རྒྱ་ཆེན་བཀའ་མཛོད།

རྒྱ་ཆེན་བཀའ་མཛོད།

གླེགས་བམ་བཅུ་གཉིས་པ།

འཇམ་མགོན་ཀོང་སྤྲུལ་བློ་གྲོས་མཐའ་ཡས།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཀར་ཆག

― LT39_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་མགོན་ཀོང་སྤྲུལ་རྒྱ་ཆེན་བཀའ་མཛོད། ན། པར་པད་གླིང་ཀུན་བཟང་དགོངས་འདུས་སྨིན་གྲོལ་འབོགས་པའི་ལག་ལེན་ལྡེབ། ༥ ལྷ་བརྩེའི་བཅའ་ཡིག་ལྡེབ། ༢ རྒྱུན་ཁྱེར་ལུས་སྦྱིན་ལྡེབ། ༣ རྒྱལ་དབྱངས་ལྡེབ། ༡ རྫོང་ཤོད་གནས་བསྟོད་ལྡེབ། ༣ མཆོག་གླིང་ཐུགས་སྒྲུབ་རྣམ་གཉིས་ཀྱི་སྒྲུབ་ཁོག་ལྡེབ། ༣༡ ཚོགས་བདག་གཏོར་འབུལ་ལྡེབ། ༢ གཟུང་འབུལ་ལག་ལེན་ལྡེབ། ༢༦ གཟུངས་སྒྲུབ་ཟིན་བྲིས་ལྡེབ། ༡ གསེར་འཕྲུའི་གཟུངས་འབུལ་ལྡེབ། ༢ གནོད་སྦྱིན་ལྷ་མང་གི་འཕྲུལ་འཁོར་ལག་ལེན་ལྡེབ། ༢༡ པར་བྱང་ལྡེབ། ༡ མི་ཏྲ་བརྒྱ་རྩའི་དབང་བཤད་ལྡེབ། ༡༡ སྨན་ཆོག་ཕན་ཡོན་ལྡེབ། ༧ སྟོང་མཆོད་ལག་ལེན་ལྡེབ། ༣ སྨན་བླའི་བསྒོམ་བཟླས་ལྡེབ། ༡ དབྱར་གནས་དང་དགག་དབྱེའི་ལག་ལན་ལྡེབ། ༢༢ ཐུན་མཚམས་ཆོས་སྤྱོད་ལྡེབ ༤༠ ཉེས་བཤགས་ལྡེབ། ༡ སོ་ཐར་བཤགས་སྡོམ་ལྡེབ། ༡༠ བྱང་སེམས་བཤགས་སྡོམ་ལྡེབ། ༩ གསང་སྔགས་ཉེས་བཤགས་ལྡེབ ༡༢ སངས་རྒྱས་སྲས་གཅིག་རྒྱུད་བཀླག་ཐབས་ལྡེབ། ༤ སྔགས་ཀྱི་ལྟུང་བ་ཕྱིར་བཅོས་ལྡེབ། ༤ གཅོད་ཀྱི་ཉམས་ལེན་སྟན་ཐོག་གཅིག་མ་ལྡེབ ༦ བསུར་མཆོད་ལྡེབ ༢ གནས་ཆེན་བྱིན་འབེབས་ལྡེབ ༣ འཇའ་ཚོན་གཏེར་བྱོན་རྩ་གསུམ་སྤྱི་བསངས་ལྡེབ ༥ འབའ་

― LT39_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་བསང་མཆོད་ལྡེབ ༣ རྒྱུན་བསང་དགེ་ལེགས་སྤྲིན་ཕུང་ལྡེབ ༩ རི་ཁྲུས་ཁྱིམ་ཁྲུས་ལྡེབ། ༢ བསངས་བསྡུས་ལྡེབ། ༥ བསང་གསེར་སྐྱེམས་མདོར་བསྡུས་ལྡེབ། ༢ རིག་བྱེད་མའི་སྐོང་བ་ལྡེབ ༢ རྫོང་ཤོད་གནས་སྲུང་ལྡེབ ༣ བླ་མ་ནོར་ལྷའི་བསང་ལྡེབ། ༢ ཨ་ལོ་དཔལ་དེའུའི་བསང་ལྡེབ། ༡ གེ་སར་གསོལ་མཆོད་ལྡེབ། ༣ རྒྱུན་བསང་ལྡེབ། ༡ ཨ་རབ་ཡུལ་ལྷའི་བསང་ལྡེབ། ༢ ཡུལ་ལྷའི་བསང་ལྡེབ། ༢ ཡང་ཡུལ་ལྷ་སྤྱི་བསང་ལྡེབ། ༥ དཔའ་འོག་ཡུལ་ལྷ་སྤྱི་བསང་ལྡེབ། ༢ འབུར་མོའི་བསང་ལྡེབ། ༡ འབྱུང་སྤྱིའི་ཉེས་སེལ་གྱེར་གཏོ་ཆེན་མོའི་ལག་ལེན་ལྡེབ། ༡༤ བཅས་ན་པར་བསྡོམ་ལྡེབ་གྲངས་ཉིས་བརྒྱ་གོ་བདུན་བཞུགས། དགེའོ། །

པད་་གླིང་གཏོར་བྱོན་རྫོགས་ཆེན་ཀུན་བཟང་དགོངས་འདུས་ཀྱི་སྨིན་གྲོལ་འབོགས་པའི་ཚུལ།

― LT39_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཝེ། པད་་གླིང་གཏོར་བྱོན་རྫོགས་ཆེན་ཀུན་བཟང་དགོངས་འདུས་ཀྱི་སྨིན་གྲོལ་འབོགས་པའི་ཚུལ་ལ་སྤྱིར་ལོ་རྒྱུས་ལས། ཚིག་དང་ལེའུ་རྣམས་རྒྱུད་ཚིག་ཏུ་ཡོད་པ། དབང་དང་ཁྲིད་རྣམས་སྙིང་ཏིག་ཏུ་ཡོད་པ། དོན་ཐམས་ཅད་མན་ངག་ཏུ་ཡོད་པ། ཕ་རྒྱུད་མ་རྒྱུད་དབྱེར་མེད་པ་ཞེས་གསུངས་པ་ལྟར་དབང་གི་སྤྱི་བབས་མན་ངག་སྡེའི་རྒྱུད་བཅུ་བདུན་གྱི་དབང་རྫོགས་པ་རང་བྱུང་རྒྱལ་པོའི་རྒྱུད་དང་འདི་ཉིད་ཀྱི་ཁྱུང་ཆེན་གཤོག་རྫོགས་སོགས་ཀྱི་དགོངས་པ་ལྟར། ཡོ་ག་འོག་མ་རྣམས་ལྟར་སྤྲོས་བཅས་ཀྱི་རྣམ་གཞག་གཙོར་བཏོན་པ་མིན་ཅིང་། ཨ་ཏི་གསང་སྐོར་གྱི་སྤྲོས་མེད་རིག་པའི་རྩལ་དབང་ཉིད་ལ་ཐེག་པ་འོག་མ་དང་བསྟུན་པའི་རྣམ་གཞག་མཛད་པ་ཡིན་སྟབས། གསང་སྐོར་སྙིང་ཐིག་ལུགས་ལ་རྫོགས་པ་ཆེན་པོའི་ལྟ་སྒོམ་གྱི་གདིང་དང་ལྡན་པའི་བླ་མས་སྣང་སྲིད་གཞིར་བཞེངས་རང་བྱུང་གདོད་མའི་སྐུ་དང་ཡེ་ཤེས་གསལ་བཏབ་པའི་ངང་ལས་དཀྱིལ་འཁོར་བཞེངས་ཤིང་དབང་གི་བྱ་བས་སློབ་མ་རྗེས་སུ་བཟུང་བ་ལས། ཐེག་པ་འོག་མའི་ལུགས་ཀྱི་བདག་མདུན་སྒྲུབ་པ་སོགས་བྱ་བའི་སྐབས་མིན་པས་རྒྱུད་བཅུ་བདུན་གྱི་དབང་ལ་བདག་མདུན་སྒྲུབ་ཚུལ་མདོར་བསྡུས་ཙམ་དང་། སྙིང་ཐིག་ཆེན་མོར་གཞིའི་ཀུན་བཟང་གསལ་འདེབས་བྱ་བ་ཙམ་ལས་མེད་པས་འདིར་ཡང་དོན་གྱིས་དེ་ཙམ་གྱིས་

― LT39_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོག་པར་གསལ། འོན་ཀྱང་གཞུང་འདིར་སྒྲུབ་ཚུལ་གསལ་བར་གསུངས་པས་དེ་ལྟར་བྱ་བ་ནི་བླ་མ་བརྒྱུད་པའི་ཕྱག་བཞེས་སུའང་སྣང་བས་དེ་ལྟར་ན་ཐོག་མར་ཁྲུས་ལུང་དབང་གི་ཕྲེང་བ་སློབ་མ་སྟ་གོན་གྱི་སྐབས། འདི་ཉིད་བར་ཆད་སེལ་བྱེད་ལས་ཀྱི་ལྷ་རྟ་མགྲིན་ལ་གཙོ་བོར་བརྟེན་པར་སྣང་བས། རྟ་མགྲིན་དམར་པོའི་བདག་བསྐྱེད་བཟླས་པ་དང་བཅས་པ་བྱ། དེ་ནས་ཁྲུས་ལུང་ལྟར་ས་སློང་། འདུལ་ཞིང་བྱིན་གྱིས་བརླབ། དཀྱིལ་འཁོར་དབང་རྫས་བཀོད་ཅིང་ཁྲོ་བཅུའི་ཕུར་གདན་གྲུབ་ནས། འོག་གི་ལས་བུམ་ཁྲུས་ལུང་གི་བསྒོམ་བཟླས་ལྟར་བསྒྲུབ། དཀྱིལ་འཁོར་ལ་ཡོལ་བ་བཏང་། སློབ་མ་རྣམས་འབྲུ་གསུམ་བཟླ་བཞིན་བསྐོར་བ་དང་སྒོ་ཞུས་གྲུབ་ནས་ནང་དུ་འཁོད་པ་ལ་རྒྱུ་འབྲས་སོགས་ཀྱི་ཆོས་བཤད་མདོ་རྒྱས་ཇི་ལྟར་འོས་པས་མཚམས་སྦྱར་ལ་མཎྜལ་འབུལ་དུ་གཞུག །གསོལ་གདབ་སྡོམ་བཟུང་ངམ་བཞག་གྲུབ་ནས་ཡོལ་བ་བསལ་ལ། སློབ་དཔོན་བཞེངས་ཏེ་དབང་གི་བྲོ་བརྡུང་། བགེགས་གཏོར་སྤྱི་མཚམས་བཏང་། ལས་བྱང་ལྟར་བགེགས་བསྐྲད་ཅིང་མཚམས་བཅད། ཁྲུས་གཞུང་ལྟར་བྱ། སློབ་མ་རྣམས་མ་གྲོལ་ན་ཡིག་བརྒྱ་བཟླར་གཞུག །སློབ་དཔོན་གྱིས་རྟ་མགྲིན་དམར་པོའི་ཕྲིན་ལས་བཏང་ལ་མདུན་གྱི་དཀྱིལ་འཁོར་བསྐྱེད། མཆོད་བསྟོད་བཟླས་པ་མདོར་བསྡུས་དང་ཚོགས་མཆོད་བཅས་གྲུབ་ནས་

― LT39_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

སླར་ཡང་སྟ་གོན་གྱི་དབང་བསྐུར་ཞུ་བའི་ཡོན་ཏུ་མཎྜལ་འབུལ་གཞུག །གསོལ་གདབ་གནང་སྐྱིན་ནས་བརྩམས་རིམ་གྱིས་བསྐུར། སོ་ཤིང་དཔུང་སྐུད་ཀུ་ཤ་སྦྱིན་པ་བཅས་བྱ། མེ་ཐབ་བསྲེག་རྫས་སོགས་སྔར་ནས་འདུ་བྱས་ལ་སྐབས་འདིར་སྦྱིན་སྲེག་འབུལ་དགོས་པས་དེའང་སྤྲོས་པ་ཆེ་ན་དཀྱིལ་འཁོར་ཕྱོགས་བཞིར་མེ་ཐབ་དང་བསྲེག་རྫས་སོ་སོར་བཤམ། སློབ་དཔོན་གྱིས་ཚིག་བརྗོད་པ་དང་བསྟུན་ལས་རྡོར་གྱིས་སོ་སོར་འབུལ། སྤྲོས་པས་མི་ལྕོགས་ན་མེ་ཐབ་གཅིག་ཏུ་ལས་བཞི་ཚང་བར་བྱས་ལ་བསྲེག་རྫས་རྣམས་སྦོམ་སྟེ་སློབ་དཔོན་མདུན་དུ་བཞག་ལ་འབུལ། བྱིན་རླབས་གསང་བ་སྤྱི་ལྟར་བྱ། མེ་ཐབ་ཏུ་རྟ་མགྲིན་རིགས་ལྔ་བསྐྱེད་བསྟིམ་མཆོད་བསྟོད་རྟ་མགྲིན་གཞུང་ལྟར་དང་སླར་ཡང་སྔགས་ཀྱི་བྱིན་རླབས་ཁ་གསོ། སྙིང་པོ་ལ་ཤམ་བུ་བཞི་པོ་སོ་སོར་བཏགས་པ་ཚར་ཉེར་གཅིག་གམ་བདུན་ཙམ་གྱིས་བསྲེག་རྫས་སོ་སོར་འབུལ། མཐར་མཆོད་བསྟོད་མདོར་བསྡུས། ནོངས་བཤགས། གཤེགས་གསོལ་བྱས་ལ་བསྔོ་སྨོན་དང་བཀྲ་ཤིས་གཞུང་ལྟར་བརྗོད་པས་སྟ་གོན་གྲུབ། སློབ་དཔོན་གྱིས་ཚོགས་ལ་རོལ། ལྷག་མ་བཏང་བ་ཕྱིན་བདག་མདུན་རྗེས་རིམ་ལས་བྱང་ལྟར་བྱའོ། །དེ་ནས་ཐེག་དགུའི་དབང་ཆོག་རྫོགས་པ་རང་བྱུང་གི་ཕྲེང་བ་ལྟར་བཤམ་བཀོད་རྣམས་དང་དབང་རྫས་ཉེར་བསྡོགས་གྲུབ་ནས། ཐེག་

― LT39_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་གང་རུང་གིས་གཞུང་བསྲང་བར་གསུངས་ཀྱང་ལྷ་ཐམས་ཅད་ཀྱི་རིགས་འདུས་པས་བཀའ་བརྒྱད་ཀྱི་ཕྲིན་ལས་བཏང་ན་ལེགས་པས་ཐུགས་ཀྱི་མེ་ལོང་གིས་བདག་མདུན་སྒྲུབ་ཅིང་བཟླས་པ་དང་ཚོགས་མཆོད་ལྷག་མའི་བར་དུ་བཏང་། སྟ་གོན་ཁྲུས་ལུང་ལྟར་ལས་བུམ་བསྒྲུབ་པ་བཅས་བྱ། དེ་ནས་སློབ་མ་རྣམས་འདུས་ལ་མཚམས་སྦྱོར་ཇི་རིགས་བཅས་གསོལ་གདབ་དྲིས་ལན། ལས་བུམ་གྱིས་དབང་བསྐུར་ཅིང་ཁྲུས་བྱ་དུར་ཁྲོད་ཀྱི་ཆས་སུ་ཞུགས། ངག་ལ་ཧཱུྃ་དང་སེམས་ལ་བདུད་རྩིའི་མཎྜལ་འབུལ་དུ་གཞུག །དབུ་རྒྱན་ནས་བརྩམས་ཨ་ཏིའི་དབང་རྫོགས་ཀྱི་བར་བསྐུར། ཨཱ་ལི་ཀཱ་ལི་བརྗོད་ལ་ལྷག་ཆད་ཁ་བསྐང་། དབང་རྗེས་དམ་ཚིག་བསྒྲག་བཟུང་། གཏོང་རག་མཎྜལ། ལུས་འབུལ་དགེ་བསྔོ་བཅས་ཀྱིས་གྲུབ། དབང་ཁྲིད་སྦྲེལ་ན་འདིར་ཐེག་དགུའི་ཁྲིད་ཆེན་གསེར་གྱི་ཐེམ་སྐས་བཀླག་པས་མཚོན་ཕྱི་མ་རྣམས་ལའང་རེ་རེ་བཞིན་དབང་དང་ཁྲིད་སྦྲེལ་ནས་ཚང་བར་བྱ་དགོས་སོ། །སློབ་དཔོན་གྱིས་ཕྲིན་ལས་རྗེས་ཀྱི་བྱ་བ་རྒྱས་བསྡུས་སྐབས་བསྟུན་བྱའོ། །དེ་ནས་ཞི་ཁྲོའི་དབང་ཆོག་དཔག་བསམ་ལྗོན་ཤིང་ལྟར་བཤམ་བཀོད་ལེགས་པར་བྱ། རས་བྲིས་ཀྱི་དཀྱིལ་འཁོར་ལ་བརྟེན་པའི་སྐབས་ཐིག་ཚོན་གྱི་བྱ་བ་རྣམས་མི་དགོས། ཀློང་གསལ་ལ་ཞི་ཁྲོའི་ལས་བྱང་སོ་སོར་ཡོད་ཀྱང་ལུགས་དེ་འདིར་མི་དགོས་པས་ཞི་ཁྲོའི་ལས་བྱང་པདྨའི་ཕྲེང་བས་གཞུང་བསྲངས་

― LT39_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བདག་མདུན་དབྱེར་མེད་དུ་བསྐྱེད། འདིར་མངོན་རྟོགས་འཕྲོས་སུ་བཟླས་པ་འབྱུང་བ་ལྟར་བྱ་བའམ། སྤྱི་ལྟར་བསྟོད་བཤགས་ཀྱི་རྗེས་སུ་འཐེན་ཀྱང་ཆོག །བུམ་པ་རང་བྱུང་གི་གཞལ་ཡས་ཁང་སོགས་བུམ་བསྐྱེད་དམིགས་པ་སྦྱིན་ལུགས་སྤྱི་ཁྱབ་ལྟར་བྱས་ལ་བཟླས་པ་ཅི་འགྲུབ་མཐར། འབྲུ་གསུམ་གྱིས་མཆོད་ཡོན་ཕུལ་ལ་བུམ་ལྷ་བདུད་རྩིར་བཞུ། ལས་བུམ་དུ་རྡོར་སེམས་བསྐྱེད་ལ་ཡིག་བརྒྱ་བཟླས་ལ་འོད་ཞུ་བྱ། དེ་ནས་གཡུ་སྒྲོན་མ་དང་བེ་བཙན་ཀླུ་གསུམ་གཙོས་གཏེར་སྲུང་གསོལ་ཁ་བཏང་། ཚོགས་བྱིན་རླབས་ནས་བསྒྲལ་སྟབས་ཡན་གྲུབ་པ་དང་། དབང་གཞུང་ལྟར། ཧཱུྃ། རིག་རྩལ་ལྷུན་གྲུབ་སོགས་ཀྱིས་བདག་དབང་བླང་། དེ་ནས་སློབ་མ་རྣམས་ལ་སྒོ་དྲུང་དུ་ཁྲུས་དང་སྒོ་སྲུང་ཞུ་གནང་། སློབ་དཔོན་གྱིས་བགེགས་བསྐྲད་བཅས་ནང་དུ་གཞུག་ལ་སྲུང་འཁོར་བསྒོམ། ཡིག་བརྒྱ་བདུན་ཙམ་འདྲེན་དུ་གཞུག །སློབ་དཔོན་གྱིས་དྲི་བ་དང་ལན་གསོལ་བ་ནས་བརྩམས། དཀྱིལ་འཁོར་ལྟ་བ་ཡན་སོང་ནས་མཚམས་སྦྱོར་མདོར་བསྡུས་བཅས་གཞུང་གསལ་བ་མཎྜལ་འབུལ་གཞུག་སྔགས་ཀྱི་ཆེ་བ་བརྗོད་པ་ནས་དབང་གཞུང་མཐར་ཆགས་སུ་བཏང་བ་ལས་འཕྲི་བསྣན་མ་དགོས། རྗེས་ཞི་ཁྲོའི་ལྷ་ངོ་སྤྲོད་པ་བསྡུ་ན་རྡོ་རྗེ་སེམས་དཔའ་རིག་པ་མཆོག་གི་རྒྱུད་ཀྱི་ལེའུ་གཉིས་པ་ཙམ་དང་རྒྱས་པར་སྤྲོ་ན་ནང་གསང་དེ་

― LT39_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོ་ན་ཉིད་བཅས་རྫོགས་པར་བཏང་ཡང་ལེགས། ཤིས་བརྗོད་རྒྱས་བསྡུས་གང་ལྕོགས། དམ་ཚིག་ཁས་ལེན། གཏོང་རག་མཎྜལ་སོགས་དབང་རྗེས་སྤྱི་འགྲོ་ལྟར། །སློབ་དཔོན་གྱིས་ཚོགས་ལ་རོལ། །ལྷག་མ་བཏང་བ་ནས་ཤིས་བརྗོད་བསྡུ་རིམ་གྱི་བར་ལས་བྱང་ལྟར་བྱས་པས་གྲུབ་བོ། དེ་ནས་ཁྲོ་བོའི་དབང་རྡོ་རྗེའི་ཐེམ་སྐས་ལ། རྡུལ་ཚོན་དཀྱིལ་འཁོར་མི་འགྲུབ་པ་དབང་དུ་བྱས་ནས་ཐིག་ཚོན་གྱི་བྱ་བ་རྣམས་དོར་ལ་རས་བྲིས་ཀྱི་དཀྱིལ་འཁོར་བཀྲམ་པའི་སྟེང་དུ་གཞུང་གསལ་དབང་རྫས་ཕྱི་ནང་རྣམས་གྲངས་ཚང་བ་དང་མཆོད་པའི་བཀོད་པ་རྒྱས་པར་བཤམ། ལྷག་ཆད་བསྐང་བ་རང་གཞུང་ལྟར་གྲུབ་ནས་ལས་བྱང་པད་ཕྲེང་གི་བགེགས་བསྐྲད་ནས་བཟུང་མཐར་ཆགས་སུ་བཏང་ལ་བདག་མདུན་དབྱེར་མེད་དུ་བསྒོམ། ལྷ་བསྐྱེད་སོགས་ལ་ཁྲོ་བོ་ཁོ་ན་སྒེར་དུ་ཕྱུང་ན་ཆོག་པར་སྣང་ཡང་ཁ་བསྒྱུར་དང་དབྱེ་བསལ་དཀའ་ཞིང་། ཁྲོ་བོ་རྣམས་ཞི་བའི་རང་རྩལ་ཡིན་པས་ལྷག་སྐྱོན་མི་འབྱུང་བས་ལས་གཞུང་དཀྱུས་ལྟར་བཏང་བ་ལེགས། ཀློང་གསལ་ལ་ཞི་ཁྲོའི་ལས་བྱང་སོ་སོར་ཡོད་མོད། འདིར་རང་གཞུང་གི་བསྟན་དོན་ལྟར་ལ་རིགས་འགྲེའི་སྤར་ཁབ་མི་དགོས། གང་ལྟར་བསྟོད་བཤགས་ཡན་གྲུབ་ནས་བཟླས་པ་གོང་དུ་མ་སོང་ན་འདིར་བཟླ་ཞིང་སྟོང་ཚིགས་འབུལ། ཐོད་པ་དང་བུམ་པ་རྣམས་ལའང་བཟླས་པ་ཅི་ནུས་རེས་

― LT39_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་བརླབ། དབང་གཞུང་གི་དཀྱིལ་འཁོར་མཆོད་པ་དང་བཞུགས་གསོལ་བཏང་། གཏེར་སྲུང་གཏོར་འབུལ་དང་ཚོགས་མཆོད་འབུལ་ལ་བདག་དབང་སྔ་མ་ལྟར་བླངས། སློབ་མ་རྣམས་ལ་སྒོ་དྲུང་དུ་ཁྲུས་དང་སྒོ་ཞུས་བྱར་གཞུག །མིག་དར་གཡོགས་ལ་སློབ་དཔོན་གྱིས་དྲག་སྔགས་ཡུངས་ཐུན་རོལ་མོ་སོགས་ཀྱིས་བགེགས་བསྐྲད་ཅིང་ནང་དུ་རྡོར་སེམས་ཀྱི་སྒོམ་བཟླས་ཕོག་ལ་ཡིག་བརྒྱ་འདྲེན་དུ་གཞུག །དུར་ཁྲོད་ཀྱི་མཚན་མ་སོགས་ཆས་སུ་ཞུགས། དབང་གཞུང་གི་བགེགས་བསྐྲད་ནས་བརྩམས་བར་འདེད་དུ་བཏང་། རྗེས་ཀྱི་ལས་རིམ་ཡན་གྲུབ་ནས་ཤིས་བརྗོད་སོགས་དབང་གི་རྗེས་སྤྱི་མཐུན་དང་། སློབ་དཔོན་གྱིས་ཚོགས་ལ་རོལ་པ་ཕྱིན་ཕྲིན་ལས་ཀྱི་རྗེས་རིམ་ཚང་བར་བཏང་བས་གྲུབ་པ་ཡིན་ནོ། །དེ་ནས་སྤྲོས་བཅས་བུམ་པའི་དབང་སོགས་ལྔ་པོ་དུས་གནད་སོ་སོ་དང་བསྟུན། དབང་རེ་རེ་བསྐུར་ཞིང་ཁྲིད་རེ་རེ་དང་སྦྲེལ་བ་གྲུབ་ན་གཞུང་གི་དགོངས་པ་མཆོག་ཡིན་ཀྱང་དེང་སང་དབང་རྒྱུན་ཙམ་ལས་འཆད་མཁན་འཆད་ཡུལ་གཉིས་ཀ་ཚུལ་ལྡན་ནུས་པ་དཀོན་ཅིང་། འདི་མཚུངས་ཀྱི་གཏེར་ཆོས་གཞན་རྣམས་ལའང་བཀའ་ཐོབ་གཙོར་བྱེད་པར་སྣང་བས་དེ་ལྟར་གྱི་ཚེ། དབང་ལྔ་བོ་དཀྱུས་གཅིག་ཏུ་སྦྲེལ་ནས་བསྐུར་ན་ཕྱག་ལེན་བདེ་བས། ཕྱི་སྤྲོས་བཅས་བུམ་པའི་དབང་ལ་ཐིག་ཚོན་གྱི་བྱ་བ་དོར། རས་

― LT39_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིས་ཀྱི་དཀྱིལ་འཁོར་བཀྲམ་ལ་དབང་རྫས་རང་གཞུང་ལྟར་ཚང་བ་ཕྱི་ནང་གི་གཏོར་མཆོད་བཅས་བཤམ། གསང་དབང་སོགས་གཞན་རྣམས་ཀྱི་བཤམ་བཀོད་ཀྱང་སོ་སོའི་གཞུང་མཐུན་བུམ་དཀྱིལ་གྱི་ཕྱོགས་སོ་སོར་བཀོད། རྒྱབ་མདུན་གང་བདེར་ཁྲིའུའི་སྟེང་ཐོད་པ་འབྲུས་བཀང་བའི་ནང་བཏགས་གྲོལ་གྱི་འཁོར་ལོ་དར་སྣས་དྲིལ་བ་བཞུགས། ཐམས་ཅད་ལེགས་པར་ཚོགས་ནས་བུམ་དབང་ལྟར་དཀྱིལ་འཁོར་ལ་ལྷ་བཞུགས་སུ་གསོལ་བ་དང་། ལྷག་ཆད་བསྐང་། ལས་བྱང་པདྨའི་ཕྲེང་བ་རྫོགས་པར་བཏང་ལ་བཟླས་པ་སྟོང་ཚིགས་བཅས་བྱ། བཏགས་གྲོལ་རབ་གནས་སྐབས་སུ་གསུངས་པ་ལྟར་བསྐྱེད་བཟླས་ཅི་འགྲུབ་བོ། །བུམ་བཟླས་ཟུར་དུ་སྤྲོ་ན་གོང་ལྟར་དང་། ལས་བུམ་རྡོར་སེམས་ཀྱིས་བསྒྲུབ། གཏེར་སྲུང་གསོལ་ཁ། ཚོགས་མཆོད་བཅས་གྲུབ་པར་བྱས་ལ། ཞི་ཁྲོའི་དབང་ལྟར་བདག་དབང་བླང་། དེ་ནས་སློབ་མ་རྣམས་ཁྲུས་ནས་དབྱུང་། བགེགས་བསྐྲད་སྲུང་འཁོར་གཞུང་ནས་མ་གསུངས་ཀྱང་གསང་བ་སྤྱི་འགྲོ་ཡིན་པས་བྱས་ཀྱང་ལེགས། སེམས་བསྐྱེད་གསལ་གདབ་དང་མཚམས་སྦྱོར་མདོར་བསྡུས་བྱས་ལ་གསོལ་གདབ་ནས་བརྩམས། བུམ་དབང་རང་གཞུང་མཐར་ཆགས་སུ་བཏང་། བྱིན་འབེབས་མ་གསུངས་པས་མ་བྱས་ཀ་མེད་མིན་ཀྱང་སྤྱི་འགྲོ་ལྟར་སྤྲོ་ན་ལེའུ་ལྔ་པ་འཇུག་པའི་ཆོས་རྫོགས་

― LT39_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྗེས་སུ་དབང་ཆོག་ནོར་བུའི་སྒྲོན་མ་ལྟར་ཡེ་ཤེས་པ་དབབ། བུམ་དབང་ལྔ་ནས་ལྷ་ངོ་སྤྲད་པའི་བར་སོང་ནས། མཚམས་སྦྱོར་བཅས་གསང་དབང་རིན་ཆེན་འཁོར་ལོ། ཤེས་རབ་ཡེ་ཤེས་ཚིག་དབང་རིན་ཆེན་ཕྲེང་བ། རིག་པའི་རྩལ་དབང་དབྱེར་མེད་རྣམས་སོ་སོའི་གསོལ་གདབ་ནས་བརྩམས་རྫོགས་པར་བསྐུར། དེ་ནས་སངས་རྒྱས་སྲས་གཅིག་གི་རྒྱུད་ཀྱི་དབང་བསྐུར་ཞུ་བའི་ཡོན་ཏུ་མཎྜལ་ཕུལ། བཏགས་གྲོལ་ལག་ལེན་ལྟར་གསོལ་བ་གདབ། རྒྱུད་རང་གཞུང་གི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་བསྐུར་དང་། ལག་ལེན་ནང་ལྟར། ཀྱེ་མ་ངོ་མཚར་སོགས་ཀྱིས་དབང་བསྐུར། རྒྱུད་གཞུང་ལྟར་སྨོན་ལམ་བཏབ་ཅིང་ཡོན་ཏན་དང་བསླབ་བྱ་བསྒྲག །ཤིས་བརྗོད་ཇི་ལྟར་འོས་པ། དམ་ཚིག་ཁས་བླང་། གཏོང་རག་མཎྜལ་སོགས་དབང་རྗེས་རྣམས་བྱ། སློབ་དཔོན་གྱིས་ཚོགས་ལ་རོལ་པ་ནས་བསྡུ་རིམ་གྱི་བར་ལས་བྱང་ཉིད་ཆད་བར་བཏང་ངོ་། །འདིའི་དབང་ཐམས་ཅད་ཀྱི་སྙིང་པོ་བསྡུས་པ་དབང་ཆོག་ནོར་བུའི་སྒྲོན་མེ་ཟུང་དུ་བསྐུར་ན་ཤིན་ཏུ་གལ་གནད་ཆེ་བས་དེའི་མཚམས་སྦྱོར་ཁོ་བོས་རིན་ཆེན་གཏེར་མཛོད་དུ་བཀོད་པ་ལྟར་ལགས་སོ། །ཞེས་སྤུ་བོ་རྦ་ཁ་རིག་འཛིན་མཆོག་གི་སྤྲུལ་པའི་སྐུས་གསུང་བསྐུལ་ལྟར་པདྨ་གར་དབང་རྩལ་གྱིས་བགྱིས་པ་དགེ་ལེགས་འཕེལ།། །།

ལྷ་རྩེའི་བཅའ་ཡིག

― LT39_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་སིདྡྷཾ། དབེན་གནས་ལྷ་རྩེའི་སྒྲུབ་གནས་འདིར་འཁོད་པའི་དགེ་འདུན་འདུས་པ་རྣམས་ནས་སྤང་བླང་མཛད་རྒྱུ། སྤྱིར་སློབ་དཔོན་དབྱིག་གཉེན་གྱི་ལ། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཅེས་གསུངས་པ་ལྟར་ཐུབ་བསྟན་རིན་པོ་ཆེར་སྒོར་ཞུགས་ཕྱིན་གཞི་ཚུལ་ཁྲིམས་རྣམ་པར་དག་པ་ལ་བརྟེན་པ་གལ་ཆེ་བས། སོ་ཐར་གྱི་སྡོམ་པ་དགེ་བསྙེན། དགེ་ཚུལ་དགེ་སློང་གི་སྡོམ་པ་རྒྱུད་ཚོད་དང་མཐུན་པ་ལེན། སོ་སོའི་སྲུང་སྡོམ་གང་ནུས་དང་ཐམས་ཅད་ཀྱི་གཙོ་བོ་རྩ་བ་བཞི་ཆར་དང་བཅས་པ་སྲུང་ཞིང་ཉེས་ལྟུང་གིས་མ་གོས་པར་བྱ། རབ་ཏུ་བྱུང་ཕྱིན་ཆད་སྐྱ་ཆས། རྦད་མགོ། །རྐེད་གྲི་འཛུད་པ་སོགས་མི་བྱ་བར་གཟན་ཤམ་དང་ཐ་ནའང་གོས་དམར་འབུ་རས་ཙམ་དང་གཞི་བྱེས་ཀུན་ཏུ་འབྲལ་མེད་བྱ། གཞན་གནོད་གཞི་དང་བཅས་པ་སྤང་། ང་སངས་རྒྱས་ཀྱི་བསྟན་པ་ལ་རབ་ཏུ་བྱུང་བ་ཡིན་པས་འཆོལ་སྤྱོད་བྱ་མི་རུང་སྙམ་དུ་དུས་རྒྱུན་ཏུ་བག་ཡོད་ཀྱི་དྲན་ཤེས་དང་མ་བྲལ་བ་བྱ། བྱང་སེམས་ཀྱི་སྡོམ་པ་བླངས་ཕྱིན་ཆད་དེའི་བསླབ་བྱ་རྣམས་ལ་བསླབ། གཙོ་བོ་སེམས་ཅན་བློས་སླངས་དང་ནག་པོའི་ཆོས་བཞིའི་ལྟུང་བས་མ་གོས་པར་གཞན་ཕན་གཞིར་བཅས་སྒྲུབ། གསང་སྔགས་ཀྱི་དབང་བསྐུར་ཞུས་ཕྱིན་ཆད་རྩ་བ་ཡན་ལག་གི་

― LT39_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ཅི་ནུས་བསྲུང་། གཙོ་བོ་བླ་མ་དང་མཆེད་ལྕམ་ལ་དམ་སེལ་སྤུ་ཙམ་མ་སོང་བ་དང་། ཡི་དམ་གྱི་སྒོམ་བཟླས། མཁའ་འགྲོ་ཆོས་སྐྱོང་ལ་གཏོར་ཆོག་ཆགས་སུ་མི་རུང་། སྡོམ་པ་དང་དམ་ཚིག་འགལ་འཁྲུལ་ཤོར་ན་ཞག་ཏུ་མ་སོང་བ་བཤགས་སྡོམ་ཚད་ལྡན་བྱེད་དགོས། ཐོས་པ་རྒྱ་ཆེ་མ་བྱུང་རུང་སྡོམ་པ་གསུམ་གྱི་སྲུང་མཚམས་ངོ་ཤེས་པའི་དོན་ཏུ་སྡོམ་གསུམ་གཞུང་ཙམ་དང་རང་གི་འདོན་བསྒོམ་བྱ་རྒྱུ་གང་ཡིན་དེའི་ལག་ལེན་སྒོམ་དོན་རྣམས་ཤེས་ངེས་པར་བསླབས་ནས་དེའི་དོན་བསམ་པས་ངེས་པར་བྱེད། མཐར་ཉམས་སུ་ལོན་ཚད་གཅིག་ལ་དྲིལ་ནས་བསྐྱེད་རིམ་བསྒོམ་ཞིང་བཟླས་བརྗོད་གྲངས་ཚད་ལ་སྐྱེལ། རྫོགས་རིམ་གཙོ་བོ་ཆོས་དྲུག་དང་ཕྱག་ཆེན་གཉིས་ཀ་བྱུང་ན་རབ། མི་ནུས་ནའང་ཕྱག་ཆེན་ལ་རྩེ་གཅིག་ཏུ་དྲིལ་ནས་སྔོན་འགྲོ་རྣམས་སེམས་རྒྱུད་དང་འདྲེས་ངེས་རྟགས་ཐོན་དང་། དངོས་གཞི་ཞི་གནས་ལྷག་མཐོང་བསྒོམ། ཡེངས་མེད་ཀྱི་དྲན་པས་སེམས་ངོ་བསྐྱད་རྒྱུ་ཡོད་ངེས་འཆི་ཁར་འགྱོད་མི་དགོས་པ་བྱ། དགོན་སྡེ་རང་ལུགས་སྔར་ཡོད་འདོན་བྱ་རྣམས་དང་བཙུག་སྒོ་སྒྲུབ་མཆོད། གྲྭ་པ་སྤྱི་ལུགས་ཀྱི་བསྒྲིགས་ཁྲིམས་རྣམས་ལ་ཐོ་ཡོལ་ལེ་ལྷོད་ང་ཆེ་ཁོང་སྤོས་ཀྱི་བརྙས་ཆོས་སུ་མ་སོང་བར། བླ་མ་དང་ཆོས་ཁྲིམས་པའི་བཀོད་པ་ཉན། དགོན་འདིར་གཏོགས་ཚད་གྲུ་གཅིག་པའི་མགྲོན་པོ་ལྟར་རང་བསྟན་རང་གིས་མི་

― LT39_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བཤིགས་པར་རང་རང་གི་འདི་ཕྱིའི་གཏན་འདུན་ཡིན་པར་ཤེས་པས་དགེ་བའི་ཕྱོགས་སུ་བསམ་སྦྱོར་མཐུན་པར་བློ་སེམས་ཕྱོགས་བསྒྲིལ་བྱས་ན་བསྟན་པ་དར་ཞིང་འཕྲལ་ཡུན་ཕྲན་བདེ་རླབས་ཆེན་འབྱུང་བའི་རྒྱུར་འགྱུར་བས་དེ་ལྟར་ཐུགས་ལ་ངེས་པར་ཞུ། ཞེས་གཏན་ཚིགས་ཀྱི་ཡི་གེར་འཚེས་གསེར་འཕྱང་ཞེས་པ་མེ་མོ་བྱ་ལོའི་ཟླ་བ་བཞི་པའི་དམར་ཕྱོགས་རྒྱལ་བ་གཉིས་པའི་ཚེས་ལ་དཔལ་སྤུངས་ཡང་ཁྲོད་ནས་ཀརྨ་ངག་དབང་ཡོན་ཏན་རྒྱ་མཚོས་སྤེལ་བ་དགེ་ལེགས་འཕེལ།། །།

― LT39_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྒྱུན་ཁྱེར་ལུས་སྦྱིན་འཁྲུལ་རྟོག་གཅོད་པའི་རལ་གྲི།

― LT39_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་ཁྱེར་ལུས་སྦྱིན་འཁྲུལ་རྟོག་གཅོད་པའི་རལ་གྲི་ཞེས་བྱ་བ་བཞུགས་སོ། །ན་མོ། སྟོང་གསལ་འགག་པ་མེད་པའི་རང་རིག་ལ། །རྒྱལ་བའི་སྐུ་གསུམ་གདོད་ནས་ལྷུན་གྲུབ་པས། །སངས་རྒྱས་གཞན་ཏུ་མི་བཙལ་རང་བྱུང་གི། གནས་ལུགས་ལྟ་བ་མཇལ་བས་སྐྱབས་སུ་མཆི། །དོན་དམ་བདེན་པ་མ་རྟོགས་སྙིང་རྗེའི་ཞིང་། །ཀུན་རྫོབ་ལུ་གུ་རྒྱུད་དུ་འཁྲུལ་པ་ཡི། །ཕ་མ་འགྲོ་དྲུག་སྣང་སྲིད་ལྷ་འདྲེ་རྣམས། །བདག་གིས་བྱང་ཆུབ་མཆོག་ལ་འགོད་པར་བྱ། །ཕཊ་ཕཊ། གཟུངས་འཛིན་སྤྲོས་དང་བྲལ་བའི་ནམ་མཁའ་ལ། །དྭངས་མའི་རང་འོད་འཇའ་ཟེར་ཐིག་ལེའི་སྦུབས། །ཕྱི་ནང་གཞན་གསུམ་ཚུལ་དུ་སྣང་བའི་མགྲོན། །དམ་ཡེ་དབྱེར་མེད་རང་བབས་ཆེན་པོར་གསལ། །ཕཊ་ཕཊ། །མ་རིག་ཀུན་གཞིའི་རྒྱ་མཚོ་ཆེན་པོ་ལས། །སེམས་བྱུང་ཆོ་འཕྲུལ་རྦ་རླབས་ཕྱིར་གཡོས་པའི། །སྣང་སྲིད་ལྷ་འདྲེ་ཕོ་མོ་མ་ནིང་རིགས། །དུག་གསུམ་དགའ་སྟོན་རོལ་ཕྱིར་འདིར་འདུས་ཤིག །ཕཊ། །རྣམ་པར་རྟོག་པའི་རང་གཟུགས་ཕྱི་རོལ་དུ། །ཤར་བ་ཙམ་ནས་བདེན་པར་མ་གྲུབ་པས། །གཉུག་མའི་ཞལ་ཕྱག་རྫོགས་པའི་ཧེ་རུ་ཀའི། །རྟོགས་པའི་ཟིལ་གྱིས་འཁོར་འདས་མནན་པར་བྱ། །ཕཊྲ། །རང་གི་ལུས་ནང་ཨ་བ་དྷཱུ་ཏི་ནི། །མཚན་ཉིད་བཞི་ལྡན་

― LT39_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་སུ་རླུང་སེམས་ཀྱི། །ངོ་བོ་ཐིག་ལེ་དཀར་དམར་མདངས་ལྡན་དེ། །རྟེན་མེད་ཆོས་དབྱིངས་གཉུག་མའི་ནམ་མཁར་འཕོ། ཕཊ་ཕཊ་ཕཊ། སྐྱེ་མེད་ངང་ལས་འགག་མེད་སྒྱུ་མའི་སྐུ། །རྡོ་རྗེ་མཁའ་འགྲོ་གྲི་ཐོད་འཛིན་པ་སྤྲོས། །རྣམ་ཐར་སྒོ་གསུམ་ཐོད་པའི་སྒྱེད་པུའི་སྟེང་། །བདེ་སྟོང་དབྱེར་མེད་པདྨ་བྷཉྫ་བཙུགས། །བདག་མེད་རྟོགས་པའི་ཡེ་ཤེས་གྲི་གུག་གིས། །གཟུགས་འཛིན་བེམ་པོ་ཏིལ་འབྲུ་ཙམ་དུ་གཏུབས། །སྦྱངས་རྟོགས་སྦར་བའི་བདུད་རྩིའི་རྒྱ་མཚོ་ནི། །འཁོར་འདས་ཡངས་ལ་ཁྱབ་པའི་མཆོད་སྤྲིན་གྱུར། །ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ། ཁྱབ་བདག་འཁོར་ལོའི་མགོན་པོ་རྡོ་རྗེ་འཆང་། །རྒྱ་བོད་གྲུབ་ཐོབ་རྩ་བརྒྱུད་བླ་མ་ལ། །འབུལ་ལོ་སྒྲིབ་གཉིས་བག་ཆགས་ཀུན་བྱང་ནས། །གཉུག་མའི་རང་ཞལ་མཐོང་བར་བྱིན་གྱིས་རློབས། ཕཊ་ཕཊ། །བྱ་སྤྱོད་རྣལ་འབྱོར་རྣལ་འབྱོར་བླ་མེད་ཀྱི། །ཡི་དམ་རྒྱལ་བ་ཞི་ཁྲོའི་དཀྱིལ་འཁོར་ལ། །འབུལ་ལོ་དམ་ཚིག་ཉམས་ཆགས་ཀུན་བྱང་ནས། །དངོས་གྲུབ་རྣམ་གཉིས་ཐོབ་པར་བྱིན་གྱིས་རློབས། ཕཊ་ཕཊ། ཕྱོགས་དུས་རྒྱལ་བ་རྒྱལ་བའི་མྱུ་གུ་དང་། །ཉན་ཐོས་རང་རྒྱལ་འཕགས་པའི་ཚོགས་རྣམས་ལ། །འབུལ་ལོ་བསོད་ནམས་ཡེ་ཤེས་ཚོགས་རྫོགས་ནས། །འབྲེལ་ཆད་དོན་དང་ལྡན་པར་བྱིན་

― LT39_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་རློབས། །ཕཊ་ཕཊ། །གནས་དང་ཡུལ་དང་དུར་ཁྲོད་རྟག་ཉུལ་བའི། །དཔའ་བོ་མཁའ་འགྲོ་ཤུགས་འགྲོར་བཅས་པ་ལ། །འབུལ་ལོ་རླུང་སེམས་སྣང་བ་དབང་དུ་འདུས། །བདེ་སྟོང་ཡེ་ཤེས་འཕེལ་བར་བྱིན་གྱིས་རློབས། །ཕཊ་ཕཊ། །ཡེ་ཤེས་ལས་དང་འཇིག་རྟེན་སར་བཞུགས་པའི། །རྒྱུད་གསུམ་དམ་ཅན་དྲེགས་བྱེད་འཁོར་བཅས་ལ། །འབུལ་ལོ་ས་ལམ་བར་ཆད་ཞི་བ་དང་། །ཉག་གཅིག་རྩད་ནས་ཆོད་པར་བྱིན་གྱིས་རློབས། །ཕཊ་ཕཊ། དཔལ་མགོན་བདུན་ཅུ་སྡེ་བརྒྱད་དྲགས་པའི་ཚོགས། །སྟོང་གསུམ་ཛམ་གླིང་ཡུལ་རིས་གཞི་གནས་བདག །སོ་སོའི་ཐུགས་ལ་གང་བཞེད་དགྱེས་རྒུར་འབུལ། །འགལ་རྐྱེན་ཀུན་སོལ་དགེ་བའི་སྡོང་གྲོགས་མཛོད། །ཕཊ་ཕཊ། ཐོག་མེད་དུས་ནས་དྲིན་གྱིས་རབ་བསྐྱངས་པའི། །སྐྱེ་བཞི་རྒྱུད་ལྔའི་འགྲོ་བ་ཀུན་ལ་བསྔོ། །ཟག་མེད་མཆོག་གི་བདེ་བས་རྒྱུད་ཚིམས་ནས། །སྒྲིབ་པ་ཀུན་བྱང་མྱུར་དུ་འཚང་རྒྱ་ཤོག །ཕཊ་ཕཊ། ཞེ་སྡང་རང་གཟུགས་ཕ་གདོན་རྒྱལ་པོ་དང་། །འདོད་ཆགས་རང་གཟུགས་མོ་གདོན་བསེན་མོ་དང་། །གཏི་མུག་རང་གཟུགས་མ་ནིང་ཀླུ་གདོན་སོགས། །གདོན་བགེགས་གློ་བུར་ཡེ་འདྲོག་བདག་པོ་དང་། །མཁའ་ལ་རྒྱུ་བའི་ཡི་དྭགས་གདུག་པ་

― LT39_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། །གནས་གདོན་ལུས་གདོན་འཆི་བདག་བདུད་རྣམས་ལ། །ཤ་ཁྲག་མཆོད་སྦྱིན་ཟད་པ་མེད་པ་བསྔོ། །དགའ་མགུ་ཡི་རངས་བྱང་ཆུབ་སེམས་ལྡན་ཤོག །ཕཊ་ཕཊ། །ཁྱད་པར་ཐོག་མེད་དུས་ནས་ད་ལྟའི་བར། །ཚེ་སྲོག་ལོངས་སྤྱོད་ཁ་རྗེ་དབང་ཐང་གི། བུ་ལོན་ལན་ཆགས་ཤ་མཁོན་ལྡན་རྣམས་ལ། །བསྔོའོ་གནོད་འཚེའི་འབྲེལ་ཐག་ཆོད་པར་ཤོག །ཕཊ་ཕཊ། །གློ་བུར་ལྷགས་པའི་ཁས་ཉན་དབང་ཆུང་བ། །ཡིད་ལུས་འབྱུང་པོ་ཕྲ་མོའི་རིགས་རྣམས་ལ། །ལྷག་མ་ཟག་མེད་བདུད་རྩི་འདི་བསྔོས་པས། །ཐར་པ་མཆོག་གི་གོ་འཕང་ཐོབ་གྱུར་ཅིག །ཕཊ་ཕཊ། །འཁོར་འདས་ཆོས་ཀུན་སྒྱུ་མ་ལྟ་བུ་ལ། །འཁོར་གསུམ་བདེན་པར་མ་གྲུབ་གདོད་ནས་སྟོང་། །སྣང་སྲིད་བྱང་ཆུབ་སེམས་ཀྱི་རོལ་པ་ལ། །གཟུང་འཛིན་མཚན་མར་མ་གྲུབ་དེ་བཞིན་ཉིད། །ཀུན་བརྟག་འགྱུ་བ་དངོས་མེད་ཆོ་འཕྲུལ་ལ། །ལྷ་འདྲེ་གཉིས་སུ་མ་གྲུབ་མཉམ་པ་ཉིད། །གང་ཤར་མ་བཅོས་རང་བྱུང་རིག་པའི་རྒྱན། །ཅི་སྣང་ཆོས་སྐུ་གཉུག་མའི་ཡོ་ལངས་ཏེ། །སྙེམས་ཐག་གཞི་ཐོག་ཆོད་པ་དོན་དམ་གྱི། །གཅོད་ཡུལ་ཕྱག་རྒྱ་ཆེན་པོ་འགྲུབ་གྱུར་ཅིག །ཅེས་གནས་ལུགས་རང་བབ་ཀྱི་ལྟ་བ་སྐྱང་ཞིང་བསྔོ་སྨོན་ཅི་བདེར་བྱའོ། །ཞེས་པ་འདིའང་། ངེས་དོན་བསྟན་པའི་གསལ་

― LT39_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་གཙང་པ་མཆོག་སྤྲུལ་རིན་པོ་ཆེ་ཀརྨ་ཀུན་བཟང་བདེ་ཆེན་གཞན་ཕན་གྱི་ཐུགས་བཞེད་ལྟར། འཁྲུལ་རྟོག་གཅོད་པའི་རྣལ་འབྱོར་གྱི་དབང་ཕྱུག་ཁྱི་ཐུལ་ཅན་གྱི་སྐྱེ་བར་གྲགས་པ། ཆོས་རྗེ་ཀུན་མཁྱེན་ཡབ་སྲས་ཀྱི་རྗེས་སློབ་ཀརྨ་ངག་དབང་ཡོན་ཏན་རྒྱ་མཚོས་ཤུགས་མདའ་ཐང་གི་ཆོས་སྒར་དུ་སྤེལ་བ་དགེ་ལེགས་འཕེལ།། །།

― LT39_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྒྱལ་དབྱངས་བདུད་ལས་རྣམ་པར་རྒྱལ་བའི་རྔམ་སྒྲ།

― LT39_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་དབྱངས་བདུད་ལས་རྣམ་པར་རྒྱལ་བའི་རྔམ་སྒྲ་བཞུགས་སོ། །ཧཱུྃ། བྱིན་རླབས་འཇའ་ཟེར་འོད་ཕུང་འཐིབས་པའི་ཀློད། །བརྒྱུད་ལྡན་རྩ་བརྒྱུད་བླ་མའི་བྱིན་རླབས་ཀྱིས། །རྣལ་འབྱོར་བདག་དང་སྦྱིན་པའི་བདག་པོ་བཅས། །རྒྱལ་ལོ་དུག་ལྔའི་གཡུལ་ལས་རྣམ་པར་རྒྱལ། །དངོས་གྲུབ་མེ་དཔུང་ཐིག་ལེ་འབར་བའི་དབུས། །ཡི་དམ་ཞི་ཁྲོ་རབ་འབྱམས་མཐུ་སྟོབས་ཀྱིས། །རྣལ་འབྱོར་བདག་དང་སྦྱིན་པའི་བདག་པོ་བཅས། །རྒྱལ་ལོ་བདུད་བཞིའི་དཔུང་ལས་རྣམ་པར་རྒྱལ། །ཕྲིན་ལས་མཚོན་ཆའི་བུ་ཡུག་འཚུབས་པ་ནས། །མཁའ་འགྲོ་ཆོས་སྐྱོང་སྲུང་མའི་དྲག་རྩལ་གྱིས། །རྣལ་འབྱོར་བདག་དང་སྦྱིན་པའི་བདག་པོ་བཅས། །རྒྱལ་ལོ་དགྲ་དང་བགེགས་ལས་རྣམ་པར་རྒྱལ། །སྟོབས་བཅུ་མངའ་བ་བདུད་ཀྱི་དཔུང་ལས་རྒྱལ། །ལྷ་ཡི་དབང་པོ་ལྷ་མ་ཡིན་ལས་རྒྱལ། །རྡོ་རྗེ་ཕ་ལམ་དངོས་པོ་ཀུན་ལས་རྒྱལ། །རིག་པའི་ཡེ་ཤེས་མ་རིག་པ་ལས་རྒྱལ། །ཆོས་ཉིད་བདེན་པ་ཆོས་ཅན་གནས་ལས་རྒྱལ། །དཀར་ཕྱོགས་ལྷ་སྲུང་ནག་པོའི་ཕྱོགས་ལས་རྒྱལ། །བདག་ཅག་འཁོར་བཅས་བར་ཆད་དགྲ་ལས་རྒྱལ། །རྣམ་རྒྱལ་བཀྲ་ཤིས་སྣང་བ་དཔལ་འབར་ཤོག །ཅེས་པའང་གཡུ་ཐོག་རྣམ་རྒྱལ་དགོན་དུ་ཉེར་མཁོའི་ཆེད་དུ་ཡོན་ཏན་རྒྱ་མཚོས་བྲིས་པ་དགེ་ལེགས་འཕེལ།། །།

― LT39_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྫོང་ཤོད་གནས་བསྟོད།

― LT39_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཀུན་འདུས་མཚོ་སྐྱེས་རྡོ་རྗེ་འཆང་། །བཀའ་དྲིན་མཉམ་མེད་རྗེ་བཙུན་བླ་མ་མཆོག །དབྱེར་མེད་སྙིང་གི་པདྨོར་རྟག་བཞུགས་ནས། །གསོལ་འདེབས་བུ་ལ་བྱིན་གྱིས་བརླབ་ཏུ་གསོལ། །བཀྲ་ཤིས་དགེ་བའི་གནས་མཆོག་ཁྱད་པར་ཅན། །དབེན་ཅིང་ཉམས་དགའ་བྱིན་བརླབས་ཟིལ་ཆེན་ཆགས། །རྣལ་འབྱོར་སྒྲུབ་པའི་མཐུན་རྐྱེན་ཕུན་སུམ་ཚོགས། །འགལ་རྐྱེན་མི་མཐུན་ཕྱོགས་རྣམས་ངང་གིས་ཉུང་། །བདེ་གཤེགས་ཞི་ཁྲོ་བཞུགས་པའི་རྫོང་ལྔ་ལ། །དཔའ་བོ་མཁའ་འགྲོ་འདུ་བའི་ཤོད་ཀྱིས་བརྟེན། །འདི་ཡི་ངོ་མཚར་བཀོད་པ་འགྲན་ཏུ་མེད། །ཕྱི་ལྟར་ས་འཛིན་ལྷུན་ཆགས་ཀུན་ནས་བསྐོར། །རྩེ་མོ་མཐོན་པོ་དགུང་སྔོན་དབྱིངས་སུ་སྙེགས། །བཻ་ཌཱུརྻ་འདྲ་ཆུ་འཛིན་བླ་བྲེ་བྲེས། །དེ་ལས་བདུད་རྩིའི་ཆར་ཟིལ་རྟག་ཏུ་འཕེལ། །སྤང་ལྗང་ནེའུ་གསེང་གཡུ་ཡི་མཎྜ་ལ། །རིན་ཆེན་མེ་ཏོག་ཚོམ་བུའི་ཕྱུར་བུར་བཀང་། །འཚོ་བྱེད་སྨན་གྱི་ལྗང་བུས་རི་ཀླུང་ཁྱབ། །ཤེལ་གྱི་བྲག་རི་བྱེ་རུའི་མདངས་ཀྱིས་མཛེས། །དབྱིབས་ལེགས་ཕུག་པ་ལྷ་ཡི་ཁང་བཟང་འདྲ། །ངོ་མཚར་ས་རྡོའི་ཁྱད་པར་ཅི་ཡང་བརྡོལ་མཐའ་སྐོར་ལྗོན་པའི་དགའ་ཚལ་སྟུག་པོ་ལ། །ཡིད་འོངས་རི་དྭགས་ཕོ་མོ་བག་ཡང་རྒྱུ། །དྲི་བཟང་རྐང་འཐུང་བསུང་ཞིམ་དད་པ་ལྗངས། །ལྷ་བྱ་སྣ་ཚོགས་མགྲིན་པའི་པི་ཝཾ་རྡུང་། །མཛེས་པའི་བྱེའུ་ཆུང་

― LT39_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

སྐད་སྙན་གླིང་བུ་སྒྱུར། །དྭངས་བསིལ་རྙོག་མེད་འབབ་ཆུ་གཙང་མའི་རྒྱུན། །ལྷུང་ལྷུང་སྒྲ་སྙན་སྒྲོག་ཅིང་གཡས་གཡོན་འབབས། །གཉུག་མར་གནས་པའི་མི་དང་མི་མ་ཡིན། །ཆོས་ལ་དད་ཅིང་དཀར་པོའི་ཕྱོགས་ལ་དགའ། །ས་ཡི་དཔྱད་ལེགས་ཡུལ་གྱི་དགེ་བཅུ་ཚང་། །ནང་ལྟར་མདོ་ཁམས་ཡོན་ཏན་གནས་ལྔ་འདུས། །གོང་དུ་སྐུ་མཆོག་འཇམ་དཔལ་ཞི་ཁྲོའི་གནས། །འབྲི་ཆེན་གཉན་ལྡང་གང་ཡང་འདི་ལ་ཚང་། །དེ་འོག་གསུང་མཆོག་པདྨ་ཞི་ཁྲོའི་གནས། །འཛོམ་ནང་པདྨ་ཤེལ་ཕུག་དངོས་དང་འདྲ། །དབུས་སུ་ཐུགས་མཆོག་རྡོར་སེམས་ཞི་ཁྲོའི་གནས། །ཙཱ་འདྲ་རིན་ཆེན་བྲག་དང་ཁྱད་པར་མེད། །གཡོན་ཏུ་རྫོང་ཆེན་ཆེ་མཆོག་ཡོན་ཏན་གནས། །ཁྲོ་རི་རྡོ་རྗེ་ཟིལ་ཁྲོམ་བཀོད་པ་རྫོགས། །གཡས་འོག་ཕྲིན་ལས་རྡོ་རྗེ་ཕུར་པའི་གནས། །སེང་ཆེན་གནམ་བྲག་ཇི་ལྟ་བ་རུ་བཞུགས། །དབུས་མདུན་བཀྲ་ཤིས་དཔལ་གྱི་དེའུ་ནི། །གནས་ཀྱི་སྙིང་པོ་ས་ཡི་འཛེར་བུ་གཉན། །མྱང་གྲོལ་རྫས་མཆོག་ཐབས་ཤེས་ཆུ་མིག་ཟུང་། །མཁའ་འགྲོ་ཚོགས་ལ་རོལ་པའི་དུར་ཁྲོད་མཆོག །རྦོད་གཏོང་དྲེགས་པ་དྲགས་སྔགས་གནས་རྣམས་ཀྱང་། །ཕྱི་སྐོར་རང་བཞིན་ཉིད་དུ་ལྷུན་གྱིས་གྲུབ། །ཉམས་དགའ་བག་ཕེབས་རིག་པ་ཤིན་ཏུ་དངས། །སྡོད་ན་སེམས་སྤྲོ་སྒོམ་ན་ཏིང་འཛིན་འཕེལ། །ཤར་ཕྱོགས་

― LT39_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ལེ་ཤོད་དང་ལྷོར་གྲོ་ལོད། །ནུབ་ཕྱོགས་འཆི་མེད་ཚེ་དང་བྱང་རྣམ་སྲས། །གཞན་ཡང་ཁྱད་འཕགས་གནས་རིའི་ཕྲེང་བས་བསྐོར། །ངོ་མཚར་བཀོད་པ་དུ་མས་ཀུན་ཏུ་བརྒྱན། །རང་བྱུང་མི་འདྲ་ཆེད་དུ་བཅོས་པ་འདྲ། །གཅིག་ལ་ཀུན་ཚང་གང་འདོད་ལྷུན་གྱིས་གྲུབ། །གསང་བ་ཤངས་ཀྱི་ཟབ་ལུང་གཉིས་པ་སྟེ། །གསང་ཆེན་རོལ་པའི་ཕོ་བྲང་ཉིད་དང་མཚུངས། །སྒྲུབ་ཆེན་བཀའ་བརྒྱད་དཀྱིལ་འཁོར་དངོས་སུ་བཞུགས། །བླ་མ་རིག་འཛིན་ཡེ་ཤེས་སྐུ་ཅན་རྣམས། །གཤེགས་བཞུགས་བྲལ་བ་མེ་ལོང་གཟུགས་བཞིན་སྣང་། །བདེ་གཤེགས་རྒྱལ་བཞི་ཁྲོ་གཙོ་དང་འཁོར། །རྡུལ་གཅིག་སྟེང་ན་རྡུལ་སྙེད་ཚོམ་བུ་བཀྲ། །གནས་ཡུལ་དཔའ་བོ་མཁའ་འགྲོ་སྤྲིན་ལྟར་འཐིབས། །ཁྱད་པར་དུས་སུ་ཚོགས་ཀྱི་འདུ་བར་སྤྱོད། །དཔལ་ལྡན་མ་ཧཱ་ཀཱ་ལ་ལྕམ་དྲལ་སོགས། །ཆོས་གཏེར་སྲུང་མས་རྟག་ཏུ་མེལ་ཚེ་མཛད། །འབའ་རྒྱལ་མཆེད་གསུམ་རིགས་གསུམ་མགོན་པོ་ཡི། །ཡང་སྤྲུལ་བཀའ་སྡོད་བདུད་བཙན་ཀླུ་ཡི་ཚུལ། །ལྕམ་མོ་སྤུན་གསུམ་ཀུན་འཁྱིལ་མཆེད་གསུམ་འཕྲུལ། །དཀར་པོའི་ཕྱོགས་སྐྱོང་སྒྲུབ་པའི་མཐུན་རྐྱེན་སྤེལ། །འཆི་མེད་གྲུབ་པའི་དྲང་སྲོང་བསམ་གཏན་མཛད། །ལྷ་ཀླུ་རྣམས་ཀྱི་དུས་སུ་བཀུར་བསྟི་བྱེད། །སྔོན་དུས་གུ་རུ་ཡབ་ཡུམ་རྗེ་འབངས་ཚོགས། །

― LT39_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་སུ་ཞབས་བཅགས་སྒྲུབ་གནས་བྱིན་གྱིས་བརླབས། །ཟབ་མོའི་གཏེར་སྦས་བཀའ་སྲུང་གཉན་པོ་བསྐོས། །བར་དུ་སྤྱན་རས་གཟིགས་དངོས་ཀརྨ་པ། །རྫུ་འཕྲུལ་བཀོད་པས་ཕེབ་ནས་སྒྲུབ་གནས་མཛད། །ཕྱིས་སུ་རིག་འཛིན་ཀློང་གསལ་སྙིང་པོས་ཀྱང་། །ཡེ་ཤེས་དགོངས་པའི་རྩལ་གྱིས་བྱིན་ཆེན་ཕབ། །པདྨ་འོད་གསལ་མདོ་སྔགས་གླིང་པའི་ཞབས། །གཏེར་ཆེན་ཨོ་རྒྱན་མཆོག་གྱུར་གླིང་པ་བཅས། །ལྷན་རྒྱས་ཕེབས་ཏེ་བཀའ་འདུས་སྒྲུབ་ཆེན་བཙུགས། །སྣོད་བཅུད་ཡེ་ཤེས་ཆེན་པོའི་འཁོར་ལོར་བསྒྱུར། །གུ་རུའི་ཞལ་བསྟན་སྙན་བརྒྱུད་གདམས་པ་གསན། །སྤྲུལ་པའི་བརྡ་ཡིག་ཤོག་སེར་གཏན་ལ་ཕབ། །ཟབ་མོའི་གཏེར་བཞེས་གནས་ཞལ་འབྱེད་པ་སོགས། །བསྟན་འགྲོར་ཕན་བདེ་རྒྱས་པའི་རྟེན་འཕྱུང་ཤར། །དེང་སང་ཁོ་བོས་རྒྱལ་ཁམས་སྤྱི་བྱེ་བྲག །བདེ་ལེགས་བཙས་སུ་སྒྲུབ་པའི་ཁང་བཟང་དང་། །སྐུ་གསུང་ཐུགས་རྟེན་གནད་དུ་འགྲོ་བ་བཞེངས། །ས་ཡི་མེ་བཙའ་ལུང་དང་མཐུན་པ་བཏབ། །རྒྱལ་བས་བསྔགས་པའི་དབེན་གནས་ཉམས་རེ་དགའ། །སྙིང་ནས་དམ་ཆོས་སྒྲུབ་པའི་གནས་སུ་བཟང་། །རྣམ་གཡེང་འདུ་འཛིའི་རྐྱེན་དང་རྒྱང་ཐག་རིང་། །བསམ་གཏན་སྒོམ་ན་ཏིང་འཛིན་འདི་རུ་འཕེལ། །གནས་ཀྱིས་གང་ཟག་བྱིན་གྱིས་རློབ་པར་ནུས། །བསྙེན་སྒྲུབ་འདོད་ན་ཆུ་ཤིང་མཐུན་

― LT39_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱེན་བཟང་། །མཐའ་གཉིས་སྤངས་པའི་བསོད་སྙོམས་བཙལ་བ་སླ། །ཚོགས་འཁོར་བསྐོར་ན་མཁའ་སྤྱོད་གསང་ལམ་བགྲོད། །ཚོགས་མཆོད་ཙམ་གྱིས་བསོད་ནམས་ཚོགས་ཆེན་རྫོགས། །སྙེམས་བྱེད་གཅོད་ན་ཚར་སློང་འགྲིགས་པར་སླ། །ཚེ་ཐར་ཕུལ་ན་དུས་མིན་འཆི་ལས་ཐར། །ཕྱག་བསྐོར་བྱས་ན་ནད་གདོན་སྡིག་སྒྲིབ་བྱང་། །དར་ཅོག་ཀླུང་རྟས་བསོད་ནམས་དབང་ཐང་རྒྱས། །དགེ་སྡིག་གང་བྱས་འབུམ་ཕྲག་ཉིད་དུ་འགྱུར། །དད་པས་འབྲེལ་ཐོགས་ཙམ་ཡང་དོན་དང་ལྡན། །ངོ་མཚར་རྨད་བྱུང་གནས་མཆོག་ཁྱད་པར་ཅན། །ཡ་མཚན་ཚུལ་ལ་ཕྱོགས་ཙམ་བསྟོད་པའི་མཐུས། །རྩ་གསུམ་རྒྱལ་བ་དབྱིངས་ནས་ཐུགས་དགྱེས་ཏེ། །དབང་དང་བྱིན་བརླབས་དངོས་གྲུབ་ཆར་ལྟར་ཕོབ། །བསྲུང་མ་མཉེས་པའི་དགེ་མཚན་འཛུམ་ཟེར་གྱིས། །ཉིན་དང་མཚན་མོར་བུ་བཞིན་རྟག་ཏུ་སྐྱོངས། །མི་ལུས་ཐོབ་ཀྱང་དུད་འགྲོའི་སེམས་ལྡན་རྣམས། །ཡོན་ཏན་ཐོས་ནས་དད་པ་རྙེད་གྱུར་ཅིག །ཆེ་བའི་སྙན་གྲགས་ཕྱོགས་སུ་ཁྱབ་པ་ཡིས། །ཀུན་ཀྱང་མོས་གུས་སྣང་བ་འཕེལ་བྱེད་ཤོག །ཅེས་པའང་འཆི་མེད་བསྟན་གཉིས་གཡུང་དྲུང་གླིང་པས་གནས་མཆོག་དེ་ཉིད་དུ་བྲིས་པ་དགེ་ལེགས་འཕེལ།། །།

― LT39_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

བླ་མའི་ཐུགས་སྒྲུབ་ཡན་ལག་རྣམ་པ་གཉིས་ཀྱི་ཁོག་དབུབ་ཡིད་བཞིན་དངོས་གྲུབ་འབྱུང་བའི་བུམ་བཟང་།

― LT39_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མའི་ཐུགས་སྒྲུབ་ཡན་ལག་རྣམ་པ་གཉིས་ཀྱི་ཁོག་དབུབ་ཡིད་བཞིན་དངོས་གྲུབ་འབྱུང་བའི་བུམ་བཟང་ཞེས་བྱ་བ་བཞུགས་སོ། །

― LT39_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་སརྦ་བུདྡྷ་ས་མཱ་ཛྙཱ་ཡ་ན་མཱ་མི། །མི་འགྱུར་མི་ཤིགས་རང་ཤར་འོད་ལྔའི་ཀློང་། །གདོད་ནས་བཞུགས་པ་དྭངས་མ་རིགས་བརྒྱའི་མགོན། །རབ་འབྱམས་དཀྱིལ་འཁོར་སྤྲོ་དང་བསྡུ་བའི་གཞི། གུ་རུ་བདེ་བ་ཆེན་པོ་སྙིང་དབུས་མཆོད། གང་གི་སྒྲུབ་ཐབས་བྱེ་བ་བསམ་ཡས་ལས། སྙིང་པོའི་ཡང་བཅུད་སྙིགས་འགྲོའི་དཔལ་ཤར་བ། བར་ཆད་སེལ་དང་དངོས་གྲུབ་སྒྲུབ་པ་ཡི། སྒྲུབ་ཆེན་ལས་ཀྱི་རིམ་པ་འདིར་གསལ་བྱ། དེའང་གསང་སྔགས་རྡོ་རྗེ་ཐེག་པའི་བསྟན་པ་རིན་པོ་ཆེ་དང་མཇལ་ཞིང་ཚེ་གཅིག་ལ་མཆོག་དང་ཐུན་མོང་གི་དངོས་གྲུབ་བདེ་བླག་ཏུ་སྒྲུབ་པའི་ཐབས་ཀྱི་གཙོ་བོ་བླ་མའི་ཐུགས་ཀྱི་སྒྲུབ་པ་ནན་ཏན་སྙིང་པོ་བྱ་དགོས་པ་ཡིན་ཅིང་། གངས་ཅན་ལྗོངས་སུ་སྐྱེས་པ་རྣམས་ཀྱི་བླ་མའི་སྐལ་

― LT39_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི་སངས་རྒྱས་ཀུན་འདུས་པདྨ་འབྱུང་གནས་ཁོ་ན་ཡིན་ལ༔ དེ་ཉིད་སྒྲུབ་པའི་ཚུལ་ནི་འདི་ཉིད་ཀྱི་གཏེར་གཞུང་ལས༔ ང་ཡི་ཐུགས་སྒྲུབ་བསམ་གྱིས་མི་ཁྱབ་པ་བྱེ་བ་ས་ཡ་སྦས་པའི་ནང་ནས༔ སྐུ་གསུམ་རབ་འབྱམས་སུ་སྒྲུབ་པ་དང་༔ རྩ་གསུམ་རབ་འབྱམས་སུ་སྒྲུབ་པ་དང་༔ ལྷག་པར་བར་ཆད་སེལ་བར་བྱེད་པ་ཐུགས་སྒྲུབ་བར་ཆད་ཀུན་སེལ་དང་༔ དངོས་གྲུབ་ཐམས་ཅད་ཐོབ་པར་བྱེད་པ་བླ་མ་དངོས་གྲུབ་རྒྱ་མཚོ་དང་བདེ་བ་ཆེན་པོ་ཡིད་བཞིན་ནོར་བུ་དང་བཅས་པ་འདི་དག་ནི༔ ད་ལྟ་དང་མ་འོངས་པའི་དུས་ན་ཡོངས་སུ་གྲགས་པའི་ངའི་རྗེས་འཇུག་རྣམས་ཀྱིས་ལུགས་དེ་གཉིས་ཁོ་ན་གཙོ་བོ་བྱ་དགོས་ཤིང་༔ བྱེད་པར་འགྱུར་ལ༔དེ་དག་གང་ཡང་རྣལ་འབྱོར་པ་གཅིག་གིས་མཆོག་ཐུན་དངོས་གྲུབ་བསྒྲུབ་པའི་ཆ་རྐྱེན་ཏུ་བསྒྲེགས་ཏེ་ཉམས་སུ་བླང་པར་བྱ་བ་

― LT39_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

ནི༔ རྒྱུད་ལས༔ ཕུན་སུམ་ཚོགས་པས་གཞི་བཟུང་ཏེ༔ བསྙེན་པ་དང་ནི་ཉེ་བསྙེན་དང་༔ སྒྲུབ་པ་དང་ནི་སྒྲུབ་ཆེན་གྱིས༔ རིག་འཛིན་མཆོག་གི་དངོས་གྲུབ་འགྲུབ༔ ཅེས་གསུངས་པ་ལྟར་བསྙེན་སྒྲུབ་ཡན་ལག་བཞི་ལྡན་གྱི་སྒོ་ནས་འཇུག་པར་བྱེད་པ་ཡིན༔ ཅེས་པས་སྤྱིར་བསྟན་ཅིང་བྱེ་བྲག་དེ་རེ་རེ་ལའང་ནང་གསེས་ཀྱི་ཡན་ལག་བཞི་བཞིས་བསྟན་པ་ནི་ཕལ་ཆེར་ངེས་རྫོགས་ཀྱི་ཚུལ་དུ་མཛད་པ་ལག་ལེན་ཏུ་ཐེབས་དཀའ་བས། དེང་སང་འདྲ་འབག་མོས་སློབ་ཙམ་བྱེད་པའི་ལག་ལེན་སྤྱི་དང་བསྟུན་ན། དབང་ཐོབ་ཅིང་དམ་ཚིག་ལ་གནས་པས་ཐུགས་སྒྲུབ་སོ་སོའི་གཞུང་བཞིན་དུས་རྟགས་གྲངས་ཀྱི་བསྙེན་པ་གང་རུང་མཐར་སོན་པའི་སྒྲུབ་པ་པོས་ཚོམ་བུ་ཆོགས་སུ་སྒྲུབ་པའི་ལས་རིམ་ལ་འཇུག་པ་ན། གནས་དུས་སྟོན་འཁོར་ཡོ་བྱད་ཕུན་སུམ་ཚོགས་པ་ལྔས་སྒྲུབ་པའི་གཞི་བཟུང་བ་སྤྱི་ལྟར་ཚོགས་པར་བྱས་ནས། བསྙེན་སྒྲུབ་ཡན་ལག་བཞིས་སྒྲུབ་པའི་གཞུང་བསྲང་བ་ལའང་སྔོན་ཏུ་བསྙེན་པ་དང་ཉེ་བསྙེན། དངོས་གཞི་སྒྲུབ་པ། རྗེས་སྒྲུབ་པ་ཆེན་པོ་མཐའ་རྒྱས་དང་བཅས་པའོ། །དང་པོ་ལ། འགལ་རྐྱེན་སེལ་ཞིང་བསོད་ནམས་ཀྱི་དཔུང་བསྐྱེད་པའི་ཕྱིར་སྒོ་གསུམ་གྱི་སྒྲིབ་སྦྱོང་། སྒྲུབ་ཁང་གི་ཕྱོགས་བཞིར་མདོ་བཀླགས་པ། མགྲོན་བཞི་ལ་གཏོར་མ་གཏོང་བ། སྦྱིན་བཏང་བྱ་བ་རྣམས་རྒྱས་བསྡུས་གང་ལྕོགས་སྔོན་དུ་བཏང་། ཐོག་མར་པའི་ཆོ་ག་བྱ་བ་ལ་བཞི། དང་པོ་སློང་བ་ནི། དཀྱིལ་འཁོར་གང་དུ་བཞེངས་པའི་ས་གཞི་བྱི་

― LT39_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

དོར་བྱས་པར་མེ་ཏོག་གི་ཚོམ་བུ་གཅིག་བཀོད། དེའི་མདུན་ཏུ་མཆོད་གཏོར་དཀར་ཟླུམ་ཐབས་རིལ་གྱིས་མཚན་པ་དང་གསེར་སྐྱེམས། མཐའ་བསྐོར་དུ་བྱང་ཤར་མཚམས་འཛིན་མེ་ཏོག་ནས་བརྩམས་ཆུ་གཉིས་ཉེར་སྤྱོད་གཡས་བསྐོར་བཤམ། སློབ་དཔོན་གྱི་མདུན་ཏུ་ཌ*ཌཱ་དྲི*་སོགས་ཉེར་སྤྱད་རྣམས་དང་། སྒྲུབ་པ་པོ་རྣམས་ཀྱི་དགོས་པའི་ཡོ་བྱད་ཚོགས་པར་བྱ། ཐམས་ཅད་གདན་ལ་འཁོད་ནས་ཚིག་བདུན་གྱིས་ཐོག་དྲངས། སྤྲོས་བྲལ་བདེ་ཆེན་སོགས་གསོལ་འདེབས་སོ་སོའི་བརྒྱུད་འདེབས་སྔོན་ཏུ་འགྲོ་བས་ཐུགས་སྒྲུབ་བར་ཆད་ཀུན་སེལ་ཕྲིན་ལས་སྔོན་འགྲོ་དང་། ཡིད་བཞིན་ནོར་བུ་ལ་ལས་བྱང་ལྟར་སྐྱབས་སེམས་ཚོགས་གསོག་རྣམས་ལན་གསུམ་གསུམ་བཏང་། རང་ཉིད་སྐད་ཅིག་གི་ས་མ་ཧཱ་གུ་རུ་སྣང་སྲིད་ཐམས་ཅད་ཟིལ་གྱིས་གནོན་པའི་སྐུར་གྱུར་བར་བསམ། གཏོར་མཆོད་རྣམས། རྃ་ཡྃ་ཁྃ༔གིས་བསང་། ཨོཾ་སྭ་བྷཱ་ཝ་སོགས་ཆོས་ཉིད་དག་པའི་སྔགས་ཀྱིས་སྦྱང་། སྟོང་པའི་ངང་ལས་གཏོར་མ་བདུད་རྩིའི་རང་བཞིན་མཆོད་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ནམ་མཁའི་ཁམས་ཐམས་ཅད་གང་བར་བསམ། ཨོཾ་ཨཱ༔ཧཱུྃ༔ ཞེས་པས་བརླབས། རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་སའི་ལྷ་མོ་ཡུལ་བདག་དང་བཅས་པ་སྐད་ཅིག་གིས་མདུན་དུ་ལྷག་པར་བསམ་ལ། དྷཱུ་མི་པ་ཏིས་པ་རི་ཝཱ་ར་བཛྲ་ས་མཱ་ཛཿ བྷཱུ་མི་པ་ཏིས་པ་རི་བཱ་ར་པུཥྤེ་དྷཱུ་པེ་

― LT39_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ་ལོ་ཀེ་གནྡྷེ་ནེ་བི་ཏྱཱ་ཤཔྟ་པཱུ་ཛ་ཧོ༔ བྷཱུ་མི་པ་ཏི་ས་པ་རི་བཱ་ར་ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི༔ ཞེས་ལན་གསུམ་གྱིས་མཆོད་གཏོར་ཕུལ་ལ་ཕྲིན་ལས་གསོལ་བ་ནི། ཧཱུྃ༔ སྟོང་གསུམ་ཁྱད་པར་ཛམ་གླིང་གི༔ རིན་ཆེན་ས་ལ་མངའ་མཛད་པའི༔ ས་ཡི་ལྷ་མོ་བརྟན་མ་དང་༔ ས་བདག་རྒྱལ་བློན་འབངས་འཁོར་བཅས༔ གནས་དང་ཡུལ་གྱི་བདག་པོ་རྣམས༔ གངས་རི་ལུ་མ་སྐྱེད་མོའི་ཚལ༔ མཚོ་རྫིང་ལྡིང་ཀ་ཐམས་ཅད་ནས༔ ཞི་ཞིང་འདུན་པའི་སེམས་ཀྱིས་སུ༔ གནས་འདི་ཉིད་དུ་གཤེགས་སུ་གསོལ༔ གཙང་སྦྱར་འདོད་ཡོན་རྣམ་ལྔ་དང་༔ མཆོད་སྦྱིན་གཏོར་མ་གསེར་སྐྱེམས་བཅས༔ ས་རིན་བཟང་པོ་འདི་བཞེས་ལ༔ སྔོན་ཚེ་སྟོན་པའི་སྤྱན་སྔ་རུ༔ ཇི་ལྟར་ཁས་བླངས་དམ་བཅས་བཞིན༔ ས་འདིར་བདག་གིས་སྟོན་པ་ཡི༔ བཀའ་གསང་གཞུང་བཞིན་བསྒྲུབ་ལགས་ན༔ དེ་ཕྱིར་སྒྲུབ་པའི་ས་འདི་སྩོལ༔ མཐུན་རྐྱེན་དགེ་ཞིང་བཀྲ་ཤིས་སྤེལ༔ ཕྲིན་ལས་རྣམ་བཞི་འགྲུབ་པར་མཛོད༔ ཞེས་གསོལ་བས་རིག་པ་འཛིན་པ་ཁྱོད་ས་གཞི་ཅི་བདེ་བར་ལོངས་སྤྱོད་ཅིག་ཅེས་གནང་བ་བྱིན་ནས་རང་གནས་སུ་དགྱེས་བཞིན་གཤེགས་པར་གྱུར་པར་བསམ་ཞིང་འཇམ་རོལ་བཅས་གཏོར་མ་གསེར་སྐྱེམས་ཕྱིར་འབུལ།

― LT39_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོམ་བུ་དང་མཆོད་པ་བསྡུ། གཉིས་པས་བཟུང་བ་ནི། སེང་ལྡེང་གི་ཕུར་པ་སོར་བརྒྱད་དར་དམར་གྱི་ཅོད་པ་དང་བཅས་པ་མདུན་ཏུ་བཀྲོད་ནས། རང་ཉིད་བླ་མ་སྣང་སྲིད་ཟིལ་གནོན་ཏུ་གསལ་བའི་ཐུགས་ཀ་ནས་ཧྲཱིཿ ཡིག་མར་མེ་ལྟར་འབར་བ་འཕྲོས༔ ཕུར་བུ་ལ་ཐིམ་པས་དཔལ་རྟ་མགྲིན་སྐུ་མདོག་དམར་པོ་པདྨ་དང་ཐོད་ཁྲག་འཛིན་པ་སྐུ་སྨད་ཕུར་པའི་དཔལ་ཅན་དུ་གྱུར་པར་བསམ་ལ༔ ཨོཾ་བཛྲ་ཀྲོ་དྷ་ཧ་ཡ་གྲཱྀ་བ་ཧུ་ལུ་ཧུ་ལུ་ཧཱུྃ་ཕཊ༔ ལན་བརྒྱ་རྩ་བཟླས་ནས་ས་གཞི་ལ་བཏབ། དེ་ལས་འོད་ཟེར་འཕྲོས༔ ས་གཞི་ལ་ཁྱབ་པས༔ སྣང་སྲིད་ཐམས་ཅད་བདག་གི་དབང་དུ་འདུས་པར་བསམ༔ གསུམ་པ་སྦྱོང་བ་ནི་བདག་ཉིད་རིགས་འདུས་སྣང་སྲིད་ཟིལ་གནོན་ཏུ་གསལ་བའི་ཐུགས་ཀ་ནས༔ རྃ་ཡྃ་ཁྃ་འཕྲོས་པས་སྣོད་བཅུད་ཀྱི་དངོས་འཛིན་མ་དག་པའི་ཉེས་སྐྱོན་ཐམས་ཅད་པ་སྲེག་གཏོར་བཀྲུས་ཏེ་སྟོང་པར་སྦྱངས༔ སྟོང་པའི་ངང་ལས་སྣང་སྲིད་ཐམས་ཅད་བླ་མའི་ཞིང་ཁམས༔ ཡེ་ཤེས་ཀྱི་རྣམ་རོལ༔ བདེ་བ་ཆེན་པོའི་ངོ་བོ༔ འོག་མིན་དྲྭ་བ་ཆེན་པོའི་སྣོད་བཅུད་ཡོངས་སུ་རྫོགས་པར་གསལ་བའི་ཏིང་འཛིན་རྩེ་གཅིག་པས༔ ཨོཾ་སྭ་བྷཱ་བ་ཤུདྡྷ་སརྦ་དྷརྨཱ༔ སྭ་བྷཱ་བ་ཤུདྡྷོ྅ཧཾ༔། ཞེས་པདྨ་ཞིང་ལག་གཡས་པའི་སོར་མོ་ལྔ་རྡོ་རྗེ་རྩེ་ལྔ་པར་བསམ་ལ་བསྐོར་ཞིང་རེག་པར་བྱའོ། བཞི་པ་སྲུང་བ་ནི། ཐོག་མར་སོ་སོའི་གཞུང་ལྟར་བགེགས་

― LT39_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཏོར་མ་སྦྱིན་ཅིང་བཀའ་བསྒོ། གུ་གུལ་ཡུངས་ཐུན་དྲག་པོའི་ཚམ་རྔམས་དང་བཅས་རྒྱང་རིང་དུ་བསྐྲད། མཚམས་ཕུར་གདབ་པ་ནི། ལྕགས་སམ་དྲག་པོའི་ཤིང་གི་ཕུར་པ་བཅུ་ཁྲོ་བོ་བཅུའི་སྔགས་བྱང་ངམ་ཧཱུྃ་ཡིག་མཚན་པ་དང་ཡུངས་ཀར་གྱི་ཐུམ་པོ་གདག་པ་མདུན་དུ་གོ་རིམ་མ་འཆོལ་བར་བཀོད། རང་ཉིད་རིགས་འདུས་བླ་མ་དྲག་པོ་ཧེ་རུ་ཀ་ཁྲོ་བོ་རབ་འབྱམས་ཀྱི་སྤྲིན་འཕྲོ་བའི་སྐུར་གྱུར་བའི་ཐུགས་ཀ་ནས་འོད་ཟེར་འཕྲོས༔ སྣོད་བཅུད་ཐམས་ཅད་ལ་ཕོག་པས༔ སྣང་སྲིད་འཁོར་ལོ་རྩིབས་བཅུར་འབར་བའི་ཕྱོགས་མཚམས་སྟེང་འོག་རྣམས་སུ་ཕྱོགས་སྐྱོད་བཅུ་བཀུག་སྟེ་གདན་ཏུ་བྱས༔ སླར་ཡང་བདག་གི་ཐུགས་ཀ་ནས་ཧཱུྃ་བཅུ་འཕྲོས༔ ཕུར་བུ་ལ་ཐིམ་པས་ཁྲོ་བོ་ཆེན་པོ་བཅུ་སྐུ་མདོག་མཐིང་ནག་རྡོ་རྗེ་དང་དུང་ཁྲག་འཛིན་པ༔ སྐུ་སྨད་ཕུར་བུའི་དཔལ་ཅན་མེ་ཕུང་འབར་ཞིང་འཁྲུགས་པས་ཕྱོགས་བཅུའི་བགེགས་རྣམས་ཀྱི་སྙིང་གར་བཏབ་པར་བསམ་ལ་འབར་བའི་སྟངས་སྟབས་དང་བཅས་པས་གདབ་སྟེ། ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ༔ གརྫ་གརྫ་ཧཱུྃ་ཕཊ༔ ཅེས་པའི་མཐར་སྡེར་མོའི་སྔགས་ཀྱི་མཚོན་ཆ་གདགས་པ་འོག་མ་རྣམས་ལའང་རིགས་འགྲེ་ཤེས་པར་བྱས་ཏེ། ཨོཾ་བྷ་གྷ་གྷཱ་ཏ་ཡ་སརྦ་དུཥྚཱ་ན་ཧཱུྃ་ཕཊ༔ ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ༔ ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ་བཛྲ་དྷ་རོད་ཨཱ་ཛྙཱ་པ་ཡ་ཏེ་སརྦ་བིགྷཱན་ཀཱ་ཡ་ཝཱ་ཀ་ཙིཏྟ་ཀཱི་ལ་ཡ་ཧཱུྃ་

― LT39_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ཕཊ༔ ཞེས་བཟླ་ཞིང་ཤར་གྱི་ཤར་དུ་གདབ། ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ༔ ཧ་ན་ཧ་ན་ཧཱུྃ་ཕཊ༔ ཤར་དུ་གདབ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ༔ པ་ཙ་པ་ཙ་ཧཱུྃ་ཕཊ༔ ལྷོ་རུ་གདབ། ཨོཾ་བཛྲ་ཀྲོ་དྷ་ཧྱ་གྲཱི་བ་ཧཱུྃ༔ ཧུ་ལུ་ཧུ་ལུ་ཧཱུྃ་ཕཊ༔ ནུབ་ཏུ་གདབ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུནྜ་ལཱི་ཧཱུྃ༔ ཙྪིནྡ་ཙྪིནྡཧཱུྃ་ཕཊ༔ བྱང་དུ་གདབ། ཨོཾ་བཛྲ་ཀྲོ་དྷ་ཏྲཻ་ལོཀྱ་བིཛ་ཡ་ཧཱུྃ༔ བྷིནྡྷ་བྷིནྡྷ་ཧཱུྃ་ཕཊ༔ བྱང་ཤར་དུ་གདབ། ཨོཾ་བཛྲ་ཀྲོ་དྷ་ཨ་བ་རཱ་ཛི་ཏ་ཧཱུྃ༔ ཏིཥྛ་ཏིཥྛ་ཧཱུྃ་ཕཊ༔ ནུབ་བྱང་དུ་གདབ། ཨོཾ་བཛྲ་ཀྲོ་དྷ་ཨ་ཙ་ལེ་ཧཱུྃ༔ བྷནྡྷ་བྷནྡྷ་ཧཱུྃ་ཕཊ༔ ལྷོ་ནུབ་ཏུ་གདབ། ཨོཾ་བཛྲ་ཀྲོ་དྷ་ནི་ལཾ་དཎྜ་ཧཱུྃ༔ ད་ཧ་ད་ཧ་ཧཱུྃ་ཕཊ༔ ཤར་ལྷོར་གདབ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ༔ སྥོཊ་སྥོཊ་ཧཱུྃ་ཕཊ༔ ནུབ་ཀྱི་ནུབ་ཏུ་གདབ། ཁྲོ་བོ་བཅུ་ལས་ཁྲོ་ཆུང་གི་ཚོགས་དཔག་ཏུ་མེད་པ་འཕྲོས༔ ཕྱོགས་མཚམས་ཐམས་ཅད་རྡོ་རྗེའི་གུར་ཁང་དུ་གྱུར་པར་བསམ། སྤྲོས་པ་བསྡུ་ན་ཕུར་པ་གཅིག་ལ་ཏིང་ངེ་འཛིན་གོང་ལྟར་གསལ་བས་ཧཱུྃ་བཅུ་བཟླས་ཏེ་བྱང་ཤར་གྱི་གྲར་བཏབ་པས་ཀྱང་ཆོག་གོ། །དེ་རྣམས་ནི་ས་གཞི་རུང་བར་བྱ་བའི་ཆོ་གའོ། །གཉིས་པ་བར་ཆད་ཀྱིས་དངོས་གྲུབ་མི་འཕྲོག་པའི་མཚམས་བཅད་པ་ལ་གསུམ། དང་པོ་ཕྱིའི་མཚམས་གཅོད་པ་ནི། སྒྲུབ་ཁང་གི་ཕྱོགས་བཞིར་ཉེ་རིང་འཚམས་པར་ཐོ་བཞི་བརྩིགས་ཏེ་རྒྱལ་ཆེན་བཞིའི་སྐུའམ་སྔགས་བྱང་བྲིས་པ་གཟུག །མདུན་ཏུ་སྟིགས་གཙང་མར་གཏོར་མ་དཀར་ཟླུམ་ཐེབས་རིལ་གྱིས་མཚན་པ་དང་། གཡོན་ཕྱོགས་ནས་བརྩམས་ཆུ་གཉིས་ཉེར་སྤྱོད་ལྔ་བཅས་བཤམ། སྒྲུབ་པ་པོ་རྣམས་རོལ་ཆས་ཐོགས་ལ་སེར་སྦྲེང་གི་ཚུལ་གྱིས་ཤར་

― LT39_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཐོ་བདུན་ཏུ་འཁོད་ལ། རྃ་ཡྃ་ཁྃ༔བརྗོད་པས་སྦྱང་། ཨོཾ་ཨ་ཧཱུྃ་གིས་འདོད་ཡོན་ཏུ་བྱིན་གྱིས་བརླབས། ལྕགས་ཀྱུའི་ཕྱག་རྒྱ་དང་བཅས་ཏེ། རང་གི་སྙིང་ག་ནས་འོད་ཟེར་འཕྲོས་པས་རྒྱལ་པོ་ཆེན་པོ་ཡུལ་འཁོར་སྲུང་དཔུང་དང་བཅས་པ་སྤྱན་དྲངས༔ བཛྲ་ས་མཱ་ཛཿ ཐོ་ཕོ་བྲང་དུ་གསལ་བའི་ནང་དུ་རྟེན་དང་དབྱེར་མེད་པར་རྒྱལ་པོ་ཆེན་པོ་ཡུལ་འཁོར་སྲུང་སོ་སོའི་འཁོར་གཡོག་དམག་ཚོགས་དང་བཅས་པ་མངོན་སུམ་དུ་བཞུགས་པར་གྱུར༔ ཨོཾ་དྷྲྀཥྚ་རཥྚ་ཡ་སྭཱ་ཧཱ༔ ཞེས་ཅུང་ཟད་བཟླ། སྔགས་མཐར་ས་པ་རི་ཝཱ་ར་ཨི་དཾ་བྷ་ལི༚་ཏ་ཁཱ་ཧི༔ ལན་གསུམ་གྱིས་གཏོར་མ་ཕུལ། ཨོཾ་བཛྲ་པུཥྤེ་སོགས་ཀྱིས་མཆོད་པ་དང་རོལ་མོ་བྱ། བསྟོད་པ་ནི། ཧཱུྃ་ཕྱི་ལྟར་རྒྱལ་ཆེན་ཡུལ་འཁོར་སྲུང་༔ ནང་ལྟར་བུདྡྷ་ཧེ་རུ་ཀ༔ གསང་བ་རྣམ་པར་སྣང་མཛད་དེ༔ སྔོན་གྱི་ཐུགས་དམ་ཇི་བཞིན་ཏུ༔ བཀའ་གསང་གཞུང་བཞིན་སྒྲུབ་པ་ལ༔ མ་དག་པ་རྣམས་མཚམས་ཆོད་ཅིག༔ ཅེས་ཕྲིན་ལས་བཅོལ། མེ་ཏོག་འཐོར་ལ། ཏིཥྛ་བཛྲས་བརྟན་བཞུགས་བྱ། ལྷོའི་ཐོ་མདུན་ཏུ་འཁོད་ལ། རྃ་ཡྃ་ཁྃ༔ ཨོཾ་ཨཱ་ཧཱུྃ༔ རང་གི་སྙིང་ག་ནས་འོད་ཟེར་འཕྲོས་པས་རྒྱལ་པོ་ཆེན་པོ་འཕགས་སྐྱེས་པོ་དཔུང་དང་བཅས་པ་སྤྱན་དྲངས༔བཛྲ་ས་མཱ་ཛ༔ ཐོ་ཕོ་བྲང་དུ་གསལ་བའི་ནང་དུ་རྟེན་དང་དབྱེར་མེད་པར་རྒྱལ་པོ་ཆེན་པོ་འཕགས་སྐྱེས་པོ་སོ་སོའི་འཁོར་གཡོག་དམག་ཚོགས་དང་བཅས་པ་མངོན་སུམ་དུ་བཞུགས་པར་གྱུར༔ ཨོཾ་བཻ་རུ་ཌྷཱ་ཀཱ་ཡ་སྭཱ་ཧཱ༔ ཞེས་ཅུང་ཟད་བཟླ༔ མཐར་ས་པ་རི་

― LT39_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

བཱ་ར་ཨི་དཾ་བ་ལིང་ཏ་ཁཱ་ཧི༔ ཨོཾ་བཛྲ་པུཥྤེ་སོགས། བསྟོད་པ། ཧཱུྃ༔ ཕྱི་ལྟར་རྒྱལ་ཆེན་འཕགས་སྐྱེས་པོ༔ནང་ལྟར་ཀརྨ་ཧེ་རུ་ཀ༔ གསང་བ་དོན་ཡོད་གྲུབ་པ་སྟེ༔ སྔོན་གྱི་ཐུགས་དམ་ཇི་བཞིན་ཏུ༔ བཀའ་གསང་གཞུང་བཞིན་བསྒྲུབ་པ་ལ། མ་དག་པ་རྣམས་མཚམས་ཆོད་ཅིག༔ ཏིཥྛ་བཛྲ༔ ནུབ་ཀྱི་ཐོ་རྩར་འཁོད་ལ། རྃ་ཡྃ་ཁྃ༔ ཨོཾ་ཨཱ༔ཧཱུྃ༔ རང་གི་སྙིང་ག་ནས་འོད་ཟེར་འཕྲོས་པས་རྒྱལ་པོ་ཆེན་པོ་སྤྱན་མི་བཟང་དཔུང་དང་བཅས་པ་སྤྱན་དྲངས༔ བཛྲ་ས་མཱ་ཛ༔ ཐོ་ཕོ་བྲང་དུ་གསལ་བའི་ནང་དུ་རྟེན་དང་དབྱེར་མེད་པར་རྒྱལ་པོ་ཆེན་པོ་སྤྱན་མི་བཟང་སོ་སོའི་འཁོར་གཡོག་དམག་ཚོགས་དང་བཅས་པ་མངོན་སུམ་དུ་བཞུགས་པར་གྱུར༔ ཨོཾ་བི་རུ་པཱཀྵཱ་ཡེ་སྭཱ་ཧཱ༔ ཞེས་ཅུང་ཟད་བཟླ། མཐར་ས་པ་རི་ཝཱ་ར་ཨི་དཾ་བ་ལི༚་ཏ་ཁཱ་ཧི༔ ཨོཾ་བཛྲ་པུཥྤེ་སོགས། བསྟོད་པ། ཧཱུྃ༔ ཕྱི་ལྟར་རྒྱལ་ཆེན་སྤྱན་མི་བཟང་༔ ནང་ལྟར་པདྨ་ཧེ་རུ་ཀ༔ གསང་བ་སྣང་བ་མཐའ་ཡས་ཏེ༔ སྔོན་གྱི་ཐུགས་དམ་ཇི་བཞིན་ཏུ༔ བཀའ་གསང་གཞུང་བཞིན་སྒྲུབ་པ་ལ༔ མ་དག་པ་རྣམས་མཚམས་ཆོད་ཅིག༔ ཏིཥྛ་བཛྲ༔བྱང་གི་ཐོ་རྩར་འཁོད་ལ་རྃ་ཡྃ་ཁྃ༔ ཨོཾ་ཨཱ༔ཧཱུྃ༔ རང་གི་སྙིང་ག་ནས་འོད་ཟེར་འཕྲོས་པས་རྒྱལ་པོ་ཆེན་པོ་རྣམ་ཐོས་སྲས་དཔུང་དང་བཅས་པ་སྤྱན་དྲངས༔ བཛྲ་ས་མཱ་ཛཿ ཐོ་ཕོ་བྲང་དུ་གསལ་བའི་ནང་དུ་རྟེན་དང་དབྱེར་མེད་པར་

― LT39_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་ཆེན་པོ་རྣམ་ཐོས་སྲས་སོ་སོའི་འཁོར་གཡོག་དམག་ཚོགས་དང་བཅས་པ་མངོན་སུམ་དུ་བཞུགས་པར་གྱུར༔ ཨོཾ་བཻ་ཤྲ་བ་ཱ་ཡ་སྭཱ་ཧཱ༔ ཞེས་ཅུང་ཟད་བཟླ། མཐར་ས་པ་རི་བཱ་ར་ཨི་དཾ་བ་ལི༚་ཏ་ཁཱ་ཧི༔ ཨོཾ་བཛྲ་པུཥྤེ་སོགས། ཧཱུྃ༔ ཕྱི་ལྟར་རྒྱལ་ཆེན་རྣམ་ཐོས་སྲས༔ ནང་ལྟར་རཏྣ་ཧེ་རུ་ཀ༔ གསང་བ་རིན་ཆེན་འབྱུང་ལྡན་ཏེ༔ སྔོན་གྱི་ཐུགས་དམ་ཇི་བཞིན་ཏུ༔ བཀའ་གསང་གཞུང་བཞིན་སྒྲུབ་པ་ལ༔ མ་དག་པ་རྣམས་མཚམས་ཆོད་ཅིག༔ ཏིཥྛ་བཛྲ༔ ཞེས་བརྟན་བཞུགས་བྱའོ། །གཉིས་པ་བར་མཚམས་ལ་གཉིས་ལས། དམ་སྲི་མནན་པ་ནི། ར་སོག་གམ་དུག་ཤོག་ལ་དམ་སྲིའི་གཟུགས་བྱ་མགོ་ཡན་ལག་ལྕགས་སྒྲོག་གིས་བཅིངས་པ་སྙིང་གར་ཏྲི་མཐར་ཡ་མ་དམ་སྲི་གཾ་པ་རི་སྟཾྭ་བྷ་ཡ་ནན་ཅེས་པ་བྲི༔ དུག་ཁྲག་གིས་བྱུགས་པ་ལྕགས་སྣོད་དུ་བཀོད༔ གསེར་སྐྱེམས་རྃ་ཡྃ་ཁྃ་གིས་བསང་ཞིང་། ཨོཾ་ཨཱཿཧཱུྃ་གིས་བརླབས་ལ། བླ་མ་རྩ་གསུམ་རྒྱལ་བ་རྒྱ་མཚོའི་ཚོགས༔ གསེར་སྐྱེམས་བདུད་རྩིའི་མཆོད་པ་འདི་བཞེས་ལ༔ སྒྲུབ་མཆོག་བདག་གི་གཟུ་དང་དཔང་མཛོད་ཅིག༔ མཐུ་རྩལ་ནུས་པའི་གཟི་བྱིན་བསྐྱེད་དུ་གསོལ༔ རྡོ་རྗེའི་ཆོས་སྲུང་སྣང་སྲིད་དྲེགས་པའི་སྡེ༔ གསེར་སྐྱེམས༴ སྒྲུབ་མཆོག༴ མཐུ་རྩལ༴ འགོ་ཞིང་སྲུང་སྐྱོབས་དཀར་ཕྱོགས་སྐྱོང་བའི་དཔུང༔ གསེར་སྐྱེམས༴ སྒྲུབ་མཆོག༴ མཐུ་རྩལ༴ ཅེས་

― LT39_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

དཔང་དུ་གསོལ། སྒོ་འོག་ཏུ་དོང་གྲུ་གསུམ་ཁྲུ་གང་བྲུས་པའི་ནང་དུ་བཅུག །ན་མོ༔ དཀོན་མཆོག་རིན་ཆེན་རྣམ་པ་གསུམ་གྱི་བཀའ་བདེན་པ་དང་༔ རྩ་གསུམ་རྒྱལ་བ་ཞི་ཁྲོ་རབ་འབྱམས་ཀྱི་བཀའ༴ རྡོ་རྗེ་ཆོས་སྐྱོང་བའི་སྲུང་མ་བཀའ་ཉན་ལས་བྱེད་རྒྱ་མཚོའི་ཚོགས་དང་བཅས་པ་རྣམས་ཀྱི་བདེན་པ་དང་༔ བདེན་པ་ཆེན་པོའི་མཐུ་ལ་བརྟེན་ནས་སྒྲུབ་པ་ཟབ་མོ་ལ་བར་དུ་གཅོད་པའི་གནོད་བྱེད་ཡ་མ་དམ་སྲི་གཾ་ཕ་རི་ཨངྐུ་ཤཛ༔ ཞེས་ཡང་ཡང་བརྗོད་པས་བསྟིམ། ལྕགས་སམ་དྲག་པོའི་ཤིང་གི་ཕུར་བུ་སོར་གསུམ་པར་དར་ནག་གི་ཅོད་པན་ལ། ཨོཾ་བཛྲ་ཀྲོ་དྷཱ་ཨཱརྻ་ཨ་ཙ་ལ་དགྲ་བགེགས་དམ་སྲི་བྷནྡྷ་བནྡྷ་ཧཱུྃ་ཕཊ༔ ཞེས་བྲིས་པ་གདགས་སྟེ༔ ཕུར་བུ་སྐད་ཅིག་གིས་ཁྲོ་བོའི་རྒྱལ་པོ་མི་གཡོ་བ་སྐུ་མདོག་ལྗང་ནག་རལ་གྲི་དང་ཞགས་པ་འཛིན་པའི་སྐུ་སྨད་ཕུར་བུའི་དཔལ་རབ་ཏུ་འབར་བའི་གཟི་བྱིན་འཕྲོས་པར་བསམ་ལ༔ ཨོཾ་བཛྲ་ཀྲོ་དྷ་ཨརྻ་ཨ་ཙ་ལ་ཧཱུྃ་ཕཊ༔ བརྒྱ་རྩ་སོགས་བཟླས་པས་བརླབ། ཧཱུྃ་ཧཱུྃ༔ དངོས་གྲུབ་སྒྲུབ་པའི་བར་ཆད་བགེགས༔ ཡ་མ་དམ་སྲི་ཞེས་བྱ་བ༔ རྒྱུ་ནི་དུག་གསུམ་ལས་བྱུང་ཞིང་༔ རྐྱེན་ནི་རྣམ་རྟོག་འཁྲུལ་པས་སློང་༔ དངོས་གྲུབ་སྒྲུབ་པའི་བགེགས་ཁྱོད་ནི༔ འདུལ་ཞིང་བསྒྲལ་བའི་དུས་ལ་བབས༔ ཧཱུྃ༔ རང་བཞིན་དབྱིངས་ལས་འབར་བའི་སྐུ༔ ཧཱུྃ་མཛད་

― LT39_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་བོ་ཆོས་ཀྱི་རྗེ༔ ཐུགས་དམ་གནད་ནས་ད་བསྐུལ་གྱི༔ གདུག་པ་འདུལ་བའི་དུས་ལ་བབས༔ གཏུམ་ཆེན་ཁྲོ་རྒྱལ་མི་གཡོ་བ༔ དུར་ཁྲོད་བགེགས་འཇོམས་ཚོགས་ཀྱི་གཙོ༔ དམ་སྲི་དཔུང་བཅས་ཚར་གཅོད་ཕྱིར༔ ཀཱི་ལ་ཡ་ཡི་ཕྲིན་ལས་མཛོད༔ ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་དགྲ་བགེགས་དམ་སྲི་བྷནྡྷ་བྷནྡྷ་ཧཱུྃ་ཕཊ༔ ཞེས་བཟླས་ཤིང་ཕུར་བུ་དམ་སྲིའི་སྙིང་གར་གདབ་པས་ཆོས་ཉིད་ཀྱི་ངང་དུ་བརྒྱལ་བར་བསམ་ལ༔ ཧཱུྃ༔ ལས་ངན་དམ་སྲི་བདུད་ཀྱི་རིགས༔ མི་ལྡང་མནན་པར་བྱ་བའི་ཕྱིར༔ སྐུ་གསུང་ཐུགས་ཀྱི་མཚོན་ཆས་བསྒྲལ༔ ཡེ་ཤེས་ལྔ་དང་དབྱེར་མེད་པའི༔ ཡུམ་ལྔའི་རང་བཞིན་འབྱུང་ལྔས་མནན༔ རི་རབ་ཆེན་པོའི་རྨངས་སུ་བསྐྱུར༔ རྒྱ་མཚོ་ཆེན་པོའི་གཏིང་དུ་སྦ༔ ལས་ཀྱི་གཤིན་རྗེའི་ལག་ཏུ་གཏད༔ བྱང་ཆུབ་སེམས་ནི་མ་སྐྱེས་བར༔ ནམ་ཡང་ལྡང་བར་མ་བྱེད་ཅིག༔ ཡ་མ་དམ་སྲི་སྟཾྭ་བྷ་ཡ་ནན༔ ཅེས་བརྗོད་ཅིང་མེ་རླུང་ས་ཆུ་རྒྱ་གྲམ་རང་འཐག་ལ་བྲིས་པའི་རི་རབ་གླིང་བཞི་སཱཙྪ་ཡེ་དྷརྨཱ་མེད་པ་ནག་པོ་དང་བཅས་པས་མནན། སྒྲུབ་པ་པོའི་གཙོ་བོ་ཤར་དུ་ཕྱོགས་པས་ལག་སྦྲེལ་ལ་བྲོ་ར་ཟླུམ་པོར་བསྐོར་ཞིང་། ཧཱུྃ༔ སངས་རྒྱས་ཀུན་གྱི་རང་བཞིན་སྐུ༔ གཏི་མུག་བདེ་གཤེགས་འཁོར་བཅས་ཀྱི༔ འཇིག་རྟེན་ཁམས་ནི་རབ་འབྱམས་ན༔ ཤིན་ཏུ་རྨོངས་པའི་སེམས་ཅན་རྣམས༔ ཐུགས་རྗེའི་སྟོབས་

― LT39_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ཞི་བར་མཛད༔ ཞི་བར་མ་གྱུར་གང་ཡང་མེད༔ ཞི་མཛད་ལྷ་ལ་ཕྱག་འཚལ་ལོ༔ ཧཱུྃ་བཞི་པའི་སྔགས་དང་༔ ཨོཾ་ཤིནྟཾ་ཀུ་རུ་སྭཱ་ཧཱ༔ ཅེས་བརྗོད་ཅིང་བྲོ་བརྡུང་ངོ་༔ དེ་བཞིན་ཏུ་ལྷོར་ཕྱོགས་པས་བྲོ་ར་གྲུ་བཞིར་བསྐོར་ལ། ཧཱུྃ༔ སངས་རྒྱས་ཀུན་གྱི་རང་བཞིན་སྐུ༔ ང་རྒྱལ་བདེ་གཤེགས༴ འཇིག་རྟེན་ཁམས་ནི༴ ཤིན་ཏུ་ཁེངས་པའི༴ ཐུགས་རྗེའི་སྟོབས་ཀྱིས་རྒྱས་པར་མཛད༔ རྒྱས་པར་མ་གྱུར་གང་༴ རྒྱས་མཛད་ལྷ་ལ༴ སུམྦྷ་དང་། བྷཱུཾ་པུཥྚི༚་ཀུ་རུ་ཨོཾ༔ དེ་བཞིན་ཏུ་ནུབ་ཕྱོགས་པས་བྲོ་ར་ཟླ་གམ་དུ་བསྐོར་ལ། ཧཱུྃཿ སངས་རྒྱས་ཀུན་གྱི་རང་བཞིན༴ འདོད་ཆགས༴ བདེ་གཤེགས༴ ཤིན་ཏུ་ཆགས་པའི༴ ཐུགས་རྗེའི་སྟོབས་ཀྱིས་དབང་དུ་མཛད༔ དབང་དུ༴ དབང་མཛད༴ སུམྦྷ་དང་། ཧྲཱིཿ བཱ་ཤཾ་ཀུ་རུ་ཧོཿ དེ་བཞིན་བྱང་དུ་ཕྱོགས་པས་བྲོ་ར་གྲུ་གསུམ་དུ་བསྐོར་ལ། ཧཱུྃ༔ སངས་རྒྱས་ཀུན་གྱི་རང་༴ ཞེ་སྡང་བདེ༴ ཤིན་ཏུ་གཏུམ་པའི༴ ཐུགས་རྗེའི་སྟོབས་ཀྱིས་བརླག་པར་མཛད༔ བརླག་པར༴ བརླག་མཛད༴ སུམྦྷ་དང་། ཧཱུྃ་མཱ་ར་ཡ་ཕཊ༔ཅེས་རྡོ་རྗེའི་བྲོས་རྒྱས་གདབ་པས་ནམ་ཡང་འདའ་བ་མེད་པར་བསམ། བསྡུ་ན་ཧཱུྃ་བཞི་པའི་གླུ་བླངས་ཤིང་སྟངས་སྟབས་ཀྱིས་རྒྱས་གདབ་པ་ཙམ་གྱིས་འཐུས་སོ། །སྒོ་བྱང་གདགས་པ་ནི་ར་སོགས་གཡས་པར་གཤིན་རྗེའི་སྐུ་འོག་ནས་འབྱུང་བ་ལྟར་དང་། དར་ནག་པོ་ལ་སྔགས་བྱང་བྲིས་པ། དྲག་

― LT39_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་གི་ཕུར་བུ་སོར་བརྒྱད་པ་རྣམས་སྒོ་དྲུང་དུ་གདགས། དམར་གཏོར་ཐེབས་རིལ་ཅན་དང་མཆོད་པ་བཤམས་ལ། རྃ་ཡྃ་ཁྃ༔ ཨོཾ་ཨཱཿཧཱུྃ༔ ལན་གསུམ་གྱིས་བརླབ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་མདུན་གྱི་ནམ་མཁར་གཤིན་རྗེ་མཐིང་ནག་ཐོད་དབྱུག་དང་འཁོར་ལོ་འཛིན་པ་གཅེར་བུ་རྒྱན་མེད་ཆུ་གླང་གི་གདན་ལ་འགྱིང་ཞིང་པད་ཉི་དང་ཡེ་ཤེས་ཀྱི་མེ་ཕུང་འབར་བའི་དབུས་ན་བཞུགས་པ༔ བཛྲ་ས་མཱ་ཛ༔ ཡེ་ཤེས་པ་སྤྱན་དྲངས༔ ཛཿཧཱུྃ་བྃ་ཧོ༔ གཉིས་སུ་མེད་པར་ཐིམ༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བི་དྱཱེ་ཤབྡ་པཱུ་ཛ་ཧོཿ ཨོཾ་ཀརྨ་ཡ་མ་རཱ་ཛཿཧཱུྃ་ཕཊ༔ ཅེས་བཟླས་པས་རྒྱུད་བསྐུལ་ཞིང་༔ སྔགས་ཤམ་དུ༔ ས་པ་རི་བཱ་ར་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི༔ བཏགས་པ་ལན་གསུམ་གྱིས་གཏོར་མ་ཕུལ་ལ། ཧཱུྃ༔ གསང་བ་མཆོག་གི་དཀྱིལ་འཁོར་འདིར༔ རྣལ་འབྱོར་བདག་ཅག་འཁོར་བཅས་ཀྱིས༔ དངོས་གྲུབ་རྣམ་པ་གཉིས་བསྒྲུབ་པས༔ བསྒྲུབ་པའི་འབྲས་བུ་མཆིས་ཀྱི་བར༔ ལས་ཀྱི་གཤིན་རྗེ་ཆོས་རྒྱལ་ལ༔ བཅོམ་ལྡན་ཆོས་རྗེའི་བཀའ་རྩལ་ལྟར༔ དངོས་གྲུབ་འཕྲོག་པའི་ཉམས་ལེན་བདུད༔ ལྷ་དང་འབྱུང་པོ་སྲིན་པོ་གང་༔ ཁྱེད་ཀྱི་འཁོར་དང་གཡོག་ལགས་པས༔ རྣམ་པར་སྨིན་པའི་ཆོས་ཤོད་ལ༔ ས་འདི་ཡན་ཆད་མ་བཏང་ཞིག༔ གསང་

― LT39_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

བ་མཆོག་གི་ཕོ་བྲང་ཆེའི༔ སྒོ་སྲུང་གཡར་དམ་ཐུབ་པར་མཛོད༔ ས་མ་ཡ་སྟྭཾཾ༔ ཞེས་པས་བརྟན་པར་བྱའོ། དམ་བཅའ་བ་མཚོན་པའི་སླད་དུ། སྒོ་གང་དུ་བདག་ཅག་སྒྲུབ་པ་པོ་རྣམས་ཀྱིས་དངོས་གྲུབ་མ་ཐོབ་ཀྱི་བར་དུ་སྒོ་འདི་ལས་ཕྱིར་མི་འདའ་འོ། ཞེས་བྲིས་པའི་བྱང་བུ་གདགས། སྒོའི་ནང་དུ་དམ་སྲིའི་ལིང་ག་བྲིས་པའི་སྙིང་གར་ཕུར་བུ་བཏབ་པ་འབྲུབ་ཁུང་དུ་བཅུག་ལ་ཐེ་མ་འོག་ཏུ་བཞག །སྒོ་འདི་ཡན་ཆད་འབྱུང་པོ་སུའང་མ་འདའ་ཞིག །ཅེས་བྲིས་པའི་དར་ནག་གི་ཅོད་པན་དང་བཅས་པའི་ཕུར་བུའང་སྒོ་སྐྱེས་ལ་གཟེར་རོ། །གསུམ་པ་གསང་མཚམས་ལ་མ་ཊཾྭ་བསྒྲལ་ཆོག་ནི། དཀྱིལ་འཁོར་བྱ་བའི་གཞིར་མ་ཊཾྭ་གི་གཟུགས་བརྙན་མགོ་ལྷོ་ནུབ་ཏུ་བསྟན་པ་གན་རྐྱལ་དུ་བཞག །སྒྲུབ་པ་པོ་རྣམས་དྲག་པོའི་ཆས་སུ་ཞུགས་ལ། མ་ཧཱ་གུ་རུ་ཤྲཱི་ཧེ་རུ་ཀོ྅ཧཾ༔ རང་ཉིད་སྐད་ཅིག་གིས་བླ་མ་དཔལ་ཆེན་པོ་ཆེ་མཆོག་ཧེ་རུ་ཀའི་སྐུར་གྱུར་པར་བསམ། ལྕགས་ཀྱུའི་ཕྱག་རྒྱ་བཅིངས་ལ། ཧཱུྃ༔ ཆོས་ཉིད་རྣམ་པར་དག་པ་དང་༔ རྟེན་འབྲེལ་ཡེ་ཤེས་རོལ་རྩལ་ལས༔ དཀྱིལ་འཁོར་ལྷ་ཚོགས་ཅིར་ཡང་ཤར༔ བླ་མ་རྩ་གསུམ་ལྷ་ཚོགས་ཀྱི༔ བྱིན་བརླབས་མཐུ་ནུས་ལྡན་པ་ཡིས༔ ངོ་བོ་དངོས་གྲུབ་འཕྲོག་པའི་བགེགས༔ རྣམ་པ་མ་ཊཾྭ་གཟུགས་བརྙན་ཏེ༔ སྟོང་ཁམས་ཁྱབ་པའི་བདུད་རིགས་རྣམས༔ མ་རིག་ཉོན་མོངས་ལས་བྱུང་བའི༔ རུ་དྲའི་ཕུང་པོ་འདི་ལ་ཁུག༔ མ་ཊཾྭ་རུ་

― LT39_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

དྲ་ཨཱ་ཀརྵ་ཡ་ཛཿ ཞེས་བཀུག་སྟེ་གཟུགས་ལ་བསྟིམ། སློབ་དཔོན་གྱི་ཞབས་འདོར་ཐབས་གཡས་འོག་ཏུ་མནན་པར་བསམ་ལ། ཧཱུྃ༔ བདག་ཏུ་བལྟ་བའི་རུ་དྲ་འདིས༔ སྔོན་ཡང་སྒྲུབ་པ་ཀུན་ལ་སྒྲིབ༔ ད་ཡང་སྒྲུབ་པའི་བར་ཆད་བགེགས༔ ཁུངས་དང་་རྫས་བཅས་གང་ལས་བྱུང་༔ ཁུངས་དང་རྫས་བཅས་བདག་ལས་བྱུང་༔ བདག་མེད་རྟོགས་པས་དབྱིངས་སུ་བསྒྲལ༔ སྔོན་ཚེ་རང་བྱུང་ཧེ་རུ་ཀས༔ གསང་བ་མཆོག་གི་དུར་ཁྲོད་དུ༔ བདག་ཏུ་བལྟ་བའི་རུ་དྲ་ནི༔ མགོ་བོ་ལྷོ་ནུབ་རྐང་བྱང་ཤར༔ བྱས་ཏེ་དཔལ་གྱི་ཞབས་འོག་མནན༔ ཡེ་ཤེས་འབར་བའི་མཚོན་ཆ་ཡིས༔ བསྒྲལ་ཏེ་དུར་ཁྲོད་ཕོ་བྲང་བྱས༔ དཔལ་ཆེན་འབར་བའི་ཏིང་འཛིན་དང་༔ རོལ་པའི་སྟབས་ཀྱིས་རབ་ཏུ་གཟིར༔ སྐུ་གསུང་ཐུགས་ཀྱི་མཚོན་རྣོན་པོས༔ དུག་གསུམ་རུ་དྲ་དབྱིངས་སུ་བསྟིམ༔ དབྱིངས་ལས་ཡེ་ཤེས་རང་ཤར་བའི༔ འབར་བའི་གཞལ་ཡས་ཆེན་པོ་གྲུབ༔ མ་ཊཾ་རུ་ཏྲ་ཕཊ༔ ཁ་ཊྭཱ་ག་རུ་དྲ་ཕཊ༔ མ་ཊཾ་ཀ་རུ་ཊ་ཕཊ༔ སྐུ་གསུམ་རང་བཞིན་ཁ་ཊཾྭ་རྩེ་གསུམ་སྙིང་གར་བསྣུན་པས། མ་ཊཾཱ་གྱི་ཕུང་པོ་ཁྲོལ་གྱིས་ཞིག༔ བདག་ཏུ་ལྟ་བའི་རྣམ་ཤེས་ཏྲི་ནག་པོའི་རྣམ་པར་གནས་པ་བདག་མེད་བལྟ་བའི་སྟོང་ཉིད་ཨ་དཀར་པའི་རང་བཞིན་དུ་གནས་གྱུར་ཏེ་བདག་གི་ཐུགས་ཀར་ཐིམ་པར་བསམ་ལ་ཡེ་ཤེས་ཀྱི་རང་བཞིན་རལ་གྲིས་ལྷུ་ཕྲལ་ཞིང་། མགོ་བོ་ལྷོ་ནུབ། སྙིང་ནུབ། ལག་གཡོན་ནུབ་

― LT39_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་། རྐང་གཡོན་བྱང་། མཚན་མ་བྱང་ཤར། རྐང་གཡས་ཤར། ལག་གཡས་ཤར་ལྷོ། གློ་བ་ལྷོ། ཁོག་པ་དབུས་སུ་བཞག་ལ། སྒྲུབ་པ་པོ་རྣམས་སྲིན་ལག་ལུ་གུ་རྒྱུད་ལ་སྤྲེལ་ཞིང་། ཧཱུྃ༔ སྟོང་པ་ཉིད་ནི་ཆོས་ཀྱི་དབྱིངས༔ མ་བཅོས་ངང་དུ་བྲོ་བརྡུངས་པས༔ གཏི་མུག་རུ་དྲ་ཐལ་བར་བརླག༔ འོད་གསལ་ཆེན་པོའི་ཀློང་དུ་ཐིམ༔ མེ་ལོང་ཡེ་ཤེས་ངང་ཉིད་དུ༔ སྣང་སྟོང་འཛིན་མེད་བྲོ་བརྡུངས་པས༔ ཞེ་སྡང་རུ་དྲ་ཐལ་བར་བརླག༔ གསལ་བ་ཆེན་པོའི་ཀློང་དུ་ཐིམ༔ ཐམས་ཅད་མཉམ་པའི་དབྱིངས་ཉིད་དུ༔ གསལ་སྟོང་ཞེན་མེད་བྲོ་བརྡུངས་བས༔ ང་རྒྱལ་རུ་དྲ་ཐལ་བར་བརླག༔ ཕྱོགས་ལྷུང་མེད་པའི་ཀློང་དུ་ཐིམ༔ སོ་སོར་རྟོགས་པའི་དབྱིངས་ཉིད་དུ༔ མ་འདྲེས་ཡོངས་རྫོགས་བྲོ་བརྡུངས་པས༔ འདོད་ཆགས་རུ་དྲ་ཐལ་བར་བརླག༔ བདེ་བ་ཆེན་པོའི་ཀློང་དུ་ཐིམ༔ བྱ་བ་གྲུབ་པའི་དབྱིངས་ཉིད་དུ༔ རིག་པ་ཟངས་ཐལ་བྲོ་བརྡུངས་པས༔ ཕྲག་དོག་རུ་དྲ་ཐལ་བར་བརླག༔ ལྷུན་གྲུབ་ཆེན་པོའི་ཀློང་དུ་ཐིམ༔ ཞེས་བྲོ་རྒྱས་པར་བརྡུངས་པའམ། ཧཱུྃ་ཧཱུྃ་ཧཱུྃ་ཧཱུྃ༔ ཞེས་རྡོ་རྗེའི་འགྲོས་ཀྱིས་བསྐོར་བ་ཁོ་ནས་ཀྱང་ཆོག །རུ་དྲའི་སྲོག་གི་སྒོར་ཞུགས༔ བདག་ཏུ་བལྟ་བའི་དྲེགས་པ་བཅོམས༔ ཕུང་པོ་དུར་ཁྲོད་ཀྱི་གཞལ་ཡས་ཁང་ཆེན་པོར་ལྷུན་གྱིས་གྲུབ་པར་བསམ༔ ལག་གཉིས་རྡོ་རྗེ་ཁུ་ཚུར་དཔུང་མགོར་བསྣོལ་ཞིང་དཔལ་ཆེན་པོའི་འགྱིང་བ་དང་བཅས་ཏེ། ཧཱུྃ་ཧཱུྃ་ཧཱུྃ་ཧ་ཧ་ཧ་ཕཊ་ཕཊ་ཕཊ༔ ཞེས་བརྗོད་

― LT39_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཏུ་དཀྱིལ་འཁོར་གྱི་གཞི་ལ་བསྐོར་རོ། །གཉིས་པ་ཉེ་བར་བསྙེན་པའི་ཡན་ལག་ལ་ལྔ། སྟ་གོན། དཀྱིལ་འཁོར་བཞེངས་པ། བསྲེ་བསྣན། མངའ་གསོལ། བྱིན་དབབ་པའོ། །དང་པོ་སྟ་གོན་ལ་བཞི། ལྷ་བུམ་པ། ཡོ་བྱད་སློབ་མ་སྟ་གོན་ཏུ་བྱ་བའོ། །དང་པོ་ལྷ་ལ་སྙན་གསན་འབེབས་པ་སྟེ། ཆག་ཆག་གདབ་པ་ནི། ཀ་པཱ་ལར་ཆང་དང་བདུད་རྩི་ལྔ་སྦྱར་བ། བླ་མ་རིག་འཛིན་ཡབ་ཡུམ་གྱི་བྱང་ཆུབ་སེམས་བདེ་བ་ཆེན་པོ་རྡོ་རྗེ་སེམས་དཔའི་ཐིག་ལེར་གྱུར་པར་བསམ་ལ་གཡས་བསྐོར་དུ་ཆག་ཆག་གདབ་ཅིང་། ཧཱུྃ༔ དུར་ཁྲོད་གསང་བ་མཆོག་གི་ཕོ་བྲང་འདིར༔ སྙིང་པོ་དོན་གྱི་དཀྱིལ་འཁོར་བཞེངས་པའི་ཕྱིར༔ དངོས་གྲུབ་འཛིན་པའི་བདུད་རྩི་ཆེན་པོ་ལྔས༔ གཉིས་མེད་ཡུམ་ལྔའི་དབྱིངས་སུ་ཆག་ཆག་གདབ༔ མི་འདའ་རྡོ་རྗེའི་ཡེ་ཤེས་སྒྲུབ་པའི་གནས༔ འོག་མིན་བཀོད་པ་ཆེན་པོའི་ཞིང་དུ་གྱུར༔ པཉྩ་ཛྙཱ་ན་མཎྜ་ལ་བྷཱུྃ༔ ཞེས་ཁྱེམ་མེད་པར་བྱུགས། ཐིག་གདབ་པ་ནི། སློབ་དཔོན་ནུབ་དང་རིག་མ་ཤར་དུ་འཁོད། ཚོན་སྣ་བསྒྲིལ་བའི་ཐིག་སྐུད་འདུ་བྱས་ལ། རྡོ་རྗེ་རྒྱལ་པོ་ཡབ་ཡུམ་བདེ་བ་ཆེན་པོ་པདྨ་བཛྲ་རྩལ་གསང་བ་ཡེ་ཤེས་ཀྱི་དྷཱ་ཀི་དང་མཉམ་པར་སྦྱོར་བའི་སྐུར་གྱུར་པའི་གནས་ལྔར་འཇའ་ཟེར་ཐིག་ལེ་དྭང་མར་འཁྲུགས་པའི་ཀློང་དུ་རིགས་ཀྱི་ཡབ་ལྔ་དང་ཡུམ་ལྔ་གཟི་བྱིན་ལམ་མེར་གསལ་བ་སྙོམས་པར་ཞུགས་པའི་བདེ་བའི་སྒྲས་ཡེ་ཤེས་ཀྱི་དཀྱིལ་འཁོར་མཁའ་ཁྱབ་ཏུ་སད་ཅིང་༔ དེ་འདྲ་བའི་དམ་ཚིག་གི་དཀྱིལ་འཁོར་བྱང་ཆུབ་སེམས་ཀྱི་སྤྲིན་གྱིས་

― LT39_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

ས་གཞི་ལ་བྲིས་པར་བསམ་ལ། ཧཱུྃ༔ བླ་མ་ཡབ་ཡུམ་གཉིས་མེད་མཉམ་སྦྱོར་བའི༔ བྱང་ཆུབ་སེམས་སྤྲིན་ནམ་མཁའ་གང་བར་སྤྲོས༔ ཡེ་ཤེས་དཀྱིལ་འཁོར་ནམ་མཁའ་གང་བར་སད༔ དམ་ཚིག་དཀྱིལ་འཁོར་ཡུམ་གྱི་ས་གཞི་ལ༔ སྒྲུབ་པའི་ལྷ་ཚོགས་བཞུགས་གནས་ལྷུན་གྱིས་གྲུབ༔ སྒྱུ་འཕྲུལ་ཆེན་པོའི་ཕོ་བྲང་འབྱམས་ཀླས་གྱུར༔ བྷཱུཾ་ཛྙཱ་ན་མཎྜལ་བྷཱུཾ༔ ཞེས་བརྗོད་བཞིན་ཏུ་བསྐོར་ཕྱོགས་མ་འཁྲུལ་པས་ཐོག་མར་ཡེ་ཤེས་ཀྱི་ཐིག་ནམ་མཁའ་ལ་གདབ། ཧཱུྃ་གླུར་བླངས་བཞིན་ཏུ་ལས་ཀྱི་ཐིག་ས་ལ་གདབ་ཅིང་ཐུགས་སྒྲུབ་སོ་སོའི་དཀྱིལ་འཁོར་དང་མཐུན་པར་ཆ་དབྱེ། གཙོ་བོའི་ལྷ་གནས་སུ་དྲིའི་ཐིག་ལེ་གྲུ་བཞི་དང་། འཁོར་གྱི་གནས་རྣམས་སུ་ཟླུམ་པོར་བཀོད། མེ་ཏོག་སིལ་མའི་ཚོམ་བུ་སོ་སོའི་ལྷ་སྔགས་ཀྱི་མཐར། ས་མ་ཡ་སྟཾྭ་ཞེས་བརྗོད་ཅིང་སྤུངས༔ དེའང་བར་ཆད་ཀུན་སེལ་ལ་སོ་སོའི་སྔགས་བྱང་ཛབ་བསྐུལ་ལྟར་དང་། ཡིད་བཞིན་ནོར་བུ་ལ་སྤྱི་སྔགས་བཛྲ་གུ་རུ་དང་ཐོད་ཕྲེང་རྩལ་ལྷ་གྲངས་བྱས་པས་ཀྱང་འཐུས། སྨན་རཀ་གཏོར་གསུམ་ཉེར་སྤྱོད་བཅས་བཤམས་ལ་བྱིན་གྱིས་བརླབས་པ་ནི། རྃ་ཡྃ་ཁྃ༔ ཡེ་ཤེས་རང་སྣང་སྙིང་པོའི་གཞལ་ཡས་སུ༔ ཕྱི་ནང་གསང་བ་བླ་མེད་མཆོད་པའི་སྤྲིན༔ བདེ་བ་ཆེན་པོའི་ལོངས་སྤྱོད་བསམ་མི་ཁྱབ༔ འཕེལ་འགྲིབ་བྲལ་བ་དབྱིངས་ཀྱི་རྒྱན་དུ་རྫོགས༔ ཨོཾ་མ་ཧཱ་སུ་ཁ་སརྦ་པཱུ་ཛ་ས་མ་ཡ་ཨཱཿཧཱུྃ༔ ཚོམ་བུ་རྣམས་དྲིའི་ཆུས་བསངས། རྃ་ཡྃ་ཁྃ༔ ཨོཾ་སྭ་བྷཱ་བ་སོགས་ཀྱིས་སྦྱང་། བར་ཆད་ཀུན་སེལ་ལ། སྟོང་

― LT39_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ངང་ལས་མདུན་གྱི་ནམ་མཁའི་གཞིར༔ འབྱུང་བ་རིམ་བརྩེགས་རྡོ་རྗེའི་སྲུང་འཁོར་དབུས༔ བྷཱུྃ་ལས་རིན་ཆེན་གཞལ་ཡས་མཚན་ཉིད་རྫོགས༔ ལྟེ་བར་སེང་ཁྲི་པདྨ་ཉི་ཟླའི་སྟེང་༔ བདེ་གཤེགས་ཀུན་འདུས་རིག་འཛིན་པདྨ་འབྱུང་༔ དཀར་དམར་མདངས་ལྡན་སོགས་ཕྲིན་ལས་སྙིང་པོའི་ལྷ་བསྐྱེད་ནས་བསྟོད་པའི་བར་ཚང་བར་བཏང་། ཡིད་བཞིན་ནོར་བུ་ལ། སྟོང་པའི་ངང་ལས་མདུན་གྱི་ནམ་མཁའི་གཞིར༔ བྷཱུྃ་ཡིག་ཡོངས་གྱུར་རིན་ཆེན་གཞལ་མེད་ཁང་༔ གྲུ་བཞི་སྒོ་བཞི་རྟ་བབས་བཞི་ཡིས་བརྒྱན༔ སོགས་ལྷ་བསྐྱེད་ནས་བསྟོད་པའི་བར་བཏང་༔ དེ་ནས་སྒྲུབ་པ་པོ་རྣམས་ལངས་ཏེ་ཐལ་མོ་སྦྱར་ཞིང་བཏུད་དེ། ཧོཿ ཡེ་ནས་གཉིས་མེད་ཆོས་སྐུར་དག་པ་ལ༔ མ་རིག་དབང་གིས་སྒྲོ་དང་སྐུར་བཏབ་སྟེ༔ བདེ་དང་སྡུག་བསྔལ་སྣ་ཚོགས་སོ་སོར་སྨིན༔ དེ་ལྡོག་ཕྱིར་ན་རྒྱལ་བའི་དམ་མནོས་ཏེ༔ བདག་ཅག་མ་རིག་ལུས་དང་དག་སེམས་ཀྱིས༔ བག་མེད་ཚུལ་གྱིས་དམ་ལས་འགལ་གྱུར་པ༔ རྒྱལ་བ་འཁོར་བཅས་ཐུགས་དང་ཅི་འགལ་བ༔ ཐུགས་རྗེ་ཆེ་མངའ་ཁྱེད་ལ་བཟོད་པར་གསོལ༔ བཟོད་པར་བཞེས་ནས་ལས་ཀྱི་དངོས་གྲུབ་སྩོལ༔ ཅེས་གསོལ་བ་གདབ་ཅིང་། ཨོཾ་ཨཱཿཧཱུྃ་བྷཱུྃ་བི་ཤྭ་བི་ཤུདྡྷེ་ཧྲཱིཿཧཱུྃ་ཕཊ། ཅེས་པས༔ སྟ་གོན་གྱི་དཀྱིལ་འཁོར་རྟེན་དང་བརྟེན་པར་བཅས་པ་མདུན་གྱི་ནམ་མཁར་བྱོན་པར་བསམ༔ ཛཿ ཞེས་བརྗོད་པས་

― LT39_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཐིག་གི་དཀྱིལ་འཁོར་དང་དབྱེར་མེད་བཞུགས་པར་བསམ་ལ༔ སློབ་དཔོན་གྱིས་འཁོར་ལོས་བསྒྱུར་བའི་ཆས་སུ་ཞུགས། སྟེགས་བུའི་དབུས་ཀྱི་ཆར་སྙེམས་པ་དང་བཅས་འདུག་ལ་ཕྱོགས་བཞི་ནས་རྒྱལ་ཐེབས་བཞིས་སློབ་དཔོན་དང་མཐུན་པའི་ཆས་སུ་ཞུགས༔ མཆེད་ལྕམ་རྣམས་ཀྱིས་དཀྱིལ་འཁོར་བསྐོར་ལ་རོལ་མོ་དང་བཅས་མཆོད་པའི་སྤྲིན་གྱི་ཚོགས་དང་བཅས་ཏེ་གསོལ་བ་གདབ་པ་ནི། ཤར་ནས། བདེ་གཤེགས་སྐུ་ཡི་ལྷ་ཚོགས་དང་༔ སངས་རྒྱས་སྲས་དང་བཅས་རྣམས་ལ༔ འགྲོ་ཀུན་ཚོགས་གཉིས་ཡོངས་རྫོགས་ཕྱིར༔ རྨད་བྱུང་མཆོད་སྤྲིན་འབུལ་གྱིས་བཞེས༔ ཨོཾ་སརྦ་པཱུ་ཛ་མེ་གྷ་ཨཱཿཧཱུྃ༔ ཧོཿ དཀྱིལ་འཁོར་གཙོ་བོ་བདེ་གཤེགས་བདག༔ བདེ་གཤེགས་དངོས་གྲུབ་ཐོབ་བྱའི་ཕྱིར༔ བདེ་གཤེགས་དཀྱིལ་འཁོར་བཞེངས་ལགས་ན༔ བདེ་གཤེགས་རིགས་ཀྱིས་དངོས་གྲུབ་སྩོལ༔ སླར་ཡང་ཤར་ནས། བདེ་གཤེགས་ཐུགས་ཀྱི་ལྷ་ཚོགས་དང་༔ ཞེས་སོགས་ཀྱིས་མཆོད་ཅིང་། ཧོཿ དཀྱིལ་འཁོར་གཙོ་བོ་རྡོ་རྗེའི་བདག༔ རྡོ་རྗེའི་དངོས་གྲུབ༴ རྡོ་རྗེའི་དཀྱིལ་འཁོར༴ རྡོ་རྗེའི་རིགས༴ ལྷོ་ནས། བདེ་གཤེགས་ཡོན་ཏན་ལྷ་ཚོགས་དང་༔ སོགས་ཀྱིས་མཆོད། ཧོཿ དཀྱིལ་འཁོར་གཙོ་བོ་རིན་ཆེན་བདག༔ རིན་ཆེན་དངོས་གྲུབ༴ རིན་ཆེན་དཀྱིལ་འཁོར༴ རིན་ཆེན་རིགས༴ ནུབ་ནས་བདེ་གཤེགས་གསུང་གི་ལྷ་ཚོགས་དང་༔ སོགས་ཀྱིས་མཆོད། ཧོཿ དཀྱིལ་འཁོར་གཙོ་བོ་པདྨའི་བདག༔ པདྨའི་དངོས་

― LT39_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ༴ པདྨའི་དཀྱིལ་འཁོར༴ པདྨའི་རིགས༴ བྱང་ནས། བདེ་གཤེགས་ཕྲིན་ལས་ལྷ་ཚོགས་དང་༔ སོགས་ཀྱིས་མཆོད། ཧོཿ དཀྱིལ་འཁོར་གཙོ་བོ་ལས་ཀྱི་བདག༔ ལས་ཀྱི་དངོས༴ ལས་ཀྱི་དཀྱིལ༴ ལས་ཀྱི་རིགས༴ དེ་ལྟར་གསོལ་བ་གདབ་པ་གསན་ནས་སློབ་དཔོན་སྙིང་རྗེ་ཆེན་པོས་སློབ་མ་རྣམས་ལ་སྙིང་བརྩེ་བ་སྔོན་ཏུ་འགྲོ་བས་ནམ་མཁའི་དཀྱིལ་འཁོར་བ་ལ་གནང་བ་ནོད་པ་ནི། བདེ་གཤེགས་རིགས་འདུས་ལྷ་ཚོགས་དང་༔ཞེས་སོགས་ཀྱིས་མཆོད༔ ཧོ༔ དཀྱིལ་འཁོར་ཀུན་གྱི་ཁྱབ་བདག་ཆེ༔ རིག་འཛིན་གཙོ་ལ་ཕྱག་འཚལ་ལོ། བདག་ནི་སྙིང་རྗེའི་དབང་གྱུར་ཏེ༔ ཁྱེད་རྣམས་མཆོད་དང་སློབ་མ་ལ༔ ཕན་ཕྱིར་དཀྱིལ་འཁོར་འབྲི་བར་འཚལ༔ ཐུགས་རྗེའི་བདག་ཉིད་མགོན་རྣམས་ཀྱིས༔ རྗེས་སུ་གནང་བ་མཛད་པར་རིགས༔ བདེ་གཤེགས་རྡོ་རྗེ་རིན་པོ་ཆེ༔ པདྨ་ལས་ཀྱི་རིགས་མཆོག་ཀུན༔ འོད་གསལ་སྙིང་པོ་རྡོ་རྗེ་སེམས༔ རིགས་འདུས་བླ་མའི་འཁོར་ལོར་རྫོགས༔ འཁོར་ལོའི་དབང་ཕྱུག་ཁྱེད་མཆོད་ན༔ ཐུགས་རྗེས་མངོན་སུམ་འདིར་གཤེགས་ནས༔ བདག་དང་སློབ་མར་བཅས་པ་ལ༔ བྱིན་རླབས་དངོས་གྲུབ་སྩལ་དུ་གསོལ༔ ཅེས་ལན་གསུམ་གསོལ་བ་གདབ་པས། དཀྱིལ་འཁོར་པ་རྣམས་དགྱེས་བཞིན་ཏུ༔ རྡོ་རྗེ་འཛིན་པ་སྙིང་རྗེ་ཆེ༔ ཁྱེད་ཀྱིས་འགྲོ་ལ་ཕན་དོན་ཏུ༔ དཀྱིལ་འཁོར་ལས་རྣམས་

― LT39_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་བཞིན་སྒྲུབས༔ དངོས་གྲུབ་ཀུན་བདག་ཁྱོད་འགྱུར་རོ༔ ཅེས་སྒྲ་བརྙན་ལྟ་བུའི་གླུས་གནང་བ་བྱིན་པར་བསམ་ལ༔ ཧཱུྃ༔ ཞེས་འགྱིད་པ་དང་བཅས་པས་ལངས་ཏེ་ཕྱོགས་སོ་སོ་ནས་སུ་ར་རོའི་གླུ་བླང་བའམ་ཧཱུྃ་ཞེས་བཟླ་ཞིང་དཀྱིལ་འཁོར་གྱི་གཞི་ལ་བསྐོར་ནས་བྱང་ཤར་གྱི་གྲྭར་འཁོད་ལ། ཚོན་བྱིན་གྱིས་བརླབས་པ་ནི། ཁ་དོག་རྣམ་པར་བཀྲ་བའི་ཚོན་ལྔ་ལ། ཨོཾ་ཨཱཿཧཱུྃ་སྭཱ་ཧཱ་ཞེས་དགོད། ཚོན་ལྔ་རིན་པོ་ཆེའི་ཕྱེ་མ་འོད་འབར་བའི་རྣམ་པ་ལ་ཡེ་ཤེས་ལྔའི་རང་བཞིན་ཨོཾ་ཨཱཿཧཱུྃ་སྭཱ་ཧཱས་མཚན་པ་ལས་བདེ་བ་ཆེན་པོའི་འོད་ཟེར་འཕྲོས༔ འཕགས་པ་རྣམས་ཀྱི་ཐུགས་བརྒྱུད་བསྐུལ༔ རྒྱལ་བ་སྲས་དང་བཅས་པའི་ཐུགས་ཀ་ནས་ཡེ་ཤེས་རིགས་ལྔའི་རང་བཞིན་འོད་ཟེར་སྣ་ལྔའི་རྣམ་པར་སྤྱན་དྲངས༔ རྡུལ་ཚོན་ལ་ཐིམ་པས་ཡེ་ཤེས་རིན་པོ་ཆེའི་རྡུལ་ཕྲ་རབ་ཏུ་གྱུར་པར་བསམ༔ འཐུ་ལྔ་བཟླས་པས་བྱིན་བརླབས། ཡེ་ཤེས་ཀྱི་དཀྱིལ་འཁོར་ཇི་ལྟ་བ་བཞིན་དམ་ཚིག་གི་དཀྱིལ་འཁོར་ས་གཞི་ལ་བཀྲ་ལམ་གྱིས་གསལ་བར་བསམ༔ བྷཱུྃ་བཟླས་པས་ཚོན་རྣམས་མ་ནོར་བར་ཐུགས་སྒྲུབ་སོ་སོའི་གཞུང་དང་མཐུན་པར་བྱང་ཤར་གྱི་བརྩིག་པ་ནས་བརྩམ་ཏེ་བྲི་ཞིང་དེར་ཐོད་པས་དག་པ་ལ་བཞག །བྲིས་ཟིན་པ་ན་ཚོན་རྣམས་མ་ལུས་པར་དྭང་ཞིང་གསལ་ན་དངོས་གྲུབ་ཐོབ་པའི་རྟགས་སུ་བཤད་དོ། མཐར་ཧཱུྃ་ཞེས་པས་ཚོན་ལྷག་མར་བསྟིམ་པའི་ཡེ་ཤེས་ཀྱི་བྱིན་རླབས་རང་གི་སྙིང་གར་ཐིམ་པར་བསམ༔ རས་བྲིས་ཀྱི་ཕྱོགས་

― LT39_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྤྲོས་པ་བསྡུ་ན་ཐིག་ཚོན་གྱི་བྱ་བ་རྣམས་དོར་ལ་ཆག་ཆག་གདབ། སྔགས་བཅས་ཚོམ་བུ་དང་མཆོད་གཏོར་བཤམ། བྱིན་རླབས་ནས་བསྟོད་པའི་བར་བཏང་། བཟོད་གསོལ་མཐར་ལྷ་ནམ་མཁར་བཏེགས་པ་ཙམ་གྱིས་འཐུས་སོ། །གཉིས་པ་དབང་བསྐུར་བའི་སླད་དུ་བུམ་པ་སྟ་གོན་ཏུ་བྱ་བ་ནི། སྟེགས་བུ་གཞན་ཞིག་ཏུ་དབང་རྟེན་གྱི་བུམ་པ་ལྷ་གྲངས་སམ། རིགས་དྲུག་གམ། དཀྱིལ་འཁོར་གྱི་བུམ་པ་རྣམ་པར་རྒྱལ་བ་གཅིག་དང་། ལས་ཀྱི་བུམ་པ་སྟེ་གཉིས་འདུ་བྱ། ལྷ་གྲངས་ཀྱི་ཚེ་དབང་བསྐུར་བ་ན་ལྷ་སོ་སོའི་སྔགས་དང་བཅས་ཏེ་ཆུ་དབང་བསྐུར། དྲུག་གི་ཚེ་རྡོ་རྗེ་སེམས་དཔའི་བུམ་པ་ཆུ་དབང་དང་། གཞན་རྣམས་རིགས་སོ་སོའི་དབང་གི་མཐའ་བརྟན་ཏུ་བྱ། གང་ཡང་གུ་གུལ་གྱིས་བདུག །ཡུངས་ཀར་བརྡེག །རྒྱུན་འབབས་ཀྱི་ཆུ་རིགས་བཟང་ཕ་མ་འཛོམ་པའི་ཁྱེའུ་ཕོ་མོས་བླངས་པ་བླུགས་ལ། ཨོཾ་སྭ་བྷཱ་ཝ་ཤུདྡྷ༔སརྦ་དྷརྨཱ༔སྭ་བྷཱ་བ་ཤུདྡྷོ་྅ཧཾ༔ཞེས་བཟླ། ཨོཾ་ཨཱ༔ཧཱུྃ་སྭཱ་ཧཱ༔ ཞེས་བཟླ་ཞིང་ལྔ་ཚན་ལྔ་བཅུག །དེའང་གཏེར་གཞུང་ལས། རིན་ཆེན་གསེར་དངུལ་བྱེ་རུ་དང་༔ མུ་ཏིག་རྣམ་ལྔས་འབྱོར་པ་སྤེལ༔ ནས་འབྲས་གྲོ་དང་སྲན་མ་དཀར༔ སོ་པའི་འབྲུ་ཡིས་བསོད་ནམས་བསྐྱེད༔ ཤུ་ངག་དབང་ལག་ཚེར་མ་གཉིས༔ ཨ་རུའི་སྨན་གྱིས་ནད་རྣམས་ཞི༔ ལན་ཚྭ་མར་སྦྲང་བུ་རམ་དང་༔ ཏིལ་གྱི་སྙིང་པོས་ཡེ་ཤེས་ཐོབ༔ ཙནྡན་དཀར་དམར་གུར་གུམ་དང་༔ ག་བུར་ལི་ཤིས་ཚུལ་ཁྲིམས་གཙང་༔ དེ་ལྟར་ལྔ་ཚན་ལྔར་བཅས་པའི༔ བཅུད་ཀྱིས་ལེགས་སླེ་ཏྲེ་དང་ཀུཎྜ་ཀཱ་རི། གཏམས་བྱིན་རླབས་པས༔ ནད་གདོན་ཉོན་མོངས་རྣམ་ལྔ་སོགས༔

― LT39_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་པོ་གནས་གྱུར་རིགས་ལྔ་ཡི༔ ཡེ་ཤེས་དངོས་གྲུབ་མངོན་ཏུ་འགྱུར༔ ཅེས་གསུངས་པ་ལྟར་རོ། ཨོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཿ ཞེས་ཤ་ལྔ་དང་བདུད་རྩི་ལྔ་བླུགས། ཨོཾ་ཧྲཱིཿཔཉྩ་ལི་ཀ་ཨཱཿཧཱུྃ༔ ཞེས་མགུལ་ཆིངས་བྱ། ཨོཾ་ཨཱཿབོདྷི་གརྦྷ་བྲྀཀྵ་ཧཱུྃ༔ ཞེས་ཁ་རྒྱན་གཟུག །ཧཱུྃ་བཛྲ་ཙིཏྟ་ས་མ་ཡ་ཧཱུྃ༔ ཞེས་གཟུངས་ཐག་རྡོ་རྗེ་གདགས། ཨོཾ་ཧཱུྃ་ཏྲཱྃ་ཧྲཱིཿཨཱཿ ཞེས་རིགས་ལྔའི་ཕྱག་མཚན་གྱིས་བརྒྱན་ལ་སྟེགས་བུའི་ཁར་དགོད། སྨན་རཀ་གཏོར་གསུམ་ཉེར་སྤྱོད་ཀྱིས་བསྐོར། བུམ་པའི་ལས་སྦྱོར་མྱོང་གྲོལ་བུམ་པ་སྟ་གོན་ཏུ་བྱ་བ་ནི། སངས་རྒྱས་བྱང་སེམས་རྣམས་ཀྱི་གདུང་༔ སྐྱེ་བ་བདུན་པའི་ཤ་སྔོན་གྱི་རིག་འཛིན་རྩལ་འཆང་རྣམས་ཀྱིས་བསྒྲུབས་པའི་སེལ་མེད་ཀྱི་དམ་རྫས་ཨ་མྲྀ་ཏ་རྣམས་རྟག་དུ་རིགས་གསུམ། བྱ་རྒོད་ཀྱི་ཤ་རྣམས་དང་སྦྱར་ཏེ་རིལ་བུ་དྲིལ་ལ་རྩི་དམར་པོའམ་སེར་པོ་གསོལ་བ་རིན་པོ་ཆེའི་བུམ་པར་བླུགས་ལ་ཁ་བཅད། རིགས་ལྔའི་དབུ་རྒྱན་གསོལ་ལ་སྟེགས་བུར་བཞག །རྒྱས་པར་སྤྲོ་ན་གོང་ལྟར་མཆོད་པ་བྱིན་བརླབས། བསང་སྦྱང་། སྟོང་པའི་ངང་ལས་བྷྲུྃ་ཡིག་ཡོངས་གྱུར་ཏེ༔ ཕྱི་ནི་རིན་ཆེན་བུམ་པ་རྒྱན་དང་ལྡན༔ ནང་ནི་རང་བྱུང་གཞལ་ཡས་མཚན་ཉིད་རྫོགས༔ ལྟེ་བར་སེང་ཁྲི་པདྨ་ཉི་ཟླའི་སྟེང་༔ སོགས་བར་ཆད་ཀུན་སེལ་ཕྲིན་ལས་སྙིང་པོ་ལྟར་དང་། ཡིད་བཞིན་ནོར་བུ་ལ་གོང་གི༔ མཚན་ཉིད་རྫོགས༔ ཞེས་པའི་འཕྲོས་སུ། འོག་མིན་པདྨ་དྲྭ་བའི་ཕོ་བྲང་དབུས༔ ཞེས་པ་ནས་

― LT39_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩམ་བསྟོད་པའི་བར་བཏང་། བསྡུ་ན། བུམ་པ་རང་བྱུང་གི་གཞལ་མེད་ཁང་ཆེན་པོ་ལྷ་རྣམས་དྭངས་པའི་མཚོལ་གཟའ་སྐར་ཤར་བ་བཞིན་ལྷག་པར་གསལ་བར་གྱུར༔ཅེས་དམིགས་ལ་སྔགས་ཙམ་གྱིས་མཆོད་བསྟོད་པ་ཤློ་ཀ་གཅིག་བརྗོད། གཟུངས་ཐག་བླངས་ལ། བདག་གི་ཐུགས་ཀའི་སྔགས་ཕྲེང་ལས༔ འོད་ཟེར་མཆོད་པའི་ཚུལ་དུ་འཕྲོས༔ སྙོམས་འཇུག་བྱང་སེམས་བདུད་རྩི་ཡིས༔ བུམ་པ་ཡོངས་སུ་བཀང་བར་གྱུར༔ ཅེས་དམིགས་ལ་སོ་སོའི་སྔགས་ཅི་རིགས་བཟླ་མཐར། ཨོཾ་ཨཱཿཧཱུྃ་གིས་བདུད་རྩིའི་མཆོད་ཡོན་ཕུལ་བས་ལྷ་རྣམས་འོད་དུ་ཞུ་བ་བུམ་པའི་ཆུ་དང་རོ་གཅིག་ཏུ་གྱུར་བར་བསམ༔ མྱང་གྲོལ་བུམ་པར་དམིགས་ཏེ། རིལ་བུའི་བུམ་པར་ཀུན་བཟང་པདྨ་འབྱུང་༔ གུ་རུ་དྲུག་གི་སྤྲིན་ཕུང་འཕྲོ་བ་ལས༔ འོད་ཟེར་སྤྲོ་བསྡུས་སངས་རྒྱས་མཛད་པ་བསྒྲུབ༔ ལྷ་སྔགས་ནུས་པའི་གཟི་བྱིན་འབར་བར་གྱུར༔ ཅེས་བསྒོམ་ཞིང་སྐུ་གསུམ་མམ། གཙོ་སྔགས་ལ་མྱང་གྲོལ་སྔགས་ཤམ་བཏགས་པ་ཅི་རིགས་བཟླ། ལས་བུམ་ལ་དམིགས། ལས་བུམ་ནང་དུ་པད་ཉིའི་སྟེང་༔ ཧྲཱིཿལས་དབང་ཆེན་རྟ་མགྲིན་རྒྱལ། དམར་ནག་ཐོད་དབྱུག་མེ་ཞགས་འཛིན༔ ཁྲོ་བོའི་ཆས་རྫོགས་མེ་དབུས་རོལ༔ ཐུགས་སྲོག་སྔགས་ཀྱི་ཕྲེང་བ་ལས༔ བདུད་རྩིའི་རྒྱུན་བྱུང་བུམ་པ་གང་༔ དག་བྱེད་རྡོ་རྗེའི་བདུད་རྩིར་གྱུར༔ ཅེས་མོས་ལ། ཨོཾ་ཧྱ་

― LT39_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

གྲི་བ་ཧཱུྃ་ཕཊ༔ བརྒྱ་རྩ་བརྒྱད་བཟླས་མཐར། ཁྲོ་བོ་ཆེན་པོས་བགེགས་བཟློག་ཅིང་ལས་ཐམས་ཅད་གྲུབ་པའི་ཕྲིན་ལས་མཛད་དུ་གསོལ༔ ཅེས་ཕྲིན་ལས་བཅོལ་ལོ། གསུམ་པ་སྒྲུབ་རྫས་ཡོ་བྱད་སྟ་གོན་ཏུ་བྱ་བ་ནི། ཡབ་ཀྱི་སྐུ་རྟེན་ཏུ་སྐུ་འབག་རིན་པོ་ཆེའི་ཟེའུ་ཁང་དུ་བཞུགས་པ། ཡུམ་གྱི་རྟེན་དུ་ཁ་ཊྭཱཾ་ག་དར་སྣ་ལྔས་བརྒྱན་པ། ཞི་བའི་རྟེན་རྡོ་རྗེ་དང་དྲིལ་བུ་དར་དཀར་དམར་གྱིས་བསྣོལ་མར་བཅིངས་པ། དྲག་པོའི་རྟེན་དུ་ཕུར་པ་ཁྲོ་ཞལ་ཅན་དར་སྣ་ལྔས་བརྒྱན་པ༔ རྩ་གསུམ་ཐམས་ཅད་ཀྱི་སྲོག་རྟེན་ཐོད་པ་མཚན་བཟང་ནང་མཚལ་གྱིས་བྱུགས་ལ་འཁོར་ལོ་རྩིབས་བཞི་རིན་ཆེན་ཟུར་བརྒྱད་མུ་ཁྱུད་དང་བཅས་པ་བྲི། ལྷ་གནས་སོ་སོར་སོ་སོའི་སྲོག་ཡིག༔ མུ་ཁྱུད་དང་པོ་ལ་རྩ་བ་གསུམ་གྱི་སྙིང་པོ། ཕྱི་མ་ལ་དབྱངས་གསལ་རྟེན་སྙིང་གི་མཐར། རྩ་བ་གསུམ་གྱི་དཀྱིལ་འཁོར་གྱི་ལྷ་ཚོགས་རྣམས་ཀྱིས་བདག་སྒྲུབ་པ་པོ་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩོལ་ཅིག༔ ཅེས་བྲི། ཡང་ན་དར་རམ་ཤོག་གུལ་སོ་སོའི་སྲོག་འཁོར་བྲིས་པ་ལྟེ་བ་མ་ཉམས་པར་བལྟེ་བ་ལ། རིན་པོ་ཆེ། འབྲུ་སྣ། སྨན་སྣ། ཁྱད་པར་རང་རང་གི་བླ་མ་བརྒྱད་པ་དང་བཅས་པའི་དམ་ཚིག་གི་རྫས་དང་། དབུ་སྐྲ། ན་བཟའ་གཙོ་བོར་གྱུར་པའི་དང་པའི་རྟེན་རྣམས་ཀྱིས་ཕྱུར་བུར་བཀང་། སྲོག་ཕུར་སོར་བཞིའམ་བརྒྱད་པ་རྡོ་དྲིལ་གྱིས་མཚན་པ་དང་། གཙོ་འཁོར་གང་ནུས་ཀྱི་སྐུ་གཟུགས་དང་བཅས་པའང་ཐོད་པའི་ནང་དུ་གཞུག །དར་སྣ་ལྔས་དྲིལ། ཚོན་སྐུད་སྣ་ལྔས་རྒྱ་གྲམ་དུ་བཅིངས་པ་རྣམས་སྒྲུབ་

― LT39_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་གྱི་གཙོ་བོ་ཡིན་ལ། སྨན་སྒྲུབ་དང་འབྲེལ་ན་བདུད་རྩི་སྨན་གྱི་ཕོ་བྲང་ཐོད་པ་ཁ་སྦྱོར་གྱི་ནང་དུ་ཨ་མྲྀ་ཏས་གཏམ་ཞིང་དར་སྣས་དྲིལ་ལ་ཚོན་སྐུད་ཀྱིས་བཅིངས་ཏེ་རྡོར་དྲིལ་གྱིས་རྒྱས་གདབ་ལ་དབུ་རྒྱན་གསོལ། བཀྲ་ཤིས་ཚེའི་འབྲང་རྒྱས་ཚེ་གཏོར་བུམ་གཟུགས་ཉི་ཟླ་ནོར་བུས་མཚན་པ་རིལ་བུས་བསྐོར་ཞིང་ཚེའི་ཛ་གང་དང་བཅས་པའང་འདུ་བྱ། གཞན་ཡང་རྟེན་སྒྲུབ་མཆོད་པའི་གཏོར་མ་སོགས་འོག་ཏུ་འབྱུང་བ་རྣམས་ཀྱང་ཚོགས་པར་བྱའོ། །བཞི་པ་སློབ་མ་སྟ་གོན་ཏུ་བྱ་བ་ནི། སྒྲུབ་ཆེན་གྱི་མཇུག་ཏུ་དབང་བསྐུར་རྒྱས་པ་སྦྲེལ་ན་འདི་སྟ་གོན་གྱི་རིམ་པ་བར་ཆད་ཀུན་སེལ་གྱི་རྩ་དབང་ལྟར་སྦྱར༔ དབང་ཆེན་མི་བསྐུར་བ་དང་འབྲིང་བསྡུས་ཙམ་བསྐུར་བ་ལ་ནི་སྟ་གོན་གྱི་བྱ་བ་མི་དགོས་སོ། རྡུལ་ཚོན་མི་འགྲུབ་ན་སྐབས་འདིར་རས་བྲིས་ཀྱི་དཀྱིལ་འཁོར་བཀྲམ་མོ། །གཉིས་པ་སྒྲུབ་པའི་རྟེན་དང་རྒྱན་བཀོད་པ་ནི། ཕུག་ལོགས་སོགས་གང་བདེར་བདག་བསྐྱེད་མཆོད་གཏོར་བཤམ། དཀྱིལ་འཁོར་མདུན་སྟེགས་སུ་སྔར་བཤད་པའི་སྒྲུབ་རྟེན་གཏེར་གཞུང་ལས་དངོས་བསྟན་རྣམས་དང་། སྤྱི་ལྟར་སྐུ་རྟེན་གུ་རུའི་སྐུ་ཚབ། གསུང་རྟེན་རྒྱུད་དང་གཞུང་པོད། ཐུགས་རྟེན་ཤེལ་རྡོ་བླ་མའི་གཏོར་ཆེན་རིན་ཆེན་ཟུར་བརྒྱད་རྒྱན་སྤྲོས་ཅན། མདའ་དར་རལ་གྲི་སྐབ་སྐོར་གྱིས་མཚོན་དཀྱིལ་འཁོར་རྒྱན་རྫས༔ ཕྱི་ནང་མཆོད་རྫས་རྣམས་བཀོད་བརྒྱུད་འདེབས་སྐྱབས་སེམས་སྔོན་ཏུ་འགྲོ་བས་ཐུགས་སྒྲུབ་སོ་སོའི་བདག་བསྐྱེད་རྒྱུན་གྱི་རྣལ་འབྱོར་བཟླས་པ་དང་བཅས་བྱས་ཀྱང་ཆོག་ལ། ཅུང་ཟད་སྤྲོ་ན་སོ་སོའི་ཕྲིན་ལས་བསྡུས་པ་བཏང་།

― LT39_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ལྟར་བཟླས་པའི་མཐར། སྒྲུབ་རྫས་རྣམས་ལ་སྤྲོས་པ་རྒྱས་ན། ཞི་དྲག་གི་སྦྱང་བ། བགེགས་བསྐྲད། ཁྲུས་གསོལ་བཅས། བསྡུ་ན་ལས་སྔགས་ཀྱིས་ཐོག་དྲངས་པའི་དྲག་སྔགས་བརྗོད་ལ་ཡུངས་ཐུན་བྲབས། གུ་གུལ་བདུག །ལས་ཐམས་ཅད་པའི་བུམ་ཆུས་ཁྲུས་བྱ། སྭ་བྷཱ་བས་སྦྱང་། སྒྲུབ་རྫས་རྣམས་སྟོང་པའི་ངང་ལས་བླ་མ་རིག་འཛིན་གཙོ་དང་འཁོར་དུ་བཅས་པའི་དཀྱིལ་འཁོར་སྣོད་བཅུད་ཡོངས་སུ་རྫོགས་པ་ལྷ་སོ་སོའི་སྐུ་གསུང་ཐུགས་ཀྱི་རང་བཞིན་ཏུ་གསལ་བར་གྱུར་པར་བསམ་ལ་སྒྲུབ་པ་པོ་རྣམས་ཞྭ་ཆོས་སོགས་རྒྱན་གྱིས་སྤྲས། རང་གྲལ་ནས་བཞེངས་ཏེ། རང་ཉིད་མ་ཧཱ་གུ་རུའི་སྐུར་གསལ་བའི་ཐུགས་ཀའི་ཧཱུྃ་ལས་འོད་ཟེར་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས་པས༔ ཕྱོགས་བཅུ་དུས་བཞིའི་རྒྱལ་བ་སྲས་དང་བཅས་པ་བླ་མ་རིག་འཛིན་བདེ་གཤེགས་ཞི་ཁྲོ་མཁའ་འགྲོ་ཆོས་སྐྱོང་དང་བཅས་པ་སྤྲིན་གཏིབས་པ་བཞིན་གནས་འདིར་བྱོན་ཏེ༔ སྒྲུབ་པའི་རྟེན་དང་དབྱེར་མེད་པར་ཕོ་བྲང་ནང་དུ་སོ་སོའི་གདན་ལ་བཞུགས་བར་གྱུར་པར་བསམ། ཧཱུྃ་ཧྲཱི༔ ཆོས་སྐུའི་དབྱིངས་ཉིད་མཚན་མ་ལས་འདས་ཀྱང་༔ བདེ་ཆེན་ལོངས་སྤྱོད་རྫོགས་སྐུའི་སྐུར་བཞེངས་ཏེ༔ དཀྱིལ་འཁོར་ལྷ་ཚོགས་རབ་འབྱམས་མ་ལུས་པ༔ ངོ་མཚར་ལྟས་བཅས་རོལ་ཅིང་གཤེགས་སུ་གསོལ༔ ཞེས་བསྐུལ་ཞིང་རོལ་མོ་བསྒྲག །སྐུ་གསུམ་མམ་གཙོ་བོའི་

― LT39_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

ཛབ་དབྱངས་བྱ་ཞིང་སློབ་དཔོན་གྱིས་ཐོག་དྲངས། མཆེད་ལྕམ་རྣམས་ཀྱིས་སྒྲུབ་རྫས་སོ་སོར་ཐོགས་ཏེ་དཀྱིལ་འཁོར་ལ་བསྐོར་བ་ལན་གསུམ་གྱི་མཐར་མདུན་ཏུ་འཁོད་ལ་དབྱངས་དང་བཅས་ཏེ། ཧཱུྃ༔ སྔོན་གྱི་བདེ་གཤེགས་རིག་འཛིན་བླ་མ་ཡིས༔ མི་འདའ་སྒྲུབ་པའི་རྟེན་ཏུ་བསྔགས་པ་ནི༔ འཕྲུལ་བཞད་ཡིད་བཞིན་འདོད་འབྱུང་ཀ་པཱ་ལ༔ རྐང་མེད་མཁའ་འགྲོ་ཏོག་ཏོག་སྐད་གདངས་ཅན༔ ལོག་པར་ལྟ་བ་སྒྲ་ཐོས་ཙམ་གྱིས་བརླག༔ དཀར་པོ་ཟང་ཡག་བཀྲ་ཤིས་ལྕང་ལོ་འཕྱོ༔ མཚན་ཉིད་ཀུན་ལྡན་མཐུར་དུ་གཏིང་རིང་གཏིབས༔ སྔོན་རབས་འདས་དང་ད་ལྟ་སླད་ནས་འབྱོན༔ དུས་གསུམ་བདེ་གཤེགས་རྣམས་ལ་ཤིན་ཏུ་མཚོན༔ སྐུ་གསུང་ཐུགས་རྟེན་ཤ་ལྔ་བདུད་རྩི་ལྔ༔ དབང་པོ་རྣམ་ལྔ་སྣོད་བཅུད་རྒྱན་དང་ལྡན༔ འདི་ནི་སྔོན་གྱི་སྐྱེས་མཆོག་སྒྲུབ་པའི་རྫས༔ ད་ཡང་རྩ་གསུམ་སྒྲུབ་པའི་རྟེན་དུ་འབུལ༔ ཅེས་ཛབ་དབྱངས་བྱ་ཞིང་དཀྱིལ་འཁོར་གྱི་སྟེང་དུ་ལྡེང་ཁྲི་རིམ་པ་གསུམ་བཀོད་པའི་བར་མའི་དབུས་སུ་རིན་པོ་ཆེའི་སྣོད་འབྲུས་བཀང་བ་ལ་བཀོད། ཧཱུྃཿ དུས་གསུམ་བདེ་གཤེགས་མ་ལུས་བཞུགས་པའི་གནས༔ སྨིན་གྲོལ་མཛད་པ་དབང་གི་བུམ་པ་མཆོག༔ སྣོད་བཅུད་ཡོངས་རྫོགས་ཞིང་ཁམས་ཆེན་པོར་གནས༔ འགྲོ་བའི་དོན་ཕྱིར་དགྱེས་ཤིང་བརྟན་པར་བཞུགས༔ ཞེས་བསྐུལ་ཞིང་དབང་གི་བུམ་པ་གཙོ་བུམ་གཡས། མྱང་གྲོལ་བུམ་པ་གཡོན།

― LT39_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་རྣམས་མཐའ་བསྐོར་དུ་བཀོད༔ ཧཱུྃ༔ དུས་གསུམ་སངས་རྒྱས་གུ་རུ་པདྨ་ཡི༔ ཞལ་དང་མི་གཉིས་སྐུ་ཚབ་རིན་པོ་ཆེ༔ འགྲོ་མགོན་བླ་མའི་སྐུ་གསུང་ཐུགས་ཀྱི་རྟེན༔ གསང་བ་ཡུམ་གྱི་རྟེན་མཆོག་ཁ་ཊཱཾྭ་ག༔ བདེ་གཤེགས་ཡབ་ཡུམ་ཐབས་ཤེས་རྡོར་དྲིལ་དང་༔ དབུ་རྒྱན་རིགས་ལྔ་དད་ཅིང་མོས་པའི་རྟེན༔ བདེ་གཤེགས་བླ་མ་བསྒྲུབ་ཕྱིར་བཞུགས་སུ་གསོལ༔ ཧཱུྃ༔ བདེ་གཤེགས་རྩ་གསུམ་བླ་མ་རིག་འཛིན་ཚོགས༔ ཞལ་མཇལ་བར་དུ་རྩེ་གཅིག་བསྒྲུབ་པའི་ཕྱིར༔ སྐུ་རྟེན་སྐུ་དང་གསུང་རྟེན་རྒྱུད་ལུང་རྣམས༔ ཐུགས་རྟེན་ལ་སོགས་དད་པའི་རྟེན་ཏུ་བཞུགས༔ ཞེས་བླ་མའི་ཛབ་དབྱངས་དང་བཅས་ཏེ་རྟེན་དེ་རྣམས་ལྡིང་ཁྲི་གང་མར་བཀོད། གཙོ་འཁོར་ཡོངས་རྫོགས་ཀྱི་སྐུ་རྟེན་བྲིས་འབུར་ཡོད་ན་ལྷ་གནས་སོ་སོར་བཀོད། མེད་ན་ཐང་སྐུ་སོགས་ལ་དམིགས་ཏེ༔ བར་ཆད་ཀུན་སེལ་ལ། ཨོཾ༔ ཆོས་སྐུ་སྐྱེ་མེད་ངང་ཉིད་ལས༔ ལོངས་སྤྱོད་རྫོགས་ཤིང་སྤྲུལ་པའི་སྐུ༔ རིགས་ཀུན་ཁྱབ་བདག་ཚེ་དཔག་མེད༔ འགྲོ་བ་འདུལ་མཛད་སྤྱན་རས་གཟིགས༔ དཀྱིལ་འཁོར་གཙོ་མཆོག་ཐོད་ཕྲེང་རྩལ༔ རྒྱལ་བའི་གདུང་འཚོབ་འགྲོ་བའི་མགོན༔ མཁྱེན་རབ་མཐར་ཕྱིན་སྨྲ་བའི་སེང་༔ དངོས་གྲུབ་མཆོག་བརྙེས་པདྨའི་ཞལ༔ མུ་སྟེགས་འདུལ་མཛད་བདུད་ཀྱི་

― LT39_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེད༔ ལྷ་དང་གཉིས་མེད་འཛམ་གླིང་རྒྱན༔ འཆི་མེད་རིག་འཛིན་པདྨ་འབྱུང་༔ ཁྱད་འཕགས་རིག་འཛིན་ཀུན་ཏུ་འཆད༔ དྲེགས་པ་ཚར་གཅོད་གྲོ་བོ་ལོད༔ འཁོར་འདས་ཟིལ་གནོན་དྲག་པོ་རྩལ༔ ཀློང་དགུའི་རིག་འཛིན་དཔལ་ཆེན་པོ༔ སྲིན་པོའི་ཁ་གནོན་ཐོད་ཕྲེང་རྩལ༔ སྐུ་གསུམ་དབྱེར་མེད་བདེ་ཆེན་རྒྱལ༔ ཕྲིན་ལས་བཞི་མཛད་སྒོ་སྐྱོང་ཚོགས༔ སོ་སོའི་རིགས་ཀྱི་ཚོམ་བུར་བཅས༔ རིག་འཛིན་དཀྱིལ་འཁོར་ལྷ་ཚོགས་རྣམས༔ དགྱེས་ཤིང་བརྟན་པར་བཞུགས་ནས་ཀྱང་༔ ཕྱི་ནང་གསང་བའི་བར་ཆད་སོལ༔ སྨིན་ཅིང་གྲོལ་བར་མཛད་དུ་གསོལ༔ ཅེས་བརྗོད། ཡིད་བཞིན་ནོར་བུ་ལ། ཧཱུྃ་ཧྲཱི༔ ཀ་དག་ཆོས་སྐུའི་ངང་ཉིད་ལས༔ བདེ་ཆེན་འོད་གསལ་ལོངས་སྤྱོད་རྫོགས༔ ཐུགས་རྗེ་ཅིར་ཡང་སྤྲུལ་པའི་སྐུ༔ རིགས་ཀུན་ཁྱབ་བདག་བདེ་བ་ཆེ༔ ཧོར་སོགས་དམག་ཟློག་ཆེ་བའི་མཆོག༔ ཉོན་མོངས་ནད་སེལ་སྨན་གྱི་བླ༔ ལོངས་སྤྱོད་ཆར་འབེབས་དབང་གི་རྒྱལ༔ དངོས་གྲུབ་ཀུན་སྩོལ་ལྷག་པའི་ལྷ༔ སྒྲུབ་པོའི་ལམ་སྟོན་ཐུགས་རྗེའི་གཏེར༔ འཇིགས་པ་སྐྱོབས་མཛད་གིང་གི་གཙོ༔ འབྱུང་བཞིར་དབང་སྒྱུར་ནམ་མཁའི་རྒྱལ༔ མདུངས་འཆིང་མཛད་ཕྱག་རྒྱའི་བདག༔ བདུད་སྡེའི་གཡུལ་འཇོམས་རྡོ་རྗེའི་རྒྱལ༔ འཆི་བའི་གདུང་སེལ་སྣང་མཐའ་ཡས༔ བར་དོ་རང་གྲོལ༔

― LT39_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་མཁྱེན༔ ངན་སོང་ཀུན་འདྲེན་བདེ་ཆེན་རྒྱལ༔ འགྲོ་དྲུག་མགོན་སྐྱབས་ཐོད་ཕྲེང་རྩལ༔ བདུད་བཞི་འཇོམས་མཛད་ཁྲོ་རྒྱལ་བཞི༔ སོ་སོའི་རིགས་ཀྱི་ཚོམ་བུར་བཅས༔ རིག་འཛིན་དཀྱིལ་འཁོར་ལྷ་ཚོགས་རྣམས༔ དགྱེས་ཤིང་བརྟན་པར་བཞུགས་ནས་ཀྱང་༔ བསམ་དོན་ལྷུན་གྱིས་གྲུབ་པ་དང་༔ སྨིན་ཅིང་གྲོལ་བར་མཛད་དུ་གསོལ༔ཅེས་བརྗོད། ཧཱུྃ༔ མ་རིག་དྲྭ་པ་གཅོད་པའི་འབར་བའི་མཚོན༔ འཇམ་དཔལ་རྣོན་པོའི་ཤེས་རབ་རལ་གྲི་བཞི༔ མ་རུངས་འདུལ་བའི་བཛྲ་ཀཱི་ལ་ཡ༔ ཁྲོ་བོའི་དམག་དཔུང་སྡུད་པའི་རུ་མཚོན་དང་༔ ཡེ་ཤེས་རྣམ་པར་གསལ་བའི་མེ་ལོང་བཞི༔ ཐབས་ཀྱི་མདའ་ལ་ཤེས་རབ་སྒྲོ་བསྒྲོན་ཏེ༔ ཟུང་འཇུག་ཡེ་ཤེས་བཞི་ཡི་དར་གྱིས་བརྒྱན༔ བསོད་ནམས་ཡེ་ཤེས་དུ་མའི་རྒྱལ་མཚན་འཕན༔ གདུགས་དང་བ་དན་ལྡ་ལྡི་ཡོལ་བ་བཅས༔ རྣམ་རྟོག་རབ་འཆིངས་ཚོན་སྐུད་དྲྭ་བའི་ཚོགས༔ ཆོས་ཀྱི་དབྱིངས་སུ་ཡེ་ཤེས་ཨེ་རུ་བྲན༔ དཀྱིལ་འཁོར་གསལ་བཀྲ་འོད་གསལ་ཐ་ལེ་བ༔ ཀུན་ཏུ་བཟང་པོའི་རྒྱན་རྣམས་བཞུགས་སུ་གསོལ༔ ཅེས་ཕྱོགས་བཞིར་རལ་གྲི་བཞི། མཚམས་བཞིར་མདའ་དར་མེ་ལོང་ཅན་བཞི་བཙུགས་ལ་ཚོན་སྐུད་ཀྱིས་དྲྭ་བས་སྤེལ། གཞན་ཡང་ཟུར་བཞིར་རྒྱལ་མཚན་བཞི། ལོགས་རྣམས་སུ་བ་དན་དང་རུ་མཚོན། དར་གྱི་དྲྭ་ཕྱེད་

― LT39_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཕྱག་ལེན་ལྟར་མཛེས་ཤིང་བརྗིད་པར་བཀྲམ། སྟེང་ན་དར་གྱི་གདུགས་དབུབ། སྟག་གཟིག་གི་སྒབ་དཀྲིས་ཀྱིས་བསྐོར། ཁྲོ་བོ་བཅུའི་ཕུར་པ་དྲག་སྔགས་ཀྱིས་བྲབ་བདུག་བྱུག་གསུམ་བྱ་ཞིང་གཟི་བྱིན་བསྐྱེད། ཧཱུྃ༔ ཆོས་སྐུ་ཞི་བའི་ངང་ལས་མ་གཡོས་ཀྱང་༔ ཐབས་ཀྱི་ཆོ་འཕྲུལ་དཔལ་ཆེན་ཁྲོ་རྒྱལ་བཅུ༔ གདུག་པ་འདུལ་ཕྱིར་དུས་ལས་མི་གཡེལ་བས༔ ཕྱོགས་མཚམས་སྲུང་བའི་བདག་པོར་བཞུགས་སུ་གསོལ༔ བཛྲ་མ་ཧཱ་ཀྲོདྷ་ས་མ་ཡ་སྟཾྭ༔ ཞེས་ཕྱོགས་མཚམས་བཅུར་བཀོད། མཆོད་རྫས་རྣམས། རྃ་ཡྃ་ཁྃ་གིས་བསྲེགས་གཏོར་བཀྲུས། སྟོང་པའི་ངང་ལས༔ བྷཱུཾ་ལས་བྷཉྫ་འབར་བའི་གཞལ་ཡས་ཁང་རྣམས་ཀྱི་ནང་དུ་རིགས་ལྔ་ཡབ་ཡུམ་སྦྱོར་བའི་འོད་ཟེར་གྱིས་འཁོར་འདས་ཀྱི་བདུད་རྩིའི་བཅུད་བསྡུས་ཏེ་བྱང་ཆུབ་སེམས་སུ་ཞུ་བའི་བདུད་རྩི༔ གཱི་ཏི་དམར་མོའི་མཁའ་གསང་ནས་བབ་པའི་བྱང་སེམས་དམར་པོའི་རཀྟ༔ ཨོཾ་ཨཱཿཧཱུྃ་ལས་གཏོར་མ་འདོད་ཡོན་གྱི་ཕུང་པོཿ གཞན་ཡང་ཧཱུྃ་ལས་ཕྱི་ནང་གསང་བའི་མཆོད་པའི་སྤྲིན་ཕུང་ནམ་མཁའི་ཁམས་གང་བར་གྱུརཿ ན་མཿ སརྦ་ཏ་ཐཱ་ག་ཏེ་བྷྱོ་སོགས་ནམ་མཁའ་མཛོད་ཀྱི་ཕྱག་རྒྱས་བྱིན་གྱིས་བརླབ་ཅིང་སྤེལ། ཧཱུྃ་ལས་རྡོ་རྗེ༔ མུཾ་ལས་དྲིལ་བུ༔ ལག་གཉིས་ཨ་དང་མ་ལས་ཉི་མ་དང་ཟླ་བ༔ ཧྲཱིཿ ལས་རོལ་མོའི་ཚོགས་བསམ་གྱིས་མི་ཁྱབ་པར་གྱུར་པར་བསམ་

― LT39_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ཨོཾ༔ སྣང་སྲིད་དངོས་པོ་ཅིར་སྣང་བ༔ ཐམས་ཅད་ཕྱག་རྒྱ་བཞི་ཡི་ངང་༔ མཆོད་པའི་ཕྱག་རྒྱ་ཆེན་པོ་ནི༔ སེམས་ཀྱི་ཡིད་བཞིན་སྤྲིན་ཚོགས་ཉིད༔ མཁའ་དབྱིངས་ཁྱབ་པར་རབ་སྤྲུལ་ཏེ༔ རྒྱལ་བ་དགྱེས་ཕྱིར་གནས་གྱུར་ཅིག༔ ཅེས་ཕྱག་མཆོད་རོལ་མོ་རྣམས་བྱིན་གྱིས་བརླབས་ལ༔ དཀྱིལ་འཁོར་མདུན་རྒྱབ་གང་བདེར་ཁ་ཟས་བཟང་དགུས་བརྒྱན་པའི་གཏོར་མ་དང་༔ བདུད་རྩི་དང་རཀྟའི་སྣོད། ཆོས་གཏེར་སྲུང་མ་སྤྱི་དང་བྱེ་བྲག་གི་གཏོར་འབུལ། ཆད་བརྟན་རྒྱུན་བཞག་རྣམས་ལག་ལེན་ལྟར་བཀོད༔ མདུན་ཏུ་རྒྱུན་ཏུ་གསོ་རྒྱུའི་ཆུ་གཉིས་ཉེར་སྤྱོད་ཕྲེང་ཚར། མཆོད་པ་བརྒྱ་རྩའི་རིགས་འཛོམ་ན་མཐའ་བསྐོར་སྟེགས་བུ་རིམ་པ་ཅན་ལ་གོ་རིམ་མ་འཆོལ་བ་བཤམཿ ཉིན་རེ་རེ་བཞིན་འབུལ་རྒྱུའི་སོན་གཏོར༔ ཚོགས་ཀྱི་ཡོ་བྱད༔ ཆོས་སྲུང་གཏོར་འབུལ་རིགས་སོགས་ཕྲིན་ལས་ལ་དགོས་པ་རྣམས་དང་། དཀྱིལ་འཁོར་གྱི་བྱང་ཕྱོགས་སུ་ལྕགས་ཧོམ། ཉུ་ལེའི་ལིངྒ༔ ལས་ཕུར་སྟེགས་བཅས། ཡུངས་དཀར་སོགས་ཐུན་རྫས་རྣམས་ཀྱང་འདུ་བྱ། སློབ་དཔོན་གྱི་མདུན་གཡོན་ནས་བརྩམ་ཏེ། ནང་མཆོད། ལས་བུམ། རྡོར་དྲིལ། ཌཱ་མ་རུ། གཡབ་དར༔ མེ་ཏོག་གི་སྣོད༔ཡུངས་ཐུན་རྣམས་བཞག་གོ། །གསུམ་པ་མཆེད་གསར་རྙིང་བསྲེ་བ་ནི། སློབ་དཔོན་གྱིས་ཁྲོ་བོ་འཆོབ་བའི་སྔགས་བརྗོད་ཅིང་། ཡུངས་དཀར་བྲབ་གུ་གུལ་བདུག་ལ་སློབ་མ་གསར་བུ་རྣམས་བགེགས་བསྐྲད་ལས་ཐམས་ཅད་པའི་སྔགས་བརྗོད་ཅིང་ཁྲུས་བྱ། སློབ་བུ་རྣམས་ཀྱིས་མཎྜལ་ཕུལ། ཧཱུྃ༔ བདེ་

― LT39_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་ཀུན་འདུས་བླ་མ་ལ༔ གུས་པས་ཕྱག་འཚལ་སྐྱབས་སུ་མཆི༔ མཆོད་ཅིང་སྡིག་པ་ཐམས་ཅད་བཤགས༔ སོ་ཐར་བྱང་སེམས་གསང་སྔགས་ཀྱི༔ དམ་ཚིག་མ་ལུས་བདག་གིས་བཟུང་༔ དངོས་གྲུབ་སྐལ་པ་སྩལ་དུ་གསོལ༔ ཞེས་ལན་གསུམ་གྱིས་རྒྱུད་སྦྱང་ཞིང་སྡོམ་པ་བཟུང་། སློབ་དཔོན་ཧེ་རུ་ཀར་གསལ་བའི་ཐུགས་ཀ་ནས་ཡ་ལས་ལྕགས་སྡིག་ནག་པོ་མེ་འབར་བ་འཕྲོས༔ ཡེ་ཤེས་ཀྱི་མེ་འབར༔ སློབ་བུའི་ལུས་ལ་ཕོགས་པས་སྡིག་སྒྲིབ་ཐམས་ཅད་ཐུལ་གྱིས་བསྲེགས་པར་གྱུར་པར་བསམ་ལ༔ ཨོཾ་བཛྲ་ཡཀྵ་ཀྲོ་དྷ་སརྦ་པཱ་པཾ་ཛྭ་ལ་རཾ༔ ཞེས་བཟླས༔ སྟོང་པའི་ངང་ལས་ཧཱུྃ་ལས་སློབ་བུ་རྣམས་དཔལ་རྡོ་རྗེ་སེམས་དཔའ་སྐུ་མདོག་དཀར་པོ་རྡོར་དྲིལ་འཛིན་ཅིང་དར་དང་རིན་པོ་ཆེས་བརྒྱན་པ༔ སེམས་དཔའི་སྐྱིལ་ཀྲུང་གིས་པད་ཟླའི་གདན་ལ་བཞུགས་པའི་སྤྱི་བོར་ཨོཾ༔ མགྲིན་པར་ཨཿ ཐུགས་ཀར་ཧཱུྃ་གིས་མཚན་པར་གྱུར༔ དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་ཡིག་འབྲུ་གསུམ་རྣམས་སྤྱན་དྲངས་ཏེ་དེ་ཉིད་ལ་ཐིམ་པར་གྱུར༔ སློབ་དཔོན་གྱི་ལག་གཡོན་རྡོ་རྗེ་དང་བཅས་པའི་སྲིན་ལག་གིས་སློབ་མའི་གནས་གསུམ་དུ་བདུད་རྩིའི་ཐིག་ལེ་བྱ། ཧཱུྃ༔ སྣང་སྲིད་ཅིར་སྣང་ཐམས་ཅད་ཀུན༔ དེ་བཞིན་གཤེགས་པའི་རྡོ་རྗེའི་སྐུ༔ གྲགས་པ་སྔགས་རླུང་ཐམས་ཅད་ནི༔ དེ་བཞིན་གཤེགས་པའི་རྡོ་རྗེའི་གསུང་༔

― LT39_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཤར་མ་བཅོས་རིག་པ་ནི༔ དེ་བཞིན་གཤེགས་པའི་རྡོ་རྗེའི་ཐུགས༔ སྐུ་གསུང་ཐུགས་སུ་ཡེ་ནས་གནས༔ གསང་གསུམ་དངོས་གྲུབ་སྣོད་དུ་འགྱུར༔ ཀཱ་ཡ་ཝཱ་ཀ་ཙིཏྟ་ཨཱ་གྷི་ཥིཉྩ་ཨོཾ་ཨཱཿཧཱུྃ༔ དམ་བསྒྲག་པ་ནི༔ དེང་ཕྱིན་སྐལ་ལྡན་ཁྱེད་རྣམས་ཀྱིས༔ སོ་སོར་ཐར་དང་བྱང་ཆུབ་སེམས༔ གསང་སྔགས་སྤྱི་ཡི་དམ་ཚིག་དང་༔ སྒྲུབ་པ་ལུང་གི་ཉི་ཤུ་པ༔ ཤེས་དང་མི་སྤང་སྦྱང་བྱ་དང་༔ དང་དུ་བླང་དང་བསྒྲུབ་བྱ་དང་༔ ཉི་ཤུ་ལྔ་དང་ཁྱད་པར་དུ༔ སྐུ་གསུང་ཐུགས་ཀྱི་དམ་ཚིག་རྣམས༔ སྲོག་གི་ཕྱིར་ཡང་མ་བཏང་ཞིག༔ གལ་ཏེ་དམ་ལས་འདས་གྱུར་ན༔ རྡོ་རྗེ་ཡཀྵ་ཁྲོ་ས་ནས་སུ༔ ཐར་པའི་སྲོག་རྩ་འཆད་པར་འགྱུར༔ སྒྲུབ་པའི་སྲོག་ནི་དམ་ཚིག་སྟེ༔ ཐར་པ་འདོད་རྣམས་ངང་དུ་ལོངས༔ ཞེས་བསྒྲག་སྟེ། སློབ་མ་རྣམས་ཀྱིས༔ ས་མ་ཡ་ཨི་དཾ་ན་ར་ཀ་ན༔ ཞེས་བྲོ་བོར༔ ཨོཾ་བཛྲ་ས་མ་ཡ་ཧ་ན་ཧ་ན་ཧཱུྃ་ཕཊ༔ ཞེས་བདུད་རྩི་བླུད་ཅིང་༔ ཨོཾ་བཛྲ་ས་མ་ཡ་ཏིཥྛ་ཧཱུྃ༔ ཞེས་རྡོ་རྗེ་སྤྱི་བོར་བཞག་ཅིང་དམ་ཚིག་བརྟན་པར་བསམ༔ སྤྲོ་ན་སྐབས་འདིར་དབང་བསྐུར་ཞིང་དམ་ཚིག་རྒྱས་པར་བཤད༔ རྒྱུད་ལུང་གི་དོན་གསོལ་ཞིང་ཚིག་གི་ལུང་འབོག །བསྡུ་ན་དམ་ཚིག་འབོག་པའི་མཐར་མཆེད་གསར་བུ་རྣམས་རང་རང་གི་གྲལ་དུ་འཁོད་ལ་གསར་རྙིང་བསྲེ༔ ཐམས་ཅད་ལ་བདུད་རྩི་གཡོན་སྐོར་དུ་དྲངས་ཤིང་༔ ཧཱུྃ༔ མི་འགྱུར་ཡེ་ཤེས་ཆེན་པོའི་དཀྱིལ་

― LT39_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་འདིར༔ མི་འབྲལ་རྩེ་གཅིག་འགྲོགས་པའི་ཏིང་འཛིན་གྱིས༔ སྐུ་གསུང་ཐུགས་ཀྱི་དམ་ཚིག་སྲོག་ཏུ་བཟུང་༔ མ་འགྲུབ་བར་དུ་བསྐྱེད་དང་རྫོགས་པའི་རིམ༔ གཡེལ་བ་མེད་པར་བསྒོམ་པར་དམ་བཅའ་འོ༔ ཞེས་བརྗོད༔ སློབ་དཔོན་གྱིས་ཕྲེང་བས་དབང་བསྐུར་ཅིང་ལག་ཏུ་གཏད༔ མཆེད་ལྕམ་རྣམས་རིག་འཛིན་བླ་མ་གཙོ་འཁོར་གྱི་སྐུ་གསུང་ཐུགས་སུ་གསལ་བཏབ་ལ༔ ཧཱུྃ༔ སྒྲུབ་པའི་དངོས་གྲུབ་མ་ལུས་ཐོབ་བྱའི་ཕྱིར༔ ལུས་ལྷ་ངག་སྔགས་སེམས་ནི་ཏིང་ངེ་འཛིན༔ རྒྱུན་མི་འཆད་ཅིང་ལུ་གུ་རྒྱུད་དུ་འབྲེལ༔ དངོས་གྲུབ་རྣམ་གཉིས་སྒྲུབ་བའི་དབང་ཐོབ་ཤོག༔ བཛྲ་ཀཱ་ཡ་ཝཱ་ཀ་ཙིཏྟ་ཨ་བྷི་ཥིཉྩ་ཧཱུྃ༔ བཞི་པ་ཚོགས་སྒྲུབ་ཀྱི་ལས་ལ་འཇུག་རུང་བྱ་བ་སྒྲུབ་པ་པོ་རྣམས་མངའ་གསོལ་ཞིང་གནས་སུ་འགོད་པ་ནི༔ རྒྱལ་ཐེབས་གཙོ་བོས་དབྱངས་བོར་ལེན་དང་༔ ལས་ཀྱི་རྡོ་རྗེས་ཐོད་ཆང་གཞུང་ཚིག་དང་བསྟུན་སོ་སོར་དྲངས་ལ༔ ཧོཿ དུས་གསུམ་སངས་རྒྱས་ཀུན་གྱི་ངོ་བོ་ཉིད༔ རྡོ་རྗེ་རྒྱལ་པོ་དཀྱིལ་འཁོར་འདུས་པའི་གཙོ༔ ཉོན་མོངས་བདུད་འཇོམས་ཡེ་ཤེས་ལྔ་ཡི་བདག༔ བསྟན་པའི་སྒྲོན་མ་མངའ་གསོལ་དགྱེས་པར་བཞུགས༔ རྡོ་རྗེའི་གདུང་འཚོ་བ་ཕྲིན་ལས་རྣམ་བཞིའི་བདག༔ རྒྱལ་ཚབ་སློབ་དཔོན་མངའ་གསོལ༴ ཤེས་རབ་དབྱིངས་ལས་བདེ་བའི་ཡེ་ཤེས་སྟེར༔ ཀུན་བཟང་ཡུམ་དུ་མངའ་གསོལ༴

― LT39_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རིམ་གསལ་སྟོན་ལས་ཀྱི་གཞུང་བསྲང་མཛད༔ རྡོ་རྗེ་ཕྲིན་ལས་མངའ༴ མཆོད་པའི་བྱ་བས་དཀྱིལ་འཁོར་དགྱེས་པ་སྐྱེད༔ ལས་ཀྱི་རྡོ་རྗེ༴ ཕྱི་ནང་དྲོད་ཚང་དུས་དང་རྟགས་རྣམས་མཁྱེན༔ རྡོ་རྗེ་སྲིན་པོ་མངའ༴ དངོས་གྲུབ་ལྟས་མཐོང་བར་ཆད་གཟིར་ཞིང་སྐྲོད༔ རྡོ་རྗེ་སྤྱན་པ༴ཕྱི་ནང་ཉམས་ལེན་འབྱུང་པོ་ཐོགས་མེད་བསྒྲལ༔ རྡོ་རྗེ་གིང་ཆེན༴དགྲ་བགེགས་གནས་སྦོར་གཟུགས་ཕུང་ཞལ་དུ་སྟོབས༔ སྒྲོལ་གིང་ལས་མཛད༴ འདུ་བར་འོས་མིན་སྲུང་བའི་ཕྲིན་ལས་མཛད༔ རྡོ་རྗེ་མཚམས་པ༴ཚོགས་ཀྱི་བྱ་བ་གཙང་ཞིང་དག་པར་སྦྱོར༔ རྡོ་རྗེ་ཕྱག་ཚང་༴ ཕྱི་ཡི་ཉུལ་ལེ་སྐྲོད་ཅིང་ལས་རྣམས་སྒྲུབ༔ རྡོ་རྗེ་སྐུ་ལ་ཕྱག་མངའ༴ ཛབ་བསྙེན་གསལ་དག་རྒྱུན་མི་འཆད་པར་སྒྲོག༔ རྡོ་རྗེ་མཆེད་ལྕམ་མངའ་གསོལ་དགྱེས་པར་བཞུགས༔ ཞེས་མངའ་གསོལ་ཞིང་ལས་ཀྱི་བསྐོས་གདབ། རང་གྲལ་དེ་ལས་མ་འཆུག་པ་བྱ་དགོས་སོ། །ལྔ་པ་བྱིན་དབབ་པ་ནི། སྒྲུབ་པ་པོ་རྣམས་ཞྭ་ཆོས་སོགས་གཟི་བྱིན་བསྐྱེད་ལ་དཀྱིལ་འཁོར་གྱི་མཐར་འཁོད། དར་སྣའི་གཡབ་མོ་དང་དྲི་བཟང་གི་སྤོས་བཏུལ། དད་གུས་གདུང་ཤུགས་ཀྱིས་དབྱངས་རོལ་བཅས་ཚིག་བདུན་ལན་གསུམ་སྔོན་ཏུ་འགྲོ་བའི་ལས་བྱང་སོ་སོའི་བྱིན་འབེབས་བཏང་། མཐར་དཀྱིལ་འཁོར་ལ་བསྐོར་བ་དང་ཛབ་དབྱངས་ལན་གསུམ་བྱ། བདག་བསྐྱེད་བསྡུ་ལྡང་། བསྔོ་སྨོན་བཅས་

― LT39_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་སྔོན་འགྲོའི་རིམ་པ་རྣམས་གྲུབ་བོ། །གསུམ་པ་ལྷ་དང་དབྱེར་མེད་དུ་སྒྲུབ་པའི་རིམ་པ་ལ་གསུམ། ཕྲིན་ལས་ཀྱི་གཞུང་བསྲང་ཞིང་བཟླས་པས་ཐུགས་རྒྱུད་བསྐུལ་བ། སྒྲུབ་པའི་བར་གཅོད་བསལ་ཞིང་བྱིན་འབེབས་པ། དུས་གྲངས་རྟགས་ཀྱི་རིམ་པས་ཚད་བཟུང་བའོ། །དང་པོ་ནི། ཡན་ལག་གི་ཐུགས་སྒྲུབ་རྣམ་གཉིས་གང་བྱེད་ཀྱང་རབ་ཉིན་མཚན་ལན་གསུམ་རེ་སྟེ་དུས་དྲུག །འབྲིང་ཉིན་གཉིས་མཚན་གཉིས་ཏེ་དུས་བཞི། ཐ་མས་ཀྱང་ཉིན་མཚན་གཉིས་ལ་ལས་གཞུང་ཚར་རེ་བཏང་དགོས་པས་ཐུན་དང་པོ་ལ་ཚིག་བདུན་དང་གསོལ་འདེབས་གང་འོས་ཀྱིས་ཐོག་དྲངས་བརྒྱུད་འདེབས་སྐྱབས་སེམས་ནས་བརྩམ་སྔོན་འགྲོ་རྣམས་རྒྱས་པར་བཏང་། དངོས་གཞི་ཏིང་འཛིན་གསུམ་གྱིས་བདག་མདུན་དབྱེར་མེད་དུ་བསྐྱེད། ཡེ་ཤེས་ཀྱི་འཁོར་ལོ་སྤྱན་དྲངས་ལ་བསྟིམ་ཞིང་བཞུགས་གསོལ་ཕྱག་མཆོད་བསྟོད་པའི་བར་བྱ། བཟླས་པའི་དབུར་སྔགས་ཀྱིས་མདུན་དཀྱིལ་འཛབ་ཁང་ཕྱེས་ཏེ་འཛབ་བསྐུལ་བརྗོད་ལ་གཟུངས་ཐག་ལེན་བར་ཆད་ཀུན་སེལ་སྐབས་ཛབ་ཀྱི་བཀོལ་བྱང་ལྟར་ཆོས་ལོངས་སྤྲུལ་གསུམ་ནས་སྒོ་བ་བཞིའི་བར་དུ་བཟླས་དམིགས་རེ་རེ་དང་བསྒྲགས་ལ་སོ་སོའི་བཟླས་པའི་མཐར་སྟོང་ཚིགས་དང་གསོལ་འདེབས་རེ་རེ་བཞིན་འགྲེས་སུ་སྦྱར། ཆོས་ལོངས་སྤྲུལ་གསུམ་དང་ཐོད་ཕྲེང་རྩལ་སྒྲུབ་བཟླས་ཀྱི་དངོས་གཞི་ཡིན་པས་མང་དགོས། འདི་རྣམས་ལ་ཛབ་དབྱངས་ལན་གསུམ་རེས་ཐོག་དྲངས་རྣམ་འཕྲུལ་བཅུ་གཉིས་བརྒྱ་རྩ་རེ་ཆ་མཉམ་དང་། སྒོ་བ་བཞི་ཉེར་གཅིག་ཙམ་རེས་ཆོག །འགྲོ་ལུགས་དེ་ལྟར་ལ་གྲངས་མང་ཉུང་ཉི་ཚོད་ཀྱི་ལོངས་སྐབས་དང་བསྟུན། ཁྱད་པར་མྱོང་གྲོལ་རིལ་

― LT39_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་སྒྲུབ་པའི་སྐབས། བུམ་པ། ཨོཾ་ཧ་ཡ་གྲཱྀ་བ་ཧཱུྃ་ཕཊ་ཀྱིས་བསང་། སྭ་བྷཱ་བས་སྦྱང་། སྟོང་པའི་ངང་ལས་བྷྲུྃ་ལས་ཁ་དོག་ལྔ་ལྡན་ཡོངས་སུ་གྱུར་པ་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་ཚད་དང་མཚན་ཉིད་ཐམས་ཅད་རྫོགས་པའི་དབུས་སུ་འཇའ་ཟེར་ཐིག་ལེ་དྭང་མར་འཁྲུགས་པའི་ཀློང་ནས་སྣ་ཚོགས་པདྨ་འདབ་མ་བརྒྱད་པའི་ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་ཧྲཱིཿ ལས་གུ་རུ་པདྨ་རྡོ་རྗེ་འཆང་སྐུ་མདོག་མཐིང་ནག་རྡོ་རྗེ་དང་དྲིལ་བུ་འཛིན་པ་ཡུམ་ལྷ་ལྕམ་དཀར་མོ་དང་གཉིས་མེད་དུ་འཁྲིལ་ཞིང་དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པའི་སྐུ་ལས་འོད་ཟེར་བྱེ་བ་ཕྲག་བསམ་གྱིས་མི་ཁྱབ་པ་འཕྲོ་བ༔ དེའི་མདུན་གྱི་བར་སྣང་གི་སྟེང་འོག་དང་ཕྱོགས་བཞིར་པད་ཟླའི་གདན་རེ་རེའི་སྟེང་དུ༔ སྟེང་དུ་ལྷའི་གུ་རུ་སྲིད་ཐུབ་འཛིན་དཀར་པོ་རྡོ་རྗེ་དང་དྲིལ་བུ་འཛིན་པ༔དར་དང་རིན་པོ་ཆེས་བརྒྱན་པ༔ ཤར་དུ་བྱོལ་སོང་གི་གུ་རུ་སེང་གེ་རབ་བརྟན་མཐིང་ནག་རྡོ་རྗེ་དང་དྲིལ་བུ་འཛིན་ཅིང་དར་དཔྱངས་དང་རུས་པའི་རྒྱན་གྱིས་བརྒྱན་པ༔ ལྷོར་མིའི་གུ་རུ་པདྨ་འབྱུང་གནས་སྐུ་མདོག་དཀར་སྨུག་བྷ།།།དང་ཐོད་པ་བདུད་རྩིས་གང་བ་འཛིན་ཅིང་པད་ཞྭ་དང་ཆོས་གོས་རྣམ་གསུམ་གྱིས་བཀླུབས་པ༔ ནུབ་ཏུ་ཡི་དྭགས་ཀྱི་གུ་རུ་རྣམ་པར་སྣང་བྱེད་དམར་པོ་ཕྱག་གཉིས་ཀྱིས་རིན་པོ་ཆེའི་སྒྲོམ་བུ་འཛིན་ཅིང་དར་དང་

― LT39_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་པོ་ཆེས་བརྒྱན་པ༔ བྱང་དུ་ལྷ་མིན་གྱི་གུ་རུ་རྣམ་པར་རྒྱལ་བ་ལྗང་གུ་ཁ་ཊཾྭཱ་གདང་ཀ་པཱ་ལ་འཛིན་ཅིང་དར་དང་རིན་པོ་ཆེས་བརྒྱན་པ༔ འོག་ཏུ་དམྱལ་བའི་གུ་རུ་རྣམ་པར་གནོན་སྨུག་ནག་རྡོ་རྗེ་དང་སྡིག་པ་འཛིན་ཅིང་སྟག་ཤམ་དང་རུས་པའི་རྒྱན་དྲུག་གིས་བརྒྱན་པ༔ དེ་ཐམས་ཅད་ཀྱང་ཞབས་གཉིས་འགྲོ་བའི་དོན་ལ་བཞེངས་པའི་སྟབས་ཀྱིས་མཐའ་ཡས་པའི་སེམས་ཅན་གྱི་དོན་ལ་དགྱེས་པས་འོད་ཟེར་བྱེ་བ་ཕྲག་དྲུག་དྲུག་འཕྲོ་བའི་ཀློད་ན་བཞུགས་པ༔ སྐུ་ལས་རིལ་བུ་དང་དབྱེར་མེད་པའི་སྤྲུལ་པ་འབུམ་ཕྲག་དུ་མ་འཕྲོ་བས་འཁོར་བ་དོང་ནས་སྤྲུག་པའི་ཡེ་ཤེས་སྒྱུ་འཕྲུལ་དྲྭ་བ་ཆེན་པོའི་རྣམ་རོལ་ཅིང་ཡང་འཆར་བའི་གནས་གསུམ་དུ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསུམ་གྱི་ངོ་བོར་ཨོཾ་ཨཱཿཧཱུྃ་གིས་མཚན་ཅིང་༔ རིགས་ལྔ་ཡེ་ཤེས་ལྔའི་ངོ་བོར་དབང་བསྐུར་བས་ཕྱོགས་བཅུ་དུས་བཞིའི་བདེ་བར་གཤེགས་པ་ཐམས་ཅད་ཡོངས་སུ་འདུས་པའི་བདག་ཉིད་ཆེན་པོར་གསལ་བར་གྱུར༔ སྤྲོ་ན་སྤྱན་འདྲེན་ནས་བསྟོད་པའི་བར་ཕྲིན་ལས་སྙིང་པོ་ལྟར་བྱ། གཟུངས་ཐག་ནས་བཟུང་སྟེ། རང་གི་ཐུགས་སྲེག་སྔགས་ཕྲེང་དང་བཅས་ལས་ཡེ་ཤེས་ཀྱི་འོད་ཟེར་གཟུངས་ཐག་ལ་འཁྲིལ་ཏེ་སོང་བས་བུམ་པའི་ལྷ་རྣམས་ཀྱི་གནས་གསུམ་དུ་ཕོག་སྐུ་གསུང་ཐུགས་ཀྱི་རྒྱུད་བསྐུལ༔ དེ་ལས་འོད་ཟེར་དཔག་ཏུ་མེད་པ་འཕྲོས༔ མཁའ་ཁྱབ་ཀྱི་རྒྱལ་བ་སྲས་དང་བཅས་པ་

― LT39_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་ཅིང་༔ འོད་ཟེར་ཚུར་འདུས་པ་དང་ལྷན་ཅིག་ཏུ་གསང་བ་གསུམ་གྱི་བྱིན་རླབས་ཐམས་ཅད་བསྡུས་ཏེ་རིལ་བུ་ལ་ཐིམ་པས་རིལ་བུ་འགྲོ་དྲུག་གི་སྡུག་བསྔལ་མ་ལུས་པ་སྦྱང་བའི་མཐུ་དང་ལྡན་ཅིང་བྱིན་རླབས་ཀྱི་གཟི་བྱིན་རབ་ཏུ་འབར་བའི་སྣང་བས་འཁོར་བ་དོང་ནས་སྤྲུགས་པར་གྱུར༔ སྐུ་གསུམ་གྱི་སྙིང་པོའི་མཐར། ཨ་ར་པ་ཙ་མི་ཏ་ཧྲཱི་ད་ཡ་སྭཱ་ཧཱ༔ ཞེས་བཏགས་པ་བཟླ་ཞིང་སྔགས་རྒྱུན་གྱི་གཙོ་བོ་དེ་ལ་བྱ་དགོས། མཐར་དབྱངས་གསལ་ཡིག་བརྒྱ་རྟེན་སྙིང་ལན་གསུམ་བརྗོད་པས་ལྷག་ཆད་བསྐང་ཞིང་བརྟན་པར་བྱ། གཞི་བསྟོད་ནོངས་བཤགས་དབང་ལེན་བྱས་ལ་ཛབ་ཁང་བསྡུ། ཐུན་པ་རྣམས་ཀྱིས་ཀྱང་གྲུབ་ན་རྒྱུན་གྱི་རྣམ་འབྱོར་ཙམ་གྱིས་བདག་མདུན་གསལ་བཏབ་ལ་ཆོས་ལོངས་སྤྲུལ་གསུམ་ཐོད་ཕྲེང་རྩལ་རྣམས་སྦྲེལ་བའི་སྔགས་རྒྱུན་བར་མ་ཆད་པར་བྱ། དེ་ནས་ཉུ་ལེ་བསྒྲོད་པ་རྒྱས་པ་མི་ལྕོགས་ན། རྡོ་རྗེ་མཚམས་པས་གུ་གུལ་དུད་པ་དང་ཐུན་གྱིས་ཐབས་ཏེ་བསྐོར་ལ༔ དྲག་སྔགས་སོ་ལྔ་པ་སོགས་དང་༔ ཨོཾ་གྷ་གྷ་གྷཱ་ཏ་ཡ་གྷ་ཏ་ཡ་སརྦ་དུཥྚཱཾ་ཧཱུྃ་ཕཊ༔ ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ༔ ཧཱུྃ་ཧཱུྃ་ཧཱུྃ་བཛྲ་ཀཱི་ལ་ཡ་བཛྲ་དྷ་ར་ཨཱཛྙཱ་པ་ཡ་ཏི་སརྦ་བིགྷཱ་ན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཧཱུྃ་ཕཊ༔ ཅེས་སྡེར་མོའི་སྔགས་དྲག་ཏུ་བརྗོད་པས་ཚར་བཅད་ལ་སྲུང་འཁོར་གསལ་གདབ༔ བྱིན་འབེབས་ཀྱང་སྟས་བདེར་བྱེད་ན་བཀའ་མ་སྤྱི་ལས་འབྱུང་བ༔ འཕགས་མཆོག་ཐུགས་རྗེའི་དུས་ལ་བབ༔ ཁྱད་པར་བསྟན་པའི་དུས་ལ་བབ༔ མཐུ་རྩལ་འབྱུང་བའི་དུས་ལ་བབ། བྱིན་གྱིས་རློབ་པའི་དུས་ལ་བབ། དབང་མཆོག་སྐུར་བའི་དུས་ལ་བབ། དངོས་གྲུབ་སྩོལ་བའི་དུས་

― LT39_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བབ། མཐུ་ཆེན་བདུད་འདུལ་བཅོམ་ལྡན་འདས། བྱིན་ཆེན་བྱིན་ཕོབ་བཅོམ་ལྡན་འདས། དབང་ཆེན་དབང་བསྐུར་བཅོམ་ལྡན་འདས། དངོས་གྲུབ་མཆོག་སྩོལ་བཅོམ་ལྡན་འདས། བདག་ཅག་ལས་འབྲས་མཆིས་པར་མཛོད། ཅེས་དང་། སྙིང་པོའི་མཐར། ཨོཾ་ཛྙཱ་ན་ཨཱ་བེ་ཤ་ཡ་ཨ་ཨཱཿར་ར་ར་ར་ཙཱ་ལ་ཡ་ཙཱ་ལ་ཡ་ཨ་ཧ་ཛྷཻ༔ ཞེས་བརྗོད་ཅིང་ལས་རྡོར་གྱིས་གཡབ་དར་བཅས་དཀྱིལ་འཁོར་ལ་བསྐྲོར་བས་འཐུས། དེ་ནས་ཛབ་དབྱངས་ལན་གསུམ་བྱས་པས་ཐུན་དང་པོ་འགྲུབ། ཡིད་བཞིན་ནོར་བུའི་སྐབས་ཀྱང་སྤྱི་ཁོག་དེ་དང་མཚུངས་པ་ལས། འཛབ་ཁང་ཕྱེས་ཏེ་འཛབ་བསྐུལ་འཕྲོས་ཛབ་དབྱངས་ལན་གསུམ་གྱིས་ཐོག་དྲངས་བཟླས་པ་བཛྲ་གུ་རུ་ཁོ་ན་ལ་དངོས་གཞི་བྱ༔མཐར་འཛབ་དབྱབས་དང་བཅས་ཐོད་ཕྲེང་རྩལ་ཅི་འགྲུབ་བཟླས་ལ་སྟོང་ཚིགས་ཕུལ། མྱང་གྲོལ་རིལ་བུ་སྒྲུབ་པ་དང་འབྲེལ་ན་གོང་གསལ་ཉིད་འདིར་སྦྱར་ལ་སྟོང་ཚིགས་ཕུལ་གྲུབ་རྗེས་གསོལ་འདེབས་བསམ་པ་ལྷུན་འགྲུབ་འདོན་ལ་ཐུང་ལེ་བསྐྲོད་པ་དང་བྱིན་འབེབས་ཛབ་དབྱངས་བཅས་སྔར་ལྟར་བྱ་བ་ཡིན་ནོ། ཐུན་གཉིས་པ་ལ་མཆོད་ཁ་གསོས་ལ་ཐུགས་སྒྲུབ་གཉིས་ཀའི་ཕྲིན་ལས་ཆུང་བའི་མཆོད་པ་བྱིན་རླབས་ནས་བསྟོང་པའི་བར་བཏང་ལ་འཛབ་ཁང་དབྱེ་ཞིང་བསྐུལ་བཅས་སོ་སོའི་བསྙེན་བཟླས་མཐར་ཁ་སྐོང་དང་སྟོང་ཚིགས་འབུལ། བར་ཆད་ཀུན་སེལ་སྐབས་གསོལ་འདེབས་བར་ཆད་ལམ་སེལ་དང་ཡིད་བཞིན་ནོར་བུ་ལ་བསམ་ལྷུན་བརྗོད་ནས་ཉུ་ལེ་བསྐྲོད་པ་བྱིན་འབེབས་འཛབ་དབྱངས་བཅས་ཀྱིས་འགྲུབ། ཐུན་གསུམ་པའང་དེ་དང་འདྲ་བ་ལས་བཟླས་པ་སྟོང་ཚིགས་གསོལ་འདེབས་བཅས་གྲུབ་ནས། སྨིན་ལུགས་དམ་ཅན་སྤྱི་གཏོར་ལྟ་བུའི་ཁོང་དུ་བར་ཆད་ཀུན་སེལ་སྐབས་ཚེ་རིང་མ་བརྟན་མ། ཁ་རག་ཁྱུང་བཙུན་རྣམས་

― LT39_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཡིད་བཞིན་ནོར་བུ་ལ་ཀླུ་བཙན་མཆེད་བདུན་གྱི་གཏོར་ཆོག་སྦྱར། ཕྲིན་ལས་རྒྱས་པའི་ཚོགས་མཆོད་སྐོང་བ་བཅས་འདི་སྐབས་སྨིན་ལུགས་ལྟར་ལྕོགས་ན་ཕྱི་རོལ་དུ་ཆ་གསུམ་གཏོར་མ་བཏང་། ཚོགས་ལ་རོལ་ཞིང་ལྷག་མ་བཏང་ལ་བཙོན་དུ་འཛིན། ཆོས་སྐྱོང་གཏོར་འབུལ་སོགས་རྗེས་ཆོག་མཐར་དབྱུང་། ལས་བྱང་གི་བསྐུལ་པ་ཆད་བརྟན་རྟ་བྲོ་བརྡུང་། གཏང་རག་མཆོད་བསྟོད། ནོངས་བཤགས། བརྟན་བཞུགས། བསྔོ་སྨོན། ཤིས་བརྗོད་བཅས་གྲུབ་ནས་མུན་རུབ་དང་སྦྱར་ནས་ཉུ་ལེ་བསྐྲོད་ཅིང་བྱིན་འབེབ་བཅས་རྒྱས་པར་བྱ་ཞིང་འཛབ་དབྱངས་ལན་གསུམ་གྱིས་ཉིན་ཐུན་གྲུབ་བོ༔ མཚན་ཐུན་གསུམ་པོའི་འདོན་འགྲིགས་ཉིན་ཐུན་གཉིས་པ་དང་མཚུངས་ལ་ཐུན་འཇུག་སོ་སོར་བར་ཆད་བསལ་ཞིང་བྱིན་འབེབས་པ་བར་མ་ཆད་པ་དང་༔ ཐོར་ཐུན་གཤམ་དུ་ཚོགས་མཆོད་རེའང་གལ་ཆེའོ། གཉིས་པ་དངོས་གྲུབ་ལ་བར་དུ་གཅོད་པ་བསལ་ཅིང་བྱིན་རླབས་ཀྱི་གཟི་བྱིན་དབབ་པ་ནི། སློབ་དཔོན་ནམ་རྒྱལ་ཐེབས་མདུན་ཏུ་ཧོམ་ཁུང་ཉུ་ལེའི་ལྒིང་བཅས་པ་དང་། ལས་ཕུར། ཐུན་རྫས་རྣམས་དགོད་ལ། པདྨ་ཧེ་རུ་ཀོ྅ཧཾ། སྣང་སྲིད་ཐམས་ཅད་ཁྲོ་བོ་རོལ་པའི་དཀྱིལ་འཁོར་དུ་གྱུར། ཅེས་ཡི་དམ་དྲག་པོའི་གསལ་སྣང་དང་ང་རྒྱལ་བརྟན་པོས་རྟེན་བསྐྱེད་པ་ནི། ཨེ་ཡཾ་ཛྭ་ལ་རྀ། གྲུབ་ཁུངས་ཡངས་ཤིང་གཏིང་ཟབ་པའི་ནང་དུ་ཧྲཱིཿལས། དངོས་གྲུབ་ལ་བར་དུ་གཅོད་ཅིང་ལོག་པར་ལྟ་བའི་འབྱུང་པོ་ཉམས་ལེན་བདུད་ཀྱི་རིགས་སུ་གྱུར་པ་ཐམས་ཅད་རིད་ཅིང་ཉམ་ཐག་པའི་ལུས་ཅན་དུ་གྱུར་པར་བསམ་ལ༔ ན་མོ༔ དཀོན་མཆོག་རིན་པོ་ཆེ་རྣམ་པ་གསུམ་

― LT39_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བཀའ་བདེན་པ་དང་༔ རྩ་གསུམ་རྒྱལ་བ་ཞི་ཁྲོ་རབ་འབྱམས་ཀྱི་བཀའ་བདེན་པ་དང་༔ རྡོ་རྗེའི་ཆོས་སྐྱོང་བའི་སྲུང་མ་བཀའ་ཉན་ལས་བྱེད་རྒྱ་མཚོའི་ཚོགས་དང་བཅས་པ་རྣམས་ཀྱི་བདེན་པ་དང་༔ བདེན་པ་ཆེན་པོའི་མཐུ་ལ་བརྟེན་ནས་སྒྲུབ་པ་ཟབ་མོ་ལ་བར་དུ་གཅོད་པའི་དམ་སྲི་ཉམས་ལེན་བདུད་ཀྱི་རིགས་སུ་གྱུར་པ་ཐམས་ཅད་ཨྐུང་ཤཛ༔ ལན་གསུམ་གྱིས་འགུགས་གཞུག་བྱས་ལ༔ ཕུར་ཐུན་ཚོམ་བུར་བསྐུལ་བ་ནི༔ ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔ ཁྲོ་བོ་རོལ་པའི་དུར་ཁྲོད་ཆེན་པོ་ནས༔ ཤིན་ཏུ་མི་བཟད་ཁྲོ་གཏུམ་སྐུར་བསྟན་པ༔ དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད༔ ཧཱུྃ༔ ང་ནི་པདྨ་ཧེ་རུ་ཀ༔ སྲས་འཁོར་སྤྲུལ་པ་བྱེ་བ་འབུམ༔ བཀའ་སྡོད་རབ་འཇིགས་ཕོ་ཉར་བཅས༔ དྲག་པོའི་ལྷ་ཚོགས་དུས་ལ་བབ༔ གཡས་ཀྱི་ཕྱག་ན་ཕུར་པ་འདྲིལ༔ གཡོན་གྱི་ཕྱག་ན་ལྕགས་ཀྱུས་འགུགས༔ ལྕགས་ཀྱུས་ཟུངས་ལ་ཕུར་པས་ཐོབ༔ གནོད་བྱེད་དགྲ་བགེགས་རྡུལ་དུ་རློག༔ ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷཱི་ཤྭ་རི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྵ་ཀཱ་ལ་རུ་བ་ཀརྨ་ནཾ་ནཾ་ཛྭ་ལ་རཾ་ཧཱུྃ་ཕཊ༔ གནོད་བྱེད་དགྲ་བགེགས་འབྱུང་པོ་ཐམས་ཅད་མཱ་ར་ཡ་ཧཱུྃ་ཕཊ༔ ཅེས་དྲག་སྔགས་ཕུར་བསྐོར་བཅས་དང་གང་ལྟར་སྡེར་མོའི་སྔགས་བརྗོད་པས་ལྒིང་ལ་དབབ་ཅིང་ཐུན་བྲབ་ཁྱད་པར་དཔལ་གྱི་ཕོ་ཉ་ཀུན་ཐུབ་རྒྱལ་མོ་བསྐུལ་བ་ནི། ཧཱུྃ༔ སྒྲུབ་བ་ལུང་གི་ཕོ་ཉ་

― LT39_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་མོ་ནི༔ དབྱིངས་ནས་སྐུར་བཞེངས་འབར་བའི་སྐུ་གཅིག་མ༔ རྟ་གདོང་ཞལ་ཅན་ཧེ་རུ་ཀ་དཔལ་དང་༔ པདྨ་གཟི་ལྡན་ཤིན་ཏུ་ཁྲོས་བའི་ཚུལ༔ རྡོ་རྗེ་སྲིན་པོ་མ་ནིང་འབར་བའི་གདོང་༔ རྣམ་པར་བསྒྱུར་བའི་སྣ་ཚོགས་ཕྱག་བརྙན་ཞལ། འཇོམས་བྱེད་ཆེན་པོ་སྐུ་མདོག་ཅིར་ཡང་སྟོན༔ ཞེ་སྡང་བདུད་ཀྱི་མགོ་དང་གཤིན་རྗེའི་མགོ༔ དམ་སྲི་འབྱུང་པོ་ཐོད་པའི་རྒྱན་ཕྲེང་ཅན༔ གློག་འགྱུ་ཙམ་ལ་སྟོང་གསུམ་འབིགས་ཤིང་རྒྱུག༔ དཔལ་གྱི་ཕོ་ཉ་ཉི་ཟེར་རྡུལ་དང་མཉམ༔ དགྲ་དཔུང་ཚར་གཅོད་བགེགས་དཔུང་རྡུལ་དུ་རློག༔ བར་ཆད་འབྱུང་པོའི་སྙིང་ཁྲག་ཧུབ་ཀྱིས་འཐུང་༔ རི་རབ་འགུལ་ཞིང་རྒྱ་མཚོ་སྐོམ་དུ་རོལ༔ འབར་བའི་ཉི་ཟླ་གཉིས་ཀྱང་ཚོགས་པོར་འཕེན༔ མཉམ་པ་མེད་པའི་མཐུ་སྟོབས་རྩལ་འཆང་བ༔ སྔོན་གྱི་ཐུག་དམ་བཞིན་ཏུ་དུས་ལ་བབ༔ དམ་སྲི་ཉུ་ལེའི་ཚོགས་རྣམས་ཚར་ཅོད་ཅིག༔ གསང་བ་སྒྲུབ་པའི་འབྲས་བུ་མཆིས་པར་མཛོད༔ ཨོཾ་གྲུམ་པུ་ཨ་པ་ཙེ༔རུ་པ་ཙེ༔ ན་ལ་ཙེ༔ ཙ་མེ་ཐུན༔ ནཱ་ག་ཡ༔ སྟྭམ་བྷ་ཡ༔ བྱི་ནཱ་ཡཱ་ཀ༔ ཕྱེ་མ་ཕྱེ་མ༔ རྡུལ་ཕྲན་རྡུལ་ཕྲན༔ ཅེས་དྲག་ཏུ་བརྗོད་ལ་གུ་གུལ་དུད་པ་རོལ་མོའི་ཚམ་དམ་ཁྱད་པར་དབྱུགས་པས་བསྡིགས་ཤིང་ཐུན་གྱིས་ཐབ་བོ༔ དེ་ནས་ཆས་སོགས་གར་བཤད་ལྟར་བྱས་ལ་ལས་གཞུང་གི་བྱིན་འབེབས་བརྗོད་ཅིང་དཀྱིལ་འཁོར་ལ་

― LT39_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར་བ་དང་འཛབ་དབྱངས་ལན་གསུམ་བྱའོ། །གསུམ་པ་སྒྲུབ་པའི་ཚད་ནི༔ མོས་སློབ་ཀྱི་དབང་དུ་བྱས་ནས་དུས་ཟླ་བ་གཅིག་གམ༔ བདུན་གསུམ་མམ་ཞག་གསུམ་གྱིས་མཐའ་བརྟེན་པར་བསྒྲུབ་པས་ཀྱང་དུས་དང་དབང་པོ་དང་མཐུན་པར་དངོས་གྲུབ་ཅི་རིགས་པ་ཐོབ་པར་འགྱུར་བར་གསུངས་སོ། །ཐངས་དང་རྟགས་ནི་གསང་བ་སྤྱི་དང་སོ་སོའི་གཞུང་ལས་འབྱུང་བ་ལྟར་རོ། །གལ་ཏེ་རྟགས་ཚད་ངན་པ་བྱུང་ན་ཉུ་ལེ་སྐྲོད། རྟ་བྲོ་བརྡུང་། དམ་སེལ་གྱི་ལྟས་ལ་ཡིག་བརྒྱ་བཟླ་ཞིང་བཤགས་རྒྱུད་བཀླག༔ གྲིབ་མི་གཙང་པ་ལ་རྣམ་འཇོམས་སྨེ་བརྩེགས་སོགས་ཀྱི་བུམ་ཁྲུས་བྱ། རྟགས་ཚད་བཟང་ངན་གང་ལའང་རེ་དོགས་དང་དགག་སྒྲུབ་མེད་པར་དབྱིངས་སུ་བསྐྱེལ་བ་གནད་ཡིན། དངོས་གྲུབ་ཀྱི་ལྟས་བཟང་ངེས་པ་ཅན་བྱུང་ན་དེ་ཉིད་དུ་རྒྱུན་གྱི་དངོས་གྲུབ་ལེན་པ་གནད་དུ་ཆེ་བས་ཐོད་པ་མཚན་ལྡན་ཆང་དང་ཆོས་སྨན་སྦྱར་བས་བཀང་བ་མདུན་ཏུ་བཞག་ལ། ཧཱུྃཿ བདེ་གཤེགས་རྒྱལ་བ་མ་ལུས་དགོངས་སུ་གསོལ༔ རིག་འཛིན་མཁའ་འགྲོ་དམ་ཅན་སྲུང་མའི་ཚོགས༔ ལྷ་ཡི་དགེ་བསྙེན་དམ་ལྡན་ཐམས་ཅད་ཀྱིས༔ ཚུལ་བཞིན་སྒྲུབ་པའི་རྣལ་འབྱོར་བདག་ཅག་ལ༔ ཚེ་དང་ཆོས་དང་ཕྲིན་ལས་རྣམ་བཞི་དང་༔ རྐང་མགྱོགས་མིག་མཐོང་རིལ་བུ་མཁའ་སྤྱོད་དང་༔ མཐུ་དང་རྫུ་འཕྲུལ་མངོན་ཤེས་ནུས་མཐུ་དང་༔ སྲིད་ནོར་ཟས་དང་འདོད་དགུའི་དངོས་གྲུབ་སྩོལ༔ ཨ་ལ་ལ་ཧོཿ ཞེས་བརྗོད་ལ་བདུད་རྩི་མྱང་ངོ་། བཞི་པ་སྒྲུབ་པ་ཆེན་པོ་ནི་སྒྲུབ་པ་མཐར་ཕྱིན་ནས་དངོས་གྲུབ་ལེན་པ་སྟེ། དངོས་སྦྱོར་སྒྲོལ་ལ་བརྟེན་པར་གསུངས་ཀྱང་མོས་སློབ་སྐབས་རྫས་

― LT39_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བརྟེན་ཏེ་དངོས་གྲུབ་ལེན་པ་ལ་གཉིས། དངོས་གྲུབ་ལེན་པ་དངོས། རྗེས་མཐར་རྒྱས་ཀྱི་ལས་རིམ་མོ། །དང་པོ་ལ་གསུམ། རྫས་བཤམས་པ། ཆོ་གའི་སྔོན་འགྲོ། ཆོ་ག་དངོས་སོ། དང་པོ་ནི། དཀྱིལ་འཁོར་གྱི་ཤར་ཕྱོགས་སུ་གཞི་སྟེགས་དཀར་པོའི་སྟེང་འབྲུ་དཀར་གྱི་གཡུང་དྲུང་། གཡས་བསྐོར་དུ་བྲིས་པའི་དབུས་སུ་རིན་པོ་ཆེའི་སྣོད་དུ་ཟས་སྣ་དང་སྤོས་སྣ་ཚོགས་སྦྱར་བ་ལས་དབུས་སུ་རིན་པོ་ཆེ་འབར་བའི་དབྱིབས་དང་ཕྱོགས་བཞིར་ཞི་རྒྱས་དབང་དྲག་གི་འབྲང་རྒྱས་རིགས་ལྔའི་ཕྱག་མཚན་ས་བོན་བཅས་པ་དང་ཉི་ཟླས་སྤྲས་པ་བཀོད། དེ་སྟེང་རྐང་གསུམ་ཁར་ཐོད་པ་མཚན་ལྡན་ཆང་ལ་ཆོས་སྨན་དང་མངར་གསུམ་སྦྱང་བས་བཀབ་པ་བཞག །མཐའ་བསྐོར་དུ་མཱཾ་ས་ཟླ་རྒྱས་ཟླ་ཕྲམ་ཚེ་ག་ལ་ཁུར་བ་ཤིང་ཏོག་དཀར་གསུམ་མངར་གསུམ་འབྲས་ཆན་སོགས་བཟའ་བཅའ་བཏུང་བའི་རིགས་གྱུར་མཆེད་རྣམས་ལ་འདོང་ངེས་ཀྱིས་བསྐོར་ལ་དར་དམར་མཐིང་གི་ཁེབས་ཀྱིས་དགབ་བོ། །གཉིས་པ་ནི། ཐོར་ཐུན་སྔ་བ་ནས་ཕྲིན་ལས་ཀྱི་གཞུང་བསྲང་རྩ་བཟླས་པ་ཁ་སྐོང་སྟོང་ཚིག་པ་སོགས་སོ་སོའི་གཞུང་ལྟར་གྲུབ་ནས་བསྙེན་རྒྱུན་སྔ་མ་གྲོལ། སྙིང་པོ་ལ་ཀཱ་ཡ་སིངྡྷི་སོགས་དངོས་གྲུབ་བླང་སྔགས་བཏགས་པ་རྒྱུན། སྲུང་མའི་གཏོར་ཆོག །ཚོགས་སྐོང་རྒྱས་པར་བྱ། ཚོགས་ཐ་མའི་སྐབས་ཉུ་ལེའི་ལྒིང་མེར་བསྲེགས་པའི་ཐལ་པ་ཆོས་སྲུང་གཏོར་མར་བསྟབས། དེ་ནས་དངོས་གྲུབ་འཕྲོག་པའི་བགེགས་བསྐྲད་པ་ནི། སྒྲུབ་པ་པོ་རྣམས་ཞྭ་གོས་སོགས་གཟི་བྱིན་བསྐྱེད་ལ། ཧཱུྃ༔ མི་གནས་ཡེ་ཤེས་དཀྱིལ་འཁོར་འདིར༔དངོས་གྲུབ་འཕྲོག་པར་བྱེད་པའི་བགེགས༔ ལྷའམ་འོན་ཏེ་བདུད་ཀྱང་རུང་༔ང་ལ་བར་ཆད་བྱེད་པའི་བགེགས༔ གནས་འདིར་མ་འདུག་གཞན་དུ་དེངས༔ རྡོ་རྗེ་གསང་བའི་བཀའ་ལས་ནི༔ སྡིག་ཅན་གང་ཞིག་འདའ་བྱེད་

― LT39_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

པའི༔ ཀླད་པ་ཚལ་པ་བརྒྱ་རུ་ཁོས༔ དྲག་སྔགས་རོལ་མོ་བཅས་ཡུངས་ཀར་གྱིས་བྲབ། གུ་གུལ་དུད་པས་བདུག་ལ་མཚམས་བཅད་པ་ནི། ཧཱུྃ༔ ཡེ་ནས་སྣང་བ་ལྷ་ཡི་དཀྱིལ་འཁོར་ལ༔ སྐུ་གསུང་ཐུགས་ཀྱི་རྡོ་རྗེའི་རང་བཞིན་རྫོགས༔ རིག་པ་རང་ཤར་ཁྲོ་ཚོགས་མཚོན་ཆའི་ཚོགས༔ མ་བཅོས་དབྱིངས་སུ་གསལ་བས་མཚམས་བཅད་དོ༔ ཧཱུྃ་བཛྲ་རཀྵ་བྷྲཱུྃ༔ ཞེས་སྲུང་འཁོར་བསྒོམས་ལ་སྤོས་རོལ་གཡབ་དར་བཅས་ལས་གཞུང་སོ་སོ་ལྟར་བྱིན་དབབ། དེ་ནས་སྒྲུབ་རྫས་བྱིན་བརླབས་པ་ནི། ཧཱུྃ་ཧྲཱིཿ ཡེ་ཤེས་སྙིང་པོའི་ཐུགས་ཀྱི་ཆོ་འཕྲུལ་ལས༔ མེ་ཆུ་རླུང་གིས་དངོས་འཛིན་བསྐལ་པ་བཤིག༔ དག་པའི་སྒྲུབ་གནས་བྷཉྫ་གཞལ་ཡས་ཁང་༔ ཨོཾ་ཧཱུྃ་ཏྲཱྃ་ཧྲཱིཿ ཨཱ་ལས་བདུད་རྩི་ལྔ༔ མཱུྃ་ལཱྃ་མཱྃ་བཱྃ་ཏཱྃ་ལས་ཤ་ལྔར་གྱུར༔ ཁམས་ལྔ་ཡེ་ཤེས་ལྔ་ཡི་བདག་ཉིད་ལས༔ རིག་པའི་ཆོ་འཕྲུལ་མེ་རླུང་སྦྱོར་བ་ཡིས༔ དབྱིངས་རིག་དབྱེར་མེད་བདེ་སྟོང་ངང་དུ་ཞུ༔ ཡེ་ཤེས་ལྔ་ཡི་འོད་ཟེར་བསམ་ཡས་འཕྲོས༔ འཁོར་འདས་དྭངས་མའི་བཅུད་བསྡུས་རིགས་ལྔར་གྱུར༔ ཡབ་ཡུམ་མཉམ་སྦྱོར་བྱང་ཆུབ་སེམས་སུ་ཞུ༔ རྫས་རྣམས་ཡེ་ཤེས་བདུད་རྩིར་འཁྱིལ་བར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋ༔ ཞེས་བཟླས་ཤིང་བྱིན་གྱིས་བརླབ༔ འཁོན་གཅུགས་བཤགས་པ་ནི༔ ཧཱུྃ་ཧྲཱིཿ ཡེ་ཤེས་གཉིས་མེད་ཆོས་སྐུར་དག་པ་ལ༔ མ་རིག་དབང་གིས་སྒྲོ་དང་སྐུར་བཏབ་སྟེ༔ བདེ་དང་སྡུག་བསྔལ་འབྲས་བུ་སོ་སོར་སྨིན༔ དེ་ལྡོག་ཕྱིར་ན་རྒྱལ་བའི་དམ་

― LT39_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

མནོས་ཀྱང་༔ སྙོམ་ལས་དབང་གིས་དམ་ལས་འགལ་གྱུར་རྣམས༔ དམིགས་མེད་ཆོས་ཀྱི་དབྱིངས་སུ་བཟོད་པར་གསོལ༔ བཟོད་པར་བཞེས་ལ་དངོས་གྲུབ་སྩལ་དུ་གསོལ༔ ཅེས་དང་ཡིག་བརྒྱ་བརྗོད། གསུམ་པ་དངོས་གྲུབ་བསྡུ་བ་ནི། ཧཱུྃ་ཧྲཱིཿ རང་རིག་དབྱིངས་དང་གཉིས་སུ་མེད་པ་ཡི༔ ལྷ་ཚོགས་བདེ་ཆེན་རྒྱས་པའི་སྦྱོར་མཚམས་ནས༔ འོད་ཟེར་མཐའ་ཡས་ནམ་མཁའ་ཁྱབ་པར་འཕྲོས༔ རྒྱལ་བ་མཆོད་ཅིང་འགྲོ་བའི་སྒྲིབ་པ་སྦྱངས༔ མཆོག་དང་ཐུན་མོངས་དངོས་གྲུབ་ཀུན་འདུས་ཏེ༔ བདག་ལ་ཐིམ་པས་གང་འདོད་ལྷུན་གྱིས་གྲུབ༔ རྫས་ལ་ཐིམ་པས་བདུད་རྩིའི་རྒྱ་མཚོར་གྱུར༔ ཞེས་བསྐུལ་ཞིང་དམིགས་ལ་ལྷ་རྣམས་ཀྱི་སྙིང་པོའི་མཐར། སརྦ་ཨ་མྲྀ་ཏ་ཀུཎྜ་ལི་སརྦ་སིངྡྷི་ཧཱུྃ་ཧཱུྃ༔ ཞེས་སྟོང་ཕྲག་བཟླ། གནད་ནས་བསྐུལ་བ་ནི། རང་གི་ཐུགས་ཀ་ནས་འོད་ཟེར་དམར་པོ་ལྕགས་ཀྱུའི་དབྱིབས་ཅན་དཔག་ཏུ་མེད་པ་འཕྲོས་པས༔ བླ་མ་རིག་འཛིན་རྒྱལ་བ་སྲས་བཅས་བདེ་གཤེགས་ཞི་ཁྲོ་མཁའ་འགྲོ་ཆོས་སྐྱོང་རྣམས་བུ་ཡུག་འཚུབས་པ་ལྟར་བྱོན་ནས་རང་དམ་ཚིག་པ་ལ་ཐིམ་པར་བསམ། ཧཱུྃ་ཧྲཱཾ། བླ་མ་རིག་འཛིན་རྒྱལ་བ་སྲས་དང་བཅས༔ བདེ་གཤེགས་ཞི་ཁྲོ་མཁའ་འགྲོ་དམ་ཅན་རྣམས༔ འོག་མིན་ཆོས་ཀྱི་དབྱིངས་ནས་སྐུར་བཞེངས་ལ༔ དམ་ཚིག་དཀྱིལ་འཁོར་འདི་ལ་བརྟན་པར་བཞུགས༔ གཉིས་སུ་མེད་པའི་ཕྱག་བགྱི་བཞེས་སུ་གསོལ༔ །དམ་རྫས་བདུད་རྩིའི་མཆོད་པ་འདི་བཞེས་ལ༔ མཆོག་དང་ཐུན་མོངས་དངོས་གྲུབ་སྩལ་དུ་གསོལ༔

― LT39_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་འདིར་བདེ་གཤེགས་དངོས་གྲུབ་མི་སྟེར་ན༔ སྔོན་གྱི་ཐུགས་དམ་གཉན་པོ་མི་འགལ་ལམ༔ དེ་བས་ད་ལྟ་ཉིད་དུ་དངོས་གྲུབ་སྩོལ༔ ཞེས་བསྐུལ་ཞིང་སྙིང་པོའི་མཐར། ས་མ་ཡ་བཛྲ་ས་མ་ཡ༔ ཞེས་བཏགས་པ་སྟོང་ཕྲག་བཟླ། དེ་ནས་དངོས་གྲུབ་བསྐུལ་བ་ནི། ཧཱུྃ༔ རང་བཞིན་ཆོས་ཀྱི་དབྱིངས་ལས་མ་གཡོས་པའི༔ ལོངས་སྤྱོད་རྫོགས་སྐུ་ཞིང་ཁམས་ཆེན་པོ་འདིར༔ རིག་འཛིན་འདུས་པ་བླ་མའི་དཀྱིལ་འཁོར་ཚོགས༔ དང་པོ་མ་རིག་མུན་པའི་སྨག་གཏིབས་ནས༔ རང་དང་དབྱེར་མེད་བཞུགས་ཀྱང་ཞལ་མ་མཇལ༔ དེ་ནས་བཀའ་དྲིན་ཅན་གྱི་བླ་མ་ཡི༔ ཐུགས་རྗེའི་མན་ངག་ཟབ་མོའི་སྒྲོན་མེ་ཡིས༔ རང་རིག་རང་གསལ་ལྷ་དང་དཀྱིལ་འཁོར་མཇལ༔ བར་དུ་ཡི་དམ་སྐྱབས་འོས་མཆོད་པའི་གནས༔ བསྒྲུབས་བསྒྲུབས་བསྙེན་བསྙེན་གྲུབ་པ་མཐར་ཕྱིན་ནས༔ ལུས་ངག་ཡིད་གསུམ་སྐུ་གསུང་ཐུགས་སུ་སྨིན༔ ད་ནི་ལྷ་མཆོག་ཁྱེད་དང་གཉིས་སུ་མེད༔ རྡོ་རྗེ་སེམས་དཔའི་ནམ་ཡང་ལངས་ལ་ཁད༔ བདེ་གཤེགས་ཀུན་འདུས་མཁའ་ཀློང་ཡངས་པ་རུ༔ མ་རིག་རང་སངས་ཐུགས་རྗེའི་ཉི་མ་ཤར༔ ད་ནི་དངོས་གྲུབ་འབྱུང་བ་འདུས་ལ་བབ༔ འདོད་པའི་འབྲས་བུ་མྱུར་དུ་མཆིས་པར་མཛོད༔ ཅེས་བསྐུལ་ལ་ཐུགས་སྒྲུབ་སོ་སོའི་ལས་བྱང་ནས་འབྱུང་བའི་དངོས་གྲུབ་བླང་པའི་ཚིག་བརྗོད་ལ་སྒྲུབ་རྟེན་རྣམས་གནས་གསུམ་དུ་གཏུགས། སྔགས་འཛབ་དབྱངས་ཀྱི་ཚུལ་དུ་བརྗོད་ལ་དངོས་གྲུབ་ཀྱི་རྫས་རྣམས་སློབ་དཔོན་ནས་བརྩམས་མཆེད་ལྕམ་ཐམས་ཅད་ལ་བཀྱེ།

― LT39_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་མེད་ཆོ་གའི་ལག་ལེན་འདི་ཉིད་སྐྱབས་མགོན་རྒྱལ་དབང་ཐམས་ཅད་མཁྱེན་པ་བཅུ་བཞི་པས་བཀའ་སྩལ་མེ་ཏོག་སྤྱི་བོར་བཅིངས་ཤིང་། སྔ་ཕྱིར་དོན་གཉེར་ཅན་འགའ་ཞིག་གི་བཞེད་པ་སྐོང་བའི་ཕྱིར་དང་། ཆོས་ཚུལ་ཁྱད་པར་འཕགས་པ་འདི་ཉིད་དར་ཞིང་རྒྱས་པར་གྱུར་ན་ཅི་མ་རུང་སྙམ་དུ་ལྷག་པའི་བསམ་པས་ཀུན་ནས་བསླངས་ཏེ། ཡོན་ཏན་རྒྱ་མཚོའི་མིང་ཅན་བློ་གྲོས་མཐའ་ཡས་པའི་སྡེས་རྫོང་སར་བཀྲ་ཤིས་ལྷ་རྩེའི་ཆོས་གྲྭར་བྲིས་པ་དགེ་ལེགས་འཕེལ། །ཞེས་པ་འདིའང་ནཱ་ཐ་སིངྡྷིའི་སྤར་དུ་བསྒྲུབས་པའོ། །

― LT39_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

― LT39_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་བཞིན་ཏུ༔ སྒྲུབ་པ་སྲུང་མཛད་སྐུ་དྲིན་ཏུ༔ གཏང་རག་མཆོད་བཞེས་དབྱིངས་སུ་གཤེགས༔ བཛྲ་མུ༔ ནུབ་ཀྱི་ཐོ་རྩར་ཕྱིན་ལ༔ བྱིན་རླབས་གཏོར་མཆོད་སྔགས་ཀྱིས་ཕུལ། ཧཱུྃ༔ ཕྱི་ལྟར་རྒྱལ་ཆེན་སྤྱན་མི་བཟང་༔ ནང་ལྟར་པདྨ་ཧེ་རུ་ཀ༔ གསང་བ་སྣང་བ་མཐའ་ཡས་ཏེ༔ སྔོན་གྱི་ཐུགས་དམ་ཇི་བཞིན་ཏུ༔ སྒྲུབ་པ་སྲུང་མཛད་སྐུ་དྲིན་ཏུ༔ གཏང་རག་མཆོད་བཞེས་དབྱིངས་སུ་གཤེགས༔ བཛྲ་མུཿ བྱང་གི་ཐོ་རྩར་འཁོད་ལ། བྱིན་རླབས་གཏོར་མཆོད་སྔགས་ཀྱིས་འབུལ། ཧཱུྃ༔ ཕྱི་ལྟར་རྒྱལ་ཆེན་རྣམ་ཐོས་སྲས༔ ནང་ལྟར་རཏྣ་ཧེ་རུ་ཀ༔ གསང་བ་རིར་ཆེན་འབྱུང་ལྡན་ཏེ༔ སྔོན་གྱི་ཐུགས་དམ་ཇི་བཞིན་ཏུ༔ སྒྲུབ་པ་སྲུང་མཛད་སྐུ་དྲིན་ཏུ༔ གཏང་རག་མཆོད་བཞེས་དབྱིངས་སུ་གཤེགས༔ བཛྲ་མུཿ ཞེས་གཤེགས༔ སྒོ་བྱང་བཀྲོལ་བ་ནི། ཕྱི་སྒོར་མཆོད་གཏོར་བཤམས་ལ་སྔར་བཞིན་བྱིན་བརླབ། ཨོཾ་ཀརྨ་ཡ་མ་རཱ་ཛ་ཧཱུྃ་ཕཊ་ས་པ་རི་བཱ་ར་སོགས་གཏོར་སྔགས་བཏགས་པ་ལན་གསུམ་གྱིས་འབུལ། ཨོཾ་བཛྲ་པུཥྤེ་སོགས་ཀྱིས་མཆོད། ཧཱུྃ༔ དཔལ་གྱི་ཕོ་ཉ་སྒོ་སྲུང་ནི༔ མཐུ་སྟོབས་རྫུ་འཕྲུལ་བསམ་མི་ཁྱབ༔ གཏོང་རག་མཆོད་པ་འདི་འབུལ་ལོ༔ ཉམས་ཆགས་འགལ་འཁྲུལ་ཐམས་ཅད་བཤགས༔ སླར་ཡང་འཁོར་སྲུང་རྐྱེན་རྣམས་ཟློག༔ བཀྲ་ཤིས་བདེ་ལེགས་མཛད་དུ་གསོལཿ གཙྪ་ས་རང་གནས་སུ་གཤེགས་ལ་སྒོ་བྱང་བསྡུ༔

― LT39_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ནང་དུ་ཕྱིན་ལ་སློབ་དཔོན་རྣམ་རྒྱལ་ཐེབས་དཀྱིལ་འཁོར་ནུབ་ཏུ་འཁོད་ལ། ཨོཾ་བཛྲ་ཀཱི་ཡ་ལ་ཨུཏྐཱི་ལ་ཡ་སརྦ་ཀཱི་ལ་ཡ་བཛྲ་དྷཱ་རོ་དམ་ཛྙཱ་པ་ཡ་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ༔ ཅེས་ལག་གཉིས་སྐམ་པའི་རྒྱ་དང་བཅས་དང་པོར་གདབ་རིམ་ལས་ལྡོག་ཕྱོགས་སུ་ཕྱུང་སྟེ། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིངྡྷི་ལོ་ཙ་ནི་སརྦ་ཨརྠ་སཱ་དྷ་ནི་སྭཱ་ཧཱ༔ ཞེས་ཕུར་རྩེ་འོ་མས་བཀྲུ་ཆོས་ཐམས་ཅད་སྐྱེ་བ་མེད་པའི་དོན་ཡིད་ལ་བྱས་ཏེ་དྲིལ་བུ་དཀྲོལ་ཞིང་། ཨ་ཀཱ་རོའི་སྔགས་བརྗོད་བཞིན་པས་འཇམ་རོལ་དང་བཅས་རས་བྲིས་དཀྱིལ་འཁོར་བསྡུ༔ རྡུལ་ཚོན་ཡིན་ན་ཤར་ནས་དབུས་སུ་བསྡུ་ཞིང་ཆོས་སུ་སྤྱི་བོར་མཆོད། ལྷག་མ་ཀླུ་ཆོག་བཅས་ཆུ་ཀླུང་ཆེན་པོར་གཤེགས་སོ། །གསུམ་པ་ནི། གཞུང་ཆེན་པོ་རྣམས་སུ་སྐབས་འདིར་སློབ་དཔོན་ལ་བཟོད་པ་གསོལ་ཞིང་གཏང་རག་འབུལ་བ། མཆེད་ཀྱི་ནོངས་བཤགས་རྣམས་འབྱུང་ཡང་ལུགས་འདིར་མ་བཤད་པས་ས་ཅད་ཙམ་དུ། ཡེ་ཤེས་སྐུ་མཆོག་སོགས་དང་། རྗེ་བཙུན་བླ་མ་རྣམས་ཀྱི་སོགས་བརྗོད། ལས་གཞུང་སོ་སོ་ནས་འབྱུང་བའི་སྨོན་ལམ་སྤྱིར་གདབ། ཁྱད་པར་མར་མེ་སྨོན་ལམ་ནི། ཐམས་ཅད་ཀྱི་ལག་པ་ལུ་གུ་རྒྱུད་དུ་སྤྲེལ་ཞིང་གཡས་སུ་མར་མེ་ཐོགས། སློབ་དཔོན་ནམ་རྒྱལ་ཐེབས་ཀྱིས་བྱང་དྲངས་ལ། ཧོཿ ཡང་གསང་རིག་འཛིན་བླ་མའི་དཀྱིལ་འཁོར་དུ༔ རྡོ་རྗེ་སློབ་དཔོན་མཆོག་གི་བཀའ་དྲིན་གྱིས༔ དུས་གསུམ་འབྲལ་མེད་འགྲོགས་པའི་མཆེད་ལྕམ་རྣམས༔ དཀྱིལ་འཁོར་གསུམ་དུ་བསྙེན་སྒྲུབ་མཐར་ཕྱིན་པའི༔ ཏིང་འཛིན་རྩེ་གཅིག་ཟབ་མོ་འདི་ཡི་མཐུས༔ རིགས་ཀྱི་གཙོ་བོ་རྡོ་རྗེ་སློབ་དཔོན་དང་༔ དམ་ཚིག་གཅིག་པའི་མཆེད་དང་ལྕམ་དྲལ་དང་༔ ཟབ་མོའི་དབང་གིས་འབྲེལ་བའི་

― LT39_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་མ་གསུམ༔ ཚེ་རབས་ཀུན་ཏུ་མི་འབྲལ་ལྷན་ཅིག་པས༔ བདེ་ཆེན་ཚོགས་ཀྱི་འདུ་བར་རྟག་སྤྱོད་ཅིང་༔ བླ་མེད་གསང་བའི་མྱུར་ལམ་ལ་བརྟེན་ནས༔ ས་བཅུའི་ཁྱད་པར་རིམ་གྱིས་བགྲོད་པར་ཤོག༔ ནམ་ཞིག་ཚེ་འཕོས་ལུས་བརྗེས་དུས་བྱུང་ཚེ༔ འཁོར་བའི་གཡང་སར་ལན་གཅིག་ལྟུང་སྲིད་ཀྱང་༔ སྣང་བའི་གོ་འབྱེད་ཡེ་ཤེས་མར་མེ་འདིས༔ གཏི་མུག་མུན་པའི་སྨག་རུམ་དབྱིངས་སུ་བསལ༔ འདོད་ཆགས་གཅོང་རོང་རྣམས་སུ་མི་འཁྱམས་ཤིང་༔ ཞེ་སྡང་དམྱལ་བའི་ཟངས་ཁར་མི་འགྲིམ་དང་༔ ང་རྒྱལ་གཅན་གཟན་གདུག་པའི་སྐད་མི་ཐོས༔ ཕྲག་དོག་མཚོན་ཆ་རྣོན་པོས་མི་འཕོག་ཤོག༔ རྣམ་སྨིན་ཚེ་དབང་ཕྱག་རྒྱ་ཆེན་པོ་དང་༔ ལྷུན་གྱིས་གྲུབ་པའི་གོ་འཕང་ཉེར་བགྲོད་དེ༔ ཀུན་ཏུ་འོད་ཀྱི་ས་ལ་ཕྱིན་པའི་ཚེ༔ རིག་འཛིན་བླ་མ་རྣམས་གྱིས་མདུན་བསུས་ཤིག༔ ཡི་དམ་ལྷ་ཚོགས་རྣམས་ཀྱིས་རྒྱབ་བརྟེན་ཅིག༔ མ་ཚོགས་མཁའ་འགྲོ་རྣམས་ཀྱིས་མཐའ་སྐྱོར་ཤིག༔ འཁོར་ལོ་ཚོགས་ཆེན་གནས་སུ་ལམ་སྣ་དྲོངས༔ འོད་གསལ་བླ་མ་ཆོས་སྐུའི་ཞལ་མཐོང་ནས༔ ལོངས་སྤྱོད་རྫོགས་སྐུ་ཆེན་པོར་ལྷུན་གྱིས་གྲུབ༔ མ་འགགས་སྤྲུལ་པའི་སྒྱུ་འཕྲུལ་རྩལ་འཆང་བས༔ ཁམས་གསུམ་ཐིག་ལེ་ཆེན་

― LT39_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་དོང་སྤྲུགས་ཤོག༔ བླ་མ་རིག་འཛིན་བསྒྲུབས་པའི་ས་ཕྱོགས་འདིར༔ ནད་མུག་འཁྲུགས་རྩོད་སྐལ་ངན་ཀུན་ཞི་ཞིང་༔ དགེ་ལེགས་ཡོན་ཏན་ངང་གིས་འདུ་བ་དང་༔ གསང་སྔགས་བསྟན་པ་མཐའ་རྒྱས་བཀྲ་ཤིས་ཤོག༔ ཅེས་བརྗོད། གཞན་ཡང་ཐེག་པ་ཆེན་པོ་སྤྱི་དང་གསང་བ་བླ་མེད་ཀྱི་སྨོན་ལམ་ཇི་ལྟར་རིགས་པ་གདབ༔ ཞལ་ནས་གསུངས་པའི་བཀྲ་ཤིས་ཀྱི་ཚིགས་སུ་བཅད་པས་ཐོག་དྲངས། ལས་གཞུང་སོ་སོ་ནས་འབྱུང་བའི་བཀྲ་ཤིས་སོགས་ཤིས་བརྗོད་རྒྱས་པར་བརྗོད་ཅིང་མེ་ཏོག་གི་ཆར་དང་རོལ་མོ་སྙན་ལ་རིང་བས་དྭང་སྤྲོ་བར་བྱ། ཁ་སྐོང་དུ་རྒྱས་པའི་སྦྱིན་སྲེག་དང་ཞག་གསུམ་སོགས་གནས་བསྲུང་ཞིང་ཚོགས་མཆོད་ལ་སོགས་པའི་དགའ་སྟོན་རྒྱས་པར་སྤེལ་བས་ལེགས་ཚོགས་རྒྱུན་མི་འཆད་པར་འཕེལ་བའི་རྟེན་འབྲེལ་དུ་འགྱུར་རོ། །གསང་ཆེན་བླ་མེད་མྱུར་ལམ་མཐར་ཐུག་གི། བདུད་རྩིའི་བཅུད་མྱོང་རིག་འཛིན་ཚོམས་བུའི་ཚོགས། གྲངས་ལས་འདབ་པས་འཇིག་རྟེན་ཀུན་ཁྱབ་སྟེ། ཁམས་གསུམ་གདོད་མའི་དབྱིངས་སུ་གྲོལ་གྱུར་ཅིག །ཡན་ལག་གི་ཐུགས་སྒྲུབ་གཉིས་པོའི་སྒྲུབ་ཁོག་མྱོང་གྲོལ་སིངྡྷི་རིལ་བུའི་སྒྲུབ་པ་དང་འབྲེལ་བ་འདི་ཉིད་གཏེར་ཆེན་མཆོག་གྱུར་གླིང་པས་གོ་སྟོང་འོད་འབར་བྲག་ནས་སྤྱན་དྲངས་ཏེ་གཏན་ལ་ཕབ་པའི་ཡི་གེ་པ་ཀུན་གཟིགས་འཇམ་དབྱངས་མཁྱེན་བརྩེའི་དབང་པོས་མཛད་པའི་ཕྱག་བྲིས་གཞན་གྱིས་ཀློག་ཏུ་མི་གཏུབ་པས་གོང་གསལ་གྱི་དཔེ་གཉིས་པ་འབྲི་བར་བཞེད་ཀྱང་རིམ་ལུས་སུ་གྱུར་པ། སླད་ནས་ཞབས་བསྐུལ་ནན་ཏུ་ཞུས་པས་གཏེར་གཞུང་དངོས་སྟོད་ཆ་ཙམ་དང་འདོན་ཆ་ཚང་བ་གསལ་བཀོད་བཀའ་དྲིན་ཏུ་སྩལ་

― LT39_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཐོར་པས། ཡན་ལག་ཐུགས་སྒྲུབ་གཉིས་ཀྱི་སྒྲུབ་ཁོག་དམིགས་བསལ་ཡོད་བཞིན་ཏུ་རྩ་བའི་ཐུགས་སྒྲུབ་ཀྱི་རྒྱས་འགེབ་པར་མགོ་ལུག་སྦྱར་སོགས་རང་བཟོའི་རིགས་མི་བྱ་ཀ་མེད་བྱུང་བ་རྣམས་ལ་ཕན་འདོད་ཀྱི་བསམ་པས་འཆི་མེད་བསྟན་གཉིས་གཡུང་དྲུང་གླིང་པས་ཙཱ་འདྲ་རིན་ཆེན་བྲག་གི་སྒྲུབ་གནས་སུ་བགྱིས་པའི་ཡི་གེ་པ་ནི་ཉེ་བར་གནས་པ་གསང་སྔགས་བསྟན་འཛིན་གྱིས་ཞུས་པ་དགེ་ལེགས་འཕེལ། །མངྒ་ལཾ།། །།

― LT39_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཚོགས་བདག་གཏོར་འབུལ།

― LT39_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་ར་བེ། དཔལ་ཚོགས་ཀྱི་བདག་པོ་ལ་རྒྱུན་གྱི་གཏོར་འབུལ་བྱ་བའི་སྐབས་སུ། འབྱོར་ན་ཕྱི་ནང་གི་མཆོད་པ་བཤམ། མ་འབྱོར་ན་གཏོར་མ་ཕུད་མཆོད་ཙམ་ལ་བརྟེན་ཏེ། རང་ཡི་དམ་དུ་གསལ་བས་ནམ་མཁའ་མཛོད་ཀྱི་སྔགས་རྒྱ་བྱས་ལ། མཆོད་རྫས་འདོད་ཡོན་དཔག་ཏུ་མེད་པས་ནམ་མཁའ་བར་སྣང་ས་གཞི་ཐམས་ཅད་གང་བར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ། ནང་མཆོད་ཤ་ལྔ་བདུད་རྩི་ལྔ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། རང་གི་ཐུགས་ཀ་ནས་འོད་ཟེར་འཕྲོས། རང་བཞིན་གྱི་གནས་དང་བྱང་ཤར་མཚམས་དུར་ཁྲོད་ཆེན་པོའི་གནས་ནས་དཔལ་མགོན་པོ་ཚོགས་ཀྱི་བདག་པོ་འཁོར་དང་བཅས་པ་མདུན་གྱི་ནམ་མཁར་བྱོན་པར་གྱུར། ཨོཾ་ཤྲཱི་མ་ཧཱ་ཀཱ་ལ་ས་མ་ཡ་ཕེ༚་ཕེ༚། ཧཱུྃ། །དད་པ་དང་ནི་དམ་ཚིག་གིས། །ཚུར་གཤེགས་ཚུར་བྱོན་མགོན་པོའི་ཚོགས། །དཔལ་ཆེན་ཆོས་འཁོར་སྲུང་མ་ཁྱོད། །འཁོར་བཅས་གནས་འདིར་གཤེགས་སུ་གསོལ། །ཨོཾ་ཨེ་ཧྱེ་ཧི་ཤྲཱི་མ་ཧཱ་ཀཱ་ལ་ཛཿཧཱུྃ་བྃ་ཧོཿ ཨཱ་གཙྪ་ཡ་ཨཱ་གཙྪ་ཡ། ཏིཥྛ་བཛྲ་ས་མ་ཡ་སྟཾྭ། མདུན་གྱི་ནམ་མཁར་བརྟན་པར་བཞུགས་པར་བསམ། ཨ་ཏི་པུ་ཧོཿ པྲ་ཏཱིཙྪ་ཧོཿ མགོན་པོ་འཁོར་དང་བཅས་པས་ལྗགས་རྡོ་རྗེའི་སྦུ་གུས་གཏོར་མའི་བཅུད་དངས་ཏེ་གསོལ་བས་མཉེས་ཤིང་ཚིམས་པར་གྱུར། ཨོཾ་ཤྲཱི་མ་ཧཱ་ཀཱ་

― LT39_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ས་པ་རི་བཱ་ར་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་་ཨི་མཾ་ག་ག་ན་ཁཾ་གྷྲྀཧྞ་ཨི་དཾ་བ་ལི༚་ཏ་ཡེ་སྭཱ་ཧཱ། ལན་གསུམ། ཨོཾ་ཤྲཱི་མ་ཧཱ་ཀཱ་ལ་ཡཀྴ་བེ་ཏཱ་ལི་མ་ཧཱ་སརྦ་པཉྩ་ཨ་མྲྀ་ཏ་ལ་ཁཱ་ཧིཿ མ་ཧཱ་རཀྟ་ལ་ཁཱ་ཧིཿ མ་ཧཱ་བ་ལི༚་ཏ་ལ་ཁཱ་ཧིཿདགྲ་བགེགས་ཀྱི་ཤ་ཁྲག་རུས་པ་ལ་ཁཱ་ཧིཿ བཛྲ་ཨརྒྷཾ། པཱ་དྱཾ། པུཥྤེ། དྷཱུ་བེ། ཨཱ་ལོ་ཀེ། གནྡྷེ། ནཻ་བི་དྱ། ཤབྡ་པྲ་ཏཱིཙྪ་སྭཱ་ཧཱ། ཨོཾ་ཨཱཿཧཱུྃ། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་མཆོད་ཅིང་འབུལ་བའི་གནས་ནི། དཔལ་མགོན་པོ་ནག་པོ། ཤྲཱི་མ་ཧཱ་ཀཱ་ལ། དུག་གསུམ་ནད་ཀྱི་སྨན་པ། བདུད་འདུལ་ལས་ཀྱི་དབང་ཕྱུག །རིག་འཛིན་ཡོངས་ཀྱི་སྲོག་ཤིང་། རྣལ་འབྱོར་ཡོངས་ཀྱི་དགྲ་བླ། ཕྱི་ནང་གཉིས་ཀྱི་ཚོགས་བདག །ཡུམ་ཡཀྴ་བེ་ཏཱ་ལི། སྐུ་གསུང་ཐུགས་ཀྱི་མགོན་པོ། ཕྱོགས་བཅུའི་མགོན་པོ། སྡེ་བརྒྱད་ཀྱི་མགོན་པོ། ནག་པོ་སྟོང་། ཤ་ཟ་འབུམ། ལྷ་དམག་བྱེ་བ་དུང་ཕྱུར་དང་བཅས་པ་རྣམས་ལ་མཆོད་དོ། །འབུལ་ལོ། །གསོལ་ལོ། །འདོན་ཏོ། །མཉེས་རབ་ཀྱི་མཆོག །དགྱེས་རབ་ཀྱི་ཕུལ། འདོད་པའི་ཡོན་ཏན་གྱི་ཚོགས་ཀྱིས་མཉེས་པར་མཛོད། བདག་ཅག་འཁོར་དང་བཅས་པ་རྣམས་ལ་བསྲུང་ཞིང་བསྐྱབ་པ་དང་། བསམ་སྨོན་ཐམས་ཅད་ཡིད་

― LT39_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཏུ་འགྲུབ་པར་མཛད་དུ་གསོལ། དགྲ་བགེགས་གདུག་པ་ཅན་ཐམས་ཅད་ཐལ་བའི་རྡུལ་ཕྲན་བཞིན་ཏུ་བརླག་པའི་ཕྲིན་ལས་མཛོད་ཅིག །ཧཱུྃ། །བསྐལ་པ་མེ་ལྟར་འབར་བའི་དབུས། །དུར་ཁྲོད་ཆེན་པོའི་གནས་མཆོག་ན། །བམ་ཆེན་སྟེང་ན་འགྱིང་བག་ཅན། །དཔལ་ལྡན་མགོན་པོ་ནག་པོ་ནི། །བདུད་དང་དགྲ་བགེགས་བཟློག་པའི་ཕྱིར། །མགོན་པོ་འཁོར་དང་བཅས་པ་ལ། །བྱམས་པའི་སེམས་ཀྱིས་མཆོད་འབུལ་བསྟོད། །ཉམས་ཆགས་འགལ་འཁྲུལ་ཅི་མཆིས་པ། །གནོང་འགྱོད་སེམས་ཀྱིས་མཐོལ་ལོ་བཤགས། །བདག་གི་ཆོས་སྐྱོང་སྲུང་མར་གྱིས། །སྐུ་གསུང་ཐུགས་ཀྱི་དངོས་གྲུབ་སྩོལ། །ཅེས་བསྟོད་ཅིང་འདོད་དོན་གསོལ་ལ་ཡིག་བརྒྱ་བརྗོད། རྟེན་ཡོད་ན་བརྟན་བཞུགས་བྱ། མེད་ན་ཨོཾ་བཛྲ་མུཿཞེས་གཤེགས་སུ་གསོལ། ཅེས་པའང་གསེར་ཐར་བླ་མ་ཨོ་རྒྱན་ལྷུན་གྲུབ་ནས་གསུངས་བསྐུལ་ནན་བསྐྱང་ངོར་པདྨ་གར་དབང་རྩལ་གྱིས་བསྡེངས་པ་དགེ་ལེགས་འཕེལ།། །།

― LT39_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྟེན་ལ་ནང་གཞུག་འབུལ་བའི་ལག་ལེན་ལུགས་སྲོལ་ཀུན་གསལ་དྲི་བྲལ་ནོར་བུ་ཆུ་ཤེལ་གྱི་མེ་ལོང་།

― LT39_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ལ་ནང་གཞུག་འབུལ་བའི་ལག་ལེན་ལུགས་སྲོལ་ཀུན་གསལ་དྲི་བྲལ་ནོར་བུ་ཆུ་ཤེལ་གྱི་མེ་ལོང་ཞེས་བྱ་བ་བཞུགས་སོ། །

― LT39_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་དང་དེ་འབྲེལ་རྨད་བྱུང་རྟེན། །འཇིག་རྟེན་གསུམ་གྱི་མུན་པ་རབ་འཇོམས་ཤིང་། །ལྷར་བཅས་སྐྱེ་དགུའི་གཙུག་གི་ནོར་བུ་སྟེ། །ཚེ་རབས་ཀུན་ཏུ་བསོད་ནམས་ཞིང་དུ་ལེན། །རྟེན་མཆོག་རིང་བསྲེལ་སྙིང་པོར་སྒྲུབ་པའི་ཚུལ། །རྒྱུད་གཞུང་དགོངས་པ་གངས་ཅན་མཁས་མང་གིས། །གསལ་བར་མཛད་མོད་རང་འདྲའི་བློ་དམན་རྣམས། །མི་འཁྲུགས་བདེ་བླག་འཇུག་པའི་སྒོ་འདི་དབྱེ། །དེའང་སངས་རྒྱས་ཀྱི་ཕྲིན་ལས་བྱུང་ཞིང་དཀོན་མཆོག་གི་ཞལ་སྐྱིན་ཏུ་གྱུར་པའི་རྟེན་རྣམས་རིང་བསྲེལ་གྱི་སྙིང་པོ་ཅན་ཏུ་སྒྲུབ་པའི་ཚུལ་ལ་ལྔ། གང་ལ་བྱ་བའི་རྟེན། གང་གིས་བྱེད་པའི་མཁན་པོ། གང་ལས་

― LT39_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པའི་ཁུངས། ཇི་ལྟར་བྱ་བའི་ཚུལ། དེ་ལྟར་བྱས་པའི་ཕན་ཡོན་ནོ། །དང་པོ་ནི། དཔལ་མར་མེ་མཛད་ཀྱིས། སྐུ་གཟུགས་གླེགས་བམ་མཆོད་རྟེན་སོགས། །སངས་རྒྱས་རྣམ་འཕྲུལ་བྱིན་རླབས་ལས། །བྱུང་སྟེ་མིན་ན་མི་འབྱུང་བས། །རྟོགས་ཏེ་ཤིན་ཏུ་དད་ལྡན་ན། །རབ་ཏུ་གནས་པ་མི་དགོས་སོ། །ཞེས་གསུངས་པ་ལྟར་རྟེན་གསུམ་ལས་སྐབས་སུ་བབ་པ་སྐུ་གཟུགས་དང་མཆོད་རྟེན་ཡིན་ཅིང་། དེའང་རྒྱུ་སྦྱིན་བདག་གྲགས་འདོད་སེར་སྣ་སོགས་ཀྱི་དྲི་མས་མ་བསླད་ཅིང་། །རྐྱེན་བཟོ་བོ་ཉོན་མོངས་ཆེ་བའི་སྐྱོན་མེད་པས་རྒྱ་བོད་ཀྱི་གཞུང་ལུགས་ཁུང་མ་ནས་བཤད་པའི་ཆགས་ཚད་དང་ལྡན་པ་ནི་རྟེན་ཆེ་ཆུང་གང་ལའང་གཅེས་སོ། །གཉིས་པ་ནི། གཟུངས་

― LT39_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ་བ་པོ་རབ་དགེ་སློང་རྡོ་རྗེ་འཛིན་པ་དེ་ཉིད་བཅུ་ལྡན། འབྲིང་དགེ་ཚུལ། ཐ་མ་དགེ་བསྙེན་ནམ་ཁྱིམ་པ་ཡིན་ཀྱང་གསོ་སྦྱོང་བླངས་པ་སྟེ། གང་ལྟར་སྡོམ་པ་དང་ལྡན་ལ་ལག་ལེན་མཁས་ཤིང་ཞི་བག་ཤ་ཆང་སྒོག་བཙོང་སོགས་སྤང་ཞིང་གཙང་སྦྲའི་སྤྱོད་ལམ་ལ་གནས་པ། བློ་རྩེང་པོར་མ་སོང་བ་ངང་རིང་བརྩོན་འགྲུས་དང་ལྡན་པ་གལ་ཆེའོ། །གསུམ་པ་ནི། ཐེ་ཚོམ་མེད་པའི་དད་མོས་ཅན་ལ་གོང་གི་ལུང་དོན་ལྟར་དཀོན་མཆོག་གི་རྟེན་ཏུ་གྲུབ་པ་ཙམ་ནས་ནང་གཞུག་དང་རབ་གནས་ལ་མི་ལྟོས་པར་དེ་དག་གི་བྱིན་རླབས་འཇུག་པའང་ཡོད་མོད། སྐྱེ་དགུ་སྤྱི་མཐུན་གྱི་བསོད་ནམས་ཞིང་དུ་སྒྲུབ་པ་ལ་རིང་བསྲེལ་གྱི་སྙིང་པོ་ཅན་དུ་བྱ་དགོས་པའི་ཚུལ་མདོ་ལས། རིང་བསྲེལ་ཡུངས་འབྲུ་ཙམ་མཆོད་རྟེན་སྐྱུ་རུ་རའི་འབྲུ་ཙམ་གྱི་ནང་དུ་བཅུག་སྟེ་སྲོག་ཤིང་ཁབ་ཙམ་གཟུག་ཅིང་གདུགས་རྒྱ་ཤུག་གི་ལོ་མ་ཙམ་གྱིས་འགེབས་པའི་དཔེས་མཚོན་པ་དང་། སྔགས་རྒྱུད་ལས། རིང་བསྲེལ་ཅན་གྱི་མཆོད་རྟེན་དྲུང་། །བདེ་བར་གཤེགས་པའི་སྔགས་པས་འགྲུབ། །ཅེས་སོགས་མང་དུ་འབྱུང་བ་དང་། དཔུང་བཟང་གིས་ཞུས་པའི་རྒྱུད་ལས་ཀྱང་། བདེ་གཤེགས་མཆོད་རྟེན་རྟེན་འབྲེལ་སྙིང་པོ་ཅན། །སྡིག་པ་སྦྱང་བའི་ཕྱིར་ནི་རྟག་ཏུ་གདབ། །རིང་བསྲེལ་ཅན་གྱི་གཟུགས་

― LT39_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

སམ་མཆོད་རྟེན་ལ། །བསྟོད་ཅིང་ཕྲེང་བ་དྲི་དང་མར་མེ་འབུལ། ཅེས་སོགས་གསུངས་ཏེ་དེ་ལ་མཆོད་རྟེན་ནི་མཆོད་པ་འོས་པའི་རྟེན་ཅེས་སམ། ཙཻ་ཏྱའི་སྒྲ་གསག་བྱའི་མ་དྲན་བྱ་ལ་འཇུག་པས་དཀོན་མཆོག་གི་རྟེན་སྤྱི་ལའང་འཇུག་ཏུ་རུང་སྟེ། ཇི་སྐད་དུ། །དཀར་པོའི་ཆོས་རྣམས་བསགས་པ་དང་། །སྡིག་པ་མ་ལུས་སྤངས་པའི་ཕྱིར། །སངས་རྒྱས་བཅོམ་ལྡན་འདས་ལ་ནི། །མཆོད་རྟེན་ཅེས་ནི་ངེས་པར་བརྗོད། །ཅེས་སོ། ལུང་དེའི་དོན་ནི་ཙེ་ཡ། གསག་བྱ་དང་། ཏྱཀྲ་དོར་པའི་སྒྲ་བསྡུས་པའི་དབང་དུ་མཛད་པའོ། འདིར་གཟུགས་སམ་ཞེས་པས་སྐུ་གཟུགས་ཀྱང་དངོས་སུ་བསྟན་ཅིང་། མི་ལ་རྣམ་ཤེས་ཞུགས་པ་བཞིན་བེམ་པོར་གྱུར་པའི་སྐུ་གཟུགས་དང་། མཆོད་རྟེན་ལ་རིང་བསྲེལ་བཅུག་པས་དེ་དག་ཀྱང་བསོད་ནམས་ཀྱི་ཞིང་ཁྱད་པར་ཅན་ཏུ་གྲུབ་པ་ཡིན་ནོ། རིང་བསྲེལ་ནི་ཆོས་སྐུའི་རིང་བསྲེལ། སྐུ་གདུང་གི་རིང་བསྲེལ། སྐུ་བལ་གྱི་རིང་བསྲེལ། ཡུངས་འབྲུ་ལྟ་བུའི་རིང་བསྲེལ་ཏེ་རྣམ་པ་བཞིར་བོད་དུ་སྔར་གྲགས་ཤིང་དེ་དག་རིམ་བཞིན་གཟུངས་སྔགས། གང་ཟག་མཆོག་གི་གདུང་རུས། དབུ་སྐྲ་སེན་མོ་སོགས་ཆ་ཤས། སངས་རྒྱས་གཙོ་བོར་གྱུར་པའི་ཤ་རཱི་རཾ་འཕེལ་གདུང་དུ་གྲགས་པ་རྣམས་ལ་ངོས་འཛིན། རྒྱ་ནག་གསར་འགྱུར་བྱང་ཆུབ་སྙིང་པོ་རྒྱན་གྱི་

― LT39_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་ཀྱི་ཆོ་ག་ཞིབ་མོ་ལས། ཆོས་ཀྱི་སྐུའི་རིང་བསྲེལ་དང་། དེ་བཞིན་གཤེགས་པའི་སྐུ་གདུང་གི་རིང་བསྲེལ་དང་། སྐུ་བལ་གྱི་རིང་བསྲེལ་དང་། ཆོས་ཕྱི་རིང་བསྲེལ་དང་། ཡུངས་འབྲུ་ཙམ་གྱི་རིང་བསྲེལ་ཏེ་ལྔར་བཤད་པའི་ཆོས་སྐུའི་རིང་བསྲེལ་སཱཙྪ་མཆོད་རྟེན་གྱིས་མཚོན་པ་རྣམས་དང་། ཆོས་ཀྱི་རིང་བསྲེལ་གཟུངས་སྔགས་དང་གླེགས་བམ་ལ་ངོས་འཛིན། གཞན་གསུམ་སྔ་མ་དང་འདྲ། ཚུལ་འདི་དོན་ཐོབ་དང་ཐ་སྙད་གཉིས་ཀར་ལེགས་ཏེ་ལུང་རིག་གི་སྒྲུབ་བྱེད་འཐད་ལྡན་འབྱུང་བའི་ཕྱིར་རོ། །དེ་དག་ལ་བརྟེན་ནས་སློབ་དཔོན་ཆེན་པོ་འཇིགས་མེད་འབྱུང་གནས་དང་པ་ཆེན་ནགས་རིན་ལ་སོགས་པས་ཀྱང་སྐུ་གཟུགས་དང་མཆོད་རྟེན་ལ་གཟུངས་གཞུག་པའི་ཚུལ་གསལ་བར་བཤད་པ་ལྟར་རྒྱ་བལ་གྱི་སློབ་དཔོན་རྣམས་ཀྱིས་ཕྱག་བཞེས་སུ་མཛད་པ་ལ་རྩ་བར་བྱས་ནས། །བོད་དུ་ཁུངས་ཡོད་མེད་ཀྱི་ཕྱག་ལེན་རྒྱས་བསྡུས་མང་པོ་ད་ལྟའི་བར་དུ་བྱུང་ངོ། །བཞི་པ་ལ་གཉིས། སྤྱིར་ཤེས་པར་བྱ་བ་དང་། བྱེ་བྲག་ལག་ཏུ་བླང་བའི་རིམ་པའོ། །དང་པོ་ནི། རྟེན་ཆེ་ཆུང་གང་ཡིན་ཀྱང་ནང་གཞུག་གཙོ་བོ་རིང་བསྲེལ་ལྔ་ཚང་བར་དགོས་ཤིང་། དེ་ལས་ཀྱང་ཡུངས་འབྲུ་ལྟ་བུ་དང་ཆོས་ཀྱི་རིང་བསྲེལ་གཉིས་ཀའམ་གང་རུང་མེད་དུ་མི་རུང་ཞིང་གསུམ་པོ་གང་འབྱོར་བྱ་ཆོག །

― LT39_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་རྣམས་ནི་སྤྲོས་པའི་ཡན་ལག་ཡིན་པས་མཁོས་འབྱོར་དང་བསྟུན་པ་ལས་མཐའ་གཅིག་ཏུ་ངེས་བཟུང་མི་དགོས། དེ་ལ་ཡུངས་འབྲུ་ལྟ་བུ་དངོས་སངས་རྒྱས་ཀྱི་རིང་བསྲེལ་དང་རྗེས་མཐུན་གང་ཟག་འཕགས་པའི་ས་ལ་བཞུགས་ངེས་པ་རྣམས་ལས་བྱོན་པའི་འཕེལ་གདུང་ལ་བྱེད། གང་ཟག་ཕལ་པ་ལས་བྱུང་བ་ལ་ནོར་འཁྲུལ་ཡོད་པར་བཤད་པས་མི་འཇུག །རྒྱལ་བའི་རིང་བསྲེལ་རྙེད་ན་སོ་སྐྱེའི་རྟེན་ཡང་སངས་རྒྱས་ཀྱི་གདུང་རྣམ་པ་ཐམས་ཅད་པར་འགྱུར་བས་ཤིན་ཏུ་གལ་ཆེ། གཟུངས་སྔགས་རྒྱལ་བ་ཉིད་ཀྱིས་ཆེད་དུ་བསྔགས་པ་གཙུག་ཏོར་རྣམ་རྒྱལ། གཙུག་ཏོར་དྲི་མེད། གསང་བ་རིང་བསྲེལ། བྱང་ཆུབ་རྒྱན་འབུམ། རྟེན་འབྲེལ་སྙིང་པོ་སྟེ་གཟུངས་ཆེན་སྡེ་ལྔ་ནི་རྟེན་ཆེ་ཆུང་གང་ལའང་འཇོག་རྒྱུའི་རྩ་བ་ཡིན་པས་རྟེན་ཆེ་ན་གཟུངས་ཡོངས་རྫོགས། །ཆུང་བ་ལའང་དེ་དག་གི་སྙིང་པོ་ཙམ་གལ་ཆེ་བས་མཆོད་རྟེན་ལ་ནི་དེ་རྣམས་དང་འོད་ཟེར་དྲི་མེད་གཟུངས་ཙམ་ལས་གཞན་མ་འཛོམ་ཡང་ཆོག །སྐུ་གཟུགས་ལ་སྡེ་ལྔ་དང་སོ་སོའི་གཟུངས་སྙིང་པོ་ཉེ་སྙིང་རྣམས་གཙོར་བྱ། བླ་བརྒྱུད་བརྒྱུད་པ་གོང་མ་དང་འཕགས་ཡུལ་གྱི་མཁས་གྲུབ་རྣམས་སྨོས་མ་དགོས། བོད་དུ་རང་རང་ལུགས་ཀྱི་དམ་སེལ་མེད་པའི་མཚན་སྔགས་ཁོ་ན་དང་། ཆོས་སྐྱོང་

― LT39_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་བརྒྱུད་པ་གོང་མས་བསྟེན་ཅིང་གྲགས་ཆེ་བ་གཙོ་བོ་དང་ཡེ་ཤེས་པ་གཞན་ཞར་བྱུང་བྱ། འཇིག་རྟེན་པའི་རིགས་སྣ་ཚོགས་གཏན་ནས་མི་བསྲེ། བཀའ་གདམས་མཆོད་རྟེན་རྙིང་མ་དང་སྨྲྀ་ཏི་དང་ཇོ་བོ་རྗེའི་ཕྱག་ཚ་ལྟ་བུ་ནི་ཆེས་འཕགས་ཤིང་། དེའི་རྗེས་མཐུན་སྐུ་རྙིང་བྱིན་རླབས་ཅན་རྣམས་ཀྱང་འཇོག་པའི་ཕྱག་སྲོལ་ཡོད་པ་ལྟར་བཞག་ན་རྟེན་ལ་བགེགས་མི་འཇུག་ཅིང་རབ་གནས་ཚུལ་བཞིན་མ་གྲུབ་ཀྱང་བྱིན་རླབས་ཆགས་པར་ཚད་མས་གྲུབ། སྐུ་གདུང་དང་སྐུ་བལ་ནི། སངས་རྒྱས་བྱང་སེམས། རྒྱ་བལ་གྱི་མཁས་གྲུབ། བོད་སྔ་རབས་པ་གྲུབ་མཐའ་གང་ལའང་སྤྱི་ཁྱབ་འགྲོ་བ་རྣམས་ཀྱི་བྱིན་རླབས་རྟེན་གཙོར་བྱ། ཕྱིས་བྱོན་རྣམས་དུས་དབང་གིས་ཕན་ཚུན་དམ་སེལ་དུ་འགྲོ་བ་མང་བས་འདི་འདྲའི་སྐབས་སུ་དག་སྣང་ཕྱོགས་མེད་ཆེས་ན་ཉེས་དམིགས་ཀྱི་གཞིར་འགྱུར་བས། རང་རང་གི་ཆོས་བརྒྱུད་དམ་སེལ་མེད་ངེས་པའི་བྱིན་རྟེན་ཁོ་ན་འཇོག །ཁྱད་པར་ཡི་དམ་ཆོས་སྐྱོང་དམིགས་སུ་གསལ་བའི་རྟེན་གྱི་རིགས་ལ་རང་དང་ལྷ་དེའི་བརྒྱུད་པ་ལ་དམ་སེལ་ཡོད་ན་གང་ཟག་དེ་ཇི་ལྟར་བཟང་ཡང་འཇུག་པར་མི་བྱ། བླ་མ་ཞལ་བཞུགས་ཀྱི་དབུ་སྐྲ་སོགས་རྟེན་ལ་བཅུག་ན་མནན་པར་འགྲོ་བས་མི་རུང་ཞེས་གྲགས་པ་བཤད་ཁུངས་གཞན་མེད་ཀྱང་རྟེན་འབྲེལ་མཁྱེན་པའི་དམ་པ་འགའ་

― LT39_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་གི་གསུང་སྒྲོས་ཙམ་ཡིན་ལ། དེ་ལྟར་འབྱུང་མིན་གང་ཟག་དེ་ཉིད་ཀྱི་རྟོགས་དགོངས་ལ་རགས་ལས་པས་མཐའ་གཅིག་ཏུ་ཁ་ཚོན་གཅོད་དུ་མེད། ཐ་མལ་པའི་རུས་པ་ནི་རྟེན་ལ་ནམ་ཡང་འཇོག་མི་རུང་བ་འོད་སྲུང་རྫོགས་བྱེད་ཀྱི་གཏམ་རྒྱུད་ལས་གསལ། ལམ་ཞུགས་སོ་སྐྱེ་བསླབ་པ་གསུམ་ལྡན་གྱི་རུས་བུ་མཆོད་རྟེན་ལ་བཅུག་ཏུ་རུང་ཡང་དེ་ཉིད་སོ་སྐྱེའི་མཆོད་རྟེན་ཏུ་འགྱུར་བས་དེ་ལས་རྒྱུད་ཚོད་མཐོ་བའི་གང་ཟག་གིས་ཕྱག་མཆོད་མཛད་ན་བྱ་བའི་ཡུལ་ལ་གནོད་པར་བཤད། འོན་ཀྱང་གསང་སྔགས་ཐབས་ཆེ་བས་རུས་པ་དེ་དག་ཀྱང་ཚུལ་བཞིན་བྱིན་གྱིས་རླབས་ན་རྟེན་ལ་འཇོག་རུང་བར་གསུངས་ཏེ། སྐྱོང་རྒྱུད་ལས། དེ་ནས་རྣལ་འབྱོར་ཅན་གྱིས་ནི། །སྔགས་དང་ཕྱག་རྒྱས་དེ་དབང་བསྐུར། །ལྷ་ཡི་གཟུགས་སུ་བརྟགས་ནས་ཀྱང་། །མཆོད་རྟེན་དབུས་སུ་གཞག་པར་བྱ། ཞེས་སོ། དེས་ན་རུས་ཆོག་ཚུལ་བཞིན་བྱས་ནས་ཆོ་ག་དང་ལྡན་པའི་སཱཙྪ་མང་དུ་བཏབ་པ་ནི་ཆོས་སྐུའི་རྟེན་མང་དུ་བཞེངས་པའི་ཕྱིར་ཚོགས་རྒྱ་ཆེན་པོར་འགྱུར་བའི་ཕན་ཡོན་ཡོད་པས་དེ་ཉིད་རྟེན་ལ་བཞུགས་པ་ནའང་སྔགས་རང་ལུགས་ཀྱི་མཆོད་རྟེན་ཏུ་འགྱུར་བ་མཁས་པ་དག་བཞེད་དོ། དེས་མཚོན་བླ་མ་ཞལ་བཞུགས་ཀྱི་ཚེམས་དང་དབུ་སྐྲ་ལྟ་བུ་ཡང་རུས་ཚོག་

― LT39_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྐྲ་ཆོག་ཚད་ལྡན་བྱས་ནས་སཱཙྪའམ་སྐུ་བརྙན་འདེབས་པའི་རྒྱུར་བྱས་ན་དགག་བྱ་ཆུང་ཞིང་དགོས་པ་དང་ལྡན་པར་མཐོང་ངོ་། །གཉིས་པ་ལ་གཉིས། །རྟེན་ཆེན་པོ་ལ་ཇི་ལྟར་བྱ་བ་དང་། འབྲིང་དང་ཆུང་ངུ་ལ་ཇི་ལྟར་བྱ་བའོ། །དང་པོ་ལ་གཉིས། ཐོག་མར་ཡོ་བྱད་སྟ་གོན་ཏུ་བྱ་བ་དང་། དེ་ཉིད་རྟེན་ལ་འབུལ་བའི་ལག་ལེན་དངོས་བཤད་པའོ། །དང་པོ་ལའང་བཞི། སྲོག་ཤིང་། གཟུངས་སྔགས། དེ་དག་ལས་གཞན་པ། རབ་གནས་སོགས་སོ། །དང་པོ་སྲོག་ཤིང་ནི། མཆོད་རྟེན་ཆེ་ཆུང་གང་ཡིན་ཀྱང་སྲོག་ཤིང་གཙོ་བོ་ཡིན་པས་མེད་དུ་མི་རུང་། སྐུ་གཟུགས་ལ་དམིགས་བསལ་བཤད་ཁུངས་མེད་པས་ཡོད་མེད་གང་བྱས་རུང་མོད། མཆོད་རྟེན་ཅེས་པའི་སྒྲ་སྤྱི་ལ་ཁྱབ་པའི་དབང་དུ་མཛད་ནས་གོང་མ་རྣམས་ཀྱི་ཕྱག་ལེན་ལྟར་ཕུལ་བ་ནི་ཕུན་སུམ་ཚོགས་པའི་ཡན་ལག་ཡིན། ཆོས་སྐྱོང་གི་སྐུ་བརྙན་ལ་དྲག་པོའི་ཤིང་གི་སྲོག་ཤིང་ངེས་པར་དགོས་པ་འཕགས་པ་རིན་པོ་ཆེའི་གསུང་ལས་གསལ་ལོ། །དེ་ལ་སྲོག་ཤིང་གི་རྒྱུ་རབ་ཙནྡན་དཀར་དམར་དང་ཨ་ག་རུ་ལ་བྱ། ཐ་མའང་ཤུག་པའམ་འབྲས་བུ་ཅན་གྱི་ཤིང་ཁོང་རུལ་གས་ཆག་འདབ་ཟོས་སོགས་ཀྱི་སྐྱོན་མེད་པ། གནས་རི་བཟང་པོར་སྐྱེས་པ་བྱུང་ན་ལེགས་ཤིང་

― LT39_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་གནས་ཀྱི་མི་ལ་དངོས་སུ་བསླང་། མི་མ་ཡིན་ལ་མཆོད་གཏོར་ཕུལ་ནས་གནང་བ་ཞུས་ཏེ་ཡར་ངོ་ལྟ་བུའི་གཟའ་སྐར་འཕྲོད་སྦྱོར་ཤིས་པའི་ཉིན་མོར་ཤར་ཕྱོགས་མི་ནོང་བའི་མཚན་པ་བཏབ་སྟེ་བཅད་ལ་སྐམ་བཅུག་དབྱིབས་གྲུ་བཞི་རྩ་རྩེའི་རྣམ་པའི་ཕྲ་སྦོམ་ཅན་ཏུ་བྱ། ཕྱག་ལེན་ཁ་ཅིག་ཏུ་མཆོད་རྟེན་ལ་བྲེའི་སྟེང་གི་གདུགས་འདེགས་ཀྱི་ཐད་ཡན་ཆད་ཟླུམ་པོ་དང་མན་ཆད་གྲུ་བཞིར་བྱེད་པ་དང་། སྲོག་ཤིང་རྩེ་མོར་རྣམ་རྒྱལ་མཆོད་རྟེན་དང་རྩ་བར་རྡོ་རྗེ་ཕྱེད་བ་བྲི་བརྐོས་གང་རུང་བྱེད་པར་སྣང་བ་མཆོད་རྟེན་ནི་རྣམ་པར་རྒྱལ་མའི་རྟོགས་པ་ལས་གསུངས་པའི་དོན་ཞོར་སྒྲུབ་དང་། རྡོ་རྗེ་ནི་སྲོག་ཤིང་རྩ་དབུ་མའི་མཚོན་དོན་བྱེད་པ་རྣམས་ཀྱིས་བྱང་ཆུབ་ཆེན་པོའི་དག་སྦྱར་རམ། འཕགས་བལ་གྱི་སློབ་དཔོན་རྣམས་ཀྱིས་རྩ་བར་རྡོ་རྗེ་སོགས་མཆོག་གི་རིན་པོ་ཆེ་འཇོག་པར་བཤད་པ་ལས་འཕྲོས་པར་སྣང་བས་དེ་དག་མ་བྱས་ཀ་མེད་ནི་མིན། རིང་ཐུང་ནི། སྐུ་གཟུགས་ལ་སྐྱིལ་ཀྲུང་ནས་གཙུག་ཏོར་བར་སླེབ་པ་དང་། མཆོད་རྟེན་ལ་རྨང་དགེའམ་གདོང་ཆེན་ནས་རྩེ་མོའི་བར་རམ་བུམ་གདན་ནས་ཉི་ཟླའི་བར་སླེབ་པར་བྱ། ཁ་དོག་ནི། ཙནྡན་དམར་པོ་ལྟ་བུ་ཡིན་ན་ཚོན་མི་བྱུག །གཞན་ལ་མཚལ་བྱུག་པ་གཙོར་བྱེད་ཀྱང་གཟུངས་རིང་སོགས་གསེར་དངུལ་གྱིས་འབྲི་བའི་གཞི་ལ་ནི་མཚལ་འཇམ་

― LT39_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་བྱུག་པ་ཉིད་ཆེས་ལེགས་ཤིང་། སྤྱི་ཙམ་དུ་དྲི་བཟང་མཐུག་པོར་བྱུག་པའང་ལེགས་ཏེ་འདི་ཐམས་ཅད་རྒྱས་པའི་རྟེན་འབྲེལ་གཙོར་བྱེད་པས་སོ། །གང་ལྟར་ཡང་གས་ཆག་ཡོ་འཁྱོག་མེད་པ་ཤིན་ཏུ་གལ་ཆེ་བས་སྲུབས་ལྟ་བུ་བྱུང་ནའང་བརྗེ་བའམ་སྨན་འདམ་དང་ཚོན་གྱིས་བསུབས། འབྲི་རྫས་ནི་རབ་གསེར་དངུལ། འབྲིང་རྒྱ་མཚལ། ཐ་མ་རྒྱ་སྣག་གིས་ལ་ཉ་ཝ་ར་རམ། དབུ་ཅན་བྲིས་སྲུབ་ཆད་ལྷག་མེད་པའི་དག་པོར་འབྲི། འབྲི་བྱ་ནི། སྐུ་གཟུགས་ཀྱི་སྤྱི་བོར་ཧཾ། སྐུ་གཟུགས་ཀྱི་དཔྲལ་བ་དང་མཆོད་རྟེན་གྱི་བྲེའི་ཐད་དུ་ཨོཾ། དེ་བཞིན་ཏུ། མགྲིན་པ་དང་བྲེ་མགུལ་ལ་ཨཱཿ ཐུགས་ཀ་དང་བུམ་དབུས་ཧཱུྃ། ལྟེ་བ་དང་བུམ་སྨད་ལ་སྭཱ། གསང་གནས་དང་བུམ་གདན་ནམ་བང་རིམ་ཐད་དུ་ཧཱ། ཡང་དུས་འཁོར་ལུགས་སུ་བྱེད་ན། གཙུག་ཏོར་གྱི་ཐད་དུ་ཧཾ། དཔྲལ་བར་ཨོཾ། མགྲིན་པར་ཨཿ ཐུགས་ཀར་ཧཱུྃ། ལྟེ་བར་ཧོཿ གསང་བ་རཀྵཿ ཞེས་བྲི་བ་ནི་ཁྱད་པར་བ་ཡིན་ལ། ཡང་སྲོག་ཤིང་གི་རྩེ་མོ་དང་དེའི་འོག་གི་ཕྱོགས་བཞིར། རྩེ་མོར་ཧཱུྃ། །ཤར་དུ་ཨོཾ། ལྷོར་ཏྲཱཾ ནུབ་ཏུ་ཧྲཱིཿ བྱང་དུ་ཨཱཿརྣམས་བྲི། རྩེར་མཆོད་རྟེན་ཡོད་ན་བུམ་ངོས་དང་། མེད་ན་སྲོག་ཤིང་རྩེ་མོའི་ངོས་ལ་རྣམ་རྒྱལ་གྱི་སྙིང་པོ། ཨོཾ་བྷྲཱུྃ་སྭཱ་ཧཱ། ཨོཾ་ཨ་མྲྀ་ཏ་

― LT39_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ་ཡུ་རྡ་དེ་སྭཱ་ཧཱ། ཞེས་བྲི། སྐུ་རྟེན་གྱི་དབུའི་ཐད་དང་། མཆོད་རྟེན་གྱི་བྲེའི་ཐད་ཙམ་དུ། ཨོཾ་སརྦ་བིདྱཱ་སྭཱ་ཧཱ། ཞེས་རིག་པ་ཆེན་པོའི་སྔགས་དང་། མགྲིན་པར་དང་བྲེ་མགུལ་ལ་དབྱངས་གསལ། ཐུགས་ཀ་དང་བུམ་པའི་ཐད་དུ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཞེས་པ་དང་། ལྷ་རང་རང་གི་གཟུངས་དང་སྙིང་པོ་བྲི། དེ་འོག་ངོས་བཞིར་གཙུག་ཏོར་རྣམ་རྒྱལ། དྲི་མེད། གསང་བ་རིང་བསྲེལ། བྱང་ཆུབ་རྒྱན་འབུམ་བཞིའི་གཟུངས་རིང་ཐུང་རྣམས་དང་བཞི་ཀའི་གཤམ་དུ་རྟེན་སྙིང་རྒྱ་སྐད། ཡེ་དྷརྨཱ་དང་བོད་སྐད། ཆོས་རྣམས་ཐམས་ཅད་སོགས་ཀྱི་ཚིགས་བཅད་བྲི། ཤོང་ན་སངས་རྒྱས་རབ་བདུན་གྱི་གསོ་སྦྱོང་གི་ཚིགས་སུ་བཅད་པ་ཚང་བ་དང་མ་ཤོད་ན་རྣམ་གཟིགས་ཀྱི་གསོ་སྦྱོང་། བཟོད་པ་དཀའ་ཐུབ་དམ་པ་སོགས་རྒྱ་བོད་ཀྱི་སྐད་གང་རུང་དག་པར་བྲི། རྩ་བར། ཨོཾ་སུ་པྲ་ཏིཥྛ་བཛྲ་ཡ་ཡེ་སྭཱ་ཧཱ། ཞེས་བྲི། མཆོད་རྟེན་ལ་ཁྱད་པར་དུ། ཚོན་མ་བཏང་བའི་སྔ་རོལ་ནས་རྩེ་མོ་དང་རྩ་བའི་མདུན་ངོས་སྭཱ་ཡིག་འབྲི་བའི་ཐད་ཙམ་གྱི་ཕྱོགས་བཞི་རྣམས་སུ་གཟུངས་ཁུང་འཇམ་པོར་བྲུས་ལ། རྩེ་མོར་རྣམ་པར་རྒྱལ་མའི་གཟུངས་དང་། འོད་ཟེར་དྲི་མེད་ཀྱི་མདོ་གཟུངས་ཚང་མ་ཤོག་དྲིལ་ལམ། ཤོག་བུ་གྲུ་བཞི་སོར་བཞི་པའི་གླེགས་བམ་དུ་བྲིས་ལ་དྲིལ་

― LT39_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་བཅུག །ངོས་བཞིའི་གཟུངས་ཁུང་དུ་སྲོག་ཤིང་གི་སྔགས་དང་སྒྲིབ་སེལ་གྱི་གཟུངས་གཉིས་ཀ་དགུ་བཅུ་རྩ་དགུ་རེ་བྲིས་ལ་བཅུག །རྩ་བར་འོད་ཟེར་དྲི་མེད་ཀྱི་སྙིང་པོ་དང་རྟེན་འབྲེལ་སྙིང་པོ་བཅུག་པ་རྣམས་ཀྱི་སྒོའང་སྲོག་ཤིང་གི་རྒྱུ་དེ་ཉིད་ཀྱིས་བཀག །སྲུབས་མི་མངོན་པར་བྱས་པའི་སྟེང་དུ་ཚོན་བྱུག་ལ་ཡི་གེ་རྣམས་བྲི་དགོས་སོ། །སྐབས་འདིར་ཕྱག་བཞེས་རྙིང་པ་ཁ་ཅིག་ཏུ། སྲོག་ཤིང་རྩ་དབུ་མའི་མཚོན་བྱེད་དུ་བྱས་ནས་གཡས་གཡོན་རོ་རྐྱང་མཚོན་བྱེད་དཱུརྦ་དང་ཀུ་ཤ་བཅིང་བར་བཤད་ཀྱང་། དེ་ལྟའི་ཕྱག་ལན་རྒྱ་བལ་གྱི་རྡོ་རྗེ་སློབ་དཔོན་རྣམས་ལ་མ་གྲགས་ཤིང་། སྲོག་ཤིང་ཤེས་བཅུའི་དག་པར་གསལ་བར་བཤད་པ་ལས་དབུ་མ་དང་སྦྱར་བའི་བཤད་ཁུངས་མེད་ཅིང་། སྦྱོར་དུ་རུང་ཡང་རོ་རྐྱང་གཟུང་འཛིན་ཟླ་ཉིའི་རྒྱུ་བ་ཉིད་སྒྲིབ་གསུམ་སྤངས་པའི་སྐུ་གསུམ་ལ་སྦྱོར་བ་མི་ལེགས་པར་བཞེད་པའི་ཕྱོགས་ཉིད་འབྲེལ་ཆགས་པ་ཡིན་ནོ། །གཉིས་པ་ནི། སྡོམ་པ་གསུམ་གྱི་བླ་བརྒྱུད། རྒྱུད་སྡེ་རྣམས་ཀྱི་གཟུངས་དང་སྙིང་པོ། མདོ་གཟུངས། གཟུངས་ཆེན་སྡེ་ལྔ། ཆོས་སྐྱོང་ནོར་ལྷའི་སྔགས། ཤིས་བརྗོད་འདོད་གསོལ། སྟོད་སྨད་སྤྱི་འགྲོའི་དབྱངས་གསལ་ལ་སོགས་པ་དང་། སྐུ་བརྙན་ལ་རྒྱུད་སྡེ་ནས་གསུངས་པའི་སྐྱེ་མཆེད་བྱིན་རླབས་རྣམས་ཏེ་འབྱོར་ལྡན་ཡིན་

― LT39_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཐིང་ཤོག་ལ་གསེར་དངུལ་གྱིས་དག་པར་བྲི། ལྷག་ཆད་སོགས་ཀྱི་ཉེས་པ་མི་འབྱུང་བར་སྤར་བཏབ་པ་རང་ལེགས་ཀྱང་དེའང་ཁུངས་དག་བྱུང་ན་མ་གཏོགས་སྤར་ཕལ་ཆེར་མ་དག་པ་རྒྱུན་འབྱམས་ཅན་ཏུ་སྣང་། གང་ལྟར་ལ་རྒྱ་ཤོག་ལ་མཚལ་གྱིས་བཏབ། གུར་གུམ་སོགས་དྲི་བཟང་གི་ཆུས་ཡིག་འབྲུ་ནོན་ངེས་པར་བྱུག །གཟུངས་རིང་ཐམས་ཅད་ཕྲེང་རེ་ལ་རྫོགས་དགོས་པས་ལྡེབ་གྲངས་རིང་མཐུད་ཆོག་པའམ། ཕྲེང་རེ་རེ་བཞིན་དྲ་མཐུད་དགོས་པ་གང་ཡིན་ཀྱང་སྔ་མའི་ཡིག་འབྲུ་དང་ཕྱི་མའི་འབྲུ་གཉིས་འགྲིགས་ངེས་པ་ལས་བར་མཚམས་ཀ་ཐོ་གྲངས་ཡིག་ཐིག་སོགས་ཀྱིས་བར་ཆོད་པ་དང་མཚམས་བྱེ་བ་དང་། སྔ་ཕྱི་གཅིག་གིས་གཅིག་མནན་པ་སོགས་མི་རུང་བས་མཐུད་ལུགས་ཞིབ་མོ་དང་། སྦྱར་སྤྱད་ཀྱང་དབང་ལག་གམ་གྲོ་སྐྱོ་གཙང་མས་བྱ། བསྒྲིལ་ལུགས་མཁས་མཆོག་བུ་སྟོན་ཞབས་ཀྱིས་མཇུག་ནས་བསྒྲིལ་བར་གསུངས་པ་ལྟར་ཞྭ་ལུའི་རྗེས་འབྲང་རྣམས་དང་། རྒྱལ་དབང་མི་བསྐྱོད་རྡོ་རྗེ། ཆོས་ཀྱི་འབྱུང་གནས་རྗེས་འབྲང་བཅས་པས་དེ་ལྟར་མཛད། ངོར་ཆེན་རྡོ་རྗེ་འཆང་གིས་དབུ་ནས་དྲིལ་བར་གསུངས་པ་ལྟར་དེའི་རྗེས་འབྲང་རྣམས་དང་། རྒྱལ་དབང་ལྔ་པ་སློབ་ཚོགས་བཅས། རྡོར་སྨིན་གྱི་ཕྱག་བཞེས་འཛིན་པ་པོ་ཐམས་ཅད་ཀྱིས་

― LT39_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་མཛད། དེ་གཉིས་ཀའང་ཞལ་ནང་བསྟན་ཏུ་བསྒྲིལ་བ་མཚུངས། གང་ལྟར་ཤིན་ཏུ་དམ་པོར་བསྒྲིལ། ཕྱི་ལ་དར་རས་སམ་སྐུད་པ་སེར་པོས་དཀྲི་བ་ཕྱག་ལེན་གཙོར་བྱེད་པ་རྒྱས་པའི་ལས་ཀྱི་རྟེན་འབྲེལ་ཡིན་ལ། ལྷ་སོ་སོའི་མདོག་མཚུངས་ཀྱི་ན་བཟའ་འམ་ལས་བཞི་ལྷུན་གྲུབ་གྱི་མཚོན་བྱེད་ལ་དར་རས་སྐུད་པ་སྣ་ཚོགས་ཀྱིས་ཀླུབས་པའང་སྣང་ངོ་། མདོ་སྔགས་ཀྱི་གླེགས་བམ་རྣམས་ལའང་དྲི་བཟང་བྱུགས་པའམ་བར་མཚམས་དྲིའི་ཕུར་མས་གཏམས། དབུ་ལྡེབ་ཞལ་ཡར་བལྟ་དང་ན་བཟའ་སེར་པོའི་གང་འབྱོར་དང་རས་གྱིས་དྲིལ། ཐམས་ཅད་ལའང་གང་ཡིན་ཤེས་པའི་ཁ་བྱང་དང་། དབུ་ཞབས་མི་ནོར་བའི་མཚན་མ་བཏབ། གཟུངས་དང་གླེགས་བམ་རྣམས་རྟེན་ཆེན་རྣམས་ལ་ཇི་ཙམ་མང་བཞིན་ལེགས། དེའང་ཐུབ་སྐུ་ལ་དེ་བཞིན་གཤེགས་པའི་ཡིག་བརྒྱ། ཐུབ་པའི་མཚན་བརྒྱ། མུ་ནི་སོགས་འབུམ་ཕྲག་མང་དུ་བྱ་བས་མཚོན་ལྷ་སོ་སོ་ལ་སོ་སོའི་སྔགས་དང་སྙིང་པོ་གཙོར་བྱ། བླ་སྐུ་ལ་དེ་ཉིད་ཀྱི་མཚན་སྔགས་དང་ཐུགས་དམ་གྱི་ལྷའི་སྙིང་པོ་གཙོར་བྱ་བས་མཚོན་ཅིང་། མཆོད་རྟེན་ལ་ནི་གཟུངས་ཆེན་སྡེ་ལྔ་ཁོ་ན་གལ་ཆེའོ། །གསུམ་པ་ནི། སངས་རྒྱས་ཀྱི་རིང་བསྲེལ་ནི་འཛོམ་ན་གསེར་དངུལ་སོགས་རིན་པོ་ཆེའི་གྭའུར་དར་ཟབ་དང་དྲི་བཟང་བཅས་

― LT39_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས། སྐུ་གདུང་དང་སྐུ་བལ་རིང་བསྲེལ་རྣམས་ཀྱང་རབ་དར་གོས་ཀྱི་ཐུམ་བྱ། མ་འཛོམ་ན་དུག་རིགས་མ་ཡིན་པའི་ཤོག་བུར་དྲིལ་བའི་རྒྱབ་ཏུ་དར་ལིང་གིས་དྲིལ། །རིལ་བུ་སོགས་བྱིན་རྟེན་སེལ་མེད་ཀྱི་རིགས་རྣམས་དར་སེར་པོ་དང་དམར་སེར་ལྟ་བུས་བསྟུམ། ལི་མ་སོགས་སྐུ་བརྙན་ཤིན་ཏུ་རྩ་ཆེན་རིགས་དར་གྱི་ན་བཟའ་དང་བཅས་རིན་པོ་ཆེའི་གྭའུ་དང་ཟ་མ་ཏོག་ཏུ་བཞག །སྣོད་མ་འབྱོར་ན་ན་བཟའ་དང་ཐམས་ཅད་ལ་དྲི་བཟང་གི་ཕུར་མས་ལྕིབས། སྣམ་བུའི་རིགས་ལ་འབུ་འཇུག་ཉེན་ཆེ་བ་དང་། ན་བཟའ་སྐྱི་ཆགས་པའི་རིགས། བཞུགས་གདན། ཞབས་ཆགས་རྣམས་མི་བཞུགས་པར་བཤད་ཀྱང་། མནབས་གཟན་ལྟ་བུ་ཚལ་བུ་ཆུང་ངུ་དང་དར་རས་ལ་ནི་བཀག་པ་མེད། ཞབས་ཆགས་སོགས་ཀྱང་སྔོན་བྱོན་སྐྱེས་ཆེན་ཡོངས་གྲགས་ནི་འཇུག་ཏུ་རུང་ངོ། །བར་སྟོང་བཀང་བ་དང་མཚམས་རྣམས་བཅེར་བའི་རྫས་ཤུག་ཕྱེ་དང་བ་ལུའི་ཕུར་མ་སོགས་བཟང་ཤིང་དྲི་ལྡན་དང་སྨན་ཕྱེ་བུང་མང་པོ། ར་གན་འཁར་བ་ཞ་ཉེ་རྣམས་མིན་པའི་གསེར་དངུལ། བྱེ་རུ། མུ་ཏིག །མུ་མེན། གཡུ། དུང་། ཤེལ་སོགས་རིན་པོ་ཆེ་སྣ་ཚོགས། དུག་རིགས་དང་བཤལ་སྐྱུག་མིན་པའི་འབྲས་བུ་གསུམ། བཟང་པོ་དྲུག །རྩ་བ་ལྔ་ལ་

― LT39_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པ་སྨན་སྣ། བྲ་སྲན་འབྲུ་ནག་མིན་པའི་ནས་འབྲས་གྲོ་ཏིལ་ཁྲེ་རྩི་རྩི་ཡུངས་ཀར་སོགས་འབྲུ་སྣ། ཤ་ཆང་སྒོག་བཙོང་ལ་ཕུག་སོགས་མིན་པའི་དཀར་གསུམ་མངར་གསུམ་སོགས་ཟས་སྣ། །རུལ་བ་དང་རླན་ཅན་མིན་པའི་ཨ་སྨྲ་རྒུན་འབྲུམ། སྟར་ཁ་སོགས་ཤིང་ཏོག་གི་རིགས། དར་སྣ་གོས་སྣ་རས་སྣ་རྣམས་ཐལ་རྡུལ་མི་གཙང་བའི་དྲིས་མ་གོས་པ་གཙང་དག་བྱ་ཞིང་། ཁྱད་པར་སྨན་ལྔ། འབྲུ་ལྔ། དྲི་ལྔ། རིན་པོ་ཆེ་ལྔ། སྙིང་པོ་ལྔ་སྟེ་ལྔ་ཚན་ལྔ་ཡོངས་སུ་གྲགས་པ་ལྟར་ཁྲོལ་བུར་བསགས། ཐམས་ཅད་ཀྱང་འཛོམ་དུ་རུང་ན་སྣམ་བུའི་རིགས་མིན་པའི་གོས་དང་སེར་པོའི་ཐུམ་མམ་སྒྱེའུ་ཆེ་ཆུང་མང་པོར་བླུགས་ལ་ཁ་བཙེམ། དེ་དག་ནི་སྤྱིར་མེད་དུ་མི་རུང་བ་རྣམས་ཡིན་ལ། བྱེ་བྲག་ཏུ་གནོད་སྦྱིན་བང་མཛོད་ཀྱི་བཅས་ནི་བོད་དུ་རྟེན་འབྲེལ་བསྒྲིགས་ཀྱི་ཐ་སྙད་གསར་དུ་བཞག་པ་ལས་རྒྱུད་གཞུང་དང་འཕགས་ཡུལ་གྱི་ཕྱག་ལེན་ཏུ་རྟེན་གྱི་ནང་གཞུག་བྱ་བའི་གསལ་ཁ་མེད་ཀྱང་། རྒྱུད་ལས་བང་མཛོད་དུ་འཇོག་པར་གསུངས་པ་ལ་བརྟེན། རྟེན་ལ་བཀུར་སྟི་དང་སྦྱིན་བདག་ལོངས་སྤྱོད་རྒྱས་པའི་རྟེན་འབྲེལ་དུ་དེ་ལྟར་མཛད་པའི་ཕྱག་ལེན་བརྒྱུད་མར་བྱུང་བར་སྣང་ལ། དེའང་རྩ་བ་བྱ་རྒྱུད་དཔའ་བོ་གཅིག་གྲུབ་དང་། དེའི་འགྲེལ་པ་དགེ་བའི་འདོད་འཇོ་སོགས་ལས་

― LT39_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པའི་གནོད་སྦྱིན་ལྷ་མང་གི་འཁྲུལ་འཁོར་བཅའ་བ་ཉིད་གཙོར་མཛད། དེ་ལས་རྗེ་བཙུན་གྲགས་པ་རྒྱལ་མཚན་གྱིས་པདྨ་འདབ་བརྒྱད་ལ་སྔགས་བྱང་སྤེལ་ཚིག་ཅན་ཁོ་ན་འབྲི་བར་གསུངས། ཕྱི་མ་རྣམས་ཀྱིས་འཁོར་ལོ་སྤྱིའི་རིགས་པས་དེ་སྟེང་དབྱངས་གསལ་རྟེན་སྙིང་རྡོར་མེ་རིས་བསྐོར་བའི་མུ་ཁྱུད་དྲུག་པ་མཛད། རྒྱལ་དབང་ལྔ་པ་སོགས་ཀྱིས་རྒྱས་པར་པདྨ་ལ་སྐུ་གཟུགས་རྣམས་ཀྱི་ཐུགས་ཀར་སྔགས་བྱང་བཀོད། འབྲིང་པོ་སྔགས་ཙམ་དང་། མུ་ཁྱུད་གསུམ་པར་རྡོར། བཞི་པར་མེ་རི་འབྲི་བར་གསུང་། རྗེ་མི་བསྐྱོད་ཞབས་བར་མ་ལྟར་བཞེད། མཁས་དབང་ཀུན་ཁྱབ་ཀྱིས་ཇོ་ནང་རྗེ་བཙུན་ཆེན་པོའི་རྗེས་སུ་འབྲང་། རྒྱུད་དང་འགྲེལ་པའི་དགོངས་པ་བསྟུན་ནས་ཡབ་རྐྱང་། ཡུམ་རྐྱང་། ཡབ་ཡུམ་སྤྲགས་པའི་འཁྲུལ་འཁོར་གསུམ་དུ་བཤད། བསྡུས་པ་ཇོ་བོ་རྗེའི་དབུ་ཞྭའི་ནང་ནས་རྙེད་པར་གྲགས་པ་ཛཾ་དགུ་བཾ་དགུ་ནི་ཡོངས་སུ་གྲགས། དེ་ལས་ས་སྐྱ་རྗེ་བཙུན་སོགས་ཚད་མར་གྱུར་པའི་སྐྱེས་བུ་ཡིན་ཅིང་ཀུན་ཁྱབ་ཀྱི་ལེགས་བཤད་ཀྱང་མན་ངག་ཚད་མ་ལས་བྱུང་བ་དང་། །ལུང་རིག་རྣམ་དག་གིས་གྲུབ་པས་གང་བྱེད་ཀྱང་དོན་གྲུབ་པ་ཡིན་མོད། གཙོ་བོར་སོ་སོའི་རང་ལུགས་ཉིད་ཚད་མར་བཟུང་དགོས། གང་ལྟར་འཁྲུལ་འཁོར་དེ་དག་རབ་གསེར་དངུལ་གྱི་བྱ་བུར་གཟོང་རིས་

― LT39_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། འབྲིང་དར་གོས་ལ་གསེར་དངུལ་གྱིས་བྲིས། ཐ་མའང་བཟང་ཤིང་གི་བྱང་བུ་ལ་བྲི་བའམ་སྤར་དུ་བཏབ་པ་ཆ་གྲངས་གང་ཐོན་བྱ། དེ་དག་བཞུགས་སྣོད་ཟངས་དཀར་གསར་པ་ལོངས་མ་སྤྱད་པ་བྱུང་ན་རབ། རྙིང་པ་ཡིན་ན་བཀྲུ་ཕྱི་གད་བདར་གཙང་མར་བྱས་པ་དང་། མ་འབྱོར་ནའང་ཟངས་སོགས་རིན་པོ་ཆེའི་སྣོད་ཆག་གས་སོགས་ཀྱི་སྐྱོན་མེད་པ་ཕྱི་ལ་བཀྲ་ཤིས་ཀྱི་རི་མོ་ཡོད་པའི་ནང་མར་ཁུས་བཀང་བ་དང་འབྱོར་པ་དང་བསྟུན་པའི་དར་གོས་ནོར་སྣ་དཀོར་ཆ་ཡོ་བྱད་རྣམས་རྙིང་པ་ཡིན་ན་བཀྲུ་ཕྱི་དང་གསར་པ་ཡིན་ཀྱང་མི་གཙང་བའི་རྡུལ་གྱིས་མ་གོས་ཤིང་ཤུབས་དང་ལྕིབས་སོགས་ལེགས་པར་བྱ། གཞན་ཡང་བློ་གྲོས་དང་འབྱོར་པ་ལྡན་པ་རྣམས་ཀྱིས་དེས་རིགས་འགྲེར་སྦྱར་ཏེ་འབྱོར་དྲུག་རྒྱས་པ་དང་དབང་གི་ལས་སྒྲུབ་པའི་ཙཀྲ་དང་བཅས་ཀྱི་རིམ་པ་ཇི་སྙེད་པའང་མཛད་པར་སྣང་བས་ཕྱོགས་མཚོན་ཙམ་སྨོས་ན། །གསར་མའི་ཕྱོགས་ལ་རྡོ་རྗེ་འཇིགས་བྱེད་ཀྱི་གནོད་སྦྱིན་གྱི་འཁྲུལ་འཁོར་ལ་བརྟེན་ནས་དཔལ་འབྱོར་ལོངས་སྤྱོད་རྒྱས་པར་བྱེད་པ་དང་། བཙུན་མོའི་འཁྲུལ་འཁོར་ལ་བརྟེན་ནས་སྐྱེ་འགྲོ་དབང་དུ་སྡུད་པར་བྱེད་པ་སོགས་རྭ་ལོ་དང་རྒྱ་སྟོན་སོགས་ཀྱི་ཕྱག་ལེན་ས་ལུགས་གསེར་ཆོས་ཀྱི་ནང་ཚན་ཐུན་མོང་སྒྲུབ་པ་དམར་པོ་སྐོར་གསུམ་ལས་རིག་བྱེད་མའི་རང་ཉིད་ནུས་ལྡན་ཏུ་བྱ་བའི་ཙཀྲ། ནང་འཇུག་དང་ལྷ་མི་སྤྱི་

― LT39_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིལ་དང་དོན་ཀུན་འགྲུབ་པའི་འཁོར་ལོ། །ཚོགས་བདག་འཁོར་ལོ། ཀག་ཆོལ་འདོད་པའི་རྒྱལ་པོའི་ཉི་ཟླ་འཁོར་ལོ་སོགས། མཁས་གྲུབ་ཁྱུང་པོའི་གསར་ཆོས་མགོན་དཀར་ཡིད་བཞིན་ནོར་བུའི་བུམ་གཏེར་དང་ཙཀྲ། དངུལ་ཆུ་བཻ་རོ་ནས་བརྒྱུད་པ་མགོན་དཀར་དུར་ཁྲོད་བདག་པོའི་སྐུ་རྟེན་བླ་རྡོ་ཙཀྲ། མགོན་པོ་དངོས་གྲུབ་འབྱུང་རྒྱུད་ལས་གསུངས་པ་ཇོ་བོ་རྗེའི་མན་ངག་ཛཾ་དཀར་ལྷ་ལྔའི་གའུ། ཀླུ་སྒྲུབ་ནས་བརྒྱུད་པའི་ནོར་ལྷ་དབྱུ་གུ་མཆེད་གསུམ་གྱི་སྐུ་རྟེན་བླ་རྡོ་འཁོར་ལོ་རྣམས་གཙོ་བོ་དང་། བུམ་པ་བཅའ་སྒྲུབ་བྱ་ཚུལ་སྤྱི་འགྲོ་ལ་བརྟེན་རྣམ་སྲས་སེར་ཆེན་དང་ཛཾ་སེར་ནག་ལྗང་གསུམ། ལྷ་མོ་དཔལ་ཆེན་མོ་དང་ནོར་རྒྱུན་མ། ཚོགས་བདག་དཀར་དམར་གྱི་གཏེར་བུམ། ས་འཛིན་ཏུ་འཇོག་རྒྱུ་ཀླུ་དབང་རྒྱལ་པོ་དང་། སེང་གེ་སྒྲའི་ཀླུ་ཆེན་དགུའི་བུམ་པས་ལུགས་ཕྱག་བཞེས་ལྟར་དང་། ནག་རྩིས་ལུགས་ས་བདག་སྙིང་གཏེར། སྤྱི་འགྲོའི་ས་བདག་བུམ་པ་རྣམས། རྙིང་ལུགས་གཏེར་ཁ་གསར་རྙིང་གི་རྣམ་སྲས་རྟེན་དང་སྲོག་འཁོར། གྲྭ་མངོན་ལུགས་ཀྱི་ཛཾ་དམར་ནང་སྒྲུབ་སྲོག་འཁོར་ཐོད་པའི་བཅས། རཏྣའི་རྟག་སང་ལས་ཚོགས་ཛཾ་ནག་རིན་ཆེན་སྲོག་གཟུངས་ཀྱི་བཅས་དང་ཕུར་པའི་ལས་ཚོགས་ཀླུ་ནོར་རྒྱས་ཀྱི་བུམ་པ། གཏེར་ཁ་

― LT39_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་འདུས་གླང་ཆེན་བཅས་ཆོག །བསོད་ནམས་གླང་པོ་སྟོབས་སྐྱེད་ཙཀྲ། ལྷ་ཆེན་དབང་ཕྱུག་ཡབ་ཡུམ་གྱི་བླ་རྡོ་སྲོག་འཁོར། ཀློང་གསལ་ཛཾ་སེར་ནག །གཏེར་གསར་ཐུགས་རྗེ་ཆེན་པོའི་ཡིད་བཞིན་འཁོར་ལོའི་ལས་ཚོགས་ཡིད་མཐུན་པ། ནད་ཞི་བ། ཚེ་རིང་བ། ནོར་སྤེལ་བ། ཆོས་མཐུན་གྲོལ་བ་བཞི་ལྡན་གྱི་བུམ་པ་ལྔ་པོ་དང་། ཐུགས་སྒྲུབ་ལས་ཚོགས་བཀྲ་ཤིས་གཏེར་བུམ་གཙོ་འཁོར་དགུ་པ། ས་འཛིན་ཏུ་ཀློང་གསལ་གཏེར་བྱོན་བརྟན་བཞུགས་བོད་ཁམས་བདེ་བྱེད། ཉེས་སེལ་དབང་བུམ། རྫས་ཀྱི་ལས་འཇུག །རི་དབང་སྤྱི་བཅོས། ནཱ་ག་སྤྱི་བཅོས། སྟག་ཤམ་བདུད་འདུལ་དྲག་མོའི་ལས་ཚོགས་ས་ལྷ་གཙོ་འཁོར་གྱི་བུམ་པ། སྐྱི་རོང་ཐུགས་མཆོག་རྡོ་རྗེའི་བཀྲ་ཤིས་གཏེར་སྒྲུབ་ཆེན་པོ་རྣམས་ནི་ཟབ་ཅིང་གནད་དུ་འདྲིལ་ལ་མེད་ཐབས་མེད་པར་སྣང་བས་གཙོར་སྨོས་ཀྱི། གསར་རྙིང་སོ་སོའི་ཕྱག་ལེན་ཅན་དང་གཏེར་མ་རྣམས་ལས་ནི་མཐའ་ཡས་པ་འབྱུང་བས་ལག་ཏུ་ལེན་མི་ནུས་ཤིང་དགོས་པའང་ཆུང་། གཙུག་ལག་ཁང་ལྟ་བུར་དགེ་འདུན་འདུ་བ་དང་མཐུན་པའི་འཁོར་ལོ་གར་དབང་ཆོས་ཀྱི་དབང་ཕྱུག་དང་གནམ་ཆོས་ལུགས་སུ་འབྱུང་བ་དག་དང་། ཐོག་དང་ས་གཡོས་སྲུང་བ་སམྦ་ཊིའི་དགོངས་པ་བུ་སྟོན་ལུགས་ཀྱི་ཙཀྲ་དང་། ཡུལ་

― LT39_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་སྤྱིར་སྲུང་བའི་ཆེད་དུ་རྡོར་འབུམ་ཆོས་གྲགས་ཀྱི་རྡོ་རྗེ་ཁྲབ་རིང་། སྐལ་ལྡན་བྱིས་པའི་གུ་གེ་ཆིག་དྲིལ་རྣམས་ཀྱང་འཇོག་པ་གོང་མ་འགའ་ཞིག་གིས་ཕྱག་ལེན་ཏུ་མཛད་ཅིང་། རྙིང་ལུགས་ལ་ཁྱད་པར་གུ་རུ་ཆོས་དབང་གི་བཅས་ཆོག་སྲོག་ཤིང་བརྟན་པའི་ཙཀྲ་ཉིད་བྱུང་ན་གལ་ཤིན་ཏུ་ཆེ་བར་སྣང་ངོ་། །བཞི་པ་ནི། བཅས་ཐམས་ཅད་ཚོགས་པ་དང་སློབ་དཔོན་གྱིས་བསྙེན་པ་སྔོན་ཏུ་སོང་བའི་ཡི་དམ་གང་ཡིན་གྱི་བདག་བསྐྱེད་བཟླས་པ་དང་བཅས་པ་བྱ། རྣམ་འཇོམས་དང་སྨེ་བརྩེགས་ཀྱི་བསྐྱེད་བཟླས་བྱས་ལ་ཁྲུས་བུམ་བསྒྲུབ། སྦྱོང་ཆས་འདུ་བྱས་ལ་ཞི་དྲག་གི་སྦྱོང་བ། བགེགས་བསྐྲད། ཏིལ་སྦྱོང་། ཁྲུས་གསོལ་རྒྱས་པ་སྔོན་ཏུ་འགྲོ་བས། སྐུ་རྟེན་བྲིས་འབུར་རྣམ་སྣང་། གསུང་རྟེན་གཟུངས་བསྒྲིལ་དང་གླེགས་བམ་འོད་དཔག་མེད། །ཐུགས་རྟེན་སཱཙྪ་དང་ཕྱག་མཚན་མི་བསྐྱོད་པ། ཡོན་ཏན་ནོར་ལྷའི་རྟན་དར་གོས་རིན་ཆེན་སོགས་རིན་འབྱུང་། ཕྲིན་ལས་རོལ་མོ་གོ་ཆ་སོགས་དོན་གྲུབ་ཏུ་བསྐྱེད་པའི་རབ་གནས་ཆོ་ག་སྤྱན་དབྱེ་བརྟན་བཞུགས་མངའ་དབུལ་མདོར་བསྡུས་ཤིས་བརྗོད་བཅས་སྤྱིར་གྲུབ་པར་བྱ། དེ་ནས་གཟུངས་བསྒྲིལ་ལ་གཟུངས་སྒྲུབ་བྱ་བ་དཏྤ་་ཨཱ་ཙརྻས་བྱ་བཏུས་སུ་ཕྱོགས་ཙམ་བསྟན་པ་ལྟར་དགེ་

― LT39_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་སུ་ཤིན་ཏུ་རྒྱས་པར་མཛད་པའི་ཕྱག་སྲོལ་འབྱུང་བ་ལྟར་གྲུབ་ན་ལེགས་པས། དེའང་སྐྱབས་སེམས་སོགས་ཆོ་ག་སྤྱི་འགྲོ་ཞིག་གིས་ཁོག་ཕུབ། བསྐྱེད་ཆོག་སྐབས་གཟུངས་ཐམས་ཅད་རིགས་ལྔར་མ་འདུས་པ་མེད་པས་དབུས་སུ་སེང་ཁྲི་པདྨ་ཉི་ཟླར་བུདྡྷ་རིགས་ཀྱི་གསང་སྔགས་རིགས་སྔགས་གཟུངས་སྔགས་སྙིང་པོ་ཉེ་སྙིང་རྣམས་ཁ་དོག་དཀར་པོ་འོད་ཟེར་འབར་བ། དེས་མཚོན་ཏེ། ཕྱོགས་བཞིར་རིགས་བཞིའི་གཟུངས་དང་ཁ་དོག་རིགས་མཐུན་དམ་ཚིག་པའི་ངོ་བོར་གསལ། ཡེ་ཤེས་པའི་གསང་རིགས་གཟུངས་སྔགས་ཡིག་འབྲུ་ས་བོན་འོད་ཟེར་ཁ་དོག་ལྔའི་རྣམ་པར་སྤྱན་དྲངས་བསྟིམ་པའི་དམིགས་པ་གཙོ་བོ་དང་། སྤྲོ་བསྡུ་སྤྱི་མཐུན་ཀྱང་བྱས་ལ་གཟུངས་སྤར་གང་བཞུགས་ཀྱི་གཟུངས་རྣམས་ཆར་ཅི་འགྲུབ་བཟླ། མཐར་མཆོད་བསྟོད་བརྟན་བཞུགས་ཤིས་བརྗོད་བྱ། བསྡུ་ན་གཟུངས་ཐམས་ཅད་གསུང་རྡོ་རྗེ་འོད་དཔག་མེད་ཁོ་ན་བསྐྱེད། ཆོ་གའི་ཡན་ལག་རྫོགས་པར་བྱས་ལ་དེའི་སྔགས་ཨཱ་རོ་ལྀ་ཀ་ཁོ་ནའམ། ནུས་ན་ནང་གཞུག་གཟུངས་ཇི་ལྟར་འོས་པ་བཟླ། བླ་མ་ཁ་གཅིག་གིས་གཟུངས་སྒྲུབ་རྒྱས་པ་ཟླ་གཅིག་སོགས་སུ་མཛད་པའི་ལོ་རྒྱུས་ཀྱང་འབྱུང་ངོ་། །འཁོར་ལོ་གྭའུ་ཐོད་སྒྲུབ་ལ་སོགས་པ་ནི་དབང་དང་རྗེས་གནང་ཐོབ་ཅིང་

― LT39_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ལ་གནས་པའི་གང་ཟག་གིས་སོ་སོའི་བསྙེན་པ་སྔོན་ཏུ་འགྲོ་བས་མདུན་རྟེན་སྒྲུབ་པ་རྟགས་ཐོན། ཐ་ནའང་རང་གཞུང་ནས་བཤད་པའི་གྲངས་འགྲོ་ངེས། ཁ་གཅིག་ལ་ཁ་སྐོང་སྦྱིན་སྲེག་དང་བཅས་པ་བྱ་དགོས། བུམ་གཏེར་འགའ་ཞིག་བསྙེན་པ་སྔོན་ཏུ་འགྲོ་མི་དགོས་པའང་ཡོད་མོད། ནག་རྩིས་སྙིང་གཏེར་ཙམ་ལས་དངོས་གཞི་སོ་སོའི་སྒྲུབ་པ་མ་བྱས་པར་ནི་གང་ཡང་འཇོག་མི་བཏུབ་ཅིང་ཕན་གནོད་མེད། དེའང་དཔེར་ན་གནོད་སྦྱིན་འཁོར་ལོ་ས་ལུགས་ལྟར་བྱེད་ན་རབ་གནས་དཔལ་འབྱོར་རྒྱ་མཚོ་ལས་བཤད་པ་ལྟར་སྒྲུབ་པ་དང་། ཀར་ལུགས་ལྟར་ན་གར་དབང་དྲུག་པའི་གསུང་ངམ། ཇོ་ནང་རྗེ་བཙུན་གྱི་གསུང་རབ་ལྟར་དང་། དགེ་ལུགས་ལྟར་ན་རྒྱལ་དབང་ལྔ་པའི་གཟུངས་འབུལ་ལག་ལེན་གསལ་བྱེད་ཅང་སྐྱ་ངག་དབང་མཆོག་ལྡན་གྱིས་བཤད་པ་ལྟར་དང་། རྙིང་ལུགས་དེ་དག་གང་རུང་གི་རྗེས་འབྲང་ལས་རྣམ་བཞག་ཟུར་དུ་བྱར་མེད་ཀྱང་། སྒྲུབ་ཚུལ་སྨིན་གླིང་རྒྱལ་སྲས་པདྨ་འགྱུར་མེད་རྒྱ་མཚོས་མཛད་པ་ལྟར་བྱས་ན་དོན་ལ་ཁྱད་པར་མེད་ཀྱང་སོ་སོའི་ཞེན་ཡུལ་དུ་འཐད་པས་ལེགས། དེའང་སྔོན་གྱི་གང་ཟག་སྐྱེས་ཆེན་དང་ཆོས་རྒྱལ་ཡོན་མཆོད་འཚོགས་པའི་སྐབས་སུ་དགེ་འདུན་ཚད་ལྡན་མང་པོས་བསྙེན་རྒྱུན་

― LT39_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ཟླ་བ་སྦྲེལ་མར་སྒྲུབས་པས་རྒྱལ་ཁམས་སུ་ལོ་གྲངས་མང་པོའི་བར་དུ་དགེ་མཚན་ཕུན་ཚོགས་མཐོང་ཆོས་སུ་བྱུང་བའི་ལོ་རྒྱུས་ཚད་མར་སྣང་བ་ལྟ་བུ་ནི། དེང་སང་བསོད་ནམས་དང་བརྩོན་འགྲུས་ཆེས་དམན་པས་རང་གཞན་སུས་ཀྱང་སྐལ་པའི་ཡུལ་དུ་མ་གྱུར་ཀྱང་། དཔོན་སློབ་བཅུ་ཕྲག་ཕྱིན་གྱིས་བདུན་ཕྲག་གཅིག་ཏུ་སྒྲུབ་པ་ཙམ་ནི་མ་བྱུང་ཐབས་མེད་དོ། །དེས་མཚོན་གསར་རྙིང་འཁོར་ལོ་དང་གཏེར་བུམ་ཇི་ཙམ་རྟེན་ལ་འཇོག་པ་དེ་ཉིད་སོ་སོའི་ལུགས་ཀྱི་སྒྲུབ་པ་ཚད་དུ་ཕྱིན་པ་ཁོ་ན་གལ་ཆེ། དངུལ་སྐུའམ་ཟངས་གསེར་གང་ཡིན་ཀྱང་ནང་གི་དྲེགས་པ་ཐམས་ཅད་ཕྱི་བདར་བཀྲུ་གཙང་དག་པར་བྱ། དྲི་བཟང་སྨན་སྣ་དང་། ཙནྡན་ཨ་གར་སྤང་སྤོས་ཀྱིས་མཚོན་པའི་དྲི་བཟང་པོའི་སྤོས་དང་འབྱོར་ན་ག་བུར་གུར་གུམ་ལ་སོགས་པའི་འདི་གུས་ཁྱབ་པར་བྱུགས་ཤིང་བསྐམ། གུ་གུལ་དང་སྤོས་ཀྱིས་བདུག །སྔགས་སྐུ་ཡིན་ན་རྒྱུད་སྡེ་སོ་སོ་ནས་གསུངས་པའི་སྐྱེ་མཆེད་བྱིན་རླབས་རྣམས་རབ་ལྷའི་སྐུ་ས་བོན་དང་བཅས་པ། མ་འགྲུབ་ན་ས་བོན་རྣམས་གསེར་གྱིས་བྲིས་ལ་གནས་སོ་སོར་ཞལ་ཕྱིར་བསྟན་ཏུ་སྦྱར། ཐུབ་སྐུ་ལྟ་བུ་ལའང་རྒྱུད་སྡེ་ནས་བཤད་པའི་སྐྱེ་མཆེད་བྱིན་རླབས་གྲུབ་ན་ལེགས་ཤིང་། ཁྱད་པར་བྱ་

― LT39_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ནས་འབྱུང་པའི་གཙུག་ཏོར། མཛོད་སྤུ་ནས་གདན་གྱི་བར་གྱི་བྱིན་རླབས་སྔགས་རྣམས་གསེར་གྱིས་བྲིས་ལ་གནས་སོ་སོར་སྦྱར་རོ། །གཉིས་པ་ལག་ལེན་དངོས་བཤད་པ་ལའང་གསུམ། གསར་རྙིང་སྤྱི་འགྲོའི་ཚུལ། རྙིང་ལུགས་ཀྱི་ཁྱད་པར། ཐུགས་མཆོད་རྟེན་གྱི་ནང་གཞུག་འབུལ་ཚུལ་ལོ། །དང་པོ་ནི། རྟེན་ཆེན་པོའི་རིགས་ཟངས་གསེར་འདེར་སྐུ་གང་ཡིན་ཀྱང་ནང་གཞུག་རྣམས་མས་ནས་ཡས་རིམ་དུ་འབུལ་དགོས་པས། ཐོག་མར་འོག་གཞིར་རྡོ་རྗེ་སློབ་དཔོན་ནུས་ལྡན་གྱིས་བཀའ་བརྒྱད་སྤྱི་བྱེ། གུར་དྲག་ལ་སོགས་པའི་སྒོ་ནས་བོད་ཁམས་སྤྱི་དང་བྱེ་བྲག་ལ་འཚེ་བའི་འགོང་པོ་མཐའ་འདྲེ་དམ་སྲི་ཕུང་སྲི་སྤྱི་ལ་དམིགས་པའི་མནན་པ་ཚང་ལྡན་བྱ། འདི་ལའང་སྔོན་གྱི་གསར་མ་བའི་ཕྱག་ལེན་ཏུ་མ་གྲགས་པ་རྒྱུ་མཚན་ཏུ་བྱས་ནས་མཁས་པ་རྣམས་ཀྱིས་འཐིང་བསླད་མཛད་ཀྱང་། གནས་གསར་འཇམ་དབྱངས་མཁྱེན་བརྩེས། འགོང་པོ་ཨར་གཏད་དང་སྲི་མནན་སོགས་ཚུལ་བཞིན་བསྒྲུབས་ནས་འོག་ཏུ་འཛུག་ཐུབ་པ་བྱུང་ན་ཡུལ་ཁམས་དེར་དམག་འཁྲུགས་མི་འབྱུང་བ་སོགས་ཕན་ཡོན་བསམ་གྱིས་མི་ཁྱབ་པ་འབྱུང་བ་བཤད་པ་བཞིན་ཡོང་གིན་འདུག་པས་གྲུབ་ན་ལེགས། ཞེས་གསུངས་པ་ཚད་མ་ཡིན་

― LT39_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

མོད། བསྙེན་སྒྲུབ་ལག་ལེན་ཚད་ལྡན་མེད་ན་ཕན་ཡོན་ཉེས་པ་གང་བྱེད་མི་འཚལ་བས་ཕོ་ནུས་མེད་སེམས་ལ་སངས་རྒྱས་མི་ཤར་ཀ་མེད་དུ་གདའ། མནན་པ་ཡོད་མེད་གང་ལྟར་གདན་ཁྲིའི་འོག་གཞིར་རལ་གྲི། མདུང་། མདའ་གཞུ། མེ་སྒྱོག་སོགས་རྩེ་ཕྱིར་བསྟན་ཏེ་འཇོག་པ་མཚོན་ཆའི་བསྐལ་པ་རྣམས་པའི་རྟེན་འབྲེལ་དུ་བཞེད། ཁྲིའི་ནང་དུ་ས་བདག་སྙིང་གཏེར་ནག་རྩིས་ལས་བཤད་པ་སོགས་ས་བདག་བུམ་པ། ཀླུ་དབང་རྒྱལ་པོའི་བུམ་པ་དགུ་ཡོད་ན་གཙོ་བུམ་མདུན། །འཁོར་རྣམས་གཙོ་བོ་ལ་ཕྱོགས་པ་དང་། སེང་གེ་སྒྲ་སོགས་ཀླུ་བུམ་རྣམས་དང་། འོག་གཞི་བྱིན་རླབས་ཀྱི་སྔགས། མདོ་རྒྱུད་ལས་འབྱུང་བའི་ཤིས་བརྗོད་ཀྱི་རིགས་དང་འདོད་གསོལ་རྒྱས་བསྡུས། དཔལ་མགོན་བདུན་བཅུའི་རྟེན་དང་སྔགས་ལ་སོགས་པའང་བཞག །བར་མཚམས་རྟེན་ཆེ་ན་ཕ་གུ་དང་ཆུང་ན་བཟང་ཤིང་ཕུར་མས་དམ་པོར་བཅེར། སེང་ཁྲིའི་སྟོད་དུ་གནོད་སྦྱིན་བང་མཛོད་ཀྱི་ཡོ་བྱད་ཧ་ཅང་མང་ན་འདིར་རོལ་མོ་གོ་མཚོན་འབྲུ་རྐྱལ་སོགས་ཀྱིས་མཚོན་སྟེང་དུ་ཤོང་དཀའ་བ་རྣམས་འཇོག་ལུགས་ལེགས་ཤིང་བར་གསེང་མེད་པར་བྱས་ལ་ཁ་བཀབ། འདི་དག་གི་སྐབས་ནས་གཟུངས་འབུལ་མཁན་པོ་རྣམས་ཤ་ཆང་སྤང་ཞིང་ཡན་ལག་བཀྲུ་ཁ་རས་རྒྱག་པ་སོགས་

― LT39_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་སྦྲ་ལ་གནས་པ་དང་། ལྷའི་ང་རྒྱལ་དང་ལྡན་པས་གཞན་དང་སྨྲ་བ་བཅད་དེ། ཨོཾ་མནྟྲ་དྷཱ་ཏུ་གརྦྷཱ་ཡ་སྭཱ་ཧཱ། ཞེས་དང་། རྟེན་སྙིང་དང་། སྡིག་པ་ཅི་ཡང་མི་བྱ་སྟེ། །ཞེས་སོགས་གསོ་སྦྱོང་གི་ཚིགས་བཅད་དང་། བཀྲ་ཤིས་ཀྱི་ཚིགས་བཅད། རིག་པ་ཕུན་རོན་གྱི་གཟུངས། ན་མཿས་མནྟ་བུདྡྷཱ་ནཱཾ། ཨ་ཙིནྟྱཱ་བྷཱུ་ཏ་རུ་པི་ི། ཨོཾ་ཏཱ་རེ་སྭཱ་ཧཱ། ཞེས་པ་རྣམས་ཟླ་བཞིན་ཏུ་ལག་ལེན་བྱ་དགོས། ཀླུ་བུམ་འཇོག་སྐབས་སྒྲུབ་པ་པོས་སླར་ཡང་བསྒོམ་བཟླས་བསྐྱེད་བསྟིམ་ཆུ་གཏོར་བརྟན་བཞུགས་བྱ་བ་སོགས་ཐམས་ཅད་ལ་དེས་འགྲེ། པད་གདན་གྱི་ནང་དུ་ཆོས་སྐྱོང་དང་ནོར་ལྷའི་རྟེན་རྣམས་བཞུགས་དགོས་པས་མདུན་ལ་ཉེ་བའི་དབུས་སུ་ཟངས་དཀར་མར་ཁུས་བཀང་བའི་ནང་དུ་གནོད་སྦྱིན་ཡབ་ཡུམ་འཁྲུལ་འཁོར་རིན་པོ་ཆེའི་བྱང་བུ་ཡིན་ན་ཀ་ར་སྦྲང་རྩི་མར་རྣམས་ཀྱིས་བྱུགས། ཤོག་བུ་ལ་ཆུད་ཟོས་བྱེད་པས་མཐའ་ནས་བྱུགས། ཡབ་ཡུམ་ཞལ་སྦྱར་མ་འཛོལ་བར་བྱས་ལ་སྐུད་པ་སེར་པོས་རྒྱ་གྲམ་དུ་འཁོར་ལོ་མི་མངོན་པར་བཅིངས་ཏེ་འཇོག །དེ་སྟེང་དཀར་གསུམ་མངར་གསུམ་ཡང་བླུག །འཇོག་ཚུལ་གནོད་སྦྱིན་འཁོར་ལོ་སྔགས་མགོ་ཕྱིར་བསྟན་ལ་དབུ་རྒྱབ་དང་། ནང་བསྟན་ལ་མདུན་ཏུ་ཡོང་བར་བྱས་ནས་ཕོ་སྟེང་མོ་འོག་ཏུ་འཇོག་པ་ནི་སྤྱི་ལུགས་

― LT39_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ལ། རྗེ་ཆོས་ཀྱི་འབྱུང་གནས་ཡབ་སྲས་ཀྱིས་དཔའ་བོ་གཅིག་གྲུབ་དང་སྒྲུབ་ཐབས་བརྒྱ་རྩར་ཡུམ་གཙོ་བོར་མཛད་པའི་དགོངས་པས་ཡུམ་འཁོར་སྟེང་། ཡབ་འཁོར་འོག་དབུ་མདུན་བསྟན་ཏུ་མཛད། འཁྲུལ་འཁོར་གསུམ་པ་ལྟར་ན་དབུས་སུ་ཡབ་ཡུམ་སྦྲགས་པ། གཡས་ཡབ་རྐྱང་། གཡོན་ཡུམ་རྐྱང་གི་འཁྲུལ་འཁོར་རྣམས་འཇོག །ཟངས་ཀྱི་ཁར་དར་གོས་སེར་པོས་བཀབ། །རྒྱབ་དབུས་སུ་ཆོས་སྐྱོང་གཙོ་བོ་གང་ཡིན་དེའི་སྐུ་རྟེན་སོགས་རྟེན་དང་སྲོག་འཁོར་གང་ཡོད་བཞག །མཐའ་བསྐོར་བར་མཚམས་སུ་ཆོས་སྐྱོང་དང་ནོར་ལྷའི་གཟུངས་དང་སྙིང་པོ། རྒྱས་པ་དང་དབང་གི་ལས་ལ་བསྔགས་པའི་གྭའུ་ཐོད་སྒྲུབ་འཁོར་ལོའི་རིགས་གང་ཡོད་པ་རྣམས་དང་གདན་བྱིན་རླབས་ཀྱི་སྔགས། ཤིས་བརྗོད་འདོད་གསོལ། དར་ཟབ་དར་གོས་ཀྱི་རིགས་སྨན་སྣ་རིན་ཆེན་འབྲུ་སྣ་ཟས་སྣ་ཤིང་ཏོག་ལ་སོགས་པའི་ཐུམ་དང་སྒྱེའུ་གང་ཡོད། རྒྱ་བོད་གནས་ཆེན་ཆོས་འཁོར་རྣམས་ཀྱི་ས་ཆུ་རྡོ་ཤིང་། ཅུ་གང་དང་སིནྡྷཱུ་ར། སྐྱེས་ཆེན་རྣམས་ཀྱིས་བསྒྲུབས་པའི་ཕྱག་ནས་སོགས་རང་བཞིན་གྱིས་བྱིན་རླབས་ཆགས་པའི་རྟེན་རྣམས་ཀྱང་བཞག །རྟེན་ཧ་ཅང་མི་ཆེ་བའི་རིགས་ལ་ཟངས་དཀར་པད་གདན་ཏུ་མི་ཤོང་ན་སེང་ཁྲིའི་སྟོད་དུ་འཇོག་སྟེ་ཁ་པད་གདན་ནང་དུ་སླེབ་པ་ཙམ་བྱ་ཆོག །

― LT39_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ལྟར་པད་གདན་སྟེང་མཚམས་དར་བཏང་ཞིང་བཀང་། དེ་ནས་གཟའ་སྐར་སྦྱོང་བྱེད་བཟང་པོའི་སྔ་དྲོར་སྲོག་ཤིང་འཛུག་སྟེ། དེའང་རྩ་བར་མཆོག་གི་རིན་པོ་ཆེ་ལྔར་གྲགས་པ་རྡོ་རྗེ་ཕ་ལམ། ཨིནྡྲ་ནཱི་ལ། པདྨ་རཱ་ག །མ་རྒད། པུཥྤ་རཱ་ག་རྣམས་འབྱོར་ན་མཆོག་ཏུ་འགྱུར་ཞིང་། མ་འབྱོར་ན་རང་བྱུང་གི་རིན་པོ་ཆེ་གསེར་ས་བྱུང་མ། མུ་ཏིག །གཡུ། ཤེལ་རང་བྱུང་། ཟངས་ས་ལེ་སྦྲམ་རྣམས་དར་གོས་ཀྱིས་བསྟུམ་ལ་རྩ་བར་བཅིང་། དར་གོས་སེར་པོས་དཀྲིས་པ་ཡ་ཡོ་འགུལ་འཁྱོགས་མེད་པར་སྐུ་གཟུགས་ཀྱི་དབུས་དྲང་པོར་བཙུག་ཅིང་རེ་ཞིག་ཡོ་འགུལ་མི་འབྱུང་བའི་རྟེན་སྐྱོར་བྱ། སྲོག་ཤིང་བརྟན་པའི་སྔགས། ཨོཾ་བཛྲ་ཨཱ་ཡུ་ཥེ་སྭཱ་ཧཱ། སེམས་ཅན་ཤེས་བཅུ་ལྡན་གྱུར་ཅིག །བསྟན་པ་ཡུན་རིང་གནས་པར་ཤོག །ཅེས་པ་སྲོག་ཤིང་བྱ་བ་གྲུབ་ཀྱི་བར་བརྗོད། སྐབས་འདིར་དགེ་འདུན་བཞི་སྡེ་ལོངས་པ་ཡན་ཆད་ཀྱིས་བཀྲ་ཤིས་པའི་གསོ་སྦྱོང་བྱས་ཏེ་སོ་སོའི་སྐུ་བརྙན་དང་འབྲེལ་བའི་ཆོ་ག་བཏང་བའི་ཕྱག་སྲོལ་ཡང་ཁ་གཅིག་ལ་སྣང་བ་འགྲུབ་ན་ཆེས་ལེགས་སོ། །བྱང་ཆུབ་ཤིང་ཨ་ཤྭཏྭ་སོགས་སངས་རྒྱས་རབ་བདུན་སངས་རྒྱས་པའི་ཤིང་རིགས་རྣམས་རྙེད་ནའང་སྲོག་ཤིང་དང་ལྷན་ཅིག་བཞག །སྐུ་གཟུགས་ལྷ་རིམ་པར་བསྒྲིག་ལུགས་ཀྱང་ནང་

― LT39_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུག་འབུལ་སྟབས་དང་བསྟུན། སྐྱིལ་ཀྲུང་ནང་དུ་སྟོང་ཕྲག་བརྒྱ་པ་ལ་སོགས་པ་གཟུང་བར་འགྱུར་བའི་སྔགས་རྣམས་དང་། ཐུབ་དབང་ཉེ་སྲས་ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྣམས་དང་། རིན་པོ་ཆེ་ཁང་བུ་བརྩེགས་པ། ནོར་བུ་རྒྱས་པ་གཞལ་མེད་ཁང་། ཆོས་ཐམས་ཅད་ཀྱི་ཡུམ་ལ་སོགས་པ་མདོ་གཟུངས་ཀྱི་རིགས་ཐམས་ཅད། གཟུངས་ཆེན་སྡེ་ལྔ་ནི་འདི་ནས་བརྩམས་སྐུའི་སྟོད་སྨད་བྱིངས་ལ་འཇུག་གང་ཐུབ་བྱ། དགོངས་འགྲེལ་བསྟན་བཅོས་ཀྱི་རིགས་ཕལ་མོ་ཆེ། གསུང་རབ་འདུལ་བ་དང་མདོ་སྡེ། ཤེར་ཕྱིན་འབུམ་པ་ལ་སོགས་པའང་འདི་ནས་ལྟེ་བ་མན་ཆད་དུ་བཞུགས་སུ་གསོལ། དེ་ལ་གླེགས་བམ་རྣམས་ནི་ཞལ་སྟེང་དང་དབུ་རྒྱབ་ངོས་སུ་བསྟན་ཏེ་བཞག །བཞུགས་གདན། ཞབས་ཆགས། སྐུ་ཤམ། རྣམ་སྣང་དང་མི་བསྐྱོད་རིལ་བུ། བྱང་སེམས་དཀར་དམར་སོགས་སྐུའི་སྨད་ཆ་ལས་བྱུང་བའི་སྐུ་བལ་གྱི་རིགས་ཀྱང་འདིར་བཞུགས། སྐུ་སྨད་དུ་བྱ་རྒྱུད་དམ་ཚིག་གསུམ་བཀོད། སྨན་བླ། འོད་དཔག་མེད། གཙུག་ཏོར་རིགས། སྤྱན་རས་གཟིགས་དང་ཕྱག་རྡོར་སོགས་གཤེགས་རིགས། པདྨའི་རིགས། རྡོ་རྗེའི་རིགས་རྣམས་ཀྱི་གཟུངས་དང་སྙིང་པོ། དེ་སྟེང་རྣམ་སྣང་མངོན་བྱང་གཙོ་འཁོར་སོགས་སྤྱོད་རྒྱུད་ཀྱི་སྔགས། བྱ་སྤྱོད་དུ་གཏོགས་

― LT39_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྒྱུད་དང་སྒྲུབ་ཐབས་ཀྱི་གླེགས་བམ། དེ་དག་གི་སྐུ་བརྙན། གྲོང་ཁྱེར་སྒྲོལ་འཁོར་དང་སོ་འབྲང་འཁོར་ལོ། བརྒྱུད་པ་འོག་མ་རྣམས་ཀྱི་དད་རྟེན་བདུད་རྩི་རིལ་བུ། ཚེ་རིལ། །ཤེས་རབ་རིལ་བུ། ལྔ་ཚན་ལྔ་ལ་སོགས་པ་རྣམས་བཞག །ཐུགས་ཀའི་སྨད་ཆར། རྡོ་རྗེ་དབྱིངས། དཔལ་མཆོག་རྩེ་མོ་དང་རིགས་བསྡུས། གཙུག་དགུ། ཁམས་གསུམ་རྣམ་རྒྱལ། ཆོས་དབྱིངས་གསུང་དབང་། ཀུན་རིག་རྩ་བ་དང་ཡན་ལག་གི་དཀྱིལ་འཁོར་སོགས་རྣལ་འབྱོར་རྒྱུད་ཀྱི་གཟུངས་དང་སྙིང་པོ། རྒྱུད་དང་སྒྲུབ་ཐབས་ཀྱི་གླེགས་བམ། དེ་དག་དང་འབྲེལ་བའི་བྱིན་སྐུ། །སཱཙྪ་མང་དུ་ཡོད་ན་འདི་ནས་ཐུགས་ཀའི་སྟོད་ཆ་བར་དུ་བཞུགས། ཐུགས་ཀའི་དབུས་སུ་སྐུ་བརྙན་ཐུབ་པ་ཡིན་ན་ཐུབ་དབང་སྐུ་བརྙན་ལི་མ་ལྟ་བུ་བྱིན་ཅན་ཡེ་ཤེས་སེམས་དཔའི་ཚུལ་དུ་ན་བཟའ་བཞུགས་སྣོད་རིན་པོ་ཆེའི་ཟ་མ་ཏོག་སོགས་བཀུར་སྟིའི་ཁྱད་པར་བཅས་བཞུགས་སུ་གསོལ་ཞིང་། མུ་ནི། ཐུབ་པའི་མཚན་བརྒྱ། དེ་བཞིན་གཤེགས་པའི་ཡིག་བརྒྱ་སོགས་འབུམ་ཕྲག་མང་པོ་བཞུགས་པས་མཚོན། ལྷ་སོ་སོའི་སྐུ་གསུང་ཐུགས་རྟེན་གྱི་གཙོ་བོར་བྱས་ཏེ་གཞུག །ཐུགས་ཀའི་སྟོད་ཆ་ཕྱིན་ཆད་དུ་བླ་མེད་མ་རྒྱུད་དུས་འཁོར། བདེ་མཆོག །དགྱེས་རྡོར། མཉམ་སྦྱོར། སངས་

― LT39_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཐོད་པ། མ་ཧཱ་མཱ་ཡཱ། གདན་བཞི་སོགས་ཡབ་ཡུམ་གཙོ་འཁོར་རྣམས་ཀྱི་རྩ་སྔགས། ཕྲེང་སྔགས། སྙིང་པོ། ཉེ་སྙིང་རྣམས་དང་། ཕ་རྒྱུད་གསང་འདུས། གཤེད་དམར། དགྲ་ནག །གདོང་དྲུག །སྒྱུ་འཕྲུལ་དྲྭ་བ་གཙོ་འཁོར་རྣམས་ཀྱི་སྙིང་པོ་དང་། དེ་དག་གི་རྒྱུད་སྒྲུབ་ཐབས་ཀྱི་གླེགས་བམ། བྱིན་སྐུ། སོ་སོའི་སྒོ་ནས་བསྒྲུབས་པའི་བདུད་རྩི་ལྟ་བུའི་བྱིན་རྫས། བླ་མ་ཚད་ལྡན་རྣམས་ཀྱི་སྟོད་འགག །ཆོས་གོས། མནབ་གཟན། དབུ་ཞྭ་སོགས་སྐུ་སྟོད་ཀྱི་ཆ་དང་འབྲེལ་བའི་དང་རྟེན་རིགས་རྣམས་བཞུགས། ཕྱག་བྲིས་ལྟ་བུའི་ཞལ་ཐང་བྱིན་ལྡན་བཞག་ན་བསྒྲིལ་ཞིང་སྟོད་སྨད་མེད་པར་བྱས་ཏེ་གཡོན་ནས་གཡས་ཕྱོགས་སུ་བསྒྲིལ་ཏེ་གྱེན་ཏུ་བསླངས་ལ་བཞག །མགྲིན་པར་དབྱངས་གསལ་ཅི་མང་བཞག་པའི་ཕྱག་སྲོལ་སྣང་ཞིང་བྱིན་རྟེན་མྱང་གྲོལ་རིགས་ཀྱང་འཇུག་པ་ལེགས། དབུའི་ནང་དུ་བླ་མ་བརྒྱུད་པའི་མཚན་སྔགས་ཀྱི་ཐོག་མར་ཕྱག་ཆེན། ཆོས་དྲུག །སྦྱོར་དྲུག །རིམ་ལྔ། ལམ་འབྲས། ལམ་རིམ་སོགས་སོ་སོའི་ལུགས་སྲོལ་གཙོ་ཆེ་བ་གང་ཡིན་ཀྱི་ཁྲིད་བརྒྱུད། དེ་ནས་ཡས་ནས་མས་རིམ་བཞིན། བླ་མེད་མ་རྒྱུད། ཕ་རྒྱུད། རྣལ་འབྱོར། བྱ་སྤྱོད། བྱང་སྡོམ། སོ་ཐར་བརྒྱུད་པ་རྣམས་དང་། ཆོས་སྐྱོང་གཙོ་ཆེ་བ་རྣམས་ཀྱི་བླ་མ་

― LT39_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་པའི་མཚན་སྔགས་རྣམས་བཞུགས། རྒྱ་གར་པ་གྲུབ་རྣམས་ཀྱི་མཚན་སྔགས་དང་བྱིན་རླབས་རྟེན། བོད་ཀྱི་མཁས་གྲུབ་སྔོན་བྱོན་ཡོངས་གྲགས་སེལ་མེད་རྣམས་ཀྱི་བྱིན་རྫས། རྡོ་རྗེ་འཆང་སོགས་རྩ་བརྒྱུད་བླ་མའི་སྐུ་བརྙན། རང་ལུགས་གང་ཡིན་དེའི་བླ་མ་བརྒྱུད་པའི་དབུ་ལོ། དབུ་ཐོད། དབུ་ཞྭ་ལ་སོགས་པ་རྣམས་དང་། རང་རང་གི་རྩ་བའི་བླ་མའི་ཚེམས་དང་རིང་བསྲེལ་ལྟ་བུ་ཡོད་ནའང་འཇོག །དཔྲལ་བར་མཛོད་སྤུ་ནོར་བུའི་གཟུངས་ཅི་མང་རྒྱས་པའི་སྤེལ་ཚིག་བཅས་བཞག །གཙུག་ཏོར་དུ་སངས་རྒྱས་ཀྱི་རིང་བསྲེལ། དེ་དང་རིགས་མཐུན་གྱི་འཕེལ་གདུང་། སངས་རྒྱས་བྱང་སེམས་ཉན་ཐོས་ཆེན་པོ་རྣམས་ཀྱི་མཚན་སྔགས། དེ་དག་ལས་བྱོན་པའི་སྐུ་གདུང་སོགས་ཀྱི་ཆ་ཤས། གཙུག་ཏོར་སྡེ་ལྔའི་གཟུངས་སམ་གདུགས་དཀར་འཁོར་ལོ་རྣམས་བཞག །སྤྱིར་ཡིག་བརྒྱ། ཡིག་དྲུག །རྟེན་སྙིང་སོགས་རྒྱུད་སྡེ་སྤྱི་ལ་འཇུག་པ་རྣམས་གང་དུ་བཞག་ཀྱང་ཆོག་ཅིང་། གཟུངས་ཀྱི་སྟོད་སྨད་ཀུན་ཏུ་གཟུངས་འཁྲུགས་ཀྱི་ཉེས་པ་སེལ་ཕྱིར་རིག་པ་ཕུག་རོན་གྱི་གཟུངས་གཞུག་བར་བཤད་པའི་རིག་པ་ཕུག་རོན་གྱི་སྔགས་ནི། ན་མཿས་མནྟ་བུདྡྷ་ནཱ་མ་ཙིནྟྱ་བྷཱུ་ཏ་རཱུ་སི་ཾ་ཨོཾ་ཏཱ་རེ་སྭཱ་ཧཱ། ཞེས་སྔར་སྐ་ཅོག་གི་དང་། གཞན་གོང་བཞིན་ལ་རཱུ་པི་ཾ། ཨོཾ་ཏཱ་རེ་སྭཱ་ཧཱ། ཞེས་བལ་པོའི་

― LT39_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེ་དག་པ་ལས་བྱུང་བ་སྟེ་འདི་གཉིས་ཀ་ཤིན་ཏུ་དག་ཅེས་རིག་འཛིན་ཆེན་པོ་ཚེ་དབང་ནོར་བུས་གསུངས་པ་བཞིན་བཀོད་པ་འདི་ལྟར་གཟུངས་རྒྱས་བསྡུས་གང་ལའང་གལ་ཆེ། སྟོད་སྨད་ཀྱི་མཚམས་དར་རྣམས་ཀྱང་སོ་སོའི་མཚམས་སུ་བཏང་། ཕྱག་གི་ནང་དུ་གླེགས་བམ་དང་གཟུངས་འཇོག་སྐབས་ཕྱག་མཐུར་བརྐྱང་ལ་ཕྲག་མགོར་བླ་མེད་ནས་སོར་རྩེར་མདོ་འདུལ་བར་མས་རིམ་དང་། །གྱེན་ཏུ་ཕྱར་བ་ལ་དེ་ལས་གོ་ལྡོག་སྟེ་འཇོག་པར་བཤད་དོ། འདིར་སྐུ་ཆེན་པོའི་རིགས་ལ་པད་གདན་མན་ཆད་སྔར་ལྟར་ལ། དེ་མཚམས་ཚུགས་ཤིང་ཤིན་ཏུ་བརྟན་པོ་བཙུག །དེའང་ཕལ་ཆེར་གྱིས་ཚུགས་ཤིང་དང་སྲོག་ཤིང་གཅིག་ཏུ་བྱེད་ཀྱང་དེ་ནི་མི་ལེགས་ལ། སྲོག་ཤིང་གོང་སྨོས་ལྟར་ལ་ཚུགས་ཤིང་ནི་ཕྱེད་དམ་ཇི་ལྟར་རིགས་པ་པད་གདན་ཕྱིན་ཁྲི་ནང་འགྲོ་ཞིང་སྐྱིལ་ཀྲུང་ནས་དབུའི་བར་གྱེན་ཏུ་བསླང་བ་ལའང་སྐུའི་ཆ་ཚད་བགོས་ཏེ་སྐུ་དཔུང་གི་ཐད་ནས་གཡས་གཡོན་ཚོ་འཛིན་སྤྲད། དེའི་མདུན་ངོས་སུ་སྲོག་ཤིང་བརྟན་པོར་བཙུག །དེ་དག་ལ་བརྟེན་ཏེ་ཞབས་ནས་དབུའི་བར་སོ་སོའི་ཚད་སོར་མི་འཆུག་པར་ནང་གཞུག་རྣམས་དར་རས་ཀྱིས་བཅིངས་ཤིང་བསྡམས་པའི་ཕྱི་ནས་སྤེན་མ་ལྟ་བུའི་ཤིང་གིས་གཡོགས་ལ་དྲིས་སྐུད་ཀྱིས་བཙེམ། དེ་ནས་རིན་པོ་ཆེ་དང་སྨན་

― LT39_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

འདམ་གྱིས་གཡོགས་ཏེ་སྐུ་གཟུགས་འཆོས། གཙུག་ཏོར་རྗེས་སུ་བཟོ་སྟེ་ནང་གཞུག་འབུལ། སྐམ་ནས་ཚོན་གདན་གྱི་སྟེང་དུ་གནས་དང་སྐྱེ་མཆེད་བྱིན་རླབས་སོ་སོར་གླན་ལ་དར་ཤོག་སྲབ་མོས་ཞལ་ཁེབ་བྱ། དེ་སྟེང་ཚོན་རྩི་བཏང་བ་སོགས་ཀྱི་ཁྱད་པར་ཤེས་པར་བྱའོ། །གཉིས་པ་དེ་ལས་སྔ་འགྱུར་རྙིང་ལུགས་ཀྱི་ཁྱད་པར་ནི། སྤྱི་གཙུག་ཏུ་གདུང་རིང་བསྲེལ། མགྲིན་པར་དབྱངས་གསལ། ཐུགས་ཀར་ཤེལ་རྡོ་ཧཱུྃ་བཅས། ཁྱད་པར་གསང་རྫོགས་དང་ངག་སྔགས་རྡོ་རྗེ་གཙུག་ལག་གི་རྒྱུད་དོན་སྲོག་ཤིང་ནང་དུ་ཙནྡན་དཀར་པོ་སོགས་ལས་བཅོས་པའི་སྲོག་ཕུར་བཏབ་པའི་ཕྱི་ཚེ་དཔག་མེད་པའི་གཟུངས་སྔགས། སྒྲུབ་པ་པོའམ་སྦྱིན་བདག་གི་ཚེ་འཕེལ་ཞིང་བརྟན་པའི་འདོད་གསོལ་སྦྱར་བས་དྲིལ་ལ་དར་སེར་པོའི་ན་བཟས་ཀླུབས། ས་འཛིན་གྱི་བང་རིམ་རྣམས་སུ་གང་ཡིན་དེའི་སྒྲུབ་རྫས་མཆོད་རྫས་རྐྱེན་ཟློག་གི་རྫས་རྣམས་ཀྱང་བསག་པར་བཤད། ས་འཛིན་ངོས་ལ་སྟག་ཤམས་ལྷའི་གཏེར་བུམ། ཀློང་གསལ་གྱི་སྤྱི་བཅོས་རིགས་དང་། ཐུགས་རྡོར་བཀྲ་ཤིས་གཏེར་སྒྲུབ་སོགས་གཙོར་བྱ། གནོད་སྦྱིན་འཁོར་ལོ་མོ་འཁོར་སྟེང་དང་ཕོ་འཁོར་འོག་གཙོ་བོའི་དབུ་མདུན་བསྟན་ཏུ་འཇོག་ཅེས་སྨིན་ལོས་གསུངས། རྒྱས་པ་དང་དབང་གི་རྟེན་གྲྭ་མངོན་ཛཾ་དམར། གཏེར་ཁ་

― LT39_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་རྙེད་རྣམ་སྲས་དང་ཛཾ་ལྷ། ལྷ་ཆེན་སོགས་གཙོར་བྱ། གཏེར་གསར་ཐུགས་སྒྲུབ་བཀྲ་ཤིས་གཏེར་བུམ་གྲུབ་ནའང་གནོད་སྦྱིན་འཁོར་ལོའི་སྟེང་ངམ་མདུན་རྒྱབ་ལྟ་བུར་བཞག །གང་ལྟར་པད་གདན་ལས་ཕྱིར་དམའ་མི་རུང་། ཡིད་བཞིན་འཁོར་ལོའི་ལས་ཚོགས་བུམ་པ་ལྔའམ་གཅིག་ལ་བསྡུས་ཀྱང་རུང་ཞིང་ལྟེ་བ་ཙམ་དུ་འཇོག །སྐུ་བརྙན་རྡོར་སེམས་ཞི་ཁྲོ་ལྟ་བུ་ཡིན་ན་མདོ་སྒྱུ་དོང་སྤྲུགས་རྣམས་ནས་འབྱུང་བའི་ལུས་དཀྱིལ་ལྷའི་སྔགས་སོ་སོར་བཀོད་ན་ལེགས་ཤིང་། གུ་རུའི་སྐུ་ལ་སྟག་ཤམ་བླ་མ་ནོར་བུ་ནས་འབྱུང་བའི་སྐུ་ཚབ་འགྲོ་འདུལ་གྱི་བརྡ་ཡིག་གནས་སོ་སོར་འགོད། ཧེ་རུ་ཀ་གལ་པོ་ནས་ཐང་སྐུར་འབྲི་བར་གསུངས་པའི་སྐུ་གསུམ་བྱིན་རླབས་སྔགས་གནས་གསུམ་དུ་བཀོད་པ་དང་། གཏེར་གསར་མ་མོ་སྤྱི་བསྡུས་ནས་བཤད་པ་ལྟར་གཟི་བརྗིད་སྐྱེད་པ་སྐུ། ཚངས་དབྱངས་སྐྱེད་པ་གསུང་། བདེ་ཆེན་སྐྱེད་པ་ཐུགས་ཀྱི་རིལ་བུ་གཏེར་བྱོན་གྱི་རྒྱུན་ལྡན་རྙེད་ན་མཆོག་ཏུ་འགྱུར་བས་དེ་དག་དཔྲལ་མགྲིན་ཐུགས་ཀར་བཞུགས་པའམ་དེ་དག་བསྲེས་པའི་སྨན་འདམ་གྱིས་གནས་གསུམ་བྱིན་རླབས་ཀྱི་ལྷ་སྐུ་བཏབ་ནས་བཞག །གཏེར་བྱོན་གྱི་སྐུ་ཚབ་ལྟ་བུ་འགང་ཆེ་བའི་རིགས་དབུའམ་ཐུགས་ཀ་དང་། སྐུ་བརྙན་གཞན། རྡོ་རྗེ་ཕུར་པ་སོགས་སྟོད་སྨད་བབ་ཡུལ་གྱི་འགྲོས་དང་བསྟུན། །

― LT39_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱང་དར་གོས་ཀྱི་ན་བཟའ་ཟངས་སྒྲོམ་ལྟ་བུའི་སྣོད་དང་བཅས་ཏེ་བཞུགས། གཟུངས་གཞུག་གི་ཁྱད་པར་སངས་རྒྱས་ཀྱི་འདས་རྗེས་གསུམ། སངས་རྒྱས་སྲས་གཅིག །སྙིང་ཐིག་རྒྱུད་དྲུག་སོགས་རང་བྱུང་བསྟན་པ་བུ་གཅིག་པའི་རིགས་རྣམས་གཙུག་ཏོར་ནས་དཔྲལ་བ་ཡན་ཆད་ལ་བཞུགས། བླ་མ་དགོངས་འདུས་ཀྱི་རྒྱུད་དགུ་ཡོད་ན་གཞུང་མཐུན་གནས་ལྔ་སོ་སོར་དང་། གཞུང་དེ་ལས་འབྱུང་བ་སོགས་མཐོང་གྲོལ་རིགས། ཡེ་འབར་རྩ་རྒྱུད་ལྟ་བུ་རྣམས་ཐུགས་ཀར་བཞུགས། གླེགས་བམ་སོར་བཞི་པའི་རིགས་ཐམས་ཅད་ཀྱང་ན་བཟའ་གླེགས་ཤིང་དང་བཅས་ཏེ་མགོ་གཞུག་མ་ནོར་ཅིང་ཞལ་མདུན་བསྟན་བྱ། དབུ་གཟུངས་བླ་མ་བརྒྱུད་པའི་ང་སྟོད་ནས་མས་རིམ་བཞིན། ཆོས་ལོངས་སྤྲུལ་གསུམ་སྔོན་ཏུ་འགྲོ་བའི་གཏེར་ཁ་གོང་འོག་སོགས་ཀྱི་བླ་སྒྲུབ་བརྒྱུད་པ། མཁན་སློབ་ཆོས་གསུམ་རྗེ་འབངས་ཉེར་ལྔའི་མཚན་སྔགས། རྫོགས་ཆེན་སྙིང་ཐིག་ཆེན་མོ་སོགས་བི་མ་ལ་དང་པདྨའི་བཀའ་སྲོལ་སྙིང་ཐིག་རྣམས་ཀྱི་བརྒྱུད་པ། ཀློང་སྡེ། སེམས་སྡེ། འདུས་མདོ། དོང་སྤྲུགས། སྒྱུ་འཕྲུལ་དབང་བཀའ་བཤད་བཀའི་བརྒྱུད་པ། མཉམ་སྦྱོར། རྒྱ་གར་རིག་འཛིན་བརྒྱད་ཀྱི་མཚན་སྔགས། བཀའ་བརྒྱད་རྣམ་གསུམ་གཤེད་སྐོར་རྟ་མགྲིན་ཡང་ཕུར་

― LT39_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

མ་མོ་སོགས་སྒྲུབ་སྡེ་བྱེ་བྲག་པ་རྣམས་ཀྱི་བརྒྱུད་པ། བྱང་སྡོམ་དང་སོ་ཐར་སྡོམ་རྒྱུན་རྣམས་དང་། དེ་དག་ཏུ་མ་འདུས་པའི་སྔ་འགྱུར་ལོ་ཙཱ་བསྟན་འཛིན་སྐྱེས་ཆེན། གཏེར་སྟོན་བརྒྱ་རྩའི་མཚན་སྔགས་སོགས་ཀྱང་འགྲུབ་ན་བཞུགས། ཐུགས་ཀའི་སྟོད་ནས་རིམ་བཞིན་གཏེར་ཁ་གོང་འོག་བྱང་གཏེར་སོགས་བླ་སྒྲུབ་སྙིང་པོ་སྤྱི་འགྲོ་རྣམས་དང་། བླ་མ་དགོངས་འདུས་དང་ཡིད་བཞིན་ནོར་བུས་མཚོན་ཁྱད་པར་དུ་གྱུར་པ་རྣམས་དང་། བླ་མ་དྲག་པོ་དམར་མཐིང་གཙོ་རྐྱང་དཀྱིལ་འཁོར་ཚོམ་བུ་ཤམ་འདོགས་དང་བཅས་པ་སྟེ་བླ་མ་ཞི་དྲག་ཕྱི་ནང་གསང་བ་བསྙེན་སྒྲུབ་ལས་སྦྱོར་གྱི་སྙིང་པོ་རྣམས། ཨ་ཏི་ཞི་ཁྲོ་རིགས་བརྒྱ་བཀའ་གཏེར་རིགས། ཚོགས་ཆེན་འདུས་པ། དོང་སྤྲུགས། སྒྱུ་འཕྲུལ་ཞི་ཁྲོ། མཉམ་སྦྱོར། བཀའ་བརྒྱད་རྣམ་གསུམ་སོགས་ཀྱི་ཞི་སྔགས་ཁྲོ་སྔགས། བཀའ་གཏེར་གཉིས་ཀྱི་གཤེད་སྐོར། རྟ་མགྲིན་དམར་ནག །ཡང་ཕུར། མ་མོ་སྤྱི་དང་བྱེ་བྲག་ཕག་ཁྲོས་སེང་གདོང་། ལོག་ཏྲི་ཞི་ཁྲོ་སོགས་དྲེགས་པ་དང་དྲག་སྔགས་ཀྱི་སྒོས་བཀའ་རྣམས་ཐུགས་སྨད་པར་བཞུགས། པད་ཕྲིན་གྱིས་ཞི་ཁྲོ་ཚེ་དཔག་སོགས་ཕ་རྒྱུད་ཐུགས་ཀའི་གཡས། ཕུར་པ་མཁའ་འགྲོ་གསང་རྫོགས་སོགས་མ་རྒྱུད་གཡོན། གུ་རུ་ཞི་དྲག་དང་བཀའ་བརྒྱད་གཉིས་མེད་རྒྱུད་དབུས་སུ་

― LT39_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པར་གསུངས། དེ་དག་གི་འོག་ཏུ་རིམ་བཞིན་རྣལ་འབྱོར་རྒྱུད་ཡོ་ག་རྡོར་དབྱིངས། སྤྱོད་རྒྱུད་ཕྱག་རྡོར་དབང་བསྐུར། བྱ་རྒྱུད་ཀྲི་ཡ་དོན་གྱི་ལྷ་དྲུག་གི་གཟུངས་སོགས་ཁྱད་པར་ཏེ་སྤྱི་འགྲོ་རྣམས་གསར་མ་ལྟར་བཞག །པད་གདན་ཏུ་ཆོས་སྐྱོང་གཙོ་བོ་མདོ་མགོན་དང་རྒྱུད་མགོན། ཕྱག་བཞི་པ་དཀར་མཐིང་། མ་ནིང་དང་སྔགས་སྲུང་མ་སོགས་སྡེ་བདུན་དང་། སྡེ་ལྔ་གཙོར་གྱུར་པ་རྣམས་དང་གཏེར་ཁ་ཐ་དད་ལས་འབྱུང་བའི་ཡེ་ཤེས་ཆོས་སྐྱོང་རྣམས་ཀྱི་སྙིང་པོ་གཟུངས་སྔགས། ཁྱད་པར་རང་བརྟེན་གཙོ་བོར་བྱེད་པ་དེའི་སྐུ་གཟུགས་བླ་རྡོ་སྲོག་འཁོར་བཅའ་སྒྲུབ་ཚུལ་བཞིན་བྱས་པའམ། སྤྱི་འགྲོ་ཙམ་དུ་ཆོས་སྐྱོང་ཕོ་རྒྱུད་མོ་རྒྱུད་སྤྱིའི་སྲོག་འཁོར་བརྒྱུད་ལྡན་གྱི་ཕྱག་ལེན་ལྟར་འཇོག །གཞན་ཡང་བླ་མའི་གདན་ས་ལ་དར་རྒུད་བྱུང་ན་བླ་བརྒྱུད། མི་བརྒྱུད་ཕྲ་ན་སྲོག་ཤིང་། ནོར་གུད་ན་ནོར་ལྷའི་སར། དམག་འཁྲུགས་ནད་རིམས་འདྲེ་བདུད་ཟློག་ན་དེའི་གཉན་པོའི་ཁ་འགེངས། སྒྲིབ་སྦྱོང་ལ་རྩ་རིག་རྡོར་སེམས་སོགས་དང་ཀུན་ལའང་སྨོན་ལམ་གྱི་མཐའ་བསྒྱུར་བྱ་བར་བཤད་པ་ཁུངས་སྔར་འགྱུར་གྱི་ཕྱོགས་འདིར་ཡིན་ཀྱང་གསར་མ་ལའང་དེ་ལྟར་མི་རུང་པ་མེད་དོ། གསུམ་པ་མཆོད་རྟེན་གྱི་ནང་གཞུག་ནི། སྤྱིར་མཆོད་རྟེན་ཆེ་ཆུང་གང་ཡིན་ཀྱང་དྲི་མེད་རྣམ་

― LT39_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀྱི་ཆོ་གས་བསྒྲུབས་པ་ཞིག་བྱུང་ན་ས་རྡོ་ལས་བཅོས་ཀྱང་འབྲེལ་ཚད་དོན་ལྡན་བྱས་པ་དོན་ཡོད་དུ་འགྱུར། དེ་ལྟར་མ་ཡིན་ན་གསེར་དངུལ་ལས་བཅོས་པའང་རྟེན་ཕལ་པ་ཙམ་ལས་མི་འགྱུར་བ་དང་། དེའི་སྒེར་ཆོས་ཤེས་ན་གཟུངས་གཞུག་སྤྱི་ཁྱབ་སྐུ་གཟུགས་ཀྱིས་འགྲེ་ཆོག་ཕྱིར་ཤེས་སླ་བས་དེའི་ཚུལ་རྒྱས་པ་ཞྭ་ལུའི་ཡིག་ཆ་གསར་རྙིང་དང་། ཁྱད་པར་ལོ་ཆེན་དྷརྨ་ཤྲཱིས་མཛད་པའི་ཆོ་ག་བཀླགས་ཆོག་མ་ལྟར་བྱ་དགོས། དེ་ལ་ཐོག་མར་རྡོ་རྗེ་སློབ་དཔོན་བསྙེན་སོང་ཞིག་གིས་མཆོད་རྟེན་གང་དུ་བྱ་བའི་ས་གཞིར་དྲི་མེད་ཆོ་གའི་སྒོ་ནས་ས་སློང་བ་སྦྱོང་བ་བཟུང་བ་རྣམས་བྱ་ཞིང་། སེང་ལྡིང་ཕུར་བུ་བརྒྱད་དམ་གཅིག་བཏབ་པའང་ས་གཞིར་ཁུངས་བུ་བརྐོས་པ་ལ་རྡོ་སྒྲོམ་བྱས་པར་དང་། ལྷ་ཁང་ནང་ལྟ་བུར་རྩིགས་པའི་རྩ་བར་ཕུར་ཁང་ལ་གཞུག །སྲོག་ཤིང་གཙོས་སྤྱིའི་སྟ་གོན་སྔར་བཤད་པ་ལྟར་ལ། དྲི་མེད་རྣམ་གཉིས་ཀྱི་དཀྱིལ་འཁོར་ཕྱི་རོལ་ལྟ་བུར་རྡོ་ལེབ་ཆེ་ཞིང་འཐུག་པ་ལ་བརྐོས་པ་དང་། ནང་གི་གསེར་ཟངས་ལྟ་བུར་ཤིང་ལེབ་ལ་བྲིས་ཏེ་ཚོན་གཡིས་ལེགས་པར་བྱ། འོད་ཟེར་དྲི་མེད་ཀྱི་སཱཙྪ་དགུ་བཅུ་གོ་དགུ་སེར་པོ། གཙུག་ཏོར་དྲི་མེད་བརྒྱ་དང་བརྒྱད་དཀར་པོ་རྣམས་ཆོ་ག་དང་ལྡན་པར་བཏབ་ཅིང་། སོ་སོའི་གཟུངས་རིང་ངམ་སཱཙྪ་ཆུང་ངུ་ལ་མི་ཤོང་ན་གཟུངས་ཐུང་ནང་གཞུག་བཙུད་

― LT39_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཁན་པོའི་ལུགས་ཀྱི་ཆོ་ག་རྒྱས་བསྡུས་གང་རུང་གིས་ཚུལ་བཞིན་བསྒྲུབ། མཆོད་རྫས་སྣོད་ཏིང་ཕོར་དང་སྡེར་ཆུང་ཟངས་དང་ལི་སོགས་ལས་བཅོས་པའམ། རྫ་ལས་བྱས་པ། སྤོས། མར་མེ། ཚོགས་ཀྱི་སྐུ་བྲིས་པ། བཀྲ་ཤིས་རྫས་བརྒྱད། རྒྱལ་མཚན། སྒབ་དཀྲིས། རས་སྐུད། དར་འཕྱངས་སོགས་རྒྱས་བསྡུས་འབྱོར་པ་དང་བསྟུན་པ་ཉེར་བསྔོགས་བྱ། རྩིགས་རྨངས་སུ་མནན་པ། ས་བདག་དང་ཀླུ་བུམ། མཚོན་ཆ་མནན་པའི་སྟེང་དུ་ས་འཛིན་དང་སེར་ཁྲི་བརྩེགས། དེ་དག་ཏུ་ཐུགས་རྡོར་བཀྲ་ཤིས་གཏེར་སྒྲུབ། ཀློང་གསལ་སྤྱི་བཅོས་རིགས་ཡོད་ན་དང་ཤིས་བརྗོད་སྨོན་ལམ་ཉེས་སེལ་རིགས་གང་མང་བཞག །སེང་ཁྲིའི་སྟོད་དམ་གདོང་ཆེན་ཏུ་ཆོས་སྐྱོང་ནོར་ལྷའི་གཟུངས་སོགས་བཞག །དེའང་སྔོན་གྱི་མཁས་པ་འགའ་ཞིག་གི་གསུང་དང་མཐུན་པར་དབུས་སུ་ཟངས་དཀར་མར་ཁུས་བཀང་བ་ལྟ་བུའི་ཁར་གནོད་སྦྱིན་འཁོར་ལོ། གཡས་སུ་ཆོས་སྐྱོང་སྤྱི་བྱེ་བྲག །གཡོན་ཏུ་དཔལ་མགོན་བདུན་ཅུ་རྩ་ལྔ། རྒྱབ་ཏུ་གནོད་སྦྱིན་ནོར་ལྷའི་རིགས། མདུན་ཏུ་དཀར་ཕྱོགས་སྐྱོང་བའི་དམ་ཚིག་ཅན་རྣམས་ཀྱི་གཟུངས་སྔགས་བླ་རྡོ་སོགས་དང་བར་བར་དུ་ཤིས་བརྗོད་སྨོན་ལམ་འདོད་གསོལ་རྣམས་འཇོག་པ་ལག་ལེན་ཏུ་བདེ། ཚད་མེད་ནས་བུམ་གདན་བར་

― LT39_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་མདོའི་གླེགས་བམ། མདོ་གཟུངས་རིགས་དང་། སཱཙྪ་ཤིན་ཏུ་མང་ནས་བུམ་པར་མ་ཤོང་ན་སཱཙྪ་ཅི་ཤོང་བྱ། དེའང་བར་མཚམས་བཟང་ཤིང་ཕུར་མ་དང་བྱེ་མ་སོགས་ཀྱིས་བཅེར་ནས་གཡས་གཡོན་ཏུ་ཡོ་འགུལ་མི་འབྱུང་བ་དང་སྟེང་མས་འོག་མ་བཅག་གྲུམ་གྱི་སྐྱོན་མི་འབྱུང་བར་བྱ། བུམ་གདན་གྱི་ནང་དུ་གཙུག་ཏོར་དྲི་མེད་ཀྱི་དཀྱིལ་འཁོར་དང་མཆོད་པ་བཞག་ཆོག་ཏུ་བཀོད་ནས་དེའི་ཆོ་ག་ཚུལ་བཞིན་བྱས་ཏེ་རས་ལྟ་བུའི་ཞལ་ཁེབས་ཀྱིས་བཀག །དེ་སྟེང་ཚོམ་བུ་ལ་བརྟེན་འོད་ཟེར་དྲི་མེད་ཀྱི་སྟ་གོན་བྱ། ཕྱིར་ཉིན་འོད་ཟེར་དྲི་མེད་དཀྱིལ་འཁོར་སྔ་མའི་སྟེང་བཞག་པའི་དབུས་སུ་སྲོག་ཤིང་བརྟན་པོར་བཙུགས་པའི་མཐའ་བསྐོར་མཆོད་པའི་བྱེ་བྲག །རྫས་བརྒྱད། རྒྱལ་མཚན། སྒབ་སྐོར། ཕྱོགས་བཞིར་ཕྲེང་བ་དར་དཔྱངས་སོགས་ཀྱི་བཀོད་པ་དང་། སྲོག་ཤིང་ལྕིད་ཀྱིས་དཀྱིལ་འཁོར་ལ་སྐྱོན་འབྱུང་ཉེན་ཡོད་པས་ནང་དུ་གདུང་རྒྱ་གྲམ་ལྟ་བུས་སྲོག་ཤིང་གི་ལྕིད་ཐིག་པའི་ཐབས་བྱས། དེ་ཉིད་ཀྱི་ཆོ་ག་ཚུལ་བཞིན་བཏང་། དེ་སྟེང་འོག་ཏུ་གཙུག་ཏོར་དྲི་མེད་ཀྱི་སཱཙྪ་བརྒྱ་བརྒྱད། དེ་སྟེང་འོད་ཟེར་དྲི་མེད་གོ་དགུ་རྣམས་བརྩེགས་མར་བཞག །གཟུངས་གཞུག་བུམ་སྨད་ནས་ཡས་རིམ་གྱིས་བྱ་སྤྱོད་རྣལ་འབྱོར་བླ་མེད། བྲེ་ལ་དབྱངས་གསལ། ཆོས་འཁོར་དུ་བླ་བརྒྱུད། ཏོག་ལ་གཙུག་ཏོར་དང་ཡུངས་

― LT39_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་ལྟ་བུའི་རིང་བསྲེལ་སོགས་གོང་དུ་སྨོས་པས་རིགས་འགྲེས་ཏེ་གཞུག །གསེར་ཟངས་ལྟ་བུ་ལ་བར་མཚམས་རྣམས་སྨན་སྣ་རིན་ཆེན་ཕྱེ་མ་ཁྱད་པར་ལྔ་ཚན་ལྔའི་ཕྱེ་མ་ཐུམ་བུ་སོགས་ཀྱིས་བཅེར་བས་མཚོན་ལག་ལེན་གྱི་ཁོག་སྐུ་གཟུགས་ཀྱི་སྐབས་བཞིན་བྱའོ། །གཉིས་པ་རྟེན་ཆུང་འབྲིང་གི་རིགས་ལ། སྲོག་ཤིང་ངོས་སུ་མང་པོ་མི་ཤོང་བས་གནས་ལྔར་འབྲུ་ལྔ་དང་། རྩེ་མོར་རྣམ་རྒྱལ་སྙིང་པོ། ཨོཾ་གྱི་འོག་ཏུ། ཨོཾ་སརྦ་བི་དྱཱ་སྭཱ་ཧཱ། ཨཱཿའི་འོག་ཏུ་དབྱངས་གསལ། ཧཱུྃ་གི་འོག་ཏུ་ཨོཾ་བཛྲ་ཨཱ་ཡུ་ཥེ་སྭཱ་ཧཱ་དང་། ལྷ་གང་ཡིན་དེའི་སྙིང་པོ། སྭཱའི་འོག་གི་ཕྱོགས་སོ་སོར་གཙུག་ཏོར་དྲི་མེད། རྣམ་རྒྱལ། གསང་བ་རིང་བསྲེལ། བྱང་ཆུབ་རྒྱན་འབུམ་རྣམས་ཀྱི་གཟུངས་ཐུང་དང་། དེ་དང་འབྲེལ་བར་མདུན་ཕྱོགས་སུ་རྟེན་འབྲེལ་སྙིང་པོ། ཧཱའི་འོག་ཏུ་ཨོཾ་སུ་པྲ་ཏིཥྛ་བཛྲཱ་སྭཱ་ཧཱ། །ཞེས་པ་རྣམས་བྲི། དེ་ཙམ་ཡང་མི་ཤོང་བའི་རིགས་ལ་འབྲུ་ལྔ་ཙམ་ཁོ་ན་བྲི། སྐྱེ་མཆེད་བྱིན་རླབས་ཀྱང་རྒྱུད་སྡེ་གང་ཡང་རུང་བ་གཅིག་གི་ལུགས་སམ་ས་བོན་ཙམ་ཞལ་རས་ཀྱི་ཐད་ཀའི་སྲོག་ཤིང་ལ་དྲིལ། སྲོག་ཤིང་ལ་འདྲི་རྒྱུའི་གཟུངས་ཐུང་རིགས་སོགས་ཀྱང་སྲོག་ཤིང་ཕྱེད་ཀ་ཙམ་ལ་དྲིལ། བླ་བརྒྱུད། ཡི་དམ་རྒྱུད་སྡེ། མདོ་གཟུངས། ཆོས་སྐྱོང་ནོར་ལྷ་རྣམས་འབྲིང་པོ་ལ་འབྲིང་པོ་དང་། །

― LT39_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་ངུ་ལ་བསྡུས་པའི་ལུགས་སུ་བྱ་ཞིང་གཟུངས་ཆེན་སྡེ་ལྔ་རིང་ཐུང་གང་ཡང་རུང་བ་ཐམས་ཅད་ལ་མེད་ཐབས་མེད། གཟུངས་རྣམས་ཀྱང་དགེ་བའི་བཤེས་གཉེན་བྱ་ཡུལ་བའི་གསུང་སྒྲོས་ལས་བྱུང་བ་ལྟར། དབུ་ཞབས་མ་ལོག་པར་ཐེག་པའི་གོ་རིམ་དང་མཐུན་པར་སྲོག་ཤིང་གི་སྟོད་སྨད་བར་གསུམ་དུ་བཅིངས་ཏེ་བར་བར་དུ་དྲི་བཟང་གི་ཕུར་མ་དང་བཅས་བཞུགས་པའམ། དེ་ལྟར་བཞུགས་མི་བདེ་བའི་རིགས་ལ་རྒྱལ་བ་མི་བསྐྱོད་ཞབས་ཀྱི་གསུངས་ལྟར་སྲོག་ཤིང་གི་གཟུངས་དང་པད་གཟུངས་མ་གཏོགས་པའི་གཟུངས་རྣམས་དབུ་ཞབས་མ་ལོག་པར་མཆོད་རྟེན་གྱི་བུམ་པ་དང་སྐུ་གཟུགས་ཀྱི་ཐུགས་ཀར་ལྷན་ཅིག་ཏུ་བཞུགས་ཀྱང་རུང་ཞིང་། ཤོག་དྲིལ་འགྲེང་སྟབས་སུ་མི་ཚུད་པའི་རིགས་ལ་འཕྲད་གཟུངས་ཞེས་པ་རྟེན་གྱི་གཡས་སམ་རྒྱབ་ངོས་སུ་ཡིག་མགོ་བསྟན་ཏེ་བཞུགས་པའི་སྲོལ་ཡང་ཡོད། །གནོད་སྦྱིན་འཁོར་ལོའང་མཐའ་ནས་ཅུང་ཟད་ནང་དུ་ལྟེབ་བའམ་ཛཾ་དགུ་བཾ་དགུའི་ཙཀྲ་བཞག་ཀྱང་ས་བཅད་ཚང་། བྱིན་རྟེན་ཀྱང་མང་པོ་མི་ཤོང་ཞིང་སྣ་ཚོགས་འཇུག་པ་ལ་དགོས་པ་མེད་ཀྱང་རིང་བསྲེལ་རྣམ་ལྔ་ཚང་ན་ལེགས་པས། སྐུ་བལ་སོགས་བྱིན་ཅན་ཕྱོགས་བསྡུས་ཀྱི་རིལ་བུ་འདྲ་བྱུང་ན་དང་། སཱཙྪ་ཕྱག་སྤར་ཆུང་ངུ་ཡོད་ན་ལེགས། དེ་རྣམས་ཀྱང་སྟ་གོན་གྲུབ་པ་དང་སྦྱོང་བ་ཁྲུས་གསོལ་སྔོན་

― LT39_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་འགྲོ་བས། རྟེན་འབྲེལ་སྙིང་པོ་ཅི་འགྲུབ་དང་། ཕུན་སུམ་ཚོགས་པ་བརྗོད་ཅིང་མེ་ཏོག་འཐོར། རྟེན་གྱི་ནང་རྣམས་ཀྱང་དྲི་བཟང་པོས་བྱུག་ཅིང་གུ་གུལ་གྱིས་བདུག་པར་བྱས་ནས་འབུལ་ལ། སྤྱིར་བླ་མའི་སྐུ་ལ་བླ་མ་དེ་རང་གི་ཐུགས་དམ་གྱི་གཙོ་བོ་གང་ཡིན་གྱི་བརྒྱུད་པའི་མཚན་སྔགས། ཡི་དམ་ཆོས་སྐྱོང་རྟེན་འབྲེལ་སྙིང་པོ་རྣམས་ནས་སྣ་རེ་གཞུག །ཞལ་བཞུགས་པ་ལ་ཞབས་བརྟན་དང་། གཤེགས་པ་ལ་དགོངས་པ་རྫོགས་ཤིང་ཚེ་རབས་སུ་རྗེས་སུ་འཛིན་པའི་སྨོན་ལམ་སོགས་བྱ། རང་གི་དམ་ཚིག་གི་སྐུ་རྟེན་ལྟ་བུ་ཡི་དམ་ལྷའི་སྐུ་བརྙན་ལ་རྒྱུད་སྡེ་གང་ཡིན་དང་མཐུན་པའི་སྐྱེ་མཆེད་བྱིན་རླབས། དབང་བསྐུར་རང་གི་དབང་བཤད་མན་ངག་གི་བཀའི་བརྒྱུད་པའི་བླ་མའི་མཚན་སྔགས་དང་བྱིན་རྟེན། ཐུགས་ཀར་ཡི་དམ་རང་གི་བསྙེན་སྒྲུབ་ཀྱི་སྔགས་སོགས་གཙོ་བོར་བྱས་ཏེ་འབུལ། ཡང་ཆོས་སྐྱོང་གི་རིགས་ལ། དབང་བསྐུར་རང་དང་འབྲེལ་བའི་བླ་བརྒྱུད་ཀྱི་མཚན་སྔགས་དང་། གཉེན་པོའི་ལྷ་གང་ཡིན་གྱི་གཟུངས་སོགས། ཐུགས་ཀར་རང་གི་སྔགས་དང་སྲོག་འཁོར་བླ་རྡོ་སོགས་སོ་སོའི་མན་ངག་ཡིད་ཆུང་ལས་ཇི་ལྟར་འབྱུང་བ་ལྟར་གནད་མ་འཆུག་པར་འབུལ། ཆོས་སྐྱོང་སྐུ་བརྙན་ཕལ་ཆེར་ལ་སྤྱི་འགྲོ་ཙམ་གྱིས་མི་འཐུས་པའང་ཡོད་པས་

― LT39_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

མན་ངག་བརྒྱུད་པ་ལས་རྟོགས་པར་བྱའོ། །ཡང་བྲིས་སྐུ་ལྟ་བུ་ལ་རྒྱབ་ཏུ་སྐུ་གཟུགས་ཀྱི་གནས་གསུམ་སོ་སོའི་ཐད་དུ་འབྲུ་གསུམ་དང་སྐྱེ་མཆེད་བྱིན་རླབས། ལྷ་དེ་དང་དེའི་མཚན་སྔགས་དང་གཟུངས་སྔགས། སརྦ་བིདྱཱ། བཛྲ་ཨཱ་ཡུ་ཥེ། རྟེན་འབྲེལ་སྙིང་པོ། ཐུབ་པའི་གསོ་སྦྱོང་དང་ཤིས་བརྗོད་ཅི་ལྟར་རིགས་པར་བྲི། བསྡུ་ན་གནས་གསུམ་འབྲུ་གསུམ་ཙམ་དང་། རྙིང་མ་ཡིན་ན་སྤྱི་བོར་ཨོཾ་གྱི་གཤམ་དུ་གལ་པོ་ལས་གསུངས་པའི་ཆོས་སྐུར་བྱིན་གྱིས་རློབ་པའི་སྔགས། མགྲིན་པར་ཨཱཿའི་འོག་ཏུ་ལོངས་སྐུར། ཐུགས་ཀར་ཧཱུྃ་གི་འོག་ཏུ་སྤྲུལ་སྐུར། བྱིན་གྱིས་རློབ་པའི་སྔགས་ཙམ་བྲིས་པས་ཀྱང་ཆོག །གསུང་རྟེན་གླེགས་བམ་ལ་ནི་དེ་ཉིད་ཀྱི་ཐ་མར་བྲི་བ་ཕྱག་ལེན་ནོ། མཆོད་རྟེན་ཆུང་བའི་བུམ་པར་དཀྱིལ་འཁོར་མི་ཤོང་བའི་རིགས་ལ་དེའི་ཉེ་ལོགས་སུ་དྲི་མེད་ཀྱི་དཀྱིལ་འཁོར་བཞེངས་ནས་སྲོག་ཤིང་བརྟན་པའི་ཆོ་ག་མཛད་པའི་ཕྱག་ལེན་ཀྱང་སྣང་བས། དེ་ལྟར་ན་སྲོག་ཤིང་ལ་ཁུང་བུ་འབྲུ་ནས་འཇོག་དགོས་པའི་གཟུངས་རྣམས་གྲངས་ཀ་ཚང་བ་ཤོག་དྲིལ་བྱས་ནས་སྲོག་ཤིང་གི་ངོས་ལོགས་སུ་བཅིང་། རྩེར་འོད་ཟེར་དྲི་མེད་མདོ་རིལ་པོ་མ་ཤོང་ན་གཟུངས་ཙམ་བཞུགས་པ་ལས་ཐབས་མེད་ཅིང་སཱཙྪ་རྣམས་ཀྱང་བསྐོས་ཕོར་ཤིན་ཏུ་ཆུང་ངུ་ལ་བཏབ་པའམ་རེ་ཟུང་ཙམ་འཇོག་གོ། །

― LT39_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་རྟེན་གྲུབ་ནས་གཟུངས་གཞུག་དང་རབ་གནས་འགྱང་ན་བར་ཆད་ཆེ་ཞིང་མི་ལེག་པར་གསུངས་པས་གྲུབ་འཕྲལ་བྱ་བ་རང་གལ་ཆེ། གལ་ཏེ་རྐྱེན་དབང་གིས་འཕྲལ་དུ་མ་གྲུབ་ན་བླ་མ་བཟང་པོའི་ལྗགས་གུལ་སོགས་ཀྱིས་བདུག །བྱིན་རླབས་ཀྱི་རྟེན་དུ་མས་མནན་པའམ་དགབ། བཟོ་བོའི་གཟོང་དང་ཐོབ་སོགས་ཇི་ལྟར་རིགས་པ་རེ་རྟེན་དང་མཉམ་དུ་བཞག །རས་སོགས་ཀྱིས་དྲིལ་བའམ་ཁེབས་ཀྱིས་གཡོགས་ནས་གཟུངས་གཞུག་དང་རབ་གནས་བྱེད་ཀྱི་བར་དུ་གཞན་གྱིས་མ་མཐོང་བར་འཇོག་པ་བར་ཆད་མི་འབྱུང་བའི་གནད་ཡིན་གསུངས་སོ། །རྟེན་ཆགས་ཚད་མི་ལྡན་ཅིང་ནང་གཞུག་ཚུལ་བཞིན་མ་བྱུང་བ་དང་། སློབ་དཔོན་དང་ཆོ་ག་མཚན་ཉིད་མི་ལྡན་པས་རབ་གནས་མ་ཆགས་པའི་རྟེན་གྱིས་ཡུལ་ཕྱོགས་ལ་མི་ཤིས་པ་འབྱུང་ཞིང་བསྟན་འགྲོ་སྤྱི་ལ་གནོད་པས། སྦྱིན་བདག་གི་ཡོ་བྱད་ཆུད་ཟ་ཞིང་འཕྲལ་ཡུན་ཏུ་ཉེས་པ་སྐྱེད་པའི་རྒྱུ་ཡིན་ལ། དེ་ལས་ལྡོག་པ་ནི། ཚེ་འདི་དང་ཕྱི་མ་དང་སངས་རྒྱས་ཀྱི་བར་དུ་ཡང་ལེགས་ཚོགས་སམ་དགེ་ལེགས་རྒྱུན་མི་ཆད་པ་འབྱུང་བ་རྒྱུད་གཞུང་མཁས་གྲུབ་རྣམས་ཀྱིས་མགྲིན་གཅིག་ཏུ་གསུངས་སོ། །ལྔ་པ་དེ་ལྟར་བྱས་པའི་འབྲས་བུ་ནི། སྤྱིར་སངས་རྒྱས་ལ་དམིགས་པའི་བྱ་བ་ཆེ་ཆུང་གང་བྱས་ཀྱང་ཡོན་ཏན་བླ་ན་མེད་

― LT39_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་ལྡན་ཅིང་བྱང་ཆུབ་མ་ཐོབ་ཀྱི་བར་དུ་འབྲས་བུ་མི་ཟད་པར་འཕེལ་བ་ཡིན་པས། སྐུ་གཟུགས་དང་མཆོད་རྟེན་རྣམས་ཀྱང་རབ་རིན་པོ་ཆེ། འབྲིང་སྨན་དང་བཟང་ཞིང་། ཐ་མ་ས་རྡོ་འཇིམ་པ་ལ་དད་མོས་ཀྱིས་བསྒྲུབ་པ་ལྟ་ཅི། རྩེད་མོའི་ཕྱིར་རྩིགས་པའི་ངོས་ལ་ཤིང་བུས་བྲིས་པ་ཙམ་ཡང་བླ་ན་མེད་པའི་བྱང་ཆུབ་འཐོབ་པར་འགྱུར་བ་སོགས་ཕན་ཡོན་མཐའ་ཡས་པ་གསལ་རྒྱལ་གྱིས་ཞུས་པ་དང་། །སྤྱན་རས་གཟིགས་ཀྱི་མདོ། མར་མེ་འབུལ་བའི་མདོ། མཆོད་རྟེན་བསྐོར་བའི་ཚིགས་སུ་བཅད་པ་ལ་སོགས་པ་རྣམས་ནས་གསུངས་པ་དང་། མཆོད་རྟེན་ལ་སོགས་པའི་ནང་དུ་སྲོག་ཤིང་བཙུགས་པ་དང་གཟུངས་གཞུག་པའི་ཕན་ཡོན་ཀྱང་། གཙུག་ཏོར་རྣམ་པར་རྒྱལ་བའི་གཟུངས་རྟོག་པ་དང་བཅས་པ། འཕགས་པ་འོད་ཟེར་དྲི་མ་མེད་པའི་མདོ། ཀུན་ནས་སྒོར་འཇུག་པ་གཙུག་ཏོར་དྲི་མ་མེད་པའི་གཟུངས་ཀྱི་མདོ། གསང་བ་རིང་བསྲེལ་ཟ་མ་ཏོག་གི་གཟུངས། བྱང་ཆུབ་སྙིང་པོ་རྒྱན་འབུམ་གྱི་ཆོ་ག་ཞིབ་མོ། རྟེན་འབྲེལ་སྙིང་པོའི་མདོ་ལ་སོགས་པ་ནས་རྟེན་དེ་རྣམས་མཐོང་ཐོས་དྲན་རེག་ཐ་ན་རྟེན་བཞུགས་པའི་ཡུལ་གྱི་རླུང་ཕོག་པ་ཚུན་ཆད་ཀྱང་ངན་སོང་གི་སྐྱེ་སྒོ་ཆོད་ནས་དག་པའི་ཞིང་དུ་སྐྱེ་བ་དང་རྣམ་གྲོལ་གྱི་གོ་འཕང་འཐོབ་པར་གསུངས། དེའི་སྟེང་དུ་རབ་གནས་ཚུལ་བཞིན་བྱས་པའི་ལྷ་རྟེན་

― LT39_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕྱག་མཆོད་བཀུར་སྟི་བྱས་ན། ཕྱོགས་བཅུའི་རྒྱལ་བ་སྲས་དང་བཅས་པ་ལ་ཕྱག་མཆོད་བཀུར་སྟི་བྱས་པར་འགྱུར་བ་ཡིན་པས་བསོད་ནམས་ཚད་མེད་པ་སྙིང་རྗེ་པད་དཀར། དད་པའི་སྟོབས་བསྐྱེད་པ་ཕྱག་རྒྱའི་མདོ། བྱང་ཆུབ་སེམས་དཔའི་སྡེ་སྣོད། དཀོན་མཆོག་སྤྲིན། རིན་པོ་ཆེའི་ཕུང་པོའི་མདོ་ལ་སོགས་པ་ནས་ལན་ཅིག་མིན་པ་རྒྱ་ཆེར་གསུངས་པ་ལ་སྙིང་ནས་གུས་པ་ཆེན་པོས་ཡིད་ཆེས་པར་བྱའོ། བསྟན་འགྲོའི་ཕུན་ཚོགས་རྒྱལ་བའི་རྟེན་ལས་འབྱུང་། །དེ་ཡི་ནང་གཞུག་མི་ལ་སྲོག་བཞིན་གཅེས། །ཚུལ་མིན་ནང་རྫོང་འགོང་པོའི་གསོབ་ཡིན་པས། །རང་འདྲའི་སྤང་བླང་བརྗེད་ཐོར་འདི་བྱས་སོ། །མང་ཐོས་དཔྱོད་ལྡན་རྣམས་ལ་འདི་མི་མཁོ། །ཐོས་ཆུང་དམན་ལ་འདིས་ཀྱང་འཇིགས་པ་སྟེར། །གཟུར་གནས་འགའ་ལ་འདི་ཡིས་ཕན་སྲིད་ན། །རྟེན་མཆོག་ས་སྟེང་ཁྱབ་པའི་རྒྱུར་གྱུར་ཅིག །ཅེས་པའི་ཚུལ་འདིའང་ཤྲཱི་དེ་བཱི་ཀོ་ཊིའི་ཡང་ཁྲོད་དུ་དཔལ་ཆེན་ལྷ་ཁང་གཙོ་བོར་གྱུར་པའི་སྐུ་གསུང་ཐུགས་རྟེན་མང་པོ་རང་གིས་འདུ་བགྱིས་པ་དང་། །རྒྱལ་ཁབ་ལྷུན་གྲུབ་སྟེང་གི་ཐུབ་དབང་མཐོང་གྲོལ་ལྷ་ཁང་དང་། དྲི་མེད་མཆོད་རྟེན་ཆེ་ཕྲ་མང་དུ་བཞེངས་པའི་ནང་གཞུག་སོགས་ཀྱི་མཐུན་རྐྱེན་བགྱིས་པའི་ཉམས་ཡིག་རེ་གཟིག་གི་ཚུལ་དུ། ཀར་

― LT39_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་ས་དགེའི་མཁས་མང་གི་བཞེད་པ་སྙིང་པོར་དྲིལ་ཏེ་ཀརྨ་ངག་དབང་ཡོན་ཏན་རྒྱ་མཚོའམ། བློ་གྲོས་མཐའ་ཡས་པའི་སྡེས་དཔལ་སྤུངས་ཡང་ཁྲོད་དུ་བགྱིས་པ་དགེ་ལེགས་འཕེལ།། །།

གཟུངས་སྒྲུབ་ཟིན་བྲིས།

― LT39_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་སྒྲུབ་ཟིན་བྲིས་ནི། འདི་ཉིད་ཆེད་སྒྲུབ་སྐབས། ཐོག་མར་དཀོན་མཆོག་རྗེས་དྲན་སོགས་ཆོས་སྤྱོད་འོས་འཚམས་དང་། རྩ་བའི་ཡི་དམ་ལྟ་བུའི་བདག་བསྐྱེད་བཟླས་པ་བསྡུ་ལྡང་བཅས་གྲུབ་ནས། མདུན་གྱི་མཆོད་པ་བྱིན་རླབས་བྱ། དེ་ནས་གཟུངས་གཞུག་རྣམས་བསང་སྦྱང་། སྟོང་པའི་ངང་ལས་སེང་གེས་བཏེགས་པའི་ཁྲི་པདྨ་ཉི་ཟླའི་སྟེང་དུ་བདེ་གཤེགས་རིགས་ཀྱི་སྙིང་པོ་ཉེ་སྙིང་གསང་སྔགས་རིག་སྔགས་གཟུངས་སྔགས་ཐམས་ཅད་ཀྱི་སྔགས་ཕྲེང་དཀར་པོ། གླང་པོས་བཏེགས་པའི་ཁྲི་པདྨ་ཉི་ཟླའི་སྟེང་དུ་རྡོ་རྗེའི་རིགས་ཀྱི་སྙིང་པོ་ཉེ་སྙིང་གསང་སྔགས་རིག་སྔགས་གཟུངས་སྔགས་ཐམས་ཅད་ཀྱི་སྔགས་ཕྲེང་སྔོན་པོ། རྟ་མཆོག་གིས་བཏེགས་པའི་ཁྲི་པདྨ་ཉི་ཟླའི་སྟེང་དུ་རིན་ཆེན་རིགས་ཀྱི་སྙིང་པོ་ཉི་སྙིང་གསང་སྔགས་རིག་སྔགས་གཟུངས་སྔགས་ཐམས་ཅད་ཀྱི་སྔགས་ཕྲེང་སེར་པོ། རྨ་བྱས་བཏེགས་པའི་ཁྲི་པདྨ་ཉི་ཟླའི་སྟེང་དུ་པདྨའི་རིགས་ཀྱི་སྙིང་པོ་ཉེ་སྙིང་གསང་སྔགས་རིག་སྔགས་གཟུངས་སྔགས་ཐམས་ཅད་ཀྱི་སྔགས་ཕྲེང་དམར་པོ། མཁའ་ལྡིང་གིས་བཏེགས་པའི་ཁྲི་པདྨ་ཉི་ཟླའི་སྟེང་དུ་ལས་ཀྱི་རིགས་ཀྱི་སྙིང་པོ་ཉེ་སྙིང་གསང་སྔགས་རིག་སྔགས་གཟུངས་སྔགས་ཐམས་ཅད་ཀྱི་སྔགས་ཕྲེང་ལྗང་གུ། ཐམས་ཅད་ཀྱང་རང་མདོག་གི་འོད་ཟེར་འབར་ཞིང་རང་སྒྲ་སྒྲོགས་བཞིན་པ་ལས་འོད་ཟེར་དཔག་ཏུ་མེད་པ་འཕྲོས།

― LT39_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ཁྱབ་ཏུ་བཞུགས་པའི་མཆོག་གསུམ་རྩ་གསུམ་ཆོས་སྐྱོང་སྲུང་མ་དང་བཅས་པའི་ཐུགས་རྒྱུད་བསྐུལ། དེ་དག་གི་གནས་གསུམ་ལས་གསང་བ་གསུམ་གྱི་བྱིན་རླབས་དང་། ཁྱད་པར་གསུང་དབྱངས་ཡན་ལག་དྲུག་ཅུའི་ཆོས་སྒོ་བརྒྱད་ཁྲི་བཞི་སྟོང་གི་བཅུད་ཐམས་ཅད་སོ་སོའི་སྙིང་པོ་ཉེ་སྙིང་སྔགས་ཕྲེང་ཁ་དོག་སྣ་ཚོགས་པའི་ཚུལ་ནམ་མཁའ་གང་བ་ཙམ་དུ་བྱོན་ནས་དམ་ཚིག་པའི་ཡིག་འབྲུ་རྣམས་ལ་ཐིམ་པས་གཟི་བརྗིད་འོད་དུ་འབར་བར་གྱུར། ཅེས་བརྗོད་ནས་ནང་གཞུག་གང་ཡོད་ཀྱི་གཟུངས་སྔགས་རྣམས་ཇི་ལྟར་རིགས་པ་བཟླ་བ་དང་། དབྱངས་གསལ། རྟེན་སྙིང་། སུ་པྲ་ཏིཥྛ། བྷྲཱུྃ་ཁྃ། རིག་པ་ཕུག་རོན། ཨཱ་ཡུ་ཥེ། ཚེ་སྙིང་། ཚེ་གཟུངས་རྣམས་བཟླ། མཐར་མཆོད་བསྟོད་རྒྱས་པ་ཕུལ་ལ་བརྟན་བཞུགས་དང་ཤིས་བརྗོད་བྱའོ། །བསྡུས་པ། གཟུངས་ཐམས་ཅད་གསུང་རྡོ་རྗེ་འོད་དཔག་མེད་ཁོ་ནར་བསྐྱེད། ཆོ་གའི་ཡན་ལག་རྫོགས་པར་བྱས་ལ་དེའི་སྔགས། ཨོཾ་ཨཱཿརོ་ལྀ་ཀ་ཧཱུྃ་སྭཱ་ཧཱ། ཁོ་ནའམ། ནུས་ན་ནང་གཞུག་གཟུངས་ཇི་རིགས་བཟླའོ། །མཐར་མཆོད་བསྟོད་སོགས་གོང་དང་འདྲའོ། །ཞེས་པའང་གཟུངས་འབུལ་ལག་ལེན་གྱི་ཁ་སྐོང་དུ་བློ་གྲོས་མཐའ་ཡས་ཀྱིས་བྲིས་པ་དགེ་ལེགས་འཕེལ།། །།

གསེར་འཕྲུའི་ལག་ལེན།

― LT39_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། གཙུག་ལག་ཁང་གི་གཉྫི་ར་དང་གསེར་འཕྲུ་རྒྱལ་མཚན་རྣམས་ལ་ནང་གཞུག་འཇུག་པའི་ཕྱག་སྲོལ་འདུག་ཅིང་། དེའང་ཕལ་ཆེར་གྱིས་རྟེན་དང་མཚུངས་པའི་སྲོག་ཤིང་དང་ནང་གཞུག་བྱེད་པར་སྣང་བ་ལ་ནི་ཁུངས་དང་མི་འབྲེལ་བས་དགོས་པ་མི་སྣང་། མཁས་པ་དག་གིས་འདུལ་བ་ནས་སྣམ་བུ་ལ་ཆོས་གོས་ཀྱི་བརྡར་བཏགས་པ་བཞིན་གསེར་འཕྲུ་སོགས་ལ་རྒྱལ་མཚན་གྱི་བརྡར་བཞག་ཆོག་གསུངས་པ་ནི་རིགས་པས་འཐད་ཅིང་། རྒྱལ་མཚན་འཛུག་ཆོག་འཕགས་བོད་ཀྱི་གཞུང་ལས་ཡོངས་སུ་གྲགས་པ་ལྟར་བྱས་ན་དོན་དང་འབྲེལ་ཞིང་དགོས་པ་ཆེན་པོ་དང་ལྡན་པས་གཙོ་བོར་གདུགས་དཀར་གྱི་འཁོར་ལོ་རྫས་ཚོན་རབ་གནས་ཚུལ་ལྡན་བྱས་པ་དང་། མཆོག་གྲུབ་གཟུངས་ཀྱི་གླེགས་བམ། གཟུངས་རིང་ཐུང་ཅི་མང་། ཕ་རོལ་གྱི་རྒོལ་བ་ལས་རྒྱལ་བར་བསྔགས་པའི་རྒྱལ་མཚན་རྩེ་མོའི་དཔུང་རྒྱན་གྱི་གཟུངས་མདོ་དར་རས་ལ་བྲིས་པ་སོགས་གྲངས་མང་གཞུག །འཇོག་བདེ་བའི་སླད་དུ་སྲོག་ཤིང་ངམ་མཚུགས་ཤིང་ལ་བརྟེན་ཆོག །གཞན་ཡང་རྟེན་སྤྱི་ལ་བསྔགས་པ་གཟུངས་ཆེན་སྡེ་ལྔ། གཙུག་ཏོར་སྡེ་ལྔ་རྣམས་བཞུགས་ནའང་ལེགས་ཤིང་། ཇོ་བོའི་ལུགས་ཀྱི་གྲོང་ཁྱེར་སྒྲོལ་འཁོར། ཐུགས་ཆེན་རྒྱལ་པོ་ལུགས་

― LT39_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཀྱི་མཐོང་གྲོལ་བུ་སྟོན་ལུགས་ཀྱི་ཐོག་དང་ས་གཡོས་སྲུང་བའི་འཁོར་ལོ་ཆེན་མོ། གཉན་རིམས་སྲུང་བ་གུ་གེ་ཆིག་དྲིལ་དང་རྡོ་རྗེ་ཁྲབ་རིང་། གསར་རྙིང་གདམས་ངག་འགའ་རེ་ལས་འབྱུང་བའི་ཐ་འཁོར་སོགས་འཇོག་ན་ལེགས། རྙིང་ལུགས་གཙོར་བྱེད་ན་བླ་མ་དགོངས་འདུས་སོགས་ལས་འབྱུང་བའི་མཐོང་གྲོལ་ཙཀྲ་དང་གུར་དྲག་ཡེ་ཤེས་རབ་འབར་གྱི་རྩ་རྒྱུད་བྲི་སྒྲུབ་ཚད་ལྡན་བྱས་པའི་རང་གཞུང་ཆོ་གས་འཇོག་པ་གལ་ཆེ་བར་སྣང་བས་མཚོན་གཏེར་ཁ་གསར་རྙིང་ལས་བྱུང་བའི་དགོས་པ་ཅན་ཡང་མང་དུ་སྣང་ནའང་ལག་ལེན་འདོད་པ་བྱུང་ན་སོ་སོའི་གཞུང་ལས་ཤེས་པར་བྱ་དགོས། སྤྱི་ཙམ་ནི་གོང་སྨོས་རྩ་བ་ཉིད་དོ་གལ་ཆེ་ཞིང་དེའང་འཇོག་ཟིན་ནས་སོ་སོའི་གཞུང་ལས་བཤད་པ་ལྟར་བསྐྱེད་བསྟིམ་མཆོད་བསྟོད་བཟླས་པས་བསྒྲུབ་ཅིང་བརྟན་བཞུགས་སྨོན་ལམ་ཤིས་བརྗོད་རྒྱས་པར་བྱ་དགོས་སོ། །གོང་སྨོས་པའི་འཁོར་ལོ་ནི། ཟངས་ཀྱི་བྱང་བུ་དབུ་ཅན་གྱི། ཐ་ཡིག་ཆེན་པོ་བྲིས་པའི་ཁོང་དུ། སརྦ་ཨ་ནྀྲ་ཏྲི་བ་སུ་སིངྡྷི་ས་མ་ཡ་སྡུས་སྡུས་ཧྲཱི༚་ཧྲཱི༚་ཛཿཛཿ ཞེས་ཕྲེང་དུ་བྲི། དེ་རྒྱབ་འཁོར་ལོ་རྩིབས་བཞི་ལ་མདུན་ནས་རིམ་བཞིན་ཨེ་ཝཾ་མཱ་ཡཱ་ཞེས་འབྲུ་བཞི་ལ་གོང་གི་སརྦ་ཨ་ནྀྲ་ཏྲི་སོགས་གྱིས་རེ་རེ་བཞིན་བསྐོར། རྩིབས་མཆན་བཞི་ལ་འཁོར་ལོ་རིན་པོ་ཆེ་པདྨ་རལ་གྲི་རྣམས་

― LT39_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

བྲི། དེ་རྒྱབ་མུ་ཁྱུད་ལ་རྟེན་འབྲེལ་སྙིང་པོ་དང་། དེ་རྒྱབ་བཀྲ་ཤིས་རྫས་བརྒྱད་རྟགས་བརྒྱད་སྤེལ་མར་བྲིས་པས་བསྐོར། སྦྱོང་ཁྲུས་རབ་གནས་བྱས་ལ་གཙུག་ཏོར་དྲི་མེད། རྣམ་རྒྱལ་མ། གདུགས་དཀར་རྣམས་ཀྱི་གཟུངས་རིང་ཐུང་རྣམས་དང་འབྲུ་སྨན་རིན་པོ་ཆེ་བཅས་རྒྱལ་མཚན་ལ་སོགས་པའི་ཏོག་གི་ནང་དུ་གཞུག །རྩ་གསུམ་སྤྱི་དང་བྱེ་བྲག་གང་ཤེས་བསྐྱེད་བསྟིམ་བརྟན་བཞུགས་བྱས་ན་ཡུལ་ཕྱོགས་དེར་གནོད་པ་ཐམས་ཅད་ཞི་བ་དང་། ལྷ་ཀླུ་མིའི་དགེ་ལེགས་ཀྱི་འདུ་བ་རྒྱ་ཆེ་ལ་རྒྱུན་མི་འཆད་པར་འབྱུང་བར་གསུངས་སོ། །ཞེས་གཟུངས་གཞུག་ལག་ལེན་གྱི་ཟུར་འདེབས་སུ་གྲ་སྒང་རྗེ་དབོན་བླ་མ་མཆོག་གིས་བཞེད་པ་ལྟར་བློ་གྲོས་མཐའ་ཡས་ཀྱིས་བྲིས་པ་དགེ་ལེགས་འཕེལ། །

― LT39_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

གནོད་སྦྱིན་ལྷ་མང་གི་འཁྲུལ་འཁོར་བཅའ་སྒྲུབ་ཀྱི་ལག་ལེན་རྣམ་གསལ་དུ་བཀོད་པ་རིན་ཆེན་རྫིང་བུ།

― LT39_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་སྦྱིན་ལྷ་མང་གི་འཁྲུལ་འཁོར་བཅའ་སྒྲུབ་ཀྱི་ལག་ལེན་རྣམ་གསལ་དུ་བཀོད་པ་རིན་ཆེན་རྫིང་བུ་ཞེས་བྱ་བ་བཞུགས་སོ། །

― LT39_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་སྦྱིན་ལྷ་མང་གི་འཁྲུལ་འཁོར་བཅང་སྒྲུབ་ཀྱི་ལག་ལེན་རྣམ་གསལ་དུ་བཀོད་པ་རིན་ཆེན་རྫིང་བུ་ཞེས་བྱ་བ། སྦྱིན་པའི་ཕར་ཕྱིན་གཟུགས་སྐུར་བཞེངས། །ལོངས་པའི་འཇིགས་སེལ་ནོར་བུའི་གཏེར། །བཅོམ་ལྡན་ཛམ་ལར་གུས་བཏུད་ནས། །འཁྲུལ་འཁོར་མན་ངག་གསལ་བཀོད་བྱ། །དེའང་འཇམ་དཔལ་དཔའ་བོ་གཅིག་གྲུབ་ཀྱི་རྒྱུད་དང་། དེའི་འགྲེལ་པ་འཕགས་པ་ཀླུ་སྒྲུབ་གྱིས་མཛད་པ་དགེ་བའི་འདོད་འཇོ་ལས་གསུངས་པའི་གནོད་སྦྱིན་ཡབ་ཡུམ་རྣམས་ཀྱི་འཁྲུལ་འཁོར་སྒྲུབ་པའི་ཚུལ་བཤད་པ་ལ་གསུམ། ལུགས་མང་སྤྱིར་བསྟན། ལག་ལེན་བྱེ་བྲག་ཏུ་བཤད། ཉེར་མཁོའི་རྗེས་གནང་དང་བསྙེན་ཐབས་བཀོད་པའོ། །དང་པོ་ནི། འཇམ་དཔལ་དཔའ་བོ་གཅིག་གྲུབ་ཀྱི་རྒྱུད་ལེའུ་གཉིས་པ་ནས་གནོད་སྦྱིན་ཕོ་དགུ་མོ་དགུ་མེ་སྔགས་དང་

― LT39_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་འཁོར་གྱི་བྱ་བ་དེའི་དགོས་པ་བཅས་བསྟན་པའི་དགོངས་དོན། འཕགས་པ་ཀླུ་སྒྲུབ་ཀྱིས་དགེ་བའི་འདོད་འཇོར་གསལ་བར་བཀྲལ་བ་ལྟར་བོད་ཀྱི་མཁས་པ་རྣམས་ཀྱིས་ཕྱག་ལེན་ཆེར་དར་བར་མཛད་ཀྱང་བཞེད་པ་མི་མཐུན་པ་མང་དུ་མཆིས་པ་ལས། བོད་གཞུང་སྔ་ཤོས་ས་སྐྱ་རྗེ་བཙུན་གྲགས་པ་རྒྱལ་མཚན་གྱིས་འཁོར་ལོ་པདྨ་འདབ་བརྒྱད་ཀྱི་ལྟེ་བར་གཙོ་བོ་ཡབ་ཡུམ་སྔགས་འགོ་རྒྱབ་བམ་ནུབ་བསྟན། འདབ་མ་བརྒྱད་ཀྱི་ཕོ་འཁོར་ལ་ཕྱོགས་བཞིར་ཤར་ནས་མ་ི་བྷ་དྲ་སོགས་བཞི། མཚམས་བཞིར་བྱང་ཤར་ནས་ཀི་ལི་མཱ་ལི་སོགས་བཞི། གཉིས་ཀའང་གཡོན་བསྐོར་དང་། མོ་འཁོར་ལ་ཕྱོགས་བཞིར་ཤར་ནས་ཙནྡྲ་ཀཱནྟྲེ་སོགས་བཞི། མཚམས་བཞིར་ཤར་ལྷོ་ནས་སུ་བྷ་དྲ་སོགས་བཞི། གཉིས་ཀ་གཡས་བསྐོར། སྔགས་

― LT39_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

མགོ་ཐམས་ཅད་རྒྱབ་ཏུ་བསྟན། སྤེལ་ཚིག་རྒྱ་གཞུང་ནས་དཔེར་བརྗོད་བྱུང་བ། མ་མ་དྷ་ནི་དེ་ཧི་དེ་ཧི་ཞེས་པ་ཙམ་སྭཱ་ཧཱའི་གོང་དུ་བཅུབ། ལུགས་འདིར་མོ་འཁོར་གཙོ་བོར་བྱས་ཏེ་ཕོ་འཁོར་སྟེང་དང་མོ་འཁོར་མགོ་དབུ་རྒྱབ་བསྟན་དུ་འཇོག །འགྲེལ་པ་ལམ་བརྟེན་པའི་རྒྱུད་རྐྱང་ལུགས་ཡིན་ཀྱང་སྐྱོན་བྲལ་ཚད་མར་འཛིན་ཅིང་ངོར་ཆེན་སོགས་དེའི་རྗེས་འབྲང་མཛད། བུ་སྟོན་ཞབས་ཡིག་མགོ་ཕྱིར་བསྟན་སོགས་དེ་ལྟར་ལ་སྟེང་འཁོར་ལྷོ་བྱང་གོ་ལྡོག་མན་ངག་ཏུ་བཞེད་པའི་དགོངས་དོན་ཞྭ་ལུ་པ་རྣམས་མོ་འཁོར་སྟེང་དུ་མཛད། ཡང་བླ་མ་དམ་པས་འབྲི་ལུགས་སྤྱི་ཁྱབ་གྲགས་རྒྱལ་བཞེད་པ་ལྟར་ལ་པད་འདབ་ཀྱི་ལྷ་སྔགས་རྣམས་ཀྱི་དབུ་ནང་དུ་བསྟན། གཙོ་བོ་གཉིས་ཀྱི་དབུ་ཤར་དུ་བསྟན་པར་བཤེད། སྟག་ཚང་ལོ་ཙཱས་འགོད་ཚུལ་སྤྱིར་ཐོག་མར་སྨོས་པ་དེ་ལྟར་ལ་འཁོར་ལོ་གཉིས་ཀའང་ཕྱོགས་བཞིར་ཤར་དང་། མཚམས་བཞིར་ཤར་ལྷོ་ནས་མགོ་བརྩམས་ཏེ་གཡས་བསྐོར་ཁོ་ནས་འགོད་པར་འདོད་ཅིང་དབྱངས་གསལ་རྟེན་སྙིང་རྡོ་རྭ་མེ་རིའང་བསྣན། ལྔ་པ་ཆེན་པོས་འགོད་ཚུལ་རྗེ་བཙུན་གྲགས་པ་དང་དཔལ་ལྡན་བླ་མའི་ལུགས་གང་རུང་འཐད་པར་བཞེད་ཅིང་། རྒྱས་པར་ཡབ་དགུ་ཡུམ་དགུའི་སྐུ་གདུགས་ཀྱི་ཐུགས་ཀར་སོ་སོའི་སྔགས་བྲི། འབྲིང་པོ་སྐུ་གཟུགས་མེད་པའི་སྔགས་ཙམ་དང་། སྡུས་པ་ཛཾ་དགུ་པཾ་དགུ། རྒྱས་འབྲིང་གཉིས་ལ་རྡོ་རྭ་མེ་རིས་བསྐོར་བ། སྤེལ་ཚིག་སྔ་མ་དེའམ། ཆེ་གེ་མོའི་ནོར་དང་འབྲུ་དང་

― LT39_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་འབྱོར་ཕུན་སུམ་ཚོགས་པ་ཐམས་ཅད་རྒྱས་པར་མཛད་དུ་གསོལ། །ལ་སོགས་པའི་སྤེལ་ཚིག་སྦྱར་ཚུལ་དང་། རྒྱུད་ལེའུ་གཉིས་པ་ལས། གནོད་སྦྱིན་ཕོ་མོའི་འཁོར་ལོས་བྲིས་ཏེ་ནོར་དང་འབྱོར་པ་སྒྲུབ་པའི་ཆེད་དུ་མོ་གཉིས་ཁ་སྦྱོར་རམ། ཕོ་མོ་ཁ་སྦྱར་བར་གསུངས་ཞེས་རྒྱུད་དོན་དྲང་ཐད་དུ་འགྲེལ་ནས་ཡབ་ཡུམ་སྦྲགས་པའི་འཁྲུལ་འཁོར་དང་། ཡུམ་རྐྱང་ཁ་སྦྱར་གྱི་འཁྲུལ་འཁོར་བསྟན་པའི་ཤུགས་ལས་ཡབ་རྐྱང་ཁ་སྦྱོར་ཡང་བསྟན་པར་བཞེད་དོ། །ཐམས་ཅད་མཁྱེན་པ་མི་བསྐྱོད་རྒྱལ་བ་ཡབ་སྲས་ཀྱིས་བཞེད་པ་ནི་ལུགས་རྙིང་པ་དང་མཐུན་ལ། ཁྱད་པར་གྱི་མན་ངག་ནི་དེ་ལས་ལྷག་པ་སྟེ་འོག་ཏུ་བསྟན་པར་བྱའོ། །གཉིས་པ་ནི། སྤྱིར་རྒྱུད་ལས། ཡབ་ཡུམ་གཉིས་མེད་ཀྱི་དངོས་གྲུབ་བླང་བའི་ཐབས་སུ་བསྙེན་པ་སྔོན་དུ་འགྲོ་བས་སྒྲུབ་པ་དང་། བསྙེན་པ་མེད་ཀྱང་འཁྲུལ་འཁོར་ཙམ་གྱིས་དངོས་གྲུབ་བླང་བའི་ཐབས་གཉིས་སུ་གསུངས་པ་དེང་སང་ཕལ་ཆེར་བྱ་སླ་འདོད་ཆེན་པ་མང་བས་ཕྱི་མ་ལག་ལེན་གཙོར་བྱས་ཀྱང་། སྔགས་པ་རྣམས་ལ་སྔ་མ་དང་སྐྱེ་བོ་ཆོས་ལྡན་སོགས་ཀྱི་ཁྱིམ་དུ་ཕྱི་མ་གཙོར་བཏོན་དགོས་པས་འཆད་པར་འགྱུར་བའི་རྗེས་གནང་ཐོབ་ཅིང་བསྙེན་པ་སོགས་སྔོན་དུ་ཐེམས་པའི་གང་ཟག་གིས་འཁྲུལ་འཁོར་སྒྲུབ་ཅིང་དངོས་གྲུབ་ཀྱི་ལས་ལ་སྦྱོར་དགོས་པ་ནི་ཐམས་ཅད་ལ་མཚུངས་སོ། །དེ་ལ་གཉིས། སྔར་གྲགས་ཀྱི་ཡུལ་དང་། ཁྱད་པར་ཀྱི་ཆན་ངག་བསྟན་པའོ། །དང་པོ་ནི། འཁྲུལ་འཁོར་འབཱི་བ་དང་

― LT39_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་པ་ཐམས་ཅད་སྐར་མ་རྒྱལ་ལ་བབས་པའི་ཆེ་བྱ་དགོས་པ་འགྲེལ་པར་བཤད། འཁྲུལ་འཁོར་བྱིན་གཞི་གསེར་དངུལ་རབ། འབྲིང་ཟངས་ཀྱི་བྱང་བུ་གཟོང་རིས་བྱས་ཏེ་ཚ་གསེར་བཏང་བ་དང་། མ་འབྱོར་པའམ་ཆ་གྲངས་རྒྱ་ཤོག་ལ་མཚལ་གྱིས་སྤར་བཏབ་ཀྱང་རུང་། བཀོད་ཚུལ་གོང་སྨས་རྗེ་བཙུན་གྲགས་པའི་བཞེད་པ་ལྟར་ལ། སྐྱེལ་ཚིག །དྷ་ན་ཤྲཱི་ཧི་ཤྲཱི་བྷཱུ་ཏི་པུཥྚི༚་ཀྲ་རུ། ཞེས་སྦྱར་བ་དང་། རྒྱབ་ཏུ་མུ་ཁྱུད་བཞིའི་ནང་མར་དབྱངས་གསལ། དེ་རྒྱབ་རྟེན་སྙིང་རྣམས་ཀྱང་ཡིག་མགོ་ཕྱིར་བསྟན་གཡས་བསྐོར་དུ་བཀོད། དེ་རྒྱབ་རྡོ་རྭ་དང་འོད་ཟེར་པ་ཏྲ་གཡས་སྐོར་དུ་བྲི། སྒྲུབ་ཚུལ་འོག་ནས་བཤར་བའི་ཡབ་ཡུམ་སྦུགས་པའི་འཁྲུལ་འཁོར་ལྟར་ལ། ཕོ་གཙོ་བོར་བྱ་བའི་ལུགས་ཡིན་པས་འཇོག་དུས་དབུ་ནུབ་བསྟན་མོ་འཁོར་སྟེང་དུ་འབྱུང་བར་བྱའོ། །གཉིས་པ་ལ་གཅིག །འཁོར་ལོ་བྲི་བ་དང་། སྒྲུབ་པའོ། །དང་པོ་ནི། རྒྱུད་ཀྱི་དངོས་བསྟན་ཇོ་བོ་ཆེན་པོའི་མན་ངག་དང་། སློབ་དཔོན་ཨ་བྷ་ཡའི་དགོངས་པ་ལྟར་རྗེ་བཙུན་སྒྲོལ་མགོན་ཞབས་ཀྱིས་ཕོ་རྐྱང་མོ་རྐྱང་ཕོ་མོ་སྦྲགས་པ་སྟེ་འཁོར་ལོ་གསུམ་བསྐྱེད་ཆོག་ལོ་པོའི་ཚུལ་བཅས་གསུངས་པའི་ལག་ལན་ནི། རྒྱུད་དོན་འཕགས་པ་ཀླུ་སྒྲུབ་ཀྱིས་བཀྲལ་བ་ཉིད་ཆེས་ཚད་མར་གྱུར་པས་དེའི་དོན་འཕེལ་ལོ་ཙཱ་བ་ཚེ་དབང་ཀུན་ཁྱབ་ཀྱིས་གསལ་བར་མཛད་པ་ལྟར་ན། བྲི་གཞི་གོང་སྨོས་རབ་འབྲིང་ངམ་དར་རས་ལ་གསེར་དངུལ་ཁུ་བས། མུ་ཁྱུད་དང་པོ་ལྟེ་བ་

― LT39_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་པདྨ་འདབ་བརྒྱད། གསུམ་པ་རྡོ་རྗེ། བཞི་པ་མེ་དང་བཅས་པའི་ལྟེ་བར། ཨོཾ་སྭཱ་ཧཱ། ཞེས་འགོད་པ་ནི་ཡབ་ཡུམ་གཉིས་ཀར་མཚུངས། འདི་དབུ་ཤར་བསྟན་དུ་བཤད་པ་དོན་ལ་འགལ་བ་མེད་ཀྱང་རྣམ་པ་མི་བདེ་བས་སྔ་མ་རྣམས་ཀྱིས་དགག་སྒྲུབ་མང་བའི་ཕྱིར་ནུབ་བསྟན་བྱས་ན་རུང་། ཡུམ་འཁོར་ལ་ཤར་ནས་གཡོན་བསྐོར་དུ། ཨོཾཔྃསུྃདྷཱྃརི༚ི༚སྭཱྃཧཱྃ། ཞེས་ཡིག་མགོ་ནང་བསྟན་དང་། ཡབ་འཁོར་ལ་ཤར་ནས་གཡས་བསྐོར་དུ། ཛམྲ། བྷྃལྃཛལེནྲྃདྲྃསྭཱྃཧཱྃ། ཞེས་མགོ་ཕྱིར་བསྟན་ཏུ་བཀོད། ཐམས་ཅད་ལའང་ལྟེ་བ་བཞིན་ཏུ། ཨོཾ་དང་སྭཱ་ཧཱ་སྦྱང་ཞིང་ཟླ་ཚེས་ཐིག་ལེ་ནཱ་ད་དང་བཅས་པ་བྱ་བ་ནི་ཡབ་ཡུམ་སྦྲགས་པའི་འཁྲུལ་འཁོར་ཡིན་ལ། ཡུམ་རྐྱང་ཁ་སྦྱོར་ལ་སྟེང་འཁོར་གོང་སྨོས་དང་འོག་འཁོར་ཡིག་མགོ་ཕྱིར་བསྟན་གཡས་བསྐོར། ཡབ་རྐྱང་ཁ་སྦྱོར་ལ་འོག་འཁོར་གོང་སྨོས་དང་སྟེང་འཁོར་ཡིག་མགོ་ནང་བསྟན་དུ་བྱས་པས་འགྲུབ་བོ། །འདིར་ཡུམ་རྐྱང་ཁ་སྦྱོར་རྒྱུད་ནས་དངོས་སུ་གསུངས་པ་ལའང་དགོས་པ་མེད་པར་སྔོན་གྱི་མཁས་པ་ཁ་ཅིག་གིས་བཤད་པ་དེ་དག་མན་ངག་དང་བྲལ་བའི་རྟོག་གེ་རྣལ་པར་འཁྱམས་པ་སྟེ་རྗེས་སུ་འབྲང་བར་མི་བྱ་བར་ལྔ་པ་ཆེན་པོས་གསུངས་པ་དང་། ལུགས་འདི་ནི་གཤིན་རྗེ་གཤེད་སོགས་འཁྲུལ་འཁོར་སྤྱིའི་ལུགས་ཡིན་པར་མ་ཟད་རྒྱུད་འགྲལ་མན་ངག་བརྒྱུད་པ་དང་བཅས་པ་ཞལ་མཐུན་པ་

― LT39_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

གཙིགས་སུ་བཟུང་བར་འོས་སོ། །འདིར་རྡོ་རྭ་མེ་རི་འབྲི་བའང་གསང་བ་སྤྱིའི་ལུགས་ཡིན་པ་དང་དགེ་བའི་འདོད་འཇོར་མེའི་དཀྱིལ་འཁོར་བསྒོམ་པར་གསུངས་པའི་རིགས་པས་ངོས་པར་གྲུབ་བོ། །གཉིས་པ་ནི། སྤྱིར་རྗེ་བཙུན་གྲགས་པའི་རྗེས་འབྲང་བྱེད་ན་རབ་གནས་དཔལ་འབྱོར་རྒྱ་མཚོ་ལས་བཤད་པ་བཞིན་བསྒྲུབ་དགོས་པ་ཡིན་ཅིང་། དེའང་སྒྲུབ་ཐབས་བརྒྱ་རྩའི་ཛི་ལའི་སྒྲུབ་ཐབས་རྒྱས་པ་ལས། དཔལ་ལྡན་མགོན་པོ་ཛཾ་བྷ་ལ། །ནོར་རྒྱུན་མ་ལ་འཁྱུད་པ་དང་། །ཞེས་འབྱུང་བ་དང་རྒྱུད་ལས་མོ་འཁོར་གསུངས་པའི་དོན་དང་འབྱོར་པ་ཡིན་ལ། སྐབས་འདིར་རྗེ་བཙུན་སྒྲོལ་མགོན་ཞིབས་ཀྱིས་ལྟ་མང་རྗེས་གནང་གི་སྐབས་སུ། འགའ་ཞིག་འདི་དང་གནོད་སྦྱིན་འཁོར་ལོའི་ལག་ལེན་གཉིས་ཀར་ས་སྐྱ་པ་དང་། བཀའ་གདམས་པ་རྣམས་ལག་ལེན་ཏུ་བྱེད་མཉམ་ཡིན་ཡང་། ཇོ་བོ་རྗེ་ནས་ལ་རྒྱུད་པ་ནི་མ་ཡིན་གྱི། བ་རི་ལོ་ཙཱ་བའི་མན་ངག་ས་སྐྱ་པའི་ལག་ལེན་དེ་བཀའ་གདམས་པས་བརྐུས་ནས། ཇོ་བོ་རྗེ་ལ་ཁ་དཕང་བའོ། །ཞེས་ཟེར་བ་ནི། ས་སྐྱ་པའི་ཕོ་རུས་ལ་བསམ་པའི་བབ་ཆོལ་ཏེ། འདི་ཉིད་ཀྱི་རྒྱུད་བསྒྱུར་བ་བོའི་པཎྜི་ཏ་ཡང་ཇོ་བོ་རྗེ་ཁོ་ན་ལས་གཞན་མེད་པའི་ཕྱིར། ཇོ་བོ་རྗེས་འབྲང་དང་བཅས་པའི་ལག་ལེན་དུ་འབྱུང་བ་ནི། ཆོས་བདག་པོའི་ཚུལ་ཡིན་ལ། དེ་ལས་བརྒྱུད་ནས་རྗེ་བཙུན་ས་སྐྱ་པ་རྣམས་ལས་འོངས་བ་སྟེ། བརྗོད་པ་སྔ་མ་དེ་གཡེམ་མ་མུ་ཅོར་གྱིས་རྒྱལ་ལོ། །ཞེས་པ་དང་

― LT39_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་སོ། །ཞེས་གསུངས་པའི་ཇོ་བོའི་ལུགས་རྙིང་པར་ཡབ་གཙོ་བོ་མཛད་པ་ལྟར་རྗེ་མི་བསྐྱོད་ཞབས་སོགས་ཀྱང་དེ་བཞིན་ཏུ་བཞེད་པ་ནི་ཡབ་ཡུམ་གོ་རིམ་མི་འཁྲུགས་ཤིང་སྔགས་སྤྱི་སྐད་དང་འབྲེལ་བའི་ལེགས་བཤད་དུ་རྒྱལ་དབང་ལྔ་པས་ཀྱང་བསྔགས་པར་མཛད་དོ། །དེས་ན་ལུགས་དེ་ལྟར་ཉམས་སུ་བླང་བ་ལ་གསུམ། སྔོན་འགྲོ། དངོས་བཞི། རྗེས་ཀྱི་བྱ་བའོ། །དང་པོ་འཁོར་ལོ་རབ་ཏུ་གནས་པ་ནི། འོག་ནས་འབྱུང་བའི་བདག་བསྐྱེད་བཟླས་པ་བཅས་སྔོན་དུ་འགྲོ་བས། བྲིས་པའི་འཁོར་ལོ་རྣམས་ལ་སྦྱང་བ་བྱ་ཞིང་གུ་གུལ་གྱིས་འདུག །རྣམ་འཇོམས་ཀྱི་གསུངས་སོགས་ཀྱི་བྱིན་གྱིས་བརླབས་པའི་བུམ་པས་ཁྲུས་གསོལ། སྟེགས་བཟང་པོར་འབུ་དཀར་གཅལ་དུ་བཀྲམ་པ་ལ་བཀོད་དེ། ཨོཾ་སྭ་བྷཱ་བ་སོགས་ཀྱིས། འཁོར་ལོ་མི་དམིགས་ཏེ་སྟོང་པར་གྱུར། སྟོང་པའི་ངང་ལས་རྨ་བྱས་བཏེགས་པའི་རིན་པོ་ཆེའི་ཁྲི་སྣ་ཚོགས་པདྨ་དང་ཟླ་བའི་སྟེང་དུ་ཧྲཱིཿལས་པདྨ་ཧྲཱིཿས་མཚན་པ་ཡོངས་སུ་གྱུར་པ་ལས་འོད་དཔག་མེད་སྐུ་མདོག་དམར་པོ་ཕྱག་གཉིས་མཉམ་གཞག་གི་ཕྱག་རྒྱ་ཅན་དར་དང་རིན་པོ་ཆེས་བརྒྱན་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཧཱུྃ་ལས་འོད་ཟེར་འཕྲོས་པས་རང་འདྲའི་ཡེ་ཤེས་སེམས་དཔའ་བཛྲ་སཱ་མཱ་ཛཿས་སྤྱན་དྲང་། ཛཿཧཱུྃ་བྃ་ཧོཿས་གཉིས་སུ་

― LT39_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པར་བསྟིམ། སླར་ཡང་ཐུགས་ཀ་ནས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་བཅས་བཛྲ་ས་མཱ་ཛཿསྤྱན་དྲངས། ཨརྒྷཾ་ནས། ཤབྡའི་བར་གྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། དེ་རྣམས་ཀྱིས། ཇི་ལྟར་བལྟམས་པ་སོགས་ཀྱིས། དབང་བསྐུར། སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་རང་འདྲའི་རིགས་བདག་གིས་དབུར་བརྒྱན་པར་བསམ། ཨོཾ་བཛྲ་ཨརྒྷཾ་ནས། ཤབྡའི་བར་གྱིས་མཆོད། །འདོད་ཆགས་རྡོ་རྗེ་ཆོས་ཀྱི་སྐུ། །ཀུན་རྟོག་ཡེ་ཤེས་ངོ་བོ་ཉིད། །ཏིང་འཛིན་ཆེན་པོའི་ཕྱག་རྒྱ་ཅན། །ཕྱག་འཚལ་སྣང་བ་མཐའ་ཡས་ལ། ཞེས་བསྟོད། འོད་དཔག་མེད་ཞུ་བ་ལས་བྱུང་བའི་འཁོར་ལོར་བསམས་ལ། འཁོར་ལོའི་སྔགས་རྣམས་ཅི་ནུས་དང་རྟེན་སྙིང་བརྒྱ་ལ་སོགས་མང་དུ་བཟླ་ཞིང་མེ་ཏོག་འཐོར་ཞིང་ཤིས་པ་བརྗོད། དེ་ནས་བྲི་གཞི་རིན་པོ་ཆེའི་བྱང་བུ་ཡིན་ན་དྲི་བཟང་རིན་ཆེན་ཕྱེ་མ་དང་། ཕོ་འཁོར་ལ་ཐབས་ཀྱི་རྫས་མར། མོ་འཁོར་ལ་ཤེས་རབ་ཀྱི་རྫས་སྦྲང་དང་ཀ་ར་རྣམས་སྦྱར་བས་འཁོར་ལོ་གཉིས་ཀའི་ལྷ་གནས་རྣམས་སུ་ཐིག་ལེ་བྱ། ཤོག་གུ་ཡིན་ན། དྲི་བཟང་སོགས་ལྟེ་བ་དང་མར་སྦྲང་གྱིས་མཐའ་ནས་ཅུང་ཟད་བསྐུས་ཏེ། ཡབ་ཡུམ་རྐྱང་པ་དང་

― LT39_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲགས་མ་སོ་སོར་ཁ་སྦྱར་ཏེ་དར་སེར་པོའི་ན་བཟས་ཀླུབས། སྐུད་སེབ་གྱིས་རྒྱ་གྲམ་དུ་ནུབ་པར་བཅིང་། གསུམ་ཀའང་དབུས་ཀྱི་ཡིག་མཇུག་མདུན། རྐྱང་པ་གཉིས་སྟེང་འཁོར་འོག་འཁོར་མ་ནོར་བ་དེང་ལ་བ་ཡུམ་སྦྲགས་མ་ལ་མོ་སྟེང་ཕོ་འོག་ཏུ་བྱས་པའི་མཚན་མ་སྐུད་ལྷག་སྟེང་ངོས་སུ་མདུད་པ་བྱའོ། །གཉིས་པ་ནི། སྟེགས་བུ་གྲུ་བཞི་དང་སེར་པོས་བཀབ་པའི་ཁར་རིན་པོ་ཆེའི་སྣོད་གཙང་མ་དཀར་མངའ་འབྲུ་སོགས་ཀྱིས་བཀང་བའི་དབུས་སུ་གོང་གི་ཡབ་ཡུམ་སྦྲགས་པའི་འཁྲུལ་འཁོར་དབུས། ཡབ་རྐྱང་གཡས། ཡུམ་རྐྱང་གཡོན་ཏུ་བཞག །སྟེང་དུ་དར་སེར་པོའི་གུར་ཕུག །མདུན་ཏུ་གཏོར་ཟླུམ་དཀར་དམར་ཁ་ཟས་ཀྱིས་སྤུངས་པ་དང་ཆུ་གཉིས་ཉེར་སྤྱོད་བཤམ། སྒྲུབ་པ་པོ་ཁ་བྱང་དུ་ཕྱོགས་ཏེ་དཀྱིལ་འཁོར་དར་ཞལ་སྤྲོད་དུ་འཁོད་ལ། སངས་རྒྱས་ཆོས་དང་ཚོགས་ཀྱི་མཆོག་སོགས་སྐྱབས་སེམས་ལན་གསུམ་སྔོན་དུ་འགྲོ་བས། རང་གི་ཐུགས་ཀ་ནས་འོད་ཟེར་འཕྲོས་པས་མདུན་གྱི་ནམ་མཁའི་གནས་སུ་ཕྱོགས་བཅུ་དུས་གསུམ་གྱི་སངས་རྒྱས་སྲས་དང་བཅས་པ་ཐམས་ཅད་བཛྲ་ས་མཱ་ཛཿས་སྤྱན་དྲང་། ཨོཾ་བཛྲ་ཨརྒྷཾ། པཱདྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱཱ། ཤབྡ་པྲ་ཏཱིཙྪ་སྭཱ་ཧཱ། ཞེས་པས་མཆོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་

― LT39_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་ཀུན་བསྒྲུབ་བྱའི་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་ཏུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་པའི་རྒྱུན་བཤགས་བྱ། ཛཿཧཱུྃ་བྃ་ཧོཿས་ཚོགས་ཞིང་རྣམས་རང་ལ་བསྟིམ། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། བདག་བསྐྱེད་གང་ཡང་རུང་བས་ཆོག་ཀྱང་འདིར་འབྲེལ་ཆགས་པའི་དབང་གིས་ཕྱག་རྡོར་ཞི་བ་བྱེད་ན། ཨོཾ་སྭ་བྷཱ་ཝ་ས་སྟོང་པར་སྦྱང་། སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ་ཉི་མ་ལ་གནས་པའི་ཧཱུྃ་སྔོན་པོ། དེ་ལས་འོད་འཕྲོས་དོན་གཉིས་བྱས། ཚུར་འདུས་ཡོངས་སུ་གྱུར་པ་ལས། རང་ཉིད་གསང་བའི་བདག་པོ་ཕྱག་ན་རྡོ་རྗེ་སྐུ་མདོག་སྔོན་པོ་ནམ་མཁའི་མདངས་ཅན། ཞི་ཞིང་འཛུམ་ལ་འགྱིད་བག་དང་ལྡན་པ། རིན་པོ་ཆེའི་བྲོག་ཞུ་གསོལ་པ། མི་བསྐྱོད་པ་གཙོ་བོར་གྱུར་པའི་རིགས་ལྔས་དབུར་བརྒྱན་པ། ཕྱག་

― LT39_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་པས་ཐུགས་ཀར་འབར་བའི་རྡོ་རྗེ་གསོར་བའི་ཚུལ་གྱིས་འཛིན་ཅིང་གཡོན་གདན་ལ་བརྟེན་པ། ན་བཟའ་མཆོག་དང་རྒྱན་ཐམས་ཅད་ཀྱིས་བརྒྱན་པ། རབ་ཏུ་བཞད་ཅིང་རོལ་པའི་སྟབས་ཀྱིས་བཞུགས་པ། ཟླ་བའི་འོད་ཀྱི་རྒྱ་བ་ཡོལ་ཅན་ནོ། །དེའི་དྲུང་དུ་བདུད་རྩི་འཁྱིལ་པ་སྔོ་སངས་ཁྲོ་བོའི་ཆ་བྱད་རྫོགས་ཤིང་དགྲ་སྟྭ་འཛིན་པའོ། །རང་གི་སྙིང་གའི་འོད་ཟེར་གྱིས་ཡེ་ཤེས་པ་སྤྱན་དྲངས་བཛྲ་ས་མཱ་ཛཿ ཛཿཧཱུྃ་བྃ་ཧོཿ དམ་ཚིག་པ་དང་གཉིས་སུ་མེད་པར་གྱུར། སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཐུགས་ཀར་ཟླ་བ་ལ་སྔགས་ཀྱི་ཕྲེང་བ་གསལ་བར་གྱུར། ན་མོ་བཛྲ་པཱ་་ཡེ། མ་ཧཱ་བཛྲ་པྲ་ཏིཥྛི་ཏཱ་ཡ། སརྦ་ཏ་ཐཱ་ག་ཏ་ཤ་རཱི་རཾ་ཨནྟ་རྒ་ཏཱ་ཡ། བཛྲ་ཤ་རཱི་རཾ། མ་ཀུ་རུ་བཛྲ་ཨ་དྷིཥྛ་ན་སྭཱ་ཧཱ། ཞེས་བཟླས་པ་ཅི་འགྲུབ་བྱ། གནས་ཡོ་བྱིན་རླབས་ནི། ཨ་མྲྀ་ཏས་བསང་། སྭཱ་བྷཱ་ཝས་སྦྱང་། སྟོང་པའི་ངང་ལས་གནས་ཁང་བྷྲཱུྃ་ལས་ཐར་པ་ཆེན་པོའི་གཞལ་ཡས་ཁང་པའི་དབུས་སུ། ཨ་ལས་བྱུང་བའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ལས་མཆོད་རྫས་རྣམས་དྭངས་ཤིང་ཐོགས་པ་མེད་པ་འཕགས་པ་ཀུན་ཏུ་བཟང་པོའི་མཆོད་པའི་སྤྲིན་གྱི་རོལ་མོ་ལྟ་བུ་བསམ་གྱིས་མི་ཁྱབ་པས་ནམ་མཁའི་ཁམས་གང་བར་བསམ་ཞིང་།

― LT39_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་བཛྲ་ཨརྒྷཾ་ཨཱཿཧཱུྃ། ནས་ཤབྡའི་བར་དང་། ཨོཾ་བཛྲ་སྥ་ར་་ཁྃ། དེ་ནས་མདུན་བསྐྱེད་ལ་ལྔ། དམ་ཚིག་པ་བསྐྱེད་པ། ཡེ་ཤེས་པ་བསྟིམ་པ། མཆོད་བསྟོད། བཟླས་པ། ཐུན་མཚམས་ཀྱི་བྱ་བའོ། །དང་པོ་ནི། བསང་སྦྱང་། སྟོང་པའི་ངང་ལས་ཧཱུྃ་ཡིག་ལས་བྱུང་བའི་སྲུང་འཁོར་གྱི་དབུས་སུ། པྃ་ལས་གསེར་གྱི་པདྨ་འདབ་མ་བརྒྱད་པ། དེའི་ལྟེ་བར་ཟླ་བ་ལ་ཛི་ཡིག་གསེར་གྱི་མདོག་ཅན་ལས་སྐྱེས་པའི་བཅོམ་ལྡན་འདས་ཛམྦྷ་ལ་གསེར་གྱི་མདོག་ལྟ་བུ་ཐུང་ཞིང་ལྟོ་བ་འཕྱང་བ་རྒྱན་ཐམས་ཅད་ཀྱིས་བརྒྱན་པ། གཡོན་པ་དང་གཡས་པའི་ཕྱག་དག་གིས་ན་ཀུ་ལེ་དང་བཱི་ཛ་པཱུ་ར་ཀ་བསྣམས་པ། ཨུཏྤ་ལའི་ཕྲེང་བས་དོ་ཤལ་མཛད་པ། དེའི་པང་དུ་པྃ་ལས་སྐྱེས་པའི་ནོར་རྒྱུན་མ་སོར་མོས་འཁྱུད་པ། འདབ་མ་བརྒྱད་ལ་ཟླ་བ་ལ་གནས་པའི་ཤར་དུ་ཛྃམ་ལས་ནོར་བུ་བཟང་པོ་ལ་ཨོཾ་ལས་སྐྱེས་བའི་ཟླ་ཤེལ་མས་འཁྱུད་པ། ལྷོ་རུ་ལྃ་ལས་གང་བ་བཟང་པོ་ལ་སུྃ་མྲ་ལས་སྐྱེས་པའི་སྦྱིན་མས་འཁྱུད་པ། ནུབ་ཏུ་ལེནྲྃ་ཡིག་ལས་ནོར་སྦྱིན་ལ་རི༚་ལས་བྱུང་བའི་སྦྱིན་བཟང་མས་འཁྱུད་པ། བྱང་དུ་སྭཱྃ་ལས་རྣམ་ཐོས་སྲས་ལ་སྭཱ་ལས་སྐྱེས་པའི་འཕགས་མས་འཁྱུད་པ། ཤར་ལྷོར་བྷྃ་ལས་སྐྱེས་པའི་རོལ་པའི་ཕྲེང་ཅན་དང་། པྃ་ལས་སྐྱེས་པའི་རབ་བཟང་

― LT39_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བརྩེ་བ། ལྷོ་ནུབ་ཏུ་ཛྃ་ལས་མ་ནེ་འཁྱིལ་པ་ལ་དྷྃ་ལས་སྐྱེས་པའི་སྦས་མས་འཁྱུད་པ། ནུབ་བྱང་དུ་དྲྃ་ལས་ཞལ་གྱི་དབང་པོ་ལ་ི༚་ལས་སྐྱེས་པའི་ལྷའི་ཕུད་མེད་ཀྱིས་འཁྱུད་པ། བྱང་ཤར་དུ་ཧཱ་ལས་སྐྱེས་པའི་སྤྱོད་པའི་དབང་པོ་ལ་ཧཱ་ལས་སྐྱེས་པའི་མཆོ་ལྡན་མས་འཁྱུད་པ། ཡབ་ཡུམ་དེ་རྣམས་སྐུ་མདོག་གསེང་བཙོ་མ་ལྟར་རབ་ཏུ་འབར་བ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། ཡབ་རྣམས་གསུས་པ་འཕྱང་ཞིང་རོལ་པའི་སྟབས་ཀྱིས་ནོར་བུ་འབར་བ་སྐྱུགས་པའི་གཏེར་གྱི་གདན་ལ་བཞུགས་པ། གཡས་མཆོག་སྦྱིན་གྱི་མཐིལ་ན་བཱི་ཛ་པཱུ་ར་ཀ་དང་གཡོན་པས་གཏེར་གྱི་ནེའུ་ལེ་འཛིན་པ། ཡུམ་རྣམས་གཡས་མཆོག་སྦྱིན་གྱི་མཐིལ་ན་པི་ཛ་པཱུ་ར་ཀ་དང་གཡོན་འབྲས་གྱི་སྙེ་མ་བསྣམས་པ། བུད་མེད་སྒྱུ་མའི་ང་རྒྱལ་གྱིས་འགྱིང་བ། དེ་དག་གི་གཡས་ཕྱོགས་སུ་པྃ་ལས་གསེར་གྱི་འདབ་མ་བརྒྱད་པ་དེའི་ལྟེ་བར་ཟླ་བ་ལ་ཛཾ་ཡིག་གསེར་གྱི་མདོག་ཅན་ལས་སྐྱེས་པའི་ཛཾ་ལྷ་ལ་གསེར་གྱི་མདོག་ལྟ་བུ་ཐུང་ཞིང་ལྟོ་བ་འཕྱར་བརྒྱན་ཐམས་ཅད་ཀྱིས་བརྒྱན་པ། གཡོན་པ་དང་གཡས་པའི་ཕྱག་དག་གིས་ན་ཀུ་ལ་དང་བཱི་ཛ་པཱུ་ར་ཀ་བསྣམས་པ། ཨུཏྤ་ལའི་ཕྲེང་བས་དོ་ཤལ་མཛད་པ། འདབ་

― LT39_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བརྒྱད་ལ་ཟླ་བ་ལ་གནས་པའི་ཤར་དུ་ཛྃམ་ལས་ནོར་བུ་བཟང་པོ། ལྷོར་ལྃ་ལས་གང་བ་བཟང་པོ། ནུབ་ཏུ་ལེནྃ་ལས་ནོར་སྦྱིན། བྱང་དུ་སྭཱྃ་ལས་རྣམ་ཐོས་སྲས། ཤར་ལྷོར་བྷྃ་ལས་རོལ་པའི་ཕྲེང་ཅན། ལྷོ་ནུབ་ཏུ་ཛྃ་ལས་མ་ནེ་འཁྱིལ་པ། ནུབ་བྱང་དུ་དྲྃ་ལས་ཞལ་གྱི་དབང་པོ། བྱང་ཤར་དུ་ཧཱཾ་ལས་སྤྱོད་པའི་དབང་པོ་རྣམས་སྐུ་མདོག་གསེར་བཙོ་མ་ལྟར་འབར་བ་དང་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། གསུས་པ་འཕྱང་ཞིང་རོལ་པའི་སྟབས་ཀྱིས་གཏེར་གྱི་གདན་ལ་བཞུགས་པ། ཕྱག་གཡས་མཆོག་སྦྱིན་གྱི་མཐིལ་ན་བཱི་ཛ་པཱུ་ར་ཀ་དང་། གཡོན་པས་གཏེར་གྱི་ནེའུ་ལེ་འཛིན་པ། གཡོན་ཕྱོགས་སུ་པཾ་ལས་གསེར་གྱི་པདྨ་འདབ་མ་བརྒྱད་པ་དེའི་ལྟེ་བར་ཟླ་བ་ལ་པྃ་ཡིག་གསེར་གྱི་མདོག་ཅན་ལས་སྐྱེས་པའི་ནོར་རྒྱུན་མ་གསེར་གྱི་མདོག་ཅན། འདབ་མ་བརྒྱད་ལ་ཤར་དུ་ཨྃ་ལས་ཟླ་ཤེལ་མ། ལྷོ་རུ་སུྃ་ལས་སྦྱིན་མ། ནུབ་ཏུ་རི༚་ལས་སྦྱིན་བཟང་མ། བྱང་དུ་སྭཱྃ་ལས་འཕགས་མ། ཤར་ལྷོར་བྷཾ་ལས་རབ་བཟང་མ། ལྷོ་ནུབ་ཏུ་དྷཱཾ་ལས་སྦས་མ། ནུབ་བྱང་དུ་ི༚་ལས་ལྷའི་བུད་མེད། བྱང་ཤར་དུ་ཧཱྃ་ལས་མཆོ་ལྡན་མ་རྣམས་སྐུ་མདོག་གསེར་བཙོ་མ་ལྟར་རབ་ཏུ་འབར་བ། དར་དང་རིན་པོ་ཆེའི་རྒྱན་ཐམས་

― LT39_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀྱིས་རབ་ཏུ་བརྒྱན་པ། རོལ་པད་སྟབས་ཀྱིས་ནོར་བུ་འབར་བ་སྐྱུགས་པའི་གཏེར་གྱི་གདན་ལ་བཞུགས་པ། གཡས་ཀྱི་མཆོག་སྦྱིན་གྱི་མཐིལ་ན་བཱི་ཛ་པཱུ་ར་ཀ་དང་། གཡོན་ཐུགས་ཀར་འབྲས་ཀྱི་སྙེ་མ་བསྣམས་པ་བུད་མེད་སྒྱུ་མའི་ང་རྒྱལ་གྱིས་འགྱིད་བ། འདི་ནི་འཁྲུལ་འཁོར་གསུམ་པོ་དཀྱུས་གཅིག་ཏུ་སྒྲུབ་པ་སྟབས་བདེ་བ་དང་། རྗེས་གནང་ལའང་འདི་ལྟར་བསྐྱེད་དགོས་པས་བཀོད་པ་ཡིན་གྱི། སོ་སོར་བསྒྲུབ་པར་སྤྲོན་ཐོག་མར་ཡབ་ཡུམ་སྦྲགས་མ་དང་། དེ་ནས་སྲུང་འཁོར་གྱི་དབུས་སུ་ཞེས་པའི་འཕྲོས། ཡབ་རྐྱང་དང་ཡུམ་རྐྱང་སོ་སོར་སྦྱར་བ་དང་མཆོད་བསྟོད་སོགས་ལའང་རྣམ་དབྱེ་ཕྱེད་པར་བྱའོ། །ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་དང་རང་རང་གི་ས་བོན་གྱིས་མཚན་པའོ། །གཉིས་པ་ནི། བདག་མདུན་གྱི་ཐུགས་ཀ་ནས་འོད་ཟེར་འཕྲོས་པས་རང་བཞིན་གྱི་གནས་ནས་འཕགས་པ་ཛཾ་བྷ་ལ་ཡབ་ཡུམ་ལ་གནོད་སྦྱིན་ནོར་ལྷའི་ཚོགས་ཀྱིས་བསྐོར་བ་སྤྱན་དྲངས། བཛྲ་ས་མཱ་ཛཿ ཞེས་སྤྱན་དྲངས། ཨོཾ་བཛྲ་ཨརྒྷ་པྲ་ཏཱིཙྪ་སྭཱ་ཧཱ། པ་དྱཾ་སོགས། ཨོཾ་བཛྲ་པུཥྤེ་ཨཱཿཧཱུྃ་སོགས་ཀྱིས་མཆོད། ཛཿཧཱུྃ་བྃ་ཧོཿ མདུན་བསྐྱེད་ལ་གཉིས་སུ་མེད་པར་ཐིམ། སླར་ཡང་རང་གི་སྙིང་གའི་ས་བོན་ལས་འོད་ཟེར་འཕྲོས་པས་དབང་གི་ལྷ་རིགས་

― LT39_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་འཁོར་བཅས་ཨོཾ་བཛྲ་ས་མཱ་ཛཿ ཞེས་པས་སྤྱན་དྲངས་ལ། ཨོཾ་སརྦ་ཏ་ཐཱ་ག་ཏ་པཉྩ་གུ་ལ་ས་པ་རི་ཝཱ་ར་སྦྱང་བའི། ཨརྒྷཾ་སོགས་ཀྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་འདི་རྣམས་ལ་མངོན་པར་དབང་བསྐུར་དུ་གསོལ། །ཞེས་གསོལ་བ་བཏབ་པས། ཇི་ལྟར་བལྟམས་པ་སོགས་ནས། ཤྲཱི་ཡེ་ཧཱུྃ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དང་། ཆུའི་ལྷག་མ་ཡར་ལུད་པ་ལས་ཐམས་ཅད་ལ་རིན་ཆེན་འབྱུང་ལྡན་གྱིས་དབུར་བརྒྱན། གསུམ་པ་ནི། ཐལ་མོ་སྦྱར་ཏེ། འཇིག་རྟེན་ཁམས་འདིའམ་དཔག་མེད་ན། །མཆོད་ཡོན་ཇི་སྙེད་ཡོད་པ་རྣམས། །ནོར་ལྷ་འཁོར་དང་བཅས་ལ་འབུལ། །བཞེས་ནས་དཔལ་འབྱོར་རྒྱས་པར་མཛོད། །ཨོཾ་བ་སུ་དེ་བ་མཎྜལ་ས་པ་རི་ཝཱ་ར་བཛྲ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡ་ཨཱཿཧཱུྃ། ཞེས་དང་། དེ་བཞིན་ཏུ། ཞབས་བསིལ་དང་། མེ་ཏོག་སོགས་ནས། རོལ་མོའི་བར་འདོན་པ་བསྒྱུར་ལ་དབུལ་ཞིང་། དྷརྨ་ར་ི་ཏ་སོགས་བརྗོད། སྤྲོ་ན། རྩིབས་སྟོང་ལྡན་པའི་གསེར་གྱི་འཁོར་ལོ་སོགས། །རྒྱ་ཆེན་བསོད་ནམས་དཔལ་ལས་ལེགས་གྲུབ་པ། །མི་ཡི་དབང་པོའི་རིན་ཆེན་སྣ་བདུན་འབུལ། །བཞེས་ནས་དཔལ་འབྱོར་རྒྱས་པའི་དངོས་གྲུབ་རྩོལ། །སྔགས་

― LT39_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

མགོ་སྔར་ལྟར་ལ། སཔྟ་རཏྣ་པཱུ་ཛི་ཏེ་ཧཱུྃ། གཡུལ་ལས་རྒྱལ་བར་བྱེད་པའི་རལ་གྲི་སོགས། །བསོད་ནམས་དུ་མའི་མཐུ་ཡིས་ལེགས་བསྐྱེད་པའི། །ས་བདག་ཉེ་བའི་རིན་ཆེན་སྣ་བདུན་འབུལ། །བཞེས་ནས་དཔལ་འབྱོར་རྒྱས་པའི་དངོས་གྲུབ་སྩོལ། སྔགས་མཐར། སཔྟ་ཨུ་པ་རཏྣ་པཱུ་ཛི་ཏེ་ཧཱུྃ། ཡིད་འོང་གཟུགས་དང་རྣ་བར་སྙན་སྒྲ་སོགས། །བསོད་ནམས་དུ་མའི་མཐུ་ཡིས་ལེགས་བསྐྱེད་པའི། །མཐོ་རིས་འགྲོ་བའི་འདོད་ཡོན་རྣམ་ལྔ་འབུལ། །བཞེས་ནས་དཔལ་འབྱོར་རྒྱས་པའི། སྔགས་མཐར། པཉྩ་ཀཱ་མ་གུ་་པཱུ་ཛི་ཏེ་ཧཱུྃ། ཐུབ་པས་བྱིན་བརླབས་མེ་ལོང་སོགས་དང་ནི། །སྐུ་ཡི་ཆ་ཤས་དབྱིབས་མཚོན་དཔལ་བེའུ་སོགས། །བཀྲ་ཤིས་སྒྲུབ་པའི་རྫས་དང་རྟགས་བརྒྱད་འབུལ། །བཞེས་ནས་དཔལ་འབྱོར༴ སྔགས་མཐར། མངྒ་ལ་ཨཥྚ་དྲ་བྱ་ཙིཧྞ་པཱུ་ཛི་ཏེ་ཧཱུྃ། །ཞེས་པའི་སྔགས་རྣམས་ལ་ནམ་མཁའ་མཛོད་ཀྱི་ཕྱག་རྒྱ་བྱ་ཞིང་མཆོད། རྡོ་རྗེ་དྲིལ་བུ་འཛིན་པས། གང་སྔོན་སྦྱིན་པ་རྒྱ་མཚོའི་དགེ་བསགས་པ། །ཚེ་དང་ནོར་དང་མཐུ་ཡི་དཔལ་བརྙེས་ནས། །སྒྲུབ་པ་པོ་ལ་དབྱིག་གི་ཆར་འབེབས་པའི། །ནོར་སྦྱིན་ཡབ་ཡུམ་འཁོར་དང་བཅས་ལ་བསྟོད། །འགྲོ་ལ་དམིགས་མེད་ཐུགས་རྗེ་ཡིས། །ཐབས་མཁས་རང་བཞིན་སྐུ་སྤྲུལ་པ། །

― LT39_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་སྦྱིན་ཕོ་མོའི་ཚོགས་རྣམས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཅེས་སྤྱིར་བསྟོད། བྱེ་བྲག་ཏུ། སྤྲོ་ན་ཛཾ་བྷ་ལའི་མཚན་བརྒྱ་རྩ་བརྒྱད་པ་དང་། ཛཾ་ལྷའི་བསྟོད་པ་ནི། ལྷ་དང་ལྷ་མིན་དྲི་ཟ་མིའམ་ཅི་རྣམས་ཀྱི། །ཅོད་པན་འོད་ཀྱིས་ཞབས་ཀྱི་འཁྲི་ཤིང་གསལ་མཛད་པ། །བྱང་ཆུབ་མཆོག་ཏུ་ངེས་མཛད་གནོད་སྦྱིན་དབང་ཕྱུག་ལ། །སེམས་ཅན་རྣམས་ལ་སྨན་པའི་བསམ་པས་བདག་གིས་གསོལ། །གང་ཞིག་བརྩེ་བའི་བདག་ཉིད་བྱང་ཆུབ་སྦྱིན་མཛོད་ཁྱོད། །སྙིང་རྗེའི་རྩེ་བ་སེམས་ཅན་དོན་ཏུ་རབ་ཏུ་གྲགས། །མགོན་ཁྱོད་སེམས་ཅན་རྣམས་ལ་བརྩེ་བ་མི་མཛད་ན། །ཁྱོད་ཀྱིས་སངས་རྒྱས་དྲན་པར་གང་གིས་གྱུར་ཏེ་འཚལ། །ཤིན་ཏུ་མི་བཟད་དབུལ་བའི་སྡུག་བསྔལ་ནང་དུ་ནི། །འགྲོ་རྣམས་ལྷུང་བ་ཁྱོད་ཀྱིས་མཐོང་བར་མ་གྱུར་ཏམ། །རིན་ཆེན་གཏེར་ཆེན་རྣམས་ཀྱི་མཚན་ནས་བཟུང་ནས་ཀྱང་། །ཁྱོད་ཀྱི་ཆུ་བོ་ཡང་ནི་རྫིང་གིས་བཅིང་པར་མཛོད། །ཤིན་ཏུ་དབུལ་བའི་བྱིན་ཟ་མི་བཟད་དྲག་པོ་ཡིས། །འགྲོ་བ་གང་ཞིག་ཉིན་དང་མཚན་དུ་སྲེག་པར་བྱེད། །བརྩེ་བ་ཉིད་ཀྱིས་སེར་སྣ་རྣམ་པར་སྤོངས་མཛོད་ལ། །རིན་ཆེན་བདུད་རྩིའི་ཆར་གྱི་ཆར་རྒྱུན་དྲག་ཏུ་ཕོབ། །ཁྱོད་ནི་དགོད་པས་བརྒྱ་བྱིན་གྱི་ནི་རྒྱལ་སྲིད་དང་། །སྤྱན་ཟུར་ཙམ་

― LT39_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ཁྱབ་མཇུག་གི་ནི་དཔལ་མོ་དང་། །མཉེས་པས་དབང་ཕྱུག་གི་ནི་གངས་རིའི་གནས་ཀྱང་ཐོབ། །མགོན་པོ་སྡུག་ཕོངས་མགྲོན་བུ་ཙམ་ཡང་མི་སྟེར་རམ། །འགྲོ་བའི་དབང་ཕྱུག་རྣམས་ལ་དཔག་མེད་བདེ་བ་རྣམས། །རྟག་ཏུ་ཁྱོད་སྟེར་སྡུག་བསྔལ་ཅན་ལ་དེ་ལྟར་མིན། །ཁྱོད་ཀྱིས་སྔོན་མ་མཐོང་བའི་སྙིང་རྗེའི་ཡུལ་གྱུར་པའི། །དབུལ་བའི་སྡུག་བསྔལ་ཅན་ལ་ཇི་ལྟར་ཁྱོད་འཇིགས་སམ། །ནོར་གྱིས་ནོར་སློང་གུས་ལྡན་རྣམས་ལ་ཁྱོད་འགེངས་ཀྱི། །ཡི་དྭགས་སྐལ་མེད་སྡིག་བྱས་རྣམས་ལ་ཁྱོད་མིན་ཞིང་། །ནོར་གཏོང་ནོར་གྱི་ནོར་ལྡན་ཕལ་ནི་འཛིན་གྱུར་ཏེ། །མགོན་པོ་སློང་བའི་ཚོགས་ནི་ངེས་པར་སྤོང་བྱེད་དམ། །གལ་ཏེ་ཁྱོད་ཀྱིས་ནོར་གཏོང་རྣམས་ལ་ཁྱོད་ཀྱིས་སྟེང་། །སྐྱེ་བོ་ཚོགས་ངན་རྣམས་ལ་ཇི་ལྟར་ཁྱོད་འཇིགས་སམ། །རབ་ཏུ་འབད་པས་ངེས་པར་སྨྲ་བ་དེ་ཡིས་མཆོག །གནོད་སྦྱིན་རྒྱལ་པོ་བདག་གིས་གསོལ་བ་གསན་ཏུ་གསོལ། །རབ་ཏུ་འབད་བྱས་དེ་འདྲའི་ནོར་དང་ལྡན་གྱུར་ན། །ཇི་ལྟར་དབུལ་བའི་སྒྲ་ནི་ཐོས་པར་མ་གྱུར་ཅིག །དབུལ་པོའི་མེ་ནི་རབ་ཏུ་འབར་བས་འགྲོ་བ་རྣམས། །སྲེག་པར་ངས་མཐོང་ཡིད་ཀྱིས་ངོ་མཚར་ཉིད་དུ་གྱུར། །གང་ཞིག་བདག་གིས་སྨྲས་པའི་ཚིག་རྩུབ་ཚིག་རྣམས་ནི། །ཆུ་ཡི་དབང་

― LT39_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

པོས་བརྩེ་ཕྱིར་འདི་རྣམས་བཟོད་པར་མཛོད། །གང་ཞིག་བསྟོད་པ་འདི་ཡིས་ནི། །རྟག་ཏུ་འབད་པས་ཛཾ་ལར་བསྟོད། །དེས་ནི་དབུལ་པོར་མི་འགྱུར་ཞིང་། །ཤིན་ཏུ་མི་གཡོའི་དཔལ་ཐོབ་ཤོག །མི་དབང་ཉི་མ་རྣམ་གནོན་གྱིས་མཛད་པའོ། །ནོར་རྒྱུན་མའི་བསྟོད་པ་ནི། །ཀྱེ་མ་བུམ་པ་རིན་ཆེན་གཏེར་ལྡན་སྟེང་། །དེ་སྟེང་སྐྱོན་བྲལ་ཉི་མའི་དཀྱིལ་འཁོར་ལ། །གདོད་ནས་དག་པས་སྐུ་མདོག་གསེར་ལྟ་བུ། །མ་བཅོས་རང་བཞིན་བྱིས་པའི་གཟུགས་འདྲ་བ། །སྙན་མགུར་ཕྱག་ཞབས་རིན་ཆེན་ཕྲེང་བས་བརྒྱན། །ཟླ་རྒྱས་ལྟར་མཛེས་འཕགས་མའི་སྐུ་ལ་འདུད། །བརྩེ་ལྡན་སྦྱིན་པ་གྲུབ་པའི་ཚུལ་མངའ་བ། །པདྨའི་ཞལ་མངའ་འགག་མེད་སེང་གེའི་སྒྲས། །འགྲོ་བའི་སྡུག་བསྔལ་མ་ལུས་སེལ་བྱེད་མ། །དཔལ་ལྡན་ལྷ་མོ་ཁྱོད་འདྲའི་གསུང་ལ་འདུད། །ཚོགས་གཉིས་མཐར་ཕྱིན་ས་བཅུ་རིམ་བསྒྲོད་ནས། །ཐུགས་རྗེའི་དབང་གིས་སེམས་ཅན་རེ་འདོད་བསྐང་། །སྤྲོས་པའི་མཐའ་བྲལ་བདེ་བ་ཆེན་པོའི་ངང་། །ཡང་དག་དོན་རྟོགས་ལྷ་མོའི་ཐུགས་ལ་འདུད། །ཕྱག་གཡས་མཆོག་སྦྱིན་པཱི་ཛ་ཕ་ལ་ཡིས། །འཇིགས་པ་བརྒྱད་སྐྱོངས་འགྲོ་རྣམས་དབང་དུ་སྡུས། །དབུལ་པ་སེལ་ཞིང་ལོག་འདྲེན་འཇོམས་མཛད་པ། །གཡོན་པ་ཐུགས་ཀར་རིན་ཆེན་སྙེ་མ་འཛིན། །དགོས་འདོད་རེ་སྐོང་དཔག་བསམ་ཤིང་

― LT39_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ། །ཡིད་བཞིན་ནོར་འདྲ་ཁྱོད་ལ་ཕྱག་འཚལ་འདུད། །བདག་གིས་ཁྱོད་ལ་རྟག་ཏུ་མཆོད་བྱེད་ཅིང་། །གུས་དང་བཅས་པའི་སེམས་ཀྱིས་རང་བསྟོད་ན། །གདོང་ལ་མཆི་མས་རབ་ཏུ་གོས་གྱུར་ཀྱང་། །དབུལ་བའི་སྡུག་བསྔལ་སྐད་ཅིག་མ་འདོར་ན། །སྔོན་གྱི་ཐུགས་རྗེའི་སྨོན་ལམ་གང་དུ་ཐལ། །ལས་ཀྱི་འཕྲོ་མིན་སྦྱིན་ཤུགས་ཟད་པ་ཡིས། །ཕུན་སུམ་ཚོགས་པའི་སྐལ་པ་མེད་གྱུར་ཀྱང་། །ཚེ་འདིར་ཕོངས་པས་ལོག་འཚོ་སྤོང་ཙམ་གྱི། །ཐུགས་རྗེའི་ཐིགས་པ་འགའ་ཙམ་ཅིས་མི་སྦྱིན། །དུས་འདི་ནས་བཟུང་ཚེ་རབས་ཐམས་ཅད་དུ། །འཕགས་མ་ནོར་རྒྱུན་མ་ལ་མཆོད་བྱེད་ཅིང་། །ཐེག་ཆེན་གསང་སྔགས་ཆོས་ལ་སྤྱོད་པ་དང་། །བླ་མ་རྡོ་རྗེ་འཛིན་པའི་བཀའ་ཉན་ཅིང་། །དབྱེར་མེད་ཕྱག་རྒྱ་ཆེན་པོའི་དོན་རྟོགས་ཤོག །རྟ་དང་གླང་པོ་རིན་ཆེན་གོས་རྣམས་དང་། །ཁྲུས་ཀྱི་རྫིང་བུ་རིན་ཆེན་བང་མཛོད་དང་། །འདོད་འཇོ་བ་དང་མ་རྨོས་འཁྲུངས་རྣམས་ལ། །རྟག་ཏུ་ཆོས་དང་ལྡན་པའི་ལོངས་སྤྱོད་ཤོག །པཎྜི་ཏ་ཛ་མཱ་རི་པས་མཛད་པའོ། །དེ་དག་མི་ནུས་པའམ། བསྡུས་པའི་སྐབས་སུ། །ནོར་གྱི་དབང་ཕྱུག་རིན་ཆེན་གཏེར་མངའ་ཞིང་། །གནོད་སྦྱིན་ནོར་འཆང་མང་པོ་ཀུན་གྱི་རྗེ། །བྱང་ཕྱོགས་སྐྱོང་བའི་མགོན་པོ་ཛཾ་བྷ་ལ། །དངོས་གྲུབ་མཆོག་

― LT39_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

སྩོལ་མཛད་ལ་ཕྱག་འཚལ་བསྟོད། །ཅེས་པས་ཡབ་རྐྱང་དང་། དཔལ་མོ་དབྱིག་གི་ཆར་འབེབས་ནོར་རྒྱུན་མ། །ཚེ་དང་བསོད་ནམས་དཔལ་འབྱོར་རྒྱས་མཛད་ཅིང་། །འགྲོ་ལ་ཕུན་ཚོགས་མ་ལུས་རྩོལ་མཛད་མ། །ལྷ་མོ་ནོར་རྒྱུན་མ་ལ་ཕྱག་འཚལ་བསྟོད། །ཅེས་ཡུམ་རྐྱང་ལ་བསྟོད། བཞི་པ་ནི། འཁོར་ལོའི་སྐུད་སྣེལ་བཏགས་པའི་གཟུངས་ཐག་ནས་བཟུང་སྟེ། རང་གི་ཐུགས་ཀ་ནས་སྔགས་ཕྲེང་སེར་པོ་གཟུངས་ཐག་ལ་བརྟེན་ཏེ་སློང་། འཁོར་ལོའི་ལྷ་ཡི་ཐུགས་ཀར་ཕོག་པས་རྒྱུད་བསྐུལ། ཐུགས་ཀ་ནས་འོད་ཟེར་སེར་པོ་འཕྲོས་པ་སྦྱིན་བདག་གིས་གཙོར་བྱས་སེམས་ཅན་ཐམས་ཅད་ལ་ཕོག །ཚེ་དང་བསོད་ནམས་འཁོར་དང་ལོངས་སྤྱོད་རྒྱས་པར་བྱས། སླར་ཡང་འོད་ཟེར་འཕྲོས་པས་སངས་རྒྱས་ཐམས་ཅད་ཀྱི་ཐུགས་ཀ་ནས་འདོད་དགུ་འབྱུང་བའི་བདུད་རྩི་དཔག་ཏུ་མེད་པ་སྤྱན་དྲངས། །འཁོར་ལོ་ཡོན་བདག་དང་བཅས་པ་ལ་ཐིམ་པར་གྱུར། ཅེས་པས་དམིགས་པ་རྩེ་གཅིག་པས། ཨོཾ་ཛཾ་བྷ་ལ་ཛ་ལེནྡྲ་ཡ་སྭཱ་ཧཱ། ཞེས་ཅི་ནུས་དང་། ཨོཾ་མ་ི་བྷ་དྲཱ་ཡ་སྭཱ་ཧཱ། ཨོཾ་པཱུརྞ་བྷ་དྲཱ་ཡ་སྭཱ་ཧཱ། ཨོཾ་བྷན་དཱ་ཡ་སྭཱ་ཧཱ། ཨོཾ་བཻ་ཤྲ་མ་ཱ་ཡ་སྭཱ་ཧཱ། ཨོཾ་ཀི་ལི་མཱ་ལི་ནེ་སྭཱ་ཧཱ། ཨོཾ་ཙི་པི་ཀུཎྜ་ལི་ནེ་སྭཱ་ཧཱ། ཨོཾ་མུ་ཁེནྡྲཱ་ཡེ་སྭཱ་ཧཱ། ཨོཾ་ཙ་རྱེནྡྲཱ་ཡ་སྭཱ་ཧཱ། །ཞེས་པ་རྣམས་གཙོ་བོའི་བཅུ་ཆ་རེ་བཟླ། ཨོཾ་བ་སུ་དྷཱ་རི་ཎྱཻ་སྭཱ་ཧཱ།

― LT39_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་ཅི་ནུས་དང་། ཨོཾ་ཙནྡྲཱ་ཀཱེནྟ་ཡཻ་སྭཱ་ཧཱ། ཨོཾ་དཏྟ་ཡཻ་སྭཱ་ཧཱ། ཨོཾ་སུ་དཏྟཱ་ཡཻ་སྭཱ་ཧཱ། ཨོཾ་ཨརྻ་ཡཻ་སྭཱ་ཧཱ། ཨོཾ་སུ་བྷ་དྲཱ་ཡེ་སྭཱ་ཧཱ། ཨོཾ་གུ་པྟཱ་ཡཻ་སྭཱ་ཧཱ། ཨོཾ་དེ་ཝྱཻ་སྭཱ་ཧཱ། ཨོཾ་ས་ར་སྭ་ཏྱཻ་སྭཱ་ཧཱ། །ཞེས་པ་རྣམས་གཙོ་བོའི་བཅུ་ཆ་རེ་བཟླས་པའི་མཐར་ཆུ་སྦྱིན་ནི། ཟངས་གཞོང་མདུན་ཏུ་བཞག །ཆུ་གཙང་སྟ་གོན་བྱས་ལ། རྒྱས་པར་སྤྲོ་ན། གདན་པདྨ་བསྐྱེད་པ་ནས་དབང་བསྐུར་རྒྱས་གདབ་ཡན་གོང་ལྟར་ལ། བསྡུ་ན། ཟངས་གཞོང་ཡངས་ཤིང་རྒྱ་ཆེ་བའི་ནང་དུ་གསེར་གྱི་པདྨ་དང་གཏེར་གྱི་བུམ་པའི་གདན་དགུ་ཚོམ་གྱི་སྟེང་དུ་གནོད་སྦྱིན་ཕོ་དགུ་མོ་དགུ་ཐམས་ཅད་ཀྱང་གསེར་གྱི་མདོག་ཅན་དར་དང་རིན་པོ་ཆེས་བརྒྱན་པ། །ཡབ་རྣམས་གཡས་མཆོག་སྦྱིན་གྱི་མཐིལ་ན་བཱི་ཛ་པཱུ་ར་ཀ་དང་། གཡོན་པས་གཏེར་གྱི་ནེའུ་ལེ་འཛིན་པ། ཡུམ་རྣམས་གཡས་མཆོག་སྦྱིན་གྱི་མཐིལ་ན་བཱི་ཛ་པཱུ་ར་ཀ་དང་། གཡོན་འབྲས་ཀྱི་སྙེ་མ་བསྣམས་པ། གནས་གསུམ་འབྲུ་གསུམ་གྱིས་མཚན་པ་ལས་འོད་ཟེར་འཕྲོས། རང་འདྲའི་ཡེ་ཤེས་པ་བཛྲ་སཱ་མ་ཛཿ ཛཿཧཱུྃ་བྃ་ཧོཿ སླར་ཡང་དབང་གི་ལྷ་སྤྱན་དྲངས་ཏེ། དབང་བསྐུར། སྐུ་གང་། དྲི་མ་དག །སྤྱི་བོར་རིན་ཆེན་འབྱུང་ལྡན་གྱི་རྒྱས་བཏབ་པར་གྱུར། རང་གི་ལག་མཐིལ་ཟླ་བའི་སྟེང་། །བུྃ་ཨྃ་ཛྲི༚་ཁྃ་ཧཱུྃ་ཡིག་ལས། །བྱུང་བའི་

― LT39_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་གཤེགས་པ་ལྔ། །ཞུ་བའི་བདུད་རྩི་ཕུལ་བར་བསམ། ཨོཾ་ཛླུཾ་སྭཱ་ཧཱ། །ཞེས་དང་། གོང་གི་སྔགས་རྣམས་ཀྱིས་ཆུ་དབུལ། ཨརྒྷཾ་སོགས་ཀྱིས་མཆོད། གང་སྔོན་སྦྱིན་པ་སོགས་ཀྱི་མཐར། སེར་སྣའི་ལས་ཀྱི་མེ་ཡིས་གདུང་བ་རྣམས། །སྐྱེ་དང་སྐྱེ་བར་ཁྱོད་ལ་གསོལ་འདེབས་ཀྱིས། །རིན་ཆེན་གཏེར་གྱི་བདུད་རྩིའི་ཆར་རྒྱུན་གྱིས། །སེམས་ཅན་དབུལ་བའི་སྡུག་བསྔལ་ཞི་བར་མཛོད། །ཛཾ་སིདྡྷི་ཕ་ལ་ཨ་ལ་ལ་ཧོཿཆུ་ཐིགས་མྱང་ཞིང་གཏོར། ཡེ་ཤེས་པ་རྟེན་ལ་གཤེགས། དམ་ཚིག་པ་རང་ལ་ཐིམ་པར་གྱུར། །དེ་ནས་གཏོར་མ་བསད་སྦྱར། ཨོཾ་ཨཱཿཧཱུྃ། གསུམ། བདུད་རྩིའི་རྒྱ་མཚོ་ཆེན་པོར་གྱུར། །ནམ་མཁའ་མཛོད་ཀྱི་སྔགས་རྒྱས་བྱིན་གྱིས་བརླབས་ལ་གཙོ་འཁོར་རྣམས་ཀྱི་སྔགས་ལ་ཨ་ཀ་རོ་བཏགས་པ་འདུན་བདུན་གྱིས་ཕུལ་མཐར། ཨོཾ་ན་མོ་བྷ་ག་ཝ་ཏེ་ཛཾ་བྷ་ལ་ཛ་ལེནྡྲཱ་ཡ་མ་ཧཱ་ཡཀྵ་སེ་ན་པ་ཏཱ་ཡེ། ཨི་མཾ་བ་ལི༚་པྲ་ཏཱིཙྪ་ས་མ་ཡ་མ་ནུ་སྨ་ར་ཧཱུྃ་བཛྲ་ཛ་ཕཊ་སྭཱ་ཧཱ། མ་མ་ཧི་ར་ཎྱ་སུ་བརྞྞ་མ་ི་མུཀྟ་རཏྣ་ཧེ་མ་ནི་དྷཱིནཱཾ། དེ་ཧི་མཱཾ། ཛི་གྷཱནྟུ། པི་བནྟུ། ཁཱ་དནྟུ། མ་མ་ཤཱིནྟཾ། པུཥྚི༚་ཀུ་རུ་བཛྲ་དྷ་རི་ཀ་བ་ལི༚་པྲ་ཏཱིཙྪ་ས་མ་ཡ་མ་ནུ་སྨ་ར་ཛཾ་ཛཾ་ཛཾ་ཧཱུྃ་ཛུཾ་ཛི་ཛ་ཕཊ་སྭཱ་ཧཱ། ཞེས་བརྗོད། དེ་ནས་མཆོད་པ་ཁ་གསོ་བྱིན་བརླབས་ལ། ཚིགས་བཅད་དང་བཅས་པའམ་སྔགས་ཙམ་གྱིས་མཆོད། བསྟོད་པ་མདོར་བསྡུས་བྱ། འདོད་

― LT39_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་ཅུང་ཟད་སྤྲོ་ན། མཆོད་སྦྱིན་བརྒྱ་པ་མེ་ལྷ་གདོང་བཞི་དང་། །སེང་གེ་འཕྲོག་བྱེད་ཉིན་མོར་བྱེད་རྣམས་ཀྱིས། །ཞབས་གཉིས་ལ་བཏུད་བཅོམ་ལྡན་སྡུག་བསྔལ་བ། །བདག་ལ་པད་ལྟར་ཡངས་པའི་སྤྱན་རས་གཟིགས། །བཅོམ་ལྡན་ཆབ་འཁྱོར་གང་གིས་མཉེས་གྱུར་ན། །ཐུགས་རྗེ་མངའ་བ་གཞན་གང་ལགས་པར་གསུངས། །དེ་ཕྱིར་མཆོད་པ་བཤམས་ལ་མི་རྩི་ཞིང་། །ཁྱོད་དང་འདྲ་བ་སྲིད་འདིར་རྙེད་པར་དཀའ། །བརྩེ་བས་འབད་པའི་སྒོ་ནས་བཙལ་བཙལ་ནས། །ཕོངས་པར་གྱུར་པ་བདག་ལ་བདེ་མཛད་ན། །ཁོ་བོ་མཆི་མ་དག་གིས་གདོང་སྤགས་པ། །སྤྱན་སྔར་མཆིས་ཀྱང་ཅི་སྟེ་གཟིགས་མ་ལགས། །ཨེ་མ་ཧོ་རབ་ཏུ་རྒྱས་པའི་ཐུགས་རྗེ་ཡི། །གཞུ་མོ་མངའ་བ་ཁྱོད་ལྟར་བཞུགས་གྱུར་ཀྱང་། །སྐྱེ་ཚོགས་ཟློག་དཀའ་སྡུག་བསྔལ་ཆོམ་རྐུན་གྱི། །སྡེ་ཡིས་རྣམ་པར་འཇོམས་པ་ཇི་ལྟར་ལགས། །སེམས་ཅན་སྨིན་སླད་ནོར་བུ་རིན་པོ་ཆེ། །རྣམ་པ་སྣ་ཚོགས་དགུང་ཆར་འབེབས་གྲགས་ན། །ཁོ་བོ་ཁྱོད་ཉིད་གཅིག་པུའི་མཐང་ཐུག་པ། །ཅི་སྟེ་ཐིགས་པ་ཡང་ནི་འབེབས་མ་ལགས། །ཁྱོད་བཞུགས་བཞིན་དུ་མེ་ཡིས་འབར་བ་ལྟར། །ཁོ་བོ་ཕོངས་པས་ཤིན་ཏུ་ཆེར་བསྲེགས་ན། །ཁྱོད་ཀྱི་ལྟ་ཞིག་ཐུགས་རྗེ་འཇོ་བའི་བ། །ས་གསུམ་ཁུར་དུ་ཁུར་བ་

― LT39_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

གང་དུ་ཐལ། །བུམ་པ་དཔག་བསམ་ཤིང་དང་ཡིད་བཞིན་གྱི། །ནོར་བུ་སེམས་པ་དང་ལྡན་མ་ལགས་པ། །དེ་དག་གིས་ཀྱང་སེམས་ཅན་ཕན་བགྱིད་ན། །ཐུགས་རྗེས་བདག་ཅན་བཅོམ་ལྡན་སྨོས་ཅི་འཚལ། །གང་ཞིག་རྨུགས་འཛིན་ཆུ་ཡི་དབང་པོ་ཞེས། །སྐད་ཅིག་ཀྱང་ནི་ཁྱོད་ཀྱི་མཚན་སྨོས་པ། །པདྨའི་འབྱུང་གནས་ཀྱིས་ནི་པད་ཚལ་བཞིན། །དེ་ཡིས་ཕུན་སུམ་ཚོགས་པ་རྒྱས་པར་འགྱུར། །དེ་ལྟར་བཅོམ་ལྡན་སྲིད་འཇོམས་ཁྱོད་སྤྱན་སྔར། །ཆོ་ངེས་བཏབ་པའི་བསོད་ནམས་འབྱམས་ཀླས་པ། །གང་ཡིན་དེ་ཡིས་སྐྱེ་བོ་ཁྱོད་བཞིན་དུ། །མངོན་པར་མཐོ་བའི་འབྲས་བུ་འཕྱིན་པར་ཤོག །ཅེས་པ་སློབ་དཔོན་ཆེན་པོ་བཙུན་པ་ཟླ་བས་མཛད་པའོ། །མི་ནུས་ན། ནོར་ལྷ་འཁོར་དང་བཅས་པས་སྦྱིན་པའི་བདག་པོས་གཙོར་བྱས་སེམས་ཅན་ཐམས་ཅད་ཀྱི་ཟས་ནོར་ལོངས་སྤྱོད་ཐམས་ཅད་རྒྱས་པར་མཛད་དུ་གསོལ། ཞེས་འདོད་དོན་གསོལ། མེ་ཏོག་གཏོང་། ཡིག་བརྒྱ་ལན་གསུམ། མ་འབྱོར་བ་དང་སོགས་ཀྱིས་བཟོད་པར་གསོལ། དེ་ནས་མེ་ཏོག་སེར་པོ་ཐོགས་ལ། བཅོམ་ལྡན་འདས་ནོར་གྱི་དབང་ཕྱུག་འཁོར་དང་བཅས་པ་ཁྱོད་རྣམས་རྟེན་འདི་རྣམས་ལ་བརྟན་པར་བཞུགས་སུ་གསོལ། བརྟན་པར་བཞུགས་ནས་རྟེན་འདི་གང་དུ་བཞུགས་པའི་ཡུལ་ཕྱོགས་དང་གནས་ཁང་ཐམས་ཅད་དུ་ལོ་ཕྱུགས་ལེགས་

― LT39_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

ཤང་འབྲུ་བཅུད་དང་བ་དང་། སྲིད་ཞིའི་དཔལ་འབྱོར་ཕུན་སུམ་ཚོགས་པ་ཐམས་ཅད་རྒྱ་མཚོ་ཆེན་པོ་ལ་ཆུ་བོའི་རྒྱུན་བཞིན་དུ་འདུ་བར་མཛད་དུ་གསོལ། ལན་གསུམ། ལྷ་རྣམས་འོད་དུ་ཞུ་ནས་བྲིས་པའི་འཁྲུལ་འཁོར་གྱི་ཡི་གེ་དངོས་གྲུབ་ཐམས་ཅད་ཀྱི་འབྱུང་གནས་སུ་གྱུར། སུ་པྲ་ཏིཥྛ་དང་། ཡེ་དྷརྨ་མང་དུ་བརྗོད་ཅིང་མེ་ཏོག་འཐོར། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་ཞེས་གནས་གསུམ་བསྲུང་། དགེ་བ་འདི་ཡིས་མྱུར་དུ་བདག །ནོར་གྱི་དབང་ཕྱུག་འགྲུབ་གྱུར་ནས། སོགས་དང་། ཐམས་ཅད་ནམ་མཁའི་མཛོད་བཞིན་དུ། །ལོངས་སྤྱོད་ཟད་པ་མེད་པར་ཤོག །རྩོད་པ་མེད་ཅིང་འཚེ་མེད་པ། །རང་དབང་དུ་ནི་སྤྱོད་པར་ཤོག །ལྷ་ཡང་དུས་སུ་ཆར་འབེབས་ཤིང་། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང་། །འཇིག་རྟེན་དག་ཀྱང་དར་བར་ཤོག །འབད་དང་རྩོལ་བས་མི་གོས་པ། །ཡིད་བཞིན་ནོར་བུ་དཔག་བསམ་བཞིན། །སེམས་ཅན་རེ་བ་སྐོང་མཛད་པ། །བསམ་པ་འགྲུབ་པའི་བཀྲ་ཤིས་ཤོག །ཅེས་སོགས་བསྔོ་སྨོན་ཤིས་བརྗོད་ཁྱད་པར་བ་དང་། གཞན་ཡང་། ཆེ་བའི་ཆེ་མཆོག་སྟོན་མཆོག་སོགས་མདོ་རྒྱུད་ནས་འབྱུང་བའི་བཀྲ་ཤིས་ཀྱི་ཚིགས་སུ་བཅད་པ་རྒྱ་ཆེར་བརྗོད།

― LT39_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟ་བུ་ཐུན་དུ་བཅད་ནས་རང་དམ་སྦྱིན་བདག་སོགས་ལ་རྨིས་ལྟས་དགེ་བ་ལྟ་བུའི་རྟགས་མ་བྱུང་གི་བར་རམ་ཞག་བདུན་སོགས་སུ་བསྒྲུབ་བོ། །འགྲུབ་ཏུ་རུང་ན་སྔགས་རྒྱུན་ཀྱང་བྱ་སྟེ་གོང་མ་རྣམས་ཀྱི་དེ་ལྟར་མཛད་པའི་ཚུལ་ལོ་རྒྱུས་རྣམས་སུ་གསལ་ལོ། །གསུམ་པ་ནི། སྒྲུབ་པ་ཟིན་པའི་འཁྲུལ་འཁོར་རྒྱུད་ཀྱི་དགོངས་པ་ལྟར་ན་བང་མཛོད་ཀྱི་ཕུག་ལྟ་བུར་ཟ་མ་ཏོག་ཆེན་པོའི་ནང་དུ་བཞག །ཞུན་མར་སྤྲང་རྩི་ཀ་ར་རྣམས་ཀྱིས་ནུབ་པར་བྱས་ལ་ཉིན་རེ་བཞིན་དྲི་བཟང་གི་ཆུ། སྤོས་མ་ཏོག་སོགས་མཆོད་པར་བྱ་སྟེ། དེའང་དཔེར་ན། ཨོཾ་ཛཾ་བྷ་ལ་ཛ་ལེནྡྲ་གནྡྷཾ་པ་ཏཱིཙྪ་ན་མཿཞེས་སོགས་ལྟ་བུའོ། །ཡང་ན་འཁྲུལ་འཁོར་དེ་ཉི་མ་རེ་རེར་ཟངས་གཞོང་ལྟ་བུར་སྤྱན་དྲངས་ནས་གུར་གུམ་གྱི་ཆུ་ཡི་ཆུ་སྦྱིན་འབུལ་བར་བྱས་ན། ཐུབ་པ་ཆེན་པོ་བརྒྱད་ཀྱང་སྟེར་ན་དངོས་གྲུབ་གཞན་ལྟ་ཅི་སྨོས་གསུངས་པ་དང་། མཐོ་རིས་ཡོན་ཏན་བདུན་གྱི་དཔལ་རྣམས་བདེ་བླག་ཏུ་འགྲུབ་པ་སོགས་རྒྱུད་དང་འགྲེལ་པ་ལས་གསུངས་སོ། །ད་ལྟ་ཕྱག་ལེན་གཙོ་བོར་རྟེན་ལ་གཞུག་པའི་དབང་དུ་བྱས་ན། རྒྱུད་སྡེ་རྣམས་ལས་བཅོམ་ལྡན་འདས་ཀྱི་སྐུའི་རྣམ་འགྱུར་དུ་གསུངས་པས་དྲེགས་པ་རང་རྒྱུད་པའི་འོག་སེང་ཁྲི་ལྟ་བུར་བཞུགས་མི་རུང་ཞིང་། པད་གདན་དུ་གདོང་ཆེན་རྣམས་སུ་ཆོས་སྐྱོང་གི་རྟེན་དད་མདུན་རྒྱབ་ཏུ་བཞག །དེའང་སྒྲུབ་པའི་སྐབས་ལྟར་ཡབ་ཡུམ་སྦྲགས་མ་དབུས། ཡུབ་རྐྱང་གཡས། ཡུམ་

― LT39_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱང་གཡོན། ལྟེ་བའི་དགུ་རྒྱབ་ངོས་བསྟན་ཏེ་རྟེན་ཆེན་པོ་ལ་ཞུན་མར་གྱི་སྣོད་དུ་བཞག །ཆེ་ཆུང་གང་ལའང་དེ་དང་ལ་ཆམས་པའི་དཀོར་ཆ་ཅི་འབྱོར་པ་དང་བཅས་ཏེ་བཞུགས་སུ་གསོལ་ལོ། ༈ལྔ་པ་ལ་གཉིས། རྗེས་གནང་དང་། བསྙེན་པ་བྱ་ཐབས་སོ། །དང་པོ་ནི། འཁོར་ལོ་ཡོད་ནི་ཤིན་ཏུ་ལེགས་པས་སྒྲུབ་པའི་སྐབས་ལྟར་དང་། མེད་ན་མཎྜལ་སུམ་བསྒྲིགས་སྟེང་ཚོམ་བུ་གཙོ་འཁོར་དགུ་རེ་བཀོད། མཆོད་གཏོར་བཤམ། གོང་སྨོས་ལྟར་སྐྱབས་སེམས་ནས་བརྩམས། བདག་མདུན་བཟླས་པ་ཆུ་སྦྱིན་གཏོར་འབུལ་ཡན་གྲུབ་ནས། སློབ་མ་ལ་ཆབ་བཏང་། མེ་ཏོག་བཀྱེ་བསྡུ་དང་སེམས་བསྐྱེད་གསལ་གདག །དེ་ལ་འདིར་སངས་རྒྱས་སྣང་བ་མཐའ་ཡས་ཀྱི་རྣམ་འཕྲུལ་དཔལ་ལྡན་ཨ་ཏི་ཤ་དང་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་བསྒྱུར་བའང་མ་དཔལ་དཔའ་བོ་གཅིག་ཏུ་གྲུབ་པའི་རྒྱུད། བོད་སྔ་མ་རྣམས་ཀྱིས་བྱ་རྒྱུད་གཤེགས་རིགས་སུ་བཞེད་པ་དེ་ཉིད་ཀྱི་ལེའུ་གཉིས་པ་ནས་གསུངས་པའི་རྨུགས་འཛིན་ལྷ་མང་གི་མན་ངག་རྣམས་གྲུབ་པའི་དབང་ཕྱུག་ཛེ་ཏ་རིས་ཇོ་བོ་རྗེ་ཉིད་ལ་གནང་། དེས་ཀྱང་ནག་ཚོ་ལོ་ཙཱ་བ་ལ་གནང་ནས་རིམ་པར་བརྒྱུད་པའི་རྗེས་སུ་གནང་བ་བསྒྲུབ་པ་ལ་སོགས་ཀྱིས་མཚམས་སྦྱར་ནས་མཎྜལ་འབུལ་དུ་གཞུག །ཐལ་མོ་མེ་ཏོག་དང་བཅས་གསོལ་བ་འདེབས་པ་འདིའི་རྗེས་ཟློས་གསུངས་ཤིག །དུས་གསུམ་སངས་རྒྱས་

― LT39_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་དང་། །ལྷག་པའི་ལྷ་ཡི་ངོ་བོ་ཉིད། །དཔལ་ལྡན་བླ་མའི་བཀའ་དྲིན་གྱིས། །བདག་ལ་རྗེས་གནང་སྩལ་དུ་གསོལ། །ལན་གསུམ། རྒྱུད་དག་པར་བྱ་བའི་ཕྱིར། མདུན་བསྐྱེད་ཀྱི་ལྷ་དང་སངས་རྒྱས་བྱང་སེམས་རྣམས་ཀྱི་དྲུང་དུ་རྒྱུན་བཤགས་དང་སྐྱབས་གསུམ་སྔོན་དུ་འགྲོ་བའི་བྱང་ཆུབ་ཀྱི་སེམས་བཟུང་བ་ལ་སོགས་པར་བགྱིད་སྙམ་པའི་བསམ་པས་འདིའི་རྗེས་ཟློས་མཛོད། དཀོན་མཆོག་གསུམ་ལ་བདག་སྐྱབས་མཆི། སོགས་ལན་གསུམ། དེ་ནས་ཁྱེད་རང་བླ་མས་དཔལ་གསང་བའི་བདག་པོ་འདི་བཞིན་དུ་གསལ་ཐོབ་ཅིག །ཨོཾ་སྭ་བྷཱ་ཝ་སོགས་ནས། ཟླ་བའི་འོད་ཀྱི་རྒྱབ་ཡོལ་ཅན་ཏུ་ལམ་གྱིས་གྱུར་པའི་གསལ་སྣང་ལ་གནས་པ་དང་། མདུན་བསྐྱེད་ཀྱི་དཀྱིལ་འཁོར་ཡང་འདི་བཞིན་དུ་གསལ་འདེབས་པར་ཞུ། ཨོཾ་སྭ་བྷཱ་བ་སོགས་ནས་ཡབ་ཡུམ་སྦྲགས་པ། ཡབ་རྐྱང་། ཡུམ་རྐྱང་། གནས་གསུམ་བྱིན་རླབས། ས་བོན་གྱིས་མཚན་པའོ། །བར་བརྗོད། ཟངས་གཞོང་སོགས་ཉེར་བསྡོགས་ཆུ་སྦྱིན་བྱ་ཞིང་སློབ་མ་རྣམས་ལ་འབུལ་དུ་གཞུག །མཐར་གཏོར་མ་དང་མཆོད་བསྟོད་ཀྱང་བྱ། དེ་ནས་རྗེས་གནང་དངོས་ལ་ལུང་གསུམ་ལས། །དང་པོ་རྗེས་སུ་བཟླས་པའི་ལུང་བླང་བའི་ཕྱིར། མདུན་བསྐྱེད་གཙོ་འཁོར་རྣམས་ཀྱི་ཐུགས་ཀ་ནས་སྔགས་ཀྱི་ཕྲེང་བ་བྱུང་། ཞལ་ནས་ཐོན། ཁྱེད་

― LT39_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རྣམས་ཀྱི་ཞལ་དུ་ཞུགས། ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་འཁོད། དེའི་དུས་སུ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མཁྱེན་བརྩེ་ནུས་མཐུ་ཐམས་ཅད་འོད་ཟེར་གྱི་རྣམ་པར་སྔགས་ཕྲེང་དང་ལྷན་ཅིག་ཞལ་དུ་ཞུགས། སྙིང་ཁའི་སྔགས་ཕྲེང་ལ་ཐིམ་པའི་མོས་པ་མཛོད་ལ། སྔགས་འདིའི་རྗེས་ཟློས་ལན་གསུམ་གསུངས་ཤིག །སྙིང་པོ་རྣམས་ལན་གསུམ་རྗེས་ཟློས་བྱར་གཞུག །དང་པོས་བྱིན་གྱིས་བརླབས། གཉིས་པས་དབྱེར་མེད་དུ་འདྲེས། གསུམ་པས་བརྟན་པར་བྱས་པའི་མོས་པ་མཛོད། གཉིས་པ་བྱིན་གྱིས་བརླབས་པའི་ལུང་ནི། སློབ་དཔོན་ལ་མེ་ཏོག་འཐོར་བཞིན་དུ་འདིའི་རྗེས་ཟློས་མཛོད་ཅིག །བཅོམ་ལྡན་བདག་གིས་གཟུང་ལགས་ཀྱི། །བདག་ལ་འགོ་བར་མཛད་དུ་གསོལ། །ཅེས་ལན་གསུམ། དེ་ལྟར་ཕུལ་བའི་མེ་ཏོག་དེ་ཉིད་སླར་ཡང་བྱིན་གྱིས་བརླབས་ཏེ། ཁྱེད་རང་གི་སྤྱི་བོོར་ཕུལ་བར་མོས་པ་མཛོད་ཅིག །སློབ་དཔོན་གྱིས་མེ་ཏོག་གཏོར་ཞིང་། བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །བརྟུལ་ཞུགས་བརྟེན་པར་མཛད་དུ་གསོལ། །སྔགས་ཀྱི་དངོས་གྲུབ་སྩལ་དུ་གསོལ། །རིག་པ་འཛིན་པ་འདི་རྣམས་ལ་བཅོམ་ལྡན་འདས་འཕགས་པ་ཛཾ་བྷ་ལ་ཡབ་དགུ་ཡུམ་

― LT39_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

དགུའི་སྐུ་གསུང་ཐུགས་ཀྱི་བྱིན་རླབས་མ་ལུས་པ་འཇུག་པར་གྱུར་ཅིག །གསུམ་པ་དམ་བཅའ་བའི་ལུང་གི་ཕྱིར། བཅོམ་ལྡན་འདས་འཕགས་པ་ཛཾ་བྷ་ལ་ཡབ་ཡུམ་ཇི་སྲིད་བྱང་ཆུབ་མ་ཐོབ་ཀྱི་བར་གྱི་ཡི་དམ་དུ་བཟུང་ངོ་། །བདག་ཐུགས་ཀྱིས་མ་བཏང་ཞིག་སྙམ་པའི་བསམ་པས་འདིའི་རྗེས་ཟློས་གསུངས་ཤིག །སློབ་དཔོན་དགོངས་སུ་གསོལ། བདག་རིག་པ་འཛིན་པ་འདི་ཞེས་བགྱི་བ་དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། བཅོམ་ལྡན་འདས་འཕགས་པ་ཛཾམྦྷ་ལ་ཡབ་ཡུམ་འཁོར་དང་བཅས་པ་ཡི་དམ་གྱི་ལྷར་བཟུང་ནས་འདིའི་གསང་སྔགས་ཉི་མ་རེ་རེ་བཞིན་འདི་ཙམ་རེ་འདོན་པར་དམ་བཅའ་ལགས་སོ། །ཞེས་ལན་གསུམ་བརྗོད། དེས་བཟླས་པའི་ལུང་བཅས་རྗེས་གནང་ལེགས་པར་གྲུབ་པ་ཡིན་པས་སོགས་ཀྱིས་མཚམས་སྦྱར་ནས། གཙོ་བོས་ཇི་ལྟར་སོགས། གཏོང་རག་མཎྜལ། ལུས་འབུལ། དགེ་བསྔོ་སྤྱི་ལྟར་བྱ། སླར་མཆོད་ཁག་སོས་ཏེ་མཆོད་པ་བྱིན་བརླབས། མཆོད་བསྟོད་མན་ཆད་རྗེས་རིམ་སྒྲུབ་ཐབས་ལྟར་ལ་འཁོར་ལོ་སོགས་རྟེན་ཡོད་ན་བརྟན་བཞུགས་དང་མེད་ན་གཤེགས་གསོལ་བྱའོ། །གཉིས་པ་བསྙེན་པ་ནི། འཁྲུལ་འཁོར་གྱི་ལས་སྒྲུབ་པ་སྔོན་དུ་བསྙེན་པ་མ་སོང་ཀ་མེད་པས་དེའི་ཚུལ་དགེ་བའི་འདོད་འཇོར་གསུངས་པའི་ཏིང་ངེ་འཛིན་ཁོ་ནའི་འཁྲུལ་འཁོར་སྒྲུབ་པ་

― LT39_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཉམས་སུ་ལེན་པར་བྱ་སྟེ། སྐྱབས་སེམས་ཚོགས་བསགས་ཀྱི་བར་གོང་སྨོས་སྒྲུབ་ཐབས་ལྟར་བྱ། དེ་ནས་གནོད་སྦྱིན་མོ་དགུའི་འཁྲུལ་འཁོར་གྱི་བསྙེན་པ་ནི། སྟོང་པའི་ངང་ལས་སྲུང་བའི་འཁོར་ལོའི་དབུས་སུ། རང་ཉིད་སྐད་ཅིག་གིས་ཛཾ་བྷ་ལ་གསེར་གྱི་མདོག་ལྟ་བུ་ཐུང་ཞིང་ལྟོ་བ་འཕྱང་བརྒྱན་ཐམས་ཅད་ཀྱིས་བརྒྱན་པ། གཡོན་པ་དང་གཡས་པའི་ཕྱག་དག་གིས་ན་ཀུ་ལེ་དང་བཱཾ་ཛ་པཱུ་ར་ཀ་བསྣམས་པ། ཨུཏྤ་ལའི་ཕྲེང་བས་དོ་ཤལ་མཛད་པ། གསུས་པ་འཕྱར་ཞིང་རོལ་པའི་སྟབས་ཀྱིས་གཏེར་དང་གསེར་གྱི་པདྨའི་གདན་ལ་བཞུགས་པའི་ཐུགས་ཀར་རཾ་ལས་མེའི་དཀྱིལ་འཁོར་ཟུར་གསུམ་ཉི་མའི་མདོག་ཅན་གྱི་སྟེང་དུ་པདྨ་དཀར་པོ་འདབ་མ་བརྒྱད་པའི་ལྟེ་བར་ཛླུྃ། ཤར་ལ་སོགས་པའི་འདབ་མ་ལ། ཨོཾ་བ་སུ་དྷཱ་རི་ི་སྭཱ་ཧཱའི་ཡི་གེ་རེ་རེ་བཞིན་གཡས་བསྐོར་དུ་གནས་པ་གསེར་བཙོ་མའི་ཁ་དོག་ཅན། ནོར་རྒྱུན་མ་ཟླ་ཤེལ་མ་སོགས་ལྷ་མོ་བརྒྱད་ཀྱི་ངོ་བོར་གྱུར། ཡེ་ཤེས་ཀྱི་འཁོར་ལོ་སྤྱན་དྲངས་བཛྲ་ས་མཱ་ཛཿ ཛ་ཧཱུྃ་བྃ་ཧོཿ གཉིས་སུ་མེད་པར་གྱུར། ཡི་གེ་རྣམས་ལས་འོད་ཟེར་གསེར་གྱི་ཁ་དོག་ཅན་འཕྲོས། རང་གཞན་དབུལ་ཕོངས་ཐམས་ཅད་ཞི་ནས་མངོན་པར་མཐོ་བའི་དཔལ་ལ་བཀོད་པར་བསམས་ལ། ཨོཾ་བ་

― LT39_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་དྷཱ་རི་ཎྱེ་སྭཱ་ཧཱ། སོགས་གནོད་སྦྱིན་མོ་དགུའི་སྔགས་རྣམས་བཟླ། དེའང་སྤྱི་ཙམ་དུ་གཙོ་བོ་ལ་འབྲུ་གསུམ། འཁོར་རྣམས་ལ་དེའི་བཅུ་ཆ་ཙམ་བཟླ་བ་ནི་ཕྱི་མ་ལའང་ཤེས་པར་བྱ། ཐུན་མཐར། བཅོམ་ལྡན་འདས་མས་བདག་དང་སེམས་ཅན་ཐམས་ཅད་ལ་ནོར་གྱི་དངོས་གྲུབ་སྩལ་དུ་གསོལ། ཞེས་འདོད་དོན་གསོལ། རང་གི་ཐུགས་ཀ་ནས་འོད་ཟེར་འཕྲོས། སྣོད་བཅུད་ཐམས་ཅད་སྲུང་བའི་འཁོར་ལོ་ལ་ཐིམ། དེ་རང་ཉིད་ལ་ཐིམ། དེ་ཐུགས་ཀའི་འཁོར་ལོ་ལ་ཐིམ། དེའང་ཐུགས་སྲོག་གཙོ་བོ་ལ་ཐིམ། དེ་གྱེན་རྫོགས་སུ་ཡལ། དེ་སྤྲོས་པ་དང་བྲལ་བའི་སྟོང་པ་ཉིད་ཀྱི་དབྱིངས་སོ། །ཞེས་མཉམ་པར་བཞག །སླར་ཡང་སྐད་ཅིག་གིས་ལྷར་གསལ་བའི་གནས་གསུམ་འབྲུ་གསུམ་གྱིས་མཚན་པར་གྱུར། །ཅེས་མོས་ལ་དགེ་བ་སྔོ་ཤིས་བརྗོད་བྱ། ད་ནས་གནོད་སྦྱིན་ཕོ་དགུའི་འཁྲུལ་འཁོར་གྱི་བསྙེན་པ་ནི། གོང་འོག་སྔ་མ་ལྟར་ལ། ཐུགས་ཀར་རཾ་ལས་མེའི་དཀྱིལ་འཁོར་ཟུང་གསུམ་ཉི་མའི་མདོག་ཅན་གྱི་དབུས་སུ་པདྨ་དཀར་པོ་འདབ་མ་བརྒྱད་པའི་ལྟེ་བར་ཛླུཾ། ཤར་ལ་སོགས་པའི་འདབ་མ་ལ། ཛམྲྃ། བྷྃ། ལྃ། ཛྃ། ལེནྲྃ། དྲྃ། སྭཱྃ། ཧཱྃའི། ཡི་གེ་རྣམས་རེ་རེ་བཞིན་གཡས་བསྐོར་དུ་གནས་པ། གསེར་བཙོ་མའི་ཁ་དོག་ཅན། ཛཾ་བྷ་ལ་དང་། ནོར་བུ་བཟང་པོ་སོགས་ཀྱི་ངོ་བོར་

― LT39_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར། ཡེ་ཤེས་ཀྱི་འཁོར་ལོ་སྤྱན་དྲངས། བཛྲ་ས་མཱ་ཛཿཛཿཧཱུྃ་བྃ་ཧོཿགཉིས་སུ་མེད་པར་གྱུར། ཡི་གེ་རྣམས་ལས་འོད་ཟེར་གསེར་གྱི་ཁ་དོག་ཅན་འཕྲོས། རང་གཞན་གྱི་དབུལ་ཕོངས་ཐམས་ཅད་ཞི་ནས་མངོན་པར་མཐོ་བའི་དཔལ་ལ་བཀོད་པར་བསམས་ལ། ཨོཾ་ཛཾ་བྷ་ལ་ཛ་ལེནྡྲ་ཡེ་སྭཱ་ཧཱ། སོགས་བཟླས་པ་བྱའོ། །འདི་ཉིད་ཚུལ་བཞིན་འགྲུབ་ན་ཕྱི་ལེ་འཁྲུལ་འཁོར་སོགས་ལ་ལྟོས་པ་མེད་པར་ལས་དང་དངོས་གྲུབ་བདེ་བླག་ཏུ་འགྲུབ་པ་ཡིན་ནོ། །རབ་གནས་དཔལ་འབྱོར་རྒྱ་མཚོར་བཤད་པའི་བདག་བསྐྱེད་གནོད་སྦྱིན་ཕོ་དགུ་མོ་དགུ་ལ་བརྟེན་པ་དེའང་གསང་བ་སྤྱིའི་ཆོ་ག་ཡིན་པས་དཀྱུས་མཐུན་འབྱུང་མོད། འདི་ཉིད་འཕགས་ཞབས་ཀྱིས་རྒྱུད་ཀྱི་དགོངས་པ་ཚུལ་བཞིན་ཏུ་བཀྲལ་བའི་དོན་ཡིན་པས་ཁྱད་པར་དུ་འཕགས་པའོ། །སྔོན་དཔེ་བྲིས་བཤུས་ཁོ་ན་མིན། །སྔར་མེད་རང་བཟོ་སྦྱར་བའང་མིན། །ཚད་མའི་གཞུང་ལས་རྙེད་པ་ཡི། །ལེགས་བཤད་གཟུར་གནས་མཁས་རྣམས་མགུ། །སྐྱེ་དགུའི་ཕོངས་པ་དགུན་གྱི་དུས། །འདི་དགེ་དྲོད་ཀྱིས་བསྤོས་པ་ལས། །ཕུན་ཚོགས་སོས་ཀའི་སྐྱེད་ཚལ་བཞིན། །ཕྱོགས་རིས་བྲལ་བར་རྒྱས་བྱེད་ཤོག །ཅེས་པའང་རྒྱུད་ངང་འགྲེལ་པའི་དགོངས་པ་མ་འཁྲུལ་པའི་མན་ངག་ཚད་མ་གསལ་བར་བྱེད་པའི་རྒྱན་དུ། གཟུར་གནས་དཔྱོད་ལྡན་བྱུང་ན་ལག་ལེན་ལ་ཕན་དུ་རེ་བའི་ལྷག་པའི་བསམ་པས་ཀུན་ནས་བསླངས་ཏེ། ཀརྨ་ངས་

― LT39_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཡོན་ཏན་རྒྱ་མཚོའམ་བློ་གྲོས་མཐའ་ཡས་ཞེས་པའི་ཀུ་སཱ་ལིས་དཔལ་ཀུན་སྤུངས་པའི་ཡང་ཁོད་དགའ་བའི་ཚལ་དུ་བགྱིས་པ་དགེ་ལེགས་འཕེལ།། ༈ །།དཔལ་ཚོགས་ཀྱི་བདག་པོའི་འཁོར་ལོ་བྲི་སྒྲུབ་རབ་གནས་དང་བཅས་པ་བཞུགས། ཨོཾ་སྭ་སྟི། ཚོགས་བདག་འཁོར་ལོ་ནི། དར་དམར་ལ་གསེར་རས། རྒྱ་ཤོག་ལ་རྒྱ་མཚལ་གྱིས། མུ་ཁྱུད་ལྔ་པ་རྩིབས་བརྒྱད་དང་བཅས་པའི་ལྟེ་བར་ཧཱུྃ་ཧྲཱིཿབྷཱུྃ་མཐར། གུ་ག་་པ་ཏ་ཡེ་དཱ་ན་ལ་ཏི་ས་ཡ་རི་ཝཱ་ར་པུཥྚི༚་ཀུ་རུ་ཨོཾ་གྱི་མཇུག་ཏུ་རྒྱས་པའི་སྤེལ་ཚིག་འདོང་གསོལ་སྦྱར། གཉིས་པ་ལ། ཨོཾ་བཛྲ་ཨེ་དུ་ཤ་མ་ཛ་ཏ་ག་ཏ་པེ་ཏ་ཨཱ་ཀརྵ་ཡ་དཱ་ན་པ་སུ་ཨཱ་ཡུཿཔུཎྱཻ་པུཥྚི༚་ཀུ་རུ་སྭཱ་ཧཱ། ག་ག་ག་ག་ག་རྣམས་ཀྱི་མཐར་སྤེལ་ཚིག་གསུམ་པར་རྩིབས་བརྒྱད་ལ་ག་བཞི་པ་ལ་རྟེན་འབྲེལ་སྙིང་པོ། ལྔ་པ་བཀྲ་ཤིས་རྟགས་བརྒྱད་བྲི། དེ་རྗེས་དང་རས་གཙང་མ་བཏིང་པའི་གཞིའི་སྟེང་དུ་རིན་པོ་ཆེའི་སྣོད་འབྲས་བུས་བཀང་བའི་དར་དུ་འཁོར་ལོ་བཞག་སློབ་དཔོན་ལྷའི་ང་རྒྱལ་ལ་གནས་པས་སྦྱང་བ་གསུམ་སྔོན་དུ་འགྲོ་བས་བགེགས་བསླད། གུ་གུལ་གྱིས་བདུག །མཎྜལ་ཟླ་གམ་དམར་པོ་པདྨ་འདབ་བརྒྱད་སྟེང་འབྲུ་སྣོད་དང་བཅས་ཏེ་བཞག །མཐར་མཆོད་གཏོར་གྱིས་བསྐོར་འབྱུང་འདུལ་ལྟ་བུའི་བདག་བསྐྱེད་སྔོན་དུ་འགྲོ་བས། མཆོད་པ་བསང་སྦྱང་། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་གྱུར་པའི། མཆོད་

― LT39_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་དངས་ཤིང་ཐོགས་པ་མེད་པ་ནམ་མཁའ་དང་མཉམ་པར་གྱུར། ཨོཾ་བཛྲ་ཨརྒྷཾ་ཨཱཿཧཱུྃ། ཞེས་པ་ནས། ཤབྡ་ཨཱཿཧཱུྃ། འཁོར་ལོ་སང་སྦྱང་། སྟོང་པ་ཉིད་དུ་གྱུར། སྟོང་པའི་ངང་ལས་བཻ་ཌཱུརྻའི་བྲག་རི་བརྩེགས་པའི་སྟེང་དུ་སྣ་ཚོགས་པདྨ་དང་། ཉི་མའི་གདན་ལ་བྱི་བ་སྔོན་པོ་མགོ་གཡས་སུ་བསྟན་པའི་སྟེང་དུ་གཿཡོངས་སུ་གྱུར་པ་ལས་ཚོགས་ཀྱི་བདག་པོ་སྐུ་མདོག་དམར་པོ་གླང་པོ་ཆེའི་གདོང་པ་ཅན། རལ་པའི་ཐོར་ཅོག་ལ་རིན་པོ་ཆེ་དང་མེ་ཏོག་གིས་བརྒྱ་པ། ཕྱག་གཡས་པ་རྣམས་ན། དགྲ་སྟེ། མདའ་ཆེན། ལྕགས་ཀྱུ། རྡོ་རྗེ། རལ་གྲི། འཕང་མདུང་རྣམས་དང་། གཡོན་པ་རྣམས་ན། གཏུན་ཤིང་། གཞུ། ཁ་ཊྭྃ་ག་ཁྲག་གིས་གང་བའི་ཐོད་པ། ཤ་ཆེན་གྱིས་གང་བའི་ཐོད་པ། ཕུབ་དང་བདན་བརྟེན་ནས་འཛིན་པ། དར་གྱི་ཤམ་ཐབས་དང་རིན་པོ་ཆེའི་ཕྲེང་བ་ཅན། ཞབས་གཡས་བསྐུམས་ཤིང་། གཡོན་བརྐྱང་བས་བཞུགས་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པར་གྱུར། ཐུགས་ཀའི་ཧཱུྃ་ལས་འོད་ཟེར་འཕྲོས། རང་བཞིན་གྱི་གནས་ནས་ཐུགས་རྗེ་ཆེན་པོའི་རྣམ་

― LT39_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་ཚོགས་ཀྱི་བདག་པོ་འཁོར་དང་བཅས་པ་སྤྱན་དྲངས། ཧཱུྃ། རང་བཞིན་དག་པ་བྱང་ཤར་ཕྱོགས་མཚམས་ནས། །ཐུགས་རྗེ་ཆེན་པོ་ཚོགས་བདག་སྐུར་སྤྲུལ་པ། །མཆོད་ཅིང་བསྒྲུབ་པའི་གནས་འདིར་སྤྱན་འདྲེན་ན། །ཐོགས་པ་མེད་པར་མྱུར་དུ་གཤེགས་སུ་གསོལ། །བཛྲ་ས་མ་ཡ་ཛ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུྃ་ལས་འོད་ཟེར་འཕྲོས། དབང་གི་ལྷ་རྣམས་སྤྱན་དྲངས། དབང་ལྷས་དབང་བསྐུར། འོད་དཔག་མེད་ཀྱིས་དབུར་བརྒྱན་པར་གྱུར། ཨོཾ་ག་་པ་ཏི་ཨརྒྷཾ་པྲ་ཏཱིཙྪ་ཧཱུྃ་སྭཱ་ཧཱ། ཞེས་སོགས་ཀྱིས་མཆོད། སྤྱན་རས་གཟིགས་དབང་ཐུགས་རྗེའི་བདག་ཉིད་ཁྱོད། །འགྲོ་རྣམས་དབུལ་ཕོངས་སེལ་མཛད་ནོར་ལྷར་སྤྲུལ། །དགོས་འདོད་སྩོལ་ཕྱིར་གསེར་གྱི་ཁྲི་ལ་བཞུགས། །ནོར་གྱི་འགྱུར་གནས་ཁྱོད་ལ་བདག་བསྟོད་དོ། །ཚོགས་བདག་གི་ཐུགས་ཀར་ཉི་མིའི་གདན་ལ་གཿཡིག་གི་མཐར་སྔགས་འཕྲེང་གིས་བསྐོར་བ་ལས་འོད་ཟེར་འཕྲོས། འཇིག་རྟེན་ཁམས་ཀྱི་དཔལ་འབྱོར་བཀྲག་མདངས་གཟི་བརྗིད་ཐམས་ཅད་འོད་ཟེར་གྱི་རྣམ་པར་སྤྱན་དྲངས། སྦྱིན་བདག་དང་བདག་སོགས་སེམས་ཅན་ཐམས་ཅད་ལ་ཐིམ་པས་དཔལ་འབྱོར་བཀྲག་མདངས་གཟི་བརྗིད་ཕུན་སུམ་ཚོགས་པར་གྱུར། ཨོཾ་ཨཱཿག་་ཧཱུྃ་སྭཱ་ཧཱ། ཞེས་དང་། ཨོཾ་གུ་ག་་པ་ཏ་ཡ་དཱ་

― LT39_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ན་པ་ཏི་ས་པ་རི་ཝཱ་ར་པུཥྟི༚་ཀུ་རུ་ཨོཾ། ཨོཾ་བཛྲ་ཨ་དུ་ཤ་མ་ཛ་ཏ་ག་ཏ་པེ་ཏ་ཨཱ་ཀརྵ་ཡ་དཱ་ན་བ་སུ་ཨཱ་ཡུཿ པུཎྱཻ་པུཥྚི༚་ཀུ་རུ་སྭཱ་ཧཱ། ག་ག་ག་ག་ག །ཞེས་ཅིང་གྲུབ་བཟླ། ཡི་གེ་བརྒྱ་བ་བརྗོད། གཏོར་མ་བསད་སྦྱང་། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་ལྷ་རྫས་ལས་གྲུབ་པའི་གཏོར་མ་དྭངས་ཤིང་ཐོགས་པ་མེད་པ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབས། ལྗགས་འོད་ཟེར་གྱི་སྤུ་གུས་གཏོར་མའི་བཅུད་དྲངས་ཏེ་གསོལ་བར་གྱུར། ཨོཾ་ག་་པ་ཏི་ཨི་དཾ་བ་ལིངྷ་ཁ་ཁ་ཁཱ་ཧི་ཁཱ་ཧི། གསུམ་གྱིས་དབུ་ལ། གོང་བཞིན་མཆོད་བསྟོད་བྱ། ཚོགས་ཀྱི་བདག་པོ་སྒྲུབ་གཞི་འདི་ལ་བརྟན་པར་བཞུགས་ནས་རྟེན་ལ་མཆོད་པ་དང་། སྦྱིན་བདག་དང་བདག་སོགས་སེམས་ཅན་ཐམས་ཅད་ལ་དཔལ་འབྱོར་ཕུན་སུམ་ཚོགས་པ་རྒྱུན་མི་ཆད་དུ་འབྱུང་བར་མཛད་དུ་གསོལ། ཞེས་འདོད་དོན་ལ་གསོལ་བ་གདབ། ཚོགས་ཀྱི་བདག་པོ་འོད་དུ་ཞུ་ནས་བྲིས་པའི་འཁོར་ལོའི་རྣམ་པར་གྱུར། །ཅེས་འོད་ཞུ་དང་། བརྟེན་བཞུགས་བྱས་ལ་ཡེ་དྷར་བརྗོད་ཅིང་མེ་ཏོག་འཐོར་རོ། །ཤིས་བརྗོད་གང་འོས་བྱ། འདི་ནི་དཀྱུས་མཐུན་ཙམ་ཡིན་ལ་ཁྱད་པར་གྱི་ལག་ལེན་ནི། དམར་པོ་སྐོར་གསུམ་གྱི་གཞུང་སོགས་ལས་ཤེས་པར་བྱ་དགོས་སོ། །ཞེས་པའང་ཉེར་མཁོའི་ཕྱིར་དུ་གུ་ས་མཁས་པའི་ཡིག་ཆ་ལན་བཏུས་པ་དགེའོ། །

― LT39_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

སྤར་བྱང་།

― LT39_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། །མཐའ་ཡས་ཞིང་ཁམས་པདྨོའི་སྐྱེད་ཚལ་དུ། །ངོ་མཚར་ཨུ་དུམྦ་རའི་དཔལ་ཡོན་ཅན། །བཻ་ཌཱུརྻ་སྣང་ཞིང་གི་མགོན་པོ་སོགས། །བདེ་གཤེགས་མཆེད་བདུན་སྲས་བཅས་ལན་ཅིག་ཏུ། ༡ །མཆོད་པའི་བསོད་ནམས་ནམ་མཁའི་མཐའ་དང་མཉམ། །མཚན་ཙམ་ཐོས་ཀྱང་ངན་འགྲོའི་སྐྱེ་སྒོ་གཅོད། །སྙིགས་མའི་དུས་འདིར་བྱིན་རླབས་ལྷག་མྱུར་བས། །སྟོན་པ་ཐུགས་རྗེ་ཅན་དེས་ཆེད་དུ་བསྟན། ༢ །དེ་དོན་གཟིགས་པའི་ཆོས་སྤྱན་རྡུལ་བྲལ་བ། །ཆོས་རྗེ་ཞྭ་ལུ་པ་དང་མཁན་ཆེན་མཆོག །འདྲེན་མཆོག་ཟུང་གིས་མཛད་པའི་ཆོ་ག་དང་། །གཞན་དོན་ཟུར་འདེབས་བཅས་པའི་ཆོས་སྦྱིན་ནི། ༣ །རིས་མེད་ཀུན་དགའི་དགའ་སྟོན་སྦྱིན་པའི་སླད། །འཚོ་མཛད་བཀྲ་ཤིས་ཐུགས་བསྐྱེད་མཆོག་བཟང་པོས། །ལྷུན་གྲུབ་སྟེང་དུ་སྤར་ཡིག་ནོར་བུའི་མཛོད། །དད་དང་འབྱོར་པ་རྒྱ་མཚོའི་བཅུང་དུ་བསྐྲུན། ༤ །དགེ་བས་འདིར་འབྲེལ་སྐྱེ་དགུ་མ་ལུས་པ། །དག་པའི་ཞིང་དུ་རྐང་གཉིས་གཙོ་རྣམས་ཀྱི། །ཐུགས་རྗེའི་ཕྱག་གིས་བདེ་བླག་ཉིད་དྲངས་ནས། །བྱང་ཆུབ་སྤྱོད་པའི་ཕ་རོལ་ཕྱིན་གྱུར་ཅིག །ཅེས་པའང་མ་ཕྱི་ཞུ་དག་དང་ཆབ་གཅིག་ཀརྨ་ངག་དབང་ཡོན་ཏན་རྒྱ་མཚོའམ། བློ་གྲོས་མཐའ་ཡས་པའི་སྡེས་སྨྲས་པ་སརྦ་དཱ་མངྒ་ལཾ་བྷ་བནྟུ།། ༈ །།ཨོཾ་སྭ་སྟི་

― LT39_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱན་རས་གཟིགས་དངོས་རྒྱལ་དབང་ཀརྨ་པ། །རིམ་བྱོན་གཙོར་གྱུར་བཀའ་བརྒྱུད་གསེར་གྱི་ཕྲེང་། །མཆོད་ཅིང་གསོལ་བ་འདེབས་པའི་ཆོ་ག་ནི། །དྲི་མེད་འདོད་འཇོ་རིན་ཆེན་བྱེ་པའི་དབྱིག །ཐམས་ཅད་མཁྱེན་པ་རྒྱལ་མཆོག་བཅུ་བཞི་པའི། །གསུང་རབ་ནོར་བུའི་གླིང་ནས་བྱོན་པ་འདི། །དགེ་སློང་ཀརྨ་ཕྲིན་ལས་དད་གུས་དང་། །ལྷག་པའི་བསམ་པས་སྤར་གྱི་ཡོན་སྦྱར་ཏེ། །ཡི་གེའི་ཕྱི་མོར་བསྒྲུབས་པའི་དགེ་བ་ཡིས། །རྒྱལ་དབང་ཀརྨ་པ་དང་འབྲུག་ཆེན་རྗེ། །ཏཱ་ཡི་སི་ཏུ་དཔལ་ལྡན་དཔའ་བོ་སོགས། །ཡབ་སྲས་སློབ་མར་བཅས་པའི་ཞབས་བརྟན་ཅིང་། །སྒྲུབ་བརྒྱུད་བསྟན་པ་དར་རྒྱས་ཡུན་དུ་གནས། །འཇིག་རྟེན་ཁམས་ཀུན་བདེ་ལེགས་སྣང་བས་ཁྱབ། །བདག་སོགས་རིང་མིན་བཀའ་བརྒྱུད་རིན་ཆེན་གྱི། །རྣམ་ཐར་རྒྱ་མཚོའི་དཔལ་ལ་དབང་འབྱོར་ནས། །དོན་གཉིས་ལྷུན་གྲུབ་ཐམས་ཅད་གཟིགས་གྱུར་ཅིག །ཅེས་པའང་དགེ་རྒན་གང་དེའི་ཐུགས་བཞེད་ལྟར་ཀརྨ་ངག་དབང་ཡོན་ཏན་རྒྱ་མཚོས་ཞུ་དག་དང་ཆབ་ཅིག་བྲིས་པ་དགེ་ལེགས་འཕེལ།། །།

མི་ཏྲ་བརྒྱ་རྩའི་དབང་བཤད་སྐལ་ལྡན་ཡིད་ཀྱི་ངལ་གསོ།

― LT39_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཏྲ་བརྒྱ་རྩའི་དབང་བཤད་སྐལ་ལྡན་ཡིད་ཀྱི་ངལ་གསོ་ཞེས་བྱ་བ་བཞུགས་སོ། །

― LT39_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

འོ་རིགས་ཀྱི་བུ་སྐལ་བ་དང་ལྡན་པ་རྣམས་གསན་འཚལ། དེ་ཡང་ཆོས་ཐམས་ཅད་ཀྱི་སྔོན་དུ་འགྲོ་བ་ཟབ་མོའི་ཤེས་རབ་ཡིན་ཅིང་། དེའི་ཡང་སྔོན་དུ་ལྷག་པའི་བསམ་པ་འགྲོ་དགོས། དེ་ཅིའི་ཕྱིར་ཞེ་ན། སངས་རྒྱས་ཀྱི་ཆོས་དཀར་པོའི་ཕྱོགས་ཀྱི་ཡོན་ཏན་མཐའ་དག་དགེ་བའི་བཤེས་གཉེན་ལ་བསྟེན་ཅིང་། དེ་ཉིད་ཀྱི་གདམས་བྱའི་གཙོ་བོ་བྱང་ཆུབ་ཀྱི་སེམས་བཟང་པོ་ཁོ་ན་ལགས་ཏེ། དེ་ལ་མ་བསྟེན་པར་སངས་རྒྱས་ཐོབ་མི་ནུས་པས་ན། ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མཐའ་གཉིས་ལ་མི་གནས་པ་ཟུང་འཇུག་གི་སྐུ་ཐོབ་པར་བྱ། དེའི་ཆེད་དུ་རྡོ་རྗེ་ཐེག་པའི་གསང་ལམ་ཟབ་མོ་ལ་

― LT39_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་པར་བགྱི་བའི་ཐོག་མར་དབང་བསྐུར་ཞུའོ་སྙམ་པའི་ཐུགས་བསྐྱེད་རྣམ་པར་དག་པ་རེ་མཛོད་ལ་གསན་པར་ཞུ། དེ་ཡང་འོ་སྐོལ་རྣམས་མ་རིག་པས་བསྐྱེད་པའི་ལས་ཀྱི་ཤུགས་དྲག་པོས་སྐྱེ་བ་གྲངས་མེད་པ་ཞིག་ཏུ་འཁོར་བ་སྡུག་བསྔལ་གྱི་རྒྱ་མཚོར་འཕངས་ཏེ། ལས་གཅིག་ནས་གཅིག་ཏུ་བརྒྱུད་པས་བདེ་བའི་བར་མཚམས་མེད་པར་གདུང་ཞིང་། ད་དུང་ཡང་མི་ལུས་ཐོབ་ཏུ་ཟིན་ཀྱང་དེ་ལ་སྙིང་པོ་ལོན་པའི་དམ་ཆོས་རྣམ་དག་ཅིག་བསྒྲུབ་མ་ནུས་ཕྱིན་སྔར་སྐྱེས་པའི་སྐྱེ་བའི་གྲངས་ལས་ཀྱང་མང་བའི་འཁོར་བ་དང་ངན་སོང་གི་སྡུག་བསྔལ་མཐའ་མེད་པ་ཞིག་མྱོང་བ་ལས་འོས་མེད། དེ་ཐམས་ཅད་བློ་ཆོས་སུ་མ་

― LT39_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་བས་ལན། དེ་ཡང་རྒྱུ་དད་བརྩོན་ཤེས་རབ། རྐྱེན་བླ་མ་དང་དམ་ཆོས་རྣམ་དག་མ་འཕྲད་པས་ལན་པ་ཡིན་ལ། ད་རེས་ཀྱི་སྐབས་འདིར་སྐྱེ་བ་གཞན་ཏུ་འཕེན་རྫོགས་གཅིག་ཏུ་དགེ་བའི་ལས་ཀྱི་འབྲས་བུ་བཟང་པོ་ལ་སྤྱོད་པས་ཆོས་སྒྲུབ་པའི་མཐུན་རྐྱེན་མ་ཚང་བ་མེད་པས་འབྱོར་པར་མ་ཟད། གསང་སྔགས་རྡོ་རྗེ་ཐེག་པ་ལ་ཞུགས་པའི་སྐལ་པ་དང་ལྡན་པ་ནི་བསགས་རྒྱབ་ཕུན་སུམ་ཚོགས་པ་ཡིན་པས་ན། སེམས་གཞན་ཏུ་གཡེངས་ཤིང་རྣམ་རྟོག་གི་ཕྲེང་བ་ལུ་གུ་རྒྱུད་དུ་འབྱམས་པ་སོགས་བརྗེད་ངས་པའི་བློ་སྤངས་ནས་དད་པ་དང་མོས་པའི་སྤོབས་པ་བསྐྱེད། དམིགས་པ་བརྡ་སྤྲད་པ་རྣམས་རེ་རེ་བཞིན་གསལ་ཐེབས་པར་བྱ། ཕྱིའི་སྤྲོས་བཅས་རྫས་ཀྱི་དབང་བསྐུར་བ་ལ་དབང་དུ་རེ་བ་ཙམ་མ་ཡིན་པར་ནང་ཏིང་ངེ་འཛིན་གྱི་དབང་ཡོངས་སུ་ལེན་པའི་སྙིང་སྟོབས་མི་ཞུམ་པར་དགོས། དེ་ལ་སྤྱིར་སངས་རྒྱས་ཀྱི་བསྟན་པ་ཐམས་ཅད་བརྗོད་བྱ་བསླབ་པ་གསུམ་དང་། རྗོད་བྱེད་སྡེ་སྣོད་གསུམ་དུ་འདུ་ཞིང་། གསུམ་ཀའང་གང་ཟག་གཅིག་གི་རྒྱུད་ལ་ཚང་ཞིང་རྫོགས་པ་ན་ཉོན་མོངས་པའི་རྩ་བ་མ་ལུས་པ་དྲུངས་ནས་འབྱིན་ཏེ། དོན་གཉིས་མཐར་ཕྱིན་པའི་བྱང་ཆུབ་དམ་པ་མངོན་ཏུ་འགྱུར་ལ། རྫོགས་ཚུལ་སོ་ཐར་ནས་བརྩམས་ཏེ་ཡར་ལྡན་དུ་རྫོགས་པ་དང་། སྔགས་སྡོམ་གྱི་

― LT39_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལ་འོག་མ་གཉིས་པོ་ཞར་བྱུང་དུ་རྫོགས་པའི་ཚུལ་གཉིས་སུ་མཆིས་ཀྱང་གསུམ་ཀའི་སྙིང་པོར་གྱུར་པ་ནི་རིག་པ་འཛིན་པ་སྔགས་ཀྱི་སྡེ་སྣོད་ཅེས་བྱ་བ། སངས་རྒྱས་ཐམས་ཅད་ཀྱི་བགྲོད་པ་གཅིག་པའི་གསང་ཆེན་དུ་གྱུར་པ་འདི། རྒྱུ་མཚན་ཉིད་ཀྱི་ཐེག་པ་ལས་ཁྱད་པར་གསུམ་གྱིས་འཕགས་ཏེ། ཚུལ་གསུམ་སྒྲོན་མེ་ལས། དོན་གཅིག་ན་ཡང་མ་རྨོངས་དང་། །ཐབས་མང་དཀའ་བ་མེད་པ་དང་། །དབང་པོ་རྣོན་པོའི་དབང་བྱས་ཕྱིར། །སྔགས་ཀྱི་ཐེག་པ་ཁྱད་པར་འཕགས། །ཞེས་གསུངས་པས་ཐེག་དམན་ནི་ཐབས་མི་ཤེས་པས་དབང་པོ་བརྟུལ་བའི་ཕྱིར་ཉན་རང་གི་བྱང་ཆུབ་ལས་མི་ཐོབ། ཕར་ཕྱིན་པ་ནི་ཐབས་ལ་འཁྲུལ་བས་དབང་པོ་འབྲིང་སྟེ་མགོ་དང་རྐང་ལག་སྦྱིན་པ་སོགས་དཀའ་བ་དུ་མ་དང་བཅས་གྲངས་མེད་ཀྱི་བསྐལ་པ་མང་པོའི་མཐར་བྱང་ཆུབ་ཐོབ་པར་འདོད། སྔགས་པས་ནི་རྒྱུའི་རྒྱུད་ཁམས་དྲུག་ལྡན་པའི་རྟེན་གྱི་གང་ཟག་གིས། ཐབས་ཀྱི་རྒྱུད་ལས་རིམ་ཟབ་མོ་གཞན་གྱིས་སྤྱད་ན་ངན་སོང་དུ་འགྲོ་བའི་ལས་ཀྱང་ཟབས་ཀྱི་ཁྱད་པར་གྱིས་བྱང་ཆུབ་ཐོབ་པའི་རྒྱུར་འགྱུར་བར་ནུས་པས། འབྲས་བུའི་རྒྱུད་རྡོ་རྗེ་འཛིན་པའི་ཡེ་ཤེས་ཀྱི་སྐུ་རྣམ་བཅས་རྣམ་པ་དང་བྲལ་བ་བདེ་བ་ཆེན་པོ་ཉིད། །དབང་རབ་བརྩོན་འགྲུས་དང་ལྡན་པས་

― LT39_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་འདིར་མངོན་དུ་བྱེད་པ་ནི། དུས་འཁོར་རྩ་རྒྱུད་ལས། གདོལ་པ་སྨྱིག་མ་མཁན་ལ་སོགས། །མཚམས་མེད་ལྔ་ནི་བྱེད་པ་ཀུན། །སྔགས་ཀྱི་སྤྱོད་པ་རྗེས་སྤྱད་ན། །སྐྱེ་འདི་ཉིད་ལ་སངས་རྒྱས་འགྱུར། །ཞེས་དང་། དབང་པོ་འབྲིང་བརྩོན་འགྲུས་དང་མི་ལྡན་ཡང་ལྟུང་བ་མེད་ན་སྐྱེ་བ་གསུམ་མམ་བདུན་ན་འཚང་རྒྱ་སྟེ། གསང་བའི་མཛོད་ལས། དབང་བསྐུར་ཡང་དག་སྦྱིན་ལྡན་ན། །སྐྱེ་ཞིང་སྐྱེ་བར་དབང་བསྐུར་འགྱུར། །དེ་ཡི་སྐྱེ་བ་བདུན་ནས་ནི། །མ་བསྒོམས་པར་ཡང་སངས་རྒྱས་ཐོབ། །ཞེས་དང་དབང་པོ་ཐ་མ་བློ་ཤིན་ཏུ་དམན་པ་དག་ཀྱང་སྔགས་ལ་ཞུགས་ནས་ལྟུང་བ་མ་ཕོག་ན་སྒོམ་མ་ནུས་ཀྱང་སྐྱེ་བ་བཅུ་དྲུག་ན་འབྲས་བུ་ཐོབ་སྟེ། དམ་ཚིག་ལྔ་པ་ལས། གལ་ཏེ་ལྟུང་བ་མེད་གྱུར་ན། །སྐྱེ་བ་བཅུ་དྲུག་དག་ན་འགྲུབ། །ཅེས་སོ། །དེའང་བདག་ཅག་གི་སྟོན་པ་འདི་ཉིད་གཞི་གདོད་མའི་དབྱིངས་སུ་རིག་པའི་ཡེ་ཤེས་རང་ཤར་བས་ཆོས་ཐམས་ཅད་ཀྱི་དབྱིངས་སུ་མངོན་པར་རྫོགས་པར་བྱང་ཆུབ་ནས་རང་སྣང་གི་སྐུ་དང་ཞིང་ཁམས་རྒྱ་མཚོའི་སྤྲིན་བཀོད་ནས་ཐོག་མཐའ་མེད་པར་ཆོས་ཆེན་དབྱངས་ཀྱིས་ཁམས་སྣ་ཚོགས་པའི་སྒྲིབ་པ་དྲལ་བར་མཛད་ཅིང་། གདུལ་བྱ་དག་མ་དག་སྣ་ཚོགས་པའི་ངོར། འགྲོ་འདུལ་སྤྲུལ་པའི་ཞིང་རྣམས་སུ་

― LT39_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་དུ་གཤེགས་བཞུགས་འབྱོན་པའི་རྡོ་རྗེ་འཆང་གང་འབུལ་ཞི་ཁྲོའི་རོལ་པ་མ་འགག་པར་སྣང་བས་དུས་དང་ཚད་མ་ངེས་པར་གསང་སྔགས་ཀྱི་རྒྱུད་སྡེ་མཐའ་ཡས་པར་གསུངས་པ་རྣམས་ཀྱང་བགྲོད་གཅིག་ལ་དགོངས་ཏེ་ལམ་གྱི་རྒྱུད་གཅིག་ནས། ཉོན་མོངས་པ་དུ་མའི་གཉེན་པོར་དགོངས་ཏེ་རིགས་མཐའ་ཡས་པའི་བར་དུ་དབྱེ་བསྡུ་ཇི་སྙེད་ཅིག་མཆིས་པ་ལས་སྦྱང་བྱ་མི་རིགས་བཞི། འདོད་ཆགས་བཞི། ཉོན་མོངས་བཞི། གྲུབ་མཐའ་སྨྲ་བ་བཞི། བློའི་ཁྱད་པར་བཞི་ལ་སོགས་པ་ལ་དགོངས་ནས་གསུངས་པའི་གཏན་ཚིག་གིས། གུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལ། །སེམས་ཅན་མཆོག་ལ་རྣལ་འབྱོར་མཆོག །རྣལ་འབྱོར་བླ་མེད་དེ་ལྟག་ལའོ། །ཞེས་གསུངས་པ་ལྟར་རྒྱུད་སྡེ་བཞིར་འདུ་བར་བཞེད། དེ་ལ་བྱ་རྒྱུད་ནི། སྟོན་པ་མཆོག་གི་སྤྲུལ་སྐུས་གནས་འོག་མིན་ཆུང་ངུ་དང་རི་རབ་ཀྱི་རྩེ་མོ་ལ་སོགས་པར་འཁོར་གྱི་དཀྱིལ་འཁོར་ལ་བགོད་པ་དང་སངས་རྒྱས་བྱང་སེམས་དཔག་ཏུ་མེད་པ་ལ་གསུངས། སྤྱོད་རྒྱུད་ནི། སྟོན་པ་མཆོག་གི་སྤྲུལ་སྐུས་གནས་མེ་ཏོག་གི་རྒྱན་བཀོད་པ་དང་། དེའི་ཞིང་ཁམས་བར་མ་ལྕང་ལོ་ཅན་ལ་སོགས་པར་འཁོར་གོང་དང་མཚུངས་པར་གསུངས།

― LT39_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོ་ག་ནི། བཏགས་པའི་ལུས་བཀའ་ཐུབ་ཀྱི་གནས་སུ་བཞག་ནས་ཡེ་ཤེས་ཀྱི་ལུས་འོག་མིན་ཏུ་གཤེགས་པ་ལ་དེ་བཞིན་གཤེགས་པ་ཐམས་ཅད་ཀྱིས་མངོན་བྱང་ལྔས་བྱིན་གྱིས་བརླབས་ནས་རྡོ་རྗེ་དབྱིངས་ཆེན་པོར་སངས་རྒྱས་ཏེ། རྡོ་རྗེ་ནོར་བུའི་ཁང་པ་དང་རྒྱ་མཚོའི་འགྲམ་ལ་སོགས་པར་འཇིག་རྟེན་པ་དང་བྱང་སེམས་ཅི་རིགས་པར་གསུངས། བླ་མེད་ལ། གཉིས་མེད་དུས་ཀྱི་འཁོར་ལོ་ནི། སྟོན་པ་སངས་རྒྱས་པའི་ཚུལ་བསྟན་ནས་ནག་པའི་ཉ་ལ་དཔལ་ལྡན་འབྲས་སྤུངས་ཀྱི་མཆོད་རྟེན་དུ་སྟེང་དུ་ཆོས་དབྱིངས་གསུངས་དབང་དང་། འོག་ཏུ་དཔལ་ལྡན་རྒྱུ་སྐར་གྱི་དཀྱིལ་འཁོར་སྤྲུལ་ནས་ཆོས་རྒྱལ་ཟླ་བ་བཟང་པོ་སོགས་སྐལ་པ་དང་ལྡན་པའི་གདུལ་བྱ་རྣམས་ལ་གསུངས། ཕ་རྒྱུད་གསང་བ་འདུས་པ་ནི། ཐོ་རང་ན་འཚང་རྒྱ་བའི་ནམ་ཕྱེད་བདུད་བཏུལ་ཏེ་དགའ་ལྡན་དུ་བྱོན། དེར་སྐུའི་འབྱུང་བ་ཆེན་པོ་ལས་གཞལ་ཡས་ཁང་། ཕུང་ཁམས་ལས་དཀྱིལ་འཁོར་བཀོད་པའི་ལྷ་རྣམས་སྤྲུལ། འཁོར་ནམ་མཁས་ཁྱབ་པའི་གསོལ་བ་བཏབ་པའི་ངོར་འདོད་ཆགས་ཅན་རྗེས་སུ་བཟུང་བའི་ཕྱིར་གསུངས་པ་དང་། ཁ་ཅིག་མཉན་ཡོད་དུ་བཞུགས་པའི་ཚེ་ཨོ་རྒྱན་གྱི་རྒྱལ་པོ་ཨིནྡྲ་བོ་དྷིས་གསོལ་བ་བཏབ་པས་སྤྱན་དྲངས་ཤིང་འདོད་ཡོན་མ་སྤངས་པར་འཚང་རྒྱ་བའི་གདམས་

― LT39_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་ཞུས་པ་ན་དཀྱིལ་འཁོར་སྤྲུལ་བཤད་མཛད་པར་བཞེད་པ་དང་། གཤེད་སྐོར་ནི། །མངོན་པར་བྱང་ཆུབ་ཏུ་ཉེ་བ་ན་བདུད་དཔུང་གིས་བར་དུ་གཅོད་པའི་ཚེ་སྐུ་གསུང་ཐུགས་རྡོ་རྗེ་ལས་ཁྲོ་བོ་གཤིན་རྗེ་གཤེད་ཕྱུང་། བདུད་ཐམས་ཅད་བཏུལ་ནས་རྒྱུད་གསུངས། མ་རྒྱུད་བདེ་མཆོག་ནི། ཐོག་མ་མེད་པའི་དུས་དང་གཉིས་ལྡན་གྱི་དུས་སུ་སངས་རྒྱས་ཐམས་ཅད་དང་སྟོན་པ་འདི་ཉིད་སངས་རྒྱས་པས་ཀྱང་བསྟན་ཞིང་། །རྩོད་ལྡན་གྱི་དུས། དྲག་པོ་འཇིགས་བྱེད་དུས་མཚན་རྗེས་འབྲང་དང་བཅས་པས་ཡུལ་ཉེར་བཞི། དུར་ཁྲོད་བརྒྱད་ལ་དབང་བསྒྱུར་བ་དེ་འདུལ་བའི་དོན་ཏུ་སྟོན་པ་རྡོ་རྗེ་འཆང་དཔལ་ཧེ་རུ་ཀའི་རྣམ་པར་ཤར་བས་དཀྱིལ་འཁོར་གྱི་འཁོར་ལོ་སྤྲོས་ཏེ་དཔའ་བོ་དང་རྣལ་འབྱོར་མ་ལ་སོགས་པའི་འཁོར་རྣམས་ཀྱི་ངོར་རྒྱུད་གསུངས་པ་དང་། དགྱེས་པ་རྡོ་རྗེ་ནི། འཛམ་གླིང་དུ་སྤྲུལ་པའི་སྐུས་མ་ག་དྷར་བདུད་བཞི་འཇོམས་པའི་དུས་སུ་གསུངས་ཏེ། དེ་ཡང་རྡོ་རྗེ་བཙུན་མོའི་བྷ་གར་འཇིག་རྟེན་དང་འཇིག་རྟེན་ལས་འདས་པའི་འཁོར་དུ་མ་ལ་གསུངས་པ་སོགས་རྒྱུད་སྡེ་སོ་སོ་ནས་སྨོས་ཀྱིས་མི་ལོང་མཐའ་ཡས་ཤིང་། ཉིད་ལས་མི་གཞན་པའི་འཁོར་རྣམས་ཀྱིས་རྒྱུད་དེ་རྣམས་བསྡུས་ཏེ་གདོད་ནས་གྲུབ་པའི་

― LT39_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་རྣམས་སུ་བཞུགས་པ་ལས་དབང་ཐོབ་ཅིང་མཆོག་བརྙེས་པའི་གྲུབ་ཆེན་བརྒྱད་ཅུར་གྲགས་པ་སོགས་ཀྱིས་མི་ཡི་འགྲོ་བའི་བསོད་ནམས་སུ་ཆ་ཤས་ཙམ་སྣང་བར་མཛད་ཅིང་བཤད་སྒྲུབ་ཀྱིས་འཛིན་སྐྱོང་མཛད་དེ། དེ་ལྟ་བུའི་གསང་སྔགས་སུ་འཇུག་པའི་སྒོ་ནི་དབང་དང་སྲོག་དམ་ཚིག་ཏུ་གསུངས་པས་དབང་མ་ཐོབ་ན་རྒྱུད་ཉན་དུ་མི་རུང་བ་དང་། དོན་ཤེས་ཀྱང་གཞན་ལ་འཆད་དུ་མི་རུང་ཞིང་སྔགས་དང་བསམ་གཏན་བསྒྲུབ་ཀྱང་མི་འགྲུབ་པ་མ་ཟད་ལྟུང་པ་འབྱུང་སྟེ། ཕྱག་ཆེན་ཐིག་ལེ་ལས། དང་པོར་རེ་ཞིག་གང་ཚེ་སློབ། །ལན་ཅིག་དབང་རྣམས་ཀྱིས་ནི་བསྐུར། །དེ་ཚེ་གསང་ཆེན་བཤད་པ་ཡི། །ངེས་པར་སྣོད་དུ་འགྱུར་བའོ། །དབང་མེད་ན་ནི་དངོས་གྲུབ་མེད། །བྱེ་མ་བཙིར་ལ་མར་མེད་ལྟར། །གང་ཞིག་རྒྱུད་ལུང་ང་རྒྱལ་གྱིས། །དབང་བསྐུར་མེད་པར་འཆད་བྱེད་པ། །སློབ་དཔོན་སློབ་མ་ཤི་མ་ཐག །དངོས་གྲུབ་ཐོབ་ཀྱང་དམྱལ་བར་འགྲོ། །དེ་བས་འབད་པ་ཐམས་ཅད་ཀྱིས། །བླ་མ་ལ་ནི་དབང་ནོད་ཞུ། །ཞེས་དང་། སངས་རྒྱས་ཐོད་པ་ལས། དཔེར་ན་པི་ཝཾ་སྦྱོར་ཀུན་འཚོགས། །རྒྱུད་དང་བྲལ་ན་བརྡུང་མི་རུང་། །དེ་བཞིན་དབང་དང་བྲལ་ན་ནི། །སྔགས་དང་བསམ་གཏན་འགྲུབ་མི་འགྱུར། །ཞེས་སོགས་གསུངས་ཤིང་། སྤྱིར་རྒྱུ་

― LT39_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཀྱི་དབང་རྡོ་རྗེ་སློབ་དཔོན་མཚན་ཉིད་དང་ལྡན་པས་རྒྱུད་སྦྱངས་པའི་སློབ་བུ་སྣོད་ལྡན་ལ། སྦྱང་བྱའི་དྲི་མ་གཏོང་ཞིང་ལམ་སྒོམ་རུང་དང་འབྲས་བུ་ཐོབ་རུང་གི་ནུས་པ་བླུག་པ་རྫས་སྔགས་ཏིང་ངེ་འཛིན་གསུམ་འཛོམ་པའི་ཆོ་ག་ཁྱད་པར་ཅན་གྱིས་རྒྱུད་བྱིན་གྱིས་བརླབས་པས་དྲི་མ་ཅི་རིགས་པ་དག་པའམ་ཉམས་སྨད། རང་གནས་ཀྱི་ཡེ་ཤེས་གསོས་ཐེང་པའི་མཐུས་རིམ་པ་གཉིས་ཀྱི་ཡེ་ཤེས་སྐྱེས་སམ་སྐྱེ་ངེས་ཀྱི་ནུས་རུང་དུ་སྨིན་པར་བྱེད་པ། ལམ་དུས་ཀྱི་དབང་སྔར་གྱི་རྒྱུད་སྨིན་པ་ཉིད་གོང་འཕེལ་དུ་བྱེད་པའི་ཕྱིར། ཕྱིས་ནས་བླ་མ་ལས་སམ་སྡོམ་ལྡན་རང་ཉིད་ཀྱིས་ལེན་པ་དང་། འབྲས་དུས་ཀྱི་དབང་སློབ་ལམ་རྫོགས་པའི་རྒྱུན་མཐའི་དུས་སུ་བསྐུར་བ་བཅས་ཡོད་པ་ལས་འདིར་སྔ་མ། དེ་ཡང་རྒྱུད་སྡེའི་མཐར་ཐུག་བླ་མེད་དུ་མཆོག་དབང་གོང་མ་གསུམ་གང་དུ་བསྐུར་བའི་དཀྱིལ་འཁོར། ནང་ལུས་རྩ། ཡི་གེ་བྷ་ག །ཀུན་རྫོབ་དང་དོན་དམ་བྱང་སེམས་ཀྱི་དཀྱིལ་འཁོར་ཡང་། ཕྱི་ལྷག་པ་གཟུགས་བརྙན་གྱི་དཀྱིལ་འཁོར་ལ་བརྟེན་དགོས་ཤིང་། དེ་ཡང་དབང་རབ་ཚོམ་བུ། འབྲིང་རས་བྲིས། ཐ་མ་རྡུལ་ཚོན་ནམ། སློབ་དཔོན་ཛ་ཡ་སེ་ནས། རྡུལ་ཚོན་བྲི་བར་མི་ནུས་ན། །དཀྱིལ་འཁོར་

― LT39_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཉམ་རས་ལ་ནི། །ངེས་པར་བཅོམ་ལྡན་ཧེ་རུ་ཀ །ཕྱག་རྒྱའི་གཟུགས་དང་བཅས་པ་བྲི། །ཞེས་གསུངས་པ་ལྟར་རས་བྲིས་ཀྱི་དཀྱིལ་འཁོར་གང་རུང་སྔོན་དུ་འགྲོ་དགོས་པ་ལས། ད་ལམ་རས་བྲིས་ཆུ་ཚོན་གྱི་དཀྱིལ་འཁོར་དུ་དབང་བསྐུར་བ་ཡིན་ཞིང་། དེ་ལ་བརྟེན་ནས་རིག་འཛིན་སྔགས་ཀྱི་སྡོམ་པ་སྐྱེ་སྟེ། དགྱེས་རྡོར་ལས། སངས་རྒྱས་ཀུན་གྱི་བདེ་ཆེན་པོ། །ཨེ་ཝཾ་རྣམ་པར་རབ་ཏུ་གནས། །ཨེ་ཝཾ་རྣམ་པའི་བདེ་ཆེན་པོ། །དབང་ལས་ཡང་དག་ཤེས་པར་བྱ། །ཞེས་ཨེ་ཝཾ་གྱིས་མཚོན་པའི་རྣམ་ཀུན་མཆོག་ལྡན་གྱི་སྟོང་གཟུགས་ཕྱག་རྒྱ་ཆེན་མོས་ཞུ་བདེ་དྲངས་པས། འདོད་ཆགས་ཆེན་མོའི་ཐིག་ལེའི་འགྲོས་ལས་ཤར་བའི་ལྷན་ཅིག་སྐྱེས་པའི་བདེ་བ་སྟོང་གཟུགས་དང་ངོ་བོ་གཅིག་ཏུ་གྱུར་པ་ནི་ཟུང་འཇུག་གི་ཡེ་ཤེས་མི་འགྱུར་བའི་བདེ་བ་ཆེན་པོ་ཞེས་སངས་རྒྱས་ཀུན་གྱི་སྡོམ་པ་སྟེ། དེས་སྤང་བྱ་འཛག་བདེ་འཕོ་བའི་བག་ཆགས་དང་། མཚན་རྟོག་ལས་ཡིག་བདེ་མྱུར་གྱི་སྒོ་ནས་སྐྱོབ་བའི་ཕྱིར་བླ་མེད་ཀྱི་དབང་བཞི་པའི་སྡོམ་པ་ཡིན་ལ། ཡེ་ཤེས་དེ་འདྲེན་བྱེད་ཀྱི་ཐབས་རིང་བ་དང་ཉེ་བ་དང་། ཤིན་ཏུ་ཉེ་བ་ལ་དགོངས་ནས་དབང་འོག་མ་རྣམས་དགོས་པ་ཡིན་པས། དེའི་ཡན་ལག་བརྗོད་པ་ཁས་བླང་གིས་སྔགས་སྡོམ་བཏགས་

― LT39_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བ་སྐྱེ། ངེད་རྡོ་རྗེ་སློབ་དཔོན་དུ་འགྱུར། །དབང་བསྐུར་བས་སྡོམ་པའི་དངོས་གཞི་སྐྱེ། ངེད་འཁོར་ལོའི་མགོན་པོར་འགྱུར་བ་ཡིན། །རྒྱུད་སྡེ་བཞི་ལ་དབང་གི་བབ་མི་འདྲ་བ་བཞི་ཡོད་དེ། ཡེ་ཤེས་ཐིག་ལེ་ལས། ཆུ་ཡི་དབང་བསྐུར་དབུར་བརྒྱན་དག །བྱ་བའི་རྒྱུད་ལ་རབ་ཏུ་གྲགས། །རྡོ་རྗེ་དྲིལ་བུ་དེ་བཞིན་མིང་། །སྤྱོད་པའི་རྒྱུད་ལ་རབ་ཏུ་གསལ། །ཕྱིར་མི་ལྡོག་པ་ཡི་ནི་དབང་། །རྣལ་འབྱོར་རྒྱུད་དུ་གསལ་བར་བྱས། །དེ་ནི་དྲུག་པའི་བྱེ་བྲག་དབང་། །དེ་ནི་སློབ་དཔོན་དབང་ཞེས་བྱ། །རྣལ་འབྱོར་བླ་མ་ཡི་ནི་མཚན། །གསང་བ་ཡི་ནི་དབང་རྒྱལ་བཤད། །ཤེས་རབ་ཡེ་ཤེས་བླ་ན་མེད། །བཞི་པ་དེ་ཡང་དེ་བཞིན་ནོ། །ཞེས་གསུངས་ཤིང་། གཞན་ཡང་དབང་དེ་རྣམས་ཐོབ་པ་ལ་གནས་སྐབས་དང་མཐར་ཐུག་གི་ཕན་ཡོན་དཔག་ཏུ་མེད་དེ། སྤྱི་རྒྱུད་ལས། དབང་བསྐུར་དང་པོ་ཐོབ་པ་ནི། །སངས་རྒྱས་རྣམས་ཀྱིས་དགོངས་པར་འགྱུར། །ཞེས་སོགས་ནས། །དེ་ཡིས་སྦྱར་ན་སྒྲུབ་པ་པོས། །ལས་རྣམས་ཐམས་ཅད་འགྲུབ་པར་འགྱུར། །དེ་ནི་ཅིས་ཀྱང་མི་ཚུགས་ཤིང་། །ལྷ་རྣམས་ཀུན་གྱིས་མཆོད་པར་འགྱུར། །འཁོར་བ་ན་ནི་འཁོར་བ་ན། །དེ་ནི་ངན་སོང་ལྟུང་མི་འགྱུར། །ཡན་ལག་ཉམས་

― LT39_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དབུལ་བ་དང་། །སྨད་པ་རྣམས་སུ་སྐྱེ་མི་འགྱུར། །ཚེ་རབས་དྲན་ཤིང་ལོངས་སྤྱོད་ཆེ། །ཚུལ་ཁྲིམས་ལྡན་ཞིང་གཟུགས་ཀྱང་བཟང་། །རྟག་ཏུ་ལྷ་དང་མི་རྣམས་ཀྱི། །མཐོ་རིས་དག་ཏུ་སྐྱེ་བར་འགྱུར། །དེ་ཡི་བསོད་ནམས་མཐུ་ཡིས་ནི། །སངས་རྒྱས་བྱང་ཆུབ་ལས་མི་ལྡོག །དེས་ནི་རིང་པོར་མི་ཐོགས་པར། །བྱང་ཆུབ་ཚོགས་ནི་རྫོགས་པར་འགྱུར། །ཞེས་གསུངས་པ་དང་། དབང་བསྐུར་ཐོབ་ནས་དམ་ཚིག་མ་ཉམས་པར་བསྲུང་ན། དངོས་གྲུབ་ཆུང་ངུ་ཞི་སོགས་ལས་ཆེན་བརྒྱད། འབྲིང་རལ་གྲི་སོགས་གྲུབ་པ་བརྒྱད། ཆེན་པོ་ཕྲ་ཡང་ལ་སོགས་པའི་དབང་ཕྱུག་གི་ཡོན་ཏན་བརྒྱད་དང་ལྡན་པའི་འདོད་གཟུགས་ཀྱི་རིག་པ་འཛིན་པ་ཐོབ་ཅིང་། མཐར་དཔེ་དོན་གྱི་འོད་གསལ་འདྲེས་ནས་ཡང་དག་པའི་མཐའ་མངོན་དུ་བྱས་ཏེ་མི་སློབ་པའི་ཟུང་འཇུག་གི་སྐུར་ལྡང་ནས་འཚང་རྒྱ་བར་འགྱུར་ཞིང་། གལ་ཏེ་དམ་ཚིག་དང་སྡོམ་ལ་མི་གནས་པ་སོགས་ཀྱིས་དབང་བསྐུར་དུ་མི་རུང་བའི་གང་ཟག་དག་ཀྱང་འཇུག་པ་ཙམ་གྱིས་རྗེས་སུ་བཟུང་བས་འཁོར་བ་ལས་འདའ་བའི་སྐལ་བ་ཅན་ཏུ་འགྱུར་ཏེ། རྩེ་མོ་ལས། དེ་བཞིན་གཤེགས་པ་ཐམས་ཅད་ཀྱི་གསང་བའི་དཀྱིལ་འཁོར་གྱི་རྒྱལ་པོ་འདིར་ནི་མ་ལུས་ཤིང་ལུས་པ་མེད་པའི་སེམས་ཅན་གྱི་

― LT39_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་ཐམས་ཅད་དུ་འཇུག་ཏུ་རུང་ངོ། །སྣོད་དང་སྣོད་མ་ཡིན་པ་ཡོངས་སུ་བརྟགས་པར་མི་བྱ་སྟེ། གཞུག་པ་ཙམ་ལ་མངོན་པར་ཞེན་པ་ཡོངས་སུ་གཟུང་བར་བྱའོ། །དེ་ཅིའི་ཕྱིར་ཞེ་ན་སེམས་ཅན་ཐམས་ཅད་ཀྱིས་མཐོང་བ་ཙམ་གྱི་མོད་ལ་ཕྱིར་མི་ལྡོག་པ་ཉིད་དུ་འགྱུར་རོ། །དད་པ་མེད་པ་དང་། དགེ་བའི་རྩ་བ་མ་བསགས་པ་དང་། རྒྱུད་ཡོངས་སུ་མ་སྨིན་པ་དང་། མོས་པ་མེད་པ་མང་དུ་ཟིན་ཀྱང་མཐོང་བ་ཙམ་གྱིས་སོ། །ཞེས་གསུངས་ལ། སྔར་དཀྱིལ་འཁོར་དུ་ཞུགས་པ་རྣམས་ཀྱིས་ཀྱང་དམ་ཚིག་དང་སྡོམ་པ་གསོ་བ་དང་། སླར་སྡོམ་པའི་ཕྱིར་དཀྱིལ་འཁོར་དུ་འཇུག་ཅིང་དབང་བླང་བར་གསུངས་ཏེ། འགྲེལ་ཆེན་དྲི་མེད་འོད་ལས། འདིར་གང་གི་ཚེ་དབང་བདུན་ལ་གནས་པའམ། བུམ་པ་དང་གསང་བའི་དབང་ལ་གནས་པ་ལ་རྩ་བའི་ལྟུང་བ་བྱུང་བར་གྱུར་ན། དེའི་ཚེ་དག་པའི་སླད་དུ་དཀྱིལ་འཁོར་འདི་བྲིས་ནས་སླར་མི་ཕྱེད་པའི་དོན་དུ་སླར་ཡང་དཀྱིལ་འཁོར་དུ་འཇུག་པ་ལ་སོགས་པ་བྱའོ། །ཞེས་སོགས་གསུངས་པ་དང་། དབང་ཐོབ་པའི་ས་མཚམས་ཀྱང་སྣང་བ་ལྷ་ཡི་དཀྱིལ་འཁོར་དུ་རྟོགས་པ་ན་བུམ་དབང་ཐོབ་པ་སོགས་དབང་སོ་སོའི་རང་སྐལ་གྱི་སྒྲིབ་པ་སྤངས་ཤིང་། ཡེ་ཤེས་སྐྱེ་བར་དགོས་མོད་ཀྱི། དབང་དུས་

― LT39_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་ཡེ་ཤེས་དངོས་སུ་མ་སྐྱེས་ཀྱང་དབང་གིས་སྨིན་པའི་ཆེད་དུ་འགྲོ་བའི་འཐད་པ་ནི། མདོ་སྡེ་རྒྱན་ལས། ཇི་ལྟར་རྨ་དང་ཟས་ལ་དེ་དག་གིས། །གཟག་དང་སྤྱད་དུ་རུང་བས་སྨིན་འདོད་ལྟར་དེ་ཕྱིར་རྟེན་འདིར་ཕྱོགས་གཉིས་ཞི་བ་དང་། །ཡོངས་སུ་སྤྱད་པ་ཉིད་དུ་སྨིན་པར་བསྟན། །ཞེས་ཕར་ཕྱིན་ཐེག་པར་རྟེན་དེ་ཉིད་ལ་མཐོང་སྤང་སྤང་རུང་དང་། མཐོང་ལམ་སྐྱེ་རུང་ལ་སྨིན་པའི་ཚད་དུ་འཇོག་པ་ལྟར། སྔགས་བླ་ན་མེད་པའི་ཐེག་པ་འདིར་བར་ཆད་མེད་པར་བསྒྲུབ་པའི་དབང་དུ་བྱས་ཏེ་ཚེ་འདི་ཉིད་ལ་སྤང་བ་སྤང་རུང་དང་ཐོབ་བྱ་མཆོག་གི་དངོས་གྲུབ་ཐོབ་རུང་གི་ནུས་པ་འཇོག་པའི་ཕྱིར། དབང་ཐོབ་པ་ཉིད་རྒྱུད་སྨིན་པའི་ཚད་ཡིན་ལ། ཆུ་ལུད་དྲོད་གཤེར་འཛོམ་ན་ཞིང་ལ་ས་བོན་ཐེབས་པ་བཞིན་ཏེ། དེ་ལྟ་བུའི་རྒྱུད་སྡེ་ཆེན་པོ་བཞིའི་རིགས་ཀྱི་གཙོ་བོའི་དབང་བསྐུར་ཡོངས་སུ་རྫོགས་པ་འདུས་པ་རྡོ་རྗེ་ཕྲེང་བའམ། མི་ཏྲ་བརྒྱ་རྩར་གྲགས་པ་ཉིད་ད་རེས་ཀྱི་སྐབས་སུ་བསྐུར་བར་བྱ་བ་ཡིན། དེ་ཡང་དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེའི་བདག་ཉིད། བསྐལ་བཟང་རྒྱལ་བ་སྟོང་གི་འབྱུང་གནས། གངས་ཅན་མགོན་པོ་སྤྱན་རས་གཟིགས་དབང་ཕྱུག་ཉིད་དཀྱིལ་འཁོར་སོ་སོའི་གཙོ་བོ་དང་ཐ་དད་མེད་པར་ཉིད་

― LT39_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྤྲུལ་པ་གྲུབ་ཆེན་མི་ཏྲ་ཛོ་ཀི་ལ་བྱིན་གྱིས་རླབས་ཤིང་གདམས་པ་སྩལ་ལ། བདག་ཉིད་ཆེན་པོ་དེ་ནི་ངོ་མཚར་བའི་རྣམ་པར་ཐར་པ་བཅོ་བརྒྱད་དང་ལྡན་པར་གྲགས་ཏེ། རྒྱ་གར་གྱི་ཤར་ཕྱོགས་སོགས་ནས། རྒྱུད་སྡེ་ཐམས་ཅད་ཀྱི་དབང་དུས་གཅིག་ལ་བསྐུར། བར་དུ་སྦྱར། ཁྲོ་ཕུ་ལོ་ཙཱ་བ་བྱམས་པ་དཔལ་གྱིས་འབད་རྩོལ་ཆེན་པོས་གདན་དྲངས་ཏེ་བོད་དུ་ཡང་བྱོན་ནས་སྐལ་ལྡན་མང་པོ་རྗེས་སུ་བཟུང་། དེ་ལྟ་བུའི་གྲུབ་ཐོབ་ཆེན་པོ་དེས་པཎྜི་ཏ་དོན་ཡོད་རྡོ་རྗེ་ལ་གནང་། དེས་གསང་མདའ་ཁྲ་ལུང་གི་གཉེན་འོད་སྲུང་མགོན་པོ་ལ་དབང་བཀའ་འདི་དག་སྐྱེལ་དུ་བྱོན་ནས། སླར་མདོ་ཁམས་སུ་བཞུད་པའི་དུས་སུ་ཀྲེ་ཡི་བྲག་ཕུག་ཏུ་དབང་བཀའ་ཚར་བ་ལན་གཅིག་མཛད་ཀྱང་ཕྱིས་སུ་རྒྱུན་ཆད་པས། མདོ་ཁམས་ཀྱི་དགེ་བའི་བཤེས་གཉེན་འགའ་ཞིག་སྐྱེ་སྨད་ཁྲ་ལུང་དུ་རྩད་གཅོད་བྱས་ནས་འོང་བས། གཉན་འོད་སྲུང་མགོན་པོ་ལ་སློབ་མ་མགོ་ཁམས་ཇོ་སྲས་བྱ་བ་ཞིག་འཕེན་ཡུལ་རྒྱལ་ན་ཡོད་པར་ཐོས་ཏེ། དེར་རྩད་གཅོད་དུ་ཕྱིན་པ་ན། རྒྱལ་དགེ་བཤེས་བྱམས་པ་སེང་གེ་གསང་ཕུར་བྱམས་ཆོས་གསན་ཏུ་ཕེབས་པ་དང་འཕྲད་ནས་ཁ་སྐད་དྲིས་པས། ཇོ་སྲས་དེ་ངེད་ཀྱི་ཡུལ་པ་ཡིན། དེ་འདྲའི་དབང་བཀའ་བརྒྱ་རྩ་

― LT39_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་སྙམ་པ་མ་བྱུང་། སྔགས་པ་ཇོ་བོ་བཟང་ལ་དགེ་སྦྱོར་ལ་གནས་པའི་བགྲེས་པོ་ཞིག་ཡོད། ཁྱེད་ཀྱི་ཞོར་ལ་ངེད་ཀྱིས་ཀྱང་ཞུ་བ་ཡིན་གསུངས་ཏེ་དེར་མཉམ་དུ་ཞུས། དེ་ནས་རྒྱལ་ལྷ་ཁང་པ་བྱམས་པ་སེང་གེ་ལ། བ་ལམ་རིན་ཤེས་ཨ་བྷའི་རྡོ་རྗེ་ཕྲེང་བ་དང་དབང་བརྗེད་བྱས་ནས་ཞུས། དེ་ལ་གཡུང་སྟོན་པ་རྡོ་རྗེ་དཔལ་གྱིས་མཚུར་ཕུར་གསན། དེ་ལས་བརྒྱུད་པའི་བཀའ་སྲོལ་འགའ་ཞིག་གྱེས་པ་ལས་འདིར་གཡུང་སྟོན་པ། མཁན་པོ་གྲགས་ཚུལ། མཁས་གྲུབ་ཆོས་དར་བ། ཀུ་ལུང་པ་སངས་རྒྱས་དཔལ། ཤངས་པ་གྲགས་པ་དཔལ་བཟང་། ཟུར་ཁང་པ་རིན་ཆེན་ཀུན་དགའ། རབ་འབྱམས་ཆོས་ཀྱི་རྗེ་ཚུལ་ཁྲིམས་དབང་ཕྱུག །དཔལ་ལྡན་གཙུག་ལག་འཕྲེང་བ། རྗེ་བཙུན་དཀོན་མཆོག་ཡན་ལག །ཡོངས་འཛིན་རྣམ་རྒྱལ་དཔལ་བཟང་། རྗེ་ངག་དབང་རྣམ་རྒྱལ། སྟག་ལུང་བཀྲ་ཤིས་དཔལ་གྲུབ། རྗེ་བཙུན་རྣམ་རྒྱལ་ལེགས་གྲུབ། ལུང་རིག་སྨྲ་བ་ཕྲིན་ལས་ཤེས་རབ། དེ་གཉིས་ཀ་ལ་རྗེ་བཙུན་ཡེ་ཤེས་རྡོ་རྗེ་ཞེས་ཆུ་ལ་འཕུར་བའི་གྲུབ་རྟགས་བསྟན་པ་དེས་གསན། དེ་སྐབས་དམ་པ་འདི་ཙམ་མ་གཏོགས་དབང་ལུང་འདི་ཡི་རྒྱུན་བཞུགས་པ་བམས་དབུས་གཉིས་ཀར་

― LT39_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་པ་ལས། སྤྲུལ་པའི་གཏེར་སྟོན་རོལ་པ་རྡོ་རྗེ་གྲགས་པས་ཐུགས་བསྐྱེད་ཆེན་པོས་དམ་ཆོས་ཟབ་མོ་འདི་ནུབ་ན་ཤིན་ཏུ་ཕོངས་པར་དགོངས་ཏེ། ཕྱོགས་ཀུན་ཏུ་རྩད་གཅད་པའི་སྐབས། ནུབ་གཅིག་དཔལ་དགྱེས་པ་རྡོ་རྗེ་གསེར་བཙོ་མའི་མདོག་ལྟ་བུ་འཁོར་གླིང་བུ་མ་བཞི་ཡིན་རྩིས་ལ། གཙོ་བོ་སྐུ་མདོག་མ་གཏོགས་ཐོད་པ་ཅན་དཀྱུས་མ། ལྷ་མོ་བཞི་ཞལ་གསུམ་ཕྱག་དྲུག་པ་དང་པོ་རས་བྲིས་ཡིན་པ་ལ་མཐར་མགུལ་བ་དང་གཡོ་བ་དང་བཞད་པ་འོད་ཕུང་འཕྲོ་བ་ཞིག་རང་གིས་བདག་པོ་བྱས་ནས་གུར་གྱི་སྟེང་དུ་གསེར་འཕྲུའི་རྣམ་པར་བཞག་ནས་དད་གུས་ཐུན་མོང་མ་ཡིན་པ་སྐྱེས་པའི་རྨི་ལམ་བྱུང་། ཕྱིར་ཉིན་འཇོ་ཕུ་དགོན་དུ་གདན་འདྲེན་པ་བྱུང་བ་ལྟར་ཕེབས་པའི་ཚེ། བླ་མ་དམ་པ་ཛྙཱ་ན་བཛྲ་དང་གསུང་གླེང་མཛད་པས་མི་ཏྲ་བརྒྱ་རྩའི་དབང་རྒྱུན་རྣམ་པར་དག་པ་བརྒྱུད་པ་ལ་དམ་སེལ་གྱིས་མཆོད་པར་བཞུགས་པས་སྔར་གྱི་དག་སྣང་དེ་ཡང་རྟེན་འབྲེལ་ལེགས་པར་དགོངས་ནས་བར་ཆད་ཀྱི་དབང་དུ་མ་བཏང་བར་ཐུགས་བརྩོན་ཆེན་པོས་གསན་ཏེ། དཔལ་ཤ་བ་རི་ཡི་རྣམ་འཕྲུལ་དུ་ཨོ་རྒྱན་ཆེན་པོས་ལུང་བསྟན་པ་རིག་འཛིན་གསུང་རབ་རྒྱ་མཚོ་སོགས་སྐྱེས་ཆེན་མང་པོ་ལ་སྩལ། ཆེ་ཚང་རིན་པོ་ཆེས་འཕགས་ཡུལ་གྱི་ཤིང་རྟ་

― LT39_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་རྣམས་དང་མཁྱེན་རྟོགས་དབྱེ་བ་མེད་པ་འཇམ་མགོན་མི་ཡི་ཟོལ་འཛིན་ཀུན་མཁྱེན་ཆོས་ཀྱི་འབྱུང་གནས་ལ་སྩལ། དམ་པ་དེས་མཐོན་མཐིང་ཅོད་པན་འཛིན་པ་བཅུ་གསུམ་པ་སྤྱན་རས་གཟིགས་དངོས་བདུད་ཚོགས་འདུལ་བའི་རྡོ་རྗེ་ལ་སྩལ། དེ་ཉིད་ཀྱིས་པདྨཱ་ཀ་རས་ལུང་བསྟན་པ་བརྙེས་ཤིང་རྒྱུན་མཐའི་ས་ལ་ངེས་པར་བཞུགས་པ་རྡོ་རྗེ་འཆང་དང་རྣམ་དབྱེར་མེད་པའི་མཁྱེན་བརྩེ་ནུས་ལྡན་འཁོར་ལོའི་མགོན་པོ་མཚན་བརྗོད་པར་དཀའ་བ་པདྨ་ཉིན་བྱེད་དབང་པོ་ལ་སྩལ། རྗེ་བཙུན་བླ་མ་མཆོག་དེས་རྟོགས་ལྡན་ཀརྨ་ཡན་ལག་འབྱུང་ཞེས་དོན་དམ་རྟོགས་པའི་དབང་ཕྱུག་སྐྱེ་བདེ་ཉིད་ཀྱིས་ཕྱིར་མི་ལྡོག་པའི་སྲིད་པ་ཐ་མ་པར་དཔལ་ལྡན་ཀརྨ་པ་ཆེན་པོས་ལུང་དུ་སྩལ་བ་དེ་ལ་གནང་། དེས་བདག་ཅག་གི་བླ་མ་ཆོས་ཉིད་ཀྱི་བདེན་པ་ཕྱིན་ཅི་མ་ལོག་པ་གཟིགས་པས་གྲུབ་པའི་ས་ཆེན་པོ་ལ་བཞུགས་ཀྱང་སྦས་ཚུལ་སྒྲུབ་པ་པོའི་རྣམ་པས་འབྲེལ་ཚད་ཐར་ལམ་དུ་སྦྱོར་བ་ཚེ་དབང་ནོར་བུ་པདྨ་བཀྲ་ཤིས་ལ་སྩལ། རྡོ་རྗེ་འཛིན་པ་དེ་ཉིད་ཀྱིས་བདག་ལ་དགྱེས་བཞིན་དུ་གནང་བའི་དབང་ཆེན་ཟབ་མོ་འདི་ཉིད་བསྐུར་བ་ལ་བདག་ཉིད་ཀྱིས་བགྱི་བར་འོས་པ་རྣམས་སྔོན་དུ་སོང་ནས། ཁྱེད་རང་སློབ་མ་རྣམས་ཀྱི་ངོ་སྐལ་དུ་གྱུར་པ་སྔོན་འགྲོ་སྟ་གོན་ནམ། དངོས་

― LT39_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་འཇུག་པའི་ཆོས་རྣམས་ཞུ་བའི་དོན་དུ་མཎྜལ་ཕུལ་མཛོད། །བརྗོད་བྱས་སྟོང་པའི་སྙན་ཆིག་དབང་པོའི་གཞུ། །ཁེངས་དང་བརྒྱགས་པའི་བློ་ཡིས་བྲི་བ་ལས། །ཟབ་མོའི་བརྗོད་པ་བདུད་རྩིའི་ཆར་ཕབ་པས། །དོན་བཟང་ཐད་མར་བརྡལ་འདི་མི་དགའ་འམ། །ཞེས་པའང་འཁོར་ལོའི་མགོན་པོ་དབོན་སྤྲུལ་རིན་པོ་ཆེ་ཉིད་ཀྱིས་བཀའ་ཡི་རྗེས་སུ་གནད་པ་ལྟར། བཙུན་པ་ཡོན་ཏན་རྒྱ་མཚོས་དཔལ་སྤུངས་ཀྱི་གདན་སར་བྲིས་པ་དགེ་ལེགས་འཕེལ།། །།

― LT39_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

བདེ་གཤེགས་སྨན་བླ་མཆེད་བརྒྱད་མཆོད་པའི་ཆོ་གའི་ཕན་ཡོན་མདོར་བསྡུས་རྣ་བའི་བདུད་རྩི་།

― LT39_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་གཤེགས་སྨན་བླ་མཆེད་བརྒྱད་མཆོད་པའི་ཆོ་གའི་ཕན་ཡོན་མདོར་བསྡུས་རྣ་བའི་བདུད་རྩི་ཞེས་བྱ་བ་བཞུགས་སོ། །

― LT39_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་མཚར་ཐུགས་བསྐྱེད་སྨོན་ལམ་མཐར་ཕྱིན་ནས། །དག་པའི་ཞིང་ན་ད་ལྟར་འཚོ་གཞེས་པའི། །བདེ་གཤེགས་བདུན་དང་སྟོན་པ་བཀའ་དྲིན་ཅན། །བརྒྱུད་པའི་བླ་མ་རྣམས་ལ་ཕྱག་བྱས་ཏེ། །བློ་དམན་སྤྲོ་བ་བསྐྱེད་པའི་ཕྱིར། །སྨན་བླའི་ཆོ་ག་བཏང་བ་ཡི། །ཕན་ཡོན་ཁུངས་དང་འབྲེལ་བ་ནི། །ཕྱོགས་ཙམ་བཀོད་འདིར་ཡིད་ཆེས་འཚལ། །དེའང་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐུ་རིམ་དུ་མཁན་ཆེན་བྱང་ཆུབ་སེམས་དཔའ་ཞི་བ་འཚོས་གཙུག་གཏོར་དྲི་མེད་དང་སྨན་བླའི་མདོ་ཆོག་རྣམས་མཛད། བོད་དུ་ཆོ་ག་ཡོངས་གྲགས་དར་བའི་ཐོག་མ་ནི་འདི་གཉིས་ཡིན་ཅིང་ཆོས་རྒྱལ་ཆེན་པོས་ཚེས་བརྒྱད་བྱུང་ངོ་

― LT39_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ཅོག་ལ་སྨན་བླའི་ཆོ་ག་བཙུགས་པས་རྒྱལ་པོ་སྐུ་ཚེ་དང་བསོད་ནམས་འཕེལ། དམ་ཆོས་དར་ཞིང་རྒྱས། བོད་ཁམས་མཐའ་དབུས་ཐམས་ཅད་ལོ་ལེགས་ཤིང་མི་ནད་ཕྱུགས་ནད་མེད་པས་བདེ་སྐྱིད་མངའ་ཐང་ལྷ་དང་མཉམ་པ་བྱུང་། སྲས་མུ་ཏིག་བཙན་པོ་ནས་བཟུང་ཆོས་རྒྱལ་གདུང་བརྒྱུད་རིམ་བྱོན་རྣམས་དང་མངའ་རིས་དགྲ་བཅོམ་པ། མཆིམས་ནམ་མཁའ་གྲགས་སོགས་སྣར་ཐང་མཁན་ཆེན་རིམ་བྱོན་རྣམས་ཀྱིས་ཐུགས་དམ་མཛད་པས་སྐུ་ཚེ་རིང་ཞིང་བསམ་ཚད་འགྲུབ། མཐར་སྨན་བླའི་ཞིང་ཁམས་སུ་གཤེགས་པ་སོགས་དངོས་གྲུབ་མ་ཐོབ་པ་གཅིག་ཀྱང་མ་བྱུང་། ཇོ་བོ་རྗེ་ཆེན་པོའི་ཡང་ཐུགས་

― LT39_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་གྱི་རྩ་བ་ཡིན་པ་དང་། སྔགས་ཆོག་རྣམས་ནི་དབང་དང་དམ་ཚིག་སྔགས་དང་ཕྱག་རྒྱ་ཏིང་འཛིན་ཚད་ལྡན་མེད་ན་ཕན་གནོད་ཅི་འགྱུར་ངེས་པ་མེད་ལ། འདི་ནི་དད་མོས་ཡོད་ན་སོ་སྐྱེ་ཐ་མལ་པས་ཀྱང་ཉམས་སུ་ལོན་པའི་ཆོས་ཁེ་ཆེ་ལ་ཉེན་ཆུང་བ་དང་བྱིན་རླབས་ཀྱི་ཚན་ཁ་ལྷག་པར་ཆེ་བ་ཡིན་པས་བཀལ་གདམས་པ་ཀུན་གྱིས་སྨན་ཆོག་དང་གནས་ཆོག་གཉིས་པོ་གཙོ་བོར་མཛད། རྒྱུ་མཚན་འདིས་བོད་ཆོས་འཁོར་རྣམ་གསུམ་གཙོས་ཆོས་སྡེ་ཡོངས་གྲགས་ཀུན་ལ་ཆོ་ག་བཏང་རྒྱུའི་གཙོ་བོ་སྨན་ཆོག་འདི་ཉིད་ཡིན་ཅིང་། མཁན་པོ་སངས་རྒྱས་ཀྱི་གསུང་རབ་ཐམས་ཅད་ལ་མཁྱེན་པ་རྒྱས་པ་དེས་སྨན་ཆོག་ཁོ་ན་རྩལ་དུ་བཏོན་པའི་དོན་ཀྱང་། སངས་རྒྱས་ཀྱི་བསྟན་པ་ཉམས་དམའ་བའི་དུས་སུ་མདོ་རྒྱུད་སྤྱི་དང་ཁྱད་པར་གཟུངས་སྔགས་རྣམས་ཀྱི་མཐུ་སྟོབས་བྱིན་རླབས་ཆུང་དུ་འགྲོ་བར་བཤད་ལ། མདོ་འདི་ནི་ལྔ་བརྒྱ་པའི་ཐ་མ་དམ་པའི་ཆོས་ལྟར་བཅོས་པ་བྱུང་བ་ན་སེམས་ཅན་ལས་ཀྱི་སྒྲིབ་པ་སྣ་ཚོགས་ཀྱིས་བསྒྲིབས་པ། མྱ་ངན་དང་སྡུག་བསྔལ་སྣ་ཚོགས་ཀྱིས་གཙེས་ཤིང་ཕོངས་པར་གྱུར་པའི་སྙིགས་མའི་སེམས་ཅན་ལ་ཆེད་དུ་དགོངས་ཏེ་གསུངས་པས། དེང་སང་གི་དུས་སུ་བྱིན་རླབས་ནུས་པ་ཆེར་འགྲོ་བ་ལ་དགོངས་པ་ཡིན་པས་ད་ལྟའི་སྐབས་སུ་མཆོག་

― LT39_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

དམན་ཐམས་ཅད་ལ་ངེས་པར་ཕན་ཐོགས་པའི་ཟབ་མོའི་ཆོས་ཁྱད་པར་དུ་འཕགས་པར་གྲུབ་བོ། །དེ་ལྟ་བུའི་ཆོ་ག་ཁུངས་བཙུན་དེ་ཡི་ཕན་ཡོན་ཅུང་ཟད་སྨོས་ན་སྤྱི་དང་བྱེ་བྲག་གཉིས་སོ། །དེ་ལ་སྤྱིར་དཀོན་མཆོག་གསུམ་པོ་དངོས་དང་དེ་དག་གི་རྟེན་ལ་དད་པས་མཆོད་པའི་ཕན་ཡོན་ཚད་མེད་དེ། སའི་སྙིང་པོ་འཁོར་ལོ་བཅུ་པའི་མདོ་ལས། ཁམས་གསུམ་དག་ན་བདེ་ཞིང་སྐྱིད་པ། །ཐམས་ཅད་དཀོན་ཅོག་མཆོད་ལས་བྱུང་བ། །དེས་ན་བདེ་ཞིང་སྐྱིད་པ་འདོད་པས། །དཀོན་ཅོག་གསུམ་པོ་མཆོད་ལ་བརྩོན་བྱ། །ཞེས་གསུངས་ཤིང་དཀོན་མཆོག་གསུམ་པོའང་དགེ་འདུན་ལ་བསྙེན་བཀུར་ཚད་མེད་པ་བྱས་པ་ལས་སངས་རྒྱས་ལ་དམིགས་ཏེ་མེ་ཏོག་གཅིག་ནམ་མཁར་དོར་བ་ཕན་ཡོན་ཆེ་སྟེ། མདོ་ལས། ཉན་ཐོས་དང་རང་རྒྱལ་དགྲ་བཅོམ་པ་བྱེ་བ་ཕྲག་བརྒྱ་ལ་ལོ་མང་དུ་བསྙེན་བཀུར་བྱས་པ་བས། དེ་བཞིན་གཤེགས་པའི་སྐུ་གཟུགས་ལ་དང་བའི་སེམས་ཀྱིས་ཡུད་ཙམ་ཞིག་མིག་གིས་བལྟས་པ་བསོད་ནམས་ཆེ་བར་གསུངས་ཤིང་། བྲམ་ཟེ་ཞིག་གིས་ལམ་ཁར་དེ་བཞིན་གཤེགས་པ་ལ་ཚིགས་བཅད་གཅིག་གིས་བསྟོད་པས་བསྐལ་པ་ཆེན་པོ་ཉི་ཤུའི་བར་དུ་ངན་སོང་གི་སྒོ་ཁེགས་པར་གསུངས། སངས་

― LT39_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ལ་བསྐལ་པ་དཔག་ཏུ་མེད་པར་མཆོད་པ་རྒྱ་ཆེན་པོས་མཆོད་པ་ལས་ཀྱང་ཐེག་པ་ཆེན་པོའི་དམ་པའི་ཆོས་ལ་ཡུད་ཙམ་ཞིག་ཐོས་བསམ་སྒོམ་གསུམ་བྱེད་པའམ། གླེགས་བམ་འབྲི་བ་ཙམ་ཡང་བསོད་ནམས་ཆེ་བར་གསུངས་པ་དང་། སངས་རྒྱས་མངོན་སུམ་དུ་བཞུགས་པ་ལ་མཆོད་པ་དང་མྱ་ངན་ལས་འདས་པའམ་ཞིང་ཁམས་གཞན་ཏུ་བཞུགས་པ་ལ་མཆོད་པ་ལ་ཕན་ཡོན་ཆེ་ཆུང་ཁྱད་པར་ཅུང་ཟད་ཀྱང་མེད་པ་མ་ཟད། བསྟན་པ་འཇིག་ལ་ཉེ་བའི་དུས་ངན་འདི་ལྟ་བུའི་སྐབས་སྦྱིན་དང་ཚུལ་ཁྲིམས་སོགས་རྒྱལ་བས་བསྔགས་པའི་བསླབ་པ་སྣ་གཅིག་ལ་ཉིན་ཞག་གཅིག་བསླབ་ན་ཕན་ཡོན་སྔ་མ་ལས་ཀྱང་ཆེ་སྟེ། འཕགས་པ་སངས་རྒྱས་ཀྱི་སྟོབས་བསྐྱེད་པ་ཆོ་འཕྲུལ་རྣམ་པར་འཕྲུལ་པ་བསྟན་པ་ལས། གང་དག་དེ་བཞིན་གཤེགས་པ་ལ་མངོན་སུམ་དུ་མེ་ཏོག་དང་སྤོས་དང་དྲི་དང་ཕྲེང་བ་དང་བྱུག་པ་དང་ན་བཟའ་དང་རྒྱན་རྣམས་ཀྱིས་མཆོད་པས་མཆོད་པ་ལྟ་སྨོས་ཀྱང་ཅི་དགོས། ལྷའི་བུ་དག །གང་སེམས་ཅན་ལ་ལས་སངས་རྒྱས་བཅོམ་ལྡན་འདས་མྱ་ངན་ལས་འདས་ནས་ལོ་བརྒྱ་སྟོང་ངམ་བསྐལ་པ་བྱེ་བ་ལོན་ཀྱང་སངས་རྒྱས་ལ་ཕྱག་འཚལ་ལོ་ཞེས་མཚན་ནས་ལན་གསུམ་བརྗོད་ནས་ནམ་མཁའ་ལ་མེ་ཏོག་གཏོར་ན་

― LT39_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་ཐམས་ཅད་སྡུག་བསྔལ་གྱི་མཐར་བྱེད་པར་འགྱུར་རོ། །མེ་ཏོག་ནམ་མཁའ་ལ་གཏོར་བ་ལྟ་ཞོག་གི། གང་དག་དད་པས་དེ་བཞིན་གཤེགས་པའི་རྗེས་སུ་སློབ་པ་ལ་ལ་ཞིག་གིས་དེ་བཞིན་གཤེགས་པ་ལ་མཆོད་པའི་ཕྱིར་དེ་བཞིན་གཤེགས་པའི་ཆོ་འཕྲུལ་བསླབ་པ་གཅིག་ཙམ་འཛིན་ནམ། ཉིན་གཅིག་གམ་མཚན་གཅིག་གམ། ཡུད་ཙམ་ཞིག་དེ་བཞིན་གཤེགས་པ་ལ་མཆོད་པ་ཡིད་ལ་བྱེད་པར་བརྩོན་ན་དེ་སྡུག་བསྔལ་མཐར་བྱས་ནས་རིམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །ཞེས་དང་། ཏིང་འཛིན་རྒྱལ་པོ་ལས། གང་གིས་དམ་ཆོས་རབ་ཏུ་འཇིག་པ་དང་། །བདེ་གཤེགས་བསྟན་པ་འགགས་པར་འགྱུར་བའི་ཚེ། །ཉིན་མཚན་དུ་ནི་བསླབ་པ་གཅིག་སྤྱོད་པ། །བསོད་ནམས་དེ་ནི་དེ་བས་ཁྱད་པར་འཕགས། །ཞེས་གསུངས་སོ། །མཆོད་ཆོག་གི་གཙོ་བོ་ཡན་ལག་བདུན་པ་ཡིན་ཅིང་། དེ་ལས་ཕྱག་འཚལ་བ་ཁོ་ན་ལའང་ཕན་ཡོན་མཐའ་ཡས་པ་ཡོད་པ་དང་། དེ་ལས་དངོས་འབྱོར་ཡིད་སྤྲུལ་གྱི་མཆོད་པ་འབུལ་བ་ཚོགས་ཆེ། དེ་ལས་སྡིག་པ་བཤགས་པ་བསོད་ནམས་ཀྱི་སྟོབས་ཆེ་བ་སོགས་ཕྱི་མ་རྣམས་རིམ་བཞིན་ཕན་ཡོན་ཆེ་བར་གསུངས་པས་བསམ་པ་རྣམ་

― LT39_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དག་པས་སྨན་ཆོག་ཚད་ལྡན་ཚར་གཅིག་བྱས་ན་བསྐལ་པ་གྲངས་མེད་པའི་ལས་ཀྱི་སྒྲིབ་པ་བྱང་། བསྐལ་པ་ཆེན་པོ་འདི་ཆགས་ནས་མ་ཞིག་གི་བར་དུ་དགེ་བའི་རྩ་བ་བསགས་པ་དང་། བསོད་ནམས་མཉམ་མོ། །བྱེ་བྲག་ཏུ་དེ་བཞིན་གཤེགས་པ་མཚན་ལེགས་ཡངས་བསྒྲགས་ཀྱི་མཚན་བཟུང་ཞིང་ཕྱག་བྱས་པས། ནད་གདོན་བྱད་ཁ་ཐམས་ཅད་ལས་གྲོལ། འོན་ལོང་སྨྱོ་བ་སོགས་ལས་ཐར། དམ་པའི་ཆོས་སྤོང་ཞིང་མཚམས་མེད་སོགས་སྡིག་པ་ཚབ་ཆེན་པོས་དམྱལ་བར་སོང་ནའང་མཚན་ཡིད་ལ་དྲན་པས་ཐར་ཞིང་ཕྱིན་ཆད་དེར་མི་སྐྱེ། དབུལ་པོ་ཕྱུག་པོར་འགྱུར། བཙོན་ར་རྡེག་རྡུང་གཅན་གཟན་འཐབ་རྩོད་ཆུ་བོའི་འཇིགས་པ་སོགས་ལས་སྐྱོབ་པར་འགྱུར་རོ། །བདེ་གཤེགས་རིན་ཆེན་ཟླ་བ་ལ་ཕྱག་བྱས་པས། བྱང་ཆུབ་ཀྱི་སེམས་དང་དགེ་བའི་ཆོས་འཕེལ་ཞིང་ལེགས་པའི་བསམ་དོན་ཐམས་ཅད་འགྲུབ། སྐྱེ་བའི་སྡུག་བསྔལ་ལས་ཐར། བུད་མེད་ཀྱི་སྐྱེ་སྒོ་ཆོད། འཆི་བྱེད་ཀྱི་གནོད་པ་དང་མྱ་ངན་སྡུག་བསྔལ་མཚན་མོའི་གདོན་ལ་སོགས་པ་ཞི། དྲན་པ་ཏིང་འཛིན་གཟུངས་ཀྱི་སྒོ་སོགས་མངོན་དུ་འགྱུར། ཉན་རང་གི་ལམ་དུ་མི་གོལ་ཞིང་བྱང་ཆུབ་ལས་ཕྱིར་མི་ལྡོག་བསྐལ་

― LT39_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མེས་འཇིགས་པའི་ཚེ་སྡུག་བསྔལ་མི་མྱོང་བར་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །གསེར་བཟང་དྲི་མེད་ལ་ཕྱག་བྱས་པས། ཚེ་ཐུང་བའི་སྒྲིབ་པ་བྱང་ནས་ཚེ་རིང་ཞིང་ནད་དང་དུས་མ་ཡིན་པའི་འཆི་བས་མི་ཚུགས། དབུལ་པོར་སྐྱེ་བའི་ལས་སྒྲིབ་བྱང་ནས་དཔལ་འབྱོར་ཕུན་སུམ་ཚོགས། འཐབ་རྩོད་བྱེད་པ་རྣམས་ཀྱི་གནོད་སེམས་ཞི་ནས་བྱམས་པ་ལ་གནས། ཚུལ་ཁྲིམས་འཆལ་པས་ངན་འགྲོར་སྐྱེ་བའི་ལས་སྒྲིབ་བྱང་ནས་ཚུལ་ཁྲིམས་རྣམ་པར་དག་ཅིང་བྱང་ཆུབ་ཀྱི་སེམས་སྐྱེ། འདིའི་གཟུངས་སྔགས་ལའང་ཕན་ཡོན་མཐའ་ཡས་པ་གསུངས་སོ། །མྱ་ངན་མེད་དཔལ་ལ་ཕྱག་བྱས་པས། མྱ་ངན་སྡུག་བསྔལ་ཐམས་ཅད་ཞི་ཞིང་ཚེ་རིང་། དམྱལ་བ་མུན་ནག་ལས་ཐར། དབུལ་ཕོངས་ཞི་ནས་འབྱོར་པ་ཆེན་པོ་ཐོབ། གནོད་སྦྱིན་སྲིན་པོ་སོགས་གདོན་གྱིས་མི་ཚུགས་ནད་ཐམས་ཅད་ལས་ཐར་བར་འགྱུར་རོ། །ཆོས་བསྒྲག་རྒྱ་མཚོ་ལ་ཕྱག་བྱས་པས། ལོག་ལྟའི་སྒྲིབ་པ་དག་ནས་ཡང་དག་པའི་ལྟ་བ་དང་ལྡན། དཀོན་མཆོག་གསུམ་གྱི་སྒྲ་མི་གྲགས་པའི་མཐའ་འཁོབ་ཀྱི་སེམས་ཅན་ངན་སོང་དུ་འགྲོ་བ་ལས་ཐར། ལོངས་སྤྱོད་གསོས་སྨན་སོགས་བསམ་པ་ཙམ་གྱིས་འབྱོར། འཐབ་རྩོད་བྱེད་པ་ལ་བྱམས་

― LT39_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སེམས་སྐྱེས་ནས་རང་གི་འབྱོར་པས་ཆོག་ཤེས་པར་འགྱུར་རོ། །མངོན་མཁྱེན་རྒྱལ་པོ་ལ་ཕྱག་བྱས་པས། ཚོང་དང་ཞིང་ལས་སྡིག་པའི་ལས་བྱེད་པ་རྣམས་ཀྱི་སྡིག་པའི་སེམས་ཞི་ནས་མཁོ་དགུས་འབྱོར། མི་དགེ་བཅུ་བྱེད་པ་ལས་ལྡོག་ནས་དགེ་བཅུ་དང་ལྡན། རྒྱལ་པོའི་ཆད་པ་སྣ་ཚོགས་ལས་ཐར། སྡིག་པའི་འབྲས་བུས་འཆི་བ་རྣམས་མཚན་ཐོས་ནས་བདེ་འགྲོ་མཐོ་རིས་སུ་སྐྱེས་ཏེ་སྡིག་པའི་རྣམ་སྨིན་བྱང་བར་འགྱུར་རོ། །སངས་རྒྱས་སྨན་གྱི་བླ་མ་ལ་ཕྱག་བྱས་པས། ཚུལ་ཁྲིམས་ཉམས་པར་མི་འགྱུར། དབང་པོ་ཡན་ལག་ལ་སྐྱོན་མེད་ཅིང་ནད་དང་གནོད་པ་ཐམས་ཅད་ལས་གྲོལ། བུད་མེད་ཀྱི་སྐྱེ་གནས་ལས་ཐར། བཙོན་བཅིང་རྡེག་གསོད་སོགས་རྒྱལ་པོའི་ཆད་པ་ལས་སྲོབ། སེར་སྣས་ཡི་དྭགས་སུ་སྐྱེས་པ་དང་། ཚུལ་ཁྲིམས་མཆོག་འཛིན་དང་མང་དུ་ཐོས་པའི་ང་རྒྱལ་གྱིས་དམྱལ་བར་སྐྱེ་བ་དང་། ཕྲག་དོག་གིས་བདག་བསྟོད་གཞན་ལ་སྨོད་པས་ངན་སོང་གསུམ་དུ་སྐྱེས་པ་རྣམས་ཀྱང་སྔོན་མིར་སྐྱེས་པའི་སྐབས་སྨན་བླའི་མཚན་ཐོས་པའི་དགེ་རྩ་སད་ནས་མྱུར་དུ་དེ་ལས་ཐར་ཞིང་བྱང་ཆུབ་སེམས་དཔའི་སྤྱོད་པ་ཅན་དུ་འགྱུར། བྱད་ཀ་རྦོད་གཏོང་གང་གིས་ཀྱང་མི་ཚུགས། འཆི་བའི་ཚེ་བྱང་

― LT39_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་དཔའ་བརྒྱད་བྱིན་ནས་བདེ་བ་ཅན་དུ་ལམ་སྣ་འདྲེན། ཡང་ན་ལྷ་དང་མིའི་དབང་ཕྱུག་ཁྱད་པར་ཅན་ཏུ་སྐྱེ་བར་འགྱུར་རོ། །ཉིན་ཞག་བདུན་ཏུ་བསྙེན་གནས་སྲུང་སྟེ་ཆོ་ག་འདོན་ཅིང་སྐུ་གཟུགས་ལ་མཆོད་པ་དང་བསྐོར་བ་བྱས་ན། ཚེ་རིང་བ་དང་། ལོངས་སྤྱོད་དཔལ་འབྱོར་རིགས་བརྒྱུད་འཕེལ་བ་དང་། ལྟས་དང་རྨི་ལམ་ངན་པ་མེ་ཆུ་དུག་མཚོན་དམག་དང་དགྲ་རྐུན་གཅན་གཟན་སོགས་འཇིགས་པ་ཐམས་ཅད་ཞི། དུས་མ་ཡིན་པའི་འཆི་བ་མི་འབྱུང་། ཚུལ་ཁྲིམས་ཉམས་པ་རྣམས་ཀྱང་ངན་སོང་དུ་མི་འགྲོ། བུད་མེད་བཙའ་བའི་སྐབས་སུ་ནད་མི་འབྱུང་ཞིང་ཁྱེའུ་བདེ་བར་འཚོ་བ་དང་། ཁྱད་པར་སངས་རྒྱས་སྨན་གྱི་བླ་མའི་མཚན་རྣ་ལམ་དུ་ཐོས་པ་ཙམ་གྱིས་ངན་སོང་དུ་འགྲོ་མི་སྲིད་པར་གསུངས་སོ། །རྒྱལ་བ་ཤཱཀྱ་ཐུབ་པ་ལ་ཕྱག་བྱས་པས་བསྐལ་ཆེན་བརྒྱད་ཁྲིའི་སྡིག་པ་བྱང་ཞིང་སྙིང་རྗེ་ཆེན་པོའི་སེམས་འགྲུབ་པ་དང་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །སྤྱིར་དེ་བཞིན་གཤེགས་པ་དེ་རྣམས་ཀྱི་མཚན་བཟུང་བ་དང་མཆོད་ཅིང་ཕྱག་བྱས་པས། སྡིག་པ་དང་ལས་ཀྱི་སྒྲིབ་པ་ཐམས་ཅད་ཡོངས་སུ་ཟད་ཅིང་བྱ། ནད་དང་དུས་མ་ཡིན་པའི་འཆི་བ་ཐམས་ཅད་ཞི་ཞིང་ཚེ་རིང་པོར་

― LT39_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར། འདོད་ཆགས་ལ་སོགས་པའི་ཉོན་མོངས་པ་རིམ་གྱིས་སྲབ། བདུད་སྡིག་ཅན་གྱིས་གནོད་མི་ནུས་ཤིང་འཐབ་རྩོད་འཁྲུགས་པ་ཞི། བསམ་པ་ཐམས་ཅད་ཡིད་བཞིན་ཏུ་འགྲུབ། སངས་རྒྱས་ཐམས་ཅད་ཀྱིས་བྱིན་གྱིས་བརླབ། འཆི་བའི་ཚེ་ནའང་དེ་བཞིན་གཤེགས་པས་དགོངས་ཤིང་སོ་སོའི་སངས་རྒྱས་ཀྱི་ཞིང་ཁམས་སུ་པདྨ་ལ་བརྫུས་ཏེ་སྐྱིས་ནས་དེ་མ་ཐག་ཏུ་ཏིང་ངེ་འཛིན་དང་གཟུངས་ཀྱི་སྒོ་རྣམས་མངོན་དུ་འགྱུར། བྱང་ཆུབ་མ་ཐོབ་ཀྱི་བར་དུ་ནམ་ཡང་ངན་འགྲོ་ལོག་པར་ལྟུང་བར་མི་འགྲོ་ཞིང་སྐྱེ་བ་དྲན་པ་དང་བྱང་ཆུབ་ཀྱི་སེམས་མི་བརྗེད་པ་དང་སངས་རྒྱས་འབྱུང་བ་དང་འཕྲད་པར་འགྱུར་བ་དང་། དེར་མ་ཟད་སངས་རྒྱས་འདི་རྣམས་ཀྱི་མཚན་ཐོས་པ་ཙམ་གྱིས་ཀྱང་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་པ་འགྱུར་བར་གསུངས་སོ། །བཻ་ཌཱུརྻ་འོད་ཀྱི་གཟུངས་བཀླགས་པས་མཚམས་མེད་པ་ལ་སོགས་པའི་ལས་ཀྱི་སྒྲིབ་པ་བྱང་ཞིང་ནད་གདོན་གནོད་པ་ཐམས་ཅད་ཞི་བ་དང་། རང་དབང་ཐོབ་ཅིང་བསམ་པ་འགྲུབ་པ་དང་། རྒྱལ་བ་སྲས་དང་བཅས་པས་དགོངས་ཤིང་རྡོ་རྗེ་འཛིན་པ་ལྷ་དང་བཅས་པས་སྲུང་ཞིང་སྐྱོབ་པ་དང་། གཟུངས་སྔགས་གཞན་རྣམས་ལའང་ཕན་ཡོན་དཔག་ཏུ་མེད་པ་འཐོབ་

― LT39_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཤད་དོ། །མདོ་འདི་འཛིན་པ་ལ་ཕྱག་ན་རྡོ་རྗེ་དང་། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས་གཡོག་བདུན་འབུམ་དང་བཅས་པ་རྣམས་ཀྱིས་སྲུང་ཞིང་བསྐྱང་བ་དང་གནོད་པ་ལས་ཐར་ཞིང་བསམ་པ་ཡོངས་སུ་རྫོགས་པར་བྱེད་པ་སངས་རྒྱས་ཀྱི་སྤྱན་སྔར་དམ་བཅས་པ་ཡིན་ལ། རྒྱལ་ཁམས་སུ་ནད་ཡམས་དང་། ཕ་རོལ་གྱི་དམག་དང་། གཟའ་དང་། རྒྱུ་སྐར་འབྱུང་པོ་ལ་སོགས་པའི་གནོད་པ་དང་། ཐན་པ་རླུང་དམར་ཆར་ཆེས་པ་ལ་སོགས་པའི་གནོད་པ་བྱུང་བའི་ཚེ་རྒྱལ་པོ་དེས་སེམས་ཅན་ཐམས་ཅད་ལ་ཕན་པའི་སེམས་ཀྱིས་འདིའི་ཆོག་བྱེད་ཅིང་བཙོན་ཏུ་བཟུང་བ་བཏང་ན་གནོད་པ་ཞི་ཞིང་ཡུལ་ཁམས་བདེ་ཞིང་བཀྲ་ཤིས་ལ་རྒྱལ་སྲིད་དཔལ་འབྱོར་འཕེལ་བར་གསུངས་ཏེ། དེའང་བཤད་པ་ཙམ་མ་ཡིན་པ་མངོན་སུམ་དུ་གྱུར་པ་ནི་གོང་སྨོས་ལོ་རྒྱུས་ཀྱིས་ཤེས་སོ། །གཟུངས་ཁྲུས། བྱང་ཆོག །འཆི་བསླུ་རྣམས་ལའང་བྱིན་རླབས་དང་ཡོན་ཏན་ཁྱད་པར་ཅན་དུ་འབྱུང་བ་ནི་རྫོགས་པའི་སངས་རྒྱས་ཀྱི་གསུང་ནམ་ཡང་མི་བསླུ་བས་གོང་སྨོས་རྣམས་ཀྱི་དངོས་དང་ཤུགས་ལས་རྟོགས་སོ། །སངས་རྒྱས་ཡོན་ཏན་ནམ་མཁའི་མཐའ་འདྲ་སྟེ། །དེ་བརྙེས་བྱས་པའི་བསོད་ནམས་དེ་བས་ལྷག །དེ་ལ་ནམ་ཡང་ཚད་

― LT39_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་ནུས་མིན་ཀྱང་། །ཅུང་ཟད་བརྗོད་འདིས་ཕྱོགས་ཙམ་མཚོན་པར་བྱེད། །འདིས་ཀྱང་མཆོག་དམན་བར་མའི་འགྲོ། །དད་པའི་པདྨོ་རབ་བཞད་དེ། །རྒྱལ་བའི་ཐུགས་རྗེའི་སྣང་ཆེན་པོ། །འཇུག་པའི་སྐལ་པ་བཟང་ལྡན་ཤོག །ཅེས་པ་འདི་ནི། མཁྱེན་དཔྱོད་དགེ་བའི་དཔལ་གྱིས་འབྱོར་པ་འཚོ་མཛད་བཀྲ་ཤིས་བཟང་པོའི་ཐུགས་བཞེད་ལྟར་བློ་གྲོས་མཐའ་ཡས་པའི་སྡེས་ཙཱ་འདྲ་རིན་ཆེན་བྲག་གི་དབེན་ཁྲོད་དུ་བགྱིས་པ་དགེ་ལེགས་འཕེལ།། །།

སྨན་ཆོག་གཞན་ཕན་བདེ་འཇུག་དང་འབྲེལ་བར་སྟོང་མཆོད་བྱ་ཚུལ།

― LT39_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་ཆོག་གཞན་ཕན་བདེ་འཇུག་དང་འབྲེལ་བར་སྟོང་མཆོད་བྱ་ཚུལ་བཞུགས་སོ། །

― LT39_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། སྨན་བླ་སྟོང་མཆོད་དང་ཁྲི་མཆོད་སོགས་ཀྱི་ཕྱག་བཞེས་སྔོན་གྱི་དུས་སུ་དཔལ་སྣར་ཐང་པ་སོགས་ལ་ཤིན་ཏུ་དར་ཞིང་། དེང་སྐབས་དགེ་ཕྱོགས་སོགས་ནས་ཕྱག་བཞེས་མཛད་པོ་ཅི་རིགས་མཆིས་པ་དོན་ཏུ་ཚོགས་བསགས་པའི་ཕྱིར་དུ་མཆོད་པ་དང་ཆོ་ག་འགྲོ་གང་ཆེ་མཛད་པ་ཙམ་ལས། རྣམ་རྒྱལ་སྟོང་མཆོད་བཞིན་ཏུ་རྒྱ་གཞུང་གིས་ཟིན་པའི་ཕྱག་ལེན་སྤར་བཀབ་ཅན་མ་ཡིན་པས་སོ་སོའི་འབྱོར་པ་དང་བརྩོན་འགྲུས་ལ་དཔག་པའི་གང་ལྕོགས་བྱ་ཆོག་ཅིང་། དེའང་བརྩོན་འགྲུས་དང་འབྱོར་བ་རབ་རྣམས་ཀྱིས། སྨན་བླ་མཆེད་བདུན་གྱི་སྐུ་གཟུགས་དང་བཅས་པའི་ཕོ་བྲང་བཞེངས། སྐུ་གཟུགས་རེ་རེ་ལ་ཚོན་སྣ་ལྔ་པའི་བ་དན་བདུན་རེ། མར་མེ་བདུན་རེ། མེ་ཏོག་སྤོས་སོགས་མཆོད་པ་རྒྱས་པ་བཤམས་ཤིང་ཆོ་ག་སྔོན་དངོས་རྗེས་གསུམ་ཚང་བར་བཏང་བ་ལ་གཅིག་ཏུ་བརྩིས་པ་བརྒྱ་ནས་སྟོང་ཕྲག་ལ་སོགས་པའི་བར་དུ་འགྲོ་བར་བྱ་བ་ནི་ཆེས་མཆོག་ཏུ་གྱུར་བ་ཡིན་མོད་ཀྱང་། སྟོང་མཆོད་འདོད་ལ་འབྱོར་བརྩོན་དམན་པ་དག་གིས་བཤམ་བཀོད་སྤྱིར་གཞུང་ལྟར་ལ། བྱེ་བྲག་མར་མེ་གཙོ་བོར་གྱུར་པའི་མཆོད་པ་རྣམས་རེ་རེ་ཞིང་སྟོང་ཕྲག་རེ་བཤམ། གོ་ཡུལ་དང་སྣོད་སོགས་མ་འགྲིགས་ན་ཚར་རེ་བཞིན་བརྗེ་བའམ། བཅུ་རེའི་བརྒྱ་

― LT39_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་རེ་བཤམས་ནས་ཆོ་ག་དེའི་གྲངས་མཉམ་སོང་བའི་མཚམས་སུ་ལན་རེ་བརྗེ། དེ་བཞིན་གཤེགས་པ་བདུན་ལ་འཛོམ་ན་མར་མེ་བདུན་བདུན་བཞི་བཅུ་ཞེ་དགུ། མ་འཛོམ་ནའང་བདུན་ནི་སྟོང་མཆོད་ལ་མི་བརྩི་བ་ཟུར་དུ་རྒྱུན་འབར་བྱ་དགོས་སོ། །ཆོ་ག་ཐོག་མར་རྒྱས་པ་ཚར་གཅིག་གི་གཟུངས་སྔགས་བཟླ་བ་ཡན་གྲུབ་ནས། ཚར་རྗེས་མ་རྣམས་ལ་མཆོད་པའི་སྤྲིན་གྱི་གཟུངས་སྔགས་ལན་གསུམ་བརྗོད་པས་བྱིན་བརླབ། ཇི་སྙེད་སུ་དག་སོགས་ཚང་བར་བརྗོད་པས་སྤྱིར་བསགས་སྦྱང་བྱ། བྱེ་བྲག་ཏུ། ཐུགས་དམ་བསྐུལ་ཞིང་མཚན་གྱི་ཕྱག་མཆོད། བཅོམ་ལྡན་འདས་གདན་འཛོམ་པ་ཆེན་པོ་དགོངས་སུ་གསོལ། ནས། འཕྲལ་དུ་ཐོབ་པར་བྱིན་གྱིས་བརླབ་ཏུ་གསོལ། །ཅེས་དང་། མཚན་ལེགས་ཀྱི་ཕྱག་མཆོད་ཚིག་ལྷུག་དེ་བརྗོད། མཆོད་པ་ཀུན་འབུལ་སོགས་ཤློ་ཀ་གཅིག །བཅོམ་ལྡན་མཚན་ལེགས་ཡོངས་བསྒྲགས་རྒྱལ་པོ་ཡིས། །སྔོན་ཚེ་སྨོན་ལམ་རྣམ་བརྒྱད་སོགས་ཤློ་ཀ་གཉིས་བརྗོད། དེས་སྨན་བླའི་བར་དུ་འགྲེ། ཤཱཀ་ཐུབ་ལ་ཚིག་ལྷུག་ཕྱག་མཆོད། མཆོད་པ་ཀུན་འབུལ་སོགས། བཅོམ་ལྡན་མཉམ་མེད་སོགས་ཤློ་ཀ་གཉིས། ཆོས་ལ། མ་རིག་མུན་སེལ་སོགས། མཆོད་པ་ཀུན་འབུལ་སོགས་

― LT39_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། དམ་པའི་ཆོས་ལ་སོགས་ཤློ་ཀ་རེ་རེ། འཇམ་དཔལ་ལ་ཕྱག་མཆོད་ཚིག་ལྷུག །མཆོད་པ་ཀུན་འབུལ་སོགས་དང་། འཇམ་པའི་དབྱངས་ལ་སོགས་ཤློ་ཀ་རེ་རེ། སྐྱབས་གྲོལ་ལ་དེ་དང་མཚུངས། ཕྱག་རྡོར་དང་ཚངས་སོགས་ཕྱག་མཆོད་ཚིག་ལྷུག །མཆོད་པ་ཀུན་འབུལ་མན་ཆད་གཞུང་ལྟར། གནོད་སྦྱིན་སྡེ་དཔོན་ཕྱག་མཆོད་ཚིག་ལྷུག །མཆོད་པ་ཀུན་འབུལ་མན་ཆད་གཞུང་བཞིན་བརྗོད་ལ་གཟུངས་སྔགས་ཆེ་ཆུང་རྣམས་གང་འགྲུབ་རེ་བཟླས་པས་ཚར་གཅིག་གྲུབ། སླར་མཆོད་སྤྲིན་གཟུངས་བརྗོད་པ་ནས། གཟུངས་སྔགས་བཟླ་བ་ཡན་ཅི་འགྲུབ་བྱས་ལ་སྟོང་རྩ་ཚང་བའམ། ཉིན་གྲངས་མང་པོ་བྱེད་ན་དགོངས་མོ་བཞག་རན་པ་དང་ཁྲུས་གསོལ་ནས་ཤིས་བརྗོད་བར་རྗེས་ཆོག་ཚར་གཅིག་གིས་འཐུས་སོ། །སྐབས་འདིར་ཕྱག་མཆོད་ཚིག་ལྷུག་རྣམས་མཁན་པོའི་གཞུང་དངོས་ཡིན་པས་དོ་གལ་ཤིན་ཏུ་ཆེ་ཞིང་། དེ་བཞིན་ཏུ་རྗེས་ཆོག་སྐབས་སུ་འབྱུང་བའི། འཕགས་པའི་ཚོགས་དེ་དག་ཐམས་ཅད་ལ་སོགས་མཆོད་པ་མན་གྱི་ཡན་ལག་ལྷག་མ་རྣམས་ཀྱང་མཁན་པོའི་གཞུང་ཡིན་པས་གྲུབ་མཐའ་གཞན་རྣམས་ཀྱིས་འདི་ཁོ་ན་གསུང་སྲོལ་ཡོད་ཀྱང་། སྐབས་འདིར་སྟག་ལོའི་གསུང་། མཆོད་པ་ཀུན་འབུལ་

― LT39_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཚིགས་བཅད་བཀོད་པར་མཛད་པ་འདིར་ཡང་ཤིན་ཏུ་བསྡུ་དགོས་པའི་སྐབས་སྟབས་བདེ་བ་ལ་བསམ་པ་ཡིན་པས། ཅུང་ཟད་སྤྲོ་ན་ཚིག་ལྷུག་ཉིད་སོ་སོར་སྦྱར་ན་ལེགས་སོ། །ཕྱག་མཆོད་གྲངས་ཀའང་གཞུང་ལྟར་འགྲུབ་དགོས་པ་ཡིན་ཀྱང་། སྟོང་མཆོད་འཕྲལ་གསོག་དགོས་པ་ལྟ་བུས་མི་འགྲུབ་ན། སངས་རྒྱས་དྲུག་དང་ཤཱཀ་ཐུབ་བཅས་ལ་གསུམ་རེ། སྨན་བླ་ལ་བདུན། འཇམ་དཔལ་མན་ཆད་རེ་རེ་བྱ། དེ་བཞིན་ཏུ་གཟུངས་ཆེན་ཚར་གཅིག །གཟུངས་ཐུང་བདུན་ཡན་གང་འགྲུབ་རེ་བྱའོ། །ཞེས་པ་འདིའང་དྲུང་འཚོ་བ་མངྒ་ལ་བྷ་དྲའི་ཐུགས་བཞེད་ངོར་བློ་གྲོས་མཐའ་ཡས་ཀྱིས་སྤེལ་བ་དགེ་ལེགས་འཕེལ།། །།

― LT39_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

སྨན་བླའི་སྒོམ་བཟླས།

― LT39_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་བཅོམ་ལྡན་འདས་སྨན་གྱི་བླ་མའི་སྒོམ་བཟླས་སྤྲོ་ན། སྐྱབས་སེམས་བྱ། སྙིང་གར་ཨ་ལས་ཟླ་བའི་སྟེང་། །ཨོཾ་ཡིག་སྔོན་པོའི་འོད་ཟེར་གྱིས། །འཕྲོ་འདུས་རང་ཉིད་སྨན་གྱི་བླ། །བཻ་ཌཱུརྻ་འོད་ནམ་མཁའི་མདོག །ཕྱག་གཡས་མཆོག་སྦྱིན་ཨ་རུ་ར། །གཡོན་པས་མཉམ་བཞག་བཻ་ཌཱུརྻའི། །ལྷུང་བཟེད་བདུད་རྩིས་གང་བ་བསྣམས། །མཚན་དཔེ་ཡོངས་རྫོགས་སྤྲུལ་སྐུའི་ཆས། །སྐྱིལ་ཀྲུང་པད་ཟླའི་གདན་ལ་བཞུགས། །ཐུགས་ཀར་ཟླ་སྟེང་ཨོཾ་སྔོན་པོའི། །འོད་ཀྱིས་ཡེ་ཤེས་སྤྱན་དྲངས་ཐིམ། །བཛྲ་ས་མཱ་ཛཿ ཛཿཧཱུྃ་བྃ་ཧོཿ གཡས་སུ་ཟླ་ལྟར་སྣང་བྱེད་དཀར། །གཡོན་ཏུ་ཉི་ལྟར་སྣང་བྱེད་དམར། །ལོངས་སྤྱོད་རྒྱན་རྫོགས་ཐལ་སྦྱར་མཛད། །པད་ཟླར་བཞེངས་པའི་སྟབས་ཀྱིས་བཞུགས། །རང་གི་གནས་གསུམ་འབྲུ་གསུམ་མཚན། །ཐུགས་ཀར་ཟླ་སྟེང་ཨོཾ་ཡིག་མཐར། །སྔགས་ཕྲེང་གཡས་བསྐོར་འོད་ཟེར་གྱིས། །སྡིག་སྒྲིབ་ནད་གདོན་ཀུན་སྦྱངས་གྱུར། །ཨོཾ་ན་མོ་བྷ་ག་ཝ་ཏེ་བྷཻ་ཥ་ཛྱེ་གུ་རུ་བཻ་ཌཱུརྻ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏཏྱ་ཐཱ། ཨོཾ་བྷཻ་ཥ་ཛྱེ་བྷཻཥ་ཛྱེ་མ་ཧཱ་བྷཻ་ཥ་ཛྱེ་རཱ་ཛ་ས་མུངྒ་ཏེ་སྭཱ་ཧཱ། །ཞེས་གཟུངས་རིང་ཚར་གཅིག་གིས་མགོ་དྲངས། ཨོཾ་བྷཻ་ཥ་ཛྱེ་མན་ཆད་གཟུངས་

― LT39_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུང་ཅི་འགྲུབ་བཟླས་ལ་མཐར། །རང་གི་ལུས་ལས་ཡེ་ཤེས་པས། །ཕྱུངས་ཏེ་ནམ་མཁར་བཞུགས་པར་གྱུར། །ཡན་ལག་བདུན་པ་རྒྱས་པ་བཟང་སྤྱོད་ལྟར་རམ། ཕྱག་འཚལ་བ་དང་སོགས་བརྗོད། བཅོམ་ལྡན་འདས་སྨན་གྱི་བླ་བཻ་ཌཱུརྻ་འོད་ཀྱི་རྒྱལ་པོས་བདག་གཞན་སེམས་ཅན་ཐམས་ཅད་ཀྱི་ནད་གདོན་སྡིག་སྒྲིབ་བག་ཆགས་དང་བཅས་པ་ད་ལྟ་ཉིད་དུ་བྱང་ཞིང་དག་པར་མཛད་དུ་གསོལ། །ཅེས་གསོལ་བ་གདབ། ཡིག་བརྒྱ་བརྗོད། བཛྲ་མུཿས་ཡེ་ཤེས་པ་གཤེགས། ལས་སྒྲིབ་རྣམ་པར་སྦྱོང་བ་ལ་ཤིན་ཏུ་ཟབ་ཅིང་མཚན་ཙམ་བཟུང་བས་ཀྱང་ངན་སོང་གི་སྐྱེ་སྒོ་གཅོད་པ་སོགས་ཕན་ཡོན་མཐའ་ཡས་སོ།། །།

བསླབ་པ་ཡོངས་སུ་སྦྱོང་བའི་གཞི་གསུམ་ལས་དབྱར་གནས་དང་དགག་དབྱེའི་ལས་ཀྱི་ཆོ་ག་ཞིབ་མོ་རྣམ་པར་གསལ་བའི་སྒྲོན་མེ།

― LT39_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

བསླབ་པ་ཡོངས་སུ་སྦྱོང་བའི་གཞི་གསུམ་ལས་དབྱར་གནས་དང་དགག་དབྱེའི་ལས་ཀྱི་ཆོ་ག་ཞིབ་མོ་རྣམ་པར་གསལ་བའི་སྒྲོན་མེ་ཞེས་བྱ་བ་བཞུགས་སོ། །

― LT39_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་ཡེ་ཤེས་གཟིགས་པ་ཉག་གཅིག་གིས། །དགག་སྒྲུབ་བསླབ་བྱ་ཕྲ་བའི་གནད་འདོམས་ཏེ། །མངོན་མཐོ་ངེས་ལེགས་འགྲོ་ལ་མཚུངས་པར་སྦྱིན། །བླ་མ་ཤཱཀྱ་སེང་གེར་སྙིང་ནས་བཏུད། །བསླབ་པ་ཡོངས་སུ་སྦྱོང་བའི་གཞི། །དབྱར་དགག་ལག་ལེན་བལྟས་ཆོག་ནི། །མཁས་ལ་གྲགས་ཕྱིར་མི་དགོས་ཀྱང་། །རང་མཉམ་རྨོངས་པའི་དོན་དུ་བཀོད། །བདེ་ལེགས་ཐམས་ཅད་ཀྱི་རྩ་བ་སོ་ཐར་གྱི་ཚུལ་ཁྲིམས་རིན་པོ་ཆེའི་བསླབ་པ་ཡོངས་སུ་སྦྱོང་བར་བྱེད་པའི་གཞི་གསུམ་དུ་གསུངས་ཏེ། བསླབ་པ་ཡོངས་སུ་སྦྱོང་བར་བྱེད་པ་གསོ་སྦྱོང་། ཚུལ་ཁྲིམས་རྣམ་པར་དག་པ་དབྱར་གནས། ཆོས་རྣམ་པར་དག་པ་དགག་དབྱེའི་

― LT39_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིའོ། །དང་པོ་ལ་གསོ་སྦྱོང་གང་དུ་བྱ་བའི་གནས། གསོ་སྦྱོང་རང་གི་ངོ་བོ། གང་གིས་བྱེད་པའི་གང་ཟག །ནམ་གྱི་ཚེ་བྱེད་པའི་དུས། ཇི་ལྟར་བྱེད་པའི་ཆོ་ག་ལྔས་བསྡུས་ཏེ་དེའི་ལག་ལེན་གྱི་ཡིག་ཆ་རྡོ་རྗེ་འཆང་བསྟན་འཛིན་ཉིན་བྱེད་ཀྱི་གསུང་རབ་ལས་ད་ལྟ་ཕྱག་ལེན་དུ་མཛད་བཞིན་པ་ལྟར་རོ། །གཉིས་པ་ལ་གོ་ཡུལ་དང་ལག་ལེན་གཉིས། །དང་པོ་ལའང་དབྱར་ཁས་བླངས་བའི་ཕན་ཡོན་དང་། ཕན་ཡོན་དེ་དང་ལྡན་པའི་དབྱར་གྱི་གཞི་བཤད་པ་ལ་གཉིས། དང་པོ་ནི། ལུང་ལས། འཕྱ་དང་སྲོག་ཆགས་གནོད་སྤངས་དང་། །ལུས་སྲོག་གནོད་སྤང་རལ་གྲུམ་འཆོས། །དོན་བྱ་ཉུང་དང་ཐོས་སོགས་འཕེལ། །དགག་དབྱེ་སྲ་རྐྱང་

― LT39_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བའོ། །ཞེས་བཤད་པ་ལྟར་རོ། །གཉིས་པ་ཕན་ཡོན་དེ་ལྡན་གྱི་དབྱར་གནས་དངོས་ལ་ཡུན་ཇི་ཙམ་དུ་ཁས་ལེན་པ་དང་། དུས་ནམ་གྱི་ཚེ་ཁས་ལེན་པ། གནས་གང་དུ་ཁས་ལེན་པ། གང་ཟག་གང་གིས་ཁས་ལེན་པ། དབྱར་ཁས་ལེན་གྱི་མཐུན་རྐྱེན་བཤད་པ་དང་ལྔར་ཡོད། དང་པོ་ནི། དབྱར་སྔ་ཕྱི་གང་ཡིན་ཀྱང་ཟླ་གསུམ་དུ་ཁས་ལེན་དགོས་ཏེ། མདོ་རྩ་བ་ལས། དབྱར་གནས་པར་ཁས་བླངས་པར་བྱའོ། །ཟླ་བ་གསུམ་དུའོ། །ཞེས་པ་དང་། ལས་ཆོག་ལས། དབྱར་ཕྱི་མ་ཁས་བླངས་པ་ནི། དབྱར་ཕྱི་མ་ཟླ་བ་གསུམ་དུ་ཁས་བླང་བར་བྱའོ། །ཞེས་གསུངས་པའི་ཕྱིར། གཉིས་པ་དུས་ནི། དབྱར་སྔ་མ་ཡིན་ན་དབྱར་ཟླ་འབྲིང་པོའི་ཚེས་བཅུ་དྲུག་དང་། ཕྱི་མ་ཡིན་ན་དབྱར་ཟླ་ཐ་ཆུ་ང་གི་ཚེས་བཅུ་དྲུག་ལ་ཁས་ལེན་དགོས་ཏེ། ཇི་སྐད་དུ། ཚེས་བཅུ་དྲུག་ལའོ། །དབྱར་ཟླ་འབྲིང་པོའི་ཉའི་ཕྱི་དེའི་ཉིན་པར་གྱིའོ། །དབྱར་ཐ་ཆུང་ཉའི་འོ། །ཞེས་གསུངས་པའི་ཕྱིར་རོ། །འོ་ན་དབྱར་ཟླ་འབྲིང་པོ་དེ་གང་ལ་བྱ་ཞེ་ན། ལོ་མགོ་འཛིན་ཚུལ་ལ་དབྱུག་བས་ཉ་བའི་ཚེས་བཅུ་དྲུག་ནས་འཛིན་པ་དང་། སྨིན་དྲུག་གིས་ཉ་བའི་ཚེས་བཅུ་དྲུག་ནས་འཛིན་པའི་ལུགས་གཉིས་བྱུང་ཞིང་། མཚོ་སྣ་པ་ཕྱི་མ་ལྟར་བཞེད་ཅིང་དབྱར་འབྲིང་ཧོར་ཟླ་དྲུག་པ་ལ་མཛད་པ་འདུལ་བ་ཚིག་ལེ་དང་

― LT39_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན། ཀུན་མཁྱེན་བུ་སྟོན་ལུགས་སྔ་མ་ཞལ་གྱིས་བཞེས་ཤིང་དབྱར་འབྲིང་ཧོར་ཟླ་ལྔ་པ་ལ་མཛད་དེ་དེའི་བཅུ་དྲུག་ནས་དབྱར་ཁས་ལེན་བྱེད་པར་གསུངས་པ་ལྟར་ཐམས་ཅད་མཁྱེན་པ་བརྒྱད་པའང་དེའི་རྗེས་འབྲང་དུ་མཛད། སྨིན་གླིང་ལོ་ཆེན་དྷརྨ་ཤྲཱིས། དབྱར་སྔ་མ་ཡིན་ན་དབྱར་ཟླ་འབྲིང་པོ་ཆུ་སྟོད་ཀྱི་ཟླ་བ་རྫོགས་པ་ཧོར་ཟླ་དྲུག་པའི་ཉ་དང་། དེ་ཉིད་དུས་སྔར་བསྣུར་གྱི་དབང་དུ་བྱས་ན་སྣྲོན་ཟླ་རྫོགས་པ་སྟེ་ཧོར་ཟླ་ལྔ་པའི་ཉ་དང་། ཕྱི་མ་ཡིན་ན་དབྱར་ཟླ་ཐ་ཆུང་གྲོ་ཞུན་གྱི་ཟླ་བ་རྫོགས་པ་ཧོར་ཟླ་བདུན་པའི་ཉའི་ཉིན་པར་དབྱར་ཁས་བླངས་པར་བཤད་ཅིང་ད་ལྟ་ཕྱག་ལེན་ཕལ་ཆེར་ཆུ་སྟོད་ཀྱི་ཉ་ལ་བྱེད་པ་དང་། ཡུན་ཟླ་བ་གསུམ་ཡང་དབྱར་ངོ་གསུམ་ལ་བྱས་ནས་ཟླ་བ་ཕྱེད་གཉིས་ལས་མི་བཞུགས་ཀྱང་། དབྱར་སྔ་མར་ཞལ་གྱིས་བཞེས་ནས་ཟླ་བ་ཧྲིལ་པོ་གསུམ་བཞུགས་ན་སྟོན་པའི་བཅས་པ་དང་མཐུན་ལ་ཐོས་བསམ་འཕེལ་བ་སོགས་ཕན་ཡོན་ཤིན་ཏུ་ཆེའོ། །གསུམ་པ་གནས་གང་དུ་ཁས་ལེན་པ་ནི་རང་ཉིད་དབྱར་གང་དུ་འདུག་པའི་གནས། སྟེང་གཡོགས་དང་བཅས་པར་ཡུལ་དགེ་སློང་གཅིག་གི་མདུན་ཏུ་ཁས་ལེན་པ་ཡིན། གཙུག་ལག་ཁང་དུ་མར་ཁས་ལེན་པར་མི་བྱ་སྟེ། དོན་དང་བྱ་བ་ཉུང་བའི་དགོས་པ་མི་འགྲུབ་པའི་ཕྱིར། དབྱར་གནས་མི་འཆགས་པ་ནི་

― LT39_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན་ཏེ། ཇི་སྐད་དུ། གཅིག་ཏུ་རྐང་པ་ཡ་གཅིག་ལ། གཅིག་ཏུ་ཡ་གཅིག་ན་གཉིས་ཀར་གནས་པ་ཉིད་དོ། །ཞེས་གསུངས་པའི་ཕྱིར། དབྱར་གནས་པར་ཁས་མ་བླངས་ཀྱང་ཟླ་བ་གསུམ་གྱི་རིང་མཚམས་ནང་དེར་འདུག་པར་དམ་བཅས་ན་དབྱར་གནས་ཁས་བླངས་པའི་གོ་ཆོད་པ་ཡིན་ཏེ། ཇི་སྐད་དུ། གནས་པར་ཁས་བླངས་པས་གནས་མི་གཏོང་ན་གནས་པ་ཉིད་ཡིན་ནོ། །ཞེས་གསུངས་པའི་ཕྱིར། བཞི་པ་གང་ཟག་གང་གིས་ཁས་ལེན་པ་ནི། སྡོམ་པ་གསོ་རུང་ཡན་ཆད་དང་ལྡན་པའི་རབ་བྱུང་སྡེ་ལྔ་ཆར་གྱིས་ཁས་ལེན་པ་ཡིན་ཏེ། སྡེ་པ་ལྔ་ཆར་གྱིས་ཀྱང་ཁས་བླངས་པར་བྱ་བ་ཉིད་དོ། །ཞེས་གསུངས་པའི་ཕྱིར། འོན་ཀྱང་ཤེས་པ་རང་བཞིན་ཏུ་གནས་པ་དང་། ལུས་ཐ་མལ་པར་གནས་པ་དང་། གནས་ནས་མ་ཕྱུང་བ་ཞིག་ཀྱང་དགོས་སོ། །སྤྱིར་གཞི་གསུམ་ཀ་དགེ་སློང་ལྔར་མ་ལོངས་ན་བྱིན་གྱིས་བརླབས་པ་ལས་དངོས་མི་ཆགས་པས་གྲངས་ཀྱང་ལྔ་ཡན་ཆད་ལོངས་པ་ཞིག་དགོས་སོ། །ལྔ་པ་མཐུན་རྐྱེན་བསྟན་པ་ནི། དབྱར་ཁས་ལེན་པའི་སྔ་རོལ་དུ་བསོད་སྙོམས་ལ་རྒྱུ་བའི་སྤྱོད་ཡུལ་གྱི་གྲོང་དང་། ན་ན་ནད་གཡོག་དང་། གསོ་སྨན་དང་། ལྟུང་བ་བྱུང་ན་འགྱོད་པ་སེལ་བར་བྱེད་པ་པོ་དང་། འདུལ་བ་འཛིན་པ་དང་། གསོ་སྦྱོང་གི་ཚེ་སོ་སོ་ཐར་པའི་མདོ་འདོན་པ་པོ་ཡོད་

― LT39_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་བརྟགས་ཏེ། ཡོད་ན་གནས་པར་ཁས་བླངས་ཤིང་། མེད་ན་བླང་བར་མི་བྱའོ། །གཉིས་པ་ལག་ལེན་དངོས་བཤད་པ་ལ་བཞི། སྦྱོར་བ། དངོས་གཞི། དེའི་བྱ་བ། དབྱར་མི་རལ་པའི་ཕྱིར་བྱིན་གྱིས་བརླབས་པའི་ཆོ་ག་བཤད་པའོ། །དང་པོ་སྦྱོར་བ་ལ་གཉིས་རིང་བ་དང་ཉེ་བའི་སྦྱོར་བའོ། །དང་པོ་ནི། དབྱར་ཁས་ལེན་པའི་སྔ་རོལ་ཞག་བཅུའམ་ཟླ་བ་ཕྱེད་ནས་གཙུག་ལག་ཁང་བྱི་དོར་བྱ་བ་དང་། སེང་གེའི་ཁྲི་བཤམས་པ་དང་། བླ་བྲེ་དང་། གདུགས་དང་། རྒྱལ་མཚན་གདགས་པ་སོགས་བྱའོ། །གཉིས་པ་ལ་དྲུག །ཚེས་བཅོ་ལྔའི་ཉའི་གནས་མལ་ལ་སོགས་པ་སྟ་གོན་བྱ་བ་དང་། གནས་མལ་སྟོབས་པ་པོ་བསྐོ་བ་དང་། དེས་ཁྲིམས་སུ་བྱ་བ་བརྗོད་ནས་ཚུལ་ཤིང་བླང་བ་དང་། དེ་ལེན་པའི་གསོལ་བ་འབའ་ཞིག་པའི་ལས་དང་། གནས་མལ་སྟོབ་པ་དང་། དབྱར་ཁས་བླངས་པ་གོ་བར་བྱ་བའོ། །དང་པོ་ནི། གནས་དང་མལ་སྟན་དང་ཆོས་ཟངས་དང་ཁྲི་དང་ཁྲིའུ་སྒོ་ལྕགས་ལྡེའུ་མིག་ལ་སོགས་པ་བསྡོགས་ཏེ་འཇོག །ཁྱད་པར་ཚུལ་ཤིང་འོ་མ་ཅན་སོགས་བཟང་ཤིང་ལས་བཅོས་པ་འཇམ་ཞིང་དྲང་བ་དབྱིབས་ཧྲིལ་མོ་ཁྲུ་གང་བ་དྲི་བཟང་པོས་ཁ་བསྒྱུར་བ་དབྱར་གནས་བཞུགས་མཁན་དགེ་ཚུལ་སློང་དུ་ཡོད་ཀྱི་གྲངས། སྟོན་པའི་ཚུལ་ཤིང་སྐེད་

― LT39_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དར་སེར་པོ་དང་མེ་ཏོག་ཕྲེང་བས་དཀྲིས་པ་རྣམས་ཉེར་བསྡོགས་བྱ། གཉིས་པ་ནི། ཟླ་བ་ལྔ་པ་དྲུག་པ་གང་ཡིན་པའི་ཉའི་ཉིན་སྐྱ་རེངས་ཤར་བསྟུན་སྐུ་གཟུགས་ཀྱི་སྤྱན་སྔར་མཆོད་པ་སོགས་རྒྱས་པར་བསྟར་ཏེ་གཎྜི་བརྡུངས་ཤིང་གསོ་སྦྱོང་བྱ། འདི་སྐབས་དགེ་ཚུལ་རྣམས་སོ་སོའི་གསོ་སྦྱོང་གྲུབ་བསྟུན་རང་མལ་དུ་མི་ལྡོག་པར་སྒོ་ཁྱམས་སུ་གདིང་བ་དང་བཅས་ཏེ་འཁོད། དགེ་སློང་རྣམས་ཐད་གྲལ་དུ་བཞུགས་སྐབས་གྲལ་དཀྱིལ་དུ་དབྱར་བདག་རྒན་པ་འཁོད། དབྱར་བདག་གཉིས་བསྐོ་ན་གཅིག་ཆོས་ཁྲིམས་པ་ཡིས་བྱ། དེ་ལྟར་ན་ཚུལ་ཤིང་ཡང་ཚན་གཉིས་སུ་བཅད་དེ་འཇོག་ལས་བྱེད་པ་པོའི་དགེ་སློང་གིས་ལྟུང་བ་ཐུན་མོང་བ་བྱིན་གྱིས་བརླབས་པ་དང་། གནས་ལ་བློ་མཐུན་ལ་སོགས་པ་བྱས་ལ། དེའི་འོག་ཏུ་གནས་མལ་སྟོབ་པར་འོས་པའི་དགེ་སློང་གསུམ་མན་ཆད་གང་ཡང་རུང་བ་བསྐོ་དགོས་པས་བྱིན་རླབས་སོགས་གོང་དུ་གྲུབ་ཟིན་ཅིང་། སྐབས་འདིར་ལས་བྱེད་མཁན་པོས་མཛད་པའི་དབང་དུ་བྱས་ནས། མཁན་པོ་ཁྲི་དང་དགེ་སློང་རྣམས་ཐང་གྲལ་དུ་བཞུགས་བཞིན་པའི་མུར། གསོ་སྦྱོང་གི་མཇུག་ཚིག་རྫོགས་མ་ཐག་པར་ལས་བྱེད་པས་དབྱར་བདག་ལ། དགེ་སློང་མིང་འདི་ཞེས་བགྱི་བ་ཁྱོད། ཁྱེད་དག་ཁྱེད་རྣམས་སོགས་བསྐོ་རྒྱུ་ལ་དཔག །དགེ་འདུན་ལ་དབྱར་

― LT39_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གནས་མལ་སྟོབ་པར་སྤྲོའམ། ཞེས་དྲིས་པའི་ལན་དུ། དེས་ཀྱང་སྤྲོ་ལགས་ཤེས་བརྗོད། དེ་ནས་ལས་བྱེད་པས། ཁོང་སྤྲོ་བར་གདའ་བས་གནས་མལ་སྟོབ་པ་བསྐོ་བ་ལ་གསོལ་བ་དང་གཉིས་ཀྱི་ལས་བགྱི་བས་དགེ་འདུན་རྣམས་སྤྱོད་ལམ་བསྟུན་ནས། ཐོག་མར་གསོལ་བའི་ལས་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་དབྱར་གྱི་གནས་མལ་སྟོབ་པར་སྤྲོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱི་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་གནས་མལ་སྟོབ་པར་བསྐོས་ཏེ། དགེ་སློང་གནས་མལ་སྟོབ་པ་མིང་འདི་ཞེས་བགྱི་བ་དགེ་འདུན་ལ་དབྱར་གྱི་གནས་མལ་སྟོབ་བོ། འདི་ནི་གསོལ་བའོ། །བརྗོད་པ་མཇུག་སྡུད་དང་བཅས་པ་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་དབྱར་གྱི་གནས་མལ་སྟོབ་པར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་གནས་མལ་སྟོབ་པར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་གྱི་བ་གནས་མལ་སྟོབ་པར་བསྐོ་བར་བཟོད་པ་དེ་དག་ནི་ཅང་མ་

― LT39_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ཞིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་མིང་འདི་ཞེས་བགྱི་བ་གནས་མལ་སྟོབ་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ཞེས་བརྗོད། །དེ་ལྟར་བརྐོས་པའི་དགེ་སློང་དེས་གནས་མལ་སྟོབ་པ་དང་ཚུལ་ཤིང་བྲིམས་པ་ཡང་བྱའོ། །གལ་ཏེ་གནས་མལ་སྟོབ་པ་མི་དགོས་ན་ཚུལ་ཤིང་བྲིམ་པ་བསྐོ་པའི་ཆོ་ག་ནི། ལས་བྱེད་པས། དགེ་སློང་མིང་འདི་ཞེས་བགྱི་བ་ཁྱེད་དགེ་འདུན་ལ་ཚུལ་ཤིང་བྲིམ་པར་སྤྲོའམ། ཞེས་དྲི། སྤྲོ་ཟེར་ན། སྔར་གྱི་དབྱར་གྱི་གནས་མལ་སྟོབ་པ་ཞེས་པའི་དོད་དུ་དགེ་འདུན་ལ་ཚུལ་ཤིང་བྲིམ་པར་ཞེས་བསྒྱུར་བས་གསོལ་གཉིས་ཀྱི་ལས་མཇུག་སྡུད་དང་བཅས་པ་བརྗོད་དེ་རྩོད་པ་ཞི་བྱེད་ལས་འབྱུང་བ་ཉིད་འདིར་ཕྱག་བཞེས་སུ་མཛད་དོ། །གསུམ་པ་ནི། དེ་ནས་ཚུལ་ཤིང་རྣམས་གཟེབ་ཀྱི་པྲོག་མའམ། དེ་མཚུངས་ཀྱི་སྣོད་དུ་རས་དཀར་བཏིང་བས་དཀྲིས་པ་རྒན་པའི་མདུན་ངོས་སུ་བཞག །དབྱར་བདག་རྒན་པ་སྣམ་སྦྱར་དང་བཅས་རང་མལ་ནས་ཕྱག་གསུམ་འཚལ། གཟན་ཕྲག་ཁྱེར་འགྲེང་འདུད་བཅས་དབྱར་གྱི་ཁྲིམས་བརྗོད་པར་བྱ་སྟེ། གཉིས་ཡོད་ན་རྒན་པས་བརྗོད། དགེ་འདུན་བཙུན་པ་རྣམས་གསན་དུ་གསོལ། བཀྲ་

― LT39_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་ཀྱི་གཙུག་ལག་ཁང་མིང་འདི་ཞེས་བྱ་བ་འདི་ན་ཁྲིམས་སུ་བྱ་བ། དགེ་སྦྱོང་གི་ཆོས་བཞི་ལས་མི་འདའ་བར་བྱ་བ་འདི་དང་། ཆོས་སྤྱོད་བཅུའི་བྱ་བ་ལ་བརྩོན་པས་བསླབ་པར་བྱ་བ་འདི་དང་། དབྱར་དགེ་འདུན་གྱི་ནང་དུ་འཁྲུག་ལོང་མི་བསྐྱེད་པར་བྱ་བ་འདི་དང་། ལྟུང་བ་གླེང་དྲན་མི་བྱ་བ་འདི་དང་། ཆད་པས་གཅོད་པའི་ལས་མི་བྱ་བ་འདི་དང་། གནས་རལ་བ་དང་གྲུམ་པ་བཅོས་པར་བྱ་བ་འདི་དང་། བྱིན་གྱིས་མ་བརླབས་པར་མཚམས་ཀྱི་ཕྱི་རོལ་དུ་སྐྱ་རེངས་འཆར་བར་མི་བྱ་བར་འདི་དང་། དགེ་འདུན་གྱི་སྤྱི་གདན་ལ་ཞབས་རྗེན་པར་མི་འཇོག་པ་འདི་དང་། ཞལ་བཤལ་བའི་ཆུ་དགེ་འདུན་གྱི་གཙུག་ལག་ཁང་དུ་མི་འདོར་བར་བྱ་བ་ལ་སོགས་པ་འདི་ཡོད་དེ། ཁྱེད་ཅག་ལས་གང་ཁྲིམས་སུ་བྱ་བ་འདི་དང་འདིས། གནས་འདིར་གནས་པར་སྤྲོ་བ་དེས་ནི་ཚུལ་ཤིང་བཞེས་ཤིག །ཁྱེད་ཅག་ལས་སུས་ཀྱང་དབྱར་དགེ་འདུན་གྱི་ནང་དུ་འཁྲུག་ལོང་བསྐྱེད་པར་མི་བྱའོ། །ཁྱེད་ཅག་ལས་གང་གིས་འགའ་ཞིག་ལ་ཅུང་ཟད་ཤེས་དེས་སྨྲོས་ཤིག །ཁྱེད་ཅག་ལས་གང་དབྱར་གྱི་ནང་དུ་དགེ་འདུན་ལ་འཁྲུགས་ལོང་བསྐྱེད་པར་འགྱུར་བ་དེ་ལ། དགེ་འདུན་གྱིས་ཕྱིས་ཉེ་བར་བརྟག་པར་དགོངས་སོ། །ཞེས་བརྗོད། ཡང་གདིང་བ་བཅས་གཙུག་ལག་ཁང་གི་ཕྱི་རོལ་ཁྱམས་སུ་

― LT39_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་ནས་དགེ་ཚུལ་མང་ན་ཕྱག་དང་། ཉུང་ན་ཕྱག་དབང་བམ་ཚུལ་ཕྱག་དང་གཟན་ཕྲག་ཁྱེར་འགྲེང་འདུད་བཅས་དགེ་གསོལ་ཁྲིམས་བསྒྲགས་སྔར་བཞིན་བྱས་ཏེ་ནང་དུ་ལོག་ནས་རང་གྲལ་དུ་འཁོད། བཞི་པ་ནི། ལས་བྱེད་ཕ་ཁྲིར་བཞུགས་བཞིན་པས། ཚུལ་ཤིང་བཞེས་པ་དང་དབྱར་གནས་པར་ཞལ་གྱིས་བཞེས་པའི་སླད་དུ་དགེ་འདུན་རྣམས་ཐུགས་བསྟུན་པ་གསོལ་བའི་ལས་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་དབྱར་ཉེ་བར་སྒྲུབ་པ་དབྱར་ཟླ་འབྲིང་པོའམ་ཐ་ཆུང་གི་ཚེས་བཅོ་ལྔ་ལགས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དེང་ཚུལ་ཤིང་བཞེས་ཏེ། སང་ནང་པར་དབྱར་གནས་པར་ཁས་བླང་ངོ་། །འདི་ནི་གསོལ་བའོ། །དེ་ནས་བྲིམ་པ་པོ་དབྱར་བདག་གཉིས་ལངས་ནས་སོ་སོའི་ཚུལ་ཤིང་གི་རྩ་བར་ཕྱིན་ལ་རྒན་པས་སྟོན་པའི་ཚུལ་ཤིང་ལག་གཡས་པའི་གུང་མོས་རྩེ་དང་། གཡོན་པའི་སྲིན་ལག་གིས་རྩ་བ་བརྟེན་ཏེ་སྤྱི་བོར་བཟུང་ནས། འདི་ནི་བདག་ཅག་གི་སྟོན་པ་ཡང་དག་པར་རྫོགས་པའི་སངས་རྒྱས་དེས་བཞེས་པར་མཛད་དོ། །ཞེས་བརྗོད་དེ་སྟོན་པའི་སྐུ་གཟུགས་ཀྱི་སྤྱན་སྔར་འབུལ་ལོ། །སླར་རྒན་པས་ཚུལ་ཤིང་མཁན་པོའི་

― LT39_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་ཏུ་ཕུལ་བ་དེས་ཀྱང་། ཁྲི་ལས་ཕྱེད་འཕགས་དལ་བུས་གུང་སྲིན་གྱིས་སྣེ་གཉིས་ནས་བཞེས་ཏེ་པང་དུ་བཞག །དེ་ནས་དབྱར་བདག་རྒན་པས་རྒན་རིམ་དང་གཞོན་པས་གཞོན་རིམས་སུ་བྲིམ་པ་དགེ་སློང་ཐམས་ཅད་ནས་གོང་ལྟར་བླངས་ཏེ་རང་རང་གི་པང་པར་བཞག །ཐམས་ཅད་རྫོགས་པ་དང་དབྱར་བདག་གཉིས་ཀྱིས་གཞོན་རིམ་དང་རྒན་པས་མཁན་པོའི་ཚུལ་ཤིང་བཅས་བསྡུས་ཏེ་གྲངས་བརྩི་ནས་གཅིག་ཏུ་བསྡམས་པ་སྣོད་དུ་བཞག །ཚུལ་ཤིང་འཕྲོས་རྣམས་མཁན་པོ་ནས་བཟུང་རིམ་པར་བྲིམ་པས་དགེ་སློང་རྣམས་ཀྱིས་དགེ་ཚུལ་སོ་སོའི་གྲངས་རྒྱབ་ནས་ལེན་པ་ལས་དགེ་ཚུལ་འདི་དང་འདིའིའོ་ཞེས་མིང་ནས་སྨོས་མི་གསུངས། རྫོགས་ནས་སྔར་བཞིན་བསྡུས་ཏེ་བགྲང་ཞིང་བསྡམ། སླར་ཚུལ་ཤིང་གི་ལྷག་མ་དབྱར་རྒན་པས་མཁན་པོར་ཕུལ་བ་དེས་ཀྱང་། འདི་ནི་གཙུག་ལག་ཁང་འདི་ན་གཉུག་མར་གནས་པའི་ལྷའོ་ཞེས་གཅིག་བཞེས་པའང་རྒན་པས་ཚུར་བསྡུས་པ་དེ་ཉིད་ཀྱིས་རྒན་གྲལ་གྱིས་བཤམ་ནས་མཁན་པོར་ཕྱོགས་ཏེ་གདིང་ཕྱག་སོགས་དང་བཅས། དགེ་འདུན་བཙུན་པ་རྣམས་གསན་དུ་གསོལ། བཀྲ་ཤིས་ཀྱི་གཙུག་ལག་ཁང་འདི་ཞེས་བྱ་བ་འདིར་དགེ་སློང་འདི་སྙད་ཀྱིས་ཚུལ་ཤིང་བཞེས་སོ། །དགེ་ཚུལ་གྲངས་འདི་

― LT39_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

སྙེད་ཀྱིས་ཚུལ་ཤིང་བཞེས་སོ། །ཞེས་གོ་བར་བྱས་ནས་ཕྱི་རོལ་ཏུ་དགེ་ཚུལ་རྣམས་ལའང་སྤྱོད་ལམ་གོང་སྨོས་འདྲ་བས་དགེ་གསོལ་གྲངས་བརྗོད་པར་བྱེད་ཅིང་ནང་དུ་ལོག །ལྔ་པ་ནི། གཙུག་ལག་ཁང་དེར་གཉུག་མར་གནས་པ་རྣམས་ལ་གནས་མལ་གསར་དུ་མི་དགོས་ཀྱང་གློ་བུར་དུ་ལྷགས་པ་སོགས་གསར་སྟོབ་དགོས་ན་སོ་སོར་སྟོབ་པར་བྱ་སྟེ། དེའི་ཚུལ་ནི། བསྐོས་པས་གནས་ཁང་གི་སྒོ་ལྕགས་དང་ལྡེའུ་མིག་བཟུང་ནས། དང་པོ་གནས་བརྟན་གྱི་མདུན་དུ་འདུག །གཉིས་ཀས་ལག་གཡས་སྟེང་དང་གཡོན་འོག་ཏུ་བྱས་པས་བཟུང་སྟེ། མཁན་པོའམ་སློབ་དཔོན་ནམ་གནས་བརྟན་གཙུག་ལག་ཁང་འདི་ནི་གོས་ཀྱི་རྙེད་པ་སོགས་ཡོ་བྱད་དང་ལྡན་པ་ལགས་ཀྱི་བཞེས་ཤིག །ཅེས་རྒན་རིམ་ནས་དགེ་ཚུལ་གྱི་མཐའི་བར་དུའང་རང་རང་གི་གནས་ཁང་གི་སྒོ་ལྕགས་དང་ལྡེའུ་མིག་གཏད་ཅིང་། ལེན་པོ་རྣམས་ཀྱིས་ཀྱང་མི་སྨྲ་བར་ལག་གཉིས་བཀན་ཏེ་ལྷུང་བཟེད་ལྟར་བླང་ངོ་། །དེ་ནས་མལ་སྟན་ཡང་རིམ་པ་བཞིན་དུ། དགེ་ཚུལ་སློང་སོ་སོའི་གདིང་བའི་སྣེ་ནས་གཉིས་ཀས་སྔར་བཞིན་འཛིན་ཅིང་། །དབྱར་བདག་པས་རེ་རེ་ནས་གདན་ཆ་འདི་ལ་དབྱར་ཚུལ་དང་མཐུན་པར་ལོངས་སྤྱོད་ཅིག །ཅེས་རེ་རེ་བཞིན་བརྗོད་ཅིང་བྲིམས། གལ་ཏེ་དབྱར་གནས་པར་གུར་དང་

― LT39_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་ཚང་ལྷ་བུ་ཡིན་རུང་གཞུང་གི་ཕྱག་ལེན་ཡིན་པས་སྒོ་ལྕགས་སྟོབ་པ་སོགས་བསྐྱུར་མི་དགོས་གསུངས། དེ་ནས་ཁྲིམས་སུ་བཅའ་བ་བརྗོད་པ་ནི། སྟོབ་པ་པོ་རྒན་གྲལ་གྱི་མཐར་གདིང་ཕྱག་ཕྲག་ཁྱེར་འགྲེང་ལ་ཐལ་སྦྱར་བཅས། དགེ་འདུན་བཙུན་པ་རྣམས་གསན་དུ་གསོལ། །ཁྱེད་ཅག་ལས་གང་གིས་ཀྱང་དགེ་འདུན་གྱི་གནས་མལ་ལ་གདིང་བ་མེད་པར་ལོངས་སྤྱད་པར་མི་བྱ། གདིང་བ་རུང་བ་མ་ཡིན་པས་ལོངས་སྤྱད་པར་མི་བྱ། གདིང་བ་དྲི་མ་ཅན་གྱིས་ལོངས་སྤྱད་པར་མི་བྱའོ། །ཞེས་དང་། ཕྱི་རོལ་དུ་དགེ་ཚུལ་རྣམས་ལའང་དེ་བཞིན་གོ་བར་བྱས། དྲུག་པ་ནི། སྤྱོད་ལམ་སོགས་སྔར་ལྟར་གྱིས། དགེ་འདུན་བཙུན་པ་རྣམས་གསན་དུ་གསོལ། དགེ་འདུན་སང་གི་འདུག་ལ། སྦྱིན་བདག་འདི་ཞེས་བྱ་བའམ་དམིགས་བསལ་མེད་ན་སྐྱེ་བོའི་ཚོགས་ལྷ་དང་མི་དང་ཀླུ་དང་གནོད་སྦྱིན་ཏུ་བཅས་པ་དུ་མ་དང་། ཞལ་ཏ་པ་འདི་ཞེས་བྱ་བ་དང་། སྤྱོད་ཡུལ་གྱི་གྲོང་འདི་བྱ་བ་དང་། བྲོ་གཡོག་པ་འདི་ཞེས་བྱ་བའམ་སོ་སོར་སྨོས་པ་འདི་རྣམས་ལ་བརྟེན་ཏེ་དབྱར་གནས་པར་ཞལ་གྱིས་བཞེས་པར་འགྱུར་རོ། །ཞེས་པ་དང་། དགེ་ཚུལ་རྣམས་པའང་དེ་བཞིན་བརྗོད་ལ་ནང་དུ་ཕེབས་ཀྱི་བརྡ་སྦྱར་ནས་དབྱར་བདག་གཉིས་རང་གྲལ་

― LT39_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཞུགས། དགེ་ཚུལ་རྣམས་ཀྱང་གདིང་ཆོས་བཅས་ནང་དུ་འཁོད། མཁན་པོས་ཕྱོགས་བཅུ་ན་བཞུགས་པའི་སོགས་དགོངས་གསོལ་གྱི་མཐུན་འགྱུར་བསྐུལ་བ་དང་། སོ་སོར་བསྐུལ་མཚམས་བཅས་བྱང་དྲངས་ནས། བསོད་ནམས་འདི་ཡིས༴ འགྲོ་བའི་སྡུག་བསྔལ་སྨན༴ ཕན་བདེ་འབྱུང་བའི༴ འཇིག་རྟེན་བདེ་ཞིང་༴ སངས་རྒྱས་སྐུ་གསུམ༴ ཉིན་མོ་བདེ་ལེགས་སོགས་བསྔོ་སྨོན་ཤིས་བརྗོད་ལྷུག་འདོན་དལ་བར་བཏང་སྟེ་གཙུག་ལག་ཁང་ལ་བསྐོར་བ་བཅས་ཚོགས་གྱེས་པ་ནི་དབྱར་གྱི་སྦྱོར་བ་ཚུལ་འཇུག་གི་ཆོ་གའོ། །གཉིས་པ་དབྱར་ཁས་བླང་བ་དངོས་གཞིའི་ཆོ་ག་ནི། དེའི་ཕྱིར་ཉིན་ཚེས་བཅུ་དྲུག་གི་ནང་པར་རང་རང་སོ་སོའི་གནས་སྟེང་གཡོགས་དང་བཅས་པར་དགེ་སློང་གི་མདུན་དུ་ཁས་བླང་བར་བཤད་ཀྱང་། དེང་སང་འདུས་ནས་མཛད་པ་ཕྱག་ལེན་དུ་གདའ་བས་གཎྜི་བརྡུངས་ཏེ་དགེ་ཚུལ་སློང་ལྷན་ཅིག་འདུས་པ་དང་། གསོ་སྦྱོང་སྐབས་ལྟར་ཐད་གྲལ་དུ་བཞུགས། མདོ་བསྐུལ་ཚིག་བསྒྱུར་རོ། །དེང་དབྱར་སྔ་མ་ཞལ་གྱིས་བཞེས་པའི་དུས་ལགས་ཏེ། གཙུག་ལག་ཁང་གི་བདག་པོ་དང་། ཞེས་སོགས་ཀྱིས་བསྐུལ་ནས་རྒྱུད་ཆགས་གསུམ་པ་དང་གཞི་བདག་ལ་གཏོར་མ་བཏང་བའི་བར་དུ་བྱ། དེ་རྗེས་མཁན་པོ་ཁྲིའི་མར་ཞལ་

― LT39_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་གཟིགས་ཀྱིས་བཞུགས་པར་དབྱར་བདག་གཉིས་ཀྱིས་གདིང་ཕྱག་ཕྲག་ཁྱེར་འགྲེང་འདུད་བཅས། བསྟན་པ་རིན་པོ་ཆེའི་གསལ་བྱེད་དམ་པར་གྱུར་པ་བཙུན་པ་འདུལ་བ་འཛིན་པ་ཆེན་པོ་དབྱར་ཁས་བླངས་པའི་ཆོ་ག་ལ་ཐུགས་གཏད་པར་ཞུ། དེས་ཀྱང་ཆོས་བཞིན་འདུལ་བ་བཞིན་གནང་བར་ཞུ། ཞེས་ལན་བཏབ། ཙོག་པུར་འདུད་རྒྱ་བཅས། བཙུན་པ་དགོངས་སུ་གསོལ། །བདག་མིང་འདི་ཞེས་བགྱི་བ་ནང་མཚམས་དང་བཅས་པའི་གནས་འདིར། གནས་རལ་བ་དང་གྲུམ་པ་བཅོས་པའི་སླད་དུ་དབྱར་སྔ་མ་ཟླ་བ་གསུམ་གནས་པར་ཁས་བླང་ངོ་། །བདག་དབྱར་འདི་ན་མཆིས་ཤིང་བདག་གི་དབྱར་གྱི་གནས་ནི་འདི་ལགས་སོ། །ཞེས་ལན་གསུམ་བརྗོད་ནས་ཐབས་ལེགས་བྱ། །དབྱར་ཕྱི་མ་ཡིན་ན་དབྱར་ཕྱི་མ་ཟླ་བ་གསུམ་ཞེས་བསྒྱུར། སྦྱིན་བདག་སོགས་ཡོད་ན། གྲུམ་པ་བཅོས་པའི་སླད་དུ་ཞེས་པའི་མཇུག་ཏུ། སྦྱིན་བདག་མིང་འདི་ཞེས་བགྱི་བ་དང་། ཞལ་ཏ་པ་མིང་འདི་ཞེས་བགྱི་བ་དང་། སྤྱོད་ཡུལ་གྱི་གྲོང་འདི་ཞེས་བགྱི་བ་དང་། བྲོ་གཡོག་པ་འདི་ཞེས་བགྱི་བས། དབྱར་སྔ་མ་ཟླ་བ་གསུམ་ཞེས་སྦྱར། འདི་དག་ཏུ་ཞལ་ཏ་པ་དང་བྲོ་གཡོག་པ་གང་ཡིན་མིང་དངོས་སུ་སྨོས། སྤྱོད་ཡུལ་གྱི་གྲོང་ནི་དབྱར་གནས་

― LT39_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེབས་དངོས་སུ་ཡོད་ན་དེ་དང་མེད་ན་ཆོས་སྡེ་དེའི་གཞིས་ཀའམ་ཉེ་འཁོར་གྱི་གྲོང་པ་ལྟ་བུ་དང་། དེའང་མེད་ན་དགོན་པ་རི་ཁྲོད་སོགས་བརྟེན་གནས་དེའི་མིང་སྨོས་ཆོ་ག་གསུང་། དེ་ནས་དབྱར་བདག་རྒན་པ་མཁན་པོའི་གཡས་ངོས་སུ་གདིང་བའི་སྟེང་མཁན་པོ་ལ་ཕྱོགས་པར་བཞུགས། མཁན་པོ་ཁོ་ནའམ་གྲོགས་དགེ་སློང་བགྲེས་པ་གཉིས་བཅས་བསླབ་ཕྱག་སྔོན་འགྲོས་ཉེ་ཚིག་གི་དགོངས་གསོལ་དང་། དངོས་གཞི་ལན་གསུམ་ཐབས་ལེགས་བཅས་བྱ། མཁན་པོ་ཁྲིར་བཞུགས། དགེ་གྲོགས་རང་གྲལ་དུ་འཁོད། དེ་ནས་དབྱར་བདག་པ་གཉིས་ཞལ་ཕྱིར་ཕྱོགས་ཏེ་སོ་སོར་གདིང་བ་དང་བཅས་ཕན་ཚུན་དུ་འཁོད་པ་ལས་དགེ་སློང་གསུམ་རེས་ཁས་བླང་བ་དགེ་ཚུལ་ལའང་འགྲེ། འདུས་ཚོགས་ཤིན་ཏུ་རྒྱས་ཏེ་དབྱར་བདག་དུ་མ་བསྐོས་ཡོད་ནའང་སྔ་མའི་ཚུལ་གྱིས་རིགས་པས་དཔག །སྐབས་འདི་དག་ཏུ་བདག་དགེ་སློང་མིང་འདི། དགེ་ཚུལ་མིང་འདི་ཞེས་སྦྱར་དགོས་པའང་ཤེས་པར་བྱ། གལ་ཏེ་དམིགས་བསལ་ཡུལ་མེད་ན་གནས་འདིར་དབྱར་ཟླ་བ་གསུམ་གནས་པར་བྱའོ་སྙམ་དུ་དམ་བཅས་པས་ཀྱང་གནས་པར་འགྱུར་ཏེ། གནས་པར་ཁས་མ་བླངས་པས་གནས་མི་གཏོང་ན་གནས་པ་ཉིད་ཡིན་ནོ། །ཞེས་འབྱུང་བས་བྲོས་སྒོམ་སོགས་ཆོས་སྤྱོད་ཅི་

― LT39_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལ་གནས་ཤིང་ལྗོངས་མི་རྒྱུ་བ་རྣམས་ཀྱང་དོན་གྱིས་དབྱར་གནས་པ་ཡིན་ནོ། །དགེ་ཚུལ་སློང་ཐམས་ཅད་ཀྱིས་ཁས་ལེན་གྲུབ་ནས་མཁན་པོས་བསྐུལ་ཏེ་སྔ་ཉིན་ལྟར་བསྔོ་སྨོན་བཀྲ་ཤིས་བསྐོར་བ་བཅས་གྲོལ་ལོ། །གསུམ་པ་དེ་ལྟར་དབྱར་ཁས་བླངས་པའི་རྗེས་སུ་ཇི་ལྟར་སྒྲུབ་པའི་བྱ་བ་ནི། ཟླ་བ་ཕྱེད་ཕྱེད་ཅིང་གནས་མལ་ལ་ལོག་པར་སྤྱད་མ་སྤྱད་བརྟག་པ་སོགས་བརྐོས་པའི་གང་ཟག་གི་བྱ་བ་དང་། དགེ་འདུན་སྤྱིའི་བྱ་བ་ཀློག་པ་ཐོས་བསམ་དང་སྒྲུབ་པ་བསམ་གཏན་ལ་བརྩོན་ཅིང་། ལྷུང་བཟེད་བསྒྱུར་བ་སོགས་དོན་མང་བ་དང་བྱ་བ་མང་བ་སྤང་། འཁྲུག་སློང་གི་རྒྱུ་ལྟུང་བ་གླེང་བ། རྙེད་པ་བགོ་བ། འཐབ་རྩོད་བྱེད་པ་སྤང་། གཙུག་ལག་ཁང་ཐིག་ཚགས་སོགས་ཀྱིས་བསྐྱང་། མཚམས་ཀྱི་ཕྱི་རོལ་ཏུ་ཞག་ཏུ་མི་སྡོད། མདོར་ན་ནང་རེ་བཞིན་རྒྱུད་ཆགས་གསུམ་པའི་མདོ་འདོན་པ་དང་། རབ་ཏུ་བྱུང་བ། ཟླ་བ་ཕྱེད་ཕྱེད་ཀྱི་གསོ་སྦྱོང་སོགས་བསྟར་ཆགས་སུ་བགྱིད་འོས་པ་རྣམས་ཀྱིས་མཚོན་ནས་ཆོས་དང་ལྡན་པའི་བྱ་བ་འབའ་ཞིག་གིས་དུས་འདའ་བར་བྱའོ། །བཞི་པ་དབྱར་མི་རལ་བའི་ཆོ་ག་ལ་གཉིས། གང་ཟག་གི་ཆེད་དུ་ཞག་བདུན་བྱིན་གྱིས་བརླབས་པའི་ཆོ་ག་དང་། དགེ་འདུན་གྱི་ཆེད་དུ་གནང་བ་ཐོབ་ན་ཞག་བརྒྱད་ནས་བཞི་བཅུའི་བར་ལ་བྱིན་གྱིས་

― LT39_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབས་པའི་ཆོ་གའོ། །དང་པོ་ནི། ཆོས་དང་ལྡན་པའི་དོན་དུ་མཚམས་ཀྱི་ཕྱི་རོལ་དུ་འགྲོ་དགོས་པ་བྱུང་ན། དབྱར་གྱི་མཐའི་ཞག་དྲུག་མ་གཏོགས་པ་གང་ཟག་ལས་ཞག་གཅིག་ནས་བདུན་གྱི་བར་བྱིན་གྱིས་བརླབས་ཏེ་འགྲོ་བར་གནང་བ་ཡིན་ལ། ཆོས་དང་ལྡན་པའི་དོན་ནི། འདུལ་བ་མེ་ཏོག་ཕྲེང་མཛེས་ལས། ལྷག་པར་བུ་དང་བུ་མོ་རྣམས། །བག་མ་གཏོང་ལེན་ལ་སོགས་དང་། །ཕ་མ་དཀོན་མཆོག་གསུམ་དང་ནི། །སློབ་དཔོན་ལ་སོགས་དགོས་སྒྲུབ་ན། །ཞག་བདུན་བརླབ་བམ་ལྷག་ཀྱང་རུང་། །ཞེས་གསུངས་པ་ལྟར་རོ། །ཡང་དགེ་འདུན་གྱི་དབྱེ་ན་སྡུམ་པ་ལ་སོགས་པའི་ཕྱིར་ནི། དབྱར་ངེས་པར་དཔྲལ་དགོས་པ་ཡང་ཡོད་དོ། །ཡང་མཚམས་ཕྱི་རོལ་དུ་ཞག་གཅིག་མ་ཕྱིན་ཀྱང་དབྱར་རལ་བ་ཡང་ཡོད་དེ་མཚམས་ནང་དུ་ཆོས་ཕྱོགས་པ་དང་ཆོས་མ་ཡིན་པའི་ཕྱོགས་སོ་སོར་བྱེ་ན་ཆོས་མ་ཡིན་པའི་ཕྱོགས་སུ་སྐྱ་རེངས་ཤར་ཤར་གྱི་བར་སྡོད་ན་དབྱར་འཇིག་པར་འགྱུར་ཏེ། ཇི་སྐད་དུ། དེའི་ལྟ་བ་ལ་མངོན་པར་ཞེན་པས་ཆོས་མ་ཡིན་པའི་ཕྱོགས་སུ་སོང་སྟེ། སྐྱ་རེངས་ཤར་ན་འཇིག་གོ། །ཞེས་གསུངས་པའི་ཕྱིར། ཞག་བདུན་བྱིན་གྱིས་བརླབས་པའི་ཆོ་ག་ནི། མཚམས་ཀྱི་ནང་དུ་དགེ་སློང་ཆོས་དགུ་ལྡན་དེ་དབྱར་བདག་པ་གང་རུང་གི་དྲུང་དུ་ཕྱིན་ནས་གདིང་ཆོས་བཅས་བསླབ་ཕྱག་དང་འགྲེང་འདུད་ཀྱིས་ཉེ་ཚིག་གིས། དགུང་གཅིག་ལ་སོགས་པར་བྱིན་གྱིས་བརླབས་པར་ཐུགས་གཏད་པར་ཞུ།

― LT39_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ཀྱང་ལན་འདེབས། ཙོག་པུར་འདུད་རྒྱས། བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ་ནང་མཚམས་དང་བཅས་པའི་གནས་འདིར། དབྱར་སྔ་མ་ཟླ་བ་གསུམ་གནས་པར་ཁས་བླངས་པ་ལས། བདག་མིང་འདི་ཞེས་བགྱི་བ་ཆོས་ལྡན་གྱི་བྱ་བ་འགའ་ཞིག་གི་སླད་དུ། དགུང་བདུན་མཚམས་ཀྱི་སླད་རོལ་དུ་མཆི་བ་དང་། དེ་ཚུན་ཆད་ཀྱིས་སླར་མཆི་བར་བྱིན་གྱིས་བརླབ་བོ། །བདག་དབྱར་འདི་ན་མཆིས་ཤིང་བདག་གི་དབྱར་གྱི་གནས་ནི་འདི་ལགས་སོ། །ཞེས་ལན་གསུམ་དང་ཐབས་ལེགས་བྱའོ། །དེ་བཞིན་དུ་ཞག་གཅིག་དང་གཉིས་སོགས་གང་ཡིན་འདོན་པ་བརྗེ་བར་བྱ། དགེ་ཚུལ་ལ་ཞག་བདུན་གྱི་གནང་བ་དུས་གཅིག་ཏུ་མི་སྟེར། དགེ་ཚུལ་སློང་བྱིན་རླབས་ཀྱི་སྔགས་ཚིག་མཚུངས་ཤིང་གཉིས་ཀས་བྱིན་རླབས་ཞུ་ཡུལ་དབྱར་བདག་དགེ་སློང་ཁོ་ནའོ། །གཉིས་པ་ནི། གལ་ཏེ་ཞག་བདུན་གྱིས་མི་འགྲུབ་པའི་དགེ་འདུན་ལ་སོགས་པའི་ཆོས་ལྡན་གྱི་ཆེད་དུ་འགྲོ་དགོས་ན། དགེ་འདུན་ལས་ཞག་བཞི་བཅུའི་གནང་བ་ཐོབ་པར་བྱས་རྗེས་ཞག་བརྒྱད་ནས་བཞི་བཅུའི་བར་གང་དགོས་བྱིན་གྱིས་བརླབས་ནས་འགྲོ་སྟེ། འདིར་ཞག་བཞི་བཅུ་ཞེས་པའང་དབྱར་གནས་གྲོལ་ཁར་ཚུར་སླེབ་རྩིས་ཀྱི་ཞག་

― LT39_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

མང་ཤོས་བྱས་པའི་ཕྱིར་བར་རྣམས་དེ་ཡིས་རིགས་འགྲེ་སྦྱར་ལ། དེའི་ཆོ་ག་ནི། དགེ་འདུན་གྱི་ཆེད་དུ་ཡིན་ན། ལས་བྱེད་པས། ཚེ་དང་ལྡན་པ་ཁྱོད་དགེ་འདུན་གྱི་ཆེད་དུ་ཞག་བཞི་བཅུ་བྱིན་གྱིས་རླབས་ཏེ་མཚམས་ཀྱི་ཕྱི་རོལ་ཏུ་འགྲོ་བ་སྤྲོའམ་དྲི། དེས་ཀྱང་སྤྲོ་ལགས་ཞེས་བྱ། དེ་ནས་རང་གིས་དགེ་འདུན་ལ་ཞག་བཞི་བཅུའི་གནང་བ་གསོལ་བའི་ཕྱིར་དགེ་འདུན་ལ་ཕྱག་བྱས་ཏེ་རྒན་པའི་མཐར་ཙོག་པུར་འདུག་སྟེ། དགེ་འདུན་བཙུན་པ་རྣམས་གསན་དུ་གསོལ། རང་དོན་ཡིན་ན་བྲི་མི་དགོས་གསུངས། བདག་མིང་འདི་ཞེས་བགྱི་བ་ནང་མཚམས་དང་བཅས་པའི་གནས་འདིར་དབྱར་སྔ་མའམ་ཕྱི་མ་ཟླ་བ་གསུམ་གནས་པར་ཁས་བླངས་ཏེ། བདག་དབྱར་འདི་ན་མཆིས་ཤིང་། བདག་གི་དབྱར་གྱི་གནས་ནི་འདི་ལགས་པ་ལས། བདག་མིང་འདི་ཞེས་བགྱི་བ་ཞག་བཞི་བཅུ་བྱིན་གྱིས་བརླབས་ཏེ། དགེ་འདུན་ནམ་ཆོས་ལྡན་གྱི་ཆེད་དུ་མཚམས་ཀྱི་སླད་རོལ་དུ་མཆི་བ་དང་། དེ་ཚུན་ཆད་ཀྱིས་སླར་མཆི་བར་སྤྲོ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་མིང་འདི་ཞེས་བགྱི་བ་ལ་ཞག་བཞི་བཅུའི་གནང་བ་སྩལ་དུ་གསོལ། །ཞེས་ལན་གསུམ་གྱིས་གསོལ་བ་བཏབ་ནས། གནང་བ་སྦྱིན་པའི་ལས་དངོས་ནི། ལས་

― LT39_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པས། དགེ་འདུན་རྣམས་སྤྱོད་ལམ་བསྟུན་ནས་གསོལ་བའི་ལས་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། །མིང་འདི་ཞེས་བགྱི་བ་འདི་ནང་མཚམས་དང་བཅས་པའི་གནས་འདིར་དབྱར་སྔ་མའམ་ཕྱི་མ་ཟླ་བ་གསུམ་གནས་པར་ཁས་བླངས་ཏེ། འདི་དབྱར་འདི་ན་མཆིས་ཤིང་། འདིའི་དབྱར་གྱི་གནས་འདི་ལགས་པ་ལས། མིང་འདི་ཞེས་བགྱི་བ་འདི་དགེ་འདུན་ནམ་ཆོས་ལྡན་གྱི་ཆེད་དུ་མཚམས་ཀྱི་སླང་རོལ་དུ་མཆི་བ་དང་། དེ་ཚུན་ཆད་ཀྱིས་སླར་མཆི་བར་དགེ་འདུན་ལ་ཞག་བཞི་བཅུའི་གནང་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། འདི་དབྱར་འདི་ན་མཆིས་ཤིང་འདིའི་དབྱར་གྱི་གནས་འདི་ལགས་པ་ལས། དགེ་འདུན་ནམ་ཆོས་ལྡན་གྱི་ཆེད་དུ་མཚམས་ཀྱི་སླང་རོལ་དུ་མཆི་བ་དང་། དེ་ཚུན་ཆད་ཀྱིས་སླར་མཆི་བར་མིང་འདི་ཞེས་བགྱི་བ་ལ་དགེ་འདུན་གྱི་ཞག་བཞི་བཅུའི་གནང་བ་སྩོལ་ཏོ། །འདི་ནི་གསོལ་བའོ། །བརྗོད་པ་མཇུག་སྡུད་དང་བཅས་པ་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་ནང་མཚམས་དང་། ཞེས་པ་ནས། དགེ་འདུན་ལ་ཞག་

― LT39_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་བཅུའི་གནང་བ་ཞེས་པའི་བར་སྔར་ལྟར་ལ། གསོལ་ཏོ། །དེའི་སླད་དུ། འདི་དབྱར་འདི་ན་མཆེས་ཤིང་། འདིའི་དབྱར་གྱི་གནས་འདི་ལགས་པ་ལས། དགེ་འདུན་ནམ་ཆོས་ལྡན་གྱི་ཆེད་ལ་ཞེས་པ་ནས། གནང་བ་སྩོལ་ན། ཚེ་དང་ལྡན་པ་གང་དག་མིང་འདི་ཞེས་བགྱི་བ་ལ་ཞག་བཞི་བཅུའི་གནང་བ་སྩལ་བར་བཟོད་པ་དེ་དག་ནི་ཅང་མ་གསུང་ཞིག །གང་ཟག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་མིང་འདི་ཞེས་བགྱི་བ་ལ་ཞག་བཞི་བཅུའི་གནང་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་ཏུ་འཛིན་ཏོ། །ཞེས་བརྗོད། དེ་ལྟར་དགེ་འདུན་ལས་གནང་བ་ཐོབ་པ་དེས་ཀྱང་ནམ་འགྲོ་བའི་ཚེ་མཚམས་ནང་གི་དགེ་སློང་ཞིག་གི་མདུན་ཏུ་བྱིན་གྱིས་བརླབས་ནས་འགྲོ་སྟེ། དེའི་སྔགས་ནི། སྔར་གྱི་ཞག་བདུན་པའི་ཆོ་ག་དེ་ཉིད་ལས། ཆོས་ལྡན་གྱི་བྱ་བ་ཞིག་གི་སླད་དུ་དགུང་འདུན་ཞེས་པའི་ཚབ་ཏུ། དགེ་འདུན་ནམ་ཆོས་ལྡན་གྱི་སླད་དུ་དགུང་བརྒྱད་དམ་བཞི་བཅུ་མཚམས་ཀྱི་སླད་རོལ་དུ་མཆི་བ་དང་། ཞེས་བསྒྱུར་བ་ཙམ་ཁྱད་པར་རོ། དབྱར་བྱིན་རླབས་འདི་མཚམས་ཀྱི་ནང་དེ་གནས་བྱེད་པ་ལས་མཚམས་འདས་ནས་བྱིན་རླབས་མི་ཆགས་པས་མི་བྱ། དབྱར་ཁས་བླངས་ཟིན་ནས་གསོ་

― LT39_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོང་གཉིས་སོང་ན་དགག་དབྱེ་རུང་བས་དགེ་ཚུལ་སློང་གང་ཡང་ཞག་དྲུག་ཕན་དུས་གཅིག་ཏུ་འགྲོ་དགོས་ན་དགེ་སློང་གཅིག་ལ་དགག་དབྱེ་ཞུས་ནས་འགྲོ་རུང་བར་གསུངས་སོ། །གསུམ་པ་ཆོས་རྣམ་པར་དག་པ་དགག་དབྱེའི་གཞི་བཤད་པ་ལ་གཉིས། གོ་ཡུལ་དང་ལག་ལེན་ནོ། །དེའང་དགག་དབྱེ་ལ་ཆོས་རྣམ་པར་དག་པ་ཞེས་ཟེར་བའི་རྒྱུ་མཚན་ནི། འདི་སྐབས་ཀྱི་ཆོས་ནི་ཡིད་ཀྱི་ཡུལ་ལ་བྱ་བ་ཡིན་པས་དགག་དབྱེ་བྱས་པའི་ཉིན་དགེ་འདུན་རྣམས་ཀྱི་ཡིད་ཀྱི་ཡུལ་དུ་གྱུར་པའི་ལྟུང་བ་མངོན་གྱུར་རྣམས་དག་སྟེ། དགེ་བའི་བསམ་པ་མངོན་ཏུ་གྱུར་པའི་ཕྱིར། དེ་ལ་དགོངས་ནས་ཆོས་རྣམ་པར་དག་པའི་ཕྱིར་ནི་དགག་དབྱེ་བྱ་ཞེས་གསུངས་སོ། །དང་པོ་གོ་ཡུལ་ལ་གཉིས། སྤྱིར་བཏང་དང་། དམིགས་བསལ་ལོ། །དང་པོ་ལ་གཉིས། ལྟུང་བའི་དགག་དབྱེ་དང་རྫས་ཀྱི་དགག་དབྱེའོ། །དང་པོ་ལའང་བཞི། དགག་དབྱེ་བྱེད་པའི་དུས། ཡུལ་གང་ལ་དགག་དབྱེ་བྱ་བ། གང་ཟག་གང་གིས་དགག་དབྱེ་བྱེད་པ། དགག་དབྱེ་བྱས་པའི་དགོས་པའོ། །དང་པོ་ནི། དབྱར་སྔ་མ་ཁས་བླངས་ན་སྟོན་ཟླ་འབྲིང་པོའི་ཚེས་བཅོ་ལྔ་ལ་དགག་དབྱེ་བྱེད་པ་དང་། དབྱར་ཕྱི་མ་ཁས་བླངས་ན་སྟོན་ཟླ་ཐ་ཆུང་གི་ཚེས་བཅོ་ལྔ་ལ་བྱེད་པ་ཡིན་ཏེ།

― LT39_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱར་རྣམས་ཀྱི་ཐ་མའི་ཉི་མ་ལའོ། །ཞེས་གསུངས་པའི་ཕྱིར། དགག་དབྱེ་རང་གི་ངོ་བོ་ནི་དགེ་འདུན་ཐམས་ཅད་ཀྱི་རང་ལ་མཐོང་ཐོས་དོགས་གསུམ་གྱི་སྒོ་ནས་ལྟུང་བ་གླེང་བའི་སྐབས་འབྱེད་པ་ཡིན་ནོ། །གཉིས་པ་ཡུལ་གང་ལ་དགག་དབྱེ་བྱ་བ་ནི་ཕྱོགས་བཅུའི་དགེ་འདུན་ཐམས་ཅད་ལ་བྱེད་དགོས་པ་ཡིན་གྱི། མཚམས་ནང་གཅིག་ན་གནས་པ་དང་། དབྱར་གནས་གཅིག་ཏུ་གནས་པ་ལ་སོགས་མི་དགོས་སོ། །གསུམ་པ་གང་ཟག་གང་གིས་དགག་དབྱེ་བྱ་བ་ནི། སྡོམ་པ་གསོ་རུང་ཡན་ཆད་དང་ལྡན་པ། ཤེས་པ་རང་བཞིན་ཏུ་གནས་པ། ལུས་ཐ་མལ་པར་གནས། གནས་ལས་མ་ཕྱུང་བ་དང་། དགག་དབྱེ་བཞག་པ་མ་ཡིན་པ། དབྱར་གནས་ཁས་མ་བླངས་པ་མ་ཡིན་པ་སྟེ་ཁྱད་ཆོས་དྲུག་དང་ལྡན་པའི་རབ་བྱུང་སྡེ་ལྔ་ཆར་གྱིས་དགག་དབྱེ་བྱེད་པ་ཡིན་ནོ། །དབྱར་གནས་ཁས་མ་བླངས་པ་ལ་དགག་དབྱེ་མི་འབྱུང་སྟེ། ལྟུང་བ་གླེང་བ་སོགས་བཀག་པ་མེད་པས་སྐབས་དབྱེ་མི་དགོས་པའི་ཕྱིར། བཞི་པ་དགག་དབྱེ་བྱས་པའི་ཕན་ཡོན་ནི། ཆོས་རྣམ་པར་དག་པ་དང་། ཚུལ་ཁྲིམས་རྣམ་པར་དག་པ་འགྱུར་བ་དང་། དགག་དབྱེ་མ་བྱས་པའི་ཉེས་པ་ཁེགས་པ་ཡིན་ནོ། །འོ་ན་ཅིའི་ཕྱིར་དགག་དབྱེ་ཞེས་ན་དབྱར་ཟླ་བ་གསུམ་གྱི་རིང་ལ་ལྟུང་བ་

― LT39_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

དགག་དབྱེའི་དངོས་གཞི་འདི་ལ་རྩ་ད་རྦྷའི་ཆུན་པོ་འགྲིམ་པ་སྟེ། དེ་ནི་ཁ་ཅིག་གིས་རམ་པའི་ལྗང་པ་ལ་ངོས་འཛིན། ཡོངས་གྲགས་སུ་ཀུ་ཤ་ལ་བཞེད། དེའི་དགོས་དོན་བྱང་། བྱ་འདུལ་ཆེན་པོས། རྩ་ད་རྦྷ་ནི་ལྟ་སར་རྩུབས་པ། རེག་ན་འཇམ་པ་ལྟར་དགེ་འདུན་དེ་དག་ཀྱང་གཅིག་གིས་གཅིག་ལ་ལྟུང་བ་གླེང་བས་རྩུབ་པ་འདྲ་བ་དང་། བྱམས་སྙིང་རྗེས་རྒྱུད་བརླན་པས་འཇམ་པ་ཉིད་ཡིན་ནོ། །ཞེས་དང་། གཞི་འགྲེལ་ལས། རྩ་ཀུ་ཤ་འདི་དག་ཕན་ཚུན་འདུད་པ་བཞིན་ཏུ་བདག་ཀྱང་ལྟུང་བ་ཆོས་བཞིན་ཏུ་བྱ་བའི་ཕྱིར་དགེ་སློང་རྣམས་ལ་འདུད་པར་བྱེད་དོ། །ཞེས་པའི་དོན་ཏེ། ཆུན་པོ་གཉིས་རྒྱ་གྲམ་དུ་བཅིངས་པ་ནི་ཡུལ་རྟེན་གཉིས་ཕན་ཚུན་འདུད་པའི་བརྡར་གོ་བར་བྱའོ།། །། །།

― LT39_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

― LT39_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

གླེང་དྲན་ལ་སོགས་པ་བཀག་པ་དེ་ཉིད་དགག་དབྱེའི་ཉིན་པར་གླེང་བའི་སྐབས་དབྱེ་བས་ན་དགག་དབྱེ་ཞེས་བྱ་བ་ཡིན་ནོ། །གཉིས་པ་རྫས་ཀྱི་དགག་དབྱེ་ནི། དགག་དབྱེ་བྱས་པའི་དགེ་འདུན་དེ་ཐམས་ཅད་དགེ་ལེགས་ཀྱི་བསམ་པ་ཅན་དང་། བྱམས་པའི་བསམ་པ་ཅན་ཡིན་པས་བསོད་ནམས་ཀྱི་ཞིང་མཆོག་ཏུ་གྱུར་པ་ཡིན་ལ། དེ་ལ་རྫས་ཐ་ན་ཁབ་ཡན་ཆད་ཀྱི་རྙེད་པ་འབུལ་བ་རྫས་ཀྱི་དགག་དབྱེ་ཞེས་བྱ་བ་ཡིན་ནོ། །གཉིས་པ་དམིགས་བསལ་གྱི་དགག་དབྱེ་ལ་བཞི། དུས། ཆོ་ག །གཞི་དང་གང་ཟག་བཞག་པ། ཚོགས་ཀྱི་དགག་དབྱེ་རྣམས་སོ། །དང་པོ་ནི། དབྱར་ཚུལ་ཞུགས་མ་ཐག་པར་རྐྱེན་དབང་གིས་འགྲོ་དགོས་པ་བྱུང་ན། གསོ་སྦྱོང་གཉིས་སམ་གསུམ་ཐལ་ནས་ཉ་ཤི་གང་རུང་ཞིག་དང་བསྟུན་དགག་དབྱེ་བྱར་རུང་བ་ཡིན་ནོ། །ཡང་དགེ་སློང་འཐབ་དཀྲོལ་ཅན་གློ་བུར་དུ་འོངས་པའི་ཚེ་དབྱར་ཚུལ་ཞུགས་རྫོགས་པའི་འོག་ཏུ་དགག་དབྱེ་བྱ་དགོས་པ་ཡང་ཡོད་དོ། །གཉིས་པ་ནི། བྲེལ་བ་གློ་བུར་བ་བྱུང་ན་སྔགས་ཚིག་ལན་གཉིས་སམ་གཅིག་བརྗོད་པས་ཀྱང་ཆོག་པ་དང་། ཡང་དགག་དབྱེའི་ཉིན་དགེ་སློང་འཐབ་དཀྲོལ་ཅན་བྱུང་སྟེ་མཚམས་ནང་གི་དགེ་འདུན་ཐམས་ཅད་འདུ་མ་ཐུབ་ན་དཀྱིལ་

― LT39_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ས་བཅད་པ་དེ་དགག་དབྱེ་བྱེད་པའམ། ཡང་ན་དེའི་ཉིན་དགག་དབྱེ་མི་བྱེད་པར་གསོ་སྦྱོང་བྱེད་པ་ཡང་ཡོད་དོ། །འཐབ་དཀྲོལ་ཅན་དང་ལྷན་དུ་དགག་དབྱེ་མི་བྱེད་པའི་རྒྱུ་མཚན་ནི་དེས་ཆོས་རྣམ་པར་དག་པ་གཏན་ལ་འབེབས་པ་ལ་གེགས་བྱེད་པ་ཡིན་ནོ། །གསུམ་པ་ནི། སྤྱིར་བཏང་དགག་དབྱེའི་ཉིན་ལྟུང་བ་སྡེ་ལྔ་པོ་ཐམས་ཅད་གླེང་དགོས་པ་ཡིན་པ་ལ་དགེ་སློང་འགའ་ཞིག་གིས་བདག་ལ་ལྷག་མའམ་ལྟུང་བྱེད་ཀྱི་སྡེ་ཚན་ནས་ལྟུང་བ་མི་གླེང་ན་དགག་དབྱེ་བྱེད་ལ། དེ་མིན་ན་དགག་དབྱེ་མི་བྱའོ་ཞེས་ཟེར་བའི་ཀྱང་དགག་དབྱེ་བྱ་རུང་བ་ལ་ནི་གཞི་འཇོག་པའི་དགག་དབྱེ་ཞེས་བྱ་བ་ཡིན་ཏེ། འདི་སྐབས་ཀྱི་གཞི་དེ་ལྟུང་བ་ལ་བྱེད་པའི་ཕྱིར། ཕམ་པའི་སྡེ་ཚན་ནས་མ་གླེང་གཞན་ནས་གླེངས་ཤིག་ཟེར་ན་དགག་དབྱེ་མི་འཆགས་ཏེ། ཇི་སྐད་དུ། བཞག་པར་བྱ་བ་མཐའ་ཉིད་མ་གཏོགས་སོ། །ཞེས་གསུངས་པའི་ཕྱིར། གཞན་ལྷག་མ་ཕྱིན་མ་གླེང་ཟེར་ཡང་གཞི་བཞག་པའི་དགག་དབྱེ་ཆགས་སོ། །གང་ཟག་བཞག་པ་ནི། གང་ཟག་ཤཱ་རིའི་བུ་ལྟ་བུས་མ་གླེང་ཟེར་བའི་གང་ཟག་ལྷ་བྱིན་ལྟ་བུ་ལ་བརྟེན་ནས་བྱུང་བའི་ལྟུང་བ་མ་གླེང་ཟེར་ཡང་དགག་དབྱེ་རུང་བའོ། །བཞི་པ་ནི། དགོན་པར་དམག་འཁྲུགས་ལ་སོགས་པའི་ཇག་པ་བྱུང་བའི་ཚེ།

― LT39_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་ལམ་དུ་གང་མཐོང་ངའི་དགེ་སློང་ཞིག་གི་དྲུང་དུ་ཕྱིན་ཏེ། ཚེ་དང་ལྡན་པ་དག་དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་མོད་ཀྱི། གང་གི་ཚེ་དགེ་འདུན་ཚོགས་པ་རྙེད་པ་དེའི་ཚེ་དགག་དབྱེ་བྱའོ། །ཞེས་བརྗོད་ལ་འགྲོ་བར་གསུངས། འདི་ལ་ནི་ཚེས་བཅོ་ལྔ་ལྟ་བུ་དང་། དགེ་འདུན་འདུ་བ་དང་། གསོལ་བའི་ལས་དང་། རྩ་དར་བྷ་འགྲིམ་པ་ལ་སོགས་པ་གང་ཡང་མི་དགོས་སོ། །ཡང་གང་ཟག་རེ་རེ་བ་དབྱར་མ་རྫོགས་པར་འགྲོ་དགོས་པ་བྱུང་ན་ཡང་ཆོ་ག་འདི་ལྟར་བྱ་ཞིང་། ཡང་ན་དགེ་འདུན་གྱི་དགག་དབྱེ་བྱེད་པ་པོ་བསྐོས་ཏེ། ཉ་ཤི་གང་རུང་དང་བསྟུན་དགག་དབྱེ་བྱས་ཀྱང་རུང་ངོ། །གཉིས་པ་ལག་ལེན་བཤད་པ་ལ་ལྔ། ཆོ་གའི་སྦྱོར་བ། དངོས་གཞི། རྗེས་བྱ། ཞར་ལ་ལྗོངས་རྒྱུ་བཤད་པ། དགག་དབྱེ་བྱིན་གྱིས་བརླབ་ཚུལ་ལོ། །དང་པོ་ལ་གཉིས། རིང་བ་དང་ཉེ་བའི་སྦྱོར་བའོ། །དང་པོ་ནི། དགག་དབྱེ་འབྱུང་བའི་སྔ་རོལ་ཞག་བཅུའམ་བཅོ་ལྔ་ནས་དགག་དབྱེ་བ་བྱུང་བར་འགྱུར་རོ་ཞེས་སྤྱོད་ཡུལ་ལ་སོགས་པའི་གྲོང་དུ་གོ་བར་བྱ་བ་དང་། མཆོད་རྟེན་དང་གཙུག་ལག་ཁང་ལ་སོགས་པའི་ཁྱམས་རྣམས་བྱི་དོར་བྱ་བ་དང་། མཁོན་ཡོད་ན་བཟོད་པར་གསོལ་བ། ཚེས་བརྒྱད་ནས་བཅུ་བཞིའི་བར་སེང་གེའི་

― LT39_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲི་བརྒྱན་པ། མར་མེའི་ཀོང་བུ་གཟུག་པ། མཆོད་པའི་བྱེ་བྲག་དུ་མ་སྤྲོ་བ། ཆོས་བཤད་ཉན་ཉམས་སུ་མྱོང་བས་དུས་འདའ་བར་བྱའོ། །དེའང་དབྱར་སྔ་མ་ཡིན་ན་སྟོན་ཟླ་འབྲིང་པོ་དབྱུག་པའི་ཟླ་བའམ། སྔར་སྣུར་ཡིན་ན་ཁྲུམ་ཟླ་དང་། ཕྱི་མ་ཡིན་ན་སྟོན་ཐ་ཆུང་སྨིན་དྲུག་ཟླ་བའི་ཚེས་བཅུ་བཞིའི་མཚན་ཐོག་ཐག་འཆད་ནུས་པའི་དགེ་སློང་སྡེ་སྣོད་འཛིན་པ་ཡོད་ན་ཁྱིམ་པ་རྣམས་ཀྱང་ཉན་པར་བསྐུལ་ཏེ་ཆོས་བསྟན། དེའང་ཁྱིམ་པ་དང་ཐུན་མོང་དུ་ཉན་པར་རུང་བ་མདོ་སྡེ་ལས་རྣམ་འབྱེད་འཛངས་བླུན་རྒྱལ་བའི་སྐྱེས་རབས་རྣམས་ལུང་བཤད་སྦྲགས་མ་གྲུབ་ན་ཆོས་ལེགས་སོ། །དེ་ཙམ་མི་ནུས་ན་མཚན་ཐོག་ཐག་འཆད་ཉན་བྱ་བའི་དོད་དུ་རྒྱན་བཀོད། མཆོད་བཤམ། དགེ་ཚུལ་སློང་བར་ཕྱེད་པའི་ཡོལ་བ་སོགས་སྟ་གོན་གྲུབ་ནས་ཉི་མ་ནུབ་པ་དང་གཎྜིས་ཚོགས་བསྡུས་ཏེ། ཐུབ་བསྟོད་དང་སྡོམ་རྒྱུན་གསོལ་འདེབས་མདོ་བསྐུལ་ནས་བརྩམས། ཚུལ་ཁྲིམས་རང་བསྔགས་མདོའི་སྨོན་ལམ་རྫོགས་ཀྱི་བར་གྲུབ་ནས་བསྐོར་བ་བཅས་ཚོགས་གྲོལ། དགག་དབྱེ་འདི་གསོ་སྦྱོང་དང་དོན་གཅིག་པས་དགེ་ཚུལ་སློང་དབྱར་མ་གནས་པ་རྣམས་ཀྱང་འདི་ནུབ་ནས་འབྱོན་པའི་སྲོལ་ཡོད་དོ། །སང་ཉིན་མཁོ་བའི་རྩྭ་ཟོར་བ་ཞེས་འཇག་མའི་ཆུན་པོ་རྒྱ་གྲམ་བཅིངས་

― LT39_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དགེ་ཚུལ་སློང་གྲངས་མཉམ་ཡང་ཉེ་བར་བསྡོབས། གཉིས་པ་ནི། བཅུ་བཞིའི་མཚན་མོའི་མཐར་རྫོགས་པའི་སྐྱ་རེངས་འཆར་བའི་རྗེས་སུ་ལས་ཀྱི་གཎྜི་བརྡུངས་ཏེ་དགེ་འདུན་རྣམས་འདུས་པ་ན་སྒོ་ཁྱམས་སུ་གསོ་སྦྱོང་སྐབས་ལྟར་ལྟུང་བ་ཕྱིར་བཅོས་དང་བྱིན་རླབས་མཛད། འདི་སྐབས་དེང་ལྟུང་བ་བྱིན་གྱིས་བརླབས་ཏེ་དགེ་འདུན་གྱིས་དགག་དབྱེ་མཛད་ལ་སླད་ཀྱིས་སོགས་ཁ་བསྒྱུར། དེ་ནས་མཐུན་པ་སྒྲུབ་པའི་ཕྱིར་དུ་གཙུག་ལག་ཁང་དུ་དགེ་སློང་ནང་དང་དགེ་ཚུལ་ཕྱི་རིམ་གྱིས་གདིང་ཆོས་བཅས་ཐད་གྲལ་དུ་བཞུགས། དབུ་མཛད་ཀྱིས་བསྐུལ་ནས་ཐུབ་བསྟོད། སྡོམ་རྒྱན་གསོལ་འདེབས་གྲུབ་མ་ཐག་ཐམས་ཅད་བཞེངས་ཏེ་གཉིས་རེ་ཞལ་སྤྲོད་ཀྱི་རྣམ་པ་དང་། ཕྱག་ཟིང་པོ་ཞེས་ཕྱག་གཡས་པ་ཁ་ཡར་བསྟན་ལྷན་ཅིག་བརྐྱངས་ལ་གུས་འདུད་བཅས། དབྱར་དགེ་འདུན་གྱི་ནང་དུ་ཚུལ་བཞིན་མ་གྱུར་པས་ཐུགས་དང་འགལ་བ་ཐམས་ཅད་བཟོད་པར་གསོལ་ལོ། །ཞེས་བྱས་ལ་རང་གྲལ་དུ་བཞུགས། དེ་ནས་མཚམས་ནང་དེ་ན་ཡོད་པའི་དགེ་སློང་ན་བ་ལ་སོགས་པའི་རྐྱེན་གྱིས་ལས་ཀྱི་གནས་སུ་འདུ་བར་མ་ནུས་པས་འདུན་པ་དང་དགག་དབྱེ་གཉིས་ཀ་འབུལ་བའི་སྔགས་ནི་དགེ་འདུན་གྱིས་བསྐོས་པའི་ལེན་པ་པོའི་དྲུང་དུ། འབུལ་བ་པོས་གདིང་ཆོས་

― LT39_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

བསླབ་ཕྱག་སྔོན་འགྲོས། ཚེ་དང་ལྡན་པ་དགོངས་སུ་གསོལ། །དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། བདག་དགེ་སློང་བྲོ་འཚལ་བ་མིང་འདི་ཞེས་བགྱི་བའི་ཡང་དགག་དབྱེ་བཅོ་ལྔ་པ་ལགས་ཏེ། བདག་དགེ་སློང་བྲོ་འཚལ་བ་མིང་འདི་ཞེས་བགྱི་བ་དགེ་འདུན་ཆོས་བཞིན་ཏུ་མཛད་པ་ལ་འདུན་པ་འབུལ་ལོ། །བདག་ལ་མཐོང་བ་དང་། ཐོས་པ་དང་། དགོས་པའི་གནས་གསུམ་གྱིས་དབྱར་གནས་པའི་དགེ་འདུན་ལ་དགག་དབྱེ་བགྱིད་དོ། །འདུན་པ་དང་དགག་དབྱེ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ། །ཞེས་ལན་གསུམ་བཟླས། འདི་གཎྜི་མ་བཏང་གོང་དུ་ལེན་གྲུབ་པ་བྱེད་ནས་སྐབས་འདིར་ལེན་པ་པོས་དགེ་འདུན་གྱི་ནང་དུ་བརྗོད་དགོས་པས་བསླབ་ཕྱག་འགྲེང་འདུད་བཅས། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ་གནས་ག་གེ་མོ་ཞིག་ན་དགེ་སློང་བྲོ་འཚལ་བ་འདི་ཞེས་བགྱི་བའི་ཡང་དགག་དབྱེ་བཅོ་ལྔ་པ་ལགས་ཏེ། གནས་ག་གེ་མོ་ཞིག་ནས་དགེ་སློང་བྲོ་འཚལ་བ་འདི་ཞེས་བགྱི་བ་དེ་དགེ་འདུན་ཆོས་བཞིན་ཏུ་མཛད་པ་ལ་འདུན་པ་འབུལ་ལོ། །མཐོང་བ་དང་ཐོས་པ་དང་དོགས་གནས་གསུམ་གྱི་དབྱར་གནས་པའི་དགེ་འདུན་ལ་དགག་དབྱེ་བགྱིད་དོ། །འདུན་པ་དང་དགག་

― LT39_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ། །ཞེས་ལན་གཅིག་བརྗོད། དེ་ནས་མདོ་བསྐུལ་ལ། དེང་དགེ་འདུན་གྱི་དབྱར་སྔ་མ་ཞལ་གྱིས་བཞེས་པའི་དགག་དབྱེ་བཅོ་ལྔ་པ་ལགས་ཏེ། ཞེས་བསྒྱུར་ནས་རྒྱུད་ཆགས་གསུམ་པ་ནས་ཚུལ་ཁྲིམས་རྣམ་དག་གི་མདོ་འདོན་པ་ཡན་ཆད་གསོ་སྦྱོང་བཞིན་བྱས་པའི་རྗེས་སུ་དགེ་ཚུལ་རྣམས་ཀྱི་བཤགས་པ་བྱེད་དགོས་ནའང་བྱས་ལ་དགེ་ཚུལ་སློང་གི་བར་དུ་དབྱར་བདག་པས་ཡོལ་བས་བཅད། མཁན་པོ་ཁྲིར་བཞུགས་ལས་ཐམས་ཅད་ཀྱི་སྔོན་དུ་འགྲོ་བ་ལྟུང་མཐུན་བྱིན་རླབས་འདི་ལས་གྲལ་དུ་མ་ལུས་པའི་གོང་དུ་བྱ་བར་གསུངས་ཀྱང་མི་འགྲུབ་པས་འདིར་བགྱི་སྟེ་མཁན་པོས་དགེ་གསོལ་ནས་བརྩམས། ཆོས་བཞིན་ཏུ་སླར་བགྱིའོ། །འདི་ནི་གསོལ་བའོ། །ཞེས་པའི་བར་བརྗོད་པ་ལས་གསོ་སྦྱོང་ཞེས་པའི་ཚིག་དགག་དབྱེ་ཞེས་བསྒྱུར། དེང་སང་ཕལ་ཆེར་དབྱར་ངོ་གསུམ་སྟེ་ཟླ་བ་ཕྱེད་གཉིས་བཞུགས་པ་ལྟར་ན། དགག་དབྱེ་བཅུ་བཞི་པ་ཞེས་བསྒྱུར་དགོས་སོ། །གནས་བློ་མཐུན་ནི་སྔ་རབས་པ་ཁ་ཅིག་གིས་མཛད་ཀྱང་སྔར་གསོ་སྦྱོང་གི་གནས་སུ་བློ་མཐུན་བྱས་པ་མ་ཞིག་ན་འདིར་བསྐྱར་ནས་བྱ་མི་དགོས་པས་ད་ལྟའི་ཕྱག་ལེན་ལ་མི་བྱེད་དོ། །དེ་ནས་དགག་དབྱེ་བྱེད་པ་པོ་བསྐོ་

― LT39_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། ལས་བྱེད་པ་པོ་སྟེ་མཁན་པོས། དབྱང་བདག་གཉིས་ལ་མཉམ་དུ། དགེ་སློང་མིང་འདི་ཞེས་བགྱི་བ་ཁྱོད། བསྐོ་དུ་དགོས་ལ་དཔག་པའི་ཁྱེད་དག་ཁྱེད་རྣམས་ཞེས་འཕྲད་བསྒྱུར་ཤེས་པར་བྱ། དབྱར་གནས་པའི་དགེ་འདུན་ལ་དགག་དབྱེ་བྱེད་པ་སྤྲོའམ་ཞེས་དྲི། དེས་ཀྱང་སྤྲོ་ལགས་ཞེས་བརྗོད། ཡང་ལས་བྱེད་པས། ཁོང་སྤྲོ་བར་གདའ་བས་དགག་དབྱེ་བྱེད་པ་པོ་བསྐོ་བ་ལ་གསོལ་བ་དང་གཉིས་ཀྱི་ལས་བགྱི་བས་དགེ་འདུན་རྣམས་སྤྱོད་ལམ་བསྟུན་ནས། ཐོག་མར་གསོལ་བའི་ལས་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་དབྱར་གནས་པའི་དགེ་འདུན་ལ་དགག་དབྱེ་བྱེད་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགག་དབྱེ་བྱེད་པར་བསྐོས་ཏེ། དགེ་སློང་དགག་དབྱེ་བགྱིད་པ་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱི་བར་འགྱུར་རོ། །འདི་ནི་གསོལ་བའོ། །བརྗོད་པ་མཇུག་སྡུད་དང་བཅས་པ་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་

― LT39_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དགག་དབྱེ་བགྱིད་པར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱིད་བར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་བསྐོ་བ་བཟོད་པ་དེ་དག་ནི་ཅང་མ་གསུང་ཞིག །གང་དག་མི་བཟོད་པ་དེ་དག་ནི་གསུངས་ཤིག །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་ཏུ་འཛིན་ཏོ། །ཞེས་བརྗོད། ཡང་ལས་བྱེད་པས། དགག་དབྱེ་བྱ་བའི་ཕྱིར་དགེ་འདུན་ཐུགས་བསྟུན་པ་གསོལ་བའི་ལས་ལ་ཐུགས་གཏད་པར་ཞུ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ཏེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དེང་དགེ་འདུན་གྱི་དགག་དབྱེ་མཛད་དོ། །འདི་ནི་གསོལ་བའོ། །ཞེས་བརྗོད། གཉིས་པ་དངོས་གཞི་གཉིས། ཚུལ་ཁྲིམས་དང་ཆོས་རྣམ་པར་དག་

― LT39_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར་ལྟུང་བའི་དགག་དབྱེ་དང་། རྙེད་པའི་སྒོ་དབྱེ་བའི་ཕྱིར་རྫས་ཀྱི་དགག་དབྱེའོ། །དང་པོ་ནི། མཁན་པོ་ཁྲི་ལས་བབས་ཏེ་གདིང་བའི་སྟེང་ཞལ་ཕྱིར་ཕྱོགས་པར་བཞུགས། དབྱར་བདག་གཉིས་ནས་རྩྭ་ཟོར་བའི་ཆུན་པོ་མཁན་པོ་ནས་བརྩམས་དགེ་ཚུལ་སློང་ཐམས་ཅད་བྲི་མ་ཚར་བ་དང་བསྟུན་རྩྭ་ཆུན་སོ་སོར་ཐོགས་ཏེ་མཁན་པོའི་མདུན་གདིང་ཆོས་སྣམ་སྦྱར་བཅས་བསླབ་ཕྱག་ཕུལ་ནས། བསྟན་པ་རིན་པོ་ཆེའི་སོགས་ཉེ་ཚིག་གི་མཇུག་དགག་དབྱེའི་ཆོ་ག་ལ་ཐུགས་གཏད་པར་ཞུ། དེས་ཀྱང་ཆོས་བཞིན་འདུལ་བ་སོགས་ལན་སྦྱིན། དེ་ནས་ཙོག་པུར་འཁོད་ལ་ཡུལ་རྟེན་གཉིས་ཀས་རྩྭ་ཆུན་རྒྱ་གྲམ་དེའི་རྩ་བ་རང་རང་གི་རྐང་པས་མནན། རྩེ་མོ་ཡ་རེ་མཁན་པོ་ཡ་རེ་སོ་སོའི་ལག་གཡས་སྟེང་གཡོན་འོག་ཏུ་ཡོང་བར་བྱས་ནས་འཛིན་ཏེ། མཁན་པོ་དགོངས་སུ་གསོལ། །དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བའི་ཡང་དགག་དབྱེ་བཅོ་ལྔ་པ་ལགས་ན། བདག་དགེ་སློང་མིང་འདི་ཞེས་བགྱི་བ་བདག་ལ་མཐོང་བ་དང་ཐོས་པ་དང་དོགས་པའི་གནས་གསུམ་གྱིས་དབྱར་གནས་པའི་དགེ་འདུན་ལ་དགག་དབྱེ་བགྱིད་ཀྱི། ཚེ་དང་ལྡན་པ་རྣམས་ཀྱིས་བདག་ལ་གདམས་སུ་གསོལ། ཚེ་དང་ལྡན་པ་རྣམས་ཀྱིས་བདག་

― LT39_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རྗེས་སུ་བསྟན་དུ་གསོལ། ཚེ་དང་ལྡན་པ་རྣམས་ཀྱིས་བདག་ལ་རྗེས་སུ་བཟུང་དུ་གསོལ། ཐུགས་བརྩེ་བ་ཅན་ཚེ་དང་ལྡན་པ་རྣམས་ཀྱིས་ཐུགས་བརྩེ་བའི་སླད་དུ་བདག་ལ་ཐུགས་བརྩེ་བར་མཛད་དུ་གསོལ། །ལྟུང་བ་ཤེས་ཤིང་མཐོང་ན་ཆོས་བཞིན་འདུལ་བ་བཞིན་སླར་བགྱིའོ། །ཞེས་ལན་གསུམ་མམ། རྐྱེན་དབང་གིས་མ་འགྲུབ་ན་གཉིས་སམ་གཅིག་བརྗོད་པས་ཆོག །མཇུག་ཏུ་ཐབས་ལེགས་བྱའོ། །དེ་ནས་དབྱར་བདག་རྒན་པ་མཁན་པོའི་གཡས་སུ་གདིང་བའི་སྟེང་གཟན་ཕབ་བཅས་དེ་ལ་ཕྱོགས་པར་བཞུགས། མཁན་གྲོགས་དགེ་སློང་བགྲེས་པ་གཉིས་བཅས་གདིང་ཆོས་སྣམ་སྦྱར་བསླབ་ཕྱག་སྔོན་འགྲོས་འགྲེང་འདུད་ཐལ་སྦྱར་གྱིས། ཉེ་ཚིག་ཞུ་ལེན་འཕྲོས་ཙོག་པུར་བཞུགས་ནས་རྩྭ་ཆུན་འཛིན་ལུགས་སྔར་བཞིན་གྱི་དགག་དབྱེ་ཐབས་ལེགས་བྱ། དགེ་སློང་གཉིས་རང་གྲལ་དང་མཁན་པོ་ཁྲིར་འཁོད། དེ་ནས་དབྱར་བདག་པ་གཉིས་ཀྱིས་རྒན་གཞོན་གྲལ་རིམ་གཡས་གཡོན་རིམ་འདེད་ཀྱིས་དགེ་སློང་གསུམ་རེ་བཀུག་ནས་དགག་དབྱེ་ཐམས་ཅད་གྲུབ་པ་དང་རྩྭ་ཆུན་རྣམས་བསྡུས་ལ་དགེ་སློང་གི་གྲངས་བགྲང་། དབྱར་རྒན་པས་རྒན་པའི་གྲལ་མཐར་བསླབ་ཕྱག་འགྲེང་སྟེ་ཐལ་སྦྱར་བཅས་མཁན་པོ་ལ་ཕྱོགས་པས། དགེ་འདུན་བཙུན་པ་རྣམས་གསན་དུ་གསོལ། བཀྲ་

― LT39_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་ཀྱི་གཙུག་ལག་ཁང་འདི་ཞེས་བྱ་བ་འདིར་དགེ་སློང་འདི་སྙེད་ཀྱིས་དགག་དབྱེ་མཛད་དོ། །ཞེས་གོ་བར་བྱས་པའི་རྗེས་སུ་མཁན་པོས་བསྐུལ་ཏེ་གྲལ་ན་འཁོད་པ་རྣམས་ཀྱིས། ལེགས་པར་དགག་དབྱེ་མཛད་དོ། །ཤིན་ཏུ་དགག་དབྱེ་མཛད་དོ། །ཞེས་བརྗོད། གཉིས་པ་ནི། དབྱར་བདག་པས་རྫས་ཀྱི་དངོས་པོ་དར་རས་སམ་ཁབ་ཡན་ཆད་གང་རུང་ཐོགས་ཏེ་ཕྱག་སོགས་མི་དགོས་པས་འགྲེངས་བཞིན་པར། དགེ་འདུན་བཙུན་པ་རྣམས་གསན་དུ་གསོལ། རྫས་འདི་ལྟ་བུས་ཀྱང་དབྱར་གནས་པའི་དགེ་འདུན་ལ་དགག་དབྱེ་བགྱིད་རུང་ངམ། ཞེས་བརྗོད་པས། ཐམས་ཅད་ཀྱིས་ལེགས་པར་རུང་ངམ། ཤིན་ཏུ་རུང་ངོ་། །ཞེས་བརྗོད། དེ་ནས་དབྱར་བདག་གཉིས་ཡོལ་བའི་ཕྱི་རོལ་དུ་སོང་ནས་དགེ་ཚུལ་ལ་རྩ་བཀྲམ་པ་བྱེད་ཚུལ་གང་མཚུངས་ཀྱིས་དགག་དབྱེ་བྱ་ཞིང་གྲངས་བགྲང་། ཡོལ་བའི་ཕྱི་དགེ་སློང་རྒན་རིམ་གྱི་རྒྱབ་ཕྱོགས་ནས་གདིང་ཕྱག་སོགས་བཅས། དགེ་ཚུལ་འདི་སྙེད་ཀྱིས་དགག་དབྱེ་མཛད་སོགས་ཞུ། དགེ་ཚུལ་སློང་ལྷན་ཅིག་ལེགས་པར་མཛད་དོ་སོགས་བརྗོད་དོ། །དེ་འཕྲལ་བགྲེང་བཞིན་པར་རྫས་དགག་ལན་བཅས་སྔར་བཞིན་གྲུབ་ནས་ཡོལ་བ་བསལ་ལོ། །གསུམ་པ་ནི། མཁན་པོས་བསྐུལ་ཏེ་དགོངས་གསོལ་བསྔོ་སྨོན་བཀྲ་ཤིས་ཀྱིས་མཐའ་

― LT39_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱན་ཏེ་གཙུག་ལག་ཁང་ལ་བསྐོར་བ་བཅས་ཆོགས་གྲོལ། སླར་དུང་གི་སྒྲས་ཚོགས་བསྡུས་ཏེ་ཆོས་སྤྱོད་བགྲོ་གླེང་གང་རྒྱས་ཐོག་སྤྱོད་ཡུལ་གྱི་གྲོང་ནས་ཕུལ་བའི་གོང་བུ་སོགས་ཡོད་ན་མཉམ་པར་བགོ། །དེ་ནས་དབྱར་གྱི་རྙེད་པ་ཆེ་ཆུང་གང་ཡོད་པ་རྣམས་ཀྱང་འདུལ་བ་གཞུང་ལས་གསུངས་པ་བཞིན་བགོ་བ་སོགས་དགོས་ཀྱང་ཇི་བཞིན་མི་འགྲུབ་ན་ཡུལ་སྲོལ་དང་བསྟུན་པ་ལས་འོས་མ་མཆིས། གོང་དུ་བྲིམ་པའི་རྩྭ་ཆུན་གྱིས་ཕྱུགས་ནད་སེལ་བར་བཤད་ཅིང་གང་ལྟར་གཙང་སར་དོར། དགེ་ཚུལ་བསྐོས་པ་གཉིས་ཀྱིས་ཚུལ་ཤིང་རྣམས་བསྡམས་ནས། དེའི་སྣེ་མོར་ཅོད་པན་དར་རས་གོས་ཆེན་སོགས་ཁྲུ་གང་ཕྱིན་ཆད་འཕན་མགོ་ལྡན་པ་ལ་ཡི་གེ་འབྲི་ཚུལ་དཔེར་ན། ཨོཾ་སྭ་སྟི་སིདྡྷཾ། རྒྱལ་བསྟན་རྒྱས་ཤིང་དེར་འཛིན་འཕེལ་བའི་ཕྱིར། །རྔ་ཆེན་ཆུ་ཁྱི་ལོ་རུང་བྱར་སྔ་མ། །ཞལ་བཞེས་རྣམ་དག་བསླབ་གསུམ་ལྡན་པའི་ཚོགས། །ཐུབ་བསྟན་ཆོས་འཁོར་གླིང་དུ་འདུས་པའི་སྡེ། །དགེ་སློང་བརྒྱ་ཕྲག་གཅིག་ལ་བཅུ་གསུམ་ལྷག །དགེ་ཚུལ་ལྔ་བཅུ་རྩ་ལྔས་ཚུལ་ཤིང་བཞེས། །ཐོས་བསམ་སྒོམ་པས་དོན་གཉིས་ལྷུན་གྲུབ་མཛད། །དགེ་འདིས་རྒྱལ་བསྟན་འཕེལ་ཞིང་རྒྱལ་ཁམས་བདེ། །འགྲོ་ཀུན་རྫོགས་ལྡན་དཔལ་ལ་སྤྱོད་གྱུར་ཅིག །སརྦ་ཐཱ་ཛ་ཡནྟུ། ཞེས་པ་ལྟ་བུ། འཕན་

― LT39_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་ཆུང་ལ་དཔག་པའི་ཚིགས་བཅད་མཁན་པོས་མཛད་པ་བྲིས་ཏེ་བཏགས་པ་གཙུག་ལག་ཁང་གི་སྒོ་གོང་ངམ་སྒོ་གླེགས་སུ་འདོགས་པར་བྱའོ། །དགག་དབྱེ་བྱས་པའི་ཉིན་པར་ཚེས་བཅོ་ལྔར་ཡིན་ཡང་། གསོ་སྦྱོང་བྱ་མི་དགོས་ཏེ། དགག་དབྱེ་བྱས་པས་གསོ་སྦྱོང་གི་གོ་ཆོད་པའི་ཕྱིར་སྟེ། འདུལ་བ་སུམ་བརྒྱ་པ་ལས། དགག་དབྱེ་དག་པ་གོ་བར་བྱ་ཕྱིར་ཏེ། །དེ་ལས་གསོ་སྦྱོང་དོན་ནི་ཐ་དད་མིན། །ཞེས་དང་། འདུལ་བ་ཚིག་ལོ་ལས། །སྡིག་པ་དམན་གྱི་གསོ་སྦྱོང་ནི། །དགག་དབྱེ་བྱས་ནས་ཡང་མི་བྱ། །ཞེས་གསུངས་པའི་ཕྱིར་རོ། །རྒྱུ་མཚན་དེས་དབྱར་ཁས་མ་བླངས་པའི་རབ་བྱུང་དེ་ཉིད་གློ་བུར་དུ་ལྷགས་པ་གཞན་ཡོད་ནའང་དགག་དབྱེ་བྱེད་དགོས་པར་གྲུབ་བོ། །ཡང་དབྱར་བྱིན་གྱིས་བརླབས་ཏེ་སོང་བ་ལས་མཚམས་གཞན་གྱི་གཙུག་ལག་ཁང་དུ་དགག་དབྱེ་བྱེད་པ་དང་ཐུགས་ན་དེ་དག་དང་ལྷན་ཅིག་དགག་དབྱེ་བྱས་ནའང་འཆགས་ཤིང་ཉེས་པ་མེད་དོ། །བཞི་པ་ནི། དགག་དབྱེ་ཐོན་པའི་ཚེས་བཅུ་དྲུག་གི་ཉིན་གནས་ལ་ཆགས་ཞེན་དང་། དུབ་པ་ལ་སོགས་པ་སྤང་བའི་ཕྱིར། རྒྱང་གྲགས་གཅིག་ཕན་ཆད་དུ་ལྗོངས་རྒྱུ་ཞིང་འགྲོ་བར་གསུངས་པ་ལྟར། ཁམས་ཀྱི་དུབ་པ་བསང་ཕྱིར་སྤྱོད་ལམ་རྣམ་བཞི་བག་ཡོད་ཞི་དུལ་ཚུལ་

― LT39_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་མཛེས་ཤིང་དངས་སྤྲོ་བས་སྐྱོ་བསང་གི་དགའ་སྟོན་སོགས་དང་འབྲེལ་བར་ཞག་བདུན་ལ་སོགས་པར་ཅི་བདེར་རྒྱུ། གལ་ཏེ་ལྗོངས་རྒྱུ་སོགས་ལ་མི་སྤྲོ་བ་ཞིག་ཡིན་ཏུ་ཟིན་ཀྱང་དབྱར་ཁས་བླངས་ཕྱིན་དགག་དབྱེ་གྲོལ་ནས། དབྱར་གནས་པ་ནས་ཕྱི་རོལ་ལོགས་སུ་གོམས་པ་བརྒྱད་ཅུ་ཙམ་མ་སོང་ན་ཉེས་བྱས་ཡིན་པར་གསུངས་པས་ལྗོངས་རྒྱུའི་གཡབ་གུར་སོགས་ཡོད་ན་དེར་འབྱོན་པ་ཡིན་ནོ། །ལྔ་པ་ནི། དགག་དབྱེ་གང་དུ་བྱ་བའི་གནས་དེ་ན་དགེ་སློང་བཞི་ལས་མེད་ན། དགག་དབྱེ་བྱེད་པ་པོ་བསྐོར་མི་རུང་བས་མི་བསྐོ་བར། གསོལ་བའི་ལས་དང་དགག་དབྱེ་དངོས་གོང་ལྟར་བྱ་ཞིང་། དགེ་སློང་གསུམ་མམ་གཉིས་ལས་མེད་ན་དགག་དབྱེ་བྱིན་གྱིས་བརླབས་ཏེ། ཕན་ཚུན་བརྗོད་རེས་ཀྱིས། བཙུན་པ་དགོངས་སུ་གསོལ། དེང་དགེ་འདུན་གྱིས་དགག་དབྱེ་བཅོ་ལྔ་པ་ལགས་ལ། བདག་དགེ་སློང་མིང་འདི་ཞེས་བགྱི་བའི་ཡང་དགག་དབྱེ་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བས་དགག་དབྱེ་བྱིན་གྱིས་བརླབ་བོ། །གང་གི་ཚེ་དགེ་འདུན་ཚོགས་པ་རྙེད་པ་དེའི་ཚེ་བདག་ལ་མཐོང་བ་དང་ཐོས་པ་དང་དོགས་པའི་གནས་གསུམ་གྱིས་དབྱར་གནས་པའི་དགེ་འདུན་ལ་དགག་དབྱེ་བྱའོ། །ཞེས་ལན་གསུམ་དང་ཐབས་

― LT39_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བྱ། རང་གཅིག་པུ་ཡིན་ན། ལྷ་རྣམས་དགོངས་སུ་གསོལ། ཞེས་སྦྱར་ནས་དངོས་གཞི་ཙམ་ལན་གསུམ་བརྗོད་པས་བྱིན་བརླབས་ཀྱི་ཆོ་ག་འགྲུབ་བོ། །བདེ་ལེགས་ཀུན་གྱི་འབྱུང་གནས་སངས་རྒྱས་བསྟན། །དེ་ཡི་རྩ་བ་ཆོས་འདུལ་ཡིད་བཞིན་ནོར། །རྣམ་པར་དག་བྱེད་གཞི་གསུམ་ཆོ་ག་ལས། །དབྱར་དགག་ལག་ལེན་གོ་གསལ་ཡིད་འོང་བཀོད། །ལུང་རྟོགས་སྡོང་པོ་ཚུལ་ཁྲིམས་བསུང་ཞིམ་ཅན། །བདུད་དང་ཉོན་མོངས་གདུང་བ་ཟིལ་གནོན་པའི། །ཚོགས་མཆོག་ལྗོན་པས་ས་ཆེན་ཀུན་ཁྱབ་སྟེ། །ཐུབ་བསྟན་རིན་ཆེན་སྙེ་མ་གཡུར་ཟ་ཤོག །ཅེས་པ་འདི་ནི། སྙིགས་འགྲོའི་མགོན་པོ་ཁྱབ་བདག་རྡོ་རྗེ་འཆང་པདྨའི་མཚན་ཅན་གྱི་དགོངས་པ་ལ་ཤིན་ཏུ་གནས་པ་དང་། མཁན་ཆེན་བྱང་ཆུབ་སེམས་དཔའ་ཆེན་པོ་ཟླ་བ་བཟང་པོའི་ཞལ་སྔ་ནས་ཀྱིས་རིང་ནས་གསུང་གིས་རྗེས་སུ་གནང་ཡང་རིམ་ལུས་སུ་གྱུར་པ། སླད་ནས་སྒྲུབ་བརྒྱུད་བསྟན་པའི་ཕྲིན་ལས་པ་ཆེན་པོ་དཔོན་སྤྲུལ་རིན་པོ་ཆེས་ཐུགས་བསྐྱེད་ཆེན་པོས་འདི་དག་གི་ལག་ལེན་མཇུག་པ་ལ་ཉེ་བར་མཁོ་བས་མཚམས་སྦྱར་ཏེ་ཐམས་ཅད་མཁྱེན་པ་མི་བསྐྱོད་ཞབས་ཀྱི་གསུང་རབ་རྩ་བར་བཟུང་། ཞི་འཚོ་གཉིས་པ་ལོ་ཆེན་དྷརྨ་ཤྲཱིའི་གཞུང་ལས་གཅེས་པར་བཏུས། ཁྱད་པར་མཁས་ཤིང་གྲུབ་པའི་དབང་ཕྱུག་འགྱུར་མེད་བསྟན་འཛིན་འཕེལ་རྒྱས་ཀྱི་ཞལ་སྔ་ནས་འདུལ་བའི་ཕྱག་ལེན་རྣམས་གོ་ཁྲིད་ཞིབ་མོ་དང་།

― LT39_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོ་རྒྱན་སྨིན་གྲོལ་གླིང་པའི་ཕྱག་བཞེས་ཕྲ་ཞིབ་གཏན་ལ་དབབ་པའི་རེག་ཟིག་ཕྱག་བྲིས་མ་བཅས་བཀའ་དྲིན་ཆེན་པོས་སྩལ་བ་བཅོས་མེད་གོ་གསལ་དུ་སླེབས་ཏེ་གདན་ས་ཆེན་པོ་དཔལ་སྤུངས་ཐུབ་བསྟན་ཆོས་འཁོར་གླིང་དུ་ཀརྨ་ངག་དབང་ཡོན་ཏན་རྒྱ་མཚོས་བྲིས་པ་འདིས་ཀྱང་ཕན་བདེ་མ་ལུས་པའི་འབྱུང་གནས་ཐུབ་བསྟན་རིན་པོ་ཆེ་ཡར་ངོའི་ཟླ་བ་ལྟར་འཕེལ་ཞིང་སྐྱེ་བ་ཀུན་ཏུ་དྲི་མ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པར་གྱུར་ཅིག །དགེ་ལེགས་འཕེལ།། །།

― LT39_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཐུན་མཚམས་རྣལ་འབྱོར་ལ་ཉེ་བར་མཁོ་བ་གསར་རྙིང་གི་གདམས་ངག་སྙིང་པོ་བསྡུས་པ་དགོས་པ་ཀུན་ཚང་།

― LT39_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་མཚམས་རྣལ་འབྱོར་ལ་ཉེ་བར་མཁོ་བ་གསར་རྙིང་གི་གདམས་ངག་སྙིང་པོ་བསྡུས་པ་དགོས་པ་ཀུན་ཚང་ཞེས་བྱ་བ་བཞུགས་སོ། །

― LT39_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སྐབས་བཞི་ཡི་འཁྲུལ་རྟོག་ནི། །ཡེ་ཤེས་ཆེན་པོའི་འཁོར་ལོར་ཤར། །སྐྱབས་གསུམ་ཀུན་འདུས་བླ་མ་རྗེར། །མི་ཕྱེད་སྙིང་ནས་གུས་པས་འདུད། །ཐེག་པའི་འཇུག་སྒོ་མཐའ་ཡས་ཤིང་། །གང་ཟག་མོས་པའང་ཐ་དད་ཀྱང་། །རང་འདྲའི་བློ་དམན་ཐ་མལ་བློ། །རྣལ་མའི་དོན་ལ་འདི་ལྟར་སྦྱོར། །དེའང་རང་རེ་ལས་དང་པོ་པ་རྣམས་ལ་མཉམ་རྗེས་མཚན་ཉིད་པ་མེད་པས་ཐབས་སྣ་ཚོགས་ཀྱིས་སྒོ་གསུམ་དགེ་བའི་ལམ་དུ་སྦྱོར་བ་བྱེད་དགོས། དེ་ལ་གྲུབ་ཐོབ་གོང་མ་རྣམས་ཀྱིས་མཛད་པའི་རི་ཆོས་དང་ཆོས་སྤྱོད་ཀྱི་རིགས་དང་། མཁས་གྲུབ་ཁྱུང་པོ་རྣལ་འབྱོར་གྱི་ཉམས་ལེན་དྲུག་པ། འགྲོ་མགོན་གཙང་པ་རྒྱ་རས་ཀྱི་དགེ་སྦྱོར་བདུན་པ། རྒྱལ་བ་རྒོད་ཚང་བའི་དམ་བཅའ་བཅུ་གཉིས་པ། ལ་སྟོད་གྲུབ་ཐོབ་ཤེས་རབ་མགོན་པོའི་གདམས་ངག་ཉེར་མཁོ་

― LT39_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་དཀོན་མཆོག་ཡན་ལག་གིས་བསྡུས་པའི་ཆོས་སྤྱོད་རབ་གསལ། དཔལ་གཙུག་ལག་ཕྲེང་བའི་ཉིན་ཞག་དྲུག་གཅིག་གི་ཆོས་སྤྱོད་ལ་སོགས་པ་ལྟར་ཅི་ནུས་སུ་སློབ་དགོས་པ་ཡིན་ཀྱང་དེ་ལྟར་ཇི་བཞིན་མི་འཁྱོངས་པ་དག་གིས་རྣལ་འབྱོར་དུ་བྱ་བ་མདོར་བསྡུ་ན། མཉམ་བཞག་ཏུ་བསྐྱེད་རྫོགས་སྐབས་སུ་གང་བབས་པ་དེ་ཉིད་རྩེ་གཅིག་ཏུ་ཉམས་སུ་ལེན། རྗེས་ཐོབ་ཐུན་མཚམས་ཀྱི་བྱ་བར་རྒྱུད་དང་གྲུབ་པའི་མན་ངག་ལས་རྒྱས་བསྡུས་ཅི་རིགས་པ་འབྱུང་ཡང་། རང་རེ་སྡོམ་པ་གསུམ་ཀའི་ཚུལ་ཁྲིམས་བླངས་ཤིང་དེའང་སྔགས་བླ་མེད་ལ་མོས་པས་ཞུགས་པ་དང་། དེའང་གསར་རྙིང་གཉིས་ཀའི་ཚ་བྲོ་མྱང་བ་རྣམས་ཀྱི་དབང་དུ་བྱས་ཏེ། ཐོ་རངས་ལྡང་བའི་རྣལ་འབྱོར། དག་བྱེད་ཁྲུས་ཀྱི་རྣལ་འབྱོར། སྲུང་སྡོམ་གོ་ཆའི་རྣལ་འབྱོར། ཐུན་མཚམས་གཏོར་མའི་རྣལ་འབྱོར།

― LT39_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

བཟའ་བཏུང་ཟས་ཀྱི་རྣལ་འབྱོར། འགྲོ་འདུག་སྤྱོད་ལམ་གྱི་རྣལ་འབྱོར། སྒྲིབ་སྦྱོང་ཉམས་སྐོང་གི་རྣལ་འབྱོར། ཟབ་མོ་ཚོགས་ཀྱི་རྣལ་འབྱོར། ཉལ་བ་གཉིད་ཀྱི་རྣལ་འབྱོར། འཆི་བསླུ་སྲུང་ཟློག་གི་རྣལ་འབྱོར། གཞན་དོན་ཕྲིན་ལས་ཀྱི་རྣལ་འབྱོར། ཐུན་མཚམས་ཆོས་སྤྱོད་ཀྱི་བྱ་བ། བསྔོ་སྨོན་ཟབ་མོའི་རྒྱས་གདབ་པ་སྟེ་བཅུ་གསུམ་དུ་ཤེས་པར་བྱའོ། །དེའང་ཐུན་སྔ་མ་གྲོལ་ནས་ཕྱི་མ་མ་ཚུགས་པའི་བར་སྐབས་རྣམས་སུ་སྒོ་གསུམ་ཐ་མལ་དང་རྣམ་གཡེང་དུ་མ་ཤོར་བར་དགེ་བའི་བྱ་བས་དུས་འདའ་དགོས་པས་ཐུན་མཚམས་ཀྱི་རྣལ་འབྱོར་ཅེས་བྱ་བ་ཉེར་མཁོ་རགས་པ་ཙམ་བསྡུས་པ་ཡིན་གྱི་གང་ཟག་དབང་པོ་དང་ཉམས་སུ་ལེན་བྱའི་ཁྱད་པར་གྱིས་མང་དུ་འགྱུར་རོ། །རྣལ་འབྱོར་བཅུ་གསུམ་པོ་དེའང་ཉམས་སུ་ལེན་ཚུལ་ཕྱི་ནང་གསང་བ་གསུམ་དུ་དབྱེར་ཡོད་ཅིང་། དེའང་སྡོམ་པ་གསུམ་པོ་གཙོ་བོར་གང་ལ་ཉམས་ལེན་བྱེད་པ་དེ་དང་མཐུན་པར་སོ་སོར་སྦྱོར་དགོས་པ་ཡིན་ཀྱང་། འདིར་ལག་ཏུ་བླང་བདེ་བའི་ཆེད་དུ་ཕལ་ཆེར་སྟབས་གཅིག་ཏུ་བཀོད་པར་བྱའོ། །དེ་ལ་དང་པོ་ལྡང་བའི་རྣལ་འབྱོར་ནི། ཐོ་རངས་ཀྱི་སྐབས་སུ། སྣང་བ་ཐམས་ཅད་ཡེ་ཤེས་ལྔ་ལྡན་གྱི་ཐིག་ལེ་རང་འོད་འཁྲུགས་པའི་དབུས་ནས་དཔའ་བོ་མཁའ་འགྲོ་རྣམས་ཀྱིས་ཌཱ་རུ་དང་གཡེར་ཁ་དང་ཡི་དམ་གྱི་སྔགས་སྒྲ་སྒྲོག་པས་གཉིད་ལས་སད་པར་མོས་ལ། ལུས་དྲང་པོར་བསྲངས། རླུང་རོ་ལན་གསུམ་བསལ། ཆོས་ཐམས་ཅད་རང་བཞིན་སྐྱེ་འགག་གནས་

― LT39_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མེད། འགྲོ་འོང་དམིགས་པ་མེད་པའོ་ཞེས་དྲན་པར་བྱས་ལ་རིག་པ་ནམ་མཁར་གཏད་དེ་མི་རྟོག་པའི་ངང་དུ་ཅི་གནས་སུ་བཞག་པས་རིག་པ་དྭངས་སྙིགས་ཕྱེད། རྟོག་ཚོགས་ཆོས་སྐུར་འཆར་རོ། །རྫོགས་ཆེན་པ་ཡིན་ན་ལུས་གནད་སེང་གེའི་འདུག་སྟངས་བྱ། ཧ་ཞེས་དབུགས་རིང་བ་གསུམ་བུས་ལ་ཕྱིར་འཛིན་བྱ་བའི་ཚེ། སྔར་ཉལ་དུས་སྙིང་པདྨ་དམར་པོ་འདབ་བཞིའི་ནང་དུ་ཨ་ཡིག་དཀར་པོ་འོད་འབར་བ་བསྒོམས་པ་དེ་ཚངས་བུག་ནས་རྒྱངས་ཀྱིས་ཐོན། སྤྱི་བོའི་འདོམ་གང་ཙམ་གྱི་ནམ་མཁར་ལིང་ངེར་འདུག་པ་ལ་སེམས་གཏད་པས་མི་རྟོག་པའི་ཡེ་ཤེས་འཆར་རོ། །དེའི་ངང་ལས་རང་ལུས་ཡི་དམ་ལྷ་སྐུ་སྒྱུ་མའི་ཚུལ་ཅན་ཏུ་ལམ་གྱིས་གསལ་གདབ་ཅིང་སྣང་བ་ཐམས་ཅད་ལྷའི་རང་བཞིན་ཏུ་བལྟས་ལ། སེམས་ཅན་ཐམས་ཅད་འཁོར་བའི་མལ་ནས་ལྡངས་པར་གྱུར་ཅིག །སངས་རྒྱས་ཆོས་ཀྱི་སྐུ་ཐོབ་པར་གྱུར་ཅིག །ཅེས་བརྗོད། དེས་འཁྲུལ་སྣང་ལྷར་འཆར་བའི་རྟེན་འབྲེལ་འགྲིག་གོ། །རླུང་འཇུག་གནས་ལྡང་གསུམ་རྩ་བའི་ཡི་དམ་གྱི་སྔགས་དང་སྦྱར་བའམ། སྤྱི་ཙམ་དུ་འཇུག་པ་ཨོཾ། གནས་པ་ཨཱཿ དབྱུང་བ་ཧཱུྃ་དུ་དྲན་པའི་བརྡ་འགྱུར་རྡོར་བཟླས་ཅི་ནུས་བྱས་པས་ངག་རླུང་ཐམས་ཅད་ཡེ་ཤེས་ཀྱི་རང་བཞིན་ཏུ་དག་པར་འགྱུར་རོ། །དེ་ནས་ཉི་མ་དེ་རིང་བྱང་ཆུབ་ཀྱི་སེམས་རྣམ་པ་གཉིས་དང་ཅི་ནས་ཀྱང་མ་བྲལ་བ་བྱའོ་སྙམ་པའི་འཕེན་པ་ཤུགས་དྲག་པོ་བཏང་། དེ་ནས་རྙིང་མ་ཡིན་ན་གཡོན་པའི་མཐེབ་སྲིན་ཐབས་ཤེས་ཀྱི་སྦྱོར་བས་བདུད་རྩི་ཆོས་སྨན་བླངས་ལ་

― LT39_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕེ་རྡོ་རྗེ་ཧཱུྃ་གིས་མཚན་པར་གྱུར་པ་བསམ་ལ་མྱང་། གསར་མ་ཡིན་ན་ཀ་པཱ་ལ་ཆང་དང་བདུད་རྩི་རིལ་བུ་སྦྱར་བ་མདུན་ཏུ་བཞག་པ་རྩ་བའི་ཡི་དམ་གྱི་གཞུང་ལྟར་བྱིན་རླབས་བྱ། མི་ལྕོགས་པའམ་མདོར་བསྡུ་དགོས་པའི་སྐབས་སུ་བདེ་མཆོག་སྡོམ་འབྱུང་གི་རྒྱུད་ལས་གསུངས་པ་ལྟར། ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ་བརྗོད་པས་དམ་ཡེ་གཉིས་སུ་མེད་པའི་བདུད་རྩིའི་རྒྱ་མཚོ་ཁ་དོག་དྲི་རོ་ཞུས་མཐུ་ཕུན་སུམ་ཚོགས་པར་མོས་ལ་གོང་སྨོས་ལྟར་མྱང་། དེ་ནས་བཟླས་བརྗོད་ཁ་ཏོན་ལ་གཙོར་བྱེད་པ་རྣམས་ཀྱིས་ངག་བྱིན་རླབས་རྒྱས་པར་སྤྲོ་ན། བླ་མ་དགོངས་འདུས་ཀྱི་བཟླས་བརྗོད་ནུས་པ་སྟོབས་སྐྱེད་ལྟར་བྱ་བའམ། ཡང་ན། མཁས་གྲུབ་ཁྱུང་པོའི་གདམས་ངག་ལས་འབྱུང་བ་འདི་ཉིད་བྱ་སྟེ། རང་ཉིད་ཡི་དམ་ལྷར་གསལ་ལྕེ་ཡི་སྟེང་། །ཨ་ལས་ཟླ་སྟེང་ཨ་དཀར་འོད་འབར་བའི། །མདུན་ནས་གཡས་བསྐོར་ཨོཾ་དང་དབྱངས་ཡིག་དཀར། །དེ་རྒྱབ་གསལ་བྱེད་སྭཱ་ཧཱ་གཡོན་བསྐོར་དམར། །དེ་རྒྱབ་རྟེན་འབྲེལ་སྙིང་པོ་གཡས་བསྐོར་སྔོ། །དེ་ལས་འོད་འཕྲོས་རྩ་གསུམ་མཆོག་གསུམ་གྱི། །བྱིན་རླབས་ལྷ་སྔགས་འོད་ཟེར་རྣམ་པར་བསྡུས། །སླར་ཡང་འོད་འཕྲོས་གྲུབ་པ་རིག་འཛིན་དང་། །དྲང་སྲོང་བདེན་གྲུབ་རྣམས་ཀྱི་ངག་ནུས་མཐུ། །ཡིག་འབྲུའི་ཚུལ་བསྡུས་ལྕེ་ལ་ཐིམ་པར་གྱུར། །ཡི་དམ་ལྷ་སྔགས་ཀྱི་ཤམ་དུ། ཨོཾ་ཨ་ཨཱ། ཨི་ཨཱི།

― LT39_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧཀྵ་སྭཱ་ཧཱ། ཨོཾ་ཡེ་དྷརྨཱ་ཧེ་ཏུ་པྲ་བྷཱ་བ་ཧེ་ཏུནྟཥཱནྟ་ཐཱ་ག་ཏོ་ཧྱ་བ་དཏ་ཏེ་ཥཱཉྩ་ཡོ་ནི་རོ་དྷ་ཨེ་ཝྃ་བཱ་དཱི་མ་ཧཱ་ཤྲ་མ་ཿསྭཱ་ཧཱ། དབྱངས་གསལ་རྟེན་སྙིང་རྣམས་སྦྲེལ་མར་ལན་གསུམ་མམ་བདུན་ནམ་ཉེར་གཅིག་ཙམ་ལོངས་ཁྱབ་དར་སྦྱར་ལ་བཟླས་མཐར། སྔགས་ཕྲེང་ཟླ་བ་རིམ་ཞུ་ཨ་ལ་ཐིམ། །དེ་ཡང་བདུད་རྩི་དཀར་དམར་རྣམ་པར་ཞུ། །ལྕེ་ལ་ཐིམ་པས་ནུས་པའི་སྟོབས་ལྡན་གྱུར། །བདག་གི་ལྕེ་ཡི་དབང་པོ་ལ། །བདེ་གཤེགས་སྤོབས་པ་ལྡན་པར་ཤོག །ཚིག་གི་གཟི་བརྗིད་མཐུ་དེས་ནི། །སེམས་ཅན་ཐམས་ཅད་འདུལ་བར་ཤོག །བདག་གིས་ཚིག་ནི་ཅི་སྨྲས་པའི། །དོན་དེ་ཐམས་ཅད་འགྲུབ་པར་ཤོག །ཅེས་བརྗོད། འདི་ནི་གདམས་ངག་སྤྱི་དང་ཁྱད་པར་ཨོ་རྒྱན་རིན་པོ་ཆེ། ཕ་དམ་པ་རྣམས་ཀྱིས་ཆེད་དུ་གདམས་ཤིང་སྨོན་ལམ་སངས་རྒྱས་ཀྱི་བཀའོ། །འགྱུར་སྔགས་ཀྱི་རིགས་མང་ཡང་ལྕོགས་དཀའ་བས་ཨོཾ་སམྦྷ་ར་སམྦྷ་ར་བི་མཱ་ན་སཱ་ར་མ་ཧཱ་ཛམྦྷ་ཧཱུྃ། ཨོཾ་སྨ་ར་སྨ་ར་བི་མཱ་ན་སྐ་ར་མ་ཧཱ་ཛ་བ་ཧཱུྃ། ཞེས་སྤྲེལ་མར་ལན་བདུན་བཟླས་པས་དེ་ཉིན་བཟླས་བརྗོད་བྱས་ཚད་གྲངས་མེད་དུ་འགྱུར་རོ། །གཞན་ཡང་།

― LT39_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་རུ་ཙིར་མ་ི་པྲ་བརྡྷ་ནཱ་ཡ་སྭཱ་ཧཱ། ཧྲཱིཿབཛྲ་ཛི་ཧྭཱ་མནྟྲ་དྷ་ར་བརྡྷ་ནི་ཨོཾ། ཞེས་པའང་བདུན་ནམ་གསུམ་བཟླས་པས་སྔགས་ཀྱི་ནུས་པ་འབུམ་དུ་སྐྱེད་པར་གསུངས། ཡི་དམ་གྱི་བཟླས་པའི་ཐོག་མར་འདི་དང་དབྱངས་གསལ་རྟེན་སྙིང་བཅས་བཟླས་པས་ཕྲེང་བ་བྱིན་གྱིས་བརླབ་པ་དང་། སྐབས་སུ་ཁ་ཟས་ལའང་བཏབ་གྲུབ་ན་ནུས་པའི་མཐུ་སྐྱེད་པར་གསུངས་སོ། །དྲི་མེད་རྡོ་རྗེའི་གཏེར་མ་དུང་འགྱུར་ཟ་ཡིག་བརྟེན་ན་སྔགས་དམིགས་ཁྱད་པར་བ་དང་བཅས་སྐབས་འདིར་བརྟེན། དེ་ནས་དལ་འབྱོར་རྙེད་དཀའ་སོགས་ཐུན་མོང་གི་སྔོན་འགྲོ་བཞི་པོས་ངེས་འབྱུང་བསྐྱེད་ཅིང་བློ་ཆོས་ལ་བསྐུལ། སྐྱབས་སེམས་ཚད་དུ་ལོངས་པ་དང་། རྡོར་སེམས་བསྒོམ་བཟླས། མཎྜལ། བླ་མའི་རྣལ་འབྱོར་ཏེ་ཐུན་མིན་སྔོན་འགྲོ་རྣམས་སོ་སོའི་དམིགས་སྒོམ་རྡོ་རུས་འཕྲོད་པར་བྱ། ཁྱད་པར་བླ་མའི་རྣལ་འབྱོར་སྤྱི་དང་བྱེ་བྲག་ལ་གནད་དུ་བསྣུན་པའི་མཐར། རྫོགས་ཆེན་རྣལ་འབྱོར་སྐབས། སྤྱི་བོར་བླ་མ་གསལ་བཏབ་ལ་རང་ཉིད་འོད་དུ་ལྟེམ་གྱིས་ཞུ་འོད་ལྔའི་གོང་བུར་གྱུར་བ་རྒྱངས་ཀྱིས་སོང་། བླ་མའི་ཐུགས་ཀར་ཐིམ། བླ་མ་ཡང་ཇེ་མཐོར་གཤེགས་པའི་མཐར་འོད་གསལ་གྱི་དབྱིངས་སུ་ཡལ་བར་བསམ་ལ་ཅིའང་ཡིད་ལ་མི་བྱེད་པའི་ངང་དུ་དར་ཅིག་བཞག །དེ་ལ་དགོས་པ་ཚད་མེད་པ་ཡོད་དོ། །གཉིས་པ་ཁྲུས་ཀྱི་རྣལ་འབྱོར་ནི། ནམ་ལངས་པའི་ཚེ་རྒྱས་པར་འགྲུབ་ན་བུམ་པ་བཅུད་ལྡན་བཤམ། གཏེར་གསར་གསང་ཐིག་རྡོར་སེམས་ལྟ་བུས་བདག་བུམ་སྒྲུབ་ཅིང་ཁྲུས་

― LT39_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དབང་ལེན་བྱ། དེ་མི་འགྲུབ་པའམ་ལོངས་ཁོམ་མེད་སྐབས། བུམ་པ་རང་བྱུང་གཞལ་ཡས་སུ། །པད་ཟླར་རྡོར་སེམས་སྐུ་མདོག་དཀར། །རྡོ་རྗེ་དྲིལ་འཛིན་ལོངས་སྐུའི་ཆས། །ཐུགས་ཀར་ཟླ་སྟེང་ཧཱུྃ་ཡིག་མཐར། །ཡིག་བརྒྱས་བསྐོར་ལས་བདུད་རྩིའི་རྒྱུན། །བབས་པས་བུམ་པ་གང་བར་གྱུར། །ཡིག་བརྒྱ་ཅི་འགྲུབ་བཟླ། བུམ་ལྷ་འོད་ཞུ་བདུད་རྩིར་གྱུར། །འོག་མིན་གནས་ནས་རྡོ་རྗེ་སེམས། །བྱོན་ཏེ་བདག་ལ་ཁྲུས་མཛད་གྱུར། །ཅེས་མོས་ལ་ཡིག་བརྒྱ་དང་། །ཁྲུས་བདུན་རིག་པ་བཟླས་ལ་ཁྲུས་དང་འཐོར་འཐུང་བྱའོ། །ཁྲུས་ལྷ་འོད་ཞུ་རང་ལ་ཐིམ། །རང་ཉིད་རྡོར་སེམས་ངོ་བོར་གྱུར། །ཅེས་མོས། གསར་རྙིང་ཀུན་ལས་རྣལ་འབྱོར་པའི་སྤྱི་ཁྲུས་འདི་ཁོ་ནར་བསྔགས་ཤིང་། ནང་གི་ཁྲུས་ནི་རྡོར་སེམས་སྤྱི་བོར་བསྒོམས་ནས་བདུད་རྩི་འབེབས་སྦྱོང་བྱ་བ་དང་། གསང་ཁྲུས་རང་ཉིད་རྡོར་སེམས་སུ་བསྒོམས་ནས་ཏིང་ངེ་འཛིན་གྱི་སྤྲོ་བསྡུ་བྱེད་པ་སྟེ་ཐམས་ཅད་ཆང་བ་གྲུབ་ན་རབ། མ་གྲུབ་ན་གང་ལྕོགས་རེ་མ་ཆགས་པ་གལ་ཆེ་བས་དམིགས་སུ་སྨོས་པའོ། །ཡང་རྣམ་འཇོམས་ཆགས་མེད་བྱེད་མཁན་ཡིན་ན། །བདག་མདུན་རྡོ་རྗེ་རྣམ་པར་འཇོམས་པའི་སྐུ། །ཁྲོ་འཛུམ་ལྗང་སྔོན་ཞལ་གཅིག་ཕྱག་གཉིས་པ། །གཡས་གཡོན་སྣ་ཚོགས་རྡོ་རྗེ་དྲིལ་བུ་བསྣམས། །དར་དང་རིན་ཆེན་རྒྱན་རྫོགས་པད་ཉིའི་སྟེང་།

― LT39_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱིལ་ཀྲུང་ཕྱེད་བཅས་སྟོད་གཡོགས་སྨད་ཤམ་ཅན། །ཡེ་ཤེས་རང་འོད་འཁྲིགས་པའི་དབུས་ན་བཞུགས། །ཐུགས་ཀར་ཉི་སྟེང་ཧཱུྃ་མཐར་སྔགས་ཀྱིས་བསྐོར། །མདུན་བསྐྱེད་སྐུ་ལས་བདུད་རྩིའི་ཆུ་རྒྱུན་བབས། །བུམ་ནང་དག་བྱེད་བདུད་རྩིས་གང་བར་གྱུར། །ཅེས་མོས་ལ་རྣམ་འཇོམས་གཟུངས་རིང་ཐུང་གང་འགྲུབ་དང་། ཨོཾ་ཨེ་ཧོཿཤུདྡྷེ་སོགས་ཁྲུས་བདུན་རིག་པའི་ཤམ་བུ་གདགས་པའང་བཟླས་ལ་འཐོར་འཐུང་བྱ། ལྷ་སྔགས་དེ་འདྲ་རང་གི་ལྕེ་ཐོག་ཏུ་བསྒོམས་པའི་འོད་ཀྱིས་ངག་མནན་རིགས་ལྐུག་སོགས་ངག་གི་ཉེས་སྐྱོན་ཐམས་ཅད་སེལ་བར་བསམ་ལ། གཟུངས་ཐུང་སྔགས་ཤམ་དུ། མནྟྲ་གུ་ཧྱ་ས་མནྟ་མ་ཧཱ་བ་ལ་ཧཱུྃ་སྭཱ་ཧཱ། ཞེས་བཏགས་པ་བཟླས། མཐར་ལྷ་སྔགས་ལྕེ་ལ་བསྟིམས་པས་ངག་སྐྱོན་སེལ་བའི་ཐབས་མཆོག་ཏུ་གྱུར་པའོ། །ཡང་རྣམ་འཇོམས་གཟུངས་ཐུང་མཐར། ཏདྱ་ཐཱ། ཀ་པ་ཙ་ཀརྞ་ལ་ཏེ་སྭཱ་ཧཱ། ཞེས་བཏགས་པ་ལན་བདུན་བཟླས་པའི་ཆུ་གཙང་གིས་གདོང་དང་ལག་པ་བཀྲུས་པས་བློ་རྣོ་བ་དང་བདག་གཞན་གྱི་རྒྱུད་ལ་བྱམས་པའི་ཏིང་ངེ་འཛིན་སྐྱེ་བ་སོགས་ཡོན་ཏན་མང་ངོ་། །བུམ་པ་སོགས་དངོས་སུ་མི་འཛོམ་སྐབས། མདུན་གྱི་ནམ་མཁར་སྐད་ཅིག་གིས། །རིགས་ལྔའི་ལྷ་ཚོགས་ཕྱོག་པར་གྱུར། །བདག་གི་སྡིག་སྒྲིབ་མ་ལུས་པ་སྦྱང་དུ་གསོལ། ཅེས་གསོལ་བ་བཏབ་པས། ཐུགས་ཀ་ནས་ལྷ་མོ་བདུད་

― LT39_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིས་གང་བའི་བུམ་པ་ཐོགས་པ་སྤྲོས། ཨོཾ་སརྦ་ཏ་ཐཱ་ག་ཏ་ཨ་བྷིཥེ་ཀ་ཏ་ས་མ་ཡ་ཤྲི་ཡེ་ཧཱུྃ། ཞེས་གསུང་ཞིང་ཁྲུས་བྱས་པས། དབང་བཞི་ཐོབ། སྡིག་སྒྲིབ་ཐམས་ཅད་དག །ལུས་ཤེལ་གོང་གཡའ་དག་པ་ལྟར་གྱུར། ཅེས་བསྒོམས་པས་ཀྱང་འགྲུབ། ཡང་མངའ་བདག་ཉང་རིན་པོ་ཆེའི་ཟབ་གཏེར་དང་། གྲོལ་ཏིག་ལས་འབྱུང་བའི་དམ་གྲིབ་ཉེས་པ་ཀུན་སེལ་ནི། སྐྱབས་སེམས་སྔོན་ཏུ་སོང་ནས། སྟོང་པའི་ངང་ལས་སྐད་ཅིག་གིས། །སྣ་ཚོགས་པད་ཉིའི་གདན་སྟེང་དུ། །རང་ཉིད་ཁྲོ་ཆེན་སྨེ་བརྩེགས་ནི། །མཐིང་ནག་འོད་ཟེར་ཀུན་འཕྲོ་བ། །ཕྱག་གཉིས་ཐུགས་ཀར་སྡིགས་མཛུབ་མཛད། །ཁྲོ་བོའི་ཆ་ལུགས་རྫོགས་པར་བསྒོམ། །གནས་གསུམ་ཡི་གེའི་འཕྲོ་འདུ་ལས། །ཞི་ཁྲོའི་ཚོགས་ཀུན་སྤྱན་དྲངས་ཐིམ། །ཐུགས་ཀར་པད་ཉིར་ཧཱུྃ་མཐིང་མཐར། །བཟླས་སྔགས་འགལ་མེའི་འཁོར་ལོ་བཞིན། །མེ་ཡི་ཚྭ་ཚྭ་འཁྲུགས་ཅིང་འཕྲོ། །གནོད་བྱེད་ཉམས་ཆགས་ཀུན་བསྲེགས་གྱུར། ཨོཾ་ཨི་ས་ཙ་ཊ་ཡ་ཏོར་ཡ་ཏོར་ཡ་སྭཱ་ཧཱ། ཨུ་ཊ་མི་ཊ་ཡ་ཏོར་ཡ་ཏོར་ཡ་སྭཱ་ཧཱ། མོན་ཊ་ཀྲོ་ཏ་ཡ་ཏོར་ཡ་ཏོར་ཡ་སྭཱ་ཧཱ། ཨ་ཀ་ཊོ་ཏ་ཡ་ཏོར་ཡ་ཏོར་ཡ་སྭཱ་ཧཱ། ཨ་བྷུ་ཀྲོ་ཏ་ཡ་ཏོར་ཡ་ཏོར་ཡ་སྭཱ་ཧཱ། ཨུ་ཊ་ཤ་ཏ་ཡ་ཏོར་ཡ་ཏོར་ཡ་སྭཱ་ཧཱ། ཨེ་ལིང་ཨེ་ཊ་

― LT39_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་ཏོར་ཡ་ཏོར་ཡ་སྭཱ་ཧཱ། ལ་མོན་ཊ་ཡ་ཏོར་ཡ་ཏོར་ཡ་སྭཱ་ཧཱ། ཨས་ནི་པིས་ནི་ཊ་ཡ་ཏོར་ཡ་ཏོར་ཡ་སྭཱ་ཧཱ། ཨོཾ་བྷུར་ཀུར་མ་ཧཱ་པྲཱ་་ཡེ་བྷུར་ཙི་བྷུར་ཀི་བི་མ་ལེ་ཨུཙྪཥྨ་ཀྲོ་དྷ་ཧཱུྃ་ཕཊ་ཏོར་ཡ་ཏོར་ཡ་སྭཱ་ཧཱ། ཞེས་ཉམས་གྲིབ་ཆེན་པོ་ལ་བརྒྱ་རྩ། འབྲིང་ལ་བདུན་གསུམ་ཉེར་གཅིག །ཆུང་ངུ་ལ་བདུན་བཟླས་ལ་སྣ་བུག་ཏུ་ཕུས་གདབ་པས་ཉམས་གྲིབ་ཐམས་ཅད་ཉི་མས་མུན་པ་ལྟར་འཇོམས་པར་གསུངས་ཏེ་ད་ལྟའི་གསང་སྔགས་པ་རྣམས་ལ་མེད་ཐབས་མེད་པའི་གདམས་ངག་ཟབ་མོའོ། །ནང་གི་ཁྲུས་རྡོ་རྗེ་གུར་གྱི་དགོངས་པ་ནི། །རང་ལུས་བུམ་པ་ནང་ཁྲོལ་བུམ་པའི་རྫས། །རང་སེམས་ཡི་དམ་ལྷ་ལས་རང་བྱུང་གི། །བདུད་རྩི་མི་བསྐྱོད་ངོ་བོར་བབས་པར་གྱུར། །ཅེས་མོས་ལ་རྩ་བའི་ཡི་དམ་མམ། རྡོར་སེམས། སྨེ་བརྩེགས་སོགས་ཀྱི་སྔགས་བཟླས། །དྲི་ཆུ་བཏང་བའི་ཕུད་ཀྱིས་བླ་མ་དཀོན་མཆོག་མཆོད། བར་པས་ཁྲུས་བྱ་ཞིང་ཧུབ་གསུམ་འཐུད། ལྷག་མ་ཡི་དྭགས་ལ་སྦྱིན། འདི་ནི་སྲུང་བ་ཐམས་ཅད་ཀྱི་མཆོག་ཡིན་ཅིང་བཅུད་ལེན་ཏུ་འགྱུར་བ་སོགས་དགོས་པ་མང་པོ་ཡོད། རས་འབུད་སྐབས་ཀྱང་ལག་ལེན་འདི་ལྟར་བྱ་དགོས་ལ། འདི་ནི་ཐོ་རངས་སམ་ཟས་མ་ཟོས་པའི་གོང་དུ་བྱ་བ་ཡིན་ནོ། །ཆོས་དྲུག་གི་རྨི་ལམ་འོད་གསལ་སོགས་ཀྱི་སྐབས་སུ་ལྷག་པར་མཁོ་ཞིང་གྲིབ་སེལ་བའི་མན་ངག་ཤིན་ཏུ་ཟབ་པ་ཤངས་ལུགས་རྣམ་འཇོམས་གསང་སྒྲུབ་བཀའ་རྒྱའི་རྒྱུན་ཁྱེར་ཉམས་སུ་ལེན་ན། ཐོ་རངས་གཞན་

― LT39_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རག་མ་འདྲེས་པའི་ལྟོ་སྟོང་མར་སྐྱབས་སེམས་སྔོན་འགྲོས། རང་ལུས་ཡེ་ནས་བུམ་པ་ནི། །རང་ཆས་གྲུབ་ཏེ་སྐྲ་སྣ་དག །བུམ་པའི་ཁ་རྒྱན་ཤིང་ལོ་ཉིད། །མགུལ་པ་བུམ་པའི་མགྲིན་པའོ། །གསུས་པ་བུམ་པའི་ལྟོ་བ་ལྡིར། །རྡོ་རྗེ་ནོར་བུ་བུམ་པའི་མཆུ། །སྲིན་ཞལ་འོག་སྒོ་བུམ་པའི་ཞབས། །རྐང་པ་བུམ་པའི་ཞབས་བཏེག་གོ། །ལྷུན་གྱིས་གྲུབ་པའི་ལྟེ་བའི་ནང་། །པད་ཉིའི་སྟེང་དུ་ཡི་གེ་ཧཱུྃ། །དེ་མཐར་གཟུངས་རིང་ཚར་གསུམ་གྱིས། །སྔགས་ཕྲེང་ལན་གསུམ་བསྐོར་བར་གྱུར། །ཧཱུྃ་དང་གཟུངས་ལས་འོད་འཕྲོས་པས། །སངས་རྒྱས་བྱང་སེམས་ཐམས་ཅད་མཆོད། །དེ་ཀུན་བྱིན་རླབས་འོད་ཟེར་ཚོགས། །ཚུར་འདུས་སྔགས་ཕྲེང་རྣམས་ལ་ཐིམ། །གཟུངས་རིང་བདུན་ལྔ་གསུམ་གྱི་བར། །རྒྱས་བསྡུས་ལོངས་སྐབས་བསྟུན་ལ་བཟླ། །སྔགས་ཕྲེང་འོད་དུ་ཞུ་བ་ལས། །ཁྲུས་ཆུ་གདོན་ལ་ཁྲོ་ཆུང་དང་། །བར་ཆད་སྲུང་ལ་རྡོ་རྗེའི་རྡུལ། །ཕྲ་མོ་མཚོར་འཁྱིལ་མེ་འོད་འཕྲོ། །ཆུ་ཕུད་ཕར་བཏང་བར་པ་ནས། །ཁྱོར་བ་གསུམ་བཏུང་ཁྲུས་བྱའོ། །དེ་བྱས་ནད་རིམས་མཐའ་དག་དང་། །གྲིབ་གདོན་ཀུན་ལས་རྒྱལ་བ་ཡིན། །གསང་བའི་ཁྲུས་ཆོག་ཟབ་མོ་འདི། །སྐལ་ལྡན་རེ་རེ་ཙམ་ལའོ། །ཞེས་

― LT39_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དོན་ཉམས་སུ་བླང་ངོ་། །རྣལ་འབྱོར་པ་ལ་གྲིབ་ཀྱི་རིགས་རྡོར་སེམས་རྣམ་འཇོམས་སོགས་ཀྱིས་མི་སེལ་བ་བྱུང་ན། གནམ་ཆོས་གྲིབ་སེལ་གསེར་གྱི་ཕ་ཝཾ་སོགས་སྨེ་བརྩེགས་ཀྱི་རིགས་ཕལ་ཆེར་ཟབ་ཅིང་། ཁྱེར་བདེ་བའི་ཁྲོ་མོ་སྨེ་བརྩེགས་ནི། སྭ་བྷཱ་བས་སྦྱང་། སྟོང་པའི་ངང་ལས་སྤྱི་བོར་པད་ཉིའི་སྟེང་། །ཧཱུྃ་ལས་མཁའ་འགྲོ་སྨེ་བརྩེགས་སྐུ་མདོག་ནག །སྤྱན་གསུམ་སྐྲ་གྲོལ་དར་ནག་ན་བཟའ་འཕྱང་། །ཕྱག་གཉིས་དག་བྱེད་བུམ་པ་ཐུགས་ཀར་འཛིན། །རྒྱན་སྤངས་ཞབས་གཉིས་མཉམ་པའི་སྟབས་ཀྱིས་བཞེངས། །གནས་གསུམ་འབྲུ་གསུམ་འོད་ཀྱིས་རང་འདྲ་བའི། །ཡེ་ཤེས་སེམས་དཔའ་བཛྲ་ས་མཱ་ཛཿ ཛཿཧཱུྃ་བཾ་ཧོཿ དབང་ལྷས་དབང་བསྐུར་སྐུ་གང་དྲི་མ་དག །ཆུ་ལྷག་ཡར་ལུད་མི་བསྐྱོད་རྒྱས་བཏབ་གྱུར། །ཨརྒྷཾ་སོགས་དང་། དཔལ་ལྡན་རྡོ་རྗེ་མཁའ་འགྲོ་སོགས་ཀྱིས་མཆོད་བསྟོད། བུམ་པའི་བདུད་རྩི་བདག་གི་སྤྱི་བོར་བླུགས། །མི་གཙང་གྲིབ་ཀུན་སང་སང་བཀྲུས་པར་གྱུར། །ཨོཾ་གྷཌྦཾ་ཙི་ཌྦཾ་བི་མཱ་ན་སེ་ཨུ་ཙུཥྨ་མ་ཧཱ་ཀྲོ་དྷཱི་ཧཱུྃ་ཕཊ། ཅེས་བཟླ། ཁྲོ་མོ་འོད་ཞུ་རང་ལ་ཐིམ་པར་གྱུར། ཅེས་མོས། འདི་ནི་ཉམས་གྲིབ་སེལ་བ་ལ་ལྷག་པར་བསྔགས་ཏེ་གསར་རྙིང་ལུགས་གཅིག་དྲིལ་ལོ། །དེ་ནས་འཛོམ་ན་སྤོས་དཀར་དང་། མ་འཛོམ་ན་བཟང་ཤིང་

― LT39_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཕྱེ་མ་ལ། ཨོཾ་པདྨོ་ཨུཥྞི་ཥ་བི་མ་ལེ་ཧཱུྃ་ཕཊ། ན་མོ་རཏྣ་ཏྲ་ཡཱ་ཡ། ཏདྱ་ཐཱ། ཨོཾ་ཨུཥྞཱི་ཥ་ཡ། དྷ་ར་དྷ་ར། དྷ་རནྟེ་སྭཱ་ཧཱ། ཞེས་ལན་བདུན་སོགས་ཀྱིས་སྔགས་པས་ལུས་དང་གོས་དང་། ཁྱད་པར་ཆོས་གོས་རྣམ་གསུམ་གྱོན་ཁར་བདུག་ན་ཚུལ་ཁྲིམས་དག་པར་འགྱུར་བ་དང་། རླུང་རྫིས་ཕོག་པའི་སྐྱེ་འགྲོ་གྲོལ་བ་སོགས་ཕན་ཡོན་མང་དུ་གསུངས་སོ། །གསུམ་པ་སྲུང་སྡོམ་གོ་ཆའི་རྣལ་འབྱོར་ནི། ནངས་མོར་བླ་མ་དཀོན་མཆོག་རྣམས་མངོན་སུམ་བཞིན་དུ་མདུན་གྱི་ནམ་མཁར་དབང་པོའི་ཚུལ་དུ་བཞུགས་པར་མོས་ལ། མཚན་མོ་རྨི་ལམ་ཚུན་ཏུ་ཉེས་པ་བྱུང་ཚད་ལྟུང་བཤགས་སམ། སངས་རྒྱས་རྐང་གཉིས་སོགས་སམ། བླ་མ་རྡོར་འཛིན་མའམ། མགོན་པོ་བདག་ནི་ལྟ་བུས་སྙིང་ནས་བཤགས། དེ་ནས་ཐལ་མོ་སྦྱར་ཏེ། བླ་མ་རྒྱལ་བ་སྲས་བཅས་དགོངས་སུ་གསོལ། །འགྲོ་ཀུན་སངས་རྒྱས་ས་ལ་འགོད་པའི་ཕྱིར། །སྡོམ་པའི་ཚུལ་ཁྲིམས་ནམ་ཡང་མི་ཉམས་ཤིང་། །བདག་རྒྱུད་རྣམ་པར་དག་པར་བྱིན་གྱིས་རློབས། །འཇིགས་ཚེ་འཇིག་རྟེན་ལྷ་མིར་སྐྱབས་འཚོལ་དང་། །ཆོས་སྤངས་སྨན་སྔགས་རྫས་བོན་སོགས་ལ་སྐྱབས། །རབ་བྱུང་རྟགས་དོར་ཁྱིམ་པ་མུ་སྟེགས་འགྲོགས། །སྐྱབས་འགྲོ་གཏོང་བའི་བསམ་སྦྱོར་མི་བྱའོ། །ཉོན་མོངས་ཞེ་སྡང་དབང་གིས་སྲོག་གཅོད་དང་།

― LT39_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དང་ཆ་མཐུན་གསོད་སེམས་གནོད་སེམས་དང་། །རྡེག་འཚོག་བསྔོས་ཤ་གཞན་ལ་འཚེ་བའི་ལས། །ལག་ཏུ་ལེན་པའི་བསམ་སྦྱོར་མི་བྱའོ། །ཕྱི་རོལ་རྫས་ལ་ཆགས་པའི་འདོད་ཆགས་ཀྱིས། །མ་བྱིན་ལེན་པ་དངོས་དང་དེའི་ཆ་མཐུན། །གཞོས་སློང་ཐོབ་འཇལ་གཡོ་སྒྱུས་བླང་དང་ཆང་། །བརྣབ་སེམས་སེར་སྣའི་བསམ་སྦྱོར་མི་བྱའོ། །ནང་གི་ལུས་ལ་ཆགས་པའི་འདོད་ཆགས་ཀྱིས། །མི་གཙང་སྤྱོད་དང་ཆ་མཐུན་ཁུ་བ་འབྱིན། །འཁྲིག་ཚིག་སྒེག་ཆོས་འཕྱར་གཡེང་རྒོད་དང་གར། །འཕྱོར་འདོད་རྩེད་མོའི་བསམ་སྦྱོར་མི་བྱའོ། །གཏི་མུག་དབང་གིས་མི་ཆོས་བླ་མའི་རྫུན། །ཆ་མཐུན་བརྫུན་ཚིག་གཞན་ལ་གཡོ་སྒྱུའི་སེམས། །དཀོན་མཆོག་ལས་འབྲས་ཚུལ་ལ་ལོག་ལྟ་དང་། །ང་རྒྱལ་བརྫུན་པའི་བསམ་སྦྱོར་མི་བྱའོ། །དུག་གསུམ་གང་རུང་གིས་བསླང་ཕ་རོལ་པོ། །འབྱེད་ཕྱིར་ཕྲ་མ་དངོས་དང་ཆ་མཐུན་གྱིས། །རིང་ཐབས་འགྱང་ཐབས་དཀྲུག་ཐབས་མཁོན་ཐབས་ཀྱིས། །རྩོད་གཞིར་བྱུང་བའི་བསམ་སྦྱོར་མི་བྱའོ། །ཉོན་མོངས་ཞེ་སྡང་གཙོ་གྱུར་ཕ་རོལ་ལ། །ཚིག་རྩུབ་དངོས་དང་སྐུར་འདེབས་ལྐོག་སྨྲས་དང་། །འཕྱ་དང་དམོད་འབོར་གཏིང་ཚིགས་ཤུབ་བུ་སོགས། །གནོད་འཚེའི་སྨྲ་བརྗོད་བསམ་སྦྱོར་མི་བྱའོ། །

― LT39_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ཉོན་མོངས་དབང་གིས་ངག་ཀྱལ་སྣ་ཚོགས་དང་། །ཟེར་བཟློས་བསྐྱར་བརྗོད་བཤུག་གླུ་ཀུ་ཅོ་འདོན། །འོག་འགྱུ་བོན་དང་མུ་སྟེགས་བསྟོད་སྨད་གླེང་། །སྒྲོ་སྐུར་ངག་ཀྱལ་བསམ་སྦྱོར་མི་བྱའོ། །སེམས་ཅན་བློས་སྤངས་ཕ་རོལ་འགྱོད་པ་བསྐྱེད། །སློབ་དཔོན་ལ་ཡང་ཁྲོ་བས་མི་སྙན་སྨྲས། །འགྲོ་བ་རྣམས་ལ་གཡོ་སྒྱུས་སྤྱོད་པ་སོགས། །སྨོན་སེམས་འགལ་བའི་བསམ་སྦྱོར་མི་བྱའོ། །རྙེད་བཀུར་ཆགས་པས་བདག་བསྟོད་གཞན་སྨོད་དང་། །ཆོས་ནོར་མི་སྟེར་བཤགས་དང་མི་བཟོད་དང་། །ཐེག་ཆེན་སྤང་ཞིང་དམ་ཆོས་འདྲར་སྣང་སྟོན། །འཇུག་སེམས་གཏོང་བའི་བསམ་སྦྱོར་མི་བྱའོ། །སྒྱུ་མ་ལྟ་བུའི་སེམས་ཅན་དོན་སླད་དུ། །བདག་ཉིད་སྒྱུ་མས་སངས་རྒྱས་སྒྱུ་མའི་སྐུ། །སྒྲུབ་ལ་རྟག་ཆད་འཛིན་པ་དོན་དམ་པའི། །བྱང་སེམས་གཏོང་བའི་བསམ་སྦྱོར་མི་བྱའོ། །རྡོ་རྗེ་སློབ་དཔོན་ཐུགས་དཀྲུགས་སུན་ཕྱུངས་དང་། །ལུས་ངག་ཡིད་ཀྱིས་བརྙས་ཐབས་བག་མེད་སྤྱད། །བཀའ་བཅག་སྐུར་འདེབས་སྨོད་དང་ཡལ་བར་འདོར། །རྩ་ལྟུང་དང་པོས་ཉམས་པར་མི་བྱའོ། །བླ་མའི་གདམས་ངག་སངས་རྒྱས་བཀའ་དང་ནི། །ཚད་མར་གྱུར་པའི་བསྟན་བཅོས་དང་འགལ་བའི། །ལྟ་སྒོམ་སྤྱོད་པ་འཆོལ་བར་སྤྱད་པ་སོགས། །

― LT39_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་ལྟུང་གཉིས་པས་ཉམས་པར་མི་བྱའོ། །རྡོ་རྗེ་སྤུན་ལ་གནོད་འཚེ་བྱེད་པ་དང་། །ཁྲོས་འཁྲུག་ངན་གཡོ་ཚིག་ངན་དམའ་འབེབས་སོགས། །དངོས་བརྒྱུད་སྒོ་ནས་གཞན་སེམས་སུན་འབྱིན་པའི། །རྩ་ལྟུང་གསུམ་པས་ཉམས་པར་མི་བྱའོ། །སེམས་ཅན་རྣམས་ལ་བྱམས་པའི་སེམས་སྤངས་ནས། །དགྲ་ལ་ཅི་གནོད་སྡང་སེམས་གནོད་སྐྱེལ་དང་། །གནོད་ལེན་གནོད་འཇལ་གཡོ་སྒྱུ་ངན་བསླུས་སོགས། །རྩ་ལྟུང་བཞི་པས་ཉམས་པར་མི་བྱའོ། །སྤྱི་དོན་དབང་བྱས་ཀུན་རྫོབ་དོན་དམ་གྱི། །བྱང་སེམས་ཉམས་དང་སྦས་དོན་དབང་བྱས་ནས། །རྟེན་གྱི་ཐིག་ལེ་བརྟེན་པ་བདེ་ཆེན་ཉམས། །རྩ་ལྟུང་ལྔ་པས་ཉམས་པར་མི་བྱའོ། །ཕྱི་རོལ་པ་དང་བྱེ་མདོ་སེམས་ཙམ་དང་། །དབུ་མ་ལ་སོགས་རང་གཞན་གྲུབ་མཐའ་ལ། །སྡང་བས་དམོད་ཅིང་སྐུར་པ་འདེབས་པ་ཡི། །རྩ་ལྟུང་དྲུག་པས་ཉམས་པར་མི་བྱའོ། །སྣོད་མིན་རྣམས་ལ་དབང་བསྐུར་རྒྱུད་འཆད་དང་། །མན་ངག་སྟེར་དང་གྲོང་ཆོག་གཏོར་ཟློག་སྲུང་། །གསང་མི་ཐུབ་དང་མཐུ་གཏད་ལ་སོགས་པ། །རྩ་ལྟུང་བདུན་པས་ཉམས་པར་མི་བྱའོ། །རང་གཞན་ཕུང་ཁམས་གདོད་ནས་རྡོ་རྗེའི་གཞིའི། །རྒྱུ་ཡིན་པ་ལ་ངན་པར་བལྟ་བ་དང་། །བྱང་ཆུབ་བདག་ལྟས་མི་ཐོབ་ཅེས་སྤངས་པས། །རྩ་ལྟུང་བརྒྱད་པས་

― LT39_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་པར་མི་བྱའོ། །འཁྲུལ་མེད་རྒྱུ་འབྲས་ཐེག་པའི་དམ་ཆོས་ལ། །ཐེ་ཚོམ་སོམ་ཉིས་སྤོང་བར་བྱེད་པའམ། །ཡིད་མི་ཆེས་པས་ཡལ་བར་འདོར་བ་ཡི། །རྩ་ལྟུང་དགུ་པས་ཉམས་པར་མི་བྱའོ། །བླ་མ་ལ་སྡང་དཀོན་མཆོག་གསུམ་ལ་གནོད། །ཆོས་སྤོང་མཚམས་མེད་བྱེད་པའི་སྐྱེ་བོ་ལ། །འདི་ལྟོས་འབྲེལ་པས་ཕྱོགས་འཛིན་བྱམས་གདུང་གིས། །རྩ་ལྟུང་བཅུ་པས་ཉམས་པར་མི་བྱའོ། །མིང་དང་བསམ་བརྗོད་སྤྲོས་བྲལ་གནས་ལུགས་ལ། །སྒྲོ་འདོགས་པ་དང་སྐུར་པ་འདེབས་པ་དང་། །རྟག་ཆད་མཚན་མའི་མཐའ་རུ་འཛིན་པ་ཡིས། །རྩ་ལྟུང་བཅུ་གཅིག་པ་ཡང་མི་བྱའོ། །ཕ་རོལ་དག་པའི་ཞིང་ལ་སྐུར་པ་དང་། །སྦྱིན་བདག་ལ་སོགས་སྐྱེ་བོ་སུན་ཕྱུང་དང་། །སྒོ་གསུམ་སྒོ་ནས་སྐྱེ་རྒུ་གཅོར་བགྱིད་པ། །རྩ་ལྟུང་བཅུ་གཉིས་པ་ཡང་མི་བྱའོ། །སོ་སོར་ཐར་དང་བྱང་སེམས་གསང་སྔགས་ཀྱི། །སྡོམ་པ་དམ་ཚིག་བླངས་ཤིང་དམ་བཅས་པ། །བཏང་དང་ཉམས་དང་འགལ་བར་བགྱིད་པ་ཡི། །རྩ་ལྟུང་བཅུ་གསུམ་པ་ཡང་མི་བྱའོ། །ལས་རྒྱ་བུད་མེད་ཆོས་རྒྱ་སྣང་བ་ཀུན། །དམ་རྒྱ་གཏུམ་མོ་ཡེ་རྒྱ་སྒོམ་པའི་ལྷ། །གཉིས་མེད་ཕྱག་ཆེན་སྨོད་ཅིང་སྤོང་བ་ཡི། །རྩ་ལྟུང་བཅུ་བཞི་པ་ཡང་མི་བྱའོ། །རྒྱལ་བ་ཀུན་གྱི་

― LT39_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང་། །ཚུལ་ཁྲིམས་སྤྱོད་པ་དྲི་མེད་ཡོངས་དག་པར། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་རྗེ་ཆོས་ཀྱི་དབང་ཕྱུག་གིས་མཛད་པའི་སྡོམ་པ་ཉེར་ལྔ་པ་ཚིག་དོན་དྲན་བཞིན་དུ་བརྗོད་ལ་དམ་བཅའི་གོ་ཆ་བརྟན་པོ་བྱས་ཏེ། འགྲོ་འདུག་སྤྱོད་ལམ་ཐམས་ཅད་ཀྱི་སྐབས་སུའང་བག་ཡོད་དྲན་ཤེས་དང་མ་བྲལ་བས་སྡོམ་གསུམ་གྱི་བསླབ་བྱ་དེ་དག་དང་ནམ་ཡང་མ་འགལ་བར་བྱ་དགོངས་མོ་རང་རྒྱུད་ལ་ལྟུང་བས་གོས་མ་གོས་བརྟགས་ནས་མ་གོས་པའི་དགེ་རྩ་སེམས་ཅན་གྱི་དོན་ཏུ་བསྔོ། གོས་པ་ལ་ཁྱད་པར་དུ་བཤགས་སྡོམ་བྱ་དགོས་པ་ཡིན་ཀྱང་། དེང་སང་དུས་དབང་གིས་ལྟུང་བས་མ་གོས་པ་ཆེར་མི་འབྱུང་བས། དམིགས་འདུན་བཤགས་པ་སྔ་མ་ལྟར་གང་ལྕོགས་དང་། སྡོམ་པ་ཉེར་ལྔ་པའི་ཚིག་མཇུག །སྐྱབས་འགྲོ་བཏང་བའི་བསམ་སྦྱོར་བྱས་པ་བཤགས། །སོགས་ནས། རྩ་ལྟུང་བཅུ་བཞི་ཉམས་པ་མཐོལ་ལོ་བཤགས། །ཞེས་པའི་བར་བཤགས་ཚིག་ཏུ་བསྒྱུར་བས་ཉེས་པ་བཤགས་ཏེ། དུས་རྟག་ཏུ་སྡོམ་གསུམ་གྱི་རྩ་བ་ཙམ་ལ་ཉེས་པས་མ་གོས་པ་ཞིག་བྱུང་ན་ཐར་པའི་ལམ་སྣ་ཟིན་པར་འགྱུར་གྱི། ཉེས་ལྟུང་གི་ཁུར་པོ་ཁུར་ནས་ལྟར་སྣང་གི་སྒོམ་སྒྲུབ་ཅི་བྱས་ཀྱང་ངན་སོང་ལས་སྐྱོབ་པར་དཀའོ། །དེ་ཙམ་ལོངས་ཁྱབ་མེད་སྐབས་བཤགས་ཚིག་བསྡུས་པ་དང་། ཨོཾ། ཀུན་ཏུ་བཟང་པོ་བླ་ན་མེད་པ་ཡི། །བྱང་ཆུབ་མཆོག་ཏུ་

― LT39_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གིས་སེམས་བསྐྱེད་བྱ། །དོན་དམ་དང་ནི་ཀུན་རྫོབ་བྱང་ཆུབ་སེམས། །དེང་ནས་ཚུལ་བཞིན་ཡོངས་སུ་བཟུང་བར་བགྱི། །ཇི་ལྟར་སྔོན་གྱི་རྒྱལ་བ་སྲས་བཅས་དང་། །རིག་འཛིན་མཁའ་འགྲོ་རྒྱ་མཚོའི་ཚོགས་རྣམས་ཀྱིས། །ཕྱི་ནང་གསང་བ་མཆོག་གི་དམ་ཚིག་དང་། །སྡོམ་པ་མཐའ་ཡས་རྒྱ་མཚོ་བཟུང་བ་ལྟར། །དེང་ནས་བདག་ཀྱང་ལམ་ཆེན་དེར་ཞུགས་ཏེ། །འགྲོ་ལ་ཕན་ཕྱིར་དེ་དག་གཟུང་བར་བགྱི། །ཞེས་པ་ཙམ་བརྗོད་ལ་དོན་གསལ་གདབ་བོ། །བཞི་པ་གཏོར་མའི་རྣལ་འབྱོར་ལ་སྔ་དྲོ་བྱ་དགོས་པའི་ཆུ་གཏོར་ནི། གསར་རྙིང་རང་ལུགས་རྒྱས་བསྡུས་གང་རུང་བྱ་བ་ལས་ཟུར་དུ་སྨོས་མ་དགོས་ཀྱང་། རྒྱས་འབྲིང་རྣམས་མི་འགྲུབ་པས་ཤིན་ཏུ་བསྡུས་པ་ལ་མོས་ན། ཟན་རིལ་བཟུ་སོགས་ལྡན་པའི་ཆུ་ཐེབ་གསུམ། ཆུ་གཙང་ཁོ་ན་བླུགས་པའི་ཐེབ་གཅིག་བཅས་འདུ་བྱས་ལ། སངས་རྒྱས་ཆོས་ཚོགས་སོགས། །སྐད་ཅིག་རང་ཉིད་ཤཱཀྱ་ཐུབ། །མཆོག་གི་སྤྲུལ་སྐུའི་རྣམ་པར་གྱུར། །ལག་གཡས་རྡོ་རྗེ་རྩེ་གསུམ་པའི་ཕྱག་རྒྱ་བྱས་ལ། ཨོཾ་སརྦ་ཀ་རི་ཧཱུྃ། རིན་པོ་ཆེ་ལས་གྲུབ་པའི་སྣོད། །ཡངས་ཤིང་རྒྱ་ཆེ་རྣམས་ཀྱི་ནང་། །ཨོཾ་སརྦ་སིངྡྷི་ཧཱུྃ། །བཅུད་ནི་བདུད་རྩིའི་རང་བཞིན་གྱུར། །བདག་གི་བསམ་པའི་སྟོབས་དག་དང་། །དེ་བཞིན་གཤེགས་

― LT39_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་གང་དག་བསམ་པ་ཀུན། །འཇིག་རྟེན་ཁམས་ནི་མ་ལུས་པ། །དེ་དག་ཐམས་ཅད་ཅི་རིགས་པ། །ཐོགས་པ་མེད་པར་འབྱུང་བར་ཤོག །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ཉེར་གཅིག་གམ་བདུན་སོགས་བརྗོད། བླ་མ་ཡི་དམ་དཀོན་མཆོག་སྲི་ཞུའི་མགྲོན། །ཆོས་སྐྱོང་སྲུང་མ་ཕྲིན་ལས་སྒྲུབ་པའི་མགྲོན། །རིགས་དྲུག་འགྲོ་བ་བྱམས་དང་སྙིང་རྗེའི་མགྲོན། །གདོན་བགེགས་ཤ་མཁོན་ལན་ཆགས་བུ་ལོན་མགྲོན། །དེ་དག་སོ་སོར་མཆོད་པས་མཉེས་གྱུར་ཅིག །སྦྱིན་པས་ཚིམས་ཞིང་སྒྲིབ་གཉིས་བྱང་གྱུར་ཅིག །དཀོར་སྒྲིབ་ལན་ཆགས་ཐམས་ཅད་བསལ་གྱུར་ཅིག །ཀུན་ཀྱང་རྣམ་མཁྱེན་སངས་རྒྱས་ཐོབ་གྱུར་ཅིག །ཨོཾ་ཨཱཿཧཱུྃ། ཞེས་བསྔོ། ཐེབ་ཆ་གཅིག་ལ་ཛཾ་གཏོར་བསྡུས་པ་ནི། མདུན་ཏུ་པད་ཟླར་ཛཾ་ལས་ཛཾ་ལྷ་སེར། །ཤིང་འབྲས་ནེའུ་ལེ་བསྣམས་ཤིང་རྒྱན་ལྡན་བཞུགས། །པད་ཉིར་ཧཱུྃ་ལས་ཛཾ་ནག་སྦྲུལ་རྒྱན་ཅན། །བཞེངས་སྟབས་ཕྱག་གཉིས་ཐོད་ཁྲག་ནེའུ་ལེ་བསྣམས། །གནས་གསུམ་འབྲུ་གསུམ་འོད་ཀྱིས་ཡེ་ཤེས་

― LT39_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟིམས། །དབང་ལྷས་དབང་བསྐུར་རིགས་བདག་དབུ་བརྒྱན་གྱུར། །རང་གི་ལག་མཐིལ་ཟླ་སྟེང་ཡིག་འབྲུ་ལྔ། །རིགས་ལྔ་ཞུ་བའི་བདུད་རྩིའི་ཆུ་རྒྱུན་གྱིས། །རྨ་དང་མེ་ཡི་ཟུག་རྔུ་ཞི་བར་གྱུར། །ཨོཾ་ཛམྦྷ་ལ་ཛ་ལེནྡྲཱ་ཡ་སྭཱ་ཧཱ། ཞེས་དང་། ཨོཾ་ཨིནྡྲ་ནི་མུ་ཁཾ་བྷྲ་མ་རི་སྭཱ་ཧཱ། ཨོཾ་ཛ་མླུཾ་སྭཱ་ཧཱ། ཞེས་བརྗོད། ཨརྒྷཾ་སོགས། གནོད་སྦྱིན་ནོར་གྱི་བདག་པོར་ཕྱག་འཚལ་བསྟོད། །སེམས་ཅན་དབུལ་བའི་སྡུག་བསྔལ་ཞི་བར་མཛོད། །ཛཾ་སིངྡྷི་ཕ་ལ་ཨ་ལ་ལ་ཧོཿཞེས་གནས་དང་རྟེན་ལ་བསྟིམ། ཐེབ་གཅིག་ལ་ཆུ་སྦྱིན་ནི། རང་ཉིད་ཐུགས་རྗེ་ཆེན་པོར་གྱུར། །འཕགས་པ་སྤྱན་རས་གཟིགས་དབང་གི། །ཕྱག་ནས་བབས་པའི་འོ་རྒྱུན་གྱིས། །ཡི་དྭགས་རྣམས་ནི་ཚིམས་བྱས་ནས། །ཁྲུས་བྱས་རྟག་ཏུ་བསིལ་བར་ཤོག །ཨོཾ་མ་ི་པདྨེ་ཧཱུྃ། ཨོཾ་ཨཱཿཧྲཱིཿཧཱུྃ། ཞེས་དང་། སམྦྷ་ར་ལན་བདུན་བརྗོད་ལ་སེ་གོལ་གཅིག་གཏོགས། ཟན་འབྲུ་མེད་པའི་ཐེབ་ནང་ཆུ་ཐིགས་རེ་སྦྲེང་། སྔགས་རེ་བརྗོད། གཡོན་པའི་སེ་གོལ་རེ་གཏོགས་པ་ལན་བདུན་ཙམ་བྱས་ལ། ཨོཾ་ཛྭ་ལ་མི་དཾ་སརྦ་པྲེ་ཏེ་བྷྱཿསྭཱ་ཧཱ། ཕྱི་མ་འདི་ནི་ཟས་མ་ཟོས་སྔོན་རོལ་ཁོ་ནར་དགོས་སོ། །སྦྱིན་པ་འདི་ཡི་བསོད་ནམས་གང་། །དེ་དག་ཡི་དྭགས་ཕྱི་བཞིན་སོང་། །ཡི་དྭགས་འཇིག་

― LT39_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་རབ་འཇིགས་པས། །དེ་ནི་མྱུར་དུ་ཐར་བར་ཤོག །ཐམས་ཅད་ནམ་མཁའ་མཛོད་བཞིན་ཏུ། །ལོངས་སྤྱོད་ཟད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །ཨོཾ་ཡེ་དྷརྨཱ་སོགས་དང་། སྦྱིན་པ་རྒྱ་ཆེན༴ བསོད་ནམས་འདི་ཡིས་སོགས་ཀྱི་བསྔོ་སྨོན་བྱའོ། །རྒྱ་གར་བའི་ཕྱག་ལེན་རྒྱ་གཞུང་གི་ཁུངས་དང་འབྲེལ་བ་ནི་ཆབ་གཏེར་འཇམ་དཔལ་མ་དང་ཤཱཀ་ཐུབ་མ་གཉིས་ཡིན་ལ། སྔ་མ་ཅུང་ཟད་བྱ་དཀའ་ཞིང་བྱི་མ་འདི་སྟབས་བདེ་བས། །ཕྱག་ལེན་སོགས་རྣམ་པར་མ་དག་པའི་འདོན་བྱ་མང་པོ་ལས་འདི་ཙམ་ལག་ལེན་གཙང་དག་བྱུང་ན་ཕན་ཡོན་ཆེ་བ་དང་། ཛཾ་གཏོར་དང་ཆུ་སྦྱིན་ནི་སངས་རྒྱས་ཀྱི་སྤྱོད་པ་བཀའ་རྟགས་ཀྱི་ཕྱག་རྒྱ་ཡིན་པས་རྒྱལ་བའི་རྗེས་འཇུག་ཡིན་ཕྱིན་འདི་ཙམ་ཆགས་སུ་མི་རུང་བ་ཡིན་ནོ། །ཡང་དཀོར་སྦྱོང་སོགས་ལ་ཤིན་ཏུ་ཟབ་པ་དབོན་སྟོན་ལུགས་ཀྱི་བྲུལ་གཏོར་གྲུབ་ན་གཞན་མ་དགོས་ཀྱང་། མ་གྲུབ་པའམ་རེས་མོས་སྤྲོ་ན་གཏེར་གསར་ཐུགས་སྒྲུབ་མཆོད་སྦྱིན་སྤྱད་གྲོལ་ནི། ཡང་ནི་རིན་ཆེན་སྣོད་ཡངས་སུ༔ ཆུ་གཙང་ཟན་དང་བཅས་པ་བཤམ༔ མདུན་གྱི་ནམ་མཁར་སྤྱན་རས་གཟིགས༔ འཕགས་པ་རྡོ་རྗེ་སྙིང་པོ་ལ༔ སངས་རྒྱས་བྱང་སེམས་ཡི་དམ་ལྷ༔ མཁའ་འགྲོ་ཆོས་སྐྱོང་ཚོགས་ཀྱིས་བསྐོར༔ འོག་ཏུ་གདོན་བགེགས་རིགས་དྲུག་དང་༔ ཁྱད་པར་ལན་ཆགས་མགྲོན་ཀུན་གསལ༔ སྟོང་པའི་

― LT39_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

ངང་ལས་བྷྲཱུྃ་ཡིག་ལས༔ བྱུང་བའི་རིན་ཆེན་སྣོད་ཡངས་སུ༔ རང་ལུས་འོད་དུ་ཞུ་བ་ལས༔ གཏོར་མ་བདུད་རྩིའི་རྒྱ་མཚོར་བསམ༔ ཨོཾ་ཨཱཿཧཱུྃ་གིས་བྱིན་གྱིས་བརླབས༔ རང་སེམས་ཁ་སརྤ་ིར་གྱུར༔ མཆོད་སྦྱིན་མགྲོན་ཀུན་མཆོད་པར་བསམ༔ སཾ་བྷ་ར་ཡི་སྔགས་ཀྱིས་ཕུལཿ ཨོཾ༔ སྡིག་སྒྲིབ་ཐམས་ཅད་འཇོམས་མཛད་པའི༔ འཕགས་པ་རྡོ་རྗེ་སྙིང་པོ་དང་༔ སྐྱབས་གནས་མཆོད་འོས་རྒྱ་མཚོའི་ཚོགས༔ བདག་ལུས་བདུད་རྩིའི་གཏོར་མ་བཞེས༔ བྱིན་གྱིས་རློབས་ཤིག་སྡིག་སྒྲིབ་སྦྱོངས༔ དངོས་གྲུབ་སྩོལ་ཅིག་བར་ཆད་སོལ༔ གདོན་བགེགས་འབྱུང་པོ་རིགས་དྲུག་དང་༔ ཁྱད་པར་ལན་ཆགས་མགྲོན་རྣམས་ཀུན༔ ཟག་མེད་བདུད་རྩི་འདི་གསོལ་ལ༔ ལན་ཆགས་བུ་ལོན་བྱང་བར་མཛོད༔ གནོད་འཚེ་གདུག་རྩུབ་ཀུན་ཞི་ཞིང་༔ བྱང་ཆུབ་སེམས་དང་ལྡན་པར་ཤོག༔ མཐར་ནི་མཆོད་སྦྱིན་མགྲོན་དང་རྫས༔ མི་དམིགས་སྟོང་པའི་ངང་ལ་བཞག༔ འདིས་ནི་ཚོགས་རྫོགས་འཆི་བ་བསླུ༔ སྡིག་སྒྲིབ་སྤྱི་དང་ཁྱད་པར་དུ༔ དཀོར་སྒྲིབ་ལན་ཆགས་ངན་པ་སྦྱངས༔ དེ་ཕྱིར་རྒྱུན་དུ་བརྩོན་པར་བྱ༔ ཞེས་སོ། །སྔ་མ་དང་སྦྲེལ་ན་ཛཾ་གཏོར་གྱི་གོང་དུ་བྱའོ། །ཕྱི་དྲོའི་ཆ་ལ་བྱ་དགོས་པའི་གཏོར་མ་ནི་འོག་ཏུ་འཆད་པར་འགྱུར་ལ། སྔ་དྲོའི་ཆར་བསང་བྱ་བར་སྤྲོ་ན། གྲོང་སྔགས་པའི་ལུགས་ཀྱི་འདོན་བྱ་མང་པོ་ནི་རྣལ་

― LT39_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་པ་ལ་དགོས་པ་མེད་པས། རིག་འཛིན་སྲོག་སྒྲུབ་ཀྱི་རི་བོ་བསང་མཆོད་ལྟ་བུ་གནད་དོན་དགོས་པ་ཅན་ཉུང་ངུས་ཆོག་ཤེས་པར་བྱའོ། །ལྔ་པ་བཟའ་བཏུང་ཟས་ཀྱི་རྣལ་འབྱོར་ལ། ཚ་བ་བསྐོལ་བའི་ཚེ། རང་ཡི་དམ་དུ་བསྒོམ། ཐབ་ཀ་གཞལ་ཡས་ཁང་དུ་མེ་ལྷ་ཡེ་ཤེས་པ་རྡོ་རྗེ་སེམས་དཔའི་ངོ་བོར་བཞུགས་པར་མོས། བུད་ཤིང་སོགས་བསྲེག་རྫས་གང་འཛོམ་ལ་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ཐིམ། དེ་དག་ཕུལ་བས་སྦྱོང་བར་མོས་ལ། ཨོཾ་བཛྲ་སཏྭ་ཧཱུྃ། ཨོཾ་སརྦ་པཱ་པཾ་ཤཱིནྟཾ་ཀུ་རུ་ཡེ་སྭཱ་ཧཱ། ཞེས་བརྗོད། འདི་ནི་སྒྲིབ་པ་ཞར་བྱུང་དུ་འདག་པའི་ཐབས་ཟབ་མོའོ། །ཉིན་གཅིག་གི་བཟའ་བཏུང་བྱིན་རླབས་མཁས་གྲུབ་ཁྱུང་པོའི་ཞལ་གདམས་ནི། ནངས་ཞོགས་ཀྱི་ཐུན་མགོར། རང་ཉིད་རྒྱུད་སྡེ་ལྔ་ལུས་དཀྱིལ་དང་བཅས་པའམ། ཡི་དམ་གང་ལ་བྱེད་པའི་མགྲིན་པར་བླ་མ། སྙིང་གར་ཡི་དམ། ལྟེ་བར་ཆོས་སྐྱོང་། རྩ་ཁམས་ཐམས་ཅད་དཔའ་བོ་དཔའ་མོར་གསལ་ལམ་གྱིས་གདབ་འཛམ་བུའི་གླིང་གི་འོག་ཏུ་ཡཾ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་པུ་གསུམ་གྱི་སྟེང་དུ་ཨ་ལས་ཐོད་པའི་ནང་དུ་ཤ་ལྔ་བདུད་རྩི་ལྔ་ས་བོན་ཕྱག་མཚན་དང་བཅས་པ། རླུང་གཡོས། མེ་སྦར། རྫས་རྣམས་ཞུ་ཞིང་ཁོལ་བའི་སྟེང་གི་ནམ་མཁར་ཨོཾ་ཨཱཿཧཱུྃ་གི་འོད་ཟེར་གྱིས་སངས་རྒྱས་རྣམས་ཀྱི་སྐུ་གསུང་ཐུགས་ཡེ་ཤེས་ཀྱི་བདུད་རྩི་བཀུག་ནས་ཐིམ་པས་དམ་ཡེ་གཉིས་སུ་མེད་

― LT39_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བདུད་རྩིའི་རྒྱ་མཚོ་ཡི་དམ་ཡབ་ཡུམ་གྱི་བྱང་སེམས་དཀར་དམར་གྱི་རང་བཞིན་བདེ་སྟོང་གི་ངོ་བོར་གྱུར་པར་བསྒོམས་པས། བཟའ་བཏུང་ཟོས་ཚད་བྱིན་གྱིས་བརླབ་པར་འགྱུར་ཞིང་དཀོར་དང་སྐུ་གླུད་ཀྱི་ཉེས་པ་འདག་པར་གསུངས་སོ། །བཏུང་བའི་རིགས་འཐུང་བའི་ཚེ། རང་ཡི་དམ་གྱི་ཐུགས་ཀ་ནས་འོད་འཕྲོས་པས་བཏུང་བའི་སྟེང་དུ་ཡི་གེ་བཾ་དམར་སེར་གཅིག་ཏུ་གྱུར། དེ་འོད་དུ་ཞུ། ཨོཾ་བཛྲ་ཨ་མྲྀ་ཏ་ཧཱུྃ་ཧྲཱིཿཋཱ། ཞེས་བརྗོད་པས་ཡེ་ཤེས་ཀྱི་བདུད་རྩིར་བསམ། ཕུད་གཏོར་ཏེ། ཉོན་མོངས་ལྔ་པོ་རྣམ་དག་ཅིང་། །ཡེ་ཤེས་ལྔ་ཡི་ངོ་བོ་ཉིད། །བདུད་རྩི་ལྔ་ཡི་རང་བཞིན་མཆོག །བླ་མ་ཡི་དམ་རྣམས་ལ་འབུལ། །ཞེས་བརྗོད་ནས་འཐུང་བའི་ཚེ་ལུས་ཀྱི་ལྷ་རྣམས་མཆོད་པར་མོས། བཟའ་བཏུང་གཉིས་ཀ་ལ་རྣལ་འབྱོར་ཅུང་ཟད་རྒྱས་པར་སྤྲོ་ན། ལག་གཡས་ཀྱིས་སྟེང་ནས་བཀབ་པའི་ཚུལ་དང་བཅས། རང་ཉིད་བདེ་གཤེགས་འདུས་པར་གསལ་བཞིན་དུ༔ཡ་རྐན་རིགས་ལྔ་མ་རྐན་གཤེགས་མ་ལྔ༔ལག་གཡས་དཔའ་བོ་ལག་གཡོན་དཔའ་མོ་ལྔ༔ཟས་སྐོམ་ལག་པ་གཡས་པས་བཀབ་པ་ཡིས༔ སྙོམས་འཇུག་ཚུལ་བསམ་སྦྱོར་མཚམས་བྱང་སེམས་བབ༔ འབྲུ་གསུམ་བྱིན་རླབས་བདེ་སྟོང་བདུད་རྩིར་གྱུར༔ ལག་གཉིས་སྦྱར་བས་ཚིམ་

― LT39_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་མཉེས་པར་བསམ༔ མགྲིན་པའི་པདྨར་བླ་མ་ཡབ་ཡུམ་ཚོགས༔ ཆོས་འཁོར་དབུས་སུ་ཡི་དམ་ལྷ་ཚོགས་དང་༔ ལྟེ་བར་གྲུ་གསུམ་དམ་ཅན་སྲུང་མའི་ཚོགས༔ ཚིགས་ཆེན་རྣམས་སུ་ཁྲོ་ཆེན་འབར་བ་དང་༔ མདོར་ན་རྩ་ཁམས་ཞི་ཁྲོའི་དཀྱིལ་འཁོར་ལ༔ གནས་གྱུར་ལག་གཡས་འདོད་ཡོན་ལྷ་མོ་ལྔ༔ ཟག་མེད་བདུད་རྩིའི་མཆོད་པ་ཕུལ་བར་གྱུར༔ ཞེས་དང་། ཨོཾ་ཨཱཿཧཱུྃ་མང་དུ་བརྗོད། ལག་གཉིས་པད་སྐོར་གྱིས་མཐར་ཐལ་མོ་སྦྱར་ལ། ཧོཿ ཞེས་བརྗོད་ཅིང་ཁ་ཟས་བླངས་ཏེ། བདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པ་མི་འགྱུར་བར། །གཏན་པ་མེད་པའི་སྦྱིན་བདག་ཀྱང་། །ཐེག་ཆེན་འབྲས་བུར་སྤྱོད་པར་ཤོག །ཅེས་བརྗོད་ཅིང་ཁ་ཟས་བདུད་རྩིའི་རང་བཞིན་འདོད་ཡོན་རྒྱ་མཚོའི་སྤྲིན་ཕུང་འཕྲོ་བས། རང་གི་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་དུ་གསལ་བ་མཆོད་པའི་ཚུལ་གྱིས་ཐ་མལ་གྱི་སྣང་ཞེན་སྤངས་ཏེ་ཚིམ་པར་ལོངས་སྤྱད་པའི་མཐར། གདན་

― LT39_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཚང་བའི་དཀྱིལ་འཁོར་དུ། །ཚོགས་ཀྱི་འཁོར་ལོ་བསྐོར་བ་ཡིས། །བདག་གཞན་འགྲོ་བ་མ་ལུས་པ། །དཀྱིལ་འཁོར་གཅིག་ཏུ་འགྲུབ་པར་ཤོག །ཅེས་སྨོན་ལམ་གདབ། འདི་ནི་གྲོལ་ཏིག་ལས་འབྱུང་བ་ཨ་ནུའི་ལུགས་ཀྱི་དང་གི་ཚོགས་འཁོར་རོ། །ཤིན་ཏུ་བསྡུས་པ་རྒྱུད་ཀྱི་དགོངས་པ་ཆོས་རྗེ་གླིང་པའི་གསུངས་ནི། རང་ཉིད་ཡི་དམ་ལྷ་རུ་གསལ། །ཐུགས་ལས་རྃ་ཡྃ་ཁྃ་གསུམ་འཕྲོས། །བཟའ་བཏུང་འབག་བཙོག་དུག་དང་ཕྲལ། ཨོཾ་ཨཱཿཧཱུྃ། ཡེ་ཤེས་བདུད་རྩིའི་རྒྱ་མཚོ་ཆེ། །ཧ་ཧོ་ཧྲཱི༔ཁ་དོག་དྲི་རོ་ཕུན་ཚོགས་བསམ། རང་ལུས་ཕུང་ཁམས་ལྔའི་ངོ་བོ། །ལྟེ་བར་ཨ་ཐུང་གཏུམ་མོའི་མེ། །ཡེ་ཤེས་མེ་ལྷའི་ངོ་བོ་ཉིད། །ལག་གཉིས་གཟར་བླག་ཁ་ཐབ་ཁུང་། །མཆོག་གི་སྦྱིན་སྲེག་བླ་ན་མེད། །ཅེས་པའི་དོན་ཡིད་ལ་དྲན་བཞིན་ཏུ་བཟའ་བཏུང་ལ་ལོངས་སྤྱད་དོ། །སྤྱིར་འདིར་ཤེས་དགོས་པ་ནི་སྔགས་ཀྱི་རྣལ་འབྱོར་པས་ཐ་མལ་གྱི་འདུ་ཤེས་ཀྱིས་བཟའ་བཏུང་སྤྱད་པ་སོགས་ནམ་ཡང་མི་རུང་བས་རྟག་ཏུ་ཏིང་ངེ་འཛིན་དང་མ་བྲལ་བར་བྱ་དགོས་པས་ཁ་ཟས་ཀྱི་རྣལ་འབྱོར་ཀྱང་གསར་རྙིང་རྒྱུད་དང་མན་ངག་རྣམས་ལས་རྒྱས་བསྡུས་སྣ་ཚོགས་སུ་འབྱུང་ཡང་ཉམས་ལེན་སྟབས་བདེ་བ་འདི་དག་ཡིན་ལ། ཤིན་ཏུ་བསྡུས་པ་གདན་བཞིའི་རྒྱུད་ཀྱི་དགོངས་པ་ནི། བཟའ་བཏུང་གང་ཡིན་

― LT39_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་ལག་པ་གཡོན་པའི་མཐེབ་སྲིན་སྦྱར་བས་རེག་སྟེ་འབྲུ་གསུམ་བརྗོད་པས་ཤ་ལྔ་བདུད་རྩི་ལྔ་ཡེ་ཤེས་ལྔའི་རང་བཞིན་གྱི་བདུད་རྩིར་མོས། སྙིང་གའི་ཧཱུྃ་དམ་ནཱ་ད་ལྷ་ཐམས་ཅད་འདུས་པའི་ངོ་བོར་མོས་པ་ལ་མཆོད་པའི་བསམ་པས་ལོངས་སྤྱད་པས་བཅུད་ལེན་ཏུའང་འགྲོ་བར་གསུངས་སོ། །གུང་ཚིགས་སྐངས། མདོ་ལུགས་ཁ་རྐྱང་བྱེད་ན་ཆོས་སྤྱོད་རབ་གསལ་ནས་འབྱུང་བ་ལྟར་ཟས་གོང་དུ་དཀོན་མཆོག་རྗེས་དྲན་དང་། ཁ་ཟས་འབྲུ་གསུམ་གྱིས་བྱིན་བརླབས་ནས། ཕུད་ཀྱི་བཤོས་བུ། འབྱུང་པོ་སྤྱི་གཏོར། འབྲོག་མ་མ་བུའི་ཆང་བུ་རྣམས་བསྔོས། ཟས་ལ་གཡོན་པའི་མཐེབ་སྲིན་གྱིས་རེག་ལ་དུག་ལ་སོགས་པའི་ཉེས་པ་ཞི་བའི་སྔགས། ན་མཿསརྦ་བུདྡྷ་བོ་དྷི་ས་ཏྭཱ་ནཱཾ་ཨོཾ་བ་ལི༚་ཏ་ཏེ་ཛོ་བ་ལི་ནི་སྭཱ་ཧཱ། །ཞེས་ལན་བརྒྱད་ཀྱིས་བསྔགས་ལ་ཆོས་ཀྱི་དོན་དུ་ལུས་གསོ་བ་དང་། ལུས་ཀྱི་སྲིན་བུ་རྣམས་ལ་ཕན་གདགས་པའི་བསམ་པས་བག་ཡོད་པར་ལོངས་སྤྱད་གཞན་ཡང་འདུལ་བ་རྣམ་ངེས་ཀྱི་མདོ་ལས། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསངྒྷཱ་ཡ། ཨོཾ་ཧ་ལུ་ཧ་ལུ་ཧི་ལི་ཧི་ལི་ཡ། ན་མོ་ཛ་ག་ན་ཡ། ན་མོ་ན་མཿསྭཱ་ཧཱ། ལན་བདུན་ཟས་ལ་བཏབ་ན་དཀོར་གྱི་དྲི་མ་དག་ཅིང་ཟས་བདུད་རྩིར་འགྱུར་བར་གསུངས། མཐར་ལྷག་མའི་ཆང་བུ་སྦྱིན། ཁ་བཀྲུས་ནས་ཡོན་སྦྱོང་བའི་གཟུངས་བཟླ། སྦྱིན་པའི་ཚིགས་བཅད་དང་ཤེར་སྙིང་ལྟ་བུའི་མདོ་འདོན་པ་སྟེ་ཇོ་བོ་

― LT39_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གསལ་བར་གསུངས་སོ། །འདིར་སྔགས་ལུགས་གཙོར་བཏོན་པའི་ཚེ་ཐོག་མར་དཀོན་མཆོག་རྗེས་དྲན་འདོར། །རང་ཉིད་ཡི་དམ་ལྷར་གསལ་ཐུགས་ཀ་ནས། །འབྲུ་གསུམ་འཕྲོས་པས་བཟའ་བཏུང་དངོས་པོ་རྣམས། །མ་དག་ཀུན་སྦྱང་དམ་ཚིག་བདུད་རྩིར་རྟོགས། །ཟག་མེད་ཡེ་ཤེས་བདུད་རྩིར་སྦར་བར་གྱུར། ཨོཾ་ཨཱཿཧཱུྃ། ལན་གསུམ། བཛྲ་ས་མཱ་ཛཿཧཱུྃ་ཛཿཡོ་གི་ས་མཱ་ཛཿཧཱུྃ་ཛཿཞེས་སེ་གོལ་བསྣོལ་མ་དཔུང་མགོར་བརྡབ་པས། བླ་མ་ཡི་དམ་སངས་རྒྱས་བྱང་སེམས་དང་། །མཁའ་འགྲོ་ཆོས་སྐྱོང་མདུན་མཁར་སྤྱན་དྲངས་གྱུར། །བཤོས་བུ་ལྔ་བྱས་ལ། ཨོཾ་སརྦ་གུ་རུ་བཛྲ་ནཻ་བི་དྱཱ་ཨཱཿཧཱུྃ། སྔགས་ཐོག་མཐའ་འགྲེས་ཏེ་སརྦ་གུ་རུའི་མལ་དུ། མཎྜལ་དེ་བ་ག་་དང་། སརྦ་བུདྡྷ་བོ་དྷི་སཏྭེེ་བྷྱཿདང་། པཉྩ་ཀཱུ་ལ་ཌཱ་ཀི་ནཱི་དང་། ཤྲཱི་དྷརྨ་པཱ་ལ་རྣམས་ཀྱིས་འབུལ། ཨ་ཀཱ་རོས་འབྱུང་པོ་སྤྱི་ལ་གཏོར་མ་དང་། ཨོཾ་ཧ་རི་ཏེ་པཎྜི་ཀེ་པྲ་ཏཱིཙྪ་སྭཱ་ཧཱས་འཕྲོག་མ་དང་དེའི་བུ་ལྔ་བརྒྱ་ལ་ཆང་བུ་རེ་རེ། ཨོཾ་སརྦ་དཱུ་ཏཱི་ཀེ་ཨ་གྲ་སཾ་པྲ་ཏཱིཙྪ་སྭཱ་ཧཱ། ཞེས་ཕོ་ཉ་བ་རྣམས་ལ་ཆངས་བུ་གཅིག་སྦྱིན། རང་ཉིད་བདེ་གཤེགས་འདུས་པ་སོགས་ནས། སྤྱོད་པར་ཤོག་བར་བསྟོད་ཅིང་རྣལ་འབྱོར་དང་ལྡན་པས་རོལ། མཐར། ཨོཾ་ཁ་ཁ་ཁཱ་ཧི་ཁཱ་ཧི་ཨུཙྪིཥྚ་བ་ལི༚་ཏ་བྷཀྵ་བྷཀྵ་ཀ་སྭཱ་ཧཱ། ཞེས་ལྷག་

― LT39_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལ་དབང་བའི་འབྱུང་པོ་རྣམས་ལ་གཏོར་མ་སྦྱིན་ནས་སྤྱན་དྲངས་པའི་ལྷ་རྣམས་རང་ལ་བསྟིམ། ལུས་ཀྱི་ལྷ་རྣམས་ཀྱང་བསྡུས་ཏེ། འཁོར་གསུམ་རྣམ་པར་མི་རྟོག་པའི་ངང་ནས་གོང་བཞིན་སྨོན་ལམ་གདབ། མདོ་སྔགས་གང་གི་ལུགས་བྱེད་ཀྱང་མཐར་ཡབ་སྲས་མཇལ་བའི་མདོ་ལས་གསུངས་པའི་སྨོན་ལམ་འདིའང་གདབ་པར་བྱ་སྟེ། གང་གིས་བདག་ལ་ཁ་ཟས་བྱིན་པ་དེ་དག་ཉེ་བར་ཞི་བའི་བདེ་བ་ཐོབ་པར་གྱུར་ཅིག །གང་གིས་བདག་ལ་སྐོམ་བླུད་པ་དེ་དག་དང་། གང་གིས་བདག་ལ་རིམ་གྲོ་བྱས་པ་དང་། བཀུར་སྟི་བྱས་པ་དང་། བསྟི་སྟང་བྱས་པ་དང་། མཆོད་པ་བྱས་པ་དེ་དག་ཐམས་ཅད་ཀྱང་ཉེ་བར་ཞི་བའི་བདེ་བ་ཐོབ་པར་གྱུར་ཅིག །གང་དག་བདག་ལ་གཤེ་བར་བྱེད་པ་དང་། མི་བདེ་བར་བྱེད་པ་དང་། རྡེག་པ་དང་། མཚོན་གྱིས་འདེབས་པ་དང་། རྣམ་པ་ཐམས་ཅད་དུ་སྲོག་གཅོད་པའི་བར་དུ་བྱེད་པ་དེ་དག་ཐམས་ཅད་ཀྱང་བྱང་ཆུབ་ཀྱི་བདེ་བ་ཐོབ་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་གྱུར་ཅིག །ཅེས་སོ། །ཁ་ཟས་ཀྱི་རྣལ་འབྱོར་དང་ལྡན་པ་ལ་ཕྱི་རོལ་གྱི་གཏོར་མ་དང་སྦྱིན་སྲེག་མེད་ཀྱང་ཆོག་ཅིང་། དེ་དག་ལས་ཀྱང་སྟོབས་ཆེ་བའི་ཚོགས་རྫོགས་པ་དང་། དཀོར་དང་སྐུ་གླུད་ཟོས་པ་ལ་སོགས་པའི་སྒྲིབ་པ་དང་ཉམས་ཆགས་འདག །བཟའ་བ་བུ་ལོན་ཏུ་མི་འགྱུར། མཆོག་ཐུན་མོང་གི་དངོས་གྲུབ་མྱུར་དུ་འགྲུབ་

― LT39_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སོགས་རྒྱུད་དང་གདམས་ངག་རྣམས་ལས་རྒྱ་ཆེར་གསུངས་པ་ཡིན་ནོ། །དྲུག་པ་སྤྱོད་ལམ་གྱི་རྣལ་འབྱོར་ནི། སྤྱིར་ཐུན་ལ་ཉམས་ལེན་གང་བྱེད་པ་དེ་ཉིད་ཀྱི་རྣལ་འབྱོར་དང་མ་བྲལ་བས་ཐུན་མཚམས་ལ་སོགས་པའི་སྤྱོད་ལམ་རྣམས་ལམ་དུ་བསྒྱུར་དགོས་ཏེ། དཔེར་ན། བླ་མའི་རྣལ་འབྱོར་སྒོམ་པ་པོས་སྤྱོད་ལམ་གྱི་སྐབས་སྣང་སྲིད་བླ་མའི་རོལ་པར་ལྟོ་བའི་མོས་གུས་ལམ་དུ་ཁྱེར། བསྐྱེད་རིམ་པས་སྣང་གྲགས་རྟོག་གསུམ་ལྷ་སྔགས་ཆོས་སྐུ། སྒྱུ་ལུས་དང་རྨི་ལམ་སྒོམ་པས་སྒྱུ་མ་རྨི་ལམ། ཕྱག་རྫོགས་སྒོམ་པས་དྲན་ཤེས་མ་བརྗེད་པར་ཐམས་ཅད་ཆོས་ཉིད་ཀྱི་རོལ་པར་སྤྱད་དགོས་པ་ཤེས་པར་བྱས་ནས། འདིར་ལམ་ཁྱེར་ཇི་བཞིན་མི་ནུས་པའམ། ནུས་ཀྱང་མཆོག་དམན་ཀུན་ལ་མཁོ་བ་བྱང་ཆུབ་སེམས་ཀྱིས་བློ་སྦྱོང་བ་ལྟར་ན། འགྲོ་འཆག་ཉལ་འདུག་བྱ་བ་ཅི་བྱེད་ཀྱང་བླ་མའི་ཞབས་ཏོག་དང་སེམས་ཅན་ལ་ཕན་པ་བསྒྲུབ་པར་བྱེད་སྙམ་པའི་འདུན་པ་དང་མ་བྲལ་བར་བྱ། སྐྱིད་ན་བདེ་བ་ཚོགས་སུ་བསྔོ། །བདེ་བ་ཆེན་པོས་ནམ་མཁར་གང་བར་ཤོག །སྡུག་ན་སྡུག་བསྔལ་བདག་གིས་ཁུར། །འཁོར་བ་སྡུག་བསྔལ་གྱི་རྒྱ་མཚོ་སྐེམས་པར་ཤོག །ཅེས་སོགས་རྒྱས་བསྡུས་གང་རུང་བརྗོད་ལ་བཏང་ལེན་དམིགས་པ་བྱ། གཞན་ཡང་ཕལ་པོ་ཆེའི་སྤྱོད་ཡུལ་ཡོངས་སུ་དག་པའི་ལེའུ་ལས་གསུངས་པ། གོས་གྱོན་པའི་ཚེ། ངོ་ཚ་ཁྲེལ་ཡོད་ཀྱི་གོས་གྱོན་པར་གྱུར་ཅིག །

― LT39_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

སྐ་རགས་འཆིང་དུས། དམ་ཚིག་དང་སྡོམ་པའི་སྐ་རགས་འཆིང་བར་གྱུར་ཅིག །སྒོ་འབྱེད་དུས། ཆོས་ཉིད་ཟབ་མོའི་སྒོ་འབྱེད་པར་གྱུར་ཅིག །གཅོད་དུས། ངན་སོང་གི་སྒོ་གཅོད་པར་གྱུར་ཅིག །འགྲོ་དུས། བྱང་ཆུབ་ཀྱི་ལམ་དུ་འགྲོ་བར་གྱུར་ཅིག །རྟ་སོགས་ཞོན་དུས། བརྩོན་འགྲུས་ཀྱི་རྟ་ཞོན་པར་གྱུར་ཅིག །ཆུ་བརྒལ་དུས། འཁོར་བའི་རྒྱ་མཚོ་ལས་བརྒལ་བར་གྱུར་ཅིག །གྱེན་དང་སྐས་ལ་འཛེག་པའི་ཚེ། །ཐར་པའི་ལམ་ལ་འཛེག་པར་གྱུར་ཅིག །འདོད་པའི་གནས་སུ་སླེབ་པའི་ཚེ། མྱང་འདས་ཀྱི་གྲོང་ཁྱེར་དུ་ཕྱིན་པར་གྱུར་ཅིག །བླ་མ་དང་གང་ཟག་བཟང་པོ་མཇལ་བའི་ཚེ། །ཡང་དག་པའི་བླ་མ་དང་མཇལ་ནས་རྗེས་སུ་འཛིན་པར་གྱུར་ཅིག །དཀོན་མཆོག་གི་རྟེན་དང་མཇལ་བའི་ཚེ། སངས་རྒྱས་ཀྱི་ཞིང་ཁམས་རྣམ་དག་ཏུ་སྐྱེ་བར་གྱུར་ཅིག །ལམ་དུ་ཉལ་བའི་དུས། ཆོས་ཀྱི་ལམ་དུ་ཉལ་བར་གྱུར་ཅིག །ཅེས་སོགས་སྨོན་ལམ་གདབ་ཅིང་། གཤང་གཅི་འདོར་བའི་ཚེ་ཆགས་མེད་རི་ཆོས་ལྟར་རམ། ཡང་ན། རང་ཉིད་ཁ་སརྤ་ིར་གསལ། །སྐུ་ལས་བདུད་རྩིའི་རྒྱུན་བབས་པས། །ཡི་དྭགས་ལ་སོགས་བཀྲེས་པ་ཀུན། །ཚིམས་ནས་བྱང་ཆུབ་སེམས་སྐྱེས་གྱུར། །ཅེས་མོས་ལ་ཡིག་དྲུག་དང་། ཡི་དྭགས་བཀྲེས་པ་ཐམས་ཅད་ཚིམས་

― LT39_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་རྒྱུད་ལ་བྱང་ཆུབ་ཀྱི་སེམས་རིན་པོ་ཆེ་སྐྱེས་ཏེ་ཐར་པའི་བདེ་བ་ཐོབ་པར་གྱུར་ཅིག །ཅེས་བརྗོད། རྒྱས་པར་སྤྲོ་ན་མཆིལ་སྣབ་གཤང་གཅི་དྲི་མ་སྦྱིན་པ་བཏང་བའི་གཟུངས་སོ་སོར་འབྱུང་བ་རྣམས་ཀྱང་བརྗོད་ལ་སེ་གོལ་གཏོགས། ཁྱད་པར་གོས་གྱོན་པའི་ཚེ། གོས་གསར་པ་ཡིན་ན། སྭ་བྷཱ་བས་སྦྱང་། སྟོང་པའི་ངང་ལས་ཏྲཱྃ་ལས་ལྷ་མིའི་གོས་ཡིད་དུ་འོང་བར་བསམ་ལ། རང་གི་བླ་མ་བཞུགས་ན་ཕུད་འབུལ་བའམ་ཕུལ་བར་མོས་པར་བྱ། རང་ཉིད་ལྷར་གསལ་བ་ལ་ཐབས་ཀྱི་སྟོད་གཡོགས་དང་། ཤེས་རབ་ཀྱི་སྨད་གཡོགས་གྱོན་པ་རྡོ་རྗེ་རྡུལ་ཕྲ་རབས་ཀྱིས་གཏམས་པ་ལ། སྐ་རགས་བཅིངས་པས་རྡོ་རྗེ་ལུ་གུ་རྒྱུད་ཀྱིས་འབྲེལ་ཞིང་། ལྷྭམ་གྱོན་པས་རྡོ་རྗེའི་རྐང་ཡབ་ཀྱིས་གཏམས་པར་བསམ་ལ་བགོས་པས་དངོས་གྲུབ་ཐོབ་པར་འགྱུར་རོ། །དོན་ཁྱད་པར་ཅན་བསྒྲུབ་པ་དང་བྱེས་སུ་འགྲོ་བའམ་དུས་རྒྱུན་དུའང་རུང་། ནངས་སྔ་བར་སིནྡྷུ་ར་དང་གི་ཝཾ་ལ། ཨོཾ་ཏཱྃ་ཏཱ་རེ་ཏུཏྟཱ་རེ་ཏུ་རེ་སཾ་ཏཱ་ར་ི་སྭཱ་ཧཱ༔ ཧྲཱི༚་བཛྲ་ཝཱ་ར་ཧཱི་བ་ར་ཀ་སརྦ་ལོ་ཀ་ཧྲཱིང་ཧྲཱིང་༔ ཞེས་བཟླས་པས་དཔྲལ་བར་ཐིག་ལེ་བྱས་ན་གང་མཐོང་ཀུན་གྱིས་ཡིད་དུ་འོང་ཞིང་འདོད་པའི་དོན་ཐམས་ཅད་འགྲུབ་བོ། །ནངས་སྔ་ཁ་ཤར་དུ་བལྟས་ལ། སངས་རྒྱས་བྱང་སེམས་རྩ་གསུམ་རབ་འབྱམས་མདུན་གྱི་ནམ་མཁར་མངོན་སུམ་དུ་བཞུགས་པར་མོས་ལ་དད་གུས་ཆེན་པོས་ཐལ་མོ་སྦྱར་ཏེ། ན་མོ།

― LT39_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོ་དང་༔ ཆོས་སྲུང་ནོར་ལྷ་གཏེར་གྱི་བདག༔ ཡེ་ཤེས་གཅིག་གི་ངོ་བོ་ལས༔ རང་བཞིན་མ་འགགས་ཅིར་ཡང་སྟོན༔ ཐུགས་རྗེ་ཕྲིན་ལས་རྨད་པོ་ཆེས༔ འགྲོ་ཀུན་སྐྱབས་དང་མགོན་གྱུར་པ༔ མཁྱེན་བརྩེའི་བདག་ཉིད་ཁྱེད་རྣམས་ལ༔ ཕྱག་འཚལ་སྙིང་ནས་སྐྱབས་སུ་མཆི༔ ལུས་དང་ལོངས་སྤྱོད་མཆོད་པར་འབུལ༔ བདག་དང་མཐའ་ཡས་སེམས་ཅན་རྣམས༔ རྟག་ཏུ་ཐུགས་རྗེས་བསྐྱབ་མཛད་གསོལ༔ ནད་དང་གནོད་པ་ཞི་བ་དང་༔ ཚེ་དང་བསོད་ནམས་འཕེལ་བ་དང་༔ བསམ་པའི་དོན་རྣམས་མ་ལུས་ཀུན༔ ཆོས་བཞིན་འགྲུབ་པར་བྱིན་གྱིས་རློབས༔ ཞེས་དང་ཉེས་སེལ་སྔགས་འདི་བཟླ༔ ན་མོ་བུདྡྷཱ་ཡ༔ ན་མོ་དྷརྨཱ་ཡ༔ ན་མསྶཾཾ་གྷཱ་ཡ༔ ན་མོ་གུ་རུ་བྷྱཿ ན་མོ་དེ་བཱ་ཡ༔ ན་མོ་དྷཱ་ཀི་ནཱི་ཡཻ༔ ཏདྱ་ཐཱ༔ ན་མོ་མཉྫུ་ཤྲཱི་ཀུ་མཱར་བྷཱུ་ཏཱ་ཡ༔ ཨོཾ་ཝཱ་གཱི་ཤྭ་རི་མཱུྃ་ཧྲཱིཿ ཧཱུྃ་སྭཱ་ཧཱ༔ ཨོཾ་པདྨ་ཙྪིནྡ་མི་ཛྭ་ལ་ཧཱུྃ་ཕཊ༔ ཨོཾ་བཛྲ་ཙཎྜ་སརྦ་དུཥྚཱ་ན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ སརྦ་གྲ་ཧ་ནཀྵ་ཏྲ་མ་ཧཱ་བྷཱུ་ཏ་ཡ་ཨ་པ་ཀཱ་ར་ཤ་མ་ཤ་མ་པྲ་ཤ་མ་མནྟུ་སྭཱ་ཧཱ༔ ཨོཾ་ཨ་མ་ལེ་བི་མ་ལེ་ནི་རྨ་ལེ་སྭཱ་ཧཱ༔ ཏདྱ་ཐཱ༔ ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མཎྜ་ལེ་མ་ཡེ་སྭཱ་ཧཱ༔ ཨོཾ་ཨེ་ཧོ་ཤུདྡྷི་སོགས་འབྱུང་ལྔའི་གྲིབ་

― LT39_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ་སྔགས་ཀྱང་བཟླ༔ ཉི་མ་ཐམས་ཅད་དགེ་བ་ཡིན༔ རྒྱུ་སྐར་ཐམས་ཅད་བཟང་བ་ཡིན༔ སངས་རྒྱས་ཐམས་ཅད་རྫུ་འཕྲུལ་ཆེ༔ དམ་པའི་ཆོས་ནི་འདོད་ཆགས་བྲལ༔ བྱང་སེམས་འཕགས་ཚོགས་ཕྱིར་མི་ལྡོག༔ ཆོས་ཉིད་རང་བཞིན་བསམ་མི་ཁྱབ༔ ཆོས་ཅན་རྟེན་འབྲེལ་བསླུ་བ་མེད༔ བདེན་དང་བདེན་པའི་ཚིག་འདི་ཡིས༔ བདག་དང་སེམས་ཅན་ཐམས་ཅད་ཀྱི༔ མི་མཐུན་གནོད་པ་ཞི་གྱུར་ཅིག༔ མཐུན་རྐྱེན་བསམ་དགུ་འགྲུབ་པ་དང་༔ བཀྲ་ཤིས་བདེ་ལེགས་འབྱུང་བར་ཤོག༔ ཞེས་དང་དབྱངས་གསལ་རྟེན་འབྲེལ་སྙིང་པོ་བཟླ། ཕུན་སུམ་ཚོགས་པ་སོགས་ཞལ་ནས་གསུངས་པའི་བཀྲ་ཤིས་སྨོན་ལམ་བྱ་སྟེ། གཏེར་གསར་ཐུགས་སྒྲུབ་སྙིང་བྱང་ལས་འཕྲལ་ཡུན་གྱི་བར་ཆད་ཞི་ཞིང་ཡིད་ལ་འདོད་པའི་དོན་ཐམས་ཅད་འགྲུབ་པ་སོགས་ཕན་ཡོན་རྒྱ་ཆེར་གསུངས་སོ། །བདུན་པ་སྒྲིབ་སྦྱོང་ཉམས་ཆགས་སྐོང་བའི་ཐབས་གསར་རྙིང་རྣམས་སུ་རྒྱ་ཆེར་གསུངས་པ་ལས་སྙིང་པོར་གྱུར་པ་རྡོར་སེམས་བསྒོམ་བཟླས་བྱ་ཚུལ་གོང་དུ་སྨོས་པ་དང་། ཉིན་གུང་གི་ཐུན་མགོ་ལྟ་བུར་གསང་ཐིག་ཡང་དག་བསྒོམ་བཟླས་གཏོར་འབུལ་སྐོང་བཤགས་དབང་ལེན་བཅས་ངེས་པར་བྱ། གཞན་ཡང་ཐམས་ཅད་བསྟར་ཆགས་སུ་དགོས་པ་མིན་ཀྱང་དགེ་སྦྱོར་གྱི་དུས་སྐབས། དབང་པོའི་ཁྱད་པར་གྱིས་གང་ལ་གང་མཁོ་སྟབས་བདེ་བ་རྣམས་ཕྱོགས་གཅིག་ཏུ་བཀོད་ན། རྡོར་སེམས་སྒོ་ནས་

― LT39_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ཉིས་ལྟུང་སྦྱོང་བ་གཏུམ་པོ་དྲེགས་པ་ཀུན་འདུལ་ལས་འབྱུང་བ་ནི། ཨོཾ་ཨཱཿཧཱུྃ། ཏིང་འཛིན་གསུམ་གྱི་ངང་ཉིད་ལས༔ ཕྱི་སྣོད་འོད་དཀར་ཕོ་བྲང་བརྡལ༔ བདག་སོགས་ནང་བཅུད་མ་ལུས་ཀུན༔ བཅོམ་ལྡན་རྡོ་རྗེ་སེམས་དཔའ་དཀར༔ ལོངས་སྐུ་ཞི་འཛུམ་སྒེགས་པའི་ཉམས༔ ཕྱག་གཉིས་རྡོ་རྗེ་དྲིལ་བུ་འཛིན༔ དར་དང་རིན་པོ་ཆེ་ཡིས་བརྒྱན༔ སྐྱིལ་ཀྲུང་པདྨ་ཉི་ཟླར་བཞུགས། ཨོཾ་བཛྲ་སཏྭ་ཧཱུྃ༔ བཛྲ་ས་མ་ཡ་བི་ཤུདྡྷེ་ཨཱཿ ཞེས་ཅི་ནུས་བཟླ། ཡང་དམ་ཚིག་རྡོ་རྗེའི་སྒོམ་བཟླས་སྤྲོ་ན། རང་གཞན་སེམས་ཅན་ཐམས་ཅད་ཀྱི་སྤྱི་བོར་པད་ཟླ་ལ་གནས་པའི་རལ་གྲི་ཁཾ་གིས་མཚན་པ་ལས། བཅོམ་ལྡན་འདས་དམ་ཚིག་རྡོ་རྗེ་སྐུ་མདོག་ལྗང་གུ་ཞལ་གཅིག་ཕྱག་གཉིས་ཀྱིས་རལ་གྲི་དང་དྲིལ་བུ་འཛིན་པས་རང་མཚུངས་ཀྱི་ཡུམ་དམ་ཚིག་སྒྲོལ་མ་ལ་འཁྱུད་པ། རྡོ་རྗེ་སྐྱིལ་ཀྲུང་དང་སེམས་དཔའི་འདུག་སྟངས་ཀྱིས་མཉམ་པར་སྦྱོར་བ། གཉིས་ཀའང་སྤྱན་གསུམ་པ། རལ་པའི་ཐོར་ཚུགས་ཅན་དར་དང་རིན་པོ་ཆེས་བརྒྱན་ཅིང་། ཡིད་ཙམ་ཁྲོ་བ། དོན་གྲུབ་ཀྱི་ཅོད་པན་ཅན་གྱི་དཔྲལ་མགྲིན་སྙིང་གར་ཨོཾ་ཨཱཿཧཱུྃ་དང་། ཐུགས་ཀར་རལ་གྲི་ཁཾ་གིས་མཚན་པ་ལས་འོད་འཕྲོས། ཕྱོགས་བཅུའི་སངས་རྒྱས་ཐམས་ཅད་དམ་ཚིག་རྡོ་རྗེའི་རྣམ་པར་ཨོཾ་བཛྲ་ས་མཱ་ཛཿ ཛཿཧཱུྃ་བྃ་ཧོཿ བཅོམ་ལྡན་འདས་དམ་

― LT39_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་རྡོ་རྗེས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་བསགས་པའི་ལས་ངན་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། ཐུགས་ཀའི་ཁཾ་ལས་བདུད་རྩིའི་རྒྱུན་འཛགས། ཡབ་ཡུམ་གྱི་སྐུ་གང་། སྦྱོར་མཚམས་ནས་བདུད་རྩིའི་རྒྱུན་བབས་སྤྱི་བོ་ནས་ཞུགས། ལུས་ཐམས་ཅད་བཀྲུས་ཤིང་དག་ནས་སྡིག་སྒྲིབ་བག་ཆགས་དུད་ཁུའི་རྣམ་པས་རྐང་པའི་མཐིལ་དང་གཤང་གཅིའི་ལམ་ནས་ཐོན་པར་བསམ་ཞིང་། ཨོཾ་ཨཱཿཁཾ་ཧཱུྃ་ཕཊ་སྭཱ་ཧཱ། བརྒྱ་སྟོང་བཟླས་པའི་མཐར། བཅོམ་ལྡན་དམ་ཚིག་རྡོ་རྗེ་ཡིས། །བདག་ཅག་དམ་ཚིག་ཉེས་ལྟུང་ཀུན། །སྦྱོངས་ཤིག་དམ་ཚིག་ཉམས་ཆགས་ཀུན། །དག་ཅིང་དམ་ཚིག་གཙང་བར་མཛོད། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་ཆགས་ཐམས་ཅད་མཐོལ་ལོ་བཤགས་སོ། །སྡིག་པ་སྒྲིབ་པ་ཉེས་པ་ལྟུང་བ་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། སྤྱི་བོའི་ལྷ་རང་ལ་བསྟིམ། ལུས་དྭངས་ཤེལ་ལྟ་བུར་གྱུར་བར་བསམ། ཡང་རྒྱུད་ཀྱི་དགོངས་པ་འཕགས་ཡུལ་པ་གྲུབ་རྣམས་ཀྱི་ཐུགས་དམ་ནི། རང་ཉིད་ཐ་མལ་སྤྱི་བོར་པད་ཟླའི་སྟེང་། །བླ་མ་ཡི་དམ་སངས་རྒྱས་ཀུན་འདུས་སྐུ། །བདེ་མཆོག་ལྷན་སྐྱེས་དཀར་པོ་རྡོར་དྲིལ་འཛིན། །

― LT39_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ཕག་མོ་དམར་མོས་འཁྱུད་ཅིང་རྒྱན་ཆས་རྫོགས། །དེ་ལས་འོད་འཕྲོས་ཕྱོགས་བཅུའི་སངས་རྒྱས་ཀྱི། །བྱིན་རླབས་ཡེ་ཤེས་བདུད་རྩི་དཀར་དམར་རྒྱུན། །སྤྱན་དྲངས་ཐིམ་པས་ཡབ་ཀྱི་ཞབས་གཡས་ཀྱི། །མཐེ་བོང་རྩེ་ནས་བདུད་རྩི་དཀར་པོ་དང་། །ཡུམ་གྱི་གཡོན་ནས་དམར་པོའི་རྒྱུན་བབས་ཏེ། །རང་གི་སྤྱི་བོ་ནས་ཞུགས་སྡིག་སྒྲིབ་སྦྱངས། །ཞེས་མོས་ལ། ཨོཾ་བཛྲ་ཧེ་རུ་ཀ་ས་མ་ཡ་སོགས་ཧེ་རུ་ཀའི་ཡིག་བརྒྱ་བརྗོད། མཐར། ཧེ་རུ་ཀ་དཔལ་རང་ལ་ཐིམ་པར་གྱུར། ཅེས་མོས་ལ་སྟོང་ཉིད་ཀྱི་ངང་དུ་བཞག །བདེ་མཆོག་གི་རྣལ་འབྱོར་པ་སོགས་ལ་ལྷག་པར་བསྔགས་སོ། །ཡང་སྡིག་སྒྲིབ་སྤྱི་དང་ཁྱད་པར་དཀོར་སྦྱོང་ལ་ཤིན་ཏུ་ཟབ་པ་གྲུབ་ཆེན་མི་ཏྲ་ཛོ་ཀིའི་གདམས་པ་སྤྱན་རས་གཟིགས་རྡོ་རྗེ་རབ་འཇོམས་ཀྱི་བསྒོམ་བཟླས་ནི། བླ་མ་དང་ཕྱོགས་བཅུའི་སངས་རྒྱས་སྲས་དང་བཅས་པ་མདུན་གྱི་ནམ་མཁར་མངོན་སུམ་བཞིན་ཏུ་བཞུགས་པར་མོས་ལ། ཕྱོགས་བཅུའི་རྒྱལ་བ་སྲས་བཅས་རྣམས། །བརྩེ་བས་བདག་ལ་དགོངས་སུ་གསོལ། །བག་མེད་འཁྲུལ་པས་བདག་ནོན་ཏེ། །མི་བཟད་སྡིག་པ་འདི་བགྱིས་གཟིགས། །བདག་ནི་འགྲོ་བ་ཅི་འདྲར་འགྱུར། །དེ་བས་གནོང་ངོ་འགྱོད་དོ་མཐོལ། །མི་འཆབ་མི་སྦེད་སོ་སོར་བཤགས། །སླན་ཆད་ནམ་ཡང་མི་བགྱིད་དོ། །

― LT39_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་ལན་གསུམ་སོགས་བརྗོད། རང་ཉིད་སྐད་ཅིག་གིས་ཇོ་བོ་སྤྱན་རས་གཟིགས་སྐུ་མདོག་དཀར་ལ་ཞལ་དབུས་མ་ལྔ་བརྩེགས་ཤིན་ཏུ་ཁྲོས་པ་སྔོན་པོ། གཡས་གསུམ་བརྩེགས་དཀར་བ་དང་། གཡོན་གསུམ་བརྩེགས་དམར་བ་ཞི་བ། ཕྱག་དང་པོ་གཉིས་སྔོན་པོ་ཐུགས་ཀར་ཐལ་མོ་སྦྱར་བ། གཞན་རྣམས་དཀར་བའི་གཉིས་པ་གཉིས་རྡོ་རྗེའི་ཕྲེང་བ་དང་པདྨ་དམར་པོ། གསུམ་པ་གཉིས་འཁོར་ལོ་དང་མདའ་གཞུ། བཞི་པ་གཉིས་ལྕགས་ཀྱུ་དང་མེ་དཔུང་བསྣམས་པ། མེ་དཔུང་འབར་བའི་དབུས་ན་མཉམ་པར་བཞེངས་པ། ཐོར་ཚུགས་རི་དྭགས་ཀྱི་ལྤགས་པ་ཚངས་སྐུད་སོགས་དྲང་སྲོང་གི་ཆ་བྱད་ཅན། དར་དང་རིན་པོ་ཆེའི་རྒྱན་གྱིས་བརྒྱན་ཅིང་པད་ཟླ་ལ་གནས་པའོ། །སྙིང་གར་པད་ཟླའི་སྟེང་དུ་ཧྲཱིཿཡིག་ལ་སྔགས་གསུམ་རིམ་དུ་བསྐོར་བའི་འོད་མེ་ལྟར་འབར་བས་དཀོར་གླུང་ཟོས་པ་ལ་སོགས་པ་བདག་གཞན་གྱིས་ཐོག་མེད་ནས་བསགས་པའི་སྡིག་སྒྲིབ་ཀུན་བསྲེག་པར་བསམ་ནས། ཨོཾ་ཨཱཿཧྲཱིཿཧཱུྃ། ཞེས་པ་དང་། ཨོཾ་མ་ི་པདྨེ་ཧཱུྃ་དང་། ན་མོ་རཏྣ་ཏྲ་ཡཱ་ཡ། ན་མོ་བྷ་ག་བ་ཏེ་མ་ཧཱ་ཀཱ་རུ་ི་ཀཱ་ཡ། བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨིྚེ་ཝྚེ། ཙ་ལེ་ཙ་ལེ། པྲ་

― LT39_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ཙ་ལེ་པྲ་ཙ་ལེ། སརྦ་གློ་ཤ །སརྦ་ཀརྨ་ཨཱ་ཝ་ར་་ནི། ཤུདྡྷེ་ཤུདྡྷེ། བི་ཤུདྡྷེ་བི་ཤུདྡྷེ། ག་ག་ན་སྭ་བྷཱ་ཝ་བི་ཤུདྡྷེ་སྭཱ་ཧཱ། ཞེས་པ་རྣམས་ཅི་འགྲུབ་ཏུ་བཟླའོ། །མཇུག་ཏུ་སྟོང་པ་ཉིད་ཀྱི་དོན་བསྒོམ། དགེ་བ་བསྔོ། སྡིག་སྤྱོད་རྫས་གཅིག་སྦྱིན་སྲེག་ནི། ཏིལ་ནག་ལ་སྣ་གཡས་ནས་རླུང་བུས་པས་སྡིག་སྒྲིབ་ཐིམ་པར་མོས། མར་མེའམ་སོལ་མེ་བཞག་ལ། སྐད་ཅིག་སྟོང་པའི་ངང་ཉིད་ལས༔ ཡེ་ཤེས་མེ་ཕུང་འབར་བའི་དབུས༔ འཕགས་པ་རྡོ་རྗེ་སྙིང་པོ་ནི༔ སྐུ་མདོག་སྔོན་པོ་ཁྲོས་པའི་ཉམས༔ ཕྱག་གཉིས་རྡོ་རྗེའི་ཞགས་པ་བསྣམས༔ དར་དང་རིན་ཆེན་ཕྲེང་བས་བརྒྱན༔ བཞེངས་སྟབས་པད་ཉིའི་གདན་ལ་བཞུགས༔ རང་གི་སྡིག་སྒྲིབ་བག་ཆགས་ཀུན༔ རླུང་དང་འགྲོགས་ཏེ་ཏིལ་ལ་ཐིམ༔ ཨོཾ་ཨཱ༔ཧཱུྃ་གིས་བདུད་རྩིར་གྱུར༔ དེ་ཉིད་ཞལ་དུ་ཕུལ་བ་ཡིས༔ ཐུགས་ཀར་ངན་སོང་དོང་སྤྲུགས་ཀྱི༔ དཀྱིལ་འཁོར་ལྷ་ཚོགས་བཞུགས་པ་རྣམས༔ ཟག་མེད་བདེ་བ་ཆེན་པོས་མཉེས༔ རང་གཞན་སྡིག་སྒྲིབ་ཡོངས་སྦྱངས་ཏེ༔ དངོས་གྲུབ་ཐམས་ཅད་སྩོལ་བར་བསམ༔ ཏིལ་མཐེབ་སྲིན་གྱིས་ཕུལ་ལ། ཨོཾ་ཨཱཿཧྲཱིཿཧཱུྃ་བཛྲ་སཱ་ར་པྲ་མརྡྷ་ན་སརྦ་ཀརྨ་ཨཱ་བ་ར་་བི་ཤུདྡྷེ་སྭཱ་ཧཱ༔ ལན་གྲངས་བདུན་ནམ་ཉེར་གཅིག་བརྒྱ་རྩ་སྐབས་སྦྱར་ཕུལ་རྗེས། ལྷ་ཉིད་འོད་ཞུ་རང་ལ་ཐིམ། ཞེས་སོ། །

― LT39_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཧ་ཡ་གྲཱི་བ་ནཱ་ཐས་མཛད་པའི་རྡོར་སེམས་སྤྲོས་མེད་སྦྱིན་སྲེག་ནི། ཏིལ་དང་རྫས་འདུ་བྱས་ལ། བདག་གཞན་དམིགས་ཡུལ་ཐམས་ཅད་ཀྱི། །སྡིག་སྒྲིབ་བག་ཆགས་རྣམ་སྨིན་ཀུན་བསྡུས་ནས་ཏིལ་ལ་ཐིམ་པར་གྱུར། །ཨོཾ་ཨ་ཀཱ་རོ་མུ་ཁཾ་སོགས་ལན་གསུམ་བརྗོད། རང་མདུན་མེ་དཀྱིལ་རྡོར་སེམས་དཀར། །ཞལ་གཅིག་ཕྱག་གཉིས་རྡོར་དྲིལ་བསྣམས། །རྒྱན་ལྡན་སྐྱིལ་མོ་ཀྲུང་གིས་བཞུགས། །ཞལ་དུ་སྡིག་སྒྲིབ་ཕུལ་བས་བསྲེགས། །ཨོཾ་བཛྲ་སཏྭ་ཧཱུྃ། སརྦ་པཱ་པཾ་ད་ཧ་ན་ཤཱིནྟཾ་ཀུ་རུ་ཡེ་སྭཱ་ཧཱ། བརྒྱ་རྩ་སོགས་ཅི་འགྲུབ་འབུལ། ཨརྒྷཾ་ནས་ཤདྡ་ཨཱཿཧཱུྃ། བསྟོད་པ་ནི། རགས་འདུས་མངའ་བདག་ཧེ་རུ་ཀ །།རབ་དཀར་རྡོ་རྗེ་དྲིལ་བུ་འཛིན། །ལས་སྒྲིབ་སྦྱོང་བའི་མཐུ་སྟོབས་ཅན། །རྡོ་རྗེ་སེམས་ལ་ཕྱག་འཚལ་བསྟོད། །བདག་གཞན་སེམས་ཅན་ཐམས་ཅད་ཀྱི། །བདག་འཛིན་འཆིང་བའི་བག་ཆགས་དང་། །རྣམ་སྨིན་དུག་ལྔའི་འབྲས་བུ་ཀུན། །མ་ལུས་ཡེ་ཤེས་མེས་བསྲེགས་ནས། །བྱང་ཞིང་དག་པར་མཛད་དུ་གསོལ། །མདུན་གྱི་ལྷ་ཚོགས་རང་ལ་ཐིམ། །ཀ་དག་ཆོས་དབྱིངས་དོན་རྟོགས་ནས། །མྱུར་དུ་སངས་རྒྱས་སར་འགོད་ཤོག །ཅེས་སོ། །ཡང་གཏེར་གསར་ཐུགས་སྒྲུབ་སྙིང་བྱང་ལས། སྨེ་བ་བརྩེགས་པ་ལ་བརྟེན་ནས༔

― LT39_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ཉམས་གྲིབ་སྦྱོང་བ་ནི༔ ཞི་བའི་ཐབ་ཏུ་བུད་ཤིང་བརྩིགས༔ མེ་སྦར་བསང་ཆུས་ལེགས་པར་གཏོར༔ སྟོང་པའི་ངང་ལས་སྐད་ཅིག་གིས༔ ཡེ་ཤེས་མེ་ཕུང་ཆེར་འབར་དབུས༔ ཧཱུྃ་ལས་ཁྲོ་རྒྱལ་སྨེ་བ་བརྩེགས༔ དུད་ཁའི་མདོག་ཅན་ཁྲོ་བོའི་ཉམས༔ ཕྱག་གཉིས་ཐུགས་ཀར་སྡིགས་མཛུབ་མཛད༔ དར་དང་རིན་ཆེན་སྦྲུལ་གྱིས་བརྒྱན༔ ཞབས་གཉིས་དོར་སྟབས་པད་ཉིར་བཞེངས༔ དམ་ཚིག་ཡེ་ཤེས་དབྱེར་མེད་བསམ༔ རང་གི་སྐྲ་སེན་གོས་དུམ་སོགས༔ དམ་ཚིག་ཉམས་ཆགས་སྡིག་སྒྲིབ་དང་༔ གྲིབ་དང་མི་གཙང་འདུས་པར་མོས༔ ཨོཾ་ཨཱཿཧཱུྃ་གིས་བདུད་རྩིར་བསྒྱུར༔ ཞལ་དུ་ཕུལ་བས་ལྷག་མེད་བཞེས༔ དགྱེས་ཚིམ་འོད་ཟེར་འབར་བ་ཡིས༔ བདག་གི་མི་མཐུན་ཀུན་སྦྱང་བསམ༔ ཏིལ་དང་ཡུངས་ཀར་ཅུང་ཟད་བཅས༔ ཨོཾ་བྷུར་ཀུར་མ་ཧཱ་པྲ་ཱ་ཡ༔ བྷུར་ཙི་བྷུར་ཀི་བི་མ་ལི༔ ཨུ་ཙུཥྨ་ཀྲོ་དྷ་རཱ་ཛ་ཧཱུྃ་ཕཊ༔ སརྦ་པཱ་པཾ་སརྦ་ཀརྨ་ཨཱ་བར་་བྷསྨི༚་ཀུ་རུ་སྭཱ་ཧཱ༔ སྐབས་སུ་ལས་སྔགས་འདི་ཡང་སྤེལ༔ ཨོཾ་མ་ི་དྷ་རི་ཧྲྀ་ད་ཨ་ནུ་པཱ་ཤ་དྷ་རི་ཧྲྀ་ད་ཧཱུྃ་ཕཊ༔ལྷ་ཉིད་འོད་ཞུ་རང་ལ་ཐིམ༔ཡེ་ཤེས་མེ་ཡིས་སྡིག་སྒྲིབ་དང་༔གྲིབ་དང་མི་གཙང་ཐམས་ཅད་ཀུན༔ ལྷག་མེད་ཉིད་དུ་བསྲེག་པར་བསམ༔ མེ་ལ་འགོམ་པ་ལན་དགུ་བྱ༔ ཐལ་བ་སཱཙྪ་གདབ་པའམ༔ ཡང་ན་ཆུ་བོ་ཆེན་པོར་

― LT39_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱལ༔ འདིས་ནི་དམ་ཚིག་ཉམས་ཆགས་དང་༔ ཉམས་གྲིབ་ཚེ་གེགས་མ་ལུས་ཞི༔ བསོད་ནམས་འབྱོར་པ་ཐོབ་པར་འགྱུར༔ ཅེས་གསུངས་སོ། །བརྒྱད་པ་ཟབ་མོ་ཚོགས་ཀྱི་རྣལ་འབྱོར་ལ། ཕྱི་ནང་གཉིས་ལས། དང་པོ་ཕྱིའི་གཏོར་ཚོགས་ཆགས་མེད་བྱེད་པ་རྣམས་ཀྱིས་ཡི་དམ་ཆོས་སྐྱོང་རང་གཞུང་གང་ཞིག་གཏོང་བ་དེ་ཀ་ལས་གཞན་མ་དགོས་ཀྱང་དེ་ཙམ་མི་འགྲུབ་པའམ། ན་བ་དང་བྲེལ་བ་གློ་བུར་བ་ལ་སོགས་པའི་དུས་སུ་གསེར་སྐྱེམས་ཕྱི་མར་སོགས་ཅི་འབྱོར་བཤམས་ལ། རང་ཡི་དམ་གྱི་ཐུགས་ཀ་ནས་འོད་འཕྲོས། གཏོར་མའི་དྲི་མ་སྦྱངས་པར་གྱུར། ཨོཾ་ཨཱཿཧཱུྃ། གང་ལ་གང་མཁོའི་འདོད་ཡོན་གྱི་ཕུང་པོ་ནམ་མཁའ་ཁེངས་པ་ཙམ་དུ་གྱུར། རང་གི་སྙིང་ག་ནས་འོད་འཕྲོས་པས། དུས་གསུམ་གྱི་སངས་རྒྱས་ཁམས་གསུམ་གྱི་སེམས་ཅན་ཐམས་ཅད་ཡི་དམ་དུ་བྱས་ཏེ་ནམ་མཁའ་ལ་བྱོན་ནས་གཏོར་མ་གསོལ་བར་བསམ་ལ། ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཱཾ་ཨཱ་དྱ་ནུཏྤ་ནྣ་ཏྲཱཏ་ཨོཾ་ཨཱཿཧཱུྃ་ཕཊ་སྭཱ་ཧཱ། གུ་རུ་དེ་ཝ་ཌཱ་ཀི་ནཱི་སརྦ་དྷརྨ་པཱ་ལ་ཨི་དཾ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། ཞེས་བསྔོ། རྒྱལ་བ་མཆོད་པས་མཉེས་གྱུར་ཅིག །དམ་ཅན་ཐུགས་དམ་སྐོང་གྱུར་ཅིག །རིགས་དྲུག་འདོད་པ་ཚིམས་གྱུར་ཅིག །ལན་ཆགས་བུ་ལོན་འཁོར་གྱུར་ཅིག །སྣང་སྲིད་མགྲོན་རྣམས་ཐམས་ཅད་ལ། །ཚད་མེད་

― LT39_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་འདི་བསྔོས་པས། །ལོངས་སྤྱོད་ལྡན་ཞིང་ཚོགས་རྫོགས་ནས། །ཐམས་ཅད་མྱུར་དུ་སངས་རྒྱས་ཤོག །ཅེས་བརྗོད་ནས་གཏོར་མ་གཙང་སར་དོར་རོ། །དེ་ཙམ་ཡང་རྩོལ་བས་མ་གྲུབ་ན་རང་བཞིན་ལྷུན་གྲུབ་ཀྱི་གཏོར་མ་ནི། འདོན་བྱའི་ཚིག་མཐུན་དོན་གསལ་བཏབ་ལ། ཕྱི་སྣོད་ཀྱི་འཇིག་རྟེན་གཏོར་གཞོང་དུ། །ནད་འབྱུང་བཞིའི་དངོས་པོ་བ་ལི༚་ཏ། །དེ་རྒྱལ་བ་ཞི་ཁྲོའི་ཚོགས་ལ་འབུལ། །ལས་རབ་འབྱམས་འགྲུབ་པར་བྱིན་གྱིས་རློབས། །ལུས་དབང་ཆེན་པགས་པའི་གཏོར་གཞོང་དུ། །ནང་ཤ་ཁྲག་རུས་པ་བ་ལི༚་ཏ། །དེ་བསྟན་སྲུང་རྒྱ་མཚོའི་ཚོགས་ལ་འབུལ། །ཚེ་ཉི་ཟླ་དང་མཉམ་པར་བྱིན་གྱིས་རློབས། །སེམས་སྣང་བ་སྣ་ཚོགས་ཀྱི་གཏོར་གཞོང་དུ། །ནང་དྲན་རིག་གསལ་བའི་བ་ལི༚་ཏ། །དེ་མཁའ་ཁྱབ་ཆོས་ཀྱི་སྐུ་ལ་འབུལ། །རྒྱུད་ཡེ་ཤེས་ལྔ་རུ་བྱིན་གྱིས་རློབས། ཁ་ཁ་ཁཱ་ཧི་ཁཱ་ཧི། ཁམས་གསུམ་དག་པའི་ཞིང་། སྲིད་གསུམ་ཐུགས་རྗེའི་མགྲོན། མ་ལུས་ཁྱབ་པའི་ཟས། ཆོས་ཉིད་རྟོགས་པའི་མཐུས། མི་ཟད་གཏེར་དུ་བསྔོ། ཞེས་བརྗོད་པས་འབུལ་ལོ། །འདི་རྣམས་ཆོས་རྒྱལ་སྲོང་བཙན་སྒམ་པོ་དང་ལ་སྟོད་གྲུབ་ཐོབ་རོལ་པའི་རྡོ་རྗེ་ཞྭ་དམར་ལྔ་པ་རྣམས་ཀྱི་གསུངས་སོ། །ཡང་རྫོགས་ཆེན་སྒོམ་པ་རྣམས་ཀྱིིས་གཏོར་ཚོགས་ཀྱི་སྤྲོས་པ་མཆོད་ན། ཀུན་བཟང་དོན་བྲིན་དང་བླ་མ་དགོངས་

― LT39_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་ལས་གསུངས་པ་འདི་བྱ་སྟེ། སྣང་བ་ཆོས་སྐུའི་གཞལ་ཡས་ནས༔ བརྒྱུད་པའི་བླ་མ་གཤེགས་སུ་གསོལ༔ སྐུ་དང་ཡེ་ཤེས་གཞལ་ཡས་ནས༔ ཡི་དམ་ལྷ་ཚོགས་གཤེགས་སུ་གསོལ༔ དག་པ་འཕྲུལ་གྱི་གཞལ་ཡས་ནས༔ མ་དང་མཁའ་འགྲོ་གཤེགས་སུ་གསོལ༔ བླ་མ་ཡི་དམ་མཁའ་འགྲོ་གསུམ༔ བདག་ལ་བྱིན་གྱིས་བརླབ་ཏུ་གསོལ༔ ཆོས་ཉིད་མ་བཅོས་དོན་འདི་མ་ཤེས་ན༔ ཅི་ལྟར་སྒོམ་པ་སྡུག་བསྔལ་ཉིད་དུ་འགྱུར༔ ལྟ་བ་ཀུན་ཏུ་བཟང་ལ་མཐོལ་ལོ་བཤགས༔ ཕུང་པོ་གཏོར་མའི་རང་བཞིན་མཆོད་པར་བཞེས༔ སེམས་ཉིད་གདོད་ནས་དག་པར་མ་ཤེས་ན༔ ཅི་ལྟར་བསྐྱེད་པས་སྡུག་བསྔལ་ཉིད་དུ་འགྱུར༔ སྤྱོད་པ་ཀུན་ཏུ་བཟང་ལ་མཐོལ་ལོ་བཤགས༔ རྣམ་ཤེས་གཏོར་མའི་མཆོད་པ་བཞེས་སུ་གསོལ༔ ཐིག་ལེ་གྲྭ་ཟུར་མེད་པར་མ་ཤེས་ན༔ ཅི་ལྟར་བཙལ་བ་སྡུག་བསྔལ་ཉིད་དུ་འགྱུར༔ ཕྲིན་ལས་ཀུན་ཏུ་བཟང་ལ་མཐོལ་ལོ་བཤགས༔ སྲོག་དབུགས་གཏོར་མའི་མཆོད་པ་བཞེས་སུ་གསོལ༔ རང་བྱུང་རྩོལ་བ་མེད་པར་མ་ཤེས་ན༔ ཅི་ལྟར་བཙལ་བ་སྡུག་བསྔལ་ཉིད་དུ་འགྱུར༔ དམ་ཚིག་ཀུན་ཏུ་བཟང་ལ་མཐོལ་ལོ་བཤགས༔ དུག་ལྔ་གཏོར་མའི་མཆོད་པར་བཞེས་སུ་གསོལ༔ མ་རིག་

― LT39_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་པའི་རྗེས་སུ་སྣང་བ་ལ༔ འཛིན་ཆགས་མེད་པར་སྤྱོད་པས་སོ་སོར་འཛིན༔ བག་ཆགས་ལྟོས་པའི་དབང་གིས་བཅིངས་པ་རྣམས༔ འབར་བ་ཆེན་པོའི་ཀློང་དུ་བཞེས་སུ་གསོལ༔ ཅེས་འབུལ་ཞིང་དོན་ཡིད་ལ་ངེས་པར་བྱའོ༔ གསུར་མཆོད་མདོར་བསྡུས་བཏང་བར་སྤྲོ་ན། ཟས་སྣ་མྱོང་གྲོལ་དམ་རྫས་བསྲེས་པ་བསྲེགས་ལ་ཆབ་བྲན། སྐྱབས་སེམས་བྱ། རང་ཉིད་ཐུགས་རྗེ་ཆེན་པོར་གྱུར། བསྲེག་རྫས་ཨོཾ་ཨཱཿཧཱུྃ་གསུམ་ལས༔ ཡེ་ཤེས་མཆོད་སྦྱིན་འཕྲོ་བར་བསམ༔ བསླུ་མེད་དཀོན་མཆོག་གསུམ་རྣམས་ལ༔ བསྲེག་རྫས་བདུད་རྩིའི་མཆོད་པ་འབུལ༔ བདག་དང་སེམས་ཅན་བསྐྱབ་ཏུ་གསོལ༔ བླ་མ་ཡི་དམ་མཁའ་འགྲོ་ལ༔ བསྲེག་རྫས་བདུད་རྩིའི་མཆོད་པ་འབུལ༔ བདག་དང་སེམས་ཅན་བྱིན་གྱིས་རློབས༔ ཆོས་སྐྱོང་ཡུལ་ལྷ་གཞི་བདག་ལ༔ བསྲེག་རྫས་བདུད་རྩིའི་མཆོད་པ་འབུལ༔ བར་ཆད་སོལ་ལ་ཕྲིན་ལས་སྒྲུབས༔ ཕ་མས་གཙོར་བྱས་སེམས་ཅན་ལ༔ བསྲེག་རྫས་བདུད་རྩི་འདི་བསྔོས་པས༔ སྒྲིབ་དག་ཚོགས་གཉིས་རྫོགས་པར་ཤོག༔ བར་དོར་གནས་པའི་སེམས་ཅན་ལ༔ བསྲེག་རྫས་བདུད་རྩི་འདི་བསྔོས་པས༔ འཁྲུལ་སྣང་སྡུག་བསྔལ་ཞི་བར་ཤོག༔ ལན་ཆགས་དགྲ་བགེགས་ཐམས་ཅད་ལ༔ བསྲེག་རྫས་བདུད་རྩི་འདི་

― LT39_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔོས་པས༔ བུ་ལོན་ཤ་མཁོན་བྱང་བར་ཤོག༔ སྔོན་གྱི་རྒྱལ་བ་ཐམས་ཅད་ཀྱིས༔ སྦྱིན་པས་དོན་རྣམས་གྲུབ་པ་བཞིན༔ ཆོས་ཉིད་རྣམ་དག་བདེན་པ་ཡིས༔ སྨོན་ལམ་ཐམས་ཅད་འགྲུབ་པར་ཤོག༔ དགོངས་མོའི་ཆར་དམར་གསུར་སྤྲོ་ན། ཤ་ཁྲག་ཕྱེ་ཕུར་སྦྱར་བ་བསྲེགས་ལ། ཨོཾ་ཨཱཿཧཱུྃ་ལན་གསུམ། སམྦྷ་ར་ལན་གསུམ་གྱིས་བསྔོ། ཨོཾ། ཤ་ཁྲག་འབྲུ་སྨན་སྦྱར་བ་ཡི༔ གསུང་མཆོད་འདོད་ཡོན་ལྔ་ལྡན་འདི༔ བདག་ཅག་དཔོན་སློབ་འཁོར་བཅས་ཀྱི༔ ཚེ་དང་སྲོག་ལ་བར་གཅོད་པའི༔ འཆི་བདག་གཤིན་རྗེ་མ་མོའི་སྡེ༔ འབྱུང་པོ་ཤ་ཟ་གནོད་སྦྱིན་ཚོགས༔ སྲིན་པོ་དྲི་ཟ་ཡི་དྭགས་སོགས༔ མ་རུངས་གདུག་པའི་སེམས་འཆང་བ༔འཁོར་དང་བཅས་པ་ཀུན་ལ་བསྔོ༔ དགྱེས་ཤིང་མཉེས་ནས་རབ་ཚིམས་ཏེ༔ བུ་ལོན་ལན་ཆགས་བྱང་བ་དང་༔ ཁྲོས་ཤིང་འཁྲུགས་པའི་སེམས་ཀུན་ཞི༔ དུས་མིན་འཆི་བའི་འཇིགས་པ་དང་༔ ནད་དང་གནོད་པ་ཀུན་ལས་ཐར༔ ཕན་དང་བདེ་བའི་སེམས་སྐྱེས་ནས༔ བཀྲ་ཤིས་ཕུན་སུམ་ཚོགས་པར་ཤོག༔ ཅེས་དང་འགྲུབ་ན་ཆོས་སྦྱིན་དང་བསྔོ་སྨོན་བྱའོ། །གཉིས་པ་ནང་གི་ཚོགས་ཀྱི་བྱེ་བྲག་སྲོད་ལ་ལུས་སྦྱིན་ཤིན་ཏུ་མདོར་བསྡུས་པ་སྤྲོ་ན། ཐུགས་སྒྲུབ་ཞལ་གདམས་སྙིང་བྱང་ལས། ཕཊ༔ རང་སེམས་མ་བཅོས་ཁྲོས་མ་

― LT39_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

ནག༔ ཚངས་པའི་ལམ་ནས་རྒྱངས་ཀྱིས་ཐོན༔ འོད་གསལ་དབྱིངས་ཀྱི་ནམ་མཁའ་ལ༔ རིག་པ་རང་སྣང་ཕྱག་རྒྱར་ཤར༔ ཕྱག་གཡས་རྡོ་རྗེའི་གྲི་གུག་གིས༔ རང་ལུས་ཕུང་པོ་དུ་མ་བུར་གཏུབ༔ སྟོང་གསུམ་དང་མཉམ་ཐོད་པའི་ནང་༔ ཡེ་ཤེས་བདུད་རྩིའི་རྒྱ་མཚོར་བསྐྱིལ༔ རླངས་པ་འདོད་ཡོན་ལྔ་ལྡན་པའི༔ མཆོད་སྤྲིན་མཁའ་དང་མཉམ་པར་སྤེལ༔ ཟག་མེད་བདེ་བ་ཆེན་པོའི་རྫས༔ འཕེལ་འགྲིབ་བྲལ་བའི་རྒྱན་ཏུ་གྱུར༔ ཨོཾ་ཨཱཿཧཱུྃ༔ ཕཊ༔ སྣང་སྲིད་སྣོད་བཅུད་ཐམས་ཅད་ཀུན༔ གདོད་ནས་རྣམ་གྲོལ་ཕྱག་རྒྱ་ཆེ༔ འོད་གསལ་སྒྱུ་མའི་རོལ་པ་ལས༔ སྲིད་ཞི་ཅིར་ཡང་སྣང་བའི་མགྲོན༔ ཕྱོགས་མཚམས་སྟེང་འོག་ཀུན་ཏུ་ཁྱབ༔ འགྲོ་འོང་མེད་པའི་དགོངས་པར་བརྡལ༔ ཐམས་ཅད་རོ་མཉམ་ཆེན་པོའི་ངང་༔ དཀོན་མཆོག་རྩ་གསུམ་རྒྱ་མཚོ་མཆོད༔ ཆོས་སྐྱོང་སྲུང་མའི་ཐུགས་དམ་བསྐང་༔ བགེགས་རིགས་ལན་ཆགས་ཚིམས་ཕྱིར་སྦྱིན༔ རིགས་དྲུག་སྙིང་རྗེའི་ཚོགས་ལ་བསྔོ༔ ཟག་མེད་བདུད་རྩིའི་མཆོད་སྦྱིན་གྱིས༔ དགྱེས་ཤིང་མཉེས་ནས་རབ་ཚིམས་ཏེ༔ བསོད་ནམས་ཚོགས་ཆེན་ལྷུན་གྱིས་གྲུབ༔ ཡེ་ཤེས་འོད་གསལ་རྩོལ་མེད་ཤར༔ འཁོར་གསུམ་མཚན་མ་ལས་འདས་པའི༔ གདོད་མའི་གནས་ལུགས་མངོན་གྱུར་ཤོག༔ ཕཊ༔

― LT39_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་བརྗོད་ལ་དམིགས་མེད་དུ་བཞག་གོ། །ཡང་སྔོན་གྱི་གྲུབ་ཐོབ་དག་གི་གསུང་རྒྱུན་ནི། ཕཊ། རྟོག་ཚོགས་ཡུལ་སྣང་གི་ལྷ་འདྲེ་འདིར་འདུས་ཤིག །བདེན་མེད་རྟོགས་པའི་ཟིལ་གྱིས་ནོན་པར་ཤོག །ཕཊ། སྐྱབས་གནས་དཀོན་མཆོག་གསུམ་ལ་སྐྱབས་སུ་མཆི། །བྱང་ཆུབ་སེམས་མཆོག་འབྱོངས་པར་བྱིན་གྱིས་རློབས། །ཕཊ། རང་སེམས་དབྱིངས་ཐོན་རྣལ་འབྱོར་མར་གྱུར་ཏེ། །ཤ་ཁྲག་རུས་གསུམ་ཟག་མེད་བདུད་རྩིར་གྱུར། །ཕཊ། ཡར་བཞུགས་མཆོད་འོས་མགྲོན་གྱི་ཐུགས་དམ་བསྐང་། །ཚོགས་གཉིས་རྫོགས་ནས་སྐུ་གཉིས་མངོན་གྱུར་ཤོག །ཕཊ། མར་གནས་སྦྱིན་ཡུལ་སྲིད་གསུམ་མགྲོན་རིགས་ལ། །བསྔོས་པས་སྒྲིབ་གཉིས་བག་ཆགས་བྱང་བར་ཤོག །ཕཊ། ཁྱད་པར་བགེགས་རིགས་ཀུན་ཚིམས་གནོད་སེམས་ཞི། །ལྷག་ལ་དབང་རྣམས་ཅི་འདོད་ཐོབ་པར་ཤོག །ཕཊ། སེམས་ཀྱི་རྣམ་འཕྲུལ་འཁོར་གསུམ་དབྱིངས་སུ་ཨ། །དགེ་བས་འགྲོ་ཀུན་ཤེར་ཕྱིན་ཡུམ་ཐོབ་ཤོག །ཕཊ། ཅེས་པས་གྲུབ་བོ། །དགུ་པ་ཉལ་བ་གཉིད་ཀྱི་རྣལ་འབྱོར་ལ། ཐོག་མར་སྲོད་ཐུན་གྱི་མཐར། དེ་རིང་རང་རྒྱུད་ལ་སྡོམ་པ་གསུམ་དང་འགལ་བའི་ཉེས་པ་བྱུང་མ་བྱུང་བརྟགས་ཏེ་ཉེས་ལྟུང་བྱུང་བ་དེ་ཉིད་དམིགས་སུ་སྨོས་པའི་བཤགས་པ་ཚད་དུ་ལོངས་པ་

― LT39_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་དགོས་ཀྱང་དེ་ཙམ་མི་འགྲུབ་ན་སྤྱི་ད་དམིགས་ཏེ་ཕྱག་འཚལ་ཞིང་ལྟུང་བཤགས་དང་བླ་མ་རྡོ་རྗེ་འཛིན་པ་སོགས་བརྗོད་པ་དང་། སྡོམ་པ་ཉེར་ལྔའི་ཚིགས་བཅད་ཀྱི་མཇུག །སྐྱབས་འགྲོ་བཏང་བའི་བསམ་སྦྱོར་བྱས་པ་བཤགས། །སོགས་བཤགས་ཚིགས་སུ་བསྒྱུར་བས་ནོངས་པ་བཤགས། རྫོགས་ཆེན་པ་ཡིན་ན། སྲོད་དུས་ཤེས་པ་ནང་དུ་བཟུང་བའི་མན་ངག་ནི། ལུས་གནད་བཅའ། རླུང་རོ་བསལ། འཇམ་རླུང་བུམ་པ་ཅན་བཟུང་། དམིགས་པ་ལུས་ཀྱི་དབུས་སུ་དྷུ་ཏི་གསལ་བཏབ་ལ་ལྟེ་བའི་ཨ་ཡིག་སྤང་བས་སྤྱི་བོའི་ཧཾ་ཞུ་བའི་བྱང་སེམས་ཀྱི་རྒྱུན་སྙིང་གར་བབ་པའི་ཐིག་ལེ་ལ་སེམས་བཟུང་བས་བདེ་སྟོང་གི་ཡེ་ཤེས་དང་གིས་འཆར་རོ། །ནམ་གུང་ཉལ་བ་དངོས་ཀྱི་སྐབས་ལས་དང་པོ་པས་གྲུབ་ཆེན་དྲིལ་བུ་པའི་དགོངས་པ་ལྟར་རང་བཞིན་ལྷན་སྐྱེས་ཀྱི་ངང་ལ་ཉལ། སེམས་ཅུང་ཟད་བརྟན་པ་ན་མན་སྙེ་ལས་གསུངས་པ་ལྟར་ཞུ་བ་དེ་ལྷན་སྐྱེས་ཀྱི་ངང་ལ་ཉལ་བ་རྣམས་ནི་བསྐྱེད་རིམ་པ་ལ་ཉེ་བར་མཁོ་བ་ཡིན་ཅིང་། དེའང་དང་པོ་ལྟར་ན་བསྙེན་སྒྲུབ་ཀྱི་སྐབས་སུ་དཀྱིལ་འཁོར་པ་གསལ་བཏབ། ཐུགས་ཀའི་འོད་ཟེར་གྱིས་སྣོད་བཅུད་འོད་ཀྱི་རང་བཞིན་ཏུ་བྱས་ནས་སྲུང་འཁོར་ལ་བསྡུ། དེ་དུར་ཁྲོད། དེ་གཞལ་ཡས་ཁང་། དེ་འཁོར་གྱི་ལྷ་ལ། དེ་ཡུམ། དེ་ཡབ། དེ་ཐུགས་སྲོག་ཧཱུྃ། ཧཱུྃ་ཡང་ཞབས་ཀྱུ་ནས་གྱེན་རིམ་ནཱ་དའི་བར་དུ་བསྡུས། དེ་ལ་སེམས་བཟུང་། མཐར་དེའང་མི་དམིགས་པའི་ངང་ལས་གཉིད་དུ་འགྲོ་བར་བྱ། དེའང་

― LT39_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

ལན་གསུམ་ལ་སོགས་པ་བསྐྱར་དགོས་སོ། །རྫོགས་རིམ་རྣམས་ཀྱི་སྐབས་སུ་སོ་སོའི་སྐབས་དང་བསྟུན་པའི་རྣལ་འབྱོར་བྱ་དགོས་ལ། སྤྱི་ཙམ་དུ། སེང་གེའི་ཉལ་སྟབས་ཀྱིས་མགོ་བྱང་དུ་བསྟན་ལ་འཆི་བ་རྗེས་སུ་དྲན་པས་དཀོན་མཆོག་གསུམ་ལ་བློ་གཏོད་ཅིང་གསོལ་བ་བཏབ་ནས་དགེ་བའི་བྱ་བ་ལ་ལྡང་བ་དང་སྣང་བའི་འདུ་ཤེས་ཉེ་བར་བཞག་སྟེ། སངས་རྒྱས་ཆོས་ཀྱི་སྐུ་ཐོབ་པར་གྱུར་ཅིག་སྙམ་དུ་སེམས་བསྐྱེད་ནས་ཆོས་ཉིད་ནམ་མཁའ་ལྟ་བུའི་ངང་ལ་བློ་གནས་པར་བྱ། དེ་ལ་མི་གནས་ན་བླ་མའི་རྣལ་འབྱོར་རྒྱས་བསྡུས་གང་རུང་བསྒོམས་ཏེ་གཉིད་འོད་གསལ་དུ་ཐིམ་པའི་གསོལ་བ་དྲག་ཏུ་བཏབ་པས་བླ་མ་སྤྱི་བོ་ནས་བྱོན། སྙིང་འོད་ཀྱི་གུར་ཁང་ནང་དུ་རྡོ་རྗེ་འཆང་གི་སྐུ་ཤིན་ཏུ་ཕྲ་བར་བཞུགས་པའི་འོད་ཟེར་གྱིས་ལུས་ཀྱི་ནང་གསལ་བར་མོས་པའི་ངང་ནས་གཉིད་ལོག །རྫོགས་ཆེན་པས་ནམ་གུང་ཤེས་བྱ་བུམ་པར་དྲིལ་བ་ནི། སྙིང་པདྨ་དམར་པོ་འདབ་མ་བཞི་པ་ཁ་ཅུང་ཟད་ཟུམ་པའི་ནང་དུ་ཨ་ཡིག་དཀར་པོ་འོད་འབར་བ་བུམ་ནང་གི་མར་མེ་ལྟར་འབར་བ་ལ་སེམས་གཏད་དེ། སྙིང་གར་འཇམ་རླུང་ཁ་སྦྱོར་དུ་བཟུང་བ་ལ་ཡུས་སྟོད་སྨད་འདུས་པ་ལྟར་མོས་ནས་ཉལ་བས་རྨི་ལམ་མེད་པར་གཉིད་གསལ་སྟོང་རྣམ་པར་མི་རྟོག་པའི་འོད་གསལ་དུ་འཆར་བར་གསུངས་སོ། །ཡང་བསྐྱེད་རྫོགས་ཀྱི་མྱོང་བ་མེད་པའམ་རྒྱུན་གྱི་རྣལ་འབྱོར་ལྟ་བུར་བཟང་པོ་སྤྱོད་པའི་སྨོན་ལམ་གྱི་དགོངས་པ་འཕགས་མཆོག་ཀླུ་

― LT39_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་ཞབས་ཀྱི་གདམས་ངག་འོད་དཔག་མེད་པའི་ཉལ་འཕོ་ཉམས་སུ་ལེན་པར་སྤྲོ་ན་ཡིག་རྙིང་ལས་འབྱུང་བ་ལྟར་རམ། ཡང་ན་དེ་དང་དོན་གཅིག་ཅིང་ཁྱེར་བདེ་བ་གཏེར་གསར་ཐུགས་སྒྲུབ་ལས་འབྱུང་བ་ནི། སྐྱབས་སེམས་སྔོན་ཏུ་སོང་ནས། ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾཿ སྟོང་པའི་ངང་ལས་ས་ཕྱོགས་ཀུན༔ དག་པའི་ཞིང་ཁམས་བདེ་བ་ཅན༔ ངོ་མཚར་བཀོད་པ་བསམ་ཡས་དབུས༔ པདྨ་ཟླ་བའི་སྙིང་པོ་ལ༔ རང་ཉིད་འཕགས་པ་སྤྱན་རས་གཟིགས༔ དཀར་དམར་མདངས་ལྡན་ཐལ་མོ་སྦྱར། བྱང་ཆུབ་སེམས་དཔའ་གཞོན་ནུའི་ཚུལ༔ སེམས་དཔའི་སྐྱིལ་མོ་ཀྲུང་གིས་བཞུགས༔ མདུན་དུ་རྨ་བྱས་བཏེགས་པ་ཡི༔ རིན་ཆེན་མཛེས་ཁྲི་པད་ཟླའི་སྟེང་༔ འོད་དཔག་མེད་མགོན་སྐུ་མདོག་དམར༔ མཉམ་བཞག་བདུད་རྩིའི་ལྷུང་བཟེད་བསྣམས༔ མཚན་དཔེའི་དཔལ་འབར་ཆོས་གོས་གསོལ༔ བྱང་ཆུབ་ཤིང་ཆེན་རབ་རྒྱས་པ༔ ཡིད་འཕྲོག་གྲིབ་བསིལ་ལ་བརྟེན་ནས༔ མཐའ་ཡས་འོད་ཟེར་འཕྲོ་བའི་ཀློང་༔ རྡོ་རྗེའི་སྐྱིལ་མོ་ཀྲུང་གིས་བཞུགས༔ གཡས་སུ་འཕགས་པ་སྤྱན་རས་གཟིགས༔ གཡོན་ཏུ་ཕྱག་རྡོར་མཐུ་ཆེན་ཐོབ༔ མདུན་ཏུ་འཕགས་ཚོགས་འདུས་པ་དང་༔ སྟེང་འོག་ཕྱོགས་མཚམས་ཐམས་ཅད་དུ༔

― LT39_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་དང་ནི་བྱང་ཆུབ་སེམས༔ འཇིག་རྟེན་སྐྱོང་བ་བསམ་མི་ཁྱབ༔ ཀུན་ཀྱང་ཆོས་ཀྱི་སྒྲ་སྒྲོག་ཅིང་༔ ཐེག་མཆོག་བདུད་རྩིས་དགྱེས་པ་ཅན༔ མངོན་སུམ་བཞིན་ཏུ་གསལ་བར་བསྒོམ༔ ཇི་སྙེད་སུ་དག་སོགས་ཡན་ལག་བདུན་པ་དང་། མཎྜལ་བཅད་ལྷུག་རྒྱས་བསྡུས་གང་འགྲུབ་འབུལ། རང་གི་ཐུགས་ནས་འོད་འཕྲོས་པས༔ སངས་རྒྱས་འཁོར་བཅས་ཐུགས་རྒྱུད་བསྐུལ༔ དེ་དག་ཐུགས་རྗེའི་འོད་ཟེར་གྱིས༔ བདག་དང་འགྲོ་བའི་སྒྲིབ་ཀུན་སྦྱངས༔ བདེ་ཆེན་ཞིང་དུ་སྐྱེ་བ་ཡི༔ རྒྱུ་འབྲས་སྣོད་དང་ལྡན་པར་བསམ༔ ཨོཾ་པདྨ་དྷ་རི་ཧཱུྃ༔ ཞེས་ཅི་འགྲུབ་དང་། ན་མོ་བྷ་ག་བ་ཏེ་ཨ་མི་ཏ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾབུདྡྷཱ་ཡ། ཏདྱ་ཐཱ། ཨོཾ་ཨ་མི་ཏེ། ཨ་མི་ཏོདྦྷ་བེ། ཨ་མི་ཏ་སཾ་བྷ་བེ། ཨ་མི་ཏ་བི་ཀྲཱནྟེ། ཨ་མི་ཏེ་ག་མི་ནི་ག་ག་ན་ཀཱིརྟི་ཀ་རེ་སརྦ་ཀླེ་ཤ་ཀྵ་ཡཾ་ཀ་རི་སྭཱ་ཧཱ། ཞེས་སྣང་བ་མཐའ་ཡས་རྗེས་སུ་དྲན་པའི་གཟུངས་ཀྱང་བཀླག །ཞིང་གི་བཀོད་པ་ལ་དད་མོས་ཆེན་པོས་སེམས་རྩེ་གཅིག་ཏུ་བཟུང་། དགེ་རྩ་ཐམས་ཅད་བསྡུས་ཏེ་ཞིང་དེར་སྐྱེ་བའི་རྒྱུ་རུ་བསྔོ། འགྲུབ་ན་བདེ་སྨོན་གང་འོས་དང་། རྒྱས་པར་མི་ལྕོགས་ན། བདག་ནི་འཆི་བའི་སོགས། དེར་སོང་ནས་ནི་སོགས། རྒྱལ་བའི་དཀྱིལ་འཁོར་སོགས། དེར་ནི་བདག་གིས་སོགས་

― LT39_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

ཤློ་ཀ་བཞི་བརྗོད། མདུན་གྱི་སྣང་བ་མཐའ་ཡས་ཀྱི༔ ཐུགས་ཀའི་ཧྲཱིཿལས་གཉིས་པ་བྱུང་༔ ཤངས་བུག་གཡས་ནས་རང་ཉིད་ཀྱི༔ སྣ་བུག་གཡོན་ཞུགས་སྙིང་གའི་དབུས༔ འོད་ཟེར་སྣང་བ་རབ་འཕྲོ་བས༔ སྡིག་སྒྲིབ་བག་ཆགས་བཅས་པ་སྦྱངས༔ རླུང་ཕྱིར་སོང་དང་ལྷན་ཅིག་ཏུ༔ སྣ་བུག་གཡས་ནས་བཅོམ་ལྡན་གྱི༔ཤངས་བུག་གཡོན་ཞུགས་ཧྲཱིཿལ་ཐིམ༔ རྒྱལ་བའི་ཐུགས་དང་རང་གི་སེམས༔ དབྱེར་མེད་བློ་འདས་ངང་དུ་བཞག༔ ཅེས་པའི་དམིགས་པ་དབུགས་འགྲོ་འོང་དང་སྦྱར་ཏེ་ཇི་ཙམ་ནུས་པ་བྱས་པའི་མཐར། བླ་མ་འོད་དཔག་མེད་པ་ཉིད༔ དགྱེས་པ་ཆེན་པོས་རང་ལ་ཐིམ༔ རང་ཉིད་སངས་རྒྱས་སྐུ་རུ་གྱུར༔ ཅེས་མོས་ལ་ཞིང་ག་བཀོད་པ་ཡང་ཡང་དྲན་པའི་མཐར་རྣམ་པར་མི་རྟོག་པའི་ངང་དུ་ཉལ་ལོ། །དེའི་ཡོན་ཏན་ནི་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་མདོ་སྡེ་སོགས་ལས་ཚད་མེད་པ་འབྱུང་བ་རྣམས་དང་། །ཐུགས་སྒྲུབ་ཞལ་གདམས་ལས་ཀྱང་། དེ་ལྟར་ཐུན་རེ་མ་ཆགས་པར༔ བསྒོམ་ན་འཆི་བའི་དུས་ཀྱི་ཚེ༔ སངས་རྒྱས་མཐུ་ཡིད་སྒྲིབ་དག་ནས༔ བདེ་ཆེན་ཞིང་དུ་ངེས་པར་སྐྱེ༔ ཞེས་གསུངས་པ་ལྟར་རོ། །བཅུ་པ་འཆི་བསླུ་སྲུང་ཟློག་གི་རྣལ་འབྱོར་ནི། རྣལ་འབྱོར་པ་ལ་ནང་དུ་རླུང་ལ་སྐྱོན་ཞུགས་པས་རྨི་ལམ་སོགས་སུ་འཆི་ལྟས་ཤར་ན། བུམ་ཅན་འབྱོངས་པ་ཡིན་ན་དེ་ཁོ་ན་ནན་ཏན་དང་། རྒྱུ་ཕྱོགས་

― LT39_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟགས་ལ་ཡོན་པོ་སྲོང་བའི་གདམས་ངག་ཉམས་སུ་ལེན། བུམ་ཅན་མ་བྱང་ན་འབྲུ་གསུམ་དང་སྦྱར་བའི་རྡོར་བཟླས་སམ། ཡང་ན་ནང་དུ་འཇུག་པ་ཁོ་ན་བགྲངས་པས་འབུམ་ཕྲག་རེས་དུས་མ་ཡིན་པའི་འཆི་བ་ངེས་པར་བསླུ་བར་འགྱུར། གཞན་ཡང་ནངས་མོ་ལངས་མ་ཐག་པ་དང་དགོངས་ཀ་ཉལ་ཁ་རང་དུ་རང་ལུས་ཀེང་རུས་ཤ་མེད་སྐྱ་སང་ངེ་བའམ། ཁ་ཊཾཱ་ག་སོགས་ཡི་དམ་གྱི་ཕྱག་མཚན་ཏུ་བསྒོམས་ནས་ཡུན་རིང་རེར་རྟོག་པས་བར་མ་ཆོད་པར་བྱ་བ་ཤིན་ཏུ་གནད་ཟབ་པར་བཤད། བདེ་མཆོག་རྩ་རྒྱུད་ལེའུ་ལྔ་པའི་དགོངས་པ་གྲུབ་ཆེན་ནཱ་རོ་ཏ་པ་སོགས་ཀྱི་གདམས་ངག་ཚེ་སྒྲུབ་ཤིན་ཏུ་ཟབ་པ་ནི། ཐོ་རངས་སམ་དུས་ནམ་ཡང་རུང་བར། རང་གི་སྤྱི་བོར་ཨ་ལས་ཐོད་པ་ཕྱི་དཀར་ལ་ནང་དམར་བ། ནང་དུ་ཨ་དཀར་པོ་ལས་འོད་ཟེར་ཁ་དོག་སྣ་ལྔ་འཕྲོས། བདེ་མཆོག་རིགས་ལྔ་ནམ་མཁར་བཞུགས་པའི་ཐུགས་ཀར་ཕོག །ཐུགས་ཀའི་ས་བོན་རྣམས་བདུད་རྩིར་ཞུ་ཨ་ལ་ཐིམ་ཞིང་ཐོད་པ་ཁེངས། ལུད་པས་ལུས་ཀྱི་ནང་ཐམས་ཅད་གང་བར་གྱུར། ཨོཾ་ཧྲཱིཿཧ་ཧ་ཧཱུྃ་ཧཱུྃ་ཕཊ་ཨཱ་ཡུ།།།ན་སིངིྡྷ་ཧཱུྃ། ཞེས་མང་དུ་བགྲང་། འཕྲོ་འཇོག་ཙ་ན། རིགས་ལྔ་ཐོད་པ་ལ་ཐིམ། ཐོད་པ་འོད་དུ་ཞུ་ནས་རང་ལ་ཐིམ་པར་བསྒོམ། རྙིང་ལུགས་ལ་མོས་ན་གུ་རུ་ཆོས་ཀྱི་དབང་ཕྱུག་གི་ཟབ་གཏེར་ཀུན་མཁྱེན་བུ་སྟོན་རིན་པོ་ཆེར་བཀའ་བབས་ཤིང་བོ་དོང་འཇིགས་བྲལ་ཆེན་པོའི་དག་

― LT39_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ཉེ་བརྒྱུད་བཅས་ཁྱད་པར་སུམ་ལྡན་ཟབ་ཅིང་ཁུངས་བཙུན་པ་བུ་སྟོན་གོང་ལུག་མར་གྲགས་པ་ནི། སྐྱབས་སེམས་སྔོན་ཏུ་སོང་ནས། སྭ་བྷཱ་བས་སྦྱང་། སྟོང་པའི་ངང་ལས་པདྨ་དང་ཟླ་བའི་སྟེང་དུ་རང་ཉིད་སྐད་ཅིག་གི་གསེར་གྱི་རྡོ་རྗེ་རྩེ་ལྔ་པ་གཅིག་ཏུ་ཀྲོང་སྟེ་གྱུར་པའི་རྩེ་མོར་ཚེ་དཔག་མེད་ཀྱི་ངོ་བོ་ཧྲཱིཿདཀར་པོ་དྭངས་ཤིང་གསལ་བ་ཞིག་གིས་མཚན་པར་གྱུར། ཅེས་པས་གསལ་བཏབ་རྗེས་ལག་པ་ཐལ་མོ་སྙིང་གར་སྦྱར་ལ། ཨོཾ་བཛྲ་ཨཱ་ཡུ་ཥེ་ས་ར་ཧ་ཤུདྡྷེ་ཧཱུྃ་ཕཊ༔ ཞེས་ལན་གསུམ་བརྗོད་ཅིང་སྔགས་དོན་དྲན་པའི་སྒོ་ནས་ཚེ་དཔག་མེད་ཧྲཱིཿཡིག་ཏུ་གསལ་བ་ལ་གསོལ་བ་དྲག་ཏུ་བཏབ་བོ། །དེ་ལྟར་གསོལ་བ་བཏབ་པའི་རྐྱེན་གྱིས་ཧྲཱིཿལས་འཆི་མེད་བདུད་རྩི་དཀར་པོ་སྐྱ་ན་ར་ར་བྱོན་ནས་རང་ལུས་གསེར་གྱི་རྡོ་རྗེར་གསལ་བའི་རྭའི་དབུས་སུ་བབ་ཅིང་ཁེངས་པར་གྱུར། དེ་ནས་ཐོག་མར་སྣ་བུག་གཉིས་ཀ་ནས་རླུང་རོ་ཅུང་ཟད། དེ་ནས་ཇེ་ཆེ་ཇེ་ཆེར་འབུད་ཅིང་། ཡང་ཇེ་ཆུང་དུ་ཇེ་ཆུང་དུ་བཏང་སྟེ་ཕྱིར་འབུད་ཅིང་། ནད་གདོན་སྡིག་སྒྲིབ་ཐམས་ཅད་ནག་བུན་ཏེ་ཕྱིར་ཐོན་ནས་ནམ་མཁའ་ལ་འཇའ་ཡལ་བ་ལྟ་བུར་གྱུར་པར་བསམ་མོ། །དེ་ནས་ཡང་། ཚུར་རླུང་ཁུག་པ་སྣ་བུར་གཡོན་ནས་ནས་བདུན། གཡས་ནས་བདུན་དྲངས་ཏེ། དམིགས་པ་ནི་ཕྱོགས་བཅུའི་སངས་རྒྱས་དང་བྱང་སེམས་རྣམས་ཀྱི་ཐུགས་རྗེའི་བྱིན་རླབས། ལྷ་མིའི་དབང་པོ་སྟོབས་ལྡན་རྣམས་ཀྱི་ཚེ་དཔལ་བསོད་ནམས་ཐམས་ཅད་འོད་ཟེར་

― LT39_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོའི་རྣམ་པར་རླུང་དང་བསྟུན་ནས། རང་སེམས་གསེར་གྱི་རྡོ་རྗེར་གསལ་བའི་ངང་དུ་བསྡུས་པར་བསམ་ལ་རླུང་ཁུག་པ་བདུན་བསྣན་ནས་སྙིང་པོ་འདི་བཟླའོ། །ཨོཾ་བཛྲ་ཨཱ་ཡུ་ཥ་ཧཱུྃ་བྷྲཱུྃ་ནྲྀ་ཛཿ ཞེས་བརྒྱ་རྩ་བརྒྱད་ལ་སོགས་པ་ཡིད་བཟླས་བྱ། དེ་ནས་སླར་ཡང་གོང་བཞིན་གསོལ་བ་བཏབ། སྤྱི་བོའི་ཧྲཱིཿཡིག་ལས་འོད་ཟེར་ཕྱོགས་བཅུར་འཕྲོས། རང་དང་བསྒྲུབ་བྱའི་བླ་ཚེ་དང་བསོད་ནམས་ཉམས་པ། ཡར་བ། འཐོར་བ། འཕྲོག་པ། བརྐུས་པ་ཐམས་ཅད་བསྡུས་ནས་ཧྲཱིཿཡིག་ལ་ཐིམ་ཧྲཱིཿའོད་དུ་ཞུ་ནས་རང་ལ་ཐིམ། རང་གི་ལུས་ངག་ཡིད་གསུམ་དང་ཚེ་དཔག་མེད་ཀྱི་སྐུ་གསུང་ཐུགས་དབྱེར་མེད་རོ་གཅིག་ཏུ་གྱུར་བར་བསམ་ལ། རིག་པ་བརྗོད་མེད་ཀྱི་ངང་དུ་ཅི་གནས་སུ་མཉམ་པར་བཞག་པར་བྱའོ། །ནངས་པར་སོགས་ནམ་ཡང་རུང་བར་དད་མོས་རྩེ་གཅིག་པས་ཐལ་མོ་སྦྱར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མགོན་པོ་མི་འཁྲུགས་པ་ལ་ཕྱག་འཚལ་ཞིང་སྐྱབས་སུ་མཆིའོ། །དམ་པའི་ཆོས་སྒྲུབ་པའི་བདུད་བགེགས་བར་གཅོད་ཐམས་ཅད་ཞི་བར་བྱིན་གྱིས་བརླབ་ཏུ་གསོལ། ཅེས་བརྗོད། ཐོ་རངས་མེ་ཏོག་གམ་འབྲུ་ལྔ། ན་མོ་རཏྣ་ཏྲ་ཡཱ་ཡ༔ ན་མ་ཨཱརྻ་ཨ་བ་ལོ་ཀི་ཏེ་ཤྭ་རཱ་ཡ༔ བོ་དྷི་སཏཱྭ་ཡ༔ མ་ཧཱ་སཏཱྭ་ཡ༔ མ་ཧཱ་ཀཱ་རུ་

― LT39_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ཎི་་ཀཱ་ཡ༔ ཏདྱ་ཐཱ༔ ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་བྟཱི་ཡ་དུཥྚཱ་ན་ཧ་ན་ཧ་ན༔ ད་ཧ་ད་ཧ༔ བྷནྡྷ་བྷནྡྷ༔ ཕཊ་ཕཊ༔ ཅེས་བཟླས་ལ། སྤྱི་བོར་བཞག་པས་སྒྲོལ་མའི་སྐུ༔ ཆར་བཞིན་བབས་ནས་བདག་ལ་ཐིམ༔ འཇིགས་པ་ཀུན་དང་བྲལ་བར་བསམ༔ ཡང་རྒྱུད་ཀྱི་གདམས་ངག་ཤིན་ཏུ་ཟབ་པ་ནི། སྟོང་པའི་ངང་ལས། རང་སེམས་བྷྲཱུྃ་སེར་པོ། དེ་ཡོངས་སུ་གྱུར་པ་ལས་རྡོ་རྗེ་ནོར་བུའི་འཁོར་ལོ་རྩིབས་བཅུ་གཅིག་པ་ལྟེ་བར་ཐོད་པའི་གཞལ་མེད་ཁང་སྲུབ་མེད་པ་སྒོ་ང་ལྟ་བུ་ཞིག་བསྒོམ། དེའི་ནང་དུ་རང་གི་ལུས་བྷྲཱུཾ་སེར་པོ་ལས་གང་རུང་ཀྱི་རྣམ་པར་བསྒོམ། དེའི་ནང་དུ་རང་གི་སེམས་བདེ་མཆོག་ཡབ་ཡུམ་ཆུང་ལ་རྫོགས་པ་ཞིག་བསྒོམ། ངག་ཏུ། བྷྲཱུྃ་བྷྲཱུྃ་ཞེས་མང་དུ་བཟླ། འཁོར་ལོ་ནམ་མཁའ་ལ་སི་རི་རི་འཁོར་བས་གནོད་བྱེད་ཐམས་ཅད་དུམ་བུར་གཏུབས་ཤིང་ཕྱེ་མར་བརླག་པར་བསྒོམ། དེ་རྒྱུན་ཏུ་ངན་ཙམ་བྱ། སྲོད་ལ་ནན་ཆེ་བར་བསྒོམ། འདིས་ནི་སྔགས་པ་བརྒྱ་ཡི་རྦོད་གཏོང་ཡང་བཟློག །སྲུང་བའི་མཆོག་ཏུ་འགྱུར་རོ། །གདོན་བགེགས་ཀྱི་གནོད་པ་བཟློག་པ་ལ་ལོ་ཀྟྲི་པཱ་ལ། སྲི་ངན་ཟློག་པ་ལ་འཁོར་ལོ་འབར་བ། བྱད་ཁ་རྦོད་གཏོང་སོགས་ངན་དགུ་ཟློག་པ་ལ་སེང་གདོང་མ་རྣམས་ཟབ་པས་སྐབས་བསྟུན་ཉམས་ལེན་བྱ། རྨི་ལམ་ངན་པ་ཟློག་པ་ལ། སད་མ་ཐག་པར་ཁ་མལ་འོག་ཕྱོགས་ཏེ་སེང་གདོང་མར་

― LT39_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་ལ་འབྲུ་བཅུ་བཞི་པ་དང་། ཨོཾ་མུ་རཾ་མུ་རཾ་ཐུམ་ཐུམ་རྨི་ལམ་ཐུམ་སྭཱ་ཧཱ། ཞེས་བརྒྱའམ་ཉེར་གཅིག་བཟླ། ཕྱག་གཡས་ཟླ་བ། གཡོན་ཉི་མ་ཁ་བརྡབས་པས་གནོད་བྱེད་བརླག་པར་བསམ་ལ། ད་ལྟའི་རྨི་ལམ་ངན་པ་དེ་ཉིད་གཏོང་མཁན་དགྲ་བགེགས་ཀྱི་སྟེང་དུ་ཟློག་ཟློག་སྒྱུར་སྒྱུར། བྱས་ལ་ཐལ་མོ་གསུམ་བརྡབ། ཡང་ན་ཕན་ཡོན་ཤིན་ཏུ་ཆེ་བ་གཙུག་ཏོར་འབར་བའི་བསྒོམ་བཟླས་ནི། རང་ཉིད་གཙུག་ཏོར་འབར་བ་དམར་སེར་ཁྲོས། །གཡས་པས་རལ་གྲི་གཡོན་པས་སྡིགས་མཛུབ་རྩེར། །མེ་ཡི་འཁོར་ལོ་རྩིབས་བརྒྱད་དྲག་ཏུ་བསྐོར། །སྤྱན་གསུམ་མཆེ་གཙིགས་དབུ་སྐྲ་དམར་སེར་འབར། །སྟག་ཤམ་གཡོན་བརྐྱང་སྟབས་ཀྱིས་པད་ཉིར་བཞུགས། །སྐུ་ལས་མེ་འབར་གནོད་བྱེད་ཐམས་ཅད་བསྲེགས། །ན་མཿས་མནྟ་བུདྡྷཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཨོཾ་ཁ་ཁ་ཁཱ་ཧི་ཁཱ་ཧི། ཧཱུྃ་ཧཱུྃ་ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། ཏིཥྛ་ཏིཥྛ་ཕཊ་ཕཊ་སརྦ་དུར་ནི་མི་ཏྟ་ངུར་སྦ་པྣཾ་ཤཱིནྟཾ་ཀུ་རུ་སྭཱ་ཧཱ། ཞེས་བཟླ་སྟེ་འདིས་ན་ལྟས་ངན་ཐམས་ཅད་བཟློག་གོ། །ཡང་ནད་དང་སྡུག་བསྔལ་ཁྱད་པར་རྨི་ལམ་ངན་པ་ཞི་བ་ལ་ལྷག་པར་བསྔགས་ཤིང་ཚེ་སྒྲུབ་མཆོག་ཏུ་གྱུར་པ་སྤྱན་རས་གཟིགས་ཡི་གེ་ཕྱེད་བཞི་པ་ནི། སྐྱབས་སེམས་སྟོང་ཉིད་སྒོམ་པ་སྔོན་ཏུ་འགྲོ་བས།

― LT39_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གི་མདུན་ཏུ་སྐད་ཅིག་གི་སྤྱན་རས་གཟིགས་སྐུ་མདོག་དཀར་པོ་ན་བཟའ་སྔོན་པོ་གསོལ་བ། གཡས་སྐྱབས་སྦྱིན་དང་གཡོན་པདྨ་དཀར་པོ་འཛིན་པ། ཚངས་པར་སྤྱོད་པའི་ཆ་ལུགས་ཅན། རལ་པའི་ཐོར་ཚུགས་དང་ལྡན་པ། ཐུགས་ཀར་ཟླ་བ་ལ་སྔགས་ཀྱི་ཕྲེང་བ་གསལ་བཏབ་སྟེ། མོས་གུས་ཀྱི་གདུང་བ་ཆེན་པོས། ཨོཾ་ཨ་རོ་ལིཀྲ། ཅེས་ལན་གཅིག་བརྗོད་ལ། ཨ་རོ་ལིཀྲ། ཅེས་པ་ཉིད་བརྒྱ་རྩ་བཟླའོ། །དེ་ལྟ་བུའི་ཚུལ་ཅན་གྱིས་སྔགས་ཨོཾ་ཅན་གཅིག་གིས་འགོ་དྲངས་ནས། གཞན་བརྒྱ་བརྒྱ་བཟླ་བ་ཉིད་ཅི་ནུས་བྱའོ། །མཐར་བདག་གི་སྡིག་སྒྲིབ་སྦྱོང་བ་དང་། བར་ཆད་ཞི་བར་གསོལ་བ་དྲག་ཏུ་བཏབ་པས་འོད་དུ་ཞུ་ནས་རང་ལ་ཐིམ། རྣམ་སྨིན་གྱི་ལུས་སྦྱངས་ཏེ་འོད་ཀྱི་རང་བཞིན་གྱི་ལྷ་སྐུར་གྱུར། དེ་ཡང་མི་དམིགས་པར་སྦྱངས་ཏེ་ཅུང་ཟད་མཉམ་པར་བཞག །དགེ་བ་བསྔོ། སྤྱིར་དམ་པའི་ཆོས་སྒྲུབ་པའི་བར་གཅོད་སེལ་ཞིང་། ཁྱད་པར་རྡོ་རྗེ་ཐེག་པའི་ལམ་ནས་མཆོག་སྒྲུབ་པ་ལ་བར་གཅོད་དམ་སྲི་འདུལ་བའི་གཉེན་པོ་ནི་རྡོ་རྗེ་ཕུར་པ་ལས་ལྷག་པ་གསར་རྙིང་ཀུན་ལ་མེད་པས་སྲོད་ཀྱི་དུས་སུ་གཏེར་གསར་གསང་ཐིག་རྡོ་རྗེ་ཕུར་པའི་བསྒོམ་བཟླས་མ་ཆགས་པར་བྱ། ཡང་ཟབ་བླ་ཕུར་སྤྲགས་མའི་རིགས་དང་ཧཱུྃ་སྒྲུབ། ལྷག་པར་གཏེར་གསར་ཐུགས་སྒྲུབ་བདུད་ཀྱི་གཤེད་ཆེན་སྐབས་སུ་གསུངས་པའི་ཡང་ཟབ་རྒྱུན་གྱི་ཉམས་ལེན་སོགས་ལ་རྣལ་འབྱོར་དུ་བྱ་བ་དང་། ཡང་སྲོད་ཀྱི་དུས་སུ། བླ་མའི་རྣལ་

― LT39_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་བསྒོམ་པའི་རྗེས་སུ། བླ་མའི་སྐུ་ལས་རཾ་འཕྲོས། སྟེང་འོག་ཕྱོགས་མཚམས་ཐམས་ཅད་མེའི་འཁོར་ལོ་རྩིབས་སྟོང་དང་ལྡན་པ་དྲག་ཏུ་འཁོར་བས། གནོད་བྱེད་ཐམས་ཅད་དུམ་བུར་གཏུབས་ཤིང་སྲེག། ཕྱི་ནང་ཐམས་ཅད་ཡེ་ཤེས་མེར་འབར་བའི་དཀྱིལ་ན་རང་ཉིད་རྡོ་རྗེ་སེམས་དཔའ་ནམ་མཁའ་དང་མཉམ་པར་གྱུར་པ་ལ་སྤྱི་གཙུག་གི་བླ་མ་རང་གི་སྙིང་ནང་དུ་སྤྱན་དྲངས་ཏེ་བསྒོམ་པས་གེགས་དང་བར་ཆོད་ཐམས་ཅད་བསྲུང་བའི་མཆོག་གོ། །བཅུ་གཅིག་པ་གཞན་དོན་ཕྲིན་ལས་ཀྱི་རྣལ་འབྱོར་ནི། སྤྱིར་གཞན་དོན་གྱི་གཙོ་བོ་རྣམ་པ་ཀུན་ཏུ་བྱང་ཆུབ་ཀྱི་སེམས་ལ་བློ་སྦྱོང་བ་ཁོ་ན་ཡིན་ཀྱང་། འདིར་ཉེར་མཁོའི་ཡན་ལག་ཏུ་སྨོས་པ། མི་འཁྲུགས་པའི་བསྒོམ་བཟླས་སྤྲོ་ན། སྐྱབས་སེམས་བྱ། རང་གི་སྙིང་གར་ཨ་ཡིག་ལས། །ཟླ་སྟེང་ཧཱུྃ་སྔོན་འོད་ཟེར་གྱིས། །ལུས་སྦྱངས་སྡིག་སྒྲིབ་ཐམས་ཅད་དག །སེམས་ཉིད་བཅོམ་ལྡན་མི་འཁྲུགས་པ། །སྐུ་མདོག་སྔོན་པོ་མཚན་དཔེས་བརྒྱན། །ཕྱག་གཉིས་གཡས་པ་ས་གནོན་དང་། །གཡོན་པ་མཉམ་བཞག་རྡོ་རྗེ་འཛིན། །ན་བཟའ་ཆོས་གོས་གསུམ་མནབ་ཅིང་། །འོད་དང་འོད་ཟེར་འཕྲོ་བ་ཅན། །གླང་ཆེན་གྱིས་བཏེགས་རིན་ཆེན་ཁྲིར། །པདྨ་ཟླ་བའི་གདན་སྟེང་དུ། །ཞབས་གཉིས་རྡོ་རྗེ་སྐྱིལ་ཀྲུང་

― LT39_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས། །ཐུགས་ཀར་ཨ་ལས་ཟླ་སྟེང་ཧཱུྃ། །དེ་ཡི་འོད་ཀྱིས་ཡེ་ཤེས་པ། །སྤྱན་དྲངས་མདུན་གྱི་ནམ་མཁར་བཞུགས། །ཡིད་ཀྱིས་ཕྱག་མཆོད་གསོལ་བ་གདབ། །ཛཿཧཱུྃ་བཾ་ཧོཿདབྱེར་མེད་ཅིང་། །གནས་གསུམ་འབྲུ་གསུམ་རྒྱས་གདབ་གྱུར། །ཧཱུྃ་མཐར་སྔགས་ཕྲེང་བསྐོར་བ་ལས། །འོད་འཕྲོས་འགྲོ་ཀུན་སྒྲིབ་སྦྱོང་གྱུར། །ན་མོ་བྷ་ག་བ་ཏེ་ཨཀྵོ་བྷྱཱ་ཡ་སོགས་སྔོན་ཏུ་འགྲོ་བའི་ཀཾ་ཀ་ནི་ཅི་འགྲུབ་བཟླས་མཐར། འགྲོ་བ་ཀུན་གྱི་སྒྲིབ་དག་ནས། །ཐམས་ཅད་མི་འཁྲུགས་རྒྱལ་བར་གྱུར། །འོད་ཞུ་རང་ཐིམ་རང་ཉིད་ཀྱང་། །མཁའ་ལ་སྤྲིན་དེང་ལྟ་བུའོ། །ཞེས་སྟོང་ཉིད་དུ་བཞག་ལ་དགེ་བ་བསྔོ། འདི་མ་ཆགས་པར་བྱས་ན་མཚམས་མེད་པ་ལྔ་བྱས་པའང་འདག །ལན་གཅིག་བརྗོད་ན་རྨི་ལམ་ངན་པ་དང་བཀྲ་མི་ཤིས་པ་ཀུན་བཟློག །བྱ་དང་རི་དྭགས་འབུ་སྲིན་སོགས་འཆི་ཀ་མའི་རྣ་ལམ་དུ་བསྒྲག་ན་ངན་སོང་གི་སྐྱེ་སྒོ་ཁེགས་པ་སོགས་ཕན་ཡོན་མཐའ་ཡས་པ་གསུངས་སོ། །འདི་ནི་སྣར་ཐང་བརྒྱ་རྩ་ལས་འབྱུང་བ་དང་། གྲུབ་ཐོབ་སཱུརྻ་བཛྲའི་ཐུགས་དམ་གྱི་གནད་དྲིལ་བའོ། །ཡང་བཅོམ་ལྡན་འདས་ཐམས་ཅད་རིག་པའི་བསྒོམ་བཟླས་རྒྱལ་སྲས་ཐོགས་མེད་ཀྱི་ལུགས་ནི། སྐྱབས་སེམས་བྱ། །སྟོང་པའི་ངང་ལས་རང་གི་སེམས། །ཟླ་བའི་དཀྱིལ་འཁོར་ཉིད་དུ་གསལ། །ཨོཾ་སརྦ་བིད་ཀརྨ་ཨཱ་ཝ་ར་་བི་ཤོ་

― LT39_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

དྷ་ཡ་ཧ་ན་ཧཱུྃ་ཕཊ། ཟླ་བ་འོད་ཞུ་རྡོ་རྗེ་དཀར། །རྩེ་ལྔ་གྱེན་ཏུ་བཞེངས་པ་ལས། །འོད་འཕྲོས་སེམས་ཅན་དོན་བསྒྲུབས་ཏེ། །ཚུར་འདུས་ཡོངས་གྱུར་སྐད་ཅིག་གིས། །བདག་ཉིད་བཅོམ་ལྡན་ཀུན་རིག་དཀར། །ཞལ་བཞི་ཞི་བའི་གཟིགས་སྟངས་ཅན། །ཕྱག་གཉིས་མཉམ་བཞག་རྡོ་རྗེ་བསྣམས། །དར་དང་རིན་ཆེན་རྒྱན་གྱིས་བརྒྱན། །སྣང་ལ་རང་བཞིན་མེད་པའི་སྐུ། །སྐྱིལ་ཀྲུང་པད་ཟླའི་གདན་ལ་བཞུགས། །གནས་གསུམ་ཨོཾ་ཨཱཿཧཱུྃ་གིས་མཚན། །འོད་འཕྲོས་ཡེ་ཤེས་སྤྱན་དྲངས་ཐིམ། །དབང་ལྷ་རིགས་ལྔས་དབང་བསྐུར་ཞིང་། །སྒྲིབ་དག་རྣམ་སྣང་དབུ་བརྒྱན་གྱུར། །ཨོཾ་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱས་མཆོད། ཆོས་དབྱིངས་ཡེ་ཤེས་སོགས་ཤློ་ཀ་གཅིག་གིས་བསྟོད། ཐུགས་ཀར་ཟླ་སྟེང་ཧཱུྃ་ཡིག་གི་མཐར་རྩ་རིག་གིས་བསྐོར་བ་ལས་འོད་ཟེར་འཕྲོས་པས་དམིགས་ཡུལ་གཙོར་བྱས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་པར་བསམ་ལ་རྩ་རིག་ཅི་ནུས་བཟླ། མཐར་མི་དམིགས་པར་བཞག་ལ་བསྔོ་བ་བྱ། སྒྲིབ་སྦྱོང་སྤྱི་དང་ཁྱད་པར་གཤིན་པོའི་སྒྲིབ་སྦྱོང་ལ་ལྷག་པར་བསྔགས་སོ། །ཡང་བཅོམ་ལྡན་འདས་སྨན་གྱི་བླ་མའི་སྒོམ་བཟླས་སྤྲོ་ན། སྐྱབས་སེམས་བྱ། སྙིང་གར་ཨ་ལས་ཟླ་བའི་སྟེང་། །ཨོཾ་ཡིག་སྔོན་པོའི་འོད་ཟེར་གྱི།

― LT39_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོ་འདུས་རང་ཉིད་སྨན་གྱི་བླ། །བཻ་ཌཱུརྻ་འོད་ནམ་མཁའི་མདོག །ཕྱག་གཡས་མཆོག་སྦྱིན་ཨ་རུ་ར། །གཡོན་པ་མཉམ་བཞག་བཻ་ཌཱུརྻའི། །ལྷུང་བཟེད་བདུད་རྩིས་གང་བ་བསྣམས། །མཚན་དཔེ་ཡོངས་རྫོགས་སྤྲུལ་སྐུའི་ཆས། །སྐྱིལ་ཀྲུང་པད་ཟླའི་གདན་ལ་བཞུགས། །ཐུགས་ཀར་ཟླ་སྟེང་ཨོཾ་སྔོན་པོའི། །འོད་ཀྱིས་ཡེ་ཤེས་སྤྱན་དྲངས་ཐིམ། །བཛྲ་ས་མ་ཛཿ ཛཿཧཱུྃ་བྃ་ཧོཿ གཡས་སུ་ཟླ་ལྟར་སྣང་བྱེད་དཀར། །གཡོན་ཏུ་ཉི་ལྟར་སྣང་བྱེད་དམར། །ལོངས་སྤྱོད་རྒྱན་རྫོགས་ཐལ་སྦྱར་མཛད། །པད་ཟླར་བཞེངས་པའི་སྟབས་ཀྱིས་བཞུགས། །རང་གི་གནས་གསུམ་འབྲུ་གསུམ་མཚན། །ཐུགས་ཀར་ཟླ་སྟེང་ཨོཾ་ཡིག་མཐར། །སྔགས་ཕྲེང་གཡས་བསྐོར་འོད་ཟེར་གྱིས། །སྡིག་སྒྲིབ་ནད་གདོན་ཀུན་སྦྱངས་གྱུར། །ཨོཾ་ན་མོ་བྷ་ག་བ་ཏེ་བྷཻཥ་ཛྱེ་གུ་རུ་བཻ་ཌཱུརྻ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བྷཻ་ཥ་ཛྱེ་བྷཻཥ་ཛྱེ་མ་ཧཱ་བྷཻ་ཥཛྱེ་རཱ་ཛ་ས་མུངྒ་ཏེ་སྭཱ་ཧཱ། ཞེས་གཟུངས་རིང་ཚར་གཅིག་གིས་འགོ་དྲངས། ཨོཾ་བྷཻ་ཥཛྱེ་སོགས་གཟུངས་ཐུང་ཅི་འགྲུབ་བཟླས་ལ་མཐར། །རང་གི་ལུས་ལས་ཡེ་ཤེས་པ། །ཕྱུངས་ཏེ་ནམ་མཁར་བཞུགས་པར་གྱུར། །ཡན་ལག་བདུན་པ་རྒྱས་པ་བཟང་སྤྱོད་ལྟར་རམ། ཕྱག་འཚལ་བ་དང་སོགས་བརྗོད། བཅོམ་

― LT39_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་འདས་སྨན་གྱི་བླ་བཻ་ཌཱུརྻ་འོད་ཀྱི་རྒྱལ་པོས་བདག་གཞན་སེམས་ཅན་ཐམས་ཅད་ཀྱི་ནད་གདོན་སྡིག་སྒྲིབ་བག་ཆགས་དང་བཅས་པ་ད་ལྟ་ཉིད་དུ་བྱང་ཞིང་དག་པར་མཛད་དུ་གསོལ། ཅེས་གསོལ་བ་གདབ། ཡིག་བརྒྱ་བརྗོད། བཛྲ་མུཿས་ཡེ་ཤེས་པ་གཤེགས། ལས་སྒྲིབ་རྣམ་པར་སྦྱོང་བ་འདི་ནི་ཤིན་ཏུ་ཟབ་ཅིང་མཚན་ཙམ་བཟུང་བས་ཀྱང་ངན་སོང་གི་སྐྱེ་སྒོ་གཅོད་པ་སོགས་ཕན་ཡོན་མཐའ་ཡས་སོ། །ཡང་རང་ག་ཞེ་ན་དོན་ལ་མ་ི་སྨོན་ལམ་འབྲེལ་མ་བྱེད་པ་དར་ཆེ་ཡང་བསྒོམ་བཟླས་ཇི་བཞིན་མེད་ཚེ་ཕན་ཡོན་ཆུང་བས། གྲུབ་ཆེན་ཐང་སྟོང་རྒྱལ་པོའི་ཉེ་བརྒྱུད་འགྲོ་དོན་མཁའ་ཁྱབ་མ་ནི། སྐྱབས་སེམས་བྱ། བདག་སོགས་མཁའ་ཁྱབ་སེམས་ཅན་གྱི། །སྤྱི་གཙུག་པད་དཀར་ཟླ་བའི་སྟེང་། །ཧྲཱིཿལས་འཕགས་མཆོག་སྤྱན་རས་གཟིགས། །དཀར་གསལ་འོད་ཟེར་ལྔ་ལྡན་འཕྲོ། །འཛུམ་ལྡན་ཐུགས་རྗེའི་སྤྱན་གྱིས་གཟིགས། །ཕྱག་བཞིའི་དང་པོ་ཐལ་སྦྱར་མཛད། །འོག་གཉིས་ཤེལ་ཕྲེང་པད་དཀར་བསྣམས། །དར་དང་རིན་ཆེན་རྒྱན་གྱིས་སྤྲས། །རི་དྭགས་ལྤགས་པའི་སྟོད་གཡོགས་གསོལ། །འོད་དཔག་མེད་པའི་དབུ་རྒྱན་ཅན། །ཞབས་གཉིས་རྡོ་རྗེའི་སྐྱིལ་ཀྲུང་བཞུགས། །དྲི་མེད་ཟླ་བར་རྒྱབ་བརྟེན་པ། །སྐྱབས་གནས་ཀུན་འདུས་ངོ་བོར་གྱུར། །བདག་

― LT39_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སེམས་ཅན་ཐམས་ཅད་ཀྱིས་མགྲིན་གཅིག་ཏུ་གསོལ་བ་འདེབས་པར་བསམ་ལ། ངོ་བོ་སྐྱོན་གྱིས་མ་གོས་སྐུ་མདོག་དཀར། །རྫོགས་སངས་རྒྱས་ཀྱིས་དབུ་ལ་བརྒྱན། །ཐུགས་རྗེའི་སྤྱན་གྱིས་འགྲོ་ལ་གཟིགས། །སྤྱན་རས་གཟིགས་ལ་ཕྱག་འཚལ་ལོ། །ཅེས་གསུམ་བདུན་སོགས་ཅི་ནུས་བརྗོད། དེ་ལྟར་རྩེ་གཅིག་གསོལ་བཏབ་པས། །འཕགས་པའི་སྐུ་ལས་འོད་ཟེར་འཕྲོས། །མ་དག་ལས་སྣང་འཁྲུལ་ཤེས་སྦྱངས། །ཕྱི་སྣོད་བདེ་བ་ཅན་གྱི་ཞིང་། །ནང་བཅུད་སྐྱེ་འགྲོའི་ལུས་ངག་སེམས། །སྤྱན་རས་གཟིགས་དབང་སྐུ་གསུང་ཐུགས། །སྣང་གྲགས་རིག་སྟོང་དབྱེར་མེད་གྱུར། །ཅེས་པའི་དོན་སྒོམ་བཞིན་ཏུ་ཡིག་དྲུག་བཟླ། །མཐར་འཁོར་གསུམ་མི་རྟོག་པའི་རང་ངོར་མཉམ་པར་བཞག །བདག་གཞན་ལུས་སྣང་འཕགས་པའི་སྐུ། །སྒྲ་གྲགས་ཡི་གེ་དྲུག་པའི་དབྱངས་དྲན་རྟོག་ཡེ་ཤེས་ཆེན་པོའི་ཀློང་། །དགེ་བ་འདི་ཡིས་མྱུར་དུ་བདག །སྤྱན་རས་གཟིགས་དབང་འགྲུབ་གྱུར་སོགས་བསྔོ་སྨོན་བྱའོ། །ཡང་གཤིན་པོ་སོགས་ལ་གལ་ཆེ་བ་སངས་རྒྱས་གླིང་པའི་ཟབ་གཏར་ལས་བྱུང་བ་འགྲོ་དོན་ཆར་རྒྱུན་ནི། །རང་ཉིད་སྤྱན་རས་གཟིགས་སུ་གསལ། །ཐུགས་ཀའི་ཧྲཱིཿལས་འོད་འཕྲོས་པས། །འབྲེལ་ཐོགས་གསོན་གཤིན་གཙོར་བྱས་པའི། །སེམས་ཅན་ཀུན་གྱི་སྤྱི་

― LT39_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་རུ། །པད་ཟླར་འཁོར་བ་དོང་སྤྲུགས་དམར། །ཕྱག་གཡས་པད་ཕྲེང་གཡོན་བུམ་པ། །རྒྱན་མེད་བཞེངས་ནས་བཞུགས་པ་ཡི། །བུམ་ནང་བདུད་རྩིའི་རྒྱུན་བབས་པས། །སྡིག་སྒྲིབ་བག་ཆགས་མ་ལུས་བཀྲུས། །ཐུགས་ལས་ཧྲཱིཿའཕྲོས་སྤྱི་བོ་ནས། །སྙིང་གར་ཞུགས་པའི་འོད་ཟེར་གྱིས། །འགྲོ་ཀུན་སྤྱན་རས་གཟིགས་སུ་གྱུར། །སྔགས་སྒྲས་འཇིག་རྟེན་གང་བར་བསྒོམ། །སྤྲོ་ན་སྡིག་སྒྲིབ་ཀུན་འཇོམས་གཟུངས་རིང་བཟླ། མི་ཤེས་ན། ཡིག་བདུན་མཇུག་ཏུ། ཨ་ར་པ་ཙ་མི་ཏ་ཧྲྀ་ད་ཡ་སྭཱ་ཧཱ། ཞེས་བཏགས་པ་བཟླ། མཐར་མི་དམིགས་པར་བཞག་ལ་བསྔོ་སྨོན་བྱའོ། །གཞན་ཡང་དུད་འགྲོ་སོགས་སེམས་ཅན་ཀུན་གྱི་རྣ་ལམ་དུ་སངས་རྒྱས་ཀྱི་མཚན་དང་གཟུངས་སྔགས་ཟབ་མོ་སྒྲོག་པ་དང་། མཐོང་བའི་ལམ་དུ་སྐུ་དང་གཟུངས་སྔགས་ལ་སོགས་བཞུགས་ས་གསོལ་བ་དང་། སེམས་བསྐྱེད་ཆོས་བཤད་དབང་བསྐུར་དངོས་སམ་དམིགས་པས་འབྲེལ་བ་བཞག་པ་དང་། དགེ་བ་ལ་བསྐུལ་ཞིང་བསྔོ་སྨོན་བཟང་པོའི་རྒྱས་གདབ་པར་བྱའོ། །བཅུ་གཉིས་པ་ཐུན་མཚམས་ཆོས་སྤྱོད་ཀྱི་བྱ་བ་ནི། སྤྱིར་ཐུན་པར་ཐམས་ཅད་དུ་དལ་བར་མི་སྡོད་པར་ནུས་ན་བསྐྱེད་རྫོགས་ཉམས་ལེན་གང་བྱེད་པ་དེ་དང་མ་བྲལ་བར་བྱ། མི་ནུས་པའམ་ཚོགས་གསོག་ཅིང་སྒྲིབ་པ་སྦྱོང་བའི་ཆེད་དུ་གཞན་ནས་འབྱུང་བའི་ཆོ་ག་སྤྱི་དང་བྱེ་

― LT39_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲག་མི་ཏྲ་ཛོ་གིའི་སཱཙྪ་ལྔ་མ་ལྟ་བུའི་ཆོག་དང་ལྡན་པས་སཱཙྪ་གདབ་པ་དང་། ཆོས་སྤྱོད་ཐམས་ཅད་ཀྱི་མན་ངག་རྟོག་པའི་རྒྱུད་ལས། ཡི་གེ་འབྲི་མཆོད་སྦྱིན་པ་དང་། །ཉན་དང་ཀློག་དང་འཛིན་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པ་སྟེ། །སྤྱོད་པ་འདི་བཅུའི་བདག་ཉིད་ནི། །བསོད་ནམས་ཕུང་པོ་དཔག་ཏུ་མེད། །ཅེས་གསུངས་པ་ལྟར་སྦྱོར་བ་བྱང་ཆུབ་ཀྱི་སེམས་དངོས་གཞི་སྐྱེ་བ་མེད་པ་རྗེས་བསྔོ་བས་ཟིན་པ་སྟེ། སྦྱོར་དངོས་རྗེས་གསུམ་ཚང་བའི་སྒོ་ནས་ཆོས་སྤྱོད་བཅུ་པོ་གང་རུང་ལ་སྐབས་ཇི་ལྟར་འོས་པ་ནན་ཏན་ཏུ་སྤྱད་པར་བྱ་སྟེ། དེ་ལ་བཀའ་དང་བསྟན་བཅོས་གདམས་ངག་ཚད་ལྡན་ཤློ་ཀ་གཅིག་ཡན་ཆད་འབྲི་བ་དང་། སྐུ་གསུང་ཐུགས་རྟེན་ལ་མཎྜལ་དང་ཡན་ལག་བདུན་པ་སོགས་ཡིད་སྤྲུལ་དང་དངོས་སུ་ཅི་འབྱོར་པའི་མཆོད་པ་འབུལ་བ་དང་། ཆོས་དང་ཟང་ཟིང་རང་གི་ནུས་པས་གང་ལྕོག་དོན་ཏུ་གཉེར་བ་ལ་སྦྱིན་པ་དང་། གདམས་ངག་དང་ལུང་ཤློ་ཀ་གཅིག་ཡན་ཆད་ཀྱི་ཚིག་དོན་གཞན་ལས་ཉན་པ་དང་། རྒྱལ་བའི་གསུང་རབ་མང་པོ་བཀླག་མ་ནུས་ཀྱང་ཕྱག་རྒྱ་ལྔའི་མདོ་དང་། སྡུད་པ། མཚན་བརྗོད་ལྟ་བུ་རྣལ་འབྱོར་དང་ལྡན་པས་དུས་སུ་ཀློག་པ་དང་། བསླབ་པ་གསུམ་དང་བྱང་ཆུབ་ཀྱི་སེམས་སྦྱོང་བ་སོགས་གསུང་རབ་ཀྱི་དོན་དང་ཚིག་མི་བརྗེད་པར་འཛིན་ཅིང་ཐ་ན་གླེགས་བམ་ཡང་མི་འདོར་བར་མཆོད་པའི་རྟེན་ཏུ་བཟུང་བ་དང་། གོང་སྨོས་ཉན་པ་ད་རྣམས་གཞན་ལ་ཕར་འཆད་པ་དང་མི་ནུས་ནའང་

― LT39_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བཤད་པར་མོས་ལ་མདོ་སོགས་བཀླག་པ་དང་། མདོ་རྒྱུད་གཟུངས་སྔགས་ལ་སོགས་པ་དུས་རྟག་ཏུ་ཁ་ཏོན་བྱེད་པ་དང་། ཐོས་པའི་དོན་རྣམས་རྟོག་དཔྱོད་ཀྱིས་གཏན་ལ་དབབ་པའི་བསམ་པ་དང་། དེའི་དོན་ཞི་ལྷག་གི་ཏིང་ངེ་འཛིན་སྒོམ་པ་ལ་བརྩོན་པ་རྣམས་ཏེ། དེའང་སྒོམ་པ་ཉམས་ལེན་གྱི་སྐབས་སུ་ནི་མཉམ་རྗེས་ཀུན་ཏུ་དེ་ཉིད་གཙོ་བོར་བྱེད་པ་ལས་སྤྲོས་བཅས་མང་པོ་མི་བྱ། དུས་གཞན་ཏུ་འཇིག་རྟེན་གྱི་གཡེང་བས་སྒོ་གསུམ་དོན་མེད་དུ་མི་བཏང་བར་འདི་དག་ལས་ཇི་ལྟར་ནུས་པ་བསྒྲུབ་པར་བྱ་དགོས་སོ། །ཕྱག་བྱ་བའི་ཚེ། ན་མོ་མཉྫུ་ཤྲི་ཡེ་སྭཱ་ཧཱ། ན་མཿསུ་ཤྲི་ཡེ་སྭཱ་ཧཱ། ན་མ་ཨུཏྟ་མ་ཤྲི་ཡེ་སྭཱ་ཧཱ། ཞེས་ལན་གསུམ་བརྗོད་པས་ཕྱག་གྲངས་མེད་དུ་འགྱུར་ཞིང་མཐོང་ལམ་གྱི་ཡེ་ཤེས་ཚེ་དེ་ཉིད་ལ་སྐྱེ་བར་གསུངས། ཡང་ན། ཨོཾ་ན་མོ་བྷ་ག་བ་ཏེ་རཏྣ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་རཏྣེ་རཏྣེ་མ་ཧཱ་རཏྣེ་རཏྣ་བི་ཛ་ཡེ་སྭཱ་ཧཱ། ཞེས་པས་ཕྱག་བྱ་སྟེ་མཆོད་རྟེན་གཅིག་ལ་ཕྱག་བྱས་པས་མཆོད་རྟེན་བྱེ་བ་ལ་ཕྱག་བྱས་པར་འགྱུར་རོ། །ཡང་བསྐོར་བ་བྱ་བར་འདོད་མ། ས་གཞི་གསེར་གྱི་བྱེ་མ་བརྡལ་བའི་སྟེང་དུ་ཆུ་ཡན་ལག་བརྒྱད་ལྡན་གྱིས་གང་བའི་དབུས་སུ་པདྨའི་སྡོང་པོ་ཆེན་པོའི་སྟེང་དུ་ཟླ་བའི་གདན་ལ། བླ་མ་དང་སངས་རྒྱས་བྱང་སེམས་ཐམས་ཅད་བཞུགས་པ་ལ་

― LT39_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཅུའི་རྒྱལ་བ་སྲས་བཅས་སྤྱན་དྲངས་པ་བསྟིམས་ནས་དེ་དག་ལ་བསྙེན་བཀུར་བའི་ཚུལ་གྱིས་བཤད་མ་ཐག་པའི་ཕྱག་འཚལ་བའི་སྔགས་དེའམ། ཡང་ན། ན་མོ་ད་ཤ་དིཀྟྲིི་ཀཱ་ལ་སརྦ་རཏྣ་ཏྲ་ཡཱ་ཡ། ན་མཿཔྲ་དཀྵ་སུ་པྲ་དཀྵ་སརྦ་པཱ་པཾ་པི་ཤོ་དྷ་ནི་སྭཱ་ཧཱ། ཞེས་པ་བཟླ་བཞིན་ཏུ་བསྐོར་བ་བྱ་སྟེ། བསྐོང་བ་གཅིག་བྱས་པས་དཔག་ཏུ་མེད་པ་བྱས་པར་འགྱུར་རོ། །རྟེན་ལ་མཆོད་པ་འབུལ་བའི་ཚེ་མཆོད་པའི་སྤྲིན་གྱི་གཟུངས་སྔགས་དང་། མེ་ཏོག་འབུལ་བའི་ཚེ་པུཥྤེ་ཀེ་ཏུའི་གཟུངས་སྔགས་བཟླ། སྐུ་གསུང་ཐུགས་རྟེན་གྱི་རྡུལ་དང་གྲིབ་མ། མཆོད་པའི་རས་མ་སོགས་ལ་འགོད་དུ་མི་རུང་ཞིང་དབང་མེད་དུ་འགོད་དགོས་པ་བྱུང་ན། ཨོཾ་བཛྲ་བེ་གཱ་ཀྲ་མ་ཧཱུྃ། ཞེས་བརྗོད་ཅིང་ཡིད་ཀྱིས་མཁའ་ལ་བཏེགས་པར་བསམ་ནས་བསྐོར་བ་སོགས་བྱའོ། །གསུང་རབ་མདོ་རྒྱུད་ཀློག་པའི་ཚེ། རང་ཉིད་བསྟན་པའི་གཙོ་བོ་ཤཱཀྱ་ཐུབ་པའམ་ཡི་དམ་གང་མོས་སུ་བསྒོམ་གསུང་རབ་ཀྱི་སྒྲ་སེམས་ཅན་ཐམས་ཅད་ཀྱི་རྣ་བར་ཐོས་པས་དཀར་པོའི་ས་བོན་བཏབ་པར་བསམ་ལ། ཆོས་བཤད་པའི་ཚུལ་ལམ། ཡང་ན། མདུན་ཏུ་སངས་རྒྱས་བཞུགས་པ་ལ་ཆོས་ཉན་པའི་ཚུལ་ལམ། ཡང་ན། ཆོས་ཀྱི་དོན་རང་གིས་ཡིད་ལ་བྱེད་ཅིང་ཉམས་ལེན་གྱི་ཚུལ་ཏེ། དེ་རྣམས་གང་མོས་ཀྱིས་ཡུམ་རྒྱས་འབྲིང་བསྡུས་པའམ། ཤེར་སྙིང་ལ་སོགས་པའི་བཀའ་འདོན། དེ་ཙམ་ཡང་མ་གྲུབ་ན། མདུན་གྱི་ནམ་མཁར་ཨ་དཀར་པོ་གཅིག་བསྒོམ་

― LT39_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཀློག་པའི་ཚུལ་གྱིས་ཨ་བརྒྱ་སྟོང་སོགས་བགྲང་། ཡང་ན་རང་གི་ལུས་ཨ་དཀར་པོ་སྣང་ལ་རང་བཞིན་མེད་པ་ཞིག་ཏུ་བསྒོམ། སེམས་གསལ་སྟོང་དུ་བཞག་ལ། དབུགས་ཁུག་གཅིག་ལ། ཨ་ཉི་ཤུ་རྩ་གཅིག་བགྲང་། འཕྲོ་གཅོད་ན་ནམ་མཁའི་ཨ་རང་ལ་བསྟིམ། རང་ལུས་གསལ་སྟོང་དུ་གྱུར་པར་བསམ། སྐྱེ་མེད་ཀྱི་ངང་ལ་ཅུང་ཟད་བཞག །བསྡོང་བྱ། དབུགས་ཁུག་གཅིག་ལ་ཨ་ཉི་ཤུ་རྩ་གཅིག་འདོན་པ་འདི་ནི་བསོད་ནམས་ཆེ། ལྟས་ངན་ཐམས་ཅད་བཟློག །དུས་མིན་འཆི་བ་ལ་སོགས་པ་མི་མཐུན་པའི་ཕྱོགས་ཐམས་ཅད་ཞི་བར་བྱེད་པའི་མན་ངག་ཡིན་པར་གསུངས་སོ། །བཅུ་གསུམ་པ་བསྔོ་སྨོན་རྣམ་པར་དག་པས་རྒྱས་གདབ་པ་ནི། སྤྱིར་དགེ་བ་གང་བྱས་ཐམས་ཅད་ཀྱི་མཇུག་ཏུ་འཁོར་གསུམ་རྣམ་པར་མི་རྟོག་པ་དངོས་སམ་རྗེས་མཐུན་པས་རྒྱས་གདབ་པ་གལ་ཆེ། ཁྱད་པར་སྲོད་ཐུན་གྱི་མཐར་ཉིན་པར་དགེ་བ་གང་བྱས་བསྔོ་སྨོན་གྱིས་རྒྱས་འདེབས། དེའང་བཟང་སྤྱོད་ལ་སོགས་རྒྱས་པར་གྲུབ་ན་མཆོག་ཡིན་ཀྱང་མདོར་བསྡུ་ན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཞེས་པ་སྔོན་ཏུ་འགྲོ་བས། དགེ་ཚོགས་མཐར་ཕྱིན་པ་བསྒྲུབ་པའི་ཕྱིར། བསོད་ནམས་འདི་ཡིས་ཐམས་ཅད་གཟིགས་པ་ཉིད། །སོགས་སམ། དགེ་བ་འདི་ཡིས་སྐྱེ་བོ་ཀུན། ཞེས་སོགས་དང་། དམ་པ་རྣམས་ཀྱི་ཐུགས་དགོངས་རྫོགས་པའི་ཕྱིར་དུ། བྱང་ཆུབ་སེམས་དཔའ་

― LT39_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གྱིས་ནི། སོགས་དང་། བསྟན་པ་ཡུན་རིང་དུ་གནས་པའི་ཕྱིར། འགྲོ་བའི་སྡུག་བསྔལ་སྨན་གཅིག་པུ། སོགས་དང་། སྦྱིན་བདག་ལ་སོགས་པ་བདེ་བར་འཚོ་བའི་ཕྱིར། གང་གིས་སྦྱིན་པ་གང་ལ་སྦྱིན། སྦྱིན་པ་དེ་ལྟར་མི་རྟོག་པ། །སྦྱིན་པ་མཉམ་པ་དེ་ཉིད་ཀྱིས། །སྦྱིན་བདག་རྣམས་ལ་ཡོངས་རྫོགས་ཤོག །ཅེས་པ་དང་། གཞན་དོན་ཐེག་ཆེན་གྱི་སྤྱོད་པ་འཕེལ་བའི་ཕྱིར། ཕྱོགས་བཅུ་ནམ་མཁའི་མཐས་གཏུགས་པའི། །སེམས་ཅན་དོན་ཀུན་སྒྲུབ་པའི་ཕྱིར། །ཇི་ལྟར་འཇམ་དབྱངས་སྤྱོད་མཛད་པ། །བདག་གིས་སྤྱོད་པའང་དེ་འདྲར་ཤོག །ཅེས་དང་། སྐྱེ་བ་ཀུན་ཏུ་བསོད་ནམས་དང་ཡེ་ཤེས་ལ་སོགས་པའི་ཡོན་ཏན་སྤེལ་བའི་ཕྱིར། སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་བརྙེས། །ཐབས་དང་ཤེས་རབ་ཏིང་འཛིན་རྣམ་ཐར་དང་། །ཡོན་ཏན་ཀུན་གྱི་མི་ཟད་མཛོད་གྱུར་ཅིག །ཅེས་དང་། སྨོན་ལམ་ཐམས་ཅད་ཀྱང་དམ་པའི་ཆོས་ཡོངས་སུ་འཛིན་པར་བསྔོས་ན་འདུ་བར་གསུངས་པས་དེའི་ཕྱིར། རྒྱལ་བ་ཀུན་གྱི་དམ་པའི་ཆོས་འཛིན་ཅིང་། བྱང་ཆུབ་སྤྱོད་པ་ཀུན་ཏུ་སྣང་བར་བྱེད། །བཟང་པོ་སྤྱོད་པ་རྣམ་པར་སྤྱོད་པ་ཡང་། །མ་འོངས་སྐལ་པ་ཀུན་ཏུ་སྤྱོད་པར་ཤོག །ཅེས་དང་། ཕན་ཚུན་བྱམས་པ་ལ་གནས་ཤིང་རྟག་ཏུ་ཆོས་ལ་སྤྱོད་པའི་ཕྱིར། འབྱུང་པོ་གང་

― LT39_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

དག་འདིང་ནི་ལྷགས་གྱུར་ཏེ། ཞེས་སོགས་དང་། འཁོར་གསུམ་མི་རྟོག་པའི་བསྔོ་བ་རྗེས་མཐུན་པ་ལ་སློབ་པའི་ཕྱིར། འཇམ་དཔལ་དཔའ་བོས་ཇི་ལྟར་མཁྱེན་པ་སོགས་དང་། མཐར། སངས་རྒྱས་སྐུ་གསུམ་བརྙེས་པའི་བྱིན་རླབས་སོགས་བརྗོད་པར་བྱའོ། །གཞན་ཡང་རྗེ་བཙུན་དམ་པ་སངས་རྒྱས་ཀྱི་གསུང་སྨོན་ལམ་སུམ་ཅུ་པའམ། ཡང་ན། བླ་མ་དམ་པ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །བདག་མྱུར་དུ་མངོན་པར་རྫོགས་པར་འཚང་རྒྱ་བར་བྱིན་གྱིས་བརླབ་ཏུ་གསོལ། སངས་མ་རྒྱས་ཀྱི་བར་དུ་ཡང་བླ་མ་དམ་པ་རྣམས་ལ་མོས་པ་དང་གུས་པ་བསམ་གྱིས་མི་ཁྱབ་པ་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། ཡི་དམ་གྱི་ལྷ་ཚོགས་རྣམས་ལ་ཕྱག་འཚལ་ཞིང་༴ བདག་མྱུར་དུ་མངོན་པར༴ སངས་མ་རྒྱས་ཀྱི་བར་དུ་ཡང་ཡི་དམ་གྱི་ལྷ་ཚོགས་རྣམས་ལ་མོས་པ་དང་༴ མཁའ་འགྲོ་མའི་ཚོགས་རྣམས་ལ་ཕྱག་འཚལ་ཞིང་༴ བདག་མྱུར་དུ་མངོན་པར༴ སངས་མ་རྒྱས་ཀྱི་བར་དུ་ཡང་མཁའ་འགྲོ་མའི་ཚོགས་རྣམས་ལ་མོས་པ་དང་༴ བླ་མ་ཡི་དམ་མཁའ་འགྲོ་མའི་ཚོགས་རྣམས་བདག་ལ་དགོངས་སུ་གསོལ། བདག་གིས་འདས་པ་དང་མ་འོངས་པ་དང་ད་ལྟར་བྱས་པའི་དགེ་བའི་རྩ་བ་ཐམས་ཅད་གཅིག་ཏུ་བསྡུས་ཏེ་བླ་མ་ལ་དབུལ་བར་བགྱིའོ། །

― LT39_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕུལ་བས་བླ་མ་རིན་པོ་ཆེ་རྣམས་ཀྱི་ཐུགས་དགོངས་ཁྱད་པར་ཅན་ཡོངས་སུ་རྫོགས་པར་གྱུར་ཅིག །དེ་ལས་བྱུང་བའི་དགེ་བའི་རྩ་བ་དེས་བདེ་བར་གཤེགས་པ་རྣམས་ཀྱི་སྤྱན་ལམ་དུ་མཆོད་པའི་བྱེ་བྲག་ནམ་མཁའ་དང་མཉམ་པ་འབྱུང་བར་གྱུར་ཅིག །དེ་ལས་བྱུང་བའི་དགེ་བའི་རྩ་བ་དེ་སེམས་ཅན་ཐམས་ཅད་ལ་།ཐུན་མོང་དུ་བསྔོ་བར་བགྱིའོ། །དེ་ལྟར་བསྔོས་པས་སེམས་ཅན་ཐམས་ཅད་འཁོར་བ་སྲིད་པ་སྡུག་བསྔལ་གྱི་རྒྱ་མཚོ་ལས་བསྒྲལ་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རིན་པོ་ཆེ་ཐོབ་པར་གྱུར་ཅིག །དེ་མ་ཐོབ་ཀྱི་བར་དུ་བདག་མྱུར་དུ་མངོན་པར་རྫོགས་པར་སངས་རྒྱས་ནས་འགྲོ་བ་མ་ལུས་པ་མཐའ་དག་གི་བླ་མ་བྱེད་པར་གྱུར་ཅིག །དེ་ཁོ་ན་བཞིན་ཏུ་གྲུབ་པར་གྱུར་ཅིག །དེ་ལྟར་མཆོག་ཏུ་གྱུར་པའི་སྐྱབས་འགྲོ། བླ་ན་མེད་པའི་སེམས་བསྐྱེད། ངོ་མཚར་ཅན་གྱི་མཆོད་པ། གཞན་དོན་ཏུ་འགྱུར་ངེས་ཀྱི་བསྔོ་བ། སེམས་ཅན་དང་མི་ཕྱེད་པའི་སྨོན་ལམ་དང་ལྔ་པོ་འདི་རང་ལ་ཐུགས་དམ་མཛད་ན་ཡང་ལམ་ལྔའི་ཉམས་རྟོགས་ཐམས་ཅད་སྐྱེ་བ་ཡིན་ཅེས་རྗེ་དམ་པ་རིན་པོ་ཆེས་གསུངས་སོ། །ཡང་བློ་སྦྱོང་ལས་འབྱུང་བ་ནི། དགེ་སྦྱོར་གང་བྱེད་ཀྱི་གཤམ་དུ། སྤྱིར་སེམས་ཅན་ཐམས་ཅད་བདག་ཁོ་ནས་སངས་རྒྱས་ཀྱི་ས་ལ་འདྲེན་ནུས་པར་གྱུར་ཅིག །ཁྱད་པར་དུས་འདི་

― LT39_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སངས་རྒྱས་མཐབ་ཀྱི་བར་དུ་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་རྨི་ལམ་དུའང་མི་བརྗེད་ཅིང་གོང་ནས་གོང་དུ་འཕེལ་བར་ཤོག་ཅིག །རྐྱེན་ངན་ཅི་བྱུང་ཡང་བྱང་ཆུབ་སེམས་ཀྱི་གྲོགས་སུ་ཁྱེར་ནུས་པར་གྱུར་ཅིག །ཅེས་པ་དང་། རིག་འཛིན་འཇའ་འཚོན་སྙིང་པོས་ཐུགས་དམ་བཅས་པའི་སྨོན་ལམ་ཅུང་ཟད་རྒྱས་པ་ལེ་ཆན་རྣམས་སམ། དེ་དག་གི་སྙིང་པོར་མཇའ་བ། ན་མོ་བླ་མ་དཀོན་མཆོག་མིང་ཡི་ལུས་ངག་ཡིད་གསུམ་གྱིས་ནམ་མཁའ་དང་མཉམ་པའི་སེམས་ཅན་ཐམས་ཅད་ལ་ཕན་ཐོགས་པར་ཤོག་ཅིག །བདག་གི་བྱ་བ་ཐམས་ཅད་འགྲོ་བའི་དོན་རྒྱ་ཆེན་པོ་བྱེད་པར་ཤོག་ཅིག །དམ་པའི་ཆོས་མ་ཡིན་པའི་བསམ་པ་སྐད་ཅིག་མ་ཙམ་ཡང་རྒྱུད་ལ་མི་སྐྱེ་བར་ཤོག་ཅིག །གལ་སྲིད་སྐྱེས་ནའང་དེ་མི་འགྲུབ་པ་ཤོག་ཅིག །དུས་གསུམ་གྱི་སངས་རྒྱས་ཐམས་ཅད་ཀྱི་ཐུགས་དགོངས་མ་ལུས་པ་བདག་གིས་རྫོགས་པར་བྱེད་པར་ཤོག་ཅིག །ཅེས་ཞེ་ཐག་པ་ནས་གདབ། བསྔོ་བ་ཤིན་ཏུ་བསྡུས་པ་བླ་མ་དགོངས་འདུས་ལས་འབྱུང་བ་ནི། བླ་མ་ཡི་དམ་མཁའ་འགྲོ་དགོངས་སུ་གསོལ། །བདག་གཞན་འགྲོ་བ་མ་ལུས་ཐམས་ཅད་ཀྱིས། །སྒོ་གསུམ་གྱིས་བསགས་དགེ་བ་ཇི་སྙེད་པ། །བྱང་ཆུབ་སྙིང་པོའི་དབྱིངས་སུ་

― LT39_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔོ་བར་བགྱི། །བླ་མེད་དོན་གྱི་འབྲས་བུ་མཆོག་ཐོབ་ཤོག །ཅེས་དགེ་སྦྱོར་ཆེ་ཆུང་གང་བྱེད་གཤམ་དུ་གདབ་བར་གསུངས་སོ། །གཞན་ཡང་ཨོ་རྒྱན་རིན་པོ་ཆེའི་རྡོ་རྗེའི་གསུང་རྗེ་འབངས་རྣམས་ཀྱི་ཐུགས་དམ་ནར་མ་གཏེར་གསར་ལས་བྱུང་བའི་ཕྱོགས་བཅུ་དུས་བཞི་སོགས་ཀྱང་གྲུབ་ན་དགོས་པ་ཕན་ཡོན་ཆེའོ། །དེ་དག་གང་གིས་ཐར་ཡང་སྨོན་ལམ་འགྲུབ་པའི་བདེན་སྟོབས་དང་སངས་རྒྱས་ཀྱི་མཚན་དང་གཟུངས་སྔགས་ཡོངས་གྲགས་ལྟར་བརྗོད། ཨོཾ་དྷུ་རུ་དྷུ་རུ་ཛ་ཡ་མུ་ཁེ་སྭཱ་ཧཱ། ལན་བདུན་བརྗོད་པས་དེ་ཉིན་དགེ་སྦྱོར་གང་བྱས་བྱེ་བ་འགྱུར་བར་གསུངས་སོ། །འདི་དག་ཡོངས་རྫོགས་དཀྱུས་གཅིག་ལ་ཁྲིགས་ཆགས་ནུས་དཀའ་ཞིང་དེ་ལྟར་དགོས་པའང་མ་ཡིན་ཀྱང་། ལྡང་ཉལ་ཟས་ཀྱི་རྣལ་འབྱོར་སོགས་རྟག་ཏུ་མེད་མི་རུང་ཞིང་གཞན་རྣམས་ཇི་ཙམ་ནུས་པ་དང་། གྲིབ་སེལ་སོགས་འགའ་ཞིག་སྐབས་སུ་བབས་ན་ཉམས་སུ་ལན་པར་བྱ་བ་སྟེ། དེང་དུས་རང་དང་རང་འདྲའི་སྒྲུབ་པ་པོ་རྩེ་གཅིག་ཏུ་སྒོམ་མི་ནུས་པ་རྣམས་ལ་ཉེ་བར་མཁོ་བ་ཆེ་ལོངས་ཕྱོགས་གཅིག་ཏུ་བཀོད་པའོ། །ཉན་ཐོས་ནས་བཟུང་བླ་མེད་ཐེག་རྩེའི་བར། །ཞུས་ལོ་སྒོམ་ལོའི་ངང་དུ་ཚེ་ཐལ་ཡང་། །བློ་ཐག་མཆོད་བྱ་བྱད་མང་བ་ཡི། །དུས་ཞབས་སྒྲུབ་པོ་རང་འདྲའི་དགའ་སྟོན་བྱས། །སྤྱོད་ལམ་ཐ་མལ་འཆོར་བའི་སྒོམ་ཆན་ནི། །ནམ་ཡང་རང་རྒྱུད་གྲོལ་བའི་དུས་མེད་པས། །མཉམ་བཞག་ཡེ་ཤེས་རྗེས་ཐོབ་བསོད་ནམས་ཀྱི། །

― LT39_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་གཉིས་ཟུང་འབྲེལ་གནས་པ་བསླབ་འཚལ་ལོ། །བདག་འདྲའི་བསམ་གཏན་གཟུགས་བརྙན་པ། །ཀུན་ལ་ཕན་པའི་སྨན་གྱུར་ཏེ། །ཡང་དག་ལམ་གྱི་རྣལ་འབྱོར་དང་། །མི་འབྲལ་གྲུབ་གཉིས་མངོན་བྱེད་ཤོག །ཅེས་པ་འདིའང་ཤྲཱི་ཧེ་རུ་ཀའི་འདུ་ཁང་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་སྤོང་བ་པ་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་ད་ལྟའི་སྔགས་ཀྱི་རྣལ་འབྱོར་པ་གསང་རླིང་གཉིས་འདོད་ཅན་རྣམས་ལ་ཕན་པའི་བསམ་པས། ཁུངས་དང་འབྲེལ་ཞིང་རྒྱུན་ཡོད་ངེས་པའི་གདམས་ངག་ཟབ་བསྡུས་སུ་བསྡབས་པ་དགེ་ལེགས་འཕེལ།། ༈ །།དང་པོའི་ལས་ཅན་སྤྱོད་ལམ་རྣམས་བཞི། །ཚོགས་སུ་བསྐྱུར་བའི་གདམས་ངག་བཅུད་དྲལ་འདི། །འབྲང་པ་བླ་མ་བསྟན་འཛིན་ཆོས་རྒྱལ་དང་། །ཀརྨ་ནོར་འཕེལ་ཟུང་གི་ལྷག་བསམ་གྱིས། །ཆོས་སྦྱིན་སྤར་གྱི་ཕྱི་མོར་བསྒྲུབས་པའི་དགེས། །ཉེས་ལྟུང་སྒྲིབ་པ་ཀུན་བྱང་བསོད་ནམས་དང་། །ཡེ་ཤེས་ཚོགས་མཆོག་ནོར་བུའི་མཛོད་ཁང་ལ། །དབང་སྒྱུར་ཆོས་ཀྱི་རྒྱལ་པོའི་དཔལ་བརྙེས་ཤོག །ཅེས་པའང་གུ་ས་སྤེལ་ཐ་མངྒ་ལཾ།། །།

ཉེས་བཤགས་མདོར་བསྡུས་དག་བྱེད་བདུད་རྩིའི་ཐེགས་མ།

― LT39_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་བཤགས་མདོར་བསྡུས་དག་བྱེད་བདུད་རྩིའི་ཐེགས་མ་བཞུགས་སོ། །རིགས་ཀུན་ཁྱབ་བདག་བླ་མ་རྡོ་རྗེ་སེམས། །རྩ་གསུམ་རྒྱལ་བ་རྒྱ་མཚོ་སྲས་དང་བཅས། །མཁའ་ཁྱབ་ཡེ་ཤེས་རོལ་པས་རྟག་བཞུགས་ཤིང་། །ཉིན་མཚན་དུས་དྲུག་གདུལ་བྱར་གཟིགས་པ་རྣམས། །ཐུགས་རྗེ་བརྩེ་བ་ཆེན་པོས་དགོངས་སུ་གསོལ། །ཉམས་ཆགས་སྡིག་སྒྲིབ་འབྱོང་བར་བྱིན་གྱིས་རློབས། །བདག་ཅག་ཐོག་མེད་དུས་ནས་ད་ལྟའི་བར། །མ་ཤེས་མ་གུས་བག་མེད་ཉོན་མོངས་པས། །མི་དགེ་བཅུ་དང་ལྕི་བཞི་ལོག་པ་བརྒྱད། །མཚམས་མེད་ལྔ་དང་དཀོན་མཆོག་དཀོར་སྤྱད་སོགས། །ལུས་ངག་ཡིད་ཀྱིས་སྡིག་སྒྲིབ་བསགས་པ་དང་། །གཞན་ལ་བགྱིད་སྩལ་རྗེས་སུ་ཡི་རང་བས། །འཁོར་བ་ངན་སོང་རྒྱུ་རུ་གྱུར་པ་ཀུན། །རབ་ཏུ་གནོང་ཞིང་འགྱོད་པས་མཐོལ་ལོ་བཤགས། །སོ་ཐར་བྱང་སེམས་བྱ་སྤྱོད་སྡོམ་པ་སྤྱི། །ཁྱད་པར་བླ་མེད་ནང་པའི་ཐེག་པ་ཡི། །དབང་བཞིས་བསྡུས་པའི་ས་མ་ཡ་འབུམ་སྡེ། །སྐུ་གསུང་ཐུགས་དང་ཡན་ལག་ཉི་ཤུ་ལྔ། །སྒྲུབ་པ་ལྷག་པའི་དམ་ཚིག་ལ་སོགས་པར། །ཚོར་དང་མ་ཚོར་དངོས་དང་བརྒྱུད་པ་ནས། །འགལ་ཉམས་དམ་འདས་རལ་པར་གྱུར་པ་ཀུན། །སྙིང་ནས་གནང་འགྱོད་དྲག་པོས་རྒྱུད་གདུངས་ཤིང་། །སྨྲེ་ངག་དང་བཅས་མཐོལ་ཞིང་

― LT39_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

བཤགས་ལགས་ན། །དམིགས་མེད་ཐུགས་རྗེའི་ཀློང་དུ་བཟོད་པར་བཞེས། །འདི་ཕྱིར་སྒྲིབ་པའི་མུན་ཚོགས་སྐད་ཅིག་ལ། །བསལ་ནས་ཡེ་ཤེས་སྣང་བ་རྒྱས་མཛད་གསོལ། །ཀྱེ་མ་མགོན་པོ་ཐུགས་རྗེའི་དབང་ཕྱུག་རྣམས། །དུས་ངན་མཐར་སྐྱེས་རྨུ་རྒོད་བདག་འདྲ་བ། །ཆོས་སྒོར་ཞུགས་ཀྱང་ཆོས་མིན་ལམ་ངན་ཏུ། །ལས་ཉོན་ཤུགས་ཀྱིས་དབང་མེད་འཇུག་རྣམས་ལ། །ལྷག་པར་ཐུགས་བསྐྱེད་དམ་བཅའི་རྩལ་སྤྲུགས་ཏེ། །ངན་འགྲོའི་གཡང་ལས་ཟློག་པར་མཛད་དུ་གསོལ། །བློ་སྣ་ཆོས་སུ་འགྱུར་བར་མཛད༴ །དམ་སྡོམ་རྣམ་པར་དག་པར་མཛད༴། ཚེ་དང་སྒྲུབ་པ་མཐར་ཕྱིན༴ །ཚེ་འདིར་སངས་རྒྱས་འགྲུབ་པར་མཛད༴ །ཐུགས་དམ་མ་གཡེལ་བླ་མ་སངས་རྒྱས་ཀྱི། །ཐུགས་རྗེས་གཟིགས་ཤིག་དཀོན་མཆོག་རིན་པོ་ཆེ། །བྱིན་རླབས་མ་ཆུང་རྩ་གསུམ་ལྷ་ཡི་ཚོགས། །བསམ་དོན་ཆོས་བཞིན་འགྲུབ་པའི་བྱིན་བརླབས་སྩོལ། །ཉེས་བཤགས་མདོར་བསྡུས་འདི་བཞིན་དཔལ་ཁྱིམ་སྔགས་འཆང་ཀརྨས་བསྐུལ་ངོར་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས། ཙཱ་འདྲ་རིན་ཆེན་བྲག་གི་དབེན་གནས་སུ་བགྱིས་པ་དགེ་ལེགས་འཕེལ།། །།

སོ་ཐར་གྱི་བཤགས་སྡོམ་ཞི་གནས་གསོ་སྦྱོང་དང་འབྲེལ་པ་ཉེས་ལྟུང་དག་བྱེད་གངྒཱའི་ཆུ་རྒྱུན།

― LT39_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་ཐར་གྱི་བཤགས་སྡོམ་ཞི་གནས་གསོ་སྦྱོང་དང་འབྲེལ་པ་ཉེས་ལྟུང་དག་བྱེད་གངྒཱའི་ཆུ་རྒྱུན་ཞེས་བྱ་བ་བཞུགས་སོ། །

― LT39_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། མཉམ་མེད་ཤཱཀྱའི་རྒྱལ་པོའི་ཞབས་ཀྱི་རྡུལ་དྲི་མ་མེད་པ་ལ་མགོ་བོས་རབ་ཏུ་གཏུགས་ཏེ་གུས་པས་ཕྱག་འཚལ་ལོ། །རྣམ་དག་སྐུ་མངའ་མཆོག་ཏུ་གཟུགས་བཟང་བ། །ཡེ་ཤེས་རྒྱ་མཚོ་གསེར་གྱི་ལྷུན་པོ་འདྲ། །གྲགས་པ་འཇིག་རྟེན་གསུམ་ན་ལྷང་ངེ་བ། །མགོན་པོ་ཤཱཀྱ་སེང་གེ་དགོངས་སུ་གསོལ། །ཕྱོགས་བཅུར་བཞུགས་པའི་

― LT39_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་མ་ལུས་དང་། །བྱང་ཆུབ་སེམས་དང་ཉན་རང་དགེ་འདུན་ཚོགས། །རྡུལ་གཅིག་སྟེང་ན་རྡུལ་སྙེད་བཞུགས་པ་ཡི། །འཕགས་པ་རྣམས་ཀྱང་བདག་ལ་དགོངས་སུ་གསོལ། །ཀུན་མཁྱེན་ཐར་པའི་ལམ་སྟོན་ཤཱཀྱའི་རྒྱལ། །སྟོན་དང་བསྟན་པ་གཉིས་གྱུར་ཆོས་འདུལ་བ། །སྐྱེས་བུ་ཟུང་བཞི་ཚོགས་མཆོག་དགེ་འདུན་གྱི། །རྗེས་སུ་སློབ་ནས་སོ་ཐར་རིས་བརྒྱད་པོའི། །སྤང་འཇུག་བསླབ་བྱ་རྒྱུད་ལ་འབྱོར་པ་དང་། །བཅས་འགལ་ཉེས་ལྟུང་བྱང་བར་བྱིན་གྱིས་རློབས། །ལྟུང་དང་འབྱུང་དང་དེ་ལྡང་ངེས་པར་འབྱུང་། །གང་ཟག་བཅས་དང་རབ་དབྱེར་རྣམ་ངེས་པའི། །ཆོས་འདུལ་མ་ཐོས་སྤང་

― LT39_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

བླང་མ་ཤེས་དང་། །བསླབ་ལ་མ་གུས་ཤེས་ཀྱང་བག་མེད་དབང་། །ཉོན་མོངས་མང་བས་ཚུལ་བཞིན་བསྒྲུབ་མ་ནུས། །ལྟུང་བའི་སྒོ་བཞིར་ཞུགས་པ་མཐོལ་ལོ་བཤགས། །ཐོག་མར་ངེས་འབྱུང་བསམ་པས་མ་ཟིན་དང་། །བར་དུ་རྟོག་དཔྱོད་མ་ཞུགས་བསྲུང་སྡོམ་འཆལ། །ཐ་མ་ཚུལ་ཁྲིམས་བརྟུལ་ཞུགས་མཆོག་འཛིན་པས། །བསླབ་པ་དྲི་བཅས་གྱུར་པ་མཐོལ༴ །མི་མཐུན་སེམས་སྐྱེས་ཐོབ་བྱུང་སེམས་མ་སྐྱེས། །སྐྱེ་བའི་གེགས་རྣམས་ཤེས་བཞིན་དང་དུ་བླངས། །ལོག་ལྟ་ཆོས་སྤང་བསླབ་པ་སྤང་འདོད་སོགས། །སྡོམ་པ་བཏང་ཡང་དུས་མཚམས་ངོ་མ་ཤེས། །བླངས་ལ་མ་ཐོབ་ཉེས་རྣམས་མཐོལ་ལོ༴ །སྐྱབས་འགྲོའི་བསླབ་བྱ་དགག་དང་བསྒྲུབ་ཕྱོགས་དྲུག །ཆ་མཐུན་ལྔ་དང་བསྙེན་གནས་ཡན་ལག་བརྒྱད། །དགེ་བསྙེན་རྩ་བཞི་ཆང་ལྔ་དགེ་ཚུལ་གྱི། །ཕམ་འདྲ་བཤགས་བྱའི་ཉེས་བྱས་ཉམས་གསུམ་སོགས། །བསླབ་ཚིགས་སྔ་མར་འགལ་རྣམས་མཐོལ༴ །ཁ་སྐོང་ཆོས་དང་མི་ལྡན་ལས་གྲལ་ཞུགས། །མ་འདུས་འདུས་པ་ཕྱིར་ཟློག་མི་མཐུན་སྐྱེད། །བརྟན་མཁས་མ་ཚང་མཁན་པོའི་བྱ་བ་བྱས། །གནས་པ་སློབ་མར་ནད་གཡོག་འགྱོད་བསལ་དང་། །སྡིག་ལྟ་སྤོང་སོགས་བུ་ཡི་འདུ་ཤེས་ཀྱིས། །

― LT39_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་ནས་ཕན་པ་མ་བཏགས་མཐོལ༴ །མཁན་སློབ་གསང་སྟོན་གནས་ཀློག་སློབ་དཔོན་ལྔར། །སྟོན་པའི་འདུ་ཤེས་མ་བཞག་ཚུལ་འཆལ་དང་། །མཉམ་འགྲོགས་སྤང་བླང་སློབ་པའི་གནས་མ་བསྟེན། །བསྙེན་པར་རྫོགས་ནས་བཅུ་དྲུག་ལོ་ལོན་ཀྱང་། །འདུལ་བའི་སྡེ་སྣོད་མི་ཤེས་བྱིས་པ་དང་། །ཚུལ་འཆལ་སྲེ་ད་ལྟ་བུར་གྱུར་བཞིན་ཏུ། །དགེ་འདུན་སྤྱི་ཡི་དཀོར་སྤྱོད་ནན་ཏུར་གྱི། །ཆད་ལས་དང་དུ་མ་བླངས་མཐོལ༴ །རྨ་ཡི་སྒོ་གསུམ་དག་ལ་མི་ཚངས་སྤྱོད། །ཡུལ་དུས་རིན་ཐང་ཚང་བ་མ་བྱིན་བླངས། །མི་རུ་ཆགས་དང་མི་སྲོག་བསམ་བཞིན་གཅོད། །མངོན་ཤེས་བཟང་བརྫུ་མི་ཆོས་བླ་མའི་རྫུན། །གཞི་བསམ་སྦྱོར་བ་མཐར་ཐུག་ཚང་བ་ཡིས། །འདི་བཞི་གང་རུང་གཅིག་སྤྱོད་འཆབ་བཅས་པས། །དགེ་སློང་སྡོམ་པ་རྩད་ནས་གཅོད་གྱུར་ཏེ། །ཆུ་ཤིང་རུལ་པ་ཇི་བཞིན་དགེ་འདུན་གྱི། །གྲལ་ལ་མི་དབང་བཞིན་ཏུ་ཕྱིན་པ་དང་། །ཡན་ལག་མ་ཚང་སྦོམ་པོ་ལྕི་ཡང་སོགས། །ཕས་ཕམ་ལྟུང་བས་གོས་པ་མཐོལ༴ །བསྒྲོད་མིན་གནས་སུ་ཁུ་བ་འབྱིན་པ་དང་། །ཆགས་པས་བུད་མེད་ལུས་ཀྱི་ཆ་ཤས་འཛིན། །འཁྲིག་ཚིག་རྗེན་སྨྲ་འཁྲིག་པའི་བསྙེན་བཀུར་བསྡགས། །ཕོ་མོ་

― LT39_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་ཚུན་སྨྱན་བྱས་འདུས་ཏེ་འཕྲད། །རང་དོན་ཚང་ལྷག་ཁང་པ་ཁང་ཆེན་བརྩིགས། །བརྗོད་གཞི་མེད་དང་སྙད་ཀ་བག་ཙམ་ལ། །བརྟེན་ནས་དགེ་སློང་སྐུར་བཏབ་དགེ་འདུན་དབྱེན། །དབྱེན་དེའི་རྗེས་ཕྱོགས་བསླབ་པ་དང་འགལ་བས། །ཁྱིམ་སུན་འབྱིན་ཚེ་སྐྲོང་བྱེད་ལ་བསྙོན་པ། །ལྟུང་བྱུང་བསྐུལ་ཚེ་བཀའ་བློ་མི་བདེ་རྣམས། །གང་སྤྱད་སྡོམ་པའི་ལྷག་ལས་མ་ལུས་ཀྱང་། །ངོ་ཚ་མེད་པས་སྦོ་མགུ་མ་སྤྱད་པ། །ལྷག་ལྟུང་བཅུ་གསུམ་ཕོག་པ་མཐོལ༴ །རང་གི་གོས་ལྷག་ཞག་བཅུ་འདས་པར་འཆང་། །ཆོས་གོས་དང་བྲལ་ཞག་གཅིག་ལོན་པ་དང་། །གོས་རྒྱུ་ཟླ་གཅིག་འཇོག་དང་དགེ་སློང་མར། །ཆོས་གོས་འཁྲུར་འཇུག་དེ་ལས་གོས་རྒྱུ་ལེན། །ཉེ་དུ་མིན་པའི་ཁྱིམ་པར་གོས་རྒྱུ་སློང་། །སྟེར་ན་སྟོད་གཡོག་སྨད་གཡོག་ལྷག་པོར་ལེན། །རང་ལ་སྟེར་བསམ་ཆོས་གོས་གནས་དཔགས་པ། །རིན་དང་ཁྲུ་ཚད་ཀྱིས་སློང་བརྟགས་དྲན་སློང་། །གོས་རིན་རིན་ཆེན་བསྐུར་བ་ལེན་རྣམས་དང་། །སྲིན་བལ་ནང་ཚང་ཅན་གྱི་མལ་སྟན་བྱེད། །དཀོན་སར་བལ་ནག་འབའ་ཞིག་བཏིང་དང་སྟན། །ཆ་གཉིས་ལྷག་བྱེད་ལོ་དྲུག་མ་སོང་བར། །སྟན་གསར་སྒྲུབ་དང་བདེ་གཤེགས་མཐོ་གང་བའི། །རྙིང་པས་མ་བླན་གདིང་བ་གསར་པ་

― LT39_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

བཏིང་། །བལ་ནག་རྙེད་ནས་དཔག་ཚད་གསུམ་མཐར་ཁྱེར། །དགེ་སློང་མ་ལ་བལ་འཁྲུ་རྨེལ་བཅུག་དང་། །གསེར་དངུལ་ལེན་དང་ཚོང་འབུན་མངོན་ཚན་ཅན། །ཆེད་དུ་ཚོང་བྱེད་ལྷུང་བཟེད་བྱིན་མ་བརླབས། །ཞག་བཅུ་འདས་འཆང་ལྷུང་བཟེད་ཟུང་འཆང་བ། །གླ་རྔན་མེད་པར་འཐགས་འཇུག་ཐགས་རྒྱ་སྐྱེད། །དགེ་སློང་གོས་བྱིན་སླར་ཕྲོགས་བརྟད་བྱུང་གོས། །སྦྱིན་དུས་བཤད་ལས་སྔ་བར་བདག་གིར་བྱས། །དགོན་པར་འཇིགས་བཅས་གོས་བྲལ་ཞག་བདུན་འདས། །རས་ཆེན་དགག་དབྱེ་ཟིན་ཀྱང་ཟླ་ཕྱེད་འདས། །དགེ་འདུན་བསྔོས་པའི་རྙེད་པ་བདག་ཏུ་བཟུང་། །སྨན་བཞི་དུས་ལས་འདས་པར་གསོག་འཇོག་སྟེ། །གང་ལ་ལྟུང་བྱུང་དངོས་པོ་དེ་སྤངས་པས། །མ་བཅོས་རྣམ་སྨིན་ངན་འགྲོར་ལྟུང་བྱེད་པའི། །སྤང་ལྟུང་སུམ་ཅུས་གོས་པ་མཐོལ༴ །ཤེས་བཞིན་རྫུན་སྨྲ་དགེ་སློང་སྐྱོན་ནས་བརྗོད། །ཕྲ་མས་འབྱེད་དང་སྐྱོ་སྔོགས་བཟླུམས་ཀྱང་དབྱེ། །བུད་མེད་ཆོས་སྟོན་བསྙེན་པར་མ་རྫོགས་དང་། །ལྷན་ཅིག་ཆོས་འདོན་གནས་ངན་ལེན་ལྟུང་བརྗོད། །མི་ཆོས་བླ་མ་བདེན་སྨྲ་བཤེས་ངོར་འཕྱ། །བསླབ་གཞི་ཁྱད་གསོད་ས་བོན་སྐྱེ་བ་གཅོད། །བདག་གི་ངོར་འཕྱ་བསྒོ་བ་རྣར་

― LT39_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

གཟོན་ཏེ། །ལྟུང་བྱུང་གླེང་ལ་མ་ཐོས་ལན་གཞན་འདེབས། །ཁྲི་དང་གདིང་བ་མ་བསྡུས་བཏིང་སྟེ་སོང་། །དགེ་སློང་སྐྲོད་དང་ཐོ་འཚམས་ཕྱིས་གནོན་བྱས། །མལ་ཁྲིས་བུག་དབྱུང་སྲོག་ཆགས་ལྡན་པའི་ཆུ། །རྩྭར་འདེབས་གཙུག་ལག་ཕ་གུ་རིམ་གསུམ་ལྷག །ཤེས་བཞིན་འཇིག་རྐྱེན་སར་བརྩིགས་དགེ་སློང་མར། །མ་བརྐོས་ཆོས་སྟོན་བསྐོས་ཀྱང་ཉི་ནུབ་དང་། ཁ་ཟས་ཕྱིར་སྟོན་གོས་བཙེམས་ཆོས་གོས་སྦྱིན། །དོན་མཐུན་ལམ་འགྲོགས་གྲུར་ཞུགས་གྱེན་མཐུར་འགྲོ། །དབེན་པར་གཅིག་འདུག་པ་ངང་མཉམ་དུ་འགྲེང་། །རྫུན་གྱིས་སྦྱོར་བཅུག་དུས་རུང་ཁ་ཟས་ཟོས། །ཡང་ཡང་ཟས་ཟ་མུ་སྟེགས་འདུག་པའི་སར། །ཞག་གཅིག་ལྷག་བསྡད་ཟ་དང་ལྷུང་བཟེད་དོ། །ཟོས་ཤིང་ཟོས་རྗེས་བཟའ་དང་བཅའ་བ་ཟ། །སྤང་ཟས་ལྟུང་འབྱུང་ཆེད་དུ་རྫུན་གྱིས་སྟོབ། །གནང་མིན་མཚམས་ནང་ལོགས་སུ་འདུས་ནས་ཟ། །དུས་མིན་ཕྱེད་ཡོལ་ཟ་དང་གསོག་འཇོག་ཟ། །བྱིན་ལེན་མ་བྱས་སྨན་བཞི་ཁ་རུ་མེད། །བསོད་པ་ཞིམ་པའི་ཟས་སློང་སྲོག་ཆགས་བཅས། །ཆུར་སྤྱོད་ཉལ་པོ་བྱེད་པའི་ཁྱིམ་དུ་ཉལ། །ཉེར་འགྲེང་གཅེར་བུ་པ་ལ་ཁ་ཟས་བྱིན། །དམག་བལྟ་དམག་སར་ཞག་གཉིས་ལྷག་

― LT39_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསྡད། །དམག་གི་རུ་བཀོད་བྱེད་དང་དགེ་སློང་རྡེག །བརྡེག་རྩོམ་གནས་ངན་ལེན་གྱི་ལྟུང་བ་འཆབ། །དགེ་སློང་ཟས་གཅོད་དུས་མིན་མེ་ལ་རེག །དགེ་འདུན་ལས་ལ་འདུན་ཕུལ་ཕྱིར་ལྡོག་སྨྲ། །བསྙེན་མ་རྫོགས་དང་ནུབ་གཉིས་ལྷག་པར་ཉལ། །སྡིག་ལྟ་མི་བཏང་སྤངས་པའི་རྗེས་སུ་ཕྱོགས། །དགེ་ཚུལ་བསྙིལ་དང་ཟང་ཟིང་ཆོས་ལོངས་སྤྱོད། །རུང་བའི་ཚོན་མིན་ཁ་དོག་ཅན་གོས་གྱོན། །རིན་ཆེན་དམག་ཆས་རྒྱན་དང་རོལ་མོར་རེག །གནང་བའི་དུས་མིན་ཁྲུས་བྱེད་དུད་འགྲོ་གསོད། །དགེ་སློང་གཞན་ལ་འགྱོད་སྐྱེད་གག་ཚིལ་དགག །ཆུར་རྩེ་བུད་མེད་གནས་གཅིག་ཉལ་བ་དང་། །དགེ་སློང་དང་ངས་བྱེད་དེ་ཡི་ཡོ་བྱད་སྦེད། །སྔར་བྱིན་གདེང་མེད་སླར་སླངས་སྤྱོད་པ་དང་། །གཞི་མེད་སྐུར་བཏབ་གྲོགས་མེད་བུད་མེད་དང་། །རྐུན་པོ་དང་འགྲོགས་རྒྱང་གྲགས་གཅིག་ཏུ་ཕྱིན། །ཉི་ཤུ་མ་ལོན་པ་ལ་བསྙེན་རྫོགས་ཕོག །ས་བརྐོ་མགྲོན་སར་དུས་ལས་ལྷག་པར་ཟོས། །སློབ་པ་ཁྱད་གསོད་འཐབ་པའི་ཉན་རྣ་བྱེད། །ལས་གྲལ་མི་སྨྲ་འགྲོ་དང་མ་གུས་འགལ། །ཆང་འཐུང་དུས་མིན་ཕྱི་དྲོ་གྲོང་དུ་རྒྱུ། །ཟས་བཅས་སྔ་ཕྱི་ཁྱིམ་གསུམ་ཁྱིམ་བཞི་འདས། །རྒྱལ་པོ་བཙུན་མོར་རྩེ་བའི་

― LT39_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ཁབ་ཏུ་ཉལ། །མདོ་སོགས་འདོན་ལ་ད་གདོད་ཤེས་ཟེར་དང་། །རིན་ཆེན་ཁབ་རལ་ཁྲི་རྐང་ཆེ་མཐོ་བཟོས། །ཤིང་བལ་དགེ་འདུན་མལ་དུ་བརྡལ་ཏེ་བགོས། །གདིང་གཡན་རས་ཆེན་ཆོས་གོས་ཚད་ལྷག་འཆང་། །སྤྱད་ན་ངན་སོང་ལྟུང་བྱེད་འབའ་ཞིག་པ། །དགུ་བཅུ་ཐམ་པས་གོས་པ་མཐོལ༴ །དགེ་སློང་མ་ལས་གྲོང་དུ་ཟས་བླངས་ཟོས། །ཁྱིམ་དུ་ངོས་མགྲོན་ཟས་སྦྱིན་མ་ཟློག་དང་། །བསླབ་སྡོམ་བྱིན་ལས་རུང་བ་མིན་པ་བླངས། །ནགས་མ་མྱུལ་བར་དགོན་པར་བླངས་ཟོས་བཞི། །སོ་སོར་སྨྲེ་སྔགས་འགྱོད་བཅས་མཐོལ༴ །ཤམ་ཐབས་ཟླུམ་མིན་རྩིངས་འཇོལ་གླང་སྣ་འདྲ། །ལྟེ་བ་དང་འཕུར་མ་གདེངས་ཀ་ལྟ་བུ་བདུན། །སྣམ་སྦྱར་བླ་གོས་ཟླུམ་པོར་མ་བགོས་དང་། །ཧ་ཅང་རིང་ཐུང་སྟོད་གསུམ་གོས་ཀྱི་བཅུ། །ལུས་ངག་མ་བསྡམས་ཆོས་གོས་ལེགས་མ་བགོས། །ཅ་ཅོ་མིག་གཡེངས་གཉའ་ཤིང་གང་ཙམ་ལས། །རིང་ལྟ་མགོ་བཏུམས་གོས་བརྫེས་ཕྲག་ལ་གཟར། །ལག་པ་གཉའ་གོང་བསྣོལ་དང་ལྟག་པར་བསྣོལ། །མཆོད་རྒྱང་ཆང་པའི་བྲང་དང་རྟིང་བཙུགས་འགྲོ། །ལག་པ་དཀུར་བརྟེན་ལུས་བསྒྱུར་ལག་པ་གཡོབས། །མགོ་བསྒྱུར་ཕྲག་པ་སྤྲད་དང་ལག་པ་སྦྲེལ། །ཁྱིམ་འགྲོའི་སྤྱོད་ཡུལ་ཉི་ཤུར་འགལ་

― LT39_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། །སྟན་ལ་མ་བསྒས་མ་བརྟགས་འཕོངས་སྡེབ་འདུག །རྐང་བརྐྱངས་བསྣོལ་དང་བརླ་བསྣོལ་ལོང་བུ་བརྩེགས། །ཁྲི་འོག་རྐང་དགུག་རྐང་པ་ཕན་ཚུན་གདངས། །འདོམས་མཐོང་འདུག་ཚུལ་སྤང་བྱ་དགུ་པོ་དང་། །ལག་པས་འགྲམ་བརྟེན་སྟན་ཁུར་སོང་བ་དང་། །ལེགས་པར་མི་ལེན་ཁ་ད་ཆད་དུ་ལེན། །ཟན་དང་བྱ་ན་མཉམ་པར་མི་ལེན་དང་། །མཐར་ཆགས་མི་ལེན་ལྷུང་བཟེད་ཟུར་མིག་ལྟ། །བཟེད་སྔས་སྔར་བྱུང་སྦས་ནས་བཟེད་པ་དང་། །སྣོད་གཞན་སྟེང་བཟེད་ཟས་བླངས་སྐྱོན་བརྒྱད་དང་། །ལེགས་པར་མི་བཟའ་ཧ་ཅང་ཁམ་ཆེ་ཆུང་། །རན་མིན་ཟས་ལས་སྔོན་ཏུ་ཁ་གདངས་དང་། ཁ་ཟས་ཟ་བཞིན་ཚིག་སྨྲ་ཙུག་ཙུག་དང་། །ཅག་ཅག་ཧུ་ཧུ་ཕུ་ཕུ་ལྕེ་ཕྱུང་ཟ། །འབྲུ་ནས་གུད་ཕྱེ་ཟས་ལ་སྐྱོན་འཕྱ་དང་། ཁམ་གཅིག་མཁུར་སྤོ་རྐན་ཏོག་ཁམ་འཕྲོ་བཅད། །ལག་བལྡག་སྣོད་འབྱོག་ལག་སྤྲུག་སྐྱོམ་སྐྱོམ་བྱེད། །མཆོད་རྟེན་འདྲར་བྱེད་བཟའ་བའི་སྐྱོན་ཉེར་གཅིག །ལྷུང་བཟེད་འཕྱས་བཏགས་ལག་པ་ཟས་འབགས་པས། །ཆུ་སྣོད་ལ་རེག་འབགས་ཆུ་གཞན་ལ་གཏོར། །མ་དྲིས་ཁྱིམ་དུ་ཆུ་དོར་ཟས་ལྷག་བཞག །ས་རྗེན་གད་ཁ་རི་གཟར་བང་རིམ་བཞིར། །བཞག་འདྲིལ་གད་གཡང་དཀན་གཟར་

― LT39_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ལངས་བཞིན་འཁྲུ། །འབབ་ཆུའི་རྒྱུན་ལས་ཟློག་སྟེ་འཁྲུ་དང་གཅུ། །ལྷུང་བཟེད་སྨྱོད་ཉེས་ལ་བསྙེན་བཅུ་བཞི་དང་། །འགྲེངས་དང་ཉལ་ལ་ཆོས་བཤད་རང་ཉིད་དམའ། །མདུན་ལ་རྒྱབ་དང་ལམ་པོའི་འགྲམ་ནས་བཤད། །མགོ་གཡོགས་བརྗེས་གཟར་ལག་པ་གཉའ་ལྟག་བསྣོལ། །དོ་ཀེར་ཅན་དང་ཞྭ་གྱོན་ཅོད་པན་བཏགས། །ཕྲེང་བས་ལུས་བརྒྱན་མགོ་དཀྲིས་གླང་རྟ་ཞོན། །ཁྱོགས་དང་བཞོན་པའི་སྟེང་འདུག་མཆིལ་ལྷྭམ་གྱོན། །མཁར་བ་གདུགས་མཚོན་རལ་གྲི་དགྲ་ཆ་ཐོགས། །གོ་ཆ་གྱོན་ལ་ཆོས་བཤད་ཉེས་ཉེར་དྲུག །མི་ན་བཞིན་ཏུ་འགྲེང་སྟེ་བཤང་གཅི་དོར། །ཆུ་ནང་བཤང་གཅི་སྐྱུགས་པ་མཆིལ་སྣབས་འཕངས། །རྩྭ་སྔོན་བཤང་གཅི་དོར་བཅས་བསྒྲུབ་ཚུལ་གསུམ། །གནོད་མེད་ཤིང་ལ་མི་གང་ལྷག་པར་འཛེག །རྒྱུ་བ་གཅིག་སྟེ་གང་སྤྱད་ཉིས་བྱས་ཉིད། །བརྒྱ་དང་བཅུ་གསུམ་ལས་འདས་མཐོལ་ལོ་བཤགས། །སྤྱད་ན་ངན་འགྲོང་ལྟུང་བའི་སྡེ་ལྔ་པོས། །བྱང་གྲོལ་བར་ཆད་མི་འདོད་སྡིག་ལྟས་ཉམས། །ཕམ་པ་གང་རུང་བྱུང་བས་ཚུལ་ཁྲིམས་ཉམས། །བཅས་ལྟུང་སྤོང་བའི་ལུས་ངག་བྱ་བ་ཉམས། །ཚུལ་འཆོས་ཁ་གསག་གཞོག་སློང་རྙེད་འཚོལ་དང་། །ཐོབ་འཇལ་ལོག་འཚོ་ལྔར་སྤྱད་འཚོ་བ་ཉམས། །ཉམས་པ་

― LT39_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་བཞིས་གོས་པ་མཐོལ༴ །གྲོང་དུ་འཇུག་ཚེ་བཙོན་རའི་འདུ་ཤེས་དང་། །གཙུག་ལག་ཁང་དུ་མདོ་སྡེ་བཞིན་སྤྱོད་དང་། །ཟས་ལ་ནད་ཀྱི་གཉེན་དང་འཇིག་རྟེན་གྱི། །མཐུན་འཇུག་བྱ་བར་འོན་ལོང་ལྐུག་པའི་ཚུལ། །ཉལ་ཚེ་ལུས་སེམས་མ་འཕྱར་ཐུམ་འཕྲད་ཀྱི། །འདུ་ཤེས་ལྔ་པོ་མི་ལྡན་མཐོལ། །ལུས་ན་འདུ་འཛི་སེམས་ནི་རྣམ་གཡེང་ལས། །བསྲིང་བ་གཉིས་ལྡན་འདོད་ཆུང་ཆོག་ཤེས་པས། །སྦྱངས་པའི་ཡོན་ཏན་བཅུ་གཉིས་ལ་གནས་ཤིང་། །སྤང་དང་ཀློག་པར་མ་བརྩོན་མཐོལ༴ །མཚམས་ནང་གསོ་སྦྱོང་མ་འདུས་འདུན་ཡོངས་དག །མ་བླངས་མ་ཕུལ་ལྟུང་བ་ཤེས་བཞིན་བཅབ། །སོ་ཐར་གུས་པས་མ་མཉན་ཐོས་སྒོམ་དང་། །སྲོག་ཆགས་གནོད་སྤོང་ཕྱིར་དུ་དབྱར་ཟླ་གསུམ། །གནས་མ་བཅས་སོགས་བསླབ་པ་ཡོངས་སྦྱོང་གི། །གཞི་གསུམ་དག་དང་གང་འགལ་མཐོལ༴ །ཕྱག་དར་ཁྲོད་དང་དུར་ཁྲོད་དོར་བའི་གོས། །ཆད་ལྡན་འཚོ་བའི་ཡོ་བྱད་བཅུ་གསུམ་པོ། །ཆོས་ཀྱི་རྒྱལ་མཚན་སྤངས་ནས་མི་རུང་བའི། །རྒྱུར་བྱས་ཚོན་ཆེན་བརྒྱད་ཀྱིས་བགོས་པ་ཡི། །ཁྱིམ་པའི་རྟགས་བླངས་དུས་རུང་ཐུན་ཚོད་རུང་། །ཞག་བདུན་འཚོ་བཅད་སྨན་བཞི་རང་དུས་ལས། །འདས་འཆར་བཟའ་བཏུང་རུང་

― LT39_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཆུ་མ་བཏབ། །ལག་ཉར་བླངས་ཤིང་སྒོག་བཙོང་ལྟོར་ཟོས་ནས། །གཙུག་ལག་ཁང་དུ་ཕྱིན་སོགས་བདེར་གནས་པའི། །རྐྱེན་གྱི་གཞི་དང་གང་འགལ་མཐོལ༴ །གོས་སྨན་རང་སྔགས་བྱིན་གྱིས་མ་བརླབས་སོགས། །གསོལ་རྐྱང་གསོལ་བ་དང་གཉིས་དང་བཞི་ཡི། །ལས་ལ་མ་ཞུགས་ཡན་ལག་མ་ཚང་དང་། །ལྟུང་བ་ཕྱིར་བཅོས་མ་བྱས་བཏང་སྙོམས་ལུས། །རྩོད་བཞིའི་གཞི་བཏིང་ཆོས་མིན་ཕྱོགས་སུ་བལྟས། །ཆོ་ག་ཁྱད་འབྲེལ་ཉེས་པ་དག་བྱེད་ཀྱི། །གཞི་གཉིས་པོ་དང་གང་འགལ་མཐོལ༴ །གནས་མལ་ལ་སོགས་ཞུམ་དང་ཁེངས་པ་ཡི། །མཐའ་གཉིས་སྤངས་ནས་ལེགས་པར་མ་སྦྱོང་དང་། །ཁྲིམས་དག་ཐོས་སྒོམ་མ་ནུས་ལེ་ལོ་ཅན། །དཀོར་ལ་བུ་ལོན་ཚུལ་དུ་སྤྱོད་བྱས་དང་། །ཚུལ་འཆལ་ནམ་ཡང་དགེ་འདུན་གནས་དང་དཀོར། །ཏིལ་འབྲུ་ཙམ་ཡང་སྤྱད་པར་བཀག་བཞིན་ཏུ། །བག་མེད་ཅི་དགར་ལོངས་སྤྱད་མཐོལ༴ །ཚོང་ཁེ་ཞིང་ལས་ཤགས་དང་རྒྱན་པོ་འགྱེད། །འདུས་ལ་བལྟ་དང་འཁྲིག་པའི་གཏམ་གླེང་སོགས། །ཚངས་སྤྱོད་བར་ཆད་གནས་གྲོགས་སྤངས་ནས་ནི། །དྲན་དང་ཤེས་བཞིན་མ་བསྟེན་མཐོལ༴། འདུས་བྱས་ཐམས་ཅད་མི་རྟག་ཟག་བཅས་ནི། །སྡུག་བསྔལ་ཆོས་

― LT39_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སྟོང་ཞིང་བདག་མེད་པ། །མྱང་འདས་ཞི་བ་ལྟ་བ་བཀའ་རྟགས་ཀྱི། །ཕྱག་རྒྱ་བཞི་པོ་མ་འཛིན་མཐོལ༴ །ཛམ་ལྷར་ཆུ་སྦྱིན་འཕྲོག་མར་ཆང་བུ་དང་། །འབར་མ་འཇུར་གེགས་ཅན་ལ་གཏོར་མ་དང་། །ཆབ་སྦྱིན་མ་བསྩལ་སྤྱོད་པ་བཀའ་རྟགས་ཀྱི། །ཕྱག་རྒྱ་བཞི་དང་མི་ལྡན་མཐོལ༴ །ཁྲིམས་ནི་རྒྱུ་དང་མི་རྒྱུའི་ས་བཞིན་ཏུ། །ཡོན་ཏན་ཀུན་གྱི་གཞི་རྟེན་ལགས་པར་གསུངས། །གང་ཞིག་སྟོན་པ་ཐུགས་རྗེའི་བསྟན་པ་ལ། །ཡང་བར་སེམས་ཤིང་ཅུང་ཟད་འདའ་བྱེད་པ། །དེ་ནི་དེ་ལས་སྡུག་བསྔལ་གཞན་དབང་ཐོབ། །སྨྱིག་ཚལ་བྲེགས་པས་ཨ་མའི་ཚལ་ཉམས་བཞིན། །བསྐལ་པ་བྱེ་བ་གངྒཱའི་བྱེ་སྙེད་དུ། །དང་བའི་སེམས་ཀྱིས་ཟས་དང་སྐོམ་རྣམས་དང་། །གདུགས་དང་བ་དན་མར་མེའི་ཕྲེང་བ་ཡིས། །སངས་རྒྱས་བྱེ་བ་ཁྲག་ཁྲིག་རིམ་གྲོ་བྱས། །གང་ཞིག་དམ་ཆོས་རབ་ཏུ་འཇིག་པ་དང་། །བདེ་གཤེགས་བསྟན་པ་འགག་པར་འགྱུར་བའི་ཚེ། །ཉིན་མཚན་ཏུ་ནི་བསླབ་པ་གཅིག་སྤྱོད་པའི། །བསོད་ནམས་འདི་ནི་དེ་བས་ཁྱད་པར་འཕགས། །རྒྱལ་བས་སངས་རྒྱས་ཆོས་དང་དགེ་འདུན་དང་། །གཏོང་དང་ཚུལ་ཁྲིམས་ལྷ་རྗེས་དྲན་པ་དྲུག །རབ་ཏུ་བཀའ་བསྩལ་

― LT39_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་སོ་སོ་ཡི། །ཡོན་ཏན་ཚོགས་ཀྱི་རྗེས་སུ་དྲན་པར་བགྱིད།། ༈ །།བཟོད་པ་དཀའ་ཐུབ་དམ་པ་བཟོད་པ་ནི། །མྱ་ངན་འདས་པ་མཆོག་ཅེས་སངས་རྒྱས་གསུངས། །རབ་ཏུ་བྱུང་བས་གཞན་ལ་གནོད་པ་དང་། །གཞན་ལ་འཚེ་བ་དགེ་སྦྱོང་མ་ཡིན་ནོ། །མིག་ལྡན་འགྲོ་བ་ཡོད་པ་ཡིས། །ཉམ་ང་བ་དག་ཇི་བཞིན་ཏུ། །མཁས་པས་འཚོ་བའི་འཇིག་རྟེན་འདིར། །སྡིག་པ་དག་ནི་ཡོངས་སུ་སྤང་། །སྐུར་པ་མི་གདབ་གནོད་མི་བྱ། །སོ་སོ་ཐར་པའང་བསྡམ་པར་བྱ། །ཟས་ཀྱི་ཚོད་ཀྱང་རིག་པར་བྱ། །བས་མཐའི་ནགས་སུ་གནས་པར་བྱ། །ལྷག་པའི་སེམས་ལ་ཡང་དག་སྦྱོར། །འདི་ནི་སངས་རྒྱས་བསྟན་པ་ཡིན། །ཇི་ལྟར་བུང་བ་མེ་ཏོག་ལས། ཁ་དོག་དྲི་ལ་མི་གནོད་པར། །ཁུ་བ་གཞིབས་ནས་འཕུར་བ་ལྟར། །དེ་བཞིན་ཐུབ་པ་གྲོང་དུ་རྒྱུ། །བདག་གི་རིགས་དང་མི་རིགས་ལ། །བརྟག་པར་བྱ་སྟེ་གཞན་རྣམས་ཀྱི། །མི་མཐུན་པ་དང་གཞན་དག་གི། །བྱས་དང་མ་བྱས་རྣམས་ལ་མིན། །ལྷག་པའི་སེམས་ལ་བག་བྱ་ཞིང་། །ཐུབ་པའི་ཐུབ་གཞི་རྣམས་ལ་བསླབ། །ཉེར་ཞི་རྟག་ཏུ་དྲན་ལྡན་པའི། །སྐྱོབ་པ་མྱ་ངན་མེད་པ་ཡིན། །སྦྱིན་པས་བསོད་ནམས་རབ་ཏུ་འཕེལ། །ལེགས་བསྡམས་དགྲ་སོགས་མི་འབྱུང་

― LT39_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་། །དགེ་དང་ལྡན་པས་སྡིག་པ་སྤོང་། །ཉོན་མོངས་ཟད་པས་མྱ་ངན་འདས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱོད། །རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་ན། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་ན། །ཐམས་ཅད་དུ་ནི་སྡོམ་པ་ལེགས། །ཐམས་ཅད་སྲུང་བའི་དགེ་སློང་དག །སྡུག་བསྔལ་ཀུན་ལས་རབ་ཏུ་གྲོལ། །ངག་རྣམས་བསྲུང་ཞིང་ཡིད་ཀྱང་རབ་བསྡམ་སྟེ། །ལུས་ཀྱིས་མི་དགེ་བ་དག་མི་བྱེད་ཅིང་། །ལས་ལམ་གསུམ་པོ་འདི་ལ་རབ་སྦྱངས་ནས། །དྲང་སྲོང་གསུངས་པའི་ལམ་ནི་ཐོབ་པར་ཤོག །བརྩམ་པར་བྱ་ཞིང་དབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །བདག་དང་སེམས་ཅན་ཀུན་གྱི་སྡིག་པའི་ལས། །ཉེས་པར་གྱུར་གང་མཐོལ་ཞིང་བཤགས་པར་བགྱི། །སླན་ཆད་ནམ་ཡང་བགྱིད་པར་མ་གྱུར་ཅིག །ལས་ཀྱི་སྒྲིབ་པའང་གཏན་ཏུ་ཟད་བྱེད་ཤོག །ཁྲིམས་ཀྱིས་ཚུལ་ཁྲིམས་སྐྱོན་མེད་ཅིང་། །ཚུལ་ཁྲིམས་རྣམ་པར་དག་དང་ལྡན། །

― LT39_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

རློམས་སེམས་མེད་པའི་ཚུལ་ཁྲིམས་ཀྱིས། །ཚུལ་ཁྲིམས་ཕ་རོལ་ཕྱིན་རྫོགས་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། །བཟང་པོ་སྤྱོད་པ་ཡོངས་སུ་རྫོགས་བྱེད་ཅིང་། །ཚུལ་ཁྲིམས་སྤྱོད་པ་དྲི་མེད་ཡོངས་དག་པར། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །བསོད་ནམས་འདི་ཡིས་ཐམས་ཅད་གཟིགས་པ་ཉིད། །ཐོབ་ནས་ཉེས་པའི་དགྲ་རྣམས་ཕ་མ་བྱས་ཏེ། །སྐྱེ་རྒ་ན་འཆིའི་རྦ་རླབས་འཁྲུགས་པ་ཡི། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །ཅེས་སངས་རྒྱས་རབ་བདུན་གྱི་གསོ་སྦྱོང་གི་ཚིགས་སུ་བཅད་པ་དང་། སོ་ཐར་སྡོམ་པའི་ཉེས་ལྟུང་མཐོལ་བཤགས་ཞར་བྱུང་བསླབ་བྱའི་གནད་རྟོགས་པར་འགྱུར་བ་འདི་བཞིན། བསྟན་འགྲོའི་དཔུང་གཉེན་ཟླ་བཟང་མཆོག་སྤྲུལ་རིན་པོ་ཆེས་བཀའ་བསྩལ་ལྟར། འདུ་གསུམ་པ་ཀརྨ་ངག་དབང་ཡོན་ཏན་རྒྱ་མཚོས་དཔལ་སྤུངས་ཡང་དབེན་ཏུ་བྲིས་པ་བསྟན་དང་འགྲོ་ལ་ཡུན་རིང་སྨན་པར་གྱུར་ཅིག །སརྦ་མཎྜ་ལཾ།། ༈ །།གཎྜཱིའི་མདོ་ལས། ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་གཎྜཱིིའི་གཟུགས་ཀྱིས་བཞུགས་སོ། །ཞེས་དང་། རྒྱལ་པོ་གང་ཚེ་ཡུལ་འཁོར་དུ། །གཎྜཱི་དེ་ནི་གྲགས་འགྱུར་བ། །དེར་ནི་དཔལ་དང་གྲགས་པ་དང་། །འདོད་པ་དང་ནི་ལོ་ལེགས་འགྱུར། །ཞེས་སོགས་དང་། དུས་བཞི་དག་ཏུ་ཐོས་པ་

― LT39_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། །དེ་རྣམས་བྱང་ཆུབ་ཐོབ་པར་འགྱུར། །གང་ཞིག་སྙིང་ནས་ཡི་རང་བ། །དེ་ནི་གྲོལ་འགྱུར་ཐེ་ཚོམ་མེད། །ཅེས་སོགས་ཕན་ཡོན་དང་། །རྒྱུ་ཆད་དང་བརྡུང་ལུགས་ཚུལ་མ་ཡིན་པས་ཡུལ་འཁོར་ལ་འཚེ་བ་དང་། དགེ་འདུན་མི་མཐུན་པ་དང་། མ་བསྡམས་པར་འགྱུར་བའི་ཉེས་དམིགས་སོགས་གསུངས་སོ། །ས་གའི་ལྷས། མི་སློབ་པ་ནི་བདག་པོར་སྤྱོད། །ཅེས་བསོད་ནམས་ཀྱི་ཞིང་མཆོག་ཏུ་གྱུར་པ་དང་། སློབ་པ་བྱིན་པ་སྤྱོད་པ་སྟེ། །ཞེས་ཡོན་སྦྱོང་ནུས་པས་ལོངས་སྤྱད་རུང་བ་དང་། བསམ་གཏན་ཀློག་དང་ལྡན་པ་ནི། །རྗེས་གནང་སྤྱོད་པས་ཉེས་པ་མེད། །ཅེས་སོ་སྐྱེ་ཡིན་ཀྱང་ཁྲིམས་དག་སྤང་ཀློག་ལ་བརྩོན་པ་ལ་ནི་སྟོན་པས་རྗེས་སུ་གནང་བས་ཉེས་པ་མེད་ལ། ལྷག་མ་ལེ་ལོས་བཅོམ་པ་ཡིན། བདག་ཉིད་ལ་ནི་བུ་ལོན་སྤྱོད། །ཅེས་ཁྲིམས་དག་ཀྱང་རྒྱུད་ལེ་ལོས་ཁྱེར་བས་ཐོས་སྒོམ་མི་ནུས་པ་དག་གིས་དབུལ་པོའི་བུ་ལོན་ལྟར་སྐྱེ་བ་ཕྱི་མར་འཇལ་དགོས་ལ། ཁྲིམས་འཆལ་རྣམས་ལ་ནམ་དུ་ཡང་། །གཙུག་ལག་ཁང་སོགས་ཉེར་སྤྱོད་པ་ཀག། ཅེས་ཁྲིམས་འཆལ་གྱིས་ནི་དད་གཤིན་དཀོར་རྫས་ཁབ་ཙམ་ཡང་མི་དབང་ཞིང་སྤྱད་ན་ངན་སོང་གི་སྡུག་བསྔལ་ཆེན་པོ་མྱོང་སྟེ། སངས་རྒྱས་མཛོད་ཀྱི་

― LT39_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་ལས། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་བསྐལ་པ་བརྒྱ་སྟོང་ཁྲི་འབུམ་གྱི་བར་དུ་རང་གི་ཤ་བཅད་གཏུབས་ཏེ་སྦྱིན་བདག་ལ་འཇལ་ལོ། །ཕྱུགས་སུ་སྐྱེས་ན་ཡང་ཁུར་ལྕི་བ་ཁྱེར་བ་འོང་ངོ། །སྐྲ་ཉག་མ་འབུམ་དུ་བགོས་པའི་ཆ་ཙམ་ཡང་བཞུ་བར་མི་ནུས་ན་གོས་དང་ཟས་དང་མལ་ཆ་དང་སྨན་ལ་སོགས་པ་ལྟ་ཅི་སྨོས། ཞེས་དང་། ཤཱ་རིའི་བུ་རོས་གང་བའི་ས་དེ་ན་ངའི་ཆོ་ག་བཞིན་ཏུ་སྤྱོད་པ་ནི་ཕོད་ཀྱི་ཚུལ་ཁྲིམས་ཞིག་པའི་དགེ་སློང་དང་ལྷན་ཅིག་ཏུ་འདུག་པ་ནི་མི་ཕོད་དོ། །དེ་ཅིའི་ཕྱིར་ཞེ་ན། ཚུལ་ཁྲིམས་ཞིག་པའི་དགེ་སློང་གི་ལག་གིས་བླང་བའི་རྫས་སོ་ཅོག་ཚུལ་ཁྲིམས་འཛིན་པའི་དགེ་སློང་གི་ངན་དུག་པར་འགྱུར་རོ། །ཞེས་གསུངས། །

ཤིང་རྟ་ཆེན་པོ་གཉིས་ཀྱི་བཀའ་སྲོལ་དང་འབྲེལ་བའི་བྱང་སྡོམ་ཉེས་བཤགས་ནོར་བུ་ཀེ་ཏ་ཀའི་ཕྲེང་བ།

― LT39_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་རྟ་ཆེན་པོ་གཉིས་ཀྱི་བཀའ་སྲོལ་དང་འབྲེལ་བའི་བྱང་སྡོམ་ཉེས་བཤགས་ནོར་བུ་ཀེ་ཏ་ཀའི་ཕྲེང་བ་ཞེས་བྱ་བ་བཞུགས་སོ། །

― LT39_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་གཤེགས་པའི་སངས་རྒྱས་ཀུན། །ཆོས་དང་ཚོགས་ཀྱི་མཆོག་བཅས་ལ། །ཞིང་རྡུལ་ཀུན་གྱིས་གྲངས་སྙེད་ཀྱི། །ལུས་བཏུད་པ་ཡིས་བདག་ཕྱག་འཚལ། །བྱང་ཆུབ་སེམས་ཀྱི་གཞི་རྣམས་དང་། །མཆོད་རྟེན་རྣམས་ལ་བདག་ཕྱག་འཚལ། །མཁན་པོ་དེ་བཞིན་སློབ་དཔོན་དང་། །བརྟུལ་ཞུགས་མཆོག་ལ་ཕྱག་འཚལ་ལོ། །བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་བཞིན་

― LT39_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །ཕྱོགས་རྣམས་ཀུན་ན་བཞུགས་པ་ཡི། །རྫོགས་སངས་རྒྱས་དང་བྱང་ཆུབ་སེམས། །ཐུགས་རྗེ་ཆེན་པོ་མངའ་རྣམས་ལ། །ཐལ་མོ་སྦྱར་ཏེ་གསོལ་བ་ནི། །ཐོག་མ་མེད་ལྡན་འཁོར་བ་ནས། །ཚེ་རབས་འདིའམ་གཞན་དག་ཏུ། །བདག་གིས་མ་འཚལ་སྡིག་བགྱིས་པའམ། །བགྱིད་དུ་སྩལ་བ་ཉིད་དང་ནི། །གཏི་མུག་འཁྲུལ་པས་བདག་ནོན་ཏེ། །རྗེས་སུ་ཡི་རངས་

― LT39_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

གང་བགྱིས་པ། །ནོངས་པ་དེ་ནི་མཐོང་བགྱིས་ནས། །བསམ་པ་ཐག་པས་མགོན་ལ་བཤགས། །སྲིད་སྤང་ཞི་ལ་ཆགས་པའི་མཐའ་གཉིས་སུ། །མི་གནས་བླ་ན་མེད་པའི་མྱང་འདས་རྒྱུ། །ཐེག་མཆོག་ཆེན་པོ་བདུན་ལྡན་སྒོར་ཞུགས་ནས། །བྱང་ཆུབ་སྤྱོད་པ་མ་སྤྱད་མཐོལ་ལོ་བཤགས། །དགེ་བའི་བཤེས་སྤངས་རིགས་དང་དགེ་རྩ་བཅད། །ཐེག་ཆེན་སྡེ་སྣོད་མང་ཐོས་རྒྱང་བསྲིངས་ཏེ། །གྲོགས་རྒྱུ་དགེ་རྩ་ཐོས་པའི་སྟོབས་ལྔ་ཡིས། །སེམས་མཆོག་ནན་ཏན་མ་བསྐྱེད་མཐོལ་ལོ་བཤགས། །ཐོས་ལ་མི་དད་བསམ་གཡེལ་སྒོམ་པ་ལྷོད། །ལེ་ལོ་ཆེ་ཞིང་སེམས་ཅན་མ་དད་སྤྱོད། །སྙིང་རྗེ་ཆུང་ཞིང་བྱེད་སྤྱོད་ཕྱིན་ཅི་ལོག །དོན་གཉིས་ཉམས་པའི་རྒྱུ་བདུན་སྤྱོད་པ་བཤགས། །ཕན་ཡོན་ཉེས་དམིགས་རྙེད་དཀའ་མ་དྲན་དང་། །ཡན་ལག་བདུན་དང་རྒྱལ་བ་སྲས་བཅས་ལ། །གསོལ་འདེབས་སྨོན་ལམ་དུས་གསུམ་མ་བགྱིས་དང་། །ཆོས་དང་འགལ་བའི་བདུད་ལས་མ་སྤངས་པས། །འདི་ཕྱིར་ཉམས་པའི་རྒྱུར་གྱུར་མཐོལ་ལོ་བཤགས། །སེམས་ཅན་རང་དང་དམ་ཆོས་ནོར་ལས་གཅེས། །བཤེས་གཉེན་ཕ་མ་བྱང་སེམས་སྙིང་ལས་གཅེས། །སངས་རྒྱས་གོ་འཕང་འཚོ་བའི་ལོངས་སྤྱོད་ལས། །གཅེས་པར་མ་བལྟས་མཐུན་རྐྱེན་

― LT39_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

སྤངས་པ་བཤགས། །སྤངས་རྟོགས་ཕྲིན་ལས་ཕུན་ཚོགས་ཐོབ་པའི་རྒྱུ། །རང་གཞན་སྨིན་བྱེད་ཉེས་སྤྱོད་སྡོམ་པ་དང་། །དགེ་བ་ཆོས་སྡུད་སེམས་ཅན་དོན་བྱེད་ཀྱི། །ཚུལ་ཁྲིམས་གསུམ་དང་འགལ་བ་མཐོལ་ལོ་བཤགས། ༈། ནམ་སྙིང་ཐབས་ལ་མཁས་སོགས་མདོ་སྡེའི་དོན། །འཇམ་དཔལ་གདམས་ངག་འཕགས་ཞབས་ཡབ་སྲས་ལས། །རིམ་འོངས་ཟབ་མོ་ལྟ་བརྒྱུད་བཞེད་གཞུང་གི། །བསླབ་པའི་གནས་དང་གང་འགལ་མཐོལ་ལོ་བཤགས། །གཞན་དོན་རྫོགས་བྱང་དོན་གཉེར་བློས་བཏང་ནས། །ཐེག་དམན་རང་དོན་ཉི་ཚེ་ཡིད་ལ་བྱེད། །ཕས་ཕམ་ལས་ལྕི་ཚུལ་ཁྲིམས་སྐྱོན་བྱེད་པ། །སྡོམ་པའི་རྩ་བ་སྨོན་སེམས་བཏང་བ་བཤགས། །བྱང་ཆུབ་སེམས་འདོར་སེར་སྣས་སྦྱིན་མི་བྱེད། །མི་བཟོད་ཁྲོ་བས་རྡེག་ཅིང་ཉོན་མོངས་དང་། །གནས་མཐུན་ཆོས་ལྟར་བཅོས་པ་བསྟན་ལ་སོགས། །འཇུག་པས་དགེ་ལ་མ་སྦྱོར་མཐོལ་ལོ་བཤགས། །སྐུ་གཟུགས་མཆོད་རྟེན་དམ་ཆོས་གླེགས་བམ་དང་། །ཆོས་སྨྲའི་ཆ་རྐྱེན་དགེ་འདུན་འདུ་བའི་རྫས། །དཀོན་མཆོག་དཀོར་ལ་རྐུ་འཕྲོག་ལོངས་སྤྱོད་པས། །རྩ་ལྟུང་དང་པོས་གོས་པ་མཐོལ་ལོ༴ །ཐེག་གསུམ་གང་ཡང་རུང་བའི་སྡེ་སྣོད་དང་། །ཚུལ་ཁྲིམས་ཏིང་འཛིན་།

― LT39_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཀྱི་བསླབ་པ་ལ། །རང་འདོད་བློ་ཡིས་ཕྱོགས་ཁྱེར་སྨད་ཅིང་སྤངས། །རྩ་ལྟུང་གཉིས་པས་གོས་པ་མཐོལ༴། རབ་བྱུང་རྟགས་ཙམ་འཛིན་པ་ཡན་ཆད་ལ། །སྡང་བས་གོས་འཕྲོག་རྡེག་ཅིང་བཙོན་ཏུ་བཅུག། ཁྱིམ་པར་དབབ་དང་བསད་དམ་གསོད་སེམས་འཆང་། །རྩ་ལྟུང་གསུམ་པས་གོས་པ་མཐོལ་ལོ་བཤགས། །དགེ་འདུན་དབྱེན་བྱེད་ཕ་མ་དགྲ་བཅོམ་གསོད། །དེ་བཞིན་གཤེགས་ལ་ངན་སེམས་ཁྲག་ཕྱུང་བ། །མཚམས་མེད་ལྔ་ལས་གང་རུང་གཅིག་སྤྱད་དེ། །རྩ་ལྟུང་བཞི་པས་གོས་པ༴ །ལས་འབྲས་ཁྱད་གསོད་ལོག་ལྟས་མི་དགེ་སྤྱོད། །དགེ་རྩ་ཆད་པའི་རྩ་ལྟུང་ལྔ་པས་གོས། །བྱང་སེམས་རྒྱལ་ལ་འབྱུང་ཉེའི་ལྟུང་བ་ལྔ། །བྱས་སམ་བྱེད་དུ་བཅུག་པ༴ །ཁྱིམ་ཉུང་གྲོང་དང་རིགས་བཞི་ཚང་བའི་ལྗོངས། །གྲོང་ཁྱེར་གྲོང་བརྡལ་ཡུལ་འཁོར་ཆེན་པོ་རྣམས། །སྡང་བས་འཇིགས་ལ་འཇོམས་སོགས་བློན་པོ་ལ། །འབྱུང་ཉེའི་རྩ་ལྟུང་ལྔ་པོས་གོས་པ་བཤགས། །དང་པོའི་ལས་ཅན་བློ་མ་སྦྱངས་པ་ལ། །མ་བརྟགས་སྟོང་ཉིད་བརྗོད་སྔས་ཉན་ཐོས་སྨོན། །སངས་རྒྱས་སྒྲུབ་ལ་ཞུགས་པའི་བློ་ཆེན་པོ། །དེ་ལས་ལྡོག་སྟེ་ཐེག་དམན་ལམ་དུ་བཀོད། །ཉན་ཐོས་རིགས་ཅན་སོ་ཐར་སློབ་པ་ལ། །སྨད་ནས་འདོར་

― LT39_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་ཐེག་ཆེན་སློབ་ཏུ་བཅུག །ཉན་ཐོས་ཐེག་པས་ཆགས་སོགས་མི་སྤང་པས། །ཐར་ལམ་མེད་སྨྲ་གཞན་ལའང་འཛིན་ཏུ་འཇུག །ཕྲག་དོག་དབང་གིས་བྱང་སེམས་གཞན་གྱི་སྐྱོན། །ཡོད་མེད་ཀུན་གླེང་རང་གི་ཡོན་ཏན་ངོམས། །མ་རྟོགས་བཞིན་ཏུ་རྙེད་དང་བཀུར་སྟིའི་ཕྱིར། །རྟོགས་པར་ཁས་འཆེ་བདག་ཉིད་ལོག་པར་འཚོང་། །རྒྱལ་དང་དབྱེན་བྱས་དགེ་སྦྱོང་ཆད་འབེབས་ཤིང་། །ཆད་མཇལ་ལྐོག་བརྔན་དཀོན་མཆོག་དཀོར་ནོར་བླངས། །ཞི་གནས་ལ་སོགས་རྣལ་འབྱོར་འདོར་འཇུག་ཅིང་། །སྤོང་བའི་ལོངས་སྤྱོད་ཀློག་པའི་སྡེ་ལ་བྱིན། །དང་པོའི་ལས་ཅན་ཕལ་ལ་འབྱུང་ངེས་ཤིང་། །མི་ཟད་སེམས་ཅན་དམྱལ་བ་ཆེན་པོའི་རྒྱུ། །དགེ་རྩ་སྔོན་བསྐྱེད་ཐལ་བར་རླག་བྱེད་པ། །རྩ་ལྟུང་བརྒྱད་པོས་གོས་པ་མཐོལ༴། བདེ་སྡུག་ཡལ་བར་འདོར་བ་ཉི་ཤུ་བཞི། །བསྒྲུབ་པ་ཡལ་བར་འདོར་བ་བཅུ་དྲུག་བཅས། །གནས་སྐབས་སུའམ་གཏན་དུ་དོར་བ་ཡི། །ཡན་ལག་ཉེས་བྱས་བརྒྱད་ཅུས་གོས་པ་བཤགས། །མི་དགེ་བཅུ་དང་ཆོས་བརྒྱད་ལོག་འཚོ་ལྔ། །ལོག་རྟོག་བརྒྱད་དང་སྤྱོད་ཡུལ་མིན་པ་ལྔ། །སྡིག་གྲོགས་སྡིག་ལྟ་འཛིན་སོགས་བདུད་ཀྱི་ལས། །ལྟ་བས་གཟིངས་དང་དགེ་རྩ་འཛད་པའི་རྒྱུ། །བཞི་

― LT39_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཐེག་ཆེན་མདོ་ལས་གསུངས་རྣམས་དང་། །དོན་མེད་རྒྱུག་མཆོང་བྲེ་མོའི་གཏམ་སྨྲ་ཞིང་། །ཆགས་སྡང་མནོ་སོགས་དགག་པའི་བསླབ་བྱ་ཉམས། །འཛུམ་དེས་ཞི་དལ་དྲང་པོར་མ་སྨྲས་སོགས། །བསྒྲུབ་པའི་བསླབ་བྱ་རྣམས་དང་འགལ་བ་བཤགས།། ༈ །།འཁོར་ལོ་ཕྱི་མ་གཉིས་ཀྱིས་བསྟན་པའི་དོན། །བྱམས་མགོན་གདམས་ངག་ཐོགས་མེད་སྐུ་མཆེད་ལས། །རིམ་འོངས་རྒྱ་ཆེན་སྤྱོད་རྒྱུད་བཞེད་གཞུང་གི། །བསླབ་པའི་གནས་དང་གང་འགལ་མཐོལ་ལོ་བཤགས། །རིན་ཆེན་གླིང་དུ་འགྲོ་འདོད་བསམ་པ་བཞིན། །སངས་རྒྱས་སྒྲུབ་ལ་མེད་ཐབས་མེད་པ་ཡི། །སྨོན་པའི་སེམས་ཀྱི་བསླབ་བྱ་སྡེ་ལྔ་པོ། །མ་བསླབ་པ་དང་འགལ་ཉམས་གྱུར་པ་བཤགས། །ཕན་བཏགས་ལན་དུ་གནོད་པ་ཆེར་བྱས་ཀྱང་། །ཡང་ལན་སྙིང་རྗེ་ཆེན་པོས་མི་།།།པར། །སེམས་ཅན་གཅིག་ལ་སྐད་ཅིག་གཅིག་ཙམ་དུ། །ཁྲོ་བས་བློ་ཡིས་བཏང་བ་མཐོལ་ལོ་བཤགས། །སྡོང་པོ་བཀོད་པར་ཉིས་བརྒྱ་སུམ་ཅུའི་དཔེས། །བསྟན་སོགས་སྨོན་སེམས་བསྐྱེད་པའི་ཕན་ཡོན་ནི། །དངོས་པོར་གྲུབ་ན་ནམ་མཁར་མི་ཤོང་བ། །རྟག་ཏུ་དྲན་ཏེ་གཅེས་སྤྲས་མ་བྱས་བཤགས། །ཐུན་ཚོད་རེར་ཡང་གཞན་ཕན་འབའ་ཞིག་བློས། །ཆོས་སྤྱོད་རྣམ་བཅུ་

― LT39_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུ་བའི་དངོས་པོ་བཞི། །ཕར་ཕྱིན་བཅུ་སོགས་བྱང་སེམས་སྟོབས་སྐྱེད་པའི། །ཚོགས་གཉིས་ཟུང་འཇུག་མ་བསགས་མཐོལ༴ །བྱམས་དང་སྙིང་རྗེ་རྒྱུ་ལ་མ་སྦྱངས་དང་། །ཉིན་མཚན་དུས་དྲུག་བྱང་སེམས་མ་བླངས་དང་། །བདེ་སྡུག་བཏང་ལེན་སྤྱོད་ལ་མ་སྦྱངས་སོགས། །བྱང་སེམས་འཕེལ་བའི་ཐབས་ལ་མ་བརྩོན་བཤགས། །མཆོད་འོས་བསླུ་ཞིང་གཞན་ལ་འགྱོད་པ་བསྐྱེད། །དགེ་སྦྱོང་སྐྱོན་བརྗོད་འགྲོ་ལ་གཡོ་སྒྱུས་སྤྱོད། །བྱས་པ་ཙམ་གྱིས་སྡོམ་པ་འཇིག་བྱེད་པ། །ནག་པོའི་ཆོས་བཞིས་གོས་པ་མཐོལ༴ །སྲོག་གི་ཕྱིར་ཡང་ཤེས་བཞིན་རྫུན་མི་སྨྲ། །སེམས་བསྐྱེད་པ་ལ་སྟོན་པའི་འདུ་ཤེས་བཞག །འགྲོ་ལ་གཡོ་མེད་ཀུན་ཀྱང་ཐེག་པ་ཆེར། །འགོད་འདོད་དཀར་པོའི་ཆོས་བཞི་མི་ལྡན་བཤགས། །རྙེད་དང་བཀུར་སྟིར་ལྷག་པར་ཆགས་པའི་བློས། །བདག་ལ་བསྟོད་ཅིང་གཞན་གྱི་ཡོན་ཏན་སྨོད། །སྡུག་བསྔལ་མགོན་མེད་པ་དང་སྣོད་གྱུར་ལ། །སེར་སྣས་ཟང་ཟིང་ནོར་དང་ཆོས་མི་སྟེར། །གཞན་གྱིས་བཤགས་ཀྱང་མི་བཟོད་ཁྲོ་བ་ཡིས། །ཞེ་འཁོན་མི་ལྡོག་རྡེག་ཅིང་འཚོག་པས་འཚེ། །གཏི་མུག་དབང་གིས་ཆོས་ལ་སྐུར་འདེབས་ཤིང་། །ཆོས་མ་ཡིན་པ་ཆོས་ལྟར་བཅོས་ཏེ་འཆད། །འཇུག་

― LT39_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བསླབ་བྱ་དང་འགལ་རྩ་ལྟུང་བཞི། །ཉོན་མོངས་ཆེ་འབྲིང་ཆུང་ངུས་སྤྱད་པ་ལས། །སྡོམ་པ་ཤོར་དང་ཉམས་འགལ་གྱུར་པ་ཡིས། །ས་ལམ་རིང་དུ་བྱས་པ་མཐོལ༴ །དཀོན་མཆོག་མི་མཆོད་འདོད་སེམས་རྗེས་སུ་ཞུགས། །རྒན་ལ་མ་གུས་དྲིས་ལ་ལན་མི་འདེབས། །མགྲོན་པོས་མ་སོང་གསེར་སོགས་སྦྱིན་མི་ལེན། །ཆོས་འདོད་མི་སྟེར་སྦྱིན་དང་འགལ་བ་བདུན། །ཚུལ་འཆལ་ཡལ་འདོར་དད་ཕྱིར་རང་མི་སློབ། །གཞན་དོན་མི་བྱེད་སྤང་བདུན་ཕན་ཡང་འཇོམ། །ལོག་འཚོ་དང་ལེན་འཕྱར་གཡེང་རྩེད་མོར་དགའ། །སྲིད་འབྱོར་ལ་ཆགས་གཞན་གྲགས་ངན་མི་སེལ། །རང་གཞན་ཉོན་མོངས་ཆེ་ལྡན་མཐོང་ན་ཡང་། །ཆོས་བཞིན་མི་སེལ་ཚུལ་ཁྲིམས་དང་འགལ་དགུ། །གཤེ་ཁྲོ་རྡེག་དང་མཚང་འདྲུར་དེ་ལན་ཟློག །གཞན་ཁྲོས་སེམས་གསོ་མ་བྱས་ཡལ་བར་དོར། །བཤགས་པ་མ་བླངས་ཁྲོ་བའི་སེམས་བྱུང་ན། །མ་སྤངས་དང་བླང་བཟོད་དད་འགལ་བ་བཞི། །ནོར་དང་སྙན་གྲགས་ཆེད་དུ་འཁོར་བསྡུས་ཤིང་། །གཉིད་དང་སྙོམས་ལས་ལེ་ལོ་སེལ་མི་བྱེད། །འདུ་འཛིའི་གཏམ་ཆགས་བརྩོན་འགྲུས་འགལ་ཟླ་གསུམ། །སེམས་གནས་ཐབས་བོར་སྒྲིབ་པ་ལྔ་མི་སྤོང་། །བདེ་གསལ་

― LT39_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

རོར་ཆགས་བསམ་གཏན་དང་འགལ་གསུམ། །ཐེག་དམན་མི་སློབ་ཐེག་ཆེན་སྡེ་སྣོད་དོར། །སངས་རྒྱས་གཞུང་དོར་མུ་སྟེགས་བསྟན་བཅོས་བརྩོན། །ནང་རིག་ལས་ཀྱང་ཕྱི་གཞུང་ཆེད་ཆེར་བཟུང་། །ཐེག་ཆེན་སྐུར་འདེབས་བདག་བསྟོད་གཞན་ལ་སྨོད། །ཆོས་སྨྲའི་དྲུང་དུ་ཆོས་ཕྱིར་མི་འགྲོ་བར། །འཕྱ་ཞིང་ཁྱད་གསོད་ཤེས་རབ་དང་འགལ་བརྒྱད། །གཞན་གྱི་གྲོགས་དན་ནད་པའི་རིམ་གྲོ་དང་། །སྡུག་བསྔལ་བསལ་ཞིང་བག་མེད་ཚུལ་བཞིན་ཏུ། །འཆོས་པར་མི་བྱེད་གཞན་དོན་ལས་ཉམས་བཞི། །ཕན་བཏགས་ལན་ཏུ་དྲིན་བཟོ་མ་བྱས་དང་། །མྱ་ངན་མ་བསལ་སློང་ལ་འདོད་མ་བྱིན། །འཁོར་རྣམས་མ་བསྐྱངས་གཞན་སེམས་དང་མི་མཐུན། །གཞན་བསྔགས་མི་བརྗོད་ཕན་འདོགས་གཡེལ་བ་དྲུག །ཆོས་འགལ་ཆད་པ་འོས་ཀྱང་བཏང་སྙོམས་བཞག །ཆོས་ལྡན་གཏམ་དང་རྫུ་འཕྲུལ་གྱིས་མ་བསྡིགས། །ངན་པ་ཚར་མི་གཅོད་པའི་ཉེས་གཉིས་བཅས། །ཉེས་བྱས་བཞི་བཅུ་རྩ་དྲུག་སྤྱད་པ་བཤགས། །གཞན་ཡང་སོ་སོ་ཐར་པ་རིས་བརྒྱད་ཀྱི། །བཅས་ལྟུང་བླངས་འདས་ཀུན་རྩ་སྐྱབས་སྡོམ་དང་། །འགལ་སོགས་མ་གུས་སྙོམས་ལས་ལེ་ལོ་ཡིས། །ཉེས་

― LT39_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་སྡོམ་པའི་ཚུལ་དང་གང་འགལ་བཤགས། །མི་མཐུན་ཕྱོགས་ཉམས་མི་རྟོག་ཡེ་ཤེས་ལྡན། །འདོད་དོན་རྫོགས་ཤིང་སེམས་ཅན་རབ་སྨིན་བྱེད། །ཁྱད་ཆོས་བཞི་ལྡན་ཕར་ཕྱིན་སོ་དྲུག་སོགས། །དགེ་ཆོས་མཐའ་དག་མ་བསྡུས་མཐོལ༴ །ཟང་ཟིང་དམ་ཆོས་མི་འཇིགས་མ་སྦྱིན་དང་། །སྡོམ་དང་ཆོས་སྡུད་དོན་བྱེད་ཚུལ་ཁྲིམས་ཉམས། །གནོད་དང་སྡུག་བསྔལ་ཟབ་མོའི་དོན་མི་བཟོད། །གོ་ཆ་དགེ་སྡུད་གཞན་ཕན་བརྩོན་འགྲུས་ལྷོད། །བདེར་གནས་སྒྲུབ་དང་གཞན་དོན་བསམ་གཏན་གཡེལ། །ཐོས་བསམ་སྒོམ་པའི་ཤེས་རབ་མ་གོམས་ཏེ། །ཡོན་ཏན་བཞི་དང་ལྡན་པའི་ཕ་རོལ་ཕྱིན། །དམ་པ་དྲུག་ལྡན་ཉམས་སུ་མ་བླངས་བཤགས། །དུས་གསུམ་གྱིས་བསྡུས་སེམས་ཅན་སྨིན་བྱེད་ཐབས། །ཀུན་འདུས་སྦྱིན་དང་སྙན་སྨྲ་དོན་སྤྱོད་དང་། །དོན་མཐུན་དངོས་པོ་བཞི་ཡིས་སེམས་ཅན་གྱི། །དོན་བྱེད་ཚུལ་ཁྲིམས་མ་བསྲུངས་མཐོལ་ལོ་བཤགས། །ལུས་དང་ལོངས་སྤྱོད་དགེ་བའི་དངོས་གསུམ་པོ། །བསྲུང་དང་དག་པ་གཏོང་དང་སྤེལ་བ་ཡི། །ས་མཚམས་བཞིན་ཏུ་མཐུན་ཕྱོགས་ཀུན་སློབ་ཅིང་། །མི་མཐུན་ཕྱོགས་སྤང་ཇི་བཞིན་མ་བྱས་བཤགས། །མདོར་ན་དྲན་དང་ཤེས་བཞིན་

― LT39_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

བག་ཡོད་པས། །འདི་དང་གཏན་ཏུ་ཕན་པའི་རྒྱུར་འགྱུར་བའི། །རྒྱལ་སྲས་རྣམས་ཀྱི་བསླབ་བྱ་གང་ཡིན་པ། །མིག་དང་སྲོག་ལྟར་མ་བསྲུངས་མཐོལ་ལོ་བཤགས། །གང་གིས་རིགས་དང་མི་རིགས་མ་བརྟགས་པར། །རྩོམ་མམ་ལྡོག་གམ་བཏང་སྙོམས་འཇོག་ཀྱང་རུང་། །འོས་འདས་ལྟུང་དང་ལྟུང་མེད་གཟུགས་བརྙན་སོགས། །བྱང་སེམས་བསླབ་པའི་གནས་དང་གང་འགལ་བཤགས། །ཉེས་པ་དུ་མས་སྐྱོན་ཆགས་པའི། །སྡིག་ཅན་བདག་གི་སྡིག་པ་གང་། །ཤིན་ཏུ་མི་བཟད་བགྱིས་པ་དེ། །ཐམས་ཅད་འདྲེན་པ་རྣམས་ལ་བཤགས། །བདག་ནི་སྡིག་པ་མ་བྱང་བར། །སྔོན་དུ་འགུམ་པར་འགྱུར་དུ་མཆི། །ཇི་ལྟར་འདི་ལས་ངེས་ཐར་བར། །མྱུར་བའི་ཚུལ་གྱིས་བསྐྱབ་ཏུ་གསོལ། །སྤྲོ་ན་འདིར། །དེ་བས་རྒྱལ་བ་འགྲོ་བའི་མགོན། །སོགས་ཚང་བར་བརྗོད། །ལྟུང་ཉིད་བྱང་ཆུབ་སེམས་རང་བཞིན། །ལས་མེད་རྣམ་པར་སྨིན་པ་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །སེམས་ཅན་ཀུན་གྱི་ངན་སོང་གི། །སྡུག་བསྔལ་ངལ་གསོའི་དགེ་བ་དང་། །སྡུག་བསྔལ་ཅན་དག་བདེར་གནས་ལ། །དགའ་བས་རྗེས་སུ་ཡི་རང་ངོ་། །བྱང་ཆུབ་རྒྱུར་གྱུར་དགེ་བསགས་པ། །དེ་ལ་རྗེས་སུ་ཡི་རང་ངོ་། །ལུས་ཅན་འཁོར་

― LT39_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྡུག་བསྔལ་ལས། །ངེས་པར་ཐར་ལ་ཡི་རང་ངོ་། །སྐྱོབ་པ་རྣམས་ཀྱི་བྱང་ཆུབ་དང་། །རྒྱལ་སྲས་ས་ལའང་ཡི་རང་ངོ་། །སེམས་ཅན་ཐམས་ཅད་བདེ་མཛད་པའི། །ཐུགས་བསྐྱེད་དགེ་བ་རྒྱ་མཚོ་དང་། །སེམས་ཅན་ཕན་པར་མཛད་པ་ལ། །དགའ་བས་རྗེས་སུ་ཡི་རང་ངོ། །ཕྱོགས་རྣམས་ཀུན་གྱི་སངས་རྒྱས་ལ། །ཐལ་མོ་སྦྱར་ཏེ་གསོལ་བ་ཅི། །སེམས་ཅན་སྡུག་བསྔལ་མུན་འཐོམས་ལ། །ཆོས་ཀྱི་སྒྲོན་མེ་སྦར་དུ་གསོལ། །རྒྱལ་བ་མྱ་ངན་འདའ་བཞེད་ལ། །ཐལ་མོ་སྦྱར་ཏེ་གསོལ་བ་ནི། །འགྲོ་འདི་ལྡོངས་པར་མི་འགོད་ཅིང་། །བསྐལ་པ་གྲངས་མེད་བཞུགས་པར་གསོལ། །རྒྱལ་དང་རྒྱལ་བའི་ཆོས་ལ་དད་བྱེད་ཅིང་། །བྱང་ཆུབ་བླ་མེད་ལ་ཡང་དད་པར་བགྱིད། །རྒྱལ་སྲས་རྣམས་ཀྱི་སྤྱོད་ལ་རབ་དད་པས། །བླ་མེད་བྱང་ཆུབ་སེམས་མཆོག་རྟག་ཏུ་བཟུང་། །འདུས་བྱས་གཡོ་བ་སྡུག་བསྔལ་མཐའ་ལ་རྟོག །སྟོན་པའི་ཆེ་བ་ཆོས་དང་བྱང་སེམས་ཀྱི། །ཕན་ཡོན་དྲན་པ་ལྔ་པོ་རྟག་ཏུ་བསྟེན། །བརྩོན་འགྲུས་རྟར་ཞོན་ཤེས་བཞིན་མིག་གིས་བལྟ། །ངེས་འབྱུང་ལྕག་བསྐུལ་ཐར་པའི་གྲོང་ཁྱེར་ལ། །བསམ་སྟེ་མི་དགེ་ཀུན་སྤང་དགེ་ཆོས་བསླུབ། །དལ་འབྱོར་འདི་ནི་རྙེད་པར་ཤིན་ཏུ་དཀའ། །

― LT39_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་བུའི་དོན་སྒྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་འདི་ཡང་དག་འབྱོར་པར་ག་ལ་འགྱུར། །དགེ་བ་གཞན་ཀུན་ཆུ་ཤིང་བཞིན་ཏུ་ནི། །འབྲས་བུ་བསྐྱེད་ནས་ཟད་པར་འགྱུར་བ་ཉིད། །བྱང་ཆུབ་སེམས་ཀྱི་ལྗོན་ཤིང་རྟག་པར་ཡང་། །འབྲས་བུ་འབྱིན་པས་མི་ཟད་འཕེལ་བར་འགྱུར། །བྱང་ཆུབ་སེམས་སྐྱེས་གྱུར་ན་སྐད་ཅིག་གིས། །འཁོར་བའི་བཙོན་རར་བསྡམས་པའི་ཉམ་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང་། །འཇིག་རྟེན་ལྷ་མིར་བཅས་པས་ཕྱག་བྱར་འགྱུར། །གང་ལ་སེམས་ཀྱི་དམ་པ་རིན་ཆེན་དེ། །སྐྱེས་པ་དེ་ཡི་སྐུ་ལ་ཕྱག་འཚལ་ཞིང་། །གང་ལ་གནོད་པ་བྱས་ཀྱང་བདེར་འབྲེལ་བ། །བདེ་བའི་འབྱུང་གནས་དེ་ལ་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །སོགས་ལན་གསུམ། །མགོན་པོ་རྣམས་ཀྱི་སྤྱན་སྔ་རུ། །རྫོགས་པའི་བྱང་ཆུབ་སེམས་བསྐྱེད་ཅིང་། །འགྲོ་བ་ཐམས་ཅད་མགྲོན་དུ་གཉེར། །དེ་དག་འཁོར་བ་ལས་བསྒྲལ་ཏོ། །གནོད་སེམས་ཁྲོ་བའི་སེམས་ཉིད་དང་། །སེར་སྣ་དང་ནི་ཕྲག་དོག་ཉིད། །དེང་ནས་བཟུང་སྟེ་བྱང་ཆུབ་མཆོག །ཐོབ་ཀྱི་བང་དུ་མི་བྱའོ། །ཚངས་པར་སྤྱོད་པ་སྤྱད་བྱ་ཞིང་། །སྡིག་དང་འདོད་པ་

― LT39_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

སྤང་བར་བྱ། །ཚུལ་ཁྲིམས་སྡོམ་པ་ལ་དགའ་བས། །སངས་རྒྱས་རྗེས་སུ་བསླབ་པར་བྱ། །བདག་ཉིད་མྱུར་བའི་ཚུལ་གྱིས་ནི། །བྱང་ཆུབ་ཐོབ་པར་མི་སྤྲོ་ཞིང་། །སེམས་ཅན་གཅིག་གི་ཕྱིར་ཡང་ནི། །ཕྱི་མའི་མུ་མཐར་གནས་པར་བགྱི། །ཚད་མེད་བསམ་གྱིས་མི་ཁྱབ་པའི། །ཞིང་དག་རྣམ་པར་སྦྱང་བར་བྱ། །མིང་ནས་བཟུང་བར་བྱས་པ་དང་། །ཕྱོགས་བཅུ་དག་ཏུ་རྣམ་པར་གནས། །བདག་གི་ལུས་དང་ངག་གི་ལས། །ཐམས་ཅད་དུ་ནི་དག་པར་བྱ། །ཡིད་ཀྱི་ལས་ཀྱང་དག་བྱ་སྟེ། །མི་དགེའི་ལས་རྣམས་མི་བྱའོ། །བདག་གིས་བྱང་ཆུབ་སྤྱོད་པ་ལ། །འཇུག་པ་རྣམ་པར་བརྩམས་པ་ཡི། །དགེ་བ་གང་དེས་འགྲོ་བ་ཀུན། །བྱང་ཆུབ་སྤྱོད་ལ་འཇུག་པར་ཤོག །ཕྱོགས་བཅུ་ནམ་མཁའི་མཐར་ཐུག་པ། །སོགས་དང་། འགྲོ་བའི་སྡུག་བསྔལ་སྨན་གཅིག་པུ། །སོགས་ཤློ་ཀ་རེ་རེ། །དཔེ་མེད་པ་ཡི་སེམས་སྐྱེས་ནས། །སྐད་ཅིག་རེར་ཡང་བསྐལ་མང་གི། ཚོགས་བཟླུམ་མཐའ་ལ་མི་གནས་པའི། །རྣམ་ཐར་ཆོས་ཀྱི་དབྱིངས་ཁྱབ་ཤོག །གང་ཡང་དུས་གསུམ་གཤེགས་པའི་རྒྱལ་བ་ཡི། །སོགས་ཤློ་ཀ་གཅིག། འཇམ་དཔལ་དཔལ་བོ་སོགས། ཇི་ལྟར་སྔོན་གྱི་སོགས། །སངས་རྒྱས་སྐུ་གསུམ་

― LT39_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

བརྙེས་པའི་བྱིན་རླབས་དང་། །ཆོས་ཉིད་མི་འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་བཏབ་བསྔོ་བ་སྨོན་ལམ་འགྲུབ་པར་ཤོག །ཅེས་པ་འདིའང་གྲུབ་བརྙེས་དཀོན་མཆོག་བསྟན་འཛིན་མཆོག་གི་སྤྲུལ་པའི་སྐུ་ཆེན་པོ་ཀརྨ་བསྟན་འཛིན་དགེ་ལེགས་ཉི་མའི་ཞལ་སྔ་ནས་བཀའ་སྩལ་ཕེབ་པ་ལྷུར་བླངས་ཏེ། བྱམས་མགོན་གཉིས་པའི་འབངས་ཐ་བློ་གྲོས་མཐའ་ཡས་ཀྱིས་དཔལ་སྤུངས་ཡང་ཁྲོད་དུ་བྲིས་པ་འབྲེལ་པ་ཐོགས་ཚད་སྤྱན་རས་གཟིགས་དབང་དང་མཉམ་པར་གྱུར་ཅིག །དགེ་ལེགས་འཕེལ།། །།

གསང་སྔགས་གསར་རྙིང་གི་རིང་ལུགས་དང་འབྲེལ་པ་རྡོ་རྗེ་ཐེག་པའི་དམ་ཚིག་གི་ཉེས་ལྟུང་བཤགས་པ་ཀུན་ཏུ་བཟང་པོའི་ཁྲུས་ཆུ།

― LT39_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་སྔགས་གསར་རྙིང་གི་རིང་ལུགས་དང་འབྲེལ་པ་རྡོ་རྗེ་ཐེག་པའི་དམ་ཚིག་གི་ཉེས་ལྟུང་བཤགས་པ་ཀུན་ཏུ་བཟང་པོའི་ཁྲུས་ཆུ་ཞེས་བྱ་བ་བཞུགས་སོ། །

― LT39_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

ཧོཿཆོས་དབྱིངས་ནམ་མཁའི་མཐའ་དང་མཉམ་པ་ཡི། །ལྷུན་གྲུབ་དབྱིངས་ཀྱི་དཀྱིལ་འཁོར་རབ་འབྱམས་དང་། །སེམས་དཔའ་རྡོ་རྗེ་སངས་རྒྱས་ཀུན་གྱི་དངོས། །རྩ་བརྒྱུད་བླ་མ་རྒྱལ་བ་སྲས་དང་བཅས། །དམ་ཚིག་རྗེས་གཅོད་དཔའ་བོ་རྣལ་འབྱོར་མ། །ཆོས་སྐྱོང་དཔལ་མགོན་དམ་ཅན་རྒྱ་མཚོའི་ཚོགས། །ཐུགས་དམ་དབང་གིས་མོས་པའི་གནས་འདིར་གཤེགས། །རྣལ་འབྱོར་ཉམས་པ་ཅན་ལ་ཐུགས་རྗེས་དགོངས། །རྡོ་རྗེའི་དམ་ཚིག་ཉམས་པ་མཐོལ་བཤགས་ན། །བཟོད་པར་བཞེས་ལ་ཚངས་པའི་དངོས་གྲུབ་སྩོལ། །བདག་དང་མཁའ་མཉམ་མར་གྱུར་འགྲོ་བ་ཀུན། །ཞིང་རྡུལ་

― LT39_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་སྙེད་སྒོ་གསུམ་གུས་བཏུད་ནས། །ཕྱག་འཚལ་བྱང་ཆུབ་བར་དུ་སྐྱབས་སུ་མཆི། །ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །ཐོག་མེད་ནས་བསགས་སྡིག་སྒྲིབ་ཉེས་ལྟུང་ཚོགས། །བཅས་དང་རང་བཞིན་ཁ་ན་མ་ཐོ་བ། །ཁྱད་པར་རྡོ་རྗེ་ཐེག་པའི་འདུལ་བ་ལས། །འགལ་ཉམས་རལ་བར་གྱུར་པ་གང་མཆིས་པ། །གནོང་འགྱོད་དྲག་པོས་སྙིང་ནས་མཐོལ་ཞིང་བཤགས། །མཚན་ཉིད་ལྡན་པའི་རྡོ་རྗེ་སློབ་དཔོན་ལ། །མཉེས་པ་དགུ་ཡིས་ཚུལ་བཞིན་མ་བསྟེན་ཅིང་། །མཐུན་རྐྱེན་མ་བསྒྲུབ་དབང་གི་རྒྱུད་མ་སྨིན། །རས་ཆོད་དབང་གིས་གསང་བའི་ཐེག་པར་ཞུགས། །རྒྱུད་དོན་

― LT39_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཁྲོལ་མན་ངག་གནད་ལ་རྨོངས། །བསྲུང་མཚམས་མ་ཤེས་ཤེས་ཀྱང་ལེ་ལོས་གཡེང་། །ཐོག་མའི་རྟེན་འབྲེལ་ལོག་པ་མཐོལ་ལོ་བཤགས། །བསྲུང་བྱ་ཀུན་གྱི་གཞིར་གྱུར་འཇིག་རྟེན་པའི། །ཡང་དག་ལྟ་འཛིན་གསུམ་ལ་སྐྱབས་སུ་འགྲོ། །བྱང་ཆུབ་སེམས་བསྐྱེད་དཀྱིལ་འཁོར་དབང་བསྐུར་བ། །ཇི་བཞིན་ལག་ཏུ་མ་བླངས་མཐོལ་ལོ་བཤགས། །རྒྱུད་སྡེ་ཀུན་གྱི་གཞི་འམ་རྩ་བ་ནི། །བྱ་རྒྱུད་སྤྱི་ཡི་དམ་ཚིག་མཐའ་དག་དང་། །བྱེ་བྲག་སྤྱི་རྒྱུད་ནས་གསུངས་བཅུ་བཞི་པོ། །དཀོན་མཆོག་སྔགས་ལ་དད་དང་ཐེག་ཆེན་མོས། །ཞིང་མཆོག་ལ་གུས་མི་སྡང་དུས་མཚམས་མཆོད། །གཞན་གཞུང་མི་བཀུར་མགྲོན་མཆོད་བྱང་སེམས་བརྟན། །བསོད་ནམས་བཟླས་པ་དམ་ཚིག་གཞན་བསྲུང་བརྩོན། །དམ་མེད་སྔགས་རྒྱ་མི་སྦྱིན་རྒྱུད་སྦ་ཞིང་། །ཐོས་བསམ་སྒོམ་པས་མ་རྟོགས་མཐོལ་ལོ་བཤགས། །གཞན་ཡང་ལེགས་གྲུབ་ནས་བཤད་སུམ་ཅུ་པོ། །དཀོན་མཆོག་སྔགས་དང་ཐེག་པ་ཆེ་ལ་མོས། །ལྷ་ལ་དུས་མཚམས་མགྲོན་ལ་གློ་བུར་མཆོད། །བསོད་ནམས་ཚོགས་བསགས་བཟླས་བརྗོད་ཚུལ་བཞིན་བརྩོན། །སྤྱི་དང་བྱེ་བྲག་རིགས་ཀྱི་དམ་ཚིག་བརྟན། །རྒྱུད་སྲུང་རྟོགས་དང་སྒོ་གསུམ་ཉེ་བར་ཞི། །ཁྲུས་

― LT39_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཙང་སྦྲ་སྒྲུབ་ཕྱོགས་བཅུ་གཉིས་དང་། །ལྷ་ལ་མི་སྡང་གཞན་གྱི་གཞུང་མི་མཆོད། །མ་གནང་མི་ལེན་གསང་སྔགས་རང་བཟོར་མིན། །གདོན་གྱི་ལས་མིན་ལས་སྒྲུབ་གཞན་མི་བསྒྱུར། །དམ་མེད་མི་སྦྱིན་ཕྱག་རྒྱ་སོགས་མི་འགོང་། །མ་བསྡམས་པ་མིན་མ་གནང་ཟས་མི་ཟ། །བྱམས་པ་མི་གཏོང་མ་ཟིན་སྨྲ་བ་མིན། །ཁྲོས་ནས་དྲག་ཤུལ་མི་སྤྱོད་བདག་མི་བརྙས། །གཞན་སུན་མི་འབྱིན་གནས་ངན་ལེན་རྣམས་སྤང་། །ལྟད་མོ་མི་ལྟ་གཤང་གཅི་ཆུར་མི་འདོར། །བཅོ་བརྒྱད་དགག་པའི་སྒོ་ནས་གསུམ་རྣམས་དང་། །སོ་སོའི་རིགས་ཀྱི་དམ་ཚིག་ཇི་སྙེད་པ། །རྒྱུད་འདིར་ཞུགས་པ་མ་ཟད་བླ་མེད་ཀྱི། །རྣལ་འབྱོར་པས་ཀྱང་བསྲུང་བྱ་ཡིན་པ་ལ། །སྤང་བླང་གོ་ལྡོག་གྱུར་པ་མཐོལ་ལོ་བཤགས། །སྤྱོད་རྒྱུད་མི་དགེ་བཅུ་དང་དམ་པའི་ཆོས། །བྱང་ཆུབ་སེམས་སྤོང་སེར་སྣས་འགྲོ་ལ་གནོད། །སྤང་བྱ་བཅུ་བཞི་རིགས་ཀྱི་དམ་ཚིག་སོགས། །བསྒྲུབ་བྱ་རྣམས་ལས་འགལ་བ་མཐོལ་ལོ༴ །རྣལ་འབྱོར་རྒྱུད་ཀྱི་དམ་ཚིག་བཤད་རྒྱུད་ལུགས། །རྣམ་སྣང་རིགས་ལ་དཀོན་མཆོག་གསུམ་པོ་བཀུར། །རྡོ་རྗེའི་རིགས་ལ་རྡོར་དྲིལ་སློབ་དཔོན་བཟུང་། །རིན་ཆེན་རིགས་ལ་སྦྱིན་པ་རྣམ་བཞི་སྦྱིན། །པདྨའི་རིགས་

― LT39_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕྱི་གསང་ཐེག་པ་བཟུང་། །ལས་ཀྱི་རིགས་ལ་མཆོད་པར་བརྩོན་པ་སྟེ། །བསྒྲུབ་ཕྱོགས་བཅུ་བཞི་མ་བསྟེན་མཐོལ་ལོ་བཤགས། །དཀོན་མཆོག་བྱང་ཆུབ་སེམས་དོར་ལྷ་སྔགས་རྒྱ། །བླ་མར་སྨད་ཅིང་ཉེར་སྤྱད་ཕྱག་མཚན་འགོང་། །བཟའ་བ་མི་སྤྱོད་གསང་བསྒྲག་བསླབ་པ་འདོར། །འཚེ་ཞིང་ཐེག་དམན་ལ་དགའ་གཞན་དོན་སྐྱོ། །ཕྱིན་དྲུག་སྤྱོད་དོར་བྱ་མིན་བྱ་བ་སྟེ། །དགག་ཕྱོགས་བཅུ་བཞི་བགྱིས་པ་མཐོལ་ལོ། །རྩ་རྒྱུད་ནས་གསུངས་ལྷ་ལྔའི་དམ་ཚིག་དང་། །དཔལ་མཆོག་དང་པོས་བསྟན་པའི་རྩ་ལྟུང་བཅུ། །རྩ་བ་བྱང་སེམས་ཕམ་པ་བཅུ་བཞི་དང་། །ཡན་ལག་ཚུལ་ཁྲིམས་གསུམ་སྟེ་རིགས་ལྔ་སྤྱི། །མདོར་བསྡུས་བསྒྲགས་ཏེ་བཟུང་བ་ལས་འགལ་ཞིང་། །ཕྱིར་བཅོས་ཚུལ་བཞིན་མ་བགྱིས་མཐོལ༴ །གསང་བ་བླ་མེད་སྒོར་ཞུགས་རྣལ་འབྱོར་པས། །ཐོག་མར་བླང་བྱ་རྡོ་རྗེའི་བརྟུལ་ཞུགས་ནི། །ཤ་ཆེན་གཤང་གཅི་ཁུ་ཁྲག་བདུད་རྩི་ལྔ། །སྲོག་གཅོད་བརྫུན་སྨྲ་འདོད་སྤྱོད་ནོར་ལ་ཆགས། །དངོས་སྦས་དགོངས་ཏེ་གསུངས་རྣམས་རྒྱུ་ཚོགས་ཙམ། །མ་བསྟེན་འདུས་པའི་རྒྱུད་དང་འགལ་བ་བཤགས། །བདེ་མཆོག་ནས་གསུངས་ཚངས་སྤྱོད་ཉི་ཤུ་གཉིས། །ཚེས་བཅུར་རིགས་ལྡན་མ་དང་ཕྱི་རོལ་མཆོད། །ལག་མཆོད་

― LT39_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་བཞི་ཡི་ངེས་དོན་མཆོད། །ཕྱག་རྒྱ་བཞི་བརྟེན་དཔའ་བོ་དཔའ་མོ་མཆོད། །བརྡའ་དང་གཡོན་པའི་ཀུན་སྤྱོད་མ་བགྱིས་དང་། །རྨོངས་པས་བགྲོད་ཅིང་རང་གཞན་ཐ་དད་འཛིན། །གུས་པ་ལྷོད་ཅིང་ཕྱག་རྒྱ་མི་བརྟེན་འབྲལ། །སྤྱོད་པ་ཉམས་ཤིང་དམ་ཚིག་རྫས་ལ་ཁྲོ། །ཕོ་ཉ་གསུམ་གྱི་སྒྲུབ་པ་ལ་གནས་པའི། །རིག་མའི་བརྟུལ་ཞུགས་ཐུན་མོང་ཐུན་མིན་རྣམས། །མ་བསྟེན་ལོག་པར་བསྒྲུབ་པ་མཐོལ་ལོ་བཤགས། །དཀོན་མཆོག་མི་སྤང་དམ་ཚིག་རྣམས་ལ་སྤྱད། །རྡོ་རྗེ་དྲིལ་བུ་གླེགས་བམ་གཙུག་ཏུ་བཅངས། །སྦྱིན་སྲེག་དཀྱིལ་འཁོར་རབ་གནས་ལས་ལ་བརྩོན། །འབྱུང་པོར་གཏོར་མ་སྦྱིན་ཅིང་བཟླས་བསྒོམ་འབད། །སློབ་མར་ཆོས་བཤད་སེམས་ཅན་བྱམས་པས་བསྡུ། །རྒྱལ་ལ་ཚོགས་བསགས་ཛམ་ལར་ཆུ་སྦྱིན་བཏང་། །མཆོད་རྟེན་སཱཙྪ་དགེ་བའི་ལས་བྱ་ཞེས། །ལས་དང་པོ་ཡིས་བསྒྲུབ་བྱ་བཅུ་བཞི་པོ། །གུར་ལས་གསུངས་རྣམས་མ་བགྱིས་མཐོལ་ལོ་བཤགས། །རྒྱུན་གྱི་བྱ་བ་མཆོད་པའི་དེ་ཉིད་དང་། །སྦ་གསང་ཕོ་ཉ་སྔགས་བཟླས་ཞིང་ལ་གུས། །སྤྱོད་བརྟུལ་ཀློག་པ་ཐོས་བསམ་སྒོམ་བྱིན་རླབས། །མངོན་བརྗོད་བླ་མ་ནས་གསུངས་སྤྱོད་པ་དགུ། །ཚུལ་བཞིན་མ་རྟོགས་མ་

― LT39_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་མཐོལ་ལོ་བཤགས། །རྩ་བཞི་ཆང་བཅས་བསྲུང་བྱ་རྣམ་པ་ལྔ། །རྒྱན་པོ་བཟའ་མིན་ངན་ཚིག་འབྱུང་པོ་དང་། །ཀླ་ཀློའི་ཆོས་སྟེ་བྱ་བ་མིན་པ་ལྔ། །དུད་འགྲོ་བྱིས་པ་སྐྱེས་པ་ཕོ་དང་མོ། །དཀོན་མཆོག་མཆོད་རྟེན་བསྣུན་པ་མིན་པ་ལྔ། །གྲོགས་པོ་རྗེ་དཔོན་སངས་རྒྱས་དགེ་འདུན་དང་། །ཡིད་བརྟོན་བླ་མར་འཁུ་བ་མིན་པ་ལྔ། །གཟུགས་སྒྲ་དྲི་རོ་རེག་བྱར་ཞེན་མིན་ལྔ། །རྡོ་རྗེ་སེམས་དཔའི་བརྟུལ་ཞུགས་ཉེར་ལྔ་པོ། །དང་པོའི་སངས་རྒྱས་རྒྱུད་ཀྱི་རྒྱལ་པོ་ལས། །གསུངས་རྣམས་ཇི་བཞིན་མ་བསྒྲུབ་མཐོལ་ལོ་བཤགས། །སྒོ་གསུམ་བག་ཆགས་དང་བཅས་རྡོ་རྗེ་བཞིར། །ཐབས་ཤེས་ཁྱད་པར་ཅན་གྱི་སྡོམ་པའི་ཁྲིམས། །མི་བསྐྱོད་ཕྱག་རྒྱ་གསུམ་བཟུང་བླ་མར་བསྟེན། །རིན་ཆེན་རིགས་ལ་སྦྱིན་པ་རྣམ་བཅུ་སྦྱིན། །འཁོར་ལོར་ཤ་ལྔ་བདུད་རྩི་ཆོས་མཐུན་བཟའ། །རལ་གྲིར་མཆོད་ཅིང་པདྨར་འཕོ་མེད་བསྲུང་། །རྡོར་སེམས་བྱང་ཆུབ་སེམས་ཏེ་དྲང་ངེས་ཚུལ། །རིམ་གཉིས་དོན་དང་ལྡན་པར་བསྡེབས་པ་ལས། །ཡེ་ཤེས་གོང་དུ་མ་སྦེལ་མཐོལ་ལོ་བཤགས། །ཁྱད་པར་རྡོ་རྗེའི་རིགས་ལ་སྲོག་གཅོད་ཅིང་། །རལ་གྲིར་བརྫུན་སྨྲ་རིན་ཆེན་གཞན་ནོར་ལན། །ཆུ་སྐྱེས་བུད་མེད་འཕྲོག་ཅིང་

― LT39_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་ལ། །ཤ་ཆང་ལོངས་སྤྱོད་གྲི་གུག་ཤེས་རབ་མར། །མི་སྨོད་གཏོང་བ་ཆེ་རྣམས་རྒྱུད་ཚོད་བཞིན། །དངོས་དང་བསམ་པས་སྒྲ་དོན་ཇི་བཞིན་དང་། །ཇི་བཞིན་མིན་ལ་མ་སྤྱད་མཐོལ་ལོ་བཤགས། །དམ་པའི་ཚིག་ལས་ནམ་ཡང་འདར་མེད་པ། །བསྲུང་ན་དངོས་གྲུབ་མ་བསྲུང་ངན་སོང་དུ། །ལྟུང་བའི་རྩ་བ་ཤིན་ཏུ་ལྕི་བའི་ཁྲིམས། །དབང་རྒྱུད་མན་ངག་ཡེ་ཤེས་དོན་སྟོན་པའི། །དཔལ་ལྡན་བླ་མར་བརྙས་ཤིང་ཐུགས་དཀྲུགས་དང་། །རྒྱལ་བའི་བཀའ་དང་བླ་མའི་གསུང་ལས་འདས། །ཉེ་རིང་རྡོ་རྗེའི་སྤུན་ལ་ཁྲོས་ཤིང་སྨད། །བྱམས་པའི་སེམས་བཏང་ཀུནྡ་བྱང་སེམས་སྤང་། །གྲུབ་པའི་མཐར་སྨོད་མ་སྨིན་གསང་བ་སྦྱིན། །ཕུང་པོར་བརྙས་ཤིང་དག་པའི་ཆོས་ལ་ཚོམ། །གཡོ་སྒྱུའི་དབང་གྱུར་གདུག་པ་ཅན་ལ་བྱམས། །མིང་སོགས་བྲལ་ལ་དེར་རྟོག་ཡིད་གཉིས་ཟ། །དད་ལྡན་དག་པའི་སེམས་ཅན་སུན་འབྱིན་ཅིང་། །ཁྱད་པར་དུས་སུ་བསྟེན་བྱའི་དམ་ཚིག་འདོར། །བུད་མེད་སྤྱིར་སྨོད་རྩ་ལྟུང་བཅུ་བཞི་པོ། །ཡུལ་བསམ་སྦྱོར་དུས་ཉེས་པ་ལན་གྲངས་ཏེ། །སྒོ་དྲུག་དབྱེ་བས་བརྒྱད་ཅུ་རྩ་བཞི་དང་། །དེ་ཡང་ལྕི་འབྲིང་ཡང་བའི་བྱེ་བྲག་གིས། །ཉིས་བརྒྱ་ང་གཉིས་རིག་པ་འཛིན་

― LT39_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཁྲིམས། །ཕྲ་རགས་སྒོ་ནས་འགལ་བ་མཐོལ་ལོ་བཤགས། །དམ་མེད་མཚན་ཉིད་མི་ལྡན་རིག་མ་བསྟེན། །སྔགས་སྤྱོད་ལ་རྩོད་ཡུལ་མིན་བདུད་རྩི་ལེན། །དུས་ལ་མི་བཤད་དྲིས་ལན་བྲེ་མོས་གདབ། །ཉན་ཐོས་ནང་འདུག་མི་ཤེས་སྔགས་པར་རློམས། །དགོས་པ་མེད་པར་སོ་བྱང་བཅས་ལས་འདས། །བསྙེན་སོགས་མ་དག་དཀྱིལ་འཁོར་ལས་ལ་འཇུག །བརྡ་དང་ཕྱག་རྒྱ་ཡུལ་མིན་ལ་བསྟན་ཅིང་། །སྣོད་མིན་གསང་བསྒྲགས་ཡན་ལག་སྦོམ་པོ་ཡི། །ལྟུང་བ་རྣམས་ཀྱིས་གོས་པ་མཐོལ་ལོ༴ །ཕྲིན་ལས་སྒྲུབ་པ་ལ་བརྟེན་ལྟུང་བའི་ལས། །མེ་ཏོག་ཕོག་པའི་ལྷ་དོན་བསྐྱེད་རྫོགས་ཡོལ། །ཕྱི་རོལ་ལྷར་དགའ་བསྐྱེད་རིམ་དངོས་པོར་ཞེན། །མ་ཐོབ་གཞན་འཆད་འདིར་སྣང་ཟབ་ཆོས་སྟོན། །བསླབ་པ་འོག་མར་བརྙས་ཤིང་ཚུལ་འཆོས་བྱེད། །ནུས་མེད་ལས་སྦྱོར་དོན་མེད་གཡེར་བས་འདའ། །སྐྱབས་ནུས་མི་སྐྱོབ་འོག་མའི་སྤྱོད་ལ་དགའ། །ཟང་ཟིང་ལ་ཆགས་དམ་ཉམས་འདུལ་མི་བྱེད། །སྤྱོད་པ་དུས་སྐབས་མ་འབྲལ་མཐོལ་ལོ༴ །དམ་པ་མ་བསྟེན་སྣོད་ཀྱི་སྤང་བླང་འཆོལ། །རང་འདོད་ཕྱིར་དུ་སྲོག་ཆགས་གཞན་ལ་གནོད། །དཀོན་མཆོག་དཀོར་སྤྱད་གཞན་དོན་ཡལ་བར་དོར། །བསྔོ་བས་རྒྱས་མ་ཐེབས་

― LT39_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་འཕོ་བ་ཡིས། །དེ་ཉིད་མ་མཁས་པ་རྣམས་མཐོལ་ལོ་བཤགས། །སྔགས་ལ་ཐེ་ཚོམ་ཐེག་གསུམ་རིམ་མ་བསྟན། །དེ་ཉིད་བཅུ་དང་མ་ལྡན་སློབ་དཔོན་བྱས། །བདུད་བརྟག་མི་མཁས་དམ་ཚིག་བརྟག་མི་བྱེད། །ཉེས་བྱས་ཆུང་ངུ་མི་བཤགས་ཁྱད་དུ་བསད། །ཕྲ་མོ་ཉེར་བརྒྱད་བོག་པ་མཐོལ་ལོ༴ །སྔགས་པ་སློང་མོས་རྒྱུ་ཞིང་རྣལ་འབྱོར་སྤངས། །རྒྱུན་ཏུ་གསང་སྔགས་མ་བཟླས་དམ་ཚིག་སོགས། །རྟག་ཏུ་བསྟེན་པར་མ་བགྱིས་མཐོལ་ལོ་བཤགས། །དབང་བཞིའི་མཉམ་བཞག་དམ་ཚིག་བསྐྱེད་རིམ་དང་། །རྩ་རླུང་དཀྱིལ་འཁོར་འཁོར་ལོ་རྦ་རླབས་གསུམ། །རྗེས་སྤྱོད་ངོ་བོ་ཉིད་གསུམ་རང་བྱུང་དང་། །སྒྲིབ་གཉིས་ཁྱད་པར་ཤེས་སྒྲིབ་མ་སྤངས་དང་། །མི་འབྲལ་རྡོ་རྗེ་དྲིལ་བུ་རླུང་ཞི་དྲག །དངོས་དང་ཡེ་རྒྱ་མ་བསྟེན་མཐོལ༴། འགྲོ་ཀུན་སྐུ་གསུང་ཐུགས་ཀྱི་རྡོ་རྗེ་ཡི། །རང་བཞིན་མ་ཤེས་ལུས་ལ་བརྙས་པ་དང་། །ངག་ལ་སུན་ཕྱུང་ཡིད་ལ་ཟུག་རྔུ་བསྐྱེད། །རྡོ་རྗེ་གསུམ་གྱི་དམ་འགལ་མཐོལ་ལོ༴ །འཕོ་མེད་བཅུ་དྲུག་རིམ་པ་བསྐྱེད་པ་དང་། །འདོད་པས་མི་བསྒྲོད་ཉ་མཐར་གཉིས་མེད་བྱེད། །ནག་པོའི་ཕྱོགས་ལ་མ་ཞུགས་མི་མོ་ཡི། །སྤྱོད་པ་ལེགས་སྲུང་ཚངས་སྤྱོད་རྡོ་རྗེའི་

― LT39_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ། །འདྲེན་པ་རྩ་ཡི་ཀུན་སྤྱོད་མཆོག་དངོས་རྒྱུ། །ཁྱད་པར་བརྒྱད་དང་མ་ལྡན་མཐོལ་ལོ་བཤགས། །མདོར་ན་བླ་མེད་དབང་བཞི་དང་འབྲེལ་བའི། །བསྲུང་བྱ་རྩ་བ་ཡན་ལག་ཕྲ་མོར་བཅས། །བསྒྲུབ་བྱ་བཟའ་དང་སྤྱད་དང་མི་འབྲལ་བ། །དྲོད་ཐོབ་བརྟུལ་ཞུགས་དྲུག་དང་འགལ་བ་སོགས། །གང་ཡང་མི་ཤེས་བག་མེད་ཉོན་མོངས་རགས། །མ་གུས་བརྗེད་ངས་དྲན་པ་མི་གསལ་བ། །ཉམས་པའི་རྒྱུ་དྲུག་ལ་བརྟེན་སྦྱོར་བ་བདུན། །ཚང་བའི་ཕམ་པ་མ་ཚང་སྦོམ་ལྟུང་སོགས། །ཉེས་བྱས་ཕྲ་རགས་གང་བགྱིས་མཐོལ་ལོ་བཤགས། ༈ནམ་མཁའི་མཐའ་མཉམ་དཀྱིལ་འཁོར་རབ་འབྱམས་དང་། །ཕྱོགས་བཅུར་བཞུགས་པའི་དཔའ་བོ་རྣལ་འབྱོར་མ། །དཔང་གྱུར་ཚད་མར་གྱུར་རྣམས་སྤྱན་ལམ་དུ། །བདག་ཅག་གསང་བའི་སྒོར་ཞུགས་རྣལ་འབྱོར་རྣམས། །སོ་སྐྱེའི་དབང་གྱུར་གཉེན་པོ་ཞེན་པ་ཡིས། །རྒྱུད་ལས་གསུངས་པའི་དམ་ཚིག་ཕྱི་ནང་གསང་། །དྲང་ངེས་མ་ཕྱེད་ཉམས་ཆགས་འགལ་གྱུར་པ། །གནོང་འགྱོད་གདུང་བ་དྲག་པོ་མཐོལ༴ །བདག་གིས་བགྱིས་དང་གཞན་ལ་བགྱིད་དུ་སྩལ། །རྗེས་སུ་ཡི་རང་སྡིག་པའི་ལས་གང་དག །རྣམ་སྨིན་མི་བཟད་སྐྱེད་པའི་རྒྱུར་གྱུར་པ། །

― LT39_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཀུན་རབ་ཏུ་འགྱོད་པས་མཐོལ་ཞིང་བཤགས། །བླ་མ་ཡི་དམ་མཁའ་འགྲོ་འཁོར་དང་བཅས། །ཡེ་ཤེས་སྤྱན་ལ་སྒྲིབ་པ་མི་མངའ་བས། །བདག་ཡིད་སྙིང་ནས་གུས་ཤིང་གདུང་བ་ལ། །མཁྱེན་དགོངས་ཐུགས་རྗེས་བཟོད་ཅིང་ཚངས་པར་སྩོལ། །ཕྱིན་ཆད་སྲོག་གི་ཕྱིར་ཡང་ཉམས་པའི་ལས། །མི་བགྱིད་ཟབ་མོའི་ལམ་མཆོག་ཚུལ་བཞིན་བསྟེན། །དེ་ལྟར་བཤགས་པས་ཉམས་ཆག་སོར་ཆུད་དེ། །བདག་རྒྱུད་རྣམ་པར་དག་པར་བྱིན་གྱིས་རློབས། །བྱང་ཆུབ་སྒྲུབ་ལ་བར་ཆད་མི་འབྱུང་ཞིང་། །རིམ་གཉིས་ལམ་གྱི་མངོན་རྟོགས་མཐར་ཕྱིན་ནས། །ཚེ་འདི་ཉིད་ལ་ཁྱབ་བདག་རྡོ་རྗེ་འཆང་། །སྐུ་བཞི་ཡེ་ཤེས་ལྔ་ལྡན་མྱུར་ཐོབ་ཤོག །དེ་མ་ཐོབ་ཀྱི་སྐྱེ་བ་ཐམས་ཅད་དུ། །རིགས་བཟང་བློ་ལྡན་སྙིང་རྗེ་ཆེ་བ་དང་། །ང་རྒྱལ་མེད་ཅིང་བླ་མ་ལ་གུས་པས། །རྡོ་རྗེ་ཐེག་པའི་ལམ་བཟང་བདེར་བགྲོད་ཤོག །མགོ་བོར་བླ་མའི་ཅོད་པན་མི་འབྲལ་ཅིང་། །ལག་ཏུ་རྡོ་རྗེ་དྲིལ་བུ་ཡང་དག་འཆང་། །ངག་གིས་གསང་སྔགས་རྒྱལ་པོ་བཟླ་བ་དང་། །ཡིད་ཀྱིས་ཟུང་འཇུག་མངོན་པར་སྒོམ་པར་ཤོག །ཐུན་མོང་ཁྱད་པར་དབང་གིས་རྒྱུད་སྨིན་ཅིང་། །དམ་ཚིག་སྡོམ་དང་བརྟུལ་ཞུགས་ལམ་ཀུན་གྱི། །རྩ་བར་ཤེས་ནས་སྲོག་བཞིན་

― LT39_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲུང་ནུས་ཤིང་། །རྨི་ལམ་དུ་ཡང་ཉམས་པ་མི་བྱེད་ཤོག །བླ་མེད་རྡོ་རྗེ་ཐེག་པའི་ལམ་བཟང་འདི། །སྣ་ཚོགས་ཐབས་ཀྱིས་ཕྱོགས་བཅུའི་ཞིང་དུ་སྤེལ། །ལུས་ཅན་མཐའ་དག་ལམ་མཆོག་འདི་ཉིད་ཀྱིས། །སངས་རྒྱས་ས་ལ་བདེ་བླག་འགོད་ནུས་ཤོག །བྱ་བྱེད་འཁོར་གསུམ་རང་བཞིན་མི་དམིགས་ཀྱང་། །འཛིན་རྟོག་ཟད་ཕྱིར་དག་ཚངས་ཕུལ་བའི་དགེས། །སྒྲིབ་གཉིས་ངོ་བོ་གདོད་ནས་རྣམ་དག་པའི། །གནས་ལུགས་མངོན་གྱུར་ཕྱག་རྒྱ་ཆེ་ཐོབ་ཤོག །བདག་གཞན་དུས་གསུམ་དགེ་བ་ཅི་སྤྱད་པས། །ནམ་མཁའི་མཐའ་ཀླས་གྱུར་པའི་སེམས་ཅན་རྣམས། །བླ་མེད་རྡོ་རྗེ་ཐེག་པའི་སྣོད་གྱུར་ཏེ། །ཀུན་ཀྱང་རྡོ་རྗེ་འཛིན་པ་མྱུར་ཐོབ་ཤོག །སྐྱེ་བ་ཀུན་ཏུ་རིགས་བདག་མི་འཆོལ་ཞིང་། །བཅོམ་ལྡན་དྲག་པོའི་དཀྱིལ་འཁོར་འཛིན་བཞིན་ཏུ། །ཤེས་རབ་པདྨའི་བདུད་རྩི་འཐུང་བྱེད་ཅིང་། །བྱང་ཆུབ་སྙིང་པོར་སྲིད་པ་དག་བྱེད་ཤོག །ཅེས་པ་འདི་ནི་སྔར་བྱས་པའི་གསང་སྔགས་གསར་རྙིང་གི་དམ་ཚིག་ཉེས་བཤགས་ཀུན་བཟང་ཁྲུས་ཆུ་ལས་གསར་མ་ཁོ་ན་ཁོལ་ཕྱུང་དུ་ཀློག་པའི་སྐབས་ཀྱི་མཇུག་མཐུད་དུ། བླ་མ་རྡོ་རྗེ་འཆང་གི་བཀའ་བཞིན་བློ་གྲོས་མཐའ་ཡས་ཀྱིས་སྤེལ་བ་དགེ་ལེགས་འཕེལ།། ༈ །།གདོད་མའི་མགོན་པོའི་ཆོས་ཉིད་རང་བྱུང་སྒྲས། །

― LT39_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་པ་ཐབས་ཀྱི་ཐེག་པ་ཐུན་མོང་དུ། །འདའ་དཀའ་རྡོ་རྗེའི་ཐ་ཚིག་གཉན་པོ་ནི། །ཐུན་མོང་སྤྱི་ཡི་དམ་ཚིག་སོ་བྱང་དང་། །ཕྱི་རྒྱུད་སྡེ་གསུམ་སྡོམ་པའི་བསྲུང་མཚམས་ལས། །འགལ་ཞིང་ཉམས་པར་གྱུར་པ་མཐོལ་ལོ་བཤགས། །ཁྱད་པར་རྩ་བ་སྐུ་གསུང་ཐུགས་གསུམ་ལས། །སྤྱི་ཡི་བླ་མ་བསྟན་པའི་སྒྲོན་མེ་ལ། །རྗེ་དཔོན་བཞིན་ཏུ་མ་བཀུར་ཡལ་བར་དོར། །བསྟན་སྒོར་བཅུག་པའི་འདྲེན་པའི་བླ་མ་ནི། །ཕ་ཁུ་བཞིན་ཏུ་བཀུར་སྟིས་མཉེས་མ་བྱས། །རྒྱུད་ལུང་དོན་བཤད་ཤེས་རབ་རྒྱུད་སྤེལ་ལ། །རང་གི་ལུས་བཞིན་གཅེས་པར་མ་བཙས་ཤིང་། །དབང་བཞིའི་ཆུ་བོ་རྫོགས་མཛད་བླ་མ་ནི། །མིག་དང་སྙིང་ལྟར་མ་གཅེས་ཐུགས་དང་འགལ། །རང་རིག་དོན་སྟོན་མན་ངག་སློབ་དཔོན་ནི། །སྲོག་གི་དྭངས་མར་མ་བལྟས་ནོངས་པ་ཤོར། །ཉམས་ཆགས་སྐོང་མཛད་འཁོར་བའི་གནས་འདྲིན་ལ། །མ་ལྟར་གཅེས་བས་མཉེས་པ་མ་བསྒྲུབ་ཤིང་། །སློབ་དཔོན་དྲུག་གི་བཀའ་བཞིན་མ་བགྱིས་སོགས། །བླ་མའི་དམ་ལས་འགལ་རྣམས་མཐོལ་ལོ་བཤགས། །སེམས་ཅན་སངས་རྒྱས་རྒྱུར་གནས་སྤྱི་ཡི་མཆེད། །སངས་རྒྱས་བསྟན་པའི་སྒོར་ཞུགས་རིང་བའི་མཆེད། །གསང་སྔགས་ལྟ་སྤྱོད་མཐུན་པ་ཉེ་བའི་

― LT39_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེད། །སློབ་དཔོན་ལྷ་དང་དཀྱིལ་འཁོར་གཅིག་གིས་བསྡུས། །འདྲེས་པའི་མཆེད་བཞི་ཡི་དམ་རང་བཞིན་ཏུ། །མ་ཤེས་ཐུགས་འགལ་བགྱིས་པ་མཐོལ་ལོ༴ །ལུས་ཀྱིས་རྡེག་འཚོགས་དཀོར་དང་སྐུ་ཆས་སྤྱོད། །ངག་གིས་རྫུན་དང་ངག་འཁྱལ་ཚིག་རྩུབ་ཤོར། །ཡིད་ཀྱིས་མ་དད་ལོག་ལྟ་ཆགས་སྡང་དང་། །སྒོ་གསུམ་སྤྱོད་པས་བླ་མ་མཆེད་ལྕམ་གྱི། །ཐུགས་དང་འགལ་བས་སྐུ་ཡི་དམ་ཚིག་ཉམས། །ཚེ་འདིར་ཚེ་ཐུང་ནད་མང་མཛེ་ཡིས་ཟིན། །ཕྱི་མར་ན་རག་སྡུག་བསྔལ་མྱོང་འགྱུར་བ། །གང་མཆིས་ཐམས་ཅད་འགྱོད་པས་མཐོལ༴ །སྣོད་བཅུད་ལྷ་ཡི་འཁོར་ལོར་བསྒོམ་མ་ནུས། །སྒྲ་གྲགས་རྩ་རླུང་སྔགས་སུ་མ་ཤེས་ཤིང་། །ཐིག་ལེ་བདེ་ཆེན་རང་རིག་འོད་གསལ་དུ། །མ་རྟོགས་སྒོམ་སྒྲུབ་དམ་དུ་བཅས་ལས་ཉམས། །ཚོགས་གཏོར་ཕྱག་རྒྱ་རྡོ་རྗེའི་གླུ་གར་སོགས། །དུས་དང་དུས་ལས་འདས་པ་མཐོལ་ལོ་བཤགས། །རྩ་བ་རྒྱུ་དང་བསྐྱེད་པ་རྐྱེན་གྱི་སྔགས། །བཟླ་བ་ལས་རྣམས་མ་ཕྱེད་སྔགས་སལ་ཞུགས། །ཆོས་ཀྱི་ཕྱག་རྒྱ་སྙིང་པོ་མ་གསལ་ཞིང་། །དམ་ཚིག་ཕྱག་རྒྱ་མཚན་མ་ནོར་བ་དང་། །ལས་ཀྱི་ཕྱག་རྒྱ་འཆིང་གྲོལ་བྱེད་ལས་གཡེལ། །རང་ཉིད་ལྷ་སྐུ་ཕྱག་རྒྱ་ཆེར་མ་བསྒོམས། །སྔགས་དང་ཕྱག་རྒྱ་

― LT39_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཀྱི་ཆུ་བོའི་རྒྱུན། །འབྲིང་གི་ཟླ་རེར་ཐ་མས་ལོ་ཟླ་ཡི། །དུས་ལས་འདས་པས་གསུང་གི་དམ་ཚིག་ཉམས། །ཚེ་འདིར་འདོད་པའི་དོན་རྣམས་མི་འགྲུབ་ཅིང་། །ཕྱི་མར་མནར་མེད་གནས་སུ་ལྟུང་འགྱུར་བ། །གང་བགྱིས་ཐམས་ཅད་འགྱོད་པས་མཐོལ་ལོ་བཤགས། །རྡོ་རྗེ་སློབ་དཔོན་གསང་མཚན་འཆོལ་བར་བསྒྲགས། །ལྟ་བ་ཟབ་མོ་སྤྱོད་པ་བརླངས་པོ་དང་། །ཡི་དམ་ལྷ་ཡི་མཚན་དང་གྲུབ་པའི་རྟགས། །སྤྱི་གསང་བཞི་པོ་སྣོད་མ་ཡིན་ལ་བཤད། །སྒྲུབ་པའི་གནས་དང་མཚན་ལྡན་ཕྱག་རྒྱའི་གྲོགས། །གསང་བའི་རྫས་མཆོག་སྒྲུབ་དུས་བར་གསང་བཞི། །བློ་ཆུང་དམ་ཉམས་རྣམས་ལ་ལྷུག་པར་བཤད། །སློབ་དཔོན་མཆེད་ལྕམ་རང་གི་སྒྲུབ་པའི་རྫས། །ལྟ་སྤྱོད་ཟབ་མོ་གསང་བར་འོས་པ་དང་། །བླ་མ་མཆེད་ཀྱིས་གསང་བར་གཉེར་གཏད་པ། །ཐེག་དམན་སོགས་ལ་ཟུར་ཙམ་བཤད་པ་དང་། །རྟག་ཆད་མཚན་འཛིན་བདག་ཏུ་ལྟ་བ་ཡིས། །ལྷག་པའི་བདེན་པ་དབྱེར་མེད་སྤྱོད་ཡུལ་དང་། །བྲལ་བའི་གནས་ལུགས་མ་རྟོགས་དོན་དམ་བསྒྲུབས། །དེ་ཉིད་སྤང་ཐོབ་མེད་པར་མངོན་གྱུར་པའི། །འབྲས་བུ་ལ་དམིགས་སྨོན་དང་རང་གནས་ཀྱི། །ཡེ་ཤེས་རྗེས་མཐུན་སྒོ་གསུམ་སྤྱོད་ཡུལ་བཅས། །ཁྱེར་

― LT39_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་གསུམ་གྱིས་འཇུག་སེམས་བསྒྲུབས་མ་ནུས། །རང་ཉིད་གཅེས་འཛིན་སྙིང་རྗེས་འགྲོ་བའི་དོན། །མ་བགྱིས་ཀུན་རྫོབ་བྱང་སེམས་སྤང་རྣམས་ཀྱིས། །ཐུགས་ཀྱི་དམ་ཚིག་ཚེ་འདིར་སྨྱོ་འབོགས་ཐེབས། །ཕྱི་མར་རྡོ་རྗེའི་དམྱལ་བར་ལྟུང་འགྱུར་བ། །གང་བགྱིས་ཐམས་ཅད་འགྱོད་པས་མཐོལ་ལོ་བཤགས། །ཡན་ལག་དམ་ཚིག་ཉི་ཤུ་རྩ་ལྔ་ལས། །ཤེས་བྱ་ལྟ་བ་བསྒྲུབ་བྱ་སྒོམ་པ་སྟེ། །སྤྱོད་པའི་དམ་ཚིག་གཙོ་བོར་གྱུར་པ་ཡི། །སྤྱད་དང་མི་སྤང་དང་དུ་བླང་བ་གསུམ། །མཉམ་གཞག་ངེས་དོན་རྗེས་ཐོབ་དུས་ཚོད་དང་། །འབྲེལ་པས་སྒྲ་བཞིན་མ་སྤྱད་མཐོལ༴། ཕུང་པོ་ཡབ་ལྔ་འབྱུང་བ་ཡུམ་ཆེན་ལྔ། །དབང་ཤེས་སེམས་དཔའ་ཡུལ་རྣམས་སེམས་མ་སྟེ། །དབྱིབས་དང་ཁ་དོག་རིགས་ལྔ་ཡེ་ཤེས་ལྔར། །མ་རྟོགས་དབང་གིས་ཐ་མལ་རང་གར་བཟུང་། །ཤེས་བྱ་ལྔ་པོ་མ་ཤེས་མཐོལ་ལོ༔ །རྟོག་ཚོགས་ལྔ་ཚན་སྐུ་དང་ཡེ་ཤེས་སུ། །རྡོ་རྗེ་རིན་ཆེན་པདྨ་ལས་དེ་བཞིན། །ངོ་བོ་རོ་གཅིག་རྣམ་པ་མ་འདྲེས་པས། །བསྒྲུབ་བྱ་ལྔ་པོ་མ་བསྒྲུབ་མཐོལ་ལོ༴ །སྦྱོར་བར་འཛེམ་དང་སྲེད་ཕས་འཇོལ་ཉོག་སྤྱད། །བསྒྲལ་འོས་བོར་ནས་མི་འོས་རང་དོན་བསྒྲལ། །མཆོད་སྦྱིན་དོན་མིན་འདོད་པས་མ་བྱིན་བླངས། །གསང་བ་བསྲུང་ཕྱིར་བརྫུན་

― LT39_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་སྨྲ་མ་ནུས། །ཉེས་པར་སྤྱོད་ལ་ཚིག་རྩུབ་ཀྱིས་མ་ཟློག །སྤྱད་བྱ་ལྔ་དང་འགལ་བ་མཐོལ༴ །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་རང་གར་སྤྱད་པས་འཁོར་བར་འཁྱམས། །ཐབས་ཀྱིས་ཟིན་ན་རྣམ་པར་གྲོལ་བའི་ལམ། །མི་སྤངས་ལྔ་པོ་སྤངས་པ་མཐོལ་ལོ་བཤགས། །དྲི་ཆེན་དྲི་ཆུ་མཱཾ་ས་རཀྟ་དང་། །བྱང་ཆུབ་སེམས་རྣམས་ཆོས་ཉིད་རང་བཞིན་དང་། །ངོ་བོ་མཐུ་བྱིན་སྟོབས་ཀྱིས་སྒྲུབ་པའི་རྫས། །ཁྱད་པར་ཅན་ཏུ་མ་རྟོགས་གཙང་སྨེར་བཟུང་། །དང་དུ་བླང་ལྔ་མ་བསྟེན་མཐོལ་ལོ༴ །སྒྲུབ་པ་གཙོར་གྱུར་ལྷག་པའི་དམ་ཚིག་ནི། །སློབ་དཔོན་ལ་འཁུ་བཀའ་ལ་རས་ཆོད་བགྱིས། །བརྙས་པའི་སེམས་ཀྱིས་གཙུག་ཏུ་མ་བཀུར་ཅིང་། །གསང་བའི་ཡུམ་བསླད་རྣལ་འབྱོར་དཀྱིལ་འཁོར་དཀྲུགས། །དང་ལྡན་བསྒོམ་བཟླས་ཏིང་འཛིན་ཚོགས་བཅག་ཅིང་། །དཀོན་མཆོག་སྐུ་གླུད་དཀོར་དང་དད་ཟས་ཟོས། །རང་གཞན་མཚམས་བཀྲལ་མཚན་ཉིད་མི་ལྡན་པའི། །རིག་མ་ཐོད་ངན་ལ་སོགས་དམ་རྫས་བསྟེན། །བསྟན་པའི་དགྲ་དང་སྐྱེ་བོའི་སྔགས་ཟློག་བྱས། །མཁས་པའི་ཡོན་ཏན་ལ་སྨོད་བག་མེད་མྱོས། །སྣོད་མིན་གསང་བསྒྲགས་གཞན་གྱི་ལྷག་མ་སྤྱད། །སྣོད་མ་བརྟགས་

― LT39_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དབང་དང་གདམས་ངག་བྱིན། །མཚན་ལྡན་གཟུངས་མ་སྣོད་ལྡན་སློབ་མ་ཕུང་། །དོན་དམ་བདེ་སྟོང་རྟགས་ཀྱི་ཡབ་ཡུམ་འབྲལ། །མཆེད་ཀྱི་ཡུམ་སྤྱད་ནང་འཁྲུགས་གསང་བ་བསྒྲགས། །བྱིང་རྒོད་དབང་བཏང་བླ་མའི་གདན་སར་རློམས། །བཟླས་པ་ཆོ་ག་མི་ཚིག་བར་དུ་བཅད། །དབང་རྟགས་རྒྱ་ལས་འདའ་ཞིང་བརྡ་རྣམས་བརྗེད། །ཉམས་པ་སྐོང་ཞིང་ཉམས་དང་ཚོགས་འདྲེས་ཤིང་། །ཟབ་མོར་ལོག་པར་བལྟས་སོགས་མཐོལ་ལོ༔ །ཐེག་པ་འོག་མའི་བསླབ་གཞི་མཐའ་དག་ལས། །ཆེ་བ་བདུན་སོགས་ཡོན་ཏན་ཁྱད་འཕགས་པ། །རྩ་བ་ལྔ་དང་ཡན་ལག་བཅུ་ཕྲག་ལ། །ཐབས་ཤེས་དབྱེ་བས་སུམ་བརྒྱ་དྲུག་ཅུ་དང་། །དེ་ལས་འགྲོ་བའི་རྟོག་ཚོགས་ཇི་སྙེད་པ། །དེ་སྙེད་གཉེན་པོར་ས་མ་ཡ་འབུམ་སྡེར། །གཟུ་ལུམ་རས་ཆོད་ཚོད་ཡོད་དབང་གྱུར་པས། །བསྟེན་གོམས་ཕྱོགས་ཙམ་མ་བགྱིས་མཐོལ་ལོ༴ །གལ་མདོ་ངེས་པའི་དམ་ཚིག་བཞི་དང་ནི། །ཐུན་མོང་ཉེར་བརྒྱད་ལྷག་པའི་དམ་ཚིག་བཞི། །བརྟུལ་ཞུགས་ཉེར་གསུམ་སྒྲུབ་པའི་ཉི་ཤུ་པོ། །སྤྱོད་ལམ་རྒྱུན་བཞི་བདུད་ལྔ་སྤོང་བ་དང་། །དགྲ་གཞི་གཞོམ་ཞིང་ལྟ་བའི་དམ་ཚིག་སྟེ། །ཨ་ནུ་སྤྱི་ཡི་དམ་ཚིག་རྣམ་གྲངས་དགུ། །མདོར་བསྡུས་བསྲུང་

― LT39_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་མེད་པ་ཆོས་ཉིད་དང་། །ཡོད་པ་སྙིང་རྗེའི་དམ་ཚིག་གཉིས་པོ་ལས། །འགལ་ཉམས་ལྟུང་བར་གྱུར་ཀུན་མཐོལ། །སྐུ་གསུང་ཐུགས་ལ་ཕྱི་ནང་གསང་བ་དགུས། །དབྱེ་བས་ཉེར་བདུན་ཨ་ཏི་སྤྱིའི་དམ་ཚིག། མེད་པ་ཕྱལ་པ་ལྷུན་གྲུབ་གཅིག་པུ་སྟེ། །ཁྱད་པར་ཆེན་པོའི་དམ་ཚིག་ཚུལ་བཞིན་ཏུ། །ཉམས་སུ་མ་ལོན་ཉེས་ཀུན་མཐོལ་ལོ༔ །རྡོ་རྗེའི་ཡལ་གམ་ཐ་ཚིག་གཉན་པོ་རྣམས། །བླངས་འདས་ཀུན་ཏུ་ཉམས་པ་ཆེན་པོ་དང་། །རྩ་བ་ཉམས་དང་ཡན་ལག་ཉམས་པ་དང་། །ཉམས་པ་དང་འགྲོགས་ཟླ་ཡིས་ཉམས་པ་དང་། །གཞན་གྱི་ངོ་དགར་ཞར་བྱུང་ཉམས་པ་ཡིས། །བཀའ་ཆད་ཚེ་འདིར་མི་འདོད་སྣ་ཚོགས་འབྱུང་། །གློ་བུར་འཇིགས་པས་བསད་ནས་མནར་མེད་པའི། །དམྱལ་བར་ནམ་མཁའ་ཇི་སྲིད་དེ་སྲིད་དུ། །མི་བཟད་སྡུག་བསྔལ་མྱོང་བའི་རྒྱུ་བསགས་པ། །ཐམས་ཅད་གནོང་འགྱོད་དྲག་པོས་མཐོལ་ལོ༴ །ཆོས་ཀུན་གདོད་ནས་རྣམ་དག་ནམ་མཁའ་བཞིན། །ལྷུན་གྲུབ་འོད་གསལ་རིས་མེད་ཁྱབ་བརྡལ་ལ། །འཁྲུལ་རྟོག་བཅོས་མས་ཕྱོགས་དང་རིས་སུ་བཅད། །གནས་ལུགས་མ་རྟོགས་ཚིག་གི་ལྟ་བར་ཞེན། །བབ་ཅོལ་འཇོལ་ཉོག་སྤྱོད་པས་རང་རྒྱུད་བསྲེགས། །ཐར་ལམ་བྱང་ཆུབ་

― LT39_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོའི་མྱུ་གུ་བསྐམས། །ཚེ་རབས་ཀུན་ཏུ་སྡུག་བསྔལ་རྒྱུར་གྱུར་རྣམས། །སྙིང་ནས་འགྱོད་པ་དྲག་པོས་མཐོལ༴ །མདོར་ན་གསང་སྔགས་གཉན་པོའི་སྒོར་ཞུགས་ནས། །གསང་བའི་དམ་ཚིག་ཚུལ་བཞིན་མནོས་པ་ལས། །མ་རིག་ལེ་ལོ་ཉོན་མོངས་དབང་གྱུར་ཏེ། །བླ་མའི་བཀའ་ལས་འདས་ཤིང་སྲི་ཞུ་ཆུང་། །མཆེད་ལྕམ་ཐུགས་སུན་དབྱུང་ཞིང་ལོག་ལྟ་ཤོར། །ཡི་དམ་ལྷ་ཡི་བསྙེན་སྒྲུབ་ཏིང་འཛིན་གཡེལ། །མཁའ་འགྲོའི་གསང་བ་བསྒྲགས་ཤིང་ཚོགས་གཏོར་ཆག །དམ་ཅན་བསྟེན་མཆོད་མ་བགྱིས་ལས་སྦྱོར་ལོག །ཉམས་དང་ཚོགས་འདྲེས་ཉམས་པ་བསྐང་བ་སོགས། །ཚོར་དང་མ་ཚོར་ལུས་ངག་ཡིད་གསུམ་གྱིས། །རྩ་བ་ཡན་ལག་དམ་ལས་འགལ་བ་རྣམས། །གནོང་འགྱོད་དྲག་པོས་མཐོལ་ཞིང་བཤགས་བགྱིད་ན། །བྱང་དག་ཚངས་པ་མཆོག་གི་དངོས་གྲུབ་སྩོལ། །བསྲུང་བྱ་སྲུང་བྱེད་སྲུང་བའི་སེམས་གསུམ་པོ། །གདོད་ནས་མི་དམིགས་ཆོས་དབྱིངས་དེ་བཞིན་ཉིད། །ཉམས་དང་ཉམས་པའི་འབྲས་བུ་གཟོད་མ་ནས། །མ་བྱུང་མ་སྐྱེས་ཀུན་བཟང་དགོངས་པའི་ཀློང་། །ཡེ་སྲུང་ཆེན་པོ་རང་རིག་འོད་གསལ་དང་། །ཉམས་ཆགས་རྟོག་སྒྲིབ་མ་སྤངས་རང་སར་དག །དངོས་གྲུབ་རྣམ་གཉིས་ཚེ་

― LT39_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་འགྲུབ་པར་ཤོག །བདག་གིས་འགྱོད་ཚངས་དྲི་མེད་བགྱིས་པའི་མཐུས། །ཕྱོགས་བཅུའི་ཞིང་ན་གསང་སྔགས་སྒོར་ཞུགས་པའི། །རྣལ་འབྱོར་ཀུན་གྱི་ཉམས་ཆགས་སོར་ཆུད་དེ། །རྡོ་རྗེའི་ས་ལམ་དཀའ་བ་མེད་པར་བགྲོད། །རང་བཞིན་དོན་གཉིས་ལྷུན་གྱིས་གྲུབ་པར་ཤོག །མཐོང་བའི་ཆོས་ལ་བཀྲ་ཤིས་དཔལ་འབྱོར་རྒྱས། །རྩ་གསུམ་དམ་ཅན་དགྱེས་པས་བུ་བཞིན་དགོངས། །བསམ་པའི་དོན་ཀུན་ཆོས་བཞིན་འབད་མེད་འགྲུབ། །རྒྱལ་ཁམས་ཀུན་ཏུ་བདེ་སྐྱིད་ཆོས་འཕེལ་ཤོག །རྒྱལ་བའི་བསྟན་པ་དར་ཞིང་རྒྱས་པ་དང་། །བསྟན་འཛིན་རྣམས་ཀྱི་བཞེད་པའི་དོན་ཀུན་འགྲུབ། །མ་ལུས་སྐྱེ་དགུའི་འགལ་རྐྱེན་ཀུན་ཞི་ཞིང་། །ཕུན་ཚོགས་མཐའ་དག་ཡིད་བཞིན་འབྱོར་གྱུར་ཅིག །ཅེས་པ་གསང་སྔགས་གསར་རྙིང་གི་རྒྱུད་ལུང་ཐ་དད་ཀྱི་དགོངས་དོན་རྡོ་རྗེ་ཐེག་པའི་དམ་ཚིག་ཉེས་ལྟུང་བཤགས་པའི་ཚིགས་བཅད་བསྡམས་སུ་བསྡུས་པ་འདི་ནི། ཁྱབ་བདག་ཀུན་མཁྱེན་རྡོ་རྗེ་གཟི་བརྗིད་རྩལ་གྱིས་རིང་མོ་ནས་རྗེས་གནང་དམིགས་སུ་སྩལ་པ་དང་། ཉེ་ཆར་རིགས་ལྡན་རྣལ་འབྱོར་མ་རག་ཤུལ་སྐྱིད་ལུ་ནས་རིན་ཆེན་གཉིས་པའི་མེ་ཏོག་དང་བཅས་ཆེད་དུ་བསྐུལ་ངོར། དུས་ཞབས་ཀྱི་རྣལ་འབྱོར་ཙམ་པོ་བ་པདྨ་གར་གྱི་དབང་ཕྱུག་ཕྲིན་ལས་འགྲོ་འདུལ་རྩལ་གྱིས་དཔལ་སྤུངས་ཡང་ཁྲོད་ཙཱ་འདྲ་རིན་ཆེན་བྲག་གི་སྒྲུབ་གནས་སུ་སྦྱར་བ་དགེ་ལེགས་འཕེལ།། །།

སངས་རྒྱས་སྲས་གཅིག་གི་རྒྱུད་ཟབ་མོ་རྒྱུན་ཁྱེར་དུ་བྱ་བའི་ཡན་ལག་མདོར་བསྡུས་པ་འཁྲུལ་སྣང་རང་གྲོལ།

― LT39_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་སྲས་གཅིག་གི་རྒྱུད་ཟབ་མོ་རྒྱུན་ཁྱེར་དུ་བྱ་བའི་ཡན་ལག་མདོར་བསྡུས་པ་འཁྲུལ་སྣང་རང་གྲོལ་ཞེས་བྱ་བ་བཞུགས་སོ། །ན་མོ་གུ་རུ་ས་མནྟ་བྷ་དྲ་ཡ། གྲོལ་བ་བཞི་ལྡན་རང་བྱུང་གི་རྒྱུད་སངས་རྒྱས་སྲས་གཅིག་ལ་སོགས་པ་བཏགས་གྲོལ་གྱི་གླེགས་བམ་རྣམས་གཙོ་ཆེ་བ་ལ་དགོངས་ཏེ་རྒྱུད་ལས་ཉི་ཟླ་གཟས་ཟིན་སྒྲ་འོད་ས་གཡོས་སོགས་གཞན་དོན་བྱེ་བྲག་ཏུ་ཀློག་པའི་དུས་བརྒྱད་དམ་དགུ། དེ་དག་སོ་སོའི་ཏིང་ངེ་འཛིན་བཅས་གསུངས་པ་ནི་སྙིང་ཏིག་རྣམས་དང་བླ་མ་དགོངས་འདུས་རྫོགས་ཆེན་གསེར་གྱི་ཡང་ཞུན་གཙོས་གཞུང་རྣམས་སུ་ཤིན་ཏུ་གསལ་ཞིང་། སྤྱི་ཁྱབ་རྒྱུན་གྱི་རྣལ་འབྱོར་ལྟ་བུ་ལ་ཇི་ལྟར་བྱ་བའི་ཚུལ་ལ་གཉིས། །ཅུང་ཟད་རྒྱས་པ་དང་། མདོར་བསྡུས་པའོ། །དང་པོ་ནི། སྤྱིར་ཞི་ཁྲོ་དང་དགོངས་འདུས་ལྟ་བུ་གཞུང་གང་དང་འབྲེལ་པ་དེ་དང་དེའི་ཕྱི་དཀྱིལ་ལུས་དཀྱིལ་ཚང་མའམ་གཙོ་རྐྱང་ཁོ་ན་དབང་པོ་དང་བསྟུན་ཏེ་བསྒོམ་པའི་གསལ་སྣང་དང་མ་བྲལ་བར་ཕྱག་མཚན་གྱི་ལྗགས་ཀྱིས་བཀླག་པར་བྱ་བ་ཡིན་མོད་ཀྱི། འདིར་སྤྱི་ཙམ་དུ་ཐོག་མར་ཀུན་བཟང་དོན་གྱི་ཕྲིན་ལས་ནི། ཨོཾ་ཨཱཿཧཱུྃ༔ ཀུན་བཟང་རྡོ་རྗེ་སེམས་དཔའ་ཆེ༔ དགའ་རབ་འཇམ་དཔལ་བཤེས་གཉེན་དང་༔ ཤྲཱི་སི༚་ཧ་བི་མ་ལ༔ པད་འབྱུང་མཚོ་རྒྱལ་བཻ་རོ་རྗེ༔ ཁྲི་སྲོང་རྩ་བརྒྱུད་བླ་མ་རྣམས༔ སྐལ་ལྡན་བུ་ལ་བྱིན་གྱིས་རློབས༔ རང་བྱུང་ངོ་བོ་ཉིད་ཀྱི་སྐུ༔ ཡང་དག་རྟོག་པར་བྱིན་གྱིས་

― LT39_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

རློབས༔ ཨོཾ་ཨཱཿཧཱུྃ༔ རང་རིག་དོན་གྱི་སངས་རྒྱས་དང་༔བསྟན་པ་རང་རིག་འོད་ལྔར་གདལ༔ འཁྲུལ་དག་དགེ་འདུན་དཀོན་མཆོག་ལ༔ དད་གསུམ་གཅིག་ཏུ་སྐྱབས་སུ་མཆི༔ ཡེ་ནས་སངས་རྒྱས་དོན་གྱི་ལྷ༔ རང་ངོ་མ་ཤེས་ཀུན་ཏུ་བརྟགས༔ ཉེས་ཟད་སྐུ་རུ་སྨིན་བྱའི་ཕྱིར༔ དམ་པ་དོན་གྱི་སེམས་བསྐྱེད་དོ༔ སྣང་བ་རྣམ་དག་ཞིང་ཁམས་སུ༔ སྟོང་སྒྲོན་རིག་པ་ཚོམ་བུར་ཤར༔ མ་འདྲེས་ཡོངས་རྫོགས་ལྷུན་གྱིས་གྲུབ༔ རང་བྱུང་ཞིང་ཁམས་ཉིད་དུ་འབུལ༔ དག་པ་འོད་ལྔའི་ཞིང་ཁམས་སུ༔ རིག་པ་རྡོ་རྗེ་ཀུན་ཏུ་བཟང་༔ མ་བསྐྱེད་ཡེ་ཤེས་ཆེན་པོའི་ལྷ༔ རྟག་ཏུ་སྙིང་གི་དཀྱིལ་དུ་བསྒོམ༔ འབྱུང་འཇུག་གནས་གསུམ་གསང་བའི་སྔགས༔ འུར་ཏིང་སིང་ཁྲོལ་རྒྱུན་ཆད་མེད༔ སངས་རྒྱས་ཀུན་གྱི་གསང་བའི་སྔགས༔ མ་ཡེངས་གྲགས་སྟོང་བསྙེན་སྒྲུབ་བཟླ༔ བསྒོམ་དུ་མེད་ཅིང་ཡེངས་སུ་མེད༔ ཀ་དག་ལུག་རྒྱུད་བརྩོན་དུ་བཟུང་༔ སྣང་བཞིའི་མཐར་ཐུག་གྱུར་པའི་རྩེར༔ བསྙེན་སྒྲུབ་ལས་གསུམ་མཐར་དབྱུང་ངོ་༔ སྐུ་གསུམ་རང་ལ་གསལ་བའི་གནས༔ ཟག་བཅས་མི་དམིགས་ཟག་པ་མེད༔ དུས་གསུམ་མེད་ཅིང་དགེ་བ་མེད༔ ཁྱབ་བདལ་ཆེན་པོའི་ཀློང་དུ་བསྔོ༔ བསྒྲུབས་པས་འགྲུབ་པ་ཅང་མེད་ཅིང་༔ མ་བསྒྲུབ་

― LT39_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་སངས་རྒྱས་པའི་དཔལ༔ དུས་གསུམ་མི་འགྱུར་རྡོ་རྗེ་སེམས༔ ཀུན་བཟང་ཀློང་དུ་སངས་རྒྱས་ཤོག༔ ཨ། གཞི་དབྱིངས་ཀ་དག་ཐིག་ལེ་ཆེན་པོའི་ཀློང་། །གཞི་སྣང་རིག་པ་མ་འཁྲུལ་གདོད་མའི་མགོན། །ནམ་མཁའི་མདོག་ཅན་མཉམ་གཞག་སྐྱིལ་ཀྲུང་བཞུགས། །བཟང་མོ་ཡུམ་འཁྲིལ་རྡོ་རྗེའི་ལྗགས་ལ་ཨ། །མདུན་ཏུ་རྣམ་སྣང་ཤར་ལྷོ་ནུབ་བྱང་དུ། །མི་བསྐྱོད་རིན་འབྱུང་སྣང་མཐའ་དོན་ཡོད་གྲུབ། །རང་རང་ཡུམ་འཁྲིལ་ལོངས་སྤྱོད་རྒྱན་རྣམས་རྫོགས། །འཁོར་ལོ་རྡོ་རྗེ་རིན་ཆེན་པདྨ་དང་། །རྒྱ་གྲམ་ལྗགས་ལ་སོ་སོའི་ས་བོན་མཚན། །དུག་ལྔ་རྣམ་དག་ཆགས་མེད་ཐབས་ཤེས་ཁྲིར། །རང་སྣང་འཇའ་ཟེར་ཐིག་ལེའི་ཀློང་དུ་བཞུགས། །རྡོ་རྗེའི་རྒྱུད་ཀྱི་སྒྲ་དབྱངས་ཞིང་རྒྱ་མཚོའི། །བརྟན་གཡོ་ཀུན་ཁྱབ་དེ་དག་སྒྲ་སྐད་ཀྱང་། །རང་བྱུང་གཞོམ་མེད་རྒྱུད་ཀྱི་རང་སྒྲར་ཤར། །འཁྲུལ་སྣང་ལས་ཉོན་མ་སྐྱིས་གཞི་ཐོག་གྲོལ། །འོད་གསལ་དབྱིངས་སུ་འཁོར་བ་དོང་ནས་སྤྲུགས། །ཀུན་བྱེད་ཀུན་ཏུ་བཟང་པོའི་མཛད་པ་རྫོགས། །ཞེས་གསལ་བཏབ་ལ། སྣང་སྲིད་གཞིར་བཞེངས་ཀྱི་དཀྱིལ་འཁོར། རང་བྱུང་རྡོ་རྗེའི་རྒྱུད་ཀྱི་སྔགས་སྒྲ། ཀ་དག་ཁྱབ་བརྡལ་ཆེན་པོའི་ངང་དུ་མཉམ་པར་བཞག་ལ། སངས་རྒྱས་སྲས་གཅིག་གིས་མཚོན་གསང་ཆེན་ངེས་པའི་ཚིག་གི་

― LT39_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་སོ་སོ་གསལ་དག་སྙན་པས་བཀླགས་ཏེ། མཐར་དབྱངས་གསལ་ཡིག་བརྒྱ་རྟེན་སྙིང་བཟླ། སྨོན་ལམ་བླ་མ་དགོངས་འདུས་ལ་འབྱུང་བ་ནི། ཨེ་མ་ཧོཿ གདོད་ནས་རྣམ་དག་ཀུན་བཟང་ཡབ་ཡུམ་ཀློང་༔ དཀྱིལ་འཁོར་ཡོངས་རྫོགས་པདྨོར་འཁྱིལ་པའི་སྐུ༔ རང་བྱུང་གྲགས་སྟོང་སྙིང་པོའི་སྒྲ་སྒྲོགས་ཤིང་༔ ཐུགས་རྡོལ་ཉག་གཅིག་མངོན་སུམ་ལྷམ་མེ་བ༔ སྣང་སྲིད་འཁོར་འདས་མ་ལུས་སྤྱི་དཔལ་གཙོ༔ ཡེ་ཤེས་མཁའ་མཉམ་ཉོན་མོངས་རང་སར་དག༔ ཕྱི་ནང་གསང་བ་དེ་ཉིད་མཐའ་བྲལ་བ༔ མཐོང་ཐོས་རེག་གྲོལ་ཁྱོད་ལ་ཕྱག་འཚལ་ལོ༔ བདག་སོགས་འགྲོ་བ་སེམས་ཅན་གང་དག་གིས༔ སྐད་ཅིག་ཁྱེད་དྲན་ངེས་པའི་དོན་རྟོགས་ཤིང་༔ ཡུད་ཙམ་མཐོང་བས་ཞིང་ཁམས་ཚོམ་བུར་འབྲེལ༔ཐེངས་གཅིག་རེག་པས་ཟག་བཅས་འོད་དུ་ཡལ༔ མཚན་ཐོས་ཙམ་གྱིས་འཁྲུལ་སྣང་ཀ་ནས་དག༔ གང་འབྲེལ་ཁྱོད་དང་བསྐལ་པ་མཉམ་པར་མཛོད༔ ཁྱོད་ཀྱི་ཐུགས་རྗེའི་རྩལ་ལས་འོད་འཕྲོས་པས༔ རིགས་དྲུག་གནས་སོགས་སངས་རྒྱས་ཞིང་དུ་བདལ༔ གཏི་མུག་ལ་སོགས་ཡེ་ཤེས་དབྱིངས་སུ་སྣང་༔ ཕུང་པོ་ཁམས་དང་སྐྱེ་མཆེད་ཕྱི་ནང་ཀུན༔ གང་ཡང་མ་སྤངས་ཀུན་འདས་དེ་ཉིད་ཀློང་༔ ཐམས་ཅད་ཡེ་གྲོལ་ཆེན་པོར་སྣང་བར་མཛོད༔ ༔

― LT39_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེད་ཀྱི་དཔལ་ལ་ཕྱོགས་དུས་གནས་སྐབས་མེད༔ ཉེ་རིང་ཐང་ལྷོད་ཕྱི་ནང་འཁྲུལ་སྣང་བྲལ༔ ཀུན་སྙོམས་ཆེན་པོ་ཁྱོད་ཀྱི་ཀློང་ཡངས་སུ༔ བླ་མེད་བྱང་ཆུབ་གདོད་མའི་ས་འཐོབ་ཅིང་༔ ཕྱིར་མི་ལྡོག་པའི་དོན་འབྲས་འགྲུབ་པར་མཛོད༔ དེ་འབྲས་འགྲུབ་པར་མ་གྱུར་བར་དུ་ཡང་༔ གནས་སྐབས་ཡུལ་རིས་རྒྱལ་ཁམས་ཕྱོགས་སུ༔ བཀྲ་ཤིས་བདེ་ལེགས་དཔལ་ལ་ལོངས་སྤྱོད་ཅིང་༔ ཀུན་ཀྱང་ལུས་ངག་ཡིད་དགེ་ཆོས་ལ་གནས༔ བསམ་འགྲུབ་ཡིད་བཞིན་གཏེར་ལ་ལོངས་སྤྱོད་ཤོག༔ ཚེ་རིང་ནད་མེད་བདེ་སྐྱིད་ཕུན་སུམ་ཚོགས༔ བདག་གཞན་དོན་འགྲུབ་ཟབ་དོན་ཉམས་སུ་ལེན༔ འཇིག་རྟེན་འཁྲུལ་པའི་རྣམ་གཡེངས་འདུན་བྲལ་ནས༔ རྩོལ་མེད་རང་བྱུང་ཤུགས་ཀྱི་དོན་ལ་སྤྱོད༔ ཁྱོད་དང་རྟག་ཏུ་འདུ་འབལ་མེད་པར་ཤོག༔ མཐར། འཁྲུལ་སྣང་གདོད་མའི་ཟད་སར་རང་གྲོལ་ནས། །ཀ་དག་ཁྱབ་བརྡལ་ཐིག་ལེ་ཆེན་པོར་ཨ། །ཞེས་འཁོར་གསུམ་མི་དམིགས་པའི་ངང་དུ་མཉམ་པར་བཞག་གོ། །གཉིས་པ་དེ་ལས་ཀྱང་མདོར་བསྡུ་བར་འདོད་ན། ཐོག་མར་སྐྱབས་སེམས་ནི། །ནམ་མཁའི་གནས་སུ་ནམ་མཁའ་གང་བ་ཡི། །བླ་མ་ཡི་དམ་མཁའ་འགྲོའི་ཚོགས་རྣམས་དང་། །སངས་རྒྱས་ཆོས་དང་འཕགས་པའི་དགེ་

― LT39_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་ལ། །བདག་དང་འགྲོ་ཀུན་གུས་པས་སྐྱབས་སུ་མཆི། །ཞེས་དང་། །བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་པ་ལ། །ཡིན་པར་ཤེས་པའི་བདག་ཉིད་དུ། །བྱང་ཆུབ་མཆོག་ཏུ་སེམས་བསྐྱེད་དོ། །ཨ། པད་ཟླའི་གདན་ལ་བདག་ཉིད་སྐད་ཅིག་གིས། །དང་པོའི་སངས་རྒྱས་འོད་མི་འགྱུར་བའི་སྐུ། །དམར་གསལ་རྒྱན་མེད་སྐྱིལ་ཀྲུང་མཉམ་གཞག་མཛད། །ལྗགས་ལ་པདྨ་དམར་པོ་ཨཱཿ ཡིས་མཚན། །འཇའ་འོད་ཀློང་དུ་ཞིང་ཀུན་ཁྱབ་པར་བཞུགས། །རྡོ་རྗེའི་རྒྱུད་ཀྱི་སྒྲ་དབྱངས་འཁོར་འདས་ཁྱབ། །གྲགས་པ་ཐམས་ཅད་རྒྱུད་ཀྱི་རང་སྒྲ་སྒྲོགས། །འཁོར་བ་དོང་སྤྲུགས་གཞི་རྫོགས་ཆེན་པོར་གྱུར། །ཞེས་མོས་ལ་བཏགས་གྲོལ་སོགས་རྒྱུད་བཀླག་ལ་དབྱངས་གསལ་སོགས་བཟླས། སྨོན་ལམ་ནི། ཀྱེ་ཧོ༔ ཕྱོགས་བཅུའི་བླ་མ་ཡི་དམ་མཁའ་འགྲོ་དང་༔ སངས་རྒྱས་བྱང་ཆུབ་སེམས་དཔའི་ཚོགས་རྣམས་ཀུན༔ མ་ལུས་བརྩེ་བས་བདག་ལ་དགོངས་སུ་གསོལ༔ བདག་གིས་འགྲོ་བ་སེམས་ཅན་ཀུན་དོན་ཏུ༔ རྒྱུད་འདི་བཏགས་འཆང་ཀློག་པའི་བྱིན་རླབས་ཀྱིས༔ བདག་ཉིད་མཐོང་ངམ་ཐོས་དང་དྲན་པ་དང་༔ མཆོད་དང་བསྟོད་པ་ལ་སོགས་སྨྲ་ཡང་རུང་༔ རེག་ཅིང་འབྲེལ་བར་གྱུར་པའི་སེམས་ཅན་ཀུན༔ མྱུར་དུ་མངོན་པར་

― LT39_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པ་འཚང་རྒྱ་ཤོག༔ ཀུན་བཟང་རྡོ་རྗེ་འཆང་ཆེན་མན་ཆད་ནས། །དྲིན་ཅན་རྩ་བའི་བླ་མ་ཡན་ཆད་ཀྱིས། །འགྲོ་བའི་དོན་ཏུ་སྨོན་ལམ་གང་བཏབ་པ། །དེ་དག་ཐམས་ཅད་བདག་གིས་འགྲུབ་པར་ཤོག །ཅེས་བརྗོད། །འདི་ནི་ཀློང་གསལ་སྙིང་ཏིག་གི་རང་བྱུང་རིག་པའི་ཏནྟྲ་ལས། གལ་ཏེ་ཕྱི་ནང་གསང་བ་ཡི༔ དབང་རྫོགས་བླ་མ་མཆོད་བྱས་ནས༔ ཉ་སྟོང་ཚེས་བརྒྱད་ལ་སོགས་པར། པདྨའི་ལྕེ་ཡིས་སྐྱེས་བུ་དེས༔ ལྷག་ཆད་མེད་པར་ལན་གསུམ་བཀླག༔ ནམ་མཁའ་དག་ནས་ཐོས་པ་ཡི༔ སྲོག་ཆགས་རྣམས་ཀྱང་གྲོལ་འགྱུར་ན༔ རྣལ་འབྱོར་དེ་ཉིད་སྨོས་ཅི་དགོས༔ རིགས་དྲུག་འབྲོས་ཁུང་འགགས་ནས་ནི༔ རྡོ་རྗེ་འཛིན་པའི་ས་ནོན་ནོ༔ ཞེས་གསུངས་པ་སོགས་ཀྱི་དོན་ཏོ། །ཐོས་པས་གྲོལ་བ་རྡོ་རྗེའི་རྒྱུད། །རྣལ་འབྱོར་ལྡན་པས་བཀླགས་གྱུར་ན། །ཡོན་ཏན་བསམ་ཡས་དགེ་དེས་ཀྱང་། །འགྲོ་རྣམས་འབད་མེད་རང་གྲོལ་ཤོག །ཅེས་པའང་སྒྲུབ་བླ་མ་ཀརྨ་མཐུ་སྟོབས་ནས་འགྲོ་ཕན་ཆེད་དུ་བསྐུལ་ངོར། ཀརྨ་ངག་དབང་ཡོན་ཏན་རྒྱ་མཚོས་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་དགེ་ལེགས་འཕེལ།། །།

རྡོ་རྗེ་ཐེག་པའི་དམ་ཚིག་གི་ཉེས་ལྟུང་ཕྱིར་བཅོས་པའི་ཆོ་ག་རིག་འཛིན་དབུགས་དབྱུང་གི་ཐིག་ལེ།

― LT39_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཐེག་པའི་དམ་ཚིག་གི་ཉེས་ལྟུང་ཕྱིར་བཅོས་པའི་ཆོ་ག་རིག་འཛིན་དབུགས་དབྱུང་གི་ཐིག་ལེ་ཞེས་བྱ་བ་བཞུགས་སོ། །

― LT39_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

གདོད་ནས་རྣམ་དག་སྡོམ་པ་ཡིས། །གཉིས་སྣང་དམ་ཚིག་སྦྱོང་མཛད་པ། །བླ་མ་རྡོ་རྗེ་སེམས་དཔའ་ལ། །བཏུད་ནས་སྔགས་ཀྱི་ཕྱིར་བཅོས་བྲི། །དཀྱིལ་འཁོར་དུ་ཞུགས་ཤིང་དབང་བསྐུར་བ་ཐོབ་པ་རྣམས་ཀྱི་སྔགས་ཀྱི་དམ་ཚིག་ལ་ཉམས་ཆགས་བྱུང་བ་བཤགས་ཤིང་ཕྱིར་བཅོས་པའི་ཚུལ། སྔ་འགྱུར་སྒེག་པ་རྡོ་རྗེའི་དམ་ཚིག་གསལ་བཀྲ་སོགས་དང་། ཕྱི་འགྱུར་དགྲ་ནག་གི་འགྲེལ་པ་ལས་ཆོ་གའི་རིམ་པ་བཅས་འབྱུང་བ་རྣམས་ཁུངས་སུ་མཛད་དེ། རིག་འཛིན་བླ་མ་བརྒྱུད་པའི་ཕྱག་བཞེས་བར་མ་ཆད་པ་འདི་ཉིད་ལག་ལེན་དུ་བྱ་བ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། ཡར་མར་གྱི་ཚེས་བཅུ་ལྟ་བུ་དུས་བཟང་པོའམ། འགྲུབ་ན་རྒྱུན་ཏུ་བྱ་བའི་ཐོག་མར་རྩ་བ་གསུམ་གྱི་རྟེན་དང་མཆོད་པའི་ཡོ་བྱད་ཇི་ལྟར་འབྱོར་བ་བཤམ། རྟེན་མཆོག་མི་འཛོམ་པའི་སྐབས་སུ་ནི་ཆེད་དུ་སྤྲོ་མི་དགོས། གང་ལྟར་སྔགས་ཀྱི་རྣལ་འབྱོར་པ་རྣམས་ཕྱོགས་གཅིག་ཏུ་འདུས་ནས། འགྲེང་སྟེ་བརྐྱང་ཕྱག་གམ། གནས་ལྔ་ས་ལ་འདུད་པའི་ཕྱག་འཚལ་བཞིན་ཏུ། ཧཱུྃ། ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། སོགས་བརྗོད་མེད་དོན་བཤགས་ཚང་བ་དང་ཡིག་བརྒྱ་ལན་གསུམ་བརྗོད། གཉིས་པ་ནི། བསླབ་པ་དང་ཡེ་ཤེས་ཀྱིས་རྒན་ཅིང་ཆེ་བ་རྣམས་གཡོན་གྲལ་དང་། གཞོན་པ་རྣམས་གཡས་གྲལ་ཏེ་གྲལ་རིམ་གཉིས་དང་། རེ་རེ་ལའང་རྒན་རིམ་གྱིས་འཁོད་དེ། ཐོག་མར་གཞོན་གྲལ་པ་རྣམས་ལངས་ལ་ཕྱག་གསུམ་འཚལ། འགྲེངས་འདུད་བཅས་བཀའ་དྲིན་

― LT39_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་ལྡན་གྱི་བླ་མ་སོགས་ཡུལ་གཉེན་པ་བཞུགས་ན། བླ་མ་རྡོ་རྗེ་འཛིན་པ་ཆེན་པོ་དང་། ཞེས་སྦྱར་བ་འོག་མ་ལའང་འགྲེ། སྤྱི་ལ། རིག་པ་འཛིན་པའི་དགེ་འདུན་པ་རྣམས་སྔགས་ཀྱི་ལྟུང་བ་ཕྱིར་བཅོས་ཀྱི་ཆོ་ག་ལ་ཐུགས་གཏད་པར་ཞུ། ཞེས་སྙན་གསན་དབབ། གཡོན་གྲལ་རྒན་པས། རྡོ་རྗེ་ཐེག་པའི་འདུལ་བ་བཞིན་མཛད་པར་ཞུ། ཞེས་གནང་བ་སྦྱིན། པུས་བཙུགས་ཐལ་སྦྱར་གྱིས་འཁོད་ལ། བླ་མ་རྡོ་རྗེ་འཛིན་པ་ཆེན་པོ་དང་། རིག་པ་འཛིན་པའི་དགེ་འདུན་པ་རྣམས་དགོངས་སུ་གསོལ། བདག་རིག་པ་འཛིན་པ་མི་བསྐྱོད་རྡོ་རྗེ་ཞེས་བགྱི་བ་ལྟ་བུ་སོ་སོའི་གསང་མཚན་སྦྱར། བྱིས་པ་ཉིད་དང་། མི་ཤེས་པ་དང་། མ་གུས་པ་དང་། བག་མ་མཆིས་པ་དང་། ཉོན་མོངས་མང་བའི་དབང་གིས་རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་བླ་མ་ལ་སྨོད་པ་ལ་སོགས་པ་རྩ་བའི་ལྟུང་བ་དང་། སྦོམ་པོའི་རྣམ་གྲངས་བརྒྱད་ལ་སོགས་པ་ཡན་ལག་གི་ལྟུང་བ་ལས་གང་དང་གང་བྱུང་བ་དེ་དག །བླ་མ་རྡོ་རྗེ་འཛིན་པ་ཆེན་པོ་དང་། རིག་པ་འཛིན་པའི་དགེ་འདུན་པ་རྣམས་ཀྱི་མདུན་ཏུ་མཐོལ་ཞིང་འཆགས་སོ། །འཐོལ་ཞིང་བཤགས་ན་བདག་བདེ་བ་ལ་རེག་པར་གནས་པར་འགྱུར་གྱིས། །མ་མཐོལ་མ་བཤགས་ན་ནི་མི་འགྱུར་རོ། །ཞེས་ལན་གསུམ་བརྗོད། རྒན་གྲལ་གྱི་ཐོག་མས། ཉེས་ལྟུང་དེ་

― LT39_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ལ་ཉེས་ལྟུང་དེ་དག་ཏུ་གཟིགས་ལགས་སམ། གཞོན་པ་རྣམས་ཀྱིས། མཐོང་ལགས། །ཡང་རྒན་པས། ཕྱིན་ཆད་ལེགས་པར་བསྡམ་ལགས་སམ། གཞོན་པས། བསྡམ་ལགས། ཞེས་དྲི་བ་དང་ལན་བཏབ་པ་ལན་གསུམ་མཐར། བཤགས་ཡུལ་གྱིས། ཐབས་ཡིན་ནོ། །འབུལ་བ་པོས། ལེགས་སོ། །ཞེས་བརྗོད། ཕྱག་གསུམ་བྱས་ལ། བླ་མ་རྡོ་རྗེ་འཛིན་པ་ཆེན་པོ་དང་། རིག་པ་འཛིན་པའི་དགེ་འདུན་པ་རྣམས་སྔགས་ཀྱི་ལྟུང་བ་ཕྱིར་བཅོས་ཀྱི་ཆོག་ལ་ཐུགས་གཏད་པ་བཀའ་དྲིན་ཆེ་ལགས། བཤགས་ཡུལ་གྱིས། རྡོ་རྗེ་ཐེག་པའི་འདུལ་བ་བཞིན་མཛད་པ་རྗེས་སུ་ཡི་རངས། ཞེས་ལན་བྱས་ལ་རང་གྲལ་དུ་འཁོད། དེ་ནས་གཡོན་གྱི་རྒན་གྲལ་བ་རྣམས་ལངས་ལ་ཚུལ་ཕྱག་གམ་ཕྱག་དབབ་གསུམ་བྱས་ལ། སྙན་གསན་དབབ་པ་ནས། རྗེས་སུ་ཡི་རང་གི་བར་བཤད་མ་ཐག་པ་ལྟར་བྱའོ། །འདི་ནི་སོ་ཐར་ལྟུང་བ་ཕྱིར་བཅོས་ཀྱི་ཚིག་ཁ་སྒྱུར་བ་སྟེ། རྒྱུད་ཚིག་དངོས་ཀྱིས་བཤགས་པ་བྱ་བ་སྤྲོ་ན། ཕྱག་དང་སྙན་གསན་དབབ། དགོངས་གསོལ་སྔར་བཞིན་བྱས་ལ། མགོན་པོ་བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིང་། །གཙོ་བོ་རྡོ་རྗེ་འཛིན་པ་ཀྱེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་

― LT39_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་གི་དམ་ཚིག་ཉམས་ཆགས་ཐམས་ཅད་མཐོལ་ལོ་བཤགས་སོ། །སྡིག་པ་དང་སྒྲིབ་པ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་གསོལ། །ཅེས་ལན་གསུམ་བརྗོད་ཅིང་མཐོང་སྡོམ་དང་ཐབས་ལེགས་སོགས་སྔར་བཞིན་བྱ་བ་ཡིན་ནོ། །གསུམ་པ་ནི། ཐམས་ཅད་ཀྱི་འདུན་པ་རྩེ་གཅིག་པས། བླ་མ་ཡི་དམ་ལྷ་ཚོགས་དགོངས་སུ་གསོལ། །དེང་འདིར་བརྩོན་པས་བསྒྲུབས་པའི་དགེ་བ་དང་། །དུས་གསུམ་བསགས་དང་ཡོད་པའི་དགེ་བ་རྣམས། །བསྡོམས་ཏེ་བླ་མེད་བྱང་ཆུབ་ཆེན་པོར་བསྔོ། །དེང་ནས་བྱང་ཆུབ་སྙིང་པོར་མཆིས་ཀྱི་བར། །རིགས་བཟང་བློ་གསལ་ང་རྒྱལ་མེད་པ་དང་། །སྙིང་རྗེ་ཆེ་ཞིང་བླ་མ་ལ་གུས་ལྡན། །དཔལ་ལྡན་རྡོ་རྗེ་ཐེག་ལ་དེས་གནས་ཤོག །དབང་གིས་སྨིན་ཅིང་དམ་ཚིག་སྡོམ་པ་ལྡན། །རིམ་གཉིས་ལམ་ལ་བསྙེན་སྒྲུབ་མཐར་ཕྱིན་ཅིང་། །དཀའ་བ་མེད་པ་རིག་འཛིན་གོ་འཕང་བགྲོད། །དངོས་གྲུབ་རྣམ་གཉིས་བདེ་བླག་འགྲུབ་པར་ཤོག །ཉམས་ཆགས་རྟོག་སྒྲིབ་མ་སྤངས་གནས་སུ་དགེ། ཕྱི་ནང་གསང་བ་དབྱེར་མེད་རྟོག་པས་བསྐང་། །གང་ཤར་རང་གྲོལ་ཀུན་བཟང་ཀློང་ཡངས་སུ། །ངན་སོང་དོང་སྤྲུགས་སྲིད་ཞི་མཉམ་གྱུར་ཅིག །ཐིག་ལེ་ཆེན་པོ་སྐུ་དང་ཞིང་

― LT39_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་རྫོགས། །དམ་ཚིག་ཆེན་པོ་སྤང་བླང་མཚན་མ་དག །ཁྱབ་བརྡལ་ཆེན་པོ་རེ་དོགས་མདུད་པ་གྲོལ། །རྫོགས་པ་ཆེན་པོ་ཆོས་སྐུ་མངོན་གྱུར་ཤོག །རྒྱལ་བའི་བསྟན་པ་དར་ཞིང་རྒྱས་པ་དང་། །བསྟན་འཛིན་རྣམས་ཀྱིས་བཞེད་པའི་དོན་ཀུན་འགྲུབ། །མ་ལུས་སྐྱེ་དགུའི་འགལ་རྐྱེན་ཀུན་ཞི་ཞིང་། །ཕུན་ཚོགས་མཐའ་དག་ཡིད་བཞིན་འབྱོར་གྱུར་ཅིག །ཅེས་བརྗོད་པས་འགྲུབ་བོ། །སྤྱིར་རྡོ་རྗེ་ཐེག་པའི་རྩ་བའི་ལྟུང་བ་བྱུང་ན་འགལ་ཉམས་འདས་རལ་གྱི་ཚོད་དང་སྦྱར་བའི་གཉེན་པོས་བཤགས་ཤིང་དབང་བསྐུར་བསྐྱར་ནས་བླང་། ཡན་ལག་རྣམས་ཕྱིར་བཅོས་ཀྱིས་དག་པས་བཤགས་ཚིག་གོང་སྨོས་ལའང་བསྒྱུར་ཚུལ་གཞན་ཡོད་ཀྱང་། འདིར་རྒྱུན་བཤགས་གཙོར་བཏོན་པའི་སྤྱི་བཤགས་ཙམ་གྱི་དབང་དུ་བྱས་པའོ། །ཡང་གསལ་བཀྲ་ལས། །གང་ཉེས་ཚིག་ཏུ་བརྗོད་བྱས་ལ། །ཕྱིན་ཆད་སྡོམ་པ་ལེགས་པར་གཟུང་། །ཞེས་གསུངས་པའི་དོན་སྔ་མ་འདི་ལ་ཅུང་ཟད་རྒྱས་པར་སྤྲོ་ན། དགོངས་གསོལ་རྗེས་རྡོ་རྗེ་ཐེག་པའི་འདུལ་བ་དང་འགལ་བའི་ནོངས་པ་ཞེས་པའི་མཚམས་ཁོ་བོས་སྦྱར་བའི་དམ་ཚིག་ཉེས་བཤགས་ཀུན་བཟང་ཁྲུས་ཆུ་ལས། གདོད་མའི་མགོན་པོའི་ཆོས་ཉིད་རང་བྱུང་སྒྲ། །ཞེས་པ་ནས། བྱང་དག་ཚངས་པ་མཆོག་གི་དངོས་གྲུབ་སྩོལ། །ཅེས་པའི་བར་བརྗོད་ལ་མཐོལ་ཞིང་བཤགས་ན་བདག་བདེ་བ་སོགས་སྦྱར་བ་ལན་གསུམ་གྲུབ་ན་དང་། མི་ལྕོགས་ན་དེ་ལན་ཅིག །ཚིག་ལྷུག་དཀྱུས་ལྟར་ལན་

― LT39_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བརྗོད་ན་སྡོམ་པ་རེ་རེ་བཞིན་བསྔོ་བགྲང་གི་ནོངས་བཤགས་བྱེད་པ་གསར་རྙིང་ཀུན་གྱི་སྤྱི་ལུགས་ཡིན་པས་ཆེས་ལེགས་སོ། །མཇུག་ཏུ་སྨོན་ལམ་བླ་མ་ཡི་དམ་སོགས་ཤློ་ཀ་གཉིས་ཀྱི་འཕྲོས་སུ། བསྲུང་བྱ་སྲུང་བྱེད་མན་ཆད་སྦྱར་བས་གྲུབ་བོ། །བདག་འདྲ་སྙིགས་མའི་སྔགས་གཟུགས་ཀྱི། །ལྟུང་བ་མ་ལུས་ཕྱིར་འཆོས་ཏེ། །རྣམ་དག་རྒྱུད་བཞིའི་ཞིང་ས་ལ། །དབང་བཞིའི་འབྲས་བུ་རབ་སྨིན་ཤོག །ཅེས་པ་འདིའང་ཕྲིན་ལས་འགྲོ་འདུལ་དབང་གི་གནས་ཀྱི་མདུན་རོལ་ཡོན་ཏན་ཀུན་འབྱུང་གི་སའི་ཐིག་ལེ་ཆེན་པོར་རྗེ་བཙུན་ཐམས་ཅད་མཁྱེན་པ་རྡོ་རྗེ་གཟི་བརྗིད་དང་། གཏེར་ཆེན་ཆོས་ཀྱི་རྒྱལ་པོ་གསེར་ཞལ་ལྷན་རྒྱས་པས་སྣང་སྲིད་བདུད་རྩིར་བྱིན་གྱིས་བརླབས་པའི་སྐབས་སུ་ཕྱག་བཞེས་ཇི་ལྟར་མཛད་པ་ལྟར། པདྨ་གར་དབང་བློ་གྲོས་མཐའ་ཡས་པའི་སྡེས་ཟིན་ཐུན་དུ་བཏབ་པ་རྡོ་རྗེ་ཐེག་པའི་སྒོར་ཞུགས་པ་ཐམས་ཅད་རྣམ་གྲོལ་གྱི་ས་ལ་དབུགས་དབྱུང་བའི་གསོས་སྨན་ཏུ་གྱུར་ཅིག །དགེ་ལེགས་འཕེལ།། །།

གཅོད་ཡུལ་རྒྱ་མཚོའི་སྙིང་པོ་སྟན་ཐོག་གཅིག་ཏུ་ཉམས་སུ་ལེན་པའི་ཚུལ་ཟབ་མོའི་ཡང་ཞུན།

― LT39_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

གཅོད་ཡུལ་རྒྱ་མཚོའི་སྙིང་པོ་སྟན་ཐོག་གཅིག་ཏུ་ཉམས་སུ་ལེན་པའི་ཚུལ་ཟབ་མོའི་ཡང་ཞུན་ཅེས་བྱ་བ་བཞུགས་སོ། །

― LT39_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ། འཁྲུལ་རྟོག་ཆོས་སྐུ་དག་པ་ཆེར། །གཅོད་པའི་ཐབས་མང་སྟོན་མཛད་པ། །བླ་མ་ཡུམ་ཆེན་མཆོག་ཞབས་ལ། །བཏུད་ནས་སྙིང་པོའི་རྣལ་འབྱོར་འཆད། །དེའང་ཡོན་ཏན་རིན་པོ་ཆེ་སྡུད་པ་ལས་རྒྱུ་རྣམ་བཞི་ཡིས་བྱང་ཆུབ་སེམས་དཔའ་མཁས་སྟོབས་ལྡན། །བདུད་བཞིས་ཐུབ་པར་དཀའ་ཞིང་སྐྱོད་པར་མི་ནུས་ཏེ། །སྟོང་པར་གནས་དང་སེམས་ཅན་ཡོངས་སུ་མི་གཏོང་དང་། །ཇི་སྐད་སྨྲས་བཞིན་བྱེད་དང་བདེ་གཤེགས་བྱིན་རླབས་ཅན། ཅེས་ཁྱད་པར་ཅན་གྱི་དོན་བཞིའི་གདམས་ངག་ལག་ལེན་ཏུ་བསྟར་བ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་སྙིང་པོ་དམ་ཆོས་བདུད་ཀྱི་གཅོད་ཡུལ་དུ་གྲགས་པའི་གདམས་ངག་རྒྱ་མཚོ་ལྟ་བུའང་ཏིང་ངེ་འཛིན་གསུམ་དང་མཐུན་པའི་ལྟ་སྒོམ་སྤྱོད་གསུམ་གྱི་ས་ལམ་གྱི་ཡོན་ཏན་གོང་དུ་སྤེལ་བ་ཡིན་པས་ན་ལུས་སྦྱིན་ཐུན་གཅིག་ལའང་དེ་དག་ཡ་བྲལ་དུ་མ་སོང་བར་དགོས་སོ། །དེ་ལ་གཅོད་ཅེས་བྱ་བའི་དོན་ནི་རང་རྒྱུད་ཀྱི་བདག་དང་བདག་གིར་འཛིན་པ་ལིང་ངེར་སྤངས་ནས། གཞན་སྣང་གང་ལའང་མཚན་འཛིན་གྱི་འདུ་ཤེས་མི་འཇུག་པར་སྒྱུ་མ་ལྟ་བུའི་སྤྱོད་པ་སྤྱད་པ་ཡིན་པས་དེ་གཞིར་བཞག་ནས། ཉམས་ལེན་དངོས་ལ་གསུམ། བདེ་གཤེགས་ཀྱི་བྱིན་རླབས་རང་ལ་འཇུག་པར་བྱེད་པ་སྔོན་འགྲོའི་ཆོས། ཤེས་རབ་དང་སྙིང་རྗེའི་སྟོབས་ཀྱིས་སྟོང་པར་གནས་ཤིང་སེམས་ཅན་གྱི་དོན་སྒྲུབ་པ་དངོས་གཞིའི་ཉམས་ལེན། ཇི་སྐད་དམ་བཅས་པ་ལས་མི་འགལ་བར་སྤྱོད་པ་རྗེས་ཀྱི་བྱ་བའོ། །དང་པོ་ལ་གཉིས། ཐེག་ཆེན་གྱི་སྒོར་འཇུག་པ་ནི་བློ་ལྡོག་

― LT39_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་བཞི་དྲན་པར་བྱས་ལ་སྐྱབས་ཡུལ་གསལ་གདབ་པ་ནི། མདུན་གྱི་ནམ་མཁར་སེང་ཁྲི་པད་ཉིའི་སྟེང་། །མ་གཅིག་བླ་མ་ཤེས་རབ་ཕར་ཕྱིན་ལ། །དཀོན་མཆོག་རྩ་གསུམ་སྐྱབས་ཡུལ་རྒྱ་མཚོས་བསྐོར། །མཁའ་ཁྱབ་འགྲོ་ལ་ཐུགས་རྗེས་གཟིགས་པར་གྱུར། སྐྱབས་འགྲོ་ནི། ནམ་མཁའི་གནས་སུ་ནམ་མཁའ་གང་བ་ཡི། །བླ་མ་ཡི་དམ་མཁའ་འགྲོའི་ཚོགས་རྣམས་དང་། །སངས་རྒྱས་ཆོས་དང་འཕགས་པའི་དགེ་འདུན་ལ། །བདག་སོགས་འགྲོ་ཀུན་གུས་པས་སྐྱབས་སུ་མཆི། །སེམས་བསྐྱེད་པ་ནི། སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་གྱུར་ཅིག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །མོས་གུས་ཀྱིས་བྱིན་འབེབས་པ་ལ་ཐོག་མར་སྐྱབས་ཡུལ་དེ་ཉིད་ཚོགས་ཞིང་དུ་བྱས་ཏེ། བདག་གི་ལུས་དང་ལོངས་སྤྱོད་དང་། །དུས་གསུམ་དགེ་བའི་དངོས་པོ་རྣམས། །སེམས་ཅན་ཀུན་གྱི་དོན་གྱི་ཕྱིར། །གུས་པས་ཁྱེད་ལ་འབུལ་བར་བགྱི། །ཀུན་ནས་གཟིགས་པའི་སྤྱན་ལྡན་ལ། །ཡོན་གནས་དམ་པ་ཁྱེད་རྣམས་ཀྱིས། །བདག་ལ་བརྩེ་བས་ཉེར་དགོངས་ཏེ། །བཞེས་ནས་བྱིན་གྱིས་བརླབས་ཏུ་གསོལ། །དེ་ནས་གསོལ་བ་གདབ་པ་ནི། ན་མོ་གུ་རུ། ཤེས་རབ་ཕ་རོལ་ཕྱིན་མངའ་རྒྱལ་ཡུམ་དང་། །

― LT39_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་མེད་མ་གཅིག་ཡུམ་ཆེན་མཁའ་འགྲོའི་གཙོ། །ཟབ་དོན་གཅོད་ཡུལ་རྩ་བརྒྱུད་བླ་མ་ལ། །གསོལ་བ་འདེབས་སོ་བྱིན་གྱིས་བརླབ་ཏུ་གསོལ། །བདག་གི་ལུས་དང་ལོངས་སྤྱོད་དངོས་པོ་ཀུན། །ཞེན་པ་མེད་པར་འབུལ་ལོ་བཞེས་ནས་ཀྱང་། །འགྲོ་ཀུན་དོན་དུ་བདག་འཛིན་བློས་ཐོང་ཞིང་། །དགོས་མེད་རྒྱུད་ལ་སྐྱེ་བར་བྱིན་གྱིས་རློབས། །རང་སེམས་སྐྱེ་མེད་གཅིག་ཆོད་རྟོགས་པ་དང་། །རྐྱེན་ངན་ལམ་དུ་ལོངས་པར་བྱིན་གྱིས་རློབས། ཁམས་གསུམ་སྲིད་དུ་ཆོད་པར་བྱིན་གྱིས་རློབས། །འགྲོ་དྲུག་གཉེན་དུ་འདུ་བར་བྱིན་གྱིས་རློབས། །འཁོར་འདས་དབྱིངས་སུ་དག་པར་བྱིན་གྱིས་རློབས། །གཟུང་འཛིན་འཁྲི་བ་ཆོད་པར་བྱིན་གྱིས་རློབས། །བདག་མེད་གནས་ལུགས་རྟོགས་པར་བྱིན་གྱིས་རློབས། །ཞེས་མོས་གུས་རྩེ་གཅིག་པས་གསོལ་བ་བཏབ་ལ། །འཁོར་རྣམས་བླ་མ་ལ་ཐིམ་གནས་གསུམ་གྱི། །འབྲུ་གསུམ་འོད་ཟེར་བདག་གི་གནས་གསུམ་ཞུགས། །སྒོ་གསུམ་རྡོ་རྗེ་གསུམ་དུ་བྱིན་གྱིས་བརླབས། །བླ་མ་འོད་ཞུ་རང་དང་གཉིས་མེད་གྱུར། །གཉིས་པ་དངོས་གཞི་ལ་གསུམ། དང་པོ་རྡོ་རྗེ་ལྟ་བུའི་ཏིང་ངེ་འཛིན་གྱིས་ལྟ་བས་ཐག་བཅད་པ་ལ་དབྱིངས་རིག་བསྲོ་བ་ནི་རླུང་ཁ་སྦྱོར་བྱས་ལ། ལུས་ཀུན་ཁྱབ་པའི་རྣམ་ཤེས་འུབ་ཀྱིས་འདུས། །རྐང་མཐིལ་གཉིས་སུ་ཐིག་ལེ་དཀར་མཚེར་གྱུར། །ཕཊ། རྐང་པའི་

― LT39_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

སྦུབས་བརྒྱུད་སུམ་མདོར་གཅིག་ཏུ་འདྲེས། །སྤྱི་བོ་ནས་ཐོན་མཁའ་དང་དབྱེར་མེད་གྱུར། །ཕཊ། ཅེས་ནམ་མཁས་གར་ཁྱབ་རིག་པས་ཁྱབ་པར་བྱས་ལ་བཞག་གོ། །ཡུམ་དོན་ངོས་བཟུང་བ་ནི། །རང་རིག་རྟག་ཆད་སྐྱེ་འགག་འགྲོ་འོང་བྲལ། །ཡོད་མེད་ལ་སོགས་གང་གི་ཕྱོགས་མ་ལྷུང་། །བྱ་བྱེད་ཕན་གནོད་མ་གྲུབ་ངོས་བཟུང་མེད། །གཞི་རྩ་ཀུན་བྲལ་ནམ་མཁའ་ལྟ་བུའོ། །ཕཊ། །ཞེས་གང་ཡང་ཡིད་ལ་མི་བྱེད་པར་ཅི་གནས་སུ་མཉམ་པར་བཞག་གོ། །བདུད་བཞི་དབྱིངས་སུ་གཅོད་པ་ནི། ཡུལ་ལ་གཟུང་འཛིན་སྐྱེས་པ་ཐོག་བཅས་བདུད། །ཤུགས་འབྱུང་སེམས་ཀྱི་འཆར་སྒོ་ཐོགས་མེད་བདུད། །མཐུན་རྐྱེན་འདོད་རྒུས་གཡེང་བའི་དགའ་བྲོད་བདུད། །ཀུན་གྱི་རྩ་བ་འཛིན་རྟོག་སྙེམས་བྱེད་བདུད། །གང་ཤར་སྐྱེ་མེད་དབྱིངས་སུ་བཅད་པར་བྱ། །ཕཊ། ཅེས་རྣམ་རྟོག་ཐོལ་སྐྱེས་རྦད་ཆོད་དུ་གཏང་ངོ་། །གཉིས་པ་སྒྱུ་མ་ལྟ་བུའི་ཏིང་ངེ་འཛིན་གྱི་སྒོམ་པས་ཉམས་སུ་བླང་བ་ནི། དབྱིངས་རིག་བསྲེས་པས་སྤྲོས་པ་ཀུན་དང་བྲལ་བའི་རང་རིག་འོད་གསལ་བ་དེ་ཉིད་བསྒོམ་བྱའི་དངོས་གཞི་ཡིན་ལ། དེ་རྟོགས་བྱེད་ཀྱི་རྩལ་སྦྱོང་དུ་ཞི་ལྷག་གི་དམིགས་པའི་རྣམ་འགྱུར་མང་དུ་འབྱུང་ཡང་སྐབས་འདིར་ཕུང་པོ་གཟན་ཏུ་བསྐྱུར་བ་ལ་གཉིས་ལས་ཐོག་མར་དཀར་འགྱེད་ནི། ཕཊ། སྟོང་ཉིད་རྩལ་མདངས་རང་ལུས་ཆེ་བརྗིད་ཚོ། །གཞོན་མཛེས་ཡིད་དུ་འོང་བའི་སྙིང་

― LT39_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

ག་ནས། །རང་སེམས་གྲི་ཐོད་ཐོགས་པའི་རྣལ་འབྱོར་མ། །བདེ་བའི་ཉམས་ལྡན་མདུན་མཁར་རྒྱངས་ཀྱིས་ཐོན། །རང་བྱུང་སྒྱེད་པུར་བྷནྫ་ལིང་གིས་ཕོག །བེམ་པོ་ཏིལ་འབྲུ་ཙམ་དུ་བསིལ་ཏེ་བླུགས། །ཨོཾ་ཨཱཿཧཱུྃ་གིས་ཡེ་ཤེས་བདུད་རྩིར་བསྒྱུར། །འདོད་ཡོན་ལོངས་སྤྱོད་བསམ་མི་ཁྱབ་པར་གྱུར། །ཕཊ། །རང་རིག་རྩལ་ལས་ཤར་བའི་འཁོར་འདས་ཀྱི། །མགྲོན་རིགས་རྣམ་པ་བཞི་རུ་གཏོགས་སོ་ཅོག །འདིར་གཤེགས་འདིར་འདུས་སྤྲིན་ཕུང་འཁྲིགས་ལྟར་བཞུགས། །སྤྲུལ་པའི་ལྷ་མོས་ཐོད་པའི་བདུད་རྩིས་མཆོད། །ཕཊ། རྩ་བརྒྱུད་བླ་མ་དཀོན་མཆོག་རིན་ཆེན་གསུམ། །ཕྱོགས་དུས་རྒྱལ་བ་བྱང་སེམས་ཉན་རང་ཚོགས། །ཐེག་དགུ་རྒྱུད་སྡེ་བཞི་དྲུག་དཀྱིལ་འཁོར་ལྷ། །གནས་ཡུལ་མཁའ་འགྲོ་རྒྱུད་གསུམ་དམ་ཅན་ལ། །བླ་མེད་ཀུན་བཟང་མཆོད་པའི་སྤྲིན་ཏུ་འབུལ། །ཟག་མེད་བདེ་བ་ཆེན་པོས་ཐུགས་ཚིམས་ནས། །བདག་སོགས་འགལ་རྐྱེན་ལམ་དུ་ལོངས་པ་དང་། །གཅོད་ཡུལ་མཐའ་རུ་ཕྱིན་པར་བྱིན་གྱིས་རློབས། །ཕཊ། གཙང་རིགས་དཔལ་མགོན་བདུན་ཅུ་རྩ་ལྔ་སོགས། །ཡོན་ཏན་མགྲོན་རིགས་ཐུགས་ལ་དགྱེས་རྒུར་འབུལ། །འཇིག་རྟེན་མཐའ་དག་བདེ་བས་འཚོ་བ་དང་། །བསམ་དོན་ཆོས་བཞིན་འགྲུབ་པའི་སྡོང་གྲོགས་མཛོད། །ཕྲཊ།

― LT39_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་ཕ་མ་ཁམས་གསུམ་སྐྱེ་གནས་བཞི། །རིགས་དྲུག་སྙིང་རྗེའི་མགྲོན་གྱུར་ཐམས་ཅད་ལ། །འདོད་རྒུ་ནམ་མཁའ་མཛོད་ཀྱི་ཆར་བབས་ནས། །སྡུག་བསྔལ་ཀུན་བྲལ་རྟག་ཏུ་བདེ་ཐོབ་ཤོག །ཕྲཊ། །ཚེ་རབས་ཐོག་མ་མེད་ནས་ད་ལྟའི་བར། །གནོད་འཚེའི་ལན་ཆགས་བདག་པོ་གང་མཆིས་ལ། །ལུས་སྲོག་ལོངས་སྤྱོད་གླུད་དང་བུ་ལོན་འཇལ། །ཤ་འཁོན་ཆོད་ཅིང་བྱང་ཆུབ་སེམས་ལྡན་ཤོག །ཕྲཊ། སྤྲོ་ན། །བདག་གིས་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་ཀུན་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པར་འབྱུང་གྱུར་ཅིག །ཅེས་བརྗོད། གཉིས་པ་དམར་འགྱེད་ནི། ཕྲཊ། །སྟོང་ཁམས་ཁྱབ་པའི་རང་ལུས་ལས། །རང་སེམས་ཁྲོས་མ་དབྱིངས་སུ་ཐོན། །པགས་པ་བཤུས་ནས་ཕྱལ་གྱིས་བཏིང་། །ཡན་ལག་ལྷུ་གཟུགས་དུམ་བུར་གཏུབས། །དབང་པོ་ནང་ཁྲོལ་སིལ་བུར་སྤུངས། །ཤ་རི་ཁྲག་མཚོ་ཀླད་ཞག་འདམ། །རུས་པའི་གྲམ་ཁྲོད་འཇིག་རྟེན་གང་། །སྤྲེ་སྣུབ་རླངས་པ་མ་ཡལ་བ། །ནུས་བཅུད་

― LT39_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་ཚོགས་སྐྱེ་བདུན་བཞིན། །མྱོང་གྲོལ་ཟད་མི་ཤེས་པར་གྱུར། །ཕྲཊ། །སྲིད་པ་གསུམ་ན་གནས་ཤིང་རྒྱུ། །ལྷ་སྲིན་སྡེ་བརྒྱད་དྲེགས་པ་ཅན། །འཆི་བདག་གཤིན་རྗེ་གནས་ལུས་གདོན། །ཁྱད་པར་བདག་སོགས་སེམས་ཅན་ལ། །གནོད་འཚེའི་བསམ་སྦྱོར་འཆང་བ་རྣམས། །འཁོར་གཡོག་སྡེ་དང་དཔུང་བཅས་པ། །སྐད་ཅིག་མྱུར་དུ་འདིར་འདུས་ཤིག །ཕྲཊ། །མ་རིག་དབང་གིས་ཐོགས་མེད་ནས། །སྡུག་བསྔལ་རྟེན་གཞི་ལུས་འདི་གྲུབ། །སྔོན་ཆད་བདག་ཏུ་བཟུང་བས་ཕུང་། །ཁྱེད་རྣམས་དྲིན་ཅན་ཕ་མ་སྟེ། །དེ་སྔ་འདྲེ་རུ་འཛིན་པས་འཁྲུལ། །ད་ནི་བདག་འཛིན་ལིང་གིས་བོར། །ཅི་སྣང་བདེན་མེད་སྒྱུ་མའི་ངང་། །ཆགས་ཞེན་མེད་པར་ཅི་འདོད་སྟེར། །ཤ་ཁྲག་རུས་པ་ཕུང་པོ་ལྔ། །ནང་ཁྲོལ་པགས་པ་རྩ་རྒྱུས་སོགས། །བཙོ་བསྲེགས་རློན་པ་གང་བདེར་ཟོ། །དོགས་མེད་དགའ་བའི་ཡིད་ཀྱིས་སྤྱོད། །ཐུབ་ཚད་ཟོ་ལ་ཁྱག་ཚད་ཁུར། །བུ་ལོན་བྱང་ཞིང་ལན་ཆགས་འཁོར། །དགའ་མགུ་ཡི་རང་བྱང་སེམས་ལྡན། །ཉོན་མོངས་སྡིག་སྒྲིབ་ཀུན་ཞི་ནས། །ཕྱམ་གཅིག་སངས་རྒྱས་ཐོབ་པར་ཤོག །ཕྲཊ། གསུམ་པ་དཔའ་བར་འགྲོ་བའི་ཏིང་ངེ་འཛིན་གྱི་སྤྱོད་པས་བོག་དབྱུང་བ་ནི། ལྟ་སྒོམ་དེ་དག་ཉམས་སུ་བླངས་པས་ནང་གི་སྙེམས་རྟོག་སྟན་ཐོག་ཏུ་ཆོད་པ་ན།

― LT39_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་ཅིང་བོགས་དབྱུང་བའི་ཆེད་དུ་གདམས་ངག་ཁྱད་པར་བ་དང་ལྡན་པས་གཉན་ཁྲོད་འགྲིམས་ཞིང་བསླངས་ཚད་ཚར་ཚད་གཏན་ལ་དབབ་པ་ཡིན་ཀྱང་། སྐབས་འདིར་ལྟ་སྒོམ་དེ་དག་ཉམས་སུ་ལེན་པའི་ཚེ་སྙེམས་བྱེད་ཀྱི་རྟོག་པ་ལྷོངས་ན་འབུར་འཇོམས་སུ་གཅོད་དེ། །སེམས་ནི་སྟོང་ཉིད་ནམ་མཁའ་འདྲ། །འདྲེ་བས་སངས་རྒྱས་ཀྱིས་མ་གཟིགས། །ལུས་ནི་སྦྱིན་པ་བཏང་ཟིན་པས། །ཆགས་དང་ཞེན་ཡུལ་སྤུ་ཙམ་མེད། །ཁྱེད་རྣམས་ཇི་ལྟར་དགའ་བ་གྱིས། །བདག་འཛིན་བརླག་པར་མཛད་དུ་གསོལ། །ཕཊ། ཅེས་ནང་དང་གསང་བའི་སློང་གང་བྱུང་སྟོང་ཉིད་ཀྱི་དབྱིངས་སུ་གཅད་པར་བྱའོ། །གསུམ་པ་རྗེས་ཀྱི་བྱ་བ་ལ་གསུམ་སྟེ། །བྱམས་དང་ཆོས་ཀྱི་སྦྱིན་པ་བྱ་བ་ནི། །གནོད་བྱེད་གཙོར་གྱུར་ཕ་མ་སེམས་ཅན་གྱི། །སྡིག་སྒྲིབ་སྡུག་བསྔལ་མ་ལུས་བདག་ལ་སྨིན། །བདག་གི་བདེ་དགེ་དེ་དག་ལ་སྨིན་ནས། །འགྲོ་ཀུན་སྡུག་བསྔལ་དང་བྲལ་བདེ་ལྡན་ཤོག །ཕྲཊ། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལ་འགོགས་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །སྐར་མ་རབ་རིབ་མར་མེ་དང་། །སྒྱུ་

― LT39_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཟིལ་པ་ཆུ་བུར་དང་། །རྨི་ལམ་གློག་དང་སྤྲིན་ལྟ་བུར། །འདུས་བྱས་ཆོས་རྣམས་དེ་ལྟར་བལྟ། །གཅད་བྱ་གཅོད་བྱེད་དབྱིངས་སུ་བསྐྱལ་བ་ནི། །ལྷ་ཡང་སེམས་ལ་འདྲེ་ཡང་རང་གི་སེམས། །རང་སེམས་གདོད་ནས་མ་སྐྱེས་སྤྲོས་པ་བྲལ། །རྟེན་ཅིང་འབྲེལ་འབྱུང་སྣང་ལ་མ་འགག་པར། །ཞེན་མེད་སྒྱུ་མའི་འཁྲུལ་འཁོར་དབྱིངས་སུ་ཐིམ། །ཕཊ། ཅེས་རང་ངོ་ལ་ཆེར་གྱིས་བལྟས་ཏེ་སེམས་སྣང་སྟོང་ཉིད་དུ་བསྟིམ། །རྗེས་ཐོབས་སྔོ་སྨོན་གྱི་རྒྱས་གདབ་པ་ནི། །དགེ་བ་འདི་ཡིས་མཁའ་མཉམ་འགྲོ་བ་ཀུན། །སྒྲིབ་གཉིས་བྱང་ཞིང་ཚོགས་གཉིས་ཡོངས་སུ་རྫོགས། །བདག་འཛིན་བློས་ཐོང་རྐྱེན་ངན་གྲོགས་སུ་འཆར། །ཆོས་སྐུ་ཡུམ་ཆེན་གོ་འཕང་མྱུར་ཐོབ་ཤོག །ཅེས་དང་གཞན་ཡང་ཐེག་པ་ཆེན་པོའི་བསྔོ་སྨོན་ཅི་ལྟར་རིགས་པ་བྱའོ། །འདི་ནི་གཅོད་ཡུལ་གྱི་ལམ་ཟབ་དྲིལ་བའི་དབང་དུ་བྱས་པས་རྒྱུན་ཏུ་ཉམས་ལེན་ནུས་ན་མཆོག་ཡིན་ལ། །བསྡུ་ན་དམར་འགྱེད་རྗེས་འབྲེལ་བཅས་བོར། ཤིན་ཏུ་བསྡུ་ན། ན་མོ་གུ་རུ་སོགས་གསོལ་འདེབས་ཤློ་ཀ་ཕྱེད་གསུམ་འཕྲོས། དཀར་འགྱེད་ཚང་བ་བྱས་མཐར། བྱམས་པ་དང་ཆོས་སྦྱིན་ཕྱིན་ཆད་ཀྱིས་མཐར་དབྱུང་ངོ། །ཇི་ལྟར་དྭགས་བརྒྱུད་ཕྱག་ཆེན་བཞིན། །མདོ་སྔགས་ཀུན་ཁྱབ་ལྟ་སྤྱོད་ལ། །ཐབས་ལ་མཁས་པའི་གདམས་པས་བརྒྱན། །དབང་པོ་ཀུན་དང་འཚམས་པའི་ཚེས། །ཁྱེར་བདེ་རྩམ་ལ་ལུས་ཁུངས་དང་། །ས་བཅད་མཛེས་ཁྲིགས་མི་

― LT39_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་ཀྱང་། །དེང་སང་ལྟོ་རྒྱབ་ཙམ་གྱི་ཕྱིར། །གཅོད་ལོག་དོན་གཉེར་ཆེས་མང་བས། །འདིས་ཀྱང་རང་འདྲའི་སྐལ་མཉམ་ལ། །ཕན་འདོད་ལྷག་པའི་བསམ་པས་སྦྱར། །དགེ་བས་རྣམ་དག་གཅོད་ཡུལ་གྱིས། །འགྲོ་ཀུན་བདག་འཛིན་གཅད་པར་ཤོག །ཅེས་པའང་ཡང་ཁྱོད་ཀུན་བཟང་བདེ་ཆེན་འོད་གསལ་གླིང་གི་སྒྲུབ་པ་པོ་རྣམས་ཀྱི་ཉམས་ལེན་ལ་གཙོ་བོར་དམིགས་ཏེ། རྒྱལ་ཐང་པ་བསམ་གཏན་འོད་ཟེར་དང་ཆོས་རྗེ་འཇམ་དབྱངས་མགོན་པོའི་ཉེ་བརྒྱུད་ཀྱི་བཀའ་སྲོལ་ཇོ་ནང་རྗེ་བཙུན་ཆེན་པོ་དང་སྨིན་གླིང་གཏེར་ཆེན་རིན་པོ་ཆེའི་གསུང་རབ་དག་གི་བཅུད་བསྡུས་ཏེ་གཅོད་ཡུལ་གྱི་གདམས་པའི་ཆུ་རྒྱུན་མང་དུ་འཐུང་བའི་སྐལ་པ་དགེ་བ་ཅན་ཀརྨ་ངག་དབང་ཡོན་ཏན་རྒྱ་མཚོས་ཙཱ་འདྲ་རིན་ཆེན་བྲག་གི་སྙིང་པོར་བགྱིས་པ་དགེ་ལེགས་འཕེལ།། །།

བསུར་མཆོད་འདོན་ཡོན་སྤྲིན་ཕུང་།

― LT39_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

བསུར་མཆོད་འདོན་ཡོན་སྤྲིན་ཕུང་བཞུགས་སོ། །སངས་རྒྱས་ཆོས་ཚོགས་ལན་གསུམ་གྱིས་སྐྱབས་སེམས་བྱ། །རང་ཉིད་སྐད་ཅིག་སྤྱན་རས་གཟིགས། །སྐུ་ཡིས་ཞིང་ཁམས་ཡོངས་ལ་ཁྱབ། །ཞིང་ཁམས་རབ་འབྱམས་སྐུ་ལ་རྫོགས། །བ་སྤུའི་བུ་ག་ཐམས་ཅད་ནས། །གཏན་པ་མེད་པའི་མཆོད་སྦྱིན་སྤྲོ། །རཾ་ཡཾ་ཁཾ། །མི་གཙང་དྲི་མ་བསྲེགས་གཏོར་བཀྲུས། །བྷྲཱུྃ་ལས་རང་མཐུན་སྣོད་ཀྱི་ནང་། །འབྲུ་གསུམ་ལས་བྱུང་གསུར་མཆོད་ནི། །འདོད་ཡོན་ནམ་མཁའི་མཐའ་མཉམ་གྱུར། །ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐ་ཁཾ་ཨུཏྒ་ཏེ་སྥ་ར་་ཨི་མཾ་ག་ག་ན་ཁཾ་སྭཱ་ཧཱ། བླ་མ་ཡི་དམ་མཁའ་འགྲོ་དང་། །སངས་རྒྱས་བྱང་སེམས་ཉན་རང་སོགས། །དཀོན་མཆོག་སྲི་ཞུའི་མགྲོན་རྣམས་ལ། །རྡོ་རྗེ་དྲི་ཡི་མཆོད་སྤྲིན་འབུལ། །སྒྲིབ་གཉིས་བྱང་ཞིང་ཚོགས་གཉིས་རྫོགས། །རང་བྱུང་ཡེ་ཤེས་མངོན་གྱུར་ཤོག །མ་མགོན་དམ་ཅན་རྒྱ་མཚོའི་ཚོགས། །གཙང་རིགས་དཔལ་མགོན་བདུན་ཅུ་ལྔ། །དགྲ་བླ་ཝེར་མ་ཟོ་དོར་གཉན། །དྲི་ཟའི་རྒྱལ་པོ་རབ་དགའ་སོགས། །མགོན་པོ་ཡོན་ཏན་མགྲོན་རྣམས་ལ། །དགྱེས་མཆོད་སྒྱུ་འཕྲུལ་དྲྭ་བར་འབུལ། །ས་དང་ལམ་གྱི་བར་ཆད་ཞི། །ཆོས་མཐུན་འབྱོར་པ་རྒྱས་པར་ཤོག །སྡེ་བརྒྱད་

― LT39_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་པོ་མཐུ་བོ་ཆེ། །ཚེ་རྐུ་སྲོག་འཕྲོགས་ནད་མུག་དལ། །དུས་འཁྲུགས་གློ་བུར་ཡེ་འདྲེགས་དང་། །བུ་ལོན་ཤ་འཁོན་བདག་པོ་སོགས། །གདོན་བགེགས་ལན་ཆགས་མགྲོན་རྣམས་ལ། །ཚེ་སྲོག་ནོར་གྱི་གླུད་དུ་བསྔོ། །བུ་ལོན་བྱང་ཞིང་ལན་ཆགས་འཁོར། །བྱང་ཆུབ་སེམས་དང་ལྡན་པར་ཤོག །སྐྱེ་བཞི་རྒྱུད་ལྔའི་འཁོར་བ་པ། །ཁྱད་པར་གཏད་མེད་ཡིད་ཀྱི་ལུས། །སྔོན་འབྱུང་སྲིད་པའི་ཤ་ཚུགས་ཅན། །དབང་པོ་ཀུན་ཚང་ཐོགས་མེད་རྒྱུ། །ལས་ཀྱི་རྫུ་འཕྲུལ་ཤུགས་དང་ལྡན། །མི་ལྡོག་བར་དོའི་འགྲོ་བ་སོགས། །རིགས་དྲུག་སྙིང་རྗེའི་མགྲོན་རྣམས་ལ། །འདོད་ཡོན་ནམ་མཁའ་མཛོད་དུ་བསྔོ། །འཁྲུལ་སྣང་སངས་ཤིང་ཡེ་ཤེས་རྒྱས། ཁམས་གསུམ་འཁོར་བ་དོང་སྤྲུགས་ཤོག །ཁམས་གསུམ་དག་པའི་ཞིང་། སྲིད་གསུམ་ཐུགས་རྗེའི་མགྲོན། མ་ལུས་ཁྱབ་པའི་ཟས་ཆོས་ཉིད་ནུས་པའི་མཐུས། གསུར་མཆོད་མི་ཟད་པའི་གཏེར་དུ་འབུལ་ལོ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན། ཨོཾ་མ་ི་པདྨེ་ཧཱུྃ། ལན་གྲངས། རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་བ་ཡི། །དེ་བཞིན་གཤེགས་ལ་ཕྱག་འཚལ་ལོ། །ཨོཾ་ཨ་པྲ་ཏ་སུ་རུ་ཕུ་པ་ཡེ་སྭཱ་ཧཱ། ལན་གསུམ། བཅོམ་ལྡན་འདས་མགོན་པོ་མི་འཁྲུགས་

― LT39_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཡ། ཨོཾ་ཀཾ་ཀ་སོགས་བརྗོད། །དཀོན་མཆོག་མཆོད་པས་མཉེས་གྱུར་ཅིག །དམ་ཅན་ཐུགས་དམ་བསྐང་གྱུར༴ །རིགས་དྲུག་འདོད་པ་ཚིམ་གྱུར༴ ལན་ཆགས་བུ་ལོན་འཁོར་གྱུར༴ །རྣམ་བཞིའི་མགྲོན་གྱི་ཚོགས་རྣམས་ལ། །ཚད་མེད་མཆོད་སྦྱིན་འདི་བསྔོས་པས། །བདག་དང་མཐའ་ཡས་སེམས་ཅན་ཀུན། །ལོངས་སྤྱོད་ལྡན་ཞིང་ཚོགས་རྫོགས་ནས། །མྱུར་དུ་སངས་རྒྱས་ཐོབ་པར་ཤོག །ཐམས་ཅད་ནམ་མཁའ་མཛོད་སོགས། ཁ་ཟས་བསྟབས་སོགས། བདག་གི་བསམ་པའི་སོགས། ཆོས་རྣམས་ཐམས་སོགས། སྡིག་པ་ཅི་ཡང་སོགས། འབྱུང་པོ་གང་སོགས་སྦྱིན་པ་རྒྱ་སོགས། མི་གཙང་ལུས་སོགས། བསོད་ནམས་འདི་སོགས། འཇམ་དཔལ་དཔའ་སོགས། སངས་རྒྱས་སྐུ་སོགས་བརྗོད་པར་བྱའོ། །དེའང་ཕྱེ་མར་ལ་སྨན་སྤོས་འབྲུ་སྣ་རིན་ཆེན་དར་ཟབ་ཇ་ཆང་འོ་ཕུད་གང་འཛོམ་གཙང་མ་བསྲེས་པའི་དཀར་བསུར་སྔ་དགོངས་ནམ་འདོད་བཏང་བས་ཚོགས་རྫོགས་ཤིང་འཕྲལ་དུ་ཅི་འདོད་ཀྱི་དངོས་གྲུབ་ཐོབ་པ་དང་། ཤ་ཁྲག་ཚིལ་བུ་བསྲེས་པའི་དམར་གསུར་འབྱུང་པོ་ལ་ཆེད་དུ་དམིགས་ཏེ་དགོངས་མོར་བསྔོས་ན་རང་གཞན་འཆི་བ་བསླུ་བའི་མཆོག་ཏུ་འགྱུར་ཞིང་། བར་དོ་ཁོ་ན་ལ་དམིགས་ན་དམ་རྫས་མྱང་གྲོལ་གྱི་རིགས་བསྲེས་ཏེ་བཏང་བས་ཕན་ཡོན་དཔག་མེད་འབྱུང་བར་གསུངས་སོ། །ཞེས་པའང་གཡུ་ཐོག་རྣམ་རྒྱལ་དགོན་གྱི་བླ་གྲྭ་དམ་པ་འགའ་ཡི་ཐུགས་བཞེད་ལྟར་ཡོན་ཏན་རྒྱ་མཚོས་བྲིས་པ་འགྲོ་ཕན་འབྱུང་བར་གྱུར་ཅིག །དགེ་ལེགས་འཕེལ།། །།

གནས་ཆེན་བྱིན་འབེབས་ཟིན་བྲིས།

― LT39_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཆེན་བྱིན་འབེབས་ཟིན་བྲིས་བཞུགས་སོ། །ཐུགས་སྒྲུབ་བར་ཆད་ཀུན་སེལ་གྱི་སྙིང་བྱང་ལེའུ་བཅུ་གཅིག་པའི་ཁྱད་པར་འཕགས་པའི་རིག་འཛིན་གྱི་ལས་ཚོགས་གནས་ཆེན་བྱིན་འབེབས་བྱེད་པ་ལ། སློབ་དཔོན་ཐུགས་སྒྲུབ་བར་ཆད་ཀུན་སེལ་དང་ཁྱད་པར་འཕགས་པའི་རིག་འཛིན་གཉིས་ཀའི་བསྙེན་པ་ཐེམས་པ། དེ་ཙམ་མ་བྱུང་ཡང་ཐུགས་སྒྲུབ་རྩ་བསྙེན་ཐེམས་པ། ཐ་ན་ཡང་བླ་སྒྲུབ་གང་རུང་གི་བསྙེན་པ་ཐེམས་པ་ཞིག་ངེས་པར་དགོས། །བཅའ་གཞི་རྒྱས་པ་ཐོག་མར་ས་སློང་དང་ས་རྒོད་ཡིན་ན་ལྟོ་འཕྱེ་བརྟག་པ་སོགས་གཞུང་གཞན་དང་མཐུན་པར་ཟིན་ནས། ཉམས་གྲིབ་སྦྱང་ཕྱིར་བདག་ཉིད་དབང་དྲག་འབར་བ་གང་རུང་གི་ང་རྒྱལ་དང་ལྡན་པས་བགེགས་བསྐྲད་ཅིང་། ལས་ཀྱི་བུམ་པར་སྨེ་བརྩེགས་བསྐྱེད་བཟླས་ནུས་ལྡན་གྱི་ཆུས་གནས་དང་ཁང་པ་སོགས་ལ་ཁྲུས་གསོལ་ཞིང་། སྨེ་བརྩེགས་ཀྱི་སྦྱིན་བསྲེག་གམ་ཞི་བའི་སྦྱིན་བསྲེག་གང་རུང་བཅས་གྲུབ་ནས། ཕོ་བྲང་རྒྱ་ཁྱོན་འདམ་གང་ལས་མི་ཆུང་བར་ཤིང་ངམ་ས་རྡོས་བརྩེགས་ཤིང་། དེ་ཡང་གྲུ་བཞི་སྒོ་བཞི་ལྕོགས་དང་ལྡན་པ་ཤིན་ཏུ་མཛེས་བརྡིད་ལྡན་པ་བརླན་དང་ཆུ་ཆར་གྱིས་མི་འཇིགས་པའི་བཅའ་ག་ལེགས་པར་འདུ་བྱས་ཟིན་པའི་ནང་དུ་ཐུགས་སྒྲུབ་རྩ་བའི་དཀྱིལ་འཁོར་མཚན་ཉིད་རྫོགས་པ་ལྷ་གནས་

― LT39_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོར་རྡོ་ལེབ་ལ་བརྐོ་བའམ་ཤིང་ལ་རི་མོ་རས་བྲིས་གང་རུང་མདོར་ན་ཆུད་ཟོས་མི་འགྲོ་ངེས་པ་ཚུལ་བཞིན་བྲི་ནས། ཚོན་བཏང་ང་བཅས་དྭང་བ་འདྲེན་པ་དང་། ལྷ་གནས་རྣམས་སུ་གཏེར་བུམ་ར་བ་རིན་པོ་ཆེ་ཐ་ན་རྫ་བུམ་བྲེ་གོང་ཤོང་བ་ཡན་ཆད་དཀྱིལ་འཁོར་དང་མཚམས་པ། གཙོ་བོ་སྐུ་གསུམ་གྱི་བུམ་པ་ཆེ་ཆུང་འཁོར་ལས་ཉིས་འགྱུར་ཙམ་ཆེ་བ་བཅས་ཁྱོན་བཅུ་བདུན་འདུ་བྱས་པའི་ཤར་དུ་ཛཧ། ལྷོར་ཙ་རི། ནུབ་ཏུ་ཧྲཱི་ནི། བྱང་དུ་ས་ཡ་བཅས་བྲི་བ་གཞུག་ཅིང་། སྔགས་བྱུང་རང་རང་གི་རྩ་སྔགས་ཤམ་བུ་བཅས་དང་། །རྟེན་སྙིང་བརྟན་བཞུགས་གང་འོས། །བསྟན་འགྲོར་དགེ་བའི་འདོད་གསོལ་བཅས་དང་། །བཀྲ་ཤིས་ཚིགས་བཅད་བཅས་བྲི་ནས་དྲིལ་ཏེ་གཞུག །གཙོ་བོ་གསུམ་གཙོ་བུམ་ནང་དུ་བཞུགས་ཚུལ་གོ་རིམ་ལྟར་ཕྱོགས་གཅིག་ཏུ་གཞུག །ཞབས་སྡོམ་སོགས་སྤྱི་ལྟར་དང་། སོ་སོའི་གཏེར་བུམ་ནང་དུ་མ་འཆོལ་བར་གཞུག་ཅིང་། །གསིང་རྣམས་སུ་རིང་བསྲེལ་རྣམ་བཞི་འབྲུ་སྨན་དར་ཟབ་སོགས་ཀྱིས་བཀང་སྟེ་འཇིམ་གཙང་མས་ཁ་བ་སྡོམ་ཞིང་། རས་དཀར་དྲི་མེད་ལ་རིགས་ལྔའི་ཕྱག་མཚན་བྲིས་པས་འགེབ་བཅས་འདུ་བྱ། འབུར་སྐུ་མ་གྲུབ་ན་རས་བྲིས་ཚད་ལྡན་རྒྱབ་ཀྱི་ཐུགས་ཀའི་ཐད་དུ་ཕྱག་མཚན་ས་བོན་གྱིས་མཚན་པ་དང་སོ་སོའི་སྙིང་པོ་ཤམ་བུ་ཅན་རྟེན་སྙིང་འདོད་གསོལ་ཤིས་བརྗོད་བཅས་བྲི་ཞིང་དེ་ཉིད་ཤིང་བྱང་ལ་

― LT39_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཞི་ནས་མཛེར་ཞིང་དབུ་ཞབས་མ་ལོགས་པ་གཏེར་བུམ་གྱི་ནང་དུ་སོ་སོར་བ་ཞུག་པ་སོགས་གོང་ལྟར་གྲུབ་རྗེས་ལས་གཞུང་བསྲང་ཞིང་སྦྱངས་ཁྲུས་རབ་གནས་མདོར་བསྡུས་བཅས་བཏང་བ་དང་འབྲིང་པོ་ནི། ལྷ་གནས་མཚོན་པའི་གདན་པད་འདབ་བཞི་དེ་རྒྱབ་རིན་པོ་ཆེ་ཟུར་བརྒྱད་ཕྱི་རིམ་མུ་ཁྱུད་བཅས་དང་གཏེར་བུམ་བཅའ་སྒྲུབ་རྒྱས་པ་ལྟར་དགོས་ཤིང་། བསྡུས་པ་ནི། བུམ་པ་གཅིག་གི་ནང་དུ་སྔགས་བྱང་རྣམས་ལྷ་གནས་སོ་སོར་མ་འཛོལ་བར་བཞུགས་ཤིང་། ཤིན་ཏུ་བསྡུ་ན། གཏེར་བུམ་གཅིག་གི་ནང་དུ་ཐུགས་སྒྲུབ་རྩ་འཁོར་ལ་འདིའི་ཤམ་བུར་སྦྱར་བ་ལ་གང་ལྟར་ཡང་རིང་བསྲེལ་རྣམ་བཞིས་ཕྱུར་བུར་བཀང་བ་སོགས་རྒྱས་པའི་དུས་ལྟར་བཅའ་སྒྲུབ་ཚད་ལྡན་གྲུབ་པ་དང་། རྒྱས་འབྲིང་བསྡུས་པ་རྣམས་ལ་སྒོ་བཞིར་རྒྱལ་ཆེན་སྡེ་བཞི་སྤྱི་ལྟར་གྱིས་འབུར་སྐུའམ་སྒོ་བཞིའི་ཕྱི་ངོས་སུ་སྐུ་བྲི་ཞིང་ནང་ངོས་སྙིང་པོ་འདོད་གསོལ་བཅས་བྲི་བ་དང་། ཤིན་ཏུ་བསྡུས་པའི་སྐབས་གཏེར་བུམ་གྱི་ཕྱི་ངོས་ཕྱོགས་བཞིར་རྒྱལ་ཆེན་སྐུའམ་སྙིང་པོ་གང་རུང་བྲིས་པས་འཐུས། ཕོ་བྲང་གི་རྩེར་གདུགས་དང་ཕྱོགས་མཚམས་སུ་དར་འཕན་རྒྱལ་མཚན་བཅས་འཛུགས་ནས། ར་བ་བཞིའི་ཡར་ཚེས་བཅུའམ་གཟའ་ཚེས་དགེ་བའི་ཉིན་ལ། རྡོ་རྗེ་སློབ་དཔོན་གྱིས་གཏེར་བུམ་རྣམས་

― LT39_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་ལྷ་གནས་སོ་སོར་མ་འཆོལ་བར་བཞུགས་སུ་གསོལ་ཞིང་། །མཐའ་སྐོར་དུ་ཕྱི་ནང་མཆོད་པས་མཚོན། སྲིད་པའི་འདོད་ཡོན་དངོས་དང་རི་མོར་བྲིས་པ་ཡན་འབྱོར་ཚོགས་ཀྱིས་དཔུང་བསྐྱེད་ནས་བཤམ། དེ་ནས་རྡོ་རྗེ་སློབ་དཔོན་འདུས་པའི་ཚོགས་ཀྱིས་ཐུགས་སྒྲུབ་ལས་བྱང་རྒྱས་འབྲིང་གང་རུང་གཞུང་བསྲང་ལ་བདག་མདུན་དབྱེར་མེད་དུ་བསྒྲུབ་ཅིང་ཛབ་ཁང་དབྱེ་ནས་བཟླས་པ་ཇི་ལྟར་རིགས་པ་གྲུབ་རྗེས། མཆོད་བསྟོད་དང་ཛབ་ཁང་མི་བསྡུ་བར་རྟེན་དང་དབྱེར་མེད་དུ་མོས་ཏེ་ཐུན་མཚམས་སུ་བཀའ་ནན་རབ་བརྗིད་རྒྱས་བསྡུས་གང་ལྕོགས་བཏང་ཞིང་དེ་ནས་བྱིན་འབེབས་རྒྱས་པ་གང་རིགས་དང་ཚོགས་ཀྱི་མཆོད་པ་མ་མཐའ་བརྒྱ་རྩ་སོགས་གང་འགྲུབ་ཕུལ་བ་དང་། དེ་སྐབས་སྒྲུབ་གྲོགས་གཞན་ནས་གསེར་སྐྱེམས་བསང་མཆོད་སྡེ་བརྒྱད་ཁེང་མདོས་སོགས་གཞུང་ནས་གསུང་ཚོད་ལྟར་བསྒྲུབ་པ་དང་། རྒྱས་པར་འགོང་བོ་ཨར་གཏད་བཅས་གྲུབ་ན་བཅའ་ཆོག་ཚད་ལྡན་སྒྲུབ་པ་བཅས་མདོར་ན་རྒྱས་པར་སྒྲུབ་མཆོད་ཉིན་ལྔ་ཙམ་དང་བསྡུ་ན་ཉིན་རྫོགས་ཀྱིས་བསྡུ་རིམ་སྐབས་བརྟན་བཞུགས་དང་ཤིས་བརྗོད་རྒྱས་པ་བཏང་ཞིང་། ཤིན་ཏུ་བསྡུས་པ་ལའང་བགེགས་བསྐྲད་སྲུང་འཁོར་ཁྲུས་གསོལ་གསོར་སྐྱེམས་སྔོན་དུ་འགྲོ་བའི་ལས་གཞུང་བསྲང་བ་དང་། བཟླས་པ་བྱིན་འབེབས་ཚོགས་མཆོད་

― LT39_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

གང་མང་ཕུལ་ཏེ། མཐའ་བསྡུ་བརྟན་བཞུགས་ཤིས་བརྗོད་བཅས་གྲུབ་པ་ནི་གལ་ཆེ་ཞིང་གང་ལྟར་ཡང་མཐར་ཕྱོགས་བཞིའི་སྒོ་བསྡམས་ཏེ་རྒྱལ་ཆེན་རྣམས་ཞལ་ཕྱིར་གཟིགས་ནས་བཀོད་ཏེ། བསང་སྦྱང་དང་བསྐྱེད་ཆོག་སྤྱན་འདྲེན་མཆོད་བསྟོད་འདོད་གསོལ་བཅས་གཞུང་ལས་འབྱུང་བ་ལྟར་བཏང་སྟེ་སྒོ་སོ་སོ་རེ་རེ་ནས་བསྡམ་ཞིང་ཤིས་བརྗོད་བཅས་ཀྱང་ཅི་རིགས་བྱ། དེ་ལྟར་ཐུགས་སྒྲུབ་བར་ཆད་ཀུན་སེལ་དུ་མ་ཟད་ཡིད་བཞིན་ནོར་བུ་དང་། གཞན་བླ་མ་གསང་འདུས་ཐུགས་སྒྲུབ་ཡང་སྙིང་བསྡུས་པ། དཀོན་མཆོག་སྤྱི་འདུས་སོགས་བླ་སྒྲུབ་མཐའ་དག་ལྷ་སྔགས་བསྒྱུར་བ་ཙམ་མ་གཏོགས་སྦྱར་རུང་ཞིང་། དེ་ལྟར་ན་དཀྱིལ་འཁོར་ཡང་རང་རང་གི་གཞུང་ལྟར་དང་། ལྷ་གྲངས་མང་ཉུང་གིས་གཏེར་བུམ་ཡང་མང་ཉུང་ཅི་རིགས་པ་འབྱུང་ཞིང་། ལྷ་སྔགས་བྱང་དུ་བཀོད་ཚུལ་སོགས་ནི་རང་རང་གི་གཞུང་ལྟར་འཕྲུལ་ཤེས་པ་དགོས་སོ།། །།ཅེས་པའང་ཡོན་ཏན་རྒྱ་མཚོས་ཟིན་བྲིས་སུ་ཤྲཱི་དེ་ཝི་ཀོ་ཊིར་བགྱིས་པའོ།། །།

བླ་མ་རྩ་གསུམ་གཙོར་གྱུར་རིག་འཛིན་འཇའ་ཚོན་སྙིང་པོའི་གཏེར་བྱོན་ལྷ་ཚོགས་རྣམས་ཀྱི་བསངས་མཆོད་ཞིང་ཁམས་ཀུན་ཁྱབ།

― LT39_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་རྩ་གསུམ་གཙོར་གྱུར་རིག་འཛིན་འཇའ་ཚོན་སྙིང་པོའི་གཏེར་བྱོན་ལྷ་ཚོགས་རྣམས་ཀྱི་བསངས་མཆོད་ཞིང་ཁམས་ཀུན་ཁྱབ་ཅེས་བྱ་བ་བཞུགས་སོ། །

― LT39_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དེ་བ་ཌཱ་ཀི་ནཱི་ཡེ། རྩ་གསུམ་ཀུན་འདུས་ལས་འཕྲོ་གླིང་། །དབྱེར་མེད་བླ་མ་ལ་བཏུད་ནས། །བསོད་ནམས་ཐབས་ཀྱི་ཁྱད་པ་ནི། །ཕལ་པའི་ཡིད་ལ་འབབ་དེ་འཆད། །གཙང་དག་མཆོད་རྫས་ཅི་འབྱོར་དང་། །གསེར་སྐྱེམས་བཟང་ཤིང་དུད་པ་སོགས། །ལེགས་སྦྱར་གཙང་མའི་ཆབ་ཀྱིས་བྲན། །སྐྱབས་སུ་འགྲོ་ཞིང་སེམས་བསྐྱེད་ལ། །རང་ཉིད་སྐད་ཅིག་གིས་དཀོན་མཆོག་སྤྱི་འདུས་པདྨ་འོད་འབར་གྱི་སྐུར་གྱུར། རཾ་ཡཾ་ཁཾ། མི་གཙང་བའི་དྲི་མ་ཐམས་ཅད་བསྲེགས་གཏོར་བཀྲུས། སྟོང་པའི་ངང་ལས། དྷི་ཡིག་ལས་སྐྱེས་བའི་བདུག་པའི་ལྷ་མོ་སྔོན་མོ་ཕྱག་ནས་གཙང་བྱེད་ཀྱི་སྤྲིན་ཕུང་འཕྲོ་བའི་ཀློང་དུ་ཨོཾ་ཨཱཿཧཱུྃ་ལས་བྱུང་བའི་མཆོད་རྫས་ཀུན་ཏུ་བཟང་པོའི་རྣམ་པར་འཕྲུལ་པ་ལས་བྱུང་བའི་རྒྱ་མཚོའི་སྤྲིན་མཐའ་ཀླས་པས་ཞིང་ཁམས་ཀུན་ཏུ་ཁྱབ་པར་གྱུར། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཱཾ་ཨཱདྱནྣུ་ཏྤནྣ་ཏྭཱ་ཏྲ་ཨོཾ་ཨཱཿཧཱུྃ་ཕཊ་སྭཱ་ཧཱ། ལན་གསུམ། ཨོཾ་བཛྲ་སྥ་ར་་ཁཾ། ཧྲཱིཿཔདྨ་རྣམ་པར་རོལ་པའི་ཞིང་། །བདེ་བ་ཅན་དང་པོ་ཏ་ལ། །རྔ་ཡབ་དཔལ་གྱི་རི་བོ་ནས། །སྐུ་གསུམ་སྐུ་ལྔ་མཚན་མཆོག་བརྒྱད། །རྗེ་འབངས་རིག་འཛིན་གྲུབ་པའི་ཚོགས། །དད་མོས་གདུང་བས་སྤྱན་འདྲེན་ན། །ཡེ་ཤེས་ཐུགས་རྗེས་བརྩེར་དགོངས་ལ། །འདིར་གཤེགས་བསངས་ཀྱི་མཆོད་པ་བཞེས། །བླ་མ་དྲག་པོ་སྒྲུབ་སྡེ་བརྒྱད། །དམ་པ་རིགས་བརྒྱ་ཡི་དམ་ལྷ། །སེང་གེའི་གདོང་ཅན་མཁའ་འགྲོའི་ཚོགས། །

― LT39_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

མ་མགོན་ཆོས་སྐྱོང་རྒྱ་མཚོ་དང་། །གཏེར་བདག་གཞི་བདག་ཡུལ་གྱི་ལྷ། །མཆོད་འོས་སྤྲུལ་འཁོར་བཅས་པ་རྣམས། །སྐད་ཅིག་གློག་འགྱུའི་རྫུ་འཕྲུལ་གྱིས། །འདིར་བྱོན་དགྱེས་པའི་གདན་ལ་བཞུགས། །གུས་པས་ཕྱག་འཚལ་ཉམས་ཆགས་བཤགས། །དངོས་འབྱོར་ཡིད་སྤྲུལ་དགྱེས་རྫས་དང་། །ཞི་བ་བསང་གི་མཆོད་པ་འབུལ། །མཆོག་དང་ཐུན་མོང་དངོས་གྲུབ་སྩོལ། །ཧྲཱིཿརིགས་མཆོག་མགོན་པོ་འོད་མི་འགྱུར། །སྣང་བ་མཐའ་ཡས་ཚེ་དཔག་མེད། །རིགས་ལྔ་རིགས་བཞི་ཕོ་ཉ་སོགས། །དངོས་གྲུབ་ཀུན་འདུས་ལྷ་ཚོགས་བསང་། །སྤྱན་རས་གཟིགས་དབང་འཇིག་རྟེན་མགོན། །ཡུམ་སྲས་བདེར་གཤེགས་ལྕམ་དྲལ་དང་། །ཐུབ་དྲུག་སངས་རྒྱས་སྒོ་སྲུང་སོགས། །ངན་སོང་རང་གྲོལ་ལྷ་ཚོགས་བསང་། །སྐུ་དང་ཞིང་ཁམས་སྤྲོ་བསྡུའི་གཞི། །རིགས་དང་དཀྱིལ་འཁོར་ཀུན་གྱི་བདག །འགྲོ་བའི་མགོན་གྱུར་བདེ་བ་ཆེ། །བླ་མེད་དཀོན་མཆོག་སྤྱི་འདུས་བསངས། །དབྱིངས་ཕྱུག་ཡེ་ཤེས་མཚོ་རྒྱལ་མ། །ཉང་བན་འཇའ་ཚོན་སྙིང་པོ་སོགས། །བརྒྱུད་པ་དྲུག་ལྡན་བྱིན་རླབས་གཏེར། །རིག་འཛིན་རྩ་བརྒྱུད་བླ་མ་བསངས། །སྙིང་རྗེས་ཞི་ལས་རབ་ཁྲོས་པ། །ཁྲོ་བོ་ཀུན་གྱི་རྗེ་བཙན་ཆེ། །འབར་བ་ཆེན་པོ་ཧེ་རུ་ཀ །ཆེ་མཆོག་དམར་ནག་མེ་ཕྲེང་བསངས། །འཁོར་འདས་དབང་སྒྱུར་

― LT39_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་མགྲིན་རྒྱལ། །རྒྱལ་བ་ཀུན་སྐྱོད་རྣལ་འབྱོར་མ། །ཁྱབ་བདག་གུ་རུ་ཡིད་བཞིན་ནོར། །རྩ་གསུམ་ཀུན་འདུས་ལྷ་ཚོགས་བསང་། །བདེར་གཤེགས་ཞི་བ་བཞི་བཅུ་གཉིས། །འབར་བ་ཁྲག་འཐུང་ལྔ་བཅུ་བརྒྱད། །དཔའ་བོ་མཁའ་འགྲོ་ཕུར་པའི་ལྷ། །ངེས་དོན་སྙིང་པོའི་དཀྱིལ་འཁོར་བསང་། །ཡེ་ཤེས་ཀློང་དགུའི་རོལ་པ་ལས། །ཚོམ་བུ་དགུ་ཡི་དཀྱིལ་འཁོར་ལྷ། །ཕྱོགས་མཚམས་དབུས་དང་དགུར་བཞུགས་པ། །བདུན་བརྒྱ་ཉེར་ལྔ་འཁོར་བཅས་བསང་། །འཇིགས་རུང་དཔའ་མོ་སེང་གེའི་ཞལ། །སྐུ་གསུང་ཐུགས་སྤྲུལ་མཁའ་འགྲོ་མ། །ཡེ་ཤེས་ལས་དང་འཇིག་རྟེན་ཚུལ། །རི་རབ་སོ་གཉིས་རྡུལ་མཉམ་བསངས། །མ་ནིང་ནག་པོ་དཔལ་འབར་མ། །སྐུ་གསུང་ཐུགས་ཡོན་ཕྲིན་ལས་མགོན། །གཙང་རིས་དཔལ་མགོན་བདུན་ཅུ་སོགས། །སྤྲུལ་འཁོར་གཡོག་དང་བཅས་པ་བསངས། །འཇིགས་བྱེད་ཆེན་པོ་སྒྲ་གཅན་འཛིན། །གཟའ་ཆེན་བརྒྱད་དང་གདོང་མོ་བཞི། །རྒྱུ་སྐར་ཉེར་བརྒྱད་ཕྱི་ནང་གསང་། །བཏགས་ཆགས་སྦས་པའི་སྡེ་བརྒྱད་བསང་། །གནམ་ས་ཕྱེད་ལ་དབང་སྒྱུར་ཞིང་། །གཏེར་ཁ་བྱེ་བའི་གཉེར་འཛིན་པ། །རྡོ་རྗེ་ལེགས་པ་མཆེད་ཟླ་དང་། །དགྱེས་སྡེ་བརྟན་མ་འཁོར་བཅས་བསང་། །ལྕམ་གཅིག་ཀོང་བཙུན་དེ་མོ་དང་། །དགེ་བསྙེན་མཐུ་སྟོབས་ཆེན་པོ་སོགས། །ཟབ་གཏེར་གཉེར་དུ་གཏད་པ་ཡི། །ཆོས་སྲུང་གཏེར་བདག་འཁོར་

― LT39_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་བསངས། །གནས་དང་གཞི་ཡི་བདག་པོ་སོགས། །དཀར་ཕྱོགས་སྐྱོང་མཛད་ལྷ་རྣམས་དང་། །ཁྱད་པར་ཡུལ་ཕྱོགས་འདིར་གནས་པའི། །ལྷ་ཀླུ་ས་བདག་འཁོར་བཅས་བསང་། །ཕྱི་སྣོད་པདྨ་འོད་ཀྱི་ཞིང་། །ནང་བཅུད་རྩ་གསུམ་འཁོར་ལོ་ཆེ། །སྣང་སྲིད་གཞིར་རྫོགས་ཕྱག་རྒྱའི་ལྷ། །ཡེ་ཤེས་རོལ་པའི་ཞལ་ཧོམ་དུ། །འཁོར་འདས་འདོད་ཡོན་བསྲེག་བྱའི་རྫས། །རང་བྱུང་བསང་གི་སྲེག་བླུགས་ནི། །དུས་བཞི་མཉམ་ཉིད་ཆེན་པོར་འབུལ། །ལས་དང་དངོས་གྲུབ་འགྲུབ་པར་མཛོད། །བདག་ཅག་མ་རིག་འཁྲུལ་དབང་གིས། །སྡོམ་པ་གསུམ་ལས་འགལ་ཞིང་ཉམས། །སྒོ་གསུམ་མི་དགེ་སྤྱོད་པའི་གྲིབ། །འདི་ཕྱིར་སྒྲིབ་པའི་བགེགས་གྱུར་རྣམས། །བདུད་རྩི་བསང་གི་རྟེན་འབྲེལ་ལ། །བརྟེན་ནས་ཞི་ཞིང་དག་པ་དང་། །ཚེ་བསོད་དཔལ་འབྱོར་ཡེ་ཤེས་སོགས། །ཡར་ངོའི་ཟླ་བཞིན་རྒྱས་པར་མཛོད། །སྣོད་བཅུད་རྒུད་པ་མ་ལུས་ཞི། །འཇིག་རྟེན་བདེ་ལེགས་དཔལ་གྱིས་འབྱོར། །འགྲོ་ཀུན་ཆོས་བཞིན་སྤྱོད་པ་དང་། །བསམ་དོན་འགྲུབ་པའི་དངོས་གྲུབ་སྩོལ། །འདི་ནས་ཉིང་མཚམས་སྦྱོར་མ་ཐག །རིག་འཛིན་མཁའ་འགྲོས་མདུན་ནས་སུས། །ཆོས་སྐྱོང་སྲུང་མས་རྒྱབ་ནས་སྐྱོར། །བླ་མ་སྐུ་གསུམ་ཞིང་དུ་དྲོངས། །དུད་པ་དབྱིངས་སུ་ཡལ་བ་ཡིས། །འཁྲུལ་རྟོག་ཀ་དག་གཞི་རུ་གྲོལ། །མེ་འོད་འཇའ་ཟེར་ཐིག་ལེ་བཀྲ། །སྣང་བཞིའི་

― LT39_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་གདངས་ཟད་སར་འཁྱོལ། །དྲི་ཞིམ་ངད་པས་ཀུན་ཁྱབ་ལྟར། །གཞན་དོན་རྩོལ་མེད་ལྷུན་གྱིས་གྲུབ། །ཀུན་བཟང་རྣམ་རོལ་གཙང་བྱེད་སྤྲིན། །འཁོར་འདས་ཞིང་ཁམས་ཡོངས་ལ་ཁྱབ། །མ་བཙལ་ལྷུན་གྱིས་རྫོགས་པ་ཡི། །ཐིག་ལེ་གཅིག་ཏུ་དྭངས་པར་ཤོག །རང་གི་གནས་སུ་སླར་གཤེགས་ལ། །དུས་སུ་དགྱེས་པས་འབྱོན་པ་དང་། །བཀྲ་ཤིས་ཉི་ཟླ་སྲིད་གསུམ་དུ། །ཁྱབ་ཅིང་རྟག་པའི་དགེ་ལེགས་སྩོལ། །འདི་ཡང་སྔོན་ལས་འཕྲོ་བཟང་པོས། །ཆོས་འདིར་སྙིང་ནས་དད་ཐོབ་ཅིང་། །ཆོས་དང་ལྡན་པས་ས་སྐྱོང་བ། །ཁྲི་འདུ་བེ་ཧུའི་གསུང་བསྐུལ་ངོར། །པདྨའི་རྗེས་འཇུག་རིག་པ་འཛིན། །པདྨ་གར་གྱི་དབང་ཕྱུག་གིས། །དེ་བཱི་ཀོ་ཊི་དཔལ་གྱི་གྲོང་། །ས་སྤྱོད་དགའ་བའི་ཚལ་དུ་བྲིས། །དགེ་ལེགས་འཕེལ།། ༈ །།དཔལ་ཆེན་རྡོ་རྗེ་གཞོན་ནུ་སྲུང་མར་བཅས་པ་ལ་རྒྱུན་གྱི་བསངས་མཆོད་སྲེག་བླུགས་འབུལ་བའི་ཆོ་ག་བདེ་ཆེན་རོལ་པ་ཞེས་བྱ་བ་བཞུགས་སོ། །བླ་མ་དཔལ་ཆེན་ཆེ་བའི་མཆོག །སྙིང་གི་ཐིག་ལེར་བཀོད་ནས་འདིར། །ཕྱི་ཡི་སྲེག་བླུགས་བསང་མཆོད་དང་། །ཟུང་འབྲེལ་རྒྱུན་གྱི་རྣལ་འབྱོར་འཆད། །ལས་བཞི་ལྷུན་གྲུབ་བསང་ཁང་དུ། །ཞི་དང་རྒྱས་པའི་བུད་ཤིང་བཅེར། །ཕྱེ་མར་དཀར་མངར་འབྲུ་སྨན་དང་། །རྩ་བརྒྱད་སྟོང་སྦྱར་ལ་སོགས་པ། །ཕྱི་ནང་མཆོད་པ་ཅི་འབྱོར་བསྲེག །སྦྱོང་ཆས་བདུད་རྩིས་བྲན་བྱས་ཏེ། །རྒྱུན་བཤགས་ཡན་ལག་བརྒྱད་པ་བྱ། །བཛྲ་མ་ཧཱ་ཤྲཱི་ཧེ་རུ་ཀོ྅ཧཾ། རང་ཉིད་བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུའི་སྐུར་གྱུར། རྃ་

― LT39_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ཡྃ་ཁྃ། མཆོད་རྫས་ཀྱི་མི་གཙང་བའི་དྲི་མ་ཐམས་ཅད་བསྲེགས་གཏོར་བཀྲུས་ནས་སྟོང་པར་གྱུར། །སྟོང་པའི་ངང་ལས། བསང་ཁང་ལས་བཞི་ལྷུན་གྲུབ་ཀྱི་ཐབ་ལུང་དུ། མེ་ལྕེ་དམ་ཚིག་དང་ཡེ་ཤེས་དབྱེར་མེད་པའི་ལྷའི་དཀྱིལ་འཁོར་རང་བྱུང་གསལ་རྫོགས་ཆེན་པོར་བཞུགས་པ་ལ་བསང་རྫས་རྣམས་ཡེ་ཤེས་ཀྱི་བདུད་རྩིར་ལྷུན་གྱིས་གྲུབ་པ་དང་། དུ་བ་བདུག་སྤོས་ཀྱི་ལྷ་མོ་སངས་རྒྱས་ཀྱི་ཞིང་ཐམས་ཅད་ཁྱབ་པའི་མཆོད་པའི་སྤྲིན་ཆེན་པོ་སྤྲོ་བར་གྱུར། ཨོཾ་ཨཱཿཧཱུྃ་བཛྲ་པཱུ་ཛ་མེ་གྷ་ས་མ་ཡེ་ཧཱུྃ། ལན་གསུམ། བྷྲཱུྃ་ཧཱུྃ། །རང་བྱུང་དུར་ཁྲོད་རོལ་པའི་ཐབ་ཁུང་དུ། །རང་སྣང་དཔལ་ཆེན་ཁྲག་འཐུང་འཁོར་ལོ་རྣམས། །གདོད་ནས་དམ་ཚིག་ཡེ་ཤེས་གཉིས་མེད་རྫོགས། །ཚོགས་དྲུག་ཡུལ་དུ་སྣང་བའི་དངོས་པོ་རྣམས། །བསང་དང་བསྲེག་བྱའི་རྫས་སུ་ལྷུན་གྱིས་གྲུབ། །སྐུ་དང་ཡེ་ཤེས་སྒྱུ་འཕྲུལ་དྲྭ་བའི་གར། །མ་འགགས་ཅིར་ཡང་སྟོན་པའི་ལྷ་ཚོགས་རྣམས། །ཕྱི་ལྟར་ཞི་བ་བསང་གི་མཆོད་པས་བསང་། །ནང་ལྟར་ཟག་མེད་བདུད་རྩིའི་བསྲེག་བླུགས་འབུལ། །གསང་བ་འོད་གསལ་ཐིག་ལེ་ཆེན་པོར་བསྐང་། །རིགས་ཀུན་ཁྱབ་བདག་དཔལ་ལྡན་རྡོ་རྗེ་སེམས། །པདྨ་ཐོད་ཕྲེང་བདེ་ཆེན་རྒྱལ་མོ་སོགས། །རིག་འཛིན་རྩ་བརྒྱུད་བླ་མའི་ཚོགས་རྣམས་ཀྱིས། །ཞི་བ་བསང་མཆོད་བདུད་རྩིའི་བསྲེག་བླུགས་བཞེས། །ནད་གདོན་སྡིག་སྒྲིབ་འཇིགས་བརྒྱད་

― LT39_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་བར་མཛོད། །རྡོ་རྗེ་གཞོན་ནུ་འཁོར་ལོ་རྒྱས་འདེབས་ཡུམ། །དབྱིངས་ལས་ཡེ་ཤེས་འབར་བའི་སྐུར་བཞེངས་པ། །ཡང་གསང་བླ་མེད་དཀྱིལ་འཁོར་རྩ་བའི་ལྷས། །ཞི་བ་བསངས་མཆོད་བདུད་རྩིའི་བསྲེག་བླུགས་བཞེས། །ཚེ་བསོད་དཔལ་དང་འབྱོར་དྲུག་རྒྱས་པར་མཛོད། །སྟེང་འོག་ཕྱོགས་མཚམས་ཁྲོ་བཅུ་ཡབ་དང་ཡུམ། །སྤྲུལ་པ་ཁྲ་ཐབས་རང་རྟགས་མཆེ་གཤོག་ཅན། །ཕྱོགས་བཅུ་བདུད་འདུལ་ཁྲོ་བོའི་དཀྱིལ་འཁོར་རྣམས། །ཞི་བ་བསང་མཆོད༴། མོས་པ་རྣམས་བཞིས་དབང་དུ་སྡུད་པར་མཛོད། །སྐུ་གསུང་ཐུགས་ལས་སྤྲུལ་པའི་སྲས་མཆོག་དང་། །རིགས་ལྔ་རིགས་བཞི་ཕྲིན་ལས་རིགས་གཅིག་སོགས། །ཕུར་ས་རྫས་ཀྱི་དཀྱིལ་འཁོར་ལྷ་རྣམས་ཀྱིས། །ཞི་བ་བསང་མཆོད༴ །དགྲ་བགེགས་བྱད་མ་ལོག་འདྲེན་ཚར་གཅོད་མཛོད། །ཕྱག་བརྙན་ཆེན་མོ་བཞི་དང་བསེ་ལྕགས་ཤེལ། །ཏ་ཀི་ནག་པོ་དབང་ཕྱུག་ཉེར་བརྒྱད་སོགས། །སྲིད་པ་རྡོ་རྗེ་ཕུར་བུའི་ལྷ་ཚོགས་ཀྱིས། །ཞི་བ་བསང་མཆོད༴ །ལས་བཞི་ལྷུན་གྱིས་གྲུབ་པར་མཛད་དུ་གསོལ། །ཁྱི་གདོད་རྡོ་རྗེ་སྲིན་པོ་ཤྭ་ན་བཞི། །བདག་ཉིད་ས་བདག་ཕོ་བདུད་གིང་ཆེན་ཚོགས། །ཚ་བའི་མ་མོ་བཅུ་གཉིས་བྲན་གཡོག་བཅས། །ཞི་བ་བསང་༴ །བྱང་ཆུབ་སྒྲུབ་པའི་འགལ་རྐྱེན་བར་ཆད་སོལ། །དཔལ་གྱི་ཕོ་ཉ་ཁྱི་བརྒྱད་སྦྱང་མོ་བརྒྱད། །གནམ་ས་བར་གྱི་སྟོབས་

― LT39_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ལས་བྱེད་སོགས། །རྡོ་རྗེ་ཕུར་པའི་བཀའ་སྲུང་ཐམས་ཅད་ཀྱིས། །ཞི་བ་བསང་༴ །རྡོ་རྗེ་ཐེག་པའི་བསྟན་དང་བསྟན་འཛིན་སྐྱོང་། །བྲན་བདུད་ནག་པོ་དཀར་མོ་ཉི་ཟླའི་ཕྲེང་། །གནམ་སྐས་ཀླུ་བདུད་ལྷ་བྲག་དགེ་བསྙེན་དང་། །རྩེ་ཆེན་བྲག་པ་ཙན་ལྡང་ལྷ་སྤུ་གྲི་མཆེད། །དྲེགས་པ་སྡེ་ལྔ་ལ་སོགས་ཆོས་སྲུང་རྣམས། །ཞི་བ་བསང་༴ །བཤད་སྒྲུབ་བསྟན་པ་རྒྱས་པའི་ཕྲིན་ལས་སྒྲུབས། །དད་པ་དམ་ཚིག་མཉམ་ཉིད་ལྟ་བ་ཡིས། །བརྒྱུད་གསུམ་རིག་འཛིན་བླ་མ་བསང་ཞིང་མཆོད། །བསྐྱེད་རྫོགས་རྫོགས་པ་ཆེན་པོའི་སྒོམ་པ་ཡིས། །དཔལ་ཆེན་ཡེ་ཤེས་ཁྲོ་བོ་བསང་ཞིང་མཆོད། །ཞི་རྒྱས་དབང་དང་མངོན་སྤྱོད་བརྟུལ་ཞུགས་ཀྱིས། །སྲིད་པ་རྡོ་རྗེའི་དཀྱིལ་འཁོར་བསང་ཞིང་མཆོད། །དམར་ནག་མེ་ལྕེ་རབ་ཏུ་འབར་བ་ཡིས། །འཁྲུལ་རྟོག་གཉིས་འཛིན་དགྲ་བགེགས་ཐལ་བར་བརླག །དཀར་གསལ་འོད་ཟེར་ཕྲེང་བ་འཁྲིགས་པ་ཡིས། །མ་རིག་མུན་འཐུམས་སྡིག་སྒྲིབ་ཉེས་ལྟུང་བསལ། །དྲི་ཞིམ་ངད་བཟང་ཞིང་ཁམས་ཀུན་ཁྱབ་པས། །རླུང་སེམས་ཡུལ་སྣང་ཐམས་ཅད་དབང་དུ་འདུས། །དུ་བའི་ལྷོ་སྤྲིན་འདོད་རྒུའི་ཆར་འབེབས་པས། །དགེ་ལེགས་ཡོན་ཏན་དབྱར་གྱི་མཚོ་ལྟར་རྒྱས། །འཁོར་འདས་ཀུན་ཁྱབ་ཟག་མེད་མཆོད་སྤྲིན་གྱིས། །སྣང་སྲིད་གཞིར་བཞེངས་དཔལ་ཆེན་མེ་ཡི་ལྷ། །འཁོར་བཅས་དགྱེས་ཚིམས་གཡར་

― LT39_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་སོར་ཆུད་དེ། །ཐལ་འབྱིན་རྣམ་བཞིའི་དགོངས་པ་མཐར་ཕྱིན་པའི། །ལས་དང་དངོས་གྲུབ་ཐོགས་པ་མེད་པར་སྩོལ། །འཁོར་གསུམ་སྤྲོས་པ་བཟང་མོའི་ཀློང་དུ་ཐིམ། །དབྱིངས་ཡེ་ཟུང་འཇུག་གདོང་མའི་ཧེ་རུ་ཀ །འབར་བ་ཆེན་པོས་སྲིད་གསུམ་སྣང་བྱེད་ཤོག །ཅེས་འདི་ཤེས་བྱ་ཀུན་ཆུབ་སྒྲུབ་བརྩོན་པ། །ཀརྨ་མཐུ་སྟོབས་རྣམ་པར་རྒྱལ་བ་ཡིས། །བསྐུལ་ངོར་དུས་མཐའི་རྣལ་འབྱོར་སྙོམས་ལས་སྤྱོད། །བདེ་བའི་རྡོ་རྗེས་གནས་མཆོག་ཙཱ་འདྲའི་མགུལ། །དཔལ་ཆེན་ཕོ་བྲང་ཉིད་དུ་སྦྱར་བའོ།། །དགེ་ལེགས་འཕེལ།། །།

འབའ་ལུང་གངས་མཚོ་གཉན་པོར་བསངས་མཆོད།

― LT39_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་པདྨ་སམ་བྷ་བཱ་ཡ། འབའ་ལུང་གངས་མཚོ་གཉན་པོར་བསང་མཆོད་བགྱིས་པར་འདོད་པས། རིན་པོ་ཆེའི་སྣོད་དུ་དཀར་བཤོས་གསུམ། རྒྱབ་ཏུ་ཟུར་གསུམ་གསུམ་ཆེ་ཆུང་མཉམ་པར་བཤམ། །མདུན་ཏུ་དཀར་གཏོང་འདབ་ལྡན་ཆུང་ངུ་ལྔ་གཡས་སུ་སྨན་ལབ། །གཡོན་ཏུ་དཀར་གཏོར་རྒྱབ་ཡོལ་ཅན་རྣམས་ལ་འདོད་ཡོན་ཅི་འབྱོར་གྱིས་བསྐོར། བསངས་གསུར་སོགས་ཉེར་མཁོའི་ཡོ་བྱད་ཚོགས་པ་ན། ཨ་མྲྀ་ཏས་བསངས། སྭ་བྷཱ་ཝས་སྦྱང་། །སྟོང་པའི་ངང་ལས་ལྷ་རྫས་མཆོད་པའི་སྤྲིན། །རྩ་གསུམ་ཆོས་སྐྱོང་ཡུལ་ལྷ་གཞི་ཡི་བདག །དགྱེས་སྐྱེད་ས་དང་བར་སྣང་གང་བའི་འཕྲུལ། །ངོ་མཚར་ནམ་མཁའ་མཛོད་ཀྱི་ཆར་འབེབས་གྱུར། ཨོཾ་ཨཱཿཧཱུྃ་གསུམ། ཨོཾ་བཛྲ་སྤ་ར་་ཁཾ་གསུམ། བདག་ཉིད་བཅོམ་ལྡན་འདས་འཁོར་ལོ་བདེ་མཆོག་ཏུ་གསལ་བའི་ཐུགས་ཀའི་འོད་ཟེར་གྱིས་བསྐུལ་བས་ཡུལ་བདག་གཉན་པོ་འཁོར་དང་བཅས་པ་སྤྱན་དྲངས་མདུན་ཏུ་བཞུགས་པར་གྱུར། རོལ་མོ་དབྱངས་དང་བཅས་པས་འདི་སྐད་དོ། ཀྱེ། ཕྱོགས་བཅུའི་ཞིང་ཁམས་རབ་འབྱམས་ནས། །དཀོན་མཆོག་རྩ་གསུམ་ཆོས་སྲུང་དང་། །ཕྱོགས་སྐྱོང་དཔལ་མགོན་མཆོད་འོས་མགྲོན། །འདི་གཤེགས་བསངས་དང་མཆོད་པ་བཞེས། །ཁྱད་པར་དགེ་གནས་སྨན་ལྗོངས་འདིར། །མངའ་མཛད་གངས་མཚོ་གཉན་པོ་ཞེས། །

― LT39_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཀླུ་གཉན་བདུད་བཙན་དང་ནི། །སྟོབས་ལྡན་ཟོ་དོར་མཆེད་ཟླ་དྲུག །སྲས་མོ་མཆེད་ལྔ་མཚོ་སྨན་དང་། །སྨན་བཙུན་དུང་གི་མགྲིན་ལྡན་སོགས། །གཙོ་འཁོར་འབངས་དང་བཅས་པ་རྣམས། །དགྱེས་པའི་འཛུམ་མདངས་གཡོ་བ་དང་། །བཀྲ་ཤིས་སྣང་བས་ཁྱབ་བཞིན་ཏུ། །རྫུ་འཕྲུལ་གར་གྱིས་གནས་འདིར་གཤེགས། །རིན་ཆེན་དར་ཟབ་བརྗིད་པའི་ཁྲི། །མཛེས་སྡུག་པདྨའི་གདན་ལ་བཞུགས། །རིན་ཆེན་གསེར་གྱི་བུམ་པ་ལས། །བྱུང་བའི་ཡན་ལག་བརྒྱད་ལྡན་ཆུས། །མི་གཙང་ཉམས་གྲིབ་བཀྲུ་པར་བགྱི། །ཤེལ་དཀར་བཞིན་ཏུ་གསལ་གྱུར་ཅིག །ཉེར་སྤྱོད་འདོད་ཡོན་རྒྱལ་སྲིད་བདུན། །བཀྲ་ཤིས་རྫས་རྟགས་ལ་སོགས་པས། །མཆོད་འོས་འཁོར་དང་བཅས་རྣམས་མཆོད། །མཉེས་ཤིང་ཚིམས་ནས་དགྱེས་བརྩེར་མཛོད། །ཁྱད་པར་ཡུལ་བདག་འཁོར་བཅས་ལ། །བདུད་རྩི་ཆང་གི་སྐྱེམས་ཀྱིས་མཆོད། །རྒྱ་ཇ་ངད་ལྡན་བཏུང་བ་འབུལ། །འབྲས་ཆེན་དང་སྦྱར་བཟའ་བཅས་མཆོད། །དཀར་གསུམ་མངར་གསུམ་རོ་བཅུད་འབུལ། །སྲིད་པའི་འབྱོར་པ་སྣ་ཚོགས་ཀྱིས། །ཡུལ་བདག་གཉན་པོ་འཁོར་བཅས་མཆོད། །འཕུར་འགྲིམས་འཛུལ་དགུའི་གཟུགས་རྣམས་ཀྱིས། །གནས་སྲུང་འཁོར་

― LT39_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་མངའ་ཆེན་གསོལ། །ན་བཟའ་རྒྱན་མཛེས་གོ་མཚོན་གྱིས། །མངའ་བདག་འཁོར་བཅས་གཟི་མདངས་སྐྱེད། །ཤོག་ཤོག་དོང་རྩེ་དར་ཚོན་གྱིས། །དགེ་བསྙེན་འཁོར་བཅས་ཐུགས་དམ་བསྐང་། །འཇིག་རྟེན་དཀོར་ཆ་ཇི་སྙེད་པས། །ཟོ་དོར་འཁོར་བཅས་མངའ་དབང་སྤེལ། །ལྷག་བསམ་མཐུ་དང་བསྟོད་དབྱངས་ཀྱིས། །ཡུལ་ལྷ་འཁོར་བཅས་དབུ་འཕང་བསྟོད། །དྲི་བཟང་སྤོས་ཀྱི་དུད་པའི་སྤྲིན། །ཕྱེ་མར་ཟས་སྣ་བསྲེགས་པའི་གསུར། །མཐོང་བས་ཡིད་ལ་དགའ་སྐྱེད་ཅིང་། །ཚོར་བས་དབང་པོ་ཚིམས་བྱེད་པ། །བདུད་རྩི་བསངས་ཀྱི་མཆོད་པ་འདིས། །བླ་མེད་དཀོན་མཆོག་གསུམ་པོ་བསངས། །རྩ་གསུམ་དམ་ཅན་སྲུང་མ་བསངས། །ཕྱོགས་སྐྱོང་སྡེ་བརྒྱད་ཚོགས་རྣམས་བསངས། །དཔལ་མགོན་བདུན་ཅུ་རྩ་ལྔ་བསངས། །དཀར་ཕྱོགས་སྐྱོང་བའི་ཡུལ་ལྷ་བསངས། །ཁྱད་པར་ཡུལ་དང་གཞི་ཡི་བདག །འབའ་ལུང་གངས་མཚོ་གཉན་པོ་ནི། །མཆེད་དྲུག་འཁོར་དང་བཅས་པ་བསངས། །མཚན་ལྡན་སྲས་མོ་སྤུན་ལྔ་བསངས། །སྨན་བཙུན་དུང་མགྲིན་རྒྱལ་མོ་བསངས། །རྫས་སྣ་མཚོ་སྨན་རྒྱལ་མོ་བསངས། །གཞན་ཡང་ཡུལ་ཕྱོགས་འདིར་གནས་པ། །འགོ་ཞིང་སྡོང་

― LT39_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་བྱེད་པ་ཡི། །མཆོད་འོས་མིང་ནས་མ་ཐོན་པ། །ཡིད་ཀྱི་གཟུགས་ཅན་ཐམས་ཅད་བསངས། ཀྱེ། །བླ་མ་ཡི་དམ་དཀོན་མཆོད་གསུམ། །དམ་ཅན་དཀར་ཕྱོགས་སྐྱོང་རྣམས་ལ། །གུས་པས་ཕྱག་འཚལ་བསྟོད་པར་བགྱི། །དངོས་གྲུབ་རྣམ་གཉིས་བསྩལ་དུ་གསོལ། །དཀར་ཕྱོགས་སྐྱོང་བར་ཞལ་བཞེས་ཤིང་། །དགེ་བའི་སྡོང་གྲོགས་མཛད་པ་ཡི། །ལྷ་ཀླུ་གཉན་ཆེན་བཙན་དང་ནི། །མི་དཀར་རྟ་དཀར་ལ་སོགས་པ། །རིགས་ཀྱི་མདོག་དང་བཞོན་པར་ལྡན། །བདུད་ཆེན་རྟ་ར་མགྱོགས་པའི་ཤུགས། །དུད་ཁ་རྒྱ་སྟག་ནག་པོ་ཆིབས། །དགེ་བསྙེན་ཆེན་པོ་མཆེད་དེ་དྲུག །ལྷུན་བག་ཆགས་ལ་གཟི་བརྗིད་འབར། །རྔམས་བརྗིད་གསུང་སྒྲོགས་སྟོབས་རྩལ་ལྡན། །གཞན་གྱི་དཔུང་གིས་འཇིགས་མེད་པ། །རང་བསྟན་དབུ་འཕང་བསྟོད་པའི་ལྷ། །འགྲན་ཟླ་བྲལ་ལ་བསྟོད་པར་བགྱི། །འཁོར་གྱི་བཀའ་ཉན་དཔའ་བརྗིད་ཅན། །མི་དཀར་རྟ་དཀར་དམག་ཚོགས་དང་། །མི་ནག་རྟ་ནག་མང་པོ་སོགས། །རང་མཐུན་སྡེ་རིས་དཔུང་དང་བཅས། །སྒྲུབ་ལ་དངོས་གྲུབ་སྟེར་བའི་ལྷ། །མཐུ་རྩལ་སྟོབས་ལྡན་རྣམས་ལ་བསྟོད། །མཚར་སྡུག་སྲས་མོ་སྤུན་ལྔ་ནི། །པདྨའི་མདངས་ཆགས་རྒྱུད་མངས་མགྲིན། །མདའ་དར་བུམ་པ་

― LT39_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་ན་བསྣམས། །ཡིད་འོང་ལྷ་ཡི་ན་ཆུང་བཞིན། །རྩེ་ཟླ་འཁོར་དང་བཅས་ལ་བསྟོད། །སྨན་བཙུན་དུང་མགྲིན་རྒྱལ་མོ་ནི། །སྐྱེ་བ་ལྔ་པའི་མགུལ་རྒྱན་མཛེས། །རྫས་སྣ་མཚོ་སྨན་རྒྱལ་མོ་ནི། །རིན་ཆེན་ནོར་བུའི་རྒྱན་ཆས་སྒེག །ནོར་བུ་པདྨའི་ཕྱག་ཆ་འཛིན། །དར་ཟབ་རིན་ཆེན་རྒྱན་དང་ལྡན། །ཡིད་འཕྲོག་གླུ་དང་གར་སྟབས་བསྒྱུར། །སྡེ་རིས་གཡོག་འཁོར་བཅས་ལ་བསྟོད། །ཧེ་རུ་ཀ་དཔལ་ཐོད་ཕྲེང་རྩལ། །བཻ་རོ་ཙ་ན་ཀརྨ་པ། །གྲུབ་པའི་སློབ་དཔོན་རིམ་བྱོན་གྱི། །སྤྱན་སྔར་དམ་བཅས་མ་བསྙེལ་བར། །དཀར་ཕྱོགས་དབུ་འཕང་དགུང་དུ་བསྟོད། །ནག་ཕྱོགས་སྡེ་རིས་ཆོམ་ལ་ཕོབ། །ཆར་ཆུ་དུས་སུ་འབབ་པ་དང་། །ལོ་ཕྱུག་ས་རྟག་ཏུ་ལེགས་པ་ཡིས། །སྐྱེ་དགུ་བདེ་སྐྱིད་དཔལ་གྱིས་སྲུངས། །ནད་མུག་འཁྲུགས་རྩོད་ཞི་བ་དང་། །ཚེ་བསོད་དབང་ཐང་དར་རྒྱས་མཛོད། །བཙའ་སད་སེར་གསུམ་ཞི་བ་དང་། །ཡུལ་གྱི་ས་བཅུད་དཔལ་འབྱོར་སྤལ། །གཞི་བྱེས་ཀུན་ཏུ་སྲུང་སྐྱོབས་མཛོད། །མདོར་ན་ཡིད་ལ་གང་བསམས་པའི། །འདོད་དོན་ལྷུན་གྱིས་འགྲུབ་པར་མཛོད། །གཙང་སྦྲ་ཆུང་དང་མ་འབྱོར་སོགས། །ནོངས་པ་གང་མཆིས་

― LT39_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་པར་བཞེས། །བཀྲ་ཤིས་སྣང་བའི་འོད་པོ་ཆེས། །མི་མཐུན་མུན་པ་མཐར་བསྐྲད་ནས། །བདེ་སྐྱིད་པདྨོ་འཛུམ་པ་ལས། །ཐར་བདེའི་སྦྲང་རྩི་རབ་འཇོ་བས། །ཕྱོགས་དུས་ཀུན་ཏུ་རྫོགས་ལྡན་གྱི། །དཔྱིད་དཔལ་གསར་དུ་འཆར་གྱུར་ཅིག །བཛྲ་མུཿ ཞེས་གཤེགས་གསོལ་ལོ། །ཞེས་པ་འདིའང་སྒྲུབ་བརྒྱུད་བསྟན་པའི་ཕྲིན་ལས་འཛིན་པ་ལྷུན་གྲུབ་མཆོག་གི་སྤྲུལ་པའི་སྐུ་བླ་སློབ་ནས་རྟེན་དང་བཅས་གསུང་གིས་བསྐུལ་ངོར། ཀུན་མཁྱེན་པདྨའི་མཚན་ཅན་གྱི་བཀའ་འབངས་རྣལ་འབྱོར་སྤྱོད་པ་ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་དུ་སྤེལ་བ་དགེ་ལེགས་འཕེལ།། །། །། །།

རྒྱུན་གྱི་བསངས་མཆོད་དགེ་ལེགས་སྤྲིན་ཕུང་།

― LT39_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་གྱི་བསངས་མཆོད་དགེ་ལེགས་སྤྲིན་ཕུང་ཞེས་བྱ་བ་བཞུགས་སོ། །

― LT39_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། །བདེ་ཆེན་དགྱེས་པའི་གར་གྱིས་ནི། །ས་གསུམ་འགྲོ་ལ་ཀུན་དགའ་སྟེར། །སངས་རྒྱས་ཀུན་དངོས་ཐོད་ཕྲེང་རྩལ། །དབྱེར་མེད་བླ་མ་ལ་བཏུད་ནས། །རྩ་གསུམ་དགྱེས་ཤིང་མགྲོན་རིགས་སྐོང་། །མི་མཐུན་གདུག་རྩུབ་ཞི་བ་དང་། །སྣང་སྲིད་ཞི་བདེ་སྒྲུབ་པའི་མཆོག །རྒྱུན་གྱི་བསངས་མཆོད་ཁྱེར་བདེ་སྤེལ། ལེགས་པའི་དོན་མྱུར་དུ་བསྒྲུབ་པར་འདོད་པ་དག་གིས་རྒྱུན་གྱི་བསངས་མཆོད་བགྱིད་པ་ན། །དུས་ཀྱི་དང་པོ་ནམ་ལངས་སམ་སྔ་དྲོའི་ཆར་གཙང་སྦྲ་དང་ལྡན་པས་མཁན་ཤུག་བལ་བུ་སོགས་དྲི་བཟང་པོ་ཅན་གྱི་ཤིང་དང་། །བཅོག་ནལ་དམར་གྱིས་མ་སྦགས་པའི་བཟའ་བཏུང་གི་བྱེ་བྲག་སྣ་ཚོགས་བསྲེགས་ཤིང་གཙང་མའི་ཆབ་ཀྱིས་བྲན། །དཀར་མཆོད་སྐྱེམས་ཕུད་རིན་པོ་ཆེ་དང་འབྲུའི་རྔོན་ཆ་ལྡན་པ་བཤམས་ལ། སྐྱབས་སུ་འགྲོ་ཞིང་སེམས་བསྐྱེད་པ་ནི། བླ་མ་དཀོན་མཆོག་ཡི་དམ་མཁའ་འགྲོ་དང་། །ཆོས་སྐྱོང་དམ་ཅན་རྒྱ་མཚོར་སྐྱབས་སུ་མཆི། །མཁའ་མཉམ་འགྲོ་

― LT39_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་བྱང་ཆུབ་འཐོབ་བྱའི་ཕྱིར། །བདག་གིས་སྒོ་གསུམ་དགེ་ལ་བཀོལ་བར་བྱ། །སེམས་ཅན་ཐམས་ཅད་བདེ་ལྡན་སྡུག་བསྔལ་བྲལ། །བདེ་ལས་མི་ཉམས་བཏང་སྙོམས་ངང་གནས་ཤོག །བདག་བྱིན་གྱིས་བརླབས་པ་ནི། ཧྲཱིཿཆོས་དབྱིངས་ངང་ལས་སྙིང་རྗེ་སྒྱུ་མའི་རྩལ། །རང་སེམས་ཧྲཱིཿཡིག་ཡོངས་གྱུར་སྐད་ཅིག་གིས། །རང་སྣང་རྣམ་དག་པདྨ་བཀོད་པའི་ཞིང་། །འཇའ་ཟེར་ཐིག་ལེའི་དྲྭ་བ་འཁྲུགས་པའི་ཀློང་། །བདག་ཉིད་རྒྱལ་ཀུན་སྤྱི་གཟུགས་ཐོད་ཕྲེང་རྩལ། །དཀར་དམར་མདངས་ལྡན་ཁྲོ་འཛུམ་བརྗིད་པའི་ཉམས། །པད་ཞུ་བེར་ཕོད་ཆོས་གོས་རིན་ཆེན་བརྒྱན། །གྲུ་མོར་ཁ་ཊཱཾྭ་གས་མཚན་གཡས་གཡོན་ཕྱག །རྡོ་རྗེ་བནྡྷ་།།།ཚེ་བུམ་བདུད་རྩིའི་བཀང་། །པད་དཀར་ཟླ་བ་རྒྱས་པའི་གདན་

― LT39_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ། །སྣང་སྲིད་ཟིལ་གྱིས་གནོན་པའི་སྐུ་རུ་གསལ། །གདོད་ནས་དམ་ཡེ་དབྱེར་མེད་ལྷུན་གྱིས་རྫོགས། །ཐུགས་དཀར་ཟླ་སྟེང་ཧྲཱིཿམཐར་སྔགས་ཕྲེང་ལས། །འོད་འཕྲོས་སངས་རྒྱས་མཛད་པ་ལྷུན་གྲུབ་གྱུར། །ཨོཾ་ཨཱཿཧཱུྃ་བཛྲ་གུ་རུ་པདྨ་སིངྡྷི་ཧཱུྃ། ཞེས་བཟླ། དེ་ནས་བསང་རྫས་བྱིན་གྱིས་བརླབས་པ་ནི། །རྃ་ཡྃ་ཁྃ་གིས་མི་གཙང་འབགས་བཙོགས་སྦྱངས། །སྟོང་པའི་ངང་ལས་དྷཾ་ཡིག་ལས་སྐྱེས་པའི། །བདུག་སྤོས་ལྷ་མོ་སྔོན་མོ་ཤིན་ཏུ་མཛེས། །སངས་རྒྱས་ཞིང་ཀུན་ཁྱབ་པའི་མཆོད་སྤྲིན་དང་། །སྣང་སྲིད་ཚིམས་བྱེད་བརྔན་ཡོན་ཟད་མེད་སྤྲོ། །ཟེགས་མའི་ཁྲུས་ཀྱིས་ཉམས་གྲིབ་མི་གཙང་འཁྲུད། །དངོས་བཤམས་མཆོད་རྫས་རྒྱ་ཆེན་ཟད་མེད་འཕེལ་ཡིད་སྤྲུལ་ནམ་མཁའ་མཛོད་ཀྱི་ཆར་འབེབས་གྱུར། ཨོཾ་བཛྲ་སྥ་ར་་ཁཾ། མཆོད་མགྲོན་སྤྱན་དྲངས་ཤིང་བསངས་བརྔན་འབུལ་བ་ནི། ཀྱེ། །ཀ་དག་སྤྲོས་བྲལ་དབྱིངས་ཀྱི་ངང་། །ལྷུན་གྲུབ་རིག་རྩལ་འགག་མེད་ཤར། །འཁོར་འདས་བཀོད་པ་ཅི་ཡང་སྣང་། །དབྱིངས་ལ་བཟང་ངན་དབྱེར་མེད་ཀྱང་། །རིགས་དང་མ་རིག་ལས་བྱུང་བ། །དཀོན་མཆོག་སྲི་ཞུའི་མགྲོན་རྣམས་དང་། །མགོན་པོ་ཡོན་ཏན་ལན་ཆགས་མགྲོན། །རིགས་དྲུག་སྙིང་རྗེའི་མགྲོན་གྱི་ཚོགས། །སྟོང་གསུམ་ཛམ་གླིང་བོད་ཀྱི་ཡུལ། །ཁྱད་པར་ཡུལ་རིས་གཞི་གནས་བདག །འཁོར་བཅས་གནས་འདིར་གཤེགས་སུ་གསོལ། །མཆོད་པའི་རྫས་ལ་སྤྱན་གྱིས་གཟིགས། །གདུང་

― LT39_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དབྱངས་ལ་སྙན་གྱིས་གསན། །རང་མཐུན་དགྱེས་པའི་གདན་ལ་བཞུགས། །བསངས་དང་ཞི་བའི་མཆོད་པ་བཞེས། །བྱམས་པའི་ཐུགས་ཀྱིས་རྗེས་སུ་དགོངས། །འདོད་པའི་དོན་ཀུན་འགྲུབ་པར་མཛོད། ཀྱེ། ཛམ་གླིང་བྱང་ཕྱོགས་ཁ་བ་ཅན། །རིམ་ཐོ་ས་གཙང་ཉམས་དགའི་ཡུལ། །སྔོན་བྱོན་རྩ་བརྒྱུད་བླ་མ་ཡིས། །དོན་གཉིས་བསྒྲུབ་ཕྱིར་མགྲོན་རིགས་བཞི། །ཇི་ལྟར་བསངས་ཤིང་བརྔན་པ་ལྟར། །དེ་རིང་རྣལ་འབྱོར་བདག་ཅག་གིས། །གཙང་ཞིང་དག་པར་སྦྱར་བ་ཡི། །བཟང་ཤིང་བདུད་རྩི་ཅན་གྱི་ཚོགས། །གཙང་བྱེད་འབར་བའི་མེ་ལ་བསྲེགས། །དྲི་ཞིམ་དུད་པས་བར་སྣང་ཁེངས། །ཉེར་སྤྱོད་འདོད་ཡོན་ཆར་དུ་འབེབས། །བཀྲ་ཤིས་རྫས་རྟགས་རྒྱལ་སྲིད་བདུན། །ཀུན་བཟང་མཆོད་སྤྲིན་ནམ་མཁའ་གང་། །གོས་རྒྱན་ནོར་དབྱིག་བཟའ་བཏུང་དང་། །འབྲུ་སྨན་དཀོར་ནོར་ས་གཞི་ཁྱབ། །མདོར་ན་དངོས་འབྱོར་ཡིད་སྤྲུལ་གྱི། །བསངས་མཆོད་བརྔན་ཡོན་རྒྱ་ཆེན་འདིས། །མགྲོན་བཞི་བསང་ཞིང་བརྔན་བགྱིད་ན། །དཀོན་མཆོག་རྩ་གསུམ་བདེན་པ་དང་། །སྔགས་རྒྱ་ཏིང་འཛིན་ལྷག་བསམ་མཐུས། །དགྱེས་རྒུ་ཟད་མི་ཤེས་པའི་སྤྲིན། །ཐུགས་ལ་གང་བཞེད་འཆར་གྱུར་ཅིག །ཀྱེ། །ཀུན་བཟང་རྡོ་རྗེ་འཆང་ཆེན་ནས། །དྲིན་ཅན་རྩ་བའི་བླ་མའི་བར། །དགོངས་བརྡ་སྙན་ནས་བརྒྱུད་པ་ཡི། །རྩ་བརྒྱུད་བླ་མ་རིགས་འཛིན་བསངས། །ཕྱོགས་

― LT39_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་དུས་གསུམ་སངས་རྒྱས་དང་། །ལུང་རྟོགས་གཉིས་བསྡུས་དམ་པའི་ཆོས། །བྱང་སེམས་ཉན་ཐོས་འཕགས་པའི་ཚོགས། །སྐྱབས་གནས་དཀོན་མཆོག་གསུམ་པོ་བསངས། །སྐུ་གསུམ་སྐུ་ལྔ་མཚན་མཆོག་བརྒྱད། །འཕྲུལ་མཚན་བཞི་བཅུ་མདོ་སྔགས་ཀྱི། །སྟོན་པ་རིགས་བརྒྱ་ལ་སོགས་པ། །བླ་མ་དགོངས་འདུས་ལྷ་ཚོགས་བསངས། །རྒྱན་དྲུག་གྲུབ་ཆེན་བརྒྱད་ཅུ་བཞི། །མར་མི་དྭགས་པོ་དུས་མཁྱེན་སོགས། །བཤད་བརྒྱུད་སྒྲུབ་བརྒྱུད་འཛིན་པ་ཡི། །འཕགས་བོད་པ་གྲུབ་ལོ་ཙཱ་བསངས། །འདུས་པ་མདོ་དང་སྒྱུ་འཕྲུལ་རྒྱན། །སྒྲུབ་སྡེ་ཆེན་པོ་བརྒྱད་ལ་སོགས། །གསང་སྔགས་རྒྱུད་ལུང་མན་ངག་གི། ཡི་དམ་དགོངས་འདུས་ལྷ་ཚོགས་བསངས། །དུས་འཁོར་བདེ་དགྱེས་སྒྱུ་ཐོད་གདན། །གསང་འདུས་དགྲ་གདོང་འཇིགས་བྱེད་སོགས། །རིགས་དྲུག་རིགས་གསུམ་རིགས་བརྒྱ་ཡི། །ཕ་མ་གཉིས་མེད་ལྷ་ཚོགས་བསངས། །དཔལ་རྩེ་རིགས་བསྡུས་རྡོ་རྗེ་དབྱིངས། །རྣམ་སྣང་མངོན་བྱང་ཚེ་དཔག་མེད། །འདས་དང་མ་འདས་རིགས་དྲུག་སོགས། །བྱ་སྤྱོད་རྣལ་འབྱོར་ལྷ་ཚོགས་བསངས། །དབྱིངས་ཕྱུག་ཕག་མོ་ཁྲོས་མ་ནག །གསང་ཡེ་སྒྲོལ་མ་རིག་བྱེད་མ། །འབུམ་ཕྲག་ཡངས་པའི་མ་མོ་སོགས། །མཁའ་འགྲོ་དགོངས་འདུས་ལྷ་ཚོགས་བསངས། །ལེགས་ལྡན་ཚོགས་བདག་མ་ནིང་ནག །ཕྱག་བཞི་ཕྱག་དྲུག་

― LT39_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

གུར་གྱི་མགོན། །རྡོ་རྗེ་བེར་ཅན་ཞལ་བཞི་པ། །མགོན་པོ་ཕོ་རྒྱུད་ལྷ་ཚོགས་བསངས། །སྨུག་ནག་རལ་གཅིག་དུད་སོལ་མ། །རང་བྱུང་སྲིད་རྒྱལ་དཔལ་ལྷ་མོ། །རེ་ཏི་དུས་བཞིའི་སྐྱོང་མ་སོགས། །མོ་རྒྱུད་མ་མོའི་ལྷ་ཚོགས་བསངས། །སྐུ་གསུང་ཐུགས་ཡོན་ཕྲིན་ལས་མགོན། །དུར་ཁྲོད་བདག་པོ་ཡབ་དང་ཡུམ། །ཞང་བློན་ཁྱབ་འཇུག་ཞིང་སྐྱོང་སོགས། །ཆོས་སྐྱོང་དགོངས་འདུས་འཁོར་བཅས་བསངས། །དམ་ཅན་སྐྱེས་བུ་རྡོ་རྗེ་ལེགས། །མཆེད་འཁོར་སུམ་བརྒྱ་དྲུག་ཅུ་དང་། །ལྷ་སྨན་བཀྲ་ཤིས་ཚེ་རིང་མ། །མཆེད་ལྔ་སྦྲུལ་འཁོར་བཅས་པ་བསངས། །སྨན་གྱི་དྲང་སྲོང་ལྷ་མོའི་ཚོགས། །སྡེ་དཔོན་སུམ་ཅུ་སྤུ་གྲི་མཆེད། །སྔགས་བདག་དྲེགས་པ་བཅོ་བརྒྱད་སོགས། །བཀའ་བརྒྱད་བཀའ་གཏེར་སྲུང་མ་བསངས། །ཚངས་པ་དབང་ཕྱུག་འབྱུང་བའི་ལྷ། །ཕྱོགས་སྐྱོང་བཅུ་དང་རྒྱལ་ཆེན་བཞི། །ལྷ་ཀླུ་ས་བདག་གཟའ་རྒྱུད་སྐར། །དཔལ་མགོན་བདུན་ཅུ་རྩ་ལྔ་བསངས། །རྣམ་མང་ཐོས་སྲས་རྟ་བདག་བརྒྱད། །དཔལ་ཆེན་མ་སོགས་ལྷ་མོ་དགུ། །ཛམ་ལ་རིགས་ལྔ་ཀུན་འཁྱིལ་མཆེད། །གནོད་སྦྱིན་ནོར་ལྷའི་ཚོགས་རྣམས་བསངས། །ལོ་ཟླ་ཞག་དུས་ས་ཡི་བདག །སྤར་སྨེ་ཚེས་དང་དབྱུ་གུའི་ལྷ། །སྤྱན་རྣོ་དྲང་མཁན་རྫིའུ་སོགས། །མོ་བོན་རྩིས་ཀྱི་ལྷ་རྣམས་བསངས། །ཕྱི་ནང་གསང་གསུམ་

― LT39_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

གབ་ཅིང་སྦས། །བསྟན་སྐྱོང་བཏགས་ཆགས་ལས་མྱུར་བའི། །ཕན་གནོད་མཐུ་ལྡན་ལྷ་མ་སྲིན། །སྡེ་བརྒྱད་མཐུ་བོ་ཆེ་རྣམས་བསངས། །སྟོང་གསུམ་འཇིག་རྟེན་འཛམ་བུའི་གླིང་། །རྒྱ་དཀར་རྒྱ་ནག་སྟག་གཟིག་ཕྲོ་མ། །ཨོ་རྒྱན་མོན་བལ་ལི་ཧོར་གྱི། །ཆེ་གཉན་གཞི་བདག་ཐམས་ཅད་བསངས། །ཏི་སེའི་ལྷ་བཙན་ཐང་ལྷ་གཉན། །རྨ་རྒྱལ་སྤོམ་ར་མཆེད་འཁོར་སོགས། །མངའ་རིས་དབུས་གཙང་མདོ་ཁམས་ཀྱི། །གཞི་གནས་ཡུལ་བདག་ཐམས་ཅད་བསངས། །བརྟན་སྐྱོང་ཡ་མ་བཅུ་གཉིས་དང་། །མགུལ་ལྷ་བཅུ་གསུམ་སྲིད་ལྷ་དགུ། །དགེ་བསྙེན་ཉི་ཤུ་རྩ་གཅིག་དང་། །གཉན་ཆེན་སྡེ་བཞི་ལ་སོགས་བསངས་ ཀྱེ་མཁའ་སྤྱོད་ཐུགས་ཀྱི་འཁོར་ལོ་ཆེ། །འོག་མིན་མཚུར་ཕུའི་གནས་མཆོག་ན། །བཞུགས་པའི་རྩ་གསུམ་ཆོས་སྐྱོང་དང་། །གཞི་གནས་ཡུལ་གྱི་བདག་པོ་བསངས། །མ་ཧཱ་ཀཱ་ལ་རྣམ་ཐོས་སྲས། །རྟགས་གཉིས་པར་འདི་ཀར་ལུགས་པ་མ་གཏོགས་གཞན་ནས་བསྒྱུར་ཆོག །རྒྱ་ལྷ་གངས་བཟང་བྱང་ལྷ་བཙན། །ཕྱ་རྒྱལ་མེ་ཏྲི་ལ་སོགས་པ། །འགོ་ཞིང་གྲོགས་མཛད་ལྷ་རྣམས་བསངས། ཀྱེ་ས་སྤྱོད་གསུང་གི་འཁོར་ལོ་ཆེ། །འོག་མིན་ཀརྨའི་གནས་མཆོག་ན། །བཞུགས་པའི་རྩ་གསུམ་ཆོས་སྐྱོང་དང་། །གཞི་གནས་ཡུལ་གྱི་བདག་པོ་བསངས། །དཔལ་ལྡན་ཤེས་རབ་བློན་འཁོར་བཅས། །དམགས་དཔོན་དབྱི་རྒྱལ་སྤྲག་གི་

― LT39_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན། །རྡོ་རྗེ་སྨན་དཔལ་ནག་ཕྱི་སོགས། །རྒྱུད་སྲུང་མགོན་བྱེད་ལྷ་རྣམས་བསངས། ཀྱེ། རྡོ་རྗེ་དེ་བཱི་ཀོ་ཊི་ཞེས། །ཡོན་ཏན་ཐུགས་ཀྱི་གནས་མཆོག་ན། །བཞུགས་པའི་རྩ་གསུམ་ཆོས་སྐྱོང་དང་། །གཞི་གནས་ཡུལ་གྱི་བདག་པོ་བསངས། །ཐུགས་རྗེ་ཆེན་པོ་ཞི་ཁྲོ་སོགས། །དབུས་ཕྱོགས་གནས་ལ་བཞུགས་པ་བསངས། །བཛྲ་ཧེ་རུ་ཀ་ལ་སོགས། །ཤར་ཕྱོགས་གནས་ལ་བཞུགས་པ་བསངས། །ཆོས་འཁོར་རྟེན་བཅས་སྐྱོང་ལ་སོགས། །ལྷོ་ཕྱོགས་གནས་ལ་བཞུགས་པ་བསངས། །ཚེ་དཔག་མེད་མགོན་སྒྲོལ་མ་སོགས། །ནུབ་ཕྱོགས་གནས་ལ་བཞུགས་པ་བསངས། །རྣམ་སྲས་རྟ་བདག་བརྒྱད་ལ་སོགས། །བྱང་ཕྱོགས་གནས་ལ་བཞུགས་པ་བསངས། །བདུད་མགོན་ག་ཡ་དྷ་ར་སོགས། །མཚམས་ཀྱི་གནས་ལ་བཞུགས་པ་བསངས། །རྡོ་རྗེ་འོད་ལྡན་ཡབ་དང་ཡུམ། །ལྷན་ཅིག་སྐྱེས་མ་མཁའ་འགྲོའི་ཚོགས། །མགར་བ་དམར་ནག་ཕྱོགས་བཞི་ཡི། །སྲུང་མ་བཀའ་འཁོར་བཅས་པ་བསངས། །མྱུར་མཛད་མགོན་པོ་སྔགས་སྲུང་མ། །ཕྱག་བཞི་པ་དང་བྱ་རོག་གདོང་། །དགེ་བསྙེན་རྡོ་རྗེ་དཔལ་འབར་སོགས། །གནས་སྲུང་གཏེར་བདག་འཁོར་བཅས་བསངས། །ཁྱད་པར་ཡུལ་ཕྱོགས་འདིར་གནས་པའི། །ལྷ་ཀླུ་ས་བདག་བཙན་དང་བདུད། །དམུ་སྨན་གཏོད་ལ་སོགས་པ་ཡི། །འབྱུང་པོ་ཡིད་ཀྱི་གཟུགས་ཅན་བསངས་

― LT39_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱེ། །འོད་གསལ་ལྷ་ཡི་ཕོ་བྲང་ནས། །སྲིད་པ་རྒྱུད་ལས་གྲོལ་བའི་ལྷ། །ལེགས་ལྡན་མགོན་པོའི་དམག་ཚོགས་བསངས། །ཕྲག་ལྷ་མ་ལྷ་ཁྱིམ་གྱི་ལྷ། །ཐབ་ལྷ་ཟས་ལྷ་ཛམྦྷ་ལ། །རྣམ་སྲས་ཚོང་ལྷ་མགྲོན་གྱི་ལྷ། །དགྲ་ལྷ་ཇག་ལྷ་ལམ་གྱི་ལྷ། །སྲོག་ལྷ་རང་འཁོར་འབུམ་བཅས་བསངས། །ཆེ་བ་དཔལ་བརྟན་ཟློག་མེད་དང་། །འབྲིང་བ་དོམ་མགོ་གླང་གི་སྙིང་། །ཆུང་བ་རྣོ་གཅོད་སྙིང་འབྱིན་དང་། །སྲིང་མོ་ན་ཆུང་གཟི་བྱིན་ཏེ། །མཐུ་ཆེན་དགྲ་ལྷ་ལྕམ་དྲལ་བསངས། །འགོ་བའི་ལྷ་ལྔ་སྐྱོབ་བྱེད་དགུ། །ཕ་དང་མེས་པོ་ཡང་མེས་མཚུན། །རང་ཕྱོགས་སྲུང་ཞིང་རྒྱལ་བྱེད་པའི། །དགྲ་ལྷ་གཉན་པོ་ཐམས་ཅད་བསངས། ཀྱེ། །ཛམ་བུའི་གླིང་གི་སྐྱེས་གཅིག་པུ། །རྒྱ་བོད་གཉིས་ཀྱི་དགྲ་ལྷ་ཆེ། །སེང་ཆེན་ནོར་བུ་དགྲ་འདུལ་ནི། །མགྲོན་ཡག་དར་མ་བཅུ་གསུམ་དང་། །དགྲ་ལྷ་ཝེར་མའི་ཚོགས་བཅས་བསངས། །དཔའ་བརྟུལ་ཕུ་ནུ་སུམ་ཅུ་སོགས། །རུས་ཆེན་སྡེ་ལྔའི་མི་མཆོག་དང་། །འཛང་མ་མོ་སྨན་རྐང་མགྱོགས་སོགས། །གླིང་རྗེའི་གྲོགས་དང་འཁོར་གྱུར་བ། །མཆོད་འོས་དགྲ་ལྷ་ཐམས་ཅད་བསངས། ཀྱེ། བསང་ངོ་ལམ་ལྷ་གཉན་པོ་བསངས། །མཆོད་དོ་ལམ་ལྷའི་རྒྱལ་པོ་མཆོད། །ཕྱོགས་བཅུའི་མུན་པ་སེལ་མཛད་པའི། །ཕྱོགས་བཅུའི་སངས་རྒྱས་ཐམས་ཅད་ལ། །ཕྱག་འཚལ་བསངས་དང་མཆོད་པ་འབུལ། །ཐུགས་

― LT39_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་སྟོབས་ཀྱིས་བསྐྱབ་ཏུ་གསོལ། །བདེ་གཤེགས་རིགས་ལྔ་ཡབ་ཡུམ་དང་། །པད་འབྱུང་རིགས་ལྔའི་དྷཱ་ཀི་མ། །དབང་བྱེད་ཀུ་རུ་ཀུལླེ་བསངས། །མཐུན་རྐྱེན་སྒྲུབ་པའི་ལམ་ལྷ་མཛོད། །སྤྱན་རས་གཟིགས་དབང་སྒྲོལ་མ་ཡུམ། །སྣ་ཚོགས་ཡུམ་དང་འོད་ཟེར་ཅན། །དུར་ཁྲོད་བདག་པོ་ཡབ་ཡུམ་བསངས། །འཇིགས་པ་སྐྱོབ་པའི་ལམ་ལྷ་མཛོད། །ལམ་ལྷའི་རྒྱལ་པོ་བདེ་མཛད་པ། །དཔལ་ལྡན་ཨཱརྱ་རེ་མནྟ། །འཁོར་ཚོགས་ལྔ་བརྒྱ་བཅས་པ་བསངས། །རྡོག་ཆགས་སྲུང་པའི་ལམ་ལྷ་མཛོད། །མགར་བ་དམར་ནག་མཆེད་འཁོར་བཅས། །སྲིང་ལྕམ་བརྟན་མ་བཅུ་གཉིས་དང་། །སྐུ་རྗེ་གེ་སར་དགྲ་བླའི་དམག །འཁོར་དང་བཅས་ལ་བསངས་མཆོག་འབུལ། །ལམ་ལྷ་མཛོད་ལ་སྒྲོན་མེ་ཁྱོགས། །སྟེང་གི་ལྷ་དང་འོག་གི་ཀླུ། །བར་གྱི་གཉན་དང་བོད་ཡུལ་གྱི། །སྟོད་སྨད་བར་གྱི་གཞི་བདག་ཚོགས། །འཁོར་དང་བཅས་ལ་བསངས་མཆོད་འབུལ། །ལམ་ལྷ་མཛོད་ལ་སྒྲོན་མེད་ཁྱོགས། །བདག་ཅག་དཔོན་སློབ་འཁོར་གཡོག་བཅས། །ཕྱོགས་བཞི་མཚམས་བརྒྱད་རང་གནས་སུ། །འདུག་པའི་ཚེ་ན་སྲུང་སྐྱོབ་མཛོད། །ལེགས་ལམ་བློ་ཡི་རྩ་སྒོ་ཕྱེས། །འགྲོ་བའི་ཚེ་ན་སྡོང་གྲོགས་མཛོད། །འཇིགས་དང་ལམ་དགྲ་ཀུན་ལས་སྐྱོབས། །ལེགས་དང་སྤྲོད་ལ་ཉེས་དང་བསྣོལ། །གནས་སྐབས་མཐར་ཐུག་ཐམས་ཅད་དུ། །བསམ་དགུ་ཡིད་བཞིན་འགྲུབ་པར་མཛོད། ཀྱེ། །བདུད་རྩི་བསང་གི་མཆོད་སྤྲིན་གྱི། །དུ་བས་ནམ་མཁའི་ལྷ་རྣམས་བསངས། །ངད་པས་བར་གྱི་གཉན་རྣམས་བསངས།

― LT39_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེགས་མས་འོག་གི་ཀླུ་རྣམས་བསངས། །རི་མཚོ་རིན་ཆེན་གླིང་གནས་པའི། །དྲང་སྲོང་གནོད་སྦྱིན་བདེན་ཚིག་གྲུབ། །ཕན་གནོད་ལེགས་ཉེས་བྱེད་རྣམས་བསངས། །དྲི་ཟ་བར་དོའི་ཡིད་ལུས་སོགས། །སྐྱེ་བཞི་རྒྱུད་ལྔའི་འཁོར་བ་པ། །རིགས་དྲུག་སྙིང་རྗེའི་མགྲོན་རྣམས་བསངས། །སྡུག་བསྔལ་ཀུན་ཞི་བདེ་ལྡན་ཤོག །བདག་གི་ཚེ་སྲོག་ལོངས་སྤྱོད་འཁོར། །རྐུ་འཕྲོག་བར་དུ་གཅོད་བྱེད་ཅིང་། །དུས་འཁྲུགས་དལ་ཡམས་བདག་པོ་སོགས། །ཐོགས་མེད་དུས་ནས་ལན་ཆགས་པའི། །གནོད་བྱེད་བགེགས་ཀྱི་ཚོགས་རྣམས་བསངས། །ཕྱིན་ཆད་བྱང་ཆུབ་སེམས་ལྡན་ཤོག །ཀྱེ། །དག་བྱེད་བདུད་རྩིའི་བསངས་མཆོད་འདིས། །བདག་ཅག་མི་ཤེས་བག་མེད་པས། །སྡོམ་གསུམ་འགལ་ཞིང་ཉམས་པའི་གྲིབ། །རྩ་གསུམ་ཆོས་སྲུང་དཀར་ཕྱོགས་ཀྱི། །ལྷ་ལ་ཕོག་རྣམས་དག་ནས་ཀྱང་། །རྨུ་གབ་མནོལ་འཐིབས་སངས་གྱུར་ཅིག །ཟས་ངན་ཟོས་ཤིང་གོས་ངན་གྱོན། །རོ་བག་རྨེ་མནོལ་བཙོགས་དང་མཁོན། །ཐབ་གཞོབ་མཛེ་ཡུག་གྲིབ་གོས་པ། །ཐམས་ཅད་བསངས་ཤིང་དག་གྱུར་ཅིག །སྣོད་བཅུད་འཇིག་རྟེན་དྲི་མ་སངས། །རྣམ་དག་སྐུ་དང་ཞིང་ཁམས་གྱུར། །འཁྲུལ་རྟོག་ཉོན་མོངས་དྲི་མ་དག །རང་བྱུང་ཡེ་ཤེས་ཀློང་དུ་གྱུར། །ཀུན་ཀྱང་མཉམ་ཉིད་བདེ་ཆེན་ཞིང་། །ཕུན་ཚོགས་བཀྲ་ཤིས་དཔལ་འབར་ཤོག །དེ་ནས་གསེར་སྐྱེམས་འབུལ་བར་

― LT39_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོ་ན། ཨོཾ་ཨཱཿཧཱུྃ། བརྒྱུད་པ་དྲུག་ལྡན་རྩ་བརྒྱུད་བླ་མ་དང་། །སྐྱབས་ཀྱི་མཆོག་གྱུར་ཕྱོགས་དུས་དཀོན་མཆོག་གསུམ། །རྒྱུད་སྡེ་བཞི་དྲུག་ཡི་དམ་ལྷ་ཚོགས་ལ། །གསེར་སྐྱེམས་མཆོད་པ་འབུལ་ལོ་བྱིན་གྱིས་རློབས། །ཡུལ་ཆེན་ཉེར་བཞིའི་ཞིང་སྐྱོང་ཡབ་དང་ཡུམ། །གནས་མཆོག་སོ་གཉིས་དཔའ་བོ་མཁའ་འགྲོ་མ། །རི་རབ་སུམ་ཅུ་རྩ་གཉིས་རྡུལ་མཉམ་ལ། །གསེར་སྐྱེམས་མཆོད་པ་འབུལ་ལོ་ཉམས་རྟོགས་སྤོར། །མ་ཧཱ་ཀཱ་ལ་ཡབ་ཡུམ་ལྕམ་དྲལ་དང་། །སྔགས་སྲུང་མགར་བ་དམར་ནག་ཞིང་སྐྱོང་སོགས། །ཡེ་ཤེས་ལས་དང་འཇིག་རྟེན་ཆོས་སྐྱོང་ལ། །གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད། །རྒྱལ་ཆེན་རྣམ་མང་ཐོས་སྲས་རིགས་ཆེན་བརྒྱད། །ཛཾ་ལྷ་དཀར་སེར་དམར་ནག་ལྷ་མོ་དཔལ། །གནོད་སྦྱིན་ནོར་ལྷ་གཏེར་བདག་ཐམས་ཅད་ལ། །གསེར་སྐྱེམས་མཆོད་པ་འབུལ་ལོ་དངོས་གྲུབ་སྩོལ། །སྡེ་དཔོན་སུམ་ཅུ་དྲེགས་ཆེན་བཅོ་བརྒྱད་དང་། །ཕྱི་ནང་གསང་བའི་སྡེ་བརྒྱད་འཁོར་དང་བཅས། །ཕྱོགས་སྐྱོང་བཅུ་དང་དཔལ་མགོན་བདུན་ཅུ་ལྔར། །གསེར་སྐྱེམས་མཆོད་པ་འབུལ་ལོ་མཐུན་དཔུང་སྐྱེད། །སྲིད་པའི་ས་བདག་དབང་ཆེན་ཡབ་ཡུམ་སྲས། །འབྱུང་བ་ལོ་ཟླ་ཞགས་དུས་སྤར་སྨེའི་བདག །སྟོང་གསུམ་འཛམ་གླིང་ཡུལ་དྲུག་གཞི་བདག་ལ། །གསེར་སྐྱེམས་མཆོད་པ་འབུལ་ལོ་འགལ་རྐྱེན་སོལ། །གངས་

― LT39_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་སྒྲུབ་གནས་གྲགས་པའི་མཚོ་ཆེན་དང་། །ལུང་ལྔ་ལྗོངས་གསུམ་གླིང་དང་སྦས་པའི་ཡུལ། །གནས་ཆེན་ཉེར་ལྔའི་གཞི་གནས་གཏེར་བདག་ལ། །གསེར་སྐྱེམས་མཆོད་པ་འབུལ་ལོ་མཐུན་རྐྱེན་སྒྲུབས། །མགུལ་ལྷ་བཅུ་གསུམ་སྲིད་པའི་ལྷ་ཆེན་དགུ། །བརྟན་སྐྱོང་ཡ་མ་ཁྱད་པར་ཡུལ་འདི་ཡི། །ཕུ་མདའ་ཉིན་སྲིབ་གཉུག་མར་གནས་རྣམས་ལ། །གསེར་སྐྱེམས་མཆོད་པ་འབུལ་ལོ་འདོད་དོན་སྒྲུབས། །ཁྱད་པར་གདན་ས་གོང་འོག་བར་གསུམ་གྱི། །སྲིད་པ་རྒྱུད་ནས་ཆགས་པ་ཡི། །ཆོས་སྐྱོང་གནས་སྲུང་འགོ་ཞིང་གྲོགས་མཛད་དང་། །ནོར་བུ་དགྲ་འདུལ་ཝེར་མའི་ཚོགས་བཅས་ལ། །གསེར་སྐྱེམས་མཆོད་པ་འབུལ་ལོ་སྡོང་གྲོགས་མཛོད། །འགོ་བའི་ལྷ་ལྔ་སྐྱོབ་པའི་ལྷ་དགུ་དང་། །ཕ་མྱེས་རྒྱུད་སྲུང་རིགས་མཚུན་དགྲ་བླ་སོགས། །མགོན་སྐྱོབ་སྡོང་གྲོགས་བྱེད་པའི་ལྷ་རྣམས་ལ། །གསེར་སྐྱེམས་མཆོད་པ་འབུལ་ལོ་ཁ་འཛིན་མཛོད། །འཇིགས་བརྒྱད་ཞི་ཞིང་འབྱོར་དྲུག་ལེགས་ཚོགས་རྒྱས། །སྣང་སེམས་དབང་འདུས་དགྲ་བགེགས་ཚར་ཆོད་ཅིང་། །གཞི་ཕྱེས་ལམ་གསུམ་གནས་སྐབས་མཐར་ཐུག་ཀུན། །བསམ་དོན་ལྷུན་གྱིས་འགྲུབ་པར་མཛད་དུ་གསོལ། དེ་ནས་བརྔན་བྱ་བར་སྤྲོ་ན། ཧཱུྃ། །བླ་མ་ཡི་དམ་སངས་རྒྱས་བྱང་ཆུབ་སེམས། །རྩ་གསུམ་དཀོན་མཆོག་སྲིད་ཞུའི་མགྲོན་རིགས་རྣམས། །དད་པ་དམ་ཚིག་ཀུན་བཟང་མཆོད་པས་བརྔན། །ཚོགས་རྫོགས་

― LT39_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིབ་བྱང་བྱིན་རླབས་དབང་བསྐུར་སྩོལ། །ཆོས་སྐྱོང་དམ་ཅན་ནོར་ལྷ་གཏེར་གྱི་བདག། དཔལ་མགོན་ཕྱོགས་སྐྱོང་ཡོན་ཏན་མགྲོན་རིགས་རྣམས། །དངོས་འབྱོར་ཡིད་སྤྲུལ་མཆོད་སྤྲིན་རྒྱ་མཚོས་བརྔན། །ཆོས་འཁོར་བསྟན་སྐྱོངས་ཕྲིན་ལས་རྣམས་བཞི་སྒྲུབས། །སྟོང་གསུམ་ཛམ་གླིང་བོད་ཡུལ་གཞི་གནས་བདག །དགྲ་བླ་ཝེར་མ་འགོ་ཞིང་གྲོགས་མཛད་རྣམས། །གསེར་སྐྱེམས་ཤེལ་ཚིག་ཟས་ཕུད་འབྲུ་སྣས་བརྔན། །རྒྱལ་ཁམས་བདེ་སྐྱིད་ཁ་འཛིན་སྡོང་གྲོགས་མཛོད། །སྡེ་བརྒྱད་འབྱུང་པོ་དྲེགས་པ་མཐུ་བོ་ཆེ། །ཚེ་རབས་མང་པོའི་ལན་ཆགས་མགྲོན་རིགས་རྣམས། །རང་རང་ཡིད་ལ་འདོད་རྒུའི་སྦྱིན་པས་བརྔན། །གནོད་སེམས་གདུག་རྩུ་བཞི་ཞིང་ཕན་བདེ་སྤེལ། །སྐྱེ་བཞི་ལམ་རྒྱུད་ལྔས་བསྡུས་མཁའ་ཁྱབ་ཀྱི། །མར་གྱུར་འགྲོ་བ་སྙིང་རྗེའི་མགྲོན་རིགས་རྣམས། །དོན་དམ་ཀུན་རྫོབ་བྱང་ཆུབ་སེམས་ཀྱིས་བརྔན། །སྡུག་བསྔལ་ཀུན་ཞི་མྱུར་དུ་འཚང་རྒྱ་ཤོག །མཐར་བྲིན་ལས་བཅོལ་བ་ནི། ཀྱེ། །དེ་ལྟར་བསངས་མཆོད་བརྔན་པའི་མཐུས། །མགྲོན་རིགས་མ་ལུས་མཉེས་ཚིམས་ཏེ། །སྐྱབས་གནས་རྣམས་ཀྱིས་བྱིན་གྱིས་རློབས། །མཆོད་འོས་རྣམས་ཀྱིས་དངོས་གྲུབ་སྩོལ། །ལྷ་དང་སྲུང་མས་ཕྲིན་ལས་སྒྲུབས། །གཞི་གནས་བདག་པོས་ཁ་འཛིན་མཛོད། །འཇིགས་བརྒྱད་ལ་སོགས་མི་མཐུན་ཞི། །འབྱོར་པ་དྲུག་སོགས་མཐུན་རྐྱེན་རྒྱས། །རླུང་སེམས་སྣང་བ་དབང་དུ་

― LT39_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས། །འགལ་རྐྱེན་དགྲ་བགེགས་ཚར་ཆོད་མཛོད། །སངས་རྒྱས་བསྟན་པ་དར་བ་དང་། །བསྟན་འཛིན་ཐུགས་མཐུན་སྐུ་ཚེ་བརྟན། །འདུས་པའི་སྡེ་རྒྱས་བསླབ་གསུམ་དང་། །ཐོས་བསམ་སྒོམ་པ་འཕེལ་བར་མཛོད། །དུས་ཀྱི་རྒུད་པ་མཐའ་དག་ཞི། །བདེ་སྐྱིད་རྫོགས་ལྡན་དཔལ་འབྱོར་རྒྱས། །ཕྱོགས་དུས་ཀུན་ཏུ་དགེ་ལེགས་ཀྱི། །སྣང་བས་རྟག་ཏུ་ཁྱབ་པར་མཛོད། །བདག་ཅག་གར་འགྲོ་གར་འདུག་ཀྱང་། །ལེགས་དང་སྤྲོད་ལ་ཉེས་དང་བསྣོལ། །ཡིད་ལ་ཇི་ལྟར་འདོད་པའི་དོན། །བདེ་བླག་ཉིད་དུ་འགྲུབ་པར་མཛོད། །གཡང་ལེན་སོགས་རྗེས་ཀྱི་རིམ་པ་ནི། ཀྱེ། །འཁོར་འདས་ཕྱོགས་བཅུའི་ཞིང་ཁམས་དང་། །ལྷ་གནས་གླིང་བཞི་བོད་ཁམས་ཀྱི། །ཚེ་བསོད་སྙན་གྲགས་འབྲུ་ནོར་བཅུད། །བཙན་ཕྱུག་འཕན་དར་མངའ་ཐང་སོགས། །མི་ཡི་གཡང་དང་ཕྱུགས་ཀྱི་རྩི། །སྣོད་བཅུད་དཔལ་འབྱོར་བདེ་ལེགས་ཀུན། །ཁུ་ཡེ་ཕྱ་དང་གཡང་དུ་ལེན། །དགོས་འདོད་ཕུན་སུམ་ཚོགས་པར་ཤོག །མ་འབྱོར་མ་དག་ཉམས་པ་སོགས། །ནོངས་པ་གང་མཆིས་བཟོད་བཞེས་ལ། །ལས་དང་དངོས་གྲུབ་ཐོགས་མེད་ཅིང་། །དགྱེས་པས་རྟག་ཏུ་དགོངས་པར་མཛོད། །ཡེ་ཤེས་ལྷ་རྣམས་དབྱིངས་སུ་མུཿ །འཇིག་རྟེན་པ་རྣམས་རང་གནས་གཤེགས། །དུས་སུ་མཆོད་པའི་ཡུལ་དུ་བྱོན། །གནས་སྐབས་མཐར་ཐུག་འདོད་པའི་དོན། །བུམ་བཟང་

― LT39_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བུ་དཔག་བསམ་བཞིན། །འབད་མེད་ལྷུན་གྱིས་འགྲུབ་པ་ཡི། །དགེ་ལེགས་བཀྲ་ཤིས་དཔལ་འབར་ཤོག །མདོ་རྒྱུད་ཁུངས་དང་མི་འགལ་ཞིང་། །ལྷ་སྲུང་དགྱེས་སྐྱེད་ཡུལ་གྱི་ཆོས། །བྱ་སླ་ཕན་བདེ་འཕྲལ་སྟོན་པ། །འདུས་གསལ་བསང་གི་རིམ་པ་བཤད། །སྣང་སྲིད་གདུག་རྩུབ་ཀུན་ཞི་ཞིང་། །གནས་སྐབས་མཐར་ཐུག་བདེ་སྐྱིད་ཀྱི། །དཔལ་དང་ཕུན་སུམ་ཚོགས་པས་འབྱོར། །འཇིག་རྟེན་གསུམ་པོ་དགེ་ལེགས་ཤོག །ཅེས་པ་འདིའང་ལུགས་ཟུང་གི་མཁྱེན་པའི་སྒོ་བརྒྱ་ཡངས་པ་རྗེ་དབོན་མཛོད་པ་རིན་པོ་རིང་བསམ་འགྲུབ་ནས་བཀྲ་ཤིས་པའི་རྟེན་དང་བཅས་ཆེད་དུ་བསྐུལ་མ་གནང་བས། ཀརྨ་ངག་དབང་ཡོན་ཏན་རྒྱ་མཚོས་གདན་ས་ཆེན་པོ་དཔལ་སྤུངས་ཀྱི་གཙུག་ལག་ཁང་དུ་བགྱིས་པ་དགེ་ལེགས་འཕེལ། །

རི་ཁྲུས་ཁྱིམ་ཁྲུས་གངྒཱའི་ཟེགས་མ།

― LT39_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ཁྲུས་ཁྱིམ་ཁྲུས་གངྒཱའི་ཟེགས་མ་ཞེས་བྱ་བ་བཞུགས་སོ། །ན་མཿཔདྨ་སམྦྷ་ཝཱ་ཡ། འདིར་རི་ཁྲུས་དང་ཁྱིམ་ཁྲུས་བགྱིད་པར་སྤྲོ་བས། །གཙང་མའི་ཆབ་ལ་སྨན་བཏབ་པས་བཀང་བའི་བུམ་པ་མཚན་ལྡན་དང་མེ་ལོང་སོགས་འདུ་བགྱེས་ལ། སངས་རྒྱས་ཆོས་དང་སོགས་ལན་གསུམ། སེམས་ཅན་ཐམས་ཅད་སོགས་ལན་གསུམ་དང་། ཨ་མྲྀ་ཏས་བསང་། སྭ་བྷཱ་ཝས་སྦྱངས། སྟོང་ལས་མཚན་རྫོགས་རིན་ཆེན་བུམ་པའི་ནང་། །ཁྲོ་རྒྱལ་སྨེ་བ་བརྩེགས་པ་རྒྱལ་བའི་ཐུགས། །ཉི་སྟེང་ཧཱུྃ་མཐར་སྔགས་ཕྲེང་བསྐོར་བ་ལས། །སྒྲིབ་སེལ་ཡེ་ཤེས་ཆུ་རྒྱུན་བབས་པར་གྱུར། །ཨོཾ་བྷུར་ཁུཾ་མ་ཧཱ་པྲ་མཱ་ཱ་ཡ་བྷུརྩི་བྷུརྐི་བི་མཱ་ན་སེ་ཨུ་ཙུཥྨ་ཀྲོ་དྷ་ཧཱུྃ་ཕཊ། ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨ་ཡཾ་རཾ་བཾ་ལཾ་ཤུདྡྷེ་ཤུདྡྷེ་སྭཱ་ཧཱ། ཞེས་བཏགས་ལ་བརྒྱ་རྩ་བཟླ། མཐར། བུམ་ལྷ་ཁྲོ་བོ་ཆེན་པོ་འོད་དུ་ཞུ་ནས་སྒྲིབ་ཀུན་སྦྱོང་བྱེད་ཡེ་ཤེས་ཀྱི་ཁྲུས་ཆུ་ནུས་མཐུ་དང་ལྡན་པར་གྱུར། །དེ་ནས་དམིགས་པའི་རྟེན་ལ་ཕྱོགས་ཏེ། སྐད་ཅིག་གི་རང་ཉིད་རྡོ་རྗེ་ཁྲོ་བོ་སྨེ་བ་བརྩེགས་པའི་སྐུར་གྱུར། །ན་མོ་མཆོག་གསུམ་རྩ་གསུམ་བདེན་པའི་བྱིན་རླབས་ཀྱིས། །ཡུལ་ཕྱོགས་འདི་དང་ཁྱིམ་ལ་གནས་པའི་ལྷ། །རི་ལྷ་ཕུག་ལྷ་ཐབ་ལ་གནས་པའི་ལྷ། །ཕ་ལྷ་མ་ལྷ་དགྲ་བླ་འགོ་བའི་ལྷ། །གཙང་མའི་ལྷ་ལ་གྲིབ་ཀྱིས་གོས་གྱུར་ན། །

― LT39_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་འབར་བའི་ཁྲུས་ཆུས་བཀྲུ་བར་བགྱི། །དེ་རིང་ཉིད་ནས་བྱང་ཞིང་དག་གྱུར་ཅིག །ཅེས་དང་གོང་གི་སྔགས་བརྗོད། །བདག་ཉིད་ལྷ་ཡི་ཐུགས་ཀ་ནས། །ཤིང་མེ་ས་ལྕགས་ཆུའི་ལྷ་མོ། །རང་རང་འབྱུང་པའི་ཁ་དོག་འཚེར། །ཕྱག་ན་ཁྲུས་བུམ་མེ་ལོང་བསྣམས། །སྣང་བ་རྣམ་དག་ལྷའི་ངོ་བོ། །རྣམ་པ་འབྱུང་བཞི་རྡོ་རྗེའི་རྫས། །གྲིབ་དང་མི་གཙང་དྲི་མ་ཀུན། །སྦྱོང་བྱེད་རྟེན་འབྲེལ་བརྡ་ཐབས་སྤྲོ། །འབྱུང་བའི་ལྷ་རྣམས་བདེན་པའི་མཐུས། །ཡུལ་ལྷའི་གནས་པོའི་སྒོ་གསུམ་ལ། །དམ་གྲིབ་མཁོན་གྲིབ་ནལ་གྲིབ་དང་། །རོ་གྲིབ་ཡུག་གྲིབ་ལ་སོགས་པའི། །གྲིབ་དང་མི་གཙང་ཅི་མཆིས་པ། །ཤེལ་དཀར་བཞིན་ཏུ་དག་གྱུར་ཅིག །ཟླ་བ་བཞིན་ཏུ་གསལ་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། བི་ཧོ་ཤུདྡྷེ་ཤུདྡྷེ། ཨ་ཧི་རཾ་པི་ན་རཾ་ཤུདྡྷེ་རཾ་ཨ་ཨ་ཨཱ་སྭཱ་ཧཱ། ཨོཾ་བི་རསྟི་བི་རསྟི་སྭཱ་ཧཱ། སྔགས་ཚང་མང་དུ་བརྗོད། །དཀོན་མཆོག་གསུམ་གྱི་བདེན་པ་དང་། །བྱང་ཆུབ་སེམས་ཀྱི་ནུས་མཐུ་དང་། །ཏིང་ངེ་འཛིན་གྱི་བྱིན་རླབས་དང་། །ཆོས་དབྱིངས་བསམ་མི་ཁྱབ་པ་དང་། །ཆོས་ཅན་རྟེན་འབྲེལ་བསླུ་མེད་མཐུས། །མི་རྣམས་བྱེད་སྤྱོད་ལོག་པ་ཡིས། །ལྷ་ལ་ཉམས་གྲིབ་ཅི་པོག་པ། །ད་ལྟ་ཉིད་དུ་ངག་གྱུར་ཅིག །བཞུགས་ས་གནས་མལ་བདེ་བ་དང་། །བཀྲག་མདངས་གཟི་བརྗིད་རྒྱས་པ་དང་། །

― LT39_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དང་ལོངས་སྤྱོད་དར་བར་ཤོག །མི་སྲུན་སེམས་དང་ལྡན་པ་ཡང་། །རྒྱུད་ལ་བྱང་ཆུབ་སེམས་སྐྱེས་ནས། །ཡུལ་ཁམས་བདེ་བས་སྐྱོང་བ་སོགས། །དངོས་གྲུབ་མི་ལ་སྩལ་བར་ཤོག །གློ་བུར་འཇིགས་པ་ཀུན་ཞི་ནས། །བཀྲ་ཤིས་བདེ་ལེགས་བརྟན་གྱུར་ཅིག །ཉིན་མོ་བདེ་ལེགས་དང་། དཀོན་མཆོག་གསུམ་གྱི་བཀྲ་ཤིས་སོགས་གང་ཤེས་བརྗོད། མཐར་བསྔོ་བ་སྨོན་ལམ་གྱི་རྒྱས་གདབ་པར་བྱའོ། །ཞེས་པའང་སྐྱེ་དགུ་དགོན་གྱི་བླ་མ་ཞིག་གི་ངོར། ཡོན་ཏན་རྒྱ་མཚོས་རྒྱ་ནག་པདྨེར་གྲགས་པ་འཕགས་པའི་ཕོ་བྲང་གི་མདུན་ཏུ་བྲིས་པ་དགེ་ལེགས་འཕེལ།། །།

བསངས་མཆོད་མི་གཙང་དྲི་སྦྱངས།

― LT39_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

རཾ་ཡཾ་ཁཾ། བསངས་མཆོད་མི་གཙང་བའི་དྲི་མ་སྦྱངས། ཨོཾ་ཨཱཿཧཱུྃ། ཨོཾ་བཛྲ་སྥ་ར་་ཁཾ། །དཀོན་མཆོག་གསུམ་གྱི་བདེན་པ་དང་། །སྟོང་ཉིད་རྟེན་འབྲེལ་བསླུ་མེད་མཐུ། །བདག་གི་ལྷག་བསམ་དག་པ་ཡི། །བསངས་མཆོད་ཟག་མེད་ནམ་མཁའི་མཛོད། །མགྲོན་བཞིའི་དགྱེས་སྐོང་ཉིད་གྱུར་ཅིག །ཀྱེ། །ཕྱོགས་བཅུའི་ཞིང་ཁམས་རབ་འབྱམས་དང་། །སྣང་ཞིང་སྲིད་པའི་འཇིག་རྟེན་ན། །འཇིག་རྟེན་འདས་དང་མ་འདས་པའི། །མཆོད་འོས་མགྲོན་རིགས་མ་ལུས་དང་། །ལྷ་ཀླུ་ས་བདག་ཟོ་དོར་ཚོགས། །ཁྱད་པར་དབུ་ཆེ་བྲག་དཀར་ནི། །སྒོ་སྲུང་བཞི་པོ་འཁོར་དང་བཅས། །དེ་རིང་གཙང་མའི་གནས་འདི་རུ། །མཆོད་པའི་མགྲོན་ཏུ་སྤྱན་འདྲེན་ན། །དགྱེས་པའི་མདངས་དང་གཤེགས་སུ་གསོལ། །རང་མཐུན་མཛེས་པའི་གདན་ལ་བཞུགས། །ཁྱེད་རྣམས་དགྱེས་པའི་མཆོད་རྫས་ནི། །གཡུ་ཤུག་བ་ལུ་མཁན་དཀར་སོགས། །དྲི་ཞིམ་སྤོས་ཀྱི་ཤིང་བསྲེགས་པའི། །བསངས་དུད་ནམ་མཁའ་བར་སྣང་ཁྱབ། །བཀྲ་ཤིས་རྫས་རྟགས་རྒྱལ་སྲིད་སོགས། །འདོད་ཡོན་མཆོད་རྫས་དཔག་མེད་འཕྲོ། །དཀར་གསུམ་མངར་གསུམ་ཕྱེ་མར་བསུར། །གསེར་སྐྱེམས་གཡུ་སྔོན་དར་ཟབ་འབྲུ། །ཇ་ཆང་འོ་ཕུད་འབྲང་རྒྱས་བཤོས། །མདའ་དར་སྨྱུག་རྒོད་བལ་ཚོན་ལྔ། །ཤེལ་ཚིག་དོང་རྩེ་གོ་ཁྲབ་མཚོན། །འབྲས་དཀར་གཡག་

― LT39_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

ལུག་ར་གསུམ་སོགས། །སོ་སོའི་ཐུགས་ལ་གང་བཞེད་པ། །མི་ཟད་ནམ་མཁའི་མཛོད་ཀྱི་སྤྲིན། །དངོས་བཤམས་ཡིད་ཀྱིས་སྤྲུལ་པ་ཡིས། །གསོལ་ལོ་མཆོད་དོ་མངའ་གསོལ་ལོ། །ཀྱེ། །སངས་རྒྱས་ཆོས་དང་དགེ་འདུན་གསུམ། །བླ་མ་ཡི་དམ་མཁའ་འགྲོ་མ། །ཆོས་སྐྱོང་ནོར་ལྷ་གཏེར་བདག་ལ། །ཞི་བ་བསངས་ཀྱི་མཆོད་པ་འབུལ། །སྒྲིབ་སྦྱོང་ཚོགས་གཉིས་རྫོགས་པ་ཡི། །བྱིན་རླབས་དངོས་གྲུབ་སྩལ་དུ་གསོལ། །དཔལ་མགོན་བདུན་ཅུ་རྩ་གཉིས་དང་། །འགོ་བའི་ལྷ་ལྔ་དགྲ་བླའི་ཚོགས། །ཤུགས་མགོན་ཅང་སེང་དྲང་མཁན་གཉན། །སྡེ་བརྒྱད་མགུར་ལྷ་བརྟན་མ་སོགས། །དཀར་ཕྱོགས་སྐྱོང་བ་ཐམས་ཅད་ལ། །ཞི་བ་བསངས་ཀྱི་མཆོད་པ་འབུལ། །ནད་མུག་འཁྲུགས་རྩོད་ཞི་བ་དང་། །སྣོད་བཅུད་བདེ་སྐྱིད་ལྡན་པར་མཛོད། །ཏི་སེ་ཐང་ལྷ་སྦོམ་ར་གཉན། །རྨ་རིགས་ཡང་འཁོར་གྲངས་མེད་བཅས། །དགེ་བསྙེན་ཉི་ཤུ་རྩ་གཅིག་སོགས། །ཆུ་བཞི་སྒང་དྲུག་གཞི་བདག་ལ། །ཞི་བ་བསངས་ཀྱི་མཆོད་པ་འབུལ། །ཚེ་བསོད་དབང་ཐང་ཀླུང་རྟ་སྤེལ། །བསམ་དོན་ཆོས་བཞིན་འགྲུབ་པར་མཛོད། །ཀྱེ། བསང་ངོ་ཕོ་ལྷ་དགྲ་ལྷ་བསངས། །བསང་ངོ་ཡུལ་ལྷ་གཞི་བདག་བསངས། །ཟིལ་ཁྲོམ་རྡོ་རྗེ་གཡུང་དྲུང་བསངས། །གཉན་ལྡང་རྡོ་རྗེ་བློ་གྲོས་བསངས། །རྡོ་རྒྱལ་མུ་ནམ་མཆེད་བརྒྱད་

― LT39_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

བསངས། །ཁྱད་པར་གནས་དང་གཞི་ཡི་བདག །དབུ་ཆེ་བྲག་དཀར་གཉན་པོ་བསངས། །སྡོང་ར་གི་སར་སྤ་ར་དང་། །ཞི་བ་ཡང་འཁོར་བཅས་པ་བསངས། །སྨུག་སངས་རྩེ་རྒྱལ་ཞལ་ད་དང་། །རྡོ་རྗེ་རྫོང་དམར་ང་འདྲ་དང་། །དཔའ་རྒྱལ་ར་རྗེ་གཉན་པོ་བསངས། །གཞན་ཡང་ཁམས་རྒྱལ་བ་སྤུ་སོགས། །ཡུལ་ཕྱོགས་ཕུ་མདའ་ཉིན་སྲིབ་ཀྱི། །སྲ་བ་བྲག་དང་བརྟན་པས། །སྐྱེ་བ་ཤིང་དང་འབབ་པ་ཆུ། །ཁྱིམ་སྒོ་ལམ་སྲང་སྒོ་སྐས་ལ། །གནས་ཤིང་སྡོང་གྲོགས་མཛད་པ་ཡི། །ལྷ་ཀླུ་ས་བདག་ཟོ་དོར་བསངས། །འཁོར་དང་བཅས་པ་ཁྱེད་རྣམས་ཀྱིས། །དགྱེས་པའི་མཐུན་རྫས་འདི་བསྣམས་ལ། ཁ་འཛིན་སྡོང་གྲོགས་མེལ་ཚེ་དར། །བསྲུང་སྐྱོབ་ཞི་རྒྱས་སྦ་བ་སོགས། །རྡོ་རྗེ་འཛིན་པའི་དཀའ་བཞིན་མཛོད། །བདུད་རྩི་བསངས་ཀྱི་དུད་སྤྲིན་འདིས། །ལྷ་སྲུང་གཉེན་པོ་ཁྱེད་རྣམས་ལ། །རོ་བག་དམེ་ཡུག་ཐབ་དང་གཞོབ། །བྱད་གཏང་ངན་སྔགས་དམ་གྲིབ་སོགས། །འབག་བཙོག་མནོལ་བ་ཅི་མཆིས་ཀུན། །དེ་རིང་ཉིད་ནས་སངས་གྱུར་ཅིག །དབུ་འཕང་དགུང་བས་མཐོ་བར་ཤོག །འཇིག་རྟེན་ཀུན་དང་ཡུལ་ཕྱོགས་འདིར། །མི་ནད་ཕྱུགས་ནད་འཐབ་རྩོད་དང་། །བཙའ་སད་སེར་གསུམ་ཞི་བར་མཛོད། །དགྲ་རྐུན་གཅན་གཟན་འཚེ་བ་བཟློག །ཆར་ཆུ་དུས་འབབ་ལོ་ཕྱུགས་ལེགས། །བསྟན་པ་དར་བའི་སྡོང་གྲོགས་མཛོད། །ཁྱད་པར་བདག་

― LT39_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

ཅག་འཁོར་བཅས་རྣམས། །བྱེས་སུ་འགྲོན་བསུ་སྐྱེལ་གྱིས། །གཞི་རུ་སྡོད་ན་རྒྱབ་བརྟེན་གྱིས། །ལེགས་ཁ་རྒྱལ་ཁ་དགུང་དུ་བསྟོད། །བསམ་པའི་བློ་ཁ་ཆོས་ལ་བསྒྱུར། །འདོད་དོན་ཡིད་བཞིན་འགྲུབ་པར་མཛོད། །མཆོད་བསྟོད་ནོངས་པ་བཟོད་བཞེས་ལ། །རང་རང་གནས་སུ་གཤེགས་ནས་ཀྱང་། །སླར་ཡང་དུས་སུ་འབྱོན་པར་མཛོད། །ཀི་བསོ་ཆའོ་ལྷ་རྒྱལ་ལོ། །ཅེས་ཡུལ་ལྷ་གཙོ་བོར་གྱུར་པའི་བསངས་བསྡུས་འདི་ཡང་རང་སློབ་ལྔ་རིག་སྨྲ་བ་ཀརྨ་འགྱུར་མེད་ཀྱིས་བསྐུལ་བར་བརྟན། ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་དུ་བྲིས་པ་དགེ།། ༈ །།ཡུལ་བདག་ཧ་ཁྲའི་བསངས་མཆོད་དཔལ་འབྱོར་རབ་རྒྱས་ཞེས་བྱ་བ་བཞུགས་སོ། །ན་མོ་གུ་རུ་པདྨ་སཾ་བྷ་བཱ་ཡ། ཡུལ་བདག་གཉན་པོ་ཆེད་དུ་གསོལ་བའི་སྐབས་གཙང་མའི་སྣོད་དུ་དཔལ་བཤོས་ཟུར་གསུམ་ཕྲག་པ་ཅན། འཁོར་ཟུར་གསུམ་གསུམ་དང་ཐེབས་ཀྱུ་འདོད་ཡོན་སྣ་ཚོགས་ཀྱིས་བསྐོར་ཞིང་རྒྱན་གྱིས་བརྒྱན་པ་བཤམ། རྒྱུན་དང་ཁྱད་པར་གང་ཡིན་ཀྱང་ཕྱེ་མར། གསེར་སྐྱེམས་སོགས་མཆོད་པར་འོས་པ་འདུ་བྱས་ལ། རང་ཉིད་ལྷའི་ང་རྒྱལ་དང་ལྡན་པས། རཾ་ཡཾ་ཁཾ། མི་གཙང་དྲི་མ་བསྲེགས་གཏོར་བཀྲུས། །བྷྲཱུྃ་ལས་ཡིད་མཐུན་སྣོད་ཀྱི་ནང་། །ཁཾ་ལས་མཆོད་རྫས་བདུད་རྩིའི་མཚོ། །བསངས་མཆོད་བརྔན་གྱི་ཡོ་བྱད་རྣམས། །ནམ་མཁའ་བར་སྣང་ས་གཞི་གང་། །ཟག་པ་མེད་པའི་བདེ་སྐྱེད་གྱུར། །ཨོཾ་ཨཱཿཧཱུྃ། ལན་གསུམ། དབྱངས་རོལ་གྱི་བརྡས་མཚོན་ལ། ཀྱེ། ཡུལ་ནི་

― LT39_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ཕྱོགས་མདོ་ཁམས་སྒང་། །སྨན་གྱི་ཤོད་ལ་དབང་སྒྱུར་བ། །མུ་ནམ་སྲིད་པའི་ལྷ་གཉན་ཆེའི། །རུ་འདྲེན་དགེ་བསྙེན་ཧ་ཁྲ་ནི། །འཁོར་བཅས་བསངས་མཆོད་མགྲོན་ལ་བྱོན། །དགྱེས་པའི་གདན་ལ་བཞུགས་སུ་གསོལ། །ཡུལ་སྐྱོང་ཟོ་དོར་གཉན་པོ་ནི། །མི་སྨུག་སྟག་གི་ན་བཟའ་ཅན། །དབུ་ལ་སྟག་ཆེན་ཅོག་ཞུ་གསོལ། །གཡས་པས་གཏེར་བུམ་དགོས་འདོད་སྩལ། །ཐུགས་དམ་བགྲང་ཕྲེང་གཡོན་ན་བསྣམས། །རི་བཀྲའི་གདན་ལ་འགྱིང་ཞིང་བརྗིད། །བསྐུལ་ནས་ལས་ལ་ཆས་ཙམ་ན། །སྔགས་ཀྱི་མེ་འོད་ཡ་ལ་ལ། །ཐུགས་དམ་དཔལ་གྱི་ཕུར་བུ་འདྲིལ། །གནམ་ལྕགས་ཚྭ་ཚྭ་ཐུ་ལུ་ལུ། །མྱུར་མགྱོགས་སྟོབས་ལྡན་བཞོན་པ་ཅན། །ལས་བྱེད་སྤྲུལ་པའི་ཕོ་ཉ་ནི། །མདུན་ནས་ཤ་ཟན་མི་རྒོད་རྒྱུག །གཡས་ནས་ཐུགས་ལྡན་དྲེལ་མཆུ་རྔམས། །གཡོན་ནས་སྟོབས་ལྡན་ཕག་མཆུ་འགྱེད། །གཞན་ཡང་སྦྲུུལ་འཁོར་བགྲང་ལས་འདས། །ཁྱེད་རྣམས་མཆོད་ཅིང་བརྔན་པའི་རྫས། །བསང་ཆེན་དུད་སྤྲིན་ནམ་མཁའ་གང་། །འདོད་ཡོན་རྣམ་ལྔ་ཆར་དུ་འབེབས། །ཇ་ཆང་འོ་ཞོའི་རྒྱ་མཚོ་བསྐྱིལ། །ཕྱེ་མར་སྨན་འབྲུ་དར་ཟབ་དང་། །རིན་ཆེན་དཀོར་ཆ་དཀར་མངར་ཟས། །བྱ་གཅན་རི་དྭགས་གཡུང་དྭགས་སོགས། །མཁོ་དགུའི་འབྱོར་པ་མ་ཚང་མེད། །དངོས་བཤམས་ཡིད་ཀྱིས་སྤྲུལ་པས་བརྔན། །བཟང་

― LT39_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་སྣ་ཚོགས་དུད་པས་བསང་། །གསོལ་ལོ་མཆོད་དོ་དབུ་འཕང་བསྟོད། །དགྱེས་རབ་ཕུལ་དུ་ཕྱིན་ནས་ཀྱང་། །ཤྲཱི་སི༚ཧ་པདྨ་འབྱུང་། །གསང་བ་ངང་རིང་ལ་སོགས་པ། །གྲུབ་པ་རིག་འཛིན་ཚོགས་རྣམས་ཀྱིས། །བཀའ་བསྒོས་ཐ་ཚིག་དྲན་མཛོད་ལ། །འཇིག་རྟེན་བདེ་བའི་ཕྲིན་ལས་སྒྲུབས། །ཁྱད་པར་ཡུལ་གྱི་དགེ་ལེགས་སྤེལ། །བདག་ཅག་འཁོར་དང་བཅས་པ་རྣམས། །གཞི་རུ་སྡོད་ན་བུ་བཞིན་སྐྱོངས། །བྱེས་སུ་བགྲོད་ན་འབྲལ་མེད་འགྲོགས། །འགལ་རྐྱེན་སོལ་ལ་མཐུན་རྐྱེན་སྒྲུབས། །མི་ལན་ཚ་ཕྱུགས་ལ་གོད། །ཞིང་ལ་ལོ་དགྲ་མ་བཏང་ཞིག །ཁ་འཛིན་རྒྱབ་བརྟེན་སྡོང་གྲོགས་མཛོད། །འདོད་པ་ཡིད་བཞིན་བསྒྲུབ་ཏུ་གསོལ། །དབུ་འཕང་གཉན་པོ་དགུང་དུ་བསྟོད། །བཀྲ་ཤིས་དཔལ་འབྱོར་རབ་རྒྱས་ཤོག །མཐར། སརྦ་གཙྪ་མུ། ཞེས་རང་གནས་སུ་གཤེགས་སུ་གསོལ་ལོ། །ཞེས་པ་འདིའང་དགེ་ལེགས་ཀྱི་བློ་གྲོས་གསལ་བ་རྟ་མགྲིན་དབང་རྒྱང་ནས་ཆེད་དུ་བསྐུལ་ངོར་པདྨ་གར་གྱི་དབང་ཕྱུག་རྩལ་གྱིས་ལྷ་གཉན་ཉིད་ཀྱི་མདུན་ཞོལ་དུ་བགྱིས་པ་ཤེུགྷཾ།། ༈ །།ཨོཾ་སྭ་སྟི་སིདྡྷཾ། ཡུལ་བདག་གི་སར་གཉན་པོའི་བསངས་མཆོད་བྱེད་ན། སྣོད་གཙང་མར་དཀར་བཤོས་གྲུ་བཞི་ལ་བཤས་ཕྲན་ཟླུམ་པོ་བཞིས་བསྐོར་བརྒྱན་གྱིས་བརྒྱན་ཅིང་འདོད་ཡོན་སྣ་ཚོགས་ཀྱིས་སྤྲས་པ་དང་། ཕྱེ་མར་གསེར་སྐྱེམས་བསངས་དུད་སོགས་མཆོད་རྫས་འདུ་བྱས། རཾ་ཡཾ་ཁཾ། མི་གཙང་བའི་དྲི་མ་ཐམས་ཅད་སྦྱངས། ཨོཾ་ཨཱཿཧཱུྃ། གསུམ། དགྱེས་

― LT39_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པ་སངས་ཀྱི་ཡོ་བྱད་ཟད་མི་ཤེས་པས་དང་ནམ་མཁའ་བར་སྣང་གང་བར་གྱུར། བཛྲ་སྥ་ར་་ཁཾ། ཀྱི། རྣམ་རྒྱལ་རབ་བརྟན་ཆོས་ཀྱི་རྫོང་། །ལྷ་ཚོགས་འདུས་མདོ་གྲུབ་པའི་གནས། །སྐྱོང་མཛད་རྡོ་རྗེ་མཐུ་ལྡན་རྩལ། །ཁྱད་པར་འཕགས་པའི་ལྷ་གཉན་ཆེ། །གིས་ར་གཉན་པོ་ཞེས་བྱ་བས། །མི་སྔོན་ཟླ་བའི་འཛུམ་མདངས་ཅན། །གཡུ་ཡི་གོ་ཁྲབ་སི་ལི་ལི། །དར་འཕྲུ་རྒོད་འཕྲུ་སྤུངས་སེ་སྤུང་། །འཁོར་གསུམ་རྣོ་ལྡན་སྐེད་ལ་བསྐོར། །ཕྱག་གཡས་དར་མདུད་ནམ་མཁར་བསྒྲེང་། །བསྟན་པའི་དབུ་འཕང་དགུང་དུ་བསྟོད། །གཡོན་པས་འདོད་འབྱུང་ནོར་བུ་བསྣམས། །སྒྲུབ་ལ་དངོས་གྲུབ་སྣ་ཚོགས་སྟེར། །རྟ་སྔོན་ཆུ་རིས་ལྡན་པ་ཆིབས། །བཙུན་མོ་སྲས་དང་ལྷ་ཀླུ་ཡི། །དགེ་བསྙེན་མང་པོའི་འཁོར་གྱིས་བསྐོར། །རིན་ཆེན་རྒྱན་ཆ་འོད་དུ་འཚེར། །དར་མདུད་རུ་མཚོན་ཚུབས་སེ་ཚུབ། །ཀུ་བསོ་ཆ་སྒྲ་དི་རི་རི། །གཞན་གྱིས་མི་ཐུབ་དཔུང་དང་བཅས། །འདིར་གཤེགས་དགྱེས་པའི་གདན་ལ་བཞུགས། །བཟང་ཤིང་དུད་སྤྲིན་ནམ་མཁའ་གང་། །འབྲུ་སྣ་ཕྱེ་མར་རི་ལྟར་སྤུངས། །ང་ཆང་འོ་སྐྱེམས་མཚོ་ལྟར་བསྐྱིལ། །རིན་ཆེན་དཀོར་ཆ་གྲམ་བུར་བརྡལ། །དར་ཟབ་ཤིང་རྩི་འཇའ་ལྟར་བཀྲ། །ཤེལ་ཚིག་ཁྲི་དཀར་སྟོང་ནག་སོགས། །ཏིང་ངེ་འཛིན་གྱིས་བྱིན་བརླབས་པས། །འདོད་པའི་ཡོན་ཏན་

― LT39_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་ལྔ། །གཟུགས་འགྲོས་ཡིད་འོང་ས་གཞི་ཁྱབ། །དགྱེས་རྫས་གཙང་ཞིང་མ་ཚང་མེད། །ཅི་འདོད་མཁོ་རྒུ་འབྱུང་བ་ཡིས། །གསོལ་ལོ་མཆོད་དོ་མངའ་གསོལ་ལོ། །ཉམས་གྲིབ་ཕོག་པ་བསངས་ཀྱིས་བསངས། །མཁོན་ལྕུགས་ཞུགས་པ་བཤགས་པས་བསྡུམ། །མཆོག་གསུམ་རྩ་གསུམ་བདེན་པའི་མཐུས། །དབུ་འཕང་བཙན་ཞིང་འབྱོར་པ་ཕྱུག །འཁོར་མང་སྟོབས་དང་ལྡན་གྱུར་ཏེ། །གཟི་བརྗིད་མངའ་ཐང་ཕུན་ཚོགས་ཤོག །བསྟེན་མཆོད་སྒྲུབ་ལ་དགྱེས་དགོངས་ཏེ། །གཞི་ལ་འདུག་ན་འཚོ་རྫི་མཛོད། །བྱེས་སུ་འགྲོ་ན་སྡོད་གྲོགས་མཛོད། །དགྲ་རྐུན་གཅན་གཟན་འཚེ་བ་སོགས། །མི་མཐུན་གནོད་པའི་རྐྱེན་རྣམས་ཟློག །འདོད་དོན་བསམ་པ་ཡིད་བཞིན་སྒྲུབས། ཁ་འཛིན་རྒྱབ་བརྟེན་སྲུང་སྐྱོབས་སོགས། །ཅི་བཅོལ་ལས་རྣམས་མཛད་དུ་གསོལ། །ཅེས་ཕུད་མཆོད་ནམ་མཁར་འབུལ་ཞིང་ཟས་སྣ་བསང་ཁང་དུ་བསྲེག །བཛྲ་མུཿས་རང་གནས་སུ་གཤེགས་པར་བྱའོ། །ཞེས་པའང་ཡོན་ཏན་རྒྱ་མཚོ་གར་གྱི་དབང་ཕྱུག་གིས་བྲིས་པ་དགེ་ཞིང་བཀྲ་ཤིས།། ༈ །།ཨོཾ་སྭ་སྟི་ཛ་ཡནྟུ། རྨ་ཐམ་གཉན་པོའི་བསངས་མཆོད་བྱ་བར་འདོད་པས་བསངས་ཀྱི་རྫས་དང་གསེར་སྐྱེམས་རྣམས། རཾ་ཡཾ་ཁཾ། གིས་བསངས། ཨོཾ་ཨཱཿཧཱུྃ་ལན་གསུམ་གྱིས་བྱིན་བརླབ། བསངས་རྫས་མཆོད་པའི་སྤྲིན་བུང་ཟད་མི་ཤེས་པས་ནམ་མཁའི་ཁྱོན་གང་བ་མགྲོན་རྣམས་དགྱེས་པ་སྐྱེད་

― LT39_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རང་བཞིན་ཏུ་གྱུར། ཀྱེ། སྲིད་པ་རྒྱུད་ཀྱི་དཔལ་བོན་ཆེ། །དཀར་ཕྱོགས་སྐྱོང་བའི་ཐ་ཚིག་ཅན། །རྨ་ཐམ་གཉན་པོ་འཁོར་དང་བཅས། །འདིར་གཤེགས་བསངས་དང་མཆོད་པ་བཞེས། །སྨན་ཤོད་སྦས་པའི་ཡུལ་གྱི་དབུས། །དབྱིབས་ལེགས་ལྷུན་ཆགས་ས་འཛིན་གྱི། །བ་གམ་རང་བྱུང་ཕོ་བྲང་ན། །མི་སྨུག་འཕྲུལ་གྱི་གཤེན་པོའི་ཆས། །བགྲང་ཕྲེང་འཛིན་ཅིང་ཐུགས་དམ་ཟློ། །རྔ་གཤང་བསྣམས་ནས་གཙང་རིགས་སྐུལ། །མགུར་ལྷ་གཉན་གྱི་སྐུ་སྲུང་མཛད། །ལས་ལ་ཆས་ཚེ་སྔགས་པའི་གཟུགས། །གཡག་ནག་ཞོལ་ཅན་ཆིབས་སུ་ཆིབས། །གཡས་པས་དཔལ་གྱི་མདུང་མོ་སྒྲེང་། །གཡོན་པས་བདུད་ཞགས་དམ་ཉམས་འཆིངས། །ལན་རེ་བཙན་བདུད་ཁྲོས་པའི་གཟུགས། །བཙན་ཁྲོམ་མང་པོའི་ཁ་ལོ་སྒྱུར། །སྣ་ཚོགས་སྤྲུལ་པའི་ཆོ་འཕྲུལ་སྟོན། །འཁོར་གཡོག་སྡེ་དཔུང་བཅས་པ་རྣམས། །བསང་ངོ་མཆོད་དོ་མངའ་གསོལ་ལོ། །བཟང་ཤིང་སྣ་ཚོགས་དུད་པས་བསངས། །རིན་ཆེན་སྨན་འབྲུ་དང་སྣས་བརྔན། །གཟུགས་འགྲོས་དཀོར་ཆ་སྣ་ཚོགས་འབུལ། །ཇ་ཆང་འོ་ཞོའི་སྐྱེམས་ཀྱིས་མཆོད། །ཕྱེ་མར་ཟས་སྣའི་ཕུད་ལ་རོལ། །ཐུགས་ལ་བཞེད་དགུའི་མཆོད་སྤྲིན་གྱིས། །གཉན་པོ་འཁོར་བཅས་གསོལ་ལོ་མཆོད། །དགྱེས་པའི་ཞལ་གྱི་འཛུམ་སྟོན་ལ། །བྱམས་པའི་ཐུགས་ཀྱིས་

― LT39_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་པར་དགོངས། །མཆོད་ན་ཁ་འཛིན་རྒྱབ་རྟེན་མཛོད། །བརྔན་ན་ཡིད་ལ་གང་འདོད་སྒྲུབས། །བསྟེན་ན་མགོན་སྐྱབས་སྡོང་གྲོགས་གྱིས། །གཞི་གྱེས་ཀུན་ཏུ་བཀྲ་ཤིས་ཤིང་། །ཕྱོགས་ལས་རྣམ་པར་རྒྱལ་བ་དང་། །ཕས་རྒོལ་མི་མཐུན་ཞི་བ་སོགས། །མདོར་ན་ཡིད་ལ་གང་འདོད་པ། །མྱུར་དུ་འགྲུབ་པའི་སྡོང་གྲོགས་མཛོད། །མཆོད་བསྟོད་བྱས་པས་ངོ་མ་ཆུང་། །མ་ཤེས་ལས་ལ་ཕྲག་མ་དོག །རྟག་ཏུ་བྱམས་པས་རྗེས་དགོངས་ལ། །བསམ་པ་སྒྲུབས་ལ་རེ་བ་སྐོངས། །བཅོལ་པའི་ཕྲིན་ལས་འགྲུབ་པར་མཛོད། །ཅེས་པ་འདིའང་དགོས་པའི་དབང་གིས་ཤར་མར་བྲིས་པ་སྟེ་གུ་ས་སོ།། །།

བསངས་གསེར་སྐྱེམས་མདོར་བསྡུས།

― LT39_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། འདོད་པའི་ཕྲིན་ལས་བསྐུལ་བའི་སྐབས་སུ་བབས་པ་ན་བསང་དང་གསེར་སྐྱེམས་གཙང་མར་སྦྱར་བ་བཤམས་ལ། རཾ་ཡཾ་ཁཾ། མི་གཙང་དྲི་མ་བསྲེག་གཏོར་བཀྲུས། སྟོང་པའི་ངང་ལས་དྷུ་ཡིག་ལས། །བསང་མཆོད་འདོད་ཡོན་ནམ་མཁའ་མཛོད། །གསེར་སྐྱེམས་ཟག་མེད་བདུད་རྩིའི་མཚོ། །མཆོག་དམན་མགྲོན་རིགས་མཉེས་བྱེད་གྱུར། ཨོཾ་བཛྲ་སྥ་ར་་ཁཾ། ཀྱཻ། །སངས་རྒྱས་ཆོས་དང་དགེ་འདུན་ཆེ། །བླ་མ་ཡི་དམ་མཁའ་འགྲོའི་ཚོགས། །ཆོས་སྐྱོང་དམ་ཅན་རྒྱ་མཚོ་རྣམས། །བཟང་ཤིང་སྤོས་ཀྱི་དུད་པས་བསང་། །གསེར་སྐྱེམས་ཟག་མེད་བདུད་རྩིས་མཆོད། །བདག་དང་སྲུང་བྱར་བྱིན་གྱིས་རློབས། །སྐུ་རྗེ་གེ་སར་དགྲ་བླའི་ཚོགས། །མགུར་ལྷ་བསྟན་སྐྱོང་ཡ་མ་དང་། །ཕྱི་ནང་གསང་བ་བརྟག་ཆགས་ཀྱི། །སྡེ་བརྒྱད་དྲེགས་པ་འཁོར་གཡོག་བཅས། །བཟང་ཤིང་སྤོས་ཀྱི་དུད་པས་བསང་། །གསེར་སྐྱེམས་ཟག་མེད་བདུད་རྩིས་མཆོད། །བར་ཆད་ཀུན་སོལ་མཐུན་རྐྱེན་སྒྲུབས། །དཀར་པོའི་ཕྱོགས་སྐྱོང་གཞི་བདག་གཙོ། །ཏི་སེ་ཐང་ལྷ་སྤམ་ར་གཉན། །གེ་མཛོ་མཆེད་བརྒྱད་རྒྱམ་རྡོ་ཐི། །ཟིལ་ཁྲོམ་རྡོ་རྗེ་གཡུ་དྲུང་རྩལ། །འབྲི་རྒྱལ་གཉན་ལྡང་ཕྱ་ལྷ་ཆེན། །དབུ་ཆེ་བྲག་དཀར་གཉན་པོ་སོགས། །གནས་ཆེན་ཉེར་ལྔའི་གཞི་གནས་བདག །དགེ་བསྙེན་ཉི་ཤུ་རྩ་

― LT39_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་རྣམས། །བཟང་ཤིང་༴ །གསེར་སྐྱེམས༴ །བདག་འཁོར་ཡུལ་ཕྱོགས་སྲུང་སྐྱོབས་མཛོད། །འབྲུ་ཡི་དགེ་བསྙེན་རྡོ་རྗེ་ཁྲོ་རྒྱལ་དང་། །ཁམས་གསུམ་དབང་ཕྱུག་པདྨ་རི་མཐོ་ཆེ། །འབའ་ལྷ་རྩེ་རྒྱལ་ཟན་ཤི་ལེགས་མགོན་དཀར། །ཚེ་སྨན་རྒྱལ་མོ་གང་གང་མཆེད་བརྒྱད་དང་། །སྨུག་པོ་མདུང་རྩེ་ཡང་མ་དོན་སོ་དཀར།། །།འདན་ཡུལ་སྟོད་སྨད་གཞི་བདག་ཆེ་ཕྲ་རྣམས། །བཟང་ཤིང་སྣ་ཚོགས༴ །གསེར་སྐྱེམས་ཟག་མེད་བདུད་རྩིའི་རྒྱ་མཚོས༴ །ཁ་འཛིན་སྡོང་གྲོགས་རྒྱབ་བརྟེན་གཡེལ་མེད་མཛོད། །ཁྱད་པར་ཡུལ་ཕྱོགས་འདིར་གནས་གཞི་ཡི་བདག །བྲག་ཡར་མདུང་རྩེ་དམར་པོ་བྱ་འཛོང་དང་། །རག་བྲག་ནག་བོན་པོ་རབ་བཀྲམ་ཆེ། །ས་ཤི་གནས་པོ་གཤེ་ལྟག་བོན་པོ་དང་། །སྨན་མོ་སྤུན་བདུན་རི་ཁྱི་བོན་པོ་དང་། །བྲག་དཀར་རྡོ་རྗེ་རྒྱལ་མཚན་སྙན་གོ་རི། །དགུ་ཐི་དིལ་བཙུན་མདུང་གི་རྩེ། །མགོན་པོའི་བླ་མཚོ་རང་གྱེ་བོན་པོ་དང་། །ཨ་མྱེ་ལོང་བ་ལ་སོགས་འཁོར་བཅས་རྣམས། །བཟང་ཤིང་༴ །གསེར་སྐྱེམས༴ །ཡུལ་འདིར་སྲུང་སྐྱོབས་མེ་ལ་ཚེམ་གཡེལ་ཅིག །འབམ་ཆེན་ཕྱུག་མོ་ཨ་མྱེ་འབམ་ཐི་དང་། །དཀར་ཡག་མགུལ་བཀྲ་རྨ་སྡེ་བྱ་ཁྱུང་གཉན། །གཡུ་ལ་བྲག་དཀར་ཨ་མྱེ་བྲག་དཀར་པོ། །རྨ་རྒྱལ་ར་དྷ་མྱེ་རིང་མདུང་རྩེ་དང་། །གྲམ་དཀར་རྩེ་རྒྱལ་

― LT39_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

འབམ་ར་སྟག་གི་རྩེ། །ནོར་བུ་སྤུན་གསུམ་དྲྭམ་མདུད་རྩི་དང་། །དགེ་བསྙེན་ཉ་འགྲམ་གཉན་པོ་ལ་སོགས་པ། །གླིང་དང་རོང་ཆེན་གཞི་བདག་ཟོ་དོར་རྣམས། །བཟང་ཤིང་༴ །གསེར་སྐྱེམས༴ །མི་མཐུན་རྐྱེན་ཟློག་མཐུན་རྐྱེན་བསམ་པ་སྒྲུབས། །རིག་འཛིན་གོང་མའི་ཐ་ཚིག་མ་གཡེལ་བར། །རྣལ་འབྱོར་བདག་གིས་བཅོལ་པའི་ཕྲིན་ལས་མཛོད། །མཆོད་ཅིང་བསྟོད་པའི་ངོ་སོ་མ་ཆུང་བར། །གར་འགྲོ་གར་འདུག་མཐུན་རྐྱེན་ཡིད་བཞིན་སྒྲུབས། །མི་ལ་ནད་ཡམས་ཕྱུགས་ལ་གོད་ཁ་དང་། །ཞིང་ལ་བཙའ་སད་སེར་གསུམ་མ་བཏང་ཞིག །ཁྱད་པར་སྐྱིན་འདང་སེར་བའི་འགྲིམས་ལམ་ཆོད། །འབྲུག་གི་སྐད་ཆོག་སྤྲིན་ནག་གུར་ཁང་ཤིག །རླུང་གི་ངར་སོད་ཐོག་གི་མདའ་མོ་ཆོམས། །ལོ་དགྲ་ལོ་ནད་ཀུན་ཞི་ཡུལ་ཕྱོགས་འདིར། །འབྲུ་བཅུད་ལོ་ཏོག་ལེགས་པའི་ཕྲིན་ལས་མཛོད། །བཀྲ་ཤིས་དགེ་ལེགས་དབྱར་མཚོ་ལྟར་རྒྱས་ཤོག །ཅེས་པའི་ཚུལ་འདི། རྣམ་གླིང་གཅོད་བླ་ཀརྨ་ཡེ་ཤེས་ནས་བསྐུལ་ངོར། །པདྨ་གར་དབང་བློ་གྲོས་མཐའ་ཡས་པའི་སྡེས་བྲིས་པ་དགེ་ལེགས་འཕེལ། །

བཅོམ་ལྡན་འདས་རིག་བྱེད་མའི་བསྐང་བ་དངོས་གྲུབ་འགུགས་པའི་ལྕགས་ཀྱུ།

― LT39_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་རིག་བྱེད་མའི་བསྐང་བ་དངོས་གྲུབ་འགུགས་པའི་ལྕགས་ཀྱུ་ཞེས་བྱ་བ་བཞུགས་སོ། ཧྲཱིཿ མཁའ་སྐྱོད་བདེ་ཆེན་དག་པའི་ཞིང་། །བོ་ཊ་ལ་དང་ཨོ་རྒྱན་ཡུལ། །ཀུ་རུ་ཀུལླེའི་བྲག་ཕུག་ནས། །བཅོམ་ལྡན་འདས་མ་རིག་བྱེད་མ། །གོ་རཱི་ལྷ་མོ་བཅུ་བཞི་དང་། །དབང་མཛད་ཌཱ་ཀི་འབུམ་དང་བཅས། །ཡིད་ལྟར་མྱུར་བའི་རྫུ་འཕྲུལ་གྱིས། །བསྐང་བའི་གནས་འདིར་གཤེགས་སུ་གསོལ། །དགྱེས་པའི་གདན་ལ་བརྟན་པར་བཞུགས། །ལུས་ངག་ཡིད་གསུམ་གུས་ཕྱག་འཚལ། །ཆུ་གཉིས་ཉེར་སྤྱོད་འདོད་ཡོན་ལྔ། །བཀྲ་ཤིས་རྫས་རྟགས་རྒྱལ་སྲིད་བདུན། །གླིང་བཞི་རི་རབ་ཉི་ཟླ་སོགས། །ཕྱི་ཡི་མཚོད་པས་ཐུགས་དམ་བསྐང་། །ཤ་ལྔ་བདུད་རྩི་ཡིག་འབྲུ་ལྔ། །སྦྱངས་རྟོགས་སྤར་བྱས་ར་ས་ཡ། །སྒྲུབ་པའི་དམ་ཚིག་རྫས་ཆེན་པོ། །ནང་གི་མཆོད་པས་ཐུགས། །ཕྱི་སྣོད་ནང་བཅུད་འབྱོར་ཚོགས་ཀུན། །གཙང་སྨེ་གཉིས་མཉམ་རྟོགས་པ་ཡིས། །རང་བྱུང་ཡེ་ཤེས་ཚོགས་སུ་བརླབས། །གསང་བའི་མཆོད་པས་ཐུགས༴ །འཕོ་མེད་དགའ་བཞིའི་སྦྱོར་བ་དང་། །དུག་གསུམ་དབྱིངས་སུ་བསྒྲལ་བ་དང་། །ལྷ་སྔགས་ཆོས་སྐུའི་འདུ་འཕྲོ་སྟེ། །དེ་ཁོ་ན་ཉིད་མཆོད་པས་བསྐང་། །མདོར་ན་འཇིག་རྟེན་རབ་འབྱམས་སུ། །བདག་པོས་བཟུང་དང་མ་བཟུང་བ། །ཁྱད་པར་

― LT39_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གི་མཐུན་རྫས་སོགས། །དངོས་སུ་འབྱོར་དང་ཡིད་ཀྱིས་སྤྲུལ། །འདོད་དགུའི་ཆར་སྤྲིན་ནམ་མཁའ་མཛོད། །མཁའ་དབྱིངས་ཁྱབ་པར་སྤེལ་བ་འདིས། །རྩ་བརྒྱུད་བླ་མའི་ཐུགས་དམ་བསྐང་། །ཡི་དམ་ལྷ་ཚོགས༴ །དཔའ་བོ་མཁའ་འགྲོའི༴ །ཆོས་སྐྱོང་སྲུང་མའི༴ ཁྱད་པར་བཅོམ་ལྡན་རིག་བྱེད་མ། །གཽ་རཱི་ལྷ་མོ་བཅུ་བཞི་དང་། །བཀའ་སྡོད་གནོད་སྦྱིན་མོ་ལ་སོགས། །འཁོར་དང་བཅས་པའི་ཐུགས་དམ་བསྐང་། །བདག་ཅག་མ་རིག་དབང་གྱུར་པས། །ལྟ་སྤྱོད་འཁྲུལ་ཞིང་གསང་དམ་གཡེལ། །རང་དོན་ལས་སྦྱོར་བརྩམས་པ་སོགས། །རྩ་བ་ཡན་ལག་དམ་ཚིག་ལ། །ཉམས་ཆགས་འགལ་འཁྲུལ་ཅི་མཆིས་པ། །གནོང་ངོ་འགྱོད་དོ་མཐོལ་ལོ་བཤགས། །དག་ཚངས་མཆོག་གི་དངོས་གྲུབ་སྩོལ། །སྣང་སྲིད་འཁོར་འདས་ཞིང་ཀུན་ན། །ཚེ་བསོད་དཔལ་འབྱོར་སྙན་གྲགས་སོགས། །བརྟན་དང་གཡོ་བའི་ཆོས་བཅུ་བཞིའི། །དྭངས་སྲོག་རྣལ་འབྱོར་ཟུངས་སུ་ཁུག །དུས་མ་ཡིན་པའི་འཆི་བ་སོལ། །ནད་མཚོན་མུ་གེའི་འཇིགས་ལས་སྐྱོབས། །མཁས་གྲུབ་དགེ་བའི་བཤེས་གཉེན་དང་། །རྒྱལ་བློན་སྐྱེས་པ་བུད་མེད་དང་། །འབྱུང་པོ་སྡེ་བརྒྱད་མ་ལུས་པའི། །བླ་ཡིད་སེམས་གསུམ་དབང་དུ་སྡུས། །མཁོ་དགུའི་ལོངས་སྤྱོད་སྤྲིན་ལྟར་

― LT39_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

གཏིབས། །བསོད་ནམས་དབང་ཐང་མཚོ་ལྟར་རྒྱས། །གཞན་ཕན་ནམ་མཁའི་མཐའ་དང་མཉམ། །དོན་གཉིས་ལྷུན་གྲུབ་དངོས་གྲུབ་སྩོལ། །རླུང་སེམས་སྣང་བ་དབང་འདུས་ནས། །འབྲེལ་ཚད་དོན་དང་ལྡན་པར་མཛོད། །མདོར་ན་མཆོག་དམན་པར་མའི་འགྲོ། །སྣང་བ་དམ་པའི་ཆོས་ལ་སྒྱུར། །ལམ་སྣ་བདེ་ཆེན་ཞིང་དུ་དྲོངས། །ཇི་ལྟར་ཕྲིན་ལས་གསོལ་བའི་འབྲས། །མི་བསླུ་ད་ལྟ་ཉིད་དུ་སྩོལ། །ཅེས་པའང་བསྟན་པའི་དོན་ལ་མཁོ་གལ་གྱུར་ཏེ་ཁྲོ་ཆུ་ཤུ་བྷ་འབྲུག་དགུ་གླིང་དུ་སུ་ཁ་བཛྲས་ཆེད་དུ་སྤེལ་བ་དགེ་ལེགས་འཕེལ།། །།

གནས་མཆོག་རྫོང་ཆེན་ཁམས་ཕུག་ཡན་ལག་དང་བཅས་པའི་གསོལ་མཆོད་དགེ་ལེགས་ཀྱི་ཏམྦུར།

― LT39_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་མཆོག་རྫོང་ཆེན་ཁམས་ཕུག་ཡན་ལག་དང་བཅས་པའི་གསོལ་མཆོད་དགེ་ལེགས་ཀྱི་ཏམྦུར་ཞེས་བྱ་བ་བཞུགས་སོ། །

― LT39_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་སིདྡྷཾ། གནས་མཆོག་སྲུང་མའི་དབང་པོ་དང་བཅས་པ་བསང་ཞིང་མཆོད་པར་འདོད་ན། བསང་དང་གསེར་སྐྱེམས་གཏོར་མ་དཀར་དམར་སོགས་ཇི་ལྟར་འབྱོར་པ་བཤམས་ལ། ཨོཾ། དག་པ་ཡེ་ཤེས་རང་རྩལ་གྱིས། །མ་དག་སྣང་བའི་དངོས་ཀུན་སྦྱང་། །ཞིང་ཁམས་ཀུན་ཁྱབ་མཆོད་པའི་སྤྲིན། །ནམ་མཁའ་མཛོད་ཀྱི་རང་བཞིན་གྱུར། །རྃ་ཡྃ་ཁྃ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་སོགས། ཨོཾ་ཨཱཿཧཱུྃ་ལན་གསུམ་གྱིས་བྱིན་གྱིས་བརླབ། ཧཱུྃ་ཧྲཱིཿ། འོད་གསལ་དབྱིངས་ཀྱི་ཐིག་ལེ་ལས། །རང་བྱུང་ཀུན་བཟང་མཆོད་པའི་རྫས། །ཕྱི་ནང་གསང་བ་ལྷུན་གྲུབ་པ། །བསམ་ཡས་རོལ་པ་ཆེན་པོ་དང་། །དད་ཅིང་མོས་པས་ལེགས་སྦྱར་བ། །བདུད་རྩི་ཅན་ཤིང་བསངས་ཀྱི་སྤྲིན། །རོ་བརྒྱ་དང་ལྡན་གསེར་སྐྱེམས་དང་། །གཏོར་ཚོགས་བདུད་རྩིའི་རྒྱ་མཚོ་སོགས། །དངོས་འབྱོར་ཡིད་ཀྱིས་སྤྲུལ་པ་ཡིས། །གདོད་ནས་རང་བྱུང་རྒྱལ་བའི་ཞིང་། །རྣམ་སྣང་སྐུ་ཡི་བཀོད་པ་ཆེ། །རྩ་བ་ཡན་ལག་བཅས་པ་ཡི། །རྟེན་དང་བརྟེན་པ་ཐམས་ཅད་ལ། །གསོལ་ལོ་མཆོད་དོ་བྱིན་ཆེན་ཕོབ། །ཁྱད་པར་འོད་གསལ་གྲུབ་པའི་རྩེ། །མཁའ་སྤྱོད་རྡོ་རྗེའི་ཕོ་བྲང་ན། །བཞུགས་པའི་དབྱིངས་ཕྱུག་མཁའ་འགྲོའི་ཚོགས། །ཡེ་ཤེས་ལས་དང་འཇིག་རྟེན་པ། །བྱེ་བ་བསམ་མི་ཁྱབ་པ་ལ། །གསོལ་ལོ་མཆོད་དོ་དངོས་གྲུབ་སྩོལ། །གྲུ་འཛིན་སྙིང་རྗེའི་རྫོང་ཆེན་ན། །འགྲོ་ལ་སྤྱན་རས་གཟིགས་པའི་ལྷ། །ནམ་མཁའི་མཐར་ཁྱབ་གསང་བ་གསུམ། །གྲོལ་

― LT39_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བཞི་ལྡན་དཀྱིལ་འཁོར་པར། །གསོལ་ལོ་མཆོད་དོ་ཐུགས་རྗེས་གཟིགས། ཁམས་ལྔའི་དྭངས་མ་འདུས་པའི་ཕུག །པདྨ་འོད་ཀྱི་ཚོགས་ཁང་ན། །སྐུ་གསུམ་བླ་མ་ཧེ་རུ་ཀ །རྗེ་འབངས་རིག་འཛིན་ཕོ་མོའི་ཚོགས། །གཅིག་དང་དུ་མ་ལས་འདས་ཤིང་། །བརྟན་གཡོ་ཀུན་ཁྱབ་ཡེ་ཤེས་སྐུར། །གསོལ་ལོ་མཆོད་དོ་བྱིན་གྱིས་རློབས། །ཕྱི་ལྟར་བོད་སྐྱོང་བརྟན་མ་ཆེ། །དབྱིངས་ཀྱི་རང་རྩལ་ཅི་ཡང་སྣང་། །སྤྲུལ་པའི་གཟུགས་ཀྱིས་བོད་ཁམས་ཁྱབ། །ཁྱད་པར་ཉམས་དགའི་ས་འཛིན་ཆེར། །བརྟེན་ཅིང་ལེགས་ཉེས་སྟངས་འཛིན་ལ། །གསོལ་ལོ་མཆོད་དོ་མཐའ་དབུས་སྲུངས། །ནང་ལྟར་དབྱིངས་ཕྱུག་ཆོས་ཀྱི་སྒྲོན། །ཡེ་ཤེས་དམ་ཚིག་དབང་གི་ལྷ། །ཤ་ཟ་མཁའ་འགྲོ་མཆེད་འཁོར་བཅས། །ཀུན་བཟང་ཤེས་རབ་ཕ་རོལ་ཕྱིན། །རིགས་ལྔ་ཡུམ་གྱི་རང་བཞིན་ནི། །འགྲོ་འདུལ་ཉམས་བརྒྱའི་གར་མཁན་ལ། །གསོལ་ལོ་མཆོད་དོ་བདེ་སྟོང་སྦོར། །གསང་བ་རྡོ་རྗེ་བཙུན་མོའི་འཕྲུལ། །ཁྲག་འཐུང་དབང་མོ་དུད་སོལ་མ། །འདོད་ཁམས་བདག་མོ་རང་བྱུང་རྒྱལ། །ཞི་མཛད་དཀར་མོ་དུང་སྐྱོང་མ། །རབ་ཏུ་ཁྲོས་པ་དམ་གཟོར་རྒྱལ། །སྐུ་གཅིག་སྤྲུལ་པ་བྱེ་བ་འབུམ། །མིང་བརྒྱ་མཚན་སྟོང་ཆོ་འཕྲུལ་ཅན། །སྣང་སྲིད་མ་མོའི་ལྷ་ཚོགས་ལ། །གསོལ་ལོ་མཆོད་དོ་བསྟན་པ་སྲུངས། །གཞན་ཡང་གནས་གཏེར་སྐྱོང་མཛད་པ། །སྟོང་དཔོན་རྡོ་རྗེ་

― LT39_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པ་སོགས། །དམ་ཚིག་ཅན་གྱི་དགེ་བསྙེན་དང་། །རི་བྲག་ཆུ་མཚོ་ལྗོན་ཤིང་ལ། །གནས་བཅས་འབྱུང་པོ་ཡིད་གཟུགས་ཅན། །རིགས་དང་རྣམ་འགྱུར་མ་ངེས་ཤིང་། །ཕན་གནོད་བསམ་སྦྱོར་འཆང་རྣམས་ལ། །གསོལ་ལོ་མཆོད་དོ་བསམ་དོན་སྒྲུབས། །རྩ་གསུམ་དགྱེས་པའི་གནས་མཆོག་གི། །ཤར་ཕྱོགས་དགེ་བསྙེན་མཐུ་སྟོབས་ཅན། །ལྷོ་ཕྱོགས་སེར་མོ་དོན་ཀུན་འགྲུབ། །ནུབ་ཕྱོགས་ཙཎྜི་དབང་གི་ལྷ། །བྱང་ཕྱོགས་གཏེར་འཆང་གནོད་སྦྱིན་ཆེ། །རང་རང་གཡོག་འཁོར་བཅས་པ་ལ། །གསོལ་ལོ་མཆོད་དོ་མཐུན་རྐྱེན་སྒྲུབས། །གཡས་ཕྱོགས་རྫུ་འཕྲུལ་གསས་མཁར་ན། །དཔལ་ཆེན་མེ་རི་འབར་བའི་ལྷ། །སྤྲུལ་པའི་གསས་ཆེན་བྱེ་བ་འབུམ། །མཐུ་སྟོབས་བསྐལ་པའི་མེ་དཔུང་བཞིན། །བོན་གཤེན་རིག་འཛིན་ཚོགས་བཅས་ལ། །གསོལ་ལོ་མཆོད་དོ་འགལ་རྐྱེན་སོལ། །གབ་པའི་གཡུ་མཚོ་གཏིང་ཟབ་ནི། །དངོས་གྲུབ་བཅུད་དུ་འཁྱིལ་བ་ན། །ཀླུ་ཡི་རྒྱལ་པོ་བཱ་སུ་ཀི། །བཙུན་མོ་སྲས་དང་བློན་འཁོར་བཅས། །རིགས་བཞི་ཀླུ་ཡི་ཚོགས་རྣམས་ལ། །གསོལ་ལོ་མཆོད་དོ་ཀླུ་གཡང་ཕོབ། །གཡོན་ཕྱོགས་སོར་སྒྲོམ་གནས་སྲུང་བ། །ལྷ་བཙན་དགེ་བསྙེན་ཆེན་པོ་ནི། །རྡོ་རྗེ་མཛོད་མང་འཁོར་བཅས་དང་། །ཁྱད་པར་རིན་ཆེན་རྣམ་བཀོད་ཅིང་། །འདོད་འབྱུང་དགའ་བའི་ཚལ་ཆེན་ན། །ཟས་གོས་ནོར་གྱི་དཔལ་

― LT39_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་པ། །ཤ་ཟའི་མཁའ་འགྲོ་ཆེན་མོ་ནི། །ཀུན་འཁྱིལ་མཆེད་གསུམ་འཁོར་བཅས་ལ། །གསོལ་ལོ་མཆོད་དོ་འབྱོར་དྲུག་སྤེལ། །རྩ་གསུམ་ཆོས་སྐྱོང་ནོར་གྱི་ལྷ། །གཞི་གནས་གཏེར་བདག་འཁོར་དང་བཅས། །མཆོད་སྤྲིན་རྒྱ་མཚོས་ཐུགས་དམ་བསྐང་། །བསྟོད་དབྱངས་རོལ་མོས་མངའ་ཆེན་གསོལ། །གསེར་སྐྱེམས་ཕུད་ཀྱི་གཟི་མདངས་བསྐྱེད། །བཟང་ཤིང་དུད་པས་མནོལ་བ་བསང་། །མ་རིག་དབང་གིས་ནོངས་པའི་ལས། །འགྱོད་པས་བཤགས་སོ་ཚངས་པ་སྩོལ། །ཀུན་ཏུ་དགྱེས་པའི་སྐུ་གསུང་ཐུགས། །སྤྲིན་བྲལ་ཟླ་བ་རྒྱས་པ་ལས། །དངོས་གྲུབ་བདུད་རྩིའི་རྒྱུན་བཟང་གིས། །འདོད་རྒུའི་རེ་བ་བསྐང་བར་མཛོད། །གནས་སྐབས་མཐར་ཐུག་ཐམས་ཅད་དུ། །ཉེས་ཚོགས་མུན་པ་ཀུན་ཞི་ཞིང་། །ལེགས་དགུའི་སྣང་བ་རྒྱས་པ་ཡི། །ཕན་བདེས་འཇིག་རྟེན་ཀུན་ཁྱབ་ཤོག །ཅེས་པ་འདིའང་ལས་འཕྲོ་རྣམ་པར་དགེ་བའི་གནས་ཀྱི་བདག་པོ་ཡོན་མཆོད་རྣམས་ཀྱི་ཐུགས་ཀྱི་བཞེད་དོན་འགྲུབ་པའི་སླད་དུ། སྔགས་རིག་འཛིན་པ་པདྨ་གར་གྱི་དབང་ཕྱུག་གམ། འཆི་མེད་བསྟན་གཉིས་གཡུང་དྲུང་གླིང་པ་རྩལ་གྱིས་གནས་ཆེན་འདི་ཉིད་ཀྱི་མདུན་ཞོལ་བདེ་སྐྱིད་ཕུན་ཚོགས་འཁྱིལ་པའི་གཞིས་ཀར་བྲིས་པ་དགེ་ལེགས་འཕེལ།། །།

བླ་མའི་ཐུགས་སྒྲུབ་བར་ཆད་ཀུན་སེལ་ལས་བླ་མ་ནོར་ལྷའི་བསངས་མཆོད་དགོས་འདོད་སྤྲིན་ཕུང་།

― LT39_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མའི་ཐུགས་སྒྲུབ་བར་ཆད་ཀུན་སེལ་ལས། བླ་མ་ནོར་ལྷའི་བསངས་མཆོད་དགོས་འདོད་སྤྲིན་ཕུང་ཞེས་བྱ་བ་བཞུགས་སོ། །ན་མཿཔདྨ་སཾ་བྷ་བཱ་ཡ། གཙང་ཞིང་དག་པར་སྦྱར་བའི་བསངས་ཀྱི་མཆོད་རྫས་ཅི་འབྱོར་པ་རྣམས། རཾ་ཡཾ་ཁཾ། གིས་སྦྱང་། ཨོཾ་ཨཱཿཧཱུྃ་བསང་རྫས་རྡོ་རྗེ་བདུག་སྤོས་ལས་བྱུང་བའི་མཆོད་པའི་ཁྱད་པར་ཀུན་བཟང་རྣམ་པར་རོལ་པའི་འོད་ཟེར་སྤྲིན་གྱི་དྲྭ་བ་ཞིང་ཁམས་རྒྱས་པར་བཀོད་པ་ལས་དགོས་འདོད་ནམ་མཁའ་མཛོད་ཀྱི་ཆར་རྒྱུན་ཟད་མེད་དུ་འཇོ་བར་གྱུར། ཨོཾ་བཛྲ་སྥ་ར་་ཁཾ། ཞེས་བྱིན་བརླབ། ཧྲཱིཿ །དུས་གསུམ་སངས་རྒྱས་ཡོན་ཏན་མཛོད། །འདོད་རྒུའི་མཆོག་སྩོལ་ཡིད་བཞིན་ནོར། །དབུལ་བའི་འཇིགས་སྐྱོབས་ནོར་གྱི་ལྷ། །སྐྱེས་མཆོག་ཚུལ་བཟང་དབྱིངས་ནས་བཞེངས། །སྤྱན་འདྲིན་གཤེགས་བཞུགས་མི་མངའ་ཡང་། །ཐུགས་རྗེ་ཡུལ་ལ་འཇུག་པའི་རྩལ། །འདས་དང་མ་འདས་སྣང་ཚུལ་ལས། །ནོར་བདག་བྱེ་བ་འབུམ་དང་བཅས། །བཀྲ་ཤིས་གཙང་ཞིང་དགེ་བའི་གནས། །དད་མོས་གདུང་བའི་མཁའ་དབྱིངས་སུ། །དགྱེས་པས་དགོངས་ལ་བརྟན་པར་བཞུགས། །སྟོང་གསལ་ཐབས་དང་ཤེས་རབ་ལས། །རང་བྱུང་མཆོད་པའི་ཕྱག་རྒྱ་ཆེ། །ལྷུན་གྲུབ་བདུད་རྩི་ཅན་གྱི་ཤིང་། །འབྱུང་བ་མེ་རླུང་སྦྱོར་བ་ལས། །དྲི་མ་གཙང་བྱེད་ཤུགས་ལས་གྲུབ། །མཆོད་པའི་སྤྲིན་ཕུང་མཁའ་ལ་འཕྲོ། །འདོད་རྒུའི་ཆར་

― LT39_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཅི་ཡང་འབེབས། །འོད་གསལ་ཐིག་ལེ་ཆེན་པོའི་མདངས། །རྡོ་རྗེ་བདུག་སྤོས་རྣམ་ཐར་གྱི། །བཀོད་པའི་ཁྱད་པར་བསམ་མི་ཁྱབ། །ཟག་མེད་ཡེ་ཤེས་རོལ་པ་ལས། །དངོས་གྲུབ་ཆར་འབེབས་ལྷ་ཚོགས་རྣམས། །མཆོད་དོ་བསང་ངོ་མངའ་གསོལ་ལོ། །ཧྲཱིཿ །དཀོན་མཆོག་རྩ་གསུམ་འདུས་པའི་སྐུ། །རྗེ་བཙུན་པདྨ་སཾ་བྷ་བ། །ཡིད་བཞིན་ནོར་བུ་དངོས་གྲུབ་གཏེར། །རང་སྣང་མཁའ་འགྲོའི་ཚོགས་བཅས་ལ། །བདུད་རྩི་བསང་གི་མཆོད་སྤྲིན་འབུལ། །བདག་དང་མཁའ་མཉམ་སེམས་ཅན་ཀུན། །དབུལ་བའི་འཇིགས་ལས་བསྐྱབ་ཏུ་གསོལ། །མཆོག་ཐུན་དངོས་གྲུབ་ཆར་ལྟར་ཕོབ། །དམིགས་མེད་ཐུགས་རྗེ་ཆེན་པོའི་སྟོབས། །འདོད་རྒུར་སྒྱུར་བའི་ནོར་གྱི་ལྷ། །སྐུ་ཡི་ནོར་བདག་ཛཾ་ལྷ་དཀར། །བདེ་གཤེགས་རིགས་ཀྱི་ཚོགས་བཅས་བསང་། །ཡོན་ཏན་ནོར་བདག་ཛཾ་ལྷ་སེར། །རིན་ཆེན་རིགས་ཀྱི་ཚོགས་བཅས་བསང་། །གསུང་གི་ནོར་བདག་ཛཾ་ལྷ་དམར། །པདྨ་རིགས་ཀྱི༴ །ཕྲིན་ལས་ནོར་བདག་ཛཾ་ལ་ལྗང་། །ལས་ཀྱི་རིགས་ཀྱི་ཚོགས༴ །འཁོར་འདས་བརྟན་གཡོའི་ཕྱ་དང་གཡང་། །སྒྲུབ་པའི་གནས་འདིར་འདུ་བར་མཛོད། །ཚོགས་རྗེ་ཚོགས་བདག་གླང་པའི་གདོང་། །ལྷ་ཡི་ནོར་ལྷའི་ཚོགས་བཅས་བསང་། །བྱང་ཆུབ་སེམས་མ་ནོར་གྱི་རྒྱུན། །གནས་ཡུལ་ཞིང་སྐྱོང་ཚོགས་བཅས་བསང་། །

― LT39_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་མཛད་བཅོམ་ལྡན་རིག་བྱེད་མ། །ཀླུ་ཡི་ནོར་ལྷའི་ཚོགས༴། ས་བརྒྱད་དབང་ཕྱུག་ངལ་གསོས་པོ། །གནོད་སྦྱིན་ནོར་ལྷའི་ཚོགས་བཅས་བསང་། །ལྷ་ཀླུ་མི་དང་གནོད་སྦྱིན་གྱི། །ཕྱ་གཡང་དཔལ་འབྱོར་འདིར་སྩོལ་ཅིག །དབྱིག་གི་ནོར་བདག་ནོར་བུ་བཟང་། །ཅང་ཤེས་ནོར་བདག་རེ་མནྟ། །ཟས་གོས་ནོར་བདག་གནོད་སྦྱིན་དམར། །རྐང་བཞིའི་ནོར་བདག་ཀུ་བེ་ར། །རང་རང་སྡེ་དཔུང་བཅས་པ་བསང་། །ནོར་དབྱིག་ཅང་ཤེས་ཟས་དང་གོས། །རྐང་བཞི་ཕྱུགས་ཀྱི་དངོས་གྲུབ་སྩོལ། །ཡུལ་འཁོར་སྲུང་དང་འཕགས་སྐྱེས་པོ། །སྤྱན་མི་བཟང་དང་རྣམ་ཐོས་སྲས། །འཇིག་རྟེན་སྐྱོང་བའི་ཚོགས་བཅས་བསང་། །ཕྱོགས་བཞིའི་གཡང་དང་ལེགས་པའི་དཔལ། །དམུ་ཡང་བཅུད་ཀུན་འདིར་འདུས་མཛོད། །གཞན་ཡང་རྩ་གསུམ་ནོར་གྱི་ལྷ། །ལྷ་ཀླུ་གནོད་སྦྱིན་གཞི་གནས་བདག། དགེ་བའི་གྲོགས་མཛད་དཀར་ཕྱོགས་སྐྱོང་། །ལེགས་པའི་དོན་སྒྲུབ་འཁོར་བཅས་བསང་། །འཁོར་འདས་བརྟན་གཡོའི་ཕུན་ཚོགས་དཔལ། །གནས་འདིར་སྡུས་ལ་གོང་དུ་སྤེལ། །བཀྲ་ཤིས་དགེ་ལེགས་རབ་རྒྱས་མཛོད། །ཏིང་འཛིན་བྱིན་རླབས་བསང་མཆོད་ཀྱིས། །སྣོད་ཀྱི་ཉེས་སྐྱོན་རྒུད་པ་བསང་། །རྣམ་དག་པདྨ་དྲྭ་བའི་ཞིང་། །བཀོད་པ་ཕུན་ཚོགས་གཡང་དུ་འཁྱིལ། །འཕོ་མེད་སྡོམ་པའི་གཙང་

― LT39_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་ཀྱིས། །བཅུད་ཀྱི་སེམས་ཅན་ཉོན་མོངས་བསང་། །རྣམ་དག་སྐུ་དང་ཡེ་ཤེས་དང་། །འགྱུར་མེད་བདེ་ཆེན་གཡང་དུ་འཁྱིལ། །རང་རིག་རྟོག་བྲལ་འོད་གསལ་གྱིས། །མཚན་འཛིན་འཁྲུལ་པའི་དྲི་མ་བསང་། །རྣམ་དག་ཐིག་ལེ་ཁྱབ་བརྡལ་ཆེ། །སྲིད་ཞི་མཉམ་ཉིད་གཡང་དུ་འཁྱིལ། །རང་སྣང་དབྱིངས་སུ་ཤར་བའི་མགྲོན། །དངོས་གྲུབ་ནོར་བུའི་ཆར་རྒྱུན་བཅས། །འགྲོ་འོང་རྟག་ཆད་བྲལ་བའི་ཀློང་། །མཉམ་ཉིད་ཆེན་པོར་བརྟན་པར་བཞུགས། །སྣོད་བཅུད་དྭངས་མ་རྫོགས་ལྡན་གྱི། །དཔལ་འབར་བཀྲ་ཤིས་ཀུན་ཁྱབ་ཤོག །ཅེས་པ་འདིའང་སྙིགས་དུས་ཀྱི་སྐྱོབས་པ་པདྨ་སཾ་བྷ་བའི་ཞལ་སྐྱིན་གཏེར་ཆེན་བླ་མའི་གསུང་བསྐུལ་ནོར་བུའི་ཅོད་པན་སྤྱི་བོར་སྩལ་བའི་མོད་ལ། སྔགས་རིགས་ཀྱི་རྟགས་ཙམ་འཛིན་པ་པདྨ་གར་དབང་བདེ་བའི་རྡོ་རྗེས་དཔལ་སྤུངས་ཡང་ཁྲོད་ཙཱ་འདྲ་རིན་ཆེན་བྲག་གི་སྒྲུབ་གནས་སུ་བྲིས་པ་དགེ་ལེགས་འཕེལ།། །སརྦ་མངྒ་ལཾ།། །།

ཞི་མཛད་རྡོ་རྗེའི་གནས་ཀྱི་ཡང་མཛོད་དཔལ་དེའུ་ལ་དམིགས་གསལ་བསང་མཆོད།

― LT39_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། ཞི་མཛད་རྡོ་རྗེའི་གནས་ཀྱི་ཡང་མཛོད་དཔལ་དེའུ་ལ་དམིགས་གསལ་བསང་མཆོད་བྱ་བའི་ཚེ། བསང་རྫས་རྣམས། རྃ་ཡྃ་ཁྃ་གིས་བསང་། མ་དག་པའི་དྲི་མ་བསྲེགས་གཏོར་བཀྲུས། ཨོཾ་ཨཱཿཧཱུྃ། གསུམ་བརྗོད། ཀྱེ། །ཞི་མཛད་རྡོ་རྗེ་རིགས་ཀྱི་གནས། །བཀྲ་ཤིས་ཉི་ཟླ་དཔལ་ཕུག་དང་། །གཡུ་ལུང་གངས་ར་གཉིས་པ་ཡི། །གནས་དང་གཏེར་གྱི་ཡང་མཛོད་ནི། །རྒྱས་པའི་ཕྱོགས་བཞུགས་དཔལ་དེའུ། །འདོད་འབྱུང་ནོར་བུའི་རྫོང་ཆེན་ལ། །བཞུགས་པའི་རྩ་གསུམ་ཆོས་སྐྱོང་དང་། །ཁྱད་པར་གནོད་སྦྱིན་གཏེར་ཆང་མཆོག །ཕོ་ཉ་བྲན་དང་མངགས་གཞུག་བཅས། །འཁོར་དང་བཅས་པ་ཐམས་ཅད་ལ། །བདུད་རྩི་ཅན་ཤིང་བསྲེགས་པ་ཡི། །དྲི་ཞིམ་བསང་གི་མཆོད་པ་འབུལ། །འབྲུ་སྣ་ཕྱེ་མར་ཇ་ཆང་ཕུད། །དངོས་འབྱོར་ཡིད་སྦྲུལ་དགྱེས་པའི་རྫས། །ནམ་མཁའ་གང་བས་གསོལ་ལོ་མཆོད། །མ་རིག་ནོངས་པའི་དྲི་མ་ཀུན། །བརྟེན་འབྲེལ་ནུས་པས་དག་གྱུར་ནས། །གཟི་མདངས་ཡར་ངོའི་ཟླ་བཞིན་རྒྱས། །དབུ་འཕང་ཉི་ཟླའི་དཔལ་ལྟར་མཐོ། །ཡུལ་ཁམས་དགེ་ལེགས་སྣང་བས་ཁྱབ། །ཁྱད་པར་གསོལ་ཞིང་མཆོད་པ་ལ། །འདོད་རྒུའི་དངོས་གྲུབ་འབད་མེད་སྩོལ། །རྟག་པར་དགེ་བའི་སྡོད་གྲོགས་མཛོད། །མངྒ་ལ་ཛ་ཡ་སིདྡྷནྟུ། ཞེས་པའང་དད་པའི་བློ་ཅན་ཀརྨ་བསྟན་

― LT39_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ནས་བསྐུལ་ངོར་འཆི་མེད་བསྟན་གཉིས་གཡུ་དྲུང་གླིང་པ་རྩལ་གྱིས་བྲིས་པ་དགེ་ལེགས་འཕེལ། །དགེའོ། །དགེའོ། །དགེའོ།། །།

སྐུ་རྗེ་གེ་སར་བསངས་མཆོད་དགོས་འདོད་ཆར་འབེབས།

― LT39_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་རྗེ་གེ་སར་བསངས་མཆོད་དགོས་འདོད་ཆར་འབེབས་ཞེས་བྱ་བ་བཞུགས་སོ། །

― LT39_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། པདྨའི་བཀའ་སྡོད་གླིང་རྗེ་གེ་སར་གསོལ་ཞིང་མཆོད་པར་འདོད་པས། གཏོར་མ་གསེར་སྐྱེམས་སོགས་ཇི་ལྟར་འོས་པའི་མཆོད་རྫས་དང་བསངས་ཀྱི་ཡོ་བྱད་འདུ་བྱས། བྱིན་རླབས་སྤྱི་མཐུན་ནམ་འབྲུ་གསུམ་བརྗོད་པས་བསངས་སྦྱངས་སྤེལ་ལ་དབྱངས་རོལ་བཅས་འདི་སྐད་དོ། །ཀྱེ། །འགྱུར་མེད་ཡེ་ཤེས་ཉམས་བརྒྱའི་གར། །སྨོན་ལམ་ལས་གྲུབ་དགྲ་ལྷའི་གཙོ། །འཇིག་རྟེན་སྐྱོང་བའི་སྒྱུ་འཕྲུལ་ཅན། །སྐུ་རྗེ་སེང་ཆེན་རྒྱལ་པོ་ནི། །ཆོས་དབྱིངས་འོད་གསལ་སྤྲོས་བྲལ་ཀློང་། །ལྷུན་གྲུབ་འཇའ་ཟེར་ཐིག་ལེའི་སྦུབས། །མཁའ་སྤྱོད་གྲོང་ཁྱེར་དག་པའི་ཞིང་། །མི་མངོན་ནམ་མཁའི་དབྱིངས་རུམ་ན། །སྣ་ཚོགས་ནོར་བུའི་ཚུལ་བཞུགས་པ། །རྣལ་འབྱོར་གདུང་བས་བོས་པའི་ཚེ། །མངོན་ཤེས་རྫུ་འཕྲུལ་ཤུགས་ཆེན་པོས། །སྟེང་ན་རྩ་གསུམ་སྤྲིན་ཕུང་འཐིབས། །བར་ན་ཆོས་སྲུང་ཆར་ཆེན་འབེབས། །ས་གཞིར་དགྲ་བླའི་བུ་ཡུགས་འཚུབས། །འཇའ་འོད་རོལ་མོས་ཕྱོགས་ཀུན་གཡོ། །འཁོར་ལོས་སྒྱུར་བའི་སྟེབས་ཀྱིས་གཤེགས། །དངོས་འབྱོར་རྟེན་དང་ཡིད་བྱུང་གི། །གཞན་འཕྲུལ་སྤྱོད་པའི་ཡུལ་དུ་བཞུགས། །རིན་ཆེན་སྣོད་དུ་ལྷ་ཡི་རྫས། །གསེར་སྐྱེམས་བདུད་རྩིའི་དྭངས་མར་སྤར། །མེ་ཏོག་འཇའ་མདངས་ལྟ་ན་སྡུག །སྤོས་བཟང་དྲི་བསུང་ཁོར་ཡུག་འགེབས། །སྣང་གསལ་ཉིན་བྱེད་ཟང་ཐལ་གསལ། །དྲི་ཆབ་བསིལ་དྲོང་རེག་ན་བདེ། །

― LT39_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

རོ་བརྒྱའི་བཅུད་ལྡན་ངོམས་མེད་ཟས། །སྙན་འཇེབས་དབྱངས་དང་རོལ་མོའི་སྒྲ། །ཕྱི་མཆོད་ནམ་མཁའ་མཛོད་དུ་འབུལ། །ཡིད་འཕྲོག་གཟུགས་མཛེས་མིག་གི་དབྱིད། །སྒྲ་སྙན་གླུ་དབྱངས་རྣ་བའི་བཅུད། །དྲི་བཟང་ཆབ་དང་རོ་བདའི་ཟས། །རེག་འཇམ་ན་བཟའི་རིགས་ལ་སོགས། །འདོད་ཡོན་ནང་མཆོད་དགྱེས་དགུ་འབུལ། །འབྲུ་བཅུད་ཆང་དང་དད་ལྡན་ཇ། །རྩི་བཅུད་མར་ཐུད་འོ་མ་ཞོ། །ཀ་ར་བུ་རམ་སྦྲང་རྩི་དང་། །འབྲུ་མཆོག་ཕྱེ་དང་ཤ་ཁྲག་སོགས། །བཟའ་བཅའ་བཏུང་བའི་རིགས་ཀྱིས་མཆོད། །དར་ཟབ་ཐེར་ཕྲུག་སྣམ་རས་དང་། །སྲ་བའི་གོ་དང་རྣོ་བའི་མཚོན། །ཅོད་པན་དོ་ཤལ་ཕྲེང་བ་སོགས། །འཇམ་མཛེས་བརྗིད་པའི་རྒྱན་གོས་འབུལ། །སྨན་དང་རིན་ཆེན་འབྲུ་སྣ་ཚོགས། །བྱ་གཅན་རི་དྭགས་གཡུང་དྭགས་རིགས། །ཤུགས་ལྡན་རྟ་དང་མགྱོགས་འགྲོ་དྲེལ། །ཟལ་མོ་འབྲི་དང་གཡང་དཀར་ལུག །གཏུམ་པོའི་ནོར་སྐྱོང་ལ་སོགས་པ། །ཐུགས་ལ་དགྱེས་དགུའི་མཆོད་སྤྲིན་འབུལ། །གཡུ་ཤུགས་བལ་བུ་མཁན་དཀར་སོགས། །བཟང་ཤིང་སྣ་ཚོགས་ཞུགས་སུ་སྦར། །དུད་པའི་དྲྭ་བས་ནམ་མཁའ་ཁེབས། །དྲི་བསུང་ངང་པས་བར་སྣང་ཁྱབ། །འདོད་ཡོན་རོལ་མོ་ཅི་ཡང་འཆར། །སྣང་སྲིད་འཇིག་རྟེན་མཉེས་བྱེད་པ། །ངོ་མཚར་བསངས་ཀྱི་མཆོད་པ་འདིས། །སྐྱེས་བུ་དོན་གྲུབ་འཛམ་གླིང་རྗེ། །དགྲ་བླ་བཅུ་གསུམ་འཁོར་བཅས་

― LT39_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

བསངས། །ལྷ་ཆེན་ཚངས་པ་དཀར་པོ༴ །གཉེན་ཆེན་སྐུ་ལྷ་གེར་མཛོ༴ །ཀླུ་རྒྱལ་གཙུག་ན་རིན་ཆེན༴ །ཕུ་བོ་དུང་ཁྱུང་དཀར་པོ༴ །ནུ་བོ་ཀླུ་སྦྲུལ་འོད་ཆེན༴ །ནེ་ནེ་གནམ་སྨན་དཀར་མོ༴ །ལྕམ་སྲིད་ཐ་ལེ་འོད་ཕྲམ༴ །དགྲ་བླའི་གཉན་སྟག་དམར་པོ༴ །མགྲོན་ཡག་དར་མ་བཅུ་གསུམ༴ །དཔའ་ཐུས་སྐྱེས་བུ་སུམ་ཅུ༴ །ཡང་ཐུས་དམ་པའི་མི་བདུན༴ །ཞེ་ཐུས་ཁྲ་ཀླག་སྤྱང་གསུམ༴ །དགྱེས་སྡེ་དང་སྨན་འཁོར་བཅས༴ །ཕྱ་དམུ་གཙུག་གསུམ་དགྲ་བླ༴ །མི་བུ་གདུང་དྲུག་དགྲ་བླ༴ །ཝེར་མ་སུམ་བརྒྱ་དྲུག་ཅུ༴ །དགྲ་བླ་དགུ་ཁྲི་དགུ་འབུམ༴ །ལྷ་དམག་ཀླུ་དམག་གཉན་དམག༴ །གཙང་རིགས་དཔལ་མགོན་བདུན་ཅུ་སོགས། །དཀར་ཕྱོགས་སྐྱོད་བའི་གཞི་བདག་དང་། །ཡུལ་ལྷ་ཟོ་དོར་འཁོར་བཅས་བསངས། །མཆོད་དོ་བརྔན་ནོ་མངའ་གསོལ་ལོ། །འདོད་པའི་དོན་རྣམས་འགྲུབ་པར་མཛོད། །ཀྱེ། །མཚོ་སྐྱེས་རྡོ་རྗེས་བྱིན་བརླབས་ཤིང་། །ཚངས་པ་ལྷ་ཡི་མེ་ཏོག་འཕྲུལ། །སེང་ཆེན་ནོར་བུ་དགྲ་འདུལ་རྩལ། །ཉི་མའི་འོད་ལ་ཟླ་བའི་མདངས། །ལྷུན་པོ་བཞིན་ཏུ་བརྟན་ཅིང་བརྗིད། །སེང་གེ་བཞིན་ཏུ་དཔའ་ཞིང་ངར། །དགྲ་བླའི་དཔའ་ཆས་སྐུ་ལ་གསོལ། །རྒྱལ་རྟགས་རྣོ་མཚོན་ཕྱག་ན་བསྣམས། །རྐྱང་རྒོད་འཕེལ་པོ་ཆིབས་སུ་བཅིབས། །རྣམ་འགྱུར་ཆུ་ཟླའི་གར་བཞིན་སྟོན། །དགྲ་བླའི་དམག་ཚོགས་ལས་ལ་འབྱེད། །ནག་ཕྱོགས་ཧོར་བདུད་ཆོམ་ལ་འབེབས། །རྒྱ་བོད་གཉིས་ཀྱི་ནོར་བདག་མཛད། །

― LT39_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

འཛམ་གླིང་དགྲ་བླ་རྫུ་འཕྲུལ་ཅན། །འཁོར་དང་བཅས་རྣམས་མཆོད་ཅིང་བསྟོད། །དབུ་འཕང་བསྟོད་ཅིང་གཟི་མདངས་སྐྱེད། །ཆོས་སྐྱོང་དགྲ་བླར་མངའ་གསོལ་ལོ། །ཐུགས་དམ་གཉེན་པོ་མ་བསྙེལ་བར། །སངས་རྒྱས་བསྟན་པའི་རྒྱལ་མཚན་ཕྱོར། །དེ་འཛིན་སྐྱེས་བུའི་སྐུ་ཚེ་སྲིངས། །ཚོགས་མཆོག་འདུས་པའི་ནགས་ཀླུང་རྒྱས། །ཐོས་བསམ་པདྨོའི་འདབ་བརྒྱ་གྲོལ། །ཉམས་རྟོགས་སྦྲང་རྩིའི་བཅུད་འཇོ་བས། །སྐྱེ་དགུའི་བུང་བ་ཉེར་འཚོ་མཛོད། །ནད་འཁྲུག་མུ་གེའི་འཇིགས་ལ་སོགས། །སྐལ་ངན་མུན་པ་མཐར་བསྐྲད་དེ། །བདེ་སྐྱིད་རྫོགས་ལྡན་ཉི་འོད་ཀྱིས། །ཕྱོགས་དང་ཐ་གྲུར་ཁྱབ་པར་མཛོད། །ཆོས་སྲིད་དར་བབ་དཔལ་མོའི་འཛུམ། །འཇིག་རྟེན་ཀུན་དགའི་མིག་འཕྲུལ་གྱིས། །ས་སྟེང་སྐྱེ་དགུ་མགྲོན་ཏུ་འགུགས། །བདེ་སྐྱིད་རྩེད་འཇོས་བྲེལ་བར་མཛོད། །མི་འགྱུར་ཚེ་ཡི་ཀ་བ་བརྟན། །ཆོས་སྤྱོད་རླབས་ཕྲེང་དགུང་དུ་འཕེལ། །སྡེ་བཞིའི་སྤྲིན་གྱི་བླ་རེ་འཁྲིགས། །ཕྱ་གཡང་འབྱོར་བའི་མཚོ་མོ་བསྐྱིལ། །བསམ་དགུའི་ནོར་བུ་ཆར་དུ་བསྙིལ། །དོན་ཀུན་ལྷུན་གྲུབ་བཀྲ་ཤིས་ཀྱི། །སྣང་བས་འཇིག་རྟེན་མཛེས་པར་མཛོད། །ཅེས་པའང་རྡོ་རྗེ་འཆང་པདྨའི་མཚན་ཅན་གྱིས་སྐུ་ཞི་བར་གཤེགས་ཁ་རང་དུ་རྟེན་འབྲེལ་དང་དགོས་པ་ཞིག་ཡོད་པས་དགྲ་ལྷའི་བསངས་སྙན་འཇེབ་གང་ཆེའི་ཚིག་ཚོགས་ཅན་ཞིག་འཕྲལ་དུ་ཐོན་དགོས་ཞེས་ལྷ་རྫས་དང་བཅས་ཏེ་དགྱེས་པ་ཆེན་པོས་བཀའ་ཡི་བསྐུལ་བ་ལྟར་ཀརྨ་ངག་དབང་ཡོན་ཏན་རྒྱ་མཚོས་དེ་འཕྲལ་ཉིད་དུ་བསམ་གཏན་སྐྱིལ་བུར་བྲིས་པ་དགེ་ལེགས་འཕེལ། །མངྒ་ལཾ།། །།

རྒྱུན་བསངས།

― LT39_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དེ་བ་ཌཱ་ཀི་ནཱི་ཡཻ། རྒྱུན་གྱི་བསང་མཆོད་སོགས་བྱེད་པའི་ཚེ། བསང་ལ་བཟང་ཤིང་གི་དུད་པ་དང་ཕྱེ་མར། གསེར་སྐྱེམས་ལ་ཇ་ཆང་ཕུད་རྒོད། གཏོར་འབུལ་ལ་དཀར་དམར་གཏོར་མ་ངམ་ཕྱེ་མར་གཙང་མ་བཤམས་ལ་ཆབ་བྲན་ཏེ། རཾ་ཡཾ་ཁཾ། །ཟག་མེད་ཡེ་ཤེས་ཀྱི་རང་བཞིན། །འདོད་པའི་ཡོན་ཏན་ལྔའི་རྣམ་པ། མགྲོན་རིགས་སོ་སོའི་ཐུགས་ལ་ཅི་བཞེད་ཀྱིས་དགྱེས་པ་སྐོང་བའི་མཆོད་སྤྲིན་ནམ་མཁའ་དང་མཉམ་པར་གྱུར། ཨོཾ་ཨཱཿཧཱུྃ། ལན་གསུམ། ཀྱེ། །སྐྱབས་གནས་བསླུ་མེད་དཀོན་མཆོག་རིན་ཆེན་གསུམ། །བླ་མ་ཡི་དམ་དཔའ་བོ་མཁའ་འགྲོ་མ། །བཀའ་སྲུང་ཆོས་སྐྱོང་ཕོ་ཉ་ལས་མཁན་ལ། །མཆོད་གཏོར་འབུལ་ལོ་བྱིན་རླབས་དངོས་གྲུབ་སྩོལ། །ཅེས་གཏོར་འབུལ་སྐབས་དང་། བསང་ལ། བསང་མཆོད་འབུལ་ལོ། །ཞེས་དང་། གསེར་སྐྱེམས་འབུལ་ལོ། །ཞེས་ཁ་བསྒྱུར་ཀུན་ལ་ཤེས་པར་བྱ། ནོར་ལྷ་གཏེར་བདག་དཔལ་མགོན་བདུན་ཅུ་ལྔ། །སྣང་ཞིང་སྲིད་པའི་ལྷ་སྲིན་སྡེ་བརྒྱད་ཚོགས། །དཀར་ཕྱོགས་སྐྱོང་བའི་གཞི་གནས་ཡུལ་བདག་ལ། །མཆོད་གཏོར་འབུལ་ལོ་ཅི་བཅོལ་ཕྲིན་ལས་སྒྲུབས། །ཕ་མེས་བརྟེན་སྒྲུབ་རིགས་ཀྱི་བརྒྱུད་སྲུང་དང་། །ཚེ་རབས་འབྲེལ་བས་མགོན་སྐྱོབས་བྱེད་པའི་ལྷ། །གཞི་རུ་འགོ་ཞིང་བྱེས་སུ་འགྲོགས་རྣམས་ལ། །མཆོད་གཏོར་འབུལ་ལོ་ཁ་འཛིན་སྟོང་གྲོགས་མཛོད། །ཕ་ལྷ་མ་ལྷ་ཞང་ལྷ་སྲོག་གི་ལྷ། །འཕྲག་ལྷ་དགྲ་བླ་ཡུལ་ལྷ་གཉན་པོ་སོགས། །འགོ་བའི་ལྷ་ལྔ་བརྟེན་པའི་ལྷ་དགུ་ལ། །མཆོད་གཏོར་འབུལ་

― LT39_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་བསམ་དོན་ཐོགས་མེད་སྒྲུབས། །ཁྱད་པར་ཛམ་བུའི་གླིང་གི་དགྲ་བླ་མཆོག། རྒྱ་བོད་ནོར་བདག་ནག་ཕྱོགས་བདུད་ཀྱི་གཤེད། །སྐུ་རྗེ་གེ་སར་སེང་ཆེན་རྒྱལ་པོ་ལ། །མཆོད་གཏོར་འབུལ་ལོ་རྟག་ཏུ་སྲུང་སྐྱོབས་མཛོད། །དུང་ཁྱུང་དཀར་པོ་ཀླུ་སྦྲུལ་འོད་ཆེན་དང་། །གནམ་སྨན་དཀར་མོ་སྤ་མར་གེ་མཛོ་གཉན། །མགྲོན་ཡག་དར་མ་བཅུ་གསུམ་འཁོར་བཅས་ལ། །མཆོད་གཏོར་འབུལ་ལོ་ལུས་དང་གྲིབ་བཞིན་འགྲོགས། །དཔའ་ཐུས་སུམ་ཅུ་ཡང་ཐུས་མི་མཆོག་བདུན། །ཞེ་ཐུས་མཆེད་གསུམ་དང་སྨན་འཁོར་འབངས་གཡོག །དགྲ་བླ་ཝེར་མ་ཅང་སེ་ཤུག་མགོན་ལ། །མཆོད་གཏོར་འབུལ་ལོ་ཉེས་ཞི་ལེགས་ཚོགས་སྤེལ། །དཀོན་མཆོག་སྲིད་ཞུ་མགོན་པོ་ཡོན་ཏན་མགྲོན། །ལན་ཆགས་བགེགས་དང་རིགས་དྲུག་སྙིང་རྗེའི་ཡུལ། །མཆོད་འོས་བརྔན་འོས་སྦྱིན་འོས་ཐམས་ཅད་ལ། །མཆོད་གཏོར་འབུལ་ལོ་འདོད་དོན་ཀུན་འགྲུབ་མཛོད། །རྩེ་གཅིག་གུས་པས་ཁྱེད་མཆོད་བྱིན་རླབས་ཀྱིས། །འཇིག་རྟེན་བདེ་ཞིང་སངས་རྒྱས་བསྟན་པ་དར། །འགལ་རྐྱེན་ཀུན་ཞི་མཐུན་རྐྱེན་དགེ་ལེགས་འཕེལ། །བསམ་དོན་ལྷུན་གྱིས་གྲུབ་པའི་བཀྲ་ཤིས་སྩོལ། །ཅེས་པའང་ལུགས་ཟུང་མཁྱེན་ལྡན་ཀརྨ་ཤེས་ལྡན་ནས་བསྐུལ་ངོར་ཀརྨ་ངག་དབང་ཡོན་ཏན་རྒྱ་མཚོས་རྫོང་གསར་བཀྲ་ཤིས་ལྷ་རྩེར་སྤེལ་བ་མངྒ་ལཾ་བྷ་བནྟུ།། །།

ཨ་རབ་ཡུལ་ལྷ་རག་ཉག་གཉན་པོའི་བསང་མཆོད།

― LT39_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་རབ་ཡུལ་ལྷ་རག་ཉག་གཉན་པོའི་བསང་མཆོད་བཞུགས་སོ། །ཀྱཻ། །མཁའ་སྤྱོད་དཔལ་གྱི་ཙཱ་རི་ཏྲའི། །ཉིང་ལག་རིགས་གསུམ་མགོན་པོའི་གནས། །བྱེ་བྲག་རྡོ་རྗེ་འཛིན་པ་ཡིས། །བྱིན་རླབས་འོད་གསལ་ཐུགས་མཆོག་གི། །གནས་གཏེར་སྐྱོང་མཛད་དམ་ཚིག་ཅན། །མཐུ་ལྡན་བདུད་ཀྱི་དགེ་བསྙེན་ཆེ། །རག་ཉག་བྲག་རི་རྔམས་པ་སོགས། །རྫོང་ཆེན་རྫོང་ཕྲན་མང་པོ་ལ། །གནས་བཅས་རྡོ་རྗེ་ལས་མྱུར་རྩལ། །མདོག་ནག་ཁྲོ་གཏུམ་རྔམ་བརྗིད་ཅན། །དར་ནག་མདུང་རིང་གནམ་དུ་ཕྱར། །བདུད་ཞགས་ནག་པོ་གཡོན་དུ་བསྐྱིལ། །དར་ནག་ཐོད་བཅིངས་བེར་ནག་གསོལ། །མགྱོགས་པ་བྲ་ནག་རྟིང་དཀར་ཆིབས། །དགྱེས་སྡེ་བློན་འཁོར་མང་པོས་བསྐོར། །ལན་རེ་གཡག་ནག་རི་འདྲ་ཞོན། །ཤངས་ལང་བསྟན་དགྲའི་མགོ་ལ་རྡེག །ཕུར་བུ་དམ་སྲིའི་སྙིང་ལ་གཟིར། །མཐུ་ལྡན་སྔགས་པའི་ཆ་ལུགས་སོགས། །མ་ངེས་སྤྲུལ་པ་ཅིར་ཡང་སྟོན། །ཕོ་ཉ་བཙན་བདུད་མང་པོ་འགྱེད། །འཁོར་བཅས་མཆོད་པའི་གནས་འདིར་གཤེགས། །རང་མཐུན་གདན་ལ་དགྱེས་པར་བཞུགས། །མཁན་ཤུག་བ་ལུ་ཨ་གར་སོགས། །

― LT39_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་ཤིང་དུད་པའི་སྤྲིན་ཆེན་ནི། །ས་དང་བར་སྣང་ཡོངས་གང་བས། །ཡུལ་ལྷ་རག་ཉག་གཉན་པོ་བསང་། །རྫུ་འཕྲུལ་ཅན་གྱི་དགེ་བསྙེན་བསང་། །གནས་གཏེར་སྐྱོང་བ་འཁོར་བཅས་བསངས། །ཉིན་སྲིབ་ཕུ་མདའ་གཡས་གཡོན་དུ། །ས་ཆུ་དབང་བྱེད་ཡིད་གཟུགས་ཅན། །མགྲོན་དུ་འོས་པ་ཐམས་ཅད་བསང་། །སྲིད་པའི་ལྷ་གཉན་མན་ཆད་ནས། །འབྱུང་པོ་ཕྲ་མོ་ཡན་ཆད་ནས། །ཡུལ་ཕྱོགས་གནས་གཞི་འདི་དག་ཏུ། །གཉུག་མར་གནས་དང་སྐབས་སུ་རྒྱུ། །ཕན་གནད་ལེགས་ཉེས་བྱེད་རྣམས་བསང་། །གསེར་སྐྱེམས་གཡུ་སྔོན་ཕུད་ཀྱིས་མཆོད། །ཇ་ཆང་འོ་ཕུད་བཏུང་བས་མཆོད། །ཕྱེ་མར་དོན་ཤ་གཙང་མས་མཆོད། །ཤེལ་ཚིག་འབྲུ་སྨན་རིན་ཆེན་མཆོད། །ཤིང་རྩི་དར་ཟབ་བལ་ཚོན་མཆོད། །དཀོན་མཆོག་རྩ་གསུམ་བདེན་པ་དང་། །བདག་ཅག་མོས་པའི་མཐུ་སྟོབས་ཀྱིས། །ཡུལ་བདག་ཐུགས་ལ་བཞེད་པའི་སྐོར། །ནམ་མཁའ་མཛོད་ཀྱི་ཆར་བབས་ནས། །ཉམས་གྲིབ་མུན་པ་དབྱིངས་སུ་ཞི། །རུང་ཕྲག་དོག་འཁོན་འགྲས་སྦྱོངས། །དགྱེས་ཞལ་ཟླ་ལྟར་དཀར་བ་ཡིས། །གཞི་བྱེས་ལམ་གསུམ་གར་གནས་ཀྱང་། །ཉིན་མཚན་རྟག་ཏུ་སྲུང་ཞིང་

― LT39_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོབས། །མ་ཤེས་མ་རིག་དབང་གིས་ནི། །ཕོག་ཐུག་འགྲམས་འཁྲུགས་སོང་བ་བཤགས། །མི་དར་ལྷ་ཡི་རྒྱན་དུ་ཆེ། །ལྷ་དཔལ་མི་ལ་རགས་ལས་པས། །ཡུལ་འདིར་གནས་པའི་སྐྱེ་དགུ་རྣམས། །བཙན་ཕྱུག་འཕན་དར་འཛོམ་པར་མཛོད། །པདྨ་ཐོད་ཕྲེང་བཻ་རོ་སོགས། །རིག་འཛིན་བརྒྱུད་པས་བཀའ་བསྒོས་ལྟར། །མ་གཡེལ་ཇི་ལྟར་བཅོལ་བའི་ལས། །ཐོགས་པ་མེད་པར་འགྲུབ་པར་མཛོད། །ཅེས་ཡུལ་དེའི་སྦྱིན་པའི་བདག་པོའི་བཞེད་ངོར་པདྨའི་བཀའ་རྟགས་འཛིན་པ་འཆི་མེད་བསྟན་གཉིས་གཡུང་དྲུང་གླིང་པར་ཨེ་ཡིག་སྔགས་ཀྱི་དཀྱིལ་འཁོར་དུ་སྒར་བབས་པའི་སྐབས་སུ་བགྱིས་པ་དགེ་ལེགས་འཕེལ། །མངྒ་ལཾ།། །།

རྫོང་ཤོད་བསངས།

― LT39_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ། དཔལ་ཆེན་ཐུགས་སྤྲུལ་བསྟན་སྲུང་ཀུན་གྱི་གཙོ། །ཡེ་ཤེས་མགོན་པོ་ཁྲག་འཐུང་ཕྱག་བཞི་པ། །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །སྤྲུལ་པ་དཔལ་ལྡན་མགོན་པོ་རིགས་ཆེན་ལྔ། །གསང་བའི་དགྱེས་སྦྱོར་མ་གཅིག་ཙཎྜའི་ཀ །སྔགས་ཀྱི་སྲུང་མ་འབར་མ་མེ་ཡི་གདོང་། །སྤྲུལ་དང་ཡང་སྤྲུལ་སྣང་སྲིད་མ་མོའི་ཚོགས། །ལས་མཛད་ནག་པོ་ཆེན་པོ་བྱ་རོག་གདོང་། །བཀའ་ཉན་དྲེགས་པ་ལྷ་སྲིན་སྡེ་བརྒྱད་དང་། །ཕོ་ཉ་བྲན་གཡོག་བསམ་མི་ཁྱབ་པ་སོགས། །བདེ་གཤེགས་རྣམ་དགུའི་དཀྱིལ་འཁོར་བཞུགས་པའི་རྫོང་། །དཔའ་བོ་མཁའ་འགྲོ་འདུ་བའི་ཤོད་ཆེན་པོའི། །གནས་གཏེར་སྐྱོང་མཛད་དམ་ཅན་རྒྱ་མཚོའི་ཚོགས། །འདིར་གཤེགས་སྨན་ཕུད་རཀྟ་བ་ལི༚ང་ཏ། །དངོས་འབྱོར་ཡིད་སྤྲུལ་ཕྱི་ནང་གསང་བས་མཆོད། །སྔོན་གྱི་ཐུགས་དམ་གཉན་པོ་དེང་བསྐུལ་ན། །སྒྲུབ་པའི་གནས་སྲུང་འགལ་བྱེད་ཆོམ་ལ་ཕོབ། །སྒྲུབ་མཆོག་རྣལ་འབྱོར་རྣམས་ལ་བྱིན་གྱིས་རློབས། །སྒྲུབ་ལ་བར་གཅོད་ནད་གདོན་དབྱིངས་སུ་སོལ། །སྒྲུབ་པའི་མཐུན་རྐྱེན་ཉམས་རྟོགས་གོང་དུ་སྤེལ། །གསང་ཆེན་སྙིང་པོའི་བསྟན་པ་རྒྱས་པ་དང་། །རྣམ་བཞིའི་ཕྲིན་ལས་ཅི་བཅོལ་སྒྲུབ་པར་མཛོད། །

― LT39_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་མདོ་ཁམས་གནས་ཆེན་ཉེར་ལྔ་ལས་ཡོན་ཏན་གནས་ལྔ་གཅིག་ཏུ་འདུས་པའི་གནས་མཆོག་ཆེན་པོར་རིམ་གཉིས་སྒྲུབ་པའི་སྐབས་འཆི་མེད་བསྟན་གཉིས་གཡུ་དྲུང་གླིང་པས་བྲིས་པ་དགེ་ལེགས་འཕེལ། །ཧཱུྃ། །སྔོན་ཚེ་དཔལ་ཆེན་པདྨ་ཐོད་ཕྲེང་གི། །སྤྱན་སྔར་ཁས་བླངས་དམ་བཅའ་ཐ་ཚིག་ཅན། །གནོད་སྦྱིན་ཚུལ་འཆང་དགེ་བསྙེན་མཐུ་སྟོབས་བདག །བདུད་ནག་ཆེན་པོ་རྔམས་པའི་སྒྲ་སྐད་སྒྲོགས། །ཚངས་པ་ལྷ་ཡི་བཙན་རྒོད་མཐུ་བོ་ཆེ། །ཀླུ་བདུད་དགེ་བསྙེན་སྐུ་གཅིག་མཚན་བརྒྱད་སྤྲུལ། །གིང་བཙན་འབར་བ་སྤུན་བདུན་ལས་ལ་རྔམས། །ཆོས་རྒྱལ་ལི་བྱིན་ཧར་ལེགས་བློན་འཁོར་བཅས། །དྲི་ཟིའི་རྒྱལ་པོ་རྡོ་རྗེ་འབར་བ་རྩལ། །རྡོ་རྗེ་ལེགས་པ་གནམ་ས་ཕྱེད་ཀྱི་བདག །སྨན་བཙུན་ལྕམ་མོ་མཆེད་གསུམ་ལ་སོགས་ཏེ། །རྫོང་ཤོད་བདེ་གཤེགས་འདུས་པའི་ཕོ་བྲང་ཆེའི། །གནས་དང་གཏེར་སྲུང་གཉན་པོ་མ་ལུས་པ། །འདིར་གཤེགས་འདོད་ཡོན་ལྔ་ལྡན་གཏོར་མའི་བཅུད། །སྨན་རཀ་ཕུད་ཀྱི་མཆོད་པ་དགྱེས་བཞེས་ལ། །རྣལ་འབྱོར་བདག་ཅག་འཁོར་དང་བཅས་པ་ཡི། །བར་ཆད་ཀུན་སོལ་མཐུན་རྐྱེན་ལེགས་ཚོགས་སྤེལ། བསང་མཆོད་དང་། ཁ་བསྒྱུར། གསེར་སྐྱེམས།

― LT39_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ལ་བསམ་ཞིང་ཇི་ལྟར་བཅོལ་པའི་ལས། །ཐོགས་མེད་མྱུར་དུ་བསྒྲུབ་པར་མཛད་དུ་གསོལ། ཞེས་མདོ་ཁམས་གནས་ཆེན་ཉེར་ལྔ་ལས་ཡོན་ཏན་གནས་ལྔ་གཅིག་ཏུ་འདུས་པའི་གནས་མཆོག་ཆེན་པོར་རིམ་གཉིས་སྒྲུབ་པའི་སྐབས་འཆི་མེད་བསྟན་གཉིས་གཡུ་དྲུང་གླིང་པས་ཁྱེར་བདེར་བྲིས་པ་དགེ་ལེགས་འཕེལ།། །། །། །།

ཡུལ་ལྷ་བསང་མཆོད།

― LT39_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། ཡུལ་ལྷ་རྣམས་ལ་བསང་མཆོད་འབུལ་བར་འདོད་པས་བསང་དང་གསེར་སྐྱེམས་སོགས་འབག་བཙོགས་ཀྱིས་མ་གོས་པའི་མཆོད་པ་ཅི་འབྱོར་བཤམས་ལ། རཾ་ཡཾ་ཁཾ་གིས་བསང་། ཨོཾ་ཨཱཿཧཱུྃ་ཧ་ཧོཿཧྲཱིཿས་བྱིན་བརླབས་ལ། ཀྱེ། འབྲི་ཟླ་ཟལ་མོ་སྒང་གི་ཡུལ། །འགྲོ་འདུལ་ཕྲིན་ལས་གནས་ཀྱི་ཆ། །ཟླ་བའི་ཀླུང་གི་ཐ་གྲུ་ལ། །དབང་སྒྱུར་གཞི་ཡི་བདག་རྣམས་དང་། །ཁྱད་པར་ཡུལ་སྐྱོང་ཟོ་དོར་རྣམས། །བསང་མཆོད་གནས་འདིར་སྤྱན་འདྲེན་གཤེགས། །དགྱེས་པའི་གདན་ལ་བཞུགས་སུ་གསོལ། །སངས་རྒྱས་བསྟན་ལ་ཕྱོགས་པའི་ལྷ། ཁ་ལག་རྡོ་རྗེ་དྲིལ་དཀར་ཞེས། །མི་དཀར་རྟ་དཀར་ཞང་བློན་ཆས། །ཤུགས་ཆེན་དྲེའུ་རོལ་དུ་ཁྲིད། །རྒྱལ་མཚན་ཕྱར་ཞིང་དྲིལ་བུ་འཁྲོལ། །ཁྱུང་རྫོང་དགེ་བསྙེན་བརྗིད་པའི་གཟུགས། །ཨ་མྱེ་གདོང་ཟླ་སྔགས་པའི་ཆས། །ངང་མ་ཉ་ར་ནག་ཟེ་དང་། །རོང་རྒྱལ་སེ་བོ་ཡོ་དྲང་གི། དཔང་པོ་སྲིད་པའི་ལྷ་རྒན་སོགས། །ཆོས་འཁོར་སྐྱོང་ཞིང་ཡུལ་ལྗོང་འདིར། །མགོན་སྐྱབས་སྡོང་གྲོགས་བྱེད་པ་ཡི། །གཞི་གནས་ཡུལ་གྱི་བདག་པོ་རྣམས། །དྲི་བཟང་ཤིང་རྩིའི་དུད་པས་བསང་། །ཇ་ཆང་འོ་ཞོའི་ཕུད་ཀྱིས་མཆོད། །ཕྱེ་མར་འབྲུ་སྨན་དཀོར་ཆས་བརྔན། །གསེར་སྐྱེམས་གཡུ་རྔོན་སྦྱར་བས་གསོལ། །མནོལ་བ་བསངས་

― LT39_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མཁོན་པ་བསྡུམ། །དབུ་འཕང་བསྟོང་ཅིང་གཟི་བྱིན་སྐྱེད། །གནས་མགྲོན་ངོ་སོ་མ་ཆུང་བར། །མཆོད་བསྟོད་བཞེས་ལ་སྲུང་སྐྱོབས་མཛོད། །པདྨ་འབྱུང་གནས་ཀརྨ་པ། །གྲུབ་པའི་རིག་འཛིན་མཆོག་རྣམས་ཀྱིས། །བཀའ་བསྒོས་དམ་བཞག་མ་བསྙེལ་བར། །ཉེས་དགུ་ཞི་ཞིང་ལེགས་ཚོགས་ཀྱི། །དཔལ་འབྱོར་རྒྱས་པའི་ཕྲིན་ལས་མཛོད། །ཅེས་དང་། བཛྲ་མུཿས་རང་གནས་སུ་གཤེགས། །ཞེས་པའང་ཟླ་ཀླུང་བདེ་ཆེན་དགོན་གྱི་དགེ་སློང་ཀརྨ་བསོད་ནམས་ནས་བསྐུལ་ངོར། ཀརྨ་ངག་དབང་ཡོན་ཏན་རྒྱ་མཚོས་ཙཱ་འདྲ་རིན་ཆེན་བྲག་ཏུ་སྤེལ་བ་དགེ།། ༈ །།ན་མཿཔདྨཱ་ཀ་རཱ་ཡ། མདོ་སྨད་ཐང་ལྷའི་ཡུལ་སྐྱོང་གཉན་པོ་ལ་བསང་གསོལ་སྒེར་དུ་འབུལ་བར་སྐབས་སུ་བབས་པ་ན། རིན་པོ་ཆེའི་སྣོད་གཙང་མར་དབུས་སུ་གཏོར་མ་གྲུ་བཞི་བརྗིད་པ། གཡས་སུ་དཀར་གཏོར། གཡོན་ཏུ་ཟུར་གསུམ། མདུན་ཏུ་བཤོས་བུ་སྦྲུལ་དཀྲིས། མཐའ་བསྐོར་བཤོས་ཕྲན་བརྒྱད་དང་ཐེབ་ཀྱུ། འདོད་ཡོན་གཟུགས་འགྲོས་སྣ་ཚོགས་སྤར་དུ་བཏབ་པས་བསྐོར་ཞིང་སྨན་འབྲུ་རིན་ཆེན་དར་ཟབ་བལ་ཚོན་སོགས་ཀྱིས་བརྒྱན། རྒྱུན་བསང་ལྟ་བུ་ལ་དཀར་མངར་ཕུད་མཆོད་ཕྱེ་མར་ཙམ་ལ་བརྟེན། །མཆོད་རྫས་ལ་ཆབ་བྲན་ཏེ། རཾ་ཡཾ་ཁཾ། མི་གཙང་བའི་དྲི་མ་ཐམས་ཅད་བསྲེགས་གཏོར་བཀྲུས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཡུལ་སྐྱོང་འཁོར་བཅས་དགྱེས་

― LT39_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྐྱེད་པའི་བཟའ་བཅའ་བ་ལི༚་གི་རི་བོ། །དཀར་མངར་སྐྱེམས་ཕུད་ཀྱི་རྒྱ་མཚོ། །སྤྱན་གཟིགས་འདོད་ཡོན་གྱི་གཏེར་ཆེན། །གཙང་བྱེད་བདུག་པའི་སྤྲིན་ཕུང་ལ་སོགས་པ་ས་དང་བར་སྣང་ནམ་མཁའ་ཐམས་ཅད་གང་ཞིང་མི་ཟད་ནམ་མཁའ་མཛོད་ཀྱི་གཏེར་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ། ཨོཾ་བཛྲ་སྥ་ར་་ཁཾ། རོལ་མོ་བསྒྲགས་ཤིང་དབྱངས་སྙན་པོས་འདི་སྐད་གྱེར་རོ། །ཀྱེ། །མདོ་ཁམས་ལྷོ་ཕྱོགས་ཚ་བ་རོང་། །འཁོར་ལོ་སྡོམ་པའི་གནས་མཆོག་དང་། །རྗེས་འབྲེལ་ཐང་ལྷའི་ཡུལ་སྐྱོང་བ། །སེང་གེ་སྤུན་གསུམ་གཙོར་གྱུར་པའི། །ལྷ་ཀླུས་བདག་གཉན་པོ་རྣམས། །བསང་ཞིང་མཆོད་པའི་གནས་མཆོག་འདིར། །རྣལ་འབྱོར་བདག་གིས་བོས་པའི་ཚེ། །ཡིད་ལྟར་མགྱོགས་པའི་རྫུ་འཕྲུལ་གྱིས། །མ་ཐོགས་མྱུར་དུ་གཤེགས་ནས་ཀྱང་། །དགྱེས་པའི་གདན་ལ་བཞུགས་སུ་གསོལ། །བདེ་གཤེགས་སྨན་གྱི་བླ་མ་སོགས། །རྒྱལ་བ་སྲས་བཅས་རྩ་གསུམ་ལྷ། །དད་པའི་ཡུལ་ལ་བརྩེར་དགོངས་ཏེ། །མདུན་མཁར་བསོད་ནམས་ཞིང་དུ་བཞུགས། །གཟུགས་མཛེས་སྒྲ་སྙན་དྲི་བསུང་ཞིམ། །རོ་བདའ་རེག་འཇམ་དུ་མས་མཆོད། །བཀྲ་ཤིས་རྫས་རྟགས་རྒྱལ་སྲིད་བདུན། །ལོངས་སྤྱོད་འདོད་ཡོན་སྤྲིན་གྱིས་མཆོད། །རིན་ཆེན་དཀོར་ཆ་སྨན་དང་

― LT39_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ། །དར་ཟབ་བལ་ཚོན་དོང་ཙེས་མཆོད། །བྱ་གཅན་རི་དྭགས་གཡུང་དྭགས་དང་། །ཆུ་གནས་ས་འཛུལ་གཟུགས་ཀྱིས་མཆོད། །རྩི་བཅུད་ཕྱེ་མར་གངས་ལྟར་སྤུངས། །དཀར་མངར་སྐྱེམས་ཕུད་མཚོ་ལྟར་བསྐྱིལ། །འབྲང་རྒྱས་ཤེལ་ཚིག་ཐང་མར་བརྡལ། །མདའ་དར་གོ་མཚོན་རྟེན་གྱིས་མཆོད། །བཟང་ཤིང་བདུད་རྩི་ཅན་གྱི་ཚོགས། །གཙང་བྱེད་འབར་བའི་མེ་ལ་བསྲེགས། །གཡུ་དུད་ལྷོ་སྤྲིན་ནམ་མཁའ་གང་། །དྲི་བཟང་ངད་པས་བར་སྣང་ཁྱབ། །འདོད་ཡོན་མཆོད་སྤྲིན་དཔག་མེད་འཕྲོ། །ཞི་བ་བདུད་རྩིའི་བསང་མཆོད་འདིས། །བཅོམ་ལྡན་སྨན་པའི་རྒྱལ་པོ་སོགས། །རྩ་གསུམ་ཆོས་སྲུང་འཁོར་བཅས་བསང་། །རོང་བཙན་ཁ་བ་དཀར་པོ་ཡི། །གནས་གཏེར་སྲུང་མ་འཁོར་བཅས་བསང་། །ཁྱད་པར་ཡུལ་སྐྱོང་ལྷ་ཡི་གཙོ། །དར་མ་ཡག་པ་མགོ་དྲུག་སྟེ། །སེང་གེ་སྤུན་གསུམ་འཁོར་བཅས༴ །བཙུན་མོ་མཚོ་སྨན་ཕྱུག་མོ་ནི། །ཀླུ་གཉན་སྡེ་འཁོར་བཅས་པ༴ །ཁྲོ་ཅོག་བན་བོན་སྐྱེས་གཟུགས༴ །རྒྱ་སྟག་རྡོ་ཁྱི་གཉན་པོ་བསང་། །རྒྱ་མཐའ་གཡུང་དྲུང་འཁྱིལ་པ༴ །ར་མཐའ་བྲག་སེར་གནས་བདག༴ །ཐང་ལྕོགས་སྦ་རྫོང་གྲོང་བདག༴ །ཐང་མགོའི་བྲག་ནག་ཐང་མཇུག་གི། བྲག་དཀར་གཡུ་མཚོའི་ཀླུ་སྨན་བསང་། །དར་ལམ་བྲག་མོ་གཞི་བདག་བསང་། །དཀར་

― LT39_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་བྱ་ཁྲོལ་ལྷ་གཉན༴ །ཤང་ཤང་རྫོང་དང་རི་རྙིང་རྫོང་། །ཡ་མཚན་ས་བདག་མཆེད་གཉིས་བསང་། །གཞན་ཡང་དཀར་པོའི་ཕྱོགས་སྐྱོང་བ། །ལྷ་ཀླུ་བཙན་བདུད་གཉན་དང་སྨན། །ཕུ་མདའ་ཉིན་སྲིབ་གཡས་གཡོན་ལ། །གནས་ཤིང་སྡོང་གྲོགས་མཛད་པ་ཡི། །ས་བདག་གནས་བདག་འཁོར་བཅས་བསང་། །ཉམས་གྲིབ་ཕོག་པ་བསང་གིས་བསང་། །མཁོན་གཅུག་ཞུགས་པ་བཤགས་པས་བསྡུམ། །དབུ་འཕང་ཡར་ངོའི་ཟླ་བཞིན་བསྟོད། །ཟག་མེད་བདེ་བས་ཐུགས་མཉེས་ནས། །འདོད་པའི་དོན་རྣམས་བསྒྲུབ་ཏུ་གསོལ། ཀྱེ། །བྱིན་རླབས་དངོས་གྲུབ་ཕྲིན་ལས་གཏེར། །རྩ་གསུམ་ཆོས་སྐྱོང་གཏེར་སྲུང་བ། །གཞི་གནས་ཡུལ་བདག་འཁོར་བཅས་ལ། །མོས་ཤིང་དང་བས་བསྟོད་པར་བགྱི། །གངས་དཀར་ཤེལ་གྱི་གཞལ་ཡས་ཁང་། །འཇའ་འོད་རིན་ཆེན་གུར་ཁང་ན། །དཀར་པོའི་ཕྱོགས་སྐྱོང་དགེ་བསྙེན་ཆེ། །བཙན་ཕྱུག་སེང་གེ་སྤུན་གསུམ་ནི། །གཙོ་བོ་དཀར་གསལ་གངས་རིའི་མདོག །ཕྱག་གཡས་དར་དཀར་ལྷ་དམག་གཡོབ། །གཡོན་པ་ནོར་བུའི་དགོས་འདོད་སྩོལ། །སེང་གེའི་སྟེང་ན་རོལ་སྟབས་བཞུགས། །དེ་འོག་མི་དཀར་ཟླ་བའི་མདངས། །ཕྱག་གཡས་བ་དན་གཉན་དམག་སྡུད། །གཡོན་པས་འཁོར་ལོ་དབང་དུ་སྒྱུར། །ཅང་

― LT39_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་དཀར་པོ་ཤུགས་ལྡན་ཆིབས། །ཐ་ཆུང་མི་དམར་བྱེ་རུའི་མདོག །ཕྱག་གཡས་དར་དམར་བཙན་ཁྲོམ་སྐུལ། །གཡོན་པས་རཏྣ་གཏེར་གྱི་མཛོད། །རྟ་མཆོག་དམར་པོ་འཕྲུལ་ལྡན་ཆིབས། །རང་རང་མདོག་མཚུངས་དར་བེར་གསོལ། །གསེར་གྱི་གོ་ཁྲབ་འོད་དུ་འབར། །བརྗིད་པའི་འཁོར་གསུམ་རྐེད་ལ་བསྐོར། །ལྕམ་གཅིག་མཚོ་སྨན་ཕྱུག་མོ་ནི། །དཀར་གསལ་ཡིད་འོང་མཛེས་ཤིང་འཛུམ། །དར་དཀར་གོས་གསོལ་རིན་ཆེན་རྒྱན། །མདའ་དར་རཏྣའི་གཞོང་པ་ནི། །བཅུད་ལྡན་བཟའ་བཅས་བཀང་བ་འཛིན། །ཤ་བ་ཡུ་མོ་ཆིབས་སུ་ཆིབ། །རང་འཁོར་འབུམ་གྱི་ཚོགས་བཅས་ལ། །དགའ་ཞིང་གུས་པའི་ཡིད་ཀྱིས་བསྟོད། །སྔོན་ཚེ་པདྨཱ་ཀ་ར་དང་། །ལོ་ཆེན་བཻ་རོ་ཀརྨ་པ། །རིག་འཛིན་བརྒྱུད་པའི་སྤྱན་སྔ་རུ། །ཞལ་བཞེས་ཐ་ཚིག་དྲན་མཛོད་ལ། །དམག་འཁྲུགས་ལོ་ཉེས་ནད་ཡམས་སོགས། །དུས་ཀྱི་རྒུད་པ་མཐའ་དག་སོལ། །ཆར་ཆུ་དུས་འབེབས་ལོ་ཕྱུགས་ལེགས། །སྣོད་བཅུད་བདེ་སྐྱིད་འབྱོར་བ་སྤེལ། །བསྟན་པའི་དབུ་འཕང་དགུང་དུ་བསྟོད། །རྣལ་འབྱོར་བདག་དང་ཡོན་བདག་ལ། །བྱམས་པའི་ཐུགས་ཀྱིས་གཡེལ་མེད་དགོངས། ཁ་འཛིན་སྡོང་གྲོགས་རྒྱབ་བརྟེན་མཛོད། །གཞི་བྱེས་ཀུན་ཏུ་སྲུང་ཞིང་སྐྱོབས། །ཡིད་ལ་འདོད་རྒུའི་དོན་རྣམས་སྒྲུབས། །ཕྱོགས་

― LT39_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་རྣམ་པར་རྒྱལ་བ་ཡི། །དགེ་ལེགས་སྣང་བས་ས་གསུམ་ཁྱབ། །བཀྲ་ཤིས་དཔལ་འབྱོར་གོང་འཕེལ་ཤོག །རྗེས། གཙྪ་གཙྪ་སྭ་བྷཱ་བཱ་ནཱཾ། ཞེས་རང་གནས་སུ་གཤེགས་སུ་གསོལ་ལོ། ཞེས་པ་འདིའང་ཐང་ལྷ་རི་ཁྲོད་ཀྱི་སྒྲུབ་བླ་ཀརྨ་བདེ་ཆེན་དང་ཀརྨ་གུ་རུ་ཟུང་གིས་སྔ་རྗེས་བསྐུལ་ངོར། ཀརྨ་ངག་དབང་ཡོན་ཏན་རྒྱ་མཚོས་གདན་ས་ཆེན་པོ་དཔལ་སྤུངས་ཀྱི་ཡང་ཁྲོད་ཙཱ་འདྲ་རིན་ཆེན་བྲག་ཏུ་བྲིས་པ་དགེ་ལེགས་འཕེལ།། ༈ །།ཨོཾ་སྭ་སྟི། ཁྲ་འབོའི་ཡུལ་བདག་ལྷ་བཙན་ཀླུ་གསུམ་གྱི་བསང་མཆོད་གསེར་སྐྱེམས་མདོར་བསྡུས་པ་ནི། དཀར་གཏོར་འདབ་ལྡན། དམར་གཏོར་རྩེ་རྒྱལ། ཀླུ་བཤོས་སྦྲུལ་དཀྲིས་རྣམས་རྒྱན་གྱིས་སྤྲས་པ། འབྲུ་སྨན་དར་ཟབ། ཕྱེ་མར་གསེར་སྐྱེམས་སོགས་གཙང་མཆོད་ཇི་ལྟར་འབྱོར་པ་དང་། རྒྱུན་ཏུ་བསང་ངང་གསེར་སྐྱེམས་ཙམ་བཤམས་ལ། རཾ་ཡཾ་ཁཾ། མ་དག་ཉེས་སྐྱོན་བསྲེགས་གཏོར་བཀྲུས། །ཨོཾ་ཨཱཿཧཱུྃ། །དག་པ་ཡེ་ཤེས་བདུད་རྩིའི་དངོས། །འདོད་རྒུ་ཅི་ཡང་འཆར་བའི་དཔྱིད། །མགྲོན་རིགས་ཐུགས་ལ་དགྱེས་བསྐྱེད་པ། །རྒྱ་ཆེ་རྒྱུན་མི་འཆད་པར་གྱུར། ཨོཾ་བཛྲ་སྥ་ར་་ཁཾ། ཀྱེ། ཡུལ་བདག་དགེ་བསྙེན་མཐུ་བོ་ཆེ། །ཟོ་ལུང་བྲག་དཀར་གཉན་པོ་སོགས། །དཀར་པོའི་ལྷ་དང་དམར་པོའི་བཙན། །སྔོན་པོ་ཀླུ་ཡི་སྡེ་དཔོན་ནི། །ཡབ་ཡུམ་མཆེད་འཁོར་བྲན་དང་བཅས། །དད་མོས་གདུང་

― LT39_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

བས་སྤྱན་འདྲེན་ན། །དགྱེས་པའི་སྟབས་ཀྱིས་གཤེགས་སུ་གསོལ། །ཙནྡན་བ་ལུ་ཨ་གར་སོགས། །བཟང་ཤིང་དུད་པས་ནམ་མཁའ་གང་། །ཕྱེ་མར་དཀོར་ཆ་རི་ལྟར་སྤུངས། །གསེར་སྐྱེམས་བཏུང་བ་མཚོ་ལྟར་བསྐྱིལ། །དབང་པོ་ལྔ་ལ་དགྱེས་སྐྱེད་པའི། །འདོད་རྒུ་མ་ཚང་མེད་པ་འདིས། །བསང་ངོ་མཆོད་དོ་མངའ་གསོལ་ལོ། །ཟོ་ལུང་བྲག་དཀར་རྡོ་རྗེ་དཔལ། །ལྷ་ཡི་སྡེ་འཁོར་བཅས་པ་བསང་། །བཙན་ཆེན་རྡོ་རྗེ་མཆོག་རྒོད་རྩལ། །བཙན་གྱི་སྡེ་འཁོར་བཅས་པ་བསང་། །ཀླུ་ཆེན་ནོར་འཛིན་སྟངས་དཔྱལ་ནི། །ཀླུ་ཡི་སྡེ་འཁོར་བཅས་པ་བསང་། །གཞན་ཡང་ཡུལ་ཕྱོགས་འདིར་གནས་པའི། །ས་བདག་ཤིང་བདག་ཆུ་ཡི་བདག། སྡེ་བརྒྱད་འབྱུང་པོ་མེ་མ་ཡིན། །གཉུག་མར་གནས་བཅས་གློ་བུར་ལྷགས། །མཆོག་དམན་བར་མའི་མགྲོན་ཚོགས་རྣམས། །བདུད་རྩི་ཤིང་གི་དུད་པས་བསང་། །གཙང་མ་གསེར་སྐྱེམས་ཕུད་ཀྱིས་མཆོད། །འདོད་ཡོན་དཀོར་ཆ་ཚང་བས་བརྔན། །སོ་སོའི་ཆེ་བའི་ཡོན་ཏན་ལ། །སྙན་པའི་དབྱངས་ཀྱིས་བསྟོད་པར་བགྱི། །ཆོས་རྣམས་སྟོང་ཞིང་བདག་མེད་ཀྱང་། །བདེ་སྡུག་རྒྱུ་འབྲས་བསླུ་བ་མེད། །རྟེན་ཅིང་འབྲེལ་པར་འབྱུང་བའི་དོན། །བདེན་པའི་བཀའ་ལ་ཡིད་ཆེས་ན། །འདི་ཕྱི་ཕན་བདེའི་རྒྱུ་ཡིན་

― LT39_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

པས། །གཞན་ལ་འཚེ་བའི་བསམ་སྦྱོར་སྤོངས། །བྱང་ཆུབ་སེམས་མཆོག་རིན་པོ་ཆེ། །རྩོལ་མེད་རྒྱུད་ལ་སྐྱེ་གྱུར་ཅིག །སྦྱིན་པ་གཉིས་ཀྱིས་བསྡུས་པའི་མགྲོན། །དགའ་མགུ་མཉེས་ཤིང་ཚིམས་ནས་ཀྱང་། །ནད་མུག་མཚོན་འཁྲུགས་ལ་སོགས་པ། །མི་མཐུན་ཕྱོགས་ཀུན་ཞི་བར་མཛོད། །བསྟན་པའི་དབུ་འཕང་དགུང་དུ་བསྟོད། །ཡུལ་ཁམས་སྐྱེ་དགུར་དགེ་ལེགས་སྤེལ། །བདེ་སྐྱིད་ཡར་ཟླ་ལྟར་རྒྱས་མཛོད། །པད་འབྱུང་ཀརྨ་པ་ལ་སོགས། །རྡོ་རྗེ་སློབ་དཔོན་མཆོག་རྣམས་ཀྱི། །ཞལ་མཐོང་གསུང་ཐོས་བཀའ་བསྒོས་པའི། །ཐ་ཚིག་གཉེན་པོ་མ་བསྙེལ་བར། །ཅི་ལྟར་བཅོལ་བའི་ཕྲིན་ལས་ཀུན། །འབད་མེད་ལྷུན་གྱིས་གྲུབ་པར་མཛོད། །སྭ་སྠཱ་ནི་གཙྪ། ཞེས་པའང་སྒྲུབ་བརྒྱུད་བསྟན་པའི་ཕྲིན་ལས་འཛིན་པ་ཆོས་ཉིད་མཆོག་གི་སྤྲུལ་པའི་སྐུ་དང་། སྒྲུབ་བླ་མ་རིག་འཛིན་དཔོན་སློབ་ཐུགས་བཞེད་སྐོང་ཕྱིར་པདྨ་གར་དབང་རྩལ་གྱིས་གཡར་ཁྲལ་དུ་བྲིས་པ་དགེ་ལེགས་འཕེལ།། །།

དཔའ་འོག་ཡུལ་ལྷ་སྤྱི་བསྡུས་ཀྱི་བསང་མཆོད།

― LT39_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། དཔའ་འོག་ཡུལ་ལྷ་སྤྱི་བསྡུས་ཀྱི་བསང་མཆོད་བྱ་བའི་ཚེ། དཀར་གཏོར་གསེར་སྐྱེམས། དམར་གཏོར་ཤ་ཆང་། ཕྱེ་མར་འོ་ཕུད་སོགས་ཇི་ལྟར་འབྱོར་བའི་མཆོད་རྫས་གཙང་མ་དང་། བསང་གི་མཆོད་པ་ལ་ཆབ་བྲན་ཏེ། རཾ་ཡཾ་ཁཾ། རྣམ་རྟོག་ཉེས་སྐྱོན་འབག་བཙོག་དྲི། །བསྲེགས་གཏོར་བཀླུས་ནས་སྟོང་པར་སྦྱངས། ཨོཾ་ཨཱཿཧཱུྃ། ལན་གསུམ། །སྟོང་ལས་ཡིད་མཐུན་སྣོད་མཆོག་ཏུ། །འབྲུ་གསུམ་ལས་བྱུང་བསང་མཆོད་དང་། །སྤྱན་གཟིགས་ས་དང་བར་སྣང་གང་། །མགྲོན་རྣམས་ཟག་མེད་བདེ་སྐྱེད་གྱུར། བཛྲ་སྥ་ར་་ཁཾ། ཀྱེ། པདྨཱ་ཀ་རས་བྱིན་བརླབས་ཤིང་། །དཔལ་ཆེན་ཧེ་རུ་ཀའི་གནས། །ཡན་ལག་ཚུལ་དུ་ཆགས་པ་ཡི། །དཔའ་བོ་དབང་ཆེན་བྲག་དཀར་དང་། །རག་ཆབ་བྲག་རྒྱ་ལ་སོགས་པར། །གཉུག་མར་གནས་པའི་མཐུ་སྟོབས་ཅན། །ལྷ་བཙན་བདུད་ཀྱི་དགེ་བསྙེན་སོགས། །ཡུལ་ལྷ་ཟོ་དོར་གཉེན་པོ་རྣམས། །མཆོད་པའི་གནས་འདིར་གཤེགས་སུ་གསོལ། །དགྱེས་པའི་གདན་ལ་བརྟན་པར་བཞུགས། །དཀར་མངར་འོ་ཞོའི་ཕུད་ཀྱིས་མཆོད། །རྒྱ་ཇ་གསེར་སྐྱེམས་བཏུང་བས་མཆོད། །དར་ཟབ་རིན་ཆེན་སྨན་སྣས་མཆོད། །རོ་བརྒྱ་ལྡན་པའི་བཟའ་བཅས་མཆོད། །ཕྱེ་མར་ཤེལ་ཚིག་འབྲུ་སྣས་མཆོད། །ཡིད་སྤྲུལ་དཀོར་

― LT39_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་དུ་མས་མཆོད། །བདུད་རྩི་ཅན་གྱི་བཟང་ཤིང་རྣམས། །གཙང་བྱེད་མེ་ལ་བསྲེགས་པ་ཡི། །དུད་སྤྲིན་བར་སྣང་གང་བ་འདིས། །དཔའ་བོ་རྡོ་རྗེ་དབང་ཆེན་བསང་། །རག་ཆབ་བཙན་རྒོད་ཆེན་པོ་བསང་། །བྲག་རྒྱ་སྔགས་འཆང་མཐུ་ཆེན་བསང་། །གཞན་ཡང་ཡུལ་ཕྱོགས་འདི་གནས་པའི། །ལྷ་ཀླུ་བཙན་བདུད་གཉན་དང་སྨན། །དཀར་པོའི་ཕྱོགས་སྐྱོང་དམ་ཚིག་ཅན། །འཁོར་དང་བཅས་པ་ཐམས་ཅད་བསང་། ཀྱེ། དཔལ་བྲག་ལྷ་ཡི་དགེ་བསྙེན་ཆེ། །མི་དཀར་རྟ་དཀར་དར་མདུང་ཕྱར། །སྙན་གྲགས་དུང་དཀར་གཡོན་ན་འབུད། །ལྷ་དམག་དཔུང་གི་རུ་སྣ་འདྲེན། །སྦས་པའི་གནས་དང་ཟབ་གཏེར་སྲུང་། །ཞི་བའི་ཕྲིན་ལས་སྒྲུབ་ལ་བསྟོད། །མུ་ན་མ་གཡས་ཀྱི་རུ་འདྲེན་པ། །བཙན་རྒོད་རག་ཆབ་གཉན་པོ་ནི། །མི་དམར་རྟ་དམར་གྲི་ཞགས་བསྣམས། །མི་དམར་སྔོན་རྒྱུག་རྟ་དམར་འབྲང་། །དམ་ལྡན་རྣལ་འབྱོར་སྐྱོད་ལ་བསྟོད། །བྲག་རྒྱ་སྔགས་པ་མཐུ་ལྡན་ཆས། །མ་ངེས་ཆིབས་ཤིང་རྔ་གཤང་ཐོགས། །མཆོད་ན་འགོ་ཞིང་བརྟེན་ན་འགྲོགས། །ཆོ་འཕྲུལ་སྣ་ཚོགས་སྟོན་ལ་བསྟོད། །ཡུལ་བདག་ས་བདག་མ་ལུས་པའི། །ཆེ་བའི་ཡོན་ཏན་ཅི་མཆིས་ལ། །བསྟོད་ཅིང་བསང་མཆོད་བརྔན་པའི་མཐུས། །དགྱེས་པའི་ཞལ་གྱི་འཛུམ་

― LT39_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུངས་ལ། །བསྟན་དང་རྣལ་འབྱོར་སྐྱོང་བ་དང་། །ཡུལ་ཕྱོགས་འདི་རུ་བདེ་ལེགས་སྤེལ། །གཞི་བྱེས་ཀུན་ཏུ་སྡོང་གྲོགས་མཛོད། །ན་ཚ་གོད་ཁ་མ་བཏང་བར། །མི་ཕྱུགས་ཀུན་ལ་སྲུང་ཞིང་སྐྱོབས། །འགལ་རྐྱེན་བར་ཆད་ཕྱི་རུ་ཟློག །ཚེ་དཔལ་གཡང་བཅུད་ནང་དུ་བསྡུས། །མ་རིག་ནོངས་པ་བཟོད་བཞེས་ལ། །པདྨ་ཐོད་ཕྲེང་ལ་སོགས་པའི། །བཀའ་བསྒོས་ཐ་ཚིག་མ་བསྙེལ་བར། །འདོད་པའི་ཕྲིན་ལས་བསྒྲུབ་པར་མཛོད། །ཅེས་ཕྲིན་ལས་བཅོལ་ཞིང་། སརྦ་བྷཱུ་ཏ་ཡ་ཧི་གཙྪ། ཞེས་པས་གཤེགས། ཞེས་དཔའ་འོག་ཆོས་རྗེ་བླ་མ་ཀུན་དགའ་དཔལ་ལྡན་གྱིས་གསུང་བསྐུལ་མཛད་པ་ལྟར་པདྨ་གར་དབང་རྩལ་གྱིས་བྲིས་པ་དགེ་ལེགས་འཕེལ།། །། །།

གནས་མཆོག་འབུར་མོ་བྲག་དཀར་ལ་བསང་མཆོད།

― LT39_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། གནས་མཆོག་འབུར་མོ་བྲག་དཀར་ལ་བསང་མཆོད་འབུལ་བར་འདོད་པས་བསང་དང་གསེར་སྐྱེམས་སོགས་འདུ་བྱས་ལ། རཾ་ཡཾ་ཁཾ། མ་དག་པའི་དངོས་པོ་སྟོང་པར་གྱུར། ཨོཾ་ཨཱཿཧཱུྃ་ཧ་ཧོཿཧྲཱིཿ མཆོད་པའི་སྤྲིན་ཕུང་བསམ་གྱིས་མི་ཁྱབ་པ་ནམ་མཁའ་མཛོད་བུ་གྱུར། ཧྲཱིཿ གདོད་ནས་རྣམ་དག་འོག་མིན་ཞིང་། །ཡེ་ཤེས་རོལ་པའི་རང་རྩལ་ལས། །གནས་ཡུལ་ཞིང་གི་བཀོད་པ་ཤར། །དེ་བཱི་ཀོ་ཊིའི་དཀྱིལ་འཁོར་གྱི། །ཆ་ཤས་ཞི་དང་ཁྲོ་བོའི་ལྷ། །འདུས་མདོ་གནས་ཀྱི་སྙིང་པོ་ནི། །ཕྱི་ལྟར་འབུར་མོ་རིན་ཆེན་བྲག །ནང་ལྟར་ཟབ་མོ་གཏེར་གྱི་མཛོད། །གསང་བ་འོད་གསལ་གཞལ་མེད་ཁང་། །རྩ་གསུམ་ལྷ་ཚོགས་འཇའ་ལྟར་ཤར། །ཆོས་སྐྱོང་ནོར་ལྷ་དགྱེས་པས་རོལ། །དཀར་ཕྱོགས་སྐྱོང་རྣམས་གུས་པས་འདུན། །ཁྱད་པར་བོན་གཤེན་ཡི་དམ་ལྷ། །གཙང་མ་ལྷ་གསས་སྤྲིན་ལྟར་འདུ། །ཆུ་ཟླ་མེ་ལོང་གཟུགས་བརྙན་བཞིན། །དོན་དམ་དབྱིངས་སུ་རོ་གཅིག་ཀྱང་། །གང་འདུལ་སྣང་བརྙན་ཅི་ཡང་འཆར། །རྡུལ་གཅིག་ལ་ཡང་ཞིང་དང་སྐུ། །གང་དམིགས་དེ་ལྟར་སྣང་བ་ལ། །གུས་པས་ཕྱག་འཚལ་འདུད་ཅིང་བསྟོད། །ཕྱི་ནང་གསང་བ་བླ་ན་མེད། །ཕྱེ་མར་གསེར་སྐྱེམས་འབྲུ་སྨ་སོགས། །

― LT39_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་འབྱོར་ཡིད་སྤྲུལ་མཆོད་པས་མཆོད། །བཟང་ཤིང་སྤོས་ཀྱི་དུད་པའི་སྤྲིན། །གནམ་ས་བར་སྣང་ཡོངས་གང་བས། །སྡོམ་པ་དམ་ཚིག་ཉམས་པ་དང་། །མི་དགེ་མ་རུངས་ལས་བགྱིས་པས། །རྟེན་དང་བརྟེན་པར་བཅས་པ་ལ། །ཉམས་གྲིབ་དམེ་མནོལ་ཕོག་པ་བསང་། །བྱང་ཞིང་དག་ནས་སོར་ཆུད་དེ། །སྐུ་གསུང་ཐུགས་མཆོད་དགྱེས་ཤིང་ཚིམས། །གཟི་བརྗིད་ལྡན་ཅིང་མཐུ་རྩལ་ཆེ། །བྱིན་རླབས་དཔལ་དུ་འབར་བ་ཡིས། །འགྲོ་ལ་སྲུང་སྐྱོབས་སྦ་བ་དང་། །ཐུན་མོངས་མཆོག་གི་དངོས་གྲུབ་སོགས། །འདོད་དགུ་ཡིད་བཞིན་སྩལ་དུ་གསོལ། །མངྒ་ལཾ་སིངྡྷི་ཛ་ཡ་ཨ་ལ་ལ་ཧོཿཞེས་གསང་བའི་ཐེག་པ་ལ་མོས་ཡིད་དང་ལྡན་པ་ཇ་སྦྲ་ཞང་ཚེ་ནས་བསྐུལ་ངོར་འཆི་མེད་བསྟན་གཉིས་གཡུ་དྲུང་གླིང་པ་སྩལ་གྱིས་བགྱིས་པ་དགེ་ལེགས་འཕེལ།། །།

འབྱུང་བ་སྤྱིའི་ཉེས་པ་སེལ་བར་བྱེད་པའི་གཙུག་ལག་གི་གྱེར་གཏོ་ཆེན་པོའི་བཅའ་གཞི་ལག་ལེན་གསལ་བར་བྱེད་པ་གསེར་གྱི་ཐུར་མ།

― LT39_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་སྤྱིའི་ཉེས་པ་སེལ་བར་བྱེད་པའི་གཙུག་ལག་གི་གྱེར་གཏོ་ཆེན་པོའི་བཅའ་གཞི་ལག་ལེན་གསལ་བར་བྱེད་པ་གསེར་གྱི་ཐུར་མ་ཞེས་བྱ་བ་བཞུགས་སོ།། །།

― LT39_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་པྲ་ཛེ་བྷྱཿ །འཇམ་པའི་དབྱངས་དེ་རྒྱལ་བ་ཀུན་གྱི་ཡབ། །འཕྲུལ་གྱི་མི་བཞི་སྐྱེ་འགྲོ་གསོ་བའི་རྩི། །དུར་ཧ་ནག་པོ་སྨྲང་ཆེན་བཀྲོལ་བའི་ལྗགས། །སྟོན་འཁོར་ངོ་བོ་གཅིག་ཕྱིར་སྐྱབས་ཀྱི་ཡུལ། །སྣང་སྲིད་ཞི་བདེ་སྒྲུབ་པའི་ལམ། །རཱ་ཧུ་ཟླ་ནག་ཁམས་ཁྲ་སོགས། །ཚད་མའི་སྐྱེས་བུས་གསལ་མཛད་མོད། །ཕྱིས་དུས་འཇིག་རྟེན་སྣང་བའི་མིག །ཆོས་དཔལ་རྒྱ་མཚོ་ཀུན་ཁྱབ་སོགས། །བློ་ལྡན་དག་གི་དྲིན་ལས་འདི། །ཕྱོགས་ཙམ་ལོངས་སུ་སྤྱོད་པའི་ཚེ། །ངོ་མཚར་མོས་པའི་ཀུནྡ་དགོད། །དེང་སང་འདི་ལ་ལག་ལེན་བྱེད་པ་དཀོན། །བྱེད་མཁན་ཕལ་ཆེར་སྤྱན་རས་མུན་པས་འཐུམས། །གསལ་བྱེད་

― LT39_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་གྱི་ཐུར་མ་འདི་སྦྱིན་གྱི། །གཏོ་མཁན་རྣམས་ཀྱིས་གཅེས་པའི་དབྱིགས་སུ་ཟུངས། །དེའང་སྤྱིར་གཏོ་ལ་རིགས་གསུམ། རྒྱ་གར། །རྒྱ་ནག །གཏེར་ནས་བྱུང་བ་རྣམས་ལས། འདི་རྒྱ་ནག་ལས་བསྒྱུར་བ་ཡིན་ཅིང་། །རྒྱ་ནག་གི་གཏོ་ཐམས་ཅད་ཀྱི་ཕུག་གམ་རྩ་བ་ནི་གསལ་སྒྲོན་ཉིད་ཡིན་ལ། །དེ་ལས་བཤད་པའི་གཏོ་ཐམས་ཅད་ཀྱི་སྤྱིའི་ཁོག་དབུབ་དང་རྩ་བའི་གཞིར་གྱུར་པ་འབྱུང་བ་སྤྱི་དང་གསོན་གཤིན་གཉིས་ཏེ་སྣང་སྲིད་སྤྱིའི་ཉེས་པ་སེལ་བར་བྱེད་པའི་གྱེར་གཏོ་ཆེན་པོ་འདི་ལག་ཏུ་ལེན་པ་ལ་སྤྱི་དོན་གསུམ། །དཀྱིལ་འཁོར་བྲི་ཞིང་རྫས་འགོད་པ། །ཆོ་གའི་གཞུང་བསྲང་བ། གླུད་དང་ཡས་སྟགས་གཏང་པའི་

― LT39_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་ལོ། དང་པོ་ལ་གཉིས། །དཀྱིལ་འཁོར་འབྲི་བ་དང་། རྫས་འགོད་པའོ། དང་པོ་ལའང་གཉིས། སྤྱི་དང་བྱེ་བྲག་གོ། །དང་པོ་ནི། གཟའ་སྐར་དགེ་བའི་སྔ་དྲོའི་ཆར་གཏོ་མཁན་འཇམ་དབྱངས་སུ་བསྐྱེད་ཅིང་ཝཱ་གཱི་ཤྭ་ར་ཅུང་ཟད་བཟླས་ལ། །དཀར་གཏོར་གསེར་སྐྱེམས་འོ་ཕུང་སོགས་བཤམས་ལ། གཞི་བདག་དཀར་གཏོར་སྔོན་ཏུ་འགྲོ་བས་དབང་ཆེན་ལས་འབྱུང་བ་ལྟར་ས་སློང་བྱ། །ལྟོ་འཕྱེ་བརྟགས་ལ་ས་བླངས་ཏེ། ཁང་ཡུལ་གྱི་ཡངས་དོགས་དང་བསྟུན་པའི་རྒྱ་དང་། དཔངས་སུ་མཐོ་གང་ལྷག་ཙམ་ཡོད་པའི་ས་སྟེགས་འཐས་པར་གཅག །དབང་ཆེན་ཚིགས་བཅད་དང་བསྟུན། དྲི་བཟང་སྨན་དང་འོ་མས་ཆག་ཆག་བཏང་། །ཐིག་ཆེན་བརྒྱད་པོ་སྤྱི་ལྟར་གདབ། །ཕྱོགས་རེར་ཆ་ཆེན་བཅུ་རེར་བགོས། །ཕྱོགས་གཉིས་བསྡམས་པས་ཉི་ཤུའོ། །ཕྱི་ནས་ནང་དུ་བགྲང་བ་ཡི། །དང་པོ་རླུང་གི་དཀྱིལ་འཁོར་ལྗང་། །གཉིས་པ་ཆུ་ཡི་དཀྱིལ་འཁོར་དཀར། །གསུམ་པ་གསེར་གྱི་ས་གཞི་སེར། །བཞི་པ་མེ་ཡི་དཀྱིལ་འཁོར་དམར། །ལྔ་པ་ཁྱམས་ཏེ་རྒྱུ་སྐར་གནས། །ཤར་ཤིང་ལྗང་སོགས་ཕྱོགས་མདོག་དབྱེ། །དེ་རྣམས་གྲུ་བཞི་ཁོ་ནར་བཅད། །དྲུག་ནས་བཅུ་བར་ཟླུམ་པོར་བསྐོར། །དྲུག་པར་འདབ་མ་བཅུ་གཉིས་དབྱེ། །ལོ་སྐོར་ཁྱིམ་ཡིན་

― LT39_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་པ་ནི། །འདབ་མ་བརྒྱད་བྱས་སྤར་ཁ་སྟེ། །བརྒྱད་པར་དགུ་ལིང་སྨེ་བའི་གནས། །ལྔ་སེར་ལྟོ་ལ་གབ་པ་དང་། ཁ་དོག་ལ་སོགས་འབྱུང་རྩིས་ཀྱི། །ལག་ལེན་སྤྱི་དང་མཐུན་པར་ཤེས། །དགུ་པ་བཞི་ཆ་བཞི་རུ་བགོ། །བཅུ་པ་ཕྱེད་བགོ་ཕྱི་ཕྱེད་བགོ། །འཁོར་ལོ་རྩིབས་བརྒྱད་ལྟེ་བ་བཅས། །གསེར་མདོག་གཙོ་དང་འབྱུང་ལྷའི་གནས། །ལྔ་པའི་ལྷོ་བྱང་རུས་སྦལ་གྱི། །མགོ་མཇུག་གྲྭ་བཞིར་ཡན་ལག་དང་། །བཞི་པ་དང་ནི་གསུམ་པ་ལ། །རྟ་བབས་མེད་པའི་སྒོ་རྐྱང་དུ། །བཤད་ཀྱང་ད་ལྟའི་ཕྱག་ལེན་ཏུ། །སྒོ་རྐྱང་འབྲི་བར་མི་མཛད་དོ། །གཉིས་པ་བྱེ་བྲག་ཏུ། འཁྲུགས་གཏོ་བྱེད་ན་སའི་དཀྱིལ་འཁོར་རིམ་པ་བཞིར་བགོས་པའི་ཐིག་གདབ། སྤར་སྨེ་སོགས་ཀྱི་གྱེར་དང་མ་འབྲེལ་བའི་ཆོ་ག་དང་པོ་ཁ་རྐྱང་བྱེད་པའི་སྐབས། །ལྔ་པ་ཕྱོགས་མདོག །དྲུག་པར་རུས་སྦལ་གྱི་མགོ་དང་ཡན་ལག །བདུན་པར་ཁོག་པ། བརྒྱད་པ་མུ་ཁྱུད། །དགུ་པ་རྩིབས་པདྨ། བཅུ་པ་གཙོ་བོའི་གནས་སོ། གཉིས་པ་རྫས་འགོད་པ་ལ་གསུམ། སྤྱི་ལ་དགོས་པ། བྱེ་བྲག་གི་བཤམ་ཚུལ། འཁྲུགས་གཏོ་དམིགས་སུ་བཤད་པའོ། །དང་པོ་ལ་གཉིས། གཏོ་དཀར་དང་། གཏོ་ནག་གོ། །དང་པོ་ནི། གཙོ་བོ་འཇམ་དབྱངས་ཀྱི་སྐུ་བརྙན་ཆེ་ཞིང་ལེག་

― LT39_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

པ། འཁོར་འབྱུང་བའི་ལྷ་མོ་བརྒྱད་གཙོ་བོ་ལས་སྐུ་ཚད་ཆུང་བ། སྤར་སྨེ་གཟའ་སྐར་ས་བདག་སོགས་སྐབས་བསྟུན་དགོས་རིགས་འདོན་ཆ་ནས་ཇི་ལྟར་འབྱུང་བ་རྣམས་མ་འཁྲུལ་བར་རབ་གཙང་མའི་ཁམས་སའམ་འབྲུའི་ཕྱེ་རིན་པོ་ཆེ་བསྲེས་པས་འབུར་སྐུ་ཚོན་ཅན་བཞེངས། འབྲིང་རས་སམ་ཤོག་བུར་བྲིས་པ། ཐ་མ་པར་དུ་བཏབ་པ། སྤར་སྨེ་སོགས་འགོད་རྒྱུ་ཡོད་སྐབས་དཀྱིལ་འཁོར་དབུས་སུ་སྒྲོམ་ཁྲི་ལེགས་པར་བཅས་པའི་དབུས་སུ་འཇམ་དབྱངས། ཕྱོགས་མཚམས་སུ་འབྱུང་བའི་ལྷ་མོ་རྣམས་གཙོ་བོ་ལ་ཞལ་བསྟན་ཏེ་འགོད། སྤར་མེ་སོགས་མི་དགོས་པའི་དཀྱིལ་འཁོར་མཆོད་པའམ་གཏོ་ཕྲན་སྐབས་སུ་དཀྱིལ་འཁོར་འཁོར་ལོའི་ལྟེ་བ་དང་རྩིབས་རྣམས་ལ་བཞུགས་སུ་གསོལ་ལོ། །གཉིས་པ་གཏོ་ནག་གི་བཅས་ཤོམ་ནི། དཀྱིལ་འཁོར་དེ་ཡི་བདེ་ངོས་སུ་གཞི་ནག་པོའི་སྟེང་དུ་བསྲུང་བྱའི་ལོ་གྲངས་དང་བསྟུན་པའི་རབ་ཁལ། འབྲིང་བྲེ། ཐ་མ་ཕུལ་གྱིས་ནས་འཇལ་བ་ཐང་མར་བརྡལ་ལ་རུས་སྦལ་བྲིས་པའི་སྟེང་། ཕྱེ་གཙང་རིན་པོ་ཆེ་སྨན་སྤོས་བསྲེས་པའི་འདྲ་གླུད་འབྱོར་གསུམ་དང་བསྟུན་པའི་སྐྱེ་མཆེད་དོད་པ། ཞོ་ཤའི་སྙིང་སོགས་གླུད་རབ་དང་མཐུན་པ་ལ། བསྲུང་བྱའི་གོས་དང་སྐྲ་སེན་སོགས་སྒྲོན། རྒྱབ་བསྟེན་སྲིད་པ་སྤྱི་བྲིས་དང་

― LT39_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རང་གི་སྲོག་དབུས་བཅུག་གི་ལུས་དབང་ཀླུང་རྟའི་ཁ་དོག་ཅན་གྱི་ནམ་མཁའ་གཟུག །སྟེང་དུ་གདུགས་ཕུབ། ཕྲག་པ་གཡས་གཡོན་ཏུ། ཕོ་ཤིང་མོ་ཤིང་གི་ལོ་ཁྲོམ་མཐོང་བརྒྱུད་ལྟར་གནས་སོ་སོར་འཛུག །དེ་འདྲ་བ་བསྲུང་བྱའི་མི་གྲངས་དགོས། རབ་སུམ་འགྱུར་སོགས་ཀྱང་བྱ་སྲོལ་ཡོད་ཅིང་། དེ་རེ་རེ་ལའང་། གཡས་སུ་ཕོ་ཐང་མདའ་ཁྲ། གཡོན་དུ་མོ་ཐང་འཕང་ཁྲ། མདུན་ཏུ་རྒྱང་བུ་ཆུང་གདོང་། ལག་ཏུ་གསེར་གཡུ། མཐར་ལོ་སྐོར་བཅུ་གཉིས་ཀྱིས་བསྐོར། སྤར་ཁ་བཅོས་པའི་རྫས་ཕལ་ཆེར་ཡང་དེར་བསགས། དར་དང་རྒྱལ་མཚན། རྟ་ཁལ། མཛོ་རྟོལ་སོགས། སྲེ་ལོང་བཅུ་གཉིས། རྭ་རུ། སྒོག་པ་སོགས་བླུགས། མི་ཁའི་རྫས་ཆེན་པོ་བཅོ་བརྒྱད་ནི། ཡོས་བཀྲ་པྲ་སྲན་རམ་རུག་སྒོག་བཙོང་ཚྭ། བ་ཚ་བུལ་ཏོག་བཙོད་ཚོས་གཡེར་རུས་བཏོགས། ཇ་རོ་སྦངས་མ་ལྐོག་གེ་ལྟེ་ཕྱེའོ། དེ་སོགས་གཏོ་ནག་གི་རྫས་རྣམས་གང་འཛོམ་བླུགས། འབྱོར་གསུམ་ནི་རབ་ལུས་ཚད། འབྲིང་ཁྲུ་ཚད། ཐ་མ་མཐོ་ཚད་ཡིན་ནོ། །གཞན་ཡང་ལྟོ་ཟན་ལོ་གྲངས། ཆང་སྐྱོག་ལོ་གྲངས་རྣམས་ཀྱིས་མཐའ་བསྐོར། སྤྲེའུ། ཕུ་ཤུད། ཕ་ཝཾ། རྨ་བྱ། ནེ་ཙོ་སྟེ་ཤག་འདེབས་ལྔ་པོའི་གཟུགས་གླུད་མདུན་ཏུ་ཁ་

― LT39_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོད་དུ་བསྒྲིག་པར་བྱའོ། །གཉིས་པ་ལ་བཞི། དཀྱིལ་འཁོར་མཆོད་པའི་ཚུལ་དུ་འབུལ་བ། གླིང་བཞི་མདོས་སུ་བསྔོ་བ། རུས་སྦལ་གཏོ་ཡིས་བསྐོར་བ། ཁ་སྒྱུར་གྱི་བ་ཕྱང་ཕྲན་ཐོ་ཙམ་སྨོས་པའོ། །དང་པོ་ནི། ཚེ་སྲོག་བསླུ་བ། ན་ཚ་གསོ་བ། དབང་ཐང་སྐྱེད་པ། ཀླུང་རྟའི་བྱུར་ཡུག་ཕུད་པ་སོགས་གསོན་གཤིན་གྱི་བྱ་བ་སྤྱི་ལ་གཅེས་པ་སྟེ། དཀྱིལ་འཁོར་ཡང་ཆོག་དང་པོ་ཁ་རྐྱང་གི་ལུགས་སུ་བྲིས་ལ། འཇམ་དཔལ་འབྱུང་བའི་ལྷ་བརྒྱད་དང་། གླུད་ཡས་གཏོ་ནག་གི་ཆས་ཚང་བར་བཤམ། སྲོག་གཏོ་དང་འཆི་བསླུ། ལུས་ཀྱི་ན་ཚ་གསོ་བ། སྲོག་ལུས་དབང་ཐང་ཀླུང་རྟ་སྐྱེད་པའི་གཏོ། ན་ཤི་དུར་གསུམ་གྱི་གཏོ་སོགས་གཏོ་ཆུང་ཕྲན་བུ་སྐབས་སུ་གང་བབས་ཀྱི་ཡས་སྟགས་རྣམས་བཤམས་ལ་གྱེར་རོ། །གཉིས་པ་ནི། སྲིད་བཙལ་བ། ལྟེ་བ་སྒྱུར་བ། འཕྲལ་གྱི་ཀེག་ཟློག །ཚེ་གཡང་འགུགས་སྡོམ་སོགས་བྱེ་བྲག་དང་། རོ་འདོན། བག་མ་གཏོང་ལེན། དམག་ཇག །བྱེས་བགྲོད། སྟོན་ཆེན་ཡོ་ལང་སོགས་ཀྱི་རྩ་བར་ཡང་བཟུང་དགོས་པས་དེའི་བཅས་ནི། དཀྱིལ་འཁོར་དབུས་སུ་སྟེགས་ཀྱི་ཁར་རི་རབ་གླིང་བཞི། གླིང་ཕྲན་བརྒྱད་བཅས་བྱས་པ་ལ་འཇམ་དཔལ་འབྱུང་བའི་ལྷ་མོའི་སྐུ་བཞེངས། དཀྱིལ་འཁོར་ལྟེ་བར་ལྔ་སེར།

― LT39_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ནས་རིམ་པར་གཡས་བསྐོར་དུ། སུམ་མཐིང་། བཞི་ལྗང་། དགུ་དམར། གཉིས་ནག །བདུན་དམར། དྲུག་དཀར། གཅིག་དཀར། བརྒྱད་དཀར་ཏེ་སྨེ་དགུ། དེ་རྒྱབ་རྩིབས་བརྒྱད་ལ། ཤར་དུ་ཟིན། མེར་ཟོན། ལྷོར་ལི། བདེན་བྲལ་དུ་ཁོན། ནུབ་ཏུ་དྭ། རླུང་དུ་ཁེན། དབང་ལྡན་ཏུ་གིན་སྟེ་སྦར་ཁ་བརྒྱད། དེ་རྒྱབ་པད་འདབ་བཅུ་གཉིས་ལ། ཤར་སྟོད་སྟག །ཤར་སྨད་ཡོས། མེར་འབྲུག །ལྷོ་སྟོད་སྦྲུལ། ལྷོ་སྨད་རྟ། བདེན་བྲལ་ལུག །ནུབ་སྟོད་སྤྲེལ། ནུབ་སྨད་བྱ། རླུང་དུ་ཁྱི། བྱང་སྟོད་ཕག །བྱང་སྨད་བྱི་བ། དབང་ལྡན་ཏུ་གླང་སྟེ་ལོ་བཅུ་གཉིས། དེ་རྒྱབ་མགོ་བོ་ལྷོར་བསྟན་པའི་རུ་སྦལ་མགོ་མཇུག་ཡན་ལག་རྡུལ་ཚོན་གྱིས་གྲུབ་པའི་ཕྱི་ཕྱོགས་ནས་གྲུ་བཞིར་བཅད་པའི་ཁྱམས་ལ་རྒྱུ་སྐར་ཉེར་བརྒྱད། སྨིན་དྲུག་ནས་རྒྱལ་བར་དྲུག་ཤར། སྐག་མེར། མཆུ་ནས་ས་རི་ཡན་དྲུག་ལྷོར། ས་ག་བདེན་བྲལ། ལྷ་མཚམས་ནས་གྲོ་བཞིན་ཡན་དྲུག་ནུབ། བྱི་བཞིན་རླུང་། མོན་གྲེ་ནས་ཐ་སྐར་ཡན་དྲུག་བྱང་། བྲེ་དབང་ལྡན་ཏུ་འགོད་པ་དང་། དེའི་ནང་གི་གྲུ་ཆད་ལ། གཟའ་བརྒྱད་འགོད་པ་ནི། ཤར་དུ་ཕུར་བུ། ལྷོ་སྟོད་ཉི་མ། ལྷོ་སྨད་མིག་དམར། ནུབ་ཏུ་པ་སངས། བྱང་

― LT39_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོད་ཟླ་བ། བྱང་སྨད་ལྷག་པ། བྱང་ཤར་ཁྱབ་མཇུག །ལྷོ་ནུབ་ཏུ་སྤེན་པ། རྒྱུ་སྐར་གྱི་ཕྱི་རོལ་ཕྱོགས་བཞིར་གཏོ་བདག་བཞི་བཅས་འགོད། དེའང་ལྔ་སེར་ལ་མཚོན་ན། མི་ལུས་གསེར་མདོག་གཡས་རིན་པོ་ཆེའི་བུམ་པ། གཡོན་པས་དུང་དཀར་བསྣམས། སྐུ་ལ་ཟ་འོག་གི་བེར་སེར་པོ་མནབ་ཅིང་དབུ་ལ་གསེར་གྱི་སྲོག་ཞུ་གསོལ་བ། གདན་གྲུ་བཞི་སེར་པོ་ཅན། འཛོམ་ན་བྲིས་འབུར་གཉིས། མ་འཛོམ་ན་གང་རུང་བཀོད་པའི་རྒྱབ་ཏུ་རང་འབྱུང་གི་ཁོག་འཕྲོད་ཅན་གྱི་ནམ་མཁའ་གཡས། །རྒྱང་བུ་གཡོན། ཤིང་རིས་དབུས་སུ་གཟུག །སྟེང་དུ་གདུགས་སེར་པོ་ཕུབ། །རང་འདྲའི་གླུད་ཕྲན་གཅིག་གསུམ་བདུན་སོགས་བཤམ་ཡུལ་ཡང་དོགས་འབྱོར་བ་ཆེ་ཆུང་དང་བསྟུན་པས་བྱ་སྒོར། ལྔ་སེར་གྱི་མཐུན་རྫས་ཡས་རྫས་བཀོད། གླུད་ཕྲན་ནི་ལྔ་སེར་གཟུགས་སྤར་དུ་བཏབ་པ་འགོད་པ་ཕྱག་ལེན་ཡིན། དེས་མཚོན་གཏོ་བདག་བཞི་ཡན་ལ་དེ་ལྟར་འགོད་པ་ནི་ཕྱག་ལེན་རྒྱས་པའི་ཕྱོགས་ཡིན། གཟུགས་བྲིས་འབུར་གང་རུང་ལ་གླུད་ཕྲན་གཅིག །རྒྱབ་ཏུ་ཤིང་རིས་ཙམ་བཀོད་པ་ནི་བསྡུས་པ་ཡིན་ཅིང་། གླུད་ཕྲན་ཀྱང་རང་གཟུགས་བཅའ་བ་དང་སྤར་གཉིས་ཀ་མ་འབྱོར་ཚེ་སྦྱིན་བདག་ཕོ་མོ་དང་ན་ཐུན་པའི་ཕོ་གླུད་མོ་གླུད་ཁ་དོག་སོ་སོར་བསྒྱུར་ནས་བཀོད་ན་རུང་ངམ་སྙམ། །

― LT39_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

སྤར་ཁ་སོགས་ལ་ཡིག་རྙིང་རྣམས་སུ། དབུ་ལ་ཟ་འོག་འབེ་ཚེ་དཀོན། ཅེས་པ་ནི་ཞྭའི་རྒྱ་སྐད་རྨཱའུ་ཙི་ཟུར་ཆག་པ་སྟེ་ཐམས་ཅད་ལ་དར་རས་སམ་ཤོག་བུ་ལས་བཅོས་པའི་རྒྱ་ཞྭ་རྙིང་པའི་དབྱིབས་ཅན་རེ་གསོལ་དགོས། ཡུལ་བདག་གཏོར་མ་ཕྱི་ནས་བཅད་གསུམ་པའི་བཤམ་བཀོད་ལྟར་བྱ་དགོས་སོ། བྱེ་བྲག་གི་ཁ་བསྒྱུར། སྤར་ཁའི་གཏོ་བརྒྱད་སོ་སོ་དང་། ཟོམ་གཏོ། སྨེ་བའི་རྩ་གཏོ། ཀེག་ཕྲན་བཞིའི་གཏོ། དུར་ཞུག་གཏོ། གནམ་སྒོ། ས་སྒོ། བྱེ་བྲལ་གཏོ་སོགས་སྒེར་བཅོས་གང་དགོས་ཀྱི་གཏོ་རྣམས་ཀྱང་སྤྲོ་ན་བཤམ་མོ། གསུམ་པ་ནི། རབ་གནས། ཆེ་འདོན། མངའ་གསོལ། ལམ་ཞུགས། དྲག་པོའི་དམག་འདྲེན་པ། ཁྱད་པར་བག་མ་གཏོང་ལེན། རོ་འདྲེན། ཤིད་བྱེད། མཁར་རྫོང་གཙུག་ལག་ཁང་བཞེངས་པ། ས་རྐོ། ཕྲུ་རློག་སོགས་ལས་ཐབས་ཆེན་པོ་དམིགས་བསལ་བ་རྣམས་དང་། ཀེག་ཟློག་སོགས་ལའང་སྦྲེལ་ཆོག་པས་དེའི་བཅས་ནི། སྔར་བཤད་གླིང་བཞིའི་ཚབ་ཏུ་རུས་སྦལ་གན་རྐྱལ་མགོ་ལྷོར་བསྟན་པ་ཚོན་གྱིས་བྲིས་པའི་སྟེང་འཇམ་དཔལ་འབྱུང་བའི་ལྷ་བཅས་བཞུགས། གོང་སྨོས་ལྔ་སེར་ནས། གཏོ་བདག་བཞིའི་བར་དཀྱིལ་འཁོར་གྱི་ལྷ་ཡོངས་རྫོགས་ཀྱི་

― LT39_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ། ས་དཀྱིལ་ལ་རིམ་པ་བཞིར་ཕྱེས་བའི་དང་པོར་ལོ་འཁོར། དེ་རྒྱབ་ཟླ་འཁོར། དེ་རྒྱ་བཞག །དེ་རྒྱབ་དུས་ཚོད་ཀྱི་ས་བདག་རྣམས་བཀོད་པར་བྱ་སྟེ། དེའང་། ཐེ་སེ་རྒྱལ་པོ་གང་ཤར་ལོ་ལ་ཆིབ། །ཧང་ཕན་ཧང་ནེ་བཙུན་མོ་རྒྱལ་དང་འགྲོགས། །ཐེ་ཁྱིམ་ལོ་གཅིག་པར་བཞག་རྒྱལ་ཕྱིར་བཀོད། །སྲས་པོ་ཏེ་སོ་གནམ་ལོའི་ཀླུང་རྟའི་སྟེང་། །བློན་པོ་ཙང་ཀྱུན་སྟག་ཡོས་འབྲུག་ལ་བྱི། །རྟ་སྦྲུལ་ལུག་ལ་ཡོས་སྟེང་སྤྲེལ་བྱ་ཁྱི། །རྟ་ཡི་ཐོག་བཀོད་ཕག་བྱིར་བྱ་ཐོག་བཞུགས། །སེ་བ་བླ་མཆན་གནམ་ལོའི་བདུན་ཟུར་ཁྲི། །སྐུ་སྲུང་སེ་ཤར་གནམ་ལོའི་ཀླུང་རྟ་ཡི། །སྲོག་གི་དུར་གྱི་ཐོག་ཏུ་དམག་སྒར་རྒྱགས། །སེ་བ་རང་རྟ་རྒྱལ་པོའི་སྔོན་ལོ་དགུའི། །སྟེང་དུ་གནས་པོ་འདི་ལ་ཕྱག་མཚན་མེད། །རྟ་ཁྲི་སེའུ་མདོག་སེར་གསེར་གཡུ་ཡི། ཁ་ཀྱོག་འཛིན་པ་རྒྱལ་སྔོན་དགུ་པའི་སྟེང་། །སེ་ལོས་འཕྱག་རྒྱལ་པོའི་མར་བཞིའི་སྟེང་། །གདན་འདིང་ལྡང་སྐྱ་ཡར་གྱི་གཞི་གཤེད་དམ། །རྒྱལ་པོ་ཉིད་དང་ལྷན་ཅིག་གང་བདེར་བཀོད། །ཧང་ཕན་བྱ་ར་བ་ནི་གནམ་ལོ་ཡི། །མཐུན་གསུམ་ཐ་ཆུང་ཁྲི་ནས་གཟིགས་པར་བྱེད། །སེ་བྱི་ནོར་སྲུང་དེ་ཡི་བདུན་ཟུར་སྟེང་། །སེ་བྱ་དུས་འཛིན་རྒྱལ་པོའི་རྒྱབ་ནས་སྒྲོགས། །དཔའ་བོ་ཧལ་ཁྱི་སྔར་ལོའི་ཀླུང་རྟའི་སྟེང་། །

― LT39_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་རུ་བུ་མོ་མག་པ་གཉིས་ཀྱང་བཀོད། །དེ་རྒྱབ་ཟླ་འཁོར་ས་བདག་བཅོ་ལྔ་ནི། །འབྲུག་ལྷ་གྭ་པ་གང་ཤར་ཟླ་བའི་སྟེང་། །ཐེ་སེ་གྲུམ་པོ་དཔྱིད་ར་ཤར་དུ་བཞག །དཔྱིད་འབྲིང་ཤར་ལྷོ་དབྱར་ར་ལྷོ་རུ་བཀོད། །དབྱར་འབྲིང་ལུག་དང་སྟོན་ར་ནུབ་ཏུ་བཀོད། །སྟོན་འབྲིང་ཁྱི་སྟེང་དགུན་ར་བྱར་དུ་བཀོད། །དགུན་འབྲིང་གླང་ཆིབ་ཐ་ཆུང་བཞི་ཡི་ཚེ། །དཀྱིལ་འཁོར་ཁྱམས་ནང་གཟའ་དང་ལྷན་ཅིག་བཀོད། །ནང་ལྷ་དབྱར་ཐ་ལྷོ་ནུབ་མཚམས་སུ་གནས། །དཔྱིད་ཟླ་ར་འབྲིང་ཁྱམས་ནང་གཟའ་དང་ལྷན། །དཔྱིད་ཐ་དབྱར་རར་སྒོ་ཁྱུད་ནང་དུ་བཀོར། །དབྱར་འབྲིང་སྟོན་ར་སྟོན་འབྲིང་སྒོ་ཁང་ཤར་ལྷོར། ནང་། །སྟོན་ཐ་དགུན་ཟླ་གསུམ་ལ་གང་བདེར་བཀོད། །ཟླ་དངོས་སམ་ནི་ཟླ་འགྲོས་ཞེས་བྱ་བ། །གང་ཤར་ཟླ་བའི་སྟེང་དུ་བཞག་པར་བྱ། །ཟླ་རླུང་ཟླ་བའི་རླུང་རྟའི་གདན་ན་འགྱིང་། །ཟླ་འཁོར་སྲིབ་ཀྱི་ནག་དྲུག་གནམ་ཐིག་དང་། །གྲོལ་བུ་ལྷ་ལྔ་ཞེས་སུ་འབོད་པ་ནི། །འབྲུག་སྔོན་གནམ་གཤེད་ཆུ་ཚག་སྟག་སྐྱ་དང་། །ཧྭས་བུ་ཀེ་ཚེག་རིམ་བཞིན་སྦྱོར་བའི་ལུགས་སྟག་སྤྲེལ་ཟླ་བར་བྱི་སྟག་ཡོས་རྟ་བྱ། །ཕག་གི་སྟེང་དུ་རིམ་པར་བཞག་པར་བྱ། །བྱ་ཡོས་ཟླ་བར་སྟག་འབྲུག་སྦྲུལ་སྤྲེལ་ཕག །གླང་གི་སྟེར་དུ་རིམ་བཞིན་བཞག་པར་བྱ། །ཁྱི་འབྲུག་ཟླ་

― LT39_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འབྲུག་རྟ་ལུག་ཁྱི་གླང་། །ཡོས་ཀྱི་སྟེང་དུ་རིམ་པར་བཞག་པར་བྱ། །ཕག་སྦྲུལ་ཟླ་བར་རྟ་སྤྲེལ་བྱ་བྱི་ཡོས། །སྦྲུལ་གྱི་སྟེང་དུ་རིམ་བཞིན་བཞག་པར་བྱ། །བྱི་རྟ་ཟླ་བར་སྤྲེལ་ཁྱི་ཕག་སྟག་སྦྲུལ། །ལུག་གི་སྟེང་དུ་རམ་པར་བཞག་པར་བྱ། །གླང་ལུག་ཟླ་བར་ཁྱི་བྱི་གླང་འབྲུག་ལུག །བྱ་ཡི་སྟེང་དུ་རིམ་པར་བཞག་པར་བྱ། །ས་རྒྱལ་དཔྱིད་ར་བྱང་དང་འབྲིང་བྱང་ཤར། །རིམ་པས་བསྐོར་ནས་ཤར་ལྷོ་མཚམས་སུ་རྫོགས། །ས་དམག་དཔྱིད་ཟླ་གསུམ་ལ་གླང་འབྲུག་ལུག །དབྱར་ཟླ་གསུམ་ལ་ཁྱི་རྟ་ཕག་གི་ཐོག །སྟོན་ཟླ་གསུམ་ལ་སྟག་སྤྲེལ་འབྲུག་གི་ཐོག །དགུན་གསུམ་ལུག་ཁྱི་གླང་སྟེང་རིམ་པར་གནས། །ས་སྨན་གང་ཤར་ཟླ་བའི་བདུན་ཟུར་སྟེང་། །འདི་ཉིད་གཞུང་ནས་སྨྲེང་ཆད་བསབ་དགོས་ཡོད། །ལྷ་མོ་བསྟན་མ་དཔྱིད་གསུམ་བྱི་བྱ་སྦྲུལ། །དབྱར་གསུམ་སྟག་རྟ་སྤྲེལ་གྱི་ཐོག་རིམ་བཞིན། །སྟོན་གསུམ་ཡོས་ལུག་ཕག་གི་ཐོག་རིམ་བཞིན། །དགུན་གསུམ་ཡི་གེ་གཞན་ལ་འཇུག །འབྲུག་ཁྱི་གླང་གི་ཐོག་རིམ་བཞིན། །རྒན་རྒོན་དཔྱིད་ཟླ་ར་འབྲིང་སྟོན་ཐ་ཆུང་། །དཔྱིད་ཐ་དབྱར་ར་དགུན་འབྲིང་དབང་པོར་ཏེ། །དབྱར་ཟླ་འབྲིང་ཐ་དགུན་ར་གཤིན་རྗེར་བཀོད། །སྟོན་ཟླ་ར་འབྲིང་དགུན་ཐ་གནོད་སྦྱིན་གནས། །རྔ་ཟོར་དམར་པོ་དཔྱིད་གསུམ་

― LT39_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱི་སྦྲུལ་རྟ། །དབྱར་གསུམ་རྟ་སྟག་གླང་དང་སྟོན་ཟླ་གསུམ། །གླང་ལུག་ལུག་གི་སྟེང་ལ་རིམ་བཞིན་གནས། །དགུན་ཟླ་གསུམ་ལ་ལུག་སྤྲེལ་ཡོས་རིམ་བཀོད། །བྱི་ལམ་སྔོན་པོ་དཔྱིད་ཟླར་འབྲིང་ཤར། །དཔྱིད་ཐ་ལྷོ་སྨད་དབྱར་ལྷོ་ནུབ་མཚམས། །དབྱར་འབྲིང་ལྷོ་དང་དབྱར་ཐ་ཤར་སྨད་གནས། །སྟོན་ར་ཤར་ལྷོ་སྟོན་འབྲིང་བྱང་གི་སྟོད། །ཐ་ཆུང་བྱང་སྨད་དགུན་ར་བྱང་ཤར་མཚམས། །དགུན་ཟླ་འབྲིང་ཐར་ནུབ་སྨད་བཀོད་པར་བྱ། །འཕར་བ་མགོ་དགུ་སྟག་འབྲུག་རྟ་ཟླར་སྤྲེལ། །ཡོས་ཟླར་སྦྲུལ་དང་སྦྲུལ་ཟླར་སྟག་ལ་གནས། །ལུག་ཟླར་ཕག་དང་སྟོན་གསུམ་ཡོས་ལུག་ཁྱིར། །བཀོད་དོ་དགུན་གསུམ་རིམ་བཞིན་སྤྲེལ་འབྲུག་བྱར། །ལྟོ་འཕྱེ་གང་ཤར་ཟླ་སྟེང་བཞག་པར་བྱ། །འདི་ཉིད་གཞོག་གཡོན་ཕབ་ནས་ཉལ་ཐབས་གནས། །དེ་ཡི་ཕྱི་རོལ་ཞག་གིས་བདག་ནི། །གསེར་མཛོད་སེར་མོ་བཅའ་ཉིན་ཞག་སྟེང་ངམ། །རོ་བག་སོགས་ལ་འགྲོ་ཁྱེར་ཉིན་མོ་ཡི། །རང་རང་དབང་བའི་ལོ་ཡི་སྟེང་དུ་བཀོད། །དེ་རྒྱབ་གཡུ་མཛོད་སྔོན་མོའང་དེ་ལྟར་བཀོད། དེ་དག་ཐམས་ཅད་ལ་རང་གཟུགས་ཕྱག་མཚན་ན་བཟའ་དབུ་ཞྭ། རང་མདོག་དང་མཚུངས་པའི་གདུགས། རང་འདྲའི་གླུད་ཕྲན་ཤིང་རིས་ནམ་རྒྱངས་སོགས་བཤམ་བཀོད་རྒྱས་བསྡུས་གོང་མཚུངས་བྱ། དེའང་སྤྱི་

― LT39_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མདོས་དཀྱིལ་འཁོར་ལྟར་བཀོད་པ་ནི་གཟུགས་ཐམས་ཅད་ཞལ་ནང་དུ་ཕྱོགས་པར་བཞག །སྲིད་ཚོལ། ཚེ་གཡང་། ལམ་ཞུགས་སོགས་ལ་མགྲོན་ཐབས་སུ་བཀོད་པ་ནི། ཕྱོགས་གསུམ་གྱི་ཞལ་ནང་དུ་གྱུ། ཤར་ཕྱོགས་པ་རྣམ་པ་ཤར་དུ་གྱུ་བ་ལྟ་བུ་ཡིན། ཀེག་ཟློག་སོགས་ལ་ཟློག་ཐབས་སུ་བཀོད་པ་ནི་འཁོར་ཐམས་ཅད་ཞལ་ཕྱིར་ཕྱོགས་པ་ཡིན། རོ་བག་མཁར་ལས་སོགས་ཀྱི་སྒྲིབ་གཏོ་ལའང་དེ་ལྟར་བཀོད་པར་བཤད། དམག་འདྲེན་སོགས་ལ་ཇག་ཐབས་སམ་དམག་ཐབས་སུ་བཀོད་པ་ནི་ཐམས་ཅད་ཞལ་ཕྱོགས་གཅིག་ཏུ་གྱུ་བ་སྟེ་སྐབས་དང་བསྟུན་ནོ། གལ་ཏེ་ལོ་གསར་རྙིང་མཚམས་ལྟ་བུ་ལ་གཏོ་འདི་བཅའ་བའི་ཚེ། ཉི་ལྡོག་ཞག་གི་གཟེར་དང་བསྟུན་ནས་ས་བདག་འཕོ་ཚར་མིན་ལ་དཔྱད་དེ་འགོད་པ་དང་། ཁང་ལས་རོ་བག་དམག་འགྲུལ་སོགས་ཀྱི་སྐབས། མི་འཕོ་བ་འཕོ་བའི་སྐྱེས་འདེགས་སུ་བྱེད་ན། གང་དུ་འཕོ་བའི་གནས་དེར་ཉེས་སེལ་ལྟར་གྱི་བཤམ་བཀོད་དང་། གནས་པའི་སར་འཁྲུགས་གཏོ་ལྟར་གྱི་སྒྲིབ་བཅོས་བྱེད། འཕོ་བ་མི་འཕོ་བའི་བརྟོད་གནོན་ཏུ་བྱེད་ན། འཕོ་བར་འགྱུར་བའི་གནས་དེར་སྒྲིབ་བཅོས་དང་། འཕོ་ལ་ཁད་པའི་གནས་དེར་ཉེས་སེལ་བཤམ་བཀོད་བྱ་བ་སྟེ་རྩིས་ནག་གི་གཞུང་ཆེན་པོ་རྣམས་ལ་བློ་གྲོས་གསལ་བ་ཞིག་གིས་

― LT39_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་དགོས་སོ། །གཟུགས་བརྙན་སོ་སོའི་རྩ་བར་མཐུན་རྫས་མ་ནོར་བར་བཀོད་དེ། རྒྱལ་པོ་ལ་མཚོན་ན། ཡུམ་རྒྱས་པའི་དབུ་ལྡེབ། སཱཙྪ་ཁ་དོག་སྣ་ལྔ། ཐུབ་སྐུ་རབ་གནས་ཅན་སོགས་བཞག་འོས་ཞིབ་པར་བཻ་དཀར་ས་བདག་ལེའུ་ལྟར་བྱ། དེའང་ཉམས་ན་ཞེས་པ་རྣམས་བཅོས་བྱེད་པ་ཡིན་པས་ཉེས་སེལ་གྱི་བཅས་དང་འབྲེལ་ཞིང་། །སྒྲིབ་ན་ཞེས་པ་རྣམས་འཁྲུགས་གཏོའི་བཅས་དང་འབྲེལ་བས་མ་ནོར་བ་བྱ་དགོས་སོ། འབྱོར་བ་སོགས་ཀྱིས་དཔག་ལ་མཁར་ལས་ལྟ་བུར་དགོས་པ་ཆེ་བའི་ཚེ་དེ་ནས་བཤད་པའི་ཆོས་སྣ་རྣམས་ཀྱང་ཀློག་པ་ཡིན་ནོ། །ས་བཅད་གསུམ་པའི་གཏོ་འདི་ལ་སྤྲོ་ཞིང་དགོས་པ་ཡོད་ན། ཧལ་ཁྱིའི་མདོས་ཆོག་སོགས་གསལ་སྒྲོན་ནས་བཤད་ཚང་ཀྱི་གཏོ་སྦྱར་དུ་རུང་བས་དེ་དག་གི་བཤམ་བཀོད་རྣམས་ཀྱང་ཕྱོགས་གར་བདེ་བར་བྱ། གང་ལྟར་ས་དཀྱིལ་གྱི་གསབ་ཚག་གང་བདེར་ཡུལ་བདག་སྤྱི་བྱེ་བྲག །གནས་པོ་དགེ་བསྙེན་གྱི་གཏོར་མ་དང་། སྤྲོ་ན་ནམ་རྒྱང་གཟུགས་འགྲོས་སོགས་མཐུན་པའི་མཆོད་རྫས་ཀྱང་བཤམ། །རླུང་དཀྱིལ་གྱི་མཐར། ནམ་མཁའ་ཀུན་ཞལ་ལམ་རྒྱ་ཞལ། མདའ་བཀྲ། འཕང་བཀྲ། ཕོ་གདོང་། མོ་གདོང་། རྒྱང་བུ། བལ་ཏི། ཤུག་ཏི། དེ་གཉིས་བལ་ཚོན་གྱིས་སྟོད་སྨད་གསུམ་

― LT39_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཅིངས་པ། ཤིང་དཀར་གཞན་གང་འཇོམ་བཅས་རབ་ལོ་གྲངས། ཐ་མ་བཅུ་གསུམ་རེ་གཟུགས། འབྱོར་ཞིང་སྤྲོ་ན་གཙོ་བོའི་སྟེང་དུ་ཁང་མིག །གདུགས། ཁྱུང་ཚང་། ཉི་ཟླ་ཏོག་ནམ་ཡང་གཟུག་ཅིང་། མདའ་དར་མེ་ལོང་བཏགས་པ། རྒྱལ་མཚན་རྣམས་ཀྱང་བཞི་བཞི། མར་མེ་བཞི་ལ་སོགས་པ་དང་། སྨན་སྣ། འབྲུ་སྣ། རིན་ཆེན་ཕྱེ་མ། སྤོས་སྣ། ཟས་སྣ། དར་ཟབ། གཅན་ངས། ཤེལ་ཚིག །ཇ་ཆང་འོ་མ་སོགས་གཏོ་དཀར་གྱི་རྫས་སུ་འོས་པ་དུག་རིགས་དང་མི་གཙང་བ་མ་འདྲེས་པ་ཚོགས་ཚད་བསགས་ལ་བརྒྱན་ཅིང་། གཞི་མདུན་སྟེགས་བུ་དཀར་པོ་ལ་ཆུ་གཅིག་སྔོན་དུ་འགྲོ་བའི་ཉེར་སྤྱོད་དང་། གསེར་སྐྱེམས། གཡུ་སྐྱེམས་སོགས་ཀྱང་བཤམ་པར་བྱའོ། །དེ་དག་གི་སྐབས་སུ་མཁོ་བའི་ཤིང་རིས་སྲིད་པ་སྤྱི་རིས་ནི། ཕོ་ཤིང་། མོ་ཤིང་སོ་སོར། རྩེ་ལ་ཕོ་ལ་རྡོ་རྗེ་དང་ནོར་བུ། མོ་ལ་པདྨ་དང་རྒྱ་གྲམ། དེ་འོག་བར་བཅད། ཉི་ཟླ་སྐར་གསུམ། སྤྲིན། རི། ཁང་པ། གླིང་བཞི་ལས་སོག་ཀ་གསུམ། བར་དེར་རང་རང་ཕྱག་ཆ། གཤམ་དུ། འབྱུང་བ་རིམ་བརྩེགས་ཀྱི་འཇའ་འགྲིགས། རྒྱབ་ཏུ། འབྱུང་བ་ཆེ་གེ་མོ་ལ་དབང་བའི་ས་བདག་ཆེ་གེ་མོའི་བཀའ་ཆད་གདུག་པའི་གནོད་འཚེ་ཁྲམ་ཀ་ཐམས་ཅད་

― LT39_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློག་ཅིག་བྲི། རང་རང་གི་སྔགས་ཤམ་དུ་མ་མ་རཀྵ་རཀྵ་ཡང་བྲི། ཀེག་ཟློག་བྱེད་ན་ཕོ་མོ་སོ་སོར་ཀེག་ལ་བབས་པའི་སྤར་སྨེ་སོགས་ཀྱི་ཤིང་བྲིས་ཀྱི་རྒྱབ་ཏུ་ཕོ་ཁྲམ་མོ་ཁྲམ་ལོ་གྲངས་ཤོག་བུ་ལ་བྲིས་པའང་སྦྱར་ཞིང་དེའང་དོ་གལ་ཆེ་བར་བྱེད་ན་ན་མཉམ་གྱི་སྒྱུར་ཁའང་བཤད་པར་སྣང་མོད་ལག་ལེན་ལ་མི་བྱེད་དོ། བཞི་པ་སོ་སོའི་ཁ་བསྒྱུར་གྱི་བཅས་བཀོད་ནི། རི་རབ་ཀྱི་གཟུགས་ལ་བརྟེན་ནས་དགྲ་ཟློག་པ། རུས་སྦལ་གྱི་ལུས་ལ་བཀོད་ནས་འཕྲལ་གྱི་ཀེག་བཅོས་པ། དཀྱིལ་འཁོར་གྱི་ཕོ་བྲང་ལ་བཀོད་ནས་ཆག་ཆེན་ཟློག་པ་གསུམ་ནི་དམིགས་པ་དང་ཚིག་གི་ཁ་བསྒྱུར་ཙམ་ལས་གོང་གི་ཁོངས་སུ་འདུ་ཞིང་། ཕན་གནོད་ཀྱི་འཕྱང་ཕྲན་སྲོག་ཕུར་བཟུང་བ། སྲིད་ཕུར་བཅའ་བ། དཔལ་ཕུར་གདབ་པ་སོགས་དང་། མཁའ་འགྲོ་ལས་ཀྱི་མཐའ་བརྒྱད་དང་སྤྲེལ་ན། བླ་སྲོག་ཡིད་ཀྱི་གའུ་ལ་བརྟེན་ནས་པྲ་སྒྲུབ་པ། མ་ཏྲཾ་ལ་བརྟེན་ནས་གྱི་མ་ཤང་གི་དགྲ་བསད་པ། །ས་བོན་ལ་བརྟེན་ནས་མེད་པ་བཙལ་བ། སྲིད་དཔལ་ལ་བརྟེན་ནས་ལྟེ་བསྒྱུར་བ། དཔལ་མདའ་ལ་བརྟེན་ནས་ཤི་འཕྲོ་གཅོད་པ། ཚེ་བཤམས་ལ་བརྟན་ནས་ཚེ་འགུགས་པ། གཡང་རྫས་དགུར་བརྟེན་ནས་སྨེ་བའི་གཡང་གཏའ་བསྡོམ་པ། དུག་ཁྲག་ལ་བརྟེན་ནས་དགྲ་ཟློག་པ་སོགས་ཀྱི་གྱེར་

― LT39_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྲང་ཤེས་ཤིང་སྤྲོ་ན་དེ་དག་གི་བཤམ་བཀོད་ཀྱང་དཀྱིལ་འཁོར་ཆེན་པོ་ལ་བརྟེན་ཏེ་སོ་སོའི་མན་ངག་ལྟར་བྱའོ། གསུམ་པ་འཁྲུགས་གཏོ་དམིགས་སུ་བྱེད་པའི་ཚུལ་ནི། གཞུང་ལས། བག་མ་ལེན་དང་མཁར་ལས་དང་། །ལམ་དུ་ཞུགས་དང་དམག་འདྲེན་དང་། །རོ་འབྱིན་དུར་ས་འདེབས་པ་དང་། །ཤིང་སོགས་གསོན་གཤིན་ལས་རྣམས་ཀུན། །ཉེས་པ་བཅོས་པའི་གཏོ་གནད་དེ། །ཞེས་གསུངས་པ་ལྟར་བྱ་བ་རྔམས་ཆེན་གྱི་རིགས་ལ་ཤིན་ཏུ་གལ་ཆེ་བ་སྟེ། དེའང་སྤྱི་གཞུང་རུས་སྦལ་གཏོ་ཡིས་སྐོང་བའི་སྐབས་ཀྱི་བཅས་ཤོམ་རྫོགས་པར་བྱས་པའི་སྟེང་དུ་གབ་པ་འཁྲུལ་འཁོར་ལུགས་ཀྱི་བཅས་བཤམ། སྐྱབས་འདེགས་དང་བརྟོད་གནོན་གྱི་འཕྲུལ་ཡང་སྐབས་བསྟུན་ཚང་ལ་མ་འཁྲུལ་བར་བྱ་དགོས་ཏེ། རྒྱས་པ་བཻ་དཀར་ས་བདག་ལེའུ་ལྟར་བྱ། བསྡུ་ནའང་འཁྲུགས་གཏོ་ལས་འབྱུང་བ་རྣམས་ནི་ཚང་བར་དགོས་པ་དཔེར་མཚོན་ན། ལྔ་སེར་གྱི་གནས་སུ་ཤོག་བུ་སོགས་ལས་འཆོས་པའི་མེ་ལོང་སེར་པོ་དགུ། མི་སེར་རྟ་སེར་དར་སེར་གྱི་བ་དན་བཙུགས་པ་དགུ། །སྐྱེར་པའི་ཕོ་གདོང་དགུ་རྣམས་གཟུགས་པ་སོགས་སྨེ་བ་དགུ་དང་། རྒྱལ་པོ་ལ་རྙེད་ན་ཁུ་བྱུག་དང་མ་རྙེད་ན་བྱ་ཕོ་མཚལ་ལུའི་སྐྲོའི་སྤུ་རུ་བཙུགས་པ་སོགས་ས་བདག་གི་སྒྲིབ་བཅོས་རྣམས་ལེགས་པར་

― LT39_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

བསགས། ཀོང་ཙེའི་བཤོས་བུ་རྩེ་ལྔ་རྒྱན་ལྡན་སོགས་ཀྱང་བཤམ་པར་བྱའོ།། ༈ །།རྩ་བའི་ས་བཅད་གཉིས་པ་ཆོ་གའི་གཞུང་སྲོང་བ་ལ་གཉིས། སྤྱི་དང་། བྱེ་བྲག་གོ། །དང་པོ་ནི། ཡེ་མཁྱེན་གྱི་དབུ་ལ་ཁམས་མཐུན་གྱི་ཐོད་བཅིངས། ལུས་ལ་འཆད་ལྤགས་དཀར་ནག་གིས་བརྒྱན། ཁ་གསེར་དང་ཁ་གཡུ་བྱས། ལག་ཏུ་སྦ་བེར་དང་མདའ་དར། ཡོན་བདག་ཁམས་མཐུན་ཐོགས་ལ་དཀྱིལ་འཁོར་དང་ཞལ་སྤྲོད་དུ་འཁོད་ལ། ཐུབ་བསྟོད་དང་འཇམ་དཔལ་བསྟོད་པ་སོགས་སྔོན་ཏུ་འགྲོ་བས། མཆོད་པ་བྱིན་གྱིས་བརླབ། ཚོགས་ཞིང་གསལ་གདབ་ལ། ཇི་སྙེད་སུ་དག་ནས། ཕྱིར་བསྔོའོ་འི་བར་གྱིས་ཡན་ལག་བདུན་པ་བྱ། དེ་ནས་སྐད་ཅིག་དེ་ཉིད། སོགས་ཀྱིས་བདག་བསྐྱེད་བྱས་ནས་སྤྱན་འདྲེན་བཞུགས་གསོལ་མཆོད་བསྟོད་མཐར། །ཝཱ་གཱི་ཤཱ་རི་ཅི་ནུས་བཟླ། འཁོར་སྔགས་དང་། འཇམ་དཔལ་གྱིས་དམ་བཅས་པའི་གཟུངས་ཀྱང་ཅི་འགྲུབ་བཟླས་ཏེ། ཧཱུྃ། སྐུ་གསུང་ཐུགས་སོགས་ཕྲིན་ལས་བཅོལ་བ་ནི་ཡེ་ཤེས་ལྷའི་ཆོ་ག་སྟེ་ཕྲིན་ལས་ཀྱི་གཞུང་སྲོང་བའོ། །དེ་མཚམས་སྤྲོ་ཞིང་ནུས་ན་ཆོས་སྐྱོང་སྤྱི་བྱེ་བྲག་གི་གསོལ་སྐོང་རྒྱས་བསྡུས་གང་རུང་བྱ་བ་ནི་ཕྲིན་ལས་ཀྱི་གྲོགས་བཅོལ་བའོ། །དེ་ནས་འོག་ཏུ་སྨོས་པའི་བྱེ་བྲག་

― LT39_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

གི་གཏོ་བཅོས་རྒྱས་པར་གྱེར་བ་ནི་ཕྲིན་ལས་ཀྱི་ཁ་བསྒྱུར་བའོ། དེ་རྗེས་གླུད་རྫས་བྱིན་རླབས་གླུད་འབུལ་སོགས་ནས་གཏོ་འབུལ་བའི་བར་ནི་ཕྲིན་ལས་ཀྱི་མཐའ་བརྟེན་པའོ། །སྨོན་ལམ་དང་བསྡུ་གཤེགས་ལ་སོགས་པས་མཐའ་རྒྱས་སུ་བྱ་བ་ནི་ཕྲིན་ལས་ཀྱི་རྗེས་བསྡུ་བའོ། །གཉིས་པ་བྱེ་བྲག་སོ་སོར་བཤད་པ་ལ་བཞི། དཀྱིལ་འཁོར་མཆོད་པ། གླིང་བཞི་མདོས་སུ་བསྔོ་བ། རུ་སྦལ་གཏོ་ཡིས་སྐོང་བ། འཁྲུགས་གཏོའི་འདོན་ཚུལ་དམིགས་སུ་སྨོས་པའོ། །དང་པོ་ནི། ཕྲིན་ལས་ཀྱི་གྲོགས་བཅོལ་བ་ཡན་ཆད་སོང་ནས། བཅས་བཤམས་གང་ཡོད་ཀྱི་སྒེར་གཏོ་གྱེར། གླུད་བསྔོས། ཤག་འདེབས། གཏོ་བསྐོར་སོགས་ཀྱིས་མཐར་དབྱུང་བའོ། །གཉིས་པ་ནི། ཕྲིན་ལས་ཀྱི་གྲོགས་བཅོལ་བ་ཡན་སོང་ནས། ཡོན་བདག་གམ། ལས་བྱེད་པས་ཕྱག་དང་བཅས། །ཀྱེ་ཧོ། ཀོང་ཙེ་འཇམ་དཔལ་སོགས་ཀྱི་ཞུ་བ་ལན་གསུམ་ཕུལ། ཡོན་བདག་དངོས་སུ་ཡོད་ན་སྐབས་འདིར་སློབ་དཔོན་ལ་ཕྱག་རྟེན་གང་འཛོམ་ཕུལ་དགོས། རིགས་ཀྱི་བུ་སོགས་གནང་བ་སྦྱིན། སླར། ཀྱེ་ཧོ་དོན་དམ་སོགས་ཀྱི་ཞུ་བ་ཕུལ་ནས་ཕྱག་བྱ། དེ་ནས་གསེར་སྐྱེམས་རྒྱས་པར་ཕུལ། དེ་ལ་དམར་དགེ་ཤེས་ཕྱག་བཞེས་སོགས་སུ་སྡེ་བརྒྱད་ཆ་སྙོམས་གཏང་བར་གསུངས་ཀྱང་

― LT39_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་སྐབས་འདིར་ཅུང་མི་འབྲེལ། དེ་ནས་དྲིལ་གཤང་སོགས་རོལ་མོ་འཁྲོལ། སྦ་བེར་མདའ་དར་གཡབ་ལ། ཧོ་དགོངས་སུ་གསོལ་ལོ་སོགས་ཀྱིས་སྙན་གསན་དབབ་འདིར་བརྒྱུད་པའི་བླ་མ་བསབ་དགོས། བཟང་ཤིང་གི་དུད་པ། དཀར་ཆབ། ལྤགས་བུའི་གཡབ་མོ་སོགས་ས་བདག་སྤྱན་འདྲེན་སྤྱིའི་ཕྱག་སྲོལ་ལྟར་བྱ་ཞིང་། ཀྱེ། སྔོན་དུས་སྲིད་པའི་སོགས་སྤྱན་འདྲེན་གྱེར་རིང་ཐུང་གཏང་། དེ་ནས་སྔགས་དྲུག་ཕྱག་དྲུག་གིས་མདོས་རྫས་རྣམས་བྱིན་གྱིས་བརླབས་ནས། ཧཱུྃ། ང་ནི་འཕགས་པ་འཇམ་དཔལ་སོགས་ནས། །སྡང་བའི་དགྲ་ལ་བསྒྱུར་དུ་གསོལ། །ཅེས་པའི་བར། སྤར་ཁ། སྨེ་བ། ལོ་སྐོར། གཟའ་སྐར། གཏོ་བདག་གཞིའི་འཕྱང་བར་གྱེར། ཚར་གྲངས་བྱེད་ན་དགོངས་གསོལ་ནས་འདི་བར་གྲངས་བསག་ལ་སྒེར་གཏོ་ཡོད་ན་གྱེར་སྨྲང་སྦྱར། ཞག་གྲངས་བྱེད་ན་དགོངས་མོ། མཇུག་གི་སྨོན་ལམ་ཚར་གཅིག །མཆོད་བསྟོད། བཟོད་གསོལ། འདིར་ནི་གཟུགས་དང་སོགས་བརྟན་བཞུགས། བཀྲ་ཤིས་བཅས་བྱའོ། །གསུམ་པ་ནི། ཆོ་ག་གཉིས་པའི་གཏོ་བདག་བཞིའི་འཕྱང་ཡན་རྫོགས་རྗེས། ཀྱེ། མ་ཧཱ་གསེར་གྱི་རུས་སྦལ་གྱིས། སོགས་ལོ་

― LT39_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ཟླ་འཁོར་ཞག་དུས་བཅས་ཚང་བ། རང་རང་ཉེས་པ་ཞི་བར་མཛོད། ཅེས་པའི་བར་གྱེར། དེ་ཡང་འཁྲུགས་གཏོ་ལྟ་བུ་བྱས་ཚར་ཟིན། བཅོས་པའི་སྐབས་ཡིན་ན། གཞུང་གི་ཐི་སེ་ལྟ་བུར་མཚོན་ན། བདག་དང་རྒྱུ་སྦྱོར་ཡོན་བདག་གིས། །དམག་དང་མཁར་ལས་བྱས་པ་དང་། །རོ་འདོན་དུར་ས་བཏབ་པ་དང་། །བཟང་ངན་ལས་ཀུན་བྱས་པ་ལ། །ཉམས་ན་ཀོ་ལོང་སོགས། །ད་བྱེད་དགོས་པའི་རིགས་ལ། །བདག་དང་རྒྱུ༴ དམག་དང་མཁར་ལས་བྱ་བ་དང་། །རོ་འདོན་དུར་ས་འདེབས་པ་དང་། །བཟང་ངན་ལས་ཀུན་གང་བྱེད་ལ། །ཉམས་ན་སོགས་ཚིག་གི་ཁ་སྒྱུར་སོའི་རྣམ་དབྱེ་དང་། བྱེར་ཅན་འཕྲུལ་ཤེས་དགོས། ཚར་གྲངས་གསོག་ཚུལ། སྒེར་གཏོའི་འདོགས། ཞག་གྲངས་འཇོག་ལུགས་སོགས་གོང་དང་མཚུངས་སོ། །བཞི་པ་ནི། འཁྲུགས་གཏོ་སྒྲིབ་བཅོས་ཐུན་མོང་ལ་འདི་ཉིད་ངེས་པར་གལ་ཆེ་བས་བཅས་བཤམས་རང་ལུགས་གྲུབ་ཅིང་། གཞུང་གི། དགུ་དམར་ཉེས་པ་ཞི་བར་མཛོད་ཅེས་སྨེ་བའི་གྱེར་རྫོགས་མཚམས། འཁྲུགས་གཏོའི་དབུའི། ཀྱེ། ཀོང་ཙེ་འཁྲུལ་གྱི་གཞུང་ཆེན་སོགས་ནས། དེ་ནས་འདི་སྐད་ཅེས་སུ་བརྗོད། ཅེས་པའི་བར་དང་། དེའི་གཤམ་གྱི། སྨེ་བའི་ས་བདག་མཆོད་པ་ནི་སོགས་ནས། །

― LT39_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་དམར་གྱེར་རྫོགས་ཀྱེ་བར་གཏང་། སླར་གཞུང་གི། །ཀྱི། །སྲིད་པ་གཏོ་ཡི་བདག་པོ་སོགས། ལོ་སྐོར་ནས་ལོ་ཟླ་ཞག་དུས་ས་བདག་གི་འཕྱང་གི་མཇུག །རང་རང་ཉེས་པ་ཞི་བར་མཛོད་ཅེས་པའི་བར་གྱེར་ནས། འཁྲུགས་གཏོ་ལས། ལོ་ལ་གནས་པའི་ས་བདག་སོགས་ནས། གཡུ་མཛོད་སྔོན་མོའི་གྱེར་གྱི་མཐར། གཤམ་གྱི། ཀོང་རྩ་འཕྲུལ་གྱི་རྒྱལ་པོ་སོགས་སྦྱར་ལ་མཐར་དབྱུང་། བྱེད་ཚུལ་གཞན་གོང་དང་མཚུངས་སོ། རྩ་བའི་གསུམ་པ་ཞག་གྲངས་ཐེམ་ནས། མདོས་ཡས་གླུད་རྣམས་གཏོང་བ་ནི། ཆོ་ག་གསུམ་གང་བྱེད་ཀྱི་གྱེར་གཞུང་རྫོགས་ནས། གླུད་རྫས་རྣམས་སླར་ཡང་འབྲུ་གསུམ་དང་། ཁ་འབར་མའི་སྔགས་ཀྱིས་བྱིན་བརླབ། མཚན་བཞི་བརྗོད་ལ། ཀྱེ་བསྐལ་པ་ཆེན་པོ་སོགས་གླུད་རབ་གྱེར། །ཤག་འདེབས་སྐབས་སློབ་དཔོན་ཡེ་མཁྱེན་གྱི་ཆས་སུ་ཞུགས་ལ་སྤྲེལ་ནས། ནེ་ཙོའི་བར་གྱེར་ཚིག་དང་བསྟུན་ཕྱག་ཏུ་ཐོགས་ལ་གླུད་ནང་དུ་བཞག །བསམ་པ་རེ་བ་ཐམས་ཅད་སྒྲུབས་ཞེས་པའི་མཐར་ཕྱི་རོལ་ཐོག་ཁར་ཕྱིན་ལ་གསེར་སྐྱེམས་དཀར་གཏོར་འབུལ་ལ་ཕྲིན་ལས་བཅོལ། སླར་འཇམ་དཔལ་ལྷ་དགུ་མ་གཏོགས་པའི་དཀྱིལ་འཁོར་སྐུ་གཟུགས་གཏོར་མ་ཤིང་རྩི་ཡན་

― LT39_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་སྣོད་སོ་སོར་བླང་། ཀྱེ། སྲིད་པའི་གཏོ་ཆེན་བསྐོར་བ་ནི་ཞེས་སོགས་གྱེར་བའི་ཚིག་དང་བསྟུན། སྦྱིན་བདག་ལ་གཏོ་ཡས་རྣམས་ཀྱིས་ཆོས་སྐོར་གསུམ་དང་པོ་ན་སྐོར་གསུམ་རྒྱག་པའི་མཐར། བསྲུང་བྱ་སྲུང་བྱེད་ཀྱི་ལོ་ལྷ་མིན་ཅིང་། ལོ་ཟླ་ཞག་དུས་ཀྱིས་བདག་སོགས་ཀྱིས་གཙང་ཕྱོགས་སུ་ཁྱེར་ལ། གསེར་སྐྱེམས་མདོར་བསྡུས་སྔོན་ཏུ་འགྲོ་བས། ཀྱེ། སྤར་ཆེན་སྡེ་བརྒྱད་སོགས་ཀྱིས་བྱོལ་གདབ། སྤྲོ་ན་འབྱུང་བའི་ཟོར་ཆུང་ར་ཟོར་སོགས་འཕྱང་ལྟར་འཕེན། ཆོས་སྐྱོང་གི་གཏོར་བསྐུལ་དང་ཟློག་པའང་སྤྲོ་ན་བྱས་ལ། ཁྱིམ་དུ་ལོག་སྟེ། ཧོ་དགོངས་སུ་གསོལ་ལོ་སོགས་སྨོན་ལམ་རྒྱས་པར་བརྗོད། འདི་སྐབས་རོ་བག་གི་ཁ་བསྒྱུར་སོགས་རང་རང་གི་སྐབས་ལས་སྤྱི་ལ་འདོར་ལེན་བྱས་ན་འཐད་འདྲ་ཞིང་བཏོན་ཀྱང་རུང་། མཐར་རྗེས་ཆོག་ནི། མཆོད་པ་ཁ་གསོ་བའམ་གསར་དུ་བཤམས་ལ་བྱིན་རླབས་གཞུང་གི་དབུ་ལྟར་དང་། དཀྱུས་ལ་ལྗགས་མཆོད་དང་། གཞོན་ནུའི་ཆ་ལུགས་ཙམ་གྱིས་བསྟོད་པས་འཐུས་ཤིང་། གྲོལ་ཉིན། སྐབས་འདིར། ཚིགས་བཅད་བཅས་རྒྱས་པར་མཆོད་ཅིང་། མི་རྟོག་ཡེ་ཤེས་སོགས་ཀྱིས་བསྟོད། མ་འབྱོར་བ་དང་སོགས་ཀྱིས་བཟོད་པར་གསོལ། འཇམ་དཔལ་འབྱུང་ལྷ་སྐུ་རྟེན་རྒྱུན་

― LT39_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་ཡོད་ན་དེ་ལ་དམིགས་ནས་བརྟན་བཞུགས་བྱ། མེད་ན་ཨོཾ་ཁྱེད་ཀྱི་སེམས་ཅན་སོགས་ཀྱིས་གཤེགས་སུ་གསོལ། མཆོད་སྦྱིན་གནས་འདིར་སོགས་ཀྱིས་མགྲོན་ཐབས་རྣམས་གཤེགས། ཉེས་པ་ཀུན་སེལ་དང་། བཀྲ་ཤིས་བརྩེགས་པའི་མདོ་བཀླག །བཀྲ་ཤིས་རྒྱས་པར་བརྗོད་ཅིང་བསྔོ་སྨོན་གྱིས་མཐའ་རྒྱས་སུ་བྱའོ། སུམ་བརྒྱ་དྲུག་ཅུའི་གཏོ་ཡི་ཕུག །དཀར་ནག་ཆོ་ག་ཀུན་འདུས་ཤིང་། །གསོན་གཤིན་ཉེས་པ་ཀུན་སེལ་བ། །འཇམ་དབྱངས་ཐུགས་རྗེའི་རྩལ་ལས་ཤར། །གཞན་ལ་ཕན་པ་བྱང་ཆུབ་ལམ་གྱི་མཆོག །གང་ལས་དེ་བྱུང་རྣམ་དཀར་ཀོ་མུ་དཱིས། །ཉེས་བརྒྱའི་མུན་པ་དྭངས་པའི་མཐོ་རིས་སུ། །འཕྲལ་ཡུན་ཕན་བདེའི་ཀུ་མུད་དགོད་གྱུར་ཅིག །ཅེས་པ་འདིའང་ཉམས་རྟོགས་དཔལ་གྱིས་འབྱོར་པ་ཟུར་མང་རྟོགས་ལྡན་དཀོན་མཆོག་རྒྱལ་མཚན་གྱིས་གསུང་བསྐུལ་རིང་ནས་མཛད་པ་དང་། ཉེ་ཆར་མཁན་ཆེན་རིན་པོ་ཆེ་ཟླ་བ་བཟང་པོ་ཁུ་དབོན་ནས་སྒྲུབ་བརྒྱུད་བསྟན་པ་སྤྱིའི་སྲོག་མི་ཉམས་པའི་ཆེད་དུ། འོག་མིན་ཀརྨའི་གདན་ས་ཆེན་མོ་ཉམས་གསོ་མཛད་སྐབས། ཀུན་རྫོབ་ཀྱི་རྟེན་འབྲེལ་ཁྱད་དུ་མི་གསོད་པའི་ཉེས་བཅོས་ཕྱག་བཞེས་སུ་བསྟར་བ་ལ་ཉེར་མཁོའི་བཀའ་སྩལ་ཕེབས་པར་བརྟེན། གཡུ་སྒྲའི་

― LT39_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་འཕྲུལ་ལོ་ཆེན་དྷརྨ་ཤྲཱིའི་ཕྱག་བཞེས་ཀྱི་རྒྱུན་རྗེ་སྟོད་ཚེ་དབང་གྲགས་པ་དང་། སེ་ཚ་འཚོ་མཛད་པ་ལས་འབེ་ལོ་ཙཱ་ཚེ་དབང་ཀུན་ཁྱབ་ཀྱིས་ཞལ་ཁྲིད་དུ་ནོད་པའི་ཕྱག་བཞེས་བཞིན། སྐྱབས་ཆེན་རྡོ་རྗེ་འཆང་པདྨའི་མཚན་ཅན་གྱི་བཀའ་ལྟར་དཔལ་སྤུངས་ཀྱི་གདན་ས་ཆེན་པོར་དང་། ཆོས་སྐྱོང་བའི་རྒྱལ་པོ་ཆེན་པོ་སྡེ་དགེ་མཆེད་ཀྱི་བཀའ་བཞིན་ལྷུན་གྲུབ་སྟེང་གི་རྒྱལ་ཁབ་སོགས་སུ་རྒྱལ་ཁམས་སྤྱིའི་རིམ་གྲོར་རང་ཉིད་ཀྱིས་ལག་ཏུ་ཡང་ཡང་བསྟར་བའི་ཚུལ་ཇི་ལྟ་བར་ཟིན་བྲིས་སུ་འདེབས་པ་པོ་ནི། གཏོ་མདོས་ཀྱི་བག་ཆགས་ཀུན་གཞིའི་ཀློང་ནས་སད་པ། སྙིགས་མའི་དགེ་སྦྱོང་གི་གཟུགས་བརྙན་ཀརྨ་ངག་དབང་ཡོན་ཏན་རྒྱ་མཚོ་སྟེ། འདིས་ཀྱང་གཞན་ལ་ཕན་པར་གྱུར་ཅིག །དགེ་ལེགས་འཕེལ།། །།