛད། །བཀག་པས་མི་ཁོག་འགྲོ་དོན་མཐའ་རུ་རྒྱས། །གྲུབ་ཐོབ་རྒྱལ་པོ་ཀརྨ་པཀྴི་ཡིས། །རྣལ་འབྱོར་ཡེ་ཤེས་དབང་ཕྱུག་བཀས་མངགས་ཏེ། །རང་བྱུང་གཏིང་ཟབ་ཕུག་སོགས་གསར་དུ་ཕྱེས། །དེ་ལ་ཙཱ་རི་གསར་མ་ཞེས་སུ་གྲགས། །རྒྱལ་དབང་བཞི་པ་རོལ་པའི་རྡོ་རྗེ་ཉིད། །པདྨ་འབྱུང་གནས་དངོས་མཚུངས་རྫུ་འཕྲུལ་གྱིས། །ཕེབ་ནས་མཚོ་དཀར་གནས་ཞལ་སྣང་བར་མཛད། །ཕྱིས་སུ་དགུ་པ་དབང་ཕྱུག་རྡོ་རྗེ་སོགས། །རྒྱལ་དབང་ན་རིམ་རྣམས་ཀྱང་ཀུས་ཆེར་མཛད། །དད་ལྡན་སྐོར་བྱེད་རྣམས་ཀྱི་འཚོ་ཆས་ནི། །འབད་མེད་རྙེད་དང་ངལ་གསོའི་མགྲོན་ཁང་

― LT38_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

དུ། །ཀར་འབྲུག་འབྲི་གུང་རྣམས་ཀྱིས་ཚུགས་པ་བཞག །སོ་སོའི་ངོ་སྐལ་གཏོང་སྒོ་རྒྱ་ཆེན་དགོས། །སྣེ་མཐུད་འབུལ་སྡུད་སྟོད་སྨད་འབྱོན་སྲོལ་ཚུགས། །བོད་ཡུལ་གནས་ཀྱི་མཆོག་གྱུར་ཙཱ་རི་ཏྲ། །ཐ་མལ་མ་ཡིན་དག་པ་མཁའ་སྤྱོད་ཞིང་། །ཧེ་རུ་ཀ་དཔལ་བཅོམ་ལྡན་འཁོར་ལོ་སྡོམ། །དཔའ་བོ་མཁའ་འགྲོའི་ཚོགས་བཅས་དངོས་སུ་བཞུགས། །བཀའ་སྲུང་གཏེར་སྲུང་མངོན་སུམ་ཉིད་དུ་རྒྱུ། །དེ་རྟགས་ངོ་མཚར་བཀོད་པ་བསམ་མི་ཁྱབ། །རྣལ་འབྱོར་པ་རྣམས་བརྟུལ་ཞུགས་སྤྱོད་པའི་གནས། །སྒོམ་ཆེན་རྣམས་ཀྱི་ཉམས་རྟོགས་སྤེལ་བའི་ས། །འབྱོར་ལྡན་རྣམས་ཀྱི་བསོད་ནམས་གསོག་པའི་ཞིང་། །སྡིག་ཅན་སྒྲིབ་པ་བཙན་ཐབས་སྦྱོང་བའི་ཡུལ། །གནས་གཞན་ལོ་ཟླ་མང་པོར་བསྒོམས་པ་ལས། །ཙཱ་རིར་ཞགས་བདུན་བསྒྲུབས་པས་འགྲུབ་ཐག་ཉེ། །ལུས་ངག་དགེ་སྦྱོར་ལོ་བརྒྱར་འབད་པ་ལས། །གནས་འདིར་རྟེན་འབྲེལ་བསྒྲིགས་པས་ས་ཆོད་ཆེ། །སྒོམ་སྒྲུབ་བྱས་ན་ཚེ་གཅིག་གྲུབ་པ་ཐོབ། །གསོལ་བ་གང་བཏབ་འདོད་དོན་ཡིད་བཞིན་འགྲུབ། །བསྐོར་བ་རེ་ལ་དུང་ཕྱུར་མང་པོར་འགྱུར། །ཚོགས་འཁོར་མཆོད་འབུལ་ལ་སོགས་འབྲེལ་ཐོགས་ཀུན། །བར་ཆད་ཀུན་སེལ་མཆོག་ཐུན་དངོས་གྲུབ་སྩོལ། །གནས་འདིར་སྒོམ་སྒྲུབ་ཚུལ་བཞིན་མ་གྲུབ་ཀྱང་། །ཐོད་པ་

― LT38_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

བོར་ཚད་མཁའ་སྤྱོད་གནས་སུ་སྐྱེ། །དེ་རྟགས་དུད་འགྲོ་ཤི་ཡང་རིང་བསྲེལ་འཁྲུངས། །དད་པ་བྱས་ནས་ཕྱོགས་དེར་གོམས་བདུན་བོར། །ཚེ་དུས་བྱས་ཀྱང་ངན་སོང་སྐྱེ་སྒོ་ཁེགས། །ཙཱ་རིའི་རྟེན་མཆོག་དབུ་རྭ་རིན་པོ་ཆེ། །ཐོད་པ་སྨུག་ཆུང་ལ་སོགས་ཞལ་མཇལ་ཡང་། །ཙཱ་རི་དངོས་སུ་མཇལ་དང་བྱིན་བརླབས་མཉམ། །ཚོགས་བསགས་བྱས་ན་དེ་མཚུངས་བསོད་ནམས་ཐོབ། །རང་འདོད་མ་ཡིན་བཀའ་བརྒྱུད་གྲུབ་ཐོབ་ཀྱི། །གསུང་བཟང་སྔར་ནས་ཡོངས་སུ་གྲགས་པ་ཉིད། །དད་ལྡན་རྣམས་ལ་དགེ་བསྐུལ་བགྱིད་སླད་དུ། །མང་ཐས་དགེ་སྦྱོང་བློ་གྲོས་མཐའ་ཡས་ཀྱིས་སྨྲས་འདིས་འབྲེལ་ཐོགས་མཁའ་སྤྱོད་གནས་བགྲོད་ཤོག །དགེ་ལེགས་འཕེལ།། ༈ །།ཨེ་མ། སྔོན་ཚེ་གདོད་མའི་སར་བཞུགས་ཤྲཱི་སི་ཧ། །འཆི་མེད་རྒྱལ་པོ་པདྨ་ཡབ་དང་ཡུམ། །རྣམ་སྣང་མཛད་སོགས་ཡེ་ཤེས་སྐུ་ཅན་རྣམས། །མངོན་སུམ་ཕེབ་ནས་རྡོ་རྗེའི་འོག་མིན་གྱི། །ཕོ་བྲང་ཉིད་དང་དབྱེར་མེད་བྱིན་གྱིས་བརླབས། །བར་དུ་བན་དེ་ཡེ་ཤེས་ཞབས་དང་ནི། །གྲུབ་ཐོབ་ཤར་པ་ལ་སོགས་བན་བོན་གྱི། །རིག་འཛིན་དུ་མས་སྒྲུབ་པའི་གནས་སུ་མཛད། །ཕྱིས་དུས་སྤྲུལ་པའི་གཏེར་ཆེན་རྣམ་པ་གཉིས། །ཆོས་རྒྱལ་ཡབ་སྲས་ལས་

― LT38_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་འཕྲོ་སད་ནས། །ཞལ་འཛོམ་གནས་དང་གཏེར་གྱི་སྒོ་འཕར་ཕྱེས། །སྡེ་གསུམ་གཙོར་བྱས་ཆོས་དང་དམ་རྫས་ནི། །གྲོལ་བ་བཞི་ལྡན་གདུལ་བྱའི་དཔྱིད་དུ་དྲངས། །སྔོན་མེད་ངོ་མཚར་རྨད་དུ་བྱུང་བ་ཡི། །གཏམ་སྙན་ས་གསུམ་རྣ་བའི་བཅུད་དུ་ལེན། །དེང་སང་བདག་ཀྱང་གུ་རུ་རིན་པོ་ཆེའི། །ལུང་གི་རྗེས་སྐྱོང་མོས་གུས་རིག་པའི་རྩལ། །ཏིང་འཛིན་རོལ་མོ་ཅི་ཡང་སྒྱུར་བཞིན་ཏུ། །ཁྱབ་བདག་བླ་མའི་སྐུ་ཚེ་བརྟན་པ་དང་། །རྣལ་འབྱོར་དོན་འགྲུབ་རྒྱལ་ཁམས་བདེ་བའི་སླད། །རྩ་གསུམ་དགོངས་པ་འདུས་པའི་དཀྱིལ་འཁོར་དུ། །ཕྱི་ནང་གསང་བའི་ཚོགས་འཁོར་ཚུལ་བཞིན་སྤྱད། །སྨོན་ལམ་འབྲས་བུ་སྨིན་པའི་ས་བོན་བཏབ། །དེ་ལྟའི་གནས་མཆོག་པདྨ་ཤེལ་ཕུག་ཅེས། །ཡོན་ཏན་གསུང་གི་གནས་ཆེན་རྨད་དུ་བྱུང་། །ཀུན་ལས་ཁྱད་པར་འཕགས་པ་ལུང་གིས་བསྔགས། །དབུས་ལྟེ་ཙིཏྟ་ཤེལ་གྱི་གུར་ཕུབ་འདྲ། །སྙིང་པོ་པདྨ་འོད་ཀྱི་གཞལ་མེད་ཁང་། །ཐབས་མཆོག་བདེ་ཆེན་གུ་རུ་དངོས་སུ་བཞུགས། །གཡོན་ཏུ་ཤེས་རབ་ཕར་ཕྱིན་མཚོ་རྒྱལ་མས། །ཏིང་འཛིན་སྒོམ་པའི་གནས་སུ་བྱིན་བརླབས་པ། །མཁའ་འགྲོའི་འདུ་བ་དྲི་བཟང་ངད་པས་མཚོན། །རྒྱབ་རི་ཀུན་བཟང་རྡོ་རྗེ་སེམས་དཔའ་ཡིས། །བྱིན་བརླབས་བརྒྱུད་གསུམ་རིག་འཛིན་བླ་མའི་ཞིང་། །གཡས་ཕྱོགས་རིགས་

― LT38_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་སེམས་དཔའ་ཐབས་ཀྱི་གནས། །གཡོན་ཕྱོགས་མྱུར་མཛད་དཔའ་མོ་ཤེས་རབ་འཕྲུལ། །མདུན་ཕྱོགས་འཕགས་པ་ཛམ་ལྷ་རིགས་ལྔ་ཡི། །ཕོ་བྲང་སྙིང་པོ་ཕྱག་རྒྱའི་མཚན་མ་གསལ། །བླ་དྭགས་མིང་ཡང་ཛཾ་ནང་ཞེས་པར་གྲགས། །ཕྱོགས་མཚམས་ཆོས་ནོར་གཏེར་མཛོད་དུ་མས་གཏམས། །ངོ་མཚར་བཀའ་རྟགས་རང་བྱོན་ཅི་ཡང་བཀྲ། །ཡེ་ཤེས་ཅན་ངོར་མཁའ་སྤྱོད་རྡོ་རྗེའི་གྲོང་། །དག་པའི་སྣང་བར་ཞིང་ཁམས་མངོན་སུམ་བཞིན། །རྩ་བ་གསུམ་གྱི་བྱིན་རླབས་སྤྲིན་ལྟར་འཐིབས། །རིག་འཛིན་དཔའ་བོ་མཁའ་འགྲོ་དངོས་སུ་འདུ། །བཀའ་སྲུང་གིང་བཙན་དཀར་དམར་ལས་ལ་མྱུར། །ཡུལ་བདག་དཀར་པོའི་ཕྱོགས་སྐྱོང་དམ་ལ་གནས། །ནག་ཕྱོགས་ལྷ་སྲིན་གདུགས་པའི་རྒྱུ་སྲང་མེད། །ཚུར་མཐོང་སྐྱེ་བོ་ཀུན་གྱི་སྣང་ངོར་ཡང་། །ས་ཡི་ཁད་མཐོ་གཙང་ཞིང་ཡིད་དུ་འོང་། །དབྱིབས་ལེགས་བྲག་རི་དཀར་དམར་ཕྲེང་བར་བསྟར། །སྤང་ལྗོང་མེ་ཏོག་ཚོམ་བུ་ཀུན་ནས་མཛེས། །ལྷ་བྱ་རྩེད་འཇོའི་མགྲིན་གླུ་རྣ་དབང་སྙན། །སྤོས་ཀྱི་ཤིང་དང་སྨན་གྱི་མྱུ་གུ་འཁྲུངས། །ལྗོན་ཤིང་འདབ་རྒྱས་ནགས་ཚལ་ཁྱུད་མོས་བསྐོར། །སྐྱེ་བོའི་རྒྱུ་འགྲུལ་ཉུང་བས་འདུ་འཛིས་དབེན། །ཉམས་དགའ་བག་ཕེབ་བསམ་གཏན་སྒོམ་པའི་གནས། །ཐོས་པས་ཡིད་སྤྲོ་མཐོང་བས་དད་མོས་བསྐྱེད། །

― LT38_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡད་ན་འབྲལ་མི་ཕོད་པའི་ཏིང་འཛིན་ཤར། །སྐྱོ་ཤས་མོས་གུས་སྙིང་རྗེའི་བོགས་རྩལ་ཐོན། །ཕྱག་བསྐོར་མཆོད་སོགས་ཕན་ཡོན་ཚད་ལས་འདས། །ཆེ་ཆུང་བཟང་ངན་འབྲེལ་ཚད་དོན་དང་ལྡན། །ཁྱད་པར་དམ་ལྡན་དགོངས་ཉམས་རྩལ་རྫོགས་པའི། །རྣལ་འབྱོར་ཚོགས་ཀྱི་འདུ་བར་སྤྱོད་པ་ལ། །གནས་མཆོག་ཀུན་ལས་དངོས་གྲུབ་ཁྱད་པར་འཕགས། །ཤོད་ཆེན་བཞི་ཡི་ཡ་གྱལ་སྨན་ཤོད་ཀྱི། །གནས་ཀྱི་གཙོ་བོ་ཡུལ་གྱི་བཅུད་ཡིན་པས། །དད་ལྡན་རྣམས་ཀྱིས་བསོད་ནམས་གསོག་པར་རིགས། །མཆོག་འདོད་རྣམས་ཀྱིས་པདྨའི་ཁང་དུ་བསྒྲུབ། །ཁྱད་པར་གསུང་གི་རིགས་མཆོག་གྲུབ་ཐག་ཉེ། །ཐུན་མོང་དོན་གཉེར་ཛཾ་ལྷའི་གནས་སུ་བསྒྲུབ། །གཡང་སྒྲུབ་བྱས་ན་ཡུལ་ཕྱོགས་རྒུད་པ་གསོ། །གནས་མཆོག་འདི་དང་འདི་འདྲའི་ཉེ་སྐོར་དུ། །སྐྱེས་ཀྱང་དད་མེད་བསོད་ནམས་མི་གསོག་པ། །མི་ལུས་དུད་འགྲོའི་སེམས་ལྡན་སྐལ་དམན་ཏེ། །དབུལ་པོའི་ཐབ་འོག་གསེར་བཞིན་དགོས་པའི་དོན། །འགྲུབ་མིན་དད་དང་ཡིད་ཆེས་སྐྱེ་བ་སོགས། །རིགས་སང་སྨོན་ལམ་འདེབས་ལ་བརྩོན་པར་འཚལ། །ཁོང་པར་སྙིང་ཡོད་རྣམས་ཀྱིས་ཚོགས་ཆུང་ངུས། །འདི་གཏན་དོན་ཆེན་སྒྲུབ་བྱེད་སྤྱི་ཡི་ནོར། །གུ་རུ་པདྨས་བཀའ་དྲིན་སྩལ་འདི་ལ། །ཡིད་ཆེས་མོས་

― LT38_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཕྱག་བསྐོར་ཚོགས་གསོག་དང་། །སྒོམ་སྒྲུབ་འབྲེལ་བས་མི་ཡི་ལུས་ཐོབ་ཅིང་། །གནས་མཆོག་མཇལ་བའི་སྙིང་པོ་ལེན་ཡང་མཛོད། །ཨ་ཧོ། འཁོར་འདས་ཆོས་རྣམས་རིག་པའི་མདངས་རྩལ་ཤར། །རྟོགས་ན་ཞིང་ཁམས་མ་རྟོགས་ཐ་མལ་དངོས། །རྣལ་འབྱོར་པ་ནི་བླང་དོར་གཟའ་གཏད་མེད། །གར་བལྟས་འོད་གསལ་ཉི་མ་ཁོར་ཡུག་ཤར། །ཆོས་དབྱིངས་མཁའ་ཁྱབ་འདི་ནི་བསྒྲུབ་མི་དགོས། །ཡངས་པ་ཆེན་པོ་འཛིན་རྟོགས་ཀུན་ལས་འདས། །སེམས་ཀྱི་སྤྲིན་ཚོགས་འདུ་འགོད་ཅི་བྱེད་ཀྱང་། །རང་རིག་ཟང་ཐལ་མཁའ་ལ་སྒྲིབ་པ་མེད། །བདེ་ཆེན་ཆོས་སྐུ་འགྱུར་མེད་ཁྱབ་གདལ་ཆེ། །གནས་དང་གང་ཟག་གཉིས་པོ་གཅིག་ཏུ་འདྲེས། །བལྟ་བྱ་མ་མཆིས་ལྟ་མཁན་གཞི་རྩ་སྟོང་། །བསྒོམ་པ་མ་མཆིས་སྒོམ་མཁན་དབྱིངས་སུ་ནུབ། །སྤྱོད་མེད་སྤྱོད་པ་ཚུལ་འཆོས་རྩིས་གདབ་ཞིག །རིག་སྟོང་ཆོས་སྐུ་འདུ་འབྲལ་མེད་པ་ལས། །འབྲས་བུ་གཞན་ནས་ཚོལ་བའི་རེ་དོགས་བྲལ། །པདྨ་གར་དབང་སྐལ་པ་བཟང་བཟང་འདྲ། །བློ་གྲོས་མཐའ་ཡས་བན་རྒན་སྨྱོ་སྨྱོ་འདྲ། །བསྟན་གཉིས་གླིང་པ་སྐྱིད་སྡུག་མེད་མེད་འདྲ། །རེ་མེད་དོགས་མེད་བཀྲ་ཤིས་དཔལ་འབར་ཤོག །ཁོ་བོ་གུ་འི་མིང་ཅན་ཆོས་རྗེ་མ་ཧཱ་གུ་རུའི་བཀའ་བཞིན་སྒྲུབ་གནས་ཀྱི་རྒྱལ་པོ་པདྨ་ཤེལ་ཕུག་ཏུ་གནས་

― LT38_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་བྱས་པའི་ཚེ་ཆེད་དུ་བརྗོད་པ་དགེ་ལེགས་འཕེལ།། ༈ །།ཨ་ཧོ། སྟོབས་བཅུ་མངའ་བའི་རྒྱལ་བ་སྲས་བཅས་ལས། །ངོ་མཚར་ཕྲིན་ལས་ཁྱད་འཕགས་ཨོ་རྒྱན་རྗེའི། །གང་འདུལ་རྣམ་རོལ་ནམ་མཁའི་མུ་ཁྱུད་ལས། །བརྒལ་ཡང་ཕྱོགས་རེའི་བློ་ཅན་དྲང་བའི་སླད། །མཚན་མཆོག་བརྒྱད་སོགས་ཕྱི་ནང་གསང་བ་ཡི། །རྣམ་དག་ངེས་བཟང་ཅན་གྱི་བཀོད་པའི་ཆ། །དག་གཏུམ་རྔམས་བརྗིད་པདྨ་ཧེ་རུ་ཀ །འཆོལ་བའི་ཁྲོ་རྒྱལ་རྡོ་རྗེ་གྲོ་བོ་ལོད། །ཟླ་གཟུགས་གཅིག་ཉིད་ཆུ་སྣོད་དུ་མ་རུ། །འཆར་བ་ལ་འཁུ་གངས་ཅན་གནས་སྤྱི་དང་། །ཁྱད་པར་སྟག་ཚང་མིང་ཅན་བཅུ་གསུམ་དུ། །སྐུ་གཅིག་ཞིང་ཀུན་ཁྱབ་པའི་ཆོ་འཕྲུལ་ཆེས། །གཟུགས་ཅན་གཟུགས་མེད་གདུག་པའི་དཔུང་ཚོགས་བཏུལ། །སྐད་ཅིག་བསྐལ་པར་སྒྱུར་བའི་རྫུ་འཕྲུལ་གྱིས། །རི་བྲག་གངས་སོགས་སྒྲུབ་གནས་བྱིན་གྱིས་བརླབས། །མ་འོངས་འགྲོ་ལ་ཕན་ཕྱིར་ཆོས་རྟེན་ནོར། །དམ་རྫས་གཏེར་གྱིས་ས་འོག་ཁྱད་པར་བཀང་། །དེ་ལས་ཤོད་བཞིའི་ནང་ཚན་སྨན་ཤོད་ཞེས། །སྦས་པའི་ཡུལ་མཆོག་ཟིལ་ཁྲོམ་གངས་རའི་མདུན། །སྲིད་པའི་ལྷ་གཉན་གསུམ་གྱི་ཕོ་བྲང་དབུས། །རོང་མེ་དཀར་མོ་སྟག་ཚང་ཞེས་བྱ་བ། །རྨུ་སྟག་ཅན་

― LT38_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ཟན་མི་ཕྱུགས་སྲོག་གི་གཤེད། །བཏུལ་ནས་ཁྱད་པར་གནས་སུ་བྱིན་བརླབས་པ། །ལྷ་ཤིང་ལྗོན་པའི་ནགས་ཚལ་འཁྲིགས་པའི་དབུས། །གདོང་ལྔའི་དབང་པོ་སྙེམས་པས་འགྱིང་འདྲ་བའི། །བརྗིད་ཆགས་རིན་ཆེན་བྲག་རི་ཡ་མཚན་ཅན། །མངོན་དང་མི་མངོན་སྒྲུབ་ཕུག་ཀེའུ་ཚང་དང་། །ཟབ་མོའི་གཏེར་ཁ་དུ་མས་ཡོངས་སུ་གཏམས། །རིན་ཆེན་འབྱུང་གནས་ཆུ་རྒྱུན་མདུན་ནས་འབབས། །ཕུ་མདའ་གཡས་གཡོན་སྒྲུབ་གནས་མང་པོས་བསྐོར། །སྟོད་ན་གངས་དཀར་ཤེལ་གྱི་གུར་ཆེན་ཕུབ། །དེ་ལ་ལྷོ་སྤྲིན་མཐིང་ཞུན་ལ་ཐོད་བཅིངས། །བར་ན་མཚོ་མོ་གཡུ་ཡི་མཎྜལ་འཁྱིལ། །དེ་ནས་ན་བུན་བདུད་རྩིའི་ཆར་ཟེགས་འཕྱུར། །འདབ་རལ་ལྗོན་ཤིང་དུ་མའི་ཕྲེང་བས་བསྐོར། །ནགས་ཁྲོད་བྱ་དང་རི་དྭགས་དགའ་བས་རྩེ། །གངས་ཆུ་རྫ་ཆུའི་ཀླུང་ཆེན་ལྷུང་ལྷུང་འགྲོ། །རྦ་རླབས་མུ་ཏིག་དོགས་པ་ཀུན་ཏུ་འཐོར། །ནེའུ་གསེང་མརྒད་ཞུན་མའི་དོ་ར་མཛེས། །སྤང་ཐང་གསེར་གཡུའི་ཡོལ་བ་ཕྱོགས་སུ་བྲེས། །དབྱིབས་ལེགས་མདངས་མཛེས་མེ་ཏོག་ཚོམ་བུ་བརྡལ། །དྲི་བཟང་ངད་འཐུལ་ནུས་ལྡན་སྨན་རིགས་འཁྲུངས། །བསམ་གཏན་འཚེ་བ་རྒྱུ་འགྲུལ་གླགས་ཅོར་མེད། །ལྷ་དང་དྲང་སྲོང་ཏིང་འཛིན་བསྒོམ་པའི་གནས། །མཁའ་འགྲོ་ཚོགས་ཀྱི་འདུ་བར་རོལ་པའི་

― LT38_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། །གྲུབ་བ་རིག་འཛིན་བརྟུལ་ཞུགས་སྤྱོད་པའི་ས། །དེ་འདྲའི་གནས་མཆོག་ཁྱད་པར་འཕགས་པའི་དབུས། །ཡི་དམ་བདེ་གཤེགས་འདུས་པའི་ཕོ་བྲང་ལ། །ཞི་ཁྲོ་རྒྱལ་བ་རབ་འབྱམས་དངོས་སུ་བཞུགས། །གུ་རུ་ཡབ་ཡུམ་བདེ་ཆེན་དགྱེས་རོལ་པའི། །གསང་ཕུག་ངོ་མཚར་བྱིན་བརླབས་གཟི་བརྗིད་ལྡན། །ལོ་ཆེན་བཻ་རོ་གནུབས་ཆེན་ནམ་སྙིང་སོགས། །སྒྲུབ་པའི་གནས་མཆོག་བྲག་སྐྱིབས་ཀེའུ་ཚང་། །ཆོས་རྒྱལ་ཡབ་སྲས་ཐུགས་བསྐྱེད་སྨོན་ལམ་མཐུས། །གཏེར་ཆེན་མདོ་སྔགས་གླིང་དང་མཆོག་གྱུར་གླིང་། །ཞལ་འཛོམ་བྲག་རི་རྡོ་རྗེའི་རྒྱ་བཀྲོལ་ནས། །ཁྱད་འཕགས་སྐུ་གསུང་ཐུགས་རྟེན་སྤྱན་དྲངས་པའི། །ཕྱག་རྗེས་དད་ལྡན་དབང་པོའི་སྤྱོད་ཡུལ་སྣང་། ཁམས་བོད་སྟག་ཚང་མིང་ཅན་བཅུ་གསུམ་དུ། །གུ་རུ་རྡོ་རྗེ་གྲོ་ལོད་སྐུར་བཞེངས་ནས། །ལྷ་སྲིན་བཏུལ་ཞིང་གནས་གཏེར་བྱིན་བརླབས་ཚེ། །འདིར་ཡང་རྫུ་འཕྲུལ་བཀོད་པ་མཐའ་ཡས་བསྟན། །བྲག་རྩེར་བསམ་གྱིས་མི་ཁྱབ་ཆོ་འཕྲུལ་ཆེའི། །ཏིང་ངེ་འཛིན་ལ་སྙོམས་པར་ཞུགས་པ་ན། །ཆོས་རྒྱལ་ཁྲི་སྲོང་བརྒྱ་བྱིན་སྲས་སྐྱེས་པ། །ལྷ་ཡི་བྱར་སྤྲུལ་འཇའ་ཚོན་ལམ་ལས་གཤེགས། །དགུང་སྔོན་དབྱིངས་ནས་དེའུའི་རྩེ་ལ་བབས། །གུ་རུ་མཇལ་ཏེ་རང་གནས་བྱོན་པའི་ཤུལ། །

― LT38_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

དེང་སང་ལྷ་བྱ་སྒང་ཞེས་བླ་དྭགས་གྲགས། །གཡས་ཕྱོགས་ཐུགས་རྗེ་ཆེན་པོས་བྱིན་རླབས་གནས། །ཕུག་པར་སྤྱན་རས་གཟིགས་དབང་སྒྲུབ་པ་ན། །བོད་ཁམས་ཡོངས་ལ་བཀྲ་ཤིས་བདེ་ལེག་འབྱུང་། །དེ་ཕྱིར་སྔོན་དུས་སྒྲུབ་པའི་སྔ་ཆགས་ནས། །འཚོ་བ་སྐྱོར་བའི་འགྲོག་དུད་མཆིས་པ་ལ། །ཐུགས་རུ་མ་ཞེས་གྲགས་པས་དེང་སང་ཡང་། །ས་ཕྱོགས་དེ་ལ་མིང་དེ་གྲགས་པར་གསུངས། །གཡོན་ཕྱོགས་མཁའ་འགྲོ་འབུམ་འདུ་མཁའ་སྤྱོད་རྫོང་། །ཨོ་རྒྱན་རྡུ་མ་ཐ་ལར་གཉིས་སུ་མེད། །དཔལ་ཆེན་ཁྲག་འཐུང་དེ་སྤྲུལ་བཀའ་སྡོད་བཅས། །རོལ་བའི་ཕོ་བྲང་ཙིཏྟ་འབར་བའི་དབྱིབས། །ཡ་མཚན་རྟགས་དང་དྲག་པོའི་རྔམ་ཟིལ་ལྡན། །བར་མཚམས་རྩ་གསུམ་ཆོས་སྲུང་བླ་མཚོ་ལ། །ཆོས་བོན་ནོར་གྱི་གཏེར་ཁ་དུ་མས་གཏམས། །གཞན་ཡང་སྒྱུ་མས་འཕྲུལ་པའི་ལྟད་མོ་བཞིན། །གནས་དང་གཏེར་གྱི་བཀོད་པ་ཅི་ཡང་སྣང་། །ཀྱེ་མ་ཧོ། ལོག་ཤེས་ཅན་ངོར་ས་རྡོ་ཆུ་ཤིང་ཉིད། །འཁྲུལ་པའི་བློ་ངོར་གདོས་བཅས་རེམ་པོའི་དངོས། །རྣལ་འབྱོར་ཅན་ངོར་སྣང་ལ་རང་བཞིན་མེད། །དག་པའི་སྣང་བར་ལྷ་དང་གཞལ་ཡས་ཁང་། །རྟོགས་ན་ཀུན་ཀྱང་རང་རིག་འོད་གསལ་མདངས། །ཀུན་ཁྱབ་ཀུན་བཟང་སྐུ་དང་ཞིང་ཁམས་སུ། །བརྡལ་བ་ཆེན་པོར་ཡེ་ནས་རྣམ་པར་དག །མ་དག་འཁྲུལ་པའི་མིང་དང་ཐ་སྙད་ཙམ། །བཏགས་པ་དེ་ཡང་བྱིས་

― LT38_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

བློའི་འཛིན་རྟོག་ལས། །དོན་ལ་གང་ཡང་མ་གྲུབ་ནམ་མཁའ་འདྲ། །འཁོར་བ་མྱང་འདས་བློ་ཡིས་བརྟགས་པ་ཙམ། །དག་དང་མ་དག་མིང་གི་ཐ་སྙད་ཙམ། །སངས་རྒྱས་སེམས་ཅན་སེམས་ཀྱི་འཛིན་སྟངས་ཙམ། །གདོད་མའི་གཤིས་སུ་ཅི་ཡང་གྲུབ་པ་མེད། །མ་གྲུབ་པ་ལས་སྣ་ཚོགས་ཤར་བ་ཉིད། །རིག་པའི་རང་རྩལ་སྐུ་གསུམ་རང་བཞིན་ཏུ། །ཤེས་ནས་སྤང་བླང་འདོར་ལེན་མི་བྱེད་པ། །རྣལ་འབྱོར་དབང་ཕྱུག་རྣམས་ཀྱི་ཁྱད་པར་ཆོས། །ངས་ཀྱང་དེ་འདྲའི་གནས་ལུགས་ཕྱོགས་ཙམ་གེ། །གོ་བ་གང་སྐྱེས་བཤད་ན་ཟད་མཐའ་མེད། །མེད་པའི་གནས་སྣང་བརྗོད་ཀྱང་རྐྱག་བརྫུན་འདྲ། །འདྲ་ཆོས་འགའ་ཞིག་ད་རུང་འཆད་དུ་ཡོད། །ཀྱེ་ཀྱེ་འཇིག་རྟེན་འདི་དང་ཕ་རོལ་དུ། །བདེ་སྐྱིད་འདོད་པའི་བློ་ལྡན་མི་ཡོད་ན། །གནས་འདིར་སྡིག་པ་སྤང་ཞིང་ཚོགས་ཆེན་གསོག །བསྐྱེད་རྫོགས་དོན་བསྒོམ་བསྙེན་སྒྲུབ་ལས་སྦྱོར་བརྩོན། །ཐ་ན་བཟང་པོའི་ལས་ཀྱི་འབྲེལ་ཐོགས་བྱ། །གནས་དང་རྒྱུན་ཏུ་འགྲོགས་ཀྱང་དད་གུས་མེད། །ཐ་མལ་ས་རྡོ་ཙམ་ཞིག་ཡིན་སེམས་པ། །དུད་འགྲོ་མི་གཟུགས་ཡིན་པར་ཤེས་གྱིས་ལ། །ཅི་ནུས་བསོད་ནམས་བསགས་ལ་འབད་པར་འཚལ། །ཆེ་ཆུང་འབྲེལ་བ་གང་ཐོགས་དེ་ཙམ་དུ། །གནས་སྐབས་མཐར་ཐུག་མཆོག་ཐུན་དངོས་གྲུབ་འཐོབ། །

― LT38_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུའི་ཐུགས་བསྐྱེད་མཛད་པ་བསམ་མི་ཁྱབ། །ཁྱད་པར་གདུལ་དཀའ་འདུལ་བའི་ཕྲིན་ལས་ནི། །དུས་གསུམ་སངས་རྒྱས་ཀུན་ལས་ཁྱད་འཕགས་པས། །འདིར་སྐྱེས་མི་དང་དུད་འགྲོ་ཡན་ཆད་ཀྱང་། །དཔལ་ཆེན་རྡོ་རྗེ་གྲོ་ལོད་གདུལ་བྱ་སྟེ། །གསང་བའི་ལམ་ལ་སྐལ་པ་ལྡན་པར་འགྱུར། །འདིས་ཀྱང་གནས་ཀྱི་ཡོན་ཏན་ལེགས་མཐོང་ནས། །ཕྲིན་ལས་རྟག་ཅིང་ཁྱབ་པའི་རྒྱུར་གྱུར་ཅིག །དགེ་ལེགས་འཕེལ།། །།

ཐུགས་ཀྱི་གནས་མཆོག་ཆེན་པོ་དེ་བཱི་ཀོ་ཊཱི་ཙཱ་འདྲ་རིན་ཆེན་བྲག་གི་རྟོག་པ་བརྗོད་པ་ཡིད་ཀྱི་རྒྱ་མཚོའི་རོལ་མོ།

― LT38_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀྱི་གནས་མཆོག་ཆེན་པོ་དེ་བཱི་ཀོ་ཊཱི་ཙཱ་འདྲ་རིན་ཆེན་བྲག་གི་རྟོག་པ་བརྗོད་པ་ཡིད་ཀྱི་རྒྱ་མཚོའི་རོལ་མོ་ཞེས་བྱ་བ་བཞུགས་སོ། །

― LT38_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་པདྨཱ་ཀ་རཱ་ཡ། བདེ་ཆེན་སྦྲང་རྩིས་སྒེག་པའི་ཐུགས་ཀྱི་པདྨོ་ནི། །བུམ་སྐུའི་རང་བཞིན་བརྟན་པའི་རྣམ་ཆར་འཕོས་པ་ལས། །གསང་བའི་ཙིཏྟར་འཁྲུལ་སྣང་དྲྭ་བ་སྡོམ་མཛད་པ། །བསམ་གྱིས་མི་ཁྱབ་གསང་བའི་གནས་ལ་བདག་དད་དོ། །སྲིད་མཐའ་ཐུགས་རྗེས་བཟུང་བའི་པད་དཀར་འཆང་། །འགྲོ་འདུལ་འཕྲུལ་དགུའི་གར་མཛད་ཐོད་ཕྲེང་རྩལ། །ཀརྨ་ཀ་དང་ཏཱ་ཡི་སི་ཏུ་ཞེས། །མཚུངས་བྲལ་བླ་མའི་སྐུ་རུ་ཤར་ལ་འདུད། །མ་བྱུང་མི་འབྱུང་འབྱུང་བར་མི་འགྱུར་བའི། །པདྨའི་གཅེས་མཛོད་རང་དབང་སྤྱོད་པ་ལ། །མཆོག་གྱུར་བདེ་ཆེན་གླིང་ཞེས་གྲུབ་པའི་གཙོ། །བཀའ་དྲིན་སྣང་བས་འཇིག་རྟེན་ཁྱབ་དེ་རྒྱལ། །གནས་དང་ཡུལ་གྱི་དཔའ་བོ་རྣལ་

― LT38_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་མ། །ཀུན་བདག་དབྱིངས་ཀྱི་དབང་ཕྱུག་ཝཱ་ར་ཧཱི། །དམ་ཅན་གཏེར་བདག་གནས་སྲུང་ཚོགས་རྣམས་ཀྱིས། །དགྱེས་པས་དགོངས་ཏེ་གནང་བའི་སྐབས་སྩོལ་ཅིག །གཞན་མཆོག་ཧེ་རུ་ཀ་དཔལ་གྲོང་ཁྱེར་ཏེ། །ནང་དུ་རྩ་ཐིག་རླུང་གི་རང་མདངས་ལས། །ཕྱི་རོལ་ཉེ་བའི་གནས་སུ་ཤར་བ་ཡི། །ངོ་མཚར་རྟོག་པ་ཆ་ཙམ་བརྗོད་པར་སྤྲོ། །འདིར་གྲུབ་པའི་གནས་མཆོག་ཆེན་པོ་ཙཱ་འདྲ་རིན་ཆེན་བྲག་གི་རྟོག་པ་བརྗོད་པ་ལ་དོན་ཚན་བཀྲ་ཤིས་པའི་རྟགས་ཀྱི་གྲངས་དང་ལྡན་པ་སྟེ། གནས་ཀྱི་འབྱུང་ཁུང་སྤྱིར་སྨོས་པ། རྣམ་པར་དབྱེ་བ་ཐ་དད་དུ་བསྟན་པ། གནས་སུ་གྲུབ་པའི་འཐད་པ་བརྗོད་པ། བྱེ་བྲག་གནས་ཆེན་དམིགས་སུ་བཤད་པ། སླར་

― LT38_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་བྱིན་གྱིས་བརླབ་ཚུལ་དང་། གནས་ཀྱི་སྒོ་ཇི་ལྟར་ཕྱེས་པ། གནས་ཀྱི་བཞུགས་ཚུལ་དཀར་ཆག །གནས་ལ་བསྐོར་བ་བྱེད་ཚུལ། དེ་བྱུང་ཕན་ཡོན་གྱི་རྣམ་གྲངས་སྨོས་པའོ། །དང་པོ་གནས་ཀྱི་བྱུང་ཁུངས་ལ་གཉིས། སྐུ་གསུམ་ཞིང་སྣང་སྤྱིར་སྨོས་པ། །གནས་ཀྱི་བྱུང་ཁུངས་དངོས་འཆད་པའོ། །དང་པོ་ནི། སྤྱིར་དབྱིངས་དག་པ་ཆོས་སྐུའི་ཞིང་ནི་བརྟན་གཡོ་འཁོར་འདས་ཀུན་ལ་ཁྱབ་པའི་གནས་ལུགས་དེ་བཞིན་ཉིད་ཀྱི་དབྱིངས། རྒྱ་དང་ཚད་ཡོངས་སུ་མ་ཆད་པ་ཆོས་ཅན་སྣ་ཚོགས་སུ་སྣང་ཡང་ཆོས་ཉིད་འགྱུར་བ་མེད་པར་གདོད་ནས་ཡོངས་གྲུབ་ཐིག་ལེ་ཆེན་པོར་འོད་དུ་གསལ་བ་དང་། ནང་རང་སྣང་ལོངས་སྐུའི་ཞིང་རྡུལ་གཅིག་གི་སྟེང་དུ་རྡུལ་ཕྲན་སྙེད་ཀྱི་ཞིང་དང་སྐུ་རབ་འབྱམས་རྒྱ་མཚོར་སྣང་ཞིང་། གཞི་གཅིག་ལའང་ལྷ་སྔགས་དཀྱིལ་འཁོར་གྱི་འཁོར་ལོ་རྣམ་པ་ཐམས་ཅད་པར་འཆར་བ་དག་པ་རབ་འབྱམས་ལོངས་སྤྱོད་ཡོངས་སུ་རྫོགས་པར་ལྷུན་གྱིས་གྲུབ་པ་དང་། ཕྱི་ཡུལ་སྣང་སྤྲུལ་སྐུའི་ཞིང་ཁམས་སྐལ་པ་མཆོག་ལ་དག་པའི་ཞིང་། །སྐལ་པ་འབྲིང་ལ་དག་པའི་གནས། །སྐལ་པ་ཐ་མ་ལ་ས་རྡོ་རི་བྲག་བེམ་པོ་མ་དག་པའི་ཚུལ་ཅན་ཀུན་གྱི་སྤྱོད་ཡུལ་དུ་གྱུར་བས་ཀྱང་འགྲོ་ལ་ཕན་འདོགས་བྱེད་སངས་རྒྱས་ཀྱི་མཛད་པའི་རོལ་མོར་གཤིས་སམ་བབ་ཀྱིས་གྲུབ་པ་དག་ཆོས་ཉིད་བདེན་པའི་བྱིན་རླབས་

― LT38_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། དེ་བཞིན་གཤེགས་པའི་ཐུགས་རྗེ་ལས་རང་བྱུང་བ། ངོ་མཚར་རྨད་དུ་བྱུང་བ་ཉིད་དོ། །གཉིས་པ་ལ་གཉིས། གདད་ནས་གྲུབ་པ་དང་རྗེས་སུ་བྱུང་བའོ། །དང་པོ་ནི། སྔ་འགྱུར་དགོངས་པ་འདུས་པའི་མདོ་ཆེན་པོ་སོགས་ཀྱི་ལུང་དོན་ལྟར་ན། འདས་པའི་དུས་བླ་མ་དང་ལྟ་སྤྱོད་ལ་ལོག་པར་བཟུང་བའི་རུ་དྲ་ཐར་པ་ནག་པོའི་ཆུང་མ་སྡེ་དང་བཅས་པས་འཇིག་རྟེན་ཐམས་ཅད་བདག་ཏུ་བཟུང་ཞིང་ལོག་པར་སྤྱོད་པས་འགྲོ་བ་རྣམས་ཕུང་བར་གྱུར་པ་ན། སངས་རྒྱས་ཐམས་ཅད་ཀྱི་ཐུགས་རྗེ་གཅིག་ཏུ་བསྡུས་པའི་ཁྲག་འཐུང་ཧེ་རུ་ཀས་དྲག་ཤུལ་འབར་བ་ཆེན་པོ་གར་གྱི་རོལ་པས་རུ་དྲ་ཕོ་བསྒྲལ་བའི་ལུས་ཀྱི་དུམ་བུ་ཛམ་བུའི་གླིང་དུ་གཏོར་བས་གདོད་ནས་རང་བཞིན་གྲུབ་པ་དག་གི་རྣམ་ཆ་འཕོས་པ་དུར་ཁྲོད་ཆེན་པོ་བརྒྱད། གནས་དང་ཡུལ་ལ་སོགས་པ་གསང་སྔགས་ཀྱི་ཕོ་བྲང་དུ་ཆགས། མོ་རྣམས་སྦྱོར་བའི་ཡུམ་དུ་མཛད་ཅིང་གནས་དང་དུར་ཁྲོད་རྣམས་ཀྱི་སྲུང་མ་ཆེན་མོར་བསྐོས། རུ་དྲའི་རྣམ་ཤེས་དཔལ་མ་ཧཱ་ཀཱ་ལར་གྱུར་པས་གནས་ཡུལ་དུར་ཁྲོད་དེ་དག་རྣམས་སུ་དངོས་དང་སྤྲུལ་པའི་ཚུལ་གྱིས་ཁྱབ་པར་བཞུགས་ཤིང་སངས་རྒྱས་ཀྱི་བསྟན་པ་སྲུང་། ཁུ་ཁྲག་སོགས་ལས་དཔག་བསམ་སྤྲུལ་གྱི་སྙིང་པོར་ས་ཡ་ན་རྩ་བ་བརྒྱད་ཀྱི་རང་བཞིན་ཏུ་འཁྲུངས་ཤིང་། ཟབ་པ་ཁ་འཐོར་བ་ལས་ཡན་

― LT38_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་སྟོང་གི་རྩི་སྨན་བདུད་རྩིའི་རང་བཞིན་དམ་ཚིག་གི་རྫས་ཆེན་པོར་ལྷུན་གྱིས་གྲུབ་པར་བྱིན་གྱིས་བརླབས་པའོ། །ཕྱི་འགྱུར་གསང་མཐའི་རྩེ་མོ་མཁའ་འགྲོ་དྲྭ་བ་སྡོམ་པའི་ལུང་དོན་ལྟར་ན། སྒྲོན་མའི་བསྐལ་པ་འདི་ཐོག་མར་ཆགས་པའི་རྗེས་སུ་དྲག་པོ་འཇིགས་བྱེད་དུས་མཚན་དང་བཅས་པས་སྲིད་པ་གསུམ་ལ་དབང་བྱེད་ཅིང་ལོག་པའི་ལམ་ལ་ཞུགས། འཁོར་གྱི་དྲེགས་པ་ལྷ་དང་དྲི་ཟས་ནམ་མཁའ། གནོད་སྦྱིན་དང་སྲིན་པོས་ས་སྟེང་། ཀླུ་དང་ལྷ་མ་ཡིན་གྱིས་ས་འོག །མ་མོ་ཕྲ་མན་ལ་སོགས་པ་རྣམས་ཀྱིས་གནས་ཡུལ་དུར་ཁྲོད་ཀུན་བདག་གིར་བཟུང་སྟེ་འཇིག་རྟེན་གྱི་ཁམས་མ་རུངས་པར་གྱུར་པ་དེའི་ཚེ། གདུག་པ་ཅན་རྣམས་འདུལ་བའི་ཕྱིར་བཅོམ་ལྡན་འདས་རྡོ་རྗེ་འཆང་ཆེན་པོ་ཉིད་ཧེ་རུ་ཀ་ཡི་སྐུར་བཞེངས་ནས་རི་རབ་ཀྱི་རྩེ་མོར་དཀྱིལ་འཁོར་ཆེན་པོ་རྣམ་པར་སྤྲུལ་ཏེ། འཇིགས་བྱེད་དྲག་པོ་སྡེ་དཔུང་དང་བཅས་པ་རྣམས་བདག་པོའི་ཚུལ་གྱིས་དབང་དུ་བྱེད་པ་དང་། ལོངས་སྤྱོད་པ་དང་། ཐིམ་པའི་ཚུལ་གྱིས་བཏུལ་ཅིང་བདེ་མཆོག་རྩ་བའི་རྒྱུད་ལ་སོགས་པ་རྒྱུད་སྡེ་རབ་འབྱམས་གསུངས། དྲེགས་པ་དེ་དག་གིས་བཟུང་བའི་མཁའ་སྤྱོད། ས་སྤྱོད། ས་འོག་སྤྱོད་པའི་གནས་ཡུལ་དུར་ཁྲོད་མཐའ་དག་འཁོར་ལོ་གསུམ་གྱི་བདག་ཉིད་དུ་བྱིན་གྱིས་བརླབས་པར་མཛད་པ་ལས་དཔའ་བོ་དང་རྣལ་འབྱོར་

― LT38_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རྣམས་ཀྱིས་སྤྱོད་ཡུལ་དང་རང་བཞིན་ཏུ་གྱུར་པའི་གནས་དང་གནས་ཕྲན་བསམ་གྱིས་མི་ཁྱབ་པར་བྱུང་བར་གྱུར་ཏོ། །གདོད་ནས་གྲུབ་པ་དེ་དག་ནི་གནས་ཀྱིས་གང་ཟག་བྱིན་གྱིས་རློབས་ནུས་པས་མཐོང་ཐོས་དྲན་རེག་འབྲེལ་ཚད་དོན་དང་ལྡན་པ་ཤ་སྟགས་ཏེ་ཉི་ཤུ་རྩ་བཞིའི་གནས་ལ་སོགས་པ་བཞིན་ནོ། །གཉིས་པ་རྗེས་སུ་བྱུང་བ་ནི། གདོད་ནས་མཆོག་གི་གནས་སུ་གྲུབ་པ་མིན་ཀྱང་འཕགས་པ་དང་། རྣལ་འབྱོར་པ་གྲུབ་པ་ཐོབ་པས་སྒྲུབ་པའི་གནས་སུ་མཛད་ཅིང་བྱིན་གྱིས་བརླབས་པས། ཕྱི་རབས་ཀྱི་སྒྲུབ་པ་པོ་ལ་བར་ཆད་མེད་ཅིང་དངོས་གྲུབ་མྱུར་དུ་ཐོབ་པར་ནུས་པ་སོགས་ཡོན་ཏན་མང་དུ་ལྡན་པ་ནི་གང་ཟག་གིས་གནས་བྱིན་གྱིས་བརླབས་པ་སྟེ་འཕགས་བོད་ཀྱི་སྒྲུབ་གནས་ཕལ་མོ་ཆེ་རྣམས་སོ། །གཉིས་པ་རྣམ་པར་དབྱེ་བ་ཐ་དད་དུ་བསྟན་པ་ལ་གཉིས་སྤྱིར་གཙོ་ཕལ་དབྱེ་བ་དང་། དེའི་རྒྱུ་མཚན་ཕྱི་ནང་གི་དག་སྦྱོར་ལས་བྱུང་བའི་ཚུལ་ལོ། །དང་པོ་ནི། ཛཱ་ལནྡྷ་ར་ལ་སོགས་པའི་གནས་ཆེན་ཉི་ཤུ་རྩ་བཞི། ད་ལ་འཐུང་གཅོད་བརྒྱད་པོ་བསྣན་པའི་ཡུལ་ཆེན་སུམ་ཅུ་རྩ་གཉིས་སུ་གྲགས་པ་ནི་ས་དང་ནང་གི་དག་པ་སྦྱོར་བའི་དབང་གིས་གནས་ཐམས་ཅད་ཀྱི་གཙོ་བོའམ་འབྱུང་ཁུངས་སམ་དབྱེ་གཞིར་གྱུར་པ་ཡིན་ལ། དེ་དག་ལས་གྱེས་པའི་གནས་ཀྱི་བྱེ་བྲག་ནི་བསམ་གྱིས་མི་ཁྱབ་

― LT38_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཛམ་བུའི་གླིང་ཁྱབ་པར་བཞུགས་པ་སྟེ། བི་མ་ལས་མཛད་པའི་ཙཱ་རིའི་ལམ་ཡིག་ལས། སྤྱིར་ཛམ་བུའི་གླིང་ན་མཁའ་འགྲོ་མ་ཐམས་ཅད་ངེས་པར་འདུ་བའི་གནས། དུར་ཁྲོད་ཆེན་པོ་བརྒྱ་དང་བཅུ་གསུམ་བཞུགས་པ་ལས། རྒྱ་གར་གྱི་ཡུལ་ན་སྤྱོད་པ་བྱེད་པའི་གནས་དྲུག །ཉམས་སྐྱོང་བའི་གནས་བཅུ་བཞི། དམ་ཚིག་སྐོང་བའི་གནས་བརྒྱད་འདོད་ཅིང་འདུན་པ་དྲག་པོ་སྐྱེ་བའི་གནས་བཞི་སྟེ་སུམ་ཅུ་རྩ་གཉིས་བཞུགས། དེ་དག་གི་ནང་ནས་རང་བཞིན་གྱི་མཁའ་འགྲོ་མ་གནས་པའི་དུར་ཁྲོད་ཆེན་པོ་བརྒྱད་བཞུགས་པའི་གནས་ནི་མཆོག་ཏུ་གྱུར་པ་ཡིན་ལ། ཨོ་རྒྱན་གྱི་ཡུལ་ན་མཁའ་འགྲོ་མ་ངེས་པར་འདུ་བའི་གནས་བརྒྱད། ཁ་ཆེའི་ཡུལ་ན་བཅུ། ལི་དང་ཧོར་གྱི་ཡུལ་ན་ལྔ། ཚ་བ་དམར་ཐག་དང་ཞང་ཞུང་ན་ལྔ། མེ་ཉག་དང་ཟ་ཧོར་གྱི་ཡུལ་ན་བཅུ། ཐོན་མི་དང་གར་ལོག་གི་ཡུལ་ན་བཅུ། རྒྱ་ནག་གི་ཡུལ་ན་སུམ་ཅུ། བོད་ན་ཕྱེད་དང་གཉིས་བཞུགས་པའི་ཕྱེད་ནི་གཞོ་སྟོད་ཏེ་སྒྲོ་བྲག་དཀར་མཁའ་འགྲོ་མ་རེས་འགར་འདུ་བ་དང་། གཅིག་ནི་ལྷོ་ཕྱོགས་དཔལ་གྱི་ཙཱ་རི་ཏྲ་རང་བྱུང་གི་མཆོད་རྟེན་ཆེན་པོ་ཉིད་ཡིན་པར་གསུངས་སོ། །དེ་དག་ནི་གདོད་ནས་རང་བཞིན་གྱིས་གྲུབ་པའི་མཁའ་སྤྱོད་ཀྱི་ཕོ་བྲང་ནང་སྤྲུལ་པའི་ལྷ་ཚོགས་མངོན་སུམ་དུ་བཞུགས་པའི་གནས་ཆེན་གཙོ་བོའི་དབང་དུ་

― LT38_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ་སྟེ། དེ་ལས་གྱེས་པའི་ཡན་ལག་ནི་བོད་ཀྱི་ཡུལ་ཁོ་ནར་ཡང་། ཨོ་རྒྱན་ཆེན་པོའི་ཟབ་གཏེར་རྣམས་ལས། མཆོག་གི་སྒྲུབ་གནས་ལྔ། སྐུ་གསུང་ཐུགས་ཀྱི་གནས་མཆོག་ལྔ། ངོ་མཚར་བའི་གནས་ཆེན་ཉི་ཤུ་རྩ་ལྔ། ལུང་ལྔ་ལྗོང་གསུམ་གླིང་གཅིག །སྒྲུབ་གནས་ཆེན་པོ་བརྒྱད། གངས་ར་བཞི། སྦས་ཡུལ་ཉི་ཤུ་རྩ་གཅིག །གངས་ཆེན་ཉེར་གཅིག །གནས་ཆེན་བརྒྱ་དང་རྩ་བརྒྱད། གནས་ཕྲན་སྟོང་དང་རྩ་གཉིས་རྣམས་ཡོད་པར་གསུངས་སོ། །གཏེར་གསར་མདོ་བྱང་ལས། རྒྱ་གར་ཡུལ་དུ་གནས་ཆེན་ཉི་ཤུ། མངའ་རི་སྐོར་གསུམ་དུ་གནས་ཀྱི་གཙོ་བོ་གངས་བྲག་ཉི་ཤུ། དབུས་གཙང་རུ་བཞིར་སྒྲུབ་གནས་དྲུག་ཅུ་རྩ་ལྔ། མདོ་ཁམས་སྒང་དྲུག་ཏུ་གཙོ་བོ་ལྔ་དང་བཅས་པའི་གནས་ཆེན་ཉི་ཤུ་རྩ་ལྔ། ཁྱད་པར་ཅན་གྱི་གནས་བཞི། ཕྲིན་ལས་འགྲོ་འདུལ་སྤྲུལ་པའི་གནས་བརྒྱད་དེ་མཆོག་ཏུ་གྱུར་པའི་གནས་ཆེན་བཞི་བཅུ་རྩ་གཉིས་བཞུགས་པར་གསུངས་སོ། །གཉིས་པ་ནི་དེ་དག་ཀྱང་གཙོ་བོ་དང་ཡན་ལག་གི་དབྱེ་བ་ཡོད་པ་རྒྱུ་ཨ་ཚན་གང་གིས་ཡིན་སྙམ་ན། དེ་ཁོ་ན་ཉིད་སྦྱང་གཞིའི་ངེས་པ་དང་མཐུན་པའི་སྦྱངས་འབྲས་གཞན་མཆོག་དོན་དམ་སྙིང་པོའི་དཀྱིལ་འཁོར་གྱི་ལྷར་གནས་པ་དག །སྦྱང་བྱ་ནང་

― LT38_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་ལུས་དྲི་བཅས་རྩ་རླུང་ཐིག་ལེ་རྟེན་དང་བརྟེན་པའི་ཚུལ་དུ་གྲུབ་པའི་གདངས། ཕྱི་འཇིག་རྟེན་གྱི་ཁམས་སུ་གནས་ཡུལ་མཁའ་འགྲོའི་རྣམ་པར་ཤར་བ་སྟེ། ཟླ་ཉི་སྒྲ་གཅན་གྱི་རླུང་འབབ་པའི་སྐུ་དང་གསུང་དང་ཐུགས་ཀྱི་རང་བཞིན་རྩའི་སྡོང་པོ་བརྒྱད་གསུམ་ཉེར་བཞི་རོ་རྐྱང་དབུ་མའི་རིགས་སུ་གྱེས་པའི་སྤྱི་བོར་མི་ཕྱེད་མ་སོགས་རྩའི་གཙོ་མོ་ཉི་ཤུ་རྩ་བཞི་ནི་ཕྱི་རོལ་ཏུ་ཛཱ་ལནྡྷ་ར་ལ་སོགས་པའི་གནས་ཆེན་ཉི་ཤུ་རྩ་བཞི། དེ་དག་ལ་བརྟེན་པ་སྤྱི་བོའི་དཔྱིད་དང་ཐིག་ལེ་ལ་སོགས་པ་ནི་ཐོད་པའི་དུམ་བུ་དང་རབ་གཏུམ་མ་ལ་སོགས་པའི་དཔའ་བོ་དཔའ་མོ་ཉེར་བཞི། དེ་རེ་རེ་ལ་ཐིམ་པ་དང་ལོངས་སྤྱོད་པ་དང་བདག་པོའི་དབྱེ་བས་ཡན་ལག་གི་རྩ་འདབ་བདུན་ཅུ་རྩ་གཉིས་སུ་འགྱུར་བས་ཕྱི་རོལ་དུའང་གནས་ཆེན་ཉེར་བཞི་ལ་དངོས་དང་ཡན་ལག་དང་སྦས་པའི་ཚུལ་གྱིས་མིང་འདྲ་གསུམ་གསུམ། དེའི་སྟེང་ཡན་ལག་རླུང་ལྔའི་རྟེན་དང་རྩའི་གཙོ་མོ་གསུམ་བསྣན་པས་ཕྱི་རོལ་དུ་ཡུལ་ཆེན་སུམ་ཅུ་སོ་གཉིས་སུ་སྣང་བ་ཡིན་ཅིང་། དེ་བས་ཀྱང་གྱེས་པས་མཐའ་ཡས་པར་འགྱུར་ཏེ། གཞན་དག་ལ་མཁའ་སྤྱོད་ཀྱི་ཞིང་ཁམས་ན་དཔའ་བོ་དང་དཔའ་མོ་ཉེར་བཞི། དེ་རེ་རེ་ལ་འཁོར་གྱི་དཔའ་བོ་ཌཱ་ཀི་སྟོང་ཕྲག་བདུན་ཅུ་རྩ་གཉིས། ནང་རྡོ་རྗེའི་ལུས་ལ་རྩའི་གཙོ་མོ་ཉེར་བཞི་དེ་རེ་རེ་ལས་རྩ་ཕྲན་སྟོང་

― LT38_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲག་བདུན་ཅུ་རྩ་གཉིས། ཕྱི་རོལ་ཏུ་གནས་ཆེན་པོ་ཉི་ཤུ་རྩ་བཞི། དེ་རེ་རེ་ལ་གནས་ཕྲན་སྟོང་ཕྲག་བདུན་ཅུ་རྩ་གཉིས་དེ་ཐམས་ཅད་ཀྱང་དོན་དམ་བདེ་སྟོང་དབྱེར་མེད་གཉུག་མ་ལྷན་སྐྱེས་ཡབ་ཡུམ་གྱི་ངོ་བོར་རོ་མཉམ་དུ་བསྡམས་པས་གནས་ཐམས་ཅད་ཀྱང་ཐབས་ཤེས་དབྱེར་མེད་ཀྱི་མཚོན་བྱེད་ཅན་ཏུ་བཞུགས་པའོ། །གསུམ་པ་གནས་སུ་གྲུབ་པའི་འཐད་པ་བརྗོད་པ་ནི། སྤྱི་ཙམ་གྱི་དབང་དུ་བྱས་ན། དོན་དམ་པར་ཞིང་དང་སྐུའི་རོལ་པས་མ་ཁྱབ་པར་གང་ཡང་མེད་པས་རྣལ་འབྱོར་ཅན་དང་སྣང་བ་དག་པའི་བློ་ངོར་བེམ་པོ་ལས་ཀྱང་སངས་རྒྱས་ཀྱི་ཆོ་འཕྲུལ་མཐའ་ཡས་པ་མཐོང་བ་དང་། གང་ཞིག་སངས་རྒྱས་ཡིད་བྱེད་པ། །དེ་ཡི་མདུན་ན་ཐུབ་ཕ་བཞུགས། །ཞེས་འབྱུང་བ་ལྟར་དད་མོས་ཅན་ལ་སྣང་གྲགས་ཐམས་ཅད་སྐུ་གསུང་ཐུགས་ཀྱི་རོལ་པར་འཆར་བས་དོན་མཛད་པའི་ཕྱིར། འདི་ནི་གནས་ཡིན་ནོ། །འདི་ནི་གནས་མ་ཡིན་ནོ་སྙམ་པ་ནི་རང་བློ་མ་དག་པའི་ལོག་རྟོག་ཡིན་ལ། བྱེ་བྲག་འབྱེད་པ་ནའང་། གདོད་ནས་གྲུབ་པའི་གནས་དེ་དག་ནི་ཉེ་རྒྱུའི་སྤྱོད་པ་སྐྱོང་བའི་གནས་ཀྱི་མཆོག་ཏུ་རྒྱུད་སྡེ་རིན་པོ་ཆེ་རྣམས་ལས་གསུངས་པས་རྩོད་པ་མེད་ལ། གནས་ཕྲན་ལ་སོགས་པ་རྣམས་ཀྱང་ཕྱི་ནང་གི་དག་པ་སྦྱོར་བའི་རིགས་པས་འཐད་པ་དང་། ལུང་གིས་གྲུབ་སྟེ། དང་པོའི་སངས་

― LT38_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ལས་གནས་ལ་སོགས་ཆེ་འབྲིང་ཆུང་ངུའི་དབང་དུ་བྱས་པའི་ཆེན་པོ་ནི་གླིང་བཞི་སོགས་ལས་རླུང་གི་དཀྱིལ་འཁོར་གྱི་མཐར་ཐུག་པའི་བར་དང་། འབྲིང་པོ་ནི་འཛམ་གླིང་ཆུང་ངུའི་ཡུལ་སོ་སོར་ཡོད་པ་རྣམས་སུ་བཤད་པ་དང་། ཆུང་ངུ་ནི་དྲི་མེད་འོད་ལས། འདིར་ཐུན་མོང་གི་བྱིས་པ་རྣམས་ཡུལ་དུ་འཁྱམས་པའི་དོན་དུ་ཛཱ་ལནྡྷ་ར་ལ་སོགས་པ་རྣམས་གནས་ལ་སོགས་པར་གསུངས་སོ། །དེ་ཉིད་ནི་ཐམས་ཅད་དུ་ཁྱབ་བྱེད་དུ་མི་འགྱུར་ཏེ་རྣལ་འབྱོར་མ་རྣམས་ཀྱི་རིགས་སུམ་ཅུ་རྩ་དྲུག་ནི་གྲོང་ཁྱེར་གཅིག་ཏུའང་གནས་སོ། །གང་གིས་ན་འདིར་མཆོག་གི་དང་པོའི་སངས་རྒྱས་ཐམས་ཅད་ལ་ཁྱབ་པར་བྱེད་པ་ཉིད་ཡིན་པའི་ཕྱིར་ན་བོད་ལ་སོགས་པ་དང་རྒྱ་ནག་ལ་སོགས་པའི་ཡུལ་རྣམས་ནའང་གནས་ལ་སོགས་པ་རྣམས་ཡོད་དོ། །ཞེས་འབྱུང་བ་དང་། འདུལ་ལུང་ལས། དགེ་སློང་དག་བྱང་ཕྱོགས་གངས་རིའི་ཁྲོད་ན་ས་རྡོ་བེམ་པོས་ཀྱང་སེམས་ཅན་གྱི་དོན་བྱེད་པ་ཡོད་དོ། །ཞེས་དང་། རད་གླིང་དང་འཇའ་ཚོན་གཏེར་བྱོན་ཚིག་མཐུན་པར། བསམ་ཡས་མཆིམས་ཕུ་ནས་བཟུང་སྟེ་བོད་ཡུལ་མ་ལུས་པར་ཞབས་ཀྱིས་བཅགས་ཤིང་བྱིན་གྱིས་བརླབས། གངས་དཀར་ཏི་སེ་མན་ཆད་ནས། ཁམས་གཙང་ཁ། གན། འཇང་། ཧཱུ། མེ་ཉག །ཧོར། ལི་ཡུལ། གུ་གུ། ཀོང་རྒྱལ། མཆིམས།

― LT38_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ཉང་ཁ། ལོང་བྲག །མོན་སྟག་སྒོ། བུམ་ཐང་། སྤ་གྲོ་ལ་སོགས་པ་ཐམས་ཅད་སྒྲུབ་གནས་སུ་བྱིན་གྱིས་བརླབས་ཤིང་། འགྲོ་བ་རྣམས་སྨིན་གྲོལ་ལ་བཀོད་དོ། །མཆོག་གི་སྒྲུབ་གནས་ལྔ་ལ་སོགས་པའི་གནས་དེ་རྣམས་སུ་མ་འོངས་པའི་དུས་སུ་མཐོང་ཐོས་དྲན་རེག་ཀུན་གྲུབ་པ་ཐོབ་ཅིང་དངོས་གྲུབ་བརྙེས་པའོ། །ཞེས་དང་། རྒྱལ་པོ་བཀའ་ཆེམས་ལས་བོད་ཡུལ་གནས་ཀྱི་བྱེ་བྲག་གསལ་བར་གསུངས་ཤིང་། ཛམ་གླིང་གི་རྒྱན་གཅིག་ཀུན་མཁྱེན་རང་བྱུང་རྡོ་རྗེའི་ཙཱ་རིའི་ལམ་ཡིག་ལས། སྨད་རོང་བཙན་ཁ་བ་དཀར་པོ་ལ་ཐུག་ཅིང་། སྟོད་བལ་པོའི་ཡུལ་གྲུབ་པའི་གནས་ཆེན་པོ་ལ་ཐུག་གི་བར་དང་། ལྷོ་ཕྱོགས་ཀཱ་མ་རཱུ་པའི་མཐར་ཐུག་གི་གནས་ཚུན་ཆད་ལ། གནས་དང་ཉེ་བའི་གནས་ལ་སོགས་པའི་གནས་ཕྲན་སྟོང་ཕྲག་ཡོད་ཅེས་ཙཱ་རི་ཁོ་ནའི་གནས་ཀྱི་གྲངས་སུ་གསུངས་པས། གཞན་ལའང་རིགས་མཚོན་པ་ན། གནས་མཆོག་འདི་ཀུན་ཀྱང་ཤིན་ཏུ་ཚད་མར་གྲུབ་པ་ཡིན་ལ། ཁྱད་པར་སྐྱོབ་པ་འཇིག་རྟེན་གསུམ་གྱི་མགོན་པོས་ཆོས་ཀྱི་འཁོར་ལོ་བསྐོར་བའི་ཚེ་འདི་གའི་གནས་བདག་དགེ་བསྙེན་ཆེན་པོ་ཉིད་སྤྱན་སྔར་སྔོན་ཏུ་ཕྱིན་ནས། ངའི་ས་ཆར་སྒྲུབ་གནས་ཁྱད་པར་ཅན་ཞིག་ཡོད་པས་བླ་མ་རིན་པོ་ཆེ་དེར་ཕེབས་པར་ཞུ་ཞེས་སྤྱན་དྲངས་པས་ཉིད་ཀྱི་སྐུ་ཚབ་ཏུ་དཔལ་

― LT38_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་བྱང་ཆུབ་གླིང་པ་འདིར་ཕྱགས་ཕེབ་སྟེ་བསྟན་པ་སྤེལ་བས་མཚོན། གནས་མཆོག་འདིའང་གདོད་ནས་གྲགས་ཤིང་གྲུབ་པ་ཡིན་ནོ། །བཞི་པ་བྱེ་བྲག་གནས་ཆེན་འདི་ཉིད་དམིགས་སུ་བཤད་པ་ལ་ལྔ། ངོ་བོ། སྒྲ་དོན། ངོ་མཚར་བའི་ལུང་། ཡིད་ཆེས་པའི་རྟགས། དེའི་མཚན་ཉིད་དོ། །དང་པོ་གནས་འདིའི་ངོ་བོ་གང་ཡིན་སྙམ་ན། སྐུ་གསུམ་གྱི་ཞིང་ལས་སྤྲུལ་སྐུའི་ཞིང་གི་ཆ་ཤས། གནས་ཉེར་བཞི་ལས་མིག་གི་རྩའི་བདག་ཉིད་ཉེ་བའི་གནས། དེ་བཱི་ཀོ་ཊིའི་བྱེ་བྲག་བཛྲ་ཀོ་ཊཱི། ཡུལ་སོ་གཉིས་ལས་རྩ་ཨ་བ་དྷཱུ་ཏིའི་རང་བཞིན་ཙཱ་རི་ཏྲའི་ཡན་ལག་ཙཱ་འདྲ་རིན་ཆེན་བྲག །སྲིད་པ་གསུམ་དག་པའི་འཁོར་ལོ་གསུམ་ལས་མཁའ་སྤྱོད་ཐུགས་ཀྱི་འཁོར་ལོར་གཏོགས་པ་གནས་ཆེན་དང་གནས་ཕྲན་གཉིས་ལས། གློ་བུར་དྲི་མ་བྲལ་བའི་འབྲས་ཆོས་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ལྔ་ཕྲག་ལྔ་ཡི་རང་བཞིན་མདོ་ཁམས་ཀྱི་གནས་ཆེན་ཉེར་ལྔའི་ནང་ཚན་ཡོན་ཏན་ཐུགས་ཀྱི་གནས་མཆོག །གནས་དང་ཡུལ་ཆེན་པོ་རྣམས་ཀྱི་བྱེ་བྲག་ཡིན་པས་ངོ་བོ་གདོད་ནས་གྲུབ་ཅིང་། རྒྱལ་བ་ཐམས་ཅད་ཀྱི་སྤྱི་གཟུགས་རྡོ་རྗེ་ཐོད་ཕྲེང་རྩལ་སོགས་ཀྱིས་བྱིན་གྱིས་བརླབས་པའི་གངས་ཅན་གྱི་གནས་ཆེན་ཡིན་པས་རྣམ་པ་རྗེས་སུ་བྱུང་བ། ཐར་པ་ཆེན་པོའི་ཕོ་བྲང་། སངས་

― LT38_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཐམས་ཅད་ཀྱི་གཞལ་མེད་ཁང་ཆེན་པོའི། །གཉིས་པ་མཚན་གྱི་སྒྲ་དན་གང་ཡིན་སྙམ་ན། ནང་དུ་མཆིན་པའི་ཁམས་འབབ་པའི་རྩ་སྒོམ་པ་མོ་ལ་དཀར་ཆ་རེས་འགའ་གནས་པས་ཕྱི་རོལ་དུའང་མཁའ་འགྲོ་མ་རེས་འགའ་གནས་པས་ཉེ་བའི་གནས་སམ། རྩ་ཨ་བ་དྷཱུ་ཏིར་དཀར་དམར་འདྲེས་པ་ལས་བྱུང་བའི་ལྷན་སྐྱེས་ཀྱི་བདེ་བ་འཐུང་ཞིང་སྒྲིབ་པ་མ་ལུས་པ་གཅོད་པས་ཕྱི་རོལ་དུའང་དེ་ལྟ་བུའི་བྱེད་ལས་ཡོད་པ་ལས་འཐུང་གཅོད་ཅེས་བྱ་ཞིང་། དེ་བཱི་ཀོ་ཊཱི་ནི་ལྷ་མོའི་མཁར་ཏེ་བྲག་རི་རྣམས་སུ་སྙིང་འདྲ་བའི་མཁར་དང་སྐྱེ་གནས་ཀྱི་གཟུགས་ཐལ་སྦྱར་འདྲ་བ་མང་བས། མ་དག་པའི་ཚེ་སྲིད་པ་མོ་རྒྱུད་ཀྱི་ལྷ་འདྲེས་ཆོ་འཕྲུལ་སྟོན་ཅིང་ཟག་བཅས་ཀྱི་ཆགས་པ་སྤེལ་བ་དང་། ལམ་དུས་སུ་ཕྱག་རྒྱ་བཞིའི་རྣམ་པར་བསླངས་ནས་བདེ་སྟོང་གི་ཡེ་ཤེས་སྐྱེད་པར་བྱེད་ལ། འབྲས་དུས་སུ་རྣམ་ཀུན་མཆོག་ལྡན་གྱི་སྟོང་པ་ཉིད་ཆོས་ཐམས་ཅད་ཀྱི་བརྟེན་གཞིར་གྱུར་པ་ཉིད་འཐོབ་པར་བྱེད་པ་མཚོན་པའོ། །གནས་ཡིག་གཏེར་བྱོན་རྩ་བ་ལས། བཛྲ་ཙིཏྟ་ཀོ་ཊཱི་ཞེས་གསུངས་པ་ནི་དེ་བཱི་ཀོ་ཊཱིའི་བྱེ་བྲག་རྡོ་རྗེ་ཐུགས་ཀྱི་མཁར་ཏེ་ཐུགས་རྡོ་རྗེའི་རང་བཞིན་བཅོམ་ལྡན་འདས་རྡོ་རྗེ་སེམས་དཔའ་ཞི་བ་དང་ཁྲོ་བོ། དཔལ་འཁོར་ལོ་སྡོམ་ས་སོགས་རྡོ་རྗེའི་རིགས་ཀྱི་ཧེ་རུ་ཀ་ཕྱག་བརྙན་དང་བཅས་པ་ཁྱད་པར་དུ་བརྟེན་པའི་ཕོ་བྲང་དུ་གྱུར་བའོ་

― LT38_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

ཙཱ་འདྲ་རིན་ཆེན་བྲག་ཅེས་པ་ནི། ཙཱ་རི་ཏྲ་ཐམས་ཅད་འདུས་པ་ལ་འཇུག་པས་ནང་དུ་རྩ་དབུ་མ་དང་ཕྱི་རོལ་ཏུ་ལྷོ་གནས་མཆོག་དཔལ་གྱི་ཙཱ་རི་ཏྲའི་ཡན་ལག་ཡིན་པས་དེ་དང་ཆ་འདྲ་བའི་བཀོད་པ་ཡོད་པ་དང་། རིན་པོ་ཆེ་ནི་ཡོན་ཏན་གྱི་རིགས་ཡིན་པས་འདིར་ཡོན་ཏན་གྱི་རིགས་ལས་བྱུང་བའི་གནས་སུ་མཚོན་པའི་ཕྱིར་བྲག་རིའི་ཕྱི་དབྱིབས་ཕལ་ཆེར་རིན་པོ་ཆེ་འབར་བའི་དབྱིབས་སུ་ཡོད་པའོ། །དེ་བཱི་ཀོ་ཊཱི་དང་ཙཱ་འདྲ་གཉིས་ཀ་ཡིན་པ་ནི་མི་འགལ་ཏེ། རྩ་དབུ་མ་རྩ་ཉེར་བཞི་པོའི་ཁྱབ་བྱེད་དུ་འགྱུར་བའི་ཕྱིར་ཙཱ་རི་ཏྲའང་གནས་ཐམས་ཅད་ཀྱི་ཁྱབ་བྱེད་དུ་འགྱུར་བ་དང་། དེ་གཉིས་མིག་དང་སྙིང་གི་དབུས་ཀྱི་རྩ་ཡི་དག་པ་ཡིན་པས་སྙིང་དང་མིག་དག་ཀྱང་འབྲེལ་བ་ཅན་ཏུ་ཡོད་པའི་ཕྱིར། ལྷོ་བྲག་མཁར་ཆུར་བཞུགས་པའི་དེ་བཱི་ཀོ་ཊཱིའང་ཙཱ་རི་ཏྲའི་ཡན་ལག་ཡིན་པ་ཡེ་ཤེས་གཟིགས་པ་དག་གི་སྔར་ནས་བཤད་པ་ལྟར་རོ། །འཇམ་མགོན་བླ་མ་མཁྱེན་བརྩེའི་དབང་པོས་གནས་འདི་ཡེ་ཤེས་ཀྱི་སྤྱན་དབུས་མའི་རང་བཞིན་ཡིན་གསུངས་པའང་ཡེ་ཤེས་ཀྱི་གཟིགས་པ་འཁྲུངས་པ་ལས་ཏེ་སྤྱན་དབུས་མ་དབུ་མའི་ཡར་སྣའི་སྟོང་པའི་ཡེ་ཤེས་ཀྱི་དག་པ་ཡིན་ཅིང་དེ་ཉིད་སྙིང་གའི་དབུས་ནས་ཡེ་ཤེས་འཆར་བའི་སྒོར་གྱུར་པའི་ཕྱིར། དེ་བཱི་ཀོ་ཊཱི་ཙཱ་འདྲ་རིན་ཆེན་བྲག༔ཅེས་པའི་ལུང་དོན་དང་ཤིན་ཏུ་འབྱོར་པ་

― LT38_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ནོ། །གསུམ་པ་ཡིན་པར་ངེས་པའི་ལུང་ཡང་། མངའ་བདག་མར་པ་ལོ་ཙཱས་རྗེ་བཙུན་མི་ལ་རས་པ་གཙང་ལ་ཡར་འབྱོན་གྱི་སྐབས་སུ་ཚོགས་འཁོར་བཟང་པོ་མཛད་ཅིང་ཞལ་གདམས་ཕྱི་ཕྲིན་གྱི་བསླབ་བྱ་རྒྱས་པར་གནང་བའི་སྐབས་སུ། ཤར་ཕྱོགས་ན་གནས་ཆེན་དེ་བཱི་ཀོ་ཊ་དང་ཙཱ་རི་འབྲེལ་ནས་ཡོད་དེ། དེ་ད་ལྟ་ཞལ་འབྱེད་མ་རན། མ་འོངས་པ་ན་ཁྱོད་ཀྱི་བུ་བརྒྱུད་ཀྱིས་འཛིན་པ་ཞིག་འོང་བ་ཡིན། ཅེས་གསུངས་པ་ནི་ཕྱོགས་དང་། མཚན་དང་། གནས་ལུགས། སྒྲུབ་བརྒྱུད་རྣམས་ཀྱི་སྒོ་ནས་གནས་འདི་ཉིད་ལུང་བསྟན་པ་ཤིན་ཏུ་གསལ་བ་ཡིན་ནོ། །བཞི་པ་དེ་ལ་ཡིད་ཆེས་པའི་རྟགས་ཀྱང་འདི་ལྟར་དུ་ཡོད་དེ། སྔོན་གྱི་དུས་སུ་དྲག་པོ་དང་དུས་མཚན་གྱིས་བདག་ཏུ་བཟུང་བ་ཧེ་རུ་ཀས་བཏུལ་ཏེ་མཆོག་གི་གནས་སུ་བྱིན་གྱིས་བརླབས་པའི་ཐབས་ཤེས་ཀྱི་རྟགས་གང་ལ་ཡོད་པ་ནི་ཁྱད་པར་ཅན་གྱི་གནས་ཆེན་ཡིན་པའི་རྟགས་སུ་ཡོངས་ལ་གྲགས་པ་ལྟར། འདིར་ཡང་རང་བྱུང་གི་ལིངྒ་དང་སྐྱེ་གནས་ཀྱི་མཚན་མ་དག་དང་། སྟོད་ན་ཅུ་གང་དང་སྨད་ན་སིནྡྷཱཱུརའི་རྒྱུན་ཁྱད་པར་ཅན་མཆིས་པ་དང་། ཕྱོགས་བཞིར་མི་འགྱུར་བ་ཤིང་གི་གཟེར་དང་། རྒྱུད་ལས། ཡུལ་དེར་གནས་པའི་ལྷ་མོ་ནི། །བྲག་གི་ཁྱིམ་ལ་བརྟེན་ཏེ་གནས། །ཞེས་གསུངས་ལ་བོད་

― LT38_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་ལྷན་ཅིག་སྐྱེས་མ་བརྟེན་པའི་རང་བྱུང་རྡོའི་མཁར་སྙིང་གི་གཟུགས་འདྲ་བ་གསང་བའི་ཕུག་པ་དང་བཅས་པ་ཡོད་པ་ནི་དེ་བཱི་ཀོ་ཊཱིའི་གནས་སུ་གྲུབ་པའི་མཚན་མ་དང་། ཙཱ་རི་ཏྲ་དང་མཁར་ཆུ་རོང་བཙན་རྣམས་སུ་སྐྱེས་པ་དང་མདོག་དབྱིབས་ཤིན་ཏུ་མཚུངས་པའི་ཤིང་བྷ་ཊའི་སྡོང་པོ་གནས་ཀྱི་དབུས་སུ་སྐྱེས་པ་ནི་ཙཱ་རི་ཏྲ་ཡིན་པའི་རྟགས་སུ་གསལ་བ་དང་། སྐུ་གསུང་ཐུགས་ཀྱི་བཀའ་རྟགས་ཕྱག་ཞབས་ཀྱི་རྗེས་ལ་སོགས་པ་དབང་པོའི་སྤྱོད་ཡུལ་དུ་སྣང་བ་ནི་མངོན་སུམ་དུ་གྲུབ་པའི་ཚད་མའོ། །བཞི་པ་གནས་ཀྱི་མཚན་ཉིད་འཆད་པ་ལ་གསུམ། ཐུན་མོང་སོ་སྐྱེ་རྣམས་ཀྱི་མཐུན་སྣང་དུ་ཇི་ལྟར་གྲུབ་པ་དང་། ཐུན་མིན་རྣལ་འབྱོར་པ་རྣམས་ཀྱི་བློ་ངོར་ཇི་ལྟར་ཡོད་པ་དང་། ཤིན་ཏུ་ཐུན་མིན་འཕགས་པ་ཆེན་པོ་རྣམས་ཀྱི་གཟིགས་ངོར་ཇི་ལྟར་ཤར་བའོ། །དང་པོ་ནི། མཆོག་དམན་ཀུན་གྱི་མཐུན་སྣང་དུ་གྲུབ་པར་འཕགས་ཡུལ་དང་རྒྱ་ནག་གི་གཞུང་ལས་ཇི་སྐད་བཤད་པའི་སའི་དཔྱད་ལེགས་རྙེད་པར་དཀའ་བ་ཐམས་ཅད་མ་ཚང་བ་མེད་པ་ས་གཞི་ཐམས་ཅད་འཇམ་ཞིང་ངམ་གྲོག་དང་གཡང་ས་མེད་ཅིང་རྡོ་དང་ཚེར་མ་ཉུང་བ། མི་མ་ཡིན་གདུག་པ་ཅན་དང་གཅན་གཟན་གཏུམ་པོའི་འཚེ་བ་དབེན་ཅིང་ཁྱད་པར་སྦྲུལ་སོགས་མི་སྲུན་པའི་སྲོག་ཆགས་ཉེ་བའི་ཕྱོགས་སུའང་མི་གནས་པ་

― LT38_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོ་དམན་ཁད་མཉམ་པ་ཧ་ཅང་ཚ་བ་དང་གྲང་བའི་གནོད་པ་མེད་པ། དབྱར་དགུན་རྟག་ཏུ་ཁམས་དྭངས་ཤིང་རིག་པ་སྤྲོ་བ། ཤིན་ཏུ་མཛེས་པའི་བྲག་རི་དཀར་དམར་སྔོན་པོའི་ཕྲེང་བ་དང་། བཟང་ཤིང་སྣ་ཚོགས་པའི་ནགས་ཚལ་དང་ནེའུ་གསིང་སྤང་ལྗོང་ཡིད་དུ་འོང་བས་བརྒྱན་པ། རོ་ནུས་ཁྱད་པར་འཕགས་པའི་སྨན་གྱི་རིགས་དུ་མ་འཁྲུངས་པ། ཕུ་མ་ཤོར་ཞིང་མདའ་མ་རལ་བ། དྭངས་ཤིང་བསིལ་བའི་འབབ་ཆུ་སྒྲ་སྙན་པ་དག་གཡས་གཡོན་ནས་རྒྱུ་ཞིང་མདུན་ཏུ་འདུས་པ། རི་རྒྱུད་གངས་དང་འབྲེལ་ཞིང་ཆུ་རྒྱུད་གཙང་པོ་ལ་ཟུག་པ། སྐད་རིགས་མི་གཅིག་པའི་སྐྱེ་བོ་དུ་མ་འདུས་ཤིང་སྡེ་བཞིའི་དཔལ་ཡོན་ཕུན་སུམ་ཚོགས་པ། ཇི་སྐད་དུ། ཁང་ས་ཞིང་ས་ས་ཡི་དགེ། ཁང་ཤིང་འབུད་ཤིང་ཤིང་གི་དགེ། ཁང་རྡོ་འཐག་རྡོ་རྡོ་ཡི་དགེ། འཐུང་ཆུ་ཡུར་ཆུ་ཆུ་ཡི་དགེ། །གམ་འབྲོག་རྒྱང་འབྲོག་རྩ་ཡི་དགེ། ཞེས་བཤད་པའི་ཡུལ་གྱི་དགེ་བཅུ་མཐའ་དག་ཀྱང་ཐད་ཀར་ཐད་ཀར་འབྱོར་པ་སོགས་ཕྱི་ལྟར་བསྔགས་པར་འོས་པའི་ཡོན་ཏན་དུ་མའི་དཔལ་གྱིས་ཀུན་ནས་སྤུངས་པའོ། །གཉིས་པ་ནི། ནང་རྣལ་འབྱོར་ལ་དགའ་བ་རྣམས་ཀྱི་སྤྱོད་ཡུལ་དུ། གཞན་གྱིས་བདག་ཏུ་མ་བཟུང་བའི་ནགས་ཚལ་དང་། བྲག་རིའི་བྱ་སྐྱིབས་བསམ་གཏན་སྒོམ་པའི་གནས་སུ་འོས་པས་ཕྱོགས་ཀུན་ཏུ་གཏམས་

― LT38_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མདོ་འདུལ་ནས་བཤད་པའི་ཡོན་ཏན་ལྡན་པ། གྲོང་ལས་རྒྱང་གྲགས་ལྷག་པར་འཕགས་ལ་དབེན་ཅིང་ཉམས་སུ་དགའ་བས་མངོན་པ་ནས་བཤད་པའི་དོན་དང་མཐུན་པ། ཤར་གཞོལ་ལ་ལྷོ་སྤུངས་པ། ནུབ་བསྐྱོར་ལ་བྱང་འདེན་པ། ཆུ་བོ་དབང་གི་ཕྱོགས་ནས་འབབས་ཤིང་མདུན་ན་མེ་ཏོག་གི་གླིང་ཆགས་པ། དཔའ་བོ་དང་མཁའ་འགྲོ་འདུ་ཞིང་གྲུབ་ཐོབ་གོང་མས་ཞབས་ཀྱིས་བཅགས་པ་སྟེ་གསར་རྙིང་སྔགས་གཞུང་རྣམས་ནས་གསུངས་པའི་སྒྲུབ་གནས་ཀྱི་མཚན་ཉིད་ཐམས་ཅད་ཚང་བ། ཞི་གནས་སྐྱེ་བའི་གནས་ནག་འཚལ་འཐུག་པོ། ལྷག་མཐོང་སྐྱེ་བའི་གནས་ས་ཁད་མཐོ་ཞིང་རིག་པ་དྭངས་པ། རྟོགས་པ་འཆར་བའི་གནས་རིག་འཛིན་གོང་མའི་སྒྲུབ་གནས། རྒྱབ་རི་སྒོམ་ཆེན་དང་སྤང་མཐིལ་སྐྱིལ་ཀྲུང་བཅས་འདྲ། བདེ་སྟོང་གཏུམ་མོ་སྒོམ་པའི་གནས་གཅོང་རོང་རི་སུལ། འོག་འདོན་སྤྱོད་པ་བསྐྱང་བའི་གནས་འཇིགས་པའི་དུར་ཁྲོད་སོགས་མདོར་ན་ཕྱི་ནང་གི་རྟེན་འབྲེལ་མཐའ་དག་བསྒྲིག་པར་ནུས་པ་ནང་ལྟར་ཡོན་ཏན་རིན་པོ་ཆེའི་བྲག་གི་མཛོད་དུ་ལྷུན་གྱིས་གྲུབ་པའོ། །གསུམ་པ་ནི། འཕགས་ཆེན་གྲུབ་ཐོབ་རྣམས་ཀྱི་གཟིགས་ངོར། གནས་མཆོག་འདི་ཡིས་རྡོ་རི་བྲག །ཐ་ན་ཤིང་བུ་རྡེའུ་ཚུན་ཆད་རྟེན་གཞལ་ཡས་ཁང་ལ་བརྟེན་པ་རྩ་བརྒྱུད་བླ་མ། ཡི་དམ་ལྷ་ཚོགས། དཔའ་བོ་མཁའ་འགྲོ། ཆོས་

― LT38_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་སྲུང་མའི་ཚོགས་རྣམས་དངོས་སུ་བཞུགས་པའི་རྟགས་སུ་སྐུ་གསུང་ཐུགས་ཀྱི་རྟེན་རང་བྱོན་མཐའ་ཡས་པས་ཕྱོགས་ཀུན་ཏུ་གཏམས་པ། ཆུ་བོའི་རྒྱུན་རྣམས་ཀྱིས་ཀྱང་སྔགས་ཀྱི་རང་སྒྲ་རྟག་ཏུ་སྒྲོགས་པ། བྲག་རིའི་བྱ་སྐྱིབས་རྣམས་སུ་གྲུབ་པའི་རིག་འཛིན་དུ་མ་བསམ་གཏན་ལ་བཞུགས་པ། དུར་ཁྲོད་རྣམས་སུ་རྫུ་འཕྲུལ་དང་ལྡན་པའི་ཞིང་སྐྱོང་མང་པོ་རོལ་པ། དུས་དང་དུས་སུ་གྲུབ་པ་དང་དཔའ་བོ་རྣལ་འབྱོར་མ་མཐའ་ཡས་པས་ཚོགས་ཀྱི་འདུ་བ་ལ་ལོངས་སྤྱོད་ཅིང་སྐལ་པ་དང་ལྡན་པ་ལ་དངོས་གྲུབ་སྟེར་བ། ཁྱད་པར་སྐྱབས་གཅིག་མ་ཧཱ་གུ་རུ་པདྨཱ་ཀ་ར་དང་། རྡོ་རྗེའི་སྐུ་བརྙེས་བི་མ་ལ་མི་ཏྲ་སྟེ་འཆི་མེད་གྲུབ་པའི་རྒྱལ་པོ་རྣམ་པ་གཉིས་དུས་བཟང་པོ་ལ་ཡེ་ཤེས་རྡོ་རྗེའི་གར་གྱིས་ཕེབ་ཅིང་སྒྲུབ་པོ་རྗེས་སུ་འཛིན། དད་པ་ཅན་གྱི་རྒྱུད་བྱིན་གྱིས་བརླབ། ཚོགས་འཁོར་སོགས་མཆོད་པའི་དམ་རྫས་བཞེས་ཏེ་བསོད་ནམས་ཀྱི་ཚོགས་རྫོགས་པར་མཛད་པས་གསང་བ་ལྟར་ན་བཛྲ་ཀོ་ཊཱི་ཙཱ་རི་ཏྲ་དང་འདྲ་ཞིང་མཚུངས་པ་ཡིན་ནོ། །ལྔ་པ་བྱིན་གྱིས་བརླབས་ཤིང་གནས་སྒོ་ཕྱེས་པའི་ཚུལ་ལ་གཉིས། དང་པོ་ཇི་ལྟར་བྱིན་གྱིས་བརླབས་པའི་ཚུལ་ནི། ཐོག་མར་བཅོམ་ལྡན་འདས་ཧེ་རུ་ཀ་རྡོ་རྗེ་བཙུན་མོའི་ཚོགས་དང་བཅས་པས་རང་བྱུང་གི་དུར་ཁྲོད་ཆེན་པོའི་རྣམ་ཆར་ལྷུན་གྱིས་གྲུབ་པར་མཛད། བར་དུ་བདག་ཅག་གི་སྟོན་པ་ཐུབ་པའི་དབང་པོས་མཚན་མཐའ་ཡས་པའི་འོད་ཟེར་ཆེན་པོས་

― LT38_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་པར་མཛད། སྤྱན་རས་གཟིགས་དང་སྤྲུལ་པའི་ཆོས་རྒྱལ་སྲོང་བཙན་སྒམ་པོའི་ཡེ་ཤེས་ཀྱི་སྐུས་རྟེན་ལ་བརྟེན་པ་གཞུག་པའི་ཚུལ་གྱིས་འཁོར་བ་མ་སྟོང་གི་བར་དུ་འགྲོ་དོན་ལྷུན་གྲུབ་ཏུ་འབྱུང་བར་རབ་ཏུ་གནས། གྲུབ་པའི་སློབ་དཔོན་ཧཱུྃ་ཀ་ར་དང་བི་མ་ལ་མི་ཏྲ། ཁྱད་པར་རིག་འཛིན་གྲུབ་ཐོབ་ཐམས་ཅད་ཀྱི་འཁོར་ལོས་སྒྱུར་བ་ཨོ་རྒྱན་ཆེན་པོ་པདྨ་ཐོད་ཕྲེང་རྩལ་ཡབ་ཡུམ། ལས་ཅན་གྱི་རྗེ་འབངས་བདུན་ལ་སོགས་པས་ཞབས་ཀྱིས་གཅགས་ཤིང་སྒྲུབ་པའི་གནས་སུ་མཛད། མདུངས་པའི་འབྱུང་པོ་ཐམས་ཅད་དམ་ལ་བཞག །ངེས་དོན་ཟབ་མོའི་རྒྱུད་ལུང་གསུངས་ཤིང་གསང་སྔགས་ཆོས་ཀྱི་བགྲོ་བ་མཛད། ཡང་དག་ངེས་པའི་བཀའ་བསྡུ་མཛད་ཅིང་ས་རྡོ་རི་བྲག་བྱིན་གྱིས་བརླབས། ཟབ་གཏེར་ཆེ་ཕྲ་དུ་མ་སྦས་ཤིང་མཁའ་འགྲོ་ཆོས་སྐྱོང་གཉེར་དུ་བཞག །མ་འོངས་ཕྱི་མའི་དུས་སུ་འགྲོ་དོན་མཐའ་ཡས་པ་འབྱུང་བའི་དགོངས་པས་མཚམས་སྦྱར། འོན་ཀྱང་དུས་ལ་མ་བབས་པས་སྦས་པའི་ཚུལ་གྱིས་ཕྱོགས་འདིར་ཤིན་ཏུ་གཉན་ཆབ་ཚུབས་འགྱུར་ཆེ་བས་སྐྱེ་བོའི་རྒྱུ་འགྲུལ་ཙམ་ཡང་མི་ནུས་ཤིང་འདྲེ་ལུང་དུ་གྲགས་པ་ཞིག་ཡོད་པ་ལ། ཕྱིས་དུས་སྙིགས་མའི་སྐབས་སུ་དཔལ་མགོན་འཕགས་པ་ཀླུ་སྒྲུབ་ཀྱི་རྣམ་པར་རོལ་བ་སྐྱོབ་བ་འཇིག་རྟེན་གསུམ་གྱི་མགོན་པོའི་ཐུགས་སྲས་དཔལ་ལྡན་བྱང་ཆུབ་གླིང་པ་ཉིད་ཕྱགས་ཕེབས་ཏེ། རེས་མཚོར་གནས་པའི་ནག་ཕྱོགས་ཀྱི་ཀླུ་མ་རུངས་

― LT38_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་ཕྱག་མཁར་གྱིས་བསྣུན་ནས་བསྒྲལ་ཏེ་མཚོ་ཕལ་ཆེར་བསྐམ་ཡར་མཛད། རིའི་རྩེ་མོར་བཙན་རྨ་གཅོད་ག་པའི་བྲག་རི་ཡོད་པ་རྫུ་འཕྲུལ་གྱི་ཞགས་པས་རྐེ་ནས་བཟུང་སྟེ་མཐུར་དུ་ཁྲིད་པ་ན། བླ་གཡུ་ཕུལ་ཏེ་སྐྱབས་སུ་ཞུས་པས་དགེ་བསྙེན་གྱི་གཏན་ཁྲིམས་ཕོག་ཅིང་དམ་ལ་བཞག །མིང་རྡོ་རྗེ་རྫོད་དམར་དུ་བཏགས། ས་ཕྱོགས་ཐམས་ཅད་བྱིན་གྱིས་བརླབས་ཤིང་རྫུ་འཕྲུལ་གྱི་ཞབས་རྗེས་སྟོད་སྨད་པར་གསུམ་བཞག་པ་ད་ལྟའང་མཇལ་རྒྱུ་ཡོད་པ་འདི་ཡིན། གདན་སའི་མཐིལ་དཔལ་སྤུངས་སྒང་དུ་མཛད་ཅིང་། དེ་ལས་གྱིས་ས་པའི་བྲག་ནག་དགོན་བཅས་ཀློག་པ་གཙོ་ཆེ་བའི་གྲྭ་སྡེ་དང་། དབུ་ཆེའི་རི་མགུལ་དུ་སྤོང་བ་པའི་སྡེ་བཙུགས་ཤིང་དེ་རྣམས་སུ་དགེ་འདུན་ཁྲི་ཚོ་དུ་མ་འདུས། གདན་ས་དེ་དག་དང་ཉེ་བར་ཆོས་ཀྱི་ཁྲི་བརྩིགས་ནས་རྒྱུ་འབྲས་ཀྱི་ཆོས་དུ་མ་གསུངས། སྐྱེ་བོ་མང་པོ་སྨིན་གྲོལ་ལ་བཀོད་པས་དེང་སང་ཡང་ཆོས་ཁྲི་ཐང་དུ་གྲགས་པ་དེ་བྱུང་། གཞན་ཡང་ཐེག་པ་ཆེན་པོའི་ཆོས་ཀྱི་འཁོར་ལོ་རྒྱ་ཆེར་བསྐོར་ནས་སྒྲུབ་བརྒྱུད་ཀྱི་བསྟན་པ་རིན་པོ་ཆེ་ནམ་ལངས་པ་ལ་ཉི་མ་ཤར་བ་ལྟ་བུའི་ཕྱག་རིས་མཛད་པ་ཡིན་ཏེ། རྗེ་དེ་ཉིད་ཀྱི་ཞལ་ནས། སྤྱིར་མདོ་ཁམས་སྒང་། རི་མཐོལ་ས་གཙང་བ། དེ་བཞིན་གཤེགས་པའི་བསྟན་པ་དར་ཞིང་རྒྱས་པ། ས་གཞི་ཕུན་སུམ་ཚོགས་པ། བསོད་ནམས་བསགས་པ་ཅན་རྣམས་ཀྱི་འབྱུང་ཁུངས། ཁྱད་པར་

― LT38_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲི་ཀླུང་དམ་པ་ཆོས་ཕྱུག་གི་ཤར་ཕྱོགས། ཏྲེ་ག་བྲག་དཀོན་མཆོག་འབྱུང་གནས་ཀྱི་ནུབ་ཕྱོགས། ལྡན་གླང་ཐང་ཆོས་ཀྱི་སྒྲོན་མའི་ཤར་ཕྱོགས། བྱང་ཕུ་ཚུར་རྒྭ་ལོའི་གནས་ཀྱི་ལྷོ་ཕྱོགས། འོར་རྡུའི་བྱམས་སྐྱོང་གི་བཀའ་བསྒོའི་བྱང་ཕྱོགས། བླ་མ་རིན་པོ་ཆེས་རྗེས་སུ་གནང་བའི་དགོན་པ། རྗེ་བཙུན་མ་པརྞ་ཤ་བ་རིས་བྱིན་གྱིས་བརླབས་པའི་མིང་ཡིག་དང་པོ་མཐུན་སྣང་དུ་ཤར་བ་པ་པང་དགོན། དོན་གྱི་ཉོན་མོངས་པ་ཐམས་ཅད་འཇོམས་པའི་ཚོགས་སུ་གྱུར་པའི་ཕྱིར་དཔའ་དཔུང་སྒང་། མོས་གུས་རིན་པོ་ཆེ་མེ་ཏོག་གི་ཆར་འབེབས་པའི་ཡུལ། སྤོས་དྲི་ཞིམ་པ་སྣ་ཚོགས་ཀྱི་ངད་ལྡངས་བ། རོལ་མོ་སྣ་ཚོགས་པའི་སྒྲ་འབྱུང་བ། བཅོམ་ལྡན་འདས་དཔལ་ཧེ་རུ་ཀ་མཚན་དང་དཔེ་བྱད་ཀྱིས་བརྒྱན་པའི་བླ་མ་དམ་པ། དཔལ་ཆེན་པོ་དཔའ་བོ་དང་མཁའ་འགྲོའི་ཚོགས་ཀྱིས་ཡོངས་སུ་བསྐོར་བས་བྱིན་གྱིས་བརླབས་པ། སྔོན་གྱི་ཆོས་རྒྱལ་རིགས་གསུམ་མགོན་པོའི་ཐུགས་ཀྱིས་དགོངས་པ། སློབ་དཔོན་ཆེན་པོ་པདྨ་འབྱུང་གནས་ཀྱི་དགེ་བསྙེན། རང་རྟགས་སྲོག་གི་སྙིང་པོ་ཕུལ་བ། སློབ་དཔོན་ཆེན་པོ་པདྨས་དབང་བསྐུར། ལག་ཏུ་རྡོ་རྗེ་བྱིན། གསང་བའི་མཚན་བཏགས། བསྟན་པ་སྲུང་བའི་གཉེར་གཏད་པའི་དགེ་བསྙེན་ཆེན་པོ་ང་འདྲ་དང་། སྤོ་པོ་རྡོ་རྗེ་ཕུར་བུ་དང་། གཉན་ལྡང་རྡོ་རྗེ་བློ་གྲོས་དང་། འཁྲོ་ཟིལ་ཁྲོ་མ་རྡོ་རྗེ་གཞོན་ནུ་ལ་སོགས་

― LT38_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གངས་རིའི་ཕྲེང་བས་བསྐོར་བ། འབྲི་གུང་བྱང་ཆུབ་གླིང་ལས་བྱུང་བས་བདག་གི་མིང་ཡང་དཔལ་བྱང་ཆུབ་གླིང་པར་བརྗོད་པ་དེའི་ཕྱིར་བདག་གི་དགོན་པའི་མིང་ཡང་དཔལ་བྱང་ཆུབ་གླིང་། དངོས་གྲུབ་བརྟན་པར་གཟིགས་པ། རྡོ་རྗེ་སེམས་དཔའི་གནས་ཆལ། བཀྲ་ཤིས་པའི་མཛོད། ཅེས་བྱ་བ་ཡིན་ནོ་ཞེས་གནས་ཀྱི་མཚན་ཉིད་གསལ་བར་གསུངས་པ་སྟེ། ཧེ་རུ་ཀ་དང་སྤྲུལ་པའི་ཆོས་རྒྱལ་སོགས་ཀྱིས་བྱིན་གྱིས་བརླབས་པའི་ཚུལ་དངོས་སུ་བསྟན་པའི་ཤུགས་ལས་གདོད་ནས་གྲུབ་པའི་གནས་ཆེན་པོར་མཚོན་ནུས་པ་དང་། པརྞ་ཤ་བ་རིས་བྱིན་གྱིས་བརླབས་པའི་རྟགས་ཀྱང་། མཚན་ཡིག་གི་ཐོག་མ་དབུ་ཅན་གྱི་པ་ཡི་གཟུགས་མདུན་རིའི་སྤོང་ལེབས་ངོས་སུ་གསལ་བར་ཡོད་དོ། །དེ་ནས་དུས་རིང་ཞིག་འདས་པ་ན་དཔལ་ལྡན་ས་སྐྱ་བའི་བསྟན་འཛིན་ཆེན་པོ་མངའ་རིས་རབ་འབྱམས་པ་ཚུལ་ཁྲིམས་འོད་ཟེར་གྱིས་གདན་ས་བཟུང་། གསང་སྔགས་ལམ་འབྲས་བུ་དང་བཅས་པའི་ཆོས་ཀྱི་འཁོར་ལོ་ཟབ་རྒྱས་སུ་བསྐོར། འཆད་རྩོད་རྩོམ་གསུམ་གྱིས་སངས་རྒྱས་ཀྱི་བསྟན་པ་རྒྱ་ཆེར་རྒྱས་པར་མཛད་དེ་དུས་ཕྱིས་མཁན་པོ་དཔལ་ལྡན་ལྷུན་གྲུབ་ཀྱི་བར་དུ་དར་རྒྱས་སུ་བཞུགས། དེ་ནས་རྐྱེན་འགའ་ཞིག་གིས་གདན་ས་རྣམས་སྟོངས་སུ་གྱུར་པ་ན། ཨོ་རྒྱན་ཆེན་པོའི་གཏེར་ལུང་འཁྲུལ་མེད་དུ་མ་ནས་ཟིན་ཅིང་། རྒྱལ་ཚབ་བྱམས་པ་མགོན་པོའི་རྣམ་པར་

― LT38_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་པ། མངའ་བདག་མར་པ་ལོ་ཙཱ་བ་ཆེན་པོ་བསམས་བཞིན་མིའི་སྲིད་པ་བཟུང་བ། རྩོད་དུས་ཀྱི་ཐམས་ཅད་མཁྱེན་པ་ཆེན་པོ་ཏཱའི་སི་ཏུ་ཆོས་ཀྱི་འབྱུང་གནས་ཀྱིས་ཞབས་ཀྱིས་གཅགས་ཤིང་། ཡོན་ཏན་རིན་པོ་ཆེ་མ་ཚང་བ་མེད་པའི་དཔལ་གྱིས་ཀུན་ནས་སྤུངས་པའི་གདན་ས་ཆེན་པོ་ཉིད་བཏབ། འཆད་ཉན་སྒོམ་སྒྲུབ་ཀྱི་མཛད་པ་རྒྱ་ཆེན་པོས་སྒྲུབ་རྒྱུད་བསྟན་པའི་མེ་རོ་གཞི་བཞེངས་སུ་བསླངས། གནས་འདིའི་སྟོད་སྨད་ཀྱི་བྲག་ཕུག་དབེན་གནས་རྣམས་སུའང་ཐུགས་དམ་ཅི་རིགས་པར་མཛད་ཅིང་། རྩ་གསུམ་རབ་འབྱམས་སྤྱི་དང་ཁྱད་པར་མ་མགོན་ལྕམ་དྲལ། དཔལ་ལྡན་ཞིང་སྐྱོང་དབང་པོ་སོགས་ཀྱིས་ཞལ་བསྟན་ཅིང་ཞིང་སྐྱོང་གནས་པའི་བྲག་རི་དག་ཀྱང་ངོས་འཛིན་གནང་བ་ད་ལྟ་ཡོངས་ལ་གྲགས་པ་ལྟར་དང་། ཁྱད་པར་རྒྱུད་བླ་མ་གསུངས་པའི་སྐབས་ཤིག་འཕགས་པ་ཐོགས་མེད་ལྷའི་རྒྱལ་པོའི་ཆ་བྱད་ཅན། སྐུ་ཚད་ཤིན་ཏུ་ཆེ་བ་ཞིག་ད་ལྟ་ཙཱ་འདྲ་རིན་ཆེན་བྲག་གི་གནས་མཐིལ་དུ་ངོས་འཛིན་མཛད་པའི་ཕྱོགས་འདི་ནས་གཟིགས་པ་སོགས་རྒྱུ་མཚན་མང་པོས་གསུང་སྒྲོས་སུ། ཧེ་རུ་ཀ་གནས་དཔལ་སྤུངས་སུ། །ཨོ་རྒྱན་མཁན་པོའི་འབངས་དེས་བྲིས། །ཞེས་འབྱུང་བའང་མི་བསླུ་བའི་ཚད་མ་ཆེན་པོ་ཡིན་ནོ། །རྗེ་དེ་ཉིད་ཀྱི་ཞལ་སློབ་གྲུབ་པའི་ཁྱུ་མཆོག་བམ་སྟེང་སྤྲུལ་པའི་སྐུ་ཚོགས་གཉིས་ལེགས་གྲུབ་ཀྱིས་ཀྱང་གནས་འདི་དག་གི་ཕན་

― LT38_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུན་ཏུ་སྤྲོས་མེད་ཀྱི་རྣལ་འབྱོར་ལ་གཞོལ་བ་ན། རང་ཉིད་ཀྱི་སྐྱེ་བ་སྔ་མ་གྲུབ་ཐོབ་ཁྱི་ཐུལ་ཅན་དུ་གྱུར་པས་གནས་འདི་དང་ཉེ་བར་སྒྲུབ་པ་ཡུན་རིང་མཛད་པའི་ཚུལ་གསལ་བར་དྲན་ཏེ་སྒྲུབ་ཕུག་དང་གྲུབ་པའི་རྟགས་སོགས་ཀྱང་གསལ་བར་མཛད་པར་གྲགས་སོ། །དེ་བཞིན་དུ་རིག་འཛིན་རོལ་པའི་རྡོ་རྗེའི་སྒྱུ་འཕྲུལ་ཀརྨ་བདུད་འདུལ་རྒྱལ་པོ་དང་། མངའ་བདག་ཚངས་པ་ལྷའི་མེ་ཏོག་གི་རྣམ་རོལ་རིག་འཛིན་རྡོ་རྗེ་དྲག་པོ་དག་གིས་ཀྱང་དབུ་ཆེ་བྲག་དཀར་འདི་ཉིད་ཐུགས་རྗེ་ཆེན་པོ་རྒྱལ་བ་རྒྱ་མཚོའི་གནས་ཡིན་པར་ཞལ་གྱིས་བཞེས་པར་གྲགས་པ་དང་། དུས་ཕྱིས་གཉགས་ཛྙཱ་ནའི་ཡེ་ཤེས་ཀྱི་རོལ་པ་མཁན་ཆེན་བྱང་ཆུབ་སེམས་དཔའ་ཆེན་པོ་ཀརྨ་བསྟན་པ་རབ་རྒྱས་ཀྱི་གཟིགས་སྣང་ལའང་ཚུལ་དེ་དང་མཐུན་པར་བྱུང་ཞིང་། རྗེ་ཉིད་གནས་འདིའི་དབུ་རྩེར་ཕེབ་ནས་ཡུལ་ཕྱོགས་ཀྱི་ས་བཅུད་ཉམས་པ་གསོ་བའི་གཏེར་ཆེན་ཆེད་དུ་སྦ་པར་མཛད་པའི་སྐབས། ཉི་མ་རྩེ་ཤར་ལ་ངོ་མཚར་བའི་འཇའ་ཚོན་ནམ་མཁའི་དཀྱིལ་ནས་གཏར་གནས་དེ་ཉིད་དུ་ཟུག་པ་ཀུན་གྱིས་མཐོང་བ་ཡིན་ནོ། །སྙིགས་དུས་ཀྱི་རྡོ་རྗེ་འཆང་འགྲོ་བའི་མགོན་པོ་པདྨའི་རྒྱལ་ཚབ་པདྨ་ཉིན་བྱེད་དབང་པོས་སྒྲུབ་པའི་ས་སྡེ་བཙུགས། འཁོར་འདས་མཉམ་ཉིད་ཀྱི་དགོངས་པས་སྣོད་བཅུད་དཀྱིལ་འཁོར་གསུམ་དུ་བྱིན་གྱིས་བརླབས་པའི་མཚན་མར་གཡས་

― LT38_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀྱི་རི་མགུལ་དུ་ཞབས་ཀྱི་རྗེས་སྦས་པའི་ཚུལ་གྱིས་བཞུགས་ཤིང་། གངས་ཅན་མགོན་པོ་རྒྱལ་དབང་ཀརྨ་པ་ཞྭ་དམར་ནག །དཔལ་ལྡན་དཔའ་བོའི་དབང་ཕྱུག་སོགས་ཡོངས་གྲགས་འཕགས་ཆེན་དུ་མས་ཞབས་ཀྱིས་གཅགས་ཤིང་གསང་སྔགས་ཀྱི་སྒྲུབ་ཆེན་མཛད། ལྷ་སྲིན་དམ་ལ་བཞག །ཆོས་ཀྱི་འཁོར་ལོ་བསྐོར་ཏེ་ནན་ཏར་བྱིན་གྱིས་བརླབས་པས་ཀྱང་ནོར་བུའི་རྒྱལ་པོ་བྱི་དོར་བྱས་པ་ལྟར་གནས་མཆོག་འདི་ལྷག་པར་འབྲེལ་ཚད་དོན་ལྡན་ཏུ་གྱུར་པ་སྟེ། བན་སྒར་ཀུན་མཁྱེན་གྱིས། ཕུན་ཚོགས་བཀྲ་ཤིས་རྟགས་ཀྱི་མཚན་མ་ཅན། །ཞབས་སེན་རྩེ་མོས་རེག་པའི་རྡུལ་ཕྲན་ཡང་། །འགྲོ་བའི་མཆོད་རྟེན་མཆོག་ཏུ་གྱུར་པ་ཡི། །མཚུངས་མེད་ཆོས་རྗེའི་ཞབས་ལ་གསོལ་བ་འདེབས། །ཞེས་རྗེ་བདུན་པ་ལ་བསྔགས་པ་བརྗོད་པས་མཚོན་ནོ། །གཉིས་པ་གནས་སྒོ་དངོས་ཇི་ལྟར་ཕྱེས་པའི་ཚུལ་ནི། གཏེར་ཆེན་རཏྣ་གླིང་པའི་བསྟན་པ་སྤྱི་ལུང་རྒྱལ་ཚབ་ཀྱི་ཆོས་བདག་རྣམས་གསལ་བར་བསྟན་པའི་སྐབས་སུ། ནོར་བུའི་མིང་ཅན་ཁམས་ཀྱི་ལྷོ་ཕྱོགས་འབྱུང་༔ ཞེས་དང་དྲི་མེད་ཀུན་དགའ་སོགས་གཏེར་རྙིང་འགའ་ཞིག་ནས་ཀྱང་ལུང་གིས་ཟིན་པའི་རྩོད་བྲལ་དུས་བབས་ཀྱི་སྤྲུལ་པའི་གཏེར་ཆེན་ཨོ་རྒྱན་མཆོག་གྱུར་བདེ་ཆེན་གླིང་པ་ཉིད་སྐུ་ན་གཞོན་པའི་སྐབས་སུ་འདིར་ཡུན་རིང་བཞུགས་པ་ན་ཧེ་རུ་ཀའི་གནས་མཆོག་ཡིན་པའི་ངེས་

― LT38_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསལ་བར་གཟིགས་པ་དང་། ཁྲི་སྲོང་ཡང་སྲིད་ཀུན་མཁྱེན་འཇམ་དབྱངས་མཁྱེན་བརྩེའི་དབང་པོས་གདན་ས་ཆེན་པོར་བླ་མ་དགོངས་འདུས་ཀྱི་དབར་སྒྲུབ་ཆེན་པོའི་སྐབས་སུ་གནས་འདི་དེ་བཱི་ཀོ་ཊཱི་གསུམ་པ་ཡིན་ཅེས་ཡེ་ཤེས་ཌཱ་ཀིའི་གསུང་ལས་གསན་པ་དང་། ཁོ་བོས་ཀྱང་ཉིང་འཁྲུལ་སྔ་རྗེས་སུ་གནས་ཆེན་ཞིག་ཡིན་ནམ་སྙམ་དུ་རྣམ་པར་རྟོག་པའི་རྒྱུ་ལས། མེ་འབྲུག་གི་ལོ་མཇུག་ཏུ་གཏེར་ཆེན་རིན་པོ་ཆེ་འདིར་ཕེབ་པའི་སྐབས། ལང་གྲོ་ལོ་ཙཱ་བ་ཆེན་པོའི་རྣམ་འཕྲུལ་དུ་གདོད་ནས་གྲུབ་པ་དབོན་སྤྲུལ་རིན་པོ་ཆེ་དང་ཁོ་བོས་ཀྱང་བཀྲ་ཤིས་པའི་མཎྜལ་དང་བཅས་བསྟན་འགྲོའི་དོན་དུ་ཆེད་བསྐུལ་ཞུས་པའི་རྟེན་འབྱུང་ལས། དཔའ་བོ་དབང་ཆེན་བྲག་ནས་གནས་ཆེན་ཉེར་ལྔའི་མདོ་བྱང་བཞེས། མེ་སྦྲུལ་གནམ་ལོ་གསར་དུ་ཚེས་པའི་ཆོ་འཕྲུལ་ཟླ་བའི་དཀར་ཕྱོགས་ཀྱི་རྒྱལ་བ་དང་པོར་གནས་ཀྱི་མཐིལ་དུ་ཚོགས་འཁོར་དང་། གནས་རྩེར་བསངས་བརྔན་གསེར་སྐྱེམས་ཀྱིས་ཐོག་དྲངས་ལྷ་སྲིན་དམ་ལ་འདོགས་པའི་ཆོ་ག་རྒྱས་པར་མཛད་པའི་མཐར། གནས་ཀྱི་སྙིང་པོའི་བཞུགས་ཚུལ་ངོ་སྤྲོད་ལ་ཕེབ་པ་ན་གནས་བདག་སྔགས་ཀྱི་སྲུང་མ་མངོན་སུམ་དུ་གཟིགས་ཏེ་གཞན་ངོར་རེ་ཞིག་ཐུགས་དྲན་མེད་པ་ལྟ་བུར་གྱུར་པ་དང་། ཕྱིར་ཉིན་ཀྱང་ཚོགས་གཏོར་མཛད་པས་གནམ་ས་སྤྲེལ་བའི་རླུང་ནག་སོགས་གཉན་

― LT38_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་ཤིན་ཏུ་ཆེ་བའི་རྩུབས་འགྱུར་བྱུང་ཞིང་གཟིགས་སྣང་རྒྱས་པ་གཏན་ལ་མ་ཕབ་པར་རེ་ཞིག་འཇོག་པར་མཛད་པ་ནི། གྲུབ་ཐོབ་གཉོས་འགར་ཆོས་གསུམ་གྱིས་ཙཱ་རིའི་གནས་སྒོ་འབྱེད་དུ་བྱོན་པའི་ལོ་རྒྱུས་དང་མཚུངས་པར་གནས་ཤིན་ཏུ་གཉན་པས་བྱ་སླའི་ཚུལ་གྱིས་མི་འབྱུང་བར་སྟོན་པ་ཡིན་ནོ། །དེ་ནས་དོན་གྲུབ་ས་མོ་ལུག་གི་གནམ་ལོ་ཤར་བའི་ཚེ་སླར་ཡང་གཏེར་ཆེན་ཉིད་འདིར་ཕེབ་ཅིང་། རྒྱལ་བ་ཡབ་སྲས་ཞལ་རྒྱས་པའི་སྐབས་སུ་རྩ་གསུམ་མཁའ་འགྲོའི་ལུང་ལས། ཐུགས་ཀྱི་གནས་མཆོག་ཙཱ་འདྲ་འདི༔ སྙིང་རྩ་འདབ་བརྒྱད་ཚུལ་དུ་ཡོད༔ ཤར་སྒོར་དཔལ་ཆེན་ཧེ་རུ་ཀའི༔ ལྷ་ཁང་བཞེངས་ཤིང་གནས་སྲུང་ལ༔ རྟེན་བཅའ་རྟེན་གཟུག་བྱས་ནས་སུ༔ གནས་སྒོ་འབྱེད་པ་ཤིན་ཏུ་གཅེས༔ ཞེས་སོགས་གནས་ཞལ་གསལ་བར་འབྱེད་པའི་དུས་ལ་བབ་པ་དང་། འབྱེད་པའི་ཐབས་ཀྱི་སྤར་བླང་ལུང་བསྟན་བྱུང་བ་བཞིན། སྒྲུབ་བརྒྱུད་བསྟན་པའི་སྲོག་ཤིང་དབོན་སྤྲུལ་རིན་པོ་ཆེས་དགོངས་ཁྱབ་ཆེན་པོས་འགོ་ལུང་གནང་སྟེ་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་དཔལ་ཆེན་ཧེ་རུ་ཀའི་ལྷ་ཁང་བཞེངས་པ་ལ་ཞུགས། དཔལ་ཡེ་ཤེས་ཀྱི་མགོན་པོ་རྡོ་རྗེ་ཕྱག་དྲུག་པ་དང་། སྔགས་སྲུང་ཨེ་ཀ་ཛཱ་ཊཱིའི་ཕྱི་ནང་གསང་བའི་རྟེན་ཁྱད་པར་ཅན་བཙུགས། སྔགས་བདག་མཁར་ནག་སོགས་ཀླུ་

― LT38_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྤྱི་དང་བྱེ་བྲག་པའི་རྟེན་བཅའ་བ་སོགས་འཕྲལ་དུ་བསྒྲུབས་ནས། རྙིང་མ་ཡོངས་གྲགས་ལུགས་ཀྱི་ཧོར་ཟླ་ལྔ་པ་སྤྲེལ་ཟླ་བའི་ཚེས་བརྒྱད་ལ་གནས་བདག་ཆེན་པོ་རྡོ་རྗེ་དཔལ་འབར་གྱི་མགུལ་དུ་ཕེབ་ནས་རྩ་གསུམ་རྒྱ་མཚོར་ཚོགས་མཆོད། གཞི་བདག་བརྟེན་ལ་བཀོལ་བ། བསངས་བརྔན་གསེར་སྐྱེམས་ཀྱི་ཆོ་ག་རྒྱས་པར་མཛད་ཅིང་དཔོན་སློབ་ཉུང་ངུས་ཧེ་རུ་ཀའི་ལམ་ནས་ཕེབ་སྟེ་ཕྱི་ནང་གི་བསྐོར་ལམ་ཕྱོགས་མཚོན་པར་མཛད་ཅིང་། སླར་དཔལ་གྱི་ཙཱ་རི་ཏྲའི་འབྱེད་ཚུལ་དང་མཚུངས་པར་རྟེན་འབྲེལ་གྱི་བྱེ་བྲག་འགའ་ཞིག་བཅས་ལམ་ཤུལ་ལེགས་པར་གཏོད་དགོས་པར་བཀས་གནང་། ཕེབ་ལམ་དུ་བཞུགས་པའི་རང་བྱོན་ཕལ་ཆེར་ངོ་སྤྲོད་མཛད། ཁྱད་པར་འབུར་མོ་བྲག་ནས་བྱུང་བའི་ཁ་བྱང་གི་དོན་བཞིན། སྤྲེལ་ཟླའི་ཚེས་བཅུར་དཔལ་ཆེན་པོ་རང་བྱུང་གི་གཡས་ཕྱོགས་གུ་རུའི་གསང་ཕུག་གི་སྦུག་ནས་དུར་ཁྲོད་ཆེན་པོ་བརྒྱད་དང་ཡུལ་ཆེན་དྲུག་ཅུ་རྩ་བཞིའི་ས་སྣ་ལས་གྲུབ་པའི་བར་བུའི་ནང་དུ་དེ་བཞིན་གཤེགས་པ་ཐམས་ཅད་ཀྱི་རིང་བསྲེལ་འདུས་པའི་དམ་རྫས་རིན་པོ་ཆེའི་ཏོག་བདུན་ཕྲག་གཉིས། ཟབ་མོའི་གདམས་སྐོར་ཚན་བཞི། གནས་ཀྱི་དཀར་ཆག་བཅས་བཞུགས་པ་སྤྱན་དྲངས་ཤིང་རི་ཁྲོད་འདི་རང་དུ་མངའ་དབུལ་ཞིང་གཏེར་ཞལ་ཕྱེས་ཏེ་ཤོག་སེར་འབེབས་པར་མཛད་པ་

― LT38_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་སྐབས་སུའང་། ནམ་མཁར་འཇའ་སྤྲིན་ཤར་བ་དང་། གཏེར་གནས་སུ་བྱ་རོག་ཟུང་གིས་འཁྲེན་ཅིང་བདག་ཏུ་འཛིན་པའི་རྣམ་འགྱུར་བྱེད་པ་སོགས་དེར་ཡོད་རྣམས་ཀྱིས་མཐོང་བར་བྱུང་ངོ། །དྲུག་པ་གནས་ཀྱི་བཞུགས་བྱང་དཀར་ཆག་དངོས་ལ་གཉིས། ལུང་གི་ཁུང་སྨོས་པ། དེ་ཉིད་བཞུགས་ཚུལ་དངོས་དང་སྦྱོར་བའོ། །དང་པོ་ནི། གནས་ཆེན་ཉེར་ལྔའི་མདོ་བྱང་ལས། ཡོན་ཏན་ཐུགས་ཀྱི་གནས་མཆོག་བསྟན་པ་ནི༔ བོད་ཀྱི་མདོ་ཁམས་འབྲི་ཞེས་བྱ་བ་རུ༔ དཔལ་གྱི་རི་ནི་གླང་ཆེན་འགྱིང་བ་འདྲ༔ དེ་བཱི་ཀོ་ཊཱི་ཙཱ་འདྲ་རིན་ཆེན་བྲག༔ ཧེ་རུ་ཀ་དཔལ་དགུ་ཡི་ཚུལ་དུ་གནས༔ པདྨའི་སྒྲུབ་ཕུག་མེ་ཏོག་ཁ་བྱེ་འདྲ༔ བྲག་གི་ལོགས་སུ་ཞི་ཁྲོ་རང་བྱོན་དང་༔ ཐུགས་ཀྱི་རིག་འཛིན་ནམ་མཁའི་སྙིང་པོ་ཡི༔ སྒྲུབ་པའི་གནས་མཆོག་ཟླ་གམ་དབྱིབས་ཅན་ཡོད༔ མཆོག་སྒྲུབ་འདོད་པས་འདི་རུ་རྩེ་གཅིག་སྒྲུབས༔ ཁྱད་པར་བདག་གི་གཙུག་རྒྱན་བི་མ་ལས༔ བྱིན་གྱིས་བརླབས་པའི་གནས་མཆོག་གུད་དུ་སྦས༔ སྔགས་སྲུང་གནས་པའི་ཤིང་ནི་བྷ་ཊ་ཡི༔ ཉེ་བའི་ཕུག་པར་ཨོ་རྒྱན་བདག་ཉིད་གནས༔ དེ་ཚེ་ཐུགས་ཀྱི་རིག་འཛིན་ཧཱུྃ་ཀ་ར༔ བྱོན་ཏེ་ཞག་གསུམ་བཀའ་ཡི་བསྡུ་བ་མཛད༔ སློབ་དཔོན་གཉིས་ཀྱི་སྐུ་བརྙན་རང་བྱོན་དང་༔ ཡེ་ཤེས་སྐུ་ཡི་ཞབས་ཀྱི་མཚན་མ་གསལ༔ ཁྱད་པར་

― LT38_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱི་ངོ་མཚར་དེ་འདྲ་བདོག༔ ཅེས་དང་། སེང་བྲག་ཡང་བྱང་དཔའ་བོ་བྲག་ནས་བྱུང་བ་ལས། ཡང་བྱང་སྦས་པའི་བྲག་འདིའི་ཆུ་འབབ་པའི་མདར༔ རི་གླང་ཆེན་འགྱིང་བ་འདྲ་བའི་ཟེ་བ་ན་ཐུགས་རྗེ་ཆེན་པོའི་ཕོ་བྲང་བྲག་དཀར་ཁྲོ་ལེ་བ་ཡོད༔ དེར་གནས་སྲུང་རྡོ་རྗེ་དཔལ་འབར་མཆོད་ཅིག༔ རི་དེའི་གདོང་པ་ཤར་ཕྱོགས་སུ་རྒྱུག་པ་བྲག་རི་ཐལ་མོ་སྦྱར་བ་འདྲ་བའི་དབེན་རྩ་རུ༔ ཤིང་བྷ་ཊ་ལོ་མ་དར་སྐུད་འདྲ་བ་ཡོད༔ དེ་ནས་འདོམ་དགུ་གཞལ་བའི་སར་ཧཱུྃ་ཀ་རས་རྫུ་འཕྲུལ་གྱིས་བྱོན་པའི་སྒྲུབ་ཕུག་ཡོད༔ དེ་ནས་མདའ་རུ་མདའ་རྒྱངས་གང་ཙམ་ན་དཔལ་ཆེན་པོ་འགྱིང་བ་འདྲ་བའི་བྲག་ལོགས་རྣམས་སུ་འགྲོ་འདུལ་ཐུགས་ཀྱི་གཏེར་ལྔ་སྦས་པའི་ལག་སོར་འདྲ་བའི་མཐིལ་དུ་གཏད་རྒྱ་ཡོད༔ ཅེས་འབྱུང་ཞིང་། ཁྱད་པར་འདི་ཉིད་ཀྱི་དཀར་ཆག་གཏེར་བྱོན་ལས་ཞིབ་པར་འབྱུང་བ་འོག་ཏུ་སྨོས་པ་ལྟར། གཟིགས་སྣང་དང་བློ་ཡིས་སྒྲོ་བཏགས་པ་གུང་བསྒྲིགས་པ་ཙམ་མ་ཡིན་པར་རྡོ་རྗེའི་གསུང་ལས་གསལ་ཞིང་ཞིབ་པར་འབྱུང་བ་ཡིན་ནོ། །གཉིས་པ་ནི། དེའང་འཕགས་པ་རྣམས་ཀྱི་གཟིགས་པའི་དབང་དུ་བྱས་པ་ནི་གོང་དུ་ཇི་སྐད་སྨོས་པ་ལྟར་རང་ཅག་སོ་སྐྱེའི་སྤྱོད་ཡུལ་མ་ཡིན་ལ། སོ་སྐྱེ་ཐ་མལ་པ་དག་གི་མཐོང་ཚུལ་ཡང་མཁྲིས་ནད་ཅན་གྱིས་དུང་དཀར་སེར་པོར་མཐོང་བ་ལྟར་དངོས་སྣང་ཉིད་ལའང་

― LT38_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

ལོག་འཁྲུལ་འབའ་ཞིག་ཏུ་རྟོག་པས་འཆད་པར་བྱ་བ་མ་ཡིན་ལ། འདིར་རྣལ་འབྱོར་ཅན་ལ་ཇི་ལྟར་སྣང་ཞིང་འཕགས་པའི་གཟིགས་པས་གཏན་ལ་ཕབ་པ་དེ་ཉིད་ཀྱི་རྗེས་སུ་འབྲང་བས་བརྟག་པར་བྱ་བ་ཡིན་པས། དེའི་དབང་དུ་བྱས་ཏེ་འཆད་ན། སྤྱིར་ཆོས་སྐྱོང་བའི་རྒྱལ་པོ་སྡེ་དགེའི་མངའ་རིས་འདིར་ཡོན་ཏན་གྱི་གནས་ལྔ་དང་ཕྲིན་ལས་ཀྱི་གནས་ཕལ་མོ་ཆེ་བཞུགས་པའི་སྟོད་ཀྱི་ཆར་ཟིལ་ཁྲོམ། མུ་ནམ། ང་འདྲ། གཙང་དཀར་སོགས་སྲིད་པའི་གངས་རི་རྟག་ཆགས་དཀར་ཞིང་བསིལ་བ་རྣམས་ནི་ཐབས་བདེ་བ་ཆེན་པོ་ཝཾ་ཡིག་གི་ཚུལ་དཔལ་ཆེན་ཧེ་རུ་ཀ་གཙོ་བོར་གྱུར་པའི་གནས། སྨད་ཀྱི་ཨ་ཏ་རོང་། སྤེ་རོང་། རྨེ་རོང་། གཏེར་རོང་སོགས་རོང་ཆེན་ཤིན་ཏུ་འཐུག་ལ་དྲོད་ཆེ་བ། དམ་གནག་ཅིང་རྩུབ་པ་རྣམས་ནི་ཤེས་རབ་སྟོང་པ་ཉིད་ཨེ་ཡིག་གི་ཚུལ་ཀྲོ་དྷཱི་ཤྭ་རི་མ་རྣམས་གཙོ་བོར་གྱུར་པའི་གནས། བར་དུ་ཁྲོ་གཞུང་། ཟིལ་བརྒྱུད། ཨ་ལོ། དཔལ་སྤུངས། རྨེ་ཤོད། རོང་མེ། གཏེར་ལྷུང་། འཛིང་ཁྲོ་རྣམས་ནི་རྩ་གསུམ་འཁོར་ལོ་ལྔ་ལྡན་གྱི་ཚུལ་དཔའ་བོ་དང་མཁའ་འགྲོ་རྒྱ་མཚོ་འདུ་བའི་གནས་སུ་གྱུར་པའི་ནང་ཚན། ཐུགས་ཀྱི་འཁོར་ལོ་ཙཱ་འདྲའི་གནས་མཆོག་འདི་ཉིད་དམིགས་བསལ་ཆགས་ཚུལ་གྱི་དབྱིབས་ནི་དཀར་ཆག་རྩ་བ་ལས། ཙཱ་འདྲ་རིན་ཆེན་བྲག་འདི་ནི༔བདེ་ཆེན་འཁོར་ལོའི་རྩ་འདབ་ཚུལ༔༔

― LT38_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་ཏེ། རྡོ་རྗེ་ཐུགས་ཀྱི་ཕོ་བྲང་དུ་མཚོན་པའི་ཕྱིར་ཙིཏྟ་སྙིང་གི་དབྱིབས་སུ་ཆགས་ཤིང་། ཐུན་ཆེན་པོ་བརྒྱད་དག་ཅིང་འོད་གསལ་ཆོས་སྐུའི་དགོངས་པ་འཆར་བར་བྱེད་པ་ཆོས་ཀྱི་འཁོར་ལོའི་རྩ་འདབ་བརྒྱད་དུ་མཚོན་པའི་སྒང་རྒྱུད་རྣམས་ལས། ཤར་ཕྱོགས་རྡོ་རྗེ་ཆེན་པོའི་རྩ་འདབ་ནི་ཡང་ཁྲོད་ཆགས་པའི་རི་རྒྱུད་འདི་ཡིན་པ་སོགས་གོང་སྨོས་ལུང་གིས་གྲུབ་པས། །དེ་ལྟ་ན་ཤར་ཕྱོགས་ཡེ་ཤེས་ཀྱི་རྩ་འདབས་སུའང་བཞེད་པར་སྣང་བས་འདིར་སྒོམ་ན་མཆོག་གི་རྟོགས་པ་སྐྱེ་ཞིང་མཁའ་སྤྱོད་ཆེ་འབྲིང་ཆུང་ངུ་། གྲོལ་ལུགས་རྣམ་པ་བཞི་ལ་སོགས་པས་གདོད་མའི་གྲུབ་མཐའ་སྙོགས་ནུས་པ་དང་། དཔལ་ཆེན་ཐུགས་ཀྱི་ལྷ་ཚོགས་བཞེངས་དགོས་པའང་དེའི་རྟེན་འབྱུང་ལས་བྱུང་བ་ཡིན། དེའི་ཤུགས་ལས་ལྷོ་ཕྱོགས་རིན་ཆེན་ཅོད་པན་གྱི་རྩ་འདབ་ནི་གདན་ས་ཆེན་པོ་དཔལ་སྤུངས་ཐུབ་བསྟན་ཆོས་འཁོར་གླིང་ཆགས་པའི་རི་རྒྱུད་པ་པང་སྒང་ཟེར་བ་འདི་ཡིན་པས་སྙན་གྲགས་རྒྱ་ཆེར་འབྱུང་བ་དང་གདན་ས་འདིར་བཞུགས་པ་རྣམས་ལ་ཡོན་ཏན་གྱི་ཚོགས་རྒྱུད་ཚོད་དང་མཐུན་པར་འཕེལ་ཞིང་རྒྱས་པ་ཡིན། ནུབ་ཕྱོགས་པདྨ་ཆེན་པོའི་རྩ་འདབ་ནི་ར་ཆེན་སྒང་རྒྱུད་འདི་ཡིན་ཅིང་དེར་བཀྲ་ཤིས་དཔལ་གྱི་དེའུ་དང་ཚེ་དཔག་མེད་རང་བྱོན་ཀྱང་གསལ་བས། དེར་ཆོས་དང་མཐུན་པར་གནས་བཅས་ན་

― LT38_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་རིང་ཞིང་སྒྲུབ་པ་བྱས་ན་ཚེ་དབང་མཆོག་གི་དངོས་གྲུབ་འབྱུང་། བྱང་ཕྱོགས་སྟོབས་པོ་ཆེའི་རྩ་འདབ་དཔའ་འོག་ཕྱོགས་སུ་ཟུག་པའི་གདོང་རྒྱུད་འདི་ཡིན་པས་རི་རྒྱུད་འདིར་བློ་ནུས་སྟོབས་རྩལ་ཅན་གྱི་སྐྱེ་བོ་འབྱུང་བ་དང་། སྒྲུབ་པ་བྱས་ན་དྲག་པོའི་ཕྲིན་ལས་འགྲུབ། མཚམས་བཞིའི་རྩ་འདབ་རྣམས་ཀྱང་དེ་དག་གི་བར་བར་ནས་གྱེས་པའི་ཚུལ་གྱིས་ཤིན་ཏུ་གསལ་བར་ཡོད་དེ་རང་རང་གི་བྱེད་ལས་དང་མཚུངས་པའི་དངོས་གྲུབ་འགྲུབ་པའི་གནས་ཡིན་ནོ། །བྱེ་བྲག་གནས་ཀྱི་བཀོད་པ་ནི་ཐོག་མར་གནས་ཀྱི་དབུས་ནས་འཆད་པར་མཛད་པ་སྟེ། དཀར་ཆག་ལས། བཛྲ་ཙིཏྟ་ཀོ་ཊཱི་ཞེས༔ དབུས་ཀྱི་བྲག་ནི་ཧེ་རུ་ཀ༔ གཽ་རཱི་ལྷ་མོ་བརྒྱད་ཀྱིས་བསྐོར༔ ཞེས་གསུངས་པའི་ལེགས་སྦྱར་དེ་ཉིད་བོད་སྐད་དུ་རྡོ་རྗེ་ཐུགས་ཀྱི་ཕོ་བྲང་ཞེས་པ་ནི་ཤར་ཕྱོགས་རྡོ་རྗེའི་འདབ་མ་ཡིན་པའི་ཕྱིར་ཡང་ཁྲོད་ཀྱི་ས་ཆ་འདིའི་སྒེར་མིང་ཡིན་ལ། འདིའི་གཡས་གཡོན་གྱི་བྲག་རི་དཔལ་ཆེན་པོའི་ཕྱག་དྲུག །རྩེ་མོའི་བྲག་ནི་དབུ་གསུམ། རི་ཁྲོད་འདིར་ཐུགས་ཀ །འདི་འོག་གི་གདོང་རྒྱུད་གཉིས་གཉིས་སུ་གྱེས་པ་ནི་ཞབས་བཞི་བགྲད་པའི་ཚུལ་ལོ། །གཽ་རཱི་ལ་སོགས་མདུན་གྱི་བཀོད་པ་ནི་འོག་ཏུ་འཆད་དོ། །དེས་ན་དཔལ་གྱི་ཙཱ་རི་ཅིག་ཆར་དུ་ས་འོག་ས་སྟེང་མཁའ་སྤྱོད་ཀྱི་ཕག་མོ་གསུམ་འཛོམས་པས་འཇིག་རྟེན་

― LT38_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བར་ལུང་གིས་བསྔགས་པ་བཞིན། འདིར་ཡང་སྟེང་དུ་མཁའ་སྤྱོད་དང་འོག་ཏུ་ས་འོག་སྤྱོད་ཀྱི་དཔལ་ཆེན་པོའི་ཕོ་བྲང་བཞུགས་པ་དག་པའི་གཟིགས་པོར་གསལ་ཞིང་། བར་དུས་སྤྱོད་ཀྱི་དཔལ་ཆེན་པོའི་ཕོ་བྲང་རྟེན་དང་བརྟེན་པར་བཅས་པ་བྱུང་བ་ལས་འཇིག་རྟེན་ན་བདེ་སྐྱིད་ཕུན་སུམ་ཚོགས་པ་འབྱུང་བའི་རྒྱུར་གྲུབ་པ་ཡིན་ནོ། །གཞན་ཡང་དཔལ་གྱི་ཙཱ་རི་ཏྲ་དང་ཚུལ་མཚུངས་པར། རི་ཁྲོད་གཡས་ཀྱི་རི་རྒྱུད་འདི་ཐབས་རྡོ་རྗེ་རི། གཡོན་ཤེས་རབ་དྲིལ་བུ་རི། དབུས་ཟུང་འཇུག་དབུ་མ་ནི། རྩེ་མོ་དག་པ་མཁའ་སྤྱོད་ཀྱི་རི་ཞེས་བྱ་ལ། དེ་དག་གི་ཐོག་མ་གཡས་ཕྱོགས་ཐབས་རྡོ་རྗེ་རིའི་བྲག་ལག་སོར་བཀྲམ་པ་ལྟ་བུའི་མདུན་ངོས་སུ། གུ་རུ་པདྨའི་སྒྲུབ་ཕུག་མེ་ཏོག་ཁ་བྱེ་བ་འདྲ་བའི་ཕུག་ཏུ་གུ་རུའི་ཞབས་རྗེས་ཁྲུ་གང་ལྷག་པ། ཕྱག་མཁར་གྱི་རྗེས། གཏེར་སྒོ་ལ་ཕྱག་རྟགས་ཀྱི་རྒྱས་གདབ་པ། སྒོ་གདོང་དུ་བརྡ་ཡིག་གི་འབྲུ་གསུམ་དང་། གཡོན་ལོགས་སུ་རིགས་གསུམ་མགོན་པོ། མདུན་འོག་སྒྲོལ་མ་དཀར་མོ། བྲག་ལོགས་རྣམས་སུ་ཞི་ཁྲོ་དམ་པ་རིགས་བརྒྱ་རང་བྱོན་གྱི་ཚུལ་དུ་བཞུགས། དེའི་གཡས་ཕྱོགས་ནས་ཡར་འཛེགས་པའི་ནགས་རོང་དོགས་པོར་གུ་རུའི་ཞབས་རྗེས་ཁྲུ་གང་ལྷག་པ། དེའི་ཡར་ཐད་དུ་ལྷ་སྲིན་དམ་ལ་བཞག་ཅིང་ཆོས་འཁོར་བསྐོར་བའི་

― LT38_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་ཁྲི་རང་བྱུང་གི་ཟུར་དུ། ཨོ་རྒྱན། མཚོ་རྒྱལ། བཻ་རོ་རྣམས་རང་བྱོན། གུ་རུའི་ཕྱག་མཁར་ལས་སྐྱེས་པའི་ཤུག་སྡོང་རྒན་པོ། དེ་ནས་བཟུང་སྒང་རྒྱུད་གྱེན་དེང་དུ་ཕྱིན་པའི་ལམ་དུ་ཧ་ཡིག་དཀར་པོ་གཉིས། ཨ་ཡིག་དཀར་པོ་གཅིག །མཚོ་རྒྱལ་བཞུགས་པའི་གནས་སུ་བདུད་རྩི་ཕྱག་མཆོད་མཛད་པའི་ཕྱག་རྗེས་དང་ཞབས་རྗེས། ཐོད་རྒལ་གཟིགས་པའི་བྲག་ལྟེམས་སོགས་ཡོད། བདུད་རྩིས་བརླན་པའི་ཕྱག་གིས་རེག་པ་ལས་རྡོ་འབུར་ཞིག་གི་ངོས་སུ་ཕག་མོ་ལྷ་ལྔ་དམར་སྨུག་ཏུ་བྱོན་པ་ནི་ཕྱིས་སུ་གནས་མཇལ་དག་གིས་བཀོག་པ་ད་ལྟ་དཔལ་ཆེན་པོའི་ལྷ་ཁང་གི་བདེ་མཆོག་ནང་གཞུག་ཏུ་བཞུགས། པདྨའི་སྒྲུབ་ཕུག་ནས་གཡས་བསྐོར་དུ་ཕྱིན་པའི་ལམ་ཁ་བྲག་ཟེ་བ་ལྟ་བུའི་ངོས་སུ་ཛཾ་བྷ་ལ་དམར་པོ། བཻ་རོའི་སྒྲུབ་ཕུག་འོག་མ་ཤར་དུ་ལྟ་བའི་ཀླད་ཀྱི་གཡོན་ཕྱོགས་སུ་སྒྲུབ་ཕུག་གོང་མ་འདི་དག་ཏུ་བཻ་རོའི་ཕྱག་ཞབས་ཀྱི་རྗེས་སོགས་བཞུགས། དེའི་གཡོན་ཕྱོགས་སུ་གུ་རུའི་གསང་ཕུག་མདོ་གཉིས་མའི་གཡས་སུ་ཏཱྃ་ཡིག་འབུར་མ། ཨོ་རྒྱན་རིན་པོ་ཆེས་ཕྱག་མཚན་རྡོ་རྗེ་དང་ཀ་པཱ་ལ་བཞག་པའི་རྗེས། གཡོན་གྱི་ཕུག་ནས་གནས་ཡིག་སོགས་ཟབ་གཏེར་སྤྱན་དྲངས་པའི་ཤུལ། འོག་གཡས་ཅུང་དམའ་བར་མཁར་ཆེན་དཔལ་གྱི་དབང་ཕྱུག་གི་སྒྲུབ་ཕུག །དེའི་མདུན་

― LT38_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་ཏུ་གྲུབ་ཆེན་ནམ་མཁའི་སྙིང་པོའི་སྒྲུབ་ཕུག་ཟླ་གམ་དབྱིབས་ཅན་གྱི་ཕུག་ཏུ་ཡང་དག་ལྷ་དགུ་དང་། གཡོན་ངོས་དམའ་བར་ཐུགས་རྟགས་རྡོ་རྗེ་རང་བྱོན། དེ་ཐོག་བྲག་ངོས་སུ་མཚལ་གྱི་གཏེར་རྟགས་མང་པོ། དེ་འོག་བྲག་གདོང་གི་ཕུག་ན་ནམ་མཁའི་སྙིང་པོའི་ཚེ་ཆུ་རྒྱུན་འབབས། འདི་ནི་ཙཱ་རིའི་ཐབས་རྡོ་རྗེ་རིལ་རིན་པོ་ཆེའི་རྡོ་ཆུ་ཞེས་པ་ཤིན་ཏུ་དངས་ཤིང་བདུད་རྩིའི་ཡོན་ཏན་ཅན། གདམས་ངག་དང་ལྡན་པས་ནུབ་གཅིག་འཐུང་བ་ཙམ་གྱིས་རྡོ་རྗེའི་ལུས་དང་གཡུང་དྲུང་གི་ཚེ་ཐོབ་པར་གསུངས་པས་དེའི་དོད་ཡིན་པས། འདིར་ཚེའི་བདུད་རྩི་བསྒྲུབ་པའམ། སྒྲུབ་པའི་ཆུ་རྒྱུན་ལ་བསྲེས་ན་ཕན་ཡོན་གོང་དང་ཆ་མཚུངས་འབྱུང་བ་ཡིན་ནོ། །ནམ་སྙིང་སྒྲུབ་ཕུག་གི་མདུན་ངོས་དམ་ཅན་གནས་པའི་བྲག་ལེབ་ངོས་མགར་བ་དམར་ནག་སྐུ་གཟུགས། དེ་མདུན་བྲག་ངོས་སྒྲོལ་ལྗང་དང་འབྲུ་གསུམ་སོགས། དེ་མདུན་གྱི་ཆུ་མིག་ནི་དམ་ཅན་མགར་ཆུར་གྲགས་པ། དེ་དག་གི་གཡས་གཡོན་རྣམས་སུ་རའི་རྗེས་མང་བ། ཆུ་མིག་མགོ་ཐང་ཤུག་གསེབས་བྲག་སྐྱིབས་ནི་མཚོ་རྒྱལ་གྱི་བཞུགས་གནས་ཏེ་ཕྱོགས་འདིར་ནི་ཐབས་བསྐྱེད་རིམ་གཙོར་སྒྲུབ་པའི་གནས་སོ། །གཉིས་པ་གཡོན་ཕྱོགས་ཤེས་རབ་དྲིལ་བུའི་རིའི་ཆུ་མིག་གོང་མའི་ཕུག་པའི་གཡོན་ཏུ་བྷྱོ་ཡིག་དཀར་པོ། དེ་ནས་ཕར་ཕྱིན་པའི་བྲག་ལོགས་སུ་རུ་ལུ་འབྲུ་བརྒྱད་ཆུ་མིག་འོག་མའི་ལམ་ལྟག་ཏུ་འབྲུ་གསུམ། ལམ་འོག་ཏུ་ཡི་གེ་འབྲུ་དྲུག །དེ་ནས་ཕར་ཕྱིན་པའི་སྟོད་དུ་གནས་སྒོར་གྲགས་པའི་ཕུག་ཆེན་ལ་གཏེར་ཆེན་ཉིད་

― LT38_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བླ་མ་ཆོས་སྐུའི་སྒྲུབ་པ་མཛད་ཅིང་དག་པའི་གཟིགས་སྣང་མཐའ་ཡས་པ་ལ་ལོངས་སྤྱད། དེའི་བར་ཐད་ཙམ་པ་ཆེན་སྨྲྀ་ཏི་ཛྙཱ་ནའི་སྒྲུབ་ཕུག །སྨད་དུ་བདུད་འདུལ་གྲོ་ལོད་ཕུག་པར་རྡོ་རྗེ་གྲོ་ལོད་ཕྱག་མཚན་རྡོ་རྗེ་དང་ཕུར་བུ་འཛིན་ཅིང་སྟག་ལ་ཆིབས་པ། དེ་ནས་ཕར་ཕྱིན་པའི་བྲག་ངོས་སུ་དུང་དཀར་འབུར་མ། བྲག་གི་ག་དོང་ཉག་ཐོག་བྃ་ཡིག་དམར་པོ། འཇའ་ཚོན་གྱི་ཧཱུྃ་ཡིག་བཤུར་མའི་ཁུངས་སུ་ཧཱུྃ་ཆེན་ཀ་རའི་ཞབས་རྗེས་ཀྱིས་མཚན་པ། དེ་ཉིད་ཀྱི་བཞུགས་ཁྲི་རང་བྱུང་། འདི་ནི་ཙཱ་རིར་བྱང་ཆུབ་སེམས་དཔའ་ཆོས་འཕགས་ཀྱི་བཞུགས་ཁྲི་དང་ཚུལ་མཚུངས་པ་ཡིན། དེའི་ཕར་ནང་ཕུག་ཆུང་སྒོར་མཁའ་སྤྱོད་དཀར་མོ། དེ་ནས་ཕར་ཕྱིན་པ་ན་བྲག་རི་ཕག་མོའི་དབྱིབས་ཀྱི་བྷ་ག་ནས་རཀྟའི་ཚུལ་དུ་སིནྡྷུ་ར་འབབ། དེའི་ཕར་ནང་གི་རོང་ནས་སིནྡྷུ་རའི་ཆུ་བོ་འབབས་པ་ནི་དམར་ནག་རཀྟའི་མཚོ་དང་ཚུལ་མཚུངས་པར་དམར་མོ་གསུང་གི་མཁའ་འགྲོ་དང་། ཨེ་ཀ་ཛཱ་ཊིའི་གནས་ཡིན་པས་ཤིན་ཏུ་གཉན་པས་སྤྱོད་ལམ་གཟབ། འདི་རྣམས་ནི་ཙཱ་རི་དང་མཚུངས་པར་ཆུའི་བཅུད། སའི་ཞག །བདུད་རྩིའི་སྨན། རྟེན་འབྲེལ་རྫས་ཀྱི་ནུས་པ་ཀུན་ལྡན་ཡིན་ཅིང་། འདི་དག་ཏུ་མཁའ་འགྲོ་མ་ཚོགས་པའི་གླུ་སྒྲ་རོལ་མོ་སོགས་སྐབས་སུ་འབྱུང་། འདིའི་སྟོད་

― LT38_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཆར་དཔལ་ཆེན་རྒ་ལོ་ཙཱ་དངོས་སུ་བྱོན་པའི་སྒྲུབ་ཕུག་དང་ཞབས་རྗེས། དེའི་གཡོན་སྟོད་ཀྱི་ཕུག་པ་ཞིག་གི་གཡོན་ངོས་སུ་གཡུང་དྲུང་གཡས་བསྐོར་རང་བྱོན། གཞན་ཡང་སྒྲུབ་ཕུག་རང་བྱོན་ཤིན་ཏུ་མང་བ་བཞུགས་ལ་ཕྱོགས་འདིར་ནི་རྫོགས་རིམ་རྩ་རླུང་ཐིག་ལེའི་རྣལ་འབྱོར་གཙོར་སྒྲུབ་པའི་གནས་སོ། །གསུམ་པ་ཟུང་འཇུག་དབུ་མ་རིའི་དབུས་ཀྱི་སྙིང་པོར་དཔལ་ཆེན་པོའི་ལྷ་ཁང་ཆགས་པའི་སྟོད་དུ་བྷ་ཊའི་ཤིང་དང་ཉེ་བར་བྲག་སྐྱིབས་ལྷོར་ལྟ་བར་ཧཱུྃ་ཡིག་རང་བྱོན་མང་དུ་བཞུགས་པ་ནི་སློབ་དཔོན་རྣམ་གཉིས་ཞག་གསུམ་བཀའ་བསྡུ་མཛད་པའི་གནས། དེའི་མར་ནང་བྲག་ཕུག་ཏུ་སློབ་དཔོན་རྣམ་གཉིས་ཀྱི་ཞབས་རྗེས་གཉིས་དང་ཧཱུྃ་ཡིག་དཀར་པོ། དེའི་གཡོན་ཕྱོགས་ཀྱི་བྲག་སྐྱིབས་སྦས་པ་ལྟ་བུ་ནི་གུད་དུ་སྦས་པའི་བི་མ་ལའི་གནས་མཆོག་སྟེ། ཕུག་ཏུ་ཏཱྃ་དང་ཧ་ཡིག། སྒོ་ཀླད་ཉི་ཟླ་རང་བྱོན། དུས་བཟང་བྱུང་ངོ་ཅོག་ལ་རྡོ་རྗེའི་སྐུ་ཅན་བི་མ་ལ་མི་ཏྲ་ཡེ་ཤེས་ཀྱི་རོལ་པས་ཕེབ་ནས་བཞུགས་ཤིང་བྱིན་གྱིས་རློབ་པའི་གནས། དེ་དང་ཉེ་བའི་འགྲམ་དུ་བི་མ་མི་ཏྲ་དང་མཁའ་འགྲོ་བདེ་ཆེན་རྒྱ་མཚོའི་ཞབས་རྗེས་ཆེ་ཆུང་གཉིས། དེ་འོག་བྲག་རིའི་སྙིང་གཟུགས་ལྟ་བུའི་ངོས་སུ་གྲུབ་པའི་སློབ་དཔོན་ཆེན་པོ་ཧཱུྃ་ཀ་རའི་སྐུ་བརྙན་ཐོག་ཚད་ཙམ་པ་རང་བྱོན། འདིའི་གཡོན་

― LT38_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀྱི་ཕུག་པ་བྱང་ཆུབ་གླིང་པས་ཆེ་སྒྲུབ་མཛད་པའི་གནས། །སྙིང་པོའི་འོག་གི་བྲག་རི་སྙིང་གཟུགས་ཆེ་ཆུང་ཟུང་སྦྲེལ་བརྟེན་པའི་ལྗོན་ཤིང་དང་བཅས་པ་ནི་ཕྱི་ལྟར་བདུད་མགོན་སེང་གེའི་གདོང་པ་ཅན་ཡབ་ཡུམ། ནང་ལྟར་ཞིང་སྐྱོང་འཇིགས་བྱེད་ཆེན་པོ། གསང་བར་དཔའ་བོ་རྡོ་རྗེའི་འོད་ལྡན་དང་དཔའ་མོ་ལང་ཀའི་དབང་ཕྱུག་མ་བཞུགས་པའི་གནས་ཏེ། དེའི་བྲག་གི་ངོས་སུ་ཨོ་རྒྱན་ཟ་ཧོར་མ་སྐུ་ཚད་ཆེ་བའི་འོག་ནས་བཛྲ་གུ་རུ་འབྲུ་བཅུ་གཉིས་ཚང་བ། དེ་མདུན་རྡོ་རྗེ་དང་འབྲུ་གསུམ། དེ་འོག་བྲག་ལེབ་ངོས་གཡུང་དྲུང་གཡས་བསྐོར་གཉིས་གསུམ་དང་ཧ་རི་ནི་སའི་ཡིག་འབྲུ་གསལ་བར་བཞུགས། འདིའི་རྟེན་འབྲེལ་ལས་སྒྲུབ་གནས་འདིར་རྩེ་གཅིག་ཏུ་སྒྲུབ་ན་སྡོད་ཚུགས་པ་དང་ཚེ་མཐར་ཕྱིན་པར་འགྱུར། གཡས་ཕྱོགས་ཀྱི་ཆུ་བོ་ནི་ཁྲུས་ཀྱི་ཆབ་སྟེ་བཀྲུ་བ་དང་འཐུང་བ་སོགས་བྱས་པས་ནད་གདོན་སྡིག་སྒྲིབ་ཞི་བའི་རྟེན་འབྲེལ་ཡོད། བུམ་པ་སྒྲུབ་པའི་ཁྲུས་ཆབ་ཀྱི་རྒྱུན་ལ་བསྲེས་ན་ནུས་པ་ཆེ། འདིའི་གཡོན་ངོས་གདོང་རྒྱུད་ཕྱིའི་སྐོར་ལམ་གྱི་གོང་ཙམ་དུ་བྲག་རི་ཚོགས་གཏོར་འདྲ་བ་ལ་ལྗོན་ཤིང་གདུགས་ཕུབ་པ་ལྟ་བུའི་ངོས་སུ་མཁའ་འགྲོ་མ་བརྒྱ་རྩ་བརྒྱད་ཀྱི་ཞབས་རྗེས་ཡོད་པ་ནི་གནས་ཀྱི་མདུན་མི་འགྱུར་བའི་གཟེར། ཞིང་སྐྱོང་ལྷན་ཅིག་སྐྱེས་མ་བསྟི་བའི་གནས་

― LT38_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། ལྷན་ཅིག་སྐྱེས་མའི་ཕོ་བྲང་གཞན་ཡང་ཡོད་དོ། །དབུས་རི་འདི་ནི་བསྐྱེད་རྫོགས་ཟུང་འཇུག་གི་ཏིང་ངེ་འཛིན་ཕྱག་ཆེན་དང་རྫོགས་ཆེན་སོགས་བསྒོམ་པའི་གནས་སུ་བསྔགས་སོ། །བཞི་པ་དག་པ་མཁའ་སྤྱོད་རི་ནི་ཐུགས་རྗེ་ཆེན་པོའི་ཕོ་བྲང་དུ་ལུང་གིས་ཟིན་པ་གནས་བདག་དགེ་བསྙེན་ཆེན་པོ་རྡོ་རྗེ་དཔལ་འབར་གྱི་བྲག་རི་ཉིད་ཡིན་ཅིང་འདིར་བཞུགས་པའི་རང་བྱོན་གྱི་ཚོགས་ནི་གཉན་ཆ་ཆེ་ཞིང་དུས་ལ་མ་བབས་པས་ངོ་སྤྲོད་མ་མཛད་པས་སྨྲ་རྒྱུ་མེད་ལ། འདིའི་རྒྱབ་ཕྱོགས་ཀྱི་བྲག་དཀར་རྟ་སོ་གཤིབས་པ་ལྟ་བུ་ནི་རིགས་གསུམ་མགོན་པོའི་གནས་ཡིན་པས་བྲག་ངོས་སུ་རིགས་གསུམ་མགོན་པོ་རང་བྱོན་བཞུགས་པ་ལུང་པའི་ནང་ནས་གྱེན་ཏུ་མཇལ་བས་མཐོང་བར་གསུངས། རི་འདིར་སྔོན་དཔལ་ལྡན་བྱང་ཆུབ་གླིང་པའི་སྐབས་སུ་མཁའ་ལ་སྤྱོད་པའི་རྣལ་འབྱོར་གྱི་དབང་ཕྱུག་དུ་མ་བྱོན་པར་མངོན་ནོ། །གཏེར་གཞུང་ལས་ཧཱུྃ་ཀ་ར་དང་བི་མ་ལ༔ གྲུབ་པའི་སློབ་དཔོན་ཐམས་ཅད་ཀྱིས༔ ཡེ་ཤེས་སྐུ་ཡི་བྱིན་གྱིས་བརླབས༔ བྱ་སྐྱིབས་ཀེའུ་ཚང་ཉམས་དགའ་བར༔ རིག་འཛིན་གསུམ་གྱིས་སྒྲུབ་པའི་གནས༔ ཁྲུས་ཆབ་ཚེ་ཆུ་སིནྡྷུ་ར༔ སྨན་ཆུ་ལ་སོགས་ངོ་མཚར་ཅན༔ གྲུབ་པའི་གནས་མཆོག་ཉམས་དགའ་བ༔ ཞེས་བསྔགས་པ་ནི་ཐབས་ཤེས་ཟུང་འཇུག་གི་རི་གསུམ་ལ་ཚང་ཞིང་། སྨན་གྱི་ཆུ་ནི་རི་མོ་མདའ་དང་ཉེ་བར་ཕོ་ནད་སེལ་

― LT38_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

བར་གྲགས་པའི་ཆུ་འདི་ཉིད་ཡིན་ནོ། །གདན་ས་ཆེན་པོའི་འོག་གི་བྲག་རི་འདི་རྣམས་བར་ཆད་སྲུང་བའི་ཁྲོ་བོ་བཅུ་རང་བྱུང་གི་ཚུལ་དུ་བཞུགས་ཤིང་། ཆོས་ཁྲི་བྲག་སྣ་ནས་གཡས་བསྐོར་གྱིས་ཆུ་རྒྱུད་གྱེན་དེད་དུ་ཕྱིན་པའི་ར་ཆེན་གཡོན་ལོགས་ཀྱི་སྤང་ཐང་སྟེ་ཕ་ཝྃ་གཉིས་བསྒྲིགས་ལྟ་བུའི་གཡས་སུ་ཚེ་དཔག་མེད། གཡོན་ཏུ་སྒྲོལ་མ་དམར་མོ། ར་ཆེན་ཆུ་རྒྱུད་སྐོར་དུ་སྤྱིར་རང་བྱོན་ཤིན་ཏུ་མང་། ཁྱད་པར་ཨོ་རུབ་ལྟེམས་སུ་གྲགས་པའི་བྲག་གདོང་ཀ་བ་ལྟ་བུའི་ངོས་སུ་སྣང་བ་མཐའ་ཡས་དམར་པོ་དང་། ཐུགས་རྗེ་ཆེན་པོ་བཅུ་གཅིག་ཞལ་སྐུ་ཚད་ཤིན་ཏུ་ཆེ་བ་བཞུགས། སྡོང་པོ་སྒང་གི་གནས་དིལ་དུ་གྲགས་པ་དེ་དཔལ་ལྡན་ཞིང་སྐྱོང་དབང་པོ་རེས་འགར་རྒྱུ་བའི་ཕོ་བྲང་། དེ་འོག་བྲག་ཡར་ལྟ་བའི་ངོས་སུ་རྡོ་རྗེ་ཕག་མོ་རང་བྱོན་བཞུགས། སླས་རིང་མའི་ཆུ་རྒྱུད་གྱེན་དེད་དུ་ཕྱིན་པའི་ཐོག་མར་ལམ་སྣེ་མཚེར་དུ་གྲགས་པ་འདི་ནི་མཁའ་འགྲོའི་བྲོ་ར་ཡིན་པས་འདིར་ཐབ་ཀ་བཅའ་བ། རྟ་དྲེལ་འདེགས་པ་སོགས་གཏན་ནས་མི་རུང་། འདིའི་ལྟག་གི་གནས་དིལ་འདི་དཔལ་གྱི་ཙཱ་རི་ཏྲ་རང་བྱུང་གི་བཀོད་པ་ཡིན། འདིའི་མདུན་ངོས་སུ་པདྨ་སམ་བྷ་བ་བཞེངས་སྟབས་ཤིན་ཏུ་གསལ་བ། སྒྲོལ་དཀར་ཡིད་བཞིན་འཁོར་ལོ། གནུབས་ཆེན་སངས་རྒྱས་ཡེ་ཤེས་ཀྱི་ཕྱག་རྗེས། གཉག་ཆེན་ཛྙཱ་ནའི་ཞབས་རྗེས། སོག་པོ་ལྷ་དཔལ་གྱི་དབུ་རྗེས། ཨ་དཀར་

― LT38_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། རྡོ་རྗེ། གླང་ཆེན། གསེར་ཉ། དུང་དཀར། ཙཱ་རིའི་ལྷ་གཡག་རྗེས་ལ་ཧ་རི་ནི་སས་མཚན་པ། དེ་དག་གི་སྟེང་ངོས་སུ་མཚོ་རྒྱལ་ཞབས་རྗེས་འཇའ་ཚོན་མ། ཧཱུྃ་ཡིག་དམ་ཅན་རྫུ་འཕྲུལ་ར་རྗེས་སོགས་དང་། དེ་ནས་ཆུ་རྒྱུད་གྱེན་དེད་དུ་ཕྱིན་པའི་ཐོག་མར་བྱང་ཆུབ་ཆེན་པོའི་མཆོད་རྟེན་ཐོག་ཚད་ཙམ་པའི་གཡས་སུ་གུ་རུའི་ཞབས་རྗེས། དེ་ནས་ཧཱུྃ་ཡིག །མཁའ་འགྲོའི་ཚོགས་གཞོང་དང་ཆུ་བོའི་གཡས་གཡོན་ཏུ་ཐོད་སྒྱེད་ཀྱི་རྣམ་པ་ཕ་ཝཾ་ཆེན་པོ་གསུམ། དེ་ལྟག་དུང་ཆོས་རང་བྱུང་ལས་ཆུའི་ཟེགས་མ་འཐོར་བ་ནི་བྱིན་གྱིས་རླབ་པའི་ཁྲུས་ཆབ་ཡིན་པས་འདི་འཐུང་ཞིང་མགོ་ལུས་བཀྲུ་བ་སོགས་བྱས་ན་ནད་གདོན་སྡིག་སྒྲིབ་ཞི། དེ་ནས་ཡར་ཕྱིན་པ་ན་རྣམ་པར་རྒྱལ་མའམ་དཀར་མོ་སྐུའི་དྷཱ་ཀི་བཞུགས་པའི་གནས། ཀ་ལ་དུང་མཚོའི་གཡས་སུ་ཨོ་རྒྱན་རིན་པོ་ཆེའི་ཞབས་རྗེས། གཡོན་ཏུ་མཁའ་འགྲོ་མ་འགྲོ་བ་བཟང་མོའི་ཞབས་རྗེས། དེ་ཕྱོགས་ཆུ་འགྲམ་དུ་ཐུགས་རྗེ་ཆེན་པོ་འཁོར་བ་དོང་སྤྲུགས་ཀྱི་སྐུ། དེ་ལྟག་མཁའ་འགྲོའི་ཞབས་རྗེས་དང་། བཅོམ་ལྡན་འདས་རྡོ་རྗེ་སེམས་དཔའི་སྣང་བརྙན་དཀར་པོ་འབུར་མ་བཅས་རིམ་པར་བཞུགས། བྲག་ནག་མར་གྲགས་པའི་བྲག་རི་འདི་རྣམས་ལ་རྩ་བ་གསུམ་གྱི་སྐུ་བརྙན་དང་། གསུང་ཡིག་འབྲུ། ཐུགས་ཕྱག་མཚན་

― LT38_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཆོད་རྟེན་ཏེ་ངོ་མཚར་བའི་བཀའ་རྟགས་བརྒྱ་དང་རྩ་བརྒྱད་བཞུགས་པར་གསུངས་ཤིང་འདི་སྐོར་གྱི་བྲག་རྣམས་རྗེ་བཙུན་སྒྲོལ་མའི་གནས་ཡིན་པས་སྒྲོལ་མ་བྲག་ཟེར་བ་ཡིན། འདིར་གུ་རུ་རིན་པོ་ཆེའི་དབང་ཕུག །བཀའ་བརྒྱད་ཀྱི་སྒྲུབ་ཆེན་མཛད་པའི་ཕུག་པའི་སྟེང་འོག་རྣམས་དཔལ་དགུ་རང་བྱོན། ཤུག་ཕུང་ཞིག་གིས་སྦས་པ་ལྟ་བུའི་ཕུག་པ་ནི་གནུབས་ཆེན་སངས་རྒྱས་ཡེ་ཤེས་ཀྱི་སྒྲུབ་ཕུག་བྲག་སུམ་བསྒྲིགས་ལྟ་བུར་ཡོད་པའི་སྣེར་ཕུག་པ་ནི་ལྷ་ལྕམ་མནྡཱ་ར་བ་སྐབས་སུ་རྫུ་འཕྲུལ་གྱིས་ཕེབ་པའི་བཞུགས་གནས། བྲག་འཇའ་ཚོན་གྱི་རི་མོ་དར་ཟབ་སྣ་ཚོགས་བཤམ་པ་འདྲ་བའི་འོག་ཏུ་ཡོད་པའི་ཕུག་པ་ནི་དཔལ་ལྡན་དུས་གསུམ་མཁྱེན་པ་ཀཾ་པོ་གངས་ར་ནས་དབུས་སུ་ཕེབ་སྐབས་ཞག་གསུམ་བཞུགས། དགོངས་པས་བྱིན་གྱིས་བརླབས་པ་ཡིན་པས་བྲག་ལེགས་རྣམས་སུ་མར་མི་དྭགས་གསུམ་དང་ཀརྨ་པ་རང་བྱོན་བཞུགས། བྲག་དམར་ཁ་ཤར་ལ་བསྟན་པའི་ཕུག་པ་ནི་བྱང་ཆུབ་གླིང་པའི་བཞུགས་གནས་ཏེ་རྫུ་འཕྲུལ་གྱི་ཞབས་རྗེས་ཀྱང་ཡོད། བྲག་ཚེ་བུམ་འདྲ་བའི་གསེང་དུ་ཐང་སྟོང་རྒྱལ་པོའི་སྒྲུབ་ཕུག །གཞན་ཡང་ཕྱག་ཞབས་ཀྱི་རྗེས་སོགས་མང་དུ་བཞུགས། སླས་རིང་མའི་འོག་གི་ལུང་པའི་ནང་ནས་གྱེན་དུ་ཕྱིན་པའི་ལམ་ཁར་ཕ་ཝཾ་དོས་སྒྲོལ་མ་དམར་མོ་རང་

― LT38_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན། རྡོ་རྗེ་མཚེར་ཆེན་གྱི་ཐད་དུ་རྫོགས་ཆེན་སེམས་སྡེའི་གྲུབ་ཐོབ་ཞིག་སྐབས་རེར་འབྱོན་ནས་མཉམ་པར་བཞག་པའི་ཕུག་པ། ས་དམར་ལའི་རི་དབང་གི་མདོག་ཅན་ཟླ་གམ་དབང་གི་ཕོ་བྲང་། དེའི་ངོས་སུ་ཚེ་བུམ་དང་ལྕགས་ཀྱུའི་གཟུགས་རང་བྱོན་གསལ། ར་ཆེན་ཁའི་གཡས་ཕྱོགས་ཀྱི་བྲག་ངོས་སུ་ཚེ་དཔག་མེད་དཀར་པོ། དམར་པོ། ཡབ་ཡུམ་འཁྲིལ་སྦྱོར་དུ་བཞུགས་པ་གསུམ་དང་ལུང་པའི་ཕུའི་ན་ཐང་ཧཱུྃ་ཡིག་གི་རང་གཟུགས། དེ་ནས་ལ་བརྒལ་བའི་ལམ་གྱི་གཡོན་དབུ་ཆེའི་གཡས་ཟུར་ཕ་ཝཾ་ངོས་མཁའ་འགྲོའི་ཞབས་རྗེས། སྤྱིར་གནས་འདི་ལ་མཁའ་འགྲོའི་ཞབས་རྗེས་བརྒྱ་རྩ་བརྒྱད་ཡོད་པར་གསུངས་ཤིང་ཙཱ་འདྲ་རིན་ཆེན་བྲག་གི་སྒང་རྒྱུད་དབལ་ཆེན་དབུའི་ཀླད་དུའང་ཕ་ཝཾ་ཞིག་ལ་ཞབས་རྗེས་ཤིན་ཏུ་གསལ་བ་ཆེ་ཆུང་གཉིས། ལྷ་མོའི་རྫུ་འཕྲུལ་གྱི་དྲེལ་རྗེས་གཅིག་བཞུགས་པས་མཚོན་ཏེ་འདི་རིགས་མང་ངོ་། །ལ་རྒྱབ་སྨར་ཡུ་ནང་ནས་བྱང་ངོས་སུ་ལྟ་བའི་བྲག་དཀར་ནི་གནོད་སྦྱིན་རྨུགས་འཛིན་དབང་པོའི་གནས་ཡིན། འདིའི་བྲག་ངོས་སུ་མཆོད་རྟེན་རང་གྲུབ་མདུན་ངོས་བྲག་ལེབ་ཟུར་པ་ཤར་ལྟ་བ་ཞིག་གི་ངོས་སུ་རི་རབ་མཚོ་གླིང་དང་བཅས་པའི་བཀོད་པ། དེ་འོག་བྲག་ངོས་རིན་ཆེན་ཟུར་བརྒྱད་མེ་འབར་གྱི་དབྱིབས་སུ་གྲུབ་པ་ལ་བརྡ་ཡིག་ཧྲཱིཿདང་བོད་ཡིག་ཊྃ་

― LT38_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མཚན་པ། དེའི་གཡས་སྟོད་ཀྱི་ཕ་ཝཾ་ངོས་སུ་གཏེར་རྟགས་དགའ་བ་འཁྱིལ་པ་དང་རྡོ་རྗེ་མེ་འབར་ཕྱག་བྲིས་མའི་སྟེང་དུ་གུ་རུའི་ཞབས་ཀྱི་རྗེས་བཞུགས། ཛུ་རུ་ལུང་པའི་བར་བྲག་དིལ་དཀར་ཆུང་ངོས་ཧཱུྃ་མཐིང་ག་སོགས་ཡིག་འབྲུ་སྣ་ཚོགས་གསལ་བ་སྟེ་འདི་རྣམས་ནི། དཀར་ཆག་ལས། སྐུ་གསུང་ཐུགས་རྟགས་བརྒྱ་རྩ་བརྒྱད༔ ཆུ་བཞིའི་སྔགས་ཀྱི་རང་སྒྲ་སྒྲོག༔ ཀ་ལ་དུང་མཆོ་ཁྲུས་ཀྱི་ཆབ༔ སྐུ་གསུམ་ཐོད་སྒྱེད་ཚོགས་ཀྱི་གཞོང་༔ འདོད་ཡོན་རྣམ་ལྔའི་མཆོད་སྤྲིན་འཕྲོ༔ རྡོ་རྗེ་སེམས་དཔའ་བདེ་བ་ཆེ༔ ཚེ་དཔག་མེད་པ་འཆི་མེད་གནས༔ ཞེས་གསུངས་པའི་དོན་ཡིན་ལ། སྔགས་སྒྲ་སྒྲོག་པའི་ཆུ་བཞི་ནི། དཔའ་འོག་ཆུས་རྡོ་རྗེ་སེམས་དཔའི་སྔགས། རི་ཁྲོད་ཆུས་རུ་ལུའི་སྔགས། ཆུ་མིག་མགོ་མང་དང་ར་ཆེན་ཆུས་ཡི་གེ་དྲུག་པའི་སྔགས། མཚེར་མིང་མའི་ཆུས་ཚེ་ལྷ་རྣམ་གསུམ་གྱི་སྔགས་ཀྱི་རང་སྒྲ་སྒྲོག་པ་ཡིན་ནོ། །དེ་ནས་ཧེ་རུ་ཀའི་མདུན་ངོས་སུ་ཇི་ལྟར་བཞུགས་པའི་ཚུལ་ནི། ཐོག་མར་གཡོན་ཕྱོགས་རྒྭ་ལོའི་སྒྲུབ་ཕུག་དང་འབྲེལ་བའི་བྲག་ནི་དཔལ་མ་ཧཱ་ཀ་ལ་ཕྱག་བཞི་པ། བཀའ་སྡོད་བརྒྱད་དང་བཅས་པའི་ཕོ་བྲང་། མགོན་པོའི་བླ་ཤིང་འཇིགས་སུ་རུང་བ། མི་ནག་ཁྱི་ནག་བྱ་ནག་འབུམ་འབུམ་གནས་པའི་བྲག་རི་ལྗོན་ཤིང་འཐིབས་པ་ནི་མགོན་པོ་རོང་། དེ་ནས་

― LT38_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་བཞིན་སྔོན་མོ་བྱ་འདྲེད་བྱིས་འདྲེད་བྲག་རི་བྱ་རོག་གདོང་རང་བྱོན། ལ་དགུ་ལུང་དགུའི་ཕར་ནང་ཡེ་ཤེས་ཀྱི་མགོན་པོ་ཕྱག་དྲུག་པ་རང་བྱོན། འཁྲུལ་སྣང་རྩད་གཅོད་འཕྲང་གི་ཕ་རོལ་ཏུ་ཡིག་དྲུག་སོགས་རང་བྱོན་དང་། དོམ་ཚང་རོང་གི་ཕུག་པར་གསང་བའི་མགོན་པོ་གནས་པས་དེ་ཉིད་སྒྲུབ་ན་འགྲུབ་ཐག་ཉེ། འདི་དང་སྟག་ཚང་རོང་གཉིས་ལ་ཨོ་རྒྱན་བཞུགས་པའི་སྒྲུབ་ཕུག་རེ་རེ། ལེགས་ཉེས་སྟངས་འཛིན་འཕྲང་གི་ཕ་རོལ་ཏུ་མཁའ་འགྲོ་མ་བདེ་བའི་དབང་ཕྱུག་གི་སྐུ་རང་བྱོན། སྤྱར་མདུན་འདིར་རོང་བཞི་ཡོད་པའི་སྒང་བརྒྱད་ལ་གཽ་རཱི་སོགས་གནས་ཀྱི་མ་མོ་བརྒྱད། སི༚་ཧ་མ་སོགས་ཡུལ་གྱི་ཕྲ་མན་བརྒྱད། རྟ་གདོང་སྒོ་མ་བཞི་དང་བཅས་པ་སྤེལ་ནས་བཞུགས་པའི་ཕོ་བྲང་བྲག་རི་ཟང་ཡག་རྣམས་ཀྱི་ངོས་སུ་འཕགས་ཡུལ་གྱི་རིག་འཛིན་བརྒྱད་བོད་ཀྱི་བཀའ་བབས་དགུ་རྣམས་ཀྱི་སྐུ་བརྙན་ཕྱག་ཞབས་ཀྱི་རྗེས། སྒྲུབ་པའི་ཕུག་པ་དང་གྲུབ་ཆུ། མ་མོ་རྣམས་ཀྱི་སྐུ་དང་ཕྱག་མཚན། གཾ་ལ་སོགས་པའི་མིང་ཡིག་དང་པོ་རང་བྱོན། བསྟེན་པའི་ཤིང་སོགས་བཞུགས་པར་གསུངས་སོ། །མཐའ་སྐོར་དུར་ཁྲོད་རྣམས་ནི་དཀྱིལ་འཁོར་ཆེན་པོའི་དུར་ཁྲོད་རྣམས་ཀྱི་རང་གཟུགས་སུ་ལྷུན་གྱིས་གྲུབ་ལ། ཆུ་མིག་མགོ་མང་གི་གཡས་ཕྱོགས་སྤང་གཤུར་དུ་ཁ་ཊྭཱྃ་གའི་རྣམ་པ་

― LT38_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་ཞིང་། བྲག་ལེབ་ནུབ་ཏུ་བལྟ་བའི་ངོས་སུ་ལྷན་སྐྱེས་ཡེ་ཤེས་ཀྱི་མཁའ་འགྲོ་བཀྲ་ཤིས་ཚེའི་དབང་ཕྱུག་མ་སེང་གེ་ལ་ཆིབས་པའི་གཟུགས་གསལ་པོ་ཡོད་པ་ནི་དེ་ཉིད་ཀྱི་བརྟེན་པའི་གནས་ཏེ། འདིར་སྨོས་པ་རྣམས་ནི་སྤྲུལ་པའི་གཏེར་ཆེན་དངོས་ཀྱི་ཞལ་སྔ་ནས་དངོས་སུ་ཞབས་བཀོད་པ་དང་། ལྐོག་གྱུར་ཡེ་ཤེས་གཟིགས་པ་ལས་འཁྲུངས་པ་རྣམས་ཆད་ལྷག་མེད་པར་བཀོད་པ་ཡིན་ལ། སྤྱིར་གནས་མཆོག་འདིའི་བཞུགས་ཚུལ་དང་གང་ཟག་སོ་སོའི་དག་སྣང་དུ་འཆར་ཚུལ་ནི་བསམ་གྱིས་མི་ཁྱབ་པས་སླད་ནས་ཇེ་གསལ་ཇེ་མང་དུ་འགྱུར་བ་ཡིན་ནོ། །གཞན་ཡང་དཀར་ཆག་ལས། དུས་གསུམ་བདེ་གཤེགས་ཐམས་ཅད་ཀྱིས༔ བསྔགས་པ་བརྗོད་པའི་གནས་འདི་ནི༔ འོད་གསལ་ཐུགས་ཀྱི་གནས་ཡིན་ཕྱིར༔ ས་རྡོ་རི་བྲག་ཐམས་ཅད་ཀུན༔ འཇའ་ཟེར་ཐིག་ལེའི་རྣམ་པར་གནས༔ ཞེས་གསུངས་པ་ལྟར་གནས་འདིའི་ས་རྡོ་རི་བྲག་ཐམས་ཅད་ཀྱང་ཁ་དོག་དང་དབྱིབས་ཀྱི་རྣམ་པ་མ་ངེས་པ་འཇའ་འོད་ཟེར་དང་ཐིག་ལེའི་རྣམ་པ་ཤ་སྟག་ཏུ་ཡོད་ཅིང་། དཔའ་བོ་མཁའ་འགྲོ་དང་གིས་འདུ༔ བཀའ་སྲུང་ཕོ་ཉ་ལས་ལ་མྱུར༔ ལེགས་ཉེས་སྟངས་འཛིན་གནས་འདིས་བྱེད༔ ཅེས་འབྱུང་བའི་དོན་རྣམས་ཀྱང་ཚད་མས་གྲུབ་པ་ཡིན་ནོ། །དཀར་ཆག་ལས། དབུས་སུ་བྷ་ཊ་ཞེས་བྱའི་ཤིང་༔

― LT38_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་དུ་ལྗོན་པ་ལྷོར་གསལ་ཤིང་༔ ནུབ་ཏུ་ལྕགས་ཀྱུ་བྱང་འབྲས་ལྡན༔ མི་འགྱུར་ཤིང་གི་མཛེར་མ་གདབ༔ ཅེས་དེ་བཱི་ཀོ་ཊཱིའི་གནས་མཆོག་ལ་མི་འགྱུར་བའི་གཟེར་ལྔ་རུ་གསུངས་པའི་དབུས་ཀྱི་བྷ་ཊ་ནི། ཟུང་འཇུག་དབུ་མ་རིའི་སྙིང་པོར་སྐྱེས་པའི་ཤིང་སྡོང་ལོ་མ་དར་སྐུད་འདྲ་བ་སྔགས་སྲུང་གནས་པའི་རྟེན་དང་། ཤར་གྱི་ལྗོན་པ་བཟང་པོ་ནི་མགོན་པོ་དང་ཞིང་སྐྱོང་རོང་གི་བར་ན་དམར་ནག་གི་མདངས་དང་ལྡན་པའི་ཤིང་སྡོང་གཞན་དང་མི་མཚུངས་པ་མགོན་པོའི་བླ་རྟེན་དང་། ལྷོ་ཡི་གསལ་ཤིང་ནི་དགོན་པའི་འོག་ལོགས་ཀྱི་ཤིང་སྡོང་རྩེ་མོ་དགུ་པ་གཤིན་རྗེའི་རྟེན་དང་། ནུབ་ཕྱོགས་ཨུཏྤལ་ལའི་ལྕགས་ཀྱུ་ལྟ་བུ་ནི་སྒྲོལ་མ་བྲག་ཁྲོད་ཀྱི་ཤིང་སྡོང་སྒྲོལ་མས་བྱིན་གྱིས་བརླབས་པ་སྟེ་དེ་གསུམ་ནི་སཱ་ལའི་སྡོང་པོ་ཡིན་ལ། བྱང་གི་འབྲས་བུ་ལྡན་པའི་ཤིང་གི་ཛུ་རུ་ལུང་པའི་ཕྱོགས་སུ་ཤུག་པའི་སྡོང་པོ་གཞན་དང་མི་མཚུངས་པ་ཞིག་ཡོད་པ་གནོད་སྦྱིན་གྱི་བླ་རྟེན་ཡིན་ནོ། །གཞན་ཡང་མཁའ་འགྲོ་རྒྱ་མཚོའི་ཕྱི་སྐོར་གྱི་བྲག་རྣམས་ལ་རྡོ་རྗེ་དང་ཕུར་བུ་རལ་གྲི་འཁོར་ལོ་སོགས་མཚོན་ཆའི་རབ་གསལ་བར་སྣང་ཞིང་། མགོན་པོ་རོང་། བྱ་རོག་རོང་ངམ་ཞིང་སྐྱོང་རོང་། སྟག་ཚང་རོང་། དོམ་ཚང་སྟེ་རོང་བཞི། དགེ་སྡིག་ཤན་འབྱེད་འཕྲང་། འཁྲུལ་སྣང་རྩད་གཅོད་འཕྲང་།

― LT38_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་ཉེས་སྟངས་འཛིན་འཕྲང་། འཁོར་འདས་ལ་ཆེན་འཕྲང་སྟེ་འཕྲང་བཞི། བཀོད་ལེགས་མཎྜལ་ཐང་། མཁའ་འགྲོའི་བྲོ་ར་ཐང་། བདེ་སྐྱིད་ཕུན་ཚོགས་ཐང་། ཡེ་ཤེས་ཡངས་པའི་ཐང་སྟེ་ཐང་བཞི། སྒྲོལ་མ་ལ། ཞིང་སྐྱོང་ལ། སྒྲིབ་སྦྱོང་ལ། ཆོས་འཕེལ་ལ་སྟེ་ལ་བཞི། ཐར་ལམ་སྒང་། ཕྱག་འཚལ་སྒང་། ལྷ་མཇལ་སྒང་། མཐར་ཕྱིན་སྒང་སྟེ་སྒང་བཞི། བར་ཆད་བདུད་ཀྱིས་དབེན་པའི་རི། །ཆགས་སྡང་འདུ་འཛིས་དབེན་པའི་རི། ཉོན་མོངས་ཆོས་བརྒྱད་དབེན་པའི་རི། སྡུག་བསྔལ་དབེན་ཅིང་བདེ་བ་འཕེལ་བ་གསང་བའི་རི་སྟེ་དབེན་རི་བཞི། ཡེ་ཤེས་གསལ་བའི་གོང་བུ། ཆོས་ཉིད་རང་བྱུང་གོང་བུ། ལྟ་བ་ཀློང་ཡངས་གོང་བུ། ཐིག་ལེ་ཉག་གཅིག་གོང་བུ། འགྱུར་མེད་གཡུང་དྲུང་གོང་བུ་སྟེ་གོང་བུ་ལྔ་རྣམས་ཡོད་པ་ལས། ལ་གསུམ་གཡས་ཕྱོགས་སུ་ཡོད་ཅིང་། རོང་བཞི་འཕྲང་བཞི་གཡོན་ཕྱོགས་སུ་ཡོད། གཞན་རྣམས་བསྐོར་ནས་ཡོད་པ་སྟེ་མདོར་ན་རྒྱ་ཆེ་ཆུང་ཙམ་ལས་མཚན་དང་རྣམ་པ་ཐམས་ཅད་དཔལ་གྱི་ཙཱ་རི་ཏྲ་དང་ཀླ་ཚུལ་མཚུངས་པར་ཁོ་ནར་བཞུགས་པ་ཡིན་པས་ཐེ་ཚོམ་མེད་པའི་ཡིད་དང་བ་ཆེན་པོས་གུས་པ་ལྷུར་ལེན་པར་རིགས་སོ། །

― LT38_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་གི་རྟེན་དུ་གྱུར་པ་གནས་རིའི་དཀར་ཆག་ཞིབ་པར་བཤད་གྲུབ་ནས། དེ་ལ་བརྟེན་པའི་གདན་ས་ཆེན་པོ་འདི་ཉིད་ཀྱང་། ཇི་སྐད་དུ། མ་འོངས་གནས་མཆོག་འདི་དག་ཏུ༔ གྲུབ་པའི་སྐྱེས་བུ་དུ་མ་འདུ༔ གཙུག་ལག་ཁང་དང་མཆོད་རྟེན་འབྱུང་༔ ཞེས་དཔལ་སྤུངས་ཐུབ་བསྟན་ཆོས་འཁོར་གླིང་རྟེན་དང་བརྟེན་པ། དེ་འཛིན་སྐྱེས་བུའི་ཚོགས་དང་བཅས་པ་རྣམས་དང་། དཀར་ཆགས་སྟེང་བྱུང་བ་ན༔ ཧེ་རུ་ཀ་ཡི་སྐུ་གསུང་ཐུགས༔ འོག་མིན་གནས་ནས་འདི་རུ་འཕོ༔ ཞེས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་རྟེན་དང་བརྟེན་པར་བཅས་པའང་རྡོ་རྗེའི་གསུང་གིས་གསལ་བར་བསྟན་པ་ཡིན་པས་དང་བ་དང་ཡིད་ཆེས་པའི་དད་པས་ཚོགས་སྤེལ་བ་ལ་བརྩོན་པར་བྱའོ། །དེ་ལྟར་རང་བྱོན་ལ་སོགས་པ་འདི་རྣམས་ཡང་དག་པ་ཡིན་པའི་ལུང་ཡང་། བླ་མ་དགོངས་འདུས་ལུང་བསྟན་བཀའ་རྒྱ་མ་ལས། ལ་ལར་སངས་རྒྱས་རྣམས་ཀྱི་སྤྲུལ་པ་ནི༔ ས་རྡོ་རི་བྲག་ལམ་འཕྲང་ལ་སོགས་སུ༔ སྐུ་གསུང་ཐུགས་ཀྱི་སྤྲུལ་པ་རང་བྱུང་འབྱོན༔ དེ་མཐོང་ཐོས་དང་གང་འབྲེལ་ངན་སོང་མེད༔ ཕྱོགས་ནི་མ་ངེས་ཕྱོགས་མཚམས་དབུས་ལ་སོགས༔ ཉེ་རིང་མེད་ཕྱིར་ཀུན་ཏུ་འབྱོན་པར་འགྱུར༔ དེ་བཞིན་དུས་ལ་ངེས་མེད་ནམ་ཡང་འབྱོན༔ ཡུན་ལ་ཚད་བཟུང་མེད་དེ་འཁོར་

― LT38_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའི་བར༔ ཞེས་དང་། ཡིག་དྲུག་ལ་སོགས་རང་བྱོན་བསམ་མི་ཁྱབ༔ དེ་སོགས་རྣམ་པ་དུ་མར་སྤྲུལ་ནས་ཀྱང་༔ འགྲོ་བའི་དོན་མཛད་བསྟན་པ་རྒྱས་པར་འགྱུར༔ ཞེས་གསུངས་པས་གནས་མཆོག་འདི་ལྟ་བུར་མ་ཟད། མཐོ་དམན་ངེས་པ་མེད་པའི་ཕྱོགས་རྣམས་སུ་རང་བྱོན་ཅི་རིགས་པར་བཞུགས་པ་རྣམས་ཀྱང་རྒྱལ་བ་སྲས་དང་བཅས་པའི་ཡེ་ཤེས་ཀྱི་རང་འོད་ལས་བྱུང་བ་ཡིན་པས་དད་མོས་དག་སྣང་རྩེ་གཅིག་བྱས་ན་དེ་དག་དངོས་སུ་མཇལ་བ་དང་ཁྱད་པར་མ་མཆིས་སོ། །བདུན་པ་བསྐོར་བ་ཇི་ལྟར་བྱ་བའི་ཚུལ་ལ་གསུམ། བསྐོར་བའི་ལམ། དུས་ཚོད། བསྐོར་བ་བྱེད་ཚུལ་ལོ། །དང་པོ་བསྐོར་ལམ་ཕྱི་ནང་གསང་བ་རྩེ་བསྐོར་སྟེང་བསྐོར་བཅས་བཞི་ལས། ཐོག་མར་མཁའ་འགྲོ་རྒྱ་མཚོའི་ཕྱི་བསྐོར་ནི། གནས་མཆོག་འདི་ཉིད་ཕྱི་ལྟར་ན་བདེ་མཆོག་མཁའ་འགྲོ་རྒྱ་མཚོའི་དཀྱིལ་འཁོར་གྱི་བཀོད་པའི་ཚུལ་དུ་བཞུགས་པའི་རྡོ་རྗེའི་རྭ་བའི་ནང་མཐའ་ནས་བསྐོར་བ་སྟེ། ཐོག་མར་སེམས་བསྐྱེད་དང་ལྡན་པས་དུང་དཀར་ཆུ་མདང་ནས་བཀོད་ལེགས་མཎྜལ་ཐང་དུ་བབ་སྟེ། རྡོ་རྗེ་སེམས་དཔའི་ཡིག་བརྒྱ་བཟླ་བཞིན་པས་དཔའ་འོག་ཆུ་བོས་ཁྲུས་བྱ་ཞིང་ཕྱི་ནང་གསང་བའི་མཎྜལ་ཕུལ། ཆོས་ཁྲི་བྲག་སྣར་ལྷོ་ཡི་སྒོ་སྲུང་ལ་བསངས་དང་གསེར་སྐྱེམས་ཀྱིས་མཆོད། ཡིག་དྲུག་བཟླ་བཞིན་

― LT38_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

ར་ཆེན་ནས་འབབས་པའི་ཆུ་བོས་ཁྲུས་བྱ། ཆུ་རྒྱུད་གྱེན་དེང་དུ་ཕྱིན། མཁའ་འགྲོའི་བྲོ་ར་ཐང་དུ་གླུ་གར་དང་འདྲེལ་པའི་ཚོགས་ཀྱི་འཁོར་ལོ་བྱ། ཨ་མནའ་འདྲེ་ཕུག་ཡར་བཅད་དེ་ཙཱ་རི་རང་བྱུང་གི་ལྟག་ནས་ཆུ་བོའི་རྒྱུན་གྱེན་ལ་དེད། སྒྲོལ་མ་ལ་ནང་མཁའ་འགྲོའི་ཚོགས་གཞོང་དུ་ཕལ་པས་བཟའ་བཏུང་ཟས་སྣའི་རིགས་མཆོད་ཅིང་། རྣལ་འབྱོར་པས་ལུས་སྦྱིན་གྱིས་མཚོན་ཕྱི་ནང་གསང་བའི་ཚོགས་འཁོར་བྱ། རང་བྱུང་ཁྲུས་ཆབ་ལས་ཚེ་ལྷ་རྣམ་གསུམ་གཟུངས་བཟླ་ཞིང་བཀྲུ་བ་དང་འཐུང་བ་སོགས་བྱ། དེའང་ཆུའི་ནང་དུ་ལུས་ཀྱི་དྲི་མ་འགྲོ་མི་རུང་བས་ཟུར་དུ་ལེན་པ་ལེགས། ཀ་ལ་དུང་མཚོར་གཙང་ཞིང་དག་པའི་མཚོ་འཕྲུལ་ཅི་འབྱོར་ཕུལ། སྒྲོལ་མ་ལ་ཐོག་ཚེ་བསོད་རྒྱས་པའི་རྟེན་འབྲེལ་མཎྜལ་དང་སྨོན་ལམ་སོགས་བྱ། བདེ་སྐྱིད་ཕུན་ཚོགས་ཐང་དུ་བདེ་སྐྱིད་འབྱུང་བའི་རྟེན་འབྲེལ་དཀར་སྤྲོའི་ཁ་ཟས། དགའ་སྐྱིད་ཀྱི་གླུ་གར་སོགས་བྱ་ཞིང་རྒྱལ་ཁམས་བདེ་སྐྱིད་འབྱུང་བའི་སྨོན་ལམ་གདབ། ཐར་ལམ་སྒང་དུ་སེམས་ཅན་ཐམས་ཅད་ཐར་པའི་ལམ་ཕྱིན་ཅི་མ་ལོག་པ་ལ་འཇུག་པའི་སྨོན་ལམ་གདབ། སྒྲིབ་སྦྱོང་ལ་ཐོག་ཏུ་ནུབ་སྒོ་སྲུང་བ་ལ་བསངས་དང་གསེར་སྐྱེམས་འབུལ། རླུང་སེམས་དབང་དུ་འདུས་པའི་རྟེན་འབྲེལ་

― LT38_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲིགས། ཕྱག་འཚལ་སྒང་དུ་གནས་མཆོག་རྟེན་དང་བརྟེན་པར་བཅས་པའི་དཀྱིལ་འཁོར་གསལ་གདབ་ཅིང་ཕྱག་ཅི་ནུས་སུ་འཚལ། ཆོས་འཕེལ་ལ་ཐོག་ཏུ་སེམས་ཅན་ཐམས་ཅད་ཀྱི་སེམས་རྒྱུད་ཆོས་ལ་འབྱོར་པའི་སྨོན་ལམ་གདབ། གནས་སྲུང་ཆེན་པོ་རྡོ་རྗེ་དཔལ་འབར་བསངས་དང་གསེར་སྐྱེམས་སོགས་ཀྱིས་མཆོད། ལྷ་རྒྱལ་བཏང་། རྨུགས་འཛིན་དབང་པོའི་གནས་རིས་མདུན་ནམ་འབྲས་ལྡན་གྱི་ལྗོན་ཤིང་ཡོད་པའི་ཕྱོགས་ནས་བྱང་སྒོ་སྲུང་བ་ལ་བསངས་དང་གསེར་སྐྱེམས་ཀྱིས་བརྔན། ཕྱ་གཡང་འགུགས་པའི་འདོད་དོན་བཅོལ། རི་གདོང་རལ་གྲི་འདྲ་བ་ནས་དགྲ་བགེགས་ཚར་གཙང་གི་རྟེན་འབྲེལ་བསྒྲིགས། དེ་ནས་རིམ་པར་གཡས་བསྐོར་གྱིས་ཕྱིན་ཏེ་དཔལ་ཆེན་པོ་རང་བྱུང་གི་གཡོན་འདབ་བྲག་དམར་ལྷུན་ཆགས་ནས་གངས་རི་རྩེ་མཐོང་བའི་བར་དུ་བརྒལ། ལྷ་མཇལ་སྒང་ནས་རང་བྱུང་དཔལ་ཆེན་པའི་བཀོད་པ་མཇལ་ཞིང་མཎྜལ་ཚོགས་གཏོར་ཡན་ལག་བརྒྱད་པའི་རྒྱུན་བཤགས་སོགས་བྱ་ཞིང་ཐུན་མོང་མ་ཡིན་པའི་སྨོན་ལམ་གདབ། འདི་དག་ནས་འགོ་བརྩམས་མཐར་ཕྱིན་སྒང་དུ་མ་སླེབ་བར་ཀུ་ཅོ་བཤུགས་པ་སོགས་སྐད་ཆེར་མི་འདོན། གཅིན་སྟུག་སྣབ་ལུད་དོར་བ་སོགས་མི་བྱ་བར་དང་མོས་རྩེ་གཅིག་པས་རིག་པ་བསྒྲིམས་ནས་འགྲོ་དགོས། སྔོན་མོ་

― LT38_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་འདྲེད་བྱིས་འདྲེད་བརྒྱུད་པས་སྐབས་སྐབས་སུ་ཀཾ་ཀ་དང་བྱ་རོག་གི་སྐད་ཐོས། ཞིང་སྐྱོང་ལ་བརྒལ། བྱ་རོག་གདོང་རང་བྱོན་གྱི་མདུན་ཏུ་གཏོར་ཚོགས་འབུལ་ཞིང་ཕྲིན་ལས་བཅོལ། མཁའ་འགྲོའི་ཚོགས་གཏོར་ཡོད་པའི་མདུན་ཐད་ནས་ཡན་ལག་བརྒྱད་པ་ཕྱི་ནང་གསང་བའི་མཎྜལ་དང་ཚོགས་གཏོར་འབུལ། མཆོག་གི་དངོས་གྲུབ་ཐོབ་པའི་གསོལ་བ་གདབ། ཤར་གྱི་ལྗོན་པ་ཡོད་པར་སྒོ་སྲུང་ལ་བསངས་དང་གསེར་སྐྱེམས་ཀྱིས་བརྔན། ལ་དགུ་ལུང་དགུ་བརྒལ། ཕྱག་དྲུག་པ་རང་བྱོན་ལ་མཆོད་པ་འབུལ་ཞིང་འདོད་དོན་ཞུ། བྱ་རོག་རོང་ངམ་ཞིང་སྐྱོང་རོང་དུ་བབ། རུ་ལུའི་སྔགས་བཟླ་ཞིང་བདུད་རྩིའི་ཆུ་བོས་ཁྲུས་བྱ། དགེ་སྡིག་ཤན་འབྱེད་ཀྱི་འཕྲང་ནས་བརྒྱུད་སྟག་ཚང་རོང་དུ་ཕྱིན། འདི་ནས་མཁའ་འགྲོ་མ་སྟག་གཟིག་གི་གཟུགས་སུ་སྤྲུལ་ནས་མི་སྡིག་ཅན་ཟ་བར་བྱེད། གནས་བསྐོར་བ་གཞན་ལའང་ངར་སྐད་སྒྲོགས་པ་དང་འཇིགས་གཟུགས་བསྟན་པའི་སྡངས་སྐྲག་གིས་ལས་ཀྱི་སྒྲིབ་པ་སྦྱོང་། འདིའི་གཡས་ཕྱོགས་ཕུག་པ་ཞིག་ལ་རྡོ་བཅོལ་བས་བཟང་ངན་གྱིས་པྲ་བརྟག །འཁྲུལ་སྣང་རྩད་གཅོད་ཀྱི་འཕྲང་ལས་སྒྲོལ་ཏེ་སྤྱན་རས་གཟིགས་དངོས་སུ་མཇལ་བར་འདུ་ཤེས་པས་ཡིག་དྲུག་རང་བྱོན་མཇལ། དོམ་ཚང་རོང་དུ་སླེབ། འདིའི་གསང་

― LT38_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་ཕུག་པར་ཕལ་གྱིས་བགྲོད་དུ་མི་རུང་ཞིང་ཕྱག་དྲུག་ཡེ་ཤེས་ཀྱི་མགོན་པོའི་རྣལ་འབྱོར་པ་ཡིན་ན་གཟབ་ནས་སོང་སྟེ་མཆོད་བསྟོད་བགྱིས་པས་འདོད་དོན་འགྲུབ། རོང་འདི་རྣམས་ཙཱ་རིའི་གནས་ལག་དངོས་ཡིན། ལེགས་ཉེས་སྟངས་འཛིན་གྱི་འཕྲང་ལས་བརྒལ་ཏེ་མཁའ་འགྲོ་མ་བདེ་བའི་དབང་ཕྱུག་གི་སྐུ་མཇལ། མཁའ་སྤྱོད་ཀྱི་སྨོན་ལམ་གདབ། འཁོར་འདས་ཤན་འབྱེད་ཀྱི་འཕྲང་ལས་བརྒལ་ནས་འཁོར་འདས་ལ་བཟླའི་ལྟེམས་ཡེ་ཤེས་ཡངས་པའི་ཐང་དུ་ཅུང་ཟད་ངལ་གསོ། རྣལ་འབྱོར་པ་རྣམས་ཀྱིས་ཉམས་སྐྱོང་ཞིང་རྡོ་རྗེའི་ཉམས་མགུར་བླང་། ཚོགས་ཀྱི་འཁོར་ལོ་བྱ། མཎྜལ་རྒྱས་པར་འཕུལ། སྐྱེ་བོ་ཕོ་མོས་ཀྱང་ཡི་གེ་བདུན་པ་དང་བཛྲ་གུ་རུའི་དབྱངས་གླུར་ལེན། མཐར་ཕྱིན་སྒང་དུ་སླེབ་པ་ན་བཀྲ་ཤིས་བརྗོད་ཅིང་བསྔོ་བ་སྨོན་ལམ་གྱི་རྒྱས་གདབ་པར་བྱའོ། །གཉིས་པ་ཧེ་རུ་ཀའི་ནང་སྐོར་ནི། གདན་ས་ཆེན་པོ་ནས་ཕྱིན་ཏེ་སྒྲོལ་མ་ལ་བརྒལ། རྡོ་རྗེ་མཚེར་ཆེན་མའི་འོག་གི་ལུང་ཕ་བརྒྱུད་ར་ཆེན་ཁ་ནས་སྨར་ཡུ་ནང་དུ་བབ་སྟེ་ལྷ་མཇལ་སྒང་དུ་འགྲོ། དེ་ནས་ཐད་ཀའི་གསང་ལམ་བརྒྱུད། །རི་ཁྲོད་ཞིང་སྐྱོང་བྲག་འོག་ནས་དུང་དཀར་སྒང་དུ་བསྐོར་མདུད་ཕོག་པའོ། །གསུམ་པ་ཡེ་ཤེས་འབར་བའི་གསང་བསྐོར་ནི་གྲུབ་པ་ཐོབ་པ་དང་སུམ་ལྡན་རྡོ་རྗེ་འཛིན་པ། དགེ་སློང་

― LT38_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིམས་གཙང་། སྔགས་པ་དམ་གཙང་། རིགས་བཟང་མཁའ་འགྲོའི་མཚན་རྟགས་ཚང་བའི་བུད་མེད་མ་གཏོགས་ཕལ་པས་བགྲོད་པའི་གནས་མ་ཡིན་ནོ། །བཞི་པ་རིག་འཛིན་བླ་མའི་རྩེ་སྐོར་ནི། ཆུ་མིག་མགོ་མང་ནས་ཧེ་རུ་ཀའི་དབུ་རྩའི་བར་དུ་ཕྱིན་ཏེ་ངོས་ལེབ་ནས་མཐུར་དུ་བབ། ཞིང་སྐྱོང་ཕྲག་འོག་ནས་དུང་སྒང་དུ་ཕྱིན་པའོ། །ལྔ་པ་ཀུན་ཏུ་བཟང་པོའི་སྟེང་བསྐོར་ནི། དཀྱིལ་འཁོར་གྱི་སྟེང་ཕྱོགས་བགྲོད་པའི་ཚུལ་ཏེ་ཉམས་བསྒྱང་བའི་གནས་ལས་ཕལ་པའི་སྤྱོད་ཡུལ་མ་ཡིན་ནོ། །གཞན་ཡང་ཅི་བདེའི་ཞོལ་ནས་བསྐོར་ན་ཆོས་ཁྲི་བྲག་སྣ་ནས་ས་དམར་ལ་བརྒྱུད། ཛི་ན་ནས་ངོས་ཆེན་ཏུ་བབ་སྟེ་དཔའ་ཆུ་རིམ་འདེད་ཀྱིས་ཆོས་ཁྲི་མཎྜལ་ཐང་དུ་ཕྱིན་པ་དང་། ནང་གི་ཧེ་རུ་ཀ་གསུམ་ཚང་བའི་དཀྱིལ་འཁོར་རྫོགས་པའི་མཐའ་བསྐོར་བྱེད་ན། ཤ་བཞེ་ལ་བརྒལ་ཚེ་ཚ་ནས་རྩེ་ཟུལ་མདོར་ཕྱིན། ཨ་ལོ་ཁ་སྟེང་ལ་བརྒལ། ཀ་རོང་ཁ་ནས་ལྷ་མདོའི་འཇོ་ངད་ལ་བརྒྱུད། དཔའ་བོ་དབང་ཆེན་བྲག་ནང་དུ་བཙུད། གཡུ་འབྲུག་ལ་སྨད་ནས་གསང་ལམ་བསྙགས་ཏེ་རྡོ་ཕུར་བབ། ཆུ་ཐུར་དེད་ཀྱིས་ཕྱིན། སི་དུ་ལ་བརྒལ། རོང་མེ་ནས་གཞུང་ལམ་བརྒྱུད་དེ་འདི་གར་ཕྱིན་དགོས་པར་གསུངས་སོ། །གཉིས་པ་དུས་ཚོད་ལ་གཉིས། ཐུན་མོང་དང་ཁྱད་པར་རོ། །དང་པོ་ནི་གནས་

― LT38_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་འདི་དག་འཁོར་བ་མ་སྟོངས་ཀྱི་བར་དུ་འབྲེལ་ཚད་དོན་ལྡན་གྱི་འགྲོ་དོན་འབྱུང་བ་བྱིན་གྱིས་བརླབས་པ་ཡིན་པས། རང་རང་གི་འཁོས་ལྕོགས་དང་བསྟུན་པའི་ཕྱག་བསྐོར་མཆོད་འབུལ་སོགས་དུས་ནམ་བྱས། ཆེ་ཆུང་ཇི་ཙམ་ནུས་ཀྱང་དེ་དང་མཐུན་པའི་ཕན་ཡོན་འབྱུང་བར་ཡིན་པས་དེས་གཟུང་མེད་དོ། །གཉིས་པ་ཁྱད་པར་གྱི་དུས་ནི། རྩ་བ་ལས། ཁྱད་པར་ལུག་ལོ་སྤྲེལ་ཟླ་བར༔ རིག་འཛིན་ཡི་དམ་མཁའ་འགྲོའི་ཚོགས༔ ཕྱོགས་བཅུའི་གནས་ནས་འདི་རུ་འབྱོན༔ ཞེས་གསུངས་པས་ལུག་ལོ་ནམ་ཤར་དུ་ཕྱོགས་བཅུའི་རྩ་བ་གསུམ་པོའི་དཀྱིལ་འཁོར་གནས་མཆོག་འདིར་འདུ་བ་ཡིན་ཅིང་། དེ་ལས་ཀྱང་ཁྱད་པར་སྤྲེལ་གྱི་ཟླ་བར་ངེས་པ་ཅན་གྱི་དུས་ཚིགས་སུ་གསུངས་པས། ལུག་ལོ་སྤྲེལ་གྱི་ཟླ་བ་དང་། ལོ་བསྟར་དུའང་སྤྲེལ་ཟླ་ནམ་བྱང་ལ་བསྐོར་ན་བྱིན་རླབས་ལྷག་པར་ཆེ་བ་ཡིན། སྤྲེལ་ཟླ་ཟླ་བ་ལྔ་པ་དང་། དྲུག་པ་དང་། བདུན་པ་ལ་བཞེད་པའི་ལུགས་སྲོལ་གསུམ་སྣང་བ་གསུམ་ཀའང་ཆོས་སྤྱན་ལྡན་པ་དག་གི་དགོངས་པ་ཡིན་པས་འཁྲུལ་པ་མེད་ཅིང་། སངས་རྒྱས་རྣམས་གདུལ་བྱའི་ཡུལ་ལ་འཇུག་པའི་ཐུགས་རྗེ་མངའ་བས་སེམས་ཅན་གྱི་དད་པའི་ཉེར་ལེན་དང་མཐུན་པར་བྱིན་རླབས་འཇུག་པའི་ཕྱིར་ཟླ་བ་འདི་གསུམ་ཁྱད་པར་མེད་

― LT38_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཟུང་ངོ་། །གསུམ་པ་བསྐོར་བ་བྱེད་ཚུལ་ཁྱད་པར་བ་ནི་གོང་དུ་སྨོས་པས་ཁྱབ་ལ། སྤྱིར་ནི་རྒྱལ་བ་གཉིས་པ་རང་བྱུང་རྡོ་རྗེ་དང་། རྟོགས་ལྡན་མཁའ་སྤྱོད་དབང་པོ་སོགས་ཀྱི་གསུང་རབ་ལས་འབྱུང་བ་ལྟར། འདུལ་བ་དང་མཐུན་པར་སྒོ་གསུམ་སྡོམ་པ་དང་ལྡན་པ། ཕར་ཕྱིན་དང་མཐུན་པར་བྱང་ཆུབ་སེམས་བསྐྱེད་དང་ལྡན་པ། གསང་སྔགས་དང་མཐུན་པར་དམ་ཚིག་གཙང་ལ་ཁྱེར་སོ་གསུམ་དང་ལྡན་པ། ལུས་སྒྲིབ་དག་པར་བྱེད་པ་རྟ་ཁྱེར་ཞྭ་གྱོན་སོགས་སྤོང་བ། ངག་སྒྲིབ་དག་པར་བྱེད་པ་ཁ་ཏོན་བསྟོད་དབྱངས་དང་བཅས་པ། ཡིད་སྒྲིབ་དག་པར་བྱེད་པ་མོས་གུས་དག་སྣང་དང་ལྡན་པ། མདོར་ན་ཆོས་མིན་གྱི་སྤྱོད་པ་སྤོང་སྟེ་བག་ཡོད་དྲན་ཤེས་ཡིད་ཆེས་དང་ལྡན་པས་བསྐོར། རྩེད་མོ་ཀུ་རེ་བཞད་གད་ལུང་མ་བསྟན་གྱི་གཏམ་སྨྲ་བ་སོགས་སྤང་། བཟའ་བཏུང་འཕྱོར་ཆས་སོགས་འཇིག་རྟེན་བྱ་བ་རྒྱང་དུ་བསྲིང་། ཁྱད་པར་མི་དགེ་བའི་ལས་ལམ་བཅུ་དང་། ཆང་བཟི་འཐབས་རྩོད། ཀུ་ཅོ་ཆེར་སྒྲོག་པ་སོགས་ལ་ཤིན་ཏུ་འཛེམ། གནས་ནང་འདིར་གཏོགས་པའི་རི་དྭགས་གསོད་པ་བྱུང་ན་ཆེ་ཆུང་གང་གསོད་ཀྱང་རུང་བཀའ་ཆད་འཕྲལ་དུ་འབྱུང་བའི་བཀའ་བསྒོ་ལོ་བསྟར་ནན་ཏུ་བྱས་ཤིང་མདོ་སྒྲུབ་ཀྱང་ཡོད་

― LT38_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བཀའ་ཆད་ངེས་པར་འབྱུང་བའི་ཕྱིར་རང་སྲོག་དང་རང་ནོར་ལ་བསམ་མནོ་བཏང་བའི་དྲན་པ་བསྟེན་དགོས། ལམ་ཐུར་འཕྲང་རོང་གིས་ངལ་དུབ་བྱུང་ན་དོན་མེད་འཇིག་རྟེན་བྱ་བར་དཀའ་བ་དང་བླང་དང་མི་མཚུངས་པར་སྒྲིབ་པ་བྱང་བའི་དགའ་བ་བསྒོམ། དཔའ་བོ་མཁའ་འགྲོའི་རྣམ་འཕྲུལ་ཇི་ལྟར་སྟོན་པའི་ཚོད་མི་ཟིན་པས་མི་དུད་འགྲོ་བྱ་བྱིའུ་རི་དྭགས་གཅན་གཟན་བཟང་ངན་གང་མཐོང་ཡང་དད་པ་དང་དག་སྣང་བསྐྱེད། ལམ་འཕྲང་ཆར་རླུང་ནགས་རོང་གཅན་གཟན་ཐོག་སེར་སོགས་ཀྱི་འཇིགས་པ་བྱུང་ན་སེམས་མི་ཞུམ་པར་རྩ་བ་གསུམ་ལ་གསོལ་འདེབས་དང་གནས་བདག་ལ་གཏོར་མ་གསེར་སྐྱེམས་འབུལ་ཞིང་བཀའ་བསྒོ་བྱ། བར་དོའི་འཇིགས་སྐྲག་དང་མཚུངས་པར་བལྟས་ལ་བར་དོ་འཕྲང་སྒྲོལ་གྱི་གསོལ་འདེབས་བྱ། རྟེན་དང་རང་བྱོན་རྣམས་ལ་རྡེག་པ་དང་བཅག་པ་དང་གཞན་ཏུ་སྤོ་བ་སོགས་བྱས་ན་དུས་མིན་འཆི་བ་སོགས་བར་ཆད་འབྱུང་བས་གཡས་ཆུང་གཏན་ནས་མི་བྱ་བར་རྩ་གསུམ་དངོས་སུ་འདུ་ཤེས་སྐྱེད། སྒྲུབ་པའི་ཕུག་པ་རྣམས་སུ་ཚུལ་མ་ཡིན་པའི་སྤྱོད་པ་བྱས་ན་བཀའ་ཆད་འབྱུང་བས་ཚོགས་འཁོར་དང་བསམ་གཏན་བསྒོམ་པ་སོགས་ཀྱི་བཟང་འབྲེལ་བཞག་པར་བྱ་སྟེ། རྩ་བ་ལས། དམ་མེད་ཚུལ་ཉེས་སྤྱོད་པ་རྣམས༔ གནས་

― LT38_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་སྡོད་པའི་གནས་མ་ཡིན༔ སྐལ་བ་ལྡན་དང་དམ་ཚིག་ལྡན༔ ཚུལ་བཞིན་སྤྱོད་པའི་རྣལ་འབྱོར་ལ༔ སྐལ་པར་མཚམས་པའི་དངོས་གྲུབ་ནི༔ འཐོབ་འགྱུར་ཐེ་ཚོམ་མེད་པའོ༔ ཞེས་གསུངས་སོ། །མདོར་ན། མོས་གུས་གསོལ་འདེབས་དང་བཅས་ཏེ་བསྐོར་ན་རིག་འཛིན་བླ་མའི་བྱིན་རླབས་འཇུག །ཏིང་འཛིན་བཟླས་བརྗོད་དང་བཅས་ཏེ་བསྐོར་ན་ཡི་དམ་ལྷའི་དངོས་གྲུབ་སྟེར། དགའ་སྟོན་ཚོགས་འཁོར་དང་བཅས་ཏེ་བསྐོར་ན་མ་སྲིང་མཁའ་འགྲོས་སྡོང་གྲོགས་བྱེད། དམ་རྫས་གཏོར་མ་དང་བཅས་ཏེ་བསྐོར་ན་ཆོས་སྐྱོང་སྲུང་མས་ཕྲིན་ལས་སྒྲུབ། བསངས་བརྔན་གསེར་སྐྱེམས་དང་བཅས་ཏེ་བསྐོར་ན་གནས་བདག་ཡུལ་ལྷས་མཐུན་རྐྱེན་སྒྲུབ། དཀའ་སྤྱད་གདུང་ཤུགས་དང་བཅས་ཏེ་བསྐོར་ན་ལས་ངན་སྡིག་སྒྲིབ་དག །མཎྜལ་སྨོན་ལམ་དང་བཅས་ཏེ་བསྐོར་ན་གང་འདོད་འབྲས་བུ་འགྲུབ། གསང་ཆེན་རིག་སྤྱོད་དང་བཅས་ཏེ་བསྐོར་ན་འཕོ་མེད་བདེ་ཆེན་འགྲུབ། མི་རྟོག་ཏིང་འཛིན་དང་བཅས་ཏེ་བསྐོར་ན་མཆོག་གི་དངོས་གྲུབ་འཐོབ་པར་འགྱུར་བ་ཡིན་པས་རྡོ་རྗེའི་དཀྱིལ་འཁོར་བླ་ན་མེད་པ་འདི་དག་ལན་བརྒྱར་བསྐོར་ཡང་ཆོག་ཤེས་མེད་པ། ལོ་བརྒྱར་བསྡད་ཀྱང་སྐྱོ་ངལ་མེད་པ། ཡིད་ཆེས་ངེས་ཤེས་རྒྱུན་ཏུ་བྱ་བ། ཀུན་ཏུ་དགའ་བས་རྟག་ཏུ་བསྟེན་ཏེ་མི་

― LT38_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་དོན་དང་ལྡན་པར་བྱའོ། །བརྒྱད་པ་ངོ་མཚར་དེ་ལྡན་གྱི་གནས་ལ་བསོད་ནམས་བགྱིས་པའི་ཕན་ཡོན་བརྗོད་པ་ལ་གསུམ། སྤྱི་དང་བྱེ་བྲག །བསྐོར་ཚད་སྨོས་པའོ། །དང་པོ་ནི། སྤྱིར་རྡོ་རྗེའི་གནས་ཆེན་འདི་རྣམས་སུས་ཀྱང་མ་བྱས་རང་བྱུང་ལྷུན་གྱིས་གྲུབ་པའི་རྟེན་མཆོག །དག་པའི་སྣང་ངོར་ཐར་པ་ཆེན་པོའི་ཕོ་བྲང་། མ་དག་པའི་བློ་ལ་ས་རྡོ་རི་བྲག་བེམ་པོའི་གཟུགས་སུ་སྣང་བ་ཡིན་པས། བཟོ་བོ་མཁས་པས་འཇིམ་པ་སོགས་ལས་བཅོས་པའི་སྐུ་གསུང་ཐུགས་རྟེན་ལ་ཕྱག་མཆོད་བསྐོར་བ་བགྱིས་པའི་བསོད་ནམས་ཀྱང་ཚད་མེད་པ་མདོ་རྒྱུད་རྣམས་ལས་གསུངས་པས། དེ་ལས་ཀྱང་གནས་མཆོག་འདི་རྣམས་ལ་ཕྱག་མཆོད་བསྐོར་བ་སོགས་བགྱིས་པའི་ཕན་ཡོན་བྱེ་བ་བརྒྱ་འགྱུར་དུ་ཆེ་བ་ལུང་དང་རིགས་པས་གྲུབ་ལ། རྣལ་འབྱོར་པ་རྣམས་ཀྱིས་ནི་རྡོ་རྗེའི་བརྟུལ་ཞུགས་ཀྱི་རྟེན་འབྲེལ་དུ་མ་བསྒྲིགས་ནུས་པ་ཡིན། ལུང་བསྟན་བཀའ་རྒྱ་མ་ལས། དེ་བཞིན་གནས་དང་གནས་ཕྲན་ལ་སོགས་དང་༔ ཡུལ་དང་ཡུལ་འདི་སྦས་པའི་ཡུལ་རྣམས་སུ༔ སྒྲུབ་པ་བྱས་པའི་ཡོན་ཏན་བསམ་མི་ཁྱབ༔ ཕལ་པའི་གནས་སུ་ལོ་གཅིག་བསྒྲུབ་པ་བས༔ དེ་དག་རྣམས་སུ་ཞག་གཅིག་འགྲུབ་ཐག་ཉེ༔ ཞེས་སོགས་གཏེར་ཁ་རྣམས་ལས་མགྲིན་གཅིག་དབྱངས་གཅིག་ཏུ་གནས་ཆེན་རྣམས་ཀྱི་ཡོན་ཏན་ཚད་མེད་

― LT38_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསྔགས་པར་མཛད་ཅིང་། མདོ་ཁམས་གནས་ཆེན་རྣམས་ཀྱི་མདོ་བྱང་དཀར་ཆག་གི་ཕན་ཡོན་སྤྱི་བསྡམས་ལས་ཀྱང་། ཕྱག་བསྐོར་བྱས་ཚད་ངན་སོང་སྐྱེ་སྒོ་གཅོད༔ བཀུར་སྟི་བྱས་ན་མཐོ་རིས་གནས་སུ་སྐྱེ༔ ཚོགས་འཁོར་ལན་གཅིག་བསོད་ནམས་ཚོགས་ཆེན་རྫོགས༔ ཚོགས་འཁོར་ལན་གཉིས་ལས་ཀྱི་རྣམ་སྨིན་བྱང་༔ ཚོགས་འཁོར་ལན་གསུམ་ཨོ་རྒྱན་པདྨ་བདག༔ དངོས་ཉམས་རྨི་ལམ་བརྡ་ཡི་ཚུལ་དུ་མཇལ༔ ཚོགས་འཁོར་བརྒྱ་རྩས་མཁའ་སྤྱོད་གནས་སུ་སྐྱེ༔ མཆོག་ཐོབ་འདོད་ན་རྩེ་གཅིག་སྒྲུབ་ལས་འགྲུབ༔ འབྲེལ་ཚད་དོན་ལྡན་གནས་མཆོག་ཨེ་མ་ཧོ༔ ཞེས་གསུངས་སོ། །གཉིས་པ་བྱེ་བྲག་ཏུ་གནས་ཆེན་འདི་ཉིད་ལ་བསོད་ནམས་བསགས་པའི་ཕན་ཡོན་ནི། དཀར་ཆག་ལས། ཐུན་མོང་ཁྱད་པར་ཐམས་ཅད་དུ༔ དད་ཅིང་མོས་པ་བརྟན་པོ་ཡིས༔ གནས་འདིར་ཕྱིན་པ་ཙམ་གྱིས་ཀྱང་༔ ངན་སོང་དུཿཁ་ལས་སྐྱོབ་ཅིང་༔ ཕྱི་ནང་གསང་བའི་ཚོགས་འཁོར་གྱིས༔ བསོད་ནམས་ཡེ་ཤེས་ཚོགས་དུས་ཚོད། ཆེན་རྫོགས༔ ཕྱག་དང་བསྐོར་བ་སུས་བྱེད་པ༔ ལས་ངན་སྡིག་སྒྲིབ་ཐམས་ཅད་འདགས༔ གཞན་ཏུ་ལོ་གཅིག་སྒྲུབ་པ་བས༔ འདི་རུ་ཐུན་གཅིག་བསྒོམ་པས་ཟབ༔ རྩེ་གཅིག་སྒྲུབ་པ་སུས་བྱེད་པ༔ མཆོག་ཐུན་དངོས་གྲུབ་དེ་ཡིས་

― LT38_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

འཐོབ༔ གནས་འདིར་མཆོད་པ་སུས་བྱེད་པ༔ ཚེ་དང་བསོད་ནམས་ཐམས་ཅད་རྒྱས༔ ཞེས་གསལ་ལ་འདུས་པར་བདེན་པའི་ཚིག་ཏུ་ལགས་པར་གསུངས་པ་ལྟར། ཕྱག་བསྐོར། མཆོད་བསྟོད། མཎྜལ་ཚོགས་འཁོར། སྤྲོས་བཅས་སྤྲོས་མེད་ཀྱི་སྒྲུབ་པ་བགྱིད་པར་ལྟ་ཅི་སྨོས། དད་ཅིང་མོས་པས་གནས་འདིར་ཕྱིན་པ་ཙམ་གྱིས་ཀྱང་ངན་འགྲོ་ལ་རྒྱབ་ཀྱིས་ཕྱོགས་པར་འགྱུར་ཞིང་། འདི་ཉིད་ཙཱ་རི་ཏྲའི་གནས་དང་མཚུངས་པའི་རྒྱུ་མཚན་གྱིས། དེའི་ཕན་ཡོན་ཁྱད་པར་བ་རྣམས་ཀྱང་འཐོབ་པར་འགྱུར་ཏེ། དེའང་རྒྱལ་བའི་དབང་པོ་རང་བྱུང་ཞབས་ཀྱིས། གནས་ཉེར་བཞིའི་གཙོ་བོ་ཙཱ་རི་ཏྲ། །བཅོམ་ལྡན་བདེ་མཆོག་གི་ཕོ་བྲང་ཡིན། །དད་མོས་པས་བསྐོར་བ་བྱེད་པ་རྣམས། །ཕྱི་མ་བདེ་ཆེན་ཞིང་ཁམས་སུ། །འོད་དཔག་མེད་ཀྱི་སྤྱན་སྔར་སྐྱེ། །ཞེས་དང་། རྗེ་བདུན་པ་ཆོས་གྲགས་རྒྱ་མཚོས། འདི་ནི་དཀྱིལ་འཁོར་ཆེན་པོ་ཉིད། །སྐལ་ལྡན་རྣམས་ཀྱིས་དངོས་སུ་མཐོང་། །སྐལ་པ་འབྲིང་དང་ཐ་མ་ལ། །ལྷ་སྐུ་ཕྱག་མཚན་ཡིག་འབྲུ་དང་། །མཆོད་རྟེན་དུར་ཁྲོད་ལ་སོགས་པ། །གསལ་དང་མི་གསལ་ཚུལ་དུ་མཐོང་། །གནས་འདི་བསྐོར་བ་བསམ་ནས་ནི། །གོམས་པ་གཅིག་ཙམ་བོར་བས་ཀྱང་། །སྒྲིབ་དག་བར་ཆད་སེལ་བ་དང་། །དངོས་གྲུབ་འབྱུང་བར་ངེས་པ་ན། །དད་པ་དམ་ཚིག་དང་ལྡན་པས། །ལེག་ལྟ་

― LT38_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

སྤང་ནས་ཚུལ་བཞིན་ཏུ། །གནས་ཀུན་བསྐོར་བ་བྱས་པ་ན། །ནད་གདོན་སྡིག་སྒྲིབ་བར་ཆད་སོགས། །མི་མཐུན་ཕྱོགས་ཀུན་ཞི་བ་དང་། །བསམ་དོན་འགྲུབ་ཅིང་ཚེ་དང་ནོར། །བསོད་ནམས་བདེ་ལགས་རྒྱས་པར་འགྱུར། །སྣོད་བཅུད་དབང་དུ་འདུ་བ་དང་། །དགྲ་བགེགས་ཐམས་ཅད་ཚར་ཆོད་ཅིང་། །ཐུན་མོང་དངོས་གྲུབ་ཕལ་ཆེར་འགྲུབ། །རིམ་གྱིས་མཆོག་གི་དངོས་གྲུབ་ཐོབ། །ཅེས་རྡོ་རྗེའི་ཚིག་ཏུ་མི་སླུ་བར་ཞལ་གྱིས་བཞེས་པའི་ཕན་ཡོན་དེ་དག་རང་རང་གི་དད་མོས་ཀྱི་ཉེར་ལེན། སྐལ་པའི་ཁྱད་པར་དང་མཚུངས་ལྡན་ཏུ་འཐོབ་པར་འགྱུར་བ་ཡིན་ལ། ཁྱད་པར་གནས་མཆོག་འདིའི་ཐང་བཞིར་ཚོགས་གཉིས་བསགས་པས་རྒྱུད་བཞི་དག །འཕྲང་བཞི་བརྒལ་བས་སྒྲིབ་བཞི་བྱང་། རོང་བཞིར་བགྲོད་པས་གནས་སྐབས་བཞིའི་བག་ཆགས་སེལ། ཆུ་བོ་བཞིས་ཁྲུས་བྱ་ཞིང་འཐུངས་པས་དབང་བཞིའི་ནུས་པ་འཇོག །ལ་བཞིར་དཀའ་བ་འཛེགས་པས་ལམ་བཞིར་བགྲོད། སྒང་བཞིར་ཕྱིན་པས་ཉམས་བཞི་འཆར། དབེན་རི་བཞིར་ཏིང་འཛིན་བསྐྱངས་པས་རྟོགས་པ་བཞི་འཐོབ། གོང་བུ་ལྔ་མཐོང་བས་ཡེ་ཤེས་ལྔ་འཆར་ཞིང་མཐར་ཐུག་སྐུ་ལྔ་འཐོབ་པ་སྟེ། དེ་ལྟ་བུའི་རྟེན་འབྲེལ་བསྒྲིག་ཅིང་བག་ཆགས་རྒྱུད་ལ་འཇོག་པ་ཡིན་པས་སོ་སོར་ངེས་ཤེས་ཀྱང་བསྐྱེད་དགོས་སོ། །དེ་ལྟར་ན་བསྐོར་བ་རྒྱས་པ་ཚད་

― LT38_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་གཅིག་གིས་ཁམས་དྲུག་ལྡན་གྱི་རྟེན་ཅན་ཞིག་སྨིན་གྲོལ་གཉིས་མཐར་ཕྱིན་ནས་ཚེ་ལུས་གཅིག་ལ་འཚང་རྒྱ་བའི་རྟེན་འབྲེལ་ལྷུན་གྲུབ་ཏུ་བསྒྲིག་ནུས་པ་ཡིན་ནོ། །གསུམ་པ་བསྐོར་ཚད་ཀྱི་ཕན་ཡོན་ཀྱང་། ལམ་ཞུགས་ཀྱི་གང་ཟག་རབ་འབྲིང་ཐ་མ། ཁྱིམ་པ་ཕོ་མོ་གང་ཡིན་ཀྱང་རང་རང་ལུགས་མཐུན་གྱི་བསམ་སྦྱོར་ཚད་ལྡན་གོང་སྨོས་ལྟ་བུའི་ངོས་ནས་མཁའ་འགྲོ་རྒྱ་མཚོའི་ཕྱི་བསྐོར་གཅིག་ལ་རང་རང་གི་འདོན་བཟླས་གང་བྱེད་པ་དུང་ཕྱུར་གཅིག་ཏུ་འགྱུར་ཞིང་གང་ཟག་རབ་ལ་ནི་ཚད་བཟུང་མེད། དེ་བཞིན་དུ་ཧེ་རུ་ཀའི་ནང་སྐོར་བདུན། རིག་འཛིན་བླ་མའི་རྩེ་བསྐོར་བརྒྱ། ཅི་བདེའི་ཞོལ་བསྐོར་ཉེར་གཅིག་ལ་དུང་ཕྱུར་རེ་བཟླས་པའི་ཕན་ཡོན་ཡོད། གཞན་ཡང་མཎྜལ་མར་མེ་ཚོགས་འཁོར་སོགས་ཀྱང་གཞན་ཏུ་སུམ་བརྒྱ་བྱས་པ་དང་གནས་འདིར་བརྒྱ་རྩ་གྲུབ་པའི་ཕན་ཡོན་མཉམ་ཞིང་། སྒྲུབ་པ་བགྱིས་པ་སོགས་ཀྱི་འགྱུར་ཁྱད་ཚད་མེད་པའང་གོང་སྨོས་ལུང་གིས་གསལ་བར་མཚོན་པ་ལྟར། མི་ལུས་སྙིང་པོར་ལེན་པར་འདོད་པའི་བློ་གྲོས་བཟང་པོ་ཅན་རྣམས་ཀྱིས་གནས་མཆོག་འདིར་ཚོགས་གཉིས་སྤེལ་བ་ལ་ཕྱི་བཤོལ་དུ་མ་སོང་བ་བརྩོན་འགྲུས་བརྟན་པོའི་གོ་ཆ་བགོ་བར་བྱའོ། །སངས་རྒྱས་ཡེ་ཤེས་ཡུལ་ནི་བསམ་མི་ཁྱབ། ཁམས་དང་མོས་པའི་མཐུར་ཡང་ཚད་བཟུང་མེད། །བདེ་ཆེན་ཆང་གིས་མྱོས་པའི་གར་མཁན་རྣམས། །རྡོ་

― LT38_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་བཀོད་པ་མཐའ་ཡས་གླུ་ལེན་ཏོ། །རང་ལ་སྦས་པ་གཞན་ལ་སྟོན་པའི་མིག །འཕགས་མིན་སྐྱེ་ལ་མི་གསལ་རབ་རིབ་ཕྱིར། །ངལ་བ་འདི་འདྲས་བདག་ལ་ཅི་བྱ་ཡང་། །གྲུབ་པའི་དྲིན་གྱིས་གཞན་ལ་ཕན་པར་བརྩམས། །སུ་ཞིག་རྡུལ་དང་བྲལ་བའི་མིག་ཐོབ་པ། །དེ་ཡི་གན་ན་རྒྱལ་བའི་ཞིང་བཀོད་དེ། །སྤྱོད་པ་རྒྱ་མཚོ་སྤྱད་པའི་བློ་ཆེན་ནི། །མྱུར་དུ་ཐམས་ཅད་གཟིགས་པའི་ས་ལ་འགྲོ། །ལྐོག་གྱུར་གཟིགས་པའི་རྡོ་རྗེའི་སྤྱན་ལྡན་རྣམས། །ཕྲ་བའི་ཡུལ་ལ་ཡེ་ཤེས་འཇུག་པས་ན། །ཇི་ལྟར་གསུངས་ཀྱང་བདེན་པའི་ཚིག་ཡིན་ཕྱིར། །ཟ་འོག་རས་མ་ཆོས་ཀྱི་གོས་སུ་བསྡེབས། །འདི་འབྲེལ་སྐྱེ་དགུས་རྡོ་རྗེའི་ལམ་བགྲོད་དེ། །སྒྲིབ་པའི་དྲི་མ་སྙིང་པོར་གཙང་བྱས་ནས། །བདག་དང་གཞན་དོན་ཕུན་སུམ་ཚོགས་པའི་སྒོར། །གཏན་མེད་ཞི་བའི་སྦྱིན་པ་སྩལ་གྱུར་ཅིག །ཅེས་པ་འདིའང་རབ་ཡིད་ཆུ་སྟག་ལོར་ཁྱབ་བདག་རྡོ་རྗེ་འཆང་པདྨ་དབང་ཆེན་གྱི་ཞལ་སྔ་ནས་བཀྲ་ཤིས་པའི་ལྷ་རྫས་དང་བཅས་ཏེ་རྟེན་དང་བརྟེན་པར་བཅས་པའི་གནས་ཡིག་དཀར་ཆག་རྒྱས་པར་བྲིས་ཤིག་པའི་བཀའི་གནང་བ་ཡང་ཡང་སྩལ་རུང་ལག་ཏུ་མ་ལོན་པ། སླད་ནས་དོན་གྲུབ་ས་ལུག་ལོར་ཁམས་གསུམ་མགོན་པོ་རྒྱལ་བ་ཡབ་སྲས་ཞལ་རྒྱས་ཤིང་། གཏེར་ཆེན་ཆོས་ཀྱི་རྒྱལ་པོའི་བཀའ་དྲིན་ལས་གནས་ཀྱི་ངང་ཚུལ་གསལ་བར་གཏན་ལ་ཕེབ་པ་མ་ཟད། བཀའི་རྗེས་སུ་གནང་བ་ཐོབ་པར་ལྟར་རི་ངོགས་འདིར་ཡི་དམ་བརྟན་པ་པདྨ་གར་གྱི་དབང་ཕྱུག་བློ་གྲོས་མཐའ་ཡས་པའི་སྡེས་བྲིས་པ་དགེ་ལེགས་འཕེལ།། །།

རྫོང་ཆེན་ཁམས་ཕུག་འོད་གསལ་གྲུབ་པའི་རྩེ་མོའི་དཀར་ཆག་གཏེར་བྱོན་ཟུར་འདེབས་དད་པའི་མེ་ལོང་།

― LT38_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོང་ཆེན་ཁམས་ཕུག་འོད་གསལ་གྲུབ་པའི་རྩེ་མོའི་དཀར་ཆག་གཏེར་བྱོན་ཟུར་འདེབས་དད་པའི་མེ་ལོང་ཞེས་བྱ་བ་བཞུགས་སོ། །རྩ་གསུམ་ཀུན་འདུས་སྣང་སྲིད་ཟིལ་གནོན་མཆོག །དབྱེར་མེད་རིག་འཛིན་རྩལ་འཆང་རྗེ་ལ་འདུད། །ཨོ་རྒྱན་ལུང་ཟིན་གདོད་ནས་ཡོངས་གྲགས་པའི། །སྦས་ཡུལ་ཆར་གཏོགས་ཨ་ཏ་རོང་འདི་ཡི། །གནས་གཏེར་ཐོག་མར་ཞལ་འབྱེད་གནས་དུས་ཀྱི། །རྟེན་འབྱུང་འགྲིགས་ཤིང་ལས་ཅན་གང་ཟག་འཛོམ། །དོན་འདི་བར་ཆད་མེད་པ་མཐར་ཕྱིན་ན། །མཐའ་དམག་དར་ཞི་རྒྱལ་ཁམས་སྐོར་གཅིག་བདེ། །འབྲེལ་ཐོགས་འགྲོ་ལ་ཐར་པའི་ས་བོན་ཐེབ། །དེ་ཕྱིར་པད་འབྱུང་ཞལ་ཚབ་ཆོས་ཀྱི་རྗེ། །མངའ་བདག་ཡབ་སྲས་རྣམ་རོལ་རྣམ་གཉིས་ལ། །ལས་ཅན་དག་གིས་གསོལ་བ་བཏབ་པ་བཞིན། །གནས་ཞལ་ཕྱེས་ཤིང་ཟབ་གཏེར་དག་ཀྱང་བཞེས། །ད་རུང་རྟེན་འབྲེལ་ལེགས་ཚོགས་འགྲིགས་པ་ན། །ངོ་མཚར་མང་པོ་རིམ་གྱིས་འབྱུང་བར་འགྱུར། །ད་ལྟའི་རྟེན་འབྲེལ་འདིས་ཀྱང་ཡུལ་ཕྱོགས་འདིར། །ཆོས་མིན་སྤྱོད་པའི་སྤྲིན་གྱིས་མར་བཀབ་ན། །ལོ་སྐོར་གཅིག་ཏུ་བདེ་སྐྱིད་ཉི་མ་འཆར། །ཁྱད་པར་རྩ་བ་ཡོན་ཏན་སྐུ་ཡི་གནས། །གཉན་ལྡང་ཛཱ་ལན་དྷ་རའི་ཡལ་འདབ་དང་། །མེ་ཏོག་འབྲས་བུ་ཕྱོགས་མཚམས་གྱེས་པ་ལ། །ཤར་ཕྱོགས་རྡོ་རྗེ་རིགས་ཀྱིས་འདུལ་ཞིང་འདིར། །གཡས་སུ་

― LT38_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོང་ཆེན་ཐུགས་རྗེ་ཆེན་པོ་དང་། །གཡོན་དུ་ཁམས་ཕུག་བླ་མའི་གཞལ་མེད་ཁང་། །དབུས་སུ་མི་འགྱུར་འོད་གསལ་གྲུབ་པའི་རྩེ། །མཁའ་འགྲོ་སྒྱུ་འཕྲུལ་དྲ་བའི་ཕོ་བྲང་ཆེ། །མདུན་དབུས་དུད་སོལ་རེ་ཏི་རོལ་པའི་ཞིང་། །བར་མཚམས་ནོར་ལྷ་ཆོས་སུང་བསྟི་གནས་བཅས། །ཕྱི་རུ་སྐུ་གསུང་ཐུགས་དང་ཕྱག་ཞབས་རྗེས། །ངོ་མཚར་བཀའ་རྟགས་དངོས་དང་སྦས་པའི་ཚུལ། །ནང་དུ་ཆོས་ནོར་དམ་རྫས་ལ་སོགས་པ། །ཟབ་མོའི་གཏེར་ཁ་དུ་མའི་མཛོད་དང་ལྡན། །གསང་བ་ཐར་པ་ཆེན་པོའི་གཞལ་མེད་ཁང་། །རྩ་གསུམ་དཀྱིལ་འཁོར་ཚོམ་བུའི་ཚུལ་དུ་བཞུགས། །ནོར་གྱི་ལྷ་མོས་ཐུན་མོང་དངོས་གྲུབ་སྟེར། །རེ་མ་ཏི་ཡིས་མཆོད་ལ་སྡོང་གྲོགས་མཛད། །གནས་ལ་འཚེ་བའི་འགལ་བྱེད་ཆོམ་ལ་འབེབས། །ཤར་དུ་གནས་སྲུང་དགེ་བསྙེན་རྟེན་གྱི་མཁར། །ལྷོ་རུ་གསེར་དེའུ་སེར་མོ་དོན་གྲུབ་གནས། །ནུབ་ཏུ་གསང་ཕུག་རྡོ་རྗེའི་རྔ་སྒྲ་ཅན། །བྱང་དུ་གཏེར་འཆང་རོལ་པའི་དཔལ་དེའུ། །ས་གནད་མི་འགྱུར་འཇོར་བཞིས་རབ་ཏུ་བརྒྱན། །སྔོན་ཚེ་ཨོ་རྒྱན་སྤྲུལ་པའི་རྗེ་འབངས་བཅས། །ཟླ་བ་གཅིག་བཞུགས་བྱིན་རླབས་གཏེར་ཆེན་སྦས། །བར་དུ་གྲུབ་ཐོབ་ཐང་སྟོང་རྒྱལ་པོ་སོགས། །དམ་པ་དུ་མས་བསྒྲུབས་

― LT38_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་དངོས་གྲུབ་བརྙེས། །ཕྱིས་དུས་སྐྱེས་ཆེན་སྤྱི་དང་ཁྱད་པར་དུ། །པདྨ་འོད་གསལ་མདོ་སྔགས་གླིང་པ་ཡིས། །གནས་སྲུང་གཏེར་བདག་རྡོ་རྗེའི་ཟིལ་འོག་བཅུག །བསྟན་འགྲོར་ཕན་བདེ་སྤེལ་བའི་བཀའ་ནན་བསྒྲགས། །མཁའ་འགྲོའི་བརྡ་རིས་མདོ་བྱང་གཏེར་རྒྱ་བཀྲོལ། །དུས་བསྐལ་དབང་པོར་འཚམས་པར་གཏན་ཕབ་ནས། །ཁོ་བོ་ཅག་ལ་བཀའ་ཡིས་རྗེས་གནང་ཚེ། །སྔོན་སྨོན་འབྲེལ་ཟབ་དད་འབྱོར་ལྡན་པ་ཡི། །སྦྱིན་བདག་རྟེན་འབྲེལ་བཟང་པོས་མཚམས་སྦྱར་ཏེ། །མཐུན་རྐྱེན་གང་དགོས་གུས་པས་བསྒྲུབས་པ་ལ། །བརྟེན་ནས་གནས་འདིར་ཕྱིན་ཅིང་གསོལ་བ་བཏབ། །ཕྱི་ནང་གསང་བའི་ཚོགས་དང་མ་མཆོད་ནི། །སྟོང་ཕྲག་ལྷག་པས་རྩ་གསུམ་དགྱེས་པ་བསྐྱེད། །གཏེར་སྲུང་གནས་བདག་སྨན་རག་གཏོར་མས་བསྐངས། །སྡེ་བརྒྱད་འབྱུང་པོ་གསེར་སྐྱེམས་བསངས་ཀྱིས་བརྔན། །རྟེན་དང་བརྟེན་པར་རྩ་གསུམ་དཀྱིལ་འཁོར་ཆེ། །གདོད་ནས་གྲུབ་པ་ཡིན་ལ་ཡིན་བཞིན་ཏུ། །རང་སྣང་རིས་མེད་དགོངས་པས་བྱིན་གྱིས་བརླབས། །ཕྱི་ནང་གསང་བའི་རྟེན་འབྲེལ་ལེགས་ཚོགས་འགྲིགས། །གནས་མཆོག་འདི་རུ་རྩེ་གཅིག་བསྒྲུབ་པ་ན། །བར་ཆད་མེད་པ་མཆོག་གི་དངོས་གྲུབ་འགྲུབ། །

― LT38_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་འཁོར་ཚད་ལྡན་གཅིག་གིས་མཁའ་སྤྱོད་སྙེགས། །མཆོད་པ་ཕུལ་ན་བསོད་ནམས་ཚོགས་ཆེན་རྫོགས། །དར་ཅོག་ཀླུང་རྟ་བཙུག་ན་དབང་ཐང་རྒྱས། །ཕྱག་བསྐོར་བཟླས་བརྗོད་སྒོ་གསུམ་སྡིག་སྒྲིབ་སྦྱོང་། །བསང་གཏོར་གསེར་སྐྱེམས་ཕུལ་ན་གང་འདོད་འགྲུབ། །གསོལ་བ་རྩེ་གཅིག་བཏབ་ན་འདོད་རྒུ་འབྱུང་། །མཐའ་བསྐོར་གསུམ་གྱིས་རྩ་གསུམ་བསྙེན་སྒྲུབ་ཐེམ། །གནས་ཀྱི་རྩ་བ་གསུམ་ལ་བསྐོར་བ་ཡི། །ཉི་ཤུ་རྩ་ལྔས་བཟླས་པ་དུང་ཕྱུར་འགྱུར། །རྫོང་དང་ཁམས་ཕུག་འོད་གསལ་རྩེ་མོ་གསུམ། །སོ་སོར་ཕྱེ་ན་བརྒྱ་ཕྲག་རེ་རེའི་ཚད། །མདོར་ན་ཆེ་ཆུང་འབྲེལ་ཚད་དོན་དང་ལྡན། །ཤིང་གཅོད་བྲག་བཤིགས་བྱ་དང་རི་དྭགས་རྔོན། །མི་དགེ་བྱས་ན་བཀའ་ཆད་འཕྲལ་དུ་འབྱུང་། །བསྐོར་ལམ་གཏོད་སོགས་ཞབས་ཏོག་བྱེད་པ་ཀུན། །འཕྲལ་ཡུན་བདེ་ལེགས་ཡར་ངོའི་ཟླ་ལྟར་འཕེལ། །དེ་དག་ཉམས་སྣང་མངོན་ཤེས་འོལ་ཚོད་མིན། །ཨོ་རྒྱན་རྡོ་རྗེའི་བཀའ་ལུང་གོ་བདེའི་སླད། །བླ་མའི་བཀའ་ལྟར་རྒྱས་པར་བཀྲོལ་འདི་ཡང་། །འཆི་མེད་བསྟན་གཉིས་གཡུང་དྲུང་གླིང་པ་ཞེས། །སྔགས་བཙུན་འཆོལ་བར་ལུང་གིས་ཟིན་པ་དེས། །གྲུབ་པའི་གནས་མཆོག་རྫོང་ཆེན་ཕུག་ནས་

― LT38_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིས། །དུས་ཀྱི་རྒུད་པའི་མུན་པ་ཀུན་ཞི་ནས། །ཕན་བདེ་ཉི་ཟླའི་སྣང་བ་རྒྱས་པར་ཤོག །དགེ་ལེགས་འཕེལ།། །།

གཡུང་དྲུང་རྣམ་པར་བཀོད་པའི་གནས་མཆོག་ཆེན་པོའི་མདོ་བྱང་གསལ་བྱེད་སྙིང་པོར་བསྡུས་པ།

― LT38_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུང་དྲུང་རྣམ་པར་བཀོད་པའི་གནས་མཆོག་ཆེན་པོའི་མདོ་བྱང་གསལ་བྱེད་སྙིང་པོར་བསྡུས་པ་བཞུགས་སོ། །

― LT38_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་སྐུ་གསུམ་བདེ་བ་ཆེའི། །རང་བཞིན་འཆི་མེད་ཡབ་ཡུམ་སྲས། །རིག་འཛིན་བླ་མར་སྣང་བ་ལ། །གུས་པས་འདུད་དོ་བྱིན་རླབས་སྩོལ། །དེའང་ཤོད་ཆེན་བཞིའམ་བཅོ་བརྒྱད་དུ་གྲགས་པའི་བྱེ་བྲག །ཆོས་རྒྱལ་སྡེ་དགེའི་མངའ་རིས་ཀྱི་ཤར་ཕྱོགས་སྨད་ཤོད་དམ་སྨད་ཤོད་དང་འབྲེལ་པའི་གཏེར་ལུང་སྟོད་སྨད་བར་གསུམ་ལ་གནས་ཆེན་ཁྱད་པར་འཕགས་པ་གསུམ་དུ་བཞུགས་པའི་ནང་ནས་སྟོད་ཕྱོགས་ལྷ་གཉན་ཆེན་པོ་གཙང་དཀར་དང་ཉེ་བའི་ལུང་པ་འདིར་སྔོན་གཡུང་དྲུང་བོན་གྱི་གྲུབ་ཐོབ་ཆེན་པོ་དུ་མ་བྱོན། ཁྱད་པར་འགྲོ་མགོན་ཤར་བ་རྣལ་འབྱོར། ཁྱུང་པོ་བླ་ཆུང་བློ་གྲོས་རྒྱལ་མཚན། བུ་འབོར་བ་ཏོག་གི་རྒྱལ་མཚན་སོགས་ཡོངས་སུ་གྲགས་ཤིང་ཕྲིན་ལས་ཀྱི་ཕྱག་རྗེས་ཆེ་བ་རྣམས་ཀྱི་

― LT38_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་གནས་སུ་གྱུར་ཅིང་། དེ་དག་ལས་ཀྱང་སྐུ་ལུས་བྱ་རྒྱལ་ཁུ་བྱུག་ཏུ་སྤྲུལ་ནས་སངས་རྒྱས་ཀྱི་ཞིང་དུ་དངོས་སུ་ཕེབ་ནུས་པའི་མཁས་གྲུབ་ཏོག་གི་རྒྱལ་མཚན་གྱིས་ཏ་ཟིག་འོལ་མོ་ལུང་རིང་དང་གནས་འདི་ཐ་དད་མེད་ཅིང་དའི་བཀོད་པ་ཐམས་ཅད་ཚང་བར་གསུངས་པའི་ཚུལ་རྒན་པོ་རྣམས་ལ་ངག་རྒྱུན་ཏུ་གྲགས་ཀྱང་ཐ་མལ་པ་རྣམས་ཀྱི་སྣང་ངོར་མཚན་ཉིད་གསལ་བར་གཏན་ལ་དབབ་པ་མེད་ལ། དུས་ཕྱིས་རབ་ཚེས་མེ་མོ་ཡོས་ལོར་རིག་འཛིན་གཏེར་སྟོན་ཐམས་ཅད་ཀྱི་འཁོར་ལོས་སྒྱུར་བ་ཆེན་པོ་པདྨ་འོད་གསལ་མདོ་སྔགས་གླིང་པ་དང་། མཆོག་གྱུར་བདེ་ཆེན་ཞིག་པོ་གླིང་པ་ཡབ་སྲས་ཟུང་གིས་འགྲོ་དོན་དུས་ལ་བབས་པར་གཟིགས་ནས་ཀློང་གསལ་སྤྲུལ་པའི་བརྡ་རིས་ལས་གནས་ཡིག་

― LT38_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་བྱང་གཏན་ལ་ཕབ། རྣམ་མཁྱེན་སྟོན་པའི་ཞུ་འཁོར་གཡུང་དྲུང་སེམས་དཔའ་ཆེན་པོ་འ་ཞྭ་གསང་བ་མདོ་སྡུད་ཀྱི་རྣམ་འཕྲུལ་དུ་ལུང་བསྟན་པ་འགྲོ་མགོན་ལྕང་ལུང་པའི་མཆོག་སྤྲུལ་མཁྱེན་བརྩེ་ནུས་པའི་བདག་ཉིད་གཡུང་དྲུང་བསྟན་པའི་རྒྱལ་མཚན་ལ་གཉེར་དུ་གཏད་པ་ལྟར་གནས་ཞལ་གསར་དུ་སྣང་བར་མཛད་ཅིང་། ཚེ་གཡང་བོན་གསུམ་གྱི་སྒྲུབ་པ་ཆེན་པོས་རྒྱལ་ཁམས་བསྟན་འགྲོ་ཐམས་ཅད་འཕྲལ་ཡུན་དགེ་ལེགས་ཀྱི་དཔལ་ལ་སྦྱར་བར་མཛད་ནས་ཡོངས་སུ་གྲགས་པའི་གནས་མཆོག་བུ་ལའི་མཆོད་རྟེན་དགུ་བརྩེགས་སུ་གྲགས་པ་གཡུང་དྲུང་རྣམ་པར་བཀོད་པ་འདི་ཉིད། ངོ་བོའི་བྱུང་ཚུལ། རྣམ་པའི་བཀོད་པ། བསྐོར་བ་བགྲོད་ཚུལ་བསྐོར་ཚད་བཅས་བཤད་པ་གསུམ་ལས། དང་པོ་ནི། སྤྱིར་སངས་རྒྱས་རྣམས་ཐབས་མཁས་ཤིང་ཐུགས་རྗེ་ཆེ་བས་འགྲོ་བ་འདུལ་བའི་ཐབས་མཐའ་ཡས་ཤིང་བསམ་གྱིས་མི་ཁྱབ་པར་སྟོན་པས་དངོས་དང་བརྒྱུད་ནས་ཕན་པ་འགྱུར་རོ་ཅོག་སངས་རྒྱས་ཀྱི་ཕྲིན་ལས་ཁོ་ན་ཡིན་ཅིང་། ཁྱད་པར་སྐུ་གཟུགས་དང་གསུང་རབ་དང་སྐུ་གདུང་རིང་བསྲེལ་ཏེ་བདེ་བར་གཤེགས་པའི་སྐུ་གསུང་ཐུགས་ཀྱི་ཞལ་སྐྱིན་གྱི་བསྟན་པ་རྣམ་གསུམ་རྗེས་སུ་བཞག་པ་ལའང་གདོད་ནས་གྲུབ་པའི་རང་བྱུང་དང་། རྣམ་པར་བརྟགས་པའི་བཅོས་མ་གཉིས་ལས་རང་བྱུང་ནི། སངས་རྒྱས་རྣམས་

― LT38_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཐུགས་བསྐྱེད་སྨོན་ལམ་དང་གདུལ་བྱའི་ལས་དང་སྐལ་པ་འཛོམ་པའི་རྟེན་འབྲེལ་ཟབ་མོའི་མ་ཟུ་ལས། ས་རྡོ་རི་བྲག་རྣམས་འབྲེལ་ཚད་དོན་ལྡན་གྱི་གནས་ཆེན་རྩ་གསུམ་རྒྱལ་བ་རབ་འབྱམས་བཞུགས་པའི་ཕོ་བྲང་ཆེན་པོར་གྱུར་པའི་རྟགས་སུ། སྐྱེ་བོ་ཕལ་པའི་སྣང་ངོར་ཡང་སྐུ་གཟུགས་ཡིག་འབྲུ་ཕྱག་མཚན་མཆོད་རྟེན་ལ་སོགས་པ་རྣམ་པ་གསལ་བ་དུ་མའི་རང་བྱོན་གསལ་ཞིང་། གྲུབ་པའི་རིག་འཛིན་རྣམས་ཀྱིས་བྱིན་གྱི་བརླབས་པའི་རྟགས་སུ་གཏེར་རྒྱ་དང་ཕྱག་ཞབས་ཀྱི་རྗེས་སོགས་ངེས་པའི་བཀའ་རྟགས་རྣམས་ཀྱིས་དབང་པོ་བྱས་པ་དང་། དད་ཅིང་མོས་པས་ཕྱག་བསྐོར་བྱས་ན་ནད་གདོན་རྐྱེན་ངན་ཞི་བ་ལ་སྨན་དཔྱད་རིམ་གྲོ་གང་ལས་ཀྱང་ལྷག་པ་མངོན་སུམ་ཚད་མས་གྲུབ་པས་ན། རྣམ་པ་སྐྱེ་བོ་ཕལ་པའི་མིག་སྔར་མཛེས་པ་དང་། བཞེངས་པ་པོ་ཚོགས་རྫོགས་པའི་ཆ་ནས་བཅོས་མའི་རྟེན་རྣམས་ལེགས་ཀྱང་། ངོ་བོ་བྱིན་བརླབས་ཀྱི་གཟི་བྱིན་ཁྱད་པར་འཕགས་པ་དང་། འགྲོ་དོན་ནམ་ཡང་རྒྱུན་ཆད་དང་ཕྱོགས་རིས་མེད་པའི་ཆ་ནས་རང་བྱུང་གི་གནས་རྟེན་རྣམས་ཁྱད་པར་དུ་འཕགས་ཏེ། རང་བྱུང་གི་ནོར་བུ་དང་། བཅོས་མའི་རིན་པོ་ཆེ་གཉིས་ཀྱི་ཁྱད་པར་གྱི་དཔེས་མཚོན་ནོ། །དེ་ལ་སྐབས་སུ་བབ་པའི་གནས་མཆོག་འདིའི་དབང་དུ་བྱས་ན། སྤྱིར་གོང་མའི་གསུང་རྒྱུན་

― LT38_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་ན། སངས་རྒྱས་ཀྱི་ཞིང་ཁམས་ཏ་ཟིག་འོར་མོ་ལུང་རིང་དམ་བྱང་ཕྱོགས་ཤམྦྷ་ལའི་བཀོད་པ་གཉིས་པ་ཡིན་ཏེ། དབུས་ཀྱི་མཆོད་རྟེན་དགུ་བརྩེགས་ནི་རི་གཡུང་དྲུང་དགུ་བརྩེགས། གཡོན་གྱི་བྲག་དཀར་རྒྱབ་བསྣོལ་ནི་གསང་བྲག་སེང་གེ་རྒྱབ་བསྣོལ་མཚན་ལྡན་འ་ཞྭའི་གསང་ཕུག་དང་བཅས་པ། མཆོད་རྟེན་མཐའ་བསྐོར་གྱི་བྲག་རི་མཆོད་རྟེན་གྱི་དབྱིབས་ཅན་རྣམས་ནི་གླིང་ཆེན་བརྒྱད་སོགས། འཛུམ་གཙང་དཀར་ནི་དཔལ་པོ་གངས་ཀྱི་ར་བ། མདུན་ཕྱོགས་ཀྱི་རི་ནི་མཚལ་རི་ལྷའི་འདུན་ས་སོགས་ཚང་བར་བཞུགས་པར་གསུངས་པའང་འདྲ་མཚུངས་ཀྱི་སྦྱོར་བ་དང་ཆེ་བརྗོད་ཙམ་མ་ཡིན་པར་དག་པའི་གཟིགས་ངོར་དེ་ལྟར་དངོས་སུ་བཞུགས་པ་ཡིན་ལ། བྱེ་བྲག་མདོ་བྱང་མཐོང་གྲོལ་ཆེན་མོའི་དགོངས་པ་ལྟར་ན། འོལ་མོ་གླིང་ཆེན་གྱི་བྱེ་བྲག །གཤེན་གྱི་བསྟན་པ་རྣམ་གསུམ་རྗེས་སུ་བཞག་པའི་གནས། གསས་ཁང་དཀར་ནག་བཀྲ་གསལ་དེ་ཉིད་ས་ལ་གནས་པའི་རིག་འཛིན་སེམས་དཔའ་རྣམས་ཀྱིས་ལྷ་རི་གྱང་མ་གྱང་ཐོ་ཞེས་ཀོང་པོ་བོན་རིའི་ཤར་ཕྱོགས་མདོ་ཁམས་ཟལ་མོ་སྒང་གི་སའི་ཐིག་ལེར་སེམས་ཅན་གྱི་དོན་དུ་སྤྱན་དྲངས་པས་འགྲོ་བ་འདུལ་བའི་རྟེན་མཆོག་ཁྱད་པར་དུ་འཕགས་པ་ཀུན་གྱི་མཐོང་སྣང་དུའང་རི་བྲག་ཐམས་ཅད་མཆོད་རྟེན་གྱི་རྣམ་པར་གྲུབ་པ་སྟེ། ཉེ་རིང་གང་ནས་མཇལ་ཡང་མཐོང་གྲོལ།

― LT38_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་བའི་ཡོན་ཏན་རྣ་བས་ཐོས་པས་ཐོས་གྲོལ། རད་ཅིང་ཡིད་ལ་བྱས་པས་དྲན་གྲོལ། བསྐོར་ཕྱག་མཆོད་པས་འབྲེལ་པས་རེག་གྲོལ། ས་ཆུ་རྩི་བཅུད་ཁར་སོང་བས་མྱོང་གྲོལ། འབྲེལ་པ་ཆེ་ཆུང་གང་ཐོགས་འཚིངས་པས་འབྲེལ་གྲོལ་ཏེ་གྲོལ་བ་དྲུག་དང་ལྡན་པའོ། །གཉིས་པ་བཞུགས་ཚུལ་ཅུང་ཟད་སྨོས་ན། གནས་ཆེན་འདི་ལ་འཇུག་པའི་སྒོ་བཞི་ནི། ཕྱོགས་བཞིའི་ལུང་ཆེན་བཞི་པོ་གང་ནས་ཕྱག་བསྐོར་སོགས་ཀྱི་འགོ་བརྩམས་ཀྱང་འདྲ་བའི་དོན་ཡིན་ལ། གནས་ཀྱི་གཙོ་བོ་ལའང་གཡུང་དྲུང་རྣམ་བཀོད་དང་། དེ་བཞིན་ཏུ་འཁོར་ལོ་རལ་གྲི་པདྨ་རིན་པོ་ཆེ་རྣམ་པར་བཀོད་པ་ལྔ་མདུན་རྒྱབ་ཀྱི་ཚུལ་དུ་བཞུགས་ཤིང་། དེ་ལྔ་ནི་བདེ་གཤེགས་རིགས་ལྔའི་ཕོ་བྲང་ཡིན་པས་རིགས་ལྔ་ཞི་ཁྲོའི་ལྷ་ཚོགས་རྟེན་དང་བརྟེན་པར་བཅས་པ་འོད་སྐུ་ཚོམ་བུ་ཤིགས་སེ་བཞུགས། ནང་དུ་སྦས་པའི་ཕོ་བྲང་ཞེས་སྐྱེ་བོ་གཉུག་མར་གནས་པས་རྟག་ཏུ་བགྲོད་པར་བྱ་བ་མ་ཡིན་ཅིང་རྒྱུས་མེད་ཀྱི་མིས་ཡོད་པར་མི་མཐོང་བས་སྦས་པ། ཤར་ཕྱོགས་དབུ་རྩེ་དང་ཉེ་བར་ལུང་ཆེན་ཉམས་དགའ་བས་མཚོན་ཕྱོགས་མཚམས་ཀྱི་ལུང་པ་རྣམས་དང་འབྲེལ་བའི་བྲག་གི་ངོས་ལ་རྣམ་རྒྱལ་རྩ་བའི་ལྷ་བརྒྱད་དཔལ་མགོན་བརྒྱ་རྩའི་འཁོར་དང་བཅས་པ་བཞུགས། ལུང་ཆེན་བཅུ་དྲུག་ནི་ཕྱི་རོལ་གནས་དང་ཉེ་བའི་ལུང་པ་རྣམས་ཡིན་ལ། དེ་དག་ཏུ་

― LT38_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ་ཝཾ་བཅུ་དྲུག་ལ་འཆི་མེད་ཚེ་ལྷ་བཅུ་དྲུག་བཞུགས་པ་དང་། དེ་དག་ལས་འབབ་ཆུ་རྣམས་གཡས་གཡོན་ཏུ་འཁྱིལ་ཞིང་གྱ་གྱུར་སོང་བ་ནི་གཡུང་དྲུང་འཁྱིལ་པ་ལྟ་བུའི་འཆི་མེད་ཀྱི་ཚེ་ཆུ་ཡིན་པ་དང་། རིན་ཆེན་སྤུངས་པ་ལྟ་བུའི་བྲག་ནི་གནས་གཙོའི་ཤར་ངོས་སུ་ཡོད་ཅིང་དེས་མཚོན་བྲག་རི་བཅུ་དྲུག་གནས་ཀྱི་བར་བསྐོར་སོགས་སུ་འཁོར་བར་ཡོད་པ་ལ་དགྲ་བཅོམ་སེམས་དཔའ་བཅུ་དྲུག་དྲང་སྲོང་དུ་མའི་འཁོར་དང་བཅས་པ་བཞུགས། གནས་གཙོའི་རྒྱབ་ཕྱོགས་ཀྱི་གཡུ་མཚོ་ཀུན་གྱིས་མཐོང་བ་ནི་སྲིད་རྒྱལ་སྐུ་ལྔའི་གཙོ་མོ་ཡེ་ཤེས་དཔལ་མོའི་བླ་མཚོ། ཤར་ཕྱོགས་སྦས་ལུང་གི་ཆུ་འགོའི་ཕུག་ཏུ་གབ་མཚོ་ཡོད་པ་མངོན་ཏུ་གསལ་བས་མཚོན་ཕྱོགས་བཞིའི་གབ་མཚོ་རྣམས་ནི་སྲིད་རྒྱལ་རིགས་བཞིའི་བླ་མཚོ་ཡིན། མདུན་ཕྱོགས་བྲག་དམར་ནི་བཀའ་སྲུང་གཅན་ལྷ་འཁོར་དང་བཅས་པའི་ཕོ་བྲང་ཡིན་ནོ། །གནས་འདིའི་བྲག་རི་ཐམས་ཅད་མཆོད་རྟེན་གྱི་དབྱིབས་དང་། དེ་ལའང་སྐུ་གཟུགས་དང་མཆོད་རྟེན་དུ་མས་སྤྲས་པའི་རྣམ་པ་ཤིན་ཏུ་གསལ་ལ། གཙོ་བོའི་དབུ་རྩེར་ཀུན་ཏུ་བཟང་པོ་མཉམ་གཞག་གི་ཕྱག་རྒྱ་ཅན། བང་རིམ་རྣམས་ལ་སངས་རྒྱས་དང་སེམས་དཔའ། ཞི་ཁྲོའི་ལྷ་ཚོགས་འབུར་དོད་ཀྱི་རྣམ་པ་གསལ་བ་དང་། དབུ་རྩེར་གཤེན་གསང་བ་འདུས་པའི་སྒྲུབ་ཕུག །དབུ་རྩེའི་རྩ་བར་རིག་

― LT38_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་སྟོང་རྒྱུད་མཐུ་ཆེན་སོགས་བོན་ཆེན་མཁས་པ་མི་བཞིའི་ཚོགས་ཁང་ལ་བཀའ་རྟགས་ཀྱི་ཡིག་འབྲུས་སྤྲས་པ། གཡས་ངོས་སུ་ལྷ་ཀླུ་མིའི་གཤེན་པོ་གསུམ་གྱི་སྒྲུབ་ཕུག་སོ་སོའི་མཚན་མས་བརྒྱན་པ། གཡོན་གྱི་འདབ་ངོས་སུ་རིག་འཛིན་ཟ་རོང་མེ་འབར་གྱི་སྒྲུབ་ཕུག་པ་་ཡིག་འབྲུ་དང་ཞབས་རྗེས་བཅས་པ་སོགས་དུ་མ་ཡོད་ཅིང་། མཆོད་རྟེན་སུམ་མདོའི་གཡས་ཕྱོགས་ཀྱི་མདུན་རི་སྟག་ཆེན་འགྱིང་བ་ལྟ་བུ་ཁྲོ་རྒྱལ་སྟག་ལ་མེ་འབར་གྱི་བཞུགས་གནས། དེའི་གསང་ཕུག་བསོྭ་ཡིག་རང་བྱོན་དང་བཅས་པ་ནི་དཔལ་གྱི་བྲག་ཕུག་རོང་ཆེན་དང་ཐ་དད་མེད་ལ་དྲག་པོའི་ཕྲིན་ལས་ཐོགས་མེད་དུ་འགྲུབ་པའི་གནས། གཡོན་ཕྱོགས་མཐའ་དམར་མ་མེ་རི་མཆེད་པ་འདྲ་བ་དཔལ་གསས་རྔམས་པའི་བཞུགས་གནས་མཐུ་ཆེན་མི་དགུས་བྱིན་གྱིས་བརླབས་པའི་ཕུག་པ་དཔལ་བཤོས་ཀྱི་བཀའ་རྟགས་བཅས་བཞུགས་པ་དབང་གི་ཕྲིན་ལས་སྒྲུབ་པའི་གནས། དེ་རྒྱབ་མཐའ་ཁྲ་མ་བྲག་སེང་གེ་རྒྱབ་བསྣོལ་ལ་འ་ཞྭ་གསང་བ་མདོ་སྡུད་ཀྱི་གསང་ཕུག་དང་ཨ་ཡིག་གཡུང་དྲུང་སོགས་ཀྱི་བཀའ་རྟགས། ལོགས་ཀྱི་སྤང་ཐང་མཎྜལ་ལྟ་བུ་སེམས་དཔའ་རིག་འཛིན་རྣམས་དགོངས་ཉམས་བསྡུར་བའི་གནས། དེ་རྒྱབ་བྲག་དཀར་གུར་ཕུབ་པ་ལྟ་བུ་སྙ་ཆེན་ལི་ཤུ་སྟག་རིང་དང་མཁའ་འགྲོ་ཅོ་ཟ་བོན་མོའི་སྒྲུབ་ཕྱག་

― LT38_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་རྟགས་དང་བཅས་པ། གཡས་གཡོན་ཏུ་བོན་ཆེན་མཁས་པ་ཉི་ཤུའི་སྒྲུབ་གནས། སྤེ་ལུ་གུ་སྙིང་ཞེས་བྲག་དཀར་རིན་ཆེན་འབར་བ་ལྟ་བུར་ནོར་ལྷ་འདོད་པ་དགུ་འགྱུར་གྱི་བཞུགས་གནས་སེམས་དཔའ་རྗེ་དབོན་སྟོང་གསུམ་གྱི་སྒྲུབ་ཕུག་བདུད་རྩིའི་རྒྱུན་དང་ནོར་བུའི་བཀའ་རྟགས་ཅན་རྒྱས་པའི་ཕྲིན་ལས་སྒྲུབ་པའི་གནས། སྣ་བྲག་དཀར་ཅེས་སྤྲིན་དཀར་ལྡིང་བ་ལྟ་བུའི་བྲག་རི་ལ་དྲན་པ་ཡབ་སྲས་བཞུགས་པའི་གནས་རང་བྱུང་གི་གསང་ཕུག་རིག་འཛིན་མཁའ་འགྲོའི་ཚོགས་ཁང་སྐུ་གསུང་ཐུགས་ཀྱི་བཀའ་རྟགས་དང་བཅས་པ་མཆོག་གི་དངོས་གྲུབ་སྒྲུབ་པའི་གནས། འཛུམ་གཙང་དཀར་གྱི་གངས་རི་འབྲས་དཀར་སྤུངས་པ་ལྟ་བུ་ལ་ཀུན་བཟང་སྨན་རྒྱལ་གྱི་ལྷ་ཚོགས་བཞུགས་ཤིང་། འཛུམ་ཁོག་སོགས་སུ་བན་བོན་རིག་འཛིན་མང་པོའི་སྒྲུབ་ཕུག་དང་བཀའ་རྟགས་ཕྱག་ཞབས་ཀྱི་རྗེས་གསལ་བཞི་བའི་ཕྲིན་ལས་གཙོ་བོར་སྒྲུབ་པའི་གནས། དེ་དང་ཉེ་བར་གནས་ནང་དུ་གྲགས་པར་དུར་ཁྲོད་རྔམས་ཆེན་སྒྲ་སྒྲོག་མཁའ་འགྲོ་དངོས་སུ་འདུ་བའི་གནས་སུ། གྲུབ་ཆེན་ཏོག་གི་རྒྱལ་མཚན་གྱི་སྐུ་གདུང་བྱིན་རླབས་ཅན་བཞུགས་པ་སོགས་བཞུགས་ཚུལ་དཀར་ཆག་རགས་བསྡུས་ཙམ་བཀོད་པ་ཡིན་ལ། རྒྱས་པར་གང་ཟག་སོ་སོའི་དག་པའི་སྣང་བས་གཟིགས་ཚུལ་སོགས་བསམ་གྱིས་མི་ཁྱབ་

― LT38_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤེས་པར་བྱའོ། །འདིར་མདོ་བྱང་རྩ་བའི་དགོངས་པ་ལྟར་བོན་གནས་གཙོ་བོར་སྨོས་པ་ཡིན་ལ། དོན་དུ་སངས་རྒྱས་ཀྱི་ཐུགས་རྗེ་ལ་ཕྱོགས་རིས་མེད་ཅིང་རྒྱལ་བ་ཐམས་ཅད་ཡེ་ཤེས་ཀྱི་ཀློང་དུ་གཅིག་པས་གཉིས་སུ་མེད་པར་གསུངས་པ་ལྟར། བན་དེ་རྣམས་ལ་བན་གནས་ཀྱི་མཆོག་ཡིན་ཏེ་དབུས་ཀྱི་མཆོད་རྟེན་ལྔ་རྒྱལ་བ་རིགས་ལྔ་ཞི་ཁྲོ་དམ་པ་རིགས་བརྒྱ་དང་བཅས་པའི་ཕོ་བྲང་། ལུང་ཆེན་བརྒྱད་ལ་ཉེ་སྲས་བརྒྱད། ལུང་ཆེན་བཅུ་དྲུག་གི་ཕ་ཝཾ་ལ་ཚེ་ལྷ་ཡབ་ཡུམ། བྲག་རི་བཅུ་དྲུག་ལ་གནས་བརྟན་བཅུ་དྲུག །སྦས་མངོན་གྱི་མཚོ་ལྔ་རྟག་པའི་རྒྱལ་མོ་ལྔའི་བླ་མཚོ། བྲག་རི་སྟག་ཆེན་འགྱིང་འདྲ་གུ་རུ་དྲག་པོའི་གནས། མེ་རི་མཆེད་འདྲ་འཇམ་དཔལ་གཤིན་རྗེ་གཤེད་དང་རྟ་མགྲིན་གནས། རིན་ཆེན་འབར་བ་ལྟ་བུ་རྣམ་སྲས་ཕོ་བྲང་། སྤྲིན་དཀར་ལྡིང་འདྲ་གུ་རུ་རིན་པོ་ཆེ་རྗེ་འབངས་དང་བཅས་པའི་གནས། འབྲས་དཀར་སྤུངས་པ་ལྟ་བུ་བཅོམ་ལྡན་སངས་རྒྱས་སྨན་བླའི་གནས་སོགས་ཡིན་ལ། བན་བོན་གཞི་མཐུན་པའི་གནས་སྲིད་དམ་སྙམ་ན། བླ་མ་ཨོ་རྒྱན་རིན་པོ་ཆེ་དང་དྲན་པར་ནམ་མཁའ། ལོ་ཙཱ་བ་བཻ་རོ་ཙ་ན། གཏེར་སྟོན་རྡོ་རྗེ་གླིང་པ་དང་རྒོད་ལྡེམ་ཅན་སོགས་གང་ཟག་བན་བོན་གཞི་མཐུན་ཅན་ཚང་ལྡན་བཞུགས་པ་བཞིན་ཏུ་གནས་ལའང་བན་བོན་གཞི་མཐུན་ངེས་པར་ཡོད་

― LT38_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་ཏེ་རྒྱུ་མཚན་གང་སྨོས་རྣམས་དང་། གང་ཟག་གིས་གནས་བྱིན་གྱིས་བརླབས་པའང་མང་བའི་ཕྱིར་རོ། །གསུམ་པ་བསྐོར་བ་བགོད་ཚུལ་ནི། རྩེ་བསྐོར་བར་བསྐོར་མཐའ་བསྐོར་གསུམ་ལས། རྩེ་བསྐོར་ནི། མཆོད་རྟེན་ཆེན་མོ་དངོས་ཀྱི་བང་རིམ་ནས་བསྐོར་བ་དང་། བར་བསྐོར་ནི། མཆོད་རྟེན་སུམ་མདོ་ནས་བུ་ལ་དང་། ཕར་ནང་ཆོས་ཁྲི་བརྒྱུད། དམར་ཧོར་ལ་ནས་བབས་ཏེ་སུམ་མདོར་བསྡང་། མཐའ་བསྐོར་ནི། རྔ་མོང་སྣའི་སྲིབ་ལྕགས་ཐར་ནང་བརྒྱུད། སྣ་བྲག་དཀར་རྒྱབ་ནས་སྤེ་ལུང་དང་ཛིད་ན་ལ་བརྒལ། ཐབ་སྔོན་སུམ་མདོ་ནས་གཞུ་གྱེན་དེད། འཛུམ་མཚོ་ནས་འཛུམ་ལ་བརྒལ་ཆུ་གཡུང་དྲུང་གཡས་འཁྱིལ་སོགས་བསྐོར་བའི་ནང་ཚུད་པར་བྱས་ནས་གནས་མདུན་བརྒྱུད་འཛུམ་ཁོག་ནས་རྔ་མོང་སྣ་ནས་བསྐོར་མདུད་ཕོག་པར་བྱ། གཡས་བསྐོར་བྱེད་ནའང་འགྲོ་ལམ་དེ་ལྟར་བྱ་དགོས། རྩེ་བསྐོར་ལྔ་ལ་སྙིང་པོ་དུང་ཕྱུར་གཅིག །བར་བསྐོར་གཅིག་ལ་སྙིང་པོ་དུང་ཕྱུར་གཅིག །མཐའ་བསྐོར་གཅིག་ལ་སྙིང་པོ་དུང་ཕྱུར་གསུམ་གྱི་ཕན་ཡོན་ཡོད་ཅིང་། རྩེ་བསྐོར་ཉེར་ལྔ། བར་བསྐོར་བཅུ་གསུམ། མཐའ་བསྐོར་གསུམ་ནི་བསྐོར་ཚད་ཡིན། ཕན་ཡོན་དགོས་ཆེད་སྤྱི་དང་བྱེ་བྲག་རྣམས་ནི་མདོ་བྱང་གཞུང་དུ་གསལ་བར་གསུངས་པ་ལས་ངེས་པར་བྱ་བ་གལ་ཆེའོ། །

― LT38_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པའང་འགྲོ་བའི་འདྲེན་མཆོག་ལྕང་ལུང་སྤྲུལ་པའི་སྐུ་གཡུང་དྲུང་བསྟན་པའི་རྒྱལ་མཚན་གྱིས་གསུང་བསྐུལ་གནང་བ་ལྟར། འཆི་མེད་བསྟན་གཉིས་གཡུང་དྲུང་གླིང་པ་རྩལ་གྱིས་ཀུན་མཁྱེན་བླ་མ་འཇམ་དབྱངས་མཁྱེན་བརྩེའི་དབང་པོའི་ཞལ་ནས་དངོས་སུ་ཐོས་པ་གཞིར་བྱས། ཕལ་ཆེར་རྗེས་སུ་དཔག་སྟེ་བྲིས་པ་ནོངས་པ་བཟོད་པར་གསོལ་ཞིང་། དགེ་བས་གཞན་ཕན་རྒྱ་ཆེན་པོ་འབྱུང་བར་གྱུར་ཅིག །དགེ་ལེགས་འཕེལ།། །།

ཀུན་མཁྱེན་བླ་མ་རིན་པོ་ཆེའི་ཁྱད་པར་གྱི་རྣམ་ཐར་ལ་ཆེད་དུ་བརྗོད་པ་ཨུ་དུམྦ་རའི་དགའ་ཚལ།

― LT38_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་བླ་མ་རིན་པོ་ཆེའི་ཁྱད་པར་གྱི་རྣམ་ཐར་ལ་ཆེད་དུ་བརྗོད་པ་ཨུ་དུམྦ་རའི་དགའ་ཚལ་བཞུགས། ན་མོ་གུ་རུ། བརྗོད་པར་དཀའ་བའི་མཚན་མཆོག་ནི། །འཇམ་དབྱངས་མཁྱེན་བརྩེའི་དབང་པོ་ཞེས། །ལྷ་དང་བཅས་པའི་འཇིག་རྟེན་ན། །སྙན་པའི་གྲགས་པ་རབ་གསལ་བ། །གང་གི་ཞབས་ཀྱི་པདྨོ་ལ། །དེ་དག་གཙུག་གི་ནོར་བུས་བཏུད། །ཡོངས་རྫོགས་བསྟན་པའི་མངའ་བདག་སྟེ། །སྐྱེ་དགུ་ཡོངས་ཀྱི་སྐྱབས་གཅིག་པུ། །འབྲེལ་ཚད་དོན་ལྡན་ཕྲིན་ལས་ཅན། །མི་སྲིད་སྲིད་པའི་ཆོས་དེ་རྨད། །འདིར་སྣང་གཟི་བརྗིད་སྙན་གྲགས་ཀྱིས། །བྱིས་པའི་བློ་ལ་ངོ་མཚར་སྐྱེ། །དེ་དག་དམ་པའི་རྣམ་ཐར་མིན། །ས་སོགས་འབྱུང་བའི་མཐུ་ཆེ་ཡང་། །ཀུན་ཁྱབ་ནམ་མཁར་མཚུངས་མིན་ལྟར། །གངས་ཅན་བསྟན་འཛིན་སུ་དང་ཡང་། །ཐུན་མིན་རྣམ་ཐར་རྨད་ཀྱི་ཕུལ། །རྒྱ་མཚོའི་འཇིངས་ལས་བྱིས་བློ་ཡིས། །སྐྲ་རྩེས་གཞལ་གྱི་ག་ལ་ལོངས། །ཐོབ་འཇལ་རིག་པ་ནོར་སོགས་ཀྱིས། །དབང་དུ་གྱུར་མིན་སྐྱེས་སྦྱངས་ལས། །བོད་ཡུལ་རྒྱལ་བའི་རིང་ལུགས་པ། །ཀུན་གྱི་ཚོགས་རྗེར་གྱུར་པ་ཡི། །ཚུལ་འདི་ཁོ་ནས་འཇིག་རྟེན་འདིར། །ཐུབ་དབང་གཉིས་པའི་རྣམ་ཐར་འཛིན། །བཤད་རྒྱུད་འདེགས་པའི་ཀ་ཆེན་

― LT38_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ། །སྒྲུབ་བརྒྱུད་ཤིང་རྟ་ཆེ་བརྒྱད་ཀྱི། །གཞུང་ལུགས་སྨིན་གྲོལ་གདམས་པའི་བཅུད། །གངས་ཅན་ལྗོངས་སུ་བཞུགས་སོ་འཚལ། །གསན་བསམ་སྒོམ་པས་མཐར་ཕྱིན་མཛད། །སྐྱེ་བ་མེད་ལས་སྐྱེ་ཚུལ་དང་། །འཕོ་བ་མེད་ལ་འཕོ་ཚུལ་བཞིན། །སྤང་རྟོགས་ཀུན་གྱི་མཐར་སོན་ཀྱང་། །གདུལ་བྱ་ཐབས་ཀྱིས་འདུལ་བར་བསྟན། །སྔ་འགྱུར་ཡོ་ག་རྣམ་གསུམ་གྱི། །རྒྱུད་དང་སྒྲུབ་སྡེ་བཀའ་གཏེར་སྲོལ། །རང་ནོར་བཞིན་ཏུ་བདག་གིར་བཞེས། །སྨིན་གྲོལ་ཆུ་སྲོལ་ཁྱབ་པར་བཙུགས། །ཁྱད་པར་ཐུགས་བསྐྱེད་ལས་འཕྲོ་དང་། །གདུལ་བྱ་དུས་བབས་ཌཱ་ཀི་ནཱིའི། །ལུང་བཞིན་རྡོ་རྗེའི་རྒྱ་བཀྲོལ་ནས། །རིན་ཆེན་ས་དང་དགོངས་པའི་གཏེར། །དག་སྣང་ཤར་དང་སྙན་ཏུ་བརྒྱུད། །སྔོན་གནས་རྗེས་དྲན་གོང་མ་ཡི། །ཡང་གཏེར་ཟབ་ཆོས་ནོར་བུའི་མཛོད། །སྔོན་ཆད་ས་སྟེང་མ་གྲགས་པ། །སྐལ་ལྡན་དཔྱིད་དུ་དབྱེ་མཛད་པས། །བསྟན་རྩ་གསང་ཆེན་རྙིང་མ་པའི། །རིག་འཛིན་ཡོངས་ཀྱི་འཁོར་ལོས་སྒྱུར། །མུས་ཆེན་འཁོར་ལོ་སྡོམ་པ་དང་། །རྒྱལ་ཚབ་སེམས་དཔའ་ཆེན་པོ་ཟུང་། །དངོས་སྣང་མཁན་ཆེན་རྡོ་རྗེ་འཆང་། །ཐང་རྩེ་མཆེད་ཀྱིས་གསང་གསུམ་གྱི། །རྒྱལ་ཚབ་ཆེན་པོར་དབང་བསྐུར་ཏེ། །རྩ་བ་གོང་

― LT38_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་གསུང་རབ་དང་། །ཡན་ལག་ངོར་ཆེན་གངས་དཀར་བ། །ཚར་ཆེན་ཡབ་སྲས་གཞུང་ལུགས་དང་། །གདམས་ངག་ཀུན་ལ་རང་བྱན་ཆུབ། །ལྷ་དང་བླ་མས་རྗེས་སུ་བཟུང་། །གདུལ་བྱ་མཁའ་སྤྱོད་གནས་སུ་བཀོད། །བསྟན་ལ་ཕྱག་རྗེས་རླབས་ཆེན་བཞག །བསྟན་པའི་རྒྱན་གཅིག་ས་སྐྱ་པའི། །བླ་མ་འགྲན་པའི་ཟླ་དང་བྲལ། །དྭགས་པོ་སྤྱན་སྔ་ཀརྨ་པ། །འབྲི་སྟག་འབྲུག་པ་ལ་སོགས་པའི། །གདམས་ངག་བདུད་རྩིའི་བཅུད་གསོལ་ཏེ། །བྱིན་རླབས་དོན་གྱི་བརྒྱུད་པ་ཐོབ། །རྡོ་རྗེ་ཡེ་ཤེས་དབང་བསྐུར་བརྙེས། །ཞེན་ལོག་སྒོམ་གྱི་རྐང་པ་ཚུགས། །མོས་གུས་སྒོམ་གྱི་མགོ་བོ་སྐྱེས། །དྲན་པའི་བྱ་ར་སྙིང་རྗེ་ཡི། །ཕྲིན་ལས་བག་ཡོད་གོ་ཆ་མཁྲེགས། །ཐབས་ལམ་ཆོས་བཞིའི་དྲོད་རྟགས་ཐོབ། །རྡོ་རྗེ་ལུས་ཀྱི་གནས་ལུགས་གཟིགས། །གྲོལ་ལམ་ཕྱག་རྒྱ་ཆེན་པོ་རྟོགས། །སྣང་སྲིད་ཆོས་སྐུ་རྗེན་པར་ཤར། །མཉམ་གཞག་རྗེས་ཐོབ་ས་མཚམས་ཞིག །སེམས་དང་སྣང་བ་གཅིག་ཏུ་འདྲེས། །ཡེངས་དང་མ་ཡེངས་རྣམ་དབྱེ་བྲལ། །བདེན་གཉིས་བླང་དོར་མི་མངའ་བའི། །རོ་གཅིག་རྣལ་འབྱོར་རྩལ་རྫོགས་པས། །བསྟན་པའི་སྙིང་པོ་བཀའ་བརྒྱུད་པའི། །རྟོགས་ལྡན་ཀུན་གྱི་རྒྱལ་པོར་གྱུར། །དེང་

― LT38_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

སང་གསེར་ལྟར་དཀོན་པ་ཡི། །དཔལ་རྩེ་དབྱིངས་སོགས་ཡོ་གའི་ཆོས། །རྫོགས་པར་གསན་ནས་ཐུགས་ཉམས་བཞེས། །བླ་མེད་སྤྱི་དང་ཁྱད་པར་དུ། །བདེ་དགྱེས་དུས་གསང་སྨིན་གྲོལ་དང་། །རྒྱུད་ཀྱི་བཤད་བཀས་དོན་གཉིས་མཛད། །བུ་དོལ་རྗེས་འབྲང་བཅས་པ་ཡོ། །གསུང་རབ་ཀུན་ལ་སྲི་ཞུ་སྤེལ། །ལུགས་བཟང་གསེར་གྱི་ཉག་ཐག་ནི། །ཕྲ་མོར་གྱུར་པའི་སྲོག་མཐུད་པས། །བསྟན་པའི་གསལ་བྱེད་ཇོ་ཞལ་གྱི། །བསྟན་འཛིན་ཀུན་གྱི་རྩེ་མོར་སོན། །ལྷ་ཆོས་བདུན་ལྡན་བཀའ་ཐམས་ཅད། །གདམས་ངག་ཉིད་དུ་སྟོན་པ་ཡི། །གཞུང་གདམས་མན་ངག་སྤྱི་དང་ནི། །ཁྱད་པར་བཀའ་གདམས་གསར་མའི་སྲོལ། །ལྟ་བ་དབུ་མ་འཕགས་པའི་ལུགས། །ཐེག་ཆེན་ཤེར་ཕྱིན་ཐེག་དམན་གྱི། །སྤྱོད་པ་འདུལ་བ་ཕྲན་དང་བཅས། །ཆོས་ཀྱི་མ་མོ་མཛོད་ལ་སོགས། །ཤིང་རྟ་ཆེ་གཉིས་རྗེས་འབྲང་བཅས། །འཕགས་བོད་མཁས་པའི་གཞུང་ལུགས་ནོར། །འཆད་རྩོད་རྩོམ་པའི་བྱི་དོར་ལ། །འཇིགས་མེད་སྤོབས་པའི་གཏེར་གྲོལ་བས། །བསྟན་པའི་བདག་པོ་དགའ་ལྡན་པའི། །དགེ་བཤེས་རི་བོ་ལྟ་བུར་བརྗིད། །རྒྱལ་གཤེན་མཉམ་ཆགས་རྟེན་འབྲེལ་གཞུང་། །ཉམས་པར་མ་གྱུར་བསྟན་འགྲོ་ཡི། །ཕན་བདེ་འཕེལ་བའི་རྒྱུར་གཟིགས་ནས། །གཡུང་དྲུང་

― LT38_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

བོན་གྱི་གཞུང་འཛིན་པ། །ཀུན་ཀྱང་གཟེངས་བསྟོད་དབུགས་དབྱུང་བས། །དེ་བསྟན་སྐྱོང་རྣམས་དབུ་འཕང་བསྟོད། །གཞན་ཡང་སེམས་ཅན་གཅིག་ལ་ཡང་། །ཕན་བདེ་སྟེར་ཚད་སངས་རྒྱས་ཀྱི། །ཕྲིན་ལས་ཉིད་དུ་གསུངས་པ་ལ། །མཁས་དང་གྲུབ་པའི་བསྙེམས་པ་ཡིས། །ཁྱད་དུ་གསོད་པར་མི་མཛད་པར། །གྲུབ་མཐའ་ཀུན་དང་མ་ལྟར་འཛའ། །ཡོན་ཏན་ཅན་རྣམས་ཕ་ལྟར་བསྔགས། །ཉམ་ཆུང་ཀུན་ལ་བུ་བཞིན་གཟིགས། །དེ་སླད་གང་ཟག་གཞན་དག་དང་། །མ་འདྲེས་ཁྱད་པར་རྨད་ཀྱི་ཆོས། །ཚུར་མཐོང་བློ་ངོར་ཅུང་ཟད་ཙམ། །རྟོགས་པ་བརྗོད་པའི་ལེགས་བྱས་ཀྱིས། །ཀུན་ཀྱང་ཀུན་མཁྱེན་བླ་མ་རྗེའི། །རྣམ་པར་ཐར་པའི་རྗེས་ཞུགས་ནས། །བཞེད་པ་ཡོངས་སུ་སྐོང་བ་དང་། །ཕྲིན་ལས་ཕྱོགས་མཐར་སྤེལ་བྱེད་ཤོག །ཚུལ་འདིའང་སྤྱིར་ཀུན་མཁྱེན་བླ་མ་རིན་པོ་ཆེ་ཉིད་ཀྱི་ཞལ་སྔ་ནས་སངས་རྒྱས་པའི་རིང་ལུགས་དེ་དག་འཛིན་པ་པོར་ཞལ་གྱིས་དངོས་སུ་བཞེས་པ་མ་ཟད། སོ་སོའི་བསྟན་སྐྱོང་ཁྱད་པར་འཕགས་པར་མཐུན་སྣང་དུ་གྲུབ་པ་དང་། བྱེ་བྲག་ཁོ་བོ་དམན་པ་གུ་འི་མིང་ཅན་ལ་བོང་བ་གསེར་གཟིགས་ཀྱི་ཉམས་རྟོགས་འཁྲུངས་ཚུལ་གསུང་གི་བདུད་རྩི་ཐུན་མིན་སྩལ་བ་ཐོབ་པའི་སྐལ་པ་བཟང་པོ་ཉམས་སུ་མྱོང་བ་

― LT38_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བརྟེན། ལྷག་པར་དད་ཅིང་གུས་པའི་ཡིད་ཀྱིས་ཕྱོགས་ཙམ་བརྗོད་པ་སྐྱེ་བ་ཀུན་ཏུ་བླ་མ་དམ་པའི་གསང་གསུམ་ཕྲིན་ལས་དང་མཉམ་པ་ཉིད་མཉེས་པའི་རྒྱུར་གྱུར་ཅིག །དགེ་ལེགས་འཕེལ།། །།

གསོལ་འདེབས།

― LT38_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་རཏྣ་ཏྲ་ཡཱ་ཡ། །ཀ་དག་དགོངས་པ་ནམ་མཁའ་དྲི་མེད་དབྱིངས། །འོད་གསལ་སྦུབས་སུ་ལྷུན་གྲུབ་རྩལ་རྫོགས་པས། །གདོད་མའི་མགོན་པོའི་སྐུ་བརྙེས་འགྲོ་བའི་མགོན། །གསོལ་བ་འདེབས་སོ་དབྱིངས་ནས་ཐུགས་རྗེས་དགོངས། །སྔ་འགྱུར་བསྟན་པའི་མངའ་བདག་རྫོགས་ཆེན་པའི། །ཐུགས་ཀྱི་སྲས་གྱུར་རྒྱལ་བའི་གདུང་འཚོབ་མཆོག །སུམ་ལྡན་རྡོ་རྗེ་འཛིན་མཆོག་ཟླ་བྲལ་བ། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །དགོངས་པ་ཆོས་ཀྱི་དབྱིངས་སུ་སྙོམས་ཞུགས་ཀྱང་། །སྔོན་གྱི་ཐུགས་བསྐྱེད་བསླུ་བ་མི་སྲིད་པས། །དམ་བཅའི་གོ་ཆ་ལྟོད་པར་མི་མཛད་པར། །གཞན་དོན་སྤྲུལ་པའི་རོལ་གར་མྱུར་གསལ་མཛོད། །གདུལ་བྱའི་བློ་ངན་སྐྱོན་གྱིས་མི་བསྒྲིབས་པར། །ངོ་མཚར་རྣམ་དག་སྔོན་སྦྱངས་ཟླ་གཞོན་འཛུམ། །རྗེས་འཇུག་སྙིང་གི་ཀུནྡ་བཞད་པ་ལས། །གེགས་བྱེད་ཆུ་འཛིན་དྲི་མས་མ་གོས་ཤོག །རྩ་བརྒྱུད་བླ་མ་རྒྱལ་བ་སྲས་དང་བཅས། །ཡི་དམ་ཞི་ཁྲོ་མཁའ་འགྲོ་ཆོས་སྐྱོང་ཚོགས། །དཀར་ཕྱོགས་སྐྱོང་རྣམས་བདེན་པའི་བྱིན་རླབས་ཀྱིས། །གསོལ་བཏབ་སྨོན་པའི་འབྲས་བུ་མྱུར་འགྲུབ་ཤོག །ཅེས་པའང་སྔ་འགྱུར་བསྟན་པ་རིན་པོ་ཆེའི་མངའ་བདག་མདོ་ཁམས་༧་རྫོགས་ཆེན་མཆོག་གི་སྤྲུལ་པའི་སྐུ་རིན་པོ་ཆེས་བཀའ་སྩལ་ཕེབས་པའི་བཞེད་སྐོང་དུ་རིས་མེད་ཀྱི་དགེ་སྦྱོང་ལྟར་སྣང་བ་བློ་གྲོས་མཐའ་ཡས་ཀྱིས་གུས་པས་ཕུལ་བ་སརྦ་སིངྡིྷ་ྷ་བནྟུ།། །།

ཐུབ་དབང་གནས་བརྟན་གཙོ་འཁོར་གྱི་གསེར་ཐང་བདུན་ཚར་གྱི་གཙོ་ཐང་རྒྱབ་བྱང་།

― LT38_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་དབང་གནས་བརྟན་གཙོ་འཁོར་གྱི་གསེར་ཐང་བདུན་ཚར་གྱི་གཙོ་ཐང་རྒྱབ་བྱང་། བསྐལ་བཟང་འདྲེན་པ་གསེར་རིའི་ཕྲེང་བའི་དབུས། །སྙིང་སྟོབས་རིན་ཆེན་རི་དབང་ལྷུན་མཐོ་བར། །ཕྱོགས་བཅུའི་དེ་བཞིན་གཤེགས་པ་སྲས་བཅས་ཀྱིས། །བསྔགས་དབྱངས་རོལ་མོས་ཞིང་ཁམས་ཀུན་ཁྱབ་པ། །ཐུགས་བསྐྱེད་ཁྱད་འཕགས་རྩོད་པའི་འདུལ་ཞིང་བཟུང་། །མཛད་པ་ཁྱད་འཕགས་མགོན་མེད་གདུལ་དཀའ་འདུལ། །བསྟན་པ་ཁྱད་འཕགས་ངེས་པའི་ཐེག་པ་བྱོན། །ཤཱཀྱའི་ཁྱུ་མཆོག་མཚུངས་མེད་སྟོན་པ་དེའི། །མཚན་ཙམ་ཐོས་ཀྱང་བསྐལ་ཆེན་བརྒྱད་ཁྲིའི་སྡིག །བྱང་ཞིང་རྣམ་གྲོལ་ལམ་ལས་མི་ལྡོག་ན། །མཚན་དཔེའི་སྣང་བརྙན་དད་པས་བཞེངས་པ་ལས། །བསོད་ནམས་ཚད་མེད་ཐོབ་པའི་དགེ་འབྲས་ཀྱིས། །སྐྱེ་ཀུན་སངས་རྒྱས་མཐོང་དང་མི་འབྲལ་ཞིང་། །རྒྱལ་གསུང་མཐའ་དག་ཐོས་ནས་འཛིན་སྐྱོང་སྤེལ། །མཉེས་ཤིང་དགོངས་པ་རྫོགས་པའི་བྱ་བ་སྒྲུབ། །བྱང་ཆུབ་སྤྱོད་པ་རྒྱ་མཚོ་མཐར་ཕྱིན་ཤོག །རྟེན་མཆོག་ཉི་ཟླའི་དཀྱིལ་འཁོར་འཆར་བའི་ལྗོངས། །སྙིགས་དུས་རྒུད་པའི་མུན་སྟུག་མཐར་བསྐྲད་ནས། །ཆོས་སྲིད་དགེ་ལེགས་འོད་སྣང་འབུམ་ཕྲག་བརྡལ། །མི་འགྲིབ་རྫོགས་ལྡན་ལང་ཚོ་བཞད་གྱུར་ཅིག །ལྷག་བསམ་གསེར་སྦྱངས་ལས་གྲུབ་དད་གསུམ་གྱི། །

― LT38_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟེ་བ་རབ་བརྟན་ཕར་ཕྱིན་རྩིབས་སྟོང་བཀྲ། །བྱང་ཆེན་མུ་ཁྱུད་གཅིག་བཟླུམ་ཕྱོགས་ཀུན་ལས། །རྣམ་རྒྱལ་འཁོར་ལོས་སྒྱུར་བའི་བཀྲ་ཤིས་ཤོག ༈ །།གཡས་དང་པོ་ལ། ཐུབ་དབང་མྱ་ངན་འདས་པའི་རྒྱལ་ཚབ་མཆོག །བཀྲ་ཤིས་བདེ་ལེགས་དཔལ་བརྒྱ་འབྱུང་བའི་གནས། །དགྲ་བཅོམ་འདུས་པའི་ཚོགས་སྐྱོང་གནས་བརྟན་ཆེ། །སྡོམ་བརྩོན་ཚུལ་ཁྲིམས་ཕུང་པོར་བཞུགས་རྣམས་ཀྱི། །སྐུ་ཡི་སྣང་བ་མངོན་སུམ་མཐོང་བ་དང་། །འདི་དང་གཏན་གྱི་ལོངས་སྤྱོད་འབྱུང་བའི་རྒྱུ། །སེར་སྣའི་འཆིང་གྲོལ་རེ་འདོད་སྤངས་པའི་བློས། །སྦྱིན་པ་རྣམ་གསུམ་ཕ་རོལ་ཕྱིན་གྱུར་ཅིག །རིགས་ཁམ་རྣམ་དག་ནོར་བུ་བཻ་ཌཱུརྻ། །གློ་བུར་དྲི་བཀྲུས་རྣམ་གྲོལ་རྒྱལ་མཚན་རྩེར། །འཁོད་ནས་གཏོང་དང་གཏོང་མིན་འཛིན་བྲལ་བས། །འདོད་རྒུ་ཆར་དུ་བསྙིལ་བའི་བཀྲ་ཤིས་ཤོག ༈ །།གཡོན་དང་པོ་ལ། ལྷག་པའི་ཚུལ་ཁྲིམས་གཙོང་པ་སླབ་བཙུན་པ་ཆེ། །བསླབ་གསུམ་ཆོས་སྤྱོད་བཅུ་སྐྱོང་དགེ་སྦྱོང་མཆོག །སྒྲིབ་གཉིས་ཀུན་སྤངས་ཡོན་ཏན་ཁྱད་པར་འཕགས། །རྒྱལ་བ་ཉིད་དང་དབྱེར་མེད་ཐུབ་རྣམས་ཀྱི། །གསུང་གི་གདམས་པས་རྗེས་སུ་བཟུང་བ་དང་། །མཐོ་རིས་ཐར་པའི་ཡོན་ཏན་ཀུན་གྱི་རྟེན། །འཆལ་བའི་དྲི་བྲལ་རློམ་སེམས་མ་མཆིས་པའི། །ཚུལ་ཁྲིམས་རྣམ་གསུམ་ཕ་རོལ་ཕྱིན་

― LT38_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ཅིག །ཉེས་པའི་སྐྱོན་བྲལ་དགེ་བའི་ངང་ཚུལ་བཟང་། །བདེ་སྐྱིད་དཔལ་འབྱོར་རེག་དྲི་ལང་ཚོ་ངོམས། །རྫོགས་ལྡན་བཙུན་མོ་རིན་ཆེན་མགྲོན་ཏུ་ཁུག །ཆོས་ཀྱི་ཆབ་སྲིད་རྒྱས་པའི་བཀྲ་ཤིས་ཤོག། ༈ །།གཡས་གཉིས་པ་ལ། ཡིད་སྲུང་བྱེ་བས་ལྟར་ཡང་མི་ཕྱེད་པ། །དགྲ་བཅོམ་འདུལ་འཛིན་སྐུར་བཞུགས་ཉན་ཐོས་ཆེ། །མཆོག་གསུམ་ཡོན་ཏན་ཀུན་འདུས་གཞན་རྒྱུད་ལ། །ཡོན་ཏན་སྐྱེད་མཛད་དཔལ་དང་ལྡན་རྣམས་ཀྱི། །ཐུགས་ཀྱི་དགོངས་པས་བྱིན་རླབས་སྩོལ་པ་དང་། །ཞི་བའི་ཚོགས་གྱུར་དཀའ་ཐུབ་ཀུན་གྱི་མཆོག །ཁོང་ཁྲོའི་ཡིད་སྤངས་གནོད་ལན་ཕན་འདོགས་པ། །བཟོད་པ་དམ་པའི་ཕ་རོལ་ཕྱིན་གྱུར་ཅིག །མང་ཐོས་ཆོས་བློ་རབ་ཡངས་འདོད་རྒུ་རྫོགས། །ནོར་བུའི་མཛོད་མང་ཐར་པའི་གཟི་བརྗིད་འབར། །སྡེ་བཞིའི་དཔལ་མངའ་ཁྱིམ་བདག་རིན་པོ་ཆེའི། །ཕུན་ཚོགས་འབད་མེད་འབྱོར་པའི་བཀྲ་ཤིས་ཤོག། ༈ །གཡོན་གཉིས་པ་ལ། ཉོན་མོངས་ལས་རྒྱལ་རྒོལ་བས་མི་བསྐྱོད་པ། །ཉན་ཐོས་གཟུགས་ཀྱིས་བྱང་སེམས་མཛད་པ་སྐྱོང་། །རྒྱལ་བསྟན་དམ་ཆོས་འཛིན་ཅིང་སྐྱོང་བ་དང་། །མི་ཉམས་སྲུང་མཛད་ཆོས་སྐྱོང་ཆེ་རྣམས་ཀྱི། །ཡོན་ཏན་ཕུང་པོ་བདག་ལ་རྫོགས་པ་དང་། །མངོན་མཐོ་ངེས་ལེགས་འབྲས་བཟང་སྐྱེད་པའི་

― LT38_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ། །ལེ་ལོའི་སྐྱོན་བྲལ་བརྟན་སྤྲོ་དཔའ་བའི་བློས། །བརྩོན་འགྲུས་མཆོག་གི་ཕ་རོལ་ཕྱིན་གྱུར་ཅིག །ལྟ་བའི་གཙུག་མཐོ་སྒོམ་པའི་ཡན་ལག་བརྟན། །ཁྲེལ་ཡོད་སྤྱོད་བཟང་གསེར་གྱི་དྲ་བས་བཀབ། །ཐེག་ཆེན་ཁུར་འདེགས་ཚོགས་མཆོག་གླང་པོའི་ཁྱུས། །ས་སྟེང་ཀུན་ཏུ་ཁྱབ་པའི་བཀྲ་ཤིས་ཤོག། ༈ །།གཡས་གསུམ་པ་ལ། སྡིག་སྒྲིབ་འཇིགས་པ་ཀུན་སྐྱོབས་སྐྱབས་གནས་ཆེ། །ཤེས་བྱ་ཆགས་ཐོགས་མེད་གཟིགས་ཐམས་ཅད་མཁྱེན། །འདོད་ཆུང་ཆོག་ཤེས་ཁྱིམ་སྤངས་མཆོག་གྱུར་ཅིང་། །བསོད་ནམས་ཞིང་གྱུར་བསོད་སྙོམས་པ་རྣམས་ཀྱི། །ཕྲིན་ལས་ཇི་བཞིན་བདག་གིས་འགྲུབ་པ་དང་། །ཏིང་འཛིན་སྒོ་མོ་བྱེ་སྙེད་འབྱུང་བའི་གཞི། །རྣམ་གཡེང་རྙོགས་བྲལ་ཅིས་ཀྱང་མི་གཡོ་བའི། །བསམ་གཏན་རྣམ་གསུམ་ཕ་རོལ་ཕྱིན་གྱུར་ཅིག །དགེ་བཅུའི་ལུས་མཛེས་ངོ་ཚའི་གོས་བཟང་བཀབ། །བདེན་བཞིའི་རྨིགས་པ་མྱུར་ལམ་རྩལ་ཤུགས་སྐྱོད། །ས་ལམ་སྐད་ཅིག་གཅིག་བགྲོད་རྟ་མཆོག་གི། དཔལ་ཡོན་ཅི་དགར་འབྱོར་བའི་བཀྲ་ཤིས་ཤོག། ༈ །།གཡོན་གསུམ་པ་ལ། ཐུབ་བསྟན་རྒྱལ་མཚན་འཛིན་མཛད་སྤྲུལ་པའི་སྐུ། །ཡོན་ཏན་རིན་ཆེན་ཚོགས་ཀྱི་ཕུང་པོ་མཆོག །འགྲོ་བའི་མ་རིག་མུན་སེལ་བསླབ་གསུམ་ལ། །འགོད་མཛད་བསྟན་པའི་སྒྲོན་མེ་ཆེ་

― LT38_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱིས། །སྐྱེ་ཀུན་རྗེས་བཟུང་དོན་གཉིས་ལྷུན་གྱིས་གྲུབ། །སྲིད་རྩ་མ་རིག་དྲུང་ནས་འབྱིན་བྱེད་པ། །རྨོངས་མེད་ཇི་སྙེད་ཇི་བཞིན་ཉིད་རྟོགས་པའི། །ཤེས་རབ་རྣམ་གསུམ་ཕ་རོལ་ཕྱིན་གྱུར་ཅིག །རྒྱུ་འབྲས་ལམ་གྱི་འགྲོ་ལྡོག་མཁས་ཤིང་དཔའ། །ཤེས་རབ་མཚོན་ཆས་རྨོངས་པའི་དགྲ་སྡེ་འཇོམས། །དབང་བཅུའི་དཔལ་བརྙེས་དམག་དཔོན་རིན་པོ་ཆེའི། །མཆོག་ཐོབ་ཕྱོགས་ལས་རྣམ་རྒྱལ་བཀྲ་ཤིས་ཤོག །ཅེས་པ་འདི་རྣམས་སྦས་ཡུལ་སྤུ་བོ་རོང་གི་ས་སྐྱོང་ཀ་ནཾ་སྡེ་པའི་ཆོས་མཛད་དབྱངས་ཅན་ལགས་ནས་ཐུབ་དབང་གནས་བརྟན་གཙོ་འཁོར་གྱི་གསེར་ཐང་བདུན་ཚར་བཞེངས་པའི་རྒྱབ་བྱང་དུ་དོ་གལ་ཆེན་པོས་གསུང་བསྐུལ་མཛད་པ་ལྟར། གནས་བརྟན་མཚན་གྱི་རྣམ་གྲངས་སྔོན་ནས་ཡོངས་སུ་གྲགས་པ་ཉི་ཤུ་པོ་འདུས་ཤིང་ཕར་ཕྱིན་དྲུག་དང་འཕགས་ནོར་རིན་ཆེན་རྣམ་བདུན་གྱི་ཤིས་བརྗོད་བཅས་རྟན་འབྱུང་དགེ་བའི་སླད་དུ་བློ་གྲོས་མཐའ་ཡས་ཀྱིས་སྤེལ་བ་མངྒ་ལཾ།། ༈ །།ཐེག་དགུའི་རྩེ་རྒྱལ་བསྟན་པའི་ཡང་སྙིང་མཆོག །རྩོལ་བྲལ་བློ་འདས་ཨ་ཏི་རྫོགས་པ་ཆེའི། །སྟོན་པ་གདོད་མའི་མགོན་དང་རང་སྣང་འཁོར། །དྭངས་མའི་འོད་སྐུར་གཤེགས་པའི་རིག་པ་འཛིན། །གཞི་ཐོག་རང་གྲོལ་བརྒྱུད་པའི་བླ་མ་ཡི། །མཐོང་གྲོལ་སྐུ་བརྙན་

― LT38_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

དད་པས་བསྐྲུན་པའི་དགེས། །ཐོག་མེད་ནས་བསགས་རྟོག་སྒྲིབ་བག་ཆགས་ཀྱི། །མུན་ཁང་རབ་བརྟོལ་རང་རིག་ཉིན་བྱེད་ཤར། །ཀ་དག་ཆོས་སྐུའི་དབྱིངས་སུ་བྱང་ཆུབ་ནས། །ལྷུན་གྲུབ་སྐུ་དང་ཡེ་ཤེས་དབྱེར་མེད་པས། །འཁོར་བ་དོང་སྤྲུགས་རྟག་ཁྱབ་ཕྲིན་ལས་ཀྱིས། །ནམ་མཁའ་ཇི་སྲིད་ཀུན་བཟང་མཛད་སྤྱོད་ཤོག །སིངྡྷི་ྷ་བནྟུ། །ཞེས་པའང་ཆོས་མཛད་དབྱངས་ཅན་གྱི་ཐུགས་དམ་རྫོགས་ཆེན་བརྒྱུད་པའི་ཞལ་ཐང་རྒྱབ་བྱང་དུ་༧་པདྨ་གར་དབང་རྩལ་གྱིས་བགྱིས་པ་དགེ་ལེགས་འཕེལ།། །།

སྤར་བྱང་།

― LT38_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཤཱཀྱ་མུ་ན་ཡེ། མཚན་གྱི་ཡི་གེས་མཛེས་པས་མི་མཇེད་ཀྱི། །ཞིང་གི་ཡོན་ཏན་རིན་ཐང་མེད་མཛད་པ། །ཐབས་མཁས་ཐུགས་རྗེ་ཆེ་ལྡན་ཤཱཀྱའི་རྒྱལ། །ཆོས་དང་འཕགས་པའི་དགེ་འདུན་བཅས་ལ་འདུད། ༡ །དོན་དམ་ཅི་ཡང་མ་གསུངས་གདུལ་བྱ་ཡི། །སྣང་ངོར་གང་གསུང་ཡན་ལག་དྲུག་ཅུའི་དབྱངས། །རྟག་ཏུ་ངེས་དོན་བདུད་རྩིའི་ཆར་ཕབ་ཀྱང་། ཁམས་དབང་མོས་པའི་སྣོད་ཀྱི་ཁྱད་པར་ལས། ༢ །ཐེག་གསུམ་ཆོས་སྒོ་བརྒྱད་ཁྲི་བཞི་སྟོང་དུ། །སྣང་ཀུན་དགེ་བ་སུམ་ལྡན་བགྲོད་པ་གཅིག །སྒྲོན་མེ་གཞན་གྱིས་སྤངས་པའི་རྩོད་ལྡན་གླིང་། །འདུལ་མཛད་ཐུགས་བསྐྱེད་གོ་ཆའི་ཁྱད་པར་ཡིན། ༣ །དབང་པོ་རབ་ཀྱི་དབང་བྱས་དངོས་པོ་ལྔ། །རང་བཞིན་གསུམ་དང་ཚོགས་བརྒྱད་བདག་མེད་གཉིས། །གཏན་ལ་ཕབ་ནས་རིག་ལམ་འབྲས་བུའི་ཚུལ། །ཇི་བཞིན་སྟོན་པ་ཐེག་ཆེན་མདོ་ཡི་སྡེ། ༤ །ཟབ་ཅིང་རྒྱ་ཆེའི་གནས་རྣམས་ཚིག་ཉུང་ངུས། །ཡོངས་རྫོགས་དོན་སྟོན་མདོ་སྡེ་གསལ་བའི་རྒྱན། །རྒྱལ་ཚབ་སར་བཞུགས་བྱམས་ཆེན་འགྲོ་བའི་མགོན། །མཁྱེན་གཉིས་སྣང་བ་རྒྱས་པའི་དཔལ་ལས་གྲུབ། ༥ །རྒྱལ་བས་འོད་བྱེད་སར་གནས་ལུང་བསྟན་ཅིང་། །ཛམ་གླིང་མཛེས་པའི་རྒྱན་གྱུར་འཕགས་པ་ཆེ། །ཐོགས་མེད་ཞབས་ཀྱིས་བསྒྲུབ་པས་གྲུབ་པའི་

― LT38_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས། །མ་ཕམ་ཞལ་གྱི་བདུད་རྩི་དངོས་སུ་ནོད། ༦ །ཛམྦུའི་གླིང་འདིར་ཐེག་ཆེན་ཐུན་མིན་ཚུལ། །འདྲེན་པའི་ཤིང་རྟ་མཆོག་གྱུར་དགོངས་འགྲེལ་དུ། །བྱང་ས་གཙོ་གྱུར་ལེགས་བཤད་པདྨོའི་ཚལ། །ཀུན་མཁྱེན་དབྱིག་གཉེན་སོགས་ཀྱིས་རྒྱས་པར་མཛད། ༧ །སྨོན་ལམ་མཐུ་ཡིས་གངས་ཅན་མུན་གླིང་དུ། །རྒྱལ་བསྟན་ཉིན་བྱེད་འདྲེན་མཛད་བཀའ་དྲིན་ཅན། །ལོ་པ་རྣམས་ཀྱིས་གཞུང་འདི་ལེགས་བསྒྱུར་ཅིང་། །འཆད་ཉན་འགྲེལ་བྱེད་དག་ཀྱང་མང་དུ་བྱུང་། ༨ །སྔོན་བྱེད་གང་ཟག་ཚད་མར་ཡོངས་གྲགས་ཤིང་། །བསྟན་བཅོས་གོ་སླ་དོན་བཟང་དབྱིངས་ཆེ་བས། །རིས་མེད་མཁས་པས་དང་དུ་བླང་འོས་པ། །རྒྱལ་སྲས་ཐོགས་མེད་འགྲེལ་པ་རིན་ཆེན་ཕྲེང་། ༩ །བློ་ལྡན་སྐྱེ་བོའི་མགུལ་པ་མཛེས་ཕྱིར་དང་། །རྒྱལ་དང་རྒྱལ་སྲས་གསུང་རབ་འཕེལ་རྒྱས་བསླད། །ཐམས་ཅད་མཁྱེན་པ་མཁྱེན་བརྩེའི་དབང་པོ་ཡིས། །བཀའ་ལུང་དཔྱིད་ཀྱི་དབྱངས་སྙན་བསྲིངས་པ་ལས། ༡༠ །དད་དང་ལྷག་བསམ་གཏོང་ཕོད་རིགས་ལ་སོགས། །ཡོན་ཏན་བརྒྱད་ལྡན་སྡེ་བཞི་དགེ་བཅུ་ཡི། །ས་སྐྱོང་དབང་མོ་མ་ཡུམ་མཆོག་ཉིད་ཀྱི། །རྣམ་དཀར་མཛད་པའི་རྒྱ་མཚོ་ཆེན་པོ་ལས། ༡༡ །སྐུ་གསུང་ཐུགས་རྟེན་ནོར་བུའི་གྲམ་བུ་ཆ། །ནོར་འཛིན་བཅུད་དུ་བརྡལ་བའི་ཆ་ཤས་སུ། །ངོ་མཚར་ཡི་གེའི་ཕྱི་མོའི་

― LT38_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་འདི་ཡང་། །རྒྱལ་ཁབ་ཆོས་མཛོད་ཆེན་པོའི་རྒྱན་དུ་བསྐྲུན། ༡༢ །ཐེག་ཆེན་མདོ་སྡེ་འབྲི་འཆང་ཀློག་པ་ཡི། །བསོད་ནམས་ཇི་སྙེད་འདི་ལའང་མངའ་བའི་ཕྱིར། །དེ་དག་འབྲེལ་བཅས་བྱང་ཆུབ་མཆོག་གི་རྒྱུར། །རྒྱལ་བས་ཇི་ལྟར་བསྔོས་བཞིན་འགྲུབ་གྱུར་ཅིག ༡༣ །སྐྱེ་བ་ཀུན་ཏུ་ཐེག་ཆེན་ཆོས་མཛོད་འཛིན། །དམ་པའི་རིགས་སད་བཟང་པོ་སྤྱོད་ལ་ཞུགས། །ཞིང་ཁམས་ཡོངས་སུ་སྦྱངས་ནས་མི་སློབ་པའི། །ལམ་མཆོག་མཐར་ཕྱིན་སྐུ་གསུམ་མངོན་གྱུར་ཤོག ༡༤ །བསྟན་རྩ་རྒྱལ་ཁམས་འགྲོ་བའི་བདེ་སྐྱིད་འཕེལ། །བསྟན་པ་རིས་མེད་དར་རྒྱས་ཡུན་དུ་གནས། །བསྟན་འཛིན་སྐྱེས་བུའི་སྐུ་ཚེ་རྟག་བརྟན་ཅིང་། །བསྟན་པའི་སྙིང་པོར་འགྲོ་ཀུན་འཇུག་གྱུར་ཅིག ༡༥ །ཅེས་པའང་མ་ཡུམ་མཆོག་དེས་གསུང་བསྐུལ་ངོར་ཀརྨ་ངག་དབང་ཡོན་ཏན་རྒྱ་མཚོའམ། བློ་གྲོས་མཐའ་ཡས་པའི་སྡེས་བྲིས་པ་དགེ་ལེགས་འཕེལ།། །།

བླ་མ་དགོངས་འདུས་ཀྱི་བར་བྱང་།

― LT38_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དགོངས་འདུས་ཀྱི་བར་བྱང་། ཨོཾ་སྭ་སྟི་སིདྡྷཾ། གྲོལ་གཞིར་རིག་པ་རང་གྲོལ་ནམ་མཁའི་དཀྱིལ། །ཡེ་ཤེས་བཞི་འཕྲོ་སྣང་བའི་འཁོར་ལོའི་ཚུལ། །འོད་མི་འགྱུར་བ་པདྨ་བཛྲ་རྩལ། །རང་རིག་རང་བཞིན་སྙིང་གི་ཐིག་ལེར་མཆོད། ༡ །མི་ཟད་རྒྱན་གྱི་འཁོར་ལོ་སྤྲོ་བསྡུའི་ཡུལ། །སྐལ་པའི་སྣོད་ལྡན་བློ་ནི་མེ་ལོང་ལྟར། །དག་པས་སྣང་གྱུར་རིན་ཐང་མེད་པའི་གཏེར། །སྒོ་འབྱེད་སངས་རྒྱས་གླིང་པར་ཕྱག་གིས་བཏུད། ༢ །རང་བྱུང་རོལ་པའི་རྡོ་རྗེ་འཆང་དེ་དང་། །བུམ་འཛིན་ཉེར་གཅིག་ཆོས་སྤྱན་པད་ལྗགས་ཅན། །བུདྡྷ་མཆེད་དྲུག་འོད་དང་རྡོ་རྗེའི་གདུང་། །བཞི་སོགས་ཆོས་བདག་རྒྱ་མཚོའི་རྡུལ་རྣམས་བསྔགས། ༣ །ལུས་ཅན་རེ་རེའི་ཕྱིར་ཡང་རྒྱལ་བ་རྣམས། །ནམ་མཁའི་མཐའ་དང་མཛད་པ་སྙོམས་ཞུགས་མོད། །མུན་པའི་ལྗོངས་འདིར་སྣང་བའི་རྟ་བདུན་པ། །བདེ་ཆེན་གསུང་གི་རྡོ་རྗེ་དེ་ཁོ་ན། ༤ །གྲུབ་པ་ཉི་མ་ཤར་བ་ཙམ་ཉིད་ནས། །རིམ་འཇུག་གཅིག་ཅར་དཀྲི་དང་བེམ་དངོས་ཀྱང་། །དག་པའི་རྒྱས་བཏབ་དངོས་དང་བརྒྱུད་པ་ནས། །བོད་དུ་སྐྱེས་ཚད་གདུལ་བྱར་སྨིན་པར་མཛད། ༥ །ཁྱད་པར་ལས་ཀྱི་ཆུ་བོ་སྡུག་བསྔལ་རླབས། །དགུང་དུ་འཆེལ་བ་སྙིགས་མའི་རྣམ་འགྱུར་ལ། །བརྩེ་བའི་སྙིང་ཆུས་བཞིན་རས་བཀྲུས་པ་དེས། །

― LT38_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་ཕན་གཏེར་ནི་ནམ་མཁའ་མཛོད་ལྟར་གཏམས། ༦ །རིན་ཆེན་གླིང་དུ་དངོས་ཀུན་རིན་ཆེ་ཡང་། །འཇོག་པའི་གཙུག་རྒྱན་འདྲ་བའི་འདོད་འཇོ་མེད། །བཀའ་གཏེར་དག་སྣང་ཆོས་ཀྱི་རྒྱ་མཚོ་ལས། །དགོངས་པ་ཀུན་འདུས་སྔོན་ཆད་མ་བྱུང་ཆོས། ༧ །ཐུགས་སྲོག་དྭངས་མའི་བཅུད་གྱུར་བཀའ་གཙིགས་ཅན། །ཌཱ་ཀི་དམ་ཅན་རྒྱ་མཚོའི་བླ་རྡོ་སྟེ། །དགོས་པ་ཀུན་འབྱུང་ནོར་བུ་བྱེ་བའི་སྒྲོམ། །འདི་འཆང་སྐལ་བ་ཨུ་དུ་མ་ར་བཞིན། ༨ །བསྒོམ་དང་ཐོས་དང་འབྲེལ་ཐོགས་ཙམ་གྱིས་ཀྱང་། །འོད་ལུས་མཁའ་སྤྱོད་བདེ་བ་ཅན་ཞིང་དུ། །འཁོད་ཅེས་དཔལ་གྱི་མགུར་ནས་རྡོ་རྗེའི་ལུང་། །བདེན་པའི་རྔ་སྒྲ་ཡང་ནས་ཡང་དུ་བསྒྲགས། ༩ །ཆོས་བརྒྱད་དྲི་བྲལ་གང་ཐུགས་དྭངས་པའི་ཤེལ། །དགོས་པ་བརྒྱ་ཕྲག་ལ་ཆགས་ཚོན་རིས་ནི། །སྨོན་ལམ་ཉི་མའི་རླབས་ཀྱིས་ཕྱིར་བརྟོལ་བས། །ས་གསུམ་ཀུན་དགའི་མིག་འཕྲུལ་འདི་གྲུབ་བོ། ༡༠ །རྡོ་རྗེའི་གསང་ཚིག་རྣམ་ཤེས་སྤྱོད་ཡུལ་ལས། །རིང་སོང་མཐའ་དྲུག་ཚུལ་བཞིར་གབ་པའི་རྒྱ། །རྟོག་གེའི་ཚིག་དང་རིགས་པས་ཁྲོལ་མིན་ཀྱང་། །རྟོན་པ་བཞི་དང་དཔྱད་པ་གསུམ་གྱིས་ཞུས། ༡༡ །རྣམ་པ་ཐམས་ཅད་པ་ཡི་གསང་བ་གསུམ། །ཡུལ་གྲུ་རེར་ཡང་དེ་ཡི་གཟུགས་སྒྲར་སྣང་། །གཅིག་དཔེ་ཀུན་འགེབས་བློ་འདས་སྤྱོད་

― LT38_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་དང་། །མི་འཛའ་གསུང་ཀུན་ཡོངས་དག་ཆེན་པོར་རྟོགས། ༡༢ །འོན་ཀྱང་བྲིས་ཟློས་ནོར་འཁྲུལ་དྲི་མ་རུ། །དེས་རྣམས་རིག་པའི་ཞུགས་ཀྱིས་གཙང་བྱས་ཤིང་། །གདོད་ནས་གྲུབ་པའི་ཟབ་བརླིང་རྡོ་རྗེའི་ཚིག །བཅོས་མང་བྱིན་རླབས་ཞུད་དོགས་རང་སོར་བཞག༡༣། སྒྲ་དང་ཐ་སྙད་ཡུལ་རྣམས་ཕྱོགས་རེ་རེར། །མ་སོང་རིག་ལམ་ཚད་མའི་མིག་གིས་བཅོས། །སྔགས་བཏུ་ཟུར་ཆག་མཁའ་འགྲོའི་བརྡ་ལ་སོགས། །མན་ངག་ངེས་པས་མ་འཁྲུལ་གཏན་ལ་ཕབ། ༡༤ །དེ་ལྟ་མོད་ཀྱི་སོ་སོ་སྐྱེ་བོའི་བློ། །ཟབ་མོའི་གནས་ལ་ལྐོག་ཏུ་གྱུར་པས་ན། །གཟུ་ལུམས་རས་ཆོད་འགལ་འཁྲུལ་ཉེས་ཅི་མཆིས། །རྩ་གསུམ་སྤྱན་སྔར་བཤགས་སོ་དག་ཚངས་སྩོལ། ༡༥ །རང་བཞིན་གཙང་གྱུར་ལེགས་སྤྱད་གངྒཱའི་ཆབ། །དམིགས་མེད་བྱང་ཆུབ་རྒྱ་མཚོའི་རྡུལ་སྙེད་ཀྱི། །རྒྱུ་ལས་ཐོབ་པ་འབྲས་དང་མྱུག་སོགས་བཞིན། །དོན་གཉིས་འབད་མེད་ལྷུན་གྱིས་གྲུབ་གྱུར་ཅིག ༡༦ །རྒྱལ་བསྟན་སྤྱི་དང་འོད་གསལ་རྡོ་རྗེ་ཐེག །བསྟན་འཛིན་སྤྱི་དང་ཁྱད་པར་འཁོར་ལོའི་མགོན། །མཛད་ཕྲིན་ཀུན་དང་ཁྱད་པར་བཤད་སྒྲུབ་ལས། །དར་རྒྱས་ཡུན་གནས་འཇིག་རྟེན་སྣང་བྱེད་ཤོག ༡༧ །འདིར་འབད་བྱེད་པོ་མཐོང་ཐོས་དྲན་རེག་བཅས། །སྒྲིབ་གསུམ་རང་གྲོལ་

― LT38_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཆེན་གསུམ་མཐར་ཕྱིན། །ཚོམ་བུ་གཅིག་ཏུ་འཁོར་བ་དོང་སྤྲུགས་ཏེ། །ཕྱམ་གཅིག་བདེ་ཆེན་ཞིང་དུ་གྲོལ་བར་ཤོག ༡༨ །མཁའ་དང་ཉི་ཟླའི་འགྲོས་མཚུངས་གསུང་རྟེན་འདི། །རྟག་ཅིང་ཁྱབ་སྟེ་གསེར་ཆོས་དགོངས་པ་འདུས། །སྲིད་ན་སྣང་བྱེད་གཉིས་སུ་མ་མཆིས་པས། །བསྟན་ལ་བྱ་བ་རླབས་སུ་ཆེ་བར་ཤོག ༡༩ །འབྱོར་པའི་ལང་ཚོ་དལ་ཡམས་མུ་གེ་དང་། །མཚོན་གྱི་བ་མོས་ཉམས་ཉེས་འགྱུར་བའི་རྒྱུ། །དུག་གསུམ་ཉེས་བཅས་ཆོས་ཀྱི་མཐུས་བཅིལ་ནས། །རྫོགས་ལྡན་དཔྱིད་ཀྱི་དཔལ་མོ་འཛུམ་པར་ཤོག ༢༠ །སྐལ་དམན་རི་དྭགས་ལམ་ལས་ལྡོག་བྱེད་པ། །ཆོས་ལྟར་བཅོས་པ་སྨིག་རྒྱུའི་བཤེར་བའི་ཐང་། །བརྒྱུད་པ་དགུ་ལྡན་སྤྲིན་ལས་བབ་པའི་ཆར། །ཟབ་གསང་ཚུལ་གྱི་ཆོས་ཆུས་བརླན་པར་ཤོག ༢༡ །རིམ་གཉིས་ཞུ་བདེ་དགའ་བ་འཁྱིལ་པའི་འགྲོས། །གདོད་མའི་གྲུབ་མཐར་ཐིམ་པས་འཕོ་ཆེན་གྱི། །རྩལ་སྣང་ཡོངས་གྲུབ་རིག་འཛིན་རྣམ་བཞིའི་འཕྲུལ། །སྲིད་པ་ཇི་སྲིད་སྲིད་པའི་གཉེན་གྱུར་ཤོག ༢༢ །མཁའ་ཁྱབ་རྒྱལ་བ་སྲས་བཅས་ཐུགས་བསྐྱེད་དང་། །སྐུ་ཚེ་ཡོན་ཏན་མཛད་ཕྲིན་སྨོན་ལམ་སྟོབས། །ཐམས་ཅད་བདག་ཉིད་ཁོ་ནར་གཅིག་བསྡུས་ཏེ། །དུས་གསུམ་རྒྱལ་བའི་དགོངས་པ་རྫོགས་བྱེད་ཤོག ༢༣ །

― LT38_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པའང་། མཁན་ཆེན་བླ་མ་གང་དེའི་བཀའ་སྩལ་རྗེས་སུ་བསྒྲུབ་སླད། པདྨའི་ལྗགས་དང་ལྡན་པའི་རྒྱལ་བ་མཆོག་གི་བཀའ་འབངས་ཐ་ཤལ་པ་ཀརྨ་ངག་དབང་ཡོན་ཏན་རྒྱ་མཚོའམ། དགོངས་འདུས་གསེར་ཆོས་ཀྱི་སྔགས་རིགས་འཆང་བ་པདྨ་གར་གྱི་དབང་ཕྱུག་ཕྲིན་ལས་འགྲོ་འདུལ་རྩལ་གྱིས་ས་ལ་སྤྱོད་པའི་འོག་མིན་དཔལ་སྤུངས་ཀྱི་ཡང་དབེན་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་དགེ་ལེགས་འཕེལ།། ༈ །།ཨོཾ་སྭ་སྟི་ཤཱ་ས་ན་པྲ་ཛེ་བྷྱཿམཚན་ཙམ་དྲན་པས་འཇིགས་པའི་མུན་བཅོམ་ཞིང་། །ཐར་བདེའི་པདྨོ་རྒྱས་མཛད་འོད་མཐའ་ཡས། །སྒྲུབ་ཅིང་མཆོད་པའི་ཡོན་ཏན་གངྒཱའི་རྡུལ། །སྲས་བཅས་རྒྱལ་བས་བསྔགས་ཀྱང་ཟད་མི་ཤེས། །འཆི་མེད་གྲུབ་པའི་རིག་འཛིན་ཨོ་རྒྱན་རྗེའི། །ཐུགས་ཀྱི་དཔལ་བེའུ་ལས་ཕྱུང་མོས་པ་དང་། །མཐུན་པའི་ཚེ་ཡི་ཆོས་ཆར་གྲངས་མེད་ཀྱང་། །དུས་བབ་ཟབ་ཆོས་བདུད་རྩིའི་གོང་བུ་འདི། །དགུ་ལྡན་བརྒྱུད་པའི་བྱིན་རླབས་མ་ཉམས་ཤིང་། །མཁའ་འགྲོའི་ཞལ་གྱི་དྲོད་རླངས་མ་ཡལ་བ། །འདོད་རྒུ་ཀུན་འབྱུང་གཏེར་གྱི་བུམ་པའི་རྒྱ། །ཧེ་རུ་ཀ་དཔལ་ནུས་ལྡན་རྩལ་གྱིས་བཀྲོལ། །འོག་མིན་མཚུར་གྱི་སྤར་མ་གཏེར་ཆེན་རྗེའི། །ཕྱག་བྲིས་ཞལ་བཤུས་རྣམ་དག་སྐྱེ་ལྔའི་དུང་། །སོར་བཞག་སྐུ་ཕྲེང་གཉིས་པའི་ཞལ་གྱི་རྒྱུན། །

― LT38_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

བསླད་མེད་ཛམྦུ་ནཱ་དའི་ཁ་རྒྱན་ཅན། །རིན་ཆེན་རྩིག་པའི་ངོས་སུ་གཟུགས་བརྒྱ་བཞིན། །ཕྱི་མོ་གཅིག་ལས་དུ་མར་འཕོ་བའི་སྤར། །འཁོར་ལོ་གཉིས་ལྡན་ངེས་དོན་ཆོས་གྲ་ཆེ། །དཔལ་སྤུངས་ཐུབ་བསྟན་ཆོས་འཁོར་གླིང་དུ་བསྒྲུབས། །འདི་བྱུང་དགེ་ཚོགས་ཟག་པ་མེད་པའི་ལུས། །ལྷག་བསམ་གཟི་འོད་རབ་འབར་གསེར་གྱི་ཉ། །ཐབས་ཤེས་ཕ་རོལ་ཕྱིན་པའི་གཤོག་རྩལ་རྒྱས། །གཙང་རྟག་བདེ་བའི་རྒྱ་མཚོར་འཇུག་གྱུར་ཅིག །རིས་མེད་བསྟན་འཛིན་རྣམས་ཀྱི་ཞབས་པད་བརྟན། །ཐེག་ཆེན་དགེ་འདུན་འདུས་པ་དར་ཞིང་རྒྱས། །འཇིག་རྟེན་ཀུན་ཀྱང་སྨིན་གྲོལ་དཔལ་ལ་སྤྱོད། །ཆོས་ཀྱི་རྒྱལ་མཚན་སྲིད་རྩེར་བསྒྲེངས་པར་སྨོན། །ཚོགས་གསུམ་ནོར་བུས་ཡུ་བས་བཏེགས་པ་ཡི། །རང་སྣང་ལྷུན་གྲུབ་བདེ་བ་ཆེན་པོའི་དལ། །འཆི་མེད་གདུགས་དཀར་ཡངས་པའི་གྲིབ་བསིལ་དུ། །འགྲོ་ཀུན་ཕྱམ་གཅིག་ངལ་འཚོ་ཐོབ་པར་ཤོག །ལོ་ཀ་སརྦ་ཐཱ་ཤྲཱི་ཤུ་བྷཻཿསྥ་ར་་བྷ་བནྟུ། །ཞེས་ཚེ་སྒྲུབ་ཐབས་ཤེས་ཁ་སྦྱོར་སྤར་བྱང་དུ་ཞུ་དག་མཁན་པོ་གུ་ས་སོ།། ༈ །།རྒྱལ་བ་ཀུན་འདུས་སྤར་བྱང་། ན་མཿཔདྨཱ་ཀཱ་རཱ་ཡ། དང་པོའི་མགོན་པོ་སྤྲོས་པ་ཀུན་ལས་གྲོལ། །འཕོ་བྲལ་འཕོ་བ་ཆེན་པོ་བུམ་པའི་སྐུ། །ལྷུན་གྲུབ་ཆུ་སྐྱེས་སྦུབས་སུ་རྩལ་

― LT38_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པ། །རྒྱལ་བ་ཀུན་འདུས་པདྨ་སཾ་བྷ་བ། ༡ །ཡེ་ཤེས་གཅིག་ཉིད་དུ་མའི་གར་མཛད་པས། །ཆོས་ཁམས་མཐར་འགྲོ་རྩ་བ་གསུམ་གྱི་སྤྲིན། །ཉི་འོད་ཙནྡན་དྲི་བཞིན་འཁོར་ལོ་ཡི། །མགོན་པོ་ཁྱོད་དུ་ངེས་པ་རྙེད་པས་འདུད། ༢ །འདུལ་བཞིའི་ཆོ་འཕྲུལ་ནམ་མཁའི་རྗེས་འགྲོ་བ། །བརྟག་པར་མི་བཟོད་ཆོས་ཆེན་དབྱངས་ཀྱི་ཆར། །ངེས་དོན་བདུད་རྩིའི་ཐང་མར་བརྡལ་བ་ཡང་། །མོས་པས་ཁྱད་འབྱེད་རྒྱལ་བའི་སྤྱོད་ཡུལ་ཉིད། ༣ །ཉི་མའི་འོད་ཟེར་ཁྱབ་པར་བཀྱེ་ན་ཡང་། །མུན་པ་གྲོགས་སུ་འཐམས་པའི་བྱང་བལྟས་ཕུག །སྐལ་པས་མཚུངས་ཟླར་སྒྲོན་པ་གངས་ཅན་ན། །མཚོ་སྐྱེས་ཉི་མ་ཁོ་ནས་སྣང་བ་སྩལ། ༤ །དེ་ཚེ་མཐའ་དྲུག་ཚུལ་བཞིའི་རྒྱས་གདབ་པའི། །དངོས་བཅུའི་རྒྱུད་ཀྱི་སྨར་ཟོང་དགོངས་བརྡ་དང་། །སྙན་ཁུངས་བརྒྱུད་པའི་མནོག་ནོར་རྗེ་འབངས་ཀྱི། །སྐྱེ་བར་བསྒྲུབས་པའི་བསོད་ནམས་ལག་པར་ཐོབ། ༥ །ལས་ཀྱིས་ཐག་བསྲིངས་རིན་ཐང་མི་ཤེས་པའི། །སྐྱེ་ལ་ངོ་བོ་ཉིད་ཀྱིས་གབ་པའི་གཏེར། །མ་འོངས་གདུལ་བྱ་མོས་པ་ཐ་དད་ཕྱིར། །ཕྱོགས་བཞི་དབུས་མངའ་ཕ་ནོར་བུ་ལ་བཞག ༦ །དུས་བབ་ལས་ཀྱི་འཕྲོ་སད་བརྒྱུད་པ་ནི། །དགུ་ལྡན་སྙིང་བཅུད་ཌཱ་ཀིའི་ཁ་རླངས་ཅན། །སར་གནས་སྐྱེ་མཐས་དབང་བའི་ཁྱད་ནོར་ཉིད། །རོལ་པ་

― LT38_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་གྲགས་པའི་ཕྱག་ཏུ་བབ། ༧ །ཧཱུྃ་མཛད་ཀླུ་དབང་སྲུང་སོགས་རྒྱ་བོད་ན། །གང་འདུལ་སྒྱུ་འཕྲུལ་དྲྭ་བའི་རོལ་མོ་ཡང་། །སྙིགས་མའི་མུན་སེལ་ཉི་མ་ལྟར་གྲགས་པ། །ཨོ་རྒྱན་བསམ་གཏན་གླིང་པའི་ལུང་གིས་བསྒྲགས། ༨ །གང་དེའི་རྫུ་འཕྲུལ་ཆོ་རོལ་ངོ་མཚར་བས། །གདེངས་ཅན་གྲོང་དང་བྲག་རིའི་བ་གམ་ནས། །ཡང་ཟབ་གདམས་པའི་དབྱིག་གི་རྡོ་རྗེའི་རྒྱ། །བསྟན་འགྲོའི་རྒུད་པ་འཕྲོག་པའི་དཔལ་དུ་བཀྲོལ། ༩ །ཕྱོགས་དུས་རྒྱལ་བ་ཀུན་འདུས་བོད་ཡུལ་གྱི། །སྐྱབས་གཅིག་མཚོ་སྐྱེས་བླ་མའི་ཐུགས་སྒྲུབ་དང་། །ཉམས་ཆགས་དག་བྱེད་ཀུན་བཟང་ཁྲུས་ཀྱི་ཆུ། །སྐོང་བཤགས་ཆོ་ག་ཆ་ལག་ལེ་ཚན་བཅས། ༡༠ །ཡན་ལག་བརྒྱད་སོགས་བཅུ་ཕྲག་རིག་ལམ་གྱི། །སྤྱན་ཡང་སྨན་མགྲོན་ཀརྨ་ཚེ་དཔལ་གྱིས། །རྒྱུ་མཚན་ཤེས་ནས་མི་འཕྲོག་དད་པ་ཡིས། །དཔལ་སྤུངས་གདན་སར་སྤར་གྱི་ཕྱི་མོར་བསྒྲུབས། ༡༡ །སྔགས་བཏུ་ཡུལ་གྱི་སྐད་སོགས་དགོས་པ་དང་། །ཁྱད་འབྲེལ་རྡོ་རྗེའི་ཚིག་ལ་རྟོག་གེ་པའི། །དཔྱད་པ་མི་འཇུག་འོན་ཀྱང་ཚིག་གི་སྡེབ། །ནོར་བ་རྒྱུན་འབྱམས་བཅོས་ལ་ནོངས་མེད་པས། ༡༢ །རིག་འཛིན་མཆོག་དེའི་ཕྱག་རྒྱས་ལེགས་བཏབ་པའི། །གཏེར་དབོན་ཕྱག་དཔེ་བྱིན་རླབས་གཟི་འབར་བ། །སོ་སྐྱེའི་བསླད་བྲལ་དག་ལ་ཡིད་བརྟན་

― LT38_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས། །དཔྱད་པ་གསུམ་གྱིས་ཞུ་དག་ཅི་ནུས་བགྱིས། ༡༣ །རྒྱ་དང་གཟུགས་བརྙན་ཇི་བཞིན་ཐ་མལ་གྱི། །ཤེས་པ་ཆོས་སྐུར་བཙན་ཐབས་སྒྱུར་བྱེད་པ། །བླ་མའི་བྱིན་རླབས་རིམ་པ་ཉག་གཅིག་སྟེ། །བླ་མེད་བླ་མ་ཨོ་རྒྱན་འོད་མི་འགྱུར། ༡༤ །ང་བསྒྲུབས་སངས་རྒྱས་ཐམས་ཅད་འགྲུབ་བོ་ཞེས། །རྒྱུད་ལུང་མན་ངག་གཅེས་བཏུས་རྡོ་རྗེའི་གསུང་། །ཡང་སྲིད་ཁོར་མོ་ཡུག་ཏུ་ཐོས་དཀའ་བར། །ཡིད་ཆེས་ལྡན་པས་གཡར་དམ་སྙིང་ལ་ཕུར། ༡༥ །གྲུབ་པ་འདས་པའི་རིང་ལུགས་སླར་སློང་སྟེ། །སྣང་བཞིའི་གྲུབ་མཐའ་རྟོགས་པའི་ཤུལ་ལམ་ཆེ། །ཚེ་གཅིག་གྲོལ་བ་དོན་ཏུ་གཉེར་རྣམས་ལ། །ཐེག་དགུའི་ཟབ་བཅུད་འདི་ལ་གཞན་ཡོད་མིན། ༡༦ །ཆོས་སྤྱོད་སྤྲོས་པའི་ཚང་ཚིང་བརྡལ་ན་ཡང་། །རྡོ་རྗེའི་ཡེ་ཤེས་སྙིང་ལ་མ་ཕེབ་པར། །གྲོལ་བའི་འབྲས་བུ་དུས་སུ་མི་སྨིན་པས། །བགྲོད་པ་གཅིག་པའི་གསང་ལམ་འདིར་ཞུགས་ཤིག༡༧། འདིས་མཚོན་དགེ་བའི་ས་བོན་དུས་གསུམ་དུ། །ཇི་སྙེད་བྱང་ཆུབ་སྙིང་པོའི་ཞིང་ས་རུ། །དངོས་ཀུན་མཉམ་པ་ཉིད་སྦྱོར་མཐུ་ཆེན་པོ། །ཡོངས་བསྔོ་རྟོག་གསུམ་བྲལ་བར་གདབ་པར་བགྱི། ༡༨ །འབྲེལ་བཅས་སྦྱིན་པའི་བདག་པོ་ཚེ་རབས་སུ། །པདྨ་ཀུན་ཏུ་འཆང་གིས་རྗེས་བཟུང་སྟེ། །དབང་བཞིའི་ལམ་

― LT38_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དགའ་བཞིའི་འགྲོས་མཆོག་ཐིམ། །རང་བྱུང་རིག་པའི་རྩལ་ཆེན་རྫོགས་གྱུར་ཅིག ༡༩ །མི་མཐུན་ཉེས་བརྒྱ་རྣམ་པར་གྱུར་པའི་ནད། །སྨན་མཆོག་དགེ་བའི་ནུས་པས་རབ་གཞིལ་ཏེ། །ཚེ་དཔལ་བརྟན་གཡོའི་དྭངས་མའི་བདུད་རྩི་ཡིས། །ཐར་པས་འཚོ་བའི་ལུས་ཟུང་བརྟའ་བར་ཤོག ༢༠ །འོད་གསལ་རྡོ་རྗེ་སྙིང་པོའི་རིང་ལུགས་དང་། །དེར་འཛིན་དབྱར་མཚོ་ལྟར་རྒྱས་སྲིད་དང་ཞི། །རང་སྣང་རིས་མེད་དག་མཉམ་རྫོགས་པ་ཆེའི། །རྟག་བརྟན་ཆོས་ཀྱི་འཁོར་ལོ་སྣང་གྱུར་ཅིག ༢༡ །ཅེས་པའང་ཞུ་དག་མཁན་པོ་ཀརྨ་ངག་དབང་ཡོན་ཏན་རྒྱ་མཚོས་ཆེད་དུ་བརྗོད་པ་དགེ་ལེགས་འཕེལ།། ༈ །།ཨོཾ་སྭ་སྟི། མཁའ་ཁྱབ་མཁའ་ཡི་བདེ་སྟོང་དྲྭ་བ་སྡོམ། །གར་དགུའི་ཉམས་ཀྱིས་ཁྲོ་བོའི་གར་རོལ་པ། །རྡོ་རྗེ་མ་ཧཱ་ཀཱ་ལ་དགྱེས་པའི་གཞུང་། །བྱིན་རླབས་ཚན་ཁ་རྨད་དུ་བྱུང་བ་གང་། ༡ །གཅིག་ལས་དུ་མར་འཇོ་བའི་ཕྱི་མོ་རུ། །རྒྱལ་མཆོག་ཕྱག་ན་པདྨོས་བཀའ་གནང་ལྟར། །དཔལ་སྤུངས་གདན་སར་ལེགས་པར་བསྒྲུབས་པའི་དགེས། །བསྟན་དང་བསྟན་འཛིན་དར་རྒྱས་ཡུན་གནས་ཤིང་། ༢ །སྟོང་ཉིད་གྲི་གུག་གཉིས་འཛིན་མགོར་བསྣུན་པས། །བདག་ཏུ་ལྟ་བ་བསྟན་དགྲའི་སྲོག་བཀུམ་སྟེ། །སྲིད་པའི་གྲོང་ཁྱེར་གསུམ་ལས་རྣམ་རྒྱལ་བའི། །བཀྲ་ཤིས་གད་མོས་སྟོང་ཁམས་

― LT38_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ་གྱུར་ཅིག༣། སརྦ་ཐཱ་ཤུ་བྷ་མསྟུ།། །།

བླ་མ་དགོངས་འདུས་གཙོ་དགུ་བཀའ་གཏེར་སྲུང་བའི་དབང་པོ་གཉིས་དང་བཅས་པའི་ཞལ་ཐང་གྲ་ཚར་བཅུ་གཅིག་གི་གཙོ་བོ་སོ་སོའི་ཞལ་བྱང་།

― LT38_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དགོངས་འདུས་གཙོ་དགུ་བཀའ་གཏེར་སྲུང་བའི་དབང་པོ་གཉིས་དང་བཅས་པའི་ཞལ་ཐང་གྲ་ཚར་བཅུ་གཅིག་གི་གཙོ་བོ་སོ་སོའི་ཞལ་བྱང་། འོད་དཔག་མེད་པ་རྒྱལ་བའི་མཚན་ཐོས་ཤིང་། །དྲན་པས་གྲོལ་བ་སྨོན་ལམ་སྟོབས་ཀྱིས་འཕགས། །དེ་ཉིད་བླ་མ་ཡབ་ཡུམ་སྐུར་བཞེངས་པ། །དཀྱིལ་འཁོར་གཙོ་བོ་པདྨ་བཛྲར་འདུད། །འགྱུར་མེད་བདེ་བ་ཆེན་པོའི་རྡོ་རྗེ་ཡང་། །འཁོར་འདས་དབང་སྡུད་མ་ཆགས་པདྨའི་སྐུ། །ཁྲག་འཐུང་རིགས་ཀྱི་བདག་པོ་དཔལ་ཆེན་པོར། །གུས་པས་འདུད་དོ་དངོས་གྲུབ་རྣམ་གཉིས་སྩོལ། །རི་བོ་ཏ་ལར་པད་ཅན་ཚེ་ལམ་གྱིས། །འཆི་མེད་རིགས་ཀྱི་བདག་པོའི་སྐུར་བཞེངས་ནས། །འཁོར་བ་ཇི་སྲིད་རྡོ་རྗེའི་ལུས་ཀྱིས་འཇུག །བུདྡྷ་ཐོད་ཕྲེང་རྩལ་དང་མཚུངས་པར་ཤོག །གང་འདུལ་འཕྲུལ་མཚན་བཞི་བཅུའི་ཡི་གེ་དང་། །རྨད་བྱུང་སྤྲུལ་པའི་མཚན་བརྒྱད་སྤྲོ་བའི་གཞི། །སྐུ་ལྔ་རིགས་ཀྱི་ཁྱབ་བདག་གདོད་ནས་གྲུབ། །མི་བསྐྱོད་འཇམ་དཔལ་རྡོ་རྗེས་རྗེས་འཛིན་མཛོད། །སྙིང་རྗེ་ཆེན་པོའི་སྤྱན་རས་གཟིགས་པ་ན། །དུས་གསུམ་རྒྱལ་བ་སྲས་བཅས་ཕྲིན་ལས་སྤྲོ། །ཁྱད་པར་མཐའ་འཁོབ་གསལ་བའི་ཉིན་བྱེད་དེ། །པདྨ་དབང་ཆེན་བདག་སོགས་ལམ་སྣ་དྲོངས། །དབུས་འགྱུར་འཆང་དུ་རྡོ་རྗེ་ལྟ་བུ་ཡི། །ཏིང་ངེ་འཛིན་

― LT38_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བདུད་བཞི་རབ་བཅོམ་ནས། །རྒྱལ་བ་ཀུན་གྱི་གསང་བར་ལྷན་ཅིག་ཞུགས། །རིག་འཛིན་ཐོད་པ་རྩལ་དང་དབྱེར་མེད་ཤོག །དཀྱིལ་འཁོར་ཀུན་བདག་པདྨ་ཧེ་རུ་ཀ །འཇིགས་བྱེད་རྡོ་རྗེ་སྲིན་པོའི་གར་བརྒྱ་ཡིས། །མི་སྲུན་གདུག་པ་འདུལ་མཛད་ཆེ་བཙན་མཆོག །དམར་ནག་མེ་ཕྲེང་ཅན་གྱིས་བར་ཆད་སོལ། །འོག་མིན་དུར་ཁྲོད་མེ་རི་འབར་བ་སོགས། །ཕྱི་ནང་གནས་ཡུལ་ཀུན་ཏུ་མངའ་མཛད་པ། །དཔའ་བོའི་དབང་ཕྱུག་མཁའ་འགྲོའི་དྲྭ་བ་སྡོམ། །བཅོམ་ལྡན་སངས་རྒྱས་ཐོད་པ་རྩལ་གྱིས་སྐྱོངས། །སྣང་བ་འགྱུར་མེད་བདེ་བའི་ལྷ་སྐུ་ནི། །རིག་པ་སྤྲོས་བྲལ་སྟོང་པའི་ཡེ་ཤེས་དང་། །སྙོམས་ཞུགས་གཏུམ་ཆེན་ཉི་མ་འབུམ་ཕྲག་གི། གཟི་འབར་དབང་ཆེན་རྟ་ཡི་ཞལ་ཅན་རྒྱལ། །མི་ཟད་རྒྱན་གྱི་འཁོར་ལོའི་གསང་བ་ལ། །སངས་རྒྱས་ཀུན་དང་མཉམ་པ་ཉིད་བརྙེས་པས། །གསང་རིག་གཟུངས་དང་གསང་བ་ཀུན་གྱི་བདག །ཁྲོ་རྒྱལ་གོས་སྔོན་ཅན་གྱིས་ཤིས་པ་སྩོལ། །བདུད་སྡེ་དམ་སྲི་བྱེ་བའི་སྙིང་ཁྲག་ནི། །ཧུབ་གཅིག་གིས་བཏུང་གདུག་པ་ཀུན་བཅོམ་པའི། །རྣམ་རྒྱལ་གད་རྒྱངས་སྲིད་གསུམ་ཁྱབ་པར་སྒྲོགས། །མིག་སྨན་མདོག་འཆང་དབང་ཆེན་ཁྲོས་པས་སྐྱོང་། །དམ་ཉམས་སྲོག་རྩ་དམར་ལ་རོལ་མོད་ཀྱང་། །དམ་ཚིག་ཅན་ལ་བུ་

― LT38_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་སྙིང་བརྩེ་བ། །པདྨའི་བཀའ་སྡོད་གཏེར་སྐྱོང་གནོད་སྦྱིན་ཆེ། །བཙན་རྒོད་འབར་བས་སྒྲུབ་པོ་རྟག་ཏུ་སྐྱོངས།། ༈ །།བཀའ་བརྒྱད་གྲ་ཐང་སོ་སོའི་ཞལ་བྱང་ནི། ཞི་བའི་གཙོ་བོ་ལ། ཕུང་ཁམས་སྐྱེ་མཆེད་ལས་དབང་ཡུལ་དང་བཅས། །སྒྱུ་འཕྲུལ་དྲྭ་བ་ལྷ་ཡི་ཕྱག་རྒྱར་བཞེངས། །གདན་གསུམ་འཁོར་འདས་དབྱེར་མེད་དཀྱིལ་འཁོར་བའི། །ཁྱབ་བདག་རྣམ་སྣང་ཡབ་ཡུམ་ཞབས་ལ་འདུད། །གཙོ་བོ་ཆེ་མཆོག་ལ། །དུག་ལྔ་རྒྱན་ཏུ་རོལ་པའི་བདུད་རྩི་ཡིས། །འཁྲུལ་དང་གྲོལ་བའི་དཀྱིལ་འཁོར་ཀུན་སྲོག་གསོ། །ཁྲག་འཐུང་ཡོངས་ཀྱི་ཆེ་མཆོག་དཔལ་ཆེན་པོ། །བདེར་འདུས་འཁོར་ལོའི་མགོན་པོར་ཕྱག་བགྱིའོ། །ཡང་དག་ལ། ཚོགས་བརྒྱད་རུ་དྲར་ཤར་བ་རྟོག་པའི་སྤྲིན། །རུ་ལུའི་དགོངས་པ་ནམ་མཁའི་ལྟོར་ཟོས་པས། །འཁྲུལ་གྲོལ་མཚན་མ་ཡང་དག་ཧེ་རུ་ཀ །མི་གནས་མི་དམིགས་ཐུགས་སུ་ཤར་དེར་འདུད། །འཇམ་དཔལ་ལ། མ་རིག་ཆུ་བོ་བཞི་ཡི་ཤུགས་བཟློག་པའི། །སྟོབས་ཆེན་འཁོར་ལོ་རྣམ་བཞི་དུས་གསུམ་བསྐོར། །འཆི་བདག་གཤིན་རྗེ་འཇོམས་བྱེད་ཧེ་རུ་ཀ །སྐུ་མཆོག་འཇམ་དཔལ་ཁྲོས་པའི་ཞབས་ལ་འདུད། །རྟ་མགྲིན་ལ། རྟ་སྐད་ཐེང་གསུམ་བླངས་པས་ཁམས་གསུམ་གྱི། །གཉིས་རྟོག་གཉིས་མེད་ངང་དུ་ཚར་བཅད་ནས། །སྣང་

― LT38_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དབྱིངས་སུ་དབང་སྡུད་གསུང་གི་ལྷ། །དབང་ཆེན་རྟ་མཆོག་དཔལ་ལ་ཕྱག་བགྱིའོ། །ཕུར་པ་ལ། དངོས་པོར་འཛིན་ཀུན་སྲིད་པའི་ཕུར་བུ་དང་། །དངོས་མེད་དབྱིངས་སུ་ཡེ་ཤེས་མཚོན་ཆེན་གྱིས། །ཐལ་འབྱིན་དམ་སྲིའི་སྙིང་ལ་རྡོ་རྗེའི་མེའི། །ཆར་འབེབས་བདུད་འདུལ་ཕུར་པའི་ལྷ་ལ་འདུད། །མ་མོ་ལ། རྩ་རླུང་བྱང་ཆུབ་སེམས་ཀྱི་དག་པ་ལས། །དབྱིབས་དང་ཡི་གེ་བདེ་ཆེན་འགྲོས་རྫོགས་པས། །རྟག་པའི་རྒྱལ་མོ་ཡོངས་ཀྱི་རྗེ་བཙན་མཆོག །བླ་མེད་ཧེ་རུ་ཀ་ལ་ཕྱག་བགྱིའོ། །རིག་འཛིན་ལ། ནང་རྒྱུད་འཁོར་ལོ་ཀུན་གྱི་མགོན་པོར་བཞུགས། །ལ་ལར་ཏནྟྲ་མཐའ་དག་ཞུ་ཞིང་སྡུད། །གསང་ཆེན་སྤྲོ་བསྡུའི་བྱེད་པོ་རྡོ་རྗེ་ཆོས། །རིག་འཛིན་སློབ་དཔོན་ཐོད་ཕྲེང་རྩལ་ལ་འདུད། །མཆོད་བསྟོད་ལ། མཐུ་སྟོབས་བཟོད་དཀའི་རྡོ་རྗེ་གདེངས་ཙམ་གྱིས། །ཡིད་སྲུབས་དྲེགས་པའི་སྲོག་གི་མངལ་རྒྱ་དྲལ། །རྒྱལ་བ་ཀུན་གྱི་སྟོབས་བཅུ་གཅིག་བསྡུས་པ། །འཇིགས་བྱེད་དྲེགས་པ་ཀུན་འདུལ་ལ་ཕྱག་འཚལ། དྲག་སྔགས་ལ། དོན་དམ་ཡེ་ཤེས་འགྱུར་མེད་མཐུ་གྲུབ་ཅིང་། །ཀུན་རྫོབ་དྲག་སྔགས་དམོད་པའི་ཁ་རླངས་ཅན། །ཀུན་གྱི་ཆེ་བཙན་ཟླ་བྲལ་མིག་སྨན་མདོག །ཁྲག་འཐུང་སྟོབས་ལྡན་ནག་པོར་ཕྱག་བགྱིའོ། །བཀའ་སྲུང་གཙོ་བོ་ལ། རིག་པའི་རྩལ་སྣང་བདུན་བརྒྱ་ཉེར་ལྔའི་

― LT38_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ། །གང་འདུལ་རྣམ་པར་འཕྲུལ་བ་དང་པོའི་མགོན། །མཐུན་པས་མཐུན་པ་འདུལ་ཕྱིར་དཔལ་གྱི་སྐུ། །གདོད་མའི་ཆེ་མཆོག་ཧེ་རུ་ཀ་ལ་འདུད།། །།

འཇམ་དཔལ་བྱིན་བརླབས་སོགསསྨོན་ལམ།

― LT38_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་བྱིན་བརླབས་སོགས། །བཀའ་གཏེར་ལུང་ཟིན་སོགས། འདི་བཟུང་བྱང་ཆུབ་སྙིང་པོར་མཆིས་ཀྱི་བར། །ལེགས་ཉེས་སྐྱིད་སྡུག་མཐོ་དམན་གང་བྱུང་ཡང་། །བླ་མ་དཀོན་མཆོག་བློ་གཏད་མི་འགྱུར་བས། །བྱིན་རླབས་རྒྱུད་ལ་འཇུག་པར་མཛད་དུ་གསོལ། །འཁྲུལ་སྣང་འཁོར་བའི་བྱ་བར་ངེས་འབྱུང་སྐྱེས། །བསླུ་མེད་ལས་དང་འབྲས་བུར་ཡིད་ཆེས་ནས། །མི་དགེའི་བསམ་སྦྱོར་དུག་བཞིན་སྤོང་བ་དང་། །བསོད་ནམས་ཡེ་ཤེས་ཚོགས་ཆེན་རྫོགས་བྱེད་ཤོག །འགྲོ་ཀུན་ཕ་མར་ཤེས་པའི་སྙིང་རྗེ་དང་། །ཆོས་རྣམས་སྟོང་ཉིད་རྟེན་འབྲེལ་ཟུང་འཇུག་གི། ལམ་དུ་ཁྱེར་ནས་བྱང་ཆུབ་སེམས་མཆོག་གཉིས། །ནམ་ཡང་འབྲལ་བ་མེད་པར་བྱིན་གྱིས་རློབས། །ཆོས་མཐུན་དཔལ་འབྱོར་འབད་མེད་ལྷུན་གྱིས་གྲུབ། །ཆོས་མིན་རྣམ་རྟོག་ཡིད་ལ་མི་རྒྱུ་བར། །རྟག་ཏུ་རང་གསལ་རིག་པའི་ཡེ་ཤེས་ལས། །གཡོ་མེད་ངང་དུ་ས་ལམ་མྱུར་བགྲོད་ཤོག །ཅེས་པའང་ཧོར་ཁང་ཛ་སག་བསོད་ནམས་སྟོབས་རྒྱལ་གྱི་ཐུགས་བཞེད་ལྟར་བློ་གྲོས་མཐའ་ཡས་ཀྱིས་སྤེལ་བ་དགེ།། །།

ཞི་ཁྲོ་དགོངས་པ་རང་གྲོལ་གྱི་བསྙེན་ཡིག་མདོར་བསྡུས་རྣམ་གྲོལ་དོན་གསལ།

― LT38_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་ཁྲོ་དགོངས་པ་རང་གྲོལ་གྱི་བསྙེན་ཡིག་མདོར་བསྡུས་རྣམ་གྲོལ་དོན་གསལ་ཅེས་བྱ་བ་བཞུགས་སོ། །ན་མོ་གུ་རུ་ཛི་ན་མཎྜ་ལཱ་ཡ། མཚན་གྱི་ཡེ་གེས་ངན་འགྲོའི་འཇིགས་པ་འཇོམས། །དད་པས་བསྙེན་ན་འཁོར་བའི་རྒྱུན་ཐག་གཅོད། །རིགས་བརྒྱའི་དཀྱིལ་འཁོར་ལྷ་ལ་ཕྱག་འཚལ་ནས། །གཞན་དོན་མཛད་རྣམས་ངལ་གསོའི་འབབས་སྟེགས་དགོད། །ཞི་ཁྲོ་དགོངས་པ་རང་གྲོལ་འདི་ཉིད་མཁས་གྲུབ་ཀརྨ་ཆགས་མེད་ཡན་ཆད་དུ་ནི་བསྐྱེད་རྫོགས་ཀྱི་ཉམས་ལེན་དང་ཕྱག་བཞེས་སྤྲོས་བཅས་ཚུལ་ལྡན་ཏུ་འབྱུང་བར་སྣང་ཡང་། ཕྱིས་ནི་ཆོ་ག་ཚར་གྲངས་ཁོ་ན་བསྐྱར་བའི་གྲོང་ཆོག་གི་འགྲོ་དོན་ཙམ་ལས་ཉམས་ཁྲིད་སྐྱོང་བ་ལྟ་ཞོག །བསྙེན་སྒྲུབ་ཚད་ལྡན་མཛད་མཁན་ཤིན་ཏུ་དཀོན་པར་མཐོང་ལ། བསྙེན་པ་ལས་རུང་མེད་པར་དབང་བསྐུར་གནས་འདྲེན་གྱིས་མི་ཚེ་འཕུལ་བ་ནི་གཞན་ལ་ཕན་ཐོགས་པ་དཀའ་ཞིང་རང་ལ་བཀའ་འདས་ཀྱི་ཉེས་པ་ཆེས་ལྕིབས་ཐ་ན་གྲངས་བསྙེན་རྒྱས་བསྡུས་གང་རུང་རེ་ཙམ་འགྲུབ་ན་རང་གཞན་གཉིས་ཀའི་གཏན་འདུན་ཆེན་པོར་འགྱུར་བར་མཐོང་ལ། དེའང་སྒོམ་རིམ་ལྷན་སྐྱེས་ཡེ་ཤེས་ལ་བརྟེན་ཏེ་ཐོག་མར་ཞི་བ་དང་། དེ་ནས་ཁྲོ་བོའི་བསྙེན་པ་སོ་སོར་འགྲུབ་པར་བྱས་ན་འདུས་མདོ་དང་བཀའ་བརྒྱད་བདེ་འདུས་སོགས་ཀྱི་ཕྱག་བཞེས་དང་མཐུན་པར་ཆེས་ལེགས་

― LT38_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དེའི་ཚུལ་ནི་དཔལ་ཀཿཐོག་པ་ཀུན་གཟིགས་ཚེ་དབང་མཆོག་གྲུབ་ཀྱི་གསུང་ལས་ཤེས་པར་བྱ། འདིར་བློ་དམན་ལས་དང་པོ་པས་ལུས་དཀྱིལ་གྱི་ལྷ་དང་སྔགས་འཁོར་གསལ་ཐེབས་པར་དཀའ་ཞིང་རང་བཞིན་ཡོངས་ཤེས་ཀྱི་ལྟ་སྒོམ་ནི་དེ་ལས་ཀྱང་མེད་པས་ཡིན་སྙམ་ཙམ་གྱིས་བྱས་ལ་མ་བསགས་པའི་ལས་སུ་འགྱུར་བའང་མཐོང་ནས། ཆགས་མེད་རིན་པོ་ཆེའི་བཞེད་པ་ལྟར་ཕྱི་དཀྱིལ་ལས་བྱང་ཆུང་བ་ལ་བརྟེན་པའི་བསྙེན་ཐབས་ཕྱོགས་མཚོན་འཆད་པར་བྱ་སྟེ། དེ་ལའང་རྗེ་དེའི་བཞེད་པར་གཙོ་བོ་རིགས་ལྔ་གོ་འཕོ་ཞིང་རང་སྔགས་བཟླ་བའི་ཞི་ཁྲོ་དང་། ཡིག་བརྒྱ་རིགས་ལྔ་བཟླ་བའི་དོང་སྤྲུགས་ཀྱིས་མཚོན་དཀྱིལ་འཁོར་ཞེ་གཉིས་སུ་བསྒྱུར་བའི་ཚུལ་ནི་དེ་ཉིད་ཀྱི་གསུང་ལས་གསལ་བ་ལྟར་ཉམས་སུ་བླང་བར་བྱ་བ་ཡིན་ལ། ཞི་ཁྲོ་རང་རྐང་གི་བསྙེན་པ་ཁོ་ནའི་སྐབས་འདིར་ཐོག་མར་བར་ཆད་མི་འབྱུང་ཞིང་དངོས་གྲུབ་འགྲུབ་པའི་དགེ་བའི་དཔུང་སྐྱེད་སྔོན་འགྲོའི་རིམ་པ་སྤྱི་ལྟར་ཅི་ནུས་བྱ། བསྙེན་པ་ཚུགས་ལ་ཉེ་བ་ན་ཕྱི་མཚམས་བཅད་དེ། རང་ཉིད་རྡོར་སེམས་ལུས་དཀྱིལ་ཞི་ཁྲོ་བཅས་སྐད་ཅིག་གིས་གསལ་བཏབ་ལ་སྙིང་པོ་བརྒྱ་རྩ་བཟླ། དཀར་གཏོར་གསེར་སྐྱེམས་ཕུལ། རྒྱལ་ཐོ་གཟུག་ལ་བསྐྱེད་བསྟིམ་གཏོར་འབུལ་ཕྲིན་ལས་བཅོལ། རྣམ་འཇོམས་སོགས་བཟླས་པའི་གཟུངས་ཆུས་ཁྲུས་བྱ། དེ་ནས་ཞག་བདུན་ནམ་ཐ་ན་

― LT38_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཙམ་དུ་སྔོན་འགྲོ་རང་རྒྱུད་སྦྱོང་བྱེད་འདོན་སྒོམ་སྦྲགས་མས་ཐུན་དུ་བཅད་ལ། ངེས་འབྱུང་། སྐྱབས་སེམས། བསགས་སྦྱང་། མོས་གུས་གསོལ་འདེབས་རྣམས་རྒྱུད་ལ་འདྲེས་ངེས་པ་བྱ། དེ་ནས་བསྙེན་པ་དངོས་ཚུགས་པའི་ཉེན། གནས་ཁང་ཕྱགས་དར་བྱ། འཛོམ་ན་ཞི་ཁྲོའི་སྐུ་བརྙན་བྲིས་འབུར་སོགས་རྟེན་བཀོད་པའི་མདུན་དུ་སྟེགས་གཙང་མར་གཏོར་མ་རིན་ཆེན་འབར་བ། གཡས་གཡོན་ཏུ་སྨན་རཀ །མདུན་ཏུ་ཕྱི་མཆོད་པ་ཕྲེང་ཚར་དུ་བཤམ། བཀའ་སྲུང་གཏོར་འབུལ། ཚོགས་ཀྱི་ཡོ་བྱད་སོགས་འདུ་བྱས་ལ། དགོང་ཐུན་ལ་དབུ་བཙུགས་ཏེ། གསོལ་འདེབས་སྔོན་དུ་འགྲོ་བས། སྐྱབས་སེམས་ལན་གསུམ། ཨོཾ་ཨཱ་ཧཱུྃཿ ནམ་མཁའི་མཐར་ཐུག་ཞིང་ཁམས་རབ་འབྱམས་སོགས་རང་གཞུང་ཡན་ལག་བཅུ་པ་བརྗོད། བགེགས་གཏོར་བཏང་ལ་ལས་བྱང་ཆུང་བ་ལྟར་བཀའ་བསྒོ། དྲག་སྔགས་ཡུངས་ཐུན་གུ་གུལ་བདུག་པ་སོགས་ཚོམ་རྔམས་བཅས་ནང་མཚམས་བཅད་ལ་སྲུང་འཁོར་བརྟན་པོར་བསྒོམ། མཆོད་པ་བྱིན་རླབས། ཏིང་ངེ་འཛིན་རྣམ་གསུམ་ནས་བརྩམས་ཏེ་རྟེན་དང་བརྟེན་པའི་དཀྱིལ་འཁོར་བསྐྱེད། སྐབས་འདིར་ལྷ་བསྐྱེད་པའི་ཚུལ་ལ་སྔ་རབས་པ་ཁ་ཅིག་གིས་ལུས་དཀྱིལ་དང་མཐུན་པར་ཕོ་བྲང་གི་གདན་ལ་ཞི་བ། དེའི་རང་རྩལ་

― LT38_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ནམ་མཁར་ཁྲོ་བོ་བསྐྱེད་པར་བཞེད་པ་དང་། སྨིན་གླིང་ལོ་ཆེན་ནས་དོང་སྤྲུགས་བཀའ་མ་ཁྲོམ་དཀྲུགས་དང་མཐུན་པར་ཞི་ཁྲོ་སྦྲགས་མར་འགོད་པར་གསུངས་པ་དང་། ཆགས་མེད་ཞབས་ཀྱིས་ཐོག་མར་ཞི་བའི་དཀྱིལ་འཁོར་གསལ་བཏབ་ལ་དེ་ནམ་མཁར་བཏེགས་ནས། སླར་ཕོ་བྲང་གི་གདན་དངོས་ལ་ཁྲོ་བོ་བསྒོམ་པ་ལས་སྔ་རབས་བའི་ལུགས་སྲོལ་འདི་མི་འཐད་པར་གསུངས་ཤིང་། དེའང་མཁས་པ་ཁ་ཅིག་གིས་མི་འཐད་པའི་སྒྲུབ་བྱེད་བཅས་བཀོད་པར་སྣང་ཡང་། ཕྱིས་ཀྱི་མཁས་པ་རྒྱུད་དོན་མཁྱེན་པ་དག་ཕོ་བྲང་ཞི་ཁྲོ་སྦྲགས་མ་ཐོག་ཕུབ་མཆོད་རྟེན་ལུགས་སུ་བྱས་པའི་སྟེང་ཁང་བུམ་པའི་ནང་དུ་འཁོར་ལོ་རྩིབས་བཞིའི་གདན་ལ་ཞི་བ་རིགས་ལྔའི་ཚོམ་བུ། སྟེང་འོག་དང་མཚམས་བཞིར་ཐུབ་དྲུག །བུམ་པའི་སྒོ་བཞིར་སྒོ་བ་ཡབ་ཡུམ། འོག་ཁང་དཀྱིལ་འཁོར་དངོས་ལ་ཁྲག་འཐུང་རྣམས་གསལ་གདབ་པར་གསུངས་པ་ནི་རྒྱུད་ལུང་གང་དང་ཡང་མི་འགལ་ཅིང་རང་གཞུང་དངོས་བསྟན་ཉིད་ཡིན་པས་ཤིན་ཏུ་ལེགས་ཕྱིར་དེ་ལྟར་གསལ་གདབ། གནས་གསུམ་བྱིན་རླབས་དོན་གྱིས་ཐོབ་ཅིང་གཉིས་འཛིན་གྱི་རྟོག་པ་ཡོད་སྐབས་ཡི་ཤེས་པ་དབྱིངས་ནས་སྤྱན་འདྲེན་པ་སོགས་སྔགས་ཀྱི་ཐབས་མཁས་ཡིན་པས་མངོན་རྟོགས་གྲུབ་ནས། དེ་ལྟར་གསལ་བའི་ལྷ་ཚོགས་རྣམས་ཀྱི་དཔྲལ་བར་ཨོཾ་དཀར་པོ་

― LT38_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་དེ་ལས་འོད་ཟེར་འཕྲེས་ཏེ་རང་བཞིན་གྱི་གནས་ནས་ཡེ་ཤེས་ཀྱི་འཁོར་ལོ་སྤྱན་དྲངས། ཧཱུྃཿ དཔེ་མེད་བསམ་བརྗོད་བྲལ་བའི་དཀྱིལ་འཁོར་འདིར༔སོགས་ནས་བཤགས་པ་དང་ཡིག་བརྒྱ་བརྗོད་པ་ཡན་ཆོ་ག་རྣམས་ཚིག་བཤར་ཙམ་མིན་པའི་འདོན་སྒོམ་འདྲེས་ངེས་བྱ། ཕྲེང་བ་བྱིན་རླབས་ལ། བཟླས་དམིགས་ཆགས་མེད་གསུང་རྣམས་སྐབས་སོ་སོར་སྦྱར་བ་ལེགས་ཀྱང་དཔེ་མ་འཛོམ་པའམ་སྤྱི་ཙམ་དུ། གཙོ་བོ་ཀུན་ཏུ་བཟང་པོའི་ཐུགས་ཀར་ཟླ་བ་ལ་གནས་པའི་ཧཱུྃ་ཡིག་གི་མཐར་རང་གི་རྩ་བའི་སྔགས་ཀྱིས་བསྐོར་བ། འཁོར་གྱི་ལྷ་ཚོགས་ཞི་བ་རྣམས་ཀྱི་ཐུགས་ཀར་ཟླ་བ་དང་སྒོ་བ་ཡབ་ཡུམ་དང་ཁྲོ་བོ་རྣམས་ཀྱི་ཐུགས་ཀར་ཉི་མ་ལ་རང་རང་གི་ས་བོན་སྔགས་ཀྱི་ཕྲེང་བས་བསྐོར་བ་གསལ་བཏབ་ཅིང་། གཙོ་བོའི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས་པས་ལྷ་ཚོགས་རྣམས་ཀྱི་ཐུགས་རྒྱུད་བསྐུལ་ཞིང་སོ་སོའི་སྐུ་ལས་འོད་ཟེར་དཔག་ཏུ་མེད་པ་འཕྲོས། མཁའ་ཁྱབ་ཀྱི་རྒྱལ་བ་རྣམས་མཆོད། འགྲོ་དྲུག་གི་གནས་སུ་ཕོག །དེའི་བྱིན་རླབས་ཀྱིས། དམྱལ་བ་བཙོ་བསྲེགས། ཡི་དྭགས་བཀྲེས་སྐོམ། དུད་འགྲོ་བླུན་རྨོངས། མི་སྐྱེ་རྒ་ན་འཆི། ལྷ་མ་ཡིན་འཐབ་རྩོད། ལྷ་འཕོ་ལྟུང་གི་སྡུག་བསྔལ་

― LT38_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཞི་ཞིང་སྡིག་སྒྲིབ་མ་ལུས་པ་བྱང་ནས་རང་བཞིན་ལྷ་སྔགས་འོད་གསལ་གྱི་འཁོར་ལོར་གནས་པ་མངོན་དུ་བྱས། སངས་རྒྱས་ཐམས་ཅད་ཀྱི་རྡོ་རྗེ་གསུམ་དང་དབྱེར་མེད་དུ་གྱུར། འོད་ཟེར་དེ་རྣམས་སླར་འདུས་རང་ལ་ཐིམ་པས། དབང་དང་བྱིན་རླབས་དངོས་གྲུབ་མ་ལུས་པ་ཐོབ། ཁམས་གསུམ་ལྷའི་དཀྱིལ་འཁོར་དུ་སད་པར་བྱས་ནས་གསང་སྔགས་ཀྱི་སྒྲ་ཏི་རི་རི་སྒྲོགས་པར་བསམས་ལ་ལྷའི་གསལ་སྣང་དང་ང་རྒྱལ་མ་བྲལ་བའི་ངང་ནས་སྒོས་ཛབ་རྣམས་བཟླ། ཡང་གདན་དང་ས་བོན་སྔར་ལྟར་ལས་ཞི་བ་རྣམས་ལ་བོ་དྷི་ཙིཏྟ་དང་། ཁྲོ་བོ་རྣམས་ལ་རུ་ལུའི་སྔགས་ཕྲེང་བསྐོར་བ་གསལ་གདབ། བཟླས་པའི་རྐྱེན་གྱིས་ཐུགས་རྒྱུད་བསྐུལ་ཏེ་དེ་ལས་འོད་ཟེར་ཕྱོགས་བཅུའི་ཞིང་ཁམས་ཐམས་ཅད་དུ་ཁྱབ་པར་འཕྲོས། རྒྱལ་བ་རྣམས་ལ་མཉེས་པའི་མཆོད་པ་འབུལ། མཐུ་དབང་དངོས་གྲུབ་འོད་ཟེར་གྱི་རྣམ་པར་བསྡུས། སེམས་ཅན་རྣམས་ཀྱི་ལས་སྒྲིབ་སྦྱངས། སངས་རྒྱས་ཀྱི་ས་ལ་བཀོད་པ་སོགས་དོན་གཉིས་བྱས་ནས་འཁོར་འདས་བརྟན་གཡོའི་བཅུད་ཀྱི་དྭངས་མ་ཐམས་ཅད་འོད་ཟེར་གྱི་རྣམ་པས་མཚོ་ནང་དུ་ཁ་བ་བབས་པ་བཞིན་སྙིང་ཁའི་ས་བོན་ལ་ཐིམ་པས་འཁོར་འདས་ཀྱི་ཡོན་ཏན་ཐམས་ཅད་ཀྱི་དབྱིག་ཏུ་གྱུར་པར་བསམ་ཞིང་། སྣོད་བཅུད་

― LT38_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པ་རབ་འབྱམས་རྒྱལ་བའི་དཀྱིལ་འཁོར་དུ་ཤར་བ་ལས་སྣང་བ་ཐམས་ཅད་སྐུའི་རོལ་པ། གྲགས་པ་ཐམས་ཅད་གསུང་གི་སྒྲ་གདངས། དྲན་རྟོག་ཐམས་ཅད་ཐུགས་ཀྱི་རང་བཞིན་ཏུ་གྱུར་པར་མོས་ལ་སྤྱི་སྔགས་ཉིད་བཟླ། ཐུན་མཐར་ཁ་སྐོང་དང་མཆོད་བསྟོད་བྱ། ཉེར་བསྡུ་ནི། གཟུགས་སྣང་ཐམས་ཅད་ཞི་ཁྲོའི་ལྷ་ཚོགས་གསལ༔སོགས་ནས། ཨ་ཨ་ཨ༔ལྷར་ལངས། སྐད་ཅིག་སྟོང་གསལ་ཆེན་པོའི་ངང་ཉིད་ལསཿསོགས། སྒྱུ་མ་ལྟ་བུའི་ངང་དུ་སྤྱོད༔ཅེས་ཐུན་མཚམས་ཀྱི་སྤྱོད་ལམ་བྱ།། ༈ །།དེ་ནས་སྲོད་ཐུན་ལ་སྔོན་འགྲོ་སྐྱབས་སེམས་སོགས་མདོར་བསྡུས་ཙམ་དང་དངོས་གཞི་བཟླས་པའི་བར་སྔར་བཞིན་བྱས་ལ། གྲུབ་ན་གཏོར་བསྔོ་བཀའ་སྲུང་སྔ་བདུན་རང་གཞུང་ལྟར་དང་ལས་བྱང་ཆུང་བའི་ཚོགས་མཆོད་རྒྱས་པར་བྱེད། དེ་རྗེས་ལྷག་གཏོར་སོགས་དང་ཉལ་བའི་རྣལ་འབྱོར་གྱིས་ཉལ། དེའི་སང་ཞོགས་ཐོར་ཐུན་ལ་བབས་པ་ན། གཏི་མུག་གཉིད་སྐྲོགས་ཀྱིས་ལྡང་བའི་རྣལ་འབྱོར་གྱིས་ལངས་ཏེ། ཐུན་མོང་གི་སྔོན་འགྲོས་རྒྱུད་སྦྱངས་ཤིང་ལས་བྱང་གི་སྐྱབས་སེམས་ནས་བཟུང་བཟླས་པ་དང་ཐུན་མཚམས་ཀྱི་བར་སྔར་བཞིན་ནོ། །ཐུན་མཚམས་འདིར་དགེ་སྦྱོར་ཆག་མེད་ཀྱི་རིགས་ཡོད་ན་བྱེད།

― LT38_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་སྔ་ཐུན་ལ་སྐྱབས་སེམས་ཡན་ལག་བཅུ་པ་སྔོན་དུ་འགྲོ་བས། ལས་བྱང་གི་བཟླས་པའི་བར་སྔར་དང་ཁྱད་མེད། ཐུན་མཐར་མཆོད་བསྟོད་ཉེར་བསྡུ་ལྷར་ལངས་སྔར་བཞིན་དང་། ཐུན་མཚམས་འདིར་གུང་ཚིགས་སོགས་བྱེད། དེ་ནས་དགོངས་ཐུན་ནི་སྔར་གྱི་ཐུན་དང་ཁྱད་པར་མེད། སྲོད་ཐུན་ཀྱང་སྔར་བཞིན་ལས་བཟླས་པའི་རྗེས་སུ་ཚོགས་མཆོད་གཏོར་བསྔོ་སོགས་བྱེད། དེ་ཡང་སྔོན་འགྲོ་རྣམས་ཐོར་ཐུན་གྱི་མགོར་རྒྱས་པ་དང་། རྗེས་ཆོག་རྣམས་སྲོད་ཐུན་གྱི་མཐར་རྒྱས་པར་བྱེད། ཐུན་བར་མ་རྣམས་ལ་སྔོན་འགྲོ་སྐྱབས་སེམས་ཙམ་གྱིས་ཆོག་གོ། །བསྙེན་ཚད་རབ་རྟགས་མཚན་མཐོང་བ། འབྲིང་དུས་བསྙེན་ཟླ་བ་དྲུག །ཐ་མ་གྲངས་བསྙེན་ཏེ་དེ་ལའང་རབ་འབྲིང་ཐ་མ་གསུམ་ལས། རབ་ནི་ཀུན་བཟང་ཡབ་ཡུམ་ལ་འབུམ་ཕྲག་དྲུག །རིགས་ལྔ་ཡབ་ཡུམ་ཁྲི་ཕྲག་རེ། སེམས་དཔའ་ཡབ་ཡུམ་ནས་སྒོ་བཞིའི་བར་སྟོང་ཕྲག་ལྔ་རེ། ཁྲག་འཐུང་གཙོ་བོ་ཡབ་ཡུམ་ལ་འབུམ་ཕྲག་བཅུ་གཅིག །ཁྲག་འཐུང་རིགས་ལྔ་ལ་ཁྲི་ཕྲག་རེ། གནས་ཡུལ་མན་ཆད་ལ་སྟོང་ཕྲག་ལྔ་རེ། སྤྱི་ཛབ་འབུམ་ཕྲག་གསུམ་གྱིས་མཐའ་བརྟེན་པའོ། །འབྲིང་པོ་ནི། ཀུན་བཟང་དང་ཆེ་མཆོག་ཡབ་ཡུམ་འབུམ་ཕྲག་རེ། གཞན་རྣམས་ཞོར་བཟླས། སྤྱི་ཛབ་འབུམ་ཕྲག་བཞི་ནས་

― LT38_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་བརྒྱད་བར་ཅི་འགྲོ། ཐ་མ་ནི་སྤྱི་ཛབ་ཁོ་ན་འབུམ་ཕྲག་བཞི་ལ་མ་མཐའ་བྱས་པའོ། །དེ་ལྟ་བུའི་གྲངས་བསྙེན་རྒྱས་པའི་སྐབས་སྒོས་བསྙེན་ཐུན་རེ་རེ་བཞིན་ཆ་བགོ་ན། ཐོར་ཐུན་ལ་རྒྱུན་གྱི་ཡི་དམ་ཆག་མེད་གང་ཡོད་བཏང་། ཐུན་གཞན་གསུམ་པོ་ལ་ཐུན་རེའི་ནང་དུ་གཙོ་བོ་ཡབ་ཡུམ་སྟོང་ཕྲག་བཞི་དང་སུམ་བརྒྱ་བཞི་བཅུ་ཐམ་པ་རེ། རིགས་ལྔ་ཡབ་ཡུམ་སྦྲེལ་བ་ཐུན་རེའི་ནང་བདུན་ཅུ་རེ། སེམས་དཔའ་ཡབ་ཡུམ་ནས་བཟུང་སྒོ་བ་ཡན་ཆད་ལ་སུམ་ཅུ་སོ་ལྔ་རེ། དེ་ལྟར་བྱས་པས་ཞག་ལྔ་བཅུ་ཐམ་པས་སྒོས་བསྙེན་འགྲུབ། ཁྲོ་བོ་ཐུན་རེའི་ནང་དུ་གཙོ་བོ་ཡབ་ཡུམ་ལ་སྟོང་ཕྲག་དྲུག་དང་བརྒྱ་ཚོ་གཅིག་བཅུ་གསུམ་རེ། ཁྲག་འཐུང་ཡབ་ཡུམ་ལྔ་སྦྲེལ་བ་རེ་རེ་ལ་ལྔ་བཅུ་ང་བདུན་རེ། འཁོར་ཀཽའུ་རཱི་མན་ཆད་ལ་ཉེར་བརྒྱད་རེ་བྱས་པས་ཞག་དྲུག་ཅུས་ཁྲོ་བོའི་སྒོས་འཛབ་འགྲུབ། དེ་རྗེས་སྤྱི་འཛབ་གཉིས་ཉིན་རེ་ཁྲི་གཉིས་རེ་བཟླས་པས་ཞག་བཅོ་ལྔས་འགྲུབ་བོ། །དེའང་ཞི་བསྙེན་མ་སོང་བར་དེ་ཉིད་གཙོར་བཟླ། ཐུན་མཇུག་ཏུ་ཁྲོ་བོ་རྣམས་ཚར་གསུམ་རེ་ཙམ། ཞི་བསྙེན་ཐེམས་ནས་ཁྲོ་བསྙེན་གཙོར་བྱེད་སྐབས་ཐུན་མགོར་ཞི་བསྙེན་ཚར་གསུམ་རེ་ཙམ་བཟླ། ཐུན་རེ་བཞིན་གྱི་བཟླས་གྲངས་ཁྲིགས་མ་མི་ནུས་ན། ཐོག་མར་ཀུན་བཟང་ཡབ་ཡུམ་གྲངས་མ་ཐེམས་པར་བཟླ། གཞན་

― LT38_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཐུན་མཐར་གསུམ་ཙམ་རེ་བཟླ་བས་མཚོན། བཟླ་བྱ་དེ་ཉིད་གྲངས་གསོག །གཞན་རྣམས་ཞར་བྱུང་ཅི་འགྲུབ་རེ་བྱས་ཀྱང་ཆོག་གོ། །ཐུན་མཚམས་རྣམས་སུ་ཡིག་བརྒྱ་དང་དབྱངས་གསལ་སྤེལ་ཚིག་ཅི་ནུས་དང་། སྤྱི་དྲིལ་ཉིད་གྲངས་སུ་མི་བརྩི་བར་ཅི་འགྲུབ་བཟླས་པས་ཁ་སྐོང་དུ་འགྱུར་རོ། །དེ་ལྟ་བུའི་བསྙེན་པ་རབ་འབྲིང་ཐ་མ་གང་རུང་ཐམས་ནས་སྒྲུབ་པའི་ས་བཅད་ཙམ་བྱ་བ་གོང་མ་འགའ་ཞིག་བཞེད་པས། མདུན་རྟེན་དཀྱིལ་འཁོར་བུམ་པ་གཏོར་མ་སོགས་བཤམ། མཆོད་གཏོར་ཚོགས་ཀྱི་ཡོ་བྱད་སོགས་གང་འབྱོར་རྒྱས་པར་བྱས་ལ། ལས་གཞུང་བསྲང་སྟེ་བདག་མདུན་དབྱེར་མེད་དུ་བསྒོམ། བཟླས་པའི་མགོར་སླེབ་པ་དང་མདུན་རྟེན་གྱི་གོ་སར་འཛབ་ཁང་ཕྱེས་ཏེ་བདག་མདུན་གཉིས་ཀར་དམིགས་པའི་སྤྲོ་བསྡུ་བཅས་སྒོས་ཛབ་ཅི་འགྲུབ་དང་། སྤྱི་འཛབ་ཐུན་གྱི་དངོས་གཞི་བྱས་ལ་བཟླ། ཉིན་རེ་བཞིན་བཀའ་སྲུང་གཏོར་འབུལ། ཚོགས་སྐོང་རྒྱས་པར་བྱ་བཞག་བདུན་ནམ་གསུམ་གྱིས་མཐའ་བརྟེན་པ་ཅི་འགྲུབ་བྱ། དེ་ལྟར་བསྙེན་སྒྲུབ་གྲུབ་ནས་རྗེས་ཀྱི་བྱ་བ་ནི། སང་གྲོལ་རྒྱུའི་དགོངས་ཐུན་ནས་བཟུང་མཆོད་གཏོར་གསར་དུ་བཤམ། བཟླས་པའི་སྐབས་མདུན་རྟེན་ལ་དངོས་གྲུབ་བསྡུ་བའི་དམིགས་པ་དང་བཅས་སྤྱི་འཛབ་ཞི་བ་ལ་བོ་དྷ་ཙིཏྟ་དང་། ཁྲོ་བོ་ལ་རུ་ལུའི་མཐར་མ་མ་

― LT38_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

སརྦ་སིངྡྷི་ཧཱུྃ་ཕཊ། ཅེས་བཏགས་པ་ཅི་ནུས་སུ་བཟླ་ཞིང་། དེ་ལྟ་བུའི་ཚུལ་གྱིས་གྲོལ་རྒྱུའི་སྔ་ཐུན་ལ། སླར་ཡང་མཆོད་གཏོར་རྒྱ་ཆེན་བཤམ། ལས་བྱང་རྒྱས་པར་བཏང་ནས་དངོས་གྲུབ་ལ་དམིགས་པའི་བཟླས་པ་ཅི་ནུས་བྱ། ཆོས་སྐྱོང་སོགས་གཏོར་བསྔོ་དང་ཚོགས་མཆོད་བརྟན་སྐྱོང་གི་བར་དུ་སོང་བས། མདུན་བསྐྱེད་ལ་མཆོད་བསྟོད་རྒྱས་པར་བྱ། ཡིག་བརྒྱ་མང་དུ་བཟླས་པས་ནོངས་པ་བཤགས། པད་གླིང་ལུགས་ཀྱི། ཧཱུྃ་རིག་རྩལ་ལྷུན་གྲུབ་སོགས་སམ། ཧཱུྃ། བདེ་གཤེགས་རྒྱལ་བ་ཞི་ཁྲོ་སོགས་དངོས་གྲུབ་སྐུལ་ཚིག་གང་རུང་མཐར། སྤྱི་འཛབ་ལ། ཀཱ་ཡ་སིངྡྷི་ཨོཾ་སོགས་བཏགས་པ་བརྗོད་ལ། མདུན་བསྐྱེད་དཀྱིལ་འཁོར་པའི་གནས་གསུམ་ལས་འོད་ཟེར་དཀར་དམར་མཐིང་གསུམ་འཕྲོས། རང་གི་གནས་གསུམ་དུ་ཐིམ་པས། སྐུ་གསུང་ཐུགས་ཀྱི་དངོས་གྲུབ་ཐོབ་པར་བསམ་ཞིང་བུམ་པ་གཏོར་མ་གནས་གསུམ་དུ་གཏུགས། གཏོར་མའི་ལྷ་ཡང་འོད་དུ་ལྟེམ་གྱིས་ཞུ་ནས་རང་ལ་ཐིམ་པར་བསམ། གཏོར་ཟན་དང་བུམ་ཆུ་མྱངས་པས་བྱང་ཆུབ་སེམས་ཀྱི་དྭངས་མས་ལུས་ཀྱི་རྩ་ཁམས་ཐམས་ཅད་དུ་ཁྱབ་ཅིང་བདེ་ཆེན་གྱི་ཡེ་ཤེས་བཟོད་མེད་དུ་འབར་བར་བསམས་ལ་སྟོང་ཉིད་ཁྱབ་གདལ་ཆེན་པོར་མཉམ་བཞག་བྱ། རྗེས་ཆོག་ཤིས་བརྗོད་སྨོན་ལམ།

― LT38_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་བསྐྱེད་རས་བྲིས་དང་རྟེན་ཡོད་ན་བརྟན་བཞུགས་བྱ། ཚོམ་བུ་ཡིན་ན་གཤེགས། བསྡུ་ལྡང་ཡན་གཞུང་ལྟར་ལ། ཞལ་ནས་གསུངས་པས་ཐོག་དྲངས་པའི་ཤིས་བརྗོད་དང་ཐུན་མོངས་མ་ཡིན་པའི་སྨོན་ལམ་མང་དུ་གདབ་ལ་མཐའ་རྒྱས་བྱ། ཁ་སྐོང་ཞི་བའི་སྦྱིན་སྲེག་སྤྱི་འཛབ་ཅི་ཙམ་བཟླས་པའི་བཅུ་ཆ་བླུགས། རྒྱལ་ཆེན་དང་ཕྱིའི་གཙང་རིས་ལ་གཏོང་རག་མཆོད་གཏོར་ཕུལ་ནས་རང་གནས་སུ་གཤེགས། རྒྱལ་ཐོ་བཀྲོལ། གཏོང་རག་ཚོགས་ཀྱི་དགའ་སྟོན་དང་གནས་སྲུང་སོགས་མཚམས་ཀྱི་བྱ་བ་སྤྱི་ལྟར་ཤེས་པར་བྱའོ། །ལྷུན་གྲུབ་ཞི་ཁྲོ་ཡེ་ཤེས་ཕྱག་རྒྱ་ཡིས། །གཉིས་སྣང་འཁོར་ལོ་ཀུན་ལ་བཏབ་ནས་ཀྱང་། །གཞིར་རྫོགས་དག་པ་རབ་འབྱམས་ཀློང་ཆེན་པོར། །འཁོར་འདས་གཉིས་མེད་ཐིག་ལེ་གཅིག་གྱུར་ཤོག །ཚུལ་འདིའང་ཆོས་སུ་ཅུང་ཟད་སོང་བའི་ཉམ་ཆུང་བློ་དམན་ཁ་ཅིག་རྒྱས་པ་ལག་ཏུ་མི་ཐེབས། བསྡུས་ཆེས་པས་བློ་ཁ་མ་ཚིམས་ཀྱང་འདི་བྱ་ངེས་པ་མ་རྙེད་པ་དག་མཐོང་བས། དེ་འདྲའི་རིགས་ལ་ངེས་པ་སྟེར་བྱེད་ཙམ་དུ། སངས་རྒྱས་གཉིས་པ་ཨོ་རྒྱན་རྡོ་རྗེ་ཐོད་ཕྲེང་རྩལ་གྱི་སྔགས་རིག་འཛིན་པ་པདྨ་གར་དབང་

― LT38_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་འགྲོ་འདུལ་རྩལ་གྱིས་རྫོང་ཤོད་ཞི་ཁྲོ་བདེ་གཤེགས་ཀུན་འདུས་ཀྱི་ཕོ་བྲང་དུ་བགྱིས་པ་དགེ་ལེགས་འཕེལ།། །།

བླ་མ་གསང་བ་འདུས་པའི་དབང་བསྐུར་གྱི་ལག་ལེན་གསལ་བྱེད།

― LT38_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་གསང་བ་འདུས་པའི་དབང་བསྐུར་གྱི་ལག་ལེན་གསལ་བྱེད་བཞུགས་སོ། །

― LT38_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་བྷྱཿཆོས་དབང་རིན་པོ་ཆེའི་གཏེར་བྱོན་བླ་མ་གསང་འདུས་དབང་ཆེན་ཁྲ་ཚང་པའི་ཡིག་ཆ་ལྟར་དངོས་སྟ་ཉིན་གཅིག་ལ་གྲུབ་པར་མཛད་སྐབས། སང་ཉིན་དབང་བསྐུར་རྒྱུའི་དེ་རིང་ལྟ་བུར་དཀྱིལ་འཁོར་གང་དུ་བཞེངས་པའི་གནས་དེར། དཀར་གཏོར་ཞིག་ལ་ཆབ་བྲན། རང་ཉིད་སྐད་ཅིག་གིས་དཔལ་རྟ་མགྲིན་ཏུ་གསལ་བར་གྱུར། རྃ་ཡྃ་ཁྃ། ཨོཾ་ཨཱཿཧཱུྃ། གསུམ། བྷཱུ་མི་པ་ཏི་སོགས་དང་། ཨ་ཀཱ་རོ་ལན་གསུམ་གྱིས་བསྔོ་བ་ལེའུ་བརྒྱད་མའི་ལས་བྱང་ལྟར་དང་། དབང་གཞུང་ལས། ཇི་ལྟར་སྔོན་གྱི་ནས། སྦྱིན་ཏུ་གསོལ། བར་བརྗོད་ལ་གཏོར་མ་ཕུལ། ས་གཞི་རིན་པོ་ཆེ་སྣ་ལྔའི་རང་བཞིན་ཏུ་གྱུར། ཨོཾ་ཨཱཿཧཱུྃ་སྭཱ་ཧཱ། གསུམ། ལག་གཡས་རྡོ་རྗེ་དང་བཅས་ས་ལ་བཞག་ནས་བཛྲ་གུ་རུ་ཕྲེང་སྐོར་ཙམ་བཟླ། སྟོང་པ་ཉིད་དུ་སོས། དཀྱིལ་འཁོར་གྱི་སྟེགས་བུའི་སྟེང་བདུད་རྩི་འཐོར་ལ། ཧཱུྃ། བཀའ་གསང་རྨད་བྱུང་ནས། མཎྜ་ལ་ཏྲཱྃ། བར་

― LT38_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིག་སྐུད་ལྔ་བསྒྲིལ། ཨ་མྲྀ་ཏས་བསངས། སྭ་བྷཱ་ཝ་ས་སྦྱངས། སྟོང་པ་ཉིད་ཀྱི་མདངས་ལས་ནས། ངོ་བོར་གྱུར། བདག་ཉིད་སྐད་ཅིག་གིས་ནས། དཀྱིལ་འཁོར་སྤྲོས་པར་བསམ་བར་བརྗོད། ནམ་མཁར་ཡེ་ཐིག་བརྒྱད་གདབ། རས་བྲིས་ཡོད་ན་སྟེགས་བུར་ལས་ཀྱི་ཐིག་ཆེན་བརྒྱད་གདབ། མཎྜལ་ལ་རྡུལ་ཚོན་བླུགས་ཚེ་མཎྜལ་སྟེང་དུ་གདབ་ཅིང་། རྡུལ་ཚོན་བསངས་སྦྱངས། རྡུལ་ཚོན་རྣམས་དཀར་པོ་ཨོཾ། ནས། དཔའ་བོ་འབྲུ་ལྔར་བསམ། ཞེས་དང་། ཧཱུྃ། ས་ཚོན་ནས། རཏྣར་གསལ༔ ཞེས་བྱིན་བརླབ། ས་ཆོག་ནས་འདི་བར་སྒྲུབ་མཆོད་དང་བརྒྱུད་འཛིན་ཚད་ལྡན་བྱེད་སྐབས་ཅི་ནས་གལ་ཆེ། དཀྱུས་ཀྱི་དབང་བསྐུར་ཙམ་ལ་མ་གྲུབ་ཀྱང་རུང་། དེ་ནས་བཤམ་བཀོད་ནི། རས་བྲིས་ཡོད་ན་བཏིང་། རྡུལ་ཚོན་སྐབས། བདུད་རྩིར་བྱུགས་ཤིང་ཐིག་ཆེན་བརྒྱད་བཏབ་པའི་མཎྜལ་ལ། ལྟེ་བཟླུམ་

― LT38_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་མཐིང་ནག་གི་རྒྱབ་ཏུ་བེའུ་འབྲུ་སེར་པོ་ཆ་བྲན་གཅིག །དེ་རྒྱབ་ཆ་ཕྲན་གསུམ་ལ་པདྨ་འདབ་བཞི་ཕྱོགས་མདོག །དེ་རྒྱབ་ཆ་ཆེན་གཅིག་ལ་རིན་ཆེན་ཟུར་བརྒྱད་མཐིང་ག །དེ་རྒྱབ་ཆ་ཆེན་གཅིག་ལ་པད་འདབ་བཅུ་དྲུག་མཛེས་ཚོན། དེ་རྒྱབ་རྒྱས་པར་སྤྲོ་ན་དུར་ཁྲོད་ཆ་ཆེན་གཅིག །རྡོ་རྭ་ཆ་ཕྲན་གཉིས། མེ་རི་ཆ་ཆེན་གཅིག་བྱ། བསྡུ་ན་དེ་གསུམ་མི་དགོས། མུ་ཁྱུད་ཆ་ཕྲན་གཅིག་ཁོ་ནས་འཐུས། རས་བྲིས་དང་རྡུལ་ཚོན་གཉིས་ཀ་མ་འབྱོར་ཚེ་མཎྜལ་བདུད་རྩིས་བརླན་པ་ལ་འབྲུའི་ཚོམ་བུ་དབུས་སུ་གཅིག །དེ་རྒྱབ་བཞི། དེ་རྒྱབ་བརྒྱད། དེ་རྒྱབ་བཅུ་དྲུག་བཀོད། གང་ལྟར་དཀྱིལ་འཁོར་དེ་དག་སྟེགས་བུའི་དབུས་སུ་བཀོད་པའི་སྟེང་དུ་མཉྫིིའི་ཁར་བུམ་པ་མགུལ་ཆིངས་དམར་པོ་བུམ་རྫས་སོ་ལྔ་དང་མངར་གསུམ་བཏབ་པའི་བཅུད་ལྡན། ཁ་རྒྱན་གཟུངས་རྡོར་བཅས་བཀོད། དེའི་སྟེང་དུ་རྐང་གསུམ་མཐོ་བའི་ཁར་ཐོད་པ་མཚན་ལྡན་འབྲུས་བཀང་བའི་དབུས་སུ་ཨོ་རྒྱན་གྱི་སྐུ་བྱིན་རླབས་ཅན་བཤམ་པ་ལ་དར་གདུགས་འཕུག །མདུན་དུ་དཔལ་བཤོས་རིན་ཆེན་ཟུར་བརྒྱད། དེའི་གཡས་གཡོན་དུ་སྨན་རག །རྒྱབ་ཏུ་གསང་དབང་གི་རྫས་ཐོད་པར་ཆང་ལ་མངར་གསུམ་དང་ཆོས་སྨན་སྦྱར་བ། རིག་མའི་ཙཀླི། རྣམ་བུམ་གྱི་མདུན་དུ་གསང་འདུས་ཡབ་ཡུམ། ཐོད་ཕྲེང་སྡེ་ལྔ། གུ་རུ་མཚན་བརྒྱད། རྟ་ཕག་ཡབ་ཡུམ། གིང་ཆེན་སྡེ་བཞི་ཡབ་ཡུམ་བཅས་སོ་སོའི་ཙཀླི་ཁྱོན་བསྡོམས་བཅུ་དགུ་ཚང་བར་བཀོད། གཡས་སུ་སྒྲུབ་ཐབས་གླེགས་བམ་དར་དམར་གྱིས་དྲིལ་བ། གཡོན་ཏུ་ལས་བུམ་མགུལ་ཆིངས་དཀར་པོ་ཅན། མདུན་ངོས་སུ་ཕྱི་མཆོད་ཕྲེང་ཚར་ཚོགས་ཀྱི་ཡོ་བྱད། དཀར་གཏོར་སོགས་དང་། རྒྱབ་ངོས་དབུས་སུ་མ་ནིང་། གཡས་གཡོན་ཏུ་ཆད་བརྟན་འབུལ་

― LT38_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་བཞག །སྟ་གོན་ཆས་སོ་ཤིང་། དེ་ཉིད་དོར་བའི་གཞི་མཎྜལ་ལ་ཚོམ་བུ་ལྔ་བཀོད་པ། དུང་ཆུ། ཀུ་ཤ་རིང་ཐུང་། སྲུང་སྐུད་འདོག་ལྔ་པ་སློབ་མའི་གྲངས་མཉམ། མིག་དར། མེ་ཏོག །མཎྜལ། རིགས་ལྔའི་སྐུ་འབག་ཕྱག་མཚན་ཙཀླི། གཏོར་དབང་གི་སྐབས་སུ་བཀྱེ་རྒྱུའི་དངོས་གྲུབ་རྫས་ཤ་ཟན་ཐུད་དུམ་ཤིང་ཏོག་གང་འཛོམ་སྣོད་ཆེན་པོ་གཅིག་ཏུ་བསགས་པ་དང་ཀ་པཱ་ལ་བདུད་རྩིས་བཀང་བ་བཅས་ལྷན་ཅིག་བཞག །དཀྱིལ་འཁོར་ལ་ཡོལ་བ་བཏང་།། ༈ །།དངོས་གཞི་དབང་སྒྲུབ་ཚིག་བདུན་གསོལ་འདེབས། བསམ་ལྷུན། སྔོན་གཏོར་དང་སྐྱབས་སེམས་མཚམས་གཅོད་སོགས་ནས། སྨན་རཀ་གཏོར་འབུལ་ཡན་ལས་བྱང་ལེའུ་བརྒྱད་མ་ཚེས་བཅུའི་སྐབས་ལྟར་མཐར་ཆགས་སུ་བཏང་ནས་བདག་མདུན་དབྱེར་མེད་དུ་བསྒྲུབ། དེ་མཚམས་ཚོགས་བསྐྱུར་ནས་དམིགས་གནད་བཅས་བསྙེན་སྒྲུབ་ལས་གསུམ་ཛབྲ་ཅི་འགྲུབ་སོ་སོར་བཟླ། དེ་ནས་རྣམ་རྒྱལ་བུམ་པ་བསངས་སྦྱངས། སྟོང་པའི་ངང་ལས་རྣམ་རྒྱལ་བུམ་པ་བྷྲཱུྃ་ལས་སོགས་དབང་གཞུང་ལྟར་ལ། སྐད་ཅིག་གིས་རྩ་བ་གསུམ་གྱི་དཀྱིལ་འཁོར་གསལ་བར་གྱུར་པ་ནི། ཏི་ར་ཉི་ཟླ་པདྨའི་སྟེང་༔ དབང་ཆེན་རྟ་མགྲིན་ཡབ་ཡུམ་སྐུ༔ སོགས་ནས། ཡེ་ཤེས་ལྔ་ཡི་དབང་རྫོགས་ཤོག༔ བར་གྱིས་དམ་ཡེ་དབྱེར་མེད་དུ་གསལ་གདབ་ལ་གཟུངས་ཐག་སྲིན་ལག་གཡོན་པས་འཇུས་ཏེ་དབང་གཞུང་ལྟར། བདག་གི་ཐུགས་ཀ་ནས་འོད་ཟེར་སོགས་ནས། སྒྲིབ་པ་ཐམས་ཅད་དག་པར་བསམ། ཡན་བརྗོད། བཛྲ་གུ་རུ་ཅི་འགྲུབ་བཟླ། ཡང་། བདག་རྩ་བ་གསུམ་

― LT38_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ལྷ་ཚོགས་ལས་འོད་འཕྲོས་སོགས་ནས། བུམ་པ་འཁྱིལ་བར་བསམ། ཡན་དང་། སྒྲུབ་སྔགས་ཐོད་ཕྲེང་རྩལ་དང་། ཧྲཱིཿམ་སོགས་ལས་སྔགས་སོ་སོར། ཀཱ་ཡ་ཝཱཀ་སོགས་སྔགས་ཤམ་བཏགས་པ་བཟླ། ལས་བུམ་བསངས་སྦྱངས། སྐད་ཅིག་གིས་ལས་བུམ་བྷྲཱུྃ་ལས་སོགས་ནས། བུམ་པ་གང་བར་བསམ། ཡན། ཡིག་བརྒྱ་ཉེར་གཅིག་དང་སཏྭ་ཕྲེང་སྐོར་ཙམ་བཟླ། མཆོད་བསྟོད་ངག་ཏུ་མི་བརྗོད་པར་ཡིད་ཀྱིས་བསྡུས་ཙམ་བྱ། བུམ་ལྷ་ཡེ་ཤེས་པ་རང་ལ་ཐིམ། དམ་ཚིག་པ་འོད་དུ་ཞུ་བ་བུམ་པའི་ཆུར་གྱུར།། ༈ །།དེ་ནས་སློབ་མ་སྟ་གོན་ནི། བགེགས་གཏོར་སྤོས་ཐུན་སོགས་འདུ་བྱ། སློབ་མ་རྣམས་སྒོ་ཁང་དུ་འཚོགས། སློབ་དཔོན་གྱིས་ཆགས་མེད་ཞབས་ཀྱི་སྔོན་འགྲོ་བླ་མ་སྐྱབས་ལས་འབྱུང་བ་ལྟར། བྱིན་རླབས་ནས་བརྩམས་བགེགས་གཏོར་བཏང་། ལས་བྱང་ལྟར། ཧཱུྃ་ཧྲཱིཿ བླ་མ་རྣམས་ཀྱི་ནས། རཀྵ་རཀྵ་ཧཱུྃ་ཕཊ༔ བར་གྱིས་མཚམས་གཅོད་སྲུང་འཁོར་བྱ། ཇི་ལྟར་བལྟམས་པ་སོགས་སམ། བདེ་གཤེགས་རྒྱལ་བ་སོགས་གང་རུང་བརྗོད་ནས་ལས་བུམ་གྱིས་ཁྲུས་བྱ། མེ་ཏོག་བཀྱེ་ཞིང་བསྡུ། སློབ་དཔོན་གྱིས་འདི་སྐད། རྟོག་པ་ཐམས་ཅད་ལེགས་པར་བསྡུས་ནས་ནི༔ ཤིན་ཏུ་བསམ་པ་བཟང་དང་ལྡན་པས་ཉོན༔ བརྗེད་ངས་བློ་ལ་འོད་དཔག་མེད་པ་སོགས༔ བདེ་བར་གཤེགས་པ་རྣམས་ཀྱིས་བྱིན་མི་རློབ༔ འོ་ན་བླ་མ་གསང་བ་སོགས་གཞུང་ལྟར་དབང་བཤད་ཀྱི་བླ་མ་བརྒྱུད་བའི་མཚན་སྨོས་སྐབས། རྒྱལ་སྲས་ཀརྨ་དབང་འབྱོར། བློ་མཆོག་

― LT38_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པའི་རྡོ་རྗེ། འགྲོ་འདུལ་པདྨ་ཕྲིན་ལས། སྔགས་གྲུབ་པདྨ་དབང་དྲག །རིག་འཛིན་ཚེ་དབང་ནོར་བུ། ཀུན་མཁྱེན་བསྟན་པའི་ཉིན་བྱེད། །དཔལ་ཐུགས་ཀྱི་རྡོ་རྗེ། འཁོར་ལོའི་མགོན་པོ་མཚན་བརྗོད་པར་དཀའ་བ་པདྨ་ཉིན་བྱེད་དབང་པོའི་བར་དུ་བརྒྱུད་པ་ཡིན་ལ། ཞེས་བཙུད། སློབ་མ་ལྷག་པར་གནས་པར་ཞུ་བའི་ཡོན་ཏུ་མཎྜལ་འབུལ་མཛོད། །ཡན་བརྗོད། མཎྜལ་རྒྱས་པར་འབུལ་དུ་གཞུག །དེ་ནས་གསོལ་བ་གདབ་པ་འདིའི་རྗེས་ཟློས་མཛོད། །ཧོཿབླ་མ་སངས་རྒྱས་སོགས་ལན་གསུམ། ཀྱེ་ཧོ། དད་ལྡན་བུ་ཁྱོད་སོགས་གནང་བ་སྦྱིན། དེ་ནས་ཐུན་མོང་དང་ཐུན་མོང་མ་ཡིན་པའི་སྡོམ་པ་འབོགས་པའི་དོན་དུ་གསོལ་བ་གདབ་པ་འདིའི་རྗེས་ཟློས་མཛོད། །དཀྱིལ་འཁོར་གཙོ་བོ་སོགས་ལན་གསུམ། གསུམ་པ་ནི། གལ་བྱང་ལས་སོགས་ནས། རྗེས་ཟློས་འཚལ་ཞེས་བརྡ་སྦྱར་ནས། ན་མོ་བླ་མ་སོགས་རྗེས་ཟློས་ལན་གསུམ། སོ་ཤིང་དང་དེ་ཉིད་དོར་བའི་མཎྜལ་བཅས་ལས་བུམ་གྱི་ཆུས་བྲན། བསངས་སྦྱངས། སྟོང་པའི་ངང་ལས་སོ་ཤིང་འབྲས་བུ་ཅན་དང་དྲིའི་ཤིང་གི་རྩེ་མོར་སོགས་ནས། ཐོགས་པ་མེད་པའི་ནུས་ལྡན་དུ་གྱུར། ཁྱེད་རང་རྣམས་ལག་པ་ཐལ་མོ་སྦྱར་བའི་སོགས་ཀྱིས་བརྡ་སྦྱར། བླ་མས་གནང་བའི་སོགས་རྗེས་ཟློས་ཚར་གཅིག་བྱེད་བཞིན་སོ་ཤིང་འདོར་དུ་གཞུག །དེའང་མཎྜལ་གྱི་ཕྱོགས་བཞི་སོགས་ནས། དངོས་གྲུབ་ཕྲན་ཚེགས་འགྲུབ་པར་འགྱུར་རོ། །ཞེས་

― LT38_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་སྟོན། ཨོཾ་ཧྲཱིཿབི་ཤུདྡྷེ་སོགས་ཀྱིས་དུང་ཞལ་ཁྱོར་ཆུ་ལན་གསུམ་སྦྱིན། ཁྱོར་ཆུ་ལན་གསུམ་འཐུང་ཞིང་ལྷག་མ་རྒྱབ་ཏུ་དོར་བས་སྡིག་སྒྲིབ་ཐམས་ཅད་དག་པར་མོས་མཛོད། ཀུ་ཤ་ཐོགས་ལ། ཧཱུྃ། སྔོན་ཚེ་རྒྱལ་བ་སོགས་ཀྱིས་གཡས་གཡོན་ཏུ་སྦྱིན། ཀུ་ཤ་ཆེ་བསྟན་དང་ཆུང་བ་སྔས་སུ་གྱིས་ཤིག །དེའང་ཀུ་ཤ་ཞེས་པ་སོགས་ནས། དག་པར་བྱེད་པ་ཡིན་ནོ། །སྒོ་གསུམ་གྱི་བར་ཆད་སྲུང་བའི་དོན་དུ་སྲུང་སྐུད་རྡོ་རྗེའི་མདུད་པ་ཅན་ཕོའི་དཔུང་པ་གཡོན་དང་མོའི་གཡས་སུ་བཅིང་མཛོད། །ཧཱུྃ། ཡེ་ཤེས་ལྔ་སོགས་ཀྱིས་དཔུང་སྐུད་གཏད། མདུད་པའི་སྟེང་དུ་ནང་མཆོད་གཏོར་ཞིང་རྡོ་རྗེས་རེག །དེ་ལྟར་སྲུང་སྐུད་སོགས་ནས། ཟབ་མོའི་ཆོས་བཤད་དེ་སྤྲོ་བ་སྐྱེད་པ་ནི་རྒྱུད་ལས་གསུངས་པ་འདི་ལ་གསན་པས་ཁྱབ་པར་གདའ། ཨུ་དུམ་ཝ་ རའི་སོགས་ནས། དེད་ལ་རྨེད་པར་ཞུ། བསོད་ནམས་འདི་ཡིས་སོགས་བརྗོད་ནས་སློབ་མ་རེ་ཞིག་གྱིས་སོ།། ༈ །།དེ་ནས་སློབ་དཔོན་གྱིས་ཚོགས་མཆོད་བྱིན་རླབས་ནས་བརྩམས་བདུད་རྩི་གསང་ནན་ཡན་ཚང་བར་བཏང་། སྐབས་འདིར་རིགས་ཀྱི་མེ་ཏོག་དོར་བའི་གཏོར་འབྲུ་དང་བཅས་པའི་ཕྱོགས་བཞི་དབུས་ལྔར་རིགས་ལྔའི་སྐུའམ་ཕྱག་མཚན་གྱི་ཙཀླི་ཕྱོགས་མ་ནོར་བར་བཀོད་དེ་དཀྱིལ་འཁོར་མདུན་སོགས་གང་བདེར་བཞག །སློབ་མ་ཉུང་ན་གྲངས་མཉམ་གྱི་གསང་མཚན་ཤོག་གུར་བྲིས་པའང་ཕྱོགས་སོ་སོར་བཞག །བསྙེན་སྒྲུབ་ལས་སྔགས་སོ་སོར་ཅི་འགྲུབ་བཟླ། དབང་གཞུང་བུམ་བསྐྱེད་སྐབས་སུ་འབྱུང་བ་ལྟར། གསང་དབང་ཐོད་པའི་གཞལ་ཡས་

― LT38_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

ཁང་སོགས་ནས། ཐོད་པ་གང་བར་བསམ་ཡན་དང་། བསྙེན་སྒྲུབ་ལས་སྔགས་གསུམ་སོ་སོར། ཀཱ་ཡ་ཝཱཀ་སོགས་ཤམ་བུ་བཏགས་པ་ཅི་འགྲུབ་བཟླ། ཡེ་ཤེས་ལྷ་ཚོགས་སོགས་ཀྱིས་སྟོང་ཚིག་མཆོད་བསྟོད་བྱ། བྱིན་འབེབས་སྐབས་འཐོར་རྒྱུའི་མེ་ཏོག་ལ་རྟེན་སྙིང་བརྒྱ་རྩའམ་ཅི་འགྲུབ་བཟླས་ལ་བཞག །དུར་ཁྲོད་གསང་མཆོག་ནས་མ་ནིང་གཏོར་འབུལ་ཡན་ཚེས་བཅུའི་སྐབས་ལྟར་ཚང་བར་བཏང་། བདག་འཇུག་གི་ཆེད་དུ་རིག་པའི་མེ་ཏོག་དོར་བཟུར་གསལ་ལྟར་གྲུབ་ནས།། ༈ །།དབང་དངོས་གཞི་ལ། སློབ་མ་རྣམས་འཚོགས། ཁྲུས་དང་མེ་ཏོག་བཀྱེ་བསྡུ་བྱ། ནམ་མཁའ་དང་མཉམ་པའི་སེམས་ཅན་ཐམས་ཅད་རིགས་ཀུན་གྱི་ཁྱབ་བདག་མཚོ་སྐྱེས་རྡོ་རྗེ་འཆང་ཆེན་པོའི་གོ་འཕང་ལ་འགོད་པར་བྱ། དེའི་ཆེད་དུ་སྨིན་བྱེད་ཀྱི་དབང་བསྐུར་ཟབ་མོ་གསན་པར་བྱའོ་སྙམ་པའི་ཐུགས་བསྐྱེད་རྣམ་པར་དག་པ་གསལ་བཏབ་ནས་ཡེངས་འཁྲུལ་གྱི་དབང་དུ་མི་བཏང་བར་དབང་དོན་བརྡ་འཕྲོད་ངེས་སུ་གསན་ཞིང་ཏིང་ངེ་འཛིན་ལ་བློ་ཅི་ནུས་སུ་བཞག་པར་ཞུ། དེའང་བླ་མ་གསང་བ་འདུས་པའི་སོགས་གཞུང་ལྟར་དང་། མིག་དར་མེ་ཏོག་བཀྱེ། བཞི་པ་ཡོན་འབུལ་ཞིང་སོགས་བརྡ་སྦྱར་ནས་མཎྜལ་འབུལ་དུ་གཞུག །དེ་ནས་གསོལ་བ་གདབ་པ་འདིའི་རྗེས་ཟློས་མཛོད། །སློབ་དཔོན་བདག་ལ་སོགས་རྗེས་ཟློས་ལན་གསུམ། དེ་ལྟར་གསོལ་བ་བཏབ་པས་སོགས་ནས། འཁོད་པའི་མོས་པ་མཛོད། །ཅེས་བརྗོད་སྐབས་ལས་རྡོར་གྱིས་ཡོལ་བ་བསལ། ལྔ་པ་

― LT38_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་འགྲོ་ཚོགས་བསགས་སོགས་བརྡ་རིམ་པར་སྦྱར་ནས་སྐྱབས་སེམས་རྗེས་ཟློས་ལན་གསུམ་རེ། དེ་ནས་ཚོགས་བསགས་པ་ལ་གཉིས་ལས་དང་པོ་ཀུ་སུ་ལུའི་ཚོགས་བསགས་པའི་དམིགས་པ་འདི་བཞིན་ཏུ་མཛད་འཚལ། དེ་ནས་རང་མདུན་མི་མགོ་སོགས་ནས། མཉེས་པར་བསམ༔ཡན་སློབ་དཔོན་གྱིས་དམིགས་པ་སོད་པའི་ཚུལ་དུ་བརྗོད། གཉིས་པ་ནང་གི་ཡན་ལག་བཅུ་པ་འདིའི་རྗེས་ཟློས་མཛོད། །བླ་མ་ཡི་དམ་སོགས་རྗེས་ཟློས་ལན་གསུམ། གཉིས་པ་དལ་དུ་སོགས་བརྡ་སྦྱར། ཧོཿ ཡེ་ཤེས་སོགས་རྗེས་ཟློས་ལན་གཅིག །གཉིས་པ་མེ་ཏོག་སོགས་བརྡ་སྦྱར། ཧོཿ བསྐལ་པ་སོགས་རྗེས་ཟློས་ལན་ཅིག་བྱ་བཞིན་པས་རིགས་ལྔའི་དཀྱིལ་འཁོར་དུ་མེ་ཏོག་འདོར་གཞུག །མེ་ཏོག་ཕྱོགས་གར་བབ་བརྟགས་ལ་གསང་མཚན་བྲིས་པ་ཡོད་ན་མ་འཁྲུལ་བར་སོ་སོར་སྦྱིན། མེད་ཚེ། ཁྱེད་རྣམས་ཀྱི་མེ་ཏོག་དབུས་སུ་ཕོག་པ་རྣམས་ཀྱི་གསང་མཚན་བུདྡྷ་གུ་རུར་རྩལ། ཤར་དུ་བཛྲ་གུ་རུ་རྩལ། ལྷོར་རཏྣ་གུ་རུ་རྩལ། ནུབ་ཏུ་པདྨ་གུ་རུ་རྩལ། བྱང་དུ་ཀརྨ་གུ་རུ་རྩལ། མཚམས་སོགས་ལྷག་མ་རྣམས་ལ་རིགས་འདུས་ཐོད་ཕྲེང་རྩལ་ཞེས་བྱ་བ་ཡིན་ནོ། །སླར་མེ་ཏོག་དེ་ཉིད་སོགས་ནས། སིངྡྷི་ཧཱུཾ༔བར་བརྗོད་པ་ཉུང་ན་ཅོད་པན་ནམ་མེ་ཏོག་སོ་སོའི་སྤྱི་བོར་སྦྱིན། མང་ན་ནས་གཏོར། ཁྱེད་རང་རྣམས་སྐད་ཅིག་གིས་སོགས་ནས། མཚན་པར་བསྐྱེད། བར། དྲི་བཟང་གི་ཐིག་ལེ་སྤྱི་མགྲིན་སྙིང་གར་མས་རིམ་བཀོད་ལ། ཨོཾ་ཨཱཿཧཱུྃ།

― LT38_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་ག་ནས་ཡས་རིམ་རེག་ལ། ཧཱུྃ་ཨཱཿཨོཾ། ཡར་ཡས་རིམ་རེག་ལ། ཨོཾ་ཨཱཿཧཱུྃ། དེ་ཡང་དང་པོས་སོགས། ཡེ་ཤེས་པ་དབབ་པའི་གསོལ་བ་གདབ་པའི་རྗེས་ཟློས་བརྡ་སྦྱར། བླ་མ་རྡོ་རྗེ་ནས། རྒྱས་པར་མཛད་དུ་གསོལ། བར་གསུམ་མམ་གཅིག་རྗེས་ཟློས་བྱ། དེ་ནས་ཞལ་གདམས་སོགས་ནས། སྙམ་པར་གྱིས་བར་གྱིས་དམིགས་པ་ཕོག །སྔོན་སྐལ་མ་སོགས་སྤྱན་འདྲེན་ཚང་བ་དབྱངས་རོལ་བཅས་བཏང་། སྤོས་དུད་འགྲིམ་ཡང་། དེ་ལྟར་གསོལ་བ་སོགས་དང་སྔགས་རོལ་མོ་བཅས་བྱིན་དབབ་གྲུབ་ནས་སྔར་རྟེན་སྙིང་གིས་བསྔགས་པའི་མེ་ཏོག་འཐོར་ལ། ཡེ་ཤེས་སེམས་དཔའ་སོགས་ཀྱིས་བརྟན་བཞུགས་བྱ། གསུམ་པ་དལ་མཐོང་བའི་སོགས་ཚིགས་བཅད་བཅས་པས་མིག་དར་དབྱེ། གཉིས་པ་དཀྱིལ་འཁོར་སོགས་ནས། སྐལ་བཟང་འགྱུར༔བར་གྱིས་མཐོང་བ་བསྟན། ཀ་པཱ་ལའི་ནང་མཆོད་ནས་དམ་ཆུ་སྦྱིན་ཞིང་། ཧཱུྃ། འདི་ནི་སོགས་ནས། གཙང་བར་གཅེས༔དེ་ལྟར་བྱ་སྙམ་པས་འདིའི་རྗེས་ཟློས་ཀྱིས། ཨི་དཾ་སོགས་རྗེས་ཟློས་ལན་ཅིག་བྱ། ད་ཁྱེད་རྣམས་སོགས་ནས། འདིའི་རྗེས་ཟློས། རྡོ་རྗེ་སློབ་དཔོན་སོགས་རྗེས་ཟློས་ལན་ཅིག །དེ་རྣམས་ཀྱིས་དལ་དུ་སོགས་ནས་མཎྜལ་འབུལ། བརྡ་སྦྱར་ལ། འཁོར་བའི་སོགས་གསོལ་འདེབས་རྗེས་ཟློས་གསུམ། གཉིས་པ་དབང་དངོས་སོགས་ནས། བུམ་དབང་བསྐུར། བུམ་ཆུ་བཀྱེ། མཚམས་སྦྱར་གཞུང་ལྟར་བྱས་ལ་ལྷ་དབང་ཙཀླི་ཡོངས་རྫོགས་བསྐུར། བུམ་པས་དབང་

― LT38_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུར་སོགས་དབང་དོན་ངོ་སྤྲད། གཉིས་པ་ནང་ལུས་ནས། ཨ་བྷི་ཥིཉྩ་ཨཱཿབར་གྱིས་གསང་དབང་ཐོད་པའི་བདུད་རྩི་མགྲིན་པར་བཞག་ཅིང་ཁར་བླུད། དེ་མ་མིད་པར་ཕཊ་ཅེས་སྨྲོས། བྱང་ཆུབ་ཀྱི་སེམས་དེས་སོགས་ནས། རྗེས་ཟློས་ལན་གསུམ་མཛོད། བར། བཛྲ་གུ་རུ། ཐོད་ཕྲེང་རྩལ། ཧྲཱིཿམ་སྟེ་བསྙེན་སྒྲུབ་ལས་གསུམ་སོ་སོར་རྗེས་ཟློས་ལན་གསུམ་གསུམ་བྱར་གཞུག །དེ་ནས། ཀྱེ་དཔལ་རིགས་འདུས་ཐོད་ཕྲེང་རྩལ་ཞེས་བྱ་བ་གསང་མཚན་གྱི་དབང་བསྐུར་བས་སོགས་ནས། མངོན་དུ་བྱེད་པར་འགྱུར། གསུམ་པ་ཀུན་རྫོབ་སོགས་ནས། ཨ་བྷི་ཥིཉྩ་ཧཱུྃ་བར་བརྗོད་ལ་གཟུངས་མའི་ཙཀླི་གཏད། ཕྱག་རྒྱ་མ་དང་སོགས་དབང་དོན་ངོ་སྤྲད། བཞི་པ་དོན་དམ་སོགས་ནས། བདེ་བ་ཆེན་པོའི་སྐུ་ཐོབ་འགྱུར། །ཞེས་པའི་བར་གྱིས་ཚིག་དབང་བསྐུར། འདི་ལ་དབང་རྫས་ནི་མི་དགོས། སྤྱི་དོན་གསུམ་པ་སོགས་ནས་གཏང་རག་མཎྜལ་ཡན། དེ་རྣམས་ཀྱིས་གསང་འདུས་གཞུང་གི་སོགས་ནས། སྐུ་གསུམ་རྫོགས་པར་བསྐྱེད། བར་གྱིས་གཏོར་དབང་གི་མཚམས་སྦྱོར་དང་དམིགས་པ་ཕོག །གཉིས་པ་མཆོད་པ་ནི། ཞུ་རྟེན་སོགས་ནས་མོས་པ་མཛོད་བར། ཧྲཱིཿ བླ་མ་ཡི་དམ་སོགས་ནས་ཕྱི་མཆོད་ནང་མཆོད་གསང་མཆོད་ཡེ་ཤེས་མཆོད་པ་བཅས་འབུལ། གསུམ་པ་དབང་བསྐུར་བའི་ཐབས་སོགས་ནས། དབང་མི་ཐོབ་པས། སྐད་ཅིག་གིས་ཁྱེད་རང་རྣམས་དབང་ཆེན་རྟ་མགྲིན་སྐུ་མདོག་དམར་པོ་ཞལ་

― LT38_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཕྱག་གཉིས་གྲི་གུག་དང་ཐོད་པ་འཛིན་ཅིང་དུར་ཁྲོད་ཀྱི་ཆས་དང་ལྡན་པར་གསལ་བའི་སྤྱི་གཙུག་ནས། ཞུ་བའི་ཡོན་ཏུ་མཎྜལ་འབུལ་འཚལ། ཞེས་མཎྜལ་ཕུལ་གཞུག །གསོལ་བ་གདབ་པ་འདིའི་རྗེས་ཟློས་མཛོད། །རྡོ་རྗེ་སློབ་དཔོན་སོགས་ལན་གསུམ་རྗེས་ཟློས། གསུམ་པ་དབང་བསྐུར་བའི་སོགས་ནས། ཀུ་རུ་ཡེ་སྭཱ་ཧཱ༔ ཡན་བརྗོད། གཏོར་མ་རིན་ཆེན་ཟུར་བརྒྱད་དཔྲལ་བར་བཞག །སློབ་མ་ཧ་ཅང་མང་ན་འདི་རྣམས་ལ་གཏོར་མ་འགྲིམས་ཚུལ་བྱ། ཚར་བཞིའི་རྗེས་མ་ལ་དངོས་སུ་འགྲིམས་ནས་སློབ་མའི་གནས་བཞིར་གཏུགས་པས་ཆོག་གོ། །གཏོར་ཆེན་དབུས་ཀྱི་བླ་མ་སོགས་ནས། འབྲས་བུ་སྤྲུལ་པའི་སྐུ་ཐོབ་པའི་རྟེན་འབྲེལ་འགྲིགས་བར། ཡང་། ཨེ་མ་ངོ་མཚར་སོགས་ཚར་གཅིག་སྔགས་བཅས་བརྗོད་ལ་སྔར་ཀ་ཊོ་རར་བཞག་པའི་ཐོད་པའི་བདུད་རྩི་དང་ལྷན་ཅིག་པས་མགྲིན་པར་དབང་བསྐུར། མགྲིན་པར་བདུད་རྩི་དང་སོགས། རྗེས་མ་རྣམས་ལ་ཚིགས་བཅད་མི་འདོན་པར་སྔགས་ཙམ་གྱིས་འགྲིམ་ཡང་ཆོག །ཡང་ཚིགས་བཅད་དམ་སྔགས་ཁོ་ནས་གཏོར་མ་སྙིང་གར་འགྲིམ། སྙིང་གར་བསྐུར་བས་སོགས། ཡང་སྔགས་ཚིག་གང་རུང་གིས་ལྟེ་བར་འགྲིམ། ལྟེ་བར་བསྐུར་ཏེ་སོགས་ནས། ཐག་ཆོད་པ་ཡིན་ནོ། །བར་བརྗོད་ལ་གཏོར་ཆེན་སྔར་འདུ་བྱས་པའི་ཟས་སྣ་དང་ལྷན་ཅིག་བཞག་པ་བླ་མའི་ཕྱག་གཡས་སུ་ཐོགས། གཡོན་ཏུ་བདུད་རྩི་ཀ་པཱ་ལ་བསྣམས་ཏེ། གསུམ་པ་གཏོར་མ་དངོས་གྲུབ་ཏུ་སོགས་ནས། སྔགས་ཀྱི་རྗེས་ཟློས་ལན་

― LT38_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བཅས་བཟའ་བ་གཡས་དང་། བཏུང་བ་གཡོན་ཏུ་སློབ་དཔོན་ནམ་ལས་རྡོར་གྱིས་སྦྱིན་ནས་རེལ་དུ་གཞུག་སྟེ། གཏོར་ཆེན་དངོས་རང་མལ་དུ་སླར་བཞག །གསུམ་པ་རྗེས་ཀྱི་རིམ་པ་སོགས་བརྗོད་ལ། དེའང་སློབ་མ་ཉུང་ཞིང་བརྒྱུད་འཛིན་ནུས་པ་ཡོད་ན་ཁྲི་གདུགས་སོགས་དངོས་སུ་བཤམ་ཞིང་གླེགས་བམ་ལག་ཏུ་གཏད། སློབ་མ་མང་ན་གཙོ་བོ་ཞིག་གི་ལག་ཏུ་གླེགས་བམ་གཏད། གཞན་ལ་ངོམས་ཙམ་བྱ་ཞིང་ཁྲི་གདུགས་སོགས་དམིགས་པ་ཁོ་ནས་འཐུས་སོ། །དེ་ལྟར་བླ་མ་གསང་བ་འདུས་པའི་སོགས་ནས་ཡེ་དྷ་ར་ལན་བདུན་ཡན་གང་འགྲུབ་ཀྱིས་མེ་ཏོག་འཐོར་བའི་བར་བྱ། རྡོ་རྗེའི་སློབ་མ་སོགས་སློབ་དཔོན་གྱིས་སྨོན་ལམ་དབུ་བསྐུལ་དལ་གསུང་མཛད། གྱུར་ཅིག་གར་ཡོད་ལ་སློབ་བུ་རྣམས་ཀྱིས་མཐུན་འགྱུར་སྤྱི་ལྟར་དགོས། དེ་མཚམས་དཔོན་སློབ་ཆབ་གཅིག །ཨོཾ། བཀྲ་ཤིས་ཉི་མ་སོགས་ཀྱིས་ཤིས་པ་བརྗོད་ཅིང་རོལ་མོ་ལྡིར། མེ་ཏོག་གི་ཆར་བསྙིལ། སླར་ཡང་དབང་གཞུང་འཕྲོས་ལྟར། གཉིས་པ་དམ་ཚིག་བསྡུས་ཏེ་སོགས་ནས། གཙོ་བོས་ཇི་ལྟར། གཏང་རག་མཎྜལ། དེང་ནས་བརྩམས་ཏེ་བཅས་གྲུབ་ནས། བདག་གཞན་དུས་གསུམ་སོགས་བསྔོ་སྨོན་སྤྱི་མཚམས་བརྗོད་ལ་སློབ་མ་རྣམས་གྱེས་སོ། །དེ་ནས་སློབ་དཔོན་གྱིས་ཚོགས་ལ་རོལ་ཞིང་ལྷག་མ་བཏང་བ་ནས། བསྡུ་རིམ་ཤིས་བརྗོད་ཀྱི་བར་དུ་ལས་བྱང་ལེའུ་བརྒྱད་མའི་ལྷན་ཐབས་ཚེས་བཅུའི་སྒྲུབ་མཆོད་ཇི་ལྟ་བར་བྱས་པས་འགྲུབ་ལ། རྡུལ་ཚོན་ཡང་གང་བདེར་མི་གཏོར་བར་བུམ་པར་བླུགས་ནས་རྒྱུན་འབབས་ཀྱི་ཆུ་བོར་གཤེགས། བུམ་པ་སླར་ཡང་ཆུས་བཀང་

― LT38_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་ཁང་གི་ལོགས་སུ་གཏོར་བས་རྗེས་འཇུག་བཀྲ་ཤིས་པའི་གནད་དུ་ཆེའོ། །ཁྲ་ཚང་བའི་ཡིག་ཆ་དངོས་ནི་ཚོགས་སྒྲུབ་དང་འབྲེལ་བའི་དབང་དུ་མཛད་པས་དཀྱུས་ཀྱི་ལག་ལེན་འདེབས་དཀའ་ཞིང་། ལས་བྱང་ལེའུ་བརྒྱད་མ་ལའང་བླ་མ་སོ་སོའི་བཞེད་ཚུལ་གྱིས་གོ་རིམ་དང་མང་ཉུང་མི་འདྲ་བ་མང་ཡང་། འདིར་ནི་ཆོས་བདག་སྣེའུ་གདོང་རྩེ་བའི་ཕྱག་བཞེས་ཀུན་མཁྱེན་ཆོས་ཀྱི་འབྱུང་གནས་ཀྱི་བཞེད་པ་དང་བསྟུན་ཅིང་། གཞུང་གི་དགོངས་པ་གང་ཡང་མི་འགལ་བར་སྦྱར་བ་ཡིན་ནོ། །ཞེས་པའང་དབོན་སྤྲུལ་རིན་པོ་ཆེའི་ཐུགས་བཞེད་སྐོང་སླད་གུ་ས་ཐུན་མཚམས་སུ་སོར་རྩེད་ལས་གྲུབ་པ་དགེ་ལེགས་འཕེལ།། །།