རྒྱ་ཆེན་བཀའ་མཛོད།

རྒྱ་ཆེན་བཀའ་མཛོད།

གླེགས་བམ་བཅུ་གསུམ་པ།

འཇམ་མགོན་ཀོང་སྤྲུལ་བློ་གྲོས་མཐའ་ཡས།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཀར་ཆག

― LT40_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་མགོན་ཀོང་སྤྲུལ་རྒྱ་ཆེན་བཀའ་མཛོད། པ། པར་ཆོས་སྐྱོང་རྣམས་ཀྱི་ཕྲིན་བཅོལ་ལྡེབ་ ༤ ཀར་ལུགས་མ་མགོན་ཞལ་སྦྱོར་གྱི་བསྙེན་པའི་གསལ་བྱེད་ལྡེབ་ ༦ བསྙེན་པ་གཏོང་ཐབས་ལྡེབ་ ༣ མགོན་པོ་ཕྱག་དྲུག་པའི་གཏོར་སྒྲུབ་ལག་ལེན་ལྡེབ་ ༡༣ སྤོས་སྦྱོར་ལག་ལེན་ལྡེབ་ ༢ ཤེར་སྙིང་བདུད་བཟློག་ཆོ་ག་ལྡེབ་ ༢༡ སྒྲོལ་མ་གཡུལ་བཟློག་ལྡེབ་ ༢༡ མཁྱུད་དཔྱད་མཚམས་སྦྱོར་ལྡེབ་ ༡༧ སྡོམ་གསུམ་གསོ་སྦྱོང་ལྡེབ་ ༢༤ ཕྱག་དྲུག་དཀར་མཐིང་གཉིས་ཀྱི་མངའ་གསོལ་ལྡེབ་ ༧ ཏྲཀྴད་བསྐང་གསོལ་ལྡེབ་ ༢ ཛམ་དཀར་བསྟོད་པ་ལྡེབ་ ༣ སྨིན་ལུགས་སྔགས་སྲུང་མཆོད་ཕྲིན་ལྡེབ་ ༦ ལྷ་མོ་སྤྱི་གསོལ་ལྡེབ་ ༡༩ བཀའ་དྲིན་ལྷ་མོའི་གསོལ་མཆོད་ལྡེབ་ ༡༠ སུ་ཁ་སིདྡྷིའི་བསྐང་བ་ལྡེབ་ ༡ དམ་ཅན་གསོལ་ཁ་ལྡེབ་ ༥ གཅོད་ཡུལ་བཀའ་སྲུང་གཏོར་འབུལ་ལྡེབ་༣གཏོར་འབུལ་རིག་འཛིན་དགའ་སྟོན་ལྡེབ་ ༥ དམ་ཅན་མངའ་གསོལ་ལྡེབ་ ༤ ཞིང་སྐྱོང་གསོལ་ཁ་ལྡེབ་ ༢ ཛམ་དམར་སྐོང་བ་ལྡེབ་ ༥ མཆོག་གླིང་རྣམ་སྲས་གཏོར་མའི་ཟིན་ཐོ་ལྡེབ་ ༢ རྣམ་སྲས་མདུང་དམར་སྐོང་བ་ལྡེབ་ ༣ རོང་བཙན་ཁ་བ་དཀར་པོའི་གསོལ་མཆོད་ལྡེབ་ ༢༡ འདུལ་བ་མདོ་རྩ་ལས་རི་མོ་

― LT40_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

བྲི་ཡིག་ལྡེབ་ ༥ བྱ་སྤྱོད་རྣལ་འབྱོར་བརྒྱུད་གསུམ་གྱི་རྒྱུད་སྡེ་གཙོར་བསྡུས་ཀྱི་ཞལ་ཐང་བཀོད་ཡིག་ལྡེབ་ ༤༤ ཚེ་དཔག་མེད་ཀྱི་གཟུངས་ཀྱི་སྒྲ་བསྒྲུབས་ལྡེབ་ ༢༧ ཙཱཎྜ་པའི་ཏིང་མཐའི་དཔེ་བརྗོད་ལྡེབ་ ༡༥ བཅས་པ་པར་བསྡོམ་ལྡེབ་གྲངས་གསུམ་བརྒྱ་བཞུགས། །དགེའོ། །

རྡོ་རྗེའི་ཆོས་སྲུང་རྣམས་ལ་ཕྲིན་ལས་སུ་གསལ་བ་དོན་གཉིས་གྲུབ་པའི་དཔྱིད།

― LT40_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་ཆོས་སྲུང་རྣམས་ལ་ཕྲིན་ལས་སུ་གསལ་བ་དོན་གཉིས་གྲུབ་པའི་དཔྱིད་ཅེས་བྱ་བ་བཞུགས་སོ། །

― LT40_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དྷརྨ་པཱ་ལཱ་ཡ། དཔལ་ལྡན་མ་ཧཱ་ཀཱ་ལ་ཆེ། །དཀར་ཕྱོགས་ལྷ་རྣམས་རྒྱལ་བ་དང་། །ནག་ཕྱོགས་བདུད་རིགས་ཕམ་པར་མཛད། །ངོ་བོ་ཆེ་མཆོག་ཧེ་རུ་ཀ །རྣམ་པ་དྲེགས་པའི་སྡེ་དཔོན་མཆོག །བདག་འཛིན་རྩད་གཅོད་སྐུ་གསུམ་རྫོགས། །འཆོལ་བའི་ཁྲོ་རྒྱལ་ཚོགས་ཀྱི་རྗེ། །ཀུན་བཟང་སྤྱན་སྔར་དམ་བཅས་ཚེ། །ཉིད་དང་དབྱེར་མེད་བྱིན་བརླབས་ནས། །རྫོགས་ཆེན་བསྟན་དང་བསྟན་འཛིན་རྣམས། །བུ་བཞིན་སྐྱོང་བའི་གོ་ཆ་གསོལ། །སྐུ་གསུང་ཐུགས་ཡོན་ཕྲིན་ལས་ཀྱི། །སྤྲུལ་པ་མགོན་ཆེན་སྡེ་ལྔ་དང་། །དཔལ་འབར་གཉན་གྱི་རེ་མ་ཏི། །ཁྱད་པར་ལས་མཛད་སྲོག་གི་བདུད། །གིང་སྲིན་བཅན་གཤིན་དམག་དཔོན་བཞི། །དཔལ་མགོན་བདུན་ཅུ་རྩ་ལྔ་སོགས། །སྣང་སྲིད་ཕོ་རྒྱུད་བྲན་ཏུ་བཀོལ། །ཆེ་བའི་ཆེ་མཆོག་ཁྲོ་བོའི་རྒྱལ། །བདུད་བཞིའི་དཔུང་འཇོམས་སྟོབས་པོ་ཆེ། །ལྷ་ཆེན་མ་ནིང་ནག་པོ་ལ། །གུས་པས་ཕྱག་འཚལ་སྐྱབས་སུ་མཆི། །མ་གཡེལ་ཡེ་ཤེས་སྤྱན་གྱིས་གཟིགས། །པད་འབྱུང་བསྟན་པ་དར་རྒྱས་སྤེལ། །བསྟན་འཛིན་སྐྱེས་བུའི་སྐུ་ཚེ་སྲིངས། །བདག་ཅག་འཁོར་བཅས་བྱང་ཆུབ་བར། །བར་གཅོད་བདུད་སོགས་མི་མཐུན་ཕྱོགས། །དུས་མིན་འཆི་བའི་འཇིགས་པ་ཟློག །ཆོས་མཐུན་ཚེ་བསོད་དཔལ་འབྱོར་རྒྱས། །ཕྱི་རུ་དུས་

― LT40_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རྒུད་པ་སོལ། །ནང་དུ་ལུས་ཀྱི་ནད་གདོན་ཆོམས། །གསང་བ་དུག་ལྔའི་རྣམ་རྟོག་གཞིལ། །བསམ་དོན་ཆོས་བཞིན་འགྲུབ་པར་མཛོད། །དུས་གསུམ་རྒྱལ་བ་ཀུན་གྱི་ཡུམ། །ཨེ་ཀའི་ཀློང་ནས་འབར་བའི་སྐུ། །སྨུག་ནག་ཁྲོས་མ་རག་གདོང་མ། །ཀུན་བཟང་ཡུམ་གྱི་ཐུགས་ལས་སྤྲུལ། །འཁོར་འདས་ཁྱབ་པའི་ཆོ་འཕྲུལ་སྟོན། །སྲིད་པ་གསུམ་པོ་དབང་དུ་མཛད། །ངོ་བོ་ཤེས་རབ་ཕར་ཕྱིན་ཏེ། །གཟུགས་སྐུ་དབྱིངས་ནས་བཞེངས་པའི་ཚེ། །མཐིང་ག་ཁྱབ་པ་ཆེན་པོའི་མདངས། །ཉག་གཅིག་བརྡ་དོན་རྟགས་སུ་རྫོགས། །རྒྱན་ཏུ་སྤྲིན་དཀར་འཇའ་ཚོན་བཀླུབས། །ཁྲེག་ཆོད་སྒོམ་པའི་སེམས་རིག་དབྱེ། །ཐོད་རྒལ་སྣང་བཞིའི་ཡོན་ཏན་སྤར། །ཉམས་དང་རྟོགས་པའི་གོལ་ས་བཅད། །རྣལ་འབྱོར་བདེ་བའི་ཡེ་ཤེས་བསྐྱེད། །དམ་སྲི་འདྲེ་མོའི་སྙིང་ཁྲག་རྔུབ། །སྲོག་སྒྲུབ་ཤ་ཟ་སྤྱང་ཞོན་མ། །སྤྲུལ་དང་ཡང་སྤྲུལ་སྣང་སྲིད་ཀྱི། །མོ་རྒྱུད་གཡོག་དང་འབངས་སུ་བཀོལ། །གནོད་སྦྱིན་ཤན་པ་དམར་ནག་སོགས། །ཕོ་རྒྱུད་མཛའ་དང་མངགས་གཞུག་མཛད། །གཙོ་མོ་ཆེན་མོ་ཁྲག་འཐུང་ཡུམ། །སྔགས་སྲུང་རྡོ་རྗེ་རལ་གཅིག་མ། །སྙིང་ཐིག་གཉན་པོའི་རྒྱུད་སྲུང་མཆོག །ཨ་ཏི་སེམས་ཀློང་མན་ངག་སྡེར། །མོས་པ་ལམ་དུ་བྱེད་རྣམས་ཀྱི། །མགོན་དང་དཔུང་གཉེན་ཁྱོད་ཡིན་

― LT40_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

པས། །བྱང་ཆུབ་བར་དུ་སྐྱབས་སུ་བསྟེན། །ཐུགས་རྗེ་མ་ཆུང་ཐུགས་དམ་དགོངས། །སངས་རྒྱས་བསྟན་དང་བསྟན་འཛིན་སྐྱང་། །བདག་ཅག་དུས་མིན་འཆི་ལས་སྐྱོབས། །མི་འཆི་ཚེ་ཡི་དངོས་གྲུབ་སྩོལ། །དཀར་སྨུག་ནག་སོགས་མ་མོའི་འཁོར། །ཁྲོས་པའི་ཁ་རླངས་དལ་དུ་འབིབས། །ནད་འཁྲུགས་མུ་གེ་སྤྲིན་ལྟར་གཏིབས། །སྙིགས་མའི་རྒུད་པ་མངོན་ཏུ་གྱུར། །བསྟན་འགྲོའི་བདེ་སྐྱིད་བགས་ཀྱིས་འགྲིབས། །མུན་པའི་དུས་འདི་གཟིགས་ལགས་སམ། །གཙོ་མོའི་བྱིན་རླབས་སྟངས་མ་ཞེན། །འཁོར་ལ་བཀའ་ནན་མ་ཆུང་ཞིག །མི་རྣམས་མ་རིག་དབང་གྱུར་པས། །ལས་ངན་སྤྱོད་པ་རྩིང་གྱུར་ཀྱང་། །ཡེ་ཤེས་ལྷ་ལ་རྟོག་པ་མེད། །མ་མོ་མཁའ་འགྲོར་དམ་ཚིག་མངའ། །དེ་ཕྱིར་ནོངས་པ་བཟོད་བཞེས་ལ། །མུ་གེ་གཉན་རིམས་དམག་འཁྲུགས་སོགས། །མི་མཐུན་དལ་ཡམས་ཞི་བར་མཛོད། །འགྲོ་ལ་སྙིང་རྗེས་མ་དགོངས་ན། །ཡེ་ཤེས་མ་མོ་ཚིག་ཙམ་སྟེ། །བསྟན་དང་བསྟན་འཛིན་མི་སྐྱོབ་ན། །སྔགས་ཀྱི་སྲུང་མ་མིང་དུ་ཟད། །སྲུང་སྐྱོབས་ཕྲིན་ལས་དུས་ལ་བབ། །ཕྱི་རུ་དུས་ཀྱི་རྒུད་པ་སོལ། །ནང་དུ་ལུས་ཀྱི་ནད་གདོན་ཆོམས། །གསང་བ་དུག་ལྔའི་རྣམ་རྟོག་གཞིལ། །བསམ་དོན་ཆོས་བཞིན་འགྲུབ་པར་མཛོད། །མཐིང་ནག་ནམ་མཁའི་ཀློང་དཀྱིལ་ནས། །ཁྱབ་འཇུག་ཆེན་པོ་

― LT40_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་པའི་སྐུ། །རྡོ་རྗེ་འཆང་དབང་ཐུགས་སྤྲུལ་ཏེ། །སྡེ་བརྒྱད་ཡོངས་ཀྱི་དམག་དཔོན་ཚུལ། །ནད་འཁྲུགས་ཐོག་སེར་སྟང་གཅོད་ཅིང་། །འཇིག་རྟེན་ཁམས་ན་མཐུ་རྩལ་ཆེ། །ཉི་ཟླ་གཟའ་སྐར་དབང་དུ་བྱེད། །དུས་ཚོད་ཚེས་གྲངས་ཀུན་གྱི་བདག །བདེན་ཚིག་དམོད་པའི་མཚོན་ཆ་ཅན། །བདུད་འདུལ་དྲང་སྲོང་མི་སྲུན་པ། །ཡབ་ཡུམ་སྤྲུལ་པའི་གཟའ་བརྒྱད་དང་། །གབ་སྦས་གདོང་མོ་མཆེད་བཞི་སོགས། །སྤྲུལ་དང་གཡོག་འཁོར་བསམ་མི་ཁྱབ། །མཐུ་སྟོབས་བར་སྣང་གློག་བས་མྱུར། །འདས་དུས་རིན་ཆེན་སྙིང་པོ་དང་། །ད་ལྟའི་རྒྱལ་བ་ཤཱཀྱ་ཐུབ། །ཨོ་རྒྱན་རྡོ་རྗེ་འཆང་སོགས་ཀྱི། །སྤྱན་སྔར་དམ་ཚིག་བྲོ་བོར་ཏེ། །རྒྱལ་བའི་བཀའ་བཞིན་སྒྲུབ་པར་ཆད། །དེང་སང་སྙིགས་མའི་མཐའ་ལ་ཐུག །བསྟན་དང་བསྟན་འཛིན་དབུ་འཕང་དམའ། །བདུད་དང་དམ་སྲིའི་མགོ་པོ་མཐོ། །སྐྱེ་འགྲོའི་བདེ་སྐྱིད་གཏིང་ནས་བྲི། །གཙང་རིགས་ལྷ་སྲུང་དགུང་དུ་ཡལ། །མི་འདོད་སྣ་དགུ་སྤྲིན་ལྟར་འཐིབས། །དམ་ཆོས་སྒྲུབ་ལ་བར་ཆད་མང་། །འདི་འདྲའི་དུས་ངན་ཤར་བའི་ཚེ། །ཉམ་ཐག་བསྟན་འགྲོ་མི་སྐྱོབ་པར། །ཐོག་མའི་དམ་ཚིག་བསྙེལ་ལམ་ཅི། །ས་བརྒྱད་སེམས་དཔའ་སྒྲ་གཅན་འཛིན། །འཇིགས་བྱེད་བསྟན་སྲུང་རྒྱལ་པོ་ཀྱི། །ཨ་ཏིའི་མཚན་ཙམ་འཛིན་པ་ཡི། །བདག་ཅག་མོས་པའི་

― LT40_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་ལ་དགོངས། །དུས་མིན་འཆི་བའི་འཇིགས་པ་དང་། །གཤིས་ངན་འཆི་རྐྱེན་ཐམས་ཅད་བཟློག །སྔོན་ལས་འཕྲལ་རྐྱེན་ངན་པ་སོལ། །མི་མཐུན་དལ་ཁ་མཁའ་ལ་བསྒྱུར། །ཀིང་ཀང་གཟེར་མདའ་བགེགས་ལ་རྒྱོང་། །ཕྱི་དུ་དུས་ཀྱི་རྒུད་པ་སོལ། །ནང་དུ་ལུས་ཀྱི་ནད་གདོན་ཆོམས། །གསང་བ་དུག་ལྔའི་རྣམ་རྟོག་གཞིལ། །བསམ་དོན་ཆོས་བཞིན་འགྲུབ་པར་མཛོད། །ཆོས་སྐྱོང་རྒྱལ་པོ་གིང་གི་བདག། དགྲ་འདུལ་སྐྱེས་མཆོག་ཐིག་ལེ་རྩལ། །གནམ་ས་ཕྱེད་ཀྱི་མངའ་བདག་མཛད། །སྟོང་གསུམ་སྐད་ཅིག་གཅིག་ལ་བསྐོར། །ངོ་བོ་གསང་བདག་པདྨ་དབང་། །རྣམ་པ་དྲེགས་པའི་སྡེ་དཔོན་ཚུལ། །སེར་ཆགས་ཀུན་གྱི་དགྲ་བླ་སྟེ། །བན་བོན་ཡོངས་ཀྱི་བསྟན་པ་སྲུང་། །རྡོ་རྗེ་འཛིན་པའི་དམ་ཚིག་ཅན། །ཁྱད་པར་སྙིང་ཏིག་བཀའ་གཏེར་སྐྱོང་། །སྐུ་མཆེད་སུམ་བརྒྱ་དྲུག་ཅུ་སོགས། །གནམ་ས་བར་སྣང་སྤྲུལ་པས་གང་། །ཁྱོད་ཀྱི་མཐུ་རྩལ་དེང་བསྐུལ་ལོ། །བདག་ཅག་མོས་པའི་བུ་ལ་གཟིགས། །དུས་མིན་འཆི་བ་བཟློག་ཏུ་གསོལ། །བསྟན་འགྲོའི་བདེ་སྐྱིད་དགུང་དུ་སྤོར། །འཆི་མེད་ཚེ་དང་འཛད་མེད་ནོར། །འདོད་རྒུ་ཡིད་བཞིན་འགྲུབ་པར་མཛོད། །ཕྱི་རུ་དུས་ཀྱི་རྒུད་པ་སེལ། །ནང་དུ་ལུས་ཀྱི་ནད་གདོན་ཚོམས། །གསང་བར་དུག་ལྔའི་རྣམ་རྟོག་གཞིལ། །བསམ་དོན་ཆོས་བཞིན་

― LT40_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་པར་མཛོད། །སྙིང་ཐིག་གཉན་པོའི་རྒྱུད་སྲུང་རྣམས། །ད་དུས་སྙིགས་མའི་བསྐལ་པ་འདིར། །བདག་ཅག་མོས་པའི་བུ་ལ་གཟིགས། །ཐུགས་རྗེ་ནུས་པ་བསམ་ཡས་པས། །སྨོན་པའི་འབྲས་བུ་མི་བསླུ་མཛོད། །བར་ཆད་བདུད་ཀྱི་འཕྲང་ལས་སྒྲོལ། །དམ་སྲི་འགོང་པོའི་ཚ་ངར་ཆོམས། །དུས་མིན་འཆི་བ་བཟློག་ཏུ་གསོལ། །ཆོས་མཐུན་དཔལ་དང་ཉམས་རྟོགས་སྤེལ། །ཚེ་དང་སྒྲུབ་པ་མཉམ་བྱིན་རློབས། །ནམ་ཞིག་མི་རྟག་མངོན་གྱུར་ཚེ། །གནད་གཅོད་མེད་པར་དྲན་ཤེས་ལྡན། །དྲི་མེད་རིག་པའི་རང་ངོ་སྤྲོད། །ཀ་ཏི་ཤལ་གྱི་སྦུ་གུ་ཕྱེས། །རྡོར་སེམས་གསང་བའི་ལམ་དུ་སྤོར། །གལ་ཏེ་བར་དོར་འཁྱམས་གྱུར་ཀྱང་། །འཇིགས་སྐྲག་འཁྲུལ་སྣང་ཞི་བར་མཛོད། །འགྲོ་བ་རིགས་དྲུག་སྐྱེ་སྒོ་ཆོད། །བདེ་ཆེན་དག་པའི་ཞིང་དུ་སྐྱོལ། །སངས་རྒྱས་སྲས་སུ་དབུགས་ཕྱུང་ཞིང་། །དེ་སྲིད་རྙེད་དཀའི་རིན་པོ་ཆེ། །དལ་འབྱོར་དོན་ཡོད་མ་གྱུར་བར། །མི་མཐུན་འཆི་ལས་རབ་རྒྱལ་ཞིང་། །དབང་ཕྱུག་མ་ཚང་མེད་འབྱོར་བས། །བསྟན་འགྲོར་སྨན་ཡོན་ཆེ་ལྡན་ཏེ། །ཚོགས་གཉིས་རྫོགས་ཤིང་སྒྲིབ་གཉིས་བྱང་། །ཆོས་ཀྱི་རྒྱལ་པོ་རྡོ་རྗེའི་སྐུ། །རྟག་པ་དམ་པའི་དཔལ་བརྙེས་ཤོག །ཅེས་རང་ལོ་སུམ་ཅུ་པར་རང་གཞན་ལ་སྙིགས་དུས་ཀྱི་རྒུད་པ་མངོན་གྱུར་སྐབས་ནས་ཟླའི་གྲལ་ཚེས་ཆོས་སྐྱོང་རྒྱུ་བའི་

― LT40_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སུ་རིག་འཛིན་གྱི་བཙུན་པར་རློམས་པ་ཡོན་ཏན་རྒྱ་མཚོས་གསོལ་བ་བཏབ་པ་རྩ་བ་གསུམ་གྱི་བྱིན་རླབས་ཀྱིས་འགྲུབ་པར་གྱུར་ཅིག །དགེ་ལེགས་འཕེལ། །

མ་མགོན་ཞལ་སྦྱོར་གྱི་རྣལ་འབྱོར་དང་འབྲེལ་བའི་ཕན་བྱེད་མན་ངག་ཕྲན་ཚེགས་ཟུར་དུ་བཀོལ་བ།

― LT40_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

མ་མགོན་ཞལ་སྦྱོར་གྱི་རྣལ་འབྱོར་དང་འབྲེལ་བའི་ཕན་བྱེད་མན་ངག་ཕྲན་ཚེགས་ཟུར་དུ་བཀོལ་བ་བཞུགས།། །།

― LT40_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཛྙཱ་ན་ནཱ་ཐཱ་ཡ། །གང་ལའང་མ་བརྟེན་བརྟེན་ནས་བྱུང་། །འཇིགས་མེད་ས་གསུམ་འཇིགས་བྱེད་པ། །བླ་མ་ཡེ་ཤེས་མགོན་པོ་ལ། །བཏུད་ནས་ཉེར་མཁོའི་མན་ངག་འཆད། །དེའང་རྡོ་རྗེ་གུར་གྱི་རྒྱུད་དོན་ལྷོ་བྲག་མར་པའི་ཞལ་གདམས་དཔལ་མཁའ་སྤྱོད་དབང་པོའི་མན་ངག་གིས་ཕྱེ་བ་ཟབ་མོའི་རིམ་པ་ཇི་སྙེད་ཅིག་མཆིས་པ་ལས། རིགས་གསུམ་སྤྱི་དྲིལ་དུ་སྒྲུབ་པ་ཞེས་རྩ་བ་གསུམ་ངོ་བོ་གཅིག་ལ་རྣམ་པ་གང་འདུལ་དུ་སྒྱུར་བའི་ཨུ་པ་དེ་ཤ་ལས། མགོན་པོར་གནས་པ་རྡོར་སེམས་སུ་བྱས་ཏེ་རྒྱལ་བ་ཐམས་ཅད་ཀྱིས་དབང་བསྐུར་ཁྲུས་བྱས་ལ། བླ་མ་མགོན་པོ་རྡོར་སེམས་ཀྱིས་རྒྱས་བཏབ་པའམ། རྡོར་སེམས་ཀྱི་ངོ་བོ་ཉིད་དུ་ལྟ་བས་ཉམས་སྒྲིབ་སྦྱང་ངོ་། །ཞེས་གསུངས་པའི་དོན་ལག་ཏུ་བླང་བ་ལ། སྤྲོས་བཅས་བུམ་ཁྲུས་ཀྱི་ཆོ་ག་དང་། སྤྲོས་མེད་ཞི་བྱེད་ཀྱི་མན་ངག་གཉིས་སོ། །དང་པོ་ནི། སྒྲུབ་ཡིག་སྐོར་གསུམ་གྱི་དོན་བསྡུས་དཔལ་མཁའ་སྤྱོད་པའི་གཞུང་ལས། ལས་མཐའ་གསང་ཆེན་གསུམ་གྱི་ཡ་གྱལ་ཁ་ཚར་དགུའི་མན་ངག་གི་བྱེ་བྲག་ཏུ་བུམ་པའི་ཆོ་ག་གསལ་བར་བསྟན་པ་ཉིད། ཡབ་སྲས་བརྒྱུད་པ་དང་བཅས་པས་ཕྱག་བཞེས་སུ་མཛད་པ་སྟེ། དེའང་གང་ལ་བྱ་བའི་ཡུལ་རྣལ་འབྱོར་སྒྲུབ་བ་པོའི་ཆོས་བརྒྱུད་འདིར་ཞུགས་པའི་དམ་ཚིག་དང་ལྡན་པ་ལ་བྱ་ཡི། སེལ་ཡོད་པ་དང་མི་ནག་སོགས་ལ་བྱར་མི་རུང་། གང་གི་ཆེད་དུ་བྱེད་ན་ཉམས་གྲིབ་ཆེ་འབྲིང་ཆུང་གསུམ་གྱི་རྒྱུས་ལུས་སེམས་ལ་ན་ཚ་སྡུག་བསྔལ་བྱུང་བ་དེ་ཉིད་སེལ་བའི་ཆེད་དུ་བྱ། གང་གིས་བྱེད་ན་འདི་ཉིད་ལ་རྣལ་འབྱོར་དུ་བྱེད་པའི་གང་ཟག་ནུས་རྟགས་ཐོབ་པའམ། ཐ་མའང་གྲངས་བསྙེན་སོང་བའི་དམ་ཚིག་ཅན་གྱིས་བྱ། །

― LT40_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་ལྟར་བྱ་བའི་ཚུལ་ལ་གཉིས། གཞུང་གི་དགོངས་པ་དངོས་དང་། མན་ངག་ལྟར་ཞི་བའི་ལས་བྱེ་བྲག་ཏུ་བསྒྲུབ་པའི་ཚུལ་ལོ། །དང་པོ་ནི། སྐོར་གསོལ་ལ་སོགས་པའི་ཞོར་དུ་བྱེད་ན་དེ་དག་གི་མཆོད་གཏོར་ལ་སོགས་པ་དང་འབྲེལ་བར་གཞི་སྟེང་མཉྫིའི་ཁར་བུམ་པ་རྫས་ལྡན་མགུལ་ཆིངས་སྔོན་པོ་ཁ་རྒྱན་དང་བཅས་པ། མདུན་ཏུ་སྨན་རཀ་གཏོར་གསུམ། ཕྱི་མཆོད་ཕྲེང་ཚར་དུ་བཤམ། བུམ་པའི་ནང་དུ་འཁོར་ལོ་བཞི་རིམ་གྱི་ལྟ་ཚང་བ་བསྐྱེད་ཅིང་། དེའང་མདུན་བསྐྱེད་དང་ཚིག་རིས་གཅིག་གིས་དུས་མཉམ་གསལ་ཐེབ་ན་ཤིན་ཏུ་ལེགས་ཤིང་། འདོན་བྱ་ཟུར་དུ་མ་དགོས་ཀྱང་། མདུན་བསྐྱེད་མེད་པའི་བུམ་པ་ཁོ་ན་བསྒྲུབ་པའམ། གསལ་ཐེབས་སླ་བས་འཁོར་ལོ་དང་པོ་ཙམ་བསྒོམ་པ་དང་། མདུན་བསྐྱེད་དང་འབྲེལ་ཡང་གསལ་འདེབས་ཟུར་དུ་བྱེད་པར་སྤྲོ་ན། ཨོཾ་དཥྚོུད་སོགས་ཀྱིས་བསང་། སྭ་བྷཱ་བས་སྦྱངས། སྟོང་པ་ཉིད་དུ་གྱུར། །སྟོང་པའི་ངང་ལས་པད་ཟླར་བྷྲཱུྃ་ཡིག་ལས། །ཕྱི་ལྟར་རིན་ཆེན་བུམ་པ་མཚན་ཉིད་རྫོགས། །ནང་ལྟར་རྡོ་རྗེའི་བྲག་སྟེང་དུར་ཁྲོད་དབུས། །གྲུ་གསུམ་དྲག་པོའི་ཕོ་བྲང་རྒྱན་ལྡན་ནང་། །གནམ་ལྕགས་འཁོར་ལོ་རྩིབས་བརྒྱད་ལྟེ་བ་རུ། །པད་ཉི་དགྲ་བགེགས་ཕོ་མོ་བརྩེགས་པ་དང་། །ཏི་ལས་རྫུ་འཕྲུལ་དྲེལ་ལྟའི་གདན་གྱི་སྟེང་། །བྷྱོ་ལས་ལྷ་མོ་ཞལ་གཅིག་ཕྱག་བཞི་མ། ཁ་ཊྭཱཾཾ་ཕུར་པ་མེ་ལོང་སྦྲུལ་ཞགས་བསྣམས། །བཙན་སྟབས་འཁྱིལ་པའི་སྟབས་ཀྱིས་བཞུགས་པའི་པང་། །ཧཱུྃ་ལས་མགོན་པོ་ཞལ་གཅིག་

― LT40_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་གཉིས་པ། །མཐིང་ནག་སྤྱན་གསུམ་ལྗགས་འདྲིལ་མཆེ་བ་གཙིགས། །དབུ་སྐྲ་གྱེན་བརྫེས་གཡས་པས་གྲི་གུག་དང་། །གཡོན་གྱིས་ཐོད་ཁྲག་ཐོད་སྐམ་དབུ་རྒྱན་ཅན། །དུག་སྤྲུལ་རུས་པ་སྣ་ཚོགས་དར་གྱིས་བརྒྱན། །དར་ནག་འཇོལ་བེར་སྟག་གི་ཤམ་ཐབས་དང་། །མགོ་ཕྲེང་དོ་ཤལ་ཞབས་གཡས་བརྐྱང་བའི་གར། །གཡོན་པ་ཡུམ་ལ་འཁྲིལ་ཚུལ་འཇིགས་པའི་གཟུགས། ཁམས་གསུམ་དབང་སྡུད་ཟིལ་གནོན་ཆེན་པོར་གྱུར། །རྩིབས་བརྒྱད་སྟེང་དུ་དྲེལ་རྟ་ལ་གནས་པའི། །ནག་པོ་ཆེན་པོ་ཡབ་ཡུམ་བཅུ་དྲུག་ནི། །མཐིང་ནག་ཞལ་གཅིག་ཕྱག་གཉིས་གྲི་ཐོད་འཛིན། །རྒྱན་དང་རྣམ་འགྱུར་གཙོ་བོ་ལྟ་བུའོ། །ཕྱི་རོལ་བཀའ་ཉན་སྤྲུལ་པའི་མ་མགོན་ཚོགས། །ཉི་དང་ཟེར་བཞིན་ལྷུན་གྱིས་གྲུབ་པར་བཞུགས། །ཀུན་གྱི་སྤྱི་བོར་ཨོཾ་ཡིག་དཀར་པོ་སོགས་གནས་གསུམ་བྱིན་རླབས་སྤྱན་འདྲེན་སོགས་གཞུང་རྒྱས་འབྲིང་བསྡུས་པ་སོ་སོ་ལྟར་རང་གི་དལ་བྲེལ་བསྟུན་ནས་བཏང་ཆོག་ཀྱང་། བུམ་ཆོག་ཁོ་ནའི་སྐབས་དོན་ལྟར་ན། སྤྱན་འདྲེན། མཆོད་པ། བཞུགས་གསོལ། དམ་བཞག །དབང་བསྐུར། ཕྱག་མཆོད་གཉིས། བསྟོད་པ་གྲུབ་ནས་བཟླས་པ་ལ་འཇུག་པའམ། དེའང་ཤིན་ཏུ་བསྡུ་ན། ཀུན་མཁྱེན་བསྟན་པའི་ཉིན་བྱེད་ཀྱིས་མཛད་པའི་རྒྱུན་ཁྱེར་ལྟར་ལེགས་སོ། །གང་ལྟར་བཟླས་པའི་སྐབས། །བུམ་ལྷའི་སྤྱི་བོར་རིགས་བདག་མི་བསྐྱོད་པ། །རྡོ་རྗེ་སེམས་དཔའི་རྣམ་པར་

― LT40_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པ་ཡི། །སྐུ་ལས་བྱིན་རླབས་བདུད་རྩིའི་རྒྱུན་བབས་པས། །མ་མགོན་སྐུ་གང་རྡོར་སེམས་ངོ་བོར་གྱུར། །དེ་ཡི་སྦྱོར་མཚམས་བྱང་སེམས་བདུད་རྩིའི་རྒྱུན། །བབས་པས་བུམ་པ་ཡོངས་གང་སྡིག་སྒྲིབ་དང་། །ནད་གདོན་དག་བྱེད་བདུད་རྩིའི་རྒྱ་མཚོར་གྱུར། །ཅེས་བསྒོམས་ལ་མན་ངག་ཡིག་བརྒྱ་གང་འགྲུབ་བཟླ། དེ་ནས་ཞལ་སྦྱོར་གསུང་སྙིང་ཤམ་དུ། སརྦ་པཱ་པ་ཀརྨ་ཨཱ་བ་ར་་རོ་ག་གྲ་ཧེ་ཤཱནྟི༚ི༚་ཀུ་རུ་སྭཱ་ཧཱ། །ཞེས་པ་དེ་བོད་སྐད། སྡིག་སྒྲིབ་ནད་གདོན་ཐམས་ཅད་ཤཱནྟི༚ི༚་ཀུ་རུ་ཞེས་པ་སྟེ། དེས་མཚོན་ནས། ཞི་བར་བྱ་བ་དམིགས་བསལ་གང་ཡིན་པའི་མིང་ལེགས་སྦྱར་མི་ཤེས་ན་བོད་སྐད་བཅུག་སྟེ། །སྟོང་ཕྲག་སོགས་ཇི་ཙམ་འགྲུབ་པ་བཟླ། མཐར། ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ། ཨ་ཨ་ཨ་སྭཱ་ཧཱ། །ཞེས་ཁྲུས་བདུན་གྱི་རིག་པའང་བརྒྱ་རྩ་ཙམ་བཟླས་ལ་མཐར། ཨོཾ་ཁྲག་གི་རྒྱ་མཚོ་སོགས་ཀྱིས་མཆོད། ཧཱུྃ། ཌཱ་ཀི་བྱེ་བ་སོགས་ཀྱིས་བསྟོད། ཨོཾ་བཛྲ་མུཿབུམ་ལྷ་ཡེ་ཤེས་པ་མདུན་གྱི་རྟེན་ལ་ཐིམ་པར་གྱུར། །ཅེས་སམ། རྟེན་མེད་ན། རང་བཞིན་གྱི་གནས་སུ་གཤེགས། དམ་ཚིག་པ་འོད་དུ་ཞུ་བས་དག་བྱེད་ཡེ་ཤེས་ཀྱི་བདུད་རྩིའི་རྒྱུན་ཆེན་པོར་གྱུར། ཅེས་མོས། དེ་ནས་རང་དམ་གཞན་ལ་བྱ་བ་ཁྲུས་རྒྱས་པར་སྤྲོ་ན། རྣམ་

― LT40_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོམས་སམ་ཚེ་ཆོག་ལྟ་བུ་ལ་ལྷ་སྔགས་ཀྱི་བསྒྱུར་ཁ་བྱས་ཏེ། བཀྲུ་བྱབས་སྲུང་གསུམ་ཤིས་བརྗོད་དང་བཅས་པ་བྱ། རང་བཞིན་ལོངས་སྤྱད་ན། གོང་གི་རྩ་སྔགས་ཤམ་བུ་ཅན་དང་ཁྲུས་བདུན་རིག་པ་བཟླ་བཞིན་ཏུ་འཐུང་བ་དང་བཀྲུ་བ་དང་འཐོར་བ་སོགས་བྱ། །རྟ་ཕྱུགས་གྲ་འཁོར་སྦྱིན་བདག་གལ་ཆེན་ལ་བུམ་ཆུ་འཐོར་བཞིན་ཏུ། ཞལ་སྦྱོར་གྱི་ཤཱ་ས་ན་དང་སུམྡྷ་ནི་བརྗོད་ལ་བགེགས་བསྐྲད། སླར་ཤཱ་ས་ནའི་གཤམ་དུ། བསྲུང་བྱ་ལ་རཀྵ་རཀྵ། བཏགས་པ་བརྗོད་ན་སྲུང་བའི་མཆོག་ཏུ་འགྱུར་བ་གསུངས་སོ། །གཉིས་པ་ཞི་བའི་ལས་བྱེ་བྲག་ཏུ་སྒྲུབ་པ་ལྟར་ན། བཅའ་གཞི་འདོན་འགྲིགས་སྤྱི་གོང་དང་མཚུངས་པ་ལས། ཁྱད་པར་བུམ་པ་མགུལ་ཆིངས་དཀར་པོ་ཉེར་ལྔའི་བཅུད་ལྡན་དང་། མཆོད་གཏོར་ཤ་ཁྲག་མེད་པའི་དཀར་ཟླུམ་བཤམ། མངོན་རྟོགས་སྐབས་སུ། བསང་སྦྱང་། སྟོང་པའི་ངང་ལས་པད་ཟླར་བྷྲཱུྃ་ཡིག་ལས། །ཕྱི་ལྟར་རིན་ཆེན་བུམ་པ་མཚན་ཉིད་རྫོགས། །ནང་ལྟར་ཞི་བའི་གཞལ་ཡས་རྒྱན་ལྡན་དབུས། །འཁོར་ལོ་རྩིབས་བརྒྱད་ལྟེ་བར་པད་ཉི་དང་། །ཏི་ལས་རྫུ་འཕྲུལ་དྲེལ་རྟའི་གདན་གྱི་སྟེང་། །མ་ལས་ལྷ་མོ་ཞལ་གཅིག་ཕྱག་བཞི་མ། །དང་པོ་གཉིས་ཀྱི་ཁ་ཊྭཱཱཾ་མེ་ལོང་བསྣམས། །གཡས་འོག་ལྕགས་ཀྱུ་གཡོན་འོག་ཚེ་བུམ་འཛིན། །དཀར་མོ་མཛེས་འཛུམ་དར་དཀར་ན་བཟའ་གསོལ། །བཙན་སྟབས་འཁྱིལ་པའི་སྟབས་ཀྱིས་བཞུགས་པའི་པང་། །ཧཱུྃ་ལས་མགོན་པོ་ཞལ་གཅིག་ཕྱག་གཉིས་པ། །གྲི་གུག་ཐོད་འཛིན་

― LT40_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་གཡས་བརྐྱང་བའི་གར། །གཡོན་པ་ཡུམ་ལ་འཁྲིལ་ཚུལ་ཞི་ཉམས་ལྡན། །རྩིབས་བརྒྱད་སྟེང་དུ་དྲེལ་རྟ་ལ་གནས་པའི། །ནག་པོ་ཆེན་པོ་ཡབ་ཡུམ་བཅུ་དྲུག་ནི། །ཞལ་གཅིག་ཕྱག་གཉིས་གྲི་གུག་ཐོད་ཁྲག་འཛིན། །རྒྱན་དང་རྣམ་འགྱུར་གཙོ་བོ་ལྟ་བུའོ། །ཕྱི་རོལ་བཀའ་ཉན་སྤྲུལ་པའི་མ་མགོན་ཚོགས། །ཉི་དང་ཟེར་བཞིན་ལྷུན་གྱིས་གྲུབ་པར་བཞུགས། །ཀུན་ཀྱང་དཀར་གསལ་མཛེས་འཛུམ་འོད་དཀར་འཕྲོ། །ཞི་བའི་ཕྲིན་ལས་སྒྲུབ་ལ་དགོངས་པའོ། །ཀུན་གྱི་སྤྱི་བོར་སོགས་སྔར་ལྟར་ལ། །བཟླས་པའི་སྐབས་སུའང་འོད་ཟེར་དཀར་པོའི་སྤྲོ་བསྡུས་ནད་གདོན་བར་ཆད་ཞི་བའི་དམིགས་པ་དང་། བདུད་རྩི་འབེབས་ཞུ་སོགས་གོང་ལྟར་བྱ། འདི་ཉིད་ཡུན་རིང་སྒྲུབ་ནས་ཐུན་གཏོར་སོགས་སྤྲོ་ན་བྱང་ཕྱོགས་དུར་ཁྲོད་དང་། ཡེ་ཤེས་དབྱིངས་མ་འདོན་ལ། བཤོས་ཟླུམ་དཀར་པོ་འབུལ་བར་བྱའོ། །སྔ་མ་བཀའ་གཉན་པས་ཡབ་སྲས་ལྟ་བུའི་སྐུ་ཁྲུས་ལས་གང་ཡིན་ལ་མཛད་སྲོལ་མེད་པར་གསུངས་ཤིང་། ཕྱི་མ་ཕྲིན་ལས་ཀྱི་ཁ་ཚར་ཡིན་པས་ཅུང་ཟད་བཀའ་ཡང་བར་མངོན་ནོ། །གཉིས་པ་ལ་རྒྱས་པ་དང་བསྡུས་པ་གཉིས། དང་པོ་ནི། མཁས་གྲུབ་ཁྱུང་པོའི་གདམས་ངག་ཏུ་འབྱུང་བ་ཉིད་བོད་ཡུལ་གསར་རྙིང་ཕལ་ཆེར་གྱིས་ཆོས་སྐྱོང་ལ་སྦྱོར་བ་ལྟར། ཆགས་མེད་རིན་པོ་ཆེས་དེ་དོན་ཅུང་མདོར་བསྡུས་ནས་ཞལ་སྦྱོར་ལ་སྦྱར་བར་མཛད་པའི་ངག་འདོན་གསལ་བར་བཀོད་ན། སྐོང་བའི་མཇུག་གམ། རྗེས་ཆོག་བཤགས་ཚིག་གི་མཇུག་གང་ཡང་རུང་བར། །

― LT40_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་བསྐྱེད་མ་མགོན་སྤྱི་བོར་པད་ཟླའི་སྟེང་། །རྒྱལ་བ་སྲས་བཅས་རྡོ་རྗེ་གསུམ་འདུས་པ། །རྩ་བའི་བླ་མ་རྡོར་སེམས་ཧེ་རུ་ཀ །སྙེམས་མ་ཡུམ་སྦྱོར་རྡོ་རྗེ་དྲིལ་བུ་འཛིན། །དར་དང་རིན་ཆེན་རྒྱན་ལྡན་རོལ་སྟབས་བཞུགས། །དཔྲལ་མགྲིན་ཐུགས་ཀར་ཟླ་བའི་དཀྱིལ་འཁོར་སྟེང་། །ཨོཾ་དཀར་ཨཱཿདམར་ཧཱུྃ་མཐིང་གསུམ་གྱི་མཐར། །ཡིག་བརྒྱ་དཀར་དམར་མཐིང་གསུམ་གཡས་སུ་འཁོར། །དེ་ལས་འོད་ཟེར་རང་མདོག་ཕྱོགས་བཅུར་འཕྲོས། །རྒྱལ་བ་སྲས་བཅས་གསང་གསུམ་བྱིན་རླབས་ཀུན། །འོད་ཟེར་དཀར་དམར་མཐིང་གའི་རྣམ་པར་བསྡུས། །གནས་གསུམ་ལ་ཐིམ་འབྲུ་གསུམ་སྔགས་འཁོར་ལས། །ཡེ་ཤེས་བདུད་རྩི་རང་མདོག་རྒྱུན་བབས་པས། །སྐུ་གང་སྦྱོར་མཚམས་ཞབས་ཀྱི་མཐེ་བོང་ནས། །བདུད་རྩིའི་རྒྱུན་བབས་མ་མགོན་སྤྱི་བོར་ཞུགས། །བདུད་རྩིའི་ཟེགས་མ་འཁོར་རྣམས་ཚངས་བུག་བརྒྱུད། །ཀུན་གྱི་སྐུ་གང་དམ་ཚིག་ཆགས་ཉམས་དང་། །མཁོན་གྲིབ་ཀུན་བྱང་ཐུགས་རྒྱུད་བདེ་བས་མཉེས། །བཀྲག་མདངས་འོད་འབར་རྡོར་སེམས་ངོ་བོར་གྱུར། །བླ་མའི་གསང་གསུམ་མ་མགོན་གཙོ་འཁོར་གྱི། །གནས་གསུམ་འབྲུ་གསུམ་ཡིག་བརྒྱས་བསྐོར་བ་ལས། །ངོ་བོ་སྔགས་ལ་རྣམ་པ་འོད་དང་ཟེར། །བདུད་རྩིའི་རྒྱུན་བྱུང་བདག་དང་བསྲུང་བྱ་ཡི། །སྒོ་གསུམ་ལ་

― LT40_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་ལུས་ཀྱི་ཕྱི་ནང་སྦྱངས། །ཉམས་ཆགས་སྡིག་སྒྲིབ་ནད་གདོན་ཐམས་ཅད་དག །བླ་མ་མགོན་པོའི་རྡོ་རྗེའི་གསང་གསུམ་དང་། །སྒོ་གསུམ་དབྱེར་མེད་བདེ་ཆེན་རྡོ་རྗེར་གྱུར། །ཅེས་པའི་དམིགས་པ་རྩེ་གཅིག་ཏུ་བྱས་ལ་མན་ངག་གི་ཡི་གེ་བརྒྱ་པ་ཅི་ནུས་བཟླ། མཐར་རྒྱུད་ལས་གསུངས་པའི། ཚེ་རབས་སྔོན་ནས་སོགས་ཀྱི་གཟུངས་ཀྱང་ཅི་རིགས་པ་བརྗོད་ལ། སྦྱང་བྱའི་སྡིག་སྒྲིབ། སྦྱོང་བྱེད་ལྷ་སྔགས། སྦྱོང་མཁན་སྒྲུབ་པ་པོ་སྟེ་འཁོར་གསུམ་གདོད་ནས་དག་པ་རྣམ་པར་མི་རྟོག་པའི་ངོ་བོ་ཡུན་རིང་དུ་བསྐྱང་བར་བྱའོ། །གཉིས་པ་ནི། གཞུང་ལས། མགོན་པོའི་གདམས་པ་ཤིན་ཏུ་བཀྲ་ཤིས་པའི་ཐབས་ནི། བདག་དང་མགོན་པོའི་སྤྱི་བོར་རྡོ་རྗེ་སེམས་དཔའ་སྒོམ་ཞིང་སྐབས་སུ་ཡི་གེ་བརྒྱ་པ་བགྲང་། བདག་གི་ཆགས་ཉམས་ཀྱིས་མགོན་པོ་མི་མཉེས་པ་ཐམས་ཅད་དག་པར་བསྒོམ། ཞེས་ཐུན་མཚམས་ཞལ་གདམས་སུ་བསྟན་པ་འདི་ལ་ཉམས་སུ་ལེན་ཚུལ་གཞུང་དངོས་བསྟན་ལྟར་ན། སྐོང་གསོལ་གྱི་རྗེས་དང་བཤགས་པའི་སྐབས་སུ། བདག་མདུན་བསྲུང་བྱའི་སྤྱི་བོར་པད་ཟླའི་སྟེང་། །བླ་མ་རྡོར་སེམས་དར་དང་རིན་པོ་ཆེའི། །རྒྱན་ལྡན་རྡོ་རྗེ་དྲིལ་འཛིན་སེམས་སྐྱིལ་བཞུགས། །ཐུགས་ཀར་ཟླ་སྟེང་ཧཱུྃ་མཐར་ཡིག་བརྒྱས་བསྐོར། །དཔལ་ལྡན་རྡོ་རྗེ་སེམས་དཔའ་ཀྱེ། །ཐོག་མེད་བསགས་པའི་སྡིག་ལྟུང་དང་། །ཁྱད་པར་གསང་སྔགས་དམ་ཚིག་གཉན། །རྩ་བ་ཡན་ལག་སྤྱི་བྱེ་བྲག །ཆོས་

― LT40_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་འཁོར་བཅས་མི་དགྱེས་པའི། །ཉམས་ཆགས་འགལ་འཁྲུལ་ཅི་མཆིས་པ། །མྱུར་དུ་བྱང་བར་མཛད་དུ་གསོལ། །གུས་པས་རྒྱུད་བསྐུལ་ས་བོན་སྔགས་ཕྲེང་ལས། །བདུད་རྩིའི་རྒྱུན་བྱུང་སྐུ་གང་ཞབས་ནས་འཐོན། །བདག་མདུན་སྤྱི་བོ་ནས་ཞུགས་དྲི་མ་སྦྱངས། །ཆོས་སྐྱོང་ཐུགས་མཉམ་རྩ་གཅིག་དགོངས་པ་ཡིས། །བྱིན་རླབས་ཕྲིན་ལས་རྣམ་བཞི་ལྷུན་གྲུབ་གྱུར། །ཅེས་མོས་ལ་ཡིག་བརྒྱ་རྐྱང་པའམ། མན་ངག་ཡིག་བརྒྱ་གང་རུང་བཟླས་ལ་མཐར་རང་དང་བསྲུང་བྱའི་སྤྱི་བོའི་རྡོར་སེམས་འོད་དུ་ཞུ་ནས་སོ་སོ་ལ་ཐིམ་པར་མོས། ཡང་མཁའ་སྤྱོད་པའི་དགོངས་པ་ལྟར་ན། མོས་གུས་དྲག་པོས། དཔལ་ལྡན་རྡོ་རྗེ་སོགས་ཀྱིས་གསོལ་བ་བཏབ་པས། རིགས་ཀུན་ཁྱབ་བདག་བླ་མ་རྡོ་རྗེ་སེམས། །རྣམ་པ་མ་མགོན་ལྕམ་དྲལ་སྐུར་སྣང་བའི། །སྐུ་གསུང་ཐུགས་ལས་འོད་ཟེར་བདུད་རྩིའི་རྒྱུན། །དཔག་མེད་འཕྲོས་ཏེ་བདག་དང་བསྲུང་བྱ་ཡི། །ལུས་ཀྱི་ཕྱི་ནང་ཀུན་གང་སྡིག་ལྟུང་དང་། །དམ་ཚིག་ཉམས་ཆགས་གྲིབ་ཀུན་བ་མོ་ལ། །ཉི་ཟེར་ཕོག་ལྟར་སྐད་ཅིག་དག་པར་གྱུར། །ཅེས་མོས་ལ་ཡིག་བརྒྱ་གང་རུང་དང་གཟུངས་བཤགས་བྱའོ། །གང་ཞིག་མགོན་པོའི་བསྙེན་སྒྲུབ་ལ་འཇུག་པར་འདོད་པ་དག་གིས་ཀྱང་དངོས་གཞི་ལ་ཏིང་སྟབས་མི་བྱ་བར། ཐོག་མ་ཁོ་ནར་སྐོང་གསོལ་དང་འབྲེལ་བར་འདི་དག་ལ་ཞག་བདུན་ལྔ་གསུམ་སོགས་ལ་ཆེད་དུ་བརྩོན་པར་བྱས་ན་ཆོས་སྐྱོང་ཉེ་བ་དང་། བར་ཆད་འཁུ་ལྡོག་མི་

― LT40_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བའི་དགོས་གནད་ཆེན་པོ་དང་ལྡན་པ་གསར་རྙིང་གི་རྗེ་བཙུན་གོང་མ་རྣམས་ཀྱི་མན་ངག་སྙན་བརྒྱུད་ལས་འབྱུང་ངོ་། །གཞན་ཡང་བསྙེན་སྒྲུབ་ཀྱི་ཐུན་མཚམས་རྣམས་སུའང་ཕྱག་ཆེན་སྔོན་འགྲོ་སོགས་ལས་འབྱུང་བ་ལྟ་བུའི་རྡོར་སེམས་བསྒོམ་བཟླས་སྤྱི་འགྲེ་ཅི་ནུས་བྱས་པས་དམ་ཚིག་ཉམས་ཆགས་བྱང་ཞིང་ཆོས་སྐྱོང་སྒྲུབ་པའི་འབྲས་བུ་མྱུར་དུ་འབྱིན་བའི་ཐབས་ཤིན་ཏུ་ཟབ་པ་ཡིན་ནོ། །དེ་ནས་ཞར་བྱུང་དུ་མགོན་པོ་འདི་ལ་བརྟེན་ནས་བར་ཆད་སེལ་བའི་གདམས་པ་ནི། བསྙེན་སྒྲུབ་སྐབས་སེམས། དུས་གཞན་དུའང་རུང་སྟེ་སྒབ་འདྲེ་རྒྱལ་བསེན་སོགས་བར་ཆད་ཀྱི་ལྟས་བྱུང་བའམ། འབྱུང་བར་དོགས་པས་མན་ངག་འདི་ཉམས་སུ་བླང་སྟེ། སྐོང་གསོལ་དང་འབྲེལ་ན་བཟླས་པའི་གཤམ་དང་། རྒྱུན་ཁྱེར་ལའང་རུང་སྟེ། བདག་མདུན་མགོན་པོ་ལྕམ་དྲལ་སྐུར་གསལ་བའི། །ཕྲག་པ་གཉིས་སུ་སྤྲུལ་པའི་བྱ་རོག་ནི། །གནམ་ལྕགས་ལས་གྲུབ་ལྕགས་ཀྱི་མཆུ་སྡེར་ཅན། །སྤུ་གྲིའི་འདབ་གཤོག་ནག་ལ་དམར་བའི་མདངས། །དེ་ལས་དེ་འདྲའི་སྤྲུལ་པ་དཔག་མེད་འཕྲོས། །བདག་ལ་གནོད་པར་བྱེད་པའི་དགྲ་དང་བགེགས། །འབྱུང་པོ་མི་དང་མི་མ་ཡིན་པ་ཀུན། །བྱེའུས་འབུ་སྲིན་བཏུས་བཞིན་སྐད་ཅིག་གིས། །བཅོམ་ཞིང་ཟོས་ནས་རྗེས་མེད་བརླག་པར་གྱུར། །ཅེས་སྒོམ་ལ་ཞལ་སྦྱོར་གྱི་ཤཱ་ས་ནའམ། ཤཱ་ས་ན་དཀྱུས་མ་བཟླ་མཐར། །སྤྲུལ་པའི་བྱ་རོག་སྤྲུལ་གཞི་གཉིས་ལ་ཐིམ། །དེ་ཡང་བདག་མདུན་ཕྲག་པ་གཡས་གཡོན་ཐིམ། །སླར་

― LT40_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་མགོན་པོའི་ཐུགས་ལས་རྣམ་འཕྲུལ་གྱི། །བྱ་རོག་སྟོབས་ལྡན་འཇིག་རྟེན་གང་བ་འཕྲོས། །འདབ་གཤོག་འུར་སྒྲ་དྲག་པོ་འབྲུག་ལྟར་ལྡིར། །རྐན་རྡེབ་ཚག་སྒྲ་འཇིགས་རུང་གནམ་ཐོག་བཞིན། །བར་ཆད་གནོད་བྱེད་ཐམས་ཅད་སྐད་ཅིག་གིས། །རྡུལ་དུ་བརླག་ནས་ཚུར་འདུས་ཐུགས་ཀར་ཐིམ། །འཇིགས་དང་བར་ཆད་ཀུན་ལས་རྣམ་རྒྱལ་གྱུར། ཅེས་བསྒོམས་ལ་ཤ་ས་ན་བཟླས་པས་མི་དང་མི་མ་ཡིན་པའི་བགེགས་དང་བར་ཆད་ཐམས་ཅད་ལས་རྒྱལ་བར་གསུངས་སོ། །མི་མཐུན་བར་ཆད་ཀུན་ཞི་ཞིང་། མཐུན་རྐྱེན་བཀྲ་ཤིས་འཕེལ་བའི་ཐབས། ཉམས་སུ་བླངས་ཏེ་སྒྲུབ་བརྒྱུད་ཀྱི། བསྟན་དང་བསྟན་འཛིན་དཔལ་རྒྱས་ཤོག །ཅེས་པ་འདིའང་རྡོར་སློབ་བླ་མ་ཀརྨ་མཐུ་སྟོབས་དབང་ཕྱུག་གི་བཞེད་ངོར་བློ་གྲོས་མཐའ་ཡས་ཀྱིས་གཞུང་དང་མན་ངག་ལས་འདོན་བདེར་ཁོལ་དུ་ཕྱུངས་བ་དགེ་ལེགས་འཕེལ།། །། །།

མ་མགོན་ཞལ་སྦྱོར་གྱི་རྣལ་འབྱོར་དང་འབྲེལ་བའི་བསྙེན་ཡིག

― LT40_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ། མ་མགོན་ཞལ་སྦྱོར་གྱི་བསྙེན་པ་བཏང་བའི་ཐོག་མར། སྲུང་འཁོར་བུམ་ནག་མའི་སྒོམ་རིམ་དང་འདོན་ཆ་ཀུན་མཁྱེན་ཆོས་ཀྱི་འབྱུང་གནས་བཀའ་འབུམ་ཉ་པར་བཞུགས་པ་ལྟར་རབ་བསྙེན་ཚད། ཐ་ན་བདུན་སྒྲུབ་ཙམ་བཏང་གྲུབ་ན་གལ་ཆེ། བསྙེན་པ་དངོས་ཆགས་མེད་རིན་པོ་ཆེའི་ཟིན་བྲིས་ཀྱི་ལུགས་ལྟར་རྗེ་ཆོས་ཀྱི་འབྱུང་གནས་དང་། པདྨ་ཉིན་བྱེད་དབང་པོས་ཕྱག་བཞེས་མཛད་པའི་འདོན་འགྲིགས་ན། བཅའ་གཞི་བཤམ་བཀོད་གྲུབ་ནས། །ཕྱི་ཐུན་ཞིག་ལ་དབུ་འཛུག །བདེ་ཆེན་རྡོ་རྗེའི་བརྒྱུད་འདེབས་བྱ། སྐྱབས་སེམས་སྔར་མ་སོང་ན་ཕག་མོ་ལྟར་ལན་གང་རུང་བཏང་། ཚད་མེད་བཞི་བསྒོམ། མངོན་རྟོགས་ནས་བརྩམས་མཚལ་མ་དཀྱུས་འགྲེས་གསོལ་སྐོང་ཡན་བཏང་། བསྙེན་པ་ཅི་ནུས་བྱ། བསྙེན་པ་ཐམས་ཅད་ལ་ཐོག་མར་ཞལ་སྦྱོར་སྐུ་བསྙེན་ཕྲེང་སྐོར་ཙམ་བགྲངས་ནས་བསྐྱེད་རིམ་གསལ་བཏབ་ཅིང་ང་རྒྱལ་བཟུང་། དངོས་གཞི་སྔགས་འཁོར་ལ་སེམས་རྩེ་གཅིག་བཟུང་སྟེ་གསུང་བསྙེན་ཁོ་ན་བཟླ། ཐུན་མཐར་འོད་ཟེར་སྤྲོ་བསྡུ་བཅས་ཐུགས་བསྙེན་ཕྲེང་བསྐོར་ཙམ་བཟླ། ཐུན་གཏོར་ལ་འགུགས་གཞུག་དང་བསྒྲལ་བསྟབ་དམིགས་པ་བཅས་གང་ཞིག་བླ་མ་སོགས་བརྗོད། ཡང་ཟློག་སྔགས་དང་ཐལ་

― LT40_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

རྡེབ་དགོངས་མོ་སྲོད་ཐུན་མཐར་བྱས་ཀྱང་ཆོག །མ་བྱས་ཀྱང་དགོས་ཆེན་མེད། མན་ངག་ཡིག་བརྒྱ་ལན་གསུམ། ཚེ་རབས་ཀུན་ནས་སོགས་ལན་གསུམ་ལས་མི་ཉུང་བར་བརྗོད། ཆགས་མེད་ལུགས་ལ་བསྡུ་ལྡངས་གྲོལ་ཁ་བར་མི་བྱེད། དེའང་རྨི་ལམ་རྟགས་མཚན་གསལ་ཆེད་ཡིན་པར་གསུངས་པས་ཉལ་ཁ་སྤྱི་ལྟར་བསྡུ་ལྡངས་སྨོན་ལམ་བཀྲ་ཤིས་བྱས་ཀྱང་འགལ་བ་མེད་ཅིང་། རྟགས་མཚན་ཤུགས་ཀྱིས་བྱུང་ན་མ་གཏོགས་ཆད་གཉེར་གྱིས་རེ་དོགས་མི་རུང་། རེ་དོགས་ཆེ་ན་རྟགས་མཚན་འོང་སྲོལ་ཡང་མེད། ཕྱིར་ནང་ཐོར་ཐུན་ལ། ཐོག་མར་ཡི་དམ་ཕག་མོ་ལྟ་བུའི་སྒོམ་བཟླས་བྱེད་ན་སྐྱབས་སེམས་དེར་སོང་བས་འཐུས། དེ་མིན་བརྒྱུད་འདེབས་འཕྲོས་སྐྱབས་སེམས། མངོན་རྟོགས་ནས་ལྷ་ཆེན་དཔལ་འབར་སྔགས་མཆོད་ཡན་བརྗོད། དེ་ནས་བསྟོད་པ་གང་དྲིན་མའི་མཇུག་ཏུ་བསྙེན་པ་གོང་སྨོས་ལྟར་བྱ། ཐུན་མཐར་འགུགས་གཞུག་རིང་ཐུང་གསུམ། བྱང་ཁྲོད་མ་ཡབ་བསྐུལ་ཡུམ་བསྐུལ་གཉིས་ཀྱིས་ཐུན་གཏོར་འབུལ། སྔ་ཕྱིའི་ཐུན་གཏོར་རྣམས་དཀྱིལ་འཁོར་འགྲམ་དུ་འབུལ་བ་ལས་ཕྱི་ལ་ཁྱེར་སྲོལ་མེད་ཡིག་བརྒྱ་སོགས་སྔ་ནུབ་ལྟར་བྱ། ཐུན་རེ་རེ་བཞིན་མཆོད་ཁ་གསོ་བ་དང་ཐུན་གཏོར་གསར་པ་བཤམ་དགོས། སྔ་དྲོའི་ཐུན་ལ་གསོལ་ཁ་

― LT40_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་པོ། བསྟན་སྲུང་མཐར་ཐུག །ལྷ་མོའི་གསོལ་ཁ་བཅས་འདོན་ནས་བསྙེན་པ་བྱེད། ཐུན་མཐར་འགུགས་གཞུག་བསྐལ་པ་མེ་ལྟར་དང་། གསང་སྔགས་རྣལ་འབྱོར་གཉིས་ཀྱིས་ཐུན་གཏོར་འབུལ། ཡིག་བརྒྱ་སོགས་འདྲ། ཕྱི་དྲོའི་ཐུན་ལ། སྐོང་བ་རྒྱས་པ། སྤྲོ་ན་བྱང་ཤར་ཆོས་དབྱིངས་དང་། འཁྲུགས་སྐོང་ཡང་འདོན། བདག་སྒྲུབ་མའི་མཐར་བསྙེན་པ་བྱ། ཐུན་མཐར་འགུགས་གཞུག་འདས་དང་མ་བྱོན་ཚན་གཉིས་ཀྱིས་ཐུན་གཏོར་འབུལ། ཡིག་བརྒྱ་སོགས་འདྲ། མཚན་ཐུན་འགོར་མངོན་རྟོགས་ནས་བརྩམས་མཚལ་མ་ཆ་ཚང་། གསང་སྔགས་ནང་གཏོར། འཁོར་ལྔ་སོགས་ཀྱི་གཏོར་འབུལ་རྣམས། བསྟོད་པ། གསོལ་ཁ་དང་སྐོང་བ་བསྡུས་པ་དཀྱུས་འགྲེ་བཏང་ནས་བསྙེན་པ་བྱ། ཐུན་མཐར་འགུགས་གཞུག་དང་། །གང་ཞིག་བླ་མ་སོགས་ཀྱིས་ཐུན་གཏོར་འབུལ། ཡིག་བརྒྱ་སོགས་གོང་སྨོས་ལྟར་བྱ། དེས་འགྲེས་ཏེ་གྲངས་དུས་རྟགས་གསུམ་གྱི་བསྙེན་པ་གང་རུང་རྫོགས་པའི་དགོངས་ཐུན་མཐར་ཞལ་སྦྱོར་གྱི་ཤཱ་ས་ནའང་ཅི་འགྲུབ་བཟླ་ལིངྒ་བཅས་ལ་བསྒྲལ་ལས་བྱ། ལས་འགྲིགས་ཀྱི་བསྐུལ་ཚུར་མའམ། གསོན་ཅིག་མ་དང་གང་ཞིག་བླ་མ་ཙམ་འདོན་ལ་སྔར་བསགས་ཀྱི་ཐུན་གཏོར་ཐམས་ཅད་བསྡུས་

― LT40_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཐེབས་ཡོད་པའི་ཕྱོགས་སུ་འབུལ། རྡོ་རྗེ་བཀའ་ཟློག་མ་དང་། ཡང་ཟློག་སོགས་ཟློག་པ་ཤེས་ཚད་འདོན། ཐལ་རྡེབ་སྨོན་ལམ་བཅས་བྱ། ཡིག་བརྒྱ་སོགས་སྔར་ལྟར་བྱས་པས་འཐུས། ཕྱིར་ནང་ཐོར་ཐུན་ལ་མཆོད་པ་ཚོགས་སོགས་རྒྱས་པར་བཤམ། མཚལ་མ་ཚོགས་གཏོར་འབུལ། སྐོང་གསོལ་རྒྱས་པ་ལྕོགས་ན་ལེགས་ཤིང་མ་ལྕོགས་ན་གསོལ་སྐོང་འབྲིང་པོ་ཙམ་དང་བདག་སྒྲུབ་མའི་མཐར་བསྙེན་པ་ཁྱུག་ཙམ་བཏང་ལ་འགུགས་གཞུག་བཅས་གང་ཞིག་བླ་མས་ཐུན་གཏོར་འབུལ། ཡང་ཟློག་ཐལ་རྡེབ་བྱ། ཆོས་ཀྱི་དབྱིངས་ཀྱི་མཚན་གཉིས་མཐར། བཛྲ་མ་ཧཱ་ཀཱ་ལ་བརྒྱ་སྟོང་ཅི་ནུས་བགྲངས། དངོས་གྲུབ་བླང་བའི་དམིགས་པ་བཅས་རྟེན་གཏོར་གནས་གསུམ་གཏུགས། དམ་རྫས་མྱང་། ཚོགས་ལ་རོལ་ཞིང་ལྷག་མ་བཏང་། མཆོད་བསྟོད་བྱ། བཤགས་པ་ཕྱིན་རྒྱས་པ་བཏང་ན་ལེགས། མན་ངག་ཡིག་བརྒྱ་དང་། ཚེ་རབས་ཀུན་ནས་སོགས་ཉེར་གཅིག་ཡན་བརྒྱ་རྩ་ཕྱིན་གང་མང་མཐར། མདུན་བསྐྱེད་ཡེ་ཤེས་པ་རྟེན་ཡོད་ན་བརྟན་བཞུགས་བྱ། །དམ་ཚིག་པ་རང་ལ་བསྡུ། བདག་བསྐྱེད་བསྡུ་ལྡངས། བསྔོ་སྨོན་ཤིས་བརྗོད་རྒྱས་པར་བྱས་པས་འགྲུབ་བོ། །འདིར་བསྙེན་པའི་ཁ་སྐོང་སྦྱིན་སྲེག་ནི་ཕྱིས་ཀྱི་ཕྱག་རྒྱུན་ལ་མི་འབྱུང་ཞིང་།

― LT40_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་ལ་ཁྲི་སོགས་ལྷག་པོར་བཟླས་པས་ཁ་སྐོང་མཛད་དེ། དཔེར་ན་གྲངས་བསྙེན་འབྲུ་འབུམ་འབུམ་ཚོ་བཅུ་གསུམ་ལ། ཁྲི་ཚོ་བཅུ་གསུམ། དེ་ལ་སྟོང་ཕྲག་བཅུ་གསུམ། དེ་ལ་བརྒྱ་ཕྲག་བཅུ་གསུམ་བཟླ་སྟེ། ཁ་སྐོང་བསྡམས་པས་འབུམ་ཐེར་གཅིག །ཁྲི་ཚོ་བཞི། སྟོང་ཕྲག་བཞི། སུམ་བརྒྱ་བཟླ་བ་ལགས་སོ། །ཞེས་པའང་མཉན་པ་མཆོག་སྤྲུལ་རིན་པོ་ཆེའི་ཐུགས་བཞེད་ངོར་བླ་མ་མགོན་པོ་དབྱེར་མེད་ཀྱིས་རྗེས་སུ་བཟུང་བའི་རྣལ་འབྱོར་པ་ཀརྨ་ངག་དབང་ཡོན་ཏན་རྒྱ་མཚོས་བྲིས་པ་དགེ་ལེགས་འཕེལ། །

དཔལ་མྱུར་མཛད་ཡེ་ཤེས་ཀྱི་མགོན་པོའི་གཏོར་སྒྲུབ་ཆེན་མོའི་ལག་ལེན་བལྟས་ཆོག་ཏུ་བཀོད་པ་དངོས་གྲུབ་རྫིང་བུ།

― LT40_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་མྱུར་མཛད་ཡེ་ཤེས་ཀྱི་མགོན་པོའི་གཏོར་སྒྲུབ་ཆེན་མོའི་ལག་ལེན་བལྟས་ཆོག་ཏུ་བཀོད་པ་དངོས་གྲུབ་རྫིང་བུ་ཞེས་བྱ་བ་བཞུགས་སོ། །

― LT40_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཛྙཱ་ན་ནཱ་ཐཱ་བྷེ་ད་པཱ་དཱ་ཡ། བསམ་དོན་མྱུར་དུ་འགྲུབ་མཛད་ནོར་བུའི་རྒྱལ། །སྙིང་རྗེའི་སྤྱན་རས་འགྲོ་ལ་བུ་ལྟར་གཟིགས། །ཁྲོ་རྔམས་ཚུལ་གྱིས་སྲིད་གསུམ་བདུད་སྡེ་འཇོམས། །བླ་མ་ནག་པོ་ཆེ་ཞབས་སྤྱི་བོར་མཆོད། །རྒྱུད་དང་རྒྱ་གཞུང་གྲུབ་པའི་མན་ངག་གིས། །ལེགས་པར་བརྒྱན་པའི་སྒྲུབ་ལུགས་ཁྱད་འཕགས་པ། །གཏོར་མ་ལ་བརྟེན་ཞི་རྒྱས་དབང་གི་ལས། །གཙོ་བོར་སྒྲུབ་པའི་ལག་ལེན་བསྡེབ་པར་བྱ། །དེ་ལ་ཡེ་ཤེས་ལས་དང་འཇིག་རྟེན་གྱི་ཆོས་སྐྱོང་བ་སྤྱི་དང་། བྱེ་བྲག་ཡེ་ཤེས་མགོན་པོ་འདི་ཉིད་ཀྱི་བསྙེན་སྒྲུབ་ལས་གསུམ་གྱི་བྱ་བ་ཐམས་ཅད་གཏོར་མ་ལ་རགས་ལས་ཤིང་། ཐུགས་དམ་སྐོང་བ་དང་། བར་ཆད་བསལ་བ་དང་། དངོས་གྲུབ་སྒྲུབ་པ་སོགས་ཞི་རྒྱས་དབང་དྲག་གི་ཕྲིན་ལས་ཐམས་ཅད་གཏོར་མ་ལ་བརྟེན་ནས་བསྒྲུབ་དགོས་པ་ཡིན་ཅིང་། གཏོར་མའི་རྣམ་དབྱེ་མང་དུ་ཡོད་ནའང་སྐབས་འདིར་ཞི་རྒྱས་དབང་གསུམ་གྱི་ཕྲིན་ལས་སྒྲུབ་པ་ལ་ཆེད་དུ་བསྔགས་པ་གཏོར་སྒྲུབ་ཀྱི་ལག་ལེན་བཤད་པ་ལ་དོན་གསུམ། ཐོག་མར་དཀྱིལ་འཁོར་བཅས་བཤམ་གྱི་རིམ་པ། བར་དུ་སྒྲུབ་པ་ཉམས་ལེན་གྱི་འདོན་འགྲིགས། མཐར་གཏོར་མ་བཏང་ཚུལ་བསླབ་བྱ་དང་བཅས་པའོ། །དང་པོ་ནི། །

― LT40_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

རྣལ་འབྱོར་པ་མགོན་པོ་འདིའི་བཀའ་སྤྱི་དང་བྱེ་བྲག་པ་རྣམས་ཐོབ་ཅིང་དམ་ཚིག་ལ་གནས་པས། འདི་ཉིད་ཆོས་སྐྱོང་གི་གཙོ་བོར་འཛིན་པ་དག་གིས་གནས་སྐབས་ཆོས་སྒྲུབ་པའི་བར་ཆད་བསལ་བ་དང་། ཚེ་བསོད་ལོངས་སྤྱོད་རྒྱས་ཤིང་འགྲོ་བ་དབང་དུ་འདུ་བ་དང་། མཐར་ཐུག་མཆོག་གི་དངོས་གྲུབ་ལ་ཉེ་བར་སྦྱོར་བའི་སླད་དུ་གཏོར་མ་ལ་བརྟེན་པའི་སྒྲུབ་ཆེན་བྱེད་ན། །སྤྱིའི་དུས་ཕྲིན་ལས་གང་བསྒྲུབ་དགོས་པའི་གནས་སྐབས་དེ་དང་། བྱེ་བྲག་གི་དུས་བར་ཆད་སེལ་བ་གཙོ་བོར་བྱེད་ན་མར་ངོའི་ཕྱོགས། ཚེ་བསོད་རྒྱས་པ་སོགས་གཙོ་བོར་བྱེད་ན་དཀར་ཕྱོགས་ཀྱི་བརྒྱད་དང་བཅོ་ལྔས་མཚོན་གཟའ་སྐར་འཕྲོད་སྦྱོར་ལེགས་པ་ལ་དབུ་འཛུག་པ་སོགས་དང་མཇུག་ཁེལ་བ་བྱ། ཁྱད་པར་གྱི་དུས་ཆེན་ཉི་ཤུ་དགུ་ལྷག་པར་གལ་ཆེ་བས་ཞི་རྒྱས་དབང་གསུམ་ཡིན་ཀྱང་དེར་གཞུང་ཁེལ་བའམ་དབུ་འཛུག་པ་གང་རུང་གིས་ཡར་ངོ་ལ་གྲོལ་ན་ལེགས་པར་འགྱུར་རོ། །གང་དུ་བྱ་བའི་སྒྲུབ་གནས་དབེན་ཞིང་ཉམས་དགའ་བར་བྱི་དོར་ལེགས་པར་བྱས་ཤིང་སྐོང་བའི་རྫས་སོགས་སྤྱན་གཟིགས་ཅི་འབྱོར་བ་བཀྲམ་པའི་གུང་དུ་མགོན་པོའི་སྐུ་བརྙན་་བྲིས་འབུར་གང་འབྱོར་དང་། ཡི་དམ་རྟ་མགྲིན་གྱི་ཞལ་ཐང་སོགས་བཤམ་པའི་མདུན་ཏུ། སྟེགས་བུ་ལ་དྲི་བཟང་གི་

― LT40_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུས་བྱུགས་པའི་སྟེང་དུ་རྡུལ་ཚོན་གྱིས་ཟླུམ་སྐོར་ཁྲུ་གང་ལས་མི་ཆུང་བ་ཕྱི་ནང་གཉིས་རིམ་དུ་བྱས་པའི་དབུས་སུ་གྲུ་གསུམ་མེ་རི་དང་བཅས་པ་རྩེ་མོ་རྒྱབ་ངོས་སུ་བསྟན་པའི་དབུས་སུ་གྲི་གུག་གི་ཡུ་བར་ཧཱུྃ་མཐིང་ནག་གིས་མཚན་པ། གྲུ་གསུམ་མཐིང་། གཞི་ཟླ་གམ་ལྗང་། མུ་ཁྱུད་སྔོ། དེ་རྒྱབ་གྲུ་བཞི་ཕྱོགས་མདོག་ཏུ་བྱས་པའི་ཕྱི་རོལ་དུ་བསིལ་བ་ཚལ་མཚོན་པའི་རི་དང་མཆོད་རྟེན་ཆུ་ཤིང་མེ་སྤྲིན་རྣལ་འབྱོར་བ་ཞིང་སྐྱོང་བཾ་རོ་ཅེ་སྤྱང་སོགས་དུར་ཁྲོད་གཅིག་གི་མཚན་ཉིད་ཚང་བར་བྲི། གཏོར་སྣོད་ཟངས་སོགས་རིན་པོ་ཆེ་ལས་བྱས་པ་གས་ཆགས་བུག་་པ་སོགས་ཡེ་མེད་པ་གཙང་ཞིང་ཆེ་བའི་ནང་དུ་གུར་གུམ་དང་གི་ཝཾ་བསྲེས་པས་པདྨ་འདབ་བརྒྱད་སྣོད་ནང་ཁེངས་པ་བྲི། ནས་ནག་བརྗེན་བཏགས་ཀྱིས་གཏོར་ཆེན་བཞེངས་དགོས་ཀྱང་མ་འབྱོར་ན་ཇི་ཙམ་རྙེད་པ་ལ་སྨན་དང་། །རིན་ཆེན་ཕྱེ་མ་དྲི་བཟང་བསྲེས་པའི་ཕྱེ་གཙང་མ་བདུད་རྩི་རིལ་བུ་སྦྱར་བའི་ཆང་གི་ཉིང་ཁུས་སྦྲུས་པ་ལ་བཤོས་བུ་ཟླུམ་པོ་བརྗིད་ཅིང་ལྷུན་ཆགས་པ་ཁྲུ་གང་ལས་མི་ཆུང་བ་པདྨའི་ལྟེ་བར་བཞག །འདབ་མའི་སྟེང་དུ་ཐེབས་ཀྱུ་བརྒྱ་རྩ་བརྒྱད་བཅད་ཁ་ནང་དུ་བསྟན་པས་བསྐོར་ཅིང་རྩི་སེར་པོ་བྱུག །རྩེ་མོར་གསེར་དངུལ་ལས་བྱས་པ་དངོས་སམ་མ་འབྱོར་ན་མར་ལ་རིན་པོ་ཆེ་བདར་བས་ནོར་བུ་དབང་རྒྱལ་

― LT40_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་བརྒྱད་པའི་དབྱིབས་བྱས་པས་བརྒྱན། ནང་རྟེན་མདའ་དར་དམར་སེར་ལ་གསང་རྟེན་དང་། གས་ཆག་མེད་པའི་མེ་ལོང་ངོས་སུ་ནང་མཆོད་བདུད་རྩི་རིལ་བུ་གུར་གུམ་གི་ཝཾ་ལི་ཁྲི་རྣམས་སྦྱར་བས་ཧྲཱིཿརིང་ཆ་ཚེགས་དྲགས་དང་བཅས་པ་དབུས་སུ་གཅིག །མཐའ་བསྐོར་དུ་མགོ་ཕྱིར་བསྟན་བཅུ་གཉིས་ཀྱིས་བསྐོར་བ་བཏགས་པ་དབུས་སུ་གཟུག །གཡས་གཡོན་ཏུ་དར་འཕན་ཇི་ལྟར་འབྱོར་པས་བརྒྱན་ཏེ་དཀྱིལ་འཁོར་གྱི་དབུས་སུ་མཉྫིའི་ཆེན་པོའི་ཁར་བཞག །འདིར་བར་ཆད་སེལ་བ་གཙོ་བོར་བྱེད་ན་ཐེབ་ཀྱུ་རྣམས་བཅད་ཁ་ཕྱིར་བསྟན། གཏོར་རྒྱུ་ལ་བདུད་རྩི་རིལ་བུ་ཁོ་ན་བསྲེ་ཞིང་རྩི་དཀར་པོ་བྱ། ནང་རྟེན་མདའ་དར་དམར་ནག་ལ་གསང་རྟེན་བཏགས་པ་ཁོ་ན་བཙུག །ལོངས་སྤྱོད་འཕེལ་བ་དང་དབང་སྡུད་གཙོ་བོར་བྱེད་ན་རྒྱུ་གོང་དང་མཚུངས། རྩི་དམར་པོ་བྱ། མདའ་དར་དམར་ནག་ལ་མེ་ལོང་ངོས་སུ་བདུད་རྩི་ནང་མཆོད་ལི་ཁྲི་མཚལ་རྣམས་བསྲེས་པས་ཧྲཱིཿགོང་བཞིན་བྲིས་པ་ཁོ་ན་བཙུག། ཚེ་བསོད་ཆོས་སོགས་རྒྱས་པའི་ཆེད་དུ་གཙོ་བོར་བྱེད་ན་གོང་སྨོས་ལྟར་ལ་ནང་རྟེན་མེ་ལོང་ཁོ་ནར་བཏགས་པ་བཤད་ཀྱང་གསང་རྟེན་ལ་དགོས་པ་གཞན་ཡོད་པས་ཕྱོགས་གཅིག་བྱས་པའོ། །རྒྱབ་ཕྱོགས་སུ་འཕྲུལ་སྟེགས་མཐོ་བར་རྒྱུད་སྡེ་ལྔའི་གཏོར་

― LT40_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ་ཟླུམ་གཏོར་ལྔ་ཚར་རམ། ཀར་ལུགས་ཕྱག་བཞེས་ལྟར་ན། དབུས་དང་གཡས་སུ་ཡི་དམ། མདུན་ཏུ་བླ་མ། རྒྱབ་ཏུ་མཁའ་འགྲོ། གཡོན་ཏུ་གྲུ་གསུམ་ཐོག་མདེལ་ལྟ་བུ་བཞག་ལ་རྒྱན་སྤྲོས་ཁྱད་པར་ཅན་བྱ། དེའི་གཡས་ཕྱོགས་ཀྱི་གྲལ་མགོར་རྟ་མགྲིན་ལ་དཔལ་གཏོར་དམར་པོ་རྒྱན་སྤྲོས་དར་གདུགས་ཅན། གཡོན་གྱི་གྲལ་མགོར་ལྷ་མོའི་གཏོར་མ་ཐེབས་ཀྱུ་ཤིན་ཏུ་ཆེ་བ་བཅད་ཁ་མདུན་ཏུ་བསྟན་པ་དྲུག་བརྩེགས་སྟེང་། ཐེབས་ཀྱུ་དེ་འདྲ་བ་བཅད་ཁམས་སྟེང་དུ་བསྟན་ཅིང་མཐེབ་རྗེས་མདུན་བསྟན་གྱེན་ཏུ་བསླངས་ནས་བཙུགས་པའི་མཐར་ཐེབ་ཀྱུས་བསྐོར། གཏོར་ཆེན་གྱི་མདུན་ཕྱོགས་སུ་ཀྵེ་ཏྲ་པཱ་ལའི་གཏོར་མ་གྲུ་གསུམ་གསུམ་བརྩེགས་བང་རིམ་གྱི་རྣམ་པ་ཡོད་པའི་སྟེང་དུ་བཤོས་བུ་ཟུར་གསུམ་བཞག །བང་རིམ་འོག་མ་ལ་ནུབ་ཙམ་པའི་ཐེབས་ཀྱུས་མཐའ་བསྐོར། གཏོར་ཆེན་གཡས་ངོས་སུ་ཛི་ན་མི་ཏྲ། རྒྱབ་ཏུ་ཊཱ་ཀི་རཱ་ཛ། གཡོན་ཏུ་ཏྲཀྴད་ཀྱི་གཏོར་མ་གསུམ་ཀ་གྲུ་གསུམ་རྩེ་མོ་གཡས་ཕྱོགས་སུ་ཅུང་ཟད་བཅུས་པའི་མཐའ་ཐེབས་ཀྱུས་བསྐོར་ཞིང་དེ་དག་ལའང་མེ་རི་ལ་སོགས་པའི་རྒྱན་དང་རང་མདོག་དང་མཚུངས་པའི་དར་འཕན་གྱིས་བརྒྱན། མདུན་གཡས་སུ་མཁའ་འགྲོ་སྤྱི་གཏོར་དང་། མདུན་གཡོན་གཞི་བདག་གཏོར་མ་དཀར་ཟླུམ་ཆེ་བ་རྒྱན་ལྡན་རེ་བཞག །ཁྱད་

― LT40_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

བར་མགོན་པོ་ལྕམ་དྲལ་སྤྱིའི་མཆོད་རྫས་ཛམྦུ་དྭཱཱིའི་ཞལ་ཟས་ལ། ལག་ལེན་མི་འདྲ་བ་འགའ་ཞིག་སྣང་ཡང་དཔལ་ཇོ་ནང་པའི་ཕྱག་བཞེས་སུ། ཤ་ཕྱེ་ཁྲག་ཚིལ་གྱིས་བརླན་པ་ལ། སྒ་སྐྱ། གཡེར་མ། འུ་སུ། གོ་སྙོད། ལན་ཚྭ་སོགས་སྤོད་ཀྱི་རིགས་སྣ་ཚོགས་པ་བསྲེས་ཏེ་བག་ཕྱེ་འཐག་པོས་ཕྱི་གཡོགས་བྱས་ཏེ་མར་ཁུ་ནང་དུ་བཙོས་པ་དེ་འདྲ་མང་དུ་བཙོས། དབྱིབས་གང་འདོད་བྱས་པས་གཏོར་མ་ཀུན་ལ་བརྒྱན། དེ་དག་མ་གཏོགས་པའི་ཆོས་སྐྱོང་གཞན་གྱི་གཏོར་མ་མཉམ་དུ་བཤམས་པ་དང་བསྔོ་བ་སོགས་གཏན་ནས་བྱེད་དུ་མི་རུང་། དེའི་མདུན་དུ་ཁྲག་གི་མཆོད་ཡོན། དུག་ཆུའི་ཞབས་བསིལ། དབང་ལྔའི་མེ་ཏོག །བཞི་མཉམ་གྱི་སྦྱར་སྦོས། ཚིལ་ཆེན་གྱི་མར་མེ། མཁྲིས་པའི་དྲི་ཆབ། ཤ་རུས་སམ་བཤོས་བུ་དམར་ནག་གི་ཞལ་ཟས། དྲག་པོའི་རོལ་མོ་རྣམས་བཤམས། རྒྱབ་ངོས་སུ་མགོན་པོའི་སྐུ་བརྙན་དེ་གཏོར་ཆེན་དང་རང་ལ་ཞལ་གཟིགས་པ་འདྲ་བར་བྱས་ལ་ཐུགས་ཀ་ནས་གཟུངས་ཐག་འཐེན་ལ་མདའ་དར་མེ་ལོང་ཅན་གྱི་མགུལ་དུ་བཏགས། དེ་ནས་གཟུངས་ཐག་སྣེ་གཉིས་སུ་འཐེན་ལ་གཅིག་རྡོར་སློབ་དང་། གཅིག་བསྙེན་རྒྱུན་ཕྱག་ཏུ་སླེབ་ཚོད་བྱ། དེ་ནས་གཏོར་སྒྲུབ་ལ་གལ་ཆེ་བ་ཁྱུང་པོའི་མན་ངག་ཡིག་རྙིང་ལས། །

― LT40_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་དྲུག་ཏུ་གཏོར་མ་འབུལ་བའི་ཐུན་རེ་རེ་ལའང་གཏོར་ཆུང་ཉི་ཤུ་རྩ་གཅིག་རེ་ཕུལ། ཅེས་གསུངས་པའི་གཏོར་བསྟབ་ནི་ཐུན་རེ་བཞིན་གཏོར་ཆེན་གྱི་མདུན་ངོས་སུ་གཏོར་སྣོད་ལྔ་རེ་བསྒྲིགས་པའི་སྣོད་དང་པོར་ཐེབས་ཀྱུ་གསུམ་བཅད་ཁ་ཕྱིར་བསྟན། ལྟག་པ་གསུམ་སྤྲད་ནས་གྲུ་གསུམ་གྱི་རྣམ་པར་བཞག་པའི་སྟེང་དབུས་སུ་ཐེབ་ཀྱུ་གཅིག་གདན་ཐབས་སུ་བཞག །དེ་སྟེང་བཅད་ཁམས་སྟེང་དང་ཐེབ་རྗེས་མདུན་ཏུ་བསྟན་པ་གྱེན་བསླང་དུ་བཞག །སྣོད་གཞན་བཞིར་དེ་དང་འདྲ་བ་ལས་གདན་ཐབས་ཀྱི་ཐེབ་ཀྱུ་དེ་མི་བཞག །དེ་ལྟར་ན་སྣོད་དང་པོར་ལྔ་དང་། གཞན་རྣམས་སུ་བཞི་རེ་སྟེ་ཉེར་གཅིག་རེ་མ་ལྷག་མ་ཆད་པ་དགོས། ཉིན་ཞག་གཅིག་ལ་ཐུན་དྲུག་ཏུ་བྱས་པའི་ཐུན་རེ་རེའི་མཐར་གཏོར་བསྟབས་ཚར་རེ་དགོས་པས་ཉིན་ཞག་བདུན་ཕྲག་གཅིག་ལ་ལྔ་ཚན་དེ་འདྲ་བ་བཞི་བཅུ་ཞེ་གཉིས་དགོས་པས་མཚོན་ནོ། །གཞན་ཡང་ཡི་དམ་སྡེ་གཉིས་དང་ ཐུན་དྲུག །དགོངས་མོའི་རྗེས་ཆོག་བཅས་ལ་མཆོད་པ་རེ་རེ་བཞིན་ཁ་གསོ་དགོས་པས་ཞལ་ཟས་དགུ་རེ་དང་འབྲུ་ལ་སོགས་པ། རྟ་མགྲིན་ལ་བགེགས་གཏོར། རྒྱལ་ཆེན་དཀར་གཏོར་ཐེབས་རིལ་བཞི་ལྡན། ཚོགས་དང་བརྟན་མའི་གཏོར་མ་རྣམས་ཀྱང་ཚང་བར་བསྔོགས། །སྤྱན་འདྲེན་དང་སྐོང་བའི་སྤོས་སྦྱོར་ཆེ་ཆུང་

― LT40_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

བེ་བུམ་ལས་འབྱུང་བ་བཞིན་ཚུལ་བཞིན་བསྒྲུབས་པའམ། མ་འབྱོར་ནའང་གུ་གུལ་ནག་པོ་ཤ་ཆེ་ན་བཙན་དུག་ཡུངས་ཀར་བཞི་སྦྱར་བའི་སྤོས་གང་མང་། གཡབ་དར་ནག་པོ། །ཐོད་རྔ་རྐང་གླིང་། རོལ་མོའི་རིགས་རྣམས་ཀྱང་འདུ་བྱའོ། །གཉིས་པ་ནི། མཁས་གྲུབ་ཁྱུང་པོའི་ཡིག་ཆུང་རྒྱས་འབྲིང་བསྡུས་གསུམ་ཀར། དེ་ནས་བདག་ཉིད་ཡི་དམ་གྱི་ལྷ་གང་ཡང་རུང་བར་བསྐྱེད་ལ། ཞེས་དང་། ས་ར་ཧའི་རྒྱ་གཞུང་ལས། བདག་ཉིད་ཧེ་རུ་ཀར་བསྐྱེད་ལ། ཞེས་སོགས་འབྱུང་བས་བདག་བསྐྱེད་ཧེ་རུ་ཀ་སོགས་ཡི་དམ་གང་ཡང་རུང་བའམ། སྤྲུལ་གཞི་ཡིན་པའི་གནད་ཀྱིས་སྤྱན་རས་གཟིགས་དབང་དྲག་པོ་རྟ་མགྲིན་གྱི་ཚུལ་དུ་སྒྲུབ་པ་དང་། དེའང་བརྒྱུད་པ་འདི་དང་འབྲེལ་ཆགས་པའི་དབང་གིས་སྐྱེར་སྒང་ལུགས་ཀྱི་གསང་སྒྲུབ་ལ་བྱེད་པའི་ལག་ལེན་མཆིས་པ་ལས། འདིར་ཇོ་ནང་རྗེ་བཙུན་ཆེན་པོའི་གནད་ཀྱི་བཞེད་པ་དང་གསུངས་རབས་རྣམས་ཀྱི་བཀའ་སྲོལ་མཚུངས་པའི་དབང་དུ་བྱས་ཏེ་ལག་ཏུ་ལེན་བྱ་དངོས་ལ། སྒྲུབ་པ་པོ་རྣམས་ནངས་སྔ་བར་འདུས་ཏེ། རྗེ་བཙུན་རིན་པོ་ཆེ་སོགས་བརྒྱུད་པའི་གསོལ་འདེབས་འོས་བསྟུན་སྔོན་ཏུ་འགྲོ་བས། རྒྱུད་སྡེ་ལྔ་ལུས་དཀྱིལ་གཙོ་བསྡུས་ཀྱི་བདག་བསྐྱེད་བཟླས་པ་བསྡུ་

― LT40_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡངས་ཀྱི་བར་དུ་བྱ། དེ་ནས་རྟ་མགྲིན་གསང་སྒྲུབ་ཀྱི་ལས་བྱང་དྲེགས་པ་ཀུན་འདུལ་ལ་ཟུར་འདེབས་སྦྱར་བའི་སྐྱབས་སེམས་ནས་བརྩམས། བདག་བསྐྱེད་བསྡུས་པའི་བར་དང་། མདུན་བསྐྱེད་སྐོང་བཤགས་ཡན་བཏང་། དེ་ནས་གཏོར་ཆོག་ཕྲིན་ལས་གཏེར་མཛོད་ལྟར་ཐོག་མར་གཏོར་ཆེན་བྱིན་རླབས་དམིགས་པ་གསལ་ངེས་ནན་ཏན་བྱ། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩིའི་རྒྱུན་ཟླ་བའི་འོད་ཟེར་ལྟ་བུ་རྒྱུན་མི་ཆད་པ་བཀུག་སྟེ་ཐིམ་པར་མོས། ཨོཾ་ཨཱ༔ཿཧཱུྃ་ཧ་ཧོཿཧྲཱིཿ བརྒྱ་རྩ་བརྒྱད་བཟླ། ནང་མཆོད་ཡི་དམ་ལྟར་བྱིན་རླབ། དེ་ནས་གནས་ཡོ་བྱིན་རླབས་བྱས་ལ་རོལ་ཆེན་དང་གུ་གུལ་དུད་པ་སོགས་བཏང་ལ་བྱིན་དབབ། མངོན་རྟོགས་ཚིག་ལྷུག་རྒྱས་པས་བསྐྱེད་ལ་སྦྱར་སྤོས་གཡབ་དར་ཐོད་རྔ་རོལ་ཆེན་དབྱངས་དང་བཅས་པས་སྤྱན་འདྲེན་གཞུང་ཟུར་བསྡེབ། ཕྱི་མཆོད་དང་ནང་མཆོད་གཟུགས་སྒྲ་དྲི་རོ་རེག་བྱ་རྟེན་ཅིང་འབྲེལ་འབྱུང་འགྲེས་བཤང་སྦྱར། བདུད་རྩི་ལག་མཆོད་ཟུར་འདེབས་ལྟར་ལ་གཙོ་འཁོར་སྔགས་ལ་འབྲུ་གསུམ་བཏགས་པས་ཀྱང་འབུལ་ཞིང་བསྟོད་ཐུང་གིས་ཕྱག་བྱ། བླ་མགོན་དབྱེར་མེད་ཀྱི་དམིགས་པ་གསོལ་འདེབས་སྔགས་སོགས་གཞུང་ཟུང་

― LT40_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲེལ་ལ་མོས་གུས་ཆེན་པོས་དར་དྲགས་ཡུན་རིང་དང་རོལ་མོའི་སྒྲས་ཡེ་ཤེས་པ་དབབ། གྲིབ་སེལ་གྱི་དམིགས་པ་གསལ་བཏབ་ལ་དམིགས་སྔགས་བསྡུས་པ་དང་བཤགས་པ་ཚིག་དལ་ཞིང་ཡིད་གདུང་ཤུགས་དྲག་པོ་དང་ལྡན་པའི་གཤམ་དུ་སྐོང་བ་རིང་ཐུང་ཚར་རེ་སྦྱར། དེ་ནས་མཁའ་འགྲོ་དབང་སྡུད་ཀྱི་དམིགས་པ་གསལ་བཏབ། གཟུངས་ཐག་གཉིས་སློབ་དཔོན་དང་ཐུན་དཔོན་ནས་བཟུང་སྟེ། རྒྱས་པ་གཙོ་བོར་བྱེད་སྐབས། མགོན་པོ་འཁོར་བཅས་འཛུམ་ཁྲོ་བརྗིད་ཅིང་ཤིན་ཏུ་དགྱེས་པའི་ཉམས་དང་ལྡན་པ་དང་། མགོན་པོའི་དབུ་གཙུག་གི་བླ་མ་སྐུ་མདོག་སེར་པོ་ནོར་བུ་དབང་རྒྱལ་བསྣམས་པ། མགོན་པོའི་དཔྲལ་བའི་མཁའ་འགྲོ་མ་རྣམས་ཀྱང་གསེར་གྱི་མདོག་ཅན་བླ་མ་མགོན་པོ་མཁའ་འགྲོ་མ་རྣམས་ལས་འོད་ཟེར་སེར་པོ་གསེར་གྱི་ཁ་དོག་ལྟ་བུ་འཕྲོས་པས་རང་དང་གནས་མལ། གང་གི་ཆེད་དུ་བྱེད་པའི་གང་ཟག །དགེ་འདུན་དང་གཙུག་ལག་ཁང་། དཀོར་མཛོད་ལ་སོགས་པ་ཕྱི་ནང་མེད་པར་ཁྱབ་པས་ཐམས་ཅད་གསེར་བཙོ་མའི་མདངས་ལྟ་བུ་སྣུམ་འོད་དང་ལྡན་པར་བྱས། ཚེ་བསོད་དབང་ཐང་ཆོས་ཀྱི་འབྱོར་བ་ལ་སོགས་པ་རབ་ཏུ་རྒྱས་པར་བྱས་པར་མོས་ལ། ཨོཾ་བཛྲ་ན་ར་ཀྲི༚་ཀྲི༚་ཧཱུྃ་ཧཱུྃ་ཕཊ་ཕཊ་ཨཱ་ཡུཿཔུཎྱེ་དྷརྨ་པུཥྚི༚་ཀུ་རུ་སྭཱ་

― LT40_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱ། ཞེས་བཟླ། སྙིང་པོ་བཟླ་བའི་སྐབས་མདུན་བསྐྱེད་མགོན་པོའི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་མཐིང་ག་གསལ་འདེབས། ཆགས་མེད་རིན་པོ་ཆེས་ཉི་སྟེང་གྲི་གུག་ཡུ་བ་ཧཱུྃ་གིས་མཚན་པ་གསལ་འདེབས་པར་བཞེད། བདག་ཉིད་ཡི་དམ་གྱི་ཐུགས་ཀའི་ས་བོན་ལས་སྔགས་ཕྲེང་བཻ་ཌཱུརྻའི་ཕྲེང་བ་ལྟར་སྔོ་ཞིང་འོད་ཟེར་སེར་པོ་འཕྲོ་བ་ཐོལ་གྱིས་བྱུང་། ཞལ་ནས་ཐོན། མགོན་པོའི་ཞལ་དུ་ཞུགས། ཐུགས་ཀའི་ཧཱུྃ་ལ་ཐིམ་པས་ཐུགས་ཀྱི་རྒྱུད་བསྐུལ་ཞིང་མཉེས། དེ་ལས་སྔགས་ཕྲེང་ཆད། ལྟེ་བ་ནས་རང་གི་ལྟེ་བར་བརྒྱུད་སྙིང་གའི་ས་བོན་ལ་ཐིམ་པས་བྱིན་རླབས་དངོས་གྲུབ་ཐམས་ཅད་ཐོགས་མེད་དུ་ཐོབ་བར་མོས་པ་དང་། གོང་གི་དམིགས་པ་དེ་དང་སྦྲགས་ལ་སྔགས་ཐུང་ཉེར་གཉིས་མ་གཙོ་བོར་བཟླ། སྔགས་ཤམ་གོང་གིས་འགྲེ། ཐུན་མཇུག་ཏུ་རྩ་སྔགས་དང་འཁོར་སྔགས་རྣམས་ཀྱང་ཅུང་ཟད་རེ་བཟླ། འཁོར་རྣམས་ཀྱི་ཐུགས་ཀར་ཉི་དཀྱིལ་སྟེང་ལྷ་མོ་ལ་བྷྱོ། གནོད་སྦྱིན་ལ་ཀྵེ༚། དབང་ཕྱུག་ལ་ཧཱུྃ། གཤིན་རྗེ་ལ་ཊཾ། བདུད་མགོན་ལ་ཧཱུྃ་གི་མཐར་སོ་སོའི་སྔགས་ཕྲེང་གཡས་བསྐོར་དུ་འཁོད་པ་ལ་རང་གི་ཐུགས་ཀའི་འོད་ཟེར་གྱིས་མགོན་པོ་བསྐལ། དེས་འཁོར་རྣམས་བསྐུལ། དེ་དག་ལས་ཀྱང་འོད་ཟེར་སེར་པོ་འཕྲོས་པས་རྒྱས་པའི་ལས་ཐམས་ཅད་སྐད་ཅིག་གིས་འགྲུབ་པར་

― LT40_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

མོས། ཡང་བར་ཆད་ཞི་བ་གཙོ་བོར་བྱེད་ན། བླ་མ་དཀར་པོ་རྡོར་ཐོད་བསྣམས་པ་དཔྲལ་བའི་མཁའ་འགྲོ་དཀར་མོ། ཐམས་ཅད་ལས་འོད་ཟེར་དཀར་པོ་ཟླ་ཟེར་ཞུན་མ་ལྟ་བུ་འཕྲོས། །བདག་ཅག་དཔོན་སློབ་འཁོར་དང་ཡུལ་སྡེ་སོགས་ལ་ཁྱབ་པས་སྡིག་སྒྲིབ་ནད་གདོན་བར་ཆད་ཐམས་ཅད་ཞི་བར་མོས་ལ་སྔགས་ཤམ། སྡིག་སྒྲིབ་ནད་གདོན་བར་ཆད་ཐམས་ཅད་ཤཱནྟི༚ི༚་ཀུ་རུ་ལྟ་བུར་བསྒྱུར། སྙིང་པོ་བཟླ་སྐབས་ཀྱང་འོད་ཟེར་དཀར་པོ་འཕྲོ་བར་བསྒྱུར་བ་སོགས་རིགས་འགྲེ། དབང་སྡུད་གཙོ་བོར་བྱེད་ན། བླ་མ་དང་མཁའ་འགྲོ་དམར་པོ་གཞུང་གསལ་ལྟར་ལ། མགོན་པོ་འཁོར་བཅས་ཅུང་ཟད་ཁྲོ་ཞིང་ཆགས་པའི་ཉམས་དང་ལྡན་པ། སྐུའི་འོད་ཟེར་དམར་སྨུག་གློག་ཞགས་ལྟ་བུས་འཇིག་རྟེན་གྱི་ཁམས་ཐམས་ཅད་ཁྱབ། ལྷ་ཀླུ་མི་དང་མི་མ་ཡིན་པ་ལ་སོགས་པ་གང་དབང་དུ་བྱ་བ་རྣམས་ལ་ཕོག་པས་དེ་རྣམས་ཀྱི་ལུས་དམར་ལམ་ལམ་སོང་། སེམས་བདག་ཉིད་ལ་ཆགས་པའི་བསམ་པ་དུང་དུང་སྐྱེས། འོད་ཟེར་དེ་དག་གི་རྩེ་མོ་ལྕགས་ཀྱུ་ལྟ་བུས་སེམས་ཅན་དེ་དག་གི་སྙིང་དང་སྐྱེ་གནས་ནས་ཕུག་སྟེ་རང་དབང་མེད་པར་བདག་གི་རྐང་པའི་དྲུང་དུ་དྲན་པ་ཉམས་ཤིང་འགྱེལ་བར་བསམ་ལ་སྔགས་ཤམ། སརྦ་ལོ་ཀ་བ་ཤཾ་ཀུ་རུ་ལྟ་བུ་སྦྱར། རྒྱས་པ་དང་དབང་གཉིས་ཀར་ཁྱད་པར་གྱི་དམིགས་གནད། བླ་

― LT40_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

མས་སྤྱན་ནམ་མཁར་གཟིགས་ཤིང་ཌཱ་མ་རུ་དྲག་ཏུ་འཁྲོལ་བས་མགོན་པོ་དང་མཁའ་འགྲོ་བཅུ་གསུམ་བསྐུལ། དེ་དག་གིས་ཀྱང་སྤྱན་ནམ་མཁར་ཧྲིག་ཧྲིག་གཟིགས་ཤིང་ཐོད་རྔ་དྲག་ཏུ་འཁྲོལ་བས། །གནས་གསུམ་དང་ཡུལ་ཉི་ཤུ་རྩ་བཞིའི་དཔའ་བོ་རྣལ་འབྱོར་མ་ཐམས་ཅད་བསྐུལ་ཏེ་རང་དབང་མེད་པ་ནམ་མཁའ་ལ་སྤྲིན་བཞིན་འདུས་ཏེ་མཆོག་ཐུན་མོང་གི་དངོས་གྲུབ་དགོས་འདོད་ཐམས་ཅད་ཆར་བཞིན་ཏུ་འབེབས་པར་མོས། ཕྲིན་ལས་བཅོལ་བའི་སྐབས་སུའང་། ཞི་བ་ལ། སྡིག་སྒྲིབ་ནད་གདོན་བར་ཆད་སོགས་དམིགས་སུ་སྨོས་ནས་ཞི་བར་མཛད་དུ་གསོལ། ཅེས་དང་། རྒྱས་པ་ལ། ཚེ་དང་བསོད་ནམས་དབང་ཐང་ལོངས་སྤྱོད་དཔལ་འབྱོར་སྙན་གྲགས་ཉམས་དང་རྟོགས་པ་ལ་སོགས་པའི་ཡོན་ཏན་ཐམས་ཅད་དར་ཞིང་རྒྱས་པར་མཛད་དུ་གསོལ། ཅེས་དང་། དབང་ལ། འཇིག་རྟེན་དང་འཇིག་རྟེན་ལས་འདས་པའི་སྣོད་བཅུད་དབང་དུ་འདུ་བར་མཛད་དུ་གསོལ། ཅེས་དམིགས་སུ་སྦྱར་ཤེས་པར་བྱ། གལ་ཏེ་དྲག་པོའི་ལས་སྒྲུབ་ན། གནད་འབེབས་དང་ཐལ་རྡེབ་ཀྱི་དམིགས་པ་སོགས་གཙོ་བོར་བྱ་དགོས་པ་ཡིན་རུང་། དྲག་ལས་ནི་གཏོར་ཆེན་ཉིད་ཆེད་དུ་བསྔགས་པ་ཡིན་པས་འདིར་མ་བཤད་ཀྱང་། ཞར་བྱུང་ལས་བཞི་ཤུགས་ལས་སྒྲུབ་བའི་དབང་དུ་བྱས་ཏེ། རྩ་སྔགས་

― LT40_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླ་བའི་ཚེ་དམིགས་པ་གཞུང་གསལ་དང་། སྐབས་སྐབས་སུ་སྔགས་ཕྲེང་ལས་མེ་ལྕེ་དཔག་ཏུ་མེད་པ་འཕྲོས་པའི་གསེབ་ནས་གྲི་གུག་ལ་སོགས་པ་མཚོན་ཆའི་ཆར་མེ་སྟག་འཕྲོ་བ་ལྟ་བུས་དགྲ་བགེགས་གནོད་བྱེད་ཐམས་ཅད་གཏུབས་ཤིང་མེས་བསྲེགས་ཏེ་ཐལ་བ་ཙམ་ཡང་མ་ལུས་པར་བྱས་པར་བསམ། འདི་ནས་བརྩམས་ཏེ་གཏོར་སྒྲུབ་ཚར་བའི་མཇུག་གི་གཏོར་བསྟབ་ཀྱི་བར་དུ་བསྙེན་རྒྱུན་སྐད་ཅིག་ཀྱང་མ་ཆད་པ་བྱེད་དགོས་པས་ཐུན་པ་བརྒྱད་ཡོད་ན་བཞིས་མཁའ་འགྲོ་དབང་སྡུད་དང་། བཞིས་སྙིང་པོ་བཟླ་བས་མཚོན་སྔགས་དེ་གཉིས་ཕྱེད་མར་བཟླ་བ་ཡིན་ནོ། །བཟླས་པ་གྲུབ་པ་དང་། ཐོག་མར་ཡི་དམ་རྒྱུད་སྡེ་ལྔའི་མཆོད་གཏོར་བྱིན་རླབས་འབུལ་བ་ནས་ནོངས་བཤགས་བརྟན་བཞུགས་ཀྱི་བར་དུ་བྱ། དེ་ནས་རྟ་མགྲིན་གཏོར་མ་བྱིན་རླབས་ནས་ཕྲིན་བཅོལ་གྱི་བར་དུ་གྲུབ་པ་དང་། མངོན་རྟོགས་དབུ་ནས་འབྱུང་བ་ལྟར་གཏོར་ཆུང་རྣམས་བྱིན་བརླབ། དཔོན་སློབ་ཐམས་ཅད་དང་ཁྱད་པར་ལས་རྡོར་ནས་རིག་པ་ལེགས་པར་བསྒྲིམ་ཞིང་དམིགས་པ་གསལ་བཏབ། ཡིད་ཚབ་ཚུབ་ཏུ་མ་སོང་བར་བློ་ཤུགས་དྲག་པོའི་ངར་དང་ལྡན་པས་གཏོར་ཆེན་མགོན་པོར་གསལ་བའི་ཕྱོགས་སུ་གཏོར་ཆུང་དང་པོ་བཏེགས་ལ། མ་གཡེལ་མ་བརྗོད། དེ་ནས་ཧཱུྃ་དྲུག་གི་བྱིན་

― LT40_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་ནི། དེའང་རྒྱས་པ་དང་དབང་གི་སྐབས་སུ། ཧཱུྃ། ཞེས་བརྗོད་པས་གཏོར་ཆུང་རྣམས་ཀྱི་སྟེང་དུ་ཧཱུྃ་རེ་རེ་གསལ་བར་གྱུར། ཧཱུྃ། ཞེས་པས། གཏོར་མའི་སྟེང་གི་ཧཱུྃ་ལས་འོད་ཟེར་ལྕགས་ཀྱུ་ལྟ་བུ་ཕྱོགས་བཅུར་འཕྲོས་པས་དཔའ་བོ་རྣལ་འབྱོར་མ་ཐམས་ཅད་ཀྱི་ཐུགས་ཀ་ནས་བྱང་ཆུབ་སེམས་ཀྱི་བདུད་རྩི་བཀུག་ནས་གཏོར་མ་ལ་ཐིམ་པར་བསམ། བར་ཆད་ཟློག་པའི་སྐབས་སུ། འོད་ཟེར་ལྕགས་ཀྱུ་ལྟ་བུ་ཕྱོགས་བཅུར་འཕྲོས་པས་དགྲ་བགེགས་དང་བར་ཆད་ཐམས་ཅད་བཀུག་ནས་གཏོར་མ་ལ་བཅུག་པས། ངོ་བོ་དགྲ་བགེགས་ཀྱི་ཤ་ཁྲག་ལ་རྣམ་པ་བདུད་རྩིའི་རྒྱ་མཚོར་གྱུར་པ་བསམ། མི་ཁ་བྲ་མཆུ་དང་ནད་ཡམས་སོགས་གང་ན་ཡོད་པའི་ཕྱོགས་ནས་ཁ་དོག་སྔོ་དམར་གྱི་རྣམ་པར་བཀུག་སྟེ་གཏོར་མ་ལ་ཐིམ་པས་གཏོར་མའང་སྔོ་དམར་ཤིགས་སེར་ཡོད་པར་བསམ། རྨི་ལམ་ངན་པ་ལ་ཇི་ལྟར་རྨིས་པའི་རྣམ་པ་དེ་བཀུག་ནས་བདུད་རྩི་དང་དབྱེར་མེད་དུ་འདྲེས་པར་མོས། ཧཱུྃ། ཞེས་པས། མགོན་པོ་འཁོར་དང་བཅས་པའི་ལྗགས་ཧཱུྃ་ལས་སྐྱེས་པའི་རྡོ་རྗེ་དམར་པོ་རྩེ་གཅིག་པའི་འོད་ཀྱི་སྦུ་གུ་གཏོར་མ་ལ་ཟུག་པར་བསམ། སླར་ཡང་། ཧཱུྃ་ཧཱུྃ་ཧཱུྃ། གིས་མགོན་པོ་འཁོར་དང་བཅས་པའི་ལྗགས་འོད་ཀྱི་སྦུ་གུས་བདུད་རྩིའི་བཅུད་སིབ་སིབ་བརྡུབས་ཏེ་གསོལ་

― LT40_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བསམས་ལ། སྙིང་པོ་ལ་གཏོར་སྔགས་བཏགས་པ་ལན་བདུན། རྩ་སྔགས་ཤཱ་ས་ན་ལ་ཨི་དཾ་བ་ལི༚་ཁ་ཁ་སོགས་གཏོར་སྔགས་བསྒྱུར་བ་ལན་བདུན་བརྗོད་ལ་གཏོར་ཆུང་རྣམས་གཏོར་ཆེན་ནང་དུ་ཕུལ། ལྷ་མོ་དང་གནོད་སྦྱིན་བཞིའི་གཏོར་སྔགས་རྣམས་ཀྱང་ལན་གསུམ་རེ་བརྗོད་ལ། སྒོས་གཏོར་རྣམས་རང་རང་གིས་གསོལ་བར་བསམ་ལ་ཕྱི་ནང་གི་སྔགས་མཆོད་དང་གཙང་སྦྱར་མའི་གཏོར་བརྫང་རྒྱས་པར་བྱ། འདིར་རྒྱས་པ་དང་དབང་གི་སྐབས་སུ་ཐལ་སྦྱར་བཅས་འདོད་དོན་སྐབས་སྦྱར་ཞུ། ཐལ་རྡེབ་མི་བྱ། བར་ཆད་མི་མཐུན་ཕྱོགས་སེལ་བའི་གཏོར་སྒྲུབ་ལ་དེ་དག་གི་ཕྲིན་ལས་བཅོལ་བའི་རྗེས་སུ། རང་གི་ཐུགས་ཀའི་ཧཱུྃ་གི་འོད་ཟེར་ལྕགས་ཀྱུ་ལྟ་བུས་གནོད་བྱེད་ཐམས་ཅད་སྐད་ཅིག་ལ་བཀུག་སྟེ། རང་གི་ལག་མཐིལ་གཉིས་གནམ་ལྕགས་ཀྱི་འཁོར་ལོ་རྩིབས་སྟོང་པ་རེ་རེར་གྱུར་པའི་ནང་དུ་བཅུག །ཐལ་མོ་བརྡབས་པས་དེ་དག་རྡུལ་ཕྲན་བཞིན་དུ་བརླག །ཤ་ཁྲག་རུས་པ་རྣམས་མགོན་པོ་འཁོར་དང་བཅས་པས་ལྷག་མ་མེད་པར་བཞེས་པར་དམིགས། །དེ་ནས་བསྟོད་བསྐུལ་རྣམས་རྒྱས་པར་བྱ་དགོས་པ་ལས། ཐུན་དང་པོར་མྱུར་མཛད་མ་དང་། ལྷ་མོ་ལ་རླུང་འཚུབས་གོང་མ་ཙམ་དང་། འཁོར་བསྟོད་ཉིན་ཐུན་གསུམ་ཀར་རྒྱས་པ་བྱ། དེ་ནས་བྱིན་རླབས་

― LT40_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་ཏུ་འགྲོ་བས་ཟུར་གསལ་མངའ་གསོལ་རྒྱས་བསྡུས་ལྷུག་གསོལ་བཅས་བཏང་། ཡིག་བརྒྱ་ལན་གསུམ་དང་བཟོད་གསོལ། དད་གུས་དྲག་པོས་བླ་མགོན་དབྱེར་མེད་གསོལ་འདེབས་ཉེར་གཅིག་བརྗོད་པས་ཐུན་དང་པོ་འགྲུབ། ཐུན་གཉིས་པ་ལ་གཏོར་མ་གཙོ་འཁོར་ཐམས་ཅད་དང་། མཆོད་པ་ཁ་གསོས་ལ། བདུད་རྩི་དང་མཆོད་པ་བྱིན་རླབ། མངོན་རྟོགས་ཚིགས་བཅད། སྤྱན་འདྲེན་སོགས་ཐུན་དང་པོ་ལྟར་ལ། མཆོད་པའི་སྐབས་ཕྱི་མཆོད་ནང་མཆོད་ཟུར་འདེབས་སྦྱར། བདུད་རྩིའི་སྔགས་མཆོད་བཞག །བླ་མགོན་དབྱེར་མེད་གསོལ་འདེབས་བཟླས་པ་ཅུང་ཟད་ཉུང་བར་བྱས་ནས། གྲིབ་སེལ་རྡོར་སེམས་བསྒོམ་བཟླས་འགྲེས་རྐང་རྒྱས་པ་དང་ཡིག་བརྒྱ་མང་དུ་བཟླ། སྐོང་བ་ནས་འཁོར་སྔགས་བཟླ་བ་ཡན་ཆད་སྔར་དང་འདྲ་ཞིང་། རྒྱུད་སྡེ་ལྔའི་གཏོར་འབུལ་བསྐྱར་མི་དགོས་པས། རྟ་མགྲིན་གཏོར་འབུལ་ནས་གཙང་སྦྱར་མ་ཡན་ཆད་ཀྱང་སྔར་ལྟར་བྱ། བསྟོད་པ་ཨོཾ་འགྲུབ་པར་གྱུར་ཅིག་སོགས་དང་། ལྷ་མོའི་རླུང་འཚུབས་འོག་མ། འཁོར་བསྟོད་རྒྱས་པ། མངའ་གསོལ་དཀྱུས་ལྟར། ཡིག་བརྒྱ་བཟོད་གསོལ་གསོལ་འདེབས་ཀྱི་བར་རོ། །ཐུན་གསུམ་པར་དེ་དང་འདྲ་བ་ལས། མཆོད་པ་རྟེན་ཅིང་འབྲེལ་འབྱུང་འགྲེས་བཤད། གྲིབ་སེལ་བསྒོམ་བཟླས་བསྡུས་པ། སྐོང་བ་རྒྱས་བསྡུས་རྗེས་

― LT40_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

སུ། ཧཱུྃ། ས་བཅུའི་དབང་ཕྱུག་སོགས་བསྐུལ་བཟློག་ཚང་བ་སྦྱར། ཤཱ་ས་ན་དང་འཁོར་སྔགས་སྐབས། རྒྱས་པ་དང་དབང་ལའང་འདིར་དྲག་པོའི་དམིགས་པ་ཁྱུག་ཙམ་སྦྱར། བསྟོད་པ་གཞུང་གསལ། མྱུར་མཛད་མ་དང་། ཁྲག་མཚོ་ཆལ་ཆིལ། རྣམ་དག་དབྱིངས་ལས། དཀའ་བ་དང་བླང་། འཁོར་བསྟོད་རྒྱས་པ། མངའ་གསོལ་བསྡུས་པ་ནས་གསོལ་འདེབས་ཡན་སྔ་མ་ལྟར་བྱ། དེ་ནས་ལས་རྡོར་ནས། ཚོགས་ཀྱི་ཡོ་བྱད་རྣམས་ལ་བྱིན་རླབས་མཛད་པར་ཞུ། རྟ་མགྲིན་གྱི་ཚོགས་བྱིན་རླབས་དང་བྱིན་འབེབས་ནས་བརྩམས། གཞུང་ཟུར་འདེབས་སྦྱར་ནས་མཐར་དབྱུང་ཞིང་། ནོངས་བཤགས་སྐབས་ཡིག་བརྒྱ་ལན་གསུམ་བརྗོད་ལ་བརྟན་བཞུགས་བྱ། བཀྲ་ཤིས་བཀའ་རྒྱ་མ་བརྗོད་དོ། །མཚན་ཐུན་སྲོད། ནམ་གུང་། ཐོ་རངས་གསུམ་བྱ་བའི་གསུམ་ཀར་བདུད་རྩི་དང་མཆོད་གཏོར་བྱིན་རླབས་ནས་བརྩམ། བཟོད་གསོལ་གསོལ་འདེབས་ཡན་བཏང་དགོས་པ་ལས། མཆོད་བསྟོད་འདོན་རེས་ཉིན་ཐུན་གསུམ་པོ་ལྟར་བྱ། གྲིབ་སེལ་བསྡུས་པ་དང་སྐོང་བ་རྒྱས་བསྡུས་གཉིས་ཀ་བཏང་། རྒྱས་པ་དང་དབང་གི་སྐབས་བསྐུལ་པ་ཐལ་རྡེབ་ཐུན་གསུམ་ཀར་མི་བྱའོ། །གསུམ་པ་ནི། དེ་ལྟར་ཞག་བདུན་ཕྲག་གཅིག་ནས་གསུམ་ལ་སོགས་པ་ཇི་ཙམ་

― LT40_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་པའི་དུས་སམ་རྟགས་རྫོགས་པའི་ཞག་ཐ་མའི་ཐོ་རངས་ཀྱི་ཐུན་ལ། འདོན་བྱ་ཐམས་ཅད་རྒྱུན་གྱི་སྔ་དྲོ་དང་འདྲ་བར་བྱ། ནམ་ལངས་པར་ཉེ་བ་ན་བསྙེན་པ་གྲུབ་པར་བྱས་ནས། གཏོར་ཆེན་ལ་བསྐྱེད་པའི་མགོན་པོ་འཁོར་དང་བཅས་པ་སྟེང་གི་ནམ་མཁའ་ལ་བཞུགས་པར་གྱུར་པར་མོས་ལ་གཏོར་ཆེན་ཐེབས་ཀྱུས་གསོས་པ་དང་། གཏོར་ཆུང་གསར་བཤམས་གཉིས་ཀ་སླར་བྱིན་རླབས་རྒྱས་པར་བྱ། མ་གཡེལ་མ་དང་ཧཱུྃ་དྲུག་བྱིན་རླབས་ཕྱིན་ཆད་རྒྱུན་ལྟར་དང་། བསྟོད་པ་མངའ་གསོལ་ཡན་སྔ་དྲོའི་ཐུན་ལྟར་གྲུབ་ནས། གཏོར་ཆེན་ལ་ཕུལ་བའི་ཐེབས་ཀྱུ་ཁ་ཅིག་ལྷ་མོ་དང་གནོད་སྦྱིན་བཞིའི་གཏོར་མ་ལ་བཞག །ཡི་དམ་གྱི་གཏོར་མ་དང་གཏོར་ཆེན་ཆེ་བ་མ་གཏོགས་གཞན་ཐམས་ཅད་དང་། གསེར་སྐྱེམས་སྨན་རཀ་གི་ཕུད་རྣམས་སྤོས་བསུ་སེར་སྦྲེང་བཅས་ཐོག་ཁར་ཁྱེར་ལ་ཤར་ལྷོའི་ཕྱོགས་སུ་ཁ་བསྟན་ཏེ་བསྒྲིག །ནང་མཆོད་ཀྱིས་བྲན་ལ་གཏོར་མ་བྱིན་རླབས་དཀྱུས་ལྟར་བྱ། རང་གི་སྙིང་གའི་ཧཱུྃ་ལས་སོགས་དང་སྤྱན་འདྲེན་རྒྱས་བསྡུས་བརྗོད་པའི་ཚེ། ཤར་ལྷོ་བསིལ་བའི་ཚལ་གྱི་དུར་ཁྲོད་ནས་མགོན་པོ་འཁོར་དང་བཅས་པ་ཌཱ་མ་རུ་དང་དྲིལ་བུ་གཡེར་ཁའི་སྒྲ་དང་བཅས་ནས་བྱོན་ཏེ། མདུན་གྱི་ནམ་མཁར་ཞལ་ཚུར་གཟིགས་ནས་བཞུགས་པར་མོས་ལ། །

― LT40_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ཅིང་འབྲེལ་འབྱུང་སོགས་ཕྱི་ནང་གསང་མཆོད་རྣམས་དང་། གཞུང་བསྟོད་མྱུར་མཛད་མ་སོགས་དཀྱུས་ལྟར་མཐར་ཆགས་སུ་བཏང་ནས། མགོན་པོ་འཁོར་བཅས་དགྱེས་པ་ཆེན་པོས་གཏོར་མ་བཞེས་པར་བསམ་ལ། སྤྱི་བཏབ། བདུད་རྩི་སྔགས་མཆོད་ཙམ། དཔལ་ལྡན་མགོན་པོ་མ་ཧཱ་ཀཱ་ལ་དང་། མ་གཅིག་འདོད་ཁམས་དབང་ཕྱུག་རེ་མ་ཏི། །ལྕམ་དྲལ་ཁྱེད་ཀྱི་བཀའ་ལས་མི་འདའ་བའི། །གནོད་སྦྱིན་ཀྵེ་ཏྲ་པཱ་ལ་འཁོར་དང་བཅས། །དབང་ཕྱུག་ཛི་ན་མི་ཏྲ་འཁོར་དང་བཅས། །གཤིན་རྗེ་ཌཱཀྐི་རཱ་ཛ་འཁོར་དང་བཅས། །བདུད་མགོན་ཏྲཀྴད་ནག་པོ་འཁོར་དང་བཅས། །ཕྱོགས་སྐྱོང་གཙང་རིས་མགོན་པོ་འཁོར་དང་བཅས། །ཡུལ་ལྷ་གཞི་བདག་གཉན་པོ་འཁོར་དང་བཅས། །དཔལ་ལྡན་ནག་པོ་ཆེན་པོ་འཁོར་བཅས་རྣམས། །འདིར་གཤེགས་རྒྱན་གྱི་གཏོར་མ་འདི་བཞེས་ཤིག །ཤ་ཁྲག་དམར་གྱི་གཏོར་མ་སོགས་བརྗོད་ལ། གཏོར་མ་རྣམས་ཀྱི་རྩེ་མོ་ནས་བཅད་དེ་ཤར་ལྷོའི་མཚམས་སུ་གཏོར། སྨན་རཀ་གསེར་སྐྱེམས་སོགས་ཀྱང་འཐོར། མགོན་པོ་འཁོར་བཅས་དགྱེས་བཞིན་རང་གནས་སུ་གཤེགས་པར་བསམ། གཏོར་མ་ལྷག་མ་དེ་མ་ཐག་བསྡུས་ནས་ནང་དུ་རང་མལ་འཇོག །གལ་ཏེ་བར་ཆད་ཟློག་པའི་གཏོར་སྒྲུབ་ཡིན་ན་འབུལ་ཚུལ་སྔར་ལྟར་ལ། སྤྱི་བསྟབ་

― LT40_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན་འཕྲལ་མགོན་པོ་འཁོར་བཅས་ཞལ་ཕར་ལ་གཟིགས་ཏེ་སྤྲུལ་པའི་ཕོ་ཉ་འཇིག་རྟེན་གང་བ་སྤྲོས། འཇིགས་པའི་ཚམ་རྔམས་དཔག་ཏུ་མེད་པ་མཛད་ཅིང་བར་དུ་གཅོད་པ་ཐམས་ཅད་བཟློག་པ་དང་དགྲ་བགེགས་ཚར་གཅོད་པའི་ཕྲིན་ལས་མཛད། གཏོར་མའི་ལྷག་མ་མེ་དང་མཚོན་ཆའི་ཕུང་པོར་གྱུར་བས་གནོད་བྱེད་ཐམས་ཅད་གཏུབ་ཅིང་བསྲེགས་ནས་ཐལ་བ་ཙམ་ཡང་མ་ལུས་པ་བསམ་ལ། ཡི་དམ་གྱི་ང་རྒྱལ་བརྟན་པོས་ཤཱ་ས་ན་བརྗོད་ཅིང་གཏོར་རྩེ་ཕར་ལ་བསྟན་ནས་ཁ་སྦུབ་ཏུ་བཞག་ལ། ཐལ་མོ་བརྡབ་བོ། འདི་ནི་དུས་ཀྱང་དགོངས་ཐུན་གྱི་མཐར་བྱ་བ་ལེགས་སོ། །དེ་ནས་ནང་དུ་ལོག་ལ་མཆོད་པ་ཁ་གསོས་ཏེ་བྱིན་རླབ་བྱ། བླ་མ་ཡེ་ཤེས་མགོན་པོ་སོགས་ཀྱིས་ཕྱི་མཆོད། སྣོད་བཅུད་སྣང་བས་ནང་མཆོད། བདུད་རྩི་ལག་མཆོད་སྔགས་བཅས་ཀྱིས་གསང་མཆོད་ཕུལ། །བསྟོད་པ་ཨོཾ་འགྲུབ་པར་གྱུར་ཅིག་སོགས་འཁོར་བསྟོད་རྒྱས་པའི་བར་མཐར་ཆགས་སུ་བཏང་། ཡིག་བརྒྱ་ཉེར་གཅིག་ལས་མི་ཉུང་བ་དང་བཟོད་གསོལ་བྱ། གསོལ་འདེབས་ཉེར་གཅིག་བརྗོད། ནམ་མཁའི་མགོན་པོ་འཁོར་བཅས་བྲིས་འབུར་སོགས་རྟེན་ལ་དམིགས་ཏེ་བརྟན་བཞུགས་བྱ། དེ་ནས་རྟ་མགྲིན་གྱི་ཚོགས་བྱིན་རླབས་ནས་བརྩམས་བསྔོ་སྨོན་དང་བཀྲ་ཤིས་བཀའ་རྒྱ་མ་བརྗོད་པ་ཡན་དཀྱུས་ལྟར་

― LT40_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་པས་གྲུབ་བོ། །ད་ནི་དེ་དག་ལ་གལ་ཆེ་བའི་བསླབ་བྱ་རྣམས་བརྗོད་པར་བྱ་སྟེ། ཐོག་མར་སྒྲུབ་བ་པོ་རྣམས་དམ་ཚིག་གཙང་ཞིང་ནང་སེལ་མ་ཞུགས་པ་ཁོ་ན་དགོས། གཏོར་ཆེན་རྒྱུ་ལ་རང་དང་རྩ་བའི་གྲྭ་རིས་དང་སྦྱིན་བདག་དམ་སེལ་མེད་པ་མ་གཏོགས་པ་ཆོས་བརྒྱུད་ལ་སེལ་ཡོད་པ་དང་དམ་ཚིག་ལ་ཐེ་ཚོམ་ཡོད་པ་དང་གྲིབ་ཅན་སྡིག་ཅན་བསྟན་དགྲ་སོགས་ཀྱི་ཕྱེ་དང་ཆང་གཏན་ནས་མ་འདྲེས་པ་གལ་ཆེ། རང་གི་གཏོར་ཕྱེ་ལའང་མ་ཉམས་ཤིང་མ་འབགས་པ་དང་། ཁ་རླངས་མཆིལ་སྣབས་དྲི་མ་ཕྲན་བུ་ཙམ་ཡང་མ་ཤོར་བ་དགོས། གཏོར་མས་སྣོད་མ་ཁེངས་ན་དངོས་གྲུབ་འགྲུབ་དཀའ་ཞིང་ལོངས་སྤྱོད་ལ་གནོད། སྣོད་ལས་ཕྱིར་ཐལ་ན་འཁོར་དང་རྟ་ཕྱུགས་ལ་གཟན་པས་ལེགས་པར་ཁེངས་ཤིང་མ་ཐལ་བ་བྱ། གཏོར་མ་ནང་མཆོད་སྤྱན་གཟིགས་རྣམས་ཐོག་མར་བྱིན་གྱིས་བརླབས་པ་ནས་ཞག་གྲངས་རྫོགས་པའི་མཇུག་གི་བཀྲ་ཤིས་མ་ཚར་བར་ཕྱགས་བདར་མི་བྱེད། གདན་མི་བསྒུལ། སྒྲུབ་རྫས་ཆེ་ཕྲ་གང་ཡང་ཕྱིར་མི་འདོན། ནང་མཆོད་ཀྱི་ཀ་པཱ་ལ་དང་གཏོར་ཆེན་བསྒུལ་བསྐྱོད་གཏན་ནས་མི་བྱེད། སྒྲུབ་པ་པོ་རྣམས་ཁ་ཤག་དང་རྩོད་འཛིངས་མི་བྱེད། གཏོར་སྒྲུབ་དེ་ལ་གཏོགས་ཚད་གནས་ཁང་གཞན་ཏུ་མི་ཉལ། གྲིབ་ཅན་གྱི་ཟས་མི་ཟ། །

― LT40_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ངོ་གསར་པ་སུ་དང་མི་འཕྲད། ཆོ་ག་སླ་ཆོས་སུ་མ་སོང་ཞིང་བླ་མ་མགོན་པོ་དབྱེར་མེད་ལ་ཡིད་ཆེས་མོས་གུས་དད་པ་དྲག་པོ་རྒྱུན་མ་ཆད་པ་བྱ། དེའི་རིང་ཆོས་སྐྱོང་གཞན་ལ་གཏོར་མ་མི་བསྔོ། སྔགས་རྒྱུན་པ་རྣམས་གཏོར་མའི་དྲུང་མ་གཏོགས་པ་གཞན་ཏུ་སྔགས་མི་བཟླ། ཐོག་མར་བསྙེན་རྒྱུན་ཚུགས་ནས་ཞག་གྲངས་རྫོགས་པའི་ཐུན་ཐ་མའི་གཏོར་འབུལ་གྲུབ་ཀྱི་བར་དུ་སྔགས་སྒྲ་ཉིན་མཚན་གཉིས་ཀར་སྐད་ཅིག་ཀྱང་མ་ཆད་པ་བྱ་དགོས། གཏོར་མ་ཆེ་བ་ནི་སྒྲུབ་པ་པོ་དམ་ཚིག་གཙང་ཞིང་ཆོས་སྐྱོང་གཅིག་པ་ཁོ་ནས་དངོས་གྲུབ་ཏུ་དམིགས་ནས་ཁ་ཟས་སུ་ལོངས་སྤྱད་པ་ལས། །གཞན་མི་དང་མི་མ་ཡིན་པ་སུ་ལའང་སྦྱིན་པར་མི་བྱ་སྟེ་བྱིན་ན་དངོས་གྲུབ་ཉམས་ཤིང་བར་ཆད་འབྱུང་བར་གསུངས། གཞན་ཡང་ནག་པོ་ཆེན་པོའི་སྤྱིའི་དམ་ཚིག་བྱ་ནག་ཁྱི་ནག་ལ་རྡོ་མི་རྡེག་པ་སོགས་གཞུང་ནས་ཇི་སྐད་བཤད་པ་རྣམས་ཀྱང་སྤང་བླང་ཚུལ་བཞིན་བྱ་བ་གལ་ཆེ་ཡི། དམ་ཚིག་ལས་འགལ་ན་བར་ཆད་འབྱུང་བ་སོགས་འདོད་པའི་དོན་ལས་ཕྱིན་ཅི་ལོག་ཏུ་འགྱུར་བས་རེ་བའི་འབྲས་བུ་ཅུང་ཟད་ཙམ་ཡང་འབྱུང་བ་མ་ཡིན་ཅིང་། དམ་ཚིག་རྣམས་ཚུལ་བཞིན་བསྲུང་ན་ཇི་ལྟར་འདོད་པའི་དངོས་གྲུབ་ཐམས་ཅད་བདེ་བླག་ཏུ་འབྱུང་བ་ཆོས་ཉིད་ཡིན་ནོ། །འདི་དག་གི་སྐབས་སུ་

― LT40_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེ་བར་མཁོ་བ་དགྲ་བོ་བྱད་མ་ལ་སོགས་པའི་གཏོར་ཕྱེ་ཆང་ཕུད། བཟའ་བཏུང་སོགས་བསྲེ་བ་དང་ལོངས་མི་སྤྱད་ཀ་མེད་བྱུང་བ་དང་གྲལ་ལྷན་ཅིག་སྡོད་དགོས་པ་བྱུང་ན། དགྲ་བོ་ཚོགས་སུ་ཟ་བ། བཟའ་བཏུང་གིས་ཚར་བཅད་པ། བྱད་ཤ་སྤགས་པའི་མན་ངག་ཞལ་ཤེས་དང་བཅས་པ་ནི་གཞན་ཏུ་ཤེས་པར་བྱ་དགོས་སོ། །གསོལ་བ་བཏབ་པ་ཙམ་གྱིས་བྱིན་གྱིས་རློབས། །མཆོད་གཏོར་ཕུལ་བས་དངོས་གྲུབ་ཐོགས་མེད་རྩོལ། །བླ་མ་ཡི་དམ་ཆོས་སྐྱོང་མ་ལུས་པ། །གཅིག་ཆོག་མྱུར་མཛད་མགོན་པོའི་མན་ངག་ལས། །བྱ་སླ་ཚེགས་ཆུང་གཏོར་མ་ལ་བརྟེན་ནས། །སྒྲུབ་པའི་ལག་ལེན་འཁྲུལ་མེད་བཀོད་པ་འདི། །ལག་ཏུ་བླངས་ཚད་གྲུབ་གཉིས་ཐོགས་མེད་འགྲུབ། །བླ་མ་མགོན་པོས་རྗེས་སུ་འཛིན་གྱུར་ཅིག །ཅེས་པའང་རང་གནས་ཙཱ་འདྲ་རིན་ཆེན་བྲག་གི་སྒྲུབ་པའི་སྡེ་ལ་ཉེ་བར་མཁོ་བས་མཚམས་སྦྱར་ཏེ། མུས་ཆེན་ནམ་མཁའི་རྣལ་འབྱོར་ནས་བརྒྱུད་པའི་ལག་ལེན་ཁུངས་བཙུན་པའི་ཡིག་ཆ་ཅུང་ཟད་འཐོར་བ་དག་ལས་སྙིང་པོར་ཕྱུངས་ཏེ་བཀོད་པ་པོ་ནི་ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེའོ།། །།དགེ་ལེགས་འཕེལ།། །།

མགོན་པོའི་སྤོས་སྦྱོར་རྒྱས་བསྡུས་ཀྱི་ལག་ལེན།

― LT40_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོའི་སྤོས་སྦྱོར་རྒྱས་བསྡུས་ཀྱི་ལག་ལེན་བཞུགས་སོ། །ན་མོ་གུ་རུ་མ་ཧཱ་ཀཱ་ལཱ་ཡ། མྱུར་མཛད་ཡེ་ཤེས་ཀྱི་མགོན་པོ་བསྙེན་སྒྲུབ་ལས་ལ་སྦྱོར་བའི་སྐབས་ཐམས་ཅད་དུ་ཉེ་བར་མཁོ་ཞིང་མེད་དུ་མི་རུང་བ་སྤོས་སྦྱོར་གྱི་མན་ངག་ལ་ཆེ་ཆུང་གཉིས་སུ་བཤད་པའི། དང་པོ་སྤོས་སྦྱོར་ཆེ་བ་ནི། སྤོས་རྒྱུ་བརྒྱད་པོ་ཚང་བར་བསགས་ལ། དྲི་བཟང་པོོས་བྱུགས་པའི་སྟེགས་བུའི་སྟེང་དུ་སྣ་ཚོགས་པདྨ་འདབ་བརྒྱད་བྲིས། དེའི་དབུས་སུ་ཞུན་ཆེན་གྱི་མར་མེ་བཞག །འདབ་མ་བརྒྱད་ལ་ཐོད་པའམ་རིན་པོ་ཆེའི་སྣོད་གས་ཆགས་མེད་པ་བརྒྱད་ཀྱི་ནང་དུ། ཤར་དུ་ཡུངས་ཀར། ལྷོར་སྒོག་སྐྱ། ནུབ་ཏུ་པདྨ་རཀྟ། བྱང་དུ་བཙན་དུག །བྱང་ཤར་དུ་གྲི་ཁྲག །ཤར་ལྷོར་ཤ་ཆེན། ལྷོ་ནུབ་ཏུ་བུ་རམ། ནུབ་བྱང་དུ་གླ་རྩི་རྣམས་བཀོད། ཡི་དམ་གྱི་བསྒོམ་བཟླས་སྔོན་ཏུ་འགྲོ་བས་བདུག་སྤོས་བསང་སྦྱང་། སྟོང་པའི་ངང་ལས་ཐོད་པའི་སྣོད་དུ་སཾ་ཡིག་སོགས་རང་རང་གི་མིང་ཡིག་དང་པོ་ཐིག་ལེས་བརྒྱན་པའམ། སོ་སོར་མི་ཤེས་ན། །དྷཾ་ཡིག་འོད་དུ་ཞུ་བ་ལས་བྱུང་བའི་རྡོ་རྗེ་བདུག་པའི་རྫས་ཐུགས་དམ་བསྐུལ་ཅིང་སྐོང་བ་ལ་སོགས་པའི་ལས་སྒྲུབ་པ་ལ་ནུས་པ་ཐོགས་པ་མེད་པ་སོ་སོའི་རྣམ་པ་དང་བྱེད་ལས་ཅན་ཏུ་གྱུར་པའི་སྟེང་དུ་ཧཱུྃ་ཡིག་རེ་རེས་མཚན་པའོ། །རང་ཡི་དམ་དུ་གསལ་བའི་ཐུགས་ཀའི་ས་བོན་དང་རྫས་རྣམས་ཀྱི་སྟེང་གི་ཧཱུྃ་ཡིག་ལས་འོད་ཟེར་ལྕགས་ཀྱུ་ལྟ་བུ་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཁྲོ་

― LT40_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་དང་ཁྲོ་མོ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་སྤྱན་དྲངས་ཏེ་རྫས་བརྒྱད་པོ་ལ་རྒྱུན་མི་འཆད་དུ་ཐིམ་པར་གྱུར། ཅེས་མོས་ལ། ཨོཾ་ཤྲཱི་མ་ཧཱ་ཀཱ་ལ་དྷཱུ་པེ་ནི་སིདྡྷ་ཛཿཛཿཞེས་པ་བརྒྱ་རྩ་བརྒྱད་ལ་སོགས་པ་བཟླས་པའི་རྗེས་སུ། ཨོཾ་བཛྲ་མ་ཧཱ་ཀཱ་ལཱ་ཡ། དུ་པྲ་ཏི་གྷི་ན་ནཾ། ཨུ་ཡ་པ་རི་ཀྲ་ཏི་པཱུ་ར་ི། དུ་ཨ་ཏི་ཏ་ན། ཨི་ཏི་ཏི་དེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་པ་རབ་སྟོང་རྩ་བརྒྱད། འབྲིང་བརྒྱ་རྩ་གཅིག། ཐ་མ་ལྔ་བཟླས་ལ་བྱིན་གྱིས་བརླབས། དེ་ནས་ཕྱོགས་མཚམས་ཀྱི་རྫས་བརྒྱད་པོ། ཤཱ་ས་ན་དང་བཤད་མ་ཐག་པའི་སྔགས་གཉིས་བཟླ་བཞིན་དུ་ཞིབ་པར་བཏགས། །བདུད་རྩི་རིལ་བུ་དང་ལྡན་ཅིང་བྱིན་གྱིས་བརླབས་པའི་ནང་མཆོད་ཀྱི་ཁུ་བས་རིལ་བུ་སྲན་མ་ཆེ་ཤོས་ཙམ་བྱས་ལ། སྤྱན་འདྲེན། སྐོང་བཤགས། མཁའ་འགྲོ་དབང་སྡུད། བསྟོད་བསྐུལ་ལ་སོགས་པའི་དུས་སུ་བསྲེགས་ན་ཡེ་ཤེས་པ་འབྱོན། བགེགས་སྐྲོད། ཐུགས་དམ་སྐོང་། བྱིན་རླབས་འཇུག། དངོས་གྲུབ་མྱུར་དུ་སྩོལ་བའི་དགོས་པ་ཁྱད་པར་ཅན་ཡོད་དོ། །རྫས་འདི་ལ་བུ་རམ་དང་གླ་རྩིའི་དོད་དྲི་ཆེན་དང་ཀླད་པས་བྱས་པ་དང་། རྫས་རྣམས་མགོན་པོར་བསྐྱེད་ནས་མཆོད་བསྟོད་བཟས་པ་བྱས་ཏེ་འོད་དུ་ཞུ་བ་ལས་རྫས་སོ་སོར་བསྒོམ་པར་བཤད་པའང་ཡོད་དེ། ཡང་སྤོས་སྦྱོར་ཆུང་བའི་མན་ངག་ལ། མཎྜལ་ནག་པོའི་དབུས་སུ་ཤ་ཆེན། གཡས་སུ་སྒོག་སྐྱ། གཡོན་ཏུ་ཚ་བ་གསུམ། མདུན་ཏུ་གྲི་ཁྲག །རྒྱབ་ཏུ་ཡུངས་ཀར། མཚམས་རྣམས་སུ་གུ་གུལ་ནག་པོ་དང་ཀེ་ཚེ་ནག་པོ་སྣ་ཚོགས་བསྲེས་པ་

― LT40_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བཞག་ལ། བསང་སྦྱང་། རྫས་རྣམས་མི་དམིགས་པ་སྟོང་པའི་ངང་ལས་བདུག་པའི་ལྷ་མོ་མཆོད་པའི་སྤྲིན་ཕུང་མཐའ་ཡས་པ་འཕྲོ་བར་བསམ་ལ། ཨོཾ་ཨཱཿཧཱུྃ་མ་ཧཱ་ཀཱ་ལ་བཛྲ་དྷཱུ་པེ་ཧཱུྃ། ཞེས་ཅི་ནུས་བཟླ། ལྷ་མོ་རྣམས་འོད་དུ་ཞུ་སྟེ་ཡོན་ཏན་ནུས་པ་ཕུན་སུམ་ཚོགས་པའི་རྫས་སུ་གྱུར་པར་བསམ་ལ་ལེགས་པར་བཏགས། ནང་མཆོད་ཀྱི་རིལ་བུ་བྱས་ལ། ཨོཾ་ཨཱཿཧཱུྃ་མ་མ་སིདྡྷི་ཀུ་རུ་སྭཱ་ཧཱ། ཞེས་པས་བྱིན་གྱིས་བརླབས་པ་བསྲེགས་ན་མགོན་པོ་སྐད་ཅིག་གིས་འབྱོན་པར་རཱ་ཧུ་ལས་གསུངས་སོ། །ལུགས་གཅིག་ལ། བཙན་དུག །ཡུངས་ཀར། སྒོག་སྐྱ། ཤ་ཆེན། གུ་གུལ་ནག་པོ་རྣམས་ཆ་མཉམ་དུ་སྦྱར། །ཡང་ན་བཙན་དུག །ཡུངས་ཀར། སྒོག་སྐྱ། ཁྲག་ཆེན་བཞི་རིལ་བུ་བྱས་པའམ། ཡང་ན་བཞི་པོ་དེ་དང་བུ་རམ། བླ་རྩི་ཞད་ཙམ་བསྲེས་ལ་རིལ་བུ་བྱས་ཏེ་འབུལ། ཡང་ན་གུ་གུལ་ནག་པོ་དང་ཤ་ཆེན་སྦྱར་བ་ཙམ་འབུལ་བར་གསུངས་པས། །སྤྱན་འདྲེན་སོགས་གལ་ཆེ་བའི་དུས་སྤོས་སྦྱོར་རྒྱས་པ་དང་། རྒྱུན་ཏུ་མ་ཆད་པར་འབུལ་རྒྱུ་ཕྱི་མ་རྣམས་གང་འབྱོར་བྱའོ། །ཞེས་པའང་ཉེར་མཁོའི་ཆེད་དུ་བེ་བུམ་རྣམས་ལས་གུ་ས་གུད་དུ་བཀོལ་བ་དགེ་ལེགས་འཕེལ།། །།

བཀའ་འཁོར་ལོ་བར་པའི་ཡང་བཅུད་ཤེས་རབ་སྙིང་པོའི་མདོ་ལ་བརྟེན་པའི་བདུད་ཟློག་བར་ཆད་ཀུན་སེལ།

― LT40_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་འཁོར་ལོ་བར་པའི་ཡང་བཅུད་ཤེས་རབ་སྙིང་པོའི་མདོ་ལ་བརྟེན་པའི་བདུད་ཟློག་བར་ཆད་ཀུན་སེལ་ལག་ལེན། བལྟས་ཆོག་ཏུ་བཀོད་པ་རྣམ་ཐར་སྟོབས་བསྐྱེད་ཅེས་བྱ་བ་བཞུགས་སོ། །

― LT40_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་པའི་མཐའ་བྲལ་སྨྲ་བསམ་བརྗོད་ལས་འདས། །རྒྱལ་བའི་ཡུམ་གྱུར་དེ་ལ་གུས་བཏུད་ནས། །གསུང་རབ་ཡང་བཅུད་ཤེས་རབ་སྙིང་པོ་ཡི། །བདུད་ཟློག་ལག་ལེན་བལྟས་པས་ཆོག་བྲི། །འཕག་ཡུལ་ནས་འགྱུར་བའི་གཏོ་དཀར་བཞི་ཞེས་གྲགས་པ་ཁུང་དང་ལྡན་ཅིང་བྱིན་བརླབས་ནུས་མཐུ་རྨད་དུ་བྱུང་བའི་ཡ་གྱལ་ཤེར་སྙིང་བདུད་ཟློག་འདི་ལ་སྤྱི་དོན་གཉིས། ལོ་རྒྱུས་དང་། གཞུང་གི་ཉམས་ལེན་ནོ། །དང་པོ་ནི། ཡང་དག་པར་རྫོགས་པའི་སངས་རྒྱས། སྤྱན་རས་གཟིགས། ཐུགས་རྗེ་ཆེན་པོ་བློ་གྲོས་རིན་ཆེན། གསེར་གླིང་པ། ཇོ་བོ་ཨ་ཏི་ཤཱ། དགེ་བཤེས་སྟོན་པ། པུ་ཏོ་བ་རིན་ཆེན་གསལ། རིང་མོ་འབྱུང་གནས་རྡོ་རྗེ། གྱི་ལྗང་དབུ་དཀར་བ། མཆིམས་ཆེན་ནམ་

― LT40_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་གྲགས་པ། འཁོན་ཀུ་མཱ་ར་བུདྡྷ་ནས་རིམ་བཞིན་བརྒྱུད་པའི་ཟམ་མ་ཆད་པར་བྱུང་བའི་གདམ་ངག་སྟེ། །ཡིད་ཆེས་པའི་ལོ་རྒྱུས་ཀྱང་། གྱི་ལྗང་དབུ་དཀར་བས་འདི་ཉིད་ཡི་དམ་མཛད་ཅིང་ཡིད་ཆེས་པར་ཡོད་པ་ལས། ཡུལ་དེར་གྱི་ལྗང་ཀུ་ལོ་ཞེས་བྱ་བ་ཡོད་པས་དེས་གཤིན་རྗེ་དམར་ནག་མོན་པ་དམར་ནག་ལ་སོགས་པ་མངོན་དུ་རྒྱུག་གཏུབ་པར་མཁྱེན་པས་ཁོང་གིས་མི་མང་པོ་མཐུས་བསྒྲལ་བ་ལ། །ཉིན་གཅིག་གྱི་ལྗང་དབུ་དཀར་བས་ཀུ་ལོ་ལ་ཞལ་སྐྱེམས་དྲངས་གོས་བཀོན། བསླབ་བྱ་བྱས་ནས། །ཁྱོད་ཀྱིས་མཐུ་མྱུར་པོ་དགོངས་ཡང་ཕྱི་མ་རྣམ་སྨིན་ཤིན་ཏུ་ལྕི་བ་ཡོད་ཚུལ་སོགས་ཞུས་པས། །ཁོང་གི་མཚངས་ལ་ཕོག་ནས་ཁྲོས་ཏེ་ཁྱོད་ཞག་བདུན་བས་ཕན་ཆད་དུ་མི་བཞག་ཟེར་ནས་མནའ་བསྐྱལ་ཏེ་ཀུ་ལོ་ཁྲོས་ནས་སོང་བས། །དབུ་

― LT40_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་བས་འདི་ཉིད་ཀྱི་སྒྲུབ་པ་མཛད་པས། ཞག་བདུན་ནས་ཁོ་རང་གི་མཐུ་ཁོ་རང་ལ་ལྡོག་སྟེ་འཆིའོ། །དེས་ན་བྱད་ཟློག་ཀྱང་ཁྱད་པར་དུ་འཕགས་སོ། །ཡང་རྒྱ་ནག་ལ་ཅོ་ཞིག་ལ་རྒྱལ་པོས་གནོད་པ་ལ། རྩིས་མཁན་གྱི་རྩིས་བྱས་པས། བུ་ཆུང་གི་རོ་ལ་གཏོ་བྱས་ཏེ་ཇ་སིག་གཅིག་གི་ནང་དུ་བཅུག་ནས་དབུས་སུ་བསྐུར་ན་ཕན་ཟེར་དེ་ལྟར་བྱས་ནས་དབུས་སུ་བསྐུར། འཕན་ཡུལ་དུ་དབུས་པ་དགེ་སེར་གྱིས་ཉོས་པ་ལ། རྒྱལ་པོས་དགེ་སེར་ལ་གནོད་ནས་རྟ་དྲིལ་བོང་གསུམ་ཐམས་ཅད་མེད་པར་བྱས་སོ། །རྒྱལ་པོ་དངོས་སུ་མཐོང་རྒྱུ་ཡོད་པར་འདུག་པས། དག་སེར་གྱིས་རྒྱལ་པོ་ལ་དྲིས་ནས་ཁྱོད་སུ་ལ་འཇིགས་བྱས་པས། ང་གྱི་ལྗང་དབུ་དཀར་ལ་འཇིགས། དེ་བས་སུ་ལ་མི་འཇིགས་ཟེར། དགེ་སེར་གྱིས་རྒྱལ་པོ་ལ་སྨྲས་པ། གྱི་ལྗང་དབུ་དཀར་བ་ངས་བསད་པས་ཆོག །དབུ་དཀར་བ་འདུག་པ་ལ་ལམ་རྒྱུས་གྱིས་ཤིག་བྱས་ནས་ཁོ་བསླུས་པས། རྒྱལ་པོ་དེས་ཀྱང་ལམ་མཁན་བྱས་ནས་དབུ་དཀར་བའི་རྩ་རུ་ཕྱིན་ཏེ། དགེ་སེར་གྱི་སྔར་གྱི་ལོ་རྒྱུས་རྣམས་ཞུས་པས། རྒྱལ་པོ་བསྐྲད་པའི་མན་ངག་འདི་ཉིད་སྒྲུབ་ཐབས་བཅས་གནང་། དགེ་སེར་གྱིས་བདུད་ཟློག་བྱས་པས་དེ་ཕྱིན་ཆད་རྒྱལ་པོའི་གནོད་པ་ཞི་ཞིང་། བློ་ཆོས་སུ་བཀོལ་བཏུབ་པ་བྱུང་ངོ། །དེ་ནས་རྒྱལ་པོ་སྔར་བཞིན་རྒྱ་ནག་ཡུལ་དུ་ལོག་ནས་སྔར་གྱི་ཕ་ཅོའི་རྩར་སོང་བས། ཕ་ཅོས་རྒྱལ་པོ་ཁྱོད་ལོ་མང་པོའི་བར་གར་ཕྱིན་བྱས་པས་

― LT40_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་སུ་ཕྱིན་པས་དང་པོ་སྐྱིད་པོ་བྱུང་། ཕྱིས་སུ་སྡུག་པོ་རང་བྱུང་ཟེར། སུ་ལ་འཇིགས་ནས་འོད་དྲིས་པས། ང་གྱི་ལྗང་དབུ་དཀར་བ་དང་དགེ་སེར་ལ་འཇིགས་ནས་འོང་། ད་བར་དགེ་སེར་རྩ་རུ་བསྡད་ཟེར། ཕ་ཅོས་ཡང་དབུས་སུ་འགྲོ། ཁྱོད་ཀྱི་ལམ་མཁན་གྱིས། དགེ་སེར་གྱི་རྩ་རུ་ངེད་རང་གཉིས་འགྲོ་ལ་འདུག་བྱས་ཏེ། ཁོ་རང་གིས་ལམ་མཁན་བྱས་ནས་འོང་བས། དགེ་སེར་དང་ཕ་ཅོ་འཕྲད་དེ་སྔར་གྱི་ལོ་རྒྱུས་རྣམས་ཞུས་ཤིང་འབུལ་བ་བཟང་པོ་ཕུལ་ནས། རྒྱལ་པོ་བསྐྲད་པའི་ཐབས་ཀྱི་མན་ངག་ཞུས་འདི་ཉིད་གནང་ནས་སྒྲུབ་གསུང་པར། ཕ་ཅོས་བསྒྲུབ་པས་དེ་ཕྱིན་ཆད་རྒྱལ་པོའི་གནོད་པ་མ་ཁྱུང་ངོ་། །དེ་སོགས་ཐུན་མོང་གི་དངོས་གྲུབ་གང་འདོད་འབྱུང་ཞིང་། ཁྱད་པར་དུའང་མཆོག་གི་དངོས་གྲུབ་འགྲུབ་པར་ཐེ་ཚོམ་མེད་དོ། །གཉིས་པ་ཉམས་ལེན་དངོས་ལ་གསུམ་སྟེ། སྦྱོར་བ་དང་། དངོས་གཞི། རྗེས་སོ། །དང་པོ་སྦྱོར་བ་ནི། གཞི་དཀར་པོའི་སྟེང་དུ་མེ་ཏོག་སིལ་མ་བཀྲམ་ལ། དབུས་སུ་སྟེགས་བུ་མཐོ་བའི་སྟེང་དུ་གདན་བཟང་པོ་ལ་ཐུབ་པའི་སྐུ་བརྙན་བྲིས་འབུར་གང་རུང་རབ་གནས་མ་ཉམས་པར་ཞལ་རང་ལ་བསྟན་ནས་བཞུགས་སུ་གསོལ་བའི་མཐར་མཚམས་འཛིན་མེ་ཏོག་ནས་བཟུང་སྟེ་ཉེར་སྤྱོད་ལྔ་གཡས་བསྐོར་དུ་བཤམས། དེ་ལས་དམའ་བའི་སར་མདུན་ངོས་སུ་སྡེར་སྣོད་ལྟ་བུར་ཡོན་བདག་གི་འདྲ་གླུད་སྐྱེ་མཆེད་ཚང་ཞིང་

― LT40_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་གྱིས་བརྒྱན་པ་གོས་དྲི་ཅན་བཀོན་ལ་དར་ཟབ་གསེར་གཡུ་འབྲུ་སྣ་སོགས་གླུད་རྫས་ཚང་བས་བསྐོར་བ་ཁ་ཕར་གྱུ་སྟེ་བཞག །དེའི་ཕྱི་རོལ་ཏུ་ཤར་དུ་ཞལ་ཟས། ལྷོར་གཏོར་མ་མེ་ཏོག་གི་དབྱིབས་ཅན། ནུབ་ཏུ་དཀར་གཏོར། བྱང་དུ་དམར་གཏོར་རྣམས་ཐེབ་ཙེ་སོགས་སུ་བཤམས། དེ་དག་གི་ཕྱི་རོལ་དུ་ཕྱོགས་བཞིའི་གླུད་དང་འདོད་ཡོན་རྣམས་གྲུ་བཞིར་བཅད་དེ་བཞག་དགོས་པས། དེའང་ཤར་ངོས་གླུད་ཡོད་པའི་ཕྱི་རོལ་དུ་ཁལ་བདུན། དེའི་ཕྱིར་ཁྱི་བདུན། དེའི་ཕྱིར་ཆང་བུ་བདུན། དེའི་ཕྱིར་ཐེབ་སྐྱུ་བདུན། དེའི་ཕྱིར་ཤ་དུམ་བདུན། དེའི་ཕྱིར་ཟན་ཆད་བདུན། དེའི་ཕྱིར་ལྷའི་བུའི་བདུད་མི་རྟ་དཀར་པོ་གཡས་མ་ཏོག་དང་གཡོན་ཞགས་པ་བསྣམས་པ་བདུན་ཁ་ནང་བསྟན་དུ་བཀོད། དེ་འགྲེས་ཏེ། ལྷོ་དང་། ནུབ་དང་། བྱང་ངོས་ལའང་ནང་ནས་ཕྱི་རིམ་བཞིན་ཁལ། ཁྱི། ཆང་བུ། མཐེབ་སྐྱུ། ཤ་དུམ། ཟན་ཆང་རྣམས་བདུན་རེ་དང་། ལྷོར་ཉོན་མོངས་པའི་བདུད་མི་རྟ་སེར་པོ་གཡས་རལ་གྲི་དང་གཡོན་ཞགས་པ་བསྣམས་པ་བདུན། ནུབ་ཏུ་ཕུང་པོའི་བདུད་མི་རྟ་དམར་པོ་གཡས་མདུང་དར་དང་གཡོན་ཞགས་པ་བསྣམས་པ་བདུན། བྱང་དུ་འཆི་བདག་གི་བདུད་མི་རྟ་ནག་པོ་གཡས་ཁྲམ་ཤིང་དང་གཡོན་ཞགས་པ་བསྣམས་པ་བདུན་རེ་ཁ་ནང་བསྟན་དུ་བཞག །དེའི་གཡོན་ནམ་མདུན་ཕྱོགས་གང་བདེར་བདུད་ཟློག་གི་མར་

― LT40_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་ནག་པོ་རེ་ཕྱར་ལྟ་བུ་བཏིང་། འཛོམ་ན་རྐང་གསུམ་མམ་སྟེགས་ཆུང་ངུ་ཞིག་བཞག །གཞན་ཡང་ཆོས་སྲུང་གཏོར་འབུལ་བྱེད་ན་རང་ལུགས་རྒྱས་བསྡུས་གང་བྱེད་ཀྱི་གཏོར་མ་དང་། །རྗེས་ཆོག་སྐབས་མཆོད་ཁ་གསོ་རྒྱུའི་ཞལ་ཟས། བརྗོད་བདེ་བས་འབྲུ་དཀར་ནག །སྒོ་དབྱེའི་གསེར་སྐྱེམས་དང་དཀར་གཏོར། སྒྲུབ་པ་པོའི་རོལ་ཆ་སོགས་འཚོགས་པར་བྱའོ། །འདོན་མཁན་དགེ་སློང་བཞི་སྡེ་ཞིག་ཡོད་ན་མཆོག་ཡིན་ལ། མ་འཛོམ་ན་དགེ་སློང་གཅིག་གིས་ཀྱང་ཆོག་གོ། །གཉིས་པ་དངོས་གཞི་ལ་གསུམ། བདག་བསྐྱེད། མདུན་བསྐྱེད། བདུད་ཟློག་དངོས་སོ། །དང་པོ་ནི། ཁ་ཅིག་གིས་བདག་བསྐྱེད་ཡི་དམ་གང་མོས་ལ་བྱ་བར་བཤད་པ་དང་། ཐུབ་པ་རྡོ་རྗེ་གདན་ལ་བྱེད་པ་དང་། བདག་བསྐྱེད་གཏན་མ་བཤད་པ་སོགས་འདུག་ཀྱང་། གང་ལས་བྱུང་བའི་ཁུངས་དང་བརྒྱུད་པ་གོང་མའི་ཕྱག་ལེན་གྱི་འགྲེལ་ལས་བཀའ་གདམས་ལྷ་བཞིའི་ཐུབ་པའི་བདག་བསྐྱེད་ཉིད་ལེགས་པས་དེ་ལྟར་ན། ཐོག་མར་སྐྱབས་སེམས་ནི། །སངས་རྒྱས་ཆོས་དང་ཚོགས་ཀྱིས་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། །ཇི་སྙེད་སུ་དག་ཕྱོགས་

― LT40_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུའི་འཇིག་རྟེན་ན། སོགས་ཡན་ལག་བདུན་པའི་ཚིགས་བཅད་ཚང་བར་བརྗོད། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག། སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཅེས་ཆད་མེད་བཞི་བསྒོམས་སྟོང་བའི་ངང་ལས་རང་གི་སྙིང་གར་ཨ་ལས་ཟླ་བའི་སྟེང་དུ་ཧཱུྃ་སེར་པོ། དེའི་འོད་ཀྱིས་ལུས་གང་། འོད་ཀྱི་ཕུང་པོར་གྱུར། དེ་ལས་རང་ཉིད་ཐུབ་པའི་དབང་པོའི་སྐུར་གྱུར་པ་ནི། སྐུ་མདོག་གསེར་གཙོམ་ལྟ་བུ་ཕྱག་གཉིས་གཡས་ས་གནོན་དང་། གཡོན་མཉམ་བཞག་མཛད་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ་རབ་ཏུ་བྱུང་བའི་ཆ་ལུགས་ཅན། མཚན་དང་དཔེ་བྱད་ཡོངས་སུ་རྫོགས་ཤིང་། ཆོས་གོས་རྣམ་གསུམ་གསོལ་བ། འོད་ཟེར་དཔག་ཏུ་མེད་པ་འཕྲོ་ཞིང་། ཐུགས་མཉམ་པར་བཞག་པའི་བདག་ཉིད་དུ་གྱུར། ཐུགས་ཀར་ཟླ་བ་ལ་གནས་པའི་ཧཱུྃ། དེ་ལས་འོད་འཕྲོས་ཐུབ་པ་ཡེ་ཤེས་སེམས་དཔའི་ལྷ་ཚོགས་བཛྲ་ས་མཱ་ཛཿཡིད་ཀྱིས་ཕྱག་མཆོད་བྱ། ཛཿཧཱུྃ་བྃ་ཧོཿ སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་

― LT40_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་པོ། ཐུགས་ཀར་ཟླ་བའི་སྟེང་དུ་ས་བོན་གྱི་མཐར་སྔགས་ཀྱི་ཕྲེང་བས་བསྐོར་བར་བསྒོམས་ལ་ཨོཾ་མུ་ནི་མ་ཧཱ་མུ་ན་ཡེ་སྭཱ་ཧཱ། ཅི་ནུས་བཟླས་ལ་མཐར། རང་གི་ཡེ་ཤེས་པ་མདུན་ཏུ་བཞུགས་པར་གྱུར། ཨོཾ་བཛྲ་ཨརྒྷཾ་ནས། ཤབྟ་པྲ་ཏཱིཙྪ་ཨཱཿཧཱུྃ། ཞེས་པས་མཆོད། བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཅེས་འདོད་དོན་གསོལ་བ་གདབ། །དགེ་བ་འདི་ཡིས་མྱུར་དུ་བདག །ཐུབ་པའི་དབང་པོ་སོགས་ཀྱིས་དགེ་བ་བསྔོ། ཨོཾ་མུཿཞེས་བརྗོད་ལ་གཤེགས་སོ། །རང་དམ་ཚིག་པའི་ང་རྒྱལ་གྱིས་གནས་སོ། །གཉིས་པ་མདུན་བསྐྱེད་ཐོག་མར་མཆོད་ལ་བྱིན་བརླབས་པ་ནི། ཨོཾ་ཨཱཿམྲྀ་ཏེ་ཧཱུྃ་ཕཊ་ཀྱིས་བསང་། ཨོཾ་སྭཱ་བྷཱ་བ་ཤུདྡྷཿསརྦ་དྷརྨཱ་སྭཱ་བྷཱ་བ་ཤུདྡྷོ་྅་ཧཾ་གིས་སྦྱང་། སྟོང་པའི་ངང་ལས་བྷྲཾུ་ལས་བྱུང་བའི་རིན་པོ་ཆེ་ལས་གྲུབ་པའི་སྣང་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་མཆོག །ཞལ་ཟས། རོལ་མོ་རྣམས་དྭངས་ཤིང་ཐོག་པ་མེད་པ་ནམ་མཁའི་མཐའ་ཀླས་པར་གྱུར། ཞེས་དང་། སོ་སོའི་ཕྱག་རྒྱ་དང་བཅས་པས། ཨོཾ་བཛྲ་ཨརྒྷཾ་སྭཱ་ཧཱ། ཐོག་

― LT40_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་དེས་འགྲེ་སྟེ། པཱདྱཾ་ པུཥྤེ་ དྷུ་པེ་ ཨཱ་ལོ་ཀེ་ གནྡྷེ་ ནཻ་ཝི་དྱ་ ཤཔྟ་རྣམས་སྦྱར། ཨོཾ་བཛྲ་དྷརྨཱ་ར་ི་ཏ། པྲ་ར་ི་ཏ། སཾ་པྲ་ར་ི་ཏ། སརྦ་བུདྡྷ་ཀྵེ་ཏྲ་བྲ་ཙ་ལི་ནི། པྲཛྙཱ་པ་ར་མི་ཏ་ན་ད་སྭཱ་བྷཱ་ཝེ་ན། བཛྲ་དྷརྨཱ་ཧྲཱིཿད་ཡ། སནྟོཥ་ནི་ཧཱུྃ་ཧཱུྃ་ཧཱུྃ་ཧོ་ཧོ་ཧོ་ཨ་ཁཾ་སྭཱ་ཧཱ། ཞེས་ལན་གསུམ་རོལ་མོ་དང་བཅས་པས་བྱིན་དབབ་བོ། །དེ་ནས་མདུན་བསྐྱེད་ཀྱི་རྟེན། ཨ་མྲྀ་ཏས་བསངས། སྭཱ་བྷཱ་ཝས་སྦྱངས། སྟོང་པའི་ངང་ལས། ཐར་པ་ཆེན་པོའི་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་སེང་གེ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་པདྨ་དང་ཟླ་བའི་སྟེང་དུ་ཨོཾ་མུ་ནི་མུ་ནི་མ་ཧཱ་མུ་ན་ཡེ་སྭཱ་ཧཱ་ལས་བསྟན་པའི་བདག་པོ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་སྐུ་མདོག་གསེར་བཙོ་མ་ལྟ་བུ་ཞལ་གཅིག་ཕྱག་གཉིས་གཡས་ས་གནོན་གཡོན་མཉམ་བཞག་གི་ཕྱག་རྒྱ་ཅན། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། དབུ་ལ་གཙུག་ཏོར་དང་ཞབས་ལ་འཁོར་ལོ་ལ་སོགས་པ་མཚན་བཟང་པོ་སུམ་ཅུ་རྩ་གཉིས་དཔེ་བྱད་བཟང་པོ་བརྒྱད་ཅུས་སྤྲས་པ། ན་བཟའ་ཆོས་གོས་རྣམ་པ་གསུམ་གསོལ་ཞིང་འོད་དང་འོད་ཟེར་དཔག་ཏུ་མེད་པ་འཕྲོ་བའི་འཁོར་དུ། གཡས་ཕྱོགས་ནས། འཕགས་པ་སྤྱན་རས་གཟིགས་དཀར་པོ་པདྨ་དང་དྲེལ་བུ་འཛིན་པ། འཇམ་དཔལ་དབྱངས་གུར་གུམ་གྱི་མདོག་ཅན་རལ་གྲི་དང་པུ་སི་འཛིན་པ། ཕྱག་ན་རྡོ་རྗེ་སྔོན་པོ་རྡོ་རྗེ་དང་དྲིལ་བུ་འཛིན་པ། ས་ལི་སྙིང་པོ་སེར་པོ་རལ་གྲི་དང་དྲིལ་བུ་འཛིན་པ། །

― LT40_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིབ་པ་རྣམ་སེལ་དཀར་པོ་རིན་པོ་ཆེའི་སྙེ་མ་དང་དྲིལ་བུ་འཛིན་པ། བྱམས་པ་སེར་པོ་ཀླུ་ཤིང་དང་དྲིལ་བུ་འཛིན་པ། ཀུན་ཏུ་བཟང་པོ་སྔོན་པོ་རིན་པོ་ཆེ་དང་དྲིལ་བུ་འཛིན་པ། ནམ་མཁའི་སྙིང་པོ་སྔོན་པོ་རལ་གྲི་དང་དྲིལ་བུ་འཛིན་པ། ཐམས་ཅད་ཀྱང་རིན་པོ་ཆེའི་རྒྱན་དང་དར་གྱི་ན་བཟའ་ཅན། ཞབས་རྡོ་རྗེའི་སྐྱིལ་ཀྲུང་གིས་རང་རང་གི་གདན་ལ་བཞུགས་པ། གཡོན་ཕྱོགས་ནས་འཕགས་པ་ཤཱ་རིའི་བུ། མཽའུ་གལ་གྱི་བུ། འོད་སྲུང་། ཀུན་དགའ་བོ། ནོར་སྦྱིན་འཛིན། ཉེ་བར་འཁོར། མ་འགགས་པ། རབ་འབྱོར་ཏེ་ཐམས་ཅད་ཀྱང་ལྷུང་བཟེད་དང་མཁར་གསིལ་འཛིན་པ། ཆོས་གོས་རྣམ་གསུམ་བཀླུབས་ཤིང་པུས་མོ་གཡས་པའི་ལྷ་ང་གདན་ལ་བཙུག་པའི་ཚུལ་གྱིས་བཅོམ་ལྡན་འདས་ཀྱི་ཞལ་ལ་བལྟ་ཞིང་བཞུགས་པ་འཁོན་གཞོན་ནུ་སངས་རྒྱས་ཀྱི་གཞུང་དུ་སྟོན་པའི་གཡས་སུ་སྤྱན་རས་གཟིགས་དང་གཡོན་དུ་ཤཱ་རིའི་བུ་གཙོ་འཁོར་བཀོད་པ་འདི་ཤེས་རབ་སྙིང་པོའི་གླིང་གཞི་དང་མཐུན་པར་གོ། ༈ །གཙོ་འཁོར་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿཿཐུགས་ཀར་ཧཱུྃ། དེ་ལས་འོད་ཟེར་འཕྲོས་པས་སྟོན་པ་ཤཱཀྱའི་རྒྱལ་པོ་ལ། འཁོར་ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་ཉན་རང་གི་ཚོགས་བསམ་གྱིས་མི་ཁྱབ་པས་བསྐོར་བ་ཨོཾ་བཛྲ་ས་མཱ་

― LT40_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ཛཿསྤོས་དང་བཅས་པའི་རྡོར་དྲིལ་འཛིན་པས། །མ་ལུས་སེམས་ཅན་ཀུན་གྱིས་མགོན་གྱུར་པའི། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེས་རྣམ་སྦྱངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱེད་བཞེད་འགྲོ་དོན་མཛད་དུས་འདིར་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་བརླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡོངས་བདག་འཁོར་དང་བཅས་རྣམས་གཤེགས་སུ་གསོལ། ཨོཾ་ཛཿཧཱུྃ་བྃ་ཧོཿ བྷ་ག་ཝཱ་ན་ཨེ་ཧྱེ་ཧི་མ་ཧཱ་ཀཱ་རུ་ནི་ཀདྲྀ་ཤྱ་ཧོཿས་མ་ཡཱ་སྟྭཾཾ། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གིས་མཆོད་ཡོན་བཞེས་ནས་ཀྱང་། །ཐུགས་ལ་དགོངས་ཤིག་གནང་བར་མཛོད། །ཨོཾ་སརྦ་ཏ་ཐཱ་ག་ཏ་ག་ག་ན་ས་མ་ཡེ་ཧཱུྃ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ། དྷུ་པེ༴ཨཱ་ལོ་ཀེ༴གནྡྷེ༴ནཻ་ཝི་དྱའི་བར་འགྲེས་སྦྱར། ཛཿཧཱུྃ་བྃ་ཧོཿ དམ་ཚིག་པ་དང་གཉིས་སུ་མེད་པར་བཞུགས་

― LT40_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མོས། མདོ་འདོན་པའི་དམིགས་པ་ནི། གཙོ་བོའི་ཐུགས་ཀར་པད་ཟླའི་སྟེང་དུ་ཡུམ་ཆེན་མོ་ལ་སྲས་ཕྱོགས་བཅུའི་སངས་རྒྱས་རྣམས་ཀྱིས་བསྐོར་བ། ཡུམ་ཆེན་མོའི་ཐུགས་ཀར་ཟླ་བའི་དཀྱིལ་འཁོར་གྱི་དབུས་སུ་ཨཱཿདེའི་མཐར་ཤེས་རབ་ཀྱི་སྙིང་པོའི་མདོའི་ཡིག་འབྲུ་རྣམས་གསལ་བ་ལས་རང་སྒྲ་དང་བཅས་འོད་ཟེར་འཕྲོས་པས་རྒྱལ་བ་རྣམས་ལ་མཉེས་པའི་མཆོད་པ་འབུལ། བྱིན་རླབས་ནུས་མཐུ་ཐམས་ཅད་བསྡུས་ནས་རང་དང་བསྲུང་བྱ་རྣམས་ཀྱིས་གཙོར་བྱས་སེམས་ཅན་ཐམས་ཅད་ལ་ཕོག་པས་སྡིག་སྒྲིབ་དག ། ནད་གདོན་བར་ཆད་ཐམས་ཅད་ཞི་ནས་སྟོང་ཉིད་བཅོ་བརྒྱད་ཀྱི་དོན་རྒྱུད་ལ་སྐྱེས་པར་གྱུར། ཅེས་པའི་སྤྲོ་བསྡུ་དང་། གཙོ་འཁོར་ཀུན་གྱིས་མགྲིན་གཅིག་ཏུ་གསུང་བར་མོས་ལ། འདི་སྐད་བདག་གིས་ཐོས་པའི་དུས་གཅིག་ན་བཅོམ་ལྡན་འདས་རྒྱལ་པོའི་ཁབ་སོགས་ནས། མངོན་པར་བསྟོད་དོའི་བར་ཅི་འགྲུབ་འདོན། དེ་ནས་མཆོད་པ་བྱིན་རླབས་གོང་བཞིན་བྱས་ལ། །རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །རྒྱལ་བ་སྲས་དང་བཅས་ལ་འབུལ། ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། དེ་

― LT40_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དུ་ཚིགས་བཅད་དང་སྔགས་གོང་འོག་ཐམས་ཅད་འདྲ་བར་བྱས་ལ། མེ་ཏོག་ཇི་སྙེད་དང་། པུཥྤེ་བདུག་སྤོས་དང་། དྷུ་པེ་སྣང་གསལ་དང་། ཨཱ་ལོ་ཀེ། དྲི་ཆབ་དང་། གནྡྷེ། ཞལ་ཟས་དང་། ནཻ་ཝཱི་དྱ། རོལ་མོ་ཇི་སྙེད་ཡོད་པ་དང་། སོགས་ནས། ཨོཾ་སརྦ་ཏ་ཐཱ་ག་ཏ་ཤཔྟ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། ཨོཾ་བཛྲ་དྷརྨཱ་ར་ི་ཏ་སོགས་བརྗོད། དཔྲལ་བར་ནམ་མཁའ་མཛོད་ཀྱི་ཕྱག་རྒྱའི་མཐར་སེ་གོལ་དང་། ཨོཾ་སརྦ་བི་ད་པཱུ་ར་པཱུ་ར་སུ་ར་སུ་ར་ཨཱ་ཝརྟ་ཡ་ཨ་ཝཱརྟ་ཡ་ཧོཿརྒྱས་པར་སྤྲོ་ན། །བདེ་བར་གཤེགས་པ་སོགས་རྒྱལ་སྲིད། ཁ་དོག་དབྱིབས་ལེགས་སོགས་ཀྱིས་འདོད་ཡོན་འབུལ། བསྡུ་ན། །མི་དབང་རིན་ཆེན་རྣམ་བདུན་འདི་དག་ནི། །སངས་རྒྱས་སྲས་དང་བཅས་པ་མ་ལུས་པ། །བཤམས་ཤིང་ཡིད་ཀྱིས་སྤྲུལ་ཏེ་འབུལ་བ་ཡིས། །འགྲོ་བ་མི་ཟད་གཏེར་ལ་སྤྱོད་པར་ཤོག །ཨོཾ་སསྟ་མ་ཧཱ་རཏྣ་པྲ་ཏཱིཙྪ་སྭཱ་ཧཱ། །ཕྱོགས་དུས་ཀུན་ནས་གཟུགས་སྒྲ་དྲི་རོ་དང་། །རེག་བྱའི་ཁྱད་པར་ཕུན་སུམ་ཚོགས་པ་རྣམས། །མོས་བློས་རྒྱལ་བ་སྲས་བཅས་ལ་འབུལ་ན། །བཞེས་ནས་བླ་མེད་གྲུབ་མཆོག་རྩལ་དུ་གསོལ། ཨོཾ་པཉྩ་ཀཱ་མ་གུ་་པྲ་ཏཱིཙྪ་སྭཱ་ཧཱ། ཞེས་པ་ཙམ་བརྗོད། བསྟོད་པའང་སྤྲོ་ན་སེམས་བརྩེ་མ་སོགས་བདེ་གཤེགས་སྤྱི་བསྟོད་ཁྱད་བྱ། བསྡུ་ན། །ཐབས་མཁས་ཐུགས་རྗེ་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱིས་དཔུང་འཇོམས་པའི། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་ཁྱེད་ལ་ཕྱག་འཚལ་ལོ། །གང་ཚེ་རྐང་

― LT40_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་གཙོ་བོ་ཁྱོད་བལྟམས་ཚེ། །ས་ཆེན་འདི་ལ་གོམ་པ་བདུན་བོར་ནས། །ང་ནི་འཇིག་རྟེན་འདི་ན་མཆོག་ཅེས་གསུང་། །དེ་ཚེ་མཁས་པ་ཁྱོད་ལ་ཕྱག་འཚལ་ལོ། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །ཕྱོགས་བཅུའི་འགྲོ་ལ་མཁྱེན་བརྩེས་རབ་དགོངས་ནས། །ཕྱོགས་བཅུར་ཆོས་ཀྱི་འཁོར་ལོ་ལེགས་བསྐོར་ཏེ། །ཕྱོགས་བཅུའི་འགྲོ་བ་ཡོངས་སུ་སྐྱོབས་མཛད་པའི། །ཕྱོགས་བཅུའི་སངས་རྒྱས་རྣམས་ལ་ཕྱག་འཚལ་ལོ། །འཇམ་དབྱངས་ཕྱག་ན་རྡོ་རྗེ་སྤྱན་རས་གཟིགས། །ས་ཡི་སྙིང་པོ་སྒྲིབ་པ་རྣམ་པར་སེལ། །ནམ་མཁའི་སྙིང་པོ་བྱམས་པ་ཀུན་ཏུ་བཟང་། །ཉེ་བའི་སྲས་ཆེན་བརྒྱད་ལ་ཕྱག་འཚལ་ལོ། །སྟོན་པའི་རྟགས་འཆང་ཉན་ཐོས་མཆོག །ལྷུང་བཟེད་མཁར་གསིལ་པུསྟི་འཛིན། །བསླབ་སྦྱང་ཡོན་ཏན་ཀུན་ལྡན་པའི། །ཉན་ཐོས་རྣམས་ལ་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱིས་གྲངས་སྙེད་ཀྱིས། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་བསྟོད་པར་བགྱི། ཅེས་པས་བསྟོད། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། སོགས་ནས། །ཐམས་ཅད་བདག་གིས་བྱང་ཆུབ་ཕྱིར་བསྔོའོ། ཞེས་

― LT40_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བར་གྱིས་ཡ་ལག་བདུན་པ་འབུལ་ལོ། མདུན་བསྐྱེད་འདི་ལའང་འདྲ་མིན་འགའ་ཞིག་འཕེལ་འདུག་ཀྱང་འཁོན་གཞོན་ནུ་སངས་རྒྱས་ཀྱི་གཞུང་དུ་འདི་བཞིན་འབྱུང་བ་རྩ་བའི་ཡིག་ཆ་ཡིན་པར་མ་ཟད་ཤེར་སྙིང་གླེང་གཞི་དང་ཡང་མཐུན་པས་ཁུངས་ཆེ་ཞིང་། བདུད་ཟློག་ལས་ཚོགས་ལྟ་བུ་ཡིན་ཅིང་འདི་ཉིད་མདོ་སྒྲུབ་ཀྱི་དངོས་གཞི་ཤིན་ཏུ་གལ་ཆེ་བས་ཐོག་མར་བཟླས་སྒོམ་ནན་ཏན་དུ་བྱེད་པ་གལ་ཆེའོ། །ཆོས་སྲུང་གཏོར་འབུལ་སྤྲོ་ན་མདོར་བསྡུས་ཙམ་འདིར་སྦྱར་རོ། །གསུམ་པ་བདུད་ཟློག་གི་ཆོ་ག་ལས་བཅད་བཅུ་གཅིག་ཡོད་པའི་དང་པོ་བྱིན་གྱིས་བརླབས་པ་ནི། མདུན་གྱི་ཡས་གཟུགས་ལ་ཆབ་ཀྱིས་བྲན་ལ། །བདག་ཉིད་བཅོམ་ལྡན་ཤཱཀྱ་ཐུབ། ཕྱག་རྒྱའི་ཡི་གེ་ཨ་དཀར་ལས། །འོད་འཕྲོས་གཏོར་རྫས་དངོས་འཛིན་གྱི། །དྲི་མ་སྦྱངས་ནས་སྟོང་པར་གྱུར། ཐལ་མོ་ཁོང་སྟོད་སྦྱར་ལ། ཨོཾ་སྭཱ་བྷཱ་བཱ་ཤུདྡྷོ་སརྦ་དྷརྨ་སྭཱ་བྷཱ་བཱ་ཤུདྡྷོ྅ཧཾ། ལན་གསུམ་བཟླ་བཞིན་ཕྱག་རྒྱ་བཀྲོལ་ནས་སེ་གོལ་གཏོགས་པ་ཕྱི་མ་རྣམས་ལའང་འགྲེ། །ཆོས་ཉིད་རྣམ་དག་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་ཀྱི། །འབགས་བཙོག་ཉམས་གྲིབ་ཉེས་སྐྱོན་དང་། །མཚན་འཛིན་དྲི་མ་དག་གྱུར་ཅིག །བདག་ཉིད་བཅོམ་ལྡན་རྣམ་སྣང་མཛད། །ཕྱག་རྒྱའི་ཡི་གེ་ཁ་སྔོན་ལས། །འོད་འཕྲོས་གཏོར་རྫས་ཟད་མེད་མཛོད། །ནམ་མཁའི་ཁམས་ཀུན་ཁྱབ་

― LT40_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

བར་གྱུར། ཐལ་མོ་སྦུབ་སྟོང་གི་སྦྱར་བའི་ཚིག་བར་པ་རྣམས་བཅག་པ་རིན་ཆེན་སྒྲོམ་བུའི་ཕྱག་རྒྱ་སྨིན་མཚམས་སུ་བསྐོར་ཞིང་། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་་ཨི་མཾ་ག་ག་ན་ཁཾ་སྭཱ་ཧཱ། །ནམ་མཁའ་མཛོད་ཀྱི་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་རྣམས། །བསྐལ་པའི་བར་དུ་ཟད་མི་ཤེས། །རྒྱ་ཆེ་ནམ་མཁའ་གང་གྱུར་ཅིག །བདག་ཉིད་བཅོམ་ལྡན་བདུད་རྩི་འཁྱིལ། །ཕྱག་རྒྱའི་ཡི་གེ་ཧྲཱིཿདམར་ལས། །འོད་འཕྲོས་གཏོར་རྫས་ཡེ་ཤེས་ཀྱི། །བདུད་རྩི་ཆེན་པོའི་རང་བཞིན་གྱུར། མཐེ་བོང་བསྣོལ། སོར་མོ་གཞན་རྣམས་གཤོག་པ་ལྟར་གདེངས་པ་ཁ་ཡི་ཐད་དུ་བཞག་ལ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། །བདུད་རྩི་ཐབས་སྦྱོར་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་རྣམས། །བདུད་རྩི་ཡེ་ཤེས་ལྔ་ཡི་དངོས། །འཆི་སོས་དུག་ལྔའི་སྨན་གྱུར་ཅིག །བདག་ཉིད་བཅོམ་ལྡན་རིན་ཆེན་འབྱུང་། །ཕྱག་རྒྱའི་ཡི་གེ་ཏྲཱྃ་སེར་ལས། །འོད་འཕྲོས་གཏོར་རྫས་འདོད་ཡོན་ལྔ། །སོ་སོའི་མོས་པ་ཇི་བཞིན་གྱུར། ལག་གཉིས་མཛུབ་མོ་བསྒྲེངས་བའི་ཁུ་ཚུར་གཡོན་སྙིང་གར་བཞག་ལ། གཡས་བརྐྱངས་ཏེ་རྫས་ལ་གཏོད་པའི་ཚུལ་བྱས་ལ། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། །རྒྱལ་ཆེན་ཤུག་ལྡན་ཕྱག་

― LT40_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་སྔགས། །ཏིང་འཛིན་བདེན་པས་གཏོར་རྫས་རྣམས། །དབང་པོའི་སྤྱོད་ཡུལ་ཚིམ་བྱེད་པའི། །འདོད་ཡོན་སྣ་ཚོགས་ཆར་འབེབས་ཤོག །བདག་ཉིད་བཅོམ་ལྡན་དོན་ཡོད་གྲུབ། །ཕྱག་རྒྱའི་ཡི་གེ་ཧ་ལྡང་ལས། །འོད་འཕྲོས་མཆོག་དམན་སྐལ་བ་བཞིན། །འཐབ་རྩོད་མེད་པར་ཐོབ་པར་ཤོག །ལག་གཡས་རྡོ་རྗེ་ཁུ་ཚུར་སྙིང་གར་བཅངས། གཡོན་པ་མཆོག་སྦྱིན་གྱི་ཕྱག་རྒྱས་སྣོད་འདེགས་པའི་ཚུལ་བྱས་ལ། ཨོཾ་ཛྙཱ་ན་ཨ་བཱ་ལོ་ཀི་ཏེ་ས་མནྟ་སྥ་ར་་རསྨི་བྷ་བ་ས་མ་ཡ་མ་ཧཱ་མ་ི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུྃ། །ཡེ་ཤེས་སྐར་མདའི་ཕྱག་རྒྱ་སྔགས། །ཏིང་། གོ་ལྡོག་པའང་སྣང་། འཛིན་བདེན་པས་མགྲོན་རྣམས་ཀུན། །ཕམ་རྒྱལ་འཁྲུགས་རྩོད་མེད་པར་ཐོབ། །དགྱེས་ཤིང་རེ་བ་གང་གྱུར་ཅིག །བདག་ཉིད་བཅོམ་ལྡན་རྡོ་རྗེ་འཛིན། །ཕྱག་རྒྱའི་ཡི་གེ་ཛཿདམར་ལས། །འོད་འཕྲོས་མགྲོན་རྣམས་དབང་དུ་འདུས། །ཕྲིན་ལས་གང་འདོད་སྒྲུབ་པར་གྱུར། ལག་གཉིས་སོར་མོ་ནང་དུ་བསྣོལ་བའི་ཁུ་ཚུར་ངོས་མཐེ་བོང་གཉིས་གཤིབས་ཏེ་བརྐྱང་བ་སྤྱི་བོར་བསྐོར་ཏེ། ན་མཿས་མནྟ་བུདྡྷ་ནཱཾ་གྲ་ཧེ་ཤྭ་རི་པྲ་བྷ་ཛྱོ་ཏི་ནི་མ་ཧཱ་ས་མ་ཡ་སྭཱ་ཧཱ། །དབྱུང་དར་འཁོར་ལོའི་ཕྱག་རྒྱ་སྔགས། །ཏིང་འཛིན་བདེན་པས་མགྲོན་རིགས་ཀུན། །བདག་གི་དབང་འདུས་གང་བཅོལ་ལས། །སྒྲུབ་པའི་སྡོང་གྲོགས་མཛད་གྱུར་ཅིག །མཐར། ན་མོ་

― LT40_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །ལན་ཆགས་མགྲོན་རྣམས་བརྔན་པ་དང་། །སེམས་ཅན་འདོད་པས་ཚིམ་པ་དང་། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་འདི་མ་ལུས་པ། །ཐོགས་པ་མེད་པ་འབྱུང་གྱུར་ཅིག །ཅེས་འདུན་པའི་སྟོབས་ཀྱིས་ཀྱང་བྱིན་གྱིས་བརླབས་བོ། །གཉིས་པ་བསྐྱེད་ཅིང་སྤྱན་འདྲེན་པ་ནི། །རང་ཉིད་ཐུབ་དབང་ཤཱཀྱའི་རྒྱལ་པོར་གསལ། །མདུན་བསྐྱེད་རྒྱལ་བ་སྲས་བཅས་མཐའ་བསྐོར་གྱི། །ཤར་དུ་ལྷ་བདུད་དཀར་པོ་མེ་ཏོག་གཡས། །ལྷོ་རུ་ཉོན་བདུད་སེར་པོ་རལ་གྲི་གཡས། །ནུབ་ཏུ་ཕུང་བདུད་དམར་པོ་མདུ་དངར་གཡས། །བྱང་དུ་འཆི་བདུད་ནག་པོ་ཁྲམ་ཤིང་གཡས། །ཀུན་ཀྱང་ལག་གཡོན་ཞགས་ཐོག་བདུན་བདུན་རེ། །རང་མདོག་རྟ་ལ་ཞོན་ནས་གུས་པས་འཁོད། ཁལ་དང་ཁྱི་སོགས་རང་རང་གྲངས་མཉམ་ལ། །སོ་སོས་ཅི་འདོད་ཡོན་ཏན་ཆར་དུ་འབེབས། །གནོད་བྱེད་བགེགས་རིགས་ཀུན་གྱིས་བསྐོར་བར་གསལ། །བདག་གི་ཐུགས་ཀའི་འོད་ཀྱིས་མདུན་བསྐྱེད་བསྐུལ། །དེ་ལས་ཁྲོ་ཆུང་དཔག་མེད་འཕྲོས་པ་ཡིས། །བགེགས་རིགས་ལན་ཆགས་མགྲོན་རྣམས་བཀུག་པར་གྱུར། །ཧཱུྃ་

― LT40_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་པའི་ཧཱུྃ་སྒྲ་ངེས་སྒྲོགས་ཤིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་ལོ། །དཀོན་མཆོག་བདེན་པའི་བྱིན་བརླབས་ཀྱིས། །བར་སྣང་ཁམས་ཀྱང་འགུགས་བྱེད་ན། །ལུས་ཅན་རྣམས་ལ་སྨོས་ཅི་དགོས། །སེམས་མེད་པ་ཡང་འགུགས་བྱེད་ན། །སེམས་དང་ལྡན་པ་སྨོས་ཅི་དགོས། །འདིར་ནི་གནོད་བྱེད་འགུག་ཏུ་གསོལ། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་རིག་སྔགས་དང་གཟུངས་སྔགས་རྣམས་ཀྱི་བདེན་པ་དང་བདེན་པ་ཆེན་པོའི་མཐུས། བདུད་བཞི་བདུད་ཀྱི་དམགས་ཚོགས་རྣམས་སྐད་ཅིག་གིས་གཟུགས་བརྙན་འདིར་མཆིས་པར་གྱུར་ཅིག །ཊ་ཀི་ཧཱུྃ་ཛཿ ཞེས་བདེན་སྟོབས་ལན་གསུམ་བརྗོད་ལ། ཀྱེ། །ལྷ་བུའི་བདུད་ནི་དཀར་པོ་སྟེ། །སེམས་ཅན་ཆོས་སྤངས་ལས་བྱེད་པ། །ཅི་ཡང་མེད་པའི་གནས་སུ་ནི། །ལྷ་བདུད་དཔུང་དང་སྤྲུལ་པ་བཅས། །གདན་བཤམས་རང་གཟུགས་དམ་པ་འདིར། །སྔགས་འཆང་བདག་གིས་སྤྱན་འདྲེན་ན། །ཐང་ཅིག་ཡུད་ཙམ་འདིར་གཤེགས་ལ། །རང་གཟུགས་འདི་ལ་

― LT40_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་སུ་གསོལ། ཛཿཧཱུྃ་བྃ་ཧོཿགཉིས་མེད་ཐིམ། ཀྱེ། །ཉོན་མོངས་བདུད་ནི་སེར་པོ་སྟེ། །སེམས་ཅན་ཉོན་མོངས་འཁོར་བར་འཁྱམས། །ཡོད་མིན་མེད་མིན་གནས་སུ་ནི། །ཉོན་མོངས་བདུད་ཀྱི་དམག་ཚོགས་རྣམས། །སེམས་ཅན་ཉོན་མོངས་བསལ་བའི་ཕྱིར། །སྔགས་འཆང་བདག་གིས་སྤྱན་འདྲེན་ན། །ཐད་ཅིག་ཡུད་ཙམ་འདིར་གཤེགས་ལ། །རང་གཟུགས་འདི་ལ་བཞུགས་སུ་གསོལ། །ཛཿཧཱུྃ་བྃ་ཧོཿགཉིས་མེད་ཐིམ། ཀྱེ། ཕུང་པོའི་བདུད་ནི་དམར་པོ་སྟེ། །སེམས་ཅན་འདུས་པ་བཞི་ལས་བྱུང་། །ལུས་དང་གྲིབ་ལྟར་ལྷན་ཅིག་སྐྱེས། །རྣམ་ཤེས་མཐའ་ཡས་གནས་ནས་ནི། །ཕུང་པོའི་བདུད་ཀྱི་དམག་ཚོགས་རྣམས། །སྔགས་འཆང་བདག་གིས་སྤྱན་འདྲེན་ན། །ཐང་ཅིག་ཡུད་ཙམ་འདིར་གཤེགས་ལ། །རང་གཟུགས་འདི་ལ་བཞུགས་སུ་གསོལ། །ཛཿཧཱུྃ་བྃ་ཧོཿགཉིས་མེད་ཐིམ། ཀྱེ། །འཆི་བདག་བདུད་ནི་ནག་པོ་སྟེ། །སེམས་ཅན་འཆི་བའི་ལས་བྱེད་པ། །ནམ་མཁའ་མཐའ་ཡས་གནས་ནས་ནི། །འཆི་བདག་ནག་པོའི་བདུད་ཀྱི་ཚོགས། །དཔུང་དང་གཡོག་འཁོར་བཅས་པ་རྣམས། །སྔགས་འཆང་བདག་གིས་སྤྱན་འདྲེན་ན། །ཐང་ཅིག་ཡུད་ཙམ་འདིར་གཤེགས་ལ། །རང་གཟུགས་འདི་ལ་བཞུགས་སུ་གསོལ། །ཛཿཧཱུྃ་བྃ་ཧོཿགཉིས་མེད་

― LT40_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ། གསུམ་པ་བཞུགས་སུ་གསོལ་བ་ནི། །བདུད་བཞི་བདུད་ཀྱི་དམག་ཚོགས་རྣམས། །ཡོན་བདག་བདུད་བཞི་བསལ་བའི་ཕྱིར། །མཆོད་བསྟོད་བགྱིད་སླད་དེ་སྲིད་བཞུགས། །དེ་རིང་ཡོན་བདག་འདི་དག་གི། མཆོད་པ་དམ་པ་འདི་བཞེས་ལ། །བདུད་བཞི་གཡོས་པ་བསྒྱུར་དུ་གསོལ། བཞི་པ་བདུད་ཟློག་དངོས་ནི། སྤྱིར་གཞུང་གི་དགོང་པ་ལྟར་ན་དགེ་སློང་བཞི་སྡེ་འཚོགས་པའི་ཚེ། སློབ་དཔོན་གྱིས་འབྲུ་གསུམ་དང་སམྦ་རས་བསྔོས་པའི་ཚེ། དགེ་སློང་གཞན་གསུམ་གྱིས་ཤེར་སྙིང་དང་ཟློག་པ་ཚར་གསུམ་རེ་བཏོན་པས་དགུ་ཟློག་ཏུ་འགྲོ། མཐར་འདོད་གསོལ་སློབ་དཔོན་གྱི་བྱ་བ་ཡིན་ཀྱང་། ད་ལྟའི་ལག་ལེན་ལྟར་ན་སློབ་དཔོན་མང་ཉུང་དུ་ཡོད་ཀྱང་འདོན་བྱ་ཐམས་ཅད་མཉམ་དུ་བྱེད་པ་ཡིན་པས། ཐོག་མར་ཤར་གྱི་གྲལ་འགོ་ནས་བདུད་རྐྱ་མི་གཅིག །ཁལ། ཁྱི། ཆང་བུ། ཐེབས་ཀྱུ། ཤ་དུམ། ཟན་ཆང་བཅས་ཐེབ་ནང་དུ་བཤམ། འབྲུ་སྣ་བཏབ། ཆུ་གཙང་གིས་བྲན་ལ། ཨོཾ་ཨཱཿཧཱུྃ། ལན་གསུམ། གཏོར་གླུད་འདོད་པའི་ཡོན་ཏན་ལྔ་དང་ལྡན་པར་གྱུར། །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ༴ །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སམྦྷ་ར་སམྦྷ་

― LT40_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ར་ཧཱུྃ། སྔགས་ལན་བདུན་ནམ་གསུམ། འདི་སྐད་བདག་གིས་ཐོས་པ་དུས་ཅིག་ན། ཞེས་པ་ནས་བཟུང་སྟེ། མངོན་པར་བསྟོད་དོ། །ཞེས་པའི་བར་ཤེས་རབ་སྙིང་པོ་ཚར་གསུམ་དང་སྙིང་པོ་ཅི་རིགས་བཟླས་ལ། མཆོད་སྦྱིན་གྱི་གཏོར་མ་གཟུགས་སྒྲ་དྲི་རོ་རེག་བྱ་འདོད་པའི་ཡོན་ཏན་ལྔ་དང་ལྡན་པ་འདི་ཉིད་ལྷའི་བུའི་བདུད་ཀྱི་དམག་ཚོགས་རྣམ་ལ་འབུལ་ལོ། །རང་རང་སོ་སོའི་བསམ་པ་དང་མཐུན་པའི་ལོངས་སྤྱོད་ཟད་མི་ཤེས་པ་འབྱུང་བར་གྱུར་ཅིག །ཐམས་ཅད་མཉེས་ཤིང་ཚིམ་ནས་བདུད་བཞིའི་གནོད་པ་ཐམས་ཅད་བསྒྱུར་དུ་གསོལ། ཅེས་རོལ་མོ་དང་བཅས་ཏེ་ཐེང་ནང་དུ་བཤམས་པའི་གླུད་ཡས་རྣམས་མར་གཞི་ནག་པོའི་སྟེང་དུ་ཁ་ཕྱིར་བསྒྱུར་ཏེ་བཞག །ཐལ་མོ་སྦྱར་ཏེ། ན་མོ་བླ་མ་ལ་ཕྱག་འཚལ་ལོ། སངས་རྒྱས་ལ༴ ཆོས་ལ༴ དགེ་འདུན་ལ༴ ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། །ཇི་ལྟར་སྔོན་ལྷའི་དབང་པོ་བརྒྱ་བྱིན་གྱིས་ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཟབ་མོ་ཡིད་ལ་བསམ་ཞིང་ཚིག་ཁ་ཏོན་དུ་བྱས་པའི་མཐུ་དང་ནུས་པ་ལ་བརྟེན་ནས། བདུད་སྡིག་ཅན་ལ་སོགས་པ་ཕྱིར་ཟློག་པ་དེ་བཞིན་དུ། སོགས་ཐལ་རྡེབ་དཀྱུས་བཞིན་བྱ། །ཐབས་དང་སྐྱོབས་དང་དག་པ་དང་། །ཐེག་ཆེན་ངེས་པར་འབྱུང་བ་ལ། །སེམས་ཅན་རྣམས་ནི་རབ་བསླུ་བའི། །

― LT40_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱི་ལས་རྣམས་ཟློག་ཏུ་གསོལ། ཞེས་སྦྱར། དེས་ཚར་གཅིག་སོང་། དེས་འགྲེས་ཏེ་ཤར་ཕྱོགས་ཀྱི་གླུད་ཡས་བདུན་མ་རྫོགས་ཀྱི་བར་དུ་རེ་རེ་བཤམས་ལ། བྱིན་བརླབས་ནས་ཟློག་པའི་བར་བཤད་མ་ཐག་པ་ལྟར་ཆ་ཚང་བ་རེ་རེ་བྱས། གླུད་ཡས་རྣམས་ཀྱང་ཕྱོགས་སོ་སོར་གྲལ་ཐབས་སུ་བསྒྲིག་གོ། །ཡང་དམིགས་བསལ་གྱི་ཟློག་པའི་ཁ་བསྒྱུར་ནི། ཡན་ཆད་འདྲ་ལ། བདག་གིས་ཀྱང་ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མའི་དོན་ཟབ་མོ་ཡིད་ལ་བསམ་ཞིང་ཚིག་ཁ་ཏོན་དུ་བྱས་པའི་མཐུ་དང་ནུས་པ་ལ་བརྟེན་ནས། ནད་པ་ཡིན་ན་མིང་ནས་བརྗོད་ལ་མིང་འདི་ཞེས་བྱ་བའི། དང་པོ་ནད་ཀྱི་སྣ་འདྲེན་པ། བར་དུ་གདོན་གྱི་ཚང་བཅའ་བ། ཐ་མ་ནད་ལ་མི་ཕན་པར་བྱེད་པའི་གདོན་བགེགས་ཀྱི་རིགས་གང་ཡིན་པ་དེ་དག་ཐམས་ཅད་ཤེས་རབ་སྙིང་པོའི་བདུད་ཟློག་བགྱིས་པ་འདི་དང་། འཕགས་པ་དཀོན་མཆོག་གསུམ་གྱི་བཀའ་ཡི་བདེན་པས་ད་ལྟ་ཉིད་དུ་ཕྱིར་ཟློག་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །ཅེས་དང་། །སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་བར་ཤོག །འགྲོ་བའི་ནད་རྣམས་མ་ལུས་པ། །རྟག་ཏུ་འབྱུང་བ་མེད་པར་ཤོག །ཅེས་བརྗོད། ཐན་ལྟས་ལ། །མཐུ་དང་ནུས་པ་ལ་བརྟེན་ནས། ཉིན་གྱི་ལྟས་ངན་པ། །མཚན་

― LT40_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྨི་ལམ་ངན་པ། ཁྱད་པར་དུ་ཐན་ལྟས་འདི། ཞེས་བྱ་བ། འཕགས་པ་དཀོན་མཆོག་གསུམ་གྱི་བཀའ་ཡི་བདེན་པས་ད་ལྟ་ཉིད་དུ་ཕྱིར་ཟློག་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །ཅེས་དང་། སྨོན་ལམ། །དུས་མིན་འཆི་བར་གྱུར་པ་སྣ་ཚོག་དང་། །རྨི་ལམ་ངན་དང་མཚན་མ་ངན་པ་དང་། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་དུ་གསོལ། ཅེས་བརྗོད། བྱད་ཟློག་ནི། མཐུ་དང་ནུས་པ་བརྟེན་ནས། བྱད་ཁ་ཕུར་ཁ་ཐུན་ཟོར་མནན་གཏད་སྦྱོར་ངན་ཕུང་སེལ་སྡེབ་གཤོར་རླུང་འཁོར་ལ་སོགས་པ་ཕས་རྒོལ་བྱད་མའི་རིག་སྔགས་རྦོད་གཏོང་གི་སྦྱོར་བ་ཐམས་ཅད་འཕགས་པ་དཀོན་མཆོག་གསུམ་གྱི་བཀའ་ཡི་བདེན་པས་ད་ལྟ་ཉིད་དུ་ཕྱིར་ཟློག་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །ཅེས་དང་། །རྫོགས་པའི་བྱང་ཆུབ་བསྒྲུབ་པ་ལ། །ཕྱི་དང་ནང་དུ་འཚེ་བ་ཡི། །བར་དུ་གཅོད་པ་ཐམས་ཅད་ཀུན། །ཉེ་བར་ཞི་བར་མཛད་དུ་གསོལ། །ཅེས་བརྗོད། བསྟན་དགྲ་སོགས་ལ་མཐུ་བྱེད་ན། ནུས་པ་ལ་བརྟེན་ནས། །བདག་ལ་སྡང་བའི་དགྲ་བོ་འདི། །དཀོན་མཆོག་གསུམ་གྱི་བཀའ་ཡི་བདེན་པས་ད་ལྟ་ཉིད་དུ་ཁུག་ཅིག །སྒྲོལ་ཅིག །ཤ་ཁྲག་སྣང་སྲིད་ལྷ་འདྲེས་ཟོ་

― LT40_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག །རྣམ་ཤེས་ཆོས་ཀྱི་དབྱིངས་སུ་དྲོངས་ཤིག །དཀོན་མཆོག་བདེན་པའི་དམོད་པ་ཡིས། །དགྲ་བགེགས་བྱད་མ་ཐམས་ཅད་ཀྱིས། །ལུས་ངག་ཐལ་བའི་རྡུལ་དུ་རློག །རྣམ་ཤེས་ཆོས་ཀྱི་དབྱིངས་སུ་སྤོར། ཅེས་བརྗོད་དོ། །དེ་དག་གིས་མཚོན་ཏེ། ནད་ཡམས། ལོ་ཉེས། དམག་འཁྲུགས། རྨི་ལམ་ངན་པ། གདོན་ཆེན། མི་ཁ། གྱོད་དང་གོད་ཁ་སོགས་གང་ལའང་ཟློག་པ་དང་སྨོན་ལམ་གྱི་ཁ་སྒྱུར་རེགས་པས་འཕྲུལ་ཤེས་པར་བྱའོ། །ཕྱོགས་གཞན་རྣམས་ལའང་དེས་འགྲེས་ཏེ། ལྷོར་ཉོན་མོང་པའི་བདུད། ནུབ་ཏུ་ཕུང་པོའི་བདུད། བྱང་དུ་འཆི་བདག་གི་བདུད་ཀྱི་དམག་ཚོགས་ཞེས་ཚིག་ཁ་བསྒྱུར་བ་ཙམ་ལས་གཞན་ཤར་དང་འདྲ་བར་ཕྱོགས་རེ་ནས་བདུན་རེ་མ་རྫོགས་པར་བཏུད། མདོ་འདོན་པའི་ཚེ། དབང་པོ་རབ་ཀྱིས་ཆོས་ཐམས་ཅད་ངོ་བོ་ཉིད་མེད་པ། སྤྲོས་པའི་མཐའ་ཐམས་ཅད་དང་བྲལ་བ་བརྗོད་དུ་མེད་པའི་རང་བཞིན་གྱི་ངོ་བོར་བསམ་ལ། དེའི་ངང་ནས་མ་གཡོས་བཞིན་དུ་མདོ་འདོན་པར་བྱའོ། །དབང་པོ་འབྲིང་གིས་བརྗོད་པ་དང་བྲལ་བའི་དོན་དེ་ཡང་སྔོན་དུ་དྲན་པར་བྱས་ལ། མདོ་ཟློག་པའི་བྱ་བ་ཐམས་ཅད་རྨི་ལམ་སྒྱུ་མ་ལྟ་བུའི་ངང་ནས་བྱའོ། །དབང་པོ་ཐ་མས་སྔོན་དུ་བརྗོད་བྲལ་དང་རྨི་ལམ་སྒྱུ་མ་དྲན་པར་བྱས་ལ། ཚིག་ཏུ་འདོན་པའི་སྒྲ་ལ་སེམས་གཏད་དེ་མ་ཡེངས་པར་བྱས་ལ། མཐོང་ཐོས་ལ་སོགས་པ་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་སྙམས་དུ་ཤེས་པར་བྱས་ལ་མདོ་འདོན་པར་གསུངས་སོ། །

― LT40_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པ་གཏོར་མ་བསྔོ་བ་ནི། ཤར་གྱི་ལྷ་བཤོས་ཆབ་ཀྱིས་བྲན་ལ། ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབས་ནས་སམྦྷ་རའི་སྔགས་ལན་བདུན་གྱིས་བསྔོ། དེ་བཞིན་གཤེགས་པ་བཞིའི་མཚན་བརྗོད་ཅིང་ཕྱག་འཚལ་བའི་མཐར། ཞལ་ཟས་རོ་བརྒྱ་ནུས་པ་སྟོང་དང་ལྡན་པ་འདི་ཉིད་ལྷའི་བུའི་བདུད་ཀྱི་དམག་ཚོགས་རྣམས་ལ་འབུལ་ལོ། །རང་རང་སོ་སོའི་བསམ་པ་དང་མཐུན་པའི་ལོངས་སྤྱོད་ཟད་མི་ཤེས་པ་འབྱུང་བར་གྱུར་ཅིག །ཐམས་ཅད་མཉེས་ཤིང་ཚིམས་ནས་བདུད་བཞི་གཡོས་བའི་གནོད་པ་ཐམས་ཅད་བསྒྱུར་དུ་གསོལ། ཞེས་བརྗོད་ཅིང་འོག་གཞིའི་ལྷའི་བུའི་བདུད་རྣམས་ཀྱི་མདུན་དུ་ཞལ་ཟས་ཕུལ་ནས། །ཐམས་ཅད་ནམ་མཁའི་མཛོད་བཞིན་དུ། །ལོངས་སྤྱོད་ཟད་པ་མེད་པ་དང་། །རྩོད་པ་མེད་ཅིང་འཚེ་མེད་པ། །རང་དབང་དུ་ནི་སྦྱོང་བར་ཤོག །བདག་གི་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །བདུད་བཞི་རྣམས་ལ་མཆོད་པ་དང་། །སེམས་ཅན་རྣམས་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོག་པ་མེད་པར་འབྱུང་གྱུར་ཅིག །ཅེས་བདེན་སྟོབས་ཀྱིས་བསྔོའོ། །དེ་བཞིན་དུ་ལྷོའི་གཏོར་མ་མེ་ཏོག་དབྱིབས་ཅན་བྲན་ལ་འབྲུ་གསུམ་གྱིས་བྱིན་བརླབས་དང་། །སམྦྷ་རའི་སྔགས་ལན་བདུན། མཚན་བཞི་བརྗོད་ལ། གཏོར་མ་མེ་ཏོག་དབྱིབས་

― LT40_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་རོ་བརྒྱ་ནུས་པ་སྟོང་དང་ལྡན་པ་འདི་ཉིད་ཉོན་མོངས་པའི་བདུད་ཀྱི་དམག་ཚོགས་རྣམས་ལ་འབུལ་ལོ། །རང་རང་སོ་སོའི་ནས། བདེན་སྟོབས་བརྗོད་པ་ཡན་གོང་ལྟར་བྱས་ལ་གཏོར་མ་ཏོན་བདུད་ཀྱི་མདུན་ཏུ་ཕུལ། ནུབ་ཀྱི་དཀར་གཏོར་བྲན་ལ་བྱིན་བརླབས་སོགས་གོང་ལྟར་བྱ། དཀར་གཏོར་རོ་བརྒྱ་ནུས་པ་སྟོང་དང་ལྡན་པ་འདི་ཉིད་ཕུང་པོའི་བདུད་ཀྱི་དམག་ཚོགས་རྣམས་ལ་འབུལ་ལོ། །རང་རང་སོ་སོའི་སོགས། གོང་ལྟར་ལ་གཏོར་མ་ཕུང་པོའི་བདུད་རྣམས་ཀྱི་མདུན་དུ་ཕུལ། བྱང་གི་དམར་གཏོར་བྲན་ལ་བྱིན་བརླབས་སོགས་དང་། དམར་གཏོར་རོ་བརྒྱ་ནུས་པ་སྟོང་དང་ལྡན་པ་འདི་ཉིད་འཆི་བདག་གི་བདུད་ཀྱི་དམག་ཚོགས་རྣམས་ལ་འབུལ་ལོ། །རང་རང་སོ་སོའི་སོགས་གོང་ལྟར་ལ་གཏོར་མ་འཆི་བདུད་མདུན་དུ་འབུལ་ལོ། དྲུག་པ་གླུད་བསྔོ་ནི། ངར་མིའི་སྟེང་དུ་ནད་པ་སོགས་ཁྲུས་བྱས་པའི་ཆུ་བླུག་ལ་ཆབ་ཀྱིས་བྲན། ཨོཾ་ཨཱཿཧཱུྃ། གིས་བྱིན་གྱིས་བརླབས་ལ། སམྦྷ་རའི་སྔགས་བདུན་དང་། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །བཞིའི་མཚན་བརྗོད་མཐར། ཧཱུྃ། དར་མི་ཕོ་མོ་མཛེས་པ་འདི། །དེ་རིང་ཡོན་གྱི་བདག་པོའི་གླུད། །རྒྱུ་ནི་རིན་ཆེན་ལྔ་ལས་གྲུབ། །དར་ཚོན་རྣམས་ཀྱི་ཆས་ཀྱིས་བརྒྱན། །རྒྱན་ཆ་དེ་ནི་ལྷུབས་སེ་ལྷུབ་ཁ་རུ་དེ་ནི་གཡུ་ཡང་བཅུག །ལག་ཏུ་དེ་ནི་གསེར་བསྐུར་རོ། །བདུད་བཞི་རྣམས་ཀྱི་ཕྱག་ཏུ་ཕུལ། །ལ་འཕྲད་དེ་ནི་ལ་རུ་ཟློག །ལུང་འཕྲད་དེ་ནི་ལུང་དུ་ཟློག །སྨྲ་མཁས་དེ་ནི་ས་ལ་ལ། །འགྲོ་མཁས་

― LT40_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་ལྡེམས་སེ་ལྡེམ། །མགོ་ལ་ཐོད་བཅིང་བཀྲག་རེ་ཆེ། །ལུས་བཟང་དེ་ནི་རྒྱན་གྱིས་བརྒྱན། །མིང་བཟང་དེ་ནི་སྟོབས་ཆེ་ལ། །བཟུང་བའི་ཡུལ་ནི་མ་མཆིས་སོ། །ཡོན་གྱི་བདག་པོ་བསླུ་བའི་ཕྱིར། །དེ་རིང་བདག་གིས་འདི་བཏང་བས། །གླུད་བདག་ཆེན་པོས་གླུད་བཞེས་ཤིག །རྣམ་ཤེས་ཚོགས་བརྒྱད་འབྱུང་བ་ལྔ། །རྟེན་ཅིང་འབྲེལ་བར་འབྱུང་བའི་གླུད། ཁམས་དང་སྐྱེ་མཆེད་རྣམས་ཀྱི་གླུད། །དབང་པོ་ཚོགས་དྲུག་རྣམས་ཀྱི་གླུད། །འབྲུ་མཆོག་ངར་གྱི་མི་བོ་ཆེ། །རིན་ཆེན་སྣ་ལྔའི་ན་བཟའ་ཅན། །འཁོར་བའི་གཡུལ་ཟློག་དར་མདུད་གཡས། །གཡོན་ན་ཐར་དགུ་ལམས་སེ་ལམ། །རྐང་པ་གཡས་པ་ཐབས་ཆེན་ལྕགས། །རྐང་པ་གཡོན་པ་ཤེས་རབས་ཟངས། །དེ་འདྲའི་འབྲུ་མཆོག་མི་བོ་ཆེ། །བདུད་བཞིའི་དམག་ཚོགས་འཁོར་བཅས་ལ། །ཡོན་བདག་འདི་ཡི་གླུད་དུ་འབུལ། །མི་བས་གླུད་ཀྱིས་བཟང་བས་ན། །བདུད་བཞིའི་དམག་ཚོགས་ཐམས་ཅད་ཀྱིས། །གླུད་བཟང་མཛེས་པ་འདི་ཁྱེར་ལ། །ད་ནི་རང་རང་གནས་སུ་སོང་། །དཀོན་མཆོག་གསུམ་གྱི་བཀའ་མ་བཅག །ལྷ་དབང་བརྒྱ་བྱིན་གྱིས་བསྐུལ་བས། །བཅོམ་ལྡན་ཤཱཀྱ་ཐུབ་པ་ཡིས། །བདུད་བཞི་བཀུག་ནས་ཡས་གླུད་བྱིན། །བཀའ་བསྒོས་དམ་བཞག་མཛད་པ་ཡི། །དམ་ཚིག་དེ་ཉིད་དྲན་གྱིས་ལ། །འཁོར་འདིར་གནོད་པ་མ་བྱེད་ཅིག །བདུད་རྣམས་རང་རང་གནས་སུ་སོང་། །བདུད་ཁ་གླུད་ཀྱིས་

― LT40_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད་པར་གྱིས། །བདུད་བཞི་གཡོས་པ་ཞི་གྱུར་ཅིགཐམས་ཅད་ནམ་མཁའ་མཛོད་བཞིན་དུ། སོགས་ནས། །བདག་གི་བསམ་པའི་སྟོབས་དང་ནི། སོགས་ཀྱིས་བསྔོས་ལ་ངར་མི་བདུད་བཞིའི་དབུས་སུ་སྟེགས་བུའི་སྟེང་དུ་ཁ་ཕྱིར་བསྒྱུར་ལ་བཞག །སྐབས་འདིར་ནད་པ་ཡོད་ན་ནད་སྤོ་བའི་ཕྱག་ལེན་ཡོད་པར་བཤད་དོ། །བདུན་པ་བཀའ་བསྒོ་བ་ནི། ཧཱུྃ། །ང་ནི་བཅོམ་ལྡན་ཤཱཀྱ་ཐུབ། །ང་ནི་དཔལ་ཆེན་གསང་བའི་བདག །ང་ནི་སྔགས་འཆང་སྒྲུབ་པ་པོ། །ང་ནི་བདུད་བགེགས་གཉེན་པོ་སྟེ། །བདུད་ཆེན་དང་ནི་ལྷ་དང་ཀླུ། །འབྱུང་པོ་ཡི་དྭགས་ཤ་ཟ་དང་། །ནད་བདག་མ་མོ་ལ་སོགས་པ། །ང་ཡི་བཀའ་ལས་མ་འདའ་ཞིག །ངར་གླུད་གཏོར་མ་འདི་བཞེས་ལ། །བདག་དང་རྒྱུ་སྦྱོར་ཡོན་བདག་གི། །ནད་གདོན་བར་ཆད་ཞི་བར་མཛོད། །བཟུང་པ་ཐོངས་ལ་བཅིངས་པ་ཁྲོལ། །བསྡམས་པ་ཀློད་ལ་མནན་པ་ཁྱོག །བཅོལ་བའི་ཕྲིན་ལས་མ་བསྒྲུབས་ན། །སྔོན་གྱི་བདེ་གཤེགས་ཆད་པ་ཡིས། །སེམས་ཅན་དམྱལ་བ་རྣམས་སུ་ཡང་། །ཡང་ནས་ཡང་དུ་སྐྱེ་འགྱུར་ཞིང་། །ཤིན་ཏུ་ཡ་ངའི་སྡུག་བསྔལ་མྱོང་། །དེ་བས་གནོད་པ་མ་བྱེད་པར། །བདུད་བཞི་རང་རང་གནས་སུ་ཆོས། །བདེན་ཅིང་བསླུ་མེད་སངས་རྒྱས་བཀའ། །དེ་བཞིན་སྒྲུབས་དང་བདེ་བ་ཐོབ། །བདག་དང་རྒྱུ་སྦྱོར་ཡོན་བདག་རྣམས། །བདུད་ཆེན་བཞི་ལས་ཐར་བ་དང་། །བར་ཆད་ནད་གདོན་མྱུར་ཞི་ནས། །བསམ་པའི་དོན་

― LT40_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་འགྲུབ་པར་མཛོད། བརྒྱད་པ་བརྗོད་འདེབས་དང་གཤེགས་གསོལ་ནི། འབྲུ་སྣ་ཚོགས་བཏབ་ལ། ཀྱེ། བདུད་ཀྱི་དམག་ཚོགས་ཁྱོད་རྣམས་ཀྱིས། །ཇི་ལྟར་བསྒོས་བཞིན་བྱས་ནས་ནི། །སྐྱེ་མཆེད་མུ་བཞིའི་གནས་སུ་དེངས། །ལྷ་བུའི་བདུད་ནི་དཀར་པོ་ཁྱོད། །ཅི་ཡང་མེད་པའི་གནས་སུ་དེངས། །ཉོན་མོངས་བདུད་ནི་སེར་པོ་ཁྱོད། །རྣམ་ཤེས་མཐའ་ཡས་གནས་སུ་དེངས། །ཕུང་པོའི་བདུད་ནི་དམར་པོ་ཁྱོད། །ཡོད་མིན་མེད་མིན་གནས་སུ་དེངས། །འཆི་བདག་བདུད་ནི་ནག་པོའི་ཚོགས། །ནམ་མཁའ་མཐའ་ཡས་གནས་སུ་དེངས། །ཤེས་སྒྲིབས་ཉོན་མོངས་ལས་བྱུང་བའི། །ལྷ་ཡི་བདུད་དང་ཉོན་མོངས་བདུད། །ཕུང་པོའི་བདུད་དང་འཆི་བདག་བདུད། །བདུད་བཞིའི་བདུད་ཀྱི་དམག་ཚོགས་རྣམས། །མཆོད་སྦྱིན་གཏོར་མ་འདི་བཞེས་ལ། །རྒྱུ་སྦྱོར་ཡོན་བདག་འདི་དག་ལ། །བཟུང་བ་ཐོང་ལ་མནན་པ་ཁྱོག །བདུད་ཆེན་མི་ལ་མ་འབེབས་ཤིག །སྐྱེ་མཆེད་མུ་བཞིའི་གནས་སུ་དེངས། །རང་རང་མཛེས་པའི་ཕོ་བྲང་དུ། །བདེ་བའི་སེམས་དང་ལྡན་པར་མཛོད། །འཁོར་འདིར་གནོད་པ་མ་བྱེད་ཅིག །རང་རང་གནས་སུ་བདེ་བར་གཤེགས། །ས་མ་པྲ་བཱེ་ཤ་ཡ་ཕཊ། ཅེས་བརྗོད་ལ། བདུད་བཞི་འཁོར་བཅས་བྱམས་པ་དང་མགུ་བའི་སེམས་ཀྱིས་རང་གནས་སུ་སོང་བར་བསམས་ལ། ཕུལ་ཕྱོགས་སུ་ཕྱིར་ཅུང་ཟད་ཁྱེར་དུ་བཅོལ་ནས་ཁ་ཕྱིར་བསྟན་ལ་བཞག །ཕུལ་ཕྱོགས་ནི་ནད་པའི་དོན་དུ་བྱེད་ན་དུར་ཆེན་ཐོག་ཏུ་ཕུལ། དེ་བཞིན་སྤར་ཁའི་

― LT40_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོས་ཡིན་ན་བཞི་གཤེད་བདུན་ཟུར་དགྲ་ཐོག་གང་གནོད་ཕྱོགས་སུ་ཕུལ། བདེ་རིམ་ཡིན་ན་ལམ་མདོའམ་ཡས་ལམ་གང་བདེར་ཕུལ། མཐུ་ཟློག་བྱེད་ན་བྱད་མའི་ཕྱོགས་སུ་ཕུལ། མཐུ་བྱེད་ན་དགྲ་ཐོག་ཏུ། རྒྱལ་པོས་གནོད་ན་ལྷ་ཁང་ངམ་མཆོད་རྟེན་རྩར། འདྲེ་མོས་གནོད་ན་གྲོང་མདོའམ་ལུང་སུམ་མདོར། ཆར་འབོད་པའམ་ཀླུས་གནོད་ན་མཚོའམ་ཆུ་མིག་ཏུ་ཕུལ། ཡུལ་ལྷས་གནོད་ན་དེ་ཕྱོགས་སུ། མདོར་ན་གང་དང་གང་གནོད་དེར་བསྐྱལ་བར་གསུངས་སོ། །དགུ་པ་གསེར་སྐྱེམས་ནི། དཀར་གཏོར་གསེར་སྐྱེམས་འབྲུ་སྣ་བླུགས་པ་བཤམས་ལ་ཆབ་ཀྱིས་བྲན་ཏེ། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ་གྱིས་བྱིན་གྱིས་བརླབས། ཨ་ཀཱ་རོ་ལན་གསུམ་གྱིས་བསྔོས་ལ། ཧཱུྃ། །བཅོམ་ལྡན་ཤཱཀྱའི་རྒྱལ་པོ་དང་། །དཀོན་མཆོག་གསུམ་གྱི་བཀའ་བྱུང་གིས། །སྔགས་འཆང་བདག་གི་ངག་ལ་ཉོན། །སྟེང་འོག་ཕྱོགས་བཅུར་གནས་པ་ཡི། །སྣང་སྲིད་ལྷ་སྲིན་སྡེ་བརྒྱད་སོགས། །གཞི་བདག་ཡུལ་གྲོང་གཉུག་མར་བཅས། །ས་བདག་ཀླུ་གཉན་འཁོར་འབངས་བཅས། །འདོད་ཡོན་མཆོད་སྦྱིན་གཏོར་མ་དང་། །རིན་ཆེན་གསེར་སྐྱེམས་འདི་བཞེས་ལ། །ཕྲག་དོག་ཀོ་ལོང་མ་བསྡོམ་པར། །སྒོ་བ་རྣམས་ཀྱིས་སྒོ་ཕྱེས་ཤིག །འཕྲང་བ་རྣམས་ཀྱིས་འཕྲང་སོལ་ཅིག །ཁྱེད་རྣམས་གཡས་དང་གཡོན་དུ་བཟུང་། །དེ་རིང་གཏོར་ལམ་གཉན་པོ་ཕྱེས། །དེ་རིང་ཡས་ཀྱི་ལམ་ཕྱེས་ཤིག །རྣལ་འབྱོར་བདག་གི་མཐུ་དཔུང་མཛོད། །གཏོར་ལམ་ཕྱེས་

― LT40_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དམག་སྣ་དྲོངས། །རུ་ང་ཕྲག་དོག་མ་མཛད་ཅིག །བདག་གི་དཔུང་དང་གྲོགས་མཛོད་ཅིག །དམིགས་པའི་དགྲ་བགེགས་བྱད་མ་ཟློག །བཅོལ་བའི་ཕྲིན་ལས་གྲུབ་བར་མཛོད། །ཅེས་གསེར་སྐྱེམས་མཆོད་ཅིང་དཀར་གཏོར་མདོས་ཕུལ་ཕྱོགས་སུ་བསྐྱལ་ལོ། །བཅུ་པ་ཟློག་བསྒྱུར་ནི། ཡས་གླུད་རྣམས་ཁྱེར་མིའི་ལག་ཏུ་བཟུང་བཅོལ་ནས། བདུད་དང་མ་མོ་རྣམས་ཀྱི་གདུག་པ་ཟློག་བསྒྱུར་བྱ་བ་ནི། གདུག་པ་སྟོན་པ་འཁོར་གྱི་ཐུགས་རྗེས་ཟློག་པར་བསམས་ལ། བྷྱོ། མ་ཅིག་ཡམས་བདག་འཁོར་དང་བཅས། །ཁྱོད་ཀྱི་ལག་པ་གཡས་པ་ན། །བདུད་ཀྱི་ཁྲམ་བམ་རེ་རེ་ཡོད། །བདག་ཅག་ཡོན་མཆོད་འཁོར་བཅས་རྣམས། །གལ་སྟེ་ཁྲམ་ལ་བཏབ་སྲིད་ན། །ཁྲམ་ཁ་ཕྱིས་ཤིག་མ་ཅིག་མ། །ཁྱོད་ཀྱི་ལག་པ་གཡས་པ་ན། །བཙན་གྱི་ཤཱ་རྡེལ་དཀར་ནག་བཀྲམ། །བདག་དང་རྒྱུ་སྦྱོར་ཡོན་བདག་རྣམས། །གལ་ཏེ་རྩིས་ལ་བཅུག་པ་ན། །ཤྭ་རྡིའུ་དཀར་ནག་ད་ཕྱིས་ཤིག །ཁྱོད་ཀྱི་མཆན་ཁུང་གཡས་པ་ན། །གཤིན་རྗེའི་ཁྲམ་ཤིང་དམར་པོ་ཡོད། །བདག་དང་རྒྱུ་སྦྱོར་ཡོན་བདག་རྣམས། །གལ་ཏེ་ཁྲམ་ལ་བཏབ་པ་ན། །བྱང་དམར་དཀྱུས་ནས་ད་ཕྱུང་ཞིག །ཁྱོད་ཀྱི་མཆན་ཁུང་གཡོན་པ་ན། །ནད་ཀྱི་རྐྱལ་བ་ནག་པོ་ལ། །སྦྲུལ་ནག་ལྔ་བརྒྱའི་ཁ་ཆིངས་ཅན། །སྤྲུལ་པ་མང་པོ་དེ་ནས་འགྱེད། །སྤྲུལ་པའི་དམག་དཔུང་ད་ཕྱུང་ཞིག །ཡོན་

― LT40_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བསླུ་ཕྱིར་བདུད་ཟློག་འབུལ། །འབུལ་བ་བདག་གིས་མ་ནོར་ལ། །ལེན་པ་ཁྱོད་ཀྱིས་མ་ནོར་ཞིག །བཞེས་ཤིག་ཀུན་གྱི་དགྱེས་པར་རོལ། །བདག་དང་རྒྱུ་སྦྱོར་ཡོན་བདག་ལ། །བན་བོན་བྱད་ཁ་ད་ཟློག་ཅིག ། ཀླུ་གཉན་གཏད་ཁྲམ་ད་ཟློག་ཅིག །དགྲ་ཇག་ཆོམས་རྐུ་ནད་ཟློག་ཅིག །མི་ཁ་ངན་པ་ད་ཟློག་ཅིག །ནོར་ཕྱུགས་གོད་ཁ་ད་ཟློག་ཅིག །མི་ཡི་ཤི་འཕྲོ་ད་ཆོད་ཅིག །ཡམ་ནད་རིམ་ནད་ད་ཟློག་ཅིག །མ་ཉེས་ཁ་ཡོག་ད་ཟློག་ཅིག །མི་མཐུན་གནོད་པའི་ཚོགས་རྣམས་ཀུན། །ཤེས་རབ་སྙིང་པོའི་ཡས་ཟློག་འདིས། །ད་ལྟ་ཉིད་དུ་ཟློག་བསྒྱུར་ཅིག །ཤེས་རབ་ཟློག་བཅས་བྱིན་རླབས་ཀྱིས། །ས་ཆུ་མེ་རླུང་སྐག་ངན་ཟློག །ངར་གླུད་ཡས་སོགས་གཟུགས་འགྲོས་ཀྱིས། །ལྟས་ངན་རང་སར་ཞི་བར་མཛོད། །ནད་ཡམས་གོད་ཁ་ཟློག་ཏུ་གསོལ། །དེ་བཞིན་གང་ལ་གང་འཚེ་བ། །དཀོན་མཆོག་གསུམ་གྱི་ཐུགས་རྗེ་དང་། །ཤེས་རབ་སྙིང་པོའི་བྱིན་རླབས་དང་། །སྔགས་འཆང་བདག་གི་ནུས་མཐུ་ཡིས། །བདུད་བཞིའི་གནོད་པ་མ་ལུས་ཀུན། །སོ་སོ་རང་རང་གནས་སུ་ཟློག །ས་མ་ཡ། པྲ་བཱེ་ཤ་ཡ་ཕཊ། །དྲག་ཏུ་བརྗོད་ཅིང་རོལ་མོ་བྱས་ལ་ཕྱི་རོལ་དུ་སྐྱེལ་བཅོལ། དེའི་ཚེ་རྒྱས་པར་ཤེས་རབ་སྙིང་པོ་ཚར་གསུམ་དང་དགུ་ཟློག་བྱ། བསྡུ་ན་མདོ་ཚར་གཅིག་དང་། ཟློག་པ་ལན་གསུམ་བྱ། ཤིན་ཏུ་བསྡུ་ན་ག་ཏེ་ལན་གསུམ་བརྗོད་པའི་མཐར་ཟློག་པ་རེ་བྱ་བ་དེ་འདྲ་ལན་གསུམ།

― LT40_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་དང་བྱེ་བྲག་དམིགས་བསལ་གང་ཡིན་པའི་བདེན་སྟོབས་བརྗོད་མཐར་ཐལ་མོ་རྡེབ་བཅས་ཀྱི་ཚིགས་སུ་བཅད་པ་རྣམས་ཀྱང་སྔར་བཞིན་བྱ། དེའི་ཆ་རང་གི་ལག་གཉིས་ཉི་ཟླར་གསལ་བ་དང་། སངས་རྒྱས་དང་ཉན་ཐོས་རྣམས་ཀྱིས་ཆོས་གོས། བྱང་སེམས་རྣམས་ཀྱིས་ཐལ་མོ་བརྡབ། ཆོས་སྐྱོང་སྤྲུལ་པའི་དམག་དཔུང་དང་བཅས་པས་མཚོན་ཆའི་ཆར་ཕབས་པས་གནོད་བྱེད་ལ་དམིགས་པ་རྡུལ་དུ་རླག་པར་བསམ། མཐུ་བྱེད་པའམ། གལ་ཆེ་དུས་རི་ལ་ཕུལ་བ་ལ་རང་འགྲོ་ན། གོང་གི་མ་མོའི་ཟློག་པའི་མགོ་ནས་ཕྱིར་ཁྱེར་ལ་དེར་ཕྱིན་པ་དང་། གསེར་སྐྱེམས་གཏོར་ལ་མ་མོའི་ཟློག་པ་མན་ཆད་དང་། ཤེས་རབ་སྙིང་པོའི་ཟློག་པ་ལན་གསུམ་གྱི་བར་འདི་དེར་འདོན་ལ་འབུལ་ལོ། །གང་ལྟར་ཡང་ཟློག་པ་གྲུབ་འཕྲལ་རང་དང་བསྲུང་བྱ་མི་ནོར་འཁོར་བཅས་བཅོམ་ལྡན་འདས་ཀྱི་ཕྱག་གཡས་ས་གནོན་གྱི་འོག་ཏུ་ཚུད་པར་བསམས་ལ། ག་ཏེ་བཟླ་བའམ། ཅུང་ཟད་སྤྲོ་ན། །སྟོང་པའི་ངང་ལས་བྷྲཱུྃ་ཡིག་སེར་པོ་ནི། །ཡོངས་གྱུར་གསེར་གྱི་འཁོར་ལོ་རྩིབས་སྟོང་པ། །ཡངས་ཤིང་རྒྱ་ཆེ་ཕྱི་རོལ་གནམ་ས་ཁྱབ། །དེ་རྒྱབ་བདག་མདུན་ཐུགས་ལས་འོད་འཕྲོས་པས། །ཤེར་ཕྱིན་གླེགས་བམ་རལ་གྲི་རྡོ་རྗེ་ཡི། །གུར་ཁང་རིམ་གསུམ་ཡེ་ཤེས་མེ་དཔུང་འབར། །བསྐལ་པའི་རླུང་ཡང་ཐར་བ་མེད་པའི་ནང་། །བསྲུང་བྱ་ཐམས་ཅད་ཐུབ་པའི་སྐུ་རུ་གྱུར། །རྩིབས་ནང་སངས་རྒྱས་སྟོང་དང་གུར་ཁང་གི། །བར་རྣམས་སངས་རྒྱས་བྱེ་བ་དཔག་མེད་བཞུགས། །དེ་དག་ཀུན་དང་མདུན་བསྐྱེད་འཁོར་བཅས་ཀྱིས། །

― LT40_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་སྦྱིན་ཕྱག་རྒྱས་བདག་འཁོར་སྲུང་བར་གྱུར། ཅེས་བསྒོམ་ལ། ཏདྱ་ཐཱ། ཨོཾ་ག་ཏེ་ག་ཏེ་པཱ་ར་ག་ཏེ་པཱ་ར་སཾ་ག་ཏེ་བོ་དྷི་བདག་དང་བསྲུང་བྱ་ཐམས་ཅད་སྲུངས་ཤིག་རཀྵ་ཀུ་རུ་སྭཱ་ཧཱ། ཞེས་ཅི་ནུས་བཟླས་སོ་མཐར་གཟུང་འཛིན་གྱི་ཆོས་ཐམས་ཅད་མི་དམིགས་པར་སྟོང་ཉིད་ཀྱི་ལྟ་བའི་ཀློང་དུ་ཅི་གནས་སུ་བཞག་གོ། བཅུ་གཅིག་པ་ཤིས་བརྗོད་བྱ་བ་ནི། ནད་པ་གལ་ཆེན་ཡོད་ན་གོས་དཀར་པོ་གྱོན་ལ་སྟན་དཀར་པོའི་སྟེང་དུ་ཁ་ཤར་དུ་བལྟས་ལ་འདུག། རྒྱལ་བ་སྲས་དང་བཅས་པ་རྣམས་ཀྱིས་མེ་ཏོག་འཐོར་ཞིང་ཤིས་བརྗོད་མཛད་པར་མོས་ལ། རོལ་མོ་བསྒྲག་ཅིང་འབྲུ་འཐོར་ལ། ཧཱུྃ། །དབུས་ཀྱི་ཕྱོགས་ནས་བཀྲ་ཤིས་པ། །རྣམ་པར་སྣང་མཛད་བཀྲ་ཤིས་ལགས། །སྐུ་ལུས་བཟང་པོའི་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་སྩོལ། །བཀྲ་ཤིས་དེས་ཀྱང་ཁྱོད་ལ་བདེ་ལེགས་ཤོག། ཧཱུྃ། །ཤར་གྱི་ཕྱོགས་ནས་བཀྲ་ཤིས་པ། །རྡོ་རྗེ་སེམས་དཔའི་བཀྲ་ཤིས་ལགས། །མི་འགྱུར་བརྟན་པའི་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་སྩོལ། །བཀྲ་ཤིས་དེས་ཀྱང་ཁྱོད་ལ་བདེ་ལེགས་ཤོག །ཧཱུྃ། །ལྷོ་ཡི་ཕྱོགས་ནས་བཀྲ་ཤིས་པ། །རིན་ཆེན་འབྱུང་ལྡན་བཀྲ་ཤིས༴ །འདོད་དགུ་འབྱུང་བའི་བཀྲ་ཤིས༴ །ཛ་ཡེ་དེ་རིང་༴ །བཀྲ་ཤིས་དེས་ཀྱང་ཁྱོད་ལ༴ ཧཱུྃ། །ནུབ་ཀྱི་ཕྱོགས་ནས་བཀྲ་ཤིས་པ། །སྣང་བ་མཐའ་ཡས་

― LT40_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས༴ །དབང་སྡུད་སྙན་གྲགས་བཀྲ་ཤིས་གང་ཡིན་པ། །ཛ་ཡེ་དེ་རིང་༴ །བཀྲ་ཤིས་དེས་ཀྱང་ཁྱོད་ལ༴ ཧཱུྃ། །བྱང་གི་ཕྱགས་ནས་བཀྲ་ཤིས་པ། །དོན་ཡོད་གྲུབ་པའི་བཀྲ་ཤིས༴ །ཕྲིན་ལས་ལྷུན་གྱིས་གྲུབ་པའི་བཀྲ་ཤིས་དེ། །ཛ་ཡེ་དེ་རིང་༴ བཀྲ་ཤིས་དེས་ཀྱང་ཁྱོད་ལ༴ ཧཱུྃ། འོག་གི་ཕྱོགས་ནས་བཀྲ་ཤིས་པ། །ས་ཡི་ལྷ་མོ་བརྟན་མའི་བཀྲ་ཤིས་ལགས། །ཚེ་འཛིན་འབྲུ་སྣའི་བཀྲ་ཤིས་གང་ཡིན་པ། །ཛ་ཡེ་དེ་རིང་སྦྱིན་བདག་འདི་ལ་སྩོལ། །བཀྲ་ཤིས་དེས་ཀྱང་ཁྱོད་ལ་བདེ་ལེགས་ཤོག །ཉིན་ཡང་བཀྲ་ཤིས་འབྱུང་བ་ཡ་ལ་ལ། །མཚན་ཡང་བཀྲ་ཤིས་འབྱུང་བ་ཀྱི་ལི་ལི། །བཀྲ་ཤིས་དུས་གསུམ་འབྱུང་བ་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཞེས་པ་དང་། གཞན་ཡང་བཀྲ་ཤིས་ཀྱི་ཚིག་བཅད་རྒྱས་བསྡུས་ཅི་རིགས་པ་བརྗོད་དོ། །རྩ་བའི་གསུམ་པ་རྗེས་ཀྱི་ཆོ་ག་ནི། །མདུན་གྱི་མཆོད་པ་རྣམས་ཁ་གསོས། །གོང་ལྟར་བྱིན་གྱིས་བརླབས། སྤྲོ་ན་ཚིགས་བཅད་བརྗོད། བསྡུ་ན། ཨོཾ་སརྦ་ཏ་ཐཱ་ག་ཏ་ཨརྒྷ་མ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། དེ་བཞིན་དུ་སྔགས་གོང་འོག་ཐམས་ཅད་འདྲ་བར་བྱས་ལ། པཱ་དྱཾ་ནས། ཤཔྟའི་བར་གྱིས་མཆོད། ཐབས་མཁས་ཐུགས་རྗེ་ཤཱཀྱའི་རིགས་སུ་འཁྲུངས། སོགས་ཤློ་ཀ་དང་། །བསྟོད་པར་འོས་པ་སོགས་ཤློ་ཀས་བསྟོད་ལ། བཅོམ་ལྡན་འདས་

― LT40_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཅེས་གསོལ་བ་བཏབ། ཡིག་བརྒྱ་ལན་གསུམ། ཐལ་མོ་སྦྱར་ལ། །མ་འབྱོར་པ་དང་ཉམས་པ་དང་གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིས་སྩལ་བ། །དེ་ཀུན་མགོན་པོས་བཟོད་པར་གསོལ། །གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་གྱུར་པ། །གང་ཕྱིར་ལུས་ཅན་སྐྱབས་ཡིན་ཕྱིར། །དེ་ཀུན་མགོན་ཁྱོད་བཟོད་པར་མཛོད། །ཅེས་བཟོད་པར་གསོལ། མདུན་བསྐྱེད་ཀྱི་འཁོར་རྣམས་འོད་དུ་ཞུ་ནས་གཙོ་བོ་ལ་ཐིམ་པར་གྱུར། རྟེན་མེད་ན་གཤེགས་གསོལ་བྱ། སྐབས་འདིར་ཐུབ་སྐུ་བཞུགས་པའི་དབང་དུ་བྱས་ཏེ། ཕྱོགས་བཅུ་ན་བཞུགས་པའི་སོགས་སམ། །འདིར་ནི་གཟུགས་དང་ལྷན་ཅིག་ཏུ། །འགྲོ་བའི་དོན་ཏུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཅེས་དང་། སུ་པྲ་ཏིཥྛའི་སྔགས་བརྗོད་ལ་བརྟན་བཞུགས་བྱ། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། །ཐུགས་ཀར་ཧཱུྃ་སྔོན་པོས་མཚན་པར་གྱུར། །དགེ་བ་འདི་ཡིས་མྱུར་དུ་བདག །རྫོགས་པའི་སངས་རྒྱས་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་

― LT40_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འགོང་པར་ཤོག །དེ་བཞིན་གཤེགས་པ་ཁྱེད་སྐུ་ཅི་འདྲ་དང་། སོགས་ཀྱིས་བསྔོ་སྨོན་བྱ། དེ་ནས་དྲིལ་གསིལ་འཐོར་ནས་བཅས། །སྟོན་མཆོག་དམ་པ་ལྷ་མིའི་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་ལེགས་ཤོག །ཞི་བ་ཆགས་བྲལ་ལྷ་མིའི། །ཆོས་ལ་ཕྱག་འཚལ༴ །སེམས་ཅན༴ །དེ་དག་ཐམས་ཅད་དེང་འདིར། །ཚོགས་ཀྱི་དམ་པ་ལྷ་མིའི༴ །དགེ་འདུན་ཕྱག་འཚལ་དེང་༴ །སེམས་ཅན་གང་དག་འགྲོ༴། དེ་དག་ཐམས་ཅད་དེང་འདིར་བདེ་ལེགས་ཤོག །ཞེས་སོགས་མཆོག་གསུམ་བཀྲ་ཤིས་ཤློ་ཀ་གསུམ་སོགས་སྔོན་དུ་འགྲོ་བས་ཤིས་བརྗོད་གང་རུང་དང་། མཐར། །ཉིན་མོ་བདེ་ལེགས་མཚན་བདེ་ལེགས། སོགས་ཤློ་ཀ་གཅིག །རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པ་ཐམས་ཅད་ཉི་མ་དང་ཟླ་བ་གཟའ་སྒྲ་གཅན་གྱི་ཁ་ནས་ཐར་བ་བཞིན་དུ་འགལ་རྐྱེན་སྤང་བྱ་མི་མཐུན་པའི་ཕྱོགས་ཐམས་ཅད་ལས་རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག །ཅེས་བརྗོད་ལ་རོལ་མོ་རྒྱ་ཆེར་བྱའོ། །དེ་ལྟར་བྱས་པའི་ཕན་ཡོན་ནི་བསམ་གྱིས་མི་ཁྱབ་ཅིང་བརྗོད་དུ་མི་ལངས་པར་འབྱུང་བར་གསུངས་ལ། ཁྱད་པར་དུ་བན་བོན་གྱི་རྦོད་གཏོང་བྱད་ཁས་གནོད་པ། གཏད་ལ་བཅུག་པ། ན་ཚ་རྒོད་པའི་འཕྲོ་གཅོད་པ། ཡུལ་དུ་ནད་ཡམས་རིམས་ནད་དར་བ།

― LT40_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུགས་ནད་གོད་ཁ་མང་བ། ཁྱིམ་དུ་རྒྱལ་པོ་ལ་སོགས་པའི་གདོན་ཞུགས་བ་རྣམས་དང་། སྐར་མ་ངན་པར་ཤི་བ། མ་ཉེས་པའི་ཁ་ཡོག་འོང་བ། མི་ཁ་ཆེ་བ། སྲིའུ་མ་སོས་པ། ནོར་ལ་དཀར་འགོང་འོང་བ། ཐན་དང་རྨི་ལམ་ལྟས་ངན་པ། ལོ་དང་སྤར་ཁ་རྩུབ་པ། མཐུ་ལྟས་བྱུང་བ་སོགས་ལ་འདིའི་ཟློག་པ་བྱས་པས་དེ་མ་ཐག་ཏུ་ཟློག་པར་འགྱུར་རོ། །ཚེ་ཚད་མཐར་ཕྱིན་པ་མ་གཏོག་བར་ཆད་ཀྱིས་ཟིན་པ་ལ་གནོད་ཚབ་ཆེ་ཆུང་དང་བསྟུན་པའི་ལན་གཅིག །གསུམ། ལྔ། བདུན། དགུ་སོགས་བསྐྱལ་ན་ངེས་པར་སེལ་བ་ཐེ་ཚོམ་མེད་དོ་ཞེས་གོང་མ་རྣམས་ཀྱིས་མགྲིན་གཅིག་ཏུ་བསྔགས་སོ། །དེ་ལྟར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཡུམ་རྒྱས་འབྲིང་བསྡུས་པ་རྣམས་ལ་ཕན་ཡོན་བསྔགས་པ་ཇི་སྙེད་གསུངས་པ་ཐམས་ཅད་ཚུལ་འདི་ལའང་འབྱུང་བར་རིགས་པས་གཏོ་ཟློག་ཐམས་ཅད་ལས་ཁྱད་པར་འཕགས་པ་ལུང་དང་རིགས་པ་དང་མྱོང་བས་གྲུབ་པ་ཡིན་ནོ། །དེ་ལྟར་རྒྱ་གར་མཁས་གྲུབ་རྣམས་ཀྱི་ཐུགས་བཅུད། དཔལ་ལྡན་ཨ་ཏི་ཤའི་ཡི་དམ། དགེ་བཤེས་པུ་ཏོ་བ་རིན་ཆེན་གསལ། རིང་མོ་འབྱུང་གནས་རྡོ་རྗེ། གྱི་ལྗང་དབུ་དཀར་བ་སོགས་ཀྱི་ཕྱག་ལེན་འཁྲུལ་མེད་འདི་ལ་སྔ་ཕྱིར་བྱོན་པའི་ཡིག་ཆ་འདྲ་མིན་མང་དུ་མཆིས་པ་ལས། རྩ་བའི་གཞུང་དང་འབྲེལ་ངེས་པའི་ཡིག་ཆ་རྣམས་ཀྱི་བཅུད་བླངས་ནས་དག་གཙང་བཀླག་ཆོག་ཏུ་བཀོད་པའོ། །དོན་དམ་དབང་དུ་བགེགས་པས་སངས་རྒྱས་ཀྱང་། །མེད་ཅེས་དཔལ་གྱི་མགུལ་ནས་ལེགས་པར་གསུངས། །ཀུན་རྫོབ་འཁྲུལ་

― LT40_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ངོར་རྒྱུ་འབྲས་མི་བསླུ་བས། རྟེན་ཅིང་འབྲེལ་འབྱུང་ཚུལ་འདིར་ཡིད་ཆེས་འཚལ། །ཤེར་ཕྱིན་མདོ་ལས་དངོས་སུ་བསྟན་པའི་དོན། །འཕྲལ་ཡུན་བར་ཆད་ཟློག་ལ་ཆེས་ཟབ་པ། །འདི་བཀོད་དགེ་བས་བདུད་བགེགས་ནག་པོའི་ཕྱོགས། །ཞི་ཞིང་ཕན་བདེའི་ཡར་ངོ་རབ་རྒྱས་ཤོག །འདི་ཉིད་ཀུན་ལ་ཉེར་མཁོར་གྱུར་ཀྱང་ཕྱོགས་འདིར་ཡིག་ཆ་གསལ་བ་མ་མཆིས་ཤིང་མི་བསྐྱོད་ཞབས་ཀྱིས་མཛད་པར་གྲགས་པ་དེའང་རྗེ་དེ་ཉིད་ཀྱི་གསུང་ཡིན་ངེས་མི་སྣང་བ་མ་ཟད་མགོ་གཞུག་མ་ཚང་བས་རང་གཞན་ཀུན་ལ་ཕན་འདོད་ལྷག་པའི་བསམ་པས་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་དཔལ་སྤུངས་ཡང་ཁྲོད་ཀྱི་སྒྲུབ་གནས་སུ་བྲིས་པ་དགེ་ལེགས་འཕེལ།། །།

དཔལ་མགོན་འཕགས་པ་ཀླུ་སྒྲུབ་ཞལ་སྔ་ནས་བརྒྱུད་པའི་སྒྲོལ་མ་གཡུལ་བཟློག་བལྟས་ཆོག་ཏུ་བཀོད་པ་བདེན་འབྲས་མྱུར་སྟོན།

― LT40_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་མགོན་འཕགས་པ་ཀླུ་སྒྲུབ་ཞལ་སྔ་ནས་བརྒྱུད་པའི་སྒྲོལ་མ་གཡུལ་བཟློག་བལྟས་ཆོག་ཏུ་བཀོད་པ་བདེན་འབྲས་མྱུར་སྟོན་ཅེས་བྱ་བ་བཞུགས་སོ། །

― LT40_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཨཱརྱ་ཏཱ་ར་ཡེ། དཔའ་ཞིང་གློག་ལྟར་མྱུར་བའི་ཐུགས་རྗེའི་སྤྱན། །མཁའ་ཁྱབ་སྡུག་བསྔལ་ཡིད་ཅན་ལ་གཟིགས་པས། །སྐད་ཅིག་རེ་རེར་རྣམ་གྲོལ་བདེ་བ་ཆེར། །དབུགས་འབྱིན་སྩོལ་མཛད་རྗེ་བཙུན་འཕགས་མར་འདུད། །གང་དེའི་རྣལ་འབྱོར་ལ་བརྟེན་ནས། །ཕྱི་ནང་བར་ཆད་བཟློག་པའི་ཐབས། །ཁུངས་ལྡན་བྱིན་རླབས་གཟི་བརྗིད་ཅན། །འཁྲུལ་མེད་གོང་མའི་ལུང་བཞིན་འགོད། རྒྱལ་བ་གཉིས་པ་འཕགས་མཆོག་ཀླུ་སྒྲུབ་ཞབས་ནས་རིམ་པར་བརྒྱུད་ཅིང་འཕགས་བོད་ཀྱི་ལྗོངས་ན་ཡོངས་སུ་གྲགས་པའི་མདོས་ཟློག་འདི་ལ་དོན་བཞི། གང་ལས་བརྒྱུད་པའི་ཚུལ། ཕན་ཡོན་དང་འབྲེལ་བའི་ལོ་རྒྱུས། སྒྲུབ་པ་པོའི་གང་ཟག །ཆོ་ག་དངོས་ལག་ཏུ་ལེན་པའི་ཚུལ་ལོ། །དང་པོ་ནི། རྒྱལ་བས་ལུང་བསྟན་ཅིང་སྒྲོལ་མའི་རྒྱུད་ལ་བརྟེན་ནས་གྲུབ་པ་ཐོབ་པ་འཕགས་པ་ཀླུ་སྒྲུབ་ཀྱིས་མཛད་

― LT40_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་སྐལ་ལྡན་རྣམས་ལ་གནང་། དེ་ནས་བརྒྱུད་པའི་ཟམ་མ་ཆད་པར་བྱོན་ཏེ་ཇོ་བོ་རྗེ་ཨ་ཏི་ཤས་བོད་དུ་བསྣམས། ཇོ་བོས་སྐུ་གཤེགས་པར་ན་བཟའི་གསེབ་ནས་བཏོན་ཏེ་དགེ་བཤེས་སྟོན་པ་ལ་གནང་། དེས་གསང་ཕུ་བ་རྡོག་ལེགས་པའི་ཤེས་རབ། དེས་སྣེ་ཟུར་པ་ལ་གནང་ཞིང་རིམ་པར་བརྒྱུད་ནས་རྒྱ་སྟོན་ལ་བཀའ་བབས་ཏེ་ཡིག་ཆ་རྒྱས་པའང་མཛད། ཕྱིས་རྒྱལ་ཚབ་གྲགས་པ་མཆོག་དབྱངས་དང་ཞུ་ཆེན་སོགས་ཀྱིས་ཡིག་ཆ་ལག་ལེན་རྒྱས་བསྡུས་ཅི་རིགས་པར་མཛད་ཅིང་ལུང་དང་ལག་ལེན་གྱི་བརྒྱུད་པའང་མ་ཉམས་པར་བཞུགས་པའོ། །གཉིས་པ་ནི། འཕགས་པ་ཀླུ་སྒྲུབ་ཀྱི་ཞལ་ནས། ཡེ་ཤེས་ལྷ་དང་འཇིག་རྟེན་པ། །དེ་དག་ནུས་པ་འདི་ཡིས་ཞི། །ཀླུ་རྒྱལ་གཙུག་གི་ནོར་བུ་བཞིན། །དགོས་འདོད་ཐམས་ཅད་འདི་ཡིས་འགྲུབ། །རྟེན་གསུམ་འོག་ཏུ་མནན་པ་དང་། །སྡེ་བརྒྱད་དག་ལ་གཏད་པ་དང་། །

― LT40_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོར་ཐུན་ཕུར་པ་བསྒྲིལ་བ་དང་། །ཡུལ་དུ་ལྟས་ངན་སྐྱེས་པ་སོགས། །དེ་དག་ཀུན་གྱི་ནུས་པ་ནི། །ཅུང་ཟད་ཙམ་ཡང་འབྱིན་མི་ནུས། །རང་ཉིད་བསྒྲུབས་ན་མཆོག་ཏུ་བསྔགས། །ཞེས་གདམས་པ་དང་། ཇོ་བོའི་ཞལ་ནས། ཐག་རིང་པོར་འགྲོ་ན་ཆོ་ག་འདི་བྱས་པས་རྐྱེན་ངན་གང་ཡང་མི་འབྱུང་ངོ། །ཡང་ཡུལ་ཕྱོགས་སུ་འཁྲུགས་པ་ཡོད་པ་དང་། ནད་རིགས་གཡོས་པ་དང་། མི་དགེ་བའི་ལྟས་བྱུང་བ་ལ་ཆོ་ག་འདིས་ཟློག་གོ། །རང་ལ་མི་འདོད་པ་ཅི་བྱུང་ཡང་ཐེ་ཚོམ་མི་བྱེད་པར་ཆོ་ག་འདི་བགྱིས་པས་རང་ཅི་འདོད་པའི་དོན་མི་འགྲུབ་མི་སྲིད། འདོད་པའི་དོན་སྒྲུབ་པ་དང་ཟློག་པའི་ཆོ་ག་འདི་ལས་བྱིན་རླབས་ཆེ་བ་མཐུ་ཆེ་བ་མེད་པས། འདི་ལ་ཤིན་ཏུ་བརྩོན་པར་གྱིས་ཤིག །བོད་དུ་ཐོན་པའི་ཡིག་ཆ་འདི་ལས་ཟབ་པ་མེད་པར་འདུག་གསུངས་སོ། །དེས་ན་མཐུ་དང་བྱད་ཁ་ཐན་ལྟས་རྨི་ལམ་ངན་པ། ལྷ་འདྲེ་དྲག་པོ་དང་འགྲས་པ། གདོན་ཆེན་གྱི་གནོད་པ་ཟུག་པ། དལ་ཡམས་རིམས་ནད། གོད་ཁ་ཕྱུགས་ནད། ལོ་ཟླ་ཞག་དུས་གཟའ་སྐར་ངན་པའི་གནོད་པ་སོགས་གང་ལའང་ཟློག་པ་འདི་ཟབ་ཅིང་སྟོབས་ཆེ། གཞན་ཡང་དྲག་སྔགས་བགྲང་བ་དང་། མནའ་ཟོས་པ་དང་། ཐག་རིང་འགྲོ་བའི་ཉེས་པ་སོགས་ཀྱང་སྒྲིབ་ཅིང་མདོར་ན་ཡེ་ཤེས་པ་དང་འཇིག་རྟེན་པ་ཐམས་ཅད་ཟློག་ཅིང་དགེ་ལེགས་ཐམས་ཅད་སྤེལ་བ་ལ་ཁྱད་པར་དུ་འཕགས་པའོ། །དེ་ལྟ་བུའི་བྱིན་རླབས་ཕན་ཡོན་ཆེན་པོ་དང་ལྡན་པའི་ཆོ་ག་འདི་ཉིད་བྱས་པས་ཡིད་ཆེས་པའི་རྟགས་རྒྱ་གར་དང་བལ་པོ་དང་བོད་རྣམས་ལས་བྱུང་བའི་ལོ་རྒྱུས་རྒྱ་ཆེར་འདུག་པ་ནི་ཡིག་རྙིང་རྣམས་ལས་ཤེས་པར་བྱའོ། །གསུམ་པ་ནི། སྒྲོལ་མའི་དབང་དང་རྗེས་གནང་གང་རུང་ཐོབ་པ།

― LT40_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་ཉི་ཤུ་རྩ་གཅིག་གི་ལུང་ཐོབ་ཅིང་ཁྱད་པར་དུ་ཚུལ་འདིའི་ལུང་ཐོབ་པའི་རབ་དགེ་སློང་། འབྲིང་དགེ་ཚུལ། ཐ་ན་དགེ་བསྙེན་ཡང་རུང་སྟེ། ཁྱིམ་པ་མ་ཡིན་པ་ཉི་ཤུ་རྩ་གཅིག་གམ། བདུན་ནམ། ལྔའམ། གཅིག་གམ། གསུམ་ལ་སོགས་པ་ཡུལ་དུས་དང་མཚམས་པས་བསྒྲུབ་བོ། །བཞི་པ་ཆོ་ག་དངོས་ལ་གསུམ། སྦྱོར་བ། དངོས་གཞི། རྗེས་ཀྱི་བྱ་བའོ། །དང་པོ་ནི། དུས་བཟང་པོའམ་དགོས་པ་ལ་བབ་པའི་ཚེ། གནས་ཁང་བྱི་དོར་བྱས་པའི་གུང་དུ་སྟེགས་བུ་མཐོ་ཞིང་ཁེབས་ལྡན་གྱི་དབུས་སུ་རྡུལ་ཚོན་ནམ་རས་བྲིས་ཀྱི་པདྨ་འདབ་མ་ཉི་ཤུ་བ་ལྟེ་བ་དང་བཅས་པ་བཀོད། མ་འབྱོར་ན་མཎྜལ་ལ་འབྲུའི་ཚོམ་བུ་དབུས་སུ་གཅིག །མཐའ་བསྐོར་ཕྱོགས་བཞི་ལྔ་རེ་སྟེ་ཉེར་གཅིག་ཚང་བར་བཀོད་པའི་སྟེང་དུ་སྒྲོལ་མ་ཉེར་གཅིག་གམ། སྒྲོལ་ལྗང་གི་སྐུ་བྲིས་འབུར་གང་རུང་རབ་གནས་ཅན་བཀོད། དེའི་མདུན་ཏུ་ཕྱི་མཆོད་ཕྲེང་ཚར། ཁྲུས་བུམ། སྐུ་ཕྱིས་ན་བཟའ་རྣམས་དང་། སྣོད་གཙང་མར་གཏོར་ཟླུམ་ཐེབ་ཀྱུ་མང་པོས་བསྐོར་བ་རྒྱན་སྤྲོས་ཅན་བཅས་གཙང་སྒྲ་དང་ལྡན་པར་བཤམ། དེ་དག་ལས་དམའ་བའི་སྟེགས་བུར་བགེགས་གཏོར་ཅོག་རྡོག་རིལ་བུ་སྤུངས་པ་དང་། ལན་ཆགས་གཏོར་མ། ངར་ཆུང་ཆང་བུ་ཏིང་ལོ་ཐེབ་ཀྱུ་བཅས་པ་དང་། གཞི་བདག་ལ་དཀར་གཏོར་འབྲུ་བླུགས་པ་བཅས་བཤམ་མོ། །དེ་ནས་མདོས་ཟློག་ནི། སྟེགས་བུ་གྲུ་བཞི་པའི་སྟེང་དུ་ཟན་ནམ་འཇིམ་པའི་རི་རབ་བང་རིམ་བཞི་པ་བྱ། རི་རབ་ཀྱི་སྟེང་དུ་མཁར་ཐབས་གྲུ་བཞི་རྒྱ་ཕིག་ཏོག་དང་བཅས་པ་མཛེས་ཚོན་བྱས་ལ་བཞག །མཁར་གྱི་སྒོ་མདུན་གྱི་བང་རིམ་གོང་མ་ལ་ཟན་གྱི་ངར་མི་མཐོ་གང་རྟ་ལ་ཞོན་པ་གཅིག་བཞག་

― LT40_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་གསེར་གཡུ་དར་ཟབ་གོས་ཀྱིས་བརྒྱན། ཟན་ལ་གསེར་སྐྱེམས་བརྡར་བའི་མིའུ་ཐུང་གི་གཟུགས་སུམ་ཅུ་ལག་བཟོའམ། སྤར་བཏབ་པ་གང་བདེར་བྱས་ལ་བང་རིམ་དང་པོའི་མཁར་གྱི་མཐའ་བསྐོར་དུ་བཞག །ངར་མི་ཆེ་བ་རྟ་ཅན་གྱི་གཡས་གཡོན་རྒྱབ་གསུམ་དུ་ནམ་མཁའ་གསུམ་བཙུག །མདུན་ཏུ་རྒྱང་བུ་གསུམ་བཙུག །བང་རིམ་གཉིས་པར་ཞལ་ཟས་བརྒྱད་དང་བྱ་རིགས་སྣ་ཚོགས་ཀྱིས་བསྐོར་བ། བང་རིམ་གསུམ་པར་གླང་ཆེན་རྟ་མཛོ་བ་གླང་ར་ལུག་སོགས་དུད་འགྲོའི་རིགས་ཀྱི་གཟུགས་བརྙན་དང་ཤ་གནའ་སྒོ་སོགས་རི་དྭགས་ཀྱི་རིགས་ཐམས་ཅད་ཀྱི་གཟུགས་བརྙན་དང་། ཉ་ལྕོང་སྦལ་སྦྲུལ་སོགས་ཆུ་གནས་སྣ་ཚོགས་ཀྱི་གཟུགས་བརྙན་བཀོད། བང་རིམ་བཞི་པའི་ཕྱོགས་བཞི་དང་ཟུར་བཞིར་མར་མེ་རེ་རེ་སྟེ་བརྒྱད། འབྲུ་སྣ་ཚོགས་དང་ཟས་སྣ་ནོར་གཡུའི་རིགས་གང་འཛོམ། སྨན་སྣ་འབྲུ་སྣ་ངར་མི་ཆང་བུ་གོས་དུམ་སྤུ་གླུད་གཟུགས་ལྷག་མའི་རིགས་དང་། ཐ་ན་ལྟས་སོགས་བྱུང་བ་ཡིན་ན་གང་བྱུང་བའི་གཟུགས་བརྙན་དང་ཡས་སྟག་སོགས་ཀྱི་རིགས་ཅི་འཛོམ་པས་བསྐོར། མཐར་ལྕགས་རིས་བསྐོར་བའི་གཡས་ཀྱི་ཁར་ཕོ་ཏོང་དྲུག །གཡོན་དུ་མོ་ཏོང་དྲུག །མདུན་དུ་མདའ་བཀྲ་གསུམ། ཕྱོགས་བཞིར་ནམ་མཁའ་བཞི། མཚམས་བཞིར་རྒྱང་བུ་བཞི་རྣམས་བཙུག །དེའི་ཕྱི་ནས་སྣལ་མས་བཅིངས་ཏེ་མདུན་དུ་མདུད་པ་ཁ་ཚུར་རང་ལ་བསྟན་ཏེ་བཞག་གོ། །བཅའ་ལུགས་འདི་བཞིན་ཡིག་རྙིང་ནས་བཤད་པ་དང་དམ་པ་ཁ་ཅིག་གི་ཕྱག་བཞེས་སུ་སྣང་བས་ཁུངས་བཙུན་པ་ཡིན་ལ། སྤྱིར་གཏོ་མདོས་ཀྱི་རིགས་ལ་མཁས་བླུན་དང་འབྱོར་པའི་ཁྱད་པར་གྱིས་རྒྱས་བསྡུས་འདྲ་མིན་རང་བཟོའི་བྱ་བ་མཐའ་

― LT40_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཏུ་མ་ངེས་པས་འདི་ལའང་བྱེད་ལུགས་སྣ་ཚོགས་སུ་སྣང་ངོ། །གཉིས་པ་ལ་ལྔ། བདག་བསྐྱེད། མདུན་བསྐྱེད། མཆོད་བསྟོད་གཏོར་འབུལ། གླུད་བརྫང་། བདེན་སྟོབས་ཀྱིས་བཟློག་པའོ། །དང་པོ་ལ། སྐྱབས་སེམས་ནི། །བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །རྗེ་བཙུན་མ་འཕགས་མ་སྒྲོལ་མའི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །ལན་གསུམ། སེམས་ཅན་ཐམས་ཅད་ཀྱི་དོན་ཏུ་རྣམ་པ་མཁྱེན་པ་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཕྱིར་དུ་རྗེ་བཙུན་མ་འཕགས་མ་སྒྲོལ་མའི་བསྒོམ་བཟླས་ལ་འཇུག་པར་བགྱིའོ། །ལན་གསུམ། སངས་རྒྱས་ཆོས་ཚོགས་ལན་གསུམ་དང་། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ཀྱིས་ཚད་མེད་བཞི་བསྒོམ། སྟོང་པའི་ངང་ལས་རང་གི་སྙིང་གར་ཨ་ལས་ཟླ་བའི་སྟེང་དུ་ཏཱྃ་ལྗང་གུ། དེའི་འོད་ཀྱིས་ལུས་གང་། རྣམ་སྨིན་རྡོས་བཅས་དང་སྡིག་སྒྲིབ་ལྷན་ཅིག་ཏུ་སྦྱངས། རང་ཉིད་སྒྲོལ་མའི་སྐུར་གྱུར་པ་ནི། སྐུ་མདོག་ལྗང་གུ་ཞལ་གཅིག་ཕྱག་གཉིས་གཡས་མཆོག་སྦྱིན་དང་གཡོན་ཨུཏྤལ་སྔོན་པོའི་རྩ་བ་ཐུགས་ཀར་

― LT40_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་གྱི་ཐད་ཀར་ཁ་བྱེ་བ། ཞབས་གཡས་བརྐྱང་གཡོན་བསྐུམ་པའི་སྐྱིལ་ཀྲུང་ཕྱེད་པའི་རོལ་པས་བཞུགས་པ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། པད་ཟླའི་གདན་ལ་བཞུགས་པར་གྱུར། ཐུགས་ཀར་ཟླ་བ་ལ་གནས་པའི་ཏཱྃ་དེ་ལས་འོད་ཟེར་འཕྲོས། རྗེ་བཙུན་འཕགས་མ་སྒྲོལ་མ་ཡེ་ཤེས་སེམས་དཔའི་ལྷ་ཚོགས་བཛྲ་ས་མཱ་ཛཿཕྱག་དང་མཆོད་པ་ཡིད་ཀྱིས་བྱ་ཞིང་ངག་ནས་མི་བརྗོད། ཛཿཧཱུྃ་བཾ་ཧོཿགཉིས་སུ་མེད་པར་ཐིམ། སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོས་མཚན་པར་གྱུར། ལྷ་སྐུའི་གསལ་སྣང་ལ་སེམས་བཟུང་། བཟླས་པ་ནི། ཐུགས་ཀར་ཟླ་བའི་སྟེང་དུ་ཏཱྃ་ཡིག་ལྗང་གུའི་མཐའ་བསྐོར་དུ་ཡི་གེ་བཅུ་ལས་བསྐོར་བ་བསྒོམས་ལ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་པ་དང་། གཟུངས་སྔགས་ཀྱིས་བསྐོར་བ་གསལ་བཏབ་ལ། ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཨ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མཧཱ་སཏྭཱ་ཡ། མ་ཧཱ་ཀ་རུ་ི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྚཾ། པྲ་དུཥྚཾ། མ་མ་ཀྲྀ་ཏེ། ཛམྦྷ་བྷ་ཡ། སྟྭཾཾ་བྷ་ཡ། མོ་ཧ་ཡ། བྷནྡྷ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སརྦ་དུཥྚཾ་སྟྭཾཾ་བྷ་ནི་ཏཱ་རེ་སྭཱ་ཧཱ། ཞེས་པའང་ཅི་འགྲུབ་ཏུ་བཟླས། མཐར། ཡེ་ཤེས་པ་མདུན་དུ་བཞུགས་པར་གྱུར། ཨརྒྷཾ་ནས། ཤཔྡའི་བར་གྱིས་མཆོད། རྗེ་བཙུན་མ་འཕགས་མ་སྒྲོལ་མས་བདག་དང་སེམས་ཅན་

― LT40_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཅེས་འདོད་དོན་གསོལ་བ་གདབ། དགེ་བ་བསྔོ། ཨོཾ་མུཿཞེས་གཤེགས་སུ་གསོལ། རང་དམ་ཚིག་པའི་ང་རྒྱལ་གྱིས་གནས་པར་བྱའོ། །གཉིས་པ་མདུན་བསྐྱེད་ནི། ཨོཾ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། སྟོང་པའི་ངང་ལས་པྃ་ལས་སྣ་ཚོགས་པདྨའི་ལྟེ་བར་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཏཱྃ་ལྗང་གུ་ལས་ཨུཏྤ་ལ་ཏཱྃ་གིས་མཚན་པ་ཡོངས་སུ་གྱུར་པ་ལས་བཅོམ་ལྡན་འདས་མ་རྗེ་བཙུན་མ་འཕགས་མ་སྒྲོལ་མ་སྐུ་མདོག་ལྗང་གུ་རིན་པོ་ཆེའི་རྒྱན་སྣ་ཚོགས་ཀྱིས་སྤྲས་པ། ཞལ་གཅིག་ཕྱག་གཉིས་གཡས་མཆོག་སྦྱིན་གྱི་ཕྱག་རྒྱས་སེམས་ཅན་ཐམས་ཅད་ཀྱི་བསམ་པ་རྫོགས་པར་མཛད་པ། གཡོན་པས་རབ་ཏུ་རྒྱས་པའི་ཨུཏྤལ་འཛིན་ཅིང་མཛེས་པའི་དར་གྱི་ན་བཟའ་བས་ཀླུབས་པ། རྒྱལ་བ་དོན་ཡོད་གྲུབ་པའི་དབུ་རྒྱན་ཅན། །པད་ཟླའི་གདན་ལ་རོལ་པའི་སྟབས་ཀྱིས་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པའི་དབུས་སུ་བཞུགས་པ། མཐའ་བསྐོར་གྱི་པད་འདབ་ཉི་ཤུ་ལ་མདུན་ནས་གཡས་བསྐོར་གྱིས་རིམ་པ་བཞིན་མྱུར་ཞིང་དཔའ་བ་བགེགས་དང་འཚེ་བ་རྣམ་པར་འཇོམས་པའི་སྒྲོལ་མ་སྐུ་མདོག་དམར་མོ་དབང་དུ་སྡུད་པའི་བུམ་པ་དམར་པོ་བསྣམས་པ། སྟོན་ཀའི་ཟླ་བ་ལྟར་དཀར་བ་ནད་དང་གདོན་བགེགས་འཇོམས་

― LT40_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྒྲོལ་མ་ཞི་བའི་བུམ་པ་དཀར་པོ་བསྣམས་པ། ཚེ་དང་ལོངས་སྤྱོད་འཕེལ་བར་མཛད་པའི་སྒྲོལ་མ་གསེར་མདོག་ཅན་རྒྱས་པའི་བུམ་པ་སེར་པོ་བསྣམས་པ། ཚེའི་མཆོག་སྩོལ་བར་མཛད་པའི་སྒྲོལ་མ་རྣམ་པར་རྒྱལ་མ་གསེར་མདོག་ཅན་ཚེའི་བུམ་པ་སེར་པོ་བསྣམས་པ། ཧཱུྃ་སྒྲ་སྒྲོགས་མ་ཤེས་རབ་ཀྱི་ཕྱག་རྒྱས་དབང་དུ་སྡུད་པར་བྱ་ཞིང་འགུགས་པར་མཛད་པའི་སྒྲོལ་མ་སྐུ་མདོག་དམར་སེར་ཡིད་འཕྲོག་པའི་བུམ་པ་དམར་པོ་བསྣམས་པ། འཇིག་རྟེན་གསུམ་ལས་རྣམ་པར་རྒྱལ་བ་འབྱུང་པོ་འདུལ་བར་མཛད་པའི་སྒྲོལ་མ་སྐུ་མདོག་དམར་ནག་འབྱུང་པོ་རོ་ལངས་མྱོས་པོར་བྱེད་པའི་བུམ་པ་སྔོན་པོ་བསྣམས་པ། གཞན་འཇོམས་ཤིང་གཞན་གྱི་རིག་སྔགས་ཟློག་པར་མཛད་པའི་སྒྲོལ་མ་སྐུ་མདོག་ནག་མོ་རིག་སྔགས་ཟློག་པའི་བུམ་པ་ནག་པོ་བསྣམས་པ། བདུད་དགྲ་འཇོམས་པའི་སྒྲོལ་མ་སྐུ་མདོག་དམར་ནག་བདུད་དང་དགྲ་འཇོམས་པའི་བུམ་པ་དམར་པོ་བསྣམས་པ། དཀོན་མཆོག་གསུམ་མཚོན་གྱི་ཕྱག་རྒྱ་ཅན་འཇིགས་པ་ཐམས་ཅད་བསྲུང་བར་མཛད་མ་འཇིགས་པ་ཐམས་ཅད་འཇོམས་པའི་བུམ་པ་དཀར་པོ་བསྣམས་པ། བདུད་དང་བར་དུ་གཅོད་པ་འདུལ་བར་མཛད་པའི་སྒྲོལ་མ་སྐུ་མདོག་དམར་མོ་བདུད་འཇོམས་པའི་བུམ་པ་དམར་པོ་བསྣམས་པ། དབུལ་བའི་སྡུག་བསྔལ་སེལ་ཞིང་དངོས་གྲུབ་སྩོལ་བར་མཛད་པའི་སྒྲོལ་མ་སྐུ་མདོག་གསེར་བཙོ་

― LT40_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལྟར་དམར་སིར་དབུལ་བ་སེལ་བའི་བུམ་པ་སེར་པོ་བསྣམས་པ། བཀྲ་ཤིས་ཐམས་ཅད་སྦྱིན་པར་མཛད་མ་སྐུ་མདོག་གསེར་གྱི་མདོག་ཅན་བཀྲ་ཤིས་པའི་བུམ་པ་དཀར་པོ་བསྣམས་པ། བགེགས་དང་བར་ཆད་འཇོམས་པར་མཛད་མ་མེ་ལྟར་འབར་བའི་སྐུ་མདོག་དམར་མོ་བར་ཆད་སྲུང་བའི་བུམ་པ་དམར་པོ་བསྣམས་པ། བགེགས་རྣམ་པར་འཇོམས་པའི་ཁྲོ་གཉེར་ཅན་གྱི་སྒྲོལ་མ་སྐུ་མདོག་ནག་པོ་ཁྲོ་གཉེར་ཅུང་ཟད་ཡོད་པ་བགེགས་ལ་བསྣུན་པའི་བུམ་པ་མཐིང་ག་བསྣམས་པ། སྡིག་པ་དང་སྒྲིབ་པ་སྦྱོང་བར་མཛད་པའི་སྒྲོལ་མ་ཞི་བ་ཆེན་མོ་སྐུ་མདོག་དཀར་མོ་སྡིག་སྒྲིབ་སྦྱོང་བར་མཛད་པའི་བུམ་པ་དཀར་པོ་བསྣམས་པ། ཕ་རོལ་གྱི་རྩོད་པ་ལས་རྒྱལ་ཞིང་བློ་གྲོས་འཕེལ་བར་མཛད་པའི་སྒྲོལ་མ་སྐུ་མདོག་དམར་མོ་ཤེས་རབ་འཕེལ་བར་མཛད་པའི་བུམ་པ་དམར་སེར་བསྣམས་པ། བདུད་དང་བར་ཆད་ཞི་ཞིང་འཇིག་རྟེན་གསུམ་གཡོ་བའི་སྒྲོལ་མ་སྐུ་མདོག་དམར་སེར་རིག །སྔགས་གནོན་པའི་བུམ་པ་སེར་པོ་བསྣམས་པ། ཀླུའི་དུག་ཐམས་ཅད་རབ་ཏུ་ཞི་ཞིང་སེལ་བར་མཛད་པའི་སྒྲོལ་མ་སྐུ་མདོག་དཀར་མོ་དུག་ནད་སེལ་བའི་བུམ་པ་དཀར་པོ་བསྣམས་པ། རྨི་ལམ་ངན་པ་དང་སྡུག་བསྔལ་སེལ་བར་མཛད་པའི་སྒྲོལ་མ་སྐུ་མདོག་དཀར་མོ་སྡུག་བསྔལ་སེལ་བའི་བུམ་པ་དཀར་པོ་

― LT40_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས་པ། རིམས་ནད་ཐམས་ཅད་སེལ་བར་མཛད་པའི་སྒྲོལ་མ་སྐུ་མདོག་དཀར་མོ་རིམས་ནད་སེལ་བའི་བུམ་པ་དམར་པོ་བསྣམས་པ། ཕྲིན་ལས་ཡོངས་རྫོགས་ཀྱི་སྒྲོལ་མ་སྐུ་མདོག་དཀར་མོ་འོད་ཟེར་སྣ་ཚོགས་འཕྲོ་བ་དངོས་གྲུབ་སྣ་ཚོགས་འབྱུང་བའི་བུམ་པ་ལྗང་གུ་བསྣམས་པ། ཐམས་ཅད་ཀྱང་ཞལ་གཅིག་ཕྱག་གཉིས་པ། ཕྱག་གཡས་མཆོག་སྦྱིན་གྱི་མཐིལ་ན་ཕྲིན་ལས་སོ་སོ་སྒྲུབ་པའི་བུམ་པ་དང་། ཕྱག་གཡོན་ཨུཏྤལ་བསྣམས་ཤིང་པད་ཟླའི་གདན་ལ་བརྐྱང་བསྐུམ་སྟབས་ཀྱིས་བཞུགས་པ། དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་འོད་ཟེར་དཔག་ཏུ་མེད་པ་འཕྲོ་བ། མཐའ་བསྐོར་དུ་སངས་རྒྱས་བྱང་སེམས་ཡི་དམ་མཁའ་འགྲོ་ཆོས་སྐྱོང་སྲུང་མའི་ཚོགས་དཔག་ཏུ་མེད་པས་བསྐོར་བ། དེ་དག་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿཐུགས་ཀར་ཧཱུྃ། དེ་ལས་འོད་ཟེར་འཕྲོས་པས་པོ་ཏ་ལ་ནས་རྗེ་བཙུན་འཕགས་མ་སྒྲོལ་མ་ཉི་ཤུ་རྩ་གཅིག་ལ་སངས་རྒྱས་བྱང་སེམས་ཡི་དམ་མཁའ་འགྲོ་ཆོས་སྐྱོང་དཔག་ཏུ་མེད་པས་བསྐོར་བ་ཨོཾ་བཛྲ་ས་མ་ཛཿ ཞེས་པ་སྔ་བའི་ཕྱག་རྒྱ་དང་། མཐར་ཐལ་མོ་སྦྱར་ལ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་

― LT40_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །པོ་ཏ་ལ་ཡི་གནས་མཆོག་ནས། །ཏཱྃ་ཡིག་ལྗང་གུ་ལས་འཁྲུངས་ཤིང་། །འོད་དཔག་མེད་པས་དབུ་ལ་བརྒྱན། །དུས་གསུམ་སངས་རྒྱས་ཕྲིན་ལས་མ། །འགྲོ་བའི་དོན་ཕྱིར་གཤེགས་སུ་གསོལ། ཞེས་བརྗོད། མདུན་དུ་བཞུགས་པ་ལ། བཙོ་མ་གསེར་གྱི་མདོག་འདྲ་ཞིང་། །ཉི་མ་ལས་ལྷག་གཟི་བརྗིད་ཆེ། །དད་པས་སྤྱན་ནི་དྲངས་པར་བགྱི། །ཞི་ཞིང་ཐུགས་རྗེ་ཆེ་ལྡན་པ། །དུལ་ཞིང་བསམ་གཏན་ས་ལ་བཞུགས། །ཆོས་དང་ཡེ་ཤེས་ཆགས་བྲལ་བ། །ཀུན་ཏུ་མི་བཟད་ནུས་པར་ལྡན། །ཚུར་སྤྱོན་ཚུར་སྤྱོན་ཞི་དག་ལྷ། །ཐུབ་པའི་སྐྱེས་མཆོག་ཐམས་ཅད་མཁྱེན། །ཤིན་ཏུ་ལེགས་བྱས་གཟུགས་བརྙན་ནི། །མཆོད་པས་འདིར་ནི་གཤེགས་སུ་གསོལ། །འདིར་ནི་གཟུགས་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། ཞེས་པས་སངས་རྒྱས་བྱང་སེམས་ཐམས་ཅད་སྤྱན་དྲངས་བར་མོས། ཁྲུས་གསོལ་ཕྱག་ལེན་ལྟར་བྱས་ལ། ཁྱེད་ཀྱི་རང་བཞིན་ཡོངས་དག་པས། །སྲིད་པའི་འཆིང་བ་མི་མངའ་ཡང་། །བདག་ཅག་སྒྲིབ་པ་སྦྱང་སླད་དུ། །གཙང་མ་ཆབ་ཀྱི་སྐུ་ཁྲུས་གསོལ། །ཞེས་དང་། ཇི་ལྟར་བལྟམས་པ་

― LT40_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ཨོཾ་ཧཱུྃ་ཏྲཱྃ་ཧྲཱིཿཨཱཿཀཱ་ཡ་བི་ཤོ་དྷ་ན་སྭཱ་ཧཱ། ཞེས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་མཛེས་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་འབུལ། ཨོཾ་བཛྲ་ཝསྟྲ་ཨ་ལཾ་ཀ་ར་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། གིས་གོས་རྒྱན་འབུལ། བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་ལྡན་བཞུགས་སུ་གསོལ། །ཨོཾ་བཛྲ་ཨཱ་ས་ན་པདྨ་ཀ་མ་ལཱ་ཡ་སྟྭཾཾ། ཨོཾ་ཨཱརྱ་ཏཱ་རེ་ས་པ་རི་ཝཱ་ར་པུཥྤེ་པྲ་ཏཱིཙྪ་སྭཱ་ཧཱ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱ་པྲ་ཏཱིཙྪ་སྭཱ་ཧཱ། ཉེར་སྤྱོད་ལྔས་མཆོད། ལྷ་དང་ལྷ་མིན་ཅོད་པན་གྱིས། ཞེས་སོགས་ཀྱིས་བསྟོད། ལག་གཉིས་མཉམ་པའི་ཐལ་མོ་ལས་གུང་མོ་གཉིས་རྩེ་སྦྱར་བའི་ཚིགས་གསུམ་པར་མཛུབ་མོའི་རྩེ་མོ་བཀུག་ལ་བཞག་མཐེ་བོང་གཉིས་གཤིབ་སྟེ་མཉམ་དུ་བསྒྲེང་། སྲིན་མཛུབ་ནང་དུ་བཅུག །མཐེའུ་ཆུང་སྦྱར་ནས་བརྐྱངས་པ་ཨུཏྤལ་ཁ་བྱེ་བའི་ཕྱག་རྒྱ་བཅིངས་ཏེ། ཛཿཧཱུྃ་བྃ་ཧོཿཡེ་ཤེས་པ་དང་དམ་ཚིག་པ་གཉིས་མེད་དུ་འདྲེས་པར་གྱུར། བཟླས་པ་བྱ་བ་ནི། མདུན་བསྐྱེད་རྗེ་བཙུན་མ་གཙོ་འཁོར་རྣམས་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་

― LT40_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཏཱྃ་ཡིག་ལྗང་གུའི་མཐའ་མར་ཡི་གེ་བཅུ་པའི་སྔགས་ཀྱིས་བསྐོར་བ་ལས་འོད་ཟེར་འཕྲོས། བདག་གཞན་སེམས་ཅན་ཐམས་ཅད་ཀྱི་འཇིགས་པ་བརྒྱད་དང་བཅུ་དྲུག་སོགས་མི་མཐུན་པའི་ཕྱོགས་ཞི་ནས་ཚེ་དང་བསོད་ནམས་དཔལ་འབྱོར་འདོད་དགུ་མཐའ་དག་འཕེལ་ཞིང་རྒྱས་པར་གྱུར། ཅེས་དམིགས་ལ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། རྩ་སྔགས་ཇི་ལྟར་འོས་པ་ལོངས་སྐབས་དང་བསྟུན་ཏེ་བཟླའོ། །གསུམ་པ་མཆོད་བསྟོད་གཏོར་འབུལ་སོགས་ལན་གསུམ་བྱ་དགོས་པའི་ཐོག་མར་མཆོད་པ་བྱིན་རླབས་ནི། ༈། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བྱིན་གྱིས་བརླབས་པའི་སྟོབས་དང་བདག་གི་བསོད་ནམས་དང་སྨོན་ལམ་གྱི་སྟོབས་དང་། རིག་སྔགས་ཀྱི་སྟོབས་ཀྱིས་སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྣམས་ལ་མཆོག་ཏུ་རྒྱ་ཆེན་པོ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལས་མངོན་པར་མཐོ་བའི་མཆོད་པའི་སྤྲིན་ཆེན་པོ་རབ་ཏུ་འཕྲོ་བར་གྱུར་ཅིག །ཅེས་དང་། ན་མཿསརྦ་བུདྡྷ་བོ་དྷི་ས་ཏྭ་ནཱཾ་སརྦ་ཐཱ་ཁཾ་ཨུངྒ་ཏེ་སྥ་ར་་ཨི་མཾ་ག་ག་ན་ཁཾ་ས་མནྟ་སྭཱ་ཧཱ། ཞེས་སྔགས་ལན་བརྒྱད་བརྗོད་ལ། འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པར་བཤམས་པ་ནི། །རྒྱལ་བའི་ཡུམ་ལ་མཆོད་པར་བགྱི། ཨོཾ་ཨཱརྱ་ཏཱ་རེ་ས་པ་རི་ཝ་ར་ཨརྒྷཾ་པྲ་ཏཱིཙྪ་པཱུ་ཛ་མེ་གྷས་མུ་

― LT40_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

དྲ་སྥ་ར་་ས་མ་ཡེ་ཧཱུྃ། ཚིགས་བཅད་དང་སྔགས་ཀྱི་ཐོག་མཐའ་འདྲ་བ་ལ། མཆོད་ཡོན་གྱི་གནས་སུ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་ཞེས་དང་། ཨརྒྷཾ་གྱི་གནས་སུ། པུཥྤེ་སོགས། ཞེས་བཅུག་པ་དང་། ཡིད་འོད་ཁང་བརྩེགས་ཁྲུས་ཀྱི་རྫིང་། །སྐྱེད་མོས་ཚལ་དང་རིན་ཆེན་བདུན། །ཁྲི་སྟན་འཕན་གདུག་རྒྱལ་མཚན་སོགས། །ནམ་མཁའི་ཁམས་ཀུན་བཀང་སྟེ་འབུལ། །ཨོཾ་སརྦ་བི་ཤིཥྛ་པཱུ་ཛ་མེ་གྷ་པྲ་ས་ར་ས་མུ་དྲེ་ཨཱཿཧཱུྃ། ཞེས་པས་མཆོད། བཅོམ་ལྡན་འདས་མ་གཙོ་འཁོར་གྱི་ཕྱག་གཡས་སྐྱབས་སྦྱིན་མཛད་པའི་འོག་ཏུ་བསྲུང་བྱ་འཁོར་བཅས་ཚུད་པར་བསམས་ལ། །ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་ཏཱ་རེ་མྱུར་མ་དཔའ་མོ། །ཏུཏྟཱ་རེ་ཡིས་འཇིགས་པ་ཀུན་སེལ། །ཏུ་རེས་དོན་ཀུན་གྲུབ་པའི་སྒྲོལ་མ། །སྭཱ་ཧཱའི་ཡི་གེར་བཅས་ལ་རབ་འདུད། །ཕྱག་འཚལ་སྒྲོལ་མ་མྱུར་མ་དཔའ་མོ། ཞེས་པ་ནས། །ཕྱག་འཚལ་བ་ནི་ཉི་ཤུ་རྩ་གཅིག །གི་བར་བརྗོད། ཡང་། རབ་འབྱམས་རྒྱ་མཚོ་དཔག་མེད་ན། །མཆོད་རྫས་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །རྒྱལ་བའི་ཡུམ་ལ་མཆོད་པར་བགྱི། །ཨོཾ་ཨཱརྱ་ཏཱ་རེ་ས་པ་རི་ཝཱ་ར་ཨརྒྷཾ་པཱ་དྱཾ་པུཥྤེ་དྷུ་པེ་ཨཱ་ལོ་ཀེ་གནྡྷེ་ནེ་བེ༚་དྱ་ཤཔྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། ཞེས་མཆོད། སྔར་བཞིན་ཕྱག་འཚལ་ཉེར་གཅིག་

― LT40_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

ཚར་གཅིག་བརྗོད། དེ་ལྟ་བུའི་མཆོད་བསྟོད་ལན་བདུན་རྫོགས་ནས། ལྷ་མོ་ལ་གུས་ཡང་དག་ལྡན་པས། སོགས་ཕན་ཡོན་ཚར་གཅིག་བརྗོད། ༈། དེ་ནས་གཏོར་མ་ཆ་གསུམ་གྱི་དང་པོ་སྒྲོལ་མ་གཙོ་འཁོར་ལ་འབུལ་བ་ནི། ཆབ་བྲན་ལ། གཏོར་མའི་སྟེང་དུ་ཨ་ལས་ཟླ་བའི་དཀྱིལ་འཁོར་ལ་གནས་པའི་ཏཱྃ་ལྗང་གུ་དེ་ལས་འོད་ཟེར་འཕྲོས་པས་སེམས་ཅན་གྱི་དོན་བྱས་ནས་ཚུར་འདུས། སྣོད་ལ་ཐིམ་པས་ཡངས་ཤིང་རྒྱ་ཆེ་བ་དང་། བཅུད་ལ་ཐིམ་པས་ལྷ་རྫས་ཀྱི་གཏོར་མ་བདུད་རྩིར་གྱུར་པར་བསམ། ཨོཾ་ཨཱཿཧཱུྃ། ལན་གསུམ་བརྗོད་པས་བྱིན་གྱིས་བརླབས། མདུན་བསྐྱེད་ཀྱི་བཅོམ་ལྡན་འདས་མ་འཁོར་བཅས་ཀྱི་ལྗགས་འོད་ཟེར་གྱི་སྦུ་གུ་ཅན་གྱིས་གཏོར་མ་གསོལ་བས་མཉེས་པར་གྱུར། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨ་ཀཱ་རོ་སོགས་བཏགས་པ་ལན་བདུན་ནམ་ཉེར་གཅིག་གིས་ཕུལ་ལ། མཆོད་སྦྱིན་གྱི་གཏོར་མ་འདོད་ཡོན་མ་ཚང་བ་མེད་པ་དགོས་འདོད་འབྱུང་བའི་གཏོར་མ་ཟག་མེད་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་འཛད་པ་མེད་པ་འདི་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། རྗེ་བཙུན་འཕགས་མ་སྒྲོལ་མ་ཐུགས་རྗེའི་བདག་ཉིད་ཅན་ཉི་ཤུ་རྩ་གཅིག་ལ་སོགས་པ་ཡི་དམ་རྒྱུད་སྡེ་བཞི་དང་ཐེག་པ་རིམ་དགུའི་དཀྱིལ་འཁོར་གྱི་ལྷ་ཚོགས། སངས་རྒྱས་དང་བྱང་ཆུབ་སེམས་དཔའ་རྣམས་

― LT40_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། བསྟན་པ་དང་འཁོར་རྣམ་བཞི་སྐྱོང་བར་ཞལ་གྱིས་བཞེས་པའི་ཕྱི་ནང་གི་དམ་ཅན་ཆོས་སྐྱོང་སྲུང་མའི་ཚོགས་མ་ལུས་པ་རྣམས་དང་། ནོར་ལྷ་གཏེར་བདག་དང་བཅས་པ་རྣམས་ལ་འབུལ་བར་བགྱིའོ། །བཞེས་ནས་རྐྱེན་ཕྱི་ནང་གི་བར་ཆད་ཐམས་ཅད་ཉེ་བར་ཞི་བར་མཛད་དུ་གསོལ། བདག་ཅག་འཁོར་དང་བཅས་པའི་དོན་ཐམས་ཅད་ཆོས་དང་མཐུན་པའི་ཡིད་བཞིན་དུ་འགྲུབ་པར་མཛད་དུ་གསོལ། །བདག་སོགས་སེམས་ཅན་ཐམས་ཅད་ཀྱི་རྒྱུད་ལ་ཚོགས་གཉིས་རྫོགས་སྒྲིབ་གཉིས་བྱང་ནས་མྱུར་དུ་སངས་རྒྱས་ཀྱི་གོ་འཕང་ཐོབ་པར་མཛད་དུ་གསོལ། ན་མོ། བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་འདིར་མ་ལུས་པ། །ཐོགས་པ་མེད་པར་འབྱུང་གྱུར་ཅིག། ཅེས་བརྗོད་རོལ་མོ་དང་བཅས་པས་གཏོར་མ་དང་པོ་རྟེན་གྱི་དྲུང་དུ་ཕུལ་ལ། རྗེ་བཙུན་འཕགས་མ་སྒྲོལ་མ་དང་། སོགས་ནས། །ཀུན་ནས་དང་བས་ཕྱག་བགྱིའོ། །ཨོཾ་སརྦ་ཏ་ཐཱ་ག་ཏ་གཱ་ཡ་ཝཱ་ཀ་ཙིརྟྟ་པྲ་ན་མེ་་བཛྲ་བྷནྡྷ་ནཾ་ཀ་རོ་མི། ཞེས་ཕྱག་འཚལ་ཞིང་། མེ་ཏོག་བདུག་སྤོས་མར་མེ་དྲི། ཞེས་པ་ནས། འཕགས་མའི་ཚོགས་ཀྱིས་བཞེས་སུ་གསོལ་གྱི་བར་དང་

― LT40_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་བཛྲ་པུཥྤེ་ཨཱཿཧཱུྃ་ནས། ནི་ཝི་དྱའི་བར་ཉེར་སྤྱོད་ལྔ་དང་། ཨོཾ་སརྦ་བི་ཤིཥྛ་པཱུ་ཛ་མེ་གྷ་པྲ་ས་ར་ས་མུ་དྲེ་ཨཱཿཧཱུྃ། གིས་འཕན་གདུགས་རྒྱལ་མཚན་རིན་ཆེན་སྣ་བདུན་ལ་སོགས་པས་མཆོད་པའི་རྗེས་སུ། །ཐོག་མ་མེད་ནས་ད་ལྟའི་བར། ཞེས་པ་ནས། འདྲེན་པའི་དཔལ་དུ་བདག་གྱུར་ཅིག །ཅེས་པའི་བར་དང་། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། སོགས་ཀྱང་བརྗོད་དོ། སྐབས་འདིར་རང་ལུགས་ཀྱི་ཆོས་སྐྱོང་གཏོར་འབུལ་བྱེད་པར་འདོད་ནའང་རྒྱས་བསྡུས་གང་འགྲུབ་བྱ་བར་གསུངས་པས་སྤྲོ་ན་བྱ། མ་བྱས་ཀྱང་གཞུང་གི་དངོས་དོན་མིན་པས་དོ་གལ་མེད་དོ། །གང་ལྟར་གསོལ་བ་གདབ་པ་ནི། ཐལ་མོ་སྤྱི་བོར་སྦྱར་ཏེ་ཡིད་བརྟན་པའི་སྒོ་ནས་ཚིགས་འདི་དག་བརྗོད་དོ། །ན་མོ། འཕགས་པ་དཀོན་མཆོག་གསུམ་གྱི་མཐུ་དང་། གསང་སྔགས་གཟུངས་སྔགས་རིག་སྔགས་ཀྱི་མཐུ་དང་། ཡི་དམ་ཞི་བ་ཁྲོ་བོ་རྣམས་ཀྱི་མཐུ་དང་། ཁྱད་པར་དུ་འཕགས་མ་སྒྲོལ་མ་ཐུགས་རྗེའི་བདག་ཉིད་ཅན་ཉི་ཤུ་རྩ་གཅིག་གི་མཐུ་དང་། བསྟན་པ་རིན་པོ་ཆེ་བསྲུང་ཞིང་སྐྱོང་བར་ཞལ་གྱིས་བཞེས་པའི་དམ་ཅན་ཆོས་སྐྱོང་སྲུང་མ་རྣམས་ཀྱི་མཐུ་དང་། ཆོས་ཉིད་རྣམ་པར་དག་ཅིང་ཆོས་ཅན་རྒྱུ་འབྲས་བསླུ་བ་མེད་པའི་མཐུ་དང་། བདག་གིས་གཏན་པ་མེད་པའི་མཆོད་སྦྱིན་རྒྱ་ཆེན་པོ་བགྱིས་པའི་མཐུ་སྟོབས་ནུས་པ་ལ་བརྟེན་ནས། ལྷ་དང་ཀླུ་དང་། གྲུལ་བུམ་དང་དྲི་ཟ་དང་ཤ་ཟ་དང་། །

― LT40_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུལ་པོ་དང་སྨྱོ་བྱེད་དང་བརྗེད་བྱེད་དང་། དེ་དག་རྒན་པོ་དང་རྒན་མོ་དང་། །དེ་དག་གི་བུ་ཕོ་དང་བུ་མོ་དང་། །འཁོར་ཕོ་དང་འཁོར་མོ་དང་། མ་ངགས་པ་དང་། གཞན་ཡང་མ་མོ་མཁའ་འགྲོ་དང་། ལོག་འདྲེན་ཐམས་ཅད་དང་། གཤིན་རྗེ་དང་རྒྱལ་པོ་དང་། འགོང་པོ་དང་། ནམ་མཁའ་ལྡིང་དང་། གཉན་དང་ས་བདག་དང་། ཀླུ་སྲིན་རྣམས་དང་། གནོད་སྦྱིན་དང་། འབྱུང་པོ་ཐམས་ཅད་དང་། བཙན་བདུད་རྣམས་དང་། ཡི་དྭགས་རྣམས་དང་། དྲང་སྲོང་དང་རིག་སྔགས་འཆང་བ་ཐམས་ཅད་དང་། གཟའ་དང་། རྒྱུ་སྐར་དང་། ལོ་དང་། ཟླ་བ་དང་། ཞག་དང་། ཟམ་ལ་སོགས་པ་ཐམས་ཅད་དང་། གདོན་བགེགས་ཆེན་པོའི་རིགས་ཐམས་ཅད་ཀྱི་སྦྱོར་བ་ངན་པས་གནོད་པའི་ལས་བྱེད་པའི་བསམ་སྦྱོར་ངན་པ་ཐམས་ཅད་ཞི་བར་གྱུར་ཅིག །མེད་པར་གྱུར་ཅིག །མི་འབྱུང་བར་གྱུར་ཅིག །ཕྱིན་ཆད་མི་བྱེད་པར་དམ་ཆོས་ཤིག །དེའི་ཕྱིར་སོ་སོའི་འདོད་ཡོན་རྣམས་ཀྱང་སྟེར་རོ། །བདེན་པའི་ཆོས་ཀྱང་འཆད་དོ། །བདག་ཅག་དཔོན་སློབ་རྒྱུ་སྦྱོར་བ་ལ། མི་ནད་དང་ཕྱུགས་ནད་དང་། རྨི་ལམ་ངན་པ་དང་། ལྟས་ངན་པ་དང་། བཀྲ་མི་ཤིས་པ་དང་། བྱད་ཀ་དང་། ཕུར་ཀ་དང་གཏད་ཁྲོམ་དང་། ལོ་ཀག་དང་། ཟླ་ཀག་དང་། ཞག་ཀག་དང་། དུས་ཀྱི་ཀག་དང་། ལོ་ཉེས་དང་། ཐན་ཆེན་དང་། བཙའ་དང་། སད་དང་།

― LT40_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་བ་དང་། ཇག་རྐུན་དང་། ནད་སྲི་དང་། འཆི་སྲི་དང་། ཆེ་སྲི་དང་། ཆུང་སྲི་དང་། དར་སྲི་དང་རྒན་སྲི་དང་། དུར་སྲི་དང་གོད་ཁ་དང་གོད་སྲི་དང་། བྱུར་དང་མི་ཁ་དང་། རྦོད་གཏོང་དང་། བསམ་སྦྱོར་ངན་པ་དང་། བགེགས་དང་ལོག་འདྲེན་ཐམས་ཅད་དང་། དུས་མ་ཡིན་པར་འཆི་བ་དང་། ནོར་དང་ལོངས་སྤྱོད་མི་འཕེལ་བར་བྱེད་པ་དང་། བཀྲ་མི་ཤིས་པར་བྱེད་པ་ཐམས་ཅད་དང་། །བདག་ཅག་འཁོར་དང་བཅས་པའི་ལུས་ངག་ཡིད་གསུམ་ལ་གནོད་པར་བྱེད་པའི་ནད་རིགས་གདོན་བགེགས་བར་ཆད་དང་རྐྱེན་ངན། དགྲ་འདྲེ་བྱུར་གསུམ་གྱི་གནོད་པ་ཐམས་ཅད་ཞི་བར་གྱུར་ཅིག །མེད་པར་གྱུར་ཅིག །ཕྱིར་ཟློག་པར་གྱུར་ཅིག །ཕྱིན་ཆད་མི་འབྱུང་བར་གྱུར་ཅིག །ཐལ་མོ་བརྡབ་ལ་རོལ་མོ་དྲག་ཏུ་བྱ་བའི་མཐར། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་ཀྱི་སྟོབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རང་བཞིན་གྱིས་རྣམ་པར་དག་ཅིང་། ཆོས་ཉིད་རྒྱུ་འབྲས་བསླུ་བ་མེད་པའི་སྟོབས་ཀྱིས་དེ་དེ་བཞིན་དུ་འགྲུབ་པར་གྱུར་ཅིག །ཅེས་བརྗོད། དེས་མཆོད་བསྟོད་དང་གཏོར་མ་ཆ་དང་པོ་གྲུབ། ༈གཉིས་པ་ལ་སླར་ཡང་མཆོད་པ་ཁ་གསོ། །བྱིན་རླབས་ནས་བརྩམ། ཚར་དང་པོ་

― LT40_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རྒྱས་པ་དང་། ཕྱི་མ་རྣམས་ལ་མཆོད་ཚིག་བསྡུས་པའི་མཆོད་པ། ཕྱག་འཚལ་ཉེར་གཅིག་གི་བསྟོད་པ་སྤེལ་བ་ལན་བདུན་གྱི་མཐར་ཕན་ཡོན་བཅས་གྲུབ་ནས། གཏོར་མ་གཉིས་པ་འབྲུ་གསུམ་གྱི་བྱིན་གྱིས་བརླབས་ནས། ཨོཾ་ཨ་ཀཱ་རོ་སོགས་ལན་བདུན་བརྗོད་པའི་རྗེས་སུ། རང་རང་གི་ཡིད་དང་མཐུན་པའི་གཏོར་མ་འདོད་ཡོན་ཕུན་སུམ་ཚོགས་པ་ཐམས་ཅད་ནམ་མཁའ་མཛོད་བཞིན་དུ་འཛད་པ་མེད་པ་འདི་ཉིད་བགེགས་རིགས་སྟོང་ཕྲག་བརྒྱད་ཅུ། བྱིས་པའི་གདོན་ཆེན་བཅོ་ལྔ། ནད་བདག་ཡམས་བདག་གདོན་བགེགས་འབྱུང་པོའི་རིགས་སུ་གྱུར་པ་ཐམས་ཅད་དང་འགྲོ་བ་རིགས་དྲུག་ལམ་རྒྱུད་ལྔ་སྐྱེ་གནས་བཞིས་བསྡུས་པའི་སེམས་ཅན་ཐམས་ཅད་ལ་སྦྱིན་ནོ། །སོ་སོའི་བསམ་པ་དང་མཐུན་པའི་ལོངས་སྤྱོད་ཟད་མི་ཤེས་པ་ཇི་སྲིད་འཁོར་བ་མ་སྟོངས་ཀྱི་བར་དུ་འབྱུང་ཞིང་རྒྱས་པར་གྱུར་ཅིག །ཐམས་ཅད་སྡུག་བསྔལ་ལས་ཐར་ནས་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་རིན་པོ་ཆེ་མྱུར་དུ་ཐོབ་པའི་སྐལ་བ་དང་ལྡན་པར་གྱུར་ཅིག །ཐམས་ཅད་ནམ་མཁའ་མཛོད་བཞིན་དུ། །ལོངས་སྤྱོད་ཟད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །ན་མོ། བདག་གི་བསམ་པའི་སྟོབས་དག་དང་། སོགས་ནས། ཐོགས་པ་མེད་པར་འབྱུང་གྱུར་ཅིག །ཞེས་པའི་བར་གོང་བཞིན་བརྗོད་ལ་གཏོར་མ་མདོས་ནང་ཕུལ་ལ་རོལ་མོ་བྱ། །དེ་ནས་ཐལ་མོ་མགྲིན་པའི་ཐད་དུ་སྦྱར་ལ། ༈། ན་མོ།

― LT40_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པ་དཀོན་མཆོག་གསུམ་གྱི་མཐུ་དང་། སོགས་ནས་ཐལ་མོ་བརྡབ་ནས་རོལ་མོ་བྱ་བ་དང་། དེ་དེ་བཞིན་དུ་འགྲུབ་པར་གྱུར་ཅིག །ཅེས་པའི་བར་གོང་བཞིན་བརྗོད་དོ། །དེས་མཆོད་བསྟོད་གཏོར་མ་ཆ་གཉིས་པ་གྲུབ། ༈ །གསུམ་པ་ལ་ཡང་མཆོད་པ་ཁ་གསོ། བྱིན་རླབས་ནས་མཆོད་བསྟོད་རྒྱས་བསྡུས་འདོན་ལུགས་སྔ་མ་བཞིན་ཚར་བདུན་ཕན་ཡོན་དང་བཅས་པ་སོང་ནས། གཏོར་མ་གསུམ་པ་འབྲུ་གསུམ་གྱིས་བྱིན་བརླབ། ཨོཾ་ཨ་ཀཱ་རོ་སོགས་ལན་གསུམ་གྱིས་བསྔོས་ནས། མཆོད་སྦྱིན་གྱི་གཏོར་མ་གཟུགས་སྒྲ་དྲི་རོ་རེག་བྱ་ཕུན་སུམ་ཚོགས་པ་སོ་སོའི་ཡིད་དང་མཐུན་པའི་ལོངས་སྤྱོད་ཟད་པ་མེད་པ་འདི་ཉིད་བདག་ཅག་དཔོན་སློབ་ཡོན་མཆོག་འཁོར་དང་བཅས་པ་རྣམས་ཀྱི་ཚེ་རབས་འཁོར་བ་ཐོག་མ་མེད་པ་ནས་ཐ་མ་ད་ལྟ་ལ་ཐུག་གི་བར་དུ་ཉོན་མོངས་པ་དུག་གསུམ་དང་དུག་ལྔའི་དབང་གིས་བརྐུས་ཤིང་འཕྲོག་པས་ནོར་དབུལ་བའི་ལན་ཆགས། བརྡུང་ཞིང་བཙོག་སས་ནད་དང་འཚེ་བའི་ལན་ཆགས། བསད་ཅིང་གཏུབ་པ་སྲོག་བཅད་པས་ཚེ་ཐུང་བའི་ལན་ཆགས། མཐོ་བའི་མཁར་ཕབ་པ་དམའ་བའི་ཡུལ་བཅོམ་པ། མི་རྟ་གྲིར་བསད་པ། སྔོན་གྱི་ལན་ཆགས་པ་ལ་སོགས་པའི་ལན་ཆགས་དང་ཤ་འཁོན་གྱི་བདག་པོ་བདག་མོ་ཐམས་ཅད་ལ་སྦྱིན་ནོ། །གནོད་བྱེད་གདོན་བགེགས་ལན་ཆགས་ཀྱི་

― LT40_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་སུ་གྱུར་པ་ཐམས་ཅད་ཚིམས་པར་གྱུར་ཅིག །ངོམས་པར་གྱུར་ཅིག །ཚེ་རབས་ཐོག་མ་མེད་པ་ནས་བསགས་པའི་ལེན་ཆགས་ཐམས་ཅད་བྱད་བར་གྱུར་ཅིག །བུ་ལོན་སོད་པར་གྱུར་ཅིག་ཤ་མཁོན་དང་ཕོག་ཐུགས་སུ་གྱུར་པ་ཐམས་ཅད་ཞི་བར་གྱུར་ཅིག །བསམ་ངན་དང་གནོད་སེམས་གདུག་རྩུབ་ཐམས་ཅད་དང་བྲལ་ནས། ཕན་པ་དང་ཞི་བ་དང་བྱང་ཆུབ་ཀྱི་སེམས་དང་ལྡན་པར་གྱུར་ཅིག །མཐར་ཐུག་རྣམ་མཁྱེན་སངས་རྒྱས་ཀྱི་གོ་འཕང་རིན་པོ་ཆེ་མྱུར་དུ་ཐོབ་པའི་སྐལ་བ་དང་ལྡན་པར་གྱུར་ཅིག །ཐམས་ཅད་ནམ་མཁའ་མཛོད་བཞིན་དུ། སོགས་ནས། ན་མོ། བདག་གི་བསམ་པའི་སྟོབས་དག་དང་། སོགས་གོང་ལྟར་དུ་བརྗོད་པས། རོལ་མོ་དང་བཅས་པས་གཏོར་མ་མདོས་ནང་དུ་ཕུལ་ལོ། །དེ་ནས་ཐལ་མོ་སྙིང་གར་སྦྱར་ལ་ཡིད་བརྟན་པའི་ངང་ནས། ན་མོ། འཕགས་པ་དཀོན་མཆོག་གསུམ་གྱི་མཐུ་དང་། སོགས་ནས་ཐལ་མོ་བརྡེབ་པ་རོལ་མོ་བཅས། དེ་དེ་བཞིན་དུ་འགྲུབ་པར་གྱུར་ཅིག །བར་ཚང་ཐར་བརྗོད་པས་ཆ་གསུམ་པ་གྲུབ། ༈། གཏོར་མ་བཞི་པ་གཞི་བདག་དཀར་གཏོར་མདོས་ཀྱི་ལམ་སེལ་གྱི་ཚུལ་དུ་བསྔོ་བ་ཡིན་པས། སྤྲོ་ན་གསེར་སྐྱེམས་དཀར་གཏོར་སྤྱི་འགྲོ་རྒྱས་པ་སྐབས་འདིར་སྦྱར་ཆོག །བསྡུ་ན་འབྲུ་གསུམ་གྱིས་བྱིན་བརླབ། ཨ་ཀཱ་རོ་ལན་གསུམ་གྱིས་བསྔོ། སྡིག་པ་ཅི་ཡང་

― LT40_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བྱ་ཞིང་། སོགས་ཆོས་སྦྱིན་བྱེད་ལ། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་གནས་བདག་གཞི་བདག་ཡུལ་བདག་གྲོང་བདག་གཉུག་མར་གནས་པ་རྣམས་ལ་འབུལ་ལོ། །སངས་རྒྱས་ཀྱི་བསྟན་པ་དར་བ་དང་། འཇིག་རྟེན་དུ་དགེ་ལེགས་རྒྱ་ཆེན་པོ་འབྱུང་ཞིང་། བདག་ཅག་དཔོན་སློབ་སྦྱིན་བདག་འཁོར་བཅས་ཀྱི་འགལ་རྐྱེན་བར་ཆད་ཐམས་ཅད་ཞི་ཞིང་བསམ་སྦྱོར་ཆོས་མཐུན་ཡིད་བཞིན་དུ་འགྲུབ་པའི་སྟོང་གྲོགས་མཛོད་ཅིག་ཅེས་པ་ཙམ་བརྗོད་ལ་མདོས་ཕུལ་ཕྱོགས་སུ་བསྐྱལ་བས་འཐུས་སོ། ༈། བཞི་པ་མདོས་གླུད་སྣང་སྲིད་ལ་བརྫང་ཞིང་བསྔོ་བ་ལ། ཐོག་མར་སྔགས་དྲུག་ཕྱག་དྲུག་གིས་བྱིན་གྱིས་རླབས་པ་ནི། མདོས་ཆུ་གཙང་གིས་བྲན་ལ། བདག་ཉིད་བཅོམ་ལྡན་ཤཱཀྱ་ཐུབ། །ཕྱག་རྒྱའི་ཡི་གེ་ཨ་དཀར་ལས། །འོད་འཕྲོས་གཏོར་རྫས་དངོས་འཛིན་གྱི། །དྲི་མ་སྦྱོངས་ནས་སྟོང་བར་གྱུར། །ཐལ་མོ་ཁོང་སྟོང་སྦྱར་ལ། ཨོཾ་སྭ་བྷ་ཝ་སོགས། ལན་གསུམ་རེ་རེ་བཞིན་ཕྱག་རྒྱ་བཀྲོལ་ནས་སེ་གོལ་གཏོད་པ་གཞན་རྣམས་ལའང་འགྲེས། ཆོས་དབྱིངས་རྣམ་དག་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་ཀྱི། །འབག་རྩོག་ཉམས་གྲིབ་ཉེས་སྐྱོན་དང་། །མཚན་འཛིན་དྲི་མ་དག་གྱུར་ཅིག །བདག་ཉིད་བཅོམ་ལྡན་རྣམ་སྣང་མཛད། །ཕྱག་རྒྱའི་ཡི་གེ་ཁྃ་སྔོན་ལས། །འོད་འཕྲོས་གཏོར་རྫས་ཟག་མེད་མཛོད། །

― LT40_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའི་ཁམས་ཀུན་ཁྱབ་པར་གྱུར། ཐལ་མོ་སྦུབས་སྟོང་དུ་སྦྱང་བའི་ཚིག་བར་པ་རྣམས་བཅག་པ་རིན་ཆེན་སྒྲོམ་བུའི་ཕྱག་རྒྱ་སྨིན་མཚམས་སུ་བསྐོར་ཤིང་། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུངྒ་ཏེ་སྥ་ར་་ཨི་མཾ་ག་ག་ན་ཁཾ་སྭཱ་ཧཱ། ནམ་མཁའ་མཛོད་ཀྱི་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་རྣམས། །བསྐལ་པའི་བར་དུ་ཟད་མི་ཤེས། །རྒྱ་ཆེ་ནམ་མཁའ་གང་གྱུར་ཅིག །བདག་ཉིད་བཅོམ་ལྡན་བདུད་རྩི་འཁྱིལ། །ཕྱག་རྒྱའི་ཡི་གེ་ཧྲཱིཿདམར་ལས། །འོད་འཕྲོས་གཏོར་རྫས་ཡེ་ཤེས་ཀྱི། །བདུད་རྩི་ཆེན་པོའི་རང་བཞིན་གྱུར། མཐེ་བོང་བསྣོལ། སོར་མོ་གཞན་རྣམས་གཤོག་པ་ལྟར་གདེངས་པ་བཞི་ཁའི་ཐད་དུ་བཞག་ལ། ཨོཾ་བཛྲ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། བདུད་རྩི་ཐབས་སྦྱོར་ཕྱག་རྒྱ་སྔགས། །ཏིང་འཛིན་བདེན་པས་གཏོར་རྫས་རྣམས། །བདུད་རྩི་ཡེ་ཤེས་ལྔ་ཡི་དངོས། །འཆི་གསོས་དུག་ལྔའི་སྨན་སྒྱུར་ཅིག །བདག་ཉིད་བཅོམ་ལྡན་རིན་ཆེན་འབྱུང་། །ཕྱག་རྒྱའི་ཡི་གེ་ཏྲྃ་སེར་ལས། །འོད་འཕྲོས་གཏོར་རྫས་འདོད་ཡོན་ལྔ། །སོ་སོའི་མོས་པ་ཇི་བཞིན་གྱུར། ལག་པ་གཉིས་མཛུབ་མོ་བསྒྲེངས་པའི་ཁུ་ཚུར་གཡོན་སྙིང་གར་བཞག །གཡས་བརྐྱངས་ཏེ་རྫས་ལ་གཏོད་པའི་ཚུལ་བྱས་ལ། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། རྒྱ་ཆེན་ཤུགས་ལྡན་ཕྱག་རྒྱ་སྔགས། །ཏིང་འཛིན་བདེན་པས་

― LT40_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་རྫས་རྣམས། །དཔང་པོར་སྤྱོད་ཡུལ་ཚིམས་བྱེད་པའི། །འདོད་ཡོན་སྣ་ཚོགས་ཆར་འབེབས་ཤོག། བདག་ཉིད་བཅོམ་ལྡན་དོན་ཡོད་གྲུབ། །ཕྱག་རྒྱའི་ཡི་གེ་ཧ་ལྗང་ལས། །འོད་འཕྲོས་མཆོག་དམན་སྐལ་པ་བཞིན། །འཐབ་ཙོད་མེད་པར་ཐོབ་པར་གྱུར། ལག་གཡས་རྡོ་རྗེ་ཁུ་ཚུར་སྙིང་གར་བཅངས། གཡོན་པས་མཆོག་སྦྱིན་གྱི་ཕྱག་རྒྱས་སྣོད་འདེགས་པའི་ཚུལ་བྱས་ལ། ཨོཾ་ཛྙ་ན་ཨ་བ་ལོ་ཀི་ཏེ་སམྟ་སྥ་ར་་ར་སྨི་བྷ་བ་ས་མ་ཡ་མ་ཧཱ་མ་ི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུྃ། ཡེ་ཤེས་སྐར་མདའི་ཕྱག་རྒྱ་སྔགས། །ཏིང་འཛིན་འདི་གོ་ལྡོག་པའང་སྣང་། མཆན། ལྡན་པས་མགྲོན་རྣམས་ཀུན། །ཕམ་རྒྱལ་འཁྲུགས་རྩོད་མེད་པར་ཐོབ། །དགྱེས་ཤིང་རེ་བ་གང་གྱུར་ཅིག །བདག་ཉིད་བཅོམ་ལྡན་རྡོ་རྗེ་འཛིན། །ཕྱག་རྒྱའི་ཡི་གེ་ཛ་དམར་ལས། །འོད་འཕྲོས་མགྲོན་རྣམས་དབང་དུ་སྡུས། །ཕྲིན་ལས་གོང་འདོད་སྒྲུབ་པར་གྱུར། ལག་གཉིས་སོར་མོ་བསྣོལ་བའི་ཁུ་ཚུར་ངོས་མཐེ་བོང་གཉིས་གཤིབས་ཏེ་བརྐྱང་བ་སྤྱི་བོར་བསྐོར་ཏེ། ན་མཿས་མནྟ་བུདྡྷཱཿནཱཾ་གྲ་ཧེ་ཤྭ་རི་པྲ་བྷྱ་ཛྱོ་ཏེ་ན་མ་ཧཱ་ས་མ་ཡེ་སྭཱ་ཧཱ། །དབང་སྒྱུར་འཁོར་ལོའི་ཕྱག་རྒྱ་སྔགས། །ཏིང་འཛིན་བདེན་པས་མགྲོན་རིགས་ཀུན། །བདག་གི་དབང་འདུས་གང་བཅོལ་ལས། །སྒྲུབ་པའི་སྡོང་གྲོགས་མཛད་གྱུར་ཅིག །མཐར། ན་མོ། བདག་གི་བསམ་པའི་སྟོབས་དག་

― LT40_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །ལན་ཆགས་མགྲོན་རྣམས་བརྔན་པ་དང་། །སེམས་ཅན་ཀུན་ལ་ཕན་གདགས་ཀླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །འཇིག་རྟེན་ཁམས་ནི་མ་ལུས་པ། །ཐོགས་པ་མེད་པར་འབྱུང་གྱུར་ཅིག །ཅེས་བདེན་པའི་སྟོབས་ཀྱིས་ཀྱང་བྱིན་གྱིས་བརླབ། བྱེ་བྲག་དམིགས་པའི་ཁྱད་པར་དབྱེ་ཞིང་བསྔོ་བ་ནི། ཨ་མྲྀ་ཏས་བསང་། སྭཱ་བྷཱ་ཝས་སྦྱང་། མདུན་དུ་རིན་པོ་ཆེ་ལས་གྲུབ་པའི་རི་རབ་བང་རིམ་བཞི་པའི་དབུས་སུ་ཁང་བཟང་ལྕགས་རིས་བསྐོར་བའི་མཐའ་བསྐོར་དང་རི་རབ་བང་རིམ་གྱི་སྟེང་རྣམས་སུ་མགྲོན་རྣམས་སོ་སོར་མཉེས་པའི་མཐུན་རྫས་འདོད་པའི་ཡོན་ཏན་ལྔ་ཡི་ལོངས་སྤྱོད་འཛད་པ་མེད་པ་ས་དང་ནམ་མཁའ་བར་སྣང་ཁྱབ་པར་གྱུར་བར་བསམས་ལ། སམྦྷ་རའི་སྔགས་ལན་བདུན་དང་། བཅོམ་ལྡན་འདས་དེ་བཞིན་གཤེགས་པ་རྒྱལ་བ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་ཡོངས་སུ་བྲལ་བ་ལ་ཕྱག་འཚལ་ལོ། །གསང་སྔགས་འདི་ཡི་མཐུ་དང་དེ་བཞིན་གཤེགས་པ་ཁྱེད་རྣམས་ཀྱི་མཚན་ནས་བརྗོད་

― LT40_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་ཕྱག་འཚལ་བའི་བྱིན་རླབས་ལ་བརྟེན་ནས་བདག་གིས་གཏན་པ་མེད་པའི་མདོས་གཏོར་རྒྱ་ཆེན་པོ་བགྱིས་པ་འདིའི་མཐུས་མགྲོན་རིགས་ཐམས་ཅད་ཚིམས་ཞིང་མགུ་ནས་བདག་གཞན་གྱི་བསམ་པའི་དོན་ཐམས་ཅད་ཆོས་དང་མཐུན་པ་ཡིད་བཞིན་དུ་འགྲུབ་པར་གྱུར་ཅིག །དེ་ནས་སྐབས་འདིར་ཡི་དམ་དྲག་པོ་སྐྱེད་པར་བཤད་པས། བདག་ཉིད་སྐད་ཅིག་གིས་བཅོམ་ལྡན་འདས་པདྨ་དབང་ཆེན་སྐུ་མདོག་དམར་པོ་ཞལ་གཅིག་ཕྱག་གཉིས་པ། ཕྱག་གཡས་པས་སེང་ལྡེང་གི་དབྱུག་ཏོ་ནམ་མཁའ་ལ་ཕྱར་ཞིང་། གཡོན་ཐུགས་ཀར་བསྡིག་མཛུབ་མཛད་པ། དམར་ལ་ཟླུམ་བའི་སྤྱན་གསུམ་གདོང་མིག་ཏུ་བགྲད་ཅིང་། ཞལ་ནས་མཆེ་བ་བཞི་རྣམ་པར་གཙིགས་པ། སྨིན་མ་དང་སྨ་ར་དམར་སེར་དུས་མཐའི་མེ་ལྟར་འབར་བ། དབུ་སྐྲ་ཁམ་སེར་གྱེན་དུ་བརྫེས་པ། སྤྱི་གཙུག་ན་རྟ་མགོ་ལྗང་གུ་རྟ་སྐད་འབྱིན་པ། ཀླུ་ཆེན་པོ་བརྒྱད་ཀྱིས་བརྒྱན་པ། སྟག་གི་པགས་པའི་ཤམ་ཐབས་ཅན། ཞབས་གཡས་བསྐུམ་གཡོན་བརྐྱངས་པས་ཡེ་ཤེས་ཀྱི་མེ་རབ་ཏུ་འབར་བའི་ཀློང་དཀྱིལ་ན་བཞུགས་ནས་གནོད་བྱེད་གདུག་པ་ཅན་དང་། སྡིག་སྒྲིབ་ཐམས་ཅད་སྲེག་པར་བྱེད་པ་ཆེ་བཙན་འགྲན་ཟླ་དང་བྲལ་བའི་སྐུར་གྱུར། མདུན་བསྐྱེད་སྒྲོལ་མ་འཁོར་བཅས་ཀྱང་གཟུ་དང་

― LT40_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

དཔང་ལ་བཞུགས་ནས། བདག་གིས་ཇི་ལྟར་བསྔོས་ཤིང་ཟློག་སྒྱུར་བརྗོད་པའི་ཕྲིན་ལས་མཛད་པས་མགྲོན་ཐམས་ཅད་ཀྱིས་བཀའ་ཉན་ཅིང་ཕྲིན་ལས་མྱུར་དུ་སྒྲུབ་པར་གྱུར། ཅེས་པའི་ང་རྒྱལ་མ་བྲལ་བར་རོལ་མོ་དབྱངས་དང་བཅས་ཏེ་འདི་སྐད་དོ། །ཧཱུྃ། གསོན་ཅིག་དགོངས་ཤིག་ཐམས་ཅད་ཉོན། །རྩ་བརྒྱུད་བླ་མ་ཐམས་ཅད་ཀྱིས། །དོ་ནུབ་བཟློག་སྒྱུར་མཛད་དུ་གསོལ། །ཡི་དམ་ལྷ་ཚོགས་ཐམས་ཅད་ཀྱིས། །དོ་ནུབ་བཟློག་སྒྱུར་མཛད་དུ་གསོལ། །རྗེ་བཙུན་འཕགས་མ་སྒྲོལ་མ་ཀུན། །དོ་ནུབ་བཟློག་སྒྱུར་མཛད་དུ་གསོལ། །ངན་པར་གྱུར་པ་ཐམས་ཅད་ཀུན། །མྱུར་དུ་བཟློག་ཅིང་མེད་པར་མཛོད། །དམ་ཅན་ཆོས་སྐྱོང་སྲུང་མ་རྣམས། །འདིར་ནི་བཅོལ་བའི་ཕྲིན་ལས་མཛོད། །མདོས་གཏོར་མཆོད་སྦྱིན་གླུད་དང་བཅས། །འདི་རྣམས་ཁྱེར་ལ་གནོད་མ་བྱེད། །སྣང་སྲིད་ལྷ་འདྲེ་སྡེ་བརྒྱད་སོགས། །སྔགས་འཆང་བདག་གི་ངག་ལ་ཉོན། །གཞན་གྱིས་རྦད་ལ་མ་ཉན་ཅིག །གདོན་བགེགས་ཆེན་པོ་ཁྱེད་རྣམས་ཀྱི། །བསམ་སྦྱོར་ངན་པ་ཞི་བར་གྱིས། །ཁྱོད་ལ་དགོས་པའི་གཏོར་མ་དང་། །སྲོག་ཆགས་ནོར་གླུད་མང་པོ་དང་། །ལ་རྫས་ལུང་རྫས་འདོད་རྒུར་བཅས། །ཡིད་འོང་ཁང་པ་སྤེའུ་ཞོལ་དང་། །ཡིད་འོང་རྟ་ཕོ་ཆེ་མགྱོགས་ལ། །འབྲུ་ཡི་ངར་མི་

― LT40_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་བསྐྱོན། །ལུས་ལ་གསེར་གཡུའི་རྒྱན་ཆ་བཏགས། །རྒྱན་ཆ་ཡིད་འོང་སི་ལི་ལི། །དར་གྱི་གོས་གྱོན་ལྷུབས་སེ་ལྷུབ། །སྨྲ་བ་མཁས་ཤིང་བཞིན་མདངས་རྒྱས། །འོག་ན་རྟ་གོན་ཞུངས་སེ་ཞུང་། །མགོ་ལ་ཐོད་བཅིངས་པུ་རུ་རུ། །རྩེད་འཇོ་སྣ་ཚོགས་བསྒྱུར་ལ་མཁས། །གཡུ་ཡི་ལྷྭམ་ཆུང་ཟུ་ལུ་ལུ། །གསེར་གྱི་སྐེད་ཆིངས་ཁྲུ་ལུ་ལུ། །ནམ་རྒྱང་ལྡེམ་པས་སྐུ་ལ་བརྒྱན། །ཕོ་ཏོང་མོ་ཏོང་མི་སྐད་སྨྲ། །མངའ་རིས་འདོད་རྒུ་ཚང་བ་རྣམས། །ཡོན་བདག་གླུད་དུ་ཁྱོད་ལ་འབུལ། །ཡིད་འོད་ནོར་ནི་མང་པོ་དེར། །ཞལ་ཟས་ཞིམ་དགུ་མངར་བཅུ་དང་། །འཁོར་གཡོག་ངར་མི་སུམ་ཅུ་དང་། །སྨན་སྤོས་སྒྲོན་མེ་གསལ་བ་རྣམས། །ཁྱེད་ལ་མཆོད་པ་འབུལ་ལགས་ཀྱིས། །དྭང་བའི་སེམས་ཀྱིས་བཞེས་ནས་སུ། །སྔགས་པས་ཕུར་བུ་བསྒྲིལ་བ་དང་། །ཡུངས་ཀར་ཐུན་དུ་བྲབ་པ་དང་། །ཟོར་ཁ་སྣ་ཚོགས་འཕེན་པ་དང་། །མནན་གཏད་སྦྱོར་བ་བྱེད་པ་རྣམས། །དེ་དག་ནུས་པ་ཕྱིར་ལ་བཟློག །བོན་པོས་རྔ་ཆེན་བརྡུང་བ་དང་། །སྔོ་དམར་འུར་རྡོ་འཕེན་པ་དང་། །རྩོད་བསྡིག་བྱེད་པ་ཕྱིར་ལ་ཟློག །དྲག་སྔགས་ཕྲ་མེན་ཕྱེད་པ་དང་། །སྡེ་བརྒྱད་དྲག་པོས་བསྐུལ་བ་རྣམས། །དེ་དག་ནུས་པ་ཕྱིར་ལ་ཟློག །ཆོས་སྐྱོང་ལྷ་འདྲེ་

― LT40_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱང་། །ལ་ལ་དཀོར་གྱི་ཤུལ་དུ་འབྲངས། །ལ་ལ་མནའ་ཟན་གཤེད་དུ་འོང་། །ལ་ལ་སྔགས་པ་དྲག་པོས་རྦད། །ལ་ལས་སྟོན་པའི་རྒྱུ་འབྲས་སྟོན། །ལ་ལས་རིམས་ནད་དལ་ཡམས་གཏོར། །ཆར་པ་མི་འབེབས་ལོ་ཉེས་གཏོང་། །འགའ་ཞིག་སད་དང་སེར་བ་གཏོང་། །ལན་ཆགས་བུ་ལོན་འདེད་པ་དང་། །ཉེ་འབྲེལ་གྲོགས་ཀྱི་ཤུལ་འབྲང་དང་། །མཛེ་ནད་གཏོང་བའི་ཀླུ་རྣམས་དང་། །གནོད་བྱེད་ལན་ཆགས་ལྷ་འདྲེ་རྣམས། །ཤ་ཁྲག་སྲོག་དབུགས་ཟ་བ་དང་། །འབྲས་བུ་ལོ་ཐོག་ཟ་བ་དང་། །དར་སྣབས་མི་གཙང་ཟ་བ་དང་། །འབྱུང་བའི་ལྷ་དང་ས་བདག་དང་། །ལོ་དང་སྤར་ཁ་སྨེ་བར་བཅས། །ཀུན་ཀྱང་གླུད་ཀྱིས་མཉེས་གྱུར་ཅིག །གནོད་འགལ་ངན་པ་ཞི་བར་མཛོད། །བུ་ལོན་ལན་ཆགས་དག་པར་བཅོལ། །བདག་ཅག་ལོངས་སྤྱོད་འཕེལ་བར་མཛོད། །རྦོད་གཏོང་བྱད་ཁ་ཟློག་ཏུ་གསོལ། །བསམ་པའི་དོན་རྣམས་འགྲུབ་པར་མཛོད། །སྙིང་རྗེའི་སྟོབས་ཀྱིས་དམ་ཆོས་བཤད། །ཁྱོད་ཀྱང་མ་རིག་འཁོར་བར་འཁྱམས། །ད་ནི་བྱང་སེམས་ལྡན་པར་གྱིས། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་སྐྱེལ་བར། །སྡིག་སྤངས་ཐར་པའི་ལམ་ལ་སྙོགས། །རང་

― LT40_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཆོས་སྐུའི་རང་ཞལ་ལ། །འཛིན་མེད་ཡེངས་མེད་རྒྱུན་དུ་ལྟོས། །སྟོང་ཉིད་སྙིང་རྗེའི་ངང་ཉིད་ལ། །ནད་དང་དལ་ཡམས་ཞི་བར་མཛོད། །ལོ་ལེགས་ཆར་ཆུ་དུས་སུ་ཕོབ། །རྣལ་འབྱོར་བདག་ཅག་འཁོར་བཅས་ལ། །སྔ་དགྲ་སྔར་དང་ད་དགྲ་རྩུབ། །ཕྱི་དགྲ་ཤོམ་པ་ཐམས་ཅད་ཟློག །གློ་བུར་བརྒྱད་ཅུ་རྩ་གཅིག་ཟློག །ཡེ་འདྲོག་སུམ་བརྒྱ་དྲུག་ཅུ་ཟློག །བཞི་བརྒྱ་རྩ་བཞིའི་ནད་རྣམས་ཟློག །སྟོང་ཕྲག་བརྒྱད་ཅུའི་བགེགས་རྣམས་ཟློག །ཡ་བདུད་གསོས་དང་དམ་སྲི་ལོངས། །མ་བདུད་མ་ཚན་རྒྱབ་འདྲེ་དང་། །མ་བུའི་བྱུར་འདྲེ་བཟློག་ཏུ་གསོལ། །སྡང་བའི་དགྲ་དང་གནོད་པའི་བགེགས། །ཐམས་ཅད་མ་ལུས་ཟློག་ཏུ་གསོལ། །ལོ་ཟླ་ཞག་དུས་ངན་པ་ཟློག །ཕུང་འདྲེ་ཐམས་ཅད་ཟློག་ཏུ་གསོལ། །ལྟོག་འདྲེ་ཐམས་ཅད་ཟློག་ཏུ་གསོལ། །སྲི་ལ་རྐུ་བ་ཟློག་ཏུ་གསོལ། །བྱིས་པའི་གདོན་རྣམས་ཟློག་ཏུ་གསོལ། །ཕྱུགས་ཀྱི་གདོན་རྣམས་ཟློག་ཏུ་གསོལ། །མི་ཁ་ཁ་སྨྲས་མ་གཏོང་ཅིག །གཞན་གྱི་གཡུལ་ངོ་ཞི་བ་དང་། །བདག་གི་དམག་ཐབས་ལེགས་པར་མཛོད། །དགྲ་ཇག་ཆོམ་རྐུན་ཞི་བར་མཛོད། །མྱོས་ཤིང་འཐབ་པ་བསལ་བ་དང་། །ཉིན་གཅིག་གཉིས་གསུམ་བདུན་པ་ཡི། །རིམས་ནད་ཐམས་ཅད་ཞི་བར༴། ཉམ་ང་

― LT40_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

འཚེ་བ་ཟློག་ཏུ་གསོལ། །ངན་དང་རྩུབ་པའི་རིགས་རྣམས་ཀུན། །ད་ལྟ་ཉིད་དུ་ཟློག་ཏུ་གསོལ། །ཡུལ་ཕྱོགས་དགེ་བར་མཛད་དུ་གསོལ། །དམ་ཆོས་རྒྱས་པར་མཛད་དུ་གསོལ། །འཐབ་རྩོད་ཞི་བར༴ །ལོ་བརྒྱ་འཚོ་བར༴ །སྟོན་བརྒྱ་མཐོང་བར་མཛད་དུ་གསོལ། །བཀྲ་ཤིས་རི་བོ་བརྟན་པ་དང་། །བསོད་ནམས་ནམ་མཁའ་ཉི་འོད་དང་། །མི་ཕྱེད་མི་ཤིགས་དངོས་གྲུབ་སྩོལ། །ཞེས་བརྗོད་པས་ལམ་དུ་བསྐྱལ་བཅོལ་ལ། རང་གིས་ནང་ནས་འོག་ཏུ་བཤད་པའི་བདེན་སྟོབས་བརྗོད། །ཟློག་པ་འདི་ཚར་གྲངས་གསུམ་སོགས་བསྐྱར་འདོད་ནའང་བྱ་ཆོག །ཡང་ན་རིམས་གཅོད་པ་སོགས་གལ་ཆེ་དུས་ཕྱི་རོལ་དུ་གཏོ་རྐྱེ་བ་བྱེད་ན་འཕེན་ཕྱོགས་སུ་དར་ནག་དང་རོལ་མོ་བཅས་ཏེ་ཁྱེར། དེའང་ནད་ཡམས་དལ་ཕྱོགས་ལམ་མདོ་སོགས། བྱད་ཁ་དང་དགྲ་བགེགས་ལ་དེ་ཕྱོགས། ཐ་ན་ཆེན་ཆར་འབེབས་ལ་ཆུ་མགོའམ་མཚོ་འགྲམ་དུ་སྐྱེལ་བ་སོགས་རིག་པས་དཔྱད། མདོས་གཏོར་གནམ་དུ་བཏེགས་ལ་རང་ཉིད་ཡི་དམ་གྱི་ང་རྒྱལ་བརྟན་པ་དང་། སྒྲོལ་མ་སོགས་ཀྱི་གཟུ་དཔང་དང་རྒྱབ་བརྟེན་གསལ་བའི་ངང་ནས་བདེན་སྟོབས་བརྗོད་ཅིང་མདོས་བཟློག་བྱ་བ་ནི། ན་མོ། འཕགས་པ་དཀོན་མཆོག་གསུམ་གྱི་མཐུ་དང་སོགས་ནས། ཕྱིན་ཆད་མི་འབྱུང་བར་གྱུར་ཅིག་བར་གོང་ལྟར་བརྗོད་པའི་མཐར། སྔགས་པས་ཕུར་བུ་བསྒྲིལ་བ་དང་། ཡུངས་ཀར་ཐུན་དུ་བྲབ་པ་དང་། ཟོར་ཁ་མནན་གཏད་བྱེད་པ་དང་། དེ་དག་གི་ནུས་མཐུ་ཐམས་

― LT40_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཕྱིར་བཟློག་ཏུ་གསོལ། །བོན་པོས་རྔ་ཆེན་བརྡུང་བ་དང་། སྡོད་མར་འུར་རྡོ་འཕེན་པ་དང་། ཇོ་རྡེག་བྱེད་པ་དང་། དྲག་སྔགས་ཕྲ་མན་བྱེད་པ་དང་། སྡེ་བརྒྱད་དྲེགས་པ་བསྐུལ་བ་དང་། དེ་དག་གི་ནུས་མཐུ་ཐམས་ཅད་ཕྱིར་བཟློག་ཏུ་གསོལ། ཆོས་སྐྱོང་དང་ལྷ་འདྲེ་རྣམས་དཀོར་གྱི་ཤུལ་དུ་ཕྲེང་བ་དང་། མནའ་ཟན་གཤེད་དུ་འོང་བ། སྔགས་པ་དྲག་པོས་རྦད་པ། བདེན་པའི་རྒྱུ་འབྲས་སྟོན་པ། རིམས་ནད་ཡམས་ནད་གཏོང་བ། ཆར་མེད་ཐན་ཆེན་གཏོང་པ། ལོ་ཉེས་བཙའ་དང་སད་སེར་གཏོང་བ། ལན་ཆགས་བུ་ལོན་སྙགས་པ། ཉེ་འབྲེལ་དང་གྲོགས་ཀྱི་ཤུལ་དུ་འབྲང་བ། ཀླུ་ནད་དང་མཛེ་ནད་དང་ཤུ་བ་གཏོང་པ། དེ་དག་གི་ནུས་མཐུ་ཐམས་ཅད་ཕྱིར་བཟློག་ཏུ་གསོལ། ཤ་ཁྲག་སྲོག་དབུགས་འཕྲོག་པ། ཁེ་ཚོ་ལ་གླག་ལྟ་བ། ཡིད་བརྒལ་བ། ལོ་ཟླ་ཞག་དུས་ཀྱི་ཀག་རྩུབ་པ། སྤར་ཁ་དང་སྨེ་བ་རྩུབ་པ། ལུས་ཁ་རྗེ་དབང་ཐང་ཞན་པ། བླ་གནས་དང་ཀླུང་རྟ་རྒུད་པ་ཐམས་ཅད་ཕྱིར་ཟློག་ཏུ་གསོལ། ནད་རིམས་མེ་ལྟར་མཆེད་པ། ལྟས་ངན་མུན་ལྟར་འཐིབ་པ། རྨིས་ལྟས་མཚན་མ་ངན་པ་ཐམས་ཅད་ཕྱིར་བཟློག་ཏུ་གསོལ། ནད་རིགས་བཞི་བརྒྱ་རྩ་བཞི་དང་། བགེགས་རིགས་སྟོང་ཕྲག་བརྒྱད་ཅུ་ཟློག་ཏུ་གསོལ། གློ་བུར་བརྒྱད་བཅུ་རྩ་གཅིག་གི་

― LT40_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པ་ཐམས་ཅད་ཕྱིར༴བྱིས་པའི་གདོན་ཆེན་བཅོ་ལྔ། ཡ་བདུད་རྒྱལ་པོའི་གནོད་པ། མ་བདུད་མོ་འདྲེ་མོའི་གནོད་པ། དམ་ལོག་དམ་སྲིའི་གནོད་པ་དང་། ཕ་ཚན་གྱི་རྒྱབ་འདྲེ། མ་བུའི་བྱུང་འདྲེ། དགུ་མིག་དང་། དུར་མིག་དང་། བཞི་གཤེད་དྲུག་འགྲམ་བདུན་ཟུར་ཕྱོགས་ངན་བདུད་གཅོད་སྡང་དགྲ་གནོད་བྱེད་ཐམས་ཅད་ཕྱིར་ཟློག་ཏུ་གསོལ། ལོ་ཟླ་ཞག་དང་ཟ་མའི་ཀག་ངན་ཕུང་འདྲེ་ཕུང་སྲི། དབུལ་སྲི་མི་ལ་བསེ་རག་ལྟོག་འདྲེ་འགོད་པོ་ཕྱུགས་ཀྱི་གོད་ཁ་ཐམས་ཅད་ཕྱིར་ཟློག༴དཔལ་ལ་འཇབ་པ་སྲིད་ལ་རྐུ་བ་དམག་སྣ་རྐུན་སྣ་ཟུག་པ་ཐམས་ཅད༴ དྲན་པ་མི་གསལ་བར་རྨུག་ཅིང་འཐིབ་པ་མི་ཁ་དང་ཁ་སྨྲས་གཏོང་བ། ཉིན་མོའི་ལྟས་ངན་པ། མཚན་མོའི་རྨི་ལམ་ངན་པ་ཐམས་ཅད༴ ཚེ་འདིའི་རྐྱེན་དང་བྱུང་། དམ་པའི་ཆོས་སྒྲུབ་པའི་བགེགས། ཕྱི་མའི་ས་ལམ་ལ་གནོད་པའི་འགལ་རྐྱེན་བར་དུ་གཅོད་པ་ཐམས་ཅད༴ མདོར་ན་བཀྲ་མི་ཤིས་པའི་རིགས་སུ་གྱུར་པ་གང་ཡིན་པ་དེ་དག་ཐམས་ཅད་བདག་ལ་སྡང་དགྲ་གནོད་བྱེད་བསམ་ངན་སྦྱོར་རྩུབ། དོ་བདོ་ཕོད་འཛུག་བསམ་ངན་ལོག་པར་ལྟ་བར་བྱེད་པའི་སྟེང་དུ་ད་ལྷ་ཉིད་དུ་ཕྱིར་བསྒྱུར་རོ། །ཕྱིར་ཟློག་གོ། །བདག་ཅག་འཁོར་དང་བཅས་པ་ལ་ལེགས་པའི་ཡོན་ཏན་མཐའ་དག་འབད་མེད་ལྷུན་གྲུབ་ཏུ་ཟླ་བ་ཡར་གྱི་ངོ་ལྟར་འཕེལ་

― LT40_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་རྒྱས་པར་མཛད་དུ་གསོལ། ཅེས་བརྗོད་མདོས་བཟློག་འཕེན། ཐུ་བ་བརྡབ། སུམྦྷ་ནི་སོགས་དྲག་སྔགས་གང་ཤེས་བརྗོད། མཐར་ཟློག་བཟློག་བྱེད་དང་བྲལ་བའི་ངང་ལ་དམིགས་མེད་ཡུན་རིང་བཞག་རོལ་མོ་བྱ། དེ་ནས་དཀོན་མཆོག་གསུམ་གྱི་བདེན་པ་དང་སོགས་ནས། དེ་དེ་བཞིན་དུ་འགྲུབ་པར་གྱུར་ཅིག་བར་བརྗོད། ཡེ་ཤེས་ཀྱི་ཁྲོ་བོའི་སྤྲུལ་པ་བྱ་ཁྱུང་མཐིང་ནག་རབ་ཏུ་འབར་བས་ཞལ་ཕར་གཟིགས་ཏེ་འབྱུང་པོའི་ཕྱིར་སྙོགས་ནམ་ཡང་མི་ཐར་པའི་རྗེས་བཅད་པར་གྱུར། ཁྲོཾ་ག་རུ་ཊ་ཙ་ལེ་ཙ་ལེ་ཧཱུྃ་ཕཊ། ཞེས་གཏོ་ཡས་ཀྱི་རྗེས་ཁྱི་བཅད། ཨོཾ་བཛྲ་རཀྵ་རཀྵ་ཧཱུྃ་ཕཊ། རྡོ་རྗེའི་ས་གཞི་རྭ་བ་དྲ་བ་གུར་བླ་བྲེ་དང་བཅས་པ་སྲ་ཞིང་བརྟན་པའི་ཕྱི་རོལ་དུ་མཚོན་ཆ་སྣ་ཚོགས་པའི་གུར་ཁང་ཡེ་ཤེས་ཀྱི་མེ་རབ་ཏུ་འབར་ཞིང་ཁྲོ་བོ་དྲག་སྔགས་སྒྲོག་པ་རྡུལ་ལྟར་འཚུབས་པས་བསྐལ་བའི་རླུང་ཡང་རྒྱུ་བར་མི་ནུས་པར་གྱུར། ཅེས་བསྒོམས་ལ་ནང་དུ་ལོག །སྲུང་བའི་འཁོར་ལོའི་ནང་དུ་མདུན་བསྐྱེད་སྒྲོལ་མ་འཁོར་བཅས་བཞུགས་པའི་སྐྱབས་སྦྱིན་ཕྱག་རྒྱའི་འོག་ཏུ་བདག་ཅག་བསྲུང་བྱ་འཁོར་བཅས་ཚུད་པས་གེགས་དང་བར་ཆད་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་བ་འགྱུར་བར་མོས་སོ། ༈ །གསུམ་བརྗེས་ཀྱི་བྱ་བ་ནི། མཆོད་པ་གསར་དུ་བརྗེ་བའམ་ཁ་གསོས་ལ། བྱིན་རླབས་ནས་བཞུང་ཚིགས་བཅད་དང་སྔགས་ཀྱིས་འབུལ་བ་གོང་སྨོས་ལྟར་རྒྱས་པར་བྱ།

― LT40_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་ཉེར་གཅིག་བསྟོད་པ་ཚར་གཅིག་གམ་གསུམ་དང་། ཕན་ཡོན་བཅས་བརྗོད། །རྗེ་བཙུན་འཕགས་མ་སྒྲོལ་མ་སོགས་ཡན་ལག་བདུན་འཚང་བར་བྱས་ལ། འདོད་དོན་གསོལ་བ་གདབ་པ་ནི། ཨོཾ། ༑ །འགྲུབ་པར་གྱུར་ཅིག་རྗེ་བཙུན་ཐུགས་རྗེ་ཅན། །འཕགས་མ་ཁྱོད་ལ་བསྙེན་སྒྲུབ་མཆོད་པ་དང་། །བསྟོད་ཅིང་གསོལ་བ་བཏབ་པའི་མཐུ་བྱིན་གྱིས། །དེང་ནས་བཟུང་སྟེ་བྱང་ཆུབ་མ་ཐོབ་བར། །འཕགས་མ་ཁྱོད་དང་རྟག་ཏུ་མི་འབྲལ་ཞིང་། །ནད་མེད་ཚེ་དབང་ལོངས་སྤྱོད་འཕེལ་བ་དང་། །བྱང་ཆུབ་སྒྲུབ་ལ་བར་ཆད་མི་འབྱུང་ཞིང་། །ས་དང་ལམ་གྱི་ཡོན་ཏན་རབ་རྫོགས་ནས། །བདག་གཞན་དོན་གཉིས་ལྷུན་གྱིས་གྲུབ་པ་ཡི། །རྣམ་མཁྱེན་རྫོགས་པའི་སངས་རྒྱས་ཐོབ་པར་ཤོག །བཟོད་གསོལ་ནི། ཡིག་བརྒྱ་ལན་གསུམ་དང་། མ་འབྱོར་པ་དང་སོགས། དེ་ཀུན་མགོན་པོས་བཟོད་པར་མཛད། བདག་ཅག་སོ་སོའི་སྐྱེ་བོའི་བསམ་པ་ཉོན་མོངས་པ་ཅན་དུ་གྱུར་པའི་དབང་གིས་ཏིང་ངེ་འཛིན་མི་གསལ་ཞིང་བྱིང་རྒོད་ཀྱི་དབང་དུ་གྱུར་པ་དང་། ཡོ་བྱད་ལ་དབང་མ་ཐོབ་པས་མཆོད་པའི་དངོས་པོ་ཆུང་ཞིང་ངན་པ། གཙང་སྒྲས་མ་ཕྱེད་པ། ཆོ་ག་བཞིན་དུ་མ་ལྕོགས་པ་ལ་སོགས་པ། ནོངས་པའི་ཚོགས་ཅི་མཆིས་པ་ཐམས་ཅད་འཕགས་པ་ཐུགས་རྗེ་ཆེན་པོ་དང་ལྡན་པ་ཁྱེད་རྣམས་ལ་བཟོད་པར་གསོལ་ན་བདག་

― LT40_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ཅག་ལ་འཕྲལ་དང་ཡུན་དུ་སྒྲིབ་པ་མི་འབྱུང་བར་བྱིན་གྱིས་བརླབ་ཏུ་གསོལ། སྨོན་ལམ་ནི། བསོད་ནམས་འདི་ཡིས་འགྲོ་བ་ཀུན། །རྗེ་བཙུན་སྒྲོལ་མ་འདྲ་བར་ཤོག །བདག་ཀྱང་ཏིང་འཛིན་འདི་བསྒྲུབས་པས། །འགྲོ་བའི་དོན་དུ་སངས་རྒྱས་ཤོག །མདུན་བསྐྱེད་རྟེན་མེད་ན། ཨོཾ་ཁྱེད་ཀྱིས་སེམས་ཅན་སོགས་ཀྱིས་ཡེ་ཤེས་པ་གཤེགས། དམ་ཚིག་པ་རང་ལ་བསྡུ། འདེར་རྟེན་དང་ཁྱད་པར་སྐུ་གཟུགས་ཡོད་པའི་དབང་དུ་བྱས་ནས། སྤྱན་དྲངས་པའི་ཡེ་ཤེས་པ་རྣམས་རྟེན་འདི་དག་ལ་བརྟན་པར་བཞུགས་ནས། སྦྱིན་པའི་བདག་པོས་ཐོག་དྲངས་སེམས་ཅན་ཐམས་ཅད་ལ་མཆོག་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཨོཾ་སུ་པྲ་ཏིཥྛ་བཛྲཱ་ཡེ་སྭཱ་ཧཱ། ཞེས་བརྟན་བཞུགས་བྱས་ལ་འབྲུ་འཐོར། རང་གི་སྤྱི་བོར་ཨོཾ། མགྲིན་པར་ཨཱཿཐུགས་ཀར་ཧཱུྃ་གིས་མཚན་པར་གྱུར། ཅེས་པས་སྒོ་གསུམ་བསྲུང་ངོ་། །ཤིས་བརྗོད་ནི། སྟོན་མཆོག་དམ་པ་ལྷ་མིའི་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ༴ །ཞི་བ་ཆགས་བྲལ་ལྷ་མིའི་མཆོད་འོས་པ། །ཆོས་ལ་ཕྱག་འཚལ་དེང་འདིར༴ །སེམས་ཅན་གང་དག༴ །དེ་དག་ཐམས་ཅད༴ །ཚོགས་ཀྱི་དམ་པ་ལྷ་མིའི་མཆོད་འོས་པ། །

― LT40_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་འདུན་ཕྱག་འཚལ་དེང་༴ །སེམས་ཅན་གང་དག༴ །དེ་དག་ཐམས་ཅད་དེང་འདིར་བདེ་ལེགས་ཤོག །འབྱུང་པོ་གང་དག་འདིར་ནི་ལྷ་གྱུར་ཏམ། །སའམ་འོན་ཏེ་བར་སྣང་འཁོད་ཀྱང་རུང་། །སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་མོར་ཆོས་ལ་སྤྱོད་པར་ཤོག །བདག་དང་སྦྱིན་བདག་འཁོར་དང་བཅས་པ་མི་མཐུན་པའི་ཕྱོགས་ཐམས་ཅད་ལས་ཤིན་ཏུ་རྒྱལ་ཞིང་བཀྲ་ཤིས་པར་གྱུར་ཅིག །ཅེས་བཀྲ་ཤིས་བརྗོད་ཅིང་མེ་ཏོག་གི་ཆར་དང་རོལ་མོའི་སྒྲ་བསྒྲག་གོ། །འདི་ནི་ཉིན་ཆོག་བྱ་བའི་ཚུལ་ཡིན་ལ། ཞག་གསུམ་མམ་བདུན་སོགས་བསྒྲུབས་ཀྱང་རུང་བས་ཞག་གྲངས་བྱེད་ན་ཉིན་ཕྱི་མ་རྣམས་ལ་མཆོད་པ་གསར་དུ་བརྗེ། འབུལ་གཏོར་བཞི་པོ་ཉིན་རེ་བཞིན་བཤམས་ནས་འབུལ། མདོས་ཟློག་ཁ་གསོ་བ་ཙམ་གྱིས་ཆོག །བདག་བསྐྱེད་ནས་བཟུངས་བཅད་བཞི་པ་གླུད་ལྷ་འདྲེ་ལ་བསྔོ་བ་མ་རྫོགས་པར་བཏང་ལ་རྗེས་ཚག་མཆོད་བསྟོད་མན་ཆད་བྱ། འབུལ་ཉིན་མདོས་གླུད་བསྔོ་བའི་སྐབས་མར་མེ་རྣམས་སྤར། བདེན་སྟོབས་ཀྱི་ཟློག་པ་སོགས་གོང་སྨོས་ལྟར་བྱས་པས་འགྲུབ་བོ། །སྤྱིར་རྗེ་བཙུན་སྒྲོལ་མའི་མཚན་དྲན་པ་ཙམ་གྱིས་འཇིགས་པ་ཐམས་ཅད་ལས་སྐྱོབ་པ་དང་། བར་ཆད་ཐམས་ཅད་ཟློག་ཅིང་ཁྱད་པར་ཐེག་པ་ཆེན་པོ་བ་རྣམས་ཀྱི་ལྷག་པའི་ལྷ་དང་མགོན་སྐྱོབ་གཅིག་པུ་པ་ཡིན་པ་དང་། བོད་ཁ་བ་ཅན་གྱི་ལྷ་སྐལ་སྙིགས་མའི་དུས་སུ་བྱིན་རླབས་ལྷག་པར་མྱུར་བ་ཡིན་པ་ས་བོན་ལུགས་དང་འབྲེལ་བའི་གཏོ་ཕན་གཞན་ལས་ཀྱང་འདི་ཉིད་ལ་འབད་རྩོལ་ནུས་

― LT40_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

ན་འདི་ཕྱི་གཉིས་ཀའི་དོན་ཆེན་པོ་བདེ་བླག་ཏུ་འགྲུབ་པར་འགྱུར་བ་ཡིན་ནོ། །སྙིགས་དུས་སྐྱེ་བོ་བསོད་ནམས་དམན། །དེ་ལས་བློ་གྲོས་རྒྱ་ཆུང་བས། །ནོར་བུ་བོར་ནས་མཆིང་བུ་ཚོལ། །ཕུག་ནོར་ལས་ཀྱང་ཉིན་ལྟོ་འདོམ། །འདི་འདྲས་དོན་དུ་འགྱུར་དཀའ་ཡང་། །རྒྱུན་སྲོ་ལ་མང་དུ་ཐོས་པས་ན། །མི་ནུབ་བཙས་སུ་འདི་བྱས་དགེས། །འབྲེལ་ཚད་འཕགས་མས་རྗེས་འཛིན་ཤོག །འདི་ཉིད་དགོས་པ་ཕན་ཡོན་བྱིན་རླབས་ཆེ་བར་མཐོང་ཡང་ཕྱོགས་འདིར་དར་སྲོལ་ཆུང་བས། རང་གཞན་ཕན་འདོད་ཀྱི་ལྷག་པའི་བསམ་པས་ཀུན་ནས་བསླངས་ཏེ། རྒྱ་སྟོན་ཡི་གེ་རྩ་བ་དང་རྒྱལ་ཚབ་གྲགས་མཆོག་གི་ཡིག་ཆ་ལ་གཞི་བྱས། ཡིག་ཆ་གཞན་ལས་ཀྱང་ལེགས་པའི་ཆ་བླངས་ཏེ། ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་དཔལ་སྤུངས་ཡང་ཁྲོད་ཙཱ་འདྲ་རིན་ཆེན་བྲག་གི་སྒྲུབ་གནས་སུ་བྲིས་པ་དགེ་ལེགས་འཕེལ།། ༈ །།ཐུགས་རྗེ་རབ་མྱུར་འཕགས་མ་ལ། །བརྟེན་ནས་མི་མཐུན་གཡུལ་གྱི་ཚོགས། །ཟློག་བྱེད་ཆོ་ག་ཟབ་མོ་འདི། །གཞན་ཕན་རྒྱ་མཚོ་འབྱུང་བའི་བློས། །དཔལ་སྤུངས་གདན་སར་ཆོས་སྦྱིན་འཕྲུལ། །རྗེ་དཔོན་བློ་གྲོས་སེང་གེ་ཡིས། །བསྒྲུབས་པའི་དགེ་ཚོགས་དཔལ་ལྡན་གྱི། །བླ་མ་མཆོག་རྣམས་ཐུགས་དགོངས་རྫོགས། །བསྟན་པ་དར་ཞིང་བསྟན་འཛིན་གྱི། །ཞབས་པད་ཡུན་བརྟན་འགྲོ་བ་ཀུན། །ཕན་བདེས་རྟག་ཏུ་འཚོ་བ་སོགས། །དགེ་ལེགས་རྫོགས་ལྡན་རྒྱུར་གྱུར་ཅིག །ཅེས་པའང་དམ་པ་མཆོག་གིས་བཀྲ་ཤིས་པའི་ལྷ་རེག་བཅས་བསྐུལ་ངོར་ཏཱའི་སི་ཏུ་པདྨ་དབང་མཆོག་རྒྱལ་པོས་སྨྲས་པ་དགེ་ལེགས་འཕེལ།། །།

དམ་པའི་ཆོས་འཆད་ཉན་བྱ་བའི་སྐབས་སུ་ཉེ་བར་མཁོ་བའི་མཚམས་སྦྱོར་གྱི་ཡི་གེ་མཆོག་དམན་ཀུན་དགའ།

― LT40_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པའི་ཆོས་འཆད་ཉན་བྱ་བའི་སྐབས་སུ་ཉེ་བར་མཁོ་བའི་མཚམས་སྦྱོར་གྱི་ཡི་གེ་མཆོག་དམན་ཀུན་དགའ་ཞེས་བྱ་བ་བཞུགས་སོ། །

― LT40_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ཞིའི་དཔལ་ཡོན་ཀུན་བྱེད་པ། །དམ་ཆོས་རིན་ཆེན་ཁྱོད་ལས་འཁྲུངས། །བླ་མ་ཤཱཀྱའི་གཙོ་བོའི་ཞབས། །སྐྱེ་ཀུན་སྤྱི་བོར་བཀོད་གྱུར་ཅིག །ཤེས་རབ་ཕ་རོལ་ཕྱིན་མའི་ཡུམ། །རྒྱལ་བ་རྣམས་ཀྱིས་ཕྱག་མཛད་པ། །དེ་ལ་གུས་པས་ཕྱག་བགྱིས་ཏེ། །བརྩམ་པ་འདིར་ན་སྤྲོ་བས་འཇུག །ཅི་སྟེ་མཁས་པར་ཆུད་མིན་ཀྱང་། །གང་ལ་བགྱི་བ་དོན་ཡོད་པ། །མཁས་རྣམས་དེ་ལ་གཅིག་ཏུ་འགྲོ། །དེ་འབྲས་གཉིས་མེད་གཟིགས་པའི་ཡུལ། །དམ་པའི་ཆོས་རིན་པོ་ཆེ་འཆད་ཉན་ཇི་ལྟར་བྱེད་པའི་ཐབས་འདི་ལ་བདུན། འཆད་ཉན་བྱེད་པ་པོའི་མཚན་ཉིད། ནམ་བྱ་བའི་དུས། ཇི་ལྟར་བྱེད་པའི་ཚུལ། ལས་ལ་ཞུགས་པའི་སྦྱོར་

― LT40_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

བ། སྐབས་སུ་བབས་པའི་མཚམས་སྦྱོར། མཐར་བཀའ་དྲིན་དྲན་ཅིང་བསྔོ་སྨོན་གྱིས་བརྒྱན་པ། འཆད་ཉན་གྱི་ཕན་ཡོན་བསྟན་པའོ། །དང་པོ་ནི། འཆད་པ་པོ་མདོ་རྒྱུད་ནས་བཤད་པའི་དགེ་བའི་བཤེས་ཀྱི་མཚན་ཉིད་ཚང་བ་སྟེ། མདོར་བསྡུ་ན། བསླབ་པ་གསུམ་དང་ལྡན་ཅིང་ཚིག་དང་དོན་ལ་མཁས་པ། ཆོས་ཉིད་ཀྱི་བདེན་པ་མཐོང་ཞིང་སྙིང་རྗེས་གཞན་དོན་ནུས་པ། གཙོ་བོར། བླ་མའི་མཚན་ཉིད་བརྒྱུད་པར་ལྡན། །ཅེས་པ་ལྟར་ཚིག་དོན་བརྒྱུད་པ་བར་མ་ཆད་པ་མངའ་ཞིང་དམ་སེལ་གྱི་རྙོགས་མས་མ་བསླད་པ་ཞིག་དགོས་ལ། ཁྱད་པར། མི་གཏི་མུག་ཅན་གྱིས་ཆོས་བཤད་པ། ཁམས་གསུམ་སེམས་ཅན་བསད་ལས་

― LT40_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་པ་ཆེ། །ཞེས་འབྱུང་སྟེ། དཔེར་བགྱི་ན། ལོང་བས་ལོང་བ་ཁྲིད་པ་ན་མཐར་གཡང་སར་མཆོངས་པ་ལས་འོས་མེད་པ་བཞིན་བླུན་པོ་ང་རྒྱལ་ཅན་གྱིས་རྨོངས་པ་རང་མཐོང་ཅན་ལ་ཆོས་སུ་རློམས་པའི་ཚིག་སྐམ་བཤད་ན། རྒྱུད་གྲོལ་བའི་ཚབ་ཏུ་ལོག་ལྟའི་འཆིང་བས་བསྡམས་ཏེ་ཐར་པའི་ལམ་ལས་ཕྱིར་ཕྱོགས་པར་འགྱུར་བས། རྟོགས་པས་རང་གི་བརྒྱུད་པ་ཟིན་ཅིང་། ཐོས་པས་རྒྱལ་བསྟན་ཕྱི་དྲིལ་དུ་ཁྱེར་ཤེས་པ་ཞིག་ནི་ངེས་པར་དགོས་སོ། །ཉན་པ་པོའང་སྐྱོན་སུམ་ཅུ་རྩ་དྲུག་སྤངས་ཤིང་ཡོན་ཏན་གྱི་ཁྱད་པར་སུམ་ཅུ་རྩ་དྲུག་དང་ལྡན་པ་དགོས་ཀྱང་། མདོར་ན། འཁོར་བ་ལ་ཞེན་པ་ཆུང་ཞིང་དད་པ་དང་དག་སྣང་ཆེ་བ། བཟོད་པ་དང་བརྩོན་འགྲུས་ལྡན་ཅིང་བློ་གྲོས་ཀྱི་གོ་རྒྱ་ཡངས་པ། གསར་འགྲོགས་ཀྱི་བློ་སྣ་ཉུང་ཞིང་བླ་མ་དང་ཆོས་ལ་ཐེ་ཚོམ་མེད་པ་ཞིག་གིས་འཆད་ཉན་བྱས་པའི་འབྲས་བུ་དོན་ཡོད་པར་བྱེད་དོ། །གཉིས་པ་ནི་སྤྱིར་ཆོས་ཀྱི་བྱ་བ་ལས་གལ་ཆེ་བའི་བགྱི་བ་ནི་འཇིག་རྟེན་ན་ཅིའང་ཡོད་པ་མ་ཡིན་པས་འཆད་ཤེས་དང་ཉན་འདོད་ཀྱི་རྟེན་འབྲེལ་ནམ་ཚོགས་པ་ན། དེ་མ་ཐག་ཏུ་འཆད་ཉན་ལ་འཇུག་དགོས་ཀྱི། ཕྱི་བཤོལ་དང་བཏང་སྙོམས་ནི་དགེ་བའི་ཕྱོགས་མཐའ་དག་ལ་བར་དུ་བཅོད་པ་ཆེ་ཞིང་། ཁྱད་པར་ཀུན་མཁྱེན་དྲི་མེད་འོད་ཟེར་གྱི་ཞལ་ནས།

― LT40_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་ལ་ཞུགས་པའི་ཐོག་མར་ཉན་དགོས་ཏེ། འཁོར་འདས་ཀྱི་སྐྱོན་ཡོན་ཤེས་པས་བླང་དོར་ལ་འཇུག་པའི་ཕྱིར་རོ། །རང་རྒྱུད་སྦྱོང་བའི་ཚེ་ཉན་དགོས་ཏེ། གང་ལའང་རྨོངས་པ་བཟློག་པའི་ཕྱིར་རོ། །རྒྱུན་ཏུ་ཉམས་སུ་ལེན་པ་ནའང་ཉན་དགོས་ཏེ་དགེ་སྦྱོར་འཐས་པ་ལ་སོགས་པ་བོགས་འབྱིན་པའི་ཕྱིར་རོ། །ཤེས་རྒྱུད་མཐའ་དག་གྲོལ་བ་ལའང་ཉན་དགོས་ཏེ། ཐེ་ཚོམ་གྱི་སྤྲོས་པ་གཅོད་པའི་ཕྱིར་རོ། །དེས་ན་ད་ལྟ་ལམ་ལ་དང་པོར་ཞུགས་པ་ནས་མཐར་ཕྱིན་གྱི་བར་དུ་རང་བས་ལྷག་པ་གལ་ཆེ་སྟེ། གོང་མ་རྣམས་ཀྱི་ཐུགས་ཉམས་སུ་བཞེས་པ་རྣམས་ལ་བློ་ཁ་ཕྱོགས་པ་དང་རང་གི་ཉམས་རྟོགས་གོང་དུ་བྱར་ཡོད་པའི་ཕྱིར་རོ། །དང་པོ་འདིས་ཆོག་ཅེས་གང་ཡང་རུང་བ་ཞིག་ལ་ཞེན་ནས་དབེན་པར་བསྒྲུབས་ཀྱང་མཐའ་མི་ཁྲོལ་བས། ལམ་གོལ་བ་དང་། ལོག་པར་མི་ཚོར་རོ། །མིས་བལྟས་ན་ཆོས་བྱས་པར་སྣང་ཡང་། རང་ལ་སྐྱེད་ཅི་ཡང་མེད་པའི་ཕྱིར་རོ། །སྡོང་པོ་བཀོད་པ་ལས། རིགས་ཀྱི་བུ་མྱུར་དུ་མངོན་པར་རྫོགས་པར་སངས་རྒྱས་པར་འདོད་ན། ཐོས་པ་རྒྱ་མཚོའི་ཕ་རོལ་ཏུ་ཕྱིན་པ་ཡོངས་སུ་འཚོལ་བ་ལ་བསླབ་པར་བྱའོ་ཞེས་སོ། །ཞེས་གསུངས་པ་ལྟར་རོ། །གསུམ་པ་ལ་སློབ་དཔོན་དང་སློབ་མའི་བྱ་བ་གཉིས་ལས། དང་པོ་ནི། ཆོས་

― LT40_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྲ་བས་ཀྱང་འཆད་པའི་ཞྭ་ཚེར་མ་ལྟ་བུ་དང་ཆོས་གོས་རྣམ་གསུམ་ཟླུམ་པོར་བགོ་ཞིང་། གཙང་སྦྲ་དང་བཅས་པའི་ཀུན་སྦྱོང་དང་བ་འདྲེན་པར་བྱ་སྟེ། བློ་གྲོས་རྒྱ་མཚོས་ཞུས་པའི་མདོ་ལས། ཆོས་སྨྲ་བ་གཙང་སྦྲ་དང་བཅས་ནས་ཀུན་ཏུ་སྤྱོད་པ་གཟོབ་པ་དང་། ལེགས་པར་བཀྲུས་པ་དང་། ལེགས་པར་གོས་བགོ་བར་བྱའོ། །ཞེས་སོ། །ཆོས་སྨྲ་བ་སྲུང་བའི་རིག་སྔགས་དམ་ཆོས་པདྨ་དཀར་པོ་ལས་གསུངས་པ་འདི་མཐིང་ཤོག་ལ་གསེར་རམ། མཚལ་གྱིས་བྲིས་ནས་འཆད་པའི་ཞྭ་ཡོད་ན་དེའི་ནང་དུ་གཞུག་ཅིང་། མེད་ན་མགུལ་དུ་གདགས་སོ། །ཏདྱ་ཐཱ། ཨི་ཏི་མེ། ཨི་ཏི་མེ། ཨི་ཏི་མེ། ཨི་ཏི་མེ། ནི་མེ། ནི་མེ། ནི་མེ། ནི་མེ། རུ་ཧེ། རུ་ཧེ། རུ་ཧེ། རུ་ཧེ། སྟ་ཧེ། སྟ་ཧེ། སྟ་ཧེ། སྟ་ཧེ། རིགས་སྔགས་འདིའི་གཟི་བརྗིད་ཀྱིས་ཆོས་སྨྲ་བ་ལ་ལོག་པར་འདྲེན་པ་སུ་ཡང་འཁུ་བར་མ་གྱུར་ཅིག །ཅེས་སོ། །ཐུན་མོང་མིན་པའི་སྨེན་གྲོལ་གྱི་གེགས་སེལ་རིགས་དགོས་པའི་སྐབས་སུ་བབས་པ་ན། རིག་འཛིན་མི་འགྱུར་རྡོ་རྗེའི་ཐུགས་གཏེར་ལས་བྱུང་བ་ལྟར་འགྲུབ་ན་ཤིན་ཏུ་ཟབ་པར་མཐོང་ངོ་། །ཆོས་འཆད་པའི་ཚེ། རང་ལ་ང་རྒྱལ། གཞན་ལ་ཁྱད་གསོད། སྙན་གྲགས་དང་ཁྱད་པར་འདོད་པ། རྙེད་བཀུར་ཟང་

― LT40_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིང་ལ་ཆགས་པའི་བློ་སྤངས་ལ། བྱང་ཆུབ་མཆོག་གི་སེམས་བཟུང་སྟེ། སེམས་ཅན་ཐམས་ཅད་ཀྱིས་ཆོས་ཀྱི་མིག་རྙེད་པར་བྱ། ཡེ་ཤེས་ཀྱི་སྒྲོན་མེ་སྦར་བར་བྱ། སངས་རྒྱས་ཀྱི་ཆོས་ཡུན་རིང་དུ་གནས་པར་བྱ་སྙམ་དུ་བསམ་ལ། འདུལ་བ་མདོ་སྡེ་མངོན་པ་གསུམ་གྱི་ཆོས་འཆད་པའི་ཚེ་རང་ཉིད་ཤཱཀྱའི་རྒྱལ་པོ། དེ་ལས་ཀྱང་ཤེར་ཕྱོགས་སོགས་སྟོང་པ་ཉིད་ཀྱི་དོན་འཆད་པ་ན་ཤེས་རབ་ཀྱི་ཕ་རོལ་ཏུ་ཕྱིན་མ། གསང་སྔགས་ཕྱི་ནང་ལ་རིགས་ལྔ་དང་། དཀྱིལ་འཁོར་སོ་སོའི་གཙོ་བོ། མ་ཧཱ་ཡོ་ག་སོགས་ལའང་དེ་ལྟར་རམ་རིགས་འདུས་རྡོ་རྗེ་སེམས་དཔའ། ཕྱག་རྒྱ་ཆེན་པོ་སོགས་འཆད་པ་ན་དྲུག་པ་རྡོ་རྗེ་འཆང་། འོད་གསལ་རྫོགས་པ་ཆེན་པོ་ལ་གདོད་མའི་མགོན་པོ་ཀུན་ཏུ་བཟང་པོ་ཡབ་ཡུམ་དུ་གསལ་བའི་སྤྱན་སྔར་ལྷ་དང་དྲང་སྲོང་རིག་འཛིན་འབྱུང་པོ་བྱེ་བ་སྙེད་གུས་པ་དང་བཅས་པས་འཁོད་པ་ལ་རང་གི་གསུང་ཡན་ལག་དྲུག་ཅུ་དང་ལྡན་པའི་ཆོས་ཀྱི་སྒྲས་འཇིག་རྟེན་ཐམས་ཅད་ཁྱབ། སེམས་ཅན་ཀུན་གྱི་མ་རིག་པའི་མུན་པ་བསལ། ཆོས་ཀྱི་སྒོའི་གཟུངས་དང་སྤོབ་པ་ཏིང་ངེ་འཛིན་ཐོབ་པར་མོས་ལ། གཉིད་རྨུགས་རྣམ་གཡེང་གཏམ་ལབ་བྲེ་མོ་གཞོག་འཕྱས་བརྡ་མི་འཕྲོད་པ་སོགས་སྐྱོན་ཐམས་ཅད་སྤང་ལ། དལ་བྲེལ་རན་ཞིང་གསལ་དག་སྙན་ལ་

― LT40_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷོད་ཆགས་པས་ཆོས་ཐུན་རིང་ཐུང་འཚམས་པ་དང་། ཁོང་ཁྲོ་བ་མེད་པས་ཉན་པ་པོ་རྣམས་ཡིད་མི་སུན་པར་བྱ་སྟེ། འོད་སྲུངས་ཀྱིས་ཞུས་པའི་མདོ་ལས། དག་ཅིང་ཟང་ཟིང་མེད་པའི་སེམས་ཀྱིས་སུ། །འགྲོ་ལ་ཆོས་སྟོན་པ་ལ་རྒྱལ་རྣམས་དགྱེས། །ཞེས་སོ། །གཉིས་པ་སློབ་མ་རྣམས་ཀྱིས་ཀྱང་། མགོ་དཀྲིས། མཚོན་ཆ། མཆིལ་ལྷྭམ་གྱོན་པ་སོགས་ཚུལ་མ་ཡིན་པའི་ཀུན་སྤྱོད་སྤངས་ཤིང་བག་ཡོད་གཙང་སྦྲ་དང་བཅས་པས་ཆོས་བརྒྱད་དང་ཉོན་མོངས་པས་ཀུན་ནས་སློང་བ་མ་ཡིན་པར། བྱང་ཆུབ་ཀྱི་སེམས་རིན་པོ་ཆེ་དང་མི་འབྲལ་བའི་ངང་། འཆད་པ་པོ་ལ་བརྙས་པ་དང་། སྐྱོན་རྟོག་པ་དང་། ལུས་ཀྱི་བྱ་བྱེད། ངག་གི་ཅ་ཅོ། ཡིད་ཀྱི་འོག་འགྱུ་སོགས་ཉེས་པ་སུམ་ཅུ་རྩ་དྲུག་སྤངས་ལ་ལུས་དྲང་པོ་ཐལ་སྦྱར། ཡིད་ཀྱིས་བླ་མ་དང་དམ་པའི་ཆོས་རྙེད་པར་དཀའ་ཞིང་རྙེད་ན་དོན་ཆེན་པོ་དང་ལྡན་པས་རྩེ་གཅིག་དོན་ཏུ་གཉེར་བའི་བློས་གཞན་ཏུ་མ་ཡེངས་པར་དད་པ་དང་གུས་པ་ཆེན་པོ་བསྐྱེད། དངོས་སུ་ཅི་འབྱོར་བསྟི་སྟང་དང་ཡོན་དབུལ། ཡིད་ཀྱིས་བདག་པོས་བཟུང་བ་དང་མ་བཟུང་བའི་མཆོད་པའི་བྱེ་བྲག་ནམ་མཁའི་དབྱིངས་གང་བ་དང་། རང་གི་ལུས་ལོངས་སྤྱོད་དུས་གསུམ་གྱི་དགེ་རྩ་ཐམས་ཅད་ཆོས་ཀྱི་སྐུ་ཡོན་སེམས་ཅན་ཐམས་ཅད་ཀྱི་

― LT40_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཏུ་འབུལ། དེར་འདུས་པའི་སྐྱེ་བོ་ཐམས་ཅད་ལ་ཆགས་སྡང་ཕྲག་དོག་བྲེ་མོ་ངན་སྨྲས་སོགས་མི་བྱ་བར་དག་སྣང་འབའ་ཞིག་སྦྱང་བ་སོགས་མདོར་ན་ཡོན་ཏན་སུམ་ཅུ་རྩ་དྲུག་རྒྱུད་ལ་བསྟེན་ཅིང་། ཐོས་པའི་རྣམ་པ་བརྒྱད་ཅུ་རྩ་བཞིའི་རང་བཞིན་དང་ལྡན་པས་ཆོས་མཉན་པར་བྱའོ། །དེའི་ཚེ་ཆོས་ཉན་པ་པོ་སྐྱེས་པ་རྣམས་འཇམ་དཔལ་དང་། བུད་མེད་རྣམས་ལྷ་མོ་སྒྲོལ་མར་བསྒོམ་སྟེ། འདི་ནི་རྒྱལ་བ་གཉིས་པ་ཀློང་ཆེན་པའི་བཞེད་པའོ། །བཞི་པ་ནི། ནག་པོའི་ཕྱོགས་ཀྱི་འབྱུང་པོ་ལ་སོགས་པའི་འཚེ་དོགས་མེད་པའི་གནས་སུ་ཆོས་བཤད་ཉན་བྱ་བ་སྐབས་སུ་བབས་པ་ན། གནས་ཁང་བྱི་དོར་བྱ། ཆོས་སྨྲ་བ་ལ་སེངྒེ་དང་རིན་པོ་ཆེ་ལ་སོགས་པའི་ཁྲི་སྟན་བཟང་པོ་བརྩེག །གདུགས་དང་བླ་བྲེ་ཡོལ་བ་བྲེ། སྤོས་དང་མེ་ཏོག་མར་མེའི་ཕྲེང་བ། གསེར་དངུལ་གྱི་མཎྜལ་སོགས་མཆོད་པའི་བཀོད་པ་ཚར་དུ་དངར་བ་དང་། ནང་རྒྱུད་ཀྱི་འཁྲིད་འཆད་པའི་སྐབས་ཁྲིད་གཏོར་སོགས་ཀྱང་སོ་སོའི་ལུགས་བཞིན་ཏུ་བཤམ། སྤོས་དང་རོལ་མོས་ཆོས་སྨྲ་བའི་མདུན་བསུ་བ་སོགས་ཞེས་དང་ལྡན་པས་བསྟི་སྟང་བྱ་སྟེ། །དཀོན་མཆོག་བརྩེགས་བ་ལས། །དམ་ཆོས་འཆད་པ་རབ་ཏུ་ཕེབས་པ་དེར། །སེངྒེའི་ཁྲི་སྟན་གདུགས་དང་རྒྱལ་མཚན་བསྒྲེངས། །མུ་ཏིག་རིན་ཆེན་སིལ་སྙན་རོལ་མོའི་སྒྲ། །

― LT40_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པ་རྣམ་པ་མང་པོ་ས་བརྒྱན་པར་བྱ། །སྟན་རྒྱུ་སྣ་ཚོགས་ཆོས་ཀྱི་སྟན་དུ་འབུལ། །ཡིད་དུ་འོང་བས་མཁན་པོ་སློབ་དཔོན་བསྟེན། །གཞན་ལ་བསྟི་སྟང་བྱེད་པས་སྐྱོ་བ་མེད། །དེ་ལུས་སུམ་ཅུ་རྩ་གཉིས་མཚན་དང་ལྡན། །ཅེས་གསུངས་སོ། །ལྔ་པ་ལ་གཉིས། སྤྱི་དང་། བྱེ་བྲག་གོ། །དང་པོ་སྤྱིར་བྱ་བ་ནི། སློབ་དཔོན་ཆོས་ཀྱི་ཁྲི་ལ་འཁོད་པ་ནི། སློབ་མ་རྣམས་ཀྱིས་ཕྱག་ལན་གསུམ་བྱས་ལ་མཎྜལ་ཚོམ་བུ་སོ་བདུན་མ་དང་། བདུན་མ་སོགས་སོ་སོའི་ཕྱག་ལེན་སྐབས་བསྟུན་ཕུལ་བའི་གཤམ། ལུང་ཞུ་བའི་སྐབས། མཚུངས་མེད་དཔལ་ལྡན་བླ་མ་དམ་པའི་ཞབས་དྲུང་དུ། དམ་པའི་ཆོས་ཀྱི་བདུད་རྩི་ཞུ་བའི་དོན་ཏུ་འབུལ་བར་བགྱིའོ། །སོགས་དང་། དེའང་ཐེག་ཆེན་དང་གསང་སྔགས་ཀྱི་ཆོས་ལྔ། ཐེག་པ་ཆེན་པོའི་དམ་པའི་ཆོས་ཀྱི་བདུད་རྩི་ཞེས་དང་། ཁྲིད་ཀྱི་རིགས་ལ། གྲོལ་བྱེད་ཁྲིད་ཀྱི་རིམ་པ་ཟབ་མོ་ཞུ་བའི་དོན་ཏུ། ཞེས་བསྒྱུར། སེམས་ཅན་རྣམས་ཀྱི་བསམ་པ་དང་། བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །ཞེས་གསོལ་བ་གདབ། དེའི་ཚེ་འཆད་པ་པོས་བློ་གྲོས་རྒྱ་མཚོས་

― LT40_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོས་ཞུས་པའི་མདོ་ལས་བྱུང་བ་བདུད་ཚར་གཅོད་པའི་སྔགས་འདི་ཤུབ་བུས་བཀླག་པར་བྱ་སྟེ། ཏདྱ་ཐཱ། ཤ་མེ། ཤ་མ་བ་ཏི། ཤ་མི་ཏཱ་ཤ་ཏྲུ། ཨཾ་ཀུ་རེ། མ་ཀུ་རེ། མཱ་ར་ཛི་ཏེ། ཀ་རོ་ཏྲི། ཀེ་ཡཱུ་རེ། ཨཱུ་ཀོ་ཧཱ་ཡ་ཏི། བི་ཤ་ཐ་ནི་རྨ་ལེ། མ་ལཱ་པ་ན་ཡ། ཨུ་ཁ་རེ། ཁ་རོ་གྲ་སེ། གྲ་ས་ནེ། ཧེ་མུ་ཁཱི། པ་རཱ་མུ་ཁཱི། ཨཱ་མུ་ཁཱི། ཤ་མི་ཏ་ནི་སརྦ་གྲ་ཧ། བནྡྷ་ནཱ་ནི། ནི་གྲ་ཧཱི་ཏྭཱ། སརྦ་མཱ་ར་པྲ་བཱ་དི་ནོ་བི་མུཀྟཱ་མཱ་ར་པྲ་ཤཱསྟཱ་རི་ཏཱ། བུདྡྷ་མུ་དྲཱ། ས་མུརྒྷ་ཏི་ཏཱ་སརྦ་མཱ་ར་ཀརྨ་ི། ཞེས་དང་། འདུས་པ་རིན་པོ་ཆེའི་ཏོག་ལས་འབྱུང་བ། ཏདྱ་ཐཱ། ཨ་བ་མེ། ཨ་བ་མེ། ཨ་མ་བ་རེ། ཨ་མ་བ་རེ། པཱ་རི་ཀུནྫ། ནཱ་ཌ་ནཱ་ཌ་པུཥྐ་ར་མ་ཧཱ། ཛ་ལུ་ཁ། མ་ཁ་ཡ། ཨི་ལི་མི་ལི། ཀི་ལི་མི་ལི། ཀཱི་རྟི་ཙ་ར་མུ་དྲེ། མུ་ཏྲ་མུ་ཁེ་སྭཱ་ཧཱ། །ཞེས་ཚངས་པ་དབྱངས་དང་ལྡན་པའི་རིགས་སྔགས་ཀྱང་བཟླས་པས་བར་དུ་གཅོད་པ་བཅིངས་ལ། གོང་དུ་སྨོས་པ་ལྟར་སེམས་བསྐྱེད་ཏིང་འཛིན་གསལ་གདབ་སྟེ། གང་ཞིག་གསེར་མཆོག་རང་བཞིན་རི་རབ་ལ་གནས་མནྡ་ར་དང་ལྷར་བཅས་གནོད་སྦྱིན་དང་། །གདེངས་ཀ་ནོར་བུའི་འོད་ཀྱིས་མུན་པ་སེལ་མཛད་ས་འོག་གནས་པའི་ཀླུ་རྣམས་གང་ཡིན་

― LT40_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །གངས་ཅན་རིར་ནི་དཔལ་གྱིས་རོལ་ཞིང་རབ་ཏུ་དགའ་བའི་རིག་པ་འཛིན་པ་གང་ཡིན་པ། །དེ་དག་ཐམས་ཅད་ཐར་པ་དམ་པའི་སྒོར་གྱུར་ཐུབ་པའི་གསུང་མཉན་ཕྱིར་ནི་འདིར་གཤེགས་ཤིག །ལྷ་དང་ལྷ་མིན་མིའམ་ཅི་ཡི་དབང་པོ་དང་། །བརྒྱ་བྱིན་ལ་སོགས་ཆོས་ཀྱི་ཕྱོགས་ལ་བྱ་བ་བྱས་པ་རྣམས། །སངས་རྒྱས་གསུང་རང་རབ་ཏུ་ཞི་ཞིང་བདེ་བའི་རྒྱུར་གྱུར་པ། །དེ་དག་བཤད་ཀྱིས་དམ་པའི་ཆོས་མཉན་ཕྱིར་ནི་འདིར་གཤེགས་ཤིག །གང་དག་ཕྱོགས་བཅུ་སྟོང་གི་འཇིག་རྟེན་ན། །བདེ་གཤེགས་སློབ་མར་བཅས་པ་གང་སུ་དག །དེང་འདིར་སྟོན་པས་ཆོས་ཀྱི་ཆར་འབེབས་ཀྱི། །ཉན་པར་འདོད་པ་ཐམས་ཅད་འདིར་གཤེགས་ཤིག །ཅེས་བསྐུལ། གང་ཟག་ཕལ་པའི་གསུང་འབུམ་ནམ་ཉིན་གྲངས་ཀྱི་ཕྱི་མ་རྣམས་ལྟ་བུར། །སྟོན་པའི་སློབ་མ་སེམས་ཅན་གང་སུ་དག །འཇིག་རྟེན་ཁམས་ན་གནས་པ་ཀུན་ཉོན་ཅིག །དེང་འདིར་སྟོན་པའི་ཆོས་ཀྱི་ཆར་འབེབས་ཀྱི། །སུ་དག་ཉན་པར་འདོད་པ་ཀུན་ཉོན་ཅིག །ལྷ་ཡི་སྐད་དང་ཀླུ་དང་གནོད་སྦྱིན་སྐད། །གྲུལ་བུམ་དག་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྒྲ་སྐད་ཇི་ཙམ་པར། །ཐམས་ཅད་སྐད་དུ་བདག་གིས་ཆོས་སྟོན་ཏོ། །ཞེས་པ་ཙམ་བརྗོད། གཉིས་པ་བྱེ་བྲག་ཏུ་ལུང་ཆེན་དང་ཁྲིད་ཆེན་ཚུགས་

― LT40_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཐོག་མ་ལྟ་བུར་ཅུང་ཟད་རྒྱས་པར་སྤྲོ་ན། འོ་མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ལས་དྲངས་ཏེ། བླ་ན་མེད་པའི་བྱང་ཆུབ་ཀྱི་གོ་འཕང་རིན་པོ་ལ་ཅི་ནས་ཀྱང་བཞག་པར་བྱ། དེའི་ཆེད་དུ་དམ་པའི་ཆོས་ཀྱི་བདུད་རྩི་ལེགས་པར་ནོད་དེ་ལམ་གྱི་རིམ་པ་ལ་ཚུལ་བཞིན་ཏུ་བསླབ་པར་བགྱིའོ་སྙམ་པའི་ཐུགས་བསྐྱེད་རྣམ་པར་དག་པ་མཛད་པ་དང་ཆོས་གསན་པའི་ཚེ་སྣོད་ཀྱི་སྐྱོན་གསུམ། དྲི་མ་དྲུག་ཉེས་པ་སུམ་ཅུ་རྩ་དྲུག་གི་ཚོགས་དང་བྲལ་བས་ལེགས་པར་གསན་པར་བྱ་དགོས་ཏེ། དེའང་སྐྱོན་གསུམ་ནི་སྣང་ཁ་སྦུབ་པའི་ནང་དུ་བདུད་རྩིའི་ཆར་བབ་པའི་ཐིགས་པ་གཅིག་ཀྱང་མི་འོང་བ་བཞིན་ཏུ། ཆོས་ལ་སྣང་བ་མི་གཏོད་པའམ། གཏོད་ཀྱང་གཉིད་རྨུགས་དང་རྩེ་འཇོ་དང་གཞན་ཏུ་ཡིད་འཕྲོ་བར་བྱེད་པ་དང་། ཞབས་རྡོལ་བའི་སྣོད་ས་ལ་ཡོད་རིང་ཆར་བབས་པའི་ཆུ་ཡོད་པ་ཀུན་བཏེག་ནས་ཟགས་པ་ལྟར། ཆོས་ཐོས་པ་ཐེངས་རེ་དེ་ན་ཡོད་རིང་ཟིན་ཀྱང་ཡང་དང་ཡང་དུ་ངན་པ་ལ་འདྲིས་པར་མ་བྱས་པས་བརྗེད་པར་འགྱུར་བ་དང་། དུག་ཅན་ཏུ་ཆར་ཆུས་གང་བ་མ་བོ་བར་གནས་ཀྱང་གང་གིས་ཀྱང་སྤྱད་པ་མི་བདེ་བ་ལྟར། ཉོན་མོངས་པའི་དབང་དུ་སོང་

― LT40_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སླར་ཞིང་ཐོས་པས་རྒྱགས་པར་འགྱུར་བ་ཡིན་ཏེ། དེ་གསུམ་སྤང་བར་གདམས་པ་ཡང་། ཡུམ་བར་མ་ལས། ལེགས་པ་རབ་ཏུ་ཉོན་ལ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ་ཞེས་གསུངས་ཏེ། ཉོན་མོངས་པ་མེད་པར་ལེགས་པར་ཉོན། ཁ་མ་སྦུབ་པར་རབ་ཏུ་ཉོན། ཞབས་མ་རྡོལ་བར་ཡིད་ལ་ཟུང་ཞེས་གདམས་པ་ཡིན་ནོ། དྲི་མ་དྲུག་ནི་རྣམ་བཤད་རིག་པ་ལས་ང་རྒྱལ་དང་ནི་མ་དད་དང་། དོན་ཏུ་གཉེར་བ་མེད་ཉིད་དང་། །ཕྱི་རོལ་རྣམ་གཡེང་ནང་དུ་སྡུད། །སྐྱོ་བས་ཉན་པ་དྲི་མ་ཡིན། །ཞེས་པ་ལྟར་རང་གི་རིགས་རུས་ལ་སོགས་པའི་ཡོན་ཏན་ཅུང་ཟད་ལ་ང་རྒྱལ་བ། སློབ་དཔོན་དང་ཆོས་ལ་ཞེ་ཐག་པ་ནས་དད་ཅིང་གུས་པ་མི་བྱེད་པ། ཆོས་དང་ལམ་ལ་དོན་གཉེར་ཆེན་པོའི་འདུ་ཤེས་མེད་པ། ཕྱི་རང་གི་ཡུལ་ལ་སེམས་རྣམ་པར་གཡེང་བ་དང་། ཧ་ཅང་ཚོགས་དྲུག་ནང་དུ་སྡུད་པས་བཤད་པའི་སྒྲ་དོན་མི་གོ་བ། ངལ་བ་དང་སྐྱོ་བའི་སེམས་ཀྱིས་ཉོན་པ་དྲུག་པོའང་སྤང་དགོས་ཤིང་ཉེས་པ་སུམ་ཅུ་རྩ་དྲུག་ནི། ཡོན་ཏན་ཡོངས་སུ་བཀོད་པའི་མདོ་ལས་གསུངས་པའི་བདུད་ཀྱི་ལས་དྲུག །བློ་གྲོས་རྒྱ་མཚོས་ཞུས་པའི་མདོ་ལས་གསུངས་པའི་སྒྲིབ་པའི་ལས་དྲུག །ཆོས་སྤོང་བའི་རྒྱུ་དྲུག །གཡེང་བའི་སྐྱོན་དྲུག །ཡུལ་འཁོར་སྐྱོང་གི་མདོ་

― LT40_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་གསུངས་པའི་ལོག་པར་འཁྱོག་འི་སྐྱོན་དྲུག །འཇམ་དཔལ་རྣམ་པར་འཕྲུལ་བའི་མདོ་ལས་གསུངས་པའི་ཐེག་པ་ཆེན་པོ་ལས་གོལ་བའི་སྐྱོན་དྲུག་རྣམས་རབ་ཏུ་སྤངས་ལ། ཡོན་ཏན་གྱི་ཚོགས་སུམ་ཅུ་རྩ་དྲུག་དང་ལྡན་པས་ཉན་བར་བྱ་དགོས་ཏེ། དེའང་ལག་བཟང་གིས་ཞུས་པའི་མདོ་ལས། ཆོས་སྨྲ་བའི་བླ་མ་ལ་རིན་པོ་ཆེའི་གཏེར་དུ་ཤེས་པ་དང་། ཆོས་ལ་ཡིད་བཞིན་གྱི་ནོར་བུར་འདུ་ཤེས་པ་དང་། ཆོས་ཉན་པ་ལ་རབ་ཏུ་དཀོན་པར་འདུ་ཤེས་པ་དང་། ཆོས་འཛིན་ཅིང་བསམ་པ་ལ་གཅེས་པའི་དོན་ཡོད་པར་འདུ་ཤེས་པ་དང་། ཆོས་ལ་སོ་སོར་རྟོག་པ་ལ་ཚེ་རབས་བརྒྱར་མི་རྙེད་པར་འདུ་ཤེས་པ་དང་། ཆོས་འཚོལ་བ་སྤང་བ་རྣམས་ལ་བདུད་རྩི་བོར་ནས་དུག་ལ་སྤྱོད་པར་འདུ་ཤེས་པ་དང་། ཉན་ཅིང་སེམས་པ་རྣམས་ལ་དོན་དང་བཅས་པར་འགྱུར་བའི་འདུན་པ་བསྟེན་པར་བྱའོ་ཞེས་གསུངས་པ་ལྟར་གཅེས་པའི་འདུན་པ་དྲུག །གཞན་ཡང་དེ་ཉིད་ལས་གསུངས་པའི་དཀའ་བའི་བཟོད་པ་དྲུག །རྐྱེན་གྱིས་མི་འགྱུར་བ་དྲུག །ཆེད་དུ་བྱ་བའི་ཁྱད་པར་དྲུག །འོད་སྲུངས་ཀྱིས་ཞུས་པའི་མདོ་ལས་གསུངས་པའི་དགོས་པ་སྒྲུབ་པ་དྲུག །ཕལ་པོ་ཆེ་ལས་གསུངས་པའི་འཚོལ་བ་དྲུག་དང་ལྡན་པས་ལེགས་པར་གསན་

― LT40_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཀུན་ཏུ་སྤྱོད་པའང་། སྐྱེས་པ་རབ་ཀྱི་རྒྱུད་ལས། རབ་ཏུ་དམའ་བའི་སྟན་ལ་འདུག །དུལ་བའི་དཔལ་ནི་ཉེ་བར་བསྐྱེད། །དགའ་དང་ལྡན་པའི་མིག་གིས་བལྟ། །ཚིག་ནི་བདུད་རྩི་འཐུང་བ་བཞིན། །རབ་ཏུ་དྭངས་ལ་དྲི་མེད་བློས། །ནད་པས་སྨན་པའི་ཚིག་སྙན་བཞིན། །རིམ་གྲོར་བསྐྱེད་དེ་ཆོས་ཉོན་ཅིག །ཅེས་གསུངས་པའི་དོན་ཚུལ་བཞིན་ཕྱག་ཏུ་བཞེས་པ་དང་། ཐུགས་ཀྱིས་བསྒོམ་བྱ་རང་རེ་གནས་པའི་ཞིང་འདི་སངས་རྒྱས་ཀྱི་ཞིང་ཐམས་ཅད་ཀྱི་རྒྱན་དང་བཀོད་པ་དང་ཡོན་ཏན་དཔག་ཏུ་མེད་པ་དང་ལྡན་པའི་གཞི་ལ། གནས་ཁང་འདིའང་ཐ་མལ་པ་མ་ཡིན་པ་མཁའ་སྙིང་ནོར་བུའི་འབྱོར་པས་རབ་ཏུ་སྤྲས་པའི་ཐར་པ་ཆེན་པོའི་ཕོ་བྲང་ཡེ་ཤེས་རང་སྣང་ལས་གྲུབ་པའི་གཞལ་མེད་ཁང་ཚད་དང་བཀོད་པ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། རྡོ་རྗེ་རིན་པོ་ཆེའི་ཁྲི། པདྨའི་རྒྱལ་པོའི་ཟེ་བ་ལ་ཞབས་བསྟེན་པའི་སློབ་དཔོན་ཉིད་ངོ་བོ་དུས་གསུམ་སངས་རྒྱས་ཀྱི་ཐམས་ཅད་ཐུགས་རྗེ་དང་ཕྲིན་ལས་གཅིག་ཏུ་འདུས་པ་ཡེ་ཤེས་སྒྱུ་འཕྲུལ་དྲྭ་བའི་རང་གཟུགས། མཚན་ཐོས་པ་ཙམ་གྱིས་ཀྱང་འཁོར་བ་དང་ངན་སོང་ལས་སྒྲོལ་བའི་ཕྲིན་ལས་ཅན། སྲིད་དང་ཞི་བའི་དཔལ་མགོན་གཅིག་པུ་པ་ཡིན་པ་ལ། རྣམ་པ་འདུལ་བ་ལ་མཚོན་ན།

― LT40_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་དང་མི་རྣམས་ཀྱི་སྟོན་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་མཉམ་མེད་ཤཱཀྱའི་རྒྱལ་པོ་ཞེས་པ་ལྟ་བུ་གཞན་ལ་འཕྲུལ་ཤེས་པར་བྱ། དངོས་སུ་གསལ་བའི་ཞལ་ནས་ཆོས་ཀྱི་ཚིག་རྣམས་དབྱངས་གསལ་ཡིག་འབྲུ་འོད་ཟེར་གྱི་རྣམ་པར་འཕྲོས། ཆོས་གསན་པ་པོ་རྣམས་འཇམ་དཔལ་རྣོན་པོ་དམར་སེར་ཨུཏྤ་ལའི་སྟེང་ན་རལ་གྲི་དང་པུསྟ་ཀ་འཛིན་པར་གསལ་བའི། ཞེས་སམ། བུད་མེད་ཡིན་ན། ལྷ་མོ་སྒྲོལ་མ་ལྗང་གུ་ཨུཏྤ་ལ་གསལ་བའི་རྣ་བ་གཉིས་ཨུཏྤལ་སྔོན་པོ་འདབ་མ་བཅུ་དྲུག་པར་གྱུར་པའི་ནང་དུ་ཞུགས། སྙིང་གི་པདྨོར་སིབ་སིབ་ཐིམ་པས་མ་རིག་པའི་མུན་པ་སངས། ཤེས་བྱའི་པདྨོ་རྒྱས། ཆོས་ཀྱི་དོན་རྣམས་གསལ་ལམ་ལམ་གོ་ཞིང་མི་བརྗེད་པའི་གཟུངས་ཀྱིས་ས་ལེར་འཛིན་པར་མོས་ལ་གསན་པར་ཞུ། དེ་ལ་འདིར་གང་གསན་པར་བྱ་བའི་ཆོས་ནི་བཀའ་འགྱུར་ལུང་གི་ཐོག་མར་ལྟ་བུར། བདག་ཅག་གི་སྟོན་པ་ཐབས་མཁས་ཤིང་ཐུགས་རྗེ་ཆེན་པོ་དང་ལྡན་ལ་བཀའ་དྲིན་མཉམ་པ་མེད་པ་དེའི་གསུང་གི་བདུད་རྩི་ཡིད་བཞིན་ནོར་བུའི་ཕུང་པོ། དཔག་བསམ་ཤིང་གི་ནགས་ཚལ་ལས། ཐོག་མར་དགེ་བ་མདོ་སྡེ་བསྐལ་པ་བཟང་པོའི་ལུང་འབོགས་པ་སྟེ། རྒྱ་གར་སྐད་དུ། ཞེས་དང་། ཁྲིད་རྒྱས་པའི་ཕྱོགས་

― LT40_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ལའང་སོ་སོའི་ས་བཅད་ཀྱི་དབུར་སྦྲེལ་ཤེས་པར་བྱའོ། །གཉིས་པ་ལུང་ཁྲིད་གང་གི་ཚེའང་དེ་ལས་ཅུང་ཟད་བསྡུ་བར་འདོད་ན། འོ། མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་དོན་ཏུ་རྫོགས་པའི་སངས་རྒྱས་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་སྐུ་ཚེ་འདི་ཉིད་ལ་དུས་མྱུར་བ་ཉིད་དུ་ཅི་ནས་ཀྱང་ཐོབ་པར་བྱ། དེའི་ཆེད་དུ་དམ་པའི་ཆོས་ཟབ་མོ་གསན་ལ་དོན་ཚུལ་བཞིན་དུ་ཉམས་སུ་བླང་བར་བགྱིའོ་སྙམ་པ་བྱང་ཆུབ་ཀྱི་མཆོག་ཏུ་ཐུགས་བསྐྱེད་པ་དང་། ཆོས་གསན་པའི་ཀུན་ཏུ་སྤྱོད་པའང་། སྐྱེས་པ་རབས་ཀྱི་རྒྱུད་ལས། རབ་ཏུ་དམའ་བའི་སྟན་ལ་འདུག །དུལ་བའི་དཔལ་ནི་ཉེ་བར་བསྐྱེད། །དགའ་དང་ལྡན་པའི་མིག་གིས་བལྟ། །ཚིག་ནི་བདུད་རྩི་འཐུང་བ་བཞིན། །རབ་ཏུ་དྭངས་ལ་དྲི་མེད་བློས། །ནད་པས་སྨན་པའི་ཚིག་ཉན་བཞིན། །རིམ་གྲོར་བསྐྱེད་དེ་ཆོས་ཉོན་ཅིག །ཅེས་གསུངས་པ་ལྟར། ཆོས་ཀྱི་ཚིག་དོན་ལ་ཡིད་མི་གཏོད་པ་སྣོད་ཁ་སྦུབས་པ་ལྟ་བུའི་སྐྱོན་དང་། ཡིད་གཏོད་ཀྱང་དྲན་པ་དང་ཤེས་བཞིན་གྱིས་མི་འཛིན་པ་སྣོད་ཞབས་རྡོལ་བ་ལྟ་བུའི་སྐྱོན་དང་། དྲན་པ་དང་ཤེས་བཞིན་གྱིས་གཟུང་ཡང་། རྣམ་བཤད་རིག་པ་ལས། ང་རྒྱལ་དང་ནི་མ་དད་དང་། །དོན་ཏུ་གཉེར་བ་མེད་ཉིད་དང་། །ཕྱི་རོལ་རྣམ་གཡེང་ནང་དུ་སྡུད། །སྐྱོ་བས་

― LT40_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་པའི་དྲི་མ་ཡིན། །ཞེས་གསུངས་པའི་དྲི་མ་དྲུག་པོ་གང་རུང་དང་ལྡན་པ་སྣོད་དྲི་མ་ཅན་གྱི་སྐྱོན་ཏེ། སྣོད་ཀྱི་སྐྱོན་གསུམ་སྤངས་ལ། དེ་དག་གི་གཉེན་པོར་རང་ལ་ནད་པ། ཆོས་སྨྲ་བ་ལ་སྨན་པ། ཆོས་ལ་སྨན། ནན་ཏན་ཉམས་སུ་ལེན་པ་ལ་ནད་ཉེ་བར་གསོ་བའི་འདུ་ཤེས་ཏེ་འདུ་ཤེས་བཞི་ལ་དྲན་པ་ཉེ་བར་བཞག་པ་དང་། ཁྱད་པར་ས་ཕྱོགས་དག་པའི་ཞིང་ཁམས་སུ་གྱུར་པའི་དབུས་སུ་གནས་ཁང་ཡང་དག་གསལ་གཉིས་སུ་མེད་པའི་ཡེ་ཤེས་ཀྱི་རང་སྣང་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་ཚད་དང་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། ད་ལྟ་ཆོས་སྟོན་པའི་རྡོ་རྗེ་སློབ་དཔོན་ཀྱང་ཐ་མལ་གྱི་རྣམ་པ་ཅན་མ་ཡིན་པར། ཐུགས་རྗེ་ཆེན་པོའི་དམར་ཁྲིད་ལ་མཚོན་ན། དུས་གསུམ་རྒྱལ་བ་སྲས་དང་བཅས་པའི་སྙིང་རྗེ་ཆེན་པོའི་ཡེ་ཤེས་གཅིག་ཏུ་བསྡུས་པའི་རང་གཟུགས་འཕགས་མཆོག་ཕྱག་ན་པདྨོ་དངོས་ཡིན་སྙམ་པ་དང་། ཁྱེད་རང་རྣམས་ཀྱང་ཐུན་མཚམས་ཀྱི་ལྷག་པའི་ལྷ་གང་ཡང་རུང་བའི་ང་རྒྱལ་དང་ལྡན་པའི་སྒོ་ནས། ཆོས་ཀྱི་སྒྲ་དབྱངས་གྲགས་སྟོང་སྐྱེ་བ་མེད་པར་སྒྲོག་པ། སྲིད་ཞིའི་རྒུད་པ་ཐམས་ཅད་སེལ་བར་མཛད་པའི་སྒྲ་ལྷང་ལྷང་ཡོད་སྙམ་པ་དང་བཅས་ཏེ་གསལ་སྟོང་

― LT40_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་མེད་ཀྱི་ངང་དུ་ཡེངས་པ་མེད་པའི་ཚུལ་གྱིས་གསན་པ་གནང་བར་ཞུ། དེ་ལ་འདིར་གང་གསན་པར་བྱ་བའི་ཆོས་ནི། ལུང་ལ་འདི་ཙམ་གྱིས་འཐུས་ལ། ཁྲིད་ཀྱི་ཚེ་དམར་ཁྲིད་ཚེམ་བུ་ལུགས་ལ་མཚོན་ན། གངས་ཅན་མགོན་པོ་འཕགས་པ་སྤྱན་རས་གཟིགས་དབང་ཕྱུག་གི་གོ་འཕང་སྒྲུབ་པའི་ཟབ་མོའི་གདམས་ངག་རྒྱ་མཚོ་ལྟ་བུ་ལས། ཟབ་ཅིང་ཁྱེར་བདེ་བ་དམར་ཁྲིད་རིགས་བཞིའམ་དྲུག་ཏུ་གྲགས་པའི་ནང་ཚན་གྲུབ་པའི་དབང་ཕྱུག་གཉན་ཚེམ་བུ་པ་ནས་བརྒྱུད་པའི་ཁྲིད་ཀྱི་རིམ་པ་ཟབ་མོ་འཆད་པར་བྱེད་པ་ལ། ཞེས་མཚམས་སྦྱོར་ནས། སྔོན་འགྲོའི་ས་བཅད་ལ་འཇུག་པ་ལྟ་བུ་གཞན་ལའང་རིགས་འགྲེའོ། །གསུམ་པ་ཤིན་ཏུ་བསྡུ་བར་འདོད་ན། ནམ་མཁའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱང་འདས་ཆེན་པོ་ལ་འགོད་པའི་སླད་དུ། དམ་པའི་ཆོས་ཀྱི་བདུད་རྩི་ནོད་ལ་དོན་ཉམས་སུ་བླང་བར་བགྱིའོ་སྙམ་པའི་ཐུགས་བསྐྱེད་གསལ་བཏབ་པ་དང་། སྣོད་ཀྱི་སྐྱོན་གསུམ། དྲི་མ་དྲུག་ལ་སོགས་པ་ཉེས་པའི་ཚོགས་སྤངས་ལ། འདུ་ཤེས་བཞི་སོགས་ལེགས་པའི་ཡོན་ཏན་དང་ལྡན་པས་ཆོས་གསན་པའི་ཀུན་སྤྱོད་མདོ་རྒྱུད་བསྟན་བཅོས་རྣམས་ལས་ཇི་སྐད་གསུངས་པ་རྣམས་ལེགས་པར་ཉམས་སུ་བསྟར་ལ་

― LT40_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

གསན་པར་ཞུ། དེ་ལ་གང་གསན་པར་བྱ་བའི་ཆོས་ནི་སོགས་སྐབས་བསྟུན་བྱའོ། །བཞི་པ་བསེ་འཕོ་དང་རིམ་ལྔ་ལ་སོགས་པའི་ཁྲིད་ཀྱི་སྐབས་སུ་སློབ་མ་རྣམས་འདུས་པ་ན། དཔོན་སློབ་ཀུན་གྱིས་ཐལ་སྦྱར་བཅས། བླ་མ་དང་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཨོཾ་བཛྲ་སཏྭ་སོགས་ཡིག་བརྒྱ་བདུན་ཙམ་གྱི་མཐར། མ་རྒྱུད་ལ། མགོན་པོ་བདག་ནི་སོགས། ཕ་རྒྱུད་ལ། ཕྱག་འཚལ་བསྟོད་དེ་སོགས་ཤློ་ཀའི་མཐར། སྐུ་གསུང་ཐུགས་སོགས་ལྷུག་པའི་གསོལ་གདབ་དང་། ཁྲིད་སོ་སོའི་བརྒྱུད་འདེབས་བྱ། མཎྜལ་དལ་བུས་ལན་གསུམ་ཕུལ་བའི་ཚེ་བླ་མས་ཁྲིད་གཏོར་དཀྱིལ་འཁོར་སོ་སོའི་སྒྲུབ་ཐབས་ལྟར་འབུལ་གྲུབ་པར་མཛད། དེ་ནས་མཚམས་སྦྱོར་ཚུལ་གོང་ལྟར་གྱིས་ཁྲིད་ལ་འཇུག་པར་བྱའོ། །ས་སྐྱ་དང་ཞྭ་ལུ་སོགས་ཀྱི་ཕྱག་བཞེས་སུ། བླ་མས་བསྐུལ་ཏེ་བརྒྱུད་འདེབས་དང་། སློབ་མས་བསྐུལ་ཏེ་མཎྜལ་འབུལ། མཚམས་སྦྱར་དང་བཅས་སུ་མཁྲིད་དམ། ཚར་ལུགས་ཀྱིས་བཞི་ཁྲིད་མཛད་པ་ཡིན་ནོ། །ལྔ་པ་ཕྱག་ཆེན་དང་རི་ཆོས་སྐོར་གསུམ་ལ་སོགས་པའི་ཁྲིད་དབུ་ཚུགས་པའི་ཐོག་མར། བླ་མ་ལ་བསྐོར་བ་ལན་གསུམ་དང་ཕྱག་ལན་གསུམ་བྱས་ལ་བྱོན་ཅིག་བྱས་ཏེ། དེ་དག་བྱར་གཞུག་བསྐོར་

― LT40_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དངོས་སུ་མི་འགྲུབ་ཡིད་ཀྱིས་བྱ། བདུད་བཟློག་པའི་ཆེད་དུ་ཤེས་རབ་སྙིང་པོ་དང་ཟློག་པ་ལན་གསུམ། རྡོར་སེམས་བསྒོམ་པ་ཕྱག་ཆེན་སྔོན་འགྲོ་ལྟར་བྱས་ལ། ཡིག་བརྒྱ་ལན་ཉེར་གཅིག་མཐར་གསོལ་གདབ་ཞུ་བསྟིམ་བཅས་གྲུབ་པ་དང་། མཎྜལ་རྒྱས་བསྡུས་ལན་གསུམ་གྱི་མཐར། ཐལ་མོ་མེ་ཏོག་དང་བཅས་ཏེ། ཀྱེ་ཀྱེ། རྗེ་བཙུན་འགྲོ་བའི་མགོན། །དེ་རིང་བཤད་པ་རིན་ཆེན་གྱིས། །གཙོ་བོས་བདག་ལ་བཀའ་དྲིན་གསོལ། །འདི་ན་སྣོད་མིན་གང་ཡང་མེད། །རྗེས་སུ་བཟུང་འཚལ་ཐུགས་རྗེའི་ལྷ། །བདག་ཅག་གདུལ་བྱ་སྨིན་སླད་དུ། །དེ་རིང་བདུད་རྩིའི་ཆུ་རྒྱུན་གྱིས། །གདམས་པའི་ཆོས་ཆར་དབབ་ཏུ་གསོལ། །ཞེས་གསོལ་བ་ལན་གསུམ་གདབ། མཎྜལ་གྱི་སྐབས་བདུད་གཞོམ་པའི་སྔགས་སོགས་སྔ་མ་ལྟར་ལ། གསོལ་གདབ་གྲུབ་མཚམས་སེམས་བསྐྱེད་གསལ་གདབ་སྐབས། ཟབ་པ་ལས་ཀྱང་ཆེས་ཟབ་པའི་ཁྲིད་ཀྱི་རིམ་པ་ཟབ་མོ་གསན་ལ། ཞེས་བསྒྱུར་བའི་མཚམས་སྦྱོར་རྒྱས་འབྲིང་གང་རུང་ལྟར་ལ། སློབ་དཔོན་གསལ་གདབ་སྐབས་དཀྱིལ་འཁོར་ཐམས་ཅད་ཀྱི་ཁྱབ་བདག །རིགས་ཐམས་ཅད་ཀྱི་དབང་ཕྱུག །དྲུག་པ་རྡོ་རྗེ་འཆང་ཆེན་པོ་དངོས་སུ་གསལ་བའི་ཞེས་བསྒྱུར། དེ་ལ་འདིར་

― LT40_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

གང་གསན་པར་བྱ་བའི་ཆོས་ནི། ཕྱག་ཆེན་ལ་མཚོན་ན། རྒྱུད་སྡེ་ཟབ་མོ་ཐམས་ཅད་ཀྱི་མཐར་ཐུག་གི་བསྟན་དོན། འཕགས་བོད་མཁས་གྲུབ་ཐམས་ཅད་ཀྱི་ཐུགས་ཀྱི་ཡང་བཅུད། ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་གྱི་ཁྲིད་ཀྱི་རིམ་པ་ཟབ་མོ་འདི་ཉིད་ཡིན་ལ། དེ་ཇི་ལྟར་འཆད་པའི་ཚུལ། ཡིད་ཆེས་ཤིང་ཁུངས་བཙུན་པར་བྱེད་པ་ལོ་རྒྱུས་དང་། ལོ་རྒྱུས་དེ་ལྡན་གྱི་གདམས་པ་དངོས་གཉིས་ལས། དང་པོ་ལའང་བཤད་བྱ་ཆོས་ཀྱི་ལོ་རྒྱུས་དང་། བླ་མ་བརྒྱུད་པའི་ལོ་རྒྱུས་གཉིས་ཀྱི། དང་པོ་ནི། བདག་ཅག་གི་སྟོན་པ་ཐབས་མཁས་ཤིང་ཐུགས་རྗེ་ཚད་མེད་པ་དེ་ཉིད་ཀྱིས་གདུལ་བྱ་སེམས་ཅན་རྣམས་ཀྱི་ཁམས་དང་། དབང་པོ་དང་། བསམ་པ་དང་། བག་ལ་ཉལ་གྱི་རིམ་པ་དང་རྗེས་སུ་མཐུན་པའི་ཆོས་ཀྱི་བདུད་རྩི་བསམ་གྱིས་མི་ཁྱབ་པ་ཞིག་གསུངས་པ་ཐམས་ཅད་ཀྱང་བསྡུ་ན། བརྗོད་བྱའི་ངོས་ནས་བསླབ་པ་གསུམ་དང་། རྗོད་བྱེད་ཀྱི་ངོས་ནས་སྡེ་སྣོད་གསུམ་དུ་འདུ་ཞིང་། དེ་ཡང་བསྡུ་ན་ཐེག་པ་དམན་པ་དང་། ཐེག་པ་ཆེན་པོ་གཉིས་སུ་འདུ་བ་ལས། འདིར་ཐེག་པ་དམན་པ་ལས་ཁྱད་ཆོས་བདུན་གྱིས་ཁྱད་པར་དུ་འཕགས་པའི་ཐེག་པ་ཆེན་པོ་ཡིན། དེ་ལྟ་བུའི་ཐེག་པ་ཆེན་པོ་དེ་ལ་ཡང་རྒྱུ་ཕ་རོལ་

― LT40_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་ཕྱིན་པའི་ཐེག་པ་དང་། འབྲས་བུ་སྔགས་ཀྱི་ཐེག་པ་རྣམ་པ་གཉིས་སུ་ཡོད་པ་ལས། འདིར་ཐེག་ཆེན་ཕ་རོལ་ཏུ་ཕྱིན་པའི་ལམ་རིམ་དགེ་བའི་བཤེས་གཉེན་བཀའ་གདམས་པའི་ཕྱག་བཞེས་ཀྱིས་ལམ་གྱིས་ཁོག་དབུབ། རྡོ་རྗེ་ཐེག་པ་བླ་ན་མེད་པའི་རྒྱུད་ཀྱི་བསྟན་དོན་མཐར་ཐུག་ལྷན་སྐྱེས་ཕྱག་རྒྱ་ཆེན་པོས་ལམ་གྱི་གཞི་བཟུང་ནས་བཀའ་ཕྱག་ཆུ་བོ་གཅིག་འདྲེས་གྲུབ་ཐོབ་བརྒྱུད་པ་བར་མ་ཆད་པའི་གསང་ལམ་ལྷ་དང་བཅས་པའི་འཇིག་རྟེན་ན་གཡེར་པོ་ཆེར་གྲགས་པ་དོན་དང་ལྡན་པ་ཉིད་ཡིན་ལ། གཉིས་པ་བླ་མ་བརྒྱུད་པའི་ལོ་རྒྱུས་ཀྱི་དབང་དུ་བྱས་ན། རིགས་ཐམས་ཅད་ཀྱི་ཁྱབ་བདག་རྡོ་རྗེ་འཆང་གིས་ས་བཅུ་པའི་བྱང་ཆུབ་སེམས་དཔའ་བློ་གྲོས་རིན་ཆེན་རྗེས་སུ་བཟུང་། དེས་འཕགས་བོད་གྲུབ་ཐོབ་རྒྱ་མཚོའི་སྤྱི་མེས་བྲམ་ཟེ་ཆེན་པོ་ས་ར་ཧ། དེས་རྒྱལ་བ་གཉིས་པ་འཕགས་པ་ཀླུ་སྒྲུབ། དེས་གྲུབ་པའི་དབང་ཕྱུག་ཤ་བ་རི། དེས་གཉིས་མེད་རྡོ་རྗེ་མངའ་བདག་མཻ་ཏྲི་པ་ཆེན་པོ་རྗེས་སུ་བཟུང་། དེ་ལ་དགྱེས་མཛད་སྤྲུལ་པའི་སྐུ་མར་པ་ལོ་ཙཱ་ཆོས་ཀྱི་བློ་གྲོས་ཀྱིས་དཀའ་བ་ཆེན་པོ་སྤྱད་དེ་ཡིད་ལ་མི་བྱེད་པའི་ཆོས་ཐམས་ཅད་རྫོགས་པར་གསན། ཡང་རྡོ་རྗེ་འཆང་གིས་གྲུབ་ཆེན་ཏེ་ལོ་པ་རྗེས་སུ་བཟུང་། དེས་པ་ཆེན་ནཱ་རོ་པ་རྗེས་སུ་བཟུང་།

― LT40_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལས་མར་སྟོན་ཆེན་པོས་བདེ་སྟོང་ཕྱག་རྒྱ་ཆེན་པོའི་སྨིན་གྲོལ་གདམས་ངག་སྙན་བརྒྱུད་ཀྱི་སྐོར་རྫོགས་པར་གསན་ཅིང་། དེར་མ་ཟད་མར་ལོ་ཆེན་པོ་ཉིད་དཔལ་མདའ་བསྣུན་ཞབས་ཀྱི་ཡེ་ཤེས་ཀྱི་སྐུ་དང་མཇལ་ཚེ་རྡོ་རྗེའི་ཡེ་ཤེས་ཀྱི་བྱིན་རླབས་འཕོ་བའི་སྟོབས་ཀྱིས་གནས་ལུགས་ཕྱག་རྒྱ་ཆེན་པོ་མངོན་སུམ་དུ་གཟིགས། དེ་ནས་རིམ་པ་བཞིན་གངས་ཅན་གྲུབ་པའི་གཙུག་རྒྱན་མི་ལ་རས་ཆེན། རྒྱལ་བས་ལུང་བསྟན་དགེ་སློང་འཚོ་བྱེད། དྲུག་པ་སེང་གེ་དཔལ་ལྡན་དུས་གསུམ་མཁྱེན་པ་ནས། རྩ་བའི་བླ་མ་རྡོ་རྗེ་འཆང་པདྨ་ཉིན་བྱེད་དབང་པོའི་བར་དུ་བྱིན་རླབས་ཀྱི་བཀའ་བརྒྱུད། རྟོགས་པའི་གསེང་ལམ། གྲུབ་ཐོབ་ཀྱི་རྒྱལ་རབས། བཀའ་བབས་ཀྱི་གསེར་ཕྲེང་རྒྱུན་མ་ཆད། མི་བར་དུ་ཁྱི་མ་ཞུགས། ཆུ་རྒྱུན་གངས་ལ་ཐུག །ཆོས་བརྒྱུད་གྲུབ་ཐོབ་ལ་ཐུག །གཟུ་ལུམ་རས་ཆོད་རང་བཟོའི་བསླད་མེད་པས་ཚོང་དུས་ཀྱི་འོ་མ་བཞིན་ཏུ་བསྲེ་བསླད་དང་པོ་ཟག་མ་སོང་། བྱིན་རླབས་ཀྱི་ངད་མ་ཡལ། དངོས་གྲུབ་ཀྱི་ཁ་མ་བྲི། སྙན་ནས་སྙན། ཐུགས་ནས་།ཐུགས་སུ་བརྒྱུད་ཅིང་ཟབ་གསལ་བདེ་སྟོང་དབྱེར་མེད་མཁའ་ཁྱབ་ཀྱི་ཡེ་ཤེས་ཕྱག་རྒྱ་ཆེན་པོའི་རྟོགས་པ་མངོན་དུ་གྱུར་པས་མཆོག་གི་དངོས་གྲུབ་ཉམས་འོག་ཏུ་ཆུད་པ་ཤ་

― LT40_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་ཏུ་བྱོན་པ་ལགས། གཉིས་པ་ལོ་རྒྱུས་དེ་ལྡན་གྱི་གདམས་པ་དངོས་ལ། སྔོན་འགྲོ། དངོས་གཞི། རྗེས་གསུམ་གྱིས་བསྡུས་པར་གྱུར་པ་ལས། དང་པོ་སྔོན་འགྲོ་ལའང་ཐུན་མོང་དང་། ཐུན་མོང་མ་ཡིན་པ། ཁྱད་པར་གྱི་སྔོན་འགྲོ་སྟེ་གསུམ། དེ་རེ་རེ་ལའང་བཞི་བཞིར་དབྱེར་ཡོད་པའི་དང་པོ་ཐུན་མོང་སྔོན་འགྲོ་བཞིའི་ཐོག་མར་གྱུར་པ་དལ་འབྱོར་རྙེད་པར་དཀའ་བའི་ཁྲིད་ཀྱི་རིམ་པ་འཆད་པའི་ཐོག་མར་སྤྱིར་ལུགས་འདི་ལ་འཇུག་ཚུལ་འདི་བཞིན་ཐུགས་ལ་བཞག་པར་ཞུ། ཁྱེད་རྣམས་ཟབ་དོན་གྱི་སྙིང་པོ་ཉམས་སུ་ལེན་པར་འདོད་པ་དེ་ལེགས་སོགས་གཞུང་ལྟར་རོ། །རྫོགས་ཆེན་སོགས་ལའང་འདི་དག་གིས་མཚོན་པ་ལས་རེ་རེ་བཞིན་དཔེར་བརྗོད་ན་ཡིག་ཚོགས་སུ་འགྱུར་བས་མ་བྲིས་སོ། །དྲུག་པ་མཇུག་གི་བྱ་བ་ལ། དེ་ནས་རྗེས་ཀྱི་བྱ་བ་བཀའ་དྲིན་དྲན་པ་ནི། འཆད་པོ་དང་ཉན་པོ་གཉིས་ཀས། དམ་པའི་ཆོས་ལ་སྤྱད་དུ་ཡོད་པས་དལ་འབྱོར་དོན་ལྡན་སྲིད་པ་ཧྲུལ་པོར་བྱས་པ་ནི། བདག་རྐྱེན་སངས་རྒྱས་དང་བླ་མ། དམིགས་པའི་རྐྱེན་དམ་ཆོས། དེ་མ་ཐག་པའི་རྐྱེན་ཆོས་ཀྱི་གྲོགས། ལྷན་ཅིག་བྱེད་རྐྱེན་ཕ་མ་བར་ཆད་མེད་པ་སྲུང་མ་དམ་ཅན་རྒྱ་མཚོའི་བཀའ་དྲིན་ལས་བྱུང་བ་དེ་རྣམས་བཀའ་དྲིན་ལྷག་པར་ཆེའོ་སྙམ་པ་དང་། དེ་

― LT40_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱང་སངས་རྒྱས་ཀྱི་བསྟན་པ་གནས་པ་ལས་བྱུང་བའི་བཀའ་དྲིན་ཡིན་པས་བསྟན་པ་རིན་པོ་ཡུན་རིང་དུ་གནས་པར་གྱུར་ཅིག་སྙམ་དུ་བསམ། བསྔོ་སྨོན་བྱ་བ་ནི། ཆོས་འཆད་པ་པོ། ཉན་པ་པོ། བཤད་བྱའི་ཆོས་གསུམ་སྣང་ལ་རང་བཞིན་མེད་པ་སྒྱུ་མ་ལྟ་བུར་ཤེས་པར་བྱས་ལ་བསྔོ་བ་འདི་ལྟར་གཅིག་ཏུ་གསུང་བར་ཞུ། བསོད་ནམས་འདི་ཡིས་ཐམས་ཅད་གཟིགས་པ་ཉིད། ཅེས་སོགས་དང་། རིན་ཆེན་དགེ་ཚོགས་འདི་ཡིས་འགྲོ་བ་ཀུན། །རྟག་ཏུ་དམ་པའི་ཆོས་དང་མི་འབྲལ་ཞིང་། །རང་གཞན་དོན་གཉིས་རྫོགས་པ་མཐར་ཕྱིན་ནས། །ཆོས་རྔ་སྒྲོགས་པས་འཇིག་རྟེན་མཛེས་བྱེད་ཤོག །ཕན་བདེའི་འབྱུང་གནས་བསྟན་པ་འཕེལ་གྱུར་ཅིག །ཚེ་རབས་ཀུན་ཏུ་ཆོས་ལ་སྤྱོད་གྱུར་ཅིག །རྒྱལ་ཁམས་ཀུན་ཏུ་བཀྲ་ཤིས་རྒྱས་གྱུར་ཅིག །འགྲོ་ཀུན་ཕྱམ་གཅིག་སངས་རྒྱས་ཐོབ་གྱུར་ཅིག །ཅེས་སོགས་དཔོན་སློབ་ཐུན་མོང་དགེ་རྩ་གཞན་དོན་བསྔོ། །ཡང་ན། ཐེག་མཆོག་དམ་ཆོས་རིན་ཆེན་བཤད་འདི་ལས། །བདག་གི་བསོད་ནམས་མཐའ་ཡས་གང་ཐོབ་པ། །དེས་ནི་འགྲོ་ཀུན་ཐེག་མཆོག་དམ་པའི་ཆོས། །རིན་ཆེན་དྲི་མ་མེད་པའི་སྣོད་གྱུར་ཅིག །བདུད་ཀྱི་སྡེ་དང་མུ་སྟེགས་གཞུང་ཀུན་དང་། །ཆོས་ལྟར་

― LT40_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོས་པའི་མུན་སྤྲུལ་དུ་མ་དང་། །གཞན་ཡང་འགྲོ་བའི་ཉེ་བར་འཚེ་བ་རྣམས། །བདག་གི་སྟོབས་ཀྱིས་རྩད་ནས་འཇོམས་གྱུར་ཅིག །སྲིད་པ་ཐམས་ཅད་དུ་ཡང་འཁོར་བ་ན། །བསོད་ནམས་ཡེ་ཤེས་དག་ནི་མི་ཟད་རྙེད། །ཐབས་དང་ཤེས་རབ་ཏིང་འཛིན་རྣམ་ཐར་དང་། །ཡོན་ཏན་ཀུན་གྱི་མི་ཟད་མཛོད་གྱུར་ཅིག །ཞེས་པའི་བསྔོ་བ་བྱ། སློབ་མ་རྣམས་ཀྱིས། སྲིད་ཞིའི་དཔལ་འབྱོར༴ ཕན་བདེ་འབྱུང་བའི༴ཆོས་རྔ་ཆེན་པོ་སོགས་ཀྱིས་བསྟན་པ་རྒྱས་ཤིང་བསྟན་འཛིན་དར་བ་དང་། ཁྱད་པར་བླ་མའི་ཞབས་པད་བརྟན་ཅིང་ཡང་ཡང་ཆོས་ཀྱི་འཁོར་ལོར་བསྐོར་བའི་སྨོན་ལམ་གདབ་བོ། །བདུན་པ་བཤད་ཉན་བྱས་པའི་ཕན་ཡོན་མཐའ་ཡས་པས་བརྗོད་དུ་མི་ལོངས་ཀྱང་། ཆོས་སྟོན་པའི་ཕན་ཡོན་ནམ་མཁའ་མཛོད་ཀྱི་མདོ་ལས། སངས་རྒྱས་མཐོང་ཞིང་ཞིང་དག་པར་སྐྱེ་བ་སོགས་ཕན་ཡོན་ཆེན་པོ་སུམ་ཅུ་རྩ་གསུམ། ལྷག་པའི་བསམ་པ་བསྐུལ་བའི་མདོ་ལས། དྲན་པ་དང་བློ་གྲོས་དང་ལྡན་པ་སོགས་ཕན་ཡོན་ཉི་ཤུ། ཏིང་འཛིན་རྒྱལ་པོའི་མདོ་ལས། བྱ་བ་མ་ཡིན་པ་སྤང་ཞིང་ལེགས་པའི་བྱ་བ་སྡུད་པ་སོགས་ཕན་ཡོན་བཅུ། རབ་ཞི་རྣམ་ངེས་ལས། ཤེས་རབ་རྣོ་བ་སོགས་ཡོན་ཏན་དྲུག་ཐོབ་པར་གསུངས་ཤིང་། མཆོད་པ་

― LT40_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྦྱིན་པ་ཐམས་ཅད་ལས་ཀྱང་ཆོས་བཤད་ཉན་གྱིས་ཕན་ཡོན་ཆེ་བར་གསུངས་ཏེ། དཀོན་བརྩེགས་ལས། མི་རྣམས་གང་ཞིག་གངྒཱའི་བྱེ་སྙེད་ཀྱིས། །འཇིག་རྟེན་ཁམས་མཆོག་རིན་ཆེན་བཀང་བྱས་ཏེ། །དགེ་མཆོག་སེམས་ཀྱིས་རྒྱལ་ལ་ཕུལ་བ་བས། །གང་གིས་སེམས་ཅན་གཅིག་ལ་ཚིགས་གཅིག་བྱིན། །རིན་ཆེན་སྦྱིན་པ་རྒྱ་ཆེན་བྱིན་པ་དེས། །ཚིགས་བཅད་སྦྱིན་པ་སྙིང་རྗེ་བསྒྲུབས་དེ་ལ། །ཆར་ཡང་མི་ཕོད་གྲངས་སུ་ཡང་མ་ཡིན། །ཞེས་དང་། བྱམས་པ་སེང་གེའི་མདོ་ལས། གང་གཱའི་བྱེ་སྙེད་འཇིག་རྟེན་གསེར་དག་གིས། །བཀང་སྟེ་གང་ལ་སྦྱིན་པ་བྱིན་པ་བས། །དུས་ངན་ཚེ་ན་ཚིགས་བཅད་གཅིག་བརྗོད་པ། །དེ་ཡི་ཕན་འདོགས་ཅི་འདྲ་དེ་ལ་མེད། །ཅེས་སོགས་གསུངས། མདོར་ན། ཀུན་མཁྱེན་ཀློང་ཆེན་པས། སེམས་རབ་ཏུ་དྭངས་བས་ཐར་པ་ལ་དམིགས་ཏེ་རྙེད་པ་དང་བཀུར་སྟི་དང་གྲགས་པ་འདོད་པའི་རེ་ལྟོས་མེད་པར་ཆོས་སྟོན་པ་ལས། དྲན་པ་དང་། ཏིང་ངེ་འཛིན་དང་། སྤོབས་པ་དང་། ཉོན་མོངས་པ་ལས་རྣམ་པར་གྲོལ་བ་དང་། ཆོས་ཀྱི་མཛོད་འཛིན་པ་དང་། སངས་རྒྱས་ལས་ཆོས་ཐོས་པ་དང་། ལྷ་དང་མིའི་ཚོགས་ཀྱིས་བསྟོད་ཅིང་འདུན་པ་དང་། ལེགས་དགུའི་བསམ་པ་ཐམས་ཅད་

― LT40_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་པ་དང་། ཚེ་རབས་ཐམས་ཅད་དུ་དམ་པའི་ཆོས་དང་མི་འབྲལ་བ་དང་། མྱུར་དུ་སངས་རྒྱས་ཐོབ་ནས་ཆོས་ཀྱི་ཆར་གྱིས་གདུལ་བྱ་སྨིན་པར་བྱེད་པ་དང་། རང་དང་གཞན་གྱི་དོན་འགྲུབ་པར་འགྱུར་བ་ཉིད་ཐོབ་པར་འགྱུར་རོ། །ཞེས་གསུངས་པ་དང་། ཀུན་འདུས་རིག་པའི་མདོ་ལས། གསང་སྔགས་ཀྱི་ལྷའི་མཚན་རྣ་བས་ཐོས་པ་ཙམ་གྱིས་བསྐལ་པ་དགུ་བཅུ་རྩ་གསུམ་དུ་བསགས་པའི་སྒྲིབ་པ་ཐམས་ཅད་ཟད་པར་བྱེད་དོ། །གཟུངས་སྔགས་ཀྱི་སྒོ་ལན་རེ་བསྒྲགས་པས་ཀྱང་དེ་སྙེད་ཀྱི་ཕན་ཡོན་དཔག་ཏུ་མེད་པ་ཚད་མེད་པ་ཇི་སྙེད་འཛིན་པས་ན་ཆོས་སྟོན་པ་ལ་འབད་བར་བྱའོ་ཞེས་སོ། །ཆོས་ཉན་པའི་བསོད་ནམས་ཀྱང་སྲེད་མེད་ཀྱི་བུས་ཞུས་པའི་མདོ་ལས། རིགས་ཀྱི་བུ་ཐོས་པ་དང་ལྡན་ན་ཤེས་རབ་འབྱུང་བར་འགྱུར་རོ། །ཤེས་རབ་དང་ལྡན་ན་ཉོན་མོངས་པ་ཞི་བར་འགྱུར་རོ། །ཉོན་མོངས་པ་རབ་ཏུ་ཞི་བ་ལ་ནི་བདུད་ཀྱིས་གླགས་མི་རྙེད་དོ། །ཞེས་དང་། མྱང་འདས་ལས་ཆོས་ཉན་པ་ལས་དད་པ་སྐྱེའོ། །དད་པས་ཕ་རོལ་ཏུ་ཕྱིན་པ་དྲུག་ལ་མོས་ནས་མྱུར་དུ་མངོན་པར་རྫོགས་ནས་འཚང་རྒྱ་བའི་བར་དུ་ཐོབ་པས། དགེ་བའི་ཆོས་ཐམས་ཅད་ཐོབ་པ་ནི་ཐོས་པའི་རྒྱུ་ལས་བྱུང་བའོ། །ཞེས་སོགས་གསུང་རབ་རིན་པོ་ཆེ་རྣམས་

― LT40_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མཐའ་ཡས་པ་གསུངས་པའི་དོན་བསྡུས། ཀློང་ཆེན་པས། ཤེས་རབ་དང་ཏིང་ངེ་འཛིན་དང་། ཆོས་ཀྱི་རྒྱུན་ལ་སོགས་པའི་གཟུངས་དང་། སྤང་བླང་ཤེས་པའི་མིག་དང་། དགེ་བ་འཕེལ་ཞིང་མི་དགེ་བ་སྲབ་པ་དང་། ལྷ་དང་བཅས་པའི་འཇིག་རྟེན་གྱིས་བསྟོད་ཅིང་འདུན་པ་དང་མ་རིག་པའི་མུན་པ་སངས་པ་དང་། ཤི་འཕོས་ནས་དག་པའི་ཞིང་གི་པདྨོ་ལ་བརྫུས་ཏེ་སྐྱེ་བ་དང་། སངས་རྒྱས་མཆོག་གི་སྤྲུལ་པ་ལས་ཆོས་ཐོས་པ་དང་། མྱུར་དུ་སངས་རྒྱས་ནས་ཆོས་ཀྱི་འཁོར་ལོ་དམ་པ་བསྐོར་བ་ལ་སོགས་པ་ཕན་ཡོན་གྱི་སྒོ་ཚད་མེད་པ་སྙེད་ཡོད་དོ། །ཞེས་གསུངས་ཤིང་དད་པས་ཆོས་ཉན་པ་ལྟ་ཅི་སྨོས། ཉན་པ་པོ་སྡུད་པའི་རོལ་མོའི་སྒྲ་ཐོས་པའང་འཁོར་བ་ལས་རྣམ་པར་གྲོལ་བ། གཎྜཱིའི་མདོ་ལས། དམ་ཆོས་བཤད་པའི་དུས་བསྟན་ཕྱིར། །རྔའམ་གཎྜཱི་བརྡུང་བའི་སྒྲ། །ཐོས་པས་བྱང་ཆུབ་ཐོབ་གྱུར་ན། །ཉན་ཕྱིར་ལྷགས་པ་སྨོས་ཅི་དགོས། །ཞེས་གསུངས་པ་ཡིན་ནོ། །མདོར་ན་འགྲོ་བ་རྣམས་ལ་ཐར་པའི་ལམ་ཡོད་མེད་རྒྱལ་བསྟན་གནས་མི་གནས་ལ་རག །སངས་རྒྱས་ཀྱི་བསྟན་པ་རིན་པོ་ཆེ་གནས་པའི་རྩ་བ་ནི་དམ་ཆོས་འཆད་ཉན་བྱེད་པ་ཁོ་ན་ལ་ཐུག་པས་ལེགས་པར་འདོད་པ་རྣམས་ཀྱིས། རང་ཉིད་ཐར་བའི་ལམ་

― LT40_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

ཡངས་ཤིང་བསྟན་པ་ཡུན་རིང་དུ་གནས་པའི་ཕྱིར་འཆད་པ་དང་ཉན་པ་ལ་གཡར་དམ་དུ་བཞེས་པར་རིགས་སོ། །དེང་གི་སྐབས་སུ་བསྟན་འཛིན་ཆེན་པོར་གྲགས་པ་ཕལ་མོ་ཆེའང་སྨྲ་བ་ལ་དགའ་བར་མཐོང་སྨྲ་བཅད་ཀྱི་བརྟུལ་ཞུགས་ཅན་མ་མཐོང་། སྨྲ་བ་ཕལ་ཆེར་ཚོང་དང་། འཐབ་མོ་དང་། ཁྲིམས་དང་། ཀུ་རེ་དང་། ཡུལ་གྱི་ལོ་རྒྱུས་སོགས་ཆགས་སྡང་ལུང་མ་བསྟན་གྱི་འཆད་ཉན་ཁོ་ནས་མི་ཚེ་འཕུལ་བས་དེ་ཐམས་ཅད་ལ་དོན་ཏུ་འགྱུར་ངེས་པ་སྐྲའི་རྩེ་མོ་ཙམ་ཡང་མེད་པའི་ཁར་སླར་སྡིག་པའི་ཕུང་པོ་གསོག་པའི་རྒྱུ་འགྱུར་ལ། དམ་པའི་ཆོས་ཚིག་བཞིའི་ཚིགས་སུ་བཅད་པ་ཙམ་བཤད་ཅིང་ཉན་པའི་ཕན་ཡོན་ཀྱང་བྱང་ཆུབ་སྙིང་པོའི་བར་དུ་ཕན་པ་དང་བདེ་བ་འབའ་ཞིག་པའི་རྒྱུར་ལྟ་ཅི་སྨོས། འཕྲལ་ཡུན་གྱི་དོན་ཆེན་པོ་དུ་མ་དང་ཡང་ལྡན་པས་སྨྲ་ན་ཆོས་སྨྲ་བའི་བཤེས་གཉེན་ཏུ་འགྱུར་བ་ལས་ལོག་པར་སྨྲ་བའི་ཕུང་ཁྲོལ་ཅན་ཏུ་མི་འགྱུར་བ་སྐྱེ་བ་ནས་སྐྱེ་བར་ཡི་དམ་དུ་བླང་བར་བྱའོ། །གཏན་གྱི་དབུལ་བ་འཕྲོག་པའི་ནོར། །ཆོས་མཆོག་ལས་ལྷག་འཇིག་རྟེན་ན། །མ་མཆིས་དེ་ཉིད་འཛིན་པ་པོ། །འཇིག་རྟེན་གསུམ་གྱི་མིག་ཡིན་ནོ། །དམ་པ་འཚོ་བ་བྲལ་ཡང་བླ། །ཆོས་གཏོང་བ་ནི་དེ་ལྟར་མིན། །ཆོས་སྲུང་སྲས་བཅས་རྒྱལ་རྣམས་

― LT40_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས། །བུ་གཅིག་པར་ནི་དགོངས་པར་མཛད། །འགྲོ་ལྔ་ལོང་བར་གྱུར་པ་ལ། །ཆོས་ཀྱི་མིག་པུས་ལམ་བཟང་སྟོན། །སྒྲོན་མེ་མཆོག་དེ་སུས་འཛིན་པ། །འཇིག་རྟེན་རྣམ་པར་འདྲེན་གཉིས་པ། །སྙིགས་མས་མནལ་དུ་ཉེ་བ་ཡི། །ཆོས་ཀྱི་སྒྲོན་མེ་སྦར་བརྩོན་པ། །འདྲེན་པའི་འཁོར་ལོ་གསུམ་ལས་ཀྱང་། །ངོ་མཚར་འཁོར་ལོ་བཞི་པ་ཉིད། །ཆོས་ཀྱི་བདུད་རྩིས་སྐྱེ་རྒུ་གསོ། །ཞི་བསིལ་སྨན་གྱིས་གཅོང་ནད་འབྱིན། །བདེན་གསུང་ས་གཞིས་འཁོར་འདས་སྐྱེད། །ཤེས་བྱར་ཆོས་ལས་གཞན་མཆོག་མེད། །འདི་སྲུང་འདི་འཛིན་འདི་ཀློག་ཅིང་། །འདི་དོན་སྒོམ་ལ་ཡང་སྲིད་ཀུན། །མཆོག་ཐོབ་དེ་བཞིན་གཤེགས་ཀུན་གྱི། །ཆོས་འཛིན་འཁོར་ལོས་སྒྱུར་བར་ཤོག །ཅེས་པ་འདིའང་ལུང་རྟོགས་ཆོས་ཀྱི་གཏེར་མཛོད་སྐྱོ་ངལ་མེད་པར་འཛིན་པ། མཁན་ཆེན་བླ་མ་ཀརྨ་ངེས་དོན་བསྟན་པ་རབ་རྒྱས་ཞབས་ཀྱིས་བཀའ་བསྩལ་རྗེས་སུ་བསྒྲུབ་ཕྱིར། ཀརྨ་ངག་དབང་ཡོན་ཏན་རྒྱ་མཚོའམ་བློ་གྲོས་མཐའ་ཡས་པའི་སྡེས་དཔལ་སྤུངས་ཀྱི་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་དགེ་ལེགས་འཕེལ།། །།

ཚོགས་གསོག་གི་རིམ་པ་དང་རྗེས་སུ་འབྲེལ་བའི་སྡོམ་པ་གསུམ་གྱི་གསོ་སྦྱོང་རྒྱས་བསྡུས་ཐར་པའི་ཐེམ་སྐས།

― LT40_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་གསོག་གི་རིམ་པ་དང་རྗེས་སུ་འབྲེལ་བའི་སྡོམ་པ་གསུམ་གྱི་གསོ་སྦྱོང་རྒྱས་བསྡུས་ཐར་པའི་ཐེམ་སྐས་ཞེས་བྱ་བ་བཞུགས་སོ། །

― LT40_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་རཏྣ་ཏྲ་ཡཱ་ཡ། །བླ་མ་རྒྱལ་བ་སྲས་བཅས་ལ། །མི་ཕྱེད་དད་པས་རབ་བཏུད་ནས། །དུས་དང་རྒྱུན་ཏུ་བྱ་བ་ཡི། །ཚོགས་གསོག་གསོ་སྦྱོང་རིམ་པ་འཆད། །དེའང་ཞིངས་བཟང་པོར་ལོ་ཏོག་བཏབ་ཟིན་ནས་འབྲས་བུ་མ་སྨིན་གྱི་བར་དུ་སོ་ནམ་སོགས་གཉེར་ཁལ་བརྩོན་དགོས་པ་བཞིན་ཏུ། རང་རེ་རྣམས་རྒྱལ་བའི་བསྟན་པ་རིན་པོ་ཆེའི་སྒོར་ཞུགས་ཤིང་རྒྱུད་སྡོམ་པ་གསུམ་ལྡན་ཏུ་བསྒྲུབས་ཟིན་པས་བྱང་ཆུབ་མ་ཐོབ་གྱི་བར་དུ་ཚོགས་གཉིས་གོང་ནས་གོང་དུ་སྤེལ་ཞིང་བསླབ་པ་རྣམ་པར་དག་པ་ལ་བརྩོན་དགོས་པའི་ཕྱིན། སྡོམ་གསུམ་རང་རང་གི་མི་མཐུན་ཕྱོགས་སྤོང་བའི་དྲན་པ་དང་ཤེས་བཞིན་ལ་རྟག་ཏུ་གནས་པ་དང་། བསླབ་བྱའི་རིམ་པ་ཇི་སྐད་བཤད་པ་མཐའ་དག་ངེས་པར་ཉམས་སུ་བླང་དགོས་ཀྱང་ཡུལ་དུས་དང་གང་ཟག་དབང་གིས་བཤད་ཚོད་རྒྱུད་ལ་འབྱོར་བ་ནི་དཀོན་པར་མཐོང་བས། དེས་ན་དགེ་བ་གསོ་ཞིང་སྡིག་པ་སྦྱོང་བའི་ཐབས་འདི་ཙམ་ལ་སྙིང་ཐག་པ་ནས་གཡར་

― LT40_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་དུ་བྱས་ན་དོན་རྩ་ཕལ་ཆེར་འདུ་བ་ཡིན་པས་དུས་མཐུན་གྱི་ཉམས་ལེན་ལག་ཏུ་བླང་བདེར་འཆད་པ་ལ་གཉིས། ཅུང་ཟད་རྒྱས་པ་དང་། འདོར་བསྡུས་པའོ། །དང་པོ་ནི། སྟོན་པའི་དུས་ཆེན་བཞི་ལྟ་བུར་གནས་ཁང་བྱི་དོར་བྱས་ཞིང་བླ་རེ་འཕན་གདུགས་རྒྱལ་མཚན་ལ་སོགས་བརྒྱན་གྱིས་སྤྲས་པའི་གུང་དུ་དཀོན་མཆོག་གི་རྟེན་བཤམས་པའི་སྤྱན་སྔར་མཎྜལ་གྱི་ཡོ་བྱད། སྤོས་དང་མེ་ཏོག་མར་མེའི་ཕྲེང་བ་གཙང་ཞིང་བསོད་པའི་ཞལ་ཟས་ཀྱིས་མཚོན་མཆོད་པའི་ཡོ་བྱད་ཅི་འབྱོར་ཚར་དུ་དངར་བ་བཤམ། སྔ་དྲོའི་ཆར་ཡིད་ཉོན་མོངས་པས་མ་སྦགས་ཤིང་དད་སོགས་དགེ་བ་དང་རྗེས་སུ་དྲན་པ་དྲུག་ལ་བློ་མངོན་ཏུ་བཞག་སྟེ་ཉམས་ལེན་དངོས་ལ་བརྒྱད། ཐོག་མར་སྐྱབས་སུ་འགྲོ་ཞིང་སེམས་བསྐྱེད་པ་ནི། །ནམ་མཁའི་གནས་སུ་ནམ་མཁའ་གང་བ་ཡི། །བླ་མ་ཡི་དམ་མཁའ་འགྲོའི་ཚོགས་རྣམས་དང་། །སངས་རྒྱས་ཆོས་དང་འཕགས་པའི་

― LT40_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་འདུན་ལ། །བདག་དང་འགྲོ་ཀུན་གུས་པས་སྐྱབས་སུ་མཆི། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་པ་ལ། །ཡིན་པར་ཤེས་པའི་བདག་ཉིད་དུ། །བྱང་ཆུབ་མཆོག་ཏུ་སེམས་བསྐྱེད་དོ། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དམ་པ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །དེ་རྣམས་ལན་གསུམ་གསུམ་བརྗོད། །གཉིས་པ་བསགས་སྦྱོང་བྱ་བ་ནི། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེང་འདིར་ཁོར་ཡུག་གི་ས་གཞི་འདི་དག་བདེ་བ་ཅན་གྱི་ཞིང་གི་བཀོད་པ་ལྟ་བུ་ཕུན་སུམ་ཚོགས་པའི་རྒྱན་ཐམས་ཅད་ཀྱིས་རྣམ་པར་བརྒྱན་པས་མཛེས་ཤིང་ཡིད་དུ་འོང་བ་བསམ་གྱིས་མི་ཁྱབ་པར་

― LT40_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར། །ཐམས་ཅད་དུ་ནི་ས་གཞི་དག །གསེག་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻ་ཌཱུརྻའི། །རང་བཞིན་འཇམ་པོར་གནས་གྱུར་ཅིག །ཕུན་སུམ་ཚོགས་པའི་ཞིང་འདི་དག་ཏུ་ལྷ་དང་མིའི་ཡོ་བྱད་དམ་པ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལ་སོགས་པ་རྣམ་པར་དག་ཅིང་ཡིད་དུ་འོང་བའི་མཆོད་པའི་སྤྲིན་རྒྱ་མཚོ་བསམ་གྱིས་མི་ཁྱབ་པས་ནམ་མཁའི་ཁམས་ཐམས་ཅད་གང་བར་གྱུར། ན་མཿསརྦ་བུདྡྷ་བོ་དྷི་སཏྭེེ་བྷྱཿ ཨོཾ་སརྦ་བིད་བཱུར་བཱུར་སུར་སུར་ཨཱ་བརྟྟེ་བྷྱཿསྭཱ་ཧཱ། ཨོཾ་བཛྲ་སྥ་ར་་ཁཾ། ན་མོ། །བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །སེམས་ནི་རྒྱ་ཆེན་མཆོག་ཏུ་རབ་བསྐྱེད་དེ། །འགྲོ་བ་འདི་དག་མ་ལུས་སངས་རྒྱས་རྒྱུ། །འདི་ན་སྣོད་མིན་སེམས་ཅན་གང་ཡང་མེད། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ནི། །སེམས་ཅན་དོན་ལ་དགོངས་པའི་བླ་མེད་དཀོན་མཆོག་གསུམ། །དངོས་དང་ཡིད་ཀྱིས་བཤམས་ཤིང་མཆོད་པའི་གནས་འདི་རུ། །རྒྱལ་བ་འཁོར་བཅས་མ་ལུས་སྤྱན་འདྲེན་གཤེགས་སུ་གསོལ། །ཕྱོགས་དུས་ཀུན་ཁྱབ་སྐྱབས་གསུམ་བཀའ་སྡོད་བཅས། །ཉོན་མོངས་འགྲོ་ལ་མཁྱེན་བརྩེས་རབ་དགོངས་ཏེ། །དཔག་མེད་ཞིང་ནས་ཐོགས་མེད་རྫུ་འཕྲུལ་གྱིས། །འདིར་

― LT40_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་མཆོད་སྤྲིན་རྒྱ་མཚོའི་དབུས་བཞུགས་གསོལ། །མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་པར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་མཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བགོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང་། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང་། །འཇིག་རྟེན་དབང་ཕྱུག་སོགས་ལ་བརྒྱན་པར་བགྱི། །སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་གྱུར་པ། །གོས་འཇམ་རིན་

― LT40_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་པ། །དེ་སྲིད་བཅོམ་ལྡན་བཞུགས་སུ་གསོལ། །བླ་མ་མཉམ་མེད་སངས་རྒྱས་རིན་པོ་ཆེ། །དུས་གསུམ་བདེ་གཤེགས་སྲས་བཅས་ཐམས་ཅད་ཀྱིས། །སྐུ་གསུང་ཐུགས་ཀྱི་རང་བཞིན་བྱིན་བརླབས་པ། །བཀའ་དྲིན་ཆེན་པོའི་ཞབས་ལ་ཕྱག་འཚལ་ལོ། །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །བླ་མེད་དཀོན་མཆོག་གསུམ་ལ་ཕྱག་འཚལ་ལོ། །སྐྱེས་བུ་ཁྱུ་མཆོག་ཁྱེད་འདྲའི་དགེ་སྦྱོང་ཆེན་པོ་གཞན་དག་ལྷ་ཡུལ་ས་ལའང་མེད། །འཇིག་རྟེན་འདི་ནའང་ཡོད་པ་མ་ཡིན་རྣམ་ཐོས་བུ་ཡི་གནས་ནའང་ཡོད་མ་ཡིན། །ལྷ་ཡི་ཕོ་བྲང་གནས་མཆོག་དག་ནའང་མེད་ལ་ཕྱོགས་དང་ཕྱོགས་མཚམས་དག་ནའང་མེད། །རི་དང་ནགས་སུ་བཅས་པའི་ས་སྟེང་རྒྱས་པར་ཀུན་ཏུ་བསྐོར་ཀྱང་ག་ལ་ཡོད། །སྐུ་གྱུར་པ་ནི་ཐམས་ཅད་ལ། །མཚན་མཆོག་སུམ་ཅུ་གཉིས་མངའ་བའི། །རྫོགས་པའི་སངས་རྒྱས་གྲགས་ལྡན་པ། །རྒྱལ་བ་ཀུན་ལ་ཕྱག་འཚལ་ལོ། །རྫོགས་སངས་གང་དུ་བལྟམས་པ་དང་། །གང་དུ་བྱང་ཆུབ་ལ་རེག་དང་། །ཞི་བའི་འཁོར་ལོ་བསྐོར་བ་དང་། །ཟག་མེད་མྱ་ངན་འདས་པ་དང་། །

― LT40_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་གཤེགས་གང་དུ་བཞུགས་པ་དང་། །འཆག་པ་དང་ནི་བཞེངས་པ་དང་། །སེང་གེ་ལྟ་བུར་གཟིམ་པ་ཡི། །གནས་དེ་ལ་ནི་བདག་ཕྱག་འཚལ། །སྟེང་དང་འོག་དང་བར་དག་དང་། །ཕྱོགས་དང་ཕྱོགས་མཚམ་རྣམས་སུ་ཡང་། །སྐུར་བཅས་སྐུ་ནི་མེད་པ་ཡི། །མཆོད་རྟེན་ལ་ནི་བདག་ཕྱག་འཚལ། །རྐང་གཉིས་དམ་པ་ཤར་དང་ནི། །བྱང་གི་ཕྱོགས་ཆར་བཞུགས་པ་ཡི། །རྒྱལ་བ་བསྟེན་དཀའ་ཞེས་བྱ་བ། །དེས་ནི་ཚིགས་བཅད་འདི་གསུངས་སོ། །གང་གིས་ཚིགས་བཅད་འདི་བཞི་ཡིས། །དེ་བཞིན་གཤེགས་པ་བསྟོད་བྱེད་ན། །བསྐལ་པ་བྱེ་བ་སྟོང་དུ་ནི། །དེ་ནི་ངན་འགྲོར་འགྲོ་མི་འགྱུར། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱིའོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱིས་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །

― LT40_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཀུན་གྱི་ཡོན་ཏན་རབ་བརྗོད་ཅིང་། །བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོག་དམ་འཕྲེང་བ་དམ་པ་དང་། །སིལ་སྙན་རྣམས་དང་བྱུག་པའི་གདུག་པ་མཆོག་དང་། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲེ་མཆོག་དང་། །ཕྱེ་མའི་ཕུར་མ་རི་རབ་མཉམ་པ་དང་། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ཡང་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །ཨོཾ་ན་མོ་བྷ་ག་བ་ཏེ་བཛྲ་སྭ་ར་པྲ་མརྡྷ་ནི། ཏ་ཐཱ་ག་ཏཱ་ལ། ཨརྷ་ཏེ་ས་མྱཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱཱེ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་བ་སཾ་ཀྲ་མ་བཛྲེ། སརྦ་ཀརྨ་ཨཱ་ཝ་ར་་བི་ཤོ་དྷ་ན་བཛྲེ་སྭཱ་ཧཱ། །རིན་ཆེན་སེམས་དེ་གཟུང་བར་བྱ་བའི་ཕྱིར། །དེ་བཞིན་གཤེགས་པ་རྣམས་དང་དམ་པའི་ཆོས། །དཀོན་མཆོག་དྲི་མ་མེད་དང་སངས་རྒྱས་སྲས། །ཡོན་ཏན་རྒྱ་མཚོ་རྣམས་ལ་ལེགས་པར་མཆོད། །མེ་ཏོག་འབྲས་བུ་ཇི་སྙེད་ཡོད་པ་དང་། །སྨན་གྱི་རྣམ་པ་གང་དག་ཡོད་པ་དང་། །འཇིག་རྟེན་རིན་ཆེན་ཇི་སྙེད་ཡོད་པ་དང་། །ཆུ་གཙང་ཡིད་དུ་འོང་བ་ཅི་ཡོད་དང་། །རིན་ཆེན་རི་བོ་

― LT40_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ན་དེ་བཞིན་ཏུ། །ནགས་ཚལ་ས་གྱོགས་དབེན་ཞིང་ཉམས་དགའ་དང་། །ལྗོན་ཤིང་མེ་ཏོག་རྒྱན་སྤྲས་སྦུད་པ་དང་། །ཤིང་གང་འབྲས་བཟང་ཡལ་གས་དུད་པ་དང་། །ལྷ་སོགས་འཇིག་རྟེན་ན་ཡང་དྲི་དང་ནི། །སྤོས་དང་དཔག་བསམ་ཤིང་དང་རིན་ཆེན་ཤིང་། །མ་རྨོས་འཁྲུངས་པའི་ལོ་ཏོག་རྣམ་པ་དང་། །གཞན་ཡང་མཆོད་པར་འོས་པའི་རྒྱན་རྣམས་ནི། །མཚོ་དང་རྫིང་བུ་པདྨས་བརྒྱན་པ་དང་། །ངང་པ་ཤིན་ཏུ་སྐད་སྙན་ཡིད་འོང་ལྡན། །ནམ་མཁའ་རབ་འབྱམས་ཁམས་ཀྱི་མཐས་གཏུགས་པ། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཆེ་རྣམས་ཀྱིས། །བདག་ལ་བརྩེར་དགོངས་བདག་གི་འདི་དག་བཞེས། །བདག་ནི་བསོད་ནམས་མི་ལྡན་བཀྲེན་ཆེན་སྟེ། །མཆོད་པའི་ནོར་གཞན་བདག་ལ་ཅང་མ་མཆིས། །དེས་ན་གཞན་དོན་དགོངས་པའི་མགོན་གྱིས་ནི། །བདག་གི་དོན་སླད་ཉིད་ཀྱི་མཐུས་བཞེས་ཤིག །རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་ཀུན་གཏན་དུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་མཆི་བར་བགྱི། །བདག་ནི་ཁྱེད་ཀྱིས་ཡོངས་སུ་བཟུང་བས་ན། །སྲིད་ལ་མི་འཇིགས་སེམས་ཅན་ཕན་པར་བགྱིད། །སྔོན་གྱི་སྡིག་ལས་ཡང་དག་

― LT40_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

འདའ་བགྱིད་ཅིང་། །སྡིག་པ་གཞན་ཡང་སླན་ཅད་མི་བགྱིད་དོ། ༈ །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོམ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡཱ་ར་དང་པདྨ་དང་། །ཨུཏྤ་ལ་སོགས་དྲི་ཞིམ་ཐམས་ཅད་དང་། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་འབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཆུས་བྱུགས་པ་དེར། །མེ་ཏོག་ཡིད་འོང་སིལ་མ་དཀྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང་། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །ཁོར་ཡུག་རྒྱན་གྱི་རྣམ་པ་ཡིད་འོང་ལྡན། །དབྱིབས་ལེགས་བལྟ་ན་སྡུག་པ་བསྒྲེང་བ་ཡང་། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་

― LT40_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང་། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་བར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་བཞིན་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངས་པར་ཀུན་ཏུ་འབྱུང་གྱུར་ཅིག །ཨོཾ་བཛྲ་བྷཱུ་མི་ཨཱཿཧཱུྃ། གཞི་རྣམ་པར་དག་པ་དབང་ཆེན་གསེར་གྱི་ས་གཞི། ཨོཾ་བཛྲ་རེ་ཁེ་ཨཱཿཧཱུྃ། ཕྱི་ལྕགས་རིའི་ཁོར་ཡུག་གི་ར་བས་ཡོངས་སུ་བསྐོར་བའི་དབུས་སུ་རིའི་རྒྱལ་པོ་རི་བོ་མཆོག་རབ། ཤར་ལུས་འཕགས་པོ། ལྷོ་ཛམྦུ་གླིང་། ནུབ་བ་ལང་སྤྱོད། བྱང་སྒྲ་མི་སྙན། ལུས་དང་ལུས་འཕགས། རྔ་ཡབ་དང་རྔ་ཡབ་གཞན། གཡོ་ལྡན་དང་ལམ་མཆོག་འགྲོ། སྒྲ་མི་སྙན་དང་སྒྲ་མི་སྙན་གྱི་ཟླ། །རིན་པོ་ཆེའི་རི་བོ། དཔག་བསམ་གྱི་ཤིང་། འདོད་འཇོའི་བ། མ་རྨོས་པའི་ལོ་ཏོག །འཁོར་ལོ་རིན་པོ་ཆེ། ནོར་བུ་རིན་པོ་ཆེ། བཙུན་མོ་རིན་པོ་ཆེ། བློན་པོ་རིན་པོ་ཆེ། གླང་པོ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ། གཏེར་ཆེན་པོའི་

― LT40_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

བུམ་པ། སྒེག་མོ་མ། ཕྲེང་བ་མ། གླུ་མ། གར་མ། མེ་ཏོག་མ། བདུག་སྤོས་མ། སྣང་གསལ་མ། དྲི་ཆབ་མ། ཉི་མ། ཟླ་བ། རིན་པོ་ཆེའི་གདུགས། ཕྱོགས་ལས་རྣམ་པར་རྒྱལ་བའི་རྒྱལ་མཚན། དབུས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་པ་མ་ཚང་བ་མེད་པ་འདི་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ས་གཞི་སྤོས་ཆུས་བྱུགས་ཤིང་མེ་ཏོག་ཀྲམ་རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །ཕྱོགས་བཅུ་དུས་གསུམ་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་དང་། །བླ་མ་རྡོ་རྗེ་སློབ་དཔོན་དང་། །ཡི་དམ་ལྷ་ཚོགས་འཁོར་དང་བཅས། །དུས་གསུམ་བདེ་གཤེགས་མ་ལུས་ལ། །གླིང་བཞི་རི་རབ་བཅས་པ་དང་། །གླིང་བཞི་བྱེ་བ་ཕྲག་བརྒྱ་དང་། །བྱེ་བ་འབུམ་དང་དུང་ཕྱུར་ཏེ། །མཎྜལ་གཅིག་ཏུ་བསྡུས་ནས་ནི། །མོས་བློས་གོང་མ་རྣམས་ལ་འབུལ། །ཐུགས་རྗེས་བརྩེར་དགོངས་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ཨོཾ་མཎྜལ་པཱུ་ཛ་མེ་གྷ་ས་མུ་དྲ་

― LT40_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

སྥ་ར་་ས་མ་ཡེ་ཨཱཿཧཱུྃ། །མཉེས་བྱེད་མཎྜལ་བཟང་པོ་འདི་ཕུལ་བས། །བྱང་ཆུབ་ལམ་ལ་བར་ཆད་མི་འབྱུང་ཞིང་། །དུས་གསུམ་བདེར་གཤེགས་དགོངས་པ་རྟོགས་པ་དང་། །སྲིད་པར་མི་འཁྲུལ་ཞི་བར་མི་གནས་ཤིང་། །ནམ་མཁའ་མཉམ་པའི་འགྲོ་བ་སྒྲོལ་བར་ཤོག །སེམས་ཅན་ཐམས་ཅད་རྟག་པར་བླ་མ་སོགས་ནས། །སྐྱབས་སུ་ཉེ་བར་མཆིའོ་འི་བར་ལྟུང་བཤགས་ཚང་བ་བརྗོད། དེ་ནས་སྤྱི་བཤགས། བླ་མ་རྡོ་རྗེ་འཛིན་པ་ཆེན་པོ་ལ་སོགས་པ་ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་ཚེ་རབས་འཁོར་བ་ཐོག་མ་མ་མཆིས་པ་ནས། ད་ལྟ་ལ་ཐུག་གི་བར་དུ་ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་གི་དབང་གིས་ལུས་ངག་ཡིད་གསུམ་གྱི་སྒོ་ནས་སྡིག་པ་མི་དགེ་བ་བཅུ་བགྱིས་པ་དང་། མཚམས་མ་མཆིས་པ་ལྔ་བགྱིས་པ་དང་། དེ་དང་ཉེ་བ་ལྔ་བགྱིས་པ་དང་། སོ་སོ་ཐར་པའི་སྡོམ་པ་དང་འགལ་བ་དང་། བྱང་ཆུབ་སེམས་དཔའི་བསླབ་པ་དང་འགལ་བ་དང་། གསང་སྔགས་ཀྱི་དམ་ཚིག་དང་འགལ་བ་དང་། ཕ་དང་མ་ལ་མ་གུས་པ་དང་། མཁན་པོ་དང་སློབ་དཔོན་ལ་མ་གུས་པ་དང་། གྲོགས་ཚངས་པ་མཚུངས་པར་སྤྱོད་པ་རྣམས་ལ་མ་གུས་པ་དང་། དཀོན་མཆོག་གསུམ་ལ་གནོད་པའི་ལས་བགྱིས་པ་དང་། དམ་པའི་ཆོས་སྤངས་པ་དང་། འཕགས་

― LT40_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དགེ་འདུན་ལ་སྐུར་པ་བཏབ་པ་དང་། སེམས་ཅན་ལ་གནོད་པའི་ལས་བགྱིས་པ་ལ་སོགས་པ་སྡིག་པ་མི་དགེ་བའི་ཚོགས་བདག་གིས་བགྱིས་པ་དང་། བགྱིད་དུ་སྩལ་བ་དང་། གཞན་གྱིས་བགྱིས་པ་ལ་རྗེས་སུ་ཡི་རང་བ་ལ་སོགས་པ་མདོར་ན་མཐོ་རིས་དང་ཐར་པའི་གེགས་སུ་གྱུར་ཅིང་། འཁོར་བ་དང་ངན་སོང་གི་རྒྱུར་གྱུར་པའི་ཉེས་ལྟུང་ཚོགས་ཅི་མཆིས་པ་ཐམས་ཅད་བླ་མ་རྡོ་རྗེ་འཛིན་པ་ཆེན་པོ་ལ་སོགས་པ་ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་སྔར་མཐོལ་ལོ་བཤགས་སོ། །མི་འཆབ་བོ། །མི་སྦེད་དོ། །ཕྱིན་ཆད་ཀྱང་སྡོམ་པར་བགྱིད་ལགས་སོ། །མཐོལ་ཞིང་བཤགས་ན་བདག་བདེ་བ་ལ་རེག་པར་གནས་པར་འགྱུར་གྱིས། མ་མཐོལ་མ་བཤགས་ན་ནི་མི་འགྱུར་རོ། །རྒྱ་གར་སྐད་དུ། གཱ་ཐཱ་དྭ་ཡ་དྷཱ་ར་ི། བོད་སྐད་དུ། ཚིགས་སུ་བཅད་པ་གཉིས་པའི་གཟུངས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སངས་རྒྱས་དང་ནི་ཆོས་ལ་བརྙས་པ་དང་། །ལེ་ལོ་དང་ནི་ཅུང་ཙམ་ཆོག་པར་འཛིན། །འདོད་ཆགས་དང་ནི་ང་རྒྱལ་སྤྱོད་པ་དང་། །འགྱོད་པ་དང་ནི་མ་ངེས་འགྱེད་པ་རྣམས། །སེམས་ཅན་རྣམས་ཀྱི་སྒྲིབ་པར་འགྱུར་བ་སྟེ། །དེ་ཡི་གཉེན་པོ་ཐེག་པ་མཆོག་བསྟན་པ། །འདི་ཡིས་བར་དུ་གཅོད་པ་དེ་དག་གི། །ཉེས་པ་ཐམས་ཅད་རབ་ཏུ་སྤང་བར་འགྱུར། །ཏདྱ་ཐཱ། ཨོཾ་བཛྲ་པྲཱ་ཀཱ་

― LT40_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

ར་བཛྲ་པྲཱ་ཀཱ་ར་བཛྲ་ཙཀྲ་དཾ་ཐཱ་བྷ་ཡཱ་ན་ཀེ། ཨ་མ་ལེ། བི་མ་ལེ། ནི་རྨ་ལེ། ཙ་ལེ་ཙུ་ལེ་ཙུ་ལུ་ཀེ་ཙུ་ལུ་ཀེ། ཙུ་ལུ་ཙུ་ལུ་སརྦ་བུདྡྷེ་སྭཱ་ཧཱ། །ཚིགས་སུ་བཅད་པ་གཉིས་པའི་གཟུངས་ལ་ནི། །ཚིག་གམ་དོན་གྱིས་སྒོ་ནས་གང་སྦྱོར་བ། །སེམས་ཅན་དམ་པ་བློ་དང་ལྡན་པ་དེས། །ཕན་ཡོན་རྣམ་པ་བཅུ་དག་ཐོབ་པར་འགྱུར། ཁམས་རྣམས་མཐའ་དག་རྒྱས་པར་འགྱུར་བ་དང་། །འཆི་བའི་ཚེ་ན་མཆོག་དགའ་དམ་པ་འཐོབ། །ཇི་ལྟར་འདོད་པ་བཞིན་དུ་སྐྱེ་བ་དང་། །ཐམས་ཅད་དུ་ནི་ཚེ་རབས་དྲན་པར་འགྱུར། །སངས་རྒྱས་རྣམས་དང་འཕྲད་པར་འགྱུར་བ་དང་། །དེ་བཞིན་དེ་དག་ལས་ནི་ཐེག་མཆོག་ཐོས། །མོས་པར་འགྱུར་བ་བློ་དང་བཅས་པ་དང་། །སྒོ་གཉིས་དང་ནི་བྱང་ཆུབ་མྱུར་དུ་འཐོབ། །ཚིགས་སུ་བཅད་པ་གཉིས་པའི་གཟུངས་རྫོགས་སོ། །འདོད་ཆགས་ཞེ་སྡང་གཏི་མུག་དབང་གིས་ནི། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཕྱོགས་བཅུའི་སོགས་ནས། །ཕྱག་འཚལ་བ་དང་མཆོད་ཅིང་བཤགས་པ་དང་། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཕྱིར་བསྔོའོ། །གསུམ་པ་བླ་མ་དང་སངས་རྒྱས་རྗེས་དྲན་ཟུང་འཇུག་ཏུ་བསྒོམ་པ་ནི། །ན་མོ་གུ་རུ། །དོན་དམ་དབྱིངས་ལ་འགྲོ་འོང་གནས་པ་

― LT40_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ། །རྣམ་པའི་ཚུལ་ལས་ཕྱོགས་དུས་ཀུན་ཏུ་ཁྱབ། །ཆོས་རྣམས་ཀུན་གྱི་གདོད་མའི་གནས་ལུགས་མཆོག །སངས་རྒྱས་བླ་མ་ཆོས་སྐུར་སྐྱབས་སུ་མཆི། །ནམ་མཁའི་མཐས་གཏུགས་སེམས་ཅན་སྒྱུ་མ་འདྲ། །འཁྲུལ་པའི་སྣང་བ་ཙམ་འདི་རང་སངས་ནས། །ཡེ་ཤེས་རོ་མཉམ་གཅིག་ལ་འགོད་པའི་ཕྱིར། །བླ་མ་སངས་རྒྱས་རྗེས་དྲན་བསྒོམ་པར་བྱ། །འདི་ལྟར་སངས་རྒྱས་བཅོམ་ལྡན་འདས་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འདི་ཉིད་དོ། །ཅེས་དལ་བུས་བརྗོད་ལ་དོན་བསམ་སྟེ། དེ་ཡང་། །རྒྱལ་མཆོག་འདྲེན་པ་ཤཱཀྱ་ཐུབ་པ་དེ། །བདུད་བཞི་བཅོམ་ཞིང་སྐལ་པ་དྲུག་དང་ལྡན། །གནས་ལུགས་ཇི་བཞིན་གཟིགས་པ་མ་ནོར་བ། །ཉོན་མོངས་བག་ཆགས་བཅས་པ་མ་ལུས་བཅོམ། །ཉེས་སྐྱོན་ཀུན་སངས་ཤེས་བྱ་ཐམས་ཅད་ལ། །མཁྱེན་སོགས་རབ་རྒྱས་དུས་གསུམ་མ་ལུས་མཁྱེན། །རྫུ་འཕྲུལ་བགྲོད་པ་ནམ་མཁའི་མཐས་གཏུགས་ཁྱབ། །རྒྱུ་མཆོག་བསྒྲུབས་པས་འབྲས་བུ་བླ་མེད་བརྙེས། །ལས་ཉོན་སྡུག་བསྔལ་འཁོར་བ་མཐའ་དག་རིག །སྐྱེ་འགྲོ་སེམས་ཅན་མ་ལུས་ཐབས་ཀྱིས་འདུལ། །ཁྱོད་ལས་

― LT40_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་དང་ཁྱོད་མཚུངས་གང་ནའང་མེད། །ཀུན་ལ་ཐར་ལམ་སྟོན་པའི་ཕྲིན་ལས་ཅན། ཅེས་པ་ཆོ་ག་རེ་རེའི་དོན་བསམ། །དེ་ལྟར་སངས་རྒྱས་ཀུན་གྱི་ཆོས་ཀྱི་སྐུ། །རྟག་ཅིང་མི་འགྱུར་ཡོན་ཏན་ཀུན་དང་ལྡན། །གདོད་ནས་ཉེས་པ་ཀུན་ལས་གྲོལ་གྲོལ་བ། །འཁོར་འདས་ཀུན་ལ་རྟག་ཏུ་ཁྱབ་པར་བཞུགས། །སྤྲོས་པའི་མཐའ་རྣམས་ཀུན་གྱིས་རྟག་ཏུ་དབེན། །བདག་ལ་རྒྱལ་བའི་ཆོས་སྐུ་འདི་ཉིད་བཞུགས། །མེ་ཏོག་གར་ཡོད་མེ་ཏོག་དྲི་ཡོད་ལྟར། །གཟུགས་སྐུ་གཉིས་ཀྱང་བདག་དང་འབྲལ་བ་མེད། །ཅེས་བརྗོད་ཅིང་དོན་བསམ། འདི་ལྟར་ནས་བཟུང་དེ་ཉིད་ལན་མང་དུ་བསམ་མོ། རང་གི་མདུན་ནམ་སྤྱི་བོའམ་སྙིང་གར་མཚན་དཔེ་ཐམས་ཅད་ཡོངས་སུ་རྫོགས་པའི་སངས་རྒྱས་བཅོམ་ལྡན་འདས་བཞུགས་པར་གྱུར། །འདི་ཉིད་རྩ་བའི་བླ་མ་དམ་པ་ཡིན། །དཔལ་ལྡན་བླ་མ་སངས་རྒྱས་བཅོམ་ལྡན་འདས། །ཆོས་སྐུ་ཉག་གཅིག་ནམ་མཁའི་མཐའ་དང་མཉམ། །གསོལ་བ་འདེབས་སོ་བདག་ལ་བྱིན་གྱིས་རློབས། །ཆོས་ཀུན་རང་བཞིན་གདོད་མའི་ཡེ་ཤེས་འདི། །དཔལ་ལྡན་བླ་མའི་ཐུགས་མཆོག་ཆོས་ཀྱི་སྐུ། །སངས་རྒྱས་ཀུན་དང་རོ་མཉམ་གཉིས་སུ་མེད། །བླ་མ་ཆོས་ཀྱི་སྐུ་ལ་གསོལ་བ་འདེབས། །རྣམ་རྟོག་འབད་རྩོལ་སྤྲོས་པ་མི་མངའ་ཡང་། །གང་འདུལ་སྐུ་ཡི་སྣང་བ་མཐའ་ཡས་སྟོན། །གཟུགས་སྐུ་བཤེས་གཉེན་དམ་པའི་རྣམ་པར་ཤར། །རྡོ་རྗེ་འཛིན་དབང་ཁྱོད་ལ་གསོལ་བ་འདེབས།

― LT40_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་རིགས་ལྔ་གདོད་ནས་ལྷུན་གྲུབ་དེ། །གཞན་སྣང་ཕུང་ལྔའི་ཚུལ་གྱིས་འགྲོ་དོན་མཛད། །ཕུང་པོའི་རྣམ་པས་འདུལ་བའི་འགྲོ་ཀུན་སྒྲོལ། །ཕུང་པོ་གཞན་མཆོག་ཁྱོད་ལ་གསོལ་བ་འདེབས། །ཆོས་ཉིད་གདོད་མའི་དེ་བཞིན་གཤེགས་པ་གང་། །སེམས་དཔའ་ཡབ་ཡུམ་དཔའ་བོ་མཁའ་འགྲོ་མ། །འབྱུང་བཞི་དབང་པོ་སོགས་ཀྱིས་འདུལ་བ་ལ། །དེ་དེའི་རྣམ་པར་སྟོན་ལ་གསོལ་བ་འདེབས། །ཀུན་གྱི་རང་བཞིན་ཡེ་ཤེས་སྤྲོས་བྲལ་ལས། །ཆོས་སྐུ་མཁའ་ཁྱབ་ཞེས་བྱ་གཞན་ཡོད་མིན། །དེ་ཉིད་དྲིན་ཅན་ཆོས་རྗེ་ཁྱོད་ཀྱི་ཐུགས། །རྡོ་རྗེ་འཛིན་དབང་ཁྱོད་ལ་གསོལ་བ་འདེབས། །དོན་དམ་སྲིད་གསུམ་གདོད་ནས་རང་ཤར་ཏེ། །གདུལ་བྱའི་སྣང་ངོར་སྲིད་གསུམ་ཀུན་དུ་སྣང་། །དོན་མེད་མ་ཡིན་རྟག་ཏུ་ཕན་བདེར་མཛད། །ཕྲིན་ལས་ལྷུན་གྲུབ་ཁྱོད་ལ་གསོལ་བ་འདེབས། །བརྟན་གཡོ་ཀུན་གྱི་རང་བཞིན་བླ་མ་ཁྱེད། །ཕྱོགས་བཅུ་དུས་གསུམ་སངས་རྒྱས་ཀུན་དངོས་ལགས། །འགྲོ་བ་ཀུན་གྱི་སྙིང་པོར་བཞུགས་པ་དེ། །བདག་གིས་མངོན་སུམ་རྟོགས་པར་བྱིན་གྱིས་རློབས། །བཞི་པ་ཐེག་པ་ཆེ་ཆུང་གཉིས་ཀའི་དབང་དུ་བྱས་ཏེ་ཞི་གནས་གསོ་སྦྱོང་ནི། སྐར་མ་རབ་རིབ་མར་མེ་དང་། །སྒྱུ་མ་ཟིལ་པ་ཆུ་བུར་དང་། །རྨི་ལམ་གློགས་དང་སྤྲིན་ལྟ་བུར། །འདུས་བྱས་ཆོས་རྣམས་དེ་ལྟར་བལྟ། །ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་

― LT40_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པ་སྦྱང་། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་ན། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་ན། །ཐམས་ཅད་དུ་ནི་སྡོམ་པ་ལེགས། །ཐམས་ཅད་སྲུང་བའི་དགེ་སློང་དག །སྡུག་བསྔལ་ཀུན་ལས་ངེས་གྲོལ་ལོ། ལྔ་པ་སྨོན་འཇུག་བྱང་ཆུབ་ཀྱི་སེམས་གཟུང་བ་ནི། ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་དང་། ས་བཅུ་ལ་གནས་པའི་བྱང་ཆུབ་སེམས་དཔའ་ཆེན་པོ་རྣམས་དང་། བླ་མ་རྡོ་རྗེ་འཛིན་པ་ཆེན་པོ་རྣམས་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བས། །བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། ཅེས་ལན་གསུམ། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང་། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང་། །དེ་བཞིན་དུ་ནི་བསླབ་པ་ལའང་། །རིམ་པ་བཞིན་དུ་བསླབ་པར་བགྱི། ལན་གསུམ། །དེང་དུས་

― LT40_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་སྤྲོ་ན་དོན་ཞགས་ཀྱི་གཟུངས་མདོ་ལས་འབྱུང་བའི་ཚུལ་ཁྲིམས་རྣམ་པར་དག་པའི་གཟུངས་ནི། །དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཨོཾ་ཨ་མོ་གྷ་ཤཱི་ལ། སཾ་བྷ་ར་སཾ་བྷ་ར། བྷ་ར་བྷ་ར། མ་ཧཱ་ཤུདྡྷ་སཏྭ། པདྨ་བི་བྷཱུ་ཥི་ཏེ་བྷུ་ཛ། དྷ་ར་དྷ་ར། ས་མནྟ་ཨ་ཝ་ལོ་ཀི་ཏེ་ཧཱུྃ་ཕཊ་སྭཱ་ཧཱ། གང་ཞིག་ཉིན་རེ་རེ་བཞིན་གཟུངས་འདི་དྲན་ན་ཚུལ་ཁྲིམས་ཀྱི་ཉེས་ལྟུང་ཐམས་ཅད་དག་ཅིང་ཕྱིན་ཆད་བྱང་ཆུབ་ཀྱི་བར་དུ་ཚུལ་ཁྲིམས་རྣམ་པར་དག་པར་འགྱུར་རོ། །དེ་ནས་སྨོན་ལམ་གདབ་པ་ནི། བདག་སོགས་སེམས་ཅན་ཐམས་ཅད་ཀྱི་རྒྱུད་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ཆོས་རྣམས་ཡོངས་སུ་རྫོགས་པར་གྱུར་ཅིག །ཉོན་མོངས་པས་ཚུལ་ཁྲིམས་འཆལ་བ་ལས་བྱུང་བའི་སྡིག་པ་དང་སྒྲིབ་པ་ཐམས་ཅད་བྱང་ཞིང་དག་པར་གྱུར་ཅིག། འཕགས་པ་དགྱེས་པའི་ཚུལ་ཁྲིམས་ཀྱི་སྐལ་བ་དང་ལྡན་པར་གྱུར་ཅིག །ཉོན་མོངས་པས་མི་རྫི་བར་རྣམ་པར་གྲོལ་བའི་བདེ་བ་ལ་གནས་པར་གྱུར་ཅིག །ཁྲིམས་ཀྱིས་ཚུལ་ཁྲིམས་སྐྱོན་མེད་ཅིང་། སོགས། །ཚུལ་ཁྲིམས་ཕ་རོལ་ཕྱིན་རྫོགས་ཤོག །རྒྱལ་བ་ཀུན་གྱི་རྗེས་སུ་སློབ་གྱུར་ཏེ། སོགས། །རྟག་ཏུ་མ་ཉམས་སྐྱོན་མེད་སྤྱོད་པར་ཤོག །ཅེས་བརྗོད་དོ། །

― LT40_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

― LT40_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །ད་ནི་བདག་གིས་ཅི་ནས་ཀྱང་། །རིགས་དང་མཐུན་པའི་ལས་བརྩམས་ཏེ། །སྐྱོན་མེད་བཙུན་པའི་རིགས་འདི་ལ། །རྙོག་པར་མི་འགྱུར་དེ་ལྟར་བྱ། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་གྱིས། །བྱང་ཆུབ་སེམས་ནི་རིན་པོ་ཆེ། །མ་སྐྱེས་པ་རྣམས་སྐྱེས་གྱུར་ཅིག །སྐྱེས་པ་ཉམས་པ་མེད་པ་དང་། །གོང་ནས་གོང་དུ་འཕེལ་བར་ཤོག །བྱང་ཆུབ་སེམས་དང་མི་འབྲལ་ཞིང་། །བྱང་ཆུབ་སྤྱོད་ལ་གཞོལ་བ་དང་། །སངས་རྒྱས་རྣམས་ཀྱིས་ཡོངས་གཟུང་ཞིང་། །བདུད་ཀྱི་ལས་རྣམས་སྤོང་བར་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །སེམས་ཅན་ཐམས་ཅད་བདེ་དང་ལྡན་གྱུར་ཅིག །ངན་འགྲོ་ཐམས་ཅད་རྟག་ཏུ་སྟོངས་བར་ཤོག །བྱང་ཆུབ་སེམས་དཔའ་གང་དག་སར་བཞུགས་པ། །དེ་དག་ཀུན་གྱི་སྨོན་ལམ་འགྲུབ་པར་ཤོག། ཨོཾ་ན་མསྟྲཻ་ཡ་དྷིྭ་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། སརྦ་ཏྲ་ཨ་པྲ་ཏི་ཧ་

― LT40_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ཏ་བཔྟི་དྷརྨ་ཏཱ་བ་ལཱི་ནཱཾ། ཨོཾ་ཨ་ས་མ་ས་མནྟ་ཏོ་ཨ་ནནྟ། བཱཔྟི་ཤཱ་ས་ནི་ཧ་ར་ཧ་ར་སྨ་ར་སྨ་ར་་བི་ག་ཏ་རཱ་ག །བུདྡྷ་དྷརྨ་ཏེ་ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བར་ལཀྵ་ེ་ཛྭ་ལ་ཛྭ་ལ་ན་སཱ་ག་རེ་སྭཱ་ཧཱ། དེ་བཞིན་གཤེགས་པའི་ཡི་གེ་བརྒྱ་པ་འདི་ཕན་ཡོན་བསམ་གྱིས་མི་ཁྱབ་ཅིང་། ཁྱད་པར་སྡོམ་པའི་ཉེས་ལྟུང་དག་ནས་བྱང་ཆུབ་ཀྱི་ཁམས་གོང་ནས་གོང་དུ་འཕེལ་བར་འགྱུར་བས་ལན་ཅི་ནུས་བཟླ། དེ་ནས་ རྒྱ་གར་སྐད་དུ། ཨཱརྻ་ཥཊ་མུ་ཁི་ནཱ་མ་དྷཱ་ར་ི། བོད་སྐད་དུ། འཕགས་པ་སྒོ་དྲུག་པ་ཞེས་བྱ་བའི་གཟུངས། འཕགས་པ་འཇམ་དཔལ་གཞོན་ནུར་གྱུར་བ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འཁོར་གྱི་ཁྱམས་གནས་གཙང་མའི་སྟེང་། ནམ་མཁའི་དཀྱིལ་ན་གནས་པ་རིན་པོ་ཆེ་སྣ་བདུན་གྱིས་རབ་ཏུ་རྣམ་པར་ཕྱེ་བས་སྤྲས་པ་ན། བྱང་ཆུབ་སེམས་དཔའི་ཚོགས་གྲངས་མེད་པ་དང་ཐབས་གཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྣམས་ལ་བཀའ་སྩལ་པ། རིགས་ཀྱི་བུ་དག་ཁྱོད་ཀྱིས་འགྲོ་བ་ཐམས་ཅད་ལ་ཕན་པ་དང་། བདེ་བའི་ཕྱིར་སྒོ་དྲུག་པ་ཞེས་བྱ་བའི་གཟུངས་འདི་ཟུང་ཞིག །དེ་ནི་འདི་ལྟ་སྟེ། བདག་འཁོར་བ་ན་འཁོར་བའི་ཚེ། སྡུག་བསྔལ་གང་ཅི་མྱོང་བ་དེ་སེམས་ཅན་ཐམས་ཅད་དང་མཉམ་པ་ཉིད་དུ་མི་ཤེས་པའི་མཚན་ཉིད་དུ་མ་གྱུར་ཅིག བདག་གིས་འཇིག་རྟེན་

― LT40_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕུན་སུམ་ཚོགས་པའི་བདེ་བ་གང་ཅི་མྱོང་བ་དེ་སེམས་ཅན་ཐམས་ཅད་དང་ཐུན་མོང་དུ་ཡོངས་སུ་སྤྱོད་པར་གྱུར་ཅིག །བདག་ལ་སྡིག་པ་མི་དགེ་བའི་ལས་ཀྱི་སྒྲིབ་པ་གང་ཅི་ཡོད་པ་དེ་སོ་སོར་བཤགས་པ་བླ་ན་མེད་པས་སོ་སོར་མ་བཤགས་པར་མ་གྱུར་ཅིག །བདག་ལ་བདུད་ཀྱི་ལས་གང་དག་ཡོད་པ་དེ་དག་ཡོངས་སུ་ཤེས་པ་བླ་ན་མེད་པས་ཡོངས་སུ་མི་ཤེས་པར་མ་གྱུར་ཅིག །བདག་གི་ཕ་རོལ་ཏུ་ཕྱིན་པ་དང་ལྡན་པའི་དགེ་བའི་རྩ་བ་འཇིག་རྟེན་པའམ། འཇིག་རྟེན་ལས་འདས་པ་ཡང་རུང་། གང་ཅི་ཡོད་པ་དེའི་འབྲས་བུ་བླ་ན་མེད་པའི་ཡེ་ཤེས་སུ་གྱུར་ཅིག །བདག་གི་རྣམ་པར་གྲོལ་བ་གང་ཡིན་པ་དེས་སེམས་ཅན་ཐམས་ཅད་རྣམ་པར་ཐར་པར་གྱུར་ཅིག །འཁོར་བ་དང་མྱ་ངན་ལས་འདས་པ་ལ་བདག་གནས་པར་མ་གྱུར་ཅིག །ཏདྱ་ཐཱ། ཨོཾ་ཀྵ་མེ་ཀྵ་མེ། ཀྵནྟཱེེ་ཀྵནྟེ། དམེ་དམེ། དཱནྟེ་དཱནྟེ། བྷ་དྲེ་བྷ་དྲེ། སུ་བྷ་དྲེ་སུ་བྷ་དྲེ། ཙནྡྲེ་ཙནྡྲེ། སུ་ཙནྡྲེ་སུ་ཙནྡྲེ། ཙནྡྲ་ཀི་ར་ེ། ཙནྡྲ་ཝ་ཏི། ཏེ་ཛོ་ཝ་ཏི། དྷརྨ་ཝ་ཏི། ཡ་ཤོ་ཝ་ཏི། བྲཧྨ་ཝ་ཏི། སརྦ་གླེ་ཤ་བི་ཤོ་དྷ་ནི། སརྦ་ཨརྠ་སཱ་དྷ་ནཱི། སརྦ་ཨ་ནརྠ་པྲ་ཤ་མ་ནི། པ་ར་མ་ཨརྠ་སཱ་བྷ་ནི། ཀཱ་ཡ་བི་ཤོདྷ་ནི། ཝཀ་བི་ཤོདྷ་ནི། མནཿསཾ་ཤོདྷ་ནི་སྭཱ་ཧཱ། རིགས་ཀྱི་བུ་དེ་ལྟར་ན་རིགས་ཀྱི་བུའམ་རིགས་ཀྱི་བུ་མོ་གང་ལ་ལས་སྒོ་དྲུག་པ་ཞེས་བྱ་བའི་གཟུངས་འདི་ཉིན་ལན་གསུམ་མཚན་ལན་གསུམ་བརྗོད་ན། དེའི་ལས་ཀྱི་

― LT40_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིབ་པ་ཐམས་ཅད་བྱང་བར་འགྱུར་ནས་སྐྱེ་བ་བདུན་གྱི་བར་དུ་དེས་ནི་སྐྱེ་བ་དྲན་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །བཅོམ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་བ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། གནས་གཙང་མའི་རིས་ཀྱི་ལྷའི་བུ་དེ་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སྒོ་དྲུག་པ་ཞེས་བྱ་བའི་གཟུངས་རྫོགས་སོ། །དྲུག་པ་རྡོ་རྗེ་ཐེགས་པ་ཐུན་མོང་མ་ཡིན་པ་འོད་གསལ་རྡོ་རྗེ་སྙིང་པོའི་ལུགས་ཀྱི་བསགས་སྦྱོང་སྔོན་ཏུ་འགྲོ་བའི་སྡོམ་པ་དང་དམ་ཚིག་བཟུང་བ་ནི། །ཧོ་ཆོས་དབྱིངས་རྣམ་དག་ལྷུན་གྲུབ་ཆེན་པོ་ནས། །དཔག་ཡས་ཐུགས་རྗེའི་རྣམ་འཕྲུལ་འགྱེད་པའི་ལྷ། །ཀུན་བཟང་རིགས་ལྔ་སྐྱབས་གནས་ཐམས་ཅད་ཀུན། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །གདོད་ནས་བྱང་ཆུབ་རྡོ་རྗེ་སྙིང་པོའི་གདུང་། །དཀོན་མཆོག་གསུམ་དང་ཡི་དམ་མཁའ་འགྲོའི་ཚོགས། །ཆོས་སྐྱོང་སྲུང་མ་དམ་ཅན་གཏེར་བདག་རྣམས། །གནས་འདིར་བྱོན་ལ་བདག་སོགས་བྱིན་གྱིས་རློབས། །ཨོཾ་བཛྲ་ས་མཱ་ཡ་ཛཿས་མ་ཡ་སྟྭཾཾ། །རོལ་མོ་དབྱངས་སྙན་ཡིད་འོང་བདུད་རྩིའི་ཆུས། །ཡོན་ཏན་རྒྱ་མཚོའི་ཚོགས་ལ་ཁྲུས་གསོལ་ཞིང་། །ན་བཟའ་རིན་ཆེན་རྒྱན་མཆོག་འདི་ཕུལ་བས། །འགྲོ་ཀུན་

― LT40_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོན་བྲལ་ཡོན་ཏན་རྫོགས་པར་ཤོག །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུྃ། ཨོཾ་ཧཱུྃ་ཏྲཱྃ་ཧྲཱིཿཨཱཿ ཀཱ་ཡ་བི་ཤོདྷ་ན་ཡེ་སྭཱ་ཧཱ། །སྣང་སྲིད་རྣམ་དག་སངས་རྒྱས་ཞིང་ཁམས་འདིར། །ཀུན་བཟང་མཆོད་པའི་སྤྲིན་ཕུང་འདི་ཕུལ་བས། །ནམ་མཁའི་མཐའ་ཀླས་གྱུར་པའི་འགྲོ་བ་ཀུན། །བསོད་ནམས་ཡེ་ཤེས་ཚོགས་ཆེན་རྫོགས་པར་ཤོག །བཛྲ་ཨརྒྷཾ༴ པཱ་དྱཾ༴ པུཥྤེ༴ དྷཱུ་པེ༴ ཨཱ་ལོ་ཀེ༴ གནྡྷེ༴ ནཻ་བི་དྱ༴ ཤབྡ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཨཱཿཧཱུྃ། །མངོན་པར་བྱང་ཆུབ་ཆོས་སྐུ་དག་པ་ལས། །མཛད་པའི་རྣམ་འཕྲུལ་སྒྱུ་མའི་སྐུར་བཞེངས་པ། །བླ་མ་མཆོག་གསུམ་ཡི་དམ་མཁའ་འགྲོ་དང་། །དམ་ཅན་རྒྱ་མཚོའི་ཚོགས་ལ་གུས་ཕྱག་འཚལ། །རྡོ་རྗེའི་གདུང་འཚོབ་རྣལ་འབྱོར་ཚོགས་རྣམས་ཀྱི། །འགལ་འཁྲུལ་ཉམས་ཆགས་དུས་འདིར་བསྐང་གྱུར་ཅིག །མཆོག་དང་ཐུན་མོང་དངོས་གྲུབ་སྩོལ་བ་དང་། །བླ་མེད་ཆོས་ཀྱི་འཁོར་ལོ་བསྐོར་དུ་གསོལ། །ཨོཾ་ཙཀྲ་རཏྣ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ་སྭཱ་ཧཱ། སྤྱི་བཤགས་ནི། །ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེ་ཉི་གསལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་སྤྱོད་རྫོགས་སྐུ་རིགས་ལྔའི་གཙོ། །ཐུགས་

― LT40_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཐབས་མཁས་རྒྱ་ཆེ་རོལ་པའི་ལྷ། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེར་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་མ་ལུས་རབ་འབྱམས་ཀུན། །འདུ་འབྲལ་མེད་པའི་ངང་དུ་རོ་གཅིག་པ། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག། སེམས་ཀྱི་རང་བཞིན་ཆོས་དབྱིངས་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་ལས་འདས་པའི། །མཉམ་ཉིད་བྱང་ཆུབ་སེམས་ལ་རྟག་ཏུ་འདུད། །ཀུན་བཟང་རྫོགས་ཆེན་ཡེ་ནས་བརྡལ་བ་ལ། །ཕྱི་ནང་གསང་བ་བཀོད་པའི་དཀྱིལ་འཁོར་ནི། །སྣང་སྲིད་རྣམ་དག་ལྷ་དང་ལྷ་མོའི་དབྱིངས། །འབྱུང་དང་འབྱུང་འགྱུར་ཡབ་ཡུམ་ལྷུན་རྫོགས་རྣམས། །གསང་ཆེན་རབ་དགྱེས་གཟུགས་ཅན་བདག་ཉིད་མ། །མཁའ་དབྱིངས་ཀློང་ཡངས་པདྨོ་འཁྱིལ་པ་ལས། །གཉིས་མེད་ཐིག་ལེ་ཆེན་པོར་འོད་གསལ་ཞིང་། །མ་བཅོས་སྤྲོས་མེད་བྱང་ཆུབ་སྙིང་པོའི་སྐུ། །ཅིར་ཡང་སྣང་བ་བདེ་ཆེན་གཡུང་དྲུང་ལྷ། །འདུ་འབྲལ་མེད་པ་གསང་བའི་དཀྱིལ་འཁོར་འདིར། །བདག་ཉིད་ཆེན་པོ་རིགས་ལྔ་ཡབ་ཡུམ་དང་། །བྱང་ཆུབ་ལྕམ་དྲལ་ཁྲོ་བོ་ཁྲོ་མོའི་ཚོགས། །

― LT40_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ལྷ་མོ་ཚོགས་རྗེ་ཚོགས་ཀྱི་བདག །རིགས་ལྔ་དཔལ་ཆེན་ཁྲོ་རྒྱལ་ཡབ་ཡུམ་བཅུ། །གནས་དང་ཡུལ་གྱི་ཕྱག་རྒྱ་སྒོ་མ་བཞི། །ཡེ་ཤེས་སྤྲུལ་པའི་ལྷ་ཚོགས་མང་པོ་དང་། །མ་ལྟར་བྱམས་ཤིང་སྲིང་ལྟར་གདུང་ལ་སོགས། །ལེགས་ཉེས་སྟངས་འཛིན་དམ་ཚིག་རྗེས་གཅོད་མ། །ཕྱི་ནང་མཁའ་འགྲོ་རྣལ་འབྱོར་མ་ཡི་ཚོགས། །དཔང་གྱུར་རྡོ་རྗེ་དམ་ཅན་དགོངས་སུ་གསོལ། ཧཱུྃ། །ཐུགས་རྗེ་གདུང་འཚོབ་རིག་འཛིན་བདག་ཅག་གིས། །འགྲོ་བའི་དོན་དུ་བྱང་ཆུབ་སེམས་བསྐྱེད་དེ། །བླ་མེད་གོ་འཕང་བགྲོད་པར་བྱ་བའི་ཕྱིར། །བསྟན་པ་རྒྱ་མཚོ་སོ་སོའི་འདུལ་ཁྲིམས་དང་། །སྐུ་གསུང་ཐུགས་དང་མཉམ་སྦྱོར་སྡོམ་པའི་མཆོག །རྡོ་རྗེ་འདའ་དཀའ་དམ་ཚིག་གཏན་གྱི་གཉེར། །སྤྱི་དང་ཁྱད་པར་ལྷག་པའི་དམ་ཚིག་རྣམས། །སྔ་ཕྱིར་ནོས་ཤིང་གཉེར་དུ་སྨྲས་སོ་འཚལ། །ཡུན་དུ་མི་གཏོང་འདའ་བར་མི་བགྱིད་ཅིང་། །དོན་ལས་གོལ་ཞིང་ལྡོག་སེམས་མ་མཆིས་ཀྱང་། །གདོད་བྱ་ལོང་ཡོད་སྙོམ་པའི་ལེ་ལོ་ཡིས། །ཀློང་དུ་མ་གྱུར་རྩལ་ཤུགས་ཆུངས་པ་དང་། །ཤེས་བཞིན་མི་ལྡན་བག་མེད་དབང་གྱུར་ཏེ། །སྒོམ་ལ་མི་བརྩོན་བསྙེན་སྒྲུབ་གཡེལ་ལ་སོགས། །ཚོར་དང་མ་ཚོར་མ་རིག་དབང་གིས་ན། །སྟོན་པའི་བཀའ་དང་དམ་ལས་འགལ་གྱུར་ཏེ། །རྣལ་འབྱོར་གང་ཞིག་དམ་ཚིག་ཉམས་པ་དང་། །སྐད་ཅིག་ཙམ་ཡང་ཕྲད་པར་

― LT40_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བྱ་ཞེས། །བཀའ་ལས་བྱུང་ཞིང་དེ་ལྟར་མ་ལྕོགས་ཏེ། །གསང་སྒོ་འཆོལ་བས་དབྱེ་གསལ་བཀས་པ་དང་། །མངོན་ཤེས་མེད་པས་སྐྱོན་ཅན་མ་རྟོགས་ཏེ། །ཉམས་དང་ཚོགས་འདྲེས་ཉམས་པ་བསྐང་བ་དང་། །ཉམས་དང་སྣོད་མིན་རྣམས་ལ་ཆོས་བཤད་དང་། །ཉམས་ལ་མི་འཇོམས་ཉམས་པའི་སྐྱོན་ལ་སོགས། །ཉམས་དང་འགྲོགས་ཤིང་ཉམས་པ་དེ་དག་གི། །ཉམས་གྲིབ་སྐྱོན་གྱིས་གོས་པར་གྱུར་ཏོ་འཚལ། །ཚེ་འདིའི་རྐྱེན་དང་ཡུན་གྱི་སྒྲིབ་གྱུར་རྣམས། །རབ་གནོང་འགྱོད་པའི་སེམས་ཀྱིས་མཐོལ་ལོ་བཤགས། །བྱམས་པའི་ཐུགས་བརྩེས་བདག་ལ་དགོངས་ནས་ཀྱང་། །གཉིས་མེད་དབྱིངས་ལས་མི་འགྱུར་བདག་བཀོད་དེ། །དམིགས་མེད་བཏང་སྙོམས་ངང་ལ་བཞུགས་ནས་ཀྱང་། །གཉིས་མེད་དོན་གྱི་ཚངས་པ་སྩལ་དུ་གསོལ། །དོན་དམ་དམིགས་མེད་སྤྲོས་ལས་འདས་པས་ན། །རྣམ་རྟོག་གང་ཡང་དམིགས་པར་མི་འགྱུར་ཞིང་། །ཀུན་རྫོབ་སྒྱུ་མ་ཙམ་གྱི་དབང་གིས་ན། །ནོངས་པར་མཆིས་ན་རབ་གནོངས་བཟོད་པར་གསོལ། །སྐུ་གསུམ་མཎྜལ་ནི། །རིན་ཆེན་མཎྜལ་ཡིད་འོང་མཆོད་པའི་སྤྲིན། །འདོད་རྒུའི་འབྱོར་ཚོགས་དཔག་མེད་དང་ལྡན་པ། །དཔག་ཡས་ནམ་མཁའི་རྒྱན་གྱུར་འདི་ཕུལ་བས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །འོག་མིན་བདེ་ཆེན་རིན་ཆེན་གཞལ་ཡས་ཁང་། །སྣ་ཚོགས་མཆོད་

― LT40_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྤྲིན་གྱི་བླ་བྲེ་ཅན། །ནམ་མཁའ་གང་བར་དམིགས་ཏེ་ཕུལ་བ་ཡིས། །འགྲོ་ཀུན་ལོངས་སྐུའི་ཞིང་ལ་སྤྱོད་པར་ཤོག །འོད་གསལ་ལྷུན་གྲུབ་ཡེ་ཤེས་རིགས་ལྔའི་ཞིང་། །སྐུ་དང་ཐིག་ལེས་ཡེ་ནས་བརྒྱན་པ་འདི། །རང་སྣང་དག་པས་ལེགས་པར་ཕུལ་བ་ཡིས། །ཀུན་བཟང་ཆོས་སྐུའི་ཞིང་ལ་སྤྱོད་པར་ཤོག །ཡན་ལག་བརྒྱད་པ་སྔོན་ཏུ་འགྲོ་བའི་སྡོམ་བཟུང་དངོས་ནི། །ཨོཾ་གདོད་མའི་དབྱིངས་སུ་མངོན་པར་བྱང་ཆུབ་ནས། །འཁོར་འདས་ཀུན་གྱི་ཐོག་མའི་མགོན་པོ་མཆོག །ཀུན་བཟང་རིགས་ལྔ་ཞི་ཁྲོ་བླ་མར་བཅས། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །ཡོན་ཏན་འབར་བའི་དབྱིངས་སུ་ལྷུན་རྫོགས་ཏེ། །སྐུ་དང་ཡེ་ཤེས་འདུ་འབྲལ་མེད་པའི་ལྷ། །བླ་མ་ཡི་དམ་མཁའ་འགྲོའི་ཚོགས་རྣམས་དང་། །དམ་ཅན་རྒྱ་མཚོའི་ཚོགས་ལ་ཕྱག་འཚལ་ལོ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །ཐོག་མེད་དུས་ནས་ད་ལྟའི་བར་ཉིད་དུ། །སྲིད་འགྲོ་ཉམ་ངར་ཡུན་རིང་འཁོར་བ་ན། །ལུས་ངག་ཡིད་ཀྱིས་མི་དགེ་ཅི་བགྱིས་པ། །འགལ་འཁྲུལ་ཉམས་ཆགས་ཐམས་ཅད་མཐོལ་ལོ་བཤགས། །རྫོགས་སངས་རྒྱས་མགོན་བྱང་ཆུབ་སེམས་དཔའ་དང་། །འཕགས་གཉིས་སོ་སོ་སྐྱེ་བོ་མ་ལུས་པའི། །དུས་གསུམ་དགེ་

― LT40_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བགྱིད་དང་བགྱིད་སྩལ་དང་། །བགྱིས་པ་གྱུར་པ་ཀུན་ལ་ཡི་རང་ངོ། །གློ་བུར་ཉོན་མོངས་དང་ལྡན་སེམས་ཅན་རྣམས། ཁམས་དེའི་རང་བཞིན་དག་པར་མཐོང་བྱའི་ཕྱིར། །ཕྱི་ནང་གསང་བ་བླ་ན་མེད་པ་ཡི། །ཆོས་ཀྱི་འཁོར་ལོ་རྨད་བྱུང་བསྐོར་དུ་གསོལ། །སངས་རྒྱས་འཇིག་རྟེན་ཉི་མ་གང་དུ་བྱོན། །འགྲོ་བའི་གཉེན་གྱུར་སྲས་དང་བཅས་པ་ཀུན། །སྡིག་པའི་མུན་ནག་འཐིབས་པོ་བསལ་སླད་དུ། །འཁོར་བ་ཇི་སྲིད་སྒྲོན་མེར་མཛད་པར་གསོལ། །ཡོན་ཏན་དགེ་འོས་རྒྱལ་བའི་བྱང་ཆུབ་མཆོག །སྐྱེ་དགུ་ཀུན་གྱིས་ཐོབ་པར་བྱ་བའི་ཕྱིར། །བསོད་ནམས་ཕུང་པོ་ཡོངས་སུ་བསྔོ་བགྱིས་པས། །འགྲོ་ཀུན་ཐར་པའི་གྲོང་དུ་ཕྱིན་པར་ཤོག། ཧོ་རྫོགས་སངས་རིན་ཆེན་དག་པའི་སེམས་ཉིད་དང་། །རྟོག་པའི་དྲི་མ་རབ་བྲལ་དམ་པའི་ཆོས། །བརྟུལ་ཞུགས་བཟང་པོའི་ཚོགས་ལ་སྐྱབས་མཆི་ཞིང་། །སྲེད་དང་བྲལ་བ་རྣམས་ལ་གུས་ཕྱག་འཚལ། །དེང་ནས་བདག་ནི་འགྲོ་ཀུན་ཉིར་འཚོའི་ཕྱིར། །མགོན་རྣམས་འབངས་སུ་བདག་ཉིད་འབུལ་ལགས་ཀྱིས། །བརྩེ་བའི་ཐུགས་རྗེས་བཞེས་པར་མཛད་དུ་གསོལ། །བྱམས་པའི་ཞལ་བཟང་དུས་འདིར་གཟིགས་ནས་ཀྱང་། །འགལ་འཁྲུལ་ཉམས་ཆགས་ཐམས་ཅད་བསྐང་དུ་གསོལ། ༈ །ཨོཾ་རྣལ་འབྱོར་དབང་ཕྱུག་ཡེ་ཤེས་མཐར་ཕྱིན་ནས། །འགྲོ་ལ་ཕན་མཛད་ཐུགས་རྗེས་དབང་བསྒྱུར་ཞིང་། །སྲིད་པ་གསུམ་

― LT40_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གཉེན་གྱུར་གཅིག་པུ་པ། །ལྷའི་ལྷ་ཁྱོད་བདག་ལ་དགོངས་སུ་གསོལ། །བདེ་བར་གཤེགས་པའི་སྤྲུལ་པ་རྒྱ་མཚོ་དང་། །རྣལ་འབྱོར་དབང་ཕྱུག་གྲུབ་པའི་ཚོགས་ཆེན་པོ། །ལྷ་དང་ལྷ་མིན་སྔགས་འཆང་དམ་ཚིག་ཅན། །ཀུན་ནས་འདུས་པ་རྣམས་ཀྱང་དགོངས་སུ་གསོལ། །བདག་ནི་རྒྱལ་སྲིད་མཐོ་རིས་ལོངས་སྤྱོད་དང་། །འདོད་པའི་ཡོན་ཏན་བསྒྲུབ་པ་མ་ལགས་ཏེ། །འགྲོ་ལ་སྙིང་བརྩེ་ཁོ་ནས་དོན་བརྩོན་པས། །སྲིད་པ་གསུམ་གྱི་གཉེན་གྱུར་གཅིག་ཏུ་འཚལ། །འདི་ལ་ཀུན་མཁྱེན་ཁྱོད་ཉིད་དཔང་དུ་གསོལ། །མགོན་པོ་ཡེ་ཤེས་སྒྲིབ་པ་མི་མངའ་བས། །ཁྱོད་ཀྱིས་བདག་གི་ལྷག་པའི་བསམ་པ་མཁྱེན། །འཕགས་པའི་སྤྱན་སྔར་བདག་གིས་དམ་བཅས་པ། །ཉམས་པར་མི་བགྱིད་མགོན་ཁྱོད་བསླུ་མ་ལགས། །དེང་ནས་བདག་ནི་ཁེ་དང་གྲགས་ལ་སོགས། །གཡོ་དང་ཟང་ཟིང་སེམས་ནི་གཏན་སྤངས་ནས། །གཞན་དོན་སྒྲུབ་པ་གཅིག་པུའི་སེམས་བཞག་སྟེ། །རྣལ་འབྱོར་སྤྱོད་པ་ཆེན་པོ་བདག་གིས་བརྩམ། །ཀུན་ཏུ་བཟང་པོ་བླ་ན་མེད་པ་ཡི། །བྱང་ཆུབ་མཆོག་ཏུ་བདག་གིས་སེམས་བསྐྱེད་བྱ། །དོན་དམ་དང་ནི་ཀུན་རྫོབ་བྱང་ཆུབ་སེམས། །དེང་ནས་ཚུལ་བཞིན་ཡོངས་སུ་བཟུང་བར་བགྱི། །སྲོག་ཆགས་ཐམས་ཅད་གལ་ཏེ་འདུས་གྱུར་ནས། །དུམ་བུ་སྟོང་དུ་བདག་གི་ལུས་གཏུབས་ཀྱང་། །བྱང་ཆུབ་སེམས་མཆོག་ཤེས་རབ་སྙིང་རྗེ་དང་། །ཡི་དམ་རྒྱལ་བ་ཁྱོད་ནི་ཡོངས་མི་བཏང་། །ཇི་ལྟར་སྔོན་གྱི་རྒྱལ་བ་སྲས་བཅས་བར། །རིག་འཛིན་མཁའ་འགྲོ་རྒྱ་མཚོའི་ཚོགས་རྣམས་ཀྱིས། །ཕྱི་ནང་གསང་བ་མཆོག་གི་དམ་

― LT40_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་དང་། །སྡོམ་པ་མཐའ་ཡས་རྒྱ་མཚོ་བཟུང་བ་ལྟར། །དེང་ནས་བདག་ཀྱང་ལམ་ཆེན་དེར་ཞུགས་ཏེ། །འགྲོ་ལ་ཕན་ཕྱིར་དེ་དག་གཟུང་བར་བགྱི། །གདོད་ནས་མ་སྐྱེས་མཁའ་ལྟར་རྣམ་དག་ཅིང་། །མི་འགྱུར་ལྷུན་གྲུབ་རང་བྱུང་འོད་གསལ་པ། །ཇི་བཞིན་མ་བཅོས་ཆོས་ཉིད་དོན་བསྒོམས་ཏེ། །ཆོས་སྐུ་ཡངས་པ་ཆེན་པོའི་མཁའ་དབྱིངས་སུ། །ཀུན་བཟང་དོན་གྱི་དམ་ཚིག་གཟུང་བར་བགྱི། །བདེ་བར་གཤེགས་པ་རིགས་ཀྱི་དམ་ཚིག་ཏུ། །སྡོམ་དང་ཆོས་སྡུད་སེམས་ཅན་དོན་བྱེད་ཅིང་། །བྱང་ཆུབ་སྙིང་པོ་རང་ལ་མཚོན་པའི་ཕྱིར། །ཆོས་ཀྱི་འཁོར་ལོའི་རྫས་ཀྱང་གཟུང་བར་བགྱི། །མི་འགྱུར་རྡོ་རྗེ་རིགས་ཀྱི་དམ་ཚིག་ཏུ། །རང་བཞིན་བསྐྱེད་རྫོགས་དོན་ལས་མི་འདའ་ཞིང་། །རྡོ་རྗེ་སློབ་དཔོན་མཆོག་ཏུ་བཀུར་བ་དང་། །ཐབས་དང་ཤེས་རབ་རང་ལ་མཚོན་པའི་ཕྱིར། །རྡོ་རྗེ་དྲིལ་བུའི་རྫས་ཀྱང་གཟུང་བར་བགྱི། །བསམ་འཕེལ་རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞིས་འགྲོ་དོན་སྐྱོང་བ་དང་། །བསོད་ནམས་ཡེ་ཤེས་ཚོགས་ཆེན་རྫོགས་བྱེད་ཅིང་། །ལྷུན་གྲུབ་ཡོན་ཏན་རང་ལ་མཚོན་པའི་ཕྱིར། །ནོར་བུ་རིན་ཆེན་རྫས་ཀྱང་གཟུང་བར་བགྱི། །མ་ཆགས་པདྨ་རིགས་ཀྱི་དམ་ཚིག་ཏུ། །ཕྱི་ནང་གསང་བའི་ཆོས་རྣམས་ཡོངས་བཟུང་ཞིང་། །འགྲོ་ལ་ཚད་མེད་སྙིང་རྗེས་ཆགས་པ་དང་། །སྐྱོན་བྲལ་ཆོས་ཉིད་རང་ལ་མཚོན་པའི་ཕྱིར། །ཡིད་འོང་པདྨ་མཆོག་ཀྱང་གཟུང་བར་བགྱི། །སྣ་ཚོགས་ལས་ཀྱི་རིགས་ཀྱི་དམ་ཚིག་ཏུ། །ཐེག་གསུམ་སྡོམ་པ་མཐའ་ཡས་གཟུང་བ་དང་། །དེ་ཉིད་ལྷུན་གྲུབ་རང་ལ་མཚོན་པའི་ཕྱིར། །རྒྱ་གྲམ་རལ་གྲི་མཆོག་ཀྱང་གཟུང་བར་བགྱི། །གསང་སྔགས་རྡོ་རྗེ་ཐེག་པའི་དམ་ཚིག་ཏུ། །

― LT40_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུང་འཇུག་ལམ་དུ་ཐམས་ཅད་བླང་བ་དང་། །སྤང་བླང་མེད་པའི་རོལ་པ་མཚོན་པའི་ཕྱིར། ཁ་ཊྭཱཱཾ་་ཐོད་པ་ཅང་ཏེའུ་གཟུང་བར་བགྱི། །མདོར་ན་གང་གིས་འཁོར་བ་རྣམས་སྦྱངས་པ། །ཕུང་པོ་སྐྱེ་མཆེད་ཁམས་རྣམས་དག་བྱེད་ཅིང་། །དབང་པོ་ཡུལ་དང་ཉོན་མོངས་རྣམས་སྦྱངས་པ། །སྐུ་ལྔ་ཡེ་ཤེས་ལྔ་དང་གསུང་ལྔ་དང་། །ཡོན་ཏན་ཕྲིན་ལས་རིགས་ལྔ་བསྒྲུབ་པའི་རྫས། །ནང་གི་དགོངས་སྦྱོང་རྒྱ་མཚོ་མཐའ་ཡས་དང་། །ཕྱི་རོལ་དམ་རྫས་འདོད་ཡོན་ཐབས་ཆེན་ལྔ། །ཤ་ལྔ་བདུད་རྩི་ལྔ་ལ་སོགས་པ་དང་། །རྩ་བ་ཡན་ལག་དམ་ཚིག་རྣམ་ལྔ་རྣམས། །རྡོ་རྗེ་མཆོག་བསྒྲུབ་སྐུ་གསུང་ཐུགས་གསུམ་དང་། །ཤེས་དང་མི་སྤང་དང་དུ་བླང་བ་དང་། །སྒྲུབ་དང་སྤྱད་པར་བྱ་བ་ལྔ་ལྔ་སྟེ། །ཉི་ཤུ་རྩ་ལྔ་རྩ་བ་ཡན་ལག་བཅས། །གསང་སྔགས་རྡོ་རྗེ་སྙིང་པོའི་སྡོམ་པ་ཀུན། །དེང་ནས་བརྩམས་ཏེ་བདག་གིས་གཟུང་བར་བགྱི། །གང་ལ་བརྟེན་ནས་སྲིད་པ་རྣམ་སྦྱོང་ཞིང་། །ཞི་བར་ཐར་པ་དམ་པའི་ལྷ་ཆོས་ཀུན། །འགྲོ་བའི་དོན་དུ་བདག་གིས་ཡོངས་སུ་གཟུང་། །སྲིད་ཞིར་མི་གནས་བྱང་ཆུབ་མཆོག་ཞུགས་ཏེ། །དཀྱིལ་འཁོར་དབང་ཕྱུག་རྡོ་རྗེ་སློབ་དཔོན་དང་། །དཔའ་བོ་རྣལ་འབྱོར་མ་ཀུན་མཆོད་པ་དང་། །ཚོགས་གཉིས་བརྩོན་པ་མཐའ་ཡས་རྒྱ་མཚོ་བསྒྲུབ། །འགྲོ་ལ་སྙིང་བརྩེས་ཕན་པ་མཆོག་ཏུ་བྱ། །གནོད་པར་མི་བྱ་བརྙས་པར་

― LT40_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་མི་བྱ། །གཅིག་པུར་ཞི་བར་དོན་དུ་མི་གཉེར་ཞིང་། །གཞན་དོན་ཡང་དག་སྒྲུབ་ལ་བརྩོན་པ་ཡིས། །རང་གཞན་ཐར་པའི་སྒོ་ནི་དབྱེ་བར་བགྱིད། །བདུན་པ་སྨོན་ལམ་གྱི་རིམ་པ་ལས་ཐོག་མར་ཐུན་མིན་རྡོ་རྗེའི་སྙིང་པོའི་སྡོམ་པ་ནན་ཏན་དུ་བཟུང་བ་དང་ཆབ་གཅིག་པའི་སྨོན་ལམ་ནི། །ཧོཿ། མཐའ་ཡས་ཐེག་པ་ཆེན་པོའི་ལམ་ཆེན་དུ། །མ་ལུས་འགྲོ་ཀུན་བདག་གིས་ཡོངས་དྲངས་ཏེ། །ཐམས་ཅད་བྱང་ཆུབ་མཆོག་ལ་རབ་བཀོད་ནས། །ཀུན་བཟང་ཆོས་རྗེ་བླ་མེད་ས་ཐོབ་ཤོག །ཐར་ལམ་བྱང་ཆུབ་སྙིང་པོར་བདག་ཞུགས་ནས། །ཇི་སྲིད་བླ་མེད་གོ་འཕང་མཆིས་ཀྱི་བར། །ཚེ་རབས་གང་དང་གང་སྐྱེས་དེ་དང་དེར། །བློ་ལྡན་རིགས་བཟང་ང་རྒྱལ་མེད་པ་དང་། །སྙིང་བརྩེ་མཆོག་གྱུར་བླ་མ་ལ་གུས་ཤིང་། །འགྲོ་བའི་དོན་རྣམས་བསྒྲུབ་ལ་མཁས་པ་དང་། །དཔལ་མགོན་བླ་མ་རབ་ཏུ་མཉེས་བྱེད་ཤོག །དེང་ནས་བྱང་ཆུབ་སྙིང་པོར་མཆིས་ཀྱི་བར། །བཅོམ་ལྡན་རྡོ་རྗེ་ཀུན་ཏུ་བཟང་པོ་དང་། །ཡི་དམ་དཀྱིལ་འཁོར་སྲུང་མ་དམ་ཚིག་ཅན། །བཀའ་གསང་རྨད་བྱུང་བླ་ན་མེད་པ་དང་། །རྡོ་རྗེ་མཆེད་ལྕམ་རྣམས་དང་མི་འབྲལ་ཞིང་། །གཡར་དམ་གཅིག་པས་གཏན་དུ་མི་འབྲལ་ཤོག །སྒྲུབ་མཆོག་བདག་ལ་བར་ཆད་མི་འབྱུང་ཞིང་། །ཉིན་མཚན་བརྩོན་པས་ཐར་ལམ་མཐར་ཕྱིན་ནས། །བསྐྱེད་རྫོགས་གྲུབ་པའི་རིག་འཛིན་གྲལ་འཁོད་དེ། །མཆོག་དང་ཐུན་མོང་དངོས་གྲུབ་ཐོབ་

― LT40_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤོག །བཅོམ་ལྡན་ཀུན་བཟང་ཡི་དམ་དཀྱིལ་འཁོར་ལྷ། །ས་ལེར་མཐོང་བར་བྱིན་གྱིས་བརླབས། །བལྟ་བར་འདོད་དང་འདྲི་བར་འདོད་ན་ཡང་། །སྒྲིབ་མེད་མགོན་པོ་མངོན་སུམ་མཐོར་བར་ཤོག །གང་ཚེ་བསྐྱེད་རྫོགས་བསྙེན་བསྒྲུབ་སྤྱོད་པ་ན། །དགོངས་སྤྱོད་ཏིང་འཛིན་རྒྱ་མཚོ་མཐར་ཕྱིན་ཏེ། །རྡོ་རྗེ་མཆོག་གསུམ་གྲུབ་པའི་ཕྲིན་ལས་བཞི། །བརྩམས་པ་ཙམ་གྱིས་མངོན་དུ་འགྱུར་བར་ཤོག །ཕྱོགས་བཅུའི་ནམ་མཁའི་མཐའ་མཉམ་ཞིང་རྣམས་ཀྱི། །སེམས་ཅན་མ་ལུས་བྱང་ཆུབ་ཐོབ་བྱའི་ཕྱིར། །ཀུན་བཟང་སྤྱོད་པ་ཅི་འདྲར་བདག་གྱུར་ཏེ། །རྒྱལ་སྲས་བྱང་ཆུབ་སྤྱོད་པ་མཐའ་ཡས་ཤོག །སེམས་ཅན་ཀུན་གྱི་སྡུག་བསྔལ་བདག་ལ་སྨིན། །བདག་དགེ་སེམས་ཅན་རྣམས་ལ་ཡོངས་སྨིན་ཏེ། །འགྲོ་ཀུན་བདེ་གཤེགས་བྱང་ཆུབ་མཆོག་ཐོབ་ནས། །གཞན་དོན་སྤྱོད་པ་རྒྱ་མཚོ་མཐའ་ཡས་ཤོག །བདག་གི་བརྩོན་པས་མཁའ་མཉམ་སེམས་ཅན་རྣམས། །སྲིད་ལས་རྣམ་གྲོལ་འཁོར་བ་སྟོང་པ་ན། །བདག་ཀྱང་བྱང་ཆུབ་དམ་པ་གཉིས་ཐོབ་ནས། །ཆོས་སྐུ་ཀུན་ཏུ་བཟང་དང་དབྱེར་མེད་ཤོག །ཚེ་རབས་ཀུན་ཏུ་འགྲོ་བའི་གཉེན་གྱུར་ནས། །སྐྱབས་དང་སྐྱོབ་པ་བླ་ན་མེད་པ་ཡིས། །འགྲོ་བའི་དོན་དུ་འདོད་དགུའི་ཆར་འབེབས་པ། །ནོར་བུ་རིན་ཆེན་མཆོག་དང་མཚུངས་པར་ཤོག །དབང་བཅུ་མངོན་ཤེས་རྫུ་འཕྲུལ་སྟོབས་རྣམས་དང་། །གཟུངས་

― LT40_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྣམ་ཐར་ཡོན་ཏན་མཆོག་གྲུབ་ནས། །གཞན་གྱིས་མཐུ་ལ་འགྲོ་རྣམས་འདུལ་བྱེད་ཅིང་། །ཐམས་ཅད་བྱང་ཆུབ་མཆོག་ལ་འགོད་པར་ཤོག །ནམ་མཁའི་མཐའ་མཉམ་གྱུར་པའི་འགྲོ་བ་ལ། །དམ་ཆོས་རིན་ཆེན་བདུད་རྩིའི་ཆར་ཕབས་ནས། །ཆོས་དང་ཟང་ཟིང་མི་འཇིགས་སྦྱིན་པ་ཡིས། །སྐྱེ་དགུ་ཐམས་ཅད་བདེ་ལ་འགོད་པར་ཤོག །གསང་སྔགས་རྒྱལ་པོ་བླ་མེད་མཆོག་གྲུབ་ནས། །མཐའ་ཡས་ཞིང་དུ་རྣམ་འཕྲུལ་རྒྱ་མཚོ་དང་། །མཁའ་འགྲོ་མི་བཟད་འབར་བའི་སྤྲིན་འཕྲོ་བས། །གསང་སྔགས་སྤྱོད་པ་རྒྱ་མཚོ་མཐའ་ཡས་ཤོག །གནས་དང་ཉེ་བའི་གནས་རྣམས་བགྲོད་པ་དང་། །ཞིང་དང་ཉེ་བའི་ཞིང་རྣམས་ལྟ་བ་དང་། །དུར་ཁྲོད་བརྒྱད་དང་ཚནྡྷོ་ལ་སོགས་པར། །མཁའ་འགྲོ་རྣམས་དང་སྐལ་པ་མཉམ་པར་ཤོག །མངོན་ཤེས་མང་པོས་གདུལ་བྱའི་རྒྱུད་མཁྱེན་ཅིང་། །ཏིང་འཛིན་མང་པོས་ཡེ་ཤེས་ལུས་གྲུབ་སྟེ། །རིག་འཛིན་མང་པོས་གསང་སྔགས་དངོས་གྲུབ་བརྙེས། །ས་མཆོག་མང་པོས་དཀྱིལ་འཁོར་འགྲུབ་པར་ཤོག །འགྲོ་བློའི་རིམ་པ་ཇི་བཞིན་དབང་པོའི་ཆོས། །སྣ་ཚོགས་ཐེག་པའི་ཆོས་ཀྱི་ཆར་བསིལ་བས། །གནས་སྐབས་སོ་སོའི་རེ་བ་ཡོངས་བསྐངས་ཏེ། །མཐར་ཐུག་ཐེག་པའི་རྒྱལ་པོར་འཇུག་པར་ཤོག །མཁའ་ཁྱབ་ཡོན་ཏན་ཡིད་བཞིན་སྤྲིན་ཚོགས་ལས། །དངོས་གྲུབ་རྣམ་པ་མང་པོའི་ཆར་བབ་ཅིང་།

― LT40_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ལ་ཅི་བདུལ་དེ་ལ་དེར་སྣང་བས། །མཁའ་ཁྱབ་སེམས་ཅན་སྨིན་པའི་མཐུ་ལྡན་ཤོག །ནམ་ཞིག་འཆི་བའི་དུས་བྱེད་གྱུར་པའི་ཚེ། །དཔའ་བོ་རྣལ་འབྱོར་མ་ཚོགས་དཔག་མེད་ཀྱིས། །མཆོད་པའི་སྤྲིན་ཕུང་ཐོགས་པས་མདུན་བསུས་ནས། །འོག་མིན་མཁའ་སྤྱོད་གནས་སུ་ཕྱིན་པར་ཤོག །སྐད་ཅིག་དེ་ལ་ཆོས་སྐུ་མཐར་ཕྱིན་ནས། །གདོད་ནས་རྣམ་པར་དག་པའི་དེ་བཞིན་གཤེགས། །ཀུན་ཏུ་བཟང་པོ་ཀུན་གྱི་བདག་པོ་རུ། །རྡོ་རྗེ་བདེ་བ་ཆེན་པོའི་ས་ཐོབ་ཤོག །གཞོན་ནུ་བུམ་པ་སྐུ་ཡི་ཞིང་ཁམས་སུ། །རིན་ཆེན་སྦུབས་ལ་བརྟན་པ་མཐར་ཕྱིན་ནས། །གཟུགས་སྐུའི་རོལ་པས་གདུལ་བྱའི་འཇིག་རྟེན་ཏུ། །སྤྲུལ་པ་རྣམ་པ་མང་པོ་འགྱེད་པར་ཤོག །ཡེ་ཤེས་ཆོས་ཀྱི་སྐུ་དང་དབྱེར་མེད་ཅིང་། །ཐོག་མ་དང་ནི་ཐ་མ་མེད་པའི་བདག །རང་བཞིན་རྫོགས་པ་ཆེན་པོའི་མཁའ་དབྱིངས་སུ། །མ་འབད་བཞིན་དུ་ངང་གིས་ཕྱིན་པར་ཤོག །རིན་ཆེན་འོད་གསལ་དག་པའི་དཀྱིལ་འཁོར་དུ། །རང་རིག་རྡོ་རྗེ་སེམས་དཔའི་དོན་མཐོང་ནས། །རྩལ་ཆེན་རྫོགས་པའི་ཕྲིན་ལས་རླབས་ཆེན་གྱིས། །འགྲོ་ཀུན་ཕྱམ་གཅིག་རྫོགས་པའི་སངས་རྒྱས་ཤོག། གསེར་གྱི་ཉི་མ་རྣམས་ནི་ཀློང་དུ་ཐིམ། །འབར་བའི་འོད་ཟེར་ཉེ་བར་ཞི་བ་ན། །རྒྱལ་བའི་དབང་པོ་དྲི་མེད་མཆོག་གི་ཡུམ། །རྣམ་དག་ཡངས་པ་ཆེན་པོའི་དོན་མཐོང་ཤོག །

― LT40_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བཞིས་སྨིན་པའི་རིག་པ་བྱང་ཆུབ་སེམས། །འོད་གསལ་སྣང་བ་བཞི་པོ་མངོན་གྱུར་ནས། །གདོས་བཅས་ཕུང་པོ་འོད་ཀྱི་སྐུར་གྲོལ་ཏེ། །འཕོ་བ་ཆེན་པོས་གཞན་དོན་འགྲུབ་པར་ཤོག །འཆིངས་བྱེད་ལུས་ཀྱི་རྒྱལ་ས་མ་གྲོལ་བར། །གང་ཞིག་འཆི་འཕོ་ནད་ཀྱི་སྡུག་བསྔལ་མེད། །བར་དོའི་འོད་གསལ་དམ་པ་མངོན་གྱུར་ནས། །ལྷུན་གྲུབ་ས་ལ་གཏན་སྲིད་ཟིན་པར་ཤོག །གལ་ཏེ་སྲིད་པ་བར་དོ་མཐོང་གྱུར་ན། །སྐད་ཅིག་དེ་ལ་རང་སྣང་འཇིགས་བྲལ་ཏེ། །མངོན་དགའ་ལ་སོགས་དག་པའི་ཞིང་བགྲོད་ནས། །མངོན་པར་བྱང་ཆུབ་མཛད་པ་མཐའ་ཡས་ཤོག །ས་མཆོག་འོད་གསལ་རྡོ་རྗེ་རྩེ་མོ་རུ། །བདག་ཅག་རྡོ་རྗེ་རྣལ་འབྱོར་ཞུགས་སོ་འཚལ། །བར་ཆད་མེད་ལམ་བརྟན་པ་མཐར་ཕྱིན་ནས། །ཀུན་བཟང་ཆེ་མཆོག་ཧེ་རུ་ཀ་ཐོབ་ཤོག །ཆོས་དབྱིངས་རྣམ་དག་རྣམ་སྣང་བཅོམ་ལྡན་འདས། །དབང་ཕྱུག་ཆེན་པོ་ལྷ་ཡི་ལྷར་གྱུར་བ། །སྟུག་པོའི་རྒྱན་གྱུར་མ་ལུས་ཀུན་གྱི་རྒྱན། །བདེ་གཤེགས་རིགས་ཀྱི་དངོས་གྲུབ་ཐོབ་པར་ཤོག །མེ་ལོང་རྣམ་དག་མི་བསྐྱོད་བཅོམ་ལྡན་འདས། །གྲགས་པ་མཐར་ཕྱིན་ལྷ་ཡི་ལྷར་གྱུར་པ། །མངོན་དགའི་རྒྱན་གྱུར་མ་ལུས་ཀུན་གྱི་རྒྱན། །རྡོ་རྗེ་རིགས་ཀྱི་དངོས་གྲུབ་ཐོབ་པར་ཤོག །ཀུན་རྟོག་རྣམ་དག་དཔག་མེད་བཅོམ་ལྡན་འདས། །བདེ་ཆེན་དབང་ཕྱུག་ལྷ་ཡི་ལྷར་གྱུར་པ། །བདེ་ལྡན་རྒྱན་གྱུར་མ་ལུས་ཀུན་གྱི་རྒྱན། །

― LT40_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་རིགས་ཀྱི་དངོས་གྲུབ་ཐོབ་པར་ཤོག །མཉམ་ཉིད་རྣམ་དག་རིན་ཆེན་བཅོམ་ལྡན་འདས། །ཡོན་ཏན་མཐར་ཕྱིན་ལྷ་ཡི་ལྷར་གྱུར་པ། །དཔལ་ལྡན་རྒྱན་གྱུར་མ་ལུས་ཀུན་གྱི་རྒྱན། །རིན་ཆེན་རིགས་ཀྱི་དངོས་གྲུབ་ཐོབ་པར་ཤོག། བྱ་གྲུབ་རྣམ་དག་དོན་ཡོད་བཅོམ་ལྡན་འདས། །ཕྲིན་ལས་མཐར་ཕྱིན་ལྷ་ཡི་ལྷར་གྱུར་པ། །ལས་རབ་རྒྱན་གྱུར་མ་ལུས་ཀུན་གྱི་རྒྱན། །ལས་ཀྱི་རིགས་ཀྱི་དངོས་གྲུབ་ཐོབ་པར་ཤོག །རང་རིག་རྣམ་དག་ཀུན་བཟང་བཅོམ་ལྡན་འདས། །འཁོར་འདས་ཀུན་གྱི་ལྷ་ཡི་ལྷར་གྱུར་པ། །གདོད་མའི་རྒྱན་གྱུར་མ་ལུས་ཀུན་གྱི་རྒྱན། །ཐམས་ཅད་ལྷུན་གྲུབ་དངོས་གྲུབ་ཐོབ་པར་ཤོག །ཐུན་མོང་བཟང་པོ་སྤྱོད་པའི་སྨོན་ལམ་ནི། །འདས་པའི་སངས་རྒྱས་རྣམས་དང་ཕྱོགས་བཅུ་ཡི། སོགས་ཚང་བར་བརྗོད་ཅིང་། གཞན་ཡང་ནུས་ན་ཐེག་པ་ཆེན་པོའི་སྨོན་ལམ་སྤྱི་དང་། བདེ་བ་ཅན་གྱི་སྨོན་ལམ་སོགས་རྩེ་གཅིག་ཏུ་གདབ་མཐར་གལ་པོ་ཆེ་ལས་གསུངས་པའི་རྡོ་རྗེ་རྒྱལ་མཚན་གྱི་བསྔོ་བའི་སྙིང་པོས་རྒྱས་གདབ་སྟེ། །འགྲོ་ཀུན་དགེ་རྩ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དང་། །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ཀྱང་ཀུན་ནས་བཟང་པོར་རེད་གྱུར་ཅིག །འཇིག་རྟེན་ཐམས་ཅད་མ་ལུས་སེམས་ཅན་རྣམས། །ཇི་སྙེད་རྒྱལ་བ་ཀུན་གྱིས་ཐུགས་ཆུད་པ། །ཀུན་ཀྱང་མཁས་པ་ཀུན་གྱིས་བསྔགས་པ་ཡི། །ཀུན་ཏུ་བཟང་པོ་དེ་བཞིན་འགྱུར་

― LT40_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ཤོག །ཕྱོགས་རྣམས་མ་ལུས་ཀུན་ཏུ་ཅི་བྱས་པ། །སྐྱེས་བུ་དམ་པ་དེ་ལྟར་ཡོངས་སུ་བསྔོ། །རྡོ་རྗེ་རྒྱལ་མཚན་རྒྱལ་བས་གང་གསུངས་པ། །ཡོངས་བསྔོ་དམ་པ་མཆོག་དང་ཕུལ་ཡང་ཡིན། །དེ་བཞིན་ཞིང་རྣམས་ཐམས་ཅད་མ་ལུས་པ། །རྒྱུ་བཞིན་ཀུན་ཀྱང་ཁོང་དུ་ཆུད་བྱས་ཏེ། །སེམས་ཅན་ཇི་སྙེད་ཐམས་ཅད་མ་ལུས་པར། །དེ་དག་ཀུན་ཀྱང་ཀུན་ཏུ་བཟང་གྱུར་ཅིག །སྦྱིན་པས་ཡོངས་བསྔོ་ཇི་བཞིན་རེད་གྱུར་ཅིག །ཚུལ་ཁྲིམས་ཀྱིས་ཀྱང་བསྔོས་བཞིན་རེད་གྱུར་ཅིག །བརྩོན་འགྲུས་སྟོབས་ཀྱིས་བསྐལ་པར་མི་ལྡོག་ཅིང་། །བཟོད་པ་འཁྲུགས་པ་མེད་པའི་ཡིད་གྱུར་ཅིག །བསམ་གཏན་གྱིས་ཀྱང་རྩེ་གཅིག་ཡིད་ལྡན་ཞིང་། །ཏིང་འཛིན་ཀུན་གྱི་སྤྱོད་ཡུལ་ཤེས་གྱུར་ཅིག །ཤེས་རབ་དུས་རྣམས་གསུམ་པོ་ཐམས་ཅད་དུ། །འཇིག་རྟེན་དག་ཏུ་མཐར་དམིགས་མེད་གྱུར་ཅིག །ལུས་དང་ངག་དང་ཡིད་རྣམས་ཐམས་ཅད་ཀྱང་། །རྣམ་པ་ཀུན་ཏུ་རྣམ་དག་མཁས་གྱུར་ཅིག །སྤྱོད་པ་དེ་དག་ཐམས་ཅད་མ་ལུས་པ། །ཀུན་ཀྱང་ཀུན་ཏུ་བཟང་པོར་རེད་གྱུར་ཅིག །དེ་ལྟར་ཆོས་དབྱིངས་རློམ་པའི་སེམས་མེད་ཅིང་། །དེ་ལ་སྤྲོ་དང་ཆགས་པ་མེད་པ་ལྟར། །མྱ་ངན་འདའ་དང་སྒྲིབ་པ་མེད་པ་དང་། །དེ་བཞིན་སེམས་ལ་རློམས་སེམས་མེད་གྱུར་ཅིག །ཆོས་མཁས་ཡོངས་སུ་བསྔོ་བ་གང་བརྗོད་པ། །དེ་ནི་རྒྱལ་བས་གསུངས་པའི་བསྔོ་བ་སྟེ། །མཁས་པས་སྤྱོད་པ་ཅི་ནས་འགྲུབ་འགྱུར་པར། །དགེ་བ་དེ་ཡང་དེ་ཡིས་ཡོངས་སུ་བསྔོ། །

― LT40_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་སྲས་ཀྱིས་འདི་ལ་བསླབས་པ་སྟེ། །ཇི་སྙེད་གང་ཡོད་ཐམས་ཅད་མ་ལུས་པར། ཁམས་རྣམས་ཀུན་ཀྱང་ཡོངས་སུ་བསྡུ་བྱས་ཏེ། །ཅི་ནས་བདེ་གཤེགས་སྟོབས་ལ་འཇུག་པར་བསྔོ། །བརྒྱད་པ་བརྟན་བཞུགས་བཀྲ་ཤིས་ལ་སོགས་པ་ནི་མདོ་ལུགས་ལ་བརྟན་བཞུགས་མཛད་པ་ཉུང་བར་བྱས་པ་འགལ་བ་མེད་ཅིང་འདིར་རྟེན་དང་སྔགས་ཆོག་འབྲེལ་བའི་དབང་དུ་བྱས་ཏེ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། ཁྱད་པར་དུའང་སྐུ་གསུང་ཐུགས་ཀྱི་རྟེན་འདི་རྣམས་ལ་སྤྱན་དྲངས་པའི་ལྷ་ཚོགས་རྣམས་ཇི་སྲིད་འབྱུང་བ་ཆེན་པོ་བཞིའི་གནོད་པས་མ་ཞིག་གི་བར་དུ་བརྟན་པར་བཞུགས་སུ་གསོལ། །བརྟན་པར་བཞུགས་ནས་ཀྱང་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། །ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱ། དེ་ནས་ཕུན་སུམ་ཚོགས་པ་སོགས་ཞལ་ནས་གསུངས་པའི་བཀྲ་ཤིས་ཀྱི་ཚིགས་སུ་བཅད་པ་ཇི་ལྟར་རིགས་པ་བརྗོད་ཅིང་། དེ་ལྟར་འགྲུབ་པ་ཡང་། དཀོན་མཆོག་གསུམ་གྱི་བདེན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་རླབས་དང་། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་

― LT40_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་བསམ་གྱིས་མི་ཁྱབ་པའི་སྟོབས་ཀྱིས་དེ་དེ་བཞིན་ཏུ་འགྲུབ་པར་གྱུར་ཅིག །ཅེས་བདེན་པའི་སྟོབས་བསྐུལ་བས་བྱིན་གྱིས་བརླབ་པར་བྱའོ། ༈ འདིའི་བར་ཚུལ་ཁྲིམས་རྣམ་པཐངདག་པའི་གཟུངས་བཟླས། གཉིས་པ་རྒྱུན་གྱི་ཉམས་ལེན་ལྟ་བུར་སྤྲོས་པ་བསྡུ་བར་འདོད་ན། རྟེན་དང་མཆོད་པའི་ཡོ་བྱད་ཅི་ལྟར་འབྱོར་པ་དང་། མཎྜལ་འདུ་བྱས་ཏེ། ཐོག་མར་ན་མོ་གུ་རུ་ནས་རྟོགས་པར་བྱིན་གྱིས་རློབས། བར་བླ་མ་སངས་རྒྱས་རྗེས་དྲན་འདོན་བསྒོམ་བྱ། དེ་ནས་བྱང་ཆུབ་སྟུང་བཤགས་ཚང་བ་དང་། སྤྱི་བཤགས་བླ་མ་རྡོ་རྗེ་འཛིན་པའི་འགྲོས་སུ། སྐར་མ་རབ་རིབ་ནས་ངེས་གྲོལ་ལོ། བར་ཞིག་ནས་གསོ་སྦྱོང་བྱ། དེ་ནས་ཕྱོགས་བཅུ་ན་བཞུགས་པའི་སོགས་དགོངས་གསོལ་སྔོན་ཏུ་འགྲོ་བའི་བྱང་མཆིས་མ་ལན་གསུམ་གྱིས་རྟེན་ཁྱད་པར་ཅན་ལ་སྐྱབས་སུ་འགྲོ། ཇི་སྙེད་སུ་དག །སོགས་ནས་བྱང་ཆུབ་ཕྱིར་བསྔོའོ་འི་བར་དང་། འཇམ་དཔལ་དཔའ་བོས་ཇི་ལྟར་སོགས་དང་། བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། ཞེས་པའི་བར་བརྗོད་དེ་ཐབས་ཁྱད་པར་ཅན་གྱི་ཚོགས་གསག །དེ་ནས་བྱང་ཆུབ་ཀྱི་སེམས་རིན་པོ་ཆེར་བློ་སྦྱང་བའི་སླད་དུ། ལུས་དང་དེ་བཞིན་ལོངས་སྤྱོད་དང་། །དུས་གསུམ་དགེ་བའི་དངོས་པོ་ཡང་། །སེམས་ཅན་ཀུན་གྱི་དོན་བསྒྲུབ་ཕྱིར། །ཕོངས་པ་མེད་པར་གཏང་བར་བྱ། །ས་སོགས་འབྱུང་བ་ཆེན་པོ་དང་། །ནམ་མཁའ་བཞིན་དུ་རྟག་པར་ཡང་། །སེམས་ཅན་དཔག་ཏུ་མེད་པ་ཡི། །རྣམ་མང་ཉེར་འཚོའི་རྒྱུར་ཡང་ཤོག །དེ་བཞིན་ནམ་མཁའི་མཐས་གཏུགས་པའི། །སེམས་ཅན་ཁམས་ནི་རྣམ་ཀུན་ཏུ། །ཐམས་ཅད་མྱ་ངན་འདས་བར་དུ། །བདག་ནི་ཉེར་འཚོའི་རྒྱུར་ཡང་ཤོག །དེ་ནས་དགོངས་གསོལ་སྔར་དང་འདྲ་བ་ལས། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ་

― LT40_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་ལྟར་སྔོན་གྱི་བདེ་གཤེགས་སོགས་ལན་གསུམ་གྱིས་སྨོན་འཇུག་གི་སེམས་བསྐྱེད་བླང་། དེང་དུས་བདག་ཚེ་ནས་དགའ་བར་གྱིས། །ཀུན་ནས་དགེ་བ་བཟང་པོ་སྤྱོད་པའི་ཕྱིར། ནས་རྫོགས་པར་བགྱི། བར་དང་། དེ་བཞིན་གཤེགས་པའི་ཡིག་བརྒྱ་བཅས་བརྗོད། དེ་ནས་ཧོ་ཆོས་དབྱིངས་རྣམ་དག་ནས་ཧཱུྃ་སྭཱ་ཧཱའི་བར་འདིར་མཎྜལ་ཚོམ་བུ་སོ་བདུན་མ་བརྒྱས་ཕུལ། རིན་ཆེན་མཎྜལ་སོགས་སྐུ་གསུམ་མཎྜལ་ཚིགས་བཅད་བརྗོད། ཨོཾ་གདོད་མའི་དབྱིངས་སུ་ནས་ཐར་པའི་སྒོ་ནི་དབྱེ་བར་འགྱིད། བར་དང་། སྨོན་ལམ་ཧོཿམཐའ་ཡས་ཐེག་པ་ནས་དངོས་གྲུབ་ཐོབ་པར་ཤོག །བར་ཚང་བར་བརྗོད། མཐར་དཀོན་མཆོག་རིན་ཆེན་སོགས་ཀྱི་དགེ་བསྔོ་དང་། བཀྲ་ཤིས་དཔལ་འབར་འཛམ་གླིང་རྒྱན། །ལྟ་བུའི་ཤིས་བརྗོད་བྱས་པས་ལེགས་པར་འགྲུབ་བོ། །དེ་ལྟར་གསར་རྙིང་ཀུན་ལ་ཆོས་སྤྱོད་ཀྱི་རིམ་པ་རྒྱས་བསྡུས་ཇི་སྙེད་པ་གྱུར་ཡང་སྡོམ་པ་གསུམ་གྱི་བསླང་བྱ་གསོ་བ་དང་འབྲེལ་པ་འདི་ཉིད་རང་འདྲའི་སྐབ་མཉམ་པ་གལ་གནད་ཆེ་བར་མཐོང་བ་དང་། ལྷག་པར་དཔལ་སྤུངས་ཡང་ཁྲོད་དེ་བཱི་ཀོ་ཊིའི་སྙིང་པོ་ཙཱ་འདྲ་རིན་ཆེན་བྲག་ག་ཏུ་དཔལ་ཆེན་པོའི་ལྷ་ཁང་དང་འབྲེལ་བར་དེས་དོན་སྒྲུབ་པའི་སྡེ་གསར་དུ་བཙུགས་པ་རྣམས་ཀྱི་དུས་རབ་རྒྱུན་གྱི་ཉམས་བཞེས་ལ་ཆེད་དུ་དམིགས་ཏེ། ཀུན་བཟང་དྲི་མེད་འོད་ཟེར། གསང་བདག་ཏཱ་ར་ནཱ་ཐ། ལོ་ཆེན་དྷརྨ་ཤྲི། ཐམས་ཅད་མཁྱེན་པ་དྷརྨཱ་ཀ་ར་སོགས་ཀྱི་དགོངས་པ་དང་གསུང་དྲི་མ་མེད་པ་གུང་བསྡེངས་ཏེ་ཉམས་སུ་བླང་བདེ་བར་བགྱིས་པའོ། །ཆོས་ཕུང་བརྒྱད་ཁྲི་བཞི་སྟོང་གི། ཉམས་ལེན་སྙིང་པོ་དྲིལ་བ་འདི། །ཐར་འདོད་ཀུན་གྱི་སྨན་གྱུར་ནས། །བརྟན་པའི་རྫོགས་ལྡན་རབ་འཆར་ཤོག །ཅེས་པའང་ཤཱཀྱའི་རྗེས་འཇུག་དགེ་བ་ལ་ཉེ་བར་བསྙེན་པའི་བརྟུལ་ཞུགས་ཅན་ཀརྨ་ངག་དབང་ཡོན་ཏན་རྒྱ་མཚོས་དབེན་གནས་ཀུན་བཟང་བདེ་ཆེན་འོད་གསལ་གླིང་དུ་སྦྱར་བ་དགེ་ལེགས་འཕེལ། །

― LT40_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་གར་སྐད་དུ༔ ཨཱརྻ་མཉྫུ་ཤྲཱི་ཏནྟ་ཙིཏྟ༔ བོད་སྐད་དུ༔ འཕགས་པ་འཇམ་དཔལ་གྱི་རྒྱུད་ཀྱི་ཡང་སྙིང་༔འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ༔ འདི་ལྟར་སངས་རྒྱས་བཅོམ་ལྡན་འདས༔ ཡེ་ཤེས་སྐུ་སྟེ་རང་བྱུང་བ༔ ཡེ་ཤེས་མིག་གཅིག་དྲི་མ་མེད། ཡེ་ཤེས་སྣང་བ་ལམ་མེ་བ༔ ཨ་ར་པ་ཙ་ནཱ་ཡ་ཏེ་ན་མ༔ ཡེ་ཤེས་སྐུ་ཉིད་ཁྱོད་ལ་འདུད༔ རྫོགས་པའི་སངས་རྒྱས་རྣམས་ཀྱིས་བཤད༔ བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའི་དོན་དམ་པའི་མཚན་ཡང་དག་པར་བརྗོད་པ༔དེ་བཞིན་གཤེགས་པ་ཤཱཀྱ་ཐུབ་པས་གསུངས་པ་རྫོགས་སོ༔ ཨོ་རྒྱན་གྱི་ཤེས་བཟའ་སྒྲོན་མ་ལ་གནང་༔ གཏེར་སྟོན་བན་སར་ཕྱོགས་མེད་ཀྱི་གཏེར་མའོ༔ ཊཿཀྒ་ཐ་ཐ་ཅ།།༔ ཀ་ལ་པིང་ཀ་ཛྷོ་ཡོ་གི་ནིའི་སྐད་དུ༔ བུདྡྷ་གུཥྛ་དྷ་ཀྭཱ་ཨྨྞེ༔ བོད་སྐད་དུ༔ སངས་རྒྱས་སྲས་གཅིག་གསང་བ་ཅོད་པན་ས་བོན་གྱི་རྒྱུད༔ རང་བྱུང་དོན་གྱི་ཀློང་ལ་ཕྱག་འཚལ་ལོ༔ སྟོན་པ་ཀུན་བཟང་ཡབ་ཡུམ་གྱིས༔ རང་བཞིན་ཀློང་ནས་བཀའ་སྩལ་པ༔ གནས་ལུགས་རང་རྩལ་འཁོར་རྣམས་གསོན༔ ཉག་གཅིག་རང་བྱུང་ཡེ་ཤེས་འདི༔ སངས་རྒྱས་ཀུན་གྱི་སྲས་གཅིག་ཡིན༔ ཏི་ལ་སྟོང་པས་ལས་ཀུན་བྱེད༔ ཀུན་ཏུ་བཟང་པོའི་ས་བོན་ནོ༔ ཐམས་ཅད་འདི་ལས་བྱུང་ཞིང་གྲོལ༔ རང་བྱུང་ཉག་གཅིག་རྒྱུད་འདི་ནི༔ མཐོང་ཐོས་བཅངས་པས་སངས་རྒྱའོ༔ སངས་རྒྱས་སྲས་གཅིག་ས་བོན་གྱི་རྒྱུད་རྫོགས་སོ༔ སྐུ་

― LT40_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ཐུགས་ཀྱི་རྒྱ་ཡོད་དོ༔ ས་མ་ཡ༔ རྒྱ་རྒྱ་རྒྱ༔ །།། ལས་འབྲེལ་རྩལ་གྱི་མཁའ་འགྲོ་སྙིང་ཐིག་ནས་གཏོན་པའོ། །འདི་སྣོད་མེད་ལ་བསྟན་ན་ལྟུང་བ་འོང་སྟེ། གུས་པ་དང་རང་ཤི་གདུལ་བྱ་ལ་ནི་བསྟན་ཏེ། རྒྱུད་འདི་ཐོས་པས་སངས་རྒྱས་ངེས་པར་ཐོབ་པར་གདོན་མི་ཟའོ། །ཞེས་གསུངས་སོ། །རི་ཆོས་ཚམས་ཀྱི་ཞལ་གདམས་ཆིག་བརྒྱུད་ཀྱི་ཐེམ་མེད་སྨོན་ལམ་འབྲེལ་ཚད་དོན་ལྡན་ཞེས་བྱ་བ་བཞུགས་སོ། །ན་མོ་རཏྣ་ཏྲ་ཡཱ་ཡ། །རྡོ་རྗེ་འཆང་ཆེན་ཏཻ་ལོ་ནཱ་རོ་དང་། །མར་པ་མི་ལ་དྭགས་པོ་དུས་གསུམ་མཁྱེན། །བཀའ་བརྒྱུད་བླ་མ་རྣམས་ཀྱི་བྱིན་རླབས་དང་། །བླ་མ་སྐུ་གསུམ་སྐུ་ལྔ་མཚན་མཆོག་བརྒྱད། །རིག་འཛིན་བརྒྱད་དང་རྗེ་འབངས་ཉི་ཤུ་ལྔ། །རིག་འཛིན་གྲུབ་ཐོབ་རྒྱ་མཚོའི་ཐུགས་རྗེ་དང་། །དྲིན་ཆེན་བླ་མ་རྒྱལ་བ་ཀུན་འདུས་པ། །པདྨ་ཉིན་བྱེད་དབང་པོའི་ཐུགས་རྗེ་དང་། །རྒྱུད་སྡེ་བཞི་དང་བཀའ་དགོངས་ཕུར་པའི་ལྷ། །ཐེག་པ་དགུ་ཡི་ལྷ་ཚོགས་ཐུགས་རྗེ་དང་། །མ་ཧཱ་ཀཱ་ལ་ལྕམ་དྲལ་འཁོར་དང་སྡེ། །བཀའ་སྲུང་དམ་ཅན་རྒྱ་མཚོའི་མཐུ་སྟོབས་དང་། །ཆོས་ཉིད་ཆོས་ཅན་འགོག་དང་ལམ་གྱི་བདེན། །བདེན་ལྡན་ཇི་སྙེད་མཆིས་པའི་བདེན་སྟོབས་ཀྱིས། །བདག་དང་བདག་ལ་འབྲེལ་ཐོགས་འགྲོ་ཀུན་གྱི། །ནད་གདོན་བར་ཆད་ཐམས་ཅད་ཞི་གྱུར་ཅིག །འཇིགས་པ་བརྒྱད་དང་བཅུ་

― LT40_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་རྣམས་ལས་ཐར། །དུས་མིན་འཆི་བ་བཅོ་བརྒྱད་མི་འབྱུང་ཤོག །ཚེ་དང་བསོད་ནམས་དཔལ་འབྱོར་མངའ་ཐང་རྒྱས། །ཉམས་དང་རྟོགས་པ་ཡར་ངོའི་ཟླ་བཞིན་འཕེལ། །འགྲོ་དོན་ཕྱོགས་བཅུ་ཀུན་ཏུ་དར་རྒྱས་ཤོག །རླུང་སེམས་སྣང་སྲིད་ཐམས་ཅད་དབང་དུ་འདུས། །མཐོང་གྲོལ་ཐོས་གྲོལ་རེག་གྲོལ་ཆེན་པོར་ཤོག །བསྐྱེད་རིམ་བརྟན་ཐོབ་ཕྲིན་ལས་རྣམ་བཞི་འགྲུབ། །བར་ཆད་བདུད་ཀྱི་གཡུལ་ལས་རྣམ་རྒྱལ་ཤོག །བསྐྱེད་རྫོགས་ཟུང་འཇུག་སྣང་སྲིད་ཆོས་སྐུར་རྟོགས། །ཚེ་གཅིག་རྡོ་རྗེ་འཆང་གི་ས་ནོན་ཤོག །ནམ་ཞིག་ཚེ་འཕོས་གནས་གསུམ་ཌཱ་ཀི་ཡིས། །སྣ་ཚོགས་མཆོད་པའི་སྤྲིན་གྱིས་མདུན་བསུས་ཏེ། །བདེ་ཆེན་དག་པའི་ཞིང་ཁམས་བགྲོད་པར་ཤོག །ཞིང་དེར་པདྨོ་མཆོག་ལས་བརྫུས་སྐྱེས་ནས། །འབྲེལ་ཐོགས་འགྲོ་བ་སེམས་ཅན་ཐམས་ཅད་ཀུན། །ཞིང་དེར་འདྲེན་པའི་རྫུ་འཕྲུལ་ཐོགས་མེད་ཤོག །ཞིང་དེར་ས་ལམ་ཡོན་ཏན་རབ་རྫོགས་ཏེ། །བླ་མེད་རྫོགས་པའི་བྱང་ཆུབ་མངོན་བྱེད་ཤོག །ན་མོ་རཏྣ་ཏྲ་ཡཱ་ཡ། །རྩ་བརྒྱུད་བླ་མ་ཡི་དམ་ལྷ་ཚོགས་དང་། །དཀོན་མཆོག་གསུམ་དང་ཌཱཀི་ཆོས་སྐྱོང་ཚོགས། །ཆོས་ཉིད་ཆོས་ཅན་འགོགས་དང་ལམ་གྱི་བདེན། །བདེན་ལྡན་ཇི་སྙེད་མཆིས་པའི་བདེན་སྟོབས་ཀྱིས། །འདི་ལྟར་བགྱིས་པའི་དགེ་བས་མཚོན་བྱས་ཏེ། །བདག་གཞན་དུས་གསུམ་དགེ་བ་ཅི་བསགས་

― LT40_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུས། །བདག་དང་བདག་གི་ཕ་མ་སློབ་དཔོན་དང་། །སློབ་མ་བྲན་གཡོག་ཡོན་བདག་སྒོ་ནོར་བཅས། །སྒོ་ཁའི་བཤས་དང་ཤ་ཟོས་སེམས་ཅན་རིགས། །ཟས་ནོར་ཆོས་ཀྱིས་འབྲེལ་བའི་ཚེ་འདས་དང་། །བཟང་ངན་ལས་ཀྱིས་འབྲེལ་བའི་འགྲོ་བ་ཀུན། །ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །མི་གཙང་ལུས་འདི་བོར་བར་གྱུར་མ་ཐག །བདེ་བ་ཅན་དུ་བརྫུས་ཏེ་སྐྱེ་བར་ཤོག །སྐྱེས་མ་ཐག་ཏུ་ས་བཅུ་རབ་བགྲོད་དེ། །སྤྲུལ་པས་ཕྱོགས་བཅུར་གཞན་དོན་བྱེད་པར་ཤོག །ཏདྱ་ཐཱ། པཉྩེ་ནྡྲི་ཡ་ཨ་ཝ་བོ་དྷ་ནཱ་ཡ་སྭཱ་ཧཱ། །ཞེས་པའི་སྨོན་ལམ་འདིའི་མཇུག་ཏུ་བྱེད་པར་ཤོག་བྱས་ན་སྨོན་ལམ་དུ་འགྲོ་ཞིང་། བྱེད་ཕྱིར་བསྔོ་བྱས་ན་བསྔོ་བར་འགྲོ་སྟེ། འདི་ནི་རང་གཞན་ཤི་གསོན་མང་པོ་ལ་བསྔོ་བ་མ་ཆགས་པར་མ་བརྗེད་ཟེར་བ་མང་བར་བརྟེན་ནས། རང་གི་ཐུགས་དམ་བྱ་ཕྱིར་རཱ་ག་ཨ་སྱས་བྲིས་པའོ། །ཆོས་སྤྱོད་ཁྱད་པར་འཕགས་འདི་རང་དང་གཞན། །ཐར་འདོད་ཡོངས་ལ་སྨན་པའི་ལྷག་བསམ་གྱིས། །དཔལ་སྤུངས་གདན་སར་སྤར་ཡིག་ཕྱི་མོའི་འཕྲུལ། །རིགས་ལྡན་ཚེ་དབང་དཔལ་མོ་དེ་ཉིད་ཀྱིས། །ཡོན་སྦྱར་ལེགས་པར་བསྒྲུབས་པའི་དགེ་བ་ཡིས། །གང་དེ་འབྲེལ་བཅས་སྒྲིབ་གཉིས་བག་ཆགས་བྱང་། །ཚོགས་ཆེན་ལྷུན་རྫོགས་ས་ལམ་གེགས་མེད་བགྲོད། །བདེ་བ་ཅན་སོགས་དག་པའི་ཞིང་སྐྱེས་ནས། །བྱང་ཆུབ་སྤྱོད་དང་སྐུ་གསུམ་མྱུར་རྫོགས་ཤོག །སརྦ་སིདྡྷི་རསྟུ། །

མྱུར་མཛད་ཡེ་ཤེས་མགོན་པོ་མཐིང་དཀར་གཉིས་ཀྱི་མངའ་གསོལ་དགེ་ལེགས་སྤྲིན་ཕུང་།

― LT40_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་མཛད་ཡེ་ཤེས་མགོན་པོ་མཐིང་དཀར་གཉིས་ཀྱི་མངའ་གསོལ་དགེ་ལེགས་སྤྲིན་ཕུང་ཞེས་བྱ་བ་བཞུགས་སོ། །

― LT40_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་སིདྡྷཾ། །ཡེ་ཤེས་མགོན་པོ་རྡོ་རྗེ་ཕྱག་དྲུག་པ་ལ་མངའ་གསོལ་དབུལ་བར་འདོད་པས་རྒྱན་གྱིས་སྤྲས་པའི་གཏོར་ཆེན་དང་སྨན་ཕུད་སོགས་མཆོད་པའི་ཡོ་བྱད་ཅི་འབྱོར་བ་བཤམས་ལ་བྱིན་གྱི་བརླབས་པ་ནི། བཛྲ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས། ཡྃ་ལས་རླུང་། རཾ་ལས་མེ། ཀཾ་ལས་མི་མགོའི་སྒྱེད་བུ་གསུམ། དེའི་སྟེང་དུ་ཨ་ལས་ཐོད་པ་མཚན་ལྡན་ཡངས་ཤིང་རྒྱ་ཆེ་བའི་ནང་དུ་བྷྲཱུྃ་ཨཱཾཿཛྲི༚་ཁཾ་ཧཱུྃ་རྣམས་ལས་ཤ་ལྔ། ལཱཾ་མཱཾ་པཱཾ་ཏཱཾ་བཾ་རྣམས་ལས་བདུད་རྩི་ལྔ། སྟེང་གི་ནམ་མཁའ་ལ་ཨོཾ་དཀར་པོ་ཨ་ལས་ཟླ་བ། ཧཱུྃ་ལས་རྡོ་རྗེ་རྣམས་བརྩེགས་པ། རླུང་གཡོས་མེ་སྦར་ཤ་ལྔ་བདུད་རྩི་ལྔ་འོད་དུ་ཞུ། ཡི་གེ་འབྲུ་

― LT40_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ལས་བདུད་རྩིའི་རྒྱུན་བབས། དེ་རྣམས་ཀྱི་འོད་ཀྱིས་སངས་རྒྱས་ཐམས་ཅད་ཀྱི་རྡོ་རྗེ་གསུམ་ཡེ་ཤེས་ཀྱི་བདུད་རྩིར་སྤྱན་དྲངས་ཏེ་ཐིམ། ཨོཾ་དང་ཟླ་བ་རྡོ་རྗེ་རྣམས་ཀྱང་འོད་དུ་ཞུ་ཞིང་ཐིམ་པས། ཁ་དོག་དྲི་རོ་ནུས་མཐུ་ཕུན་སུམ་ཚོགས་པ་ཟད་མི་ཤེས་པ་བདུད་རྩིའི་རྒྱ་མཚོར་གྱུར་པ་དང་། རྟེན་སྐོང་སྒྲུབ་ཅིང་མཆོད་པའི་དམ་རྫས་བསམ་གྱིས་མི་ཁྱབ་པས་འཇིག་རྟེན་གྱི་ཁམས་རྒྱས་པར་གང་བར་གྱུར། ཨོཾ་ཨཱཿཧཱུྃ། ལན་གསུམ་བརྗོད། དབྱངས་རོལ་བཅས། ཧཱུྃ། བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །ཆོས་དབྱིངས་རྣམ་དག་ངང་ལས་མ་གཡོས་ཀྱང་། །གདུག་

― LT40_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདུལ་ཕྱིར་ཁྲོ་བོའི་སྐུར་སྟོན་པ། །མྱུར་མཛད་མགོན་པོ་འདིར་གཤེགས་མཆོད་གསོལ་བཞེས། །ཡེ་ཤེས་བསྐལ་བའི་མེ་ཡི་ཀློང་དཀྱིལ་ན། །ཐབས་ལ་མཁས་པས་རབ་ཁྲོས་སྐུར་སྟོན་པ། །མི་བསྲུན་བདུད་སྡེ་འཇོམས་པའི་དཔའ་བོ་ཆེ། །མྱུར་མཛད་སྤྱན་རས་གཟིགས་དབང་མངའ་གསོལ་ལོ། །རྟག་ཏུ་འགྲོ་ལ་ཁྱབ་པའི་ཐུགས་རྗེ་ཡིས། །རབ་ཏུ་ཞི་ཡང་མཆོག་ཏུ་གཏུམ་པའི་སྐུ། །དུས་མཐའི་སྤྲིན་དང་མིག་སྨན་ལྟར་གནག་པ། །འཇིག་བྱེད་ཁྲག་འཐུང་གཙོ་བོ་མངའ་གསོལ་ལོ། །རབ་བཞད་རྡོ་རྗེའི་གད་མོ་ཆེན་པོ་ཡིས། །བདུད་དང་གཤིན་རྗེའི་སྙིང་འགས་གླད་པ་འགེམ། །ལྷ་དང་ལྷ་མིན་མ་རུངས་སྡེར་བཅས་ལྟུང་། །དྲག་ཤུལ་བཟོད་དཀའི་གཙོ་བོར་མངའ་གསོལ་ལོ། །ཕྱོགས་བཅུ་ནམ་མཁའི་མཐས་གཏུགས་རྒྱལ་རྣམས་ཀྱི། །བརྩེ་ཆེན་གཅིག་ཏུ་བསྡུས་པ་སྤྱན་རས་གཟིགས། །དངོས་གྲུབ་ཀུན་སྩལ་བྱིན་རླབས་མགོན་པོ་མཆོག །ཕྲིན་ལས་མྱུར་དུ་སྒྲུབ་མཛད་མངའ་གསོལ་ལོ། །ཞལ་གདངས་མཆེ་གཙིགས་སྤྱན་གསུམ་མེ་ལྟར་འབར། །སྨ་ར་སྨིན་མ་དབུ་སྐྲ་གྱེན་དུ་བརྫེས། །ཀླུ་ཆེན་བརྒྱད་དང་གཡེར་ཁའི་ཕྲེང་བས་བརྒྱན། །ཕྱག་དྲུག་ཡེ་ཤེས་མགོན་པོར་མངའ་གསོལ་ལོ། །རིན་ཆེན་ཅོད་པན་ཁྲག་འཛག་མགོ་ཕྲེང་ཅན། །ཕྱག་གཡས་

― LT40_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

གྲི་གུག་ཐོད་ཕྲེང་ཅང་ཏེའུ་འཁྲོལ། །ཕྱག་གཡོན་ཐོད་པ་རྩེ་གསུམ་ཞགས་པ་བསྣམས། །ལྟག་ལྤགས་ན་བཟས་མཛེས་པ་མངའ་གསོལ་ལོ། །མཉམ་དང་གཡོན་བརྐྱང་གྱད་ཀྱི་དོར་སྟབས་སོགས། །སྣ་ཚོགས་གར་གྱིས་ལོག་འདྲེན་སྟེང་ན་རོལ། །པད་ཉིའི་གདན་བཞུགས་ཙནྡན་ལྗོན་པའི་དྲུང་། །རྟེན་མཛད་མ་ཧཱ་ཀཱ་ལར་མངའ་གསོལ་ལོ། །ཞབས་སེན་ཅུང་ཟད་བརྡབས་པས་ས་གཞི་གཡོ། །ཧཱུྃ་སྒྲས་རི་བོ་རལ་ཞིང་ཆུ་གཏེར་འཁྲུགས། །སྤྱན་ཙམ་བསྐྱོད་པས་བར་ཆད་ཐམས་ཅད་སེལ། །ཐོགས་མེད་མཐུ་སྟོབས་མངའ་བ་མངའ་གསོལ་ལོ། །སངས་རྒྱས་ཀུན་དངོས་བླ་མ་རིན་པོ་ཆེ། །བར་ཆད་སྲུང་ཕྱིར་ཆོས་སྐྱོང་བཀའ་སྡོད་སྐུ། །བསྒྲུབ་པ་པོ་ལ་བུ་བཞིན་གཟིགས་མཛད་པའི། །བླ་མ་མགོན་པོ་དབྱེར་མེད་མངའ༴། རྡོ་རྗེ་སེམས་དཔའི་ངོ་བོ་སྒྲིབ་ཀུན་སྦྱོང་། །ཉིད་ཀྱི་དཔྲལ་བར་བརྟེན་པའི་ཆོས་འབྱུང་དབྱིབས། །སིནྡྷུའི་ཐིག་ལེ་ཡུམ་གཅིག་རྣལ་འབྱོར་མ། །འཁོར་འདས་ཆོས་ཀུན་སྐྱོད་མར་མངའ་གསོལ་ལོ། །དེ་དབུས་ཧྲཱིཿཡིག་དཔལ་ལྡན་འཇིག་རྟེན་མགོན། ཁམས་གསུམ་དབང་བསྒྱུར་མཁའ་འགྲོ་མ་རྣམས་སྤྲོ། །འགུགས་བྱེད་བཅུ་གསུམ་ཡིག་འབྲུའི་གསང་སྔགས་མཆོག །འཕགས་མ་སྒྲོལ་མའི་ངོ་བོར་

― LT40_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

མངའ་གསོལ་ལོ། །མི་བསྐྱོད་དབང་ཕྱུག་རིགས་ཀྱི་བདག་པོར་བཞུགས། །བཅོམ་ལྡན་གཤིན་རྗེ་གཤེད་ཀྱི་མཐུ་སྟོབས་སྦྱིན། །ཁྱོད་ལ་ཕྱག་འཚལ་སྙིང་ནས་སྐྱབས་སུ་མཆི། །རྟག་ཏུ་གསོལ་བ་འདེབས་སོ་བྱིན་གྱིས་རློབས། །ཕྱི་ནང་གསང་བའི་རྟེན་སྐོང་སྒྲུབ་པའི་རྫས། །སྨན་རག་གཏོར་ཚོགས་མཆོད་པའི་ཡོ་བྱད་ནི། །དངོས་འབྱོར་ཡིད་སྤྲུལ་འཇིག་རྟེན་ཁམས་གང་བས། །ཡེ་ཤེས་མགོན་པོ་འཁོར་བཅས་མངའ་གསོལ་ལོ། །སྒྲུབ་ལ་བར་ཆད་མེད་པར་བྱིན་གྱིས་རློབས། །ཆོས་ཀུན་སྒྱུ་མར་རྟོགས་པར་བྱིན༴ །རྨི་ལམ་རང་གྲོལ་འཆར་བར༴ །གཏུམ་མོའི་བདེ་ཆེན་འཆར་བར༴འོད་གསལ་ཕྱག་ཆེན་རྟོག་པར༴ །ཚེ་འདིར་སངས་རྒྱས་ཐོབ་པར༴ །བར་དོའི་འཇིགས་པ་སེལ་བར༴ །བར་དོར་ལོངས་སྐུ་ཐོབ་པར༴ །འགལ་རྐྱེན་ཐམས་ཆད་ཞི་བར༴ །མཐུན་རྐྱེན་ཐམས་ཅད་འགྲུབ་པར༴ །ཐུགས་ཡིད་གཉིས་སུ་མེད་པར༴ །སངས་རྒྱས་བསྟན་པ་རྒྱས་པར་བྱིན་གྱིས་རློབས། ཧཱུྃ། རྡོ་རྗེ་འཆང་དངོས་བླ་མ་དང་། །དབྱེར་མེད་མགོན་པོར་མངའ་གསོལ་ལོ། །སྤྱན་རས་གཟིགས་དབང་ངོ་བོའི་ཕྱིར། །ཡི་དམ་མཆོག་ཏུ་མངའ༴ །སྐུ་བཞི་མངོན་དུ་མཛད་པའི་ཕྱིར། །རྫོགས་སངས་རྒྱས་སུ་མངའ་གསོལ་ལོ། །ཐེག་ཆེན་དམ་ཆོས་ཐམས་ཅད་ཀྱི། །མངའ་བདག་ཆེན་

― LT40_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་མངའ། །འཕགས་ཚོགས་དགེ་འདུན་ཐམས་ཅད་ཀྱི། །གཙོ་བོ་ཆེན་པོར་མངའ༴ །ཐུབ་དབང་བསྟན་པ་བསྲུང་བའི་ཕྱིར། །ཆོས་སྐྱོང་ཆེན་པོར་མངའ༴ །ལྷ་ཆེན་རྣམས་ཀྱི་གཙོ་བོའི་ཕྱིར། །ལེགས་ལྡན་ཆེན་པོར་མངའ༴། དྲག་པོའི་ལས་ལ་མངའ་མཛད་ཕྱིར། །ནག་པོ་ཆེན་པོར་མངའ༴། གསང་སྔགས་རིག་འཛིན་ཐམས་ཅད་ཀྱི། །སྲུང་མ་ཆེན་པོར་མངའ༴ །རྣལ་འབྱོར་དམ་ཚིག་ལྡན་རྣམས་ཀྱི། །དགྲ་ལྷ་ཆེན་པོར་མངའ༴ །བདག་ཅག་འཁོར་བཅས་ཐམས་ཅད་ཀྱི། །མགོན་དང་སྐྱབས་སུ་མངའ༴ །ཐུབ་པའི་དབང་པོའི་བསྟན་པ་སྲུངས། །རྣལ་འབྱོར་བདག་གི་ཕྲིན་ལས་མཛོད། །འགལ་རྐྱེན་ཟློག་ཅིང་མཐུན་རྐྱེན་སྒྲུབས། །མངའ་གསོལ་དོན་དང་ལྡན་པར་མཛོད། །དཔལ་མྱུར་མཛད་ཡེ་ཤེས་ཀྱི་མགོན་པོ་འཁོར་དང་བཅས་པ་གསོལ་ལོ་མཆོད་དོ། །རྡོ་རྗེ་ནག་པོ་ཆེན་པོ་དཔལ་ཧེ་རུ་ཀ་དང་རང་བཞིན་ཆོས་ཉིད་ཀྱི་དང་དུ་གཅིག་ཤིང་ངོ་བོ་ཡེ་ཤེས་སུ་མཚུངས་པ། །མཚན་ཉིད་ཕྲིན་ལས་ཕྱོགས་མེད་དུ་མཉམ་པ། །མི་མཐུན་པའི་ཕྱོགས་ཐམས་ཅད་འཇོམས་པར་བྱེད་པའི་དཔའ་བོ། །སྣང་སྲིད་ལྷ་འདྲེ་ཀུན་གྱི་ཡོངས་རྗེ། །ཞིང་སྐྱོང་དྲག་པོའི་བཀའ་ཉན་གྱི་སྡེ་དཔོན། །མི་ཕམ་རྡོ་རྗེ་གཟི་བརྗིད་ཀྱི་རྒྱལ་པོ། །རིག་འཛིན་གྱི་དབང་ཕྱུག་བུ་བཞིན་དུ་སྐྱོང་བ། །དམ་ཅན་སྒྲུབ་པ་

― LT40_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་བསམ་གཏན་གྱི་དྲོད་ཉུལ་བ། །ཞི་བའི་མདངས་དང་ལྡན་པ། །རྒྱས་པའི་བྱིན་ཆགས་པ། །དབང་སྡུས་ལས་ཀྱི་རྩལ་མངའ་བ། །དྲག་པོས་དགྲ་བགེགས་བསྒྲལ་བའི་ལས་ལ་མྱུར་བ། །བསྟན་པ་བསྲུང་བའི་རྩལ་འབྱིན་པ། །མཐུ་སྟོབས་ཀྱི་དབང་ཕྱུག་ཞིང་སྐྱོང་རྡོ་རྗེ་ནག་པོ་ཕྱག་དྲུག་པ། །དཔལ་ལྡན་ལྷ་མོ་རེ་མ་ཏི། །གནོད་སྦྱིན་ཀྵེ་ཏྲ་པཱ་ལ། །གཤིན་རྗེ་ཊ་ཀི་ར་ཛ། །དབང་ཕྱུག་ཛི་ན་མི་ཏྲ། །བདུད་མགོན་ཏྲགྴད་ནག་པོ། །ཕྱོགས་སྐྱོང་ཆེན་པོ་བཅུ། །གཙང་རིགས་ཀྱི་མགོན་པོ་བདུན་ཅུ་རྩ་ལྔ། བཀའ་སྡོད་དམ་ཅན་རྒྱ་མཚོའི་དམག་ཚོགས་འཁོར་དང་བཅས་པ་རྣམས་ལ་གསོལ་ལོ། །མཆོད་དོ། །མངའ་གསོལ་ལོ། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་རྣལ་འབྱོར་བདག་བླ་ན་མེད་པའི་བྱང་ཆུབ་དང་བདེ་བ་ཆེན་པོའི་ཞིང་ཁམས་སུ་བགྲོད་པའི་ལམ་གྱི་བར་ཆད་དང་། བདུད་བཞིའི་འཇིགས་པ་ཐམས་ཅད་ལས་བསྒྲལ་བའི་ལམ་གྱི་སྐྱེལ་མ་དམ་པ་མཛོད་ཅིག །ཡང་དག་པའི་ལམ་དང་འཕྲད་པའི་ཏིང་ངེ་འཛིན་གྱི་སུན་མ་དང་སྤྲད་པར་མཛོད་ཅིག །བྱང་ཆུབ་མ་ཐོབ་ཀྱི་བར་དུ་ཡང་ལུས་ངག་ཡིད་གསུམ་ལོག་པའི་ལམ་དུ་མི་འགྲོ་ཞིང་། ཐར་པ་བྱང་ཆུབ་ཀྱི་ལམ་དུ་བློ་འགྲོ་བར་

― LT40_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་དུ་གསོལ། མཆོག་ཐུན་མོངས་ཀྱི་དངོས་གྲུབ་ཐམས་ཅད་ཐོབ་ནས་འགྲོ་བ་ཐམས་ཅད་ཀྱི་དཔལ་དང་མགོན་དུ་འགྱུར་བར་མཛད་དུ་གསོལ། དུས་དང་གནས་སྐབས་ཐམས་ཅད་དུ་ཕྲིན་ལས་བཞིའི་བྱ་བ་ཐམས་ཅད་ལ་ཅི་ལྟར་གསོལ་བ་བཏབ་པའི་དོན་ཐམས་ཅད་དེ་ཁོ་ན་ཉིད་བཞིན་དུ་འགྲུབ་པར་མཛད་དུ་གསོལ་ལོ། །བདག་གི་ནད་གདོན་སྡིག་སྒྲིབ་འཇིགས་པ་བརྒྱད་ཞི་བར་མཛད་དུ་གསོལ། ཚེ་བསོད་དཔལ་འབྱོར་སྙན་གྲགས་ལོངས་སྤྱོད་སོགས་འབྱོར་པ་དྲུག་སྤེལ་བར་མཛད་དུ་གསོལ། ཁམས་གསུམ་གྱི་ལྷ་འདྲེ་མི་གསུམ་མོས་བཞིའི་དབང་དུ་འདུ་བར་མཛད་དུ་གསོལ། དགྲ་གདོན་བགེགས་ཚོགས་བྱད་ཕུར་རྦོད་གཏོང་མི་མཐུན་པའི་ཕྱོགས་ཐམས་ཅད་ཞི་ནས་ཚར་གཅོད་པར་མཛད་དུ་གསོལ། མདོར་ན་སྐྱེ་བ་ཀུན་ཏུ་།ཐུགས་རྗེས་ཡུད་ཙམ་ཡང་མི་འདོར་བར་དོན་གཉིས་ལྷུན་གྱིས་གྲུབ་པར་བྱིན་གྱིས་བརླབས་ཏུ་གསོལ། ༈ །མགོན་དཀར་ཡིད་བཞིན་ནོར་བུ་ལ་མངའ་གསོལ་འབུལ་བ་སྤྲོ་ན། གཏོར་མ་ཕུད་མཆོད་གཙང་ཞིང་དག་ལ་རྒྱ་ཆེ་བ་འདུ་བྱས་ལ། བསངས་སྦྱང་། སྟོང་པའི་ངང་ལས། ཡཾ་ལས་རླུང་། རཾ་ལས་མེའི་སྟེང་དུ་ཨཱཿལས་ཀཱ་པཱ་ལ་ཤ་ལྔ་བདུད་རྩི་ལྔས་ཡོངས་སུ་གང་བ་ཧཱུྃ་པྷྲཱུྃ་ཨོཾ་ཛྲི༚་ཁཾ་རྣམས་ཀྱིས་མཚན་པ།

― LT40_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་གཡོས་མེ་སྤར་རྫས་བཅུ་ཡི་གེ་དང་བཅས་པ་ཞུ། སངས་རྒྱས་རྣམས་ཀྱི་ཐུགས་ཀ་ནས་བདུད་རྩི་སྤྱན་དྲངས་ཏེ་ཐིམ་པས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཿཧཱུྃ་ཧ་ཧོ་ཧྲཱིཿ ལན་གསུམ་གྱིས་བྱིན་གྱིས་བརླབས་ལ། ཧཱུྃ། མགོན་པོ་ཡིད་བཞིན་ནོར་བུ་ཐུགས་རྗེ་ཅན། །སྐུ་མདོག་གངས་རི་ལྟར་དཀར་འོད་ཟེར་འཕྲོ། །འགྲོ་བའི་དབུལ་འཕོངས་མ་ལུས་ཞི་མཛད་པ། །འདོད་དགུའི་མཆོག་སྩོལ་འདིར་གཤེགས་མཆོད་གསོལ་བཞེས། །ལྷུན་སྡུག་ཀཻ་ལ་ཤའི་རི་བོ་ལྟར། །འོད་ཟེར་བྱེ་བས་འཁྱུད་པའི་དཔལ་ཕྲེང་ཅན། །དབང་སྡུད་མཁའ་འགྲོ་སྟོང་གི་བདག་པོ་ནི། །མྱུར་མཛད་སྤྱན་རས་གཟིགས་དབང་མངའ་གསོལ་ལོ། །འཛུམ་བག་བརྗིད་པའི་ཞལ་རས་ཡིད་ཙམ་ཁྲོ། །འདོད་དགུ་ཆར་འབེབས་དབང་གི་རྒྱལ་པོ་ཁྱོད། །ཆོས་ཉིད་ཐིག་ལེའི་སྒོ་ངར་གདོད་མའི་སེམས། །མངོན་གྱུར་ཡེ་ཤེས་སྐུ་ཅན་མངའ་གསོལ་ལོ། །དངུལ་ཆུའི་མདངས་གསལ་ཧཱུྃ་ཡིག་ལས་འཁྲུངས་པ། །སྐྱེ་འགྲོའི་རེ་བསྐོང་དབུལ་བའི་སྡུག་བསྔལ་སེལ། །དབུ་སྐྲ་གྱེན་བརྫེས་སྤྱི་བོར་མི་འཁྲུགས་རྒྱལ། །རྒྱས་གདབ་དབང་བསྐུར་ཆེ་བརྙེས་མངའ༴ །ཁ་བའི་རི་ལ་འཆར་ཀ་གསར་པ་ལྟར། །ཁྱོད་ཞལ་སྨིན་མཚམས་སིནྡྷུའི་ཐིག་ལེ་མཛེས། །རིན་ཆེན་

― LT40_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

གདུ་བུ་འཁྲོལ་བའི་ཕྱག་དྲུག་པོ། །བླ་མེད་ཕར་ཕྱིན་ངོ་བོར་མངའ་གསོལ་ལོ། །གྲི་གུག་ཡིད་བཞིན་ནོར་བུ་ཌཱ་མ་རུ། །ནོར་བུས་གཏམས་པའི་ཐད་པ་བུམ་པར་བཅས། །རྩེ་གསུམ་དངོས་གྲུབ་འགུགས་པའི་ལྕགས་ཀྱུ་བསྣམས། །ཕྱག་དྲུག་ཡེ་ཤེས་མགོན་པོར་མངའ༴ །ལྷབ་ལྷུབ་དར་དང་སྟག་ལྤགས་ན་བཟའ་ཅན། །འོད་འབར་རིན་ཆེན་རྒྱན་གྱི་སིལ་ཁྲོལ་དང་། །ནོར་བུའི་ཆུན་འཕྱང་དུ་མས་རབ་ཏུ་མཛེས། །གཟི་བྱིན་ལྷང་ངེར་འབར་བ་མངའ༴ །འདོད་པའི་ལོངས་སྤྱོད་ཆར་ཆེན་འབེབས་བྱེད་པ། །བི་ནཱ་ཡ་ཀའི་སྟེང་ན་རོལ་པས་བཞུགས། །རབ་སྔོ་ཙནྡན་ལྗོན་པའི་ཚལ་ན་དགྱེས། །གནས་གསུམ་མཁའ་འགྲོའི་བདག་པོ༴ །ཐུགས་ཀར་དབང་གི་ལྷ་མོ་ལོང་ཚོ་མ། །འཆར་ཀའི་འོད་རིས་གསར་པ་གློག་ཕྲན་ལྟར། །མཛེས་ཤིང་གཡོ་བའི་དངོས་གྲུབ་ལྕགས་ཀྱུ་འཛིན། །སྲིད་གསུམ་དབང་དུ་སྡུད་མཛད་མངའ༴ །མངའ་གསོལ་བསྟོད་ཅིང་གསོལ་བ་འདེབས་པ་དང་། །སྙིང་ནས་ལྷ་མཆོག་ཁྱོད་ལ་གདུང་བ་ཡིས། །མངའ་གསོལ་འབུལ་གྱིས་བདག་ལ་མཆོག་སྩོལ་ནས། །དཔལ་དང་འདོད་པའི་དོན་ཀུན་འགྲུབ་པར་མཛོད། །ཐུགས་རྗེའི་སྤྲིན་ལས་དགེ་ལེགས་ཆར་ཕབ་སྟེ། །འདོད་དགུའི་རྦ་རླབས་ཕྲེང་བ་ཆིལ་ཆིལ་གཡོ། །ཟས་

― LT40_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་ལོངས་སྤྱོད་དགེ་ལེགས་ཡར་འཕེལ་གྱི། །དཔལ་འབྱོར་རྒྱ་མཚོ་གོང་ནས་གོང་འཕེལ་ཤོག །གསོལ་ལོ་མཆོད་དོ། །མྱུར་མཛད་ཡེ་ཤེས་ཀྱི་ཡིད་བཞིན་ནོར་བུ། དྲན་པ་ཙམ་གྱིས་འདི་ཕྱི་བར་དོའི་སྡུག་བསྔལ་ལས་སྐྱོབ་པ། གསོལ་བ་བཏབ་པ་ཙམ་གྱིས་འདོད་རྒུའི་དངོས་གྲུབ་ཆར་བཞིན་ཏུ་འབེབས་པ། གནས་གསུམ་གྱི་མཁའ་འགྲོ་མ་བྱེ་བ་འབུམ་གྱི་ཚོགས་དང་བཅས་པ་རྣམས་གསོལ་ལོ་མཆོད་དོ་མངའ་གསོལ་ལོ། །དངོས་འབྱོར་ཡིད་སྤྲུལ་གྱི་སྤྱན་གཟིགས་མཆོད་པའི་བྱེ་བྲག་ས་དང་བར་སྣང་ནམ་མཁའ་གང་བ་བླ་མ་མགོན་པོ་དབྱེར་མེད་ཆོས་ཉིད་བདེ་བ་ཆེན་པོ་ལ་ཡིད་ཆེས་མོས་གུས་རྩེ་གཅིག་ཏུ་བསྒོམ་པའི་མཆོད་སྤྲིན་བླ་ན་མེད་པས་དགྱེས་ཤིང་མཉེས་ནས། བདག་སྒྲུབ་པ་པོ་ལ་བུ་གཅིག་པའི་མ་བཞིན་ཏུ་བརྩེ་བ་ཆེན་པོས་བྱང་ཆུབ་མ་ཐོབ་ཀྱི་བར་རྟག་ཏུ་མི་འབྲལ་བར་གཟིགས་ལ། གནས་སྐབས་སུ་ཆོས་སྒྲུབ་པའི་མཐུན་རྐྱེན་ཚེ་དང་བསོད་ནམས་དཔལ་དང་དབང་ཕྱུག་ཟས་ནོར་ལོངས་སྤྱོད་སྙན་གྲགས་མངའ་ཐང་ལ་སོགས་པ་རབ་ཏུ་འཕེལ་ཞིང་རྒྱས་ལ་ཉམས་པ་མེད་པ་དང་། ཁམས་གསུམ་སྲིད་གསུམ་བརྟན་གཡོའི་དྭངས་བཅུད་ཐམས་ཅད་ཐོགས་པ་མེད་པར་དབང་དུ་འདུ་བའི་མཆོག་སྦྱིན་པར་མཛད་དུ་གསོལ། མཐར་ཐུག་བདེ་བ་ཆེན་པོའི་ཞིང་ཁམས་སུ་ལམ་སྣ་འདྲེན་པའི་དེད་

― LT40_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་དང་འཁོར་བ་ལས་སྒྲོལ་བའི་སྐྱེལ་མ་མཛད་ཅིང་འཇིག་རྟེན་མགོན་པོ་ཐུགས་རྗེའི་དབང་ཕྱུག་གི་གོ་འཕང་བདེ་བླག་ཏུ་འཐོབ་པར་བྱིན་གྱིས་བརླབས་པར་མཛད་དུ་གསོལ། །ཞེས་རོལ་མོའི་སྒྲ་དང་བཅས་གཏོར་མཆོད་ནམ་མཁར་འབུལ་བར་བྱའོ། །ཞེས་པ་འདི་ནི་སྒར་བསངས་ཆེན་མོ་སོགས་དུས་ཀྱི་མཆོད་པའི་སྐབས་སུ་འཇུག་འོས་པར་མཐོང་ནས། ཇོ་ནང་རྗེ་བཙུན་ཆེན་པོ་སོགས་བྱིན་རླབས་དང་ལྡན་པའི་གསུང་རྣམས་གུང་སྤྲོས་ཏེ་མངའ་གསོལ་བའི་ཚིགས་མཐར་བསྒྱུར་ཞིང་འདོན་བདེར་བསྡེབས་པ་ཏེ། ཀརྨ་ངག་དབང་ཡོན་ཏན་རྒྱ་མཚོས་དཔལ་སྤུངས་ཡང་ཁྲོད་བཛྲ་ཀོ་ཊཱི་ཡེ་ཤེས་མགོན་པོ་ཉིད་དགྱེས་རྒུར་རོལ་པའི་དགའ་བའི་ཚལ་དུ་བྲིས་པ་དགེ་ལེགས་འཕེལ། །སརྦ་དཱ་ཤུ་བྷཾ།། །།

ཡེ་ཤེས་མགོན་པོ་ཏྲཀ་ཤད་ཀྱི་བསྐང་གསོལ་ལས་བཞི་མྱུར་འགྲུབ།

― LT40_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་མགོན་པོ་ཏྲཀ་ཤད་ཀྱི་བསྐང་གསོལ་ལས་བཞི་མྱུར་འགྲུབ་བཞུགས་སོ། ཧཱུྃ། སྤྱན་རས་གཟིགས་མགོན་ཐུགས་ཀྱི་ཕྲིན་ལས་ལས། །རྣམ་འཕྲུལ་ཞི་བས་འདུལ་བར་མི་སྤྱོད་ཅིང་། །དྲག་པོའི་སྟོབས་ཀྱིས་གདུག་པ་ཚར་གཅོད་པ། །འཇིགས་པའི་གཟུགས་ཅན་ཁྱོད་ནི་འདིར་བྱོན་ཅིག །ལྷ་ཆེན་ཐུགས་ཀྱི་ཕོ་ཉ་མཐུ་བོ་ཆེ། །ཁྱོད་ཀྱི་རྣམ་འཕྲུལ་ཕྱོགས་བཅུ་མ་ལུས་ཁྱབ། །ཡབ་ཅིག་རྟག་ཏུ་འདོད་རྒྱལ་ཁང་བཟང་ན། །ཕལ་ཆེར་ཨུ་ཙ་ལ་ཡི་དུར་ཁྲོད་ན། །རེས་འགའ་བསིལ་བའི་ཚལ་ན་སྲིན་པོའི་གཟུགས། །ད་ལྟ་ཙ་རི་རོང་གི་ཕོ་བྲང་ན། །ཁྱོད་ཀྱི་བརྟེན་ས་རྩུབ་མོའི་བྲག་ཕུག་ན། །རྣལ་འབྱོར་དམ་ཚིག་ལྡན་པའི་རྗེས་འབྲང་ཞིང་། །གང་གིས་བཅོལ་པའི་ལས་རྣམས་སྒྲུབ་མཛད་པ། །དྲག་པོའི་དབང་ཕྱུག་གཟི་ལྡན་འདིར་བྱོན་ཅིག །ཡུམ་གཅིག་བདུད་མོ་རེ་ཏི་འདིར་བྱོན་ཅིག །བཀའ་ཉན་སྒྲོལ་བྱེད་མ་མོ་འདིར་བྱོན་ཅིག །འཁོར་གྱི་ཕོ་ཉ་ལས་མཁན་འདིར་བྱོན་ཅིག །སྤྲུལ་པ་ཡང་སྤྲུལ་ཚོགས་རྣམས་འདིར་བྱོན་ཅིག །ཧཱུྃ། ལྷ་མིན་དམག་ཚོགས་གཡུལ་ཟློག་ཅིང་། །ལྷ་དམག་དཀར་པོའི་དབུགས་འབྱིན་པའི། །ལྷ་ཆེན་དཔལ་འབར་འཁོར་དང་བཅས། །བསྐང་ངོ་བསྐལ་པ་ཐུགས་དམ་བསྐང་། །སྲོག་བདུད་མ་ཧཱ་ཀཱ་ལ་ནི། །རྔམ་པའི་ཞལ་ལ་གཏུམ་པའི་སྐུ། །གསོད་དང་

― LT40_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

གཅོད་པའི་ལས་ལ་དགྱེས། །ཡེ་ཤེས་མགོན་པོའི་ཐུགས་དམ་བསྐང་། །མིང་པོ་རྡོ་རྗེའི་ལས་བྱེད་མ། །དམ་ལ་གནས་ཤིང་བསྟན་པ་སྲུང་། ཁམས་གསུམ་ཁྲག་འཐུང་རེ་མ་ཏཱི། །མ་གཅིག་ལྷ་མོའི་ཐུགས་དམ་བསྐང་། །ཤེལ་གཡུ་དངུལ་དང་དུང་གི་མིག །མཆོང་དང་ཟངས་ཀྱི་མིག་ཅན་མ། །བདུད་ཀྱི་བུ་མོ་ཆེན་མོ་དྲུག །སྤྲུལ་འཁོར་བཅས་པའི་ཐུགས་དམ་བསྐང་། །སྲོག་བདུད་ནག་པོ་ཆེན་པོ་ཡི། །བཀའ་ཉན་མོན་མོ་ཆེན་མོ་བདུན། །བདུད་ཀྱི་ཤན་པ་ཆེན་པོ་བདུན། །བྱང་ཕྱོགས་གནོད་སྦྱིན་ཆེན་པོ་བརྒྱད། །ལྷོ་ཕྱོགས་གཤིན་རྗེ་ཆེན་པོ་བརྒྱད། །སྤྲུལ་པ་ཡང་སྤྲུལ་ཕོ་ཉ་དང་། །ཕྱོགས་བཞིའི་རུ་འདྲེན་དམག་གི་ཚོགས། །བདུད་པོ་ཉི་ཁྲི་ཆིག་སྟོང་དང་། །ལྷ་དམག་དཀར་པོ་འབུམ་སྡེའི་ཚོགས། །གཞན་ཡང་ལྷ་སྲིན་སྡེ་བརྒྱད་སོགས། །དཔལ་མགོན་འཁོར་དང་བཅས་རྣམས་ཀྱི། །ཐུགས་དམ་བསྐང་ངོ་ཕྲིན་ལས་མཛོད། །ཕྱི་ནང་གསང་བའི་བརྟེན་རྫས་དང་། །མཆོད་བསྐང་བསྒྲུབ་ཅིང་དགྱེས་པའི་རྫས། །བདུད་རྩི་ཛ་གད་སྨན་རཀ་ཕུད། །ཤ་ཁྲག་དམར་གྱི་གཏོར་མ་སོགས། །ཐུགས་ལ་བཞེད་དགུའི་མཆོད་པའི་སྤྲིན། །དངོས་འབྱོར་ཡིད་སྤྲུལ་དཔག་མེད་ཀྱིས། །ཐུགས་དམ་གཉན་པོ་བསྐང་ནས་ཀྱང་། །གཡར་དམ་ཉམས་ཆགས་སོར་སྩོལ་ཞིག །བདག་ཅག་མ་རིག་དབང་གྱུར་པས། །རྩ་

― LT40_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཡན་ལག་དམ་ཚིག་ལ། །ཆགས་ཉམས་འགལ་འཁྲུལ་གང་མཆིས་པ། །བཟོད་པར་གསོལ་ལོ་ཚངས་པར་སྩོལ། །བདག་ཅག་ཡོན་མཆོད་འཁོར་བཅས་ཀྱི། །ནད་གདོན་གནོད་པ་ཞི་བ་དང་། །ཚེ་བསོད་དཔལ་འབྱོར་འཕེལ་བ་དང་། །སྣང་སྲིད་དབང་དུ་སྡུད་པ་དང་། །མི་མཐུན་ཕྱོགས་རྣམས་གཞོམ་པ་ཡི། །ཕྲིན་ལས་རྣམ་བཞི་ཁྱོད་ཀྱིས་མཛོད། །ཁྱད་པར་སངས་རྒྱས་བསྟན་པའི་བཅུད། །ངེས་དོན་སྙིང་པོའི་རིང་ལུགས་སྐྱོངས། །གསང་བདག་རྡོ་རྗེ་འཛིན་པ་སོགས། །རྒྱལ་བའི་བཀའ་དང་དམ་ཚིག་བཞིན། །བྱང་ཆུབ་སྒྲུབ་པའི་བར་ཆད་སོལ། །ཕྱི་ནང་གསང་བའི་འགལ་རྐྱེན་ཟློག །བསྟན་དང་འགྲོ་ལ་གནོད་པ་ཡི། །སྡང་བའི་དགྲ་དང་གནོད་པའི་བགེགས། །ཐལ་བའི་རྡུལ་བཞིན་བརླག་པར་གྱིས། །མདོར་ན་མཆོག་ཐུན་དངོས་གྲུབ་སོགས། །བསམ་དོན་ཡིད་བཞིན་འགྲུབ་པར་མཛོད། །ཅེས་པ་འདི་ནི་ངེས་དོན་སྙིང་པོའི་རིང་ལུགས་ཀྱི་བསྟན་པའི་རྩ་ལག་དཔལ་ལྡན་ཛམ་ཐང་གི་མགོན་ཁང་དུ་ཉེ་བར་མཁོ་བའི་ཕྱིར། ལྷ་འདི་ཉིད་ཀྱི་རྣལ་འབྱོར་པ་ངག་དབང་ཆོས་འཕགས་ཀྱི་བཞེད་དོན་ལྟར། གསང་བདག་སྒྲོལ་བའི་མགོན་པོའི་བཀའ་སྲོལ་འཛིན་པ་ཀརྨ་ངག་དབང་ཡོན་ཏན་རྒྱ་མཚོས་གནས་དེ་ཉིད་དུ་བྲིས་པ་དགེ་ལེགས་འཕེལ། །སརྦ་མངྒ་ལཾ།། །། །།

འཕགས་པ་ཛམྦྷ་ལ་དཀར་པོའི་བསྟོད་པ་དངོས་གྲུབ་ཆར་འབེབས།

― LT40_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པ་ཛམྦྷ་ལ་དཀར་པོའི་བསྟོད་པ་དངོས་གྲུབ་ཆར་འབེབས་ཞེས་བྱ་བ་བཞུགས་སོ། །

― LT40_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཨཱརྻ་ཛམྦྷ་ལ་ལ་ཕྱག་འཚལ་ལོ། །ཧྲཱིཿ འདོད་དགུའི་མཆོག་སྩོལ་གནོད་གནས་དབང་པོ་ནི། །དུང་དང་ཀུནྡ་ཟླ་བ་ཆུ་ཤེལ་མདོག །མཐོང་ཐོས་དྲན་པས་འདི་ཕྱིའི་གདུང་བ་སེལ། །བསམ་འགྲུབ་སྤྱན་རས་གཟིགས་ལ་ཕྱག་འཚལ་བསྟོད། ༡ །ངེས་པ་ལྔ་ལྡན་རྣམ་སྣང་གངས་ཆེན་མཚོ། །ཞིང་འདིར་ས་བཅུའི་དབང་ཕྱུག་སྐུར་སྣང་བ། །སྤྱན་རས་གཟིགས་མགོན་ཐུགས་རྗེའི་འོད་ཟེར་ནི། །བསམ་རྫོགས་དཔལ་དུ་འཕྲོས་ལ་ཕྱག་འཚལ་བསྟོད། ༢ །ཆགས་དང་སེར་སྣའི་ཐན་པས་གདུང་བ་ཡིས། །དཔལ་འབྱོར་ལོ་ཏོག་བསྐམས་པའི་བཀྲེན་པ་རྣམས། །གཟིགས་ནས་དམིགས་མེད་སྙིང་རྗེའི་རྫོགས་ལྡན་སྤྲིན། །ཕན་བདེའི་དཔྱིད་དུ་དཀྲིགས་ལ་ཕྱག་འཚལ་བསྟོད། ༣ །བསོད་ནམས་བྱེ་བ་ལས་གྲུབ་བཟང་པོའི་མཚན། །སྤྱན་གཡས་མཆི་མ་ནོར་བུའི་གྲུ་ཆར་གྱི། །བཅུད་དུ་འདྲིལ་བ་མགོན་པོ་ཛམྦྷ་ལ། །ཡིད་བཞིན་དབང་གི་རྒྱལ་པོར་ཕྱག་འཚལ་བསྟོད། ༤ །ཁྱོད་མཚན་རིན་ཐང་བྲལ་བའི་བཻ་ཌཱུརྻ། །སུས་འཛིན་སྐྱེ་ཀུན་དབུལ་བའི་འཇིགས་དང་བྲལ། །ཕྱི་མ་འོད་དཔག་མེད་ཞིང་བདེ་ཆེན་ཏུ། །འདྲེན་པའི་འོད་སྣང་འབར་ལ་ཕྱག་འཚལ་བསྟོད། ༥ །ཐུགས་རྗེའི་གྲིབ་བསིལ་སྣུམ་པོ་བསྟེན་པ་ལ། །དབུལ་ཕོངས་འཇིགས་པ་མིང་ཡང་མི་གྲགས་ཤིང་། །ཟས་གོས་འབྲུ་

― LT40_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་ལྷུན་གྱིས་གྲུབ་མཛད་པ། །ལྷ་མཆོག་ཡོངས་འདུས་ཤིང་ལ་ཕྱག་འཚལ་བསྟོད། ༦ །འཛད་མེད་དགོས་འདོད་གཏེར་ཆེན་ལྷུག་པར་གྲོལ། །འགྲོ་བ་ཡོངས་ཀྱི་དབུལ་བ་གཅིག་ཆར་འཕྲོག །རྟོག་པ་མེད་པར་རེ་བ་སྐོང་མཛད་པ། །ནོར་སྦྱིན་བུམ་པ་བཟང་པོར་ཕྱག་འཚལ་བསྟོད། ༧། འདོད་དགུར་བསྒྱུར་བའི་མིག་འཕྲུལ་གར་བརྒྱ་ཡིས། །ལས་བཞིའི་ཕྲིན་ལས་བཅོལ་བའི་མོད་ལ་གྲུབ། །ཡེ་ཤེས་རང་མདངས་མཚར་སྡུག་ཌཱ་ཀི་ནི། །རྣམ་བཞིའི་འཁོར་དང་བཅས་ལ་ཕྱག་འཚལ་བསྟོད། ༨ །གདོད་ནས་མངོན་སངས་རྒྱས་ཀྱང་འགྲོ་དྲུག་གི། རྣམ་པ་དང་མཐུན་གྲུབ་གཉིས་སྦྱིན་པའི་ལྷ། །སྐྱབས་གནས་གཅིག་ཆོག་ཉིད་དུ་ངེས་རྙེད་ནས། །མི་ལྡོག་དད་ཅིང་གུས་པས་ཕྱག་འཚལ་བསྟོད། ༩ །མཆོད་བསྟོད་ཕྱག་འཚལ་གསོལ་བ་བཏབ་པའི་མཐུས། །སྔོན་གྱི་ཐུགས་དམ་ཆེན་པོའི་ཤུགས་བསྐྱེད་ནས། །མཆོག་ཐུན་དངོས་གྲུབ་རིན་ཆེན་ཆར་ཕོབ་ལ། །རེ་བའི་ཤིང་རྟ་མྱུར་དུ་འགེང་དུ་གསོལ། ༡༠ །ཚེ་བསོད་དཔལ་འབྱོར་དབང་ཐང་སྙན་གྲགས་དང་། །ཟས་གོས་འབྲུ་ནོར་འཁོར་འདབ་ལོངས་སྤྱོད་ཚོགས། །མི་ཟད་ནམ་མཁའ་མཛོད་ཀྱི་སྒོ་ཕྱེས་ལ། །ཅི་འདོད་དངོས་གྲུབ་མྱུར་དུ་སྦྱིན་ཏུ་གསོལ། ༡༡ །མཐུ་སྟོབས་ནུས་རྩལ་སྤངས་རྟོགས་ཡོན་

― LT40_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་སོགས། །ལས་བཞི་གྲུབ་བརྒྱད་མཆོག་གི་གྲུབ་བ་རྣམས། །ཡར་ངོའི་ཟླ་དང་དབྱར་གྱི་ཆུ་གཏེར་ལྟར། །མྱུར་དུ་འགྲུབ་ཅིང་གོང་འཕེལ་མཛད་དུ་གསོལ། ༡༢ །བདག་ཅག་བཟང་ངན་བར་མའི་འབྲེལ་ཐོགས་བཅས། །འདི་བཟུང་སྐྱེ་ཀུན་དབུལ་ཕོངས་འཇིགས་དང་བྲལ། །ཕྱི་མ་བདེ་བ་ཅན་དུ་ལམ་སྣ་དྲོངས། །སྤྱན་རས་གཟིགས་དབང་ཕྲིན་ལས་མྱུར་འགྲུབ་ཤོག ༡༣ །ཅེས་པའང་དད་དམ་དགེ་བའི་ནོར་ཅན་དྷརྨ་བརྡྷ་ནས་བསྐུལ་ངོར་ཡོན་ཏན་རྒྱ་མཚོས་དཔལ་སྤུངས་རི་ཁྲོད་དུ་ཡར་ཚེས་བཟང་པོར་བྲིས་པ་དགེ་ལེགས་འཕེལ། ༈ །གཏོར་འབུལ་འདོད་གསོལ་བྱེད་ན། ཁྱོད་ལ་མཆོད་བསྟོད་གཏོར་མ་ཕུལ་བའི་མཐུས། །སྔོན་གྱི་ཐུགས་དམ་མན་ཆད་སྦྱར་བར་བྱའོ། ༈ །གའུ་ལྔའི་འདོད་གསོལ་སྔགས་ཆགས་མེད་རིན་པོ་ཆེའི་ལུགས་ལྟར་ལེགས་སྦྱར་དུ་བགྱིས་པ་ནི། གཙོ་བོ། ཨོཾ་པི་ཤ་ནི་ལོ་ཀ་དྷཱ་ཏུ་ནཱཾ། ཏྲི་དེ་བ་ན་ར་བྷཱུ་ཏཱ་ནཱཾ་སརྦ་ཛ་ག་ཏཾ་བ་ཤང་ཀུ་རུ་སྭཱ་ཧཱ། ཤར། ཨོཾ་བཛྲ་ཌཱ་ཀི་ནཱི། ཨོཾ་བ་ཤཾ་ནི་སརྦ་ཨུདྡྷ་དེ་བ་བྷ་བ། ཨ་དྷོ་ནཱ་ག་བྷ་བ། མ་དྷྱ་ན་ར་བྷ་བ་བ་ཤང་ཀུ་རུ་སྭཱ་ཧཱ། ལྷོ། ཨོཾ་རཏྣ་ཌཱ་ཀི་ནཱི་ཨོཾ་བ་ཤཾ་ནི་དེ་བ་ཨ་སུ་རཱ་ནྲཱིཾ། སརྦ་ཨནྣ་བ་སུ་དྲ་བྱ། བི་ཤིཥྚ་མཱནྡ་བ་ཤང་ཀུ་རུ་སྭཱ་ཧཱ། ནུབ། ཨོཾ་པདྨ་ཌཱ་ཀི་ནཱི་ཨོཾ་བ་ཤང་ནི་སརྦ་རཱ་ཛ་རཱ་ཛ་ན་ཀ་ཨི་ཤཱ་ཁྱ་བཱནྡ་

― LT40_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱཌྡྷྱ་ཨུ་ད་ཡ་སྥོ་ཊ་ཀཱི་ནཱཾ་དེ་ཤ་ན་རཱཤྩ། སརྦ་རཏྣ་མ་ི་ཀཾ་པ་ཏི་ཀ་ར་མ་ཧཱ་ནཱ་ག་བྷཱུ་མི་པ་ཏི་བ་ཤང་ཀུ་རུ་སྭཱ་ཧཱ། བྱང་། ཨོཾ་ཀརྨ་ཌཱ་ཀི་ནཱི་ཨོཾ་བ་ཤང་ནི་དེ་བ་ནར་བྷཱུ་ཏཱ་ནཱཾ་ཨོ་ད་ཀ་བ་སུ་བི་ཤྭ་སམྤ་ཏྟིབ་ཤང་ཀུ་རུ་སྭཱ་ཧཱ། །དགེ་ལེགས་འཕེལ།། །།

དཔལ་ལྡན་སྔགས་ཀྱི་སྲུང་མའི་ཕྲིན་ལས་རྡོ་རྗེ་ནོར་བུའི་ཕྲེང་བ།

― LT40_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་སྔགས་ཀྱི་སྲུང་མའི་ཕྲིན་ལས་རྡོ་རྗེ་ནོར་བུའི་ཕྲེང་བ་ཞེས་བྱ་བ་བཞུགས་སོ། །

― LT40_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དེ་བ་ཌཱ་ཀི་ནཱི་ཡཻ། གཏོར་མཆོད་མཐོང་བརྒྱུད་ལྟར་འཚོགས་པར་བྱས་ལ། ཨ་མྲྀ་ཏས་བསངས། སྭ་བྷཱ་བས་སྦྱངས། སྟོང་པའི་ངང་ལས་བྷྲཱུྃ་ལས་གནས་ཁང་དུར་ཁྲོད་དྲག་པོའི་ཞིང་ཁམས་བསམ་གྱིས་མི་ཁྱབ་པར་ཕྱི་ནང་གསང་བའི་མཆོད་པ་སྤྱན་གཟིགས་མཐུན་རྫས་རྟེན་རྫས་བསྐང་རྫས་ལ་སོགས་པ་ཐམས་ཅད་སྲིད་ཞིའི་འདོད་ཡོན་གྱི་རྣམ་པ་མཁོ་དགུ་ཚང་བ། བཟང་དགུས་འབྱོར་པ། མཛེས་དགུས་བརྒྱན་པ། ངོ་བོ་ཡེ་ཤེས་སྒྱུ་མའི་རང་བཞིན་བདེ་བའི་རྣམ་པ་ཐམས་ཅད་པར་འཆར་བས་ནམ་མཁའི་ཁམས་གང་བར་གྱུར། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུངྒ་ཏེ་སྥ་ར་་ཨི་

― LT40_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

མཾ་ག་ག་ན་ཁཾ་སྭཱ་ཧཱ། ལན་གསུམ་དང་། སྥ་བཛྲ་སྥ་ར་་ཁཾ་ཞེས་པས་བྱིན་གྱིས་བརླབས་ཅིང་ཟད་མི་ཤེས་པར་སྤེལ། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། སྟོང་པའི་ངང་ལས་མདུན་གྱི་ནམ་མཁར་དུར་ཁྲོད་ཆེན་པོའི་དབུས་སུ་ཡཾ་ལས་བསྐལ་པའི་མེ་རླུང་། ར་ལས་རཀྟའི་རྒྱ་མཚོ། ཀི༚་ལས་རུས་པའི་རི་རབ་ཀྱི་སྟེང་དུ་བྷྲཱུྃ་ལས་བྷཉྫ་འབར་བའི་གཞལ་ཡས་ཁང་རྒྱ་ཁྱོན་དང་དྲག་པོའི་བཀོད་པ་ཚད་མེད་པའི་དབུས་སུ་པད་ཉི་དགྲ་བགེགས་ཀྱི་གདན་ལ་ཏྲག་ཡིག་སྨུག་ནག་ཡོངས་སུ་གྱུར་པ་ལས། དཔལ་ཡེ་ཤེས་ཀྱི་མ་མོ་སྔགས་ཀྱི་སྲུང་མ་སྐུ་མདོག་སྨུག་ནག་ཁྲོ་གཏུམ་མི་བཟད་པའི་གཟུགས་ཅན། སྤྱན་གཅིག་རལ་གཅིག་

― LT40_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེ་གཅིག་ནུ་གཅིག་དང་ལྡན་པ། །ཕྱག་གཡས་ཞིང་གི་དབྱུག་པ་ཀླད་ལ་འཕྱར་ཞིང་། གཡོན་དགྲ་སྙིང་དང་ལྕགས་སྤྱང་ཁྲ་སྟབས་སུ་འགྱེད་པ། ཐོད་པ་སྐམ་པོའི་ཅོད་པན་དང་དོ་ཤལ་ཅན། མི་ལྤགས་ཀྱི་གཡང་གཞི་དང་འཇའ་སྤྲིན་གྱིས་སྟོད་གཡོགས་ཤིང་སྟག་གི་པགས་པའི་ཤམ་ཐབས་འཕྱང་བ། ཕྱག་རྒྱ་ལྔས་བརྒྱན་ཏེ་གཡོན་བརྐྱང་བའི་གར་སྟབས་ཀྱིས་རོའི་གདན་ལ་རོལ་པ། འཁོར་དུ་སྤྲུལ་པའི་མ་མོ་རྣམ་གསུམ། སྦྱོར་སྒྲོལ་སྲོག་གཅོད་ཀྱི་གིང་གསུམ་ཡེ་ཤེས་ཀྱི་མ་མོ་ལྔ། རྗེ་མོ་བཅུ་བཞི། སྨན་མོ་ལྔ་བཅུ་རྩ་བརྒྱད་སོགས་སྣང་སྲིད་མ་མོའི་འཁོར་ཚོགས་བསམ་གྱིས་མི་ཁྱབ་པས་བསྐོར་བ། མདུན་ཏུ་བྷྱོ་ལས་ཤན་པ་སྲོག་སྒྲུབ་ནག་མོ་ལ་ཤ་ཟ་དང་མ་མོ་འབུམ་སྡེས་བསྐོར་བ། གཡས་སུ་ཏྲི་ལས་གཟའ་བདུད་རཱ་ཧུ་ལ་ལ་གཟའ་གདོད་རྒྱུ་སྐར་གྱིས་བསྐོར་བ། རྒྱབ་ཏུ་ཀྵ་ལས་གནོད་སྦྱིན་ཤན་པ་དམར་ནག་ལ་ཤ་ཟ་ཤན་པའི་ཚོགས་ཀྱིས་བསྐོར་བ། གཡོན་ཏུ་ཏྲི་ལས་སྐྱེས་མཆོག་རྡོ་རྗེ་ལེགས་པ་ལ་གིང་ཆེན་སྡེ་བཞི་མཆེད་ཟླ་སུམ་བརྒྱ་དྲུག་ཅུ་དགྱེས་སྡེ་བརྟན་མའི་ཚོགས་ཀྱིས་བསྐོར་བ། །གཞན་ཡང་ཕྱིའི་ཁོར་ཡུག་ལ་ཡེ་ཤེས་དང་ལས་ལས་གྲུབ་པའི་དྲེགས་པ་ཕོ་རྒྱུད་མོ་རྒྱུད་ཕོ་ཉ་ལས་བྱེད་དཔག་ཏུ་མེད་པས་བསྐོར་ཞིང་སྒྲུབ་པ་པོའི་རེ་འདོད་ཡིད་བཞིན་ཏུ་སྐོང་བ། ཐམས་ཅད་ཀྱི་དཔྲལ་བར་ཨོཾ། །

― LT40_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་པར་ཨཱཿཐུགས་ཀར་ཧཱུྃ། ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཆོས་དབྱིངས་ཡུམ་གྱི་མཁའ། ལྷོ་ཕྱོགས་རྒྱ་མཚོའི་གླིང་། རི་རབ་ཀྱི་རྩེ། དུར་ཁྲོད་ཆེན་པོ་བརྒྱད་སོགས་གྲུབ་པའི་གནས་ཡུལ་དགྱེས་པར་སྤྱོད་པའི་ཞིང་ཁམས་ཐམས་ཅད་ནས་ཡེ་ཤེས་ཀྱི་མ་མོ་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲངས་པར་བསམ་ཞིང་། བྷྱོཿབདེ་ཆེན་ཀུན་བཟང་ཡུམ་གྱི་མཁའ། །རང་བྱུང་ཡེ་ཤེས་སྤྲོས་བྲལ་དབྱིངས། །དམིགས་མེད་ཆོས་སྐུའི་དཀྱིལ་འཁོར་ནས། །ཐུགས་རྗེས་སྤྲུལ་པའི་སྐུར་བཞེངས་མ། །མཁའ་འགྲོ་ཀུན་གྱི་གཙོ་མོ་ཆེ། །སྲིད་གསུམ་དབང་སྒྱུར་རལ་གཅིག་མ། །གསང་སྔགས་བཀའ་སྲུང་སྒྲོལ་བའི་ཡུམ། །སྨུག་ནག་ཁྲོས་མ་གཤེགས་སུ་གསོལ། །དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་མ་གཅིག་ཀྱེ། །མིང་པོ་རྡོ་རྗེས་དེང་འབོད་ཀྱིས། །སྲིང་མོ་དམ་ཅན་ད་ཚུར་བྱོན། བྷྱོ། དུར་ཁྲོད་གནས་ནས་མཁའ་འགྲོ་མ། །མི་བསྲུན་ཤན་པ་གཤེགས་སུ་གསོལ། །བར་སྣང་ཁམས་ནས་འཇིགས་བྱེད་གཙོ། །ཁྱབ་འཇུག་ཆེན་པོ་གཤེགས་སུ་གསོལ། །ཧེ་ཆེན་བརྡལ་ནས་སྒྲོལ་བའི་གིང་། །གནོད་སྦྱིན་ཆེན་པོ་གཤེགས་སུ་གསོལ། །དམ་ཚིག་གནས་ནས་ཐིག་ལེ་རྩལ། །རྡོ་རྗེ་ལེགས་པ་གཤེགས་སུ་གསོལ། །བསྟན་པ་

― LT40_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་བའི་དམ་ཅན་རྣམས། །སོ་སོའི་མངག་གཞུག་ཕོ་ཉར་བཅས། །དམ་ཚིག་གནས་འདིར་སྤྱན་འདྲེན་གྱིས། །ཕྲིན་ལས་བསྒྲུབ་ཕྱིར་གཤེགས་སུ་གསོལ། ཨོཾ་རོ་རུ་ཨེ་ཀ་ཙ་ཏི་སྙིང་ཁ་རཀྨོ། རུ་ལུ་རུ་ལུ་ཧཱུྃ་བྷྱོ་ཧཱུྃ་ཛཿཛཿ ཏྲག་རཀྴས་པ་རི་ཝཱ་ར་ཨེ་ཧྱེ་ཧི་བཛྲ་ས་མཱ་ཛཿ ཛཿཧཱུྃ་བྃ་ཧོཿ ཞེས་སྤྱན་དྲངས་ལ། བཞུགས་གསོལ་ནི། ཧཱུྃ། ཆོས་ཀྱི་དབྱིངས་ནས་བཞེངས་པ་ནི། །སྨུག་ནག་ཁྲོས་མ་རག་གདོང་མ། །སྔགས་ཀྱི་སྲུང་མ་འཁོར་དང་བཅས། །འདིར་བཤམས་འབར་བའི་གདན་ལ་བཞུགས། ཏྲག་རཀྴ་ས་མ་ཡ་ཏིཥྛནྟུ། ཕྱག་བྱ་བ་ནི། ཧཱུྃ། དཔལ་ལྡན་ཡེ་ཤེས་མཁའ་འགྲོའི་གཙོ། །སྔགས་སྲུང་མ་མོ་རལ་གཅིག་མ། །མཐུ་ཆེན་དྲེགས་པ་ཆེན་པོ་བཞི། །འཁོར་དང་བཅས་ལ་ཕྱག་འཚལ་ལོ། ཨ་ཏི་པཱུ་ཧོཿཔྲ་ཏཱིཙྪ་ཧོཿམཆོད་པ་ནི། ཧཱུྃ། རབ་འབྱམས་ཞིང་ཀུན་གང་བའི་མཆོད་པའི་སྤྲིན། །མེ་ཏོག་ཕྲེང་མཛེས་བདུག་སྤོས་སྤྲིན་ཕུང་གཡོ། །འོད་འབར་སྣང་གསལ་དྲི་ཆབ་ལྦུ་ཕྲེང་བཞད། །རོ་བརྒྱའི་ཞལ་ཟས་སྙན་བརྗིད་རོལ་མོ་འཁྲོལ། །ཤ་རུས་དོན་སྙིང་ནང་རོལ་སྣ་ཚོགས་དང་། །རྨད་བྱུང་བདུད་རྩི་རཀྟ་བཏུང་བའི་མཚོ། །འདོད་ཡོན་བཟའ་བཅའི་གཏོར་མ་བསམ་མི་ཁྱབ། །གཟུགས་མཛེས་སྒྲ་སྙན་དྲི་ཞིམ་རོ་བདའ་དང་། །རེག་འཇམ་ལྷ་མིའི་མཆོད་སྤྲིན་ཇི་སྙེད་ཀྱིས། །མཆོད་དོ་

― LT40_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་པར་རོལ་ལ་ཕྲིན་ལས་མཛོད། ཨོཾ་ཏྲག་རཀྴ་ས་པ་རི་ཝཱ་ར་པུཥྤེ་ནས་ཤབྡའི་བར་དང་། ཨ་མྲྀ་ཏ་རཀྟ་བ་ལི༚་པཉྩ་ཀཱ་མ་གུ་་པྲ་ཏཱིཙྪ་སྭཱ་ཧཱ། གཏོར་མ་འབུལ་བ་ནི། ལྷ་རྣམས་ཀྱི་ལྗགས་ཧཱུྃ་ལས་བྱུང་བའི་རྡོ་རྗེའི་སྦུ་གུ་ཅན་གྱི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བར་གྱུར། ཨོཾ་རོ་རུ་ཨེ་ཀ་ཛཱ་ཊི་སྙིང་ཁ་རཀྨོ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཛཿཛཿ ས་པ་རི་བཱ་ར་ཨི་དཾ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། དཔལ་ཡེ་ཤེས་ཀྱི་མ་མོ་སྔགས་སྲུང་རྡོ་རྗེ་རལ་གཅིག་མ་འཁོར་དང་བཅས་པ་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། སངས་རྒྱས་ཀྱི་བསྟན་པ་སྲུངས་ཞེས་པ་ནས་ཕྲིན་ལས་མཛོད་ཅིག །ཅེས་པའི་བར་གྱིས་ཕྲིན་ལས་བཅོལ། བསྟོད་པ་ནི། བྷྱོ། བསྐལ་པའི་མེ་ལྟར་འབར་བའི་དུར་ཁྲོད་ན། །ཤིན་ཏུ་གསོད་པའི་སྨུག་ནག་ཁྲོས་མ་ནི། །ནམ་མཁའི་ལུས་ཅན་ལྷོ་སྤྲིན་གོས་སུ་གྱོན། །ཙིཏྟ་ཟ་ཞིང་དམ་ཉམས་སྙིང་ཁྲག་འདྲེན། །ཞིང་ཆུང་དབྱུག་པས་དགྲ་སྙིང་ཚལ་པར་འགེམས། །འཇིགས་བྱེད་ཆེན་པོ་རལ་པའི་ཐོར་ཚུགས་ཅན། །དཔྲལ་ན་མིག་གཅིག་སྲིད་གསུམ་ཁུངས་ནས་འབྱིན། །ཞལ་ན་ཚེམས་གཅིག་དགྲ་བོའི་སྲོག་གཅོད་མ། །བྲང་ན་ནུ་གཅིག་སྒྲུབ་མཆོག་བུ་བཞིན་སྐྱོང་། །ཤ་ཁྲག་ལོངས་སྤྱོད་དམར་གཏོར་འདི་གསོལ་ལ། །དམ་ཚིག་དབང་

― LT40_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་དམ་ཉམས་གཤེད་མ་མཛོད། །མ་མོ་སྲོག་ལ་དགྱེས་ཕྱིར་འདི་གསོལ་ལ། །བདག་གིས་བཅོལ་པའི་ཕྲིན་ལས་སྒྲུབ་པར་མཛོད། །དམ་ཚིག་དུས་ལ་བབ་པོ་ས་མ་ཡ། བྷྱོ། སྨུག་ནག་ཁྲོས་མ་རལ་གཅིག་མ། །ཞིང་དབྱུག་ཕྱར་ཞིང་དགྲ་སྙིང་ཟ། །འཇའ་སྤྲིན་གོས་གྱོན་མི་ལྤགས་འཕྱང་། །སྔགས་སྲུང་ཆེན་མོ་ཁྱོད་ལ་བསྟོད། །དཔལ་ལྡན་ཤན་པ་མི་བསྲུན་མ། །གཅེར་མོ་དོན་སྙིང་ཟ་ཞིང་རྒྱུག །དགྲ་བགེགས་མྱོས་བྱེད་རིམས་ནད་འབེབས། །ནམ་གྲུ་ནག་མོ་ཁྱོད་ལ་བསྟོད། །གཏུམ་ཆེན་གཟའ་བདུད་སྲིན་པོའི་གཟུགས། །མགོ་དགུ་རྒྱལ་མཚན་སྦྲུལ་ཞགས་དང་། །མདའ་གཞུ་འགེངས་ཤིང་ཐོག་སེར་འབེབས། །སྡེ་བརྒྱད་དམག་དཔོན་ཁྱོད་ལ་བསྟོད། །སྒྲོལ་གིང་ཤན་པ་དམར་ནག་ནི། །གྲི་ཐོད་འཛིན་ཞིང་རལ་གྲི་གདེང་། །བསྟན་དགྲའི་སྙིང་འབྱིན་སྦྲུལ་ཞགས་འཕེན། །གནོད་སྦྱིན་ཆེན་པོ་ཁྱོད་ལ་བསྟོད། །དམ་ཅན་སྐྱེས་བུ་གིང་གི་བདག །དམར་ནག་རྡོ་རྗེ་དགྲ་སྙིང་འཛིན། །ཟ་འོག་བེར་གྱོན་ར་སྐྱེས་ཞོན། །མཐུ་ཆེན་དྲེགས་པ་ཁྱོད་ལ་བསྟོད། །མ་ཐོགས་མྱུར་བའི་རྫུ་འཕྲུལ་གྱིས། །དཀར་ཕྱོགས་བསྟན་པ་ལེགས་སྐྱོང་ཞིང་། །ནག་ཕྱོགས་བདུད་སྡེ་ཚར་གཅོད་པའི། །བཀའ་སྡོད་ཕོ་ཉ་ཀུན་ལ་བསྟོད། བསྐང་བ་ནི། བྷྱོ། ཡེ་ཤེས་མ་མོ་ཁྲག་འཐུང་ཡུམ། །

― LT40_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་སྲུང་རྡོ་རྗེ་རལ་གཅིག་མ། །འཁོར་བཅས་མཐུན་པའི་དམ་རྫས་ཀྱིས། །ཐུགས་དམ་བསྐང་ཞིང་ཉམས་ཆག་བཤགས། །ཁྲག་ཞག་འཁྲུག་པའི་ཨརྒྷཾ་དང་། །དབང་པོ་ལྔ་ཡི་མེ་ཏོག་དང་། །གསུང་ཆེན་སྤོས་ཀྱི་དུད་སྤྲིན་དང་། །ཞུན་ཆེན་སྒྲོན་མེས་ཐུགས་དམ་བསྐང་། །མཁྲིས་ཆེན་བདུད་རྩིའི་དྲི་ཆབ་དང་། །ཤ་ཁྲག་རུས་པའི་ཞལ་ཟས་དང་། །རྐང་གླིང་ཐོད་རྔའི་རོལ་མོ་སོགས། །མཐུན་པའི་རྫས་ཀྱིས་ཐུགས་དམ་བསྐང་། །སྣ་ཚོགས་སྙིང་དང་ཁྲག་སྣ་འབུམ། །བཙོས་དང་རྗེན་ཤ་དཀར་མངར་བཅུད། །མྱོས་བྱེད་ཛ་གད་འབྲུ་སྨན་དབྱིག །འདོད་ཡོན་མཆོད་པས༴བྱ་ནག་ཁྱི་དང་ཟ་ལེ་འབྲི། །ཙ་ར་ལུག་དང་དྲེའུ་རྣམས། །མཛེས་སྡུག་རྣམ་བཀྲའི་རྒྱན་ཆ་ཅན། །འབུམ་ཕྲག་མང་པོས༴། སྐུ་གཟུགས་སྔགས་བྱང་རྩེ་གསུམ་མདུང་། །སྦ་ལྕག་ཚིགས་གསུམ་རང་བྱུང་མཚལ། །བྱང་སེམས་ནལ་བུའི་རྒྱལ་མཚན་སྙིང་། །ཤ་ཁྲག་སྙིང་སྣས༴ །གཏོར་ཆེན་སྨན་ཕུད་སྤྱི་བླུགས་ཞྭ། །རྨ་བྱའི་རྒྱལ་མཚན་ལེ་བརྒན་གུར། །བམ་ཆེན་སྣེལ་མོའི་མགོ་ལྤགས་སོགས། །སྲོག་འཁོར་བླ་རྡོས༴ །རྔམས་བརྗིད་ཐོད་མཁར་དུར་ཁྲོད་གནས། །དཔལ་གྱི་ཆས་གོས་རྒྱན་ཕྲེང་དང་། །སྣ་ཚོགས་དཀོར་ནོར་སྤྱན་གཟིགས་སོགས། །འདོད་ཡོན་མཁོ་དགུས༴ །གཞན་ཡང་མཐུན་

― LT40_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དམ་ཚིག་རྫས། །ལྷ་མིའི་འབྱོར་ཚོགས་མཆོད་པའི་སྤྲིན། །དངོས་བཤམས་ཡིད་ཀྱི་རྣམ་རོལ་ལས། །གང་བཞེད་དེ་ངོར་འཆར་བས་བསྐང་། །ཁྱད་པར་ཁྱོད་སྐུ་སྣང་སྟོང་སྐུ། །གསལ་བརྟན་གྲགས་སྟོང་སྔགས་སུ་སྦྱར། །བདེ་སྟོང་ཐུགས་ཀྱི་དཀྱིལ་འཁོར་དུ། །རང་རིག་འདུ་འབྲལ་མེད་པར་བསྐང་། །ངོ་བོ་དུས་གསུམ་རྒྱལ་ཀུན་ཡུམ། །རྣམ་པ་སྔགས་སྲུང་ཁྲག་འཐུང་ཚུལ། །གདུལ་དཀའ་འདུལ་བའི་མཐུ་རྩལ་ཅན། །སྨུག་ནག་ཁྲོས་མའི་ཐུགས་དམ་བསྐང་། །ཡེ་ཤེས་མ་མོའི༴ །ཁྲག་འཐུང་ཡུམ་གཅིག༴ །སྔགས་སྲུང་ཁྲོས་མའི༴ །ཨེ་ཀ་ཛ་ཊཱིའི༴ །སྤྲུལ་པ་རྣམ་གསུམ་གིང་ཆེན་གསུམ། །ཕོ་ཉ་ཡེ་ཤེས་འཇིག་རྟེན་དང་། །དམ་ཚིག་ཤ་ཟའི་མཁའ་འགྲོ་མ། །འབུམ་ཕྲག་འཁོར་བཅས་ཐུགས་དམ་བསྐང་། །ཤན་པ་སྲོག་སྒྲུབ་གཟའ་བདུད་དང་། །སྒྲོལ་གིང་རྡོ་རྗེ་ལེགས་པ་རྣམས། །ལྕམ་དྲལ་བཀའ་སྡོད་ཕོ་ཉར་བཅས། །འཁོར་དང་བཅས་པའི་ཐུགས་དམ་བསྐང་། །དམ་ཅན་ཐུགས་དམ་དགྱེས་བསྐང་ཞིང་། །བདག་ཅག་ཉམས་ཆག་བྱང་བ་དང་། །ཞི་རྒྱས་དབང་དྲག་ཕྲིན་ལས་བཞིའི། །དངོས་གྲུབ་ཆེན་པོ་འགྲུབ་པར་མཛོད། བཤགས་པ་ནི། ཧོཿ རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་། །ཐུགས་རྗེའི་དབང་གིས་འབར་བའི་སྐུར་བཞེངས་པ། །རྒྱལ་

― LT40_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་བསྟན་སྲུང་དམ་ཅན་རྒྱ་མཚོའི་ཚོགས། །འཁོར་བཅས་བདག་ལ་གསན་ཅིང་དགོངས་སུ་གསོལ། །བདག་ཅག་བླུན་རྨོངས་མ་རིག་འཁྲུལ་པའི་ཡིད། །ལས་དང་ཉོན་མོངས་བག་ཆགས་ཀྱིས་དཀྲུགས་པས། །ལྷ་ཁྱོད་བསྙེན་ཅིང་སྒྲུབ་པར་དམ་བཅས་ཀྱང་། །སྐུ་ཡི་ཕྱག་རྒྱ་མ་གསལ་དོན་མ་རྟོགས། །སྔགས་ཀྱི་བཟླས་བརྗོད་མ་དག་ལྷག་ཆད་འཁྲུགས། །ཡིད་ཀྱི་ཏིང་འཛིན་བྱིང་རྒོད་རྟོག་པས་བསླད། །དམ་རྫས་མ་ཚང་རྟེན་རྫས་མ་ཚོགས་དང་། །རྒྱུ་ཆུངས་ཕུང་ཉམས་འབགས་བཙོག་དྲི་མས་གོས། །དུས་ཀྱི་མཆོད་གཏོར་འགྱངས་ཤིང་ཆག་པ་དང་། །བསྙེན་སྒྲུབ་གཡེལ་ཞིང་ལས་སྦྱོར་ལོག་པ་སོགས། །རྩ་བ་ཡན་ལག་དམ་ཚིག་ཉམས་པ་ཀུན། །རབ་གནོང་འགྱོད་པའི་སེམས་ཀྱིས་མཐོལ་ལོ་བཤགས། །མཐོལ་བཤགས་བཟོད་པ་དང་དུ་བཞེས་ནས་ཀྱང་། །ཉམས་ཆགས་སྒྲིབ་པའི་ཚོགས་རྣམས་ཀུན་བྱང་སྟེ། །འགྱུར་མེད་ཚངས་པ་མཆོག་གི་དངོས་གྲུབ་སྩོལ། །ཞེས་དང་། ཡི་གེ་བརྒྱ་བ་ལན་གསུམ་སོགས་ཀྱིས་ཐུགས་དམ་མ་བསྐངས་པ་རྣམས་བཤགས་པར་བྱས་ལ་འདོད་པའི་ཕྲིན་ལས་བཅོལ་ལོ། ཞེས་པའང་རྒྱུན་གྱི་གཏོར་ཆོག་ཁྱེར་བདེའི་སླད་དུ་དངོས་གྲུབ་རོལ་མཚོའི་གཞུང་ལས་བཏུས་པ་སྟེ་མངོན་རྟོགས་ཚིག་སྣ་བསྟུངས་པ་ཙམ་ལས་གཞུང་ཚིག་རྣམས་བཅོས་མེད་སོར་བཞག་ཏུ་གར་གྱི་དབང་ཕྱུག་རྩལ་གྱིས་བསྡེབས་པའོ། །དགེ་ལེགས་འཕེལ།

དུད་སོལ་མ་གཙོ་བོར་གྱུར་པའི་ལྷ་མོ་སྤྱི་ཡི་མཆོད་གསོལ་སྐྱེ་བ་ལྔ་བའི་སྒྲ་དབྱངས།

― LT40_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

དུད་སོལ་མ་གཙོ་བོར་གྱུར་པའི་ལྷ་མོ་སྤྱི་ཡི་མཆོད་གསོལ་སྐྱེ་བ་ལྔ་བའི་སྒྲ་དབྱངས་ཞེས་བྱ་བ་བཞུགས་སོ། །

― LT40_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་གཡོ་ཀུན་ཁྱབ་ཤེས་རབ་ཕ་རོལ་ཕྱིན། །སྣང་སྲིད་དབང་མཛད་མ་མོ་མཁའ་འགྲོའི་ཚུལ། །འཁོར་འདས་རོ་མཉམ་ངང་དུ་གུས་བཏུད་ནས། །བསྟན་སྲུང་མོ་རྒྱུད་རྒྱ་མཚོའི་མཆོད་གསོལ་བྲི། །དེ་ཡང་དཀྱིལ་འཁོར་ཆེན་པོར་ཞུགས་ཤིང་སྒོས་ཀྱི་རྗེས་སུ་གནང་བ་ཐོབ་སྟེ་གསང་སྔགས་ཀྱི་དམ་ཚིག་སྤྱི་དང་། ཁྱད་པར་མ་མོའི་དམ་ཚིག་ལ་ལེགས་པར་གནས་པའི་རྣལ་འབྱོར་པས། དུར་ཁྲོད་དང་ཤིང་གཅིག་ལ་སོགས་པའམ། གནས་ཁང་བཀོད་པས་བརྒྱན་པའི་དབུས་ཀྱི་གོང་དུ་བླ་མ་ཡི་དམ་མཁའ་འགྲོའི་རྟེན་དང་མཆོད་གཏོར་བཀྲམ། མདུན་དུ་གཞི་མ་མཐིང་ནག་གི་དབུས་སུ་འབྲུ་ནག་གི་ཚོམ་བུ་བཀོད་པའི་ཁར། བཤོས་ལྡེབ་ཟུར་གསུམ་ཁྲུ་གང་ངམ། མཐོ་གང་ལས་མི་ཆུང་བ་ཕྱག་མཚན་མེ་རིས་སྤྲས་པའི་འཁོར་དུ། བཤོས་ཕྲན་དེ་འདྲ་བརྒྱད། རྒྱས་པར་བྱེད་ན་དེའི་ཕྱི་རོལ་དུ་དཀར་དམར་

― LT40_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་ཆུང་བརྒྱད། འབྲིང་དུ་ཉེར་ལྔ། ཐ་མ་བཅུ་གསུམ། ཐེབ་ཀྱུ་དང་བྱ་ནག་ལུག་ནག་དྲེལ་ནག་བོང་བུ་གཙོས་པའི་ཕྱི་ནང་གསང་རྟེན་མཆོད་སྐད་དགྱེས་རྫས་སྤར་དུ་བཏབ་པ་གྲངས་དེ་མཚུངས་སམ། ཐ་ནའང་ཚར་རེས་བསྐོར་བ་ཐོད་པའམ་ཟངས་ལྕགས་ཀྱི་སྣོད་དུ་བཞག །དར་གདུགས། སྟག་གཟིགས་རས་མོ། དར་ཚོན་སོགས་ཀྱིས་མཛེས་པར་བརྒྱན་ཏེ་མཉྫའི་སྟེང་དུ་བཀོད་པའི་གཡས་སུ་རྩ་བརྒྱད་སྟོང་སྦྱར་དང་ལྡན་པའི་སྨན་ཕུད་མ་ཉམས་པ། གཡོན་ཏུ་ཁྱད་པར་གྱི་རཀྟ་དང་སྦྱར་བའི་ཁྲག་རུལ་གྱི་སྣོད། མདུན་ནས་ཆུ་གཉིས་ཉེར་སྤྱོད་དྲག་མཆོད་གཡོན་དང་། ཞི་མཆོད་གཡས་ནས་མགོ་བཟུང་བའི་ཕྲེང་ཚར་ཆ་གཉིས་བཤམས། གཞན་ཡང་འོག་ནས་འབྱུང་བའི་མཆོད་རྫས་དང་། སྦྱར་སྤོས་སོགས་འདུ་བགྱིད། རང་མདུན་ཐོད་པའི་རྡེའུ་ཆུང་

― LT40_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

གཡབ་དར། དམ་ཚིག་བདུད་རྩི་སོགས་རོལ་མོ་དང་ཉེར་མཁོའི་ཡོ་བྱད་བཀོད། དུང་སོལ་མའི་སྒེར་སྒྲུབ་ཀྱི་དབང་དུ་བྱས་ན་རང་ཉིད་དགྱེས་པ་རྡོ་རྗེའམ། གདན་བཞི་རྡོ་རྗེ་སེམས་དཔའི་རྣལ་འབྱོར་གང་རུང་སྔོན་དུ་འགྲོ་དགོས་པ་ཡིན་ཀྱང་། འདིར་སྣང་སྲིད་མོ་རྒྱུད་ཀྱི་དཀྱིལ་འཁོར་ཡིན་པས། བདག་བསྐྱེད་ཧེ་རུ་ཀ་འཁོར་ལོའི་མགོན་པོ་གང་རིགས་ཀྱི་རྣལ་འབྱོར་ལ་གནས་པས་མཆོད་རྫས་བྱིན་རླབས་ནི། ཨོཾ་བཛྲ་ཨ་མྲྀ་ཏ་སོགས་ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་གནས་ཁང་ཐར་པ་ཆེན་པོའི་གཞལ་མེད་ཕུན་སུམ་ཚོགས་པར་ཨ་ལས་བྷཉྫ་འབར་བའི་སྣོད་བཟང་ཞིང་རྒྱ་ཆེ་བ་རྣམས་སུ་ཧཱུྃ་ཡིག་ལས་བྱུང་བའི་མཆོད་ཡོན་ཞབས་བསིལ་མེ་ཏོག་བདུག་སྤོས་མར་མེ་དྲི་ཆབ་ཞལ་ཟས་རོལ་མོ་ལ་སོགས་པ་མཆོད་པའི་དངོས་པོ་རྣམས་འདོད་ཡོན་གྱི་རྣམ་པ་མ་ཚང་བ་མེད་པ་འཕགས་པ་ཀུན་ཏུ་བཟང་པོའི་མཆོད་སྤྲིན་གྱི་ཕུང་པོ་ལྟ་བུའི་ནམ་མཁའི་མཐའ་ཀླས་པར་གྱུར། །ཨོཾ་བཛྲ་ཨརྒྷཾ་ཨཱཿཧཱུྃ་ནས། ཤབྡའི་བར་གྱིས་བྱིན་གྱིས་བརླབས། སྨན་ཕུད། རཾ་ཡཾ་ཁཾ་གིས་བསངས་སྦྱངས། སྟོང་པའི་ངང་ལས་ཨ་ལས་བྱུང་བའི་ཐོད་པའི་སྣོད་དུ་ཤ་ལྔ་བདུད་རྩི་ལྔ་ལ་ཨོཾ་ཧཱུྃ་ཏྲྃ་ཧྲཱིཿཨཱ༔མུཾ་ལཱཾ་མཱཾ་པཱཾ་ཏཱཾ་རྣམས་ཀྱིས་མཚན་པ་ཞུ་བ་ལས་བྱུང་བའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾཱ་སརྦ་པཉྩ་ཨ་མྲྀ་ཏ་ཨཱཿཧཱུྃ། ལན་གསུམ། བསངས་སྦྱངས། སྟོང་པའི་ངང་ལས་ཨ་ལས་བྱུང་བའི་

― LT40_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོད་པའི་ནང་དུ་རཾ་ལས་ཉི་མའི་སྟེང་དུ་ར་ཡིག་ཞུ་བ་ལས་རཀྟའི་རྒྱ་མཚོ་རྦ་ཀློང་འཁྲུག་པ་ལ་ཁམས་གསུམ་གྱི་རཀྟ་ཐམས་ཅད་བསྡུས་ཤིང་ཐིམ་པར་གྱུར། ཨོཾ་མ་ཧཱ་རཀྟ་ཨཱཿཧཱུྃ། ལན་གསུམ། གཏོར་མ་བསངས་སྦྱངས། སྟོང་པའི་ངང་ལས་གཏོར་གཞོང་བྷྲཱུྃ་ལས་རིན་པོ་ཆེའི་མཆོད་སྡོང་འདབ་མ་སྟོང་ལྡན་གྱི་སྙིང་པོར་གཏོར་རྫས་ཨོཾ་ལས་འདོད་ཡོན་གྱི་ཕུང་པོ་ཟད་མི་ཤེས་པའི་ལོངས་སྤྱོད་ཀྱི་གཏེར་དུ་གྱུར། ཨོཾ་མ་ཧཱ་བ་ལིནྟ་ཨཱཿཧཱུྃ། ཞེས་ལན་གསུམ་མམ་བདུན་ལ་སོགས་པས་བྱིན་གྱིས་བརླབ་བོ། །དེ་ནས་མདུན་དུ་དམ་ཚིག་པའི་འཁོར་ལོ་བསྐྱེད་པ་ནི། །སྐད་ཅིག་གིས་སྟོང་ཁམས་སྲིད་པ་མ་མོའི་དཀྱིལ་འཁོར། དུར་ཁྲོད་ཆེན་པོའི་བཀོད་པ། ཁྲག་ཞག་གི་རྒྱ་མཚོ་འཁྲུགས་ཤིང་། མེ་དུད་འཇའ་ཟེར་འཁྱིལ་བ། ཐོག་སེར་གྱི་བུ་ཡུག་འཚུབས་པའི་ཀློང་དུ་བྷཉྫ་འབར་བའི་གཞལ་ཡས་ཁང་རྒྱ་ཁྱོན་ཚད་མེད་པ་དུར་ཁྲོད་ཀྱི་རྒྱན་དང་བཀོད་པ་བསམ་གྱིས་མི་ཁྱབ་ཅིང་འཇིགས་སུ་རུང་བས་བརྒྱན་པའི་དབུས་སུ་སྐད་ཅིག་གིས་ལྷ་མོ་དུད་པའི་སོལ་བ་མ་བཞུགས་པའི་སྙིང་གར། ཨོཾ་དཀར་པོ་ལ་གནས་པའི་ར་ཡིག་དམར་པོ། ར་ལས་མེ་འོད་འཕྲོ་བས། སྐུ་ལུས་སྐད་ཅིག་གིས་བསྲེགས། ཨོཾ་དེའི་སྟེང་དུ་བཾ་ཡོངས་སུ་གྱུར་པ་ལས་བུམ་པ་དཀར་པོ་བདུད་རྩིས་གང་བ། དེ་ལས་བདུད་རྩི་

― LT40_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ལུད་དེ་ཨོཾ་བཀྲུས་པས་འོད་ཟེར་དཀར་པོ་རབ་ཏུ་འབར་བར་གྱུར། ཨོཾ་ཨཱཿམ་ཧཱ་ཀཱ་ལི། དེ་ཝཱི་ཀ་ལི། བི་ཀྲནྟ་ཙཎྜ་རཱུ་པི་ཱི་ཧཱུྃ་ཕཊ། དེ་ཉིད་སྐད་ཅིག་གིས་དཔལ་ལྡན་ལྷ་མོའི་སྐུར་གྱུར་པ་ནི། སྐུ་མདོག་ནག་མོ། ཀེང་རུས་ལྟར་སྐེམ་པའི་ལུས་ཅན། ཞལ་ཅིག་ཕྱག་བཞི་ཞབས་གཉིས་པ། གཡས་ཀྱི་དང་པོ་ན་རལ་གྲི། གཉིས་པ་ན་བྷཉྫ་དམར་ཆེན་གྱིས་བསྐྱིལ་བ། གཡོན་གྱི་དང་པོ་ན་ཤཀྟི། །གཉིས་པ་ན་ཏྲི་ཤུལ་དར་དཔྱངས་ཅན་འཛིན་པ། མི་རོ་རེངས་པ་ཁར་བཅུག་ནས་མཆེ་བ་གཙིགས་པ། །སྤྱན་གསུམ་དམར་བ། དབུ་སྐྲ་རལ་པ་དམར་སེར་གྱེན་བརྫེེས་ལན་བུ་གཡོན་ཏུ་འཁྱིལ་བ། །སྦྲུལ་དང་ཐོད་ཕྲེང་གིས་བརྒྱན་པ། སྙན་གཡས་ན་དྲིལ་བུའི་མགུལ་རྒྱན་ཅན་གྱིས་སྦྲུལ་དང་། གཡོན་སེང་གེས་བརྒྱན་པ། མེ་ཏོག་དང་དར་ནག་གི་ཅོད་པན། ལྷ་མ་ཡིན་གྱི་མགོ་བོས་ངོ་ཤལ་བྱས་པ། གླང་པོ་ཆེའི་ཀོ་བས་སྟོད་གཡོགས་ཤིང་། བ་གླང་གི་པགས་པ་རེ་ལྡེ་སེར་པོའི་ཤམ་བུ་ཅན་གྱིས་སྨད་དཀྲིས་པ་ལ། ཀླུའི་རྒྱལ་པོ་གཤིབས་པས་སྐེ་རགས་བྱས་པ། ལྕགས་སྒྲོག་གིས་བརྒྱན་པའི་ཞབས་གཉིས་བོང་བུ་གྭ་པའི་སྟེང་ན་བཙན་བསྐྱིལ་གྱིས་བཞུགས་པ། དུར་ཁྲོད་ཀྱི་དབུས་ན་སྒྲ་དྲག་པོ་སྒྲོག་པ་ལ། སྙིང་འཕྲོག་མ་གསུམ། རིགས་བཞིའི་མ་མོ། མ་མོ་བརྒྱད། །

― LT40_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་མན་བརྒྱད། སྒོ་མ་བཞི་སོགས། མ་མོ་མཁའ་འགྲོ་ཤ་ཟ་འབུམ་སྡེས་བསྐོར་བ། ཕྱི་རོལ་གྱི་ཕྱོགས་དང་མཚམས་རྣམས་སུ་སྔགས་སྲུང་རྡོ་རྗེ་རལ་གཅིག་མ་སོགས་ཡེ་ཤེས་ཀྱི་མ་མོ། དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ་སོགས་ལས་ཀྱི་མ་མོ། དུར་ཁྲོད་ཀྱི་འདྲེ་མོ་ངན་ནེ་མ་སོགས་འཇིག་རྟེན་གྱི་མ་མོ། གཞན་ཡང་སྤྲུལ་པའི་ལས་མཁན་ནག་མོ་འབུམ་སྡེ། དཀར་སེར་དམར་ལྗང་བྱེ་བ་འབུམ་ཕྲག །ཤ་ཟ་ནམ་གྲུ་སྲིན་མོ་གནོད་སྦྱིན་མོ་ལ་སོགས་པ་རི་རབ་དང་རྒྱ་མཚོའི་གཏིང་དང་བར་སྣང་གི་ཁམས་སུ་གནས་པའི་དམོད་པའི་མཚོན་ཆ་ཅན་གྲངས་མེད་པ་རྣམས་དང་། །བསྟན་སྐྱོང་ཡ་མ་སྣང་སྲིད་མོ་རྒྱུད་མཁའ་འགྲོའི་ཚོགས་བསམ་གྱིས་མི་ཁྱབ་པས་བསྐོར་བའི་ཐམས་ཅད་ཀྱི་གནས་གསུམ་འབྲུ་གསུམ་གྱིས་མཚན་པ། གཙོ་མོའི་ཐུགས་ཀར་ཐུགས་ཀྱི་ཡེ་ཤེས་མར་མེ་ལྟར་འབར་བ་སྒོ་ངའི་དབྱིབས་ཅན་སོར་བཞི་པ། དེའི་དབུས་སུ་ཧཱུྃ། མཐའ་སྐོར་དུ་ཨོཾ་ཧཱུྃ་ཤྲི་ཡཻ་དེ་ཝཱི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོཿཞེས་པས་བསྐོར་བར་གྱུར། །ཐུགས་ཀའི་ཧཱུྃ་ལས་ཧཱུྃ་གཅིག་ཆད་དེ་བྷ་གར་ཐིམ། བཛྲ་ལཱ་སྱེ་རཱ་ག་ཡཱ་མི། རང་གི་སྙིང་ག་ནས་འོད་ཟེར་འཕྲོས་པས། རང་བཞིན་གྱིས་གྲུབ་པའི་ལྷ་མོ་དཔལ་ནག་མོ་འབུམ་སྡེ་དང་བཅས་པ་བཛྲ་ས་མཱ་ཛཿ འབོད་རྫས་བརྟུལ་ཞིང་རོལ་མོ་

― LT40_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་དང་བཅས་ཏེ་སྤྱན་འདྲེན་པ་ནི། བྷྱོ། རི་རབ་ཆེན་པོའི་བྱང་ཤར་མཚམས། །གཡུ་མཚོ་མུ་ལེ་མཐིང་གི་དབུས། །རིན་ཆེན་ལྔ་ལྡན་གཞལ་ཡས་ཁང་། །དེ་དབུས་སྲིད་གསུམ་ཐོད་མཁར་ནས། །གྲུ་གསུམ་འབར་བའི་ཀློང་དཀྱིལ་ནས། །དཔལ་ལྡན་ལྷ་མོ་དུད་སོལ་མ། །ཞལ་གཅིག་ཕྱག་བཞི་བོང་བུ་བཅིབས། །འཁོར་ཡང་ནག་མོ་འབུམ་གྱིས་བསྐོར། །གནས་འདི་ཉིད་དུ་གཤེགས་སུ་གསོལ། །བྷྱོ། བདེ་ཆེན་ཀུན་བཟང་ཡུམ་གྱི་མཁའ། །རང་བྱུང་ཡེ་ཤེས་སྤྲོས་བྲལ་དབྱིངས། །དམིགས་མེད་ཆོས་སྐུའི་དཀྱིལ་འཁོར་ནས། །ཐུགས་རྗེས་སྤྲུལ་པའི་སྐུར་བཞེངས་མ། །མཁའ་འགྲོ་ཀུན་གྱི་གཙོ་མོ་ཆེ། །སྲིད་གསུམ་དབང་བསྒྱུར་རལ་གཅིག་མ། །གསང་སྔགས་བཀའ་སྲུང་སྒྲོལ་བའི་ཡུམ། །སྨུག་ནག་ཁྲོས་མ་གཤེགས་སུ་གསོལ། བྷྱོ། བྱང་ཤར་ཆོས་དབྱིངས་ཕོ་བྲང་ནས། །བསྟན་པ་སྲུང་ཕྱིར་སྐུ་སྤྲུལ་པ། །ཚུར་གཤེགས་ཚུར་གཤེགས་མ་ཚུར་གཤེགས། །དམ་ཚིག་དབང་གིས་མྱུར་དུ་བྱོན། བྷྱོ། ཕྲིན་ལས་ཀུན་གྱིས་བདག་མོ་སྟེ། །དཔལ་ལྡན་དམག་ཟོར་རེ་མ་ཏི། །ནག་མོ་འབུམ་སྡེའི་འཁོར་དང་བཅས། །འགྲོ་བ་འདུལ་ཕྱིར་གཤེགས་སུ་གསོལ། བྷྱོ། ཁྱོད་ཀྱི་སྤྱི་བོའི་གཙུག་རུམ་ནས། །ཉི་མ་ཟླ་བའི་འོད་ཟེར་འཕྲོ། །ནག་མོ་མི་བཟད་ཆོ་འཕྲུལ་ཅན། །

― LT40_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ལ་བབ་ཀྱི་ད་ཚུར་བྱོན། །ལྷ་མོ་རྡོ་རྗེ་དབང་སྒྲུབ་མ། །ཕྲིན་ལས་བཅོལ་བའི་དུས་ཀྱི་ཚེ། །ཉིན་གསུམ་ཁྲ་ལྟར་འཁྱུག་ཅིང་བྱོན། །མཚན་གསུམ་གློག་ལྟར་འཁྱུག་ཅིང་བྱོན། །བསྟན་པ་བསྲུང་བའི་དུས་ལ་བབ། ཧཱུྃ་བྷྱོ། འཇིགས་ཤིང་ཡ་ངའི་དུར་ཁྲོད་ནས། །བསྟན་སྲུང་མ་མོ་ལས་མཁན་མ། །ཤ་ཟ་དྷཱཀྟི་འཁོར་དང་བཅས། །རིག་འཛིན་པདྨའི་བཀའ་བཞིན་དུ། །ད་ལྟ་རྣལ་འབྱོར་བདག་སྒྲུབ་ཀྱིས། །དོ་ནུབ་གནས་མཆོག་འདི་ཉིད་དུ། །སྐད་ཅིག་ཉིད་ལ་གཤེགས་སུ་གསོལ། བྷྱོ། དུར་ཁྲོད་ལྷ་མོ་ཆེན་མོ་ཁྱོད། །དུར་ཁྲོད་གནས་ནས་སྐུ་བཞེངས་ཤིག །བརྩེ་བའི་ཐུགས་ཀྱིས་གནས་འདིར་བྱོན། །རྣལ་འབྱོར་གདུང་བས་གསོལ་བ་འདེབས། །བརྗོད་བྲལ་འགྱུར་མེད་ཀློང་ཡངས་ནས། །ཡེ་ཤེས་རང་སྣང་རོལ་པའི་ཡུམ། །དུར་ཁྲོད་ལྷ་མོ་སྐུ་བཞེངས་ཤིག །དུས་ལ་བབ་ཀྱི་ད་ཚུར་བྱོན། བྷྱོ། བཀྲ་ཤིས་ཚེ་ཡི་དབང་ཕྱུག་མ། །དྲག་པོས་གདུང་བས་ཁྱོད་འབོད་ན། །དེ་རིང་སྒྲུབ་པའི་གནས་མཆོག་འདིར། །ལྷབ་ལྷུབ་ན་བཟའི་རྒྱན་དང་བཅས། །སིལ་སྙན་རོལ་མོའི་སྒྲ་དང་བཅས། །ནམ་མཁའི་མཐོང་ནས་སྤྱན་འདྲེན་ན། །བརྟན་མའི་འཁོར་བཅས་གཤེགས་སུ་གསོལ། །ད་ལྟ་སྙིགས་མ་ལྔ་ཡི་དུས། །དམ་ཅན་གཤེགས་པར་མི་འོས་ཀྱང་། །

― LT40_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་ཚེ་བྱང་ཆུབ་ཤིང་གི་དྲུང་། །ཐུབ་པ་ཆེན་པོའི་སྤྱན་སྔ་རུ། །ཅི་ལྟར་ཁས་བླངས་དམ་བཅས་ལྟར། །སངས་རྒྱས་བསྟན་པ་སྲུང་བ་དང་། །འགྲོ་ཀུན་བདེ་ལ་འགོད་པའི་ཕྱིར། །དཔལ་ལྡན་ལྷ་མོ་གཤེགས་སུ་གསོལ། །གསང་སྔགས་སྲུང་མ་དམ་ཚིག་ཅན། །འཁོར་བཅས་གཤེགས་ཤིང་བཞུགས་སུ་གསོལ། བྷྱོ། གཞན་ཡང་གཤིན་རྗེའི་ཕོ་བྲང་དང་། །ལྷ་ཁང་དུར་ཁྲོད་རི་སུལ་ནས། །ཆོས་སྐྱོང་སྲུང་མ་འཁོར་བཅས་རྣམས། །མཆོད་པ་འབུལ་བ་བཞེས་སླད་དུ། །ད་ལྟ་ཉིད་དུ་བྱོན་ནས་ཀྱང་། །གཉིས་མེད་བརྟན་པར་བཞུགས་སུ་གསོལ། ཨོཾ་ཤྲི་ཡཻ་དེ་ཝཱི་ཀཱ་ལི་ཀ་ལི་མ་ཧཱ་ཀཱ་ལི་ཧཱུྃ་བྷྱོཿ དྲྀ་ཤྱ་ཛཿཧཱུྃ་བཾ་ཧོཿ ས་མ་ཡ་སྟྭཾ། ས་མ་ཡ་ཧོཿཨོཾ་མ་ཧཱ་ཀཱ་ལི་ཏྲག་རཀྵ་ཏིང་ལཾ་ས་མ་ཡ་ཛཿཧཱུྃ་བཾ་ཧོཿཨེ་ཧྱེ་ཧི་ཛཿཨཱ་རལླི་ཧོཿམ་མོ་ནག་མོ་ཏི༚་ལཾ། མ་མོ་ནག་མོ་དུནྟིང་བྷྱོ་ཛཿཧཱུྃ་བཾ་ཧོཿནག་མོ་དུན་བྷྱོ། ལན་ཉེར་གཅིག་སོགས་བརྗོད། བྷྱོ། ཐོད་རུས་དམར་པོ་གཏམས་པའི་དཀྱིལ་འཁོར་ནས། །ལྷ་སྲིན་དགུ་བརྒྱ་བསྣོལ་བའི་གབ་རྩེ་ལ། །རྡོ་རྗེ་རལ་གཅིག་སྲིད་པ་ཀུན་གྱི་ཡུམ། །བརྗིད་ཅིང་འགྱིང་བའི་ཚུལ་གྱིས་བཞུགས་སུ་གསོལ། །བྱང་ཤར་ཕོ་བྲང་མཛེས་པ་ན། །ཉི་ཟླ་པདྨའི་གདན་སྟེང་དུ། །བཾ་ཆེན་ཞིང་མཆོག་བསྣོལ་བ་ལ། །ཅི་བདེ་བར་ནི་བཞུགས་སུ་གསོལ། རཀྨོ་

― LT40_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

རཀྵ་མ་ཧི་ཀུ་ལ་པདྨ་ས་མ་ཡ་ཏིཥྛ་ལྷན། ཧཱུྃ་རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླང་དམ་བཅས་ལྟར། །བྱིན་གྱིས་བརླབས་པའི་གནས་འདིར་ནི། །དྲག་མོ་འཁོར་བཅས་བཞུགས་སུ་གསོལ། །ཅེས་བཞུགས་སུ་གསོལ་བས་དམ་ཡེ་གཉིས་མེད་དུ་གྱུར་པར་མོས། འཁོར་ནག་མོ་འབུམ་སྡེ་ཐམས་ཅད་ཀྱང་གཅེར་བུ་རལ་པ་ཅན་གཡས་མི་སྙིང་། །གཡོན་བནྡྷ་སྐྲ་ཅན་ཐོགས་པའོ། །ཐམས་ཅད་ཀྱི་ཐུགས་ཀར་ཏྲག་བྷྱོ་མ་ཡིག་གིས་མཚན་པའོ། །དམ་ཚིག་གི་རྒྱ་བསྟན་ལ། དུད་པའི་སོལ་བ་མ་འཁོར་དང་བཅས་པ་ཁྱེད་རྣམས་ཀྱི་སྐུ་མྱུར་དུ་སྟོན་ཅིག །སྐུ་མི་སྟེན་ན་ཡང་ཡིད་ལ་གང་འདོད་པ་དེ་གྲུབ་པར་གྱིས་ཤིག །ནང་མཆོད་གཏོར་ལ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །དམ་ཚིག་སྲུང་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། ཨོཾཱ་ཧ་ན་ཧ་ན་བཛྲ་ས་མ་ཡ་མཱ་ཏི་ཀྲ་མ་ནཾ་ཧཱུྃ་ཕཊ། ཅེས་དམ་ལ་བཞག་ནས་ཕྱག་བྱ་བ་ནི། བྷྱོ། བསྐལ་པ་མང་པོར་རང་རྒྱུད་ཆེར་སྦྱངས་པས། །སྙིང་རྗེའི་སྟོབས་ཀྱིས་ཕན་པའི་གཟུགས་སྟོན་པ། །བདེ་གཤེགས་རྒྱལ་བའི་བསྟན་པ་བསྲུང་བ་དང་། །གདུག་པ་འདུལ་མཛད་ཁྱོད་ལ་ཕྱག་འཚལ་ལོ། །རྒྱལ་བའི་བཀའ་སྡོད་རིག་འཛིན་ཕོ་ཉ་མོ། །བསྟན་དགྲ་ཚར་གཅོད་གསང་སྔགས་སྲུང་མའི་

― LT40_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ། །བཀའ་སྡོད་ཕོ་ཉ་ཡང་སྤྲུལ་སྡེ་དཔུང་བཅས། །མ་མོ་འཁོར་དང་བཅས་ལ་ཕྱག་འཚལ་ལོ། མཆོད་པ་འབུལ་བ་ནི། ཧཱུྃ། ཐོད་ཆེན་བྷནྡྷ་འབར་བའི་སྣོད་མཆོག་དང་། །གྲུ་གསུམ་ཆུ་སྐྱེས་པདྨ་འདབ་བཞིའི་སྣོད། །ཁྲག་གི་མཆོད་ཡོན་མེ་ཏོག་སྣ་ཚོགས་ཕྲེང་། །དྲི་སྤོས་གསུར་ཆེན་སྒྲོན་མེ་སྣང་གསལ་འབར། །བདུད་རྩི་རྣམ་ལྔའི་དབུས་གནས་བཅུད་ཀྱི་མཆོག །རོ་བརྒྱའི་ཞལ་ཟས་ཐོད་རྔ་རྐང་། །གླིང་དུང་། རྔ་གཤང་གསང་བའི་རྔེའུ་ཆུང་ཏིང་ཏིང་འཁྲོལ། །གཟུགས་སོགས་འདོད་ཡོན་ལྔ་དང་ཉེར་སྤྱོད་ལྔ། །གསང་སྔགས་གསང་རྫས་ཤུ་ཀྲ་སི་ཧ་ལ། །རྩ་བརྒྱད་ལོ་མ་སྟོང་སྦྱར་ཨ་མྲྀ་ཏ། །རྒྱུ་རྐྱེན་རྨད་བྱུང་བསྒྲལ་དང་མཁའ་གསང་ཁྲག །འབྲུ་སྣ་ཁྲག་སྣ་བདུད་རྩི་རིན་ཆེན་བསྲེས། །རྩི་མངར་གྱིས་བྲན་དམར་གུར་དཀར་ཐིག་སྒྲོན། །དམ་རྫས་གཏོར་མ་ཕུན་སུམ་ཚོགས་པ་དང་། །མི་དབང་འབྲས་བུ་སྨིན་པའི་ཤ་དང་ནི། །ཤིང་ལོ་རླུང་ཁྱེར་ས་ལ་མ་ཕོག་པ། །མཚལ་གྱི་ཤིང་ཏོག་མ་མོ་མཉེས་རྫས་བཅས། །མཆོད་པའི་དངོས་པོ་རབ་འབྱམས་སྣ་ཚོགས་པས། །མ་གཅིག་དཔལ་ལྡན་ལྷ་མོ་དུད་སོལ་མ། །ཡེ་ཤེས་ལས་དང་འཇིག་རྟེན་ཚུལ་འཛིན་པའི། །སྣང་སྲིད་མ་མོ་མཁའ་འགྲོའི་དཀྱིལ་འཁོར་མཆོད། །རཀྨོ་དུནྟིང་མ་ཡ་ཧ་ཧི། ནག་མོ་དུན་ཏིང་མ་མ་ཡ་ཧ་ཧི། །

― LT40_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

ཨརྒྷཾ་ནས་ཤབྡ་ཨ་མྲྀ་ཏ་རཀྟ་པཉྩ་ཀཱ་མ་གུ་ན་པྲ་ཏཱིཙྪ་སྭཱ་ཧཱ། ཨོཾ་སརྦ་སཾ་ཤོ་དྷ་ནི་ཧཱུྃ་ཕཊ། ཨོཾ་སྭ་བྷཱ་ཝ་སོགས་། གཏོར་མའི་ནང་དུ་ཧ་སེར་པོས་ཁ་དོག་ངན་པ་བཅོམ་ནས། མདོག་ཕུན་སུམ་ཚོགས་པ། ཧོཿདཀར་པོས་དྲི་ངན་པ་བཅོམ་ནས་དྲི་ཕུན་སུམ་ཚོགས་པ། ཧྲཱིཿ སྔོན་པོས་རོ་ངན་པ་བཅོམ་ནས་རོ་ཕུན་སུམ་ཚོགས་པའི་བདུད་རྩིའི་རྒྱ་མཚོར་གྱུར། ཨོཾ་ཧ་ཧོཿཧྲཱིཿ ལན་གསུམ་ཨོཾ་ཧཱུྃ་ཤྲི་ཡཻ་དེ་བཱི་ཀཱ་ལི་ཀཱ་ལི་མ་ཧཱ་ཀཱ་ལི་ཧཱུྃ་བྷྱོ་ཛཿས་པ་རི་བཱ་ར་ཨོཾ་མ་ཧཱ་མཱཾ་ས་ཁཱ་ཧི། མ་ཧཱ་གོ་རོ་ཙ་ན༴ །མ་ཧཱ་བ་སུ་ཏ་ཨི་དཾ་བ་ལིང་གྲྀཧྞ་པཱ་ཡ་ཧཱུྃ་ཕཊ་སྭཱ་ཧཱ། ཨོཾ་རོ་རུ་ཨེ་ཀ་ཛཱ་ཊི་སྙིང་ཁ་རཀྨོ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཛཿཛཿ ས་པ་རི་བ་ར་ཨི་དམ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། ཨེ་ཀ་ཙ་ཏི་ཏི་ལི་ཏི་ལི་རམ་པ་རམ་པ་ཁཱ་ཧི། ས་པ་རི༴ ཨོཾཱ་ཁྱི་ཁ་ལེ་ནག་མོ་ཧཱུྃ་ཕཊ། ས་པ་རི༴ ཨོཾ་ཏྲཀ་རཀྵ་མ་ཧི་དུན་བྷྱོ། །མ་ཧཱ་ཡཀྵ། ཏཱིཀྵྞ་ཀཱལི་དུན་བྷྱོ། །ཨི་དཾ་བ་ལི༚་པཱུ་ཛ་ཁཱ་ཧི། །མ་མོ་ནག་མོ་བེ་ཏཱ་ལི། །ཀུ་ལུ་ཀུ་ལུ། །ཧ་ཧ་ཧ། མ་ཧཱ་མཱཾ་ས་ཁ་རཾ་ཁཱ་ཧི། མ་ཧཱ་རཀྟ༴ མ་ཧཱ་ཙིཏྟ༴ མ་ཧཱ་བ་སུ་ཏ་ །མ་ཧཱ་མཉྫུ་མེ་ཙི་མ་ཧཱ་གོ་རོ་ཙ་ན༴ །མ་ཧཱ་ཨ་མྲྀ་ཏ། མ་ཧཱ་སུ་ར་ཏ་ཁ༴ །མ་ཧཱ་བ་ལི༚་ཏ༴ མ་ཧཱ་ཀི༚་ནི་རི་ཏི་ཁ་རཾ་ཁཱ་ཧི། བྷྱོ་རཀྨོ་བྷྱོ། རཀྨོ་བྷྱོ་བྷྱོ། རཀྨོ་ཐུན་བྷྱོ། ཁ་ལ་ནག་ཆེན་མོ། རཀྨོ་ཨ་བྱ་ཏ་བྱ་།ཐུན་བྷྱོ།ུ རུ་ལུ་

― LT40_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ་བྷྱོ། མ་ཧཱ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། ཨོཾ་བ་ལི་ཏཾ་ཁ་རཾ་ཁཱ་ཧི། ཡོ་གི་ནི་ཁ་རཾ་ཁཱ༴ །ཌཱཀྐི་ནཱི་ཁ་རཾ༴ །སྟཾ་བ་བྷ་ག་ཏ་ཨ་ཀ་ས་ལ་ཧོཿ ཨོཾ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧཱུྃ་མ་བྷྱོ་ཛཿཛཿ ས་པ་རི༴ ཨོཾ་བཛྲ་རེ་མ་ཏི་མ་བྷྱོ་ཛཿ ས་པ་རི༴ བྷྱོཤ་ཟ་ཌཱ་ཀི་མ་མོ་ཙིཏྟ་ཧྲི༚་ཧྲི༚་ཛཿ ས་པ་རི༴ ཨོཾ་བྷྱོ་རཱུ་ཏྲ་ཀཱ་ལི་ཛཿ ས་པ་རི༴ ཨོཾ་མ་མ་ར་ལི་པྲ་མ་ཡ་ཀཱ་ལི་ཛཿ ས་པ་རི་བཱ་ར༴ ཨཱོཾ་ཨ་ཀ་ནི་ཙ་ལི་མི་ཐུ་ཕྲི་ལི་རེ་སྭཱ་ཧཱ། པཉྩ་ཌཱ་ཀི་ནཱི་ཨི་དཾ༴ ཨོཾ་བཛྲ་ཏྲིག་ན་ཏྲིག་ཛཿ ཏྲིག་སྨན་རུམ་ཙམ་ཙམ་ཛཿ ཨི་དཾ༴ ཨོཾ་བཛྲ་མ་ཧཱ་མ་ཏྲི་དུང་དུང་ཏྲི། ཨི་དམ༴ ཏ་དྱ་ཐཱ། ཨོཾ་ཚོམ་མེ་ལེ་དུ་ཀ་ཧཱུྃ་ཕཊ། ཨི་དཾ༴ ཨོཾ་ཨཱཿཧཱུྃ་བཛྲ་ཡཀྵཾ་དྷ་རི་ནིཿ ཨི་དཾ༴ ཨོཾ་མ་མ་ཧྲི༚་མ་མ་ཧྲི༚། ཨི་དཾ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། དཔལ་ལྡན་ལྷ་མོ་དུད་པའི་སོལ་བ་མ། འཁོར་ཡེ་ཤེས་ལས་དང་འཇིག་རྟེན་སྲིད་པའི་མ་མོ་བྱེ་བ་འབུམ་སྡེའི་ཚོགས་དང་བཅས་པ་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོངས། །འཇིག་རྟེན་གྱི་རྒུད་པ་སོལ། སེམས་ཅན་གྱི་ཕན་བདེ་སྤེལ། །རྣལ་འབྱོར་པ་རྣམས་ཀྱི་སྟོང་གྲོགས་མཛོད། སྔགས་འཆང་རྣམས་ཀྱི་ཕྲིན་ལས་སྒྲུབས། སྡང་བའི་དགྲ་ཐུལ།

― LT40_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པའི་བགེགས་ཆོམས། ཁྱད་པར་དམ་ཚིག་འདིར་འདུས་པ་རྣམས་ཀྱི་ཕྱི་ནང་གསང་བའི་འགལ་རྐྱེན་ཞི་བ་དང་། མཐུན་རྐྱེན་སྨོན་པའི་ལེགས་ཚོགས་ཐམས་ཅད་འཕེལ་ཞིང་རྒྱས་པ་དང་། མཆོག་དང་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་ཕྲིན་ལས་མཛོད་ཅིག །བསྟོད་པ་ནི། བྷྱོ། ཏིལ་མར་གྱིས་བཀུས་ལན་བུ་གཅིག་འཆང་རོ་ཉེའི་རྣ་ཆས་སྒེགས་ཅིང་ཆ་ལུགས་མ་ལུས་འཆང་། །རྒྱན་ཏུ་རྐང་སྒྲོག་ལྕགས་ལས་བྱས་པ་གཅིག་གིས་རང་གི་རྐང་པ་མཛེས་པར་བྱས་པ་སྟེ། །གཅེར་བུ་བོང་བུ་ཞོན་ནས་འགྲོ་བ་འདི་ན་རྒྱུ་བ་འདི་ནི་ལྷ་མོ་ཁྱོད་ཉིད་ཀྱིས། །བདག་ཉིད་མཛེས་པར་ཤེས་ཀྱིས་གཞན་ལྟས་ཁྱོད་ཀྱི་སྤྱོད་པ་མཚོ་ཆེན་དོན་དག་སུ་ཡིས་ཤེས། །འཁོར་བ་འཇིག་པའི་ཚེ་ན་མི་ལུས་དག་ལ་ཁྲག་དང་ཞག་འཛག་དུད་པ་འཐུལ་བ་ན། །ལྷ་མོ་མཆེ་བ་གཙིག་པ་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཞུགས་པར་གྱུར། །ནག་མོ་མི་ཐོད་ཐོགས་པ་ཁྱོད་ནི་རྣལ་འབྱོར་གྲུབ་པའི་སྤྱོད་ཡུལ་ཅན་དེ་དུར་ཁྲོད་དགྱེས། །ཁྱོད་ནི་གཡོན་ཅན་མནན་ཅིང་ནད་དང་འཆི་བའི་འཇིགས་པ་སེལ་ཞིང་མི་ཟད་དྲིལ་ཡང་སྒྲོགས། །ཁྱོད་ནི་དཔའ་བོ་དག་གི་མགོ་བོའི་ཅོད་པན་ལེགས་སྤྲས་གཡུལ་དུ་མཚོན་གྱིས་བཅད་པ་ཡིས། །ཕྲེང་བ་ཐོགས་ཤིང་གར་བྱེད་ལག་པ་མཉེན་བརྐྱང་རྐུབ་

― LT40_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་ཆེ་ལ་ཀླུ་དབང་གཤིབས་པ་ཡིས། །སྐ་རགས་འཆིང་ཞིང་ཤཀྟི་མདུང་དང་རལ་གྲི་ཐོགས་ལ་ཁྲག་དང་ཆང་གི་མྱོས་གྱུར་པ། །མིག་རྩ་དམར་པོ་གྱུར་ཅིང་མཚན་མོ་དུར་ཁྲོད་རྒྱུ་བ་འབྱུང་པོ་ཕལ་ཆེར་རྣམས་ཀྱིས་མཐོང་། །ཀོ་རློན་ཆེན་པོ་དྲལ་ཏེ་རྒྱངས་པའི་གོས་ཀྱིས་སྟོད་གཡོགས་སྨད་ནི་སེར་པོས་དཀྲིས། །མི་ཡི་རྒྱུ་མ་གསར་པའི་སྦུབས་ཀྱིས་ཞལ་གྱི་ཟླ་བ་བརྒྱན་ཅིང་དྲིལ་བུ་འགྲམ་པར་འཁྲོལ། ལུས་ནི་སྣུམ་གྱིས་གསར་དུ་བྱུགས་ཤིང་ཁྲག་དང་ཞག་མང་འཛག་པའི་ཐིག་ལེས་ཚོམ་བུ་བྲིས། །མི་ཡི་ཤ་ལ་སོ་ཡིས་ཆེམ་ཆེམ་གཅོད་བྱེད་ཐོད་པ་ཅན་གྱིས་བདག་ལ་སྐྱོང་གྱུར་ཅིག །དྲག་པོ་དྲག་མོ་མི་ཟད་མི་ཤ་ཁ་ན་ཐོགས་པ་སྔོན་ཆད་མ་བྱུང་ཁྱོད་མཐོང་ན། །མ་མོ་རྣམས་ཀྱང་སྐྲག་ཅིང་རྟབས་ལ་རྔམས་པ་འདོན་ཅིང་མིག་རྩ་རིག་རིག་ཁྱོད་ལ་བསྟོད། །ནག་མོ་བཟང་མོ་ལུས་མདོག་ནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་ཀྱང་། །ཞབས་ལ་ཉིན་རེ་བཞིན་ཏུ་བསྟོད་པར་བྱེད་ཅིང་གཤིན་རྗེའི་རྒྱལ་པོ་ཉིད་ཀྱང་འདར་ཞིང་འདུད། །མི་རྣམས་དང་ནི་འགྲོ་བ་མ་ལུས་འཇུག་བརྟུལ་ནས་ནི་ཁྱོད་ཀྱི་རྣ་བ་ཡ་གཅིག་ལ། །བྲང་གིས་འགྲོ་བའི་གདེངས་ཀ་སྟོང་དང་ལྡན་པ་གཅིག་གིས་བརྒྱན་ནས་ཁྱོད་ལ་རྒྱན་ཏུ་བྱས། །ཡ་གཅིག་ལ་ནི་སེང་གེ་མཆུངས་མེད་ཐོགས་ཤིང་རྒྱ་མཚོས་མཐའ་བསྐོར་

― LT40_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

ས་གཞི་མ་ལུས་གནོན། །སྟེང་ནས་རྒྱུ་བའི་ཉི་མ་འོད་ཟེར་སྟོང་ལྡན་དེ་ནི་ཁྱོད་ཀྱི་ལྟེ་བའི་ཕྱོགས་སུ་ཤར། བྷྱོ། རྒྱ་མཚོའི་ཀློང་ནས་མེ་འབར་ཁྱོད། །མཚོ་རྣམས་སྐེམས་པར་ནུས་མ་སྟེ། །བུད་མེད་ཐམས་ཅད་ཞི་མཛད་ཕྱིར། །ལྷ་ཆེན་སྐུ་ཡི་ཕྱེད་དུ་བཞུགས། །རྫོང་དང་བཀའ་བཟློག་ནག་མོ་ཆེ། །ལྷ་དང་ལྷ་མིན་ཕྱག་བྱས་མ། །མི་ནད་གང་ཡིན་ཁྱོད་མིང་ཤེས། །དེ་ལ་འཇིགས་པ་མེད་པར་གྱུར། །གཤིན་རྗེའི་ལྕམ་མོ་བདུད་ཀྱི་ཡུམ། །འདོད་པ་ཁམས་ཀྱི་དབང་ཕྱུག་མ། །ནད་དོ་ཅོག་གི་བདག་མོ་སྟེ། །སངས་རྒྱས་བསྟན་པ་སྲུང་བ་ཡི། །དཔལ་ལྡན་ལྷ་མོ་ཁྱོད་ལ་བསྟོད། ཞེས་སམ། བསྡུ་ན། བྷྱོ། དཔལ་ལྡན་ལྷ་མོ་མི་ཕམ་སྲིད་གསུམ་བདག །རང་དོན་སྒྲུབ་ཕྱིར་རྣམ་ཐར་ལ་གཞོལ་ཡང་། །སྙིང་རྗེའི་དབང་གིས་རྗེས་ལ་ཐོབ་པ་ཡི། །ཤེས་རབ་སྣ་ཚོགས་དག་གིས་འགྲོ་དོན་མཛད། །ལྷོ་ཕྱོགས་གཤིན་རྗེའི་ཕོ་བྲང་རྟག་ཏུ་གནས། ཁམས་གསུམ་སྐད་ཅིག་ཙམ་གྱིས་སྐོར་བར་བྱེད། །གཞན་ལ་དབང་བསྒྱུར་འདོད་ཁམས་ཕ་མཐར་ཕྱིན། །དབང་ཕྱུག་ཆེན་པོའི་སྐུ་ལ་དགྱེས་འཁྲིལ་མ། །ལྷ་དབང་བརྒྱ་བྱིན་ལྷ་མིན་དབང་པོ་དང་། །ཚངས་པའི་རྒྱལ་པོ་ས་འོག་དབང་པོ་དང་། །རྒྱལ་ཆེན་བཞི་ལ་སོགས་པས་ཕྱག་བྱས་མ། །

― LT40_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་དང་གཤིན་རྗེའི་རྒྱལ་པོ་འདར་ཞིང་འདུད། །མཚན་མོ་ནག་མོ་ཤིན་ཏུ་གཏུམ་པའི་གཟུགས། །མ་མོ་སྲིན་མོའི་ཚོགས་རྣམས་འདར་ཞིང་དངང་། །ཕྱོགས་བཅུའི་དུག་བསྡུས་ཉི་མ་ཐིམས་པར་མཛད། །ནད་རྣམས་སློང་བྱེད་ནད་བདག་དམ་ལ་འདུ། །བདུད་རྩིའི་བཅུས་བསྡུས་ཟླ་བ་ཐིམ་མཛད་མ། །ནད་ཡམས་གཅོད་མཛད་སྨན་མོ་དམ་ལ་འདུ། །གང་ཞིག་ཁྱོད་ལ་དད་ན་མ་བས་བྱམས། །ལྷ་མོ་ཁྱོད་ལ་བདག་གིས་རྟག་ཏུ་བསྟོད། །ཅེས་སམ། བྷྱོ། སྔོན་ཚེ་དཔག་བསམ་བྱང་ཆུབ་ཤིང་གི་དྲུང་། །རྒྱལ་བ་ཐུབ་པ་ཆེན་པོའི་སྤྱན་སྔ་རུ། །བསྟན་པ་གཉན་པོ་བསྲུང་བར་དམ་བཅས་པ། །ཁྲག་འཐུང་དུད་སོལ་སྐུ་ལ་ཕྱག་འཚལ་བསྟོད། །མ་བྷྱོ། ཀུན་ཏུ་བཟང་མོ་དབྱིངས་ཀྱི་མུ་ཁ་ལེ། །འགྲོ་བའི་དོན་དུ་རྡོ་རྗེ་སྲོག་སྒྲུབ་མ། །ཡེ་ཤེས་མ་ལྔ་ཡོངས་རྫོགས་སྐུ་རུ་ཤར། །ཐུགས་རྗེའི་རྫུ་འཕྲུལ་མྱུར་མགྱོགས་གློག་ལྟར་འཁྱུགས། །ཀེ་སིང་མཁའ་འགྲོ་དབང་ཕྱུག་མ་ཚོགས་དང་། །སྨན་མོ་རྗེ་མོ་བརྟན་མ་ཌཱ་ཀིའི་ཚོགས། །ཡོངས་ལ་དབང་བསྒྱུར་སྤྲུལ་པ་དེ་ལྟར་འགྱེད། །འཁོར་ཚོགས་སྤྲུལ་པར་བཅས་ལ་བདག་བསྟོད་དོ། །བྷྱོ། སྨུག་ནག་ཁྲོས་མ་རལ་གཅིག་མ། །ཞིང་དབྱུག་ཕྱར་ཞིང་དགྲ་སྙིང་ཟ། །འཇའ་སྤྲིན་གོས་གྱོན་མི་ལྤགས་འཕྱང་། །སྔགས་

― LT40_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་ཆེན་མོ་ཁྱོད་ལ་བསྟོད། །དཔལ་ལྡན་ཤན་པ་མི་སྲུན་མ། །གཅེར་མོ་དོན་སྙིང་ཟ་ཞིང་རྒྱུག །དགྲ་བགེགས་མྱོས་བྱེད་རིམས་ནད་འབེབས། །ནམ་གྲུ་ནག་མོ་ཁྱོད་ལ་བསྟོད། བྷྱོ། མཁའ་ལ་དབང་སྒྱུར་ཡིད་བཞིན་སྤྲུལ་པའི་སྐུ། །ཡ་མཚན་རྨད་བྱུང་ལུས་ལ་ཏིལ་མར་བྱུགས། །དབང་ཕྱུག་ནག་མོ་གསང་བའི་རེ་མ་ཏི། །ནག་མོ་སྟོང་གི་གཙོ་ལ་ཕྱག་འཚལ་བསྟོད། བྷྱོ། དཔལ་ལྡན་གཟུགས་མ་འདོད་ཁམས་གཙོ་མོ་ཁྱོད། །དྲེའུ་རྟ་ཞོན་ནས་དཔག་ཚད་བརྒྱད་བརྒྱར་རྒྱུག །བེ་ཅོན་ཐོད་པ་དམ་པ་རང་རྟགས་འཛིན། །རེ་ལྡེ་ས་སྟོད་གཡོགས་སྦྲུལ་གྱི་ཤམ་བུ་ཅན། །ལྟེ་བར་ཉི་ཤར་གཙུག་ན་ཟླ་རྒྱས་མ། །ཁྲག་ནད་བདག་མོ་དབྱིངས་ཕྱུག་དཔལ་འབར་མ། །ལྷ་མོ་རེ་མ་ཏི་ལ་བསྟོད་པར་བགྱི། །རྣལ་འབྱོར་བཅོལ་བའི་ཕྲིན་ལས་གྲུབ་པར་མཛོད། བྷྱོ། ལྷ་ལ་དབང་སྒྱུར་ལྷ་མོ་དཔལ་འབར་མ། །དབང་ཕྱུག་སྲས་མོ་དཀར་མོ་དུང་སྐྱོང་མ། །སུམ་ཅུ་རྩ་གསུམ་གནས་ཀྱི་གཙོ་མོ་མཛད། །ལྷ་མོ་དཔལ་འབར་མ་ལ་བདག་བསྟོད་དོ། །བྷྱོ། ཀླུ་ལ་དབང་སྒྱུར་ཀླུ་མོ་དཔལ་འབར་མ། །གཙུག་ན་རིན་ཆེན་བུ་མོ་ཡིད་འོང་མ། །རོལ་པའི་མཚོ་བདུན་གནས་ཀྱི་གཙོ་མོ་མཛད། །ཀླུ་མོ་དཔལ་འབར་མ་ལ་བདག་བསྟོད་དོ། །

― LT40_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

བྷྱོ། གནོད་སྦྱིན་དབང་མཛད་གནོད་སྦྱིན་དཔལ་འབར་མ། །གང་བ་བཟང་མོའི་བུ་མོ་ཤིང་གྲིབ་ཅན། །ནགས་ཚལ་དྲྭ་བ་ཅན་གྱི་གཙོ་མོ་མཛད། །གནོད་སྦྱིན་དཔལ་འབར་མ་ལ་བདག་བསྟོད་དོ། །བྷྱོ། བདུད་ལ་དབང་སྒྱུར་བདུད་མོ་དཔལ་འབར་མ། །རེ་ལྡེ་མགོ་ཉག་བུ་མོ་རེ་མ་ཏི། །བདུད་མཁར་རྩེ་དགུའི་གནས་ཀྱི་གཙོ་མོ་མཛད། །བདུད་མོ་དཔལ་འབར་མ་ལ་བདག་བསྟོད་དོ། །བྷྱོ། །སྨོན་ལམ་དབང་གིས་ལྷ་མོའི་ཚུལ་འཛིན་ཅིང་། །ཡེ་ཤེས་ཞི་བའི་ངང་ལས་མ་གཡོས་ཀྱང་། །རྣམ་འཕྲུལ་དུ་མས་འགྲོ་དོན་དཔག་མེད་མཛད། །གཅེར་བུ་ཡིད་འཕྲོག་མ་ལ་བདག་བསྟོད་དོ། །ཧཱུྃ། སྨན་བཙུན་དཔལ་མོ་འཛོམ་པ་སྐྱིད། །དང་པོ་སྲིད་པ་ཆགས་བྱེད་པའི། །ཨེ་ཀ་ཙ་ཏི་མཐུ་མོ་ཆེ། །མུ་སྟེགས་ལྷ་མོ་སྲོག་སྒྲུབ་མ། །བོད་སྐྱོང་ལྷན་ཅིག་སྐྱེས་མ་སྟེ། །དྲག་མོར་བཞེངས་ཚེ་སྤྱང་ཞོན་མ། །ལས་བྱེད་ཆེན་མོ་རེ་མ་ཏི། །ཤིན་ཏུ་ཁྲོས་ཚེ་རག་གདོང་མ། །སྲིད་གསུམ་ཤ་ཟ་ཁ་མོ་ཆེ། །ཆེ་ཞེ་ཆེན་མོ་ཁྱོད་ལ་བསྟོད། བྷྱོ། མ་མོ་ནག་མོ་མཐུ་རྩལ་ཅན། །མུ་སྟེགས་ལྷ་མོ་རྫུ་འཕྲུལ་བདག །ནོང་སྲང་གཅིག་གི་རྗེས་གཅོད་མ། །ནས་བྲེ་གང་གི་ཕྱིར་འབྲང་མ། །དཀོར་བདག་ངས་ནུས་མ་ལ་བསྟོད། ཧཱུྃ། ཆོས་དབྱིངས་སྐྱེ་བ་མེད་པ་ལས། །ཐུགས་

― LT40_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་གཟུགས་ཀྱིས་སྐུ་སྤྲུལ་པ། །འགྲོ་བའི་དོན་དུ་བྱོན་པ་ལ། །རྫུ་འཕྲུལ་སྣ་ཚོགས་སྟོན་མཛད་མ། །གཙོ་མོ་བཀྲ་ཤིས་ཚེ་རིང་མ། །མཁའ་འགྲོའི་དབང་ཕྱུག་ལྔ་ལ་བསྟོད། །ཆོས་དང་ཡེ་ཤེས་དམ་ཚིག་ལྷ། །དབང་གི་ལྷ་མོ་སྤྲུལ་པའི་སྐུ། །ཤ་ཟ་ལས་ཀྱི་མཁའ་འགྲོ་སྟེ། །ཕྲིན་ལས་སྣ་ཚོགས་དེ་ལ་འདུད། བྷྱོ། བཀའ་ཡི་ཚོགས་དང་བཅས་ཉིད་དུ། །ཁྲག་འཐུང་དེ་བཞིན་ནམ་མཁའི་སྐུ། །ཚུར་གཤེགས་ཚུར་བྱོན་སྐྱོང་མ་རྣམས། །འདིར་སྦྱོན་དམ་བསྐང་མཆོད་བསྟོད་བཞེས། །རྒྱ་གར་ཡུལ་དུ་ཏིང་ཏིང་ཤག །གཡུང་དྲུང་བོན་གྱི་འཕྲུལ་ཏིང་ཞང་། །ཀོང་ཡུལ་མཐིལ་དུ་དེ་མོ་ཞེས། །གུ་རུའི་དྲུང་དུ་བོད་སྐྱོང་མ། །ཁྱོད་ལ་བསྟོད་ཅིང་མཆོད་པ་འབུལ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་དུ། །མཆོག་ཏུ་དད་པས་བསྟོད་པར་བགྱི། །དེ་ནས་སྔགས་བཟླ་བ་ནི། ལྷ་མོའི་ཐུགས་ཀར་ཧཱུྃ་ཡིག་གི་ཟླ་ཚེས་ཟླ་བའི་དཀྱིལ་འཁོར་དུ་གྱུར་པའི་འོད་ཟེར་ཤངས་བུག་ནས་འཕྲོས་པས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་རླབས་བདུད་རྩིའི་བཅུད་དང་སྨན་ཐམས་ཅད་ཀྱི་ནུས་པ་བསྡུས་ནས། ལྷ་མོའི་སྤྱི་གཙུག་བཾ་ལས་བྱུང་བའི་བུམ་པ་དཀར་པོའི་ནང་དུ་ཞུགས། བུམ་པའི་ཁ་ནས་བདུད་རྩི་དཀར་པོ་འོ་མའི་རྒྱུན་ལྟ་བུ་ལྷུད་ལྷུད་བབ། །

― LT40_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་མོའི་སྤྱི་བོ་དང་ཞལ་ནས་ཞུགས་པས་སྐུ་ལུས་ངང་ལྟེམ་མེ་གང་བས་མ་ཤོང་ལུད་པའི་ཚུལ་དུ་ཞལ་ནས་བདུད་རྩིའི་རྒྱུན་ཆུ་བོ་ལྟ་བུ་བབ། རང་དང་བསྲུང་བྱ་ནད་པའི་སྤྱི་བོ་ཚངས་བུག་དང་ཁ་ནས་ཞུགས་པས་ལུས་ཐམས་ཅད་ང་ལྟེ་མ་གྱིས་གང་། ནད་རླུང་མཁྲིས་བད་ཀན་རིམས་ནད་ཡམས་ནད་དམ་ཚིག་ཆགས་ཉམས་མ་མོ་འཁྲུགས་པའི་ཁ་རླངས་གདུག་རྩུབས་ཐམས་ཅད་བ་སྤུའི་ཁུང་བུ་ནས་རླངས་པ་སྔོན་དམར་གྱི་ཚུལ་དུ་བུད་ནས་ནམ་མཁའ་ལ་འཇའ་ཡལ་བ་ལྟར་རམ། མེ་ལོང་ལ་ཧ་བཏབ་པ་ཡལ་བ་ལྟར་བསམ། གཞན་ཡང་མགྲོན་ཐབས་ཀྱི་ལྷ་མོའི་ཐུགས་ཀར་པད་ཉིའམ། པད་ཟླས་སྲོག་ཡིག་གམ་མིང་ཡིག་དང་བ་ཐིག་ལེས་མཚན་པའི་མཐའ་བསྐོར་དུ་རང་རང་གི་སྲོག་སྔགས་རིགས་ཀྱི་ཁ་དོག་ཅན་གྱིས་བསྐོར་བ། བདག་བསྐྱེད་ཀྱི་ཐུགས་ཀའི་ས་བོན་ལས་བྱུང་བའི་འོད་ཟེར་ཕོག་པས། ཐུགས་ཀྱི་རྒྱུད་རབ་ཏུ་བསྐུལ་བས་ཅི་འདོད་པའི་བྲིན་ལས་རབ་འབྱམས་ཐོགས་མེད་དུ་བསྒྲུབ་པར་མོས་ལ་སྲོག་གསུམ་གྱི་དགོངས་པའི་ཀློང་དུ་ལོག་རྡུག་འབྱམས་གསུམ་གྱི་སྐྱོན་རང་སར་བཅིལ་ཏེ། །ཧེ་རུ་ཀའི་ཡིག་བརྒྱ་དང་གོང་གནོན་གྱི་བསྙེན་སྔགས་སྔོན་ཏུ་འགྲོ་བས་གཙོ་མོ་ལ། ཨོཾ་ཧཱུྃ་དེ་བཱི་སོགས་སོ་སོའི་བསྙེན་པའམ། མགྲོན་ཐབས་ལ་བསྡུ་ན། རོ་རུ་ཨེ་ཛཱ་ཊི་ཡང་སྙིང་བཅུ་བདུན་མ། བྷྱོ་བདུན་མ་ཙམ་བཟླས་པའི་མཐར། །ཨོཾ་ཤྲཱི་མ་ཧཱ་ཀ་ལི་ས་པ་རི་ཝཱ་ར་ཨརྒྷཾ་ནས་ཤབྡའི་བར་གྱིས་མཆོད་ཅིང་འདོད་པའི་དོན་ལ་གསོལ་བ་གདབ་བོ། །དེ་ནས་གསོལ་ཁ་བྱ་བ་ནི། གསེར་སྐྱེམས་གཏོར་འབུལ་སོགས་བཤམས། རྩ་བརྒྱུད་བླ་མ་སོགས་འགུགས་གཞུག་

― LT40_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་བསྡུས་གང་རིགས་བྱས་ལ། ཧོཿདགོངས་སུ་གསོལ་ལོ། །ཡེ་ཤེས་དབྱིངས་ཀྱི་དཀྱིལ་འཁོར་ནས་འཁོར་འདས་ཐམས་ཅད་ལ་ཁྱབ་ཅིང་འཆར་ལ་གཟིགས་པ། ཀུན་འབྱུང་མ་མོའི་དཀྱིལ་འཁོར་གྱི་གཙོ་མོ། དབྱིངས་ཕྱུག་ཆེན་མོ་མུ་ཁ་ལེ་ལ་གསོལ་ལོ། །རྟག་པའི་རྒྱལ་མོ་ཆེན་མོ་ལ་གསོལ་ལོ། །ཕྱི་ལྟར་རྗེ་བཙུན་འཕགས་མ་སྒྲོལ་མ་ལ་གསོལ་ལོ། །ནང་ལྟར་རྒྱལ་ཡུམ་རྡོ་རྗེ་རྣལ་འབྱོར་མ་ལ། །གསང་བ་ལྟར་ན་མཁའ་འགྲོ་གསང་བ་ཡེ་ཤེས་ལ༴ །ཚངས་པའི་སྲས་མོ་དབྱངས་ཅན་མ་ལ༴ །རིམས་ནད་ཀུན་སྐྱོབ་པ་རྞ་ཤ་བ་རི་ལ༴ །ཆོམ་རྐུན་བཟློག་མཛད་ལྷ་མོ་མ་རཱི་ཙྱཻ་ལ༴ །ཁྲག་འཐུང་གི་རྒྱལ་མོ་དུང་པའི་སོལ་བ་མ་ལ༴ །འཁོར་ཤན་པ་མ་གསུམ། རིགས་བཞིའི་མཁའ་འགྲོ། མ་མོ་བརྒྱད། ཕྲ་མན་མ་བརྒྱད། སྒོ་མ་བཞི། ནག་མོ་འབུམ་སྡེ་ལ༴ །རྒྱ་གར་ཡུལ་གྱི་ཙཎྜི་ཀཱ་ལ༴ །བལ་པོའི་ཡུལ་གྱི་རལ་གཅིག་མ་ལ༴ །བོད་ཡུལ་སྐྱོང་བའི་ལྷན་ཅིག་སྐྱེས་མ་ལ། །སྔགས་སྲུང་རྡོ་རྗེ་རལ་གཅིག་མ་ལ༴ །སྨུག་ནག་ཁྲོས་མ་རག་གདོང་མ་ལ༴ །དམར་སྨུག་དབང་གི་ཌཱ་ཀི་མ་ལ༴ །འབར་མ་མེ་ཡི་གདོང་ཅན་མ་ལ༴ །དགོངས་འདུས་རྗེས་འབྲང་འཛོམས་པ་སྐྱིད་ལ༴ སྙིང་ཐིག་བསྟན་སྲུང་སྲོག་སྒྲུབ་མ་ལ༴

― LT40_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་དགྲའི་ཤ་ལ་ཟ་བའི་ཧོར་མོ་ཆེ་ལ༴ །འདོད་པ་ཁམས་ཀྱི་དབང་ཕྱུག་མ་ལ་མངའ་གསོལ་ལོ། །རང་བྱུང་སྲིད་པའི་རྒྱལ་མོ་ཆེན་མོ་ལ༴ །ཞི་མཛད་དཀར་མོ་འོད་ལྡན་མ་ལ༴ །དྲག་མོ་ཆེན་མོ་དམག་ཟོར་རྒྱལ་མོ་ལ༴ །བདུད་རྩི་སྨན་གྱི་རྒྱལ་མོ་ཆེན་མོ་ལ༴ །རྡོ་རྗེ་མཁའ་འགྲོ་གཤོག་རྒོངམ་ལ༴ །ཙིཏྟ་མཁའ་ཡི་གཤོག་གཅིག་མ་ལ༴ །ཚོགས་བདག་ཡུམ་མཆོག་དབང་མོ་ཆེ་ལ༴ །དཀར་མོ་ཆེན་མོ་དུང་སྐྱོང་རྒྱལ་མོ་ལ༴ །ཉི་ཟླ་སྟོང་གི་ཐོད་ཕྲེང་ཅན་མ་ལ༴ །གཏུམ་མོ་ཆེན་མོ་ཙ་མུནྜི་ལ། དབང་ཆེན་བཀའ་སྲུང་སྤྱང་ཞོན་དམར་ནག་ལ༴ །གཡུང་དྲུང་བོན་གྱི་དགྲ་བླ་མོ་ལ༴ །དཀར་སྔོ་དམར་ནག་དྲེལ་ཞོན་མ་ལ༴ །མ་མོ་རྡོ་རྗེ་གློག་མ་སྤྲིན་ལ༴ །རྡོ་རྗེ་གདན་སྐྱོང་ཁ་འབར་མ་ལ༴ །ལས་ཀྱི་མ་མོ་རེ་ཏི་མཆེད་བཞི་ལ༴ །གནོད་སྦྱིན་བུ་མོ་ཕག་གདོང་ཅན་ལ༴ །གཤིན་རྗེའི་གཏུམ་མོ་དུག་ཧྲུལ་མ་ལ༴ །གཟའི་ཆུང་མ་སྦལ་མགོ་མ་ལ༴ །མུ་སྟེགས་ཀྱི་ལྷ་མོ་རྐྱལ་འབུད་མ་ལ༴ །དུར་ཁྲོད་ཀྱི་བདག་མོ་ངས་ནུས་མ་ལ༴ །ལྷ་མོ་རྫོང་གི་དཀའ་ཟློག་མ་ལ༴ །དབྱིངས་ཕྱུག་ཆོས་ཀྱི་སྒྲོན་མ་མཆེད་ལྔ་ལ༴ །བཀྲ་ཤིས་ཚེའི་དབང་ཕྱུག་མ་མཆེད་ལྔ་ལ༴ །སྨན་བཙུན་རྡོ་རྗེ་གཡུ་སྒྲོན་མ་ལ༴ །བོད་སྐྱོང་བརྟན་མ་བཅུ་གཉིས་ལ༴

― LT40_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་ལོ། ཆུ་སྲིན་གདོང་ཅན། བལ་མ་དྲེལ་སྣ། ཁྲི་སྨན་སི་ལི༴ སྙག་སྨན་སོར་ལྡེམ། མ་མོ་བདུན། སྲིང་མོ་བཞི། འབར་མ་དགུ། དུས་བཞིའི་ལྷ་མོ། དམག་གི་རྒྱལ་མོ། དབང་ཕྱུག་ཉེར་བརྒྱད། སྐྱོང་མ་བཅུ་གཉིས། ཡ་མ་བཅུ་གཉིས། ཡེ་ཤེས་དང་ལས་དང་འཇིག་རྟེན་ལས་གྲུབ་པའི་སྣང་སྲིད་མ་མོའི་ཚོགས་རྣམས་ལ་གསོལ་ལོ། །ངོ་བོ་དེ་བཞིན་གཤེགས་པ་རིགས་ལྔའི་ཡུམ་ལྔ། འབྱུང་བ་ལྔ་དང་། ཤ་ཁྲག་དྲོད་དབུགས་ཀུན་ཁྱབ་ཀུན་གྱི་བདག་མོ། དབྱིངས་རང་བྱུང་ཀུན་ཏུ་བཟང་མོར་ཡོངས་བཟླུམ་བ། །མིང་བརྒྱ་མཚན་སྟོང་། འཁོར་ཚོགས་སྨན་མོ་འབུམ་ཕྲག །མ་མོ་བྱེ་བ་ས་ཡ། སྤྲུལ་པ་དུང་ཕྱུར་གྲངས་མེད་འགྱེད་པ་ཁྱོད་རྣམས་ལ་གསོལ་ལོ། །དཔལ་ཁྲག་འཐུང་ཁྲོ་བོའི་དབང་པོ་དང་། །རྡོ་རྗེའི་སློབ་དཔོན་ཆེན་པོ་རྣམས་ཀྱི་བཀའ་དང་དམ་ལས་མ་འདའ། དམ་ཚིག་གི་རྡོ་རྗེ་ཟུང་། ཡེ་ཤེས་ཀྱི་བདུད་རྩིའི་བཅུད་སྟིམས་ལ་རྣལ་འབྱོར་པ་བདག་གིས་ཇི་ལྟར་བཅོལ་པའི་ཕྲིན་ལས་མཛོད། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་ཆེ་བ་ཕྱུང་། སེམས་ཅན་གྱི་བདེ་སྐྱིད་སྤེལ། ཁྱད་པར་དུ་སྔགས་འཆང་རྣལ་འབྱོར་བ་བདག་ཅག་དཔོན་སློབ་འཁོར་དང་བཅས༴

― LT40_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ནད་གདོན་བར་ཆད། བྱད་ཕུར་རྦོད་གཏོང་། མོ་རྨིས་མཚན་ལྟས་ངན་པ། ཆགས་ཆེ་ཉམས་ང་། བདུད་དང་ལོག་འདྲེན་ཐམས་ཅད་ཞི་བར་མཛད་དུ་གསོལ། ཚེ་བསོད་དཔལ་འབྱོར་སྙན་གྲགས་དབང་ཐང་ཉམས་རྟོགས་ཡོན་ཏན་ཐམས་ཅད་ཟླ་བ་ཡར་གྱི་ངོ་ལྟར་རྒྱས་པར་མཛད་དུ་གསོལ། སྣང་སྲིད་འཁོར་འདས་རང་སེམས་སྣང་བ་དབང་དུ་འདུས་པར་མཛད་དུ་གསོལ། །ཆོས་བརྒྱད་དང་དུག་ལྔའི་རྣམ་རྟོག་བསྟན་འགྲོ་ལ་སྡང་བའི་དགྲ་བགེགས་ཚར་གཅོད་པར་མཛད་དུ་གསོལ། ནམ་ཞིག་བེམ་རིག་བྲལ་མ་ཐག་ཏུ་སྐྱེ་བ་གཞན་ཏུ་མི་གཏོང་བར་བདེ་ཆེན་དག་པའི་ཞིང་དུ་ལམ་སྣ་འདྲེན་པར་མཛད་དུ་གསོལ། སྐུ་ཡིས་ཞལ་སྟོན། གསུང་གིས་ལུང་སྟོན། ཐུགས་ཀྱིས་ཏིང་འཛིན་སྐྱེད། ཉིན་གྱི་གྲོགས་མཛོད། མཚན་གྱི་ཆུང་མ་མཛོད། འཁོར་ནོར་ལོངས་སྤྱོད་སྤེལ། རྣམ་རྒྱལ་གྱི་རྒྱལ་རྔ་རྡུངས། གཞི་བྱེས་ལམ་གསུམ་སྐྱོངས། ལུས་དང་གྲིབ་མ་བཞིན་འགྲོགས་ལ་ཅི་བསམ་པའི་དོན་ཐམས་ཅད་ཡིད་བཞིན་ཏུ་ལྷུན་གྱིས་འགྲུབ་པར་མཛད་དུ་གསོལ། བྷྱོ། དུར་ཁྲོད་བདག་མོ་དངོས་གྲུབ་ཞལ། །གཏུམ་མོ་གཙིགས་བྱེད་ཡི་དྭགས་ཁ། །དམ་ཚིག་སྲུང་མ་ཁྲག་དགའ་མ། །ཀི་ལིའི་སྒྲ་སྒྲོགས་སྦྱོར་ཟིན་མ། །དུར་

― LT40_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོད་རོ་ཡི་ཚོགས་དབུས་སུ། །ཚོགས་དང་ཕོ་ཉར་བཅས་པ་རུ། །གཅིགས་བྱེད་གཏུམ་མོ་དུད་སོལ་མ། །གསོལ་ཞིག་བཞེས་ཤིག་དམ་ཚིག་ལྷ། །གནས་སུ་གནས་པར་མཛད་དུ་གསོལ། །བདག་གི་སེམས་ལ་ཅི་འདོད་པ། །དེ་ནི་ཁྱོད་ཀྱིས་བསྒྲུབ་པར་མཛོད། །བདག་གི་ལས་ནི་ཅི་བྱེད་ཀྱང་། །དེ་ལ་ཁྱོད་ཀྱིས་གྲོགས་མཛོད་ཅིག། ལྷ་མོ་ནག་མོ་མཐུ་མོ་ཆེ། །འཕགས་མ་ཁྱོད་ལ་བདག་བསྟོད་དོ། །བསྟན་ལ་གནོད་པའི་གདུག་པ་ཀུན། །མྱུར་དུ་སྒྲོལ་བའི་ཕྲིན་ལས་མཛོད། །ཉིན་དང་མཚན་དུ་བྱ་ར་མཛོད། །བཅོལ་བའི་ཕྲིན་ལས་འགྲུབ་པར་མཛོད། །ཅེས་དང་། བྷྱོ། བྱང་ཤར་ཐོད་པ་འཕྲུལ་གྱི་གཞལ་ཡས་ནས། །ལྷ་མོ་ནག་མོ་མཐུ་དང་རྫུ་འཕྲུལ་ཅན། །དབང་ཕྱུག་སྲིད་པ་གསུམ་གྱི་བདག་མོ་སྟེ། །ཁྱོད་ནི་ཁམས་གསུམ་ཀུན་གྱིས་མཆོད་ཅིང་བཀུར། །ཚངས་པའི་རྒྱལ་པོས་རྨ་བྱའི་རྒྱལ་མཚན་ཕུལ། །ཁྱབ་འཇུག་ཆེན་པོས་ཉི་ཟླ་རྒྱན་དུ་ཕུལ། །རྣམ་ཐོས་སྲས་ཀྱིས་སེང་གེའི་རྣ་རྒྱན་ཕུལ། །ནམ་མཁའི་ལྷ་བྲན་གསེར་གྱི་དྲིལ་བུ་ཕུལ། །ཀླུ་ཡི་རྒྱལ་པོས་སྤྲུལ་གྱི་གདེངས་ཀ་ཕུལ། །ལྷ་དབང་བརྒྱ་བྱིན་གླང་ཆེན་ཀོ་རློན་ཕུལ། །མ་མོ་རྣམས་ཀྱིས་རེ་ལྡེའི་ཤམ་བུ་ཕུལ། །

― LT40_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་ཟ་རྣམས་ཀྱིས་ཁྲག་གི་ཐིག་ལེ་ཕུལ། །མཁའ་འགྲོ་རྣམས་ཀྱིས་རུས་པའི་རྒྱན་ཆ་ཕུལ། །གཤིན་རྗེའི་རྒྱལ་པོས་ཐོད་པའི་ཕྲེང་བ་ཕུལ། །སྲིན་པོ་རྣམས་ཀྱིས་ལྕགས་སྒྲོགས་སྔོན་པོ་ཕུལ། །འཁོར་ལོས་སྒྱུར་རྒྱལ་ལྷ་མིའི་རྒྱལ་སྲིད་ཕུལ། །རྣལ་འབྱོར་བདག་གིས་རྒྱན་པའི་གཏོར་མ་འབུལ། །དེ་ལྟར་རྒྱན་གྱི་རྣམ་པ་དུ་མ་ཡིས། །དཔལ་ལྡན་ལྷ་མོ་ཁྱོད་ལ་བསྟོད་འབུལ་ན། །རྣལ་འབྱོར་བདག་ཅག་འཁོར་དང་བཅས་པ་ཡི། །ཚེ་དང་བསོད་ནམས་ལ་སོགས་རྒྱས་པ་དང་། །མཆོག་དང་ཐུན་མོང་དངོས་གྲུབ་མ་ལུས་རྩོལ། །བདག་ལ་རྟག་ཏུ་སྡང་བའི་སེམས་ལྡན་པ། །དམ་ཉམས་དགྲ་བོའི་སྲོག་རྩ་མྱུར་དུ་ཆོད། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་རོལ་མོ་དང་བཅས་ཏེ་གཏོར་མ་གསེར་སྐྱེམས་ནམ་མཁར་འབུལ་ལོ། དེ་ནས་བསྐང་བཤགས་བྱ་བ་ནི། བདག་བསྐྱེད་ཡི་དམ་གྱི་རང་གཞུང་ལྟར་ཚོགས་བྱིན་རླབས་ནས་བསྒྲལ་བསྟབ་ཡན་ཚང་བར་བྱ། ཚོགས་མེད་ནི་གཏོར་མ་གསོ་བྲན་བྱས་ལ། བསངས་སྦྱངས། སྟོང་པའི་ངང་ལས་བྷྲཱུྃ་ལས་གནས་ཁང་དུར་ཁྲོད་དྲག་པོའི་ཞིང་ཁམས་བསམ་གྱིས་མི་ཁྱབ་པར་ཕྱི་ནང་གསང་བའི་མཆོད་པ་སྤྱན་གཟིགས་མཐུན་རྫས་བརྟེན་རྫས་ལ་སོགས་པ་ཐམས་ཅད་སྲིད་ཞིའི་འདོད་ཡོན་གྱི་རྣམ་པ་མཁོ་དགུ་ཚང་བ། བཟང་དགུས་འབྱོར་

― LT40_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

པ། མཛེས་དགུས་བརྒྱན་པ། ངོ་བོ་ཡེ་ཤེས་སྒྱུ་མའི་རང་བཞིན་བདེ་བའི་རྣམ་པ་ཐམས་ཅད་པར་འཆང་བས་ནམ་མཁའི་ཁམས་གང་བར་གྱུར། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁ་ཨུངྒ་ཏེ་སྥ་ར་་ཨི་མཾ་ག་ག་ན་ཁཾ་སྭཱ་ཧཱ། བཛྲ་སྥ་ར་་ཁཾ། ཞེས་པས་བྱིན་གྱིས་བརླབས་ཅིང་ཟད་མི་ཤེས་པར་སྤེལ། དབྱངས་རོལ་སྦྱར་སྤོས་དང་བཅས་ཏེ་འདི་སྐད་དོ། །བྷྱོ། །དགའ་བ་ཚལ་གྱི་དུར་ཁྲོད་ནས། །འདས་དང་མ་འོངས་ད་ལྟར་གྱི། །བསྟན་པ་སྲུང་བར་མངའ་གསོལ་བའི། །ཆོས་སྐྱོང་སྲུང་མ་དུད་སོལ་མ། །འཁོར་བཅས་ཐུགས་དམ་གཉན་པོ་ནི། །རིག་འཛིན་རྣལ་འབྱོར་བདག་གིས་བསྐང་། །དམ་ཅན་སྲུང་མ་འདིར་བྱོན་ཅིག །རྣལ་འབྱོར་དགྲ་བླ་འདིར་བྱོན་ཅིག །བསྒྲུབ་པའི་དམ་རྫས་ཡིན་པའི་ཕྱིར། །རྟག་གཏོར་ཆེན་པོས་ཐུགས་དམ་བསྐང་། །མ་དང་མི་འབྲལ་འགྲོགས་པའི་ཕྱིར། །རྒྱུན་གྱི་གཏོར་མས་ཐུགས་དམ་བསྐང་། །དམ་ཚིག་གཉན་པོ་གསོ་བའི་ཕྱིར། །བདུད་རྩི་སྨན་གྱི་ཐུགས་དམ་བསྐང་། །བརྟེན་པའི་དམ་རྫས་ཡིན་པའི་ཕྱིར། །དགྲ་བགེགས་ཤ་དང་ནལ་བུའི་ཤ །མཱཾ་སའི་བྱེ་བྲག་དཔག་མེད་ཀྱིས། །བསྐང་ངོ་ཁྱོད་ཀྱི་ཐུགས་དམ་བསྐང་། །དགྱེས་པའི་དམ་རྫས་ཡིན་པའི་ཕྱིར། །ར་ནག་ཁྲག་དང་བྱ་

― LT40_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་ཁྲག །དགྲ་བགེགས་ཤ་ཁྲག་ལ་སོགས་པའི། །རཀྟའི་རྒྱ་མཚོས་ཐུགས་དམ་བསྐང་། །དགྲ་བགེགས་གསུར་ལ་སྣོམ་པའི་ཕྱིར། །ཚིལ་ཆེན་དུད་པས་ཐུགས་དམ་བསྐང་། །ཆུ་དང་ཐང་སྐྱེས་མ་ཏོག་དང་། །ཙནྡན་ཨ་ག་རུ་ཡི་སྤོས། །དྲི་བཟང་སྦྱར་བའི་ཡོན་ཆབ་ཀྱིས། །བསྐང་ངོ་ཁྱོད་ཀྱི་ཐུགས་དམ་བསྐང་། །གྲོ་ནས་འབྲས་ཀྱི་བཤོས་གཙང་དང་། །འབྲུ་རྩི་ཞུན་ཆེན་སྣང་གསལ་སོགས། །ཕྱི་ཡི་མཆོད་པ་རྣམ་ལྔ་ཡིས། །བསྐང་ངོ་ཁྱོད་ཀྱི་ཐུགས་དམ་བསྐང་། །གཟུགས་སྡུག་སྒྲ་སྙན་དྲི་ཞིམ་དང་། །རོ་མངར་རེག་བྱ་འཇམ་པ་ཡི། །འདོད་པའི་ཡོན་ཏན་རྣམ་ལྔ་ཡིས། །བསྐང་ངོ་ཁྱོད་ཀྱི༴ །མི་རྟ་གླང་སོགས་ཤ་ལྔ་དང་། །བྱང་སེམས་རཀྟ་གཞུང་བ་དང་། །བདུད་རྩི་ལྔ་ལ་སོགས་པ་ཡི། །གསང་བའི་མཆོད་པས་ཐུགས་དམ་བསྐང་། །བཟའ་བའི་དམ་ཚིག་གསོ་བའི་ཕྱིར། །བཤོས་གཙང་མར་གྱིས་བརྒྱན་པ་དང་། །ཤ་ཆང་ཁུར་བ་སྒོག་བཙོང་སྤོད། །སྤོད་ཀྱི་མཆོད་པས་ཐུགས་དམ་བསྐང་། །ཕྱི་ཡི་བརྟེན་རྫས་ཡིན་པའི་ཕྱིར། །བོང་བུ་གྭ་དམར་ལུག་ནག་དང་། །དར་ནག་བྷནྡྷ་མ་རལ་གྱིས། །བསྐང་ངོ་ཁྱོད་ཀྱི་ཐུགས་དམ་བསྐང་། །ནང་གི་བརྟེན་རྫས་ཡིན་པའི་ཕྱིར། །རྨ་བྱ་ནོར་བུའི་རྒྱལ་མཚན་དང་། །ནལ་

― LT40_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་རྒྱལ་མཚན་བྷནྡྷ་ཡིས། །བསྐང་ངོ་ཁྱོད་ཀྱི་ཐུགས་དམ་བསྐང་། །གསང་བའི་བརྟེན་རྫས་ཡིན་པའི་ཕྱིར། །ཨ་མྲྀ་ཏ་དང་མྱོས་བྱེད་བཅུད། །གྲི་སྙིང་དགྲ་བགེགས་ནལ་བུའི་སྙིང་། །ཙིཏྟ་སྙིང་གིས་ཐུགས་དམ་བསྐང་། །སྐུ་ཡི་བརྟེན་རྫས་ཡིན་པའི་ཕྱིར། །བླུགས་སྐུ་འདགས་སྐུ་བྲིས་སྐུ་དང་། །དར་སྐུ་སྐུ་འབགས་ལ་སོགས་ཀྱིས། །བསྐང་ངོ་ཁྱོད་ཀྱི་ཐུགས་དམ་བསྐང་། །གསུང་གི་བརྟེན་རྫས་ཡིན་པའི་ཕྱིར། །རྔ་དང་ཟོམ་རྔ་རྔ་ཆེན་དང་། །འཁར་རྔ་དུང་དང་ཆ་ལང་དང་། །གདུང་བའི་དབྱངས་ཀྱིས་ཐུགས་དམ་བསྐང་། །དམ་ཚིག་གཉན་པོ་བསྐང་བའི་ཕྱིར། །དམ་ཚིག་དྲིལ་བུས་ཐུགས་དམ་བསྐང་། །ཕྲིན་ལས་གཉན་པོ་བསྐུལ་བའི་ཕྱིར། །ཅང་ཏེལ་སྒྲ་ཡིས་ཐུགས་དམ་བསྐང་། །འཇིག་རྟེན་དབང་དུ་སྡུད་པའི་ཕྱིར། །གསང་བའི་རྔེའུ་ཆུང་ཐུགས་དམ་བསྐང་། །ཐུགས་དམ་གནད་ནས་བསྐུལ་བའི་ཕྱིར། །ཕྱག་རྒྱ་སྔགས་དང་ཏིང་འཛིན་དང་། །སྙིང་པོ་འཛབ་ཀྱི་བཟླས་པ་ཡིས། །བསྐང་ངོ་བསྐལ་པར་ཐུགས་དམ་བསྐང་། །སྙིང་འཕྲོག་མ་གསུམ་ཐུགས་དམ་བསྐང་། །མཁའ་འགྲོ་བཞི་ཡི་ཐུགས་དམ་བསྐང་། །གདོང་ཅན་བརྒྱད་ཀྱི་ཐུགས་དམ་བསྐང་། །སྒོ་མ་བཞི་ཡི་ཐུགས་དམ་བསྐང་། །ནག་མོ་འབུམ་གྱི་ཐུགས་

― LT40_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་བསྐང་། བྷྱོ། གཞན་ཡང་ཐུགས་དམ་བསྐང་བ་ནི། །རྟེན་སྐོང་སྒྲུབ་པའི་རྫས་རྣམས་དང་། །ཤ་ཁྲག་དམར་གྱི་གཏོར་མ་ཡིས། །ཡེ་ཤེས་ལས་དང་འཇིག་རྟེན་གྱི། །མ་མོ་མཁའ་འགྲོའི་ཐུགས་དམ་བསྐང་། །རྟག་རྒྱལ་མ་ལྔའི་ཐུགས་དམ་བསྐང་། །སྨུག་ནག་ཁྲོས་མའི་ཐུགས་དམ་བསྐང་། །འབར་མ་མེ་གདོང་ཐུགས་དམ་བསྐང་། །རྗེ་མོ་བཅུ་བཞིའི་ཐུགས་དམ་བསྐང་། །སྨན་མོ་ང་བརྒྱད༴ །ལོ་མ་གྱོན་མའི་ཐུགས་དམ་བསྐང་། །འོད་ཟེར་ཅན་མའི༴ །ཤན་པ་སྲོག་སྒྲུབ༴ །རང་བྱུང་རྒྱལ་མོའི༴ །དཀར་མོ་འོད་ལྡན༴ །འདོད་ཁམས་དབང་ཕྱུག་ཐུགས་དམ་བསྐང་། །སྲིད་པའི་རྒྱལ་མོའི་ཐུགས་དམ༴ །རྡོ་རྗེ་གཤོག་རྒོད༴ །དུང་སྐྱོང་རྒྱལ་མོའི༴ །ཉི་ཟླ་ཐོད་ཕྲེང་༴ །དབང་མ་ཆེ་ཡི༴ །ཙཎྜི་ཀཱ་ཡི༴ །རེ་མ་ཏི་ཡི༴ །སྤྱང་ཞོན་དམར་ནག༴ །མ་བདུན་སྲིང་བཞིའི༴ །འབར་མ་དགུ་ཡི༴ །དུས་བཞིའི་ལྷ་མོའི༴ །དམག་གི་རྒྱལ་མོའི༴ །དབང་ཕྱུག་ཉེར་བརྒྱད༴ །ངན་ནེ་མ་ཡི༴ །ཕག་གདོང་མཆེད་ལྔའི༴ །ཨ་ཕྱི་མཆེད་ལྔའི༴ །ཚེ་རིང་མཆེད་ལྔའི༴ །བརྟན་མ་བཅུ་གཉིས༴ །གཞན་ཡང་སྤྲུལ་པའི་ཕོ་ཉ་ནི། །དཀར་མོ་དམར་མོ་སེར་མོ་དང་། །ལྗང་ནག་ལ་སོགས་འབུམ་སྡེའི་ཚོགས། །བསྐང་ངོ་ཁྱོད་ཀྱི་ཐུགས་དམ་

― LT40_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་། །ཡང་སྤྲུལ་བྱེ་བའི་ཐུགས་དམ་བསྐང་། །མཉེས་པའི་རྟེན་དང་མ་ཉམས་ཕུད། །ཚོགས་དང་གཏོར་མ་རྒྱ་ཆེན་འདིས། །འདོད་ཁམས་མ་མོ་ཀུན་གྱི་གཙོ། །འཁོར་བཅས་ཐུགས་དམ་བསྐང་གྱུར་ཅིག །དེ་ལྟར་ལྷ་མོ་འཁོར་བཅས་ཀྱི། །ཐུགས་དམ་བསྐང་བའི་བྱིན་རླབས་ཀྱིས། །རིག་འཛིན་རྣལ་འབྱོར་བདག་ཅག་ལ། །མཁའ་འགྲོའི་ཉམས་ཆགས་བྱུང་བ་བསྐང་། །འཇིག་རྟེན་མཁའ་འགྲོའི་གནོད་པ་བཟློག །མ་མོའི་དལ་ཡམས་བྱུང་བ་ཟློག །གཤིན་རྗེའི་ཁྲམས་ལ་བཏབ་པ་ཟློག །བདུད་ཀྱི་ཞགས་པ་ནག་པོ་ཆོད། །བནྡྷེའི་བྱད་ཁ་སླར་ལ་སྒྱུར། །སྡེ་བརྒྱད་གནོད་པ་ཐམས་ཅད་ཟློག །གཞན་གྱི་རྦད་འདྲེ་ཕུར་ཁ་སྒྱུར། །རྨིས་ལྟས་མཚན་ལྟས་ངན་པ་སྒྱུར། །ལོ་ཀག་ཟླ་ཀག་ཞག་ཀག་སྒྱུར། །སྡང་བའི་དགྲ་དང་གནོད་པའི་བགེགས། །བདུད་དང་བར་དུ་གཅོད་པའི་ཚོགས། །ཐམས་ཅད་ཐལ་བ་རྡུལ་དུ་རློག །བདག་ཅག་རྣལ་འབྱོར་དམ་ཅན་གྱི། །དམ་ཚིག་ཉམས་པ་བསྐང་གྱུར་ཅིག །མཆོག་དང་ཐུན་མོང་ལ་སོགས་པའི། །དངོས་གྲུབ་མ་ལུས་སྩལ་དུ་གསོལ། །ཚེ་དང་དབང་ཕྱུག་སྤེལ་དུ་གསོལ། །དཔལ་དང་གྲགས་པ་བསྒྲུབ་ཏུ་གསོལ། །འཁོར་དང་བསྟན་པ་བསྲུང་དུ་གསོལ། །ལེགས་དང་སྤྲོད་ལ་ཉེས་དང་བསྣོལ། །མཐུ་

― LT40_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་བསྐྱེད་ལ་དཔུང་གཉེན་མཛོད། །ལུས་དང་གྲིབ་མ་བཞིན་དུ་འགྲོགས། །ཉིན་དང་མཚན་མོ་བྱ་ར་མཛོད། །བསམ་པ་སྒྲུབས་ལ་རེ་བ་སྐོངས། །གཞན་ཡང་ཡིད་ལ་གང་འདོད་པ། །དེ་ནི་ཁྱོད་ཀྱིས་འགྲུབ་པར་མཛོད། །ཅེས་དང་། བྱང་ཤར་ཆོས་དབྱིངས་མདང་ལྷ་མོའི་འཁྲུགས་སྐོང་ལ་སོགས་རྒྱས་བསྡུས་སྐབས་བསྟུན་བཏང་ནས། བཤགས་པ་ནི་སྤྲོ་ན། ཧཱུྃ་བྷྱོ། འགྲོ་བའི་དོན་དུ་སྐུ་མཆོག་འཇིགས་པ་ལ། །ཞེས་སོགས་ཚང་བར་བཏོན་ཞིང་། བསྡུ་ན། ཨོཾ་ཡེ་ཤེས་ལྷ་དང་ལྷ་མོ་མི་ཕམ་བདག །དང་པོ་བསྒྲུབ་དང་བསྒྲུབ་དུ་བྱས་ནས་ནི། །མཐུན་པའི་དམ་རྫས་གཞུང་བཞིན་མ་འཚོགས་པས། །དཔལ་ལྡན་ལྷ་མོའི་ཐུགས་དང་འགལ་གྱུར་ཏེ། །བཀའ་ཡི་ཆད་པའི་གནས་སུ་གྱུར་ནས་སུ། །དམ་ཉམས་ཁྲིམས་རལ་ཞིག་ཏུ་གྱུར་ལགས་ན། །ཡེ་ཤེས་ཐུགས་རྗེ་ཅན་ལ་བཟོད་པར་གསོལ། །ཐུགས་དང་འགལ་བར་གྱུར་པ་བཟོད་པར་གསོལ། །དམ་ཚིག་ཉམས་པ་ཐམས་ཅད་བསྐང་གྱུར་ཅིག །ཨཱ་ས་མ་ཡ། ཨཱཿས་མ་ཡ། ཧཱུྃ་ས་མ་ཡ། ཨོཾ་ཧཱུྃ་ཤྲི་ཡཻ་སོགས། ཨོཾ་བཛྲ་སཏྭ་སོགས་མན་ངག་གི་ཡིག་བརྒྱ་ལན་གྲངས་སྐབས་སྦྱར་བཟླས་ཏ་ཕྲིན་ལས་བཅོལ་བ་ནི། སངས་རྒྱས་བསྟན་སྲུངས་དཀོན་མཆོག་དབུ་འཕང་བསྟོད། ནས་མཐུ་དང་ལྡན་པར་ཤོག །ལན་ཚང་བར་བརྗོད། དེ་ནས་གཏོར་མ་འབུལ་བ་ནི། ཉིན་རྫོགས་ཡིན་

― LT40_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ན་གོང་དུ་བཤམས་པའི་གཏོར་ཆེན་ཉིད་ཕུལ་བས་འཐུས་ཤིང་། དེ་ཉིད་རྟག་གཏོར་དུ་བྱས་པའི་ཚེ་རྒྱུན་གྱི་མཆོད་གཏོར་ཟུར་དུ་བཤམས་ལ་ཤ་ཁྲག་བདུད་རྩིས་བྲན། འགུགས་གཞུག་དང་། ཨོཾ་ཧ་ཧོཿཧྲཱིཿས་བྱིན་རླབས་འབུལ་བསྟབས་ཀྱི་སྔགས་བསྡུས་པ་ཙམ་མམ། དམིགས་པས་བསྟབས་ལ། བྷྱོ། དཔལ་ལྡན་ལྷ་མོ་འདོད་ཁམས་དབང་ཕྱུག་མ། །འདིར་གཤེགས་བརྒྱན་པའི་གཏོར་མ་འདི་བཞེས་ཤིག །ཤ་ཁྲག་དམར་གྱི་གཏོར་མ་འདི་བཞེས་ཤིག །འཛམ་བུ་བིྭཱ་པའིི་ཞལ་ཟས་འདི་བཞེས་ཤིག །སྨན་རག་ཕུད་ཀྱི་མཆོད་གཏོར་འདི་བཞེས་ཤིག །སྔ་བཅོལ་ལས་ཀྱི་གཏང་རག་གཉན་པོ་བཞེས། །ད་བཅོལ་ལས་ཀྱི་ཞུ་དོན་གཉན་པོ་འབུལ། །འཁོར་རྣམས་སྲུང་ཞིང་རྐྱེན་རྣམས་བཟློག་པ་དང་། །བདུད་དང་བར་དུ་གཅོད་པ་རྣམ་མང་པོ། །སྡང་བའི་དགྲ་དང་གནོད་པའི་བགེགས་ལ་སོགས། །ཐམས་ཅད་རྡུལ་ཕྲན་བཞིན་དུ་བརླག་པར་མཛོད། །ཤ་ཁྲག་དམར་གྱི་གཏོར་མ་འདི་བཞེས་ལ། །བདག་གིས་བཅོལ་བའི་ཕྲིན་ལས་འགྲུབ་པར་མཛོད། །ཅེས་དང་། བྷྱོ། སངས་རྒྱས་ཤཱཀྱ་ཐུབ་པའི་སྤྱན་སྔ་རུ། །ཁྱོད་ཀྱིས་དེང་ནས་འཁོར་བ་ཇི་སྲིད་བར། །དཀར་པོའི་ཕྱོགས་ཀྱི་ནད་དང་སྡུག་བསྔལ་སོགས། །ཞི་བར་བྱ་ཕྱིར་ཚེ་དང་བསོད་ནམས་སྤེལ། །ནག་པོའི་ཕྱོགས་ནི་དགུགས་ཅིང་དབང་དུ་སྡུད། །སྨྱོ་འབོགས་བསད་པ་ལ་

― LT40_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལས་འདི་དག །བསྟན་པ་བསྲུང་ཕྱིར་ལས་འདི་འགྲུབ་པར་མཛད། །འདི་ལས་འདས་ན་རྒྱལ་བའི་བཀའ་བསླུས་པས། །དུས་གསུམ་རྒྱལ་བའི་རྡོ་རྗེའི་མགོ་འགས་ཤོག །དེ་སྐད་རྒྱལ་བའི་སྤྱན་སྔར་དམ་བཅས་པས། །ཁས་བླངས་བཞིན་དུ་ཕྲིན་ལས་འགྲུབ་པར་མཛོད། །རྣལ་འབྱོར་བདག་དང་བདག་གི་འཁོར་རྣམས་ལ། །ཞལ་ནས་བདུད་རྩི་ཆར་བའི་རྒྱུན་ཕོབ་ལ། །ནད་གདོན་སྡུག་བསྔལ་ཚོགས་རྣམས་ཞི་བར་མཛོད། །ཚེ་དང་དབང་ཐང་ལོངས་སྤྱོད་རྒྱས་པར་མཛོད། །ཟང་ཟིང་ལོ་ཐོག་འབྲུ་ཡི་ཕུང་པོ་དང་། །རིན་ཆེན་རྐང་འགྲོས་ཕྱུགས་རྣམས་འཕེལ་བར་མཛོད། །གཞན་ཡང་ཁྱེད་ལ་ཕྲིན་ལས་བཅོལ་བ་ནི། །བླ་མ་སྨོད་ཅིང་དཀོན་མཆོག་དབུ་འཕང་སྨོད། །བདག་གི་དགེ་ལ་བར་ཆད་བྱེད་པའི་དགྲ། །དགྲ་འདྲེ་བྱད་གསུམ་བྱེད་པའི་ལས་ངན་རྣམས། །ཁྱེད་ཀྱི་ཁོང་ནས་དུག་གི་རླུང་བུས་ལ། །འདུ་བ་རྣམ་བཞིའི་ནད་སོགས་ཁོང་ནས་སློང་། །པགས་གཞི་ས་ལ་ལྷུང་ནས་རྡེབ་ཏུ་ཆུག །དོན་སྙིང་རྣམ་ལྔ་ཁོང་ཁྲག་སྐྱུག་ཏུ་ཆུག །ལས་ངན་འཁོར་བཅས་བྲང་ཆེན་བརྡུང་དུ་ཆུག །སྨྲེ་སྔགས་ཆོ་ངེ་གནམ་དུ་འབོད་དུ་ཆུག །འཆི་བའི་དུས་འདིས་སྨྱོ་འབོག་བསད་པར་མཛོད། །གཅན་གཟན་མཁའ་ལྡིང་ལ་སོགས་ལྟས་ངན་ཕོབ། །བསྟན་པ་བསྲུང་བའི་ལས་རྣམས་འགྲུབ་པར་མཛོད། །ཨོཾ་རུ་རུ་རོ་རུ་བི་ཏིཥྛ་བ་ཏོ་སི་ཀ་མ་ལ་རཀྵ་

― LT40_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

སི་ཧཱུྃ་བྷྱོཿ དགྲ་བགེགས་ཐམས་ཅད་མཱ་ར་ཡ་ཧཱུྃ་ཕཊ། །ཅེས་བརྗོད་ལ་གཏོར་མ་ཡང་ཐོག་ཏུ་འབུལ་ཞིང་འདོད་དོན་གསོལ་ལོ། །རྗེས་གཏང་རག་ཏུ། ཨརྒྷཾ་ནས་ཨ་མྲྀ་ཏ་རཀྟ་བ་ལི༚་ཏ་པཉྩ་ཀཱ་མ་གུ་་པྲ་ཏིཙྪ་སྭཱ་ཧཱ། བཅོམ་ལྡན་འདས་ཀྱི་སྤྱན་སྔ་རུ། སོགས། མཆོད་བསྟོད་ཉུང་འདུས་བྱ། མ་འབྱོར་པ་དང་སོགས་ཡི་གེ་བརྒྱ་པས་ནོངས་པ་འཆགས། རྟེན་ཡོད་ན་བརྟན་བཞུགས་སྤྱི་མཐུན་དང་། བཛྲ་ལཱ་སྱ་རཱ་ག་ཡཱ་མི་ཧཱུྃ། གིས་དམ་ཡེ་དབྱེར་མེད་རྟེན་རྫས་དང་བྲིས་སྐུ་ལ་བསྟིམ། རྟེན་མེད་པའི་རིགས་དང་འཇིག་རྟེན་པའི་འཁོར་རྣམས། གཙྪ་གཙྪ་སྭ་བྷཱ་བ་ནཱཾ་གྱིས་གཤེགས། རྟེན་ཡེ་ནས་མེད་ན། ཨོཾཱ་ཁྱེད་ཀྱི་སེམས་ཅན་སོགས་ནས་བཛྲ་མུཿཞེས་སེ་གོལ་ལན་གསུམ་བརྡབ་བས། སྒྲུབ་པ་པོ་ཁྱོད་ཀྱིས་ཇི་ལྟར་བསྒོ་བ་བཞིན་བྱའོ། །ཞེས་གསུང་ནས་ལྷ་མོ་འཁོར་བཅས་ཅོ་དིར་གྱིས་གཤེགས་པར་བསམ། བཀྲ་ཤིས་བརྗོད་པ་ནི། ཨོཾ་སྔོན་ཚེ་བཅོམ་ལྡན་ཐུབ་པའི་བསྟན་པ་ལ། སོགས་བརྗོད་ལ་རོལ་མོ་བསྒྲགས་ཅིང་མེ་ཏོག་གི་ཆར་དབབ། མཐར་བསྔོ་སྨོན་གྱི་རྒྱས་གདབ་པར་བྱའོ། །སྣང་སྲིད་མོ་རྒྱུད་དགྱེས་པའི་སྤྲིན་ཆེན་ལས། །འཛད་མེད་དངོས་གྲུབ་རྣམ་གཉིས་ཆར་འབེབས་པ། །ལམ་ཁྱེར་ལས་བྱང་སྐྱེ་ལྔའི་སྒྲ་དབྱངས་འདི། །རྒྱལ་བསྟན་ལང་ཚོ་མཛེས་པའི་དཔལ་དུ་ཤོག །ཅེས་པའང་དགེ་བའི་བློ་ཅན་ཀརྨ་དེ་བ་ཤྲཱི་ནས་མཎྜལ་བཅས་འདི་བཞིན་དགོས་ཞེས་ཆེ་ཐང་དུ་བསྐུལ་བའི་ངོ་མ་ལྕོགས་པར། པདྨ་གར་གྱི་དབང་ཕྱུག་རྩལ་གྱིས་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་སྨིན་ཟླའི་ཚེས་བཅུའི་ཉིན་འདོན་ཆ་རྣམས་བཀའ་གཏེར་སོར་བཤག་ལས་རང་བཟོ་མེད་པར་གྲུབ་པར་སྦྱར་བའི་ཡི་གེ་པ་ནི་མངྒ་ལམ་བགྱིས་པ་སྟེ། ནོངས་པ་གང་མཆིས་བཤགས་ཤིང་དགེ་བས་བསྟན་འགྲོ་ལ་ཕན་པར་གྱུར་ཅིག །མངྒ་ལཾ།

བཀའ་དྲིན་ལྷ་མོའི་གསོལ་མཆོད་བསམ་དོན་ལྷུན་གྲུབ།

― LT40_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་དྲིན་ལྷ་མོའི་གསོལ་མཆོད་བསམ་དོན་ལྷུན་གྲུབ་བཞུགས་སོ། །

― LT40_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་དྷེ་ཝ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ། །ཡེ་ཤེས་ལྷ་མོ་དྲིན་མོ་ཆེ། །ཚེ་རབས་སྔོན་ནས་འབྲེལ་བའི་ལྷ། །རིག་འཛིན་བརྒྱུད་སྲུང་དམ་ཚིག་ཅན། །རྣལ་འབྱོར་ཀུན་གྱི་གྲོགས་མཛད་མ། །བདག་གི་གདུང་བས་གསོལ་འདེབས་ན། །བྱམས་པའི་ཐུགས་ཀྱིས་རྗེས་དགོངས་ལ། །ཞི་བའི་སྤྱན་གྱིས་གཟིགས་སུ་གསོལ། །ངང་ཉིད་མཁའ་ལས་མ་གཡོས་ཀྱང་། །རྫུ་འཕྲུལ་ཤུགས་ཀྱིས་འབར་བའི་སྐུ། །ཨེ་ཀའི་ཀློང་ནས་བཞེངས་པའི་ཚེ། །བརྩེ་བའི་དགོངས་ཉམས་ཡ་ལ་ལ། །དགྱེས་པའི་འཛུམ་མདངས་ལམས་སེ་ལམ། །བྱིན་རླབས་འཇའ་ཟེར་གྱི་ལི་ལི། །པི་ཝཾ་གླིང་བུ་ཀྱུ་རུ་རུ། །དྲིལ་བུ་གཡེར་ཁ་སི་ལི་ལི། །རིག་སྔགས་གླུ་དབྱངས་ཙེ་རེ་རེ། །

― LT40_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

སྟངས་སྟབས་ཕྱག་རྒྱ་ཁྲིགས་སེ་ཁྲིག །སྤྲུལ་པའི་མཁའ་འགྲོ་ཐིབས་སེ་ཐིབ། །དྲི་བཟང་ངད་པ་ཐུ་ལུ་ལུ། །བྲོ་བརྡུངས་ཤོན་སྐོར་སྒ་ར་ར། །སྟོང་ཁམས་ཁྱབ་པའི་རྫུ་འཕྲུལ་བཅས། །དམ་ཚིག་གསང་བའི་གནས་འདིར་གཤེགས། །དད་གུས་གདུང་བའི་དབྱངས་ལ་གསོན། །རང་མཐུན་དགྱེས་པའི་རྟེན་ལ་བཞུགས། །ལུས་ངག་ཡིད་གསུམ་གུས་པས་འདུད། །ཆག་ཉམས་འགལ་འཁྲུལ་ཅི་མཆིས་བཤགས། །དག་ཚངས་བཞེས་ལ་དངོས་གྲུབ་སྩོལ། ཧཱུྃ། མ་གཅིག་ཆོས་སྐུར་བཞུགས་པའི་ཚེ། །སྤྲོས་བྲལ་ཤེས་རབ་ཕ་རོལ་ཕྱིན། །རྣམ་པར་ཐར་པའི་སྐུ་མངའ་མ། །དུས་གསུམ་སངས་རྒྱས་སྐྱེད་པའི་ཡུམ། །བཀའ་

― LT40_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་དོན་བརྒྱུད་ཐེག་དགུའི་མཛོད། །ནམ་མཁའི་ལུས་ཅན་འཁོར་འདས་གསོ། །མིང་ཚིག་བརྗོད་པའི་ཡུལ་ལས་འདས། །ཅི་ལྟར་བྱས་ཀྱང་ངོ་བོའི་མཁའ། །གང་དུ་སོང་ཡང་རང་བཞིན་ཀློང་། །སྣ་ཚོགས་རོལ་པ་ཐུགས་རྗེའི་དབྱིངས། །གནས་ཚུལ་བསམ་གྱིས་མི་ཁྱབ་ཀྱང་། །སོ་སོ་རང་རིག་ཀློང་དུ་གཅིག །འཁོར་ཚེ་སྐྱེ་གནས་ཐམས་ཅད་དུ། །རིགས་ཀྱི་ནུས་པས་དགེ་བསགས་ཏེ། །དལ་འབྱོར་ལུས་བླངས་ཆོས་སྒོར་ཞུགས། །ཐོས་བསམ་སྒོམ་སོགས་ཚོགས་གཉིས་སྤེལ། །རང་གཞན་ཆོས་མཐུན་དཔལ་འབྱོར་ཕྱུག །དེ་ཀུན་ཡེ་ཤེས་མ་མོའི་དྲིན། །མ་ནི་སྟོང་པ་སྐྱེ་བ་མེད། །མོ་ནི་རིག་པའི་སྙིང་པོ་ཅན། །ཟུང་འཇུག་ལྷན་སྐྱེས་ཀུན་བཟང་ཡུམ། །རྟོག་པའི་དྲྭ་བ་རྩད་ནས་གཅད། །ཉམས་བསྐང་མཚན་འཛིན་ལས་འདས་ཀྱང་། །བདག་ཅག་མ་རིག་འཁྲུལ་པ་ཡིས། །གཉིས་འཛིན་དབང་གྱུར་ཉེས་བསགས་པ། །རང་རིག་ཆོས་སྐུའི་ཀློང་དུ་བཤགས། །ལྟ་བ་གཡེལ་ནི་མ་གཡེལ་ཏེ། །གཞི་མེད་རྩ་བྲལ་རྟོགས་པས་བསྐང་། །སྒོམ་པ་ནོར་ནི་མ་ནོར་ཏེ། །ཡེངས་མེད་སྒོམ་མེད་དྲན་པས་བསྐང་། །སྤྱོད་པ་འཁྲུལ་ནི་མ་འཁྲུལ་ཏེ། །རང་བབ་ཤུགས་འབྱུང་ངང་དུ་བསྐང་། །བཅིངས་གྲོལ་མེད་པར་དག་གྱུར་ཅིག །རྟོགས་པ་དོན་གྱི་དངོས་གྲུབ་སྩོལ། །མ་གཅིག་ལོངས་སྐུར་བཞེངས་པའི་ཚེ། །

― LT40_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་བཞིའི་བདེ་ཀློང་འཁྱིལ་བ་ན། །བརྡ་དོན་རྟགས་སུ་རྫོགས་པའི་ཡུམ། །ཆེ་མཆོག་ཉིད་བཞི་མུ་ཁ་ལེ། །ནང་གསལ་བུམ་སྐུའི་རང་རྩལ་ལས། །མཁའ་ཁྱབ་ཞིང་སྐུའི་འདུ་འཕྲོ་ཅན། །རྟག་རྒྱལ་ཡེ་ཤེས་མ་ལྔར་ཤར། །རྣམ་སྣང་ཁྲོས་པ་འབུམ་ཕྲག་ཞལ། །དབུ་བརྒྱ་ཕྱག་སྟོང་རྗེ་བཙན་ཆེ། །དགེ་ཀུན་དགྱེས་པའི་བཟང་རྟོག་སྟེ། །མི་དགེ་ཁྲོས་པའི་ངན་རྟོག་ཉིད། །དེས་ན་འཁོར་འདས་མ་མོའི་གཡོས། །བདག་ཅག་མཐོ་རིས་ཡོན་ཏན་ལྡན། །འཕགས་པའི་ནོར་ལ་བློ་ཁ་ཕྱོགས། །དགེ་བསམ་བར་ཆད་མེད་པར་འགྲུབ། །གནས་སྐབས་མཐར་ཐུག་ཕུན་ཚོགས་ཀུན། །ཡེ་ཤེས་མ་མོ་ཁྱོད་ཀྱི་དྲིན། །མ་ནི་སེམས་ཉིད་སྤྲོས་བྲལ་སྟོང་། །མོ་ནི་ཤུགས་འབྱུང་སྙིང་རྗེ་ཆེ། །ཟུང་འཇུག་བདེ་བ་ཆེན་པོའི་ངང་། །ཆོས་ཀུན་ཡེ་ནས་དག་མཉམ་ཡང་། །མ་རྟོགས་ལས་ཀྱི་སྒྲིབ་བསགས་ཀུན། །སྐྱེ་འགགས་མེད་པའི་ཀློང་དུ་བཤགས། །མ་མོ་ལོག་ནི་མ་ལོག་ན། །ལོག་ན་རོ་མཉམ་ཆེན་པོར་བསྐང་། །མ་མོ་རྒྱུག་ནི་མ་རྒྱུག་ན། །རྒྱུག་ན་གཟུང་འཛིན་ཕྱལ་བར་བསྐང་། །མ་མོ་འཁྱམས་ནི་མ་འཁྱམས་ན། །འཁྱམས་ན་ཡུལ་མེད་གཉུག་མར་བསྐང་། །ལྷུན་རྫོགས་ཆེན་པོར་དག་གྱུར་ཅིག །བྱ་རྩོལ་བྲལ་བའི་དངོས་གྲུབ་སྩོལ། །མ་གཅིག་སྤྲུལ་སྐུར་ཁྲོས་པའི་ཚེ། །

― LT40_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

སྨུག་ནག་ཁྲོས་མ་རག་གདོང་མ། །རྡོ་རྗེ་རལ་གཅིག་སྒྲོལ་བའི་ཡུམ། །ནམ་མཁའི་ལུས་ཅན་ལྷོ་སྤྲིན་གྱོན། །མི་སྲུན་ཤན་པ་ཤ་ཟ་མ། །ནམ་གྲུ་ནག་མོ་ཐུགས་ལས་སྤྲུལ། །མ་ལྔ་རྗེ་མོ་བཅུ་བཞི་དང་སྨན་མོ་ལྔ་བཅུ་རྩ་བརྒྱད་སོགས། །མཁའ་འགྲོ་ཡོངས་ལ་མངའ་དབང་སྒྱུར། །ལན་རེ་རྡོ་རྗེ་རྣལ་འབྱོར་མ། །དཀྱིལ་འཁོར་ཡོངས་ཀྱི་གཙོ་མོར་བཞུགས། །རྩ་ཐིག་རླུང་གི་འདུ་འཕྲོ་ཡི། །གནས་ཡུལ་ཀུན་ལ་དབང་ཡང་མཛད། །ཕྱི་ནང་ཁྱབ་པའི་ཆོ་འཕྲུལ་ཅན། །ཞུ་བདེའི་རང་བཞིན་འཁོར་འདས་གཡོ། །གསོལ་བཏབ་དངོས་གྲུབ་སྩོལ་མཛད་མ། །བདག་ཅག་སྔགས་ཀྱི་སྨིན་གྲོལ་ནོས། །རིམ་གཉིས་དབང་བཞིའི་དམ་ཚིག་འཆང་། །རྣམ་ཀུན་མཆོག་ལྡན་སྟོང་ཉིད་དང་། །མི་འགྱུར་བདེ་ཆེན་ལམ་དུ་བྱེད། །ཐོག་མཐའ་བར་དུ་དགེ་བ་ཀུན། །ཡེ་ཤེས་ལྷ་མོ་ཁྱོད་ཀྱི་དྲིན། །མ་ནི་ཡིད་ཆོས་སྐྱེ་བ་མེད། །མོ་ནི་རྩལ་སྣང་འགག་པ་མེད། །ཟུང་འཇུག་རྟེན་ཅིང་འབྲེལ་པར་འབྱུང་། །བསམ་གྱིས་མི་ཁྱབ་ཆོས་ཉིད་དབྱིངས། །མཚན་རྟོགས་སོ་སྐྱེའི་བློས་འཆིང་བ། །གཉིས་མེད་མཉམ་པའི་ངང་དུ་བཤགས། །མ་མོ་འཁྲུགས་ནི་མ་འཁྲུགས་ན། །འཁྲུགས་ན་ལྟ་བའི་རླབས་ཀྱིས་བསྐང་། །མ་མོ་ཁྲོས་ནི་མ་ཁྲོས་ན། །ཁྲོས་ན་སྒོམ་པའི་དྲོད་ཀྱིས་བསྐང་། །མ་མོ་ཞུད་ནི་མ་ཞུད་

― LT40_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །ཞུད་ན་སྤྱོད་པའི་གཟེར་གྱིས་བསྐང་། །ཡིད་བྱེད་བྲལ་བར་དག་གྱུར་ཅིག །སྣང་སེམས་རོ་མཉམ་དངོས་གྲུབ་སྩོལ། བྷྱོ། ཐུགས་ཉིད་ཞི་ལས་མ་གཡོས་ཀྱང་། །སྙིང་རྗེས་གདུག་པ་འདུལ་སླད་དུ། །འདས་དང་མ་འདས་མཚམས་སྐྱོང་བ། །ཡེ་ཤེས་ལས་དང་འཇིག་རྟེན་གྱི། །རྗེ་མོ་དཔལ་ལྡན་རང་བྱུང་མ། །དོན་དམ་ཆོས་སྐུ་འགྱུར་མེད་ལ། །རྟགས་ཀྱི་ཕྱག་རྒྱ་སྣ་ཚོགས་ཤར། །མཐིང་ནག་ཆེན་མོ་འབར་བའི་སྐུ། །ལུས་ལས་ཉི་ཟླའི་འོད་ཟེར་སྤྲོ། །དཀར་མོ་ཡེ་ཤེས་ལྷ་མོའི་ཚོགས། །དགུ་ཁྲི་དགུ་འབུམ་སྟོད་ནས་འགྱེད། །ནག་མོ་འཇིག་རྟེན་མ་མོའི་ཚོགས། །དགུ་ཁྲི་དགུ་འབུམ་སྨད་ནས་འགྱེད། །སྨུག་མོ་ལས་ཀྱི་མཁའ་འགྲོའི་ཚོགས། །སུམ་བརྒྱ་དྲུག་ཅུ་སྐེད་ནས་འགྱེད། །ཡང་སྤྲུལ་ནམ་མཁའི་མུ་མཐར་ཁྱབ། །མ་ངེས་འདོད་དགུ་སྒྱུར་བའི་གཟུགས། །བསམ་གྱིས་མི་ཁྱབ་འཕྲུལ་མོ་ཆེ། །ས་བརྒྱད་ལ་གནས་སེམས་མ་སྟེ། །དུར་ཁྲོད་ཀུན་ཉུལ་སྲིན་མོའི་ཚུལ། །མཚན་གསོལ་མ་གཅིག་དཔལ་ལྷ་མོ། །གནས་ནི་རྩ་གསུམ་བྱང་ཤར་མཚམས། །རྟེན་ནི་ཡོངས་འདུས་དཔག་བསམ་ཤིང་། །མུ་ལེ་མཐིང་གི་རྒྱ་མཚོ་ན། །སྲིད་གསུམ་དབང་བསྒྱུར་ཐོད་པའི་མཁར། །མཐིང་ཤུན་འོད་ཀྱི་ཁྱིམ་དུ་རོལ། །ལྷ་

― LT40_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀུན་གྱིས་ཕྱག་བྱས་མ། །དྲེགས་བྱེད་ཀུན་གྱི་རྗེ་བཙུན་ཆེ། །མ་མོ་མཁའ་འགྲོའི་ཚོགས་བདག་མོ། །སྟོན་པས་དབང་བསྐུར་དམ་ཚིག་ཅན། །སྡེ་སྣོད་གསུམ་དང་འཁོར་རྣམ་བཞི། །བུ་ལྟར་སྐྱོང་བའི་དྲིན་ལྡན་མ། །ཐུགས་དམ་གཉེན་པོ་འདིར་བསྐང་གི། །གཡར་དམ་ཉམས་ཆག་སོར་སྩོལ་ཅིག །ཕྲིན་ལས་རྣམ་བཞིའི་དངོས་གྲུབ་སྩོལ། །དོན་དམ་དབྱིངས་སུ་དབྱེར་མེད་ཀྱང་། །རྣམ་པ་གཙོ་འཁོར་རང་རྒྱུད་ཚུལ། །ཁོལ་མོ་དཔལ་ལྡན་རེ་མ་ཏི། །དབང་ཕྱུག་སྲས་མོ་དྲེལ་ཞོན་མ། །སྦས་པའི་བུ་མོ་ཐལ་བའི་མདོག །གཏུམ་མོ་ཁྲོ་གཉེར་བེ་ཏཱ་ལི། །སྲོག་གི་བྱ་ར་བསེ་ཡི་གདོང་། །འཕུར་ཤེས་རྡོ་རྗེ་གསེར་མིག་འཁྱིལ། །ཡ་མཚན་འཕྲུལ་གྱི་གཤོག་པ་ཅན། །སྟོན་པའི་སྤྱན་སྔར་ཐུགས་བསྐྱེད་ཅིང་། །གསང་བདག་དབང་ཞུས་ས་ཡང་གཡོས། །འདོད་ཁམས་ཚོགས་ཀྱི་རྗེ་མོ་རུ། །ཨེ་ཀ་ཛ་ཊཱིས་དབང་བསྐུར་མ། །ནམ་ཟླ་དུས་བཞིར་མངའ་མཛད་ཅིང་། །སྐྱེ་འགྲོའི་སྲོག་དབུགས་ཁྲོམ་དུ་འདེབས། །ཚུལ་བཞིན་སྒྲུབ་ལ་སྙིང་ཉེ་མ། །རེ་ཏི་མཆེད་བཞི་སྤྲུལ་འཁོར་བཅས། །འདིར་གཤེགས་ཕུད་དང་གཏོར་མ་བཞེས། །རྣལ་འབྱོར་བསམ་དོན་འགྲུབ་པར་མཛོད། །སྔོན་ཆད་ལེགས་པའི་དོན་གྲུབ་པ། །ཁྱོད་ཀྱི་མཐུ་སྟེ་བཀའ་དྲིན་དྲན། །ད་དུང་སྙིང་པོའི་བར་དུ་ཡང་། །དྲིན་ལྡན་མ་ཡི་དྲིན་

― LT40_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་སྐྱོང་། །ཐུགས་དམ་མ་གཡེལ་ས་མ་ཡ། །ཡང་གཅིག་སྤྲུལ་པའི་ཆོ་འཕྲུལ་ནི། །དགའ་བ་ཚལ་དུ་བཞུགས་པའི་ཚེ། །ཡུམ་ཆེན་གཏུམ་མོ་དུད་སོལ་མ། །དུས་གསུམ་རྒྱལ་བའི་བསྟན་པ་སྲུང་། །སྒྲ་བཅུད་ཡིད་ཀྱི་མཚོར་འཁྲུངས་པ། །ཚངས་པའི་སྲས་མོ་དབྱངས་ཅན་མ། །སྨྲ་བ་ངག་གི་དབལ་རབ་སྟེར། །མི་ཕམ་མདངས་དགའི་རིར་བཞུགས་ཚེ། །ལྷ་མོ་པརྞ་ཤ་བ་རཱི། །ཡམས་ནད་རིམས་ནད་ཀུན་ལས་སྐྱོབས། །དཔག་བསམ་ལྗོན་ཤིང་སྲུང་བའི་ཚེ། །དཔལ་ལྡན་ལྷ་མོ་མ་རཱི་ཙྱཻ། །འཇིགས་བརྒྱད་ཆོམ་རྐུན་དགྲ་དཔུང་ཟློག །ནམ་མཁའ་འཕྲུལ་གྱི་ལྡིང་ཁང་ན། །དཀར་མོ་ཆེན་མོ་འོད་ལྡན་མ། ཁར་ཆད་ནད་གདོན་ཞི་བར་མཛད། །ཁྲོས་ནས་ལས་ལ་ཆས་པའི་ཚེ། །བསྟན་སྲུང་དྲག་མོ་དམག་ཟོར་རྒྱལ། །ཞིང་བཅུའི་མི་རོ་རེངས་པར་ཟ། །དལ་ཡམས་ནད་རིམས་ཟློག་པའི་ཚེ། །བདུད་རྩི་སྨན་གྱི་རྒྱལ་མོ་ཆེ། །ཟླ་བའི་བཅུད་སྡུད་སྐྱེ་དགུ་གསོ། །མོ་རྒྱུད་ཡོངས་ལ་མངའ་མཛད་ཚེ། །ཙིཏྟ་མཁའ་ལ་གཤོག་གཅིག་མ། །ཚེ་དབང་མ་བཞིའི་གཙུག་ན་བརྗིད། །རྡོ་རྗེ་བགེགས་ལ་དབང་སྒྱུར་ཚེ། །ཚོགས་བདག་ཡུམ་ཆེན་དབང་མོ་ཆེ། །མིང་པོ་རྒྱལ་པོའི་བཀའ་སྒྱུར་མ། །དབང་ཕྱུག་སྲས་མོར་སྤྲུལ་པའི་ཚེ། །དཀར་མོ་ཆེན་མོ་དུང་སྐྱོང་རྒྱལ། །ལྷ་བྲན་སྟོང་གིས་

― LT40_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་བྱས་མ། ཁམས་གསུམ་དབང་དུ་སྡུད་པའི་ཚེ། །སྲིད་པ་རྒྱལ་མོ་འགྲན་ཟླ་མེད། །སྣང་སྲིད་འཁོར་འདས་དབང་དུ་སྡུད། །བསིལ་བ་ཚལ་དུ་བཞུགས་པའི་ཚེ། །གཏུམ་མོ་ཆེན་མོ་ཙ་མུཎྜི། །འདོད་ཆགས་ཁྲག་ལ་མངའ་མཛད་མ། །རྡོ་རྗེ་གདན་གྱི་གནས་སྲུང་ཚེ། །མ་མོ་ཆེན་མོ་ཁ་འབར་མ། །རིམས་ཡམས་མཚོན་དལ་ཀུན་གྱི་བདག །བསྟན་དགྲའི་ཚེ་སྲོག་སྡུད་པའི་ཚེ། །མ་མོ་རྡོ་རྗེ་གློག་མ་སྤྲིན། །བོང་ཞོན་ཚོགས་བཅས་མཚན་མོར་རྒྱུ། །དགྲ་སྲོག་རྦད་ཀྱིས་གཅོད་པའི་ཚེ། །དགྲ་བླ་ཆེན་མོ་སྤྱང་ཞོན་མ། །སྒྲུབ་པོ་ཡོངས་ཀྱི་དྲོད་ཚད་ཉུལ། །བསྟན་པའི་བྱ་ར་མཛད་པའི་ཚེ། །དཀར་སྨུག་ནག་གསུམ་སྲིད་པའི་རྒྱལ། །དམ་ཚིག་ཅན་གྱི་དགྱེས་སྡེ་མོ། །རྫུ་འཕྲུལ་འོད་ཀྱི་གུར་ཁང་ན། །གནམ་ཕྱི་གུང་རྒྱལ་རྩི་ཡི་ལྷ། །སྨན་མོ་འབུམ་གྱི་ཚོགས་དཔོན་མཛད། །མིང་བརྒྱ་མ་ལ་མཚན་སྟོང་མ། །སྤྲུལ་དང་ཡང་སྤྲུལ་བསམ་མི་ཁྱབ། །སྣང་སྲིད་མ་མོའི་ལྷ་ཚོགས་རྣམས། །དམ་རྫས་གཏོར་མས་ཐུགས་དམ་བསྐང་། །འདོད་དགུ་འགྲུབ་པའི་དངོས་གྲུབ་སྩོལ། །ལན་རེ་སྤྲུལ་པ་མཛད་ཙམ་ན། །ཞི་མཛད་འབུམ་གྱི་གཙོ་མོ་སྟེ། །རྡོ་རྗེ་རིགས་ཀྱི་དཔལ་ལྷ་མོ། །དཀར་མོ་དུང་གི་ཐོར་ཚུགས་ཅན། །ཐུགས་རྗེ་རྟགས་ཀྱི་ཆ་ལུགས་མཛེས། །ནད་གདོན་བར་ཆད་ཞི་མཛད་མ། །འཁོར་དང་བཅས་པའི་

― LT40_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་དམ་བསྐང་། །མི་མཐུན་འཇིགས་བརྒྱད་ཞི་བར་མཛོད། །ལན་རེ་སྤྲུལ་པ་མཛད་ཙམ་ན། །རྒྱས་མཛད་འབུམ་གྱི་གཙོ་མོ་སྟེ། །རིན་ཆེན་རིགས་ཀྱི་དཔལ་ལྷ་མོ། །སེར་མོ་གསེར་གྱི་ལན་ཕྲན་ཅན། །ཐུགས་རྗེ་རྟགས་ཀྱི་ཆ་ལུགས་བརྗིད། །ཚེ་བསོད་དཔལ་འབྱོར་རྒྱས་མཛད་མ། །འཁོར་དང་བཅས་པའི༴ །མཐུན་རྐྱེན་འབྱོར་དྲུག་རྒྱས་པར་མཛོད། །ལན་རེ་སྤྲུལ་པ༴ །དབང་མཛད་འབུམ་གྱི༴ །པདྨ་རིགས་ཀྱི༴ །དམར་མོ་ཟངས་ཀྱི་རལ་པ་ཅན། །ཐུགས་རྗེ་རྟགས་ཀྱི་ཆ་ལུགས་རྔམས། །སྣང་སྲིད་འཁོར་འདས་དབང་སྡུད་མ། །འཁོར་དང་བཅས་པའི༴ །མོས་བཞིས་སྣང་བ་དབང་དུ་བསྡུས། །ལན་རེ་སྤྲུལ་པ༴ །དྲག་མཛད་འབུམ་གྱི༴ །ལས་ཀྱི་རིགས་ཀྱི༴ །ལྗང་མོ་གཡུ་ཡི་ཟུར་ཕུད་ཅན། །ཐུགས་རྗེ་རྟགས་ཀྱི་ཆ་ལུགས་གཏུམ། །དགྲ་བགེགས་ལོག་འདྲེན་བསྒྲལ་མཛད་མ། །འཁོར་དང་བཅས་པའི༴ །ཉོན་མོངས་བདུད་བཞི་དབྱིངས་སུ་སོད། །ས་ཁམས་ཤ་ལས་སྐུ་སྤྲུལ་པ། །ཞུ་མཛད་དབྱིངས་རུམ་དཔྱིད་ཀྱི་རྒྱལ། །རླུང་ལ་གནས་ཤིང་འཚུབས་མ་འདྲེན། །འཛིན་བྱེད་སེར་མོའི་ཐུགས་དམ་བསྐང་། །ཆུ་ཁམས་ཁྲག་ལས་སྐུ་སྤྲུལ་པ། །རྒྱས་མཛད་གློག་འགྱུ་དབྱར་གྱི་རྒྱལ། །སྤྲིན་ལ་གནས་ཤིང་ཐོག་སེར་འབེབས། །སྒྲོལ་

― LT40_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་སྔོན་མོའི་ཐུགས་དམ་བསྐང་། །མེ་ཁམས་དྲོད་ལས་སྐུ་སྤྲུལ་པ། །སྨིན་མཛད་གློག་ལྕམ་སྟོན་གྱི་རྒྱལ། །རི་རབ་ལ་གནས་བཅུད་ཀྱང་ལེན། །སྟོབས་བྱེད་དམར་མོའི༴ །རླུང་ཁམས་དབུགས་ལས་སྐུ་སྤྲུལ་པ། །སྡུད་མཛད་གློག་སྤྲིན་དགུན་གྱི་རྒྱལ། །ཆུ་ལ་གནས་ཤིང་ཁྲག་རྗེས་གཅོད། །རྒྱུག་བྱེད་ནག་མོའི་ཐུགས་དམ་བསྐང་། །ཡང་སྤྲུལ་འཇིག་རྟེན་མ་མོའི་ཚོགས། །བརྟན་སྐྱོང་ཡ་མ་བཅུ་གཉིས་སོགས། །བསམ་གྱིས་མི་ཁྱབ་རྩིས་ལས་འདས། །བཀའ་ཉན་བདུད་བཙན་གཤིན་རྗེ་གིང་། །སྡེ་བརྒྱད་སྡོང་ཟླ་ཡང་འཁོར་སོགས། །གཙོ་འཁོར་སྤྲུལ་པར་བཅས་པ་རྣམས། །ད་ལྟ་གནས་འདིར་བདག་བསྐང་གི། །ཐུགས་དམ་དབང་གིས་གཤེགས་ནས་ཀྱང་། །དམ་ཚིག་དབང་གིས་དགྱེས་པར་བཞུགས། །སྲུང་སྐྱོབ་ཚེ་དབང་དངོས་གྲུབ་སྩོལ། །ཕྲིན་ལས་འགྲུབ་པའི་སྡོང་གྲོགས་མཛོད། །ཕྱི་མཆོད་ཉེར་སྤྱོད་རྣམ་ལྔ་དང་། །ནང་མཆོད་འདོད་པའི་ཡོན་ཏན་ལྔ། །གསང་མཆོད་སྦྱོར་སྒྲོལ་དགོངས་པ་ཡིས། །མ་མོ་འཁོར་བཅས༴ །བཀྲ་ཤིས་རྟགས་བརྒྱད་རྒྱལ་སྲིད་བདུན། །ཉེ་བའི་རིན་ཆེན་རྣམ་བདུན་དང་། །རིན་ཆེན་དཀོར་ཆ་དུ་མ་ཡིས། །མ་མོ་འཁོར་བཅས༴ །མ་རྨོས་ལོ་ཏོག་འདོད་འཇོའི་བ། །གཏེར་གྱི་བུམ་པ་

― LT40_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་བསམ་ཤིང་། །ཁྲུས་རྫིང་སྐྱེད་མོས་ཚལ་མཆོག་གིས། །མ་མོ་འཁོར་བཅས༴ །གསེར་ཉི་དུང་ཟླ་དངུལ་གྱི་སྐར། །རིན་ཆེན་འཇའ་འོད་བདུད་རྩིའི་སྤྲིན། །འདོད་རྒུའི་གྲུ་ཆར་འཇོ་བ་ཡིས། །མ་མོ་འཁོར་བཅས༴ །བཻ་ཌཱུ་དབང་སྔོན་པད་རཱཀ་དང་། །མ་རྒད་མུ་ཏིག་ཀེ་ཀེ་རུ། །གསེར་གཡུ་དངུལ་ཟངས་ལྕགས་སོགས་ཀྱིས། །མ་མོ་འཁོར་བཅས༴། བཟང་པོ་དྲུག་དང་འབྲས་བུ་གསུམ། །ག་བུར་གི་ཝཾ་ཙནྡན་སོགས། །འབྱུང་བཅུད་དྭངས་མའི་སྨན་རྣམས་ཀྱིས། །མ་མོ་འཁོར་བཅས༴། ནས་འབྲས་གྲོ་སྲན་ཏིལ་དང་ཁྲེ། །སོ་བ་ཡུངས་ཀར་ཇུད་རྩེ་སོགས། །འབྲུ་བཅུད་རིན་ཆེན་རིགས་རྣམས་ཀྱིས། །མ་མོ་འཁོར་བཅས༴ །བྱ་གཅན་རི་དྭགས་གཡུང་དྭགས་དང་། །ཆུ་གནས་ས་འཛུལ་སྣ་ཚོགས་པ། །ཡིད་འཕྲོག་ཉམས་རྩལ་ལྡན་པ་ཡིས། །མ་མོ་འཁོར་བཅས༴ །གཟུགས་མཛེས་སྒྲ་སྙན་དྲི་བསྲུང་ཞིམ། །རོ་བདའ་རེག་བྱ་འཇམ་ལ་སོགས། །མཁོ་དགུའི་ཡོ་བྱད་སྣ་ཚོགས་ཀྱིས། །མ་མོ་འཁོར་བཅས༴ །ལྷུན་པོ་གསེར་རི་རོལ་མཚོ་བདུན། །གླིང་བཞི་གླིང་ཕྲན་མ་ལུས་པ། །མཆོད་པའི་ཡོ་བྱད་ཀྱིས་བསྐངས་ཏེ། །མ་མོ་འཁོར་བཅས༴ །ཐོད་མཁར་དྲག་པོའི་གཞལ་ཡས་ཁང་། །དུར་ཁྲོད་བཀོད་པ་འཇིགས་སུ་རུང་། །

― LT40_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

རྔམ་བརྗིད་རྒྱན་སྤྲས་གནས་ཀྱི་རྫས། །མ་མོ་འཁོར་བཅས༴ །ཞིང་གི་བླ་བྲེ་འཕན་གདུགས་བྲེས། །རོ་སྐྲའི་རྔ་ཡབ་མི་མགོའི་ཏོག༴ །ཙིཏྟའི་འཕྱང་འཕྲུལ་རྒྱན་གྱི་རྫས། །མ་མོ་འཁོར་བཅས༴ །ཁྲག་མཚོ་འཁྲུགས་ཤིང་རྟ་རླུང་འཚུབས། །བམ་རོ་གཅལ་བཀྲམ་བོང་དྲེལ་བརྗིད། །པད་ཉི་རོ་གདན་བཞུགས་པའི་རྫས། །མ་མོ་འཁོར་བཅས༴ །ཚིལ་ཆེན་བསུར་དང་གུ་གུལ་དྲི། །སྤོས་དཀར་སི་ལའི་དུད་སྤྲིན་དང་། །གཡབ་དར་འབོད་བསྐུལ་རྫས་རྣམས་ཀྱིས། །མ་མོ་འཁོར་བཅས༴ །ཁྲག་མཆོད་དབང་ལྔའི་མེ་ཏོག་དང་། །ཚིལ་གསུར་ཞུན་མེ་མཁྲིས་པའི་ཆབ། །ཤ་རུས་ཟས་སྦྱར་མཆོད་པའི་རྫས། །མ་མོ་འཁོར་བཅས༴ །མི་རྐང་གླིང་བུ་ལྟག་སྤྲོད་རྔ། །རོལ་མོ་སིལ་སྙན་རྔ་དུང་དྲིལ། །སྙན་བརྗིད་གདངས་དབྱངས་གཤེགས་པའི་རྫས། །མ་མོ་འཁོར་བཅས༴ །ཤེལ་སྒང་ཙ་ར་མཁའ་ལྡིང་ནག །བོང་དྲེལ་ཅང་ཤེས་དར་སྣས་བརྒྱན། །ཕྱེ་པ་དུང་ཕྱུར་ཕྱི་ཡི་རྟེན། །མ་མོ་འཁོར་བཅས༴ །མདའ་དར་མེ་ལོང་རྨ་བྱའི་གསོབ། །ནལ་བུ་སེང་གེའི་རྒྱལ་མཚན་དང་། །རེ་ལྡེ་བནྡྷ་ནང་གི་རྟེན། །མ་མོ་འཁོར་བཅས༴ །ཤིང་ལོ་རླུང་བསྐྱོད་རྡོ་སོལ་དང་། །མཚལ་འབྲས་སྲོག་གི་འཁོར་ལོས་བཀང་། །མི་དབང་འབྲས་སོགས་གསང་བའི་རྟེན། །མ་མོ་འཁོར་བཅས༴ །ལུགས་སུ་བླུག་དང་རིས་སུ་བྲིས། །

― LT40_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

འབུར་དུ་གཏོད་དང་གསང་བའི་འབག །སྐུ་བརྙན་ལྷ་སྒོམ་སྐུ་ཡི་རྟེན། །མ་མོ་འཁོར་བཅས༴ །ཅང་ཏེ་གསང་བའི་རྔེའུ་ཆུང་། །མཆོག་ཆེན་མཆོག་ཕྲན་མདངས་ལྡན་གླུ། །སྙིང་པོ་འཛབ་བཟླས་གསུང་གི་རྟེན། །མ་མོ་འཁོར་བཅས༴ །གནམ་ལྕགས་རལ་གྲི་ཕུར་བུ་ཞགས། །འཁོར་ལོ་ཁ་ཊྭཱཾཾ་ཐོད་ཁྲག་མདུང་། །ཕྱག་རྒྱ་ཏིང་འཛིན་ཐུགས་ཀྱི་རྟེན། །མ་མོ་འཁོར་བཅས༴ །དར་ནག་རྒྱལ་མཚན་བ་དན་དང་། །ཁྲམ་ཤིང་ནད་རྐྱལ་མཚོན་དྲུ་ཤོ། །ནེ་ལེའི་རྐྱལ་པ་ཡོན་ཏན་རྟེན། །མ་མོ་འཁོར་བཅས༴ །སྣ་ཚོགས་མཚོན་དང་རྫས་ཀྱི་ཐུན། །དགྲ་བགེགས་ལིང་ག་བྲུབ་ཁུང་སོགས། །དྲག་པོའི་ལས་སྦྱོར་ཕྲིན་ལས་རྟེན། །མ་མོ་འཁོར་བཅས༴ །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་བསྒྲལ་བའི་ཤ །དངོས་གྲུབ་འགུགས་པའི་ལྕགས་ཀྱུ་ལྔས། །མ་མོ་འཁོར་བཅས༴ །བཞི་མཉམ་གླ་རྩི་སི་ཧླ། །ག་བུར་གོ་རོ་ཙ་ན་སྟེ། །ཡེ་ཤེས་གསལ་བའི་སྒྲོན་མེ་ལྔས། །མ་མོ་འཁོར་བཅས༴ །བྱང་ཆུབ་སེམས་དངོས་ར་ས་ཡ། །རྩ་བརྒྱད་སྟོང་སྦྱར་ཨ་མྲྀ་ཏ། །མཐིང་ཕོར་ཛ་གད་བཅུད་ཀྱིས་བལྟམས། །མ་མོ་འཁོར་བཅས༴ །སྤང་རམས་འབྲི་མོག་ཁུག་ཆོས་དང་། །རྒྱ་སྐྱེགས་མཚལ་དཀར་སིནྡྷུ་ར། །འབྱུང་བ་བཅུད་འདུས་རཀྟ་ཡིས། །མ་མོ་འཁོར་བཅས༴ །རྩལ་

― LT40_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་སེང་སོགས་རྔམས་པ་དགུ། །ཆུ་སྲིན་ལ་སོགས་གདུང་བ་སྟོང་། །སྙིང་ཁྲག་རྦ་རླབས་འཁྱིལ་བ་ཡིས། །མ་མོ་འཁོར་བཅས༴ །པདྨ་མཱུ་ལ་རཀྟ་དང་། །གུ་ཧྱ་རཀྟ་ཁྲག་ཆེན་གྱི། །བཅུད་ལྡན་ཐོད་པ་ལྕང་ལོ་འདིས། །མ་མོ་འཁོར་བཅས༴ །ནལ་བུ་ཞིང་བཅུའི་དགྲ་བགེགས་སོགས། །སྙིང་དང་རྩ་ཡི་ཁྲག་རུལ་ཏེ། །ཁྱད་པར་མཉེས་པའི་མཆོད་རྫས་ཀྱིས། །མ་མོ་འཁོར་བཅས༴ །ཚེ་གལ་མཐུན་སྡེབ་སྦོད་ཀྱིས་བྲན། །དཀར་རྩི་དམར་རྩི་མཱཾ་སས་བརྒྱན། །མཐིང་གུར་བརྗིད་ལྡན་བ་ལི༚་ཏས། །མ་མོ་འཁོར་བཅས༴ །ཟླ་རྒྱས་ཟླ་ཕྲམ་ཁུར་བ་དང་། །ཤིང་ཏོག་མེ་ཏོག་རྒྱུ་མཆོག་ལྔ། །བཟའ་བཙང་བལྡག་གཞིབ་བཏུང་བ་ཡིས། །མ་མོ་འཁོར་བཅས༴ །མངར་སྐྱུར་ལན་ཚྭ་ཁ་ཚ་བསྐ། །རོ་བརྒྱ་ལྡན་པའི་ཞལ་ཟས་མཆོག །མ་ཚང་མེད་པའི་གཏོར་ཆེན་གྱིས། །མ་མོ་འཁོར་བཅས༴ །མཚན་ལྡན་བནྡྷ་མ་རལ་དང་། །སྲོག་མེད་དབུགས་དང་དབུགས་མེད་སྲོག །བམ་ཆེན་དབང་པོ་ཚང་བ་ཡིས། །མ་མོ་འཁོར་བཅས༴ །རྟེན་གཏོར་རྒྱུན་གཏོར་དུས་གཏོར་དང་། །རྟག་གཏོར་ལ་སོགས་སྒྲུབ་པའི་རྫས། །ཐུགས་ལ་དགྱེས་དགུའི་མཆོད་སྤྲིན་གྱིས། །མ་མོ་འཁོར་བཅས༴ །ཏ་ན་ག་ནའི་རོ་ལང་ཅན། །ཟབ་མོ་ག་་ཙཀྲ་དང་། །པཱུ་ཛ་ཚོགས་ཀྱི་ཡོ་བྱད་ཀྱིས། །མ་མོ་འཁོར་བཅས༴ །མདོར་ན་སྣང་སྲིད་

― LT40_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་འདས་ཀུན། །ཀུན་བཟང་མཆོད་པའི་སྤྲིན་ཕུང་ནི། །སྒྱུ་འཕྲུལ་དྲ་བར་བྱིན་རླབས་ཏེ། །མ་མོ་འཁོར༴ །རང་གསལ་ཡེ་ཤེས་མ་མོའི་སྲོག །འཁོར་གསུམ་མཚན་རྟོག་ཀུན་བྲལ་བ། །སྣང་སྲིད་གཞིར་བཞེངས་དགོངས་པ་ཡིས། །མ་མོ་འཁོར༴ །སྣང་བ་ཐབས་ཆེན་ཡབ་ཀྱི་མཁའ། །སྟོང་པ་ཤེས་རབ་ཡུམ་གྱི་ཀློང་། །ཟུང་འཇུག་བདེ་ཆེན་འཁོར་ལོ་ཡིས། །མ་མོ་འཁོར་བཅས༴ །སྣང་སྟོང་རྩ་གནས་རྡོ་རྗེའི་སྐུ། །གྲགས་སྟོང་རླུང་སྔགས་རྡོ་རྗེའི་གསུང་། །རིག་སྟོང་ཐིག་ལེ་རྡོ་རྗེའི་ཐུགས། །མཉམ་རྫོགས་ཁྱབ་བརྡལ་ངང་དུ་བསྐང་། །བདག་ཅག་མ་རིག་དབང་གྱུར་པས། །བཅས་དང་རང་བཞིན་ལས་གྱུར་པ། ཁ་ན་མ་ཐོའི་ཉེས་པ་རྣམས། །གནོང་འགྱོད་དྲག་པོས་མཐོལ་ཞིང་བཤགས། །སྡོམ་གསུམ་སྤྱི་དང་ཁྱད་པར་དུ། །གསང་སྔགས་ཟབ་མོའི་དམ་འགལ་ཞིང་། །ཉམས་དང་ཚོགས་འདྲེས་སྤྱོད་ལམ་རྩིངས། །གང་མཆིས་འགྱོད་པས་མཐོལ་ཞིང་བཤགས། །ཁྱད་པར་ལྷ་མོ་དཔོན་གཡོག་གི། །རྩ་བ་ཡན་ལག་དམ་ཚིག་རིགས། །རྟེན་རྫས་མ་ཚང་བསྙེན་སྒྲུབ་གཡེལ། །ལྟ་སྒོམ་གོལ་ཞིང་དུས་མཆོད་ཆག །ཐེ་ཚོམ་ཁུ་འཕྲིགས་སྤང་ལེན་བྱས། །མེ་རླུང་སྐེད་བཅད་སྦྲུམ་མ་སྨད། །བོང་དྲེལ་བྱ་ནག་བརྡུང་བཏགས་སོགས། །མི་ཤེས་ལེ་ལོའི་དབང་གིས་ནི། །ཐུགས་འགལ་ཅི་མཆིས་བཟོད་པར་གསོལ། །བྱང་དག་ཚངས་པའི་དངོས་གྲུབ་སྩོལ། །སེམས་ཉིད་གདོད་ནས་འདུས་མ་བྱས། །

― LT40_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རྟོག་གློ་བུར་འཁྲུལ་བ་ཉིད། །བྱ་བྱེད་བག་ཆག་མཁའ་ལྟར་དག །ཡེ་སྟོང་བཟོ་མེད་གཉུག་མའི་གཤིས། །དགེ་སྡིག་བསྲུང་མཚམས་ལས་འདས་དང་། །རང་བབ་རྒྱུན་གྱི་རྣལ་འབྱོར་ལ། །བཅོས་མའི་དག་ཚངས་འཁྲུལ་པའི་བློ། །འོན་ཀྱང་སྒྱུ་མའི་རོལ་པ་ཡིས། །རྟེན་འབྱུང་སྣང་ལ་མ་འགགས་པར། །བསྐང་ཞིང་བཤགས་པས་དགྱེས་གྱུར་ཏེ། །གཡར་དམ་གཉན་པོ་སོར་ཆུད་མཛོད། །དབྱིངས་ནས་ཐུགས་རྗེའི་དགྱེས་དགོངས་ལ། །གྲུབ་པ་བརྒྱད་དང་ཕྲིན་ལས་བཞི། །མཆོག་ཐུན་དངོས་གྲུབ་དུས་འདིར་སྩོལ། །ནད་གདོན་གྲིབ་དང་ལྟས་ངན་བྱུར། །དུས་མིན་འཆི་སོགས་ཆོས་མཐུན་གྱི། །བར་དུ་གཅོད་པ་མཐའ་དག་སོལ། །སྔོན་ལས་འཕྲལ་རྐྱེན་ལས་གྱུར་པའི། །བྱད་སྟེམས་སྲི་ཀེག་མི་མཐུན་ཕྱོགས། །གཟུགས་ཅན་གཟུགས་མེད་འཚེ་བ་ཟློག །ནད་མུག་མཚོན་གྱི་དལ་ཡམས་སོགས། །མ་མོ་འཁྲུགས་པའི་དབང་གྱུར་པའི། །བཀའ་ཆད་དགྲ་དང་བགེགས་ལ་ཕོབ། །སངས་རྒྱས་བསྟན་པ་དར་རྒྱས་སྤེལ། །བསྟན་འཛིན་སྐྱེས་བུའི་སྐུ་ཚེ་བསྲིངས། །རྣལ་འབྱོར་ཚེ་དབང་མཐུ་རྩལ་བསྐྱེད། །ཡུལ་ཁམས་ཀུན་ཏུ་བདེ་ལེགས་ཀྱི། །བཀྲ་ཤིས་སྣང་བས་ཁྱབ་པར་མཛོད། །མདོར་ན་ཆོས་མཐུན་འདོད་པའི་དོན། །ཐོགས་མེད་ལྷུན་གྱིས་གྲུབ་པ་ཡི། །ལེགས་ཚོགས་མི་ཉམས་གོང་

― LT40_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་མཛོད། །ཡེ་ཤེས་ལྷ་མོས་དབྱིངས་ནས་གཟིགས། །ལས་ཀྱི་མ་མོས་དངོས་གྲུབ་སྩོལ། །འཇིག་རྟེན་མ་མོས་སྡོང་གྲོགས་མཛོད། །མ་གཅིག་བཞིན་ཏུ་བྱམས་པས་སྐྱོངས། །སྲིང་གཅིག་བཞིན་ཏུ་གདུང་བས་དགོངས། །སྙིང་གྲོགས་བཞིན་ཏུ་འབྲལ་མེད་འགྲོགས། །བྲན་མོ་བཞིན་ཏུ་ཅི་བཅོལ་སྒྲུབས། །རྩེ་གཅིག་གདུང་བས་མཆོད་བསྟོད་ན། །ཐུགས་རྗེ་ཐུགས་དམ་མ་གཡེལ་བར། །རྟག་ཏུ་དགྱེས་པས་དགོངས་ནས་ཀྱང་། །འདི་ནས་བྱང་ཆུབ་སྙིང་པོའི་བར། །འདོད་པའི་ཕྲིན་ལས་གྲུབ་པར་མཛོད། །ཅེས་རང་རིགས་ཆོ་འབྲང་གི་བརྒྱུད་སྲུན་ཐུན་མིན་ཏུ་གྲགས་པའི་ཕྱིར། ནགས་ཁྲོད་ཀུན་བཟང་བདེ་གླིང་དུ་གུ་་སཱ་རས་ཐུན་མཚམས་སུ་ཆེད་དུ་བརྗོད་པ་ཡེ་ཤེས་ལྷ་མོས་རྗེས་སུ་འཛིན་པའི་རྒྱུར་གྱུར་ཅིག །ཤུ་བྷཾ།། །།

ཌཱ་ཀི་སུ་ཁ་སིདྡྷིའི་སྐོང་བ་ཕྲིན་ལས་མྱུར་འགྲུབ།

― LT40_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ཌཱ་ཀི་སུ་ཁ་སིདྡྷིའི་སྐོང་བ་ཕྲིན་ལས་མྱུར་འགྲུབ་ཅེས་བྱ་བ་བཞུགས་སོ། །ན་མོ་གུ་རུ་བེ། སྐོང་བའི་ཡོ་བྱད་ཅི་འབྱོར་པ་འདུ་བྱས་ལ། བསང་སྦྱང་། སྟོང་པའི་ངང་ལས་མཁའ་འགྲོ་འཁོར་བཅས་ཐུགས་དམ་བསྐང་བའི་དགྱེས་རྫས་མཆོད་པའི་སྤྲིན་ཕུང་ཟད་མི་ཤེས་པ་ནམ་མཁའ་མཛོད་ཀྱི་འཁོར་ལོའི་སྤྲིན་ཆེན་པོར་གྱུར། ཨོཾ་ཨཱཿཧཱུྃ་ཧོཿ ཨོཾ་བཛྲ་སྥ་ར་་ཁཾ། ཧཱུྃ། ཆོས་དབྱིངས་ཡུམ་གྱི་མཁའ་ཀློང་ནས། །བདེ་ཆེན་རོལ་པའི་གཟུགས་ཀྱི་སྐུ། །གང་འདུལ་འགྲོ་བའི་དོན་ཏུ་བཞེངས། །མཁའ་འགྲོ་སུ་ཁ་སིདྡྷི་མ། །ཌཱ་ཀི་བྱེ་བའི་འཁོར་དང་བཅས། །ཐུགས་རྗེའི་དབང་གིས་འདིར་གཤེགས་ལ། །རང་མཐུན་དགྱེས་པའི་གདན་ལ་བཞུགས། །དད་མོས་གདུང་བས་གུས་ཕྱག་འཚལ། །ཉེར་སྤྱོད་བདུན་དང་འདོད་ཡོན་ལྔ། །བཀྲ་ཤིས་རྫས་རྟགས་རྒྱལ་སྲིད་བདུན། །སྨན་གཏོར་ཚོགས་ཀྱི་ཡོ་བྱད་དང་། །གསང་མཆོག་དགའ་བཞིའི་རོལ་མོ་སོགས། །ཁྱད་པར་དམ་ཚིག་མཐུན་པའི་རྫས། །སྲིད་དང་ཞི་བའི་དཔལ་འབྱོར་ནི། །མ་ལུས་དངོས་བཤམ་ཡིད་ཀྱིས་སྤྲུལ། །ནམ་མཁའ་ཁྱབ་པའི་མཆོད་སྤྲིན་གྱིས། །ཆོས་སྐུ་ཡེ་ཤེས་མཁའ་འགྲོ་མ། །ལོངས་སྤྱོད་ཡོངས་རྫོགས་ལས་ལས་གྲུབ། །སྤྲུལ་སྐུ་འཇིག་རྟེན་ཚུལ་སྟོན་པ། །སུ་ཁ་སིདྡྷིའི་ཐུགས་དམ་བསྐང་། །སངས་རྒྱས་

― LT40_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་རིན་ཆེན་དང་། །པདྨ་ལས་ཀྱི་མཁའ་འགྲོ་མ། །རང་རང་རིགས་མཐུན་བྱེ་བ་འབུམ། །འཁོར་དང་བཅས་པའི་ཐུགས་དམ་བསྐང་། །ཉམས་ཆགས་འགལ་འཁྲུལ་ཐམས་ཅད་བཤགས། །ཐུགས་དམ་བསྐང་བའི་བྱིན་རླབས་ཀྱིས། །བདག་འཁོར་སྐྱོང་ལ་རྐྱེན་རྣམས་བཟློག །རྡོ་རྗེ་འཛིན་པའི་སྤྱན་སྔ་རུ། །ཐུགས་དམ་ཞལ་བཞེས་མ་བསྙེལ་བར། །སྒྲུབ་བརྒྱུད་བསྟན་པ་ཕྱོགས་བརྒྱར་སྤེལ། །བརྒྱུད་འཛིན་རྣམས་ཀྱི་སྡོང་གྲོགས་མཛོད། །བསྟན་ལ་འཚེ་བའི་དགྲ་བགེགས་ཐུལ། །འདོད་པའི་དོན་ཀུན་ཡིད་བཞིན་སྒྲུབ། །དགེ་ལེགས་བཀྲ་ཤིས་དཔལ་འབར་ཤོག །ཅེས་དཔལ་ལྡན་གྲུབ་ཙའི་སྒྲུབ་བརྒྱུད་པ་རྣམས་ཀྱི་སྲུང་མ་ཐུན་མོང་མ་ཡིན་པ་ཌཱ་ཀི་སུ་ཁ་སིདྡྷིའི་སྐོང་བ་འདི་ཉིད། གྲུབ་རྩ་མཆོག་གི་སྤྲུལ་པའི་སྐུ་ཀརྨ་གསང་སྔགས་བསྟན་འཛིན་རྣམ་རྒྱལ་ནས་གསུང་བསྐུལ་ངོར། ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་གླིང་ཡུལ་རྫོང་འགོ་འཇིག་རྟེན་དབང་ཕྱུག་གི་ཕོ་བྲང་དུ་བགྱིས་པ་དགེ་ལེགས་འཕེལ།། །།

དམ་ཅན་སྐྱེས་བུ་ཆེན་པོའི་མཆོད་བསྟོད་གསོལ་སྐོང་བསང་བཅས་ཕྱོགས་འདུས་ལེགས་པ་ཀུན་ཚང་།

― LT40_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཅན་སྐྱེས་བུ་ཆེན་པོའི་མཆོད་བསྟོད་གསོལ་སྐོང་བསང་བཅས་ཕྱོགས་འདུས་ལེགས་པ་ཀུན་ཚང་ཞེས་བྱ་བ་བཞུགས་སོ། །

― LT40_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཧ་ཡ་གྲཱི་བཱ་ཡ། སྐྱེས་བུ་ཆེན་པོ་ལ་རྒྱུན་ཏུ་མཆོད་བསྟོད་འབུལ་བར་འདོད་པས་འབྱོར་ན་མཆོད་གཏོར་རའི་ཤ་ཁྲག་གིས་བརྒྱན་པ་དང་། སྨན་རཀ །གསེར་སྐྱེམས་གཙང་མ། བསང་གི་ཡོ་བྱད་སོགས་ཚོགས་པར་བྱ། རྒྱུན་ཏུ་མ་འབྱོར་ན། ཕྱེ་མར། གསེར་སྐྱེམས། བསང་རྫས་ཙམ་ལ་བརྟེན་ཆོག་གོ། བདག་བསྐྱེད་གཞན་ཡོད་ན་དེས་འཐུས། མེད་ན་ཐོག་མར། སངས་རྒྱས་ཆོས་ཚོགས་ལན་གསུམ་གྱིས་སྐྱབས་འགྲོ་སེམས་བསྐྱེད་བྱ། ཧྲཱིཿརང་ཉིད་དབང་ཆེན་ཡབ་ཡུམ་སྐུ༔ །དམར་གསལ་དབུ་གཙུག་བླ་མ་བཞུགས༔ ཞལ་གཅིག་ཕྱག་གཉིས་གྲི་ཐོད་འཛིན༔ བརྐྱང་བསྐུམ་ཞབས་གཉིས་རུ་དྲ་བརྫིས༔ མེ་དཔུང་དབུས་སུ་ལྷན་སྐྱེས་གསལ༔ ཨོཾ་ཨཱཿཧཱུྃ་ཧྲཱིཿ སརྦ་སིདྡྷི་ཕལ་ཧཱུྃ། སྔགས་ཕྲེང་སྐུའི་དབྱིབས་བརྒྱུད་སྣང་སྲིད་ཐམས་ཅད་རང་རིག་ལྷན་སྐྱེས་སུ་གསལ་བའི་ངང་ནས་བཟླས་པར་བྱའོ། །མཆོད་པ་བྱིན་རླབས་ནི། ཧཱུྃ༔ རང་ཉིད་ཡི་དམ་ལྷ་རུ་གསལ་བར་གྱུར༔ མདུན་དུ་ཆོས་ཉིད་སྟོང་པའི་ངང་ཉིད་ལས༔ ཡྃ་ལས་རླུང་གི་དཀྱིལ་འཁོར་གཞུ་ཡི་དབྱིབས༔ དེ་སྟེང་རྃ་ལས་གྲུ་གསུམ་མེ་དཀྱིལ་དང་༔ དེ་སྟེང་ཨ་ལས་ཐོད་སྣོད་ཡངས་པའི་ནད༔ གོ་ཀུ་ད་ཧ་ན་ལས་ཤ་ལྔ་དང་༔ བི་མུ་མ་ར་ཤུ་ལས་བདུད་རྩི་ལྔ༔ རང་གི་སྣ་བུག་གཡོན་ནས་ཧཱུྃ་འཕྲོས་པས༔ རླུང་གཡོས་མེ་སྦར་ཐོད་པའི་རྫས་རྣམས་ཁོལ༔ ཉེས་སྐྱོན་དག་ནས་ཡེ་ཤེས་བདུད་རྩིར་གྱུར༔ ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ། དམ་ཚིག་ཡེ་ཤེས་གཉིས་མེད་

― LT40_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩིར་འདྲེས༔ མདུན་ཏུ་ཕ་ཝཾ་ལང་བུའི་སྐུ་མཁར་འཇའ་ཚོན་སྣ་ལྔའི་འོད་ཟེར་འཕྲོ་བ་དྲག་པོའི་རྒྱན་ཐམས་ཅད་ཀྱིས་བརྒྱན་པའི་དབུས་སུ༔ ཏྲི་དམར་ནག་ལས་དམ་ཅན་རྡོ་རྗེ་ལེགས་པ་མཆེད་ཟླ་སུམ་བརྒྱ་དྲུག་ཅུའི་ཚོགས་དང་བཅས་པ་སྐད་ཅིག་གིས་གསལ་བའི་ཐུགས་སྲོག་ས་བོན་དང་༔ བདག་གི་ཐུགས་ཀ་ནས་འོད་ཟེར་འཕྲོས་པས༔ རྒྱ་བོད་མདོ་གཙང་སོགས་གང་དུ་བཞུགས་པའི་གནས་ནས་སྐྱེས་བུ་ཆེན་པོ་འཁོར་དང་བཅས་པ་སྐད་ཅིག་གིས་སྤྱན་དྲངས་པར་གྱུར། ཧཱུྃ། འོ་ཡུག་ཤངས་ཀྱི་གནས་མཆོག་དམ་པ་ནས༔ སྐྱེས་བུ་ཆེན་པོ་བཛྲ་ཐིག་ལེ་རྩལ༔ སུམ་བརྒྱ་དྲུག་ཅུ་འཁོར་དང་བཅས་པ་རྣམས༔ ཐོགས་མེད་ཡུད་ཙམ་གནས་འདིར་གཤེགས་སུ་གསོལ༔ བཛྲ་ས་མ་ཡ་ཛཿཛཿ ཛ་ཧཱུྃ་བྃ་ཧོཿ དམ་ཚིག་པ་དང་གཉིས་སུ་མེད་པར་གྱུར། བཛྲ་ས་མ་ཡ་ཏིཥྛ་ལྷན༔ ཧཱུྃ། དམ་ཅན་སྐྱེས་བུ་འཁོར་བཅས་ལ༔ མཐུན་པའི་དམ་རྫས་སྣ་ཚོགས་འབུལ༔ མཁར་ཐབ་བཤོས་བུ་ར་ཡིས་མཚན༔ ཤ་ཁྲག་དམར་གཏོར་རཀྟ་དང་༔ ཕྱི་མཆོད་རིན་ཆེན་རྣམ་ལྔ་དང་༔ ནང་མཆོད་བདུད་རྩི་རྣམ་ལྔ་དང་༔ གསང་མཆོད་སྨན་རག་གཏོར་གསུམ་དང་༔ སིལ་སྙན་གླུ་གར་རོལ་མོའི་དབྱངས༔ སྣ་ཚོགས་མཆོད་པ་དམ་པ་འབུལ༔ ཨརྒྷཾ་ནས། ཤབྡ་པྲ་ཏཱིཙྪ་ཨཱཿཧཱུྃ༔ སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔

― LT40_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཧཱ་རཀྟ་ལ་ཁ་རཾ་ཁཱ་ཧི༔ ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་གསོལ་བས་དགྱེས་པར་གྱུར༔ ཨོཾ་བཛྲ་སཱ་དྷུ་ས་པ་རི་བཱ་ར་ཨི་དཾ་བ་ལི༚་ཏ་ཁ་རཾ་ཁཱ་ཧི༔ ལན་གསུམ། ཧཱུྃ། དམ་ཅན་སྐྱེས་བུ་ཆེན་པོ་འཁོར་བཅས་ལ། །ཤ་ཁྲག་དམར་གྱི་གཏོར་མ་ཆེན་པོ་དང་། །ར་ཡི་རྣམ་ལྔ་ཚིལ་གྱི་དུད་པ་འདི༔ དམ་ཅན་སྐྱེས་བུ་ཁྱོད་ལ་མཆོད་པ་འབུལ། །སྒྲུབ་པ་པོ་ལ་ཚེ་རིང་ནད་མེད་ཅིང་། །མཐུ་དང་ལོངས་སྤྱོད་རྒྱས་པའི་དངོས་གྲུབ་སྩོལ། །རང་ཡི་དམ་དུ་གསལ་བའི་ཐུགས་ཀ་ནས་འོད་ཟེར་འཕྲོས། དམ་ཅན་སྐྱེས་བུ་ཆེན་པོའི་ཐུགས་ཀར་ཕོག་པས་ཐུགས་ཀྱི་རྒྱུད་རབ་ཏུ་བསྐུལ། ཅི་འདོད་པའི་ཕྲིན་ལས་ཐོགས་མེད་དུ་བསྒྲུབ་པར་བསམས་ལ། ཨོཾ་བཛྲ་སཱ་དྷུ་ས་མ་ཡ་ཝ་ཀ་ཏྲཾ་ཏྲཾ་ཤི་ནི་ཀྲ་མ་ནི་ས་མ་ཡ་སྭ་དྷུ་ཏྲི་ཛཿཛཿཧཱུྃ་བྃ་ཧོཿ ཞེས་ཅི་ནུས་བཟླ། གསོལ་ཁ་དང་སྐོང་བ་ནི། ཧཱུྃ། བདག་ནི་རིག་འཛིན་སྒྲུབ་པ་པོ༔ ཁྱེད་ནི་སྲུང་མ་མཐུ་རྩལ་ཅན༔ སྔོན་ཚེ་པདྨའི་སྤྱན་སྔ་རུ༔ ཇི་ལྟར་ཁས་བླངས་དམ་བཅས་ལྟར༔ སྐྱེས་བུ་ཆེན་པོ་གནས་འདིར་བྱོན༔སུམ་བརྒྱ་དྲུག་ཅུ་གནས་འདིར་བྱོན༔ཁྱེད་ཀྱི་ཐུགས་དམ་བསྐང་བ་ནི། འབོད་པའི་དམ་རྫས་ཡིན་པའི་ཕྱིར༔ གཡབ་དར་ནག་པོས་ཐུགས་དམ་བསྐང་༔ བརྟེན་པའི་དམ་རྫས་ཡིན་པའི་ཕྱིར༔ ཕྱར་དང་ནག་པོས་ཐུགས་དམ་བསྐང་༔ དགྱེས་པའི་དམ་རྫས་ཡིན་

― LT40_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར༔ དམར་ཆེན་གཏོར་མས་ཐུགས་དམ་བསྐང་༔ མཐུན་པའི་དམ་རྫས་ཡིན་པའི་ཕྱིར༔ ཤ་སྣ་སྙིང་སྣས་ཐུགས་དམ་བསྐང་༔ གསུར་ཆོན་དུད་པས་ཐུགས་དམ་བསྐང་༔ ཞལ་ཟས་ཚོགས་ཀྱིས་ཐུགས་དམ་བསྐང་༔ སྤྱན་གཟིགས་མཆོད་པས་ཐུགས་དམ་བསྐང་༔ རོལ་མོ་སྒྲ་ཡི་ཐུགས་དམ་བསྐང་༔ རྒྱུན་གཏོར་ནང་མས་ཐུགས་དམ་བསྐང་༔ གཞན་ཡང་དངོས་འབྱོར་ཡིད་སྤྲུལ་གྱི། །ཕྱི་ནང་གསང་བའི་རྟེན་རྫས་དང་། །མཆོད་རྫས་བསྐང་རྫས་སྣ་ཚོགས་པས། །སྐྱེས་བུ་ཆེན་པོའི་ཐུགས་དམ་བསྐང་། །སུམ་བརྒྱ་དྲུག་ཅུའི་ཐུགས་དམ་བསྐང་། །འཛིན་གིང་བརྟན་མའི་ཐུགས་དམ་བསྐང་། །ཕོ་ཉ་གཅན་གཟན་གདུག་པའི་ཚོགས། །འཁོར་དང་བཅས་པའི་ཐུགས་དམ་བསྐང་༔ བདག་གི་བསམ་པ་སྒྲུབ་པ་དང་༔ རེ་བ་ཐམས་ཅད་སྐོང་བར་མཛོད༔ རྐྱེན་དང་བར་དུ་གཅོད་པ་ཟློག །ཚེ་དཔལ་ལོངས་སྤྱོད་དབང་ཐང་སྤེལ། །ཡིད་ལ་གང་འདོད་དབང་དུ་སྡུས། །དགྲ་བགེགས་བྱད་མ་རྡུལ་དུ་རློག །གནས་མལ་སྲུང་ལ་སྐྱེལ་བསུ་གྱིས། །རྟག་ཏུ་ཁ་འཛིན་སྡོང་གྲོགས་མཛོད། །བཀྲ་ཤིས་བདེ་ལེགས་སྩལ་དུ་གསོལ། །ཞེས་པ་ཙམ་མོ། །ཚིག་ལྷུག་གི་མངའ་གསོལ་སྤྲོ་ན། གསོལ་ལོ་མཆོད་དོ་མངའ་གསོལ་ལོ། །དམ་ཅན་སྐྱེས་བུ་ཆེན་པོ། །རྡོ་རྗེ་ལེགས་

― LT40_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

པ། མགར་བ་ནག་པོ་གསོལ་ལོ་མཆོད་དོ། །ཚོང་དཔོན་ཆེན་པོ། དམག་དཔོན་ཆེན་པོ། ཇག་དཔོན་ཆེན་པོ་གསོལ་ལོ་མཆོད་དོ། །སྐྱེ་བོ་ཡོངས་ཀྱི་དག་བླ་ཆེན་པོ། བན་བོན་ཡོངས་ཀྱི་སྲུང་མ་ཆེན་པོ། །ལྷ་བཙན་བདུད་ཀྱི་དགེ་བསྙེན་ཆེན་པོ་ལ་གསོལ་ལོ་མཆོད་དོ། །གནམ་ས་ཕྱེད་ཀྱི་བདག་པོ། །གཏེར་གནས་བརྒྱ་རྩའི་སྲུང་མ། ཉི་མ་ནུབ་ཕྱོགས་ཀྱི་རྗེ་བོ་ཆེན་པོ། མཆེད་ཟླ་སུམ་བརྒྱ་དྲུག་ཅུ། བཀའ་སྡོད་གིང་ཆེན་སྡེ་བཞི། དགྱེས་སྡེ་བརྟན་མ་བཅུ་གཉིས། ཟ་བྱེད་མཆེ་བ་ཅན་གྱི་ལྷ་ཚོགས། ཕོ་ཉ་བྱེ་བ་འབུམ་ཕྲག་དང་བཅས་པ་གསོལ་ལོ་མཆོད་དོ། །སྔོན་ཚེ་གསང་བདག་ཕྱག་ན་རྡོ་རྗེ་སློབ་དཔོན་པདྨ་འབྱུང་གནས་གྲུབ་ཆེན་ཀརྨ་པཀྴི་ལ་སོགས་པའི་སྤྱན་སྔར་ཇི་ལྟར་ཁས་བླངས་དམ་བཅས་པ་བཞིན་ཏུ། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། སྒྲུབ་པ་པོ་བདག་ཅག་གི་འགལ་རྐྱེན་བར་ཆད་སོལ། རྒྱབ་བརྟེན་དང་སྡོང་གྲོགས་མཛོད། །གཞི་བྱེས་ཀུན་ཏུ་སྲུང་སྐྱོབ་དང་མེལ་ཚེ་མ་གཡེལ། ལུས་དང་གྲིབ་མ་བཞིན་ཏུ་འགྲོགས་ལ་བསམ་དོན་ཡིད་བཞིན་ཏུ་འགྲུབ་པར་མཛོད་ཅིག །བསང་བྱེད་ན་བཟང་ཤིང་གི་མེ་ལ་བྱེ་མར་བསྲེགས། བསུར་བྱེད་ན་རའི་ཤ་ཚིལ་གྱི་གསུར་བཏང་ལ། རཾ་ཡཾ་ཁཾ། བསང་རྫས་སམ། གསུར་མཆོད་འདོད་པའི་ཡོན་ཏན་ལྔ་དང་ལྡན་པ་སྐྱེས་བུ་ཆེན་པོ་འཁོར་དང་བཅས་པ་

― LT40_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་པ་སྐྱེད་པའི་མཆོད་སྤྲིན་ནམ་མཁའ་གང་བར་གྱུར། ཨོཾ་བཛྲ་སྥ་ར་་ཁ། ཀྱེ། འཛམ་གླིང་ཉི་མ་ནུབ་ཕྱོགས་ན། །ཕོ་བྲང་རྟག་ཆགས་རྟེན་མཁར་ནས། །ཛམ་བུ་གླིང་གི་སྐྱེས་གཅིག་པུ། །རྡོ་རྗེ་ལེགས་པ་འཁོར་དང་བཅས། །སྐད་ཅིག་ཉིད་ལ་གཤེགས་སུ་གསོལ། །དགྱེས་པའི་མཆོད་སྤྲིན་འཕྲོ་བ་ཡི། །བསང་མཆོད་འདོད་ཡོན་ཀུན་ལྡན་འདི། །སྐྱེས་མཆོག་བཛྲ་ཐིག་ལེ་རྩལ། །དམ་ཅན་མགར་བ་དམར་ནག་བསང་། །ཇག་ཡག་རྡོ་རྗེ་ལེགས་པ་བསང་། །ཚོང་དཔོན་སྐྱེས་བུ་དོན་གྲུབ་བསང་། །དམག་དཔོན་དགྲ་གསུར་ཁ་བསྒྱུར། འདུལ་དབང་ཕྱུག༴ །དམ་ཅན་རྡོ་རྗེ་ཁྱུང་གྲགས༴ །བརྒྱ་ནི་རྒྱ་གར་ཡུལ་དུ་བཞུགས། གསུར་ལ་མཆོད་ཅེས་བསྒྱུར། །རྒྱ་གར་ཆོས་ཀྱི་རྒྱལ་པོ༴ །བརྒྱ་ནི་རྒྱ་ནག་ཡུལ་དུ་བཞུགས། །རྒྱ་ནག་རྩིས་ཀྱི་རྒྱལ་པོ༴ །བརྒྱ་ནི་འབྲོག་ཡུལ་སྟོད་སྨད་བཞུགས། །འབྲོག་ཡུལ་མཁན་པོ་ཆེན་པོ་བསང་། །དྲུག་ཅུ་བོད་ཀྱི་ཡུལ་ན་བཞུགས། །བོད་ཡུལ་སྔགས་པ་མཐུ་ཆེན༴ །ལྷ་བཙན་བདུད་ཀྱི་དགེ་བསྙེན༴ །བོད་སྐྱོང་བརྟན་མ་བཅུ་གཉིས༴ །སྡོང་ཟླ་ལྷ་སྲིན་སྡེ་བརྒྱད༴ །ཕོ་ཉ་བྱེ་བ་དུང་ཕྱུར༴ འཁོར་བཅས་དགྱེས་ཤིང་ཚིམས་གྱུར་ཏེ། །སངས་རྒྱས་བསྟན་པ་གཉན་པོ་སྲུངས། །བདག་གི་མགོན་སྐྱོབ་སྲུང་མ་མཛོད། །མི་མཐུན་རྐྱེན་དང་བར་ཆད་སོལ། །བྱེས་སུ་འགྲོ་ན་སྡོང་གྲོགས་མཛོད། །

― LT40_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་ལ་འདུག་ན་རྒྱབ་བརྟེན་མཛོད། །བསམ་པ་ཡིད་བཞིན་སྒྲུབ་པ་དང་། །གང་བཅོལ་ཕྲིན་ལས་འགྲུབ་པར་མཛོད། །ཀི་བསོ་ཆའོ་ལྷ་རྒྱལ་ལོ། །གསོལ་ཁ་སྐོང་བ་དང་བསང་གསུང་གང་འགྲུབ་རེ་རེ་བྱས་ཀྱང་ཆོག །རྒྱུན་ཁྱེད་ལྟ་བུ་ལ་གཉིས་ཀ་མ་ཐོན་ཀྱང་འགལ་བ་མེད་པས་བཟླས་པའི་འཕྲོས་ནས་བསྟོད་པ་ལ་འཇུག །ཤིན་ཏུ་བསྡུས་པ་གཏོར་འབུལ་རྐྱང་པ་བྱེད་ན། བསྙེན་བཟླས་ཀྱང་མི་བྱ་བར་གཏོར་འབུལ་འཕྲོས་སུ་འདིར་འཇུག་ཀྱང་རུང་ངོ། །རྒྱས་བསྡུས་གང་ལྟར་རྗེས་ཀྱི་བྱ་བ་བསྟོད་པ་ནི། ཧཱུྃ། ཆོས་ཉིད་ལྷུན་གྲུབ་ངང་ལས་མ་གཡོས་ཀྱང་༔རང་མདངས་དྲག་པོའི་ཆ་ལུགས་ཅིར་ཡང་སྟོན༔ །བསྟན་པ་སྲུང་བའི་ཕྲིན་ལས་སྣ་ཚོགས་མཛད༔ དམ་ཅན་སྐྱེས་བུ་ཆེ་ལ་ཕྱག་འཚལ་བསྟོད༔ སྐྱེས་མཆོག་ཐིག་ལེ་རྩལ་ལ་ཕྱག་འཚལ་བསྟོད༔ སྐྱེ་བོ་ཡོངས་ཀྱི་དགྲ་ལྷ་ཁྱེད་ལ་བསྟོད༔ བན་བོན་ཡོངས་ཀྱི་སྲུང་མ་ཁྱེད་ལ་བསྟོད༔ སྔགས་པ་ཡོངས་ཀྱི་ཆོས་སྐྱོང་ཁྱེད་ལ་བསྟོད༔ རྣལ་འབྱོར་བདག་གི་གྲོགས་པོ་ཁྱེད་ལ་བསྟོད༔ ཟབ་གཏེར་ཀུན་གྱི་བདག་པོ་ཁྱེད་ལ་བསྟོད༔ གསང་སྔགས་བསྟན་པའི་གཉེར་འཛིན་ཁྱེད་ལ་བསྟོད༔ དམ་ཉམས་དགྲ་བོའི་བཤན་པ་ཁྱེད་ལ་བསྟོད༔ སུམ་བརྒྱ་དྲུག་ཅུ་འཁོར་དང་བཅས་ལ་བསྟོད༔ བཤགས་པ་ནི༔ ཧཱུྃ། དམ་ཅན་སྐྱེས་བུ་ཆེན་པོ་དགོངས་སུ་གསོལ༔ བདག་ཅག་མ་རིག་འཁྲུལ་པའི་དབང་གྱུར་ཏེ༔ རྩ་བ་ཡན་ལག་དམ་ཚིག་

― LT40_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ཆགས་ཀུན༔ གནོང་འགྱོད་དྲག་པོས་མཐོལ་བཤགས་བཟོད་པར་གསོལ༔ ཡི་གེ་བརྒྱ་བ་བརྗོད། རྒྱས་པར་སྤྲོ་ན། སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད། སོགས་འདོད་གསོལ་རྒྱས་པར་བརྗོད། བསྡུ་ན། གང་ཞིག་ཡིད་ལ་དྲན་པ་ཙམ་གྱིས་ནི། །འདོད་པའི་དངོས་གྲུབ་སྩོལ་བར་མཛད་པ་ཡི། །ཆོས་སྐྱོང་ཡིད་བཞིན་ནོར་བུ་ཁྱེད་རྣམས་ཀྱིས། །བདག་གི་བསམ་དོན་མ་ལུས་འགྲུབ་པར་མཛོད། །ཅེས་པ་ཙམ་གྱིས་འཐུས། གང་ལྟར་མཐར། ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་དགེ་ལེགས་ཚོགས། །གོང་ནས་གོང་དུ་འཕེལ་བའི་བཀྲ་ཤིས་ཤོག །དཀྱིལ་འཁོར་གཞལ་ཡས་འདིར་ཡང་བཀྲ་ཤིས་ཤིང་། །ཉིན་ཡང་བཀྲ་ཤིས་དཔལ་འབར་ཏ་ལ་ལ། །མཚན་ཡང་བཀྲ་ཤིས་དཔལ་འབར་གྱི་ལི་ལི། །ཉིན་མཚན་རྟག་ཏུ་བཀྲ་ཤིས་བདེ་ལེགས་ཤོག །མངྒ་ལཾ་སིདྡྷི་ཛ་ཡ་ཨ་ལ་ལ་ཧོཿ འདི་ཉིད་དམ་ཅན་མགར་བ་དམར་ནག་དང་ལ་སྦྱར་ཡང་ཆོག་ཅིང་། དམར་ནག་ཕྱོགས་འཐུས་བྱས་ཀྱང་རུང་ལ། མགར་ནག་ཁོ་ན་ལ་མོས་ན་མདུན་བསྐྱེད་མགར་ནག་ཁོ་ན་བསྒོམ་པ་ལྟ་བུ་དམར་ནག་སོ་སོ་དང་། ཕྱོགས་འཐུས་བྱེད་ན་ཆབ་གཅིག་བསྒོམ་པས་ཆོག་གོ། །ཞེས་པའང་ཀར་ཤོད་ལྷ་མགར་པད་ཆོས་བསྐུལ་ངོར་པདྨ་གར་དབང་རྩལ་གྱིས་དཔལ་སྤུངས་ཡང་ཁྲོད་དུ་འཇའ་ཚན་སྙིང་པོའི་གཏེར་གཞུང་བྱིན་རླབས་ཀྱི་ཁྱད་པར་གཞིར་བྱས་ནས་བསྐོང་ཆ་ཚང་ཁྱེར་བདེར་བསྡེབས་པ་དགེ་ལེགས་འཕེལ།། །།

དམ་ཆོས་བདུད་ཀྱི་གཅོད་ཡུལ་གྱི་རྩ་གསུམ་ཆོས་སྲུང་བཅས་པའི་གཏོར་འབུལ་སྙིང་པོ་བཅུད་ལྡན།

― LT40_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཆོས་བདུད་ཀྱི་གཅོད་ཡུལ་གྱི་རྩ་གསུམ་ཆོས་སྲུང་བཅས་པའི་གཏོར་འབུལ་སྙིང་པོ་བཅུད་ལྡན་ཞེས་བྱ་བ་བཞུགས་སོ། །

― LT40_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ། གཅོང་ཡུལ་བརྒྱུད་པའི་རྩ་གསུམ་ཆོས་སྲུང་དང་བཅས་པ་ལ་སྤྱི་གཏོར་འབུལ་བར་སྤྲོ་ན། གཏོར་མ་དཀར་དམར་སྤྱི་ལྟར་བཤམ། མ་འཛོམ་ན་ཕྱེ་མར་རམ། ཟས་ཕུད། གསེར་སྐྱེམས་ཙམ་ལ་ཆུ་ཆང་བྲན་ཏེ། རཾ་ཡཾ་ཁཾ། །ཡེ་ཤེས་མེ་རླུང་ཆུ་ཡིས་དངོས་འཛིན་སྦྱངས། །བནྡྷའི་སྣོད་དུ་ཤ་ལྔ་བདུད་རྩི་ལྔ། །འོད་ཞུ་དམ་ཡེ་གཉིས་མེད་བདུད་རྩིའི་མཚོ། །འདོད་ཡོན་སྤྲིན་ཕུང་མཁའ་ཁྱབ་འཕྲོ་བར་གྱུར། ཨོཾ་ཨཿཧཱུྃ། ལན་གསུམ། ཏ་ཧོ་ཧྲཱི། ཿཞེས་བྱིན་བརླབས། ཧཱུྃ། འོག་མིན་མཁའ་སྤྱོད་གནས་ཡུལ་དུར་ཁྲོད་བརྒྱད། །སྲིད་གསུམ་རང་རང་བཞུགས་པའི་ཞིང་རྣམས་ནས། །གཅོད་ཡུལ་བརྒྱུད་པའི་བླ་མ་ཡི་དམ་དང་། །མཁའ་འགྲོ་ཆོས་སྐྱོང་བཀའ་སྲུང་འཁོར་དང་བཅས། །འདིར་གཤེགས་རང་མཐུན་དགྱེས་པའི་གདན་ལ་བཞུགས། །གུས་པས་ཕྱག་འཚལ་ཉམས་ཆགས་སྡིག་སྒྲིབ་བཤགས། །ཕྱི་ནང་གསང་བ་བླ་མེད་མཆོད་སྤྲིན་འབུལ། །ཁྱད་པར་དགྱེས་སྐོང་དམ་ཚིག་མཆོག་གི་རྫས། །སྨན་གཏོར་རཀྟ་ཚོགས་ཀྱི་འཁོར་ལོས་མཆོད། །དབྱངས་སྙན་ཡན་ལག་རྒྱ་མཚོས་གུས་པས་བསྟོད། །གཉིས་འཛིན་འཁྲུལ་རྟོག་རྩད་ནས་ཆོད་པ་དང་། །མཆོག་ཐུན་དངོས་གྲུབ་ཐོབ་པར་བྱིན་གྱིས་རློབས། བཛྲ་ས་མཱ་ཛཿ པདྨ་ཀཱ་མ་ལཱ་

― LT40_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་སྟྭཾ། ན་མོ་ན་མཱ་མི། ཨོཾ་གུ་རུ་དྷེ་བ་ཌཱ་ཀི་ནཱི་དྷརྨཱ་པཱ་ལ་བྷཱུ་མི་པ་ཏི་ས་པཱ་རི་པཱ་ར་ཨི་དམ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། སྔགས་ལན་བདུན་ནམ་གསུམ་གྱིས་ཕུལ་ལ། ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ། ཧཱུྃ། །དམ་ཆོས་ཟབ་མོ་བདུད་ཀྱི་གཅོད་ཡུལ་ཉིད། །གང་ལས་བརྒྱུད་པའི་དཔལ་ལྡན་བླ་མ་མཆོག །སྟོན་པ་ཤཱཀ་ཐུབ་འཇམ་དབྱངས་སྨྲ་བའི་སེང་། །ཨརྱ་དེ་བ་མཁའ་སྤྱོད་སུམ་ཅུ་དྲུག །དམ་པ་རྒྱ་གར་སྐྱོ་སྟོན་བསོད་ནམས་སོགས། །ཕ་རྒྱུད་ཐབས་ཀྱི་བརྒྱུད་པའི་བླ་མ་དང་། །ཡུམ་ཆེན་ཤེར་ཕྱིན་རྫུ་འཕྲུལ་འཕགས་མ་སྒྲོལ། །མཁའ་འགྲོ་ཉེར་བཞི་སུ་ཁ་སིདྡྷི་སོགས། །མ་རྒྱུད་ཤེས་རབ་བརྒྱུད་པའི་བླ་མ་དང་། །རྡོ་རྗེ་འཆང་ཆེན་སངས་རྒྱས་སྐུ་བཞི་པོ། །གྲུབ་ཐོབ་ཕོ་མོ་ལྔ་བཅུ་རྩ་བཞི་སོགས། །གཉིས་མེད་དོན་གྱི་བརྒྱུད་པའི་བླ་མ་དང་། །བརྒྱུད་གསུམ་གཅིག་འདུས་དམ་པ་རྒྱ་གར་བ། །མ་གཅིག་ལབ་སྒྲོན་སྲས་མཆོག་གླང་ལུང་པ། །ཐོད་སྨྱོན་བསམ་འགྲུབ་སྲས་མོ་རྣམ་པ་གཉིས། །སྤྲུལ་པའི་སྐུར་བྱོན་ལ་འདུས་རྡོ་རྗེ་སྒྲོན། །ཁུ་སྒོམ་ཆོས་སེང་ཁམ་བུ་ཡ་ལེ་དང་། །དོལ་པ་ཟང་ཐལ་རྒྱ་ནག་གཅེར་བུ་སོགས། །བཀའ་བབས་བུ་ཆེན་བཅུ་དྲུག་གཙོར་གྱུར་པའི། །རིང་བརྒྱུད་ཉེ་བརྒྱུད་གཏེར་བརྒྱུད་བླ་མ་ལ། །

― LT40_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བྱུང་ཡེ་ཤེས་མོས་གུས་མཆོད་གཏོར་འབུལ། །སྐྱེ་མེད་ཆོས་སྐུར་རྟོགས་པར་བྱིན་གྱིས་རློབས། །གསང་འདུས་དགྲ་ནག་གཤིན་རྗེའི་གཤེད་དམར་པོ། །རྡོ་རྗེ་འཇིགས་བྱེད་ལ་སོགས་ཕ་རྒྱུད་དང་། །བདེ་མཆོག་འཁོར་ལོ་ཀྱེ་རྡོར་སྒྱུ་འཕྲུལ་ཆེ། །གདན་བཞི་ཐོད་པ་ལ་སོགས་མ་རྒྱུད་དང་། །གཉིས་མེད་དཔལ་ལྡན་དུས་ཀྱི་འཁོར་ལོ་སོགས། །ཡི་དམ་རྒྱུད་སྡེ་བཞི་ཡི་ལྷ་ཚོགས་ལ། །ཕྱི་ནང་གསང་བ་དེ་ཉིད་གཏོར་མ་འབུལ། །དོན་གཉིས་གཅིག་ཅར་འགྲུབ་པའི་དངོས་གྲུབ་སྩོལ། །རྡོ་རྗེ་ཕག་མོ་རྡོ་རྗེ་བདག་མེད་མ། །ཁྲོས་མ་ནག་མོ་རིགས་བཞིའི་མཁའ་འགྲོ་མ། །ཡུལ་ཆེན་ཉེར་བཞི་གནས་མཆོག་སུམ་ཅུ་གཉིས། །དུར་ཁྲོད་ཆེན་པོ་བརྒྱད་ལ་སོགས་པ་ཡི། །གནས་གསུམ་དཔའ་བོ་རྣལ་འབྱོར་མ་རྣམས་ལ། །ལྷན་སྐྱེས་ཟག་མེད་བདེ་ཆེན་གཏོར་མ་འབུལ། །བརྟུལ་ཞུགས་ལམ་དུ་ལོང་བའི་གཟི་བྱིན་སྐྱེད། །མྱུར་མཛད་ཡེ་ཤེས་མགོན་པོ་ཨགྷོ་ར། །དུར་ཁྲོད་བདག་པོ་གནོད་སྦྱིན་མཆེད་དེ་བརྒྱད། །འབྲོག་གནས་མཆེད་ལྔ་དཔལ་མགོན་བདུན་ཅུ་གཉིས། །རྒྱལ་ཆེན་བཞི་སོགས་ཆོས་སྐྱོང་པོ་རྒྱུད་ལ། །རྨད་བྱུང་དམ་རྫས་རྒྱན་གྱི་གཏོར་མ་འབུལ། །རེ་དོགས་ཁུ་འཁྲིག་རྩད་ནས་ཆོད་པར་མཛོད། །དཔལ་ལྡན་རེ་མ་ཏི་དང་ཟློག་བྱེད་མ། །

― LT40_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

དུར་ཁྲོད་བདག་མོ་སྤྱང་ཞོན་མཆེད་གསུམ་དང་། །ལས་བདག་མཚན་མོ་སྒྲ་སྒྲོགས་དབྱུ་གུ་མཆེད། །ཞིང་སྐྱེས་ཀུན་ཏུ་རི་སོགས་མོ་རྒྱུད་ལ། །སྣང་སྲིད་འདོད་ཡོན་རོལ་པའི་གཏོར་མ་འབུལ། །གློ་བུར་རྐྱེན་ངན་གྲོགས་སུ་འཆར་བར་མཛོད། །གཟའ་བདུད་རཱ་ཧུ་ལ་དང་གདོང་མོ་བཞི། །འབར་བ་སྤུན་བདུན་ཟངས་རི་བཙན་རྒོད་ཆེ། །ཀླུ་རྒྱལ་དྲག་པོ་ཟླ་སྐྱོང་ལ་སོགས་པ། །མ་གཅིག་བཀའ་ཉན་དམ་ཚིག་ལྡན་རྣམས་ལ། །དགྲ་བགེགས་ཤ་ཁྲག་རུས་པའི་གཏོར་མ་འབུལ། །ལྟས་ངན་ཐམས་ཅད་གཡང་དུ་ལོན་པར་མཛོད། །ཐང་ལྷ་མཁའ་རི་འོད་དེ་གུང་རྒྱལ་དང་། །ཤམ་པོ་ལ་སོགས་མགུལ་ལྷ་བཅུ་གསུམ་པོ། །བརྟན་མ་བཅུ་གཉིས་གཙོར་གྱུར་གཞི་གནས་བདག །གཅོད་ཡུལ་བསྟན་དང་དཀར་ཕྱོགས་སྐྱོང་རྣམས་ལ། །བཞེད་རྒུར་འཆར་བའི་འདོད་ཡོན་གཏོར་མ་འབུལ། །གཟན་བསྐྱུར་ལམ་དུ་འགྲོ་བའི་ཕྲིན་ལས་སྒྲུབས། །རྩ་གསུམ་ཆོས་སྐྱོང་དགྱེས་པའི་བྱིན་རླབས་ཀྱིས། །བདག་ཅག་འཁྲུལ་གཅོད་ཉམས་ལེན་གནད་ཐོག་ཕེབ། །ཚར་སློང་མཐར་ཕྱིན་ཉག་གཅིག་རྩད་ནས་ཆོད། །ཐོགས་བཅས་ཐོགས་མེད་དགའ་བྲོད་སྙེམས་བྱེད་བདུད། །རང་སར་ཞི་ཞིང་གཟུང་

― LT40_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་འཁྲུལ་བ་ཞིག །ལུས་ལ་བདེ་བ་དག་ལ་ནུས་པ་འབར། །སེམས་ཉིད་དོན་རྟོགས་འགྲོ་དོན་ཕྱོགས་མེད་འགྲུབ། །ཆོས་སྐུ་ཡུམ་ཆེན་ཉིད་དང་དབྱེར་མེད་པར། །བློ་འདས་དབྱིངས་སུ་གྲོལ་བར་བྱིན་གྱིས་རློབས། །ལྷ་རྣམས་ནོངས་པ་གང་མཆིས་བཟོད་པར་གསོལ། །རང་གནས་གཤེགས་སམ་རྟེན་ལ་ཅི་བདེར་བཞུགས། །འཇིག་རྟེན་འཇིག་རྟེན་འདས་པའི་བཀྲ་ཤིས་ཚོགས། །གོང་ནས་གོང་དུ་འཕེལ་བའི་དགེ་ལེགས་སྩོལ། །ཅེས་བརྗོད། འདི་ནི་སྦྲ་མཐོ་བླ་མ་གཅོད་ཡུལ་གྱི་ཉམས་ལེན་མཐར་ཕྱིན་པ་ཀུན་དགའ་རྒྱལ་མཚན་ནས་གསུང་བསྐུལ་ངོར། བློ་གྲོས་མཐའ་ཡས་ཀྱིས་རྫོང་ཤོད་བདེ་གཤེགས་འདུས་པའི་ཕོ་བྲང་དུ་བགྱིས་པ་དགེ་ལེགས་འཕེལ།། །། །།

རྩ་གསུམ་ཆོས་སྐྱོང་དང་བཅས་པ་ལ་གཏོར་འབུལ་གྱི་རིམ་པ་ཁྱེར་བདེ་རིག་འཛིན་དགའ་སྟོན།

― LT40_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་གསུམ་ཆོས་སྐྱོང་དང་བཅས་པ་ལ་གཏོར་འབུལ་གྱི་རིམ་པ་ཁྱེར་བདེ་རིག་འཛིན་དགའ་སྟོན་ཅེས་བྱ་བ་བཞུགས་སོ།། །།

― LT40_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་ར་བེ། གཏོར་མ་ལ་རྣམ་བཞག་མང་བ་ལས། །སྐབས་འདིར་རྟག་གཏོར་ཡོད་ན་ཁ་གསོ། །མེད་དམ་ཡོད་ཀྱང་རུང་ལ་དུས་གཏོར་དང་རྒྱུན་གཏོར་གང་ཡིན་སྨན་རཀ་ཕུད་མཆོད་དང་བཅས་པ་བཤམ་དེ་དག་གང་ཡང་མི་འབྱོར་བའི་སྐབས་སུའང་ཕྱེ་མར་དང་ཕུད་མཆོད་རྩམ་ལ་བརྟེན་ཏེ། །བྱིན་གྱིས་བརླབ་པ་ནི། ཧཱུྃ། བདག་ཉིད་ཡི་དམ་ལྷར་གསལ་ཐུགས་ཀ་ནས། །རཾ་ཡཾ་ཁཾ་འཕྲོས་ཡེ་ཤེས་མེ་རླུང་ཆུས། །གཏོར་མའི་འབགས་བཙོགས་དྲི་མ་བསྲེགས་གཏོར་བཀྲུས། །རླུང་མེ་ཐོད་སྒྱེད་སྟེང་དུ་ཀ་པཱ་ལ། །ཡངས་ཤིང་རྒྱ་ཆེར་ཤ་ལྔ་བདུད་རྩི་ལྔ། །རིགས་ལྔ་ཡབ་ཡུམ་ས་བོན་འབྲུ་བཅས་མཚན། །མེ་རླུང་སྦྱོར་བས་བནྡྷའི་དམ་རྫས་ཁོལ། །ཡེ་ཤེས་བདུད་རྩི་འབྲུ་གསུམ་རྣམ་པར་བཀུག །འོད་ཞུ་རྣམ་པར་རྟོག་པའི་ཉེས་སྐྱོན་

― LT40_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱང་། །རོ་བཅུད་ནུས་ལྡན་བདུད་རྩི་ཆེན་པོར་རྟོགས། །འདོད་ཡོན་མཆོད་སྤྲིན་མཁའ་ཁྱབ་སྤར་བར་གྱུར། །ཨོཾ་ཨཱཿཧཱུྃ། ལན་གསུམ། ཐུགས་སྲོག་འོད་ཀྱི་ཕོ་ཉས་རྩ་གསུམ་དང་། །ཆོས་སྐྱོང་གཏེར་སྲུང་དཀར་ཕྱོགས་སྐྱོང་བ་རྣམས། །མདུན་མཁར་སྤྱན་དྲངས་བཛྲ་ས་མཱ་ཛཿ །རང་མཐུན་དགྱེས་པའི་གདན་ལ་བརྟན་པར་བཞུགས། །དངོས་འབྱོར་ཡིད་སྤྲུལ་ཕྱི་ནང་གསང་བས་མཆོད། །སྨན་གཏོར་རཀྟ་ཟག་མེད་བདུད་རྩིའི་བཅུད། །རྗེ་བཙུན་བླ་མ་རྣམས་ཀྱི་ཡེ་ཤེས་ལྗགས། །རྡོ་རྗེའི་སྦུ་གུས་དྲངས་ཏེ་བཞེས་སུ་གསོལ། ན་མོ་སརྦ་རཏྣ་གུ་རུ་ཨི་དམ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། གཅིག་གམ་གསུམ་སྐབས་སྦྱར། ན་མོ། རྒྱལ་བ་དགོངས་བརྒྱུད་རིགས་

― LT40_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་བརྡ་ཡི་བརྒྱུད། །གང་ཟག་སྙན་བརྒྱུད་ལས་འཕྲོ་གཏེར་གྱི་བརྒྱུད། །མངོན་སུམ་གོང་འཕེལ་ཚད་ཕེབ་ཟད་སར་ཕྱིན། །འདུན་པ་སེམས་དང་རིགས་ཆེན་འབྱེད་པ་དང་། །དབུགས་ཕྱིན་ལུང་ཆེན་ཐོབ་དང་རྩལ་ཆེན་རྫོགས། །རྣམ་སྨིན་ཚེ་དབང་ཕྱག་རྒྱ་ལྷུན་གྲུབ་ཀྱི། །ས་ལ་གནས་པའི་རིག་འཛིན་རྒྱ་མཚོ་དང་། །ཁྱད་པར་དཀོན་མཆོག་སྤྱི་འདུས་གུ་རུ་རྗེ། །སྐུ་གསུམ་སྐུ་ལྔ་མཚན་བརྒྱད་རྗེ་འབངས་ཚོགས། །གཏེར་ཆེན་གཏེར་ཕྲིན་ལས་ཅན་ཆོས་བདག་ལ། །དམ་རྫས་ཡེ་ཤེས་བདུད་རྩིའི་མཆོད་པ་འབུལ། །རྡོ་རྗེ་འཆང་ཆེན་གདོད་གནས་གྲུབ་ཆེན་བརྒྱད། །རྣལ་འབྱོར་དབང་ཕྱུག་བརྒྱད་ཅུ་རྩ་བཞི་སོགས། །རྒྱུད་སྡེ་བཞི་ཡིས་མཆོག་ཐུན་གྲུབ་རྣམས་དང་། །ཁྱད་པར་ཏེ་ལོ་ནཱ་རོ་མར་མི་དྭགས། །ཆེ་བཞི་ཆུང་བརྒྱད་ཤངས་པ་བཀའ་བརྒྱུད་དང་། །བཀའ་གདམས་ལམ་འབྲས་སྦྱོར་དྲུག་ཞི་བྱེད་གཅོད། །བསྙེན་སྒྲུབ་ལ་སོགས་བཤད་སྒྲུབ་སྲོལ་འཛིན་པའི། །རྩ་བརྒྱུད་དཔལ་ལྡན་བླ་མ་ཐམས་ཅད་ལ། །དམ་རྫས༴ །བྱང་ཆུབ་བར་དུ་ཐུགས་རྗེས་མི་འདོར་བར། །ཡེ་ཤེས་མཆོག་གིས་བདག་རྒྱུད་བྱིན་གྱིས་རློབས། །སྨན་གཏོར་རཀྟ་ཟག་མེད་བདུད་རྩིའི་བཅུད། །ཡི་དམ་ལྷ་ཚོགས་རྣམས་ཀྱི་ཡེ་ཤེས་ལྗགས། །ཕྱག་མཚན་སྦུ་གུས་དྲངས་ཏེ་བཞེས་སུ་གསོལ། །ཨོཾ་དེ་བ་ག་ཤཱནྟ་ཀྲོ་དྷ་ས་པཱ་རི་བཱ་ར་ཨི་དཾ་སོགས། །བདེ་གཤེགས་

― LT40_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་བ་བཞི་བཅུ་རྩ་གཉིས་དང་། །འབར་བ་ཁྲག་འཐུང་ཁྲོ་བོ་ལྔ་བཅུ་བརྒྱད། །ཚོགས་ཆེན་འདུས་པ་ཐེག་དགུའི་དཀྱིལ་འཁོར་ལྷ། །སྒྱུ་འཕྲུལ་མཉམ་སྦྱོར་ལ་སོགས་ཏནྟྲ་སྡེ། །བཅོ་བརྒྱད་ནས་གསུངས་ཡི་དམ་ལྷ་ཚོགས་དང་། །བླ་མ་དགོངས་འདུས་དཀྱིལ་འཁོར་ཚོམ་བུ་དགུ། །རྟ་མཆོག་རོལ་བ་ཡི་དམ་དགོངས་འདུས་ལྷ། །དམར་ནག་མེ་ཕྲེང་གུ་རུ་དྲག་ཏུ་ཁྲོས། །བཀའ་འདུས་ཆོས་ཀྱི་རྒྱ་མཚོའི་དཀྱིལ་འཁོར་བ། །སྐུ་མཆོག་འཇམ་དཔལ་གསུང་མཆོག་པདྨ་དབང་། །ཐུགས་མཆོག་ཡང་དག་ཡོན་ཏན་བདུད་རྩིའི་རིགས། །ཕྲིན་ལས་ཕུར་པ་རྦོད་གཏོང་མ་མོ་དང་། །དམོད་པ་དྲག་སྔགས་འཇིག་རྟེན་མཆོད་བསྟོད་ལྷ། །སྒྲུབ་ཆེན་བཀའ་བརྒྱད་ཞི་དང་ཁྲོ་བོ་ལ། །དམ་རྫས་ཡེ་ཤེས༴ །དུས་ཀྱི་འཁོར་ལོ་མཁའ་འགྲོ་དྲྭ་བ་སྡོམ། །དགྱེས་རྡོར་མཱ་ཡཱ་སངས་རྒྱས་ཐོད་པ་དང་། །གདན་བཞི་རྒྱལ་བ་རྒྱ་མཚོ་དམ་ཚིག་སྒྲོལ། །གསང་འདུས་འཇིགས་བྱེད་དགྲ་ནག་གཤེད་དམར་པོ། །སྒྱུ་འཕྲུལ་དྲྭ་བ་མི་གཡོ་ཕྱག་རྡོར་སོགས། །ཕ་རྒྱུད་མ་རྒྱུད་གཉིས་མེད་ལྷ་རྣམས་དང་། །དཔལ་རྩེ་རྡོར་དབྱིངས་ལ་སོགས་རྣལ་འབྱོར་རྒྱུད། །རྣམ་སྣང་མངོན་བྱང་ལ་སོགས་སྤྱོད་པའི་རྒྱུད། །བདེ་གཤེགས་པདྨ་རྡོ་རྗེ་རྒྱས་པའི་རིགས། །ལྔས་རྩེན་ནོར་བུ་ཅན་ཏེ་བྱ་རྒྱུད་ཀྱི། །ལྷ་ཚོགས་ཡབ་ཡུམ་སྤྲུལ་པར་བཅས་པ་ལ། །དམ་རྫས༴

― LT40_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་བཞི་དང་གྲུབ་པ་ཆེན་པོ་བརྒྱད། །ཕྱག་རྒྱ་ཆེན་པོ་མཆོག་གི་དངོས་གྲུབ་སྩོལ། །སྨན་གཏོར༴ །དཔའ་བོ་མཁའ་འགྲོ་རྣམས་ཀྱི་ཡེ་ཤེས་ལྗགས། །འོད་ཀྱི་སྦུ་གུས་དྲངས་ཏེ་བཞེས་སུ་གསོལ། །ཨོཾ་སརྦ་ཌཱ་ཀ་ཌཱ་ཀི་ནི་ས་པཱ་རི་བཱ་ར་ཨི་དཾ་སོགས། །ཐོད་པའི་དུམ་བུ་རབ་གཏུམ་མ་ལ་སོགས། །ཡུལ་ཆེན་ཉེར་བཞི་གནས་ཆེན་སུམ་ཅུ་གཉིས། །དུར་ཁྲོད་བརྒྱད་ཀྱི་དཔའ་བོ་ཌཱ་ཀི་དང་། །ཁྱད་པར་རྒྱལ་ཡུམ་རྡོ་རྗེ་རྣལ་འབྱོར་མ། །གསང་བ་ཡེ་ཤེས་མཁའ་སྤྱོད་དཀར་དམར་རིགས། །དབྱིངས་ཕྱུག་རྣམ་དགུ་མཁའ་འགྲོ་དགོངས་པ་འདུས། །ཁྲོས་མ་ནག་མོ་སེང་གེའི་གདོང་པ་ཅན། །ཀུ་རུ་ཀུལླེ་རྗེ་བཙུན་སྒྲོལ་མ་ཡུམ། །གྲུབ་པའི་རྒྱལ་མོ་ཡེ་ཤེས་མཚོ་རྒྱལ་སོགས། །སངས་རྒྱས་རྡོ་རྗེ་རིན་ཆེན་པདྨ་ལས། །སྣ་ཚོགས་འཇིག་རྟེན་དམ་ཚིག་ཤ་ཟའི་རིགས། །དྲུག་ཅུ་རྩ་བཞི་རིགས་བརྒྱའི་རྣལ་འབྱོར་མ། །ཞིང་སྔགས་ལྷན་ཅིག་སྐྱེས་པའི་ཚོགས་རྣམས་ལ། །དམ་རྫས༴ །ཐིག་རླུང་དབང་འདུས་རྟེན་འབྲེལ་ཕྱོགས་མེད་འཆར། །འཇའ་ལུས་མཁའ་སྤྱོད་འགྲུབ་པའི་གྲོགས་མཛོད་ཅིག །སྨན་གཏོར༴ །དམ་ཅན་ཆོས་སྐྱོང་རྣམས་ཀྱི་རྡོ་རྗེའི་ལྗགས། །མཚོན་ཆའི་སྦུ་གུའི་དྲངས་ཏེ་བཞེས་སུ་གསོལ། །ཨོཾ་སརྦ་དྷརྨ་པཱ་ལ་ས་པཱ་རི་བཱ་ར་ཨི་དཾ་སོགས། །ཁྲག་འཐུང་རྡོ་རྗེ་སྲིན་པོ་ཚོགས་ཀྱི་བདག །ལེགས་ལྡན་ནག་པོ་ལྗང་སྔོན་

― LT40_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

དྲག་པོ་དང་། །བྱ་རོག་མཚན་ཅན་མྱུར་མཛད་ཡེ་ཤེས་མགོན། །དཔལ་མགོན་མ་ནིང་རྡོ་རྗེ་གུར་མགོན་དང་། །སྟོབས་འཕྲོག་དབང་པོ་ཞང་བློན་ཨ་གྷོ་ར། །སྟག་ཞོན་བེང་མ་གྲི་གུག་སེང་ཞོན་དང་། །ལས་མཛད་བདུད་མགོན་ཆེན་པོ་ཏྲཀྴད་སོགས། །སྐུ་གསུང་ཐུགས་ཡོན་ཕྲིན་ལས་མགོན་པོའི་རིགས། །དུར་བདག་ཡབ་ཡུམ་རྟ་ནག་དྲེགས་པ་ལ། །དམ་རྫས༴། སྨུག་ནག་ཁྲོས་མ་སྔགས་ཀྱི་བདག་མོ་ཆེ། །ཤན་པ་ནག་མོ་འབར་མ་མེ་ཡི་གདོང་། །ཡུམ་ཆེན་དཔལ་འབར་རེ་ཏི་མཆེད་དེ་བཞི། །ཁྲག་འཐུང་དུད་སོལ་མ་དང་དམག་ཟོར་རྒྱལ། །འདོད་ཁམས་དབང་ཕྱུག་མ་གཅིག་དཔལ་ལྷ་མོ། །རབ་བརྟན་མ་དང་རྡོ་རྗེ་གཤོག་རྒོད་མ། །སྤྱང་ཞོན་མ་དང་ཤ་ཟ་ཁ་མོ་ཆེ། །ཞིང་སྐྱོང་དུར་ཁྲོད་མ་མོ་འཁོར་བཅས་ལ། །དམ་རྫས༴ །རྡོ་རྗེ་བེར་ཅན་ལྷ་མོ་རང་བྱུང་མ། །དབུགས་ལེན་བཅུ་དྲུག་ཕྱོགས་བཅུ་སྐྱོང་བའི་མགོན། །དྲེགས་པ་དོན་གཉིས་མ་སྲིང་འབར་མ་དགུ། །དུས་བཞིའི་ལྷ་མོ་དམག་རྒྱལ་མཆེད་བཞི་ལ། །དམ་རྫས༴ །སྲིན་མགོན་ཐོད་ཕྲེང་དབང་ཕྱུག་ཡབ་དང་ཡུམ། །དམར་པོ་གྱད་ཆེན་འཆི་བདག་གཤིན་རྗེའི་རྒྱལ། །ཤན་པ་དམར་ནག་གཟའ་མཆོག་རཱ་ཧུ་ལ། །མགར་བ་དམར་ནག་ཞིང་སྐྱོང་སེང་གེའི་གདོང་། །རྒྱལ་ཆེན་སྐུ་ལྔ་གནོད་སྦྱིན་ཙིརྟ་དམར། །རོལ་པ་རྐྱ་བདུན་རྡོ་རྗེ་

― LT40_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་བཙན་ལ། །དམ་རྫས༴ །ཅེ་སྤྱང་མ་བརྒྱད་དབང་ཕྱུག་ཉི་ཤུ་བརྒྱད། །གིང་བདུད་རྩིས་པ་འཆི་བདག་བྱེ་བ་འབུམ། ཁམས་བརྒྱད་དམུས་ལོང་ཁྱི་སྤྱང་འབྲུག་མོ་བརྒྱད། །ཤྭ་ན་བདག་ཉིད་ས་བདག་སྐྱེས་བུ་གིང་། །རྗེ་མོ་བཅུ་བཞི་སྨན་མོ་ལྔ་བཅུ་བརྒྱད། །སྡེ་དཔོན་སུམ་ཅུ་སྔགས་བདག་བཅོ་བརྒྱད་དང་། །ཕྱི་ནང་གསང་བ་ཡང་གསང་བཏགས་ཤིང་ཆགས། །གབ་སྦས་ལས་མྱུར་མཆོག་གི་སྡེ་བརྒྱད་རིགས་དྲེགས་པ་རྐྱ་གསུམ་དྲེགས་པ་སྡེ་ལྔ་སོགས། །གནས་གཏེར་སྲུང་མ་དམ་ཅན་རྒྱ་མཚོ་ལ། །དམ་རྫས༴ །ཕྱི་ནང་གསང་བའི་བར་ཆད་སྲུང་ཞིང་ཟློག །དགྲ་བགེགས་བྱད་མ་ཐལ་བའི་རྡུལ་བཞིན་རློག །བྷྲཱུྃ་ལས་རིན་ཆེན་སྣོད་དུ་དཀར་མངར་བཅུད། །འདོད་རྒུ་ཀུན་འབྱུང་ཟག་མེད་བདུད་རྩིའི་མཚོ། །ནོར་ལྷ་གཏེར་བདག་རྣམས་ཀྱི་རྫུ་འཕྲུལ་ལྗགས། །རིན་ཆེན་སྦུ་གུས་དྲངས་ཏེ་བཞེས་སུ་གསོལ། །ཨོཾ་སརྦ་ཡཀྵ་ཛཾ་བྷ་ལ་བ་སུ་པ་ཏི་ས་པཱ་རི་བཱ་ར་ཨི་དཾ་སོགས། །རྒྱལ་ཆེན་རྣམ་མང་ཐོས་སྲས་རིགས་ཆེན་བརྒྱད། །དཔལ་གྱི་ལྷ་མོ་ནོར་བདག་གྲོགས་མོ་བརྒྱད། །ཛཾ་ལྷ་དཀར་སེར་དམར་ལྗང་ནག་པོ་དང་། །ཀུ་བེ་ར་སོགས་རྟ་བདག་ཆེན་པོ་བརྒྱད། །འབྲོག་གནས་མཆེད་ལྔ་ཨཱརྻ་རེ་མནྟ། ཨ་བར་ཛི་ཏ་ཚོགས་བདག་དཀར་སེར་དམར། །གང་མཛེས་ནོར་དབང་ཀུན་འཁྱིལ་མཆེད་དེ་གསུམ། །ཇོ་བོ་སྔགས་ཀྱི་བདག་པོ་མི་མགོན་

― LT40_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར། །དོན་གྲུབ་སེར་མོ་དགེ་བསྙེན་ཡེ་ཤེས་གྲགས། །ཕག་གདོང་མཆེད་ལྔ་འཕྲོག་མ་བུ་བཅས་ལ། །དམ་རྫས༴། སྣོད་བཅུད་རྒུད་པ་ཞི་ཞིང་དཔལ་འབྱོར་རྒྱས། །ཚེ་བསོད་དབང་ཐང་ཡར་ངོའི་ཟླ་ལྟར་སྤེལ། །གཏོར་མ་དཀར་མངར་འདོད་རྒུ་འབྱུང་བའི་བཅུད། །དཔལ་མགོན་གཞི་བདག་དཀར་ཕྱོགས་སྐྱོང་བའི་ལྗགས། །འོད་ཀྱི་སྦུ་གུས་དྲངས་ཏེ་བཞེས་སུ་གསོལ། །ཨོཾ་སརྦ་ལོ་ཀ་བཱ་ལ་བྷུ་མི་པ་ཏི་ས་པཱ་རི་བཱ་ར་ཨི་དཾ་སོགས། །ལྷ་ཀླུ་གཟའ་ཆེན་རྒྱུད་སྐར་ཉི་ཤུ་བརྒྱད། །ཕྱོགས་སྐྱོང་འཇིགས་བྱེད་རྒྱལ་པོ་ཆེན་པོ་བཞི། །དབང་ཆེན་བརྟན་མ་འབྱུང་ལྔ་སྤར་སྨེ་དང་། །ལོ་ཟླ་ཞག་དུས་ཕྱོགས་མཚམས་ས་ཡི་བདག །དཀར་པོ་བརྒྱད་ཅུ་ཨ་ཕྱི་མཆེད་ལྔ་ལ། །དམ་རྫས༴ །སྨན་བཙུན་ཚེ་རིང་མཆེད་ལྔ་སྤྲུལ་འཁོར་བཅས། །བརྟན་སྐྱོང་ཡ་མ་བཅུ་གཉིས་མཐུ་ཆེན་བཞི། །མགུར་ལྷ་བཅུ་གསུམ་སྲིད་པའི་ལྷ་ཆེན་དགུ། །གཉན་ཆེན་ཐང་ལྷ་སྨྱོ་ཁ་མཁའ་རི་དང་། །མཁར་ནག་རྡོ་རྗེ་རྒྱལ་སོགས་སྤྲུལ་བསྒྱུར་བརྒྱད། །རྨ་རྒྱལ་སྤོ་མར་སྐུ་རྗེ་སེང་ཆེན་རྒྱལ། །དགེ་བསྙེན་ཉེར་གཅིག་ཡུལ་འདིའི་གཞི་བདག་ལ། །དམ་རྫས༴ །སྐྱོབས་པའི་ལྷ་ལྔ་བརྟེན་པའི་ལྷ་དགུ་དང་། །མིའུ་གདུང་དྲུག་ཕ་མཚུན་དགྲ་བླའི་ཚོགས། །ལུང་ལྔ་ལྗོངས་གསུམ་གླིང་གཅིག་སྒྲུབ་གནས་བརྒྱད། །གངས་རི་ཉེར་

― LT40_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་གནས་ཆེན་ཉེར་ལྔ་སོགས། །གནས་ཆེན་གནས་ཕྲན་སྲུང་ཞིང་སྐྱོང་རྣམས་དང་། །མདོར་ན་སྟོང་གསུམ་ཛམ་གླིང་བོད་ཡུལ་གྱི། །གནས་ཡུལ་གཞི་བདག་རིགས་ཆོས་རྒྱུད་སྲུང་ལ། །དམ་རྫས་ཡེ་ཤེས་བདུད་རྩིའི་མཆོད་པ་འབུལ། །འཇིག་རྟེན་བདེ་ཞིང་བསྟན་འགྲོའི་དགེ་ལེགས་འཕེལ། །རྣལ་འབྱོར་བསམ་པ་འགྲུབ་པའི་སྡོང་གྲོགས་མཛོད། །མགྲོན་རིགས་ཀུན་གྱི་སྐུ་གསུང་ཐུགས་ཡོན་ཏན། །ཕྲིན་ལས་བཅས་ལ་གུས་པས་བསྟོད་པར་བགྱི། །ནོངས་པ་ཅི་མཆིས་ཆོས་དབྱིངས་ཀློང་དུ་བཤགས། །ཡེ་ཤེས་བརྩེ་བ་ཆེན་པོས་བཟོད་མཛོད་ལ། །ལས་དང་དངོས་གྲུབ་ཐོགས་པ་མེད་པར་སྩོལ། །རྟག་ཏུ་དགྱེས་པས་དགོངས་ཏེ་ཕྲིན་ལས་མཛོད། །རྩ་གསུམ་ནོར་ལྷ་རྟེན་ལ་རྟག་ཏུ་བཞུགས། །འཇིག་རྟེན་པ་རྣམས་སོ་སོའི་གནས་སུ་གཤེགས། །འདི་ཕྱི་ཀུན་ཏུ་དགེ་བའི་སྣང་བ་ཡིས། །བརྟན་གཡོ་ཀུན་ཁྱབ་བཀྲ་ཤིས་དཔལ་འབར་ཤོག །ཅེས་པ་འདིའང་སྒྲུབ་བརྩོན་སྡེ་སྣོད་འཛིན་པ་ཕུར་བླ་ཀརྨ་མཐུ་སྟོབས་ནས་བསྐུལ་ངོར། །དུས་མཐའི་གཏོར་མའི་སློབ་དཔོན་ཀརྨ་ངག་དབང་ཡོན་ཏན་རྒྱ་མཚོས་ཙཱ་འདྲ་རིན་ཆེན་བྲག་ཏུ་བྲིས་པ་དགེ་ལེགས་འཕེལ། །

དམ་ཅན་སྐྱེས་བུ་ཆེན་པོ་མཆེད་འཁོར་བཅས་པའི་མངའ་གསོལ་དགོས་འདོད་ཀུན་སྩོལ།

― LT40_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཅན་སྐྱེས་བུ་ཆེན་པོ་མཆེད་འཁོར་བཅས་པའི་མངའ་གསོལ་དགོས་འདོད་ཀུན་སྩོལ་ཞེས་བྱ་བ་བཞུགས་སོ། །

― LT40_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཧ་ཡ་གྲཱི་བཱ་ཡ། དམ་ཚིག་ཅན་གྱི་སྲུང་མ་གཉེན་པོ་སྐྱེས་བུ་རྡོ་རྗེ་ལེགས་པ་ལ་མངའ་གསོལ་འབུལ་ན། ཕྱི་ནང་གསང་བའི་རྟེན་རྫས་སྤྱན་གཟིགས་མཆོད་པའི་ཡོ་བྱད་ཅི་འབྱོར་པ་བཀྲམ། རྒྱུན་ཏུ་གསེར་སྐྱེམས་ཙམ་ལ་དམིགས་པའི་རྟེན་བྱས་ཀྱང་རུང་ལ་བྱིན་གྱིས་བརླབ་པ་ནི། རང་ཉིད་ཡི་དམ་ལྷའི་ང་རྒྱལ་ལ་གནས་པས་བསང་སྦྱང་། སྟོང་པའི་ངང་ལས་རྒྱ་ཆེ་ཞིང་ངོ་མཚར་བའི་བཀོད་པ་ཚད་མེད་པ་དང་ལྡན་པའི་ཕོ་བྲང་ཆེན་པོའི་ནང་དུ། ཕྱི་ནང་གསང་བའི་རྟེན་སྐོང་སྒྲུབ་པའི་དམ་ཚིག་གི་རྫས་ཁྱད་པར་དུ་གྱུར་པ་རྣམས་དང་། ཐུགས་ལ་བཞེད་རྒུའི་མཆོད་པའི་ཡོ་བྱད་མ་ཚང་བ་མེད་ཅིང་བསམ་གྱིས་མི་ཁྱབ་པ་རྣམས་ཀྱིས་ས་དང་བར་སྣང་ནམ་མཁའ་ཐམས་ཅད་ཡོངས་སུ་གང་བར་གྱུར། ན་མཿསརྦ་སོགས་ནམ་མཁའ་མཛོད་ཀྱི་སྔགས་རྒྱ་དང་། ཨོཾ་བཛྲ་སྥ་ར་་ཁཾ། ལན་གསུམ་བརྗོད། རོལ་མོའི་སྒྲ་དང་བཅས་ཏེ། ཧཱུྃ། རྡོ་རྗེ་འཛིན་པའི་བཀའ་ཉན་ཐ་ཚིག་ཅན། །དབང་ཆེན་རྟ་མཆོག་རྒྱལ་པོའི་ཐུགས་ལས་སྤྲུལ། །སྨོན་ལམ་དབང་གིས་སངས་རྒྱས་བསྟན་པ་སྲུང་། །དམ་ཅན་སྐྱེས་བུ་ཆེན་པོ་རྡོ་རྗེ་ལེགས། །སྐུ་མཆེད་སུམ་བརྒྱ་དྲུག་ཅུ་འཁོར་དང་བཅས། །རྒྱ་བོད་མདོ་གཙང་གང་ན་བཞུགས་གྱུར་ཀྱང་། །རྣལ་འབྱོར་གདུང་བས་འབོད་ཅིང་སྤྱན་འདྲེན་ནོ། །དམ་ཚིག་དབང་གིས་འདིར་གཤེགས་དགྱེས་པར་བཞུགས། །གངས་དཀར་རྡོ་རྗེ་དཔལ་གྱི་ཡུམ་ཆེན་སོགས། །དགྱེས་སྡེ་བརྟན་མ་སྨན་འཁོར་བཅས་པ་དང་། །

― LT40_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོང་ཟླ་སྡེ་བརྒྱད་ཕོ་ཉ་བྲན་གཡོག་རྣམས། །མངའ་གསོལ་མཆོད་པ་བཞེས་ཕྱིར་འདིར་གཤེགས་ཤིག །མཆོད་ཡོན་མེ་ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་གླུ་གར་སྙན་པའི་དབྱངས། །གཟུགས་སྒྲ་དྲི་རོ་རེག་བྱ་འདོད་ཡོན་ལྔས། །དམ་ཅན་སྐྱེས་བུ་འཁོར་བཅས་མངའ་གསོལ་ལོ། །བཀྲ་ཤིས་རྟགས་བརྒྱད་རྒྱལ་སྲིད་རྣམ་པ་བདུན། །རིན་ཆེན་སྨན་སྣ་དར་ཟབ་སྙིང་པོ་ལྔ། །འཕན་གདུགས་རྒྱལ་མཚན་བ་དན་རུ་མཚོན་གྱིས། །དམ་ཅན་སྐྱེས་བུ༴ །བདུད་རྩི་སྨན་མཆོད་རཀྟའི་ཨརྒྷཾ་དང་། །རྟེན་གཏོར་རྟག་གཏོར་མཆོད་པའི་བ་ལི༚་ཏ། །ཇ་ཆང་འོ་མ་གསེར་སྐྱེམས་ཕུད་རྒོད་ཀྱིས། །དམ་ཅན༴ །དཀར་གསུམ་མངར་གསུམ་ཤིང་ཏོག་འབྲུ་ཡི་རིགས། །འདབ་ཆགས་གཅན་གཟན་རི་དྭགས་གཡུང་དྭགས་སོགས། །ལྷ་མིའི་དཔལ་འབྱོར་རྨད་དུ་བྱུང་བ་ཡིས། །དམ་ཅན༴ །སྟག་གཟིག་གུང་སོགས་གཡང་གཞིའི་རིགས་གྱུར་དང་། །རྒྱན་དང་བཀོད་པའི་ཁྱད་པར་རྣམ་མང་སོགས། །སྤྱན་གཟིགས་དཀོར་ཆ་དཔག་ཏུ་མེད་པ་ཡིས། །དམ་ཅན༴ །ཁྲབ་རྨོག་རལ་གྲི་མདའ་མདུང་ཕུབ་ལ་སོགས། །སྲ་བརྟན་རྣོ་གཅོད་འབར་བའི་གོ་མཚོན་དང་། །དགྲ་བགེགས་བསྒྲལ་བའི་ཤ་ཁྲག་དོན་སྙིང་གིས། །དམ་ཅན༴ །གནམ་ལྕགས་ཐོ་ཆེན་གསེར་གྱི་རྡོ་རྗེ་དང་། །མགར་གྱི་སྦུད་པ་ལྷབ་ལྷུབ་དམར་ནག་བེར། །ར་སྐྱེས་སེང་གེ་རྒྱན་གྱིས་སྤྲས་

― LT40_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིས། །དམ་ཅན༴ །སྐུ་གཟུགས་བླ་རྡོ་སྲོག་གི་འཁོར་ལོ་དང་། །སྨྱུག་རྒོད་ཁྲབ་བྱང་རྔ་ཁྲབ་ཟངས་མའི་ཁབ། །མེ་ལོང་དུང་འབུ་འུག་སྒྲོའི་མདའ་དར་གྱིས། །དམ་ཅན༴ །ར་ཡི་དབང་པོ་རྣམ་ལྔར་ཡི་ལགས། །ར་ཤ་ར་ཁྲག་ར་ཚིལ་གསུར་དུད་སོགས། །ཁྱད་པར་མཉེས་པའི་མཆོད་རྫས་སྣ་ཚོགས་ཀྱིས། །དམ་ཅན༴ །གསང་བའི་མདོས་ཆེན་ཕུན་ཚོགས་ནོར་གྱི་དབྱིག །བརྟེན་སྒྲུབ་སྐོང་བའི་དམ་རྫས་ཕྱི་ནང་གསང་། །དངོས་འབྱོར་ཡིད་སྤྲུལ་ནམ་མཁའི་ཁམས་གང་བས། །དམ་ཅན་སྐྱེས་བུ་འཁོར་བཅས་མངའ་གསོལ་ལོ། །འོག་མིན་ཞིང་བཞུགས་ཡེ་ཤེས་རྡོ་རྗེ་ལེགས། །ཕྱག་རྡོར་འཁོར་བཞུགས་ལས་ཀྱི་རྡོ་རྗེ་ལེགས། །ནུབ་ཕྱོགས་ཕ་ཝཾ་ལོང་བུའི་མཁར་བཞུགས་པའི། །འཇིག་རྟེན་རྡོ་རྗེ་ལེགས་པ་མངའ་གསོལ་ལོ། །རྒྱ་གར་ཡུལ་བཞུགས་ཆོས་རྒྱལ་སུམ་བརྒྱ་དང་། །རྒྱ་ནག་ཡུལ་བཞུགས་ཁྲིམས་རྒྱལ་སུམ་བརྒྱ་དང་། །འབྲོག་ཡུལ་བཞུགས་པའི་མཁན་པོ་སུམ་བརྒྱ་དང་། །བོད་ཡུལ་དབུས་བཞུགས་སྔགས་པ་དྲུག་ཅུ་སྟེ། །གནམ་ས་ཕྱེད་ལ་མངའ་དབང་སྒྱུར་མཛད་ཅིང་། །ཛམ་བུའི་གླིང་ཀུན་ཁྱབ་པའི་རྫུ་འཕྲུལ་ཅན། །བསྟན་དང་རྣལ་འབྱོར་སྐྱོང་བའི་དམ་ཚིག་ཅན། །སྐུ་མཆེད་སྤྲུལ་འཁོར་བཅས་པ་མངའ་གསོལ་ལོ། །ལྷ་ཁང་སྒྲུབ་གནས་བརྒྱ་དང་རྩ་བརྒྱད་སྐྱོང་། །གནས་གཏེར་བྱེ་བ་ས་ཡའི་སྲུང་མ་མཛད། །དམ་ལྡན་སྲུང་མ་དམ་

― LT40_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་མནའ་ཟན་གཤེད། །སྐྱེས་མཆོག་འཁོར་དང་བཅས་པ་མངའ་གསོལ་ལོ། །ལྷ་ཡི་འཁོར་སྐྱོང་རྡོ་རྗེ་ལེགས་པ་སྟེ། །གཟའ་ཡི་འཁོར་སྐྱོང་སེར་སྐྱ་ནག་པོར་གྲགས། །བདུད་བརྩོན་འཁོར་སྐྱོང་དུག་མདའ་རོལ་པ་ནག། མགར་ནག་གནོད་སྦྱིན་སྡེ་དཔོན་མངའ་གསོལ་ལོ། །སྨན་གྱི་སྡེ་དཔོན་རྡོ་རྗེ་བདེ་ལྡན་རྩལ། །ཀླུ་ཡི་སྡེ་དཔོན་རྡོ་རྗེ་ཁྱུང་གཤོག་རྩལ། །རྒྱལ་སྲིན་སྡེ་དཔོན་རྡོ་རྗེ་འབར་བ་དང་། །རྡོ་རྗེ་གྲགས་ལྡན་ཆེན་པོ༴ །ཟབ་ལུང་སྒོ་སྲུང་གཙང་བཙན་གཉེན་པོ་སྟེ། །བན་སྔགས་བོན་སྐྱོང་སྐྱེ་བོའི་དགྲ་བླ་བ། ཁམས་ཀྱི་ཨ་ཇོ་རྒྱ་བོད་ཚོང་གི་དཔོན། །དམག་དཔོན་ཇག་དཔོན་ཆེན་པོ༴ །ལྷ་དང་གཤིན་རྗེ་བདུད་དང་བཙན་གྱི་གིང་། །དགྱེས་སྡེ་གསང་བའི་ཡུམ་ཆེན་བརྟན་མའི་འཁོར། །བྱ་ཁྲ་གཅན་གཟན་མཆེ་བ་ཅན་ལ་སོགས། །ཟ་བྱེད་ཕོ་ཉའི་ཚོགས་རྣམས་མངའ༴། ཕྱི་ནང་བར་གྱི་བློན་པོ་ཆེ་དགུ་དང་། །མོན་ནག་མདའ་ར་མོན་མོ་གླུ་ལེན་ཚོགས། །ལས་བྱེད་རུ་འདྲེན་ཞུ་བ་ཅན་དམག་གི་དཔུང་། །བཙན་འཁོར་སུམ་བརྒྱ་དྲུག་ཅུ་མངའ༴ །སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི། །སྤྲུལ་པ་ཕྱག་བརྙན་བདུད་བཙན་བུད་མེད་འབུམ། ཁམས་ཀྱི་གནོད་སྦྱིན་ནག་པོ་ལ་སོགས་པ། །དམ་ཅན་སྐྱེས་བུ་འཁོར་བཅས་མངའ་གསོལ་ལོ། །རྩེ་གཅིག་ཁྱོད་བསྟེན་གུས་པས་མངའ་གསོལ་ན། །དགྱེས་པའི་འཛུམ་ཞལ་ཡར་ངོའི་ཟླ་ལྟར་སྟོན། །རྟག་

― LT40_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་བརྩེར་དགོངས་སྒྲུབ་པའི་རྟགས་མཚན་ཕྱུངས། །སངས་རྒྱས་བསྟན་སྲུང་བསྟན་འཛིན་མངའ་ཐང་སྤེལ། །བསམ་པའི་དོན་སྒྲུབ་རེ་འདོད་ཡིད་བཞིན་སྐོངས། །ཚེ་སྲིངས་དཔལ་སྐྱེད་སྙན་དང་གྲགས་པ་སྒྲོགས། །སྡང་བའི་དགྲ་སོད་གནོད་པའི་བགེགས་རྣམས་ཐུལ། །མི་ལ་ན་ཚ་ཕྱུགས་ལ་གོད་ཁ་དང་། །ལོ་ཉེས་ཁ་སྨྲ་གླེང་བརྗོད་མ་བཏང་ཞིག །ཉེས་པ་ཀུན་ཟློག་ཕུན་ཚོགས་བཀྲ་ཤིས་སྐྱེད། །དཀོར་གྱི་བདག་པོ་ཚོང་གི་དཔོན་པོ་དང་། །བྱེས་ཀྱི་ལམ་ལྷ་དམག་གི་དཔོན་པོ་མཛོད། །མཉམ་གཉིས་འགྲན་ན་རྒྱལ་བའི་རུ་མཚོན་ཚུགས། །མཐུ་རྩལ་ནུས་སྐྱེད་དབུ་འཕང་དགུང་དུ་བསྟོད། །ཉིན་གྱི་བྱ་ར་མཚན་གྱི་མེལ་ཚེ་མཛོད། །གཞི་བྱེས་ཀུན་ཏུ་སྲུང་སྐྱོབས་མ་གཡེལ་བར། །ཇི་ལྟར་བཅོལ་བའི་ལས་རྣམས་མྱུར་འགྲུབ་མཛོད། །ཅེས་པ་ཙམ་མོ། །ཚིག་ལྷུག་པའི་གསོལ་སྨོན་སྦྱར་བ་སྤྲོ་ན། ཧོཿའཛམ་བུའི་གླིང་གི་སྐྱེས་མཆོག །རིག་པ་ཅན་གྱི་རྒྱལ་པོ། ཉི་མ་ནུབ་ཕྱོགས་ཀྱི་སྲོག་བདག །རྣལ་འབྱོར་ཡོངས་ཀྱི་ཆོས་སྐྱོང་། རིན་ཆེན་གཏེར་གྱི་བདག་པོ། སྐྱེ་བོ་ཡོངས་ཀྱི་དགྲ་ལྷ། བན་བོན་ཡོངས་ཀྱི་སྲུང་མ། རྒྱ་ཡི་ཨ་སེ་ཆེན་པོ། ཁམས་ཀྱི་གནོད་སྦྱིན་ཆེན་པོ། བོད་ཀྱི་ཨ་ཇོ་ཆེན་པོ། གནམ་ས་ཕྱེད་ཀྱི་མངའ་བདག །དམ་ཅན་སྐྱེས་བུ་ཆེན་པོ་རྡོ་རྗེ་ལེགས་པ། དགྱེས་སྡེ་བརྟན་མ་བཅུ་གཉིས། བཀའ་སྡོད་གིང་ཆེན་སྡེ་བཞི། མཆེད་འཁོར་སུམ་བརྒྱ་དྲུག་ཅུ། སྡོང་ཟླ་

― LT40_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་སྲིན་སྡེ་བརྒྱད། འཁོར་ཚོགས་བྱེ་བ་འབུམ་ཕྲག །སྤྲུལ་པ་ཡང་སྤྲུལ། ཕོ་ཉ་ཕྱག་བརྙན་འཁོར་དང་བཅས་པ་རྣམས་གསོལ་ལོ་མཆོད་དོ། །བསྟོད་དོ་བརྔན་ནོ། །བསྒྲུབ་བོ་བརྟེན་ནོ། །བདག་ཅག་འཁོར་དང་བཅས་པ་རྣམས་ཀྱི་འགལ་རྐྱེན་སོལ་ལ་མཐུན་རྐྱེན་སྒྲུབས་ཤིག །བསམ་པ་སྒྲུབས་ལ་རེ་བསྐོངས་ཤིག །དམ་ཚིག་གི་གྲོགས་པོ་དང་རྡོ་རྗེའི་བཀའ་སྡོད་མཛོད་ཅིག །སྡོད་པའི་གནས་མལ་དང་། མཁོ་བའི་ཡོ་བྱད་སྲུངས་ཤིག །ན་ཚ་གོང་ཁ་དང་ཁ་སྨྲ་གླེང་བརྗོད་ཟློག་ཅིག །བྱད་ཁ་རྦོད་གཏོང་དང་ཆག་ཆེ་ཉམ་ང་ཟློག་ཅིག །དགྲ་རྐུན་ཇག་གསུམ་དང་གདོན་བགེགས་བར་ཆད་ཟློག་ཅིག །གཞི་ལ་སྡོད་ན་མགོན་སྐྱབས་མཛོད་ཅིག །བྱེས་སུ་འགྲོ་ན་ལམ་ལྷ་མཛོད་ཅིག །ལམ་འཕྲང་འཇིགས་སར་སྐྱེལ་བསུ་གྱིས་ཤིག །ཆུ་ལ་འགྲོན་སྒྲོལ་འདོན་གྱིས་ཤིག །ཚོང་དང་དམག་ལ་དཔོན་པོ་གྱིས་ཤིག །དགྲ་དང་རྩོད་ན་ཕ་རོལ་གནོན་ཅིག །མི་མཉམ་པ་དང་མཉམ་དུ་ཆུག་ཅིག །མཉམ་གཉིས་གོང་དུ་རྒྱལ་ཁ་ཐོན་ཅིག །ཚེ་བསོད་དཔལ་འབྱོར་སྙན་གྲགས་སྤེལ་ཅིག །མདོར་ན་ལུས་དང་གྲིབ་མ་བཞིན་དུ་མི་འབྲལ་བར་འགྲོགས་ལ་ཅི་བཅོལ་བའི་ཕྲིན་ལས་མ་ལུས་པ་སྒྲུབ་པ་དང་། བཀྲ་ཤིས་བདེ་ལེགས་ཕུན་སུམ་ཚོགས་པར་མཛད་དུ་གསོལ། །ཅེས་བརྗོད་ལ་གསེར་སྐྱེམས་ཕུད་མཆོད་ནམ་མཁའ་ལ་འཐོར་ཞིང་རོལ་མོ་དང་

― LT40_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་ཀྱིས་གཟེངས་བསྟོད་པར་བྱའོ། །ཞེས་པ་འདིའང་སྡེ་བཞི་དགེ་བ་བཅུ་ལྡན་གྱི་རྒྱལ་ཁབ་ཆེན་པོའི་ལུགས་ཟུང་གཉེར་སྤྱོད་བཀྲ་ཤིས་དོན་ཀུན་གྲུབ་པའི་གསུང་བསྐུལ་ངོར། པདྨ་གར་དབང་བློ་གྲོས་མཐའ་ཡས་ཀྱིས་ཙཱ་འདྲ་རིན་ཆེན་བྲག་གི་སྒྲུབ་གནས་སུ་དམ་ཅན་རྒྱུ་བའི་ཉི་མ་བཟང་པོར་སྦྱར་བ་དགེ་ལེགས་འཕེལ།། །།

དཔལ་ལྡན་ཞིང་སྐྱོང་དབང་པོའི་གསོལ་ཁ་དང་སྐོང་བ་ཉུང་བསྡུས།

― LT40_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་ཞིང་སྐྱོང་དབང་པོའི་གསོལ་ཁ་དང་སྐོང་བ་ཉུང་བསྡུས་བཞུགས། ན་མོ་གུ་ར་བེ། ཞིང་སྐྱོང་སེང་གདོང་རྒྱུན་གསོལ་ལ་གཏོར་མ་དང་ཕུད་མཆོད་དཀར་དམར་གང་འཛོམ་བཤམ། རཾ་ཡཾ་ཁཾ་གིས་བསང་སྦྱང་། །ཨོཾ་ཨཱཿཧཱུྃ་ཧ་ཧོཿཧྲཱིཿལན་གསུམ་གྱིས་བྱིན་གྱིས་བརླབས། ཧོ་དགོངས་སུ་གསོལ་ལོ། གསུམ། རང་བཞིན་ཆོས་ཀྱི་དབྱིངས་ལས་མ་གཡོས་ཀྱང་། སངས་རྒྱས་ཀྱི་བསྟན་པ་གཉེན་པོ་སྲུང་བའི་ཕྱིར་དུ་བདུད་འདུལ་ནག་པོ་ཆེན་པོའི་སྐུར་བསྟན་པ། དཔལ་ལྡན་ཞིང་སྐྱོང་དབང་པོ། འཇིགས་བྱེད་ཤ་ཟ་ནག་པོ། དྲག་ཤུལ་ལས་ཀྱི་མགོན་པོ། ཟ་བྱེད་སེང་གེའི་གདོང་པ་ཅན། ཡུམ་ཆེན་སི་ན་ར་མ། ལས་བྱེད་བམ་རོ་ཕོ་མོ། འཁོར་གཡོག་སྡེ་བརྒྱད་ཀྱི་རྗེ་དཔོན། ཡང་འཁོར་བྱེ་བ་སྟོང་སྡེའི་ཚོགས་དང་བཅས་པ། གནས་ཡུལ་དུར་ཁྲོད་ཀུན་ལ་མངའ་མཛད་ཅིང་། རྣལ་འབྱོར་དམ་ཚིག་ཅན་གྱི་སྲུང་མ། །དམ་ཉམས་དགྲ་དང་བགེགས་ཀྱི་གཤེད་མ། ཡེ་ཤེས་ཀྱི་སྤྱན་ལྡན། རྫུ་འཕྲུལ་གྱི་མཐུ་ལྡན། གཙོ་འཁོར་སྤྲུལ་པ་དམ་ཅན་རྒྱ་མཚོའི་ཚོགས་དང་བཅས་པ་ལ། དམ་རྫས་ཕུད་ཀྱི་མཆོད་པ། །བ་ལི༚་རྒྱན་གྱི་གཏོར་མ། དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་འདི་རྣམས་ཀྱིས་གསོལ་ལོ་མཆོད་དོ་མངའ་གསོལ་ལོ། །བདག་ཅག་འཁོར་དང་བཅས་པ་ལ། བྱམས་པའི་ཐུགས་ཀྱིས་

― LT40_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས། དགྱེས་པའི་སྤྱན་གྱིས་གཟིགས། །ལུས་དང་གྲིབ་མ་བཞིན་ཏུ་འབྲལ་བར་མེད་པར་སྲུངས་ཤིང་སྐྱོབས། དམ་པའི་ཆོས་སྒྲུབ་པའི་འགལ་རྐྱེན་བར་དུ་གཅོད་པ་ཐམས་ཅད་སོལ། །མཐུན་རྐྱེན་སྨོན་པའི་ལེགས་ཚོགས་ཐམས་ཅད་ཡིད་བཞིན་ཏུ་འགྲུབ་པ་སོགས། ཇི་ལྟར་བཅོལ་བའི་ཕྲིན་ལས་ཐམས་ཅད་ཐོགས་པ་མེད་པར་འགྲུབ་པར་མཛད་དུ་གསོལ། །ཅེས་བརྗོད་ལ་ཕུད་གཏོར་ནམ་མཁར་འབུལ། སྐོང་རྫས་ནམ་མཁའ་མཛོད་ཀྱི་སྔགས་རྒྱས་བྱིན་བརླབས་ལ། ཧཱུྃ། དཔལ་ཆེན་ཁྲག་འཐུང་ཧེ་རུ་ཀའི། །ཕྲིན་ལས་སྤྲུལ་པ་མཐུ་རྩལ་ཅན། །སངས་རྒྱས་བསྟན་སྲུང་ཀུན་གྱི་གཙོ། །བདུད་མགོན་ག་ཡ་དྷ་ར་ཆེ། །ཡབ་ཡུམ་སྤྲུལ་འཁོར་བཅས་པ་རྣམས། །ཉེ་བའི་འཐུང་གཅོད་ལ་སོགས་པ། །གནས་ཡུལ་དུར་ཁྲོད་གར་བཞུགས་ནས། །སྐད་ཅིག་ཙམ་གྱིས་འདིར་གཤེགས་ལ། །རང་མཐུན་དགྱེས་པའི་གདན་ལ་བཞུགས། །བཞུགས་པའི་ཕོ་བྲང་མཉེས་པའི་དཀོར། །མཐུན་པའི་དམ་རྫས་སྲ་བའི་གོ། །བརྗིད་པའི་བེར་ཆེན་མགྱོགས་པའི་ཆིབས། །རྣོ་གཅོད་མཚོན་ཆ་དམ་ཚིག་རྫས། །དྲག་པོའི་ཉེར་སྤྱོད་འདོད་ཡོན་ལྔ། །སྨན་གཏོར་རཀྟ་ཚོགས་མཆོད་སོགས། །ཕྱི་ནང་གསང་བའི་རྟེན་རྫས་དང་། །སྒྲུབ་རྫས་མཆོད་རྫས་སྐོང་བའི་རྫས། །དངོས་སུ་འབྱོར་དང་

― LT40_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཀྱི་སྤྲུལ། །ཟད་མེད་ནམ་མཁའ་མཛོད་དུ་སྤེལ། །དད་མོས་གདུང་ཤུགས་རྩེ་གཅིག་པས། །བསྟན་སྲུང་རྒྱལ་པོར་དགྱེས་མཆོད་ན། །དཔལ་ལྡན་ཞིང་སྐྱོང་དབང་པོ་ནི། །མཚན་དང་སྐུ་ཡི་རྣམ་འགྱུར་སོགས། །སྣ་ཚོགས་སྟོན་པའི་ཐུགས་དམ་བསྐང་། །ཡུམ་ཆེན་བདུད་མོའི་ཐུགས༴ །བམ་རོ་ཕོ་མོའི་ཐུགས༴ །འཁོར་གྱི་སྡེ་བརྒྱད༴ །བདུད་དམག་སྟོང་སྡེའི་ཐུགས༴ །ཡང་འཁོར་བྱེ་བའི་ཐུགས༴ །ཐུགས་དམ་གཉེན་པོ་དགྱེས་སྐོངས་ལ། །གཡར་དམ་ཉམས་ཆགས་སོར་རྩོལ་ཅིག །སྔོན་གྱི་ཐ་ཚིག་མ་བསྙེལ་བར། །བསྟན་པ་སྲུང་ལ་བསྟན་འཛིན་སྐྱོངས། །བདག་ཅག་འཁོར་དང་བཅས་པ་ཡི། །བྱང་ཆུབ་སྒྲུབ་པའི་བར་ཆད་སོལ། །མཐུན་རྐྱེན་ལེགས་ཚོགས་རྒྱས་པ་སོགས། །བསམ་པ་སྒྲུབས་ལ་རེ་བ་སྐོངས། །མི་འབྲལ་ལུས་དང་གྲིབ་ལྟར་འགྲོགས། །རྣམ་བཞིའི་ཕྲིན་ལས་འགྲུབ་པར་མཛོད། །ཅེས་པའང་གནམ་ཆོས་ཞིང་སྐྱོང་ལ་སྦྱོར་རྒྱུའི་ཞིག་དགོས་ཞེས་གཡག་ཟེ་སྒྲུབ་པ་སྐལ་བཟང་བཤད་སྒྲུབ་ནས་བསྐུལ་ངོར་པདྨ་གར་དབང་བློ་གྲོས་མཐའ་ཡས་ཀྱིས་བགྱིས་པ་དགེ་ལེགས་འཕེལ།། །།

རྨུགས་འཛིན་དམར་པོའི་སྐོང་བ་ལོངས་སྤྱོད་ཆར་འབེབས།

― LT40_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

རྨུགས་འཛིན་དམར་པོའི་སྐོང་བ་ལོངས་སྤྱོད་ཆར་འབེབས་ཞེས་བྱ་བ་བཞུགས་སོ། །

― LT40_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཔདྨཱ་ཀ་རཱ་ཡ། ཛཾ་ལྷ་དམར་པོའི་སྐོང་བ་བྱ་བར་འདོད་པས། ཚོགས་དང་འབྲེལ་ན་ཚོགས་ཕུད་ཕུལ་བ་དེ་ཉིད་བླ་མེད་མཆོད་པའི་དམ་ཚིག་ཏུ་སྦྱངས་རྟོགས་སྦར་བ་ཡིན་པས་བྱིན་རླབས་ཟུར་དུ་མི་དགོས་ཤིང་། སྐབས་གཞན་ཏུ་བྱེད་ན་སྐོང་གཏོར་རྙིང་མ་སྤྱིའི་ཕྱག་ལེན་བཞིན་ནམ། གཙོ་བོར་དད་མོས་ཡིད་སྤྲུལ་ལ་བརྟེན་ཅིང་། དངོས་བཤམ་གང་འབྱོར། རཾ་ཡཾ་ཁཾ་གིས་སྦྱང་། ནམ་མཁའ་མཛོད་ཀྱི་སྔགས་རྒྱས་སྤེལ་ལ། ཧྲཱིཿ མ་ཆགས་པདྨའི་ལོངས་སྤྱོད་རྫོགས་པ་ནས། །ཁྱབ་བདག་འོད་དཔག་མེད་མགོན་སྲས་བཅས་བྱོན། །སོར་རྟོགས་ཡེ་ཤེས་དབང་མཛད་འོད་ཀློང་ནས། །རྨུགས་འཛིན་དམར་པོ་གནོད་སྦྱིན་འཁོར་བཅས་བྱོན། །དྭངས་སྲོག་ཐིག་ལེ་ཟླ་གམ་འཁྱིལ་བ་ནས། །སྦས་ཡུམ་རིག་བྱེད་ཌཱ་ཀིའི་ཚོགས་བཅས་བྱོན། །ཐུགས་རྗེའི་དབང་གྱུར་རྩ་གསུམ་རབ་འབྱམས་ལྷ། །འདིར་གཤེགས་དགྱེས་པར་བཞུགས་ལ་དངོས་གྲུབ་སྩོལ། །དད་པ་རྣམ་གསུམ་ས་གཞི་བསྟར་བ་ལ། །ཚུལ་ཁྲིམས་གཞལ་མེད་ཁང་པ་བཀོད་ལེགས་མཛེས། །མང་ཐོས་ཉེ་བར་སྤྱོད་པའི་སྤྲིན་ཕུང་བཀོད། །གཏོང་བའི་འདོད་ཡོན་ནམ་མཁའ་མཛོད་སྒོ་དབྱེ། །ཁྲེལ་ཡོད་རིག་མའི་བདེ་གར་དགའ་བཞི་སྦར། །བག་ལྡན་ལྷ་སྔགས་ཏིང་འཛིན་རོལ་མོ་རྩེ། །ཤེས་རབ་འཕྲུལ་གྱིས་འཁོར་གསུམ་དག་པར་སྤེལ། །རྒྱལ་བ་མཉེས་བྱེད་ཀུན་བཟང་མཆོད་སྤྲིན་འདིས། །བདེ་བ་ཆེན་པོ་

― LT40_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་སྐྱེས་ཡབ་ཡུམ་སོགས། །རིག་འཛིན་རྩ་བརྒྱུད་བླ་མའི་ཐུགས་དམ་བསྐང་། །སྣང་བ་མཐའ་ཡས་འཇིག་རྟེན་དབང་ཕྱུག་སོགས། །སངས་རྒྱས་བྱང་ཆུབ་སེམས་དཔའི༴ །དབང་ཆེན་རྡོ་རྗེ་རྟ་ཡི་ཞལ་ཅན་སོགས། །ཡི་དམ་རྒྱུད་སྡེ་བཞི་དྲུག༴ །གསང་བ་ཡེ་ཤེས་མྱུར་མཛད་དཔའ་མོ་སོགས། །གནས་གསུམ་མཁའ་འགྲོ་དམ་ཅན༴ །རྣམ་མང་ཐོས་སས་ཛཾ་ལྷ་མཆེད་ལྔ་སོགས། །གཏེར་བདག་ནོར་ལྷ་བྱེ་བའི༴ །དགྱེས་པར་དགོངས་ལ་མཆོག་ཐུན་དངོས་གྲུབ་སྩོལ། །ཁྱད་པར་ཚེ་བསོད་ལོངས་སྤྱོད་དར་རྒྱས་མཛོད། ཧྲཱིཿ ལྷ་མཆོག་ཐུགས་དམ་མཉེས་བྱེད་ཁྱད་པར་རྫས། །བཀྲ་ཤིས་རྫས་རྟགས་རིན་ཆེན་རྣམ་པ་བདུན། །གཏེར་གྱི་བུམ་བཟང་དཔག་བསམ་ལྗོན་པའི་ཤིང་། །འདོད་འཇོའི་བ་མོ་རིན་ཆེན་དབྱིག་གི་གཏེར། །འཆི་མེད་བདུད་རྩི་དམར་ཆེན་ཁྲག་གི་མཚོ། །འབྲས་ཆན་ཁུར་བ་ཤིང་ཏོག་དཀར་མངར་བཅུད། །མཱ་ས་རང་བྱུང་སྦྱར་བའི་ཆང་སྣ་སོགས། །བཟའ་བཅའ་བཏུང་བས་ཟངས་གཞོང་ཕྱུར་བུར་བཀང་། །རིན་ཆེན་གའུ་མཚན་ལྡན་བནྡྷ་དང་། །ཤེལ་དཀར་ཙིཏྟ་ཡིད་སྒྱུར་རྫས་ཀྱིས་བལྟམས། །སྐུ་གཟུགས་བླ་རྡོ་སྲོག་གི་ཙཀྲ་སོགས། །ཕྱི་ནང་གསང་རྟེན་སྒྲུབ་དང་མཆོད་སྐོང་རྫས། །མཐུན་པའི་ཡེ་བྱད་ནམ་མཁའ་གང་བ་འདིས། །མགོན་པོ་གསུང་གི་དབང་ཕྱུགས་ཐུགས་དམ་བསྐང་། །ཆུ་དབང་

― LT40_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་གྱི་བདག་པོའི༴ །རྨུགས་འཛིན་མཁའ་འགྲོའི་དབང་ཕྱུག༴ །སྦས་ཡུམ་ཀུ་རུ་ཀུལླེའི༴ །མྱུར་མགྱོགས་ལས་ཀྱི་ཕོ་ཉའི༴ །སྤྲུལ་འཁོར་བྱེ་བ་དུང་ཕྱུར༴ །མ་ནི་གདུག་ལྔའི་རྒྱུས་བསྐྱེད་སྡིག་ཀུན་དང་། །ཁྱད་པར་འདོད་ཆགས་སེར་སྣའི་དབང་གྱུར་པས། །མ་བྱིན་ལེན་སོགས་དབུལ་ཕོངས་ལས་བསགས་པ། །ལྷ་མཆོག་ཐུགས་རྗེ་ཅན་གྱི་སྤྱན་སྔར་བཤགས། །ཆོས་དབྱིངས་འགྱུར་མེད་དགའ་བས་མཉེས་པའི་གར། །ཡེ་ཤེས་འཛུམ་བག་སྒྲུབ་པ་པོ་ལ་སྟོན། །བསྟན་དང་བསྟན་འཛིན་མངའ་ཐང་དགུང་དུ་སྤོར། །བདག་དང་ཆོས་བཞིན་སྤྱོད་པ་མཐའ་དག་ལ། །གྲུབ་གཉིས་བདུད་རྩིས་འཕྲལ་ཡུན་འཚོ་བ་སྦྱོར། །ཚེ་བསོད་དཔལ་འབྱོར་རྒྱ་མཚོ་གོང་དུ་སྤེལ། །སྙན་གྲགས་དབྱར་གྱི་རྔ་ཆེན་སྲིད་རྩེར་སྒྲོགས། །འཛད་མེད་དགོས་འདོད་གཏེར་སྒོ་བརྒྱ་ཕྲག་ཕྱེས། ཁམས་གསུམ་སྲིད་གསུམ་མོས་བཞིས་དབང་དུ་བསྡུས། །གཞན་ཕན་ཕྲིན་ལས་ཆུ་རྒྱུན་མཁའ་མཐར་དྲོངས། །ནམ་མཁའི་མཐའ་དང་མཉམ་པའི་སེམས་ཅན་གྱི། །དབུལ་ཕོངས་སྡུག་བསྔལ་རྒྱུ་འབྲས་སེལ་བ་དང་། །དུས་འདི་ནས་བཟུང་བྱང་ཆུབ་སྙིང་པོའི་བར། །ལྷ་མཆོག་ཁྱོད་དང་མི་འབྲལ་འགྲོགས་པ་ཡིས། །འདོད་པའི་འབྲས་བུ་མྱུར་དུ་མཆིས་པར་མཛོད། །འདིའང་གསུང་རྡོ་རྗེར་གདོད་ནས་གྲུབ་པ་འཇམ་མགོན་བླ་མའི་བཀའ་སྩལ་རྗེས་སུ་བསྒྲུབ་སླད་པདྨ་གར་གྱི་དབང་

― LT40_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་རྩལ་གྱིས་དཔལ་སྤུངས་ཡང་ཁྲོད་དུ་དཀར་ཕྱོགས་ཀྱི་འགྲུབ་བའི་སྦྱོར་བ་དང་ལྡན་པ་ལ་བགྱིས་པ་དགེ་ལེགས་འཕེལ། །༈། །འཕགས་པ་ཛམྦྷ་ལ་དམར་པོའི་གཡང་ཆོག་གི་ཆ་ལག་གཡང་འགུགས་པདྨཱ་རཱ་གའི་ལྕགས་ཀྱུ་ཞེས་བྱ་བ་བཞུགས་སོ། །དབང་མཛད་གསུང་གི་རྡོ་རྗེ་ལ། །བཏུད་ནས་རྨུགས་འཛིན་རཱ་གའི་མདོག །ཕྱ་གཡང་ལས་ལ་བསྐུལ་འདོད་ན། །གཡང་ཆོག་གཞུང་བཞིན་གྲུབ་པའི་རྗེས། །སྔགས་འཆང་སྦྱིན་པའི་བདག་པོ་བཅས། །ཞྭ་གོས་ཆས་བཀླུབས་གཟི་མདངས་བསྐྱེད། །མདའ་དར་དབང་མདོག་ཕྱོགས་བཅུར་གཡབ། །དྲི་བཟང་ཤིང་སྣའི་དུད་སྤྲིན་གཏིབས། །རོལ་མོ་དབྱངས་བཅས་འདི་སྐད་དོ། ཧྲཱིཿཛཿ དངོས་གྲུབ་མཆོག་སྩོལ་རྩ་གསུམ་དམ་ཅན་ཚོགས། །བདེན་གྲུབ་དྲང་སྲོང་གཙང་རིགས་དཀར་ཕྱོགས་སྐྱོང་། །ཁྱད་པར་རྨུགས་འཛིན་གཏེར་བདག་སྤྲུལ་འཁོར་བཅས། །རབ་འབྱམས་ཞིང་དང་རང་རང་དགྱེས་པའི་གནས། །ཕོ་བྲང་ལྕང་ལོ་ཅན་ནས་སྐུ་བསྐྱོད་ལ། །འདའ་དཀའ་རྡོ་རྗེའི་ཐ་ཚིག་མ་བསྙེལ་བར། །བཀྲ་ཤིས་དཔལ་གྱིས་གང་བའི་གནས་མཆོག་འདིར། །སྲིད་ཞིའི་ཕྱ་གཡང་འགུགས་པའི་ཕྲིན་ལས་མཛོད། །སྔོན་བྱུང་གདོད་མའི་མགོན་པོས་སྐད་ཅིག་ལ། །གཞི་སྣང་རིག་པས་འཁོར་འདས་གྲོལ་གཞིར་བསྡུས། །ལྷུན་རྫོགས་ཡོན་ཏན་ཕྱ་དཔལ་གཡང་ཆགས་ལྟར། །དེ་རིང་ལྷ་ཁྱིམ་འདི་རུ་གཡང་འགུགས་སོ། །བར་དུ་མཁན་སློབ་ཆོས་གསུམ་ཞལ་འཛོམས་ཏེ། །གངས་

― LT40_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ལྗོངས་སུ་ཆོས་སྲིད་དཔལ་འབྱོར་དྲངས། །མཐའ་བཞིའི་ཕྱ་ཚེ་གཡང་དཔལ་བཀུག་པ་བཞིན། །དེ་རིང་ལྷ༴ །ཕྱིས་དུས་གྲུབ་རིགས་མཐུ་རྩལ་ཅན་རྣམས་ཀྱིས། །ཕྱ་ཆ་བཀོད་ཅིང་གཡང་ཆ་བཀྲམ་ནས་ཀྱང་། །སྲིད་ཞིའི་གཡང་བསྡུས་སྦྱིན་བདག་དཔལ་བསྐྱེད་ལྟར། །དེ་རིང་༴ ཧྲཱིཿཛཿ དཀོན་མཆོག་རྩ་བ་གསུམ་གྱི་བྱིན་རླབས་དང་། །ཆོས་ཉིད་རྣམ་དག་རྟེན་འབྲེལ་བསླུ་མེད་མཐུ། །ལྷ་སྔགས་ཕྱག་རྒྱ་ཏིང་འཛིན་བདེན་པ་ཡིས། །སྲིད་དང་ཞི་བའི་ཕྱ་གཡང་འདིར་ཁུག་ཅིག །མངོན་དགའ་དཔལ་ལྡན་བདེ་ཅན་ལས་རབ་རྫོགས། །སྟུག་པོ་བཀོད་དང་ཆོས་དབྱིངས་ལྷུན་གྲུབ་སྦུབས། །རབ་འབྱམས་སྤྲུལ་པའི་ཞིང་དང་དེར་བཞུགས་ཀྱི། །རྒྱལ་བ་སྲས་བཅས་བྱིན་རླབས་འདིར༴། ནམ་མཁའ་འབྱུང་བཞི་རི་རབ་རྒྱ་མཚོ་དང་། །ཉི་ཟླ་གཟའ་སྐར་གླིང་བཞི་གླིང་ཕྲན་ཁམས། །ནོར་བུ་བུམ་བཟང་དཔག་བསམ་ལྗོན་ཤིང་སོགས། །བརྟན་པ་སྣོད་ཀྱི་ཕྱ་གཡང་འདིར༴ །དྲང་སྲོང་རིག་འཛིན་མཁས་གྲུབ་དགེ་བའི་བཤེས། །ལྷ་ཀླུ་མི་དབང་སྡེ་བརྒྱད་མཐུ་བོ་ཆེ། །རིགས་བཞིའི་རྒྱལ་བློན་བཙུན་མོ་ཁྱིམ་བདག་སོགས། །གཡོ་བ་བཅུད་ཀྱི་ཕྱ་གཡང་འདིར། །རྒྱ་གར་རྒྱ་ནག་ཨོ་རྒྱན་ཤམྦྷ་ལ། །གངས་ཅན་ཧོར་བོད་སྟག་གཟིག་བལ་པོ་ལི། །ཁྲོམ་དང་གེ་སར་གར་ལོག་ལ་སོགས་པ། །ཛམྦུའི་གླིང་གི་ཕྱ་གཡང་འདིར། །འཆི་

― LT40_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཚེ་དང་འགྲིབ་མེད་བསོད་ནམས་རྒྱུན། །འཛད་མེད་ལོངས་སྤྱོད་སྙེན་གྲགས་གཟི་མདངས་སྟོབས། །དཔལ་འབྱོར་དབང་ཐང་འཁོར་སློབ་མངའ་རིས་སོགས། །མཐོ་རིས་ལེགས་དགུའི་ཕྱ་གཡང་༴ །རྨ་གཡང་ཟས་དང་དཀོར་མཛོད་ནོར་གྱི་རིགས། །རྐང་བཞི་ཕྱུགས་དང་བང་མཛོད་འབྲུ་སྣ་ཚོགས། །བརྒྱུད་འཛིན་སྲིད་དང་རྒོལ་འཇོམས་དཔུང་ལ་སོགས། །བཙན་ཕྱུགས་འཕན་དར་ཕྱ་གཡང་༴ །མཁས་པའི་རྣམ་དཔྱོད་གྲུབ་པའི་ཡོན་ཏན་དང་། །རྣལ་འབྱོར་ཉམས་རྟོགས་གསང་འཛིན་མཐུ་ནུས་རྩལ། །ཆོས་མཐུན་དཀར་པོའི་བསམ་སྦྱོར་ཇི་སྙེད་སོགས། །དགེ་ལེགས་གཏན་གྱི་ཕྱ་གཡང་འདིར་ཁུག་ཅིག །ཧྲཱིཿཛཿ རྣལ་འབྱོར་རིག་འཛིན་དགོངས་པའི་རྩལ་བསྐྱེད་ཅིང་། །ལེ་བརྒན་འབར་བའི་དར་གྱིས་གཡབ་པའི་ཚེ། །རྨུགས་འཛིན་ཆགས་པའི་མདངས་ལྡན་དབྱིངས་ནས་བཞེངས། །ཆུ་དབང་སྙིང་རྗེ་ཅན་གྱི་ཐུགས་དམ་བསྐུལ། །ད་ལྟ་སྙིགས་མའི་དུས་ཀྱི་རྒུད་པ་ཤར། །བདག་དང་ཡོན་བདག་ཆོས་ལྡན་འབྱོར་པས་དམན། །དེ་ཕྱིར་གཏེར་གྱི་བདག་པོ་ཁྱོད་བསྐུལ་ན། །ཐུགས་དམ་མ་བསྙེལ་ཕྲིན་ལས་རྩལ་སྤྲུགས་ལ། །ཐུགས་རྗེ་ཆགས་པ་དབང་གི་གཟི་བརྗིད་ཀྱིས། །སྲིད་ཞིའི་དྭངས་བཅུད་ཁབ་ལེན་ལྕགས་བཞིན་སྡུས། །སྒེག་པའི་གཟུགས་དང་ནེའུ་ལེའི་ཞལ་ཁྱིམ་

― LT40_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །སྣ་ཚོགས་ནོར་བུའི་ཆར་རྒྱུན་འཛད་མེད་ཕོབ། །འགུགས་བྱེད་ཟེར་གྱིས་ལྷ་འདྲེ་མི་གསུམ་བསྡུས། །འཆིང་བྱེད་རྒྱ་ཡིས་བརྟན་གཡོའི་ཆོས་ཀུན་ཆིངས། །དབང་མཛད་ཌཱ་ཀི་ཉི་ཟེར་རྡུལ་ལྟར་འཁྲུགས། །གློགས་འགྱུའི་རྩལ་གྱིས་ཡིད་ལ་གང་འདོད་ཁུག །ལྕགས་ཀྱུ་འབར་བས་སྲོག་གི་དྭངས་མར་གཟེར། །འོད་དམར་དྲྭ་བས་སྒོ་གསུམ་འཆུག་མེད་སྡོམས། །དྲེགས་ལྡན་སེམས་ཀྱི་བརྟན་པ་དབང་མེད་འཕྲོག །གཟུགས་ཅན་གཟུགས་མེད་སྣང་བ་ཆོས་ལ་སྒྱུར། །འཁོར་འདས་ལམ་གྱིས་བསྡུས་པའི་ཕྱ་གཡང་ཁུག །འདུས་བྱས་འདུས་མ་བྱས་པའི་ཕྱ༴ །བརྟན་གཡོ་སྣོད་བཅུད་ཀུན་གྱི་ཕྱ༴། མི་མཇེད་སྟོང་གསུམ་ཞིང་གི་ཕྱ་གཡང་ཁུག །ཁུ་ཡེ་ཧུ་ལོ་སྔགས་ཀྱི་བརྡའ་ཡིས་འབོད། །སྤྲོ་བསྡུའི་སྦྱོར་བའི་ཏིང་འཛིན་ཕོ་ཉ་བཀྱེ། །བཟང་ཤིང་ངད་པས་གཙང་རིགས་ལྷ་སྲུང་བསྐུལ། །ལྷ་མདའ་དར་སྣའི་འཕུར་མས་གཡབ་འདོར་ན། །མ་གཡོལ་མ་གཡེལ་རྩ་གསུམ་རྒྱལ་བའི་ལྷ། །མ་གཡེལ་མ་གཡེལ་རྨུགས་འཛིན་ནོར་གྱི་བདག །སྤྲུལ་པའི་ཕོ་ཉས་འཇིག་རྟེན་གསུམ་བཀང་ལ། །ཕྱག་གཡང་ཐོགས་མེད་འགུགས་པའི་ཕྲིན་ལས་མཛོད། །ཕྱ་ཚེ་འོད་ཀྱི་ཐིག་ལེ་ཀྱི་ལི་ལི། །རྨ་གཡང་ཟེར་གྱི་དམུ་ཐག་ཤ་ར་ར། །དངོས་གྲུབ་བདུད་རྩིའི་ཆར་ཆེན་སི་ལི་ལི། །དམུ་ཡང་དཔལ་གྱི་མཚོ་མོ་མེ་རེ་རེ། །གཡང་གི་ལྷ་གཞི་དཀར་པོ་བཀྲག་ལ་གསལ། །ཚེ་བསོད་དཔལ་གྱི་

― LT40_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུན་པོ་བརྟན་ལ་བརྗིད། །ཕྱ་གཡང་འབྱོར་བའི་སྣུམ་ཞགས་ཆེ་ལ་འཐིབས། །དབང་ཐང་ཉི་ཟླའི་དཀྱིལ་འཁོར་གསལ་ལ་བརྟན། །ཕྱ་དང་བླ་ཚེ་རི་ལ་མ་བྲོས་ལ། །གཡང་དང་བསོད་ནམས་སྒོ་རུ་མི་ཉམས་པ། །འགྱུར་མེད་ཕྱག་རྒྱ་གསུམ་གྱི་རྒྱས་འདེབས་ཤིང་། །མི་གནས་མི་དམིགས་ཆོས་ཀྱི་དབྱིངས་སུ་སྦ། །གནོད་གནས་གཏེར་གྱི་བདག་པོའི་མཐུ་རྩལ་གྱིས། །སྲིད་ཞིའི་ཕྱ་གཡང་དམིགས་པའི་འབེན་ལ་བསྟིམས། །འཕྲལ་ཡུན་དགེ་ལེགས་ནམ་མཁའི་མཛོད་ཆེན་ལ། །དབང་སྒྱུར་སྦྱིན་པའི་ཕ་རོལ་ཕྱིན་རྫོགས་ཤོག །ཅེས་གཏེར་ཆེན་རིན་པོ་ཆེས་མཛད་པའི་ལས་བྱང་གི་ཆ་ལག་ཏུ་གསུང་རྡོ་རྗེ་བརྩེ་བ་ཆེན་པོའི་བཀའ་བཞིན། སྔགས་རིག་འཛིན་པ་པདྨ་གར་གྱི་དབང་ཕྱུག་རྩལ་གྱིས་དཔལ་སྤུངས་ཡང་ཁྲོད་དུ་དཀར་པོའི་ཕྱོགས་ཀྱི་འགྲུབ་བའི་སྦྱོར་བ་ལ་བགྱིས་པ་དགེ་ལེགས་འཕེལ།། །།

གཏེར་གསར་རྣམ་སྲས་གཏོར་མའི་ཟིན་བྲིས།

― LT40_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་གསར་རྣམ་སྲས་གཏོར་མའི་ཟིན་བྲིས་ནི། གཏེར་སྲས་རྣམ་སྲས་ལ་གཏོར་མ་ཆ་ཚང་ཚུལ་ལྡན་བྱེད་ན། སྤྱིར་རྙིང་མའི་ལུགས་ལ་རྟེན་གཏོར། རྟག་གཏོར། རྒྱུན་གཏོར་བཅས་རྣམ་གྲངས་གསུམ་མེད་ཐབས་མེད། རྟེན་གཏོར་ལྷར་བསྐྱེད་པ་ཡིན་པས་དང་པོ་བཅའ་སྒྲུབ་དཔྱིས་ཕྱིན་བྱས་ནས་ཇི་སྲིད་བར་མི་བསྒུལ་བར་བཞག །གཏོར་གསོས་སོགས་བྱེད་སོལ་མེད། རྟག་གཏོར་བདུད་རྩི་འདོད་ཡོན་ཏུ་དམིགས་ནས་འབུལ་རྒྱུ་ཡིན་པས་ལོ་རེའི་མཚམས་ལ་གསར་བརྗེ་བྱེད། ནུབ་རེ་བཞིན་ཐེབ་སྐྱུ་སོགས་ཀྱིས་གསོ་བྲན་བྱ། རྒྱུན་གཏོར་ལས་བྱང་ནམ་འདོན་ལ་གསར་དུ་བཤམས་ནས་གཏོར་འབུལ་སྐབས་ཕྱི་རོལ་དུ་འབུལ་དགོས། དེ་ལ་རྟེན་གཏོར་ནི་འབྲུ་རྗེན་འཐག་མར་གྱིས་བརྫིས་རྒྱུ་བྱིན་རླབས་བྱ། སྨན་སྣ་རིན་ཕྱེ་ཆོས་སྨན་རྣམས་དང་། རྟ་སྔན་ཅན་ལ་ཤ་ཁྲག་སྙིང་སྣའང་བསྲེ། གཏོར་དབྱིབས་སེར་ཆེན་ལ་གནན་གྲུ་བཞིའི་སྟེང་ཁང་བཟང་སུམ་བརྩེགས་རྒྱ་ཕིབ་གསེར་འཕུ་ཏོག་རྒྱལ་མཚན་བཅས། ཕྱོགས་མཚམས་བརྒྱད་དུ་འབྲང་རྒྱས་ནོར་དབྱིབས་མ་བརྒྱད་ཐམས་ཅད་ཁ་དོག་སེར་པོ་བྱ། བར་མཚམས་ཐེབས་ཀྱུས་བསྐོར། མདུང་དམར་ཅན་ལ་དབང་གཏོར་དམར་པོ་ཟླ་གམ་ལ་འཁོར་རང་འདྲ་བརྒྱད་དང་བར་མཚམས་ཐེབས་ཀྱུས་བསྐོར། རྩེ་ཕྲོམ་ལ་མདུང་དམར་དང་ལྕགས་ཀྱུས་མཚན་པའི་མེ་རི་གློག་ཞགས་མ། དྲག་པོ་རྟ་སྔོན་ལ་གྲུ་གསུམ་

― LT40_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོ་སྟོ་ཁྲ་ལ། འཁོར་རང་འབྲི་བརྒྱད་དང་བར་མཚམས་ཐེབས་ཀྱུས་བསྐོར། རྩེ་ཁྲོམ་རལ་གྲི་ལྕགས་ཀྱུས་མཚན་པའི་མེ་རི་རྐང་གསུམ་མ། གསུམ་ཀའི་ནང་གཞུག་རབ་དར་ལ་གསེར་དངུལ་གྱིས་བྲི་བའམ་སེར་ཆེན་ལ་གསེར། མདུང་དམར་མཚལ། རྟ་སྔོན་ཅན་ལ་གྲི་ཁྲག་བསྲེས་པའི་སྣག་ཚས་རྒྱ་ཤོག་ལ་སོགས་ལ་བྲི་སྟེ། སྟོད་ལ་བླ་མ་བརྒྱུད་པའི་མཚན་སྔགས། བར་དུ་ཡི་དམ་གྱི་སྔགས། འོག་ཏུ་རྣམ་སྲས་རིགས་གསུམ་སོ་སོའི་སྙིང་པོ་བྲི། མགོ་མཇུམ་གང་ནས་དྲིལ་ཡང་ཁྱད་ཆེར་མེད་ཅིང་ཡིག་མགོ་ནང་བསྟན་ཏུ་བསྒྲིལ། ལྷ་མདོག་དར་གྱིས་བསྟུམས་ནས་སེར་ཆེན་མདུང་དམར་གཉིས་ལ་ཟངས་སྦུབས་སུ་བཙུད། དྲག་པོ་རྟ་སྔོན་ལ་གྲི་ལྕགས་སྦུ་གུར་བཙུད་ནས་གཏོར་མའི་ནང་དུ་བཞག །སྐུ་རྟེན་སོ་སོའི་ཙཀླི། གསུང་རྟེན་སྲོག་འཁོར་རམ་མ་འཛོམ་ན་ཙཀླིའི་རྒྱབ་ཏུ་སྔགས་བྱང་བྲིས་པ་དང་ལྷན་ཅིག་ཐུགས་རྟེན་མེ་ལོང་བཏགས་པ་བཙུགས་ཤིང་དར་གུར་ལྷ་མདོག་དང་མཚུངས་པ་ཕུབ་ལ་གཏོར་སྒྲོམ་ལྡིང་ཁྲིའི་སྟེང་བར་འོག་གསུམ་མམ་གྲལ་རིམ་དུ་མི་གཡོ་བ་བཞག །རྟག་གཏོར་ནི། རྟེན་གཏོར་གྱི་མདུན་འོག་ལྟ་བུའམ། མགོན་ཁང་ནང་ལར་རྟེན་གཏོར་ཡོད་པའི་ཕྱི་ཁྱམས་སུའང་རུང་སྟེ་གཏོར་རྒྱུ་སོགས་གོང་མཚུངས་ཀྱིས་བདག་བསྐྱེད་ཡི་དམ་ཕྱག་རྡོར་གྱི་འབུལ་གཏོར། སེར་ཆེན་ལ་གྲུ་བཞི་སེར་པོ་གཙོ་འཁོར་

― LT40_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་ཐེབ་ཀྱུ་བཅས། གཞན་གཉིས་དབྱིབས་གྲངས་གོང་མཚུངས་བྱ། རྩེ་ཁྲོམ་དགོས་ངེས་མེད་པས་ཉི་ཟླ་ནོར་བུ་དང་། མེ་རི་ཉི་ཟླས་མཚན་པའི་ལྔ་བརྒྱན་བྱ། །རྒྱུན་གཏོར་རྒྱས་པ། སེར་ཆེན་ལ་གྲུ་བཞི། མདུང་དམར་ཟླ་གམ། དྲག་པོ་ལ་གྲུ་གསུམ། ཐེབས་ཀྱུ་བརྒྱད་རེས་བསྐོར་ཞིང་དཀར་རྒྱན་ཅན། དྲག་པོ་ལ་ཤ་དུམ་བཞག་པའམ། མ་འཛོམ་ན་སྤྱི་འཐུས་གཏོར་འབུལ་གཅིག་ལ་ཐེབས་ཀྱུས་བསྐོར་ཡང་ཆོག་སྟེ། དེའང་ཞི་རྒྱས་དབང་དྲག་ལས་བཞི་གང་གཙོ་བོར་བྱེད་པ་དེ་མཚུངས་གཏོར་དབྱིབས་བྱ། ལར་ལུགས་འདི་ལ་རྒྱལ་ཁབ་ཤིན་ཏུ་ཆེན་པོ་ལ་སེར་ཆེན། བླ་དགོན་ལ་མདུང་དམར་ཅན། སྡེ་དཔོན་ཆེན་པོ་ལ་རྟ་སྔོན་ཅན་གཙོ་བོར་བྱེད་ཅིང་རྟེན་དང་གཏོར་མ་སོགས་ཀྱང་གང་གཙོ་དེ་ཀ་བཅའ་བཀོད་བྱེད། འདོན་དུས་གསུམ་བསྒྲིལ་འདོན་ཅེས་གཏེར་ཆེན་ཉིད་ཀྱིས་གསུང་པ་ལགས། ཁང་བཟང་སྲོག་འཁོར་བླ་རྡོ་སོགས་རྟེན་རྒྱས་པ་ཡོད་ན་རྟེན་གཏོར་མེད་ཀྱང་ཆོག །གསང་སྔགས་སྔ་འགྱུར་ལུགས་སུ་ལས་ཐམས་ཅད་གཏོར་མ་ལ་བརྟེན་པ་ཡིན་པས་ཡོད་ན་ནི་བཟང་བ་ལས་ལྷག་སྐྱོན་ནམ་ཡང་མེད། རྟག་གཏོར་རྒྱུན་གཏོར་གཉིས་ནི་མེད་ཀ་མེད་ལགས་པ་བཅས་སྡེ་དགེའི་རྒྱལ་ཁབ་རྣམ་སྲས་མགོན་བླའི་ཐུགས་བཞེད་ངོར་བློ་གྲོས་མཐའ་ཡས་ཀྱིས་མགྱོགས་བྲིས་སུ་ཕུལ་བ་དགེ་ལེགས་འཕེལ།། །། །།

རྣམ་སྲས་མདུང་དམར་ཅན་གྱི་སྐོང་གསོལ་རིན་ཆེན་ཆར་འབེབས།

― LT40_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་སྲས་མདུང་དམར་ཅན་གྱི་སྐོང་གསོལ་རིན་ཆེན་ཆར་འབེབས་ཞེས་བྱ་བ་བཞུགས་སོ། །

― LT40_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། རྣམ་སྲས་མདུང་དམར་ཅན་གྱི་སྐོང་གསོལ་ལ་འཇུག་པར་འདོད་པས། ཟངས་སོགས་རིན་པོ་ཆེའི་སྡེར་མར་རི་རབ་སུམ་བརྩེགས་སྟེང་དུ་གྲུ་བཞིའི་དབུས་སུ་རིན་ཆེན་འབར་བ་ཟུར་བཞི་པ་ལ་ཀྱུ་གུ་དང་རིལ་བུ་བརྩེགས་པ་བརྒྱད་ཀྱིས་བསྐོར། གཞན་ཡང་མཆོད་པའི་གཟུགས་བརྙན་སྣ་ཚོགས་པ་བཤམ། མདའ་བྱ་རྒོད་ལ་དར་ལེ་བརྒན་བཏགས་པ་དང་མདུང་དམར་རྒྱལ་མཚན་སོགས་སྤྱན་གཟིགས་དཀོར་ཆས་སྣ་ཚོགས་བསགས་ལ། རང་ཉིད་གསང་བའི་བདག་པོའི་ཏིང་ངེ་འཛིན་གྱི་བདག་མདུན་སྒྲུབ་མཆོད་ཟིན་ནས། བསངས་སྦྱང་། སྟོང་པའི་ངང་ལས་བྷྲཱུྃ་ལས་གནས་ཁང་རིན་པོ་ཆེའི་གཞལ་ཡས་ཁང་ཚད་དང་རྒྱན་གྱི་བཀོད་པ་བསམ་ལས་འདས་པའི་དབུས་སུ། རིན་པོ་ཆེའི་སྣོད་རྣམས་སུ་མཆོད་རྫས་ཀྱི་བྱེ་བྲག་རྨད་དུ་བྱུང་བ་རྣམས་དང་། བརྟེན་པའི་རྫས། སྒྲུབ་པའི་རྫས་བསམ་གྱིས་མི་ཁྱབ་པས་གླིང་བཞིའི་འཇིག་རྟེན་བྱུར་བུར་གང་བ། རྒྱལ་ཆེན་འཁོར་བཅས་དགྱེས་པ་སྐྱེད་ནུས་པ་རྣམས་སུ་གྱུར། ཨོཾ་བཛྲ་སྥ་ར་་ཁཾ། ཞེས་བྱིན་གྱིས་བརླབས་ལ་དབྱངས་རོལ་བཅས། ཧཱུྃ། དད་པ་དང་ནི་དམ་ཚིག་གིས། །ཚུར་བྱོན་དམ་དགོངས་རྒྱལ་པོ་ཆེ། །དང་པོར་སངས་རྒྱས་མངོན་གྱུར་ཀྱང་། །འགྲོ་བའི་དོན་དུ་སྤྲུལ་པའི་སྐུ། །ས་བརྒྱད་སེམས་དཔའ་བཞུགས་པ་པོ། །ད་ལྟ་ཕྱོགས་སྐྱོང་རྒྱལ་པོའི་ཚུལ། །ཤཱཀྱའི་བསྟན་པ་སྲུང་བར་མཛད། །སེམས་དཔའ་ཆེན་པོ་གཤེགས་སུ་གསོལ། །རི་རབ་ཆེན་

― LT40_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་བྱང་ཕྱོགས་ཀྱི། །ལྕང་ལོ་ཅན་གྱི་ཕོ་བྲང་ནས། །བདག་གིས་གདུང་བས་སྤྱན་འདྲེན་ན། །ཐབས་མཁས་།ཐུགས་རྗེས་རྒྱལ་པོ་ཆེ། །ཐུགས་དམ་དབང་གིས་གཤེགས་སུ་གསོལ། །ཕོ་བྲང་གཞལ་ཡས་ཆེན་པོའི་དབུས། །རིན་ཆེན་ཁྲི་རྐང་གདན་སྟེང་དུ། །ས་བརྒྱད་སེམས་དཔའ་བཞུགས་སུ་གསོལ། །གུས་པའི་ཚུལ་གྱིས་ཕྱག་འཚལ་ཞིང་། །ནམ་མཁའི་མཛོད་ལ་མངའ་བརྙེས་པ། །རིན་ཆེན་གཏེར་བདག་ཁྱོད་ལ་བསྟོད། །ཧཱུྃ། །ནོར་བདག་རྒྱལ་པོ་ཆེན་པོ་ལ། །དངོས་འབྱོར་ཡིད་ཀྱིས་རྣམ་སྤྲུལ་པའི། །ཕྱི་ནང་གསང་བའི་མཆོད་སྤྲིན་ནི། །ནམ་མཁའི་མཐའ་ཀླས་གྱུར་པ་ཡི། །མཆོད་སྤྲིན་རྒྱ་མཚོ་དཔག་མེད་འབུལ། །ཐུགས་དམ་གཉེན་པོ་བསྐང་གྱུར་ཅིག །ཕྱི་མཆོད་མེ་ཏོག་བདུག་སྤོས་དང་། །མར་མེ་དྲི་དང་ཞལ་ཟས་ཚོགས། །སིལ་སྙན་རོལ་མོ་དབྱངས་དང་བཅས། །སྤྱན་གཟིགས་དཀོར་ཆ་མཐུན་རྫས་ཀྱིས། །ལྷ་ཡི་དགེ་བསྙེན་ཐུགས་དམ་བསྐང་། །བདག་ལ་འདོད་པའི་དངོས་གྲུབ་སྩོལ། །ནང་མཆོད་རྒྱ་ཕོར་བསེ་ཕོར་དང་། །གསེར་དངུལ་རིན་ཆེན་སྐྱོགས་ནང་དུ། །ཆང་ཕུད་རིན་ཆེན་དར་ཟབ་བཅས། །སྨན་གཏོར་རཀྟ་ནང་གི་རྫས། །མཛེས་པའི་ལྷ་མོ་བཅུ་དྲུག་གིས། །ཕྱག་རྒྱ་སྣ་ཚོགས་གར་གྱིས་སྒྱུར། །ཨ་ལ་ལ་སྟེ་མཆོད་པ་འབུལ། །དགྱེས་བསྐང་བདག་ལ་དངོས་གྲུབ་སྩོལ། །

― LT40_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

མདུད་དམར་རྒྱལ་མཚན་གྲི་སྙིང་དང་། །ཚོགས་ཀྱི་ལོངས་སྤྱོད་དཔག་ཏུ་མེད། །མཛེས་པའི་ཀླུ་མོ་ནོར་སྐྱོང་མ། །ལྷ་ཀླུའི་བུ་མོ་མཛེས་སྡུག་བསྐོར། །རྒྱལ་པོ་དགྱེས་མཛད་ཐུགས་དམ་བསྐང་། །བདག་ལ་ཟས་ནོར་ཆར་ལྟར་ཕོབ། །ཕྱི་ནང་གསང་བའི་མཆོད་པའི་སྤྲིན། །བརྟེན་རྫས་སྒྲུབ་རྫས་སྐོང་བའི་རྫས། །སྲིད་ཞིའི་འབྱོར་པ་མ་ཚང་མེད། །ཐུགས་ལ་གང་བཞེད་དེར་འཆར་བ། །ནམ་མཁའ་མཛོད་ཀྱི་ལོངས་སྤྱོད་དུ། །ཏིང་ངེ་འཛིན་གྱིས་བྱིན་བརླབས་ཤིང་། །འཕགས་པའི་ནོར་དུ་ལེགས་སྦྱར་བས། །ཆོས་སྐྱོང་རྒྱལ་པོ་རྣམ་ཐོས་སྲས། །ས་བརྒྱད་དབང་ཕྱུག་གཏེར་གྱི་བདག །འགྲོ་བའི་བསམ་པ་སྐོང་མཛད་པ། །མདུད་དམར་ཅན་གྱི་ཐུགས་དམ་བསྐང་། །སྲས་མཆོག་གཟའ་བདུད༴ གནོད་སྦྱིན་བདུན་གྱི༴ སྒོ་བཞི་སྐྱོང་བའི༴ གཞན་ཡང་ཡབ་ཡུམ་སྤྲུལ་འཁོར་སྲས། །རྟ་བདག་བརྒྱད་དང་ཀླུ་ཆེན་བརྒྱད། །ལྷ་སྲིན་སྡེ་བརྒྱད་ཚོགས་རྣམས་དང་། །སྡེ་དཔོན་ཉི་ཤུ་རྩ་བརྒྱད་དང་། །སྟོབས་ཆེན་སུམ་ཅུ་རྩ་གཉིས་སོགས། །ལྷ་ཀླུ་འབྱུང་པོ་མཐུ་བོ་ཆེ། །གནོད་སྦྱིན་བྱེ་བའི་ཚོགས་རྣམས་ཀུན། །དགྱེས་ཤིང་ཐུགས་དམ་བསྐང་གྱུར་ཅིག །བདག་ནི་རིག་འཛིན་སྒྲུབ་པ་པོ། །ཁྱོད་ནི་དངོས་གྲུབ་གཏེར་གྱི་བདག །ཕྱི་ནང་གསང་བའི་མཆོད་པས་མཆོད། །འདོད་པའི་དོན་ལ་གསོལ་འདེབས་ཀྱིས། །ཐུགས་དམ་གཉེན་པོ་

― LT40_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གཡེལ་བར། ཁམས་གསུམ་སྲིད་གསུམ་དབང་དུ་སྡུས། །འགྲོ་བ་མི་ཡི་རྣམ་ཤེས་སྒྱུར། །སྦྱིན་བདག་ཕོ་མོའི་ལག་པ་སྒུལ། །གཡང་ཅན་ནོར་དང་བརྗིད་ཅན་གོས། །བཅུད་ཅན་ཟས་ལ་སོགས་པ་རྣམས། །ཐམས་ཅད་བདག་ལ་སྩལ་དུ་གསོལ། །གནས་པ་ཚེ་དང་བརྒྱུད་འཛིན་སྲིད། །སྙན་གྲགས་གདུལ་བྱ་ལོངས་སྤྱོད་ནོར། །མི་ཟད་ཟས་དང་དར་ཟབ་གོས། །རྐང་བཞི་ཕྱུགས་དང་བང་མཛོད་ནས། །རིན་ཆེན་གསེར་གཡུ་སྲ་བརྟན་གོ། །མི་ཟད་གཏེར་གྱི་དངོས་གྲུབ་སྩོལ། །དེང་བཟུང་བྱང་ཆུབ་མ་ཐོབ་བར། །ཐུགས་རྗེས་མི་གཏོང་རྗེས་འཛིན་ཅིང་། །འགྲོ་ཀུན་དབང་དུ་སྡུད་པ་དང་། །དགོས་འདོད་མ་ལུས་སྩལ་དུ་གསོལ། །ཅེས་སོགས་འདོད་པའི་དོན་ལ་གསོལ་བ་གདབ་བོ། །ཞེས་པ་འདིའང་ངེས་དོན་སྙིང་པོའི་བསྟན་པའི་རྩ་ལག་དཔལ་ལྡན་ཛི་ཐང་གི་མགོན་ཁང་རྒྱུན་གསོལ་ཆེད་དུ་དགེ་སློང་ཀརྨ་ཀུན་བཟང་ནས་ཡང་ཡང་བསྐུལ་ངོར་གཙོ་བོར་བྱ་རྒོད་གཤོང་གི་གཏེར་མ་ལ་སྦྱོར་བའི་དབང་དུ་བྱས་ཏེ་ཨོ་རྒྱན་ཆེན་པོའི་རྡོ་རྗེའི་གསུང་ལས་བཏུས་པའི་བྱིན་རླབས་ཀྱི་སྒོ་ཡངས་ཤིང་ཁྱེར་བདེ་བར་བློ་གྲོས་མཐའ་ཡས་ཀྱིས་དཔལ་སྤུངས་སུ་བྲིས་པ་དགེ་ལེགས་འཕེལ།། །།

ཉེ་བའི་འཐུང་གཅོད་རོང་བཙན་ཁ་བ་དཀར་པོའི་གནས་བདག་རྩ་གསུམ་ཞིང་སྐྱོང་གི་མཆོད་སྤྲིན་འདོད་འཇོའི་བ་མོ།

― LT40_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེ་བའི་འཐུང་གཅོད་རོང་བཙན་ཁ་བ་དཀར་པོའི་གནས་བདག་རྩ་གསུམ་ཞིང་སྐྱོང་གི་མཆོད་སྤྲིན་འདོད་འཇོའི་བ་མོ་ཞེས་བྱ་བ་བཞུགས་སོ། །

― LT40_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་སྐུ་ཡི་བཀོད་པ་ལས། །ཞིང་དང་གནས་སུ་རྣམ་འཕྲུལ་པ། །ཧེ་རུ་ཀ་དཔལ་ཐོད་ཕྲེང་རྩལ། །ཞིང་ཁམས་ཀུན་བདག་དེ་ལ་འདུད། །ཉེ་བའི་འཐུང་གཅོད་ནོར་བཙན་གྱི། །གནས་བདག་རྩ་གསུམ་ཞིང་སྐྱོང་གི། །མཆོད་ཕྲིན་འདོད་པ་འཇོ་བའི་བ། །མོས་ལྡན་རྣམས་ཀྱི་འདོད་འཇོར་སྦེལ། དེ་ལ་གཉིས། བཅའ་གཞི་དང་འདོན་བྱ་དངོས་སོ། དང་པོ་ལ་གཉིས། སྤྱི་དང་བྱེ་བྲག་གོ། །དང་པོ་ནི། སྤྱི་དང་འབྲེལ་བའི་བཅའ་གཞི་སྟེགས་རིམ་པ་གཉིས་ཀྱི་དང་པོར་མཎྜལ་ཚོམ་བུ་ལྔ་པའི་མདུན་ཏུ་གཏོར་མ་ལྔ་ཚན། སྨན་རཀ །ཆུ་གཉིས་ཉེར་སྤྱོད་བཅས་བཤམས། རིམ་པ་གཉིས་པར། དབུས་སུ་རིན་པོ་ཆེའི་སྣོད་དུ་ཞིང་སྐྱོང་ལྷ་བཙན་ལ། བཤོས་ཟླུམ་དཀར་པོ་བརྗིད་ཆགས་པ་ཉི་ཟླ་ནོར་བུའི་རྒྱན་ལྡན། གཡོན་ཏུ་དེ་ལས་ཅུང་དམའ་བའི་སྨན་བཤོས། མཐའ་བསྐོར་ཟླུམ་བཤོས་དཀར་པོ་དགུ་དང་། དམར་གཏོར་

― LT40_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་གསུམ་ལྔས་སྤེལ་མར་བསྐོར་བ། དེ་རྒྱབ་ཕྱོགས་བཞིར་དཀར་གཏོར་བཞི་དང་དམར་གཏོར་བཞི། དེ་རྒྱབ་ཕྱོགས་བཞིར་བཙན་བཤོས་བཞི། དེ་རྒྱབ་སྡེ་བརྒྱད་བཤོས་བུ་དང་མཐེབ་ཀྱུ་མང་པོས་བསྐོར། གཡས་སུ་ཟངས་ཀྱི་སྣོད་དུ་མཁའ་འགྲོའི་གཏོར་མ་ལ་ཕྱོགས་བཞིར་ཟླ་གམ་བཞི། མཚམས་བཞིར་ཟུར་གསུམ་བཞིས་བསྐོར་བ་མཐིབ་ཀྱུ་བཅས། གཡོན་ཏུ་སྐོང་གཏོར། རི་རབ་བང་རིམ་བཞི་པའི་དབུས་སུ་འབྲང་རྒྱས་དཔེའུ་རིས་ལྟར། བང་རིམ་དང་པོར་ཉེར་སྤྱོད་འདོད་ཡོན་ཁྱུང་འབྲུག་སེང་གསུམ་བྱ་རི་དྭགས། གཉིས་པར་བཀྲ་ཤིས་རྫས་རྟགས་གཅན་གཟན། གསུམ་པར་རྒྱལ་སྲིད་སྣ་བདུན། རི་དྭགས་གཡུང་དྭགས། བཞི་པར་གོ་མཚོན་ཡུལ་མཁར་སོགས་འཇིག་རྟེན་གྱི་འདོད་ཡོན་སྣ་ཚོགས་དང་ཆུ་གནས་ས་འཛུལ། ཆང་བུ་མཐེབ་ཀྱུ་སོགས་ཀྱིས་བསྐོར། སྨན་དང་རིན་ཆེན་ཕྱེ་མ་དར་ཟབ་བལ་ཚོན་དཀར་མངར་

― LT40_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་སྣ་ཚོགས་ཚད་ཀྱིས་བརྒྱན་པར་བྱའོ། །གཉིས་པ་བྱེ་བྲག་གཡང་སྐྱབས་བྱེད་པར་སྤྲོ་ན། དེ་དག་གི་མདུན་ཏུ་འབྲས་ཀྱི་པདྨ་འདབ་བརྒྱད་བྲིས་པའི་སྟེང་དུ་རིན་པོ་ཆེའི་སྣོད་དུ་རི་རབ་བང་རིམ་བཞི་པའི་སྟེང་དུ་འབྲང་རྒྱས་ནོར་བུའི་དབྱིབས་ཅན་ནོར་བུ་མེ་ཏོག་གི་རྒྱན་ལྡན་བག་དྲོ་ལྷུན་ཆགས་པའི་གཡས་སུ་མདའ་དར། གཡོན་ཏུ་ཕྱེ་མར། མདུན་ཏུ་གཡང་ཕོར་མར་ཁུས་གང་བ། མཚམས་སུ་གཡང་སྐྱེ་འབྲུ་ཡིས་གང་བ་སོགས་གཡང་རྫས་རྣམས་བཤམ་པའི་མཐར་བཟང་ཤིང་གི་ར་བས་བསྐོར། གལ་ཏེ་ཟློག་པ་བྱེད་ན་གཞི་མདུན་སྟེགས་དམའ་བར་ལུགས་སྣོད་དུ་དམར་གཏོར་ཟུར་གསུམ་དཔལ་དགུ་དང་ལྡན་པ་ཁྲུ་གང་ལས་མི་ཆུང་བ། གམས་སུ་དམར་གཏོར་གཅིག་ལ་མཐེབ་ཀྱུ་བརྒྱད་ཀྱིས་བརྒྱན་པ་གཡོན་ཏུ་དམར་གཏོར་གཅིག །མཐའ་བསྐོར་དུ་དམར་གཏོར་བཅུ་བཞི། དེ་རྒྱབ་དམར་གཏོར་བརྒྱད་ཚན་རིམ་པ་གཉིས། མཐེབ་ཀྱུ་མང་པོས་བསྐོར་བ། མེ་རི་ལིངྒ་ཤ་ཁྲག་གི་འཕན་དར་འཚེ་ཉུང་གིས་བརྒྱན་པ། སྤྲོ་ན་རྩང་ཕུར་ཀྱང་གཟུག་པར་བྱའོ། །གཞི་མདུན་ཏུ་ཆུ་གཉིས་ཉེར་སྤྱོད། གསེར་སྐྱེམས། འབྲང་རྒྱས། མཆོད་གཏོར་སོགས་གཙང་ཞིང་མཛེས་པར་བཤམ། གཉིས་པ་འདོན་བྱ་དངོས་ལ་ཐོག་མར་བདག་བསྐྱེད་ནི། བདག་སོགས་མཁའ་མཉམ་སེམས་ཅན་ཀུན། །དུས་འདི་ནས་བཟུང་སོགས་སྐྱབས་འགྲོ་དང་། སེམས་ཅན་ཀུན་གྱི་དོན་གྱི་ཕྱིར། སོགས་སེམས་བསྐྱེད་ལན་གསུམ་བྱ། ཀུན་མཁྱེན་ཆོས་ཀྱི་འབྱུང་གནས་ཀྱིས་མཛད་པའི་བདེ་མཆོག་ལྷན་སྐྱེས་བདག་བསྐྱེད་བཏང་། བཟླས་པ་ཅི་འགྲུབ་དང་། །སྡུ་ལྡངས་ཡན་བྱ། མདུན་བསྐྱེད་ཀྱི་ཐོག་མར་མཆོད་པ་བྱིན་རླབས་ནི། ཁཎྜ་

― LT40_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

རོ་ཉེས་བསང་། སྭ་བྷཱ་བས་སྦྱང་། སྟོང་པའི་ངང་ལས་ཨ་ལས་ཐོད་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུྃ་ཡིག་གི་ཚོགས་དཔག་ཏུ་མེད་པ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་རྡོ་རྗེའི་མཆོད་ཡོན། མེ་ཏོག །བདུག་སྤོས། མར་མེ། དྲི་མཆོག །ཞལ་ཟས། རོལ་མོ། གཏོར་ཚོགས་རྟེན་རྫས་ལ་སོགས་པ་མཆོད་པའི་སྤྲིན་གྱི་ཕུང་པོ་དྭངས་ཤིང་ཐོགས་པ་མེད་པ། ས་དང་བར་སྣང་གང་བ་ཟག་པ་མེད་པའི་བདེ་བ་ཁྱད་པར་ཅན་སྐྱེད་པའི་རང་བཞིན་ཏུ་གྱུར། བར་བསམ་ལ་སོ་སོའི་ཕྱག་རྒྱ་དང་བཅས་པས། ཨོཾ་བཛྲ་ཨརྒྷཾ་ཨཱཿཧཱུྃ་སྭཱ་ཧཱ། ཐོག་མཐའ་འདྲ་བ་ལ། པུཥྤེ། དྷཱུ་པེ། ཨཱ་ལོ་ཀེ། །གནྡྷེ། ནཻ་ཝི་དྱེ། ཤབྡ་ཨཱཿཧཱུྃ་སྭཱ་ཧཱ། ཞེས་ཕྱི་མཆོད་དང་། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཐཱ། ཨོཾ་ཨཱཿཧཱུྃ་མ་ཧཱ་རཀྟཛྲ་ལ་མཎྜལ་ཧཱུྃ་ཧྲཱིཿཐཱ། ཞེས་སྨན་རཀ་བྱིན་གྱིས་བརླབས། མདུན་རྟེན་བསངས་སྦྱངས། སྟོང་པའི་ངང་ལས་མདུན་གྱི་ནམ་མཁར་འཇའ་ཟེར་འོད་ཕུང་གི་དྲྭ་བ་འཁྲིགས་པའི་དབུས་སུ་དུས་གསུམ་སངས་རྒྱས་ཐམས་ཅད་ཀྱི་ངོ་བོ་པདྨ་ཐོད་ཕྲེང་རྩལ་ལ་སྐུ་གསུམ་སྐུ་ལྔ་མཚན་བརྒྱད་གྲུབ་ཆེན་བརྒྱད་དང་བརྒྱད་ཅུ་རྗེ་འབངས་ཉེར་ལྔ། བཀའ་བརྒྱུད་ཆེ་བཞི་ཆུང་བརྒྱད་ལ་སོགས་རྒྱ་བོད་ཀྱི་རིག་འཛིན་གྲུབ་ཐོབ་རྒྱ་མཚོས་བསྐོར་ནས་བྱིན་རླབས་གཟི་བྱིན་འབར་

― LT40_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

བ། དེའི་འོག་ཏུ་ཡེ་ཤེས་རང་སྣང་གི་འཇའ་འོད་བརྡལ་བའི་དབུས་སུ་བཅོམ་ལྡན་འདས་འཁོར་ལོ་སྡོམ་པ་ལ་ཐེག་པ་རིམ་དགུ། རྒྱུད་སྡེ་བཞི་དྲུག་དང་འབྲེལ་བའི་ཡི་དམ་ལྷ་ཚོགས་ཀྱིས་བསྐོར་ནས་དངོས་གྲུབ་ཆར་རྒྱུན་འབེབས་པ། དེའི་འོག་ཏུ་བདེ་དྲོད་མེ་ཕུང་འབར་བའི་ཀློང་དུ་ཡུམ་མཆོག་རྡོ་རྗེ་ཕག་མོ་ལ་མཁའ་འགྲོ་སྡེ་བཞི་ལ་སོགས་ཡེ་ཤེས་ལས་དང་འཇིག་རྟེན་གྱི་མ་མོ་མཁའ་འགྲོ་དཔག་ཏུ་མེད་པས་བསྐོར་ནས་ཕྲིན་ལས་རྣམ་བཞི་སྒྲུབ་པ། འོག་གི་ས་གཞིར་སྤང་ལྗང་མེ་ཏོག་འབྲས་བུའི་ནགས་ཚལ་ཡིད་དུ་འོང་བའི་ལོངས་སྤྱོད་དུ་མས་བརྒྱན་པ་ལ་བརྟེན་པའི་རིན་པོ་ཆེའི་ཁང་བཟང་དབྱིབས་ལེགས་ལྟ་ན་སྡུག་པ། འཇའ་འོད་དང་ན་བུན་གྱི་གུར་ཕུབ་ཅིང་། སྤྲིན་དཀར་ལས་བདུད་རྩི་དང་མེ་ཏོག་གི་ཆར་ཟིམ་འབེབས་པའི་དབུས་སུ་གནས་ཡུལ་ཞིང་ཁམས་མཐའ་དག་སྲུང་ཞིང་རྣམ་འགྱུར་རྫུ་འཕྲུལ་དུ་མ་ལ་མངའ་མཛད་པའི་ཞིང་སྐྱོང་མཁའ་འགྲོའི་དབང་ཕྱུག་ལྷ་བཙན་རྔམས་ཆེན་སྤྱི་རིང་དུང་གི་མདོག་ཅན། གཡས་དར་དཀར་གྱི་བ་དན་ཕྱར་ཞིང་། གཡོན་པས་ཡིད་བཞིན་གྱི་ནོར་བུ་བསྣམས་པ། དབུ་ལ་རིན་པོ་ཆེའི་སྲོག་ཞུ་དང་ཞབས་ལ་སག་ཏིའི་ཆགས་ལྷམ་གསོལ་བ། དར་དཀར་གྱི་བེར་གསོལ་ཞིང་འཁོར་གསུམ་སྐེད་ལ་བཅིངས་པ། རིན་པོ་ཆེའི་རྒྱན་ཆ་དུ་མས་མཛེས་

― LT40_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བརྒྱན་པ། རྟ་མཆོག་ངང་དཀར་གསེར་སྒ་གཡུམ་ཐུར་ནོར་བུའི་རྒྱན་གྱིས་སྤྲས་པའི་སྟེང་ན་བརྗིད་པའི་སྟབས་ཀྱིས་བཞུགས་པའི་འཁོར་དུ། ཡུམ་དང་སྲས་དང་། ཕྱི་ནང་གི་བློན་པོ། སྒོ་སྲུང་ལས་བྱེད། ལྷ་ཀླུ་བཙན་བདུད་གཉན་ལ་སོགས་པ་བྱེ་བ་འབུམ་སྡེ་དཔག་ཏུ་མེད་པས་བསྐོར་བ། ཐམས་ཅད་ཀྱང་མཛེས་པའི་རྒྱན་དང་དགྱེས་པའི་ཉམས་རྩལ་ལྡན་པ། འཇིགས་ཤིང་དཔའ་བའི་གར་མཁན་ཕས་རྒོལ་ལས་རྣམ་པར་རྒྱལ་བའི་ཆ་ལུགས་སུ་བཞུགས་པ། རྩ་བ་གསུམ་གྱི་གནས་གསུམ་འབྲུ་གསུམ་དང་། ཞིང་སྐྱོང་འཁོར་བཅས་ཀྱི་ཐུགས་ཀར་ཟླ་བ་ལ་གནས་པའི་མིང་ཡིག་དང་པོ་ཐིག་ལེས་བརྒྱན་པ། བདག་མདུན་གྱི་ཐུགས་ཀའི་འོད་ཟེར་ལྕགས་ཀྱུ་ལྟ་བུས་རང་རང་གི་གནས་ནས་སྤྱན་དྲངས། དམ་ཚིག་པ་དང་གཉིས་སུ་མེད་པར་གྱུར། བཛྲ་ས་མཱ་ཛཿསྤྱན་འདྲེན་པ་ནི་རོལ་མོ་དབྱངས་དང་བཅས་འདི་སྐད་དོ། ཧཱུྃ། རྣམ་དག་པདྨ་འོད་ཀྱི་གཞལ་ཡས་ནས། །སངས་རྒྱས་ཀུན་འདུས་པདྨ་ཐོད་ཕྲེང་རྩལ། །རིག་འཛིན་གྲུབ་ཐོབ་རྒྱ་མཚོའི་ཚོགས་དང་བཅས། །བྱིན་རླབས་སྤྲིན་ཆེན་འཁྲིགས་བཞིན་གཤེགས་སུ་གསོལ། །སྒྱུ་འཕྲུལ་རྡོ་རྗེ་བཙུན་མོའི་གསང་བ་ནས། །འཁོར་ལོ་སྡོམ་པ་དཔལ་ཆེན་ཧེ་རུ་ཀ །རྒྱུད་སྡེ་བཞི་དྲུག་ཡི་དམ་ལྷ་ཚོགས་བཅས། །དངོས་གྲུབ་

― LT40_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ཆར་ཆེན་འབེབས་བཞིན་གཤེགས་སུ་གསོལ། །མཁའ་སྤྱོད་ཐར་པའི་གྲོང་ཁྱེར་ཡངས་པ་ནས། །རྒྱལ་བ་ཀུན་ཡུམ་རྡོ་རྗེ་རྣལ་འབྱོར་མ། །དཔའ་བོ་མཁའ་འགྲོ་ཆོས་སྐྱོང་སྲུང་མ་བཅས། །ཕྲིན་ལས་གློག་འོད་འཁྱུག་བཞིན་གཤེགས་སུ་གསོལ། །གནས་ཡུལ་ཞིང་དང་རྒྱ་བོད་སྒྲུབ་གནས་ནས། །སྟོབས་ལྡན་ཞིང་སྐྱོང་དབང་པོ་ཡབ་ཡུམ་སྲས། །སྡེ་བརྒྱད་དྲེགས་པའི་དམག་ཚོགས་བཅས་པ་རྣམས། །དྲག་རྩལ་ཐོག་ལྟར་འབེབས་བཞིན་གཤེགས་སུ་གསོལ། །ཆོས་ཀྱི་འབྱུང་གནས་ཐར་པ་དམ་པའི་གྲོང་། །ལྷུན་ཆགས་གངས་རིའི་གཟུགས་སུ་མངོན་སྣང་བ། །ཉེ་བའི་འཐུང་གཅོད་རོང་བཙན་གནས་མཆོག་ནས། །སྲུང་མའི་དབང་པོ་རྔམ་ཆེན་སྐྱི་རིང་ནི། །ཡུམ་སྲས་སྡེ་བརྒྱད་འཁོར་གྱི་ཚོགས་དང་བཅས། །སྔོན་གྱི་ཐུགས་དམ་གཉེན་པོ་བརྩེར་དགོངས་ལ། །མ་ཐོགས་ཡིད་ལྟར་མགྱོགས་པའི་རྫུ་འཕྲུལ་གྱིས། །སྐད་ཅིག་ཉིད་ལ་གནས་འདིར་གཤེགས་སུ་གསོལ། །ཨོཾ་གུ་རུ་དེ་བ་ཌཱ་ཀི་ནཱི་སརྦ་ལོ་ཀ་པཱ་ལ་ས་པ་རི་བཱ་ར་ཨེ་ཧྱེ་ཧི། བཞུགས་གསོལ་ནི། ཧཱུྃ། ཆོས་དབྱིངས་འོད་གསལ་ནམ་མཁའ་ཡངས་པའི་ཁམས། །ལྷུན་གྲུབ་འཇའ་ཟེར་ཐིག་ལེ་གསང་བའི་སྦུབས། །བཀོད་པ་བསམ་ཡས་གཞལ་མེད་ཁང་པའི་ནང་། །གཞན་འཕྲུལ་ཕུན་ཚོགས་མཆོད་སྤྲིན་རྒྱ་མཚོའི་དབུས། །

― LT40_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་བརྗིད་བཀོད་ལེགས་གདན་མཆོག་ཡངས་པའི་སྟེང་། །ཕྲིན་ལས་མ་འགྲུབ་བར་དུ་བརྟན་བཞུགས་ལ། །བྱམས་པའི་སྤྱན་གཟིགས་དགྱེས་པའི་ཐུགས་ཀྱིས་དགོངས། །ཨོཾ་གུ་རུ་དེ་བ་ཌཱ་ཀི་ནཱི་སརྦ་ལོ་ཀ་པཱ་ལ་ས་པ་རི་བཱ་ར་ཏིཥྛ་ལྷན། ངམ་ལ་བཞག་པ་ནི། ཞིང་སྐྱོང་ཆེན་པོ་ལྷ་བཙན་ཡུམ་སྲས་སྡེ་བརྒྱད་སྤྲུལ་པའི་དམག་ཚོགས་འཁོར་དང་བཅས་པ་རྣམས་ཀྱིས། བཅོམ་ལྡན་འདས་ཧེ་རུ་ཀ །སློབ་དཔོན་པདྨ་འབྱུང་གནས། ལོ་ཆེན་བཻ་རོ་ཙ་ན། གྲུབ་ཆེན་ཀརྨ་པ་ཡབ་སྲས་བརྒྱུད་པར་བཅས་པའི་བཀའ་དང་ངམ་ལས་མ་འདའ་བར། སངས་རྒྱས་ཀྱི་བསྟན་པ་སྲུངས། །དཀོན་མཆོག་གི་དབུ་འཕང་བསྟོད། བསྟན་འཛིན་གྱི་བུ་སློབ་སྐྱོང་། རྣལ་འབྱོར་པ་བདག་ཅག་ལ་སྡང་བར་བྱེད་པའི་དགྲ། གནོད་པར་བྱེད་པའི་བགེགས། ལོག་འདྲེན་གདུག་པ་ཅན་རྣམས་ཀྱི་བསམ་པ་ངན་པ་དང་། སྦྱོར་བ་རྩུབ་པ་ཐམས་ཅད་ཐལ་བའི་རྡུལ་བཞིན་ཏུ་བརླག་པ་དང་། བདག་ཅག་གི་བསམ་དོན་ཐམས་ཅད་ཡིད་བཞིན་ཏུ་འགྲུབ་ཅིང་ཆོས་ལྡན་གྱི་བྱ་བ་མཐར་ཕྱིན་པ་དང་། །མཆོག་དང་ཐུན་མོང་གི་དངོས་གྲུབ་ཐམས་ཅད་བདེ་བླག་ཏུ་ཐོབ་པའི་ཕྲིན་ལས་མཛོད་ཅིག །ཅེས་བརྗོད་ལ་ཞིང་སྐྱོང་འཁོར་བཅས་ཀྱི་སྤྱི་བོར་རྡོ་རྗེ་བཞག །ལྕེ་ཐོག་ཏུ་བདུད་རྩི་བྱིན་པའི་མོས་པས། །ཀྵེ་ཏྲ་པཱ་ལ་ས་པ་རི་བཱ་ར་

― LT40_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

ས་མ་ཡ་མ་ནུ་སྨར། ས་མ་ཡ་མ་ཏི་ཀྲ་མ་ཏི། ས་མ་ཡ་རཀྵནྟུ། ཕྱག་འཚལ་བ་ནི། ཧཱུྃ། སྐུ་ཡི་རྣམ་འགྱུར་སྲིད་ཞིའི་གར་བརྒྱ་མཛད། །གསུང་གི་ཆོས་སྒོ་རང་རང་སྒྲ་རུ་སྒྲོགས། །ཐུགས་དགོངས་སྟོང་ཉིད་སྙིང་རྗེ་འདུ་འབྲལ་མེད། །སྤྲུལ་པའི་ཆོ་འཕྲུལ་སངས་རྒྱས་ཞིང་ཀུན་ཁྱབ། །རྟོགས་པ་རྣམས་ལ་ཡེ་ཤེས་ཆེན་པོའི་འཕྲུལ། །མ་རྟོགས་པ་ལ་རང་རྒྱུད་དྲེགས་པའི་གཟུགས། །མཉམ་ཉིད་རང་བཞིན་ཤེས་པས་ཕྱག་བགྱིའོ། ཨ་ཏི་པུ་ཧོཿམཆོད་པ་ནི། ཧཱུྃ། ལྷ་རྫས་ཡིད་དུ་འོང་བ་ཡི། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་སྣང་གསལ་དྲི་ཆབ་དང་། །ཞལ་ཟས་རོལ་མོ་ལ་སོགས་པ། །དངོས་གྲུབ་རྣམ་གཉིས་སྩོལ་བྱའི་ཕྱིར། །བླ་མ་ཡི་དམ་མཁའ་འགྲོ་དང་། །ཞིང་སྐྱོང་འཁོར་དང་བཅས་ལ་འབུལ། །དགྱེས་པར་བཞེས་ནས་བདག་ལ་དགོངས། །ཨོཾ་ཤྲཱི་མཱ་ན་གུ་རུ་དེ་བ་ཌཱ་ཀི་ནཱི་སརྦ་ལོ་ཀ་པཱ་ལ་ས་པ་རི་བཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ད་་ས་མ་ཡེ་ཨཱཿཧཱུྃ། འཁོར་ལོ་ཡིད་བཞིན་ནོར་བུ་དང་། །རབ་མཛེས་བཙུན་མོ་མི་བདག་དང་། །དཔལ་གྱི་གླང་པོ་ཅང་ཤེས་རྟ། །དམག་དཔོན་རིན་ཆེན་སྣ་བདུན་པོ། །དངོས་གྲུབ༴ །བླ་མ་ཡི་དམ༴ །ཞིང་སྐྱོང་༴ །དགྱེས་པར༴ །སྔགས་ཐོག་མཐའ་གོང་དང་འདུ་

― LT40_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལ་སཔྟ་རཏྣ༴ །རིན་ཆེན་གདུགས་དང་གསེར་ཉ་དང་། །གཏེར་ཆེན་བུམ་པ་པདྨ་བཟང་། །དུང་དཀར་གཡས་འཁྱིལ་དཔལ་བེའུ། །མཆོག་གི་རྒྱལ་མཚན་འཁོར་ལོ་བཟང་། །དངོས་གྲུབ༴ །བླ་མ་ཡི་དམ༴ །ཞིང་སྐྱོང་༴ །དགྱེས་པར༴ །ཨཥྚ་མངྒ་ལ་ཧེ་ཏུ༴ །ཡུངས་ཀར་དུརྦ་བིལ་བ་དང་། །གི་ཝཾ་ལི་ཁྲི་ཞོ་མཆོག་དང་། །མེ་ལོང་རྣམ་དག་དུང་དཀར་རྣམས། །ལྷ་མོ་བརྒྱད་ཀྱིས་ཕུལ་བ་ལྟར། །དངོས་གྲུབ༴ །བླ་མ་ཡི་དམ༴ །ཞིང་སྐྱོང་༴ །དགྱེས་པར༴ །ཨཥྚ་མངྒ་ལ་དྲ་བྱ། ཞེས་ཕྱི་མཆོད་དང་། །ཨ་ལས་བདེ་སྐྱོང་ཀ་པཱ་ལ། །ཤ་ལྔ་བདུད་རྩི་ལྔས་གཏམ་པ། །ཡི་གེ་འབྲུ་ལྔས་བྱིན་བརླབས་ནས། །ཡེ་ཤེས་བདུད་རྩི་མཆོག་སྦྱར་བ། །དངོས་གྲུབ༴ །བླ་མ་ཡི་དམ༴ །ཞིང་སྐྱོང་༴ །སྐུ་ལུས་རྒྱས་ཕྱིར་བཞེས་སུ་གསོལ། །སྔགས་ཐོག་མ་གོང་བཞིན་ལ། ཨ་མྲྀ་ཏ་ཁ་རཾ་ཁཱ་ཧི། པདྨ་བྷཉྫ་དབྱིངས་ཀྱི་སྣོད། །ཡེ་ཤེས་རཀྟའི་རྒྱ་མཚོས་གཏམས། །བདེ་སྟོང་དམར་འོད་རབ་ཏུ་འབར། །མཆོག་བདེའི་དགའ་སྐྱེད་བཏུང་བའི་བཅུད། །དངོས་གྲུབ༴ །བླ་མ་ཡི་དམ༴ །ཞིང་སྐྱོང་༴ །ཟག་མེད་དགའ་བས་ཚིམས་གྱུར་ཅིག །སྔགས་གོང་བཞིན་ལས། མ་ཧཱ་རཀྟ་ཁ་རཾ་ཁཱ་ཧི། ཞེས་ནང་མཆོད། ཡབ་ཡུམ་གཉིས་

― LT40_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་མཁའ་རྡོ་རྗེ། །སྙོམས་འཇུག་དགའ་བ་བཞི་ཡི་དངོས། །དཀར་དམར་བྱང་ཆུབ་སེམས་ཀྱི་རྫས། །རོ་མཉམ་བདེ་ཆེན་མཆོད་པ་འདི། །དངོས་གྲུབ༴ །བླ་མ་ཡི་དམ༴ །ཞིང་སྐྱོང་༴ །བདེ་ཆེན་མཆོག་གིས་མཉེས་གྱུར་ཅིག །སྔགས་ཀྱི་ཐོག་མ་གོང་བཞིན་ལ། བཛྲ་མ་ཏཱཾ་གཱི་ཨཱཿཧཱུྃ་སྭཱ་ཧཱ། ཞེས་གསང་མཆོད་དང་། སྣོད་ཀྱི་འཇིག་རྟེན་བས་ཀྱང་རྒྱ་ཆེ་ཞིང་། །རི་རབ་ལྷུན་པོ་བས་ཀྱང་བརྗིད་ཆགས་པ། །ཉི་ཟླ་ཟུང་གཅིག་ལས་ཀྱང་འོད་འབར་བ། །བདུད་རྩིའི་རྒྱ་མཚོར་གྱུར་པའི་གཏོར་མ་འདི། །པདྨ་ཐོད་ཕྲེང་ཡི་དམ་ཆོས་སྐྱོང་ཚོགས། །ཞིང་སྐྱོང་འཁོར་བཅས་ལྗགས་ཀྱི་པདྨ་ནི། །རྡོ་རྗེ་རྩེ་གསུམ་སྦུ་གུས་དགྱེས་པར་དྲོངས། །ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཱཾ་ཨཱ་དྱ་ནུཏྤནྣ་ཏྭཱཱ་ཨོཾ་ཨཱཿཧཱུྃ་ཕཊ་སྭཱ་ཧཱ། གུ་རུ་དེ་བ་ཌཱ་ཀི་ནཱི་ཀྵེ་ཏྲ་པཱ་ལ་སརྦ་ལོ་ཀ་པཱ་ལ་ས་པ་རི་བཱ་ར་ཨི་དཾ་བ་ལི༚་གྲྀཧྞ་ཁ་ཁ་ཁཱ་ཧི་ཁཱ་ཧི། །མམ་སརྦ་ཀརྨ་སིདྡྷི་པྲ་ཡཙྪ་ཧཱུྃ། ལན་གསུམ་གྱིས་གཏོར་མ་འབུལ། བསྟོད་པ་ནི། ཧཱུྃ། འོད་གསལ་རྡོ་རྗེ་རྩེ་མོའི་དབྱིངས། །འཇའ་ཟེར་ཐིག་ལེ་འཁྱིལ་པའི་དབུས། །སྐུ་གསུམ་ལྷུན་གྲུབ་ཐོད་ཕྲེང་རྩལ། །རིག་འཛིན་གྲུབ་པའི་ཚོགས་ལ་བསྟོད། །དཔལ་ཆེན་ཡང་དག་ཧེ་རུ་ཀ །རྡོ་རྗེ་མཁའ་འགྲོའི་དྲ་བ་སྡོམ། །ཐེག་རིམ་དགུ་དང་རྒྱུད་སྡེ་དྲུག །དཀྱིལ་འཁོར་ལྷ་ཚོགས་རྣམས་ལ་བསྟོད། །རྡོ་རྗེ་ཕག་མོ་

― LT40_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཀུན་ཡུམ། །རྣལ་འབྱོར་ཐར་པའི་ལམ་སྣ་འདྲེན། །ཡེ་ཤེས་ལས་དང་འཇིག་རྟེན་གྱི། །ཌཱ་ཀི་ཆོས་སྐྱོང་བཅས་ལ་བསྟོད། དད་ལ་ཆེན་ཕྲིན་ལས་སྤྲུལ་པའི་གར། །ཞིང་སྐྱོང་གཟི་ལྡན་དབང་ཕྱུག་ནི། །རྣམ་འགྱུར་ཆ་ལུགས་བསམ་མི་ཁྱབ། །དཔྱིད་ཟླ་གསུམ་གྱི་ར་བ་ལ། །ཏི་ཙེ་གངས་དང་ལ་ཕྱི་གངས། །ཆུ་བར་ལྷ་བཙན་དཀར་པོར་གྲགས། །དབྱར་ཟླ་གསུམ་གྱི་ར་བ་ལ། །ལྷོ་བྲག་མཁར་ཆུ་མོན་ཁའི་རྫོང་། །མཁའ་རི་གངས་ལ་གནས་བཅས་ཤིང་། །དགེ་བསྙེན་མཁའ་རི་གངས་བཙན་གྲགས། །སྟོན་ཟླ་གསུམ་ལ་བཞུགས་གནས་ནི། །ཙ་རི་དང་ནི་པདྨ་འོད། །རོང་བཙན་སྲིན་མོ་རྫོང་ལ་གནས། །གསང་མཚན་ག་ཡ་དྷ་རར་གྲགས། །དགུན་ཟླ་གསུམ་གྱི་ར་བ་ལ། །ཀོང་པོ་རོང་དང་པདྨ་བཀོད། །རྦ་ལྕགས་ཤི་རི་རྣམས་སུ་བཞུགས། །གསང་མཚན་ཟླ་བྲལ་གར་གྱི་དབང་། །གནས་ཡུལ་ཞིང་ཁམས་ཀུན་སྲུང་བའི། །ཀུན་དགའ་གཞོན་ནུ་ཡབ་ཡུམ་སྲས། །སྡེ་བརྒྱད་དམག་དཔུང་བཅས་ལ་བསྟོད། །རྒྱལ་བས་བྱང་ཆུབ་བརྙེས་པའི་གནས། །རྡོ་རྗེ་གདན་གྱི་བྱང་ཤར་མཚམས། །དེ་བཱི་ཀོ་ཊིའི་གནས་དང་ནི། །རྗེས་འབྲེལ་ཙ་རི་ཏྲ་ཡི་ཆ། །རོང་བཙན་ཁ་བ་དཀར་པོ་ཞེས། །ཕྱི་བལྟས་གངས་རི་ལྷུན་ཆགས་ཤིང་། །ལྗོན་ཤིང་སྨན་

― LT40_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མེ་ཏོག་སོགས། །དུ་མས་ལྷ་ཡི་དགའ་ཚལ་ལྟར། །མཛེས་པས་ཕྱོགས་ཀུན་རྣམ་པར་དཀྲིག །འབབ་ཆུ་ཆུ་མིག་མཚོ་ལ་སོགས། །ཡན་ལག་བརྒྱད་ལྡན་ཆུ་གཅང་གི། མཆོད་ཡོན་རྣམ་བཀོད་བྱ་དང་ནི། །རི་དྭགས་སྤུ་སྡུག་སྣ་ཚོགས་ཀྱིས། །རྩེད་འཇོའི་གར་བསྒྱུར་དབྱངས་སྙན་ལེན། །སྤྲིན་ཕུང་འཇའ་ཚོན་ན་བུན་གཏབས། །གྲུབ་པ་རེག་འཛིན་དྲང་སྲོང་ཚོགས། །དུ་མས་བརྟེན་པའི་གནས་མཆོག་སྟེ། །ནང་ལྟར་འཁོར་ལོ་བདེ་མཆོག་གི། དཀྱིལ་འཁོར་ཆེན་པོར་ལྷུན་གྱིས་གྲུབ། །གསང་བ་བདེ་སྟོང་ཟུང་འཇུག་མཆོག །ཨེ་ཝཾ་གཉིས་མེད་དག་པའི་གནས། །དེ་ན་གནས་སྲུང་གཙོ་བོ་ནི། །དཔལ་ཆེན་སྡོམ་པ་ཧེ་རུ་ཀའི། །ཕྲིན་ལས་ངོ་བོ་ཞིང་སྐྱོང་ཆེ། །ལྷ་བཙན་རྔམ་ཆེན་སྤྱི་རིང་ནི། །སྐུ་མདོག་དཀར་ལ་འོད་ཟེར་འབར། །རྟ་དཀར་ཆིབས་ཤིང་བེར་དཀར་གསོལ། །གཡས་ན་དར་དཀར་བ་དན་དང་། །གཡོན་པས་ཡིད་བཞིན་ནོར་བུ་བསྣམས། །དབུ་ལ་རིན་ཆེན་སྲོག་ཞུ་དང་། །ཞབས་ལ་སག་ཏིའི་ལྷྭམ་ཆེན་གསོལ། །འཁོར་གསུམ་སྐེད་བཅིངས་རབ་ཏུ་བརྗིད། །བཙུན་མོ་སྲས་དང་བློན་པོ་དང་། །དམག་དཔོན་སྒོ་སྲུང་ལས་བྱེད་དང་། །མཁའ་འགྲོ་མ་མོ་གིང་ལ་སོགས། །འཁོར་ཚོགས་རྒྱ་མཚོར་བཅས་ལ་བསྟོད། །མངའ་གསོལ་སྤྲོ་ན། གསེར་སྐྱེམས་དཀར་ཕུད་

― LT40_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་འབྲུ་གསུམ་དང་། ཨ་ཀཱ་རོས་བྱིན་བརླབ། ཧཱུྃ། རྣལ་འབྱོར་དད་མོས་གདུང་བའི་ཤུགས་ཆེན་པོས། །རབ་སྦྱར་ཀུན་བཟང་མཆོད་པའི་སྤྲིན་ཕུང་གིས། །པདྨ་ཐོད་ཕྲེང་གྲུབ་ཐོབ་རྒྱ་མཚོའི་ཚོགས། །ཧེ་རུ་ཀ་དཔལ་རྒྱུད་སྡེ་བཞི་དྲུག་ལྷ། །རྡོ་རྗེ་ཕག་མོ་དཔའ་བོ་མཁའ་འགྲོ་དང་། །ཆོས་སྐྱོང་དམ་ཅན་རྒྱ་མཚོ་མངའ་གསོལ་ལོ། །གནས་ཡུལ་ཞིང་ཁམས་མཐའ་དག་སྐྱོང་མཛད་པའི། །ཉེ་མགོན་གཟི་ལྡན་ལེགས་གྲུབ་རྡོ་རྗེ་རྩལ། །ཡབ་ཡུམ་སྲས་དང་སྡེ་བརྒྱད་དཔུང་གི་ཚོགས། །མཐུ་སྟོབས་དྲག་རྩལ་ལྡན་རྣམས་མངའ་གསོལ་ལོ། །ལྷ་དབང་ཀླུ་བདག་ལངྐའི་རྒྱལ་པོ་སོགས། །སྲིད་གསུམ་དབང་སྒྱུར་ཀུན་གྱིས་མདུན་བདར་ནས། །མཆོད་སྤྲིན་རྒྱ་མཚོས་སྲིད་ཞུར་བཅས་མཆོད་དེ། །ཞིང་སྐྱོང་ལྷ་བཙན་ཆེན་པོ་མངའ་གསོལ་ལོ། །རྣམ་པར་རྒྱལ་བའི་ཁང་བརྩེགས་ལས་རྒྱལ་བའི། །རིན་ཆེན་ཤེལ་གྱི་སྐུ་མཁར་ཟླ་བའི་མདངས། །བ་གམ་ནོར་བུའི་འོད་ཚོགས་རབ་རྒྱས་པས། །ཞིང་ཁམས་རྒྱ་མཚོའི་གོ་སྐབས་ཡང་དག་འཕྲོག །རྩ་བ་ཡིད་བཞིན་འབྱུང་གནས་ཡིད་བཞིན་གྱིས། །བར་མེད་རབ་རྫོགས་སྐེད་སྐབས་མཚོན་ལྔས་མཛེས། །ཛམྦུ་ནཱ་དའི་རྒྱ་ཕུབ་ཆེས་འབར་བའི། །རྩེ་མོ་རིན་ཆེན་ཆར་འབེབས་ཆུ་འཛིན་དཀྲིགས། །

― LT40_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་རྒྱལ་བའི་ཆོ་འཕྲུལ་ལས་བྱུང་བཞིན། །བཀོད་པའི་ཁྱད་པར་ཤིན་ཏུ་རྒྱ་ཆེ་བའི། །ཕོ་བྲང་སྲིད་རྩེའི་དགུང་ན་མངོན་མཐོའི་རྩེར། །ཡིད་བཞིན་རྒྱལ་མཚན་གསལ་བས་མངའ་གསོལ་ལོ། །དཔག་ཡས་ཞིང་གི་རྡུལ་སྙེད་རབ་འབྱམས་ཞིང་། །སྐད་ཅིག་ཉུལ་བའི་འགྲོས་ལྡན་ལྷ་རྟ་དཀར། །རྒྱུ་སྐར་བདག་པོའི་དྲེགས་འཇོམས་རྒྱན་ལྡན་པ། །ལྷ་ཆེན་ཆིབས་ཀྱི་དམ་པར་མངའ་གསོལ་ལོ། །ཀ་ཙ་ལིནྡའི་བེར་ཆེན་སུམ་བརྩེགས་པ། །བཀྲ་ཤིས་རེ་ཁཱ་གསེར་གྱི་པ་ཏྲ་འཁྱུགས། །འཇམ་མཉེན་རེག་བྱའི་ཁྱད་པར་རྨད་བྱུང་བའི། །རབ་མཛེས་ལྷ་ཡི་ན་བཟས་མངའ་གསོལ་ལོ། །བཻ་ཌཱུའི་ཕྲ་ལྡན་གསེར་གྱི་སྐེ་རགས་འབར། །ག་པུར་དོ་ཤལ་རིན་ཆེན་སེ་མ་དོ། །མུ་ཏིག་འབྲས་ཆགས་ནོར་བུའི་སྙན་ཆ་སོགས། །མཛེས་བྱེད་རྒྱན་གྱི་དམ་པར་མངའ་གསོལ་ལོ། །གསེར་པད་གཡུ་ཡི་ཡལ་འདབ་མཛེས་པའི་ཁོང་། །རྣམ་མང་འོད་ཀྱི་གེ་སར་རབ་རྒྱས་པ། །སྤེལ་ལེགས་ཕྲེང་བ་བསྟར་བའི་ཅོད་པན་འདི། །སྐྲ་མཚམས་མཛེས་པའི་རྒྱན་ཏུ་མངའ་གསོལ་ལོ། །འཇམ་མཉེན་ཀཱ་ཤི་ཀཱ་ཡི་གོས་བཟང་དང་། །ལྷ་ཀླུ་མི་ཡི་ནོར་བུ་མཆོག་གི་རྒྱན། །སག་ཏིའི་ལྷམ་ཆེན་འཇའ་རིས་འཁྱུག་པ་ཡིས། །ལྷ་བཙན་སྐུ་ཡི་རྒྱན་ཏུ་མངའ་གསོལ་ལོ། །ཐོག་ལྟར་འབིགས་བྱེད་ཉག་ཕྲན་

― LT40_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་འཁོར་དང་། །རབ་སྦྱང་སྲ་ཞིང་བརྟན་པའི་མཆོག་དཀར་གཞུ། །བསམ་ཆོད་རྣོ་ངར་འབར་བའི་རལ་གྲི་ཡིས། །ཕས་རྒོལ་ཐལ་བར་བརླག་ཕྱིར་མངའ༴ །དར་དཀར་བ་དན་སྲིད་པའི་རྩེ་མོར་བསྙེགས། །ཡིད་བཞིན་ནོར་བུས་དགོས་འདོད་ཆར་དུ་འབེབས། །དབུ་འཕང་བསྟོད་ཅིང་དངོས་གྲུབ་སྩོལ་བའི་བརྡའ། །ཕྱག་གི་པདྨོ་མཛེས་ཕྱིར་མངའ༴ །དར་ཟབ་སྤྱན་གཟིགས་མང་པོས་ས་བླའི་ཁོངས། །བརྒྱ་བྱིན་གཞུ་ཡི་དྲྭ་བས་མཛེས་བྱས་ཤིང་། །སྙན་བརྗིད་དཔའ་བོའི་ཉམས་ལྡན་འབོད་པའི་དབྱངས། །སྣ་ཚོགས་རོལ་མོར་བཅས་པས་མངའ༴ །གཙང་མའི་ཞལ་ཟས་ལ་སོགས་འདོད་ཡོན་ལྔ། །ལྷ་ཀླུ་མི་དང་གནོད་སྦྱིན་ཐམས་ཅད་ཀྱི། །དཀོར་ནོར་མ་ཚང་མེད་སྤུངས་ནོར་འཛིན་མའི། །འཕང་པ་རབ་གང་འདོད་དགུས་མངའ༴ །དཀོན་མཆོག་སྐྱབས་ཀྱི་དམ་པར་སྐྱབས་སོང་མགྲོན། །དཀར་ཕྱོགས་ལྷ་དང་གདེངས་ཅན་འབྱུང་པོའི་ཚོགས། །བསྟན་ལ་རབ་དགའ་མཐུ་རྩལ་རྨད་བྱུང་བ། །ཀུན་གྱི་རྗེ་བོར་དེང་བདག་གཟེངས་བསྟོད་དོ། །ཁྱད་པར་དཔལ་གྱི་སྤྲུལ་པ་པདྨའི་ལུང་། །ཇི་བཞིན་མནོས་པའི་བཀའ་ལས་མི་འདའ་བར། །གཏེར་བདག་གནས་བདག་དཀོར་བདག་ཐམས་ཅད་ཀྱི། །ཚོགས་བདག་ཚོགས་ཀྱི་རྗེ་བོར་གཟེངས་བསྟོད་དོ། །རྣལ་འབྱོར་བདག་གི་

― LT40_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་སྐྱབས་དཔུང་གཉེན་ཏུ། །རྩ་གསུམ་ཞིང་སྐྱོང་འཁོར་བཅས་མངའ་གསོལ་ན། །མཆོག་ཐུན་དངོས་གྲུབ་དབྱིག་གི་ཕུང་པོ་ཡིས། །རེ་བའི་ཤིང་རྟ་ཡངས་སུ་འགེངས་པར་མཛོད། །འབྲང་རྒྱས་བསངས་སྦྱང་། སྟོང་པའི་ངང་ལས་ཨཱཿལས་པདྨའི་སྣོད་ཡངས་ཤིང་རྒྱ་ཆེ་བར་ཨོཾ་ཨཱཿཧཱུྃ་འོད་དུ་ཞུ་བ་ལས་བྱུང་བ། ངོ་བོ་ཤ་ལྔ་བདུད་རྩི་ལྔའི་རང་བཞིན། རྣམ་པ་བདུད་རྩིའི་རྒྱ་མཚོ་ཁ་དོག་དྲི་རོ་ཕུན་སུམ་ཚོགས་པ། བྱེད་ལས་དབང་པོ་དྲུག་གི་ཡུལ་དུ་ཟག་མེད་ཀྱི་བདེ་བ་སྐྱེད་ནུས་པར་གྱུར། ཨ་ཀཱ་རོས་བྱིན་བརླབ། ཨོཾ་ཕྱི་མཆོད་ནམ་མཁའི་སྣོད་དུ་སྲིད་གསུམ་བཤམ། །ཨཱཿནང་མཆོད་ཐབས་ཤེས་དྭང་མར་འཁོར་འདས་བསྟིམས། །ཧཱུྃ་གསང་མཆོད་བདེ་སྟོང་སྦུབས་སུ་འཇའ་གུར་སྦར། །མ་ལུས་ཞེན་འཛིན་དག་པའི་རྫོགས་པ་ཆེར། །འཁོར་གསུམ་དམིགས་མཐའ་བྲལ་བར་མཆོད་པ་འབུལ། །འཇིག་རྟེན་ཕྱི་ཡི་འདོད་ཡོན་སྤྲིན་ལྟར་གཏིབས། །ཁྱད་པར་ནང་གི་བདུད་རྩི་སྦྱང་རྟོགས་སྦར། །བདེ་ཆེན་གསང་བའི་དགའ་བཞི་འཛག་མེད་བཅིངས། །དཔལ་ལྡན་ཞིང་སྐྱོར་ལྷ་བཙན་ཆེན་པོ་ནི། །འཁོར་དང་བཅས་པ་མཉེས་བྱེད་དམ་ཚིག་རྫས། །འབུལ་ལོ་དགྱེས་བཞེས་ཐུགས་དམ་གཉན་བསྐངས་ལ། །བསམ་པའི་དོན་ཀུན་ལྷུན་གྱིས་འགྲུབ་པར་མཛོད། །བསྐང་བ་ནི། ཨོཾ་ཨཱཿཧཱུྃ། ལན་གསུམ། ཨོཾ་ཧཱུྃ་

― LT40_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཏྲཱྃ་ཧྲཱིཿཨཱཿགསུམ། ཨོཾ་ལས་འདོད་པའི་ཡོན་ཏན་ལྔ། །བྷྲཱུྃ་ལས་རིན་ཆེན་གཞལ་ཡས་ཁང་། །ཏྲཱྃ་ལས་སྣ་ཚོགས་རཏྣའི་སྣོད། །ཧྲཱིཿལས་གསུང་དབྱངས་དྲུག་ཅུ་སྟེ། །ཨཱཿལས་ཅི་འདོད་ཕུན་ཚོགས་གྱུར། ཧཱུྃ། སྒྱུ་འཕྲུལ་དབྱིངས་ལས་ཤར་བ་ཡི། །ཕྱི་ནང་གསང་བའི་མཆོད་པའི་སྤྲིན། །རྟེན་རྫས་སྐོང་རྫས་སྒྲུབ་པའི་རྫས། །ཏིང་འཛིན་སྔགས་དང་ཕྱག་རྒྱ་ཡིས། །རྒྱ་ཆེར་སྤེལ་ཞིང་བྱིན་བརླབས་པ། །མཁའ་དབྱིངས་ཁྱབ་པར་གང་བ་འདིས། །རྗེ་བཙུན་པདྨ་ཐོད་ཕྲེང་རྩལ། །སྐུ་གསུམ་སྐུ་ལྔ་མཚན་མཆོག་བརྒྱད། །རྗེ་འབངས་ཉེར་ལྔ་རིག་འཛིན་ཚོགས། །བཀའ་བརྒྱུད་ཆེ་བཞི་ཆུང་བརྒྱད་སོགས། །རྩ་བརྒྱུད་བླ་མའི་ཐུགས་དམ་བསྐང་། །ཧེ་རུ་ཀ་དཔལ་འཁོར་ལོ་སྡོམ། །རྒྱུད་སྡེ་བཞི་དང་ཐེག་རིམ་དགུའི། །ཡི་དམ་ལྷ་ཚོགས་ཐུགས་དམ་བསྐང་། །བཅོམ་ལྡན་རྡོ་རྗེ་རྣལ་འབྱོར་མ། །ཡེ་ཤེས་ལས་དང་འཇིག་རྟེན་ཚུལ། །རི་རབ་སོ་གཉིས་རྡུལ་མཉམ་ཞིང་། །ཞི་རྒྱས་དབང་དྲག་ལས་སྒྲུབ་པ། །དཔང་པོ་མཁའ་འགྲོའི་ཐུགས༴ །དཔལ་ལྡན་ཞིང་སྐྱོང་དབང་པོ་དང་། །ཡུམ་ཆེན་སི་ན་ར་མ་དང་། །བམ་རོ་ཕོ་མོ་སྡེ་བརྒྱད་ཚོགས། །འཁོར་ཚོགས་སྤྲུལ་པའི་ཐུགས༴ །ཞིང་སྐྱོང་ལྷ་བཙན་ཆེན་པོ་ནི། །རྔམ་ཆེན་སྤྱི་རེད་ཡུམ་དང་བཅས། །ཕྱི་

― LT40_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་བཀའ་ཡི་བློན་པོའི་ཚོགས། །སྦོ་སྲུང་ཆེན་པོ་ཕྱི་ནང་བརྒྱད། །ལྷ་ཀླུ་གཉན་བདུད་བཙན་གྱི་དམག །སྨན་བཅུན་སྨན་ཕྲན་འབུམ་ཕྲག་སོགས། །རི་དབང་རྒྱལ་པོ་ཆེན་པོ་བཞི། །སྡེ་དང་འཁོར་དུ་གཏོགས་པ་ཡི། །སྲུང་མ་གཉན་པོའི་ཐུགས༴ །རོང་བཙན་ཁ་བ་དཀར་པོ་ཡི། །གནས་དང་སྒྲུབ་ཕུག་གཏེར་ཁ་དང་། །རི་བྲག་ཆུ་ཤིང་ལ་གནས་པའི། །བླ་མ་ཡི་དམ་མཁའ་འགྲོ་མ། །བཀའ་སྲུང་གཏེར་སྲུང་གཞི་ཡི་བདག །ས་བདག་ཡུལ་བདག་གཉན་པོ་རྣམས། །འཁོར་དང་བཅས་པའི་ཐུགས་དམ་བསྐང་། །དམ་ཚིག་ཉམས་ཆག་གྱུར་ལ་སོགས། །ཐུགས་དང་འགལ་བ་གང་མཆིས་བཤགས། །ཉེས་པའི་ཚོགས་རྣམས་བཟོད་པར་གསོལ། །ཐུན་མོང་མཆོག་གི་དངོས་གྲུབ་སྩོལ། །སངས་རྒྱས་བསྟན་པའི་རྒྱལ་མཚན་ཕྱིར། །བསྟན་འཛིན་དབུ་འཕང་དགུང་དུ་བསྟོད། །སྙན་གྲགས་ནམ་མཁའི་འབྲུག་ལྟར་སྒྲོགས། །རིགས་བརྒྱུད་ཆུ་བོའི་རྒྱུན་ལྟར་སྤེལ། །དགོས་འདོད་དཔག་བསམ་ཤིང་ལྟར་སྩོལ། །མི་འགྱུར་ཚེ་ཡི་ཀ་བ་ཚུགས། །བསོད་ནམས་དབང་ཐང་མཚོ་ལྟར་བསྐྱིལ། །འགལ་རྐྱེན་ཐལ་བའི་རྡུལ་བཞིན་རློག །མཐུན་རྐྱེན་སྤྲིན་ཕུང་བཞིན་ཏུ་གཏིབས། །ལུས་དང་གྲིབ་མ་བཞིན་ཏུ་འགྲོགས། །མདོར་ན་ཡིད་ལ་འདོད་པའི་

― LT40_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

དོན། །ཐོགས་པ་མེད་པར་འགྲུབ་པར་མཛོད། །གསོལ་མཆོད་རྐྱང་བའི་སྐབས་འདི་མཚམས་ཕྲིན་ལས་བཅོལ་བ་ལ་འཇུག་སྟེ། མཐར་དབྱུང་བས་འཐུས་སོ། ༈ །དེ་ནས་གཡང་སྐྱབས་བྱེད་པར་སྤྲོ་ན། བཅའ་གཞི་གོང་ལྟར་ལ་དོ་གལ་བྱེད་ན་མདའ་དར་དཀར་པོ་ལ། ར་དཀར་འོ་མ་མཚལ་དང་སྦྱར་བས་འོག་ནས་འབྱུང་བའི་སྔགས་ཤམ་བདག་གམ་ཡོན་བདག་འདི་ལ་ཟས་ནོར་ལོངས་སྤྱོད་ཀྱི་དངོས་གྲུབ་ཆེན་པོ་སའི་ལྷ་མོ་དང་གཞི་བདག་ཕོ་མོ་ལ་སོགས་པ་ཐམས་ཅད་ཀྱིས་མྱུར་དུ་སྩོལ་ཅིག །ཅེས་བྲི། གཡག་ལུག་ར་གསུམ། ཕྱེ་མར་ཆང་ཕུད། བསངས་བརྔན་གྱི་རྫས་རྣམས་སྤྱི་ལྟར་རྒྱས་པར་བཤམ། གཡང་རྫས་སྤྱི་མཐུན་དང་གཏེར་བུམ་སོགས་ཀྱང་འདུ་བྱ། སྒྲུབ་བ་པོས་ཤ་ཆང་སྒོག་བཙོང་སྤང་། ཁྲུས་དང་གཙང་སྦྲ་དང་ལྡན་པས། ལས་བྱང་བསྐང་བ་ཡན་གྲུབ་མཚམས། སྐད་ཅིག་གིས་རང་ཉིད་པད་འབྱུང་ནོར་ལྷའི་ཆ་བྱད་ཅན་ཏུ་གསལ་བའི་མདུན་ཏུ་རྩ་བ་གསུམ་གྱི་ལྷ་ཚོགས་ཐམས་ཅད་གསེར་མདོག་ནོར་བུ་གཏེར་བུམ་ནེའུ་ལེ་བསྣམས་ཤིང་རིན་པོ་ཆེའི་ཆར་འབེབས་པ། ས་གཞིར་རཏྣའི་ཕོ་བྲང་འོད་འབར་བའི་དབུས་སུ་པདྨ་འདབ་བརྒྱད་ཀྱི་ལྟེ་བར་སའི་ལྷ་མོ་བརྟན་མ་སེར་མོ་ཕྱག་ན་ཟས་ནོར་ལོངས་སྤྱོད་ཀྱིས་བཀང་བའི་བུམ་པ་བསྣམས་པ། དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པའི་མདུན་ཏུ་ཞིང་སྐྱོང་ལྷ་བཙན་ཆེན་པོ། འདབ་མ་རྣམས་ལ་གཞི་བདག་ཡུལ་ལྷ་ས་བདག་ཀླུ་

― LT40_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

གཉན་གྱིས་བསྐོར་བ། ཐམས་ཅད་ཀྱང་གསེར་མདོག་བརྗིད་བག་དང་ལྡན་པ། གཡས་ན་དར་མདུང་ལ་སོགས་རང་རྟགས་ཀྱི་ཕྱག་མཚན་དང་གཡོན་པ་རྣམས་གཏེར་བུམ་ནོར་བུས་མཚན་པ་བསྣམས་ཤིང་མཚན་ཁུང་དུ་ནེའུ་ལེའི་རྐྱལ་བ་བཅུག་པ། རིན་པོ་ཆེའི་རྒྱན་དུ་མས་བརྒྱན་ཅིང་དགོས་འདོད་ཀྱི་ཆར་པ་འབེབས་པའི་གནས་གསུམ་འབྲུ་གསུམ་ལས་འོད་ཟེར་འཕྲོས། རང་བཞིན་གྱི་གནས་ནས་སྤྱན་དྲངས། དམ་ཚིག་པ་དང་གཉིས་སུ་མེད་པར་གྱུར། བཛྲ་ས་མཱ་ཛཿཛཿཧཱུྃ་བྃ་ཧོཿདེ་ནས་དབྱངས་སྙན་རོལ་མོ་བཅས་ཏེ་འདི་སྐད་དོ། ཧཱུྃ། བསྟན་པ་འདི་ལ་ངོ་མཚར་རྨད་བྱུང་བའི། །འཇིག་རྟེན་དབང་ཕྱུག་པདྨ་རྒྱལ་པོ་ནི། །རིགས་ནི་ཨོ་རྒྱན་རྒྱལ་པོའི་སྲས་སུ་འཁྲུངས། །ཟ་ཧོར་ཡུལ་དུ་སྒྲོ་འདོགས་མ་ལུས་བཅད། །བསིལ་བ་ཚལ་དུ་དངོས་གྲུབ་རྣམ་གཉིས་བརྙེས། ཁ་བ་ཅན་འདིར་བསྟན་པ་དར་རྒྱས་མཛད། །ལྷོ་ནུབ་རྔ་ཡབ་སྲིན་པོའི་ཁ་གནོན་མཛད། །མྱ་ངན་མི་འདའ་འགྲོ་བའི་མཉེན་གཅིག་པོ། །སྐུ་གསུམ་དབྱེར་མེད་ཆེ་མཆོག་ཧེ་རུ་ཀ །མཉམ་མེད་བླ་མ་མཆོག་ཁྱེད་དུས་འདིར་དྲན། །རྒྱལ་བའི་ཞིང་ཁམས་དག་པ་ཆེན་པོ་ནས། །སྤྱན་འདྲེན་གཤེགས་གསོལ་བྱིན་རློབས་དབང་སྐུར་ཅིག །ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ༔ བཛྲ་

― LT40_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

ས་མ་ཡ་ཛཿསིདྡྷི་ཕ་ལ་ཧཱུྃ། བདག་མདུན་ཐ་མི་དད་པའི་ཐུགས་ཀའི་འོད་ཟེར་ཕྱོགས་ཐམས་ཅད་དུ་འཕྲོས་པས། འབྱུང་བ་ས་ཆུ་མེ་རླུང་གི་བཅུད་རྣམས་དང་། དུས་གསུམ་བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཐམས་ཅད་ཡིག་འབྲུ་གསུམ་གྱི་རྣམ་པ་དང་། སྐྱེ་འགྲོའི་ཤེས་རྒྱུད་ཐམས་ཅད་གསལ་སྟོང་འཇའ་ཟེར་གྱི་རང་བཞིན་ལས། བཀྲ་ཤིས་རྟགས་བརྒྱད་དང་། བཀྲ་ཤིས་རྫས་བརྒྱད། རྒྱལ་སྲིད་སྣ་བདུན་ལ་སོགས་པའི་རྣམ་པར་བྱོན་པ་དང་། བསམ་གཏན་བཞིའི་གནས་མན་ཆད་ནས། ལོངས་སྤྱོད་ཚེ་དང་ཕྱ་གཡང་ཐམས་ཅད་གནས་འདིར་སིབ་སིབ་བབ་པས། བདག་དང་རྒྱུ་སྦྱོར་ཡོན་གྱི་བདག་པོའི་ཚེ་ཉམས་པ་ཚེ་གསོས། བསོད་ནམས་ཉམས་པ་དར་ཞིང་རྒྱས། སྟོབས་དང་མངའ་ཐང་ཐམས་ཅད་སླར་ཡང་དར་ཞིང་རྒྱས་པར་མོས་ལ། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་ཧྲཱིཿམ་ཧ་རི་ས་ར་ཙ་ཧྲི་ཡ་ལོ་ཀ་པཱ་ལ་སརྦ་སིདྡྷི་ཕ་ལ་ཧཱུྃ། ཞེས་པ་ཅི་རིགས་བཟླས། རང་གི་ཐུགས་ཀའི་འོད་ཟེར་རྩ་བ་གསུམ་ལ་ཕོག་པས་ཐུགས་རྒྱུད་བསྐུལ། དེ་དག་གི་ཐུགས་ལས་འོད་ཟེར་འཕྲོས། སའི་ལྷ་མོ་ཞིང་སྐྱོང་གཞི་བདག་འཁོར་དང་བཅས་པ་ལ་ཕོག་པས་སྔོན་གྱི་དམ་བཅའ་དྲན་ཏེ་རང་གི་བཀའ་ཉན་གུས་སྡོད་བྱེད་ཅིང་། འཇིག་

― LT40_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་གྱི་ཟས་ནོར་ལོངས་སྤྱོད་ཐམས་ཅད་བསྡུས་ནས་བདག་དང་སྦྱིན་བདག་ལ་སྟེར་བར་བསམ། ཨོཾ་ཨཱཿཧཱུྃ་ཧྲཱིཿ བཛྲ་གུ་རུ་དྷེ་ཝ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱཿཨོཾ་བཛྲ་ཨ་ཀ་ར་ཙ་ར་ཊ་དྷཱ་ཀི་ནཱི། སརྦ་དེ་ཝ་པ་ཡ། ཡ་ཏི་པང་ཀོང་ཛ། ཨོཾ་ནཱ་ག་ཀཱ་ལ་ཧཱུྃ། ནཱ་ག་ལེ་ལེ། ནཱ་ག་རཱ་ཙ་བྷཱུ་མི་པ་ཏི། དྷེ་ཝ་ལོ་ཀ་ཏ་ར་བུམ་པ་ཏི། སིདྡྷི་བྷ་སུ་པུཥྚི༚་ཀུ་རུ་ས་མ་ཡ་ཧཱུྃ་ཛཿཞེས་བཟླས་པའི་དངོས་གཞི་འདི་ལ་ནན་ཏན་བྱས་པས། བོན་པོ་དང་། སྐྱེས་པ་དང་། བུད་མེད་དར་མ་ཆས་བཟང་ཅན་འདུ་བ་དང་། རྟ་པ་དང་། བྱིས་པ་ཟུར་ཕུད་ཅན་ལ་སོགས་པ་མང་པོ་རང་ལ་འདུ་ཞིང་རང་ལ་ཟས་ནོར་ལོངས་སྤྱོད་སྟེར་འབུལ་བྱེད་པ་ལ་སོགས་པ་དངོས་གྲུབ་ཀྱི་ལྟས་མང་པོ་འབྱུང་ངོ། །བཟླས་པའི་མཇུག་ཏུ་གསེར་སྐྱེམས་སོགས་མཆོད་པ་བཤམ་ལ། ཀྱེ། སྟོང་གསུམ་འཇིག་རྟེན་ཁམས་རྣམས་ལ། །གནས་ཤིང་བརྟེན་བཅས་ས་བདག་ཀླུ། །ལྷ་མོ་བརྟན་མས་གཙོ་བྱས་པའི། །ལྷ་ཀླུ་དགེ་བསྙེན་ས་བདག་དང་། །ཡུལ་ལྷ་གཞི་བདག་མ་ལུས་པ། །རྣལ་འབྱོར་བདག་གིས་སྤྱན་འདྲེན་གྱིས། །འཁོར་བཅས་གནས་འདིར་གཤེགས་སུ་གསོལ། །རང་རང་དགྱེས་པའི་གདན་ལ་བཞུགས། །ཁྱེད་རྣམས་རྫུ་འཕྲུལ་སྟོབས་དང་ལྡན། །རྒྱ་མཚོ་ཆུ་ཀླུང་རི་བྲག་ནགས། །ས་དང་བར་སྣང་ཀུན་གྱི་བདག །ལེགས་ཉེས་གཉིས་ཀྱི་ཤན་འབྱེད་ཅིང་། །འགྲོ་བ་མི་དང་

― LT40_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷན་ཅིག་གནས། །མཆོད་པའི་གནས་འདིར་གཤེགས་སུ་གསོལ། །དཀར་གསུམ་རྫས་ཀྱི་མཆོད་པ་འབུལ། །མངར་གསུམ་རྫས་ཀྱི་མཆོད་པ་འབུལ། །རང་རང་དགྱེས་པའི་མཆོད་པ་འབུལ། །ཁྱད་པར་ཡུལ་བདག་གཉན་དང་ཀླུ། །ཡུལ་ལྷ་ཆེ་གེ་མོ་ས་བདག་འཁོར་དང་བཅས། །འདིར་གཤེགས་དཀར་མངར་མཆོད་པ་བཞེས། །འབྲས་དཀར་གཡག་ལུག་ར་གསུམ་འབུལ། །སྙུག་རྒོད་དར་སྣ་རིན་ཆེན་འབུལ། །གསེར་གཡུ་མདའ་དར་དར་ཚོན་འབུལ། །ཕྱེ་མར་ཆང་ཕུད་འབྲུ་སྣ་འབུལ། །མཁན་ཤུག་སུར་དཀར་བསངས་དུད་འབུལ། །གཞི་བདག་ཁྱེད་རྣམས་སྤྱན་སྔ་རུ། །ཅི་འདོད་མཁོ་དགུར་ལྡན་གྱུར་ཅིག །ཁྱོད་ཀྱི་འདོད་པ་ཚིམ་ནས་ཀྱང་། །བདག་གིས་འདོད་པའི་དོན་རྣམས་སྒྲུབ། །ཟས་ནོར་ལོངས་སྤྱོད་དངོས་གྲུབ་སྩོལ། །ལས་ཀྱི་འབྲས་བུ་མཆིས་པར་མཛོད། །དཀར་གཏོར་རམ་འབྲང་རྒྱས་བཤམ། ཨ་ཀཱ་རོས་འདོད་པའི་ཡོན་ཏན་ཏུ་བྱིན་རླབས། སརྦ་ལོ་ཀ་ཏ་ར་བྷཱུ་མི་པ་ཏི་ཀྵེ་ཏྲ་པཱ་ལ་ས་པ་རི་བཱ་ར་ཨི་དཾ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། །ལན་གསུམ་གྱིས་ཕུལ། ས་བདག་གཞི་བདག་འཁོར་དང་བཅས་པ་རྣམས་ཀྱིས་བདག་དང་སྦྱིན་བདག་ལ་ཟས་ནོར་ལོངས་སྤྱོད་ཆར་ལྟར་ཕོབ་ཅིག །མྱུར་དུ་ཕོབ་ཅིག །ཟས་ནོར་ལོངས་སྤྱོད་ཀྱི་དངོས་

― LT40_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་སྩལ་དུ་གསོལ། །ཞེས་འདོད་དོན་གསོལ། སྒྲུབ་པ་བྱེད་ན་དངོས་གཞི་འདི་ལ་ཚར་གྲངས་གང་ཐོན་དང་། སྐབས་སུ་བསངས་མཆོད་རྒྱས་པར་བྱ། མཐང་གོང་གི་སྔགས་ཤམ་དུ། ཡ་རི་པཾ་ཀང་ཙ་བྷ་སུ་སིདྡྷི་བསྡུས་བསྡུས་བུམ་པ་ཏི་གྷུ་ལ་སིདྡྷི་རཏྣ་བྷ་སུ་སིདྡྷི། ས་མ་ཡ། སྡུས་སྡུས་སྭཱ་ཧཱ། ཅེས་མང་དུ་བཟླས་ལ་མདའ་དར་གཡབ་ཅིང་གཡང་འགུགས་པ་ནི། ཧཱུྃ་ཧྲཱིཿགུ་རུ་པདྨའི་སྐུ་ལས་འོད་འཕྲོས་པས། །རྡོ་རྗེ་མཁའ་འགྲོས་ལྷ་རྣམས་དབང་དུ་བསྡུས། །རིན་ཆེན་མཁའ་འགྲོས་ཡེ་ཤེས་དབང་དུ་བསྡུས། །པདྨ་མཁའ་འགྲོས་ཀླུ་རྣམས་དབང་དུ་བསྡུས། །ལས་ཀྱི་མཁའ་འགྲོས་མི་རྣམས་དབང་དུ་བསྡུས། །སྣ་ཚོགས་མཁའ་འགྲོས་ལྷ་མིན་དབང་དུ་བསྡུས། །མ་ཚོགས་ཤུགས་འགྲོས་སྐྱེ་འགྲོ་དབང་དུ་བསྡུས། །ཕྱི་ནང་གསང་བའི་ཕྱ་གཡང་འདིར་བྱོན་ཅིག །ཧཱུྃ། རྣམ་ཐོས་སྲས་དང་འཛམ་ལྷ་ནོར་རྒྱུན་མ། །དུས་གསུམ་བདེ་གཤེགས་དཀོན་མཆོག་ཡི་དམ་ལྷ། །མཁའ་འགྲོ་ཆོས་སྲུང་དམ་ཅན་གཞི་བདག་སོགས། །དཀྱིལ་འཁོར་ལྷ་ཚོགས་རབ་འབྱམས་ཐམས་ཅད་ཀྱིས། །ཕྱོགས་བཞི་མཚམས་བརྒྱད་ཕྱ་གཡང་འདིར་ཁུག་ཅིག །ཧཱུྃ། དག་མདུན་ལྷ་ཚོགས་ཐུགས་ཀའི་འོད་ཟེར་གྱིས། །སྟེང་འོག་བར་གསུམ་ལྷ་ཀླུ་མི་རྣམས་ཀྱི། །ལོངས་སྤྱོད་མངའ་ཐང་སྙན་གྲགས་མི་ནོར་རྫས། །དར་དཀར་གཡབ་ཅིང་ཀླད་ནས་སྤྱན་

― LT40_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་ན། །ཐོགས་པ་མེད་པར་ཕྱ་གཡང་འདིར་ཁུག་ཅིག །ཧཱུྃ། གུ་རུའི་རྣམ་འཕྲུལ་མཁའ་འགྲོ་ནོར་ལྷའི་ཚོགས། །སྤྲུལ་པ་ཡབ་སྤྲུལ་ཉིད་སྤྲུལ་བསམ་མི་ཁྱབ། །ཇོ་བོ་དཀོན་མཆོག་གསུམ་གྱིས་བྱིན་རླབས་དང་། །རིག་འཛིན་གྲུབ་ཐོབ་རྣམས་ཀྱི་ཐུགས་རྗེ་དང་། །ཞི་རྒྱས་དབང་དྲག་ཕྱྭ་གཡང་འདིར་ཁུག་ཅིག །ཧཱུྃ། ཤར་གྱི་ཕྱོགས་ནས་ཕྱྭ་དང་གཡང་ལེན་མ། །ཉི་ཟླ་བཞིན་ཏུ་ཤར་ཞིང་བྱོན། །ལྷོ་ཡི་ཕྱོགས་ནས་ཕྱྭ་དང་གཡང་། །ལྷོ་སྤྲིན་བཞིན་ཏུ་འཐིབས་ཤིང་བྱོན། །ནུབ་ཀྱི་ཕྱོགས་ནས་ཕྱ་དང་གཡང་། །ཆུ་བོ་བཞིན་ཏུ་འབབས་ཤིང་བྱོན། །བྱང་གི་ཕྱོགས་ནས་ཕྱ་དང་གཡང་། །སྐྱི་སེར་བཞིན་ཏུ་འགྲིམས་ཤིང་བྱོན། །སྟེང་གི་ཕྱོགས་ནས་ཕྱྭ་དང་གཡང་། །སྦྲང་ཆར་བཞིན་ཏུ་འབབ་ཅིང་བྱོན། །འོག་གི་ཕྱོགས་ནས་ཕྱྭ་དང་གཡང་། །ལོ་ཏོག་བཞིན་ཏུ་སྨིན་ཞིང་བྱོན། །ཁུ་ཡེ་པུཥྚི༚་ཀུ་རུ་ཡེ་སྭཱ་ཧཱ། ཧཱུྃ། །འཇམ་དཔལ་གཞོན་ནུའི་ཤེས་རབ་དང་། །སྤྱན་རས་གཟིགས་ཀྱི་ཐུགས་རྗེ་དང་། །ཕྱག་ན་རྡོ་རྗེའི་མཐུ་སྟོབས་དང་། །བླ་མེད་དཀོན་མཆོག་གསུམ་གྱིས་བྱིན་རླབས་ཀྱིས། །ཕྱ་གཡང་ཐམས་ཅད་འདིར་ཁུག་ཅིག །སངས་རྒྱས་སྟོང་རྩའི་བྱིན་རླབས་དང་། །དམ་པ་རིགས་བརྒྱའི་བྱིན་རླབས་དང་། །གནས་བརྟན་བཅུ་དྲུག་བྱིན་རླབས་དང་། །ཉེ་བའི་སྲས་བརྒྱད་བྱིན་རླབས་དང་། །

― LT40_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པ་དྲུག་གི་བྱིན༴ །རྒྱལ་བ་རིགས་ལྔའི་བྱིན༴ །རིགས་གསུམ་མགོན་པོའི་བྱིན༴ །བདེ་མཆོག་ཡབ་ཡུམ་བྱིན་རླབས་དང་། །རང་བྱུང་པདྨའི་བྱིན་རླབས་ཀྱིས། །ཕྱྭ་གཡང་ཐམས་ཅད་འདིར་ཁུག་ཅིག །སྲིད་པའི་རྩེ་མོ་མན་ཆད་དང་། །ན་རཀ་དུཿཁ་ཡན་ཆད་ཀྱིས། །ཕྱ་གཡང་ཐམས་ཅད་འདིར་ཁུག་ཅིག །མདོར་ན་གླིང་བཞི་གླིང་ཕྲན་བརྒྱད། །རྒྱ་གར་རྒྱ་ནག་ཧོར་དང་འཇང་། །བལ་ཡུལ་ཏི་ཙེ་མདོ་ཁམས་ཀྱི། །ཕྱྭ་གཡང་ཐམས་ཅད་འདིར་ཁུག་ཅིག །དར་པོའི་དར་གཡང་འདིར་ཁུག་ཅིག །ཕྱུག་པོོའི་ཕྱུག་གཡང་འདིར་ཁུག་ཅིག །བཙན་པོའི་བཙན་གཡང་འདིར་ཁུག་ཅིག །གཉན་པོའི་གཉན་གཡང་འདིར་ཁུག་ཅིག །རི་བོའི་རྩེ་ནས་ཕྱ་གཡང་ཁུག །རྒྱ་མཚོའི་གཏིང་ནས་ཕྱྭ་གཡང་ཁུག །མི་ནོར་ལོངས་སྤྱོད་ཕྱྭ་གཡང་ཁུག །རྟ་ཕྱུགས་སྦུ་ནག་ཕྱྭ་གཡང་ཁུག །ལོ་ཏོག་འབྲས་དྲུག་ཕྱ་གཡང་ཁུག །ད་ལྟ་ཉིད་དུ་འདིར་འདུས་ཤིག །མྱུར་བ་ཉིད་དུ་འདིར་འདུས་ཤིག །གནས་ཁང་འདི་ལ་བྱིན་ཕོབ་ཅིག །གཡང་རྫས་འདི་ལ་བཅུད་ཕོབ་ཅིག །མངའ་དར་འདི་ལ་འོད་ཟུག་ཅིག །བཀྲ་ཤིས་བྱིན་ཆགས་འདིར་འདུས་ཤིག །ཅེས་ཚང་གྲངས་གྱེར་ལ་གྲོལ་ཉིན་དངོས་གྲུབ་ལེན་པ་ནི། ཧཱུྃ། བདེ་མཆོག་བདེ་སྤྱོད་ནམ་མཁའི་དཀྱིལ་ཡངས་ནས། །རྒྱལ་བའི་དཀྱིལ་འཁོར་སྲས་བཅས་ཐུགས་དམ་ཅན། །

― LT40_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོ་རྒྱན་གུ་རུ་པདྨ་འོད་འབར་གྱི། །སྐུ་གསུང་ཐུགས་དང་མཉམ་སྦྱོར་དངོས་གྲུབ་ནི། །ཕྲིན་ལས་རྣམ་བཞི་ལྷུན་གྱིས་གྲུབ་པའི་དཔལ། །བུམ་པ་བཟང་པོ་དཔག་བསམ་ནོར་བུའི་ཚུལ། །ད་ལྟ་ཉིད་དུ་བདག་ལ་སྩལ་དུ་གསོལ། །འགྱུར་མེད་སྐུ་ཡི་དངོས་གྲུབ་སྩལ་དུ་གསོལ། །འགག་མེད་གསུང་གི་དངོས་གྲུབ་སྩོལ༴ །འཁྲུལ་མེད་ཐུགས་ཀྱི་དངོས༴ །ཡོན་ཏན་རེ་སྐོང་དངོས༴ །ཕྲིན་ལས་འགྲོ་འདུལ་དངོས༴ །འཆི་མེད་ཚེ་ཡི་དངོས༴ །ཐུན་མོང་ཡིད་བཞིན་དངོས༴ །བླ་མེད་མཆོག་གི་དངོས་གྲུབ་སྩལ་དུ་གསོལ། ཀཱ་ཡ་ཝཱ་ཀ་ཙིཏྟ་སིདྡྷི་ཧཱུྃ་ཧཱུྃ་ཧཱུྃ། ཅེས་བརྗོད་ལ་གཡང་རྫས་རྣམས་རང་དང་སྦྱིན་བདག་གིས་རོལ་པའམ། གཡང་གཏད་བྱེད་ན་གཡང་རྫས་ཀྱི་ཕུད་རོལ་ནས་ལྷག་མ་སྦྱིན་བདག་ལ་གཏད་དེ་བཀྲ་ཤིས་རྒྱས་པར་བརྗོད། གཡང་རྫས་རྣམས་ཕྱི་རོལ་དུ་མི་འཁྱར་བ་དང་ལྷག་པར་མདའ་དར་དཀར་པོ་རས་དཀར་སོགས་ཀྱིས་བསྟུམས་ལ་མཛོད་སྦུགས་སུ་རྟེན་ཏུ་བཅངས་ཤིང་ལོ་དུས་སུ་བསྒྲུབ་པ་བསྐྱར་བ་གནད་ཆེའོ། །ཡང་ལས་བྱང་འདི་ལ་བརྟེན་ནས་བཟློག་པ་བྱེད་པར་འདོད་ན། དམར་གཏོར་བཤམ་ལ། ཧཱུྃ། ཆོས་སྐུ་ཞི་བའི་ངང་ལས་མ་གཡོས་ཀྱང་། །གཟུགས་སྐུ་འཇིགས་པའི་ཆ་ལུགས་རྫོགས་མཛད་པ། །རིག་འཛིན་ཡི་དམ་ཌཱ་ཀི་ཆོས་སྐྱོང་ཚོགས། །མི་མངོན་དབྱིངས་ནས་གནས་འདིར་སྐུ་བསྐྱོད་ལ། །དགྲ་བགེགས་ཤ་ཁྲག་གཏོར་མ་འདི་བཞེས་ཤིག །ཞིང་སྐྱོང་ལྷ་

― LT40_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་ཡབ་ཡུམ་སྲས་དང་འཁོར། །སྡེ་བརྒྱད་གདུག་པའི་དམག་དཔུང་བཅས་པ་རྣམས། །དྲག་པོའི་ལས་ལ་མྱུར་དུ་སྐུ་བཞེངས་ལ། །དགྲ་བགེགས་ཤ་ཁྲག་གཏོར་མ་འདི་བཞེས་ཤིག །ཧཱུྃ། ད་ལྟ་དུས་ངན་སྙིགས་མའི་སེམས་ཅན་རྣམས། །ཐར་པ་བསྒྲུབ་ཀྱང་བར་ཆད་དབང་བཙན་ནས། །ཐུགས་རྗེ་མྱུར་མགྱོགས་བྱིན་རླབས་དུས་ལ་བབ། །འཕྲལ་རྐྱེན་ངན་པའི་བར་ཆད་ཐམས་ཅད་ཟློག །དུས་མིན་འཆི་བའི་དབང་དུ་མི་བཏང་བར། །ཚེ་སྲོག་དབང་ཐང་ཉམས་པ་གསོ་རུ་གསོལ། །གྲུབ་མཆོག་བདག་ལ་དངོས་གྲུབ་རྣམ་གཉིས་སྩོལ། །ཁྱད་པར་དྲག་པོ་མཐུ་ཡི་དངོས་གྲུབ་ཞུ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་བསྐུལ་ལོ། །ཤ་ཁྲག་གིས་སྤགས་པའི་ལིངྒ་མདུན་ཏུ་བཤམས་ལ། མདུན་ཏུ་ཨེ་ལས་གནམ་ལྕགས་ཀྱི་ཁང་སྒྲོམ་གཤིན་རྗེའི་བཙོན་ར་ལྟ་བུའི་ནང་དུ་ནྀྲ་དང་ཏྲི་ལས་གནོད་བྱེད་དགྲ་བགེགས་ཉམ་ཐག་པའི་ལུས་ཅན་དངོས་སུ་གསལ་བར་གྱུར། ན་མོ་རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི༴ །ཆོས་ཀྱི༴ །དགེ་འདུན་གྱི༴ །ཡི་དམ་རྒྱུད་སྡེ་བཞི་ཡི་ལྷ་ཚོགས་རྣམས་ཀྱི༴ །མཁའ་འགྲོ་དམ་ཅན་རྒྱ་མཚོའི༴ ཁྱད་པར་དུའང་ཞིང་སྐྱོང་ལྷ་བཙན་གཉན་པོ་སྡེ་བརྒྱད་དྲེགས་པའི་ཚོགས་དང་བཅས་པའི་བཀའ་བདེན་པ་དང་། བདེན་པ་ཆེན་

― LT40_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་མཐུས་བདག་ཅག་དཔོན་སློབ་བསྲུང་བྱ་འཁོར་དང་བཅས་པ་ལ་སྡང་བར་བྱེད་པའི་དགྲ། གནོད་པར་བྱེད་པའི་བགེགས། ཟ་བར་བྱེད་པའི་འདྲེ། ཕུང་བར་བྱེད་པའི་སྲི། བར་དུ་གཅོད་པའི་རྐྱེན། མདོར་ན་གནོད་པར་བྱེད་ཅིང་བར་དུ་གཅོད་པར་གང་ཡིན་པ་ཐམས་ཅད་སྐད་ཅིག་ཉིད་ལ་གཟུགས་ལིངྒ་འདི་ལ་ཁུག་ཅིག །ལན་གསུམ། བྱ་རོག་དང་འུག་པའི་སྒྲོས་དབྱེ་ཞིང་ཐུན་རྡེག་ལ། བྷྱོ། ཕྱག་བརྙན་ཆེན་མོའི་དུས་ལ་བབ། །དངོས་གྲུབ་འཕྲོག་པའི་དགྲ་དང་བགེགས། །གདུག་ཅིང་སྡང་སེམས་ལྡན་པ་རྣམས། །འགོ་བའི་ལྷ་དང་བྲལ་བར་གྱིས། བྷྷྱོ། རླུང་ལྷའི་བུ་མོ་དྲག་རྩལ་ཅན། །དམ་ཉམས་དགྲ་བོ་ལས་ངན་འདིའི། །རླུང་ལྷ་སྤྱི་བོའི་གཙུག་ནས་ཕྲོལ། །སྲོག་ལྷ་སྙིང་གི་དཀྱིལ་ནས་ཕྲོལ། །ཞང་ལྷ་ལྟེ་བའི་ཁུང་ནས་ཕྲོལ། །མ་ལྷ་གསང་བའི་གནས་ནས་ཕྲོལ། །ཕོ་ལྷ་ཕྲག་པ་གཡས་ནས་ཕྲོལ། །ཡུལ་ལྷ་ཕྲག་པ་གཡོན་ནས་ཕྲོལ། །བན་བོན་ལ་སོགས་འགོ་བའི་ལྷ། །རིག་འཛིན་སྲུང་མ་རྒྱབ་ནས་ཕྲོལ། །དམ་ཉམས་ལྷ་དང་ཕྲལ་བར་གྱིས། །མ་མ་ཏྲག་རུ་ཏྲ་མཱ་ར་ཡ་ཕྱེ་ཕྱེ། ཨ་ནྀྲ་ཏྲག་རཀྴ་མ་ར་ཡ་ཕྱེ་ཕྱེ། ཕུར་བུས་གདབ་ལ། ཧཱུྃ། རྡོ་རྗེ་ཕུར་བུ་ཀི་ལ་ཡ། །སྟོད་ནི་ཁྲོ་ཆེན་རྔམས་པའི་ཞལ། །སྐུ་སྨད་གནམ་ལྕགས་ཕུར་བུ་འདྲིལ། །དགྲ་བགེགས་སྲོག་ལ་ཀཱི་

― LT40_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡ། །ཕོ་རྒྱུད་རྩད་ནས་ཆོད་ལ་ཤོག །ལྟེ་བའི་ཁུང་དུ་ཀཱི་ལ་ཡ། །མོ་རྒྱུད་མངལ་ནས་སྐམ་ལ་ཤོག །སྙིང་གི་གསང་ལ་ཀཱི་ལ་ཡ། །རྡུལ་ཕྲན་བཞིན་ཏུ་བརླག་པར་གྱིས། །བཛྲ་ཀཱི་ལི་ཀཱི་ལ་ཡ་དགྲ་བགེགས་ཀྱི་སྲོག་ལ་མཱ་ར་ཡ་ཧཱུྃ་ཕཊ། མཚོན་རྡེག་ལ། ཧཱུྃ། མཚོན་ཆེན་འབར་བ་ཆེན་པོ་ཡིས། །ལུས་ནི་དུམ་བུར་གཏུབས་པར་བྱེད། །ཕུང་པོ་རྩད་ནས་གཅོད་པར་བྱེད། །རྡུལ་ཕྲན་བཞིན་ཏུ་བརླག་པར་གྱིས། །གནོད་བྱེད་དགྲ་བགེགས་མཱ་ར་ལ་ཧཱུྃ་ཕཊ། ཞལ་དུ་བསྟབ་པ། ཧཱུྃ། སྟོང་གསུམ་བྷནྡྷ་འབར་བའི་སྣོད་མཆོག་ཏུ། །དགྲ་བགེགས་དབང་པོ་ཤ་ཁྲག་རུས་པ་དང་། །དོན་སྙིང་བླ་ཚེ་རྐང་མར་བཅས་པ་རྣམས། །རྩ་གསུམ་བཀའ་སྲུང་བཅས་པའི་ཞལ་དུ་བསྟབས། །རྔམས་བྱེད་ཧོམ་ཁུང་ཡངས་པའི་མགུལ་དུ་བསྟིམ། །འཁོར་འདས་མཉམ་པ་ཉིད་དུ་བཞེས་སུ་གསོལ། །དགྲ་བགེགས་ཀྱི་མ་ཧཱ་མཱཾ་ས་ལ་ཁཱ་ཧི། མ་ཧཱ་རཀྟ་ལ་ཁཱ་ཧི། མ་ཧཱ་ཀི༚་ནི་རི་ཏི་ལ་ཁཱ་ཧི། །མ་ཧཱ་གོ་རོ་ཙ་ན་ལ་ཁཱ་ཧི། མ་ཧཱ་བ་སུ་ཏ་ལ་ཁཱ་ཧི། མ་ཧཱ་ཙིཏྟ་ལ་ཁཱ་ཧི། ཅེས་ཕུལ་ལ་བཟློག་པའི་ཕྲིན་ལས་བཅོལ་བ་ནི། ཧཱུྃ། བླ་མ་རིག་འཛིན་དཔལ་ཆེན་ཧེ་རུ་ཀ །རྡོ་རྗེ་ཕག་མོ་ཀུན་དགའ་གཞོན་ནུ་ཆེ། །ཞིང་སྐྱོང་དབང་ཕྱུག་ལྷ་བཙན་འཁོར་དང་བཅས། །རྩ་གསུམ་ཆོས་སྐྱོང་གཞི་བདག་ཚོགས་རྣམས་ཀྱི། །རྣམ་དག་ཐུགས་ཀྱི་རེ་བ་

― LT40_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་བསྐངས་ནས། །ཉེས་པའི་ཚོགས་རྣམས་མ་བཅབས་བཤགས་པ་ལས། །བདག་ཅག་འཁོར་དང་བཅས་ལ་གནོད་པ་ཡི། །སྲིད་པའི་ཁྲམ་ཁ་ཐམས་ཅད་དགྲ་ལ་སྒྱུར། །ལྷ་འདྲེའི་དམག་ཚོགས་མ་ལུས་དགྲ་ལ་དྲོངས། །ཕ་རོལ་བསམ་སྦྱོར་ངན་པའི་ལས་བརྩམས་པ། །བྱད་ཁ་ཕུར་ཁ་རྦོད་གཏོང་དྲག་པོ་དང་། །ཚེ་ཟོར་རྦད་འདྲེ་ཡུངས་ཟོར་འཕེན་པ་ཟློག །ས་བདག་ཀླུ་ཡིས་བྱན་དུ་བཅུག་པ་དང་། །ཐེའུ་རང་འབྱུང་པོའི་སྲིས་རྐུན་ཐམས་ཅད་ཟློག །གཤིན་རྗེའི་འཁོར་ལོ་བདུད་ཀྱིས་ཁྲོམ་འདེབས་དང་། །མུ་སྟེགས་ངན་པས་བར་ཆད་བྱེད་པ་ཟློག །རྒྱལ་བསེན་རྣམས་ཀྱིས་སྨྱོ་འབོག་གཏོང་བ་དང་། །དྲང་སྲོང་གཟའ་དང་ཀླུ་གདོན་གནོད་པ་ཟློག །ཞང་ཞུང་ཛོ་ཟོར་སུམ་པའི་གླང་ཟོར་དང་། །བོན་པོ་རྣམས་ཀྱིས་བརྡ་ཟོར་འཕེན་པ་ཟློག །བནྡེའི་སྔགས་ཟོར་སྐྱེས་པའི་མདའ་ཟོར་དང་། །བུད་མེད་རྣམས་ཀྱིས་དམོད་ཟོར་འཕེན་པ་ཟློག །བདུད་ཀྱི་གཤེད་བཞི་རོ་ལངས་འབྱུང་པོ་དང་། །མ་མོ་རྣམས་ཀྱིས་ཁྲག་ཟོར་འཕེན་པ་ཟློག །མོ་རྩིས་ངན་དང་རྨི་ལམ་མཚན་མ་ངན། །ལྟས་ངན་མི་རུངས་བརྒྱད་ཅུ་རྩ་གཅིག་ཟློག །བཞི་བརྒྱ་རྩ་བཞིའི་ནད་རྣམས་མ་ལུས་དང་། །གདོན་རིགས་ཉི་ཁྲི་ཆིག་སྟོང་ཚོགས་རྣམས་ཟློག །སྟོང་ཕྲག་བརྒྱད་ཅུའི་བགེགས་

― LT40_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་མ་ལུས་དང་། །ཡེ་འདྲོགས་ཆེན་པོ་སུམ་བརྒྱ་དྲུག་ཅུ་ཟློག །གདོན་ཆེན་བཅོ་ལྔ་ལོ་ཟླ་ཞག་དུས་ཀག །མི་མཐུན་ཕྱོགས་རྣམས་དགྲ་བགེགས་སྟེང་དུ་ཟློག །དུས་མིན་འཆི་བའི་འཇིགས་པ་བརྒྱད་རྣམས་དང་། །ལྟས་ངན་ཆོ་འཕྲུལ་དགྲ་བོའི་སྟེང་དུ་ཟློག །རྩ་གསུམ་དམ་ཅན་གཞི་བདག་མཐུ་རྩལ་ཅན། །ཡབ་ཡུམ་མི་བསྲུན་སྡེ་བརྒྱད་དམག་ཚོགས་རྣམས། །ཕྲིན་ལས་དྲག་པོ་ཤིན་ཏུ་མི་བཟད་པས། །སོད་ཅིག་ཐུལ་ཅིག་དགྲ་དང་བགེགས་ཀྱི་ཚོགས། །གཏད་དོ་གཉེར་རོ་སྲུང་མ་ཐུགས་དམ་ཅན། །ལེ་ལོ་བཏང་སྙོམས་གཡེལ་བར་མ་མཛད་པར། །རྟགས་དང་མཚན་མ་མྱུར་དུ་སྟོན་མཛོད་ཅིག །རྣལ་འབྱོར་བདག་གིས་བཅོལ་བའི་ཕྲིན་ལས་རྣམས། །ད་ལྟ་ཉིད་དུ་འགྲུབ་པར་མཛད་དུ་གསོལ། །ཞེས་པ་ཙམ་མམ། སྤྲོ་ན། ཧཱུྃ། ཆོས་དབྱིངས་དབང་དྲག་འབར་བའི་གཞལ་ཡས་ནས། །བླ་མ་རིག་འཛིན་ལྷ་ཚོགས་སྐུ་བཞེངས་ཤིག །དམར་ཆེན་ཤ་ཁྲག་གཏོར་མ་འདི་བཞེས་ལ། །མི་མཐུན་རྐྱེན་ངན་བར་ཆད་བཟློག་ཏུ་གསོལ། །རབ་འཇིགས་གསང་ཆེན་རོལ་པའི་དུར་ཁྲོད་ནས། །ཁྲག་འཐུང་ཡི་དམ་ལྷ་ཚོགས་སྐུ་བཞེངས་ཤིག །དམར་ཆེན༴ །མི་མཐུན༴ །དམར་ནག་གྲུ་གསུམ་ཨེ་ཡི་ཀློང་དཀྱིལ་ནས། །རྡོ་རྗེ་ཕག་མོ་འཁོར་བཅས་སྐུ༴ །དམར་ཆེན༴ །མི་མཐུན༴

― LT40_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

བསིལ་ཚལ་རྔམ་པ་སྒྲ་སྒྲོག་ཤིང་ཆེན་ནས། །ཀུན་དགའ་གཞོན་ནུ་འཁོར་བཅས་སྐུ༴ །དམར་ཆེན༴ །མི་མཐུན༴ །རྩུབ་འགྱུར་མ་རུངས་འཇིགས་པའི་ཕོ་བྲང་ནས། །ཞིང་སྐྱོང་ལྷ་བཙན་འཁོར་བཅས་སྐུ༴ །དམར་ཆེན༴ །མི་མཐུན༴ །གནས་ཡུལ་སྦས་ལུང་སོ་སོའི་བཞུགས་གནས་ནས། །སྡེ་བརྒྱད་ཡུལ་ལྷའི་ཚོགས་རྣམས་སྐུ༴ །དམར་ཆེན༴ །མི་མཐུན༴ །ཁྱེད་རྣམས་བྱིན་རླབས་མཐུ་ལྡན་ཐུགས་དམ་ཅན། །སྔོན་གྱི་དམ་ཚིག་གཉན་པོ་མ་བསྙེལ་བར། །རྣལ་འབྱོར་བདག་དང་རྒྱུ་སྦྱོར་ཡོན་བདག་གི། ནད་གདོན་འགལ་རྐྱེན་ཆག་ཆེ་ཉམ་ང་ཟློག །སྲི་ཀེག་མོ་རྩིས་རྨི་ལམ་ངན་པ་ཟློག །ཚེ་བསོད་དཔལ་འབྱོར་དབང་ཐང་གུད་པ་ཟློག །བརྒྱ་ཡི་མི་ཁ་སྟོང་གི་བྲ་མཆུ་ཟློག །དགྲ་བགེགས་བྱད་མ་ཕུར་ཐུན་ཟོར་ཁ་ཟློག །གློ་བུར་ཡེ་འདྲོགས་དུས་མིན་འཆི་བ་ཟློག །འཇིགས་པ་བརྒྱད་དང་བཅུ་དྲུག་འཚེ་བ་ཟློག །རིག་འཛིན་བླ་མའི་སྐུ་དགྲར་གྱུར་པ༴ །འོད་གསལ་སྙིང་པོའི་སྒྲུབ་བརྒྱུད་བཤིག་པ༴ །རྡོ་རྗེ་སྤུན་གྱི་ཐུགས་རྒྱུད་དཀྲུག་པ་ཟློག །ངན་སོང་གསུམ་གྱི་ལམ་སྣ་འདྲེན་པ༴ །ཆོས་ཀྱི་བཅུད་འཇིག་དགེ་འདུན་བསྟན་བཤིག༴ །ཁམས་གསུམ་སྐྱེ་འགྲོའི་བདེ་སྐྱིད་འཕྲོག་པ༴ །འཛམ་གླིང་བདུད་སྤྲུལ་བོད་ཁམས་ཕུང་བྱེད༴ །མཐའ་དམག་རྒྱ་འདྲེ་འགོང་པོའི་སྣ་འདྲེན༴ །

― LT40_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཞིའི་དུ་རུཥྐ་ཡི་དམག་དཔུང་ཟློག །ནད་མུག་མཚོན་གྱི་སྐལ་པ་ངན་པ༴ །བཙའ་སད་སེར་གསུམ་ལོ་ཉེས་གོད་ཡམས༴ །དུས་ཀྱི་དུ་རུཥྐ་ལྔའི་འཇིགས་པ༴ །སྣང་ཞིང་སྲིད་པའི་མི་རུངས་ལྟས་ངན༴ །དམ་སྲི་ཕུང་སྲི་བྱུར་སྲིའི་གཡོ་འཕྲུལ༴ །ས་དང་ལམ་གྱི་མི་མཐུན་བར་ཆད༴ །རྣལ་འབྱོར་བདག་གི་ཚེ་བསོད་དབང་ཐང་དང་། །རླུང་རྟ་སྟོབས་དཔལ་གཟི་བརྗིད་ལ་གནོད་ཅིང་། །མཆོག་གི་དངོས་གྲུབ་བསྒྲུབ་པའི་བར་ཆད་དང་། །བདག་འཛིན་བདུད་བཞིའི་ཕོ་ཉ་བཟློག་ཏུ་གསོལ། །མདོར་ན་རྒྱལ་བས་བཟློག་བྱར་གསུངས་པ་ཀུན། །གནོད་བྱེད་དགྲ་དང་བགེགས་ཀྱི་སྟེང་དུ་ཟློག །དོན་དམ་ཐིག་ལེ་སྟོང་གསལ་ཀློང་དུ༴ །དབྱིངས་རིག་དབྱེར་མེད་གདོད་མའི་གཤིས་སུ༴ །ཀ་དག་ལྷུན་གྲུབ་རྡོ་རྗེའི་གཞི་ལ༴ །ཐུགས་དམ་དུས་ལ་བབ་པོ་ས་མ་ཡ། །རྣལ་འབྱོར་བཅོལ་པའི་ཕྲིན་ལས་འགྲུབ་པར་མཛོད། །གཏོར་ཟློག་ལིང་དུམ་ཤ་ཁྲག་གིས་གསོས་ལ། བྷྱོ། མདོས་ཟོར་ཤ་ཁྲག་གཏོར་མ་འདིས། །ད་ལྟ་རྣལ་འབྱོར་བདག་ཅག་ལ། །སྡེ་བརྒྱད་ཆད་པ་བྱུང་བ་ཟློག །བྱད་ཟོར་ཕུར་ཁ་ཐམས་ཅད་ཟློག །བནྡེའི་སྔགས་ཟོར་འདུས་པ་ཟློག །མུ་སྟེགས་བོན་པོའི་ཛོ་དམར༴ །ལྷ་འདྲེའི་ཟ་ཁ་ཟུག་པ༴ །རྒྱལ་པོ་ལོ་ཡི་བདུན་ཟུར༴ །བློན་པོ་ཟླ་བའི་དབང་བཙན༴ །དམག་མི་ཞག་གི་དཔུང་དགྲ༴ །མཚོན་ཆ་དུས་ཀྱི་རྣོ་

― LT40_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

ངར༴ སྤར་ཁའི་སྐྱ་མདའ་ཟུག་པ༴ །སྨེ་བ་དུར་དུ་ཆུད་པ༴ །ས་བདག་ཀོ་ལོང་གདུག་རྩུབ༴ །འབྱུང་བའི་དགྲ་བགེགས་འཐབ་པ༴ །གཟའ་སྐར་དུས་ཚེས་ངན་པ༴ །ལོ་ཟླ་ཞག་དུས་བབ་པ༴ །ཁྲམ་དང་བྱད་དུ་བཅུག་པ༴ །ཧོམ་དང་པར་བུ་བསྐོར་བ༴ །དགྲ་ཆེན་བདུད་དུ་ལོང་བ༴ །ལྟས་ངན་གློ་བུར་ཡེ་འདྲོགས༴ །དུས་མིན་འཆི་བ་རྣམ་བརྒྱད༴ །མི་ཁ་བྲ་མཆུ་ཐམས་ཅད༴ །ཆག་ཆེ་ཉམ་ང་ཐམས་ཅད༴ །སྔོན་དགུག་ཕྱི་ནས་འདེད་པ༴ །དགྲ་སྣ་ཕུང་སྣ་གྱོད་སྣ༴ །ནད་སྣ་རིམས་སྣ་ཡམས་སྣ༴ །དགྲ་སྲི་རྨི་ངན་ཐམས་ཅད༴ །ཆེ་སྲི་ཆུང་སྲི་རྒན་སྲི༴ །གཞོན་སྲི་དར་སྲི་གོད་སྲི༴ །དགྲ་སྲི་མཚོན་སྲི་ནད་སྲི༴ །མདོར་ན་སྲིད་པའི་ཆག་སྒོ་དང་། །བདག་ལ་སྡང་བའི་དགྲ་འདྲེ་རྣམས། །སྡང་བྱེད་དགྲ་བོའི་སྟེང་དུ་ཟློག །གནོད་བྱེད་བགེགས་ཀྱི་སྟེང་དུ་བྷྱོ། །བར་ཆད་བདུད་ཀྱི་སྟེང་དུ་བྷྱོ། །ཟ་འདྲེ་ཕུང་སྲིའི་སྟེང་དུ་བཟོར། །དམ་ཉམས་བྱད་མའི་སྟེང་དུ་བྷྱོ། །ཨེ་ཀ་དུ་ན་ཟློག །མ་ཧཱ་དུ་ན་ཟློག །ས་ག་དུ་ན་ཟློག །ཙ་ཏུར་སྙིང་ན་ཟློག །ར་ཙ་དུ་ན་ཟློག །སུམ་ཏྲི་དུ་ན་རཀྴ་ཟློག །བྱད་ཟོར་ཕུར་ཁ་ཆག་ཆེ་ཉམ་ང་དགྲ་གྱོད་མི་ཁ་བྲ་མཆུ་ཐན་དང་ལས་ངན་ཐམས་ཅད་དགྲ་ལ་བྷྱོ་བྷྱོ་ཟློག་ཟློག །དེ་ནས་མདོས་འབུལ་ཁར་ལམ་སེལ་གསེར་སྐྱེམས་ཤར་ལ་སོགས་པས་མཆོད། གོང་གི་མདོས་

― LT40_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོར་ཤ་ཁྲག་ཅེས་པའི་ཟློག་ཐུང་བཏོན་ལ་ཕྱོགས་གཙང་སར་མདོས་གཏོར་འབུལ། བྷྱོ། རྡོ་རྗེ་གར་གྱི་བཀའ་ཟློག་མ། སོགས་དང་ལོ་ཀྟྲིའི་སྔགས་རྒོད་ཀྱི་ཟློག་པ་སོགས་བྱའོ། །མཐར་ཕྲིན་ལས་བཅོལ་བ་ནི། སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད། །དགེ་འདུན་སྡེ་སྐྱོངས་རྣལ་འབྱོར་ཚེ་དཔལ་སྤེལ། །སྙན་པའི་དར་ཕྱོར་གྲགས་པའི་དུང་བུས་ལ། །འཁོར་དང་ལོངས་སྤྱོད་རྒྱས་པ་ཉིད་དུ་མཛོད། །རྒས་མེད་ལང་ཚོ་ལྡན་པའི་ལུས་སྟོབས་རྒྱས། །མིག་ལ་ཡ་མཚན་ལྟད་མོས་དགའ་བ་དང་། །རྣ་བར་རྟག་ཏུ་སྙན་པའི་གཏམ་ཐོས་ཤིང་། །དྲི་ཞིམ་ངད་པ་སྣ་དང་མི་འབྲལ་བར། །ཟས་སྐོམ་འབྱོར་པས་རོ་འཛིན་ཚིམ་བྱེད་ཅིང་། །ལུས་ལ་རེག་བྱ་བདེ་བ་ཁོ་ནས་འཚོ། །ཡིད་ལ་རྣམ་པར་བཀྲ་བའི་ཤེས་རབ་དང་། །ཟག་མེད་བདེ་བས་ནམ་ཡང་ངོམ་པར་མཛོད། །ཁྱོད་གསོལ་ཁྱོད་བསྟེན་ཁྱོད་མཆོད་ཁྱོད་རྦད་ན། །མཐུ་རྩལ་མ་ཆུང་རྩེ་གདུང་ཆེ་བར་མཛོད། །གཞི་ལ་བཀྲ་ཤིས་ཕུན་ཚོགས་ལོངས་སྤྱོད་ལྡན། །བྱེས་སུ་ལམ་འཕྲང་ཆུ་ལས་སྒྲོལ་འདོན་མཛོད། །འཇིགས་པར་དགྲ་ཇག་ཆོམ་རྐུན་འཚེ་བ་སྐྱོབས། །མདོར་ན་བསམ་དོན་ཡིད་བཞིན་འགྲུབ་པར་མཛོད། །བདག་དང་མཐའ་ཡས་སེམས་ཅན་ཐམས་ཅད་ཀྱིས། །བླ་མེད་རྫོགས་པའི་བྱང་ཆུབ་བསྒྲུབ་པ་ལ། །འགལ་རྐྱེན་བར་ཆད་མ་ལུས་ཞི་བ་དང་། །

― LT40_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་རྐྱེན་བསམ་དོན་ལྷུན་གྱིས་འགྲུབ་པར་མཛོད། །སྲིད་ཞི་དཔལ་འབྱོར་མ་ལུས་འབྱུང་བའི་གཞི། །ཐུབ་པའི་བསྟན་པ་ཡུན་རིང་གནས་པ་དང་། །དེ་འཛིན་བྱེད་པའི་སྐྱེས་བུ་དམ་པ་རྣམས། །དཔལ་འབྱོར་གྱིས་བརྒྱན་ཡུན་རིང་ཞབས་བརྟན་ཤོག །བདག་ཅག་ཡོན་མཆོད་འཁོར་དང་བཅས་པ་ལ། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །དོན་རྣམས་ཐམས་ཅད་ཡིད་བཞིན་འགྲུབ་པ་དང་། །འགྲོ་བའི་དོན་ལ་མཐུ་དང་ལྡན་པར་མཛོད། །རྗེས་ཆོག་མཆོད་པ་གསོས་ལ་སྔགས་ཙམ་གྱིས་མཆོད། བླ་མ་ཡི་དམ་དཔའ་བོ་རྣལ་འབྱོར་མ། །བསྟན་སྲུང་ཆེན་པོ་གཟི་ལྡན་ཡབ་ཡུམ་སྲས། །ཞིང་སྐྱོང་ལྷ་བཙན་སྡེ་དང་འཁོར་གཡོག་བཅས། །མཆོད་འོས་དམ་ཅན་ཀུན་ལ་བསྟོད་པར་བགྱི། །ཡིག་བརྒྱ་ལན་གསུམ། རྩ་བརྒྱུད་བླ་མ་པད་འབྱུང་ཧེ་རུ་ཀ །ཌཱ་ཀི་ཆོས་སྐྱོང་ཞིང་སྐྱོང་གཞི་བདག་ཚོགས། །ཐམས་ཅད་མ་ལུས་བདག་ལ་དགོངས་སུ་གསོལ། །བདག་སོགས་མ་རིག་དབང་གྱུར་ནོངས་པའི་ཚོགས། །ཆད་ལྷག་ནོར་འཁྲུལ་གཏོར་མཆོད་དམན་པ་དང་། །དམ་ཚིག་མི་ལྡན་གསང་བ་སྨྲས་པ་སོགས། །མཐོལ་ལོ་བཤགས་སོ་བཟོད་པར་བཞེས་སུ་གསོལ། །བླ་མ་དམ་པས་བྱིན་གྱིས་རློབས་པ་དང་། །ཡི་དམ་ལྷ་ཡིས་དངོས་གྲུབ་སྩོལ་མཛད་ཅིང་། །ཆོས་སྐྱོང་སྲུང་མས་བར་ཆད་སེལ་

― LT40_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། །བསྟན་པ་དར་ཞིང་བཀྲ་ཤིས་ཆོས་འཕེལ་ཤོག །ཡེ་ཤེས་པ། བཛྲ་མུཿས་གཤེགས་པའམ། རྟེན་ཡོད་ན། འདིར་ནི་རྟེན་དང་ལྷན་ཅིག་ཏུ། སོགས་དང་། སུ་པྲ་ཏིཥྛ་བརྗོད་ལ་ཡེ་ཤེས་པ་རྣམས་བརྟན་བཞུགས་བྱ། མཆོད་སྦྱིན་གནས་འདིར་གང་ལྷགས་པ། སོགས་ཀྱིས་འཇིག་རྟེན་པ་རང་གནས་སུ་གཤེགས། དེ་ནས་བཀྲ་ཤིས་བརྗོད་པ་ནི། ཐུགས་རྗེ་རྫོགས་ལྡན་སྤྲིན་གྱི་བླ་བྲེ་ལས། །བྱིན་རླབས་ནོར་བུའི་ཆར་པ་འཇོ་བ་ཡིས། །སྐལ་ལྡན་བུ་ལ་བྱང་ཆུབ་ལོ་ཏོག་སྐྲུན། །རིག་འཛིན་བླ་མ་རྣམས་ཀྱི་བཀྲ་ཤིས་ཤོག །ཡན་ལག་བདུན་ལྡན་དཔག་བསམ་ཡོངས་འདུའི་ཤིང་། །མཆོག་ཐུན་དངོས་གྲུབ་ཡིད་བཞིན་འབབས་པའི་གཞི། །གང་གིས་བསྟེན་རྣམས་བསམ་ཀུན་རྫོགས་བྱེད་པའི། །ཡི་དམ་རྒྱུད་སྡེ་བཞི་ཡི་བཀྲ་ཤིས་ཤོག །ཟག་མེད་བདེ་སྟོང་ལང་ཚོ་རྫོགས་པ་ལས། །ཕྲིན་ལས་བཞི་ཡི་འདོད་པ་འཇོ་བའི་བ། །དྲན་པ་ཙམ་གྱིས་རེ་བ་སྐོང་མཛད་པ། །མཁའ་འགྲོ་དམ་ཅན་རྒྱ་མཚོའི་བཀྲ་ཤིས་ཤོག །དགེ་ལེགས་ནོར་བུ་འཛད་མེད་འབྱུང་བའི་གནས། །སྨོན་ལམ་ལས་གྲུབ་གཏེར་གྱི་བུམ་པ་བཟང་། །དཀར་པོའི་ཕྱོགས་སྐྱོང་དམ་ཚིག་ཆེ་ལྡན་པའི། །ཡུལ་ལྷ་གཞི་བདག་རྣམས་ཀྱི་བཀྲ་ཤིས་ཤོག །འཇིགས་བརྒྱད་ལ་སོགས་མི་མཐུན་ཕྱོགས་ཀུན་ཞི། །འབྱོར་པ་དྲུག་སོགས་མཐུན་རྐྱེན་ཡོངས་སུ་རྒྱས། །

― LT40_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་བསྟན་དར་འགྲོ་ཀུན་བདེ་ཞིང་སྐྱིད། །གནས་སྐབས་མཐར་ཐུག་བཀྲ་ཤིས་གོང་འཕེལ་ཤོག། ཅེས་བརྗོད་དོ། །ཞེས་པ་འདིའང་སྒྲུབ་བརྒྱུད་བསྟན་པའི་ཕྲིན་ལས་པ་ཆེན་པོ་ལྷུན་གྲུབ་མཆོག་གི་སྤྲུལ་པའི་སྐུ་ནས་བསྟན་འགྲོ་ལ་གཅིག་ཏུ་ཐུགས་གཞོལ་བའི་གསུང་གིས་ཡང་ཡང་སྐྱེས་བཅས་བསྐུལ་ངོར། ཀུན་མཁྱེན་སི་ཏུ་པདྨའི་མཚན་གྱིས་རྗེས་སུ་བཟུང་བའི་རྣལ་འབྱོར་སྤྱོད་པ་པདྨ་གར་གྱི་དབང་ཕྱུག་རྩལ་གྱིས་ཞིང་སྐྱོང་ཚེ་རིང་མཐར་ལྷ་སོགས་གཞི་བདག་མཆོད་ཕྲེང་གསར་རྙིང་གི་གཞུང་བྱིན་ལྡན་རྣམས་དང་། བླ་མ་དགོངས་འདུས་ཀྱི་གཞི་བདག་ནོར་སྒྲུབ་དང་འཇའ་ཚོན་མ་ནིང་སོགས་ཁུངས་སུ་བཞག་ནས་བསྐུལ་བ་པོའི་ཐུགས་བཞེད་དང་མཐུན་པར་དཔལ་སྤུངས་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་དུ་སྤེལ་བ་དགེ་ལེགས་འཕེལ། །མངྒ་ལཾ།། །།

འདུལ་བ་མདོ་རྩ་ལས་འབྱུང་བའི་རི་མོའི་བྲི་ཡིག་ཚངས་པའི་པ་ཏྲ།

― LT40_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་བ་མདོ་རྩ་ལས་འབྱུང་བའི་རི་མོའི་བྲི་ཡིག་ཚངས་པའི་པ་ཏྲ་ཞེས་བྱ་བ་བཞུགས་སོ། །

― LT40_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཤཱཀྱ་མུ་ན་ཡེ། བདག་ཅག་གི་སྟོན་པའི་བསྟན་པ་ལ་རབ་ཏུ་བྱུང་བ་རྣམས་ཀྱིས་གཙོ་ཆེར་སྤོང་བ་དང་ཀློག་པའི་འཁོར་ལོར་བརྩོན་པར་བྱ་བ་ལས། རྒྱ་བོད་ཀྱི་ཁྱིམ་པ་འབྱོར་ལྡན་རྣམས་ཀྱི་མིག་སྲོལ་བཞིན་ཏུ། ཁང་པ་ལ་རྩིས་ཞལ་ཞལ་དང་། རིན་པོ་ཆེའི་རྒྱན་ཕྲེང་དང་། རི་མོའི་བཀོད་པས་ཡིད་སྤྲོ་བསྲིངས་བ་ལ་གཙོ་བོར་བྱེད་པ་མ་ཡིན་མོད། གལ་ཏེ་རི་མོར་འདྲི་བར་བྱེད་ན་སྟོན་པས་ཆོས་འདུལ་བ་སོགས་ལས་བྲི་བར་གནང་ཞིང་། འཕགས་ཡུལ་གྱི་སློབ་དཔོན་ཆེན་པོ་རྣམས་ཀྱིས་རྗེས་སུ་བསྔགས་པ་དེ་དག་བྲིས་ན་འདི་ཕྱིའི་ལེགས་ཚོགས་འཕེལ་བར་འགྱུར་ཞིང་། དེ་ལའང་སྔགས་ཕྱི་ནང་ནས་དཀྱིལ་འཁོར་དང་སྐུ་གཟུགས་སོགས་གསུངས་པ་ནི། འཆད་པའི་སྐབས་མ་ཡིན་ལ། འདིར་དམ་པའི་ཆོས་འདུལ་བ་ལས་རབ་ཏུ་བྱུང་བ་རྣམས་ཀྱི་སྤོང་པའི་ཁང་པ་སོགས་སུ་ཇི་ལྟར་བྲི་བར་གསུངས་པ་དེ་བཤད་པར་བྱ་སྟེ། ཐོག་མར་བྲི་གཞི་ཁང་པའང་། གཙུག་ལག་ཁང་ཆེ་ཆུང་དང་། སྤོང་ཁང་ཆེ་འབྲིང་ཆུང་གསུམ། འཁོར་གྱི་ཁྱམས་ལ་སོགས་པ་ཚད་ལྡན་བོད་ཀྱི་ཡུལ་དུ་མི་འོང་ཡང་། རྗེས་མཐུན་ཙམ་ཡོད་པའི་དབང་དུ་བྱས་ཏེ། མདོ་རྩ་བར། གང་ཟག་གི་གཙུག་ལག་ཁང་ཡོ་བྱད་དང་བཅས་པ་ཡང་ངོ་། །སྔོན་པོ་ལ་སོགས་པ་ཟད་པར་

― LT40_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་མཚན་མ་མངོན་ཏུ་བྱ་བའི་ཕྱིར་གནས་ཁང་གི་རྩིག་པ་དག་སྔོན་པོ་ལ་སོགས་པ་རྣམ་པ་བཞིར་བྱའོ། །ཞེས་དགེ་སློང་བསམ་གཏན་བྱེད་པ་དག་ལ་ལ་ཟད་པར་ས་དང་སེར་པོ། །ལ་ལ་ཟད་པར་ཆུ་དང་སྔོན་པོའི་སྐྱེ་མཆེད་ལ་སོགས་པ་མཚན་མ་ཙམ་ལ་སེམས་འཛིན་ནས་དོན་གང་ཡིན་པ་དེ་མངོན་ཏུ་བྱ་བའི་ཕྱིར། རང་རང་གི་ཕྱོགས་བཞིའི་ལོགས་སུ་ཚོན་སྣ་བཞིའི་ཐིག་ལེ་བྱ་བའམ་ཞལ་བ་བྱ་བའམ། འབྱོར་པས་དཔག་ན་ཚོན་དེ་དང་དེའི་ཁ་དོག་གི་ཕ་གུས་བརྩིགས་ཏེ་དེ་ལ་སེམས་འཛིན་པར་གསུངས། ༈ །རབ་ཏུ་བྱུང་བའི་ཀུན་དགའ་ར་བ་ལ་རི་མོ་བྲི་བ་ཉིད་རུང་ངོ་། །ཞེས་པ་གོ་སླ་ལ། སྒོར་གནོད་སྦྱིན་ལག་ན་རྡོ་རྗེ་འཛིན་པ་དག་བྲིའོ། །ཞེས་གཙུག་ལག་ཁང་དང་དགེ་སློང་སོ་སོའི་སྤོང་ཁང་གིའང་སྒོའི་གཡས་གཡོན་ཏུ་འདོད་པའི་ལྷའི་བུ་རྣམས་ཀྱི་གེགས་དང་། འབྱུང་པོ་མི་མ་ཡིན་པའི་འཚེ་བསྲུང་བའི་ཕྱིར་གནོད་སྦྱིན་ཤིན་ཏུ་འཇིགས་པའི་གཟུགས་ཅན་ལག་ན་རྡོ་རྗེ་ལ་སོགས་པའི་མཚོན་ཆས་སྡིག་པའི་ཚུལ་ཅན་བྲི་བར་གསུངས་པ་ད་ལྟ་ཕྱག་ན་རྡོ་རྗེ་སྒོ་ཁང་དུ་བྲི་བའང་འདི་ཀར་གདའ། སྒོ་ཁང་དུ་འཁོར་བའི་འཁོར་ལོའོ། །ཆ་ལྔ་པར་བྱའོ། །སྟེང་དུ་ལྷ་དང་མི་རྣམས་སོ། །གླིང་བཞི་པོ་དག་གོ། །རྫུས་ཏེ་སྐྱེ་བའི་སེམས་ཅན་ཟོ་ཆུན་བརྒྱུད་མོ་བཞིན་ཏུ་འཆི་འཕོ་བ་དང་སྐྱེ་

― LT40_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དག་ཀྱང་ངོ་། །དབུས་སུ་འདོད་ཆགས་དང་ཞེ་སྡང་དང་གཏི་མུག་དག་ཕུག་རོན་དང་སྦྲུལ་དང་ཕག་གི་རྣམ་པར་རོ། །སྔ་མ་གཉིས་གཏི་མུག་གིས་ཟ་བར་རོ། །ཁོ་ར་ཁོར་ཡུག་ཏུ་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་དང་། ཐམས་ཅད་མི་རྟག་པ་ཉིད་ཀྱིས་བཟུང་བར་རོ། །ཞེས་གསུངས་པས། འདིའང་སངས་རྒྱས་ཞལ་བཞུགས་པའི་ཚེ་ཉན་ཐོས་མཆོག་གཉིས་ཉིན་རེ་བཞིན་དམྱལ་བ་ལ་སོགས་པའི་གནས་མཐའ་དག་ཏུ་རྫུ་འཕྲུལ་གྱི་ཕེབས་ཏེ་ལས་ཀྱི་འབྲས་བུ་བདག་པོས་ཉམས་སུ་མྱོང་བའི་ལྟ་བར་མངོན་ཏུ་གཟིགས་པ་དེ་རྣམས། རབ་ཏུ་བྱུང་བ་ཆོས་ལས་གཡེལ་ཞིང་མི་བརྩོན་པ་དག་མངོན་པར་བསྐུལ་བའི་ཆེད་དུ་སྒོ་ཁང་ལ་སོགས་པར་འདྲིར་སྩལ་བ། ཕྱིས་ནས་སྟོན་པ་ཉིད་ཀྱིས་ཀྱང་གཞི་དེ་ལས་བརྩམས་ཏེ་འཁོར་བའི་འཁོར་ལོ་འདི་རྒྱལ་བྱེད་ཚལ་གྱི་སྒོ་ཁང་དུ་འདྲི་བར་བཀས་གནང་ངོ་ཞེས་ཀྱང་ཐོས་སོ། །དེ་ལ་དང་པོ་འཁོར་བའི་འཁོར་ལོ་མཚོན་བྱེད་མུ་ཁྱུད་རིམ་པ་གསུམ་བསྐོར། མུ་ཁྱུད་གཉིས་པ་ཆེ་ཞིང་དང་པོ་ཐ་མ་གཉིས་ཇི་ལྟར་འཚམས་པར་བྱ། གཉིས་པ་དེའི་འོག་གི་ངོས་སུ་ཆ་གསུམ་དང་། སྟེང་ངོས་སུ་ཆ་གཉིས་བསྒོས་ནས་བསྡོམས་པས་ཆ་ལྔར་འོང་བ་བྱ། འདི་ལ་ཆ་ལྔར་བགོས་པ་ཙམ་གྱིས་ཆོག་གི་འཁོར་ལོའི་རྩིབས་ལྟ་བུ་བྲི་བ་ནི་མི་འབྲེལ་ལོ། །སྟེང་དུ་ཆ་

― LT40_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཡོད་པའི་གཡས་ངོས་ཀྱི་སྟོད་དུ་ལྷ་དང་། སྨད་ཆར་ལྷ་མིན་ཏེ། དེའི་འོག་རོལ་ཆ་གཅིག་ལ་བྱོལ་སོང་གི་འགྲོ་བ་བྲི་དགོས་པས་དེའི་འང་སྟོད་ཆར་ལྷ་མིན་འོག་མ་རྣམས་ཀྱིས་སླེངས་པས་ཕན་ཚུན་འདྲེས་པ་འདྲ་བ་བྱའོ། །སྟེང་གི་གཡས་ངོས་སུ་མིའི་འཇིག་རྟེན་མཚོན་བྱེད་གླིང་བཞིའི་སེམས་ཅན། མི་ལུས་ཆེན་པོས་རིན་པོ་ཆེའི་གཏེར་དང་། ལྗོན་ཤིང་དང་། བ་མོ་ལ་ལོངས་སྤྱོད་པའི་ཚུལ་དང་། ཁ་ཅིག་ཏུ་སྐྱེ་རྒ་ན་འཆིའི་རྣམ་པ་སྤྱི་སྲོལ་ལྟར་བྲིའོ། །དེའི་སླད་རོལ་འོག་གི་ཆ་དེ་ལ་ཡི་དྭགས་ཀྱི་འགྲོ་བ་དང་། སྨད་དབུས་ཀྱི་ཆ་དེར། གཤིན་རྗེའི་འཇིག་རྟེན་དང་། དམྱལ་བའི་འཇིག་རྟེན་མཚོན་བྱེད་བྲིའོ། །ལྷའི་ཁམས་སུ་བརྫུས་ཏེ་སྐྱེ་བ་བྲི། འཁོར་ལོའི་དབུས་ཀྱི་ཟླུམ་པོ་དེར། ཕག་གིས་སྤྲུལ། དེས་ཕུག་རོན་ཟ་བའི་ཚུལ། དེའང་ཟླུམ་པོར་བྲི་ནས་བར་མཚམས་མེད་པར་འཁོར་བ་ལྟར་བྱ་ཡི་ལྗོན་ཤིང་བྲི་བ་སོགས་ནི་བཀའ་དང་དགོངས་འབྲེལ་ཚད་ལྡན་ལས་མ་གསུངས་པས་རིག་བཟོ་བྱེད་པ་མི་འཐད། ཁོར་ཡུག་གམ་མུ་ཁྱུད་ཐ་མར་མ་རིག་པ་བུད་མེད་ལོང་བ། འདུ་བྱེད་རྫ་མཁན། འདུ་ཤེས་སྤྲེའུ། མིང་གཟུགས་བུད་མེད་དང་སྐྱེས་པ། སྐྱེ་མཆེད་དྲུག་པོ་དེའི་ཡུལ་ལ་ཕོ་མོ་འདོད་ཡོན་ལྔ་གང་རུང་ལ་གཡེང་བའི་རྣམ་པར་བྲིས་ན་ལེགས། ཆགས་ད་ལྟ་ཁང་བཟང་འདྲ་བྲི་བར་འདུག་པའི་རྣམ་པ། །

― LT40_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

རེག་པ་ཕོ་མོའི་རེག་པར་སྤྱོད་པ། ཚོར་བ་སྐྱེས་པ་སྡུག་བསྔལ་གྱི་ཚོར་བ་ཅན། སྲེད་པ་ནི་བུད་མེད་ཀྱིས་སྐྱེས་པའམ་བུ་འཚོལ་བ། ལེན་པ་ནི་བུད་མེད་མངལ་འཇུག་པ། སྲིད་པ་ནི་མངལ་ན་གནས་པ། སྐྱེ་བ་མངལ་ནས་སྐྱེས་པ། རྒ་བ་ ད་ལྟ་མིག་ལ་མདའ་ཕོག་པ་བྲི། རྒས་ཤིང་འཁོག་པ། ཤི་བ་ནི་ཤི་བའི་གཟུགས་སུ་བྲིའོ། །དེ་ཐམས་ཅད་སྲིན་པོའམ་གཤིན་རྗེ་མི་སྡུག་པ་ཞིག་གི་པང་པར་བཟུང་བར་བྲི་སྟེ་དེ་ན་དེ་ལྟའི་ཕྱག་རྒྱུན་ཁྲམ་ཤིང་མེ་ལོང་ཐོགས་པའི་ཁྲོ་བོ་སྨུག་ནག་གིས་བཟུང་བར་བྲི་བ་འདི་ལེགས། སྟེང་དུ་སངས་རྒྱས་མྱ་ངན་ལས་འདས་པའི་དཀྱིལ་འཁོར་དཀར་པོ་ཉེ་བར་སྟོན་པར་རོ། །འོག་ཏུ་བརྩམས་པར་བྱ་ཞིང་ཞེས་བྱ་བའི་ཚིགས་སུ་བཅད་པ་གཉིས་སོ། །དེ་སྟོན་པར་བྱེད་པ་བཞག་པར་བྱའོ། །ཞེས་བཤད་མ་ཐག་པའི་འཁོར་བའི་འཁོར་ལོ་དེའི་སྟེང་ངམ། གཡས་ཀྱི་སྟེང་ལོགས་སུ། མྱ་ངན་ལས་འདས་པའི་དཀྱིལ་འཁོར་མཚོན་བྱེད་ཟླུམ་པོ་དཀར་པོ་མེ་ལོང་ལྟ་བུ་བྲིའོ། །འདི་ལ་འཁོར་ལོ་དཀར་པོ་བྲི་བའང་རིགས་བཟོར་སྣང་། དེའི་གཡས་གཡོན་གང་བདེར་སངས་རྒྱས་ཀྱི་སྐུ་གཟུགས་སྤྱི་འགྲེ་དེ་ལ་ཞལ་ཕྱོགས་པ་བྲི། །ཟླུམ་དཀར་གྱི་འོག་ཏུ། བརྩམ་པར་བྱ་ཞིང་དབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་དུ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པས། །

― LT40_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་འདུལ་འདི་ལ་སྤྱོད་གྱུར་ན། །སྐྱེ་བའི་འཁོར་བ་རབ་སྤང་ཞིང་། །སྡུག་བསྔལ་ཐ་མར་བྱེད་པར་འགྱུར། །ཞེས་པ་བྲི་བར་བྱའོ། དེའི་ཁོ་ར་ཁོར་ཡུག་ཏུ་ནི་ཆོ་འཕྲུལ་ཆེན་པོ་དང་བདུད་བཏུལ་བ་དག་གོ། །ཞེས་པ་ནི་སྒོ་ཁང་ལའོ། །འགྲེལ་ཆུང་འདི་ཕུག་ཧ་ཅང་བཙུན་པར་མི་བྱེད་པ་མ་གཏོགས། དེ་སྟོན་བྱེད་བཞག་པར་གསུངས་པའང་དེའི་ཉེ་ལོགས་ཤིག་ཏུ་དེ་དག་གི་རྒྱུ་མཚན་ཡི་གེར་འདྲི་བ་དང་། འཆད་བྱེད་དགེ་སློང་ཞིག་རྟག་ཏུ་བསྐོས་པའི་དོན་ཡིན་པར་བཤད། ཁྱམས་སུ་སྐྱེས་པའི་རབས་དག་གོ། །ཁྱམས་ཁང་དུ་འཛང་བླུན་གྱི་རྟོགས་པ་བརྗོད་པ་བྲིའོ། །དྲི་གཙང་ཁང་གི་སྒོར་གནོད་སྦྱིན་ཕྲེང་ཐོགས་དག་གོ། །ད་ལྟ་འདུ་ཁང་གི་ཕུག་གཙོ་ཁང་དུ་གྲགས་པ་འདི་ལ་ངོས་འཛིན་ཀྱང་རུང་སྟེ་རྒྱ་སྐད་གནྡྷོ་ལའི་སྒྲས་བསྟན་པའི་དྲི་གཙང་ཁང་གི་སྒོར་གཡས་གཡོན་ཏུ་གནོད་སྦྱིན་ལག་ན་མེ་ཏོག་ཐོགས་ཏེ་མཆོད་པ་འདྲ་བ་བྲི། སྤོང་པའི་ཁང་པར་གནས་བརྟན་གྱི་གྲལ་དག་གོ། ད་ལྟ་འདུ་ཁང་འདི་ལ་བྱེད་དགོས། མཆན། །སྤོང་བ་ནི་ལས་བརྒྱ་རྩ་གཅིག་པ་བྱ་བའི་གནས་ཏེ་དེར་གནས་བརྟན་རྣམས་ཕྲེང་བར་བསྟར་ཏེ་བྲིའོ། །གཞན་ཡང་། མཛོད་ཀྱི་སྒོར་གནོད་སྦྱིན་ལག་ན་མྱུ་གུ་ཐོགས་པ་དག་གོ། རིན་པོ་ཆེའི་མྱུ་གུ་དང་། རིན་ཆེན་འབར་བ་ཐོགས་པ་ཡང་བཤད། ཟས་ཀྱི་ཁང་པར་ལག་ན་བཟའ་བ་དང་། བཅའ་བ་ཐོགས་པ་དག་གོ། །འདིའང་གནོད་

― LT40_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་གྱི་གཟུགས་སོ། །བསྲོ་ཁང་དུ་ལག་ན་མྱུ་གུ་དང་བུམ་པ་ཐོགས་པ་དག་གོ། །འདི་ལ་ཁྲུས་ཁང་ཞེས་པའང་སྣང་། མེ་ཁང་དུ་གྲུལ་བུམ་མེ་སྦར་བར་བྱེད་པ་དག་དང་། གྲུལ་བུམ་གྱི་བུ་མོ་བྱི་དོར་ལ་སོགས་པ་དང་མེ་སྦར་བར་བྱེད་པ་དང་། སྦྱིན་བདག་མར་མེ་ཐོགས་པ་དང་ལྷའི་ཕོ་ཉ་དག་གོ། །འདིར་སྦྱིན་བདག་ནི་མགོན་མེད་ཟས་སྦྱིན་འདྲ་བའི་སྦྱིན་བདག་དང་། ལྷའི་ཕོ་ཉ་ཞེས་པ་མི་གཅིག་བཙོན་ཏུ་བཟུང་ལ་གཤིན་རྗེའི་མདུན་ཏུ་ཞལ་ལྕེ་གཅོད་པ་འདྲ་བར་བྲི་བར་བཤད། ཆུའི་ཁང་པར་ཀླུ་ལག་ན་བུམ་པ་ཐོགས་པ་རིན་པོ་ཆེ་སྣ་ཚོགས་ཀྱིས་བརྒྱན་པ་དག་དང་། ཀླུའི་བུ་མོ་ཆུ་འབྲིམ་པར་བྱེད་པ་དག་གོ། །ནད་པའི་རུང་བའི་ཁང་པར་དེ་བཞིན་གཤེགས་པས་ནད་པའི་རིམ་གྲོ་མཛད་པའོ། །ནད་པའི་རུང་ཁང་ནི་སྨན་ཁང་སྟེ། དེའི་སྒོར་ནད་པ་ཁྲི་ལ་ཉལ་བ་ལ་དེ་བཞིན་གཤེགས་པས་ནད་གཡོག་མཛད་པ་འདྲ་བར་བྲི། གཤང་བ་དང་གཅི་བའི་སྐྱབས་སུ་དུར་ཁྲོད་དག་གམ་མགོ་བོའི་ཐོད་པ་དག་གོ། །ཕྱི་སའི་ཁང་པར་དུར་ཁྲོད་ན་མི་ཕལ་མོ་ཆེ་ཤི་བའི་ཀེང་རུས་ཀྱི་རྫབ་ལ་སོགས་པ་བྲིས་ལ་གཤང་གཅིའི་ཚེའང་དེ་བལྟས་ནས་མི་གཙང་བ་བསྒོམ་པར་གསུངས། ཡང་། ཕྲེང་བའི་རིམ་པ་དག་བརྒྱུ་བ་ཡང་ངོ་། །དཀོན་མཆོག་མཆོད་པར་གྱུར་པས་སེམས་ཅན་གྱི་གཟུགས་མ་ཡིན་པའི་རི་མོ་བྲི་བ་ཡང་ངོ། །དེའི་ཕྱིར་འདྲི་བ་ནི་

― LT40_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཉིད་ཡིན་ནོ། །ཞེས་དཀོན་མཆོག་ལ་མཆོད་པའི་ཕྱིར་མེ་ཏོག་གི་ཕྲེང་བ་བརྒྱུ་བ་དང་། མཎྜལ་གྱི་བཀོད་པ་ལྟ་བུ་དཀོན་མཆོག་མཆོད་པའི་ཕྱིར་བྲི་ན་སྲོག་ཆགས་མིན་པའི་གཏེར་དང་། སྐྱེད་མོས་ཚལ་དང་། མེ་ཏོག་ལ་སོགས་པ་བྲི་བར་བྱ་ཡི། སེམས་ཅན་མི་དང་དུད་འགྲོ་ལ་སོགས་པའི་གཟུགས་ལྟ་ཅི་སྨོས། དེ་བྲི་བར་བསམ་སྟེ་རི་མོ་ཤུར་ཙམ་འཐེན་པ་ཡང་ཉེས་བྱས་སུ་གསུངས་པས་དེ་ལྟའི་རྣམ་དབྱེ་ཕྱེད་པར་བྱས་ནས་འདིར་བཤད་ཀྱི་རི་མོ་སོ་སོ་ལའང་དགོས་ཆེད་ཆེ་བ་རེ་རེ་ཡོད་པས་གཡས་ཆུང་ངུ་མི་འགྲོ་བར་བྲི་བར་བྱས་ཚེ། ཆོས་ཀྱི་བྱ་བ་ལ་འཐོ་མཚམས་པ་རྣམས་ཀྱིས་མི་ཚུགས་པ་དང་། །རྟག་ཏུ་ལྷ་རྣམས་ཀྱིས་སྲུང་བ་དང་། རྒྱུ་འབྲས་ལུགས་འབྱུང་ལུགས་ལྡོག་ལ་ཡིད་ཆེས་ཏེ་ངེས་པར་འབྱུང་བའི་ཚུལ་ཁྲིམས་རྣམ་པར་དག་པར་འགྱུར་བའི་རྐྱེན་བྱེད་ཅིང་། དྲན་པ་དང་ཤེས་བཞིན་གྱི་རྟེན་ཏུའང་འགྱུར་བ་སོགས་ཡོན་ཏན་མང་དུ་ཡོད་དོ། །ཞེས་པ་འདིའང་སྐྱབས་མཆོག་རྡོ་རྗེ་འཆང་གི་བཀའ་སྤྱི་བོར་ཕེབས་པ། འབྱུང་རུང་གི་རྟེན་འབྲེལ་དུ་བཟུང་ནས་ཆོས་འདུལ་གྱི་བསླབ་པ་དང་མི་ལྡན་རུང་དེ་དེར་ཞུགས་པའི་མོས་སྤྱོད་པ་ཡོན་ཏན་རྒྱ་མཚོས་སྔོན་གྱི་ཕྱག་བཞེས་དང་བཀོད་ཡིག་རྙིང་པ་རྣམས་ལའང་ཞིབ་ཏུ་དཔྱད། གཙོ་ཆེར་རང་གཞུང་གི་དགོངས་པ་ལ་བོད་ཀྱི་རྟོག་བཟོའི་བསླད་མ་

― LT40_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེས་པར་དཔལ་སྤུངས་ཐུབ་བསྟན་ཆོས་འཁོར་གླིང་གི་གཙུག་ལག་ཁང་ཆེན་པོའི་སྒོ་ཁང་མཛེས་པའི་རྒྱན་གསར་བྲིས་སུ་བསྟར་བའི་སྐབས་སུག་བྲིས་སུ་བསྟར་བ་བསྟན་པ་ལ་ཕན་པར་གྱུར་ཅིག །དགེ་ལེགས་འཕེལ།། །།

བྱ་སྤྱོད་རྣལ་འབྱོར་གསུམ་གྱི་རྒྱུད་སྡེའི་དཀྱིལ་འཁོར་རྣམས་ཀྱི་གཙོ་བོ་རགས་བསྡུས་ཞལ་ཐང་བཀོད་ཡིག་ནོར་བུ་ཆ་ཤེལ་གྱི་ཕྲེང་བ།

― LT40_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་སྤྱོད་རྣལ་འབྱོར་གསུམ་གྱི་རྒྱུད་སྡེའི་དཀྱིལ་འཁོར་རྣམས་ཀྱི་གཙོ་བོ་རགས་བསྡུས་ཞལ་ཐང་བཀོད་ཡིག་ནོར་བུ་ཆ་ཤེལ་གྱི་ཕྲེང་བ་ཞེས་བྱ་བ་བཞུགས་སོ། །

― LT40_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ཤཱཀྱ་མུ་ན་ཡེ། རྡུལ་བྲལ་སྤྱན་གྱིས་ཤེས་བྱའི་ཆོས་ཀུན་གཟིགས། །ཉེས་བརྒྱའི་སྲིད་ལ་སྙིང་རྗེ་རྣམ་འགྱུར་སྤངས། །བསམ་པ་བཞིན་དུ་ཐེག་གསུམ་ལམ་སྟོན་པ། །འགྲོ་བའི་བླ་མ་དད་བརྒྱའི་ཡིད་ཀྱིས་འདུད། །དྲི་མེད་ལུང་དང་རྟོགས་པའི་མཛོད་བཟུང་ནས། །ལེགས་བཤད་ནོར་བུ་དགོས་རྒུར་སྦྱིན་མཛད་པ། །ལོ་པ་སྐྱེས་མཆོག་སྤྱི་དང་ཁྱད་པར་དུ། །བུ་སྟོན་ཐམས་ཅད་མཁྱེན་པ་སྲས་བཅས་བསྔགས། །འཇམ་དབྱངས་ངུར་སྨྲིག་གར་རོལ་ཐམས་ཅད་མཁྱེན། །མཁྱེན་བརྩེའི་གཏེར་ལྡན་སྨྲ་བའི་དབང་པོའི་ཞབས། །སྤྱི་བོར་མཆོད་དོ་གང་གི་བཀའ་དྲིན་གྱིས། །རྒྱུད་སྡེ་འོག་མའི་

― LT40_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་འདིར་སྐལ་བཟང་གྱུར། །འདིར་བྱ་སྤྱོད་རྣལ་འབྱོར་གསུམ་གྱི་ལྷའི་བྲིས་སྐུ་བཅུ་ཕྲག་གཉིས་ལ་ལྔ་ཡིས་ལྷག་པའི་ཞལ་ཐང་གི་བཀོད་ཡིག་འབྲི་བ་ལ་དོན་བདུན། ལུང་གི་ཁུངས་སྨོས། དགོས་ཆེད་དམིགས་སུ་བསལ། རྒྱུད་སྡེའི་དབྱེ་བ་སྤྱིར་བསྟན། བཀོད་ཡིག་བྱེ་བྲག་ཏུ་བཤད། ཇི་ལྟར་བསྒྲུབས་པའི་ཚུལ་སྨོས། གནས་སུ་འགོད་པའི་གོ་རིམ་བསྟན། ཕན་ཡོན་སྨོས་པས་མཇུག་བསྡུ་བའོ། །དང་པོ་ནི། སྡོམ་པ་འབྱུང་བའི་རྒྱུད་ལས། །སྔགས་པ་ལས་ནི་དང་པོ་པས། །གཟུགས་བརྙན་ལ་སོགས་བྱ་བ་སྟེ། །བྲིས་སྐུ་བསྒྲུབས་ན་མྱུར་བར་ནི། །དངོས་གྲུབ་རྒྱ་ཆེན་འཐོབ་པར་འགྱུར། །ཅེས་

― LT40_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་ལྟར་བྲིས་སྐུ་ནི་སྔགས་ཀྱི་ཐེག་པ་ལ་དངོས་གྲུབ་སྒྲུབ་པའི་ཐབས་ཁྱད་པར་ཅན་ཏུ་གྱུར་པས། རྒྱུད་དེ་ཉིད་དང་དུས་འཁོར་འགྲེལ་ཆེན་མི་གཡོ་བའི་རྒྱུད་སོགས་ལས་ཀྱང་ཚད་སོགས་རྒྱས་པར་གསུངས་པ་དང་། དོན་ཞགས་དང་འཇམ་དཔལ་རྩ་བའི་རྟོགས་པ་སོགས་བྱ་བའི་རྒྱུད་རྣམས་ལས་ལྷག་པར་ཡང་གསལ་ཞིང་ནན་ཏན་དུ་གསུངས་པ་ལ་བརྟེན་ནས། རྒྱུད་ཀྱི་ལྷའི་སྐུ་གཟུགས་ཅི་རིགས་པ་རིས་སུ་འབྲི་བ་དང་། འབུར་དུ་གཏོད་པ་དང་། ཁྱད་པར་སྔགས་བླ་མེད་ཀྱི་རྒྱུད་སྡེའི་ལྷ་ཕལ་མོ་ཆེ་གྲ་ཚར་དུ་འབྲི་བའི་སྲོལ་ཀ་སྔོན་ནས་བྱུང་བ་ལ། ཕྱིས་དུས་ཀུན་མཁྱེན་བསྟན་པའི་ཉིན་བྱེད་ཀྱིས་ཟུར་བཀའི་དབང་རྒྱུན་བཞུགས་སོ་འཚལ་ཕལ་མོ་ཆེའི་གཙོ་བསྡུས་ཀྱི་སྐུ་ཐང་གྲ་ཚར་རི་མོའི་རྣམ་དཔྱོད་ཆེས་ཕུལ་དུ་བྱུང་བས་མིག་དང་ཡིད་ཀྱི་བདུད་རྩིར་བསྒྲུབས་པས་དེའི་རྒྱུན་ལས་བླ་མེད་ཀྱི་གྲ་ཐང་གི་བྲིས་རྒྱུན་ཤིན་ཏུ་དར་བར་གྱུར་ཏོ། །གཉིས་པ་ནི། བྱ་རྒྱུད་སྤྱོད་པ་རྣམ་བཞིའི་ཡ་གྱལ་སྦྱོར་བའི་སྤྱོད་པའི་ཡན་ལག་རྣམ་པ་བཅུར་དཔུང་བཟང་ལས་གསུངས་པའི་ནང་ཚན་ཡན་ལག་རྫོགས་པའི་ལྷ་ཞེས་བདག་གི་དེ་ཁོ་ན་ཉིད་བསྒོམ་པའི་རྟེན་ལྷའི་གཟུགས་བྲིས་འབུར་གང་རུང་མེད་ཐབས་མེད་པ་དང་། རྒྱུད་སྡེ་བཞི་ཀར་སྨོས་མ་ཐག་པ་ལྟར་དངོས་གྲུབ་སྒྲུབ་པའི་རྟེན་གལ་པོ་ཆེར་བཤད་ཀྱང་། བྱ་སྤྱོད་

― LT40_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྐོར་ལ་རང་རྐང་ཚུགས་པའི་བཤད་སྒྲུབ་ཀྱི་སྡེ་བོད་འདིར་ཆེར་མ་བྱུང་བ་དང་། ངོར་ཆེན་རྡོ་རྗེ་འཆང་སོགས་སྐྱེས་ཆེན་རེ་ཟུང་ཙམ་གྱིས་ཐུགས་བསྐྱེད་གོ་ཆ་ཆེན་པོ་བཞེས་ཀྱང་འདི་ཉིད་ཁོ་ན་ལ་རྩལ་འདོན་མཛད་པ་ཉུང་བས་བྱ་སྤྱོད་ཀྱི་གྲ་ཐང་འབྲི་བའི་རྒྱུན་མི་སྲིད་པ་ལྟ་བུར་སྣང་བ་དང་། རྣལ་འབྱོར་རྒྱུད་ཀྱི་མངའ་བདག་བུ་སྟོན་ཐམས་ཅད་མཁྱེན་པའི་རིང་ལུགས་འཛིན་པ་དཔལ་ཞྭ་ལུའི་ཆོས་གྲ་སོགས་སུ་ཡོ་གའི་རྒྱུད་སྡེ་བཅུ་གསུམ་གྱི་བྲིས་འབུར་ཁྱད་ཅན་བཞུགས་རུང་གཞན་ལ་དར་སྲོལ་ཆུང་བས། དད་སོགས་འཕགས་ནོར་གྱིས་ཕྱུག་པ་གཡུ་ཐོག་ཆོས་རྗེ་བླ་མ་ཀརྨ་བསྟན་འཕེལ་ནས་རྒྱུད་སྡེའི་གྲ་ཐང་བཞེངས་པའི་ཡོན་སྦྱོར་མཛད་པ་ལ་བརྟེན། ད་ལྟ་བསོད་ནམས་བསགས་པ་དང་། འབྱུང་འགྱུར་བསྟན་པའི་མིག་རྒྱན་བཟང་པོ་ལ་སྤྲོ་བར་མངོན་པར་འཕེལ་བའི་སླད་དུ་རྒྱུད་སྡེ་ཁྱད་པར་ཅན་འདི་རྣམས་ཀྱི་བྲིས་སྐུ་གྲ་ཚར་ཆེ་ཐང་དུ་བསྒྲུབས་པ་ལ་བློ་མཐུན་བྱས་པ་ཡིན་ནོ། །གསུམ་པ་ནི། སྤྱིར་མདོ་ལས་ཁྱད་པར་དུ་མས་འཕགས་པའི་གསང་སྔགས་རྡོ་རྗེ་ཐེག་པ་ལ། ལུང་གི་རྗེས་སུ་འབྲང་སྟེ་སློབ་དཔོན་སོ་སོའི་བཞེད་པས་རྒྱུད་སྡེ་གཉིས་དང་། གསུམ་དང་། བཞི་དང་། ལྔ་དང་། དྲུག་ལ་སོགས་པའི་བར་དུ་དབྱེ་བ་ཡོད་པ་ལས། གཙོ་བོ་ནི་

― LT40_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་འཁོར་དང་རྡོ་རྗེ་གུར་ལ་སོགས་པའི་ལུང་གིས་རྒྱུད་སྡེ་ཆེན་པོ་བཞིར་ཡོངས་སུ་གྲགས་པ་སྟེ། བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་རྒྱུད། རྣལ་འབྱོར་བླ་ན་མེད་པའི་རྒྱུད་དོ། །དང་པོ་རིག་པ་འཛིན་པ་རྣམས་ཀྱིས་འཇུག་པར་བྱ་བའི་གཞིའམ་རྩ་བ་ལྟ་བུར་གྱུར་པ་བྱ་བའི་རྒྱུད་ལ་བྱ་བ་སྤྱི་དང་སོ་སོའོ། །ཕྱི་མ་ལ་དབྱེ་ན་སྒོ་དྲུག་ཏུ་གྲགས་སྟེ། དེ་བཞིན་གཤེགས་པའི་རིགས་པདྨའི་རིགས། རྡོ་རྗེའི་རིགས། ནོར་བུའི་རིགས། རྒྱས་པའམ་ལྔ་རྩེན་གྱི་རིགས། འཇིག་རྟེན་པའི་རིགས་སོ། །སྔ་མ་གསུམ་ལ་རིགས་ཀྱི་གཙོ་བོ། རིགས་ཀྱི་བདག་པོ། རིགས་ཀྱི་ཡུམ། རིགས་ཀྱི་ཁྲོ་བོ་ཁྲོ་མོ། རིགས་ཀྱི་ཕོ་ཉ་དང་བཀའ་ཉན་ཕོ་མོ་རྣམས་ཀྱི་དབྱེ་བ་ཡོད་དོ། །གཉིས་པ་སྤྱོད་པའི་རྒྱུད་ལ་རིགས་གསུམ་དུ་གྲགས་ཏེ། སྐུ་དང་། གསུང་དང་། ཐུགས་ཀྱི་རིགས་སོ། །དེ་ལས་གསུང་རིགས་ཀྱི་རྒྱུད་ནི་བོད་དུ་མ་འགྱུར་རོ། །གསུམ་པ་རྣལ་འབྱོར་གྱི་བརྒྱུད་ལ་བརྗོད་བྱའི་དབང་དུ་བྱས་ན་རིགས་ལྔ། དེ་རེ་རེ་ལ་རིགས་ཆུང་ལྔ་ལྔར་ཕྱེས་པས་ཉེར་ལྔ། དེ་རེ་རེ་ལ་སྙིང་པོ་ཕྱག་རྒྱ་གསང་སྔགས་རིགས་སྔགས་བཞི་བཞིས་ཕྱེས་པས་བརྒྱ་ཕྱག་ཏུ་འགྱུར་རོ། །རྗོད་བྱེད་ཚིག་གི་དབང་དུ་བྱས་ན་བཞིའམ་ལྔ་སྟེ། རྩ་རྒྱུད། བཤད་རྒྱུད། ཡན་

― LT40_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་གི་རྒྱུད། ཆ་མཐུན་གྱི་རྒྱུད་དེ་ཡོ་ག་རིགས་བཞིར་གྲགས་པ་དང་། འཕྲོས་པའི་རྒྱུད་དོ། །འོན་ཀྱང་འཕྲོས་པའི་རྒྱུད་ནི་སྒྲོལ་མགོན་ཞབས་དང་བསྟན་པའི་ཉིན་བྱེད་རྗེས་འབྲང་དང་བཅས་པས་སྤྱོད་རྒྱུད་དང་རྣལ་འབྱོར་རྒྱུད་མཚམས་སྦྱོར་བ་སོར་བཞེད་ཀྱི་རྣལ་འབྱོར་རྒྱུད་དངོས་སུ་མི་བཞེད་ལ། བླ་མེད་ཀྱི་དབྱེ་བ་ནི་འདིར་སྨྲོས་མ་དགོས་སོ། །བཞི་པ་ལ་གསུམ། བྱ་སྤྱོད་རྣལ་འབྱོར་རོ། །དང་པོ་ལ། བྱ་བ་སོ་སོའི་རྒྱུད་ཀྱི་ཐོག་མ་གཤེགས་རིགས་ཀྱི་གཙོ་བོར་གྱུར་པ་སངས་རྒྱས་དཔའ་བོ་བདུན་གྱི་གཙོ་བོ་དབུས་སུ་རིན་པོ་ཆེའི་ཁྲི་དང་པད་ཟླའི་གདན་ལ་རྒྱལ་བ་ཤཱཀྱ་ཐུབ་པ་ཆོས་འཆད་ཀྱི་ཕྱག་རྒྱ་མཛད་པ། ཨ་ཤྭཏྠའི་ཤིང་ལ་སྐུ་རྒྱབ་བརྟེན་པ། ཤར་དུ་རྣམ་གཟིགས་ས་གནོན་མཉམ་བཞག །མྱ་ངན་འཚང་གི་ཤིང་། བྱང་ཤར་དུ་གཙུག་ཏོར་ཅན་མཆོག་སྦྱིན་མཉམ་བཞག །པདྨ་དཀར་པོའི་ཤིང་། ཤར་ལྷོར་ཐམས་ཅད་སྐྱོབ་སྐྱབས་སྦྱིན་མཉམ་བཞག །སཱ་ལའི་ཤིང་། ནུབ་ཏུ་འཁོར་བ་འཇིགས་ཏིང་ངེ་འཛིན་གྱི་ཕྱག་རྒྱ། ཤཱིརྵའི་ཤིང་། ལྷོ་ནུབ་ཏུ་གསེར་ཐུབ་ཆོས་འཆང་མཉམ་བཞག །ཨུ་དུམྦ་རའི་ཤིང་། ནུབ་བྱང་དུ་འོད་སྲུང་གཡས་མཆོག་སྦྱིན་དང་གཡོན་ཆོས་གོས་ཀྱི་གྲ་རི་དྭགས་ཀྱི་རྣ་བ་ལྟ་བུ་འཛིན་པ། ནྱ་གྲོ་དྷའི་ཤིང་དྲུང་དུ་

― LT40_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པ། ཐམས་ཅད་ཀྱང་གསེར་མདོག་ཆོས་གོས་རྣམ་གསུམ་གསོལ་ཞིང་མཚན་དཔེས་སྤྲས་པ། འོད་ཟེར་མུ་མེད་འཕྲོ་བ། རྡོ་རྗེ་སྐྱིལ་ཀྲུང་གིས་རིན་པོ་ཆེའི་ཁྲི་དང་པད་ཟླ་ལ་བཞུགས་པའོ། །ལྷོ་རུ་ཁྲོ་བོ་ཆེན་པོ་སྔོན་པོ་མཆན་ཁུང་གཡས་གཡོན་ན་རལ་གྲི་དང་ཞགས་པ་བཅུག་ཅིང་ཐལ་མོ་སྦྱར་བ། རོལ་པའི་ཁྲོ་བོའི་ཆས་ཐམས་ཅད་རྫོགས་པ། བྱང་དུ་ཕྱག་རྡོར་ལྗང་གུ་ཞི་ཚུལ་དར་དང་རིན་པོ་ཆེའི་རྒྱན་ལྡན། གཡས་རྡོ་རྗེ་ཐུགས་ཀར་གཏོད་ཅིང་གཡོན་གདན་ལ་བརྟེན་པ། གཉིས་ཀ་པད་ཉི་ལ་རོལ་སྟབས་ཀྱིས་བཞུགས་པ། རྣམ་གཟིགས་ཀྱི་མདུན་གཡས་སུ་ཐུབ་པ་མེ་རུ་ཤི་ཥ་གསེར་མདོག་གཡས་སྐྱབས་སྦྱིན། གཡོན་ཆོས་གོས་ཀྱི་གྲྭ་རི་དྭགས་རྣ་བ་ལྟ་བུ་ལྟེ་བའི་ཐད་ཀར་འཛིན་ཅིང་། བྱང་ཆུབ་ཤིང་དྲུང་དུ་བཞུགས་པ། མདུན་གཡོན་ཀླུ་དབང་རྒྱལ་པོ་ཞལ་རས་དཀར། སྐུ་ལུས་སྔོ། ཕྱག་གཉིས་ཐུགས་ཀར་ངན་སོང་གི་སྐྱེ་གནས་ལས་འདོན་པའི་ཕྱག་རྒྱ་ཞེས། བྲིས་ཆ་རྙིང་པ་ལ་ཆོས་འཁོར་རྒྱ་མཛད། སྤྲུལ་མགོའི་གདེངས་ཀ་བདུན་དང་མེ་ཏོག་ཁ་དོག་སྣ་ཚོགས་པའི་རྒྱབ་ཡོལ་ཅན། གཉིས་ཀ་སྤྲུལ་སྐུ་རབ་བྱུང་གི་ཆ་ལུགས། ཞབས་རྡོར་སྐྱིལ་གྱིས་པད་ཟླ་ལ་བཞུགས་པའོ། །འཇའ་སྤྲིན་བྲག་རི་གཡའ་

― LT40_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

སྤང་མེ་ཏོག་ཆུ་མཚོ་ངང་པ་འབྲས་བུའི་ནགས་ཚལ་སོགས་ཡུལ་སྣང་མཛེས་ཤིང་ཡིད་དུ་འཕྲོག་པ་ཞལ་ཐང་རྣམས་ཀྱི་ས་སྟོང་སོགས་དང་མཐུན་པར་བཀོད་མཛེས་སུ་བྲི། །འདི་ནི་ཤཱཀྱ་རཀྵི་ཏའི་མན་ངག་སྒྲོལ་བའི་མགོན་པོའི་བཀའ་སྲོལ་ལས་བྱོན་པ་སྟེ་རྗེས་གནང་གི་རྒྱུན་ཕྱག་ལེན་ཁྱད་པར་ཅན་གྱིས་བརྒྱན་པ་བཞུགས་ཤིང་། དཔའ་བོ་བདུན་གྱི་སྐུ་བཞེངས་པ་ལ་དགོས་པ་དང་ཕན་ཡོན་ནན་ཏར་ཆེ་བར་གསུངས་པས་ཐོག་མར་དགེ་བའི་ཕྱིར་རུ་བཀོད་པའོ། ༡ །གཤེགས་རིགས་ཀྱི་གཙོ་བོ་ཐུབ་པ་དམ་ཚིག་གསུམ་བཀོད་ཀྱི་གཙོ་བསྡུས། །དབུས་སུ་རྡོ་རྗེ་རིན་པོ་ཆེའི་ཁྲི་དང་པད་ཟླ་ལ་ཐུབ་དབང་རབ་ཏུ་བྱུང་བའི་ཆ་ལུགས་ཅན། སྐུ་མདོག་གསེར་བཙོམ་ལྟ་བུ་མཚན་དཔེས་བརྒྱན་པ། ཕྱག་གཉིས་ཐུགས་ཀར་ཆོས་ཀྱི་འཁོར་ལོའི་ཕྱག་རྒྱ་མཛད་པ། ཞབས་རྡོ་རྗེ་སྐྱིལ་ཀྲུང་། ཆོས་གོས་རྣམ་གསུམ་གསོལ་ཞིང་འོད་ཟེར་མུ་མེད་པ་འཕྲོ་བ། ཁྲིའི་གཡས་ལོགས་སུ་འཕགས་པ་རྡོ་རྗེ་འཛིན་གསེར་མདོག་རལ་པའི་ཅོད་པན་ཅན། ནབ་བཟའ་སེར་པོ་གྱོན་པ། ཕྱག་གཡས་རྡོ་རྗེ་སེར་པོ། གཡོན་གདན་ལ་བརྟེན་པ། དེའི་མདུན་ངོས་འོག་གི་ཆར། ཁྱེའུ་མཐའ་ཡས་དམར་པོ་སྤྱན་གསུམ་མཆེ་གཙིགས་ཁྲོ་ཉམས་ནོར་བུའི་

― LT40_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་ཕུད། སྟག་ཤམ་དང་སྦྲུལ་དཀར་པོའི་ཚངས་སྐུད་ཅན། ཕྱག་གཡས་གྲི་གུག །གཡོན་ཞགས་པ། ཁྲིའི་གཡོན་ལོགས་སུ་འཕགས་མ་རྡོ་རྗེ་འཛིན་མ་ལྗང་གུ་བླ་གོས་དམར་པོ་ཅན། ཕྱག་གཉིས་ཐལ་སྦྱར་རྡོ་རྗེ་འཛིན་པ། དབུ་སྐྲ་ཕྱེད་བཅིངས་སོགས་ལྷ་མོའི་ཉམས། པུས་མོའི་ཕྱོགས་གཅིག་གདན་ལ་བཙུགས་པ། དེའི་མདུན་ངོས་འོག་གི་ཆར་བུ་མོ་མཐའ་ཡས་མོ་སྔོ་སང་ལང་ཚོ་ལ་བབ་པ། དབུ་སྐྲ་ནག་པོ་ཟུར་ཕུད་གཅིག་པ། དར་སྔོན་པོའི་གོས་ཅན་ཕྱག་ན་མེ་ཏོག་གི་ཕྲེང་བརྒྱུད་ཐོགས་པ། རྒྱན་ཐམས་ཅད་ཀྱིས་བརྒྱན་པ། སྒེག་པ་དང་བཅས་པས་འཁོར་གྱི་དཀྱིལ་འཁོར་ལ་ལྟ་བའི་ཚུལ། ཐམས་ཅད་ཀྱང་རིན་པོ་ཆེ་དང་པདྨའི་གདན་ལ་བཞུགས་པ། འཁོར་གསུམ་གྱི་ཞབས་སེམས་སྐྱིལ་ཏེ། འདིར་སེམས་སྐྱིལ་ཞེས་པ་རྣམས་ནི་ཞབས་གཅིག་གི་བྱིན་པ་ལ་གཅིག་ཤོས་བསྣོལ་ཏེ་བཞག་པའོ། །ཐུབ་དབང་འོད་ཟེར་དྲི་མེད་ལྷ་དྲུག་གི་གཙོ་བོ་ཐུབ་པ་ཆོས་འཁོར་མ་སྔ་མས་འཐུས་པར་བྱས་ཤིང་། འཁོར་གྱི་ལྷ་འོག་གི་ཆར་གཡས་ངོས་སུ་འཕགས་པ་སྤྱན་རས་གཟིགས་དཀར་པོ། གཡས་པདྨ། གཡོན་མཆོག་སྦྱིན། གཡོན་ངོས་སུ་ཕྱག་རྡོར་སྔོན་པོ་ཁྲོ་ཉམས་ཅན། གཡས་རྔ་ཡབ། གཡོན་རྡོ་རྗེ། སེམས་དཔའ་གཉིས་ཀ་དར་དང་རིན་

― LT40_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེའི་རྒྱན་ཅན། ཞབས་སེམས་སྐྱིལ་གྱིས་པད་ཟླ་དང་ཁྲི་ཟླུམ་པོ་ལ་བཞུགས་པ། སྤྱན་རས་གཟིགས་ཀྱི་མདུན་འོག་ཏུ། ཚོགས་བདག་སྔོན་པོ་གཡས་རྡོ་རྗེ་གཡོན་སྡིགས་མཛུབ། མགོ་རྒུ་ཞིང་སྟོད་དགྱེད་པའི་ཉམས་ཅན། ཕྱག་རྡོར་མདུན་འོག་ཏུ་ཁྱབ་འཇུག་ནག་པོ་ཕྱག་བཞིའི་གཡས་གཉིས་འཁོར་ལོ་དང་དུང་། གཡོན་གཉིས་བེ་ཅོན་དང་རལ་གྲི་བསྣམས་ཤིང་མཁའ་ལྡིང་ལ་བཞུགས་པ། གཙོ་བོའི་མདུན་དུ་དྲག་པོ་དཀར་པོ། མགྲིན་པ་སྔོན་པོ། ཕྱག་གཡས་མདུད་རྩེ་གསུམ། གཡོན་རལ་གྲི་བསྣམས་པ། གླང་ཁྱུ་མཆོག་ལ་ཞོན་ཅིང་གདན་ཟླུམ་པོ་ཅན། བཀའ་ཉན་གསུམ་ཀ་དར་དང་རིན་པོ་ཆེའི་རྒྱན་སོགས་ལྷའི་ཆས་ཅན་ནོ། །སྔ་མལ་ཇོ་ནང་རྗེ་བཙུན་རིན་པོ་ཆེའི་ཡིག་ཆ་དང་། ཕྱི་མ་ལ་ཀུན་མཁྱེན་བུ་སྟོན་ཞབས་རྗེས་འབྲང་དང་བཅས་པའི་ཡིག་ཆ་རྣམས་ཀྱི་ལུང་དང་། དབང་རྒྱུན་ཚད་ལྡན་སོགས་བཞུགས་སོ། ༢ །གཤེགས་རིགས་ཀྱི་གཙོ་བོ་བཅོམ་ལྡན་འདས་སྨན་གྱི་བླ་སྐུ་མདོག་སྔོན་པོ་བཻ་ཌཱུརྻའི་མདངས་ལྡན་ཆོས་གོས་རྣམ་གསུམ་གསོལ་བ། ཕྱག་གཡས་མཆོག་སྦྱིན་ཨ་རུ་རའི་སྡོང་པོ། གཡོན་མཉམ་བཞག་ལྷུང་བཟེད་བདུད་རྩིས་གང་བ་འཛིན་པ། ཤར་ལྷོར་མཚན་ལེགས་ཡོངས་བསྒྲགས་སེར་པོ་གཡས་

― LT40_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་སྦྱིན། གཡོན་མཉམ་བཞག །ལྷོར་སྒྲ་དབྱངས་རྒྱལ་པོ་སེང་པོ་ཕྱག་གཉིས་ཆོས་འཆད་ལྷོ་ནུབ་ཏུ་གསེར་བཟང་དྲི་མེད་དམར་སེར་གཡས་མཆོག་སྦྱིན། གཡོན་མཉམ་བཞག །ནུབ་ཏུ་མྱ་ངན་མེད་དཔལ་དཀར་པོ་ཕྱག་གཉིས་ཆོས་འཆད། ནུབ་བྱང་དུ་ཆོས་བསྒྲགས་རྒྱ་མཚོ་དམར་པོ་ཕྱག་གཉིས་མཉམ་བཞག །བྱང་དུ་ཆོས་བློ་མངོན་མཁྱེན་དམར་སེར་གཡས་མཆོག་སྦྱིན། གཡོན་མཉམ་བཞག །བྱང་ཤར་དུ་ཤཱཀྱ་ཐུབ་པ་གསེར་མདོག་ས་གནོན་མཉམ་བཞག །གཤེགས་པ་བརྒྱད་ཀ་ཆགས་བྲལ་རབ་བྱུང་ཆས་མཚན་དཔེས་བརྒྱན་ཅིང་། སེང་ཁྲི་པད་ཟླ་ལ་རྡོ་རྗེའི་སྐྱིལ་ཀྲུང་གིས་བཞུགས་པ། མདོ་ཆོག་ཏུ་དཀྱིལ་འཁོར་དབུས་སུ་མདོ་སྡེའི་གླེགས་བམ་བཞུགས་པར་གསུངས་པའི་མཚོན་བྱེད། ཤར་ཕྱོགས་སུ་གཤེགས་རིགས་ཀྱི་ཡུམ་ཤེས་རབ་ཕར་ཕྱིན་གསེར་མདོག་ཞལ་གཅིག་ཞི་འཛུམ། ཕྱག་བཞིའི་དང་པོ་གཉིས་ཆོས་འཆད་དང་མཉམ་བཞག །འོག་མ་གཉིས་པུསྟི་དང་ཕྲེང་བ་བསྣམས་པ། དབུ་སྐྲ་ཐོར་ཚུགས་དར་དང་རིན་པོ་ཆེའི་རྒྱན་སོགས་ལྷ་མོའི་མཚན་ཉིད་རྫོགས་ཤིང་། སེང་ཁྲི་པད་ཟླ་ལ་རྡོ་རྗེའི་སྐྱིལ་ཀྲུང་གིས་བཞུགས་པ། གཙོ་བོའི་གཡས་སུ་བྱང་སེམས་ཟླ་ལྟར་སྣང་བྱེད་དཀར་པོ་གཡས་པདྨའི་སྟེང་དུ་ཟླ་བས་མཚན་པའི་པུསྟི་བསྣམས་པ། །

― LT40_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་ཏུ་ཉི་ལྟར་སྣང་བྱེད་སེར་པོ་ཕྱག་གཡས་ཨུཏྤལ་སྟེང་ཉི་མས་མཚན་པའི་པུསྟི་བསྣམས་པ། གཉིས་ཀའི་ཕྱག་གཡོན་དཀུར་བརྟེན་ཅིང་པད་ཟླ་ལ་བཞེངས་པ། གཙོ་འཁོར་རྣམས་ཀྱི་མདུན་ཕྱོགས་སུ་འཇམ་དཔལ་སེར་པོ་ཕྱག་གཉིས་ཆོས་འཆད་ཀྱིས་ཨུཏྤལ་བསྣམས་པའི་གཡས་གཡོན་རལ་བོད་ཀྱིས་མཚན་པ། དེའི་གཡས་སུ་སྐྱབས་གྲོལ་དཀར་པོ་ཕྱག་གཉིས་རྡོ་རྗེ་ཁུ་ཚུར་དཀུར་བརྟེན་པ། གཡོན་ཏུ་ཕྱག་རྡོར་ལྗང་གུ་ཕྱག་གཡས་རྡོ་རྗེ་གཡོན་ཕྲེང་བ་བསྣམས་པ། བྱང་སེམས་རྣམས་འཁོར་ལོས་སྒྱུར་བའི་ཆ་བྱད་དང་། སྐུ་ཅུང་ཟད་ཆུང་ཉམས། པད་ཟླ་ལ་སེམས་སྐྱིལ་གྱིས་བཞུགས་པའོ། །འདི་ལ་འཁོན་སྟོན་དཔལ་འབྱོར་ལྷུན་གྲུབ་ཀྱི་དཀྱིལ་ཆོག་སྟེང་ནས་དབང་རྒྱུན་ཚད་ལྡན་བཞུགས་ཀྱང་ལྷ་བཀོད་མདོ་ཆོག་ལྟར་བྱས་པའོ། ༢ །གཤེགས་རིགས་ཀྱི་བདག་པོ་ཨ་ར་པ་ཙ་ན་ལྷ་ལྔའི་གཙོ་བོ་ཆོས་འཆད་ཀྱི་ཕྱག་རྒྱས་ཨུཏྤལ་འཛིན་པའི་མེ་ཏོག་སྙན་ཐད་ཁ་བྱེ་བའི་ཟེའུ་འབྲུར་གཡས་སུ་རལ་གྲི། གཡོན་ཏུ་པུསྟ་ཀས་མཚན་པ། དབུ་སྐྲ་ཟུར་ཕུད་ལྔ་པ། ཤར་དུ་གཞོན་ནུ་དྲྭ་བ་ཅན་གྱི་འོད་དང་། ནུབ་ཏུ་ཟླ་འོད་གཞོན་ནུ་གཉིས་གཡས་རལ་གྲི་ཕྱར་སྟབས། གཡོན་པུསྟི་ཐུགས་ཀར་འཛིན་པ། ལྷོར་སྐྲ་ཅན་མ་དང་། བྱང་དུ་ཉེ་བའི་སྐྲ་

― LT40_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་མ་གཉིས་གཡས་མཆོག་སྦྱིན། གཡོན་པའི་མཐེབ་སྲིན་གྱིས་ཨུཏྤལ་ཡུ་བ་ཐུགས་ཀར་བཟུང་བའི་མེ་ཏོག་སྙན་ཐད་ཁ་བྱེ་བར་པུསྟིས་མཚན་པ། ལྷ་མོའི་ཉམས། གཙོ་འཁོར་ལྔ་ཀ་སྐུ་མདོག་དཀར་པོ། དར་དང་རིན་པོ་ཆེའི་རྒྱན་ལྡན། རྡོར་སྐྱིལ་གྱིས་པད་ཟླ་ལ་བཞུགས་པ། འཁོར་བཞི་ཆུང་། སྟེང་གི་དབུས་སུ་འཇམ་དཔལ་ངག་གི་དབང་ཕྱུག་འོད་དཔག་མེད་དམར་པོ་མཉམ་བཞག་གི་ཕྱག་རྒྱ། དར་དང་རིན་པོ་ཆེས་བརྒྱན་ཅིང་པད་ཟླ་ལ་སྐྱིལ་ཀྲུང་། སྟེང་གཡས་སུ་ཨ་ར་པ་ཙ་ན་དམར་སེར། ཕྱག་གཡས་རལ་གྲི་སྔོ་སངས་དཔུང་པའི་ཐད་ཀར་འཕྱར་བ། གཡོན་ཨུཏྤལ་སྔོན་པོའི་རྩ་བ་ཐུགས་ཀར་བཟུང་ཞིང་སྙན་གྱི་ཐད་ཀར་ཁ་བྱེ་བའི་སྟེང་ན་གླེགས་བམ་གྱིས་མཚན་པ་བསྣམས་པ། རལ་པའི་ཟུར་ཕུད་ལྔ་ལྡན། དར་དང་རིན་པོ་ཆེའི་རྒྱན་ལྡན། ཟླ་བའི་འོད་ཀྱི་རྒྱབ་ཡོལ་ཅན། པད་ཟླ་ལ་སྐྱིལ་ཀྲུང་། སྟེང་གཡོན་ཏུ་པད་ཟླ་ལ་སེང་གེ་སྔོན་པོ་མགོ་གཡས་བསྟན། རལ་པ་དམར་སར་ཐུར་དུ་གྲོལ་ཞིང་གདོང་གྱེན་ཏུ་ཕྱོགས་པ་ཉལ་སྟབས་སུ་གནས་པའི་སྟེང་དུ་པད་ཉི་ལ་འཇམ་དཔལ་སྨྲ་བའི་སེང་གེ་དམར་སེར། ཕྱག་གཉིས་ཆོས་འཆད་ཀྱི་མཐེབ་མཛུབ་བར་ནས་བྱུང་བའི་ཨུཏྤ་ལའི་སྡོང་བུ་སྙན་གཡས་གཡོན་ཐད་ཀར་ཁ་བྱེ་བའི་སྟེང་དུ་གཡས་

― LT40_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

རལ་གྲི་དང་གཡོན་པུསྟིས་སྤྲས་པ། ཟུར་ཕུད་ལྔ་ལྡན་ལོངས་སྐུའི་ཆས། ཞབས་གཉིས་རྒྱལ་པོ་རོལ་སྟབས། འོག་མདུན་དབུས་སུ་འོ་མའི་རྒྱ་མཚོ་ཆུ་བྱ་དང་མེ་ཏོག་གིས་ཁེབས་ཤིང་། མཚོ་མཐར་མེ་ཏོག་དང་འབྲས་བུའི་ནགས་ཚལ་འཁྲིགས་པ་ལ་གླང་ཆེན་ཐལ་ཀར་ཁྱུ་ཚོགས་རྒྱུ་བ། མཚོ་དབུས་པད་སྡོང་གསེར་གྱི་ཡལ་འདབ་པདྨ་དཀར་པོ་ཟེའུ་འབྲུ་དམར་སེར་ཅན་གྱི་སྟེང་དུ་ཟླ་གདན་ལ་འཇམ་དཔལ་སྐུ་མདོག་དཀར་པོ་རལ་པའི་ཟུར་ཕུད་ལྔ་ལྡན། ཕྱག་གཡས་མཆོག་སྦྱིན། གཡོན་པའི་མཐེབ་སྲིན་གྱིས་ཡུ་བ་ཐུགས་ཀར་བཟུང་བའི་ཨུཏྤལ་སྙན་ཐད་བྱེ་བའི་སྟེང་ན་ཤེར་ཕྱིན་གྱི་གླེགས་བམ་བཞུགས་པ། དར་དཀར་པོའི་སྟོད་གཡོགས། དར་སྣ་ཚོགས་པའི་སྨད་དཀྲིས། རྡོ་རྗེ་སྐྱིལ་ཀྲུང་གིས་བཞུགས་པའོ། །འོག་གཡས་ཤེར་ཕྱིན་དཀར་མོ་དབུ་སྐྲ་ནག་པོ་གཡོན་ངོས་འཁྱིལ་པ། ཕྱག་གཉིས་ཆོས་འཆད་མཛད་པའི་ཕྱག་མཐིལ་གཡས་ལས་པད་དཀར་དང་གཡོན་ལས་དམར་པོའི་རྩ་བ་སྐྱེས་ཤིང་སྙན་ཐད་ཁ་བྱེ་བའི་སྟེང་ན་གླེགས་བམ་རེ་རེ་བཞུགས་པ། སྐེད་སྐབས་ཕྲ་ཞིང་ནུ་འབུར་རྒྱས་པ་སོགས་ལྷ་མོའི་མཚན་ཉིད་ཅན། དར་དང་རིན་ཆེན་རྒྱན། ཞབས་རྡོར་སྐྱིལ། གདན་པད་ཟླ། གཡོན་ཏུ་དུག་སེལ་མ་དཀར་མོ་

― LT40_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གཅིག་སྤྱན་གསུམ་རལ་པའི་ཅོད་པན་ཅན། གོས་དཀར་པོའི་སྟོད་གཡོགས་སྨད་གཡོགས། རིན་པོ་ཆེ་དཀར་པོ་དང་སྦྲུལ་གྱིས་བརྒྱན་པ། ཕྱག་བཞིའི་དང་པོ་གཉིས་པི་ཝཾ་བསྒྲེང་བ། གཡས་འོག་མ་སྐྱབས་སྦྱིན། །གཡོན་འོག་མ་སྦྲུལ་དཀར་པོ་བསྣམས་པ། ཞབས་སེམས་སྐྱིལ་གྱིས་པད་ཟླ་ལ་བཞུགས་པ་སྟེ་གཉིས་ཀ་གཤེགས་རིགས་ཀྱི་ཡུམ་ཞར་བྱུང་གི་ཚུལ་ལོ། ཨ་ར་པ་ཙ་ན་ལྷ་ལྔ་དང་འཇམ་དཀར་བཅས་དཔའ་བོ་གཅིག་གྲུབ་ཀྱི་རྒྱུད་ལ་བརྟེན་ཅིང་རྒྱུད་འདི་སྤྱིར་རྒྱུད་སྡེ་འོག་མ་གསུམ་ཀའི་ཆ་མཐུན་གྱི་རྒྱུད་དུ་བཞེད་ལ། གཙོ་ཆེ་བའི་དབང་གིས་ལྷ་ལྔ་སྤྱོད་རྒྱུད་གཤེགས་རིགས་སུ་བཞེད་པའང་མཆིས་མོད། འདིར་རིགས་མཐུན་བསྡེབས་སླ་བའི་དབང་གིས་བཞག་ཅིང་ལྷ་ལྔར་ས་ལུགས་ཀྱི་དཀྱིལ་ཆོག་དང་དབང་རྒྱུན་ཚད་ལྡན་ཡོད། དམ་པའི་སྨྲ་སེང་སོགས་བྱ་རྒྱུད་ཁོ་ནར་མ་ངེས་ཀྱང་གྲགས་ཤིང་བྱིན་རླབས་ཆེ་བས་ཕྱོགས་སུ་འབྲི་བ་ལ་དོན་མཆིས་སོ། ༤ །གཤེགས་རིགས་ཀྱི་ཡུམ་སྲུང་བ་ལྷ་ལྔ་དབུས་སུ་སོ་སོ་འབྲང་མ། ཞལ་བཞི། སྤྱན་གསུམ་གསུམ། རྩ་ཞལ་དང་སྐུ་མདོག་དཀར་སེར། གཡས་ཞལ་ནག །རྒྱབ་སེར། གཡོན་དམར། ཕྱག་བརྒྱད་གཡས་བཞིས་འཁོར་ལོ། རྡོ་རྗེ། མདའ། རལ་གྲི། གཡོན་བཞིས་རྡོ་རྗེའི་ཞགས་པ། རྩེ་གསུམ།

― LT40_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུ། དགྲ་སྟྭ་འཛིན་པ། གཙུག་ཏོར་ལ་མཆོད་རྟེན་དང་དར་དང་རིན་པོ་ཆེས་བརྒྱན་པ། ཉི་མའི་རྒྱབ་ཡོལ། པད་ཟླ་ལ་ཞབས་རྡོར་སྐྱིལ། བྱང་ཆུབ་ཀྱི་ཤིང་ལ་སྐུ་རྒྱབ་བརྟེན་པ། མདུན་ཏུ་སྟོང་ཆེན་རབ་འབྱམས་ཞལ་བཞི་སྤྱན་གསུམ་གསུམ་དང་བཅས་ཤིང་ཆེར་ཁྲོས་པ། རྩ་ཞལ་དང་སྐུ་མདོག་སྔོན་མོ། གཡས་དཀར། རྒྱབ་སེར། གཡོན་དམར། ཕྱག་གཡས་བཞིས་རྡོ་རྗེ་དང་བཅས་པའི་མཆོག་སྦྱིན། ལྕགས་ཀྱུ། མདའ། རལ་གྲི། གཡོན་བཞིས་ཞགས་པ་དང་བཅས་པའི་སྡིགས་མཛུབ། དགྲ་སྟྭ། གཞུ། པདྨའི་སྟེང་ན་རིན་པོ་ཆེ་ཟུར་དྲུག་པ་འཛིན་པ། དབུ་སྐྲ་སེར་པོ་གྱེན་བརྫེས། ཐོད་སྐམ་ལྔའི་དབུ་རྒྱན་དང་། རློན་པ་ལྔ་བཅུའི་དོ་ཤལ། སྟག་ཤམ་རུས་པ་སྦྲུལ་དང་རིན་པོ་ཆེས་བརྒྱན་པ། ཞབས་གཡས་བརྐྱང་རོལ་པའི་སྟབས་ཀྱིས་པད་ཉི་ལ་བཞུགས་པ། མེ་འབར་བའི་དབུས་ན་འགྱིང་བའི་ཉམས། ཏ་ལའི་སྡོང་པོ་རབ་ཏུ་རྒྱས་པ་ལ་རྒྱབ་བརྟེན་པ། གཡས་སུ་རྨ་བྱ་ཆེན་མོ་ཞལ་གསུམ་སྤྱན་གསུམ། རྩ་ཞལ་དང་སྐུ་མདོག་སེར་པོ། གཡས་ནག་གཡོན་དམར། ཕྱག་བརྒྱད་གཡས་བཞིའི་མཆོག་སྦྱིན། རིན་པོ་ཆེ་འབབ་པའི་བུམ་པ། འཁོར་ལོ། རལ་གྲི། གཡོན་བཞི་ན་དགེ་སློང་དང་བཅས་

― LT40_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལྷུང་བཟེད། རྨ་བྱའི་མཇུག་སྒྲོ། སྣ་ཚོགས་རྡོ་རྗེས་ཁ་བརྒྱན་པའི་བུམ་པ། རིན་པོ་ཆེའི་རྒྱལ་མཚན་འཛིན་པ། དར་དང་རིན་པོ་ཆེ་རྒྱན་ལྡན་ཉི་མའི་རྒྱབ་ཡོལ་མངའ་བ། པད་ཟླ་ལ་སེམས་སྐྱིལ། མྱ་ངན་མེད་པའི་ཤིང་ལ་སྐུ་རྒྱབ་བརྟེན་པ། རྒྱབ་ཀྱི་མཚོན་བྱེད་སྟེང་གི་ཆར་གསང་སྔགས་རྗེས་འཛིན་ཞལ་གསུམ་སྤྱན་གསུམ། རྩ་ཞལ་དང་སྐུ་མདོག་དམར། གཡས་ནག་གཡོན་དཀར། ཕྱག་བཅུ་གཉིས་ཀྱིས་དང་པོ་གཉིས་ཆོས་འཁོར་རྒྱ། དེ་འོག་གཉིས་མཉམ་བཞག །ལྷག་མ་གཡས་བཞིས་མཆོག་སྦྱིན། སྐྱབས་སྦྱིན། རྡོ་རྗེ། མདའ། གཡོན་བཞིས་སྡིགས་མཛུབ་དང་བཅས་པའི་ཞགས་པ། པདྨས་བརྒྱན་པའི་བུམ་པ། རིན་པོ་ཆེའི་སྙེ་མ། གཞུ་འཛིན་པ། དར་དང་རིན་ཆེན་རྒྱན་ལྡན་ཉི་མའི་རྒྱབ་ཡོལ་ཅན། པད་ཟླ་ལ་སྐྱིལ་ཀྲུང་། ཤཱིརྵའི་ཤིང་ལ་སྐུ་རྒྱབ་བརྟེན་པ། གཡོན་ཏུ་བསིལ་བའི་ཚལ་ཞལ་གསུམ་རྩ་ཞལ་དང་སྐུ་མདོག་ལྗང་གུ། གཡས་དཀར་གཡོན་དམར། ཕྱག་དྲུག །གཡས་གསུམ་སྐྱབས་སྦྱིན། རྡོ་རྗེ། མདའ། །གཡོན་གསུམ་ཞགས་པ་དང་བཅས་པའི་སྡིགས་མཛུབ། རིན་པོ་ཆེའི་རྒྱལ་མཚན། གཞུ་འཛིན་པ། དར་དང་རིན་པོ་ཆེའི་རྒྱན་དང་ཉི་མའི་རྒྱབ་ཡོལ་ཅན། པད་ཟླ་ལ་ཞབས་སེམས་སྐྱིལ། ཙམྤ་

― LT40_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

ཀའི་ཤིང་དྲུང་ན་བཞུགས་པའོ། །མཚམས་བཞིར་བདུད་རྩིས་གང་བའི་བུམ་པ་ཁ་རྒྱན་དང་བཅས་པ། སྟེང་གཡས་གཤེགས་རིགས་ཀྱི་ཡུམ་འོད་ཟེར་ཅན་མ་ཞལ་གསུམ་ཕྱག་དྲུག་རྩ་ཞལ་དང་སྐུ་མདོག་སེར་མོ། གཡས་དཀར། གཡོན་ཕག་ཞལ་ནག་པོ། ཞལ་རེ་རེ་ལ་སྤྱན་གསུམ་གསུམ། ཕྱག་གཡས་གསུམ་མདའ། རྡོ་རྗེ། ཁབ། གཡོན་གསུམ། །གཞུ། སྐུད་པ། མྱ་ངན་མེད་པའི་ཤིང་། མེ་ཏོག་དང་བཅས་པའི་ཡལ་ག་བསྣམས་པ། སྟོད་གཡོགས་སྨད་གཡོགས་སྔོན་པོ། རིན་པོ་ཆེའི་ཅོད་པན་དང་དབུ་སྐྲ་ཐོར་ཚུགས་མཆོད་རྟེན་གྱིས་བརྒྱན་པ། ཕག་སེར་པོ་དང་སྣ་ཚོགས་པད་ཉི་ལ་བཞུགས་པ། མཆོད་རྟེན་གྱི་བུམ་པའི་ནང་དུ་བཞུགས་པར་བཤད་ཀྱང་མི་ཤོང་དོག་པས་མ་བྲིས་ཀྱང་ཆོག །མཚོན་བྱེད་ཙམ་སྐུ་རྒྱབ་ལ་མཆོད་རྟེན་བྲིས་ཀྱང་རུང་། སྟེང་གཡོན་གཤེགས་རིགས་ཀྱི་ལྷ་མོ་འཕགས་མ་སྐུལ་བྱེད་མ་དཀར་མོ་ཞི་ཉམས་ཅན། རལ་པའི་ཐོར་ཚུགས་ལ་རྡོར་སེམས་ཀྱིས་མཚན་པ། ཕྱག་བཞིའི་གཡས་དང་པོས་མཆོག་སྦྱིན། གཡོན་དང་པོས་པུསྟིས་མཚན་པའི་པདྨ། འོག་མ་གཉིས་ཀྱིས་ལྷུང་བཟེད་བསྣམས་པ། དར་དང་རིན་པོ་ཆེའི་རྒྱན་ལྡན། པད་ཟླ་ལ་སེམས་སྐྱིལ་གྱིས་བཞུགས་པ། །

― LT40_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་ཏུ་བཀའ་ཉན་གྱི་གཙོ་བོ་རྒྱལ་ཆེན་སྡེ་བཞི་གཡས་ཕྱོགས་ཡུལ་འཁོར་སྲུང་ལྗང་གུ་པི་ཝཾ་བསྒྲེང་བ་དང་འཕགས་སྐྱེས་པོ་སྔོན་པོ་གཡས་རལ་གྲི། གཡོན་གདན་ལ་བརྟེན་པ་གཉིས། །གཡོན་ཕྱོགས་སུ་མིག་མི་བཟང་དམར་པོ་གཡས་སྦྲུལ་ཞགས་གཡོན་མཆོད་རྟེན་བསྣམས་པ་དང་རྣམ་ཐོས་སྲས་སེར་པོ་གཡས་རིན་པོ་ཆེས་མཚན་པའི་དབྱུག་ཏོ་གཡོན་ནེའུ་ལེ་བསྣམས་པ། །བཞི་ཀའང་ལྷའི་ཆས་ཅན་རྒྱ་གར་ལུགས། རིན་པོ་ཆེའི་ཁྲི་ལ་འགྱིང་སྟབས་ཀྱིས་བཞུགས་པ། གཙོ་མོ་ལྔ་པོ་སྐུ་ཆེ་ཞིང་གཞན་རྣམས་ཆུང་བར་བྲི། སྲུང་བ་ལྔ་པོ་གཟུངས་ཆེན་གྲྭ་ལྔ་ལས་གསུངས་ཤིང་རྒྱུད་ཐ་དད་པ་ཡིན་པས་སོ་སོར་ཡང་རུང་ལ་དཀྱིལ་འཁོར་གཅིག་ཏུ་བྱེད་པའི་ཁུངས་ནི་སོར་འབྲང་གི་དབུས་དང་། སྟོང་ཆེན་གྱི་མཇུག་གི་ཆར་གསལ་བ་བཞིན་ཞ་ལུ་དང་ཇོ་ནང་ལུགས་སོ་སོར་དཀྱིལ་ཆོག་དང་དབང་བསྐུར་བའི་རྒྱུན་སོགས་ཡོད་དོ། ༥ གཤེགས་རིགས་ཀྱི་གཙུག་ཏོར་དྲི་མེད་གཙོ་བོ་བཅོམ་ལྡན་འདས་ཐུབ་པའི་དབང་པོ་སྐུ་མདོག་གསེར་བཙོམ་ལྟ་བུ། །ཆགས་བྲལ་རབ་ཏུ་བྱུང་བའི་ཆས་མཚན་དཔེ་འབར་བ། ཞལ་བཞི་པ། ཕྱག་བརྒྱད་ཀྱིས་ཆོས་འཆད་ཀྱི་ཕྱག་རྒྱ་མཛད་པ། ཞབས་བཞི་སེམས་དཔའི་སྐྱིལ་ཀྲུང་། དེའི་སྨིན་མཚམས་མཛོད་སྤུ་

― LT40_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་འཕྲོས་པའི་ཚུལ་གྱི་གསེར་གྱི་བ་ཐག་གིས་སྦྲེལ་ཞིང་སྟེང་ཕྱོགས་སུ་རིམ་པར་ཇེ་རྒྱས་སུ་གྱུར་པའི་འཇའ་སྣམ་འོད་ཟེར་དྲྭ་བའི་དབུས་སུ་བཅོམ་ལྡན་འདས་མ་གཙུག་ཏོར་རྣམ་པར་གཟིགས་མ་དཀར་མོ་ཞལ་གཅིག་ཕྱག་བཞི་གཡས་དང་པོས་རིན་པོ་ཆེ། གཡོན་དང་པོ་ཞགས་པ། འོག་མ་གཉིས་མདའ་གཞུ་བཀང་བ། ཞི་འཛུམ་དར་དང་རིན་པོ་ཆེའི་རྒྱན་ལྡན། ཞབས་སེམས་སྐྱིལ། ཐུབ་པའི་མདུན་ཟུར་གཡས་ནས་གཡས་བསྐོར་གྱི་གྲྭ་བཞིར་ལྕགས་ཀྱུ་མ་དཀར་མོ་གཡས་ལྕགས་ཀྱུ། གཡོན་ཕྲེང་བ། ཞགས་པ་མ་སེར་མོ་གཡས་ཞགས་པ། གཡོན་རིན་པོ་ཆེའི་རྔ་ཡབ། ལྕགས་སྒྲོག་མ་དམར་མོ་གཡས་ལྕགས་སྒྲོག །གཡོན་རིལ་བ། འབེབས་བྱེད་མ་ལྗང་གུ་གཡས་དྲིལ་བུ། གཡོན་ཕྲེང་བ། སྒོ་མ་བཞི་ཀ་ཞི་མ་ཁྲོའི་ཉམས་ཅན་སྦྲུལ་དང་རིན་པོ་ཆེས་བརྒྱན་ཅིང་ཞབས་གཡས་བརྐྱང་གཡོན་བསྐུམ། གཙོ་འཁོར་དྲུག་ཀའི་གདན་སྣ་ཚོགས་པདྨ་དང་ཟླ་བའོ། །སྟེང་གི་གྲུ་གཡས་སུ་གཤེགས་རིགས་ཀྱི་ཁྲོ་བོ་འཇིག་རྟེན་གསུམ་རྒྱལ་རྩ་ཞལ་ཁྲོ་ཞིང་སྒེག་པ། གཡས་དྲག་ཤུལ། གཡོན་འཇིགས་རུང་། རྒྱབ་དཔའ་བའི་ཉམས་ཅན་སྤྱན་གསུམ་གསུམ་པ་སྟེ་ཞལ་བཞི་དང་སྐུ་མདོག་མཐིང་ནག །ཕྱག་བརྒྱད་ཀྱི་

― LT40_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་གཉིས་ཧཱུྃ་མཛད་ཀྱི་ཕྱག་རྒྱས་རྡོར་དྲིལ་བསྣམས་པ། ལག་པ་ཁུ་ཚུར་རྒྱབ་སྦྱར་མཐེའུ་ཆུང་སྦྲེལ་མཛུབ་མོ་བརྐྱང་བ་ནི་ཧཱུྃ་མཛད་རྒྱའོ། །ལྷག་མ་གཡས་གསུམ་རལ་གྲི། ལྕགས་ཀྱུ། མདའ། གཡོན་གསུམ་གཞུ། ཞགས་པ། རྡོ་རྗེ་བསྣམས་པ། དར་གྱི་སྟོད་གཡོགས་དང་ཤམ་ཐབས། རིན་པོ་ཆེའི་རྒྱན་ལྡན། ཞབས་གཡོན་བརྐྱང་དབང་ཕྱུག་ནག་པོའི་མགོ་བོ་དང་གཡས་བསྐུམ་གཽ་རཱིའི་ནུ་མ་ཟུར་མནན་པ། སྟེང་གི་གྲུ་གཡོན་ཏུ་གཤེགས་རིགས་ཀྱི་ཁྲོ་མོ་རྒྱལ་མཚན་རྩེ་མོའི་དཔུང་རྒྱན་དྲག་མོའི་ཚུལ་ཅན། ཞལ་བཞི་དང་སྐུ་མདོག་མཐིང་ནག །ཕྱག་བརྒྱད་གཡས་བཞིས་རལ་གྲི། གཏུན་ཤིང་། འཁོར་ལོ། མདའ། གཡོན་བཞིས་རྩེ་གསུམ། ཞགས་པ། གཞུ། སྡིགས་མཛུབ་མཛད་པ། དར་དང་རིན་པོ་ཆེའི་རྒྱན་ལྡན། ཞབས་བཞི་བཞེངས་ཚུལ་བདུད་བཞི་མནན་པ། དེ་གཉིས་ཀ་གདན་པད་ཉི་དང་འབར་ཕྲེང་གི་དབུས་ན་གནས་པའོ། །གཙོ་བོ་གཉིས་ཆེ་ཞིང་སྒོ་བཞི་ཆུང་། ཁྲོ་བོ་ཁྲོ་མོ་འབྲིང་ཚད་དུ་བྲི། གཙུག་ཏོར་དྲི་མེད་ལ་ཀར་ལུགས་ཞ་ལུ་ངོར་ལུགས་སོགས་ཀྱི་དཀྱིལ་ཆོག་སྲོག་ཤིང་འཛུག་ཆོག་འཆི་བསླུ་སོགས་ཡིག་ཆ་མང་པོ་དང་དབང་དང་རིག་པ་གཏད་པའི་རྒྱུན་ཕྱག་བཞེས་མ་ཉམས་པ་འབྱུང་། ༦ །གཤེགས་

― LT40_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་གཙུག་ཏོར་གདུགས་དཀར་གྱི་གཙོ་མོ་བཅོམ་ལྡན་འདས་མ་གདུགས་དཀར་མོ་སྐུ་མདོག་དཀར་མོ། རྩ་ཞལ་གཉིས་བརྒྱ་དཀར་མོ་ཞི་བ། གཡས་ཞལ་ཉིས་བརྒྱ་སེར་མོ་སྒེག་པ། རྒྱབ་ཞལ་གཉིས་བརྒྱ་དམར་མོ་བཞད་ཅིང་དགོད་པ། གཡོན་ཞལ་གཉིས་བརྒྱ་ལྗང་གུ་གདངས་ནས་རྔམས་པ། སྟེང་ཞལ་གཉིས་བརྒྱ་སྔོན་མོ་མཆེ་གཙིགས་དྲག་ཤུལ་གྱི་ཉམས། ཞལ་རེ་རེ་ལ་སྤྱན་གསུམ་གསུམ་མངའ་བ་སྟེ་དབུ་སྟོང་དང་ལྡན་པ། ཕྱག་སྟོང་གཡས་དང་པོའི་འཁོར་ལོ་དང་བཅས་པའི་སྐྱབས་སྦྱིན། དེ་འོག་གོ་དགུས་འཁོར་ལོ། དེ་འོག་རིམ་བཞིན་བརྒྱ་རྡོ་རྗེ། བརྒྱ་རིན་པོ་ཆེ། བརྒྱ་པདྨ། བརྒྱ་སྣ་ཚོགས་རྡོ་རྗེ་བསྣམས་པ། གཡོན་དང་པོས་མདའ་དང་བཅས་པའི་གདུགས་དཀར་པོ་རིན་པོ་ཆེའི་ཏོག་གིས་སྤྲས་པ། དེ་འོག་གོ་དགུ་མདའ། །དེ་འོག་རིམ་བཞིན་བརྒྱ་གཞུ། བརྒྱ་ལྕགས་ཀྱུ། བརྒྱ་ཞགས་པ། བརྒྱ་རལ་གྲི་འབར་བ་བསྣམས་པ། ཞབས་གཡས་ལྔ་བརྒྱ་བསྐུམ་ཞིང་གཡོན་ལྔ་བརྒྱ་བརྐྱང་བེས་འཇིགས་པ་དང་གདོན་ལྔ་བརྒྱ་ལྔ་བརྒྱ་མནན་པའི་ཚུལ། སྐུའི་ཆ་ཐམས་ཅད་ལ་ཟུར་ལྟས་དང་དྲག་ཤུལ་ལ་སོགས་གཟིགས་ཚུལ་སྣ་ཚོགས་པའི་སྤྱན་མང་པོ། དབུ་གཙུག་ཏུ་རྡོ་རྗེ་སྔོན་པོ་རྩེ་ལྔ་པ་རྭ་གདེངས་པས་མཚན་པ།

― LT40_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

དར་དང་རིན་པོ་ཆེའི་རྒྱན་སྣ་ཚོགས་དང་ལྡན་ཞིང་འབར་བའི་ཕྲེང་བ་འཁྲུགས་པའི་དབུས་ན་སེར་ཁྲི་པད་ཟླའི་གདན་ལ་བཞེངས་པ། མདུན་ཏུ་གཙུག་ཏོར་འབར་བ་དམར་སེར་གནོད་སྦྱིན་ཁྲོས་པའི་ཚུལ་སྦོམ་ཐུང་བསུས་པ་འཕྱང་བ། ཕྱག་གཡས་རལ་གྲི་མེ་འབར་བ་ཕྱར་ཞིང་གཡོན་སྡིགས་མཛུབ་རྩེ་ལ་ཁྲོ་བོའི་འཁོར་ལོ་རྩིབས་བརྒྱད་མེ་འབར་བསྐོར་བ། སྤྱན་གསུམ་དབུ་སྐྲ་ཁམས་ནབ། །སྦྲུལ་དང་རིན་པོ་ཆེའི་རྒྱན་དང་སྟག་ཤམ་ཅན། ཞབས་གཡས་བསྐུམ་གཡོན་བརྐྱང་བས་པད་ཉི་ལ་བྱད་མ་བརྫིས་པ། མེ་དཔུང་འབར་བའི་དབུས་ན་ཁྲོ་བོའི་དྲག་ཤུལ་ཆེན་པོས་བཞེངས་པ། དབུ་ཀླད་དུ་ཐུགས་ཀའི་ཁྲོ་མོ་གཞན་གྱིས་མི་ཐུབ་མ་ནག་མོ་ཁྲོ་ཚུལ། གཡས་རྡོ་རྗེ། གདན་ངད་ཉི་དང་མེ་དཔུང་དབུས་སུ་བཞུགས་པ། མདུན་གཡས་ཤར་ཕྱོགས་སུ་གཏུམ་ཆེན་མ་དཀར་མོ་གཡས་རྡོ་རྗེ། གླང་ཆེན་ཁྲི། གཡས་ངོས་ལྷོ་ཕྱོགས་སུ་འབར་བ་ཆེན་མོ་སེར་མོ་གཡས་རིན་པོ་ཆེ། རྟའི་ཁྲི། སྟེང་གཡོན་ནུབ་ཕྱོགས་སུ་གོས་དཀར་ཅན་མ་དམར་སྐྱ་གཡས་པདྨ། རྨ་བྱའི་ཁྲི། གཡོན་ལོགས་བྱང་ཕྱོགས་སུ་སྒྲོལ་མ་ལྗང་གུ་གཡས་སྣ་ཚོགས་རྡོ་རྗེ། ནམ་མཁའ་ལྡིང་གི་ཁྲི། ཤར་ལྷོར་པདྨའི་མངོན་མཚན་ཅན་མ་སེར་མོ། གཡས་ལྕགས་

― LT40_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱུ། སྟེང་གཡས་ལྷོ་ནུབ་ཏུ་གཞན་གྱིས་མི་ཐུབ་མ་དམར་མོ། གཡས་རྡོ་རྗེའི་ཕྲེང་བ། ནུབ་བྱང་དུ་རྡོ་རྗེ་མཆུ་ཅན་ལྗང་གུ། གཡས་རལ་གྲི། མདུན་གཡོན་བྱང་ཤར་དུ་རྒྱལ་བའི་རྡོ་རྗེ་མ་སྔོན་མོ། གཡས་དབྱུག་པ། འཁོར་གྱི་ལྷ་མོ་རྣམས་ཀྱི་ཞལ་ཁྲོ་འཛུམ། ཕྱག་གཡོན་པ་ཐམས་ཅད་སྡིགས་མཛུབ། དར་དང་རིན་པོ་ཆེའི་རྒྱན་ཅན། ཞབས་སེམས་སྐྱིལ་པད་ཟླ་ལ་བཞུགས་པ། འབར་བའི་ཕྲེང་བ་འཁྲུགས་པའོ། །འདི་ལ་ལྷ་བཅུ་བདུན་མ། ཉེར་བདུན་མ། ཞེ་གཉིས་མ་སྟེ་དཀྱིལ་འཁོར་གསུམ་གྱི་དབང་རྒྱུན་བཞུགས་ཤིང་གཏོར་ཟློག་གི་ཕྱག་ལེན་སོགས་དགེ་ཕྱོགས་སུ་དར་སྲོལ་ཆེའོ། །གཙུག་ཏོར་འབར་བ་ནི་ཞར་བྱུང་ངོ་། ༦ །གཤེགས་རིགས་ཀྱི་གཙུག་ཏོར་རྣམ་པར་རྒྱལ་མ་ནི། བཞུགས་གནས་མཆོད་རྟེན་ལ་ས་འཛིན་དམིགས་བསལ་མ་གསུངས་ཀྱང་མཛེས་ཆའི་ཕྱིར་བྲིས་པའི་སྟེང་དུ་སེང་ཁྲི། དེ་སྟེང་པདྨ། དེ་སྟེང་ཁྲི་ཟླུམ་པོ་བང་རིམ་སུམ་བརྩེགས་ཀྱི་སྟེང་དུ་ཟླ་བ་ལ་གནས་པའི་བུམ་པ་ཟླུམ་པོ་པྲ་ཆོས་འཁོར་ཆར་ཁེབས་ཏོག་དང་བཅས་པ། མེ་ཏོག་གི་ཕྲེང་བ་དང་དར་གྱི་ལྡ་ལྡིས་བརྒྱན་པའི་བུམ་པའི་དབུས་སུ་པད་ཟླའི་གདན་ལ། གཙུག་ཏོར་རྣམ་རྒྱལ་དཀར་མོ་ཞལ་གསུམ་རྩ་ཞལ་

― LT40_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར། གཡས་སེར། གཡོན་སྔོན་པོ་ཡིད་ཙམ་ཁྲོ་བ། ཞལ་རེ་རེ་ལ་སྤྱན་གསུམ་གསུམ། ཞི་ཚུལ་འཛུམ་མདངས་ཅན། ཕྱག་བརྒྱད་ཀྱི་གཡས་དང་པོས་སྣ་ཚོགས་རྡོ་རྗེ་ཐུགས་ཀར་འཛིན་པ། གཉིས་པས་པདྨའི་སྟེང་དུ་སངས་རྒྱས་འོད་དཔག་མེད་སྤྲུལ་སྐུའི་ཆས་ཅན་བསྣམས་པ། གསུམ་པས་མདའ། བཞི་པས་མཆོག་སྦྱིན་མཛད་པ། གཡོན་དང་པོས་ཞགས་པ་དང་བཅས་པའི་སྡིགས་མཛུབ། གཉིས་པས་གཞུ། གསུམ་པས་སྐྱབས་སྦྱིན་གྱི་ཕྱག་རྒྱ། བཞི་པས་མཉམ་བཞག་བདུད་རྩིའི་བུམ་པ་བསྣམས་པ། དར་དང་རིན་པོ་ཆེའི་རྒྱན་ལྡན་རྡོ་རྗེ་སྐྱིལ་ཀྲུང་གིས་བཞུགས་པའོ། །དེའི་གཡས་སུ་སྤྱན་རས་གཟིགས་དཀར་པོ་ཕྱག་གཡས་རྔ་ཡབ། གཡོན་པད་དཀར། གཡོན་ཏུ་ཕྱག་རྡོར་སྔོན་པོ་གཡས་རྔ་ཡབ། གཡོན་ཨུཏྤལ་ལ་གནས་པའི་རྡོ་རྗེ་སྔོན་པོ་འཛིན་པ། གཉིས་ཀ་གཞོན་ནུ་ཞི་ཞིང་སྒེག་པ། འཁོར་ལོས་སྒྱུར་བའི་ཆས་ཅན། ཞབས་མཉམ་པའི་སྟབས་ཀྱིས་བཞེངས་པའོ། །ཕྱོགས་བཞིའི་ཤར་དུ་ཁྲོ་བོ་མི་གཡོ་བ་གཡས་རལ་གྲི། ལྷོར་འདོད་པའི་རྒྱལ་པོ་གཡས་ལྕགས་ཀྱུ། ནུབ་ཏུ་དབྱུག་སྔོན་ཅན་གཡས་དབྱུག་ཏོ། བྱང་དུ་སྟོབས་པོ་ཆེ་གཡས་རྡོ་རྗེ་རྩེ་གསུམ་འཕྱར་བ། ཁྲོ་བོ་བཞི་

― LT40_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་སྐུ་མདོག་མཐིང་ནག་རོལ་པའི་ཁྲོ་བོ། སྤྱན་གསུམ་མཆེ་གཙིགས་དབུ་སྐྲ་ནག་པོ་ཐོར་ཚུགས་བྱས་པ། ཕྱག་གཡོན་པ་རྣམས་སྡིགས་མཛུབ་ཐུགས་ཀར་གཏད་པ། །སྟག་ཤམ་དང་སྦྲུལ་རྒྱན་ཅན། མེ་འབར་བའི་དབུས་ན་པད་ཉི་ལ་གཡོན་བརྐྱང་གི་བཞེངས་པ། འདི་བཞི་ད་ལྟའི་ཕྱག་རྒྱུན་ཏུ་སེང་ཁྲིར་ཕྲེང་གྲལ་དུ་འབྲི་བར་མཛད་འདུག །དེ་ལྟ་ན་གཡས་སུ་མི་གཡོ་བ། དེ་གཡས་འདོད་རྒྱལ། གཡོན་ངོས་དབྱུག་སྔོན། དེ་གཡོན་སྟོབས་པོ་ཆེ་འབྲི་བ་ལེགས། སྟེང་གི་ནམ་མཁར་གནས་གཙང་མའི་རིས་ཀྱི་ལྷའི་བུ་གཉིས་ཀྱིས་བདུད་རྩིའི་བུམ་པ་ཐོགས་ནས་གཡས་གཡོན་ཏུ་འཇའ་སྤྲིན་ལས་འཐོན་ཏེ། གཙོ་མོ་ལ་སྐུ་ཁྲུས་གསོལ་བའི་ཚུལ་ཅན་འབྲི། སྟེང་གི་གཡས་སུ་གཤེགས་རིགས་ཀྱི་ཡུམ་རྡོ་རྗེ་གདན་པའི་ཐུགས་དམ་ལྷ་དྲུག་གི་ཡ་གྱལ་སངས་རྒྱས་སྤྱན་མ་དཀར་མོ་ཕྱག་གཡས་འཁོར་ལོ་མིག་འབྲས་ཀྱིས་མཚན་པ་དང་། གཡོན་པདྨ་དཀར་པོ། རྒྱན་དང་ན་བཟའ་དཀར་པོ་ལྷ་མོའི་ཆ་ལུགས་སྤྱི་འགྲེ། སེམས་སྐྱིལ་གྱིས་པད་ཟླ་ལ་བཞུགས་པ། སྟེང་གཡོན་གནས་གཙང་མའི་རིགས་ཀྱི་ལྷ་རིག་པའི་རྒྱལ་མོ་གཟའ་ཡུམ་ཞལ་གསུམ་རྩ་ཞལ་དང་སྐུ་མདོག་དཀར། གཡས་སྔོ། གཡོན་དམར། ཞལ་རེ་རེ་ལ་སྤྱན་

― LT40_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གསུམ། ཕྱག་དྲུག་གི་དང་པོ་གཉིས་ཆོས་འཆད། བར་པ་གཉིས་རྡོ་རྗེ་དང་པདྨ། ཐ་མ་གཉིས་མདའ་གཞུ་འཛིན་པ། ལྷ་རྫས་ཀྱི་རྒྱན་དང་ན་བཟའ་འཆང་བ། པད་ཟླ་ལ་རྡོར་སྐྱིལ་གྱིས་བཞུགས་པའོ། །རྣམ་རྒྱལ་ལྷ་སོ་གསུམ་མའི་དབང་རྒྱུན་རྡོར་ཕྲེང་ཁ་སྐོང་ཀྲི་ཡ་ས་མུཙྪའི་དགེ་ལེགས་སུ་བྱེད་པའི་དཀྱིལ་འཁོར་གསུམ་གྱི་གྲལ་དུ་བཞུགས། ལྷ་དགུ་ལ་རྗེས་གནང་མ་གཏོགས་དབང་རྒྱུན་མི་བཞུགས། ༨ །བྱ་བ་སྤྱིའི་རྒྱུད་ལས་གསུངས་པ་རིགས་གསུམ་སྤྱིའི་གཙོ་བོ་འཇམ་པའི་དབྱངས་དམར་སེར་རལ་པའི་ཟུར་ཕུད་ལྔ་གཡོན་ཏུ་འཕྱང་བ། ཕྱག་གཡས་ཤེས་རབ་ཀྱི་རལ་གྲི་ཕྱར་ཞིང་གཡོན་མཐེབ་མཛུབ་ཀྱིས་ཨུཏྤ་ལའི་སྡོང་བུ་ཐུགས་ཀར་བཟུང་བའི་མེ་ཏོག་སྙན་ཐད་བྱེ་བར་པུསྟ་ཀས་མཚན་པ་བསྣམས་པ། པད་ཟླ་ལ་རྡོར་སྐྱིལ་གྱིས་བཞུགས་པ། གཡས་སུ་འཇིག་རྟེན་དབང་ཕྱུག་དཀར་པོ་ཕྱག་གཡས་མཆོག་སྦྱིན། གཡོན་པད་དཀར། པད་ཟླ་ལ་ཞབས་གཡས་བརྐྱང་གཡོན་བསྐུམ་གྱིས་བཞུགས་པ། གཡོན་ཏུ་གསང་བདག་སྔོན་པོ་གཡས་ཐུགས་ཀར་རྡོ་རྗེ། གཡོན་དྲིལ་བུ་དཀུར་བརྟེན་པ། སེམས་སྐྱིལ་གྱིས་པད་ཉི་ལ་བཞུགས་པ། གསུམ་ཀ་སྐུ་ཚད་ཆེ་ཆུང་མཉམ་ཞིང་ཞི་འཛུམ་དར་དང་རིན་པོ་ཆེའི་རྒྱན་ལྡན། ཤར་ནུབ་ཏུ་རིན་པོ་ཆེའི་ཁྲི་ལྷའི་གོས་

― LT40_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བཀབ་པའི་སྟེང་དུ་ཤེར་ཕྱིན་གྱི་གླེགས་བམ་རེ་བཞུགས་པ། སྟེང་དབུས་སུ་ནམ་མཁའི་སྙིང་པོ་སྐུ་མདོག་སྔོན་པོ་ན་བཟའ་སྔོན་པོ་ཅན། ཕྱག་གཉིས་ཐུགས་ཀར་ཆོས་འཆད་ཀྱི་ཕྱག་རྒྱ་མཛད་པའི་གཡོན་པས་པདྨའི་སྡོང་པོ་འཛིན་པ། སྙན་ཐད་ཁ་བྱེ་བའི་སྟེང་ན་རལ་གྲི་སྔོ་སངས་ཅན། ཞབས་འཁྲིས་སུ་དབྱུག་སྔོན་ཅན་ཁྲོ་ཆུང་སྔོན་པོ་དབྱུག་པ་འཆང་བ། སྟེང་གཡས་སུ་ཀུན་ཏུ་བཟང་པོ་དམར་པོ་གཡས་གང་བའི་བུམ་པ་ཐུགས་ཀར་གཏོད་ཅིང་གཡོན་ཉི་མ་དང་པདྨ་དཀར་པོ་བསྣམས་པ། །ཞབས་འཁྲིས་སུ་ཌཱཀྐི་རཱ་ཛ་ཁྲོ་ཆུང་དམར་པོ་ལྕགས་ཀྱུ་ཐོགས་པ། སྟེང་གཡོན་སྒྲིབ་པ་རྣམ་སེལ་དཀར་པོ་གཡས་བུམ་པ་བདུད་རྩིས་གང་བ་འཛིན་ཅིང་། གཡོན་པད་དཀར་སྡོང་བུ་སྙན་ཐད་བྱེ་བར་ཟླ་བ་ཉ་གང་བས་མཚན་པ། འཁྲིས་སུ་ཕྱིར་ཟློག་ཆེན་པོ་ཁྲོ་ཆུང་ནག་པོ་རལ་གྲི་འཆང་བ། མདུན་གྱི་པུསྟིའི་གཡས་ངོས་སུ་བྱམས་པ་དམར་སེར་ཆོས་འཆད་ཀྱི་ཕྱག་རྒྱ་མཛད་པའི་གཡོན་པས་ཀླུ་ཤིང་ཡལ་ག་མེ་ཏོག་སྙན་ཐད་བྱེ་བ་འཛིན་ཅིང་ཚངས་སྐུད་ཐོགས་པ། རི་དྭགས་ལྤགས་པས་ནུ་གཡོན་བཀབ་པ། རལ་པའི་ཐོར་ཚུགས་ཀྱི་ངོས་བྱང་ཆུབ་མཆོད་རྟེན་གྱིས་མཚན་ཅིང་འཁྲིས་སུ་གཞན་གྱིས་མི་ཐུབ་པ་ཁྲོ་ཆུང་སེར་པོ་གཡས་རྡོ་རྗེའི་དབྱུག་པ་དང་། གཡོན་ཞགས་པ་དང་བཅས་

― LT40_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྡིགས་མཛུབ་མཛད་པ། པུསྟིའི་གཡོན་ངོས་སུ་ས་སྙིང་སེར་པོ་སྟོད་གཡོགས་སེར་པོ་ཅན། ཞི་ཚུལ་སྦྱར་རྩ་དམར་བ། མེ་ཏོག་སྔོན་པོའི་ཕྲེང་བའི་ཐོད་ཅན། ཕྱག་གཡས་ཤིང་ཏོག་དང་གཡོན་པད་ཕྲེང་ནོར་བུ་འཛིན་པ། འོད་ཟེར་ལྗང་གུ་འཕྲོ་བ། རིན་པོ་ཆེའི་བྲག་རི་དང་གངས་རིས་བསྐོར་བ། འཁྲིས་སུ་རྡོ་རྗེ་ས་འོག་ཁྲོ་ཆུང་ནག་པོ་རྡོ་རྗེ་ཐོགས་པ། སེམས་དཔའ་དྲུག་ཀ་དར་དང་རིན་པོ་ཆེའི་རྒྱན་ལྡན། པད་ཟླ་ལ་སེམས་སྐྱིལ་གྱིས་བཞུགས་པ། མདུན་གཡས་ཤོང་ཡངས་གར་བདེར་གཤེགས་རིགས་ཀྱི་ཕོ་ཉ་མི་གཡོ་བ་སྔོན་པོ་ཁྲོ་ཚུལ་སྤྱན་གསུམ་གྱི་གཡས་པ་སྟེང་། གཡོན་པ་འོག །དབུས་མ་ཐད་ཀར་གཟིགས་ཚུལ། ཡ་སོས་མ་མཆུ་མནན་ཅིང་མཆེ་བ་གཙིགས་པ། དབུ་སྐྲ་སེར་པོ་ཐོར་ཚུགས་ཟུར་ཕུད་ལྔ་ལྡན་ཏུ་བཅིངས་པ། ཕྱག་གཡས་རལ་གྲི་མེ་འབར་བ་ཕྱར་ཞིང་གཡོན་རྡོ་རྗེའི་ཞགས་པ་སྡིགས་མཛུབ་ལ་ལན་གཉིས་སུ་དཀྲིས་ཤིང་ཐུགས་ཀར་གཏོད་པ། དར་གྱི་ཤམ་ཐབས། རིན་པོ་ཆེའི་རྒྱན་དང་། སྦྲུལ་དཀར་པོའི་སེ་རལ་ཁར་བྱས་པ། ཞབས་གཡོན་གྱི་པུས་མོ་དང་གཡས་པའི་མཐིལ་སྣ་ཚོགས་པད་ཉི་ལ་གཏད་དེ་མེ་འབར་བའི་དབུས་ན་བཞུགས་པ། མདུན་གཡོན་མི་གཡོ་བ་དཀར་པོ་ཆ་ལུགས་ཐམས་ཅད་སྔོན་པོ་ལྟར་

― LT40_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རྡོ་རྗེའི་ཞགས་པའི་སྣེ་གཉིས་ཕྲག་གོང་དུ་ལྡིང་ཞིང་སྦྲུལ་ལྗང་གུའི་སྐེ་རགས་བྱས་པ། སྦྲུལ་དཀར་དོ་ཤལ་མི་དགོས། རིགས་གསུམ་སྤྱིའི་དབང་རྒྱུན་དཀྱིལ་ཆོག་བསྙེན་རྒྱུན་ཚད་ལྡན་ས་ལུགས་ལ་བཞུགས་ཤིང་། གཤེགས་རིགས་ཀྱི་བྱང་སེམས་དྲུག་པོ་ཤཱཀྱ་རཀྵི་ཏའི་མན་ངག་གང་བའི་རྡོ་རྗེའི་གསུང་ལས་བྱུང་བ་རྗེ་སྒྲོལ་བའི་མགོན་པོའི་བཀའ་གསང་ལྟར་རོ། ༩། །བྱ་རྒྱུད་པདྨའི་རིགས་ཀྱི་གཙོ་བོ་མཚན་བརྒྱ་རྩ་བརྒྱད་པའི་གཟུངས་ལ་བརྟེན་པའི་ཚེ་དཔག་མེད་ལྷ་དགུ་དང་འཆི་མེད་རྔ་སྒྲའི་དཀྱིལ་འཁོར་ཟུང་དུ་འབྲེལ་བའི་གཙོ་བོ་བཅོམ་ལྡན་འདས་ཚེ་དང་ཡེ་ཤེས་དཔག་ཏུ་མེད་པ་སྐུ་མདོག་དམར་པོ། ཞི་འཛུམ་ཆགས་པའི་ཉམས་ཅན། ཞལ་གཅིག་ཕྱག་གཉིས་མཉམ་བཞག་མཛད་པའི་སྟེང་ན་ཚེ་བུམ་དཔག་བསམ་ཤིང་གི་ཁ་རྒྱན་ཅན་འཛིན་པ། དབུ་སྐྲ་ཐོར་ཚུགས། དར་གྱི་སྟོད་གཡོགས་སྨད་ཤམ། ནོར་བུ་སྤེལ་མའི་དབུ་རྒྱན། སྙན་རྒྱན། མགུལ་རྒྱན། དོ་ཤལ། དཔུང་རྒྱན། ཕྱག་ཞབས་གདུ་བུ། མུ་ཏིག་གི་སེ་མོ་དོ་ལ་སོགས་རྒྱན་ཐམས་ཅད་ཀྱིས་བརྒྱན་པ། འོད་ཟེར་དཔག་མེད་འཕྲོ་བ། ཞབས་རྡོ་རྗེའི་སྐྱིལ་མོ་ཀྲུང་གིས་སྣ་ཚོགས་པདྨ་དང་ཟླ་བའི་གདན་ལ་བཞུགས་པ། གཡས་སུ་སྤྱན་

― LT40_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

རས་གཟིགས་དཀར་པོ་གཡས་པདྨ། གཡོན་རྔ་ཡབ། གཡོན་ཏུ་མཐུ་ཆེན་ཐོབ་སྔོན་པོ་ཅུང་ཟད་ཁྲོ་བ་གཡས་རྡོ་རྗེ། གཡོན་རྔ་ཡབ། ཞབས་པད་ཟླ་ལ་བཞེངས་པ། རྒྱན་གཞན་གཙོ་བོ་དང་མཚུངས། མདུན་དུ་གཤིན་རྗེ་གཤེད་ནག་པོ་དབྱུག་ཐོ་བསྣམས་པ། རྒྱབ་ཏུ་རྟ་མགྲིན་དམར་པོ་དབྱུག་པ་དཀར་པོ་འཛིན་པ། གཉིས་ཀ་པད་ཉི་དང་བདུད་ཁ་བུབ་ཏུ་བསྒྱེལ་བའི་གདན་ལ་གཡོན་བརྐྱང་སྟབས་ཀྱིས་གནས་ཤིང་ཁྲོ་ཆས་སྤྱི་དང་མཚུངས་པ། ཤར་དུ་རྡོ་རྗེ། ལྷོར་རིན་ཆེན། ནུབ་ཏུ་པདྨ། བྱང་དུ་ལས། བྱང་ཤར་ཀུན་གཟིགས། ཤར་ལྷོར་ཡོན་ཏན། ལྷོ་ནུབ་ཏུ་ཡེ་ཤེས། ནུབ་བྱང་དུ་མི་གཡོ་ཚེ་དཔག་མེད་རྣམས་སྐུ་མདོག་རྒྱན་ཆ་བཞུགས་སྟངས་སོགས་གཙོ་བོ་དང་མཚུངས་པ། དེ་དག་གི་བར་རམ་མདུན་ཕྱོགས་གང་བདེར་ལྷོར་ཡབ་འཁོར་ལོས་སྒྱུར་རྒྱལ་བཟང་པོ་མཆོག་དང་། བྱང་དུ་ཡུམ་གཟི་བརྗིད་ཅན་གཉིས་བྱང་ཆུབ་སེམས་དཔའ་སེམས་མའི་ཆ་ལུགས་ཅན་ཡབ་འཁོར་ལོ། ཡུམ་ནོར་བུ་བསྣམས་པ། ནུབ་ཏུ་བཙུན་མོ་བཟང་སྐྱོང་མ་དགེ་སློང་མའི་ཆ་ལུགས་ལྷུང་བཟེད་བསྣམས་པ། ཤར་དུ་སྲས་ཟླ་བའི་འོད་དགེ་སློང་ཆས་ཅན་དབུའི་གཙུག་ཏོར་ཅུང་ཟད་འབུར་བ། པདྨ་བསྣམས་པ། ཤར་ལྷོར་རིམ་གྲོ་པ་སྙན་པ་དྲི་མེད་

― LT40_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

རིལ་བ་བསྣམས་པ། ལྷོ་ནུབ་ཏུ་ཤེས་རབ་ཅན་གྱི་མཆོག་བཟང་པོའི་ཏོག་གླེགས་བམ་བསྣམས་པ། ནུབ་བྱང་དུ་རྫུ་འཕྲུལ་ཅན་གྱི་མཆོག་བཀོད་པ་ཆེན་པོ་འཁར་གསིལ་བསྣམས་པ། བྱང་ཤར་དུ་ཉན་ཐོས་འདུས་པ་སྤྱིའི་མཚོན་བྱེད་དགེ་སློང་པུས་བཙུགས་ཐལ་སྦྱར་ཏེ་ཐམས་ཅད་རབ་ཏུ་བྱུང་བའི་ཆ་ལུགས། བྱང་སེམས་གཉིས་པདྨ་དང་གཞན་གདིང་བ་ལ་བཞུགས་པ། བརྒྱད་ཀ་གསེར་གྱི་མདོག་ཅན་འོད་ཟེར་འཕྲོ་བའི་ཚུལ་ཅན་ནོ། །ལྷ་དགུ་ལ་དབང་རྒྱུན་དང་ཡིག་ཆ་སྒྲུབ་མཆོད་སོགས་གྲུབ་མཐའ་ཡོངས་ལ་དར་སྲོལ་ཆེ་ཞིང་། འཆི་མེད་རྔ་སྒྲ་ལའང་བུ་ལུགས་དང་ངོར་ལུགས་ཀྱི་དབང་རྒྱུན། སྒྲུབ་མཆོད་དར་རྒྱས་ཇོ་ནང་གི་ཡིག་ཆ་དང་དབང་རྒྱུན་སོགས་བཞུགས་སོ། ༡༠ །པདྨའི་རིགས་ཀྱི་འཁོར་ལོས་སྒྱུར་བ་སྤྱན་རས་གཟིགས་བཅུ་གཅིག་ཞལ་དཔལ་མོ་ལུགས་ཀྱི་གཙོ་བོ་ཞལ་བཅུ་གཅིག་གི་རྩ་ཞལ་དང་སྐུ་ལུས་དཀར། གཡས་ལྗང་གཡོན་དམར། དེ་སྟེང་ཞལ་གསུམ་དབུས་ལྗང་གཡས་དམར་གཡོན་དཀར། དེ་སྟེང་ཞལ་གསུམ་དབུས་དམར་གཡས་དཀར་གཡོན་ལྗང་། དེ་སྟེང་ཁྲོ་ཞལ། དེ་སྟེང་འོད་དཔག་མེད་སྤྲུལ་སྐུའི་ཞལ་དམར་པོ། རྩ་ཕྱག་བརྒྱད་ཀྱི་དང་པོ་གཉིས་ཐལ་སྦྱར། གཡས་ལྷག་མས་ཕྲེང་བ། མཆོག་སྦྱིན་ལས་བདུད་རྩི་

― LT40_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

འབབས་པ། འཁོར་ལོ། གཡོན་ལྷག་མས་པད་དཀར། སྤྱི་བླུགས། མདའ་གཞུ་བསྣམས་པ། ཕྱག་ལྷག་མ་དགུ་བརྒྱ་དང་དགུ་བཅུ་རྩ་གཉིས་མཆོག་སྦྱིན་རྣམ་པར་བརྐྱང་བ། རྩ་ཕྱག་དང་བཅས་པའི་ཕྱག་མཐིལ་ཐམས་ཅད་ལ་སྤྱན་རེ་རེས་མཚན་པ། འོད་ཟེར་དྲྭ་བ། དར་དང་རིན་པོ་ཆེའི་རྒྱན་སོགས་སྤྱི་མཚུངས་ལ། རི་དྭགས་ལྤགས་པས་ནུ་གཡོན་བཀབ་པ། པད་ཟླ་ལ་ཞབས་མཉམ་པའི་སྟབས་ཀྱིས་བཞེངས་པ། དབུ་ཐད་དུ་འོད་དཔག་མེད་དམར་པོ་ཕྱག་གཉིས་མཉམ་བཞག །མདུན་ཏུ་མི་བསྐྱོད་པ་སྔོན་པོ་ས་གནོན་དང་མཉམ་བཞག །གཡས་སུ་རིན་འབྱུང་སེར་པོ་མཆོག་སྦྱིན་མཉམ་བཞག །རྒྱབ་གཡོན་ཏུ་རྣམ་སྣང་དཀར་པོ་བྱང་ཆུབ་མཆོག་གི་ཕྱག་རྒྱ། གཡོན་ཏུ་དོན་གྲུབ་ལྗང་གུ་སྐྱབས་སྦྱིན་མཉམ་བཞག །བདེ་གཤེགས་ལྔ་པོ་གཙུག་ཏོར་དང་ཆོས་གོས་འཛིན་པ་སྤྲུལ་སྐུ་རབ་བྱུང་གི་ཆ་ལུགས། པད་ཟླ་ལ་རྡོར་སྐྱིལ་གྱིས་བཞུགས་པ། རྒྱབ་གཡས་ཁ་སརྦ་ི་དཀར་པོ་ཕྱག་གཡོན་མཆོག་སྦྱིན་པུས་སྟེང་དུ་བརྐྱང་ཞིང་གཡོན་པའི་མཐེབ་སྲིན་གྱིས་ཨུཏྤལ་དཀར་པོའི་ཡུ་བ་ཐུགས་ཀར་འཛིན་པ། རལ་པའི་ཐོར་ཚུགས་དང་རི་དྭགས་ལྤགས་པ་སོགས་སྐུ་ཆས་སྤྱི་འགྲེ། ཞབས་གཡས་ཅུང་ཟད་བརྐྱང་ཞིང་། གཡོན་བསྐུམ་པས་པད་ཟླ་ལ་བཞུགས་

― LT40_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

པ། མདུན་གཡས་སྤྱན་རས་གཟིགས་འཇིགས་པ་བརྒྱད་སྐྱོབ་དཀར་པོ་ཞལ་གཅིག །ཕྱག་བརྒྱད་གཡས་བཞིས་སེང་གེ། གླང་ཆེན། དུག་སྦྲུལ། གཟའ། གཡོན་བཞིས་མེ། ཆུ། ལྕགས་སྒྲོག །མི་རྣམས་འཛིན་པ། ཞབས་གཡོན་བརྐྱང་གར་སྟབས་ཀྱིས་པད་ཟླ་ལ་འགྱིང་ཞིང་དར་དང་རིན་པོ་ཆེའི་རྒྱན་སོགས་སྤྱི་འགྲེ། སྟེང་གཡས་འགྲོ་འདུལ་ཕྱག་བཞི་པ་དཀར་པོ། དང་པོ་གཉིས་ཐལ་སྦྱར། གཡས་འོག་ཤེལ་ཕྲེང་། གཡོན་འོག་པད་དཀར། རྒྱན་སྤྱན་གཟིགས་སྤྱི་མཚུངས། པད་ཟླ་ལ་སྐྱིལ་ཀྲུང་གིས་བཞུགས་པ། སྟེང་གཡོན་པདྨ་གཙུག་ཏོར་དྲི་མ་མེད་པ་ཞལ་གསུམ་ཕྱག་དྲུག །རྩ་ཞལ་དང་སྐུ་མདོག་དཀར་པོ། གཡས་སྔོ། གཡོན་དམར། གཡས་གསུམ་པད་དཀར། རྩེ་གསུམ། སྟ་རེ། གཡོན་གསུམ་ཞགས་པ། སྐྱབས་སྦྱིན། དབྱུག་ཏོ་བསྣམས་པ། རི་དྭགས་ལྤགས་པ་སོགས་རྒྱན་སྤྱི་མཚུངས། ཐོར་ཚུགས་ལ་ཟླ་ཕྱེད་ཅན། པད་ཟླ་ལ་སྐྱི་ཀྲུང་ངོ་། །མདུན་གཡོན་པདྨའི་རིགས་ཀྱི་ཁྲོ་བོ་དཔལ་ཆེན་རྟ་མགྲིན་ཞལ་གསུམ་ཕྱག་བརྒྱད་རྩ་ཞལ་དང་སྐུ་མདོག་དམར་བ། ཞལ་གཡས་ནག་གཡོན་དཀར། ཞལ་སྟེང་རྟ་མགོ་ལྗང་། ཞལ་རེ་རེ་ལ་སྤྱན་གསུམ་གསུམ། མཆེ་གཙིགས་

― LT40_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཁྲོ་བོའི་ཉམས་ཅན། དབུ་སྐྲ་ཁམ་པ་གྱེན་བརྫེས་ཐོད་སྐམ་ལྔའི་ཕྲེང་བས་བཅིངས་པ། ཐོད་པའི་དོ་ཤལ་སྦྲུལ་རྒྱན་སྟག་ཤམ་མངའ་བ། ཕྱག་བརྒྱད་གཡས་བཞིས་ལྕགས་ཀྱུ། མདའ། །ཐོད་པ། རྡོ་རྗེ། གཡོན་བཞི་ས་ཞགས་པ། གཞུ། ཁ་ཊྭཱཾཱཾ། དྲིལ་བུ་འཛིན་པ། ཞབས་བཞི་གཡས་བསྐུམ་གཡོན་བརྐྱང་སྟབས་ཀྱིས་པད་ཟླ་ལ་བཞེངས་པ། འབར་བའི་ཕྲེང་བ་དང་བཅས་པའོ། །བཅུ་གཅིག་ཞལ་དཔལ་མོ་ལུགས་ལ་གྲུབ་མཐའ་ཡོངས་གྲགས་སུ་རྗེས་གནང་ཙམ་བཞུགས་ལ། ཀརྨ་ཀཾ་ཚང་དང་དགེ་ཕྱོགས་སུ་མན་ངག་ལུགས་ལྟ་བུའི་དབང་གི་རྒྱུན་ཀྱང་སྣང་ཞིང་ཆོ་གའི་ཚུལ་རྒྱས་བསྡུས་སྣ་ཚོགས་དང་སྨྱུང་གནས་ཀྱི་སྒྲུབ་སྲོལ་སོགས་དར་རྒྱས་སུ་བཞུགས་བཞིན་པའོ། ༡༡ །པདྨའི་རིགས་ཀྱི་བདག་པོ་དོན་ཡོད་ཞགས་པ་ལྷ་མང་ཨེ་ར་པ་ཏིའི་ལུགས་ཀྱི་དཀྱིལ་འཁོར་ཆེན་པོའི་གཙོ་བསྡུས། །དབུས་སུ་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་གཉིས་ཕྱག་གཡས་མཆོག་སྦྱིན། གཡོན་པདྨ་འཆང་བ། རལ་པའི་ཅོད་པན་ཅན། འོད་དཔག་མེད་པས་དབུ་བརྒྱན་པ། རི་དྭགས་ལྤགས་པའི་སྨད་དཀྲིས་དང་། ཁྱུ་བདག་གི་ཆ་ལུགས་འཆང་བ། རིན་པོ་ཆེའི་རྒྱན་ཅན། པད་ཟླ་ལ་ཞབས་སེམས་སྐྱིལ་

― LT40_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བཞུགས་ཤིང་འོད་ཀྱི་དཀྱིལ་འཁོར་འཕྲོ་བ། དེའི་གཡས་མདུན་ཏུ་དོན་ཡོད་ཞགས་པ་དམར་པོ་ཞལ་གཅིག་ཕྱག་བཞི། གཡས་གཉིས་ཞགས་པ་དང་རྡོ་རྗེ། གཡོན་གཉིས་ལྕགས་ཀྱུ་དང་བགྲང་ཕྲེང་། རྒྱབ་གཡས་རྟ་མགྲིན་དམར་པོ་ཞལ་གཅིག་ཕྱག་བཞི། གཡས་གཉིས་དབྱུག་པ་དང་སྡིགས་མཛུབ། གཡོན་གཉིས་འཁོར་ལོ་དང་པདྨ་འཆང་བ། དབུ་གཙུག་རྟ་མགོས་མཚན་ཅིང་ཞབས་བཞེངས་སྟབས། རྒྱབ་གཡོན་རལ་གཅིག་མ་ནག་མོ། ཞལ་ཁྲོ་ཞིང་མཆེ་བ་གཙིགས་པ། ཕྱག་བརྒྱད་ཀྱི་གཡས་བཞིས་རལ་གྲི། ཞགས་པ། པདྨ། མདའ། །གཡོན་བཞིས་འཁོར་ལོ། དབྱུག་པ། རྩེ་གསུམ། གཞུ་བསྣམས་པ། སྟག་ཤམ་དང་བཅས་པ། མདུན་གཡོན་ཁྲོ་གཉེར་ཅན་མ་དཀར་མོ་ཞལ་གཅིག་ཕྱག་བཞིའི་གཡས་གཉིས་དབྱུག་པ་དང་པདྨ། གཡོན་གཉིས་ཕྲེང་བ་དང་སྤྱི་བླུགས་བསྣམས་པ། འཁོར་བཞི་ཀ་འོད་དཔག་མེད་པ་དང་དར་དཔྱངས་ཀྱི་དབུ་རྒྱན་ཅན། དར་དང་རིན་པོ་ཆེའི་རྒྱན་ལྡན། འོད་ཀྱི་དཀྱིལ་འཁོར་དབུས་ན་པད་ཟླའི་གདན་ལ་བཞུགས་པ། རྟ་མགྲིན་མ་གཏོགས་པ་གསུམ་པོ་སེམས་སྐྱིལ་ལོ། ཤར་དུ་རྗེ་བཙུན་སེང་གེ་སྒྲ་དཀར་པོ། གཡས་མཆོག་སྦྱིན་པུས་སྟེང་བརྐྱང་ཞིང་གཡོན་རྒྱབ་ཀྱི་ཆར་གདན་ལ་བརྟེན་པ།

― LT40_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱན་གསུམ་རལ་པའི་ཐོར་ཚུགས་དང་ཚངས་སྐུད་ཅན། རྒྱན་གཞན་སྤངས་པ་དཀའ་ཐུབ་ཀྱི་ཆ་ལུགས། རི་དྭགས་ནག་པོའི་པགས་པས་ནུ་གཡོན་བཀབ་ཅིང་དར་དམར་ཤམ་ཐབས་གསོལ་བ། ཞབས་གཡོན་བརྐྱང་རྒྱལ་པོ་རོལ་སྟབས་ཀྱིས་བཞུགས་པ། གདན་པདྨ་དམར་པོའི་སྟེང་དུ་སེང་གེ་དཀར་པོ་མགོ་གཡས་གདོང་གྱེན་རལ་པ་དམར་སེར་ཐུར་འཕྱང་རིན་པོ་ཆེའི་དྲྭ་བས་བཀབ་པའི་སྟེང་དུ་ཟླ་བའི་གདན་དང་བཅས་པ། སྐུའི་གཡས་ལོགས་སུ་ཏྲི་ཤཱུ་ལ་ལྗང་གུ་སྦྲུལ་དཀར་པོས་དཀྲིས་པ། གཡོན་ལོགས་སུ་པདྨའི་སྟེང་དུ་ཐོད་པ་མེ་ཏོག་སྣ་ཚོགས་ཀྱིས་གང་བ་དང་། པད་དཀར་གྱི་སྡོང་པོ་སྙན་གྱི་ཐད་ཀར་ཁ་བྱེ་བའི་སྟེང་ན་ཤེས་རབ་ཀྱི་རལ་གྲི་མེ་འབར་བ་དང་བཅས་པ། ལྷོར་ཡིད་བཞིན་ནོར་བུ་འཁོར་ལོས་སྒྱུར་བ་གསེར་མདོག་ཞལ་གསུམ་ཕྱག་དྲུག །རྩ་ཞལ་སེར་པོ། གཡས་སྔོ། གཡོན་དམར། །ཕྱག་དང་པོ་གཉིས་འཁོར་ལོ་དང་རྡོ་རྗེ། བར་པ་གཉིས་པདྨ་དང་རིན་པོ་ཆེ། ཐ་མ་གཉིས་སྐྱབས་སྦྱིན་དང་མཆོག་སྦྱིན་གྱི་རྒྱ་ཅན། རྟ་མཆོག་སེར་པོ་ལ་བཞུགས་པ། ནུབ་སྟེ་སྟེང་གཡོན་ཏུ་པདྨ་གར་གྱི་དབང་ཕྱུག་པདྨ་རཱ་གའི་མདོག་ཅན། ཕྱག་བཞིའི་དང་པོ་གཉིས་པདྨ་སྐྱབས་སྦྱིན། འོག་མ་གཉིས་ལྕགས་ཀྱུ་དང་སྤྱི་བླུགས་བསྣམ་པ། ལྡེམ་བག་ཅན་རྨ་བྱ་ལ་བཞུགས་པ། བྱང་དུ་

― LT40_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་རྗེ་མི་གཤོལ་བ་སྐུ་མདོག་ལྗང་གུ་ཞལ་གཅིག་ཕྱག་དྲུག་དང་པོ་གཉིས་རལ་གྲི་དང་པདྨ། བར་པ་གཉིས་མདའ་གཞུ། ཐ་མ་གཉིས་སྐྱབས་སྦྱིན་དང་གང་བའི་བུམ་པ་ཐོགས་ཤིང་མཁའ་ལྡིང་ལ་བཞུགས་པ། བྱང་ཤར་དུ་དོན་ཡོད་ཞགས་པ་དཀར་པོ་ཞལ་གཅིག་ཕྱག་བཞི་དང་པོ་གཉིས་རིན་པོ་ཆེ་དང་ཞགས་པ། འོག་མ་གཉིས་སྐྱབས་སྦྱིན་དང་ལྕགས་ཀྱུ་བསྣམས་ཤིང་སྦྲུལ་བཞུགས་པ། ཤར་ལྷོར་རྗེ་བཙུན་ཧ་ལ་ཧ་ལ་དཀར་པོ་ཕྱག་བཞི་དང་པོ་གཉིས་རྡོ་རྗེ་དང་དྲིལ་བུ། འོག་མ་གཉིས་སྐྱབས་སྦྱིན་དང་ཆོས་ཀྱི་ཟ་མ་ཏོག་བསྣམས་ཤིང་རུས་སྦལ་ལ་བཞུགས་པ། ལྷོ་ནུབ་ཏུ་པདྨ་རྒྱན་ལུང་དམར་པོ་ཕྱག་བཞིའི་དང་པོ་གཉིས་ཌ་མ་རུ་དང་བགྲང་ཕྲེང་། འོག་མ་གཉིས་སྐྱབས་སྦྱིན་དང་ལྕགས་སྒྲོག་འཛིན་ཅིང་ཆུ་སྲིན་ལ་བཞུགས་པ། ནུབ་བྱང་དུ་རྡོ་རྗེ་ཆོས་ཀྱི་དབང་ཕྱུག་དམར་སེར་ཕྱག་བཞིའི་དང་པོ་གཉིས་ཐུགས་ཀར་ཆོས་འཆད་སྟེང་འོག་མཛད་པའི་གཡས་ཀྱིས་འཁོར་ལོ་བསྣམས་པ། འོག་མ་གཉིས་སྐྱབས་སྦྱིན་དང་པུསྟིས་མཚན་པའི་པདྨ་བསྣམས་ཤིང་གླང་པོ་ལ་བཞུགས་པ། སྟེང་གི་ཆ་ནུབ་གཡས་སུ་རྗེ་བཙུན་ཆོས་ཀྱི་གཙུག་ཏོར་ཧ་རི་ཧ་རི་ཧ་རི་ལ་ཞོན་པ་ཞལ་གསུམ་རྩ་ཞལ་དང་སྐུ་མདོག་མཐིང་ག །ཞལ་གཡས་དཀར། གཡོན་དམར། ཕྱག་བརྒྱད་དང་པོ་གཉིས་

― LT40_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་དང་རྡོ་རྗེ། དེ་འོག་གཉིས་མདའ་གཞུ། དེ་འོག་གཉིས་པད་དཀར་བགྲང་ཕྲེང་། དེ་འོག་གཉིས་སྐྱབས་སྦྱིན་དང་བདུད་རྩིས་གང་བའི་བུམ་པ་ཐོགས་པ། གདན་སེང་གེའི་སྟེང་དུ་བྱ་ཁྱུང་། །དེའི་སྟེང་དུ་ཁྱབ་འཇུག་ནག་པོ་ལག་པ་བཞིའི་གཡས་གཉིས་རྔ་ཡབ་དང་མདུང་། གཡོན་གཉིས་འཁོར་ལོ་དང་དབྱུག་པ་འཛིན་པ་ལ་བཞུགས་པ། མདུན་འོག་ཏུ་མགྲིན་སྔོན་ཅན་ཞལ་གསུམ། རྩ་ཞལ་དང་སྐུ་མདོག་སྔོན་པོ། གཡས་གཡོན་སེར་པོ། ཕྱག་བཞིའི་དང་པོ་གཉིས་པདྨ་དང་པུསྟི། འོག་མ་གཉིས་སྐྱབས་སྦྱིན་དང་བགྲང་ཕྲེང་འཛིན་ཅིང་ཀླུ་དགའ་བོ་དང་ཉེར་དགའ་ནོར་བུའི་ཅོད་པན་ཅན་སྦྲུལ་མཇུག་མདུད་ཅིང་མགོ་གྱེན་ཏུ་ཕྱོགས་པ་ལ་འཁོད་པ། ཐམས་ཅད་ཀྱང་དར་དང་རིན་པོ་ཆེའི་རྒྱན་ལྡན་རལ་པའི་ཅོད་པན་ཅན། རང་རང་གི་ཁྲི་སྟེང་པད་ཟླ་ལ་ཞབས་སེམས་སྐྱིལ་གྱིས་བཞུགས་པའོ། །དོན་ཞགས་ལྷ་ལྔའི་དབང་རྒྱུན་ཚད་ལྡན་དང་བུ་སྟོན་ཡབ་སྲས་ཀྱི་ཡིག་ཆ་སྨྱུང་གནས་ཀྱི་སྒྲུབ་རྒྱུན་བཅས་ད་ལྟའི་བར་དུ་བཞུགས་ཤིང་། པདྨ་དྲྭ་བའི་རྒྱུད་ནས་གསུངས་པའི་སྤྱན་རས་གཟིགས་བཅུ་པོའི་དབང་རྒྱུན་སོགས་མི་བཞུགས་ཀྱང་ཕལ་མོ་ཆེའི་རྗེས་གནང་སྒྲུབ་ཐབས་བརྒྱ་རྒྱམ་སོགས་ལ་བཞུགས་ཤིང་ཞལ་ཕྱག་སོགས་སློབ་དཔོན་སོ་སོའི་བཞེད་པས་ཅུང་ཟད་མི་གཅིག་ཀྱང་ལྷའི་ངོ་བོ་གཅིག་

― LT40_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། གཙོ་བོ་འདུས་ཆེ་ཞིང་རྒྱུད་ཀྱི་ཁུངས་ཆེ་བ་ལ་བསམ་ནས་བཀོད་པའོ། ༡༨ །པདྨའི་རིགས་ཀྱི་ཡུམ་སྒྲོལ་དཀར་ཡིད་བཞིན་འཁོར་ལོ་སྐུ་མདོག་ཟླ་བ་ལྟར་དཀར་བ། དབུ་ལ་སྤྱན་གསུམ་དང་ཕྱག་ཞབས་བཞིའི་མཐིལ་དུ་སྤྱན་རེ་རེ་སྟེ་འཛུམ་ཞིང་རྒྱས་པའི་སྤྱན་བདུན་མངའ་བ། ཕྱག་གཡས་མཆོག་སྦྱིན། གཡོན་པའི་མཐེབ་སྲིན་གྱིས་ཨུཏྤལ་དཀར་པོའི་སྡོང་བུའི་རྩ་བ་ཐུགས་ཀར་བསྣམས་ཤིང་སྙན་གྱི་ཐད་ཀར་ཁ་བྱེ་བ་སྒེག་ཅིང་ཆགས་པའི་ཉམས་ཅན་ནུ་འབུར་ཟུང་གིས་མཛེས་པ། མུ་ཏིག་དཀར་པོ་གཙོ་བོར་གྱུར་པའི་རིན་པོ་ཆེ་སྣ་ཚོགས་པའི་རྒྱན་དང་། དར་དཀར་པོའི་སྟོད་གཡོགས་དར་སྣ་ཚོགས་པའི་སྨད་དཀྲིས་ཅན། དབུ་སྐྲ་ལི་བ་ལྟག་པར་བཅིངས་པའི་ཟུར་ཕུད་གཡོན་ངོས་སུ་འཕྱང་བ། ལྷ་རྫས་ཀྱི་མེ་ཏོག་དུ་མས་སྤྲས་པ། ཟླ་བ་ལ་རྒྱབ་བསྟེན་ཅིང་པད་ཟླ་ལ་རྡོ་རྗེ་སྐྱིལ་ཀྲུང་གིས་བཞུགས་པ། སྟེང་དབུས་སུ་སེང་ལྡེང་ནགས་སྒྲོལ་ལྗང་གུ་གཡས་མཆོག་སྦྱིན་དང་། གཡོན་པས་ཨུཏྤལ་སྔོན་པོ་འཛིན་ཚུལ་གོང་དང་འདྲ་བ། ཞལ་འཛུམ་ཞིང་ཞི་བ། དབུ་སྐྲ་ལི་བ་གཡོན་ངོས་སུ་བཅིངས་ནས་གཡས་ཕྱོགས་སུ་འཁྱིལ་ཞིང་འཕྱང་བ། དར་གྱི་སྟོད་གཡོགས་ཀྱིས་ནུ་མ་གཉིས་བཀབ་ཅིང་དར་སྣ་ཚོགས་པའི་སྨད་གཡོགས་ཅན་ཟླ་བའི་རྒྱབ་

― LT40_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོལ་མངའ་བ། ཞབས་གཡས་ཅུང་ཟད་བརྐྱང་ཞིང་གཡོན་བསྐུམ་པའི་རོལ་སྟབས་ཀྱིས་པད་ཟླ་ལ་བཞུགས་པ། སྟེང་གཡས་སྒྲོལ་མ་བཀྲ་ཤིས་དོན་གྲུབ་མ་ཞལ་བཞིའི་རྩ་ཞལ་དང་སྐུ་མདོག་གསེར་གྱི་མདོག་ཅན། གཡས་དཀར་གཡོན་དམར། རྒྱབ་ཞལ་སྔོན་པོ་རྣམས་ཡིད་འོང་འཛུམ་པའི་མདངས་ཅན། ཕྱག་བརྒྱད་ཀྱི་གཡས་བཞིས་རྒྱལ་མཚན། འཁོར་ལོ། པདྨ། དུང་དཀར། །གཡོན་བཞིས་བུམ་པ། དཔལ་བེའུ། གདུགས། གསེར་ཉ་འཛིན་པ། དར་དང་རིན་པོ་ཆེའི་རྒྱན་ལྡན། ཞབས་རོལ་སྟབས་ཀྱི་སྣ་ཚོགས་པད་ཟླ་ལ་བཞུགས་པའོ། །སྟེང་གཡོན་ཏུ་སྒྲོལ་མ་དམར་མོ་བཞད་ཅིང་ཆགས་པའི་ཉམས་ཅན་སྤྱན་གསུམ་མངའ་བ། གཡས་ལྕགས་ཀྱུ་པུས་མོའི་སྟེང་དུ་འཛིན་ཅིང་གཡོན་པས་ཨུཏྤལ་དམར་པོའི་སྡོང་བུ་སྙན་གྱི་ཐད་ཀར་ཁ་བྱེ་བའི་རྩ་བ་ཞགས་པའི་རྣམ་པ་ཅན་ཐུགས་ཀར་འཛིན་པ། པདྨ་དང་ཟླ་བ་དམར་པོ་ལ་སེམས་སྐྱིལ་གྱིས་བཞུགས་པ། གཙོ་མོའི་གཡས་སུ་སྒྲོལ་མ་ཡིད་བཞིན་ནོར་བུ་སེར་མོ། གཡོན་ངོས་སུ་བརྟེན་པའི་དཔག་བསམ་ཤིང་གི་ཡལ་ག་ལས་ཕྱག་གཡོན་པས་ཡིད་བཞིན་ནོར་བུའི་འབྲས་བུ་འཐོགས་ཤིང་གཡས་པས་སེམས་ཅན་ལ་སྦྱིན་པའི་ཚུལ། པད་ཟླའི་གདན་ལ་སྒེག་པའི་སྟབས་ཀྱིས་བཞེངས་པ། གཡོན་

― LT40_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་ངན་སོང་ལས་སྒྲོལ་བའི་སྒྲོལ་མ་ལྗང་སྔོ་ཞལ་གཅིག་སྤྱན་གཉིས་དར་དཀར་ན་བཟའ་མེ་ཏོག་ཕྲེང་བའི་དོ་ཤལ་ཅན། ཕྱག་བཞིའི་གཡས་གཉིས་ལྕགས་ཀྱུ་དང་མཆོག་སྦྱིན། །གཡོན་གཉིས་ཞགས་པ་དང་ཨུཏྤལ་སྔོན་པོ་འཛིན་པ། སྣ་ཚོགས་པདྨའི་གདན་ལ་སེམས་སྐྱིལ་གྱིས་བཞུགས་པ། ཐམས་ཅད་ཀྱང་གཞོན་ནུའི་ལང་ཚོ་མཛེས་འཛུམ་ཅན། དར་དང་རིན་པོ་ཆེའི་རྒྱན་འཆང་བ། གཙོ་མོའི་མདུན་ཏུ་པདྨའི་རིགས་ཀྱི་བཀའ་ཉན་དབྱངས་ཅན་མ་དཀར་མོ་འཛུམ་མདངས་ཅན། དབུ་སྐྲ་ནག་སྣུམ་ཕྱེད་ལྟག་པར་བཅིངས་ཤིང་ཕྱེད་སིལ་བུར་གྲོལ་བས་སྐུ་སྟོང་ཁྱབ་པ། །པདྨ་དཀར་པོའི་ཕྲེང་བའི་ཐོད་བཅིངས་དང་། གཙུག་གི་ནོར་བུ་དང་། སྐྲའི་ཟར་བུ་ལ་སོགས་རིན་པོ་ཆེའི་རྒྱན་དུ་མས་བརྒྱན་པ། ཕྱག་གཡོན་པས་བཻ་ཌཱུརྻའི་རྒྱུད་མངས་བསྣམས་ཤིང་གཡས་པའི་ཕྱག་སོར་གྱིས་བསྐུལ་བའི་ཚུལ། སྐེད་སྐབས་ཕྲ་ཞིང་ནུ་འབུར་མཐོ་བ། སྐྱིལ་ཀྲུང་ཕྱེད་པ་ཙོག་པུའི་འདུག་སྟངས་ཅན། འོ་མའི་རྒྱ་མཚོ་ལས་སྐྱེས་པའི་པད་དཀར་སྡོང་པོ་རབ་ཏུ་རྒྱས་པ་དང་ཟླ་བའི་གདན་ལ་བཞུགས་པ། དེའི་གཡས་ཕྱོགས་སུ་རྟོག་པ་ལས་གསུངས་པའི་རིག་བྱེད་མ་དམར་སྐྱ་ཞལ་གཅིག་སྤྱན་གསུམ། ཕྱག་བཞིའི་གཡས་གཉིས་མདའ་དང་སྐྱབས་སྦྱིན། གཡོན་

― LT40_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་གཞུ་དང་ཨུཏྤལ་དམར་པོ་བསྣམས་པ། དར་དམར་གྱི་སྟོད་གཡོགས་སྨད་གཡོགས། རིན་པོ་ཆེ་དམར་པོའི་རྣ་ཆ་གཡོ་བ། འོད་ཟེར་དམར་པོ་འབར་བ། པདྨ་དམར་པོ་ལ་འདོད་ལྷ་ཆུང་མར་བཅས་པ་བསྒྱེལ་བའི་སྟེང་དུ་ཉི་མའི་གདན་ལ་སྐྱིལ་ཀྲུང་གིས་བཞུགས་པ། གཡན་ཕྱོགས་སུ་པདྨའི་རིགས་ཀྱི་ཁྲོ་མོ་རི་ཁྲོད་ལོ་གྱོན་མ་ཞལ་གསུམ་རྩ་ཞལ་དང་སྐུ་མདོག་སེར་མོ། གཡས་དཀར་གཡོན་དམར། སྤྱན་གསུམ་གསུམ་ཁྲོ་མོའི་རྣམ་པ་ཅན། ཕྱག་དྲུག་གཡས་གསུམ་རྡོ་རྗེ་དགྲ་སྟྭ་མདའ། གཡོན་གསུམ་ཐུགས་ཀར་སྡིགས་མཛུབ་དང་བཅས་པའི་ཞགས་པ། ཤིང་ལོའི་ཆུན་པོ། །གཞུ་འཛིན་པ། རལ་པའི་ཅོད་པན་མེ་ཏོག་གིས་བཅིངས་ཤིང་། རིན་པོ་ཆེའི་རྒྱན་དང་ཤིང་ལོའི་ན་བཟའ་ཅན། གདན་འཁོར་ལོ་སེར་པོ་རྩིབས་བརྒྱད་པའི་ལྟེ་བར་ནད་བདག་མོ་བསྒྱེལ་བའི་སྟེང་ཟླ་བ་ལ་སེམས་སྐྱིལ་གྱིས་བཞུགས་པའོ། ༡༣ །བྱ་རྒྱུད་རྡོ་རྗེ་རིགས་ཀྱི་གཙོ་བོ་བཅོམ་ལྡན་འདས་མི་འཁྲུགས་པ་ལྷ་དགུ་ཇོ་བོ་ལུགས་ནི། དབུས་སུ་གླང་པོས་བཏེགས་པའི་རིན་པོ་ཆེའི་ཁྲི་དང་པད་ཟླའི་གདན་ལ་མགོན་པོ་མི་འཁྲུགས་པ་སྐུ་མདོག་མཐིང་སྔོན། ཕྱག་གཡས་ས་གནོན། གཡོན་མཉམ་བཞག་རྡོ་རྗེ་རྩེ་ལྔ་བསྣམས་པ། དབུ་ལ་གཙུག་ཏོར། སྨིན་མཚམས་མཛོད་སྤུ། ཕྱག་

― LT40_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་འཁོར་ལོའི་རི་མོ་སོགས་མཚན་དཔེས་བརྒྱན་ཅིང་སྤྲུལ་སྐུ་རབ་བྱུང་གི་ཆ་ལུགས། རྡོ་རྗེ་སྐྱིལ་ཀྲུང་གིས་བཞུགས་ཤིང་འོད་ཟེར་མཐའ་ཡས་པ་འཕྲོ་བའི་ཚུལ། ཤར་དུ་པདྨ་ཅན་དཀར་མོ་དཔལ་བེའུ། ལྷོར་འོད་ཟེར་ཅན་མ་སྔོན་མོ་པདྨ། ནུབ་ཏུ་མདངས་ལྡན་མ་དམར་སྐྱ་གདུགས་དཀར། བྱང་དུ་དྲི་མེད་མ་ལྗང་གུ་དུང་། ཤར་ལྷོར་འཇིགས་བྱེད་མ་དཀར་མོ་འཁོར་ལོ། ལྷོ་ནུབ་ཏུ་རྣམ་རྒྱལ་མ་སྔོ་སྐྱ་རྒྱལ་མཚན། ནུབ་བྱང་དུ་དཀར་ཤམ་མ་དམར་སྐྱ་བུམ་པ། བྱང་ཤར་དུ་ཡིད་གཞུངས་མ་ལྗང་གུ་གསེར་ཉ་བསྣམས་པ། བརྒྱད་ཀ་ཕྱག་གཡོན་པ་ཐམས་ཅད་དཀུར་བརྟེན་ཅིང་ཟླ་བའི་རྒྱབ་ཡོལ་ཅན། དར་དང་རིན་པོ་ཆེའི་རྒྱན་ལྡན། པད་ཟླ་ལ་སེམས་སྐྱིལ་གྱིས་བཞུགས་པ། མདུན་འོག་གཡས་སུ་རིགས་ཀྱི་ཁྲོ་བོ་བདུད་རྩི་ཐབས་སྦྱོར་གྱི་སྐུའི་རྣམ་འགྱུར་བགེགས་མཐར་བྱེད་དུ་གྲགས་པ་ནི། མཐིང་ནག་ཤིན་ཏུ་ཁྲོས་པ། སྤྱན་གསུམ་མཆེ་གཙིགས་དབུ་སྐྲ་དམར་སེར་གྱེན་བརྫེས། ཕྱག་གཡས་རྡོ་རྗེ་ཕྱར་ཞིང་གཡོན་ཐུགས་ཀར་སྡིགས་མཛུབ་ཀྱིས་ཞགས་པ་བསྣམས་པ། སྟག་ཤམ་དང་སྦྲུལ་རྒྱན་ཅན། ཞབས་གཡས་བསྐུམ་གཡོན་བརྐྱང་བའི་སྟབས་ཀྱིས་པད་ཉི་ལ་མེ་འབར་བའི་དབུས་ན་བཞེངས་པ། མདུན་གཡོན་རིགས་ཀྱི་

― LT40_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ཉན་སྨེ་བ་བརྩེགས་པ་ཞལ་གསུམ་རྩ་ཞལ་དང་སྐུ་མདོག་དུད་ཁ། གཡས་དཀར། གཡོན་དམར་བའི་ཞལ་རེ་རེ་ལ་སྤྱན་གསུམ་གསུམ་དང་ལྡན་ཞིང་མཆེ་བ་བཞི་བཞི་གཙིགས་པ། དབུ་སྐྲ་ཁམ་སེར་གྱེན་བརྫེས་ལ་སྦྲུལ་སྔོན་ལྟོ་སེར་གྱིས་དཀྲིས་པ། སྨར་སྨིན་དམར་སེར། ཐོད་སྐམ་ལྔ་ཡི་དབུ་བརྒྱན། ཕྱག་དྲུག་གཡས་གསུམ་རྡོ་རྗེ་རྒྱ་གྲམ། རྡོ་རྗེ་རྩེ་ལྔ། རྡོ་རྗེ་ལྕགས་ཀྱུ། །གཡོན་གསུམ་རྡོ་རྗེའི་དབྱུག་པ། རྡོ་རྗེའི་ཞགས་པ་བསྣམས་ཤིང་ཐ་མས་སྡིགས་མཛུབ་མཛད་པ། ཕྱག་ཐམས་ཅད་བརྐྱང་ཞིང་ཐོད་སྐམ་གྱི་སེ་རལ་ཁ་དང་ཡན་ལག་སྦྲུལ་གྱིས་བརྒྱན་པ། སྟག་ཤམ་ཅན། ཞབས་གཉིས་བགྲང་སྟབས་ཀྱིས་པད་ཉི་ལ་བཞེངས་ཤིང་། མེ་འབར་བའི་དབུས་ན་འགྱིང་བའོ། །མི་འཁྲུགས་པ་ལྷ་དགུ་སྒྲོལ་མ་རལ་པ་གྱེན་བརྫེས་ཀྱི་རྟོག་པ་ལ་བརྟེན་པར་བཞེད་ཅིང་། དབང་གི་རྒྱུན་དང་སྒྲུབ་མཆོད་སཱཙྪ་སོགས་ལས་སྒྲིབ་རྣམ་སྦྱོང་གི་ཆོ་གའི་ཡན་ལག་དར་སྲོལ་ཆེའོ། ༡༤ །རྡོ་རྗེའི་རིགས་ཀྱི་བདག་པོ་ཕྱག་ན་རྡོ་རྗེ་གོས་སྔོན་ཅན་སྐུ་མདོག་སྔོན་པོ་ཤིན་ཏུ་ཁྲོ་ཞིང་བཞད་པ། སྤྱན་གསུམ་མངའ་བ། ཕྱག་གཡས་རྡོ་རྗེ་སྔོན་པོ་རྩེ་ལྔ་རྭ་གདེངས་པ་ཕྱར་བ། །གཡོན་པས་སྡིགས་མཛུབ་ཐུགས་ཀར་གཏད་པ། དབུ་སྐྲ་ཁམ་པ་གྱེན་བརྫེས་རྡོ་

― LT40_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་ཅོད་པན་ཅན། སྨར་སྨིན་དམར་སེར་འབར་བ། དར་སྔོན་པོའི་སྟོད་གཡོགས་དང་སྟག་ཤམ་འཆང་བ། སྦྲུལ་དང་རིན་པོ་ཆེའི་རྒྱན་ཆ་དང་ཅོད་པན་ཅན་མེ་འབར་བའི་ཀློང་ན་ཞབས་གཡས་བསྐུམ་གཡོན་བརྐྱང་པས་པད་ཟླ་ལ་བཞེངས་པ། མདུན་ཏུ་རྣམ་འཇོམས་ལྗང་སྔོན་ཞི་མཁྲོ་མཆེ་བའི་མྱུ་གུ་ཅུང་ཟད་གཙིགས་པ། ཕྱག་གཡས་སྣ་ཚོགས་རྡོ་རྗེ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། སྤྱན་གསུམ། དབུ་སྐྲ་ཐོར་ཚུགས་དར་དང་རིན་པོ་ཆེའི་རྒྱན་ལྡན། པད་ཉི་ལ་རྡོར་སྐྱིལ་གྱིས་བཞུགས་པ། སྟེང་དུ་རྣམ་འཇོམས་དཀར་པོ་ཞལ་ཁྲོ་འཛུམ། ཕྱག་གཡས་རྡོ་རྗེ་རྩེ་དགུ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། པད་ཟླ་ལ་རྡོར་སྐྱིལ་གྱིས་བཞུགས་པ། རྒྱན་སོགས་རྡོར་སེམས་དང་མཚུངས། གཙོ་བོ་སྐུ་ཚད་ཆེ་ཞིང་འདི་གཉིས་ཀྱང་འཁོར་རྣམས་ལས་ཆེ་ཁྱད་ཐོན་ངེས་བྲི། མདུན་གཡོན་ཧཱུྃ་མཛད་མཐིང་ག་གཡས་རལ་གྲི། མདུན་གཡས་རྣམ་རྒྱལ་དཀར་པོ་རྡོ་རྗེ། ཤར་ལྷོར་དབྱུག་སྔོན་ཅན་སྔོན་པོ་དབྱུག་ཏོ། ལྷོར་གཤིན་རྗེ་གཤེད་དམར་ནག་བེ་ཅོན། ལྷོ་ནུབ་ཏུ་དོན་ཡོད་ཞགས་པ་མཐིང་ག་ཞགས་པ། སྟེང་གཡས་སྟོབས་པོ་ཆེ་མཐིང་ནག་རྩེ་གསུམ། སྟེང་

― LT40_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་རྟ་མགྲིན་དམར་པོ་པདྨ་བསྣམས་ཤིང་སྤྱི་གཙུག་རྟ་མགོ་ལྗང་གུས་མཚན་པ། ནུབ་བྱང་དུ་ཁྲོ་གཉེར་ཅན་དམར་ནག་གྲི་གུག །བྱང་དུ་བདུད་རྩི་འཁྱིལ་བ་དང་། བྱང་ཤར་དུ་རྡོ་རྗེ་འཁོར་ལོ་གཉིས་ཀ་ལྗང་གུ་འཁོར་ལོ། ཁྲོ་བོ་བཅུ་པོ་ཐམས་ཅད་ཕྱག་གཡོན་སྡིགས་མཛུབ་མཛད་ཅིང་། སྤྱན་གསུམ་མཆེ་གཙིགས་དབུ་སྐྲ་སྨར་སྨིན་དམར་སེར་གྱེན་བརྫེས། གསུས་ཁྱིམ་ཆེ་བ། སྟག་ཤམ་སྦྲུལ་རྒྱན་ཅན། ཞབས་གཡས་བརྐྱང་གཡོན་བསྐུམ་པའི་སྟབས་ཀྱིས་པད་ཉི་ལ་མེ་འབར་བའི་དབུས་ན་བཞེངས་པའོ། །ཕྱག་རྡོར་གོས་སྔོན་ཅན་འགྲོ་བཟང་ལུགས་དང་། རྣམ་འཇོམས་དཀར་པོ་སཱ་བ་རི་པའི་ལུགས་ཀྱི་དབང་གི་རྒྱུན་ཚད་ལྡན་དང་སྒྲུབ་རྒྱུན་མ་ཆད་པ་ཡོད་དོ། ༡༥ །རིགས་ཀྱི་འཁོར་ལོས་སྒྱུར་བ་རྣམ་འཇོམས་མཐིང་ནག་ཛ་ཡ་བ་རྨའི་ལུགས་ལྷ་བཅོ་ལྔ་པའི་གཙོ་བསྡུས་ནི། དབུས་སུ་གཙོ་བོ་རྣམ་འཇོམས་མཐིང་ནག་ཤིན་ཏུ་ཁྲོས་པའི་ཚུལ་ཅན། སྤྱན་གསུམ་མཆེ་བཞི་གཙིགས་ཤིང་ལྗགས་འདྲིལ་བ། གསུས་ཁྱིམ་ཆེ་ཞིང་ཉྭ་སུལ་རགས་པ། ཨག་ཚོམ་སྨིན་མ་རལ་པ་དམར་སེར་གྱེན་ཏུ་གཟེངས་པ་ལ་རྡོ་རྗེའི་ཐོད་ཉིས་རིམ་དུ་བཅིངས་པ། ཕྱག་གཡས་གསེར་གྱི་རྡོ་རྗེ་གསོར་ཞིང་གཡོན་འགྱིང་བག་དང་བཅས་པས་དྲིལ་བུ་དཀུར་བརྟེན་པ། སྦྲུལ་དཀར་

― LT40_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་རྣ་ཆ། སེར་པོའི་མགུལ་རྒྱན། དམར་པོའི་སེ་རལ་ཁ། ལྗང་གུའི་དོ་ཤལ། ནག་པོའི་གདུ་བུ་བྱས་པ། དར་སྔོན་པོའི་སྟོད་གཡོགས། སྟག་ལྤགས་ཀྱི་ཤམ་ཐབས་གསོལ་བ། ཞབས་གཡས་བསྐུམ་གཡོན་བརྐྱང་བའི་སྟབས་ཀྱིས་རྡོ་རྗེ་རྒྱ་གྲམ་ལ་གནས་པའི་ཆོས་འབྱུང་གི་དབུས་སུ་ཟླ་བ་དང་ཉི་མ་བརྩེགས་པ་ལ་བཞེངས་པ། མེ་རབ་ཏུ་འབར་བའོ། །ཤར་དུ་རྡོ་རྗེ་གཏུམ་པོ་དཀར་པོ། ལྷོར་རྡོ་རྗེ་བེ་ཅོན་སེར་པོ། ནུབ་ཏུ་རྡོ་རྗེ་ཐོ་བ་དམར་པོ། བྱང་དུ་རྡོ་རྗེ་ཕུར་པ་ལྗང་གུ། ཁྲོ་བོ་བཞི་ཀ་རྒྱན་ཆ་ལུགས་ཕྱག་མཚན་བསྣམས་ཚུལ་སོགས་གཙོ་བོ་དང་མཚུངས་པ། གཡས་བརྐྱང་གིས་པད་ཉི་ལ་བཞེངས་པ། མདུན་གཡས་ཕྱག་རྡོར་འབྱུང་པོ་འདུལ་བྱེད་སྤྱན་གསུམ་ལྗགས་འདྲིལ་མཆེ་གཙིགས་སྨར་སྨིན་དབུ་སྐྲ་དམར་སེར་གྱེན་བརྫེས་སོགས་ཤིན་ཏུ་ཁྲོས་པའི་ཉམས་ཅན་སྐུ་མདོག་ནག་པོ། ཕྱག་བཞིའི་དང་པོ་གཉིས་འབྱུང་པོ་འདུལ་བྱེད་ཀྱི་ཕྱག་རྒྱ་ཐུགས་ཀར་འཆིང་བ། གཡས་འོག་མས་རྡོ་རྗེ། གཡོན་འོག་མས་སྡིགས་མཛུབ་དང་བཅས་པའི་ཞགས་པ་བསྣམས་པ། ཐོད་སྐམ་དབུ་རྒྱན། ཐོད་རློན་དོ་ཤལ། སྟག་ཤམ་སྦྲུལ་རྒྱན་མེ་དཔུང་འབར་བ། པད་ཉི་ལ་ཚོགས་བདག་གླང་པོ་ཆེའི་གདོང་ཅན་གྱི་སྟེང་དུ་ཞབས་གཡས་

― LT40_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུམ་གཡོན་བརྐྱང་བས་བཞེངས་པ། མདུན་གཡོན་རིགས་ཀྱི་བཀའ་ཉན་ཁྲོ་བོ་སྟོབས་པོ་ཆེ་དམར་པོ་ཁྲོས་པའི་ཉམས། སྤྱན་གསུམ་མཆེ་གཙིགས། དབུ་སྐྲ་དམར་སེར་གྱེན་འཁྱིལ་སྦྲུལ་གྱིས་བཅིངས་པ། ཕྱག་བཞིའི་གཡས་དང་པོས་དབྱུག་པ་དཀར་པོ། གཉིས་པས་རྔ་ཡབ། གཡོན་དང་པོས་ཕྱག་འཚལ་བའི་ཚུལ་གྱི་ཐལ་མོ་བརྐྱང་བ། གཉིས་པས་ཞགས་པ་དང་བཅས་པའི་སྡིགས་མཛུབ་མཛད་པ། སྟག་ཤམ་ཅན། ཉི་མའི་དཀྱིལ་འཁོར་འོད་འབར་བའི་དབུས་སུ་བཞུགས་པའི་ཚུལ། ཞབས་གཡས་བསྐུམ་གཡོན་བརྐྱང་གིས་པད་དཀར་དང་ཉི་གདན་ལ་བཞེངས་པ། སྟེང་གི་གཡས་ངོས་སུ་རྡོ་རྗེ་གནྡྷ་རི་རྩ་ཞལ་དང་སྐུ་མདོག་ནག་མོ། གཡས་བསྐོར་གྱིས་དཀར་སེར་དམར་ལྗང་སྔོ་བའི་ཞལ་དྲུག་པོ་མཆེ་གཙིགས་སྤྱན་གསུམ་མངའ་བ། དབུ་སྐྲ་ཁམས་པ་གྱེན་བརྫེས། ཕྱག་བཅུ་གཉིས་ཀྱི་གཡས་དྲུག་གིས་རྡོ་རྗེ། དྲིལ་བུ། རལ་གྲི། ཏྲི་ཤཱུ་ལ། མདའ། རྫ་མཁན་གྱི་འཁོར་ལོ། གཡོན་དྲུག་གིས་ཁ་ཊྭཱཾཱཾ། ལྕགས་ཀྱུ། དགྲ་སྟ། །ཞགས་པ། གཞུ། སྡིགས་མཛུབ་ཐུགས་ཀར་མཛད་པ། རུས་པ་དང་སྦྲུལ་གྱི་རྒྱན་དང་སྟག་ཤམ་ཅན། ཞབས་གཡས་བསྐུམ་གཡོན་བརྐྱང་བས་པད་ཉི་ལ་བཞེངས་པ། གཡོན་ངོས་སུ་

― LT40_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ལྕགས་སྒྲོག་མ་སྐུ་མདོག་དང་རྩ་ཞལ་ལྗང་སེར་ཅུང་ཟད་བཞད་པ། གཡས་སེར་སྐྱ་སྤྱན་སེར་སྐྱ་དང་ལྡན་པ། གཡོན་དམར་ཞིང་ཁྲོ་གཉེར་དང་མཆེ་བ་གཙིགས་པ། །གསུམ་ཀའང་སྤྱན་གསུམ་གསུམ་མངའ་བ། དབུ་སྐྲ་སེར་སྐྱ་གྱེན་འཁྱིལ། ཕྱག་བརྒྱད་ཀྱི་གཡས་བཞིའི་དང་པོས་མི་འཇིགས་པ་སྦྱིན་པའི་ཕྱག་རྒྱ། རྡོ་རྗེ། རྡོ་རྗེས་མཚན་པའི་ལྕགས་སྒྲོགས། །མདའ། གཡོན་བཞིས་ཐོད་པ་ཁྲག་གིས་གང་བ། སྡིགས་མཛུབ། ཞགས་པ། གཞུ་འཛིན་པ། བྱི་ལའི་པགས་པས་སྟོད་གཡོགས་དང་སྨད་དཀྲིས་ཅན། ཞབས་རོལ་སྟབས་ཀྱིས་པད་ཉི་ལ་བཞུགས་པའོ། །ཛ་བ་རི་པ་དང་ཛ་ཡ་བ་རྨའི་ལུགས་ཀྱི་རྣམ་འཇོམས་ལྷ་བཅོ་ལྔ་པ་དང་། མ་ི་ཀ་བཛྲའི་ལུགས་ཀྱི་ལྷ་བཅུ་དགུ་མ་གཉིས་ལས་སྔ་མའི་དབང་རྒྱུན་འབྲུག་ལུགས་ལ་བཞུགས་སོ། ༡༦ །གཉིས་པ་ཕྱིའི་བྱ་བ་དང་ནང་གི་རྣལ་འབྱོར་ཆ་མཉམ་དུ་སྤྱོད་པའི་རྒྱུད་ལས། ཕྱོགས་འདིར་ཆོ་ག་དང་དབང་གི་རྒྱུན་རང་རྐང་ཚུགས་པ་རྣམ་སྣང་མངོན་བྱང་ཙམ་ལས་ཆེར་མ་འབྱོན་པར་མངོན་ལ། རྣམ་སྣང་མངོན་བྱང་ལྷ་བརྒྱ་དང་ཉི་ཤུ་རྩ་གཉིས་མཚན་མ་གཉིས་དང་བཅས་པའི་དཀྱིལ་འཁོར་ཆེན་པོའི་གཙོ་བོ་རྣམ་པར་སྣང་མཛད་སྐུ་མདོག་དཀར་པོ། ཐོར་ཚུགས་དབུ་

― LT40_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་དར་ལའི་སྟོད་གཡོགས་སྨད་གཡོགས་སོགས་འཁོར་ལོས་སྒྱུར་བའི་ཆ་བྱད་ཅན། ཕྱག་གཉིས་མཉམ་བཞག། ཞབས་རྡོ་རྗེའི་སྐྱིལ་ཀྲུང་གིས་གདན་པད་སྡོང་འདབ་རྒྱས་འདབ་མའི་བར་མཚམས་ཐམས་ཅད་རྡོ་རྗེས་གཏམས་པ་ལ་བཞུགས་ཤིང་གསེར་གྱི་ཁ་དོག་ལྟ་བུའི་འོད་ཟེར་འཁྲིག་པ། མདུན་ཏུ་པདྨ་དཀར་པོའི་སྟེང་དུ་ཆོས་འབྱུང་ཐལ་ཀར་རྡོ་རྗེ་རྩེ་ལྔས་མཚན་ཅིང་གྲྭ་གཉིས་ནས་འོད་འབྱུང་བ། །ཁོར་ཡུག་འོད་ཟེར་དཀར་པོ་འབར་བ། དེའི་གཡས་སུ་ཡུམ་ནམ་མཁའི་སྤྱན་མ་སེར་མོ། ན་བཟའ་དཀར་པོ། ཕྱག་གཡས་ན་གཙུག་ཏོར་བསྣམས་ཤིང་ཏིང་ངེ་འཛིན་ལ་བཞུགས་པའི་ཚུལ། ཆོས་འབྱུང་གི་གཡོན་ཏུ་པད་དཀར་མ་ཡིད་བཞིན་ནོར་བུ། གཙོ་བོའི་གཡོན་ཕྱོགས་སུ་སྤྱན་རས་གཟིགས་དཀར་པོ་འོད་དཔག་མེད་པའི་དབུ་རྒྱན་ཅན། ཅུང་ཟད་འཛུམ་པ། ཕྱག་གཡོན་པས་པདྨའི་རྩ་བ་དཀུར་བརྟེན་ཅིང་གཡས་པས་ཐུགས་ཀར་ཁ་འབྱེད་པ། གཡས་སུ་ཕྱག་རྡོར་ལྗང་སེར་མི་བསྐྱོད་པས་དབུ་བརྒྱན་པ། ཕྱག་གཡས་ན་རྡོ་རྗེ་འཛིན་པ། འོད་ཕྲེང་ཅན། གཙོ་བོའི་མདུན་འོག་གཡོན་ཏུ་མི་གཡོ་བ་ནག་པོ། གཡས་རལ་གྲི། གཡོན་ཞགས་པ། ཟུར་ཕུར་སྤྱི་བོ་གཡོན་ཏུ་འཕྱང་བ། མིག་གཅིག་ཡོ་བ། རྒྱན་དང་རང་འོད་བཅས། བྲག་གི་སྟེང་ན་ཁྲོ་བ་དང་བཅས་པས་འདུག་

― LT40_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

པ། བཞིན་ཁྲོ་གཉེར་བསྡུས་ཤིང་བྱིས་པའི་གཟུགས་ཅན་མཁྲང་བག་དང་ལྡན་པ། མདུན་འོག་གཡས་སུ་འཇིག་རྟེན་གསུམ་རྒྱལ་ནག་པོ་རྡོ་རྗེ་འཛིན་པ། རྩེ་བྲན་གྱི་རྒྱན་དང་འབར་ཕྲེང་ཅན། བཀའ་ལུང་ཉན་པ་ལྟར་འདུག་པ། ནུབ་ངོས་བརྩི་བའི་སྟེང་གཡོན་སྒོ་སྲུང་གདུལ་དཀའ་མདོག་ནག་པོ་དང་། སྟེང་གཡས་སྒོ་སྲུང་མངོན་ཕྱོགས་མདོག་དམར་པོ། གཉིས་ཀ་མིག་དམར་ཞིང་ཁྲོ་བའི་ཚུལ་ཅན། ཕྱག་ན་བེ་ཅོན་འཛིན་པ། ཆོས་འབྱུང་གི་མདུན་ཙམ་དུ་དཀྱིལ་འཁོར་གཉིས་པའི་གཙོ་བོ་ཤཱཀྱ་ཐུབ་པ་གསེར་མདོག་སྤྲུལ་སྐུ་རབ་བྱུང་གི་ཆ་ལུགས། ཆོས་འཆད་ཀྱི་ཕྱག་རྒྱ་མཛད་པ། དེའི་གཡས་སུ་རྡོ་རྗེ་དམ་པ་སྦྱིན་དམར་སེར་ཟུར་ཕུད་ལྔ་ལྡན་གཞོན་ནུའི་གཟུགས་ཅན། གཡོན་པས་ཨུཏྤལ་སྔོན་པོ་རྡོ་རྗེས་མཚན་པ་བསྣམས་པ། གཡས་མཆོག་སྦྱིན། །བཞིན་འཛུམ་བག །འོད་ཟེར་ཀུན་ཏུ་འཁོར་བ། ཤཱཀ་ཐུབ་གཡོན་ཏུ་བྱམས་པ་དམར་མོ་གུནྡྷེ་སྟེ་རིལ་བ་སྤྱི་བླུགས་འཛིན་པ། ལྷོ་ཕྱོགས་སུ་སྒྲིབ་པ་རྣམ་སེར་གསེར་མདོག་ཐོར་ཚུགས་དང་ཅོད་པན་ཅན། ཕྱག་ན་ཡིད་བཞིན་ནོར་བུ་འཛིན་པ། བྱང་ཕྱོགས་སུ་སའི་སྙིང་པོ་ལྗང་གུ་བ་དན་རྩེ་མོ་རིན་པོ་ཆེས་མཚན་པ་འཛིན་པ། ནུབ་སྟེ་སྟེང་དབུས་སུ་ནམ་མཁའི་སྙིང་པོ་ལྗང་སེར་ནབ་བཟའ་དཀར་པོ་ཅན་

― LT40_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

རལ་གྲི་འཛིན་པ། དེ་གཡས་ཀུན་ཏུ་བཟང་པོ་སེར་པོ་ཡིད་བཞིན་ནོར་བུ་འཛིན་པ། གཡོན་ཏུ་ངན་སོང་ཐམས་ཅད་སྤོང་བ་དཀར་པོ་ཕྱག་གཉིས་ངན་སོང་ནས་འདྲེན་པའི་ཚུལ་མཛད་པ། ལྷ་ཐམས་ཅད་ཐོར་ཚུགས་ཅོད་པན་ཅན། དར་གྱི་ནབ་བཟའ་གསོལ་བ། རྒྱན་ཐམས་ཅད་ཀྱིས་བརྒྱན་ཅིང་གཙོ་བོ་ལ་ཞལ་ཕྱོགས་པ། ཕྱག་མཚན་མེད་པ་ཐམས་ཅད་གཙོ་བོ་ལ་འདུད་པའི་ཚུལ་མཛད་པ། ཁྲོ་བོ་རྣམས་གཡོན་བརྐྱང་རོལ་པའི་ཁྲོ་བོའི་ཆས་སྤྱི་འགྲེ། ཐམས་ཅད་ཀྱང་པདྨ་དཀར་པོ་ཤ་སྟག་གི་གདན་ལ་འཁོད་པའོ། །འདི་ལ་བུ་སྟོན་ཞབས་ཀྱི་རྗེས་འབྲང་ཞ་ལུབ་ཡེ་ཤེས་རྒྱ་མཚོའི་དཀྱིལ་ཆོག་གི་སྟེང་ནས་དབང་བསྐུར་བ་དང་བསྙེན་སྒྲུབ་ཀྱི་རྒྱུན་ཚད་ལྡན་མཆིས་སོ། ༡༧། །གསུམ་པ་ནང་གི་ཏིང་ངེ་འཛིན་གཙོ་བོར་བཏོན་པ་རྣལ་འབྱོར་གྱི་རྒྱུད་ལ། ཐོག་མར་ཡོ་ག་རྩ་བའི་རྒྱུད་དེ་ཉིད་འདུས་པའི་དུམ་བུ་དང་པོ་ལས་གསུངས་པའི་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་གཙོ་བསྡུས་ནི། དབུས་སུ་རྣམ་སྣང་དཀར་པོ་ཞལ་བཞི་པ་ཞི་བས་གཟིགས་པ། ཕྱག་གཉིས་བྱང་ཆུབ་མཆོག་གི་ཕྱག་རྒྱ་མཛད་པའི་གཡས་པའི་མཛུབ་མོ་ལ་རྡོ་རྗེ་དམར་པོ་རྩེ་ལྔ་བརྟེན་པའི་ཚུལ་གྱིས་བསྣམས་པ། དར་དང་རིན་པོ་ཆེའི་རྒྱན་སོགས་འཁོར་ལོས་སྒྱུར་བའི་ཆ་བྱད་ཡོངས་སུ་

― LT40_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཤིང་ཉི་མའི་རྒྱབ་ཡོལ་ཅན་སེང་གེའི་ཁྲི་ལ་བཞུགས་པ། དེའི་མདུན་ཏུ་སེམས་མ་རྡོ་རྗེ་མའི་ངོ་བོ་རྡོ་རྗེ་དམར་པོ་རྩེ་ལྔ་པ། གཡས་སུ་རིན་ཆེན་རྡོ་རྗེ་མའི་ངོ་བོ་ཡིད་བཞིན་ནོར་བུའི་རྩེ་མོར་དང་པོའི་རྡོ་རྗེ་རྩེ་ལྔས་མཚན་པ། རྒྱབ་ཏུ་རྡོ་རྗེ་ཆོས་མའི་ངོ་བོ་པདྨ་དཀར་དམར་འདབ་མ་བཅུ་དྲུག་པ་འདབ་བརྒྱད་ཐུར་དུ་ཁ་གྱེས་ཤིང་བྱེ་བ། འདབ་བརྒྱད་ཁ་མ་བྱེ་བ་གྱེན་བསྟན་ནང་དང་པོའི་རྡོ་རྗེ་རྩེ་ལྔ་པ་ཆུད་པ། གཡོན་དུ་རྡོ་རྗེ་ལས་མའི་ངོ་བོ་སྣ་ཚོགས་རྡོ་རྗེ་རྩེ་མོ་བཅུ་གཉིས་པ་ལྟེ་བ་དཀར། མདུན་གྱི་རྭ་གསུམ་སྔོ། གཡས་སེར། གཡོན་ལྗང་། རྒྱབ་དམར་བ། ཤར་དུ་གླང་པོ་ཆེའི་ཁྲི་ལ་མི་བསྐྱོད་པ་སྔོན་པོ་ས་གནོན་ཕྱག་རྒྱས་རྡོ་རྗེ་རྩེ་ལྔ་བསྣམས་པ། གཡས་སུ་རྡོ་རྗེ་སེམས་དཔའ་དཀར་པོ་ཕྱག་གཡས་པའི་སོར་མོ་དབུས་མའི་རྩེ་མོ་ལ་རྡོ་རྗེ་རྩེ་ལྔ་པ་ཐུགས་ཀར་གཏོད་པའི་ཚུལ་གྱི་འཛིན་ཅིང་། གཡོན་ཁུ་ཚུར་གྱིས་དྲིལ་བུ་ཁ་ནང་བསྟན་བསྙེམས་པའི་ཚུལ་གྱིས་དཀུར་བརྟེན་པ། གཡོན་ཏུ་སྐལ་བཟང་སེམས་དཔའི་མཚོན་བྱེད་རྡོར་སེམས་དང་འདྲ་བ་གཅིག །ལྷོར་རྟ་མཆོག་གི་ཁྲི་ལ་རིན་ཆེན་འབྱུང་ལྡན་སེར་པོ་མཆོག་སྦྱིན་ཕྱག་རྒྱས་རིན་པོ་ཆེ་བསྣམས་པ། གཡས་སུ་རྡོ་རྗེ་རིན་ཆེན་སེར་པོ་ཕྱག་གཡས་རིན་པོ་ཆེ་སྤྱི་བོར་འཇོག་ཅིང་། གཡོན་དྲིལ་བུ་བསྣམས་ཚུལ་

― LT40_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོར་སེམས་དང་འདྲ་བ། གཡོན་ཏུ་དེ་དང་མཚུངས་པ་གཅིག །ནུབ་ཏུ་རྨ་བྱའི་ཁྲི་ལ་འོད་དཔག་མེད་དམར་པོ་མཉམ་བཞག་ཕྱག་རྒྱས་པདྨ་བསྣམས་པ། གཡས་སུ་རྡོ་རྗེ་ཆོས་དཀར་དམར་ཕྱག་གཡོན་བསྙེམས་པ་དང་བཅས་པས་པདྨའི་སྡོང་བུ་དཀུར་བརྟེན་ཅིང་གཡས་པའི་ཁུ་ཚུར་གྱི་མཐེབ་མཛུབ་གཉིས་ཀྱིས་ཐུགས་ཀར་ཁ་འབྱེད་པ། གཡོན་ཏུ་དེ་མཚུངས་གཅིག །བྱང་དུ་མཁའ་ལྡིང་གི་གདན་ལ་དོན་གྲུབ་ལྗང་གུ་སྐྱབས་སྦྱིན་ཕྱག་རྒྱས་སྣ་ཚོགས་རྡོ་རྗེ་བསྣམས་པ། གཡས་སུ་རྡོ་རྗེ་ལས་ཞལ་དང་། བྱིན་པ་ནས་ཞབས་ཀྱི་བར་དཀར། ཞལ་གྱི་འོག་ནས་སྐེད་པའི་བར་དམར་སྐྱ། ཕྱག་གཉིས་དང་སྐེད་པའི་བར་སྔོ་སྐྱ། བརླ་གཉིས་སེར་སྐྱ། ལྷག་མ་སྔོན་པོ། ཕྱག་གཡས་སྣ་ཚོགས་རྡོ་རྗེ་ཐུགས་ཀར་གཏོད་ཅིང་གཡོན་དེས་ཡུ་བ་བྱས་པའི་དྲིལ་བུ་དཀུར་བརྟེན་པ། གཡོན་ཏུ་དེ་མཚུངས་བཅས། གཤེགས་པ་རྣམས་གཡོན་མཉམ་བཞག །ཞབས་རྡོར་སྐྱིལ། ཞི་བའི་གཟིགས་སྟངས་ཉི་མའི་རྒྱབ་ཡོལ་སོགས་རྣམ་སྣང་དང་འདྲ། རྡོར་སེམས་ལ་སོགས་པ་ཐམས་ཅད་རབ་ཏུ་དགྱེས་པས་སྤྱན་གདངས་པ། སྒེག་པའི་ཉམས་ཅན་འཛུམ་པ་དང་བཅས་པ། རིགས་ལྔའི་ཅོད་པན་དར་དཔྱངས་རྒྱན་ཐམས་ཅད་ཀྱིས་བརྒྱན་པ། དར་དཀར་པོའི་

― LT40_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོད་གཡོགས་སྨད་གཡོགས། གཡོན་དུ་བཞུགས་པ་རྣམས་རྡོ་རྗེ་རིན་པོ་ཆེའི་ཅོད་པན་ཅན། སེམས་དཔའ་ཐམས་ཅད་ཞབས་སེམས་སྐྱིལ། ཟླ་བའི་རྒྱབ་ཡོལ་མངའ་བ། །གཙོ་འཁོར་ཐམས་ཅད་པད་ཟླའི་གདན་དང་བཅས་པའོ། །འདི་ལ་རྩ་ལུགས་དང་འགལ་ལུགས་ཀྱི་དབང་བསྐུར་བ། བསྙེན་སྒྲུབ་ཀྱི་རྒྱུན་དང་བཅས་པ་མཆིས་ཤིང་། འཇམ་དཔལ་གསང་ལྡན་ཙམ་ལས་གཞན་པའི་རྣལ་འབྱོར་རྒྱུད་ཀྱི་སྒྲུབ་དཀྱིལ་རྣམས་ནི་བུ་སྟོན་ཐམས་ཅད་མཁྱེན་པའི་བཀའ་སྲོལ་ཁོ་ན་ལས་འབྱོན་པ་ཤེས་པར་བྱའོ། ༡༨ །ཡོ་ག་བཤད་པའི་རྒྱུད་ལས་གསུངས་པའི་རྡོ་རྗེ་རྩེ་མོ་གསང་བ་མཆོད་ཆེན་རིགས་པ་སྡུས་པའི་དཀྱིལ་འཁོར་ཆེན་པོ་དགུའི་གཙོ་བོ་བསྡུས་པ་ལ་དབུས་སུ་གཙོ་བོ་རྣམ་པར་སྣང་མཛད། དེའི་གཡས་མདུན་མི་བསྐྱོད་པ། གཡོན་མདུན་དོན་གྲུབ། རྒྱབ་གཡས་རིན་འབྱུང་། རྒྱབ་གཡོན་འོད་དཔག་མེད་བཅས་རྡོར་དབྱིངས་དང་མཚུངས་པ། ཤར་དུ་སངས་རྒྱས་གཟུགས་ཅན་སྔོན་པོ་ཁྲོ་འཛུམ་མཆེ་གཙིགས་དར་དང་རིན་པོ་ཆེའི་རྒྱན་ཅན། ཕྱག་གཉིས་ཏི་ར་ནི་རིའི་ཕྱག་རྒྱ་ཞེས་རྡོ་རྗེ་ནང་བསྡམས་མཐེ་བོང་གཤིབ་པས་རྡོ་རྗེ་འཛིན་པ། འབར་བའི་ཕྲེང་བའི་དབུས་ན་ཞབས་གཡས་བསྐུམ་གཡོན་བརྐྱང་གིས་པད་ཟླ་དང་གླང་པོའི་

― LT40_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲི་ལ་བཞུགས་པ། ལྷོར་སངས་རྒྱས་ཉི་མ་གསེར་མདོག་བཞད་པའི་ཞལ་ཅན། ཕྱག་གཉིས་ཀྱིས་སོའི་ཕྲེང་བ་དང་མཐེ་བོའི་རྩེ་མོར་རྒྱལ་མཚན་རིན་པོ་ཆེའི་ཏོག་གིས་སྤྲས་པ་འཛིན་པ། རྡོར་སྐྱིལ་གྱིས་པད་ཟླ་རྟ་མཆོག་གི་ཁྲི་ལ་བཞུགས་པ། ནུབ་ཏུ་སྣ་ཚོགས་གཟུགས་ཅན་དམར་པོ། ཕྱག་གཉིས་ཆོས་འཆད། སྐྱིལ་ཀྲུང་པད་ཟླ་རྨ་བྱའི་ཁྲི་ལ་བཞུགས་པ། བྱང་དུ་ཆོས་འཛིན་རྒྱལ་པོ་ལྗང་གུ་སྐྱབས་སྦྱིན་སྣ་ཚོགས་རྡོ་རྗེ་འཛིན་པ། སྐྱིལ་ཀྲུང་པད་ཟླ་མཁའ་ལྡིང་གི་ཁྲི་ལ་བཞུགས་པ། དེ་གསུམ་ཀ་ཉི་མའི་རྒྱབ་ཡོལ་ཅན། ཤར་ལྷོར་སྣ་ཚོགས་པད་ཟླ་ལ་རྡོ་རྗེ་སེམས་དཔའ་དཀར་པོ་རྡོར་དྲིལ་འཛིན་པ་སྤྱི་མཚུངས་ལ་འོད་དམར་པོ་འཕྲོ་བ། ལྷོ་ནུབ་ཏུ་པདྨ་དམར་པོའི་གདན་ལ་པདྨའི་སེམས་དཔའ་ཞལ་བཞི་དང་སྐུ་མདོག་དམར་པོ། ཕྱག་བརྒྱད་གཡོན་བཞིས་པདྨའི་སྡོང་བུ་པདྨའི་ཁུ་ཚུར་གྱིས་བསྙེམས་ཚུལ་དུ་འཛིན་ཅིང་། གཡས་བཞིས་ཐུགས་ཀར་ཁ་འབྱེད་པ། དབུ་ལ་དར་དང་པད་ཕྲེང་བཅིང་བ། ནུབ་བྱང་དུ་ཉི་མའི་སྟེང་དུ་པདྨ་ལ་རིན་ཆེན་སེམས་དཔའ་སེར་པོ་ཕྱག་གཉིས་རིན་ཆེན་ཁུ་ཚུར་གྱིས་རིན་པོ་ཆེ་བསྣམས་ཤིང་འོད་དམར་པོ་འཕྲོ་བ། བྱང་ཤར་དུ་པདྨ་ལ་རྡོ་རྗེ་ལས་ལྗང་གུ་རྡོ་རྗེ་རྒྱ་གྲམ་གྱི་ཅོད་པན་དར་དཔྱངས་ལྡན་པ། ཕྱག་གཉིས་རྒྱ་གྲམ་

― LT40_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས་པ། སེམས་དཔའ་བཞི་ལ་ཟླ་བའི་རྒྱབ་ཡོལ། ཞབས་སེམས་སྐྱིལ། གཙོ་འཁོར་ཐམས་ཅད་དར་དང་རིན་པོ་ཆེའི་རྒྱན་སོགས་སྤྱི་ལྟར་རོ། ༡༩ །ཡོ་ག་ཆ་མཐུན་གྱི་རྒྱུད་དཔལ་མཆོག་དང་པོ་རིགས་བསྡུས་པའི་དཀྱིལ་འཁོར་དགུ་དང་། འཇིག་རྟེན་པའི་དཀྱིལ་འཁོར་བཞིའི་གཙོ་བསྡུས་ནི། དབུས་སུ་གཙོ་བོ་རྡོ་རྗེ་སེམས་དཔའ་དཀར་པོ་བཞད་ཅིང་འཛུམ་པ། ཕྱག་གཡས་གུང་མཐེབ་ཀྱིས་རྡོ་རྗེ་ཐུགས་ཀར་གསོར་ཞིང་གཡོན་བསྙེམས་ཚུལ་གྱིས་དྲིལ་བུའི་ཁ་ནང་ཕྱོགས་དཀུར་བརྟེན་པ། དབུ་རྒྱན་དང་པོ་སྣ་ཚོགས་རྡོ་རྗེའི་ཕྲེང་བ། དེ་སྟེང་པད་ཕྲེང་། དེ་སྟེང་རིན་པོ་ཆེའི་ཕྲེང་བ་དང་རིགས་ལྔའི་དབུ་རྒྱན་རྣམས་བརྩེགས་པ། གཡོན་ཕྱོགས་སུ་འགྱིང་ཞིང་དར་དང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། སྐུ་ལས་འོད་ཟེར་ཁ་དོག་སྣ་ལྔ་འཕྲོ་བ། ཞབས་སེམས་སྐྱིལ་གྱིས་སྡོང་བུ་དང་བཅས་པའི་པདྨ་ལ་བཞུགས་པའོ། །དེའི་གཡས་མདུན་ཏུ་མི་བསྐྱོད་པ་དཀར་པོ་ས་གནོན་རྡོ་རྗེ། རྒྱབ་གཡས་རིན་ཆེན་འབྱུང་ལྡན་སྔོན་པོ་མཆོག་སྦྱིན་རིན་ཆེན། རྒྱབ་གཡོན་འོད་དཔག་མེད་གསེར་མདོག་ཆོས་འཁོར་ཕྱག་རྒྱས་པདྨ། མདུན་གཡོན་དོན་ཡོད་གྲུབ་པ་སྣ་ཚོགས་མདོག་སྐྱབས་སྦྱིན་སྣ་ཚོགས་རྡོ་རྗེ་བསྣམས་པ། གཡོན་རྣམས་མཉམ་བཞག །

― LT40_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པ་བཞི་ཀ་དབུ་ལ་རིན་པོ་ཆེའི་སྟེང་རྡོ་རྗེ་ཕྱེད་པས་མཚན་པ། དར་རྒྱན་གཉིས་རིན་པོ་ཆེའི་རྒྱན་བརྒྱད་སོགས་སྤྱི་མཚུངས། པདྨ་ལ་སྐྱིལ་ཀྲུང་གིས་བཞུགས་པ། སྣ་ཚོགས་མདོག་ནི་རྡོར་དབྱིངས་ཀྱི་རྡོ་རྗེ་ལས་ལྟར་རོ། །ཤར་དུ་ཧཱུྃ་མཛད་སྔོན་པོ་ཁྲོས་པའི་ཚུལ་ཅན། རིན་པོ་ཆེ་པདྨ་རྡོ་རྗེས་དབུ་བརྒྱན་པ། ཕྱག་གཉིས་ཁམས་གསུམ་རྣམ་རྒྱལ་ཕྱག་རྒྱས་རྡོར་དྲིལ་བསྣམས་པ། །འབར་བའི་ཕྲེང་བའི་དབུས་ན་ཞབས་གཡོན་བརྐྱང་དབང་ཕྱུག་གི་རྣ་བ་གཡོན་པ་དང་། གཡས་བསྐུམ་ཨུ་མའི་ནུ་མ་ལ་བརྫིས་པ། པདྨའི་གདན་ཅན། ལྷོར་ནམ་མཁའི་སྙིང་པོ་ལྗང་གུ། །ཕྱག་གཉིས་ཀྱིས་རྡོ་རྗེ་རྩེ་ལྔའི་ཕྲེང་བ་རང་གི་དབུ་ལ་འཆིང་བའི་ཚུལ། རྟ་བདུན་གྱིས་དྲངས་པའི་ཤིང་རྟ་དང་སྣ་ཚོགས་པདྨ་ལ་སེམས་སྐྱིལ་གྱིས་བཞུགས་པ། ནུབ་ཏུ་འཇིག་རྟེན་དབང་ཕྱུག་དམར་སྐྱ། གཡོན་པདྨའི་ཁུ་ཚུར་གྱིས་པདྨ་དམར་པོ་བསྙེམས་པའི་ཚུལ་གྱིས་འཛིན་ཅིང་། གཡས་པའི་མཐེབ་མཛུབ་ཀྱིས་ཐུགས་ཀར་ཁ་འབྱེད་པ་ལ་གཟིགས་པའི་ཚུལ། འོད་དཀར་པོ་འཕྲོ་ཞིང་སྣ་ཚོགས་པདྨ་ལ་སེམས་སྐྱིལ། བྱང་དུ་རྡོ་རྗེ་ཁུ་ཚུར་སེར་པོ། ཕྱག་གཉིས་ཐུགས་ཀར་དམ་ཚིག་གི་ཁུ་ཚུར་གྱིས་རྡོ་རྗེ་འཚིར་བ། པདྨ་ལ་སེམས་སྐྱིལ། ཤར་ལྷོར་འཇམ་དཔལ་སྔོན་པོ་ཞལ་

― LT40_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་འཛུམ་པ། ཕྱག་བཞི་ཡིས་རལ་གྲི་རེ་རེ་བསྣམས་པ། འཁོར་ལོའི་ལྟེ་བར་སྣ་ཚོགས་པདྨ་ལ་སེམས་སྐྱིལ་གྱིས་བཞུགས་པ། ཟླ་བའི་རྒྱབ་ཡོལ་ཅན། དེའི་མདུན་ནང་ཟུར་དུ་ཞི་བ་མདུང་གི་དབང་ཕྱུག་སྔོ་ནག །རྩ་བའི་ཞལ་ཞི་བ། ལྷག་མའི་ཞལ་གསུམ་ཁྲོས་པ། མདུན་གྱི་ཕྱག་བཞིས་རྩེ་གསུམ། ཁ་ཊྭཱཱཾ། ཕྲེང་བ། གཡུང་དྲུང་དང་། རྒྱབ་ཀྱི་ཕྱག་བཞིས་ཀྱང་ཕྱག་མཚན་དེ་མཚུངས་འཛིན་པའི་སྤྱི་བོར་ཁྲོ་བོ་འཇིགས་བྱེད་ནག་པོ་སྐུ་ཆུང་ངུ། །ལག་པ་བཞིས་རྩེ་གསུམ་ཐོད་པ་དང་གླང་པགས་རློན་པ་བརྒྱངས་ནས་འཛིན་པ། དར་དང་རིན་ཆེན་སྟག་ཤམ་རྒྱན་ལྡན། སྤྲིན་ཕུང་འཁྲིགས་པའི་དབུས་ན་འགྱིང་པ་ལྟ་བུ་བཀོད་ཕུལ་གང་མཛེས་བྱ། འདི་རིགས་ཟུར་གྱི་ཕོ་ཉ་རྣམས་སྐུ་ཚད་ཆུང་ངུར་བྲི། ལྷོ་ནུབ་ཏུ་ནམ་མཁའ་མཛོད་ཞལ་དཀར། མགྲིན་པ་ནས་སྐེད་པའི་བར་དམར་སྐྱ། བརླ་གཉིས་སེར་སྐྱ། པུས་མོ་ཕྱག་ངར་ཕྲག་པ་སོགས་སྔོན་པོ། ཕྱག་མགོ་གཉིས་དང་རྐང་པ་གཉིས་ལྗང་གུ། གཡས་སྣ་ཚོགས་རྡོ་རྗེ་ཐུགས་ཀར་གཏོད་པ། དེས་མཚན་པའི་དྲིལ་བུ་གཡོན་པའི་ཁུ་ཚུར་གྱིས་དཀུར་བརྟེན་པ། སྣ་ཚོགས་རྡོ་རྗེའི་ཕྲེང་བས་དབུ་བརྒྱན་པ། པདྨ་ལ་སེམས་སྐྱིལ་གྱིས་བཞུགས་པ། དེའི་ཟུར་དུ་

― LT40_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོ་ཆེན་པོ་མཐིང་ནག་ཁྲོས་པ་ཐོད་སྐམ་གྱི་དབུ་རྒྱན་ཅན། ལག་པ་བཅུས་ཁ་ཏྭཱཾཱ་དང་ཐོད་པ་ཐོགས་པ། དར་དང་རིན་ཆེན་སྟག་ཤམ་རྒྱན་ལྡན། གར་སྟབས་ཀྱིས་སྤྲིན་དབུས་ལ་རོལ་བ། ནུབ་བྱང་དུ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་སྐོར་བ་གསེར་མདོག །གཡས་གུང་མོའི་རྩེར་རྡོ་རྗེ་རྩེ་གཅིག་དབྱིབ་ཅན་གྱི་འཁོར་ལོ་རྩིབས་བརྒྱད་ཐུགས་ཀར་བསྐོར་ཞིང་གཡོན་གདན་ལ་བརྟེན་པ། སྤྱན་བགྲང་པ། པདྨ་ལ་སེམས་སྐྱིལ། དེའི་ཟུར་དུ་མིང་པོ་གསུམ་ནི་སེང་གེའི་གདན་གྱི་སྟེང་དུ་དབུས་སུ་རྒྱལ་བར་བྱེད་པ་དཀར་པོ། གཡས་སུ་སྦྲང་རྩིར་བྱེད་པ་སེར་པོ། གཡོན་ཏུ་དོན་ཐམས་ཅད་གྲུབ་བྱེད་ལྗང་གུ། གསུམ་ཀ་གོ་ཆ་དང་ཡ་ལད་བགོས་ཤིང་། གཡས་ཐོད་པ་དང་གཡོན་མདའ་གཞུ་ཐོགས་པ། ལྷའི་གོས་དང་ཕྲེང་བས་བརྒྱན་ཅིང་ཁྲོ་འཛུམ་ཅན་འོད་ཕྲེང་གི་དབུས་ན་གནས་པ། བྱང་ཤར་དུ་རྡོ་རྗེ་གནོད་སྦྱིན་མཐིང་ནག་ཁྲོ་འཛུམ་ཅན། ཕྱག་གཉིས་རྡོ་རྗེ་ཁུ་ཚུར་གྱིས་རྡོ་རྗེས་མཚན་པའི་མཆེ་བ་ཁ་འགྲམ་གཉིས་སུ་འཛིན་པ། ཅོད་པན་དང་རྡོ་རྗེའི་ཕྲེང་བ་དར་དཔྱང་གིས་དབུ་བརྒྱན་པ། འབར་ཕྲེང་གི་དབུས་ན་སེམས་སྐྱིལ་གྱིས་པད་ཉི་ལ་བཞུགས་པའོ། །དེའི་མདུན་ཟུར་དུ་སྲིང་མོ་བཞི་ནི། ཕག་མོ་གསེར་མདོག་གསེར་བུམ་ཐོགས་པ། གསོད་མ་ནག་མོ་རལ་གྲི་དང་ཕུབ་

― LT40_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་པ། གྲུབ་པ་མོ་དཀར་མོ་གྲི་རིང་ཐོགས་པ། དགའ་བ་མོ་དམར་མོ་མདའ་གཞུ་འཛིན་པ། བཞི་ཀ་རིན་པོ་ཆེ་དང་དར་དབྱང་གིས་དབུ་བརྒྱན་ཅིང་སྤྲིན་ཕུང་ལ་གནས་པ། །ཆ་ལུགས་དམིགས་ཀྱིས་མ་བསལ་བའི་གཙོ་འཁོར་ཐམས་ཅད་དར་དང་རིན་པོ་ཆེའི་རྒྱན་ཤ་སྟག་དང་ལྡན་པའོ། ༢༠ །ཡོ་ག་ཡན་ལག་གི་རྒྱུད་ཁམས་གསུམ་རྣམ་རྒྱལ་གྱི་དཀྱིལ་འཁོར་བཀའ་ཉན་རྡོ་རྗེའི་རིགས་བཅས་ཀྱི་གཙོ་བསྡུས་ནི། དབུས་སུ་སེང་ཁྲི་པད་ཟླ་ལ་རྣམ་པར་སྣང་མཛད་རྡོར་དབྱིངས་ལྟར་ལ། འདིར་ཉི་མའི་རྒྱབ་ཡོལ་མ་གསུངས་པས་འོད་ཟེར་འཕྲོ་བ་བྱ། དེའི་མདུན་ཏུ་རྡོ་རྗེ་རྩེ་ལྔ་པ། གཡས་སུ་རིན་པོ་ཆེ་འོད་འབར་བ། རྒྱབ་ཏུ་པདྨ་དམར་པོ། གཡོན་ཏུ་སྣ་ཚོགས་རྡོ་རྗེ། ཕྱག་རྒྱ་བཞི་ཀ་ཟླ་བའི་སྟེང་དུ་འོད་ཕྲེང་གི་དབུས་ན་གནས་པ། ཁ་དོག་ངེས་ཅན་མི་གསལ་རུང་། ཕྱོགས་མདོག་བྱ་ཆོག །ཤར་དུ་གླང་ཆེན་ཁྲི་ལ་རྡོ་རྗེ་ཧཱུྃ་མཛད་སྔོན་པོ་རྡོར་དྲིལ་བསྣམས་པ། ལྷོར་རྟ་མཆོག་གི་ཁྲི་ལ་རིན་ཆེན་ཧཱུྃ་མཛད་སེར་པོ་གཡས་རིན་པོ་ཆེ། ནུབ་ཏུ་རྨ་བྱའི་ཁྲི་ལ་པདྨ་ཧཱུྃ་མཛད་དམར་པོ་གཡས་པདྨ། བྱང་དུ་མཁའ་ལྡིང་གི་ཁྲི་ལ་ལས་ཀྱི་ཧཱུྃ་མཛད་ཞལ་དང་བྱིན་པ་མན་ཆད་དཀར་པོ། ཞལ་འོག་ནས་སྐེད་པའི་བར་དམར་སྐྱ། སྐེད་པ་དང་ཕྱག་གཉིས་སྔོ་སྐྱ། བརླ་གཉིས་སེར་སྐྱ། ལྷག་མ་སྔོན་པོ། གཡས་སྣ་

― LT40_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་རྡོ་རྗེ་བསྣམས་པ། ཧཱུྃ་མཛད་བཞི་ཀ་ཕྱག་གཉིས་ཐུགས་ཀར་ཁམས་གསུམ་རྣམ་རྒྱལ་གྱི་ཕྱག་རྒྱ་མཛད་པ། ཞལ་རས་ཁྲོ་འཛུམ་རིན་པོ་ཆེ་དང་རྡོ་རྗེའི་ཕྲེང་བ་དར་དཔྱངས་བཅས་པས་དབུ་བརྒྱན་པ། རང་རང་གི་ཁྲི་སྟེང་པད་ཟླའི་གདན་ལ་ཞབས་གཡོན་བརྐྱང་བས་དབང་ཕྱུག་དཀར་པོ་མགྲིན་པ་སྔོན་པོ་གཡས་རྡོ་རྗེ་རྩེ་གསུམ་དང་གཡོན་མདུང་རྩེ་གསུམ་བསྣམས་པ། སྦྲུལ་གྱི་སེ་རལ་ཁ་དང་རིན་པོ་ཆེའི་རྒྱན་ཅན་གྱི་རྣ་བ་གཡོོན་པར་བརྫིས་པ། གཡས་བསྐུམ་པས་ཨུམ་སེར་མོ་ཕྱག་མཚན་དབང་ཕྱུག་དང་འདྲ་བ་གན་རྐྱལ་གྱི་ནུ་མར་བརྫིས་ཤིང་འབར་ཕྲེང་གི་དབུས་ན་བཞེངས་པ། ཤར་ལྷོར་དྲག་པོ་དཀར་པོ་སྤྱན་གསུམ་ཕྱག་བཞི་པ། གཡས་དང་པོས་ཡུམ་ལ་འཁྱུད་པ། འོག་མ་མཆོག་སྦྱིན་དང་བཅས་རྡོ་རྗེ་རྩེ་གསུམ། གཡོན་དང་པོས་མདུང་རྩེ་གསུམ། འོག་མས་ཁ་ཊྭཱཱཾ་ག་བསྣམས་པ། སྦྲུལ་གྱིས་སེ་རལ་ཁར་བྱས་ཤིང་རིན་པོ་ཆེ་དང་ཟླ་བ་ཕྱེད་པས་དབུ་བརྒྱན་པ། ཁྱུ་མཆོག་ལ་ཞོན་ཅིང་ཡུམ་ཨུ་མ་སེར་མོ་གཡས་རྡོ་རྗེ་རྩེ་གསུམ། གཡོན་མདུང་རྩེ་གསུམ་བསྣམས་པས་གཡོན་ངོས་ནས་འཁྱུད་པ། ལྷོ་ནུབ་ཏུ་རྡོ་རྗེ་འཁྱིལ་པ་དམར་པོ་གཡས་པདྨ་ལ་གནས་པའི་རྡོ་རྗེ་དང་། གཡོན་པདྨ་ལ་གནས་པའི་ཉི་མ་འཛིན་པ། ཡུམ་རྡོ་རྗེ་བདུད་རྩི་མ་དེ་དང་མཚུངས་པས་གཡོན་

― LT40_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

ངོས་ནས་འཁྱུད་པ། རྟ་བདུན་གྱིས་དྲངས་པའི་ཤིང་རྟ་ལ་གནས་པ་ནུབ་བྱང་དུ་རྡོ་རྗེ་གླང་སྣ་དཀར་པོ། གཡས་རྡོ་རྗེ་རྩེ་གསུམ། གཡོན་ཐང་གཤོལ་ཐོགས་ནས་གླང་ལ་ཞོན་པ། ཡུམ་རྡོ་རྗེ་འཛུབ་མོ་དཀར་མོ་རལ་གྲི་འཛིན་པས་གཡོན་ནས་རོལ་པ། བྱང་ཤར་དུ་བྲན་རྡོ་རྗེ་ལྕགས་ཀྱུ་སྔོན་པོ་ཕག་གི་གདོང་པ་ཅན། གཡས་རྡོ་རྗེ་རྩེ་གསུམ། གཡོན་ལྕགས་ཀྱུ་བསྣམས་ཤིང་ཀླུའི་རྒྱལ་པོ་ཤེ་ཥ་ལ་ཞོན་པ། བྲན་མོ་རྡོ་རྗེ་ཁ་སྔོན་པོ་གཡས་རྡོ་རྗེ་རྩེ་གསུམ། གཡོན་རལ་གྲི་འཛིན་ནས་མི་ལ་ཞོན་པ། ཐམས་ཅད་ཀྱང་དར་དང་རིན་པོ་ཆེའི་རྒྱན་གྱིས་བརྒྱན་ཅིང་འབར་ཕྲེང་གི་དབུས་ན་གནས་པའོ། ༢༡ །ཡོ་ག་འཕྲོས་པའི་རྒྱུད་དུ་གྲགས་པ་ངན་སོང་སྦྱོང་རྒྱུད་བརྟགས་པ་ལས་གསུངས་པའི་སྦྱོང་དཀྱིལ་བཅུ་གཉིས་ཀྱི་གཙོ་བོ་བསྡུས་པ། དབུས་སུ་སེང་གེའི་ཁྲི་ལ་བཅོམ་ལྡན་རྣམ་པར་སྣང་མཛད་དཀར་པོ་ཞལ་བཞི་པ། ཕྱག་གཉིས་མཉམ་བཞག་གི་ཕྱག་རྒྱས་རྡོ་རྗེ་དཀར་པོ་རྩེ་ལྔ་པ་བསྣམས་པ། ཤར་དུ་སྦྱོང་བའི་རྒྱལ་པོ་དཀར་དམར་ས་གནོན་མཉམ་བཞག །ལྷོར་རྒྱལ་མཆོག་རིན་ཆེན་སྔོན་པོ་མཆོག་སྦྱིན་མཉམ་བཞག །ནུབ་ཏུ་ཤཱཀྱ་རིག་དབང་དམར་སེར་ཕྱག་གཉིས་མཉམ་བཞག །བྱང་དུ་མེ་ཏོག་ཆེར་རྒྱས་ལྗང་གུ་སྐྱབས་སྦྱིན་མཉམ་

― LT40_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་མཛད་པ་སྟེ། གདན་གླང་པོ་རྟ་མཆོག་རྨ་བྱ་མཁའ་ལྡིང་གི་ཁྲི་དང་། གཤེགས་པ་ལྔ་ཀ་ཞི་བའི་གཟིགས་སྟངས་ཅན། འཁོར་ལོས་སྒྱུར་བའི་ཆ་བྱད་མངའ་བ། ཉི་མའི་རྒྱབ་ཡོལ་ཅན། །པད་ཟླ་ལ་རྡོ་རྗེ་སྐྱིལ་ཀྲུང་གིས་བཞུགས་པ། ཤར་ལྷོར་སྤྱན་མ་དཀར་མོ་གཡས་འཁོར་ལོ། ལྷོ་ནུབ་ཏུ་མཱ་ཀི་སྔོན་མོ་གཡས་རིན་པོ་ཆེ། ནུབ་བྱང་དུ་གོས་དཀར་མོ་དམར་མོ་གཡས་པདྨ། བྱང་ཤར་དུ་སྒྲོལ་མ་ལྗང་གུ་གཡས་སྣ་ཚོགས་རྡོ་རྗེ་ཐུགས་ཀར་འཛིན་ཅིང་གཡོན་པ་རྣམས་གདན་ལ་བརྟེན་པ། སེམས་སྐྱིལ་གྱིས་པད་ཟླ་ལ་བཞུགས་པ། དར་རྒྱན་སོགས་སྤྱི་འགྲེ། ཤར་གཡས་སུ་སྐུ་དཀྱིལ་གཙོ་བོ་ཤཱཀ་ཐུབ་གསེར་མ་འོག་སྡིག་པ་སྲོག་པའི་ཕྱག་རྒྱ་ཅན། འདི་རྡོ་རྗེ་མེ་དང་ས་གནོན་མཉམ་བཞག་ཏུའང་ཟེར། དར་དམར་པོའི་སྟོད་གཡོགས་སྨད་གཡོགས་ཅན། ནུབ་གཡས་སུ་གསུང་དཀྱིལ་གཙོ་བོ་ཚེ་དཔག་མེད་ལོངས་སྤྱོད་རྫོགས་པའི་ཆས་ཅན་སྤྱི་དང་མཚུངས་པ། ནུབ་གཡོན་ཏུ་ཐུགས་དཀྱིལ་གྱི་གཙོ་བོ་ཕྱག་རྡོར་འཆི་བདག་འཇོམས་པ་དཀར་པོ་རྡོར་སེམས་ལྟ་བུ། ལྷོར་ཡོན་ཏན་དཀྱིལ་འཁོར་གྱི་གཙོ་བོ་ཀུན་བཟང་སེར་པོ། ཕྱག་གཡས་མཆོག་སྦྱིན་དང་གཡོན་རིན་པོ་ཆེའི་སྙེ་མ་འཛིན་པ། བྱང་དུ་ཕྲིན་ལས་དཀྱིལ་འཁོར་གྱི་གཙོ་བོ་པད་ཉི་དང་གདུག་པ་ཅན་སྒྱེལ་བའི་སྟེང་དུ་འཇིག་རྟེན་གསུམ་

― LT40_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྔོན་པོ་དབུ་དང་ཕྱག་མཐའ་ཡས་པ། སྦྲུལ་དང་ཐོད་ཕྲེང་སོགས་མི་སྡུག་པའི་རྒྱན་དང་སྟག་ཤམ་ཅན། རྩ་བའི་ཕྱག་གཉིས་ཧཱུྃ་མཛད་ཀྱི་ཕྱག་རྒྱ། ལྷག་མ་གཡས་རྣམས་མཚོན་ཆ་སྣ་ཚོགས། གཡོན་ན་མགོ་ཐོད་ཤས་གང་བ་ཁོ་ན་བསྣམས་པ། མ་རུངས་པའི་རྒྱུ་མ་དྲངས་ཏེ་གསོལ་བའི། གཡས་བསྐུམ་གཡོན་བརྐྱང་གིས་མེ་འབར་བའི་དབུས་ན་བཞེངས་པ། །མདུན་གཡོན་འཇིག་རྟེན་པའི་དཀྱིལ་འཁོར་རྣམས་ཀྱི་གཙོ་བོ་མཚོན་བྱེད་ཕྱག་རྡོར་དཀར་པོ་རྡོར་སེམས་སྤྱི་དང་འདྲ་བ། འཇིག་རྟེན་གསུམ་རྒྱལ་མ་གཏོགས་པ་གཙོ་བོ་ལྔ་ཀ་འཁོར་ལོས་སྒྱུར་བའི་ཆ་བྱད་ཅན། །འོད་ཀྱི་དཀྱིལ་འཁོར་འཁྲིགས་པ། པད་ཟླ་རྡོ་རྗེ་སྐྱིལ་ཀྲུང་གིས་བཞུགས་པའོ། ༢༢ །སྦྱོང་རྒྱུད་ཤཱཀ་ཐུབ་གཙུག་ཏོར་དགུ་པའི་དཀྱིལ་འཁོར་གྱི་གཙོ་བོ་ཤཱཀྱ་ཐུབ་པ་གསེར་མདོག་དར་དང་རིན་པོ་ཆེའི་རྒྱན་སོགས་འཁོར་ལོས་སྒྱུར་བའི་ཆ་ལུགས་རྫོགས་པ། ཕྱག་གཉིས་ཆོས་འཁོར་གྱི་ཕྱག་རྒྱ་མཛད་ཅིང་སེང་གེའི་ཁྲི་དང་པད་ཟླའི་གདན་ལ་རྡོ་རྗེ་སྐྱིལ་ཀྲུང་གིས་བཞུགས་པ། ཤར་དུ་རྡོ་རྗེ་གཙུག་ཏོར་དཀར་པོ་ས་གནོན་གྱི་ཕྱག་རྒྱ། ལྷོར་རིན་ཆེན་གཙུག་ཏོར་སྔོན་པོ་མཆོག་སྦྱིན། ནུབ་ཏུ་པདྨ་གཙུག་ཏོར་དམར་པོ་མཉམ་བཞག །བྱང་དུ་སྣ་ཚོགས་གཙུག་ཏོར་ལྗང་གུ་སྐྱབས་སྦྱིན་མཛད་པ། ཤར་ལྷོར་

― LT40_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་ཏོར་གཟི་བརྗིད་དཀར་དམར་ཕྱག་གཡས་ཉི་མའི་དཀྱིལ་འཁོར། གཡོན་ཁུ་ཚུར་དཀུར་བརྟེན་པ། ལྷོ་ནུབ་ཏུ་གཙུག་ཏོར་རྒྱལ་མཚན་དམར་ནག །གཡས་ཡིད་བཞིན་ནོར་བུའི་རྒྱལ་མཚན། །གཡོན་ཁུ་ཚུར་དཀུར་བརྟེན་པ། ནུབ་བྱང་དུ་གཙུག་ཏོར་རྣོན་པོ་སྔོ་སངས་གཡས་རལ་གྲི། གཡོན་གླེགས་བམ་ཐུགས་ཀར་འཛིན་པ། བྱང་ཤར་དུ་གཙུག་ཏོར་གདུགས་དཀར་དཀར་པོ་ཕྱག་གཉིས་ཀྱིས་གདུགས་དཀར་པོ་མདུན་ཏུ་བསྣམས་པ། ཐམས་ཅད་ཀྱང་རྒྱན་ཆ་ལུགས་གཙོ་བོ་དང་མཚུངས་པ། པད་ཟླ་ལ་སྐྱིལ་ཀྲུང་གིས་བཞུགས་པའོ། ༢༣ །རྒྱུད་ཐམས་ཅད་ཀྱི་བདག་པོ་མཚན་ཡང་དག་པར་བརྗོད་པའི་མན་ངག་འཇམ་དཔལ་ཆེ་བ་ནམ་མཁའ་དྲི་མེད་ཆོས་དབྱིངས་གསུང་གི་དབང་ཕྱུག་དང་འབྲིང་པོ་འཇམ་དཔལ་གསང་ལྡན་གྱི་གཙོ་བོ་བསྡུས་པ། སྨད་ཀྱི་དབུས་སུ་གཙོ་བོ་འཇམ་དཔལ་དབྱངས་དཀར་པོ་ཞལ་བཞི། ཕྱག་བརྒྱད་ཀྱི་དང་པོ་གཉིས་ཆོས་འཆད། གཡས་གསུམ་རལ་གྲི་མདའ། རྡོ་རྗེ། གཡོན་གསུམ་གླེགས་བམ། གཞུ། དྲིལ་བུ་བསྣམས་པ། དབུ་རྒྱན་རིམ་བཞིན་རྡོ་རྗེ་རིན་ཆེན་པདྨ་རྒྱ་གྲམ་གྱི་ཕྲེང་བའི་སྟེང་དུ་རྩེ་བྲན་གྱིས་མཛེས་པ། སེང་གེས་བཏེགས་པའི་ཁྲི་དང་པད་ཟླ་ལ་བཞུགས་པ། མདུན་གཡས་སུ་གླང་པོ་ཆེའི་ཁྲི་ལ་མི་བསྐྱོད་པ་

― LT40_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་པོ་ཞལ་བཞི་ལས་གསུམ་ཁྲོ་ཉམས། གཡོན་པ་ཚེམས་ཀྱི་མ་མཆུ་མནན་པ། ཕྱག་བརྒྱད་གཡས་བཞིས་རལ་གྲི། རྡོ་རྗེ། མདའ། ལྕགས་ཀྱུ། གཡོན་བཞི་སྡིགས་མཛུབ། དྲིལ་བུ། གཞུ། ཞགས་པ་བསྣམས་པ། རྒྱབ་གཡས་རྟ་མཆོག་གི་ཁྲི་ལ་རིན་ཆེན་འབྱུང་ལྡན་ཞལ་བཞིའི་རྩ་ཞལ་དང་སྐུ་མདོག་གསེར་མདོག །གཡས་ནག །རྒྱབ་དཀར། །གཡོན་དམར། ཕྱག་བརྒྱད་གཡས་བཞིས་རྡོ་རྗེ་རལ་གྲི། མདའ། ལྕགས་ཀྱུ། གཡོན་བཞིས་ནོར་བུའི་རྒྱལ་མཚན། དྲིལ་བུ། གཞུ། ཞགས་པ་བསྣམས་པ། རྒྱབ་གཡོན་རྨ་བྱའི་ཁྲི་ལ་འོད་དཔག་མེད་ཞལ་བཞིའི་རྩ་ཞལ་དང་སྐུ་མདོག་དམར་གཡས་ནག །རྒྱབ་དཀར། གཡོན་སེར། ཕྱག་བརྒྱད་གཡས་བཞིས་རྡོ་རྗེ། མདའ། རལ་གྲི། ལྕགས་ཀྱུ། གཡོན་བཞིས་པདྨ། གཞུ། ཞགས་པ། དྲིལ་བུ་བསྣམས་པ། མདུན་གཡོན་མཁའ་ལྡིང་ཁྲི་ལ་དོན་ཡོང་གྲུབ་པ་ནག་པོ། ཞལ་བཞིའི་དབུས་ཞལ་ནག་པོ་མཆེ་བ་གཙིགས་པ། གཡས་གཡོན་གཉིས་དཀར་པོ་ཞི་བ། རྒྱལ་ཞལ་དམར་པོ་སྒེག་ཉམས། ཕྱག་བརྒྱད་གཡས་བཞིས་རལ་གྲི། རྡོ་རྗེ། མདའ། །ལྕགས་ཀྱུ། གཡོན་བཞིས་དྲིལ་བུ། གཞུ། སྡིགས་མཛུབ། ཞགས་པ་

― LT40_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས་པ། རིགས་བཞི་ཀ་ལ་པདྨ་དང་ཉི་མའི་གདན་ནོ། །སྟེང་དབུས་སུ་གཙོ་བོ་འཇམ་དཔལ་ཡེ་ཤེས་སེམས་དཔའ་དཀར་པོ་ཞལ་དྲུག་གི་རྩ་ཞལ་སྔོ། སྟེང་ཞལ་གཉིས་བརྩེགས་དཀར། གཡས་སེར། རྒྱབ་དམར། གཡོན་ལྗང་། ཕྱག་གཉིས་མཉམ་བཞག་མཛད་པའི་གཡས་པས་ཨུཏྤལ་དམར་པོ་དང་། གཡོན་པས་སྔོན་པོའི་སྡོང་བུ་འཛིན་ཅིང་མེ་ཏོག་སྙན་གྱི་ཐད་ཀར་ཁ་བྱེ་བའི་སྟེང་ན་གླེགས་བམ་རེ་རེས་མཚན་པ། ཨིནྡྲ་ནཱི་ལའི་གཙུག་ཕུད་དང་ཉི་མའི་འོད་མངའ་བ། སེང་གེའི་ཁྲི་ལ་བཞུགས་པ། གཙོ་བོ་གཉིས་ཀྱི་འོག་མ་ལས་སྟེང་མ་ཅུང་ཟད་ཆུང་ཞིང་། འཁོར་རྣམས་ཀྱང་རིགས་བཞི་སྔ་མ་བཞི་ཅུང་ཟད་ཆེ་ཞིང་། ཕྱི་མ་འདི་རྣམས་ཆུང་བར་བྲིས་ན་མཛེས་ཆ་ཐོན་པར་འོང་། གཙོ་འཁོར་དེ་དག་གི་ཤར་མདུན་ཏུ་མི་བསྐྱོད་པ་སྔོན་པོ་ས་གནོན་མཉམ་བཞག །ལྷོར་རིན་འབྱུང་སེར་པོ་མཆོག་སྦྱིན་མཉམ་བཞག །ནུབ་ཏུ་འོད་དཔག་མེད་དམར་པོ་མཉམ་བཞག །བྱང་དུ་དོན་གྲུབ་ལྗང་གུ་སྐྱབས་སྦྱིན་མཉམ་བཞག །གླང་ཆེན་རྟ་མཆོག་རྨ་བྱ་མཁའ་ལྡིང་གི་ཁྲི་ཅན། རིགས་ལྔ་ཕྱི་མའི་ཁྲི་རྣམས་དར་གྱི་འགེབས་དང་ལྡན་ཅིང་། གཙོ་འཁོར་དེ་དག་ཐམས་ཅད་རྡོར་སྐྱིལ་ཁོ་ནས་བཞུགས་པ། རིགས་བཞི་ཕྱི་མ་རྣམས་ཀྱི་གཡས་གཡོན་ཏུ་ཨུཏྤལ་ལ་གནས་པའི་རལ་གྲི་དང་པུསྟི་རེ་རེ་བྲི། །

― LT40_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ལྷོར་སེམས་མ་རྡོ་རྗེ་མ་དཀར་མོ་གཡས་རྡོ་རྗེ་ཐུགས་ཀར་འཛིན་པ། ལྷོ་ནུབ་ཏུ་རིན་ཆེན་རྡོ་རྗེ་མ་སྔོན་མོ་གཡས་རིན་པོ་ཆེ། ནུབ་བྱང་དུ་ཆོས་ཀྱི་རྡོ་རྗེ་མ་དམར་མོ་གཡས་པདྨ། །བྱང་ཤར་དུ་ལས་ཀྱི་རྡོ་རྗེ་མ་ལྗང་གུ་གཡས་སྣ་ཚོགས་རྡོ་རྗེ་འཛིན་ཅིང་། ཕྱག་གཡོན་པ་ཐམས་ཅད་ཁུ་ཚུར་དཀུར་བརྟེན་པས་ཨུཏྤལ་པུསྟིས་མཚན་པ་བསྣམས་པ། ཞབས་སེམས་སྐྱིལ། གཙོ་འཁོར་ཐམས་ཅད་དར་དང་རིན་པོ་ཆེའི་རྒྱན་ལྡན་པད་ཟླའི་གདན་ལ་བཞུགས་པའོ། ༢༤ །ཐ་མར་དགེ་བ་བྱ་རྒྱུད་ནོར་ཅན་དང་རྒྱས་པའི་རིགས་ཀྱི་གཙོ་བོ་རྒྱལ་ཆེན་རྣམ་ཐོས་སྲས་གསེར་བཙོ་མའི་མདོག་ཅན། ཞལ་གཅིག་ཕྱག་གཉིས་གཡས་པས་ཡིད་བཞིན་གྱི་ནོར་བུས་མཚན་པའི་རྒྱལ་མཚན། གཡོན་པས་གཏེར་གྱི་ནེའུ་ལེ་ནོར་བུའི་ཆར་འབེབས་པ་བསྣམས་པ། རིན་པོ་ཆེའི་ཐོར་ཚུགས་དང་དབུ་རྒྱན་སོགས་རྒྱན་ཐམས་ཅད་ཀྱིས་བརྒྱན་ཅིང་དར་སྣ་ཚོགས་པའི་ནབ་བཟའ་ལྷབ་ལྷུབ་ཏུ་གསོལ་བ། ཕྲག་པ་གཡས་ནས་ཉི་མ། གཡོན་ནས་ཟླ་བ་འཆར་བ། པད་ཟླའི་གདན་ལ་སེང་གེ་དཀར་མོ་ལུས་ཉམས་རྩལ་དང་ལྡན་ཞིང་ཉལ་སྟབས་སུ་གནས་པས་ནེའུ་ལེ་ལ་མིག་མངོན་ཏུ་ཕྱོགས་པའི་སྟེང་ན་རོལ་སྟབས་ཀྱིས་བཞུགས་པའི་དབུ་གཙུག་གི་ཆར་རྒྱལ་བ་རིན་ཆེན་མང་གསེར་མདོག་སྤྲུལ་སྐུ་

― LT40_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་བྱུང་གི་ཚུལ་མཆོག་སྦྱིན་མཉམ་བཞག་མཛད་པ། གཡོན་ཟུར་གྱི་རྒྱབ་གྲིབ་ཏུ་གཏེར་བདག་གཞན་གྱིས་མི་ཐུབ་པ་དཀར་པོ་གཞོན་ནུའི་ལུས་ལ་སྡང་མིག་དམར་བ། ཕྱག་གཡས་ལྕགས་ཀྱུ། གཡོན་གཏེར་བུམ། དར་དཀར་དང་རིན་པོ་ཆེའི་རྒྱན་ལྡན། ཞབས་འདོར་ཐབས། ཤར་དུ་ཛམྦྷ་ལ་སེར་པོ་རིན་པོ་ཆེ་བསྣམས་པ། ལྷོར་གང་བ་བཟང་པོ་སེར་པོ་རིན་པོ་ཆེའི་བུམ་པ་གང་བ། ནུབ་ཏུ་ནོར་བུ་བཟང་པོ་དཀར་པོ་ནོར་བུ། བྱང་དུ་ཀུ་བེ་ར་ནག་པོ་རལ་གྲི། ཤར་ལྷོར་ཡང་དག་ཤེས་སེར་པོ་རལ་གྲི། ལྷོ་ནུབ་ཏུ་འབྲོག་གནས་ནག་པོ་རིན་པོ་ཆེའི་མདུང་དམར། གཡས་ཟུར་གྱི་རྒྱབ་གྲིབ་ཏུ་མངོན་པ་བདེ། མཆན། ནུབ་བྱང་དུ་ལྔ་རྩེ་ན་སེར་སྐྱ་ཁང་བརྩེགས། བྱང་ཤར་དུ་འཇམ་པོ་འཁྱིལ་པ་དཀར་པོ་གཡས་གྲི་དང་གཡོན་ཕུབ། ཐམས་ཅད་ཀྱང་གཡས་རང་རང་གི་ཕྱག་མཚན། གཡོན་གཏེར་གྱི་ནེའུ་ལེ་བསྣམས་ཤིང་རང་མདོག་དང་མཚུངས་པའི་རྟ་མཆོག་རྒྱན་ལྡན་ལ་ཆིབས་པ། དཔའ་ཞིང་བརྗིད་པའི་ཉམས་དང་རིན་པོ་ཆེའི་རྒྱན་སྣ་ཚོགས་པས་སྤྲས་པའོ། །སྟེང་གི་གྲུ་གཡས་སུ་གཏེར་གྱི་བུམ་པའི་ཁར་པད་ཟླ་ལ་གནས་པའི་སེང་གེའི་སྟེང་དུ་ལྷ་མོ་དཔལ་ཆེན་མོ་ལྗང་གུ། སྒེག་ཅིང་བཞད་ལ་སྤྱན་གདངས་པ། ཕྱག་གཡས་ནོར་བུས་མཚན་པའི་པདྨ་དང་། གཡོན་སྐྱབས་སྦྱིན་མཛད་པ། སྟེང་གྲུ་གཡོན་ཏུ་གསེར་

― LT40_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བུམ་པ་ནོར་བུས་གང་བའི་ཁྲི་ལ་པད་ཟླའི་སྟེང་དུ་ལྷ་མོ་ནོར་རྒྱུན་མ་སེར་མོ། ཕྱག་གཡས་མཆོག་སྦྱིན་མཐིལ་ནས་ནོར་བུའི་ཆར་འབེབས་པ། གཡོན་འབྲས་ཀྱི་སྙེ་མ་རབ་ཏུ་རྒྱས་པ་དང་རིན་པོ་ཆེའི་ཕྲེང་བ་འཛིན་པ། སྒེག་ཅིང་ལང་ཚོ་ལ་བབ་པ། གཉིས་ཀ་དར་དང་རིན་པོ་ཆེའི་རྒྱན་ལྡན་སེམས་སྐྱིལ་གྱིས་བཞུགས་པ། འོག་གི་གྲུ་གཡས་སུ་ཛམྦྷ་ལ་སེར་པོ་གསེར་མདོག་ཅན། །ཕྱག་གཡས་མཆོག་སྦྱིན་གྱིས་ཤིང་ཐོག་བཱི་ཛ་པཱུ་ར་ཀ་དང་གཡོན་ནེའུ་ལེར་ནོར་སྐྱུགས་བསྣམས་པ། ཞི་ཞིང་སྒེག་ལ་ཤ་ཉམས་རྒྱས་ཤིང་ཧུར་བག་ཆགས་པ། དབུ་སྐྲ་ནག་པོ་ཐོར་ཅོག་ནོར་བུའི་དབུ་རྒྱན་དང་བཅས་པ། ཞབས་གཡས་བརྐྱང་རོལ་པའི་སྟབས་ཀྱིས་གཏེར་གྱི་བུམ་པ་མནན་པ། ཨུཏྤལ་སྔོན་པོའི་དོ་ཤལ། དར་དང་རིན་ཆེན་རྒྱན་ལྡན་ནོ། །གྲུ་གཡོན་ཏུ་རྨུགས་འཛིན་ནག་པོ་གཅེར་བུ་རིགས་ངན་གྱི་ཆ་ལུགས་རྣ་བ་མ་ཕུག་པ། བྱིས་པའི་གཟུགས་ལ་མིའུ་ཐུང་གི་རྣམ་པ་ཅན། མཚན་མ་གྱེན་ཏུ་བསྒྲེང་བ། སྐྲ་ཁམས་པ་གྱེན་ཏུ་བརྫེས་ཤིང་། དམར་ཟླུམ་སྤྱན་གསུམ་ཁྲོ་གཉེར་མཆེ་བ་གཙིགས་པ། ཕྱག་གཡས་ཐོད་ཁྲག་ཐུགས་ཀར་འཛིན་ཅིང་གཡོན་པས་ནོར་སྐྱུག་ནེའུ་ལེ་བརླ་གཡོན་པ་ལ་བརྟེན་པའི་ཚུལ་གྱིས་བསྣམས་པ། ཞབས་གཡས་བསྐུམ་གཡོན་བརྐྱང་བས་པད་ཟླའི་གདན་ལ་ནོར་བདག་

― LT40_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ཐོས་བུའི་གཟུགས་ཅན་ནོར་བུ་སྐྱུགས་པ་མནན་པ། སྦྲུལ་གྱི་རྒྱན་ཅན། མེ་འབར་བའི་དབུས་ན་བཞེངས་པ། མདུན་གྱི་ཤོང་ཡངས་གར་བདེར་འཇིག་རྟེན་པའི་རིགས་ལྷ་མོ་འཕྲོག་མ་སྐུ་མདོག་དམར་སེར་མཛེས་ཤིང་སྒེག་པ། གཡས་ལྕགས་ཀྱུ། གཡོན་ཞགས་ལ་དང་བཅས་པའི་ནེའུ་ལེ་འཛིན་པ། དར་དང་རིན་པོ་ཆེས་བརྒྱན་ཅིང་བཞེངས་ཐབས་སུ་གནས་པའོ། །གཙོ་འཁོར་ཐམས་ཅད་འཇའ་སྤྲིན་གྱི་དབུས་ན་བཞུགས་ཤིང་བར་མཚམས་རྣམས་སུ། རིན་པོ་ཆེའི་རི་བོ། གཏེར་གྱི་བུམ་པ། ནོར་བུ་དང་འབྲུའི་ཕུང་པོ་དཔག་བསམ་ལྗོན་ཤིང་། འདོད་འཇོའི་བ་སོགས་བཀོད་པའི་ཁྱད་པར་མཛེས་ཤིང་བག་དྲོ་བ་བྱའོ། །རྣམ་སྲས་སེར་ཆེན་གཙོ་བོར་གྱུར་པའི་རིགས་ཆེན་རྣམས་ཀྱི་དབང་དང་སྲོག་གཏད་རྗེས་སུ་གནང་བ་སྒྲུབ་ཐབས་ལས་ཚོགས་ཀྱི་མཐའ་རྒྱས་ཅན་ཚར་པའི་ཕྱོགས་ལ་རྒྱས་པར་བཞུགས་ཤིང་། རིན་འབྱུང་དུའང་རིགས་བརྒྱད་རྗེས་གནང་ཚང་བ་དང་། སེར་ཆེན་ནི་གྲུབ་མཐའ་ཐམས་ཅད་ལ་ཡོངས་སུ་གྲགས་སོ། ༢༥། །གལ་ཏེ་འབྱོར་པས་ལྕོགས་ན་འདི་སྟེང་ཀྲི་ཡས་མུཙྪའི་དགེ་ལེགས་སུ་བྱེད་པའི་དཀྱིལ་འཁོར་གསུམ་ལས་རྣམ་རྒྱལ་མ་ལྷ་དགུ་སྔོན་ཏུ་སོང་བས་གོ་བཅད་ནས། གཟའ་ཡུམ་དང་། ནོར་རྒྱུན་མ་གཙོ་བསྡུས་རེ་བསྣན་ནས་ཐང་གྲངས་ཉེར་བདུན་བྱེད་ན་ཤིན་ཏུ་ལེགས་པར་

― LT40_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བས། འགོད་པར་སྤྲོ་ན་ཨ་བྷ་ཡའི་རྡོར་ཕྲེང་གི་ནང་དུ་བལྟའོ། །འདི་དག་གི་དཀྱིལ་འཁོར་གྱི་གཙོ་བོ་ཕལ་མོ་ཆེའི་དབང་གི་རྒྱུན་བཞུགས་ཤིང་། ཞར་བྱུང་བཀོད་པ་དག་ཀྱང་པདྨ་དྲ་བའི་སྤྱན་རས་གཟིགས་ཀྱི་རིགས་ཁ་ཤས་ཙམ་མ་གཏོགས་རྗེས་གནང་གི་རྒྱུན་དང་ལྡན་པ་ཁོ་ན་སྟེ། སྒྲུབ་ཐབས་བརྒྱ་རྩ་རྒྱ་མཚོ་གཉིས་དང་རིན་འབྱུང་སོགས་ལས་འོངས་པ་དག་གོ། །གོང་སྨོས་ལྟར་ཨ་ར་པ་ཙ་ན་ལྷ་ལྔ་སྤྱོད་རྒྱུད་གཤེགས་རིགས་སུ་གཙོ་ཆེ་བའི་དབང་གིས་བཞག་ཀྱང་བཀོད་པ་སྟབས་བདེ་ཁྱད་བྱ་རྒྱུད་གཤེགས་རིགས་ཀྱི་བདག་པོར་བཞུགས་པ་དང་། འབྱུང་འདུལ་སྤྱོད་རྒྱུད་དུ་བཞེད་པའང་ཡོད་ཀྱང་། རྒྱུད་ཀྱི་བསྟན་ཁུངས་དང་བཀོད་པ་འཐུས་ཁྱད་བྱ་རྒྱུད་དུ་དྲངས་ཤིང་། སྤྱིར་རྒྱུད་སྡེ་སྔ་མ་གཉིས་ལ་བཤད་སྒྲུབ་རྐང་ཚུགས་མ་བྱུང་བའི་དབང་གིས་དཀྱིལ་འཁོར་གྱི་གྲངས་ངེས་ཏིག་ཏུ་འདྲེན་པ་མི་སྣང་ལ། རྣལ་འབྱོར་རྒྱུད་ལ་བུ་སྟོན་ཆེན་པོའི་ལུགས་ཀྱི་དཀྱིལ་འཁོར་བཅུ་གསུམ་སྟེ། རྡོར་དབྱིངས་རྩ་ལུགས། འགྲེལ་པ་ལུགས། དཔལ་མཆོག་རྩེ་མོ། དཔལ་མཆོག་རིགས་བསྡུས། དཔལ་མཆོག་རྡོར་སེམས། ཁམས་གསུམ་རྣམ་རྒྱལ། ཀུན་རིག །ཕྱག་རྡོར་འཆི་འཇོམས། གཙུག་དགུ། མི་འཁྲུགས་ལོངས་སྐུ་ལྷ་བཅུ་གསུམ་མ། འཇམ་

― LT40_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཆེ་བ་ཆོས་དབྱིངས་གསུང་དབང་། འབྲིང་པོ་གསང་ལྡན། ཆུང་བ་རིགས་བསྡུས་རྣམས་བཞུགས་པ་ལས། རིགས་བསྡུས་མ་གཏོགས་པ་གཞན་ཐམས་ཅད་ཀྱི་དབང་བཀའི་རྒྱུན་དང་། ཐམས་ཅད་ཀྱི་སྦུབ་མཆོད། ཁྱད་པར་དཔལ་རྩེ་དབྱིངས་གསུམ་ཕྱག་ལེན་ཁུངས་དག་བཅས་དཔལ་ཞ་ལུའི་ཆོས་སྡེ་དང་གངས་དཀར་རྡོ་རྗེ་གདན་སོགས་སུ་བཞུགས་ཤིང་། གསང་ལྡན་ལ་རྫོགས་ལུགས་ཀྱི་དབང་ལུང་རྒྱུན་དང་། བུ་ལུགས་ཀྱིས་རྡོར་དབྱིངས་དང་བསྟུན་པའི་ཡིག་ཆ་རྒྱས་པར་ཡོད་ལ། དེ་དག་ལས་དཔལ་མཆོག་རྡོར་སེམས་ནི་རིགས་བསྡུས་ཀྱི་དབུས་དཀྱིལ་ལོགས་སུ་ཕྱུང་བ་ཡིན་པས་ཟུར་དུ་མ་བཀོད་ལ། མི་འཁྲུགས་པའང་ཇོ་ལུགས་བྱ་རྒྱུད་སྐབས་སུ་སོང་བས་འཐུས་པར་བྱས་ཤིང་། སྦྱོང་དཀྱིལ་བཅུ་གཉིས་སུ་གྲགས་པ་ལས་ཀུན་རིག་ནི་རྩ་དཀྱིལ་ཡིན་པས་སྨོས་མ་དགོས། ཕྱག་རྡོར་འཆི་འཇོམས་ཐུགས་ཀྱི་དཀྱིལ་འཁོར་དམིགས་སུ་ཕྱེ་བའི་རྒྱུ་མཚན། སྦྱོང་དཀྱིལ་བཅུ་གཉིས་པོ་ཐམས་ཅད་ལ་དབང་བཀའ་བྱེད་པ་རྩ་སྐྱབ་སོགས་ཀྱི་ལུགས་ཡིན་ཀྱང་། བུ་རིན་པོ་ཆེས་འདི་གཉིས་ལས་གཞན་པའི་དབང་རྒྱུན་ཡོད་མེད་དཔྱད་གཞིར་མཛད་ཅིང་། ཁྱད་པར་འཇིག་རྟེན་པའི་དཀྱིལ་འཁོར་དྲུག་གི་དབང་ལ་ཐེ་ཚོམ་ཆེ་བས་རེ་ཞིག་རྩོད་མེད་ཀྱི་སྦྱོང་དཀྱིལ་གཉིས་པོ་བཀོད་པ་མ་ཟད། འཆི་འཇོམས་འདི་

― LT40_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་ལ་མཆོག་ཏུ་བསྔགས་ཤིང་། འདི་ལ་བརྟེན་ནས་གྲུབ་པའི་མཚན་མ་བརྙེས་པ་མང་བུ་བྱོན་པས་བྱིན་རླབས་ཀྱི་གཟི་བརྗིད་ལྷག་པར་འབར་བ་ཡིན་ཅེས་ཀུན་གཟིགས་བརྩེ་བ་ཆེན་པོའི་གསུང་གི་བདུད་རྩིའི་ཟེགས་མའོ། །ལྔ་པ་ཚུལ་ཇི་ལྟར་དུ་བསྒྲུབས་ན། དེ་ལྟ་བུའི་བྲིས་སྐུ་འདི་དག་ཀྱང་སྦྱིན་བདག་དད་པ་དང་གཏོང་ཕོད་ཆེ་བ་ལ་སོགས་པའི་ཡོན་ཏན་དང་ལྡན་ཅིང་། མ་གུས་པ་དང་སེར་སྣ་ལ་སོགས་སྐྱོན་ཐམས་ཅད་དང་བྲལ་ལ་བསླབ་པ་གསུམ་པོར་གཅེས་སྤྲས་སུ་མཛད་པའི་ཆོས་རྗེ་བླ་མ་དམ་པ་གང་ནས། ཐོག་མ་ཉིད་དུ་རི་མོ་མཁན་བཤེས་གཉེན་བསྟེན་པའི་ཚུལ་གྱིས་བཀུར་བསྟི་སྔོན་ཏུ་འགྲོ་བས། བཟོ་བོ་རང་གིས་ཇི་ལྟར་གཞལ་པའི་ཡོན་སྦྱོར་བས་མཉེས་པར་བྱས་པའི་རྗེས་སུ། འདྲི་མཁན་མི་མཁས་ང་རྒྱལ་ཆེ་བ་སོགས་སྐྱོན་སྤངས་ཤིང་། དུལ་ཞིང་དང་བློ་ལྡན་པ་སོགས་རང་བཞིན་གྱི་ཡོན་ཏན་དང་། ཚད་དང་རྣམ་འགྱུར་སོགས་བཟོའི་མཚན་ཉིད་མཐའ་དག་ལ་མཁས་པའི་ཡོན་ཏན་ཕུན་སུམ་ཚོགས་པ་ལྡན་ལ། གསང་སྔགས་ཀྱི་དཀྱིལ་འཁོར་ཆེན་པོར་དབང་བསྐུར་བ་དང་རྗེས་སུ་གནང་བ་ཐོབ་པ་རྣམས་ཀྱིས་རྒྱལ་བས་བྱིན་གྱིས་བརླབས་པའི་དུས་ཚེས་ཁྱད་པར་ཅན་ལ་བསྙེན་གནས་ཀྱི་སྡོམ་པ་ཡང་དག་པར་བླངས། བཟོ་བོ་ལག་ཆ་ཐིག་ཚོན་བྱིན་རླབས་

― LT40_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་བགྱིས་ཏེ། ཚངས་པའི་རི་མོ་གཟུགས་ཀྱི་སྔར། ཞེས་གསུངས་པ་ལྟར་ཚངས་པའི་ཐིག་གདབ་པ་ནས་བརྩམས། དུས་འཁོར་དང་སྡོམ་འབྱུང་གི་ལུང་དོན་སྨན་མཁྱེན་ཡབ་སྲས་ཀྱི་བཞེད་པ་དང་། ཁྱད་པར་རྗེ་བརྒྱད་པ་མི་བསྐྱོད་དགའ་བའི་དབྱངས་ཅན་གྱི་ལེགས་པར་གསུངས་པའི་ཚུལ། རྗེ་ཉིད་ཀྱི་སྤྲུལ་པ་སྤྲུལ་སྐུ་བ་ནམ་མཁའ་བཀྲ་ཤིས་བརྒྱུད་སྲོལ་དང་བཅས་པས་རྒྱ་ཆེར་སྤེལ་བའི་ལུགས་བཟང་ལས་ཇི་ལྟར་བྱོན་པ་བཞིན། མཆོག་གི་སྤྲུལ་སྐུ་སོར་མོ་བརྒྱ་ཉེར་ལྔ་པ་དང་། ལོངས་སྤྱོད་རྫོགས་པ་སྐུ་དེ་ལས་རལ་པའི་ཐོར་ཚུགས་བརྒྱད་དམ་བཅུ་གཉིས་ཀྱིས་ལྷག་པ་དང་། བྱང་ཆུབ་སེམས་དཔའ་སོར་མོ་བརྒྱ་ཉི་ཤུ་པ་དང་། དྲང་སྲོང་ཁྲོས་པ་ཐལ་མོ་བཅུ་གཉིས་པའི་ཚད་ཅན་དང་། ལྷ་མོའི་གཟུགས་ཅན་ཐལ་མོ་དགུའི་བྱེ་བྲག་དང་། གཤིན་རྗེ་དང་གནོད་སྦྱིན་ཁྲོས་པའི་གཟུགས་ཅན་ཐལ་མོ་བརྒྱད་པ་དང་། སྲིན་པོ་ཁྲོས་པ་ཐལ་མོ་དྲུག་དང་ལྔ་དང་གསུམ་གྱི་ཚད་ཅན་དང་། ཉན་རང་དང་མིའི་ལུས་རྟེན་སྲིད་དུ་མཐོ་བདུན་ཞེང་ལ་མཐོ་བརྒྱད་པ་དང་། འཇིག་རྟེན་སྐྱོང་བ་ཐལ་མོ་དགུ་ལ་སོགས་པའི་ཚད་སོ་སོར་ཇི་ལྟར་བཤད་པ་ཐམས་ཅད་འཆུག་མེད་མངོན་པར་གཞལ་ནས། སྡོམ་འབྱུང་ནས་བཤད་པའི་རིང་ཐུང་ཡོན་པོ་ལ་སོགས་པའི་སྐྱོན་ཐམས་ཅད་སྤངས་ཏེ། ཞི་ལ་ཞི་བའི་

― LT40_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་གྱི་སྐུ། །དྲག་ལ་དྲག་ཅིང་འཇིགས་བྱེད་པ། །དཔའ་ལ་དཔའ་ཞིང་ང་རྒྱལ་སྐུ། །སྒེག་པ་ལ་ནི་བཞད་པའི་ཞལ། །མཚན་ཉིད་འདི་ལྟར་མཚོན་ནས་ནི། །སྔགས་པ་རྣམས་ཀྱིས་བྲིས་སྐུ་འབྲི། །ཞེས་གསུངས་པ་ལྟ་བུའི་ཉམས་དང་འགྱུར་བ་དང་། བཞུགས་སྟངས་ཕྱག་མཚན་གདན་ཁྲིའི་བྱེ་བྲག །རབ་བྱུང་གི་གོས་གསུམ། ལོངས་སྐུའི་རྩ་བའི་རྒྱན་བརྒྱད་ཉེ་བའི་རྒྱན་དང་བཅས་པ། ལྷ་དང་དྲང་སྲོང་ལ་སོགས་སོ་སོ་ལ་འོས་པའི་རྒྱན་གྱི་ཁྱད་པར་རྣམས་ཀྱང་རྒྱུད་དང་གཙུག་ལག་གི་གཞུང་ལུགས་རྣམས་ནས་ཇི་སྐད་བཤད་པ་དང་མཁས་པའི་ཕྱག་རྒྱུན་མ་ཉམས་པས་བརྒྱན་ཏེ། རྣལ་འབྱོར་པ་རྣམས་ལ་ནོར་བུའི་མཛོད་ཁང་། གཟུར་གནས་ཀྱི་ཡིད་ལ་ལྷའི་དགའ་ཚལ། དད་ལྡན་ཡོངས་ཀྱི་མིག་གི་བདུད་རྩི་དཔེ་དང་བྲལ་བ་འདི་ཉིད་ལེགས་པར་གྲུབ་ཅིང་། རྒྱུད་ཀྱི་དཀྱིལ་འཁོར་ཆེན་པོ་རྣམས་ཀྱི་སྒོ་ནས་རབ་ཏུ་གནས་པས་བྱིན་རླབས་ཀྱི་གཟི་འོད་དང་ལྡན་པར་བསྒྲུབས་ཏེ་མཆོད་པའི་སྤྲིན་དང་བཅས་དཔལ་སྤུངས་ཐུབ་བསྟན་ཆོས་འཁོར་གླིང་གི་རྒྱུད་སྡེ་ལྷ་ཁང་མཛེས་པའི་རྒྱན་ཏུ་བཞུགས་སོ། །དྲུག་པ་བཀྲམ་པའི་གྲལ་རིམ་ནི། ཁྱད་པར་དུ་འཕགས་པའི་རྒྱུད་སྡེའི་ཞལ་ཐང་གྲ་ཚར་འོག་མིན་རྡོ་རྗེ་དབྱིངས་ཀྱི་གཞལ་མེད་ཁང་པ་ལ་མངོན་སུམ་འཕོས་

― LT40_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟ་བུ་འདི་དག་ཆབ་གཅིག་ཏུ་བཀྲམ་པའི་ཆོ་གོ་རིམ་ཇི་ལྟ་བུ་ཞེ་ན། དབུས་སུ་བདག་ཅག་གི་སྟོན་པ་ཐུགས་རྗེ་ཅན་གཙོར་གྱུར་པའི་སངས་རྒྱས་དཔའ་བོ་བདུན་གྱི་ཞལ་ཐང་གཙོ་བོར་བཞུགས་པའི་གཡས་ནས་གཡས་སུ། རྣལ་འབྱོར་རྒྱུད་ཀྱི་ཐོག་མ་རྡོ་རྗེ་དབྱིངས། རྩེ་མོ་རིགས་བསྡུས། དཔལ་མཆོག་རིགས་བསྡུས། ཁམས་གསུམ་རྣམ་རྒྱལ། སྦྱོང་དཀྱིལ་བཅུ་གཉིས། །སྦྱོང་རྒྱུད་གཙུག་དགུ། འཇམ་དཔལ་ཆེ་འབྲིང་། སྤྱོད་རྒྱུད་རྣམ་སྣང་མངོན་བྱང་། བྱ་རྒྱུད་རྡོ་རྗེའི་རིགས་ལས་མི་འཁྲུགས་པ། ཕྱག་རྡོར་འགྲོ་བཟང་། རྣམ་འཇོམས་ཁྲོ་ནག །ནོར་གྱི་ལྷ་རྣམ་སྲས་སེར་ཆེན་གཙོ་འཁོར་བཅས། གཙོ་བོའི་གཡོན་ནས་གཡོན་ཏུ་བྱ་རྒྱུད་གཤེགས་རིགས། དམ་ཚིག་གསུམ་བཀོད་དང་འོད་ཟེར་དྲི་མེད། སྨན་བླ། འཇམ་དཔལ་ཨ་ར་པ་ཙ། སྲུང་བ་ལྷ་ལྔ། གཙུག་ཏོར་དྲི་མེད། གཙུག་ཏོར་གདུགས་དཀར། གཙུག་ཏོར་རྣམ་རྒྱལ། རིགས་གསུམ་སྤྱི་དང་ཉེ་སྲས། པདྨའི་རིགས་ཚེ་དཔག་ལྷ་དགུ། །བཅུ་གཅིག་ཞལ། དོན་ཡོད་ཞགས་པ། འཆི་མེད་ཚེ་དང་ཡེ་ཤེས་ཀྱི་དངོས་གྲུབ་སྟེར་བའི་ལྷ་སྒྲོལ་དཀར་ཡིད་བཞིན་འཁོར་ལོ་བཅས་ཚར་དུ་དངར་བར་བཀྲམ་སྟེ་དང་བ་འདྲེན་པར་བྱའོ། །

― LT40_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་པ་ཕན་ཡོན་ལ་སྤྱི་དང་ཁྱད་པར་རོ། །དང་པོ་ནི། སྤྱིར་རྣམ་པ་ཐམས་ཅད་དང་ལྡན་པའི་དེ་བཞིན་གཤེགས་པའི་སྐུ་གཟུགས་ཡུངས་འབྲུ་ཙམ་བཞེངས་པའི་ཕན་ཡོན་ཀྱང་བསམ་གྱིས་མི་ཁྱབ་ཅིང་བརྗོད་ཀྱིས་མི་ལངས་ཏེ། དེ་བཞིན་གཤེགས་པའི་སྐུ་གཟུགས་ཀྱི་ལེའུ་ལས། སའམ། རྡོའམ། ཐལ་བའམ། ཤིང་ངམ། རུས་དཀར་རམ། ལྕགས་སམ། གསེར་རམ། དངུལ་ལམ། བཻ་ཌཱུརྱའམ། ཤེལ་ལམ། མུ་ཏིག་དམར་པོའམ། རྡོའི་སྙིང་པོའམ། སྤུག་གམ། དུང་ངམ། མན་ཤེལ་ལམ། །སྤོས་སམ། རས་སམ། ཤིང་ལེབ་བམ། རྩེག་ངོས་ལ་དེ་བཞིན་གཤེགས་པའི་སྐུ་གཟུགས་བཞེངས་པར་བྱས། རལ་བ་གསོ་བ་དང་བཅོས་པར་བྱས་ཏེ་དེ་བཞིན་གཤེགས་པའི་སྐུ་གཟུགས་བྱས་ན། རིགས་དམའ་བ་རྣམས་དང་སྡིག་པའི་རིགས་རྣམས་དང་ལོག་པར་ལྟ་བའི་རིགས་སུ་མི་སྐྱེ་སྟེ། ཡན་ལག་གང་ཡང་མ་ཚང་བར་མི་འགྱུར་རོ། །གལ་ཏེ་མཚམས་མེད་པ་ལྔ་བྱས་སུ་ཟིན་ཀྱང་དེ་བཞིན་གཤེགས་པ་ལ་དད་པ་རྙེད་དེ། དེ་བཞིན་གཤེགས་པའི་སྐུ་བྱས་ན་ལས་དེས་སེམས་ཅན་དམྱལ་བ་མྱོང་བ་ཡང་ཆུང་ངུ་མྱོང་སྟེ། ཐེག་པ་གསུམ་གྱི་ཐེག་པ་གང་ཡང་རུང་བས་ངེས་པར་འབྱུང་

― LT40_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འགྱུར་རོ། །དཔེར་ན་མི་ཞིག་མི་གཙང་བས་རེག་པ་ལ་རབ་ཏུ་དག་པར་བཀྲུས་ཏེ། སྤོས་ཀྱིས་བྱུག་ན་མི་དེའི་དྲི་མི་ཞིམ་པ་དེ་མེད་པར་འགྱུར་རོ། །དེ་བཞིན་ཏུ་མཚམས་མེད་པ་བྱས་པ་དེའི་སྡིག་པ་ཡང་མེད་པར་འགྱུར་རོ། །གང་མི་དགེ་བ་བཅུའི་ལས་ཀྱི་ལམ་དང་ལྡན་པ་ཡང་དེ་བཞིན་གཤེགས་པ་ལ་དད་པ་རྙེད་དེ། དེ་བཞིན་གཤེགས་པའི་སྐུ་གཟུགས་བྱས་ན། དེའི་སྡིག་པ་དེ་ཇི་ལྟར་མེའི་ཕུང་པོས་མར་མེ་ཚིག་སྟེ་དུ་བ་ཡང་མི་འོང་བ་བཞིན་ཏུ་དེའི་སྡིག་པ་དེ་ཡང་མི་སྣང་བར་འགྱུར་རོ། །ཞེས་དང་། དམ་ཆོས་པདྨ་དཀར་པོ་ལས། གང་གི་རྩིག་ངོས་གཟུགས་ཀྱི་རི་མོ་དག །བསོད་ནམས་བརྒྱ་མཚན་ཡོངས་སུ་རྫོགས་པའི་སྐུ། །གང་གིས་བྲིས་སམ་འབྲི་རུ་བཅུགས་ཀྱང་རུང་། དེ་དག་ཐམས་ཅད་བྱང་ཆུབ་ཐོབ་པར་འགྱུར། །སྐྱེས་བུ་དག་གམ་འོན་ཏེ་གཞོན་ནུའང་རུང་། གང་དག་ལ་ལ་དེ་ན་སློབ་པའི་ཚེ། །རྩེད་མོ་དག་དང་གསང་བ་བྱེད་པའི་ཚེ། །རྩིག་ངོས་སེན་མོ་ཤིང་བུས་གཟུགས་བྲིས་པ། །དེ་དག་ཐམས་ཅད་བྱང་ཆུབ་ཐོབ་འགྱུར་ཏེ། །དེ་དག་ཐམས་ཅད་སྙིང་རྗེ་ཅན་ཏུ་འགྱུར། །ཐམས་ཅད་ཀྱང་ནི་སྲོག་ཆགས་བྱེ་བ་སྒྲོལ། །བྱང་ཆུབ་སེམས་དཔའ་མང་པོ་ཡང་དག་འཛུད། །ཅེས་དང་། གསལ་རྒྱལ་གྱིས་ཞུས་པའི་མདོ་ལས། སྐུ་གཟུགས་རྣམས་ལ་རྡུལ་ཕྲན་ཅི་ཡོད་

― LT40_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །དེ་འདྲའི་གྲངས་དེ་སྙེད་ཀྱི་རྒྱལ་སྲིད་དང་། །ལྷ་ཡུལ་ས་སྟེང་མི་ཡིས་ངེས་པར་ཐོབ། །གཟུགས་དང་གཟུགས་མེད་ཁམས་ཀྱི་ཏིང་འཛིན་ནི། །ཕུན་སུམ་ཚོགས་པའི་ས་མཆོག་ཀུན་མྱོང་ནས། །ཐ་མར་སྐྱེ་དང་རྒ་བ་ལ་སོགས་པའི། །སྡུག་བསྔལ་དང་བྲལ་སངས་རྒྱས་གོ་འཕང་ཐོབ། །འདི་ན་རྒྱལ་བའི་སྐུ་གཟུགས་བྱེད་པ་ནི། །བཟོད་དང་སྐལ་བཟང་ཡོན་ཏན་ཉེ་བར་ལྡན། །དེ་ཉིད་དབང་པོ་སྦས་དང་ཉི་མའི་འོད། །འཇིག་རྟེན་ཀུན་གྱིས་མཐོང་ན་དགའ་བར་འགྱུར། །བདེ་བར་གཤེགས་པའི་སྐུ་གཟུགས་བཞེངས་པ་གང་། །དེ་ཡི་ལུས་ནི་དྲི་མ་མེད་པ་དང་། །ནད་དང་འཇིགས་དང་མྱ་ངན་སྡུག་བསྔལ་བྲལ། །པདྨའི་ནང་བཞིན་འཇམ་དང་ཡངས་པར་འགྱུར། །འདི་ན་རྒྱལ་བའི་སྐུ་གཟུགས་བྱེད་པ་གང་། །བྲན་དུ་མི་འགྱུར་དབུལ་པོའི་རང་བཞིན་མིན། །ལས་བྱེད་མ་ཡིན་སྐྱེ་བ་དམན་པ་མིན། །དབང་པོ་མ་ཚང་མིན་ཏེ་སྐྱེ་མཆོག་འགྱུར། །ཞེས་དང་། བསླབ་བཏུས་ལས། མི་མཇེད་འཇིག་རྟེན་ཁམས་ཀྱི་སེམས་ཅན་ཐམས་ཅད་ལ་འདོད་ཡོན་ལྔའི་སྦྱིན་པ་བྱིན་པས་དགེ་བསྙེན་རྣམ་དག་གཅིག་ལ་བསྙེན་བཀུར་བ་བསོད་ནམས་ཆེས་ཁྱད་པར་འཕགས་སོ། །དེ་ཐམས་ཅད་ལས་དགེ་ཚུལ་གཅིག་ལའོ། །དེ་ཐམས་ཅད་ལས་ནི་དགེ་སློང་གཅིག་ལའོ། །དེ་ཐམས་ཅད་ལས་ནི་རྡོ་རྗེ་འཛིན་པ་གཅིག་ལའོ། །དེ་ཐམས་ཅད་ལ་བསྙེན་བཀུར་བ་ལས་ནི་སྐུ་གཟུགས་མཚན་ཉིད་དང་ལྡན་

― LT40_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཚོན་གང་བ་ཅིག་བཞེངས་པ་ཆེས་ཁྱད་པར་འཕགས་སོ། །ཞེས་སོ། །གཞན་ཡང་འཕགས་པ་སྤྱན་རས་གཟིགས་ཀྱི་མདོ་དང་། བུ་མོ་རིན་ཆེན་གྱིས་ཞུས་པ། ལས་རྣམ་འབྱེད་ལ་སོགས་པ་ལས་སྐུ་གཟུགས་བཞེངས་པ་དང་། དེ་ལ་ལྟ་བ་དང་དད་པ་དང་མཆོད་པ་འབུལ་བ་དང་ཕྱག་བསྐོར་བྱེད་པ་ལ་སོགས་པའི་ཕན་ཡོན་བསམ་གྱིས་མི་ཁྱབ་པ་ཡང་དང་ཡང་དུ་གསུངས་སོ། །གཉིས་པ་ནི། མདོ་ལས་སྔགས་ཀྱི་ཐེག་པ་ཁྱད་པར་དུ་མས་འཕགས་ཤིང་ལམ་མྱུར་བ་དང་། འཇུག་པ་བདེ་བ་དང་། ཐབས་མང་བའི་ཕྱིར་སྔགས་ཀྱི་སྐུ་གཟུགས་བཞེངས་པ་ནི། མདོ་ལས་གསུངས་པའི་རྒྱལ་བ་སྲས་བཅས་ཀྱི་སྐུ་གཟུགས་བཞེངས་པ་ལས་བསོད་ནམས་བརྒྱ་འགྱུར་གྱིས་ཆེ་བ་ཐམས་ཅད་མཁྱེན་པ་སྒྲོལ་མགོན་ཞབས་སོགས་ཀྱིས་གསུངས་ཤིང་། འཇམ་དཔལ་རྩ་རྒྱུད་ཀྱི་རས་བྲིས་ཆེན་པོའི་སྐབས་སུ། མཁས་པ་གང་ཞིག་འདྲི་བྱེད་པ། །དེ་ཡི་བསོད་ནམས་མཐའ་ཡས་འགྱུར། །བསྐལ་པ་བྱེ་བར་བྱས་པ་ཡི། །སྡིག་པ་ཤིན་ཏུ་མི་བཟད་པ། །ས་སྟེང་རས་རིས་མཐོང་བ་ཙམ། །དེ་ཡི་མོད་ལ་བྱང་བར་བྱེད། །ཅེས་སོགས་དང་། བསྐལ་པ་བྱེ་བར་སངས་རྒྱས་ལ། །མཆོད་པའི་བསོད་ནམས་གང་ཡིན་པ། །ས་སྟེང་རས་བྲིས་འདྲི་བ་ཡི། །སྔགས་པས་བསོད་ནམས་དེ་འཐོབ་འགྱུར། །ཅེས་སྐུ་གཟུགས་འབྲི་བའི་ཕན་ཡོན་དང་། གངྒཱ་ཡི་ནི་བྱེ་མ་དག །ཚད་དུ་བསྟན་པ་གང་ཡིན་པ། །དེ་དང་མཉམ་པའི་སངས་རྒྱས་དང་། །

― LT40_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རྒྱལ་དང་ནི་བྱང་ཆུབ་སེམས། །བསེ་རུ་ཉན་ཐོས་འཇིག་རྟེན་ན། །ལན་མང་ངག་ཏུ་མཆོད་སྟོན་བྱས། །རས་རིས་མཐོང་བ་ཙམ་གྱིས་ནི། །མི་ཡིས་བསོད་ནམས་དེ་བཞིན་འཐོབ། །ཅེས་རས་བྲིས་མཐོང་བའི་ཕན་ཡོན་དང་། གང་དག་རྒྱལ་བ་སྐྱེས་མཆོག་དང་། །དེའི་སློབ་བསེ་རུ་བྱང་ཆུབ་སེམས། །བདག་ཉིད་ཆེན་པོས་གང་གསུངས་པ། །རི་མོ་འདི་ནི་མདུན་བཞག་ན། །སྔགས་རྣམས་མ་ལུས་འགྲུབ་པར་འགྱུར། །ཅེས་རས་བྲིས་ཀྱི་མདུན་ཏུ་སྔགས་མྱུར་དུ་འགྲུབ་པའི་ཁྱད་པར་སོགས་དུ་མ་གསུངས་ཤིང་། །དེ་བཞིན་ཏུ་རས་བྲིས་འབྲིང་པོའི་སྐབས་སུ། །འཁོར་བར་སྔོན་ཆད་འཁོར་བ་ན། །སྡིག་པ་ཅུང་ཟད་གང་བྱས་པ། །འདིར་ནི་རས་རིས་མཐོང་ཙམ་གྱིས། །དེ་ཡི་མོད་ལ་རྣམ་པར་འཇིག །མཚམས་མེད་ལྔ་པོ་བྱེད་པ་དང་། །སྡིག་པའི་རྙོག་པ་བྱེད་གྱུར་པ། །སྔགས་རྣམས་སྣ་ཚོགས་གསུངས་གྱུར་པས། །ཚུལ་ཁྲིམས་ཉམས་པའང་འགྲུབ་པར་འགྱུར། །རས་རིས་འབྲིང་པོ་མཐོང་བས་ནི། །ནད་པ་དག་ཀྱང་ནད་ལས་ཐར། །དབུལ་པོ་དག་ཀྱང་ནོར་འཐོབ་བྱེད། །བུད་མེད་རྣམས་ཀྱང་བུ་འཐོབ་འགྱུར། །དེ་ཚེ་མཐོང་བ་ཙམ་གྱིས་ནི། །བསོད་ནམས་རྒྱ་ཆེན་འཐོབ་པར་འགྱུར། །ངེས་པར་ལྷ་དང་མི་རྣམས་ཀྱི། །བདེ་བ་མི་ཡིས་བསྟེན་པར་འགྱུར། །སྐྱེ་བ་གཞན་ཏུ་ངེས་པར་ནི། །སངས་རྒྱས་ཉིད་ནི་ངེས་འཐོབ་འགྱུར། །ཅེས་དང་། དེ་བཞིན་མཆོད་དང་ཕྱག་འཚལ་དང་། །མཐོང་དང་རེག་པ་ཙམ་གྱིས་ནི། །སྡིག་པའི་རྙོག་པ་ཀུན་ལས་

― LT40_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ། །རས་རིས་འདི་ནི་མཐུ་ཆེན་ལ། །དོན་ཏུ་གཉེར་བ་བསྐུལ་བས་ནི། །མྱུར་དུ་སྐྱེ་བ་དོན་ཡོད་འཐོབ། །རྗེས་སུ་ཡི་རང་དེ་བཞིན་ནོ། །རས་བྲིས་མཐོང་བའི་སྐྱེ་བོ་ཡི། །བསོད་ནམས་ཐོབ་པ་དོན་ཡོད་པ། །བསྐལ་པ་བྱེ་བ་རྣམས་སུ་ཡང་། །བརྗོད་པར་ཡང་ནི་མ་ནུས་སོ། །ཞེས་དང་། རས་བྲིས་ཆུང་ངུའི་སྐབས་སུ་ཡང་དེ་དང་མཚུངས་པར་གསུངས་ལ། འདི་ནི་དངོས་སུ་བྲིས་སྐུ་མཐོང་བ་དོན་ལྡན་གྱི་ཡོན་ཏན་གསུངས་པ་ཡིན་ཀྱང་དོན་གྱིས་སྔགས་ལུགས་ཀྱི་བྲིས་སྐུ་གང་ལའང་ཕན་ཡོན་ཆེན་པོ་འདི་བཞིན་ཏུ་འབྱུང་བར་སྟོན་པ་ཡིན་པས་རྒྱལ་བ་གཉིས་སུ་མི་གསུངས་པས་ལེགས་པར་གསུངས་པའི་བཀའ་ནི་ཡིད་ཆེས་པའི་གནས་ཁོ་ན་ཡིན་པས་འབྱོར་པ་དང་ལྡན་པ་དག་གིས་བསྐལ་པ་བྱེ་བ་མཚན་ཙམ་ཡང་ཐོས་པར་དཀའ་བའི་ཟབ་མོའི་དཀྱིལ་འཁོར་ཡོངས་སུ་བསྡུས་པའི་བྲིས་སྐུ་འདི་དག་བཞེངས་སུ་གསོལ་ནས་ཕྲིན་ལས་ཀྱི་རྒྱུན་ཆུ་བོ་ལྟར་སྤེལ་བ་རིགས་སོ། །སངས་རྒྱས་ཀུན་གྱི་ཐུགས་གསང་གི། ཡེ་ཤེས་ལས་བྱུང་སྔགས་དང་ནི། །དེ་ཡི་ཆོ་ག་གཙོར་སྟོན་པ། །རྡོ་རྗེ་ལྟ་བུའི་ཐེག་པ་སྟེ། །ཁྱད་པར་ཆེན་པོ་གསུམ་སོགས་ཀྱིས། །ཐུན་མོང་ཐེག་ལས་ཁྱད་འཕགས་པས། །དེ་ཡི་བྲིས་སྐུ་བཞེངས་པ་ཡང་། །བསོད་ནམས་གཞན་ལས་ཤིན་ཏུ་འཕགས། །དགེ་རྩ་ཟླ་ཟེར་ཀུནྡ་ལྟར། །རབ་དཀར་མཐུ་ལས་རྒྱལ་བའི་བསྟན། །སྤྱི་དང་བྱེ་བྲག་རྡོ་རྗེ་ཐེག །སྲིད་པ་གསུམ་དུ་རབ་གསལ་ཤོག །

― LT40_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ཀུན་ཁྱབ་བདག་པདྨའི་མཚན། །དགོངས་པ་ཆོས་ཀྱི་དབྱིངས་སུ་རྫོགས། །མྱུར་དུ་སྤྲུལ་པའི་རོལ་རྩེད་ཀྱིས། །བསྟན་འགྲོའི་དོན་ཆེན་མཛད་གྱུར་ཅིག །སྦྱིན་བདག་རི་མོ་མཁན་ལ་སོགས། །འབྲེལ་བཅས་ཀུན་གྱི་མ་རིག་གཉིད། །སངས་ནས་ཤེས་བྱར་བློ་རྒྱས་ཏེ། །མྱུར་དུ་ཐམས་ཅད་གཟིགས་པར་ཤོག །དཔལ་ལྡན་བླ་མ་རྣམས་ཀྱི་ཞབས་པད་བརྟན། །གཞན་ཕན་བཞེད་པའི་དོན་ཀུན་ལྷག་མེད་འགྲུབ། །འཇིག་རྟེན་ཁམས་སུ་བསྟན་པའི་རྫོགས་ལྡན་གྱི། །གསེར་གྱི་ཉི་མ་རྟག་པར་འཆར་གྱུར་ཅིག །ཅེས་པ་འདིའང་མཚན་ཉིད་ཐམས་ཅད་ཡོངས་སུ་རྫོགས་པའི་བླ་མ་དམ་པ་རྣམས་ཀྱི་འབངས་སུ་སྐྱེས་ཤིང་། ཁྱད་པར་འཇམ་མགོན་མཁྱེན་བརྩེའི་དབང་པོའི་ཞབས་ཀྱི་བཀའ་དྲིན་ཆེན་པོས་རྒྱུད་སྡེ་འོག་མ་གསུམ་གྱི་ཆོས་ཚུལ་ལའང་སྐལ་ཆད་དུ་མ་གྱུར་པ། ཀརྨ་ངག་དབང་ཡོན་ཏན་རྒྱ་མཚོས་གདན་ས་ཆེན་པོ་དཔལ་སྤུངས་ཀྱི་ཡང་དབེན་བྱང་ཆུབ་ཤིང་གི་ནགས་ཁྲོད་དུ་རྒྱལ་བ་ལྷ་ལས་བབ་པའི་དུས་ཆེན་བཟང་པོར་གྲུབ་པར་བགྱིས་པ་རྡོ་རྗེ་ཐེག་པའི་བསྟན་པ་དར་ཞིང་རྒྱས་པའི་རྒྱུར་གྱུར་ཅིག །མངྒ་ལཾ།། །།

ཚེ་དཔག་མེད་ལ་སོགས་པའི་གཟུངས་ཀྱི་སྒྲ་བསྒྲུབས་ནོར་བུ་སྐར་མདོག་གི་ཕྲེང་བ།

― LT40_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་དཔག་མེད་ལ་སོགས་པའི་གཟུངས་ཀྱི་སྒྲ་བསྒྲུབས་ནོར་བུ་སྐར་མདོག་གི་ཕྲེང་བ་ཞེས་བྱ་བ་བཞུགས་སོ།། །།

― LT40_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་པ་ལ་ཕྱག་འཚལ་ལོ། །བླ་མ་འཇམ་པའི་དཔལ་དྲིན་གྱིས། །ཆོས་ཀྱི་སྣང་བའི་བློ་གྲོས་ལ། །རྣམ་དཔྱོད་དཔལ་གྱིས་སྒེག་འཆང་བས། །ཡན་ལག་མཆོག་གིས་བཏུད་པར་བགྱི། །ཤེས་བྱའི་ལམ་གསུམ་ཁྱབ་པའི་དག་བྱེད་ཀྱིས། །གཉིས་སྣང་དྲི་མ་མ་ལུས་བཀྲུ་བར་མཛོད། །ཡེ་ཤེས་མེ་ལོང་ངོས་ལ་སོར་རྟོགས་ཀྱི། །གཟུགས་བརྙན་བརྒྱ་ཕྲག་མ་འདྲེས་སྣང་བར་མཛོད། །དེ་ལ་དང་པོ་ཚེ་དང་ཡེ་ཤེས་དཔག་ཏུ་མེད་པའི་གཟུངས་ཀྱི་སྒྲ་བསྒྲུབ་ཙཱནྡྲ་བྱཱ་ཀ་ར་འི་ལུགས་ལྟར་བཤད་པ་ནི། །ཐོག་མར་སྔགས་ཀྱི་མགོ་འདྲེན་ཏུ་ཨོཾ་ཞེས་སྨོས་པ་ནི། རྡོ་རྗེ་རྩེ་མོ་ལས། ཨོཾ་ནི་ཅི་ཞིག་ཡིན་པར་བརྗོད། །མཆོག་དང་ནོར་དཔལ་

― LT40_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་དང་གཡང་། དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཞེས་གསུངས་པའི་དང་པོ་ལྔ་རིམ་བཞིན་འབད་པ་ལ་ལྟོས་པའི་གྲུབ་པ་དང་། །རྒྱུ་ཚོགས་ཅི་རིགས་པས་འོང་བའི་ལོངས་སྤྱོད་དང་། །ཐུན་མོང་དང་ཐུན་མིན་གྱི་དབང་ཕྱུག་དང་། །འབྲས་བུ་ལ་ལོངས་སྤྱོད་པའི་བསོད་ནམས་དང་། །ལུས་སེམས་བདེ་བ་མྱོང་བ་ལྔ་ལྔ་སྒྲུབ་པར་བྱེད་ཅིང་། །དམ་བཅའ་བ་ནི་གཞན་ཏུ་མི་འགྱུར་བ་དང་། །བཀྲ་ཤིས་པས་ཡིད་སྐྱོབ་ཀྱི་ནོར་བུ་འཛིན་པའང་ཡིན་པས་སྔགས་སྤྲུལ་ཞིང་སྔགས་ཀྱི་མཐུ་བརྟན་པར་བྱེད་པ་སྟེ། །སྙིང་པོ་རྟག་ཏུ་དགེ་བར་སྲུང་བའི་ཕྱིར། །ཨ་བ་སྲུང་བ་ལའོ་

― LT40_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པའི་བྱིངས་བཞག །བྱིངས་མཐའི་ཨ་བརྗོད་དོན་ཡིན་པས་ཕྱིས། །བྱོ་མནྲ་ལ་སོགས་པ་རྣམས་སོས་མ་ནི་ནྲ་རྐྱེན། ནྲ་ཁྱད་དོན། ཨི་བརྗོད་དོན་ཕྱིས། ཛྭ་རྙཱ། ཏྭ་ར། ཨ་བ། ཤྲི་བུ། མ་བ་རྣམས་ཀྱི་མཐའ་ཉེ་དང་བཅས་པའི་འོས་བྲ་ཨུ་ཋ་རུ་བསྒྱུར། ཋ་ཕྱིས། ཨ་ལས་ཨཏྲ་ཨེདྲ་ཨུམྲ། འོས་ཨ་ཨཱུ་དག་གཅིག་མོ་རུ་གྱུར། །རྐྱེན་མཐའི་ཨ་ནྲ་ཚིག་ཕྲད་ཀྱིས་ཕྱིས། ཧ་ལྲ་ལ་མྲའི་འོས་མང་རོ་བྱས་པས་གྲུབ་པ་འདོད་འཇོ་ལས་བཤད་དེ་རིག་བྱེད་ཀྱི་ལུགས་ཡིན་ཞིང་རང་བཞིན་གྱིས་གྲངས་མེད་པའོ། །འདི་ལ་སྔགས་རྒྱུད་ཀྱི་དགོངས་པ་དང་སྦྱར་ནས་སྒྲུབ་ཚུལ་སྣ་ཚོགས་མཛད་པར་སྣང་ཡང་བཤད་ཚུལ་ལ་ནི་དེ་འདྲ་ཡིན་འགྲོ། །སྒྲ་བསྒྲུབ་སོགས་ཐུན་མོང་བའི་རིག་པ་ལ་ཐུན་མོངས་མིན་པའི་ཟབ་གསང་གིས་རྒྱས་འགེབས་པ་ནི་ཧ་ཅང་བཤད་སམ་རྙེད་པའི་ཉ་དང་ཉུང་མ་བསྲེ་བ་མིན་ནམ་སེམས། འོ་ན་འདིར་རྡོ་རྗེ་རྩེ་མོའི་ལྕང་དྲངས་པ་ཅི་ཞེ་ན། དེ་ནི་ངེས་ཚིག་གི་བཤད་པར་བྱས་ཀྱི་བསྒྲུབ་ཚུལ་ནི་སྒྲ་གཞུང་རྣམས་སུ་གྲགས་པ་ལྟར་བྱས་པས་སྐྱོན་མེད་ལ། ཡང་། སྔ་ལ་ཕྱིས་ཀྱི་མཁས་པ་འགའ་ཞིག་གིས་རིག་བཟོ་བྱས་ནས་ཨོཾ་བསྒྲུབས་ཀྱང་འཕགས་ཡུལ་བའི་མཁས་པ་ལྟར་གྲགས་རྗེས་མི་འབྲང་བར་རིག་ཤེས་ཚད་མས་དཔྱད་ཤེས་པའི་གཟུར་གནས་དག་མཆིས་ན་དེ་དག་ལ་ཐུགས་དཔྱོད་གནང་དང་དགོད་བྲོའོ། །ད་ནི་

― LT40_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱུས་ལ་འཇུག་སྟེ། །་མ་རབ་ཏུ་འདུད་པ་དང་སྒྲ་ལའོ། །ཨ་ཕྱིས་ཎྟའི་ནའོ་ཞེས་པས་ན། ཨུ་ྲ། ཨ་སུན་འོས་དེ་བྱིན། ན་ཁྱད་དོན། ཨུ་བརྗོད་དོན་ཕྱིས། །དབྱངས་མེད་སྦྱར་ནས། །དོན་ཙམ་ལ་དང་པོ་འོས་སུ་བྱིན། ཨུ་ཁྱད་དོན་ཕྱིས། སུས་ཛུཥྲའིརུའོསསྲརུ། ཨུ་ཡིག་ནི་ཨ་ཏྲ་ལས་ཧ་ཤྲ་ལའང་རུའིའོ་ཞེས་པའི་རྟགས་དོན་དབྱི་དགོས་པ་སོགས་མདོ་འདི་རྣམས་གཞན་ལ་འགྲེ། །འདིར་སུའི་འོས་སུ་ཕྱིས་ནས་ནམ་སྲ་ཞེས་པའི་སྲ་རུ་དང་ཨུ་ཕྱིས། །རྫོགས་པ་ལ་རྣམ་པར་བཅད་པ་འོས་ས་རྣམ་བཅད་བྱས་པས། ན་མཿགྲུབ་པ་ཕྱག་འཚལ་བ་སྟེ་ཞེ་སའི་ཚིག་གོ། །བྷ་ཛ་བསྟེན་པ་ལ་འོས། ཨ་ཕྱིས། གྷའོ་ཞེས་པས་མིང་ལགྷ་བྱིན། །གྷྲ་ཡིག་ནི་གྷིཏྭཱ་ཎྱ་ཏ་དག་ལ་ཙ་ཛ་དག་གི་ཀུའོ་ཞེས་པའི་ཁྱད་དོན་ཡིན་པས་ཕྱིས། སྲོག་གི་ཨ་བཞག །མདོ་འདིས་བྱིང་མཐའི་ཛྲ་གྲར་བསྒྱུར་ནས། སུ་བྱིན། དྲངས་པས། བྷ་གཿ གྲུབ་པ་སྐལ་བ་སོགས་ལ་འཇུག་ཅིང་ཕྱི་རོལ་གྱི་གྲུབ་མཐའ་སྨྲ་བའི་ལྷ་ལའང་འདི་ཡོད་པས་བཅོམ་ལྡན་ཞེས་པ་ཙམ་གྱིས་ཁྱད་པར་མི་འབྱེད་པར་དགོངས་ནས་འདས་ཞེས་པ་ལོ་ཙཱ་བས་བླ་ཐབས་སུ་བསྣན་པར་ཟད་ཀྱི། འདིར་འདས་པ་ལ་འཇུག་པའི་སྒྲ་མེད་ཅིང་། ལྡན་པའི་དོན་ལ། དེ་འདིའི་འདི་ལ་ཡོད་དོ་ཞེས་པར་མ་ཏུ་པྲ་འོས་མ་ཏུ་པྲ་བྱིན། པྲ་དབྱངས་

― LT40_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

དོན། ཨུ་བྱ་བའི་དོན་ཏེ་ཕྱིས། །དོན་གཅིག་ཉིད་ལ་འོས་སུ་པྲ་འཇིག །བྷགམཏ། །གྲུབ། དེ་ལ་སུ། སྐྱེས་པའི་སུཊལཨུཀྲཨིཏྲའོསཨཙྲའི་མཐར་ནུམྲ། ཨུམྲ་ཕྱིས། ཀུན་ཏུ་བོ་དང་མ་ཡིན་པའི་སུ་ལ་འོས་ན་མཐའ་ཉེ་རིང་། སུའི་འོས་སུ་དབྱི། བརྩེགས་པའི་ཚིག་གི་འོས་ཏ་དབྱི། མ་ཨ་ལས་མཐའ་ཉེ་ལས་ཀྱང་མ་ཏུའིབའོསམཱབཱབྱས་པས། བྷ་ག་བཱ་ནྲ། བཅོམ་ལྡན་འདས་ཏེ། འདོད་འཇོ་ལས། ཡང་དག་པ་མཆོག་གི་བདག་ཉིད་ཆེན་པོ་ནི་བྷ་ག་སྟེ། དེ་སྐད་དུའང་། བཅོམ་ལྡན་མཚུངས་མེད་མ་ལུས་ཡང་དག་ལྡན། །མ་ལུས་སྐྱོན་དང་བྲལ་ཕྱིར་བླ་ན་མེད། །ཡང་དག་མཆོག་ཆེན་བདག་ཉིད་རྣམ་པར་བརྒྱན། །གང་ཕྱིར་དེ་འདིར་བཅོམ་ལྡན་འདས་སུ་གྲགས། །ཞེས་སོ། །བརྩོན་འགྲུས་སོགས་ལའང་བྷ་ག་སྟེ། དེ་སྐད་དུ། རྣམ་བཤད་རིག་པར། །ཡང་དག་མཆོག་དང་བདག་ཉིད་ཆེ། །བློ་གྲོས་དང་ནི་གྲགས་དང་དཔལ། །འདོད་པ་དང་ནི་བརྩོན་འགྲུས་ཏེ། །དྲུག་པོ་རྣམས་ལ་སྐལ་ཞེས་ཐོས། །ཞེས་སོགས་གསུངས། །འདིར་སྔར་གྲུབ་པའི་བྷགམཏ་ཀྱི་མ་བ་ར་བསྒྱུར། ན་མ་སྲ། སྭསྟི། སྭ་ཧཱ། སྭཱ་དྷྭ། ཝ་ཥ་ཊྲ་ནུས་པའི་དོན་རྣམས་ཀྱི་སོས། བཞི་པའི་དེ་བྱིན། ད་ཁྱད་དོན་ཕྱིས། ཏ་ཨེ་ལ་དྲངས་པས། བྷ་ག་བ་ཏེ། གྲུབ་པ་བཅོམ་ལྡན་འདས་ལ། ཉེར་སྒྱུར་པ་

― LT40_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

རི་སྔོན་མའི་མཱ་དྲ་ཚད་ལ་འོས། དྲ་ཡིག་དྲ་འགྲོ་བ་ལས་སོ་ཞེས་པའི་དོན་ཏེ་ཕྱིས། །དངོས་པོ་དང་བྱ་བ་དག་ལ་ཀྟ་འོས་ཀྟ་བྱིན། ཀྲ་ཀྲི་ཏ་བྱ་བའི་དོན་ཡིན་པས་ཕྱིས། ཏ་མ་ཀི་ཏྲ་ལ་དོ་ཥོ། མཱ། སྠཱ་རྣམས་ཀྱི་ཨི་ཏྲ་འོས་མཱའི་ཨཱ་ཨི་བྱས། བཱདྡྷ་མཱ་ནས། དེ་དང་མཚུངས་པ་དངོས་མེད་དང་། དེ་ལས་གཞན་དང་དེ་ལས་ཆུང་། །མི་བསྔགས་པ་དང་འགལ་བ་སྟེ། །ན་ཉྲའི་དོན་དྲུག་རབ་ཏུ་གྲགས། ཞེས་པ་ལྟར་སྤྱིར་དགག་པའི་ཚིག་ཡིན་ཀྱང་འགོག་ལུགས་ཀྱི་ཁྱད་པར་ལས་དོན་དྲུག་ཏུ་འགྲོ་བའི་ན་ཉྲ་མིང་དེ་ཡི་སྔོན་ཏུ་སྦྱར་ནས་བསྡུས། ཉྲ་ཁྱད་དོན་ཕྱིས། ན་ཉྲའི་ནྲའི་འོས་ཚིག་སྡུད་ལ་ནྲ་ཕྱིས་ཨ་བཞག །ཨ་པ་རི་མི་ཏ། གྲུབ་པ་དཔག་ཏུ་མེད་པ། ཨི་ྲ་འགྲོ་བ་ལའོ། །ྲ་ཨི་ྲའི་ཡ་འོ་ཞེས་པའི་དོན་ཏེ་ཕྱིས། ཨུམ་ཨི་་ལས་ིྲ་ཏྲའོ་ཞེས་པས་ཨུ་སི་བྱིན་ཞིང་ི་ཏྲ་བཞིན་ཏུ་འགྱུར་བའི་ཕྱིར། ཨཻ་ཙཱའམ་འཕེལ་བ་ཐོབ་པས། ཨ་ཙྲའི་འོས་ཨི་ཨཻ། ཨཻ༡ཙྲའིཨཡྲཨབྲཨཱཡྲཨཱབྲ་རྣམས་སོས་ཨཻ་ཨཱ་ཡྲ་རུ་བསྒྱུར། རྐྱེན་གྱི་ཨུ་བརྗོད་དོན་ཕྱིས་ནས་དབྱངས་མེད་དྲངས། སྲ་རུ་དང་རྣམ་བཅད་བྱས་པས། ཨཱ་ཡུཿགྲུབ་པ་ཚེ་སྟེ། ར་བྷ་སས། ཚེ་ནི་འཚོ་དུས་ཨ་སུ་ནི། སྲོག་སྟེ་ཕོ་མང་སྲོག་འཛིན་ནོ། །ཞེས་སྲོག་གི་རྒྱུན་བརྗོད་པ་སྟེ། དེ་ནི་ཇི་སྐད་དུ། སྲོག་ཅེས་བྱ་བ་རླུང་ཆེན་པོ། །ཁ་དང་

― LT40_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ནས་རྒྱུ་བར་བྱེད། ཅེས་པ་ནི་སྙིང་གི་རླུང་ཉིད་བརྗོད་པ་ལ་རབ་ཏུ་སྦྱར་ཏེ་སྲོག་རླུང་གི་རྣམ་གྲངས་ནི་མ་ཡིན་ནོ། །ཞེས་ཨ་ནུ་བྷུ་ཏིས་སོ། ཛྙཱ་ཁོང་དུ་ཆུད་པ་ལའོ། ལྻུཊྲ་འོས་དེ་བྱིན། ཊྲ་ཊི་ཏྲ་ཌྡྷ་ཨ་ྲ་སོགས་ཀྱིས་མོ་རྟགས་ལ་དཱི་པྲ་འཇུག་པའི་དོན་དང་། ལྲ་ཁྱད་དོན་ཡིན་པས་ཕྱིས། ས་མེད་པའི་ཡུ་བུའི་ཨ་ན་ཨ་ཀ་དག་གོས་ཡུ་ཨ་ན་རུ་བསྒྱུར། ཨ་ཀའི་ཨ་ཀྲ་ལ་རིང་༣པོ་འོས་ཨ་ཡིག་སྔ་མའི་གཟུགས་དང་རིང་པོ་གཅིག་ཏུ་གྱུར་པས། ཛྙཱ་ན། གྲུབ་པ་ཡེ་ཤེས། ཉེར་སྒྱུར་སུ། བི། ནིརྲ་རྣམས་སྔོན་མའི་ཙི་ཉ་སོགས་པ་ལའོ། ཉྲ་ཡིག་ཉྲ་འགྲོ་བ་ལས་སོ་ཞེས་པའི་དོན་ཏེ་ཕྱིས། ཀྟ་བྱིན། ཀྲ་ཕྱིས། སྔ་མ་གསུམ་ལ་སུ་བྱིན། གྲངས་མེད་པ་ལས་སུ་པྲའི་འཇིག་གོས་དེ་འཇིག །ཚུབྲམརའིསྲའོསནིརའིརུསྲརུ་བསྒྱུར། དྲངས། སྟུའི་ཤྩུ་དང་ཥྚུ་རྣམས་ཀྱིས་དེ་དག་གོས་སྲའང་ཤྲ་རུ་བསྒྱུར་བས། སུ་བི་ནི་ཤྩི་ཏ་གྲུབ་པ་ཤིན་ཏུ་རྣམ་པ་ངེས་པ། ཏི་ཛ་རྣོ་བ་ལ་ཏེ་བཟོད་པ་ལའང་ངོ་། བྱིངས་མཐའི་ཨ་བརྗོད་དོན་ཕྱིས། ཨ་སུན། ཨུནྲ་དབྱི། ཡང་བ་མཐའ་ཉེའི་འོས་ཨིཀྲའིཨཏྲཨེདྲ་དྲངས། སུའི་འོས་སུ་དབྱི། ས་རུ་དང་རྣམ་བཅད་བྱས་པས། ཏེ་ཛཿགྲུབ་པ་གཟི་བརྗིད་ཏེ་མིང་ཕྱི་མ་དང་བསྡུ་བའི་དབང་གིས། འབྲེལ་ཨུྲ། པ་ལ་དྲུག་པའོ་རྣམ་དབྱེ་དྲུག་པའི་གཅིག་ཚིག་ངས་བྱིན། ང་ཕྱིས་ཨ་ལ་དྲངས་བ་སོགས་

― LT40_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས། ཏེ་ཛ་སཿ གྲུབ། རཱྀ་ཛྲ་འབར་བ་ལའོ་ཞེས་པར། བྲྀ་ཥི། ཏཀྵི། རཱ་ཛི། དྷ་ནྭིི། བྲྲ་ཏི། དེ་བི། ཡུ་རྣམས་ལས་ཀ་ནི་ནྲ་འོ་ས་ཀ་ནི་ནྲ་བྱིན། ན་དབྱངས་དོན། ཨི་བརྗོད་དོན། ཀྲ་ཀྲི་ཏྲ་བྱ་བའི་དོན་དང་། བྱིངས་ཀྱི་རྀ་ཨ་ཀྲ་ཕྱིས་པ་དང་ཤཱ་སུ་རྀ་དི་ཏྲ་རྣམས་ཀྱི་མ་ཡིན་ནོ། ཨུ་ྲ་ཞེས་པའི་དོན་ཏེ་ཕྱིས། དྲངས་པས། རཱ་ཛ་ནྲ། གྲུབ། སྔ་མ་དང་བསྡུས། དོན་གཅིག་ཉིད་ལ་འོས། སུ་པྲ་འཇིག །ས་རུ། ཨ་ཏྲ་ལས་ཧ་ཤྲ་ལའང་རུའི་འོས་རུ་ཨུ་རུ་བསྒྱུར། ཨ་ལས་ཨ་ཏྲ་ཨེ་དྲའོས་ཨ་ཨུ་དག་གཅིག་ཨོ་བྱས་པས། ཏེ་ཛོ་རཱ་ཛ་ནྲ་གྲུབ་པར། ས་ཁྱི། ཨ་ཧ་ནྲ། རཱ་ཛ་ནྲ་རྣམས་ཀྱི་ཌཙྲའོས་ཌ་ཙྲ་བྱིན། ཙྲ་དབྱངས་དོན་དང་། ཌྲ་ཁྱད་དོན་ཕྱིས། སརྦ་དང་གྲངས་མེད་པ་དང་ཕྱོགས་གཅིག་པ་མིན་པ་ལས་ཌ་ལ་འོས་རྟགས་མཐའི་ཨ་ནྲ་ཕྱིས་ནས། དབྱངས་མེད་དྲངས་པའི་མཐར་བཞི་པའི་དེ་སྦྱར། དེ་ང་སི་དག་གི་ཡ་ཨཱ་ཏྲ་དག་གོས་ངེ་ཡ། ཡཉྲ་ལཨཏྲའིཨཱཏྲའོསུཔྲ་ལའོ་ཞེས་པས་རྟགས་མཐའི་ཨ་རིང་བ་སོགས་ཀྱིས། ཏེ་ཛོ་རཱ་ཛཱ་ཡ། གྲུབ་སྟེ་གཟི་བརྗིད་ཀྱི་རྒྱལ་པོ་ལ། ཞེས་དང་པོ་ལ་སོགས་པའི་བསྡུ་བའོ། །སྒྲ་པ་འགའ་ཞིག་གིས་སྔར་གྱི་བྷ་ག་གྷཉྲའི་རྐྱེན་ཏུ་བྱས་ཤིང་། འདིར་རཱ་ཛ་ནྲ་བསྡུ་བའི་མཐའ་ལ་ཌ་ཙྲ་འགྱུར་བས་ཨཏྲ་མཐའ་ཅན་ཏུ་གྱུར་པ་མ་ཤེས་ནས་གྷ་ཉྲའི་རྐྱེན་མཐར་བྱས་ཀྱང་། སྔ་མ་ལྟར་ན་ཉྲིི་ལ་འཕེལ་བས་བྷཱ་ག་ཞེས་པ་འོང་

― LT40_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་ལ། །ཕྱི་མ་ལྟར་ན་གྷི་ཊྲ་ལ་ཛ་གར་བྱས་པས་རཱ་ག་ལྟ་བུར་འགྱུར་བ་སོགས་མི་མཁས་པའི་རྟགས་མང་ནའང་རྨོངས་པ་བདག་ལྟ་བུས་བཤད་པ་ལ་སུ་ཞིག་ཡིད་ཆེས། ཀཱ་མ་དྷེ་ནུར་ཡང་། འབྱོར་པའི་སྟོབས་ཀྱིས་སྣང་བར་བྱེད་པའི་ཕྱིར། རཱ་ཛཱ་རྒྱལ་པོ་སྟེ་བྲྀ་ཥ་ནྲའི་སྒྲ་བཞིན་ཏུ་ཀ་ནི་ནྲའོ། །ཞེས་འབྱུང་ངོ་། །ཡང་། འཆི་མེད་སེང་གེ་སོགས་ཀྱིས་མི་ཟད་པའི་སྡེ་ཚན་ཏུ་བཀླགས་པའི་ཏཏྲ་དམ། སརྦ་སོགས་ཀྱི་ཏདྲ་ལ། རྣམ་པ་ལ་ཐཱ་ལྲ་འོས་ཐཱལྲ་བྱིན། ཏྱད་རྣམས་ཀྱི་དྭི་བའི་བར་གྱི་ཏས་ལ་སོགས་པ་རྣམས་ལའང་། ཨའོསདཨ། ཨའིཨཏྲཨེདྲའོསཨ་དང་ཨ་དག་གཅིག་ཨ། ལྲ་དབྱངས་དོན་ཕྱིས་པས། ཏ་ཐཱ། གྲུབ། གམྨྀའགྲོ་བ་ལའོ། །ལྀ་ཡིག་ནི། ལྀ་ཏྲ་འགྲོ་བ་དང་དྻུ་ཏི་ལ་སོགས་པ་དང་པུཥྱ་ཏི་ལ་སོགས་པ་རྣམས་ལས་ཨ་ཏ་དྲ་ལ་འོས་དོན་ཏེ་ཕྱིས། དངོས་པོ་ལཀྟ། ཀོ་ཏྲ་ལ་འོས་མྲ་ཕྱིས། ཀ་དེའི་དོན་ཕྱིས་པ་ག་ཏ་གྲུབ་པ་ལ། སྔར་བཞིན་དེ་ཡ་སོགས་ཀྱིས། ཏ་ཐཱ་ག་ཏཱ་ཡ། དེ་བཞིན་གཤེགས་པ་ལ། ཞེས་པ་སྟེ། འདོད་འཇོ་ལས། །ཐུབ་པ་དེ་རྣམས་ཀྱིས་ཇི་ལྟར་རྟོགས་པ་དེ་ལྟར་འདིས་ཀྱང་ཞི་བར་རྟོགས་པ་དེའི་ཕྱིར། ཏ་ཐཱ་ག་ཏཿདེ་བཞིན་རྟོགས་པའོ། །ཡང་ན་དེ་བཞིན་གཤེགས་པ་སྟེ་ཇི་ལྟར་རབ་ཏུ་ཞི་བ་དེ་ལྟར་གཤེགས་པས་ཡང་སྲིད་སླར་མི་ལེན་པའོ། །ཡང་ན། སྦྱིན་

― LT40_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་ཚུལ་ཁྲིམས་དང་བཟོད་པ་དང་བརྩོན་འགྲུས་ལ་སོགས་པའི་ཡོན་ཏན་རྣམས་ཀྱིས་འཇིག་རྟེན་ལ་ཕན་པའི་ཕྱིར་དེ་དང་དེའི་རྣམ་པས་གཤེགས་པའི་ཕྱིར། ཏ་ཐཱ་ག་ཏ་སྟེ། ཇི་ལྟ་ཇི་ལྟར་གང་ལ་ཕན་པའི་ཆོ་ག་དེ་ལྟ་དེ་ལྟར་དེར་གཤེགས་པའི་བརྩེ་བ་དང་ལྡན་པས་འདི་འདོད་པའི་སྐྱོན་ལས་རྣམ་པར་གྲོལ་ཞིང་སྦྱིན་པ་ལ་སོགས་པ་དེ་རྣམས་ཀྱིས་དེ་བཞིན་ཏུ་གཤེགས་པའོ། །བརྗོད་པ་གཉིས་ཀ༔སུ་པྲ་དང་སུ་པྲ་དོན་གཅིག་པའི་བསྡུ་བའོ། །ཞེས་སོ། །ཨརྷ་མཆོད་པ་ལའོ། པཱ་ི་པར། ཨརྷ་ལས་བསྔགས་པ་ལའོ་ཞེས་འབྱུང་བས། ཤ་ཏྲའོ་ཞེས་པས། ད་ལྟར་བ་ལ་ལཊྲ་འོས་ལཊྲ་བྱིན་ནས་དེས་ཤ་ཤྲ་ཏུ་བསྒྱུར། བྱིངས་མཐར་ཙུ་ར་སོགས་ལ་ི་ཙྲ་ཐོབ་པ།ིའི་ཨི་ཊྲ་མ་ཡིན་པ་ལ་འོས་འཇིག །བྱེད་པ་པོ་ལ་ཤ་པྲ་འོས་བར་རྐྱེན་ཤ་པྲ། རྐྱེན་གྱི་ཤ་དག་དང་། པྲ་ནི་ཤི་ཏྲ་པི་ཏྲ་བྱ་བའི་དོན་དང་། རྀ་སྐྱེས་པའི་པུ་ཊ་ལ་ཨུ་ཀྲ་ཨི་ཏྲའི་འོ་ཞེས་པའི་དོན་ཡིན་པས་ཕྱིས། དྲངས། ཨ་ཏྲའི་ཨ་ཏྲ་ཨིདྲ། བཞི་པའི་དེ། ང་ཁྱད་དོན་ཕྱིས། ཨེ་ལ་དྲངས་པས། ཨརྷ་ཏེ། གྲུབ་པ་དགྲ་བཅོམ་པ་ལ། ཞེས་པའམ་མཆོད་པར་འོས་པ་ལ། ཉེར་སྒྱུར་སམྲ་སྔོན་མའི། ཨཉྩུ་འགྲོ་བ་དང་མཆོད་པར་བྱེད་པ་ལའོ། །ཨུ་ཡིག་ཨུ་དི་ཏྲ་ལས་ཡང་ནའོ། །ཞེས་པའི་དོན་ཏེ་ཕྱིས། ཨཉྩུ་པུ་ཛ་ལས་སོས་ཀྭི་ནྲ་བྱིན། ཀིྲ་ཏྲ་

― LT40_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཧ་ལྲའི་ཨི་དི་ཏ་མ་ཡིན་པའི་མཐའ་ཉེའི་འོས་བྱིངས་ཀྱི་ཉྲ་ཕྱིས། ཀྲ་དེའི་དོན་དང་། ནྲ་དབྱངས་དོན། བྲ་རྐྱེན་དངོས་ཨི་ཡིག་ཨ་ཙ་མེད་པའི་བྲ་དབྱི་བའི་དོན་ཏེ་ཐམས་ཅད་དབྱི་བར་བྱའོ། །ཨ་ཙྲ་གྲུབ། ས་མྲའི་ས་མི་འོས་དེ་ལྟར་བསྒྱུར། ཨི་ཀྲའི་ཨ་ཙྲ་ལ་ཡ་ྲ་འོས་ཨི་ཡྲ་དབྱངས་མེད་དུ་བསྒྱུར་ནས་དྲངས་ཀྭིནའིའོསཙྲཀ །སུ་ཕྱིས། སམྱ་ཀྲ། ཡང་དག་པ། འདི་ཁ་གཅིག་གིས་ཡ་ཛྲ་ལྷ་མཆོད་པ་ལས་ཀྭི་པྲ་ཕྱིས་པར་བཤད་པ་སོགས་གཞུང་ལས་འགོང་བའི་རིག་པའི་འཁོར་ལོ་ཅི་རིགས་བསྐོར་སྣང་། ཡང་། ས་མྲ་སྔོན་མའི་བུ་དྷ་ཁོང་དུ་ཆུད་པ་ལའོ་ཞེས་པའི་བྱིངས་ཀྱི་ཨ་བརྗོད་དོན་ཕྱིས། མང་པོར་སྤྱིར་བཏང་བའི་ཕྱིར་བྱིངས་ལས་དང་བཅས་པ་ལས་ཀྱང་། འགྲོ་བའི་དོན་དང་ལས་མེད་པ་ལས་གཞི་ལའང་ངོས་ཀྟ་བྱིན། ཀ་ཕྱིས། དྷཱ་མིན་པ་ལས་ཏྲཐྲ་དག་གི་དྷྲ་འོས་ཏ་དྷ། ཛྷལྲའིཛཤྲའོས་དྷ་སྔོན་མ་དྲ། དབྱངས་མེད་དྲངས། ཧ་ལྲ་ལ་མྲའི་ང་རོ་བྱས་ནས། དེ་ཡེ་སོགས་ཀྱིས། སཾ་བུདྡྷ་ཡ། རྫོགས་པའི་སངས་རྒྱས་ལ་ཞེས་པ་སྟེ། མདོ་སྡེའི་རྒྱན་ཏུ། གཡོ་དང་མི་གཡོ་༣ཟད་དང་མ་ཟད་མཐའ་དག་གི། འདས་པ་ཉེ་བར་རྟོགས་པ་མངོན་པར་མི་ལྡན་པ། །གང་ཡིན་འདིར་དེ་རྣམ་རྟོག་བྱང་ཆུབ་རྩ་བ་སྟེ། །དེ་ཕྱིར་བློ་ཆེན་བཅོམ་ལྡན་འདས་དེ་སངས་རྒྱས་སོ། །ཞེས་བཅོམ་ལྡན་འདས་ལ་བུདྡྷ་ར་བརྗོད་པའི་རྒྱུ་མཚན་

― LT40_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའོ། །དེ་དག་ངག་གི་རྒྱུན་གཅིག་ཏུ་སྦྲེལ་བའི་ཚེ། ན་མ་སྲའི་སྲ་རུ། ཨ་ཏྲ་ལས་ཧ་ཤ་ལའང་རུའི་འོས་རུ་སུ། ཨའི་་ཨེ་དྲ་ལ་འོས་ཨ་ཨུ་དག་གཅིག་ཨོ། ཨཀྲའི་ཨཀྲ་ལ་རིང་པོ་འོས་དབྱངས་ཨ་ཡིག་དག་སྔ་མ་དང་རིང་པོ་གཅིག་ཏུ་གྱུར། དབྱངས་མེད་སྦྱར་བ་སོགས་ཀྱིས། ཨོཾ་ན་མོ་བྷ་ག་ཝ་ཏེ། ཨ་པ་རི་མི་ཏཱ་ཡུ་ཛྙཱ་ན། སུ་བི་ནིཤྩི་ཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏ་ཡཱརྷ་ཏེ་སམྱ་ཀྶཾ་ཀྶཾ་བུདྡྷ་ཡ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །ཞེས་པའོ། །ཡ་མུ་འགོག་པ་ལའོ། །ཏ་ནུ་རྒྱས་པ་ལའོ། །ཡ་མི། ཏ་ནི་དག་ལས་ཌ་དི་ཀྲའོསཌདིཀྲ་བྱིན། ཌི་ཏྲ་ལ་མཐའི་ཨ་ཙྲ་ལ་སོགས་པ་དབྱིའོ་ས་ཨ་མྲ་ཨ་ནྲ་ཕྱིས། ཌཱ་དེའི་དོན་དང་། ཀྲ་བྱ་བའི་དོན་དང་ཨི་བརྗོད་དོན་ཏེ་ཕྱིས་ནས་དྲངས་པས། ཡདྲ། ཏདྲ། ཨུ་ྲ་གྲུབ་པ་སྔོན་གྱི་མཁས་པ་ཆོས་བཤད་ལ་མཛོད་དུ་ནི་གསལ་ཁ་མ་བྱུང་བས་པཱ་ི་པའི་རྒྱ་འགྲེལ་རྙེད་ན་སླར་དཔྱད་པར་བྱའོ། །ཡ་དྲ་ལ་རྣམ་པ་བརྗོད་པའི་ཐཱ་ལ་རྐྱེན་བྱིན་ནས། ཏདྲ་དང་སྦྱར་བས། ཏདྱ་ཐཱ། འདི་ལྟ་སྟེ། པུ་་དགེ་བ་ལའོ། བྱིངས་མཐའི་ཨ་ཕྱིས། པུ་ི་ལས་ཀྱ་ནྲའོ་ཞེས་པས་ཀྱནྲ་བྱིན། ན་དབྱངས་དོན་དང་། ཀྲ་ཨ་ཏྲ་ཨེདྲ་

― LT40_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

དགག་པའི་དོན་ཏེ། ཕྱིས་ནས་སྦྱར་བས། པུཎྱ། གྲུབ། འདིར་གསང་རིག་གཟུངས་གསུམ་གྱི་ཟླས་ཕྱེ་བའི་རིགས་སྔགས་ཉིད་དུ་ངེས་པའི་ཕྱིར། ཨ་ཛ་ལ་སོགས་པ་དང་ཨ་ཏྲ་ལས་སོས་བུད་མེད་ལ་ཌཱ་པྲ་བྱིན། མཐའི་ཨ་ཙྲ་སོགས་ཀྱི་འོས་རྟགས་མཐའི་ཨ་དང་། ཌྲ་དེའི་དོན། པྲ་ཡིག་ནི་ཌཱ་པ་ཙཱ་པྲ་དག་གི་སྤྱི་གཟུང་བའི་དོན་ཏེ་ཕྱིས་ནས་དྲངས་པས། པུཎྱ་གྲུབ་སྟེ། བསམ་གཏན་ཕྱི་མའི་འགྲེལ་པར། །དེ་ལ་བི་དྱ་ནི་བུད་མེད་ཀྱི་གཟུགས་དང་དབྱིབས་ཀྱི་ལྷ་དང་། དེ་སྟོན་པའི་སྒྲ་དང་ཕྱག་རྒྱ་ལ་སོགས་པའོ་ཞེས་གསུངས་པ་ལྟར་སྟོན་བྱེད་དེ་གསུམ་གང་རུང་གིས་བསྟན་པ་ནི་རིག་སྔགས་ཉིད་དུ་ངེས་པའི་དོན་ཡིན་ལ། དེའི་མཚན་ཉིད་ཀྱང་རྡོ་རྗེ་རྩེ་མོར། འདོད་ཆགས་མུན་པ་རྣམ་བཏུལ་ཞིང་། །ཉོན་མོངས་རྣམས་ཀྱང་རྣམ་པར་འདུལ། །མ་རིག་པ་ནི་ཟློག་བྱེད་པ། །དེ་ནི་རིགས་སྔགས་རྣམ་པར་བརྗོད། །ཅེས་པ་ལྟར་རོ། །སྒྲ་དེ་ལ་ཀུན་ཏུ་བོད་པ་ལ་འོས། དང་པོའི་སུ་བྱིན། ཀུན་ཏུ་བོད་པ་ལ་སུ་ལ་འོས་རྟགས་མཐའི་ཨཱ་ཨེ། ཨེ་དྲ་ཐུང་ངུ་ལས་ཀུན་ཏུ་བོད་པ་ལ་ཏ་མ་ཡིན་པའི་འོས་སུ་དབྱི་བ་བཅས་ཀྱིས། པུཎྱེ། གྲུབ་པ་ཐད་ཀར་བསྒྱུར་ན་བསོད་ནམས་མ་ཀྱེ་ཞེས་པའོ། །དེའི་སྔོན་ཏུ་སྔར་བསྒྲུབས་པ་ལྟར་གྱི་ཨོཾ་དང་པུཎྱེ་ཚར་གཅིག་ལྡབ། མ་ཧ་མཆོད་པ་ལའོ། །ཨ་ཕྱིས། བྲཾ་ཥིཔྲ་ཥ།ྀ མ་ཧི་རྣམས་ལས་ཤ་ཏྲྀ་འོས་

― LT40_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བྱིན། ཤ་ཡིག་ནི་པི་ཏྲ་དང་སྨོན་པའི་ལི་དྲ་མ་ཡིན་པའི་ཏི་དྲ་ཤི་ཏྲ་ལའོའི་དོན། རྀ་ཨུ་ཀྲ་ཨི་ཏྲའི་དོན་ཏེ་ཕྱིས། མང་པོ་ལ་སྤྱིར་བཏང་བའི་ཕྱིར་ཤ་པྲ་མི་འགྱུར་བ་གསུངས་དྲངས། །མ་ཧཱ་ཏྲ། གྲུབ་བ། མཆོག་གམ་ཆེན་པོ་ལ་འཇུག །དོན་ཙམ་ལ་དང་པོ་འོས་སུ། སྐྱེས་པའི་སུཊྲ་ལ་ཨུཀྲ་ཨི་ཏྲའི་འོས་མཐའ་ལས་སྔ་མར་ནུམྲ། མྲ་མྲ་འགྲོ་བ་ཨཙྲའི་མཐའ་ལས་ཕ་རོལ་ལོ་དང་། ཨུ་བརྗོད་པའི་དོན་ཏེ་ཕྱིས། ཀུན་ཏུ་བོད་པ་མ་ཡིན་པའི་སུ་ལ་འོས་ནྲ་མཐའ་ཉེ་རིང་། སུའི་འོས་སུ་དབྱི། བརྩེགས་པའི་ཚིག་གི་འོས་ཏ་ཕྱིས། མ་ཧཱ་ནྲ། གྲུབ་པ་དང་། པུཎྱེ་བསྡུས། དོན་གཅིག་གིས་ཁྱད་པར་རོ་ཞེས་པ་ལྟར་བསོད་ནམས་ཀྱང་དེ་ཡིན་ལ་ཆེན་པོའང་དེ་ཡིན་པས། མ་ཧཱ་པུཎྱེ། བསོད་ནམས་ཆེན་མོ་སྟེ། སུ་པྲའི་རང་བཞིན་གྱི་ནྲའི་དབྱི་འོས་ན་ཕྱིས་པའོ། །འདིར་པཱ་ི་པ་ལས། སཏྲ། མ་ཧཱ་ཏྲ། པར་མ། ཨུཏྟ་ར། ཨུཏྐྲི་ཥྚ་རྣམས་མཆོད་པར་བྱ་བ་རྣམས་ཀྱིས་སོ་ཞེས་དམིགས་བསལ་དུ་བསྟན་ཏོ། ཨ་པ་རི་མི་ཏ་པུཎྱེ། ཨ་པ་རི་མི་ཏ་པུཎྱ། དེ་དག་བསོད་ནམས་དཔག་ཏུ་མེད་པ་བསྟོད་པ་སྟེ་སྔར་བསྒྲུབས་པའི་ཨ་པ་རི་མི་ཏ་དང་བསྡུས་ནས་ཌཱ་པྲ་སི་སྦྱར་མི་སྦྱར་འདམ་གར་བྱས་པའོ། །ཛྙཱ་ན། ཡེ་ཤེས། ཉེར་སྒྱུར་ས་མྲ་སྔོན་མའི་ཌུ་དྷྲྀ་ཉྲ་འཛིན་པ་ལའོ། ཞེས་པའི་བྱིངས་བཞག། ཌུ་ཌུ་འགྲོ་བ་ལས་ཀྟྲྀ་འོའི་

― LT40_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དང་། ཉྲ་གཉིས་ཀའི་ཚིག་དོན་སོགས་ཀྱིས་ཕྱིས། བྱེད་པ་ཅན་ལའང་གྷ་ཉྲ་འོས་དེ་བྱིན། ཉྞི་ཏྲ་ལའོ། ཨཙྲའིའོསརྀཨཱཏྲ། རྀཀྲའིཨྲ་ལསརྲལྲདག་གོསརྲཕ་རོལ། ཉྲ་གྷྲ་ཁྱད་དོན་རྣམས་ཕྱིས་ནས་དྲངས། སཾ་བྷཱ་ར། གྲུབ་པ་ཚོགས་ལ་འཇུག །ཨུ་པ་སྔོན་མའི། ཙིཉྲ་ལཀྟ་སྦྱར། མཐར་ཌཱ་པྲ་དང་ཀུན་ཏུ་བོད་པའི་སུ་བཅས་ཀྱིས། ཨུ་པ་ཙི་ཏེ། གྲུབ། སྔ་མ་དང་སྦྲེལ་བའི་ཆོ་ལས་ལས་ཨཏྲ་ཨེདྲ་འོས་ཨ་ཨུ་དག་གཅིག་ཨོ་བྱས་པ་ཏེ། ཉེ་བར་བསགས་མ་ཞེས་སོ། དེ་དག་ནི་ཨོཾ་བསོད་ནམས་མ་ཀྱེ་བསོད་ནམས་མ། །དཔག་མེད་བསོད་ནམས་ཆེན་མོ་ཀྱེ། །བསོད་ནམས་དང་ནི་ཡེ་ཤེས་ཚོགས། །དཔག་ཏུ་མེད་པ་ཉེར་བསགས་མ། །ཞེས་པའོ། །ཨོཾ་སྔར་བཞིན། སྲྀ་འགྲོ་བ་ལའོ། །ཤི་བ་ལ་སོགས་པ་རྣམས་སོས་རྐྱེན་ཀྭན། ཀྲནྲ་ཕྱིས། ཚིག་ཕྲདརྀཨཏྲ། རྀ་ཀྲའི་ཨ་ྲ་ལས་རྲ་ལྲ། དྲངས། ཨཙྲལསརཧ་ལས་གཉིས་སོས་བ་གཉིས་བརྗོད་པས། སྦ། གྲུབ་པ་ཐམས་ཅད། སམྲ་སྔོན་མའི་ཨུ། ཀྀྲ་ཉྲ་བྱེད་པ་དང་། གྷ་ཉྲ་དང་། ཉི་ཏྲ་ལ་ཨ་ཙྲ་འོས་རྀ་ཨཱཏྲ། རྲ་ཕ་རོལ། ཨི་ཏྲ་ཕྱིས་ནས་སྦྱར། མྲ་ང་རོ། སཾ་པ་རི་ལས་ཀྀྲ་ཉྲའི་སུ་ཊའོ་ཞེས་པས་བྱིངས་ཀྱི་གོད་དུ་སུ་ཊ་ཨཱ་ག་མ་བྱིན། ཊུ་ྐིཏྲ་དག་དང་པོ་ཐ་མ་དག་གོ། །ཞེས་པའི་དོན་དང་། ཨུ་བརྗོད་དོན་ཕྱིས་ནས་སྦྱར་བས། སཾ་སྐཱ་ར། འདུ་བྱེད། པ་རི་སྔོན་མའི་ཤུ་དྷ་དག་པ་ལ་

― LT40_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྟ། དྷཱ་མིན་པ་ལ་ཏྲ་ཐྲ་དག་གི་དྷཱ། ཛྷ་ལྲའི་ཛ་ཤྲ། མཐར་ཌཱ་པྲ་དང་བོད་པའི་སུ་བྱིན་པས། པ་རི་ཤུདྡྷེ། ཡོངས་སུ་དག་པ་མ། ཌུཀིྲཉྲ་འཛིན་པ་ལའོ། །ཌུཉྲ་ཕྱིས། རི། སྟུ། སུ། ཧུ། དྷྲྀ། ཀྵི། ཀྵུ། བྷཱ། ཡཱ། པ་དི། ཡཀྵི།་རྣམས་ལས་མནྲ་འོས་མནྲ་བྱིན། ན་དབྱངས་དོན་ཕྱིས། །བྱ་བའི་དོན་གྱི་ཨི་ཀྲའི་ཨཏྲ་ཨེདྲ་འོས་རྀ་ཨཏྲ་ར་ཕ་རོལ། དྲངས་ནས། ཨ་ཙྲ་ལས་ར་ཧ་ལས་གཉིས་བྱས་པས། དྷརྨྨ། ཆོས་ཏེ། སུ་བྷཱུ་ཏིས། མང་པོར་འཛིན་པར་བྱེད་པས་དྷརྨ། ཆོས་སོ། བུད་མེད་མ་ཡིན་ནོ། སོ་མ་བཞིན་ཏུ་མ་ནྲའོ། །ཞེས་སོ། །གང་འཛིན་ན་འདུས་བྱས་ཐམས་ཅད་ནི་མི་རྟག་པའོ་ཞེས་པ་ལ་སོགས་པ་དང་། གཟུགས་ཀྱི་མཚན་ཉིད་གཟུགས་སུ་རུང་བར་འཛིན་པ་ནས། རྣམ་པ་ཐམས་ཅད་མཁྱེན་པའི་མཚན་ཉིད་ཆོས་ཐམས་ཅད་མངོན་སུམ་དུ་བྱེད་དོ་ཞེས་པའི་བར་གྱི་ཤེས་བྱ་ཐམས་ཅད་ཀྱི་སྤྱི་དང་རང་གི་མཚན་ཉིད་འཛིན་པ་སྟེ། རྣམ་བཤད་རིག་པ་ལས། །ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཆེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་སྡེ་ཚན་བཅུས་བསྟན་པར་མཛད་དོ། །དྷརྨྨྭ་ཾ་བྷཱ་བ། ཆོས་རྣམས་ཀྱི་དངོས་པོའམ་རང་བཞིན་ཞེས། དྷརྨའི་སྒྲའི། དོན་གྱི་རྒྱུ་མཚན་དེ་ཉིད་ངེས་པར་གཟུང་བའི་དོན་ཏུ། ཏྭ་ཏ་ལྲ་དག་དེའི་

― LT40_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་པོའོ། །ཞེས་པས་བྷཱ་བའི་དོན་ལ་ཏལ་བྱིན། དོན་གཅིག་ཉིད་ལ་འོས་སུ་པྲ་འཇིག། འདིར་འཇམ་དཔལ་བརྡ་སྤྲོད་ལས། བ་ལང་ལྟ་བུ་རིགས་ཀྱི། དཀར་པོ་ལྟ་བུ་ཡོན་ཏན་གྱི་རིགས་ཀྱི། སྣམ་བུ་དཀར་པོ་ལྟ་བུ་ཡོན་ཏན་གྱི། འཚེ་དཔལ་སོགས་པ་བྱ་བ་ལ་སོགས་པ་དང་འབྲེལ་བའི། ལྷས་བྱིན་ལྟ་བུ་རྫས་སམ་གནས་སྐབས་ཀྱི་ཁྱད་པར་ཅན་ཐུན་མོང་བའི་ནམ་མཁའ་དང་དངོས་མེད་ལྟ་བུའི་ཉེ་བར་བཏགས་པའི་སྤྱིའི་དངོས་པོ་བརྗོད་པའི་དབྱེ་བ་ཡོད་པར་གསུངས་པ་ལས་འདིར་སྤྱི་རྣམ་གྱི་དངོས་པོ་བརྗོད་པའོ། །ཏ་ལྲའི་མཐའ་རྟག་ཏུ་བུད་མེད་ཉིད་ཀྱི་ཕྱིར་ཌཱ་པྲ་དང་བོད་པའི་སུ་བྱིན་པས། དྷརྨ་ཏེ། ཆོས་ཉིད་མ། གམླྀ་འགྲོ་བ་ལའོ། །ལྀ་ཕྱིས། འདོད་འཇོ་ལས། ཀུན་ཏུ་འགྲོ་བར་བྱེད་དག་ནཾ། ཀུན་འགྲོ་སྟེ་མང་པོ་ཉིད་ལས། ར་ཤི་རུ་ཙི། བྲྀ་ཉྲ་ལས་ཡུ་ཙྲ་འོས། ཨ་མྲ་དབྱི་ཞིང་ཨ་ག་ཊྲ་ཨཱ་ག་མའང་ངོ་། ཞེས་པ་ལྟར་བསྒྲུབས་པས། ག་ག་ན་ནམ་མཁའ་འམ་ཀུན་འགྲོ་སྟེ། སློབ་དཔོན་གྱིས་མང་པོ་ལའོ་ཞེས་སྤྱིར་བཏང་བས་འདིར་དངོས་སུ་མ་བསྟན་ཀྱང་ཤུགས་ཀྱིས་གྲུབ་པ་དེ་ལྟར་ཐོབ་པ་བསྟན་ཏོ། ཉེར་སྒྱུར་སམྲ་དང་ཨུདྲ་སྔོན་མའི་གམླྀ་འགྲོ་བ་ལས་ཀྟ་སྔར་བཞིན་བསྒྲུབས་ནས་མཐར་ཌཱ་པྲ་དང་སུ། དྲངས་པས། ས་མུངྒ་ཏེ། གྲུབ་པ། ཡང་དག་པར་འཕགས་

― LT40_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

མ། སྭ་ན་སྒྲ་ལའོ། ཌཱའོ་ཞེས་པས་ཌཱ་བྱིན། ཌི་ཏྲ་ལ་མཐའི་ཨ་ཙྲ་སོགས་དབྱི། ཌཱ་ཕྱིས་ནས་དྲངས་པས། སྭ་སྟེ་རང་ངམ་ནོར་སོགས་བདག་དང་བདག་གི་པ་ལ་འཇུག་གོ །བྷཱུ་ཡོད་པ་ལའོ། གྷ་ཉྲ། ཉྞིྞཏྲ་ལ་ཨུ་ཨཽ་བྱས། ཨི་ཏྲ་ཕྱིས། ཨི་ཙྲའི་ཨ་ཡྲ་ཨ་བྲ་ཨཱ་ཡྲ་ཨཱ་བྲ་རྣམས་སོས་ཨཽ་ཨཱ་བྲ་བྱས་ནས་དྲངས་པ་ནི་དངོས་པོའམ་ངོ་བོ་བརྗོད་པ་སྟེ་དེ་དག་སྤྲེལ་བས། སྭ་བྷཱ་བ། རང་བཞིན། ཡང་སྔར་ཤུདྡྷེ་རུ་བསྒྲུབས་པ་དེ་འདྲ་བ་ཚར་གཅིག་གི་སྔོན་ཏུ་ཉེར་སྒྱུར་བི་སྦྱར་བས། བི་ཤུདྡྷེ། རྣམ་པར་དག་མ།ཱི་ཉྲ་ཐོ་བ་པ་ལའོ། ཉྲ་ཕྱིས།འི་ན་འོས་ཱི་ནཱི། ཨི་ལས་ཨ་ཙཱ་འོས་དེ་བྱིན། ཙྲ། ཁྱད་དོན་ཕྱིས། བྱ་བའི་དོན་གྱི་ཨི་ཀྲའི་ཨ་ཏྲ། ཨེ་ཨ་ཡྲ། དྲངས། མ་ཧཱ་ནྲ་དང་བསྡུ་བ་བྱས་པས། མ་ཧཱ་ན་ཡ། ཚུལ་ཆེན་མོའམ་འདྲེན་པ་ཆེན་པོ། པ་རི་སྔོན་མའི་བྲྀ་ཉྲ་སྒྲིབ་པ་ལས་གྷ་ཉྲ་བྱིངས་ཀྱི་རྀ་ཨཱ། རྀ་ཀྲའི་ཨྲ་ལས་རྲ་ཕ་རོལ་སོགས་ཀྱིས། པ་རི་ཝཱ་རེ། ཡོངས་སུ་བསྐོར་བ་སྟེ་ཐམས་ཅད་དུ་ཁྱབ་པའི་དོན་ཡིན་ཞིང་ཌཱ་པྲ་དང་སུ་བྱས་པའོ། །ཉེར་སྒྱུར་སུ་དར་ཨཱ་དྲ་སྔོན་མའི། །ཨོཾ་ཧཱ་ཀྲ་གཏོང་བ་ལའོ། ཨོ་དང་ཀྲ་དང་ཉེར་སྒྱུར་གྱི་ང་རྣམས་ཁྱད་དོན་ཡིན་པས་ཕྱིས། ཀྭི་པྲ། བི་ཙྲ་མ་ནི་ནྲ། ཀྭ་ནི་པྲ། བ་ནི་པྲ་རྣམས་སོས་ཀྭི་བྲ་བྱིན། པྲ་ཡིག་ཐུང་ངུའི་ཏིང་མ་ཡིན་པའི་

― LT40_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

པི་ཏྲ་ལ་ཏུ་ཀྲའོ་ཞེས་པའི་དོན་དང་། །གཞན་རྣམས་ཀི་ནྲ་དང་ཁྱད་མེད་པས་མདོ་དེར་དྲངས་པ་རྣམས་ཀྱིས་ཕྱིས། ཨིྙ་ཀྲའི་ཨ་ཙ་ལ་ཡ་ྲ་འོས་སུའི་ཨུ་བ་རུ་སྒྱུར་ནས་དྲངས་པ། སྭཱ་ཧཱ། གྲུབ་པ་རིགས་བྱེད་ཀྱི་སྐབས་སུ་སྦྱིན་པའི་དོན་ཅན་སྭ་དྷཱ་སོགས་དང་ཁྱད་མེད་པར་མཛོད་རྣམས་སུ་བཀྲལ་ཞིང་། འདིར་གཞི་ཚུགས་ཤིག་པ་སྟེ་རིག་སྔགས་བརྟན་པའི་དོན་ཏུ་སྦྱར་བ་རྡོ་རྗེ་སློབ་དཔོན་དེ་ཉིད་རིག་པ་རྣམས་ཀྱིས་གསུངས་སོ། །དེ་དག་བསྡོམས་པས། ཨོཾ་འདུ་བྱེད་ཐམས་ཅད་ཡོངས་དག་མ། །ཆོས་ཉིད་ཀུན་འགྲོ་ཡང་དག་འཕགས། །རང་བཞིན་རྣམ་དག་ཚུལ་ཆེན་མོ། །ཡོང་སུ་ཁྱབ་པ་མོ་སྭཱ་ཧཱ། །ཞེས་སོ། ༈། དེ་ནས་ཡི་གེ་བརྒྱ་པའི་སྒྲ་བསྒྲུབ་རྒྱུད་ཉུང་གི་ཆོ་ག་ནི། ཐོག་མར་དམ་བཅའ་བ་དང་བཀྲ་ཤིས་པའི་དོན་ཏུ་ཨོཾ་ཞེས་པ་ནི། ཀཱ་མ་དྷེ་ནུར། །ཨོཾའི་སྒྲ་པྲ་་བ་སྟེ་རབ་བསྔགས་སུ་གྲགས་པའོ། །ཨེ་བ་ཀཱར་ལ་སོགས་བཞིན་ཏུ་ཡི་གེའི་སྒྲའི་ཚིག་སྡུད་ནི་འདིར་རྐང་པ་ཁ་སྐོང་བའི་དོན་ཏེ། ཨོཾ་ནི་ཨེ་ཝཾ་རབ་བསྔགས་དོན། ཞེས་དྲག་པོས་སོ། །འབྱུང་པོ་རྣམས་སྲུང་བར་བྱེད་པས་ཨོཾ་སྟེ་ཨ་བ་ལས་བྱོ་མནྲ་ལ་སོགས་པ་ཉིད་ཀྱི་ཕྱིར་མ་ནི་ནྲ་དང་། དེའི་འང་མཐའི་ཨ་ཙྲ་ལ་སོགས་པ་དབྱིའོ། ཛྭཱ་ར་ཏྭ་ར་ཞེས་པས་ཨུཋཱའོ། །

― LT40_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་ཏྲ་ཨེ་དྲའོ། །རང་བཞིན་གྱིས་གྲངས་མེད་པ་ཉིད་དོ། །ཞེས་གསུངས་པའི་ཆོ་ག་སྔར་ཙཱནྡྲ་པའི་ལུགས་ལྟར་བཤད་པ་དེ་ལྟར་ལས་ཀ་ལཱ་པའི་རྒྱ་འགྲེལ་རྣམས་ནས་དམིགས་བསལ་བཤད་པ་མ་མཐོང་བས་སྔ་མས་རིགས་འགྲེ་བ་མི་སྤོབས་ཏེ། །མདོ་སྔགས་ཀྱི་གཞུང་ཆེན་པོ་རྣམས་ནས་བསྟན་བྱའི་ས་ལམ་མམ། །གྲུབ་འབྲས་ཀྱི་བྱང་ཆུབ་ལ་གཅིག་ཀྱང་། །དེ་སྟོན་བྱེད་ཀྱི་གཞུང་དབུ་ཕར་འདུལ་མཛོད་དམ། །བདེ་དགྱེས་སོགས་གནས་སྐབས་དེ་དང་དེར་ཆོས་སྐད་ཚུན་མ་འདྲེས་པར་སྨྲ་ཤེས་དགོས་པ་དེ་བཞིན་ཏུ། །འདིར་བསྒྲུབ་བྱའི་གྲུབ་གཟུགས་གཅིག་ཀྱང་སྒྲུབ་བྱེད་ཀྱི་ཆོ་ག་ལ་མཚམས་སྦྱོར་ཚུན་སྒྲ་གཞུང་སོ་སོའི་བྱེད་ཚུལ་དང་གོ་བ་མཐའ་གཅིག་ཏུ་འདྲ་བ་མ་ཡིན་པ་འཕགས་ཡུལ་མཁས་པའི་ངག་ཁུངས་མ་མིན་པའི་རང་རང་གི་རྟོག་བཟོ་ལ་དཔྱོད་ལྡན་རྣམས་ཡིད་ཆེས་པར་མི་འགྱུར་རོ། །བཛ་འགྲོ་པ་ལའོ། བསི། བ་ཛི། བྲྀདྷི། ཨི་ནི་རྣམས་ལས་རནྲ་འོས་རནྲ་བྱིན། ནྲ་དབྱངས་དོན་དང་བྱིངས་མཐའི་ཨ་བརྗོད་དོན་ཕྱིས་ནས། །གསལ་བྱེད་དབྱངས་མེད་པ་ཕ་རོལ་གྱི་ཡི་གེར་དྲང་བར་བྱའོ་ཞེས་པས་ཨུ་ྲ། ཛྲ་སྲོག་མེད་རའི་མགོ་བོར་དྲངས་པས། བཛྲ་གྲུབ་སྟེ། འདོད་འཇོར། སུས་ཀྱང་ཕྱིར་གཞོམ་དུ་མི་ནུས་པར་འགྲོ་བས་སནསྙན། ན་བཛྲཿ

― LT40_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་སྟེ་ཨིནྡྲ་བཞིན་ཏུ་རཀྲ་འོ་ཞེས་གསུངས། འདི་དང་འཆད་འགྱུར་ཨུྲ་སོགས་ཀྱིས་བསྒྲུབ་དགོས་པ་རྣམས་ཙཱནྡ་པའི་ཨུྲ་མདོ་ལྟར་ལས། ཀ་ལཱ་པའི་ཨུྲ་སོགས་དཔེ་ད་ལན་མ་འབྱོར་ལ། །དབྱངས་ཅན་གྱི་ཨུ་་སོགས་ནི་བོད་དུ་མ་འགྱུར་བའི་ཕྱིར་རོ། །འདི་ལ་བོད་རྣམས་ཀྱིས། ཊུ་ཨོ་སྥུ་རྫཱ་རྡོ་རྗེའི་སྒྲ་ལའོ་ཞེས་པར། རཀྲ་བྱིན་ནས་སྥུ་རྫིའི་བ་ཛི་རུ་བསྒྱུར་བ་སོགས་བྱས་འདུག་ཀྱང་། དེ་ལྟར་བསྒྱུར་བའི་མདོ་ཀ་ལཱ་པའི་གཞུང་དུ་ནི་མེད་བཞིན་བྱིངས་ཀྱི་འགྲེལ་པར་ཡང་དེ་ལྟར་བསྒྱུར་བའི་བསྒྲུབ་པ་ཡོད་ན་ཏིཥྛ་ཏི་སོགས་བཞིན་ཏུ་བསྟན་རིགས་པ་ལ། སྥུརྫ་ཏི། བསྥུརྫ་ཐུཿ པྲ་སྥུརྞྞཿ ལ་སོགས་པ་ལས་མ་བྱུང་བ་མ་ཟད་མཛོད་རྣམས་ལས་བཤད་མ་ཐག་པ་ལྟར་བྱུང་བས་ལུགས་ཕྱི་མ་དེ་བསྒྲུབ་བྱ་ལས་སྒྲུབ་བྱེད་དུ་མི་འགྲོ་བར་སེམས་སོ། ཨ་པ་ཡོད་པ་ལའོ། བྱིངས་མཐའི་ཨ་ཕྱིས། ད་ལྟར་བ་ལ་དང་པོ་དང་གཞི་གཅིག་མིན་པ་དང་བོད་པ་དག་ལ་ཤནྟྲྀ་དྲ་ཨཱ་ན་ཤྲ་དག་གོས་ཤིནྟྀ་དྲ་བྱིན། ཤྲ་ཡིག་ནི་བྱིངས་ཐམས་ཅད་པ་བཞིན་བྱ་བའི་དོན་དང་། དྲ་ཡོན་ཏན་མེད་པའི་དོན། རྀ་ཁྱད་པར་ཀྲྀ་ཏྲ་གྱི་དོན་ཡིན་པས་ཕྱིས། བྱེད་པ་པོ་ལ་ཨནྲ་ཏེ་བི་ཀ་ར་་འོས་ཨནྲ་བི་བར་རྐྱེན་བྱིན་པ། ཨདྲྲ་སོགས་ལས་ཐི་ཀ་ར་འི་འཇིག་གོས་དེ་འཇིག ཨྸ྄་སྟིའི་དང་པོའི་འོ་

― LT40_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པས་བྱིངས་ཀྱི་ཨ་ཕྱིས་ནས་སྦྱར་བས། སནྟྲ་གྲུབ། ཀྲྀ་ཏྲ། དངོས་པོ་ལ་ཏ་ཏྭ་དག་གོས་ཏྭ་བྱིན། ཨ་ནུ་ཥངྒའང་ཀྲུཉྩ་དང་ཨི་ཏ་མ་ཡིན་པའི་འོས་ནྲ་ཨ་ནུ་ཥངྒ་ཕྱིས། །གསལ་བྱེད་དབྱངས་མེད་པ་ཕ་རོལ་གྱི་ཡི་གེར་དྲངས་པས། ས་ཏྟྭཾ། སྙིང་སྟོབས་ཏེ་གནས་པའི་བདག་ཉིད་དོ། །ཞེས་བཤད་ཅིང་། ཡང་ས་ཏྭ་ཞེས་འདོན་པ་ལྟར་ན། ཥངླྀ་རྒྱས་པ་དང་འགྲོ་བ་དང་ཀུན་ནས་བརྙས་པར་བྱེད་པ་ལའོ། ལྀ་ཕྱིས། ཨཱ་བྱིངས་ཀྱི་དང་པོའི་ཥའི་ས་འོས་ཥས། ཤི་བ་ལ་སོགས་པ་རྣམས་སོས་ཀྭནྲ་འགྱུར་ཏེ་མང་པོ་ཉིད་ལ་སྤྱིར་བཏང་བའི་ཕྱིར། ཚིག་འཕྲད་ལས་དྲ་ཏུ་བྱས་ནས་དྲངས་པས། ས་ཏྭ། ཀུན་ཏུ་འགྲོ་བས་སེམས་ཅན་རྣམས་སྙིང་སྟོབས་སོ། ཨུ་། ཉེར་སྒྱུར་སམྲ་སྔོན་མའི་ཨཡྲ་འགྲོ་བ་ལའོ། །སྐྱེས་པྲ་ལ་མིང་ལ་གྷ་འོས་གྷ་བྱིན། གྷ་ཡིག་ནི་ཙྲ་ཚ་དག་གི་དྷུཊ་ལ་སོགས་ཀྱི་ཁྱད་དོན་ཏེ་ཕྱིས་ནས་དྲངས་པས། ས་མ་ཡ། ཡང་དག་པར་འགྲོ་བ་སྟེ། །མཛོད་རྣམས་ལས་དུས་སྐབས་ལ་འཇུག །པར་བཀྲལ་བར། སྔགས་ཀྱི་རྒྱུད་དུ་ཀྲྀ་ཏྲ་དམ་ཚིག་ཅེས་སྔོན་གྱི་མཁས་གྲུབ་རྣམས་ཀྱིས་བསྒྱུར་བའང་། བདེ་བ་ཆེན་པོ་འཕོ་འགྱུར་མེད་པ་སྐད་ཅིག་གཅིག་གི་རྟག་པའི་དུས་དེ་ལས་གཞན་ཏུ་འདར་མེད་པ་གཞི་འབྲས་དབྱེར་མེད་ཀྱིས་མ་

― LT40_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་དང་། གནས་སྐབས་བཞི་ཡི་དྭངས་མའི་སེམས་ཀྱི་ཐིག་ལེ་ཇི་ལྟར་སྣང་ཞིང་འཕོ་བའི་དུས་དེ་ལས་མི་འདའ་བས་ལམ་གྱི་ས་མ་ཡ་སྟེ། མཁས་རློམས་འགའ་ཞིག་གིས་པཏླྀ་འགྲོ་བ་ལས་ས་ཏྭ་གྲུབ་པ་གཞན་དང་མི་མཉམ་པར་བཀྲལ་བ་དང་། དམ་ཚིག་གི་སྒྲ་བཤད་ལ་དམ་པ་དང་ཚིག་པར་སྨྲ་བའང་སྣང་བའི་སྔ་མ་ནི། བྱིངས་མདོར། པཏླྀ་དང་པ་ཐའང་འགྲོ་བ་ལའོ། །ཞེས་ཡོད་པར་བཤར་བྲིས་ཀྱི་ས་པ་མ་ཕྱེད་པ་ལས། པཏླི་འགྲོ་བའི་བྱིངས་ཟེར་བ་མེད་ཅིང་། ས་ཏ་མདོ་ཡི་བྱིངས་ཟེར་བ་སྣང་ནའང་སྐབས་དོན་མ་ཡིན་ལ། རྒྱ་དཔེའི་དོན་མ་ཤེས་རུང་གློག་ཙམ་མི་ཤེས་པའི་མཁས་བདེ་འདྲ་བ་ཡ་མཚན་ཞིང་། ཕྱི་མ་ལྟར་ནའང་སྔ་འགྱུར་གྱི་རྒྱུད་རྣམས་ལས་སྔགས་ཕྱིས་བསྣན་གྱི་ངེས་ཚིག་གི་བཤད་པ་དང་། བྱིངས་ཀྱི་དོན་འཇལ་བའི་བཤད་སྲོལ་ཁ་ཅིག་ཡོད་དུ་ཆུག་ཀྱང་། འདིར་ལེགས་པར་སྦྱར་བའི་སྐད་ཀྱི་སྒྲ་དོན་དང་འཇུག་ཡུལ་འཆད་པ་ནས་དེ་དང་མཐུན་པར་འཆད་དགོས་ཀྱི། ཤེས་བྱ་རྒོག་བརྡུང་མི་བྱའོ། དེ་ཡང་། བཛྲ་ས་ཏྭ་ལ། ནཱ་ བོད་པ་ལའང་ངོ་ཞེས་པས་སི་སམྦུདྡྷིི་བྱིན། ཐུང་ངུ་ནཱ་དི་ཤྲདྷ་རྣམས་ལས་སི་དབྱིའོ་ས་དེ་དབྱི། ཀྱེ་རྡོ་རྗེ་སེམས་དཔའ། ཞེས་མཚན་ནས་མངོན་པར་བསྐུལ་ཏེ་བོད་པའི་དོན་ཏོ། །

― LT40_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་བྱ་བའི་ལས་ཡིན་པས་ས་མ་ཡ་ལ། ལྷག་མ་རྣམས་ལས་བྱེད་པ་སོགས་ཀྱིས་གཉིས་པའི་ཨ་མྲ་བྱིན། ཨ་ཡིག་ལ་དབྱིའོ་ཞེས་པས་རྟགས་མཐའི་ཨ་ཕྱིས་ནས། །གསལ་བྱེད་དབྱངས་མེད་སོགས་ཀྱིས་མྲ་སྲོག་མེད་ཨའི་སྟེང་དུ་དྲངས། ཅཱ་ ས་མ་ཡ་མྲ། དམ་ཚིག་ལ། ཉེར་སྒྱུར་མ་ནུ་སྔོན་མའི་ཙུ་ར་ནཱ་སོགས་ཀྱིས་པཱ་སྲུང་བ་ལའོ། །ཞེས་པའི་བྱིངས་སན་བཞག །ཙུ་ར་སོགས་ལས་ཀྱང་ངོ་ཅེས་པས་བྱིངས་དོན་ལ་ཨིནྲ་ཀཱ་རི་ཏ་བྱིན། པཱ་ཏིའི་ལ་མཐའ་འོས་བྱིངས་མཐར་ལ་ཨཱ་ག་མ་བྱིན། ལའི་ཨ་དང་རྐྱེན་གྱི་ནྲ་ཕྱིས་ནས་དྲངས་པས། པཱ་ལི་གྲུབ། དེ་རྣམས་བྱིངས་ཨཱ་སོ་ཞེས་སླར་ཡ་ང་ཀྲྀཏྲ་དང་ཀུན་བཤད་ཀྱི་རྐྱེན་རྣམས་འཇུག་པར་ཨཱ་འགྱུར་བས། བྱ་བ་ཡང་དག་པ་མངོན་པར་སྡུད་པ་ལ་དུས་ཐམས་ཅད་དུ་པཉྩ་མཱིའི་དབུས་མའི་གཅིག་ཚིག་ཨཱ་གོས་ཧི་བྱིན། བྱེད་པ་པོ་ལ་ཨནྲ་ཏེ་བི་ཀ་ར་། ནཱ་མི་ནྲ་མཐའི་བྱིངས་དང་བི་ཀ་ར་་དག་གི་ཡོན་ཏན་ནོས་ཨཱ་བྱིངས་མཐའི་ཨི་ཡོན་ཏན་ཨེ་བྱས། སནྲ་ཨེ་ཨ་ཡྲ་འོས་མཚམས་སྦྱར་ནས་དྲངས། །ཨ་ཡིག་ལས་ཨཱ་ཧནྟི་མ་ཨཱ་ཡིན་པ་ལས་ཧིའི་འོས་ཧི་ཨཱ་འཇིག་པས། མ་ནུ་པཱ་ལ་ཡ། རྗེས་སུ་སྐྱོངས་ཤིགས་པའོ། ཡང་། བཛྲ་སཏྭ་ལ་བོད་སི་བཅས་སྔར་ལྟར། ཡུ་ཥཱི་འཚེ་བ་ལའོ། །

― LT40_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱི་ཕྱིས། ཨ་སི་ཡུ་ཥི་དག་ལས་མ་དིཀྲ་འོས་མ་དིཀྲ་བྱིན་པའི་ཨིཀྲ་ཕྱིས་ནས་དྲངས་པས། ཡུཥྨ་དྲ་གྲུབ་པ་ཁྱོད་ཅེས་པའོ། །བྱེད་པ་པོའི་དོན་ལ་གསུམ་པའི་ཊཱ་བྱིན། ཏྱ་དྲ་སོགས་རྣམས་ཀྱི་རྣམ་དབྱེ་ལ་ཨུ་་ཨ་འོས་དྲ་ཨ། ཊཱ་ཨི་ནའོ་ས་ཊཱ་ཨི་ནར་བསྒྱུར། ཨ་ཡིག་ལ་དབྱི་འོས་ཨ་ཨུ་པ་དྷཱ་ཕྱིས་ནས་དྲངས། ཨའི་ཡི་གེ་ཨིའི་ཡི་གེ་ལ་ཨེ་འོས་རྟགས་ནཱ་མཐའི་ཨ་ཨེ་བྱས། ཕ་རོལ་གྱི་ཨི་ཕྱིས་པས། ཏྭེ་ན་ཁྱོད་ཀྱིས། འདིར་མ་བསྒྱུར་བ་ལ་ཨེ་།།།ཉིད་དུ་མི་འགྱུར་རམ། ཞེ་ན་མི་འགྱུར་ཏེ། ས་ནྲ་ དེའི་སྔ་ལོགས་སུ་བསྒྱུར་ཟིན་པའི་ཕྱིར་རམ་མཆོག་གི་སྦྱོར་བ་ལས་སོ། །ཉེར་སྒྱུར་ཨུ་པ་སྔོན་མའི་ཥྛཱ་འགྲོ་བ་ལས་ལྡོག་པ་ལའོ། །བྱིངས་ཀྱི་དང་པོའི་ཥ་ས། རྒྱུ་མཚན་མེད་ན་རྒྱུ་མཚན་ཅན་ཡང་མེད་པས་ཋཱ་ཋཱ་རུ་ལོག །མདོ་སྔ་མས་པཉྩ་མཱིའི་ཧི་དང་། །ཨནྲ་བི་བྱིན། སྠཱའི་ཏིཥྠཱོ་ཞེས་པས་སྠ་ཏིཥྛར་བསྒྱུར་བའི་མཐའི་ཨ་བརྗོད་དོན་ཕྱིས་ནས། ཨ་ནྲ་བིའི་ནྲའང་ཁྱད་དོན་ཕྱིས་པ་ལ་སྦྱར། ཧི་འཇིག །ཨུ་པ་ཏིཥྛ། ཉེ་བར་བཞུགས་ཤིག །དྲྀཌྡྷ་བརྟན་པ་ལའོ། །ནཱ་མི་ཨུ་པ་དྷཱ་དང་པྲྀ་ཀྲཱྀ་གྲཱྀ་ཛྙ་རྣམས་ཀྱི་ཀ་འོས་ཀ་བྱིན། ཀ་ཁྱད་དོན་དང་བྱིངས་མཐའི་ཨ་ཕྱིས་ནས་རྐྱེན་གྱི་ཨ་ལ་དྲངས། རྟགས་ཀྱི་དོན་གྱི་ཚིག་ལ་རྣམ་དབྱེ་དང་པོ་འོས་

― LT40_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

སི་ཕྱིན་པའི་ཨི་རྗེས་འབྲེལ་ཕྱིས། ནཱ་རེ་ཕ་དང་སྲ་ངག་གི་རྣམ་པར་བཅད་བྱའོ་ཞེས་པས་སྲ་རྣམ་བཅད་བྱས་དྲྀ་ཌྷཿབརྟན་པ། བ་རི་བྲྀཌྷ་བྲཌྷ་དག་ངོ་བོ་དང་སྟོབས་ལྡན་དག་ལའོ་ཞེས་པའི་ཚིག་ཕྲད་ཀྱི་དྲྀཌྡྷ་ནི་འདི་དང་གཟུགས་གཅིག་ཀྱང་སྐབས་དོན་མ་ཡིན་ནོ། །ཨ་སུ་འཕེན་པ་ལས་མ་དི་ཀྲ་བྱིན་པའི། ཨསྨདྲ་ནི་བདག་ཅེས་ཀྲྀ་ཏྲ་པའོ། དེ་ལ་ཡང་དག་པར་རབ་ཏུ་སྦྱིན་པའི་དོན་ལ་བཞི་པའི་ངེ་། ངེ་ལ་ཏུ་བྷྱཾ་མ་ཧྱཾ་འོས་ཨསྨདྲ་རྣམ་དབྱེ་དང་བཅས་པ་མ་ཧྱ་མ་ཏུ་བསྒྱུར་བ་སླར་ཡང་ཚིག་ལས་ཕ་རོལ་དུ་སོན་པས་ཏྭ་དྲ་མད་དག་གི་གཅིག་ཉིད་ལ་ཏེ་མེ་སྟེ་ཞེས་པས། མ་ཧྱཾ་མེ་རུ་བསྒྱུར་བས། མེ། ཞེས་ནཱ་པ་ནི་བདག་ལ་ཞེས་པའོ། །བྷཱུ་ཡོད་པ་ལའོ། །སྔར་བཞིན་པཉྩ་མཱིའི་ཧི་དང་ཨནྲ་བི། ནཱ་མིའི་མཐའི་བྱིངས་ཡོན་ཏན་ཨོ། ཨོ་ཨ་ནྲའོ་ས་མཚམས་སྦྱར་ནས་ཨ་ལ་དྲངས། ཧི་འཇིག་པས། བྷ་བ། མཛོད་ཅིག །ཅེས་བསྐུལ་བའི་ཚིག་གོ། །སུ་སྔོན་མའི་ཏུ་ཥ་དགའ་བ་ལའོ་ཨཱ་ཞེས་པའི་བྱིངས་བཞག་ནས་ས་ནྲ་ཨ་ཕྱིས། རྀ་ཡིག་དང་གསལ་བྱེད་མཐའ་ལས་གྷྱ་ྲའོ་ཞེས་པས་ལས་ཀྱི་དོན་ལ་གྷྱ་ྲ་བྱིན།ྲ་ཨི་ཙྲ་བཞིན་ཏུ་འགྱུར་བའི་དོན་དང་། གྷྲ་ཁྱད་དོན་ཕྱིས། ཀུ་ཙ་ཨཱ་སོགས་ཀྱི་ཨིནྲ་ཨི་ཙྲ་ཨཊྲ་རྣམས་མ་ཡིན་ཀྲཱི་ཏྲ

― LT40_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལའོ་ཞེས་བཀག་པའི་ཤེས་བྱེད་ལས། ཨུ་པ་དྷཱ་ནཱ་མིནྲ་གྱིའང་ཡང་བའི་འོས་བྱིངས་ཀྱི་ཨུ་ཡོན་ཏན་ཨོ་བྱས། རྟགས་ཀྱི་དོན་ལ་སི་སྟེར། འཆི་མེད་སེང་གེའི། མིང་མིན་བྱེད་པ་པོ་ལ་ཀྲྀ་ཏྲ་རྣམས་ཏེ་བྱེད་པ་པོ་དང་ལས་ལ་ཀྲྀ་ཏྱ་རྣམས་ཞེས་ཨཱ་གསུངས་པའི་དོན་འགྲེལ་པ་ཚིག་གི་ཟླ་བ་ལས། བྱེད་པ་པོ་དང་ལས་ཀྱི་དོན་ལ་བསྒྲུབས་པའི་ཏ་བྱ་ལ་སོགས་པ་ཀྲྀ་ཏྱའི་མཐའ་ཅན་རྣམས་བརྗོད་བྱའི་རྟགས་སུ་འགྱུར་རོ། །ཞེས་དཔེར་བརྗོད་པ་དང་བཅས་གསུངས་པ་ལྟར། འདིར་སྐྱེས་པའི་རྟགས་ལྟར་སྲ་རྣམ་བཅད་དུ་བསྒྲུབས་པས། སུ་ཏོཥྱཿཤིན་ཏུ་ཚིམས་པ། མེ་ཞེས་པ་དང་། བྷ་བ་ནི་སྔར་ལྟར། སུ་སྔོན་མའི་པུ་ཥ་རྒྱས་པ་ལའོ་ཞེས་པའི་བྱིངས་ལའང་གྷྱ་གྱིས་བཤད་མ་ཐག་པ་ལྟར་བསྒྲུབས་པས། སུ་ཏོ་ཥྱཿ ཤིན་ཏུ་རྒྱས་པ། མེ་བྷ་བ་སྔར་དང་འདྲ། ཨ་ནུ་སྔོན་མའི་རཉྫ་ཚོས་ལའོ། །ཞེས་པར། དངོས་པོ་དང་ལས་དག་ལ་ཀྲྀ་ཏྱ་ཁལྲ་ཀྟའི་དོན་རྣམས་སོ་ཞེས་པ་གཞིར་བཞག་ནས། ནིཥྛཱའོ་ཞེས་པས་ཀྟ་བྱིན། བྱངས་མཐའི་ཨ་ཕྱིས། ཨི་ཏྲ་རྗེས་སུ་འབྲེལ་བ་མ་ཡིན་པ་རྣམས་ཀྱིས་ཡོན་ཀྲྀ་ཏྲ་ཏན་མེད་པ་ལ་ཨ་ནུ་ཥཾ་གའི་དབྱི་འོས་ཉྲ་ཕྱིས། ཙ་ཛ་དག་ཀྲྀ་ཏྲ་གི་དྷུ་ཊྲ་གྷ་རྗེས་སུ་ཀྲི་ཏྲ་འབྲེལ་བ་ལ་ཀ་ག་དག་གོས་ཛྲ་གྲ། སྒྲ་མེད་ཨཱ་པ་

― LT40_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དང་པོ་འོས། གྲ་ཀྲ་བྱས། གསལ་བྱེད་དབྱངས་མེད་ཕ་རོལ་གྱི་ཡི་གེར་དྲངས། སི་བྱིན་པས། ཨ་ནུ་རཀྟཿརྗེས་སུ་ཆགས་པ། མེ་བྷ་བ། སྔར་དང་ཁྱད་མེད། །སྲྀ་འགྲོ་བ་ལས་ཨུྲ་སོགས་ཀྱི་ཀྭནྲ་དང་ཚིག་ཕྲད་ལས་ཡོན་ཏན་བྱས་པས། སརྦ། ཐམས་ཅད། ཥི་དྷུ་བསྟན་བཅོས་ལ་སྟེ་བཀྲ་ཤིས་པ་ལའང་ངོ་ཞེས་པའི་བྱིངས་བཞག །ཨཱུ་ཕྱིས། །བྱིངས་ཀྱི་དང་པོའི་ཥ་ས། གྷ་ཌྡྷ་དྷ་བྷ་རྣམས་ལས་དྷཱ་མིན་པ་ལས་ཏ་ཐ་དག་གི་དྷའོ་ཞེས་པས་ཏི་དྷི། དྷུ་ཊ་རྣམས་ཀྱི་བཞི་པ་རྣམས་ལ་གསུམ་པ་འོས་དྷ་སྔོན་མ་དར་བསྒྱུར་ནས་དྲངས། བྱ་བའི་ལས་ལ་ཨཱ་གཉིས་པའི་ཨ་མྲ་ཨཱ་བྱིན། ཨགྣི་ལས་ཨམྲ་གྱི་ཨ་ཡིག་གོས་ཨ་ཕྱིས་ནས། མྲ་ཨཱ་གསལ་བྱེད་ལ་རྗེས་སུ་ང་རོ་བྱས་པས། སིདྡྷི༚། དངོས་གྲུབ། མེ་སྔར་དང་འདྲ་སྟེ་བདག་ལ་ཞེས་པའོ། །པྲ་སྔོན་མའི་དཱ་་སྦྱིན་པ་ལའོ་ཞེས་པར་པཉྩ་མཱིའི་ཧི་དང་ཨནྲ་བི་བྱིན། སན་དཱྲའི་ཡཙྪའོ་ཞེས་པས་བྱིངས་ཡཙྪར་བསྒྱུར་བའི་མཐའི་ཨ་ཕྱིས་ནས་དྲངས། ཧི་འཇིག་པས། པྲ་ཡཙྪ། རབ་ཏུ་སྩོལ་ཅིག་ཅེས་པའོ། །ཡང་། སརྦ་བཞག །ཌུཀྲྀཉྲ་བྱེད་པ་ལའོ། །ཌུཉྲ་ཕྱིས། ཨཱ་ གཞན་རྣམས་ལས་ཀྱང་མཐོང་ངོ་ཞེས་པས་མ་ནིནྲ་བྱིན། ནྲ་དབྱངས་དོན། །

― LT40_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

ཨི་བརྗོད་དོན་ཕྱིས། ནཱ་མིའི་མཐའི་སོགས་ཀྱིས་རི་ཨ་ཏྲ་ཡོན་ཏན་བྱས་ནས་དྲངས་པས། ཀརྨ་ནྲ། གྲུབ། དེ་ལ་རྣམ་དབྱེ་བདུན་པའི་སུ་པྲ་བྱིན། པ་ཕྱིས། རྟགས་མཐའི་ནྲ་ཡིག་གོས་ནྲ་ཕྱིས། ན་དང་བརྩེགས་ཨཱ་པའི་མཐའ་ཕྱིས་པ་ནི་སྔ་མའི་ཆོ་ག་ལ་མ་ཕྱིས་པ་བཞིན་འོང་ངོ་ཞེས་པས་དྷུཊྲ་མང་པོ་རྣམས་ལ་ཨེ་སོགས་མི་འགྱུར་བས། ཀརྨ་སུ། ལས་རྣམས་ལ། དེ་དང་མི་ཟད་ནཱ་པའི་དང་གི་དོན་གྱི་ཙ་བསྡུས། སྔར་བསྒྲུབས་པའི་མེ་སྦྱར། ཡང་། ཙི་ཏཱི་སེམས་པར་བྱེད་པ་ལའོ། །ཨི་ཁྱད་དོན་ཕྱིས། ནིཥྛཱ་འོས་ཀྟ་ཀ་ཕྱིས། དྲངས་ནས་གཉིས་པའི་ཨམྲ་སྦྱར། ཨ་ཡིག་ལ་དབྱི་འོས་རྟགས་མཐའི་ཨ་ཕྱིས་ནས་སྦྱར་བས། ཙིཏྟཾ། སེམས་ལ། པྲ་སྔོན་མའི་ཤཾ་སུ་བསྟོད་པ་ལ་གྷྱ་དང་། ཀྲི་ཏྲ་ཨི་ཏྲ་རྗེས་སུ་འབྲེལ་པ་མིན་པའི་ཡོན་ཏན་མེད་པ་ལ་ནྲ་ནཱ་ཨ་ནུ་ཥཾ་ག་ཕྱིས་པས། པྲ་ཤ་སྱ། གྲུབ་པ་བསྔགས་འོས་ལ་འཇུག །ཀུན་བཤད་ལས་ཀྱང་ཏ་མ་སོགས་རྣམས་སོ་ཞེས་པས་དེ་ཨཱུ་ཨ་ཨཱི་ཡནྶུ་བྱིན། ཨུ་ཕྱིས། འདི་ཉིད་བྱིངས་མདོན། དེ་བཞིན་ཏུ་ཨིཥྛ་དང་ཨི་ནཱ་མ་ནྲ་དང་ཨི་ཡནྶྲ་རྣམས་ལ་མང་པོའོ་ཞེས་སྤྱིར་བཏང་ནས། པྲ་ཤ་སྱའི་ཤྲའོ་ཞེས་པས་དེར་བསྒྱུར། ཨའི་སཱནྲ་ཡི་གེ་ཨིའི་ཡི་གེ་ཨེ་ཕ་

― LT40_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་གྱི་ཨཱི་ཕྱིས། དང་པོའི་སི་བྱིན། འདིའང་བརྗོད་བྱའི་རྟགས་ཅན་ཡིན་པས་ཙིཏྟཾ་མ་ནིང་གི་རྟགས་ཡིན་པ་ལྟར་ཤྲེ་ཡནྶྲའང་དེར་འགྱུར་བའི་ཕྱིར། ཨ་ནུ་ཥཾ་གའང་ཀྲུཉྩ་དང་ཨིཏ་མ་ཡིན་པའི་འོས་མ་ནིང་ལ་སི་གྷུཊྲ་མིན་པས་ན་ཨ་ནུ་ཥཾ་ག་དབྱི། མ་ནིང་ལ་སི་ཨམྲ་དག་གི་དབྱི་སྟེ་དེ་ལ་བརྗོད་པའང་མ་ཡིན་ནོ་ཞེས་པས་སི་ཕྱིས། རེ་ཕ་དང་སྲ་དག་གི་ནཱ་རྣམ་པར་གཅད་བྱ་བྱས་པས། ཤྲེ་ཡཿདགེ་ལེགས་ཕུལ་དུ་བྱུང་བ་བརྗོད་པའོ། ནཱ་ཌུཀྲྀཉྲ་བྱེད་པ་ལའོ། །ཌུཉྲ་ཕྱིས། པཉྩ་མཱིའི་ཧི་བྱིན། ཏནྲ་སོགས་ལས་ནཱ་ཨུའོ་ཞེས་པས་བར་རྐྱེན་ཨུ་བི་བྱིན། ཀ་རོ་ཏིའི་འོ་ཞེས་པས་རྀ་ཡོན་ཏན་ཨརྲ་བྱས་ནས་དབྱངས་མེད་པ་ཕ་རོལ་གྱི་སྟེང་དུ་དྲངས། ཨཱ་བྱིངས་ཐམས་ཅད་པ་ལ་ཡོན་ཏན་མེད་པ་ལ་ཨ་ཡིག་གི་ཨུ་ཡིག་གོས་ཀ་ཀུ། །ཨུ་ཡིག་ལས་ཨཱ་ཀྱང་ངོས་ཧི་འཇིག་པས། ཀུ་རུ། ཞེས་པ་སྨོན་པ་དང་སྤྲིང་བསྐུལ་སོགས་ལ་འཇུག་པ་ལས་འདིར་མཛོད་ཅིག་ཅེས་པའོ། ཧཱུྃ་ཧ་ཧ་ཧ་ཧ་ཧོཿའདི་རྣམས་ཀྱི་སྒྲུབ་ཚུལ་ཁུངས་ལྡན་མ་འཚལ་ལ། མཛོད་རྣམས་སུ་ཧཱུྃ་ཞེས་པ་མི་འབྱུང་ཡང་། ཨ་ཁྱབ་འཇུག །ཨི་དབང་པོ་སོགས་མིང་རེ་རེ་བ་རྣམས་ལ་སྒྲུབ་ཚུལ་ཁུངས་ལྡན་མ་བཤད་པ་ལ་དཔག་

― LT40_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ན། འདིར་ཡང་ཧཱུྃ་ཞེས་པའི་ཡི་གེ་ནི་གནས་ལུགས་ཀྱི་རྡོ་རྗེ་སེམས་དཔའི་རང་བཞིན་མཚོན་པས་ཐུགས་སྲོག་ཡིན་པའི་ཕྱིར་འདི་དང་འདི་རིགས་ལ་ཐུན་མོང་གི་སྒྲ་བསྒྲུབ་པས་འགྲུབ་པར་དཀའོ། །འོ་ན་སྐབས་གཞན་ཏུ་ཨོཾ་གྱི་ཡི་གེའང་ཐུགས་སྲོག་གམ་ས་བོན་ཏུ་འབྱུང་བ་ཡོད་ན་སྔར་བསྒྲུབ་ཚུལ་བཤད་པ་མ་ཡིན་ནམ་ཞེ་ན། དེ་ནི་ཇི་སྐད་དུ། བསླབ་པ་རྟོག་པ་བརྡ་སྤྲོད་པ། །དེས་ཆོག་སྐར་རྩིས་ཐོས་པ་དང་། །སྡེབ་སྦྱོར་རྣམ་པར་ཕྱེ་བ་དྲུག །རིག་བྱེད་ཡན་ལག་དྲུག་ཏུ་བརྗོད། །ཅེས་གསུངས་པ་ལྟར་གྱི་བསླབ་སོགས་ཡན་ལག་དྲུག་ལྡན་གྱི་རིག་བྱེད་དེ་རྣམས་ལ་ཐུན་མོང་དུ་མགོ་འདྲེན་པ་ལ་སོགས་པར་སྨོས་པའི་དམ་བཅའ་བ་དང་བཀྲ་ཤིས་པའི་དོན་ཅན་ཨ་ཐའི་སྒྲ་དང་ཕྱོགས་མཚུངས་པ་སྟེ་བསྒྲུབ་ཚུལ་ཀྱང་རིག་བྱེད་དང་མཐུན་པར་བྱས་ཀྱི་ཡེ་ཤེས་ལྔ་དང་སྦྱར་བ་ལ་སོགས་མ་བྱས་པས་སྐྱོན་མེད་དོ། །དེས་ན་འགའ་ཞིག་གིས། བྷྲ་མུ་གཡོ་བ་ལས། བྷྲ་མི་ལས་ཌཱུའོ་ཞེས་པས་བྷྲཱུྃ་བསྒྲུབས་ཀྱང་དེ་ནི་སྨིན་མའི་སྐད་དོད་བྷྲཱུཿསྒྲུབ་བྱེད་ཡིན་པས་མཐར་ང་རོ་མ་ཐོན་པས་མུ་ཨཱ་ག་ལ་རང་བཞིན་སྦྱར་བས་དེར་བས། དེ་བཞིན་ཏུ། ཧ་ན་འཚེ་བ་ལས་ཧཱུྃ། ཨུ་་ཧ་སེ་དགོད་པ་ལས་ཧ་དང་ཧོཿསོགས་བསྒྲུབས་ཀྱང་ཁུངས་མེད་ཀྱི་རིག་བཟོ་བོད་སྤྱི་ལུགས་དེར་གདའ་བས་

― LT40_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་ཇི་ལྟར་འགྱུར་གཟུར་གནས་མཆིས་ན་ཐུགས་དཔྱོད་གནང་ཞིག་གུ། བྷ་ཛ་བསྟེན་པ་ལའོ། །ཨ་ཕྱིས། སྐྱེས་པ་ལ་མིང་ལ་གྷ་འོས་གྷ་བྱིན། ཀྲྀ་ཏྲ་ཙ་ཛ་དག་གི་དྷུཊྲ་དང་གྷ་རྗེས་སུ་འབྲེལ་བ་ལ་ཀ་ག །གྷ་དེའི་དོན་གྱི་ཕྱིས། ཨ་ལ་དྲངས། དེ་འདིའི་ཡོད་པར་ཞེས་པར་མནྟུ་བནྟུ་བིནྲ་ཨི་ནྲ་རྣམས་སོ་ཞེས་དང་། ཀྲྀཏྲ་ཙཱནྡྲ་པར། ལ་དེ་ཨ་ལས་ཀྱང་། ཞེས་པའི་ཤེས་བྱེད་ལས་འདིར་རྟགས་ཨ་ཐུང་མཐར་ལྡན་རྐྱེན་བནྟུ་བྱིན། ཨུ་ཕྱིས། ནཱ་དང་པོའི་སི་བྱིན། གྷུཊྲ་ལའང་སཾ་བུདྡྷི་མ་ཡིན་པ་ལ་འོས་ནྲ་ཨུ་པ་དྷཱ་རིང་། གསལ་བྱེད་ལས་ཀྱང་ངོས་སི་ཕྱིས། བརྩེགས་པའི་མཐའ་དབྱི་འོས་ཏ་ཕྱིས་པས། བྷ་ག་ཝཱནྲ། བཅོམ་ལྡན་འདས། སརྦ་སྔར་དང་ཁྱད་ནཱ་མེད། ཏདྲ་ལ། རྣམ་པར་བརྗོད་པ་ལ་ནི་ཐཱ་འོས་ཐཱ་ནཱ་བྱིན། ཏྱདྲ་སོགས་རྣམས་ཀྱིས་རྣམ་ནཱ་དབྱེ་ལ་ཨ་འོས་དྲ་ཨ། ཨ་ཡིག་ལ་དབྱི་འོས་ཡའི་སྲོག་གི་ཨ་ཕྱིས་ནས་དྲངས། གམླྀ་འགྲོ་བ་ལས། ནིཥྛ་འོས་ཀྟ། བ་ན་ཏི། ནཱ་ཏ་ནོ་ཏི་སོགས་ཨིཊྲ། བཀག་པ་ནཱ་རྣམས་ཀྱི་དྷུ་་ཊྲ་ལ་ལྔ་པ་སྟེ་ཨཱ་ཏྲའི་ཏྲའང་ངོ་ཞེས་ནཱ་པས་བྱིངས་མཐའི་མྲ་དབྱིབས། ཏ་ཐཱ་ག་ཏ། དེ་བཞིན་གཤེགས་པ། བཛྲ་སྔར་ཀྲྀ་ཏྲ་ལྟར་ལ་བོད་སི་བྱིན། མི་ཟད་པའི་མཱ་དགག་པའི་དོན་ཏུ་སྦྱར། མེ་བདག །

― LT40_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

མུཙླྀ་གྲོལ་བྱེད་ལའོ། །གང་རྗེས་སུ་འབྲེལ་པ་མི་སྦྱོར་རོ་ཞེས་པས་ལི་ཕྱིས། ཕྱ་བ་ཡང་དག་པར་སོགས་ཀྱིས་པཉྩ་མཱིའི་སྐྱེས་བུ་དབུས་མའི་གཅིག་ཚིག་བྱིན། བྱེད་པ་པོ་ལ་ཨནྲ་ཏེ་བི་ཀ་ར་། །ཏུདྲ་ལ་སོགས་པ་ཡོན་ཏན་ཨཱ་མེད་པའི་སྡེ་ཚན་ཡིན་པས་ཨུ་པ་དྷཱ་ན་མིནྲ་གྱི་ཡང་ཨཱ་བའི་ཡོན་ཏན་མི་ཐོབ་སྟེ། ཏུདྲ་སོགས་ཀྱི་ཨནྲ་ལའོ་ཞེས་པའི་ཕྱིར་རོ། །མུ་ཙྲ་ཨཱ་སོགས་ཀྱི་དབྱངས་ལས་ཨནྲ་བི་ཀ་ར་ན་ལ་ན་ཡི་ག་ཨཱ་ག་མའོ་ཞེས་པས་དབྱངས་ཨཱ་མཐར་ནྲ་ཨཱ་ག་མ་བྱིན། ཨ་བརྗོད་དོན་ཕྱིས། ཨཱ་མྲ་ན་དག་གི་དྷུཊྲ་ལ་རྗེས་སུ་ང་རོ་འོས་ནྲ་ང་རོ། །སྡེ་པ་ལ་སྡེ་པའི་མཐ་འོས་སླར་ཡང་ང་རོ་ཉྲ་བྱས་ནས་དྲངས། ཨཱ་ཨ་ཡིག་ལས་ཧནྟི་མ་ཡིན་པ་ལས་ཧི་འཇིག་པས། མུཉྩ། དོར་ཤིག་པའོ། །ཡང་། བཛྲ་ནཱ་ལ་དེ་འདིའི་ཡོད་པ་སོགས་ཀྱིས་ཨིནྲ་བྱིན། ཨིའི་ཡི་གེ་དང་ཨའི་ཡི་གེ་དག་དབྱངས་དང་ཡའི་རྐྱེན་ལའང་དབྱི་འོས་རྟགས་མཐའི་ཨ་ཕྱིས་ནས་སྦྱར། སི་བྱིན། གྷུ་ཊྲ་ལའང་སམྦུདྡྷི་མ་ཡིན་པ་ནཱ་ལ་འོས་ནྲ། ཨུ་པ་དྷཱ་རིང་། ནཱ་གསལ་བྱེད་ལས་སི་ཕྱིས། ནཱ་རྟགས་མཐའི་ནྲ་ཡིག་གི་འོས་ན་ཕྱིས་པས། བཛཱི། རྡོ་རྗེ་ཅན། བྷ་བ་སྔར་ལྟར་བཞག་པས་མཛོད་ནཱ་ཅིག །མ་ཧ་མཆོད་པ་ལའོ། །ཨ་ཕྱིས། ད་ལྟར་བ་དང་ཀྲྀ་ཏྲ་སོགས་ཀྱིས་ཤནྟྲྀདྲ་བྱིན། །

― LT40_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲ་རི་དྲ་གསུམ་ཕྱིས། བྱེད་པ་པོ་ལ་ཨནྲ་བི། ན་ཕྱིས་ནས་དྲངས། ཨཱ་དང་མཚམས་སྦྱོར་གྱི་ཡི་གེ་དག་ལ་ཨའི་དེ་དག་སྟེ་དེ་དབྱི་བའང་ངོས་རྐྱེན་གྱི་ཨ་ཕྱིས་པས། མ་ཧནྟྲ། །གྲུབ་པ་ལ་རྟགས་ཀྱི་དོན་ལ་དང་པོའི་སྲི། སྲ་མཐའ་དང་མ་ཧནྟ་དག་གི་ནའི་ཨུ་པ་དྷཱའི་འོས་ཧ་རིང་། སི་ཕྱིས། བརྩེགས་པའི་མཐའ་ཕྱིས་པས་མ་ཧཱནྲ། གྲུབ། སྔར་བསྒྲུབས་པའི་ས་མ་ཡ་དང་བསྡུས། དམ་ཚིག་ཀྱང་ཡིན་ལ་ཆེན་པོའང་ནཱ་ཡིན་པས། མ་ཧཱ་ས་མ་ཡ། དམ་ཚིག་ཆེན་པོ་སྟེ། གཞི་མཐུན་ཚིག་ལ་མ་ཧནྟ་ཀྱི། ཨཱ་ཡི་ཡི་གེར་བྱ་བའོ། །ཞེས་པས་ནྲ་དང་བཅས་ཨཱར་གྱུར་པའོ། །དེ་ནས་སཏྟྭའམ་སཏྭ་དང་མཐར་ཨཱཿཞེས་པའི་ཡི་གེ་སྦྱར་བས་གྲུབ་པ་ཡིན་ནོ། །དེ་དག་གི་བོད་སྐད་ནཱ་ཀྱང་། ཨོཾ་རྡོ་རྗེ་སེམས་དཔའ་དམ་ཚིག་ནི། །རྗེས་སུ་སྐྱོང་ཤིག་རྡོར་སེམས་ཀྱཻ། །ཁྱོད་ཀྱིས་བདག་ལ་བརྟན་པར་བཞུགས། །ཤིན་ཏུ་ཚིམས་པར་བདག་མཛོད་ཅིག །ལེགས་པར་རྒྱས་པར་བདག་མཛོད་ཅིག །ཧཱུྃ་ཧ་ཧ་ཧ་ཧ་ཧོཿཀྱེ་ཀྱེ་བཅོམ་ལྡན་འདས་རྡོ་རྗེ། །དེ་བཞིན་གཤེགས་པ་ཐམས་ཅད་ཀྱིས། །བདག་ནི་འདོར་བར་མ་མཛད་ཅིག །རྡོ་རྗེ་ཅན་ཏུ་མཛད་དུ་གསོལ། །དམ་ཚིག་སེམས་དཔའ་ཆེན་པོ་ཨཱཿཞེས་པ་སྟེ། དེ་དག་གི་སྔགས་

― LT40_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཀྱང་གསར་རྙིང་གི་རྒྱུད་གཞུང་དང་སྦྱར་བའི་ཟབ་གསང་ཐུན་མིན་ཅུང་ཟད་སྨྲ་རྒྱུ་ཡོད་མོད་འདིར་སྤྲོས་པ་སྐབས་སུ་མ་བབ་བོ། །དེ་དག་རྒྱུན་གཅིག་ཏུ་སྦྱོར་བའི་ཚེ་དབྱངས་མེད་རྣམས་དྲངས། ཨ་ཡིག་དག་གི་བར་དུ་ཨུའོ། །ཨ་དང་སྒྲ་ལྡན་དག་གིའང་ངོ་ཞེས་པས་རྣམ་བཅད་ཨུརྲ་བསྒྱུར་རོ། །ཨུའི་ཡི་གེ་ལ་ཨོ་བྱས་པ་སོགས་ཀྱིས་འགྲུབ་བོ། ༈ །འཁོར་ལོ་སྡོམ་པ་སོགས་ཀྱི་སྒྲ་སཱ་ན་བསྒྲུབས་ནི་གཞན་ཏུ་བྲིས་པ་ལས་ཤེས་པར་བྱའོ། ༈ །མཁའ་འགྲོ་སྤྱི་གཏོར་གྱི་སྔགས་ནི་ཙཱནྡྲ་པའི་ཆོ་གས་བསྒྲུབ་པར་བྱ་སྟེ། ཨོཾ་སྔར་ལྟར་བཞག །ཁཻ་ཟབ་ལའོ། ཌའོ་ཞེས་པས་ཌ་བྱིན། མཐའི་ཨཙྲ་སོགས་ཀྱི་འོས་བྱིངས་ཀྱི་ཨཻ་ཕྱིས། ཌ་དེའི་དོན་ཕྱིས་ནས་ཨ་ལ་དྲངས་པས། ཁ་ཞེས་གྲུབ་པ་ཚར་གཉིས་བཞག །ཁ་ཁ། ཟོ་ཟོ། ཞེས་པར་བསྒྱུར་མོད། བཟའ་བྱའི་ཟན་ལའང་འཇུག །ཡང་། བྱིངས་དེ་ལ། ལོ་ཊྲའོ། །སྤྲིང་བསྐུལ་རྗེས་སུ་གནང་བ་དུས་ལ་བབ་པ་རྣམས་ལ་འོས་ལོཊྲ་བྱིན། ཤིཏྲ་མ་ཡིན་པ་ལ་ཨཻ་ཙྲའི་ཨཱཏྲ་འོས་བྱིངས་ཀྱི་ཨཻ་ཨཱ། ཌྲ་ཌྲ་འགྲོ་བའི་ཏང་རྣམས་ཀྱིས་ཨེཏྲའོ་སོགས་ཀྱི་དོན་དང་། ཨོ་ཡིག་ནི་ལོ་ཊའི་ཨིའི་ཨུའོ་སོགས་ཀྱི་དོན་ཡིན་པས་ཕྱིས། ལྲའི་ཏི་པྲ་ཏ་སྲ་སོགས་ཀྱིས་ལྲ་ཏི་པྲ་ཏུ་བསྒྱུར། པྲ་ཡིག་པིཏྲ་བྱ་བའི་དོན་ཏེ་

― LT40_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིས། བྱེད་པ་པོ་ལ་ཤ་པྲའོ་ཞེས་པས་བར་རྐྱེན་ཤཔྲ་བྱིན། ཤྲ་ཡིག་ལིཊྲ། སྨོན་པའི་ལིདྲ་མ་ཡིན་པའི་སོགས་ཀྱི་ཁྱད་དོན་དང་། པྲ་ཡིག་ཤཔྲ་ཤྱནྲ་ལས་སོའི་དོན་ཏེ་ཕྱིས། །ཨཀྲའི་ཨཀྲ་ལ་རིང་པོའོ། །སིའི་ཧི་འོས་སི་ཧིདྲ། ང་ཨ་ཏྲ་ཨེདྲ་དགག་པའི་དོན་ཏེ་ཕྱིས་ནས། ཁྱབ་པར་འདོད་པ་དང་ཡང་ཡང་དག་ལ་གཉིས་སོས་གཉིས་བརྗོད་པས། ཁཱ་ཧི་ཁ་ཧི། ཟོ་ཞིག་ཟོ་ཞིག །སྲྀ་འགྲོ་བ་ལས་ཀྭནྲ་ཚིག་ཕྲད་ལས་ཨཏྲ་ཨེདྲ་དང་། རྲ་ཕ་རོལ་བྱས་པས། སརྦ། ཐམས་ཅད། ཙུ་ར་སོགས་ཀྱི་ལྷག་མའི་བྱིངས་ཡཀྵ་མཆོད་པ་ལའོ་ཞེས་པར། ལས་ལ་གྷཉྲ། གྷྲ་དང་ཉྲ། བྱིངས་མཐའི་ཨ་རྣམས་ཨུ་ྲ་ཕྱིས་ནས་སྦྱར་བས། ཡཀྵ། གནོད་སྦྱིན། རཀྵ། སྲུང་བ་ལའོ། །ཨ་སུ་ནྲའོ། །ཨ་ཨུནྲ་རྣམས་ཕྱིས་པས། རཀྵ་སྲ། སྲུང་བ་པ། པྲཛྙ་ལ་སོགས་པ་རྣམས་ལས་ཡང་ན་རོས་ཨྲ་བྱིན། ཀིཏྲ་ལའང་བུ་བརྒྱུད་ལ་སོགས་པ་ལ་ཨཙྲ་རྣམས་ཀྱི་དང་པོའི་འོས་ཐོག །ཨུ་ྲ་མར་ཨཱཏྲ།ྲ་དེའི་དོན་ཕྱིས། དབྱངས་མེད་དྲངས་པས། རཱཀྵ་སཿ སྲིན་པོ། བྷཱུ་ཡོད་པ་ལའོ། །དངོས་པོ་དང་ལས་དག་ལ་འོས་ཀྟ་ཀྲ་ཕྱིས་ནས་སྦྱར་བས། བྷཱུ་ཏ། འབྱུར་པོ། པྲ་དང་རབ་ཏུ་ཨ་སྲ་ཐོབ་པ། བསྡུས། པྲྀ་ཥོ་དར་ལ་སོགས་པ་རྣམས་སོས་ཨཱསྲ་ཨི་རུ་བསྒྱུར་བའི་

― LT40_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་ཕྲད་དང་། ཨ་ཨཏྲ་ཨེ་དྲའོ་ས་ཨ་ཨི་དག་གཅིག་ཨེ་བྱས་པས། པྲེ་ཏ། ཡི་དྭགས་ཏེ། འདོད་འཇོ་ལས། སྐོམ་པ་ལ་སོགས་པ་ཕུལ་དུ་བྱུང་བ་ཐོབ་པས་པྲེ་ཏཱཿསྟེ་ཡི་དྭགས་རྣམས་སོ། །ཞེས་གསུངས། ཡང་། པི་ཤི་ཏ་མཱ་ཤཿཞེས་པར་པྲྀ་ཥོ་དར་ལ་སོགས་པའི་ཕྱིར་ཚིག་ཕྲད་ཀྱིས་བསྡུས། པི་ཤི་ཏའི་པི་རུ་བསྒྱུར་ཞིང་ཨཱ་ཤའི་ཤཱ་ཙ་རུ་བསྒྱུར་བས། པི་ཤཱ་ཙ། ཤ་ཟའོ། ཉེར་བསྒྱུར་ཨུདྲ་སྔོན་མའི་མ་དཱི་དགའ་བ་ལའོ། །ཨཱི་ཁྱད་དོན་ཕྱིས། བྱེད་པ་ཅན་ལ་གྷཉྲའོ། ཉྞི་ཏྲ་ལའོ། །ཨཙྲའིའོས་མཐའ་ཉེ་ཨཱཏྲ། ཉྲ་དང་གྷྲ་ཁྱད་དོན་ཕྱིས། ཡ་རའི་ཉམྲ་ལ་ཉམྲ་ཡང་ན་འོས་དྲ་ནྲ་བྱས་པས། ཨུནྨཱ་ད། འདི་སེམས་འཁྲུལ་ནས་སྨྱོ་བ་ལ་འཇུག་པར་བཤད་ཀྱང་སྐབས་འདིར་སྨྱོ་བྱེད། ཨ་པ་སྔོན་མའི་སྨྲྀ་ཏི་དྲན་པ་ལའོ། །གྷཉྲ་བྱིན། མདོ་སྔ་མས། རྀ་ཨཱཏྲ། རྀ་ཀའི་ཨྲ་ལས་རྲ་ལྲ་དག་གོས་ར་ཕ་རོལ། རྗེས་འབྲེལ་ཕྱིས་ནས་དྲངས་པ་བཅས་ཀྱིས། ཨ་པ་སྨཱ་ར། བརྗེད་བྱེད། ཌཱིདྲ་ནམ་མཁར་འགྲོ་བ་ལའོ། །དྲ་ཕྱིས། ཌ་འོས་ཌ་བྱིན། ཌིཏྲ་ལ་མཐའི་ཨཙྲ་སོགས་ཕྱིས་ནས་དྲངས་པས། ཌ་གྲུབ། ཨ་ཀ་གྱ་གྱུར་འགྲོ་བ་ལའོ། །ཨ་ཕྱིས། གྷཉྲ་སྦྱར། མཐའ་ཉེ་ཨཱཏྲ། དབྱངས་མེད་དྲངས་པས་ཨ་ཀ་གྲུབ་པ་དང་སྦྱར། ཨཀྲའི་ཨཀྲ་

― LT40_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རིང་པོའོ་ས། ཨ་དང་ཨ་དག་གཅིག་ཨཱ་བྱས་པས། ཌཱ་ཀ །མཁའ་ལ་འགྲོ་བ། མིདྱཱ་དེ་ལ་བྲཱི་ཧི་ལ་སོགས་པ་དང་ཨཏྲ་ལ། ཨེ་ནི་འང་ངོས་མ་ཏུའི་དོན་ལ་ཨི་ནི་བྱིན། །ནིའི་ཨི་བརྗོད་དོན་ཕྱིས། ཨི་ཨའི་འོས་རྟགས་མཐའི་ཨ་ཕྱིས་ནས་དྲངས་པས། ཌཱ་ཀིནྲ། གྲུབ་པ་མཁའ་ལ་འགྲོ་བ་ཅན་ཏེ། འདིར་མ་ཏུའི་དོན་ཞེས་པ་ནི། ཇི་སྐད་དུ། འབྱུང་དང་སྨད་དང་བསྔགས་པ་དང་། །རྟག་ཏུ་སྦྱོར་དང་ཕུལ་བྱུང་དང་། །འབྲེལ་དང་ཡོད་པ་བརྗོད་འདོད་ལ། །མ་ཏུ་སྲ་ལ་སོགས་རྣམ་འགྱུར་རོ། །ཞེས་པའོ། །རྟགས་དེ་ལས་རྀ་དང་ནྲ་ལས་རཱི་པྲ་འོས་དཱི་པྲ་བྱིན། །དྲ་ཡིག་ནི་དཱིཔྲ་དཱིཥྲ་དག་ཐུན་མོང་དུ་འཛིན་པའི་དོན་དང་། པྲ་ཡིག་ཁྱད་པར་དུ་བྱེད། པའི་དོན་ཏེ་ཕྱིས་ནས་ནཱ་ཨི་ལ་དྲངས་པས། ཌཱ་ཀི་ནཱི། མཁའ་འགྲོ་མ་སྟེ་མཁའ་ལ་ཕུལ་དུ་བྱུང་བར་འགྲོ་བ་ལ་ཨིནྲ་བྱས་ཀྱང་ལེགས་པ་ཉིད་དོ། །ཉེར་སྒྱུར་ཨཱདྲ་སྔོན་མའི་ཌུདཱཉྲ་སྦྱིན་པ་ལའོ་ཞེས་པའི་བྱིངས་བཞག །ཌུཉྲ་ཕྱིས། པྲ་ལ་སོགས་པ་རྣམས་ལས་དཱ་དྷཱ་ལས་ཀིའོ་ཞེས་པས་ཀི་བྱིན། ཨཙྲ་ཀིྲཏྲ་ལའང་ཨཱཏྲའི་དབྱི་འོས་བྱིངས་མཐའི་ཨཱ་དང་། རྐྱེན་གྱི་ཀྲ་དེའི་དོན་ཏེ་ཕྱིས་ནས་དྲངས་པས། ཨཱ་དི། གྲུབ་པ་དོན་འགའ་རེ་ལ་འཇུག་ཀྱང་སྐབས་འདིར་མ་བཤད་པ་བསྡུ་བའི་དོན་ཅན། དེ་ལ་གནོད་སྦྱིན་

― LT40_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྲིན་པོ་དང་ཞེས་སོགས་ཀྱི་དོན་ལ་མིང་སོ་སོའི་མཐར་མི་ཟད་པའི་ཙ་དང་ཚིག་ཏུ་བསྒྲུབ་པའི་ཕྱིར་སི་བྱིན་པས། ཡཀྵཤྩ་སོགས་གྲུབ། སུཔྲ་དང་སུཔྲ་དོན་གཅིག་པ་འོས་དེ་རྣམས་ཀྱི་རྣམ་དབྱེ་རྗེས་འབྲང་བཅས་ཕྱིས། ཨ་ལས་ཨཏྲ་ཨེདྲ་འོས་ཨ་ཨུ་དག་གཅིག་ཨོ། ཨཀྲའི་ཨཀྲ་ལ་རིང་པོ། མཐར་དང་པོའི་མང་ཚིག་ཇསྲ་བྱིན། ཛུ་ཛས་ལའོ། །ཞེས་པའི་དོན་ཏེ་ཕྱིས་ནས་མདོ་དེས་རྟགས་མཐའི་སི་ཨེར་བསྒྱུར། ཨེཙྲའི་ཨཡྲ་ཨབྲ་ཨཱཡྲ་ཨཱབྲ་རྣམས་སོས་ཨེ་ཨཡྲ་བྱས་ནས་དྲངས། སུ་ས་ཛུ་ཥའི་རུ། ཨུ་རྟགས་དོན་དབྱི། རྫོགས་པ་ལ་རྣམ་པར་བཅད་པ་འོས་ར་རྣམ་བཅད་བྱས་པ། ཨཱ་ད་ཡཿལ་སོགས་པ་རྣམས། ཨིཀྲའི་ཨྲ་ལ་ཡ་འོས་མིང་སྔ་མའི་ཨིཡྲ་བྱས་ནས་མཚམས་སྦྱར་བས། ཌཱཀནྱཱདཡཿ ཞེས་པའོ། །ཨི་དམྭ་ལ་གཉིས་པའི་ཨ་མྲ་བྱིན། ཏྱདྲ་རྣམས་ཀྱི་དྭིའི་བང་གྱི་ཏས་ལ་སོགས་པ་རྣམས་ལའང་ཨ་འོས་ད་ཨ། ཨཏྲའི་ཨཏྲ་ཨེདྲ་ལ་འོས། ཨ་དང་ཨ་དག་གཅིག་ཨ། དའི་མའོ་ཞེས་པསད་མ། ཨམྲ་ལ་སྔོན་མ་འོས་ཨ་ཡིག་སྔ་མའི་གཟུགས་སུ་གྱུར། །ཧལ་ལ་མའི་འོས་མྲ་རྗེས་སུ་ང་རོ་བྱས་པས། ཨི་མཾ། འདི་ལ། བ་ལ་སྟོབས་བྱེད་པ་ལའོ། །ཨ་ཕྱིས། མང་པོ་ལ་སྤྱིར་བཏང་བའི་ཕྱིར་ཨུྲ་སོགས་ཀྱི་ཨི་ནི་བྱིན། མཐའི་ཨི་ཡིག་ནྲ་སྐྱོང་བའི་དོན་

― LT40_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་ཕྱིས་ནས་དྲངས་པས། བ་ལིནྲ། གྲུབ། ས་དང་བར་སྣང་ལ་གནས་པའི་ལྷ་དང་འབྱུང་པོ་རྣམས་ལ་སྦྱིན་པའི་ཟན་ལ་འཇུག། ཚིགས་གྲོགས་སྦྲེལ་བའི་ཚེ། ཛྷལ་ལ་མཐའ་མ་ཡིན་པའི་ནྲའིིའང་ངོ་ཞེས་པའི་ཤེས་བྱེད་ལས་རྗེས་སུ་ང་རོ་ཆིག་མཐའ་མ་ཡིན་པ་ལ་ཡང་ན་བྱར་རུང་བར་བཞེད། གྲ་ཧ་ཉེ་བར་ལེན་པ་ལའོ། །ལོཊ་བྱིན། ཨོཊ་དང་བྱིངས་ཀྱི་ཨིཏྲ་ཕྱིས་ནས། ལ་ཛྷི་རུ་བསྒྱུར། ཀྲཱི་པ་སོགས་ལས་ཤྣའོ་ཞེས་པས་བར་རྐྱེན་ཤྣཱ། ཤྲ་ཁྱད་དོན། ཤིཏྲ་དིཏྲ་དག་ལ་འོས་གྲ་ཧའི་ཡྲའི་ཨི་ཀྲ། ཡྲའིཨིཀྲའི་འོས་ཕ་རོལ་སྔ་མ། ཛྷ་ལས་ཨི་ཕྲལ། ཛྷའི་ཨནྟྲ་འོས་དེར་བསྒྱུར། ཤྣཱ་དང་གཉིས་བརྗོད་པ་དག་གི་ཨཱཏྲའི་འོ་ཞེས་པས་ཧཱའི་ཨ་དབྱི། ལོཊྲའི་ཨིའི་ཨུ་འོས་ཨི་ཨུ་རུ་བསྒྱུར་ནས་དབྱངས་མེད་རྣམས་དྲངས། ཙུ་ཊུ་ཏུ་ལ་ཤར་བར་ན་ཡོད་པ་ལའོ་ཞེས་པས་མ་བཀག་པའི་ཡུལ་ལ། ཚིག་གཅིག་ལས་ར་ཥ་ལས་ནའི་་འོས་ན་། ཨཏྲའི་ཨཏྲ་ཨེདྲ་ལའོ་ཞེས་པས་ཨ་དང་ཨ་དག་གཅིག་ཨར་བྱས་པས། གྲིཧྞནྟུ། ཟུངས་ཤིག །ཨཡྲ་འགྲོ་བ་ལའོ། །སམྲ་སྔོན། གྷའོས་གྷ་བྱིན། གྷིཏྲ་ཁྱད་དོན་ཕྱིས་ནས་དྲངས་པས། ས་མ་ཡ། དམ་ཚིག །རཀྵ་སྲུང་བ་ལའོ། །ཨི་ཏྲ་ཕྱིས། སྤྲིང་བསྐུལ་སོགས་ཀྱིས་ལོཊྲ་བྱིན། བྱེད་པ་པོ་ལ་ཤ་པྲ། །

― LT40_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ལྲའི་ཛྷི། དེ་ཨནྟུ། ཨ་ཏའི་ཨཏྲ་ཨེདྲ་སོགས་ཀྱིས། རཀྵནྟུ། སྲུངས་ཤིག །སྲྀ་འགྲོ་བ་ལས་ཀྭནྲ་གྱིས། སརྦ། ཐམས་ཅད། ཥིདྷཱུ་བསྟན་བཅོས་ལ་སྟེ་བཀྲ་ཤིས་པ་ལའང་ངོ་། །ཨཱུ་ཡིག་སྦྲཾ་སུདྲ་ཨཱུ་དིཏྲ་ལས་སོའི་དོན་ཏེ་ཕྱིས། ཥྛི་བུ་དང་ཥཀྐ་མིན་པའི་དང་པོའི་ཥའི་ས་འོས་ཥི་སི། བུད་མེད་ལ་ཀྟིནྲ་འོས་ཀྟིནྲ་བྱིན། ཀྲ་ཨཏྲ་ཨེདྲ་དགག་པའི་དོན། ནྲ་དབྱངས་དོན་ཕྱིས། དྷཱ་མིན་པ་ལས་ཏ་ཐ་དག་གི་དྷཱ་འོས་ཏི་དྷི། ཛྷ་ལྲའི་ཛ་ཤ་འོས་བྱིངས་ཀྱི་དྷྲདྲ། དབྱངས་མེད་དྲངས། དེ་ལ་གཉིས་པའི་ཨམྲ། ཨམྲ་ལ་སྔོན་མ་འོས་ཨ་ཡིག་སྔ་མའི་གཟུགས་སུ་གྱུར་པས། སིདྡྷི་མྲ། །དངོས་གྲུབ་སྟེ་སྦྱིན་པར་བྱ་རྒྱུའི་ལས་ལ་གཉིས་པའོ། །ཨསྨདྲ་ལ། ཡང་དག་པར་རབ་ཏུ་སྦྱིན་པ་ལ་བཞི་པ་འོས་དེ་བྱིན། དེ་ལ་ཏུ་བྷྱཾ་མ་ཧྱཾ་དག་གོས་ཨསྨདྲ་རྣམ་དབྱེ་དང་བཅས་པ་མ་ཧྱཾ་དུ་བསྒྱུར་བ་ལ། སླར་ཡང་རྐང་པའི་དང་པོ་ལ་ཡིན་པ་ལ་ཚིག་ལས་ངག་གཅིག་ལའོ་ཞེས་སྤྱིར་བཏང་བའི། གཅིག་ཚིག་གི་ཏེ་མེའོ་ཞེས་པས་མ་ཧྱཾའང་མེ་རུ་བསྒྱུར་བས་མེ། ཞེས་པ་ནི་བདག་ལ་ཞེས་དངོས་གྲུབ་སྩོལ་བར་བྱ་བའི་ཡུལ་ལ་སྤྱིར་བཏང་རྣམ་དབྱེ་གཉིས་པ་ཐོབ་ཀྱང་། སླད་ནས་སྦྱིན་པའི་དོན་གྱི་ངག་དང་སྦྲེལ་བའི་ཚེ་དམིགས་བསལ་བཞི་པར་འགྱུར་ཏེ་མགོ་བོར་དབྱུག་པ་སྦྱིན་ཞེས་པ་ལ། ཤི་ར་སེ་དཎྜཾ་

― LT40_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

ད་དཱ་ཏི། ཞེས་ཀྱང་འབྱུང་བས་དེའི་ཆེད་དོན་ཁོ་ན་ཡིན་པ་ཡང་མ་ངེས་སོ། །དཱྲ་སྦྱིན་པ་ལའོ།ྲ་ཕྱིས། པྲ་སྔོན། ལོཊྲའི་ཛྷི། དེ་ཨནྟུ། བྱེད་པ་པོ་ལ་ཤ་པྲ། ཤྲ་པྲ་ཕྱིས། པཱུ། གྷྲཱ། དྷྨཱ། སྠཱ། མྒཱ། དཱ་ྲ། དྲྀ་ཤྲ། ཤ་དྲ། སད་རྣམས་ཀྱིས། པི་བྲ། ཛི་གྷྭཱ། དྷ་མྲ། ཏིཥྛ། མནྲ། ཡཙྪ། པ་ཤྱ། ཤཱི་ཡ། པཱི་ད་རྣམས་སོས་ཞེས་པས་དཱ་འི་ཡཙྪ་རུ་བསྒྱུར་ནས་དྲངས། ཨཏྲའི་ཨཏྲ་ཨེདྲ་ལ་འོས་ཨ་གཉིས་གཅིག་ཨ་བྱས་པས། པྲ་ཡཙྪནྟུ། རབ་ཏུ་སྩོལ་ཅིག །ཡདྲ་ལྱ་རྣམ་པ་ལ་ཐཱ་ལྲ། ཏྱདྲ་སོགས་ཀྱིས་དྲ་ཨ། ཨའི་ཨཏྲ་ཨདྲ། ལྲ་ཕྱིས་ནས། ཡ་ཐཱ་གྲུབ་པ་དང་། མི་ཟད་པའི་ཨེ་བཾ་སྦྱར། ཨཻ་ཙྲ་ལ་འོས་ཨ་ཨཻ་དག་གཅིག་ཨཻ་བྱས་པས། ཡ་ཐཻ་བཾ། ཇི་ལྟ་བ། དེ་བཞིན། ཨི་ཥུ་འདོད་པ་ལའོ་ཨུ་ཕྱིས། །དངོས་པོ་དང་ལས་དག་ལཀྟ། ཀྲ་ཕྱིས། དབྱངས་མེད་དྲངས། སྟུའི་ཤྩུ་དང་ཥྚུ་དག་གི་དེ་དག་གོས་ཏ་ཌ། དང་པོའི་སུ་བྱིན། ཨཏྲ་ལས་ཨམྲ་འོས་སུ་ཨམྲ། ཨམྲ་ལ་སྔོན་མ། ཧ་ལ་ལ་མྲའི་ང་རོ་བྱས། ཡ་ཐཱ་དང་བསྡུས། ཨའི་ཨཏྲ་ཨེདྲའོས་གཉིས་དག་གི་གཅིག་ཨེ་བྱས་པས། ཡ་ཐེཥྚཾ། ཇི་ལྟར་འདོད་པ། བྷུ་ཛ་སྐྱོང་བ་དང་ཟབ་ལའོ། །གྷྲཱ་དྲི་ཉེ་བར་ལེན་པ་ལའོ། །པཱ་བཏུང་བ་

― LT40_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

ལའོ། །སྔ་མའི་ཨིཏྲ་ཕྱིས། ད་ལྟར་བ་ལ་ལཊྲ། ཊྲ་ཊྲ་འགྲོ་བའི་ཏང་རྣམས་ཀྱི་ཨེཏྲའོ་འི་དོན་དང་། ཨ་ཡིག་ལཊྲའི་ཤ་ཏྲྀ་རུ་བསྒྱུར་བ་སོགས་ཀྱི་དོན་ཏེ་ཕྱིས། ལའི་ཏིཔྲ་ཏསྲ་ཛྙི་སོགས་ཀྱིས། །ཁྱེད་ལ་དབུས་མའོ་ཞེས་དབུས་མ་ཐོབ་པ་དང་། དེའང་མང་ཚིག་གི་ཡུལ་ལ། ལྲའི་ཐ་རུ་བསྒྱུར། བྱིངས་སྔ་མར་རུ་དྷ་ལ་སོགས་པ་རྣམས་ཀྱི་ཤྣམྲ་འོས་ཤྨམྲ་བྱིན། ཤྲ་ཤིཏ་བྱ་བའི་དོན་དང་། མྲ་མྲ་འགྲོ་བ་ཨཙྲའི་མཐའ་ལས་ཕ་རོལ་ལོའི་དོན་ཏེ་ཕྱིས། ཤྣ་ཨསྲ་དག་གི་དབྱི་འོས། པིཏྲ་མ་ཡིན་པའི་ཏིདྲ་ལ་ནའི་ཨ་ཕྱིས། ཛྷལ་ལ་མཐའ་མ་ཡིན་པའི་ནྲའི་འོས་ང་རོ་དང་། ཡ་ཡྲ་ལ་རྗེས་སུ་ང་རོའི་ཉྲ་རུ་བསྒྱུར་བའོ། །དབྱངས་མེད་སྦྱར་ནས། འདི་ཟབ་ལ་ཙ་སོགས་སུ་བཀླག་པ་བྱིངས་འགྲེལ་ལས་འབྱུང་ཞིང་། ཨདྲ་ལས་སོ་ཞེས་པའི་ཤེས་བྱེད་ལས་ཨལྲ་གཅིག་པའི་ཏིངྲ་་ཨཊྲ་སྦྱར། །ཕྱི་མར་བྱེད་པ་པོ་ལ་ཤཔྲ། པཱ། གྷྲཱ། དྷྨཱ་།།།སོགས་ཀྱིས་པི་བྲ་དང་། །ཛི་གྷྲཱར་བསྒྱུར་ནས། ནྲསྲ་ཕྱིས་པའི་ཨ་ལ་དྲངས་པས། བྷུཉྫ་ཐ། ཟོ་ཞིག །པི་བ་ཐ། འཐུང་ཞིག །ཛི་གྷྲ་ཐ། །དྲི་སྣོམས་ཤིག །ཀྲ་མུ་རྐང་པ་བསྐྱོད་པ་ལའོ། །ཨུ་ཕྱིས། ཨ་ཏི་སྔོན། ལོཊྲའི་ལྲའི་ཐ་དང་། བྱེད་པ་པོ་ལ་ཤ་པྲ་སྦྱར། དགག་པའི་མཱ་སྔོན་ཏུ་བཞག །ཨཀྲའི་ཨཀྲ་ལ་རིང་པོ་བྱས་པས། །

― LT40_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

མཱ་ཏི་ཀྲ་མ་ཐ། རིམ་པ་ལས་མ་འདའ་ཞིག །ཨསྨདྲ་ལ་འགྲེལ་བ་ལ་དྲུག་པ་འོས་དྲས་བྱིན། ངས་ལ་ཏ་བ་མ་མ་དག་གོས། ཨསྨདྲ་རྣམ་དབྱེ་དང་བཅས་པ། མ་མ། རུ་བསྒྱུར་བ་བདག་གི། སརྦ་བཞག །ཉེར་བསྒྱུར་ཨཱདྲ་སྔོན་མའི་ཌུཀྲིཉྲ་ལས། བྱེད་པ་ཅན་ལའང་གྷཉྲ། རྗེས་འབྲེལ་རྣམས་ཕྱིས། ཉིཏྲ་ལའོ། །ཨཙྲའི་འོས་རྀ་ཨཱཏྲ། རྀ་ཀའི་ཨ་ལས། །ར་ཕ་རོལ། དྲངས་པས། ཨཱ་ཀཱ་ར། གྲུབ་པ། བསམ་པ་དང་རྗེས་སུ་མཐུན་པའི་བྱ་བ་ཁྱད་པར་དུ་བྱེད་པ་ལ་འཇུག་པ་འདོད་འཇོར་བཤད། དེ་ལ་དངོས་པོ་ལ་ཏལྲ། ཨ་ཛ་ལ་སོགས་པ་དང་ཨཏྲ་ལས་སོས་ཌཱཔྲ་སྦྱར་བས། ཨཱ་ཀཱ་ར་ཏཱ། གྲུབ་པ་ལ་གསུམ་པའི་ཊཱ་སྦྱར། ཊ་ལའང་ཨཱ་སྲའི་འོས་རྟགས་མཐའི་ཨ་ཨེ། ཨེ་ཨ་ཡྲ། དྲངས་པས། ཨཱ་ཀཱ་ར་ཏཱ་ཡཱ། འདོད་པ་སྒྲུབ་པ་ཉིད་ཀྱིས། ཨསྲ་ཡོད་པ་ལའོ། །ད་ལྟར་བ་ལ་ལཊྲ། ཤཏྲིའོས། ལཊའི་ཤ་ཏྲཾ་རུ་བསྒྱུར། ཤྲ་ཤིཏྲའི་བྱ་བའི་དོན་དང་། རྀ་སྐྱེས་པའི་སུཊ་ལ་ཨུཀ་ཨི་ཏའི་དོན་ཏེ་ཕྱིས། བྱེད་པ་པོ་ལ་ཤཔྲ། ཤྣ་ཨས་དག་གི་དབྱིའོས་བྱིངས་ཀྱི་ཨ་དབྱི། ཨདྲ་ལ་སོགས་པ་རྣམས་ལས་འཇིག་གོས་ཤཔྲ་འཇིག །སྦྱར་བས། སཏྲ། གྲུབ་པ་ནི། བདེན་པ། དམ་པ། ཡོད་པ། མཁས་པ་

― LT40_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལ་འཇུག །སུ་སྔོན་མའི་ཁ་ན་བརྐོ་བ་ལའོ། །ཌཱ་འོས་ཌ། ཌཏྲ་ལ་མཐའི་ཨནྲ་ཕྱིས། ཌ་དེའི་དོན་ཨ་ལ་དྲངས། དང་པོའི་སུ། ཨཏྲ་ལས་ཨམྲ། ཨམྲ་ལ་སྔོན་མ། ལ་ལ་མའི་ང་རོ་བྱས་པས། སུ་ཁཾ། བདེ་བ། བི་སྔོན་མའི་ཤུདྡྷ་དག་པ་ལ་དངོས་པོ་ལཀྟ་བྱིན་སིདྡྷིའི་སྐབས་ལྟར་བསྒྲུབས་པས། བི་ཤུདྡྷ་གྲུབ། དེ་ལ་བཞི་པའི་དེ་བྱིན། དེང་སི་དག་གི་ཡ་ཨཱཏྲ་དག་གོས་ངེ་ཡ་རུ་བསྒྱུར། ཡཉྲ་ལ་ཨཏྲའི་ཨཱཏྲ་འོས་མཐའ་ཉེ་རིང་བས། བི་ཤུདྡྷཱ་ཡ། རྣམ་པར་དག་པའི་ཆེད་དུ། པཎྜི་ཏ་ལེ་ཀོཏྟ་རའི་ཕྱག་བྲིས་ཀྱི་རྒྱ་དཔེ་ན་བི་བྲྀདྡྷ་ཞེས་ཡོད་པ་སྐད། དེ་ལྟ་ན་བདེ་བ་དམ་པ་འཕེལ་བ་ཞེས་གོ་བ་ཚོལ་སླ་ཡང་ཀུན་མཁྱེན་ཆེན་པོས་གཟིགས་པའི་རྒྱ་དཔེ་རྣམས་སུ་བི་ཤུདྡྷ་ཁོ་ན་ཡོད་འདུག་པས། མཆོག་གི་བདེ་བ་རྣམ་པར་དག་པ་ཞེས་འགྱུར་བའི་ཕྱིར་ཟབ་གསང་གི་གོ་བའི་རླ་ལས་དེ་ཀ་ཆེ་བ་ཡིན་ནོ། །ཨ་ཡ་འགྲོ་བ་ལའོ། །གྷཉྲ་བྱིན་ཞིང་ཉྞིཏྲ་ལ་མཐའ་ཉེ་ཨཱཏྲ། ཨཱ་ཡ་གྲུབ་པ་དང་མི་ཟད་པའི་ལྷན་ཅིག་གི་དོན་ཅན་ས་ཧ་སྦྱར། ཨཀྲའི་ཨཀྲ་ལ་རིང་པོ། ས་ཧཱ་ཡ། ལྷན་ཅིག་འགྲོག་པ། དེ་ལ་དེ་ཕན་གྱི་རྐྱེན་ཀ་དང་། མཐར་ཌཱཔྲ། སུ་པ་མ་ཡིན་པ་ལས་བྱིངས་མ་ཡིན་པའི་ཨཱཏྲའི། ཨིཏྲ་ཀ་ཨཱསྲ་ལ་འོས་རྟགས་མཐའི་ཨ་ཨི་

― LT40_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་པའམ། ཡང་དེ་ཕན་གྱི་ཐྲ་ནྲ་དང་། ཋྲའི་ཨིཀྲ། ཨི་ཨའི་འོས། རྟགས་མཐའི་ཨ་ཕྱིས་ནས་སྦྱར། མཐར་ཌཱ་པྲ་བྱིན་པས་ཀྱང་འགྲུབ་སྟེ་གར་ལྟར་གཉིས་པའི་ཨམྲ་སྦྱར་བས། སཧཱ་ཡི་ཀཱཾ། སྟོངས་གྲོགས། བྷཱུ་ཡོད་པ་ལའོ། །ལོཊྲ་བྱིན། །ཨོཊྲ་ཕྱིས། ལའི་ཛྷི། ཛྷའི་ཨནྟ། ལོཊྲའི་ཨིའི་ཨུ། བྱེད་པ་པོ་ལ་ཤཔྲ། བྱ་བའི་དོན་གྱི་ཨིཀྲའི་ཨཏ་ཨེདྲ། ཨེ་ཨ་ཡྲ། རྗེས་འབྲེལ་རྣམས་ཕྱིས་ནས་དྲངས། ཨཏའི་ཨཏ་ཨེདྲ་བྱས་པས། བྷ་བནྟུ། མཛོད་ཅིག་གམ་གྱུར་ཅིག་མཐར། ཧཱུྃ་ཧཱུྃ་ཕཊྲ་ཕཊྲ་ཞེས་དང་། སྔར་བསྒྲུབས་པའི་སྭཱ་ཧཱ་སྦྱར་བས་འགྲུབ་པ་ཡིན་ནོ། །འདིར་ཕཊྲ་ཀྱི་སྒྲ། ཕཊྲ་སྦྱོ་བའི་བྱིངས་ལ་ཀིྭཔྲ་འཁོར་བཅས་ཕྱིས་ནས་སྡེ་པའི་གསུམ་པ་གཉིས་པར་བསྒྱུར་བའི་ཚིག་ཕྲད་དུ་བཤད་ཀྱང་བརྟག་པར་བྱའོ། །འདི་རྣམས་ཀྱི་བོད་སྐད་རྗེ་བརྒྱད་པས་སྩལ་བ་དེ་ཀ་ལས་གཞན་ཏུ་མ་མཆིས་སོ། ༈ །དེ་ནས་རྟེན་འབྲེལ་སྙིང་པོའི་གཟུངས་ཀྱི་སྒྲ་བསྒྲུབས་མཚོ་ལྡན་མའི་བརྡ་སྤྲོད་པ་ལྟར་བྲི་ན། རབ་བྱེད་ལས། ཨ་བ་དང་རབ་སྐོང་བ་ལའོ། །མུཀྲ་རྐྱེན་ནོ། ཀྲ་ཡིག་ཀིཏ་བྱ་བའི་དོན་ཏོ། །ཀིཏྲ་ཉིད་ལས་སཾ་པྲ་སཱ་ར་འོ། །སྐྱོང་བ་བྱེད་དོ་ཞེས་

― LT40_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

པར། ཨོཾའོ། ཞེས་གསུངས། འདིར་སཾ་པྲ་སཱ་ར་་ནི་མཐའི་བྲ་ཨུ་རུ་བསྒྱུར། ཨ་ཨུ་ལ་ཨོ། མྲ་ང་རོ་བྱས་པས་འགྲུབ་བོ། །ཡདྲ། བཞག །རྟགས་ཀྱི་དོན་ལ་དང་པོ་འོས་ཛསྲ་བྱིན། ཏྱདྲ་ལ་སོགས་པའི་ཊིའི་སི་ལ་སོགས་པ་ལ་ཨའོ་ཞེས་པས་ཊི་ཨརྲ་བྱས། ཛསྲ་ཨཱིའོ་ཞེས་པས་ཛསྲ་ཐམས་ཅད་ཨཱི། ཨ་ཨི་ལ་ཨེ་བྱས་པས། ཡེ། གང་རྣམས། །ཡ་དྲ་ལ་མཽ་དང་མ་ནིང་གི་རྟགས་མཐའ་ལྟར་བསྒྲུབས་པས། ཡེ། གང་དག་ཅེས་པ་འགྲུབ་ཀྱང་འདིར་དྷརྨ་སྐྱེས་པའི་རྟགས་མཐའ་དང་སྦྱར་བའི་ཡདྲ་ཀྱང་དེ་ལྟར་དུ་བསྒྲུབས་པ་ལེགས་ཏེ་གཏིབས་པའི་རྟགས་སུ་བཤད་པ་གང་ཞིག །བརྗོད་བྱ་གཙོ་བའི་ཕྱིར་རོ། །དག་དང་རྣམས་ཞེས་པའང་མཐའ་གཅིག་ཏུ་ཁྱད་ཆེ་བ་མ་ཡིན་ཏེ་སྤྱི་སྒྲ་བྱེ་བྲག་ལ་སྦྱར་བར་ཟད་དོ། །དྷྲྀཉྲ་འཛིན་པ་དང་གསོ་བ་ལའོ། །ཉྲ་ཉྲི་དྲ་དང་སྭ་རི་ཏའི་གཉིས་ཀའོ་ཞེས་པའི་ཚིག་དོན་ཏེ་ཕྱིས། ཨུྲ་སོགས་ཀྱི་མ་བྱིན། ཡོན་ཏན་ནོས་རྀ་ཨཏྲ། དབྱངས་ཀྱིས་དམན་པ་ཕ་རོལ་དུ་ཡང་དག་པར་སྦྱར་རོ། །ཞེས་པས་ཏྲདྲ་སོ་ས་སི་སྦྱར་བ་ན། ར་ལས་ཡ་ས་གཉིས་པོས་མ་གཉིས། ཆུ་ལ་ཀུ་བའི་རིགས་པས་རྲ་ཡིག་སྟེང་དུ་འགྲོའོ། །མཐར་ཛསྲ། ཛྲ་ཕྱིས། ཛས་ལའོ་ཞེས་པས་ཨ་དག་རིང་པོ་གཅིག་

― LT40_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་གྱུར། ས་ར་དག་གི་རྣམ་བཅད་དོ་ཞེས་པས་སྲ་རྣམ་པར་བཅད་བྱར་བསྒྱུར་བས། དྷརྨཱཿཆོས་རྣམས། ཧི་འགྲོ་བ་ལ་སྟེ་འཕེལ་བ་ལའང་ངོ། །ཙཱནྡའི་ཨུྲ་དང་པོར། ཀ་མི་མ་ནི། ཛ་ནི་ཧི་རྣམས་ལས་ཏུའོ་ཞེས་པས་ཏུ་རྐྱེན་དང་། ཡོན་ཏན་ནོ་ཞེས་པས་ཨེ་ཨི་བྱས་པས། ཧེ་ཏུ། རྒྱུ་སྟེ། རབ་བྱེད་ཀྱི་རྒྱ་དཔེར། ཨུྲ་ལ་སོགས་པ་དཔག་ཏུ་མེད་པ་རྣམས་རབ་ཏུ་སྦྱོར་བའི་རྗེས་སུ་འབྲང་ནས་རབ་ཏུ་སྦྱར་བར་བྱའོ། །ཞེས་འབྱུང་བའི་ཕྱིར། དེ་ལ་ལྔ་པའི་ང་སི་བྱིན། ཏེ་ཏོཿགྲུབ་པ་རྒྱུ་ལས། བྷཱུ་ཡོད་པ་ལའོ། །པྲ་སྔོན། དབྱངས་ལས་ལའོ་ཞེས་པས་ཨ། ཨཱུ་ཡོན་ཏན་ཨོ། ཨོ་ཨབྲའོས་དེ་ལྟར་བྱས་ནས་དབྱངས་མེད་སྦྱར་བས། པྲ་བྷ་བ། རབ་ཏུ་བྱུང་། སྔ་མ་དང་བསྡུས། ཨམྲ་ལ་སོགས་པ་དེའི་སྐྱེས་བུའོ། །ཞེས་པ་ལྟར། ལྔ་པ་དེའི་སྐྱེས་བུའི་བསྡུ་བ་འབྱུང་བས། མིང་གིའང་ཀྲྀཏ་ཀྱིས་བསྡུ་བའི་ཞེས་དང་། ལ་ལར་མི་འཇིག་གོ་ཞེས་པའི་ཤུགས་ལས་འདིར་ང་སི་བསྡུས། མཐར་ཛསྲ་སྦྱར་བ་སྔར་ལྟར་གྱིས། ཏེ་ཏུ་པྲབྟ་བཱཿ གྲུབ། ཡང་ཧེ་ཏུ་ལ་བཤད་པར་བྱ་བའི་ལས་ཡིན་པས་གཉིས་པའི་ཨམྲ་བྱིན། ཨམྲ་ཤསྲ་དག་གི་

― LT40_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

ཨའི་འོས་འདྲ་བ་ལས་ཨ་ཕྱིས། མའི་རྗེས་སུ་ང་རོའོ། །ཏདྲ་ལ་དྲུག་པའི་མང་ཚིག་ཨཱ་མྲ། བྱིན། ཏྱདྲ་ལ་སོགས་པའི་ཊི་ཨ། ཨཱམྲའི་སུཊྲའོས་སུཊྲ་སྟེར། ཨུཊྲ་ཕྱིས་ནས་དྲངས། །མྲ་ང་རོ། སབྷ་མང་པོ་ཉིད་ལ་ཨེ་འོས་རྟགས་མཐའི་ཨ་ཨེ། ཀུ་ལི་ལ་ལས་སེའི་སཱྃ་ཥཱཾ་བྱས་པས་ཏེ་ཥཱི། དེ་རྣམས་ཀྱི། ཧདྲ་ལ་རྣམ་པ་ལ་ཐཱ། ཊི་ཨ་བྱས། གམླྀ་འགྲོ་བ་ལའོ། །ལྀ་ཕྱིས། འགྲོ་བའི་དོན་དང་ལས་བྱེད་པ་པོ་ལཀྟ་འོས། འདིས་གཤེགས་སོ་ཞེས་པར་ཀྟ་བྱིན། དབྱི་བ་ནི། ཏནྲ་ཨ་ནུ་དཏྟ་རྣམས་ཀྱི་འོས་མྲ་དང་། ཀྲ་དེའི་བྱས། མཐར་སི་རྣམ་གཅད། ཏ་ཐཱ་ག་ཏཿདེ་བཞིན་གཤེགས་པ། སྡེབ་སྦྱོར་གྱི་ཕྱིར་རྐང་པ་ཁ་བསྐང་ལ་ཧི་སྦྱར། བ་ང་སྨྲ་བ་ལའོ། །ཨ་ཕྱིས། དེ་རིང་མ་ཡིན་པའི་བྱུང་བ་ལ་ལ་དྲའི་དིཔྲ་སྦྱར། ཨིཔྲ་ཕྱིས། བྱེད་པ་པོ་ལ་ཨཔྲ་འོས་ཨཔྲ་བི་སྟེར་ནས་དྲངས། པྲ་ཁྱད་དོན། དིཔྲ་སོགས་ལ་ཨཊྲ་འོས་བྱིངས་ཀྱི་ཐོག་མར་ཨཊྲ། ཊྲ་ཕྱིས། རྫོགས་པ་ལ་ཡང་ན་འོས་དྲ་ཏྲ་བྱས་པས། །ཨ་བ་དཏྲ། གསུངས་སོ། །ཡང་ཏེ་ཥཱཾ་སྔར་ལྟར་བཞག །དང་གི་དོན་གྱི་མི་ཟད་པའི་ཙ་སྦྱར། ཡདྲ་ལ་སི་སྦྱར། ཊི་ཨ། སྲ་རྣམ་བཅད་བྱས་པས། ཡཿགང་། ནི་སྔོན་མའི་རུ་

― LT40_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

དྷིར་སྒྲིབ་པ་ལའོ། །ཨིཏ་ཕྱིས། དངོས་པོ་ལ་གྷ་ཉའོ་ས་དེ་བྱིན། ཨུ་པ་དྷཱ་ཡང་བའི་འོས་ཨུ་ཡོན་ཏན་ཨོ། རྗེས་འབྲེལ་ཕྱིས་ནས་སྦྱར་བས། ནི་རོ་དྷ། འགོག་པ། །འདི་ལྟར་རམ་འདི་སྐད་ཅེས་པར་མི་ཟད་པའི་ཨེ་ཝཾ་སྦྱར། ཡང་། བ་ད་སྨྲ་བ་ལས། འདས་པ་ལ་ི་ནི་འོས་དེ་སྦྱར། མཐའི་ཨི་བརྗོད་དོན་ཕྱིས། ཨཏྲ་ཨུ་པ་དྷཱའི་འོས་པའི་ཨ་འཕེལ། །ྲ་དེའི་དོན་ཕྱིས་ནས་སྦྱར། མཐར་སི་བྱིན། ཨིནྲ་རྣམས་ཀྱི་ཤི་དང་སི་ལ་འོས་ཨི་ཨུ་པ་དྷཱ་དིང་། ཧ་ས་ཨཱིསྲ་ལས་སི་དབྱི། དྷི་མ་ཡིན་པ་ལ་མིང་གི་ནྲ་ཕྱིས་པས། བཱདཱི། སྨྲ་བའི་ངང་ཚུལ་ལམ་སྨྲ་བར་མཛད་དོ་ཞེས་པའོ། །མ་ཧ་མཆོད་པ་ལས། ཤ་ཏྲྀ་དང་ཤན་དག་བྱ་བ་ལ་ཏི་པྲ་དང་ཏེ་བཞིན་ནོ་ཞེས་པས་ཤ་ཏྲྀ་བྱིན་ནས་བསྒྲུབས་པས། མ་ཧཏྲ། དེ་ལ་སི། ནུམྲ་སོགས་ཀྱིས། མ་ཧཱ། ཆེན་པོ་སྟེ་དྷི་མ་ཡིན་པ་ལ་ཞེས་སོགས་ཀྱི་ནྲའང་ཕྱིས་པའོ། །ཤྲ་མུ་དཀའ་ཐུབ་ལ་སྟེ་སྐྱོ་བ་ལའང་ངོ་། །ཨུ་ཕྱིས། ཡུཊྲ་འོས་དེ་བྱིན། ཊྲ་ཕྱིས། ཡུ་བུ་དག་གི་ཨ་ན་ཨ་ཀ་དག་གོས་ཡུ་ཨ་ནར་བསྒྱུར། དབྱངས་མེད་པ་ཕ་རོལ་དུ་སྦྱར། ར་ཥ་རི་ལས་མཐའ་མིན་པའི་ནའི་་འོས་ན་། འདི་ི་ནིའི་རྐྱེན་གྱིས་བྱེད་པ་པོ་བཤད་པའི་བྱེད་པ་པོ་ལ་དང་

― LT40_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་སི་སྦྱར་བས། ཤྲ་མ་ཿདགེ་སྦྱོང་། མ་ཧཱ་ནྲ་དང་བསྡུས། དགེ་སྦྱོང་འང་ཡིན་ལ་ཆེན་པོའང་ཡིན་པས་ལས་འཛིན་པ་སྟེ། ཚིག་སྡུད་བྱས་པ་ལས་ཕ་རོལ་གྱི་སྒྲ་སྔ་མར་ཚིག་ཕྲད་དུ་བརྗོད་པར་བྱའོ་ཞེས་གསུངས་པས་མ་ཧཱ་ནྲ་སྔོན། ནྲའི་ཡང་ན་འོས་ནྲ་ཕྱིས་པས་གྲུབ་བོ། །མཐར་སྭཱ་ཧཱ་སྦྱར་ཏེ་འདི་དང་ཨོཾ་གཉིས་སྔགས་བརྟན་པའི་ཆེད་དུ་སྦྱར་བར་ཟད་ཀྱི་ཞལ་ནས་གསུངས་པའི་ཚིགས་སུ་བཅད་པ་ལ་ནི་མེད་དོ། །དེ་དག་རྒྱུན་གཅིག་ཏུ་སྦྲེལ་བའི་ཚེ། ཨཱ་ལས་ཨ་བ་ལ་དབྱིའོ་ཞེས་པས་ཧེ་གཉིས་ཕ་རོལ་ལ་ཨཱ་ལས་རྣམ་བཅད་ཕྱིས། འདིའི་ཡ་ས་ལ་ཉ་མ་རྣམས་སོས་ང་རོ་རྣམས་སྡེ་པ་ལ་སྡེ་པའི་ལྔ་པར་བསྒྱུར། ཧ་བ་ལ་འོས། ཨ་ཏ་ལས་སྒྲ་ལྡན་ལ་རྣམ་བཅད་ཨུ། ཨ་ཨུ་ལ་ཨོ། དབྱངས་ལ་ཨིཡྲ་འོས་ཧིའི། ཨིཡྲ་རུ་བསྒྱུར་ནས་དབྱངས་མེད་སྦྱར་བས་འགྲུབ་བོ། །དེ་ལྟར་སྒྲ་བསྒྲུབ་ལེ་ཚན་འདི་རྣམས་འཁོར་ལོའི་མགོན་པོ་པད་དཀར་འཆང་བས་བཀའ་སྩལ་གནང་བ་ལྟར། རྗེ་དེ་ཉིད་ཀྱི་བསྟན་པའི་སྒོར་ཞུགས་པར་རློམས་པ་ཀརྨ་ངག་དབང་ཡོན་ཏན་རྒྱ་མཚོའམ། བློ་གཏེར་རབ་དགའ་ཚང་བྱུང་སྙེམས་པའི་ལང་ཚོའི་ཟླ་སྣང་ཞེས་ཀྱང་བགྱི་བའི་ད་རི་དྲཱས་ཤར་དཔལ་སྤུངས་ཀྱི་གདན་སར་བྲིས་པ་སྟེ། །

― LT40_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་གྲོས་དམན་ཞིང་དཔེ་ཚོ་ལ་སོགས་ཆེར་མ་ནུས་པས་ཉེས་པའི་ཆ་རྣམས་ལྔ་རིག་སྨྲ་བ་ཡོངས་ལ་བཤགས་ཤིང་། དགེ་བས་དཔལ་ལྡན་ཀརྨ་པ་ཆེན་པོའི་ཞབས་པད་བསྐལ་བརྒྱར་བརྟན་ཅིང་ཐེག་པ་ཆེན་པོའི་ཆོས་ཀྱི་འཁོར་ལོ་རྟག་ཏུ་བསྐོར་བས་བདག་ཅག་རྣམས་ཀྱང་སྨིན་པ་དང་གྲོལ་བའི་སྐལ་པ་ཅན་ཏུ་གྱུར་ཅིག །ཤུ་བྷ་མསྟུ་སརྦ་ཛ་ག་ཏཾ།། །།

བརྡ་སྤྲོད་པ་ཙཱནྡྲ་པའི་སྐབས་སུ་ཉེ་བར་མཁོ་བའི་ཏིདྲ་མཐའི་དཔེར་བརྗོད་ཉུང་ངུ་རྣམ་གསལ།

― LT40_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡ་སྤྲོད་པ་ཙཱནྡྲ་པའི་སྐབས་སུ་ཉེ་བར་མཁོ་བའི་ཏིདྲ་མཐའི་དཔེར་བརྗོད་ཉུང་ངུ་རྣམ་གསལ་ཞེས་བྱ་བ་བཞུགས་སོ། །

― LT40_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མཉྫུ་ཤྲཱི་གྷོ་ཥ་ཤྩཱ་བྷེ་ད་གུ་ར་བེ། འགྱུར་བཅས་ཉོན་ཡིད་སྤྲིན་རིས་ཟག་མེད་མཁར། །བསྡོམས་པས་ཚེ་དབང་རིག་འཛིན་ཉི་གཞོན་སྣང་། །སྤྲོ་དེས་མཆོག་གསང་རྡོ་རྗེའི་དྲི་བཟང་ཁང་། །འབྱེད་མཛད་གྲུབ་པའི་དབང་པོ་བསྟན་འགྲོའི་མགོན། །འགྱུར་མེད་གནས་ལུགས་གྲུབ་རྩལ་མངའ་བརྙེས་པས། །མཁྱེན་དཔྱོད་མིག་གི་མེ་རིའི་མཐུ་ནུས་གཟིས། །རྨོངས་ཆེན་ཡིད་སྲུབས་སྟོབས་ལས་རྣམ་རྒྱལ་བའི། །གྲགས་པ་དོན་ལྡན་དབང་ཕྱུག་གཏན་གྱི་སྐྱབས། །ཁྱོད་མཁྱེན་ཧ་རི་ཙཱནྡྲ་འབྲས་བུ་བཟང་། །སྐལ་ལྡན་བློ་གྲོས་ལག་པར་ཉག་གཅིག་ཙམ། །ཐོབ་པའི་ཆ་ཤས་བརྡའ་སྤྲོད་ཙཱནྡྲ་པར། །ཉེར་མཁོ་ཏིདྲ་མཐའི་དཔེར་བརྗོད་ཅུང་ཟད་དབྱེ། །

― LT40_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་སྐབས་འདིར་བརྡ་སྤྲོད་པའི་ཡན་ལག་ཏུ་མཁོ་གལ་ཆེ་བ་ཏིདྲ་མཐའི་འཇུག་ཚུལ་དང་དཔེར་བརྗོད་བླ་མ་དམ་པའི་ཞལ་རྒྱུན་ལྟར་ཉུང་བསྡུས་ཤིག་འབྲི་བ་སྟེ། སྤྱིར་ཀུན་བཤད་ཀྱི་རྐྱེན་ཐམས་ཅད་ཀྱི་རྩ་བ་ནི་ཏིདྲ་རྐྱེན་བཅོ་བརྒྱད་ཡིན་ཞིང་། དེའི་རྩ་བ་ནི་ལ་དབྱངས་མེད་ཁོ་ན་ཡིན་ལ། དོན་གྱི་ནུས་པ་ཐ་དད་པ་དགུ་ཡོད་པའི་བརྡར་རྗེས་འབྲེལ་དགུ་སྦྱོར་བས་ཟློས་པ་དང་བཅས་རིགས་བཅུ་སྟེ། ལཊྲ། ལོཊྲ། ལིདྲ། ལདྲ། ལུདྲ། ལིཊྲ། ལུཊྲ། སྨོན་པའི། ལིདྲ། ལྀྲཊྲ། ལྀྲདྲ་རྣམས་སོ། རྗེས་འབྲེལ་རྣམས་ནི་སོ་སོའི་མདོས་དགོས་པ་དང་བཅས་དབྱི་ཚུལ་སོ་སོའི་སྐབས་སུ་འཆད་དོ། །འདི་ནི་ཀླུས་བྱས་པའི་བརྡ་ཆད་དུ་གྲགས་ལ། ཀ་ལཱ་པ་

― LT40_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སུ་འདི་རྣམས་ལ་འཇུག་ཡུལ་གྱི་དོན་དང་སྦྱར་ཏེ། རིམ་པ་བཞིན་ཏུ། བརྟྟ་མཱ་ནཱ། པཉྩ་མཱི། སཔྟ་མཱི། ཧྱསྟ་ནཱི། ཨདྱ་ཏ་ནཱི། བརོཉྲཀྵཱ། ཤྭསྟ་ནཱི། ཨཱ་ཤཱི་ཥ། བྷ་བི་ཥྱནྟི། ཀྲི་ཡཱ་ཏི་པཏྟི་སྟེ། ད་ལྟར་བ། ལྔ་པ། བདུན་པ། ཁ་སང་། དེ་རིང་། ལྐོག་གྱུར། སང་། སྨོན་པ། འབྱུང་འགྱུར། བྱ་བ་ཤོར་བ་ཞེས་ཟེར་རོ། །དེ་རྣམས་ལས། ལཊྲ། ལོ་ཊྲ། ལི་དྲ། །ལདྲ་བཞི་ལ་ཏིདྲ་ཤིཏྲ་ཅེས་བྱ་སྟེ། བྱིངས་ལས་རྐྱེན་དེ་རྣམས་ལ་ཤ་འགྲོ་བ་ཅན་གྱི་བི་ག་ར་་འཇུག་པའི་ཕྱིར་བཏགས་པས། གཞན་ལུདྲ་སོགས་ལ་ཏིདྲ་ཤིཏྲ་མ་ཡིན་པ་བྱ་ཞིང་། གཞུང་གཞན་ཏུ་དེ་དག་ལ་བྱིངས་ཐམས་ཅད་པ་དང་། བྱིངས་ཕྱེད་པ་ཞེས་ཟེར། ལྲ་དབྱངས་མེད་དེས་དོན་བཅུ་ཀ་ལ་ཏིཔྲ་སོགས་བཅོ་བརྒྱད་པ་ཕྲག་བཅུར་བསྒྱུར་ནས། དེས་རང་རང་གི་བྱ་བ་བྱེད་པས་ན། གཞུང་གི་མདོ། ལྲའི་ཏིཔྲ་ཏསྲ་ཛིྭ། སིཔྲ་ཐ་ས་ཐ། མི་པྲ་བ་སྲ་མསྲ། ཏཨཱ་ཏཱ་མྲ་ཛྷ། ཐཱསྲ་ཨཱ་ཐཱམྲ་དྷྭམྲ། ཨིཊྲ་བ་ཧི་མ་ཧི་དྲ་འོས། དེ་བཞིན་ཏུ་བསྒྱུར་བར་བྱས་ནས། དེ་ལ་ཐོག་མཐའི་ཡིག་འབྲུ་སྦྱར་བས། ཏིང་ཞེས་པས་སྤྱི་མིང་གོ་བར་བྱེད། ཕྱི་མ་དགུའི་དང་པོ་ཏ་དང་མཐའི་དྲ་བསྡུས་པས་ཏདྲ་སྟེ་ཕྱི་མ་དགུའི་སྒེར་མིང་དང་། དེ་ཉིད་ལ་དགག་ཚིག་སྦྱར་བས་ཨ་ཏདྲ་སྟེ་ཏདྲ་མ་ཡིན་པ་ནི་སྔ་མ་དགུའི་མིང་ངོ། །རྐྱེན་བཅོ་བརྒྱད་

― LT40_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དེ་ལ་རྣམ་འགྱུར་བྱས་པས་ཏི་སོགས་བརྒྱ་དང་བརྒྱད་ཅུ་ཐམ་པ་འབྱུང་ལ་ཀ་ལཱ་པར་རྣམ་འགྱུར་བྱས་ཟིན་པའི་གཟུགས་སུ་ཡོད་པ་ཡིན་ནོ། །སྒྲ་གཞུང་གཞན་ཏུ་ཏདྲ་ཨ་ཏདྲ་དག་ལ། ཨཱཏྨ་ནེ་པད་དང་། པ་རསྨཻ་པ་ད་འབྱུང་བ། བདག་དོན་གྱི་ཚིག་དང་། གཞན་དོན་གྱི་ཚིག་ཅེས་བྱ། གཞུང་འདིར་ཡི་གེ་ཉུང་བ་གཙོ་བོར་སྟོན་པས་དེ་བཞིན་ཏུ་མ་བཤད་པར་ཟད་དོ། །བདག་དོན་དང་གཞན་དོན་ཞེས་པའི་རྒྱུ་མཚན་ཀྱང་མཐའ་གཅིག་ཏུ་ངེས་བཟུང་བྱར་མེད་དེ། རྐྱེན་དེ་རྣམས་གཙོ་བོར་བྱེད་པ་པོ་གཞན་ལ་ལྟོས་མི་དགོས་པར་རང་ཉིད་ཀྱི་བྱ་བ་ལ་འཇུག་པ་ཤས་ཆེ་བས་བདག་དོན་དང་། བྱེད་པ་པོ་གཞན་ལ་འཇུག་པ་ཤས་ཆེ་བས་གཞན་དོན་གྱི་ཚིག་ཅེས་བྱའོ། །སུཔྲ་ཏིདྲ་རྣམས་ལ་ཐུན་མོང་དུ་བི་བྷཀྟི་སྟེ་རྣམ་དབྱེའང་གདགས་པ་ནི། གཅིག་གཉིས་མང་པོ་སོགས་གྲངས་ཀྱི་རྣམ་པར་དབྱེ་བ་མང་པོ་དང་། བྱ་བྱེད་ལས་གསུམ་སོགས་དོན་གྱི་རྣམ་པར་དབྱེ་བ་མང་པོ་ལ་བརྟེན་ནས་འཇུག་པའི་རྒྱུ་མཚན་གྱིས་སོ། །ཏདྲ་དང་ཨ་ཏདྲ་གཉིས་ཀ་སོ་སོར་རྐྱེན་གསུམ་ཚན་གསུམ་སྟེ་དགུ་རེ་ཕྱེས་ཡོད་པ་ལ། གཞུང་དུ། ཁྱོད་ལ་དབུས་མ་གསུམ་མོ། །ངེད་ལ་ཕྱི་མའོ། །ཞེས་ཁྱོད་དང་ངེད་ཀྱི་སྒྲ་ཏཾྭ་ཨ་ཧཾ་ལྟ་བུ་དངོས་སུ་ཚིག་གྲོགས་ཀྱི་ནུས་པ་ཅན་གྱིས་བྱ་བ་བྱེད་པའི་སྒྲ་ལ་སྦྱར་ཚེ་རང་དོན་ཏུ། རྐྱེན་སྔ་ཕྱིའི་དབུས་མ་གསུམ་གསུམ་ནི་

― LT40_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་གྱི་དོན་ཏུ་སྦྱར་ཞིང་། ཕྱི་མ་གསུམ་གསུམ་ནི་བདག་གི་དོན་ལ་སྦྱར་བས། དང་པོ་གསུམ་གསུམ་ནི། ཤུགས་བསྟན་གྱི་ནུས་པས་བདག་གཞན་བྱེ་བྲག་མེད་པའི་དོན་དང་། བདག་གཞན་གྱི་ཚིག་གྲོགས་དངོས་སུ་མེད་ཀྱང་རྐྱེན་གྱི་དབང་ཁོ་ནས་ཀྱང་གོང་སྨོས་ལྟར་འགྱུར་བ་ཡང་ཤེས་པར་བྱའོ། །གཅིག་གཉིས་མང་པོ་རྣམས་ལའོ་ཞེས་པས། གསུམ་གསུམ་ཚན་པ་སྡེབ་པའི་སོ་སོར་གསུམ་རེ་ལ། སྐྱེས་བུ་དང་པོ། དབུས་མ། ཕྱི་མ་གསུམ་དུ་འབོད་ཅིང་། དེ་རེ་རེ་ལའང་། གཅིག་ཚིག་གཉིས་ཚིག་མང་ཚིག་གསུམ་གསུམ་དུ་དབྱེ་བ་དཔེར་ན། ཨ་ཏདྲ་ལ། ཏིཔྲ་ཏསྲ་ཛྷི་རྣམས་སྐྱེས་བུ་དང་པོའི་གཅིག་ཚིག་གཉིས་ཚིག་མང་ཚིག །སིཔྲ་ཐསྲ་ཐ་རྣམས་སྐྱེས་བུ་བར་མའི་གཅིག་ཚིག་སོགས། མིཔྲ་བསྲ་མསྲ་རྣམས་སྐྱེས་བུ་ཐ་མའི་སོགས་ཏདྲ་ལའང་ཁྱད་མེད་དོ། །དེ་རྣམས་ཀྱི་རྗེས་འབྲེལ་ཡང་། པྲ་གསུམ་ནི། ཧལྲ་པིཏྲ་ལ་ཨུཏྲའི་ཨཽཏྲའོ་སོགས་ཀྱི་རྟགས་དོན། ཊྲ་ཡིག་ཨིཊྲའི་ཨཊྲ་འོ་སོགས་ཀྱི་རྟགས་དོན། དྲ་སོ་སར་བསྡུ་བའི་དོན་གྱིས་དབྱི་བ་ཡིན་ནོ། །ཏིདྲ་མཐའི་བྱ་བ་རྒྱས་པར་སྟོན་པའི་གཞུང་ལ་འཇུག་སླ་བའི་ཕྱིར་འདིར་ཉུང་བསྡུས་ཤིག་དཔེར་བརྗོད་དེ། དང་པོ་ནི། ད་ལྟ་བ་ལ་ལཊའོ། །ཞེས་པས་ལཊྲ་ནི་བྱ་བའི་དོན་ལས་ད་ལྟ་བ་སྟེ་བྱེད་བཞིན་པའི་དུས་ལས་འགྱུར་ཏེ། གཞན་དོན་གྱི་ཚིག་

― LT40_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། བྷཱུ་ཡོད་པ་ལའོ་ཞེས་པའི་བྱིངས་དགུ་བཞག །མདོ་སྔ་མས་ལཊྲ་བྱིན། ཊྲ། ཊྲ་འགྲོ་བའི་ཏདྲ་རྣམས་ཀྱི་ཨེཊྲའོའི་དོན། ཨ་ཡིག་ལཊྲའི་ཤ་ཏྲྀའོ་ཞེས་པས་དབྱི། ལྲའི་ཏིཔྲ་ཏསྲ་སོགས་ཀྱི་མདོས། ཏིཔྲ་སོགས་དགུ་རུ་བསྒྱུར། རྗེས་འབྲེལ་རྣམས་ཕྱིས། བྱེད་པ་པོ་ལ་ཤཔྲ་འོས་ཤཔྲ། པྲ་ཤསྲ་ཤྱནྲ་ལས་སོ། དང་། ཤྲ་པིྲ་ཏྲ་དང་སྨོན་པའི་ལིདྲ་མ་ཡིན་པའི་ཏིང་ཤི་ཏྲ་ལའོའི་དོན། བྱ་བའི་དོན་གྱི་ཨིཀྲའི་ཨཏྲ་ཨེདྲ་འོས་ཨཱུ་ཨོ། ཨེ་ཙའི་ཨཡྲ་ཨ་ཝྲ་ཨཱ་ཡྲ་ཨཱཝྲ་རྣམས་སོས་ཨོ་ཨ་ཝྲ། དྲངས། ཡཉ་ལ་ཨཏྲའི་ཨཱཏྲ་འོས་པ་མ་ཕ་རོལ་ལ་མཐའ་ཉེ་རིང་། སྲ་སྲ་ཛུཥྲའི་རུ་འོས་སྲ་རུ། ཨུ་ཕྱིས། རྫོགས་པ་ལ་རྣམ་པར་བཅད་པ་འོས་རྲ་རྣམ་བཅད། བྷ་བ་ཏི། ཐམས་ཅད་འབྱུང་བཞིན་པ། བྷ་བ་ཏཿ ༡༤ཛྷིའི་ཨི་པྲ་ལ། ཛྷ་ཨནྟ་རུ་བསྒྱུར། ཏྲ་ཨི་ལ་དྲངས། ཐམས་ཅད་འབྱུང་བཞིན་པ་དག ༣༦ བྷ་བནྟི། ཐམས་ཅད་འབྱུང་བཞིན་པ་རྣམས། བྷ་བ་སི། ཁྱོད་འབྱུང་བ། བྷ་བ་ཐཿ ཁྱོད་འབྱུང་བ་དག །བྷ་བ་ཐ། ཁྱོད་འབྱུང་བ་རྣམས། བྷ་བཱ་མི། ངེད་འབྱུང་བ། བྷ་བཱ་བཿ ངེད་འབྱུང་བ་དག །ཨ་ལས་ཨཏྲ་ཨེདྲ་དོན་གཅིག་ཏུ་གྱུར། བྷ་བཱ་མཿངེད་འབྱུང་བ་རྣམས་སོ། །བདག་དོན་གྱི་ཚིག་ཅན། ཨེདྷ་འཕེལ་བ་ལའོ། །དགུ་བཞག །ལཊ་ལྲའི་ཏ་སོགས་སུ་བསྒྱུར། བར་རྐྱེན་

― LT40_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཤཔྲ་དྲངས། ཊྲ་འགྲོ་བའི་ཏདྲ་རྣམས་ཀྱི་ཨེཏྲའོ། །ཞེས་པས་མཐའི་དབྱངས་སོགས་ཨེ། ཛྷའི་ཨེ་ཕྲལ། །ཛྷའི་ཨནྲ་འོས། ཨནྟྲ་རུ་བསྒྱུར། ཏ་ཨེ་ལ་དྲངས། ཐསྲའི་སེ་འོས་ཐཱསྲ་སེ། ཨཱ་ཏྲའི་ཨིཏྲ་འོས། ཨཱ་དག་ཨི། དེ་ནི། ཨ་ལས་ཨཏྲ་ཨེདྲ་འོས་མཚམས་སྦྱོར། མདོ་དེས། །ཨནྟིའི་ཨ་དང་ཨིཊའི་ཨེ་དག་སྔ་མ་དང་གཅིག་ཏུ་གྱུར། ཡཉྲ་ལ་ཨཏྲའི་ཨཱཏྲའོ། ཨེ་དྷ་ཏེ། །ཐམས་ཅད་འཕེལ་བཞིན་པ་སོགས་བོད་སྐད་སྔར་བཞིན་ལ་འདིར་བྱེད་ཚིག་གི་ནུས་པ་མེད་པའི་ཁྱད་པར་རོ། །ཨེ་དྷེ་ཏེ། ཨེ་དྷནྟེ། ཨེ་དྷ་སེ། ཨེ་དྷེ་ཐེ། ཨེ་དྷ་དྷེྭ། ཨེ་དྷེ། ཨེ་དྷཱ་བ་ཧེ། །ཨེ་དྷཱ་མ་ཧེ་རྣམས་སོ། །གཞན་ཡང་ལཊྲ་ནི་དོན་མང་པོའི་འཇུག་པ་ཅན་ཏེ། བྷཱུ་ཐོབ་པ་ལས་ི་ཙྲ། བྷཱ་བ་ཡ་ཏེ། ལྟ་བུ་བྱེད་པ་པོ་སྔོན་མའི་ནུས་པ་གཙོ་ཆ་བ་ལ་འཇུག་པ་དང་། ཨེ་དྷ་ཏི། གྲུབ་པའི་མིང་རྐྱང་ལས་བྱ་བྱེད་མི་སྟོན་པ་སོགས་སོ། །ཨ་ཏདྲ་རྣམས་ལ་བྱེ་བྲག་མེད་པར་ཡོན་ཏན་ཐོབ་པ་ནི། གཅིག་ཚིག་རྣམས་པིཏྲ་ཡིན་བཞིན་ལ། གཉིས་ཚིག་དང་མང་ཚིག་ལའང་ཤཔྲའི་ནུས་པ་ཡོད་པས་ཏེ། རྣམ་དབྱེ་ལ་བརྟེན་ནས་ཡོན་ཏན་མེད་པ་ཤེས་པར་བྱའོ། །གཞན་ཡང་ལཊྲ་ཏིདྲ་ཁོ་ནར་མ་ཟད་ཀྲཾཏ་རྐྱེན་ཡང་ཡིན་ཏེ། ཤྭ་སུ་དང་། ཤ་ཏྲྀ། ཤཱ་ནཙྲ་རྣམས་ཀྱང་བསྒྱུར་བས་མང་པོ་ལའོ་ཞེས་

― LT40_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་བཏང་བའི་ནུས་པ་ཡོད་པ་ཡིན་ནོ། །གོང་དུ་དཔེར་བརྗོད་པ་ནི་གོ་སླ་བའི་ཕྱིར་བྷུ་སོགས་ལས་དཔེར་བརྗོད་པས་ཤཔྲ་ཁོ་ན་འཇུག་པར་ཟད་ཀྱི། བར་རྐྱེན་གཞན་རྣམས་ཀྱང་རྟོགས་པར་བྱ་དགོས་ཕྱིར་འདིར་ཕྱོགས་མཚོན་ཙམ་འབྲི་ན། ཤ་པ་སྦྱིན་པའི་དཔེར་བརྗོད་སོང་ནས་དེའི་རྣམ་འགྱུར། ཨ་ད་ཟབ། བི་ད་ཤེས་པ། ལཊྲའི་སྔ་མར་ཏིཔྲ་དང་ཕྱི་མར་ཛྷི་སོགས། ཤཔྲ། ཨདྲ་ལ་སོགས་པ་རྣམས་ལས་འཇིག་གོས་ཤཔྲ་འཇིག །ཁརྲ་ལ་ཛྷ་ལྲའི་ཙརྲ། ཡང་བ་མཐའ་ཉེའི་ཨཏྲ་ཨེདྲ། ཨཏྟི། ཟ། བེ་དནྟི་ཤེས། ཧུ་སྦྱིན་པ། བྷཱི་འཇིགས་པ། ལཊྲའི་ཏིཔྲ་དང་ཛྷི། ཤཔྲ། ཧུ་རྣམས་ཀྱི་གཉིས་ཀྱང་ངོས། གཉིས་བརྗོད། ཤཔྲ་འཇིག །ཀུ་ཧ་དག་གི་ཙུ་འོས་ཧུ་སྔོན་མ་ཛུ། ཐུང་ངུ་འོས་བྷཱི་སྔ་མ་ཐུང་། ཛྷཥའི་ཛ་ཤ་འོས་དེ་བི། ཨི་ཀྲའི་ཨེདྲ། མ་བརྩེགས་པ་ལས་ཨཙྲ་གཅིག་མ་ཡིན་པའི་ཨིའི་འོས། བྷཱིའི་ཨཱི། ཡྲ། གཉིས་བརྗོད་ཕལ་ཨཏྲ་འོས་ཛྷྲའི་ཨཏྲ། དྲངས། ཛུ་ཧོ་ཏི། སྦྱིན། བི་བྷྱ་ཏི། འཇིགས་གྲུབ། ཨདྲ་སོགས་ཀྱི་ཤ་པ། ཨི་ཧ་བྷ་བཱནྡཱ་སྟཱཾ། འདོད་ན་འདིར་ཁྱོད་གནས་པར་བྱ། ལྷག་པར་འདོད་པ་ལ། ཨ་དྷི་སྔོན་མའི་ཨིདྲ་ཀློག་པ།ིཙྲ་ཀྲཱི་ཨིང་ཛི་རྣམས་ཀྱི་འོས་ཨི་ཨཱ་མཚམས་སྦྱར། རྀ་རཱྀ་ཙླཱྀ་ཧྲཱི་ཀྣུ་ཡཱི་ཀྵྨཱཡཱི་ཨཱཏྲ་རྣམས་ཀྱི་

― LT40_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

()ི་ལ་པུཀྲའོ། །ཀྲ་གནས་དོན། ཨུ་བརྗོད་དོན། ལོཊྲའི་ཏུ། ཤཔྲ། ཡོན་ཏན། མཚམས་སྦྱར། དྲངས། མཱ་་བ་ཀཾ་བྷ་བཱདྣཱ་དྷྱ་ས་ཡ་ཏུ། ཁྱོད་ཀྱིས་ཁྱེའུ་ལ་སློབ་པར་མཛོད་ཅིག །གྲོས་འདེབས་པ་ལ། ཨ་དྷི་སྔོན་མའི་ཨིདྲ། ལྲའི་ཨིཊྲ། དེ་ཨེ་དང་ཨཻསྲ། ཤཔྲ་འཇིག །བྱིངས་ཡོན་ཏན། ཨེ་ཨཡྲ། ཀིནྟུ་ཁ་ལུ་བྷོ་བྱཱ་ཀ་ར་་མ་དྷྱ་ཡཻ། འོ་ན་ཁྱེད་བརྡ་སྤྲོད་པ་སློབ་པར་མཛོད་ཅིག །དོན་ཏུ་གཉེར་བ་ལ། །ཌུདྲ་ཉྲ་སྦྱིན་པ། ལོཊྲའི་ཧིདྲ། ཤཔྲ་འཇིག་ཅིང་གཉིས་བརྗོད། ཨཔྲ་དཱ་དྷཱ་རྣམས་ཀྱི་ཧི་ལ་ཨེཏྲ་དང་གཉིས་མིན་པའང་ངོས་དཱ་སྔོན་མ་དབྱི། ཕྱི་མའི་ཨཱ་ཨེ། དེ་ཧི་མེ་བྷིཀྵཱཾ། བདག་ལ་བསོད་སྙོམས་བྱིན་ཅིག །ཅེས་སོ། །ལོཊྲའི་འཇུག་པ་སྒེར་དུ། སྤྲིང་སྐུལ་ལ། གམླྀ་འགྲོ་བ། ལོཊྲའི་ཏུ། ཤཔྲ། ཨི་ཥུ་ག་མི་ཡམྲ་རྣམས་ཀྱི་ཚའོ། །ཚལ་ཏུཀྲའོ། །སྟུའི་ཤྩུ་དང་ཥྟྱ་དག་གི་དེ་དག་གོ། །དྲངས། གྲཱ་མཾ་གཙྪ་ཏུ། གྲོང་དུ་སོང་ཞིག །རྗེས་གནང་ལ། ཀྲྀ་ཉྲ་ལས། ལོཊྲའི་ཧིདྲ། ཏནྲ་སོགས་ལས་ཨུ། བྱིངས་ཡོན་ཏན། རྲ་ཕ་རོལ། དྲངས། དེ་ལ་ཨཏྲའི་ཨུཏྲ་པིཏྲ་མ་ཡིན་པ་ལ་འོས། ཀ་ཀུ། མ་བརྩེགས་པ་ལས་བྱིངས་མ་ཡིན་པའི་ཨུཏྲ་ལས་སོས་ཧི་འཇིག །ཨེ་ཝཾ་ཀུ་རུ། དེ་བཞིན་མཛོད་ཅིག །དུས་བབ་ལ། ཀ་

― LT40_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

ཊཾ་ཀུ་རུ། རྩྭ་ལྷས་བྱེད་ངན་ནོ། །དོན་སྔ་མར་ཡུད་ཙམ་གྱི་སྟེང་ལས་སྨ་སྦྱོར་བ་ལ། མུ་ཧཱུ་ཪྟྟ་སྱོ་པ་རི་གྲཱ་མཾ་གཙྪ་ཏུསྨ་བྷ་བཱནྲ། ཡུད་ཙམ་གྱི་སྟེང་དུ་ཁྱོད་གྲོང་དུ་སླེབ་པར་མཛོད། སྤྲིང་སྐུལ་ཏེ་གཞན་དག་ལའང་དཔག་པར་བྱའོ། །གསོལ་བ་འདེབས་པའི་སྨའི་སྒྲ་སྦྱོར་བ་ལ། ཨངྒསྨ་བི་དྭནྨཱ་་བ་ཀ་མ་དྷྱ་པ་ཡ། ཀྱེ་མཁས་པ་ཁྱེའུ་ལ་ཀློག་ཏུ་འཇུག་པར་མཛོད་ཅིག །ཨངྒ་ནི་བོད་པའོ། །གཞན་ཡང་ལོཊྲ་ནི་དོན་མང་པོའི་འཇུག་པ་ཅན་ཡིན་པས་གཞུང་རྣམས་སུ་རྟོགས་པར་བྱའོ། །གསུམ་པ་ནི། སྒྲུབ་པ་ཞེས་པའི་མདོས་བསྟན་པའི་དོན་ཚན་རྣམས་སོགས་སུ་ལིདྲ་འགྱུར་ཏེ། གོང་གི་ལོཊྲ་དང་འདི་གཉིས་ལ་དུས་ཀྱི་དབྱེ་བ་ནི་མེད་དོ། །བྷཱུ་ཡོད་པ་དགུ། ཤཔྲ། ཡོན་ཏན། མཚམས་སྦྱར། ལིདྲ་བྱིན། དྲ་དྲ་འགྲོ་བའིའང་སོགས་ཀྱི་དོན། །ཨི་ལིདྲའི་སཱི་ཡུཊྲའོའི་དོན། ལྲའི་ཏི་པ་སོགས་སུ་བསྒྱུར། སྨོན་པ་མ་ཡིན་པ་ལ་དིཏྲ་འོས་རྣམ་དབྱེའི་གོང་དུ་ཡཱ་སུཊྲ་ཨཱ་ག་མ། ཊྲ་གནས་དོན། ཨུ་བརྗོད་དོན། མཐའ་མ་ཡིན་པའི་པྲའི་དབྱིའོ། །ཨཏྲ་ལས་ཨིཡྲ་འོས་ཡཱ་ཨིཡྲ། ཨ་ལས་ཨཏྲ་ཨེདྲ། ཏསྲ་ཐསྲ་ཐ་རྣམས་ཀྱི་ཏཱཾ་ཏཾ་ཏ། མི་པྲའི་ཨམྲའོ། །བསྲ་མསྲ་དག་གི་དབྱིའོ། །ཏང་མ་ཡིན་པའི་ཨིཏྲའི་འོས་ཏི་སིའི་ཨེ་ཕྱིས། །

― LT40_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

ཛྷིའི་ཛུསྲའོས་ཛྷི་ཛུསྲ། ཛྲ་ཕྱིས། ཝལྲ་ལ་ཡྲའི་དབྱི་འོས་ཝལྲ་ཕ་རོལ་ལ་ཡྲ་ཕྱིས། དྲངས། སྲ་རུ། རྣམ་བཅད། བྷ་བེ་ཏ། བྷ་བེ་ཏཱཾ། བྷ་ཝེ་ཡུཿ བྷ་བེཿ བྷ་བེ་ཏཾ། བྷ་བེ་ཏ། །བྷ་བེ་ཡཾ། བྷ་བེ་བ། བྷ་བེ་མ། ཨེ་དྷ་འཕེལ་བའི་བྱིངས་དགུ། ལིདྲའི་ཏདྲ། ཤཔྲ། ལིདྲའི་སཱི་ཡུཊྲ་འོས། སཱི་ཡུཊྲ་ཨཱ་ག་མ། ཨུཊྲ་ཕྱིས། མཐའ་མིན་པའི་སྲའི་དབྱིའོ། །ཝ་ཝ་ལ་ཡྲའི་དབྱིའོ། །ཛྷའི་རནྲ་འོས་ཛྷ་རནྲ། ཨིཊྲའི་ཨཏྲའོས་ཨཏྲ། ཨ་ཨི་དག་ཨེ། དབྱངས་མེད་དྲངས། སྲ་རུ་རྣམ་བཅད། ཨེ་དྷེ་ཏ། ཨེ་དྷེ་ཡཱ་ཏཾ། ཨེ་དྷེ་རནྲ། ཨེ་དྷེ་ཐཱཿཨེ་དྷེ་ཡཱ་ཐཾ། ཨེ་དྷེ་དྷྭཾཾ། ཨེ་དྷེ་ཡ། ཨེ་དྷེ་བ་ཧི། ཨེ་དྷེ་མ་ཧི་རྣམས་སོ། །སྒྲུབ་པ་སོགས་ཀྱི་དཔེར་བརྗོད་མཚོན་ཙམ་ནི། །ཌུཀྲྀཉྲ་བྱེད་པ། ལིདྲའི་ཏིཔྲ། བར་རྐྱེན་ཨུ། བྱིངས་ཡོན་ཏན་སོགས། ཡཱ་སུཊྲ། ས་ཕྱིས། ཀྲྀཉྲ་ལས་ཡྲ་ལའང་ངོས་ཨུ་ཕྱིས། དེ་ལ་ཨ་ཏའི་ཨུཏྲ་པིཏྲ་མ་ཡིན་པ་ལ་འོས་ཀ་ཀུ། དྲངས། ཀ་ཊཾ་ཀུརྻྻཱ་ཏྲ་བྷ་ཝཱནྲ། ཁྱོད་ཀྱིས་རེ་སྡེ་བྱོས་ཤིག །ངེས་པར་འབོད་པ་ལ། །བྷུ་ཛ་ཐ། ལིདྲའི་ཏ། ཤྣཱམྲ། ཤྣ་ཨསྲ་དག་གི་དབྱིའོས་ནའི་ཨ་ཕྱིས། ཛྷ་ལྲ་ལྲ་མཐའ་མིན་པའི་ནྲའི་ང་རོ། །ཡྲ་ཡྲ་ལ་རྗེས་སུ་ང་རོའི་ཡམྲ། སཱི་ཡུཊྲ་སོགས་ཀྱིས།

― LT40_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

ཨི་ཧ་བྷ་བཱ་ནྦྷུ་ཏ། འདིར་ཁྱོད་བྲོ་ཞིག །ཀུན་ཏུ་འབོད་པ་ལ། ཨཱ་ས་སྡོད། ལིདྲའི་ཏ། ཤཔྲ་འཇིག །ལིདྲའི་སཱི་ཡུཊྲ་སོགས། ཨི་ཧ་བྷ་བཱནྣཱ་སཱི་ཏ། ཁྱེད་འདིར་བཞེད་ན་བཞུགས་ཤིག །ལྷག་པར་འདོད་པ་ལ། ཨ་དྷི་སྔོན་མའི་ཨིདྲ་ཀློག་པ།ི་ཙ། ཨི་ཨཱ།ི་ལ་པུཀྲ། ལིདྲའི་ཏིཔྲ། ཤཔྲ། ཡོན་ཏན། མཚམས་སྦྱར། ཡཱ་སུཊྲ་སོགས། །མཱ་་བ་ཀཾ་བྷ་བཱནྣཱ་དྷྱཱ་པ་ཡེཏྲ། ཁྱོད་ཀྱིས་ཁྱེའུ་ལ་ཀློག་ཏུ་འཇུག་པར་མཛོད། ཡང་དག་པར་དྲི་བ་ལ། ཨ་དྷི་ཨིདྲ། ལིདྲའི་ཨིཊྲ། ཤ་པ་འཇིག །སཱི་ཡུཊྲ། ཨཀྲའི་ཨཀྲ་ལ་རིང་པོ། ཨཙྲ་ལ་ཤྣུ་བྱིངས་བྷྲཱུ་རྣམས་ཀྱི་ཨི་ཨུ་དག་གི་ཨིཡྲ་ཨུ་ཝྲ་དག་གོས། ཨི་ཨི་ཡཱ། དྲངས། ཀནྟུ་ཁ་ལུ་བྷོ་བྱཱ་ཀ་ར་་མ་དྷཱི་ཡཱི་ཡ། འོ་ན་ཁྱོད་བརྡ་སྤྲོད་པ་སློབ་པར་གྱིས་ཤིག་གུ། །བ་ལུ་ཞེས་པ་སྙིང་ཉེ་བའི་ཚིག་གོ། །སློང་བ་ལ། ཌུ་ལ་བྷཥྲ་ཐོབ་པ། ལིདྲའི་མིཔྲ། ཤཔྲ་ཡཱཱ་སུཊྲ་སོགས། ལབྷེ་ཡཾ་བྷིཀྵཾ། སློང་མོ་ཐོབ་པར་བགྱིའོ། །ཞེས་སོགས་སྤྲིང་སྐུལ་སོགས་ཀྱི་དཔེར་བརྗོད་ཀྱང་འདིར་ཡི་གེས་འཇིགས་པ་ལ་བློ་གསལ་རྣམས་ཀྱིས་རྟོགས་པར་བྱ་དགོས་སོ། །ལོཊྲ་དང་ལིདྲ་དག་ལ་བཉྩ་མཱི་དང་སཔྟ་མཱི་སྟེ་ལྔ་པ་དང་བདུན་པ་འབོད་པ་ནི། སྔ་མ། སྤྲིང་

― LT40_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུལ། རྗེས་གནང་། སྐབས་བབ། ནུས་པ་དང་། སྨོན་པ་ལྔའི་དོན་ལ་ངོས་འཛིན་ཅིང་། ཕྱི་མ་སྒྲུབ་པ་སོགས་དོན་ཚན་དྲུག་སྤྲིང་སྐུ་ལ་སོགས་གཅིག་ཏུ་བསྡོམས་ནས་བསྣན་པ་བཅས་བདུན་ཡོད་པའི་དོན་ཡིན་ནོ། །བཞི་པ་ནི། དེ་རིང་མ་ཡིན་པ་ལ་ལདྲའོ། །ཞེས་ཡས་ལདྲ་ནི་འདས་པའི་དོན་ལ་འཇུག་ཅིང་། དེའང་རིང་པོར་འདས་པ་མ་ཡིན་པ། དེ་རིང་མ་ཡིན་པ་ཞེས་པའི་སྒྲས། ཁར་སང་ཙམ་གྱི་དོན་ལ་འཇུག་སྟེ། །བྷུ་ཡོད་པའི་བྱིངས་དགུ། མདོ་སྔ་མས་ལདྲ། དྲ་དིཏྲའི་དོན། ཨ་ཡིག །མཱདྲ་དང་མི་ལྡན་པ་ལ་ལུདྲ་ལདྲ་ལྀྲདྲ་རྣམས་ལ་ཨཊྲའོ། །ཞེས་པའི་དོན། ལྲའི་ཏི་པ་སོགས་སུ་བསྒྱུར། ཤ་པ་ཡོན་ཏན་སོགས། མཱདྲ་དང་སོགས་ཀྱིས་བྱིངས་ཀྱི་དང་པོར་ཨཊྲ། ཊྲ།ྐྐིཏྲ་དག་དང་པོ་ཐ་མ་དག་གོའི་དོན། ཏདྲ་མིན་པའི་སོགས་ཀྱིས་ཏི་སི་ཛྷིའི་ཨི་ཕྱིས། མིཔྲའི་ཨམྲ། དྲ་འགྲོ་བའི་དུའང་སོགས་ཀྱིས་ཏསྲ་ཐསྲ་ཐ་རྣམས་ཏཱཾ་ཏཾ་ཏ། ཛྷའི་ཨམྟ་བརྩེགས་པའི་ཚིག་གི་འོས་དེའི་ཏྲ་དབྱི། ཨཏྲའི་ཨཏྲ་ཨེདྲ་ལའོ། །བསྲ་མསྲ་དག་གི་སྲ་དཕྱི། ཡ་ཉྲ་ལ་ཨཏྲའི་ཨཱཏྲ། ས་རུ་རྣམ་བཅད། ཧ་ལ་ལ་མྲའི་འོས་མྲ་ང་རོ། ཨ་བྷ་བཏྲ། ཐམས་ཅད་བྱུང་ངོ་། ཨ་བྷ་བ་ཏཾ། ཐམས་ཅད་དག་བྱུང་ངོ། ཨ་བྷ་བནྲ། ཐམས་

― LT40_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་རྣམས་བྱུང་ངོ་། །ཨ་བྷ་བཿཨ་བྷ་བ་ཏཾ། ཨ་བྷ་བ་ཏ། ཨ་བྷ་བཾ། ཨ་བྷ་བཱ་བ། ཨ་བྷ་བཱ་མ། ཨེ་དྷ་འཕེལ་བའི་བྱིངས་དགུ། ལདྲའི་ཏདྲ་རྣམས། བར་རྐྱེན་ཤཔྲ། ཐོག་མར་ཨཊྲ། ཨཻ་ཙྲལ་འོས་ཨ་ཨེ་དག་གཅིག་ཨཻ། ཛྷའི་ཨནྟ། ཨ་ལས་ཨཏུ་ཨིདྲ། ཨ་ལས་ཨཱཏྲ་ཨཱིཏྲ། ཡཉྲ་ལས་ཨཏའི་ཨཱཏྲ་སོགས། ཨཻ་དྷ་ཏ། ཨཻ་དྷེ་ཏཱཾ། ཨཻ་དྷནྟ། ཨཻའི་དྷ་ཐཱཿ ཨཻ་དྷེ་ཐཱཾ། ཨཻ་དྷ་དྷཾཱ། ཨཻ་དྷེ། ཨཻ་དྷཱ་བ་ཧི། ཨཻ་དྷཱ་མ་ཧི། གྲུབ་བོ། །ལྔ་པ་ནི། བྱུང་བ་ལའོ་ཞེས་སྤྱིར་བཏང་བ་ཅན་གྱི། ལུདྲའོ། །ཞེས་པས་བྱ་བའི་དོན་གྱི་བྱུང་བ་ལ་ལུངྲ་་རྐྱེན་ཏུ་འགྱུར་ཏེ། བྷཱུ་ཡོད་པའི་བྱིངས་དགུ། མདོ་དེས་ལུངྲ་། ང་བིཏྲ་ཏྲ་བྱ་བའི་དོན། ཨུ་ཡིག་ལུངྲལ་སིཙྲའོའི་དོན། བྱིངས་གོང་དུ་ཨཊྲ། ལྲའི་ཏིཔྲ་སོགས། ལུདྲ་ལ་སིཙྲ་འོས་པར་རྐྱེན་སིཙ། ཙྲ་དབྱངས་དོན། ཨི་ཨཱཏྲ་ཨཻཙྲའི་དོན། དཱ། དྷཱ། གཱ་ཏི། སྠཱ། བྷཱུ། པཱ་ལས་ཨ་ཏདྲ་ལ་འཇིག་གོས་སྲ་འཇིག །གཞན་ལདྲ་ལྟར་བསྒྲུབ། ཛཱ་གྲྀ་སོགས་ཀྱིས་སི་ཙ་ལ་བྱིངས་འཕལ་ཡང་། གཉིས་མིན་པའི་བྷཱུ་སཱུའི་ཏིདྲ་ལ་འོས་ཡོན་ཏན་བཀག་པས་འཕེལ་བའང་ཤུགས་ཀྱིས་བཀག །ལུདྲ་ལིཊྲ་དག་ལ་བྷཱུའི་བུཀྲ་འོས་དབྱངས་དང་པོ་ཅན་ལ་བུཀྲ། ཀྲ་གནས་དོན། །

― LT40_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

ཨུ་བརྗོད་དོན། དྲངས། ཨ་བྷཱུཏྲ། ཨ་བྷཱུཏྲཾ། ཨ་བྷཱུ་པནྲ། ཨ་བྷུཿཨ་བྷཱུ་ཏཾ། ཨ་བྷུ་ཏ། ཨ་བྷཱུ་བཾ། ཨ་བྷཱུ་བ། ཨ་བྷཱུ་མ། ཨེདྟ་འཕེལ་བའི་བྱིངས་དགུ། ལུདྲའི་ཏདྲ་རྣམས། ཨཊྲ་དང་པོར། མཚམས་སྦྱར། བར་རྐྱེན་སི་ཙྲ། ཨིཙྲ་ཕྱིས། ཝལྲ་དང་པོའི་ཨིཊྲ་འོས་ཨིཊྲ་ཨཱ་ག་མ། ཊྲ་གནས་དོན་ནམ་དབྱངས་དོན། དྲངས། དི་བུ་རྩེ་བ། ཥི་བུ་ཐགས་འཐག །ལཊྲ་དིབྲ་ལ་སོགས་པ་རྣམས་ལས་ཤྱནྲའོ། །ཤྲ་ཤིཏྲ་བྱ་བའི་དོན། ནྲ་ཁྱད་དོན། ཥྛི་པུ་ཥཀྐ་མ་ཡིན་པའི་དང་པོའི་ཥའི་སྲའོ། །ཨཏྲ་ཨེདྲ་མེད། བྱིངས་ཀྱི་རྲ་བྲ་དག་ལ་ཨཙྲ་མེད་པའི་ཨིཀྲའི་རིང་པོའོ། །དྲངས། དཱི་བྱ་ཏི། རྩེ་བར་བྱེད། སཱི་བྱ་ཏི། ཚོམ་བུ་བྱེད། ཏུ་ད། གཟིར།ུ་ད་དེད།འི་ནའོ། །ལཊྲ། ཏུདྲ་ལ་སོགས་པ་རྣམས་ལས་ཤ་འོས་ཤ །ཤྲ་ཤིཏྲའི་དོན། ཏུ་ད་ཏི། གཟིར། ནུ་དནྟི་དེང་། རུ་དྷིརྲ་སྒྲིབ་པ། བྷི་དིར་རྣམ་པར་འཇོམས། ལཊྲ། དུ་དྷྲ་ལ་སོགས་པ་རྣམས་ཀྱི་ཤྣམྲ་འོས་དབྱངས་མཐར་ཤྣམྲ། ཤྲ་ཤིཏྲ་བྱ་བའི་དོན། དྷཱ་མིན་པ་ལས་ཏ་ཐ་དག་གི་དྷའོ། །ཛྷ་ལྲའི་ཛ་ཤྲའོ། །དྲངས། ཚིག་གཅིག་ལས་ར་ཥ་ལས་ན་། རུ་དྡྷི། འགོག །བྷི་ན་དནྟི། འབྱེད། ཏ་ནུ་རྒྱས་པ་ལའོ། །ཌུ་ཀྲྀ་ཉུ་བྱེད་པ་ལའོ། །ལཊྲ་རྗེས་འབྲེལ་

― LT40_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིས། ཏནྲ་ལ་སོགས་པ་རྣམས་ལ་ཨུ་འོས་ཨུ། སྔ་མར་ཨུ་ཤྣུ་དག་གི་འོས་ཡོན་ཏན། རྗེས་མར་བྱ་བའི་དོན་གྱི་ཨིཀྲའི་ཨཏྲ་ཨེདྲ། རིཀྲའི་ཨྲ་ལས་རྲ་ལྲ་དག་གོ། ཀྲྀ་གྲཱྀ་དག་ལས་ཨུའང་བོས། ཀ་ཀུ། མཚམས་སྦྱར། ཏ་ནོ་ཏི། རྒྱས། །ཀུརྦནྟི། བྱེད། ཥུཉྲ་མངོན་པར་འཁྲུད་པ་ལའོ། །ཥིཉ་འཆིང་བ་ལའོ། །དང་པོའི་ཥ་སྲ། ལཊྲ། སུ་ལ་སོགས་པ་རྣམས་ལས་ཤྣུའོ། །ཤ་ཤིཏྲའི་དོན། སྔ་མར་ནུ་ཡོན་ཏན། རྗེས་མར་མཚམས་སྦྱར། སུ་ནོ་ཏི་འཁྲུད། བི་ནྭནྟི། འཆིང་། ཌུ་ཀྲཱིཉྲ་རྫས་བརྗེ་བ་ལའོ། །པྲཱི་ཉ་ཚིམ་པ་ལ་སྟེ་མཛེས་པ་ལའོ། །ཤྣཱའོ། །ཀྲཱི་ལ་སོགས་པ་རྣམས་ལས་སོས། ཤྣཱ། ཤྲ་ཕྱིས། ལཊྲ། རྗེས་མའི་དབྱངས་ཕྱིས། ཚིག་གཅིག་ལས་ར་ཥ་ལས་ནའི་འོ། །ཀྲཱི་ཱ་ཏི། འཚོང་། །པྲཱི་ནྟི། ཚིམ། པུ་ཥ་རྒྱས། གྲ་ཧ་ཉེ་བར་ལེན། ལོཊྲའི་སིཔྲ། དེ་ཧིདྲ། ཧལྲ་ལ་ཧི་ལ་ཤཱ་ན་ཙྲ་འོས། ཤཱ་ན་ཙྲ། ཙྲ་དབྱངས་དོན། ཤྲ་ཕྱིས། ཤིཏྲ་དིཏྲ་དག་ལ་འོས་གྲཏྲའི་ཡྲའི་ཨིཀྲ་ཕ་རོལ་སྔ་མ། ན་་དྲངས། ཨཏ་ལས་འཇིག་གོས་ཧི་འཇིག །པུ་ཥཱ་། གསོས་ཤིག །གྲྀ་ཧཱ། ཟུངས་ཤིག །ལྟ་བུ་སྟེ་རྐྱེན་བཅོ་བརྒྱད་པོ་ཐམས་ཅད་ལ་སྦྱང་ཤེས་པར་བྱ་ཞིང་།

― LT40_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

ཏིདྲ་ཤིཏྲའི་རྐྱེན་བཞི་ལ་འཇུག་པ་ནི་སྨོས་མ་དགོས་སོ། །གཉིས་པ་ནི། སྒྲུབ་པ་ཡང་དག་པར་དྲི་བ། དོན་དུ་གཉེར་བ་རྣམས་ལའོ། །ལོཊྲའོ། །སྤྲིང་སྐུལ་རྗེས་སུ་གནང་བ་དུས་ལ་བབ་པ་རྣམས་ལའོ་ཞེས་པས་ལོཊྲ་ནི། སྒྲུབ་པ་སྟེ་བྱ་བ་ལ་སྦྱོར་བ། ཡང་དག་པར་དྲི་བ་སྟེ་གྲོས་བྱེད་པ། དོན་དུ་གཉེར་བ་སྟེ་སློང་བ་དང་། བྷཱཥཱ་ལས། སྒྲུབ་པ། ངེས་པར་འབོད་པ། ཀུན་ཏུ་འབོད་པ། ལྷག་པར་འདོད་པ། ཡང་དག་པར་དྲི་བ། དོན་དུ་གཉེར་བ་རྣམས་ལ་ལིདྲའོ། །ཞེས་པ་འབྱུང་ཡང་འདིར་སྒྲུབ་པ་ཞེས་པའི་ཁོངས་སུ་འདུས་པར་མཛད་དེ། སྒྲུབ་པ་ནི་བྱ་བ་ལ་སྦྱོར་བ་ཙམ། ངེས་པར་འབོད་པ་ནི་བྱ་བ་ལ་ངེས་པར་སྦྱོར་བ། ཀུན་ཏུ་འབོད་པ་ནི་འདོད་པ་བཞིན་སྤྱོད་དུ་འཇུག་པ། ལྷག་པར་འདོད་པ་ནི་གསོལ་བ་འདེབས་པ་སྟེ། དོན་ཚན་དེ་རྣམས་ལ་ལིདྲ་མ་ཟད་ལོཊྲའང་འགྱུར་བས་ཐུན་མོང་བ་དང་། ལོཊྲའི་འཛུག་པ་སྒེར་དུ། སྤྲིང་བསྐུལ་ཏེ་མངགས་པ་དང་ལས་ལ་སྐུལ་བ། རྗེས་སུ་གནང་བ་སྟེ་འདོད་པ་དག་སྦྱིན་པ། །དུས་ལ་བབ་པ་སྟེ་བྱ་བའི་སྐབས་སུ་བབ་པ་རྣམས་དང་། གཞན་ཡང་། སྨ་ལ་ལོཊྲའོས། དོན་སྔ་མའི་ཡུལ་ལ་ཡུད་ཙམ་གྱི་སྟེང་གི་དོན་ལས་སྨའི་སྒྲ་སྦྱོར་བ་དེ་འདས་པའི་དོན་ལ་དང་།

― LT40_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་བ་གདབ་པ་ལ་སྨའི་སྒྲ་སྦྱོར་བ་རྣམས་ལ་ལོཊྲ་འགྱུར་ཏེ། བྷཱུ་ཡོད་པའི་བྱིངས་དགུ། མདོ་སྔ་མ་རྣམས་ཀྱིས་ལོཊྲ། ཊྲ་ཁྱད་དོན། ཨོ་ལོཊྲའི་ཨིའི་ཨུའོའི་དོན། ལྲའི་ཏིཔྲ་སོགས་སུ་བསྒྱུར། ཤཔྲ་དང་བྱིངས་ཡོན་ཏན། མཚམས་སྦྱར། ལོཊྲའི་ཨིའི་ཨུ་འོས་ཏི་དང་ཛྷིའི་ཨི་ཨུ། ང་འགྲོ་བའིའང་། ཏསྲ་ཐསྲ་ཐ་རྣམས་ཀྱིས་ཏཱཾ་ཏཾ་ཏ་རྣམས་སོ། །ཞེས་པས་དེ་ལྟར་བསྒྱུར། སིའི་ཧིདྲའོས་སི་ཧིདྲ། དྲཀི་ཏྲའི་དོན། །ཛྷའི་ཨནྟའོ། །མིའི་ཨཱ་ནིའོ། །བསྲ་མསྲ་དག་གི་དབྱི་འོས་དེ་དག་གི་སྲ་ཕྱིས། བམ་དག་ལ་ཊཱཔྲ་འོས་དེ་དག་གི་གོང་དུཊཱ་བྲ་ཨཱ་ག་མ། ཊཱཔྲ་ཕྱིས། ཨཀྲའི་ཨཀྲ་ལ་རིང་པོའོ། །ཨཏྲ་ལས་འཇིག་གོས་ཧི་འཇིག །ཨཏྲའི་ཨཏྲ་ཨེདྲའོ། བྷ་བ་ཏུ། བྷ་བ་ཏཱཾ། བྷ་བནྟུ། བྷ་པ། བྷ་བ་ཏཾ། བྷ་བ་ཏ། བྷ་བཱ་ནི། བྷ་བཱ་བ། བྷ་བཱ་མ། ཨེ་དྷ་འཕེལ་བའི་བྱིངས་དགུ། ཤཔྲ། ལའི་ཏ་སོགས། ཊྲ་འགྲོ་བའི་སོགས་དང་། ཨཱམྲའི་འོས། མཐའ་ཐམས་ཅད་ཨེ། ཐཱསྲའི་སེའོ། །ཛྷའི་ཨནྟ། ཨེཏྲའི་ཨཱམྲ་འོས་ཨེ་བཞི་ཨཱམྲ། སྲ་བྲ་ལས་བྲ་ཨ་མྲ་དག་གོས། སེ་དྷེ་དག་གི་ཨེ་དག་བྲ་ཨམྲ། ཨཱཏྲའི་ཨཏྲ་སོགས། ཨིཊྲ་ལ་སོགས་པ་རྣམས་ཀྱི་ཨཻསྲ་འོས། ཨིཊྲ་སོགས་གསུམ་གྱི་ཨེ་

― LT40_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཻ། བ་མ་དག་ལ་ཊཱ་པྲ་སོགས་ཀྱིས། ཨི་དྷ་ཏཱཾ། ཨེ་དྷེ་ཏཱཾ། ཨེ་དྷནྡཱཾ། ཨེ་དྷ་སྭ། ཨེ་དྷེ་ཐཱཾ། ཨེ་དྷ་དྷྭཾ། ཨེ་བྷཻ། ཨེ་དྷཱ་བ་ཧཻ། ཨེ་དྷཱ་མ་ཧཻ། གྲུབ་བོ། །གཞན་ཡང་ལོཊྲའི་འཇུག་པ་རྣམས་ཀྱི་དཔེར་བརྗོད་མཚོན་ཙམ་ལ། དང་པོ་ལིདྲ་དང་ཐུན་མོང་བའི་འཇུག་པ་དྲུག་ལས། སྒྲུབ་པ་ལ། ཨོ་ཧཱཀྲ་གཏོང་བ་ལས་ལོཊྲའི་སིཔྲ། དེ་ཧིདྲ། ཤཔྲ། ཧུ་རྣམས་ཀྱི་གཉིས་དག་ཀྱང་ངོས་ཤཔྲ་འཇིག །གཉིས་བརྗོད། ཀུ་ཧ་དག་གི་ཙུའོ། །ཐུང་ངུའོ། །ཧཾ་ལ་ཡང་ནའོས་ཧཱ་ཧཱི། ཛ་ཧཱི་ཧི་པཱ་པཱཾ། སྡིག་པ་སྤོངས་ཤིག །ལྟ་བུའོ། །ངེས་པར་འབོད་པ་ལ། བྷུ་ཛ་ཟ་བ། ལོཊྲའི་ཏ། ཨ་ཨེ། དེ་ཨཱཾ། རུ་དྷ་སོགས་ལས་ཤྣམྲ། ཤྣ་ཨསྲ་དག་གི་དབྱིའོ་དབྱངས་ཕྱིས། ཛྷལྲ་ལ་མཐའ་མ་ཡིན་པའི་ནའི་ང་རོ། །ཙུའི་ཀུའོ། །ཁརྲ་ལ་ཛྷ་ལྲའི་ཙརྲ། དྲངས། ཨི་ཧ་བྷ་བཱནྲ་བྷུཀྟཱཾ། འདིར་ཁྱོད་ཟོ་ཞིག །ཀུན་ཏུ་འབོད་པ་ལ། ཨཱ་ས་ཉེ་བར་སྡོད་པ། ལྲའི་ཏ་སོགས། ཛྷའི་ཨ་ཕྲལ། ཨཏྲ་མ་ཡིན་པ་ལས་ཏངྲ་ལ་འོས་ཛྷའི་ཨཏྲ། ཐུང་ངུ་ལས་སོས། དྷྭམྲ་ལ་སི་ཙྲའི་སྲ་ཕྱིས། ཨིཊྲ་ལས་ཡང་ན་འོས་ཡང་ན་དྷྭ་ཌྷྭ། ཨི་ལས་ཥ་འོས་སྲ་རྣམས་ཥ། སྟུའི་ཤྩུ་དང་ཥྩུ་དག་གི་དེ་དག་གོས། ཏ་ཐ་རྣམས་ཊ་ཋ་རུ་བསྒྱུར་བ་སོགས་ཀྱིས།

― LT40_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེ་དྷིཥྚ། ཨཻ་དྷི་ཥཱ་དྵཱཾ། ཨཻ་དྷིཥཱ་ཏ། ཨཻ་དྷི་ཥྤུཿ ཨཻ་དྷི་ཋཱ་ཐཱཾ། ཨཻ་དྷི་དྷྭཾ། ཨཻ་དྷི་དྷཾྭ། ཨཻ་དྷི་ཥི། ཨཻ་དྷི་ཥྭ་ཧེ། ཨཻ་དྷིཥྨ་ཧི་རྣམས་གྲུབ་བོ། །དྲུག་པ་ནི། ལྐོག་ཏུ་གྱུར་པ་ལ་ལིཊྲའོ། །ཞེས་པས། བསྒྲུབ་པའི་ཡུལ་ལྐོག་ཏུ་གྱུར་པ་སྟེ་མངོན་སུམ་དུ་ཤེས་པ་དང་མཐོང་བའི་ཡུལ་མ་ཡིན་པའི་དོན་གྱི་དེ་རིང་མ་ཡིན་པའི་བྱུང་བ་ལ་ལིཊྲ་འགྱུར་བ་སྟེ། བྷཱུ་ཡོད་པའི་བྱིངས་དགུ། མདོ་སྔ་མས་ལིཊྲ། ཊྲ་ཊྲཏྲ་བྱ་བའི་དོན། ཨི་ཨི་ཊྲའི་ཨི་རཙྲའོའི་དོན། ཙང་ལིཊྲ་དག་ལ་འོས་བྱིངས་གཉིས་བརྗོད། བྷཱུའི་ཨཏའས་བྷཱུ་སྔོན་མ་བྷ། ཛྷ་ཥའི་ཛ་ཤྲ་འོས་བྷ་བ། ལའི་ཏི་ཕུ་སོགས། ཏང་མ་ཡིན་པ་རྣམས་ཀྱི་་ལྲ། ཨ་ཏུསྲ། ཨུསྲ། ཐལྲ། ཨ་ཐུསྲ། ཨ།ལྲ། བ། མ་རྣམས་སོས་དེ་རྣམས་སུ་བསྒྱུར།ལྲ་དག་གི་ལ། བྱད་དོན།་གཉིས་ཨཱཏྲ་ཨེཙྲའི་དོན་དང་། ཡང་ན་་ཕྱི་མ་གཟུགས་མཚུངས་ལའི་དོན་ཏེ་ཕྱིས། ཐལྲའི་ལྲ་ཁྱད་དོན། ལུདྲ་ལིཊ་དག་ལ་བྷཱུའི་པུཀྲ་འོས་ཨཙྲ་དང་པོ་རྣམས་ལ་བུཀྲ་ཨཱ་ག་མ། ཨུཀྲ་ཕྱིས། ཝལྲ་དང་པོའི་ཨིཊྲ། བུཀྲའི་ཀིཏྲའི་ནུས་པས་ཨཱཏྲ་ཨཻཙྲ་དང་ཨཏ་ཨེདྲ་དུ་མི་འགྱུར། དྲངས། སྲ་རུ་རྣམ་བཅད། བ་བྷཱུ་བ། བ་བྷཱུ་བ་ཏུཿབ་བྷཱུ་བུཿབ་བྷཱུ་བི་ཐ། བ་བྷཱུ་བ་ཐུཿབ་བྷཱུ་བ། བ་བྷཱུ་བ།

― LT40_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བྷཱུ་བི་བ། བ་བྷཱུ་བི་མ། ཨེ་དྷ་འཕེལ་བ་ལ་ལིྲཊའི་ཏདྲ་རྣམས་སྦྱར། གཉིས་བརྗོད། ཧལྲ་དང་པོ་མིན་པའི་འོས་དྷྲ་སྔོན་མ་ཕྱིས། ཨཻ་ཙལ་འོས་མཚམས་སྦྱར། ཏའི་ཨེ་ཤྲའོས་ཏ་ཨེཤྲ། ཤྲ་ཐམས་ཅད་བསྒྱུར་བའི་དོན། ལིཊྲའིི་ཨི་ར་ཙྲ་འོས། ཛྷའི་ཨཻ་ར་ཙྲ། ཙྲ་དབྱངས་དོན། ཊ་འགྲོ་བའི་ཏདྲ་རྣམས་ཀྱི་ཨཏྲའོ། །ཨཱམྲའིའོ། །ཨིཊྲ་ཨཱ་ག་མ། ཊཱ་སྲའི་སེ། ཀུ་ལས་ཀྱང་བསྒྱུར་བའི་དང་སྲན་སོགས་དང་ཤཱ་སི་བ་སི་གྷཱ་ས་རྣམས་ཀྱི་སྲའི་འོས་སེ་ཥེ། ཨིཊྲ་ལས་དྷྭཾ་ཡང་ན་བྷྭཾ། དབྱངས་མེད་དྲངས། ཨཻ་དྷེ། ཨཻ་དྷཱ་ཏེ། ཨཻ་དྷི་རེ། ཨཻ་དྷི་ཥེ། །ཨཻ་དྷཱ་ཐེ། ཨཻ་དྷི་བྷེྭ། ཨཻ་དྷི་ཌྷྭེ། ཨཻ་དྷེ། ཨཻ་དྷི་བ་ཧེ། ཨཻ་དྷི་མ་ཧེ་རྣམས་སོ། །བདུན་པ་ནི། དེ་རིང་མ་ཡིན་པ་ལ་ལུཊྲའོ། །ཞེས་པས་དེ་རིང་མ་ཡིན་པའི་འབྱུང་འགྱུར་ཏེ། སང་ལྟ་བུའི་དོན་ལ་ལུཊྲ་འགྱུར་ཏེ། བྷཱུ་དགུ། ལུཊྲ། ཊུ་ཊིཏྲ་བྱ་བའི་དོན། ཨུ་ལུཊྲའི་དང་པོ་རྣམས་ཀྱི་ཌཱ་རཽ་ར་སུ་རྣམས་སོའི་དོན། ལྲའི་ཏིཔྲ་སོགས། ཝལྲ་དང་པོའི་ཨིཊྲ་འོས་ཐམས་ཅད་ལ་ཨིཊ། བྱ་བའི་དོན་གྱི་ཨིཀྲའི་ཨཏྲ་ཨེདྲ། ཨེཙྲའི་ཨཡྲ་ཨཝྲ་སོགས་ཀྱིས་མཚམས་སྦྱར། སྱ་ཏཱ་སྲ་དག་ལྀྲ་ལུཊྲ་དག་ལ་འོས། ཏཱསྲ་ཨཱ་ག་མ་ཐམས་ཅད་ལ་བྱིན། ལུཊྲའི་དང་པོ་རྣམས་ཀྱི། ཌཱ། རཽ། རསྲ། །

― LT40_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སོས། སྐྱེས་བུ་དང་པོའི་ཚིག་རྣམས་རིམ་བཞིན་དེ་དག་ཏུ་བསྒྱུར། ཌ། ཌིིཏ་ལ་མཐའི་ཨཙྲ་སོགས་དབྱིའོའི་དོན། མདོ་དེས་ཏཱ་སྲའི་ཨཱསྲ་དབྱི། དྲངས། ཏཱསྲ་ཨཱསྲ་ཀྱི་ར་ལའང་དབྱི་འོས། ར་དག་ལ་ཏཱསྲའི་སྲ་ཕྱིས། འང་སྒྲས་ཕ་རོལ་ལའང་དབྱི་བས། སི་ལ་འོས་སྲ་ཕྱིས། དབྱངས་མེད་དྲངས། སྲ་རུ་རྣམ་བཅད་བྱས་པས། བྷ་བི་ཏཱ། བྷ་བི་ཏཱ་རཽ། བྷ་བི་ཏཱ་རཿབྷ་བི་ཏཱ་སི། བྷ་བི་ཏཱ་སྠཿབྷ་བི་ཏཱ་སྠ། བྷ་བི་ཏཱསྨི། བྷ་བི་ཏཱ་སྭཿ བྷ་བི་ཏཱསྨཿ ཨེ་དྷ་འཕེལ་བ་དགུ། ལུཊྲའི་ཏདྲ་རྣམས་སྦྱར། ཝལྲ་དང་པོའི་ཨིཊྲ། ཐཱས་ཡན་ཆད་བཞི་ལ་ཨ་ཏདྲ་དང་ཁྱད་མེད། ཐཱསྲའི་སེའོ། །ཊྲ་འགྲོ་བའི་ཏངྲ་རྣམས་ཀྱི་ཨེཏྲའོ། །ཨཱ་མྲའིའོ། །དྷ་ལ་སངྲ་ལ་འོས་དྷེྭ་ཕ་རོལ་ལ་ཏཱ་སྲའི་སྲ་དཔྱི། དྲངས། ཨེ་ཏ་ལ་ཧ་འོས་ཨེ་ཕ་རོལ་ལ་ཏཱ་སྲའི་སྲ་ཧ་རུ་བསྒྱུར། ཨེ་དྷི་ཏཱ། ཨེ་དྷི་ཏཱ་རཽ། ཨེ་དྷི་ཏཱ་རཿ ཨེ་དྷི་ཏཱ་སོ། ཨེ་དྷི་ཏཱ་སཱ་ཐོ། ཨེ་དྷི་ཏཱ་བྷེྭ། ཨེ་དྷི་ཏཱ་ཧེ། ཨི་དྷི་ཏཱ་སྦ་ཧེ། ཨེ་དྷི་ཏཱསྨ་ཧེ་རྣམས་གྲུབ་བོ། །བརྒྱད་པ་ནི། སྨོན་པའི་ལིདྲ་སྟེ་སཔྟ་མཱིའི་བྱེ་བྲག། འབྱུང་འགྱུར་གྱི་དུས་ལ་སྨོན་ལམ་འདེབས་པའི་དོན་དུ་འགྱུར་ཏེ། བྷཱུ་དགུ། སྨོན་ལིདྲ། ང་དིཏ་བྱ་བའི་དོན། ཨི་ལིདྲའི་སཱི་ཡུཊྲའོ། །ཞེས་པའི་དོན་ཏེ་ཕྱིས།

― LT40_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

ལྲའི་ཨ་ཏདྲ་གི་རྣམ་དབྱེ་དགུ། ཏདྲ་མ་ཡིན་པ་ལ་ཡཱ་སུཊྲ་ཀིདྲ་འོས། ཡཱ་སུཊྲ་ཨཱ་ག་མ། ཨུཊྲ་ཕྱིས། ཏང་མ་ཡིན་པའི་ཨིཏྲའི་འོས་ཏི་སིའི་ཨི་ཕྱིས། ཀི་ཏའི་མིང་འདོགས་ལ་ཨཏྲ་ཨེདྲ་མེད། བརྩེགས་པ་དང་པོའི་སྲ་ཀྲ་དག་གི་མཐའ་ལའང་ངོས་ཏི་སི་ལ་སྲ་ཕྱིས། འདི་བྱིངས་ཕྱེད་པ་ཡིན་པའི་ཕྱིར། མཐའ་མ་ཡིན་པའི་སྲའི་དབྱི་འོས་ས་དབྱི་བ་མེད། ང་འགྲོ་བའིའང་དུས་ཅས྄་ཐས྄་ཐ་རྣམས་ཀྱི་ཏཱམྲ་ཏམྲ་ཏ་རྣམས་སོས་ཏསྲ་སོགས་ཏཱཾ་རྣམས་སུ་བསྒྱུར། ཛྷིའི་ཛུསྲ་འོས་ཛྷི་ཛུལྲ། མི་པྲའི་ཨམྲ། བསྲ་མསྲ་དག་གི་དབྱིའོ། །གཞན་སྤྱི་ལྟར་གྱིས། བྷཱུ་ཡཱཏྲ། བྷཱ་ཡཱ་སྟཱཾ། །བྷཱུ་ཡཱ་སུཿ བྷཱུ་ཡཱཿ བྷཱུ་ཡཱ་སྟཾ། བྷཱུ་ཡཱ་སྟ། བྷཱུ་ཡཱ་སཾ། བྷཱུ་ཡཱ་སྭ། བྷཱུ་ཡཱ་སྨ། ཨེ་དྷ་འཕེལ་བ་དགུ། ལའི་ཏདྲའི་རྣམ་དབྱེ། ལིདྲའི་སཱི་ཡུཊྲ་འོས་ཐམས་ཅད་ལ་སཱི་ཡུཊྲ་ཨཱ་ག་མ། ཨུཊ་ཕྱིས། ཝལྲ་དང་པོའི་ཨིཊྲ། ཀུ་ལས་ཀྱང་སོགས་ཀྱིས་སཱི་རྣམས་ཥཱི། ཏ་ཐ་ངག་གི་སུཊ་འོས། ཏ་ཐ་བཞི་ལ་སུཊྲ་ཨཱ་ག་མ། ཊ་གནས་དོན། ཨུ་བརྗོད་དོན། ཛྷའི་རནྲ་འོས་ཛྷའི་རན། ཝལྲ་ལ་ཡྲའི་དཔྱི། ཀུ་ལས་ཀྱང་སོགས་ཀྱི་ཥཱི་ལས་ཕ་རོལ་གྱི་སྲ་ཥ། སྟུའི་ཤྩུ་དང་ཥྞུ་དག་གི་དེ་དག་གོ། ཨིཊྲའི་ཨཏ་འོས་ཨིཊྲའི་ཨཏྲ། ཨིཊ་ལས་ཡང་ན་འོས་ཡང་ན་དྷཾཱ་ཌྷྭཾ། །

― LT40_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་སྔར་ལྟར། ཨེ་དྷི་ཥཱིཥྚ། ཨེ་དྷི་ཥཱི་ཡཱསྟཾ། ཨེ་དྷི་ཥཱི་རནྲ། ཨེ་དྷི་ཥཱིཥྛཿ ཨེ་དྷི་ཥཱི་ཡཱསྠཱཾ། ཨེ་དྷི་ཥཱི་དྷྭཾ། ཨེ་དྷི་ཥཱི་ཌྷཾ། ཨེ་དྷི་ཥཱི་ཡ། ཨེ་བྷི་ཥཱི་བ་ཧི། ཨེ་དྷི་ཥཱི་མ་ཧི། གྲུབ་བོ། དགུ་པ་ནི། འབྱུང་འགྱུར་ལ་ལྀྲཊྲའོ། ཞེས་འབྱུང་བར་འགྱུར་བའི་དོན་ཐམས་ཅད་དང་། དྲན་པ་བརྗོད་པ་སྟེ་མ་འོངས་པའི་དུས་ཀྱི་དྲན་པ་མངོན་དུ་བྱ་བའི་དོན་སོགས་ལ་ལྀྲཊྲ་འགྱུར་ཏེ། བྷཱུ་ཡོད་པའི་བྱིངས་དགུ། མདོ་སྔ་མས་ལྀྲཊྲ་བྱིན། ཊྲ་སྤྱི་ལྟར། རྀསྱ་ཏཱསྲ་དག་ལྀྲ་ལུཊྲ་དག་ལའོ་ཞེས་པའི་དོན། མདོ་དེས་སྱ་ཨཱ་ག་མ། ལྲའི་ཏིཔྲ་སོགས། དེ་ཝལྲ་དང་པོ་ཅན་དང་བྱིངས་ཏིངྲ་ཤིཏྲ་མིན་པའི་ཕྱིར་ཐམས་ཅད་ལ་ཨིཊྲ། ཡོན་ཏན། མཚམས་སྦྱར། ཀུ་ལས་ཀྱང་སོགས་ཀྱིས་སཥྲ། གཞན་ལཊྲའི་སྐབས་ལྟར་བསྒྲུབས་པས། བྷ་བི་ཥྱ་ཏི། བྷ་བི་ཥྱ་ཏཿ བྷ་བི་ཥྱནྟིི། བྷ་བི་ཥྱ་སི། བྷ་བི་ཥྱ་ཐཿབྷ་བི་ཥྱ་ཐ། བྷ་བེ་ཥྱཱ་མི། བྷ་བི་ཥྱཱ་བཿ བྷ་བི་ཥ་མཿ ཨེ་དྷ་འཕེལ་བ་ལས། ལྲའི་ཏདྲའི་རྣམ་དབྱེ་དགུ། སྱ་ཨཱ་གམ། ཨིཊྲ་ཨཱ་ག་མ། གཞན་ལཊྲའི་སྐབས་ལྟར་བསྒྲུབས་པས། ཨེ་དྷི་ཥྱ་ཏེ། ཨེ་དྷི་ཥྱེ་ཏེ། ཨེ་བྷི་ཥྱནྟེ། ཨེ་དྷི་ཥྱ་སེ། ཨེ་དྷི་ཥྱེ་ཏེ། ཨེ་དྷི་ཥྱ་དྷེྭ། ཨེ་དྷི་ཥྱེ། ཨེ་དྷི་ཥྱཱ་བ་ཧེ། ཨེ་དྷི་ཥྱཱ་མ་ཧེ་

― LT40_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གྲུབ་བོ། །བཅུ་པ་ནི། ལིདྲ་ལ་བྱ་བ་ཤོར་བ་ལ་ལྀྲདྲའོ། །ཞེས་པ་སྟེ། དེ་ཡང་ཀྲྀ་ཡཱ་ཏི་བཏྟི་ཞེས་པ་ཤོང་དཔང་སོགས་ཀྱིས་བྱ་བ་ཤོར་བར་བསྒྱུར་ཏེ། དོན་ཏུ་བྱ་བ་བསྒྲུབ་མི་བཏུབ་པའམ་མི་འོས་པ་ཞིག་གམ། བསྒྲུབ་ཏུ་རུང་ཡང་ད་ལྟ་མི་འགྲུབ་པ་ཞིག་ལ་བྱ་བ་སྦྱོར་བའི་ཚིག་བརྗོད་པ་སྟེ། བྷཱ་ཥཱའི་འགྲེལ་པར་དཔེར་བརྗོད་ལ། ཡ་དི་པརྵ་ས་ཧ་སྲ་མ་ཛཱི་བི་ཥྱཾ་ཏ་དཱ་པུཏྟྲ་ས་ཧ་སྲ་མ་ཛ་ནི་ཥྱཾ། གལ་ཏེ་ལོ་སྟོང་འཚོ་ན། དེའི་ཚེ་བུ་སྟོང་བསྐྱེད་པར་འགྱུར་རོ། །ཞེས་དང་། པཱ་ི་པའི་འགྲེལ་པར། སུ་པྲྀཥྚི་ཤྩེ་གྷ་པི་ཥྱཏྟ་དཱ་སུ་བྷིཀྵ་མ་བི་ཥྱཏྲ། གལ་ཏེ་ཆར་ལེགས་པར་འབབ་པར་འགྱུར་ན་དེའི་ཚེ་སློང་མོ་བཟང་པོ་འབྱུང་ངོ་། །ཞེས་སྔ་མ་བྱ་བ་བསྒྲུབ་མི་བཏུབ་པ་དང་། ཕྱི་མ་བསྒྲུབ་ཏུ་རུང་ཡང་ད་ལྟ་མི་འགྲུབ་པའི་དཔེར་བརྗོད་པའོ། །བྷཱུ་ཡོད་པའི་བྱིངས་དགུ། མདོ་སྔ་མས་ལྀྲངྲ་བྱིན། དྲ་དྲ་འགྲོ་བའིའང་སོགས་ཀྱི་དོན། རྀ་ཡིག་ཁྱད་དོན། ལྲའི་ཏིཔྲ་སོགས་དགུ་རུ་བསྒྱུར། མཱ་དུ་དང་སོགས་ཀྱིས་ཐོག་མར་ཨཊྲ། སྱ་ཏཱ་སྲ་དག་ལྀྲ་ལུཊྲ་དག་ལ་འོས་སྱ་བྱིན། ཝལྲ་དང་པོའི་ཨིཊྲ། བྱིངས་ཡོན་ཏན། མཚམས་སྦྱར། སྲ་ཥ། ཏདྲ་མ་ཡིན་པའི་ཨིཏྲའི་འོས་ཏི་པྲཛྷི་སི་པྲའི་ཨཙྲ་ཕྱིས། དྲ་འགྲོ་བའིའང་ཏསྲ་ཐསྲ་ཐ་རྣམས་ཀྱི་ཏཱཾ་ཏཾ་ཏ་རྣམས་སོས་

― LT40_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་ཏུ་བསྒྱུར། མི་པྲའི་ཨམྲ། བསྲ་མསྲ་ཀྱི་ས་དབྱི། ཡཉྲ་ལ་ཨཏྲའི་ཨཱཏྲ། ཧལྲ་ལ་མའི་དྲ་རོ། སྲ་སྲ་ཛུ་ཥའི་རུ་འོས། སྲ་རུ། རུའི་ཨུ་ཡིག །ཨཏྲ་ལས་ཧ་ཤྲ་ལའང་རུའི་འོ་ཞེས་པའི་རྟགས་དོན། རྫོགས་པ་ལ་རྣམ་པར་བཅད་པ་འོས་རྲ་རྣམ་བཅད། ཨ་བྷ་བི་ཥྱཏྲ། ཨ་བྷ་བི་ཥྱ་ཏཱཾ། ཨ་བྷ་བི་ཥྱ་ནྲ། ཨ་བྷ་བི་ཥྱཿ ཨ་བྷ་བི་ཥྱ་ཏཾ། ཨ་བྷ་བི་ཥྱ་ཏ། ཨ་བྷ་བི་ཥྱཾ། ཨ་བྷ་བི་ཥྱཾ་བ། ཨ་བྷ་བི་ཥྱཱ་མ། ཨེ་དྷ་འཕེལ་བ་ལའོ། །ལྲའི་ཏདྲའི་རྣམ་དབྱེ། ཨཊྲ་ཐོག་མ། སྱ་དང་ཨིཊྲ་ཨཱ་ག་མ། སྲའི་ཥྲ། ཨཏ་ལས་ཨཱཏྲའི་ཨིཏྲའོ། །ཛྷྲའི་ཨནྟ། ཨ་ལས་ཨཏྲ་ཨེངྲ་འོས་རྐྱེན་བཞི། མཚམས་སྦྱར། ཧལྲ་ལ་མའི་ང་རོ། སྲ་རུ་རྣམ་བཅད། ཡཉྲ་ལ་ཨཏྲའི་ཨཏྲ་འོས། བ་མ་ཕ་རོལ་ལ་མཐའ་ཉེ་རིང་བ་བཅས། ཨཻ་དྷི་ཥྱེ་ཏ། ཨཻ་དྷི་ཥྱེ་ཏཱཾ། ཨཻ་དྷི་ཥྱནྟ། ཨཻ་དྷི་ཥྱ་ཐཱཿ ཨཻ་དྷི་ཥྱེ་ཐཱཾ། ཨཻ་དྷི་ཥྱ་དྷྭཾ། ཨཻ་དྷི་ཥྱེ། ཨཻ་དྷི་ཥྱཱ་བ་ཧི། ཨེ་དྷི་ཥྱཱ་མ་ཧེ་རྣམས་གྲུབ་བོ། །འདི་དག་ནི་བྷཱུ་ཡོད་པ་དང་ཨི་དྷ་འཕེལ་བ་ཁོ་ན་ལ། ལྲ་སྦྱོར་བའི་དཔེར་བརྗོད་དེ། བྱིངས་གཞན་རྣམས་ལའང་སོ་སོའི་ཁྱད་པར་དང་བཅས་སྦྱོར་ཚུལ་ཐམས་ཅད་ཁོང་དུ་ཆུད་པར་

― LT40_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་དགོས་པ་ཉིད་དོ། །གཞན་ཡང་གཞུང་དུ། ཏངྲ་ཨཱན་རྣམས་ཇི་ལྟར་བཀླགས་པའོ། །ཞེས་པས་ཏངྲ་རྣམས་དང་ལཊྲའི་ཤཱ་ན་ཙཱ་རུ་བསྒྱུར་བ་ལྟ་བུའི་ཨཱ་ནའི་རྐྱེན་རྣམས། བྱིངས་རྣམས་བྱིངས་ཀྱི་མདོར་ཇི་སྐད་བཀླགས་པ་ལྟར་ཏེ། བདག་དོན་གྱི་ཚིག་ཅན་ལས་འཇུག་པ་དངོས་སུ་བསྟན་པས། ཨ་ཏངྲ་རྣམས་གཞན་དོན་གྱི་ཚིག་ལས་འཇུག་པ་ཤུགས་སུ་གོ་བས། གཞན་དོན་ལ་ཏངྲ་དང་། བདག་དོན་ལ་ཨ་ཏངྲ་ལྟ་བུ་སྦྱར་བར་མི་བྱའོ། །བརྡའ་སྤྲོད་རྒྱ་མཚོའི་འཇིངས་སུ་ཞུགས་པའི་རྩལ། །མ་རྫོགས་བློ་ཆུང་འཕར་འགྲོ་འདུ་བའི་གནས། །ཉུང་བསྡུས་ལེགས་བཤད་ཁྲོན་པ་འདི་ཉིད་ཀྱང་། །དོན་གཉེར་སྐོམ་ཚད་ཅན་གྱིས་བསྟེན་པར་འོས། །དགེ་ལེགས་རིན་ཆེན་ཁམས་ལས་ཉེར་གྲུབ་པའི། །འབུམ་ཕྲག་བློ་གྲོས་གསེར་གྱི་ཐུར་མ་ཡིས། །མ་རྟོགས་ལོག་རྟོག་རབ་རིབ་ཀུན་བསལ་ནས། །མཁྱེན་གཉིས་སྣང་བ་གསར་པས་མཛེས་གྱུར་ཅིག །ཅེས་པ་འདི་ནི། ཐམས་ཅད་མཁྱེན་གཟིགས་དཔལ་ལྡན་བླ་མ་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོ་ནས། སྐུ་ན་ཆུང་ངུའི་དུས་སུ་ཏིངྲ་མཐའི་དཔེར་བརྗོད་ཞིག་མཛད་ཀྱང་ཧ་ཅང་བསྡུས་དྲག་ནས་བློ་གྲོས་གསར་པུས་རྟོགས་དཀའ་

― LT40_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འདུག་པས་ཁྱོད་ཀྱིས་ལས་དང་པོ་པར་ཕན་ཕྱིར་གཞི་འདི་ཉིད་ལ་བརྟེན་ནས་རྒྱས་བསྡུས་འཚམས་པོ་ཞིག་བྲིས་ཤིག་ཅེས་བཀའ་སྩལ་བར་བརྟེན། དམ་པ་གང་གི་ཚད་མེད་པའི་ཐུགས་རྗེ་ལ་བརྟེན་ནས་བརྡའ་སྤྲོད་པའི་གནས་ཅུང་ཟད་མཐོང་བ་བསྟན་འཛིན་གཡུང་དྲུང་གྲགས་པས་ཀུན་མཁྱེན་དྷརྨཱ་ཀ་རའི་གསུང་རབ་ལས་གཅེས་པར་བཏུས་ཏེ་རང་ལོ་བཅོ་བརྒྱད་པར་ཟེ་ཆེན་བླ་བྲང་ཕུན་ཚོགས་ཡོངས་འདུས་སུ་བྲིས་པ་དགེ་བར་གྱུར་ཅིག །སརྦ་ཐཱ་ཤོ་བྷ་བནྟུ། །

― LT40_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་ཏུ་བསྒྱུར། མིཔྲའི་ཨམྲ། བསྲ་མསྲ་ཀྱི་ས་དབྱི། ཡཉྲ་ལ་ཨཏྲའི་ཨཱཏྲ། ཧལྲ་ལ་མའི་དྲ་རོ། སྲ་སྲ་ཛུཥའི་རུའོས། སྲ་རུ། རུའི་ཨུ་ཡིག །ཨཏྲ་ལས་ཧཤྲ་ལའང་རུའིའོ་ཞེས་པའི་རྟགས་དོན། རྫོགས་པ་ལ་རྣམ་པར་བཅད་པའོས་རྲ་རྣམ་བཅད། ཨ་བྷ་བི་ཥྱཏྲ། ཨ་བྷ་བི་ཥྱ་ཏཱཾ། ཨ་བྷ་བི་ཥྱནྲ། ཨ་བྷ་བི་ཥྱཿ ཨ་བྷ་བི་ཥྱ་ཏཾ། ཨ་བྷ་བི་ཥྱ་ཏ། ཨ་བྷ་བི་ཥྱཾ། ཨ་བྷ་བི་ཥྱཱ་བ། ཨ་བྷ་བི་ཥྱཱ་མ། ཨེ་དྷ་འཕེལ་བ་ལའོ། ལྲའི་ཏདྲའི་རྣམ་དབྱེ། ཨཊྲ་ཐོག་མ། སྱ་དང་ཨིཊྲ་ཨཱ་ག་མ། སྲའི་ཥྲ། ཨཏ་ལས་ཨཱཏའི་ཨིཏྲའོ། ཛྷྲའི་ཨནྟ། ཨ་ལས་ཨཏྲ་ཨེདྲ་འོས་རྐྱེན་བཞི། མཚམས་སྦྱར། ཧལྲ་ལ་མའི་ད་རོ། སྲ་རུ་རྣམ་བཅད། ཡཉྲ་ལ་ཨཏྲའི་ཨཱཏྲ་འོས། བ་མ་ཕ་རོལ་ལ་མཐའ་ཉེ་རིང་བ་བཅས། ཨཻ་དྷི་ཥྱེ་ཏ། ཨཻ་དྷི་ཥྱེ་ཏཱཾ། ཨཻ་དྷི་ཥྱེནྟ། ཨཻ་དྷི་ཥྱ་ཐཱཿ ཨཻ་དྷི་ཥྱེ་ཐཱཾ། ཨཻ་དྷི་ཥྱ་དྷཾྭ། ཨཻ་དྷི་ཥྱེ། ཨཻ་དྷི་ཥྱཱ་བ་ཧི། ཨཻ་དྷི་ཥྱཱ་མ་ཧེ་རྣམས་གྲུབ་བོ། འདི་དག་ནི་བྷཱུ་ཡོད་པ་དང་ཨེ་དྷ་འཕེལ་བ་ཁོ་ན་ལ། ལྲ་སྦྱོར་བའི་དཔེར་བརྗོད་དེ། བྱིངས་གཞན་རྣམས་ལའང་སོ་སོའི་ཁྱད་པར་དང་བཅས་སྦྱོར་ཚུལ་ཐམས་ཅད་ཁོང་དུ་ཆུད་པར་

― LT40_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་དགོས་པ་ཉིད་དོ། གཞན་ཡང་གཞུང་དུ། ཏདྲ་ཨཱན་རྣམས་ཇི་ལྟར་བཀླགས་པའོ། ཞེས་པས་ཏདྲ་རྣམས་དང་ལཊྲའི་ཤཱ་ནཙྲ་རུ་བསྒྱུར་བ་ལྟ་བུའི་ཨཱ་ནའི་རྐྱེན་རྣམས། བྱིངས་རྣམས་བྱིངས་ཀྱི་མདོར་ཇི་སྐད་བཀླགས་པ་ལྟར་ཏེ། བདག་དོན་གྱི་ཚིག་ཅན་ལས་འཇུག་པ་དངོས་སུ་བསྟན་པས། ཨ་ཏདྲ་རྣམས་གཞན་དོན་གྱི་ཚིག་ལས་འཇུག་པ་ཤུགས་སུ་གོ་བས། གཞན་དོན་ལ་ཏདྲ་དང་། བདག་དོན་ལ་ཨ་ཏདྲ་ལྟ་བུ་སྦྱར་བང་མི་བྱའོ། བརྡའ་སྤྲོད་རྒྱ་མཚོའི་འཇིངས་སུ་ཞུགས་པའི་རྩལ། །མ་རྫོགས་བློ་ཆུང་འཕར་འགྲོ་འདུ་བའི་གནས། །ཉུང་བསྡུས་ལེགས་བཤད་ཁྲོན་པ་འདི་ཉིད་ཀྱང་། །དོན་གཉེར་སྐོམ་ཚད་ཅན་གྱིས་བསྟེན་པར་འོས། །དགེ་ལེགས་རིན་ཆེན་ཁམས་ལས་ཉེར་གྲུབ་པའི། །འབུམ་ཕྲག་བློ་གྲོས་གསེར་གྱི་ཐུར་མ་ཡིས། །མ་རྟོགས་ལོག་རྟོག་རབ་རིབ་ཀུན་བསལ་ནས། །མཁྱེན་གཉིས་སྣང་བ་གསར་པས་མཛེས་གྱུར་ཅིག །ཅེས་པ་འདི་ནི། ཐམས་ཅད་མཁྱེན་གཟིགས་དཔལ་ལྡན་བླ་མ་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོ་ནས། སྐུ་ན་ཆུང་ངུའི་དུས་སུ་ཏིདྲ་མཐའི་དཔེར་བརྗོད་ཞིག་མཛད་ཀྱང་ཧ་ཅང་བསྡུས་དྲག་ནས་བློ་གྲོས་གསར་པུས་རྟོགས་དཀའ་

― LT40_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འདུག་པས་ཁྱོད་ཀྱིས་ལས་དང་པོ་པར་ཕན་ཕྱིར་གཞི་འདི་ཉིད་ལ་བརྟེན་ནས་རྒྱས་བསྡུས་འཚམས་པོ་ཞིག་བྲིས་ཤིག་ཅེས་བཀའ་སྩལ་བར་བརྟེན། དམ་པ་གང་གི་ཚད་མེད་པའི་ཐུགས་རྗེ་ལ་བརྟེན་ནས་བརྡའ་སྤྲོད་བའི་གནས་ཅུང་ཟད་མཐོང་བ་བསྟན་འཛིན་གཡུང་དྲུང་གྲགས་པས་ཀུན་མཁྱེན་དྷརྨཱ་ཀ་རའི་གསུང་རབ་ལས་གཅེས་པར་བཏུས་ཏེ་རང་ལོ་བཅོ་བརྒྱད་པར་ཟེ་ཆེན་བླ་བྲང་ཕུན་ཚོགས་ཡོངས་འདུས་སུ་བྲིས་པ་དགེ་བར་གྱུར་ཅིག །སརྦ་ཐཱ་ཤོ་བྷ་བནྟུ།།