རྒྱ་ཆེན་བཀའ་མཛོད།

རྒྱ་ཆེན་བཀའ་མཛོད།

གླེགས་བམ་བཅུ་བཞི་པ།

འཇམ་མགོན་ཀོང་སྤྲུལ་བློ་གྲོས་མཐའ་ཡས།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཀར་ཆག

― LT41_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་མགོན་ཀོང་སྤྲུལ་རྒྱ་ཆེན་བཀའ་མཛོད། ཕ། པར་སྨན་གྱི་ཟིན་ཏིག་བདུད་རྩིའི་ཐིག་པ་ལྡེབ། ༧༩ པདྨ་བཛྲའི་གནས་འདྲེན་དཀྱིལ་འཁོར་བྲི་ཡིག་ལྡེབ་༣བག་མའི་མདའ་བཤད་ལྡེབ། ༦ བག་མ་ལ་དགེ་བའི་ལས་ཕྲན་བདུན་པ་ལྡེབ། ༡༠ རྩིས་གཞུང་ལེགས་བཤད་ཀུན་འདུས་ལྡེབ། ༡༧༥ མི་ཕམ་གསུང་དཀར་རྩིས་སྔོན་འགྲོ་རིན་ཆེན་ཆེན་མེ་ལོང་ལྡེབ། ༦ འབྱུང་རྩིས་སྔོན་འགྲོ་ལྡེབ། ༩ ཟླ་བ་སྒྲ་གཅན་དྭངས་ཤེལ་མེ་ལོང་ལྡེབ། ༡ ཉི་མ་སྒྲ་ཅན་ནོར་བུའི་མེ་ལོང་ལྡེབ། ༡ རབ་ཡིད་ཤིང་མོ་སྦྲུལ་ལོའི་ལྀ་ཐུའུ་འགོ་བརྗོད་ལྡེབ། ༤ ཞར་བྱུང་སྤར་གྱི་ལྡེབས་སུ་འཁོད་པའོ། མཐའ་རྟེན་བསྔོ་སྨོན་སྐོར་ལ་བསྔོ་སྨོན་གྱི་སྐོར་ཟླ་འོད་བདུད་རྩིའི་ཆར་པ་ལ་ལྡེབ། ༩ ན་མོ་རཏྣ་ཏྲ་ཡཱ་ཡ། བསླུ་མེད་དཀོན་མཆོག་སོགས་ལྡེབ། ༡ མཚུངས་བྲལ་བླ་མ་སངས་རྒྱས་སོགས་ལྡེབ། ༡ བདག་ནི་འདི་བཟུང་སོགས་ལྡེབ། ༡ འདུན་དང་སྨོན་ལམ་ལྡེབ། ༡ བཅས་ཕ་པར་བསྡོམ་ལྡེབ་གྲངས་གསུམ་བརྒྱ་བདུན་བཞུགས། །དགེའོ། །

འཚོ་བྱེད་ལས་དང་པོ་ལ་ཉེ་བར་མཁོ་བའི་ཟིན་ཏིག་གཅེས་པར་བཏུས་པ་བདུད་རྩིའི་ཐིགས་པ།

― LT41_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

འཚོ་བྱེད་ལས་དང་པོ་ལ་ཉེ་བར་མཁོ་བའི་ཟིན་ཏིག་གཅེས་པར་བཏུས་པ་བདུད་རྩིའི་ཐིགས་པ་ཞེས་བྱ་བ་བཞུགས་སོ། །

― LT41_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཨ་ཐ། །ཀུན་གསལ་ངོས་སུ་བདུད་རྩིའི་ཐིག་ལེ་བཞིན། །ཆོས་དབྱིངས་མཁའ་ལ་གཟུགས་སྐུའི་འཛུམ་ཟེར་གྱིས། །རྒྱུ་འབྲས་ཉེས་པའི་མུན་པ་ཀུན་འཇོམས་མཛད། །བླ་མ་སྨན་པའི་རྒྱལ་པོར་གུས་ཕྱག་འཚལ། །རིག་པ་དཔེ་ཐོག་ལུས་པས་ལག་ལེན་དཀའ། །མ་སྦྱངས་སྨན་རྐྱལ་ཐོགས་པས་ནད་པ་སླུ། །ཟང་ཟིང་དོན་གཉེར་སྣན་པའི་མིང་འཛིན་ལ། །འདི་འདྲས་དོན་ཏུ་འགྱུར་སྙམ་འབད་པས་འགོད། །སྤྱིར་གསོ་རིག་རྒྱུད་བཞི་སོགས་ལ་བསླབས་པ་ཞིག་ཡིན་ཀྱང་ནད་ངོས་བཟུང་ཞིང་གཉེན་པོ་ཐོག་བབ་ཏུ་སྤྲད་པ་ལ་སློབ་དཔོན་ཉམས་མྱོང་ཅན་གྱི་མན་ངག་ཞལ་ཁྲིད་དུ་ཐོས་པ་དང་།

― LT41_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུན་རིང་གོམས་པའི་མྱོང་བ་བཅས་མེད་དུ་མི་རུང་ཞིང་། རྒྱུད་དང་མན་ངག་མང་དུ་མ་ཐོས་པར་ཕྱི་རྒྱུད་རྩ་ཆུ་ཕྱོགས་ཙམ་བསླབས་ནས་གཅེས་གཏུས་ཉུང་ངུ་ཞིག་ལ་བློ་གཏད་དུ་འཆའ་བའི་སྨན་པ་རྣམས་ལ་ནི་འདི་འདྲ་ལྷག་པར་ཡང་གལ་ཆེ་བས། ནད་སྨན་སྤྲོད་པའི་ཉམས་ཡིག་དང་། ལག་ལེན་གལ་ཆེ་བ་ཁ་ཤས་ཀྱི་ཟིན་བྲིས་ཉུང་བསྡུས་འགོད་པར་བྱའོ། །དང་པོ་ནི། སྤྱིར་སེམས་ཅན་རྣམས་ཀྱི་རྒྱུད་ལ་རྒྱུ་ཉོན་མོངས་པ་དུག་གསུམ་ཡོད་པའི་དབང་གིས་འབྲས་བུ་ཉེས་པ་གསུམ་གྱི་ནད་ལྷན་སྐྱེས་སུ་གནས་ཏེ། དེའང་འདོད་ཆགས་ལས་རླུང་། ཞེ་སྡང་ལས་མཁྲིས་པ། གཏི་མུག་ལས་

― LT41_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

བད་ཀན། དེ་དག་གཉིས་རེ་འདྲེས་པ་ལས་ལྡན་པ་དང་། གསུམ་ཀ་འདྲེས་པ་ལས་འདུས་པའི་ནད། ཤས་ཆེ་ཆུང་ལས་ནད་ཀྱི་དབྱེ་བ་མང་དུ་འགྱུར་ཡང་མདོར་བསྡུས་བཅོས་དགོས་ངེས་པ་ཡོངས་གྲུབ་ཚེའི་ནད་བརྒྱ་རྩ་གཅིག་ཏུ་གསུངས། དེ་བས་སེམས་ཅན་རྣམས་ཀྱི་རྒྱུད་ལ་ནད་མེད་པ་མི་སྲིད་ཀྱང་འབྱུང་བ་ཆ་སྙོམས་ཤིང་གདོན་གྱིས་མ་བསྐྱོད་པས་རྣམ་པར་མ་གྱུར་པ་མིན་པར་གནས་པ་ཡིན་ལ། འབྱུང་བ་མ་སྙོམས་པས་འཁྲུགས་ཤིང་རྒྱབ་བརྟེན་གདོན་གྱིས་བསྐྱོད་པས་རྣམ་པར་གྱུར་ཏེ་ན་བ་གཉིས་སུ་བྱུང་། དེ་ལ་སངས་རྒྱས་རྣམས་ཀྱིས་ཐུགས་རྗེའི་ཕྲིན་ལས་ཤར་ཏེ་མིན་པར་རིང་དུ་འཚོ་བའི་ཐབས་བཅུད་ལེན་ལ་སོགས་པ་དང་། ན་བ་གསོ་བར་བྱེད་པའི་ཐབས་སྨན་དཔྱད་ཀྱི་ཚུལ་བསམ་གྱིས་མི་ཁྱབ་པ་ཡུལ་ལྗོངས་ཀུན་ཏུ་བྱུང་བ་ཡིན་ནོ། །དེའི་ཕྱིར་ནད་ཐམས་ཅད་ཀྱི་རྩ་བ་རླུང་མཁྲིས་བད་ཀན་གསུམ་ལ་ཐུག་པས་དེ་གསུམ་གྱི་རྒྱུ། གནས་ལམ་ཡུལ་དུས། སློང་རྐྱེན་ན་ལུགས། གཉེན་པོ་རྣམས་རྩ་རྒྱུད་དུ་མདོར་དྲིལ་ཏེ་གསུངས་པ་ཙམ་ནི་བྱང་བར་ཤེས་པ་ཤིན་ཏུ་གལ་ཆེ། དེས་ན་དེ་གསུམ་ནས་བརྩམས་རིམ་པར་བཤད་པར་བྱ་སྟེ། །

― LT41_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

དེའང་རྒྱུད་ལས། ལག་འཇུམ་སྔ་ནད་ཀྱི་སྐད་ལ་དྲིས། ཞེས་པ་ལྟར་ཐོག་མར་ནད་དེ་སློང་རྐྱེན་གང་གིས་བྱས། ད་ལྟ་ན་ལུགས་གང་ལྟར་བྱེད། ཟས་སྤྱོད་ཀྱི་ཕན་གནོད་ཅི་འབྱུང་ཞིབ་པར་དྲིས་ལ་གཟོད་རྩ་ཆུ་བརྟགས་ཏེ་ངེས་པ་རྙེད་པར་བྱ་དགོས་ཀྱི་དྲི་ཁོམས་ཉན་ཁོམས་མེད་པར་རྩལ་རེག་ཙམ། ཆུ་ལ་ཀྲུགས་ཙམ་བྱས་པས་ནད་ངོས་མི་ཟིན། དེ་མ་ཟིན་པས་སྨན་དཔྱད་ཕལ་ཆེར་དམན་ལྷག་ལོག །ནད་ངོ་ཕལ་པས་ཀྱང་ཟིན་པའི་གཞི་ཆུང་བ་དང་། སྟབས་ལེགས་ཀྱི་སོས་པ་རེ་ཟུང་བྱུང་བས་ང་རྒྱལ་སྐྱེས་ཏེ་ཤེས་པར་རློམས་ནས་གང་བྱུང་བྱས་པས་ཕལ་ཆེར་སྨན་དཔྱད་ཀྱི་སྐྱོན་གྱིས་འཆི་བ་མང་བས་ཤིན་ཏུ་གཟབ་དགོས་སོ། །དེ་ལ་དང་པོ་རླུང་ནད་སྤྱིའི་སློང་རྐྱེན། སེམས་ལས་ཆེ་བ། ཁྲད་ཟག་པ། འཁྲུ་སྐྱུག་མང་བ། །རིག་པ་གཅུན་དྲག་པ་ཟས་བཅུད་མེད་དང་སྐོམ་འཁྱག་པ་མང་བ་སོགས་ཀྱིས་སློང་། ནད་གཞན་རྣམས་ཀྱི་སྣ་འདྲེན་དང་མཇུག་སྡུད་ཀྱང་བྱེད་པས་དུས་རྒྱུན་དུ་རླུང་ལ་ཟོན་བྱེད་དགོས། ནད་རྟགས་གཡལ་མང་། གཉིད་ཡེར། མགོ་བོ་འཁོར། རྣ་བ་འུར། །སྙིང་དང་རོ་སྟོད་དཔྱི་རྐེད་སོགས་ན་ཞིང་གཟེར་བ་ངེས་མེད་དུ་འཕོ། །གྲོང་ཤུམ་དང་འདར་གཡེང་བྱེད། རུས་

― LT41_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིགས་ཁོལ། སེམས་འཕྱོ་དགོང་དང་ཐོ་རངས་ལྡངས་ཤིང་སྦུ་སོ་བ་ལུ། རྩ་མགྱོགས་དལ་མ་ངེས་ཀྱང་མནན་མི་བཟོད་པར་སྟོང་པ་ཆུ་སྟེང་རྐྱལ་བ་བུས་པ་བཞག་པ་དང་མཚུངས་ལ། སྐབས་སུ་སྡོང་ཆུང་ཡང་བྱེད། ཆུ་སྔོ་ཞིང་སླ་ལ་ལྦུ་བ་ཆེ། དྲི་རོ་རླངས་པ་ཆུང་། ཚད་གཞུག་སོགས་ལ་དམར་སེར་དུ་ཡོད་ཀྱང་ཀུ་ཡ་མེད་ལ་དྭངས་ན་རླུང་ཡིན། ལྕེ་དམར་ལ་སྐོམ་ཞིང་ཟུར་དུ་འབྲུམ་ཕྲན་ཧྲོབ་ཙམ་འབྱུང་དེ་ལ་སྨན་ཤིང་ཀུན་ཉེར་ལྔ། ཨ་གར་སོ་ལྔ། ཛཱ་ཏི་བཅུ་བཞི་སོགས་སྤྱི་འགྲོ་འཕྲོད། ནད་གཞན་དང་འདྲེས་པར་དོགས་པ་ལ་ཨ་གར་བཅོ་ལྔ་ལེགས། སྨན་རྟ་ཆང་དང་རུས་ཁུ་ལ་བྱ། ཤ་རྙིང་བུར་ཞོ་སོགས་དྲོད་བཅུད་བསྟེན། དྲོ་སར་བསྡད་ཅིང་སྨྲ་བརྗོད་མང་པོ་སྤང་། ཚིག་མི་སྙན་པ་མི་སྨྲ། རླུང་སྲོང་སྤྱི་གཙུག །ཚིགས་པ་དྲུག་བདུན། བྲང་གཞུང་། གཉའ་ལྟག །རྐང་ལག་མཐིལ་བཞི་སོགས་ལ་ཛཱ་ཏི་མར་སྦྱར་རམ་ཕྱེ་འཕུར་བྱུགས། ཡང་ན་ཧོར་གྱི་མེ་བཙའ་ཞེས་གོ་སྙོད་འབྲས་བུའི་ཕྱེ་མ་དང་ཕྱེ་འཕུར་སྦྱར་བ་རས་ཐུམ་བྱས་ཏེ་མེ་ལ་ཚན་མོར་བསྲོས་པས་དེ་རྣམས་སུ་དྲོད་དུགས་བྱ། སོ་ལྔ་དང་རྩམ་པ་བསྲེས་པའམ་རྩམ་བདུག་རྐྱང་པས་

― LT41_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་ཕན་ནོ། ༈ །རླུང་དང་ཁྲག་མཁྲིས་བསྡངས་པ་ཁྲག་རླུང་ཡིན། རྩ་ཆུ་སོགས་རླུང་གཞིར་བཞག་ཐོག་དབུགས་འཚངས། རོ་སྟོད་མདུན་རྒྱབ་སྦྲགས་པའམ་རྒྱབ་ངོས་གཟེར་ཆེ། སྐབས་རེ་བདེ་ཞིང་སྐབས་སུ་ཐུ་བ་རེས་མོས་བྱེད་པ་ནད་རྟགས་ཡིན་ཀྱང་། དེང་སང་དུས་དབང་གིས་འདི་ན་མཁན་མང་ཞིང་གདོན་རྒྱབ་ཆེ་བས་ན་ལུགས་དང་ནད་རྟགས་སྣ་ཚོགས་འབྱུང་ཞིང་ངོས་ཟིན་པར་དཀའ་བས། གཟེར་མིག་སྟེང་རྩམ་པ་བྱུག་ན་ཅུང་ཞི་བ་སྙམ་བྱེད་ན་ངེས་པ་ཡིན། དེ་ལ་འཚངས་ཤས་ཆེ་ན་རླུང་ཤས་ཆེ་བས། མ་ནུ་བཞི་སྟེང་ཀོ་བྱི་བསྣན་པའི་ཀོ་བྱི་ལྔ་ཐང་། ཁྱད་པར་ཀོ་བྱི་བཅུ་གསུམ་ཟབ། ཀོ་བྱི་བདུན་པ། རྡོ་རྗེ་རབ་འཇོམས་རྣམས་ཟབ། གདོན་ཅན་ལ་ཨ་གར་ཉི་ཤུ་དང་སོ་ལྔ་ཟབ་ཀྱང་། སོ་ལྔ་བཏང་བ་ལས་གཟེར་སར་བྱུགས་པ་དང་དུ་ཚགས་སུ་འཐེན་པ་ཟབ། ཡང་ན་ཕན་བདེ་ཆར་རྒྱུན་ནང་ཚངས་པ་དབུལ་སེལ་དུ་གྲགས་པ། གུར་གུམ། བ་ཤ་ཀ །ཙནྡན་དཀར་དམར། གུ་གུལ། གླ་རྩི་དྲི་ཐོན་བཅས་ཀྱི་སྟེང་འུག་པ་ལག་པ་དང་གཟེར་འཇོམས་གང་འཛོམ་ཨར་ནག་བཅས་ཕྱེ་མར་བསྡེགས་ནས་འཐེན་པས་ཕན་ཆེ།

― LT41_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་འདིར་རླུང་ལ་གནོད་པས་ཙན་དཀར་ཉུང་དགོས། ཤིན་ཏུ་འཚངས་ཆེ་ན་དེ་སྟེང་ཀོ་བྱིའི་སྦུ་བསྡེབ། དུད་འཐེན་འདིས་ཆམས་པ་སྦོར་འཚངས་དང་གདོང་སྲིན་འཚངས་ཤས་ཅན་སོགས་ལའང་ཕན། གཟེར་ཤས་ཆེན་ཁྲག་སྟོབས་ཆེ་བས་སྐྱུ་རུ་ཉེར་ལྔ་འཕྲུལ་འཁོར་ཅན། རྒྭ་ལོ་སྐྱུ་རུའི་ཁ་ཚར་ཅན། མན་ངག་བསིལ་སྦྱོར། བདུད་རྩི་སུམ་སྦྱོར་སྟེང་རུ་རྟ་ཨ་བྱག་གཟེར་འཇོམས་ཧོང་ལེན་བསྣན་པ་ཟབ། ལུས་བྱིངས་གཟེར་ངེས་མེད་བྱེད་པ་ལ་ཨ་གར་སོ་ལྔ། ཕྱི་རྒྱུད་ཨར་བརྒྱད་སྟེང་ཀོ་བྱི་ལ་སྦུ་བཞར་བསྣན་པ། ཀོ་བྱི་ལྔ་ཐང་དང་གསེར་ཐང་བཅོ་བརྒྱད། རླ་རྐང་དཔྱི་རྐེད་དུ་གཟེར་མིག་འཕོ་བ་ལ་ཕྱེ་འཕུར་བྱུག་ན་ཕན། རྐང་ནད་ཀྱི་སྨན་དང་བྱུག་པ་གཏན་ནས་མི་རུང་། ཁྲག་རླུང་སྨད་དུ་བབས་ན་འབམ་དུ་འགྱུར་བ་ཡིན། སྟོད་སྨད་གང་དུ་གཟེར་ཡང་ཨ་གར་བཅོ་ལྔ་འཕྲོད། སྟོད་སྨད་སྤྱི་སྨན་ཡིན་པས་གཞན་གནོད་མེད། ཁྱད་པར་སྟོད་འཚངས་གཉན་དང་བསྡངས་པ་ལ་སྨན་གང་བྱུང་བཏང་མི་རུང་ཞིང་སྲོག་འཛིན་ནོར་བུ་ཟབ། ཨ་གར་བཅོ་ལྔས་དེ་ལའང་མི་གནོད་པས་ཐོག་མར་བཏང་ན་ངོས་འབྱེད། ཁྲག་རླུང་ཆམས་པ་དང་བསྡངས་ན། མ་ནུ་བཞི་ཐང་། ཀོ་བྱི་ལྔ་ཐང་། སྤྲིན་བྲལ་ཟླ་ཟེར།

― LT41_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

བསིལ་བཅུད་བཅོ་ལྔ་རྣམས་དང་། བདུད་རྩི་སུམ་སྦྱོར་ལ་སླེ་ཏྲེས། ཀཎྜ་ཀ་རི། ཨ་གར་བསྣན་པ་ཟབ། འདི་ཁྲག་རླུང་རིགས་སྤྱི་ལའང་འཕྲོད་ཆེ། ཁྲག་རླུང་གིས་མགོ་གཟེར་ན་སྨན་རྣམས་ཐོད་རུས་བཅུ་པའི་ཐང་གིས་ཕུལ། ༈ །སྙིང་རླུང་ཚིག་པ་ཟ། དོན་མེད་པར་སེམས་སྡུག །གཉིད་ཡེར་བའི་རིགས་ལ་གདོན་རྒྱབ་མེད་པ་ཆེར་མེད་ཀྱང་། ཞུང་ཆེ་ཆུང་ཡོད་པས། གདོན་ཆེན་རིགས་ལ་རིམ་གྲོ་གཙོར་བྱེད་དགོས། གཟེར་ཆེན་འབྲང་རྩེ་ཨར་བརྒྱད་ཀྱིས་ཟུག་གཅོག། །རྒྱུན་སྨན་ལ་ཨ་གར་ཉི་ཤུ་སོགས་ཨ་གར་རིགས་གང་འོས་དང་། ཁྱད་པར་རྒྱུད་ཀྱི་སྲོག་འཛིན་བརྒྱད་པ། བྱེ་རིང་སེམས་ཀྱི་བདེ་སྐྱིད། བི་མ་ལ། སྲོག་རླུང་འཇོམས་རྡོར་རྡོ་རྗེ་རབ་འབྱམས་རྣམས་མྱོས་ཁུའམ་རུས་ཁུ་གང་རུང་གིས་ཕུལ། ཡང་། ཨར་ནག །ཛཱཏི། སྙིང་ཞོ་ཤ །རུ་རྟ་སྤོས་དཀར། ཤ་ཆེན་བཅས་ཨར་ནག་དྲུག་སྦྱོར་སྙིང་རླུང་སྤྱི་ལ་ཕན། སྨན་དང་ཟས་སྤྱོད་བསིལ་གྱི་རིགས་འགྲོ་མི་རུང་། ཟླ་བ་གསུམ་བཞི་སོང་ནས་བཙན་དུག་སྨན་མར་བསྟེན་པ་ལེགས་ཀྱང་ཤེས་རབ་ཅན་ལ་གནོད་གསུངས། རིམ་གྱིས་ཇེ་དྭངས་སོང་ན་རྗེས་གཅོད་ནུ་གསང་ཁ་

― LT41_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི། དཀར་ནག་མཚམས། ཚིགས་པ་དྲུག་བདུན་རྣམས་མེ་བཙའ་བསྡམ་དགོས་ཀྱང་ཧ་ཀྱང་བསྲེག་སྔ་མི་རུང་། མ་ཐུབ་རྐང་མཐིལ་རྒྱུ་རྩ་གཏར། རྒྱལ་གདོན་དང་བསྡངས་ན་ཁྱུང་སྟེང་ཛཱ་ཏི་བསྣན་པ་གསང་ནས་གཏོང་བ་དང་། གྲི་སྙིང་ཚད་ལྡན་མ་ཚོར་བར་སྦྱིན་པ་ཟབ། ༈ཆམས་གཞུག་ལྟ་བུར་དགོང་མོ་ཤིན་ཏུ་ལུ་བའི་གློ་རླུང་ལ། མན་རྒྱུད་ཀྱི་བསིལ་བཅུད་དགུ་པ། འབྲས་གསུམ་བདུན་པ་རྣམས་དང་། དྲང་སྲོང་ཨར་བརྒྱད་བདུན་ཐང་བསྲེས་པའི་བཅོ་ལྔ་ཆང་ངམ་རུས་ཁུས་ཕུལ་བ་ཟབ། ཡུན་རིང་ན་ཚིག་པ་བཞི་ལྔར་མེ་བཙའ་གདབ། གློ་ཡུལ་ལ་དགོངས་མོར་མར་དཀར་བྱུགས། ༈བད་རླུང་འདྲེས་པས་མགོ་བོ་འཁོར། ཞེན་པ་མི་བདེ། སྟོང་སྐྱུག་བྱེད་པ་ལ་རྒྱུད་ཀྱི་ཨར་བརྒྱད་དང་བདུད་རྩི་སུམ་སྦྱོར་སྦྱར་བའམ། དེ་སྟེང་ཙན་དཀར་དང་བ་ཤ་ཀ་སྦྱར་བའི་བདུད་རྩི་བཅུ་གསུམ། བདུད་རྩི་སུམ་སྦྱོར་སྟེང་སེ་བའི་མེ་ཏོག་བུངས་མཉམ་བསྣན་པའི་རི་ལ་དཀར་པད་སྡོང་། ཡང་ན་སུམ་སྦྱོར་སྟེང་མ་ནུའི་བུངས་མཉམ་ཀྱི་ཨ་རུ་སྐྱུ་རུ། དེ་ལྔ་དང་བུངས་མཉམ་སེ་མ་བསྣན་པས་ཕན་པ་མྱོང་གྲུབ། ཛཱ་ཏི་ཉེར་ལྔ། ཨ་གར་སོ་ལྔའང་འཕྲོད། ཁྱད་པར་བྱེ་རིང་

― LT41_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ལུག་ཀླང་རིལ་བུ་ཡོད་ན་ཟབ་པས་རིལ་བུ་མར་ཁུ་གྲུངས་པར་བཏབ། སྒྲོལ་མ་ཚར་གཉིས་ཀྱི་ཡུན་ཏུ་བཙོས་ནས་བཏང་། ལྟག་པའི་བདུད་སྒོ། འཚོགས་གསང་། རྣ་རྩེའི་དབུས་དྲང་པོ་ནས་སོར་རེ་རེ་གཞལ་བ་སྟེ་མགོའི་རྒྱ་བཞི་དང་སྤྱི་གཙུག་ལ་ཚུག་གམ་མེ་བཙའ་གདབ། དེ་དག་ལ་ཕྱེ་འཕུར་བྱུགས་པས་ཀྱང་གནས་སྐབས་ཙམ་ཕན་ཅིང་ཐུབ་དཀའ་ན་རྫ་མའི་འཁྲུལ་འཁོར་བྱ། རླུང་རྐྱང་གིས་མགོ་འཁོར་ཞིང་ནག་ཐམ་དང་ཟི་ཆོམ་བྱེད། རྣ་བ་འུར་ཏིང་གྲགས་པ་སོགས་ལ་སྨན་གོང་གསལ་རྣམས་དང་། ལུག་མགོ་ལོ་གསུམ་ལོན་པ་སོགས་རྙིང་པའི་རུས་ཐང་ཁ་ཚར་ཅན་ཞག་ཤས་བསྟེན་རྗེས། སྣ་རྩེ་ནས་རང་སོར་བཅུ་གཉིས་གྱེན་དུ་གཞལ་མཚམས་མཚོག་སྲང་དང་། སྤྱི་གཙུག་གི་སྐྲ་འཁྱིལ་དབུས་གཙུག་སྲང་བཅས་གཉིས། ལྟག་རུས་འབུར་པོའི་གཤམ་སྣེ་འགའ་ཞིག་ལ་ཀྱོང་ཙམ་ཡོད་པ་ལྟག་པའི་བདུད་སྒོ་ཟེར་བ་བཅས་གསུམ་དུ་ལུས་བསྲང་བའི་དབུས་དྲང་པོར་ཚུག་གམ་མེ་བཙའ་གདབ། འདི་རྣམས་ལ་རླུང་སློང་བས་གཏར་ཁ་མི་རུང་ངོ་། ༈ །རླུང་ཁྲག་པུས་མོར་བབས་པ་ཅེ་སྦྱང་མགོ་དང་གཉན་གྱི་སྐྲངས་རྒོད་ནོར་སོ་ཆེ་བས། །

― LT41_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

གཉན་ལ་བ་སྤུའི་ཁུང་བུ་མི་མངོན། རླུང་སྐྲངས་ལ་མངོན་ཅིང་། ཚ་དྲོད་ཆེ་ཡང་སྐྲངས་མདོག་སྐྱ། སྐར་ཆུས་རེག་བྱ་ཉམས་པར་བྲན་པས་གཉན་སྐྲངས་ཡིན་ན་གཟེར་ཞི་འགྲོ། །དེ་ལ་གཉན་བཅོས་བྱ། རླུང་སྐྲངས་ཡིན་ན་ཕྱུར་འོང་བས། ཚྭ་སྒོག་སྐྱ་མར་དཀར། རྩམ་པ་བཅས་ཕྱེ་བོལ་བྱས་ནས་དྲིལ་ཕྱིས་དང་འབྱར་ནན་བྱས་པས་ཞིའོ། །ཁོང་སྨན་སྤོས་དཀར་བཅུ་པ་དང་ཨར་བརྒྱད་སོགས་བསྡེབས་པའམ་ལྟག་སྤྲད་དུ་བཏང་། མཁྲིས་པའི་སློང་རྐྱེན་ནི། ཆང་བཟང་པོ་དང་ཤ་ཁུ། སྣམ་རྙིང་དང་ཟས་སྐོམ་བཅུད་སྣུམ་བསྟེན་ཆེ་བ་དང་། སྤྱོད་ལམ་དྲག་ཤུལ། མེ་ཉིས་དྲོས་ཆེ་བ་སོགས་ཀྱིས་སློང་། ནད་རྟགས་གཟེར་མི་འཕོ། ཁ་ཁ། སྐོམ་དད་ཆེ། མིག་སྤྲིན་སེར་བའམ་དམར། ལུས་ལ་ཚ་དྲོད་ཆེ་ཞིང་ཉོབ། ཁྱད་པར་མགོ་བོ་དང་མིག་རུས་ལྟག་པ་ན། ལུད་པ་ཚྭ་བྲོ། །ཞེན་པ་ལོག །རྩ་རྒྱུད་ཕྲ་ཞིང་གྲིམས་ལ་མགྱོགས་པར་འཕར། ཆུ་སེར་ཁ་ཆེ་ཞིང་དྲི་དང་རོ་དུགས། ལྦུ་བ་ཕྲ་སེར་སངས་སླ། ལྕེ་ལ་བད་ཀན་སེར་པོ་ཆགས། དྲོ་བས་གནོད། བསིལ་བ་འཕྲོད། དེ་ལ་མགོ་ན་བ་ཤས་ཆེ་ན་མགོ་ཐང་གསུམ་པ་དང་བཅུ་གསུམ་པ་བཏང་། སྨན་དར་མ་ལ་རྒྱུད་ཀྱི་ཏིག་བརྒྱད་རྒྱ་ཏིག་དངོས་

― LT41_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་བ། གཡའ་ཀྱི་ཉེར་ལྔ། ཏིག་ཏ་ཉེར་ལྔ་སོགས་མཁྲིས་སྨན་སྤྱི་ཁྱབ་བཏང་། རྒན་པོ་ལ་མཁྲིས་ལས་རྣམ་རྒྱལ་ལྟ་བུ་རླུང་མི་སྐྱེད་པའི་འཇམ་པོ་བཏང་བ་ལེགས། ཁྲག་མཁྲིས་རྟགས་ཆུ་ལ་དམར་མདངས་ཡོད། རྩ་ཁེངས། རོ་སྟོད་གཟེར་བ་སོགས་ལ་ཙནྡན་བཅོ་བརྒྱད། །གླང་ཆེན་རིགས། སྐྱུ་རུ་འཕྲུལ་འཁོར་ཅན། གུར་གུམ་མཆོག་བདུན་དང་ཏིག་བརྒྱད་བསྲེས་པའི་གུར་ཏིག །གི་ཏིག་རྣམས་ཟབ། དཔྲལ་རྩ་དང་། རུ་ཐུང་ཨན་ཙམ་གཏར། བད་མཁྲིས་ནད་རྟགས་གོང་མ་རྣམས་ཀྱི་སྟེང་དུ་ཆུ་སྐྱུར་སྐྱུགས། ཞེ་ལྡོག །རྩ་ཁ་བྱིང་ཞིང་གཏིང་གྲིམ། ཆུ་དཀར་སེར་སོགས་ལ་ཏིག་བརྒྱད་དང་བདུད་རྩི་སུམ་སྦྱོར་དང་བསྲེས་པ། རྒྱུད་ཀྱི་ཅོང་ཞི་དྲུག་པ། རིལ་དཀར་པད་སྡོང་། མན་ངག་བསིལ་སྦྱོར། སེ་འབྲུ་པདྨ་འདབ་བརྒྱད། གསེར་མདོག་བཅོ་བརྒྱད་རྣམས་ཟབ། མཚོག་སྲོང་དབྱེ། རྒྱབ་རྩ་དྲུག་འདུས་དང་གསེར་མདུང་གཏར། རླུང་མཁྲིས་བསྡངས་ནས་མགོ་གཟེར་འཕོ་ལེན་སྐྱེ་འབྲི་བྱེད་ལུས་འདར་བ་སོགས་ལ་གསེར་མདོག་ལྔ་པ། མཁྲིས་ལས་རྣམ་རྒྱལ་དང་ཨ་གར་བརྒྱད་པ་ལྟག་པ་སྤྲད། ཆང་ནད་དང་བསྡངས་པའི་མཁྲིས་པ་ལ་མཁྲིས་ལས་རྣམ་རྒྱལ་གྱིས་སེལ། སྤྱིར་ཆང་

― LT41_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

རག་གིས་ན་བའི་རིགས་ལ་ནངས་སྔ་ཆང་རག་ཁར་མ་སོང་གོང་། དཀར་པོ་དྲུག་སྦྱོར་ཐུན་རེ་བཏང་བས་ནད་སྐྱོན་མི་འབྱུང་ཞིང་ལུས་བདེ་བར་བཤད། མཁྲིས་སྲིན་བསྡངས་ནས་མགོ་གཟེར། སྐབས་སྐབས་ཚ་འབྲབ་བྱེད། སྲིན་ཚང་གཟེར་བ་ལ་ཚེ་བྷྲཱུྃ་ལུགས་ཀྱི་གར་ནག་བཅོ་ལྔ་ཐེང་ཆོག་ཡིན། གསེར་མདོག་བཅུ་གཅིག་བཟི་ཡོད། གུར་ཁྱུང་རྣམས་དང་། མཁྲིས་པའི་སྤྱི་སྨན་ཀྱང་འཕྲོད། མུར་གོང་འཕར་རྩ་གཏར། མཁྲིས་པ་སྣོད་དུ་བབས་པའི་གྲང་མཁྲིས་རྟགས། བསིལ་དྲོད་ཀྱི་ཕན་གནོད་མི་ཆོར། ཕོ་བ་ཅུང་གཟེར་ཞིང་འཁྲོག །ཁ་ཁ། ཞེ་ལྡོག །ཁ་ཟས་མི་ཞུ་བ་ལ། གསེར་མདོག་ལྔ་པ་ཁ་རྐྱང་ངམ། དེ་དང་ཞི་དྲུག་བསྲེས་པའི་གསེར་ཞི་ཁ་སྤྲོད། པདྨ་འདབ་བརྒྱད། གཡའ་ཀྱི་བདུན་པ། མཁྲིས་ལས་རྣམ་རྒྱལ་སོགས་བཏང་ཕོ་བར་བབས་ནས་མཁྲིས་ཁུ་སྐྱུགས། ཕོ་བ་གཟེར་བ་ལ་བྲག་ཞུན་དགུ་བ། བདུད་རྩི་སླེབ་ཆོག་བཟི་ཆུང་ཅན་བྲག་ཁྱུང་བཟི་ཆུང་ཅན་ཡོད་པ་བཅས་ཟབ། ནད་འདི་གཉན་རིམས་དང་བསྡངས་པ་མང་བས་སྨན་འདི་རྣམས་བཏང་བ་ཤིན་ཏུ་ལེགས། རྒྱུ་མར་བབས་ནས་སར་པོ་འཁྲུ་བ་ཁྲིས་ཕྱེ་བདུན་པ་དང་། བྲག་ཞུན་དགུ་པ་ཟབ། སྣོད་མཁྲིས་ཕོ་བའི་གཡས་ངོས་གཟེར་བ་ལ་གར་ནག་བཅུ་པ་ཁོ་ན་ཟབ། གྲང་མཁྲིས་ཁ་ལུད་པ་ལ་གར་ནག་བཅུ་སྟེང་ཁ་ཆེ་དོམ་མཁྲིས་ཁ་ཚར་

― LT41_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་པ་ཟབ། སྤྱིར་སྣོད་མཁྲིས་ཀྱི་རིགས་ལ་གར་ནག་སྦྱོར་བ་ཐམས་ཅད་ཟབ། དྭངས་མ་གནས་འཇོག་གཤམ་གསལ་ཡང་མཁྲིས་པའི་ནད་རིགས་ལ་ཕན་ཆེ་བ་ལག་བླངས་མའོ། །མཁྲིས་པ་བཤལ་ལས་མི་འདའ་བ་ཡིན་པས་མཁྲིས་ནད་ཐམས་ཅད་དང་ཁྱད་པར་སྣོད་བབས་ཀྱི་མཁྲིས་ནད་ལ་ཨ་རུ་གསེར་བཤལ་མཆོག་ཏུ་བསྔགས། བཅུ་པ་མཁྲིས་སྲོང་དང་མེ་མཉམ་སྲང་ལ་མེ་བཙའ་རྒྱབས་པས་གྲང་མཁྲིས་རྗེས་གཅོད་ཕན། མཁྲིས་པཀྵ་ཡ་སྣོད་དུ་ལྷུང་བ་ལ། གུར་གུམ་མཆོག་བདུན། ཏིག་བརྒྱད་སྟེང་གཡའ་ཀྱི་བསྣན་པ་ཟབ། སྨན་གྱིས་མཆོག་ཡུན་རིང་ལུས་པས་མཁྲིས་པ་ཤ་ལྤགས་ལ་གྲམ། མིག་རྩ་ཤ་མདོག་སེར། ཆུ་རྟགས་སྐྱེར་ཁུ་ལྟ་བུ་བྱུང་ན་མན་ངག་རྒྱུད་ཀྱི་ཏིགྟའི་མང་སྦྱོར། གཡའ་ཀྱི་ཉེར་ལྔ། གཡའ་ཀྱི་བདུན་པ་སོགས་ཟབ། མཁྲིས་པ་ཐམས་ཅད་ལ་ཉིན་མོ་གཉིད་མི་ལོག །བསིལ་སར་དལ་བར་བསྡད། ཆུ་བསིལ་བསྐོལ་གྲང་། འབྲས་དང་ཆག་ཆེའི་ཐུག་པ་སླ་མོ། །རི་དྭགས་སོགས་ཀྱི་ཤ་གསར། བ་མར་གསར་པ་སོགས་བསྟེན་ཅིང་དྲོད་བཅུད་ཀྱི་སྤྱོད་ལམ་དང་ཟས་སྐོམ་སྤང་བར་བྱའོ། ༈ །བད་ཀན་གྱི་ནད་སློང་བའི་རྐྱེན། ཧ་ཅང་དལ་བར་སྡོད་ཆེ་བ་དང་། ས་ཆུ་མ་འཕྲོད་པ། བཟའ་བཏུང་མ་ཞུ་བ། ལུས་ཟུང་རྒས་པ་སོགས་

― LT41_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེད། ནད་རྟགས་ལུས་སེམས་ལྕེ་བས་འགུལ་སྐྱོད་མི་འདོད། ཟས་མི་འཇུ། དྲང་གཞན། ཁ་མངལ། ཕོ་བ་དང་མཁལ་རྐེད་མི་བདེ། ཚིགས་མཚམས་ལྷོད་རྩ་བྱིང་ཞིང་གུད་ལ་དལ་བར་འཕར། ཆུ་དཀར་ལ་ཉོག་ཅིང་ལྦུ་བ་ཞིབ། ལྕེ་སྐྱ་ཞིང་གླེགས་ལ་མདངས་མེད་པ་ནི་བད་ཀན་སྐྱ་བོ་རང་རྒྱུད་ཅན་ཡིན་པས། བདེ་བྱེད་སྙམས་ལྡན། ཕག་གྲུའི་སྦྱོར་བ། རྒྱུད་ཀྱི་ཅོང་ཞི་ཅུར་ནིས། ཅོང་ཞི་བསིལ་སྦྱོར། སེ་འབྲུའི་སྦྱོར་བའི་རིགས་བཅས་ལེགས། སྒ་ཆུ་བཀོལ། རྒྱམ་ཚྭ་བཞི་ཐང་། ནངས་མོ་ཆུ་བཀོལ་རྒྱུན་འཐུང་བྱ། འབྲུ་རྙིང་གི་བཙོས་ཟན། ལུག་དང་གཡག་རྒོད་ཤ །ཆང་ནར་སོན་རྣམས་འཕྲོད། ཧ་ཅང་དལ་བར་མི་སྡོད་པར་རྟེན་ལ་བསྐོར་བ་སོགས་རྩོལ་བ་གཅག་པ་ནི་བད་ཀན་སྤྱི་ལ་གཅེས། དཔྱད་ཀྱི་མཆོག་སྐྱུགས་ཡིན་ཀྱང་གཅོང་ཅན་དང་རྒན་པོ་སོགས་ལ་མི་འཕྲོད། བཅུ་གཉིས་པ་སོགས་བད་ཀན་གསང་མེས་བསྡམ། ༈ །མཁྲིས་པ་ཕོ་ཁར་འདྲིལ་ནས་ཕོ་ཐོག་རང་ཡང་མིན་པ་དང་ག་མི་བདེ། ཐས་སྐོམ་མི་ལེན། བད་རྟགས་ཀྱང་ཡོད་པ་དེ་བད་ཀན་སེར་པོ་ཡིན་པས། སེ་འབྲུ་པདྨ་འདབ་བརྒྱད་སོགས་བད་མཁྲིས་ཀྱི་སྨན་དང་། གོང་བཤད་རྣམས་ལྟག་པ་སྤྲད། ༈ །བད་ཀན་ཁྲག་མཁྲིས་དང་འདྲེས་པ་སྨུག་པོ་ཡིན་ཅིང་། ནད་རྟགས་ཕོ་མཆིན་དང་རོ་རྒྱབ་གཟེར།

― LT41_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་སུ་མགོ་བོ་སོགས་ངེས་མེད་ན། གྲང་ཚ་ཆུ་སྐྱུར་སྐྱུགས། ཁྲག་རུལ་དུད་ཁུ་འཁུ་སྐྱུགས་བྱེད། རྩ་སྦོམ་ལ་གུང་མོའི་འོག་གི་རྩ་གཉིས་ཞན། ཆུ་སྨུག་ལ་ཉག་པ་འབྱུང་། རྒྱུད་ལས་རྣམ་འགྱུར་བཅུ་གསུམ་དུ་གསུངས་ཀྱང་མདོར་བསྡུ་ན་དང་པོ་ཆུ་སྐྱུར་སྐྱུགས་པའི་ལོ་མ་ཤར་ཚེ་སྨུག་པོ་ཚ་བའི་དུས་ཡིན་པས་དྲོད་བཏང་མི་ཉན། ཐང་ཆེན་ཉེར་ལྔ་བཏང་། སྤྱིར་སྨུག་པོ་གྲང་རྐྱེན་མ་གཏོགས་སྟོད་སྨད་བར་གསུམ་ཐམས་ཅད་དུ། ཐང་ཆེན་ཉེར་ལྔ་ཁོ་ན་ཟབ་ཆེ་བས་རྒྱུན་དུ་བཏང་དགོས། སྨུག་པོ་གཡུལ་རྒྱལ་ལམ་སྟོད་ལུགས་ཅོང་ཞི་ཉེར་གཅིག །བདུད་རྩི་སུམ་སྦྱོར་དང་ཨར་སྐྱུར་བསྡེབས་པའི་ལྔ་སྦྱོར། རྒྱུད་ཀྱི་ཅོང་ཞི་དྲུག་པ། ཅོང་ཞི་བསིལ་སྦྱོར། ཅོང་ཞི་ཉེར་ལྔ་དང་དགུ་པ། མན་རྒྱུད་རྡོ་རྩི་སྔོ་གསུམ། གསེར་མདོག་བཅོ་བརྒྱད་རྣམས་དང་། སྐབས་སུ་མ་ནུ་བཞི་ཐང་དྲོ་འཇམ་ཡང་བསྟེན། ཁྲག་སྟོབས་ཆེ་ན། སྐྱུ་རུ་ཉེར་ལྔ། གི་ཝཾ་དགུ་པ། མན་ངག་བསིལ་སྦྱོར། གླང་ཆེན་བཅོ་བརྒྱད་རྣམས་བཏང་། དེས་ཆུ་མདོག་དམར་སྨུག་དྭངས། ཟས་མི་ཞུ་ཞིང་སྦྲན་དུག་ལྟར་ན། བར་དུ་རྒྱབ་ཤལ་སྐྱུགས་པའི་ལོ་མ་ཤར་ཚེ་ཚ་གྲང་འཐབ་པའི་དུས་ཡིན་པས་སྨན་སྔ་མ་རྣམས་དང་། ཁྱད་པར་གཡུ་དྲིལ་བཅུ་གསུམ། ཅོང་ཞི་ཅུང་ནིས། བདེ་བྱེད་སྙོམས་

― LT41_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན། བདེ་བྱེད་ཀུན་ཕན་ཟླ་ཤེལ་ཆེན་མོ། །བདེ་བའི་མྱུ་གུ། ཀ་རུ་ཁ་སྦྱོར་རྣམས་བཏང་། ཁྱད་པར་འོག་ཏུ་འབྱུང་བའི་དུང་རུ་བཅོ་བརྒྱད་ཟབ། མདོར་ན་བསིལ་དྲོད་སྙོམས་པའི་ལྟག་སྤྲོད་བསྟེན་དགོས། འདི་རྣམས་སྤྱི་འགྲོའི་སྨན་ཡིན་ཅིང་སྨུག་པ་གཞིར་བཞག་གི་ནད་ལ་ཕོ་བ་མི་བདེ་བ་ཤས་ཆེ་ན་བད་ཀན་བཅོས། མཆིན་པ་ལ་ཁྲག་བཅོས། རྒྱུ་མ་ལ་མཁྲིས་བཅོས། ལོང་ལ་རླུང་བཅོས་ཤས་ཆེར་དགོས་པ་སོགས་རིག་པས་འཕྲུལ། དཔྱད་གསེར་བཤལ་དང་མཁྲིས་བཤལ་སོགས་བཏང་། སྐབས་འདིའམ་གཞན་དུ་མ་ཞུ་དུག་ཐབས་སོགས་ཀྱིས་ཉི་དྲོས་ནས་གཟེར་ཞིང་གཡས་ངོས་མཆིན་པ་ལ་ཟུག་ཡད་ན། གི་ཝཾ་དང་གངས་ཐིག་ཆ་མཉམ་ཉི་ཟླ་ཁ་སྦྱོར་དུ་གྲགས་པས་སེལ་ཞིང་། འདུས་ནད་སོགས་ཀྱི་གཞུག་ཏུ་མཆིན་གློ་ལུ་བ་ལའང་ཆེས་ཕན། ཐ་མ་དུད་ཁུ་སྐྱུགས་པའི་ལོ་མ་ཤར་ཚེ་ཐོག་མར་ཁྲག་ལ་མཆོད་མཆོད་ཕྱེད་པ་གནད་ཆེ་བས། ལོ་ཉུང་ཟུང་བཟང་རིགས་ལ་གོང་གསལ་སྨན་རྣམས་གཏོང་བས་རང་བཞིན་ཆོད་པའང་ཡོད་པས་དེ་ལ་ཡག་ཉེས་མེད་ཕྱིར་དེ་རིགས་རྒྱུན་སྨན་ཏུ་བྱ། ཟས་སྤྱོད་རྒྱུན་རིང་གཟང་བ་གནད་ཆེ། མདུན་རྒྱབ་སྟོད་སྨད་བར་གྱི་རང་སྲང་བསྡམ་ཟུངས་ཟད་རྒས་པ་ཁྲག་ལ་མ་མཆོད་ན་གླང་ཆེན་བཅུ་གསུམ་ལ་ཁ་ཆེ་དང་དོམ་

― LT41_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྲིས་བཏབ་པ། མདོར་ན་ཁྲག་གཅོད་རིགས་དང་ཁྱད་པར་ཐང་ཆེན་ཉེར་ལྔར་ཁ་ཆེ་གུར་གུམ་འདབ་ལོག་བསྣན་པས་བཅད། སྨུག་པོ་བརྡོལ་བ་སོགས་ལ་ཉམས་ཡིག་གི་སྨུག་པོ་ཚ་རྐྱེན་སྐབས་སུ་ཡོད་པའི་གླང་ཆེན་བཅུ་གཅིག་པ་རྣོ་བས་ཐོག་མར་བཏང་གསུངས། རྒན་པོ་དང་ཟུང་ཟད་རིགས་ཁྲག་ལམ་མཆོད་ན་བཅོས་དཀའ་བས་སྨན་གང་གསལ་བཏང་། ལུས་ཟུངས་གསོ། །རླུང་སྲང་མནན་ཅིང་རླུང་སྨན་བཏང་བ་སོགས་རླུང་ལ་བྱ་ར་གལ་ཆེ། ཆོད་ནའང་རླུང་གི་ཁྲིད་ནས་སྐྱ་རྦབ་དང་ཆུ་གཞིར་འགྱུར་ཉེན་ཆེ་བས། དགོངས་མོར་ད་ལི་བཅུ་དྲུག། ནང་མོར་ལྕགས་ཕྱེ་བཅོ་ལྔ། དྭངས་མ་གནས་འཇོག་སོགས་སེ་འབྲུའི་རིགས། ཉིན་གུང་ལ་ཅོང་ཞི་ཅུར་ནིས་སོགས་ཅོང་ཞིའི་སྦྱོར་བ་བཏང་། ཟས་སྔོ་ཚོད། ལ་ཕུག །ཇ་ཁྲེབ། འོ་རློན། རུལ་སྐྱུར། ཞོ་ཆང་མ་ལངས་པ་ཤིང་ཏོག་མ་སྨིན་པ། ཤམ་ཚོས་པ་དང་ཚིག་པ་ཁེང་པོའི་རིགས་སོགས་ཡུན་རིང་བར་ཤིན་ཏུ་འཛེམ། གསར་བཅུད་རིགས་ཀྱིས་ལུས་ཟུང་གསོ། །སྤྱོད་ལམ་མེ་ཉི་བསེར་བུ་སོགས་སྤངས་ནས་བསིལ་དྲོད་སྙོམས། རྩོལ་བ་གཅག་རླུང་སྲང་སྟོད་སྨད་དང་བད་ཀན་རང་སྲང་བསྡམ། འདི་ལ་གཏར་བཤལ་ཡག་ཉེས་ཆེ་བས་གཏན་ནས་མི་རུང་ངོ། །མཐར་གྲང་བལ་བབས་ནས་མཁལ་སྐེད་ན། ཁམས་ཟག །ཁ་ཟས་གཏན་ནས་མི་ཞུ་བ་སོགས་

― LT41_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འོག་གི་གྲང་རྐྱེན་ལྟར་བཅོས། ༈ །བྱེ་བྲག་སྨུག་པོ་ཚ་རྐྱེན་ནམ་ཁྲག་རྐྱེན་ཞེས་པ། ཕོ་མཆིན་རོ་སྟོད་དུས་རྒྱུན་གཟེར། སྐབས་སུ་མགོན། ལུས་ཁམས་ཉོ་བ། ཞེ་ལྡོག །ཟས་མི་འཇུ་བ་སོགས། སྟོད་ནས་སྨད་དུ་བབས་པའི་རིགས་ལ། མནུ་བཞི་ཐང་། ཐང་ཆེན་ཉེར་ལྔ། ནང་སྨན་དྭངས་མ་གནས་འཇོགས་སོགས་སེ་འབྲུའི་རིགས། མན་རྒྱུད་གངས་ཏིག་བཅུ་དྲུག །སྔོ་རྩི་རྡོ་གསུམ་སྦྱོར་བ་གཉེན་པོ་བདུན་སྦྱོར། མན་རྒྱུད་སེ་འབྲུ་བཞི་པའི་ཁ་སྒྱུར་རིགས། མན་ངག་བསིལ་སྦྱོར། ཅོང་ཞི་བསིལ་སྦྱོར། ཕྱི་རྒྱུད་ཅོང་ཞི་དྲུག་པ། བདུད་རྩི་སུམ་སྦྱོར་དང་ལྔ་སྦྱོར། གསེར་མདོག་བཅོ་བརྒྱད་སོགས། ཉིན་གུང་ལ་གླང་ཆེན་རིགས། གསེར་རྩི་བཅོ་བརྒྱད། གི་ཝཾ་དགུ་པ། མན་རྒྱུད་སྔོ་སྦྱོར། ཕྱི་རྒྱུད་ཨུཏྤལ་བརྒྱད་པ། གཡུལ་རྒྱལ་སོགས་བཏང་། ནུབ་མོར་ཟླ་ཤེལ། བདེ་མྱུག །གྲུབ་ཐོབ་རིལ་དཀར། རྒ་ལོ་སྐྱུ་རུའི་ཁ་ཚར་ཅན། སྐྱུ་རུ་ཉེར་ལྔ། མན་བསིལ། ཅོར་བསིལ་སོགས་ཀྱང་བཏང་། ཟས་སྤྱོད་གཟབ། རྗེས་གཅོད་མ་གཏོགས་དཔྱད་གཞན་མི་རུང་ཡང་། རུ་ཐུང་། རྒྱབ་རྩ་དྲུག་འདུས། ཐེབས་ན་སྣོད་ཀ་དང་མཆིན་མཁྲིས་འདོམས་རྩ་སོགས་གཏར། གཟེར་ཚབ་ཆེ་ན་ཆུ་རྡེའི་དུགས་བྱ། མཆིན་པར་ཁྲག་རྒྱས་ཆེ་ན་གླང་ཆེན་རིགས་བཏང་། རུ་ཐུང་གཡས་པ་སོགས་གཏར་ཁ་ཤིན་ཏུ་འཕྲོད་ཆེ།

― LT41_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གཅོད་རིན་ཆེན་རིལ་བུ་བཏང་བ་ལེགས། སྤྱིར་ཟླ་ཤེལ་བཏང་གང་རུང་ལ་རིན་ཆེན་རིལ་བུ་བཏང་བ་ཟབ། ༈སྨུག་པོ། རྐྱེན་མ་ཞུ་བའི་རྒྱུ་ལས་བྱུང་བ་ཟས་མི་ཞུ། སྒྲག་པ་བྱེད། བེ་སྣབས་སྐྱུགས། འཕོ་བ་འཚིང་ཞིང་གཟེར། ལུས་ཁམས་ཉོབ་པ་སོགས་ཀྱི་མཐར་གཅོང་སྡེ་དྲུག་ཏུ་འགྱུར་ཉེན་ཆེ་བས། རྒྱམ་ཚྭ་བཞི་ཟང་། མན་རྒྱུད་སེ་འབྲུའི་རིགས། ཅོང་ཞི་ཅུར་ནིས། །ཕྱི་རྒྱུད་སེ་འབྲུའི་སྦྱོར་བ་དང་། ད་ལིའི་སྦྱོར་བའི་རིགས་གང་བདེ་གང་འཕྲོད་སྐབས་བསྟུན། རྒྱམ་ཚ་དྲུག་པ། སེ་འབྲུ་ཅུར་ནིས། བདེ་བྱེད་སྙོམས་ལྡན། ཕག་གྲུའི་སྦྱོར་བ། བཅོ་ལྔ་དྲག་སྦྱོར། གཡུ་དྲིལ། ཅོང་ཞི་འཕྲུལ་ཐལ་སོགས་རྡོ་སྦྱོར་དང་ཚྭ་སྦྱོར་རིགས་འཕྲོད། གསར་བཅུད་ཀྱིས་ལུས་ཟུངས་གསོབ་ཙམ་ལས་ཟས་འཛེམ་ཤིན་ཏུ་ཆེ་དགོས། ལྟོ་སྨྱུང་ཞིང་ཞོག་པ་སོགས་ལ་ཆུ་བཀོལ་ཡང་ཡང་འཐུང་། མཐར་ཚྭ་ལའི་འཕྲུལ་བཤལ་གཙོས་པའི་སྦྱོང་དང་སྐྱུགས་ཀྱི་དྲང་། རྗེས་གཅོད་རང་སྲང་མདུན་རྒྱབ་མེས་བསྡམ། གྲང་རྐྱེན་རིགས་ལ་རིན་ཆེན་རིལ་བུ་མི་འཕྲོད་ཅིང་རིན་ཆེན་མང་སྦྱོར་ཟབ། སྨུག་པོ་ཚྭ་གྲང་ཐོག་མ་ནས་འཐབ་པའི་རིགས་ཀྱང་ཡོད་པས་སྨན་བསིལ་དྲོད་སྙོམས་པས་གཉིས་ཀ་ཟུང་འབྲེལ་དུ་བཅོས་པ་སོགས་རིགས་པས་འཕྲུལ་ཤེས་པར་བྱའོ། ༈བད་ཀན་མགུལ་འགགས་སམ་གྲེ་ཐོག་གི་རྟགས། །

― LT41_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

བྲང་རྒྱབ་དང་ཕྲག་མིག་གཟེར། བྲང་ཚ། སྐབས་སུ་གྲེ་བ་དང་ལྕེ་ཐོག་ཏུ་སྦུ་ཡོད་པ་འདྲ་བ་དང་། ཕྲེང་རྡོག་ལྟ་བུ་ཡར་འགྲོ་ཕྱིར་འགྲོ་བྱེད་པ་འབྱུང་། རྒྱུད་དུ་དབྱེ་བ་བཅོ་བརྒྱད་ཙམ་གསུངས་ཀྱང་བསྡུ་ན་ཚ་འགགས་གྲང་འགགས་གཉིས་སུ་འདུ་བ་ལས། ཚ་འགགས་ཟུག་ཤིན་ཏུ་ཆེ། རྩ་ཅུང་ཟད་གྲིམ། ཆུ་མདོག་སེར། གྲང་འགགས་ཟུག་གཟེར་ཆུང་། རྩ་སྟོང་ཞིང་ལྷོད་ཆུ་མདོག་སྔོ། །དེ་གཉིས་ཀ་ལ་ཐོག་མར་མན་ངག་བསིལ་སྦྱོར་ཚད་ལྡན་ཞག་ཤས་བསྟེན། དེ་རྗེས་ཚ་འགགས་བད་ཁྲག་ཤས་ཆེ་བ་ཡིན་པས། སྤང་རྒྱན་བཅོ་ལྔ་དང་ཉེར་ལྔ། མཁའ་འགྲོ་བཅུ་སྦྱོར་རྒོད་གཡག་ཁྲག་གིས་ཕུལ་བ་རྣམས་ཕན་ཆེ། གྲང་འགགས་ལ་ཉང་ལུགས་རྡོ་ཐལ་ཉེར་བདུན། གཉིས་ཀ་ལ་བེ་ཁྲག་ཉེར་ལྔ་ཚད་ལྡན། འབྲང་ཁྲག་དྲུག་པའམ་བརྒྱད་པ། གོ་རེ་བཅུ་བདུན། བད་ཁྲག་ཤས་ཆེ་ན་སྐྱུ་རུ་ཉེར་ལྔ། རྒྭ་ལོ་ལ་སྐྱུ་རུ་བུངས་སྐྱེད། སྤང་རྒྱན་དཀར་པོ་འཁོར་སྨན་གཅིག་དང་ཆ་མཉམ་བསྣན་པ་ཟབ་ཅིང་། གུར་གུམ་བཅུ་གསུམ་དང་བདུད་རྩི་སུམ་སྦྱོར་བསྲེས་པའམ་དེ་གཉིས་ལྟག་སྤྲད་བཏང་། མར་བབས་ནས་ལྷེན་དང་ཕོ་བར་འདྲིལ་ན་ཕོ་ཐོག་བཅོས་བྱ། ཡར་བབས་ནས་ལྕེ་ལ་འབྲུམ་པ་བྱུང་ན་གྲི་ལྕགས་ཀྱི་ཏེལ་པས་བསྲེག །ལྕེ་རྒྱས། སྐད་འགགས་པ་སོགས་བྱུང་ན་ལྕེ་རྩ་གཏར། ཟས་རྩམ་ཡིབ། ཤ་ཐུད་རུལ་པ། རྒྱུ་ཁྲག །མ་སྨིན་པའི་རིགས་ཐམས་ཅད་ཤིན་ཏུ་གནོད་ཅིང་ཁྱད་པར་ལུག་ཤ་རྙིང་པ་

― LT41_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོས་ན་བཅོས་སུ་མེད་པས་རྟག་ཏུ་སྤང་། གྲེ་ཐོག་ཕོ་ཐོག་གཉིས་ཀར་ཚིག་ཧྲོག་གི་རིགས། ཇ་སྣུམ་ཚིག་སོང་བ། གྱང་པོའི་རིགས་རྣམས་དང་། ཕོར་གྲིབ་གོས་གྲིབ་སོགས་གྲིབ་རིགས་ཤིན་ཏུ་འཛེམ་པ་གལ་ཆེ། སྔ་དྲོ་ཟ་འཐུང་ཉུང་ཙམ་བྱེད། ཕྱི་དྲོ་ལྟོ་ཆས་ཤིན་ཏུ་འཛེམ། སྐྱུགས་འཕྲོད། རྫས་གཅོད་ཚ་འགགས་ལ་གསལ་ན་ཐང་རྩ་དང་། མི་གསལ་ན་རྩེའུ་ཆུང་ཞད་ཙམ་གཏར། གྲང་འགགས་ལ་རྐེ་ལྟོང་ལྷེན་སྲོང་ཚིགས་བཞི་པ་བསྲེག །སྤྱིར་མེ་བཙའ་སྔ་མི་རུང་ཞིང་རྗེས་གཅོད་ལ་ལེགས། གནམ་ཆོས་ལུགས་སོགས་ཀྱི་སྔགས་རྣམས་དང་། ལག་འཁོར་གཞན་ནས་འབྱུང་བ་ལྟར་བྱས་ལས་ཕལ་ཆེར་ལ་དེ་ཁོ་ནས་ཕན་པའང་འབྱུང་། ཡང་གཉན་ནད་དང་ཚ་ཤས་མེད་པའི་རིགས་ལ་མེ་བཙའ་ཁོ་ནས་བཅོས་ཚུལ་སྙན་བརྒྱུད་མ་ནི། སྤྱིར་མེ་སྔགས་སོགས་སྤང་བའི་ཡུལ་ནད་ཚང་བཞི་དང་། གདབ་པའི་དམིགས་འབྲོས་འཕྲོང་དགུ། །སྤྱིའི་འབྲོས་འཕྲང་གཉིས་རྣམས་སུ་ཡོད་པ་ལས། དང་པོ་ནི། རྐེ་ལྟོང་ཅར་ཁུང་ནས་གྱེན་ཏུ་ཚོན་ཕྱེད་བཅལ་བ་ནད་ཚང་འོག་མ། །དེ་ནས་གྱེན་དུ་སོར་ཕྱེད་བཅལ་བ་ནད་ཚང་བར་མ། ཨོལ་མདུད་ཀྱི་མགོ་ནི་ནད་ཚང་ཆེན་མོ། །དེ་ནས་གྱེན་དུ་ཚོན་ཕྱེད་བཅལ་བ་ནད་ཚང་གོང་མ་སྟེ། དེ་བཞི་ལ་བསྲེག་ན་ནད་གཏོར་ཞིང་སྲོག་ལ་རྒོལ་ངེས་པས་རྣམ་པ་ཀུན་ཏུ་སྤང་བར་བྱའོ། །གཉིས་པ་ནི། ནད་ཕོག་ནས་ཟླ་བ་གཅིག་གི་བར་དུ་

― LT41_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་བཤད་པའི་ཞི་བྱེད་རིགས་བསྟེན། དེ་ནས་ཟླ་བ་གཉིས་པ་ལ་མེ་བསྲེག །དེ་ལས་སྔ་ན་འཚང་ལ་ཕོག་པས་འཚོ་དཀའ་ཞིང་། ཕྱི་ན་འབྲོས་ཚར་བས་ཕན་གནོད་མེད། འོན་ཀྱང་ཅུང་ཕྱི་ན་འཕྲང་སྔོན་མ་མ་ཆོད་ཀྱང་རྗེས་མ་གང་ཡིན་དེ་བཀག་པས་ཨེན་ཙམ་ཕན། དེ་ལ་ཐོག་མར་རྐེ་ལྟོང་ཅར་ཁུང་དང་། ནད་ཚང་འོག་མའི་གཡས་གཡོན་ནས་ཐད་དུ་གཞལ་བའི་ཚོན་རེའི་སར་བཅས་གསུམ་ལ་བསྲག །དེ་ནས་ཞག་གསུམ་ནས་ནད་ཚང་བར་མའི་གཡས་གཡོན་ཚོན་རེའི་ས། །དེ་ནས་ཞག་གསུམ་ན་ནད་ཚང་ཆེན་མོའི་གཡས་གཡོན་ཚོན་རེའི་ས། །དེ་ནས་ཞག་གསུམ་ནད་ཚང་གོང་མའི་གཡས་གཡོན་བཅས་རིམ་བཞིན་སྲེག་པ་ནི་འཕྲོས་འཕྲང་དགུ་དགག་པའོ། །དེ་ནས་ཞག་གསུམ་ན་ཕྱིའི་འབྲོས་འཕྲང་བསྡམ་པ་ནི། རྐེ་ལྟོང་ནས་གཡས་གཡོན་འཕྲག་མིག་བར་ལིང་ལིང་འཕར་བའི་རྩ་རྩེ་ཡོད་པས་གཡས་སུ་བྲོས་པས་མཆིན་ཐོག་དང་། གཡོན་ཏུ་བྲོས་པས་ཕོ་ཐོག་ཏུ་འགྱུར་བ་ཡིན་པས་འཕྲག་མིག་ནས་རྐེ་ལྟོང་བར་ཚོན་རེ་དང་ཚོན་ཕྱེད་རེ་སྤེལ་མར་གཅིག་རྗེས་གཅིག་མཐུད་དུ་མེ་བཙའི་ཕྲེང་བ་གདབ། དེ་རྣམས་ཀྱི་བར་བར་དུ་སྔགས་ཟབ་མོ་ལག་བླངས་ཅན་ཆུ་དང་མར་ལ་བཏབ་ནས་ནད་ཚང་རྣམས་མ་གཏོགས་པ་ཀུན་ལ་བྱུགས། ནད་ཚང་བཞི་པོར་མེ་སྔགས་གང་ཡང་མི་གདབ་པ་གནད་ཤིན་ཏུ་ཆེའོ། ༈ །བད་ཀན་ཕོ་ཐོག་ཟས་སྐོམ་ཁར་སོང་ཚད་ཡར་

― LT41_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱུགས་ནས་ལུས་པོ་ཇེ་སྐོམ་དུ་འགྲོ་བ་ཐམས་ཅད་ཀྱིས་ཤེས་སླ་ཞིང་ལས་ནད་ལྟ་བུས་བཅོས་དཀའ་ཡང་། མྱིད་དཀྱུས་ནད་ཐུར་དུ་བབས་ནས་ཕོ་བར་འདྲིལ་བ་ལ་རྡོ་ཐལ་ཉེར་ལྔའམ་ཉེར་བདུན་གྱིས་བཤིགས། གྲང་ཤས་མ་ཞུའི་རྒྱུར་བྱས་པའི་ཕོ་ཐོག་ལ་ཉང་ལུགས་རྡོ་ཞུ་ན། བདེ་བྱེད་སྙོམས་ལྡན། ཅོང་ཞི་ཅུར་ནིས། བཅོ་ལྔ་དྲག་སྦྱོར། བེ་ཁྲག་ཉེར་ལྔ། སེ་འབྲུའི་རིགས་ལ་རྡོ་ཞུན་སྦྱོར་བ་བསྡེབས་པ་འབྲི་གུང་གཅེས་བསྡུས་ལྟར་ཟབ། ཁྱད་པར་སེ་འབྲུ་དར་གདུགས་ཅན། སེ་འབྲུ་ཉེར་ལྔ་སྨན་བྱིངས་དང་བུངས་མཉམ་པའི་རྡོ་ཐལ་བསྣན་ལ་སྟར་ཁ་་གྱིས་འདམ་བཏགས་བྱས་ནས་རིལ་བུ་དྲིལ་བ་ལ་བདུད་རྩི་རིལ་དཀར་ཟེར་བ་སྟེ་དེ་གཉིས་ཤིན་ཏུ་ཟབ། །དེ་ལ་སེ་འབྲུ་དར་གདུགས་ནི། གཙོ་བོ་སེ་འབྲུ། །དེ་དང་བུངས་མཉམ་པྲི་ཡང་ཀུ། འཁོར་སྨན་ཨ་རུ་ལི་ཤི་ཅོང་ཞིའུ་སུ་རྣམས་ཆ་མཉམ་པ་སྟེ་སྨན་འདི་ཕོ་ཁ་གཟར་གསོགས་ཕོ་ནད་ཀྱི་རིགས་ཐམས་ཅད་ལ་ཟབ་ཅིང་སྐྲན་ལའང་ཤིན་ཏུ་འགྲོ་བ་ཞིག་གོ། །ཟས་སྤྱོད་འཛེམ་བྱ་གོང་གི་མགུལ་འགགས་སྐབས་ལྟར་སྤང་བླང་གལ་ཆེ། དཔྱད་ལ་ཁྲག་ནི་གཏན་ནས་མི་རུང་། སྨན་ཡུན་རིང་བསྟེན་པས་ཇེ་དྲག་སོང་ནས་རྗེས་གཅོད་ལྷེན་སྲང་། མེ་མཉམ་ཁ་གསུམ། སྐྲན་སྲང་བཅས་མེ་བཙའ་ལྔས་བསྡམ། །དེ་རྗེས་ཐུ་ཚབ་ཆེ་ཆུང་དང་བསྟུན་པའི་བདུན་གསུམ་མམ་ཟླ་བ་གཅིག་ཙམ་གྱི་མཚམས་སུ། བྲང་གཞུང་

― LT41_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་ནག་མཚམས། །དེ་ནས་ཡར་ཚོན་རིང་གང་གི་མཚམས། ཡང་ཚོན་རིང་གང་མཚམས་གཅིག་བཅས་གསུམ་བཞག །སྔ་ཕྱིའི་མེ་བཙའ་བརྒྱད་པོ་དུས་གཅིག་ཏུ་བཞག་ཀྱང་རུང་། །དེ་དག་གིས་གྱེན་དུ་དེད་ཐུབ་པའི་ནད་རྟགས་བྱུང་ནས་སྨན་མུས་མི་སྐྱུར་བར་འཐུང་རིམ་གྱིས་བདུན་གཉིས་གསུམ་གང་རུང་མཚམས་རྐེ་ལྟོང་ཅར་ཁུངས་ལ་གཅིག །དེའི་གཡས་གཡོན་ནས་གྱེན་གསགས་ཚོ་ན་རིང་རེ་གཞལ་བའི་ཙཎྜ་གཉིས་ཀྱི་སྣེ་ཙམ་ལ་རེ་རེ་སྟེ་གསུམ་བཞག །ཡང་བདུན་གཉིས་གསུམ་ཕན་ཆད་མཚམས་སྔར་བཞག་པའི་ཙཎྜའི་སྣེ་གཉིས་ནས་ཚོན་རེ་གྱེན་དུ་གཞལ་བའི་མཚམས་སུ་རེ་རེ། ཡང་ཚོན་གང་རེ་ཡར་བཞལ་བའི་མཚམས་སུ་རེ་རེ། ཡང་དེ་འདྲ་གཅིག་བཅས་ཁྱོན་བསྡམས་གཡས་གཡོན་གཉིས་ལ་གསུམ་གསུམ་དྲུག་དུས་གཅིག་ཏུ་བཞག་པ་ནི་མེ་བཙའི་ར་བ་དགུ་སྐོར་ཟེར། །དེ་རྣམས་རྐེ་རྨན་དང་མ་ཐུག་པའི་ཤ་མེག་ཏུ་གདབ། སྤྱིར་ཨོལ་མདུད་ནས་གཡས་གཡོན་ཕུན་རེ་ཇི་མཚམས་གཉིད་ལོག །ཡང་ཕུན་གང་མཚམས་ཙཎྜ། ཡང་ཕུན་གང་མཚམས་རྩ་ནག་གཉིད་ལོག་ཡོད་པའང་ཤེས་པར་བྱའོ། །མི་མཁས་པ་ཁ་གཅིག་ཨོལ་ཁྲོང་སྟེང་ནས་གྱེན་དུ་མེ་བཞག་པ་ནི་མི་སྲོག་མྱུར་ལེན་ཡིན་པས་སྤང་བར་བྱའོ། །དེ་རྗེས་ལྕེ་ལ་འབྲུམ་པ་རྡོལ། ལྕེ་རྒྱས། སྐད་འགགས་པ་སོགས་བྱུང་ན་ནད་གྱེན་དུ་ཐོན་པའི་རྟགས་ལེགས་པས་ལྕེ་རྩ་གཡས་གཡོན་གང་རུང་གཙག་བུ་

― LT41_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

རྣོན་པོས་ཧྲད་ཧྲད་བྱེད་ནས་གཏར། ཁྲག་རྗེས་ཆོད་དཀའ་ན་རུས་སྲེག་གླན། ཚན་མོ་འཐུང་བས་ཆོད་པའང་ཡོད། ད་དུང་མཆོད་ན་མགོ་ཐོག་ཆུ་ཕྱར་བ་དང་། ཁ་ནང་ཆུ་འཁྱག་གིས་ཡང་ཡང་བཀང་བ་དང་། ཁྲག་གཅོད་སྔགས་གདབ། ལར་ཁྲག་གཅོད་སྔགས་རྣོན་པོ་ཞིག་གཏར་ག་བྱེད་པས་མ་ཤེས་ཐབས་མེད་པ་ཡིན་ནོ། །ལྕེ་ལ་འབྲུམ་པ་རྭ་ལྟ་བུ་བྱུང་ན་ཟངས་སྦུབས་སུ་དྲངས་ལ་ལྕགས་ཏེལ་གྱིས་བསྲེག་པོ་ཐོག་གྲེ་ཐོག་གཉིས་ཀར་ཤེས་ཤིང་ནུས་ན། འཇམ་དཔལ་ན་ག་རཀྵ། ཁྱུང་ནགས་འོག་གདོན་འཇོམས། དུས་འཁོར་ཁྱུང་ཁྲ་སོགས་ཁྱུང་ཁྲའི་རིགས་གང་རུང་གི་རྗེས་གནང་ཞུ་ནས་བསྙེན་པ་ཚུལ་བཞིན་བསྐྱལ་བ་ཤིན་ཏུ་ཟབ་ཅིང་གདོན་རྒྱབ་ཆེ་བ་ཕལ་ཆེར་ལ་སྨན་དཔྱད་ལས་ཀྱང་སྔགས་དམིགས་ཟབ་ཆེ་བར་སྣང་། སྨན་སྔགས་གཉིས་བསྡེབས་ན་ཕན་ཁ་ལྷག་པར་ཆེ་ཞིང་། །ནད་གྲོལ་བའི་རྟགས་སུ་དབང་པོའི་སྒོ་རྣམས་ནས་རྣག་ཁྲག་ཆུ་སེར་སྲོག་ཆགས་སོགས་དངོས་སུ་དོན་པའམ། རྨི་ལམ་དུ་བྱུང་ཡང་ཕན་ངེས་པ་ལག་བླངས་ཅན་ནོ། ༈། མ་ཞུ་བའི་ནད་རྒྱུ་རྐྱེན་དྲིས་བས་ཤེས་སླ་ཡང་། ལོ་རྒས་པ་སོགས་ཀྱིས་མེ་དྲོད་ཉམས་ནས་ཟས་ཟོས་མ་ཐག་ན། སྦོ་འཁྲོག་སྤྲེག་པ་སོགས་གྲང་རྟགས་སྟོན་པ་དང་། ཟས་ཟ་ཉེས་ཀྱིས་ན་བ་གཉིས་ཡོད། མ་ཞུ་གསར་པའི་རིགས་ལ་རྩ་སྦོམ་ཞིང་འཁྲད། མ་ཞུ་རྙིང་པ་ལ་ཤེད་ཆུང་ཞིང་རྩ་རྒྱུད་ཕྲ། ཆུ་ལམ་ཞུ་

― LT41_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

བ་གང་ཡིན་དེའི་དྲི་ངད་ཞིབ་ཏུ་བརྟགས་ན་ཅུང་ཟད་བྲོ། ཁ་ཟས་ཟ་ཆེ་བ་སོགས་ཀྱིས་མ་ཞུ་བ་ལ་ཟས་སྨྱུང་བར་གནས་པ་གལ་ཆེ། སྔ་མ་མ་ཞུ་སྟེང་ཕྱི་མ་ཟོས་ན་སྨན་གྱིས་ཕན་དཀའ། མེ་དྲོད་ཉམས་པ་ལ་དྲོད་སྨན་གལ་ཆེ། མ་ཞུ་སྤྱི་ལ་རྒྱ་མ་ཚྭ་བཞི་ཐང་། ཡེ་འབྲུའི་སྦྱོར་བའི་རིགས། ཅོང་ཞི་ཅུར་ནིས། རྒོད་མ་ཁ་ཕྱེ་སོགས་འཕྲོད། མ་ཞུ་གསར་པ་ལ་ཞི་བྱེད་དྲུག་པ། དཀར་པོ་དྲུག་སྦྱོར། བཅོ་ལྔ་དྲག་སྦྱོར་རྣམས་དང་། རྙིང་པ་ལ་རུ་རྟ་དྲུག་པ། གཡུ་དྲིལ། ཟླ་ཤེལ། རྣམ་རྒྱལ་རིལ་བུ་སོགས་བཏང་། ཡུན་རིང་ལོན་ནས་རིན་ཆེན་རིལ་བུ། རིན་ཆེན་མང་སྦྱོར། དབང་རིལ་རྟ་རིམ། ཤེལ་དཀར་མཆོད་རྟེན་སོགས་དུག་གི་བཅོས་ཁོ་ན་བྱ་དགོས། ལྷེན་སོགས་ལའང་འདི་དང་མཚུངས་ཤིང་མ་ཞུ་བ་འདི་གཅོང་སྡེ་དྲུག་ཐམས་ཅད་ཀྱི་རྩ་བ་ཡིན་པས་ཐོག་མ་ནས་ཇ་འཁྱག་པ། ཟས་ཞུ་དཀའ་བའི་རིགས་སོགས་སྤངས་ནས་མི་འབྱུང་བ་ལ་འབད་ཅིང་། བྱུང་མ་ཐག་བཏང་སྙོམས་མི་བཞག་པར་བཅོས་པ་གལ་ཆེ། སྐབས་འདིར་མཁོ་གལ་ཆེ་བ་མ་ཞུ་ཁོང་ནད་ཀུན་གྱི་སྤྱི་སྨན་དཀར་པོ་དྲུག་གི་སྦྱོར་བའི་འཕྲུལ་འཁོར་ནི། མ་ནུ། སྒ་སྐྱ། ཨ་རུ་ར། །ལྕུམ་རྩ། །ཅོང་ཞི། བུལ་ཏོག་དྲུག་པོ་རིམ་བཞིན་ཆ་རེ་བསྐྱེད་པ་ནི་རྩ་བ་ཡིན་ལ། དེ་སྟེང་རྩམ་པ་མ་ཞུ་ན་ཕབ་དང་བུལ་ཏོག །ཤ་མ་ཞུ་ན་སྤྱང་ཀིའི་ཕོབ་དང་སོ་བྱ་བྱ་རྒོད་ཕོ་བ་དང་གྲེ་བ་བསྣན། ཡང་ན་སོག་ཡུའི་ཐང་གིས་

― LT41_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་ཡང་ཆོག །སྔོ་རྔད་མ་ཞུ་ན་ཟ་འབྲུ་དང་དབྱི་མང་། མར་ཚིལ་མ་ཞུ་ན་ཅོང་ཞི་རྒོད་བཏུལ། རྡོ་རིགས་མ་ཞུ་ན་མཚུར་དང་ཆ་ལ་སྨན་མ་ཞུ་ན་བོད་དཀར་པི་ལིང་རྣམས་བསྣན། ཆང་མ་ཞུ་ན་ཕབ་བསྣན་ལ་ཆང་གིས་ཕུལ། ཡང་ན་སོག་ཚིགས་ཐང་གིས་ཕུལ། ཇ་དང་ཆུ་མ་ཞུ་ན་ཚྭ་སྣ་ཚེགས་ཚད་བསྡེབས་པའམ་ལོ་བརྒྱད་དྲི་ཆུས་ཕུལ། ཞོ་དར་མ་ཞུ་ན་ཆུར་ཁུས་ཕུལ། འབྲུ་མར་མ་ཞུ་ན་སྲན་མའི་ཐང་གིས་ཕུལ། དྭངས་མ་མ་ཞུ་ན་རྒྱ་མ་ཚྭ་དང་པི་ལིང་བསྣན་པ་དང་། སེ་འབྲུ་བཞི་སྟེང་རྒྱ་མ་ཚྭ་པྲི་ཡང་ཀུ་བསྣན་པ་བཅས་ལྟག་པ་སྤྲད། སྙིགས་མ་མ་ཞུ་ན་སེ་འབྲུ་བཞི་སྟེང་། བཅའ་སྒ་རྒྱ་མ་ཚྭ་གུར་གུམ་དབྱི་མང་བྱི་ཏང་ག་བསྣན་པའི་ལྒ་རྒོད་དགུ་པ་དང་ལྟག་པ་སྤྲད་མ་ཞུ་སྤྱི་ལ་གོ་ཐལ་བསྡེབ། ལྕུམ་ནག་རྩ་བ་བུངས་བསྐྱེད་བཏང་། བྱེར་ན་འོ་མ་ལ་ལན་ཚྭ་བཏབ་བས་བསྡུས་ལ། དེད་དཔོན་བཞི་སྦྱོར་ཐར་ཁ་་བཅས་བསྣན་པའི་བཤལ་གྱིས་སྦྱོང་བ་ལེགས། ཁ་ཚར་འདི་རྣམས་རྒྱུད་ཀྱི་དགོངས་པ་ཡིན་པས་ཞི་དྲུག་ལའང་རིགས་འདྲེས་ན་ཟབ་བོ། །ཡང་དེ་ལ་དམར་དཔང་རི་ལ་ཉེར་ལྔ་དང་། རྒྱུད་ཀྱི་ཅོང་ཞི་རུག་པ། རུ་རྟ་དྲུག་པ། དཀར་པོ་དྲུག་སྦྱོར། ཞི་བྱེད་དྲུག་པ་བཅས་སྨན་ཚོ་བཞིའི་ནང་འབབ་འཕར་ཐམས་ཅད་འཕྲིས་ནས་ཕྱོགས་སུ་བསྡེབས་བདུང་རུ་བཅོ་བརྒྱད་ཟེར་བ་འདིའང་མ་ཞུ་བ་དངོས་དང་། དེས་རྒྱུ་བྱས་པའི་ནད་རིགས་གང་ལའང་ཕན་པ་ཆེ།

― LT41_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

དྭངས་མ་གནས་འཇོགས་ནང་ནུས་པ་ཚྭ་བའི་རིགས་ཆ་འཕྲི། རྒྱ་མ་ཚྭ་ཆ་བསྐྱེད་པས་མ་ཞུ་བ་དང་མཁྲིས་ནད་སོགས་ལའང་ཤིན་ཏུ་ཕན་པ་མྱོང་གྲུབ་བོ། ༈ །སྐྲན་ནི་དང་པོ་མ་ཞུ་བ་ས་བསྐྱེད། ཡུན་ལོན་པ་སྐྲན་དུ་སྨིན་པ་སྟེ་རྣམ་གྲངས་མང་ཡང་ཚ་གྲང་གཉིས་སུ་འདུ། རྩ་རྒྱུད་ཞན་ཅིང་འཕར་ལུགས་ཞར། ཆུ་ལ་སྤྲིས་མ་དུམ་བུར་ཆད། ཕྱི་སྐྲན་དངོས་སུ་མཐོང་ཞིང་། ནང་སྐྲན་གར་ཡོད་དུ་ཟུག་བྱེད་ཅིང་གར་ཡོད་ཐད་དུ་དྲེགས་པ་ཆགས། ལྟོ་སྟོང་ནད་པ་གན་རྐྱལ་དུ་ཉལ་ནས་ལག་པས་མྱོང་བས་འདྲིལ་བ་མཐོང་། གསར་པ་རྣམས་ཚ་ཤས་ཆེ། རྙིང་ནས་གྲང་ཤས་ཆེ། དེ་ལ་ཚ་སྐྲན་མཁྲིས་རྟགས་ཤས་ཆེ་བ་ལ། གར་ནག་རིགས་བྱེ་རིང་གི་མེ་མཉམ་ཆེན་མོ་སོགས་དང་། ཨེ་ཝཾ་ནང་གི་སྐྲན་སྨན་རྣམས་འཕྲོད། གྲང་སྐྲན་དེ་ལས་ལྡོག་པ་ལ། ཉང་ལུགས་རྡོ་ཐལ། བཅོ་ལྔ་དྲག་སྦྱོར་སོགས་དང་། རྒྱུད་ཀྱི་ཅོང་ཞི་འབྲུལ་ཐལ་ལྷག་པར་ཟ་བ་ལྷེན་སྐྲན་ཟས་མི་ལེན་སྐྱུགས་པ་ལ་ཕྱི་རྒྱུད་ཚ་སྲེག་སྦྱོར་བར་སྟར་བུ་བུངས་ཆེ་ཙམ་བསྣན་པ་ཡུན་རིང་བཏང་། བས་བཤིགས་རྗེས་ཚ་ལའི་འཕྲུལ་བཤལ་བྱེད། དེ་རྗེས་ལྷེན་སྣ་ཀྲུམ་ཀྲུམ་གྱི་སྣེ་ནད་པའི་ཚོན་གང་གི་མར་སྣ་ལྷེན་སྲང་ལ་མེ་གདབ། ཕོ་སྐྲན་སོགས་ཚ་བ་ཆེན་དེ་འོག་ཚོན་གང་གིས་དང་། །དེ་ནས་གཡས་གཡོན་ཏུ་ཚོན་རེ་བཅལ་བ་བཅས་ཁ་གསུམ་དང་། དབུས་ནས་འོག་ཏུ་ཚོན་གང་གིས། གོང་གི་

― LT41_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷན་སྲང་བཅས་ལྔ་ཚོམ་དུ་གདབ། སྣོད་ཀྱི་རྒྱུ་མའི་མཁྲིས་སྐྲན་ལ་གསར་མདོག་བཅུ་གཅིག་དང་། སྐྲན་སྨན་ལྟག་པ་སྤྲད་པ་སོགས་བབ་ཡུལ་གྱི་དབྱེ་བས་གཉེན་པོ་འཕྲུལ་ཤེས་དགོས། དཀར་པོ་དྲུག་སྦྱོར་ལ་མགྲོན་ཐལ་ཆ་མཉམ་དུ་སྦྱར་བ་དང་། བདུད་རྩི་སུམ་སྦྱོར་སྟེང་རྡོ་ཐལ་དང་སྟར་ཁ་སྦྱར་བ་ཀུན་ལ་འཕྲོད་ཅིང་། རྒྱུ་ལོང་ལ་བབ་ན་སྨན་ཕྱི་མའི་སྟེང་དུག་ཉུང་བོད་དཀར་སྙ་ལོ་བསྣན་ཅིང་ཐར་ནུའི་བཤལ་གྱིས་སྦྱང་། ཚ་གྲང་གཉིས་ཀྱི་རྗེས་གཅོད་དུ་སྐྲན་གྱི་ཕྱི་ནས་ཚོན་རེ་ཙམ་གྱི་ཕྱིའི་ཕྱོགས་བཞིར་མེ་གདབ། རིམ་པར་ཆུང་ངུ་བཅར་ནས་གང་འོས་གདབ། ཐོག་མ་ནས་སྟེང་དུ་གང་བ་ན་འབྱམས་ནས་བཅོས་སུ་མེད་པར་འགྲོ་བས་མི་རུང་། མེ་བཙའ་གདབ་ལུགས་དེ་ཝ་བ་ལའང་མཚུངས་སོ། ༈ །བད་ཀན་སྒྱ་རྦ་བ་འོར་དུ་འགྱུར། དེ་དམུ་ཆུར་འགྱུར་བ་ཡིན་ཅིང་དེའི་བཅོས་ཚུལ་འབྲི་སུང་པའི་གསང་བ་སྦུབས་འདྲེན་མ་བུ་ལེ་ལག་དང་བཅས་པ་རྣམས་དང་། དེའི་དོན་ཕྱོགས་སུ་བསྡུས་ཤིང་ཟབ་གནད་མང་པོས་བརྒྱན་པ་ཐམས་ཅད་མཁྱེན་པ་ཆོས་ཀྱི་འབྱུང་གནས་ཀྱིས་མཛད་པ་ཉིད་ཚད་ལྡན་ལག་ཏུ་བླངས་ན་དེ་ལས་ཟབ་པ་མ་དགོས། འདི་རྣམས་ཀྱི་ནད་རྟག་ནི་ཐམས་ཅད་ཀྱིས་ཤེས་སླ་ཡང་སྨན་གྱིས་བཅོས་ཐུབ་པ་ནི་རེ་རེ་ཙམ་ལས་མ་མཐོང་།

― LT41_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་རྒྱུ་རྐྱེན་ཀྱང་སྙིགས་དུས་འདིར་གཟའ་ཀླུ་རྒྱལ་པོ་ཤིན་ཏུ་ཁ་དར་བས་དེ་དག་གི་སྡོང་ཟླ་ཡོད་པའི་ནད་རིགས་ཐམས་ཅད་བཅོས་དཀའ། །དེ་ལ་བད་ཀན་ནི་ཀླུ་གཉན་ས་བདག་གི་སྡོང་ཟླ་ཅན་ཡིན་ཅིང་དེ་རྣམས་ཞེ་གནག་ཅིང་གཏིང་ཟབ་པ་ཡིན་པས་དེ་དག་གི་བཅོས་དང་གདོན་ཁྲོལ་སོགས་གྲུབ་ན་ལེགས་པར་ངེས། ཕལ་ཆེར་གཞན་དབང་སྔོན་ལས་ཀྱི་ནད་དུ་སྣང་བས་ཚོགས་གསོག་ཅི་འགྲུབ་བྱེད་པ་ཟབ། སྨན་སྤྱི་དང་ཁྱད་པར་གསང་སྨན་རྣམས་ངོས་འཛིན་མ་འཁྲུལ་བའི་དུས་བཏུས་ལོ་རེ་བཞིན་གསར་དུ་བརྗེ་བ་སོགས་བྱུང་ན་ཕན་པ་ཆེ་བར་ངེས་ཀྱང་། སྲད་རིགས་གང་བྱུང་དུས་ནམ་བདེར་ཐུས་པའི་སྨན་སྦྱོར་ལོ་གྲངས་ལོན་པ་བཏང་བ་སོགས་ལ་བརྟེན། ནད་འདི་ལ་ཐུག་ནས་སྨན་པ་རྣམས་རེ་བ་ཟད་པ་ལྟ་བུ་བྱེད་པར་སྣང་ཡང་ནད་པ་ལ་སྙིང་རྗེའི་ཀུན་ནས་བསླངས། རང་ཉིད་དཀའ་ཚེགས་ལ་མི་ལྟས་པར་ལག་ལེན་བརྩོན་འགྲུས་བྱེད་པ་བྱུང་ན་འཚོ་བ་གསུམ་ཟད་པ་མ་གཏོགས་པ་ཕལ་ཆེར་ལ་ཕན་ཐོགས་པ་མ་ཟད། རང་གི་རྒྱུད་ལ་བསོད་ནམས་རླབས་ཆེན་བསྐྱེད་པར་འགྱུར་བས་འབད་སྩོལ་སྙིང་ནས་བསྐྱེད་པ་གཅེས་སོ། ༈ །དེ་ལ་ཐོག་མར་སྐྱ་རྦ་བ་ནི། གོང་གསལ་བད་ཀན་གྱི་ནད་རྟགས་གཞིར་བཞག་ཐོག །དབུགས་འཚངས། གདོང་སྐྱ་ཞིང་ཤ་ལྤགས་ཅུང་རྒྱས་པ་སྟེ། འདི་མ་ཞུ་བས་བསྐྱེད་

― LT41_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གྲང་ཤས་ཆེ་བས། ནང་སྨན་ལྕགས་ཕྱེ་ཅོ་ལྔ། བདེ་བྱེད་སྙོམས་ལྡན། སེ་འབྲུའི་སྦྱོང་བ་རྣམས་བཏང་། ཉིན་གུང་སྨན། མཁལ་རྐེད་མན་ཆད་སྐྲངས་ཤིང་ན་བ་ལ་སེ་འབྲུ་ཉི་དཀྱིལ་ད་ལི་བསྡེབས་པ། བདེ་བྱེད་ཀུན་ཕན་ཆབ་རྟགས་ཅུང་སེར་བ་ལ། གླང་ཆེན་གང་གཱ་ཆུ་སྒྱུར། སེ་འབྲུ་ཉི་དགའ། འབོལ་སྨན་བདུན་པ། གུར་གུམ་ཆུ་འབེབས་སོགས་བཏང་། ནུབ་སྨན་ད་ལི་བཅུ་དྲུག་སོགས་རྒྱུད་ཀྱི་ད་ལིའི་སྦྱོང་བའི་རིགས་ལེགས་ཤིང་། གློ་ལུས་རྐྱེན་ནས་བྱུང་བའི་རིགས་ལ་ཨ་གར་བཅོ་ལྔ་དང་སོ་ལྔ། ཅུ་གངས་ཉེར་ལྔ་སོགས་འཕྲོད། བདུད་རྩི་སུམ་སྦྱོར་སྟེང་སྐྱུ་རུ་ར། འུ་སུ། ད་ལིས། ལྕམ་འབྲུ། ག་དུར་བསྣན་པའི་བདུད་རྩི་བརྒྱད་སྦྱོར་གཞན་གནོད་མེད་ཅིང་ཡུན་དུ་བསྟེན་ན་ཤིན་ཏུ་བསྔགས། སྔ་མ་ལས་སྐྲངས་ཅུང་ཟད་ཆེ་ཞིང་གཞོག་འོག་ཏུ་གང་བསྟན་ལ་སྐྲངས་བྱོ་བླུགས་བྱེད་ཚེ་འོང་ཡིན། ཚ་གྲང་དང་བསྟུན་ནས་བཅོས་གང་མཚུངས་བྱ། བདོ་བྱེད་ཆེ་འབྲིང་ཆུང་གསུམ་སོགས་ཆུ་སྒྱུར་རིགས་གོང་ལས་ཆ་བསྐྱེད་དེ་བཏང་ལུགས་རིགས་པས་འཕྲུལ། ཐམས་ཅད་སྐྱུ་རུ་རའི་ཐང་གིས་ཕུལ། འདི་སྐབས་རིན་ཆེན་རིལ་བུ་བཏང་ན་ལྡོག་བའང་སྲིད། ༈སྐྲང་གཞི་དངོས་བྱུང་ནས་དམུ་ཆུ་ཡིན། དེ་ལ་གནད་གཞན་གྱི་གྲོགས་ཡོད་པ་ནི་རྟེན་ཅན་ཏེ་ངོས་འཛིན་གསོ་བ་གཉིས་ཀ་དཀའ། ཆམས་རིམས་དང་འབམ་གྱི་གཞུག་སོགས་ལ་འབྱུང་བས་

― LT41_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

སྔ་ཚེ་ནས་རྩ་ཆུ་སོགས་ལ་བྱར་ཞིབ་མོ་ཐེངས་དགོས། ནད་གཞན་གྲོགས་མེད་པ་ནི་རྟེན་མེད་དེ་ངོས་འཛིན་དང་གསོ་སླ། རིགས་མང་ཡང་ཚ་གྲང་གཉིས་སུ་འདུ། དེ་ལ་ཚ་ཆུའི་རྟགས་རྩ་བྱིང་ཡང་གཏིང་ན་གྲིམས་ཞད་ཡོད། ཆུ་མདོག་སེར་ཁ་ཆགས། ནད་རྒྱས་ནས་དམར་སེར་དུ་འགྱུར། ལྦུ་བ་སོབ་ལ་གཡུང་བ་དང་། རྒོད་ཅིང་མི་སྡོད་པའང་ཡོད། རྔམས་པ་ཤིན་ཏུ་རྒོད། ལུས་ཉོ་བ། འདི་ལ་སྐྲངས་མངོན་དཀའ་ཞིང་ཆུ་ལྡོག་པ་དང་ཕོ་བ་སྐྲངས་པ་ནི་གཏན་ནས་མི་ཆོས། སྐྲངས་པའང་ཆེར་མངོན་ནས་བཅོས་དཀའ་བས་བྱར་འཕྲལ་དུ་མི་ལྷོད་པར་སྒྲིམས་དགོས། །དེ་ལ་སྔོན་འགྲོ་ཨམྦྷི་དྲུག་ཐང་ཚད་ལྡན་ཞག་རེ་ཟུང་བསྟེན། འདི་ལ་སྲད་དཀར་མ་འཁྲུལ་བ་དང་སྐྱུ་རུར་བུངས་བསྐྱེད་པ་གནད་ཆེ། ཚ་ཆུ་དྲག་པོ་ལ་ཐང་འདི་མི་འཕྲོད་པའང་ཡོད་པས་ཚོད་ཤེས་དགོས། དེ་ནས་ནངས་མོ་གུར་གུམ་ཆུ་འབེབས། གུར་གུམ་ཆུ་སྒྱུར། བདེ་བྱེད་ཆུ་སྒྱུར་རིགས་རྣམས་འུ་སྐྱུར་གཉིས་ཀྱི་ཐང་གིས་ཕུལ། ཉིན་གུང་འབོལ་སྨན་བདུན་པ་ལ་སྐྱུ་རུ་བུངས་ལོགས་ཅན་འུ་སྐྱུར་ཐང་གིས་ཕུལ། འདི་ནང་གུར་གུམ་ལ་ཁ་ཆེ་མི་འདེབས་བལ་གུར་སྦྱོར་དགོས། གཞན་ཡང་གླང་ཆེན་གངྒཱ་ཆུ་སྒྱུར། སྨན་ནག་ཆུ་སྨན། ཉམས་ཡིག་གི་ཝཾ་བཅུ་གཅིག །རྒྱུད་ཀྱི་གི་ཝཾ་དགུ་པ་རྣམས་གང་རིགས་སྐྱུར་ཐང་གིས་ཕུལ། །འདི་རྣམས་ལ་གླང་ཆེན་གི་ཝཾ་དངོས་བུང་བསྐྱེད་ནས་བཏང་བ་གནད། ནུབ་སྨན་ཟླ་ཤེལ་

― LT41_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་སྒྱུར་སོགས་ཆུ་སྒྱུར་རིགས་དང་། འབྲི་ལུགས་བོང་དཀར་བཅུ་པ། ཆུ་སྨན་བདེ་བའི་འཁོར་ལོ་སོགས་སྐྱུ་རུ་རའི་ཐང་གིས་ཕུལ་ལ་སྐབས་བསྟུན་བཏང་ཆུ་གཞིའི་རིགས་ལ་བཏུང་བ་ཤིན་ཏུ་ཉུང་བ་གལ་ཆེ་ཞིང་ཁྱད་པར་ཆང་རག་གཏན་ནས་འགྲོ་མི་ཉན། སེང་ཁ་་གྱི་ཇ་དང་སྐྱུ་རུ་རའི་ཐང་གིས་སྐོམ་སེལ་བ་གལ་ཆེ། ལྡོག་དཀའ་ན་རིན་ཆེན་རིལ་བུས་ལྡོག་པའང་སྲིད། འདི་ལ་དཔྱད་མི་རུང་ཡང་ཅིས་ཀྱང་སེལ་དཀའ་ན་ཆུ་སྦྱོང་གི་རིགས་གང་འོས་སམ། བ་ཆུའི་འཕྲུལ་བཤལ་གཞུང་བཞིན་སྦྱར་བའི་སྟེང་འབུ་སྐྱོགས་བསྣན་པའམ། ཡང་ན་བདེ་བའི་འཁོར་ལོ་དང་། འབུ་སྐྱོགས་བདུན་པ་ལྟག་པ་སྤྲད་པའི་བཤལ་བཏང་བས་སེལ་བར་གསུངས། རྗེས་གཅོད་ཆུ་སྲང་ཚིགས་པ་དང་པོ་བཅུ་གསུམ་བཅོ་བརྒྱད་རྣམས་མེས་བསྡམ། ཟས་སྤྱོད་རིང་དུ་གཟབ། ༈གྲང་ཆུའི་རྟགས་བད་ཀན་སྤྱི་ལྟར་ལ་ཆུ་མདོག་སྔོ། །ལྦུ་བ་སོབ་ཅིང་དལ་བས་སྣོད་ཁེངས་པའང་འབྱུང་། སྒྲངས་པ་སྐྱ་སོབ་ལ་ཕལ་ཆེར་སྨད་ནས་རིམ་གྱིས་རྒྱས། དེ་ལ་ཐོག་མར་ད་ལི་བཅུ་དྲུག་བཏང་། དེ་ནས་ཆུ་སྐྱུར་རིགས་དང་། དྭངས་མ་ཆུ་འདྲེན་སོགས་བཏང་བ་ཡིན་ལ། ལྟག་པ་སྤྲད་སྐབས་ནང་སྨན་སེ་འབྲུའི་སྦྱོར་བའི་རིགས། བདེ་བྱེད་སྙོམས་ལྡན། ལྕགས་ཕྱེ་བཅོ་ལྔ། ཉིན་གུང་གུར་གུམ་དང་བདེ་བྱེད་ཆུ་སྒྱུར། བདེ་བྱེད་ཀུན་ཕན། དྭངས་མ་གནས་

― LT41_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོག །དངས་མ་ཆུ་འདྲེན། དགོངས་མོར་ད་ལི་བཅུ་དྲུག །ཕྱི་རྒྱུད་ད་ལིས་སྦྱོར་བའི་རིགས། ཤིང་ཀུན་ཅུར་ནིས་སོགས་བཏང་། གྲང་ཆུའི་སྨན་རྣམས་ཉིད་དགའི་ཐང་གིས་ཕུལ་བ་ལེགས། རིན་ཆེན་རིལ་བུ་མི་འཕྲོད། ཡན་ལག་གི་སྐྲངས་རྣམས་རིམ་གྱིས་བྲི་བའམ། མ་བྲི་ཡང་ཕོ་བ་ལྷག་པར་སྐྲངས་པ་ནི་འཚོ་དཀའ་བས། སེ་འབྲུ་བཞི་པའི་སྟེང་སྒ་ཏིག །བ་ཆུ་ཁཎྜ། ཐར་ཁ། བཅས་བསྣན་པ་བཏང་བས་ཆུ་འདྲོད་བར་གསུངས། ཚ་ཆུས་ཕོ་བསྐྲངས་པ་ལའང་ཅུ་གང་བདེ་བྱེད་ལ་བཤལ་སྨན་གསུམ་བསྣན་པ་བཏང་བས་ཟབ་པར་བཤད། རྗེས་གཅོད་ཚ་གྲང་གཉིས་ཀར་སྐེམ་བྱེད་ཀྱི་བྱུགས་པ་སྐྲང་ལྷག་སྟེང་བྱུགས་ཤིང་མེ་ཉི་ལ་བསྲོ། །ནད་ལྷག་མེད་ཞི་སྐབས་ཆུ་ཚན་བསྟན་པ་དང་ཆུ་སྲང་ཁ་གསུམ་ལ་མེ་གདབ། ཆུ་ལྷག་ཞི་དཀའ་ན་ཟངས་ཐལ་ཉེར་ལྔ་སོགས་སྦྱར། སློང་རྐྱེན་གྱི་ཟས་སྤྱོད་སྤྱི་དང་ཁྱད་པར་རླན་གྲང་བསེར་བུ་ཞུ་དཀའི་བཟའ་བཏུང་ཆུ་ངན་པ་སོགས་རྟག་ཏུ་སྤངས། ཆུ་ནད་ཐམས་ཅད་ལ་བསྔགས་པའི་སྐྱུ་རུའང་ཁཎྜ་ལེགས་པར་བཀོལ་བ་དང་། ར་མོ་ཤེལ་སྨན་ལུགས་ཀྱི་གསང་སྨན་ངོས་འཛིན་འབྲི་ལུགས་ཀྱི་མན་ངག་ལས་འབྱུང་བ་རྣམས་མ་ནོར་ཞིང་སོ་སོའི་དུས་གནད་མ་ཡོལ་བར་བཏུས། རྨ་ཅུང་ཟད་ཕབ་ལ་གྲིབ་སྐམ་བྱས་པ་རྣམས་ཕྱོགས་གཅིག་ཁཎྜ་བྱས་པ་ཉིད་

― LT41_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུད་ཁ་རྣམས་ལ་བསྡེབས་པ་བྱུང་ན་ཕན་ངེས་པའི་མན་ངག་སྙིང་ཐིག་མ་ཡིན་གསུངས། གློ་བར་བབས་ནས་ལུད་བ་སྐྱ་སོབ་ལུ། རྔམ་པ་འདེགས། གདོང་པ་སྐྲངས་པ་ལ་ཅུ་གང་ཆུ་སྒྱུར་རམ། རྒུན་འབྲུམ་བདུན་སྦྱོར་ནང་ཤིང་ཚ་འཕྲིས། སྐྱུ་རུ་ར་བུངས་བསྐྱེད་པ་དང་ཆུ་སྨན་སྤེལ། ཚ་ཆུ་དང་བསྡངས་ན་འབོལ་བདུན་སྟེང་རྒུན་འབྲུམ་བདུན་པ་བསྣན་པ་དང་། ཨམྦྷི་དྲུག་ཐང་ཤིང་མངར་བསྐྱེད་པས་ཕུལ། སྐྲན་དང་བསྡངས་པ་ལ་ཐུར་མ་བྱ་བར་བཤད་ཀྱང་ལག་ལེན་ཚད་ལྡན་མེད་ན་མི་བཏུབ། ལུ་ཆུང་བྱེད། ཆུ་མདོག་སྨུག་ཁ་ཡོད་པ་མཆིན་པའི་ཟག་ཆུ་དང་འབམ་གཞུག་ཆུར་འགྱུར་བའི་རིགས་ལ་གུར་གུམ་བདུན་སྦྱོར། གླང་ཆེན་ཆུ་སྒྱུར་སོགས་དང་། འབམ་གཞུག་ཚ་ཆུར་གྱུར་པ་ལ་གུར་ཏིག་བསྔགས། ཆུ་ནད་བྱེར་ནས་ཡུན་རིང་དུ་མནར་བ་དང་། སྨུག་པོའི་ཟག་ཆུ་སོགས་ལ་ཟླ་ཤེལ་བདུད་རྩི་ཐིག་པ་ཁོ་ན་ཟབ། ཆུ་སེར་དང་བསྡོངས་ནས་སྐྲངས་ཤིན་ཏུ་ཆེ་ཞིང་ཆུ་སེར་བ་རྡོལ་བ་ལ་གསང་སྨན་ཆིག་བརྒྱུད་བཏང་བས་ཕན་པར་བཤད། མདོར་དྲིལ་ན་ཚ་ཆུ་ལ་འབོལ་སྨན་བདུན་པ་དང་། གྲང་ཆུ་ལ་ཨམྦྷི་དྲུག་ཐ་དད་མ། །ད་ལི་བཅུ་དྲུག་མ་ནུ་བཞི་ཐང་གིས་ཕུལ་བ་ཞག་ཁ་ཡར་བསྟེན་རྗེས། དངོས་གཞིར་ཚ་ཆུ་ལ་ཆུ་འབེབས་དཀའ་ན་འབོལ་སྨན་སྟེང་རྒྱ་སྡིག་གསེར་བྱེ་ལྕམ་པ་བསྣན་པ་དང་། །

― LT41_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

གྲང་ཆུ་ལ་ཆུ་རྩི་ཉེར་ལྔའམ། སེ་འབྲུའི་རིགས་སོགས་གང་འཕྲོད་སྦྱོར། ཤིན་ཏུ་སྐྲངས་ཆེ་ཞིང་ཆུ་སེར་དང་བསྡོངས་ན་སྒ་ཏིག་ཁཎྜའམ་བ་ཆུའི་ཁཎྜ་བསྣན་ལ་བཏང་། སྲད་རིགས་འགྲོ་བའི་སྨན་རྣམས་ཚ་ཆུ་ལ་མི་འཕྲོད་བས་བཏང་སྲོལ་མེད། ཚ་ཆུ་ཡག་ཉེས་ཆེ་ཡང་སྣ་ལོན་སླ། གྲང་ཆུ་སྨན་སོགས་ཀྱིས་ཡག་ཉེས་འཕྲལ་དུ་མི་བྱེད་ཀྱང་གདིང་ཆེ། སྤྱིར་གོང་སྨོས་སྨན་རྣམས་ཐོག་མ་ནས་འཕྲོད་ཉམས་དང་ངོ་ལོན་པ་ཞིག་མ་བྱུང་ན་དཀའ་བར་སྣང་ངོ་། ༈ །ཚ་བ་ཐོག་མར་ཕོག་སྐབས་ལུས་གྲང་ཤུམ་བྱེད། མེ་ཉི་ལ་དད། རྐང་ལག་བརྐྱང་བསྐུམ་དང་། རྨི་ལམ་ཟ་ཟི་མང་། མགོ་དང་རུས་ཚིགས་ཉྭ་བཞི་ལ་གཟེར་ཕྲེང་བྲེང་འཁྱུག །རྩ་སྟོང་ལ་རྒྱུག །ལྕེ་སྐྱ་བོར་རླུང་འབྲུམ་དམར་ཚེམ་མང་བ་ནི་མ་སྨིན་པའི་ཚ་བ་ཡིན་པས། དེ་ལ་བསིལ་སྨན་གཏར་བཤལ་སོགས་ཚ་བ་བྱེར་འགྲོ་ཞིང་། དྲོད་བཅོས་བྱས་ན་ཚ་བའི་གྲོགས་སུ་འགྲོ་བས་སྤང་། ནོར་བུ་བདུན་ཐང་ངམ་མ་ནུ་བཞི་ཐང་ལན་ཁ་ཤས་བཏང་། སྨིན་དཀའ་ན་བསིལ་བཅུད་བཅོ་ལྔ། སླ་ན་སྤྲིན་བྲལ་ཟླ་ཟེར་ཡང་བཏང་བས་སྨིན་པའི་རྟགས་གྲང་ཤུམ་ཆད། ལྕེ་འབྲུམ་ཡལ། གཟེར་བབས་པའི་གནས་གཅིག་ཏུ་འདུས། རྩ་འཁྲང་ཞིང་འཕར་མྱུར། ཆུ་མདོག་དམར་སེར་དྲི་མ་དུགས། རླངས་པ་ཆེ་ཞིང་ཡུན་རིང་། ལྦུ་བ་ཕྲ་ཞིང་སང་

― LT41_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེན། ཆུ་གར་ཉམས་ཡོད་ཅིང་ཀུ་ཡ་འཐུག །ལུས་ལ་རྡུལ་དྲི་འབྱུང་བ་སོགས་བྱུང་ན། གཙོ་བརྒྱད། བེ་དོ་བཅུ་གསུམ། སྟོད་ལུགས་དང་ཟུར་ལུགས་སྤང་རྩི། གི་ཝཾ་དགུ་པ། མན་རྒྱུད་ཙནྡན་སྦྱོར་བའི་རིགས། ཐང་ཆེན་བརྒྱད་པ་སོགས་བཏང་། སྤང་རྩིའི་རིགས་འདི་དར་མ་ཁྲག་ཤེད་ཅན་མ་གཏོགས་རྒས་པ་དང་རླུང་ཅན་ལ་ཅུང་མི་ལེགས། ཁྱད་པར་རྟ་ཟི་རིལ་བུ་ཚད་ལྡན་ནོར་བུ་བདུན་ཐང་གིས་ཕུལ་བ་ཟབ། འདིའི་སྦྱོར་ཚད་ངར་ཕུག་ཨེམ་མཆིའི་དྲིས་ལེན་ལྟར་དགོས། རྩ་བདུན་བརྒྱད་ཙམ་དག་ཏུ་འཕར་ནས་སྡོད། ཆུ་མདོག་ལྗང་ངམ་ནག་ཞད་བྱུང་ན་གཉན་དང་བསྡོངས་རྟགས་ཡིན་པས་གཙོ་ཆུང་ཁོ་ན་ཟབ། དེ་རྣམས་གྱིས་མཐུབ་ན། སྲོ་མ་རྟ་རིའི་བཤལ་སྨན་གྱི་རིལ་བུ་དང་པོ་བདུན། བར་དུ་བཞི། ཐ་མ་གསུམ་རེ་བཏང་བས་ཉི་ཤར་དུས་ཐེབས། བཅད་རན་ནས་ཆུ་གྲོགས་དང་། དེ་རྗེས་ཤ་གསར་བ་ཙབས་པའི་ཁུ་བ་ཕྲན་བུ་བླུད། ཚད་རྟགས་སླར་འཕར་ན་སྔོན་གྱི་ཚ་སྨན་རྣམས་བཏང་། དེ་རྣམས་གཟེར་ཁ་ཆག །རྩ་ཅུང་དལ་བའམ་རྒྱུག་ཀྱང་མནན་ན་སྟོང་། ཆུ་དྭངས་པའམ་དམར་ཡང་ཀུ་ཡ་སྲབ་ཅིང་སླ་ལ་ལྦུ་བ་ཆེ། དྲི་དང་བྲོ་བ་མེད། ལྕེ་དམར་སྐམ་རྩུབ། སྐྲ་རྩ་སེང་། ཁྱད་པར་རླུང་སྲང་ཚིགས་པ་དང་པོ་མནན་མི་བཟོད་པ་བྱུང་ན་རི་ཐང་

― LT41_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་སུ་སླེབ་པ་ཡིན་པས་བཅོས་ཕྱི་ན་སྟོང་ཚད་སོགས་ཀྱི་ས་ལ་འདའ་བ་སྲིད་པས། ཕོ་ལོང་སོགས་སྣོད་ཚད་ལ་མན་ངག་བསིལ་སྦྱོར། ཅུ་གང་བདེ་བྱེད། གློ་སྙིང་སོགས་དོན་ཚད་ལ་ཨ་གར་བཅོ་ལྔ་དང་། སོ་ལྔ་གཉན་སྨན་ཅན་ཐུན་ཆུང་རེ་སད་མདའ་བཏང་བས་ཕྱིར་ནང་ལྕེ་རློན་ཅིང་། ཁམས་དྭངས་ཞད་ལས་ཐུ་སྐྱོན་མེད་ཚེ་དེ་རྣམས་ཐུན་ཅུང་ཆེ་བ་དང་། ཚད་སྨན་ལྟག་སྤྲད་ཞག་གཉིས་ཙམ་བཏང་། །དེ་ནས་བ་འོ་ཕུལ་གང་དང་ཆུ་ཕུལ་གང་མཉམ་དུ་བསྐོལ་བ་བཏང་བས་སྔ་མ་ལས་ཚད་རྟགས་བྲི་ན། ནོར་གྱི་སྲེ་ལོང་གསར་པ་ལྤགས་པ་ཕུད། ཐལ་ཚན་དུ་ཧྲོག་ཙམ་བྱས་པ་ཆུ་ནང་དུ་ལྷོག་ཙམ་བསྐོལ་ཁུ་ཞག་བཅད་ནས་དགོངས་མོར་སུན་ཙམ་བཏང་བས་བདེ་ཉམས་ཡོད་ན། སྲེ་ལོང་བཅག་་ནས་དུམ་བུ་གཉིས་སུ་བྱས་པའི་དུམ་བུ་རེ་རེའི་ཁུ་བ་ཞག་བཅད་ཉིན་གཉིས་སུ་བཏང་། །དེས་ཇེ་བདེ་ཇེ་དྭངས་སོང་ན་ཤ་གསར་མཐེ་བོང་དྲག་ཙམ་བཙོས་ནས་བཏང་བ་སོགས་ཟས་ཆ་ཡིས་ཀློད། སྨན་ནང་མོ་སྤྲིན་བྲལ་ཟླ་ཟེར། གཙོ་བརྒྱད་གཡུ་རལ། གི་ཝཾ་དགུ་པ། ཉིན་གུང་གཙོ་བརྒྱད་དམ་སྤྲིན་ཟླ། ནུབ་མོ་ཨ་གར་བཅོ་ལྔ། སོ་ལྔ། བསིལ་བཅུད་བདེ་བྱེད་ཆུང་ངུ་སོགས་བསྟེན། མདོར་ན་སད་མདའ་བཏང་བས་རི་ཐང་ངེས་པ་རྙེད་ཚེ་ནད་ཚབས་ཆེ་ན་གོང་བཤད་ལྟར་གཟབ་ནས་རིམ་

― LT41_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

བལྟས་དང་། ཆུང་ན་ཐོག་མ་ནས་ནུབ་སྨན་རྣམས་སྲེ་ལོང་ཐང་གིས་ཕུལ་བ་སོགས་སྐབས་བབས་བྱ། བསིལ་སྨན་ཐུན་རེ་ཉིན་གུང་བཏང་བས་ཆད་ལྷག་འདོན། རླུང་སྨན་དང་ཤ་གསར་སོགས་ཀྱིས་རླུང་ཁ་མནན་ཅིང་ལུས་ཟུངས་གསོ། །སྨན་རྒྱུན་གཅོད་སྔ་མི་བྱ་བར་རིམ་པར་ཆ་འཕྲི་བ་ཐམས་ཅད་དུ་ཤེས་པར་བྱའོ། ༈ །ཚ་བ་སྨིན་ལོང་མེད་པ་ནད་ཕོག་མ་ཐག་ནས་གཟེར་ཆེ། ལུས་ཤེད་འཆོར། ཚད་རྟགས་སྟོན། ལུད་པ་དམར་སེར་སོགས་འབྱུང་བ་ནི་རྒྱས་ཚད་ཡིན་པས་འཕྲལ་དུ་གཉེན་པོ་མ་སླེབ་ན་སྲོག་ལ་རྒོལ་བས་གཙོ་བརྒྱད་སོགས་བསིལ་སྨན་བཏུད་ནས་བཏང་བ་སྨན་གྱི། ཆུ་གཞི་རྩལ་སྤྲུགས་བྱེད་པ་གསུངས་ཀྱང་། ནད་འདི་ལ་དེང་སང་དུས་དབང་གིས་གཉན་དང་མ་འདྲེས་པའི་ཚ་རྐྱང་ཆེར་མི་འབྱུང་། ག་བུར་དང་གཏར་ཁ་གཏན་ནས་འགྲོ་མི་ཕོད་པས་འོག་གཉན་རིམས་སྐབས་ལྟར་བཅོས། ༈ །སྟོང་ཚད་ནི། གོང་གི་རི་ཐང་མཚམས་སུ་བཤད་པའི་རྟགས་རྣམས་འབྱུང་། ཁྱད་པར་བསིལ་སྨན་གྱིས་ཚད་རྟགས་ཆེར་སོང་ན་ངེས་པ་ཡིན་པས། སྤྲིན་ཟླ། ཨ་གར་རིགས་རྣམས་འཕྲོད། སྟོང་ཚད་སྲོག་རྩར་ཤོར་ན་སེམས་འཕྱོ། །ཅལ་ཅོལ་སྨྲ། ཚབས་ཆེ་ན་རིག་པ་མ་ཟིན་སྨྱོ་བའང་འབྱུང་བས། རྒྱུད་ཀྱི་སྲོག་

― LT41_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་བརྒྱད་པ། ངར་ཕུག་སྲོག་འཛིན་བཅུ་གཅིག །སྲོག་རླུང་འཇོམས་རྡོར་སོགས་མྱོས་ཁུས་ཕུལ། ཀོ་བྱིའི་རིགས་ཀྱང་འཕྲོད། ཚིགས་པ་དང་པོ་དང་དྲུག་བདུན་མེས་མནན། འདི་ནི་རི་ཐང་ཕྱེ་ཚོད་མ་ཟིན་པ་དང་། རིམས་དང་འབྲེལ་བའི་ཚ་བ་ཕལ་ཆེ་ར་ལ་འབྱུང་བས་ཟས་གསར་བཅུད་ཀྱིས་རླུང་སྣ་ལེན་པ་ཟ་བ། ༈ །གབ་ཚད་ནི། རིམས་གྱིས་བསྐྱེད་པ་སོགས་ཚ་བ་ཕོག་པ་ཟས་སྤྱོད་རྐྱེན་གྱིས་བད་རླུང་འཕེལ་བའམ། མ་སྨིན་པའི་ཚ་བ་བསིལ་གྱིས་དེད་པ་སོགས་ཀྱིས་གཏིང་དུ་ཚ་བ་གབ་པ་ལ། བད་རླུང་གི་རྟགས་སྟོན། ཁྱད་པར་ཕོ་མཁལ་སྙིང་གསུམ་ལ་གབ་ན་ཁྲག་རླུང་དང་ནོར་ཉེན་ཡོད་པས་ཞིབ་ཏུ་བརྟགས་པ་གལ་ཆེ། དེའི་རྟགས་ནི་རྩ་དལ་ཡང་གཏིང་གྲིམས། ཆུ་སྔོ་དཀར་ལ་ལྡོག་སྐྱེན་ཅིང་ཀུ་ཡ་ལིང་གིས་འདྲིལ། བསིལ་དྲོད་གང་ཡང་འཕྲལ་འཕྲོད་པ་ལྟར་སྣང་ཡང་བཏུད་ན་གནོད་ན་ངེས་པ་ཡིན་པས། སྙིང་ལ་གབ་ན་ཨ་གར་རིགས། ཕོ་བར་གབ་ན་སེ་འབྲུའི་རིགས། མཁལ་མར་གབ་ན་ཨ་རུ་བཅུ་པ། གུར་གུམ་བཅུ་པ་སོགས་དྲོད་ལྡན་བསྟེན་པས་དང་པོ་བད་རླུང་ལ་སླེབ་པས་བན། བར་དུ་བད་རླུང་ཐལ་བས་ཕན་གནོད་མེད། མཐར་གཏིང་ཚད་ལ་སླེབས་པས་དྲོད་ཀྱིས་གནོད་ཅིང་ཚད་རྟགས་མངོན་གྱུར་བྱུང་དུས་ཚ་བཅོས་གོང་གསལ་བྱེད། །

― LT41_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་ཚད་ཡུན་རིང་ལོན་ནས་ནད་མཇུག་མཆོད་པ་སྟེ་ལུས་སེམས་ལྗི། གཟེར་ཕྲན་ངེས་མེད་ལྡངས། རྩ་རྒྱུད་ཕྲལ་གཏིང་གྲིམས། ཆུ་མདོག་ངེས་པ་མེད་ཀྱང་དྲི་དང་བྲོ་བ་ཆེ། ལྡོག་དཀའ་ཞིང་ལོག་ན་ཀུ་ཡ་མཐུག །སྟོད་ཁེངས་ཤིང་མགོ་དང་རུས་ཚིགས་སྐབས་སུ་ན། རླུང་དང་བསྡོངས་ན་རླུང་རྟགས་ཐོར་བུའང་འབྱུང་བ་ཡིན་ལ། སྨན་གཏིང་འདོན་ཉེར་ལྔ། མན་རྒྱུད་ཀྱི་ཤིང་སྣ་བརྒྱད་པ་ཟབ། སྤོས་དཀར་བཅུ་པའང་འཕྲོད། ནད་གདིང་ཆེན་སྨུག་པོའི་བཅོས་ཐབས་རྣམས་དང་འཕྲུལ་དགོས་སོ། །༈། རྙོགས་ཚད་ནི། ཚ་བ་ཆུ་སེར་དང་བསྡོངས་པ་སྟེ། ཚད་རྟགས་སྤྱིའི་སྟེང་དུ་མིག་དང་རྐང་བོལ་གཡོ། །སྙིང་འཕར་ཞིང་རྩེ་ཆུང་རྡེག །དབུགས་རྒོད། རྩ་ཅུང་འདར། ཆུ་ལ་རྒྱ་བ་ཤལ་འབྱུང་བ་ལ། གི་ཝཾ་དགུ་པ། ཅུ་གང་བདེ་བྱེད། འབོལ་སྨན་བདུན་པ། བདེ་བྱེད་ཀུན་ཕན། གླང་ཆེན་བཅུ་གསུམ་སོགས་ཟབ། ནད་འདིས་ཡུན་རིང་མནར་བ་ལ་སྲོ་མ་རྟ་རིའི་སྦྱོང་དང་། གཉན་ཤས་མེད་ན་ག་བུར་ཉེར་ལྔ་བཏང་། འདི་ཚ་གསོག་ལ་འགྱུར་ཉེན་ཆེ་བས་ཟས་སྤྱོད་སོགས་ཤིན་ཏུ་གཟབ། ༈འགྲམ་ཚད་འཁྲུགས་ཚད་སོགས་ཕལ་ཆེར་རྒྱས་ཚད་གཞིར་བཞག་ལ་སྡོང་ཟླ་གང་བྱུང་གི་གཉེན་པོ་དང་བསྡེལ། འཁྲུགས་སུ་ཤོར་བ་ག་བུར་ཉེར་ལྔ་ཟབ་ཀྱང་

― LT41_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

གཉན་ཤས་མཆོག་པར་མི་བཏང་། བཏད་དུས་ཀྱང་གཙོ་བོ་ག་པུར་སྲན་མ་ཙམ་བྱེད་ནས་སྟོང་རི་ཟིལ་པ་ཕོན་ཆེར་བཏང་བ་ཕྱག་ལེན་ཡིན། ༈ །ཚ་བ་དོན་སྣོད་དུ་བབས་བའི་རིགས་གོང་གི་རྒྱས་ཚད་བཅོས་གཞིར་བཞག་སྟེང་། སོ་སོའི་གཉེན་པོ་དང་ལྟག་སྤྲད་དུ་བཏང་དགོས་ཏེ། སྙིང་ཚད་སྙིང་མི་བདེ། ཟ་ཟི་ཆལ་ཆོལ་བྱེད་པ་རྒྱུད་ཀྱི་སྲོག་འཛིན་བརྒྱད་པ་དང་། བསིལ་བཅུད་སོགས་ཨ་གར་རིགས་བཏང་། གློ་ཚད་ལུད་པ་ཁྲག་ཏུ་འོང་བ་ལ་ཨ་ཕྱག་དྲུག་ཐང་། རྟ་ཟི་དམར་པོ། །ཕྱི་རྒྱུད་གུར་གུམ་བདུན་པ། གཙོ་བརྒྱད་བཅུ་གཉིས་ལྷག་པར་ཟབ། ཁྱུང་སྔོན་དགུ་པའང་ཟབ་ཅིང་གཉན་ཤས་ཆེན་སྲོ་ལོ་ཕྲི། །འཁྲུགས་གློ་ཚ་ཤས་ཅན་ལའང་ཁྱུང་དགུ་ལེགས་ཤིང་དེ་ལ་ཅུ་གང་བསྣན་པ་ཕྱག་ལེན་ཡིན། ཚད་མགོ་ཆོག་ནས་ག་བུར་རིན་ཆེན་ཞགས་སྦྱོར། ཕྱི་རྒྱུད་ཙནྡན་བརྒྱད་པ་ཟབ། མཐར་གཙོ་བོ་ཉེར་ལྔ། ནོར་བདུན་ཀློ་སྨན། སྤྲིན་བྲལ་ཟླ་ཟེར་སོགས་བཏང་། འདི་དང་གློ་བ་ཁྲག་རྒྱས་གཉིས་རུལ་ཉེན་ཆེ་བས་མཐར་རྒྱ་བརྩ་དྲུག་འདུས་དང་དཔུང་རྩ་གང་རུང་གཏར། ༈མཆིན་ཚད་ལ། གི་ཝཾ་དགུ་པ། གི་ཏིག་ཨུཏྤལ་བརྒྱད་པ། ཉམས་ཡིག་གི་ཝཾ་བཅུ་གཅིག །མན་རྒྱུད་ཙནྡན་སྦྱོར་བ། ཕྱི་རྒྱུད་གུར་གུམ་བདུན་པ། གཙོ་བརྒྱད་ལ་གི་ཝཾ་དངོས་ཡོད་ན་ར་བ། མེད་ན་བྲག་ཞུན་སྦྱར། གང་ཡང་ཆ་མཐོ་བྱས་

― LT41_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བཏང་། མཐར་ཁྲ་ཁྲིས་བཤལ་ལམ་རུ་ཐུང་གཏར། མཆིན་མཁྲིས་འདོམས་རྩའང་ལེགས། མཆེར་ཚད་ལ། རྒྱུད་ཀྱི་གུར་གུམ་བདུན་པ། ཨ་རུ་བདུན་པ་བཏང་། མཁལ་ཚད་ལ་ཤུག་ཚེར་བདུན་སྦྱོར། ཕྱི་རྒྱུད་གུར་བདུན། གུར་གུམ་བཅུ་གསུམ་ཟབ། མཐར་བྱིན་གཞུག་ལོང་རྩ་གོང་རུང་གཏར། གཉན་ཚད་མཁལ་མར་བབས་པའི་ཁ་མེད་ལ་བྱེ་རིང་རྣམ་རྒྱལ་དགུ་པ་བཏང་། འདི་རྣམས་ཀྱི་ནད་རྟགས་ནི་གང་ལ་བབས་པའི་ཟད་ཀྱི་རྩི་བསམ་སོགས་གཟེར་བ་ལས་ཤེས་ཤིང་། ཆུ་མདོག་ཀྱང་དམར་ཤས་ཆེ་ན་གློ་བ། སྨུག་ཤས་ཡོད་ན་མཆིན་པ། ལྡང་མདོག་ཡོད་པ་མཆེར་པ། དམར་སེར་བྱེ་ཞབས་ཅན་རྙོགས་ཞད་ཡོད་པ་མཁལ་མ་ལ་ནད་ཡོད་པའང་ཤེས་པར་བྱའོ། ༈ཕོ་བར་གཟེར་འདྲིལ་བའི་ཕོ་ཚད་ལ། བྲག་ཁྱུང་། སླེབ་ཆོག །བྲག་ཞུན་དགུ་པ་ཁ་རྐྱང་སོགས་བཏང་། དཀར་པོ་དྲུག་སྦྱོར་སྟེང་རྒྱ་མ་ཚྭ། བསེ་སྦུར། གླ་རྩི། ཕུར་ནག་ཁཎྜ་རྣམས་སྦྱར་བས་གཉན་གླང་ཕོ་བར་བབས་པ་ལ་ཟབ་གསུངས། རྒྱུ་མར་བབས་ན་མཁྲིས་ཕྱེ་ཉེར་ལྔ་སོགས་ཕལ་ཆེར་རྒྱུ་རིམས་ལྟར་བཅོས། ༈ །རིམས་ཀྱི་རྟགས་བཅོས་རྣམས་གོང་གི་ཚབ་དང་ཕྱོགས་མཚུངས་ཤིང་། རྩ་ཕྲལ་འཕར་མྱུར་བ་དེ་ལ། བདུན་ཐང་ཐེང་རེ་ཟུང་གིས་སྨིན་ནས། བདུད་

― LT41_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

རྩི་སླེབ་ཆོག །རིམས་ཀྱིས་གཙོ་བརྒྱད། གཙོ་བརྒྱད་བཅུ་གཉིས། འཛིན་པ་དགུ་སྦྱོར་སོགས་འབྲི་ལུགས་རྣམས་དང་། དཔའ་བོ་བཅུ་བཞི། ཟུང་བཟང་ཁྲག་མཁྲིས་ཅན་ལ་སྤང་རྩི་བཅུ་གཉིས་རྣམས་ཟབ་ཀྱང་སྤང་རྩི་བཏང་སྔན་བྱེར་འགྲོ་བས་བདུན་ཐང་དང་སླེབ་ཆོག་ཁོ་ན་འཕྲོད་ཆེ་ཞིང་། དེ་ལའང་རྒན་པོ་དང་རླུང་ཤས་ཆེ་བ་ལ་བདུན་ཐང་གིས་ཕུལ་ན་ལེགས། འགའ་ཞིག་ཐང་སྨན་མཉམ་དུ་བསྐོལ་བའི་ལག་ལེན་ཞིག་ཀྱང་འདུག་པ་ཁུངས་མ་མཐོང་ཡང་འཕྲོད་ཟབ་ལེགས་པ་ལྟར་སྣང་། རི་ཐང་ཕྱེ་ལུགས་སོགས་ཚ་བ་ལྟར་བྱ། ༈ །མཁྲིས་རིམས་ཆུ་རྟགས་སེར་ཁ་ཤིན་ཏུ་ཆེ་ཞིང་ཕལ་ཆེར་མར་ནག་ཁུ་བའི་མདོག་ཏུའང་འབྱུང་བ་དེ་ལ། འབྲི་ལུགས་སྨ་ན་ནག་ཆེན་མོ་ཟབ། སླེབ་ཆོག །ཏིགྟ་བརྒྱད་པ། གི་ཏིག །གི་ཝཾ་བཅུ་གཅིག་སོགས་ཀྱང་འཕྲོད། ༈རྒྱུ་རིམས་སྐྱ་བཤལ་བཅོས་སླ། །ཐོག་མ་ནས་ཁྲག་ཏུ་འཁྲུ་བ་དེ་བཅོས་དཀའ། རྒྱུ་མའི་ནང་འུར་འཁྲོག་བྱེད་ཅིང་ཆུ་མདོག་མར་ཁུ་ལྟར་བྱུང་ན་ནད་ཕོག་པ་ཡིན་པས། ཨིནྡྲ་བཞི་ཐང་གིས་སྨིན་པར་བྱས། བཤལ་བྱུང་ན་རྒྱུད་ཀྱི་བྲག་ཞུན་དགུ་པ། བྲག་ཁྱུང་། འབྲི་ལུགས་སྨན་ནག །སློབ་དཔོན་རུ་རྟ་བཅུ་གསུམ། སྣོད་ཚད་སེལ་བའི་གུར་གུམ་བདུན་པ། ག་མ་ཕྱེ་དམར་པོ་རྣམས་བཏང་། ནད་འདི་ལ་ཟས་འཛེམ་ཤིན་ཏུ་གལ་

― LT41_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ། །ཁྱད་པར་ཤ་དང་རྩམ་པ། ཚན་མོའི་རིགས་གཏན་ནས་སྤང་། འབྲས་ཐང་ངམ་ནས་བཙོས་པའི་ཁུ་བ་དྲོ་འཇོམ་ཕྲན་བུ་བསྟེན་པ་ལེགས། ཟུང་བཟང་ལ་ཐོག་མ་ནས་མཁྲིས་བཤལ་ལམ་གཉན་བཤལ་བཏང་བས་བཅོས་སླ་ཞིང་ཟབ། དམར་བཤལ་ཚབ་ཆེ་ན་ཕྱི་རྒྱུད་ཆུ་སྡེར་དགུ་པ་དང་། མཁྲིས་ཕྱེ་བདུན་པ་གཉིས་བསྲེས་པའི་ཆུ་སྦྲུལ་མཇིང་བསྣོལ་སྟེང་གསང་སྨན་ཆར་སྡོད་བྱེའུའི་བྲུན་བསྣན་པ་དེ་ཐེང་ཆོག་ཡིན། སྦྱོང་སྨན་རིགས་ལའང་གསང་སྨན་དེ་ཉིད་བསྣན་པས་རྒྱུ་མའི་རྩི་སྲུང་ཤིན་ཏུ་ཟབ། རྒྱུ་རིམས་སྤྱི་ལ་མཁྲིས་ཕྱེ་ཉེར་ལྔ། དམར་གསུམ་འཁྲུ་གཅོད་རྣམས་ཀྱང་ལེགས། ཚ་བ་ཆོག་ནས་ཟས་སྐོམ་བག་རེ་ཀློད། འཁྲུ་བ་ཆུ་ཁར་ལྡིང་། མདོག་དཀར་དུ་སོང་ན་གཅོད་རན་པ་ཡིན་པས་མཁྲིས་ཕྱེ་བདུན་པ་འབྲི་ལུགས་ཁ་ཚར་ཅན་འཁྲུ་གཅོད་བཏང་། དེས་མ་ཆོད་ན་འཁྲུ་གཅོད་གཞན་ཅི་རིགས་བཏང་། ཆོད་དཀའ་ན་འབྲི་ལུགས་རྒྱུ་རྒན་འཕྲུལ་གྱི་ཐེམ་བཙོང་ལྟར་བྱ། རྗེས་གསེར་མདོག་ལྔ་པ། བཅུ་གཅིག །གསེར་ཞི་ཁ་སྤྲོད། པདྨ་འདབ་བརྒྱད། དྭངས་མ་གནས་འཇོག་སོགས་ཀྱིས་མེ་དྲོད་གསོ་བར་བྱའོ། ༈ །གཉན་རིམས་ནི། དེང་སང་དུ་དབང་གིས་ཤིན་ཏུ་མང་ཞིང་ནད་རྟགས་སྣ་ཚོགས་པ་བྱུང་བས་ཤིན་ཏུ་བརྟག་

― LT41_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ཞིང་ནད་གཞན་ལའང་གཉན་ཤས་མེད་པ་ཆེར་མེད་པ་ལྟ་བུ་སྣང་བས་ཟོན་ཐེངས་དགོས། ཐོག་མ་ནས་སེམས་མི་བདེ། གཟེར་གློ་བུར་དུ་བོག །རྩ་ཐུང་ཐུང་རྦུད་རྦུད་འབར། འཁྱིག་ཅིང་འཕར་གྲངས་མི་སྙོམས་པར་ཆེ་ཆུང་བྱེད། ཆུ་མདོག་ནག་ཞད་དང་ལྦུ་བ་རྒོད་ན་གཉན་ཤས་ཡོད། །འདི་ལ་གཏེར་མའི་སྐོར་གྱི་རྟགས་བཅོས་སྲུང་བ་རྣམས་ཁོ་ན་ཟབ་པ་ལས་རྒྱུད་བཞི་སོགས་སུ་ཆེར་མི་འབྱུང་ཞིང་། སྡེ་སྲིད་ལྷན་ཐབས་དང་། ཀརྨ་ངེས་ལེགས་ཀྱི་ཨ་ཝཾ་རྣམས་སུ་ཞིབ་ཆ་ཆེ་བས་དཔེ་དེ་དག་འགྲལ་སྤང་དགོས་པར་སྣང་གཏེར་བྱོན་དྲག་ཁྲོས་དང་། བདུད་རྩི་བུམ་པའི་སྒོམ་བཟླས་ཆགས་མེད་ལྟ་བུ་ལྷ་སྔགས་ཀྱིས་སྲུང་བ་དང་། གུ་གེ་ཆིག་དྲིལ་དང་རྡོ་རྗེ་ཁྲབ་རིང་སོགས་རྫས་སྔགས་འཁོར་ལོས་སྲུང་བ་རྣམས་རང་གཞན་སུ་ལའང་གལ་ཆེ། ཚབས་ཆེན་ཕོག་མ་ཐག་ནས་དབང་པོ་སྡུད་པ་ལ་བཅོས་ལོངས་མེད་ཅིང་། ནད་ཚབས་ཆེ་བ་ལ་རྩ་ཆུ་ནད་མེད་ལྟར་སྟོན་པ་དེའང་བཅོས་དཀའ། གཞན་གང་ལའང་ཐོག་མར་ཕུར་ནག་བཞི་ཐང་དང་། གུང་པའི་སྦྲ་ཐང་གང་རུང་བཏང་དངོས་གཞིར་སྤུ་ནག་ཉེར་དགུ། ཉྭ་ལོག་འཁྲུ་སྐྱུག་སོགས་ལ་སྦྲུ་ནག་སྔོ་རིལ་ཟབ། དོན་ལ་བབས་པའི་གཟེར་ཐུང་ལ། ཐོག་མར་ཐང་ཆེན་བརྒྱད་པ་བཏང་། ཨ་བྱག་དྲུག་པའི་གྲང་ཐང་སྐབས་སུ་བླུད། ནང་ནུབ་

― LT41_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་པོ་རྟ་ཟི་བཏང་དགོས་ཀྱང་སྨིན་དུས་སྒུག་ལོང་ཆེར་མེད་པས། སྲོ་མ་རྟ་རིའི་བཤལ་བཏང་བ་ལེགས། སྤྱི་སྨན་འབྲི་ལུགས་སྨན་ནག །སླེབ་ཆོག །གཙོ་བརྒྱད་བཅུ་གཉིས། བེ་དོ་བཅུ་གསུམ། ཕྱི་རྒྱུད་མེ་ཏོག་དྲུག་པ། གཙོ་ཁྱུང་རྣམས་འཕྲོད། གཉན་བཤལ་སྲོ་མ་རྟ་རི། སེར་མོ་ལས་བྱེད་བཅུ་གཉིས། དྲག་པོ་བཅུ་གསུམ་སོགས་ཟབ། དམིགས་བསལ་མ་གཏོགས་གཏར་དང་མེ་བཙའ་མི་རུང་། དཀར་མངར་སྐྱུར་ལ་ཤིན་ཏུ་འཛེམ། ༈ །མགོ་གཟེར་ལ་མགོ་ཐང་བཅུ་གསུམ་སྤྲུ་ནག །འབྲི་ལུགས་སྨན་ནག །ཏིག་བརྒྱད་ལ་མི་ཐོད་གསུམ་པ་བསྡེངས་བ་ཟབ། ༈ །སྙིང་གཟེར་ལ་ཨ་གར་བསིལ་བཅུད་སོགས་སྙིང་ཚད་དང་། གློ་གཟེར་གློ་ཚད་ལྟར་བཅོས་འཕྲུལ། ཉ་གསལ་རྒྱ་ནག་མ། གུ་གུལ་བཅུ་གཅིག་འཕྲོད། སྤྱི་སྨན་རྣམས་ཀྱང་བཏང་ཆོག །ཆམས་རིམས་རྐེ་སྐྲངས་ཕྱིར་ཡོད་པ་ལ་ཁྱུང་སྔོན་དགུ་པ་དང་གཉེན་པོ་བཅོ་བརྒྱད། ནང་བསྒག་པ་ལ་སྤྲུ་ནག་ཉེར་དགུའི་སྟེང་གསང་སྨན་གསུམ་བསྣན་པའི་ལྷན་ཐབས་ལུགས་དེ་ཟབ། གཉན་རིམས་ཀྱིས་སྐྲངས་སོགས་ན་ལུགས་མ་ངེས་པ་འབྱུང་བ་ལ། རྒྱ་ནག་མ་དག །ཁྱུང་ཆེན་ཉེར་ལྔ་ཟབ། ཕོ་བ་སོགས་སྣོད་བབས་རིགས་གོང་གསལ་ཚ་བའི་

― LT41_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་ལྟར་བྱ། ལར་འདི་རིགས་བླ་གཉན་ཐར་བུ་མང་བས་ལྷན་ཐབས་གཉན་ལེ་སོགས་ལ་བལྟ་དགོས། ཚ་རིམས་དང་ཁྱད་པར་གཉན་རིགས་ཀྱི་སྨན་ལ་བཟི་ཅུང་མ་ཆེ་ན་ནོན་དཀའ་ཡང་། རླུང་དང་ལ་སྡོངས་པའི་གཉན་ལ་བཟི་སྨན་ཁོ་ནས་ངེད་མི་རུང་བ་སོགས་རིགས་པས་འཕྲུལ། ཡང་ཀུན་མཁྱེན་དྷརྨཱ་ཀ་རས་སྟོང་ནག་བསྟན་འཛིན་རབ་རྒྱས་ལ་ཞལ་རྒྱུན་སྩལ་བ་ནི་དང་པོ་རྣམ་རྒྱལ་དམར་པོ་གསུམ། ཚ་ལ་ཕག་གྲུན་སྟག་ཤབ། སླེ་ཏྲེས་གླ་བ་གུ་གུལ་ནག །སྤང་རྩི་ཀཎྜ་ཀ་རི་རྣམས། བསྡེབས་པ་རྣམ་རྒྱལ་ཐང་ནག་ཟེར། ཞེས་པ་ད་དང་། ཕུར་ནག་དགུ་ཐང་དང་པོར་བཏང་བ་ཤིན་ཏུ་ཟབ། །དེ་རྗེས། གི་ཝཾ་ཨུཏྤལ་གུར་གུམ་པ་ལེ་ཀ །ཏིགྟ་བྲག་ཞུན་རུ་རྟ་པ་ཤ་ཀ །གསེར་གྱི་མེ་ཏོག་སྦྱར་བའི་གི་ཝཾ་དགུ། །དེ་སྟེང་ཨ་རུ་རུ་རྟ་ཤུ་དག་དང་། །གླ་རྩི་བོང་ང་ཕག་བྲུན་ཞད་ཙམ་སྦྱར། །གུ་གུལ་བུར་ནག་སྦྱར་བའི་བཅུ་བདུན་པ། །གི་དབུ་ཁྱུང་ནག་ཅེས་གྲགས་དུས་ངན་གྱི། །གཉན་ཚད་མཁྲིས་ལ་རྩར་རྒྱུག་ལ་སོགས་པ། །ཀུན་ལ་ཟབ་ཁྱད་ལག་ལེན་བྱོང་གྲུབ་བོ། །ཞེས་པའི་སྨན་འདི་དུས་ངན་གྱི་གཉན་གཟེར་རིགས་ལ་ཆེས་ཟབ། ལར་ནད་འདི་ལ་སྨན་མང་མི་རུང་བ་གཏེར་མའི་སྐོར་ལས་གསུངས་པས་ཕྱི་མ་འདི་ཉིད་ལག་ལེན་བདེའོ། །མཁྲིས་པ་རྩར་རྒྱུག་ནད་ལ་འབྲོས་འབྲང་

― LT41_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡམ་ཞེས་ཐོག་མ་ནས་མེ་བཙས་འབྲོས་འཕྲང་བསྡམ་དགོས་པའི་རིགས་ལ། མགོ་གཟེར་སྟོབས་ཆེ་ལ་ལྟག་ཁུང་ཁ་གསུམ་དང་། མཚོག་སྲང་ཁ་གསུམ་བསྲེག །སྟོད་བརྒྱངས་དབུགསཐུུང་། མིག་འབུར་ཚུགས་སུ་ལྟན་སྲོག་རྩར་ཤོར་བ་ཡིན་པས་ཚིགས་པ་དང་པོ་དང་དྲུག་པ་བདུན་པ་གསུམ། མདུན་གྱི་དཀར་ནག་མཚམས་རྣམས་བསྲེག །རྒྱུངས་པར་བབས་པའི་འཛུམ་བུ་ལྟག་དགྱེད་ལ་རྒྱབ་ཀྱི་ཚིགས་པ་གོང་སྨོས་གསུམ་བསྲེག །རྐང་ཉྭ་ལོག་ན་ཐེ་བོང་སྤུ་སྐྱེས་དང་། ལག་ཉྭ་ལོག་ན་སྲིན་ལག་གི་རྩེ་མོ་བསྲེག །དེས་མན་ཐུབ་བྱིན་ཉྭའི་སྣེ་དང་། ལག་མགུལ་དུ་སྤྲ་ཚུགས་ཆུང་ངུ་གདུ་བུ་ལྟར་སྐོར་ནས་བསྲེག །ཐམས་ཅད་ལ་ཕོག་མ་ཐག་ནས་ཐང་བཏང་བ་དང་མེ་གདབ་པ་དུས་གཅིག་བྱེད། དེ་རྗེས་གཉན་སྨན་ནམ་ལོང་མེད་ན་གཉན་བཤལ་བཏང་། གཉན་ཁ་ཆག་ནས་ཚད་རྟགས་མ་ནུབ་ན་ཚད་སྨན་གང་འོས་སམ། སླེབ་ཆོག་དང་། སྨན་ནག་ཆེན་མོ་ཉིད་སྤྱི་འགྲོ་ཟབ། གཉན་རྟགས་མེད་ངེས་བྱུང་ནས་ཤ་གསར་དང་། མར་གསར་སོགས་ཟས་སྐོམ་ཆ་ཡིས་གློད་བས་རླུང་མནན་སྔོན་བསུ་བྱ་བའང་གལ་ཆེ། ལར་ནད་འདིའི་བཅོས་འབྲི་གུང་པའི་ཞལ་ལུང་བདུད་རྩིའི་ཆུ་རྒྱུན་དང་། ཁྱད་པར་ཀརྨ་མཚན་དཔེས་གསར་བསྒྲིགས་རྣམས་ཤིན་ཏུ་གལ་ཆེ་བར་ཡོད་

― LT41_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་། ཕྱི་མའི་སྨན་ནག་གཅིག་ཆོག་མའི་གསང་སྨན་དཀར་མོ་ལུག་དུག་ཅེས་ལྷོ་རྒྱུད་སྟོད་སྨད་དུ་ཡོད་པ་དེ་མ་འཁྲུལ་བ་སྔ་ཆགས་བྱ་དགོས་སོ། ༈ །འབྲུམ་བུའི་བཅོས་ཀུན་མཁྱེན་ཆོས་འབྱུང་གིས་མཛད་པའི་ཕན་བདེ་མྱུར་སྟེར་ཤིན་ཏུ་ཟབ་ཅིང་། མདོར་བསྡུ་ན། ནད་རྟགས་རིམས་རྒོད་ཕོག་པ་དང་འདྲ་ལ་ཁྱད་པར་ཤ་མདངས་དམར་ལ་མཐུག །ལུས་ཐམས་ཅད་རྩེ། གློ་སྙིང་བརྡུང་། མཁྲིས་པ་སྐྱུག་པ་སྐྱ་ནད་ཀྱི་སྐབས་ཡིན་པས། སྦུ་སྒོ་དབྱེ་བའི་ཐང་སླེ་ཏྲེས་བདུན་པའམ། སླེ་ཏྲེས་བཅུ་དྲུག་པའི་བསྡུས་ཐང་དྲོན་མེ་གང་མང་བཏང་། སྨན་ཞུ་མཚམས་ཆུ་བསྐོལ་རྫེའུ་རུ་མ་དུ་བཅུག་ཅིང་གོས་ཀྱིས་བྱིབས་ནས་རྡུལ་འདོན། བལ་དང་སྲན་ཕྱེས་ལུས་ལ་དྲིལ་བྱ། ཐོག་མཐའ་བར་གསུམ་དུ་ལུས་ཅུང་ཟད་ཀྱང་འཁྱག་མི་རུང་ཞིང་། རླུང་དང་སེར་བུས་གཏན་ནས་མ་ཕོག་པ་ཤིན་ཏུ་གལ་ཆེ། འདི་སྐབས་ནས་ལྷན་ཐབས་ནས་བཤད་པའི་མིག་དང་གྲེ་བའི་འབྲུམ་སྲུང་བསྟེན། ཞག་གསུམ་ཙམ་ནས་འབྲུམ་པ་ཐོན་པའི་དུས་ཡིན། མ་ཐོན་ན་ཁྲག་མཁྲིས་གཉན་ཚད་སོགས་ཀྱི་རྟགས་ཧ་ཅང་མི་ཆེ་བ་རྣམས་ལ། ལ་མོ་རྡོ་སྨན་ནམ། འབྲི་ལུགས་ཀྱི་རྡོ་སྨན་ལ་རྩ་ཁ་སྡོམ་བྱད་རྣམས་ཕྲིས་པ་ཐུན་ཆུང་དུ་ཆང་ཞིམ་ཉུང་ངུས་ཕུལ་ནས་ལན་ཁ་ཤས་བཏང་། ཚང་རྟགས་ཆེ།

― LT41_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་ནག་གི་དོགས་པ་ཡོད་ན་ལྷན་ཐབས་མེ་ཏོག་ཉི་ཤུ་བ་བག་རིལ་མ་བསྲེགས་པའི་ཐང་གིས་ཕུལ། གཉན་ཚད་ཀྱི་རྟགས་ཆེ་ན་ལྷན་ཐབས་ཀྱི་རྩི་སྨན་དང་རྡོ་རྩི་འདྲེས་མའི་སྦྱོར་བ་རྣམས་ཐང་དང་སྤེལ་ནས་བཏང་། འབྲུམ་པ་ཐོན་སྐབས་ལག་པའི་ཆང་པ་གཡས་གཡོན་གྱི་འབྲུམ་པ་གསུམ། ཁའི་ཟུར་གཉིས། རྣ་རྒྱབ་གཉིས་སུ་བྱུང་ན་དེ་མ་ཐག་ཏུ་དཔལ་འབར་སྣུམ་ལྡན་གྱིས་བསྲེག །གཉན་ཚད་ཀྱི་སྟོབས་ཆེ་ཞིང་འབྲུམ་པ་ཐོན་དཀའ། ཐོན་ནས་རྣག་ཁུག་དཀའ་བའི་རིགས་ལ་གཉན་བཤལ་བཏང་བ་ཟབ་པས། བྱེ་རིང་གི་ཁྱུང་བཤལ་ལམ། སེར་པོ་དགུ་སྦྱོར་གྱི་བཤལ་གང་རུང་བྱ། འབྲུམ་པ་རྫོགས་ནས་ཞུད་ཀ་སོགས་ཀྱིས་འབྲུམ་པའི་རྩེ་ཞོམ་པ་དང་གཏོགས་ཀྱང་ཆུ་སེར་མེད་པའི་རྟགས་བྱུང་ན་ལྷན་ཐབས་ཀྱི་ཁང་ཤོར་འདྲེན་སྨན་དངུལ་ཆུ་བདུན་པ་བཏང་། །དེས་ཀྱང་ཐེན་དཀའ་ན། ནད་པས་མ་ཤེས་པར་བྱས་ཏེ་ནད་པ་རང་གི་བཤང་གཅི་དང་བག་རི་ལ་མ་བསྲེགས་པ་བསྡུས་པའི་ཁུ་བར། འཛིམ་དཀར་རྩ་བ་ནས་ཚད་གསུམ། དངུལ་ཆུ་ཚ་འདུལ། མུ་ཟི། ཛཱ་ཏི། གུ་གུལ། གི་ཝཾ། ཨ་ག་རུ། གླ་རྩི་རྣམས་ཀྱི་བྱེ་མ་བཏབ་ནས་ཉིན་ཞག་གཅིག་ལ་ལན་དྲུག་བཏང་བས་མི་ཐོན་མི་སྲིད། འདི་སྐབས་ཕལ་ཆེར་ལ་རླུང་གིས་

― LT41_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྱོ་འཆལ་བྱུང་ན་ཆང་ཞིམ་ཅུང་ཟད་བཏང་བས་སྣ་བླང་། ཚབས་ཆེ་ན་འདོན་བཞི་གང་རུང་དང་སྦྱར་ན་ལི་ཤི་ཉེར་ལྔ་སོགས་རླུང་སྨན་ཐེ་ཚོམས་མེད་པ་བཏང་བ་གནད་ཆེ། མིག་ལ་འབྲུམ་པ་བྱུང་ན་ལྷན་ཐབས་ལྟར་བཅོས། གྲེ་བར་བྱུང་ན་ཚལ༔ བོད་མཚལ་བཏུལ་མ༔ རྒྱ་མཚལ་བཏུལ་མ༔ ག་བུར༔ གླ་རྩི༔ བཅས་ཀྱི་ཕྱེ་མ་སྨྱུག་སྤུབས་མ་སོག་སྦུབས་ནས་གྲེ་བའི་ནང་དུ་སྦུར། ཁྲག་འཁྲུ་ན་མྱོང་རྩི་སྤྲས་ཀྱི་ཐང་ཚན་མོ་ཕོར་ཆུང་ཕྱེད་ཙམ་ལན་ཁ་ཡར་བསྟེན། སྐྱིགས་བུ་སོགས་བླ་གཉན་བྱུང་ན་སོ་སོའི་བཅོས་ཐབས་འཕྲུལ། རྗེས་གཅོད་རྣག་སྐེམ་དངུལ་ཆུ་ཉེར་ལྔ་བཏང་ཞིང་སྤོས་དཀར་དང་རི་བོང་རིལ་མའི་དུད་པས་བདུག །རྣག་ཚན་ཆེ་ན་ཕུར་ཡོག་དྲེས་མའི་ཐལ་བ་གདབ། གདོང་བའི་ཤུ་བ་སོགས་རང་བུད་མ་སོང་བར་མི་བཀོག །ཐབ་ཆེ་སར་འབྲུམ་བུ་རྣག་ཏུ་ཁུག་པ་ནས་སྔགས་དང་སྨན་གྱི་སྲུང་བ་བསྟེན། འབྲུམ་བསྐོམ་རྗེས་སུའང་འགྲུལ་དང་ཐབ་བསྲུར་ལ་རིང་དུ་འཛེམ། རྣག་སྐོམ་ནས་ཁ་ཟས་ལྷུག་པར་བཏང་། ལན་ཚ་ཡུན་རིང་དུ་བསྲུང་། ༈ །བུའམ་བེ་གེན་དགོང་དང་ཕྱོགས་མཚུངས། ཐོག་མར་མ་ནུ་བཞི་ཐང་ངམ། སིབ་ཐང་གིས་སྨིན་པར་བྱས། རྩ་ཆུ་ཚ་ཤས་ཆེ་ན་སླེ་ཏྲེས་བཞི་ཐང་བཏང་། ཁོང་

― LT41_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་བདུད་རྩི་ལོ་མ་ཤུག་པ་ཚེར་ཅན་གླ་རྩི་གུ་གུལ་ཤུ་དག་ཤིང་ཀུ་ན་དངུལ་ཆུ་རྒོད་བཏུལ་བརྒྱད་སྦྱོར་ཆུ་བསྐོལ་གྱིས་ཕུལ། འབྲུམ་ཆུང་དམར་ཞིབ་མཆན་ཁུང་ཐོད་པ་སོགས་སུ་ཐོན་སྐབས་ལྷན་ཐབས་ཀྱི་སིབ་སྨན་ནམ། ཟུང་བཟང་ཁྲག་མཁྲིས་ཅན་ལ་སྤང་རྩི་བཅུ་གཉིས། སྤྱི་ལ་འབྲི་ལུགས་སྨན་ནག་གམ་སླེབ་ཆོག་བཏང་ཡང་ཆོག །ནད་སྟོབས་ཆེ་ན་སྲོ་མ་རྟ་རིས་སྦྱང་། བེ་གེ་མི་འཇིགས་ལྡོག་པ་འཇིགས། ཞེས་སིབ་བུ་དངོས་གཞི་བཅོས་སླའང་། རྗེས་འགྲུལ་རྐྱེན་དང་ཟས་སྤྱོད་ཟླ་གཅིག་བར་གཟབ་དགོས། སྟོད་དུ་ལྡོག་ན་གག་པ་དང་སྟོད་གཟེར། སྨད་དུ་ལྡོག་ན་བཤལ་རིམས་སུ་འགྱུར་བས་བཅོས་དཀའ་ཞིང་དེ་དག་ཏུ་ལྡོག་ན་སོ་སོའི་བཅོས་ལྟར་བྱ། མ་ལྡོག་ན་ཞག་བཅུ་གསུམ་ནས་རུས་ཁུ་སོགས་ཆ་ཡིས་ཀློད། གལ་ཏེ་སོ་སོའི་གཞུང་སྨན་རྣམས་མ་འཛོམ་ན། འབྲུམ་པ་དང་སིབ་བུ་གཉིས་ཀར་ཐོག་མར་ནོར་བུ་བདུན་ཐང་ལ་གུ་གུལ་བསྣན་པའི་ཐང་གིས་སྨིན་པར་བྱས། དངོས་གཞིར་སྦྲུ་ནག་ཉེར་དགུའམ། གསང་སྨན་བསྣན་པའི་སོ་གཉིས་མ་བཏང་། རྣག་སྐེམས་ག་བུར་ཉེར་ལྔ་ཁོ་ནས་ཀྱང་བན་བ་ལག་བླང་དུ་སྣང་ངོ་། ༈ །གཉན་རིམས་ལྕེ་ཐོག་ཏུ་བབས་པའི་གག་བལ། འབྲི་ལུགས་གག་པའི་བན་པ་ཀུན་ལྡན། རྣམ་རྒྱལ་དགུ་པ། སྦྱང་ལྕེ་བརྒྱད་པ་དང་

― LT41_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་པ། ཤུ་དག་བཞི་པ། ཁྱུང་ལྔ། གཙོ་ཁྱུང་རྣམས་ཟབ། གག་ལྷོག་རྣམས་ལ་སྨན་ལས་ཀྱང་སྔགས་ཀྱིས་ཕན་པ་ཆེ་བས་འདིར་ཡང་སྤྱང་ལྕེ་དར་དམར་གྱིས་དྲིལ་བལ་སྔགས་ནས་ཁར་བཟུང་བ་ཟབ། མ་ཐུབ་ན་སྤྱི་གཙུག །ལྟག་བའི་བདུད་སྒོ། །མ་ཚོགས་མའི་འདུས་སོ། །སྨིན་མཚམས་གཡས་གཡོན། ཨོལ་མདུད། རྩེ་ཆུང་གཉིས་ཀྱི་མགོ་རྣམས་བསྲེག །དེས་ཀྱང་མ་ཞི་ན་དྲག་པོ་བཅུ་གསུམ་དང་སྲོ་མ་རྟ་རི་གང་རིགས་ཀྱི་སྦྱོང་སྐྱུགས་བཏང་། མེ་མི་གདབ་པར་བཤལ་ཁོ་ནས་ཀྱང་འཐུས། ༈ །གཉན་ཤ་ལ་བབས་པའི་ལྷོག་བལ། ཐོག་མར་སྐྱེར་ཤུན་གྱི་ཐང་བཏང་། །མཐའ་སྐོར་དུ་དཀར་གསུམ་བྱུགས། ཁྱུང་ལྔ་ཝ་ཏ་མཉམ་སྦྱོར། དམར་ཆེན་རྡོ་རྗེ་བ་ལམ་གྱིས་གསོད། ཡང་སྔོན་མོ་ལྷོ་གཟན། མེ་ཏོག་གསུམ་པ་ཁ་ཚར་ཅན་རྣམས་རེ་རེས་ཀྱང་བན། བའུ་ཆུང་ངམ་སྟག་མའི་ཡུང་རྡོག་ཟེར་བདེའི་ཁུ་བ་བཏང་ནས་གཉིད་ན་སད་དུས་དྲག །ཅིས་ཀྱང་མ་ཐུབ་ན་སྡོམ་ནག་ལ་འཇིབ་ཏུ་གཞུག །ཝ་ཏ་གཅིག་རྒྱུག་ཀྱང་ཤིན་ཏུ་ཟབ། གག་པའི་ཕན་པ་ཀུན་ལྡན་དང་རྣམ་དགུ། གཙོ་ཁྱུང་རྣམས་ཀྱང་འཕྲོད་གག་ལྷོག་གཉིས་ཀའི་སྐྲངས་མཐར་རེག་པ་བདེ་སྐྱེད་བྱུགས། གཡུང་བའི་རིགས་རྣམས་དེ་ཙམ་གྱིས་ཐུབ་རྒོད་ཡང་རྒོད་ཀྱི་རིགས་ལ་བྱུག་པ་ཁང་སྨན་ཞག་གསུམ་

― LT41_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟེན་རྗེས་སྐྲང་གིས་དཀྱིལ་ལ་མངར་གསུམ་བྱུགས་ནས་ལྕགས་ཀྱི་ཏེལ་པའམ་སྤྲ་བས་བསྲེགས། ཁྱུང་རྒོད་མཉམ་སྦྱོར་གྱི་ཁོང་སྲུང་བཏང་ཞིང་ཐབ་སྔགས་བྱ། དེས་མ་ཐུབ་ན་གཉན་བཤལ་སྲོམ་རྟ་རིའམ། ཁྱུང་བཤལ་བཏང་། འདི་ཐོག་མར་བྱུང་སྐབས་ཡིན་མིན་ཐེ་ཚོམས་ན་མུ་ཟི་ཤུ་དག་གླ་རྩི་སྦྱར་བ་ཁོངས་སུ་བཏང་། ཤུ་དག་སྦྱར་བ་བྱུགས། དཀྱིལ་དུ་ཚ་མར་བཀུས་ན་ལྟོ་དམར་བ་དང་། །སོག་འདབ། ཨན་སྟོང་། མུར་འགྲམ་རྣམས་ལ་དམར་ཐིག་འབྱུང་བར་བཤད། ཡང་ཕྱི་རྒྱུད་མེ་ཏོག་གསུམ་པ་ལ། མིང་ཅན་ནག་པོ། །ཝ་ཏ་ཐུན་ལོག་ཙམ་བཏང་བདེ་མི་བྱུགས་གཉིས་ཀ་ཕན་པ་ལག་བླང་མྱོང་གྲུབ། ལྷོག་རྒོད་ཐོག་བབས་སུ་བྱུང་བ་ལ། རྟ་བླའི་རོ་མགོ་སུག་མ་ཉམས་པ་མར་གྱིས་དྲིལ་ལ་ཁྱུར་མིད་བྱས་པས་ཕན་གསུངས། གག་ལྷོག་གཙོར་གྱུར་གཉན་རིགས་སྤྱི་འཇོམས་ཀྱི་སྔགས་རྒོད་ཤིན་ཏུ་ཟབ་པ་ནི། རང་ཉིད་ལྕགས་ཀྱི་བྱ་ཁྱུང་མེ་འབར་བ་རྭ་དང་མཆུ་སྡེར་གནམ་ལྕགས་ངར་མ་ལས་བྱས་པ། གཉན་ནད་ཐམས་ཅད་འཇོམས་པར་བྱེད་པར་བསམ་ལ། ཨོཾ་ནག་པོ་ཀྭ་ལ་རཀྴ་རྦད་རྦད། སོད་སོད། ཕྱུང་ཕྱུང་། སྤུ་གྲིས་ཟང་ཟང་། ལྕགས་ཀྱུས་སྡེར་མོས་གནོད་བྱེད་འབྱུང་པོའི་སྙིང་ལ་ཟོ་ཟོ། །ནཱ་ག་བྱི་མ་སོད། ནཱ་ག་བྱི་མ་ལིང་སོད་སྭཱ་ཧཱ། ཞེས་སྨྲ་བ་བཅད་ནས་མ་ཡེངས་

― LT41_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཟླས་གྲངས་མངས་སུ་ཐེམས་ན་གཉན་རིགས་ཐམས་ཅད་འདི་གཅིག་པུས་ཐུབ་པའི་ལག་བླངས་མའོ། །གཉན་སྒང་ཆུང་ངུ་ལ་བྱང་བུལ་ཆུ་བྱུགས་པས་ཐུབ་བོ། །རིམས་དང་མ་འདྲེས་པའི་ཆམས་པ་ཁ་རྐྱང་ལ་ཟས་སྤྱོད་གཟབ་པ་ཙམ་གྱིས་འཚོ་བས་སྨན་མི་དགོས། །ནོར་བུ་བདུན་ཟང་དྲོད་འཇམ་ཙམ་གྱིས་ཀྱང་ལམ་ནས་ལྡོག་པར་འགྱུར། ཅུང་ལྗི་ན་དཔའ་བོ་བཅུ་བཞིའམ། བསིལ་བཅུད་བཅོ་ལྔ། སྤྲིན་བྲལ་ཟླ་ཟེར་སོགས་འབྲོད། སྣབས་ལུད་མང་ཞིང་གྲེ་བ་ཚ་བའི་གྲེ་ཆ་མལ་པི་པི་ལིང་ཐུན་གཅིག་ཞོ་ནང་བཏབ་ནས་འཐུང་བས་སེལ། བོང་ང་དཀར་དམར་པི་ལིང་གསུམ་ཆ་མཉམ་ཕྱེ་མ་ཞོར་སྦྱར་འཐུང་བ་ཤིན་ཏུ་ཟབ་པར་བསྔགས། ཆམས་གཞུག་ལུང་ལ་ནོར་བདུན་གློ་སྨན་བཏང་། ཡང་གློ་ལུ་ཐོག་མར་བྱུང་སྐབས་ག་བུར་ཉེར་ལྔ། བར་དུ་འཁྲུགས་གློ་ཀུན་སེལ་འཕྲོད། མཐར་ལུ་བ་ཅིས་ཀྱང་མཆོད་བཅོས་རྡུགས་ན། དར་མ་མཁྲིས་ཤས་ཆེ་བ་ལ་ལུག་མུར་བདུན་པ་ཙནྡན་དཀར་དམར་གཉིས་ཆ་མཉམ་བཏང་བ་དང་། བད་ཤས་ཆེ་ན་རྒ་ལོ་སྨན་དམར་སྟེང་ཤིང་མངར་འཁོར་སྨན་གཅིག་གི་བུང་མཉམ་བསྣན་པ་ཆང་གིས་ཕུལ་བས་ཕན། །དེང་སང་ཆམས་པ་ལའང་གཉན་ཤས་འཁྲི་ཞིང་ཅུང་ལྗི་བར་སྣང་བས་ཐོག་མར་ཐང་བཏང་རྗེས། ཁྱུང་སྔོན་དགུ་པ་བཟི་ཆུང་ཅན་བཏང་ན་འཕྲོད་ཆེ་ཞིང་ལུ་

― LT41_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

བ་མི་འབྱུང་བ་ལའང་ཕན། ཆམས་རིམས་མཐའ་དག་ལ་སྨན་གང་ཡང་ཁོངས་སུ་མ་སོང་བའི་སྐབས་རྒྱ་ནག་མ་བཏང་ན་གཅིག་ཆོག་ཡིན་པ་ངག་རྒྱུན་ལས་ཐོས་སོ། ༈ །མགོ་ནད་ཀྱི་བཅོས་སྐོར་གོང་ངོག་རྣམས་སུ་ཡོད་པས་འཐུས་ཤིང་། ལྕི་འཐིབས་སོགས་མགོ་ནད་སྤྱི་ལ། བདུད་རྩི་སུམ་སྦྱོར་སྟེང་། རྡོ་དྲེག །དུང་ཐལ་དུར་རུས་བསྣན་པ་ཟབ། ༈མིག་ནད་ལ། མདོག་དམར་ལ་ཚ་བ་ཁྲག །མིག་ཟུར་ཟ་བ་སྲིན། མཆི་མ་ཟག་ནས་ཚ་བ་རླུང་། ན་ཚ་མེད་ནས་མི་མཐོང་བ་བད་ཀན་ཡིན། མིག་ནད་སྤྱི་ལ་སྐྱེར་ཁ་དང་། །དེའང་མན་ངག་ཁ་ཚར་ཅན་ཟབ། ཁྲག་རྐྱེན་ལ་སྐྱུ་རུ་ཉེར་ལྔ། རྒྭ་ལོ། ཙནྡན་བཅོ་བརྒྱད། ཁྱད་པར་ཁྲག་མཁྲིས་ཅན་ལ་སྤང་རྩི་བཅུ་གཉིས་ཟབ། སྲིན་ལ་གུར་གུམ་བཅུ་གསུམ་རྩེ་གསུམ་ཁ་ཚར་ཅན། རླུང་རྐྱེན་ལ་སོ་ལྔ་སོགས། བད་ཀན་རྐྱེན་ལ་བདུད་རྩི་སུམ་སྦྱོར། ཟླ་ཤེལ། གུར་གུམ་ཉེར་ལྔ། རླུང་རྐྱེན་ལ་ཁོང་སྨན་གྱིས་ཕན་དཀའ་བས་ཛ་ཏི་དང་གོ་སྙོང་བཏབ་པའི་ཟན་དྲོན་གྱིས་བསྲོས་བྱེད། མིག་སྨན་སྤྱིར་གསལ་བྱེད་ལྕགས་རིལ། གསལ་བྱེད་ཉེར་ལྔ། མདུད་རྩེ་ཉེར་ལྔ། གསལ་བྱེད་ཉི་ཟླ་འཁོར་ལོ། །གསལ་བྱེད་དྲུག་པ་སོགས་དང་། མིག་གི་འབྱར་བཞག་རྒྱུ་དེའང་ཟབ་པ་ལག་བླངས། ལྷ་ལུང་བའི་གསལ་བྱེད་སྤོས་རེང་བརྡར་བའི་བུ་བ་བླུག །

― LT41_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲིབ་རིགས་ཡོད་པའི་མིག་ནད་ལ་དཀར་པོ་དྲུག་སྦྱོར་གྱིས་ཕན། རྗེས་སུ་ནང་སྲང་བརྒྱད་དང་ཕྱི་སྲང་རྣམས་ལ་མེ་ཚུགས་གང་བདེ་བྱ། ལིང་ཏོག་ལ་ཁོང་སྨན་སྤང་རྩི་བཅུ་གཉིས་སྨན་ནད་ཐོན་པ་ལན་ཁ་ཤས་བཏང་། ནི་ལ་ཐོ་ཋ་ཞིབ་བཏགས་ཕྱེ་མཐུར་རྩེས་བླངས་ནས་ལིང་ཏོག་ལ་གླན་པས་འཕྲལ་དུ་ཕན། རྒྱལ་མོའི་སྟེང་དུ་འགྲོ་གྲབ་བྱུང་ན་ལིང་ཏོག་ཡོད་ཕྱོགས་ངོས་ཀྱི་ནང་སྲང་། རྒྱལ་མོའི་སྟེང་ནས་ནད་ང་རང་གི་ཐེབ་ཚོན་གང་གཞལ་མཚམས་སུ་མེ་བཙའ་བཏབ་བས་དེ་ཕྱོགས་སུ་འཐེན་འགྲོ། །འདི་ལ་སྔགས་གཙོ་ཆེ། མིག་ལྤགས་ལ་ཤ་འཛེར་ཆེན་པོ་བྱུང་ན། རྒྱས་ཚར་དུས་སྟང་སྐུད་ཀྱིས་དམ་པར་བསྡམ་ད་།།།བརྡོལ་ཤོར་མི་ཉན། རྩ་བ་ཕྲ་མོར་སོར་སྐབས་གྲི་གུ་རྣོན་པོས་བཅད། རྨ་ཁར་ཟངས་ཏེ་ལ་བརྒྱག །དམར་ཚག་ཚབ་ཆེན་དང་པོ་མ་ལྤགས། རྗེས་ཡེ་ལྤགས་ནང་གཙགས་བུས་བྲད་ལ་ཤར་ཤར་མང་དུ་བཤག་ཐོན་ཤུལ་ཆུས་བཀྲུས་ལ་མིག་སྨན་བླུག །མིག་གི་བགས་སྲིན་ལ་ཁ་ཤའི་ར་ཚུགས་ཀྱིས་ཕན། མིག་ཁ་བས་ཕྱིད་ན་གླ་ཅིག་བུར་ཤེལ་དཀར་དམ་མཁྲིས་རྣམས་མཉམ་སྦྱོར་ཞིབ་བཏགས་ཆུ་གཙང་དང་སྦྱར་ཏེ་མིག་ལ་བླུག །དུ་བས་ཕྱིད་ན་གི་ཝཾ་གི་ཕྱེ་མ་སྣ་ནས་འབུད། ཉི་མ་ལ་ཡུད་ཅིག་བལྟ། ཤ་གསར་དམར་པོས་ཡང་ཡང་ཕྱི་ཞིང་དུ་པ་ལ་འཛེམ། མིག་གི་འགྲིབ་རིགས་

― LT41_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཐུར་མ་སྨན་དཔྱད་གཞན་ལ་མི་ལྟོས་པར་མེ་བཅལ་ཐོ་ནས་བཅོས་ཚུལ་ནི། སྨིན་མའི་མཇུག་ནས་དབུས་དང་། མགོ་ནས་ཀྱང་དབུས་སུ་ཚོན་གང་གཞལ་བའི་སྨིན་དབུས་དྲང་པོའི་རུས་པའི་གདོང་ནས་གསོ་བྱ་རང་གི་མཛུབ་མོའི་ཚིགས་གསུམ་པ་བཞག་སྟེ་གྱེན་དུ་བསླང་བའི་མཛུབ་རྩེ་སླེབ་མཚམས་དང་། སླ་སྔལ་ཅན་རྣམས་ཀྱི་སྨན་དབུས་ཀྱི་སྐྲ་མཚམས་ནས་གྱེན་དུ་ཚོན་གང་གཞལ་བ་དོན་གཅིག་པས། གནས་དེར་མནན་ན་མིག་འབྲས་ལ་ཟུག་རྔུ་འབྱུང་བའི་དམིགས་ཡོད་པ་དེར་ལུག་རིལ་ཙམ་གྱི་སྦྲ་བ་ཤིན་ཏུ་དམ་པའི་མེ་ཚུག་གཅིག་བཞག །གཡས་གཡོན་གཉིས་ཀར་བཞག་དགོས་སམ་གང་རུང་གཅིག་གིས་ཆོག་གསོ་བྱའི་མིག་དང་བསྟུན། །དེ་ནས་མིག་གཡས་ལ་ཚིགས་པ་དང་པོ་ནས་གཡས་སུ་འཕྲེད་དུ་མཛུབ་གང་། སོག་རྩེ་ཁ་སྤྲོད་ནས་སོག་པའི་ཕྱོགས་སུ་ཚོན་གང་བཅལ་བའི་ཕན་ཚུན་འཕྲད་མཚམས་སམ། ཚིགས་པ་ལྔ་པ་ནས་གཡས་སུ་སོར་བཞི་འབྲེད་ལ་འཇལ་བའི་མཚམས་སུ་མནན་པས་མིག་ལ་ཟུག་འབྱུང་བདེ་གཉིས་གང་རྙེད་དུ་སྦྲ་ཚུགས་ཆེ་བ་རེ་བཞག །གཡོན་པ་ལའང་དེ་དང་མཚུངས། འདི་ནི་སྔོན་ནས་ཆེར་མ་འགྲིབ་པ་གསལ་ཐུབ་ལ། འགྲིབ་བཞིན་པ་སླར་མི་འགྲིབ་བའི་སྲང་གཅོད་ཞལ་ཤེས་ཁོ་ན་ཡི་གེར་བཀོད་པའོ། ༈རྣ་བའི་ནད་ལ། རྣ་རྐྱག་སྐྱ་སེང་འུར་སྒྲ་ཅན་རླུང་ཡིན་པས་

― LT41_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་ཀུན་ཉེར་ལྔའི་ཕྱེ་མར་ས་ཐུམ་མར་ཁུར་བཙོས་པ་བཙིར་བའམ་ཡང་ན་ཐོག་མ་ནས་ཨུག་ཆོས་བཅུ་པའི་ཕྱེ་མ་རས་ཐུམ་མར་བཙོས་བླུགས་ནས་རྣ་ཁུང་དགག །འོན་པ་ཡིན་ན་མ་སོས་པར་བསྟེན། རྣ་བའི་བུ་ག་ནས་ཕྱོགས་བཞིར་ནད་པ་རང་གི་མཚོན་རེ་གཞལ་བར་སྤྲ་བའི་ཚུགས་བརྒྱག །ཁོང་སྨན་ཡང་བསྟེན། ཁྲག་ཤས་ཆེ་ཞིང་རྣབ་གཟེར་བ་ལ་རྣ་རྒྱབ་ལྗོན་ཤིང་ངམ་ལྦ་རྩ་ཟེར་བ་དེ་གཏར་བས་ཕན། རྣ་ཟུག་ཁ་རྐྱང་ལ་ལ་བ་གཞོན་བཙིར་བའི་ཁུ་བ་བླུག །རྣག་ཟག་ནའང་དེ་ལྟར་རམ་ར་གཅི་ན་བླུག །ཟུག་བྱེད་ཅིང་འོན་ན་ཨ་རུ་ར་དང་རུ་རྟ་གཉིས་ཀྱི་ཕྱེ་མ་རས་ཐུམ་མར་བཙོས་ཀྱི་ཐིག་པ་བཙིར་ནས་བླུག །གཟེར་འཁྱུག་ཅིང་རྣ་རྐྱག་སྣུམ་ཞད་ཡོད་པ་ཁྲག་དང་སྲིན་ཡིན་པས་སྲིན་བཅོས་བྱ། རྣ་བའི་ནད་ཐམས་ཅད་ལ་ཨ་རུ་བཅོ་བརྒྱད་མར་ཁུ་དང་སྦྱར་ནས་བླུག་ན་ཕན་ཆེ་ཞིང་སྤྱིར་ཡང་རྣ་ནད་ལ་མཁལ་བཅོས་བགྱིས་པས་འཐུས་ཆེ། སྲོག་ཆགས་ཤོར་ན་མཁན་སྐྱའི་ལོ་མ་གདུས་པའི་ཁུ་བ་བླུགས་པས་ཕན་ནོ། །སྣ་ནད་འགག་འཚངས་དང་། ཡ་མའི་རླངས་པ་སོགས་ལ་ཚངས་པ་དབུལ་སེལ་མེ་ལ་བཏབ་པའི་དུད་པ་སྣར་རྡུབས། །ཆོས་འབྱུང་གི་སྣ་སྨན་ཉེས་སེལ་བསྟེན་པས་ནད་རིགས་སྤྱི་ལ་ཕན་ཅིང་དབང་པོ་གསལ་བའི་མཆོག་ཡིན་པར་གསུངས། སྣ་ཤུ་ལ་ཏི་ཆའི་ཐལ་བའམ་རྒུན་འབྲུམ་ནུས་བསྲེགས་ཀྱི་ཐལ་བ་བྱུག །

― LT41_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཁྲག་ལ་ཐང་ཆེན་ཉེར་ལྔ་ཁ་ཆེ་བུངས་བསྐྱེད་པ། གླང་ཆེན་བཅུ་གསུམ་ལ་ཁ་ཆེ་དམ་མཁྲིས་ཁ་ཚར་བཏབ་པ། བི་ཇིའི་ཚོ་ལ་ལུད་ཁ་སྡོམ་སོགས་ཟབ། གསེར་ཐང་བཅོ་བརྒྱད། སྐྱུ་རུ་ཉེར་ལྔ་ཁྲག་སེལ་གྱེ་འཁྲུལ་འཁོར་ཅན་ཀྱང་ལེགས། མགོ་དང་རོ་སྟོད་ལ་ཆུ་ཕྱར། མ་ཐུབ་ན་རུ་ཐུང་དང་དྲུག་འདུས་གཏར། ཁྲག་གར་སླེབ་ཀྱི་དཔུང་འཛུམ་མམ་ལང་ན་སྨིན་མཚམས་སུ་མེ་གད་པ། རྟེན་འབྲེལ་བཅོས་སྐྱེས་པའི་སྒྲོ་བ་དང་བུད་མེད་སྣ་ཁྲག་འོང་ཕྱོགས་ཀྱི་ནུ་མ་དར་སྐུད་དམར་པོས་བཅིང་། མདའ་གཞུ་སྣ་ཁྲག་འོང་ཕྱོགས་གཡས་གཡོན་གོ་ལྡོག་ཏུ་འཐེང་། མེ་རྫས་ཀྱི་སྙིགས་མ་བདུག་པས་ཀྱང་ཆོད་པར་བཤད། ཅིས་ཀྱང་མཆོད་ན་མན་ངག་སྨན་སྣ་ཁྲག་ལྕགས་སློང་དུ་ནུས་ལྡན་བསྲེགས་པ་ཆ་གསུམ་གཞིར་བྱས། ཚ་ལ། ཁ་ཆེ། ཤིང་ཚ་གསུམ་བསྡམས་པ་ཆ་གཅིག་དང་དམ་མཁྲིས་ཅུང་ཟད་བཏབ་པའི་ཕྱེ་མ་ཆུ་གྲང་གིས་ཕུལ་བསངས་པར་ཆོད། ཟུང་ངན་རིགས་ལ་སྐྱ་རྦབ་ཁྲིད་ཉེན་ཆེ་བས་ཟས་སྤྱོད་གཟབ། ད་ལི་བཅུ་དྲུག །སོ་ལྔ་སོགས་བཏང་དགོས་མིན་རིག་པས་དཔྱད་དོ། ༈ །ཁའི་ནད་ཁ་ཤུལ་ཚངས་པ་དཔུལ་སེལ་དུད་པ་རྡུབས། རྙིལ་ལ་ཁྲག་ཆད་བབས་པའི་གཟེར་སྐྲང་དང་རྙིལ་ཆད་པ་ལ་ཕྱི་རྒྱུད་གྲང་ཐང་གསུམ་པའི་མཁུར་བཀང་ངམ། དྲི་ཆུ་ལ་མཚུར་ནག་བཏབ་པའི་མཁུར་བཀང་

― LT41_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་འདི་རྣམས་ཕྱིར་ཕོ་དགོས། །ལྡོང་རོས་དྲུག་པས་ཀྱང་ཕན། ལྕེ་མི་བདེ་བ་ལ་ནང་སྔ་ལྕེ་བཞར་གྱིས་དག་པར་བྱས་ནས་པི་ལིང་ཕྱེ་མ་ཐུར་མགོ་རེ་བྱུག་པས་ཕན། ལྕེའུ་ཆུང་བབས་ན་སྤྱི་གཙུག་གི་སྐྲ་ཚོམ་གཅིག་ཐེབ་སྐོར་ལྟ་བུའི་ནང་ནས་གྱེན་དུ་དྲངས་ནས་ཕྱིར་མི་འོང་བར་བཅིངས་ཏེ་བཞག །ཁ་ལྕེ་གྲེ་བ་སྐོམ་པ་ལ་ཕྱི་རྒྱུད་སོ་ཕག་མཁུར་བཀང་བསྟེན། སྐད་འགགས་པ་དང་གྲེ་བ་ཚ་སྐོམ་ལ་ཕྱི་རྒྱུད་བོང་དཀར་བཞི་ཐང་ངམ། ཚར་བོད་གཅིག་ཐང་བཏང་། ལི་ཤི་བཞི་པའམ། ལི་ཤི་དྲུག་པ་ལོ་བརྒྱད་དྲི་ཆུས་ཕུལ། ཕལ་ཆེར་ལ་སྤང་རྒྱན་བཅོ་ལྔ་དང་བཅུ་པ་འཕྲོད། གྲེབ་གཟེར་ཆེ་བའི་གཉན་ཤས་ཅན་ལ་ཁྱུང་སྔོན་དགུ་པ། ལི་ཁྱུང་རྣམས་ཟབ་འབྲོང་སྤང་ཡང་འཕྲོད། ཡང་བད་ཁྲག་གིས་གྲེབ་དང་ལྡོག་མ་མི་བདེ་བ་ལ། བདུད་རྩི་སུམ་སྦྱོར་སྟེང་། སྒང་ཐོག་པ་དང་བོང་ང་དམར་པོ་བསྣན་པ་ཟབ། བོང་དམར་བདུན་པ་ཚར་བོང་ཐང་གིས་ཕུལ་བའང་བསྔགས་ཀྱང་བོང་དམར་བོད་ཀྱི་སྔོ་སྨན་ལེགས་པར་སྣང་། ལྷ་ལུང་མཁན་པོའི་བོང་དམར་བརྒྱད་པ་འཕྲོད་ཆེ། མཆུ་གློ་ལ་ནང་གཤག་ནས་ཁྲག་བཏོན། མཆུ་མཛེ་ལ་ཙནྡན་དམར་པོ་དང་བ་ཤ་ཀའི་ཕྱེ་མ་བྱུག །ནང་སྔ་རྡོ་བ་མོ་ཅན་ལྟ་བུའི་གྲང་མོ་གླན་ཀྱང་ཕན་ནོ། །ཡང་མཆུ་ནད་ཕལ་ཆེར་ལ་མྱུ་གུ་ཤིང་གི་ཁཎྜ་བྱུག །དེས་མ་ཐུབ་ནམ་ཆུ་རྩ་དང་སྲིན་རྩ་རྒྱབ་རྩ་གཏར། ལྷགས་པས་མ་མཆུ་གས་པ་ལ་

― LT41_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་གཙུག་ཏུ་མར་བྱུགས་པས་ཕན། ༈ །ལྦ་བའི་བཅོས་སྐོར་ལྷན་ཐབས་ནང་གསལ་ལག་ལེན་བདེ་ཞིང་ཟབ་པར་བསྔགས་ཀྱང་། བྱུར་ལྦ་སོགས་བཅོས་དཀའ། ཤ་སྦྱོར་བརྒྱད་པ་ཟླ་སྨད་ཉི་ཤུ་གཅིག་ནས་དགུའི་བར་བསྟེན། རྨེན་བུའི་སྦྱོར་བ་ལྦ་བ་རྒྱུན་གཅོད་ཡུན་རིང་བསྟེན་པའང་ཟབ། རྒྱ་ཚྭ་དྲུག་པས་ལྦ་བ་འཇོམས་ཤིང་། ཛཱ་ཏི་དགུ་པས་མཇུག་གཅོད་པའང་བསྔགས་ལྦ་བའི་མཐའ་ནས་ཚོན་རེའི་སར་མེ་བཙའ་བསྐོར་ནས་གདབ། དེས་ཆུང་དུ་སོང་ན་རིམ་པར་ཇེ་བཏུད་ཀྱིས་ནང་དུ་གདབ་པ་ཡིན་ཀྱང་འཕྲོད་མིན་ཞིབ་བརྟག་དགོས། མགོ་སོ་སོགས་ལ་ཤ་ལྷག་ལྟ་བུ་སྐྱེས་པ་རྩ་བ་སྐུད་པས་བསྡམ་ལ་ཅུང་བཞག །རྩེ་ནས་གཙག་བུས་གཤག་སྟེ་བརྟོལ་ལ་འབྲས་འདུལ་སྦྱར་ཏེ་གསོ། །ཡང་ལྦ་བ་སོགས་ཤ་ལྷག་གི་རིགས་རྩད་ནས་འདོན་པའི་གདམས་ངག་ནི། བྱུང་ནས་ལོ་གཉིས་གསུམ་ཙམ་སོང་བའི་རྙིང་པ་ལ་ཚ་ཐུར་བརྒྱབ་ཅིང་བཙགས་ནས་རྨ་གསོ་བ་དང་། རྗེས་གཅོད་མེ་བཙའ་གོང་སྨོས་བྱས་ཀྱང་ཆོག །ཡང་ན་གཙག་བུས་ལེགས་པར་གཤག་ནས་ནང་གི་རྣག་ཁྲག་ཆུ་སེར་སོགས་དབྱུང་། གཉིས་ཀ་ལ་ཤ་གད་ནད་ངོས་མ་བསྣད་པ་གལ་ཆེ། །དེ་ནས་ཆུ་ཡིས་དག་པར་བཀྲུས་རྗེས་རྨ་སྨན་སྤྱི་དང་། ཁྱད་པར་གུར་གུམ་དམ་མཁྲིས་སྦྱར་བའི་ཆུ་ལ་ལན་ཚྭ་བཏབ་པ་བྱུགས། དར་སྙུད་ཀྱིས་ཤ་གདན་དང་མཉམ་པར་བཙེམ། ཕྱི་རུ་

― LT41_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེལ་གེ་དུམ་བུ་སྦྱིན་གྱིས་སྦྱར། ཞག་བཅུ་སྐོར་ཟས་སྤྱོད་གཟབ། ཡང་རྣ་བའི་ནང་གི་ལྦ་རྩ་དེ་ཁབ་ཀྱིས་ཕུག་ནས་ཞ་ཉེའི་རྣ་ཆ་བཏགས་བའམ། ཀང་མར་ལུང་ཐིག་བྱས་པའི་ཞ་ཉེའི་རྡོག་པོ་རྐེ་ལ་བཏགས་པས་ཀྱེང་།ཐུབ། ཉིན་གཉིད་མི་ལོག །ཟས་སྐོམ་ཉུང་དུ་བྱ་བ་སོགས་གལ་ཆེ། ༈ །སྙིང་ནད་གོང་གསལ་རྣམས་ཀྱིས་མཐུས། སྙིང་སྲིན་སོགས་མན་རྒྱུད་ལྟར་བཅོས་དགོས། ༈ །གློ་ནད་ཁྲག་འཁྲུགས་ཆམས་པ་སོགས་ཀྱི་ནད་མཇུག་གློ་བར་ཞེན་པ་ཡིན་པས། ཐོག་མར་གཙོ་བོ་ཉེར་ལྔ་དང་། ཙནྡན་བཅོ་ལྔས་ཚད་པ་བཅག །གློ་རླུང་ལྤུ་སོབ་ལུ་བ་ལ་བདུད་རྩི་འཆི་སོས། འཁྲུགས་གློ་ཀུན་སེལ། ཨ་གར་རིགས་པ་འོ་དང་ཆང་སོགས་གང་འོས་ཀྱིས་ཕུལ་ནས་བཏང་། བད་གློ་འཚང་ཞིང་རྒྱུན་ཏུ་ལུབ་ལ་རྒུན་འབྲུམ་བདུན་པ་ཁ་ཚར་ཅན་དང་། སྤང་རྒྱན་བཅོ་ལྔ་ཡང་ཟབ། མན་བསིལ། ད་ལི་བཅུ་དྲུག །ཨ་གར་བཅོ་ལྔ་རྣམས་ལྟག་པ་སྤྲད་པའང་འཕྲོད། གློ་རྣག་ཡོད་རྟགས་ཆུ་གར་ཞིང་ཀུ་ཡ་སྤྲིན་དང་རྣག་འདྲ་བ་བྱུང་ན་དཀར་པོ་ཡར་འདྲེན། མན་རྒྱུད་སྟར་བུ་པཉྩ་གང་རུང་བཏང་པས་གྱེན་དུ་དྲངས་ཐུབ་ནས་རྣག་སྐེམས་ལ། ཟངས་ཐལ་ཉེར་ལྔ་དང་། བསེ་རུ་ཉེར་ལྔའི་སྟེང་ཟང་ཐལ། དངུལ་ཆུ། དུང་ཐལ་བསྡེབས་པ་ཟབ། ཡང་རླུང་ཤས་དང་གཉན་ཁ་མེད་ན། ག་བུར་ཉེར་ལྔ། དཔའ་བོ་བཅུ་བཞི་སོགས་བཏང་པས་ལུད་པ་གར། །

― LT41_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ལུད་པ་སྐྱ་སོབ་ཏུ་འགྱུར། ཆུ་དྭངས། རླུང་རྟགས་བྱུང་ན་སོ་ལྔ། དྲང་སྲོང་ཨར་བརྒྱད། ཨ་གར་བཅོ་ལྔ་སོགས་བཏང་། ཤ་གསར་དང་བ་འོས་ལུས་ཟུང་གསོ། །དམར་པོ་གསུམ་པ་འོ་ལ་སྦངས་བའི་ཁུ་བས་ཅུ་གང་ཉེར་ལྔ་ཕུལ་བ་ཡུན་གང་འོས་བསྟེན། གློ་བ་སུརྻ་ལ་ཟངས་ཐལ་ཉེར་ལྔ་དང་། བསེ་རུ་ཉེར་ལྔ་ཟབ། རྒྱུན་ཏུ་གློ་རོ་ལུ་བ་ལག་པུར་ཉེར་ལྔའི་ག་བུར་ཚབ་སྟོང་ཟིལ་དང་། སྲོ་ལོ་དམར་པོ་ཁ་ཚར་བཏབ་པས་ཕན། འཁྲུགས་ལུ་ལ་ནོར་བདུན་གློ་སྨན། ཕྱི་རྒྱུད་ཙནྡན་བརྒྱད་པ། བོང་དམར་བདུན་པ། འཁྲུགས་ཁྲག་ཀུན་སེལ་རྣམས་ཟབ། གློ་རྒན་རྗེས་གཅོད་ཚིགས་པ་བཞི་པ་དང་ལྔ་པ་བསྲེག ༈ །མཆིན་པའི་ནད་སྨུག་པོ་ཁྲག་རུལ་མཆིན་པར་སླེབ་པ་དང་ཆང་རག་འཐུང་ཆེ་བ་དང་། མཁྲིས་ནད་ཡུན་ལོན་སོགས་ཀྱིས་རྩིབ་ལོགས་གཡས་གཟེར། མིག་དམར་ཞིང་གདོང་སྨུག །ལག་གཡས་ཀྱི་ཀན་རྩ་འབུར་བའམ་ཡང་ན་ཞན། ཆུ་མདོག་དམར་སྨུག་འབྱུང་། ནད་ཞེན་ཤོར་ན་བཅོས་དཀའ་བས་ཐང་ཆེན་ཉེར་ལྔས་བསྡུས། མཆིན་ནད་སྤྱི་ལ། ཟླ་ཤེལ། བདེ་མྱུག །གཡུ་སྙིང་ཉེར་ལྔ། གླང་ཆེན་བཅུ་གསུམ་དང་བཅོ་བརྒྱད། གི་དགུ། གུར་གུམ་བཅུ་གསུམ། མཆོག་བདུན། མན་བསིལ། སྨུག་པོ་གཡུལ་རྒྱལ་སོགས་ཟབ། སྨུག་པོ་ཤས་ཆེ་ཞིང་གྲང་གཞི་མེད་ན་སྐྱུ་

― LT41_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་ཉེར་ལྔ་ལེགས། བདུད་རྩི་སུམ་སྦྱོར་སྟེང་གི་ཝཾ་བྲག་ཞུན་བསྡེབས་པ་མཆིན་མཆེར་གཉིས་ཀར་འཕྲོད། མང་སྦྱོར་ཆེན་མོའང་ཟབ་ཅིང་རྗེས་གཅོད་མཆིན་རྩ་གཏར། ཕོ་མཆིན་ནད་རིགས་སྤྱི་ལ་དབང་རིལ་ཉིར་ལྔ་ཚད་ལྡན་སྦྱར་བས་ཕན་ཆེ་བ་ལག་བླངས་ཡིན། མཆིན་ནད་ལ་ལུ་ཆུང་བྱེད་པ་མང་། ལུད་པ་སྐྱ་སོབ་འབྱུང་བདེ་ལ་ཉི་ཟླ་ཁ་སྦྱོར་ཟབ། ༈ །མ་ཆེར་ནད་ལ་སྤོས་གཟེར་བྱེད་ཅིང་གཡོན་ངོས་ན། མཆུ་སྔོ་བའམ་སྐྲངས། བེར་ཝ་ཟེར་བའི་ཤུ་ཐོར་དང་གློག་ཤུ་ངེས་མེད་འབྱུང་། ཤིག་མང་བའང་མཆེར་ནད་ཡིན། །དེ་ལ་ཆུ་དམར་པོ་ལྡང་ཞད་ཡོད་ན་ཚ་ཞད་ཡོད་པས་མཆེར་ཚད་ལྟར་བཅོས། གྲང་ཞད་ཅན་ལ་ཀོ་ལ་བཅུ་གཅིག །བཅོ་ལྔ། བཅུ་དགུ་རྣམས་དང་། ཞི་དྲུག་ཨ་རུ་བདུན་པ་བསྲེས་པའང་ཟབ། ཟ་འཕྲུག་བྱུང་ན་དེ་སྟེང་སྤོས་དཀར་བཅུ་པ་གདབ་ལ་བཏང་། ༈ །མཁལ་ནད་ནི། ཁྲག་ནད་སྨད་བབས་ཀྱི་རྒྱུ་སོགས་ལས་འབྱུང་ཞིང་མཁལ་རྐེད་ན་ཞིང་རྐང་པ་བཤལ་བ་སོགས་གྲང་གཉན་སྤྱི་ལ། དངུལ་ཁྱུང་མེད་པ་ལ་ཅན། ཨར་ཁྱུང་། དངུལ་ཆུ་ཉེར་ལྔ་སོགས་སྐབས་དང་བསྟུན། ཆུ་མདོག་དམར་ལ་སྙིགས་མ་ཅན་གཉན་འགྲམ་རྩ་འགྲམ་གང་ཁྲག་སོགས་སུ་འབོད་པ་དེ་ལ། ཨ་རུ་བཅུ་པ་དང་། བཅོ་བརྒྱད། འར་ཕུག་ཨ་རུ་ཉེར་བཞི། སཱ་རའི་བྱ་ཁྱུང་། །

― LT41_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཨར་ཁྱུང་སོགས་ཀྱིས་གཉན་ཚད་བཅག །དེས་གཉན་ཁ་ཆོག་ཚེ་ཕྱི་རྒྱུད་སུགྨེལ་བཅུ་པ། གོ་ཡུ་དགུ་སྦྱོར་དང་བཅུ་གསུམ། སེ་འབྲུ་ཉི་དཀྱིལ་དང་ལྔ་པ། བདེ་བྱེད་ཀུན་ཕན་སོགས་ཟབ། འགྲམ་གྱི་རིགས་ལ། རྒྱུ་ཞབས་གཟེར། ཆུ་ལམ་ཆ་ཞིང་སྙིགས་མ་འོ་རུལ་ལྟ་བུ་འོང་བ་དེ་ལ་སེར་ཤས་ཆེ་ན་ཁྲག་དང་གཉན། སྔོ་ཤས་ཆེ་ན་རླུང་དང་གྲང་བ་ཡིན་ཅིང་། འགའ་ཞིག་ལ་གཤང་གཅི་ཐམས་ཅད་ཁྲག་ཏུ་འོང་བའང་ཡོད་ཅིང་དེ་རིགས་བཅོས་དཀའ། འདི་ལ་གཉན་ཁ་དང་གདོན་ཆེ་བས་ཐོག་མར་དྲོད་སྣན་འགྲོ་མི་རུང་། ཨར་ཁྱུང་དང་སཱ་ར་ཁྱུང་། ཆོས་ཉིད་དམར་མོ། །ཨ་རུ་བཅོ་བརྒྱད་སོགས་ཡུན་རིང་འཐུད་པས་གཉན་ཁ་ཆག་ནས་ཟུག་གཟེར་ཆུང་། ཆུའི་དམར་མདངས་ཡལ་ན་གོང་སྨོས་གོ་ཡུའི་སྦྱོར་བ་སོགས་དང་། བསམ་འཕེལ་ནོར་སྦྱོར་བཏང་། གྲང་འགྲམ་སོགས་གནམ་ལྕགས་ཟིལ་བཤལ་ཆེས་ཕན་ཀྱང་ཅུང་ཟད་རྩུབ། ཟུག་གཟེར་གཏན་མེད་དུ་སོང་སྐབས་ཨ་རུ་ཟག་གཅོད། ཉི་ཟླ་གྱེ་ན་ཟློག་སོགས་དང་སུགྨེལ་བཅུ་པ་བཏང་། འབྲུས་བུ་སྐྲང་ཞིང་རྩ་རྒྱུད་གཟེར་བ་དང་། ཕོ་མཚན་སྐྲངས་ནས་འགྲེངས་པ་སོགས་ཀྱང་འདིའི་ཁོངས་སུ་གཏོགས་པས་གོང་སྨན་རྣམས་དང་། ལྷག་པར་ཨར་ཁྱུང་། སྤོས་ཆུང་། རྩ་ཐ་ག་བཅུ་གསུམ་དང་བཅུ་དྲུག །ངར་ཕུག་བྲེ་

― LT41_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ག་བཅུ་གསུམ། སེ་འབྲུ་བཅོ་ལྔ་ཟབ། ཡང་དྲེས་མའི་འབྲུ། ཐང་ཕྲམ་ནག་པོའི་འབྲུ། སུགྨེལ། སྡིག་སྲིན་བཞི་ཆ་གཉིས་རེ། བྲེ་ག །སྨད་འབྲས་གསུམ། དམར་པོ་གསུམ། ཨ་རུ་མཁལ་ཞོ། །བ་ཤ་ཀ་རྣམས་ཆ་རེ་རེ་སྦྱར་བས་རྩ་འགྲམ་མཁལ་རླུང་། ཚ་གྲང་འབྲས་བུ་སྐྲངས་པ་རྣམས་ལ་འཕྲལ་དུ་ཕན་པས་ཆེས་ཟབ་འབྲས་བུ་སྐྲངས་ཕྱོགས་ཀྱི་རྐང་འཐེབ་སྤུ་འཁྱིལ་གང་འོས་བསྲེག །ཕོ་མཚན་སྐྲངས་པ་འབྱར་སོགས་ཀྱི་མ་ཞི་ན་ལྦགས་སྣེ་གཙག་ཕུས་དྲལ་ནས་ཆུ་བཏོན་མཐར། འབྱར་ཆེན་བཅོ་བརྒྱད་ཀྱིས་འབྱར་བྱ། མཁལ་མའི་ཐད་རྨ་འབྱུང་བའི་སཱུརྻ་ལ། ཨར་ཁྱུང་། གུར་ཁྱུང་། བསམ་འཕེལ་ནོར་བུ་ཟངས་ཐལ་བསྡེབས་པ་ཟབ་བྱིན་གཞུག་གཏར། མཐར་ཟངས་ཏེལ་མེ་ཚུགས་གདབ། མཁལ་ནད་སྤྱིའི་མཐར་ན་སོ་རྒས་པ་ལ་ཚིགས་པ་བཅུ་གསུམ་དང་བཅུ་བཞི་བསྲེག །གཞོན་པ་ལ་གཏར་ག་བྱ། མཁལ་རྐེད་ཀྱི་ནད་སྤྱི་ལ་གོ་ཡུ་བདེ་བའི་དཔག་བསམ། ཨ་རུ་བཅོ་བརྒྱད་དང་སོ་ལྔ། གཉན་ཤས་ཅུང་ཡོད་པའམ་ཡོད་པར་དོགས་པ་ལ་རྒྱ་ནག་མ་དང་། མན་ངག་གམ་ཕྱེ་དམར་པོ་རྣམས་ལེགས། མཁལ་རྩ་འགྲམ་པ་ལའང་དེ་རྣམས། ཨར་ཁྱུང་ཟབ། ཁྲག་ཁམས་ཀྱིས་སྟོད་གཟེར་སོགས་འདྲེས་པའི་གྲང་ཁྲག་ལ། གུར་གུམ་བཅུ་གསུམ། གཉེན་པོ་བཅོ་བརྒྱད།

― LT41_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

སེ་འབྲུ་ཀུན་ཕན་རྣམས་ཟབ་ཅིང་། མཐར་སྨད་དུ་བབས་ཚེ་བྱིན་གཞུག་ངང་བྱིན་སྐྱོག་གཏར། མཁལ་སྲད་ལ་མེ་བཙས་རྗེས་གཅོད་བྱ། ཁམས་ཟག་ཚ་འཛག་ལ་སཱ་རའི་བྱ་ཁྱུང་དམ་མཁྲིས་ཁ་ཆེ་ཧ་ལོ་བུངས་བསྐྱེད་པ་དང་། རྡོ་རྗེ་ཁྱུང་དམར། ཆོས་ཉིད་རིལ་བུ་རྣམས་དང་། ལྷན་ཐབས་འཛག་སྡོམ་ལ་ལྕམ་དཀར་མེ་ཏོག་མང་མའི་བུད་མཉམ་གཏོང་བདེ་ཆེས་ཟབ། གྲང་འཛག་ལ་རི་མིག་དགུ་པ་ཧ་ལོའི་ཐང་གིས་ཕུལ་བའམ། ཉི་དཀྱིལ་སྟེང་ཁ་ཆེ་དམ་མཁྲིས་གངས་སྦལ་ལམ་སམ་གྱི་གཞུག་ཏོ་བསྣན་པ། གཉིས་ཀ་ལ་ཛཱ་དངུལ་སྦྱོར་བ་ཟབ། བཛྲ་དངུལ་ཁ་ཚར། སེ་འབྲུ། སུགྨེ་ལ། ཤིང་ཚ། པི་ལིང་། གུར་གུམ། དམ་མཁྲིས། གོ་ཡུ་བཅས།།།བདྷརྨཱ་ཀ་རའི་ནལ་རྒྱུན་ཡིན་ཟེར། ཆུ་བཙགས་རྗེས་སུ་ཆུ་ཁ་ཚ་བ་ལ་སྐྱེར་ཤུན་ལྔ་པ་ཁོ་ན་ཟབ། སྐྱེས་པའི་ཁམས་རྣག་ལྟ་བུ་དང་། སྐབས་སུ་ཁྲག་ཀྱང་འོང་བ་དེ་ལ་ཨ་རུ་བཅོ་བརྒྱད་དང་། སཱ་རའི་བྱ་ཁྱུང་ལྟག་སྤྲད་ཟབ། འབའ་སམ་སྨན་མར་ཚད་ལྡན་སྟེང་། །སེ་འབྲུ་ཉི་དཀྱིལ་ལ་དབང་ལག །བྲེག །གང་སྦལ་ལམ་སྲམ་གྱི་ཤ་བསྣན་པ་ཁ་ཚར་བཏབ་པས་མཁལ་རྐེད་གྲང་ནད་སྤྱི་དང་། ཁྱད་པར་ལུས་སྟོབས་ཆུང་བ་ལ་བསྔགས། མཁལ་རྐེད་རྐྱང་པ་ལ་གོ་ཡུ་དགུ་སྦྱོར་ཁ་ཚར་བཏབ་ཀྱང་ལེགས་སོ། ༈ །སྣོད་ཀྱི་ནད་མཁྲིས་པ་ནི་མཁྲིས་ནད་སྐབས་སུ་སོང་། ཕོ་བའི་ནད་མ་ཞུ་བ་སོགས་བད་ཀན་གྱི་སྐབས་ལྟར་ལ། ཕོ་ནད་སྤྱི་ལ། ཅོང་ཞི་ཅུར་ནིས་སྟེང་

― LT41_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ཚ་ལ་ཆུ་བཅང་མང་ཙམ་བཏབ་པས་ཤིན་ཏུ་ཕན། ཕག་གྲུའི་སྦྱོར་བའང་ལེགས། སེ་འབྲུ་ཉེར་ལྔའི་སྟེང་རྡོ་ཐལ་བུངས་མཉམ་བསྣན་ཏེ་སྟར་ཕུའི་ཁཎྜས་འདམ་འཐགས་བྱས་པའི་རིལ་བུ་ཕོ་ནད་ཕལ་ཆེར་ལ་ཟབ། ཕོ་བར་ཁྲག་མཁྲིས་ལྷུང་བའི་བཅོས་གཞན་རྡུགས་ན་བྲག་དགུའི་སྟེང་ཀུན་དང་འཇིབ་རྩི་ཆ་སྙོམས་བྱས་པ་ཟབ། སྲིན་གཟེར་གྱིས་ཕོ་བ་སྦོས་པ་ལ་ཟུར་ལུགས་རྒྱ་སྟག་སུམ་འགྲོལ་དམ་མཁྲིས་ཆུས་ཕུལ། རྒྱུ་མའི་ནད་རྣམས་མཁྲིས་པ་ལྟར་བཅོས། ལོང་ནད་རླུང་དང་བད་ཀན་ཕྱེ་མར་བཅོས་དགོས་ཤིང་། ལོང་རླུང་ལ་ཤིན་ཀུན་ཅུར་ནིས་དང་ཉེར་ལྔ། བདེ་བྱེད་སྙོམས་ལྡན། ད་ལི་བརྒྱད་པ་ཟབ། ཛཱ་ཏིའི་ཕྱེ་མ་མར་ཁུས་བུལ་བས་ཀྱང་ཆོག །མདུན་དང་རྒྱབ་ཀྱེ་བཅུ་དྲུག་པ་བསྲེག །ལྒང་པ་དང་བསམ་སེའུའི་ནད་རྣམས་མཁལ་བཅོས་ཀྱིས་འཐུས་སོ། ༈ །ཐོར་ནད་ཀྱི་སྐད་འགགས་གོང་དུ་བཤད་པའི་གྲེ་སྨན་རྣམས་དང་། ཅུ་གང་ཙན་དཀར་ཨ་ཀྲོང་སྲོ་ལོ་སྤང་རྒྱན་བོང་དཀར་སྦྱར་བའི་དཀར་པོ་དྲུག་སྦྱོར་བུལ་དཀར་གྱིས་ལུག་རིལ་ཙམ་བསྒྲིལ་བ་དར་དཀར་གྱིས་དྲིལ་བ་ལྕེ་འོག་ཏུ་མུར། ཡང་ན་ཕྱེ་མ་ཆུ་བསྐོལ་གྱིས་ཕུལ། མན་རྒྱུད་ཀྱི་འབྲས་རྒྱུད་བདུན་པ་དང་། ༈ །བྱེ་རིང་སྐད་སྨན་ཛམ་གླིང་འབྲུག་སྒྲ་སེགས་ལོགས། ཡི་གེ་འཆུ་སི་ནས་བཟའ་བཏུང་མི་འདོད་པ་ལ་ནམ་རྒྱིད་ལ། །ད་ཕུང་བཅུ་གསུམ་པའམ། ཚ་བ་གསུམ་ཕྱེ་བསྟེན། ཚ་ཤས་ཆེ་བ་ལ་ཅུ་གང་བདེ་བྱེད་སོགས་རྒྱུད་ལྟར་བྱ། སྐྱུ་རུ་ར་དང་པི་ལིང་ཞོ་ལ་བཏབ་ནས་བཏུང་

― LT41_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

བས་ཡིག་འབྱེད་པ་ལ་ཕན། ༈སྐོམ་དད་ཆེ་བའི་ནད་ནི་གྱེན་རྒྱུའི་རླུང་དང་མཁྲིས་པ་འཁྲུགས་པ་སོགས་ཀྱིས་བསྐྱེད་པས། སོ་ཕག་སུམ་ཐར། ཁྲག་ཤས་ཆེ་ན་ཙནྡན་བཅོ་བརྒྱད། རླུང་ཤས་ཆེ་ན་ཨ་གར་རིགས་སྤྱི་ལ་སྤང་རྒྱན་བཅོ་ལྔ་སོགས་ཟབ། ༈ །སྐྱིགས་བུ་ཚ་བའི་རྗེས་སུ་རླུང་བཞུགས་པ་དང་། བད་ཀན་གྱེན་རྒྱུའི་རླུང་འཁྲུགས་པ་ལས་འབྱུང་། གློ་རྡོལ་ཟུང་ཟད་སོགས་ལ་ཉེན་ཆེ་བས་གཡས་ཆུང་མི་བྱ་བར་འཕྲལ་དུ་བཅོས་དགོས་ཡུན་རིང་ན་ཕོ་ཐོག་ཏུ་འགྱུར་བའང་ཡོད། །དེ་ལ་ཐོག་མར་འབྲུ་མར་གྱིས་བཀུ་མཉེ་བྱ། ཟས་ཀྱིས་སྐྱིགས་ན་གོང་ཟོས་དེ་མནམ་ནས་བར་རླུང་བཟུང་། སྐྱིགས་བུ་ཆུང་བ་ལ། རྒྱ་ཡུངས་བ་ཚ་ཅན་སྐྱེ་གདན་ལེབ་མོ་དེ་བདུན་ཙམ་གྱི་ཐང་བཏང་བས་ཕན། ཨ་གར་མར་སྦྱར་གྱི་དུ་བ་རྡུབས། ཡང་ན་སྤོས་དཀར་དང་སྡོང་རོས་ཀྱི་དུ་བ་བརྡུབས། འབྲིང་པོ་ལ་དེ་དང་མཚུངས་ཤིང་། རླུང་ལ་ཨ་གར་བཅོ་ལྔ། ཚ་གཞུག་ལ་ཨ་གར་སོ་ལྔ། བད་ཀན་ལ་གོ་གྲེ་བཅུ་གསུམ་ཟབ། མ་ཐུབ་ན་རྐེ་ལྟོང་དང་། དཀར་ནག་མཚམས་སུ་མེ་བཙའ་བསྲེག །ཆེ་བ་བཅོས་དཀའ་བས་རིམ་གྲོ་སོགས་ལ་འབད། སྐྱི་དབུ་ཕལ་ཆེར་གློ་བུར་སྐྲག་སྡངས་བཏོན་པས་ཀྱང་ཕན། ༈། དབུགས་

― LT41_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བདེ་བ་མ་ཞུ་བས་བད་ཀན་འཕེལ་བ་དང་། ལུད་པས་དབུགས་ལམ་བཀག་པས་སྙིང་ག་རྩིབས་ལོགས་རྒྱང་། སྦོ་ཞིང་དབུགས་རྒོད་པའམ་ཞན་པ་ལ། མན་ངག་བསིལ་སྦྱོར། བདུད་རྩི་བཅུ་གསུམ། སྲོག་འཛིན་བརྒྱད་པ། མ་ནུ་བཞི་ཐང་སོགས་བད་རླུང་གཙོ་བོར་བཅོས། མ་ཐུབ་ན་རླུང་དང་བད་ཀན་སྲང་ལ་མེ་གདབ། ༈ །གླང་ཐབས་ནི། ཕོ་ལོང་གི་སྲིན་བུ་ཚ་གྲང་གི་རྐྱེན་དང་ཁ་ཟས་མ་འཕྲོད་བས་བསླང་བ་ལས་འབྱུང་། དབྱེ་བ་མང་ཡང་ཚ་གླང་། གྲང་གླང་། སྲིན་གླང་། གཉན་གླང་བཞིར་འདུས། གང་ཡང་ལྷེན་སྣའི་འོག་ན་བ་ཕོ་བ་གླང་ཐབས། ལྟེ་འོག་ན་བ་རྒྱུ་མའི་གླང་ཐབས། ལྟེ་སྐོར་ན་བ་ལོང་གླང་སྟེ་དེའང་གཡས་ངོས་ཁྲག་གླང་། གཡོན་ངོས་སྲིན་གླང་། དབུས་རྩམ་གླང་ཟེར། རྒྱུ་རྐྱེན་ཚ་བས་བསླངས། ལུས་རྡུལ་ལྡང་དུབ་མྱུར་བ་ཚ་གླང་། རྒྱུ་རྐྱེན་གྲང་འཁྱག་ལས་བྱུང་། ལྡང་དུབ་མེད་པ་གྲང་གླང་། དཀར་མངར་སོགས་ཀྱིས་བསྐྱེད་ནས་དྲུ་བུར་འདྲིལ་བའམ་ཚ་ཞིང་ཕུག་འོང་བ་ལྟ་བུར་ན། ལྡང་དུབ་ཆེ། །ལངས་ན་སྲན་གླགས་མེད་པ་སྲིན་གླང་། ཕོ་བའམ་རྒྱུ་མ་གྲིས་དཀྲུགས་པ་ལྟར་གཟེར་བ་སོགས་གཉན་གླང་ཡིན། གླང་ཐབས་སྤྱི་ལ་ཕན་

― LT41_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཀུན་ལྡན་ཟབ། དཔའ་བོ་ཉེར་ལྔའང་འཕྲོད། ཚ་གླང་དང་སྨུག་པོ་དུག་ཐབས་ཀྱིས་སྤོས་ནས་རྡུལ་ཆུ་འཛག་པ་ལ། ཟླ་ཤེལ། རུ་རྟ་དྲུག་པའམ་བཅུ་བཞི། གྲང་གླང་ལ། བཅོ་ལྔ་དྲག་སྦྱོར། གཡུ་དྲིལ་བཅུ་གསུམ། ཞི་དྲུག །རྒྱམ་ཚ་དྲུག་ཐང་། དོང་གྲ་བསྣན་པའི་སེ་འབྲུ་བཞི་པ་ཟབ། མ་ཐུབ་ན་ཕོ་བ་རྒྱུ་མ་གང་བབ་ཀྱི་རང་སྲང་ངམ་ལྷེན་སྣ་ནས་ཐུར་དུ་ཚོན་གསུམ་འཇལ་བའི་མེ་མཉམ་སྲང་ཁ་གསུམ་ལ་མེ་བཙའ་བྱ། སྲིན་གླང་ལ་དང་པོ་ཀ་ར་ཆུ་བསྐོལ་ནང་བཏབ་པ་བཏང་ལ་སྲིན་བསྒངས་པ་བཤིགས། དེ་ནས་འཆི་མེད་སྲིན་སེལ་བྱི་ཏངྒ་བུངས་མཉམ་ཅན་དང་། སྤྱི་སྨན་གཉིས་བཏང་། ལྟེ་བའི་གཡོན་ནས་ཚོན་གང་གཞལ་བ་ལོང་གི་ཐེར་དང་དེ་ནས་ཚོན་གང་གཞལ་གའི་ལོང་ཕུག་སྲང་གཉིས་བསྲེག །ཞར་བྱུང་ཁྲག་གླང་ལ། སྤྱི་སྨན་གཉིས། རུ་རྟ་བཅུ་བཞི། བྲག་ཞུན་དགུ་པ་བཏང་། ལོང་རྩ་གཡས་པ་གཏར། རྩམ་གླང་ལ་སྤྱི་སྨན་དང་། ལྟེ་འོག་ཚོན་གང་ཁ་གསུམ་རྒྱུ་སྟོད། དེ་འོག་ཚོན་གང་ཁ་གསུམ་རྒྱུ་སྨད་ལ་མེ་གདབ། གཉན་གླང་ལ། ལྷ་ལུང་ལུགས་སྨན་ནག་སྦྱོར་བར་གར་ནག་ཆ་མཐོ། གཞན་ཐལ་སྨན་བཞི་ཆ་སྙོམ། ཁ་

― LT41_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

ཚར་གཞན་ཐུན་ཕྲན་རེ། ཕོ་བའི་ཁ་འཛིན་བཞི་ཐུན་ཆེ་ཙམ་སྦྱར་ནས་བ་ཆུ་ར་འདམ་ཐག་བྱས་བ་དེ་ཐེང་ཆོག་ཡིན། ཡང་བྲག་ཆུང་། རུས་ཆུང་། ཕན་པ་ཀུན་ལྡན། འཆི་མེད་སྲིན་སེལ། བྱེ་རིང་རྒྱལ་བློན་བཅུ་བདུན། འཕུར་སླེབ་བཞི་སྦྱོར་རྣམས་ཟབ། སྤྱིར་གླང་ཐབས་ཀྱི་རིགས་འདི་ཁོང་ལྷོག་དང་ནོར་ཕོ་ཆེ་བས་ཁྱུང་ལྔ་གཤོག་རྫོགས་ཀྱིས་གཟེར་རྩེ་བཅིལ་ན་ཁོང་ལྷོག་ཡིན་རྟགས་རྩ་གྲིམ། ཆུ་མདོག་ལྗང་ན་གང་གི་གཉན་རིམས་ལྟར་བཅོས། གླང་ཐབས་སྤྱི་ལ་དམར་མོ་སྤྱི་འཇོམས་བཟི་མེད་ཀྱི་བཤལ་ཡང་ཟབ། སྐྱུགས་ནས་སྨན་མ་བླངས་ན་བུ་རམ་སེན་མོ་ཙམ་གྱི་རྗེས་སུ་སྨན་བཏང་། བཤལ་མ་ཐུབ་ན་ནི་རུ་ཧས་དྲང་། སྤྱིའི་ནད་མཐའ་མ་ཆོད་ན་རིན་ཆེན་མང་སྦྱོར་ཟབ། ༈ །སྲིན་ནད་སྤྱི་ལ་རྒྱུད་ཀྱི་བྱི་བཏང་བདུན་པ། གར་ནག་དགུ་པ་བཟི་ཡོད། གསེར་མདོག་བཅུ་གཅིག །རྩ་རྩི་རྡོ་སྦྱོར། གར་ནག་བཅོ་ལྔ། གུར་གུམ་བཅུ་གསུམ་བྱི་ཏང་ག །མ་རུ་རྩེ། ལང་ཐང་རྩེ་བཅས་ཙེ་གསུམ་བསྡེབས་པ་རྣམས་ཟབ། སོ་སྲིན་འགྲམ་སྲིན་མགོ་སྲིན་གདོང་སྲིན་རྣམས་ལ་ཚངས་པ་དབུ་ལ་སེལ་ལ་ཙེ་གསུམ་བསྡེབས་པའི་དུ་བ་བརྡུབ། ཤ་བའི་མིག་རྐྱག་གམ་

― LT41_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་ཚིལ་བདུག་པས་ཀྱང་ཕན། བདུག་པ་ཡ་མ་འཇོམས་པའི་རྡོ་རྗེ་ལེགས། མགོ་གཟེར་ཚབ་ཆེན་མགོ་ཐང་བཅུ་གསུམ་དང་། གར་ནག་བཅུ་གསུམ་བཏང་། གཉེན་དང་བསྡོངས་པ་ལ་ཟུར་ལུགས་གནམ་ལྕགས་ཐོག་མདའ་ཟབ། སོ་སྲིན་ལ་ཤིང་རྟ་དྲུག་པ་ཟབ། ཁྱུང་ལྔ་བཟང་པོ་སོ་བར་བཟུང་། གཉེན་བསྡོངས་བ་དང་། རྨ་སྲིན་ལ་གུར་ཁྱུང་། ཁྱུང་ལྔ། རྒྱ་ནག་མའང་འཕྲོད་ཅིང་དེ་ལ་ཙེ་གསུམ་བསྡེབས་ན་ལེགས། རྨ་སྲིན་ལ་ཁྱད་པར་དངུལ་ཆུང་ཟབ། སྣ་སྲིན་ལ་གླ་རྩི་ལྔ་སྦྱོར། སྣ་སྨན་གསར་བྱུང་ཉེས་པ་ཀུན་སེལ་ལམ། སྣ་ཐ་འཐེན་མཁན་ལ་དེ་རང་དྲག་ཆེ། ལྤགས་སྲིན་ལ་སྒྲོན་ཤིང་དང་སྤོས་དཀར་དུད་པས་ཕན་ངེས། མིག་ལྤགས་སྐྲངས་ཤིང་གཟེར་མེད་པའི་ལྤགས་སྲིན་དེ་རིགས་ལ་བྱིའུ་མཆིལ་པའི་བྲུན་དྲོན་མོ་བྱག་པ་ཁོ་ནས་ཆོག །ཡང་ཕུར་ནག་ལོ་མ་རྒྱས་པའི་སྐབས་སུ་ཁཎྜ་བྱས་པར་རིལ་ཆུང་ངུ་ཙམ་ཆུར་གདུས་པ་དང་། སྟག་མའི་ལོ་མ་ཁཎྜ་བྱས་པ་ལ་གླ་རྩི་ཤུ་དག་ཁ་ཚར་བཏབ་པ་ཆུ་བསྐོལ་གྱིས་ཕུལ་ནས་གཉིད་ལོག་པ་དང་། ཤུ་དག་ནག་པོའི་ཆིག་ཐང་མང་དུ་བསྐྱར་བ་དང་། ནཱ་གི་གླ་རྩི་མར་དཀར་སྦྱར་བའི་རིལ་བུ་དང་། སྤྲུ་བ་དཀར་ནག་གང་རྙེད་ཀྱི་རྩ་བའི་ཐང་ཚན་ཆེན་བཏང་བ་རྣམས་རེ་རེས་ཀྱང་སྲིན་རིགས་ཀུན་ལ་ཕན་པར་བཤད། ཡང་བྱང་ཚྭ་དང་བྱང་བུལ་བཟང་

― LT41_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བསླད་མེད་པ། ཟེ་ཚྭ་བསླད་མེད་གསུམ་ཕུལ་གསུམ་སླ་ངར་བླུགས་པ་དང་མཉམ་དུ་ནས་འབྲུ་གཅིག་འཕངས་པས་དེ་ནག་ཚིག་ཏུ་སོང་བ་དང་། ཡང་ནས་འབྲུ་གཅིག་འཕངས་པས་ཚིག །ཡང་གཅིག་སོགས་བ་སྦྱར་ནས་ནས་འབྲུ་བཅོ་ལྔ་སོལ་བར་སོང་བའི་བར་བརྔོས། དེ་ནས་ལི་སྡེར་ནང་དུ་བྱོས་ལ་ངད་མ་ཡལ་བའི་སྟེང་དེ་ཉིད་དུ་བྱིས་པ་ལོ་བརྒྱད་ཀྱི་ཆུ་ཅུང་ཟད་བླུགས་ཏེ་གར་སླ་ཞོ་ཙམ་བྱས་པའི་སྟེང་དུ་ཐར་ནུ་བཟང་པོ་མཐེབ་ཆེན་ཕྱེད་གཉིས་ཙམ་ཞིབ་པར་བཏགས་པ་བསྲེས་ནས་མ་སྐོམ་བར་དུ་འཐག །དེ་ཉིད་སྣོད་བཟང་པོར་བཅངས་ནས་ནམ་དགོས་དུས་ཐུར་མགོ་རེ་ཆུ་བཀོལ་གྱིས་ཕུལ་ན་སྲིན་དང་གླང་ཐབས་མ་ཞུ་དུག་ཐབས་རིགས་ཐེ་ཚོམ་མེད་པར་འཇོམས་པའི་མན་ངག་ཤིན་ཏུ་ཟབ་པའོ། །ཡང་ཆུང་ལྔའི་སྟེང་བྱི་ཏང་ག་ཀུན་གྱི་བུང་མཉམ་བསྡེབས་པ་དེ་སྲིན་སྨན་གཅིག་ཆོག་ཡིན། སྲིན་སྨན་གང་ཡང་ཐོག་མར་ཐུན་གཅིག་གཉིས་ཀྱིས་ཅུང་ཕན་པ་ལྟར་སྣང་ཡང་བཏུད་ན་མི་ཕན་པར་འགྲོ་བ་ནི་སྲིན་ག་བ་པ་ཡིན་པས། སྨན་ཐུན་རྗེས་མ་རྣམས་ཀྱི་སྔོན་ཏུ་ཀ་ར་སོགས་ཅུང་ཟད་རེ་བཏང་ནས་བསླངས། དེ་རྗེས་སྨན་བཏང་བ་ཟབ་གསུངས། སྲིན་རིགས་ཕལ་ཆེར་

― LT41_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དུད་པ་དང་དཔྱད་སྔ་ན་ཁྲོས་ནས་བཅོས་སུ་མེད་པར་འགྲོ་བས་གཟབ་དགོས་ཤིང་། ནད་འདི་གདོན་རྒྱབ་ཆེ་བས་རིམ་གྲོ་དང་སྔགས་སོགས་གལ་ཆེ་བར་སྣང་ངོ། །སྲིན་བུ་བུད་སླ་བའི་ཐབས་ནི་གཟེང་སར་བུ་རམ་བྱུག། མཐའ་སྐོར་དུ་འབྱར་སྣ་ཚོགས་བྱ། རྨ་ཁུངས་སུ་མུ་ཟི་ནག་པོ་བཏབ་པས་ཆོག་གོ། །ཡང་སྲིན་ནད་ཀྱི་རྣག་དང་ཆུ་སེར་སོགས་འཛག་པའི་བུག་པ་བརྡོལ་ན། གྲོ་ཟན་སྲབ་མོ་མར་གོར་འདྲ་བ་གཉིས་ཀྱི་བར་དུ་བུ་རམ་གྱི་ལྡེ་གུ་བྱུགས་ནས་རྨ་ཁར་ཞག་གཅིག་སྦྱར་ནས་བཞག །སྲིན་བུ་ཡོད་ན་ཟན་ཁྲོལ་བུར་ཕུག་ཡོད་པས་འབུ་ཡོད་ཐག་ཆོད་དུས། དུག་འབྱར་ནི། གྲོ་ཟན་གོར་མོ་སྟར་ལྟར་གསུམ་བཅོས་པའི་ཞབས་མའི་སྟེང་དུ་བོང་ནག །བར་མའི་སྟེང་འོག་གཉིས་ཀ་ར་བུ་རམ། སྟེང་མའི་ཞབས་སུ་བོང་ནག་གི་ལྡེ་གུ་བྱུགས་ནས་སྦྱར་བ་སུམ་བརྩེགས་བྱས་པ་དེ་རྨ་ཁར་ཡང་ཡང་བཞག །འབུ་མེད་དུས་རུས་པ་བསྣད་མེད་ན་རང་སོས་འགྲོ་བས་གང་ཡང་མི་དགོས། རུས་པ་བསྣད་ཡོད་ན་རྨ་ཁུང་དུ་རྒྱ་ཚྭ་ལྡོང་རོས་ཆ་མཉམ་གྱི་ཕྱེ་མ་ཡང་ཡང་བླུགས་ནས་རྨ་ཁར་ཤོག་གུ་སྦྱར་བས་རུས་བྱེ་དོན་རྗེས་རྨ་སྨན་འདེབས་དགོས་

― LT41_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། ༈ །སྐྱུགས་ནད་མ་ཞུ་བ་དང་བད་སྨུག་གྱེན་རྒྱུ་འཁྲུགས་པ་སོགས་ལས་འབྱུང་བས་རིགས་མང་ཡང་། སྤྱི་སྨན་ཤུ་དག་དཀར་པོ་ཆ་གཅིག །སོག་ཁ་བ་ཆ་བྱེད། འོམ་བུ་དེའི་ཕྱེད། ཀུན་དང་མཉམ་པའི་སྐྱེར་དཀར་འབྲུ། འབྲས་ཕྱེ་ཕབ་ཙམ་བཏབ་པ་ཐུན་ཆུང་ངུ་ལན་མང་དུ་བཏང་བས་ཆོད། ཤིང་མངར་དྲུག་པའང་ལེགས། ཡང་ན་སོག་ཀ་པའི་འབྲས་བུ་ལ་རྒྱ་ཚྭ་བུ་རམ་སྦྱར་བའམ། འབྲས་ཀྱི་ཁུ་བར་སྤུ་ཤེལ་རྩེ་དང་སྦྲང་རྩི་བཏབ་པའམ། འབྲས་ཡོས་ཁྱོར་གང་ཞིབ་པར་བཏགས་པ་ལ་སེ་འབྲུ་པི་ལིང་སྒ་སྐྱ་རྣམས་ཀྱི་ཕྱེ་མཐུན་རེ་ལ་སྦྲང་རྩི་ཐུར་འགོ་བཏབ་ནས་ཆུ་བཀོལ་གྱིས་ཕུལ། རྐེ་སོགས་ལ་རྡོ་འཁྱག་པ་གླན་ཅིང་གདོང་དུ་ཆུ་གྲང་གཏོར་བ་ན་རྐེ་ལྟོང་དང་ལྷེན་སྲང་ལ་མེ་བཙའ་བྱ། མ་ཞུ་བ་ལས་བྱུང་བ་སོགས་བྱེ་བྲག་པ་རྣམས་སོ་སོ་ལྟར་བཅོས། ༈ །འཁྲུ་ནད་མ་ཞུ་བ་ལ་ཟས་སྐོམ་སྤྱི་དང་ཁྱད་པར་གང་མ་ཞུ་བ་དེ་སྤངས་ཤིང་དེའི་གཉེན་པོ་སྦྱར། ཕོ་བའི་མེ་དྲོད་ཉམས་པ། རྒྱུ་ལོང་ལ་གྲང་བ་སྐྱེས་པ། མཁྲིས་པ་སྣོད་ལྷུང་། མཆིན་ཚད་ཐུར་བབས་རྣམས་སོ་སོ་ལྟར་བཅོས། ཚ་འཁྲུ་མདོག་དམར་རམ་སེར་བ། གྲང་འཁྲུ་མདོག་སྐྱ་བོ་

― LT41_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་མདོག །ཡང་ཆུ་གཙང་དུ་བླུགས་པ་ལ་འཁྲུ་བའི་དྲི་མ་ཐུར་མགོ་གང་དལ་བུས་བཞག་པས་ཆུའི་གཏིང་དུ་འགྲོ་ན་ཚ་འཁྲུ། ཆུ་ཁར་ལིང་ངེར་སྡོད་ན་གྲང་འཁྲུ་ཡིན། ཚ་འཁྲུལ་ཨིནྡྲ་བཞི་ཐང་། གི་ཝཾ་དགུ་པ། གུར་གུམ་བདུན་པ། གཙོ་བརྒྱད་སོགས་ཀྱིས་ཚད་པ་བཅག་ནས། གཙོ་བརྒྱད་སྟེང་ད་ཏྲིག །ཐ་རམ། སྨག །མོན་ཆ་ར་སོགས་ཁ་ཚར་བཏང་བའམ། ཨིནྡྲ་བཅོ་ལྔ། མཁྲིས་ཕྱེ་བདུན་པ་སོགས་ཀྱིས་འཁྲུ་བ་གཅོད། གྲང་འཁྲུལ་རྒྱམ་ཚཱ་དྲུག་པ། རུ་རྟ་དྲུག་པ་སོགས་སྐབས་སྦྱར་བཏང་། བྱི་ཏང་བདུན་སྟང་སྒ་སྐྱ་གོ་ཐལ་དོམ་མཁྲིས་སོགས་བསྡེབས་པའམ། ད་ཏྲིག་བདུན་པ་དང་དགུ་པ། གུ་ལིང་འབྲས་ཀྱི་རིལ་བུ་སོགས་ཀྱིས་བཅད། བཅད་སྔ་ན་གཟེར་ཆེ་བར་འགྱུར་བས་མཚམས་ཕྱེད་དགོས། གྲང་འཁྲུམ་ཆོད་ན་མདུན་རྒྱབ་ཀྱི་རྒྱུ་ལོང་སྲང་བསྲེག །འཁྲུ་ནད་ཚ་བས་ཆུང་བ་ལ་བྲག་སྐྱ་ཧ་བོའི་རྩ་བའམ་མེ་ཏོག་གི་ཐང་གཅིག་པུས་ཀྱང་ཆོག །ལོ་བཙན་པའི་ཐང་ངམ། འབྲས་ཐང་ལ་ཚྭ་ཅུང་ཟད་བཏབ་པའམ། དེ་སྟེང་གཙོད་ཁྲག་ཐུན་གཅིག་ཞིབ་བཏགས་བཏབ་པ་དྲོ་འཇམ་ཉུང་ཙམ་ཡང་ཡང་བྱིན་པས་ཆོད་དོ། ༈ །དྲི་མ་འགགས་ནས་མཐོན་པ་ལ་དཀར་པོ་དྲུག་སྦྱོར། ཞི་དྲུག་སྟེང་ཨུག་ཆོས་སམ་ལྕུམ་རྩ་

― LT41_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་པ། རྩ་ལྟོ་བདེ་བྱེད། ཆང་དང་ཞོག །ཆུ་གང་རུང་ནང་ལན་ཚྭ་བཏབ་ནས་ཅུད་དྲོས་པ་དང་། ཡང་ཨ་རུ་ལྕུམ་རྩ་བུལ་ཏོག་གདུས་པའི་ཐང་རྣམས་ཀྱིས་ཕན། ཚབས་ཆེན་ནི་རུ་ཧས་དྲང་། ༈ །གཅིན་འགག་ཚབ་ཆུང་བ་ལ་རྒྱ་ཚྭའི་ཆིག་ཐང་ཁོ་ནས་ཆོག །སྤྱིར་བདེ་བྱེད་ཀུན་ཕན་ནང་དྲོད་སྨན་རིགས་ཆ་འཕྲི། གསེར་ཕྱེ་བསྣན་པས་ཆུ་འགགས་ཚ་གྲང་ཕལ་ཆེར་ལ་ཟབ། ཡང་སེ་འབྲུ་ཉི་དཀྱིལ་སྟེང་རྒྱ་སྡིག་གསེར་གསུམ་ཆ་མཐོར་བསྣན་པའང་ཕན་ཆེ། བད་ཀན་གྲང་རླུང་གིས་འགགས་པ་ལ། སུགྨེལ་བཅུ་པ། ཚ་སྦྱོར་ཆེན་མོ། །གཡེར་དྲུག་ཆུ་འདྲེན། རིམས་ཚད་ཀྱིས་འགགས་པ་ལ་གུ་གུལ་བཅུ་གཅིག །མོ་ནད་ཀྱིས་འགགས་པ་ལ་རྡོ་རྗེ་ཅན་སྦྱོར་བཏང་། རྡེའུས་འགགས་པ་ཉན་ཆེ་བས་རྒྱུད་མན་ངག་རྣམས་ཞིབ་མོ་དགོས། ༈ །གཅིན་སྙི་ཚ་ཤས་ཆེ་ན་ཨ་རུ་བཅོ་བརྒྱད། གྲང་ཤས་ཆེན་སེ་འབྲུ་ཉི་དཀྱིལ་ལམ། སེ་འབྲུ་ཀུན་ཕན་གང་རིགས་བཅས། ཡུང་བ། སྐྱེར་པ། སྐྱུ་རུ། གཟེ་མ་བཞི་པོ་གདུས་ཐང་གིས་ཕུལ། ཚིགས་པ་བཅོ་བརྒྱད་པའམ་བཅུ་དགུ་པ་ཁ་གསུམ་བསྲེག །ཆུ་མི་ཐུབ་ཅིང་ཆུ་ཁ་སྙི་བའི་རིགས་ལ་ཤིན་ཏུ་ཟབ་པའི་ཆིག་།ཐུབ་ནི། སུགྨེལ། དོམ་མཁྲིས། མཚེའི་ཁཎྜ་གསུམ་ཆང་ངམ་བུ་རམ་ལ་སྦྱར་ནས་བཏང་ན་ཟབ། ཆུ་ཁ་སྲ་སྙི་བྱེད་

― LT41_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་ཉི་དཀྱིལ། ཨ་རུ་བཅུ་པ། བཅོ་བརྒྱད་རྣམས་ཟབ། ༈ །ཚད་འཁྲུ་ཞེས་པ་རྒྱུ་རིམས་རང་ཡང་མིན་པར་ཕྱི་ཡུལ་དྲོད་རླངས་ཆེ་བ་དང་། ཟས་ཚོད་མ་ཟིན་པ་དང་བཅུད་མེད་ཟས་སོགས་ཀྱིས་མེ་དྲོད་ཕྱིར་བཏོན་པས་སྙིང་ག་རྩིབས་ལོགས་གཤང་ལམ་རྣམས་གཟེར། ཁོང་པ་སྦོ། ཟས་མི་ཞུ། ཐོག་མར་ཆུ་རྐྱང་འཁྲུ། སྨིན་ནས་རླུང་མཁྲིས་རང་མདོག་འཁྲུ་བ་དེ་སྟོབས་ཆུང་ན་ཟས་སྤྱོད་གཟབ་ཅིང་རང་གར་བཞག་པས་འཐུས། མ་ཞི་ནད་མར་གསུམ་འཁྲུ་གཅོད། མཁྲིས་ཕྱེ་བདུན་པའམ་ཉེར་ལྔ། ད་ཏྲིག་བདུན་པ་དང་དགུ་པ་སྐབས་སྦྱར་བཏང་། རབ་ར་རྒོད་ཀྱི་ཁྲག་དྲོན་མོ། །འབྲིང་ཤ་ཁྲག་ཚིལ་གསུམ་གང་རུང་གི་ཁུ་བ་ཆིག་རྒྱུག་ཆོག་པའི་གསང་སྨན་ཡིན། ནད་འདི་རྒྱའི་ཚད་རིམས་འདར་བུ་ཡེར་བུ་དང་དོན་གཅིག་པར་ཕོ་བར་རེག་ན་འཁྱག་ཏིང་ངེ་ཡོད་པས་བསིལ་སྨན་གྱིས་བཅོས་ན་ཐུ་རུ་འགྲོ་བས་གོས་དྲོ་ཞིང་ཨ་རག་བཟང་པོ་ཐིག་ཙམ་འཐུང་ཡང་ཕན། ༈ །དྲེག་ནད་ཁྲག་ངན་ཆུ་སེར་རྩ་ལ་བབས་པས་རྐང་པའི་མཐེ་བོང་དང་། ལག་པའི་གྲུ་མོ་ལ་གཟེར་ཆེ་ཞིང་སྐྲང་སྲ་ལ་སྔོ་ཐིག་ཡོད། རྙིང་ནས་མཆེད་པ་ཡིན་པས། སླེ་ཏྲེས་སུམ་ཐང་། བོང་ཁྲག་ཉེར་ལྔ། དངུལ་ཁྱུང་། གྲངས་ཤས་ཆེ་ན་སེང་ལྡེང་ཉེར་ལྔ་སོགས་དང་། ཀླུ་བདུད་བཅོ་བརྒྱད་ཀྱིས་ཀྱང་ཕན་

― LT41_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

སླེ་ཏྲེས་སྲན་ཆུང་བ་ལྕི་རྣམས་ཀྱི་ཕྱེ་མའམ། མཛོའི་གཅིན་དང་ལྕི་བས་འབྱར་བྱེད། ཁྱད་པར་སྤོས་ཁྱུང་དང་དངུལ་ཆུ་ཉེར་ལྔ་བཏང་བ་དང་། བྱ་ཁྱུང་སྔོན་པོས་བྱུགས་པ་བྱེད་པ་ཟབ། གཉན་ཁ་ཆོག་ནས་དྲེག་རྩ་གཏར། ༈གྲུམ་བུ་ནི་ན་ཚུལ་དྲེག་དང་ཆ་འདྲ་བ་ལས་ཁྱད་པར་ཚིགས་སྤྱི་དང་ལག་ཚིགས་ལ་བབས། མཚན་གྱི་རིགས་ལ་གཟེར་ཆེ། སྤྱི་སྨན་བོང་ཁྲག་ཉེར་ལྔ་དང་བཅུ་གཅིག །སེང་ལྡེང་ཉེར་ལྔ། སྤོས་ཁྱུང་བཅུ་དགུ། ཀླུ་བདུད་བཅོ་བརྒྱད། ཁྱུང་ལྔ་ཚད་ལྡན། དངུལ་ཁྱུང་རྣམས་དང་། ཚ་ཤས་ཟུག་གཟེར་ཆེ་བ་ལ་གྲུམ་བུའི་ཟུག་གཅོག་ཆེན་མོ་ཟབ། ཐོག་མར་གཉའ་བའི་རྩ་རྒྱུད་ནས་ན་བ་རྩ་དཀར་དང་བསྡོངས་པ་ཡིན་པས་བསམ་འཕེལ་ནོར་བུ་དང་ལྟག་པ་སྤྲད། གྲུམ་བུ་སྤྱིར་མེ་གདབ་པ་ཡིན་ཀྱང་ཁྲག་ཤས་ཆེ་བ་ལ་ཐོག་མར་གཏར་ག་འགྲོ་དགོས། །མཁལ་གྲུམ་ལ་ཁྱད་པར་བོང་ཁྲག་ཉེར་ལྔ་ཟབ། ཚད་གཞུག་ཏུ་བྱུང་ན་རྒྱུད་ཀྱི་ག་པུར་ཉེར་ལྔའང་འཕྲོད། །ཐུབ་ཚབས་ཆེ་བའི་རིགས་ལ་བོང་ཁྲག་གིས་སྨན་ཕུལ་བ་ཤིན་ཏུ་ཟབ། མ་འབྱོར་ན་སྨན་ནང་བོང་ཁྲག་བུང་བསྐྱེད་བཏང་བས་ཀྱང་ཕན། དཔྱད་རྔབ་རྭ་གཙོ་ཆེ་བར་བྱེད་ཀྱང་གནད་དུ་མ་སོང་ན་ཡག་ཉེས་ཀྱང་སྣང་། རྗེས་གཅོད་དྲེག་རྩའམ་ཆུ་སེར་གདོང་རྩ་

― LT41_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

ཅུང་ཟད་གཏར་ཡང་རུང་ལ་ཁྲག་གྲུམ་ཤས་མི་ཆེ་བ་རྣམས་ལ་མེ་བཙའ་རང་ལེགས་པས་ཕྱག་རྒྱུན་མ་ནོར་གདབ་ཤེས་ན་ནད་འདི་རྩད་ནས་འབྱིན་ནུས། མདོར་བསྡུས་དཀྱུས་མཐུན་ཙམ་ལ་གང་ན་བའི་ཚིགས་ཐམས་ཅད་དུ་མེ་གདབ། རྐང་ལག་མཛུབ་མོ་གར་བབས་ཀྱི་གཡས་ཟུར་གཡོན་ཟུར་གཉིས་སུ་སྤྲ་བ་སྲན་མ་ཙམ་དྲིལ་བ་དེ་ཕྱེད་མར་བཤགས་པ་སོ་སོར་བཞག་ནས་མེ་གདབ། ཆུ་སེར་ནི་ཤ་ལྤགས་སྤོས། ཤུ་ཐོར་དང་ཟ་འཕྲུགས་བྱེད་པའི་རིགས་ཡིན་ཅིང་དབྱེ་བ་མང་ཡང་གང་བ་དང་བསྡོངས་བའི་ཆུ་སེར་དཀར་པོ། །ཚ་བ་དང་བསྡོངས་པའི་ནག་པོ་གཉིས་སུ་འདུས། གདོན་རྒྱབ་ཀླུས་བདག་གིས་བྱེད་པས་ཚབས་ཆེ་བ་མཛེ། འབྲིང་པོས་དྲེག་གྲུམ་ཐ་མས་མེ་དབལ་གླང་ཤུ་བས་ལྡག་མགོ་ལུས་ཀྱི་རྨ་རྣམས་བསྐྱེད། དེ་རྣམས་ཀྱི་གཉེན་པོ་རབ་ཏུ་འབྱོར་ལྡན་ཡིན་ན་རིན་པོ་ཆེ་དང་དངུལ་ཆུའི་སྦྱོར་བ་རྣམས་ལ་བསྟེན་པ་ཟབ། དེ་དག་མི་འབྱོར་བ་རྣམས་དཀར་པོ་གྲང་བ་དང་། ནག་པོ་ཚ་བ་ལྟར་བཅོས། སྤྱི་ལ་སྤོས་ཁྱུང་ངམ་སྤོས་དཀར་བཅུ་པ་དང་ཁྱུང་ལྔ་གང་འཕྲོད། སེང་ལྡེང་ཉེར་ལྔ། དངུལ་ཁྱུང་ངམ། མན་རྒྱུད་ཀྱི་དངུལ་ཆུ་རིལ་བུ། བྱུག་པ་རེག་པ་བདེ་བྱེད། བྱ་ཁྱུང་ཤེལ་རལ་ཅན་རྣམས་དང་། སེང་ལྡེང་སྨན་མར་

― LT41_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ། རུས་ལ་ཞེན་ན་པུཥྤ་སྦྲང་ཆང་བཏང་དགོས། རྐང་ལག་ཆུ་སེར་གྱི་རིགས་ལ་ཤུག་འབྲུའི་ཁཎྜ་དང་བུ་རམ་སྦྱར་བ་བཏང་བས་ཕན། ༈ །རྩ་དཀར་ནད་བརྡབ་འགྲམ་རླུང་འཁྲུགས་གྲིབ་རྐྱེན་སོགས་ལས་འབྱུང་ཞིང་། རྒྱུད་ལས་མ་ངེས་པའི་ནད་རྟགས་དུ་མ་སྟོན་པར་གསུངས་པ་ལྟར་བརྟག་དཀའ་ཞིང་། ཚབས་ཆེ་ན་གཟའ་གྲིབ་རྒྱལ་གྲིབ་སོགས་དང་ཡང་འཁྲུལ་སོ་ཆེ། ཚབས་ཆུང་གཉའ་ལྟག །སོག་པ། དཔུང་པ། གྲུ་མོ། །སོར་ཚིགས་རྣམས་ན་ཞིང་གཟེར་བ་ཡིན། སྤྱི་སྨན་ཨ་གར་ཉི་ཤུ། བསམ་འཕེལ་ནོར་བུ། ས་འཛིན་ཉེར་ལྔ་རྣམས་མྱོས་ཁུས་ཕུལ་བ་ཟབ། བྱུག་པ་རྩ་དཀར་ཀུན་སེལ་དང་། རྡོ་བྱུག་སོགས་ཕག་ཚིལ་ལམ་མར་རྙིང་ལ་སྦྱར་བ་བྱུགས་ནས་ཉི་མར་བསྲོ། །ད་ལི་བཅོ་བརྒྱད། སེང་ལྡེང་ཉེར་ལྔའང་འཕྲོད། ཚབས་ཆེ་ན་སཱ་རིའི་བྱ་ཁྱུང་རིན་ཆེན་གཤོག་རྫོགས། རཏྣ་བསམ་འཕེལ་ཟབ། མཐིལ་བཞི་བསྲེག །ཟངས་གསེར་གྱི་ཏེལ་པ་བརྒྱག །གྲིབ་གཞི་དང་བསྡོངས་ན་བསམ་འཕེལ་ནོར་བུ་བཀྲ་འབུམ་ཞལ་ཤེས་ལྟར་བཏང་། གུལ་རྒོད་ཀྱི་ཐང་། ལ་ཆའི་བདུག་པ་བྱེད། རྩ་དཀར་རིགས་གང་ལའང་མེ་བཙས་བསྡམ་པ་གནད་ཆེ་བས་སྤྱི་གཙུག །ལྟག་པའི་བདུད་སྒོ། །ལྟག་ཟུར་སྤུ་འཁྱིལ་གཉིས། །

― LT41_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

རྣ་ཤལ་གཉིས་འོག་ནས་ཚོན་རེ་འཇལ་བ། སྒྲོ་གཤོང་གོང་འོག །དཔུང་པའི་ཕྱི་མཆན་ནང་མཆན་གཉིས། གཞུ་མཆོག་ཕྱི་དང་རུས་འབུར་སྟེང་བཅས། དཔུང་བ་དང་གྲུ་མོའི་སྲང་བཞི་གཟེར་མིག་ཡོད་པ། རྒྱབ་ཀྱི་ཚིགས་པ་དང་པོའི་གཡས་གཡོན་སོར་རེའི་མཚམས། དཔུང་སོག་གཡས་གཡོན་མཚམས་གཉིས། ཚིག་པ་བཞི་པ་བཅུ་བཞི་པ། དཔྱིའི་ཁོར་མིག་གཉིས། ཐུ་ཚབས་ཆེན་འདིར་ལྔ་སྒྲོམ་དགོས། བརླའི་ཕྱི་ཟུར་གཉིས་རྒྱུས་རྩ་སྤིར་མགོའམ་རྐང་མཐེབ་སྤུ་སྐྱེས་གཉིས་རྣམས་བསྲེག །རླུང་ཤས་ཆེ་ན་ཚིག་པ་དང་པོ་དང་། སྤུས་མོ་འཁྲོལ་ན་པུས་མོའི་སྒོ་བཞིའང་བསྡམ། ཁྲག་ཤས་ཆེ་ན་སྲིན་ལག་རྒྱབ་རྩ། རྐང་པའི་བྱིན་གཞུག །བྱིན་ཀྱོག་རྣམས་ཉུང་ཙམ་གཏར། སྤྱིར་གསར་ཚུགས། རྭ་ཚུགས། སེང་ལྡེང་ཚུགས་རྒྱག་པ་དང་མེ་བཞག་པ་གང་འོས་བྱ་ཆོག་ཅིང་། མེ་ཚུགས་གང་ཡང་ཚབས་ཆེ་ན་གྲིབ་གཞི་དང་བསྡོངས་པ་ལ་སྤྱི་གཙུག་དང་ལྟག་པ་འཕྲལ་དུ་བསྡམས་པ་མ་གཏོགས་གཞན་ལ་མ་སྔས་པ་དགོས། ཁྱད་པར་སྤྱི་གཙུག་དང་དཔུང་མགོ་སོགས་རིམ་པར་ཐུར་དུ་དེད་པ་ལས། ཐོག་མར་རྐང་པ་དང་། ལག་སོར་སྲེག་པ་སོགས་བྱས་ན་ཉེན་ཆེ་བས་མི་རུང་པའང་ཤེས་པར་བྱའོ། ༈པགས་ནད་ཆུ་སེར་

― LT41_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

ཟ་འཕྲུག་ལ། སྤོས་དཀར་བཅུ་པ། སྤོས་ཁྱུང་། མན་ངག་གམ་ཕྱེ་དམར་པོ་རྣམས་དང་། སེང་ལྡེང་ཆིག་ཐང་། བགས་བྱུག་འཇམ་པོའི་རིགས་ཕག་ཚིལ་དང་སྦྱར་བ་བྱུག །ཚབས་ཆེ་ན་ཆུ་སེར་གདོང་རྩ་ལྟར། མཛེར་བ་ཚབས་ཆེ་ན་ལ་ཁྱུང་ཆེ་ན་ཉེར་ལྔ་ཚད་ལྡན་ཟབ། མཛེར་པ་ཆུང་ངུ་ཁྲབ་བྱང་ལྟ་བུའི་མིག་ནས་དྲངས་ཏེ་བཙོད་མེའམ་ཤེལ་ཚ་མེས་བསྲེག །སྲིན་ཐོར་ལ་ཆེར་རྗེའི་ཁྱུང་དྲུག་གམ། ཁྱུང་ལྔའི་སྟེང་དངུལ་ཆུ་དྲག་འདུལ་མུ་མན་བཅས་ཆ་མཉམ་སྦྱར་བ་ཆང་གིས་ཕུལ་བས་བགས་མཛེ་སྤྱི་ལ་ཟབ། རྒྱ་ཐོར་ལ་ཁོང་སྨན་བྱ་ཁྱུང་བཅུ་གསུམ་བཏང་། མུ་ཟི། ལྡོང་རོས། ལི་ཁྲི། བཙན་དུག་ནུས་བསྲེགས་ར་ཚིལ་ཕག་ཚིལ་ལ་སྦྱར་བ་བྱུག །དྲེས་ཐལ་བསྡེབས་ཀྱང་རུང་། ཡང་ཞིང་ནང་ཡོད་པའི་དུག་སྤུ་སུ་དང་ར་མར་སྦྱར་བ་བྱུགས་ནས་ཉི་མར་བསྲོས་པ་ཐེང་ཆོག་ཡིན། གླང་ཤུ་དང་ཤ་བཀྲ་ལ་ཕག་ཚིལ་དང་མུ་ཟི་སྦྱར་བ་བྱུག ༈ །ཕྲན་བུའི་ནད་གསོ་ཐབས་མན་ངག་རྒྱུད་དང་སྡེ་སྲིད་ལྷན་ཐབས་ཞལ་གསལ་ཞིང་ལེགས། ཁྱད་པར་གཉིད་སྲུང་འགུག་ཀྱི་གདམས་པ་ལྷན་ཐབས་འདི་ཤིན་ཏུ་ཟབ། ཕྲ་མོ་ཀུན་གྱིས་ལག་ལེན་ཤེས་པ་རྣམས་འདིར་མ་བྲིས། ༈ །ལྷན་སྐྱེས་རྨའི་ནང་ཚན་འབྲས་ནི་སྐྲངས་པ་སྲ་ཞིང་བརྟན་ལ་ན་ཟུག་ཆུང་།

― LT41_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱར་ལུམ་བྱུགས་པས་མི་ཞི་བ་དེ་ཡིན། རིགས་མང་ཡང་། སྤྱི་ལ་ཐོག་མར་གཉན་སྨན་གཏོང་ཞིང་གཉན་འབྱར་བྱ། གཉན་ཁ་ཆོག་ནས་འབྲི་གུང་བཅེས་བཏུས་སུ་བཤད་པའི་འབྲས་འདུལ་གྱི་འབྱར་བྱ། དེས་རྣག་ཏུ་ཁུག་ནས་བརྟོལ་ལུགས་སོགས་ལྤ་བ་དང་འདྲ། རུས་འབྲས་ལ་གྲས་བཅོས་བྱ། གཞང་འབྲུམ་སོགས་འགའ་ཞིག་ཆེར་མི་འབྱུང་བས་དམིགས་བསལ་བཅོས་གང་ཟབ་ཀྱི་ཞལ་རྒྱུན་མེད་ཅིང་། རྨེན་བུ་སོགས་ཉེར་མཁོ་ལའང་རྒྱུད་དང་ལྷན་ཐབས་རྣམས་སུ་མི་གསལ་བའི་བཅོས་ལུགས་གསལ་བར་མ་ཐོས། ༈ །རྐང་འབམ་མན་རྒྱུད་དུ་མདོ་ཙམ་ལས་མི་འབྱུང་ཡང་། དེད་སང་འདི་ཉིད་ཁོ་ན་དར་ཆེ་བས་བརྟག་བཅོས་འབྲི་གུང་ལུགས་ཀྱི་ཚེ་འཛིན་སྲོག་སྐྱོབ་དང་། ཤོག་དྲིལ་ཐེམ་སྤངས་མ་སོགས་ཟབ། མདོར་བསྡུས་ནད་འདིའི་རྒྱུ་ནི། འགྲོ་ཆེ་བ་དང་། སྡོད་ཆེ་བ་དང་། ཆང་རག་ཇ་ཁྲེབ་འཐུང་ཆེས་པ་སོགས་ཀྱིས་སྟོད་ནད་བྱུང་ནས་སྨད་དུ་བབས་པ་ཁྲག་རླུང་གི་བཅོས་བྱས་པས་འབམ་ལ་འགྱུར་བ་དང་། ཆུ་གཞི་འབམ་ལ་འགྱུར་བ་དང་། གཉན་འབམ། བརྡབ་འབམ་སོགས་རིགས་མང་སང་གྱེན་ལ་ཕྱུར་བ་དང་མི་ཕྱུར་བའི་རིགས་གཉིས་སུ་འདུ། ནད་འདིའི་རྟགས་ནི། སྟོད་ནས་རིམ་བཞིན་སྨད་དུ་བབས་པའམ། སྟོད་

― LT41_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

སྨད་རེས་མོས་བྱེད་ནས་ན། མིག་དམར། མཆུ་སྔོ་ནག་ཏུ་སྐྲངས། སོ་རྐན་རྒྱས། སོ་དང་མུར་འགྲམ་བྲང་དང་རོ་སྟོད་ན་བ་རྣམས་ཚང་མའམ་རེ་རེ་བྱུང་ན་ངེས་པ་ཡིན། དེ་ལ་ཁྲག་རླུང་ཤས་ཆེ་བ་ལ་གྱེན་ཏུ་ཕྱུར་རྐྱེན་བྱེད་པས་སྨན་གཟི་ཁ་ཅན་གཏན་ནས་འགྲོ་མི་རུང་། སྟོད་ནས་རིམ་པར་བབས་པའི་སྐབས་སུའང་རྐང་པ་ལ་བབས་མ་ཚར་བར་བཟི་སྨན་མི་བཏང་བ་གདམས་ངག་ཡིན། དེའང་ཁྲག་རླུང་ཤས་ཆེ་བ་སོགས་ལ་ཨར་གླང་གསེར་གསུམ་ཚེ་བྷྲཱུྃ་ཞལ་ཤེས་ལྟར་རྒྱུན་རིང་བཏང་བས་བབ་རྒྱུ་ཡོད་རིགས་ལ་བབ་སྨན་གཅིག་ཆོག་ཡིན། བབ་མ་ཐུབ་ཀྱང་ངན་ཁྲག་རང་བྱེར་འགྲོ་བས་ཟབ། གཏོར་སྨན་བཏང་བ་དེས་ནམ་ཕུག་བཅོས་མེད་དུ་འགྲོ་བས་མི་ལེགས། འདིར་ཞལ་ཤེས་ནི་སོ་ལྔ་ནས་གཉན་སྨན་བཞི་གཏན་འཕྲི། རླུང་སྨན་ཆ་མཐོ། །གསེར་ཐང་བཅོ་བརྒྱད་དང་། གླང་ཆེན་བཅོ་བརྒྱད་ནང་ནས་ཀྱང་བསིལ་སྨན་ཆ་ཆུང་། རླུང་སྨན་ཆ་ཆེ་བར་བྱ། སྨད་དུ་བབས་རིམ་བཞིན་སྦྱོར་ཚད་དེ་གོ་ལྡོག་པ་ཤེས་དགོས། བབ་སྨན་གསུམ་པོ་དེ་གཞིར་བཞག་ཐོག་ན་ཚུལ་དང་བསྟུན་པའི་མ་དེ་ཁ་སྒྱུར་ཚུལ་ནི་རོ་སྟོད་གཟེར་ཆེ་བ་ལ་ལ་ཕྱིའི་འབམ་ཐང་ཟབ། ལུ་བ་མང་ཞིང་ཁྲག་གཟེར་ཤས་ཆེ་བ་ལ་ཙནྡན་བཅོ་བརྒྱད་དང་། རེ་ཙམ་སྐྱུ་

― LT41_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་ཉེར་ལྔ། རླུང་ཤས་ཆེ་ན་གོང་གསལ་སོ་ལྔས་ཀྱང་འཐུས་རུང་དམིགས་བསལ་དགོས་ཚེ་ཨ་གར་བཅོ་ལྔ། དྲང་སྲོང་ཨར་བརྒྱད། གྲིབ་གདོན་ཤས་ཆེ་བ་ལ་ཨ་གར་བཅུ་དགུ་སོགས་བཏང་། ཆམས་རིམས་ཀྱིས་དཀྲུགས་ན་ཨ་གར་བཅོ་ལྔ། བསིལ་བཅུད་བཅོ་ལྔ། སྤྲིན་ཟླ། གཙོ་བརྒྱད། ཀོ་བྱི་ལྔ་ཐང་། ཆམས་པས་སྲིན་དཀྲུགས་ན་གུར་གུམ་བཅུ་གསུམ། ཚངས་པ་དབུ་སེལ་དུད་འཐེན། མཁྲིས་ཤས་ཆེ་ན་ཏིག་བརྒྱད། འབྲིང་ན་གསེར་མདོག་ལྔ་པ། ཆུང་ན་རིལ་དཀར་པད་སྡོང་། མགོན་བ་ལ་དཔའ་བོ་དྲུག་པ། བད་ཀན་ཤས་ཆེན་སྨུག་པོ་གཡུལ་རྒྱལ་དང་བདེ་བྱེད་ཀུན་ཕན་གང་འོས་དང་། བདུད་རྩི་སུམ་སྦྱོར། བད་ཁྲག་ཤས་ཆེ་བ་ལ་རྒྭ་ལོའམ། སྐྱུ་རུ་ཉེར་ལྔ། ཕོ་མཆིན་མི་བདེ་བའི་རིགས་ལ་མན་བསིལ་གི་ཝཾ་ཆ་མཐོ་ཅན་དང་། དྭངས་མ་གནས་འཇོག་སྟེང་རྩ་བ་ལྔ་བསྣན་པའམ། ཟླ་ཤེལ་རིགས་ནང་ས་མོར་བཏང་། བད་ཀན་སྨུག་པོ་དང་བསྡོངས་པ་ལ་གི་དགུ་དང་མན་བསིལ་ལྟག་པ་སྤྲད། སྐབས་རེར་ཐང་ཆེན་ཉེར་ལྔའང་བསྟེན། གློ་ནད་བསྡོངས་པ་ལ་སྤྲིན་ཟླའི་སྟེང་སྲོ་ལོ་དཀར་པོ་དང་། རུ་རྟ་བསྣན་པ་བཏང་། ཟས་མི་ཞུ་བ་སོགས་ཕོ་ནད་ལ་གསེར་ཞི། བདེ་བྱེད་ཀུན་ཕན་སོགས།

― LT41_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

མཁལ་རྐེད་གྲངས་ཁམས་དཀྲུགས་ན། ཨ་རུ་ཉེར་ལྔ། བསམ་འཕེལ་ནོར་སྦྱོར། ཨ་རུ་བཅུ་པ། གོ་ཡུ་དགུ་སྦྱོར། རྐེད་པ་ན་ཆེ་ཞིང་ཆུ་ཁ་སྲ་སྙི་བྱེད་པ་ལ་གཉེན་པོ་བཅོ་བརྒྱད་ཟབ། གུར་གུམ་བཅུ་གསུམ་ཡང་འཕྲོད། འབྲས་བུ་སྐྲངས་པའང་ཡོད་པས་དཔའ་བརྒྱད་གཟི་ཆུང་ངུ་ཅན་བཏང་། སྨན་དེ་རྣམས་གང་བཏང་ཡང་ཆ་ཆེ་ཆུང་སྦྱོར་ཚད་གོང་སྨོས་ཀྱིས་རིགས་འདྲེ་ཐོན་ན་འཕྲོད་ཆེ་ཞིང་འབམ་གཞི་ལ་མི་གནོད་པའི་སྨན་ཡིན། བབ་སྨན་རྒྱུན་རིང་བསྟེན་པས་བབས་པའི་རྟགས་ཁོག་སྟོད་ཀྱི་གཟེར་གཏན་ནས་མེད་ཅིང་བདེ་ན་ངེས་པ་ཡིན། རྐང་པ་ཞྭ་ཆེ་ཆུང་ཙམ་ལ་ངེས་པ་མེད། གང་ལྟར་རྐང་པའི་རྩ་དང་ཆུ་རྒྱུས་ལ་གཟེར་ཆེ། ཁྱད་པར་སྒྱིད་ཁུང་སོགས་འཐེན། རྐང་པ་གཡས་གཡོན་གང་རུང་ས་ལ་བཙུགས་མི་ཕོད་པ་བྱུང་དུས་འབམ་དངོས་གཞི་ཡིན། དེ་ལ་དཀར་ནག་ཁྲ་བོ་གསུམ་ཡོད་པའི། དཀར་པོ་རྩ་དལ་ལ་འཇམ། ཆུ་མདོག་དཀར་ཞིང་ལྦུ་བ་སངས་བ་སྐྱེ་ན། སྒྱིད་ཁུག་སོགས་སུ་སྐྲངས་པ་སྐྱ་ལ་སོབ། གཟེར་ཟུག་ཆུང་ཞིང་སྐྲངས་པ་རེག་ཀྱང་ཟུག་མེད། ཁྲ་བོ་ནི་རྩ་བྲེལ་ཉམས་ཡོད། ཆུ་མདོག་དམར་སེར་མཐར་རྒྱ་བཤལ་ཅན་ལྦུ་བ་ཅུང་མི་བརྟན། རྐང་པ་ཟུག་ཆེ་ཞིང་སྐྲངས་ལ་མེ་ལྕེ་འདྲ་བའི་དམར་ཐིག་

― LT41_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་། འབམ་རྟགས་འདི་འབྱུང་བ་མང་། ནག་པོ་ནི། རྩ་ཆུ་སོགས་ལ་ཚད་རྟགས་ཆེ། ཁྱད་པར་རྩ་གྲིམ་ཞིང་འཁྲང་། ཆུ་ཁྲག་རུལ་འདྲ་བ་ལ་ལྦུ་བ་རྐོད། རྐར་པའི་སྐྲངས་ཤིན་ཏུ་སྲ་ཞིང་མདོག་སྔོ་དམར་འོང་། གཟེར་ཟུག་བཟོད་གླག་མེད། དེའང་རླུང་ཤས་ཆེ་བ་འབམ་དཀར་ཡིན་པས་བཅོས་སླའང་བབས་དཀའ། རླུང་ཁྲག་འདྲེས་པ་ཁྲ་བོ་སྟེ་འབྲིང་། ཁྲག་མཁྲིས་གཉན་དང་བསྡོངས་པ་འབམ་ནག་ཡིན་པས་གློ་བུར་དུ་བབས་པའང་འབྱུང་ཞིང་བབ་སླ་ཡང་བཅོས་དཀའ། འདི་ལ་འཁྲུལ་སོ་ཆེར་མེད་ཀྱང་འབམ་སྐྲངས་ཡིན་མིན་ཐེ་ཚོམས་བྱུང་སྐབས་ནད་པ་རང་གི་དྲི་ཆུའམ། མཛོ་སྔོ་ཁྲའི་གཅིན་གང་རུང་བར་སྣང་ལ་བཟེད་པས་བཀྲུ་ས་ན་ཤ་མདོག་འགྱུར་ནས་དམར་ཐིག་ནག་ཐིག་སོགས་བྱུང་ན་ངེེས། ཡང་ན་དཔའ་སེར་དང་སྒ་སྐྱ་མ་ར་རྙིང་ལ་སྦྱར་ཏེ་བྱུག །ཉི་མ་ལ་བསྟེན་པས་ཟུག་ཆེན་འབམ། ཕན་སྙམ་བྱེད་ན་ཆུ་སེར་དུ་ཤེས་པར་བྱའོ། །ཡང་ནད་ཕོག་མ་ཐག་ནས་རོ་སྟོད་གཟེར། རྐང་པ་བེམ་ཞིང་འབྲུམ་ཕྲན་འབྱུང་། དེ་ལ་ཐོག་མར་སྐྱུ་རུ་ར། ཧོང་ལེན་གཟེར་འཇོམས་གསུམ་གྱི་ཐང་ཡང་ཡང་བཏང་བའམ། ཐང་ཆེན་ཉེར་ལྔ་དང་། ནོར་བུ་བདུན་ཐང་ཞག་ཤས་བསྟེན། དེ་རྗེས་ཨ་

― LT41_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

གར་སོ་ལྔའི་ནང་གཉན་སྨན་བཞི་འཕྲི། གི་ཝང་། པྲི་ཡང་ཀུ། བྲག་ཞུན་གསུམ་ཆ་ཆུང་རེ་བསྣན། ཀོ་བྱི་སྤུ་ལྡན། ནཱ་ག་གེ་སར། གཟེར་འཇོམས་རྣམས་འདབ་འཕར་བྱས་པའི་སྙན་རྒྱུད་སོ་ལྔ་དང་། གླང་ཆེན་བཅོ་བརྒྱད་གི་ཝཾ་བུངས་བསྐྱེད་པ། རཏྣ་བརྒྱད་པ་བཅས་རྒྱུན་དུ་བསྟེན། བླ་གཉན་རིགས་བཅོས་ལུགས་དང་བབས་རྟགས་གོང་དང་མཚུངས། བབ་སྨན་འདིའང་ལུགས་ཟབ་མོ་གཅིག་ཡིན། བབ་སྨན་འཐུང་སྐབས་རྐང་པ་བརྐྱང་སྐུམ་གཏན་ནས་མི་བྱེད་པར་སྡོད་དགོས། སྨད་དུ་བབས་ཀྱང་སླར་རོ་སྟོད་ན་བ་སོགས་བྱུང་ན་གསང་སྨན་ཆེན་མོའི་འབྱར་བྱ། རཏྣ་བརྒྱད་པ་དང་ཀོ་བྱི་ཨམྦྷིའི་ཐང་གིས་ཕུལ། རོ་སྟོད་ཀྱི་གཟེར་ནམ་ཡང་མེད་པའི་སྨད་དུ་བབས་ངེས་རྟགས་བྱུང་ནས། རླུང་འབམ་སོགས་བབ་སླའི་རིགས་ལ་ཞག་བཅོ་ལྔ་ཙམ་གྱི་མཚམས་སུ་ལ་ཕུག་བཏང་རན་པས། སྤོས་ཆུང་བཟི་ཆེར་མེད་པ། སེང་ལྡེང་ཉེར་ལྔ། སོ་ལྔ་བཟི་ཡད་ལྟ་བུ་ཐུན་རེ་ཟུང་གིས་གཉན་ཁ་བཅག་ནས་ལ་ཕུག་བཏང་། བབ་དཀའ་བའི་རིགས་དང་ཁྲག་འབམ་ལྟ་བུ་ལ། ཆུ་འཕྲལ་དུ་མི་དྭངས། རོ་སྟོད་གཟེར་ཡང་མེད་དཀའ་བས་ལ་ཕུག་བཏང་སྔ་གཏན་ནས་མི་རུང་ཞིང་། ཟླ་གཅིག་ཚུན་གོང་གསལ་བབས་རྟགས་ངེས་ཅན་མ་བྱུང་བར་དུ་བབ་སྨན་རྣམས་རྒྱུན་བསྲིང་། བབས་ངེས་པ་བྱུང་ནས་རྐང་པ་ལ་གཟེར་

― LT41_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་ཏུ་ཆེ་ན་གོང་གི་ཨར་གླང་གཉིས་ནང་སྔ་དང་ཉིན་གུང་། དགོངས་མོ་སོགས་ལ། ཀླུ་བདུད་བཅོ་བརྒྱད་སྟེང་དངུལ་ཆུ་ཚ་འདུལ་བསྣན་པ། དཔའ་བོ་བརྒྱད་པ། གནམ་ལྕགས་རིལ་བུ་སོགས་བཏང་། ཟུག་གཟེར་ཤིན་ཏུ་ཆེ་བ་ལ་སྤོས་ཁྱུང་བཅོ་ལྔ་ཟབ། དེ་རྗེས་ཞག་དྲུག་བདུན་མཚམས་ནད་ཟུག་རིམ་པར་ཆག །སྒྱིད་ཁུག་གི་རྒྱུས་པ་འཁུམ། གོང་སྨོས་ཞག་ཟླ་འོས་མཚམས་སོང་ནས་སྨན་དཀར་གཏོང་རན་མིན་བརྟག་པ་ནི། ལྕགས་སྣོད་དུ་དྲི་ཆུ་དཀར་ཡོལ་ཕྱེད་པ་གཉིས་བཞག །གཅིག་གི་ནང་ལ་ཕུག་གྲི་གཞོག་གཅིག་བཅུག །ལྕགས་སྣོད་ནང་དེར་ཆུ་དཀར་ཡོལ་གཉིས་བྱེད་ནུབ་ཙམ་བླུགས་ནས་བསྐོལ་ཏེ་བལྟས་པས་ལ་ཕུག་ཅན་དྭངས་ཞད་དང་མདོག་སྔོ་བ་བྱུང་ན་འཕྲོད་རྟགས་ཡིན་པས། ཚབས་ཆུང་རིགས་ལ་ལ་ཕུག་ཆ་གཅིག་ཤ་གསར་ཆ་གསུམ་བྱས་པའི་ཐུག་པ་སླ་མོ་ཕོར་ཆུང་གང་དགོངས་མོར་བཏང་། དེའི་ཕྱིར་ནང་ཐུ་ཞད་མེད་པར་འཕྲོད་ན་ལ་བུག་དང་ཤ་གསར་ཆ་སྙོམ་པའི་ཐུག་པ་པོར་ཆུང་དོ་ཙམ་བཏང་། དེ་འཕྲོད་ན་ཕྱིར་ཉིན་ལ་ཕུག་ཆ་མཐོ། ཤ་ཆེ་ཆུང་བར་བྱས་པའི་ཐུག་པ་བཏང་། དེ་འཕྲོད་ན་ལ་ཕུག་བཏང་རན་པ་ཡིན་ཅིང་། ཐོག་མ་ནས་ལབ་ཁུ་མི་ལེན་པའི་རྟགས་བྱུང་ན་འཕྲོ་བཅད་ནས་

― LT41_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

གཉན་སྨན་བཏང་། གང་ལྟར་ལ་ཕུག་ཤུན་པ་བཤུས་ནས་ལ་བརྡར་ལ་བརྡར་པ་དེ་རས་དཀར་དུ་བཏུམས་ལ་ཁུ་བ་ཕོར་གང་ཙམ་བཙིར། སྙིགས་མ་ཟུར་དུ་ཚག་བྱ། ཁུ་བ་དེ་དཀྲུགས་ནས་ལྦུ་བ་ལན་ཉི་ཤུ་ཙམ་ཡར་བཅད་པའི་དྭངས་མ་དཀར་ཡོལ་ནང་དུ་བླུགས། དེ་སྣོད་གང་བདེའི་ནང་དུ་བཞག་ནས་ཁ་བཀབ་ལ་དབྱར་ཁ་བྱེ་མ་དང་། དགུན་ཁ་ནས་སོགས་ཀྱི་ནང་དུ་མ་རུལ་མ་ཁེངས་པར་ཞག་གཅིག་བཞག །ཕྱིར་ནང་ཉི་དྲོས་དཀར་ཡོལ་ཆུ་ཚན་ནང་དུ་བསྲོས་ནས་དྲོད་འཐུང་བདེ་རེ་ད་དུས་ཁྱིམ་བྱའི་སྒོང་ལྐོག་དོ་ཙམ་གྱི་ཚོད་འཐུང་། ཡང་ལུགས་གཅིག་ལ་ལབ་ཁུ་དྭངས་མའི་ནང་། པྲི་ཡང་ཀུ་སོར་བཞི་ཙམ་དུས་བཏུས་པ་དང་། ཁྲག་སྐྲོད་པ་ཉི་མ་མ་ལྡོག་གང་བཏུས་པ། གུར་གུམ། རྒྱ་ཚ་ཞད་ཙམ་བཅས་བཏབ་ནས་ཉུང་ངུ་ནས་ཆ་ཡིས་བསྐྱེད་ལ་ཁྱེའུ་གསོས་ཀྱི་ཚུལ་དུ་བསྟེན། གནས་གོས་སོགས་ཤིན་ཏུ་དྲོ་བར་བྱ། ལ་ཕུག་སྙིགས་མའི་ནང་ལྕུམ་རྩ། ཆུ་རྩ། བུལ་ཏོག །སྔོ་ལྕགས་ཀྱུ། ཀླུ་བདུད་རྡོ་རྗེ་རྣམས་སྦྱར། འཛོམ་ན་ལག་ཁུ་དང་མ་འཛོམ་ན་ཆུ་ཕྲན་བུ་སབ་ནས་གར་སླ་ཞོ་ཙམ་དུ་སྐྱོས། ཚོ་འཛིན་སྲན་ཕྱེའམ་བག་ཕྱེ་ཅུང་ཟད་བསྲེ། དྲོད་ཡོད་ཙམ་བསྲོས་ནས་རྐང་པའི་སྐྲངས་དང་གཟེར་ཡོད་སར་ཁྱབ་པར་བྱུག །དེ་སྟེང་རས་ཀྱིས་དཀྲིས་

― LT41_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཞག །ཡང་ཕྱིར་ཉིན་བཏང་རྒྱུའི་ལབ་ཁུ་སྟ་གོན་བྱ་བ་སོགས་འཐུང་ལུགས་དང་འབྱར་བཅས་འདི་བཞིན་ཞག་བདུན་ཙམ་བྱ། དེ་ཚེ་སྤོས་ཁྱུང་དང་། སེང་ལྡེང་ཉེར་ལྔ་ཁོང་སྨན་བསྟེན། ཞག་གྲངས་ཁ་ཤས་མཚམས་ལབ་ཁུ་མི་འཇུ་བ་སོགས་བྱུང་ན་འཕྲོ་བཅད། ད་ལྟའི་ཕྱག་ལེན་ཏུ་བྱུག་པ་འདི་མི་བྱེད་པར་གཤམ་གསལ་ཁོ་ན་བྱེད་པ་ཡིན་ཀྱང་གཉན་ཁ་ཆུང་ན་གཉིས་ཀ་བྱས་ན་ལེགས་པ་ལས་འགལ་བ་མེད། གཉན་ཁ་ཆེ་ན་བྱུག་པ་སྐབས་འདིར་མི་བྱེད་པ་ལེགས། ལབ་བཅོས་བསྟེན་པའི་ཞག་གཅིག་མཚམས་ནས་འགུལ་སྐྱོད་ཨི་ལོ་ལྟ་བ་གལ་ཆེ། དེའང་དང་པོ་དལ་བུས་བསླབ་པ་ལས་དྲག་ཤུལ་མི་རུང་། ཉིན་རེ་བཞིན་འགུལ་སྐྱོད་འགྲོ་འདུག་གང་ནུས་ཇེ་དྲག་ཏུ་བཏང་བ་ལས་རང་བཞིན་འདུག་མི་རུང་། ལངས་འདུག་ཐུབ་མཚམས་ནས་གསེར་མཚོའི་བུལ་ཏོག །ཞུ་མཁན། རྒྱ་སྐག །ལྕུམ་རྩ་བཅས་བྱུག་པ་གསེར་བུལ་བཞི་པ་དང་ལབ་རོ། །སྔོ་ཁྲག་སྐྲོད་པའི་ཁུ་བ་བསྲེས། ཚོ་འཛིན་བཅས་དྲོན་མོ་བྱས། སྐྲངས་པ་གར་ཡོད་ནད་པའི་གཅིན་གྱིས་བཀྲུས་བའི་སྟེང་སྲབ་མཐུག་བཀོ་ཙམ་བྱུགས་པའི་འབྱར་བྱ། སྣམ་རས་གཙང་མས་དཀྲིས་ལ་ཉི་མར་བསྲོ། །ཁོག་སྟོད་ལ་ཉི་མ་མ་ཕོག་

― LT41_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ། གཉན་ཤས་ཆེ་ན་གང་གི་སྟེང་། སྨན་ཆེ་ན། རེ་ལྕགས། སྔོ་ལྕགས་ཀྱུ། ཧོང་ལེན། ཐར་ནུ། སྟག་ཤ་རྣམས་བསྣན། སྐྲངས་པ་སྲ་ཞིང་མདོག་ནག་ན་རྡོ་སྨན་རིགས་ཚོགས་ཚད་བསྣན། སྐྲངས་པ་སྐྱ་སོབ་ལ་ཆུ་སེར་སྨན་གསུམ་བསྣན། རྡོ་སྨན་ལ་བྱང་ལྟའི་གཡའ་སྔོན་རུལ་བ་རྫ་མར་ཅུང་ཟད་བསྲེགས་ནས་བཏང་བ་མན་ངག་ཡིན། ཞྭ་ཤིན་ཏུ་རངས་དཀའ་བའི་རིག་ལ་བྱེ་རིང་ཕྱིར་མི་ལྡོག་པའི་བྱུག་པ་ཟབ། ཚབས་ཆེ་ན་རིགས་ལ་རྗེས་གཅོད་གུ་གུལ་བཅུ་པའི་སྟེང་། ཁྱུང་ལྔ། ཀླུ་བདུད། སྡིག་པ་དཀར་ནག་རྣམས་བསྣན་པའི་རིལ་བུ་བཏང་། སྐྲངས་དང་གཟེར་གཏན་མེད་དུ་སོང་དུས། ལྷ་ལུང་མཁན་པོའི་ལུགས་སམ་འབྲི་ལུགས་ཕྱིར་མི་ལྡོག་པའི་བྱུག་པ་སྣུམ་ནག་གམ་མར་རྙིང་གང་རུང་དང་སྦྱར་ནས་ཡུན་རིང་དུ་བྱུགས་ནས་ཕྱིས་མི་འཕར་བའི་གནད་ཟབ། རྗེས་གཅོད་ན་སོ་རྒས་པ་རླུང་དང་གྲང་གཞི་ཆེ་བ་ལ་ཆུ་ཚན་དང་སྨན་མར། གཞོན་དར་རིགས་ཁྲག་མཁྲིས་ཤས་ཆེ་བ་ལ་གཏར་ག །དེའང་དར་གདོང་ལ་བབས་པ་རྣམས་ཆུ་སེར་གདོང་རྩ། སྒྱིད་ཁུག་ལ་བབ་ན་བྱིན་གཞུག ། བྱིན་ཀྱོག ། ལོང་རྩ་གང་རུང་གཏར། གཏར་ཁ་སྔས་ན་ནད་མཇུག་མི་ཆོད། ཕྱིས་ན་ཕན་གནོད་མེད་ཅིང་ཕོར་བ་འབྲིང་ཚད་ཀྱི་ཕྱེད་ཙམ་ལས་

― LT41_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

མང་དུའང་གཏར་མི་རུང་། ཁྲག་རླུང་ཅན་ལ་ཆུ་ཚན། རྒན་པོ་ཟུང་ངན་ལ་གཏར་ག །ཆུ་གཞི་ཅན་ལ་ལུམ་དང་གཏར་ག་མི་འཕྲོད་པ་སོགས་ཀྱང་ཤེས་པར་བྱ། སློང་རྐྱེན་གོང་སྨོས་ཆང་དང་ང་ཁྲེབ་སྔོ་ཚོད་སོགས་ནད་ཡོན་མེད་གང་གི་སྐབས་སུའང་སྤང་དགོས་ཤིང་། རླུང་ཤས་ཤིན་ཏུ་ཆེན་ན་བའི་སྐབས་ཤ་ཅུང་ཟད་བསྟེན་རྒྱུ་རུང་ངོ་། ༈ །ནད་འདིའི་སྟེང་བླ་གཉན་གྱི་ནད་གོང་སྨོས་རྣམས་དང་། ཁྱད་པར་ཚབས་ཆེ་བ་འབམ་ཆུ་གཞི་ལ་འགྱུར་ཉན་ཆེ་བས། དེའི་རྟགས་ཆུ་ལ་ལྦུ་བ་སོབ། དབུགས་རྒོད། ཆུའི་མཁར་གཡོ་བ་འབྱུང་། དེ་ལ་ཆུ་སེར་ཤས་ཡོད་ན། འབོལ་སྨན། གུར་གུམ་ཆུ་འབེབས། ཆུ་མདོག་ལྟར་རེད་ན། གླང་ཆེན་ཆུ་སྒྱུར། ད་ལི་བཅུ་དྲུག་རྣམས་བབ་སྨན་དང་ལྟག་སྤྲད་དུ་གཏོང་། སྤྱིར་ཆུ་གཞིར་འགྱུར་ཉེན་ཅན་ལ་གླང་ཆེན་བཅོ་བརྒྱད་ཚབས་སུ་གངྒ་ཆུ་སྒྱུར་གཏོང་བ་ལེགས། ཆུ་འབམ་ལ་འགྱུར་བའི་རྟགས་ཆུ་དྭངས། དབུགས་དང་ཆུ་མཁར་ཞི། རྐང་པ་གཟེར་ཆེ་རུ་སོང་བ་སོགས་ཡིན་ཅིང་། སྐབས་འདིར་ལ་ཕུག་ཅུང་ཟད་གཏོང་སྔན་ལེགས། གཉའ་ལྟག་ལག་ཚིགས་ན། དེའང་མཚན་ལ་གཟེར་ཆེ་ན་གྲུམ་བུ་དང་བསྡོངས་པས་བོང་ཁྲག་ཉེར་ལྔ་བཏང་། རྐང་པའི་མཐེ་

― LT41_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

བོང་གཟེར་ཆེ་ཞིང་སྐྲངས་བ་སོགས་གྲུམ་བུའི་རྟགས་བྱུང་ན། སྦོས་ཆུང་དང་དངུལ་ཆུ་བཅོ་བརྒྱད་བཏང་། རྐང་ལག་སྦྲིད་ཅིང་ན་བ་སོགས་རྩ་དཀར་གྱི་རྟགས་བྱུང་ན་ཨ་གར་ཉི་ཤུ། བསམ་འཕེལ་ནོར་བུ་བཏང་། སྤྲན་དུག་སོགས་བྱུང་ན་རུ་རྟ་དྲུག་པ་དང་། གོང་གི་ཕོ་སྨན་ཀྱང་བཏང་བ་སོགས་འཕྲུལ་ཤེས་པར་བྱའོ། ༈ །བྱིས་པའི་བཅོས་ཆུང་དཔྱད་པདྨ་གཅེས་ཕྲེང་སོགས་གཏེར་བྱོན་རྣམས་ལས་ཞིབ་ཏུ་ཤེས་དགོས་ཀྱང་མདོར་བསྡུ་ན་རྩ་ལ་བརྟག་པ་དང་། རྟེན་འབྲེལ་ལ་བརྟག་པ་གཉིས་ལས། དང་པོ་སྤྱིར་བརྟག་པ་ནི་རྣ་བ་ལག་པ་ཀུན་གྱི་རྩ་དམར་ལ་བཤན་ན་ནད་ཡོད་རྟགས། སྦོམ་ཕྲ་མེད་པར་སྙོམ་ན་འཕྲལ་ཟུག་ཆེ་ཡང་ཕུག་སྐྱོན་མེད། མདོག་དམར་ཞིང་སྙོམས་ལ་ཤིང་ལོ་རྒྱས་ན་ནད་མེད། རྣ་བ་དང་ལག་པ་གཡས་གཡོན་གྱི་རྩ་དང་པོ་གཉིས་གུག་ན་འཆི། བར་པ་གཉིས་གུག་ན་གསོ་དཀའ། ཐ་མ་གཉིས་གུག་ན་ནད་གཞི་ཡོད། རྩ་ཆད་ན་འཆི། ཁྱད་པར་སྙིང་རྩ་ལ་ངེས། རྣ་བ་གཡོན་པར་སྙིང་མཆེར་མཁལ་མའི་རྩ། གཡས་བར་གློ་མཆིན་མཁལ་གཡས་རྩ་ཡིན་པས་ཉི་མདངས་ལ་བརྟགས་པས་དམར་ནག་རྒྱས་ན་ཚ་བ། སེར་སྐྱ་སྟོང་ན་གྲང་བ། འཛིང་ཞིང་སྦན་སྦུན་མང་ན་གདོན་རྩ། གཏན་ནས་མི་གསལ་ན་

― LT41_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་བར་བཤད། གསང་བའི་ལ་ཉེ་བརྟགས་པ་ནི། བུས་མ་ནུས་པའི་སྔོན་ཏུ་ཕོར་པ་གཙང་མ་གཉིས་སུ་ཆུ་བླུགས་པ་ལ་ནུ་ཞོ་ཉུང་དུ་རེ་སོ་སོར་བཞོས་པས། ཁ་ལ་ལིང་གིས་ལྡིང་བའམ་ཆུ་དང་འོ་མ་འདྲེས་ན་འཚོ། །མ་འདྲེས་པར་ཕྲོམ་ཕྲོམ་འདུག་ན་འཆི། གཏིང་དུ་ཧྲིལ་གྱིས་སོང་ན་ན། ཁ་གཏིང་གི་བར་ཀ་བ་བཙུགས་ན་འདྲེ་གདོན་ཡིན་ཅིང་དེའང་ནུ་ཞོ་གཡས་པ་ཕོ་གདོན་དང་གཡོན་པ་མོ་གདོན་ཏུ་ངོས་བཟུང་ལ་རིམ་གྲོ་གཏོ་བཅོས་དེ་ལུགས་བྱ། གཉིས་ཀར་མ་འདྲེས་པར་གཏིང་དུ་སོང་ན་སྤང་། གཅིག་འདྲེས་གཅིག་མ་འདྲེས་པའམ། གཅིག་ཁ་དང་གཅིག་ཞབས་སུ་སོང་ནའང་གསོ་དཀའོ། །གཞན་ཡང་ནུ་ཞོ་གཏིང་སོང་གྲང་བ། བར་དུ་ཚ་བ། ཁར་རླུང་། མིག་མང་རིས་སུ་བྱུང་ན་ཤི་གསོན་ཕྱེད་མ། ཆུ་མདོག་ཏུ་གྱུར་ན་མི་འཚོ། །འདྲེས་ན་འཚོ་བའང་བཤད་དོ། །སྨན་ནི་རིམས་ཚད་ལ་ཕྱི་རྒྱུད་ཀྱི་གུར་གུམ་བདུན་པ་ཁ་སྒྱུར་གང་དགོས་དང་བསྟུན་པ། བློན་པོ་སུམ་སྦྱོར། ཀྲི་ཀ་ཧན། གཙོ་བརྒྱད་འཇམ་པོར་བསྡེབས་པ་རྣམས་དང་། ཁྱད་པར་བྱང་པའི་གློ་ཚད་ཀུན་སེལ་ལ་མ་གཅིག་ཤེས་ཀུན་གྲོལ་ཁ་སྒྱུར་ཅན་ཟབ། ཆམས་པ་གློ་འཁུན་ཅེས་འཁུན་པ་ཅུང་ཟད་བྱེད་པའི་གཟེར་རིམས་བྱིས་པ་མྱུར་དུ་སྲོག་

― LT41_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོག་པ་དེ་ལ། བསིལ་གསུམ། རུ་རྟ། ཙནྡན་དཀར་དམར། གུ་གུལ་ནག་པོ། །གླ་རྩི་རྣམས་སྦྱར་བ་ཆུ་བསྐོལ་གྲང་གིས་ཕུལ། འདི་ལ་ག་བུར་སྦྱོར་བའི་རིགས་སྣང་ཡང་དེང་སོང་གཉན་ཡོད་སྐབས་ཆེ་ཆུང་གང་ལའང་སྦྱར་སྲོལ་མི་འདུག །གྲང་བ་ལ་གོ་ཐལ་བདུན་པ་དང་། སེ་འབྲུ་བརྒྱད་སྦྱོར། འཁྲུ་སྐྱུགས་རིགས་ལ། བྲག་སྐྱ་ཧའོ། །གུར་གུམ། ཅོང་ཞི། འབྲས་ཕྱེ་སྦྱར་བས་གཅོད། གྲང་འཁྲུ་ལ་མྱང་ཙི་སྤྲས་མར་དང་སྦྱར་བ་བཏང་། ཕོ་ནད་ལ་མན་ངག་བསིལ་སྦྱོར་ཡང་འཕྲོད། །བྱིས་པའི་ཁ་ལྕེར་འབྲུམ་བུ་དཀར་ཆུང་ཉུང་འབྲུ་ཙམ་གྱིས་གང་། ཚད་པ་ཆེ། གྲེ་བ་འགགས་པ་ཁ་ཚའི་ནད་དམ་ཁ་ལང་བ་ལ། བློན་པོ་གསུམ། འབྲས་བུ་གསུམ། གུ་གུལ་བཅས་བསྡེབས་པ་ཁོང་དུ་བཏང་། ཡང་ན་རུ་རྟ་གླ་རྩི། ཨ་རུ་གུ་གུལ། ཤུ་དག་སྦྱར་བ་བཏང་། དེས་མ་འཚོ་ན། བྱ་ཕོའི་ཟེ་ཁྲག །གླ་རྩི། སྐྱ་གའི་སྒྲོ་གཞོབ། གི་ཝཾ། རུ་རྟ། སྤྱི་གཞུང་། སྦལ་པའི་ཤ་རྣམས་ཞིབ་པར་བཏགས་ལ་ཆུས་ཁོང་དུ་ཕུལ་བ་ཟབ། སྐྱ་གའི་སྒྲོ་གཞོ་བར་འོས་སྦྱངས་ནས་ཁར་བྱུག །ཡང་རུག་པའི་ཁུ་བ་དང་ར་ཁྲག་བསྲེས་ནས་བྱུགས་པས་ཀྱང་ཕན། ཡང་གཙུག་ནད་ཅེས་པ་ཁའི་ནང་དུ་འབྲུམ་བུ་ཞིག་འབྱུང་བ་དེ་སེར་པོར་སོང་བ་དང་། སྤྱི་གཙུག་ཏུ་བཙོད་

― LT41_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་མེ་བཅས་བསྲེག །ཅུ་གང་། གུར་གུམ། གི་ཝང་། གླ་རྩི། མོན་ལུག །ཨ་རུ། ལི་ཤི། ཤིང་མངར་སྦྱར་བའི་ཕྱེ་མ་བཏང་བས་འཚོ། །སྤྱིར་བྱིས་པ་ལ་སྨན་སྣ་མང་པོ་དང་ཚ་གྲང་ཤས་ཆེའི་རྩུབ་པའི་སྨན་སྦྱོར་བཏང་མི་རུང་ཞིང་བརྟགས་བཅོས་ཀྱང་དཀའ་བས་བཀའ་གཏེར་གྱིས་མན་ངག་ཕྱོགས་བསྡུས་སྔ་མ་རྣམས་ཀྱིས་མཛད་པ་ལས་ཤེས་དགོས། ཕལ་ཆེར་གདོན་ནད་ཤས་ཆེ་བས་བྱིས་གདོན་གྱི་མདོས་ཆེ་ཆུང་གང་ཤེས་དང་། ཆུ་གཏོར། ཆ་གསུམ་མང་དུ་བཏང་། གཟུངས་གྲ་ལྔ་ཀློག་པ་སོགས་བྱའོ། ༈ །མོ་ནད་ཀྱི་རིགས་ལ་རྣམ་གྲངས་མང་ཡངས་ནད་གསར་བ་ཁྲག་ཚབ། རྒས་ནས་རྙིང་པ་རླུང་ཚབ་གཉིས་སུ་འདུ། ཁྲག་ཚབ་ནི་རོ་རྒྱབ་དང་མཆིན་ཁྲི་གཟེར། རྒྱུ་ཞབས་ཚ་འབྲབ་བྱེད། རྐེད་པ་མན་ཆད་ཁོལ་བ་ལྟར་ན། རྩ་རྒྱུད་ཚ་ཞིང་འབྲུམ་ཕྲན་ཀྱང་འབྱུང་། ཟླ་མཚན་འབྱམས་པའམ་འཁྱིལ་བ་སོགས་འབྱུང་། རྙིང་ནས་རླུང་ཚབ་ཏུ་འགྱུར་བས་སེམས་མི་བདེ་ཞིང་སྨྱོ་འབོག་བརྗེད་ངས་ཅན་ཏུ་འགྱུར། ལུས་གྲང་། རུས་པ་ཁོལ། ཤ་ལྤག་པར་དུ་སྦྲིད་པ་དང་གཡོ། །མགོ་འཁོར། ཆུ་སོ་རྒྱུ་ཞབས་བསྡམས། ཟླ་མཚན་མི་ཆོད། དེ་ལ་ཐོག་མར་ནད་གསར་པའི་སྐབས་སྨྱུག་རྩི་ཉེར་ལྔ་དང་སྨྱུག་རྩི་དྲུག་

― LT41_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་བཏང་། དེ་ནས་འོལ་སེ་ཉེར་ལྔ། སེར་མོ་ཉེར་ལྔ། སྟར་བུ་བཅུ་གཅིག་དང་བཅུ་དགུ། རོ་སྟོད་གཟེར་ཆེ་བ་སོགས་ཁྲག་ཤས་ཆེ་བ་ལ་ཁྲག་བཤིག་རིན་ཆེན་ཕ་ལམ། ཙན་དན་བཅོ་བརྒྱད། ཨ་གར་སོ་ལྔའང་འཕྲོད། ཕོ་བ་ན་ཤས་ཆེ་བ་ལ་སྟར་བུ་བཅོ་བརྒྱད། བདེ་བྱེད་སྙོམས་ལྡན། གཡུ་དྲིལ་བཅོ་བརྒྱད། རྒྱུ་ཞབས་དང་རོ་སྟོད་སྦྲེལ་ནས་ན་བ་ལ་རྒྱ་རུ་བཅུ་བཞི། མཁལ་རྐེད་ཤས་ཆེར་ན་བ་ལ་གཉེན་པོ་བཅོ་བརྒྱད། སེ་འབྲུ་ཀུན་ཕན། མངལ་སྐྲན་བྱིས་པ་ལྟར་ཆགས་པ་ལ་ཚ་སྲེག་སྦྱོར་བ་དང་མངལ་བཤལ་བཏང་། སྨད་དུ་བབས་ཆེ་དུས་བྱིན་གཞུག་དང་ལོང་རྩ་གདོང་རྩ་རྣམས་གང་ཐེབས་གཏར། ཁྲག་ཚབ་སྤྱི་ལ་དཀར་པོ་དྲུག་སྦྱོར་སྟེང་། བ་སྤྲུ། སྟར་བུ། སྦྲུལ་ཤ །རྒྱ་ཚྭ། སྡིག་སྲིན། འོལ་མོ་སེ་བསྣན་པའང་ཟབ། ༈ །རླུང་ཚ་བ་སྙིང་སྲོག་ཡན་ལག་རུས་པ་སོགས་གཟེར་ངེས་མེད་དུ་འཕོ་སྐབས། ཨ་གར་སོ་ལྔ་དང་བཅོ་ལྔ། འོལ་སེ་ཉེར་ལྔ། རྒྱ་རུ་བཅུ་བཞིའི་སྟེང་ཨར་བརྒྱད་རིགས་གང་རུང་བསྡེབས་པ། འབྲང་རྩེའི་ཨར་བརྒྱད། རུ་རྟ་ཉེར་གཅིག་སོགས་བཏང་། རླུང་སྲང་རིགས་ལ་མེས་བསྡམས། མོ་ནད་སྤྱི་སྨན། ཤིང་ཚ། གཟེ་མ། བ་སྤྲུ་རྣམས་ཆ་གཅིག །བི་ལིང་། མཛེ་ཚྭ། ཚ་ལ་གསུམ་ཐུན་ཕྱེད་རེ། ཀུན་གྱི་བཞི་

― LT41_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་ཕངས་མའི་འབྲུ་སྦྱར་ལ། རབ་སྐྱེས་པའི་བྱང་སེམས། ཡང་ན་སྐྱེས་དར་མའི་དྲི་རྡུལ་གྱིས་རིལ་བུ་དྲིལ་ལ་བཏང་བ་ཟབ་མོ་མོ་བཙུན་ཉེར་འཚོ་ཞེས་པའོ། ༈ །བཙས་རྗེས་ཚད་པ་སྐྱེས་པའི་བོང་ཚད་ལ་སྔ་དྲོ་ཞི་དྲུག །ཉིན་གུང་གཙོ་བརྒྱད། དགོངས་མོ་ཨ་གར་རིགས་བཏང་། ཡང་ན། ཙནྡན་དཀར་པོ་ཧོང་ལེན་བ་ཤ་ཀ །པདྨ་གེ་སར་ནཱ་ག་པུཥྤ་དང་། །བཅའ་སྒ་སྤང་སྦོས་དུག་ཉུང་གསེར་མེ་ཏོག །བིལྦ་པ་ཏོ་ལ་ཛཱ་ཏི་འབྲས་བུ་གསུམ། །སུགྨེལ་ཀ་རས་བུད་མེད་རིམས་བཏབ་དང་། །བཅས་རྗེས་ཚད་པ་སྐྱེས་པ་སེལ་བར་བྱེད། ཅེས་པ་འདི་ཟབ། བུ་དང་ཤ་མ་མ་ཐོན་ན། མིང་ཅན། ལྕུམ་རྩ། རྒྱ་རུ་གསུམ་སྦྱོར་བཏང་བས་ཆོག་པར་བཤད། རྒྱས་པ་མན་རྒྱུད་ལྷན་ཐབས་སོགས་སུ་བལྟ། ནུ་སྐྲངས་རྣག་ཏུ་སྨིན་རྒྱུ་མེད་པ་ལ། དང་པོར་ཐུག་རིལ་མ་དྲི་ཆུས་འདུར་བ་བྱུག །དེ་རྗེས་ཤུ་དག་འམ་བུས་ཁུ་བས་བྱུག །དེ་རྗེས་སྲུབ་ཀ །སྒ་ཏིག །ལྕགས་ཀྱུ་བ། ཀྱི་ལྕེ། ཧོང་ལེན། སྟག་ཤ་བ། ཨུག་ཆོས། གླ་རྩི་དྲི་ཐོན་བཅས་དྲི་ཆུ་ལ་སྦྱར་ནས་བྱུག །བྱུག་པ་རིམ་གསུམ་པར་མཚམས་ཅུང་ཟད་རེ་ཕྱེ་དགོས། ཡང་མོ་ནད་སྟོང་ཕྲག་འཇོམས་པའི་སྤྱི་འཇོམས་ཆེན་མོ་ནི། རུ་རྟ་ཆུ་དག་གླ་བའི་རྩི། །ཡ་བཀྵ་ར་འོལ་མོ་སེ། །སྨན་ཆེན་

― LT41_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་མདོག་བུལ་ཏོག་དང་། ཟེ་ཚྭ་མགྲོན་ཐལ་སྟར་བུ་སྦྱར། །ནད་ནུབ་ཆུ་བསྐོལ་ཕུལ་བས་ཟབ། ༈གདོན་སྤྱིའི་རྟགས་རྩ་སྔ་དྲོ་ཕྱི་དྲོ་དང་ཉིན་སྔ་ཕྱིར་འདྲ་མིན་ཏུ་འགྱུར། སྡོད་ངེས་མེད་དྲག་དལ་བྱེད། ཆུ་ལ་འོད་དང་ཐིག་ལེ་ཤར་བའམ། ལྦུ་བ་མི་བརྟན་ཞིང་བསྐོར་བ་བྱེད། ལྦུ་བའི་མཐར་འབུ་རིས་ལྟ་བུས་བསྐོར་བའམ། ཆུང་ངུ་ཉ་མིག་ལྟར་སྡོད་པ་རྣམས་དང་། ལྡོག་ཏུ་མི་འདོད་པ་རྣམས་ནད་གཞི་དེ་ལ་གདོན་ཁ་ཆེ་བའི་རྟགས་ཡིན། གདོན་གང་གནོད་ལིང་ཚེ་དགུ་དང་ཕྱོགས་མཚམས་ལས་བརྟག་ཚུལ་ཕྱི་རྒྱུད་ལྟར་བྱ། ལོག་རྗེས་ཀྱི་གཟུགས་ལས་གདོན་གྱི་ངོས་བཟུང་དགོས་ཀྱང་མ་ལྡོག་པའམ། ལྡོག་ཀྱང་གཟུགས་མ་འགྱེད་ན་ནས་དཀར་པོ་བརྒྱད་ནག་པོ་གཅིག་དང་དགུ་ཐོགས། དམོད་བརྔར་དྲག་ཏུ་བྱས་ལ་ཤར་ནས་གཡས་བསྐོར་དུ་དོར་བས་ནག་པོ་བབས་པ་དེར་གདོན་ངོས་བཟུང་བའི་སྐོར་ཕྱ་ལ་བརྟགས་ཚུལ་རྒྱས་པ་གཞན་ནས་འབྱུང་བ་ལྟར་རམ། བསྡུ་ན་ཕྱི་རྒྱུད་ལྟར་ངོས་བཟུང་ལ་དེ་མཐུན་གྱི་བཅོས་རིམ་འབོག །འབྱུང་གདོན་སྤྱི་ལ་ཉང་གཏེར་སྲུང་བ་རྒྱན་འཁོར། །བྱུག་པ་རྒྱན་འཁོར། །བདུག་པ་རྒྱ་ན་འཁོར་རྣམས་ཟབ་ཅིང་། གདོན་བྱེ་བྲག་པ་རྣམས་ལའང་སྲུང་བཅོས་གཏེར་མ་ལས་བྱོན་པ་རྣམས་ལག་ལེན་བདེ་ཞིང་ཟབ་ངེས་པ་

― LT41_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན། །བཟའ་བཅོས་བྱ་ཁྱུང་པས་བཀའ་གཏེར་ཟབ་དགུའི་མན་ངག་ཕྱོགས་དྲིལ་གྱི་བེ་བུམ་ཁོ་ན་ལེགས། སྨན་ཁྲག་སྦྱོར་ཉེར་ལྔ། རྫས་ཆེན་བཅོ་བརྒྱད་པ་སོགས་ཟབ། གྲིབ་ཕོག་དུས་ཐོག་མར་སྦོས་དཀར་གྱི་ཐང་བཏང་ན་བཅོས་སླ། སྲིན་བྱའི་ཀླད་པ། ཡུག་སའི་མངལ་ཁྲག །དཔའ་བོའི་གྲི་ཁྲག་གསུམ་བུ་རམ་དང་བསྲེས་ནས་བྱིན་པས་ཐེང་ཆོག་ཏུ་བཤད། ཀླུ་གདོན་གྱི་བྱེ་བྲག་མཛེ་བཅོས་ཀྱང་ནཱ་ག་རཀྵ་སོགས་ལས་འབྱུང་བ་ཟབ་ཅིང་། གཟའ་ཀླུ་སྤྱི་ལ་སྨན་ཕྱག་རྡོར་རིལ་བུ་བསྡུ་སྒྲུབ་ཚད་ལྡན་བྱས་པ་དང་། མཛེ་སོགས་ལ་ཁྱུང་ལྔ་ཁ་ཚར་ཅན་རིན་པོ་ཆེའི་སྦྱོར་བ་རྣམས་བསྔགས་སོ། ༈ །རྨ་སྤྱི་ལ་ཁོང་སྨན་ཐོག་མར་སྤང་རྩི་བཅུ་གཉིས། ག་བུར་ཉེར་ལྔ་སོགས་བཏང་བས་རྨ་ཚད་མི་ལྡང་། རྒྱུན་ཏུ་ལྡུམ་ཆེན་དགུ་སྦྱོར། རིམ་པ་བཅུ་གསུམ་རྣམས་ཟབ། རྨ་ཁ་ལ་བཅད་འབྱོར་ཉེར་ལྔའམ། ཡུ་གུ་ཤིང་ཁཎྜ་བྱུག །མགོ་ཆག་ལ་བྱ་མོ་ཁུད་པའི་བདུད་རྩི་སུམ་སྦྱོར། གནམ་ཆོས་མགོ་སྨན་རྣམས་ཟབ་ཅིང་། བདུད་རྩི་སུམ་སྦྱོར་དཀྱུས་མས་ཀྱང་ཚབ་ཆུང་བ་ལ་ཕན། སྔགས་ཏི་རྟི་ཀ་བྱ་མ་ཟབ། འབྲི་ལུགས་ཐིག་སྨན་སྤྱི་ལ་འགྲོ། །བརྡབ་འགྲམ་རིགས་ལ་བུལ་ཏོག་སྟར་བུ་ཆ་མཉམ་དུ་སྦྱར་བ་ཁོ་ན་མཆོག་

― LT41_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། ཤའུ་གསོ་བ་ལ་སྟག་ཤ་ཐུན་གསུམ། ཚ་ལ་གུར་གུམ་དོམ་མཁྲིས་རྣམས་ཐུན་རེ་སྦྱར་བ་ཞིབ་བཏགས་སྐམ་འདེབས་བྱ། ཤ་རོ་གཅོད་ན་དཀར་གོང་སྲིན་ཅན་ཐུན་གསུམ། སྟག་ཤ་བ། ལྡོང་རོས། དོམ་མཁྲིས། ཚ་ལ། མྱུ་གུ་ཤིང་། ཁུར་མང་། ཆུ་རྩ། ཡུང་བ་རྣམས་ཐུན་རེ་རེ་སྦྱར་བའི་ཕྱེ་མ་ཞིབ་མོ་སྐམ་འདེབས་བྱ། ཐོག་མཐར་གཉན་བསྡོང་ན་གཉན་སྨན་རིགས་དང་ཁྱད་པར་ཁྱུང་ལྔ་ཁོ་ན་ཟབ་པས་བཏང་། ༈ །ཁྱད་པར་མཁོ་གལ་ཆེ་བ་མགོ་བོ་ཆག་མིན་བརྟག་པ་ནི། སོར་མོ་གསུམ་ཁར་བཅུག་བས་ཐམས་ཅད་ཚུད་ན་ཆག་མེད་པའི་རྟགས། གཅིག་མ་སོང་ན་ཆག་ཡོད་རྟགས་གཉིས་མ་སོང་ན་པགས་རྒྱ། གསུམ་ཀ་མ་སོང་ན་ཀླད་རྒྱ་ཉམས་རྟགས་ཡིན་པས་རིམ་བཞིན་ཕྱི་མ་ཕྱི་མ་རྣམས་གསོ་དཀའ་འོ། །ཆག་ན་ཕྱི་ནས་རྒྱ་ཆིངས་ཕྱག་ལེན་བཞིན་བྱ། བྱང་བ་མ་བཏང་བའི་མགོ་སྦྱང་གིས་འབྱར་བྱ། བདུད་སྒོ་བཞིར་གཙག་བུས་ཆུ་སེར་དྲངས། དེ་སྟེང་ཚུགས་གདབ། ཁོང་སྨན་བྱ་མོ་ཁུད་པའི་བདུད་རྩི་སུམ་སྦྱོར་དང་། ཕྱི་ནས་འདེབས་སྨན་ལྡུམ་ཆེན་དགུ་སྦྱོར་ཟབ། རུས་པས་གང་ནས་ཕུག་ཡོད་པ་དེ་སྟེང་འདབ་སྦུ་བཞག་པས་རྣག་དང་ཆུ་སེར་དྲངས་ནས་རྨ་ཁ་གསལ་བར་མཐོང་དུས་ལྕགས་ཐུར་གྱི་རུས་ཟན་བྲུ།

― LT41_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དང་ཁུང་མཚམས་སུ་རྟོ་ལེའི་རུས་པ་ལྟ་བུ་སྤྲད་པའི་སྟེང་ཐིག་སྨན་རྣམས་ཀྱི་འབྱར་བྱས་ལ་དཀྲི། པགས་རྒྱ་ཉམས་ན་སྐྲ་བཞར་ནས་མགོ་སྦྱོང་ལྟར་འབྱར་བྱ། དེ་སྟེང་འབྱོར་ན་གྲོད་པ། མ་འབྱོར་ན་རས་སོགས་ཀྱིས་བཏུམ། འདམ་འཆིང་འདིར་གསལ་ལམ་བྱེ་རིང་ལྟར་བྱས་ཀྱང་ལེགས། ཁོང་སྨན་གོང་དང་མཚུངས། རྒྱ་ཆིངས་བྱེད་ལུགས། སྐྲ་དཀར་ནག་གི་མཚམས་ནས་སོར་བཞི་རེའི་བར་དུ་ཤིང་བུ་མཛུབ་གང་གི་ཕྱེད་ཙམ་རེ་འཁོར་བར་བཞག་ལ་སྣལ་མས་དཀྲིས་མཚམས་ནས་ཤིང་བུ་བཏང་ལ་དྲུ་གུ་ལྟར་དཀྲི། དེ་སྟེང་ཞྭ་མོ་ལྟ་བུས་གཡོགས། འགྲམ་སོས་སྲན་མ་བསྡད་ལོ་དུས་འབྱོར་རྟགས་ཡིན་པས་རིམ་གྱིས་ཀློད། ༈ལག་པ་ཆག་ན་རྨ་སྨན་གྱིས་འབྱར་བྱ། དེ་སྟེང་རྩི་དཀར་འཁོར་མོར་བཞག་པའི་སྟེང་རི་བོང་སྦུའམ་མ་རྙེད་ན་བལ་གྱིས་དཀྲི། དེ་སྟེང་ཤིང་བྱང་བཞག་དགོས་པས་དེའང་དཔུང་པ་ཆག་ན་ནང་དུ་རང་གི་མཁྱིད་གང་དང་། ཕྱི་ནས་མཐོ་གང་ཡོད་པའི་ཤིང་བྱང་སྲབ་ལ་ལྡེམ་པ་གང་འོས་བཞག་ལ་སྣལ་མས་བསྡམ། དེ་བ་དང་སྣལ་མ་ཐམས་ཅད་ཧ་ཅང་དམ་མི་ཉན་པས་ཧྲལ་པོར་དཀྲི། སེན་མོའི་མདོག་དམར་ཞིང་ལག་མགོ་ལ་དྲོད་ཕོག་ན་འབྱོར་རྟགས་དང་། དེ་ལས་གོ་ལྡོག་ན་མི་འབྱོར། །

― LT41_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་གྱིས་འབྱོར་བ་ན་རྩི་དཀར་ཤབ་པས་རང་ཀློད་དུ་འགྲོ། །རྐང་པའང་དེས་འགྲེ། རྟ་ནོར་ཆག་དུས་ཀྱང་རྩི་དཀར་དང་སྦེན་མའི་དེ་བས་ཀྱིས་སྔར་བཞིན་དཀྲི་མཛུབ་མོ་ཆག་ན་ལྕུམ་སྡོང་ཧོ་འབུད་ཀྱིས་དེབ་བཏང་ཞིང་དཀྲི། མཛུམ་མོ་ཆད་ན་གྲི་རྣོན་པོས་བཅད་ནས་མར་ཁུ་བླུགས་ལ་དེ་བས་བྱ། རྒྱུ་མ་ལུ་ག་ན་ཆུ་དྲོད་ཉག་ཙམ་ཡོད་པས་ཁྲག་བཀྲུ། ཚིལ་རྣམས་ཆུ་དྲོན་གྱིས་དྲོད་རྒྱ་བས་ནས་ནང་དུ་བཙུད། གླ་རྩི་དང་དོམ་མཁྲིས་བཏབ། ཞིབ་མོ་མིན་ཙམ་དུ་ལེགས་པར་བཙེམ། ཐེར་ཁུག་གི་ཐད་ནས་ལུག་ན་བཅོས་རྒྱུ་མེད། དཔུང་པ་བུད་ན་མི་གཅིག་གིས་རྒྱབས་ནས་དམ་པར་བཟུང་། ལྷ་རྗེས་ལག་དཔུང་ནས་འཐེན་པས་ཐེམ་སྒྲ་གྲགས་ན་ཚུད་རྟགས་ཡིན་པས་མགུལ་དུ་བཅིངས་ལ་སྤྱོད་ལམ་གཟབ། ལག་པ་བུད་ན་ས་ཁད་སྙོམས་པ་ཞིག་གི་སྟེང་དུ་ཕྱིང་པ་བཏིང་། ལག་པ་ཁ་སྦུབས་དྲང་པོར་བཞག་ནས་རྐང་པས་བརྫིས་པས་ཚུད་འོང་། །རྐང་པ་བུད་ན་གར་བུད་པའི་ས་ནས་སྔ་མ་ལྟར་ཚུར་བསྲངས་ནས་བཙུད། པུས་མོ་བུད་ནའང་བཙུད་ཐབས་སྔར་ལྟར་དང་། ཐམས་ཅད་ལ་རྗེས་གཅོད་རྔབས་རུ་དང་ཆུ་ལུ་མ་སོགས་བྱ། མནེ་བུད་ན་སྣ་ནང་དུ་དུད་རྒན་བཏབ་པས་སྦྲིད་པ་བྱུང་ན་ཚུད་ངེས། ཐུར་སེལ་གྱི་རླུང་ལོག་པ་དང་གྲང་གཞི་སོགས་ཀྱིས་གཞང་ལུག་ན།

― LT41_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

འཕང་སྟོད་དང་། ཁོག་སྟོད། འཕང་མཐོ་བར་བསྟོད། ཁོག་སྟོད་སྒུ་ཞིང་དམའ། མར་ཁུ་ཐོན་ཡག་བྱས་པ་དྲོད་ཉག་ཙམ་ཡོད་པས་བཀྲུ། རས་སྣུམ་ཚོས་བྱས་པས་ནང་དུ་བསྡིག །ཕྱིང་པ་སྣུམ་ཚོས་དང་ཆུ་སྲིན་སྡེར་མོ་བཏབ་པ་བླུགས་ནས་བརྫང་། ཁོང་སྨན་སྦྲུལ་ཞགས་བཅུ་གཉིས་དང་བཅོ་བརྒྱད་པ་རྣམས་ཟབ། ཡང་ན་སྦྲུལ་ཞགས་པ། ད་ཏྲིག །མོན་ཆ་ར། སྒ་སྐྱ། དཀར་པོ་ཆིག་ཐུབ་ཆ་མཉམ་ལྔ་སྦྱོར་རམ། སྦྲུལ་ཞགས། མོན་ཆ། སྒ། རམ་བུ་ཆིག་ཐུབ་བཞི་སྦྱོར་མར་ཁུས་ཕུལ། འབའ་ཆ་དང་རུས་རྙིང་སྣུམ་ལྡན་གྱིས་དྲོད་དུག་བྱ། རྗེས་གཅོད་མདོ་རོ་སྲང་ཆེན་དང་། དཔྱི་མིག་གཉིས་སུ་མེ་བཙས་བསྡམ་མོ། །རྨའི་ཁྲག་ཤོང་ཅིས་ཀྱང་མ་ཐུབ་པ་དང་། རྒྱུ་གཟེར་ཁྲག་བཤལ་འབྱམས་པ། སྣ་ཁྲག་ཚབས་ཆེན་སོགས་ལ། སུགྨེལ། །མཚེའི་ཁཎྜའམ་ཐལ་བ། མཚལ། དོམ་མཁྲིས། ཤིང་ཚ་རྣམས་ཀྱིས་ཕྱེ་མཆུ་གྲང་གིས་ཕུལ་བ་ཟབ། ༈སྦྱར་དུག་ལ། ཕྱི་ནང་གསང་རྟགས་རྒྱས་པར་མན་རྒྱུད་ལས་གསུངས་པ་ལྟར་ཤེས་དགོས་པ་ལས་ཕྱོགས་རེས་མི་རྟོགས་ཀྱང་། མདོར་སྡུས་ཕྱི་རྟགས་ནང་སྔ་ན་མ་ལངས་གཏམ་མ་ལབ་ཁ་ཟས་མ་ཟོས་སྐབས་མཆི་ལ་མ་མ་དཀྲོག་པར་རང་ལུགས་དེ་ཆུ་གཙང་ཕོར་གང་དུ་བླུགས་

― LT41_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཁར་ལྡིང་ན་མིན་ལ་གཏིང་དུ་སོང་ན་ཡིན། ཡང་དཀར་གོང་མེས་བསྲེགས་པའི་སྟེང་མཆིལ་མ་བླུགས་ལ་གྲང་ནས་བཅག་པས་ནས་གང་ཙམ་ནག་པོར་སོང་ན་ཡིན། ནང་རྟགས་རྩ་རྒྱུད་འགྱུར་ལྡོག་མང་ལ་གདོན་རྩ་དང་། ཆུ་མདོག་མ་ངེས་པ་སྣ་ཚོགས་འགྱུར། ཟངས་ལ་བྱུགས་ན་ནག་པོར་འགྲོ་ནད་སྣ་མང་ཞིང་འགྱུར་ལྡོག་ཆུང་། ཟས་ཟོས་ཀྱང་ལུས་སྟོབས་འཆོར། པོ་མཆིན་མི་བདེ། ཆམས་རིམས་མང་དུ་ཕོག །སྙིང་མི་དགའ། དོན་མེད་པར་ན་ཞིང་དོན་མེད་དུ་དྭངས་པ་རྣམས་དུག་རྟགས་ཡིན། གསང་རྟགས་རེ་རལ་བའི་འོ་མར་བཏབ་པ་བཏང་བས་སྐྱུགས་པ་དང་། སྡུད་སྨན་བཏང་བས་འདུས་རྟགས་བྱུང་ན་ངེས་པ་ཡིན། དེ་ལ་ཐོག་མར་སྡུད་སྨན་ཐང་ཆེན་ཉེར་ལྔ། བྱང་ལུགས་སྔོ་ཐང་བཅུ་གསུམ་རིགས་གཉིས། བསེ་རུ་བཞི་ཐང་རྣམས་བཏང་། འདུས་རྟགས་ལུས་ལྕི་ཞིང་སྒྱིད་པ་བསྐྱུར། ཡིག་འགག །ཁ་ལྕེ་སྐམ། པོ་བང་ཚ་རུབ་བྱེད། དེ་ལྟར་མ་བྱུང་བར་སྡུད་སྨན་ནན་བསྐྱེད་ཅིང་སྐབས་སུ་མཐིལ་བཞི་བཀུ་མཉེ་དང་། ཕོ་བར་རུས་དུགས། རྒྱུ་ཞབལ་ལ་བྱེ་མའི་དྲོད་དུགས་བྱ། དངོས་གཞི་རྒྱུད་ཀྱི་ཅོང་ཞི་བསིལ་སྦྱོར་དུག་སྨན་ཁ་ཚར་ཅན། གུར་གུམ་བཅུ་གསུམ་ཁ་ཚར་ཅན། དབང་རིལ་ཉེར་ལྔ། གཡུ་རྙིང་ཉེར་ལྔ།

― LT41_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་བོ་བཅུ་གཉིས་ཁ་ཚར་ཅན། བྱེ་རིང་བསེ་རུ་བཞི་སྦྱོར་ལྡེ་སྒྱུར་བཅས་པ། ཁྱད་པར་ཀོ་ཋའི་སྦྱོར་བ་རྣམས་ཀྱིས་གསོད། མ་ཐུབ་ན་ཀོ་ཋའི་ཚིག་སྦྱོང་སོགས་ཀྱིས་དག་པར་བྱས་རྗེས། དུག་འཇོམས་རྨ་བྱའམ། པུ་རི་སྐྲ་ཆིངས་ཀྱི་ལག་ལེན་ལྟར་བཏར་བས་ཕན་ཆེར་འབྱུང་། ལོག་གནོན་རིན་ཆེན་རིལ་བུ། ཁྱད་པར་རིན་ཆེན་ཡང་ཟབ། མང་སྦྱོར་ཆེན་མོ། །དབང་རིལ་རྟ་རིམ་དང་། ཤེལ་དཀར་མཆོད་རྟེན་རྣམས་གཙིག་ཆོག་ཏུ་འགྱུར། རྒྱབ་བརྟེན་གདོན་བཅོས་བྱ། སྔ་དྲོའི་རིགས་ལ་ཁ་ཟས་སྤང་། ཕྱི་དྲོར་ནན་བསྐྱེད་ནས་བཟའ། ཉ་ཕག་གི་ཤ་རུལ་སྐྱུར། བཤུལ་ཆགས་ཤ །སྔོ་ངད་སོགས་སྤང་། བ་ལང་གནའ་དགོའི་ཤ་གསར། ཁུར་མང་འབྲས་དང་ཡོས་ཐུག་ཇ་སོགས་བཏང་། ཟུངས་ངན་ལ་ཆང་གསར་ཤ་ཡིབ་སོགས་ཚོད་སྦྱར་བསྟེན། ནད་འདིས་ཟིན་ནས་ཉལ་པོ་དང་བཞོན་པ་ཞོན་པ། ངལ་དུབ་ཀྱི་ལས། སྨྲ་བརྗོད་མང་པོ། །ཉིན་གཉིད། རླན་གྲང་སོགས་སྤང་དགོས། ནད་འདི་རྒྱུ་དང་བབས་པ་སོགས་མི་འདྲ་བ་ཤིན་ཏུ་མང་བས་བརྟག་དང་བཅོས་ཐབས་ཐམས་ཅད་མན་ངག་རྒྱུད་ཉིད་ལ་དཔང་པོར་བྱ་བ་གལ་ཆེའོ། ༈ཁ་ཟས་མ་འཕྲོད་པ་དང་མ་གོམས་པ་དང་དུས་མིན་ཟོས་པ་སོགས་མེ་དྲོད་ཀྱིས་འཇུ་བར་མ་

― LT41_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

ནུས་པར་དྭངས་སྙིགས་འདྲེས་ཏེ་རྩ་མིག་ཏུ་བྱེར་བས་གྱུར་དུག་ཏུ་སོང་། ནད་རྟགས་རླུང་མཁྲིས་སོགས་སྡོང་ཟླ་ལྟར་སྟོན། ཕོ་བ་རྩིབས་ལོག་གནེར། སྒྲེག་ཅིང་སྤོ་ལ་ཟས་འཇུ་དཀའ། རྩ་ཕྲ་ལ་གཏིང་ན་གྲིམས། ཆུ་མདོག་དམར་པོའམ་སྨུག་ལ་ཀུ་ཡ་དུམ་བུར་ཆད། དེ་ལའང་སྦྱར་དུག་ལྟར་སྡུད་གསོད་བཤལ་གསུམ། ཚ་བས་ཆེ་ན་མང་སྦྱོར་བཏང་ཡང་ན་ཐོག་མར་ཕྱི་རྒྱུད་ཀྱི་སེ་འབྲུ་བཞི་པའམ་ད་ལིས་བཞི་པ་བཏང་། དེ་ནས་ཐོ་རངས་སྤོས་དཀར་ཕག་ཁྲག་སྟར་བུ་སྦྱར་བ་དང་། སྲོད་ལ་འོ་མ་ནང་ལན་ཚྭ་བཏབ་པ་ལྟག་སྤྲད་དུ་བཏང་། འདུས་རྟགས་ཁོང་པ་སྙོམ། ལུས་ལྕི་ཞིང་མཆིལ་སྣབས་མང་། ཁ་ཟས་མི་ལེན་པའི་སྐབས། མན་རྒྱུད་ཀྱི་ཝང་བཅོ་ལྔ་དང་། བོང་དཀར་བཅུ་གཅིག་ལྟག་སྤྲད་ཀྱིས་བཏང་ལ་གང་ཉེའི་གནས་ནས་སྐྱུག་བཤལ་གྱིས་སྦྱོང་བའམ། འདུས་རྟགས་བྱུང་འཕྲལ་སྦྱོང་བས་ད་གཅིག་དྲིལ་བྱས་ཀྱང་ཆོག །དུག་ནད་སྤྱི་ལ་དཔའ་བོ་ཉེར་ལྔ། སུ་མི་བཅུ་གསུམ། ཟུར་མཁར་བའི་སེང་གེ་གསུམ་འགྲོ་ལ་ཉུངས་མའི་ཁུ་བས་ཕུལ་བ་དང་། གླང་ཐབས་དང་བསྡོངས་པ་དང་། མ་ཞུ་དུག་ཐབས་བྱུང་བ་རྣམས་གོང་དུ་སོ་སོའི་སྐབས་

― LT41_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བཤད་པ་ལྟར་བཅོས། །ཁྱད་པར་མ་ཞུ་དུག་ཐབས་ལ་ཟུང་ལུགས་སྐྱ་ཁྲ་སུམ་འགྲོལ་ལམ། མ་ཞུ་བའི་དུག་བྱུང་འཕྲལ་ཐབ་ཀའི་ནང་ས་ཚིག་དམར་པོ་ཕྱེ་མ་བྱས་པ་ཆུ་བསྐོལ་ཚན་མོར་སྦྱངས་པ་ཕོར་པ་དོ་གསུམ་འཐུངས་པས་སྐྱུགས་འོང་ཞིང་། དེ་རྗེས་སྨན་བཏང་དགོས་མིན་ནད་ལ་དཔྱད་པས་ཀྱང་ཆོག ། ཡང་རི་ཀླུང་གི་དྲེག་མའི་རིགས་མང་པོ་ཁཎྜ་རིལ་བུ་ལུག་རིལ་ཙམ་བྱས་པ་ཆུ་བཀོལ་གྱིས་ཕུལ་བས་ཉིན་རེའི་དུག་ཐབས་དང་མཆིན་པའི་དུག་ཚད་ལ་ཤིན་ཏུ་ཟབ། ༈ །ཤ་དུག་སྤྱི་ལ་གསེར་ཞི་ཁ་སྤྲོད། ཞི་དྲུག་ལ་བྱེའུ་ལ་ཕུག་ཁ་ཚར་བྱས་པའམ། ཞི་དྲུག་རྐྱང་པ་གང་ཡང་འོམ་བུའི་ལོ་མའི་ཐང་གིས་ཕུལ་བ། དཔའ་བོ་ཉེར་ལྔ། ཟླ་ཤེལ། ཟུར་ལུགས་གླང་ཆེན་སུམ་འགྲོལ། འོམ་བུའི་ཆིག་ཐང་ཁོ་ནས་ཕན་ཅིང་། ཤ་དུག་ཡོད་པར་དོགས་པ་ལ་ཤ་བཙོ་སྐབས་འོམ་ཤིང་མཉམ་དུ་བཙོས་ནའང་ཕན་ཟེར། ༈ །ཤ་དུག་གྲེ་འགག་འཕྲལ་དུ་མ་བཅོས་ན་ཚབས་ཆེ་བས། དཔའ་བོ་ཉེར་ལྔ། ཞི་དྲུག་དང་བྱེའུ་ལ་ཕུད་སྐོང་ཐོག་པ་འོམ་བུ་རེ་རལ་བཅས་པུཥྤ་བཞི་སྦྱོར་བསྡེབས་པ། རྒྱ་ཚྭ་བཅུ་གཅིག །ཐང་ཆེན་ཉེར་ལྔ། འོམ་ཐང་བཅས་ཟབ་ཅིང་རྒྱུན་རིང་ན་མང་སྦྱོར་བཏང་། ཡང་ཤ་དུག་དངོས་མིན་པའི་ཤ་

― LT41_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་ཅེས་འཁྲུ་སྐྱུགས་བྱེད་པ་སོགས་ནད་རྟགས་སྣ་ཚོགས་ཅན་ཡོད་པ་དེ་ལའང་ཞི་དྲུག་འོམ་ཐང་གིས་ཕུལ་བ་དང་། རྨ་བྱའི་མདོངས་བདུན་ཏུ་གྲགས་པའི་ཐང་སོགས་ཀྱིས་ཕན། ཡང་། ཨ་རུ། བོང་དཀར། འོམ་བུ། རེ་རེ་ལ། བྱེའུ་ལ་ཕུག་རྣམས་ལོ་བརྒྱད་དྲི་ཆུས་ལྕགས་སྣོད་དུ་བཙོས་པའི་ཁུ་བ་གྲང་མོ་མང་དུ་བཏང་། དེ་རྗེས་ཐང་དེ་ལ་དུར་བྱིད། དན་རོག །ཐར་ནུ། ཁྲོན་བུ། སྔོན་བུ་རྣམས་ཐུན་ལོག་བཏབ་ནས་རས་ཐུམ་བྱས་ཏེ་བཙོས་པའི་ཁུ་བས་བཤལ་བཏང་ན་ཤ་ནད་དང་ཤ་དུག་གི་རིགས་ཐམས་ཅད་ལ་ཕན་ནོ། ༈ །དཀར་དུག་གི་རིགས་གང་ལའང་དཀར་པོ་དྲུག་སྦྱོར་ཁོ་ནས་ཆོག་ཅིང་། དེ་སྟེང་གོ་ཐལ་བསྡེབས་ནས་ལྕུམ་རྩ་བུངས་བསྐྱེད་བཏང་བ་ཆུར་ཁུས་ཕུལ་བ་ཟབ། ༈ །དངུལ་ཆུའི་དུག་ལ། པི་ལིང་། ཕོ་རིས། ཅོང་ཞི། མཚུར་ནག །བུལ་ཏོག །སྟར་བུ་རྣམས་སྦྱར་བའི་གཉེན་པོ་དྲུག་སྦྱོར་ཟབ། ས་མུ་དྲ་ཕ་ལ་ཁར་བཟུང་བས་དངུལ་དུག་ཐུབ། རྐན་སྐྲངས་ཤིང་ཆད་པ་ལ། ཨ་རུ་ར། སྟོད་ཇ། དུ་བ་རལ་པ་ཅན་གསུམ་གྱི་རིལ་བུ་ཉིན་རོ་གཉིས་རེ་ཁར་བཟུང་ཞིང་མཆིལ་མ་ཕྱིར་ཕོས་པས་ཕན། ༈ །བཙན་དུག་ཚབས་ཆུང་བ་ལ་པི་པི་ལིང་གི་ཐང་ཡང་ཡང་བླུད་པ་དང་། ཤོ་མོའི་རྩ་བ་དང་ཡོས་ཚིག་སྦྱར་བའི་ཐང་ངམ། རྟ་སྦོང་

― LT41_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཁུ་བ་བཙིར་བའི་ནང་དུ་བུལ་ཏོག་མང་ཙམ་བཏབ་པ་དྲོ་འཇམ་བྱས་པ་ཕོར་པ་དོ་གསུམ་བཏང་བས་སྐྱུགས་པ་འོང་ཞིང་དེས་ཀྱང་ཕན། ཚབས་ཆེ་བ་ལ་ལན་ཚྭ་བཟང་པོ་ཁྱོར་གསུམ་བྲག་སྐྱ་ཧ་བོ་ཐུན་ལོག་བཏབ་པའི་ཕྱེ་མ་ཆང་གར་མ་ལ་སྦྱར་ནས་སོ་བར་དུ་བླུགས་ཏེ་ཕྱར་བའི་ནང་དུ་བཞག་ཟུར་བཞི་ནས་བཏེགས་ལ་སར་བརྡེག་པ་ཁ་ཤས་མཐར། ཀོ་གྲུ་བར་སྣང་ལ་ཐག་པས་དཔྱངས་པའི་ནང་ན་ནད་པ་བཞག་ནས་བསྒྲིམས་ཏེ་དྲག་ཏུ་བསྐོར་བས་སྐྱུག །དབུགས་ལོན་ནས་སྦྱོང་སྨན་བཏང་། བཙན་དུག་ཚབས་ཆེན་ལ་ཐོག་མ་ནས་ཨ་རུར་སོགས་གཉེན་པོ་བཏང་ན་དུག་ཚད་ཕོབ་ནས་སྲོག་རྩར་དེད་དེ་བཅོས་སུ་མེད་པས་གོང་སྨོས་ལྟར་བྱ་བ་གལ་ཆེ། །ཡང་རྒྱ་ཚྭ་བཅུ་གཅིག་པའི་ཐང་གིས་མན་ངག་བསིལ་སྦྱོར་ཕུལ་ན་ཟབ། བཙན་དུག་ཚབས་ཆུང་ལ། ཨ་རུ་ར་རྒྱ་གར་གྱི་བོད་ད་དཀར་དམར། གླ་རྩི། ལོ་བརྒྱད་དྲི་ཆུ་རྣམས་རེ་རེས་ཀྱང་ཐུབ་བོ། ༈ །དབྱར་དུས་རྟ་ངང་པའི་སྤུ་ཁོང་དུ་སོང་བའི་སྟེང་ཆང་སྐྱུར་འཐུང་། ལུས་འཁྲུགས་པས་རྟ་སྤུ་འབུར་གྱུར་ནས་གྲ་བ་ཕོ་བ་སོགས་གང་གནས་ནས་ཟ་ཞིང་སྐྲངས། རྨ་ཡོད་པར་སེམས་ཤིང་ཟུག་ཆེ་བ་ལ་འབྲུ་མར་དང་ཚིལ་དང་ཕག་ཚིལ་གང་རུང་ཟོས་པས་འཇོམས། ༈ །ཁྱི་སྨྱོན་གྱིས་ཟིན་འཕྲལ་རྨ་ཁར་རྡབས་རུ་བཙུགས་

― LT41_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཁྲག་དྲང་། རྨ་ལས་སོར་བཞིའི་གོང་དུ་རས་འཇག་བསྡམ། ཞག་ལོན་ནས་རྨ་ལྕགས་ཏེལ་གྱིས་བསྲེག །རྨ་ནང་དུ་རྒྱ་ཚྭ་སྐྱེར་ཤུན་དུད་རྒན་རྣམས་བཙོད་ཁུས་བྱུག །ཡུང་སྐྱེར་བོང་ང་གླ་རྩི་རྣམས་མར་གྱིས་བྱུགས་ཤིང་སྟེང་དུ་རྟ་སྤངས་ཞོ་སྦྱར་རས་ཀྱིས་དཀྲི། ཁྱི་དུག་ལྡང་བ་དང་མི་ལྡང་བ་གཉིས་ཀྱི་སྨན་དཔྱད་གང་འོས་མན་ངག་རྒྱུད་ལྟར་ལ། ཁོང་སྨན་སྤྱིར་ཟུར་ལུགས་གཟིག་ཆེན་སུམ་འགྲོལ་གུ་གུལ་ཐང་གིས་ཕུལ་བ་ཟབ། ༈ །སྦྲུལ་གྱིས་ཟིན་པའི་དུག་ལ་རྨ་ཁར་འཕྲལ་དུ་རྔབས་རྭ་བཙུགས་ནས་ཁྲག་དྲང་། རྨ་ཆས་དང་བྱུག་པ་ཁྱི་སྨྱོན་སྐབས་ལྟར་བྱ། དུག་འདི་ཁྲག་ལ་གནས་པས་གང་དང་ཉེ་བའི་རྩ་ལ་གཏར་ཁ་བྱ། གུ་གུལ། དུད་རྒན། ཨ་ཤྭ་གནྡྷ། རྒྱ་སྣེ་རྣམས་པ་ཆུས་རིལ་བུ་དྲིལ་བ་གུ་གུལ་བཞི་པ་སྟེ་བ་ཆུས་ཕུལ། རྒྱ་སྤོས། སེང་ཕྲོམ། ཤུ་དག །ཧོར་ལེན། གོ་ཡུ། སུགྨེལ། གུར་གུམ་རྣམས་ཞུན་མར་དང་སྦྱར་བའམ། རྒྱ་སྤོས། ན་ལེ་ཤམ། སུགྨེལ། རུ་རྟ། ཤིང་མངར་སྦྱར་བའི་རྒྱ་སྤོས་ལྔ་པ་ཞུན་མར་གྱིས་ཕུལ་བ་སྟེ་བཞི་པ་དང་ལྔ་པ་གཉིས་ཀ་ཁྱི་སྦྲུལ་སྲིན་བུའི་དུག་རིགས་འཇོམས་པ་ལ་བསྔགས་སོ། ༈ །རེག་དུག་གི་ནད་ལ། ཐོག་མར་བརྟག་ཐབས་ནི། རྩ་ཕྲ་ཞིང་གཏིང་ན་བྱིང་། དྲག་དལ་ངེས་མེད་དུ་འབར་

― LT41_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་སྐབས་སུ་སྡོད། ཆུ་མདོག་ལྗང་ལ་ལྦུ་བ་གཡུང་། མར་ནག་ཐིགས་གཅིག་བླུགས་པས་སེར་པོའམ་ཁྲག་མདོག་ཏུ་འགྱུར། ཡང་ན་ལྦུ་བ་འཐོར་འགྲོ། །ནད་ཕོག་མ་ཐག་ནས་ཆམ་པ་འདེབས། ལུས་ལྕི། སྒྱིད་པ་བསྐྱུར། མཁལ་རྐེད་གཟེར་ཞིང་ཆུ་སོ་ཟབ། དེ་ལ་བྱང་ལུགས་མིང་ཅན་ནག་པོ་འཕྲུལ་མེད་ཀྱི་ཐང་བཏང་བས་རང་གི་མངོན་ཚུལ་འབྱུང་། ནད་པས་རྒྱུ་རྐྱེན་མ་ཤེས་པའམ་ངོ་ཚས་མི་བཤད། སྨན་པ་ཉམས་མེད་ཀྱིས་ནད་ངོས་མ་ཟིན་པར་སྨན་གང་བྱུང་བཏང་བས་བཅོས་སུ་མེད་པའམ། ཡུན་རིང་མནར་བའི་གཅོང་ནད་ཆེན་པོར་འགྱུར་བས་ཐེ་ཚོམས་དོགས་གཞི་ཡོད་རིགས་ལ་རྟོག་དཔྱོད་ཤིན་ཏུ་ཞིབ་མོ་གལ་ཆེ། གསང་རྟགས་མིག་སྔོ་ཞིང་མིག་སྤྲིན་དམར་པོ་འབྱུང་། ཆང་། ལུག་ཤ །མངར་རིགས་དང་ཤིང་ཏོག་རིག །ཁྲག་ཚྭ་རྣམས་འཛེམ། སྨན་བཟི་ཡོད་གཏན་ནས་འགྲོ་མི་རུང་། ནད་ཕོག་སྐབས་རི་བོང་ཤ་དང་། ཀུ་ཤུ་རློན་པ་ཁར་སོང་ན་རྗེས་ནས་སྨན་བཅོས་རྡུག་པས་སྤང་། ཐོག་མར་སྨན་གང་ཡང་ཁར་མ་སོང་སྐབས་ར་ཁྲག་བཅོ་ལྔའམ་ལྔ་པས་ཀྱང་ཐུབ་ཅིང་། གུར་གུམ་བཅུ་གསུམ་ཁ་ཚར་ཅན། བ་རུ་བཞི་སྦྱོར་རྣམས་ཀྱང་འཕྲོད། ཟི་ལིང་ཤིང་ཏོག་ཆི་པ་ཁའམ་དམར་རིལ་དཀར་ཡོལ་སོགས་

― LT41_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འོག་ཏུ་ནུས་བསྲེགས་བྱས་པའི་དུད་པས་ཀྱང་ཐུབ་པའི་གསུང་རྒྱུན་འདུག །འོན་ཀྱང་བཅོས་ཚུལ་ཟབ་ཁྱད་ཅན་ལག་བླངས་མ་ནི། ཐོག་མར་ཐང་ཆེན་ཉེར་ལྔའམ། བྱང་ལུགས་མིང་ཅན་ནག་པོའི་གཅིག་ཐང་ལན་ཁ་ཡར་བཏང་རྗེས། རྒྱའི་སྲེག་སྨན་རིལ་བུ་གསུམ་རེ་ཐོ་རངས་སྔ་བར་ཇ་ཐང་གར་སླ་སྙོམ་པ་བྱ་སྒོང་ང་ཙམ་ལོང་ལོང་ཁོལ་བ་དེས་ཕུལ། ཡང་ན་ཆུ་བསྐོལ་གྱིས་ཕུལ་ཡང་རུང་། རིལ་བུ་རྣམས་འཇང་གི་སྨན་ཤོག་ལྟ་བུས་དམ་པར་དྲིལ་ནས་ཁ་ལ་མི་རེག་པར་བྱས་ལ་ཇུར་མིད་དགོས། འཇུ་ཚོད་ལ་སྐྱུགས་གྲབ་བྱེད་ན་མགོ་ལ་ཆུ་ལྕག་དང་། རྐེ་ལྟོང་རྡོ་འཁྱག་གཏུགས་པ་དང་། སྣ་སྒོར་སྤོས་དྲི་ཞིམ་པོ་མནམ་པ་སོགས་སྐྱུགས་ནོན་གང་དྲག་བྱེད། བཤལ་སོང་ན་ཕན་ཆེ། བཤལ་གྲབ་ཀྱིས་རྒྱུ་མ་གཟེར་ཆེ་ན་ཆང་ཧུབ་དོ་གསུམ་འཐུང་བས་གཟེར་ཆག་ནས་བཤལ་འོང་། མ་གཟེར་ན་ཆང་མི་བཏང་། སྨན་བཏང་བའི་དགོངས་མོ་ནས་སོ་བར་ཤིང་བུས་བཀར་ནས་གཉིད་ཞབས་མཆིལ་རླངས་རྒྱབ་ཏུ་འགྲོ་བར་བྱེད་པར་གསུངས་ཀྱང་དེང་སོང་སྨན་ཞུ་ཚོད་ཙམ་ལ་སོ་ཤིང་བཞག་ནས་ཇ་སྦྱོར་གཉིས་གསུམ་ཙམ་གྱི་མཚམས་སུ་མི་དགོས་པ་བྱེད་འདུག། ཞོག་པ་དང་ཉིན་མོ་སོགས་སུ་ཇ་ཐང་གོ་ཡུ་ཁྱི་ལ་ཝ་རི་བསྐོལ་གྲང་གིས་མཁུར་བཀང་བཅངས་

― LT41_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཁ་ལ་རྨ་མི་འབྱུང་ཞིང་སོ་རྩ་བརྟན། དེ་བྱས་ཀྱང་རྙེལ་སྐྲངས་ཆེ་ན། གསེར་མདོག་ཁྱི་ཝར་སྟར་བུ་རྣམས་ཕོན་ཆེ་བ། བིག་པན་ཨ་རུའི་བཞི་ཆ། གླ་རྩི་དྲི་ཐོན་བཅས་ཀྱིས་རྒྱུན་ཏུ་མཁུར་བཀང་བྱ། ཁ་ནང་རྨ་བྱུང་ན་བིག་པན་ལ་ལྡོང་རོས་མདོག་འགྱུར་བསྲེས་པ་སྐམ་འདེབས་བྱེད། ན་ཚས་མ་བཏུབ་ན་ཆུ་ལ་སྦྱངས་ནས་མཁུར་བཀང་བྱེད། སྲེག་སྨན་སྙིགས་མའི་སྟེང་ཁྱི་ཝར་གོ་ཡུ་དང་ཤ་རུ་ནུས་སྲེགས་སོ་སོར་ཆ་གཉིས། བིག་པན་ཆ་གཅིག །གླ་རྩི་དྲི་ཐོན་བཅས་རློན་བྱུག་དང་སྐམ་འདེབས་གང་འོས་བྱ། ཉི་མར་ནན་གྱིས་སྐམ་ན་ཕན་ཆེ། ཡང་བྱུག་པ་ལུགས་གཅིག་ལ་སྲེག་སྨན་སྙིགས་མ་དཀར་པོ་གཞིར་བྱ། དེ་སྟེང་གོ་ཡུ། སྙིང་ཞོ་ཤ །བ་རུ་ར། ཆི་བ་ཁའམ་དམར་རིལ་རུས་པ། སྟག་ཤ །ཡུ་གུ་ཤིང་། སྣ་དུད་ཤིང་། བསམ་དཀར། ལུག་མུར་རྣམས་ནུས་བསྲེགས། དུང་ཧར་སྲེག །ནཱི་ལ་ཐོ་ཋ། ཡུང་བ། ཆུ་རྩ། ལུག་མུར་རྣམས་མ་བསྲེགས་པ་བཅས་ཞིབ་ཏུ་བཏག །ཞོ་ལ་བཏབ་ནས་ཟངས་སྣོད་དུ་སྦྱར་ལ་བྱུག །མིག་ནད་ཡ་སྲེག་སྨན་གྱི་དུད་པ་སེར་པོ་ཆགས་པ་དང་ཁ་ཆེ་གུར་གུམ་སྦྱར་བ་བྱུག །གཞན་ཡང་ཁོང་སྨན་ར་ཁྲག་བཅོ་ལྔ་དང་བཅུ་གསུམ་སོགས་སྤེལ་ནའང་ལེགས། རླུང་ཤས་ཆེ་ན་ཨ་གར་བཅོ་ལྔ་དང་སོ་

― LT41_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ། ཆུ་སེར་ཤས་ཆེ་ཞིང་ཟ་འཕྲུག་བྱུང་ན་སྤོས་དཀར་བཅུ་པ་དང་། སེ་འབྲུ་བརྒྱད་པ་སོགས་བཏང་། སྨན་བཏང་བའི་ཞག་བདུན་ཕྱིན་ཆད་ཚྭ་དང་ལུག་ཤ་མ་འདྲེས་པའི་འབྲི་གཡག་གི་ཤ་ཟ་གང་ཐུབ་དང་། ནད་གཞི་ཅན་ལ་མ་གནོད་ན་ར་ཤའང་བཏང་བས་ཕན། ཇའང་སྨན་གཏའ་བྱས་སྟབས་འཛེམ་མི་དགོས། སྨན་བཏང་ནས་ཞག་གཉིས་གསུམ་སོང་སྐབས། ཟུངས་ངན་ཞག་གཅིག་གཉིས་སྨན་མི་བཏང་བར་ངལ་གསོ། །དེ་ནས་ཟུངས་བསྟུན་བཏང་། ནད་གསར་པའི་སྐབས་སྨན་དངོས་ཐུན་ལྔའམ་གསུམ། ཕལ་ཆེར་བདུན་ལས་བཏང་མི་དགོས་པ་མྱོང་གྲུབ་ཡིན། ཞག་བཅུ་གཉིས་ནས་ཚྭ་ཕྱེད་ཚྭ། ཞག་ཉེར་གཅིག་ནས་ལུག་ཤ་མ་གཏོགས་པ་འཛེམ་མི་དགོས། ཟུངས་ངན་དོང་ག་མི་བདེ་བའི་རིགས་ལ་ཆར་ཅུང་ཟད་གཏོང་ཆོག །རྗེས་སུ་ལོང་རྩ་དང་རུ་ཐུང་གང་འོས་ལན་གཉིས་ཙམ་གཏར། རྐེད་པ་དང་རྐང་པ་ན་བ་ལ་བྱིན་གཞུག་དང་གདོང་རྩ་གང་འོས་གཏར་ནས་ཆུ་ཚན་བསྟེན་པས་ཕྱིས་མི་འཕར་བའི་གནད་ཟབ། གཏར་ག་མ་བྱས་པར་ཆུ་ཚན་རྐྱང་པས་རྗེས་མི་ཆོད། ལུས་ཟུངས་གསོ་བའི་སྨན་མར་སོགས་ཀྱང་བྱ། དྲག་ཤུལ་གྱི་ལས། རྟ་སོགས་ཞོན་པ། ཉིན་གཉིད། ཉལ་བོ་སོགས་སློང་རྐྱེན་རྣམས་ལོ་དུས་

― LT41_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

སམ་ཟླ་བ་དྲུག་གི་བར་དུ་སྤང་། ཟས་ཁ་ཚ་རུལ་སྐྱུར་སྔོ་རྔད་ལ་ཕུག་སོགས་དང་། ཤིང་ཏོག །མངར་རིགས་རྣམས་ཀྱིས་གནོད་པས་འཛེམ། སྤྱིར་ནད་འདི་དཔྱིད་ཁམ་ཕུའི་མེ་ཏོག་རྒྱས་པ་དང་། སྟོན་དུས་བཅས་ལྡང་བའི་དུས་ཡིན་པས་ནད་གཞི་ཡོད་ན་དུས་དེར་ལྷག་པར་གཟབ། ཡང་འདིའི་ནད་རོ་ལུས་པས་མཐིལ་བཞར་ཟ་འཕྲུག་གླང་གཉའ་ལྟ་བུར་གྱུར་པ་ས་གང་ཉེ་གང་རྒྱས་ཀྱི་རྩལ་ཡང་ཡང་གཏར། རྨ་རོ་གྲི་རྣོན་པོས་བཞར་ནས་ཁྲག་འབྱུང་བ་བྱས་ལ། ཨ་རུ་རྡོག་གཉིས། གོ་ཡུ་གཉིས་ནུས་བསྲེགས་ཐལ་བ། སྟར་ཁན་སྟར་ག་ཙམ །མནུ་ཁྲག་ཅན་གཅིག་མེ་མུར་དུ་ཚོས་ཙམ་བསྲེགས་པ། སྤོས་དཀར། གླ་རྩི་ཐུན་གཅིག །སྟོད་ཇ་དང་ནཱི་ལ་ཐོཋ་གཉིས་སྟར་ག་ཙམ་རེ། ཕོ་རིལ་བཅུ་གཅིག་རྣམས་ཕྱེ་མར་འཐག་པ་ལྕགས་སྣོད་དུ་འདམ་འཐགས་བྱས་བས་སྔོ་ནག་ཏུ་སོང་བའི་ཕྱེ་མ་དེ་ལན་ཁ་ཤས་སྐམ་འདེབས་བྱས་ན་སྔ་མའི་ཤ་རོ་ཆོད་ནས་ཤའུ་གསར་པ་འབྱུང་བས་ཟབ། ཡང་ལུགས་གཅིག་ལ། གོ་ཡུ་དང་། མནུ་ཁྲག་ཅན་མེར་བསྲེགས་ཐལ། ལ་ལ་ཕུད། སེང་ལྡེང་ཁཎྜ། ནཱི་ལ་ཐོཋ་རྣམས་སྦྱར་བའི་བྱུག་བས་ཀྱང་ཕན་པར་བཤད། རེག་དུ་གལ་སྨན་མ་བཏང་བའི་སྐབས་འགོས་རྒྱུ་མེད། སྨན་བཏང་ཟིན་ནས་ཁ་རླངས་

― LT41_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་སྟན་གྱི་དྲི་དང་དྲོད་སོགས་ཞག་གསུམ་མམ་བདུན་བར་ཤིན་ཏུ་འཛེམ་པ་གལ་ཆེ། སྨན་བཏང་ཚར་ནས་ནད་འགོ་སླ་བ་ཡིན་ནོ། ༈ །དེ་ནས་ཞར་བྱུང་དུ་ཤེས་པར་བྱ་བ། རྟ་རྣམས་ལ་འབྲི་གུང་པའི་ཡོ་མ་ཁྱུ་འཚོ་རུ་གྲགས་པའི་སྲུང་སྨན་བཏང་རྒྱུ་བྱུང་ན་གནད་ཟབ་སྟེ། དེ་ནི་འདི་ལྟར། བཟང་དྲུག་ཨུཏྤལ་ག་བུར་མ་གི་ཏ། །རྟ་བོན་མི་དང་བྱ་རྒོད་ཏེ་ལོའི་ཤ། གི་ཝཾ་ཤིང་ཀུན་མུ་ཟི་སེར་ནག་གཉིས། །བོང་ནག་སྟག་ཤ་གུ་གུལ་དཀར་ནག་གི། །ཕྱེ་མ་ཐུན་ཚད་རེ་ལ་དགུར་བགོས་ཏེ། ཕོ་གཡས་མོ་གཡོན་སྣ་བུག་དག་ཏུ་བཏང་། གུ་གུལ་དཀར་ནག་བོང་ནག་ཏེ་ལོའི་ཤ །གླ་རྩི་བྱ་རྒོད་ཤ་རྣམས་ཞིབ་པར་བཏགས། །སྤྲ་ཚིལ་རིལ་བུར་དྲིལ་བ་སྲན་མ་ཙམ། མེར་བསྲེགས་དུད་བ་སྣ་ལ་བདུག་པ་ཡིས། །རྟ་ནད་རིགས་ཀུན་སྲུང་བ་ཐེ་ཚོམས་མེད། །རྟ་ནད་སྤྱི་ལ་སེར་མོ་མང་འཇོམས་ཟབ། ༈རྟ་ངོ་མཚུལ་ནག །ཉལ་ལངས་བྱེད། ཁོང་སྦོ། །རོ་སྨད་འཁུམ་ཞིང་འདར། མིག་ཟླུམ་པོར་གྱུར་པའི་ཁོང་སྲིན་ནད་ལ་རྟ་བོང་སྲོག་གི་ཆད་མཐུད་དུ་གྲགས་པ། གླ་རྩི། ཐང་ཕྲོམ། དྭ་བ། བུལ་ཏོག །རྒྱ་ཚྭ་རྣམས་ཆུ་ར་སྦྱར་བཏང་བས་ཕན། སྦོ་བ་མང་ན་དེ་སྟེང་བོང་དམར་བསྡེབ། གླང་ཐབས་ན་བ་ལ། བྱང་ཁྲ། རྒྱ་ཆ། བསེ་སྦུར་གསུམ་སྦྱོར་བཏང་བས་ཕན། རྟའི་དུག་སྨན་

― LT41_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱིར་ཚྭ་རིལ་བུ་ཁ་ཚར་ཅན་ཟབ། དེའི་ལག་ལེན་ནི། བྱང་ཚྭ་ཆ་གཉིས། ཐར་ནུ་ཆ་གཅིག་བྱས་ལ་ཐར་ནུ་བ་ཆུར་བཙོས་པའི་ཁུ་བའི་ནང་དུ་དཀར་པོ་གཅིག་ཐུབ་རྡོག་གཅིག་གི་ཕྱེ་མ་འདེབས། བྱང་ཚ་བརྔོས་པ་ལ་ཆང་ངམ་ཨ་རག་གི་ཁ་ཕྲུ་བཏབ་པ་བཏགས་ནས་རིལ་བུར་དྲིལ། དྲིལ་དམར་ཉེར་ལྔ་ཤེལ་ཕྲེང་ནང་ཡོད་པའི་དཔའ་བོ་ཉེར་ལྔ་དེ་ཟབ། རྟ་ཕྱུགས་སེམས་ཅན་རིགས་སྦོས་པ་ལ་རྔ་སྙིང་སྲེག །སྒལ་རོ་སོགས་རྨ་རྒན་རྣམས་ལེགས་པར་བཀྲུས་ལ། མཁར་སྒོང་སྲིན་ཅན། སྟག་ཤ །ལྡོང་རོས། དོམ་མཁྲིས། ད་ཆུ་སྟེ་མཚལ། ཡུ་གུ་ཤིར། ཁུར་མང་། ཆུ་རྩ། ཡུང་བ་རྣམས་ཀྱི་ཕྱེ་མ་བཏབ་པས་སོས། རྟའི་གཅིན་འགགས་ཤིང་ཆུ་ལམ་རྒྱས་པ་ལ་ཁྱུར་ལྔ་ཟབ། རྟ་ཕྱུགས་ལ་གཉན་ནད་སྐྲངས་པ་སོགས་བྱུང་བ་ལ་མཉམ་སྦྱོར་ཁྱུང་རྒོད་དྲག་པོ་བཏང་། རྟ་སྨན་ཚ་རིལ་མ་འཛོམ་སྐབས་དུག་ནད་ཚབས་ཆུང་ལ་ཞི་དྲུག་དང་། བཅོ་ལྔ་དྲག་སྦྱོར་བསྲེས་པ་ཐུན་ཆེ་ན་བཏས་པ་དང་། ཚ་བས་ཆེན་ལ་ཁྱུང་ལྔ་ཞི་དྲུག་བསྡེབས་པ་བཏང་བས་ཀྱང་ཕན། རྟ་དྲེལ་རྔོ་ནད་རིགས་ལ་རྒྱ་ཚི་དུག་ལོའི་ཕྱེ་མ་མར་རྙིང་དང་སྦྱར་ནས་བྱུག་པ་ཟབ་ཀྱང་ཆུ་བས་པས་

― LT41_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

པགས་པགས་དོགས་ཡོད། འོལ་མོ་སེའི་འབྲུ་ནུས་སྲེག་བྱས་པའི་ཐལ་བ་མར་རྙིང་ལ་སྦྱར་བ་བྱུག་པས་རྟ་དྲེལ་བོང་བུ་ཀུན་གྱི་རྔོ་ནད་ལ་ཟབ། ཡང་དུག་སྲད་མེ་ཏོག་དམར་སེར་གཉིས་ཀའི་ཕྱེ་མ་མར་རྙིང་ལ་སྦྱར་བ་བྱུགས་པས་ཀྱང་ཕྱུགས་ཀྱི་རྔོ་ག་ནུ་གཉིས་ཀ་ཕན། རྟ་ལ་གདོན་ནད་ཀྱིས་མིག་རྭ་བབས་ན་ཉལ་ལངས་བྱེད། མིག་ཟླུམ་ཞིང་མཆི་མ་བབས། མགོ་ལག་པ་སོགས་ལ་སྤྲུགས་ཤིང་སྨད། མིག་ལ་བལྟས་པས་མིག་ལྤགས་ལ་རྭ་ལྟ་བུ་ཡོད་པ་དེ། བྱུང་འཕྲལ་ཡིན་ན་སྣ་ཐ་རུལ་མ་སྨྱུག་གམ་སག་སྦུབས་ལྟ་བུར་གཞུག་ལ་རྭ་ཐོག་ཏུ་ཕུས་དེད་ནའང་ཕན། མིག་གི་རྭ་དེ་ཁབ་སྦམ་ལ་རྟ་རྔའི་སྐུད་པ་བརྒྱུས་པས་ཕུག་ནས་ཚུར་འཐེན། པགས་པ་གཙག་བུ་ལྟ་བུས་གཤག །ཚིལ་གྱི་མཚམས་ནས་བཅད། རྭ་ཁྲུམ་དེ་རྟ་རྐུབ་ནས་ཡར་བརྫངས་པས་རྗེས་སུ་མི་འཕར། བཏོན་ཤུལ་དུ་སྣ་དུད་བླུག །སྣ་ལའང་སྣ་རུ་འབྱུང་བ་དེ་ལྟར་བྱས་པས་ཐུབ། རྟ་ནད་ལ་གར་སོགས་ཀྱང་མ་རྒས་གོང་དུ་ཁྱུང་ནོད་ཡང་ཡང་བླུད་པས་ཐུབ། འདིར་རྒྱུན་མཁོ་ཕྲན་བུ་ཙམ་ཡིན། སྤྱིར་རྟ་ལ་ནད་རིགས་སུམ་ཅུ་སྐོར་དང་གཏར་མེའི་སྲང་སོགས་རྟ་བཅོས་རྒྱས་པ་ཟུར་རུ་ཤེས་དགོས་ཤིང་མི་དང་ཕལ་ཆེར་འདྲ་བས་སྨན་སོགས་རིགས་པས་དཔྱད་གསུངས། ༈ནོར་གྱི་གློ་ནད་ལ། འབྲས་གསུམ་བསྣན་པའི་

― LT41_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ག་བུར་ཉེར་ལྔའི་སྟེང་། སྲོ་ལོ། །སྤང་རྒྱན། ཨ་ཀྲོང་། ཤུ་དག །གླ་རྩི་རྣམས་བསྣན་པ་འདི་རང་ལེགས། སྐྱ་རྩིལ་ནག་པོ་དགུ་སྦྱོར་ཚང་བར་བྱ། དམར་རྩི་སོགས་བྱེད་ཐབས་འཆི་མེད་ནོར་ཕྲེང་ལྟར་ལས་སྨོས་མ་དགོས། ཆུ་དུག་ན་བ་ལ། ཆུ་སྲིན་སྡེར་མོ། ཁ་ཏའི་ཤ །ཉ་ཤ །ཤུ་དག །ཆུ་མ་རྩི་རྣམས་ཆང་དང་སྦྱར་ནས་བཏང་བས་ཕན། ར་ཕོའི་ཁྲག་བླུད་ན་གཅིག་ཆོག་ཏུ་བཤད། རྐང་ལག་སོགས་ཆག་ན་སྤྱི་བཞུར་ཁུབ་བླུད། ༈ །ཚེ་སྲིང་ཞིང་རྒས་པ་གསོ་བ་སོགས་ལ་སྤྱིར་བཤད་རྒྱུད་ནས་གསུངས་པའི་རྒྱུན་སྤྱོད་དུས་སྤྱོད་གནས་སྐབས་སྤྱོད་པ་རྣམས་ཚུལ་བཞིན་བསྟེན་པ་གལ་ཆེ། མན་ངག་རྒྱུད་ལས་གསུངས་པའི་རྩི་བཞི་དྭངས་མ་ལྔའི་བཅུད་ལེན། འབའ་སམ་སྨན་མར་དཀྱུས་མཐུན་ནམ། ཁྱད་པར་ཕན་བདེ་འབུམ་ཕྲག་སོགས་ལས་བཤད་པ་ཅོང་ཞི་བྲག་ཞུན་གཙོ་བོར་བྱས་པའི་སྨན་མར་སོགས་ཟབ། སྐྱེར་ཁ་་ཚད་ལྡན་ཞག་བདུན་རེ་བཞིན་མིག་ལ་བྱུགས་པས་མིག་གི་བཅུད་ལེན་དང་། ནང་རེ་བཞིན་ཆུ་གྲང་མོས་ཁ་དང་སོ་རྩ་དག་པར་བཀྲུ་བ་ཁོ་ནའམ། དེ་སྟེང་མཛེས་བྱེད་སོ་རྩི་བསྐུས་ན་སོ་བརྟན་བའི་བཅུད་ལེན་ཏུ་འགྱུར་བ་དང་། དབྱངས་ཅན་རིལ་བུ་རྒྱུན་ཏུའམ་སྐབས་སུ་བསྟེན་ན་བློ་གྲོས་འཕེལ་བའི་བཅུད་ལེན་ཏུ་འགྱུར་བ་དང་། རིན་

― LT41_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེ་ཁྱད་འཕགས་རྣམས་དང་དེའི་སྦྱོར་བ་སྤྱི་དང་། ཁྱད་པར་རིན་ཆེན་རིལ་ནག་ཆེན་མོ་མགུལ་དུ་འཆང་བ་དང་ཁོང་དུ་བསྟེན་པ་རྣམས་ཀྱིས་ནད་གདོན་སྲུང་ཞིང་ཞི་བའི་མཆོག་ཏུ་འགྱུར་ཞིང་། དངུལ་ཆུ་གྲང་འདུལ་ལ་ཁ་སྒྱུར་གྱི་སྦྱོར་བའི་རིགས་རྣམས་ཚུལ་བཞིན་བྱུང་ན་ཤིན་ཏུ་མཆོག་གོ། ༈ །རོ་ཙ་སྟོབས་སྐྱེད་ལ། དབྱིད་སྐྱིན་གོར། །དབྱིད་དགུ་སྦྱོར། །རོ་ཙ་ཡོན་ཏན་རྒྱ་མཚོ། །སྲོ་མ་སེང་གེ་སོགས་དང་། གོ་ཡུ་དགུ་སྦྱོར་སྟེང་། དངུལ་ཆུ་གྲང་འདུལ། དབང་ལག །རྩབ་རྩ། སྲམ་གྱི་ཤ་རྣམས་བསྣན་པ་བུ་རམ་གྱིས་མགོ་བསྡུས་ཏེ་རིལ་བུར་དྲིལ་བ་དང་། གོ་ཡུ་བདེ་བའི་དཔག་བསམ་རྣམས་སྟོབས་སྐྱེད་ཀྱི་སྨན་ཁྱད་པར་ཅན་ཏུ་གྲུབ་བོ། ༈ །རྩ་བའི་གཉིས་པ་མཁོ་གལ་ཆེ་བའི་ལག་ལེན་ཁ་ཤས་ཀྱི་དྲན་ཐོ་འགོད་པ་ལ། ཐོག་མར་རིན་པོ་ཆེའི་དུག་འདོན་ནི། གཡུ་རྙིང་བྱེ་རུ་མུ་ཏིག་སོགས་གང་ཡིན་ཁྲོལ་ཙམ་བརྡུངས་བའི་ལྗིད་དང་མཉམ་པའི་ཚ་ལ་དང་ཟེ་ཚྭ། ཟེ་ཚྭའི་སུམ་ཆ་བེ་ལྗང་རེ་རལ་མཆོག་ཡིན་ཀྱང་མ་རྙེད་ན་ལྡུམ་བུ་རེ་རལ་དང་གངྒཱ་ཆུང་། སྟར་བུའི་ཁཎྜ་མང་ཙམ། མགྲོན་བུ་ལྦོ་ཅན་གྱི་ཐལ་བ་ཚྭ་འདེབས་ཙམ། གླ་རྩི་དྲི་ཐོན་ཙམ་བཅས་ལོ་བརྒྱད་དྲི་ཆུར་བཏབ་ལ་ཉི་མ་ཕྱེད་ཙམ་མམ་བྱེ་རུ་མདོག་འགྱུར་ཙམ་དུ་བཙོ། །དེ་རྗེས་ཆང་བཟང་པོ་བསྣན་ནས་བཙོ། །དེ་རྗེས་ཆུ་ཨ་རུ་ར་རུས་པ་བཅས་པ་དང་

― LT41_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

གྲང་གིས་དག་པར་བཀྲུ། དེ་རྗེས་ཆུ་གཙང་ནང་དུ་ལན་གསུམ་བཙོས་ལ་བཤལ་ལོ། ༈ །དབང་རིལ་རྣམས་ནམ་མཁའ་མི་མཐོང་ཞིང་ཁྱི་དང་བུད་མེད་མི་རྒྱུ་བའི་དབེན་པར་གཡའ་མེད་པའི་སྣོད་དུ་དབང་རིལ་དཀར་པོ་མཛོ་མོའི་འོ་མ། དམར་པོ་གཡག་རྒོད་ཤ་ཁུ། སྔོན་པོ་ཆང་གིས་དྲོད་བབས་ཙམ་བཙོ། །སེར་པོ་བཙོས་ཟན་ནང་དུ་བཏུམས་ནས་མེར་ཅུང་ཟད་བསྲེག་པས་དུག་འདོན། ངར་འདོགས་ནི། ལེགས་པར་བཏུལ་བའི་ཕྱེ་མ་སྲང་གང་ཡོད་ན། ཁ་ཆེ། གི་ཝཾ། གླ་རྩི། ཛཱ་ཏི། ལི་ཤི་ལྔ་པོ་ཞོ་གང་རེའི་ཕྱེ་མ་དང་མཉམ་དུ་དཀར་ཡོལ་གཙང་མར་ཆུ་མིག་ཁ་ཤར་ལྷའི་ཆུ་བྱིས་པ་མགོ་གཙང་གིས་སྐྱོག་ཁ་ཐུར་གྱུས་བླངས་པ་དང་ལྷན་ཅིག་བླུགས་དར་གྱིས་ཁ་བཅད་ལ་སྟེགས་གཙང་མར་འབྲུ་དཀར་གྱིས་གཡུང་དྲུང་བྲིས་པའི་སྟེང་དུ་ཞག་གཅིག་བཞག་ནས་སྨན་ལ་བསྲེ། ༈ལྕགས་རྩི་ཟླ་འོད་ནི། ཨ་རུ་གསེར་མདོག་གི་རུས་པ་དོར། །ཤ་ཞིབ་པར་བཏགས་ནས་ལྕགས་སྣོད་དུ་བྱིས་པ་ལོ་བརྒྱད་པའི་ཆུའམ་ཆུ་གཙང་གིས་གར་སླ་སྐྱོ་མ་གར་བ་ཙམ་བྱས་ལ་དབྱང་ཡིན་ན་ཁེབ་རྒྱག་པ་ཙམ་དང་། དགུན་ཀ་དྲོ་སར་བཞག་པ་ཞག་གསུམ་བསྙལ་བས་ནག་མཐིང་དུ་གྱུར་པ་དེ་རློན་ཆེ་ན་མེ་ཐོག་ཏུ་ཅུང་ཟད་སྐམ། ཕྱེ་འཕུར་ཙམ་གྱི་ནེམ་ཡོད་དེ་ལི་སྡེར་དུ་

― LT41_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

བླུགས་ནས་བཅོ་ལྔའི་ཟླ་བ་ཤར་ནས་མ་འགྲིབ་བར་གྱི་ཟླ་འོད་ནང་བཞག །ལྕགས་རྩི་དཀྱུས་མ་བསྙལ་ལུགས་སྔོན་ལྟར་ཟླ་འོད་དུ་མ་བཞག་པའོ། །ཨ་རུ་རྗེན་པ་ནི་ཨ་རུ་རའི་ཕྱེ་མ་ལི་སྡེར་དུ་རློན་ཅུང་ཟད་ཡོད་པར་བྱས་ནས་བཅོ་ལྔའི་ཟླ་འོད་ལ་བཞག་པའོ། །ཟླ་ཤེལ་སོགས་སྨན་སྦྱོར་ཆེ་བ་རྣམས་ལ་བཏང་རྒྱུའི་དངུལ་ཆུ་གྲང་འདུལ་བསྡུས་པ་དཀར་འདུལ་དུ་གྲགས་པ་ལའང་། ལག་ལེན་ཅུང་ཟད་རྒྱས་པའི་ཕྱོགས་ནི་ཟླ་ཤེལ་སྒྱོར་ཐབས་སུ་བྲིས་ཟིན། འདིར་བསྡུས་པ་རྒྱུད་ཀྱི་དངོས་བསྟན་ནི། དངུལ་ཆུ་ཞོ་གང་ལ་སྒ་བི་ཕོ་གསུམ་སོ་སོའི་ཕྱེ་མ་ཐུར་མགོ་གང་ཙམ་རེ་བཏབ། རའམ་གླ་ལྤགས་སྐྱི་ནང་བསྟན་ཏུ་བླུགས། ཁུག་མའི་སྟོད་ནས་ཁ་དམ་པར་བསྡམས་ལ་ཉི་མ་ཕྱེད་ཙམ་ལ་དལ་བུས་མཉེས་ལ་རྫས་རོ་ལྗང་ནག་གུད་དུ་ཕྱེ། དུག་ཡོད་པས་སར་སྦ། དེ་ནས་བ་གཅིན་ནང་དུ་ཁོལ་ཙམ་བཙོ་ཞིང་དཀྲུགས་ལ་ཆུ་ཕྱིར་དོར་ལ་ཆུ་གྲང་གིས་བཤལ། དེ་ནས་ལྕགས་སྐྱོག་ཏུ་སྣུམ་ནག་ཕོར་ཆུང་གང་ཙམ་བསྐོལ། ཁོལ་བྱུང་དུས་དངུལ་ཆུ་སྣུམ་ནང་བཏབ། དེ་འབྲལ་གཤར་དཀར་ཞོ་ཕྱེད་བཏབ་ལ་མ་ི་ཕྲེང་སྐོར་ཙམ་གྱི་ཚོད་ཙམ་བཙོས་ལ་ཕོག །སྣོད་ཀྱི་ཁ་ནས་སྣུམ་ཕྱིར་ཕོས་ལ་དངུལ་ཆུ་གྲང་དུ་བཅུག །དེ་ནས་དངུལ་སྐམ་དང་མུ་ཟི་བསླད་མེད་

― LT41_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗིད་མཉམ་པ་ལྷན་ཅིག་རྡོ་གཏུན་དྲོད་ལྡན་ཏུ་ལེགས་པར་བསྣུར་བས་ནག་མཐིང་དངུལ་འོད་མེད་པ་བྱུང་ཚེ་དར་རས་ནག་པོར་བཏུམས་ལ་སྨན་སྦྱོར་དུ་བཏང་། ༈ །གཉན་དང་ཆུ་སེར་སོགས་ཀྱི་སྨན་སྦྱོར་ལ་བཏང་རྒྱུ་དངུལ་ཆུ་ཚ་འདུལ་ལམ་དྲག་འདུལ་རྡོ་རྗེའི་ཐིག་པ་ནི། རྡོ་གཏུན་མེའམ་ཉི་མ་ལ་བསོས་ནས་ལག་པས་རེག་མི་བཟོད་པའི་ནང་དུ་དངུལ་ཆུའི་ལྗིད་མཉམ་གྱི་མུ་ཟིའི་ཕྱེ་མ་བླུག །དེ་ཞུ་བ་དང་དངུལ་ཆུ་དེ་མཉམ་བླུགས་ནས་རྡོ་ཚ་མོས་ཡུན་ཏུ་འདུར་ནས་དངུལ་འོད་ཅུང་ཟད་ཀྱང་མེད་པའི་ནག་མཐིང་དུ་སོང་ནས་བཞག །གློ་བུར་མགྱོགས་ཐབས་དགོས་ན། ལྕགས་སྐྱོག་མེ་ཐོག་བཙུགས་ནས་མུ་ཟི་བཞུ། དེ་ནང་དངུལ་ཆུ་བླུགས་ལ་ཤིང་བུས་དཀྲུགས། སྐྱོགས་ངོས་འབྱར་བ་རྣམས་བཀོག་ནས་རྡོ་གཞོང་དུ་ཕྱེ་མ་བྱས་པས་ཆོག་གོ། །ཨ་རུ་ར་དང་བ་རུ་གཉིས་རུས་པ་བཏང་དགོས་པ་དམིགས་པས་ལ་རིགས་མ་གཏོགས་སྤྱི་ལ་རུས་པ་མེད་པའི་ཤ་ཁོ་ན་བཏང་བ་ལེགས། དུག་སྨན་ལ་ཁྱད་པར་རུས་པ་བཏང་མི་རུང་། སྐྱུ་རུ་རའང་དེ་དང་འདྲ་ཞིང་ཆུ་གཞིའི་སྨན་ལ་རུས་པ་གཏན་ནས་མི་འགྲོ་བ་གལ་ཆེ། སུགྨེ་ལ་ཀོ་ལ་གཉིས་ཀྱང་བྱུང་ན་ལྐོག་པ་ཕྲལ་ནས་སྙིང་པོ་བཏང་། ཀོ་བྱི་ལ་མེ་མུར་ནང་དུ་འགྲོས་ནས་སྤུ་བཞར། ཀོ་བྱི་རྡོག་པོ་བདུན་ལ་མཛོ་མོ་ན་གཞོན་གྱི་འོ་མ་ཕུལ་དོའི་

― LT41_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

ཚད་སྦྱར་ནང་དུ་བཙོས་ནས་འོ་མ་ཆ་གསུམ་འཐག་པ་དང་། འོ་མ་དུག་ལྡན་སར་སྦས། ཀོ་བྱི་ཆུ་གཙང་གིས་བཤལ། འོ་མས་བྱ་དང་ཁྱི་བརྒྱལ་ན་དུག་ཐོན་རྟགས་ཡིན་པར་བཤད། ཁྲག་རླུང་སྨན་གྱི་རིགས་ལ་ཀོ་བྱི་དུག་མ་བྲལ་བ་བཏང་། འཇམ་འབྲས་མེ་མུར་དུ་སེར་ཙམ་བསྲེག །བསེ་རུ་ཐལ་ཚན་དུ་རྩི་ཧྲོག་ཙམ་ལ་བསྲེགས་ནས་ཆུ་བརྡར་བྱེད་པ་ཡིན་ཀྱང་། དུམ་བུ་ཆུང་ངུ་ལས་མེད་ན་ཞིབ་པར་བཏག་ནས་ཆུ་འདུར་ཡུན་རིང་བྱེད། ཤ་རུ་སོགས་རཱ་ཅོ་བཏང་དགོས་རིགས་ཐལ་ཚན་ནང་དུ་རྩི་ཧྲོག་བསྲེགས་ལ་བཏང་། ལྕགས་སྦྲུལ་གླ་རྩི་ཅུང་ཟད་ཆང་ནང་དུ་བཏབ་པའི་ཞག་གཅིག་སྤངས་མེ་འདགས་སུ་སྐམ། བྱ་རིགས་དང་ཆུ་གནས་ཤ་རུས་བཏང་དགོས་རིགས་རྒྱས་པར་བྱེད་ན། གོ་བོའི་ཤའི་ཕྱེ་མཐུན་བཟང་དང་། གླ་རྩི་ཐུན་བཟང་། འབྲས་བུ་གསུམ་བྱེ་མ་སོ་སོ་ནས་ཐུན་བཟང་རེ་བཅས་ཆུར་བཏབ་པའི་ནང་དུ་བཅུག་སྟེ་བཏོན་ལ་ཚག་ཤའི་བར་དུ་བཅུག །ཁ་བཙེམ་ནས་མེ་ནང་ཚག་ཤ་སེར་ཙམ་བསྲེག །བསྡུ་ན་བྱ་ཤ་རྣམས་ཚག་ཤའི་ནང་སྲེག་ལུགས་དེ་ལྟར་ལ་གོ་བོའི་ཤ་ཕྱེ་སྨན་ནང་ལྷན་ཅིག་བཏང་། ཡང་ན་དུག་འབྱིན་ཏིལ་དཀར་ངར་འདོགས་དབང་ལག །རྣོ་འདོན་རྒྱ་ཚྭ་དང་ལྕམ་འབྲུ་ཐུན་རེ་བཏང་། ཀླུ་ནོར་ཤ་ཐམས་ཅད་ལ་དུག་འདོན་ཨ་རུ་ར་གླ་རྩི་གོ་བོའི་ཤ །

― LT41_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ངར་འདོགས་ཐལ་རྡོར། རྣོ་འདོན་རྩང་གཡེར་ཚྭ་འདེབས་ཙམ་བསྲེ། བཤལ་སྨན་དུག་ལྡན་གྱི་རིགས་ལས། དོང་གྲའི་བར་ཚིགས་ཀྱི་འཁོར་ལོ་རྐྱང་པ་བཏང་། ཤན་པ་ངོར། དུར་ཕྱིང་རྐང་ཤུན་ཕྲལ་ནས་ཡོས་ཚན་ནང་དུ་རྒྱང་ཙམ་བཅུག །དན་རོག་ལྕེ་དང་ཤུན་པ་ཕྲལ་ལ་ལྕགས་སློང་དུ་རྩམ་པ་བཏབ་པའི་སྟེང་དུ་བཞག །དེ་སྟེང་ཡང་ཙམ་པ་བླུགས་ནས་མེ་ཐོག་རྔོས་པས་ཙམ་པ་སེར་ཧྲོག་སོང་དུས་ཕོག་ལ་དན་རོག་ཚུར་ལེན། ཤྲཱི་ཁཎྜ་རང་མཉམ་གྱི་མར་དཀར་བཞུས་ཏེ་སྙིགས་མ་དོར་བའི་དྭངས་ལ་ཤྲཱི་ཁ་ཁྲོལ་བུ་བཏང་ཅིང་བཙོས། མར་ཁུ་རང་ཐིམ་སོང་ནས་འདོན། པོ་སོ་ཆ་ལྐོག་པ་བཏང་། ཅོང་ཞི་རྣམས་ཁྲམ་ཕྲུམ་བརྡུངས་ལ་ཆུར་བཙོས་པའི་ཁུ་བ་སེར་ཤས་ཅན་ཕྱིར་ཕོ། །སླར་ཆུ་གྲང་གི་ཡང་ཡང་བཤལ་བས་ཆུ་མདོག་སྔོ་ཁྲོང་བྱུང་ན་དུག་ཐོན་པས་དེ་བཏང་། འདམ་འཐག་དགོས་སྐབས་ཞིབ་པར་བཏུལ་བ་ལ་མཛོ་མོ་ཡར་མའི་འོ་མས་སྐྱོས་ནས་འདམ་འཐགས་ལེགས་པར་ཟིན་ནས་འཕང་ལོ་བཅོས་ཏེ་གྲིབ་སྐམ་བྱ། མུ་ཟི་དུག་འདོན་ནི། མུ་ཟི་བསླད་མེད་ཕྲམ་ཕྲུམ་བརྡུང་། རྙེད་ན་ཤུ་དག་དཀར་པོ་དང་མ་རྙེད་ན་རམ་པའི་རྩ་བ་ཁྲོབ་བརྡུངས་བྱས་ལ་ཆུར་བཙོས་པའི་ཁུ་བའི་ནང་དུ་བླུགས་

― LT41_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ལྷོག་ཙམ་བསྐོལ་ནས་ཞག་གཅིག་བསྙལ། ཕྱིར་ཉིན་ཅུང་ཟད་བསྐོལ་ལ་ཁུ་བ་ཕྱིར་ཕོ། །ཆུ་གྲང་གིས་ཡང་ཡང་བཤལ་བས་དྲི་མ་མེད་ན་དུག་ཐོན་པ་ཡིན། ཟེ་ཚྭ་ལྕགས་སྐྱོགས་སུ་བསྔོས་ནས་ཚག་སྒྲ་འོང་དུས་ཕོག །སྦལ་མདུང་སོགས་རྔོ་སྨན་གར་འགྲོ་ལ་འཇུ་རྩི་དར་སྨན་ཅེས་ཟེ་ཚྭ་དུག་འདོན་བྱས་པ་ཐུན་གཅིག །ཚ་ལ་ཆུ་བཅད་ཐུན་གཅིག་བཏང་། གོ་ཐལ་དང་རྒོད་ཐལ་ཞིབ་ཏུ་བྱས་ལ་སྐྱོགས་ནང་དུ་མེ་ལ་ཡུད་ཙམ་བརྔོས་ནས་བཏང་། གོ་ཐལ་དང་། ཁྱད་པར་རྡོ་དྲེགས་གླ་རྩིའི་ཆུ་འདེབས་ནས་བརྔོ། ཐར་ནུ་རློན་པ་ལྐོག་པ་བཤུ། ནང་ཤ་ལ་རྨ་རེད་ན་ནུས་པ་འཆོར་བས་རྨ་མ་དོད་པར་བྱས་ལ་པ་གཅིན་དུ་ར་ཤ་ཅུང་ཟད་འཕངས་པ་ལ་བཙོས་ནས་ཁཎྜ་བྱ། རྒྱས་པར་འདུར་དྲུག་བྱེད་ན་ཐར་ནུ་གང་ཡོད་ལྐོག་ཕྲལ་ཆ་དྲུག་ཏུ་བགོས་ལ། ཆང་། ཨ་རག། བ་གཅིན། ར་ཤ་རྣམས་སུ་སོ་སོར་བཙོས་ནས་ཁཎྜ་ཕྱོགས་གཅིག་བསྡུ་བ་ཡིན་ཀྱང་ད་ལྟའི་ལག་ལེན་སྔ་མ་བྱེད་པ་ལྟར་ལེགས། སྔོ་སྨན་རྐྱང་པ་སྦྱོར་སྐབས། ཨ་རུ་ར། སེ་འབྲུ་པི་པི་ལིང་། ཤ་ཆེན་ཐུན་རེ་བཏང་། དོན་སྣོད་སོ་སོའི་ཁ་འཛིན་གྱི་བཟང་དྲུག་ཀྱང་སྦྱར་དགོས། ཡང་ན་སྔོ་ཐམས་ཅད་ཁཎྜ་བྱས་ནས་བསྡེབས་ན་ལེགས་པར་གསུངས། དབང་ལག་བརྐོས་མ་

― LT41_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ཐག་པ་དྲེག་བཤལ། ཆུ་གཙང་ཉིས་འགྱུར་དུ་ཁུ་བ་རང་ཐིམ་བཙོས་པས་དྲོད་དུ་འགྲོ། །སྐོས་མ་ཐག་ར་འོ་ཉིས་འགྱུར་ཁུ་བ་རང་ཐིམ་བཙོས་པས་བཅུད་དུ་འགུགས། ར་མྱེ་ལའང་དེ་ལྟར་བྱད། ཉེར་ཤིང་ཕྱི་ལྤགས་དང་ནང་གི་རྒྱུས་པ་དོར་ནས་ཆུ་ལ་བཙོས་པས་དྲོད་དུ་འགུག །གཟེམ་སྲིད་པའི་བྱེ་མའི་མཉམ་དུར་མགོ་ཚིག་ཙམ་བརྡོ། །བ་སྤུའང་ཆུ་བཅད་ན་ལེགས་པར་བཤད། སྨན་གྱི་སྦྱོར་བ་རྒྱུད་སོགས་ནས་ཚད་བཤད་པ་ཐམས་ཅད་དེ་ལྟར་མ་ནོར་བ་གལ་ཆེ། ཚད་མེད་པ་ཐམས་ཅད་གཙོ་བོ་བུངས་བསྐྱེད། འཁོར་རྣམས་ཆ་མཉམ། གཙོ་བོ་མེད་དུ་མི་རུང་ཞིང་སྦན་སྣ་མང་རིགས་ལ་འཁོར་སྨན་རེ་རེ་ཙམ་ཆད་ཀྱང་སྐྱོན་ཏུ་མི་འགྱུར། འོན་ཀྱང་ནད་གཞི་ལ་གཉེན་པོ་དམིགས་སུ་འགྲོ་བའི་རིགས་འཁོར་སྨན་ཡིན་ཀྱང་ཆད་དུ་མི་རུང་ཞིང་ཆ་བསྐྱེད་པ་ལེགས། སྔོ་སོགས་འབྱོར་སླ་བའི་རིགས་ཀྱིས་བུངས་བསྐྱེད་ནས་གཙོ་བོ་ཡིན་ཀྱང་འཛོམ་དཀར་ན་ཉུང་ངུར་སྦྱར་བའི་སྨན་གྱིས་ནད་ལ་ཕན་པ་དཀའོ། །སྨན་གཉིས་བསྡེབས་དགོས་རིགས་ལ། བསིལ་བཅུད་བཅོ་ལྔ། སྤྲིན་བྲལ་ཟླ་ཟེར། བདུད་ཏིག །གི་ཏིག །གསེར་ཞི། ཀ་རུ་སོགས་རྒྱུད་དང་མན་ངག་བར་མ་ཆད་པ་ལས་བྱུང་བ་རྣམས་ལས་རིགས་བཟོས་

― LT41_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

གང་འདོད་དུ་བསྡེབ་མི་རུང་། ཕྱོགས་བསྡེབས་སྐབས་སུའང་སྨན་ཁྲོལ་བུ་ཕྱོགས་གཅིག་བསྡུ་བརྡུང་བྱེད་པ་དེ་ཕྱག་ལེན་ལེགས་པའི་ཕྱོགས་ཡིན། སྨན་ཕྱེ་ཚོ་གཉིས་ཕྱོགས་བསྲེ་བྱེད་པ་དེ་ཅུང་མི་ལེགས་པར་གསུངས། ༈ །ཁྱུང་ལྔ་འདོགས་བཞི་ཅན་ཤིན་ཏུ་གལ་ཆེ་ཞིང་དེའི་ཕྱག་ལེན་འབྲི་གུང་གཅེས་བསྡུས་སོགས་སུ་གསལ་བ་ལྟར་བྱ། ཁྱུང་ལྔ་སྤྱིའི་སྦྱོར་ཚད་རྒྱུད་ལས། བཞི་གཅིག་གསུམ་གཉིས་ཕྱེད་དང་སུམ་ཆ་སྦྱར། ཅེས་གསུངས་པ་ལྟར། ཨ་རུ་ར་བྱ་ཞི་འགྱུར། དེའི་ཆ་གཅིག་བཙན་དུག། །ཨ་རུའི་སུམ་ཆ་གཉིས་རུ་རྟ། ཨ་རུ་རའི་ཕྱེད་ཤུ་དག་ནག་པོ། །ཨ་རུའི་སུམ་ཆ་གླ་རྩི་སྦྱར་བའི་ཚད་འདི་ཕྱེ་མ་རིལ་བུ་ཐམས་ཅད་ལམ་ནོར་པ་བྱེད་དགོས། གཉན་རིགས་དང་རྟ་སྨན་སོགས་ལ་ཤིན་ཏུ་ཟབ་པའི་མཉམ་སྦྱོར་ཁྱུང་རྒོད་དྲག་པོ་ནི། ཨ་རུ་ར་དང་བཙན་དུག་ཆ་མཉམ་བྱེད། སྤོས་ཁྱུང་ལ་འདོགས་བཞིའི་ཞལ་གདམས་ཅན་བསྡེབ། གུར་ཁྱུང་དང་བྲག་ཁྱུང་ཨར་ཁྱུང་སོགས་ལ་སྨན་ཕྱེ་མཉམ་སྡུད་ལས་འདོགས་བཞི་ཅན་བསྡེབ་སྲོལ་མེད། གི་ཁྱུང་གཙོ་ཁྱུང་སོགས་ལ་ཁྱུང་རྒོད་དང་བསྡེབ་དགོས་པའང་ཤེས་པར་བྱའོ། ༈ །སྤྱིར་ནད་ཆེན་གྱི་རིགས་ལ་རྒྱུད་སྨན་གཙོ་བོར་གྱུར་པའི་རྩི་སྨན་འགྲོ་རིགས་དང་

― LT41_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་སྣ་མང་བའི་རིགས་རྣམས་འཇམ་ཞིང་ཁེ་ཉན་ཆུང་བས་ལེགས་ཤིང་། ནད་གཞི་ཆུང་ངུ་དང་གློ་བུར་ནད་རིགས་ལ་སྔོ་སྨན་གྱི་སྦྱོར་སྡེ་དང་། སྨན་སྣ་ཉུང་ངུའི་རིགས་རྣམས་རྣོ་ཞིང་མྱུར་ལ་ཟུར་ལུགས་སུམ་འགྲོལ་གྱི་རིགས་ལྟ་བུ་རྣོ་མྱུར་ཆ་ཡང་ཅུང་ཟད་རྩུབས་པའི་ངག་རྒྱུན་སྣང་ངོ་། ༈ །ཕྱི་རྒྱུད་ལྡེ་གུའི་སྨན་གང་ཡིན་ཞིབ་པར་བཏགས་ཏེ་ཆུ་ནང་དུ་བཏབ་ནས་བསྐོལ་བས་ཐུག་པ་ཙམ་དུ་སོང་བ་དང་། ཚ་སེལ་ལ་ཤིལ་ཀ་ར། གྲང་སེལ་ལ་བུ་རམ་མང་བར་བྱས་པ་སོགས་རིག་པས་འཕྲུལ་བའི་སྨན་རྟ་རྣམས་སྨན་ལས་དྲུག་འགྱུར་རམ་བརྒྱད་འགྱུར་ཙམ་ཞིབ་པར་བཏགས་པ་དང་། དེ་དང་བུངས་མཉམ་པའི་མར་བཅས་བཏབ་ནས་སྐྱ་བས་མ་འདྲེད་པར་དཀྲུགས། མར་ཁུ་མ་བྱེ་ཙམ་ནས་ཕོག་སྟེ་གྲང་དུ་བཅུག་ལ་རིལ་བུ་མཐེ་བོང་ཙམ་དྲིལ། གསལ་བྱེད་ལྡེ་གུར་མིག་གི་ཁོང་སྨན་རྣམས་ཞིབ་པར་བཏགས། སྨན་གྱི་བརྒྱད་འགྱུར་བུར་སྦྲང་ཤེལ་ཀར་རྣམས་དང་དེ་དང་མཉམ་པའི་མར་དཀར་རྣམས་ཟངས་མཁར་མིན་པའི་ཁྲོ་ལྕགས་ཀྱི་སྣོད་གཙང་མར་ཆུ་ཅུང་ཟད་བཅས་བླུགས་ལ་བསྐོལ་མར་ཁུམ་བྱེ་ཙམ་ནས་སྨན་ཕྱེ་བཏབ་ལ་དཀྲུགས་ཏེ་ཕོག །གྲང་ནས་རིལ་བུ་དྲིལ་ལ་བསྟེན་ནོ། །སྨན་མར་སྐབས།

― LT41_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ལ་འགྲོ་བའི་འབའ་སམ་སྨན་མར་ནི། འབྲས་བུ་གསུམ་དང་རྩ་ལྔ་སྦྱར་བ་སྟེ། ཚ་ཤས་ཆེན་འབྲས་བུ་གསུམ་མང་། མིག་ལ་འབྲས་གསུམ་ལྷག་པར་གལ་ཆེ། གྲང་ཤས་ཆེ་བ་ལ་རྩ་བ་ལྔ་མང་བར་བྱ། སྤྱི་ཙམ་ལ་ཆ་མཉམ་བྱས་ལ་ཁྲོལ་བུར་བརྡུང་། ཁྲོ་དཀར་སོགས་གཡའ་མེད་པའི་སྣོད་དུ་ཆུལ་བཏབ་ནས་བསྐོལ་བའི་ཁུ་བ་གུད་དུ་ཕྱེ། ཡང་ཆུ་བསྣན་ནས་ཁུ་བ་བཏོན་པ་བཅས་ལན་གསུམ་ཙམ་བྱས་ཏེ་སྨན་རོ་ལ་སྨན་གྱི་རོ་མེད་པ་བཅུད་ལོ་ན་ངེས་བྱ། ཁུ་བ་བྲེ་བཞི་ཙམ་གྱི་ཚད་བྲེ་གསུམ་དུ་གདུ། དེའང་བྲེ་གང་ཙམ་དུ་གདུས་པའི་ཁར་བཞོས་ཐོག་འོ་མ་བྲེ་བཞི་བླུག །དེའང་འབྲི་འོ་བཅུད་ཆེའང་ཁྲག་མཁྲིས་ཅན་སོགས་ལ་རྩུབ། མཛོ་མོའི་འོ་མ་སྤྱི་སྙོམས་ལེགས། འོ་མ་བླུག་མ་ཐག་ནས་སྐྱབས་བར་མེད་དུ་དཀྲུགས། མི་འབྱུར་བ་དང་མི་ཚིག་པའི་ཕྱིར་དང་པོ་མར་དཀར་ཅུང་ཟད་བཏབ་ནས་རིམ་བསྣོན་བྱེད། སྔ་མའི་སྨན་ཆུའི་ཚོད་ཙམ་དུ་འདུས་ནས་སྨན་ཕྱེ་ཁྱོར་གང་ལ་མར་དཀར་རྒྱ་མ་གཉིས་ཙམ། མཁྲིས་ཤས་ཆེ་བ་དེའི་ཕྱེད་ལྷག་ཙམ་བཏབ་སྟེ་དྲག་ཏུ་དཀྲུགས། མར་ཁུ་ཆུ་ཐག་ཆོད་པའི་རྟགས་མེར་གཏིགས་པས་ཚེག་སྒྲ་མེད་ན་དྭངས་སྙིགས་ཕྱེད་པའི་དྭངས་མ་ཚན་མོའི་ནང་དུ་ཁ་ཚར་གང་སྦྱོར་གྱི་སྨན་

― LT41_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་ནས་འདྲེས་པར་དཀྲུགས། མཐའ་ནས་སྐྱ་ཧར་སོང་སྐབས་སྨན་རྟ་སྦྲང་བུར་ཀར་སོགས་ཀྱི་ཕྱེ་མ་མར་གྱི་ཕྱེད་ཆ་ཙམ་བཏབ་ལ་མར་དུ་མ་ལོག་པར་དཀྲུགས་ནས་དཀར་ཡོལ་པར་བུ་སོགས་སུ་རླུང་མི་འགྲོ་བར་བཞག་ལ། ཐོ་རངས་སྔ་བར་མཐེ་བོང་དམ་བྱ་སྒོང་ཙམ་ཆུ་བསྐོལ་ཚན་མོས་ཕུལ། ༈ །སྲོག་རླུང་ལ་ངན་པའི་བཙན་དུག་སྨན་མར་ནི། བཙན་དུག་བཟང་པོ་ཆ་གཅིག །ཨ་རུ་ར་ཆ་བཞི་གཉིས་སོ་སོར་ཞིབ་པར་བཏགས། བཙན་དུག་ཆང་ནང་ཞག་གཅིག་སྤངས། དེ་དང་ཨ་རུ་ར་གཉིས་ཆང་ནང་ལྷན་ཅིག་འདམ་འཐག་ཉིན་གཅིག་བྱེད། སྤོས་ཟན་ཙམ་དུ་སོང་ནས་ཆུ་བྲེ་གང་ལ་བཏབ་ནས་བསྐོལ་བ་ལ་འོ་མ་བྲེ་བཞི་བླུགས་པ་དང་གདུ་ལུགས་མར་མངར་གསུམ་སྦྱོར་ཚུལ་སོགས་གོང་ལྟར་བྱ། ༈ །བད་མཁྲིས་རླུང་གསུམ་ལྡན་པ་ལ་སྨན་ཆང་མཆོག་ཏུ་གྱུར་བ་སྟེ། ཟན་ཆང་ནི། ར་མྱེ། ལྕ་བ། གཟེ་མ། ལྕམ་པའི་འབྲས་བུ་རྣམས་སོ་སོར་ཁྱོར་གང་རེ་ཞིབ་ཏུ་བཏགས། ནས་སྔོན་རྗེན་འཐག་ཕུལ་དོ་དང་འདྲེས་པར་བསྲེས་ལ་ཆུ་བླུགས་ནས་ཟིན་ལྟར་བརྫིས། ཐེབས་ཀྱུ་མང་དུ་བཟོས་ནས་ཆུ་དྲོན་རང་ནུབ་ཙམ་གྱི་དྲོད་བབ། ཆང་ཕབ་ཅུང་ཟད་བཏབ་ནས་རྗ་མའི་ནང་དུ་དྲོ་སར་ཞག་གསུམ་བསྙལ། ཆང་དྲི་བསྣམ་

― LT41_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ལང་བའི་ཚད་ཡིན་པས་བླངས་ལ་མར་ཁུའི་དྭངས་མ་བྲེ་གསུམ་ནང་དུ་སྦྱར་ལ་བཅའ་སྒ་ཞིབ་བཏགས་ཁྱོར་གང་། བུ་རམ་སྲང་བཅུ་བཅས་བཏང་ཅིང་དཀྲུགས། ཞོ་ལྟང་འདྲེས་པར་བྱས་ལ་ལོངས་སྤྱད་དོ། ༈ །པུཥྤ་སྦྲང་ཆང་ནི། མེ་ཏོགས་དབྱར་མོ་ཐང་མང་དུ་བཏུས་ལ་གྲིབ་སྐམ་བྱས་པ་རྫ་བུམ་དུ་བླུགས་ནས་ཆུ་དྲོན་གྱིས་བསྙལ། རིམ་གྱིས་བསྲིངས་པའི་ཁུ་བ་བཞུར། དེ་ནང་སྦྲང་ཕུལ་གང་དང་ཕབ་ཅུང་ཟད་བཏབ། དྲོ་སར་ཞག་གསུམ་བསྙལ་བས་སྐྱུར་དྲི་མན་མ་ཞིང་སྦུ་བ་ཆིར་གྱིས་བྱུང་བ་ན་བླངས་ཏེ་བསྟེན། ༈གཟེ་ཆང་ནས་ནང་གཟེམ་ཅུང་ཟད་བསྲེས་ནས་བཙོས་ཏེ་སྤྱི་ལྟར་བསྙོལ། གཟེ་མ་བྲེ་གང་ཁྲོལ་ཙམ་བརྡུངས་བ་ཆུ་མང་པོའི་ནང་བཀོལ་བའི་ཁུ་བས་བསིང་ངོ། ༈སྲེག་ཐལ་གྲས། སྐྲན་ནད་ཐམས་ཅད་ལ་འགྲོ་བའི་ཚ་སྲེག་ནི། རྫ་སྣོད་དུ་བ་ཞོ་བྲེ་གང་བླུག །དེ་ནང་ལན་ཚྭ་བསླད་མེད་ཁྱོར་དོ་དང་གཡག་རྒོད་ཤ་མཐེ་བོང་ཙམ་བཅས་ཐང་ཞིབ་བ་ཙམ་དུ་བརྡུངས་བ་བཏབ། མེ་ཐོག་ཏུ་བཀོལ་ནས་བར་མེད་དུ་དཀྲུགས། ཟན་ཙམ་སོང་ནས་རྫ་བུམ་དུ་བླུགས་པའི་ཁ་ཚྭ་འདམ་གྱིས་བཅད་ནས་སྐམ། དེ་ནས་བོང་མེར་ཉི་མ་གཅིག་གི་བཞི་ཆ་ཙམ་བསྲེགས་ནས་གྲང་དུ་གཞུག །ཚྭ་སྲེག་སྲང་གང་ལ་ལྷན་ཐབས་ནས་བཤད་པའི་ཁ་ཚར་སྨན་

― LT41_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལས། བསྲེག་འོས་རྣམས་ནུས་བསྲེགས་བྱས་ལ་ཞོ། རེ་ཆ་སྙོམས་པ་བསྣན་ནས་ཞིབ་པར་བཏགས། མོ་ནད་ཁྲག་སྐྲན་ལ་ཆེས་ཟབ་ཅིང་བཙས་རྗེས་ལའང་ཕན་པར་བཤད་དོ། །མིག་གི་ལིང་ཏོག་སོགས་ལ་འདེབས་དགོས་པའི་རྒྱ་ཚྭ་ཐལ་བ་གལ་ཆེ་བས་ལྕགས་ལེབ་སྲེག་པའི་སྟེང་རྒྱ་ཚའི་ཕྱེ་མ་བླུག་ལ་ལིའི་ཏིང་ཕོར་བཀབ། སྟེང་ནས་བྱེ་མ་རློན་པས་ནུབ་པར་བཀབ་ནས་དུད་རླངས་མ་ཤོར་བ་བྱ། གྲང་ནས་ལི་ཏིང་དུད་པ་ཕུག་རོན་དོང་རུས་བསྡུའོ། །ཤ་རུ་དང་། དུང་། མགྲོན་བུ། མི་ཐོད་རྣམས་ནི་སོལ་མེར་དཀར་པོར་མ་སོང་བར་ཧར་བསྲེག་བྱ། ནག་སྔོ་ཏིལ་ཙམ་ཡང་མི་བཏང་། དུང་ཐོད་ཚ་སྨན་ལ་བཏང་སྐབས་མི་བསྲེགས་པར་བཤད། ཕག་རིལ། སྒོག་སྐྱ་སོགས་གཞན་རྣམས་སླ་ངའི་ནང་དུ་བཞག །སྟེང་ནས་རྫ་ཕོར་བཀབ། བར་མཚམས་འདག་པས་བཀག་ལ་མེ་ཐོག་ཏུ་བཞག་སྟེ་དུ་བ་མ་ཤོར་བར་ནུས་བསྲེག་བྱ། ཅོང་ཞི་རྒོད་བཏུལ་ནི་ཕོ་ཅོང་བཟང་པོ་མེ་ནང་དུ་དཀར་པོར་མ་སོང་བར་བསྲེགས་ལ། བསིལ་ན་ཆུ་དྲོན། དྲོ་དགོས་ན་ཆང་། སྙོམས་བ་ལ་དར་བའི་ནང་དུ་འཕངས་ལ་བཤིགས་པའི་ཕྱེ་མ་འདེབས། མ་

― LT41_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོས་པ་ཏིལ་འབྲུ་ཙམ་ཡང་དུག་ཡིན་པས་མི་བཏང་། སྨན་ནག་སྐབས་ཐལ་སྨན་ལྔ་པོ་དུས་གཅིག་བསྲེགས་ན། སླ་ང་ཆེ་བའི་ཕྱོགས་བཞིར་དབུས་ལྔར་ཕག་བྲུན་སོགས་སྨན་སྐམ་པོ་རྣམས་སོ་སོར་བཞག་པའི་སྟེང་ནས་རྫ་ཕོར་ལྔས་བཀབ་ལ་བར་རྣམས་ཚྭ་འདམ་གྱིས་བཀག །དེ་སྟེང་སྲིད་པ་བྱེ་མའམ་ཆུ་འགྲམ་བྱེ་མའི་འདམ་གྱིས་གཡོགས། རློན་པ་དེ་ག་ཐབ་ལ་བཙུགས་ནས་མེ་བུས་པས་མཐིལ་དམར་པོ་དང་སྐྱ་ཧང་སོང་ནས་ཕོག་ནས་གྲང་དུ་གཞུག །འདག་པ་རྣམས་དལ་བུས་བསལ་ལ་བསྲེགས་ཐལ་བླང་། ནུས་བསྲེགས་དགོས་རིགས་མགྱོགས་ཁྱད་རྣམས་དེ་ལྟར་བྱ་ཆོག་གོ། ༈ །རེག་དུག་སྲེག་སྨན་ནི། དངུལ་ཆུ་རྒོད་པོ་སྲང་། ལ་མཚོན་ན་བིག་ཧན་ཏེ་རྒྱ་མཚུར་དཀར་པོ་འཁྲུལ་མེད༔ དར་སྨན་ཏེ་ཟེ་ཚྭ་༔ མཚལ་རྒོད༔ བཅས་པ་ལས་སྨན་ཕྱི་མ་གསུམ་སོ་སོར་ཞིབ་པར་བཏགས། འདི་ལ་གཞལ་ཚད་འདྲ་མིན་ཁ་ཤས་འདུག་ཀྱང་འདི་ཉིད་ལེགས་པ་ཉམས་མྱོང་རྒྱུན་ཡིན། དེ་ནས་སླང་ཡོགས་ལྕགས་སྣོད་མཐིལ་ཡངས་ལ་བུག་བརྡོལ་མེད་པ་ཞིག་གི་ནང་དུ། ཐོག་མར་ཟེ་ཚྭ། དེ་ནས་མཚུར་དེ་ནས་

― LT41_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

མཚལ་རྣམས་རིམ་པར་བརྩིགས་ལ་བཞག །དེ་སྟེང་དངུལ་ཆུ་དེ་ཤོག་གུ་ནང་དུ་ཚོ་བཞི་ལྔ་ཐུམ་པོར་བྱས་ལ་ཕྱོགས་ཕྱོགས་སུ་མི་འདྲིལ་བར་བྱས་ལ་བཞག་དཀར་ཡོལ་ཆེན་པོ་གས་ཆག་མེད་པ་ཞིག་གིས་སྟེང་ནས་སྦུབ། བར་མཚམས་ས་སྦྱོར་སྤྱི་ལྟར་རམ། མ་འཛོམ་ན་རྟ་སྤང་། ལན་ཚྭ། ས་ནག་གསུམ་བསྲེས་པའི་འདམ་གྱིས་ལེགས་པར་གཡོགས། དེ་སྟེང་ཞ་ཉེའམ་རྡོ་ལེབ་སོགས་ལྗིད་ཡོད་པས་མནན་ལ་སྐམ། སྐམ་ཐག་ཆོད་ནས་གནས་དབེན་པ་འགྲུལ་དང་ཁྱི་སྒྲ་སོགས་མེད་པར་མེ་ཐབ་ཏུ་བཙུགས་ལ་བསྲེག །དེའང་དང་པོ་མེ་ཆུང་། བར་དུ་ཆེ། མཐར་སླ་ངའི་ཞབས་སྐྱ་བོར་སོང་སྐབས་ཚོས་ཚད་ཡིན་པས་མེ་རིམ་གྱིས་ཀློད་ལ་གྲང་དུ་གཞུག །གྲང་ཐག་ཆོད་ནས་འདག་པ་རྣམས་དལ་བུས་བཀོག་ལ་ཁ་ཕྱེས་བས། དཀར་ཡོལ་ཡ་ཁེབ་ལ་དམར་པོ་ལི་ཁྲིའམ་མཚལ་མདོག་ལྟ་བུ་ཟུར་ལ་འཇའ་རིས་འཕྲེ་བ་བྱུང་ན་མཆོག་ཏུ་བཟང་། དམར་སེར་དང་ནག་ཐིག་ཕྲན་བུ་བྱུང་ཡང་བཏང་རུང་། ནག་པོ་ནི་གཏན་ནས་མི་བཏང་། བར་ལྗང་ཞིང་གཏིང་དཀར་བར་འབྱུང་། དེ་ནས་ཆི་གབ་སྟེ་ཟི་ལིང་ཤིང་ཏོག་དམར་རིལ་རྡོག་ཉེར་ལྔ་ཙམ་ཇ་

― LT41_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་དུ་རླངས་ཚོས་བྱས་ལ་རུས་པ་དོར་ནས་རྡོ་གཞོང་དུ་བསྣུར། སླར་ཡང་རླངས་ཚོས་བྱས་ལ་ཟན་ལྟ་བུ་དེས་ཡ་ཁེབ་ལ་ཆགས་པའི་དུད་པ་སྟེང་དམར་པོ་དང་། བར་ལྗང་གུ་ཡན་བསྡུས་ལ་རིལ་བུ་སྲན་མ་ཆུང་ཤོས་ཙམ་དུ་དྲིལ་ནས་རྒྱ་ཤོག་དམར་པོས་རེ་རེ་བཞིན་བཏུམ། ཤིང་ཏོག་གི་ཚབ་ཏུ་ར་ཁྲག་གིས་དྲིལ་ན་ཕན་པ་ཆེ་ངེས་སུ་བཤད། རིལ་བུ་སྐམ་ནས་པར་བུ་སོགས་སྣོད་བཟང་པོར་བཅུག་ལ་རླུང་མི་འཆོར་བའི་ཚག་བྱ། མ་འགེབས་ལ་ཆགས་པའི་སྙིགས་མ་དེ་ར་ཁྲག་ལ་སྦྱར་ཏེ་བྱུག་སྨན་བྱ། འདི་རྟ་བོང་སོགས་ཀྱི་རྨ་སྨན་ལའང་ཤིན་ཏུ་རྣོ། ཁ་ཡི་མེ་ཏོག་ལ་དངུལ་ཆུ་ཕྲན་བུ་ཙམ་མ་ཚིག་པ་བྱུང་ཡང་སྐྱོན་ཆེ། གཏིང་དཀར་ས་ཡི་དཀྱིལ་དུ་དངུལ་ཆུ་མ་ཚིག་པ་བྱུང་ན་སྔར་ལྟར་ཁ་རྒྱབ། སྐམ་ཐག་ཆོད་ནས་སྲེག་སྐྱོར་བྱེད་པར་བཤད་དོ། །ཐལ་སྨན་རྣམས་གྲང་ནད་ཀྱི་རིགས་ལ་མཆོག་ཏུ་གྱུར་པ་ཡིན་ནོ། ༈ །ཚ་བའི་ནད་རིགས་རྣམས་ལ་ཟབ་པ་ཁཎྜའི་རིགས་ནི། རྩ་བ་སོགས་གང་ཡང་ས་དང་དྲེགས་པས་མ་གོས་པར་བཀྲུ་ཞིང་བཤལ། ཁྲམ་ཁྲུམ་བརྡུངས་ལ་ཆུ་གཙང་དུ་ལེགས་པར་བཙོས་ནས་ཁུ་བ་ཐོན་ངེས་བྱ། རྫ་སྣོད་གཙང་མར་རྔ་ཚགས་ཀྱིས་བཙགས་ལ་མེད་ལ་བུལ་བཀོལ་ཞིང་སྐྱ་

― LT41_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

བས་དལ་མེད་དུ་དཀྲུགས་ལ་མ་འདྲེགས་པར་བྱ། སྐྱོ་མ་ལྦུབ་ཅན་དུ་སོང་སྐབས་རྡོ་འཁྱག་སྟེང་ཐིགས་གཅིག་བླུགས་པས་གྲང་ནས་རིལ་བུ་དྲིལ་བཏུབ་ན་ཚོས་ཚད་ཡིན་པས་ཕོག །མཐའི་འདྲེགས་པ་རྣམས་མི་གཏོང་། གཞན་ཐམས་ཅད་གྲོད་པུ་སོགས་སུ་བླུགས་ལ་ཚག་བྱའོ། ༈ །སྦྱོང་བྱེད་ལས་ལྔའི་སྡེ་ལས་བཤལ་གྱི་ཕྱག་ལེན་ནི། གཉན་བཤལ་སོགས་གློ་བུར་དགོས་རིགས་མིན་པའི་ནད་གཞི་ཆེ་རིགས་ལ་སྦྱོར་སྐབས། བཤལ་མ་བཏང་བའི་ཞག་གཉིས་གསུམ་གོང་ནས་བཏུང་བ་མ་གཏོགས་བཟའ་བ་སྤང་། གཏོང་ཉིན་གདོན་དང་འགྲུལ་བསྲུང་། རླུང་སྲང་དང་མཐིལ་བཞིར་མར་དཀར་བྱུགས་ལ་རྩམ་པ་འདེབས། ནུབ་མོ་སྣ་སེལ་ཨ་རུ་མཆུ་རིང་། ལྕུམ་རྩ། ཆུ་མ་རྩི། རྒྱ་མ་ཚྭ། པི་ལིང་བཅས་ཆ་མཉམ་བཏུལ་བའི་བསྡུས་ཐང་བཏང་། ནམ་གུང་ཇ་སླ་མོ་ཉུང་ཙམ་བཏང་། ཐོ་རང་སྦྱོང་བྱེད་རིལ་བུ་སྲན་མ་ཙམ་ལྔའམ་བདུན་ནམ་དགུ་སོགས་ལྟོ་བ་སྲ་སྙི་དང་བསྟན། རིག་པས་དཔྱད་ལ་ཆུ་ཁོལ་གྱིས་རིམ་པར་ཕུལ། སྐྱུག་ཤོམ་བྱེད་ན་དོང་གར་རྡོ་གྲང་གཏུགས་པ་དང་གདོང་ལ་ཆུ་ལྕག་རྡེག་པ་སོགས་ལག་ལེན་ལྟར། དངོས་གཞིའི་སྦྱོར་བ་རྣོ་ལ་འཇམ་པ་ཕྱི་རྒྱུད་

― LT41_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲོན་པོ་ལམ་བཤལ་ལ་མཚོན་ན། ཨ་རུ་མཚུ་རིང་མེ་མུར་དུ་མ་ཚིག་ཙམ་བརྡོ། །དུར་བྱིད། དན་རོག །ཤྲཱི་ཁན་རྣམས་གོང་སྨོས་ལྟར་དུག་འདོན་བྱས་པ་དང་། ཐར་ནུའང་བ་ཆུར་བཏུལ་བ་རྣམས་དང་། ལྕུམ་རྩ། སྔོན་བུའི་སྡོང་པོ། །ཁྲོན་བུའི་རྩ་བ། དན་ཁྲ། དོང་གའི་འབྲས་བུ་རྣམས་ཁྲོལ་བུར་བརྡུངས་པ་སོ་སོ་ནས་སྲང་རེ་བྱས་པ། བ་ཆུ་བྲེ་བཞིའི་ནང་དུ་མེ་ཤེད་ཆུང་བར་བཙོས་ལ་མ་འདྲེད་པར་བར་མ་ཆད་དུ་དཀྲུགས། ཚིགས་མ་བཙགས། དྭངས་མ་ཁཎྜ་བྱས། ཁ་ཚར་རྣམས་ཡོད་ཙམ་ལས་མི་གཏོང་བར་གསུངས་པས་ལྕུམ་རྩ་སོགས་ཉུང་ན་ལེགས་པར་མངོན། ཆུ་མ་རྩི། དངུལ་ཆུ་གྲང་འདུལ། དུང་ཐལ། རྒྱ་ཚྭ་བཅས་ཉུང་ཙམ་རེ་དུས་རྒྱུན་བསྣན། ཁ་སྒྱུར་གང་འོས་རྒྱུད་ལྟར་བྱ། འདིར་དུར་བྱིད་ཤུན་པ་འཕྲལ་བ་ཙམ་དང་། དན་རོག་ལྕེ་ཤུན་ཕྲལ་བ་ཙམ་ལས་གཞན་དུག་འདོན་མི་དགོས་བཤད་ཀྱང་གོང་སྨྲོས་རྒྱུད་ཀྱི་དགོངས་པ་ཡིན་པས་ལེགས། བཤལ་ཐེབས་ནས་ཆུ་ཁོལ་གྱི་ལྕག་རིམ་པར་བཏང་། ནད་འཁྲུས་ནས་གཅོད་རན་ན་ལྕག་མི་གཏོང་བར་འབྲས་ཐུག་སླ་མོ་བཏང་བས་རིམ་པར་ཆོད། ལྟོ་བཤལ་འབྱམས་ནས་མ་ཆོད་ན་རྒྱུད་ཀྱི་ད་ཏྲིག་བདུན་པ་བཏང་ངོ་། ༈ །ཆུ་སྦྱོང་གི་གདམས་

― LT41_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐུན་མོངས་མ་ཡིན་པ་འབུ་སྐྱོགས་བདུན་པ་ནི། འབུ་སྐྱོགས་དུང་འདྲ་བ་ཉེར་གཅིག་ཆང་ལ་གླ་རྩི་བཏབ་པའི་ནང་དུ་བཙོས་ལ་དུག་འདོན། །སྡིག་སྲིན། ཟངས་དྲེགས། ཆུ་མ་རྩི་སྟེ་མཁའ་འགྲོ་ལ་ཕུག །ལྕམ་འབྲུ་བཅས་དེ་བཞི་ཞེ་ཕྱེད་རེ། ཐར་ནུའི་ཁཎྜ་ཞོ་དོ། །བྱང་བ་བར་གཤོག་ལྡན་པ་བཞིའི་བར་གཤོག་བླངས་ནས་ཆང་ནང་དྲོད་ཉག་ཙམ་ཕབ་ནས་དུག་བཏོན་པ་གཉིས་བཅས། སྨན་སྣ་བདུན་ཕོ་བ་ཆུ་ཕུལ་གང་ཙམ་གྱི་ཁཎྜས་རིལ་བུར་དྲིལ། ཤ་ལྤགས་སྦོས་ཤིང་ཆུ་སེར་ཤས་ཆེན་སྒ་ཏིག་ཁཎྜ་ཞད་ཙམ་བསྣན་པ་སྟེ་དངོས་གཞིའི་སྨན་སྦྱོར་རོ། །འདི་ཚ་ཤས་ཤིན་ཏུ་ཆེ་ན་སྲོག་ལ་ཐོབ་ཤ་བྱ་བ་ལས། གྲང་ཆུ་སོགས་ལ་གཏན་ནས་མི་བཏང་སྣ་སེལ་དུ་ཨམྦྷི་དྲུག་ཐང་ཞག་ཁ་ཡར་བསྟེན། གཟེར་ཆེན་སྦང་ཚན་གྱིས་དུག་བྱ། ཤིན་ཏུ་དྲོ་བར་ཡིབས། ཆུ་མདོག་སྔོན་པོ་བྱུང་ན་བཅད་རན་པ་ཡིན་པས། ཤ་ཚིགས་མ་བཙགས་པའི་ཁུ་བ་ཕོར་ཆུང་དོ་ཙམ་བླུད། དེ་ནས་ཞག་ཁ་ཡར་སྐམ་གྱི་རིགས་ཆེར་བཏང་བར་མི་བྱའོ། ༈ །གླང་ཐབས་ཚབས་ཆེན་སོགས་ལ་སྟེང་ནས་སྨན་བཏང་ནས། འོག་ཏུ་ནི་རུ་ཧས་དྲངས་པ་ཤིན་ཏུ་གལ་ཆེ་བས། ཕྱི་རྒྱུད་ལྟར་གཅེའུ་དངོས་ཡོད་ན་ལེགས་ཀྱང་མེད་ན་སྨྱུག་སྦུབས་སོར་བརྒྱད་ཡོད་

― LT41_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཅན་གྱི་སོར་བཞིའི་རྩིབ་བཞར་ནས་ཤིན་ཏུ་འཇམ་པོར་བྱས། ཆུ་བསྲོས་པའི་ཚ་མོའི་ནང་དུ་བ་ཆུའི་ཁཎྜ་སྤངས་པ་བོར་ཆུང་གང་ཙམ་ལ་སྨན་ཐུན་གསུམ་ཙམ་བཏབ་ལ་དཀྲུགས། །དྲོན་མོ་དེ་ཀ་དྲོད་པར་བླུག་ལ་སྨྱུག་སྦུབས་ཚུར་སྣེ་དྲོད་པར་བསྡམ་ལ། འཇམ་ངོས་འོག་སྒོར་སྣུམ་བྱུགས་པར་བཅུག །ནད་པ་སྒུར་པོར་བསྡད། དལ་བུས་སོར་བཞི་གཞུག་ནས་ཅུང་ཟད་ཕྱིར་བསྣར། དེ་ནས་དྲོད་པ་བཙིར། འགྲོ་དཀའ་ན་གཡས་གཡོན་སྟེང་འོག་ཏུ་གཅུ། ལྷག་མ་ཅུང་ཟད་བཞག་ལ་སྨྱུག་སྦུབས་བཏོན་ལ་རས་སམ་ཕྱིང་བས་ཆར། གཞོག་གཡོན་འོག་ཏུ་བཅུག་ལ་ལན་གཉིས་གསུམ་ཕྱིར་མི་བཏང་བར་གྱེན་ཏུ་ཟློག་ཐུབ་ན་ལེགས་ཤིང་མི་ཐུབ་པ་ན་སྣོད་དུ་བཤལ་བར་བྱའོ། ༈ །གཏར་གའི་སྐབས། རྒྱས་ཚད་ལྟ་བུ་གློ་བུར་གཏར་དགོས་མ་ཡིན་པ་ལ་ངན་ཁྲག་དབྱེ་བའི་ཐང་སྔ་ཉིན་ནས་བཏང་། བླ་གནས་མཐུག་ཅིང་གཟའ་སྐར་འཇམ་སྐབས་འགྲུལ་བསྲུང་། བཏུང་བ་ཡང་འཐུང་། ལུས་དྲོས་ངེས་མེ་ཉི་ལྟ་བུས་བསྲོ། ནད་པ་ལོ་ལྷའི་ཕྱོགས་སུ་གདོང་གཏད་ལ་འདུག །གཙག་བུ་ལ་ཉེས་སྐྱོན་སྲུང་བའི་སྔགས་བཏབ། བསྙལ་ལུགས་གཞུང་གསལ་ལྟར་བསྙལ་ཐག་གིས་པགས་པ་མ་འཆུས་པར་སྦྲིད་ཆིལ་

― LT41_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་རྒྱུད་ལྟོང་གིས་མ་བྱུང་བར་བསྡམ། དེ་ནས་རྩ་རྒྱུད་རྣམས་རེ་ཞིག་འཕུར་བསུབ་བྱས་ནས་རྩ་གང་ཡིན་དེ་ལ་ལག་པའི་མཐེབ་མཛུབ་ཀྱིས་དམ་པར་བཟུང་ལ་སྨྱུག་ཁ་ལྟ་བུའི་སེན་རིས་བྱས། དེ་སྟེང་གཙག་བུས་ཕུག་པས་ཁྲེབ་སྒྲ་གཉིས་བྱུང་ན་ཤ་དང་རྩ་ཕིགས་པའི་རྟགས་ཡིན་པས་བླང་། དེ་ལས་ཐལ་ཏེ་ཤ་གདན་བསྣད་ན་མི་ལེགས་པས་ལག་ཚོད་ཟིན་པར་བྱ། ནད་ཁྲག་ཐོན། ཟུངས་ཁྲག་བྱུང་ནས་བཅད་རན་པ་ན་བསྙལ་ཐག་ཀློད་ལ་རྨ་ཁ་མཐེ་མོས་ཅུང་ཟད་མཉེ། ཕྱིང་པ་ཆུར་བཅུག་པའི་དུམ་བུ་གླན་ལ་བལ་ཐིག་གིས་བསྡམ། ཁྲག་ཆོད་དཀའ་ན་ཤིང་གཞོག་གླན། རྩ་རྒྱུད་རྡོ་གྲང་གཏུགས། འགྲོ་འདུག་ལངས་འགུལ་མི་བྱ་བར་གཟབ། ཁ་ཅིག་ལ་ཁྲག་གིས་བོགས་ནས་དབང་པོ་ཤོར་བ་ཡོད་པས་གསུར་བདུག་བྱ་ཞིང་ཁ་བྲུ་གདབ། ཚབས་ཆེན་གསོན་ཁྲག་བླུད་པའང་གསུངས། རྨ་ཁ་སྐྲངས་ན་ཚྭ་མར་དང་ཁྱི་གཞོབ་བྱུགས་ལ་མཉེ། རླུང་སྐྱེས་ན་རླུང་སྨན་དང་བུ་རམ་བཏང་། ཁྲག་ངན་སྐྱེ་བས་ཆང་རག་བཏོང་མི་རུང་། གག་པའི་ལྕེ་ཟོར་སྐབས་ལྕེ་རྩེ་ཟླ་གམ་རིང་ཐུང་ཕུན་གང་ཙམ་ཡོད་པའི་ཕྱེད་ཡན་དར་གྱིས་དཀྲི། དེ་ནས་ལྕེ་སྐྲངས་དབུས་སུ་བཞག་ནས་གྲི་ལྟག་ལྟ་བུས་བརྡེགས་པས་

― LT41_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

རྣག་དོན་ཡོང་། དྲེག་རྩ་ནི་རྐང་པའི་མཐོ་བོང་དང་མཛུབ་མོའི་བར་གྱི་བདར་ཤ་ན་ཡོད་པས། དྲེག་འབུག་རྣོན་པོའི་བུ་གར་དར་དམར་པོ་བརྒྱུས་ནས་ཕུག་ཅིང་། འབུག་བླངས་རྗེས་དར་སྐུད་ཡར་མར་དྲངས། མཐར་ཞབས་ངོས་སུ་བླངས་ནས་དོར། །ཕུག་གདན་འབོལ་ལྟ་བུ་ཞིག་དགོས་སོ། ༈མེ་བཙའ་ནད་སྤྱི་ལ་དོན་སྣོད་སོགས་སོ་སོའི་སྲང་རྣམས་དང་། རྩ་འཁྱུག་ལ་རྩ་ནད་གར་ལངས། རླུང་ཁྲག་འཐབས་པ་སོགས་ཕྱིའི་གཟེར་མིག་ཚབ་ཆུང་མནན་ན་ཕན་པ་ལྟར་སྣང་ཞིང་མཐེབ་རྗེས་འབྱུང་བ་རྣམས་ལ་དེ་གར་མེ་བཙའ་གདབ་རུང་། མི་བཙའ་ཆེ་ཆུང་ཚད་ནད་དང་སྦྱར་ཚུལ་རྒྱུད་ནས་གསུངས་པ་ལྟར་ལས་གང་བྱུང་བྱས་ན་དམན་ལྷག་གི་ཉེས་པ་སྐྱེད། མེ་བཙའི་དམ། མར་ནག །རྒྱུངས་པ། སྒོག་པ་གསུམ་སྦྱར་བ་དགོས། མེ་བཙའ་མང་པོ་དུས་གཅིག་བཞག་སྐབས་སྔ་མའི་སུམ་གཉིས་ཚིག་རྗེས་གཞན་གཅིག་སྦར་ནས་རྒྱུན་མི་འཆད་པ་གལ་ཆེ། མེ་ཤི་རྗེས་མཐེབ་རྒྱས་མནན་ལ་གོམ་པ་འགའ་རེ་འགྲོར་གཞུག །དེ་ནུབ་ཆུ་གྲང་མི་བཏུང་། ཕོ་བ་སོགས་སྣོད་དུ་ཟས་ཟོས་རྗེས་མེ་མི་གདབ་པ་གནད་ཡིན་ནོ། ༈སྐྲངས་པ་རྣག་ཏུ་འགུགས་ན། སྐྲངས་པའི་དཀྱིལ་དུ་ཕུག་

― LT41_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

རོན་བྲུན་དང་ནས་སྔོན་ཕྱེ་མ་ཆུ་ཉུང་ངུར་བཙོས་ལ་བ་ཀོ་ཙམ་གྱི་སྲབ་མཐུག་གི་ཐིག་ལེ་བྱས་པའི་སྟེང་ཤོག་གུས་བཀབ་ལ་སྦྱར། རྣག་མ་སྨིན་པར་དུ་འཇོག །རང་བརྡོལ་བཅོལ་ན་དེའི་དཀྱིལ་ཕུག་ལ། ཕུག་རོན་བྲུན་ཆ་གཉིས་དེའི་ཕྱེད་ཀྱི་དུང་ཐལ། ནས་སོན་ཕྱེ་མ། རྒྱ་ཚྭ། ཐར་ནུ་ནུས་བསྲེགས་རྣམས་ཞིབ་པར་བཏགས་ལ་ལྡེ་གུ་བྱས་པ་འཐུག་པོར་བཀུས་པའི་སྟེང་སྐྱི་མོས་བཀབ། ཆུ་ཡིས་རྒྱུན་ཏུ་ནེ་མ་བརྒྱབས་པས་ཞག་གཉིས་གསུམ་ནས་བརྡོལ། འཕྲལ་དུ་ཕུག་འདོད་ན་ཟངས་ཐུར་གྱིས་བསྲེགས་ནས་འབིགས་པར་བཤད་དོ། ༈ཙནྡན་མར་ཁུའམ་ཤུག་རག་ཏུ་གྲགས་པ་ནི། ཤུག་པ་སྤ་མ་སྡོང་པོ་ཐང་ཆུ་ཅན་གཞོག་པ་དེ་རྫ་མའི་ནང་དུ་གང་ངེས་བླུག །ས་ལ་དོང་བྲུས་པའི་ནང་དུ་སྣོད་ཞིག་ཁ་ཡར་ལ་ཟེད་པའི་སྟེང་རྡོ་ལེབ་ཁུང་བུ་བདུན་ཙམ་ཡོད་པས་བཀབ། དེ་སྟེང་ཤུག་པས་བཀང་བའི་རྫ་མ་ཁ་སྦུབས་ལ་ས་དོང་མཚམས་ནས་སྲུབ་མེད་པར་རྫ་མའི་ཕྱི་ངོས་འདག་ཞལ་བྱས་ནས་སྐམ་དུ་གཞུག །དེ་ནས་སོལ་མེ་འབུད་ནས་ཉིན་གཅིག་ཙམ་བསྲེགས་པས་ཤུག་པའི་ཁུ་བ་རྡོ་ལེབ་ཐུག་ནས་དོང་གི་སྣོད་དུ་འཁྱིལ་པ་དེས་ཆུ་སེར་སོགས་པགས་ནད་རིགས་ལ་ཆེས་ཟབ་པའོ། །འདི་

― LT41_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

ལའང་འོག་ཏུ་ཆུ་རླན་མེད་ན་མང་བ་མི་བབས་རིམ་གྱིས་སྐམ་འགྲོ་བས། དོང་ནང་ཆུ་དོང་ལ་རྫ་མ་ནུབ་པ་བྱ། ལྟག་ནས་ཝ་བརྐོས་ནས་ཆུ་ཁྲིད། འོག་ནས་ཝ་ལ་ཆུ་ཕྱིར་འགྲོ་རྒྱུ་ཡོད་པ་བྱ་བ་དང་། ཤུག་པའི་ཤིང་ལའང་ཚིལ་ཞགས་ཅུང་ཟད་བརྒྱབ་ན་ལེགས་པ་ལག་བླངས་སོ། ༈ །བདུད་རྩི་ལྔ་ལུམ་ནི། བྲག་མཚེ། ཤུག་པ་ཚེར་མ་ཅན། མཁན་པ་གསེར་མགོ། །སུར་དཀར། འོམ་བུ་བཅས་རློན་བཏུས་བྱས་པ་སོ་སོར་ཁྲོལ་བུར་བརྡུངས་པ་རེ་རེ་ནས་ཕུལ་གྱིས་འཇལ་བའི་བྲེ་གང་རེ་བྱས། རྩ་བ་ལྔ་དེ་ལས་ཉུང་ཙམ་བྱ། གཟེ་མ་ཞིབ་མོར་བརྡུང་། གཞན་ཡང་བཤལ་སྐྱུགས་དུག་རིགས་མིན་པའི་སྨན་གང་འཛོམ་དང་། བྲག་ཞུན་ཅོང་ཞི་ཆུ་སེར་སྨན་གསུམ་གང་མང་བཅས་ཁྲོལ་ཙམ་བརྡུངས་བ་ཐམས་ཅད་སྣོད་ཆེན་པོར་ཆུ་མང་ཙམ་བླུགས་པའི་ནང་དུ་བུལ་ཏོག་བྲེ་ཕྱེད་ཙམ་བཏབ་པ་དང་ལྷན་ཅིག་ཇ་ཡུན་ལྷག་ཙམ་བསྐོལ། ཁུ་བ་བཏོན་ནས་ཅུང་ཟད་གྲང་བ་དང་ཕབ་ཕྱེ་བྲེ་ཕྱེད་བཏབ། སྟན་དང་ཁེབ་བཅས་དྲོ་སར་ཞག་གསུམ་བསྙལ་ལ་བཏོན། ལོགས་སུ་ཆུ་ཚན་ཁྲོ་སྣོད་ཆེ་བར་བསྐོལ་བ་ལ་ཉུང་ཙམ་བསྣན་པ་དེ་གྲོ་འཇམ་ཙམ་ལ་ཞུགས། མགོ་མ་གཏོགས་སྣོད་བཅས་རས་ཀྱིས་དཀྲིས་ལ་རླངས་མ་ཤོར་བར་བྱས་

― LT41_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་མཚན་བརྗོད་ཚར་གཅིག་རིང་འདུག་དེ་ནས་རས་ཕུད་ཆུ་ཕྱར། མཚན་མོ་ཆུ་ལ་ཁེབས་རྒྱག །ཕྱིར་ཉིན་ནས་ཉིན་རེ་བཞིན་ཆུ་རིམ་པར་ཚྭ་རུ་བཏང་ནས་ལན་གཉིས་རེ་ཞུག །ཞག་བཅུ་ཙམ་ནས་འཕྲོ་བཅད་ལ་ཕྱེ་འཕུར་གྱི་བྱུག་པ་བྱ། སྤྱིར་ཆུ་འཐག་ན་ཆུ་བསྣན་མ་འཐག་པར་གྲང་ན་བདུད་རྩི་རང་གི་ཆུ་དྭངས་བཀོལ་ནས་བསྣན། པར་ཐམས་ཅད་དུ་རླངས་པ་མ་ཤོར་བ་གལ་ཆེ། ཡང་ལག་ལེན་ལུགས་གཅིག་ལ། བདུད་རྩི་ལྔ་པོ་ཞིབ་བརྡུངས་ཕྱེ་མ་སོ་སོ་ཆ་མཉམ་པ་ཟངས་སྣོད་ཆེ་བ་ཞིག་ཏུ་བླུགས། དེ་མཉམ་ནས་སྔོན་ཕུལ་གང་ཙམ་དང་བུལ་ཏོག་བཏབ། ཆུ་རང་ནུབ་ཙམ་བླུགས་ལ་བསྐོལ། ཡང་ཡང་ཆུ་ས་བཅིང་ཁུ་བ་རང་ཐིམ་སོང་དུས་ཕོག་ནས་གྲང་བཅུག །དྲོད་རྔ་ཡོད་ཙམ་དུས་ཆང་ཕབ་བཏབ་ཅིང་ཞག་གསུམ་ལ་ཆང་བསྙལ་བ་ལྟར་བྱ། དེའི་མཉམ་དུ་འབྲུ་ཆང་ཞིག་ཀྱང་བཙོས་ལ་བསྙལ། དེ་ནས་གཟའ་སྐར་བཟང་པའི་ཉིན་བདུད་རྩིའི་སྨན་སོབ་སྒྲ་དང་ཆང་དྲི་བཅས་བྱུང་དུས་ཁ་ཕྱེས་ལ། ཁ་ཚར་གྱི་སྨན་སྤྱི་ལ་རྩ་བ་ལྔ་ཁྲོལ་བརྡུངས་བྱས་པ། རྩ་དཀར་ལ་གླ་རྩི་ཁྱོར་དོ་ཙམ། ཆུ་སེར་ཅན་ལ་མུ་ཟི་ཐུན་གཅིག་བཏབ། འབྲུ་ཆང་ལ་ཆུ་བརྒྱབ་ནས་བཙགས་པའི་ཆང་རང་

― LT41_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ཙམ་བླུགས་ནས་བསྐོལ་ལ་ཕོག་སྟེ་ཁ་བཅད་ནས་ཅུང་ཟད་བཞག །དེ་ནས་ཟངས་སྣོད་ཆེ་བར་བླུགས་ལ་སྔོ་ཁུ་དང་ཆུ་ཡིས་བུངས་བསྐྱེད་ལ་བསྐོལ། །དེ་ནས་ས་ལ་ལུས་སྐྱིལ་ཀྲུང་གིས་སྡོད་ལོ་བའི་ཚད་ཀྱི་དོང་བྲུས་པའི་ནང་དུ་ཀོ་རློན་བཏིང་། ཟུར་རྣམས་དོང་ཁར་ཕུར་པས་བརྒྱད། དེའི་ནང་དུ་སྨན་གྱི་ཆུ་ཁོལ་བླུགས་ལ་ཉལ་བའི་དང་པོ་ཆུ་ཚན་དེས་མགོ་དང་ཁོག་སྟོད་བཀྲུ། སླར་ཅུང་ཟད་རེ་གྲང་དུས་ཐབ་ཀྱི་སྨན་ཁུ་ཚན་མོ་རེ་དང་བརྗེ་རེས་བྱེད་ནས་ཡུན་ཇེ་རིང་ལ་གཏོང་བའི་ལན་གྲངས་ལྔ་དང་བདུན་དགུ་བཅོ་ལྔ་ཕྱིན་ཡང་ཡང་ཞུག །།ཁྲག་ནད་བད་ཀན་སོགས་སྟོད་དུ་འཕྱུར་སྙམ་བྱུང་ན་གསེར་ཐང་བཅོ་བརྒྱད། ཨ་གར་སོ་ལྔ་སོགས་རིག་པས་དཔྱད་ལ་བཏང་། །མཚམས་སུ་ཤ་གསར་དང་ཕྱེ་ཐུག་སོགས་དྲོད་བཅུད་ཅན་གྱི་ཟས་ཀྱང་ཁམས་དང་བསྟུན་ནས་བཏང་། ཉལ་ཚེ་རླངས་པ་ཕྱིར་མི་ཤོར་བ་གོས་སམ་རས་ཕྱར་གྱིས་སྟེང་ནས་བཀབ། ལུམ་འཇོག་མཐར་མར་དཀར་དང་ཕྱེ་བསྲེས་པས་ལུས་ལ་བྱུག་པ་བྱ། ཆང་བསྲེས་ཀྱི་ལུམ་འདི་རྩ་དཀར་དང་རླུང་ལ་ཁྱད་པར་བསྔགས། དུག་དང་དུག་ཐབས་ཀྱི་ནད་གཞུག་ཆུ་ཆན་མི་བྱེད་པར་འདུད་རྩི་ཆུ་ཚན་འཇི་ལྟར་བསྟེན་པ་མཆོག་ཏུ་བསྔགས། རྩ་དཀར་དྲེག་གྲུམ་སོགས་ལ་བཅིངས་ལུམ་དགོས་ཚེ་གོང་ལྟར་སྦྱར་བའི་རོ་མ་ཚ་མོ་ནས་ར་བཅིངས། གཡོགས་ཀྱིས་

― LT41_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡམས་ལ་རེས་མོས་བརྗེ་བ་དང་། སྟེང་ནས་བདུད་རྩིའི་རྒྱུན་འབེབས་པ་སོགས་གང་འོས་བྱས་པས་ནད་སེལ་ཞིང་ཕན་བདེའི་ཡོན་ཏན་རྒྱས་པར་འགྱུར་རོ། ༈ །དབང་རིལ་ཉེར་ལྔའི་ཕྱག་ལེན་ནི། དབང་རིལ་འཁྲུལ་མེད། གཙོ་བོར་བྱས་པའི་དབང་དུ་བྱས་ན། བསེ་རུ་དཀར་པོ་ཆུ་བརྡར་བྱས་པ། གུར་གུམ་ཁ་ཆེ་མའམ་དཀྲུས་མ། ཆར་ཉུང་ཁཎྜ་ ཁྱུང་སྐྱུགས་ སུགྨེལ། ལི་ཤི། ཅུ་གང་རྣམས། རེ། གླ་རྩི་ རྒྱ་གར་རུ་རྟ་དང་བོང་ཀྱི་རུ་རྟ་འདྲེས་མ་ གསེར་བྱེ། ཉི་དགའ། སྡིག་སྲིན་རྣམས་ རེ། ཨ་རུ་གསེར་མདོག །བ་རུ་ར་དང་། སྐྱུ་རུ་ར་ རེ། ཙནྡན་དཀར་པོ། བ་ཤ་ཀ་ ལྡུམ་བུ་རེ་རལ་ འབྲས་སྣ་གསུམ་སོ་སོ་ནས་ རེ། མཚལ་དཀར་ཏེ་རྡོ་མཚལ་རང་བྱུང་ མཁལ་མ་ཞོ་ཤ་དང་། གོ་ཡུ་ བཅས་སྨན་བྱིང་རྣམས་ཞིབ་པར་བཏགས། དེ་ནས་དབང་རིལ་དུག་འདོན་ལ། དཀར་པོ་ཡིན་ན་མཛོ་མོའི་འོ་མ་དང་། སྔོ་ལྗང་གར་ཆང་ནང་དུ་དྲོད་བབ་ཙམ་བཅོ། །སེར་པོ་ཡིན་ན་བཙོས་ཟན་ནང་དང་། དམར་པོ་གཡག་རྒོད་ཤའི་ནང་དུ་བསྟུམ་ལ་དྲོད་བབ་ཙམ་བསྲེག །ངར་འདོགས་

― LT41_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

གདན་གཙང་ཁར་དཀར་ཡོལ་གས་ཆག་མེད་པའི་ནང་བྱིས་པ་ཕ་མ་འཛོམ་ཞིང་མིང་བཀྲ་ལེགས་པས་ཆུ་མིག་ཁ་ཤར་བསྟན་ནས་སྐྱོགས་ཁ་ཐུར་དུ་གྱུར་ཏེ་བླངས་པའི་ཆུ་བླུགས། དེ་ནང་དབང་རིལ་ །ཕྱེ་མ་དང་། ཁ་ཆེ། གི་ཝཾ། གླ་རྩི། ལི་ཤི། ཛཱ་ཏི་རྣམས་ རེའི་ཕྱེ་མ་དང་ལྷན་ཅིག་ཏུ་ཞག་གཅིག་བར་དར་དཀར་གྱིས་ཁ་བཅད་ལ་བཞག །དེ་ནས་སྨན་དང་བསྲེ། ཁྱུང་སྐྱུགས་སྤོས་རྡོ་མ་ཡིན་པ་རིན་པོ་ཆེའི་རིགས་སུ་གཏོགས་པའི་ལེགས་པ་ལ་དུག་འདོན་བྱ་དགོས་པས། དེའི་ཚུལ་ནི། གཞི་ཁྱུང་སྐྱུགས་ཞོ་གསུམ་ལ། ཟེ་ཚྭ་དང་། ཚྭ་ལ་ཆུ་བཅད་ རེ། བེ་ལྗང་རེ་རལ། ལྡུམ་བུ་རེ་རལ། གངྒཱ་ཆུང་རྣམས་ རེ། སྟར་བུའི་ཁཎྜ་ ཨ་རུ་གསེར་མདོག་དང་། མགྲོན་བུ་སྦོ་ཅན་ཧར་བསྲེགས་ཐལ་བ། རེ། གླ་རྩི་དྲི་ཐོན་བཅས་ལོ་བརྒྱད་དྲི་ཆུར་བཏབ་ལ་ཉི་མ་ཕྱེད་ཙམ་བཙོ། །དེ་རྗེས་གར་ཆང་བསྣན་ལ་བཙོ། །ཆུ་གྲང་གིས་དག་པར་བཀྲུས། སླར་ཡང་ཆུ་གཙང་ནང་དུ་ལན་གསུམ་བཙོ་ཞིང་བཤལ་བ་ཞིབ་བཏགས་ཀྱི་ཕྱེ་མ་སྨན་དང་བསྲེ། དེ་རྣམས་ཆར་ཉུང་གི་ཁཎྜས་འདམ་ཐག་ལེགས་པར་བྱས་ཏེ། རིལ་བུ་སྲན་འཕོས་ཙམ་དྲིལ། རིལ་ཆགས་འཐེམ་པར་བྱ། རབ་ཏུ་

― LT41_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཤིང་རླུང་མི་འཆོར་བའི་སྣོད་པར་བུ་བཟང་པོར་བཅང་བར་བྱའོ། །དབང་རིལ་མེ་དང་ཉི་མ་བུད་མེད་ཀྱིས་མ་རེག་ཅིང་ནམ་མཁའ་མ་མཐོང་བར་བྱ་བ་དམ་ཚིག་ཏུ་བཤད། ཕན་ཡོན་ནི། གཞུང་ལས། ཕན་ཡོན་དུ་གནད་གསར་རྙིང་དང་། །ཚད་པ་རྙིང་པ་རྣམས་ལ་ནི། །སྡུད་དང་གསོད་དང་འཇོམས་པར་བྱེད། །འདི་ལས་ཟབ་པ་གཞན་ན་མེད། ཅེས་གསུངས་པ་ལྟར། སྦྱར་དུག་དང་གྱུར་དུག་གི་གཙོས་ཁོང་ནད་རིགས་སྤྱི་དང་། ཁྱད་པར་སྨུག་པོ་དུག་ཐབས་ལ་ཡུན་རིང་བསྲིད་སྟེ་བསྟེན་ན་ཤིན་ཏུ་ཕན་པ་ལག་ལེན་མྱོང་གྲུབ་བོ། །འདི་ལ་ཁྱུང་སྐྱུགས་མལ་དུ། ཛ་ལུ་ར། ཞེས་དང་། དེའི་མཆན་ཏུ། རྟའི་ཕྱ་ཚན་བྲིས་པ་དང་། སུགྨེལ་ལ་གསང་སྨན་ཅེས་དང་། དེའི་མཆན་གཡུ་རྙིང་བྲིས་པའང་སྣང་ཞིང་། དེ་དག་གང་ཡང་དུག་དང་སྨུག་པོའི་གཉེན་པོར་འགྲོ་བ་ཁྱད་པར་མི་སྣང་ངོ། །དེ་སོགས་ཉེར་མཁོའི་རིགས་གྱུར་མང་ན་ཡང་། །ཤེས་བྱ་ནམ་མཁའི་མུ་ཁྱུད་མཐའ་ཡས་ཤིང་། །བློ་གྲོས་དམན་པས་ཉུང་དུའང་ཤེས་པ་དཀའ། །མེད་ཐབས་མེད་པ་འགའ་ཞིག་འདིར་གསལ་བྱས། །དལ་འབྱོར་ཤིན་ཏུ་རྙེད་དཀའ་ཡིད་བཞིན་ནོར། །ནད་

― LT41_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

གདོན་དྲི་མས་ནོངས་ཀུན་འཚོ་ཐབས་ཀྱི། །བྱི་དོར་འདིས་ཀྱང་དག་བྱེད་མཆོག་གྱུར་ཏེ། །དོན་གཉིས་འདོད་རྒུ་ཡུན་རིང་འཇོ་བར་ཤོག །དཔལ་ལྡན་གསོ་བ་རིག་པ་འདི་ཉིད་ལུས་ཅན་མཆོག་དམན་ཀུན་གྱི་བདུད་རྩིར་གྱུར་ཀྱང་། སྙིགས་དུས་སྦྱངས་པས་དམན་པའི་འཚོ་བྱེད་གཟུགས་བརྙན་འཛིན་པ་རྣམས་དམན་ལྟག་ལོག་པའི་སྦྱོར་བ་ལ་ཞུགས་པར་མཐོང་ནས་ཅུང་ཟད་ཕན་འདོད་ལྷག་པའི་བསམ་པས་ཀུན་ནས་སླངས་ཏེ། སྨན་རྒྱལ་བསྟན་པའི་ཉིན་བྱེད་བརྒྱུད་པར་བཅས་པའི་གསུང་གི་རྒྱུན་ལས་དངོས་སུ་ཐོས་པ་དང་རེག་ཟིག་ཕྲ་མོ་འགའ་བསྒྲིལ་ཏེ། མང་ཐོས་ཀྱི་དགེ་སྦྱོང་ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེས་ཉག་ཤོང་རི་རྒྱལ་དགའ་ལྡན་ཀུན་ཁྱབ་རྫོང་དུ། མི་རྗེ་སྤྱི་ཁྱབ་ཆེན་པོའི་དགོངས་བཞེད་ལྟར་དངུལ་ཆུ་བཙོ་བཀྲུ་ཆེན་མོའི་ལག་ལེན་རྒྱ་ཆེར་བསྟར་བའི་སྐབས་སུ་བྲིས་པ་གཞན་ཕན་མཐའ་ཡས་པ་འབྱུང་བར་གྱུར་ཅིག །དགེ་ལེགས་འཕེལ། །

པདྨ་བཛྲའི་གནས་འདྲེན་ཙཀླིའི་བཀོད་ཡིག

― LT41_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། པདྨ་བཛྲའི་གནས་འདྲེན་གྱི་དཀྱིལ་འཁོར་ཡིག་ཆུང་ངུ་རིགས་དྲུག་ལས་མ་གསུངས་ཀྱང་འདོན་ཆར་གནས་འདྲེན་བརྒྱད་འབྱུང་བའི་གྲངས་མཚུངས་བཀོད་ཚུལ་འདྲ་མིན་སྣང་རུང་གཞུང་ཚིག་གི་དངོས་བསྟན་ལྟར་ན། ༡ །དམྱལ་བའི་དལ་ལ། །སྨད་ཆར་ཚ་དམྱལ་མཚོན་བྱེད་རི་ཐང་དམར་པོ་དམྱལ་ཟངས་ནང་དུ་སེམས་ཅན་དུ་མ་ལས་མཁན་སྟག་གཟིག་མགོ་ཅན་གྱིས་འཚོད་པ། ལྕགས་ཁང་སྒོ་མེད། ཡང་ལས་མཁན་མགོ་བརྙན་ཅན་གྱིས་དམྱལ་བའི་སེམས་ཅན་སོག་ལེས་གཏུབས་པ། དེ་དག་གི་ཕྱོགས་བཞིར་ཤ་མ་ལིའི་སྡོང་པོ་ལ་སེམས་ཅན་ཕུག་བཞིན་འཛེགས་པའི་གླད་ན་བྱ་དང་། འོག་ནས་ཁྱིས་རྨུགས་པ། ཆུ་བོ་དྲག་ཏུ་འཁྲུགས་པ་དམར་པོས་སེམས་ཅན་ཁྱེར་བ། མེ་མ་མུར་གྱིས་དོང་ལ་ཀེང་རུས་ཀྱིས་འབོགས་པ། རལ་གྲིའི་ལོ་མ་ཅན་གྱི་ནགས་བཅས་མཚོན་བྱེད་རེ་དང་། བྲག་དམར་ནག་རྭ་རྩེ་འདྲ་བས་སེམས་ཅན་བརྡུང་ཞིང་བཅིར་བ། སྟོད་ཆར་གྲང་དམྱལ་མཚོན་བྱེད་གངས་རི་ཆུ་འཁྱག་གི་དབུས་སུ་སེམས་ཅན་ཅུང་ཟད་གས་པ། །ཕྱེད་གས་པ། ཚལ་པ་མང་པོར་གས་པ་བྲི། ༢ །ཡི་དྭགས་ཀྱི་དལ་ལ། སེམས་ཅན་ལྟོ་བ་རི་ཙམ། མགྲིན་པ་རྟ་རྔ་ཙམ། ཁ་ཁབ་མིག་ཙམ། ཡན་ལག་རྩི་ཐུར་ཙམ། སྐྲ་གཟེངས་པ་མང་

― LT41_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། འགའ་རེ་ཁ་ནས་མེ་འབར་བ། འགའ་རེས་ཆུ་ཀླུང་རྣག་ཁྲག་ཏུ་གྱུར་པ་ལ་ལྟ་བ། འགའ་རའི་སྔོན་ཏུ་ཟས་སྐོམ་དང་། ཁང་བཟང་གཏེར་གྱི་གང་བ་ཡོད་ཀྱང་སྐྱེས་བུ་གོ་མཚོན་ཅན་གྱིས་བསྲུང་ནས་སྤྱོད་དབང་མེད་པའི་ཚུལ། འགའ་ཞིག་འགྱེལ་ཞིང་བུབ་པ་བྲི། ༣ །ཕྱོལ་སོང་གི་དལ་ལ། ནམ་མཁར་བྱ་རིགས། བར་དུ་རིའི་ངོས་སུ་ནགས་ཚལ་སྟག་གཟིག་དོམ་དྲེད། སྤང་ལྗང་ལ་ཤ་རྣ་དགོ་གསུམ། །རྟ་གཡག་ར་ལུག །སའི་ཁུང་བུར་ཕྱི་གྲུམ་སྤྲུལ། འོག་ཏུ་རྒྱ་མཚོ་ནང་ཀླུ་གཟུགས། ཆུ་སྲིན་པིར་སྦལ་ལྕོང་སོགས། རི་ཕག་ཏུ་གླིང་བར་མཚོན་བྱེད་མུན་པའི་ནང་སེམས་ཅན་གཟུགས་མངོན་མི་མངོན་ཅི་རིགས་ཏེ། འདི་རྣམས་གང་ཤོང་བྲི། ༤ །མིའི་དལ་ལ་གཞུང་དུ་མི་ཁམས་གནས་བརྒྱད་གསུངས་པ། མི་ཁམས་གནས་བརྒྱད་ནི་མཛོད་ལས། དམྱལ་བ་ཡི་དྭགས་དུད་འགྲོ་དང་། །ཀླ་ཀློ་ཚེ་རིགས་ལྷ་དང་ནི། །ལོག་ལྟ་སངས་རྒྱས་ཀྱིས་སྟོངས་པ། །ལྐུག་པ་འདི་དག་མི་ཁམས་བརྒྱད། །ཅེས་པ་ལྟར་ཡིན་པས་སྔོན་གྱི་ཕྱག་རྒྱུན་ཏུ་དེ་དག་གི་མཚོན་བྱེད་ཚང་མ་ཚང་ཅི་རིགས་བྲིས་སྣང་། འོན་ཀྱང་མི་ཁམས་བརྒྱད་ཀའི་རྒྱུ་རྐྱེན་འཛམ་གླིང་མི་ལ་ཚང་བར་མ་ཟད། རིས་ཆད་བློའི་མི་ཁོམས་པ་བརྒྱད། འཕྲལ་བྱུང་རྐྱེན་གྱི་མི་ཁོམས་པ་བརྒྱད་སོགས་མི་ཁོ་ན་ལ་ཡོད་

― LT41_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

པས་འདི་དང་ཚེ་སྒྲུབ་གཉིས་ཀར་མིའི་སྐབས་སུ་མི་ཁོམས་གནས་བརྒྱད་གསུངས་པར་མངོན། ངན་སོང་གསུམ་གོང་དུ་སོང་། ལྷ་འོག་ཏུ་འབྱུང་བ་བཅས་བྲི་ཆའི་སྐབས་འདིར་བསྐྱར་ནས་བྲི་དགོས་མ་འདྲ་བས། མིའི་འཇིག་རྟེན་མཚོན་བྱེད། མདུན་ཤར་ལུས་འཕགས་པོའི་གླིང་དཀར་པོ་ཟླུམ་པོའི་ནང་དུ་མི་གཟུགས་རྒྱན་བཟང་བ་དང་ཁང་བཟང་གཏེར་བུམ། གཡས་ལྷོ་ཛམ་གླིང་སྔོན་པོ་སོག་ཀར་མི་དང་ཁང་པ་སོགས་ཡུལ་བཀོད། རྒྱབ་ནུབ་བ་ལོངས་སྤྱོད་གླིང་དམར་པོ་ཟླ་གམ་ནང་མི་སོགས་དང་བ་མོ། གཡོན་བྱང་སྒྲ་མི་སྙན་ལྗང་གུ་གྲུ་བཞིའི་ནང་ལྗོན་ཤིང་ལོ་ཏོག་མི་བཅས། །བར་མཚམས་སུ་ཀླ་ཀློ་མཚོན་བྱེད་མི་སྔོ་ལ་རིད་ཅིང་སྐྲ་འཛིང་པའི་གཅེར་བུ་རྩྭ་ལྷས་ཀྱི་སྨད་གཡོགས་ཅན། ལག་ན་གྲི་སྒུར་པོ་དང་མདའ་གཞུ་ཐོགས་པ། ལོག་ལྟ་ཅན་མཚོན་བྱེད་མུ་སྟེགས་གཅེར་བུ་སྐྲའི་ཝ་བ་ཅན། སངས་རྒྱས་མ་བྱོན་པའི་ཞིང་མཚོན་བྱེད་ཁང་སྟོང་ཆ་ཤས། ལྐུག་པའམ་གླེན་པ་མཚོན་བྱེད་མི་རོང་ངན་དལ་བར་སྡོད་པ་བྲི། ༥ །ལྷ་མིན་གྱི་དལ་ལ། རི་རབ་སྤྱི་མཐུན་གྱི་སྟེང་དུ་ཁང་བཟང་དཔག་བསམ་ལྗོན་ཤིང་ཤིན་ཏུ་རྒྱས་པ། བང་རིམ་བཞི་ལྡན་གྱི་མཐར་གསེར་རི་བདུན་དང་རྒྱ་མཚོས་བསྐོར་བའི་ཆུ་མཚམས་སུ་ཁང་བཟང་མང་པོའི་ནང་སྐྱེས་བུ་གོ་མཚོན་ཅན། རི་རབ་ཀྱི་

― LT41_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

བར་སྣང་ནས་སྤྲིན་དམར་ནག་གི་ནང་གོ་མཚོན་ཅན་མདུད། རལ་གྲི། མདའ་གཞུ། མེ་སྒྱོག །ཐོག་སོགས་མཚོན་ཆ་ཐོགས་པས་ལྷ་ལ་གཡུལ་འགྱེད་པ་ལ། ཁ་ཅིག་སྨས་ནས་ཤི་སྟེ་བར་སྣང་ནས་ལྷུང་། ཁ་ཅིག་མགོ་དང་ཡན་ལག་སོགས་ཆད་པའི་ཚུལ་བྲི། ༦ །ལྷའི་དལ་ལ། གསེར་རི་ཆུ་མཚོ་བང་རིམ་སོགས་རི་རབ་སྤྱི་མཐུན་གྱི་རྩེ་མོར་ཁང་བཟང་ནང་དབང་པོ་བརྒྱ་བྱིན། མཐའ་སྐོར་དུ་ལྷའི་ཁང་བཟང་། དཔག་བསམ་ལྗོན་ཤིང་། གླང་པོ། ལྷ་མོ་སོགས་དང་། དེའི་ནམ་མཁའ་ནས་གྱེན་དུ་ལྷ་གནས་གཞན་རྣམས་མཚོན་བྱེད་གཞི་དཀར་པོ་ཇེ་རྒྱས་སུ་སོང་བ་ལ་རིམ་པ་ཉི་ཤུ་མན་ཆད་གང་ཤོང་བྲིས་པའི་ནང་དུ་ལྷ་གནས་ཁང་བཟང་ལྗོན་ཤིང་མང་པོ། གོང་མ་བཞི་ཙམ་ཁང་བཟང་སོགས་མེད་པའི་སྟོང་པ། དེ་བཞི་དང་འོག་ལྷ་གནས་གཞན་གྱི་བར་སྟོང་པ་སྔོན་པོས་བཅད། ༧ །རིགས་དྲུག་འཁོར་ལོ་ནི། རྒྱུན་སྔ་མར། དམྱལ་བར་གྲུ་གསུམ་ནག་པོ་དུས་མཚན་པ། ཡི་དྭགས་ཟླ་གམ་དམར་པོ་པྲེསྲ་མཚན་པ། བྱོལ་སོང་ཟླུམ་པོ་སེར་པོ་ཏྲེསྲ་མཚན་པ་བཅས་ངན་སོང་གསུམ་འོག་དང་། ལྷ་མིན་ལྗང་ཀུ་སོག་ཁ་སུ། མི་ལ་གྲུ་བཞི་ཕྱི་ནང་རིམ་བཞི་ཤར་སྔོ་ལྷོ་སེར་ནུབ་དམར་བྱང་ལྗང་ནྀྲ་ལྗང་གུས་མཚན་པ་ལྷ་ལ་པདྨ་འདབ་བརྒྱད་དཀར་པོ་ཨསྲ་མཚན་པ་བྲིས་འདུག་

― LT41_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་ཚིག་ལྟར་ན། དམྱལ་ཟངས་སམ། ཁྲག་མཆོ། ཡི་དྭགས་ཀྱི་གཟུགས། བྱོལ་སོང་ཁྱི་ཕག་ལྟ་བུ་སྟེ་གཅིག །ལྷ་མིན་གོ་མཚོན་ཅན། ནམ་མཁར་སྤྲིན་ནང་ལྷ་གཅིག་ཙམ་བྲིས་ནའང་ཆོག་འདུག་ཅིང་གཞུང་གི་གསལ་ཁ་མེད་སྟབས་འོལ་ཚོད་མི་ནུས་ཀྱང་གང་བདེ་ལས་ཁྱད་མེད་འདྲ། ༢ འཁོར་བའི་འཁོར་ལོ་ནི། སྔར་གྱི་རྒྱུན་ལ་མི་ཡུལ་གྱི་བཀོད་པ་ཙམ་ལས་མི་སྣང་བ་གཞུང་ཆིག་དང་འཛོལ་ཆེ་བས་མི་ལེགས་འདྲ། སྲིད་པ་འཁོར་ལོ་འདུལ་བ་ལས་གསུངས་པ་ལྟར་བྲིས་ན་ལེགས་པས། མུ་ཁྱུད་རིམ་པ་གསུམ་གྱི་དབུས་སུ་མ་རིག་པ་མཚོན་བྱེད་ཤིང་སྡོང་། དེའི་རྩ་བར་དུག་གསུམ་མཚོན་བྱེད་བྱ་སྦྲུལ་ཕག་གསུམ་གཅིག་གི་ཁ་ནས་གཅིག་འཁོར་བ། མུ་ཁྱུད་གཉིས་པར་གླིང་དྲུག་བཅད་པའི་མདུན་དམྱལ་བ། མདུན་གཡས་ཡི་དྭགས། །གཡོན་བྱོལ་སོང་། སྟེང་ལྷ། སྟེང་གཡས་མི། སྟེང་གཡོན་ལྷ་མིན་མཚོན་བྱེད་གཟུགས་རེ་རེ་གོང་གསལ་ལྟར། མུ་ཁྱུད་གསུམ་པར་གླིང་བཅུ་གཉིས་བཅད་པའི་མདུན་གྱི་ལིང་ཚེ་ནས་བརྩམ་རིམ་བཞིན་རྟེན་འབྲེལ་བཅུ་གཉིས་མཚོན་བྱེད། རྒན་མོ་ལོང་བ། རྫ་མཁན། ཁང་པའི་ནང་སྤྲེའུ་ཡོད་པ། ཆུ་ལ་གྲུ་འདོར་བ། མདུན་ཏུ་མདའ་བཙུགས་པ་ལ་ལྟ་བའི་མི། ཕོ་མོ་འཁྲིག་པ་སྤྱོད་

― LT41_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

པ། མིག་ལ་མདའ་ཟུག་པ། ཆང་འཐུང་བ། ཤིང་སྡོང་ལས་སྤྲེའུས་ཤིང་ཏོག་ལེན་པ། ཕོ་མོ་ཕན་ཚུན་ལྟ་བ། བུད་མེད་བུ་བཙའ་བ། རྒས་པའི་གཟུགས་དང་མི་རོ་བཅས་བྲི། ལྟེ་བ་ཁ་དོག་ནག །དེ་རྒྱབ་དམྱལ་བའི་གཞི་དམར། ཡི་དྭགས་སེར། བྱོལ་སོང་ནག །མི་ལྗང་། ལྷ་མིན་སྔོ། ལྷ་དཀར། མུ་ཁྱུད་གསུམ་པ་མཛེས་ཚོན་ཅི་བདེ་བྱའོ། ཞེས་པའང་རྡོ་རྗེ་འཆང་པདྨ་དབང་ཆེན་གྱི་བཀའ་ལུང་ནོར་བུའི་ཅོད་པན་སྤྱི་བོར་བཅིངས་ནས། བཀའ་འབངས་མུ་ཏོ་བ་པདྨ་གར་དབང་གིས་ཤུར་མར་བྲིས་པ་མངྒ་ལཾ། །དགེ་ལེགས་འཕེལ། །

མདོ་ཁམས་སྡེ་དགེའི་རྒྱལ་ཁབ་ཏུ་བོད་བློན་མདོ་མཁར་པའི་བཙུན་མོ་བྱོན་སྐབས་མདའ་དར་འཛུགས་པའི་འབེལ་གཏམ།

― LT41_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་ཁམས་སྡེ་དགེའི་རྒྱལ་ཁབ་ཏུ་བོད་བློན་མདོ་མཁར་པའི་བཙུན་མོ་བྱོན་སྐབས་མདའ་དར་འཛུགས་པའི་འབེལ་གཏམ་ཡོད། འོ་མ། བཀྲ་ཤིས་བདེ་ལེགས་ཕུན་སུམ་ཚོགས་པ་དང་ལྡན་པར་གྱུར་ཅིག །དེ་རིང་གི་སྐབས་སུ། གནམ་ལ་ཉི་ཟླ་གཟའ་སྐར་གྱི་འཕྲོད་སྦྱོར་བཟང་། ས་ལ་འབྱུང་བཞི་ཆ་སྙོམ་གྱི་དུས་ཚོད་བཟང་། བར་ལ་ཕྱི་ནང་རྟེན་འབྲེལ་གྱི་ལ་ཉེ་བཟང་། །བཟང་གསུམ་གྱི་ལེགས་ཚོགས་ཉི་ཟླ་ཁ་སྤྲོད་དུ་ཚོགས། བཀྲ་ཤིས་ཀྱི་སྣང་བ་གསར་པ་ཐོག་མར་འཆར་བའི་སྐབས་འདིར། སྲིད་པ་མཐུན་སྦྱོར་གྱི་གཏན་ཚིག །ཕྱྭ་དམུ་གཙུག་གསུམ་གྱི་ཕྱག་བཞེས། སྒམ་པོ་ཕྱ་ཡི་བསྐོས་བཞག །བཀྲ་ཤིས་པའི་ལྷ་མདའ་རྒྱན་དང་ལྡན་པས་གཉེན་ལམ་ཕྱེ་བ་ལ། རྒྱུ་མཚན་གཏན་ཚིག་དགོས་པ་མདོར་བསྡུས་ཞུ་ན། དེ་ལ་མདའ་དར་གྱི་བྱུང་ཁུངས་གང་ཡིན་སྙམ་ན། སྔོན་བསྐལ་པ་དང་པོ་ཆགས་པའི་དུས་འབྱུང་བཞིའི་བཅུད་ཀྱི་དྭང་མ་འདུས་པ་ལས། གླིང་བཞིའི་འཇིག་རྟེན་གྱི་དབུས་སུ་རིན་པོ་ཆེ་སྣ་ལྔ་ལས་གྲུབ་པའི་རིའི་རྒྱལ་པོ་རི་རབ་ཆགས། དེའི་སྲོག་རྟེན་དུ་དཔག་བསམ་ལྗོན་ཤིང་ཡོངས་འདུས་ས་བརྟོལ་རྩ་བ་དབང་ཆེན་གསེར་གྱི་ས་གཞི་ལ་ཟུག་པས་ཀླུ་ཁམས་ཀྱི་རྟེན་བྱེད་པ། སྐེད་པ་རི་རབ་ཀྱི་ཁོང་གསེང་ན་ཡོད་པས་ལྷ་མིན་དང་གནོད་སྦྱིན་གྱི་ལོངས་སྤྱོད་སྤེལ་

― LT41_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

བ། རྩེ་མོ་སུམ་ཅུ་རྩ་གསུམ་ལྷ་གནས་སུ་རྒྱས་པས་ལྷ་རྣམས་ཀྱི་དགོས་འདོད་འབྱུང་བ། ལོ་མ་དར་དང་ཟ་འོག །འབྲས་བུ་རིན་ཆེན་སྣ་ཚོགས་ཀྱི་ཆར་འབེབས་པས་སྲིད་པ་གསུམ་གྱི་ཕྱའི་བཅུད་དང་གཡང་གི་རྟེན་དུ་གྱུར་པ་དེ་ལ་དཔེར་བྱས་ནས་འཇིག་རྟེན་གྱི་མེས་པོ་ལྷ་ཆེན་ཚངས་པ་གདོང་བཞིས། ཟླ་བ་ཡར་གྱི་ངོ་ལ་གཙང་རིས་ཀྱི་ལྷ་སྲུང་དགྱེས་པའི་བསང་མཆོད་བྱས། ཡུལ་གྱི་དགེ་བཅུ་གཡང་དུ་འཁྱིལ་བའི་སྨན་ལྗོངས་སུ་སྐྱེས་པའི་སྨྱུག་རྒོད་ལོ་རྒྱས་མ་ཉམས་པ་དེ་དལ་འབྱོར་གྱི་རྣམ་བཞག་ཚང་ཞིང་དགེ་མཚན་དང་ལྡན་པའི་སྐྱེས་བུ་ལ་བཅད་དུ་བཅུག །བྱ་རྒྱལ་ཐང་དཀར་རྒོད་པོའི་སྒྲོ་བསྒྲོན་པས་སྟེང་ལྷ་ཁམས་འཁོར་ཞིང་ཆགས་པའི་རྟེན་འབྲེལ་བསྒྲིགས། རྒྱ་མཚལ་དམར་པོའི་རྩི་བྱུག་པས་བར་གཉེན་ཁམས་དབང་དུ་སྡུད་པའི་རྟེན་འབྲེལ་བསྒྲིགས། གནམ་ལྕགས་ངར་མའི་མདེའུ་བཏགས་པས་འོག་ཀླུ་ཁམས་ཟིལ་གྱིས་གནོན་པའི་རྟེན་འབྲེལ་བསྒྲིགས། མགུལ་དུ་དར་ཟབ་དང་རིན་པོ་ཆེ་དངུལ་གྱི་མེ་ལོང་རྣམས་བཏགས་པས་དཔག་བསམ་ཤིང་གི་ལོ་མ་དང་འབྲས་བུ་ལས་དགོས་འདོད་མ་ལུས་པ་འབྱུང་བ་བཞིན་ཏུ། འཁོར་འདས་གཉིས་ཀྱི་དགེ་ལེགས་མ་ལུས་པ་འབྱུང་བའི་རྟེན་འབྲེལ་བསྒྲིགས། བསྒྲིགས་པ་ལྟར་བྱུང་། བྱུང་བ་ལྟར་འཇིག་རྟེན་གྱི་ཁམས་ཐམས་ཅད་

― LT41_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལྷ་མཆོད་པ་ལ་ལྷ་མདའ། ཚེ་སྤེལ་བ་ལ་ཚེ་མདའ། གཡང་འགུགས་པ་ལ་གཡང་མདའ་ཞེས་ཡོངས་སུ་གྲགས་ཤིང་གྲུབ་སྟེ་བཀྲ་ཤིས་བདེ་ལེགས་ཀྱི་སྒོ་དབྱེ་བའི་མཚན་རྟགས་མཆོག་དང་ཕུལ་དུ་གྱུར་པ་ཡིན་པ་གདའ་ལགས་སོ། །བཀྲ་ཤིས་པའི་མདའ་དར་འདི་བར་དུ་སྲིད་པ་གང་གི་རིང་ལ་དར་ཞེ་ན། ཐོག་མར་ལྷ་རྒྱུད་མི་བརྒྱུད་ཀྱི་གྲོལ་ཕུག་སྲིད་པ་ཡེ་སྨོན་རྒྱལ་པོ་ཞེས་བྱ་བ་དེ་ཉིད་ཀྱིས། སྲིད་པ་ལུགས་ཀྱི་ཐབས་ཤེས་སུ་བསྡེབས་པའི་ཚེ། ལྷ་ཆེན་སྣང་བ་འོད་ལྡན་གྱིས་བཀྲ་ཤིས་པའི་མདའ་དར་ལ་ཕྱའི་རྟགས་སུ་བཀོད། གཡང་གི་རྟེན་དུ་བཙུགས་པས་སྲིད་པ་འདི་ན་ཆེ་ཞིང་ཡོངས་སུ་གྲགས་པ་ཕྱ་རྗེ་སྒམ་པོ། དམུ་རྗེ་བཙན་པོ། གཙུག་རྗེ་ཨོག་སྐོས་རྣམས་བྱུང་། དེ་རྣམས་ལས་སྲིད་པ་འཕྲུལ་གྱི་མི་རྒྱུད་ཐམས་ཅད་གྲོལ། །ལུགས་གཉིས་ཀྱི་བསྟན་པ་ཆགས་པའི་གཞི་རུ་གྱུར་པ་གྲགས། བར་དུ་ཉི་མའི་རིགས་འཁྲུངས་ཤཱཀྱའི་རྒྱལ་པོ་ཟས་གཙང་མས་ཡུམ་སྒྱུ་མ་ལྷ་མཛེས་དང་སྐྱེ་དགུའི་བདག་མོ་ཁབ་ཏུ་བཞེས་པའི་ཚེ་མངོན་ཤེས་ལྔ་དང་ལྡན་པའི་དྲང་སྲོང་ཆེན་པོ་རྣམས་ཀྱིས་བཀྲ་ཤིས་པའི་མདའ་དར་ལ་ཕྱའི་རྟགས་སུ་བཀོད། གཡང་གི་རྟེན་དུ་བཙུགས་པས་སྟོང་གསུམ་འདུལ་བའི་ཐུབ་པ་ཆེན་པོ་དང་། འཁོར་

― LT41_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

ལོས་སྒྱུར་བའི་མཚན་རྟགས་ཅན་གཅུང་དགའ་བོ་མཆེད་གཉིས་བྱོན་ཏེ་འཇིག་རྟེན་གྱི་ཁམས་སུ་དཀོན་མཆོག་གསུམ་གྱི་སྣང་བས་ཁྱབས། དམ་པའི་ཆོས་ཀྱི་ཉི་མ་ཤར། ཐར་པ་དང་བྱང་ཆུབ་ཀྱི་ལམ་སྒོ་ཕྱེས་པར་གདའ། ཐ་མར་འཕགས་པ་སྤྱན་རས་གཟིགས་དབང་ཕྱུག་མིའི་རྗེ་བོའི་སྐུར་བསྟན་པ་གངས་ཅན་ལྷ་གཅིག་སྲོང་བཙན་སྒམ་པོས་ཇོ་མོ་ཁྲོ་གཉེར་ཅན་དང་རྗེ་བཙུན་སྒྲོལ་མའི་རྣམ་འཕྲུལ་བལ་བཟའ་ཁྲི་བཙུན་དང་། རྒྱ་བཟའ་ཀོང་ཇོ་ཁྱིམ་ཐབས་སུ་སྦྲེལ་བའི་ཚེ། ནུས་པ་ཅན་གྱི་སྐུ་གཤེན་རྣམས་ཀྱིས་བཀྲ་ཤིས་པའི་མདའ་དར་ལ་ཕྱའི་རྟགས་སུ་བཀོད། གཡང་གི་རྟེན་དུ་བཙུགས། ཁྱད་པར་འཕྲུལ་བློན་རིག་པ་ཅན་མགར་སྟོང་བཙན་ཡུལ་བཟུང་གིས་ནག་པོ་རྒྱ་ཡི་ཡུལ་དུ་མདའ་རྒོད་སྒྲོ་མ་ལ་དར་ལེ་བརྒན་བཏགས་པས་འདྲ་མཉམ་གྱི་ན་ཆུང་སུམ་བརྒྱའི་དབུཾས་ནས་ལྷ་གཅིག་ཀོང་ཇོ་ངོས་བཟུང་བས་བོད་རྗེའི་བཙུན་མོར་ཐོབ། བོད་ཁམས་སུ་དཀར་པོ་དགེ་བཅུའི་ཁྲིམས་ཆགས། དམ་པ་ཆོས་ཀྱི་སྲོལ་ཀ་དོད། ལུགས་གཉིས་མངའ་ཐང་དགུང་དུ་བདོ་བ་འདི་བྱང་། དེ་ནས་ད་ལྟའི་བར་དུ་གཉེན་ལམ་མདའ་དར་གྱིས་སྦྲེལ་བས་བཀྲ་ཤིས་པའི་དགེ་མཚན་གོང་དུ་འཕེལ་བའི་གཏན་ཚིག་འདི་བྱུང་བ་འདུག་ལགས། དེ་ལས་ད་ལྟའི་སྐབས་སུ་བཀྲ་

― LT41_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་པའི་མདའ་དར་འདིའི་རྒྱུ་མཚན་ཅུང་ཟད་དམིགས་གསལ་དུ་ཞུ་ན། གནམ་ས་ཐབས་ཤེས་སུ་བསྡེབས། འབྱུང་བའི་དྭངས་མ་འདུས་པ་ལས་ཁམས་ལྔ་སྙིང་པོར་འཁྱིལ་ཞིང་མཁོ་དགུའི་ཡོན་ཏན་ཚང་བའི་ལོངས་སྤྱོད་ཀྱི་ཁྱད་པར་འགའ་ཞིག་སྲིད་པ་སྤྱི་མཐུན་གྱི་བསོད་ནམས་ལས་གྲུབ་པའི་ནང་ཚན། རྒྱལ་ཆེན་རིས་བཞི་པའི་ལྷ་རྣམས་བརྟེན་པའི་བཟང་ཤིང་ཡོན་ཏན་ཀུན་ལྡན་རྣམས་ཀྱི་ནང་ནས་མཆོག་ཏུ་གྱུར་པ། ཕ་མཚུན་དགྲ་བླའི་སྲོག་རྟེན། ལྷ་དང་སྲུང་མའི་སྐུ་ཤིང་སྨྱུག་རྒོད་རྩེ་རྒྱལ་ཚིགས་ཀྱིས་སྤྲས་པ་དེ་བྱུང་། དྲང་ཞིང་གས་འཁྱོགས་མེད་པས་ལུགས་གཉིས་ཀྱི་དཔེ་རུ་འོས། ཕྱི་ཤུན་པ་མེད་པས་སྒྲིབ་བྱེད་ཀྱི་དྲི་མ་དང་བྲལ། ནང་ཟང་ཐལ་དུ་གྱུར་པས་གར་གཏད་ལ་ཕྱོགས་མེད་དུ་འགྲོ། ལོ་མ་དབྱར་དགུན་གཉིས་ཀར་སྔོ་བས་འཆི་མེད་ཚེ་ཡི་གསོས་བྱེད་པ། དེ་ཉིད་དཀའ་བ་ལྷོ་མོན་མཐིལ་ནས་བླངས། དཀོན་པའི་རིན་ཐང་ཡོན་ཏུ་གཞལ། འཕྲུལ་ལྡན་མཁས་པས་མདའ་རུ་བཅོས། ཆེ་མཉམ་དཔུང་གིས་སྤྲེལ་བའི་རྒྱན་ཏུ་སྲིད་པའི་དུང་སྒང་དཀར་པོའི་ཕྱི་ཤུན་པ་ལས་གྲོལ་བས་མཁའ་ལྡིང་ཡོངས་ཀྱི་རྒྱལ་པོར་གྱུར་པའི་ཐང་དཀར་རྒོད་པོའི་གཤོག་སྒྲོས་བརྒྱན། ཐབས་དང་ཤེས་རབ་ཏུ་འཛོམ་

― LT41_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

པས་རྩེ་མོ་ལ་ལྟོང་གཏོད། ལྷ་མིའི་ཡིད་སེམས་ཆགས་པས་དེ་ལ་མཚལ་བྱུགས། ཡ་རབས་དྲྭ་མའི་རྒྱན་བྱེད་པས་གསེར་གྱི་རི་མོས་སྤྲས། སྡང་དགྲ་ཆོམ་ལ་འབེབས་པས་རྣོ་མཉན་ངར་གསུམ་འཛོམ་པའི་ལྕགས་ཀྱི་མདེའུ་སྦྱར། ལྷ་སྲུང་དགྲ་བླའི་དམག་ཚོགས་རང་བཞིན་གྱིས་འཁོར་བ། སྡང་དགྲ་བོས་མཐོང་ན་གློ་སྙིང་འདར་བ། གཉེན་བྱམས་པས་མཐོང་ན་སེམས་རྩ་སྤྲོ་བ། ལྷ་ཆེན་ཚངས་པ་དཀར་པོའི་འཕྲུལ་ལས་གྲུབ་པ་དེ་ཉིད་རྩ་བའི་རྟེན་དུ་བྱས། དེ་ལ་བརྟེན་ཅིང་མཛེས་བྱེད་ཀྱི་རྒྱན་དུ་འཕགས་པ་འཇམ་དཔལ་གཞོན་ནུའི་བྱིན་གྱིས་བརླབས་པའི་མ་ཧཱ་ཙི་ནའི་ཡུལ་ལྗོངས་ནས་བྱུང་བའི་དར་མཚོན་སྣ་ལྔ་བཏགས་པ་སྟེ། དེའང་དཀར་པོ་ཆུ་ཤེལ་གྱི་ཟླ་བ་བཞིན་འོད་དུ་འབར་བས་ཆུ་ཁམས་རྒྱ་མཚོའི་བཅུད་འགུགས། སེར་པོ་ཛམྦུའི་ཆུ་གསེར་བཞིན་གསལ་ལ་དག་པས་ས་ཁམས་བརྟན་པའི་གཞི་བྱེད། དམར་པོ་འཕྲུལ་གྱི་གློགས་ཞག་བཞིན་བཀྲག་ལ་འཚེར་བས་མེ་ཁམས་སྨིན་པའི་དཔལ་བསྐྱེད། ལྗང་གུ་མ་རྒད་ཞུན་མ་བཞིན་སྣུམ་ལ་འཁྱིལ་བས་རླུང་ཁམས་སྟོབས་རྩལ་གོང་དུ་སྤེལ། སྔོན་པོ་ཨིནྡྲ་ནཱི་ལ་སྤྲིན་དང་བྲལ་བའི་ནམ་མཁའ་བཞིན་ཏུ་ཕྱི་ནང་འབྱུང་བ་ཀུན་གྱི་གོ་འབྱེད་པས། ལོ་དང་ཟླ་བ། ཚེས་དང་དུས་

― LT41_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད། གཟའ་དང་སྐར་མ། ཕྱི་ནང་འབྱུང་ལྔའི་ཁམས་ལ་བརྟེན་པའི་རྟེན་འབྲེལ་ཐམས་ཅད་དགེ་ལེགས་ཕུན་སུམ་ཚོགས་པའི་ཕྱོགས་གུ་བསྒྲིགས། འབྱུང་བ་གཅོད་འདྲལ་ལས་གྱུར་པའི་ཉེས་པ་ཐམས་ཅད་ཞི་བར་བྱེད། ལོ་ཟླ་ཞག་དུས་ལ་རྒྱུ་བའི་ས་བདག་ཀླུ་གཉན་རུང་དང་ཀོ་ལོང་སྡོམ་པ་ཀུན་གྱི་མཐོང་བྱེད་སྒྲིབ་པའི་ཡོན་ཏན་དང་ལྡན་པ་ལགས། དེའི་དབུས་ན་དངུལ་དཀར་གྱི་མེ་ལོང་འོད་དུ་འབར་བ་དང་། དཀོན་ལ་རིན་ཐང་ཆེ་བའི་ནོར་བུའི་བྱེ་བྲག་མང་པོས་རྒྱན་དུ་སྤྲས་པ་སྟེ། དེའང་སྲ་མཁྲེག་རང་བྱུང་རྡོའི་སྙིང་པོ་ལ་འཕྲུལ་ཆེན་སྐྱེས་བུ་བཟོ་བོའི་རྒྱལ་པོས། ཞུན་ལ་ཞུན་དུ་བཞུས། དྭངས་ལས་དྭངས་སུ་ཕྱུངས་པའི་སྙིང་པོ་ལས་འཇིག་རྟེན་ན་རིན་ཐང་ཆེ་བའི་རིན་པོ་ཆེ་གཉིས་པ་ཟླ་བ་ནོར་བུ་ཆུ་ཤེལ་གྱི་ཞུན་མ་གཅིག་ཏུ་འཁྱིལ་པ་ལྟ་བུ་ལས། ཡ་མཚན་འཕྲུལ་གྱི་མེ་ལོང་སྣང་བྱེད་ཉི་ཟླའི་དཀྱིལ་འཁོར་གཉིས་པ་གྲུབ་སྟེ། གསལ་བས་ཉི་མ་ཟིལ་གྱིས་གནོན་པ། བཀྲག་པས་ཟླ་བ་བག་ལ་ཞ་བ། །དྭངས་པས་སྲིད་གསུམ་གཅིག་ཏུ་སྡུད་པ། ནང་གི་འོད་མདངས་ཕྱི་རུ་སྤྲོ་ན་གཟུགས་སྣང་ཐམས་ཅད་འོད་དུ་འབར་བ། ཕྱིའི་ཡུལ་སྣང་ནང་དུ་བསྡུས་ན་སྲིད་པ་གསུམ་གྱི་གཟུགས་བརྙན་

― LT41_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་བ། ཕྱི་ནང་དབྱེར་མེད་གཅིག་ཏུ་འདྲེས་པས་ངོ་མཚར་སྒྱུ་མའི་ལྟད་མོ་ངོམས་པ། སྟེང་ལྷ་ཁམས་གཟུགས་བརྙན་དུ་འཛིན་པས་ལྷ་མཐུ་ཆེན་གྱི་བཀའ་ཆད་ཟློག་པ། བར་གཉན་ཁམས་མདངས་འོད་དང་འདྲེས་པས་གཉན་གཏུམ་པོའི་གདུག་རྩུབ་ཞི་བ། འོག་ཀླུ་ཁམས་ཟེར་མདངས་ཀྱིས་གསལ་བས་ཀླུ་གདོལ་པའི་ཕོག་ཐུག་འཇོམས་པ། དེ་ཉིད་ནམ་མཁའི་དབྱིངས་སུ་ཟླ་བའི་དཀྱིལ་འཁོར་མཛེས་པ་བཞིན་ཏུ་བཀྲ་ཤིས་པའི་ལྷ་མདའི་མགུལ་དུ་བཀོད། ཟླ་བ་ལ་རྒྱུ་སྐར་གྱིས་བསྐོར་བ་བཞིན་ཏུ་ཟུར་དུ་རིན་པོ་ཆེའི་རྒྱན་ཕྲེང་གིས་སྤྲས་པའི་གཙོ་བོ། གཡུ་ལྗང་ནམ་མཁའི་ཐིག་ལེ་ནོར་བུ་མ་རྒད་ཀྱི་སྙིང་པོ་དཀར་མདངས་ལ་དཀར་ཆའི་རྟེན་འབྲེལ། དམར་མདངས་ལ་དམར་ཆའི་རྟེན་འབྲེལ། ལྗང་གུ་ལ་རླུང་སེམས་ཀྱི་རྟེན་འབྲེལ། མདངས་གསུམ་གཅིག་ཏུ་འདུས་པ་སྐྱེས་བུའི་བླ་སྲོག་གི་རྟེན། དཀོན་པའི་དོན་གྱིས་རིན་ཆེ། མཚར་བའི་འོད་ཀྱིས་རྒྱན་བྱེད། ཁྱད་པར་འཕགས་པའི་དཀོར་ནོར་དུ་རྩི། རྗེ་རྒྱལ་པོའི་མགུལ་གཡུ་བྱེད་དེ་བཀའ་ཁྲིམས་བཙན་པོས་འབངས་འཁོར་ལ་དབང་དུ་བྱེད། ཕོ་སྐྱེས་པའི་རྣ་གཡུ་བྱེད་དེ་རྣབ་གཏམ་སྙན་གྱི་བཅུད་ཀྱིས་འགེངས། མོ་མཛེས་མའི་གཙུག་གཡུ་བྱེད་དེ་ཚེ་གང་སྐྱིད་པའི་

― LT41_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

འགོ་ཚུགས། གསོན་སོག་ཡོད་ཀྱི་བླ་གཡུ་བྱེད་དེ་བླ་ཚེ་སྲོག་གསུམ་རང་མལ་དུ་བརྟན་པར་བྱེད་པའི་དབྱིག་གི་མཆོག་དམ་པ་ཉིད་དང་། གཞན་ཡང་ལྷའི་ནོར་བུ་ཤེལ་དཀར་དྭངས་གསལ། གཟུགས་མེད་ཁམས་ཀྱི་ཏིང་འཛིན་གསལ། གཟུགས་ཁམས་ཀྱི་བསམ་གཏན་གསལ། འདོད་ཁམས་ལྷའི་བདེ་སྐྱིད་གསལ། གསལ་བ་གསུམ་འཛོམ་རིན་ཆེན་གྱི་མཆོག་དང་། ཀླུའི་ནོར་བུ་དུང་དཀར་དྲི་མེད། བྱ་བ་མི་ཆོས་ཀྱི་གཞི་དཀར། བྱེད་པ་ལྷ་ཆོས་ཀྱི་གཞུང་དཀར། འབྲས་བུ་ལུགས་གཉིས་ཀྱི་མཐའ་དཀར། དཀར་བ་གསུམ་འཛོམ་རིན་ཆེན་གྱི་མཆོག་དང་། མིའི་ནོར་བུ་བྱེ་རུ་མདངས་རྒྱས། ཐོག་མར་ཡིད་འོང་གི་འཛུམ་མདངས་རྒྱས། བར་དུ་མཛེས་རྒྱན་གྱི་སྙིང་བཅུད་རྒྱས། ཐ་མར་དཀོར་མཛོད་ཀྱི་དབྱིག་ཏུ་རྒྱས། རྒྱ་ས་གསུམ་འཛོམ་པ་རིན་ཆེན་གྱི་མཆོག་ཏུ་གྲུབ་པ་སྟེ། བཀྲ་ཤིས་ནོར་བུ་རྣམ་གསུམ་གྱི་གཙོ་བོར་བྱས། འདོད་པ་འཇོ་བའི་ནོར་གྱི་སྙིང་པོ་རྣམས་ཀྱིས་བརྒྱན་པས་མགོ་མཇུག་ཀུན་མཚུངས་སྐྱེ་དགུའི་སྨོན་རྟེན། དགོས་དགུ་ཚང་བ་འཇིག་རྟེན་གྱི་དབྱིག་མཆོག །མཛེས་ཤིང་བརྗིད་པས་ཞིང་ཁམས་ཀུན་གྱི་རྒྱན། ཟིལ་ཆེན་ཟིལ་དུ་འབར། བཀྲག་ཆེན་

― LT41_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲག་ཏུ་འཚེར། མདངས་ཆེན་མདངས་སུ་ངོམས། བཀྲག་མདངས་འོད་དུ་འབར་བ། བཀྲ་ཤིས་རྟགས་ཀྱི་རྒྱན་འདི་གྲུབ་པ་ལགས་སོ། །དེ་ལྟ་བུའི་ལྷ་མདའ་རྒྱན་དང་ལྡན་པ་འདི་ལ་དགོས་པ་ཇི་ལྟ་བུ་ཞིག་ཡོད་ཅེ་ན། བརྟན་གཡོ་འཁོར་འདས་ཀྱི་དྭངས་མ་བཅུ་བཞི་ཡོངས་སུ་འཚོགས་པའི་བརྡ་རྟགས་དང་ལྡན་པ་ཡིན་ཏེ། ལྷ་ཤིང་སྨྱུག་རྒོད་དྲང་ལ་བརྟན་པས་འཆི་བ་མེད་པའི་སྲོག་རྩ་བརྟན། བྱ་རྒྱལ་རྒོད་སྒྲོ་གསུམ་བསྒྲོན་བྱས་པས་བླ་ཡིད་སེམས་གསུམ་མ་གྲུག་མ་འཁྱམས་པར་འཁོར། རྣོ་གཅོད་ལྕགས་ཀྱི་མདེའུ་བཙུགས་པས་འགགས་པ་མེད་པའི་བློ་གྲོས་ཀྱི་རྩལ་རྣོ། དངུལ་དཀར་མེ་ལོང་འོད་དུ་འཚེར་བས་འགྱུར་བ་མེད་པའི་ཚེ་འཕེལ། ལྷ་དར་དཀར་པོ་བཏགས་པས་རྣམ་པར་འགྱུར་བའི་སྤོབས་པ་གྲོལ། དར་སེར་པོ་བཏགས་པས་ཉམས་པ་མེད་པའི་བསོད་ནམས་རྒྱས། དམར་པོ་བཏགས་པས་གཡོ་བ་མེད་པའི་དབང་ཐང་བསྐྱེད། ལྗང་གུ་བཏགས་པས་རྩོལ་བ་མི་མངའ་བའི་མཐུ་སྟོབས་ལྡན། སྔོན་པོ་བཏགས་པས་ཤུགས་འབྱུང་ཆེན་པོའི་རྩལ་རྒྱས། ལྷའི་ནོར་བུ་ཤེལ་དཀར་བཏགས་པས་རྒུད་པ་མེད་པའི་ལང་ཚོ་འབར། ཀླུའི་ནོར་བུ་དུང་དཀར་བཏགས་པས་ཟག་པ་མེད་པའི་དངོས་གྲུབ་སྡུད། མི་ཡི་ནོར་

― LT41_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་བྱེ་རུ་བཏགས་པས་དགེ་ལེགས་ཀུན་གྱི་དཔལ་དུ་བྱེད། །ཀུན་འདུས་ནོར་བུ་གཡུ་ལྗང་བཏགས་པས་མངོན་པར་འདུས་མ་བྱས་པའི་གཟི་འོད་འབར། ཡོངས་སུ་རྫོགས་པས་ཕྱོགས་ལས་རྣམ་པར་རྒྱལ་བའི་དགེ་མཚན་ཏུ་གྲུབ་པ་སྟེ། ཕྱི་འབྱུང་ལྔའི་དྭངས་མ་སྡུད་ཅིང་། ནང་ཁམས་ལྔ་གསོ་བའི་རྟེན་བྱེད་པས་འཆི་མེད་ཚེ་ཡི་མདའ། ཕྱི་གླིང་བཞིའི་ཕྱྭ་གཡང་འགུགས་ཤིང་ནང་བང་མཛོད་བཅུད་ཀྱིས་བཀང་བས་ཕྱྭ་ཚེ་གཡང་གི་མདའ། གཙང་རིས་ཀྱི་ལྷ་དང་སྲུང་མའི་དབུ་འཕང་བསྟོད་ཅིང་འཇིག་རྟེན་གྱི་ཁམས་སུ་དགེ་ལེགས་སྤེལ་བས་བཀྲ་ཤིས་ལྷའི་མདའ་ཞེས་དོན་གཅིག་ལ་མིང་གི་ཁྱད་པར་མང་པོས་མཛེས་པ། མིང་གཅིག་གིས་དོན་གྱི་དགོངས་པ་མང་པོ་མཚོན་པ། བྱུང་ཁུང་དང་ཁྱད་དོན་དགོས་པ་ཕུན་སུམ་ཚོགས་པའི་དངོས་པོ་འདི་ལ་བརྟེན་ནས། གཉེན་ལམ་དར་གྱིས་སྦྲེལ་བས་གཞུང་འཇམ་པ་རྒྱ་དར་ཡུག་གཅིག །དར་ཆད་ཀྱང་མདུད་པ་མི་ཆད། ཁོག་དབུབ་གཏམ་གྱིས་བྱས་པས་ངོ་མཚར་བ་སྔོན་གྱི་གླེང་གཞི། མི་སོང་ཡང་གླང་མོ་མི་ཆད། སྲིད་པ་ཕྱྭའི་རྗེས་སུ་འབྲང་བས་སྲོལ་བཟང་པོ་ཕ་མེས་ཀྱི་བཞག་པ། བུ་ཚ་བརྒྱུད་ལ་རྗེས་བཞག་བཟང་པོ་ལགས་པས། གནས་སྐབས་སུ་ཆོས་

― LT41_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་འདོད་ཐར་གྱི་སྡེ་བཞི་དང་དགེ་བཅུའི་བཀའ་ཁྲིམས་བཟང་པོ་དང་ཡོངས་སུ་འབྲེལ་བའི་ཆབ་སྲིད་ཀྱི་དཔལ་འབྱོར་དབང་ཐང་དར་ཞིང་རྒྱས་ལ་མི་ནུབ་རྟག་ཏུ་བརྟན་པའི་རྩ་ལག་རིང་ནས་སྨོན་པ་བཞིན་ཏུ་འགྲུབ་པ་དང་། དེའི་མཐུན་རྐྱེན་ཏུ་གྱུར་པ་བོད་སྐྱོང་མིའི་རྗེ་བོ་ལྷ་རིགས་ཀྱི་མངའ་བདག་དམ་པ་ཆབ་འབངས་འཁོར་བཅས་ཆོས་ལྡན་དགེ་ལེགས་ཀྱི་དཔལ་འབྱོར་ཡར་ངོའི་ཟླ་བ་ལྟར་གོང་ནས་གོང་དུ་འཕེལ་ཞིང་རྒྱས་པའི་རྟེན་འབྲེལ་སྨོན་འདུན་རྩེ་གཅིག་ཏུ་ཞུ་པ་ལགས།། །།དགེ་ལེགས་འཕེལ།། །།

བག་མ་ལ་དགེ་བའི་ལས་ཕྲན་བདུན་གྱི་ཆོ་ག་བཀྲ་ཤིས་དཔལ་སྐྱེད།

― LT41_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

བག་མ་ལ་དགེ་བའི་ལས་ཕྲན་བདུན་གྱི་ཆོ་ག་བཀྲ་ཤིས་དཔལ་སྐྱེད་ཅེས་བྱ་བ་བཞུགས་སོ། །

― LT41_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མཉྫུ་ཤྲཱི་ཡ། འཇིག་རྟེན་པའི་སྲིད་འཛིན་པ་ལ་བག་མ་ལེན་པའི་ཆོ་ག་ཞེས་འཕགས་ཡུལ་དུ་རིགས་བྱེད་ལུགས་དང་། རྒྱ་ནག་འབྱུང་རྩིས་ལས་ཅི་རིགས་པ་འབྱུང་ཡང་། སོ་སོའི་ཡུལ་ལུགས་འདོད་སྦྱར་ལྟ་བུས་གཞུང་གཞན་ལྟར་ཁྲིགས་སུ་སྦྱར་བ་མེད་སྟབས། ཡིག་རྙིང་ཕལ་ཆེར་གྲོང་སྔགས་པ་མི་མཁས་པས་བཅོས་པས་ཚུལ་དང་མཐུན་པ་མི་སྣང་བས། འདིར་བག་མ་ལ་དགེ་བའི་ལས་ཕྲན་བདུན་ཅེས་གྲགས་པ་དེ་ཉིད་སྐབས་སུ་བབས་ཤིང་འཐད་པའི་ཕྱོགས་སུ་བཟུང་ནས་ཁྲིགས་སུ་བཀོད་པ་ལ། ཐོག་མར་སྣ་བོན་བསྐྱེད་རིམ་ལྷ་སྔགས་ཀྱི་གདིང་དང་ལྡན་ཅིང་ནུས་པ་ཐོབ་པ། བག་མའི་བདུན་ཟུར་ལོ་པ་ཞིག་གིས་བྱ་བ་འབྱུང་རྩིས་ཀྱི་དགོངས་པ་ཡིན་ལ། ཡོ་བྱད་དྲག་སྔགས་ཀྱིས་བཏབ་པའི་ཐུན་དང་རྣམ་འཇོམས་དང་སྨེ་བརྩེགས་བསྐྱེད་བཟླས་ཀྱིས་བྱིན་གྱིས་བརླབས་པའི་ཁྲུས་ཆུ་མེ་ལོང་། སྣ་འདྲེ་སྐྲོད་པའི་རྫས་སྟག་ཡོས་ལོ་བ་ལ་ལྕགས་ཀྱི་རལ་གྲི། རྟ་སྦྲུལ་ལ་ཆུ་སྐྱོག་ནག་པོ། བྱ་སྤྲེལ་ལ་མེ་

― LT41_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོན། བྱི་ལག་ལས་སེར། གཤེད་བཞི་ལོ་ཕལ་ཆེར་མ་ཅན་གྱི་ཤིང་གི་ཡལ་ག་སོགས་འོག་ཏུ་དགོས་པའི་ཡོ་བྱད་རྣམས་རྩིས་གཞུང་དང་། ཡུལ་ལུགས་བསྟུན་ཏེ་འདུ་བྱ། དེ་ནས་བག་མས་ཁང་མགོ་མཐོང་སར་སླེབ་མ་ཐག་གླང་ཆེན་སྣ་བསྒྱུར་གྱི་གཏོ་བཅའ་སྒྲུབ་བྱས་པ་པོོར། དངོས་གཞི་ལས་ཕྲན་བདུན་ནི། སྣ་འདྲེ་བསྐྲད་པ། མནོལ་གྲིབ་བཀྲུ་བ། གདན་བཏིང་བ། དཀར་གསུམ་གྱིས་ངོ་གསོ་བ། མིང་འདོགས་པ། ལྷ་ལ་འདོགས་པ། གཡང་འགུགས་པ་རྣམས་དང་། མཐའ་རྟེན་ཤིས་པ་བརྗོད་པའོ། དང་པོ་བག་སྣ་ལ་འདྲེ་ཡོད་པས་དེ་བསྐྲད་པ་ནི། སྒོ་རྩར་སླེབ་པ་དང་། སྔགས་འཆང་གིས་ཐུན་དང་དགྲ་གཤེད་ཀྱི་རྫས་ཐོགས་ལ། ཡི་དམ་གང་རུང་གི་ང་རྒྱལ་བཟུང་དགོས་ཀྱང་། འདིར་སྤྱི་ཙམ་དུ། ཨོ་ཨཱ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ། རང་ཉིད་སྐད་ཅིག་གིས་འཇམ་དཔལ་ནག་པོ་རབ་ཏུ་ཁྲོས་པའི་སྐུར་གྱུར། ཧཱུྃ་ཧྲཱིཿ །

― LT41_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་རྣམས་ཀྱི་བྱིན་རླབས་དང་། །ཡི་དམ་ལྷ་ཡི་ཏིང་འཛིན་དང་། །མཁའ་འགྲོ་ཆོས་སྐྱོང་མཐུ་སྟོབས་ཀྱིས། །དངོས་གྲུབ་བར་ཆད་བྱེད་པའི་བགེགས། །ལོག་པར་འདྲེན་པ་བདུད་ཀྱི་ཚོགས། །འདི་རུ་མ་འདུག་གཞན་དུ་དེངས། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་ཀྱི་བཀའ༴ཆོས་ཀྱི༴། དགེ་འདུན་གྱི༴གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་རྣམས་ཀྱི་བདེན་པ་དང་། ཆོས་ཉིད་གདོད་ནས་རྣམ་པར་དག་ཅིང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུ་བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ཞི་བ་དང་ཁྲོ་བོའི་ལྷ་ཚོགས་རྣམས་ཀྱི་བཀའ་བདེན་པ་དང་། དཔལ་ལྡན་དམ་པ་ཆོས་སྐྱོང་བའི་སྲུང་མ་ཡེ་ཤེས་དང་ལས་དང་འཇིག་རྟེན་པ་རྣམས་ཀྱི་བཀའ་བདེན་པ་དང་། །བདེན་པ་ཆེན་པོའི་བྱིན་གྱིས་བརླབས་ཀྱིས། བག་སྣ་ལ་རྒྱུ་བའི་འབྱུང་པོ་གདོན་གྱི་རིགས་སུ་གྱུར་ཅིང་གནོད་འཚེའི་བསམ་སྦྱོར་དང་ལྡན་པ་ཐམས་ཅད་འདིར་མ་གནས་པར་གཞན་དུ་དེངས་ཤིག །གལ་ཏེ་བདེན་པའི་བཀའ་ཐོས་བཞིན་ཏུ་འགྲོ་བར་མི་བྱེད་པ་དེ་དག་ཐམས་ཅད་རབ་ཏུ་འབར་བའི་རྡོ་རྗེའི་ཁྲོ་བོ་དང་མཚོན་ཆའི་ཆར་ཆེན་པོས་རྡུལ་ཕྲན་བཞིན་དུ་བརླག་པར་འགྱུར་རོ། ཨྱེ་རིང་སོགས་དྲག་སྔགས་གང་ཤེས་དང་

― LT41_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་བྷ་ནི་བརྗོད་ལ་ཐུན་གཏོར། དེ་ནས་དགྲ་གཤེད་ཀྱི་རྫས་ཐོགས་ལ། ཧཱུྃ། ང་ནི་འཕགས་པ་འཇམ་དཔལ་ཏེ། །འབྱུང་བ་ལྔ་ལས་གྱུར་པ་ཡི། །འདྲེ་གདོན་འབྱུང་པོ་ཡིད་གཟུགས་ཅན། །བག་མའི་སྣ་ལ་རྒྱུ་བ་ཀུན། །གནོད་འཚེའི་བསམ་སྦྱོར་རབ་ཏུ་སྤོངས། །འབྱུང་བ་ལྔ་ཡི་དབྱིངས་སུ་དེངས། །ཡེ་ཤེས་ལྔ་ཡི་རང་རྩལ་ལས། །རྟེན་འབྲེལ་རྫས་སུ་ཤར་བ་འདི། །འཇམ་དཔལ་དབྱངས་ཀྱིས་རྗེས་སུ་གནང་། །སངས་རྒྱས་རྣམས་ཀྱིས་བྱིན་གྱིས་བརླབས། །ཏིང་འཛིན་སྔགས་ཀྱི་ནུས་མཐུ་བསྐྱེད། །ཕྱར་བ་ཙམ་གྱིས་ཀུན་ཀྱང་འདར། །བྲབས་པ་ཙམ་གྱིས་འདྲེ་གདོན་ཞི། །སྣང་སྲིད་གདུག་རྩུབ་ཞི་བར་ནུས། །ཤིང་གི་གནོད་པ་དར་བ་ན། །གནམ་ལྕགས་རལ་གྲི་འབར་བས་བཅད། །མེ་ཡི་གནོད་པ་དར་བ་ན། །ཆུ་རྒྱུན་རྦ་རླབས་འཁྲུགས་བས་བསང་། །ལྕགས་ཀྱི་གནོད་པ་དར་བ་ན། །མེ་དཔུང་རབ་ཏུ་འབར་བས་བཞུ། །ཆུ་ཡི་གནོད་པ་དར་བ་ན། །གཡོ་མེད་ས་ཡི་ཕུང་པོས་བསུབ། །ས་ཡི་གནོད་པ་དར་བ་ན། །ལྗོན་ཤིང་ཡལ་ག་རྒྱས་པས་བཤིག །འབྱུང་ལྔའི་ལྷ་འདྲེ་གནོད་སེམས་ཅན། །ཐམས་ཅད་རང་དགྲའི་ནུས་པས་བཅོམ། །འཕགས་པ་འཇམ་དཔལ་བདེན་པ་དང་། །རྟེན་འབྲེལ་རྫས་གྱི་ནུས་པ་ཡིས། །འབྱུང་ལྔའི་སྣ་འདྲེ་ཞི་གྱུར་ཅིག །

― LT41_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་པྲ་སོད། ཆུ་སོད། དུར་མི་སོད། དུར་རྟ་སོད། ཆུ་ཁ་ལ་མགོ་ལ་སོད། གཉན་མགོ་ལ་ཆོང་། ཁ་ལ་ཛཿཀཾ་ཤཾ་ཏྲཾ་རྦང་ཕཊ་སྭཱ་ཧཱ། ཞེས་བརྗོད་ལ་རལ་གྲི་ཡིན་ན་གཡུག །ཆུ་འཐོར་སོགས་བྱའོ། །གཉིས་པ་བག་མ་ལ་ཁྱིམ་ལྷ་སོགས་མནོལ་བའི་གྲིབ་ཡོད་པས་དེ་བཀྲུ་བ་ནི། སྔར་བསྒྲུབས་པའི་ཁྲུས་ཆུ་དང་མེ་ལོང་ཐོགས་ལ། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིན་ཏེ། །ཅི་འདོད་དངོས་གྲུབ་སྩོལ་བར་མཛོད། རྣམ་འཇོམས་དང་སྨེ་བརྩེགས་སྔགས་ལ། ཨེ་ཧོ་ཤུདྡྷེ་སོགས་ཁྲུས་བདུན་རིགས་པ་བཏགས་ལ་ཁྲུས་བྱ་བ་ཕྱིན་ཆད་འགྲེའོ། འདི་ནི་སྦྱིན་པའི་རང་བཞིན་ཆུ། །སེར་སྣའི་དྲི་མ་སྦྱོང་མཛད་ཅིང་། །གཏོང་བ་དྲི་ཡིས་ལེགས་བགོས་ཆུ། །ཁྲུས་ལེགས་མཛད་ཀྱིས་ཁྲུས་བགྱིའོ། སོགས་བྱིན་དྲུག་ཤེས་རབ་བར་འགྲེ། ཧཱུྃ། རྣམ་པར་འཇོམས་པའི་བྱིན་རླབས་དང་། སྨེ་བ་བརྩེགས་པའི་ནུས་མཐུ་དང་། །གསང་སྔགས་རིགས་སྔགས་བདེན་པ་ཡིས། །བཀྲུའོ་སྡིག་སྒྲིབ་ཐམས་ཅད་བཀྲུ། །བཀྲུའོ་ནད་གདོན་བགེགས་རིགས་བཀྲུ། །བྱུར་དང་སྐལ་པ་ངན་པ་དང་། །བཀྲ་མི་ཤིས་པ་ཐམས་ཅད་བཀྲུ། །ཕྱོགས་ངན་འདྲེ་ལྔ་བདུད་གཅོད་དང་། །མི་གཙང་མནོལ་གྲིབ་ཕོག་པ་བཀྲུ། །ཟས་ངན་ལྟོ་རུ་ཟོས་པ་དང་། །

― LT41_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་ངན་ལུས་ལ་གྱོན་པ་བཀྲུ། །རྒབ་འདྲེ་ཡུལ་འདྲི་འཁྱམས་པོ་དང་། །དམ་སྲི་དཀོར་འདྲེའི་གནོད་པ་བཀྲུ། །ཤི་འདྲེ་མོ་དང་གསོན་འདྲེ་མོ། །བསེ་རག་འགོང་པོའི་ཁ་རླངས་བཀྲུ། །ཕ་རོལ་བྱད་ཁ་རྦོད་གཏོང་དང་། །བྱོལ་པོ་ཆགས་ཆེའི་གནོད་པ་བཀྲུ། །ཕ་ལྷ་མ་ལྷ་ཞང་ལྷ་དང་། །ཕྲག་ལྷ་ཡུལ་ལྷ་མནོལ་བ་བཀྲུ། །ཕ་མཚུན་དགྲ་བླ་གཉན་པོ་དང་། །སྐྱོབ་བྱེད་ལྷ་སྲུང་མནོལ་བ་བཀྲུ། །མཁོན་དང་བཙོག་གིས་མནོལ་བ་བཀྲུ། །དམེ་དང་ཡུག་གིས་མནོལ་བ་བཀྲུ། །འབྱུང་ལྔའི་གདོན་གྱིས་མནོལ་བ་བཀྲུ། །གངས་རི་བཞིན་དུ་དཀར་གྱུར་ཅིག །ཤེལ་དཀར་བཞིན་དུ་གསལ་གྱུར་ཅིག། བཀྲ་ཤིས་བདེ་ལེགས་རྒྱས་གྱུར་ཅིག །སྔགས་བརྗོད། སྟོང་གསུམ་ཀུན་ཏུ་དྲི་དང་དང་ལྡན་པའི། །སྤོས་དང་སྨན་སྦྱར་ཆུ་གཙང་དག་པའི་ཁྲུས། །ཡེ་ཤེས་སྤྲིན་ཕུང་མཁའ་ལ་ཆར་འབེབས་པས། །མི་གཙང་དྲི་མའི་ཚོགས་ཀུན་དག་གྱུར་ཅིག །ཨོཾ་ཨ་ཀ་ནི་ནི་ཀ་ནི་ཨ་བི་ལ་མཎྜ་ལ་མ་ཡེ་སྭཱ་ཧཱ། ཨོཾ་མ་མ་ཀ་ར་ཀ་ར་ཡེ་སྭཱ་ཧཱ། ཨོཾ་མ་མ་ཁཾ་ཁཾ་ཡེ་སྭཱ་ཧཱ། ཨོཾ་མ་མ་རཾ་རཾ་ཡེ་སྭཱ་ཧཱ། ཨོཾ་མ་མ་སུ་སུ་སྟཾ་སྟཾ་ཡེ་སྭཱ་ཧཱ། ཨོཾ་མ་མ་སྔོ་ཏ་སྔོ་ཏ་ཡེ་སྭཱ་ཧཱ། ཞེས་དང་། ཡེ་དྷར་བརྗོད་ལ་ཁྲུས་བྱའོ། གསུམ་པ་ཁྱིམ་ནང་དུ་བག་མའི་སྲོག་ལུས་དབང་ཀླུང་བསྐྱེད་པའི་གདན་གང་

― LT41_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་རྩིས་གཞུང་དང་མཐུན་པར་བཏིང་བའི་སྟེང་དུ་ཁ་སྨེ་བ་དཀར་གསུམ་མམ། ཕྱྭ་ལོན་སོགས་ཀྱི་ཕྱོགས་སུ་བསྟན་ཏེ་བཞག་ལ། ཀྱེ། བཀྲ་ཤིས་སྲིད་པ་དང་པོ་ལ། །བོད་ཁམས་ཁ་བ་ཅན་ལྗོངས་སུ། །འཕགས་པ་སྤྱན་རས་གཟིགས་དབང་ཉིད། །མི་ཡི་རྗེ་བོའི་ཚུལ་བསྟན་པ། །ཆོས་རྒྱལ་སྲོང་བཙན་སྒམ་པོ་དེས། །འཇིག་རྟེན་མཐུན་འཇུག་མཛད་པ་དང་། །གདུལ་བྱ་སྨིན་ཅིང་གྲོལ་བའི་ཕྱིར། །འཕྲུལ་བློན་ཆེན་པོ་མགར་ལ་སོགས། །གཉེན་པོ་རྐྱ་བརྒྱ་བཅས་པ་རྣམས། །རྒྱ་དང་བལ་པོའི་ཡུལ་དུ་བཏང་། །ཁྲོ་གཉེར་ཅན་མའི་རྣམ་འཕྲུལ་ནི། །བལ་རྗེའི་སྲས་མོ་ཁྲི་བཙུན་དང་། །འཕགས་མ་སྒྲོལ་མའི་རྣམ་འཕྲུལ་ནི། །ལྷ་གཅིག་འུན་ཤིང་ཀོང་ཇོ་གཉིས། །འཛམ་བུའི་གླིང་ན་དཀོན་པ་ཡི། །ཁྱད་པར་འཕགས་པའི་རྟེན་མཆོག་དང་། །རིན་ཐང་མེད་པའི་ནོར་བུའི་རིགས། །དར་ཟབ་གོས་ཀྱི་བྱེ་བྲག་སོགས། །བོད་ཁམས་འཚིང་བའི་བརྫང་བ་བཅས། །བར་ཆད་མེད་པར་སྤྱན་དྲངས་ཏེ། །བོད་ཡུལ་དབུས་སུ་གདན་ཕབ་པས། །རྒྱལ་བློན་རྣམས་ཀྱི་བསམ་པ་འགྲུབ། །ཆོས་དང་སྲིད་ཀྱི་དཔལ་འབྱོར་དང་། །བཀྲ་ཤིས་བདེ་ལེགས་ཕྱ་གཡང་གིས། །བོད་ཁམས་མཐའ་དབུས་ཀུན་ཏུ་གོང་། །བདེ་སྐྱིད་དབྱར་མཚོ་བཞིན་ཏུ་རྒྱས། །དཔལ་འབྱོར་ཡར་ངོའི་ཟླ་ལྟར་འཕེལ། །

― LT41_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་གྱི་སྲིད་པ་དེ་བཞིན་དུ། །དེ་རིང་རྒྱུ་སྦྱོར་སྦྱིན་བདག་གིས། །དཔལ་འབྱོར་དབང་ཐང་འཕེལ་བའི་ཕྱིར། །རིགས་བཟང་ཁུངས་བཙུན་སྐྱོན་དང་བྲལ། །ཡོན་ཏན་ཚང་བའི་བུ་མོ་བཀུག །བཀྲ་ཤིས་ལྷ་ཡི་ཁྱིམ་འདི་རུ། །ཕུན་ཚོགས་བརྟན་པའི་གདན་ཅིག་བཏིང་། །ལྷ་མི་གཉིས་ཀ་གདན་ལ་བཞུགས། །ཟ་འོག་དར་དཀར་གདན་སྟེང་དུ། །དགྲ་བླ་རྣམས་ཀྱི་བཞུགས་གནས་མཛོད། །ཟ་འོག་དར་སེར་གདན་སྟེང་དུ། །ཕོ་ལྷ་རྣམས་ཀྱི་བཞུགས་གནས་མཛོད། །ཟ་འོག་དར་དམར་གདན་སྟེང་དུ། །མ་ལྷ་རྣམས་ཀྱི་བཞུགས་གནས་མཛོད། །ཟ་འོག་དར་ལྗང་གདན་སྟེང་དུ། །ཞང་ལྷ་རྣམས་ཀྱི་བཞུགས་གནས་མཛོད། །ཟ་འོག་དར་སྔོན་གདན་སྟེང་དུ། །ཡུལ་ལྷ་རྣམས་ཀྱི་བཞུགས་གནས་མཛོད། །བཀྲ་ཤིས་ཁ་ཏག་ཡུག་རིང་ལ། །སྐྱོབ་པའི་ལྷ་རྣམས་བཞུགས་གནས་མཛོད། །མི་འགྱུར་རྡོ་རྗེ་རྒྱ་གྲམ་གདན། །སྲོག་ལ་དགྲ་དར་ཉེས་པ་སྐྱོབས། །ལོ་བརྒྱ་དག་ཏུ་འཚོ་བར་ཤོག །དབང་སྒྱུར་འཁོར་ལོ་རྩིབས་བརྒྱད་གདན། །ལུས་ལ་དགྲ་དར་ཉེས་པ་སྲུངས། །ནད་མེད་ལང་ཚོ་དར་བར་ཤོག །བཀྲ་ཤིས་གཡུང་དྲུང་འཁྱིལ་བའི་གདན། །དབང་ཐང་དགྲ་དར་ཉེས་པ་སྐྱོབས། །བུ་ནོར་ཆོས་གསུམ་འཛོམ་པར་ཤོག །རབ་མཛེས་པདྨ་འདབ་བརྒྱད་གདན།

― LT41_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླུང་གཏའ་དགྲ་དར་ཉེས་པ་སྲུངས། །ཅི་བསམ་ཆོས་བཞིན་འགྲུབ་པར་ཤོག །དཀོན་མཆོག་རྩ་བ་གསུམ་པོ་དང་། །ཆོས་སྲུང་ཡུལ་ལྷ་གཞི་བདག་དང་། །འགོ་བའི་ལྷ་ལྔ་སྐྱོབས་བྱེད་དགུ། །ཕ་མཚུན་དགྲ་བླའི་ཚོགས་རྣམས་ཀྱིས། །ཉིན་དང་མཚན་ཏུ་མི་གཡེལ་བར། །རྟག་ཏུ་སྲུང་སྐྱོབས་སྡོང་གྲོགས་མཛོད། །ཚེ་སྲོག་བརྟན་ཅིང་དབང་ཐང་འཕེལ། །བཀྲ་ཤིས་བདེ་ལེགས་རབ་རྒྱས་ཤོག །བཞི་པ་མཐུན་གསུམ་ལོ་མ་བཀྲ་ཤིས་པའི་བུ་མོ་འམ་ཁྱེའུ་ལ་དཀར་གསུམ་གྱི་བཟའ་བཏུང་ཁེམ་དང་བཅས་པ་བཟུང་བཅོལ་ཞིང་ལན་གསུམ་ཕྱིས་ལ། ཀྱེ། རིན་པོ་ཆེ་ལས་གྲུབ་པའི་ཁེམ། །ལག་ཏུ་བླངས་ཏེ་ལན་གསུམ་ཕྱི། །ལྷ་མི་རྣམས་ཀྱི་ངོ་སོགས་ལ། །ཤེལ་ལས་གསལ་ལ་དུང་ལས་དཀར། །མི་གཙང་བར་ཆད་མེད་པ་ཡི། །རྟེན་འབྲེལ་ལྷུན་གྱིས་གྲུབ་པར་ཤོག །དཀར་གསུམ་སྐྱེམས་ཕུད་མཆོད་ལ། ཀྱེ། སྐྱབས་གནས་མགོན་བྱེད་ལྷ་རྣམས་མཆོད། །ཕ་ལྷ་མ་ལྷ་ཞང་ལྷ་མཆོད། །སྲོག་ལྷ་དགྲ་ལྷ་ཁྱིམ་ལྷ་མཆོད། །ཐབ་ལྷ་ཟས་ལྷ་ཡུལ་ལྷ་མཆོད། །བཀྲ་ཤིས་བདེ་སྐྱིད་དངོས་གྲུབ་སྩོལ། །དཀར་གསུམ་དང་འོ་ཞོའི་སྐྱེམས་དྲངས་ལ། ཀྱེ། ཡོན་ཏན་བརྒྱ་ལྡན་བདུད་རྩིའི་བཅུད། །ལྷ་རྣམས་ཀུན་གྱི་དངོས་གྲུབ་ཡིན། །མི་རྣམས་འཚོ་བའི་ཟས་མཆོག་ཡིན།

― LT41_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་འདོད་ཀུན་འབྱུང་གཡང་གི་བཅུད། །རྟེན་འབྲེལ་ཕུན་སུམ་ཚོགས་པའི་ཟས། །ཟས་མཆོག་འདི་ལ་ལོངས་སྤྱོད་པས། །ལོ་བརྒྱ་འཚོ་ཞིང་སྟོན་བརྒྱ་མཐོང་། །བདེ་སྐྱིད་ལྷ་དང་མཉམ་པར་ཤོག །འཛད་མེད་ནོར་གྱིས་ཕྱུགས་པར་ཤོག །ཟས་མེད་ཟས་དང་ལྡན་པར་ཤོག །བསོད་ནམས་ལོངས་སྤྱོད་ཕུན་སུམ་ཚོགས། །ཐམས་ཅད་བརྟེན་པའི་གཞིར་གྱུར་ཅིག །ལྔ་པ་གོ་ས་སོགས་དང་མཐུན་ཅིང་བཀྲ་ཤིས་རིགས་བརྒྱུད་འཕེལ་བའི་ཟིང་འདོགས་པ་ནི། ཀྱེ། དེ་རིང་གནམ་ལ་གཟའ་སྐར་བཟང་། །ས་ལ་དུས་ཚོད་དག་ཀྱང་བཟང་། །བར་ལ་རྟེན་འབྲེལ་ལ་ཉེ་བཟང་། །བཟང་གསུམ་འཛོམ་པའི་གནས་སྐབས་འདིར། །འདྲེ་སྲིན་བྱུར་གསུམ་མར་ལ་བཀར། །མགོན་སྐྱབས་ལྷ་སྲུང་ཡར་ལ་བསྟོད། །ནམ་མཁར་ལྷ་ཡི་འཇའ་སྤྲིན་འཐིབས། །ས་གཞིར་མི་ཡི་མེ་ཏོག་བཀྲ། །བར་དུ་བཀྲ་ཤིས་ཆར་པ་འབེབས། །བདག་ལ་བརྟེན་པའི་བསྲུང་བྱ་བར། །བཀྲ་ཤིས་ཕུན་ཚོགས་མིང་ཞིག་བཏགས། །མིང་དུ་བཏགས་པར་མ་མཛད་ན། །འཇིག་རྟེན་ཐམས་ཅད་རྨོངས་པར་གྱུར། །དེ་བས་རྨོངས་པ་བསལ་བའི་ཕྱིར། །མགོན་པོས་མིང་དུ་བཏགས་པར་མཛད། །སྲུང་དང་སྐྱབས་ཀྱི་མང་བཏགས་པས། །དཀོན་མཆོག་གསུམ་གྱིས་སྐྱོབ་པར་

― LT41_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག །མགོན་དང་སྲུང་གི་མིང་བཏགས་པས། །ལྷ་སྲུང་གཉན་པོས་མགོན་བྱེད་ཤོག །འཚོ་བའི་མིང་མཐའ་ལྡན་པ་ཡིས། །ལོ་བརྒྱ་དག་ཀྱང་འཚོ་བར་ཤོག །ནམ་མཁའི་མིང་ལས་གྲས་པ་ཡིས། །དབུ་འཕང་དགུང་བས་མཐོ་བར་ཤོག །ས་གཞིའི་མིང་ལས་གྲས་པ་ཡིས། །ས་བཞིན་ཡོན་ཏན་ཀུན་སྐྱེད་ཤོག །རི་བོའི་མིང་ལས་གྲས་པ་ཡིས། །དབང་ཐང་རི་ལྟར་བརྟན་པར་ཤོག །ཉི་ཟླའི་མིང་ལས་གྲས་པ་ཡི། །ཉི་ཟླ་བཞིན་ཏུ་ཀུན་སྣང་ཤོག །རྟེན་འབྲེལ་ཕུན་ཚོགས་མིང་བཏགས་པས། །བུ་ནོར་ཆོས་གསུམ་འཛོམ་པ་དང་། །སྐྱིད་དགའ་མཐའ་རུ་ཕྱིན་པར་ཤོག །དཔལ་དང་ལོངས་སྤྱོད་འཕེལ་བ་དང་། །བཀྲ་ཤིས་དོན་རྣམས་འགྲུབ་པར་ཤོག །གྲགས་པ་བཟང་པོ་བཀྲ་ཤིས་མིང་། །བོད་ཁམས་ཀུན་ཏུ་སྙན་པར་གྲགས། །ལྷ་མི་ཡོངས་ཀྱིས་སྨོན་པ་ཡི། །བདེ་ལེགས་དཔལ་དུ་འབར་གྱུར་ཅིག །ཅེས་ཤིས་བརྗོད་དང་བཅས་ཏེ་རྒྱལ་པོ་སོགས་ཆེན་པོའི་རིགས་ལ། ས་སྤྱོད་དབང་མོ། བཀྲ་ཤིས་དང་བདེ་ལེགས་དང་། ཕུན་ཚོགས་དབང་མོ་སོགས་དང་། ཕལ་པ་ལ་ཚོད་དང་མཐུན་པའི་མིང་བཀྲ་ལེགས་པ་གདགས་པར་བྱའོ། ༈དྲུག་པ་ལྷ་ལ་འདོགས་པ་ནི། ལྷ་རྟེན་གྱི་མདའ་དར་རམ། ཚེ་བུམ་སོགས་ཐོགས་ལ། ཧོཿ སྐྱབས་གནས་

― LT41_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་གསུམ་དང་རྩ་བ་གསུམ། །ཆོས་སྐྱོང་སྲུང་མ་ཁྱད་པར་སྦྱིན་བདག་འདིས། །ཕ་མེས་དུས་ནས་བརྟེན་སྒྲུབ་མཆོད་པའི་ལྷ། །ཐམས་ཅད་དེ་རིང་གསན་ཅིང་དགོངས་སུ་གསོལ། །རིགས་བཟང་ཡོན་ཏན་ལྡན་པའི་མོ་བཙུན་འདི། །དེང་ནས་བཟུང་སྟེ་ཇི་སྲིད་འཚོ་བའི་བར། །ཡེ་ཤེས་སྤྱན་ལྡན་སྐྱབས་གནས་ཁྱེད་རྣམས་ལ། །སྐྱབས་སུ་གསོལ་ཞིང་སྒོ་གསུམ་འབུལ་ལགས་ན། །ཐུགས་རྗེ་བརྩེ་བས་དགོངས་ཏེ་རྗེས་སུ་ཟུང་། །སྐྱབས་འོག་ཆུད་ཅིང་བྱིན་གྱིས་བརླབ་ཏུ་གསོལ། །རྒྱལ་བ་དགོངས་བརྒྱུད་རིག་འཛིན་བརྡ་ཡི་བརྒྱུད། །གང་ཟག་སྙན་བརྒྱུད་ལས་འཕྲོ་གཏེར་གྱི་བརྒྱུད། །བཤད་བརྒྱུད་སྒྲུབ་བརྒྱུད་དོན་བརྒྱུད་འཛིན་པ་ཡི། །རྩ་བརྒྱུད་དཔལ་ལྡན་བླ་མའི་ཚོགས་རྣམས་ཀྱིས། །རིགས་ཀྱི་བུ་མོ་འདི་ཡི་ལུས་ངག་ཡིད། །སྤུང་ཞིང་སྐྱོབས་ལ་བྱིན་གྱིས་རློབས་པར་མཛད། །ཐེག་པ་རིམ་པ་དགུ་ཡི་ལྷ་རྣམས་དང་། །བྱ་རྒྱུད་སྤྱོད་བརྒྱུད་རྣལ་འབྱོར་བླ་ན་མེད། །རྒྱུད་སྡེ་བཞི་དྲུག་ཡི་དམ་ལྷ་ཡི་ཚོགས། །རྒྱལ་བ་ཞི་ཁྲོ་རབ་འབྱམས་ལྷ་ཚོགས་ཀྱིས། །རིགས་ཀྱི་བུ་མོ་འདི་ཡི་ལུས་ངག་ཡིད། །སྲུང་ཞིང་སྐྱོབས་ལ་བྱིན་གྱིས་རློབས་པར་མཛོད། །རྡོ་རྗེ་ཕག་མོ་མཁའ་འགྲོ་སྡེ་ལྔ་དང་། །གསང་བ་ཡེ་ཤེས་སེང་གེའི་གདོང་པ་ཅན། །སྒྲོལ་མ་དཀར་སྔོན་

― LT41_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་གཉེར་ཅན་མ་སོགས། །རི་རབ་རྡུལ་མཉམ་དཔའ་བོ་མཁའ་འགྲོ་ཡིས། །རིགས་ཀྱི་བུ་མོ༴ །སྲུང་ཞིང་༴ །མ་མགོན་ལྕམ་དྲལ་དཔལ་མགོན་བདུན་ཅུ་ལྔ། །ཨ་ཕྱི་མཆེད་ལྔ་ཚེ་རིང་མཆེད་ལྔ་དང་། །རྡོ་རྗེ་གཡུ་སྒྲོན་བརྟན་མ་བཅུ་གཉིས་སོགས། །ཡེ་ཤེས་ལས་དང་འཇིག་རྟེན་ཆོས་སྐྱོང་གིས། །རིགས་ཀྱི་བུ་མོ་འདི་ཡི་ལུས་ངག་ཡིད། །སྲུང་ཞིང་སྐྱོབས་ལ་བྱིན་གྱིས་རློབས་པར་མཛོད། །འདིར་རང་རང་གི་ཆོས་སྐྱོང་སོགས་སྦྱོར་དགོས་པས་སྐབས་འདིར་མཚོན་ན། ཁྱད་པར་ནག་པོ་ཆེན་པོ་རྡོ་རྗེ་གུར། །ལྕམ་དྲལ་ལྷ་བརྒྱད་བཀའ་འཁོར་བཅས་པ་དང་། །ཞིང་སྐྱོང་སྟོབས་འཕྲོག་དབང་པོ་ཞལ་བཞི་པ། །བེག་རྩེ་ལྕམ་དྲལ་དུར་ཁྲོད་བདག་པོ་སོགས། །བརྒྱུད་སྲུང་དམ་ཅན་རྒྱ་མཚོའི་ཚོགས་རྣམས་ཀྱིས། །རིགས་ཀྱི་བུ་མོ༴ །སྲུང་ཞིང་༴ །རྒྱལ་ཆེན་རྣམ་སྲས་ཡུམ་མཆོག་དཔལ་ལྷ་མོ། །ཛི་ལྷ་དཀར་སེར་དམར་ནག་ནོར་གྱི་རྒྱུན། །རིག་བྱེད་མ་སོགས་ནོར་ལྷ་གཏེར་བདག་དང་། ཁམས་གསུམ་དབང་དུ་བྱེད་པའི་ལྷ་རྣམས་ཀྱིས། །རིགས་ཀྱི་བུ༴ །སྲུང་ཞིང་༴ །ཁྱད་པར་འཕགས་མ་སོ་སོ་འབྲང་མ་དང་། །བསིལ་བའི་ཚལ་དང་གསང་སྔགས་རྗེས་སུ་འཛིན། །རྨ་བྱ་ཆེན་མོ་སྟོང་ཆེན་རབ་འཇོམས་སོགས། །གཟུངས་རིག་ལྷ་དང་ཕྱག་རྒྱའི་ཚོགས་རྣམས་ཀྱིས། །རིགས་ཀྱི་བུ་མོ༴ །

― LT41_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་ཞིང་༴ །ཕ་ལྷ་མ་ལྷ་ཞང་ལྷ་དགྲ་བླ་དང་། །ཡུལ་ལྷ་ཁྱིམ་ལྷ་དཀར་ཕྱོགས་སྐྱོང་བའི་ལྷ། །མིའུ་གདུང་དྲུག་རུས་ཆེན་སྡེ་ལྔ་ལ། །མགོན་སྐྱབས་བྱེད་པའི་སོ་སོའི་ལྷ་རྣམས་དང་། །བདེན་ཚིག་སྨོན་ལམ་གྲུབ་པའི་ཚོགས་རྣམས་ཀྱིས། །རིགས་ཀྱི༴ །སྲུང་ཞིང་༴ །འདིར་སོ་སོའི་ཡུལ་ལྷ་སྐབས་ཐོབ་འཛུད་དགོས་པས་སྐབས་འདིར་མཚོན་ན། དགེ་བསྙེན་ཆེན་པོ་རྡོ་རྗེ་གཡུང་དྲུང་རྩལ། །རྡོ་རྗེ་བློ་གྲོས་རྡོ་རྗེ་ཐོག་སྲས་དང་། །རྡོ་རྗེ་དགྲ་འདུལ་རྡོ་རྗེ་གཞོན་ནུ་སོགས། །དཀར་ཕྱོགས་སྐྱོང་བའི་ཡུལ་གཞི་གནས་བདག་གིས། །རིགས་ཀྱི་བུ་མོ༴ །སྲུང་ཞིང་སྐྱོབས་ལ༴ །ཕ་མྱེས་བརྒྱུད་སྲུང་མགོན་བྱེད་ལྷ་སྲུང་རྣམས། །གཞི་བྱེས་ཉིན་དང་མཚན་མོ་དུས་རྟག་ཏུ། །ལུས་དང་གྲིབ་མ་ཇི་བཞིན་སྐད་ཅིག་ཀྱང་། །འབྲལ་བ་མེད་པར་སྲུང་ཞིང་བསྐྱབ་ཏུ་གསོལ། ཀྱེ། དབུས་ནས་མགོན་ལྷ་དཀར་པོས་སྲུངས། །སྟེང་ནས་ནམ་མཁའི་ལྷ་མོས་སྲུངས། །འོག་ནས་ས་ཡི་ལྷ་མོས་སྲུངས། །གཡས་ནས་ཕོ་ལྷ་གཉན་པོས་སྲུངས། །གཡོན་ནས་མ་ལྷ་བུ་རྫིས་སྲུངས། །རྒྱབ་ནས་དགྲ་བླ་དར་མས་སྲུངས། །མདུན་ནས་ཞང་ལྷ་སྲོག་ལྷས་སྲུངས། །ཕུག་ལྷ་གཉེན་པོས་སྲུངས་སྐྱོབས་མཛོད། །དེ་རིང་མི་ནོར་བརྒྱ་བཏང་ཡང་། །སང་ཉིན་སྟོང་ཕྲག་ཚུར་ལ་ཤོག །ནོར་

― LT41_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་གཉེན་པོས་སྲུངས་སྐྱོབས་མཛོད། །དེ་རིང་ཕྱུགས་བརྒྱ་ཕར་བཏང་ཡང་། །སང་ཉིན་ཕྱུགས་སྟོང་ཚུར་ལ་ཤོག །ཟས་ལྷ་གཉེན་པོས་སྲུངས་སྐྱོབས་མཛོད། །དེ་རིང་ཟས་བརྒྱ་ཕར་བྱིན་ཀྱང་། །སང་ཉིན་ཟས་སྟོང་ཚུར་ལ་ཤོག །རྩ་བ་གསུམ་གྱི་བྱིན་རླབས་དང་། །དཀོན་མཆོག་བདེན་པའི་ནུས་མཐུ་ཡིས། །དེ་རིང་ཉི་མ་ཕྱིན་ཆད་ནས། །མི་དང་ལྷ་གཉིས་མ་འབྲལ་བར། །རྟག་ཏུ་སྲུང་ཞིང་སྐྱོབ་པར་ཤོག །ལུས་ལ་ན་ཚ་མེད་པར་ཤོག །ཚེ་ལ་བར་ཆད་མེད་པར་ཤོག །སྲོག་ལ་ཤི་ཆད་མེད་པར་ཤོག །མངའ་ཐང་རིགས་བརྒྱུད་འཕེལ་བར་ཤོག །གནས་ལ་བཀྲ་ཤིས་བརྟན་པར་ཤོག །ཡུལ་ལ་འཕོ་འཆུག་མེད་པར་ཤོག །ས་ལ་བརྟན་ཕུར་ཚུགས་པར་ཤོག །མི་འཕེན་རྟ་ཧྲག་འཛོམ་པར་ཤོག །ཕྱུག་གི་གཏེར་ཁ་བརྡོལ་བར་ཤོག །སྐྱིད་དགའ་ཡུན་རིང་གནས་པར་ཤོག །དབང་ཐང་དགུང་དང་མཉམ་པར་ཤོག །ཕུག་གི་ལྷ་ཡིས་སྐྱོབ་པར་ཤོག །བར་གྱི་མི་དང་མཐུན་པར་ཤོག །མི་ཚེ་སྐྱིད་ཀྱིས་འཁྱོལ་བར་ཤོག །མཐུན་གསུམ་འགྲོགས་ཡུན་རིང་བར་ཤོག །སྨན་འཛང་དབང་བུ་ཚང་བར་ཤོག །སྙན་གྲགས་འབྲུག་ལྟར་ཁྱབ་པར་ཤོག །དགེ་བའི་ས་བོན་འདེབས་པར་ཤོག །བུ་ནོར་ཆོས་གསུམ་འཛོམ་པར་ཤོག །བདེ་སྐྱིད་ལོངས་སྤྱོད་ལྡན་པར་ཤོག །ཅི་

― LT41_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་དོན་ཀུན་འགྲུབ་པར་ཤོག །བདུན་པ་གཡང་འགུགས་པ་ནི་མདའ་དར་གཡབ་ལ། ཀྱེ། དེ་རིང་སྲིད་པའི་གནམ་གང་ལ། །ཁྱིམ་འཛིན་འདི་ལ་རྟེན་བཙུགས་ནས། །ཕྱོགས་བཞི་མཚམས་བརྒྱད་ཕྱ་གཡང་བཀུག །དཀོན་མཆོག་རྩ་གསུམ་བྱིན་རླབས་དང་། །གསང་སྔགས་རིག་སྔགས་ནུས་མཐུ་དང་། །བདེན་པ་གྲུབ་པའི་བདེན་མཐུ་དང་། །རྟེན་འབྲེལ་རྫས་ཀྱི་ནུས་པ་ཡིས། །སྟེང་ཕྱོགས་ལྷ་ཡི་ཕྱྭ་གཡང་ཁུག །འོག་ཕྱོགས་ཀླུ་ཡི་ཕྱྭ༴ །བར་ཕྱོགས་གཉན་གྱི༴ །གླིང་བཞི་མི་ཡི༴ །ལྷ་སྲིན་སྡེ་བརྒྱད་ཕྱ༴ །རྒྱ་གར་དམ་པའི་ཆོས་གཡང་ཁུག །རྒྱ་ནག་བཙན་བརྗིད་ཁྲིམས་གཡང་ཁུག །སྟག་གཟིག་ནོར་གྱི་ཕྱུག་གཡང་ཁུག །ཟས་ནོར་གོས་ཀྱི་བཅུད་གཡང་ཁུག །བདེ་སྐྱིད་དཔལ་འབྱོར་ཕྱུ་གཡང་ཁུག །དབུ་ནག་མི་ཡི་ཕྱྭ༴ །གསེར་དངུལ་ནོར་གྱི༴ །དར་ཟབ་གོས་ཀྱི་ཕྱྭ༴ །རྐང་བཞི་ཕྱུགས་ཀྱི་ཕྱྭ༴ །བཟའ་བཏུང་བཅུད་ཀྱི་ཕྱྭ༴ །ཚེ་རིང་ནད་མེད་ཕྱྭ༴ །ཅི་བས་མ་འགྲུབ་པའི༴ །ཕུན་ཚོགས་དགེ་ལེགས་གཡང་ཁུག་ཅིག །ཀྱེ། །མི་ཚུར་འོང་རྗེས་ལ་མི་གཡང་ཤོག །ནོར་ཚུར་འོང་རྗེས་ལ་ནོར་གཡང་ཤོག །ཟས་ཚུར་འོང་རྗེས་ལ་ཟས་གཡང་ཤོག །བག་མ་ཚུར་འོང་རྗེས་ལ་དཔལ་གཡང་ཤོག །ཡོ་མ་ཚུར་འོང་རྗེས་ལ་

― LT41_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་གཡང་ཤོག །གནག་ཕྱུགས་ཚུར་འོང་རྗེས་ལ་ཟོག་གཡང་ཤོག །གཡང་དཀར་ཚུར་འོང་རྗེས་ལ་ལུག་གཡང་ཤོག །ཚེ་ཚེ་ཚུར་འོང་རྗེས་ལ་ར་གཡང་ཤོག །ལྷོ་སྤྲིན་འདྲ་བའི་ནོར་གཡང་ཤོག །ས་གཞི་འདྲ་བའི་འབྲུ་གཡང་ཤོག །སྦྲང་ཆར་འདྲ་བའི་ཟས་གཡང་ཤོག །རྒྱ་མཚོ་འདྲ་བའི་འོ་གཡང་ཤོག །ནགས་ཚལ་འདྲ་བའི་གོས་གཡང་ཤོག །བཙན་པོ་རྣམས་ཀྱི་བཙན་གཡང་ཤོག །ཕྱུག་པོ་རྣམས་ཀྱི་ཕྱུག་གཡང་ཤོག །འཕེན་པོ་རྣམས་ཀྱི་འཕེན་གཡང་ཤོག །གཡང་ལ་གཡང་འཕེལ་གཏེར་གྱི་གཡང་། །ཁྱིམ་ལ་གཡང་འཕེལ་མི་ཡི་གཡང་། །བད་མཛོད་གཡང་འཕེལ་ནོར་གྱི་གཡང་། །ཞིང་ལ་གཡང་འཕེལ་འབྲུ་ཡི་གཡང་། །ར་བར་གཡང་འཕེལ་ཕྱུགས་ཀྱི་གཡང་། །ཟས་ལ་གཡང་འཕེལ་བཅུད་ཀྱི་གཡང་། །དགོས་རྒུ་མ་ཚང་མེད་པའི་གཡང་། །དགེ་ལེགས་ལྷུན་གྱིས་གྲུབ་པའི་གཡང་། །བཀྲ་ཤིས་ཕུན་སུམ་ཚོགས་པའི་གཡང་། །འཁོར་འདས་གཉིས་ཀྱི་ཕྱ་གཡང་རྣམས། །དེ་རིང་ལྷ་ཁྱིམ་འདི་རུ་ལེན། །གཡང་གི་རབ་འདི་ལ་བསྡུ། །དཔལ་གྱི་མི་མོ་འདི་ལ་བསྟིམས། །མི་ཉམས་མི་འཐོར་བཅུད་དུ་འཁྱིལ། །ཕྱ་ཚེ་གཡང་གི་དངོས་གྲུབ་རྣམས། །ལྷོ་སྤྲིན་བཞིན་དུ་འཐིབས་པར་ཤོག །སྦྲང་ཆར་བཞིན་ཏུ་

― LT41_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

འབེབས་པར་ཤོག །རྒྱ་མཚོ་བཞིན་ཏུ་འཁྱིལ་བར་ཤོག །ཆུ་བོའི་རྒྱུན་བཞིན་ཆད་མེད་ཤོག །ལྷུན་པོ་བཞིན་ཏུ་བརྟན་པར་ཤོག །བཙན་ཕྱུག་འཕེན་དར་འཛོམ་པ་དང་། །བཀྲ་ཤིས་བདེ་ལེགས་ལྡན་པར་ཤོག །བརྒྱད་པ་མཐའ་རྟན་བཀྲ་ཤིས་བརྗོད་པ་ནི། །མདུན་གྱི་ནམ་མཁར་བླ་མ་རྒྱལ་བ་སྲས་དང་བཅས་པ་ལྷ་དང་དྲང་སྲོང་བདེན་པ་གྲུབ་པ་རྣམས་དང་དཀར་པོའི་ཕྱོགས་སྐྱོང་བ་རྣམས་དང་བཅས་པས་བཀྲ་ཤིས་པའི་བདེན་ཚིག་བརྗོད་ཅིང་མེ་ཏོག་ཆར་དུ་བསྙིལ་བར་གྱུར། ཕུན་སུམ་ཚོགས་པ་མངའ་བ་སོགས་ཞལ་ནས་གསུངས་པའི་མཆོག་གསུམ་བཀྲ་ཤིས་ཀྱིས་ཐོག་དྲངས། གང་ལ་སེར་སྣ་རྣམ་ཆགས་སོགས་ཚང་བ་དང་། བགེགས་རིགས་སྟོང་ཕྲག༴ །བསོད་ནམས་རི་བོ༴ །ལོ་བརྒྱ་འཚོ་ཞིང་༴ །སྦྱིན་པ་གཏོང་ཞིང་༴ །གནས་འདིར་ཉིན་མོ་བདེ་ལེགས་སོགས་བཀྲ་ཤིས་ཀྱི་ཚིག་ཕྲེང་རྒྱས་བསྡུས་ཇི་ལྟར་འོས་པ་བརྗོད་ཅིང་མེ་ཏོག་འཐོར། སླར་ཡང་། ཉི་མ་ཐམས་ཅད་དགེ་བ་ཡིན། །རྒྱུ་སྐར་ཐམས་ཅད་བཟང་པོ་ཡིན། །སངས་རྒྱས་རྣམས་ནི་རྫུ་འཕྲུལ་ཆེ། །དགྲ་བཅོམ་རྣམས་ནི་ཟག་པ་ཟད། །བདེན་པའི་བདེན་ཚིག་འདི་ཡི་མཐུས། །བདག་ཅག་རྟག་ཏུ་བདེ་ལེགས་ཤིང་། །ཇི་ལྟར་སྨོན་པ་ཀུན་འགྲུབ་ཤོག །མངྒ་ལཾ་སིདྡྷི་ཛ་ཡ་ཨ་ལ་ལ་ཧོཿ ཞེས་བདེན་པའི་ཚིག་གི་མཐའ་རྒྱས་སུ་

― LT41_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ། དེ་ལྟར་ལས་ཕྲན་བདུན་པོ་མཐའ་བརྟེན་དང་བཅས་པ་ཇི་ལྟར་བྱ་བའི་ཚུལ་ལག་ལེན་འགྲིགས་ཆགས་སུ་བཀོད་པ་འདིའང་། སྡེ་བཞི་དགེ་བ་བཅུ་དང་ལྡན་པའི་རྒྱལ་ཁབ་ཆེན་པོར་ལུང་ཟིན་སྤྲུལ་པའི་ཆོས་རྒྱལ་རིན་པོ་ཆེའི་སྲིད་འཛིན་ཏུ། །སྟག་ལུང་གཟིའི་གདུང་རིགས་ཀྱི་བཙུན་མོ་དམ་པ་ཕེབ་པའི་ཚེ་ཉེ་བར་མཁོ་བས་མཚམས་སྦྱར་ཏེ། ལྷ་ཤེས་སུ་རློམས་པའི་སྔགས་རིག་འཛིན་པ་ཀརྨ་ངག་དབང་ཡོན་ཏན་རྒྱ་མཚོས་ལྕང་ར་འཆི་མེད་ལྷ་ཀླུའི་དགའ་ཚལ་དུ་བྲིས་པ་དགེ་ལེགས་འཕེལ། །མངྒ་ལཾ།། །།

རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས།

― LT41_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་བཞུགས་སོ། །

― LT41_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཤྲཱི་ཀཱ་ལ་ཙཀྲཱ་ཡ། གཞལ་བྱ་ཡུལ་དང་འཇལ་བྱེད་དུས་ཀྱི་ཚིགས། །རྡོ་རྗེའི་ལུས་བཞིན་འཇིག་རྟེན་སེམས་ཀྱི་འཕྲུལ། །དེ་དག་དེ་ཉིད་རྣམ་པ་ཐམས་ཅད་པའི། །འཁོར་ལོའི་བདག་པོ་དང་པོའི་རྒྱལ་བར་འདུད། །ནང་གི་དུས་ལ་ཀུན་མཁྱེན་སྤྱན་ཕྱེད་པས། །བླང་དོར་ཆགས་ཐོགས་བྲལ་བར་གཟིགས་པ་ཡང་། །བརྩེ་བས་གཞན་ལ་འདོམས་པ་ལྷུར་ལེན་པ། །ཤཱཀྱའི་སྲས་དེ་མི་ཕྱེད་དྭང་བས་བསྙེན། །ལྷས་བསྟན་ཁྲི་སྐྱོང་རྒྱུད་ཀྱི་བདག་རྣམས་དང་། །འཕགས་པའི་ཡུལ་བྱོན་དུས་ཞབས་ཆེ་རྣམས་དང་། །གངས་ཅན་ལྗོངས་སུ་གཞན་ཟེར་མི་ཟློས་པར། །ལམ་འདིའི་ལུགས་བཟང་འཁྲུལ་མེད་འབྱེད་རྣམས་བསྔགས། །རྟོག་གེ་ཁོ་ནས་བརྟགས་མིན་ཕྱི་ནང་

― LT41_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན། །ཇི་བཞིན་གཟིགས་པ་རང་བྱུང་ཀུན་མཁྱེན་ཆེས། །དགག་སྒྲུབ་བློ་ལས་འདས་པའི་རྡོ་རྗེའི་ཚིག །རྒྱུད་ལས་རྒྱུད་ཀྱི་ཚུལ་དུ་རྩིས་ཀུན་བཏུས། །འཇམ་དབྱངས་དོན་འོད་གཙུག་ལག་ཕྲེང་བ་འཛིན། །ཁྱད་པར་ཀུན་མཁྱེན་བསྟན་པའི་ཉིན་མོར་བྱེད། །སློབ་མར་བཅས་པས་དེ་བསྟན་ཆེས་བརྡལ་ཞིང་། །ནོར་མེད་ལེགས་བཤད་ཉི་མའི་འོད་རླབས་བཀྱེས། །དེ་ཚེ་འབྱུང་བྱ་ཕལ་ཆེར་མིག་ཟུམ་ཞིང་། །སྐལ་བཟང་པདྨ་གཞོན་ནུའི་མིག་འབྱེད་པས། །གཟུར་གནས་ཚོགས་ལ་དུས་ཀྱི་དང་པོ་བཞིན། །རྣམ་དཔྱོད་སྦྲང་རྩིའི་མངལ་ཁུར་ལྷག་པར་ལྕི། །གཞུང་ལུགས་རྒྱ་མཚོ་རྒྱ་ཆེ་གཏིང་ཟབ་ལས། །ལག་ལེན་འཇུག་བདེ་མུ་ཏིག་དོགས་པ་འདི། །དང་པོའི་ལས་ཅན་མགྲིན་པར་མཛེས་པའི་

― LT41_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན། །ལྷག་པའི་བསམ་པས་སྦྱིན་ནོ་དྭང་དུ་ལོངས། །དེ་ཡང་ཐོག་མར་སྔོན་འགྲོའི་སྐོར། །དགུ་གཅིག་གཅིག་དགུ་དགུ་རང་ལ། །དགུ་གཉིས་གཉིས་དགུ་བཅོ་བརྒྱད་ཡིན། །དགུ་གསུམ་གསུམ་དགུ་ཉི་ཤུ་བདུན། །དགུ་བཞི་བཞི་དགུ་སུམ་ཅུ་དྲུག །དགུ་ལྔ་ལྔ་དགུ་བཞི་བཅུ་ལྔ། །དགུ་དྲུག་དྲུག་དགུ་ལྔ་བཅུ་བཞི། །དགུ་བདུན་བདུན་དགུ་དྲུག་ཅུ་གསུམ། །དགུ་བརྒྱད་བརྒྱད་དགུ་བདུན་ཅུ་གཉིས། །དགུ་དགུ་བརྒྱད་ཅུ་གྱ་གཅིག་གོ། །བརྒྱད་གཅིག་གཅིག་བརྒྱད་བརྒྱད་རང་ལ། །བརྒྱད་གཉིས་གཉིས་བརྒྱད་བཅུ་དྲུག་ཡིན། །བརྒྱད་གསུམ་གསུམ་བརྒྱད་ཉི་ཤུ་བཞི། །བརྒྱད་བཞི་བཞི་བརྒྱད་སུམ་ཅུ་གཉིས། །བརྒྱད་ལྔ་ལྔ་བརྒྱད་བཞི་བཅུ་ཐམ། །བརྒྱད་དྲུག་དྲུག་བརྒྱད་བཞི་བཅུ་བརྒྱད། །བརྒྱད་བདུན་བདུན་བརྒྱད་ལྔ་བཅུ་དྲུག །བརྒྱད་བརྒྱད་དྲུག་ཅུ་རྩ་བཞིའོ། །བདུན་གཅིག་གཅིག་བདུན་བདུན་རང་ཡིན། །བདུན་གཉིས་གཉིས་བདུན་བཅུ་བཞི་ལ། །བདུན་གསུམ་གསུམ་བདུན་ཉི་ཤུ་གཅིག །བདུན་བཞི་བཞི་བདུན་ཉི་ཤུ་བརྒྱད། །བདུན་ལྔ་ལྔ་བདུན་སུམ་ཅུ་ལྔ། །བདུན་དྲུག་དྲུག་བདུན་བཞི་བཅུ་གཉིས། །བདུན་བདུན་བཞི་བཅུ་ཞེ་དགུའོ། །དྲུག་གཅིག་གཅིག་དྲུག་དྲུག་ཡིན་ལ། །དྲུག་གཉིས་གཉིས་དྲུག་བཅུ་གཉིས་སོ། །དྲུག་གསུམ་གསུམ་དྲུག་བཅོ་བརྒྱད་ཉིད། །དྲུག་བཞི་བཞི་དྲུག་ཉི་ཤུ་བཞི། །དྲུག་ལྔ་ལྔ་དྲུག་སུམ་ཅུ་ཐམ། །དྲུག་དྲུག་སུམ་ཅུ་སོ་དྲུག་གོ། །ལྔ་གཅིག་གཅིག་ལྔ་ལྔ་རང་ལ། །

― LT41_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་གཉིས་གཉིས་ལྔ་བཅུ་ཐམ་པ། །ལྔ་གསུམ་གསུམ་ལྔ་བཅོ་ལྔ་སྟེ། །ལྔ་བཞི་བཞི་ལྔ་ཉི་ཤུ་ཐམ། །ལྔ་ལྔ་ཉི་ཤུ་རྩ་ལྔའོ། །བཞི་གཅིག་གཅིག་བཞི་བཞི་རང་ལ། །བཞི་གཉིས་གཉིས་བཞི་བརྒྱད་དུ་འགྱུར། །བཞི་གསུམ་གསུམ་བཞི་བཅུ་གཉིས་ལ། །བཞི་བཞི་བཅུ་དྲུག་ཉིད་དུའོ། །གསུམ་གཅིག་གཅིག་གསུམ་གསུམ་རང་ལ། །གསུམ་གཉིས་གཉིས་གསུམ་དྲུག་ཡིན་ཅིང་། །གསུམ་གསུམ་ལ་ནི་དགུ་རུ་འགྱུར། །གཉིས་གཅིག་གཉིས་ཡིན་གཉིས་གཉིས་བཞི། །གཅིག་གཅིག་གཅིག་ནི་གཅིག་ཁོ་ནའོ། །འབྲི་བགྲང་བསྣོན་པ་གཡས་ནས་བྱ། །བགོད་བསྒྱུར་འབྲིད་པ་གཡོན་ནས་བྱ། །སྒྱུར་བྱེད་ཐིག་ལེ་གྲལ་མཐར་དགོད། །དགོད་བྱེད་ཐིག་ལེས་མ་མཐའ་དགག །སྒྱུར་བྱེད་སྟོངས་ན་བསྒྱུར་བྱ་དབྱི། །དེ་ཚེ་གནས་སྲུང་ཐིག་ལེ་བཞག །གཅིག་གིས་བསྒྱུར་ལ་མང་ཉུང་མེད། །ཕྱེད་ཀྱིས་བསྒྱུར་ན་ཕྱེད་ཆར་འགྱུར། །གཉིས་གསུམ་བཞི་རྣམས་རིམ་བཞིན་འཕེལ། །བསྒྱུར་བའི་དོན་ནི་བསྒྱུར་བྱ་དེ། །སྒྱུར་བྱེད་གྲངས་སུ་སྤེལ་བ་ཡིན། །བསྒྱུར་བྱའི་འོག་ཏུ་སྒྱུར་བྱེད་ཀྱི། །ཐ་མ་བཞག་ནས་བསྒྱུར་བར་བྱ། །བསྒྱུར་བྱ་སྟོངས་ན་བསྒྱུར་རྒྱུ་མེད། །བསྲེ་བསྣན་བཅུ་འགྱུར་གོང་དུ་འཕོ། །མཐའ་དབུས་སྟོངས་ན་ཐིག་ལེ་བྲི། །རྐྱང་བགོད་ཇི་ཙམ་ཐོབ་པ་ཁྱེར། །སྦྲགས་བགོད་འོག་མའི་ཐོབ་དང་བསྟུན། །མང་ན་འོག་མས་མི་ཐོབ་ཆད། །ཉུང་ན་འོག་

― LT41_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

མས་བསྐྱར་ཐོབ་ལྷག །དེ་དག་སྐྱོན་ཡིན་ཚོད་ཟིན་གཙོ། །བགོད་དུས་ཅི་ཙམ་ཐོབ་བའི་སྐལ། །མགོ་ཐོག་ནས་ཁྱེར་མ་འདོངས་ན། །རང་གྲངས་གོང་མའི་བཅུ་ཚན་ཕབ། །དེ་ཡང་མ་འདོངས་བརྒྱ་ཕབ་ཚེ། །དགོད་བྱེད་ཉིད་ལ་གང་མཁོ་བླང་། །མ་མཁོ་བཅུ་ཚན་ལམ་དུ་བཞག །མགོ་ཐོག་ལོངས་ན་ཕབ་མི་དགོས། །བརྒྱ་ཡན་གྲངས་གནས་ཐིག་ལེས་འཛིན། །སྟོང་ཁྲི་འབུམ་རྣམས་ཕབ་དགོས་ན། །ལམ་དུ་དགུ་ཆེན་རེ་རེ་བཞག །དེ་ཚེ་གང་དགོས་བརྒྱ་ཐོག་ཁྱེར། །ཁྱེར་ལྷག་བཅུ་ཚན་རང་གནས་ལུས། །དགོད་པའི་དོན་ཡང་བགོ་བྱ་དེ། །དགོད་བྱེད་གྲངས་སུ་སྡུད་པ་ཡིན། །ཐོབ་པ་སྟེང་འོག་གནས་མཚུངས་བསྒྲིགས། །མ་ཐོབ་ནོར་སྐལ་ཐིག་ལེ་བྱེད། །དེ་རྣམས་སྟེང་བསྲེ་གནས་སྐབས་དེར། །འཕྲལ་མཁོ་མེད་ན་དོར་བར་བྱ། །འཕྲི་དུས་མ་འདོངས་གོང་ནས་ཕབ། །ཡང་ན་སྟེང་ནས་འོག་ཏུ་འབེབས། །དེ་ཚེ་དབྱུག་སྲང་དབུགས་ཆ་ཤས། །འོག་ཏུ་རང་རང་གནས་སུ་འགྱུར། །ཐིག་ལེས་དབྲི་བསྣན་དགོད་པ་རྣམས། །ཅི་བྱས་གཟུགས་གཞན་མི་འགྱུར་ཡང་། །ནང་གི་གྲངས་གནས་སྲུང་བ་སོགས། །ལས་ནི་གཞན་དང་ཁྱད་པར་མེད། །བསྒྱུར་དགོད་སྤྱང་སྟེར་གང་བྱེད་ཀྱང་། །སྟེང་འོག་གོ་རིམ་གྲངས་ཀྱི་གནས། །མ་ནོར་རང་སར་འབྲོད་པ་གཅེས། །གཅིག་བཅུ་བརྒྱ་སྟོང་ཁྲི་འབུམ་དང་། །བྱེ་བ་ས་ཡ་དུང་ཕྱུར་ཏེ། །དགུ་པོ་རྐྱང་པའི་གྲངས་སུ་བརྗོད། །ཐེར་འབུམ་

― LT41_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་ཁྲིག་རབ་བཀྲམ་དང་། །གཏམས་དཀྲིགས་མི་འཁྲུགས་ཁྱད་འབྱིན་དང་། །སྤང་བརྟེན་དེད་འདྲེན་མཐའ་སྣང་དང་། །རྒྱུ་རིག་འོད་མཛེས་དབང་པོ་དང་། །ལེགས་ཕྱིན་རྟོགས་འགྲོ་འབྱིན་རྡུལ་དང་། །རྒྱ་རྟགས་སྟོབས་འཁོར་བརྡ་ཤེས་དང་། །རྣམ་བྱུང་སྟོབས་མིག་ཁྱད་བྱུང་དང་། །བྱམས་པ་སྙིང་རྗེ་དགའ་བ་དང་། །བཏང་སྙོམས་རྣམས་ནི་ཆེན་པོར་བཅས། །དྲུག་ཅུ་པ་ནི་གྲངས་མེད་དེ། །གོང་ནས་གོང་དུ་བཅུ་འགྱུར་བསྒྲེ། །གྲངས་ཀྱི་མིང་གི་རྣམ་གྲངས་ནི། །གཟུགས་དང་རང་བཞིན་བསེ་རུ་དང་། །ཟླ་བ་རི་བོང་ཅན་ནི་གཅིག །ཟུང་དང་ལག་མིག་འཁྲིག་བགྲོད་ཕྱོགས། །སྦྱོར་བ་མཚེ་མ་གཉིས་ཡིན་ནོ། །འཇིག་རྟེན་དུས་དང་ཡོན་ཏན་དང་། །མེ་དང་རྩེ་མོ་ཅན་ནི་གསུམ། །ཆུ་གཏེར་རྒྱ་མཚོ་ཆུ་བོ་དུས། །སྡེ་པ་རིག་བྱེད་ཟུང་ལྡན་བཞི། །འདོད་ལྡན་འབྱུང་བ་མདའ་དབང་པོ། །ཕུང་པོ་རྣམས་ནི་ལྔ་ལ་འཇུག །མཚམས་དང་རོ་དུས་བྲོ་བ་དྲུག །རི་གླིང་གཟའ་ཐུབ་དྲང་སྲོང་བདུན། །ཀླུ་སྦྲུལ་ནོར་ལྷ་ནོར་དབྱིག་བརྒྱད། །བུག་གཏེར་རྩ་གཟའ་སྲིན་པོ་དགུ། །ཕྱོགས་དང་ཡུལ་ས་སྒྲ་སྒྲོག་བཅུ། །དབང་ཕྱུག་དྲག་པོ་བདེ་བྱེད་དང་། །བདེ་འབྱུང་འཕྲོག་བྱེད་བཅུ་གཅིག་གོ། །ཉི་མ་ཉིན་བྱེད་ཁྱིམ་བཅུ་གཉིས། །ལུས་མེད་མྱོས་བྱེད་འདོད་བཅུ་གསུམ། །ཤེད་བུ་སྲིད་པ་ཡིད་མ་ནུ། །བཅུ་བཞིའི་ཚེས་ལ་བཅོ་ལྔ་ཉིད། །རྒྱལ་པོ་མི་བདག་བཅུ་དྲུག་གོ། །སྐྱོན་

― LT41_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་བཅོ་བརྒྱད་རྒྱལ་ཉེར་བཞི། །དེ་ཉིད་ཉེར་ལྔའོ་འཁོར་ལོ་དང་། །སྐར་མ་རྒྱུ་སྐར་ཉེར་བདུན་ཡིན། །སོ་དང་གཉིས་སྐྱེས་སུམ་ཅུ་གཉིས། །ཆུ་ཚོད་དབྱུ་གུ་སྲང་དྲུག་ཅུ། །སྟོང་པ་དབྱིངས་མཁའ་ཐིག་ལེར་བརྗོད། །བསྒྱུར་དགོད་སྟེར་འཕྲིའི་ཐ་སྙད་ཀྱང་། །སྤེལ་བསྣུན་གསིལ་བསྒྲེས་བསྒྱུར་བའི་མིང་། །འཕྲི་སྦྱང་དོར་དང་འཕྲལ་དམན་དབྲོག །འབྲིད་དབེན་བུ་ལོན་སྤང་རྣམས་གཅིག །བསྲེ་སྟེར་ཕུལ་སྦྱིན་བསྣན་སྣོན་གཞུག །ནོར་དུ་འགྱུར་དང་ལྡན་སྒྲ་མཚུངས། །དགོད་ལ་བསལ་བཅད་ཕྱེ་དང་གཏུབས། །དྲིལ་ཕུད་དོར་བ་ཞེས་ཀྱང་འབོད། །དབྱི་བསུབ་དོར་རྣམས་ཕྱི་བའི་དོན། །རྙེད་ཐོབ་བགོས་པའི་ནོར་ལ་ཟེར། །གཟའ་དང་བྱེད་པའི་འཁོར་ལོ་བདུན། །སྐར་མ་སྦྱོར་བ་ཉེར་བདུན་ཏེ། །ཆུ་ཚོད་ཆུ་སྲང་དྲུག་ཅུ་ལ། །དབུགས་དྲུག་ཆ་ཤས་ངེས་པ་མེད། །རང་རང་འཁོར་ལོ་ལོངས་དུས་དོར། །གཟའ་ཡི་མིང་གི་རྣམ་གྲངས་ནི། །མི་སྦྱིན་སྐྱེས་དང་ཚ་ཟེར་ཅན། །པདྨའི་གཉེན་དང་ཀུ་མུ་ཏ་དགྲ། །རྟ་བདུན་རྒྱལ་པོ་འོད་སྟོང་ཅན། །ནམ་མཁའི་ནོར་བུ་རྟ་ལྗང་ཅན། །ཉིན་བྱེད་ཉིན་མོའི་དབང་ཕྱུག་རྣམས། །ཉི་མའི་མིང་གི་རྣམ་གྲངས་སོ། །མཚན་མོའི་མགོན་པོ་རྒྱུ་སྐར་བདག །བསིལ་ཟེར་ཅན་དང་ཀུ་མུ་ཏ་གཉེན། །རྒྱ་མཚོ་སྐྱེས་དང་འོད་དཀར་ཅན། །པདྨའི་དགྲ་དང་རི་བོང་འཛིན། །ཟླ་བའོ་བཀྲ་ཤིས་ས་སྐྱེས་དང་། །གཞོན་ནུ་ལུས་དམར་ས་ལྷའི་བུ། །ཡན་ལག་དམར་

― LT41_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་མིག་དམར་རོ། །ལྷག་པ་ཟླ་སྐྱེས་ཟླ་བའི་བུ། །ཟླ་སྲས་ལྷ་མཚམས་སྐྱེས་སྡོས་ངས། །ཕུར་བུ་བླ་མ་ལྷའི་བླ་མ། །འཚོ་བྱེད་དང་ནི་གྲིབ་མའི་བུ། །བློ་ལྡན་སྒྲ་མཁན་བློན་པོའོ། །པ་སངས་ཁུ་བ་ནབས་སོ་སྐྱེས། །སྦྱིན་བྱེད་ལྷ་མིན་བླ་མ་དང་། །དཀར་པོ་སྙན་ངག་མཁན་ཅེས་བྱ། །སྤེན་པ་ཉི་སྐྱེས་ཉི་མའི་བུ། །གཤིན་རྗེའི་བ་དན་ཞི་ད་ལ་འགྲོ། །སྒྲ་གཅན་སྐབས་གསུམ་འཇིགས་བྱེད་དང་། །སྲིད་གསུམ་རྣམ་རྒྱལ་ཉི་ཟླ་ཟ། །དྲག་པོའི་གཟུགས་ཅན་མིག་སྨན་མདོག །ནག་པ་སྐྱེས་དང་བདུད་རྩི་ཟ། །སེང་གེ་མོ་ཡི་བུ་ཞེས་བྱ། །མཇུག་མར་མེ་དང་དུས་མེར་འབོད། །མཇུག་རིང་དུ་བ་ཀེ་ཏུ་དཔལ། །ཁྲུ་དོ་ཅན་དང་མཇུག་ཕོད་བརྗོད། །ཉི་ཟླ་དམར་ལྷག་ཕུར་སངས་སྤེན། །རེས་ལ་འཆར་བའི་གཟའ་བདུན་ཡིན། །སྒྲ་གཅན་དུས་མེ་མཇུག་རིང་གསུམ། །བསྣན་པས་གཟའ་ནི་བཅུ་རུ་གྲགས། །རྒྱུ་སྐར་ཉི་ཤུ་རྩ་བརྒྱད་ལ། །གྲོ་བཞིན་དང་ནི་བྱི་བཞིན་གཉིས། །སྒར་ཁོངས་གཅིག་ཕྱིར་ཉེར་བདུན་ཡིན། །དེ་ལ་བྱི་བཞིན་མི་འདྲེན་ནོ། །ཐ་སྐར་བྲ་ཉེ་སྨིན་དྲུག་དང་། །སྣར་མ་མགོ་ལག་ནབས་སོ་རྒྱལ། །སྐག་མཆུ་སྲེ་དབོ་མེ་བཞི་ནག །ས་རི་ས་ག་ལྷ་མཚམས་སྣྲོན། །སྣུབས་དང་ཆུ་སྟོད་ཆུ་སྨད་དང་། །གྲོ་བཞིན་མོན་དྲེ་མོན་གྲུ་དང་། །ཁྲུམས་སྟོད་ཁྲུམས་སྨད་ནམ་གྲུ་སྟེ། །ཉེར་བདུན་ཡིན་ནོ་ཡུལ་གྲུ་འགར། །ཐ་སྐར་ལ་ནི་དབྱུག་པ་དང་། །སྨིན་དྲུག་ལ་ནི་སྤུན་དྲུག་ཟེར། །སྣེར་

― LT41_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བི་རྫི་མགོ་སྨལ་པོ། །ནབས་སོ་རྒྱལ་སྟོད་རྒྱལ་རྒྱལ་སྨད། །སྐག་ཝ་མཆུ་ལ་རྟ་ཆེན་དང་། །གྲེ་ལ་རྟ་ཆུང་དབོ་ལ་ཁྲ། །བྱ་མ་མེ་བཞི་བྱིའུ་ནག་པ། །ས་གཉིས་ནམ་གོང་ནམ་འོག་དང་། །ལྷ་མཚམས་ལག་སོར་སྣྲོན་གདུ་བུ། །སྣུབ་ས་ལ་སོག་པའི་མིང་དུ་འབོད། །ཆུ་སྟོད་གྲེ་ལ་ཆུ་སྨད་ཕུལ། །གྲོ་བཞིན་ལ་ནི་བྱ་ཕོ་དང་། །བྱི་བཞིན་བྱ་གཞུག་མོན་གྲེ་ལ། །སྒྲོག་སྟོད་མོན་གྲུར་སྒྲོག་སྨད་དེ། །ནམ་གྲུ་ལ་ནི་ཤེ་སར་གྲགས། ༈ །ཁྱིམ་ནི་ལུག་གླང་འཁྲིག་པ་དང་། །ཀརྐ་ཊ་དང་སེང་གེ་དང་། །བུ་མོ་སྲང་སྡིག་གཞུ་ཆུ་སྲིན། །བུམ་པ་ཉ་སྟེ་བཅུ་གཉིས་སོ། །སྦྱོར་བ་རྣམ་སེལ་མཛའ་བོ་དང་། །ཚེ་དང་ལྡན་པ་སྐལ་བཟང་དང་། །དགེ་བྱེད་དང་ནི་ཤིན་ཏུ་འགྲམས། །ལས་བཟང་འཛིན་བྱེད་ཟུག་རྔུ་དང་། །འགྲམས་དང་འཕེལ་དང་བརྟན་པ་དང་། །ཡོངས་བསྣན་དགའ་བ་རྡོ་རྗེ་དང་། །དངོས་གྲུབ་དང་ནི་ཕན་ཚུན་ལྟར། །མཆོག་ཅེན་ཡོངས་འཇོམས་ཞི་བ་དང་། །གྲུབ་པ་བསྒྲུབ་བྱ་དགེ་བ་དང་། །དཀར་པོ་ཚངས་པ་དབང་པོ་དང་། །འཁོན་འཛིན་དང་བཅས་ཉེར་བདུན་ནོ། །བྱེད་པ་བཅུ་གཅིག་འཆར་ཚུལ་ནི། །ཚེས་གཅིག་ཕྱི་ཆ་ནས་བརྩམས་ཏེ། །ཉི་ཤུ་དགུ་ཡི་སྔ་ཆའི་བར། །བ་བཿདང་ནི་བཱ་ལ་བཿ། །ཀོ་ལ་བཿདང་ཏཻ་ཏི་ལཿ། །དུག་དང་ཚོང་པ་བིཥྚི་རྣམས། །ལན་བརྒྱད་བལྡབས་པས་འཁོར་བར་བྱེད། །དེ་ཕྱིར་འཕོ་བྱེད་བདུན་དུ་གྲགས། །ཉི་ཤུ་དགུ་ཡི་ཕྱི་ཆ་ནས། །ཚེས་པ་གཅིག་

― LT41_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སྔ་ཆའི་བར། །ཤ་ཀུ་ནིཿདང་རྐང་བཞི་ཀླུ། །ཀི༚་སྟུ།།།ཿསྟེ་རྟག་བྱེད་བཞི། །མི་འཕོ་བ་ཡི་བྱེད་པ་འཆར། །དེ་ཡང་བིཥྚི་ཁོ་ན་ལ། །མཚོ་དྲག་སྐྱོན་དང་དེ་ཉིད་ཕྱི། །ཀླུ་ཚེས་ལག་མིག་བུག་ཟུང་སྔ། །ཞེས་པ་ལྟར་དུ་དྲན་པ་གཅེས། །རྟེན་འབྲེལ་བཅུ་གཉིས་མ་རིག་པ། །འདུ་བྱེད་རྣམ་ཤེས་མིང་གཟུགས་དང་། །སྐྱེ་མཆེད་རེག་ཚོར་སྲེད་ལེན་པ། །སྲིད་པ་སྐྱེ་བ་རྒ་ཤིའོ། །ལོ་ཡི་དབྱེ་བར་བགྲོད་པ་དང་། །དུས་དང་ཟླ་བ་གསུམ་དུ་བཞེད། །བགྲོད་བ་ལྷོ་དང་བྱང་བགྲོད་གཉིས། །དུས་ནི་དྲུག་གམ་བཞིའམ་གསུམ། །ཉི་མས་ཐོག་མར་ཀརྚའི་ཁྱིམ། །ལོངས་སྤྱོད་དེ་ཕྱིར་དབྱར་གྱི་དུས། །དུས་ཀྱི་སྔ་བར་བཞག་པའམ། །སྟོང་འཇུག་ཐོག་མའི་དུས་ཆེན་ལས། །སྐར་ཆའི་ཐོག་མ་ཐ་སྐར་དང་། །ཁྱིམ་གྱི་དང་པོ་ལུག་གི་ཁྱིམ། །ཟླ་བའི་ཐོག་མ་ནག་ཟླ་སྟེ། །དུས་ཀྱི་དང་པོ་དཔྱིད་དུ་བཤད། །སངས་རྒྱས་པ་རྣམས་མར་ངོ་དང་། །ཕྱི་རོལ་པ་རྣམས་ཡར་ངོ་ཉིད། །སྔོན་དུ་འགྲོ་བར་འདོད་པ་དང་། །བསྟན་བཅོས་ལ་གྲགས་མར་ངོ་དང་། །འཇིག་རྟེན་ལ་གྲགས་ཡར་གྱི་ངོ། །སྔོན་དུ་འགྲོ་བར་གྲགས་མོད་ཀྱང་། །འདིར་ནི་ཉི་མ་ལུག་ཁྱིམ་དུ། །ཧོར་ཟླ་གསུམ་པ་ནག་ཟླ་ཡི། །ཡར་ངོར་ཞུགས་ན་ཡར་གྱི་ངོ་། །སྔོན་འགྲོ་འོ་དེ་དག་ནག་ཟླར་འདོད། །མར་ངོར་ཞུགས་ན་མར་གྱི་ངོ་། །སྔོན་འགྲོ་ས་ག་ཟླ་བ་ལ། །ལུག་གི་ཁྱིམ་སྦྱར་དང་པོར་བརྩི། །ཕྱོགས་རེ་ལ་ནི་ཉིན་ཞག་ཚོགས། །

― LT41_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོ་ལྔའོ་ཉིན་ཞག་གཅིག་ལ་ནི། །འཕོ་བ་བཅུ་གཉིས་ལུགས་བྱེད་ན། །སྐྱེས་བུ་ནད་མེད་དར་བབ་ཀྱི། །དབུགས་དྲུག་ལ་ནི་ཆུ་སྲང་གཅིག །ཆུ་ཚོད་ལྔ་ལ་འཕོ་བ་གཅིག །འཕོ་བ་བཅུ་གཉིས་ཉིན་ཞག་གཅིག །ཉིན་ཞག་རེ་ལ་ཆུ་ཚོད་དམ། །དབྱུ་གུ་དྲུག་ཅུ་ཐམ་པ་ཡོད། །དེ་ནི་དུས་ཀྱི་ཆུ་ཚོད་དོ། །ཉིན་ཞག་གཞལ་ཚད་འདི་ཡིན་ཏེ། །བསྐལ་སོགས་གཞལ་ལ་ཁྱིམ་ལོ་གཙོ། །ལོ་ནི་ཁྱིམ་ལོ་དབང་ཆེ་ཞིང་། །ཟླ་བ་ལ་ནི་ཚེས་ཉིད་དབང་། །ཞག་ལ་ཉིན་ཞག་དབང་ཆེ་གསུངས། །ཡུལ་གྱི་ཆུ་ཚོད་ཅེས་པ་ནི། །རྒྱུ་སྐར་གཅིག་གི་ས་ཡི་ཁྱོན། །དྲུག་ཅུར་བགོས་པའི་དུམ་གཅིག་གོ། །རིག་པ་འདི་ལ་འཇུག་འདོད་ཀྱིས། །མ་བྲལ་གསུམ་ལ་བསླབ་བྱ་སྟེ། །ལག་པ་ས་རིས་ངག་དགུ་མཐའ། །ཡིད་ནི་གནས་གཞན་བྲལ་མི་བྱ། །ཤེས་བྱའི་གནས་ཀུན་བརྩི་ན་ཡང་། །འབྲི་བྱའི་ཡི་གེ་བཅུ་རུ་ཤེས། །ལུགས་འབྱུང་ལུགས་སུ་ལྡོག་པ་སོགས། །དགུ་མཐའ་ཤིན་ཏུ་དག་པར་གཅེས། །བཀའ་དང་བསྟན་བཅོས་འཇིག་རྟེན་པའི། །ལུགས་བཞིན་གྲངས་གནས་ངེས་པར་བྱ། །བསྒྱུར་བྱ་ཇི་ཙམ་འདོད་པ་བཞག །སྒྱུར་བྱེད་གང་ཡིན་དེ་ཡིས་བསྒྱུར། །སླར་ཡང་སྒྱུར་བྱེད་དེ་ཉིད་ཀྱིས། །བགོས་པས་སྔར་གྱི་གཞི་དེ་འཆར། །དཀའ་ཚེགས་མེད་པར་འདི་འབྱུང་ན། །རི་མོ་བྱང་བའི་ཚད་དུ་ཤེས། །དེ་རྗེས་ཡན་ལག་ལྔ་ལ་སོགས། །རྩིས་ཀྱི་གཞུང་ལ་འབད་པར་བྱ། །དང་པོའི་ལས་ཅན་

― LT41_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་པའི་སྒོ། །སྔོན་འགྲོའི་རིམ་པ་མདོ་ཙམ་མོ། །རྒྱས་པར་གཞུང་དུ་ཤེས་པར་གྱིས། །ཞེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། །སྔོན་འགྲོའི་སྐབས་ཏེ་དང་པོའོ།། །།འཁོར་འདས་ལམ་གསུམ་ལྔ་ཆོས་ཇི་སྙེད་པ། །སྟོང་ཆེན་ཡི་གེ་ལྔས་སྒྲོལ་རྒྱུད་ཀྱི་རྒྱལ། །སྣང་མཛད་དུས་ཞབས་ཙ་མི་རྭ་འབྲོ་སོགས། །འཕགས་བོད་ཚིག་གི་བདག་རྣམས་རྒྱལ་གྱུར་ཅིག། རེས་གཟའ་ཚེས་གྲངས་རྒྱུ་སྐར་དང་། །སྦྱོར་བ་དང་ནི་བྱེད་པ་སྟེ། །རྩིས་ཀྱི་ཡན་ལག་ལྔ་བསྡུས་པ། །རི་མོའི་ལམ་ནས་གཏན་དབབ་བྱ། །དེ་ཡང་དང་པོའི་སངས་རྒྱས་ཀྱི། །བསྡུས་པའི་རྒྱུད་ལས་གསལ་བསྟན་པ། །བྱེད་པའི་རི་མོ་གཞུང་གསལ་ལ། །འདིར་ནི་བྱ་སླའི་ལུགས་ལྟར་བཤད། །རབ་བྱུང་བཅུ་བཞིའི་ནང་གྱུར་པའི། །ཡོངས་འཛིན་ལ་སོགས་འདས་པའི་ལོ། །ཉི་མས་བསྒྱུར་ལ་ནག་པ་སོགས། །འདས་ཟླ་བསྲེས་པ་གནས་གཉིས་བཞག །འོག་མ་མིག་བསྒྱུར་ཆུ་ཟླ་བསྣན། །མདའ་རོས་ཐོབ་པ་སྟེང་དུ་གཞུག །ཚེས་ཟླ་རྣམ་པར་དག་པ་སྟེ། །ཟླ་རེར་ཐོབ་ནོར་རེ་འཕར་ལ། །གཉིས་འཕར་བྱུང་ན་ཟླ་བ་བཤོལ། །དེ་དུས་གཅིག་འཕྲི་དངོས་ཟླ་དག །ཟླ་དག་གནས་གསུམ་སྟེང་རིམ་བཞིན། །ཟླ་བ་ཟླ་མེ་མཁའ་མདས་བསྒྱུར། །སྟེང་ནས་རང་

― LT41_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་བུ་ག་མཚོ། །མཁའ་མཚོས་བརྒྱན་ལ་ མཁའ་རོ་གཉིས། །ཐུབ་པས་དོར་ལྷག་གཟའ་དྷྲུའོ། །ཟླ་དག་གནས་གཉིས་སྟེང་མ་མིག །འོག་མ་གཟུགས་ཀྱིས་བསྒྱུར་བ་ལ། །སྟེང་མར་ཐིག་དང་འོག་མ་ལ། །ཟུང་རི་སྦྱིན་ལ་དུས་ཉིས་ནོར། །སྟེང་བསྲེ་ཀླུ་ལག་གིས་ཐོབ་དོར། །སྟེང་འོག་རིལ་ཆའི་དྷྲུ་བའོ། །ཟླ་དག་གནས་ལྔ་མིག་དང་ཕྱོགས། །ཀླུ་དབང་ཟུང་དང་ཕྱོགས་ཀྱིས་བསྒྱུར། །སྟེང་རིམ་སྟོང་པ་རྒྱལ་བ་དང་། །འགྱུང་ཟླ་འཁྲིག་པ་རིག་བྱེད་བྱིན། །འདོད་རོ་མཁའ་རོ་མཁའ་རོ་དང་། །འཁོར་ལོས་དོར་བ་ཉི་དྷྲུ་ཡིན། །སྔ་དྷྲུར་རང་རང་སྒྱུར་བྱེད་བྱིན། །ཕྱི་མའི་དྷྲུ་བ་རིམ་པར་འབྱུང་། །དེ་ནས་ཉི་ན་རྩིས་བྱ་བ་ནི། །གཟའ་དྷྲུར་ཆུ་ཚོད་རྩ་བ་མདའ། །སྲང་ཡོན་དབུགས་ཆུ་སྦྱིན་པ་དང་། །ཉི་དྷྲུར་དབྱུག་མཚོ་ཟླ་མིག་སྲང་། །དབུགས་དབང་ཆ་ཤས་བུ་ག་རྣམས། །ཚེས་བསྒྱུར་བསྲེའམ་རྟགས་ལོངས་བྱིན། །དེ་ཡིས་གཟའ་ཉི་བར་པ་འགྲུབ། །རིལ་པོར་ཚེས་བསྲེ་ཆུ་ཟླས་བགོ། །ཐོབ་ནོར་ཟླ་ཡོན་མི་མཉམ་ཞིང་། །མཁའ་ལག་རིག་བྱེད་མཉམ་པ་ཡིན། །ལྷག་མས་ཟླ་བའི་རྐང་པ་བཟུང་། །འབྱུང་དབང་མདའ་ཆུ་མེ་མིག་གཟུགས། །ལྡོག་དང་བཅས་པ་བཅུ་བཞིའི་གནས། །སྔ་ཕྱི་ཟོས་དང་མ་ཟོས་བསྡམས། །རྐང་བཟུང་སྡུན་མས་ཆ་ཤས་བསྒྱུར། །དུས་ཉིས་བགོས་ཐོབ་ཡང་དག་རྒྱུ། །ལྷག་མ་ཐིག་རོས་བསྒྱུར་

― LT41_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་སྲང་། །དུས་བསྒྱུར་ཐོབ་པ་དབུགས་ཡིན་ལ། །བཅུ་བཞིས་བསྒྱུར་ཐོབ་ལྷག་མེད་དག །སྔ་རྐང་བསྣན་ལ་ཕྱི་རྐང་འཕྲི། །འཕྲི་ཚེ་གཅིག་ཕབ་ཆ་བར་སྦྱང་། །དེ་རྣམས་གཟའ་ཡི་ཆུ་ཚོད་མན། །རྙེད་མཉམ་བསྲེ་ལ་མི་མཉམ་འཕྲི། །ཉི་བར་གནས་གཉིས་གཅིག་ལ་ནི། །སྐར་དྲུག་ཆུ་ཚོད་ཞེ་ལྔས་སྦྱངས། །མ་ལྡང་འཁོར་ལོ་བསྣན་ལ་འཕྲི། །འཁོར་ཕྱེད་ལྷག་ན་དོར་བར་བྱ། །སྐར་གནས་མཁའ་རོས་བསྒྱུར་བ་ལ། །འོག་གི་ཆུ་ཚོད་སྟེང་དུ་བསྲེ། །འབྱུང་བ་མེ་དང་ཟླ་བས་བགོ། །རྙེད་པའི་ནོར་གྱིས་ཉི་རྐང་བཟུང་། །དུས་ཆུ་ཟླ་བའོ་ཕྱི་མར་ལྡོག །ལྡོག་དང་བཅས་པ་དུས་ཀྱི་གནས། །སྔ་ཕྱི་ཟོས་དང་མ་ཟོས་བསྡོམས། །རྐང་བཟུང་སྡུན་མས་ལྷག་མ་རྣམས། །འདོད་ཆའི་བར་བསྒྱུར་རང་འཁོར་དྲིལ། །སྟེང་མ་འབྱུང་མེ་ཟླ་བས་ཐོབ། །ཡང་རྒྱུའོ་ལྷག་མ་ཐིག་རོས་བསྒྱུར། །འོག་གི་སྲང་བསྲེ་ཐོབ་པ་སྲང་། །དུས་བསྒྱུར་ཐོབ་པ་དབུགས་ཡིན་ཏེ། །འདོད་པས་བསྒྱུར་ཐོབ་ཆ་ཤས་ཡིན། །སྔ་རྐང་བསྣན་ལ་ཕྱི་རྐང་འཕྲི། །འཕྲི་ཚེ་ཆ་བར་རིམ་བཞིན་སྦྱང་། །དེ་རྣམས་གཟའ་ཉིའི་ཆུ་ཚོད་མན། །འཁོར་ཕྱེད་དོར་བསྣན་མ་དོར་དབྲི། །དེ་ཡིས་གཟའ་ཉི་དག་པ་འགྲུབ། །ཉི་དག་གཅིག་ལ་ཆུ་ཚོད་དུ། །མཚོ་དབང་ཚེས་བསྒྱུར་རེའུ་མིག་བསྲེ། །དེ་ནི་ཚེས་འཁྱུང་ཟླ་བ་སྟེ། །ཚེས་ཀྱི་ལོངས་སྤྱོད་ཀྱིས་འཕྲོག་པས། །རེས་འགྲོགས་ཅེས་སམ་ཚེས་འཕྲོག་གི། །

― LT41_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བའི་སྐར་མ་དག་པ་ཡིན། །ཉི་ཟླ་གཉིས་བསྲེས་སྦྱོར་བའོ། །ཚེས་གྲངས་མིག་བསྒྱུར་གཅིག་གིས་འཕྲི། །རིས་བཅད་ཕྱི་ཆའི་བྱེད་པ་འཆར། །སྔ་ཆའང་དེ་ཡི་ཤུགས་ལས་རྟོགས། །དེ་ལྟར་རགས་པའི་རྩིས་བཤད་ནས། །རྩ་བའི་རྒྱུད་ནས་གསུངས་པ་ཡི། །རྣམ་དག་གྲུབ་རྩིས་སླར་ཡང་སྤྲོ། །ཟླ་དག་གནས་དྲུག་སྟེང་རིམ་བཞིན། །གཟུགས་དང་གཟུགས་མེ་མཁའ་མདའ་མཁའ། །ཀླུ་དང་མཚོ་དབྱིག་དབང་པོས་བསྒྱུར། །སྟེང་ནས་ལག་པ་སྲིན་པོ་རྒྱལ། །འཁྲིག་དབང་རི་ཟླ་ཆུ་བོ་བྱིན། །འོག་ནས་གྱེན་རིམ་རི་མཁའ་རི། །འདོད་པ་དང་ནི་དུས་མཁའ་རོ། །མཁའ་རོ་གཟས་བཅད་གཟའ་དྷྲུའོ། །གནས་གཉིས་སྟེང་འོག་མིག་ཟླས་བསྣུན། །མཁའ་དང་མཚེ་མ་རི་བོ་བྱིན། །འོག་མ་དུས་ཉིས་བགོས་པའི་ནོར། །སྟེང་བྱིན་དེ་ཡང་ཀླུ་ལག་གིས། །ཐོབ་པ་དོར་ཤུལ་རིལ་ཆ་དག །ཟླ་དག་གནས་དྲུག་སྟེང་ནས་མར། །མིག་དང་ཕྱོགས་དང་ཀླུ་དབང་གཟུགས། །མེ་དང་མཁའ་མིག་གིས་བསྒྱུར་ལ། །ཐིག་ལེ་ཟླ་བ་མིག་ལག་དང་། །ཟུང་དང་ཟུང་ལྡན་སྐྱོན་རྣམས་སྟེར། །འོག་ནས་རི་རོ་འདོད་པ་རོ། །མཁའ་རོ་མཁའ་རོ་སྐར་མས་བཅད། །ཉིན་བྱེད་དྷྲུ་བ་རྣམ་པར་དག །སྔ་དྷྲུར་རང་རང་སྒྱུར་བྱེད་བྱིན། །ཕྱི་མའི་དྷྲུ་བ་ཚེགས་མེད་འགྲུབ། །གཟའ་དྷྲུར་ཆུ་ཚོད་བུ་ག་མངའ། །སྲང་ཡོན་དབུགས་སུ་རིག་

― LT41_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་དང་། །འདོད་ཆར་ཐིག་དང་རི་མཁའ་རིའི། །ཆ་ཤས་གནས་སུ་སྦྲུལ་མཁའ་མིག །གང་བརྩིའི་ཚེས་ཀྱིས་བསྒྱུར་བའམ། །བསྒྱུར་དུ་ཟིན་པའི་རྟག་ལོངས་བྱིན། །དེ་ལ་གཟའ་བར་ཞེས་སུ་གྲགས། །རིལ་པོར་ཚེས་བསྲེ་ཆུ་ཟླས་བགོ། །ནོར་དེ་མཉམ་མམ་མི་མཉམ་བལྟ། །གཟུགས་དང་མེ་ནི་མི་མཉམ་ལ། །ཟུང་ཆུ་ནམ་མཁའ་ཤར་ན་མཉམ། །ཆུ་ཟླའི་ལྷག་མས་ཟླ་རྐང་བཟུང་། །ཟླ་རྐང་མདའ་དབང་འབྱུང་ཆུ་མེ། །མིག་དང་གཟུགས་ཏེ་ཕྱི་མ་བཟློག །སྔ་ཕྱི་སྤྱད་དང་སྤྱད་རྒྱུ་རྣམས། །བསྡོམས་པ་རྐང་སྡོམ་ཆུ་ཚོད་ཡིན། །རྐང་ཟིན་སྦུན་མས་ཆ་ཤས་བསྒྱུར། །མཐའ་མར་ཟིན་ན་དང་པོས་བསྒྱུར། །ཚོགས་དེ་དུས་དང་ཉི་མས་དགོད། །ནོར་ནི་ཡང་དག་རྒྱུའི་ཆུ་ཚོད། །ཡིན་ཏེ་རྐང་སྡོམ་འོག་ཏུ་དགོད། །ལྷག་རྣམས་མཁའ་རོ་རོ་འདོད་པ། །རི་མཁའ་རིས་བསྒྱུར་སོ་སོ་ཡང་། །དུས་ཉིས་བགོས་ནོར་སྲང་དབུགས་ཆ། །སྔ་རྐང་ཟིན་ཚེ་ཆུ་ཚོད་གཉིས། །བསྲེ་ལ་ཕྱི་རྐང་ཟིན་ཚེ་དབྲི། །རྐང་སྔོན་འདས་ན་ཕྱི་རྐང་ངོ། །འཕྲི་ཚེ་གཅིག་བབ་ཆ་བར་སྦྱང་། །ཚོགས་དེ་གཟའ་ཡི་ལོངས་སྤྱོད་དུ། །རྙེད་མཉམ་སྦྱིན་ལ་མི་མཉམ་དབྲི། །དེ་ནས་ཉི་མའི་དྷྲུ་བ་ལ། །ཆུ་ཚོད་རིག་བྱེད་སྲང་ཟླ་མིག །དབུགས་མདའ་འདོད་པའི་ཆ་ལ་ནོར། །རི་རོའི་གནས་སུ་མེ་མིག་རྣམས། །ཚེས་ཀྱིས་བསྒྱུར་རམ་བསྒྱུར་ཟིན་བྱིན། །དེ་དག་ཉི་མ་བར་

― LT41_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །ཉི་མར་གནས་གཉིས་གཅིག་ཤོས་ལ། །སྐར་དྲུག་ཆུ་ཚོད་ཞེ་ལྔ་དོར། །མ་ལྡང་འཁོར་ལོ་བསྲེས་ལ་དོར། །འཁོར་ཕྱེད་ལྷག་ན་དེ་ཡང་དོར། །དོར་ལྟག་སྐར་གནས་མཁའ་རོས་བསྒྱུར། །ཆུ་ཚོད་བཅུག་ནས་མདའ་ཡོན་ཟླས། །བགོས་ཐོབ་ནོར་གྱིས་ཉི་རྐང་བཟུང་། །དུས་ཆུ་ཟླ་བའོ་ཕྱི་རྐང་བཟློག །སྔ་རྐང་ཟིན་ན་ཟོས་ཟིན་བསྡོམ། །ཕྱི་རྐང་ཟིན་ན་ཟ་རྒྱུ་བསྡོམ། །རྐང་པ་སྡུན་མས་ལྷག་ཀུན་བསྒྱུར། །མ་ཟིན་ཚེ་ན་དང་པོས་བསྒྱུར། །མས་རིམ་ཆུ་ཚོད་བར་དུ་དྲིལ། །ཆུ་ཚོད་མདའ་ཡོན་ཟླས་བགོས་ནོར། །ཡང་རྒྱུའོ་ལྷག་རྣམས་ཆ་ཤས་བར། །རིམ་བསྒྱུར་རིམ་བགོ་ཆ་བར་གསིལ། །རྐང་མཚམས་མ་འདས་ཡང་དག་རྒྱུ། །རྐང་སྡོམ་ལ་བསྲེ་འདས་ན་དབྲི། །འཕྲི་ཚེ་སྔ་མ་ལྟར་དུ་བྱ། །དེ་དག་གཟའ་ཉིའི་ཆུ་ཚོད་ཕྱིན། །འཁོར་ཕྱེད་དོར་བྱིན་མ་དོར་དབྲི། །གཟའ་ཉིད་ག་གོ་ཉི་དག་གཉིས། །གཅིག་ལ་མཚོ་མདའ་ཚེས་བསྒྱུར་བསྲེ། །དེ་ལ་རེས་གཟའི་དབྱུ་གུས་འཕྲིས། །རེས་འགྲོགས་ཟླ་བའི་སྐར་མ་དང་། །སྦྱོང་བྱེད་སྔ་མ་ཁོ་ནའོ། །འཇམ་དབྱངས་མཚུར་ཕུ་པ་ཆེན་པོའི། །ལེགས་བཤད་འོ་མའི་རྒྱ་མཚོ་ལས། །སྙིང་པོར་ཕྱུངས་པ་མར་གྱི་བཅུད། །བྱེད་གྲུབ་དགོངས་པ་བསྒྲིལ་འདོད་ན། །རབ་ཡིད་ཡོངས་སུ་འཛིན་པ་སོགས། །འདས་པའི་ལོ་དག་ཉི་མས་བསྒྱུར། །ནག་པའི་ཟླ་སོགས་དུ་སོང་བསྲེ། །གནས་གཉིས་འོག་མས་གཉིས་ཀྱིས་བསྒྱུར། །རི་བོང་

― LT41_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་དང་དབང་པོས་འཕྲི། །ལྷག་མ་མདའ་རོས་བགོས་ཐོབ་ལ། །ཟླ་བ་བསྣན་ནས་སྟེང་དུ་གཞུག །ནོར་དེ་འཕར་ཚེ་ཟླ་བ་ལྷག །གཅིག་དམན་སྔ་མའི་ཟླ་བ་དག །ཟླ་དག་གནས་ལྔ་སྟེང་ནས་མར། །གཟུགས་དང་གཟུགས་མེ་ཐིག་དབང་པོ། །སྟོང་པ་མཁའ་མེས་བསྒྱུར་བ་ལ། །ལག་པ་སྲིན་པོ་དུས་མཚོ་དང་། །གཟུགས་ཕྱོགས་བསྣན་ལ་མས་རིམ་ནས། །ཆུ་མཚོ་དུས་དང་མཁའ་རོ་གཉིས། །ཐུབ་པས་དོར་ལྷག་གཟའ་དྷྲུའོ། །ཟླ་དག་གནས་གཉིས་མིག་ཟླས་བསྣུན། །སྟེང་འོག་སྐར་མ་མཚོ་མདས་དབྲི། །དུས་ཉི་དང་ནི་ཀླུ་ལག་གིས། །དྲིལ་ལྷག་རིལ་ཆའི་དྷྲུ་བ་དག །ཟླ་དག་གནས་ལྔ་ཟུང་དང་ཕྱོགས། །ཀླུ་དབང་འཁྲིག་པ་མཁའ་ལག་གིས། །སྤེལ་ལ་སྟོང་པ་མི་བདག་དང་། །ཟླ་དབང་རྩེ་མོ་ཁམས་རྣམས་སྣོན། །ཀླུ་མེ་དུས་དང་དབྱིངས་མཚམས་སྲང་། །སྐར་མས་སྒྲིལ་ལྷག་ཉི་དྷྲུའོ། །དེ་རྣམས་སྔ་དྷྲུར་རང་རང་གི། །སྒྱུར་བྱེད་བྱིན་པས་ཕྱི་རིམ་གསལ། །ཚེས་རྩིས་བྱ་ཕྱིར་གཟའ་དྷྲུ་ལ། །མཁའ་དང་གཏེར་འབྱུང་མེ་མཚོ་གཟུགས། །ཚེས་བསྒྱུར་སྟེར་བ་གཟའ་བར་ཡིན། །རིལ་བོར་ཚེས་བསྲེ་མ་ནུས་བགོ། །ཐོབ་དེ་མཉམ་མམ་མི་མཉམ་བརྟག །ལྷག་མས་ཟླ་བའི་རྐང་པ་བཟུང་། །འབྱུང་མདའ་དབང་ཆུ་མེ་མིག་ཟླ། །བཟློག་དང་བཅས་པས་བཅུ་བཞིའི་གནས། །སྔ་རྐང་ལ་ནི་ཟོས་ཟིན་བསྡོམ། །ཕྱི་རྐང་

― LT41_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ནི་ཟ་རྒྱུ་བསྡོམ། །དེ་ཡང་སྟོང་པས་སྟོང་པ་ཉིད། །བཅུ་གསུམ་ཟླ་བ་རྐང་པ་ལྔ། །མིག་དང་བཅུ་གཉིས་ཕྱོགས་ཡིན་ལ། །མེ་དང་བཅུ་གཅིག་བཅོ་ལྔའོ། །རིག་བྱེད་བཅུ་ནི་བཅུ་དགུ་སྟེ། །མདའ་དང་དགུ་ལ་ཉི་ཤུ་གཉིས། །མཚམས་དང་བརྒྱད་པར་ཉི་ཤུ་བཞི། །བདུན་པར་ཉི་ཤུ་རྩ་ལྔའོ། །རྐང་ཟིན་མདུན་མས་ཆ་ཤས་བསྒྱུར། །དུས་ཉིས་ཐོབ་པ་ཡང་རྒྱུ་ཡིན། །ལྷག་མ་དྲུག་ཅུས་བསྒྱུར་ཐོབ་སྲང་། །དུས་བསྒྱུར་ཐོབ་དབུགས་མིག་མཆོ་ཆས། །བསྒྱུར་ཐོབ་རིམ་བརྩེགས་ལྷག་མེད་དག །རྐང་བསྡོམས་དང་ནི་ཡང་རྒྱུ་གཉིས། །སྔ་ཟིན་བསྡོམས་ལ་བྱི་ཟིན་དབྲི། །རྐང་སྔོན་འདས་ན་ཕྱི་རྐང་ངོ་། །འབྲི་ཚེ་ཡང་རྒྱུས་རྐང་བསྡོམས་དམན། །ལྷག་མ་གཅིག་ཕབ་ཆ་ཤས་བར། །འོག་མས་སྟེང་ཕབ་རང་འཁོར་སྦྱང་། །དེ་དག་རེས་གཟའི་ལོངས་སྤྱོད་ལ། །ཟུང་ཆུ་སྟོང་པ་ཐོབ་མཉམ་སྦྱིན། །ཟླ་བ་རྩེ་མོ་མི་མཉམ་དབྲི། །དེ་ཡིས་གཟའ་ཚེས་བྱེད་དག་འགྲུབ། །ཉི་དྷྲུར་མཁའ་མཚོ་ཟླ་མིག་དང་། །འབྱུང་བ་དུས་མིག་ཚེས་བསྒྱུར་བྱིན། །དེ་ཉིད་ཉི་མ་ཕྱེད་པ་སྟེ། །གནས་གཉིས་གཅིག་ལ་སྐར་གནས་སུ། །དྲུག་དང་ཆུ་ཚོད་ཞེ་ལྔས་དོར། །མ་ལྡང་འཁོར་ལོ་བསྣན་ལ་སྦྱང་། །འཁོར་ལོ་བསྣན་ནམ་མ་བསྣན་ཀྱང་། །འཁོར་ཕྱེད་ལངས་ན་དེ་ཡང་དོར། །ལྷག་མ་སྐར་གནས་མཁའ་རོས་བསྒྱུར། །ཆུ་ཚོད་བཅུག་ལ་འབྱུང་མེ་ཟླས། །ཐོབ་པའི་ནོར་གྱིས་ཉི་རྐང་

― LT41_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་། །དུས་མཚོ་ཟླ་བའོ་ཕྱི་མ་བཟློག །ཟླ་དང་འབྱུང་བར་བྲོ་བ་བསྡོམ། །འཁྲིག་པ་རིག་བྱེད་དག་ལ་ཕྱོགས། །ཡོན་ཏན་ལ་ནི་བདེ་འབྱུང་དང་། །མཁའ་ལ་ནམ་མཁའ་ཉིད་ཀྱིས་སོ། །རྐང་བཟུང་མདུན་མས་ལྷག་རྣམས་བསྒྱུར། །མ་ཟིན་རྐང་པ་དང་པོས་བསྒྱུར། །འོག་ནས་གྱེན་དུ་རང་འཁོར་དྲིལ། །སྟེང་མ་མདའ་ཡོན་ཟླ་བས་བགོ། །ཐོབ་པའི་ནོར་དེ་ཡང་རྒྱུའོ་ལྷག །མཁའ་རོས་བསྒྱུར་ལ་ཆུ་སྲང་བཅུག །ཐོབ་སྲང་དུས་བསྒྱུར་ཐོབ་པ་དབུགས། །ཀླུ་མེས་བསྒྱུར་ཐོབ་ཆ་ཤས་ཏེ། །རྙེད་ནོར་རིམ་བརྩེགས་ཡང་ལྷག་དོར། །སྔ་ཟིན་བསྡོམས་ལ་ཕྱི་ཟིན་འཕྲི། །འཕྲི་ཚེ་སྔར་བཞིན་རང་འཁོར་སྦྱང་། །དེ་དག་གཟའ་ཉིའི་དབྱུ་གུ་མན། །འཁོར་ལོ་ཕྱེད་དོར་བྱང་བགྲོད་སྦྱིན། །མ་དོར་ལྷོ་བགྲོད་དབྱི་བར་བྱ། །དེ་ཡིས་གཟའ་ཉི་དག་པ་འགྲུབ། །ཟླ་སྐར་སྦྱོར་བྱེད་སྔར་དང་མཚུངས། །དེ་ལྟར་བྱེད་གྲུབ་ལིའུ་ཐོ་ལ། །གཟའ་གཅིག་ལན་གཉིས་བལྡབས་པ་ན། །ཆུ་ཚོད་གང་མང་ཚེས་དེ་ཆད། །གཟའ་གཅིག་ཆད་དེ་མཆོངས་པ་ན། །ཆུ་ཚོད་ཉུང་བའི་ཚེས་དེ་ལྷག །གཟའ་ཡི་གནས་སུ་གང་ཤར་བ། །སང་ཉིན་ནམ་ལངས་ཚུན་ཆད་སྤྱོད། །དེ་ཡི་ཆུ་ཚོད་ཆུ་སྲང་སོགས། །དེ་ཉིན་ནམ་ལངས་ནས་བཟུང་སྟེ། །ཚེས་རྫོགས་ཚུན་གྱི་ལོངས་སྤྱོད་ཡིན། །ཚེས་འཁྱུད་ཟླ་བའི་སྐར་མ་ནི། །ཚེས་རྫོགས་ཚུན་དུ་གང་ཟོས་འཆར། །ཚེས་འཕྲོག་

― LT41_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་སྐར་ནམ་ལངས་ཡན། །སྤྱད་དུ་གང་ཟིན་འཆར་བ་ཡིན། །དེ་ཡིས་མཁའ་རོ་ལ་འཕྲི་བའི། །ལྷག་གིས་ནམ་ལངས་ནས་བཟུང་སྤྱོད། །ཉི་དག་ཚེས་འཁྱུད་ཟླ་སྐར་མཚུངས། །སྦྱོར་བའང་ཟླ་བའི་རྗེས་སུ་འགྲོ། །བྱེད་པ་སྔ་ཕྱི་གང་བརྩི་ཡང་། །རྐང་པར་བཅས་པའི་ཚེས་ལོངས་དེ། །ཕྱེད་མར་གཏུབས་པའི་ཆ་རེ་ནི། །བྱེད་པ་རེ་ཡི་ལོངས་སྤྱོད་ཡིན། །བརྟག་ཐབས་སྔ་མའི་ཚེས་ལོངས་དེས། །མཁའ་རོའི་སྟེང་ནས་འཕྲི་བའི་ལྷག །ཉིན་ཞག་སྔ་མར་འདས་ཟིན་ཡིན། །ལྷག་དང་ད་ལྟའི་ཚེས་ལོངས་གཉིས། །བསྲེས་ལ་མིག་གིས་བགོས་ཐོབ་ནོར། །དུས་དེའི་བྱེད་པའི་ལོངས་སྤྱོད་དེ། །སྔ་ཆར་སྔ་མའི་ཚེས་ལོངས་དག །རྫོགས་ནས་དེ་ཡི་ཡུན་དུ་སྤྱོད། །ཕྱི་ཆར་ཚད་དེ་རྫོགས་ནས་འཆར། །ཞིབ་མོར་ཆེས་པས་རྡུལ་དུ་སོང་། །བསྒྲིམས་དྲག་མགོ་བོ་གདུགས་ལྟར་འཁོར། །གོམ་སྟབས་ཆེས་བས་ཕར་ཀར་མཆོངས། །དེ་དག་རྣམས་དང་འདི་མི་འདྲ། །བྱིས་བློས་རྙེད་པའི་རྩིས་འཕྲོ་མང་ན་ཡང་། །ས་བཅུ་བརྙེས་པའི་རིགས་ལྡན་དོ་ཟླ་མིན། །དེ་ཡི་དགོངས་ཟབ་སྒོ་ལྕགས་འབྱེད་པ་ལ། །རིགས་ལྡན་སྤྲུལ་པའི་སྐུ་ཉིད་ལྡེའུ་མིག་བཞིན། །ཅེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། ལྔ་བསྡུས་ཀྱི་སྐབས་ཏེ་གཉིས་པའོ།། །།མཁྱེན་བཟང་རྒྱུ་སྐར་

― LT41_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེ་བའི་སྣང་བ་ཡང་། །སྒྲིབ་གཉིས་རྣམ་གྲོལ་ཡེ་ཤེས་འོད་པོ་ཆེས། །ཟིལ་གྱིས་གནོན་ལ་བདུད་རྩིའི་ཐིག་ལེ་བཞིན། །རང་བྱུང་རྒྱལ་བ་གཉིས་པས་རྗེས་འཛིན་མཛོད། །ལེགས་ལྡན་གཟའ་ལྔའི་འགྲོས་བཞི་པོ། །རྟོགས་ཕྱིར་ཉི་ཚེས་སོ་སོ་ཡི། །ཚེག་ཕྱི་དུས་འཁྲུལ་པ་ཡི། །ལུགས་ལས་ལྡོག་སྟེ་འདིར་བཤད་བྱ། །ཟླ་བ་དག་པ་མཁའ་མེས་བསྒྱུར། །གང་བརྩིའི་ཚེས་བསྲེས་གནས་གསུམ་བཀོད། །བར་མར་བྲོ་བ་རང་བཞིན་བྱིན། །འོག་མར་མེས་འཕྲི་རི་མཁའ་རིས། །ཐོབ་ལ་གཟུགས་བསྣན་བར་དུ་གཞུག །དེ་ལ་ཆུ་རོས་ཕྱེ་བ་ཡི། །ནོར་གྱིས་སྟེང་སྦྱང་མི་གསལ་ཞག །གསལ་ཞག་བྱ་ཕྱིར་གནས་གཉིས་བཞག །སྟེང་མ་རིས་འཕྲི་རི་ཡིས་བགོ། །ལྷག་མ་རེས་གཟའ་དང་བསྟུན་པས། །མཐུན་ན་མཆོག་གི་གསལ་ཞག་ཡིན། །མི་མཐུན་མཐུན་ཕྱིར་འོག་མ་ལ། །གཅིག་གཉིས་བསྣོན་འབྲིད་རིག་མདས་བསྣུན། །དེ་ནི་སྤྱི་ཡི་ཉིན་ཞག་ཡིན། །སྒོས་ཞག་དོན་དུ་གནས་ལྔར་བཀོད། །བཀྲ་ཤིས་མིག་དུས་ལག་པས་བརྒྱན། །ལྷག་པ་བརྒྱས་བསྒྱུར་མེ་མཁའ་དབྱིངས། །མེ་བྱིན་ཕུར་བུ་མེ་ཀླུ་མདའ། །འཁྲིག་པ་སྦྱིན་ནོ་པ་ཝ་སངས། །བཅུས་བསྒྱུར་མཚམས་དབྱིག་བྲོ་བ་གཞུག །སྦེན་པའི་རི་མེ་མཚོ་ཡིས་བརྒྱན། །སོ་སོའི་དཀྱིལ་འཁོར་གང་ཐོབ་དོར། །བཀྲ་ཤིས་དཀྱིལ་འཁོར་རི་ཀླུ་རོ། །ཟླ་བུ་རི་བུག་རི་ཀླུའོ། །སྒྲ་མཁན་ལ་ནི་སོ་མེ་མཚོ། །པ་སངས་རི་

― LT41_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྒྱལ་བ་མིག །ཉི་བུ་དུས་རོ་ཐུབ་པ་ཕྱོགས། །དོར་ལྷག་སོ་སོའི་སྒོས་ཀྱི་ཞག །སྒོས་ཀྱི་ཞག་རྣམས་སྐར་མས་བསྒྱུར། །དཀྱིལ་འཁོར་ཆས་ཐོབ་སྐར་མ་ཡིན། །དེ་བཞིན་མཁའ་རོ་མཁའ་རོ་དུས། །འདོད་དང་དཀྱིལ་འཁོར་ཆ་བཅས་ཀྱིས། །བསྒྱུར་ཐོབ་རྣམས་ནི་རིམ་པར་བརྩེགས། །དྲག་གསུམ་དལ་བར་ཞི་གཉིས་ཀྱི། །རྐང་འཛིན་ཡིན་ནོ་ཞི་དལ་དང་། །དྲག་རྐང་ཉི་མ་བར་པ་ནི། །དེ་ཡང་ཉིན་ཞག་ཉི་དྷྲུ་ལ། །ཉིན་ཞག་རྟག་ལོངས་དབྱུ་གུར་བཞི། །སྲང་དུ་ཉེར་དྲུག་འདོད་ཆར་ཀླུ། །ཡང་ཆར་དུས་མདའ་མེ་རི་གཟུགས། །ཚེས་བསྒྱུར་སྟེང་ལ་ཉི་བར་དག །དལ་བ་དག་ཕྱིར་དལ་བར་རྣམས། །གཉིས་བཀོད་གཅིག་ལ་སྐྱེས་ཁྱིམ་སྦྱང་། །སྐྱེས་ཁྱིམ་ས་སྐྱེས་སྐར་གནས་ནས། །རྩ་དང་དབྱུ་གུར་མཁའ་མེ་ཡིན། །ལྷག་པ་མི་བདག་མཁའ་མེའོ། །ཕུར་བུ་ཟུང་ཟླ་༡༢པ་སངས་རོ། །དལ་འགྲོར་སྐྱོན་གྱིས་༡༨ །སྐར་གནས་སྦྱང་། །སྦྱོང་མ་ལྡང་ན་འཁོར་ལོ་བསྣན། །འཁོར་ལོ་ཕྱེད་ལྷག་དེ་ཉིད་དོར། །མ་དོར་རིམ་པ་དོར་རིམ་མིན། །དོར་ལྷག་སྐར་གནས་མཁའ་རོས་བསྒྱུར། །འོག་གི་ཆུ་ཚོད་སྟེང་དུ་གཞུག །མདའ་ཡོན་ཟླས་ཐོབ་རྐང་པ་བཟུང་། །མིག་དམར་དེ་ཉིད་ཉེས་པ་རི། །ལྷག་པ་ཕྱོགས་རི་རྩེ་མོ་ཅན། །ཕུར་བུ་བདེ་འབྱུང་རྩ་དང་མེ། །པ་སངས་མདའ་མཚོ་རི་བོང་འཛིན། །སྤེན་པ་ལག་མིག་ཚེས་དང་མཚམས། །

― LT41_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་རྣམས་སྔ་རྐང་ཕྱི་མ་བཟློག །སྔ་རྐང་ལ་ནི་ཐོས་ཟིན་བསྡོམ། །ཕྱི་རྐང་ལ་ནི་ཟ་རྒྱུ་བསྡོམ། །རྐང་ཟིན་སྔོན་མས་ལྷག་རྣམས་བསྒྱུར། །མ་ཟིན་རྐང་པ་དང་པོས་བསྒྱུར། །མས་རིམ་དྲིལ་ནས་ཟླ་ཡོན་ཟླས། །ཐོབ་པའི་ནོར་ནི་ཡང་རྒྱུའོ་ལྷག །སྲང་དབུགས་འདོད་དང་དྲག་གསུམ་ལ། །རང་ཆ་ཉིད་དང་ཞི་གཉིས་ནི། །བུག་མཁའ་མིག་བུག་ཡིད་ཀྱིས་བསྒྱུར། །རིམ་བཞིན་ཆ་བཅུག་བགོས་ཐོབ་ཚོགས། །སྔ་ཟིན་བསྡོམས་ལ་ཕྱི་ཟིན་དབྲི། །འཕྲི་ཚེ་ཆ་ཤས་བར་དུ་དབྲི། །དེ་ཉིད་དལ་བར་གཅིག་ཤོས་ལ། །འཁོར་ཕྱེད་དོར་བསྣན་མ་དོར་དབྲི། །དེ་ཡིས་རང་རང་དལ་བ་དག །དེ་ནས་མྱུར་བ་དག་པའི་ཕྱིར། །དལ་རྐང་གཉིས་ཀའི་ཡང་ཆ་བོར། །དལ་བ་དག་པས་རྐང་འཛིན་སྦྱང་། །མ་ལྡང་འཁོར་ལོ་བསྣན་ལ་སྦྱང་། །འཁོར་ཕྱེད་ལྷག་ན་དེ་ཉིད་དོར། །མ་དོར་རིམ་པ་དོར་རིམ་མིན། །ལྷག་མའི་སྐར་མས་མྱུར་རྐང་བཟུང་། །མྱུར་རྐང་མིག་དམར་རྒྱལ་བ་དང་། །མེ་མིག་ལན་གསུམ་ཟླ་མིག་གཉིས། །སྐྱོན་ཚེས་དྲག་མེ་སྔ་རྐང་ངོ་། །དྲག་པོ་ནོར་མ་མཁའ་ཀླུ་དང་། །མེ་མདའ་རྣམས་ནི་ཕྱི་རྐང་ངོ། །ལྷག་པར་མི་བདག་མི་བདག་ཚེས། །ཡིད་འདོད་དྲག་གཟའ་མདའ་མཁའ་སྔ། །རྒྱ་མཚོ་དབང་ཕྱུག་མཁའ་མིག་དང་། །སྤྲུལ་ལག་མཚོ་མེ་ཕྱི་རྐང་ངོ། །ཕུར་བུར་སྒྲ་སྒྲོག་སྒྲ་སྒྲོག་རྩ། །དབྱིག་མཚམས་རོ་མིག་བསེ་རུ་སྔ། །མེ་དུས་བུ་ག་བདེ་འབྱུང་རྒྱལ། །དྲང་སྲོང་རྣམས་ནི་ཕྱི་རྐང་ངོ་། །པ་སངས་དེ་

― LT41_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ལན་གསུམ་དང་། །རྒྱལ་བ་ལན་གཉིས་ཟུང་མིག་གཉིས། །ཉེས་པ་ཚེས་ནོར་ཕྱི་མ་ལ། །དུས་དང་མཁའ་མེ་བུ་ག་གཏེར། །མེ་རིའོ་སྤེན་པ་དུས་འབྱུང་དབང་། །ཆུ་མཚོ་སྦྱོར་བ་བགྲོད་པ་མཁའ། །ཕྱི་མ་ཟུང་ཆུ་དབང་མཚམས་དབྱིག །ཡོན་ཏན་རྣམས་ཡིན་རིམ་མིན་བཟློག །སྔ་ཕྱིར་སྦྱང་ཟིན་སྤྱོད་རྒྱུ་བསྡོམ། །རྐང་ཟིན་སྔོན་མས་ཆུ་ཚོད་སོགས། །ཆ་ཤས་བཅས་པ་རིམ་པར་བསྒྱུར། །མ་ཟིན་རྐང་པ་དང་པོས་ཏེ། །རིམ་མིན་དུས་སུ་ལུགས་ཟློག་གི། །རྐང་པ་དང་པོས་བསྒྱུར་བ་གཅེས། །རང་རང་འཁོར་ལོ་ལོངས་ན་སྒྲིལ། །ཆུ་ཚོད་མཁའ་རོས་བགོས་པའི་ནོར། །ཡང་རྒྱུའོ་སྲང་རོ་འདོད་པའི་བར། །བསྒྱུར་བཅུག་ཀུན་ཀྱང་མཁའ་རོས་བགོ། །ལྷག་སྤེན་རྐང་གནས་ནམ་མཁའ་ལ། །རྐང་སྔོན་ཕོག་ན་བསྒྱུར་བྱའི་ཚོགས། །ཆུ་ཚོད་ནས་ནི་ཆ་བར་དབྱི། །དེ་ཚེ་ཡང་རྒྱུ་ལ་སོགས་མེད། །སྔ་ཟིན་བསྡོམས་ལ་ཕྱི་ཟིན་དབྲི། །རྐང་གནས་དྲུག་ཅུར་ལོངས་པ་ན། །མཁའ་རོས་ཐོབ་པ་སྐར་མ་ཡིན། །མྱུར་རྐང་ལོངས་སྤྱོད་ཚོགས་དེ་དག །དལ་བ་དག་པར་རིམ་པ་སྦྱིན། །རིམ་མིན་འཕྲིའོ་མ་ལྡང་ན། །འཁོར་ལོ་བསྣན་ནས་སྦྱངས་པས་འཐུས། །ཡང་ན་སྦྱང་བྱས་སྦྱོང་བྱེད་སྦྱངས། །དེ་ཚེ་གཟའ་དེ་ཕྱིར་ལྡོག་ཡིན། །མ་བརྒལ་མ་དོར་མྱུར་འགྲོས་ཤར། །མ་དོར་བརྒལ་བ་དལ་འགྲོས་ལྷོ། །དོར་ལ་མ་བརྒལ་འཁྱོག་འགྲོས་ནུབ། །

― LT41_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒལ་ཞིང་དོར་བ་འབྱུང་འགྲོས་བྱང་། །ཕྱོགས་དེར་ཐེབས་སུའང་བལྟ་བར་བྱ། །འདི་དག་གནས་མཚུངས་དཔྲི་བསྣན་དུས། །ཆ་ཤས་མང་ཉུང་ཤེད་སྙོམས་ཕྱིར། །མང་གནས་ཉུང་འཁོར་གྱིས་བསྒྱུར་ལ། །མང་འཁོར་གྱིས་ཐོབ་ཉུང་གི་ཆ། །ལྷག་མ་རང་ཆ་ཡང་ན་ནི། །ཉུང་གནས་མང་འཁོར་གྱིས་བསྒྱུར་ལ། །ཉུང་འཁོར་གྱིས་ཐོབ་མང་གི་ཆ། །ལྷག་མ་ཉུང་ཆ་ཡིན་ཏེ་དེ། །ལུགས་འདིར་གཅེས་པ་ཁོ་བོས་རིག །དེ་ཚེ་མྱུར་དག་གནས་དྲུག་འབྱུང་། །ཉིན་ཞག་ཉི་མའི་དྷྲུ་བའི་ཕྱིར། །ཚེས་གྲངས་མ་བསྲེས་སྤྱི་ཞག་དེ། །མིག་ཀླུ་མེ་སྐྱོན་གྱིས་བསྒྱུར་ལ། །མཁའ་མཚོ་མིག་རི་ཆུ་དུས་རོ། །བྱིན་ལ་མདའ་མཁའ་མཚོ་ཡིད་རི། །རོ་ཡིས་དོར་ལྷག་སྐར་མ་ནས། །བུག་མཁའ་མིག་བུག་ཡིད་ཀྱི་བར། །བསྒྱུར་ལ་མདའ་མཁའ་མཚོ་ཡིད་དང་། །རི་རོས་ཐོབ་པས་ཉི་དྷྲུ་འགྲུབ། །དེ་ཡང་གཟའ་ལྔ་སོ་སོ་ཡི། །རང་རང་དཀྱིལ་འཁོར་ཆ་ཤས་ནི། །བཀྲ་ཤིས་སུམ་ཆ་བུག་མིག་ལག །ལྷ་ཡི་བླ་མའི་བཅུ་གཉིས་ཆ།། །གཟུགས་དུས་མེའོ་ཉི་མའི་བུའི། །ཕྱེད་ཆ་མེ་ཀླུ་མེ་མདའ་སྟེ། །ཟླ་བུ་རི་བུག་རི་ཀླུའོ། །པ་སངས་སུམ་ཆ་བུག་མཚོ་རི། །འདི་རྣམས་ཞི་གཉིས་རྐང་འཛིན་དང་། །དྲག་དལ་བསྒྲུབ་དུས་ཆ་ཤས་ཀྱི། །སྒྱུར་བྱེད་སྐབས་སུ་དྲན་པ་གཅེས། །དེ་ལྟར་གཟའ་ལྔ་ཉིན་ཞག་མའི། །འགྲོས་བཞིའི་དབྱེ་བ་རབ་བཤད་ནས། །སླར་

― LT41_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཚེས་ལ་ལོངས་སྤྱོད་པའི། །མན་ངག་ཟབ་མོ་བཤད་ཀྱི་ཉོན། །ཟླ་དག་གནས་དྲུག་ཚར་ལྔ་བཀོད། །བཀྲ་ཤིས་གཟུགས་བུག་ཀླུ་མེ་མཁའ། །རིག་བྱེད་དྲང་སྲོང་བསེ་རུ་དང་། །ནོར་ལྷ་ཆུ་བོ་ཉི་མས་སྤེལ། །སྒྲ་སྒྲོག་གཟུགས་འབྱུང་མཚོ་ལག་མེ། །ཉི་མིག་དབྱིངས་ཉི་དྲག་པོ་སྟེར། །སྒྲ་མཁན་སྟོང་པ་འཕྲོག་བྱེད་མིག །ཡོན་ཏན་ཟླ་གཟུགས་འཁྲིག་པ་དང་། །ཀླུ་དུས་བུ་ག་དབང་པོས་བསྒྱུར། །མི་བདག་དབང་པོ་ཡིད་དང་དབྱིངས། །རིག་བྱེད་རྩེ་མོ་སྦྱོར་བ་དང་། །མཚོ་དུས་ཉི་མ་ཟླ་བ་བསྣན། །ཉི་སྲས་དབྱིངས་མཚོ་མཚམས་ལག་མེ། །བགྲོད་པ་མཁའ་རི་རྩེ་མོ་ཅན། །མཚོ་མ་དྲང་སྲོང་ཉེས་པས་བསྒྱུར། །ཟླ་བ་ཐུབ་པ་རི་དབང་མ། །ཆུ་གཏེར་ལག་པ་བུག་མེ་དང་། །རྒྱལ་བ་ཀླུ་དང་ཕྱོགས་རྣམས་སྟེར། །ཟླ་སྲས་སྲིན་མེ་སྦྲུལ་མཚོ་མདའ། །བགྲོད་པ་འབྱུང་བ་དྲང་སྲོང་ལྷ། །མཆུ་བོ་སྟོང་པ་དྲག་པོས་བསྒྱུར། །རྩ་ཚེས་དུས་མེ་རི་བོང་ཅན། །འདོད་ཡོན་ཆུ་མཚོ་རིག་བྱེད་དང་། །ཟུང་རི་རྩེ་མོ་ཡོན་ཏན་བྱིན། །དཀར་པོར་འཇིག་རྟེན་གཉིས་སྐྱེས་དང་། །མཚོ་དབང་རང་བཞིན་མཚམས་འབྱུང་མེ། །གདེངས་ཅན་བྲོ་བ་དྲག་པོས་སྤེལ། །ནོར་ལྷ་སྲིད་པ་བུ་ག་མེ། །འཁྲིག་པ་མདའ་ཡོན་ལག་པ་དང་། །བགྲོད་གཏེར་ཡོན་ཏན་སྲིན་པོ་གཞུག །འོག་རིམ་ཆ་ཤས་སྤྱི་མཐུན་དུ། །ཉི་མ་མེ་དང་དྲག་པོ་དང་། །འདོད་ཆར་རང་རང་བྱེ་བྲག་ཏུ། །ས་སྐྱེས་བུག་མིག་

― LT41_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་པ་དང་། །ལྷ་ཡི་བླ་མ་གཟུགས་དུས་མེ། །དལ་འགྲོ་མེ་ཀླུ་མེ་མདའོ། །སྔོ་སངས་རི་བུག་རི་ཀླུ་དང་། །ལྷ་མིན་བློན་པོ་བུག་མཚོ་རི། །དེ་ནས་བྲོ་བ་དབྱིངས་མཚམས་དང་། །མཁའ་དུས་སྐར་མས་ཐུན་མོང་དུ། །བཅད་ལྷག་གཟའ་ལྔ་སོ་སོ་ཡི། །ཚེས་ཞག་དྷྲུ་བ་རྣམ་པར་དག །སྔ་དྷྲུར་རང་རང་སྒྱུར་བྱེད་སྦྱིན། །ཕྱི་མ་ཕྱི་མའི་དྷྲུ་བ་འཆར། །དེ་ནས་སོ་སོའི་དྷྲུ་བ་ལ། །མིག་དམར་མཁའ་མིག་བུག་གཟུགས་ཟླ། །མེ་ཡིད་ཆུ་བོ་མཁའ་མེ་ལག །ཕུར་བུ་མཁའ་མཁའ་ལག་མིག་ཐིག །རི་ཀླུ་ཟླ་བ་སོ་མིག་དུས། །སྤེན་པ་དབྱིངས་སྟོང་ནོར་ལྷ་མདའ། །ཀླུ་རྩེ་ཐུབ་པ་རི་བོང་ཅན། །དུས་དང་འབྱུང་བ་ཆུ་གཏེར་མེ། །ལྷག་པ་མཁའ་སྐྱོན་རི་བོ་མེ། །དུས་མེ་ནམ་མཁའ་ཐུབ་པ་དང་། །གདེངས་ཅན་བྲོ་བ་དབང་ཕྱུག་གོ། །པ་སངས་མཁའ་རི་འབྱུང་མཚོ་དང་། །མཚམས་ཡོན་རོ་དང་དུས་ཟླ་མཚོ། །རང་རང་ཚེས་བསྒྱུར་རེའུ་མིག་བྱིན། །དེ་ཡིས་དྲག་གསུམ་དལ་བར་དང་། །ཞི་བ་གཉིས་ཀྱི་རྐང་འཛིན་འགྲུབ། །ཞི་གཉིས་དལ་བ་བར་པ་དང་། །དྲག་རྐང་ལྔ་བསྡུས་ཉི་བར་ཡིན། །དལ་དག་བྱ་ཕྱིར་དལ་བར་རྣམས། །གཉིས་བཀོད་སྔར་བཞིན་སྐྱེས་ཁྱིམ་སྦྱང་། །མ་ལྡང་འཁོར་བསྣན་ཕྱེད་ལྷག་དོར། །དོར་ལྷག་སྐར་གནས་མཁའ་རོས་བསྒྱུར། །དབྱུག་གཞུག་འབྱུང་མེ་ཟླ་བས་བགོ། །ཐོབ་དེས་སོ་སོའི་དལ་རྐང་བཟུང་། །སྔ་ཕྱི་ཟོས་དང་མ་

― LT41_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོས་བསྡོམ། །རྐང་པ་སྡུན་མས་ལྷག་རྣམས་བསྒྱུར། །མས་རིམ་སོ་སོའི་རང་འཁོར་སྒྲིལ། །སྟེང་མ་འབྱུང་མེ་ཟླ་བས་བགོ། །ཐོབ་པའི་ནོར་དེ་ཡང་རྒྱུའོ་ལྷག །སྲང་དབུགས་སོ་སོའི་ཆ་ཤས་དང་། །ཁྱིམ་རྩེ་དྲག་པོའི་ཆ་བར་དུ། །རིམ་བཞིན་བསྒྱུར་བཅུག་བགོས་ཐོབ་ཚོགས། །སྔ་རྐང་བསྡོམས་ལ་བྱི་རྐང་འཕྲི། །འཕྲི་ཚེ་སྲང་དབུགས་རང་ཆ་དང་། །ཁྱིམ་རྩེ་དྲག་པོའི་ཆ་བར་སྦྱང་། །རང་རང་དལ་བར་གཅིག་ཤོས་ལ། །འཁོར་ཕྱེད་དོར་སྦྱིན་མ་དོར་སྦྱང་། །དེ་ཡིས་སོ་སོའི་ལས་དག་འགྲུབ། །མྱུར་བ་དག་པ་བྱ་བའི་ཕྱིར། །དྲག་གསུམ་ལྔ་བསྡུས་ཉི་བར་དང་། །ཞི་གཉིས་རང་རང་རྐང་འཛིན་བཀོད། །སོ་སོའི་དལ་བ་དག་པས་སྦྱང་། །མ་ལྡང་འཁོར་ལོ་བསྣན་ལ་སྦྱང་། །འཁོར་ཕྱེད་ལྷག་ན་དེ་ཡང་དོར། །དོར་ན་རིམ་མིན་མ་དོར་རིམ། །ལྟག་མས་རང་རང་མྱུར་རྐང་བཟུང་། །འདས་མ་འདས་ཀྱི་དབྱུག་རྣམས་བསྡོམས། །རྐང་བཟུང་སྡུན་མས་ལྷག་མ་བསྒྱུར། །རང་རང་འཁོར་ལོ་ལོངས་ན་སྒྲིལ། །སྟེང་མ་མཁའ་རོས་ཐོབ་པའི་ནོར། །ཡང་རྒྱུའོ་སྲང་རེ་ཆ་ཤས་སོགས། །བསྒྱུར་བཅུག་རིམ་བཞིན་མཁའ་རོས་བགོ། །ལྷག་སྦེན་རྐང་སྡུན་ནམ་མཁའ་ལ། །ཕོག་ཚེ་ཡང་རྒྱུ་ལ་སོགས་མེད། །སྔར་བསྡོམ་ཕྱི་དབྲི་སྔར་བཞིན་བྱ། །རྐང་གནས་མཁའ་རོས་བགོས་ཐོབ་དེ། །སྐར་མའི་གནས་སུ་འགོད་པར་བྱ། །དེ་རྣམས་རང་རང་དལ་དག་ལ། །རིམ་བསྣན་

― LT41_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་པ་མིན་པ་དབྲི། །སྦྱོང་མ་ལྡང་ན་ལྡོག་སྟེ་དབྲི། །དེ་ཚེ་གཟའ་དེ་ཕྱི་ལྡོག་ཟེར། །འགྲོས་བཞི་སྔ་མའི་རིགས་པས་བསྒྲེ། །ཞེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། ཉི་ཚེས་སོ་སོའི་གཟའ་ལྔའི་སྐབས་ཏེ་གསུམ་པའོ།། །།ཡེ་ཤེས་བཞད་སྒྲ་རབ་སྒྲོགས་ཇོ་ནང་པ། །ཚད་མ་གསུམ་གྱི་དབང་ཕྱུག་བུ་སྟོན་རྗེ། །གངས་ཅན་མཁས་གྲུབ་ཟུང་གི་རྣམ་དཔྱོད་ལས། །སྨྲ་བའི་སྒོ་བརྒྱ་ཕྱེས་པའི་བཀའ་དྲིན་དྲན། །དེ་ནས་ཁྱིམ་ཕྱེད་གཡས་བསྐོར་དུ། །བསོད་ནམས་ལྡན་པའི་ལུས་ཀྱིས་རྒྱུ། །སྒྲ་གཅན་ལོ་ཟླའི་འཕོ་བ་སོགས། །ཉེར་མཁོའི་རྩིས་ཕྲན་སྣ་ཚོགས་སྤྲོ། །ཟླ་བའི་སྒྲ་གཅན་ཤེས་པའི་ཕྱིར། །ཟླ་བ་དག་པ་མཁའ་ཀླུ་གཟུགས། །བྱིན་པ་ཀུན་གྱི་བགོ་གཞིའོ། །དེ་ནས་ཟླ་ཕྱེད་སྒྲ་གཅན་སླད། །བགོ་གཞི་ལག་པས་བསྒྲེས་པ་གང་། །ཉ་ལ་རང་བཞིན་སྟོང་ལ་མིག །བསྣན་པ་མཁའ་དུས་ཆུ་བོས་ཕྱེས། །ལྷག་མ་སྐར་དབྱུག་སྲང་དབུགས་དང་། །མེ་མིག་ཆ་བར་བསྒྱུར་རིམ་བཞིན། །མཁའ་དུས་ཆུ་བོས་ཐོབ་པ་རྣམས། །རྩ་བ་ཞེས་སམ་འདས་པ་སྟེ། །ནམ་གྲུ་ནས་བརྩམས་གཡས་བསྐོར་རྟོགས། །ཕྱོགས་རེའི་བུལ་བ་ཉིད་ཡིན་ཅིང་། །དེ་ཡིས་རྒྱུ་སྐར་འཁོར་ལོ་ལ། །ཆ་ཤས་བར་སྦྱངས་གདོང་པ་སྟེ། །གདོང་

― LT41_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འཁོར་ལོ་ཕྱེད་བསྣན་པ། །མཇུག་གམ་དུས་མེ་ཞེས་ཀྱང་གྲགས། །དེ་ནས་ཉིན་རེའི་སྒྲ་གཅན་ནི། །བགོ་གཞི་མཁའ་མེས་སྤེལ་བ་ལ། །གང་བརྩིའི་ཚེས་བྱིན་མཁའ་ཐིག་དང་། །སྲིན་པོ་བྲོ་བས་བགོས་པའི་ལྷག །སྐར་མ་ནས་བཟུང་ཆ་ཤས་བར། །རིམ་བསྒྱུར་རིམ་བགོས་ཐོབ་པའི་ནོར། །རྩ་བའོ་གདོང་མཇུག་གོང་དང་མཚུངས། །གཞན་ཡང་འདི་ཡི་མགྱོགས་སྟེར་ནི། །སྲང་ལ་བཅུ་བཞི་ཆ་ཤས་ཉི། །ཚེས་བསྒྱུར་སྔ་མའི་བུལ་བར་བྱིན། །གང་འདོད་ཁོར་ཡུག་ཏུ་འཕོ། །དཔེར་ན་བཅོ་ལྔས་བསྒྱུར་ནས་ནི། །བཅོ་ལྔའི་བུལ་བ་ལ་སྦྱིན་པས། །གནམ་གང་བུལ་བ་ལེགས་པར་རྟོགས། །གདོང་མཇུག་སྔ་མའི་རིགས་པས་འགྲེ། །གཞན་ཡང་ལོ་བདག་རྒྱལ་བློན་ནི། །ཡོངས་འཛིན་འདས་ལོ་རྩེ་མོས་བསྣུན། །སྟེང་འོག་ཟླ་བ་ཆུ་བོས་བརྒྱན། །ཐུབ་པས་གང་ཐོབ་སོ་སོར་དོར། །སྟེང་མ་རྒྱལ་དང་འོག་བློན་པོ། །བསོད་ནམས་གཟའ་ཤར་དགེ་བ་དང་། །སྡིག་ཅན་ཤར་ན་ངན་པ་ཡིན། །རྗེ་ཁ་དོན་གྱིས་བསྒྱུར་ཅེས་ཟེར། །རང་བྱུང་རྒྱལ་བའི་བཞེད་པ་ནི། །ཡོངས་འཛིན་འདས་ལོ་ཐུབ་པས་དོར། །ལྷག་མ་ལོ་གཟའི་ངེས་པ་མཛད། །ཉི་མ་ཉ་ནས་ལུག་ཁྱིམ་དུ། །ཞུགས་ཉིན་གྲུབ་པའི་རེས་གཟའ་གང་། །དེ་ནི་ལོ་ཡི་བདག་པོ་ཡིན། །ཉི་མ་ཉ་ནས་ལུག་ཁྱིམ་དུ། །འཕོ་ཉིན་དྲང་སྲོང་ཕུར་བུ་ཡིས། །རོལ་པ་དེ་ནི་ལོ་སྐར་རོ། །དེ་ནས་བྱེད་པ་ལོ་འཕོའི་རྩིས། །ཡོངས་འཛིན་

― LT41_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་ལོ་གནས་གཉིས་བཀོད། །སྟེང་མ་མཁའ་མཁའ་མཚོ་ཡིས་བསྒྱུར། །འོག་མས་དབྲི་ཞིང་ལྷག་མ་དེ། །རི་ཟླ་མེས་དབྱེ་ཐོབ་པ་གཟའ། །ལྷག་མ་མཁའ་རོ་མཁའ་རོ་དུས། །རི་ཟླ་མེའི་བར་རིམ་བཞིན་བསྒྱུར། །རེ་རེའང་རི་ཟླ་མེ་ཡིས་བགོ། །ཐོབ་པ་ཆུ་ཚོད་ལ་སོགས་འཆར། །དེ་ལ་སྟེང་ནས་མཚམས་དང་ཀླུ། །དུས་མེ་རིག་བྱེད་མཁའ་མཁའ་གཟུགས། །ཀྱིས་བརྒྱན་རང་རང་འཁོར་ལོས་དྲིལ། །སྟེང་མ་ཐུབ་པས་དོར་བའི་ལྷག །ལོ་བདག་གཟའ་ཡིན་ལོངས་སྤྱོད་དེ། །ཟད་ཚེ་ཕྱི་མའི་ལོ་རུ་འཕོ། །དེ་ཡང་ཇི་ཙམ་དབང་བའི་ཡུན། །ལོ་གཟའི་ལོངས་སྤྱོད་ཅི་ཡོད་དེས། །ཆུ་ཚོད་དྲུག་ཅུ་ཐམ་པ་སྦྱངས། །ལྷག་དེ་ཆ་ཤས་བར་དུ་གསིལ། །མཁའ་མཁའ་མིག་སྐྱོན་རི་བོས་བགོ། །ཐོབ་པ་ཟླ་བའོ་ལྷག་མཁའ་མེས། །བསྒྱུར་ཐོབ་ཞག་ཡིན་ཆུ་ཚོད་སོགས། །བྱས་ཀྱང་རུང་ལ་དེ་ཡི་ཚོགས། །འདས་ནས་ཕྱི་རྒྱལ་འཆར་བར་འདོད། །ཟླ་འཕོའི་ཕྱིར་དུ་ལོ་འཕོ་དེ། །ཁྱིམ་མཚན་དང་བཅས་བཅུ་གཉིས་བཀོད། །གཟའ་ལ་གཟུགས་དང་ཆུ་ཚོད་དུ། །རི་མདའ་ལུག་གི་དོན་དུ་སྦྱིན། །གླང་ལ་རིག་བྱེད་ཡོན་ཏན་མདའ། །འཁྲིག་པར་གཟུགས་དང་རི་ཟླ་སྟེར། །ཀརྚར་ཆུ་དང་ཡོན་ཏན་མདའ། །སེང་གེར་རི་བོང་ཅན་ལག་མིག །བུ་མོར་རྒྱ་མཚོ་ཆུ་ཟུང་དང་། །སྲང་ལ་བྲོ་བ་ཟླ་དབང་པོ། །སྡིག་པར་རང་བཞིན་དྲང་སྲོང་མཚོ། །གཞུ་ལ་ཡོན་ཏན་མི་བདག་གོ། །ཆུ་

― LT41_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིན་ཆུ་བོ་རི་དང་མེ། །བུམ་པར་མཚམས་དང་རིག་བྱེད་ཉིད། །ཉ་ལ་སྟོང་པ་འཁྲིག་འདོད་རྣམས། །བྱིན་པས་ཉི་མ་ཁྱིམ་རྣམས་སུ། །བྱེད་པའི་ལུགས་ཀྱི་ལྔ་བསྡུས་ཀྱི། །གཟའ་ཚེས་ལོངས་སྤྱོད་དང་མཉམ་ཚེ། །འཕོ་བའི་ངེས་པ་བཟུང་བ་ཡིན། །དེ་ལ་ཁྱིམ་ཟླའི་གཟའ་ཞེས་བརྗོད། །ཟླ་བ་རེར་ཡང་དགེ་མི་དགེ། །ལོ་བདག་འབྲས་བཞིན་འབྱུང་བར་ཐོས། །ལོ་བདག་གཟའ་འབྲས་རྩིས་བསྡུས་ལས། །རང་བྱུང་རྒྱལ་བས་ཚིག་གསུངས་པ། །ཉི་མ་ལོར་ཞུགས་ཐན་པ་ཆེ། །རྩི་ཤིང་ངན་ཅིང་ལོ་ནད་མང་། །ཡུལ་འཁྲུགས་མི་ནད་ཕྱུགས་ནད་འབྱུང་། །ཟླ་བ་ཆར་ཆི་རྩི་ཤིང་རྒྱས། །མི་ཕྱུགས་བདེ་ཞིང་ཡོ་ལང་ཆེ། །ཡུལ་སྡེ་ལ་ལར་སད་ཕྲན་འབྱུང་། །བཀྲ་ཤིས་ཆར་ཆུང་རྩི་ཤིང་ངན། །ཆོམ་རྐུན་དམག་སོགས་སྡུག་བསྔལ་སྦྱོང་། །ནད་དང་སྦྲུལ་སོགས་འཚེ་བ་མང་། །རྒྱལ་པོས་བྱམས་པར་སྐྱོང་མི་འགྱུར། །གཟའ་ལྷག་ཆར་སྙོམས་འབྲུ་བཅུད་སྨིན། །རྒྱས་ཤིང་ངོ་མཚར་སྒྱུ་མ་མཁན། །འགྲོ་བ་བསླུ་ཞིང་རྒྱལ་ཁྲིམས་བདེ། །བསྟན་བཅོས་མངོན་ཤེས་བློ་ལྡན་འགྱུར། །ཕུར་བུ་ལོ་ལེགས་རྩི་ཤིང་རྒྱས། །མི་ཕྱུགས་བདེ་ཞིང་ཡ་རབས་དང་། །རྒྱལ་པོ་ཞིར་གནས་འཁྲུགས་པ་མེད། །ཆར་ཆེ་མཆོད་སྦྱིན་རྒྱས་པར་འགྱུར། །པ་སངས་ཆར་ཆེ་ལོ་འབྲུ་ལེགས། །རྩི་ཐོག་རྒྱས་པའི་དགའ་སྟོན་འཕེལ། །ཕ་རོལ་སྡེ་འཇོམས་བདེ་བར་འགྱུར། །སྤེན་པ་ཆར་ཆུང་ནོར་དང་འབྲུ། །

― LT41_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་མིན་ནད་དང་མུ་གེ་འབྱུང་། །སྐྱེ་བོ་མཐུན་མིན་ཆོམ་རྐུན་དང་། །གནོད་པས་སྡུག་བསྔལ་འབྱུང་བར་བསྟན། །ལོ་སྐར་འབྲས་བུ་བྷ་ལ་ཧས། །ཐ་སྐར་བྲ་ཉེ་འབྲུ་རྒྱས་བདེ། །སྨིན་སྣར་འབྲུ་འཕེལ་རྩོད་ཅིང་འཇིགས། །མགོ་ལག་ཆར་མེད་རྒྱལ་པོ་རྩོད། །ནབས་སོ་རྒྱལ་ལ་ཕན་ཚུན་འདུམ། །འབྲུ་འཕེལ་སྔགས་བོན་ལ་ཡང་དགེ། །ཝ་དང་རྟ་ཆེན་རྟ་ཆུང་ལ། །མཛའ་ཞིང་དགའ་བདེ་ཆར་འབྲུ་འཕེལ། །མེ་བཞི་དབོར་འབྲུ་ལ་ལར་འཕེལ། །ཆར་ཆེའང་ཟེར། ནག་པས་རི་ཀུན་རྗེའི་འཇིགས། །ས་ག་ལག་སོར་ལོ་ལེགས་དགེ། །སྣྲོན་སྣུབས་རིགས་བཟང་འགྲོ་འབྲུ་ལེགས། །ཆུ་སྟོད་ཆུ་སྨད་ཆར་མི་སྙོམས། །གྲོ་བཞིན་མོན་གྲེ་ལོ་ལེགས་ནས། །མོན་གྲུ་ཁྲུམས་སྟོད་སྐྱ་རྒྱལ་ཞིང་། །ཁྲུམས་སྨད་ནམ་གྲུ་ཡུལ་ལ་ལར། །ལོ་ལེགས་རྒྱལ་ཁྲིམས་སྲུང་ཞིང་དགེ། །བལ་པོ་ཀ་རའི་མྱོང་རྩིས་ནི། །མཚོ་རི་ཐུབ་པ་རང་བཞིན་ལོར། །ཡོངས་འཛིན་ལ་སོགས་འདས་ལོ་བསྲེ། །དེ་ལ་ཤཱཀའི་ལོ་ཞེས་གྲགས། །དེ་ཉིད་མེས་བསྒྱུར་ཐུབ་པས་བགོ། །ལྷག་མ་ཟུར་བཞག་ཐོབ་ནོར་དེ། །མེས་བསྒྱུར་ཐུབ་པས་བགོ་བ་སོགས། །ལན་དགུར་བགྱིས་པའི་ལྷག་མ་དགུ། །སོ་སོར་མིག་གིས་བསྒྱུར་ནས་ནི། །མདའ་གཞུག་རིམ་བཞིན་ཆར་འབྲུ་བསིལ། །ཆ་དང་དྲོད་རླུང་འཕེལ་ཟད་འཁྲུགས། །ཆར་འབྲས་རང་གྲངས་བཅུ་བདུན་ནས། །རེ་རེས་རིམ་དམན་ཕྱི་མའི་

― LT41_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས། །འཁྲུགས་འགྲས་རང་གྲངས་བུ་གར་འདོད། །ཀུན་ཀྱང་ཉུང་འབྲས་དབང་པོ་སྟེ། །བར་རྣམས་དེ་ཡི་རིགས་པས་སྦྱར། །རང་རང་གྲངས་ཀྱི་ཕྱེད་བྱུང་འབྲིང་། །མང་ན་སྟོབས་ཆེ་ཉུང་ན་ཆུང་། །གཞན་ཡང་ཤཱ་ཀའི་ལོ་ཚོགས་དེ། །དྲག་པོས་སྦྱངས་ལྷག་ཆུ་བོས་དོར། །ལྷག་མ་བརྟགས་གཞི་ཐོབ་ནོར་དེ། །སླར་ཡང་ཆུ་བོས་ཕྱེ་བ་སོགས། །ལན་བཞིར་བསྐྱར་བའི་ལྷག་མ་བཞི། །ཟླ་བཞིའི་བར་གྱི་ཆར་འབྲས་ཡིན། །གཟུགས་ཤར་དེ་མིང་ཀུན་འཇུག་གྲགས། །ཀུན་འཇུག་ལ་ནི་ཆར་མི་འབབ། །གཉིས་བྱུང་སྙིང་འཇུག་ཡུལ་ཕྱོགས་འགར། །འབབ་ཅིང་ལ་ལར་ཆར་མི་འབབ། །གསུམ་ཤར་རྫིང་བུར་འཇུག་ཅེས་པ། །ཡུལ་ཕྱོགས་ཀུན་ལ་ཆར་པ་འབབ། །ཐིག་ལེ་ཞོད་ཅེས་ཆར་ཆེན་དང་། །ཐན་པ་ནམ་ཟླའི་སྟོད་སྨད་སྤེལ། །དེ་ཡང་དུས་བརྒྱད་ལ་སོགས་པ། །བཅུ་གཉིས་སོ་སོའི་དུས་ཀྱི་གཟེར། །བྱེད་པའི་ཉི་མ་དག་པར་བརྟགས། །འཁོར་ལོ་རྫོགས་དུས་ཉ་ཁྱིམ་རྫོགས། །ལུག་གི་ཁྱིམ་དུ་ཉི་མ་སླེབས། །གཟུགས་དང་མཁའ་འབྱུང་ཤར་བ་ན། །བྱ་རྒྱལ་ཁུ་བྱུག་བོད་དུ་སླེབས། །ཨུག་ཆོས་མེ་ཏོག་རྒྱས་པའི་དུས། །རོང་གི་སོ་བ་སྔ་མ་བརྡ། །བོད་ཀྱི་ཕྱི་ཞིང་འདེབས་པའི་དུས། །མིག་དང་ཚེས་ཤར་ལུག་ཁྱིམ་རྫོགས། །ཉི་མ་གླང་གི་ཁྱིམ་དུ་སླེབས། །ཟུང་ལྡན་མཁའ་མེར་གླང་ཁྱིམ་རྫོགས། །འཁྲིག་པའི་ཁྱིམ་

― LT41_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཉི་མ་སླེབས། །འབྱུང་བ་ཉི་མ་ཤར་བ་ན། །བྱང་བགྲོད་མཐར་ཐུག་དབྱར་ཉི་ལྡོག །དྲུག་དང་ཞེ་ལྔར་འཁྲིག་ཁྱིམ་རྫོགས། །ཀརྐཊ་རུ་ཉི་མ་སླེབས། །གདེངས་ཅན་འབྱུང་མེར་བྱ་སྐད་ཆག །ཁུ་བྱུག་ལྷོར་འགྲོ་བསིལ་འབབ་ཅིང་། །བྱང་གི་ཆུ་ལ་ཆབ་རོམ་དང་། །ལྷོ་མོན་རི་ལ་ཁ་བ་ཆགས། །རྩི་ཐོག་ནུས་པ་རྩ་བར་སྡུད། །ལོ་མའི་མཐའ་སེར་བོད་ཀྱི་ཡུལ། །རྩས་གཡུལ་འགོ་མ་བྱེད་པའི་དུས། །གཏེར་དང་ནམ་མཁར་ཀར་ཁྱིམ་རྫོགས། །ཉི་མ་སེང་གེའི་ཁྱིམ་དུ་འབྱོར། །དབང་ཕྱུག་ཚེས་ལ་སེང་གེ་རྫོགས། །བུ་མོའི་ཁྱིམ་དུ་ཉི་མ་སླེབས། །དྲག་པོ་ཐུབ་མདར་སྟོན་དུས་ཀྱི། །སྣང་མུན་མཉམ་ལ་བ་མོ་འོང་། །སྤང་རྒྱན་འཆར་ཞིང་འབྲུག་སྐད་ཆག །སྤང་སོ་ཁ་སེར་ཤིང་ལོ་འབྲུལ། །མྱོས་བྱེད་ཐིག་ཡོན་བུ་མོ་རྫོགས། །སྲང་གི་ཁྱིམ་དུ་ཉི་མ་སླེབས། །ཚེས་དང་གཏེར་ཟླ་ཁྲུད་ཁུང་དང་། །ངང་པ་ལྷོར་འགྲོ་ཕྱི་བ་ཉལ། །རྒྱ་བོད་གྲོ་དང་ནས་རྒན་འདེབས། །དར་ཡ་ཀན་དང་ཙམ་པ་ཀའི། །མེ་ཏོག་འཆར་ཞིང་སྒྲོན་ཤིང་དང་། །ཐང་ཤིང་གཞོན་དུ་འགྲོ་བ་དང་། །མོན་དང་ཚ་བའི་རོང་སོགས་ཀྱི། །རྐུན་འབྲུམ་ཕྱི་མ་སྨིན་པའི་དུས། །བཅོ་ལྔ་ཞེ་ལྔར་སྲང་ཁྱིམ་རྫོགས། །སྡིག་པའི་ཁྱིམ་དུ་ཉི་མ་སླེབས། །ཀླུ་གཟུགས་སྟོང་པར་སྡིག་པ་རྫོགས། །གཞུ་ཡི་ཁྱིམ་དུ་ཉི་མ་སླེབས། །སྐྱོན་དང་མིག་མཚར་ཤར་བ་ན། །ལྷོ་བགྲོད་མཐར་ཐུག་དགུན་ཉི་

― LT41_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག །མཁའ་ཟུང་ཚེས་ཤར་གཞུ་ཁྱིམ་རྫོགས། །ཉི་མ་ཆུ་སྲིན་ཁྱིམ་དུ་འཕོ། །ཉི་ཤུ་ཐུབ་མདའ་ཉ་མཁར་འཇིག །རྒྱ་གར་ཐང་ལ་ཨུ་དུམ་དང་། །བོད་ལ་མེ་ཏོག་སིལ་མ་འཁྲུངས། །མཚོ་ཡང་དར་ཆེན་འབྲེལ་བའི་དུས། །མིག་ཟུང་འབྱུང་བ་རྒྱ་ནག་ཏུ། །ས་གླང་བརྡུང་ཞིང་ས་དྲོད་འདོན། །ངང་པས་འདམ་འདོན་ཁམ་ཤིང་གི། །མེ་ཏོག་སྔ་མ་འཆར་བའི་དུས། །ལག་མིག་མཁའ་རྩེར་ཆུ་སྲིན་རྫོགས། །བུམ་པའི་ཁྱིམ་དུ་ཉི་མ་འབྱོར། །རྒྱལ་བ་མདའ་ཆུར་བུམ་ཁྱིམ་རྫོགས། །ཉ་ཡི་ཁྱིམ་དུ་ཉི་མ་འཕོ། །དེ་ཉིད་རི་ཟུང་ཤར་བའི་ཚེ། །དཔྱིད་ཀྱི་ཉིན་མཚན་སུམ་ཅུར་མཉམ། །དབྱར་སྐྱེས་འབྲུག་གི་སྒྲ་དབྱངས་སྒྲོགས། །སྡོམ་དང་འཕྱི་བ་མལ་ནས་ལྡང་། །འདབ་ཆགས་པུ་ཤུད་སྐད་འབྱིན་ཅིང་། །བྱ་ལོང་བྱད་དུ་འགྲོ་བའི་དུས། །དེ་ལྟར་དུས་བརྒྱད་ལ་སོགས་པ། །སོ་སོའི་བཞེད་པ་གྲངས་མེད་ཀྱང་། །འདི་ནི་མཚུར་ཕུ་འཇམ་དབྱངས་པའི། །བཞེད་པ་ཇི་བཞིན་བསྡུས་ཏེ་བཀོད། །རང་ལུགས་འཁྲུལ་པ་མེད་པར་ཟུངས། །སྔར་བཤད་ཚད་རྣམས་དངོས་ཤར་ན། །གྲུབ་པའི་ཚེས་ལོངས་ཟད་ཚེ་འཕོ། །ཚད་ལས་མང་ན་གང་མང་བ། །བཅུ་བཞིས་བསྒྱུར་ལ་ཆུ་སྲང་ཚོགས། །བཞི་ཡིས་ཐོབ་པ་དེ་ལ་བསྣན། །དེ་ཡིས་ཚེས་ལོངས་འཕྲི་བར་བྱ། །ལྷག་དེ་ཟད་དུས་འཕོ་བར་ངེས། །གལ་ཏེ་འཕྲི་རྒྱུ་མ་འདོང་ན། །སྔ་མའི་ཞག་ལ་འཕོས་པ་ཡིན། །དེ་ཕྱིར་འཁོར་ལོ་ཕབ་སྦྱངས་ལྷག །

― LT41_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

སྔ་ཉིན་ནམ་ལངས་ནས་བཟུང་སྟེ། །ཆུ་ཚོད་དེ་ཟད་དུས་སུ་འཕོ། །འཕྲི་བྱ་འབྲི་བྱེད་མཉམ་པ་ན། །དེ་ཡི་ནམ་ལངས་དུས་སུ་འཕོ། །དྲང་སྲོང་རི་བྱི་ཞེས་པ་ནི། །བྱེད་པའི་ཉི་སྐར་དྲག་པོ་དང་། །ཆུ་ཚོད་རྒྱ་མཚོ་ལངས་པ་ནས། །ཐོ་རངས་ལྷོ་སྟོད་ནས་འཆར་ཏེ། །དེ་ཚེ་སྨོན་ལམ་ཆེན་པོའི་མཐུས། །ཞག་མ་བདུན་ཕྲག་གཅིག་གི་བར། །ཆུ་རྣམས་ཡན་ལག་བརྒྱད་ལྡན་འགྱུར། །དེ་ཕྱིར་ནད་ཀྱིས་རེག་པ་ཡི། །སེམས་ཅན་གང་དག་ལུས་བཀྲུ་ཞིང་། །བཏུང་ན་སྨན་གྱི་མཆོག་ཏུ་བཤད། །ཁྲོན་པའི་ཆུ་ནི་དེ་མིན་ཏེ། །རྣམ་པ་ཀུན་ཏུ་དུག་བཅས་སོ། །ཉི་ལྡོག་རི་ཥི་སྤྱི་ནོར་སོགས། །རགས་པར་སྔ་ལོའི་ཚེས་གྲངས་ལ། །དྲག་པོ་བྱིན་པས་ཕྱི་ལོ་ཡི། །དེ་ཚེས་འཆར་བ་ཡིན་ན་ཡང་། །ཞིབ་ན་འདོད་ཆ་རེ་ཡང་འཕར། །གཟའ་ཡི་དར་གུད་ཚེས་གཅིག་གི། །རེས་ཀྱི་གཟའ་དར་བུ་ཡང་དར། །མ་ཞུད་དགྲ་གུད་གྲོགས་ནི་གྱོད། །ཆད་ལྷག་མེད་ན་ཟླ་བ་དེ། །བཀྲ་ཤིས་ཟླ་བ་ཞེས་སུ་བརྗོད། །ཅེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་པ་དེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། རྩིས་ཕྲན་འགའ་ཞིག་གི་སྐབས་ཏེ་བཞི་པའོ།། །།འཇམ་དཔལ་སྙིང་དུ་ཞུགས་པའི་ལང་ཚོ་ལ། །དབྱངས་ཅན་གླུ་ཡི་མགྲིན་ལྡན་ཟུར་མིག་རྩེ། །ཡེ་ཤེས་ཆགས་ཐོགས་བྲལ་བའི་མཚུར་ཕུ་པ། །དོན་གྲུབ་

― LT41_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་གངས་ཅན་མཁས་པའི་རྒྱན། །དང་པོ་བརྟན་གཡོའི་སྣོད་བཅུད་གྲུབ། །གཉིས་པ་གོ་ཆའི་ཁྱིམ་རྣམས་ཆགས། །གསུམ་པ་བགྲོད་བྱ་རྒྱུ་སྐར་སྐྱེས། །བཞི་པ་བགྲོད་བྱེད་གཟའ་རྣམས་བྱུང་། །ཉི་མས་རྒྱུ་སྐར་ཁྱིམ་རྣམས་ལ། །སྤྱོད་པས་ས་ལ་དུས་བཞི་འཁོར། །ཉི་ཟླའི་ཡུལ་དུས་ལོངས་སྤྱོད་ཀྱི། །ཁྱད་ལས་ཞག་གསུམ་རྣམ་དབྱེ་བྱུང་། །ཚེས་ཞག་ཟླ་བའི་འགྲོས་ལས་ཏེ། །ཉིན་ཞག་ཉི་མའི་འགྲོས་ལས་བརྟགས། །ཁྱིམ་ཞག་ཅེས་པ་གོ་ལའི་འགྲོས། །དེ་གསུམ་ཕྱི་རིམ་བཞིན་དུ་རིང་། །ཚེས་ཟླ་གཅིག་ལ་ཟླ་བ་ཡི། །འཕེལ་འགྲིབ་བཅོ་ལྔ་ཕྲག་གཉིས་ཡོད། །བཅོ་ལྔ་རེ་རེའི་ཆ་ཤས་ནི། །རྫོགས་པའི་ཚད་དེ་ཚེས་ཞག་ཡིན། །ད་ནངས་ལག་རིས་མཐོང་བ་ནས། །སང་ཉིན་ལག་རིས་མཐོང་བ་ཚུན། །ནམ་མཁའི་ཉི་མས་གླིང་བཞི་ལ། །སྣང་བའི་བྱ་བ་ཚར་གཅིག་ཏུ། །བྱེད་པའི་ཡན་ལ་ཉིན་ཞག་ཟེར། །ཁྱིམ་ལོ་གཅིག་ལ་དུས་བཞི་ནི། །གཡས་བསྐོར་གཅིག་ཚང་ཁྱིམ་བཅུ་གཉིས། །ཉི་མས་ལན་གཅིག་འཁོར་བ་ལས། །ཉིན་བྱེད་ཁྱིམ་གཅིག་ལ་འཕོ་བའི། །སུམ་ཅུའི་ཆ་ནི་ཁྱིམ་ཞག་གོ། །དཔེར་ན་བསྐོར་བྱའི་རི་བོ་གཅིག །སྐོར་བྱེད་དལ་བྲེལ་མགྱོགས་གསུམ་གྱི། །བགྲོད་པ་མགྱོགས་བུལ་མ་སྙོམས་པས། །འཁོར་བའི་གྲངས་ལ་ཁྱད་ཞུགས་ལྟར། །བགོད་བྱའི་ཡུལ་ལོངས་ཁྱད་མེད་སྦྱར། །བགྲོད་བྱེད་མགྱོགས་བུལ་དབང་ཉིད་ལས། །བགྲོད་པ་མ་སྙོམས་

― LT41_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་ཐུང་གྱུར། །ཚེས་ཟླ་གཉིས་ལ་ཉིན་ཞག་ནི། །ང་དགུ་ཙམ་ལས་མ་བགྲོད་ཕྱིར། །ཉི་ཚེས་བར་ལས་ཉིན་ཞག་ཆད། །ཁྱིམ་ཟླ་སོ་གཉིས་ཕྱེད་བཅས་ལ། །ཚེས་ཟླ་སོ་གསུམ་ཕྱེད་བཅས་བགྲོད། །ཁྱིམ་ཚེས་བར་ནས་ཚེས་ཟླ་ལྷག །དེས་ན་ཆད་ལྷག་ཇི་སྙེད་པ། །ཟླ་བའི་འགྲོས་དབང་བྱས་པ་སྟེ། །ཡུལ་དུས་སྣེ་སྙོམས་ཆེད་དུའོ། །དེ་དག་སྤྱི་ཡི་གོ་བབ་སྟེ། །རི་མོའི་ལམ་ནས་གཏན་འབེབས་ན། །ལོ་གཅིག་མཁའ་དུས་མེ་ཡིས་བསྒྱུར། །སུམ་བརྒྱ་དྲུག་ཅུ་རྐང་བྲལ་འདི། །སོ་སོའི་ཞག་གི་དབྱེ་གཞི་དང་། །ཉི་མའི་ཁྱིམ་ཞག་དཀྱིལ་འཁོར་ཡིན། །ཁྱིམ་དཀྱིལ་དེ་ཉིད་གནས་གཉིས་བཀོད། །འོག་མ་མིག་བསྒྱུར་མདའ་རོས་ཐོབ། །སྟེང་གཞུག་ཞག་དང་ལྷག་མ་དེ། །དབྱུག་སྲང་བྲོ་བ་འདོད་པ་ཡིས། །བསྒྱུར་རིམ་བཞིན་དུ་དབང་མཚམས་ཀྱིས། །ཐོབ་པ་རིམ་བརྩེགས་ལྷག་མེད་དག །ཚེས་ཞག་སུམ་བརྒྱ་དོན་གཅིག་ལ། །དབྱུ་གུ་རིག་བྱེད་སྲང་དུས་མེ། །དབུགས་འབྱུང་འདོད་རིའི་རྗེས་འབྲངས་ཅན། །ཉི་མའི་ཚེས་ཞག་དཀྱིལ་འཁོར་འགྲུབ། །དེ་ཡི་ཞག་གནས་མཁའ་རོས་བསྒྱུར། །ཆུ་ཚོད་བཅུག་ལ་སླར་རིམ་བཞིན། །ཐིག་རོ་དུས་དང་ལུས་མེད་ཀྱིས། །སྤེལ་རིམ་རང་རང་ཆ་བཅུག་པས། །མཁའ་མཁའ་མཚོ་སྦྲུལ་བུག་ཟླ་མཚོ། །ཕྱོགས་བཅས་འཆར་བ་དེ་ཉིད་ཀྱང་། །རིས་མཁའ་རིས་བསྒྱུར་གནས་གསུམ་བཞག །འོག་མ་སླར་ཡང་རི་མཁའ་རིས། །

― LT41_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

རྙེད་པ་བར་བྱིན་ཆུ་རོས་ཐོབ། །སྟེང་འཕྲི་འཕྲི་ལྷག་རི་མཁའ་རིས། །བགོས་པའི་ནོར་དེ་འདོད་པས་དྲིལ། །ཐོབ་ནོར་རོས་ཕྱེ་དེས་རྙེད་པ། །ཆུ་སྲང་གིས་ཐོབ་དབྱུ་གུས་གཅད། །རྙེད་ནོར་ཉིན་ཞག་མདའ་དུས་རྩེ། །ལྷག་མ་ཆུ་ཚོད་མི་བདག་དང་། །སྲང་ཡིད་དབུགས་ཟླ་འདོད་ཆར་ཁྱིམ། །རི་མཁའ་རིའི་ཆར་བརྒྱ་ཉེར་གཅིག །ཉིན་ཞག་དཀྱིལ་འཁོར་རྣམ་པར་དག །ཞག་རེའི་ལོངས་སྤྱོད་རྟོགས་པའི་ཕྱིར། །གཟའ་དབུས་བགྲོད་བྱ་རྒྱུ་སྐར་ཏེ། །ཉེར་བདུན་ཉིད་དོ་སྐར་ཁོང་རེར། །ཆུ་ཚོད་དྲུག་ཅུ་ཐམ་པ་འབྱུང་། །དེས་ན་ཉིན་ཞག་གཅིག་སྐར་བསྒྱུར། །དེ་ཡང་དབྱུ་གུ་དྲུག་ཅུས་ཏེ། །ཡུལ་གྱི་ཆུ་ཚོད་མཁའ་མིག་རྒྱལ། །གཟའ་ཚེས་ཀུན་གྱི་བགོ་གཞིའོ། །དེ་ལ་ཉི་མའི་ཁྱིམ་ཞག་ནི། །སུམ་བརྒྱ་དྲུག་ཅུས་བགོས་ཐོབ་དབྱུག །ལྷག་མ་མཁའ་རོས་བསྒྱུར་ཐེབ་སྲང་། །ཆུ་ཚོད་རྒྱ་མཚོ་སྲང་མཁའ་ཡོན། །ཉི་མའི་ཁྱིམ་ཞག་རྟག་ལོངས་ཡིན། །ཚེས་ཞག་དཀྱིལ་འཁོར་རྗེས་འབྲངས་བཅས། །གནས་ལྔ་སོ་སོར་འདོད་པས་བསྒྱུར། །འདོད་དུས་མཁའ་མཚམས་ཐིག་རོ་ཡིས། །དྲིལ་བས་ཆུ་མིག་ཀླུ་མཚོ་འབྱུང་། །དེ་ཡིས་བགོ་བྱ་རྒྱུ་སྐར་གྱི། །ཡུལ་ལོངས་ཐིག་ལག་རྒྱལ་པོ་ཡང་། །ཤེད་མཚུངས་བྱ་ཕྱིར་འདོད་པས་བསྒྱུར།།། །རི་རོའི་བར་དུ་།།།རིམ་བཞིན། །ཆུ་མིག་ཀླ་མཚོས་བགོས་ཐོབ་རྣམས། །རིམ་བརྩེགས་དབྱུག་མཚོ་སྲང་

― LT41_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་མིག །དབུགས་དབང་འདོད་ཀླུ་རི་རོའི་ཆེར། །མེ་མིག་ལྷག་མེད་རྣམ་པར་དག །ཉི་མའི་ཚེས་ཞག་རྟག་ལོངས་སོ། །དབུགས་སུ་གཅིག་གིས་བརྒྱན་པ་ཡི། །ཉིན་ཞག་དཀྱིལ་འཁོར་གནས་བཞི་ལ། །མཁའ་མཁའ་ནོར་དང་ཕྱོགས་ཀྱིས་བསྒྱུར། །དུས་དང་དབྱིངས་མཚམས་མཁའ་རོས་ཕྱེ། །མེ་ལག་བུག་ཆུ་མཚོ་བུག་རྩེ། །གྲངས་ཀྱི་གནས་བདུན་དགོད་བྱེད་ཡིན། །རྒྱུ་སྐར་ཡུལ་གྱི་ཆུ་ཚོད་ཀྱང་། །ཤེད་མཚུངས་ཕྱིར་དུ་མཁའ་ཐིག་ནོར། །ཕྱོགས་ཀྱིས་བསྒྱུར་ལ་གྲངས་གནས་བརྒྱད། །དབྱིངས་ཐིག་སྟོང་པ་དུས་བུག་མཚོ། །དྲང་སྲོང་ཟླ་བ་བགོ་གཞིའོ། །རྣམ་པར་ཕྱེས་པས་ཐོབ་དབྱུག་ལྷག །སྲང་དབུགས་འདོད་པས་བསྒྲེས་རིམ་བཞིན། །མེ་ལག་སོགས་ཀྱིས་ཐོབ་དབྱུག་མཚོ། །སྲང་དུ་དུས་མིག་འདོད་ཆར་ཀླུ། །ཉིན་ཞག་རྟག་ལོངས་རགས་པའོ། །ཞིབ་ན་ཉིན་ཞག་དཀྱིལ་འཁོར་ནི། །རྐང་བཅས་མིག་ཀླུ་མེ་སྐྱོན་གྱིས། །སོ་སོར་སྤེལ་ནས་རི་མཁའ་རི། །འདོད་དོ་དབྱིངས་མཚམས་ཐིག་རོས་དྲིལ། །མདའ་མཁའ་མཚོ་ཡིད་རི་མཚམས་འོང་། །བགོད་གཞི་ཐིག་ལག་མི་བདག་ཀྱང་། །སླར་ཡང་མིག་ཀླུ་མེ་སྐྱོན་གྱིས། །ཤེད་སྙོམས་བྱས་ནས་བགོས་ཐོབ་དབྱུག །ལྷག་མ་སྲང་དུས་འདོད་པ་དང་། །བུག་མཁའ་མིག་བུག་ཡིད་བཅས་ཀྱིས། །རིམ་བསྒྱུར་རིམ་བཞིན་བགོས་ཐོབ་པ། །འདོད་པའི་ཆ་ཡིན་སྔར་བཞིན་ལ། །བུག་མཁའ་མིག་བུག་ཡིད་ཀྱི་ཆ། །

― LT41_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་མདའ་མེ་རི་ཟླ་བ་འབྱུང་། །ཉིན་ཞག་རྟག་ལོངས་རྣམ་པར་དག །དེ་ནས་ཟླ་བའི་དཀྱིལ་འཁོར་གྱི། །ཐོག་མར་ལོངས་སྤྱོད་བཙལ་བ་ལ། །ཉི་མའི་ཚེས་ཞག་རྗེས་འབྲངས་བཅས། །མཁའ་མེས་བསྒྲེས་ནས་རི་རོ་དང་། །འདོད་པ་དུས་དང་མཁའ་རོས་བགོ། །ཚེས་ཟླ་གཅིག་གི་རྟགས་ལོངས་ཡིན། །དེ་ལ་ཡུལ་གྱི་དབྱུ་གུ་བསྲེས། །མཁའ་འབྱུང་རི་ཟླ་རྐང་པར་བཅས། །སུམ་ཅུས་བགོས་ཐོབ་ཆུ་ཚོད་དང་། །དེ་ལྷག་སྲང་དབུགས་འདོད་པའི་ཆ། །རི་རོས་བསྒྱུར་ཐོབ་རིམ་བརྩེགས་དག །ཆུ་ཚོད་ཀླུ་དབང་སྲང་ཟླ་མིག །དབུགས་མདའ་འདོད་པའི་ཆ་ལ་བརྒྱད། །རི་རོའི་གནས་སུ་མེ་མིག་སྟེ། །ཟླ་བའི་ཚེས་ཞག་རྟགས་ལོངས་སོ། །ཡང་ན་རྒྱུ་སྐར་ཆུ་ཚོད་ལ། །མཁའ་མེས་བཅད་པའི་རྙེད་པ་དེ། །ཉི་མའི་ཚེས་ལོངས་དབྱུ་གུར་བསྣན། །རི་མོ་སྔ་བཤད་གཅིག་པར་འབབ། །ཟླ་བའི་ཚེས་ལོངས་ཡང་ཆ་དོར། །ཆུ་ཚོད་མཁའ་རོས་བསྣུན་པ་ལ། །སྲང་བསྲེ་དུས་བསྒྱུར་དབུགས་བཅུག་སྟེ། །འདོད་བསྒྱུར་འདོད་པའི་ཆ་ཡང་གཞུག །ཟླ་ཚེས་མེ་རི་འཁྲིག་པ་འཆར། །དེ་བཞིན་ཞག་དབྱུག་དྲུག་ཅུ་ཡང་། །སྲང་དབུགས་འདོད་པའི་ཆ་བར་གསིལ། །མཁའ་མཁའ་ཀླུ་མཁའ་སྦྲུལ་མིག་གོ། །དེ་ལ་སྔ་མས་སྦྱངས་པའི་ལྷག །བུག་ཆུ་དུས་རི་ལུས་པ་ནི། །མིག་བདུན་མཁའ་རི་ཟླ་བས་བསྒྱུར། །ཟླ་ཚེས་ཡོན་ཏན་འཁོར་ལོས་ཐོབ། །ཀླུ་རི་ཆུ་བོ་སྒྱུར་བྱེད་དང་། །མིག་བདུན་མཁའ་

― LT41_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་ནི། །དགོད་བྱེད་ཉིད་དུ་ཤེས་བྱས་ནས། །ཐིག་ལག་མི་བདག་དབྱུག་སྲང་དུས། །འདོད་པས་བསྒྲེས་པ་མཁའ་ཐིག་རྒྱལ། །སྤྲུལ་མདའ་རི་བོ་གནས་གཉིས་བཞག །འོག་མ་ཀླུ་རི་ཆུ་བོས་སྤེལ། །མིག་བདུན་མཁའ་རི་ཟླ་བས་ཐོབ། །སྟེང་གཞུག་འདོད་དབུགས་སྲང་དབྱུག་དྲིལ། །ཚེས་ཞག་ཉི་ཤུ་རྩ་བདུན་དང་། །ཆུ་ཚོད་ཞེ་ལྔ་སྲང་ཉེར་གཅིག །དབུགས་ཐོབ་འདོད་ཆར་ཐིག་ལེ་དང་། །མིག་བདུན་མཁའ་རི་ཟླ་བའི་ཆ། །བྲོ་བ་མདའ་ཀླུ་དྲག་པོ་སྟེ། །ཟླ་བའི་དཀྱིལ་འཁོར་རྣམ་པར་དག །དེ་ཉིད་མཁའ་མཁའ་མཚོ་འདོད་ལག །གིས་བསྒྱུར་མིག་བདུན་མཁའ་རི་ཟླ། །འདོད་རོ་མཁའ་རོ་མཁའ་རོས་དྲིལ། །འབྱུང་ཉི་མེ་མིག་བུག་དབང་འཆར། །མཁའ་མཁའ་མཚོ་འདོད་ལག་པ་ཡིས། །བགོ་བྱ་སླར་ཡང་ཤེད་མཉམ་བྱས། །དབྱིངས་ཐིག་སྟོང་པ་ཀླུ་མཁའ་རི། །འབྱུང་བ་རིག་བྱེད་ཡོན་ཏན་ཏེ། །དེ་ལ་སྔ་མས་བགོས་ཐོབ་དབྱུག །ལྷག་མ་སྲང་དབུགས་འདོད་པ་ཡིས། །བསྒྱུར་ཐོབ་རིམ་བརྩེགས་ལྷག་མེད་དག །སྦྲུལ་འབྱུང་ཆུ་ཚོད་ཟླ་ལག་སྲང་། །མདའ་དབུགས་སྲིན་པོ་འདོད་ཆ་སྟེ། །ཟླ་བའི་ཚེས་ཞག་རྟག་ལོངས་སོ། །ཟླ་བའི་ཞར་བྱུང་ཚེས་ལོངས་ནི། །ཞག་གཅིག་དབྱུག་སྲང་བྲོ་བས་གསིལ། །ནད་མེད་སྐྱེ་བོའི་འབྱུང་འཇུག་དབུགས། །ཉི་ཁྲི་ཆིག་སྟོང་དྲུག་བརྒྱ་འབྱུང་། །དེ་ཉིད་ཆུ་རོས་བསྒྲེས་དེ་ཡང་། །རི་མཁའ་རིས་བསྒྱུར་མཁའ་ཐིག་ནོང་།

― LT41_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་འབྱུང་མེ་རི་ཐུབ་བུག་སྟེ། །གནས་གསུམ་འོག་མ་རི་མཁའ་རིས། །ཐོབ་པ་བར་བྱིན་ཆུ་རོས་ཕྱེ། །སྟེང་འཕྲི་ལྷག་མ་རི་མཁའ་རི། །ཆུ་རོ་དབུགས་སྲང་དབྱུག་བར་དྲིལ། །དབྱུ་གུར་བུག་འབྱུང་ཆུ་སྲང་མེ། །དབུགས་མཚོ་ཆུ་རོས་ཆ་ཤས་ལ། །གཟུགས་དང་རི་མཁའ་རི་ཡི་ཆར། །རི་ཟླ་མེ་རྣམས་ལེགས་འཆར་རོ། །ཡང་ན་མཚུར་གྲུབ་ཚེས་ལོངས་ཕྱིར། །ཉི་ཁྲི་ཆིག་སྟོང་དྲུག་བརྒྱའི་དབུགས། །འདོད་དང་རི་མཁའ་རི་བོས་སྤེལ། །གནས་གསུམ་ལ་སོགས་གོང་ལྟར་ལ། །ཆུ་རོས་ནོར་གྱིས་འཕྲི་ལྷག་དེ། །རི་མཁའ་རི་འདོད་དབུགས་སྲང་གིས། །བཅད་པས་དབུགས་ཡན་སྔར་བཞིན་ལ། །འདོད་ཆར་སྟོང་པ་རི་མཁའ་རིའི། །ཆ་ཤས་གནས་སུ་སྦྲུལ་ཐིག་ལག །ཚེས་རེའི་རྟག་ལོངས་རྣམ་པར་དག །ཉི་མ་དགུ་སྟོང་དྲུག་བརྒྱ་ནི། །སྒྲ་གཅན་ཚེས་ཞག་དཀྱིལ་འཁོར་ཡིན། །དེ་ཡི་ལོངས་སྤྱོད་རྟོགས་པའི་ཕྱིར། །ཡུལ་གྱི་ཆུ་ཚོད་མཁའ་རོས་བསྒྱུར། །མཁའ་སྟོང་བུག་རོས་བགོས་ཐོབ་སྲང་། །དེ་ལྷག་དབུགས་དང་མེ་མིག་གིས། །བསྒྱུར་ཐོབ་སྲང་ཡིད་མེ་མིག་ཆར། །བཅུ་གཉིས་ཐོབ་པས་ལྷག་མེད་དག །སྒྲ་གཅན་ཚེས་ཞག་རྟག་ལོངས་སོ། །ཉིན་ཞག་དཀྱིལ་འཁོར་ལོངས་སྤྱོད་བཅས། །འཚོལ་ཕྱིར་ཆོས་དཀྱིལ་གནས་གསུམ་བཞག །འོག་མ་རི་མཁའ་རི་བོ་ཡིས། །རྙེད་པར་བར་བསྲེ་ཆུ་རོས་ཕྱེ། །ཐོབ་པའི་ནོར་གྱིས་སྟེང་མར་འཕྲི། །སྟེང་ནས་གཅིག་ཕབ་རང་འཁོར་སྦྱང་། །ཉིན་

― LT41_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་མིག་བུག་རི་དུས་དང་། །ཆུ་རོའི་ཆ་གཉིས་རི་མཁའ་རིའི། །ཆ་ཤས་མཁའ་རི་ཟླ་བ་སྟེ། །སྒྲ་གཅན་ཉིན་ཞག་དཀྱིལ་འཁོར་ཡིན། །དེ་ལ་ཀླུ་མིག་སྦྲུལ་ལག་གིས། །སོ་སོར་བསྒྱུར་ཏེ་རང་འཁོར་དྲིལ། །དབང་པོ་རི་ཀླུ་རི་མཁའ་མིག །བུ་ག་གཟུགས་རྣམས་དགོད་བྱེད་དོ། །རྒྱུ་སྐར་ཡུལ་གྱི་ཆུ་ཚོད་ཀྱང་། །ཀླུ་མིག་སྦྲུལ་ལག་བསྒྱུར་ཐོབ་དབྱུག །ལྷག་མ་སྲང་དབུགས་མེ་མིག་དང་། །འབྱུང་འདོད་དྲག་པོས་བསྒྱུར་རིམ་བཞིན། །དགོད་བྱེད་ཀྱིས་ཐོབ་ཆུ་སྲང་ཡིད། །དབུགས་སུ་ཟླ་བ་མེ་མིག་ཆར། །བུག་གཟུགས་འབྱུང་འདོད་དྲག་པོའི་ཆ། །གདེངས་ཅན་མེ་དང་ནམ་མཁའ་ཕྱོགས། །སྒྲ་གཅན་ཉིན་ཞག་རྟག་ལོངས་དག །དེ་ནས་གཟའ་ལྔ་སོ་སོ་ཡི། །ཉིན་ཞག་ཉི་མའི་དཀྱིལ་འཁོར་ནི། །མིག་དམར་ལ་ནི་རི་ཀླུ་རོ། །སོ་མེ་རྒྱ་མཚོ་ཕུར་བུའི་འོ། །སྤེན་པ་དུས་རོ་ཐུབ་པ་ཕྱོགས། །ལྷག་པ་རི་བུག་རི་ཀླུ་སྟེ། །པ་སངས་རི་དང་རྒྱལ་བ་མིག །དེ་རྣམས་ཞི་གཉིས་མྱུར་རྐང་དང་། །དྲག་གསུམ་དལ་བའི་དཀྱིལ་འཁོར་ཡིན། །ཞི་དལ་དྲག་མྱུར་ཉི་མ་བཞིན། །མདའ་མཁའ་མཚོ་ཡིད་རི་རོའོ། །སོ་སོའི་དཀྱིལ་འཁོར་དེ་དག་གིས། །ཡུལ་ལོངས་མཁའ་མིག་རྒྱལ་པོ་ལས། །རང་རང་ལོངས་སྤྱོད་བཙལ་བ་ནི། །དྲག་གསུམ་བགོ་གཞི་དེ་ཉིད་དང་། །ཞི་གཉིས་སོ་སོར་བགོ་གཞི་དེ། །བརྒྱ་དང་བཅུ་ཡིས་བསྒྱུར་བ་ལས། །གཞན་པའི་ལག་ལེན་ཁྱད་པར་མེད། །དེས་ན་པ་

― LT41_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་བགོ་གཞི་ནི། །ཆིག་ཁྲི་དྲུག་སྟོང་ཉིས་བརྒྱ་འབྱུང་། །ལྷ་མཚམས་སྐྱེས་ལ་ཆིག་འབུམ་དང་། །དྲུག་ཁྲི་ཉིས་སྟོང་ཐམ་པའོ། །ལག་ལེན་དངོས་ལ་བགོ་གཞི་དེ། །ཞི་དྲག་སོ་སོའི་དཀྱིལ་འཁོར་གྱིས། །ཐོབ་དབྱུག་ལྷག་མ་ཆུ་སྲང་དང་། །དབུགས་འདོད་རང་རང་དཀྱིལ་འཁོར་གྱིས། །བགྲེས་རིམ་བཞིན་དུ་རང་དཀྱིལ་གྱིས། །བགོས་ཐོབ་རིམ་བརྩེགས་ལྷག་མ་མེད། །དྲག་གསུམ་དལ་བའི་རྟག་ལོངས་དང་། །ཞི་གཉིས་མྱུར་རྐང་ལོངས་སྤྱོད་དག །དྲག་རྐང་ཞི་བའི་དལ་ལོངས་ནི། །ཉིན་ཞག་ཉི་མའི་རྟག་ལོངས་སོ། །དེ་ཡང་ས་སྐྱེས་ཆུ་ཚོད་མིག །ཆུ་སྲང་ཟླ་མིག་དབུགས་ལག་དང་། །འདོད་ཆར་འཕྲོག་བྱེད་དཀྱིལ་འཁོར་ཆ། །འབྱུང་བ་དབང་པོ་འདོད་ལྡན་ནོ། །ཆུ་སྲང་མིག་ལག་དབུགས་འཁྲིག་པ། །འདོད་ཀླུ་དཀྱིལ་འཁོར་ཆ་ཤས་ལ། །མཁའ་ཐིག་བྲོ་བ་སྒྲ་མཁན་ཡིན། །སྲང་དགུ་འདོད་མིག་དཀྱིལ་འཁོར་ཆ། །དུས་མེ་མེ་ལག་ཉི་སྐྱེས་སོ། །དབྱུ་གུར་བཅོ་བརྒྱད་སྲང་རྒྱལ་བ། །དབུགས་འབྱུང་འདོད་རོ་དཀྱིལ་འཁོར་ཆ། །བུག་ཡིད་གདེངས་ཅན་ཟླ་བའི་སྲས། །ཆུ་ཚོད་རི་བོར་ཉིན་བྱེད་སྲང་། །དབུགས་མེ་འདོད་དབང་དཀྱིལ་འཁོར་ཆ། །མཁའ་འཁྲིག་མིག་ལག་ནབས་སོ་སྐྱེས། །མདོར་ན་དེ་རྣམས་གཟའ་ལྔ་ཡི། །ཉིན་ཞག་ཉི་མའི་ལོངས་སྤྱོད་དོ། །གཞན་ཡང་གཟའ་ལྔའི་ཁྱིམ་དཀྱིལ་ནི། །རང་རང་ཉི་དཀྱིལ་གནས་གཉིས་བཞག །འོག་མ་མེ་ཚེས་མིག་

― LT41_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་བསྒྱུར། །བུག་མཁའ་མིག་བུག་ཡིད་ཀྱིས་ཐོབ། །སྟེང་འཕྲི་འཕྲི་ལྷག་གཅིག་ཕབ་ནས། །རང་འཁོར་འགྱུར་ལ་འོག་མས་སྦྱང་། །དེ་ཡིས་སོ་སོའི་ཁྱིམ་དཀྱིལ་འབྱུང་། །དཔེར་ན་བཀྲ་ཤིས་ཁྱིམ་ཞག་ལ། །དྲུག་བརྒྱ་བདུན་ཅུ་དོན་བདུན་ཏེ། །ཆ་ཤས་ཆིག་ཁྲི་ཉིས་སྟོང་དང་། །དགུ་བརྒྱ་བདུན་ཅུ་དོན་དགུའོ། །ཀུན་ལ་དེ་ཡི་རིགས་པ་ཡིས། །རི་མོས་གཏན་ལ་འབེབས་དང་ཤེས། །དེ་ནས་ཞི་དྲག་རང་རང་གི། །ཁྱིམ་གྱི་ལོངས་སྤྱོད་འཚོལ་བ་ལ། །གཟའ་ལྔ་སོ་སོའི་ཁྱིམ་ཞག་རྣམས། །བུག་མཁའ་མིག་བུག་ཡིད་ཀྱིས་བསྒྱུར། །འོག་གི་ཆ་ཤས་སྟེང་དུ་བསྲེ། །དེ་རྣམས་སོ་སོའི་དགོད་བྱེད་དོ། །དཔེར་ན་བཀྲ་ཤིས་དགོད་བྱེད་ལ། །མིག་རི་མཚོ་སྐར་ཡུལ་ཕྱོགས་སོ། །བགོ་གཞི་མཁའ་མིག་རྒྱལ་པོ་ཡང་། །བུག་མཁའ་མིག་བུག་མ་ནུ་ཡིས། །ཤེད་མཉམ་བགྱིས་པས་མཁའ་ཀླུ་མདའ། །ཉེས་པ་རི་ཟླ་རྒྱལ་བ་སྟེ། །དྲག་པོ་གསུམ་གྱི་བགོ་གཞིའོ། །དེ་ཉིད་བརྒྱ་དང་བཅུས་བསྒྱུར་བས། །ལྷག་སངས་གཉིས་ཀྱི་བགོ་གཞི་འཆར། །ལག་ལེན་དངོས་ལ་སོ་སོ་ཡི། །བགོ་བྱ་དགོད་བྱེད་ཀྱིས་ཐོབ་དབྱུག །ལྷག་མ་སྲང་དབུགས་རང་ཆ་དང་། །རང་བཞིན་སྲིན་པོ་ཟླ་གཉེར་གྱིས། །བསྒྲེས་རིམ་བཞིན་དུ་བགོས་པས་དག །དེ་ཡང་མིག་དམར་དབྱུ་གུར་གཉིས། །ཆུ་སྲང་མེ་མིག་དབུགས་སུ་གསུམ། །རང་ཆ་གཟའ་ཐུབ་ཆ་ཤས་སུ། །ཆུ་རོ་འདོད་པའོ་ཕུར་བུ་ནི། །སྲང་དུ་མིག་ལག་

― LT41_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་རིག་བྱེད། །རང་ཆར་ཚེས་མིག་ཆ་ཤས་སུ། །མེ་རི་ནོར་ལྷ་སྲིན་པོའོ། །སྤེན་པ་ཆུ་སྲང་བུག་སྟེ། །རང་ཆར་རི་བོ་སྦྲུལ་གཟུགས་མདའ། །ཆ་ཤས་དུས་མཚོ་མཁའ་མིག་གོ། །ལྷག་པ་དབྱུག་སྐྱོན་སྲང་ཟླ་མཚོ། །རང་མར་འཁྲིག་བགྲོད་ལག་པ་མདའ། །ཆ་ཤས་དུས་བུག་རི་མཚོའོ། །པ་སངས་དབྱུ་གུར་དྲང་སྲོང་དང་། །སྲང་ཉེས་དབུགས་དབང་རང་ཆ་རུ། །རིག་བྱེད་མཚོ་སྦྱོར་ཆ་ཤས་ལ། །བུག་མཚོ་ཟུང་ལྡན་ཆུ་མཚོ་སྟེ། །ཁྱིམ་ཞག་དལ་མྱུར་ལོངས་སྤྱོད་དག །སླར་ཡང་ཚེས་ཞག་དཀྱིལ་འཁོར་ནི། །དྲག་གསུམ་ཉི་དཀྱིལ་གནས་གཉིས་བཞག །འོག་མ་ཐུབ་རི་ཟླ་བས་སྤེལ། །འབྱུང་འདོད་དྲག་ཐོབ་སྟེང་དུ་བཅུག །སྟེང་གཞུག་རང་རང་ཚེས་དཀྱིལ་འགྱུར། །མིག་དམར་ཚེས་དཀྱིལ་རི་བུག་དུས། །འབྱུང་འདོད་དྲག་ཆར་བུག་རྒྱལ་ཕྱོགས། །ཕུར་བུའི་ཚེས་དཀྱིལ་མཁའ་མཁའ་ཆུ། །ཆུ་གཏེར་འབྱུང་འདོད་དྲག་ཆ་ལ། །མཚོ་དབྱིག་དབང་པོ་བུ་གའོ། །སྤེན་པའི་ཚེས་དཀྱིལ་རི་མེ་བུག །ཕྱོགས་ཡིན་འབྱུང་འདོད་དྲག་ཆ་ལ། །རི་བུག་ཡིད་དོ་རང་རང་གི། །ཞག་གནས་འབྱུང་འདོད་དྲག་པོས་བསྒྱུར། །ཆ་བཅུག་སོ་སོའི་དགོད་བྱེད་ཡིན། །ཞི་གཉིས་རང་རང་ཉི་དཀྱིལ་ཉིད། །གནས་གཉིས་འོག་མ་ཐུབ་རི་ཟླས། །བསྒྲེས་ལ་འབྱུང་འདོད་དྲག་པོ་ཡི། །ཐོབ་ནོར་སྟེང་བསྲེ་དེ་དག་ཀྱང་། །བརྒྱ་དང་བཅུས་བཅད་ཚེས་དཀྱིལ་ཏེ། །ལྷག་པའི་ཚེས་དཀྱིལ་བུ་

― LT41_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ག་ཀླུ། །བརྒྱ་ཆར་དུས་མེ་འབྱུང་འདོད་དྲག །མཚོ་ཐིག་ཡོན་ཏན་བུ་གའོ། །པ་སངས་ཚེས་དཀྱིལ་ཀླུ་ལག་མིག །བཅུ་ཆར་ལག་པ་འབྱུང་འདོད་དང་། །དྲག་ཆར་མཚོ་བུག་རྩ་རིའོ། །སོ་སོའི་ཆོས་དཀྱིལ་རྗེས་འབྲངས་བཅས། །བརྒྱ་དང་བཅུས་སྤེལ་སླར་ཡང་དེ། །འབྱུང་འདོད་དྲག་པོས་བསྒྱུར་བ་ལ། །འོག་མ་དེས་ཐོབ་བར་དུ་གཞུག །དེ་ཡང་བརྒྱ་དང་བཅུས་ཐོབ་པ། །སྟེང་བསྲེ་ཞི་གཉིས་དགོད་བྱེད་འགྲུབ། །དེས་ན་སོ་སོའི་དགོད་བྱེད་ལ། །བཀྲ་ཤིས་རིག་བྱེད་ཆུ་བོ་དང་། །འདོད་རི་དྲང་སྲོང་ཐུབ་པའོ། །ཕུར་བུ་ཆུ་གཏེར་ཀླུ་དབང་མེ། །དབྱིངས་ཐིག་བུ་ག་རིག་བྱེད་དོ། །སྤེན་པ་བགྲོད་པ་གཟའ་གཏེར་མཚོ། །ནོར་ལྷ་རི་ཟླ་ཉིན་མོར་བྱེད། །ལྷག་པ་ཆུ་རོ་མི་བདག་གཟུགས། །འབྱུང་གཏེར་རྩ་དང་པ་ཝ་སངས། །མཚོ་དུས་མཁའ་སྐྱོན་མཚོ་དབང་ཟུང་། །ཡུལ་ལོངས་མཁའ་མིག་རྒྱལ་པོ་ཡང་། །འབྱུང་འདོད་དྲག་པོས་ཤེད་མཉམ་བྱས། །མཁའ་ཐིག་རི་ཀླུ་མེ་མཁའ་སྐྱོན། །དྲག་པོ་གསུམ་གྱི་བགོ་གཞིའོ། །དེ་ཉིད་བརྒྱ་དང་བཅུས་སྤེལ་བ། །ལྷག་སངས་གཉིས་ཀྱི་བགོ་གཞི་འཆར། །ཞི་དྲག་སོ་སོའི་བགོ་གཞི་ལ། །རང་རང་དགོད་བྱེད་ཀྱིས་ཐོབ་དབྱུག །ལྷག་མ་སྲང་དབུགས་རང་ཆ་དང་། །ཉི་འདོད་ཟླ་བས་བསྒྲེས་རིམ་བཞིན། །བགོས་ཐོབ་རིམ་བརྩེགས་རྣམ་པར་དག །མིག་དམར་དབྱུག་གཉིས་སྲང་བུག་གཟུགས། །དབུགས་གཅིག་རང་

― LT41_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་རྩེ་མོ་ཡིད། །ཡང་ཆ་ཟུང་ལྡན་མཁའ་མེ་ལག །ཕུར་བུ་ཆུ་སྲང་ལག་པ་མིག །ལུགས་གཅིག་རང་ཆ་རི་ཀླུ་གཟུགས། །ཡང་ཆར་སོ་མིག་བྲོ་བའོ། །སྤེན་པ་སྲང་བརྒྱད་དབུགས་དབང་པོ། །རང་ཆ་ཀླུ་རྩེ་རི་བོ་ཟླ། །ཡང་ཆར་དུས་མདའ་ཆུ་གཏེར་མེ། །ལྷག་པ་དབྱུག་སྐྱོན་སྲང་དུ་རི། །དབུགས་ཡོན་རང་ཆ་དུས་མེ་ཐིག །ཐུབ་པའོ་ཡང་ཆར་ཀླུ་མཚམས་དྲག །པ་སངས་དབྱུག་རི་སྲང་དབང་པོ། །དབུགས་བཞི་རང་ཆར་དུས་མེ་མཚམས། །ཡང་ཆར་བྲོ་བ་ཟླ་མཚོའོ། །དེ་ཡིས་དྲག་གསུམ་དལ་བ་དང་། །ཞི་གཉིས་མྱུར་བའི་རྐང་འཛིན་གྱི། །ཚེས་ཞག་རྟག་ལོངས་རྣམ་པར་དག །སོ་སོའི་དཀྱིལ་འཁོར་རང་ཆ་ནི། །མིག་དམར་སུམ་ཆ་བུག་མིག་ལག །ལྷ་ཡི་བླ་མའི་བཅུ་གཉིས་ཆ། །གཟུགས་དུས་མེའོ་ཉི་མའི་བུའི། །ཕྱེད་ཆ་མེ་ཀླུ་མེ་མདའ་སྟེ། །ཟླ་བུ་རི་བུག་རི་ཀླུའོ། །པ་སངས་སུམ་ཆ་ཕུག་མཚོ་རི། །འདིས་ནི་ཁྱིམ་ཚེས་གཉི་གར་བཏུབ། །ཅེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། ཞག་གསུམ་རྣམ་པར་དབྱེ་བའི་སྐབས་ཏེ་ལྔ་པའོ། །མཁྱེན་དཔྱོད་ཟེགས་མ་གཅིག་གིས་ལམ་གསུམ་གྱི། །དྲི་མ་ཀུན་བཀྲུ་དབྱངས་ཅན་དགའ་བའི་ཀླུང་། །ཚད་མེད་ཐུགས་རྗེའི་ཤུགས་ཀྱིས་ཐོས་མང་གི། །རལ་པའི་ནགས་སུ་འཁོར་བ་སྲིད་དུ་འབབས། །ལྔ་བསྡུས་གཟའ་ལྔ་སྒྲ་གཅན་

― LT41_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །ཚེགས་མེད་བདེ་བླག་བྱ་བའི་ཕྱིར། །མགྱོགས་རྩིས་རེ་མིག་འཛིན་ཚུལ་དང་། །དེ་ཉིད་ཇི་ལྟར་འགོད་པ་བཤད། །ཐོག་མར་སྤྱི་ནོར་གཅིག་མ་ནི། །དབོ་ཟླའི་སྨད་དམ་ནག་ཟླ་ལ། །ཉི་མ་དག་པའི་སྐར་གནས་སུ། །ཐིག་ཤར་ཞག་གསུམ་སོང་བའམ། །དེ་དུས་སྐོར་གྱི་ཉི་བར་དེ། །ཚེས་གཅིག་རྟགས་ལོངས་ལས་ཉུང་ན། །ཉི་མའི་སྤྱི་ནོར་རགས་པ་ཡིན། །དེ་ཚེ་ཚེས་དེའི་གཟའི་རྟག་ལོངས། །གཟའ་དྷྲུར་བྱིན་པས་གཟའ་ནོར་རགས། །ཤིན་ཏུ་ཕྲ་བའི་སྤྱི་ནོར་རམ། །ཁྱིམ་དྲུག་སྤྱི་ནོར་བཙལ་འདོད་ན། །ཉི་མའི་སྤྱི་ནོར་རགས་པ་དེ། །གནས་གསུམ་བཞག་ལ་གཟུགས་ཆུ་དུས། །སོ་སོར་བསྒྱུར་ལ་རང་འཁོར་དྲིལ། །སྟེང་མ་འབྱུང་མེ་ཟླ་བས་བགོ། །ཐོབ་སྐར་ལྷག་མ་མཁའ་རོ་དང་། །མཁའ་དུས་བྲོ་བ་འདོད་པས་བསྒྱུར། །འདི་དགོངས་སྒྲིལ་ལ་ཀླུ་མེས་བསྒྱུར། མཆན། སྐབས་སུ་རང་རང་ཆ་རྣམས་བཅུག །རེ་རེ་ལ་ཡང་འབྱུང་མེ་ཟླས། །བགོས་ཐོབ་ཆུ་ཚོད་ལ་སོགས་ཡིན། །གཟའ་ཉིའི་སྤྱི་རགས་གླིང་དྲུག་བཀོད། །གླིང་རེར་ཁྱིམ་གཉིས་མིང་བྲིས་ལ། །སྤྱི་རགས་གཟའ་ཉི་གཉིས་ཀ་ལ། །ལུག་དང་བུ་མོར་ཟླ་འབྲས་དབྲི། །སྲང་དང་ཉ་ལ་ནོར་དུ་སྦྱིན། །ཆུ་འབྲས་གླང་དང་སེང་གེར་འཕྲི། །སྡིག་བུམ་གཉིས་ལ་དབུལ་བར་བྱ། །དུས་འབྲས་འཁྲིག་པ་ཀརྚར་དམན། །གཞུ་དེང་ཆུ་སྲིན་གཉིས་ལ་སྟེར། །དེ་ཡིས་ཁྱིམ་དྲུག་སྤྱི་ནོར་དག །དེ་ནས་རེའུ་

― LT41_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་འཛིན་པའི་ཚུལ། །ཟླ་བ་དེ་ཡི་དྷྲུ་བ་ལ། །གང་རྩིས་རྟག་ལོངས་བྱིན་པ་ཡི། །ཉི་མ་བར་པ་དེ་ལ་ནི། །ཉི་མའི་སྤྱི་ནོར་རགས་པས་སྦྱང་། །དེ་ཉིད་ཉི་མ་ཕྱེད་དག་དང་། །མཐུན་ཚེ་ཚེས་མཚམས་རྙེད་པ་ཡིན། །དེ་ནས་དེ་ཉིན་ནས་བཟུང་སྟེ། །བར་འོག་བསྐལ་པའི་རེའུ་མིག་རྣམས། །མ་འདྲེས་རིམ་པར་བཀོད་པ་ལ། །རེའུ་མིག་སྤྱི་ནོར་གཉིས་ཀ་ལ། །ལུག་སོགས་ཁ་བྱང་ཡོད་པ་ལྟར། །ཁྱིམ་དང་མཐུན་པའི་སྤྱི་ནོར་སྟེར། །རང་རང་འཁོར་ལོ་ལོངས་ན་དྲིལ། །དེ་ཡིས་གཟའ་ཕྱེད་ཉི་དག་འགྲུབ། །རིལ་པོར་ཚེས་བསྲེ་ཆུ་ཟླས་བགོ། །རྙེད་པ་མཉམ་མམ་མི་མཉམ་བརྟག །ལྷག་མས་རེའུ་མིག་བྱ་ར་དང་། །ཆ་ཤས་གྲངས་ཀྱིས་ཆ་ཤས་ཀྱི། །རེའུ་མིག་བཟུང་ལ་གཟའ་ཕྱེད་ཀྱི། །ལོངས་སྤྱོད་མན་ལ་རྙེད་མཉམ་སྦྱིན། །མི་མཉམ་དབྲི་བས་གཟའ་ཉིད་དག །དེ་ཡང་དམར་ནག་འཁོར་མའི་སྐབས། །ཆ་ཤས་རིལ་པོ་མདོག་མཐུན་བཟུང་། །ཟླ་སྐར་སྦྱོར་བ་སྤྱི་དང་མཚུངས། །བྱེད་པ་ཚེས་ཀྱི་རེའུ་མིག་འཛིན། །དེ་ནས་གཟའ་ལྔའི་མྱུར་བའི་རྩིས། །ཉིན་ཞག་ལ་ནི་འདི་ལྟ་སྟེ། །སྔར་གྱི་གཟའ་ལྔ་རྩ་སྒྲུབ་ཀྱི། །མ་བསྲེས་སྤྱི་ཞག་གནས་གསུམ་གར། །བཅོ་ལྔ་རེ་སྦྱིན་འཁོར་ལོས་དྲིལ། །ཆུ་རོས་ཐོབ་པས་སྟེང་སྦྱང་ཚེ། །སྦྱངས་དེའི་རྟགས་སུ་མཚལ་མ་བྱ། །གནམ་ལོ་གཅིག་གི་ཉ་དང་སྟོང་། །དེ་རིམ་བཞིན་དུ་སྟེང་བཀོད་ནས། །དེ་འོག་གཟའ་ལྔའི་སྒོས་ཞག་བརྩེགས། །

― LT41_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོས་ཞག་སྔ་མ་ཕྱི་མ་ལ། །འཕོ་བའི་ཕྱིར་དུའང་བཅོ་ལྔ་རེ། །སྦྱིན་ཡང་སྤྱི་ཞག་མཚལ་ཅན་སྐབས། །བཅུ་བཞི་སྦྱིན་པས་དེ་ཉིད་འགྲུབ། །དེ་ཡང་ལྷག་པར་བརྒྱ་དང་ནི། །པ་ཝ་སངས་ལ་བཅུས་བསྒྱུར་སྦྱིན། །དཔེར་ན་ལྷག་པར་སྟོང་ལྔ་བརྒྱ། །ཡང་ན་སྟོང་དང་བཞི་བརྒྱའོ། །ཀུན་ཀྱང་ཆས་ཐོབ་དོར་བར་ངེས། །གཞན་ཡང་ཉིན་ཞག་ཉི་དྷྲུ་ནི། །སྔ་མར་ཉིན་ཞག་སུམ་ཅུ་ཡི། །རྟག་ལོངས་ཕྱིན་པས་ཕྱི་རིམ་འཆར། །འོན་ཀྱང་སྦྱིན་ཉིན་སྤྱི་ཞག་གམ། །སྔོན་མའི་བཅོ་ལྔའི་སྤྱི་ཞག་ལའང་། །མཚལ་མ་ཡིན་ན་ཉེར་དགུ་ཡི། །ཉིན་ཞག་རྟག་ལོངས་སྦྱིན་པས་འགྲུབ། །དེ་ནས་ཉིན་ཞག་སྤྱི་ནོར་ནི། །ནག་ཟླའི་སྟོད་དམ་དབོ་ཟླ་ཡི། །སྨད་ཀྱི་དུས་ལའང་ཟིན་པ་སྟེ། །ཉི་དྷྲུར་ཉིན་ཁོངས་བྱིན་པ་ཡི། །ཉིན་ཞག་ཉི་མ་བར་པ་དེ། །ཉི་མའི་ཞག་གཅིག་ལོངས་སྤྱོད་ལས། །ཉུང་ན་དེ་ཉིད་སྤྱི་ནོར་སྦྱིན། །ཚེས་ཉི་ལོངས་སྤྱོད་ཁྱད་པར་ལས། །ལག་ལེན་གཞན་རྣམས་ཁྱད་པར་མེད། །སྤྱི་ནོར་ཟླ་ཡོན་ཟླ་བས་བགོ། །ཐོབ་ནོར་སྟེང་དུ་ཚར་གསུམ་དང་། །འོག་ཏུ་ཡང་ནི་ཚར་གསུམ་བཞག །སྟེང་གསུམ་ཕྱོགས་གཟའ་ཡོན་ཏན་དང་། །འོག་གསུམ་དབང་མཚོ་ཟླ་བས་བསྒྱུར། །རང་འཁོར་གྱིས་སྒྲིབ་རྐང་ལོངས་སོ། །དེ་ནས་སྤྱི་ནོར་ཚར་དྲུག་དང་། །འོག་ཏུ་ཡང་ནི་ཚར་དྲུག་བཞག །དང་པོ་ཕྱོགས་འབྲས་ཀྱིས་བརྒྱན་ཏེ། །གཉིས་པ་ཕྱོགས་ཀྱི་འབྲས་བུས་འཕྲི། །གསུམ་

― LT41_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བཞི་པར་གཟའ་འབྲས་དང་། །ལྔ་པ་དྲུག་པ་ལོན་འབྲས་ཀྱིས། །སྔ་མ་བརྒྱན་ཅིང་ཕྱི་མ་དབྲི། །དེ་བཞིན་འོག་མའི་གནས་རྣམས་ཀྱང་། །དང་པོར་དབང་སྦྱིན་གཉིས་པར་འཕྲི། །གསུམ་པར་མཚོ་སྦྱིན་བཞི་པར་འཕྲི། །ལྔ་པར་ཟླ་སྟེར་དྲུག་པར་འཕྲི། །ཕྱོགས་ཀྱི་ནོར་དང་བུ་ལོན་ཅེས། །ཀུན་ལ་དེ་ལྟའི་ཁ་བྱང་འདེབས། །སྟེང་དྲུག་ལྷག་པ་འོག་མ་དྲུག །པ་སངས་སྤྱི་ནོར་རྣམ་པར་དག །དེ་ནས་རེའུ་མིག་གཟུང་བ་ནི། །ཚེས་གྲངས་གང་བརྩི་དེ་ཉིན་གྱི། །ཉིན་ཞག་ཉི་མ་བར་པ་དེ། །ཉིན་ཞག་སྤྱི་ནོར་རགས་པས་འཕྲི། །རེའུ་མིག་སྟེང་མ་གང་མཐུན་བཟུང་། །དེར་སླར་ཉི་མའི་སྤྱི་ནོར་བྱིན། །དྲག་གསུམ་རྐང་འཛིན་ཉི་བར་འགྱུར། །དེ་ཡི་བར་འོག་རེའུ་མིག་ལ། །སྤྱི་ནོར་ཁྱིམ་མཐུན་མ་ནོར་བྱིན། །དེ་ཡིས་ལྷག་སངས་དལ་བ་དག །དྲག་གསུམ་དལ་བ་དག་པ་ནི། །རྒྱས་པ་རང་རང་སྒོས་ཞག་གི། །སྒོས་ཞག་དང་བྱ་ར་བསྟུན། །གྲངས་དང་མཐུན་པའི་རེའུ་མིག་འཛིན། །འབྲིང་པོ་གྲངས་དང་མ་མཐུན་ན། །གྲངས་མཐུན་ཉུང་བ་གང་ཉེ་བཟུང་། །དེ་ལ་ཐོ་ཡིག་དང་མཐུན་དེའང་། །གཅིག་གཉིས་ཁྱད་ལ་དཔག་པ་ཡི། །ཞག་རྩིས་རེའུ་མིག་བྱིན་པས་འགྲུབ། །དེ་ནས་ལྷག་སངས་གཉིས་པོ་ཡི། །མྱུར་བ་བར་པ་འཛིན་ཚུལ་ནི། །རྒྱས་པ་སྒོས་ཞག་གྲངས་ཀྱིས་འཛིན། །དེ་མིན་བསྡུས་པ་འཛིན་པ་ན། །རང་རང་སྒོས་ཀྱི་ཞག་གང་ཡོད། །ལྷག་པ་བརྒྱ་དང་པ་སངས་བཅུས། །

― LT41_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་པས་རྐང་འཛིན་ལྷག་མ་ཡིས། །སྤྱི་ནོར་རེའུ་མིག་བཟུང་ནས་ནི། །དེ་གཉིས་བསྲེས་པས་རྣམ་དག་འགྲུབ། །དེ་ནས་ཀུན་གྱི་མྱུར་དག་ནི། །དལ་བ་དག་པས་རྐང་འཛིན་སྦྱོང་། །མ་ལྡང་འཁོར་ལོ་བསྣན་ནས་སྦྱངས། །སྦྱངས་ཤུལ་འཁོར་ཕྱེད་ལྷག་ན་དོར། །དུས་འདིར་འགྲོས་བཞི་བརྟག་པར་བྱ། །ལྷག་མའི་སྐར་གནས་མཁའ་རོས་བསྐྱུར། །ཆུ་ཚོད་བཅུག་དེས་རེའུ་མིག་འཛིན། །མ་དོར་རིམ་པའི་བྱ་ར་དང་། །དོར་ན་རིམ་མིན་བྱ་ར་འཛིན། །དེ་ཉིད་དལ་བ་དག་པ་ལ། །རིམ་བསྣོན་རིམ་མིན་འཕྲི་བ་ཡིས། །རང་རང་མྱུར་བ་དག་པར་འགྱུར། ༈ །སྒྲ་གཅན་རེའུ་མིག་གཟུང་བའི་ཕྱིར། །ཟླ་བ་དག་པ་རང་བཞིན་སྦྱོན། །བྱིན་ལ་མཁའ་མེ་ལག་པས་བགོ། །སྟེང་འོག་ཉ་སྟོང་རྣམ་པར་དག །དེ་ལ་ཚེས་ཟིན་རེའུ་མིག་བྱིན། །དེ་ཡི་ཉིན་རེས་རྩིས་ཀྱང་འགྲུབ། ༈ །བྱེད་པ་ལོ་འཕོའི་རེའུ་མིག་ནི། །འཛིན་ན་ཡོངས་འཛིན་འདས་པའི་ལོར། །མེ་མཁའ་གཟུགས་བྱིན་རི་ཟླ་མེས། །དོར་བའི་ལྷག་གིས་བྱ་ར་གཟུང་། །དེ་ནས་དེ་དག་རྣམས་ཀྱི་ནི། །སོ་སོའི་རེའུ་མིག་སྤེལ་བའི་ཐབས། །བུམ་བཟང་གཞུང་ནས་བཤད་ལྟར་བྱ། །ཞེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། མགྱོགས་རྩིས་ཀྱི་སྐབས་ཏེ་དྲུག་པའོ། །སྟོང་ཆེན་མུན་པར་ཉི་ཟླའི་འགྲོས་

― LT41_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིམ་པས། །འོད་གསལ་ཐིག་ལེ་ནཱ་དའི་སྒྲ་དབྱངས་ཅན། །རྡུལ་དང་བྲལ་བའི་ལི་ཁྲིའི་བླ་གོས་དང་། །གཙུག་ལག་ནོར་བུའི་ཕྲེང་བ་འཛིན་དེ་བསྔགས། །རྡོ་རྗེའི་ལུས་ཀྱི་རྟེན་འབྲེལ་ལས། །ཉི་ཟླར་སྒྲ་གཅན་འཇུག་པ་མཐོང་། །ཟབ་དོན་ཕྱི་ནང་སྦྱོར་བའི་ཚུལ། །ཤེས་ན་གནང་མི་རྨོངས་ཀྱང་། །འདིར་ནི་བསྡུས་པ་ལ་དགའ་བས། །ལག་ཏུ་བླང་བྱ་ཁོ་ན་འཆད། །དེ་ཡང་འཇམ་དབྱངས་མཚུར་ཕུ་པའི། །མན་ངག་གནད་ཀྱི་གཟེར་བདུན་ནི། །འཛིན་ཚུལ་ཆེ་ཆུང་ཡུལ་དུས་ཕྱོགས། ཁ་དོག་འབྲས་བུ་བཅས་པས་བརྟག །དེ་ལ་ཐོག་མར་ཏི་འཛིན་ནི། །ཟླ་བ་གཉིས་ལ་དུས་གཅིག་འགྱུར། །དུས་གསུམ་རྫོགས་དང་ཉི་རྐང་ནི། །རྟེན་འབྲེལ་རེག་པ་ལ་ཞུགས་པའི། །སྐར་ནག་ཚིགས་མཚམས་འཛིན་མོད་ཀྱང་། །ཉི་འཛིན་ཤིན་ཏུ་རྟོགས་དཀའ་བས། །བསླུ་མེད་མྱོང་གྲུབ་རི་མོ་ལས། །ཞིབ་མོའི་བློ་ཡིས་གཏན་དབབ་བྱ། །ཉི་མ་དག་པ་གནས་གཉིས་བཀོད། །གཅིག་དང་སྒྲ་གཅན་འདས་པ་བསྲེ། །གཅིག་དང་གདོང་མཇུག་གང་མང་བ། །ཉུང་གིས་སྦྱངས་ལ་ལྷག་མར་བརྟག །གདོང་གིས་ཉི་མ་སྦྱངས་པ་ན། །སྐར་མའི་གྲངས་གནས་ཐིག་ལེས་འཛིན། །དབྱུ་གུ་བཞི་བཅུ་མན་ཆད་འཛིན། །ཉི་མས་གདོང་སྦྱངས་ལྔ་མན་འཛིན། །ཉི་མས་མཇུག་སྦྱངས་བཞི་བཅུ་མན། །མཇུག་མས་ཉི་སྦྱངས་བརྒྱད་མན་འཛིན། །བྱེད་རྩིས་ལ་ནི་བཅུ་མན་འཛིན། །དེ་

― LT41_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སྦྱངས་ལྷག་གང་ཡོད་དེས། །འདས་པ་བསྲིས་པའི་ཉི་དག་ལ། །གདོང་ལ་འཕྲི་ཞིང་མཇུག་མར་བསྣན། །ཡས་རིམ་བཞིན་དུ་རང་འཁོར་དྲིལ། །འཁོར་ལོ་ཕྱེད་ལྷག་དེ་ཡང་དོར། །ཐིག་ལེ་བཞི་ཤར་ངེས་པར་འཛིན། །གསུམ་བཞི་སྟོང་ཡང་འཛིན་པར་འགྱུར། །མཇུག་འཛིན་མཇུག་མ་ཉུང་བ་དང་། །གདོང་འཛིན་ཉི་མ་ཉུང་བ་ན། །གདོང་མཇུག་གོ་ལོག་འཛིན་པ་དཀའ། །འོན་ཀྱང་རང་ལུགས་གྲུབ་རྩིས་གཉིས། །བྱེད་རྩིས་དང་བཅས་མཐུན་པའམ། །ཉི་རྐང་གཟུགས་ལ་སྤྱོད་པའི་ཚེ། །གཅིག་མི་མཐུན་ཀྱང་འཛིན་པ་ནི། །གསང་བའི་མན་ངག་ཡིན་ཅེས་གསུངས། །ཆ་ནི་སྦྱངས་ལྷག་ཆུ་ཚོད་ལ། །ལྔས་བགོས་ཐོབ་ནོར་ཐིག་གཅིག་གཉིས། །བྱུང་ན་རིལ་འཛིན་གསུམ་བྱུང་ན། །བརྒྱད་ཆ་བདུན་འཛིན་བཞི་ཐོབ་ན། །དྲུག་ཆའི་ལྔ་འཛིན་དབང་ཐོབ་ཕྱེད། །དྲུག་འཐོབ་དྲུག་ཆ་གཅིག་འཛིན་ལ། །བརྒྱད་ཐོབ་བརྒྱད་ཆ་གཅིག་འཛིན་འགྱུར། །ཉི་འཛིན་གོ་ལོག་འཆར་བའི་ཚེ། །གོ་ལོག་འཛིན་ཚད་བཅུ་བརྒྱད་ལྔའི། །རང་གྲངས་ཕྱེད་བྱུང་ཕྱེད་འཛིན་དང་། །ཐིག་བཞི་ཧྲིལ་འཛིན་བཤད་ན་ཡང་། །གོ་ཡོག་འཛིན་པའང་སྲིད་དཀའ་ན། །གོ་ལོག་ཧྲིལ་འཛིན་མི་སྲིད་ཅིང་། །ཁྱད་པར་གདོང་ལོག་མི་འཛིན་ཟེར། །ཡང་ན་སྦྱངས་ལྷག་ཆུ་ཚོད་དེས། །མཁའ་རོར་འཕྲི་ལྷག་དབང་པོས་བགོ། །ཐོབ་ཀྱིས་བཅུ་གཉིས་ཆར་དབྱེ་བའི། །ཆ་ཡི་གྲངས་དང་

― LT41_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུན་ཀྱང་སྟོན། །དེ་ཡང་མདས་ཐོབ་བཅུ་གཉིས་སམ། །བཅུ་གཅིག་གིས་ཀྱང་རིལ་པར་འཛིན། །གཞན་ནི་རིག་པས་དཔག་པར་གྱིས། །གོ་ལྡོག་ཡིན་ཚེ་སྦྱངས་ལྷག་དེ། །གདོང་ལ་མདའ་དང་མཇུག་མ་ཆུས། །བསྒྱུར་ནས་དེ་ཡིས་མཁའ་རོར་འཕྲི། །ལྷག་མ་འདས་ཐོབ་གྲངས་ཀྱིས་ཤེས། །ཡུན་ནི་སྦྱངས་ལྷག་ཆུ་ཚོད་དུ། །བདུན་ཚུན་བྱུང་ན་བཅུ་སྦྱིན་ཅིང་། །དེ་ལས་མང་ན་ལྔ་སྦྱིན་ཅིང་། །དྲུག་ཅུར་འཕྲི་ལྷག་ཉི་མས་བསྒྱུར། །དྲུག་ཅུས་བགོས་ནས་གང་རྙེད་པ། །ཇི་ཙམ་འཛིན་ཡུན་ཆུ་ཚོད་གྲངས། །ཆ་ཡང་ཐོབ་ནོར་དེས་ཤེས་ཏེ། །རེ་རེས་བཅུ་གཉིས་ཆ་རེ་འཛིན། །དུས་ནི་ཟླ་བའི་སྐབས་དང་མཚུངས། །ཕྱོགས་ནི་གདོང་མཇུག་གང་རུང་གིས། །ཉི་དག་ལ་ནི་སྦྱངས་པ་ན། །གུང་ལ་ལྷོ་ནུབ་ཕྱེད་གོང་དུ། །ལྷོར་ཉེ་ཕྱེད་འོག་ནུབ་ནས་འཛིན། །གདོང་ལ་ཉི་མས་སྦྱངས་པའི་ཚེ། །ཉི་མས་མཇུག་སྦྱངས་དང་གཅིག་པར་བྱས་པའང་སྣང་། །ཉི་མ་ཕྱེད་དུས་ནུབ་བྱང་མཚམས། །ཕྱེད་གོང་བྱང་ཉེ་ཕྱེད་འོག་ཏུ། །ནུབ་དང་ཉེ་བའི་ཕྱོགས་ནས་འཛིན། །ཉི་མས་མཇུག་སྦྱངས་ཉིན་ཕྱེད་ལ། །ནུབ་བྱད་ནས་འཛིན་ཕྱེད་གོང་ནུབ། །ཕྱེད་འོག་བྱང་ཉེའི་ཕྱོགས་ནས་འཛིན། །གཉིས་ཀ་མཉམ་ན་ནུབ་ནས་འཛིན། ཁ་དོག་དུམ་འཛིན་སྔོ་ནག་དང་། །ཕྱེད་འཛིན་དམར་ནག་རིལ་འཛིན་ལ། །ཟངས་ཁོག་མདོག་ལྟར་སྣང་བར་འགྱུར། །སྐར་མ་མགོ་ལག་སྟེང་བཟུང་ན། །ནམ་མཁའི་མདོག་

― LT41_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་སྣང་བ་ཡིན། །དེ་ནས་ཟླ་འཛིན་ཆོ་ག་ནི། །ཟླ་དྲུག་ཟླ་དྲུག་མཚམས་སུ་བརྟག །བཅོ་ལྔའི་ཚེས་འཁྱུད་ཟླ་སྐར་དང་། །སྒྲ་གཅན་གདོང་མཇུག་གང་རུང་ཞིག །སྐར་མ་གཅིག་ལ་གནས་པའམ། །གཅིག་ཁྱད་འདུག་ཀྱང་བརྟག་པར་བྱ། །གང་མང་བ་ལ་ཉུང་གིས་འཕྲི། །སྐར་ཐིག་དབྱུ་གུ་ལྔ་བཅུ་མན། །བྱུང་ན་ངེས་པར་འཛིན་པས་བརྟག ༈ །ཆེ་ཆུང་ཉི་ཤུ་བྱིན་རིལ་འཛིན། །ཉེར་ལྔ་ལུས་ན་དྲུག་ཆ་ལྷག །སུམ་ཅུ་ལུས་ན་སུམ་ཆ་ལྷག །སོ་ལྔ་ལུས་ན་ཕྱེད་ཆ་ལྷག །བཞི་བཅུ་ལུས་ན་སུམ་གཉིས་ལྷག །ཞེ་ལྔ་ལུས་ན་དྲུག་ཆ་འཛིན། །ལྔ་བཅུ་ལ་ནི་ལྔ་ཆའོ། །ལྔ་ཆ་དང་ནི་དྲུག་ཆ་ཡང་། །མཐོང་བར་དཀའ་ཕྱིར་ཟོན་འཚལ་ལོ། ༈ །ཡུན་ནི་སྦྱངས་ལྷག་ཆུ་ཚོད་དེས། །མཁའ་རོ་སྦྱངས་པའི་ལྷག་མ་ལ། །ལྔས་ཐོབ་སྒྲིབ་ཡུན་ཆུ་ཚོད་དོ། ༈། དུས་ནི་གཟའ་ཚེས་ལོངས་སྤྱོད་ལ། །ཉིན་ཚད་དག་གིས་སྦྱངས་པ་ཡི། །ལྷག་དེ་མུན་རུ་གནས་བཟུང་སྟེ། །འཛིན་པའི་བར་གྱི་ཆུ་ཚོད་གྲངས། །འོན་ཏེ་ཚེས་ལོངས་ཉུང་བའི་ཕྱིར། །སྦྱང་མ་ལྡང་ན་དེ་ཉིན་འཛིན། །དེ་ལ་འཛིན་ཡུན་བསྣན་པས་ཀྱང་། །མ་ལྡང་ན་ནི་མི་མཐོང་འགྱུར། ༈ །ཕྱོགས་ནི་ཟླ་བས་གདོང་སྦྱངས་སམ། །མཇུག་མས་ཟླ་བར་སྦྱངས་བ་ན། །ནམ་ཕྱེད་ཡིན་ན་བྱང་ཤར་ནས། །ནམ་སྟོད་བྱང་ཤར་བྱང་ཉེ་དང་། །ནམ་སྨད་བྱང་ཤར་ཤར་ཉེར་

― LT41_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན། །གདོང་གིས་ཟླ་བ་སྦྱངས་པའམ། །ཟླ་བས་མཇུག་མ་སྦྱངས་པ་ན། །ནམ་ཕྱེད་ཡིན་ན་ཤར་ལྷོ་ནས། །ཕྱེད་གོང་ཤར་ལྷོ་ཤར་ལ་ཉེ། །ཕྱེད་འོག་ཤར་ལྷོ་ལྷོ་ལ་ཉེ། །གཉིས་ཀ་མཉམ་ན་ནམ་གུང་ཤར། །ཕྱེད་གོང་བྱང་ཤར་ཕྱེད་འོག་ན། །ཤར་ལྷོ་མཚམས་ནས་འཛིན་པར་འགྱུར། ༈ །ཁ་དོག་མཇུག་མར་དམར་སྐྱ་དང་། །གདོང་ལ་དམར་ནག་ཆུང་འཛིན་ནག །ཕྱེད་འཛིན་དམར་ནག་རིལ་འཛིན་ནི། །ལྕགས་བསྲེགས་ཐོག་མཐར་དུ་བ་འདྲ། །རྒྱུ་སྐར་མགོ་ལག་སྣར་མ་སྔོ། །ལར་ནི་ཤར་ནུབ་ས་ཡི་ཁྱོན། །ཟླ་བའི་འགྲོས་རྣམས་བརྟག་པར་བྱ། །འགྲོས་ནི་བྱང་བགྲོད་མཐར་ཐུག་ཚེ། །འཆར་བ་སྔ་ཞིང་ནུབ་པ་ཕྱི། །ལྷོ་བགྲོད་ཤར་ཕྱི་ནུབ་སྔ་ཟེར། ༈ །ཉི་ཟླ་གཉིས་ཀར་ཤེས་དགོས་པ། །གྲུབ་པའི་ཉ་སྟོད་ཚེས་ཆད་ན། །དེ་ཚེ་ཟླ་ཉི་མི་འཛིན་ཏོ། །ཟླ་ཉི་འཛིན་པའི་དུས་ཚོད་ཀྱང་། །གྲུབ་པའི་ཚེས་ལོངས་ཟད་མཚམས་བརྟག །དེ་ཡང་འདི་དང་གཞན་དུ་ཡང་། །བྱེད་པས་ཚེས་མཚམས་མི་རྟོགས་པས། །ངེས་སྟེར་ཅི་རིགས་བཤད་ན་ཡང་། །རང་བྱུང་ཞབས་ཀྱིས་རྩིས་བསྡུས་ལས། །ཚེས་ཀྱི་འཕོ་མཚམས་ངེས་པ་ནི། །དབྱར་དགུན་མཐར་ཐུག་བཅུ་དང་ཕྱེད། །སྣང་མུན་མཉམ་ལ་མདའ་བཞི་ཆ། །སྟོན་དཔྱིད་ར་ཐ་ཐུབ་པ་སྟེ། །དབྱར་དགུན་ར་ཐ་བརྒྱད་བཞི་གསུམ། །རེས་ཀྱི་གཟའ་ཡི་ཆུ་ཚོད་དུ། །བྱིན་བས་ནམ་ལངས་ནས་བཟུང་སྟེ། །

― LT41_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་པའི་དུས་སུ་འཛིན་པར་གསུངས། །གཞན་ཡང་ཉི་ཟླ་འཛིན་དུས་ཁྱད། །གཞན་དང་གཞན་གྱི་འདོད་པ་དང་། །འབྲས་རྩིས་ལྟས་ཀྱི་སྤྲོས་པ་སོགས། །ཞིབ་པར་བུམ་བཟང་གཞུང་དུ་གསལ། ༈ །དེ་ནས་དེ་ཡི་ལེགས་ཉེས་འབྲས། །རྩིས་གཞི་ཀུན་ལྡན་མར་བཤད་པ། །ཉི་མའི་རེས་ལ་གཟས་བཟུང་ན། །ཐན་པ་ཆེ་ཞིང་རྩི་ཤིང་སྐམ། །མུ་གེས་ཡུལ་བརླག་རྒྱལ་པོ་ཉམས། །ཟླ་བ་ཆར་ཆེ་འབྲུ་བཅུད་རྒྱས། །ནད་མེད་སྦྲུམ་མ་བདེ་བར་བཙའ། །མིག་དམར་འཁྲུགས་པས་ཡུལ་ཀུན་ཉམས། །ཁྱད་པར་དམག་དཔོན་དག་ལ་ངན། །ལྷག་པ་འགྲོ་རྣམས་ཕན་ཚུན་བྱམས། །ཆར་བ་རན་པས་འབྲུ་ཡང་བཟང་། །ཕུར་བུ་ཡོན་ཏན་འཕེལ་བ་དང་། །ཆོས་དང་མཐུན་པའི་བྱ་བ་འགྲུབ། །འོན་ཏེ་སད་སེར་འབབ་ཉེན་ཡོད། །པ་སངས་དམ་པས་བསྔགས་པ་དང་། །ལོ་ཏོག་འཕེལ་ཞིང་མི་རྣམས་སྐྱིད། །སྤེན་པ་རླུང་ལྡང་ཆར་ཡང་དཀོན། །དུས་མིན་ནད་དང་འཁྲུགས་པ་འབྱུང་། །བྲ་ཉེ་སྨིན་དྲུག་རྒྱལ་དང་མཆུ། །གྲེ་དང་ས་ག་ཁྲུམས་སྟོད་བདུན། །དེ་ལ་ཉི་ཟླ་གཟས་བཟུང་ན། །གྲོང་ཁྱེར་ནགས་ཚལ་མེ་ཡིས་འཚིག། མཁྲིས་པའི་ནད་དང་མུ་གེ་འབྱུང་། །མི་རྣམས་ཕལ་ཆེར་འཆི་བར་འགྱུར། །བཞོན་མ་རྣམས་ནི་འོ་མ་སྐམ། །འགོ་བའི་རིམས་ནད་སྣ་ཚོགས་འབྱུང་། །ཆོས་ལུགས་སྔ་མ་བཟང་པོ་ནུབ། །རྒྱལ་པོ་ཉམས་ཤིང་བྲན་རྣམས་

― LT41_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག །ཡུལ་འཇིག་ཐལ་ཆར་འབབ་པར་འགྱུར། །ཆར་མེད་ཆུ་བོ་ལྟེང་ཀ་དང་། །རྩི་ཤིང་མེ་ཏོག་འབྲས་བུ་སྐམ། །དེ་རྣམས་མེ་ཡི་མཚན་མའོ། །ཐ་སྐར་མགོ་དང་ནབས་སོ་དབོ། །མེ་བཞི་ནག་བ་ས་རི་ལ། །ཡུལ་འཇིག་ཉི་མ་ནུབ་བྱང་དུ། །མུ་གེ་འབྱུང་ཞིང་ཐལ་ཆར་འབབ། །འོ་མ་མར་དང་བཅས་པ་འགྲིབ། །རླུང་གིས་ཡུལ་གྱི་ཤིང་ཆེན་དང་། ཁང་ཁྱིམ་ལྕགས་རིར་བཅས་པ་འཇིག །ཡུལ་དབུས་རྒྱལ་པོ་ནང་འཁྲུགས་བྱེད། །དགེ་སློང་བྲམ་ཟེ་སྔགས་པ་རྣམས། །ཕལ་ཆེར་མཚོན་དང་རིམས་ཀྱིས་འཆི། །རྟ་དང་གླང་ཆེན་བོང་བུ་དང་། །བ་ལང་རི་དྭགས་ནད་ཀྱིས་འདེབས། །མགྲོན་པོ་རྣམས་ནི་སྡུག་བསྔལ་ཏེ། །གཞན་ཡང་མི་དགེ་སྣ་ཚོགས་འབྱུང་། །དེ་ནི་རླུང་གི་མཚན་མའོ། །སྣར་མ་ལྷ་མཚམས་སྣྲོན་བྱི་བཞིན། །གྲོ་བཞིན་མོན་གྲེ་ཆུ་སྨད་ལ། །འཇིག་རྟེན་ཀུན་ཏུ་བདེ་བ་ཐོབ། །དགེ་སློང་བྲམ་ཟེ་ལ་སོགས་པ། །ཆོས་ལ་འདུན་ཅིང་འཇུག་པ་བདེ། །ས་ལ་རྩི་ཤིང་ལོ་ཏོག་འཕེལ། །ཁྱད་པར་ནས་དང་ཏིལ་དང་གྲོ། །ཡུངས་སྲན་ལ་སོགས་འབྲུ་རྣམས་རྒྱས། །ས་ཡི་ཚ་བ་ལྡང་བ་ཡིས། །སྲོག་ཆགས་ཕྲ་མོ་འཆི་བར་འགྱུར། །ཆར་ནི་ཆེ་ཆུང་ངན་པར་འབབ། །དེ་ནི་ས་ཡི་མཚན་མའོ། །ལག་སྐག་སྣུབས་དང་ཆུ་སྟོད་དང་། །མོན་གྲུ་ནམ་གྲུ་ཁྲུམས་སྨད་ལ། །རབ་ཏུ་དགེ་བས་འབྲུ་རྣམས་རྒྱས། །མཁའ་ལ་ཆར་ཆུ་སྙོམས་པར་འབེབས། །ས་ལ་རྩི་ཤིང་ལོ་ཏོག་འཕེལ། །

― LT41_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ལ་ནད་འཁྲུགས་མུ་གེ་མེད། །རྒྱལ་པོ་བདེ་ཞིང་རྩོད་ལས་རྒྱལ། །བཟའ་བཏུང་ལོངས་སྤྱོད་ཕུན་སུམ་ཚོགས། །འགྲོ་ཀུན་བདེ་ཞིང་སྐྱིད་པར་འགྱུར། །གཞན་ཡང་གསལ་ལྡན་མགོན་པོ་ཡི། །མྱུར་བར་རྟོགས་པར་འདི་སྐད་བཤད། །ཟླ་བ་དང་ནི་ཉི་མ་དག །ཟླ་ཕྱོགས་གཅིག་ལ་གཟས་བཟུང་གྱུར། །དེ་ཚེ་ས་བདག་ཕན་ཚུན་ནི། །ཁྲོས་པའི་མཚོན་གྱིས་ཟད་པར་འགྱུར། །ཤར་དང་ནུབ་ཕྱོགས་ནས་བཟུང་ན། །རིམ་བཞིན་འབྲུ་དང་རྒྱལ་པོ་ཉམས། །ཟླ་བ་ཉི་མ་ཐམས་ཅད་ཟོས། །སྐྱ་འཕམ་གསོད་པ་རབ་ཏུ་སྦྱིན། །ལུག་གི་ཁྱིམ་དང་དུས་སྦྱོར་ལ། །གཟས་བཟུང་མོན་ཡུལ་ཀཾ་པོ་ཛཿ། །ལྔ་ལེན་དང་ནི་ཀ་ལིངྒར། །སྐྱེ་བོ་རྣམས་ལ་འཚེ་བར་འགྱུར། །གླང་ལ་གཟས་བཟུང་བ་ལང་རྫི། །ཕྱུགས་དང་ལམ་འགྲུལ་སྐྱེ་བོའི་ཚོགས། །མི་ནི་ཆེན་པོ་རྣམས་ལ་ཡང་། །རྟག་པར་གནོད་པར་བྱེད་པ་ཡིན། །འཁྲིག་པའི་ཁྱིམ་དུ་ཉི་ཟླ་དག །གཟས་བཟུང་ལུས་མཆོག་མ་རྣམས་དང་། །པཱཀླི་ཀ་ཡི་མི་རྣམས་དང་། །ཡ་མ་ན་ཡི་འགྲམ་གནས་འཇོམས། །ཀརྐ་ཊ་ལ་གཟས་བཟུང་ན། །གྱད་ཡུལ་སོགས་དང་ཕྱུགས་རྫི་དང་། །རི་ཁྲོད་པ་དང་དེ་བཞིན་དུ། །ཉ་པ་རྣམས་ལ་འཚེ་བར་འགྱུར། །སེང་གེ་ལ་ནི་གཟས་བཟུང་ན། །ནགས་ལ་གནས་པ་ཐམས་ཅད་དང་། །རྒྱལ་པོ་དང་ནི་རྒྱལ་འདྲ་བའི། །མི་རྣམས་ལ་ཡང་གནོད་པར་འགྱུར། །བུ་མོ་ལ་ནི་

― LT41_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

གཟས་བཟུང་ན། །གྲོང་གསུམ་པ་དང་ཤཱ་ལི་དང་། །སྙན་ངག་མཁན་དང་ཡིག་མཁན་དང་། །ཕྱུགས་སྐྱོང་བ་ལ་འཚེ་བར་འགྱུར། །སྲང་གི་ཁྱིམ་དུ་གཟས་བཟུང་ན། །རྒྱ་མཚོ་ཆུ་ཡུལ་ཀ་ཀཱ་ཧུ། །མ་ལ་བ་དང་པ་རཱནྟའི། །ལེགས་པ་རྣམས་ནི་འཇོམས་པར་བྱེད། །སྡིག་པ་ལ་ནི་གཟས་བཟུང་ན། །སྦྲུལ་གྱི་རིགས་དང་མ་དྲ་དང་། །ཨུ་དུམྦ་ར་རྐུན་མ་དང་། །འཐབ་མོ་པ་ལ་གནོད་པར་བྱེད། །གང་ཚེ་གཞུ་ལ་གཟས་བཟུང་ན། །དེ་ཚེ་བློན་པོ་རྟ་རྣམས་དང་། །ལུས་འཕགས་གྱད་ཡུལ་ལྔ་ལེན་པ། །སྨན་པ་རྗེའུ་རིགས་རྣམས་ལ་འཚེ། །ཆུ་སྲིན་ལ་ནི་གཟས་བཟུང་ན། །དམན་པ་དང་ནི་སྔགས་འཆང་བ། །གནས་བརྟན་དང་ནི་ཀློག་མཁན་དང་། །ཙི་ཀུ་ཊ་ནི་ཟད་པར་བྱེད། །བུམ་པ་ལ་ནི་གཟས་བཟུང་ན། །རི་སྐྱེས་ནུབ་ཕྱོགས་སྐྱེ་བོ་དང་། །ཆོམ་རྐུན་ཕུག་གནས་ཕྱུགས་རྫི་དང་། །སརྦ་ར་ཡུལ་སོགས་ལ་གནོད། །ཉ་ལ་གང་ཚེ་གཟས་བཟུང་ན། །ཆུ་ཡི་རྫས་དང་རྒྱ་མཚོ་དང་། །ཆུ་ཡིས་འཚོ་བའི་འཇིག་རྟེན་གྱི། །མི་ལ་དེ་བཞིན་འཚེ་བར་ཤེས། །རྡུལ་གྱི་ཆར་གྱིས་ཟད་པར་བྱེད། །ཁུ་འཕང་གིས་ནི་འཇིགས་པར་བྱེད། །གློག་ལྟུང་བས་ནི་མེ་ཡིས་འཚིག །ཉི་མ་འཁྱིམས་པས་ནད་ཡམས་འབྱུང་། །ཕྱོགས་འཚིག་མེ་ཡི་འཇིགས་པ་སྐྱེད། །ཐོག་ལྟུང་རྒྱལ་པོར་འཇིགས་པ་སྟེར། །དྲག་པོས་རླུང་ནི་འཁྲུགས་པའི་སྒྲས། །རྐུན་མ་རྣམས་ལ་འཇིགས་པ་སྦྱིན། །གཟའ་

― LT41_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

འཐབ་པ་དང་དེ་བཞིན་དུ། །དུ་པོད་མཐོང་བས་རྒྱལ་པོ་འཐབ། །གཟས་བཟུང་མཐར་ནི་ཆར་ཆེན་བབས། །སྐྱོན་རྣམས་ཐམས་ཅད་མེད་པར་འགྱུར། །གཞན་དུ་དང་པོའི་ཉིན་ཞག་ལ། །ཆར་འབབ་རྒྱལ་པོ་རྒྱལ་བར་འགྱུར། །གཉིས་པར་བདེ་ཞིང་ལོ་ལེགས་འགྱུར། །གསུམ་པར་རྐང་བཞིའི་ཕྱུགས་རྣམས་འཕེལ། །བཞི་ལ་ཆར་བབ་དགྲ་དང་འཐབ། །ལྔ་པ་ལ་ནི་མུ་གེ་འོང་། །དྲུག་ལ་ཆར་བབ་ཐམས་ཅད་དགེ། །ཞག་བདུན་བར་དུ་ཆར་མེད་ན། །ནད་དང་མུ་གེས་ཡུལ་འཁོར་འཇིག །ཟླ་བ་ཉི་མའི་དཀྱིལ་འཁོར་གྱི། །ཕྱོགས་ནི་གང་ནས་ཟིན་གྱུར་པ། །དེ་དང་དེ་ཡི་ཕྱོགས་དག་ཏུ། །དགེ་དང་མི་དགེ་འབྱུང་བར་འགྱུར། ༈ །གཟས་བཟུང་དུས་འདིར་དགེ་བའི་འགྱུར། །དྲན་ཉེའི་མདོ་ལས་འབུམ་འགྱུར་དང་། །འཇམ་དཔལ་རྩ་བའི་རྒྱུད་སོགས་ལས། །ཟླ་བ་བྱེ་བ་བདུན་འགྱུར་དང་། །ཉི་མ་བྱེ་བ་འབུམ་འགྱུར་ཏེ། །སིལ་བུའི་མདོར་ནི་སྟོང་ཕྲག་དག །བརྒྱ་འགྱུར་ཉིད་ཅེས་བཀའ་སྩལ་ཏེ། །དེ་དུས་ཤིང་ལ་མཚོན་བསྣན་ན། །འབྲས་བུ་འབྱིན་པར་འགྱུར་བ་སྟེ། །སྨན་སྦྱར་མཐུ་དང་ལྡན་པ་ཡིན། །འཇམ་དབྱངས་བསྒྲུབ་ཅིང་བཅུད་ལེན་བྱ། །ཞེས་རྩིས་ཀྱི་བསྟན་བཅོས་ཉེར་མཁོའམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡབས་པ་ལེགས་བཤད་ཀུན་འདུས་ཞེས་བྱ་བ་ལས། ཟླ་ཉིར་སྒྲ་གཅན་འཇུག་རྩིས་འབྲས་བཤད་བཅས་ཀྱི་སྐབས་ཏེ་བདུན་པའོ།། །།

― LT41_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

རྟག་ཏུ་ཞི་བས་ཆགས་པའི་དམར་འོད་དང་། །དྲག་པོའི་མིག་གི་ས་ཐལ་བྱེད་ཚ་ངར་གྱིས། །ཚར་གཅོད་རྗེས་འཛིན་གྲུབ་པའི་ཁྱུ་ཡི་མཆོག །འཇིག་རྟེན་དབང་ཕྱུག་གཙུག་ན་ཟླ་བས་སྐྱོངས། །གཡུལ་རྒྱལ་རྒྱུད་ཀྱི་ཆུ་གཏེར་ལས། །དུས་སྦྱོར་ཁྱིམ་རྩིས་པདྨའི་གཉེན། །ཤར་བ་ཙམ་གྱིས་འབྱུང་འགྱུར་གནས། །སྣང་བྱེད་རྩ་བའི་རི་མོ་འགོད། །ཉི་མ་འཕོ་བའི་ངེས་པ་ནི། །ཉི་དག་སྐར་མ་དྲུག་ཅུས་བསྒྱུར། །འོག་གི་ཆུ་ཚོད་སྟེང་དུ་གཞུག །ཟླ་ཡོན་ཟླས་ཐོབ་འདས་པའི་ཁྱིམ། །ལྷག་མ་མཁའ་མེས་བསྒྱུར་བ་ལ། །ཆུ་སྲང་གཉིས་ཀྱིས་བགོས་ཐོབ་གཞུག །མདའ་ཡོན་ཟླས་ཐོབ་འདས་པའི་ཞག །ཆུ་ཚོད་སོགས་ཀྱང་བྱ་ཡང་རུང་། །ཉི་འཕོའི་ཁྱིམ་དང་ཁྱིམ་ཞག་ཡིན། །དེ་ནས་ཞག་རེའི་འཕེལ་འགྲིབ་ནི། །འདས་ཞག་གནས་གཉིས་སྟེང་ཆུས་བསྒྱུར། །འོག་མ་ཉི་ཤུ་ལྔས་བསྒྱུར་ལ། །མཁའ་རོས་རྙེད་པ་སྟེང་སྦྱིན་ལྷག །སུམ་ཅུ་ལས་མང་སླར་གཅིག་བསྣན། །དེ་ཡང་མཁའ་རོས་ཐོབ་པ་དེས། །རང་རང་ཉིན་མོའི་ཆུ་ཚོད་ལ། །གཞུ་ལ་སོགས་པ་བྱང་བགྲོད་སྦྱིན། །འཁྲིག་སོགས་དྲུག་པོ་ལྷོ་བགྲོད་ལ། །འབྲི་བས་ཉིན་དེའི་ཆུ་ཚོད་འབྱུང་། །དེ་ཡིས་མཁའ་རོ་འཕྲི་ལྷག་མཚན། །འདས་ཞག་ཁྱིམ་དེའི་སྲང་གིས་བསྒྱུར། །མཁའ་མེས་གང་ཐོབ་འདས་པའི་སྲང་། །དེ་ཡི་ཁྱིམ་དེའི་ཆུ་སྲང་ལ། །འཕྲི་ལྷག་མ་འོངས་ཆུ་སྲང་ཡིན། །ཉིན་གཅིག་འདས་ལུས་

― LT41_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟགས་པ་ལ། །ཆ་བདུན་ཐུར་མའི་བགོ་གཞི་ནི། །ཉ་དང་བུ་མོར་མཁའ་ཚེས་ཡིན། །ལུག་སེང་མཚོ་ཡིད་གླང་ཀརྚར། །དུས་འདོད་འཁྲིག་པ་དུས་ཉི་དང་། །སྲང་བུམ་མཚོ་ཚེས་སྡིག་གཞུ་ཆུར། །དུས་ཚེས་ཡིན་ནོ་དེ་དག་ལ། །ཐུར་མའི་ཆ་དང་ཐུར་གྲིབ་བཅས། །བསྡམས་པས་རང་རང་བགོ་གཞི་དེ། །གང་ཐོབ་ཆུ་ཚོད་ལྷག་མ་རྣམས། །མཁའ་རོས་བསྒྱུར་ཐོབ་ཆུ་སྲང་སྟེ། །སྔ་དྲོ་འདས་ལ་ཕྱི་དྲོ་ལུས། །དེ་ཡིས་ཉིན་ཚད་ལ་སྦྱངས་པས། །ཕྱི་དྲོ་འདས་ལ་སྔ་དྲོ་ལུས། །དུས་སྦྱོར་གང་ཡིན་ངོས་འཛིན་ནི། །འདས་པའི་ཆུ་ཚོད་མཁའ་རོས་བསྒྱུར། །ཆུ་སྲང་སྟེང་བསྲེ་ཆུ་སྲང་གྲངས། །དེ་ལ་མ་འོངས་ཆུ་སྲང་གིས། །འཕྲི་བའི་ལྷག་མར་རེའུ་མིག་བཞིན། །རིམ་བཞིན་སོ་སོའི་སྲང་གིས་འཕྲི། །གང་མ་ལྡང་དེ་ཏཏྐཱ་ལ་ཉིད། །དེ་ཡང་རང་རང་སྲང་གི་ཚང་། །ཉ་བུམ་མཁའ་མཁའ་ལག་པ་ཡིན། །ལུག་ཆུར་མཁའ་རྒྱལ་གླང་དང་གཞུར། །མཁའ་དང་ཀླུ་ལག་འཁྲིག་སྡིག་ལ། །མཁའ་སོའོ་ཀར་སྲང་མཁའ་རོ་མེ། །མཁའ་ཐིག་རྒྱ་མཚོ་བུ་མོ་སེང་། །དུམ་ལྔའི་དུས་སྦྱོར་བརྩི་བའི་ཕྱིར། །འཕྲི་བའི་ལྷག་མ་མཁའ་མེས་བསྒྱུར། །ཏཏྐཱལ་གང་ཡིན་ཆུ་སྲང་གིས། །བགོས་པའི་ཐོབ་ནོར་ཆ་ཤས་ཡིན། །ལྷག་མ་མཁའ་རོས་བསྒྱུར་ལ་བགོ། །ནོར་དེ་ཆུ་ཚོད་ཅེས་བྱ་སྟེ། །ཆ་ཤས་མཁའ་རོས་བསྒྱུར་བ་ལ། །འོག་གི་ཆུ་ཚོད་བསྲེས་པ་དེ། །

― LT41_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སྦྱོར་ཀུན་གྱི་གཞི་མ་ཡིན། །ཏཏྐཱལ་འཆུགས་མེད་ངོས་འཛིན་པ། །ཏཏྐཱལ་གང་ཡིན་སུམ་ཅུས་བསྒྱུར། །འོག་གི་ཆ་ཤས་སྟེང་དུ་བསྲེ། །དེ་ལ་དྲུག་ཅུས་བསྒྱུར་བ་ལ། །འོག་གི་ཆུ་ཚོད་སྟེང་དུ་གཞུག །མཁའ་མཁའ་སྐྱོན་གྱིས་གང་ཐོབ་པ། །ཏཏྐཱལ་སྔ་མར་མཐུན་ན་དག །དེ་ནས་དུས་སྦྱོར་བྱེད་པའི་ཕྱིར། །ཀུན་གཞི་མཁའ་མཁའ་བུ་གས་བགོ། །རྙེད་པ་ཡོད་དམ་མེད་ཀྱང་རུང་། །འདི་ཕྱིན་དུམ་ལྔ་མཐའ་དག་ལ། །ལྷག་མ་བྱུང་ན་ནོར་གཅིག་བསྣན། །ནོར་དེ་གཉིས་ལས་མང་མི་སྲིད། །གཅིག་ནི་ཉི་མ་གཉིས་ཟླ་བ། །དུས་སྦྱོར་སུམ་ཆ་རྟོགས་པའི་ཕྱིར། །ཀུན་གཞི་མཁའ་མཁའ་རོ་ཡིས་བགོ། །ནོར་དེ་གསུམ་ལས་མང་མི་སྲིད། །གཅིག་དང་ཐིག་ལེ་ཏཏྐཱལ་ཉིད། །གཉིས་ནི་ཏཏྐཱལ་ནས་བགྲངས་ལྔ། །གསུམ་བྱུང་དགུ་པའི་དུས་སྦྱོར་ཏེ། །གང་ཡིན་བདག་པོའི་འབྲས་བུ་འབྱུང་། །དུས་སྦྱོར་དགུ་ཆ་རྟོགས་པའི་ཕྱིར། །ཀུན་གཞི་མཁའ་མཁའ་མིག་གིས་བགོ། །ནོར་དེ་དགུ་ལས་མང་མི་སྲིད། །ཏཏྐཱལ་ལུག་དང་སེང་གེ་གཞུ། །ལུག་ནས་བགྲངས་པའི་གྲངས་མཐུན་ལྟ། །འཁྲིག་བུམ་སྲང་རྣམས་སྲང་ནས་བགྲང་། །བུ་མོ་གླང་ཆུ་ཆུ་སྲིན་ནས། །ཀར་སྡིག་ཉ་རྣམས་ཀརྚ་ནས། །གང་མཐུན་བདག་པོའི་འབྲས་བུ་འབྱུང་། །བཅུ་གཉིས་ཆ་རྣམས་རྟོགས་པའི་ཕྱིར། །ཀུན་གཞི་མཁའ་ཚེས་ཀྱིས་བགོས་པའི། །ནོར་དེ་བཅུ་

― LT41_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ལས་མི་མང་། །ཏཏྐཱལ་ནས་བགྲངས་གྲངས་མཐུན་པའི། །ཁྱིམ་བདག་འབྲས་འབྱུང་གཅིག་ཐིག་མཚུངས། །སུམ་ཅུ་ཆ་ནི་རྟོགས་པའི་ཕྱིར། །ཀུན་གཞི་མཁའ་རོས་ཐོབ་ནོར་གྱི། །གྲངས་བསྡོམས་ཐད་ཀྱི་འབྲས་འབྱུང་སྟེ། །དེ་ཡང་གོང་གི་ཏཏྐཱལ། །ལུག་སོགས་མི་མཉམ་རིམ་པས་བགྲངས། །གླང་སོགས་མཉམ་པ་རིམ་མིན་བགངས། །མིག་སྤེན་ཕུར་ལྷག་པ་སངས་རྣམས། །གྲངས་ཀའི་ཐད་ཀྱི་འབྲས་བུ་སྟོན། །དེ་ལྟར་དུས་སྦྱོར་དུམ་དྲུག་གོ། །ཀུན་ཀྱང་ལྷག་མ་ལུས་པ་ན། །བགོས་པའི་ནོར་ལ་གཟུགས་ཀྱིས་བརྒྱན། །ཅེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། དུས་སྦྱོར་རྩ་བའི་རི་མོའི་ལག་ལེན་གྱི་སྐབས་ཏེ་བརྒྱད་པའོ།། །།

― LT41_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བྱད་ཉི་མའི་དཔལ་དང་འོད་ཀྱི་རླབས། །མཚུངས་པར་མུན་པའི་རུམ་དུ་བཀྱེ་བ་མེད། །སྙིགས་མའི་ལམ་དུ་ཐམས་ཅད་མཁྱེན་པའི་འགྲོས། །བསྟན་པའི་ཉིན་མོར་བྱེད་ལས་སུ་ཞིག་རྒྱུ། །གནམ་གྱི་རྩ་བ་སའི་ཡལ་ག །གཟའ་ཆེན་ཉེར་བརྒྱད་དང་སྦྱར་བ། །ཉི་མའི་ཞག་ལ་འཁོར་བ་སོགས། །སྤོར་ཐད་གསེར་རྩིས་ཐོར་བུ་བཤད། །ཟླ་བ་དག་པ་མཁའ་མེས་སྤེལ། །གསུམ་བཀོད་བར་མར་ཐིག་ལག་དང་། །འོག་མར་དབྱིག་མཚོ་བྲོ་བསྟེར། །རིས་མཁའ་རིས་ཐོབ་ནོར་བར་བྱིན། །དེ་ཡང་ཆུ་རོས་ཕྱེ་བ་ཡི། །ནོར་གྱིས་སྟེང་སྦྱངས་ཉིན་ཞག་གོ། །ཉིན་ཞག་གནས་ཀུན་མཁའ་མེ་བསྣན། །འཁོར་ལོ་ལོངས་ན་སྔར་ལྟར་བྱ། །ས་གའི་ཟླ་སོགས་ཕྱི་རིམ་གསལ། །ཆུ་རོའི་གནས་སུ་ཐིག་ལེ་ཤར། །རྒྱ་ལུགས་ཞག་དེ་ཆད་པ་དང་། །དེ་ཉིན་ཆར་ཡང་བབ་པར་བཞེད། ༈ །དེ་ནས་ཉིན་ཞག་གནས་གཉིས་ཀྱི། །སྟེང་མར་ཀླུ་ལག་ཟླ་བ་གཞུག །མཁའ་མིག་རྒྱ་མཚོས་དོར་བའི་ལྷག །ཞག་དེའི་ཉི་ཁྱིམ་གྱོ་ཁང་བཅས། །བདེ་བླག་ཉིད་དུ་རྟོགས་འགྱུར་ཞིང་། །རྒྱ་བོད་ཚེས་མཚམས་སྦྱར་བ་ལ། །བདུན་གྱིས་བཅད་ཤུལ་རེས་གཟར་བྲིས། །མི་མཐུན་སྣོན་འབྲིང་རིགས་པས་དཔྱད། །དེ་ཚེ་སྟེར་འོག་གཉིས་ཀར་བྱ། །འོག་མར་བུག་བྱིན་ནག་པ་སོགས། །འདས་ཟླས་འཕྲི་ལ་ཉི་མས་བགོད། །དབུགས་ཐོབ་རང་ཟླའི་སྔོན་སོང་ངམ། །གལ་ཏེ་ཚེས་གཅིག་ལ་ཡོད་ཀྱང་། །སླར་ཡང་གཟུགས་ཀྱིས་དམན་པའི་ལྷག །

― LT41_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱིམ་གཟའ་བཅུ་གཉིས་རིམ་འཆར་ཏེ། །གཅིག་ཤར་ཀྱན་ནས་ཐིག་ཤར་སིན། །དེ་ཡང་སོ་སོའི་དབུགས་ཐོབ་ལ། །སྔ་མའི་ཞག་རྣམས་བསྐྱར་ཏེ་བལྡབས། ༈ །དེ་ནས་ཟླ་བ་སོ་སོ་ཡི། །དབུགས་སྒང་ཇི་ལྟར་འཆར་བའི་ཚུལ། །རྟོགས་ཕྱིར་ཡོངས་འཛིན་ཆུ་བྱི་སོགས། །འདས་ལོ་དབུགས་ཐོབ་གནས་དྲུག་དང་། །སྒང་ལ་གནས་ལྔ་བཀོད་རིམ་བཞིན། །བཅུ་གཉིས་རེ་མིག་ཁ་བྱང་ལྟར། །སྒྱུར་བྱེད་རྣམས་ཀྱིས་སོ་སོར་བསྒྱུར། །སྦྱིན་བྱ་རྣམས་ཀྱང་དེ་བཞིན་སྦྱིན། །མས་རིམ་གནས་དྲུག་ཡང་ཆ་མིག །དེ་ནས་དབུགས་སྲང་དབང་པོ་ཉི། །མཁའ་རོས་དྲིལ་བའི་ལྷག་མ་རྣམས། །སོ་སོའི་དབུགས་སྒང་རྣམ་པར་དག ༈ །མགྱོགས་འདོད་སྔ་ལོའི་དབུགས་སྒང་ལ། །སྒྱུར་བྱེད་སོ་སོར་བྱིན་པས་འགྲུབ། །དེ་ལྟའི་རི་མོ་གང་འབབ་པ། །མཁའ་རོའི་གནས་ནི་དྲུག་ཅུའི་ལོ། །མཐུན་པའི་བྱ་ར་ཟིན་ནས་དོར། །དུས་དང་ཆུ་ཚོད་ལིའུ་ཐུ། །ཨངྒི་འབྲིའམ་ཧཱང་ལི་བཞིན། །སོ་སོར་མིང་གིས་ཁ་བྱང་འདེབས། །དུས་ཚོད་ནམ་གུང་བྱི་བ་ནས། །བརྩམས་པའི་ཉི་ཁྱིམ་བཅུ་གཉིས་ཤར། །དེ་ཡང་དུས་ཚོད་ད་ལྟ་བ། །དབྱུག་རྣམས་འདས་པའི་ངོས་བཟུང་བྱ། །བྱི་དུས་དབྱུག་གཉིས་ཆུ་སྲང་དུ། །སུམ་ཅུ་ལས་ཉུང་མཁའ་རོའི་གནས། །གཟུགས་ཀྱིས་འཕྲི་ལ་བྱ་ར་བཟུང་། །ཅི་ཕྱིར་ཞེ་ན་ཉིན་ཞག་དེའི། །ཐོག་མཐར་ཟིན་པའི་ཁྱད་པར་འབྱུང་། །དབུགས་ཐོབ་ཟླ་བ་སྔོན་མའམ། །རང་ཟླའི་བཅོ་ལྔ་ཡན་ཆད་ཤར། །དེ་ཕྱིན་ཉིན་ཞག་བཅོ་ལྔ་དང་། །བཅུ་དྲུག་མཚམས་སུ་ཕྱི་རིམ་ཟིན། །སྒང་ཚད་རྣམས་ནི་རང་ཟླ་ལས། །གཞན་དུ་འབྱུང་བ་མི་སྲིད་ཅིང་། །གལ་ཏེ་སྒང་ཚད་མེད་པ་ཞིག །བྱུང་ན་སྔ་མའི་ཟླ་བ་བཤོལ། །

― LT41_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་བརྟེན་དབྱར་དགུན་ཉི་མ་ཡང་། །སྣོན་དང་མགོ་ཉའི་སྒང་ལ་ལྡོག །ལོ་བལྟས་ས་གླང་དང་པོའི་དབུགས། །གཉིས་དབུགས་པ་ན་འབྲུག་སྐད་ལྡིར། །དེས་མཚོན་རྩིས་ཀྱི་ཡན་ལག་ཀུན། །དེ་ལ་བརྟེན་ནས་རྟོགས་པར་འཚལ། །ཉི་མ་འཆར་ནུབ་ཉིན་མཚན་ཚད། །ཡུལ་དང་དུས་ཀྱི་དབྱེ་བ་ཡང་། །ཤར་ལྷོ་ནུབ་བྱང་བཞི་ཡི་མཐིལ། །ཡོས་རྟ་བྱ་དང་བྱི་བ་བཀོད། །མཚམས་བཞིར་སྟོད་སྨད་གཉིས་ཕྱེ་བའི། །ཤར་ལྷོར་འབྲུག་སྦྲུུལ་ལྷོ་ནུབ་ཏུ། །ལུག་སྤྲེལ་ནུབ་བྱང་ཁྱི་ཕག་དང་། །བྱང་ཤར་གླང་སྟག་དང་བཅས་པ། །ས་ཡི་ཡན་ལག་བཅུ་གཉིས་ཏེ། །ཉི་མ་བྱང་བགྲོད་མཐར་ཐུག་དུས། །ཡུལ་དང་དུས་གཉིས་གཅིག་ཅར་དུ། །ཉི་ཤར་སྟག་དང་ཉི་ཞུད་ཁྱི། །ལྷོ་བགྲོད་དགུན་གྱི་ཉི་ལྡོག་ལ། །ཉི་ཤར་འབྲུག་དང་ཉི་ནུབ་སྦྲེལ། །དེ་ལྟར་དུས་གཟེར་ཉེར་བཞི་པོར། །ཉི་མ་འཆར་ནུབ་ཡུལ་དུས་བཅས། །གཅིག་ཏུ་མ་ངེས་རིམ་བཞིན་འཕོ། །འོན་ཀྱང་ནམ་གུང་བྱི་བ་དང་། །ཉིན་གུང་རྟ་ལ་འཕོ་འགྱུར་མེད། །ཞིབ་པར་འཆར་ནུབ་འགྲོས་གཉིས་ཀྱིས། །མི་འགྱུར་ངེས་པའི་གཟེར་བྱས་ན། །གཟའ་འཛིན་ལ་སོགས་གཏན་འབེབས་ཚེ། །འདི་ནི་སྙིང་གི་བདུད་རྩིར་མཐོང་། ༈ །གཞན་ཡང་གནམ་ལོའི་དབང་ཐང་ལས། །ཟླ་བའི་དབང་ཐང་རྟོགས་དགོས་ཕྱིར། །ཤིང་ཕོ་ས་མོའི་གནམ་ལོ་ལ། །ཟླ་བ་དང་པོ་མེ་ཕོ་སྟག །ཤིང་མོ་ལྕགས་ཕོར་ས་ཕོ་སྟག །མེ་ཕོ་ལྕགས་མོར་ལྕགས་ཕོ་སྟེ། །ས་ཕོ་ཆུ་མོར་ཤིང་ཕོར་བཟུང་། །མེ་མོར་ཆུ་ཕོར་ཆུ་སྟག་སྟེ། །ཕོ་མོ་གཉིས་གཉིས་སྦྲགས་འདོད་དེ། །གསུམ་པ་མན་ཆད་བུ་འདེད་བྱ། ༈ །ཉི་མའི་དབང་ཐང་གཞིར་བཞག་སྟེ། །དུས་ཚོད་འབྱུང་

― LT41_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འཚོལ་བ་ལ། །ཤིང་ཕོ་ས་མོར་ཤིང་བྱི་དང་། །ཤིང་མོར་ལྕགས་ཕོར་མེ་བྱི་སྟེ། །མེ་ཕོ་ལྕགས་མོ་ས་ཕོ་བྱི། །ས་ཕོ་ཆུ་མོར་ཆུ་བྱི་ཉིད། །མེ་མོར་ཆུ་ཕོར་ལྕགས་བྱིའོ། །དེ་ཡང་གཉིས་གཉིས་སྦྲགས་འདེད་དོ། ༈། ལོ་དང་ཟླ་བའི་སྨེ་བ་ལ། །ཡོངས་འཛིན་འདས་ལོ་བྲོ་བས་བརྒྱན། །སྨེ་བས་བགོས་ལྷག་ཕྱོགས་ལ་སྦྱངས། །ཟླ་སྨེའི་ཕྱིར་དུ་འདས་པའི་ལོ། །ཉི་མས་བསྒྱུར་ལ་འདས་ཟླ་བསྲེ། །རིག་བྱེད་བྱིན་ལ་དགུ་ཡིས་དོར། །ལྷག་མས་ཕྱོགས་ལ་སྦྱངས་པས་རྟོགས། །ལོ་ཟླ་གཉིས་ཀར་ལྷག་མེད་ན། །བུ་ག་བསྣན་ལ་འཕྲི་བར་བྱ། །མགྱོགས་པར་འདོད་ན་ལོ་སྨེ་ཡང་། །སྨེ་ཕྲེང་གསུམ་པོ་མ་ནོར་བར། །དྲུག་ཅུའི་ལོ་ཡི་ཐད་ནས་རྟོགས། །ཟླ་སྨེ་གནམ་ལོ་གང་ཤར་དེའི། །ཟླ་བ་སོ་སོའི་གྲངས་ཀྱིས་ཤེས། ༈ །ཞག་སྨེ་ལུགས་འབྱུང་ལུགས་ལྡོག་གི། །ཤིང་བྱི་གསུམ་པོ་མི་ནོར་བར། །ཉི་ཁྱིམ་དྲུག་ཅུས་བཙལ་བར་གྱིས། ༈ །དུས་ཚོད་སྨེ་བ་ཉི་མ་དང་། །བསྟུན་ནས་སོ་སོའི་དུས་ཀྱིས་འཚལ། །དེ་ལྟར་ལོ་ཟླ་ཞག་དུས་ཀྱི། །སྨེ་བ་གང་ཡིན་དབུས་བཞག་ནས། །ཕྱོགས་མཚམས་ལུགས་འབྱུང་ལུགས་ལྡོག་གཉིས། །གང་འོས་བསྐོར་མགོ་བྱས་ནས་ནི། །དཀར་གསུམ་དང་ནི་དགུ་དམར་གྱི། །ཕྱོགས་སུ་གཙང་བས་མ་ནོར་གཅེས། ༈ །ཞར་བྱུང་ཟླ་དུས་སྡོང་པོ་ཡང་། །གནམ་ལོ་ཉི་མའི་དབང་ཐང་ལས། །གཞན་གྱི་རིགས་པས་བསྒྲེ་བར་བྱོས། །

― LT41_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

།།།།།དབུགས་ཐོབ་སྒང་ཚད་སོ་སོའི་ཉི་མ་ཤར་ནུབ། ཉིན་ཚད་མཚན་ཚད་དུས་རྟགས་དང་བཅས་པ། ཡོས་ཀྱི་ཆུ་ཚོད་སྲང་བཅས་འདས་མཚམས་ཉི་མ་ཤར། །བྱའི་ཆུ་ཚོད་ཕྲང་བཅས་འདས་མཚམས་ཉི་མ་ནུབ། ཉིན་མཚན་དུས་རྟགས་ནམ་མཁའ་དྲངས། འཇའ་ཚོན་ཤར། ཉ་ལྕིབས་སྐྱེ། ཡོས་ཀྱི་ཆུ་སྲང་དབུགས་བཅས་འདས་མཚམས་ཉི་མ་ཤར། བྱའི་ཆུ་ཚོད་སྲང་དབུགས་བཅས་འདས་ནས་ཉི་མ་ནུབ། ཉིན་ཚད་མཚན་ཚད་དུས་རྟགས་བོད་ཀྱི་ཕྱི་ཞིང་འདེབས། ཡོས་ཀྱི་ཆུ་སྲང་དབུགས་བཅས་འདས་མཚམས་ཉི་མ་ཤར། བྱའི་ཆུ་ཚོད་སྲང་དབུགས་བཅས་ཟད་མཚམས་ཉི་མ་ནུབ། ཉིན་མཚན་བུས་རྟགས་དབྱར་ཚུགས། སླེ་ཏྲེས་ཀྱི་སྙི་མ་ཐོག་མར་སྐྱེ། སྟག་གི་ཆུ་ཚོད་སྲང་དབུགས་བཅས་འདས་མཚམས་ཉི་མ་ཤར། ཁྱིའི་ཆུ་སྲང་དབུགས་བཅས་འདས་མཚམས་ཉི་མ་ནུབ། ཉིན་མཚན་དུས་རྟགས་སངས་ཆུང་རྩི་རྩི་འདེབས། སྟག་གི་ཆུ་ཚོད་སྲང་བཅས་འདས་མཚམས་ཉི་མ་ཤར། ཁྱིའི་ཆུ་སྲང་འདས་མཚམས་ཉི་མ་ནུབ། ཉིན་མཚན་དུས་རྟགས་ཞིང་ལ་ཆུ་འདྲེན། སྟག་གི་ཆུ་ཚོད་སྲང་དབུགས་བཅས་འདས་མཚམས་ཉི་མ་ཤར། ཁྱིའི་ཆུ་ཚོད་སྲང་དབུགས་བཅས་སོང་ནས་ཉི་མ་ནུབ། ཉིན་མཚན་དུས་རྟགས་དབྱར་གྱི་ཉི་མ་ལྡོག །

― LT41_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་ཐོབ་སྒང་ཚད་སོ་སོའི་ཉི་མ་འཆར་ནུབ། ཉིན་ཚད་མཚན་ཚད་དུས་རྟགས་དང་བཅས་པ། སྟག་གི་ཆུ་ཚོད་སྲང་བཅས་སོང་ནས་ཉི་མ་ཤར། ཁྱིའི་ཆུ་སྲང་འདས་མཚམས་ཉི་མ་ནུབ། ཉིན་མཚན་དུས་རྟགས་དྲོད་རླུང་ལྡང་། བྱ་ཁྲས་བྱིའུ་རྣམས་ཐོག་མར་འདེད། ། སྟག་གི་ཆུ་ཚོད་སྲང་དབུགས་བཅས་འདས་མཚམས་ཉི་མ་ཤར། ཁྱིའི་སྲང་དབུགས་བཅས་ཟད་མཚམས་ཉི་མ་ནུབ། ཉིན་མཚན་དུས་རྟགས་དྲོད་ཆེ། ཆུ་བོ་གཞུང་རྒྱས། ཡོས་ཀྱི་སྲང་དབུགས་འདས་ནས་ཉི་མ་ཤར། བྱའི་ཆུ་ཚོད་སྲང་དབུགས་བཅས་འདས་ནས་ཉི་མ་ནུབ། ཉིན་མཚན་དུས་རྟགས་སྟོབ་མགོ་ཚུགས།ཡོས་ཀྱི་སྲང་དབུགས་འདས་ནས་ཉི་མ་ཤར། བྱའི་ཆུ་ཚོད་སྲང་དབུགས་བཅས་སོང་ནས་ཉི་མ་ནུབ། ཉིན་མཚན་དུས་རྟགས་དྲོད་གནས། ཆར་ཆུ་འབྲི། ཡོས་ཀྱི་ཆུ་ཚོད་སྲང་དབུགས་བཅས་འདས་མཚམས་ཉི་མ་ནུབ། བྱའི་ཆུ་ཚོད་སྲང་དབུགས་བཅས་སོང་མཚམས་ཉི་མ་ནུབ། ཉིན་མཚན་དུས་རྟགས་པ་མོ་དཀར། ཡོས་ཀྱི་ཆུ་ཚོད་སྲང་བཅས་འདས་མཚམས་ཉི་མ་ཤར། བྱའི་ཆུ་ཚོད་སྲང་བཅས་འདས་མཚམས་ཉི་མ་ནུབ། ཉིན་མཚན་དུས་རྟགས་སྟོན་མཚམས་ནམ་མཁའ་དྭངས།

― LT41_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་ཐོབ་སྒང་ཚད་སོ་སོའི་ཉི་མ་ཤར་ནུབ། ཉིན་ཚད་མཚན་ཚད་དུས་རྟགས་དང་བཅས་པ། ཡོས་ཀྱི་ཆུ་ཚོད་སྲང་དབུགས་བཅས་སོང་མཚམས་ཉི་མ་ཤར། བྱའི་ཆུ་ཚོད་སྲང་དབུགས་བཅས་འདས་མཚམས་ཉི་མ་ནུབ། ཉིན་མཚན་དུས་རྟགས་བ་མོ་འབབ། ཡོས་ཀྱི་ཆུ་ཚོད་སྲང་དབུགས་བཅས་འདས་ནས་ཉི་མ་ཤར། བྱའི་སྲང་དབུགས་འདས་ནས་ཉི་མ་ནུབ། ཉིན་མཚན་དུས་རྟགས་སད་འབབ། ཤ་བ་དུ། ཡོས་ཀྱི་ཆུ་ཚོད་སྲང་དབུགས་བཅས་འདས་ནས་ཉི་མ་ཤར། བྱའི་སྲང་དབུགས་སོང་མཚམས་ཉི་མ་ནུབ། ཉིན་མཚན་དུས་རྟགས་དགུན་མགོ་ཚུགས། ཆབ་རོམ་ཆགས། འཇའ་ཚོན་མི་མངོན། འབྲུག་གི་སྲང་དབུགས་འདས་མཚམས་ཉི་མ་ཤར། སྤྲེལ་གྱི་ཆུ་ཚོད་སྲང་དབུགས་བཅས་འདས་ནས་ཉི་མ་ནུབ། ཉིན་མཚན་དུས་རྟགས་ཁ་བ་ཆུང་། འབྲུག་གི་ཆུ་སྲང་འདས་མཚམས་ཉི་མ་ཤར། སྤྲེལ་གྱི་ཆུ་ཚོད་སྲང་བཅས་འདས་ནས་ཉི་མ་ནུབ། ཉིན་མཚན་དུས་རྟགས་ཁ་བ་ཆེ། ལྷག་དར་གྱིས་སྟག་གྲུས་ཕན་ཚུན་འཚོལ། འབྲུག་གི་ཆུ་ཚོད་སྲང་དབྱུགས་འདས་ནས་ཉི་མ་ཤར། སྤྲལ་གྱི་ཆུ་ཚོད་སྲང་དབུགས་འདས་ནས་ཉི་མ་ནུབ། ཉིན་མཚན་དུས་རྟགས་དགུན་ཉི་ལྡོག །བོད་ཀྱི་དགུ་འདྲེན། །ས་འགས།

― LT41_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་ཐོབ་སྒང་ཚད་སོ་སོའི་ཉི་མ་ཤར་ནུབ། ཉིན་ཚད་མཚན་ཚད་དུས་རྟགས་དང་བཅས་པ། འབྲུག་གི་ཆུ་སྲང་འདས་ནས་ཉི་མ་ཤར། སྤྲེལ་གྱི་ཆུ་ཚོད་སྲང་བཅས་འདས་ནས་ཉི་མ་ནུབ། ཉིན་མཚན་དུས་རྟགས་གྲང་ལྷག་ཆུང་བ། འབྲུག་གི་སྲང་དབུགས་འདས་མཚམས་ཉི་མ་ཤར། སྤྲེལ་གྱི་ཆུ་ཚོད་སྲང་དབུགས་བཅས་འདས་ནས་ཉི་མ་ནུབ། ཉིན་མཚན་དུས་རྟགས་གྲང་ལྷག་ཆེ་བ། ཡོས་ཀྱི་ཆུ་ཚོད་སྲང་དབུགས་བཅས་འདས་མཚམས་ཉི་མ་ཤར། བྱའི་སྲང་དབུགས་འདས་མཚམས་ཉི་མ་ནུབ། ཉིན་མཚན་དུས་རྟགས་དབྱིང་ཚུགས། ས་གླང་བརྟགས་དྲོད་ཅུང་ཟད་འབབ། ངང་པས་འདམ་འདོན། ཡོས་ཀྱི་ཆུ་ཚོད་སྲང་དབུགས་བཅས་སོང་ནས་ཉི་མ་ཤར། བྱའི་སྲང་དབུགས་འདས་མཚམས་ཉི་མ་ནུབ། ཉིན་མཚན་དུས་རྟགས་ཆར་ཆུ་རྒྱས། ནམ་མཁའ་འཇམ། ཡོས་ཀྱི་ཆུ་ཚོད་སྲང་དབུགས་བཅས་འདས་ནས་ཉི་མ་ཤར། བྱའི་ཆུ་ཚོད་སྲང་དབུགས་བཅས་སོང་ནས་ཉི་མ་ནུབ། ཉིན་མཚན་དུས་རྟགས་འབྲུག་སྐད་འདོན། ཡོས་ཀྱི་ཆུ་ཚོད་སྲང་བཅས་འདས་ནས་ཉི་མ་ཤར། བྱའི་ཆུ་ཚོད་སྲང་བཅས་སོང་ནས་ཉི་མ་ནུབ། ཉིན་མཚན་དུས་རྟགས་རགས་པར་སྔ་ཞིང་རྨོ།

― LT41_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་འབྱུང་བ་ཤིང་མེས་ལྕགས་ཆུ་རྣམས་ལ་ཐབས་ཤེས་ཀྱི་དབྱེ་བས་ཐྱན་ཀྭན་ཏེ་གནམ་གྱི་རྩ་བ་བཅུའི་རྩིས་ལ། ཤིང་ཕོའི་ཉི་མར་བང་མཛོད་ཕྱེ། །ནོར་རྫས་ཉམས་པར་འགྱུར་བ་ཡིན། །ཤིང་མོར་ཤིང་བཙུགས་ས་བོན་བཏབ། །སྐྱེ་བར་མི་སྲིད་གོས་བཟོ་ན། །ཡུན་རིང་གྱོན་པར་འགྱུར་མ་ཡིན། །མེ་ཕོར་ཐབ་ཀ་བཟོ་བྱས་ན། །མེ་ཡིས་འཇིགས་པ་འབྱུང་བར་བཤད། །མེ་མོར་སྐྲ་བྲེགས་ཤུ་བ་འབྱུང་། །ས་ཕོར་ཞིང་བླངས་ལོ་ཉེས་འབྱུང་། །ས་བོན་འདེབས་པའང་དེ་བཞིན་ནོ། །ས་མོར་ཚོང་ཁྲ་དན་ཡིག་དག །བྱས་ན་ཕན་ཚུན་གཉིས་ཀ་གུམ། །ལྕགས་ཕོར་ཐག་བཏགས་དོན་མེད་འགྱུར། །ལྕགས་མོར་རྒྱ་ཟས་བཙོང་བཟོས་པ། །ཉོ་མཁན་འགའ་ཡང་རྙེད་མ་ཡིན། །ཆུ་ཕོར་ཁྲུན་བྲུ་ཆུ་རྐ་བཏོད། །ཆུ་བཏང་བྱས་ན་ནང་རྐྱེན་འོང་། །ཆུ་མོར་གཏུག་ཤེར་རང་ཉིད་ཕམ། ༈ །སའི་ཡན་ལག་བཅུ་གཉིས་ཀྱི་རྩིས་ལ། །བྱི་ཉིན་མོ་འདེབས་ན་ཚ་འབྱུང་། །གླང་གི་ཉི་མར་གོས་སར་གྱོན། །རང་གི་ཁྱིམ་ནང་ལྡོག་མི་འགྱུར། །སྟག་ཉིན་ལྷ་ལ་གསོལ་མཆོད་བྱས། །ལྷ་ཉིད་བདུད་དུ་འབབ་པར་བཤད། །ཡོས་ལ་ཁྲུན་བརྐོས་ཆུ་མི་ལེགས། །འབྲུག་ལ་མྱ་ངན་དུ་འབོད་བྱས། །ཡང་གཅིག་འཆི་བར་འགྱུར་བ་ཡིན། །སྦྲུལ་ཉིར་ལམ་ཞུགས་ནོར་རྫས་བརླག །རྟ་ལ་ཐོག་འབུབས་མྱུར་དུ་ཞིག །ལུག་ཉིར་སྨན་ཟོས་དུག་ཏུ་འགྱུར། །སྤྲེལ་གྱི་ཉི་མར་མལ་ཁྲི་བཅའ། །དེ་ལ་འདྲེ་ཡིས་ཉལ་ས་བྱེད། །བྱ་ཉིར་བྱ་སྒོང་ཉུལ་བཅུག་ན། །ཕྲུ་གུ་མི་འཚར་མགྲོན་བོས་ན། །གློ་བུར་ཚབ་འཚུབས་འོང་བར་བཤད། །ཁྱི་ཉིར་ཁྱི་ལེན་བདུད་དུ་འགྱུར། །ཕག་ཉིར་ཕག་གསོས་ཐམས་ཅད་འཆི། །བག་མ་བླངས་ན་མག་པར་ངན། །སྤྱིར་ནི་གནམ་ལོའི་བདུན་ཟུར་ཉིན། །

― LT41_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སྦྱོར་གྱི་རྩིས་ནི། །ཉི་མ་དང་ནི་དུས་ཚོད་གཉིས། །གྲངས་ཀ་རེའུ་མིག་བཞིན་དུ། །ཉི་མའི་སྡོང་པོ་ཡལ་ག་དང་། །དུས་ཀྱི་ཡལ་ག་དང་བཅས་པའི། །གྲངས་རྣམས་སོ་སོར་གཅིག་ཏུ་བསྡེབས། །དཔེར་ན་ཤིང་ཕོ་བྱི་བའི་ཉིན། །ཤིང་ཕོ་དང་ནི་བྱི་བ་གཉིས། །དགུ་གཉིས་བསྡོམས་པས་བཅོ་བརྒྱད་སྟེང་། །གླང་གི་དུས་ཚོད་དང་བསྟུན་ན། །གྲངས་ཀ་བརྒྱ་བསྣན་ཉེར་དྲུག་འབྱུང་། །ཏཱ་གྱི་སྱན་བབ་ཤིན་ཏུ་དགེ། །དེ་བཞིན་ཤིང་མོ་ཕག་གི་ཉིན། །ཉི་ཤར་ཡོས་དུས་བཅོ་བརྒྱད་འབྱུང་། །དད་ཐྱན་སྱན་བབ་དེ་ཡང་དགེ། །འདི་དག་སྱན་བརྒྱད་ལ་བབ། །རྒྱལ་སར་འདོན་དང་བག་མ་བསུ། །ལམ་ཞུགས་ཁང་གསར་སྐྱས་འདེགས་དང་། །ཁང་བཟོ་ས་ཁ་དབྱེ་བ་སོགས། །ཆེ་ཕྲ་བྱ་བ་གང་ལའང་བསྔགས། །འདི་སྟེང་ཐུན་གསུམ་བསྡེབས་ཤེས་ན། །དངུལ་སྡོང་གསེར་གྱི་མེ་ཏོག་བཀྲ། །གཞན་ལ་མ་གྲགས་དུས་སྦྱོར་ཏེ། །མན་ངག་བདུད་རྩི་ཐུན་མཚམས་ཡིན། །དུས་ཚོད་ལོ་ཀྱིང་དང་བསྟུན་གནད།། །།

― LT41_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་ཁྱིམ་བཅུ་གཉིས་དང་སྦྱར་བའི་གཟའི་རྩིས་ལ། ཀྱན་གྱི་ཉི་མར་ལམ་ཞུགས། ཞལ་བ་བྱེད་པ། ལྷ་གསོལ་བ། བསླབ་སྦྱངས། དོན་གཉེར་སོགས་བཟང་། ས་རྒོ་བ། མཛོད་ཕྱེ་བ། གྲུ་གསར་བཏང་བ་སྤངས། ཆུའི་ཉི་མར་ལྷ་གསོལ། ཞུ་འབུལ། ལམ་ཞུགས། སྨན་དཔྱད། གཏར་སྲེག །ས་བོན་འདེབས་པ་རྣམས་བཟང་། ནོར་སྐྱི་འགྲུལ་བཏང་ན་རྩ་བ་བརླག །དམན་གྱི་ཉི་མར་རྟ་ནོར་གསོ་བ། གད་བརྡར། སྐྱེ་ཤིང་འཛུགས་པ། ལམ་ཞུགས། གོས་དྲ། ཐགས་བྲན། ས་བོན་འདེབས་པ། ཚོང་བྱེད་པ་རྣམས་བཟང་། ས་རྐོ། སྨན་གཏོང་། འཕོ་སྐྱས་སོགས་སྤངས། ཡིན་གྱི་ཉི་མར་ལྷ་གསོལ། ཞལ་བ། ལམ་བཟོ། ཐགས་ཁང་བཟོ་བ་སོགས་ལེགས། ས་བོན་འདེབས་པ། ཡུར་བ་བརྐོབ། ཐགས་བཏགས་པ་རྣམས་སྤངས། ཏིན་གྱི་ཉི་མར་སློབ་གཉེར། ཚོགས་བསགས། ལག་སྡེབ། གོས་དྲ་དྲུབས། རྟ་ནོར་ར་ལུག་ཉོ་བ་སོགས་བཟང་། ཞུ་གཏུགས། ལམ་ཞུགས། ས་བོན་བཙུགས་པ་སྤངས། གྱིའི་ཉི་མར་ཚོགས་བསགས། སྲིད་འཚོལ། དན་ཡིག་བཞག་པ། རྐུན་མ་འཚོལ་བ། བཟུང་བ། ཁང་པར་ས་བླུགས་པ་སོགས་ལྷན་པོའི་རིགས་བྱེད་པ་བཟང་། ལམ་བགྲོད། ནོར་རྫས་མཛོད་དུ་བཞག་པ། ཕྱིར་བཏང་བ་རྣམས་སྤངས། ནོར་ར་བཟོས་ན་གཅན་གཟན་ཞུགས། ཕོའི་ཉི་མར་ནད་བཅོས་པ། སྨན་འཐུང་། ཁང་

― LT41_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་བཤིགས་བ། འཐབ་མོ་བྱེད་པ་རྣམས་བཟང་། ལམ་ཞུགས། ས་བོན་འདེབས་པ། ལས་མགོ་བཀད་པ། བག་མ་ལེན་པ། མགྲོན་འབོད་པ། ནོར་ཕྱུགས་གསོ་བ་སོགས་འཛེམ། ཝའི་ཉི་མར་བྱ་བ་རྒྱ་ཆེན་གཞི་བརྩམས་པ། ལྷ་གསོལ། ལག་སྡེབ། ཉ་བཤོར་བ། མལ་བཅའ། དན་ཡིག་བྲི་བ་ལེགས། གྲུ་སྒྲོལ་བ། རྒྱན་འདོགས་པ་སྤངས། ཆིན་གྱི་ཉི་མར་ཚོགས་གསོག། སློབ་གཉེར། བག་མ། མཆིག་བཙུག །ལམ་ཞུགས། གོས་དྲ་གྱོན། ཕྱུགས་གསེ། འཕོ་སྐྱས། ས་བོན་གདབ་པ་བཟང་། ཁ་མཆུ་བྱས་ན་གང་སྨྲས་བདེན་ཐོབ། ཤིའུའི་ཉི་མར་ལྷ་གསོལ། སློབ་གཉེར། མཛོད་བཅའ་བ། བག་མ། ནོར་ཚུར་བསྡུ་བ་སོགས་དགེ་ལས་མཐའ་དག་བཟང་། བྱ་བ་ངན་པའི་རིགས་དང་། ལམ་ཞུགས། ཚོང་། ཁྲག་གཏར་བ། ཐགས་བཏགས་པ། ཁང་ལས། དུར་སྦ་བ་འཛེམ། ཁས་ཀྱི་ཉི་མར་ཚོགས་གསོག་བསླབ་སྦྱང་། མཛོད་སྒོ་ཕྱེ་བ། གོས་དྲ། བག་མ། ལམ་བཟོ། ལམ་ཞུགས། ཞུ་འབུལ། ས་བོན་འདེབས་པ། ཤིང་འཛུགས། རྩིས་སྤྲོད་ལེན་བཟང་། ངན་པའི་སྲི་ལངས་ཉེས་ཡོད་པ་དང་། ས་རྐོ། དུར་འདེབས། རོ་འདོན་པ་སྤངས། སིན་གྱི་ཉི་མར་དགེ་ལས། སྐྱེ་ཤིང་། མེ་ཏོག་འཛུགས་པ། ཕྱུགས་གསོ། གུར་ཕུབ། མལ་ཁྲི་བཅའ་བ། ཚོང་ཟོག་བསྡུ་བ། ཁྲ་མ་འབྲི་བ་བཟང་། མིག་ནད་ཅན་གྱིས་ལྷ་རྗེ་

― LT41_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟེན་པ། གཏར་ག །ལམ་ཞུགས། འཕོ་སྐྱས། ས་རྐོ། ཁང་ལས་སྤངས། ༈ །གཟའ་བདུན་དང་རྒྱུ་སྐར་ཉེར་བརྒྱད་སྦྱར་བའི་རྩིས་ལ། གྱོ་ཕུར་བུ་སྟེ་ནག་པ་ཁང་ལས་བྱས་ན་ཞིང་དང་ནོར་འབྱོར། བག་མ་བསུ་ན་བུ་བརྒྱུད་ཡ་རབས་འོང་། སློབ་གཉེར་བྱས་ན་ལས་ཚན་མཐོ་ལ་གོང་མ་དང་མཇལ། དུར་སྦ་ན་ལོ་གསུམ་རྒྱབ་ནས་ན་ཚ་འོང་། ཁང་ལས་ཀྱི་ལས་མགོ་དང་དུར་བཟོ་བཅོས་བྱས་ན་འཆི་རྐྱེན་འོང་། འདི་གཽ་མཽ་ཀྱ་སྟེ་སྟག་གི་ཉི་མ་ལ་ཕོ་བྲང་དུ་འབྱོར། ཁང་པ་སངས་ཏེ་ས་རི། ཡོས་ཀྱི་ཉི་མ་ལ་ཕོ་བྲང་དུ་འབྱོར། ཁང་ལས་བྱས་ན་དར། ཞག་བཅུ་ནས་བུ་ཆེ་བ་ལ་རྐྱེན་ངན་འོང་། ཞིང་དང་ཁང་པ་ཉམས། ལས་ཚན་ཡིན་ན་དེ་ཤོར། དམག་ལ་འགྲོན་སྟག་དང་འཕར་བས་གནོད། བག་མ་བསུ་ན་བུ་དང་ཚ་བོ་ཁང་སྟོང་དུ་བསྡད་དགོས་པ་འོང་། དུར་སྦ་ན་གོད་ཁ་དང་རྐྱེན་ངན་ལྡང་། ཏིས་སྤེན་པ་སྟེ་ས་ག །འབྲུག་ཉིར་ཕོ་བྲང་དུ་འབྱོར། ཁང་ལས་བྱས་ན་རྐྱེན་ངན་འོང་། ཞིང་དང་ལྡུམ་ར་ཟད་ཅིང་བང་མཛོད་སྟོང་། དུར་སྦ་ན་ཐག་པས་རྐེ་བཅིངས་པ་སོགས་རྐྱེན་ངན་སྣ་ཚོགས་འབྱུང་། གཉེན་བསྡེབས་ན་བྱེ་བྲལ་འོང་། གྲུ་སྒྲོལ་ན་ངེས་པར་ཆུར་བྱིངས། སྤུ་ཉི་མ་སྟེ་ལྷ་མཚམས། བྱ་ཉིར་ཕོ་བྲང་དུ་འབྱོར། ཁང་ལས་བྱས་ན་ཞིང་དང་ལྡུམ་ར་འབྱོར། རྟ་ནོར་ཕྱུགས་ཀྱིས་རི་ལུང་གང་། བཙན་ཕྱུག་འཛོམ་ལ་བུ་དང་ཚ་བོ་ཡ་རབས་འོང་། དུར་སྦ་

― LT41_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ལས་ཚན་མཐོ་ལ་འཕར་ཞིང་གོང་མའི་མདུན་ལ་འགྲོ། བག་མ་བསུ་ན་བུ་བརྒྱུད་ཟླ་བའི་དཀྱིལ་འཁོར་དུ་ཞུགས། ལོ་གསུམ་མཚམས་ནས་བུ་ཁུར་ཏེ་གོང་མའི་ཁང་པར་སླེབས། གསིན་ཟླ་བ་སྟེ་སྣྲོན། སྟག་གི་ཉི་མར་ཕོ་བྲང་དུ་འབྱོར། ཁང་ལས་བྱས་ན་རྒྱལ་པོའི་ཆད་པ་དང་། བཙོན་དུ་ཞུགས་དགོས་པ་འོང་། ཞིང་དང་ཁང་པ་བརླག །དུར་སྦ་ན་འཆི་རྐྱེན་འོང་། གཉེན་བསྡེབས་ན་བུ་བརྒྱུད་ཤི་ལ་མཆི་མས་གདོང་པ་གང་བ་འོང་། བྱ་བ་ཀུན་མགོ་མཐའ་མེད་པ་འོང་། དབིས་མིག་དམར་ཏེ་སྣུབས། ཡོས་ཉིར་ཕོ་བྲང་དུ་འབྱོར། ཁང་ལས་བྱས་ན་ལྷའི་བཀའ་དྲིན་ཐོབ། བཙན་ཕྱུག་ཕུན་ཚོགས་ཚེ་བསོད་འཛོམ། ནོར་དང་རིན་ཆེན་འབྱོར། ཞིང་ས་རྙེད། བག་མ་བླངས་ན་བུ་ཡ་རབ་བཙས། དུར་སྦ་ན་ཕོ་མོ་ཐམས་ཅད་བཟང་ཞིང་བུ་དང་ཚ་བོ་དར། སྒོ་ཕྱེ་ཆུ་ཡུར་ཁྲིད་ན་ཞིང་དང་ཁང་པ་རྙེད། མི་རབས་རིམ་པ་བཞིན་དུ་གོང་མའི་བློན་པོ་བྱེད་ཅིང་གྲགས་པ་ཐག་རིང་དུ་རྒྱས། ཀྱཱི་ལྷག་པ་སྟེ་ཆུ་སྟོད། འབྲུག་ཉིར་ཕོ་བྲང་དུ་འབྱོར། ཁང་ལས་བྱས་ན་མཐོན་པོར་འགྱུར། ལོ་རེ་བཞིན་དུ་བཀྲ་ཤིས། དུར་སྦ་བའང་བཟང་། ཞིང་ས་དར་ལ་རྟ་ནོར་གྱིས་རི་གདོང་ཁྱབ། སྒོ་ཕྱེ་ཆུ་ཡུར་ཁྲིད་ན་ནོར་རྫས་དང་འབྲུ་རྙེད། གསེར་དངུལ་གྱི་སྒྲོམ་བུ་དང་ལོ་ཏོག་གིས་བང་བ་གང་། དཔོན་ས་མཐོན་པོར་ཐོབ་ཅིང་ཉེ་བ་ཐམས་ཅད་ཕྱུག་བཙན་བདེ་ལེགས་འོང་། རཱུ་ཕུར་བུ་སྟེ་

― LT41_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་སྨད། །གླང་གི་ཉི་མར་ཕོ་བྲང་དུ་འབྱོར། ཁང་ལས་བྱས་ན་ནོར་རྫས་རྙེད། །ཞི་དྲག་གི་དཔོན་པོ་སོ་སོར་ལས་ཚན་མཐོ། །ཞིང་དང་ཁང་པ་ནོར་རྫས་མང་པོ་འོང་། དུར་ལས་བྱས་ན་ཕྱུག་བཙན་འཛོམ། སྒོ་ཕྱེ་ཆུ་ཡུར་དྲངས་ན་རྟ་ནོར་རྙེད། དར་འབུ་འཕེལ་ཞིང་བུ་དང་བུ་མོ་ཡོང་། །སྐར་མ་འདི་དང་འཕྲད་ན་དུས་ཀུན་ཏུ་བཀྲ་ཤིས་ཤིང་རྐྱེན་ངན་མེད། ཉེའུ་པ་སངས་ཏེ་གྲོ་བཞིན། རྟ་ཉིན་ཕོ་བྲང་དུ་འབྱོར། ཁང་ལས་བྱས་ན་རྐྱེན་ངན་འོང་། ཁྱིམ་ཚང་མི་བདེ་མི་གྲངས་བྱེར། ཞིང་དང་དར་འབུལ་མི་ལེགས། བག་མ་བསུ་གཉེན་བསྡེབས་ན་ཐམས་ཅད་ཀྱིས་ཚུར་རང་ལ་གནོད། གསེར་དངུལ་རྒྱུ་རྫས་མེད་དུ་འགྲོ། སྒོ་ཕྱེ་ཆུ་ཡུར་ཁྲིད་ན་རྟ་ནོར་ལུག་ཕྱུག་ལ་གནོད། གཉོས་སྤེན་པ་སྟེ་བྱི་བཞིན། ཕག་ཉིན་ཕོ་བྲང་དུ་འབྱོར། ཁང་ལས་བྱས་ན་བུ་མོ་ལ་གནོད། བུ་སྤུན་ཐམས་ཅད་གཅིག་གིས་གཅིག་ལ་སྡང་བས་སྟག་དོམ་འཕར་བ་འདྲ་བ་འོང་། དུར་སྦ་ན་རྐྱེན་འབྱུང་། འདྲེ་དང་འཕྲད། བྱ་བ་བྱས་ཚད་དཔོན་པོ་ལ་གཏུགས་ནས་ནོར་རྫས་བརླག་པ་འོང་། སྨྱོ་ནད་འོང་། སྒོ་ཕྱེ་ཆུ་ཡུར་དྲངས་ན་ཁྱིམ་བརླག །ཡུལ་གཞན་དུ་དོན་དགོས་པ་འོང་། ཤུའི་ཉི་མ་སྟེ་མོན་གྲེ། བྱི་ཉིར་ཕོ་བྲང་དུ་འབྱོར། ཁང་ལས་བྱས་ན་རྐྱེན་ངན་དང་། ཕོ་མོ་སོ་སོར་རྐྱང་པར་ཉལ་དགོས་པ་འོང་། བུ་དང་ཚ་བོ་རྣམས་ངོ་ཚ་མེད་པ་འོང་། སྒོ་ཕྱེ་ཆུ་ཡུར་དྲངས་ན་གོད་ཁ་

― LT41_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡང་། སྟག་དང་སྦྲུལ་གྱི་གནོད་པ་དང་། ལོ་རེ་བཞིན་དུ་ནད་རིམས་ཀྱིས་འཆི་རྐྱེན་འོང་། ཝུ་ཟླ་བ་སྟེ་མོན་གྲུ། གླང་ཉིར་ཕོ་བྲང་དུ་འབྱོར། ཁང་པ་མཐོན་པོ་བཟོ་མི་ཉེན། ཁྲག་བབས་པ་སོགས་ཀྱི་གོད་ཁ་འོང་། ལོ་གསུམ་གྱི་བྱིས་པའང་ཆུ་ནང་ཤི་བ་ཡོང་། ཕྱི་ནས་ཐག་རིང་འགྲོ་མི་ཡོད་ན་ཡང་རང་ཡུལ་དུ་མི་འཁོར། དུར་སྦ་ན་ལོ་ངོས་ལ་ཉལ་འདུག་དགོས་པ་འོང་། སྒོ་ཕྱེ་ཆུ་ཡུར་དྲངས་ན་གོད་ཁ་འོང་། ལོ་གསུམ་མཚམས་ནས་ལན་ལྔ་སེམས་སྡུག་དགོས་པ་འོང་། ཞི་མིག་དམར་ཏེ་ཁྲུམས་སྟོད། རྟ་ཉིར་ཕོ་བྲང་དུ་འབྱོར། ཁང་ལས་བྱས་ན་ཞིང་དང་གླང་འབྱོར། མི་རབས་རིམ་པ་བཞིན་དུ་བུ་དང་ཚ་བོ་རྣམས་གོང་མ་དང་ཉེ་བར་འགྱུར། ཕྱུག་བཙན་དར་རྒྱས་ལྷ་ཡུལ་དུ་སླེབས། ཕཱིང་ཙུའི་ལྟ་བུ་ལོ་བརྒྱད་བརྒྱ་ཐུབ། སྒོ་ཕྱེ་ཆུ་ཡུར་དྲངས་ན་ནོར་རྫས་རྙེད། བག་མ་ལེན་ན་བུ་ཡ་རབས་བཙས། དུར་སྦ་ན་ཁང་སྒོ་དར་ཞིང་བུ་བརྒྱུད་རྒྱས། དབིའི་ལྷག་པ་སྟེ་ཁྲུམས་སྨད། ཕག་ཉིར་ཕོ་བྲང་དུ་འབྱོར། ཁང་ལས་བྱས་ན་ཞིང་དང་གཞིས་ཀ་འབྱོར། གོས་དར་འཕེལ་ལ་བསོད་ནམས་ནམ་མཁར་འཕྱུར། བྲན་ཕོ་མོ་དང་མི་གྲངས་འཕེལ། སྒོ་ཕྱེ་ཆུ་ཡུར་དྲངས་ན་མི་རབས་ཁྱད་འཕགས་ཚར། དུར་སྦ་ན་ནོར་རྫས་འབྱོར་ཞིང་ལས་ཚན་ཐོབ། ཁྱིམ་ནང་བྱ་བ་ཅི་བྱེད་བདེ་སྐྱིད་ལྡན། བག་མ་བླངས་ན་བུ་མཆོག་བཙས་ལ་བཟང་། སྔ་

― LT41_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་ནས་གྲགས་པ་ཆེན་པོ་ཐོབ་ཅིང་མྱེས་པོའི་རིང་གི་ལྕག་ཚན་འཛིན། ཁོའི་ཕུར་བུ་སྟེ་ནམ་གྲུ། སྤྲེལ་ཉིར་ཕོ་བྲང་དུ་འབྱོར། ཁང་ལས་བྱས་ན་བཀྲ་ཤིས་པར་འོང་། དུར་སྦས་ན་ལོ་གཅིག་གི་ནང་ནས་མི་གཉིས་གསུམ་ཤི་བའི་རྐྱེན་ལྡང་། རྒྱལ་པོའི་ཆད་ལས་ཕོག །སྒོ་ཕྱེ་ཆུ་ཡུར་དྲངས་ན་གོད་ཀ་འབྱུང་། ལོ་གསུམ་མཚམས་ནས་བུ་གཉིས་ལ་གཟན་པར་འོང་། ལི་འུབ་སངས་ཏེ་ཐ་སྐར་བྱ་ཉིར་ཕོ་བྲང་དུ་འབྱོར། ཁང་ལས་བྱས་ན་ཁྱིམ་མཐུན། བྱ་བ་ཀུན་དར། ནོར་རྫས་རྣམས་ཉིན་རེ་བཞིན་ཁྱིམ་དུ་འོང་། ཕུ་ནུ་ཐམས་ཅད་གྲགས་པ་ཆེ། གཉེན་བསྡེབས་ན་བརྒྱུད་ཡ་རབས་འོང་། གསེར་དངུལ་དར་གོས་ཀྱིས་མཛོད་སྒམ་གང་། སྒོ་ཕྱེ་བ་དང་ཆུ་ཡུར་དྲངས་ན་བཀྲ་ཤིས་པར་འོང་། ཕོ་མོ་ཐམས་ཅད་ཕྱུག་བཙན་འཛོམ་སྟེ་ཚེ་རིང་བར་འབྱུང་། དབུའི་སྤེན་པ་སྟེ་བྲ་ཉེ། ཁྱི་ཉིར་ཕོ་བྲང་དུ་འབྱོར། ཁང་ལས་བྱས་ན་ཕྱུག་བཙན་འཛོམ། དགའ་བ་མང་། དུར་སྦན་ལས་ཚན་མཐོ་ལ་གོད་ཁ་མེད། གཉེན་བསྡེབས་ནའང་ཕྱུག་ཅིང་བཙན་ལ་བཟའ་མི་ཡུན་རིང་དུ་འགྲོགས་པ་འོང་། ཁྱིམ་ཚད་དར་ཞིང་བུ་ཚའི་བརྒྱུད་པ་གསེར་གྱི་ཐེམ་སྐས་འཛེགས་པ་འདྲ། མའུ་ཉི་མ་སྟེ་སྨིན་དྲུག །ཡོས་ཉིར་ཕོ་བྲང་དུ་འབྱོར། ཁང་ལས་བྱས་ན་ཞིང་དང་གླང་འབྱོར། དུར་སྦ་ན་རྒྱལ་པོའི་ཆད་པ་རྒྱུན་མི་ཆད། ཉི་མ་གཉིས་ཀྱི་མཚམས་ནས་མི་གསུམ་ཤི་

― LT41_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འོང་། ཞིང་དང་ལྡུམ་ར་ཐམས་ཅད་བཙོང་དགོས་པ་འབྱུང་། སྒོ་ཕྱེ་ཆུ་ཁྲིད་ན་གོད་ཁ་ལྡང་། ལོ་གསུམ་གྱི་བྱིས་པའང་སྐྲ་དཀར་པོར་འགྲོ། གཉེན་བསྡེབས་ན་གསོན་པོ་བྱེར་ལ་སེམས་སྡུག་པ་འོང་། བིའི་ཟླ་བ་སྟེ་སྣར་མ། སྤྲེལ་ཉིར་ཕོ་བྲང་དུ་འབྱོར། ཁང་ལས་བྱས་ན་ཁང་ཁྱིམ་འོད་དང་ལྡན། ཁང་ཞིང་ཉོ་རྒྱུ་རྙེད་ནས་འབྲས་དང་ནོར་རྫས་རྙེད། དུར་སྦ་ན་དཔོན་པོའི་ལས་ཚན་ཐོབ། ཞིང་དང་དར་འབུད་ར་ལ་ཡུན་རིང་ལོ་ལེགས་འོང་། སྒོ་ཕྱེ་ཆུ་ཁྲིད་ན་བཀྲ་ཤིས་ཤིང་ཁྱིམ་མི་ཐམས་ཅད་བདེ་བ་འོང་། གཉེན་བསྡེབས་ན་བུ་བརྒྱུད་བཟང་པོ་སྐྱེས། ཚེ་བསོད་འཛོམ་པ་འོང་། ཙུའི་མིག་དམར་ཏེ་མགོ། བྱ་ཉིར་ཕོ་བྲང་དུ་འབྱོར། ཁང་ལས་བྱས་ན་དཀའ་ལས་ཐམས་ཅད་ཆུད་ཟོས། ལོ་གསུམ་སྟེང་ནས་བྱེ་བྲལ་འོང་། དུར་སྦ་ན་འཆི་རྐྱེན་འོང་། ངེས་པར་སྟག་གི་ལོ་ལ་མི་ཤི་འོང་། མི་གསུམ་ཙམ་འཆི། ཁྱིམ་ཚང་ཁང་ཞིང་ཐམས་ཅད་བརླག །བང་མཛོད་ཐམས་ཅད་ཀྱང་ཐལ་བར་འགྱུར། ཀཱི་ན་ལྷག་པ་སྟེ་ལག །ཁྱི་ཉིར་ཕོ་བྲང་དུ་འབྱོར། ཁང་ལས་བྱས་ན་ཁྱིམ་ཚང་དར། བསོད་ནམས་སྐར་མས་མགོན་འོང་། ཞིང་དང་ནོར་རྫས་དར་ཞིང་རྒྱས་དུར་སྦ་ན་ནད་དང་འཆི་རྐྱེན་འོང་། སྒོ་ཕྱེ་ཆུ་ཁྲིད་ན་ལས་ཚན་ཐོབ། བུ་དང་ཚ་བོ་ཞིང་ས་འཕེལ། བག་མ་བླངས་ན་ཕན་ཚུན་གནོད་པ་འོང་། བུ་དང་བུ་མོའི་མེ་ཏོག་སྔ་དྲོ་ཧ་ནས་ཕྱི་དྲོ་ལྟུང་། ཙིང་ཕུར་བུ་སྟེ་ནབས་

― LT41_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །ལུག་ཉིར་ཕོ་བྲང་དུ་འབྱོར། ཁང་ལས་བྱས་ན་དར་འབུ་དང་ཞིང་འཕེལ། གསེར་གྱི་བྱང་བུ་ལ་མིང་བྲིས་པའི་ལས་ཚན་ཨངྐི་དང་པོ་ཐོབ། དུར་སྦ་ན་སྐྲག་སྣང་གི་འཆི་རྐྱེན་དང་། གློ་བུར་དུ་རླུང་ནད་ཀྱིས་འཆི་རྐྱེན་ཡོད། སྒོ་ཕྱེ་དང་ཆུ་ཁྲིད་ན་རྟ་གླང་ནོར་ཕྱུགས་དང་བུ་བརྒྱུད་རྣམས་འཕེལ་ཞིང་རྒྱས། ཀུའི་པ་སངས་ཏེ་རྒྱལ། བྱི་ཉིར་ཕོ་བྲང་དུ་འབྱོར། ཁང་ལས་བྱས་ན་བྲན་གཡོག་བརླག །ཁང་པའི་ནང་ན་བདག་པོའི་བུ་བརྒྱུད་མཐོང་རྒྱུ་མེད། དུར་སྦ་ན་ལས་ཚན་ཐོབ། བུ་དང་ཚ་བོའི་བརྒྱུད་པ་རིམ་པ་བཞིན་གོང་མ་དང་ཐག་ཉེ། སྒོ་ཕྱེ་ཆུ་ཁྲིད་ན་འཆི་རྐྱེན་འོང་། བག་མ་བསུ་ན་བཟའ་མི་གཉིས་མཐའ་མི་བརྟན། གྱང་བརྡུང་ན་མནའ་མ་མངལ་ཆགས་པ་ལ་གནོད། ལིའུ་སྤེན་བ་སྟེ་སྐག །སྦྲུལ་ཉིར་ཕོ་བྲང་དུ་འབྱོར། ཁང་ལས་བྱས་ན་གྱོད་འོང་། ཐུན་མས་རྟག་ཏུ་འཚེ་ལ་བདེ་མི་འཇུག །དུར་སྦ་ན་ཚད་རིམས་ཀྱིས་འཆི་རྐྱེན་འོང་། ཞིང་དང་ར་བ་བྱེར་ཞིང་ཡུགས་སར་ལུས། སྒོ་ཕྱ་ཆུ་ཡུར་དྲངས་ན་འོན་ལོང་དང་། རྐེད་པ་སྒུར་ཅིང་གཞུ་འདྲ་འོང་། ཆད་ལས་དང་བུད་མེད་གཞན་དུ་འཁྱམས་པའང་འོང་། གསིན་ཉི་མ་སྟེ་མཆུ། རྟའི་ཉི་མར་ཕོ་བྲང་དུ་འབྱོར། ཁང་གསར་བཟོ་བ་བཟང་། ལས་ཚན་མཐོ་ཞིང་གོང་མའི་མདུན་དུ་ཉེ་བར་འགྱུར། དུར་སྦ་དང་ཆུ་ཡུར་དྲངས་ན་གོད་ཁ་འོང་ལ་མོ་རིགས་ཐམས་

― LT41_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་འཆི། བག་མ་བསུ་ན་བྱེ་བྲལ་འོང་ལ་མི་གཞན་ཞིག་གི་ཕག་ལ་འགྲོ་དགོས་པ་འབྱུང་། ཆུ་ཁྲིད་ན་ཚེ་ལ་གནད། ཙྭང་ཟླ་བ་སྟེ་གྲེ། ལུག་ཉིར་ཕོ་བྲང་དུ་འབྱོར། ཁང་ལས་བྱས་ན་ལོ་རེ་བཞིན་ཞིང་དང་གཉིས་ཀ་འོང་། དུར་སྦ་ན་ཡུན་མི་རིང་གོང་ནས་ལས་ཚན་ཐོབ། མི་རབས་རིམ་པ་བཞིན་ལས་ཚན་བྱེད་ནས་གོང་མ་དང་ཉེ་བར་འགྱུར། སྒོ་ཕྱེ་ཆུ་ཡུར་ཁྲིད་ན་ནོར་རྫས་རྙེད། གཉེན་བསྡེབས་ན་བསོད་ནམས་འཕེལ་ཞིང་། ཞིང་དང་དར་འབུ་ལེགས། གཞིའི་མིག་དམར་ཏེ་དབོ། བྱི་ཉིར་ཕོ་བྲང་དུ་འབྱོར། ཁང་ལས་བྱས་ན་ཁང་པ་མཐོན་པོ་བཟོ་བ་མི་ལེགས། ལོ་གསུམ་ནང་ནས་ནད་ངན་ལན་གཉིས་འོང་། དུར་སྦ་ན་མི་ལེགས། བུ་ཚ་གཞན་གྱི་ཡུལ་དུ་འཁྱམས་པར་འགྱུར། བག་མ་སློང་ན་བུ་མོ་རྣམས་ལ་མི་ལེགས་པ་འོང་། སྒོ་ཕྱེ་ཆུ་ཡུར་ཁྲིད་ན་ཁྱིམ་བརླག །བུ་མོ་གཞོན་མ་ཚོ་ཕྱིའི་མེ་ཏོག་ལ་ཆགས་པར་འགྱུར། ཅིང་ལྷག་པ་སྟེ་མེ་བཞི། སྦྲུལ་ཉིར་ཕོ་བྲང་དུ་འབྱོར། ཁང་ལས་བྱས་ན་འབྲུག་མཁར་བརྩེགས་པ་ཡིན། མི་རབས་རིམ་པ་བཞིན་དུ་ལས་ཚན་མཐོན་པོ་བྱེད། ཕྱུག་བཙན་དར་རྒྱས་ཚེ་བསོད་འཕེལ། ལོ་ཐོག་གིས་བང་མཛོད་གང་ལ་སྟོན་ཐོག་འོང་། དུར་སྦ་ན་བཀྲ་ཤིས་སར་མས་མགོན། ཁྱིམ་ཚང་བདེ་ཞིང་གོད་ཁ་མེད། གཉེན་བསྡེབས་ན་འབྲུག་མཁར་ནས་འཐོན་པ་ལྟ་བུ་འོང་། ཡང་སོ་སོར་དམིགས་གསལ་

― LT41_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ་དག་གཟའ་བདུན་སྤྱིའི་འབྲས་བུ་བསྡུས་ཏེ་བཀོད་པ་ལ། སྥུ། ཤུའི། མའུ། གསིང་སྟེ་ཉི་མ་བཞི་ལ། ཉི་མ་སྣང་བ་ཆེན་པོ་གསལ་བ་ཡིན་པས་བྱ་བ་ཀུན་ལ་བཟང་། ཁང་ལས་དང་ཐག་རིང་གི་ཉོ་ཚོད་བྱེད་པ་ལ་རྒྱུ་རྫས་མང་པོ་འཕེལ། ལས་ཚན་འཚོལ་ན་ཁྲི་འཕང་ཟེ་མཐོར་འགྲོ་ཞིང་གོས་མཐོན་པོ་ཐོབ། ལམ་ཞུགས་དང་འཕོ་སྐྱས་རྣམས་བཟང་པོར་གནས། བག་མ་བསུ་བ་དང་། ཞིང་ཉོ་ན་བུ་མཆོག་བཙས་པ་སོགས་དགའ་ཞིང་སྐྱིད་པར་འོང་། ཁྱད་པར་དུ་ཏིན་ཀྱོའི་སྟེ་བཞག་པ་ལྟ་བུ་ཡོས། འབྲུག་སྦྲུལ། རྟ་རྣམས་ཀྱི་ཉི་མ་དང་། ཕོ་བྲང་འབྱོར་བའི་ཉིན་ལ་ལྷག་པར་བཟང་། དཔའུ། གཡིས་ཙྭང་གི་ཉི་མ་ལ་དེ་ལས་ཀྱང་བཟང་། ཉི་མ་འདི་ལ་དུར་སྦ་ཁོ་ན་ངན། གཞན་བྱ་བ་བརྒྱ་ཕྲག་གཅིག་ལ་བཟང་བར་བཤད། ཉིན་མོ་རིང་དུས་སྟག །ཐུང་དུས་ཡོས། ཟླ་བ་བཅུ་གཉིས་པར་འབྲུག་གི་དུས་ནས་བཟུང་སྟེ་ཉིན་ཕྱེད་རྟའི་བར་དུ་ཉི་མ་དར། ཁྱད་པར་དུ་ལྷོའི་རྟ་ལ་དབང་བའི་གསིན་ཉི་མ་དེ་དང་འཕྲད་ན་ལྷག་པར་སྟོབས་ཆེ། གཞན་རྣམས་སྟོབས་ཆུང་། ཉིན་གུང་ནས་ནམ་གུང་བར་ཉི་མ་གུད་པའི་དུས་ཡིན། གསིན། ཝཱུ། བིའི། ཙྭང་སྟེ་ཟླ་བ་བཞིའི་རེས་ལ། ཏིན་ཀྱའོ་སྟེ། སྤྲེལ་བྱ་ཁྱི་ཕག་བྱི་གླང་གི་ཉི་མ་དང་། ཕོ་བྲང་འབྱོར་ཉིན་ལྷག་པར་བཟང་། ཁང་ལས། དུར་སྦ། ཐག་རིང་གི་ཉོ་ཚོང་བྱེད་པ། བག་མ་བསུ་

― LT41_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

བ་རྣམས་ལ་ལྷག་པར་བཟང་ཞིང་གྲགས་པ་ཐོབ། འཕོ་སྐྱས་ལམ་ཞུགས་ཀྱང་བཟང་ལ་སྐྱིད་འཕེལ། ཏིན་ཀྱའོ་དང་ཕོ་བྲང་སླེབས་ཉིན་ཡིན་ན་གོས་ཆེན་སྟེང་ན་གསེར་རིས་ཁྲིད་པ་དང་འདྲ་བས་ཤིན་ཏུ་ཡང་དགེ། དཔའུ། གཡིས། ཙྭང་གི་ཉི་མ་ལ་ལྟག་པར་ལེགས། ཡོས་འབྲུག་སྦྲུལ་རྟ་རྣམས་ལ་ཟླ་བ་འོད་མི་གསལ་བའི་དུས་ཡིན་པས་བཟང་ཡང་ནུས་པ་ཆུང་། ཁང་ལས་སོགས་ཉི་མ་དང་འདྲ་ཡང་དུར་སྦ་ལ་ནི་མཆོག་ཏུ་བཟང་། ཉིན་མོ་རིང་དུས་ཁྱི། འབྲིང་དུས་ཉི་ཐལ། ཐུང་དུས་སྤྲེལ་སྨད་ཙམ་ནས་ཕྱེད་ཡོལ་གླང་དུས་དང་། ཚེས་བརྒྱད་ནས་བཅོ་ལྔའི་བར་ཤིན་ཏུ་དར། དེ་ནས་ཐོ་རེངས་སྟག་གི་བར་དུ་ཡང་དར་བ་ཡིན། དབིས། ཞི། ཙུའི། གཞིའི་སྟེ་མིག་དམར་བཞིའི་རེས་ལ། དུར་སྦ་བ་བཟང་། ལྷག་པར་ཕོ་བྲང་སླེབས་ཉིན་དུར་འདེབས་པ་ཡིན་ན་བཙན་ཕྱུག་འཛོམ་ལ་འགྲན་ཟླ་དང་བྲལ་བ་འོང་། ཁང་ལས་བྱས་ན་མེ་དགྲ་འོང་། ཐག་རིང་ཉོ་ཚོང་བྱེད་ན་རྒྱབ་ནས་ཤི་རྐྱེན་འོང་། ལར་བྱ་བ་ཅི་བྱས་ཀྱང་དུད་མོ་ཤོར་བའི་རྐྱེན་ངན་སྣ་ཚོགས་འབྱུང་། དུར་སྦ་མ་གཏོགས་གཞན་བྱ་བ་ཐམས་ཅད་དངོས་པོ་རྣམས་མེ་དང་འཕྲད་ན་འཚིག་འགྲོ་བ་ལྟ་བུ་ཡིན་པས་སྤངས། དར་བའི་དུས་སྟག །སྦྲུལ། རྟ་རྣམས་ཀྱི་ཉི་མ་དང་། དབྱར་ར་འབྲིང་མེ་དར་བའི་དུས་ཡིན་པས་ངན་སྟོབས་ལྷག་པར་ཆེ། བྱ་བ་གལ་ཆེན་མི་བྱེད་ཀ་མེད་པ་བྱུང་ན་དགུན་ར་

― LT41_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་དང་། ཆུ་ཁྱི་ཕག་སྤྲེལ་གླང་བཅས་ཀྱི་ཉི་མ་ལ་གུད་པའི་དུས་ཡིན་པས་ངན་སྟོབས་ཆུང་སྟེ་སྐྱོན་མེད། དར་བའི་དུས་དང་ཕོ་བྲང་འབྱོར་ཉིན་རྣམས་ལ་བྱ་བ་ཅི་བྱས་ཀྱང་ངན་སྟོབས་ཤིན་ཏུ་ཆེ་བས་གོད་ཁ་ལྡང་བ་སོགས་ཉེས་པ་དུ་མ་འབྱུང་བས་འཛེམ་པ་གལ་ཆེ། ཀྱཱི། དབིའི། ཀྭིན། ཙིང་སྟེ་ལྷག་པ་བཞིའི་རེས་ལ། གཞོྭ་སིའུ་སྟེ་གུད་པའི་སྐར་མ་ཟེར། ཁང་ལས་དུར་སྦ་སོགས་བྱ་བ་ཁྲི་ཕྲག་ལ་དོན་གཉེར་ན་བུ་དང་ཚ་བོ་ཕོ་མོ་ཐམས་ཅད་ཚུལ་མཐུན་པ་མི་འོང་། བུ་ཚ་ཉམས་དམས་ནས་མི་ཡིས་བརྙས་བཅོས་བྱེད། གྱོད་ཁ་མཆུ་ན་ཚ་འོང་། བག་མ་བསུ་ན་གཟའ་སྐར་བཟང་ཡང་མི་ཉེན། དབའུ། གཡིས་ཙྭང་གི་ཉི་མ་བྱུང་ན་རྟ་ནོར་གསོ་བ། མེ་ཏོག་ལྡུམ་ར་བཟོ་བ། ཆར་སློང་བྱེད་པ། ཆུ་རྫིང་བརྐོ་བ། མེ་ཏོག་བཙུགས་སྤོས་བྱེད་པ། ཤིང་སྦྱར་བ། རོལ་མོའི་རིགས་བཟོ་བ་རྣམས་ཅིས་ཀྱང་ལེགས། བྱི་འབྲུག་སྤྲེལ་གསུམ་གྱི་དུས་དང་བསྟུན་ན་དེ་ལས་ཀྱང་བཟང་། སོ་སོའི་ཕོ་བྲང་དུ་འབྱོར་ཉིན་གོ་རྩིས་བྱེད་པ། ཁང་ལས། དུར་སྦ། གྲུ་སྒྲོལ་བ། གོས་དང་གུར་དྲ་བཟོ་བྱེད་པ། ཆང་བཙོ་བ། བུ་ལོན་བཏང་བ་བཅས་འཛེམ། སྤྲེལ་ཕག་བྱི་བའི་ཉི་མ་དང་དུས་ཚོད་རྣམས་ལ་དར་བས་བཟང་། སྟག་ནས་ལུག་གི་ཉི་མའི་བར་ཞག་དྲུག་ལ་གུད་པས་བཟང་བཤད་རྣམས་མི་འགྲུབ། དུས་བཞི་ལས་ཕག་དང་བྱའི་ཟླ་བར་དར། གྱོ།

― LT41_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

རཱུ། ཁོའི། ཙིང་སྟེ་ཕུར་བུ་བཞིའི་རེས་ལ། ཁང་ལས། དུར་སྦ། བག་མ་འགྲོ་བསུ་བྱས་ན་བུ་ཡ་རབས་བཙས། དེ་ལས་ཀྱང་ཕོ་བྲང་དུ་འབྱོར་བའི་ཉི་མ་ལ་བུ་བཙས་ན་མི་བརྒྱུད་ལ་ངོ་མཚར་བ་འོང་། ལས་ཚན་འཚོལ་ནའང་ལས་ཚན་ཐོབ་ཅིང་ཁྲི་འཕང་ཇེ་མཐོར་འགྲོ། ཁེ་བསྙག །ཉོ་ཚོང་། འཕོ་སྐྱས། ལམ་ཞུགས་སོགས་ལའང་བདེ་བ་ཐོབ། དཔའུ། གཡིས། ཙྭང་གི་ཉི་མ་དང་། ཕག །སྟག །ཡོས་ཀྱི་ཉི་མ་རྣམས་དང་འཕྲད་ན་ཕུར་བུ་ལྷག་པར་དར་བས་ངེས་པར་མི་མཆོག་བཙན་པོ་ཆེན་པོ་ཐོབ། ཁྭང་། ཉིའུ། ལཱུ། ཀུའི་སྟེ་པ་སངས་བཞིའི་རེས་ལ། ཁང་ལས། དུར་སྦ། བག་མ། འཕོ་སྐྱས་སོགས་འཛེམ་དགོས་འདི་ལ་དཔོན་པོ་ཁྲི་ཁར་བཞག་ན་གྲགས་པ་མང་པོ་བརྙེས། ངེས་པར་ལས་ཚན་ཇེ་མཐོར་འགྲོ། ལམ་དུ་ཞུགས་ན་གཞན་གྱི་བཀུར་སྟི་ཐོབ། ཐག་རིང་ཉོ་ཚོང་དང་། མགྲོན་པོ་ཚོགས་ན་བཅུ་འགྱུར་གྱི་ཁེ་ཡོང་། སྒོ་བཟོ་བ། ཐབ་བཅའ་བ་སོགས་བྱས་ན་སྐྱིད་ཅིང་སྤྲོ། གོང་དུ་བཤད་པའི་འཛེམ་བྱ་རྣམས་དང་། རྟ་ནོར་གྱི་ར་བ་བཟོ་བ་བཅས་ལ་ཕོ་བྲང་དུ་འབྱོར་ཉིན་དང་། དར་བའི་ཉི་མ་སོགས་ལ་ལྷག་པར་ངན། དེ་བཞིན་དུ་དར་བའི་དུས་འདིར་བཟང་བ་རྣམས་ཀྱང་བཟང་ཐོག་ཏུ་བཟང་བརྩེགས་པ་དང་འདྲ། དར་བའི་དུས་ནི་སྦྲུལ། སྤྲེལ། བྱའི་ཉི་མ། དུས་བཞི་ལས་བྱ་སྤྲེལ་གཉིས་ཀྱི་ཟླ་བ་ཡིན། གལ་སྲིད་གླང་སྟག་སྟེ་དུར་ཞུགས་

― LT41_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་ལེན་གཉིས་ཀྱི་ཉི་མ་དང་འཕྲད་ན་བཟང་ངན་ཅིའང་སྟོབས་ཆུང་། ཏིས། གཉོས། དབུའི། ལིའུ་སྟེ་སྦེན་པ་བཞིའི་རེས་ལ། ཁང་ལས། དུར་སྦ། བག་མ་འགྲོ་བ་སོགས་བྱ་བ་ཐམས་ཅད་ལ་ངེས་པར་འཛེམ་དགོས། གལ་ཏེ་བྱས་ན་ཁམ་ཆུ་འོང་། དཔོན་པོ་དང་ལས་ཚན་བརྐོས་ན་ཁྱིམ་ཚང་དང་མི་བརྒྱུད་ལ་གནོད། རང་ལའང་ན་ཚ་འོང་། ལྷག་པར་ཚེས་གཉིས་དང་བཅུ་དྲུག་ལ་འདི་ཡོད་ན་བདེ་སྐྱིད་མི་འོང་། ཤྱན་གཡྱང་ཟེར་བ་ན་རེ། ཚེས་གཉིས་དང་བཅུ་དྲུག་ལ་བག་མ་བསུ་བ། དཔོན་པོ་བསྐོ་བས་འཆི་རྐྱེན་འོང་ཟེར་བ་འདི་ཡིན། ཁྱི་ཉིར་ཕོ་བྲང་དུ་འབྱོར་བ་དང་། མེ་ཁྱིའི་ཉི་མར་དཔའུ་སྟེ། དེས་ན་མི་ཁྱིའི་ཉི་མ་འདི་ལ་བག་མ་ལེན་པ་ཁོ་ན་ལ་ལྷག་པར་བཟང་། སྟག་སྦྲུལ་གཉིས་དང་ཁྱི་འབྲུག་གླང་ལུག་བཞིའི་ཉི་དུས་ལ་དར་བས་ངན་སྟོབས་ཆེ། ས་རྒྱལ་བཞིའི་ཞག་དང་ཐུག་ན་དེ་ལས་ཀྱང་ངན་སྟོབས་ཆེ། ཡང་དཔའུ། གཡིས། ཙྭང་། ཙིའི། སྤུ་ཞེས་པའི་ཉི་མ་རྣམས་ནི། བྱི་བའི་ཉི་མ་ལ་དཔེར་མཚོན་ན། ལྕགས་ཕོ་བྱི་བའི་ཉིན་ལྟ་བུ་འབྱུང་བ་ལྕགས་མ། ཉི་མ་བྱི་བ་དེ་ཆུ་ཡིན་པས་བུ། དེ་ལ་དཔའུའི་ཉི་མ་ཟེར་བཟང་། ཤིང་བྱི་ལ་འབྱུང་བ་བུ། ཉི་མ་མ་སྟེ་གཡིས་ཞེས་བཟང་། ཆུ་བྱི་ལ་གཉིས་ཀ་ཆུ་ཡིན་པས་ཙྭང་སྟེ་དེའང་བཟང་། ས་བྱི་ལ་འབྱུང་བ་དེ་ཉི་མའི་དགྲར་གྱུར་པས་ཙིའི་སྟེ་གོང་མས་བློན་པོ་ལ་བཀའ་བཀྱོན་པ་

― LT41_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འདྲ་སྐྱོན་མེད་ཙམ་དང་། མེ་བྱི་ལ་ཉི་མ་དེ་འབྱུང་བའི་དགྲར་གྱུར་པས་སྥ་སྟེ་བློན་པོས་གོང་མ་ལ་ངོ་ལོག་པ་དང་འདྲ་བས་ཤིན་ཏུ་ངན། དེས་ན་གཟའ་རྣམས་ཀྱང་དཔའུ། གཡིས། ཙྭང་། ཙིའི། སྥ་རྣམས་དང་ཐུག་ན་བཟང་པོ་བཟང་སྟོབས་ཆེ་ལ་ངན་པ་ངན་སྟོབས་ཆེ་ཞེས་ཐང་ཤུ་ཆེན་མོ་ལས་བཤད། གཟའ་སོ་སོའི་ཕོ་བྲང་དུ་སླེབས་ཉིན་གསབ་ཆད་པའི་ཉི་མའམ། སྔར་དམའ་ཉི་ཞེས་བསྒྱུར། ལམ་ཞུགས། ལྷ་འབྲི་བ། བླུགས་པ། ས་བརྐོ་བ་རྣམས་འཛེམ་པར་བྱའོ།། །།

― LT41_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

ངོ་མཚར་སྒོ་བརྒྱད་ཀྱི་རྩིས།

― LT41_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་མཚར་སྒོ་བརྒྱད་ཀྱི་རྩིས་ལ། རྣམ་པར་རྒྱལ་བའི་ངོ་མཚར་སྒོ་བརྒྱད་ནི། །དགེ་བའི་སྒོ་དང་སྐྱེ་སྒོ་གནོད་པའི་སྒོ། །དགག་དང་གསལ་འཆི་འཇིགས་དང་འབྱེད་སྒོ་ཞེས། །རིམ་བཞིན་སྤར་ཁ་རེ་དང་སྒོ་རེ་སྟེ། །དགུན་འབྲིང་ཉི་ལྡོག་འོག་གི་ཤིང་བྱི་ནས། །བརྩམས་ཏེ་ཁཾ་ཆུ་ནས་བཟུང་གཡས་སྐོར་དུ། །ཞག་ལྔ་རེ་ལ་སྒོ་རེ་འཕོ་བར་བཞེད། །དེ་ནི་ཉིན་ཞག་དབང་གི་འཕོ་ལུགས་ཏེ། །དུས་ཚོད་དབང་གིས་འཕོ་ལུགས་ཉི་མ་དེའི། །བྱི་བའི་དུས་ནས་བཟུང་སྟེ་དུས་བཅུ་རེའོ། །དེ་དག་གང་ལ་གང་འོས་མཚམས་སྒོ་ནི། །དགེ་བའི་སྒོ་ནས་ཡ་རབས་གོང་མ་མཇལ། །མིང་དང་གྲོགས་ནོར་འཚོལ་ལ་ཤིན་ཏུ་བཟང་། །སྐྱེ་བའི་སྒོ་ནས་ཉོ་ཚོང་རྟག་ཏུ་རྒྱལ། །བུ་ལོན་བདའ་ལ་གནོད་པའི་སྒོ་རབ་བསྔགས། །འཇིགས་པས་ཉེན་ཏེ་བྲོས་ཡིབ་དགག་སྒོ་གནད། །ནད་དང་སྡུག་བསྔལ་ལས་བྱོལ་སྐྱེ་བའི་སྒོ། །རྔོན་པ་ཉ་པའི་ལས་བྱེད་འཆི་སྒོ་བཟང་། །གྲོགས་བཟང་འཚོལ་ལ་གསལ་བའི་སྒོར་ཐོན་རབ། །ཇག་རྐུན་བཟུང་དང་སྡོམ་ལ་འཇིགས་པའི་སྒོ། །རྒྱུ་འགྲུལ་ལ་སོགས་ལས་ཀུན་འབྱེད་སྒོ་གཙོ། །འོན་ཀྱང་སྒོ་ཀུན་འབྱུང་ལྔས་བསྡུས་པ་སྟེ། །རང་འབྱུང་དར་དུས་བབ་བསྟུན་དོན་འགྲུབ་ལ། །རྒུད་ཚེ་སྒོ་དེར་བགྲོད་ཀྱང་དོན་རེ་ཆུང་། །དང་པོ་འབྱུང་བ་ལྔ་ཡི་འདུ་ཚུལ་ནི། །དགེ་སྒོ་ཆུ་ཁམས་སྐྱེ་སྒོ་ས་ཁམས་ཡིན། །གསུམ་པ་གནོད་པའི་སྒོ་ནི་ཤིང་ཁམས་ལ། །དེ་བཞིན་དགག་པའི་སྒོ་ཡང་ཤིང་གི་ཁམས། །

― LT41_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་སྒོ་མེ་ཁམས་འཆི་སྒོ་དེ་ཡང་ས། །འཇིགས་དང་འབྱེད་སྒོ་གཉིས་ཀ་ལྕགས་ཁམས་ཏེ། །དཔྱིད་ཟླ་གཉིས་ལ་ཤིང་ཁམས་རབ་ཏུ་དར། །མེ་ནི་ཤིང་གིས་བསྐྱེད་ཕྱིར་བཟང་བ་སྟེ། །ལྷག་མ་སྤང་བྱ་ཁྱད་པར་ས་ཁམས་སྤངས། །དབྱར་ཟླ་གཉིས་ལ་མེ་ཁམས་རབ་ཏུ་དར། །ས་ཁམས་མེ་ལས་བསྐྱེད་ཕྱིར་དེ་ཡང་བཟང་། །ལྷག་མ་སྤང་བྱ་ཁྱད་པར་ལྕགས་ཁམས་ངན། །སྟོན་ཟླ་གཉིས་ལ་ལྕགས་ནི་རབ་ཏུ་དར། །ཆུ་ཁམས་ལྕགས་ལས་འབྱུང་ཕྱིར་བཟང་བ་ཡིན། །ལྷག་མ་སྤང་བྱ་ཁྱད་པར་ཤིང་ཁམས་སོ། །དགུན་གྱི་ཟླ་གཉིས་ཆུ་ཁམས་རབ་ཏུ་དར། །ཤིང་ཁམས་ཆུ་ཡིས་བསྐྱེད་ཕྱིར་བཟང་ཞིང་དགེ། །ལྷག་མ་སྤང་བྱ་ཁྱད་པར་མི་སྤང་ངོ་། །ཐ་ཆུང་བཞི་གའི་ཟླ་བར་ས་ཁམས་དེར། །ལྕགས་ཀྱི་ཁམས་ཀྱང་ས་ལས་འབྱུང་ཕྱིར་བཟང་། །ལྷག་མ་སྤང་བྱ་ཁྱད་པར་ཆུ་ཁམས་སྤངས། །དེ་ནི་དུས་བཞིའི་དབང་གིས་སྤང་བླང་སྟེ། །ད་ནི་ཕྱོགས་ཀྱི་སྒོ་ནས་བཟང་ངན་བསྟན། །ཆུ་ཁམས་སྒོ་ནི་མེ་ཡི་ཕྱོགས་སུ་ངན། །ཤིང་ཁམས་སྒོ་དག་ས་གཉིས་ཕྱོགས་སུ་སྤངས། །མེ་སྒོ་ལྕགས་ཁམས་ཟུང་དང་ས་གཉིས་ཆུ། །ལྕགས་ཁམས་སྒོ་དག་ཤིང་གི་ཕྱོགས་སུ་སྤངས། །ལི་མེ་ཁོན་གིན་ས་དང་ད་ཁེན་ལྕགས། ཁམ་ཆུ་ཟོན་ཟིན་གཉིས་ཀ་ཤིང་གི་ཁམས། །དེ་ལ་ཕྱོགས་ཁམས་བཟང་ངན་སྒོ་དེ་ཡི། །རང་དང་སུ་ཡི་ཕྱོགས་སུ་བཟང་བར་བཤད། །གཞན་དག་སྤང་བྱ་ཁྱད་པར་གྲོགས་ཕྱོགས་སྤངས། །སོས་དལ་དུས་སུ་ལྷ་དགུ་བརྩི་དགོས་ལ། །རིངས་ན་སྒོ་བརྒྱད་ཁོ་ན་བརྩི་བས་འཐུས།། །།

― LT41_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

སྨེ་བ་དགུ་རྩིས།

― LT41_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

སྨེ་བ་དགུ་རྩིས་ལ། སྨེ་དགུའི་བདག་པོ་སྲིད་པའི་ལྷ་དགུ་ཞེས། །ལུགས་འབྱུང་ལུགས་ལྡོག་ཚུལ་གྱིས་འཕོ་བ་སྟེ། །དགུན་གྱི་ཉི་ལྡོག་འོག་གི་ཤིང་བྱི་ནས། །ལྔ་སེར་དྲུག་དཀར་བདུན་དམར་བརྒྱད་དཀར་སོགས། །ཉིན་ཞག་རེ་དང་སྨེ་བ་རེ་སྦྱར་བའི། །དབུས་སུ་གང་གནས་ཉིན་བདག་ཕྱོགས་མཚམས་རྣམས། །བོད་རྩིས་དཀྱུས་ཀྱི་སྨེ་འཁོར་བཞིན་དུ་འགོད། །དེ་ཡང་ཇི་སྲིད་དབྱར་གྱི་ཉི་ལྡོག་བར། །གཅིག་རྗེས་གཅིག་ནོན་ལུགས་འབྱུང་ཚུལ་དུ་འཕོ། །དབྱར་གྱི་ཉི་ལྡོག་འོག་གི་ཤིང་བྱི་ནས། །བཞི་ལྗང་སུམ་མཐིང་གཉིས་ནག་གཅིག་དཀར་སོགས། །ཉིན་ཞག་རེ་ལ་སྨེ་བ་རེ་སྦྱར་ཏེ། །མས་བཟུང་ལུགས་ལྡོག་ཚུལ་གྱིས་ནུར་བར་བྱེད། །དབུས་སུ་གང་གནས་ཉིན་བདག་ཕྱོགས་མཚམས་རྣམས། །དེ་ཡང་ལུགས་ལྡོག་ཚུལ་དུ་དགོད་པར་བྱ། །དཔེར་ན་ཤིང་བྱིའི་ཉིན་དེར་བཞི་ལྗང་དབུས། །གཞན་དག་གནམ་ལྕགས་རི་བོ་མེ་ཆུ་ས། །རླུང་ཤིང་རིམ་བཞིན་གསུམ་གཉིས་གཅིག་དགུ་བརྒྱད། །བདུན་དྲུག་ལྔ་སེར་རྣམས་དང་དེ་བཞིན་དུ། །ཉིན་བདག་གཞན་གྱི་ཚུལ་ཡང་བསྒྲེ་བར་བྱ། །ད་ནི་དེ་དག་མིང་དང་སྤང་བླང་བསྟན། །གཅིག་དཀར་བདག་པོའི་ལྷ་མིང་ལྗོན་པ་ཆེ། །ཡང་མིང་ཟ་བྱེད་ཅེ་སྤྱང་ཟེར་བ་སྟེ། །གདོང་ཐུག་འདི་རྣམས་ཕྱོགས་སོ་སོའི་བླང་དོར་བསྟན་པ་ཡིན། །ཤོ་རྒྱལ་ཉེ་དུའི་ཁྱིམ་ཐབས་བཟང་། །གོང་ས་མཇལ་ལ་བར་ཆད་ཐོག་རྡུག་མེད། །མཁས་པ་སྐྱེས་ཆེན་འཕྲད་ཅིང་གྲོགས་ཀྱང་

― LT41_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

རྙེད། །ལམ་བར་མི་རིང་གོས་ནག་གྱོན་དང་འཕྲད། །གཉིས་ནག་ལྷ་མིང་བསྡུས་འདྲེན་ཅེས་བྱ་བ། །ཐུག་འཕྲད་དོན་གང་ཕྱི་དལ་ཐེ་ཚོམ་མེད། །ལམ་ཞུགས་རྐང་གཉིས་ལྕགས་སྒྲོག་གིས་བསྡམས་འདྲ། །གལ་ཏེ་ཚུར་བསྐྱེད་བྱུང་ན་འབྲིང་པོ་ཙམ། །གནོད་སྐྱེལ་བྱུང་ན་ཀེག་དང་བར་ཆད་དོ། །ཞིང་ལས་བརྩམས་ཚེ་ཐོང་གཤོལ་ཆག་འཇིག་འོང་། །འཆི་སྒོར་བྱུང་ན་རྒན་མོའི་སྨྲེ་སྔགས་འཆོར། །གསུམ་མཐིང་ལྷ་མོར་མཚན་ལྟས་འགུགས་པ་ཞེས། །གདོང་ཐུག་བྱ་བ་གང་ཡང་འགྲུབ་མི་འགྱུར། །ལམ་ཞུགས་བར་ཆད་འབྱུང་དང་གནོད་འཚེ་མང་། །བུད་མེད་ཁ་མཆུ་ཡ་ག་སྒྲོགས་པར་བྱེད། །རྨིས་ལྟས་ངན་པས་དོགས་དང་སྟོང་སྐྲག་བྱ། ཁ་ན་སླ་དང་མཐུ་མེད་སྐད་འབྱིན་འགྱུར། །ཐབས་ལ་མཁས་ཏེ་སྤྱོད་ན་སྐྱོན་མེད་ཡིན། །བཞི་ལྗང་ལྷ་མིང་འབབས་ལེགས་ཞེས་བྱ་ལ། །གདོང་ཐོག་དོན་གང་ཡིན་ཀྱང་རྐང་ར་བྱེད། །གང་དེས་བདག་ཉིད་བསྐྱིད་ན་སྐྱོན་མེད་དེ། །གནོད་ན་ལུས་ལ་སྡུག་པས་མནར་བར་འགྱུར། །ཐག་རིང་ལམ་ཞུགས་བྲོས་ཡིབ་སྤྱོད་པ་འབྱུང་། །ཤོ་རྩེད་བྱས་ན་ཆ་ཡིས་ཕམ་པར་བཤད། །ལྔ་སེར་ལྷ་མིང་ལྷ་ཡི་ལུག་ཅེས་པ། །ཡང་མིང་འདྲེ་ལྔ་ཞེས་སུ་འདོད་པ་དེ། །རྟག་པར་བུད་མེད་གནོད་པ་སྐྱེལ་བ་དང་། །ཚུར་གནོད་བརྩམས་ན་དོན་གང་འཐོར་བར་བྱེད། །གལ་ཏེ་འདི་ཉིད་གདོང་ཐུག་བྱུང་གྱུར་ན། །ཅི་བྱེད་ཚམ་ཚོམ་སོམ་ཉི་ཆེ་བར་

― LT41_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད། །དེ་ཕྱིར་ཕྱི་བཤོལ་གང་འགྱངས་དགོས་པར་བཤད། །དྲུག་དཀར་ལྷ་མིང་གཡུ་འབྲུག་ཅེས་བྱ་སྟེ། །ཐུག་ན་དགའ་སྐྱིད་ཡང་ཡང་སྐྱེད་པར་བྱེད། །གར་ཕྱིན་ཤ་ཆང་སྟོན་མོ་དང་འཕྲད་དོ། །དོན་ནི་གང་དག་བསམ་པ་ཇི་བཞིན་འགྲུབ། །གལ་ཏེ་ཚུར་བསྐྱེད་བྱུང་ན་གྲོགས་ནོར་ཆེ། །བརྒྱ་ལ་གནོད་པ་སྐྱེལ་ན་མ་གཏོགས་པ། །དོན་རྣམས་བསམ་དགུ་ཡིད་བཞིན་འགྲུབ་ཅེས་གསུངས། །བདུན་དམར་ལྷ་མིང་བ་ཚྭའི་རྫིང་བུ་སྟེ། །ཐུག་འཕྲད་དོན་དེ་གང་ཡང་ཕྱི་དལ་ཆེ། །གལ་ཏེ་ཚུར་བསྐྱེད་བྱུང་ན་སྐྱོན་མེད་ཙམ། །གནོད་པ་བྱུང་ཚེ་ལུས་སེམས་སྡུག་ཁྲལ་ཆེ། །ཤོ་རྩེད་ཤག་འགྱེད་ཕས་ཕམ་གནོང་འགྱོད་དོ། །གྲོགས་དང་ནོར་འཚོལ་ལག་པ་སྟོང་པར་ལོག །གང་ལྟར་ལྷ་ངན་འདི་ཡང་སྤང་བྱར་བཤད། །བརྒྱད་དཀར་ལྷ་ཡི་མིང་ལ་ཟླ་བ་ཞེས། །མིང་གྲོགས་རྙེད་པ་བརྒྱ་འབྱུང་བསམ་དོན་འགྲུབ། །རང་སེམས་དགུ་ནང་རྟོགས་ཤིང་དགའ་ཚོར་འབྱུང་། །ལམ་ཞུགས་མི་རིང་ཙམ་ན་བ་ལང་གཅིག །འཁྲིད་པའི་མི་དང་ཐུག་ན་ངེས་པ་རྙེད། །དགུ་མར་ལྷ་མིང་ལྷ་ཡི་ལྗོན་པ་ཟེར། །འདི་དང་ཐུག་ན་དོན་ཀུན་ཇུས་ལེགས་ཏེ། །ལྷག་པར་ཚུར་བསྐྱེད་བྱུང་ན་ཤིན་ཏུ་བཟང་། །ཇ་ཆང་སྟོན་མོ་ངང་གིས་བསུས་ཏེ་འབྱུང་། །ལམ་ཞུགས་མི་རིང་ས་ན་བུད་མེད་དང་། །འཕྲད་ན་ལྷ་དེ་ཡིན་པའི་ངེས་རྟགས་ཡིན། །ད་ནི་དེ་དག་ཉིན་བདག་བྱེད་པའི་འབྲས། །གཅིག་དཀར་ཉིན་

― LT41_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བྱེད་ཚེ་དོན་ཀུན་འགྲུབ། །གནམ་མུན་འཐིབས་པ་འཕྲལ་དུ་དྭངས་པ་བཞིན། །ཁྱད་པར་ཞོ་རྒྱས་གྲོགས་རྙེད་ལོངས་སྤྱོད་ཆེ། །བཀྲ་ཤིས་ཇུས་ལེགས་ཐེ་ཚོམ་མེད་པའི་ངོ་། །གཉིས་ནག་ཐུག་ན་དོན་མེད་སྡུག་བསྔལ་ཆེ། །ལམ་ཞུགས་བར་ཆད་ཐོགས་རྡུག་སེམས་ལས་ཆེ། །གསུམ་མཐིང་འཕྲད་ན་དོན་འགྲུབ་ཤིན་ཏུ་དཀའ། །ལྷག་པར་བོར་སྟོར་འབྱུང་ལ་འགྱོད་གཞི་མང་། །མི་རྣམས་ཕྱིར་ཞིང་ཕན་ཚུན་འཐབ་རྩོད་བྱེད། །བཞི་ལྗང་བྱུང་ཚེ་ལས་ཀུན་གཞོལ་བར་རིགས། །ལམ་ཞུགས་ཁ་ཆར་བུ་ཡུག་བར་ཆད་བྱེད། །ལྟས་བཟང་ཇི་ཙམ་ལེགས་ཀྱང་མིང་ཙམ་ཡིན། །ལྔ་སེར་བདག་པོ་བྱེད་ན་མི་མཐུན་ཆེ། །གང་ལའང་ལེགས་ཉེས་ཅི་བྱེད་འབྲིང་ཙམ་ཡིན། །མཁས་པ་གང་ཞིག་བརྟགས་ལ་བྱོལ་བར་བྱ། །དྲུག་དཀར་བྱུང་ན་ཚོང་ཁེ་གྲོགས་ནོར་རྙེད། །འཐབ་རྩོད་ལས་རྒྱལ་བསམ་དོན་ཡིད་བཞིན་འགྲུབ། །གཞི་ལམ་བྱེས་གསུམ་གང་ལའང་མཆོག་ཏུ་དགེ། །བདུན་དམར་ཐུག་ན་བློ་སེམས་མི་དགའ་ཆེ། །ལམ་དུ་ཐུག་ན་སྟག་སྤྱད་རྒྱུག་ཉེན་ངོ་། །ཁྲོན་པ་བྲུ་བ་མ་གཏོགས་ལས་ཀུན་ངན། །བརྒྱད་དཀར་འཕྲད་ཚེ་བསམ་དགུ་གང་བརྩམས་འགྲུབ། །ལམ་ཞུགས་བུད་མེད་འཕྲད་ན་ངེས་པའི་རྟགས། །དེ་ནས་ཡིད་དཔེ་ཁ་ཅིག །སྒུག་ཉལ་ངོ། །ཟེར་བ་སྣང་། ཆེས་སྐྱེ་ཞིང་དགའ་སྐྱིད་ཐོབ། །དགུ་དམར་བྱུང་ན་བཀྲ་ཤིས་དོན་གྲུབ་བཟང་། །ཁྱད་པར་མི་ཆེན་མཇལ་ལ་ཤིན་ཏུ་དགེ། །ལྷ་སྲུང་སྐྱོབ་ཅིང་མི་ཟད་ལོངས་སྤྱོད་སྟེར།། །།

― LT41_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་ནག་ལམ་གྱི་འབྲས་བཤད། །ལམ་སེར་ཚེས་པའི་ཉི་མར། ཁང་བཟོ་རྒྱལ་པོ་ཁྲི་འདོན། །ལམ་ཞུགས་མི་ཆེན་མཇལ་བ། །དམག་དཔུང་གཡུལ་དུ་ཆས་སོགས། །བྱ་བ་སྤྱི་ལ་དགེའོ། །དེ་བཞིན་ལམ་ནག་གྲགས་པ། །འབྲས་བཤད་གཅིག་ཤོས་གོ་ལྡོག །ལས་ཀུན་ཤིས་པར་མིན་ཀྱང་། །ཐྱན་ཏས་དང་ཡྭད་ཏས། །གསལ་སྐར་སོགས་དང་འཕྲད་ཆོ། །རུང་བའི་སྐབས་ཐོབ་སོ་སོར། །དམིགས་གསལ་ཉིད་ཀྱིས་ཤེས་སོ།། །།

― LT41_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་སོ་སོའི་ཉི་མ་བཟང་པོ་རྣམས་ལས་གནོད་སྦྱིན་དགེ་བའི་ཉི་མ་ནི། ཤིང་བྱི། ཤིང་གླང་། མེ་སྟག །མེ་ཡོས། ས་ཡོས། ས་འབྲུག །ས་བྱ། ལྕགས་འབྲུག །ལྕགས་སྦྲུལ། ཆུ་རྟ། ཆུ་ལུག །ཆུ་བྱི། ཆུ་གླང་རྣམས་ལ་དགེ་བའི་བྱ་བ་ཅི་ཡང་བཟང་། ༈ །གནམ་གྱི་སྲོག་སྦྱིན་པའི་ཉི་མ་ནི། དཔྱིད་གསུམ་ས་སྟག །དབྱར་ཤིང་རྟ། སྟོན་ས་སྤྲེལ། དགུན་ཤིང་བྱི་རྣམས་ལ་བཙོན་གཏོང་བ། མཁོན་གཞིལ་བ། ཞུ་བསྐུལ། མཇལ་ཞུས། དྲིན་གྱིས་བསྐྱང་བ། གདུང་མ་བྲེས་པ། ཁྱིམ་འཛིན། སྐྱས་འདེགས། ལྷ་གསོལ། ཁས་བླངས་བསྒྲུབ་པ་བཟང་། ས་བརྐོ་མི་རུང་། ཁས་ཀྱི་ཉི་མ་དང་ཐུག་ན་ངེས་པར་འཁྲོལ་བའི་ཉིན་ནོ། ༈ །མ་མོ་མཛོད་ཀྱི་ཉི་མ་ནི། དཔྱིད་དུས་ཕག་བྱི། དབྱར་སྟག་ཡོས། སྟོན་ཁྱི་འབྲུག་གླང་ལུག །དགུན་བྱ་སྤྲེལ་ལ་ཁང་ལས། མཛོད་བཅའ། །གཉེན་བསྒྲིགས་སོགས་གང་ལའང་བཟང་། ༈ །བསོད་ནམས་སྐྱེས་ཀྱི་ཉི་མ་ནི། དང་པོར་བྱ། གཉིས་པར་ཡོས། གསུམ་པར་ཁྱི། བཞི་པར་འབྲུག །ལྔ་པར་ཕག །དྲུག་པར་སྦྲུལ། བདུན་པར་བྱི་བ། བརྒྱད་པར་རྟ། དགུ་པར་གླང་། བཅུ་པར་ལུག །བཅུ་གཅིག་པར་སྟག །བཅུ་གཉིས་པ་སྤྲེལ་ལ་དཀྱིལ་འཁོར་བཞེངས་པ། གསོལ་མཆོད། སྐུ་རིམ་བསྒྲུབ་པ། ཚོགས་གསོག །ནོར་སྒྲུབ་རྣམས་བཟང་། ༈ །དྲུག་འགྲིགས་པའི་ཉི་མ་ནི། དང་པོ་ནས་རིམ་བཞིན། ཕག །ཁྱི།

― LT41_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། སྤྲེལ། ལུག །རྟ། སྦྲུལ། འབྲུག །ཡོས། སྟག །གླང་། བྱི་བ་ལ་གཉེན་བསྒྲིགས། ཡོན་འབུལ་བ། ལམ་འཇུག །བག་མ། ནོར་བརྗེ་ལེན། འདུམ་ཆིངས་རྣམས་བཟང་། ༈ །ཐབས་ཀྱི་སྤྱོད་པ་ནི། དང་པོ་བདུན་ལ་ཁྱི། གཉིས་པ་བརྒྱད་པ་བྱི་བ། གསུམ་པ་དགུ་པ་སྟག །བཞི་པ་བཅུ་པ་འབྲུག །ལྔ་དང་བཅུ་གཅིག་རྟ། དྲུག་དང་བཅུ་གཉིས་པ་སྤྲེལ་ལ་ཁྲི་འདོན། ཕྱག་ཐམ་སྤྲད་ལེན་སོགས་ཀུན་ལ་དགེ། ༈ །ཟླ་བའི་དྲིན་ལན་ནི། དང་པོའི་མེ་ཕོ། གཉིས་པའི་མེ་མོ། གསུམ་པའི་ལྕགས་ཕོ། བཞི་པའི་ས་མོ། ལྔ་པའི་ས་ཕོ། དྲུག་པའི་ལྕགས་མོ། བདུན་པའི་ཆུ་ཕོ། བརྒྱད་པའི་ཆུ་མོ། དགུ་པའི་ལྕགས་ཕོ། བཅུ་པའི་ཤིང་མོ། བཅུ་གཅིག་པའི་ཤིང་ཕོ། བཅུ་གཉིས་པའི་ལྕགས་མོལ་ཁང་ལས། ཁྱིམ་འཛིན། སྐྱས། གཉེན་བསྒྲིགས། ལས་ཚན་བླངས་པ། ལམ་འཇུག་རྣམས་བཟང་། ༈ །བ་ཐག་སྦྲེལ་བ་ནི། དང་པོ་ནས་བཅུ་གཉིས་པའི་བར། གླང་། ལུག །སྟག །སྤྲེལ། ཡོས། བྱ། འབྲུག །ཁྱི། སྦྲུལ། ཕག །རྟ། བྱི་བ་ལ་བག་མ་བླངས་པ། སྲིའུ་གསོ་བ། འཁོར་གཡོག་བརྟེན་པ་ལ་ཤིས། ༈ །ཀུན་བསྲུང་ནི། དང་པོ་ནས། སྤྲེལ། སྟག །བྱེ། ཡོས། ཁྱི། འབྲུག །ཕག །སྦྲུལ། བྱི་བ། རྟ། གླང་། ལུག་ལ་ཚོགས་གསོག །བག་མ། ལམ་བགྲོད་རྣམས་བཟང་། ༈ །བདེ་འདོད་ནི། དང་པོ་ནས། སྟག །སྤྲེལ།

― LT41_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོས། བྱ། འབྲུག །ཁྱི། སྦྲུལ། ཕག །རྟ། བྱི་བ། ལུག །གླང་ལ་ཁང་བཟོ། སྐྱས། བག་མ། དུར་འདེབས་སོགས་དགེ། ༈ །ཤེས་རབ་སྤྱོད་པ་ནི། དང་པོ་བདུན་པ་བྱ། གཉིས་བརྒྱད་ལུག །གསུམ་དགུ་སྦྲུལ། བཞི་བཅུ་ཡོས། ལྔ་བཅུ་གཅིག་གླང་། དྲུག་བཅུ་གཉིས་ཕག་ལ་ཁྲི་འདོན། རྒྱལ་ཐབས་རྩིས་སྤྲད་ལེན་ལ་དགེ། ༈ །དད་སེམས་སམ་བག་ཡོད་སེམས་ནི། དང་པོ་ནས། ལུག །གླང་། སྤྲེལ། སྟག །བྱ། ཡོས། ཁྱི། འབྲུག །ཕག །སྦྲུལ། བྱ་བ། རྟ་ལ་དཀྱིལ་འཁོར་བཞེངས་པ། རིམ་གྲོ་སྒྲུབ་པ། གསོལ་མཆོད་སོགས་བཟང་། ༈ །གཡི་ཧུ་སྟེ་རྗེས་སུ་ཕན་པ་ནི། དང་པོ་ནས། བྱི་བ། རྟ། གླང་། ལུག །སྟག །སྤྲེལ། ཡོས། བྱ། འབྲུག །ཁྱི། སྦྲུལ། ཕག་ལ་བག་མ་ལེན་པ། མག་པ་བསུ་བ། སྲིའུ་གསོ་བ། བུ་སྐྱེས་པ་བཟང་། རིགས་བརྒྱུད་མཐུད་པའི་སྐར་མ་ཡིན། ༈ །ལྷའི་རིན་ཆེན་གསེར་ལས་བཅོས་པ་ནི། དང་པོ་བདུན་པ་འབྲུག །གཉིས་བརྒྱད་རྟ། གསུམ་དགུ་སྤྲེལ། བཞི་བཅུ་ཁྱི། ལྔ་བཅུ་གཅིག་བྱི་བ། དྲུག་བཅུ་གཅིག་སྟག་ལས་འདུལ། ཁང་བཟོ། མཛོད་བཅད་པ་སོགས་དགེ་ལྷའི་རིན་པོ་ཆེའི་ཁང་བཟང་ནི། དང་པོ་བདུན་པ་ལུག །གཉིས་པ་བརྒྱད་བྱ། གསུམ་དགུ་ཕག །བཞི་བཅུ་གླང་། ལྔ་བཅུ་གཅིག་ཡོས། དྲུག་བཅུ་གཉིས་སྦྲུལ་ལ་བྱ་བ་ཅི་ཡང་བཟང་། ༈ །གནམ་སྤྱོད་ཐད་ཀར་ལྟ་བ་ནི། དང་པོ་བདུན་པ་སྦྲུལ། གཉིས་བརྒྱད་ལུག །གསུམ་དགུ་བྱ། བཞི་བཅུ་ཕག །ལྔ་བཅུ་གཅིག་གླང་། དྲུག་བཅུ་གཉིས་ཡོས་ལ་ནོར་རྫས་སྡུད་པ་བཟང་། ༈ །ཐིྱན་ཧུ་ནི། དང་པོ་ལྔ་པ་དགུ་

― LT41_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སྤྲིལ། གཉིས་དྲུག་བཅུ་པར་སྦྲུལ། གསུམ་བདུན་བཅུ་གཅིག་སྟག །བཞི་བརྒྱད་བཅུ་གཉིས་ཕག་ལ་ཅིའང་བཟང་། ༈ །གནམ་བཀྲོལ་ནི། དང་པོ་བདུན་པ་རྟ། གཉིས་བརྒྱད་སྤྲེལ། གསུམ་དགུ་ཁྱི། བཞི་བཅུ་བྱི་བ། ལྔ་བཅུ་གཅིག་སྟག །དྲུག་བཅུ་གཉིས་ཡོས་ལ་བྱ་བ་ཅིའང་ཤིས། ༈ །ཟླ་བ་སོ་སོའི་ཉི་མ་ངན་པ་དག་ལ། ཟླ་བས་དབྱེན་བྱེད་པའམ། ཟླ་བའི་མེ་ཟླ་གནོད་ཅེས་པའི་ཉི་མ་ནི། དང་པོ་སྦྲུལ། གཉིས་པ་འབྲུག །གསུམ་པ་ཡོས། བཞི་པ་སྟག །ལྔ་པ་གླང་། དྲུག་པ་བྱི་བ། བདུན་པ་ཕག །བརྒྱད་པ་ཁྱི། དགུ་པ་བྱ། བཅུ་པ་སྤྲེལ། བཅུ་གཅིག་པ་ལུག །བཅུ་གཉིས་པ་རྟ་ལ་ཁང་པ། ཐབ། སྒོ། ལམ་བཟོ། དུར་སྦ་བ་ངན། ༈ །ཟླ་བའི་ཆད་པ་ནི། དང་པོ་ནས་སྦྲུལ། བྱི་བ། འབྲུག །སྤྲིལ། ལུག །གླང་། སྟག །བྱ། རྟ། །ཕག །ཡོས། ཁྱི་ལ་ཅིའང་འཛེམ། ༈ །གནམ་གྱི་ཇག་པ་ནི། དང་པོ་ནས་འབྲུག །བྱ། སྟག ། ལུག །བྱི་བ། སྦྲུལ། ཁྱི། ཡོས། སྤྲེལ། གླང་། རྟ། ཕག་ལ་ཁང་ལས། ཁྱིམ་གསར་འཇུག་པ། ས་ཀློག །བང་མཛོད་འབྱེད་པ། ནོར་ཕྱིར་གཏོང་། སྐྱས་འདེགས་ངན། ༈ །སའི་ཇག་པ་ནི། །དང་པོ་གཉིས་པ་བྱི་བ། གསུམ་པ་ཕག །བཞི་པ་ཁྱི། ལྔ་པ་བྱ། དྲུག་བདུན་བརྒྱད་པ་རྟ། དགུ་པ་སྦྲུལ། བཅུ་པ་འབྲུག །བཅུ་གཅིག་ཡོས། བཅུ་གཉིས་བྱི་བ་ལ་

― LT41_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ཡར་བསླང་བ། མར་སྦ་བ། ས་བོན་འདེབས་པ། ལམ་ཞུགས་བན། ༈ །གནམ་གྱི་མེ་ནི། དང་པོ་ལྔ་པ་དགུ་པ་བྱི་བ། གཉིས་པ་དྲུག་པ་བཅུ་པ་ཡོས། གསུམ་པ་བདུན་པ་བཅུ་གཅིག་པ་རྟ། བཞི་པ་བརྒྱད་པ་བཅུ་གཉིས་པ་བྱ་ལ་ཐོག་འབུབས། ཁང་པ་གསར་བཟོ། རྙིང་གསོ་སྤངས། ༈ །སའི་མེ་ནི། དང་པོ་ནས་ཁྱི། བྱ། སྤྲེལ། ལུག །རྟ། སྦྲུལ། འབྲུག །ཡོས། སྟག །གླང་། བྱི་བ། ཕག་ལ་ཐག་རིང་ཚུར་འོང་། སྐྱས། ཁྱིམ་ཞུགས། བག་མ། ཚོང་། མེ་ཏོག་འདེབས་པ་སོགས་འཛེམ། སྔགས་འདེབས་བགེགས་བསྐྲད་བཟང་། ༈ །གནམ་གྱི་དལ་ཡམས་ནི། དང་པོ་ནས་ལུག །ཁྱི། འབྲུག །སྟག །རྟ། བྱི་བ། བྱ། སྤྲེལ། སྦྲུལ། ཕག །གླང་། ཡོས་ལ་ཁྱིམ་ཞུགས། ནད་གསོ་བ། ནོར་སླས་བཟོ་བ་སྤངས། ༈ །སའི་དལ་ཡམས་ནི། དང་པོ་ནས་འབྲུག །སྦྲུལ། རྟ། ལུག །སྤྲེལ། བྱ། ཁྱི། ཕག །བྱི་བ། གླང་། སྟག །ཡོས་ལ་བག་མ། མཚུན་དང་གཞི་བདག་གསོ་བ་ངན། རྫིང་བུ་འབྲུ་བ། བྱི་ཁུང་བཀག་པ་སོགས་དགེ། འདི་དམན་དང་འདྲ། ༈ །ཤི་བ་ཉམས་སུ་མྱོང་བ་ནི། ཁྱི། འབྲུག །ཕག །སྦྲུལ། བྱི་བ། རྟ། གླང་། ལུག །སྟག །སྤྲེལ། ཡོས། བྱ་ལ་ལས་ཚན་བརྐོ་བ། བག་མ། ལམ་འཇུག་ངན། རི་དྭགས་བཤོར་རུང་། ༈ །ཤི་ཟིན་པ་ནི། དང་པོ་ནས་སྟག །སྤྲེལ། ཕག །སྦྲུལ། ཡོས།

― LT41_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ། བྱ། བྱི་བ། འབྲུག །ལུག །ཁྱི། གླང་ལ་ཁྲི་འདོན། ལམ་བགྲོད། ཁྱིམ་ཐབས་ལེན་པ་སྤངས། ༈། ས་བདག་ཤི་བ་ནི། དང་པོ་ནས་སྦྲུལ། རྟ། ལུག །སྤྲེལ་སོགས་རིམ་འདེད། འདི་ལ་ནོར་ཕྱིར་གཏོང་། ས་བོན་འདེབས་པ། ཤིང་འཛུགས། སྣ་འབིགས་ངན། ༈ །གསི་ཧབུ་ནེ། དཔྱིད་ཆུ་བྱི། དབྱར་ཤིང་ཡོས། སྟོན་ས་རྟ། དགུན་ལྕགས་བྱ་ལ་བག་མ་སོགས་ངན། ༈ །ཧུ་གྱི་ནི། དང་པོ་བཞི་བདུན་བཅུ་ལ་གླང་། གཉིས་ལྔ་བརྒྱད་བཅུ་གཅིག་ལ་སྟག །གསུམ་དྲུག་དགུ་བཅུ་གཉིས། བྱི་བ་རྣམས་ལ་བག་མ། སྐྱས། ཁྱིམ་འཇུག །མགྲོན་ཚུར་འོང་ངན། ༈ །ཕཱི་མ་ཞྭ་ནི། དང་པོ་ལྔ་དགུར་བྱི་བ། གཉིས་དྲུག་བཅུར་བྱ། གསུམ་བདུན་བཅུ་གཅིག་རྟ། བཞི་བརྒྱད་བཅུ་གཉིས་ཡོས་ལ་བག་མ། སྐྱས་ངན། ༈ །གསུ་ཧུའི་སྟེ་བྱིའུ་ནི། དང་པོ་ནས་སྦྲུལ། བྱ། གླང་། སྤྲེལ། བྱི་བ། འབྲུག །ཕག །ཡོས། ལུག །སྟག །རྟ། ཁྱི་ལ་རོ་སྦ་བ་མ་གཏོགས་ལས་ཀ་སྤྱི་ལ་འཛེམ། ༈ །ཁྲག་འཛེམ་པ་ནི། གླང་། ལུག །སྟག །སྤྲེལ། །ཡོས། བྱ། འབྲུག ཁྱི། སྦྲུལ། ཕག །རྟ། བྱི་བ་ལ་གཏར་ཀ །དུད་འགྲོའི་སྣ་འབིགས། བཅོས་པ་སོགས་སྤངས། ༈ །སྟག་དཀར་ནི། དང་པོ་བདུན་པ་རྟ། གཉིས་བརྒྱད་སྤྲེལ། གསུམ་དགུ་ཁྱི། བཞི་བཅུ་བྱི་བ། ལྔ་བཅུ་གཅིག་སྟག །དྲུག་བཅུ་གཉིས་འབྲུག་ལ་སྨན་བཏུང་བ།

― LT41_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུག་གཤེར། གཏར་ཀ །དུར་འདེབས་འཛེམས། ༈ །ཟླ་བའི་དགྲ་ནི། དང་པོ་ལྔ་པ་དགུ་པ་གླང་། གཉིས་དྲུག་བཅུ་པ་ཁྱི། གསུམ་བདུན་བཅུ་གཅིག་ལུག །བཞི་བརྒྱད་བཅུ་གཉིས་འབྲུག་ལ་སྒོ་གསར་བཏོད། ཚོང་གསར་བཀྲམ་པ་འཛེམ། ༈ །ཤི་བ་སླེབས་པ་ནི། དང་པོ་ལྔ་དགུ་བྱ། གཉིས་དྲུག་བཅུ་པ་རྟ། གསུམ་བདུན་བཅུ་གཅིག་ཡོས། བཞི་བརྒྱད་བཅུ་གཉིས་པ་སྤྲེལ་ལ་ངན། ༈ །ཤི་ཞིང་བྲལ་བ་ནི། དཔྱིད་ཁྱི། དབྱར་གླང་། སྟོན་འབྲུག །དགུན་ལུག་ལ་ནད་པ་གསོ་བ་སོགས་འཛེམ། ༈ །མངལ་ཟུག་རྔུ་ལངས་པ་ནི། དང་པོ་ལྔ་དགུ་སྦྲུལ། གཉིས་དྲུག་བཅུ་སྟག །གསུམ་བདུན་བཅུ་གཅིག་ཕག །བཞི་བརྒྱད་བཅུ་གཉིས་སྤྲེལ་ལ་འཛེམ་དགོས་པ་སྔ་མ་དང་འདྲ། ༈ །མེའི་མཚམས་བཅད་པ་ནི། དང་པོ་བདུན་པ་རྟ། གཉིས་བརྒྱད་འབྲུག །གསུམ་དགུ་སྟག །བཞི་དང་བཅུ་བྱི་བ། ལྔ་བཅུ་གཅིག་ཁྱི། དྲུག་བཅུ་གཉིས་སྤྲེལ་ལ་སྨན་བཏུང་བ་སོགས་ངན། ༈ །སའི་མཚམས་བཅད་པ་ནི། དང་པོ་བདུན་པ་འབྲུག །གཉིས་བརྒྱད་སྟག །གསུམ་དགུ་བྱ། བཞི་བཅུ་ཁྱི། ལྔ་བཅུ་གཅིག་སྤྲེལ། དྲུག་བཅུ་གཉིས་རྟ་ལ་ཤིང་འཛུགས། ས་བོན་འདེབས་པ་ངན། ༈ །ཆུའི་མཚམས་བཅད་པ་ནི། གཅིག་བདུན་ཁྱི། གཉིས་བརྒྱད་སྤྲེལ། གསུམ་དགུ་རྟ། བཞི་དང་བཅུ་འབྲུག །ལྔ་བཅུ་གཅིག་སྟག །དྲུག་བཅུ་གཉིས་བྱི་བ་ལ་

― LT41_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

འཛེམ་དགོས་པ་སྔ་མ་དང་མཚུངས། ༈ །འདྲེའི་མཚམས་བཅད་པ་ནི། དང་པོ་བདུན་པ་སྤྲེལ། གཉིས་བརྒྱད་རྟ། གསུམ་དགུ་འབྲུག །བཞི་དང་བཅུ་སྟག །ལྔ་བཅུ་གཅིག་བྱི་བ། དྲུག་བཅུ་གཉིས་ཁྱི་ལ་ས་བདག །ཡུལ་ལྷ་མཆོད་པ་སྤངས། ༈ །ས་བདག་གི་མཚམས་བཅད་པ་ནི། དང་པོ་བདུན་པ་སྦྲུལ། གཉིས་བརྒྱད་ཡོས། གསུམ་དགུ་གླང་། བཞི་དང་བཅུ་ཕག །ལྔ་དང་བཅུ་གཅིག་བྱ། དྲུག་བཅུ་གཉིས་ལུག་ལ་ལྷ་མཆོད། བསོད་ནམས་གསོག་པ་སྤངས། ༈ །གནམ་གྱི་མཚམས་བཅད་པ་ནི། དང་པོ་བདུན་པ་སྟག །གཉིས་བརྒྱད་བྱི་བ། གསུམ་དགུ་ཁྱི། བཞི་དང་བཅུ་སྤྲེལ། ལྔ་བཅུ་གཅིག་སྟག །དྲུག་བཅུ་གཉིས་འབྲུག་ལ་འཛེམ་དགོས་པ་སྔ་མ་ལྟར། ༈ །ཡོའུ་ཧ་སྟེ་རྐྱེན་འཁྱམས་ནི། གཅིག་ལྔ་དགུ་སྦྲུལ། གཉིས་དྲུག་བཅུ་སྟག །གསུམ་བདུན་བཅུ་གཅིག་ཕག །བཞི་བརྒྱད་བཅུ་གཉིས་སྤྲེལ་ལ་ནད་པས་སྨན་འཐུང་། གསོལ་མཆོད་སྤངས། ༈ །འབྲུག་སྟག་ནི། དང་པོ་ནས་སྦྲུལ། ཕག །རྟ། བྱི་བ། ལུག །གླང་། སྤྲེལ། སྟག །བྱ། ཡོས། ཁྱི། འབྲུག་ལ་ཁང་བཟོ། ཤིང་བཅད། གསོལ་མཆོད་སྤངས། རྟ་གླང་ལུག་ཁྱི་ཕག་བྱ་བྱི་ལ་གསོ་བ་ལ་བཟང་། ༈ །ཙིའུ་ཁན་ནམ་སྟོང་པ་དགུ་ནི། དང་པོ་ནས། འབྲུག །གླང་། ཁྱི། ལུག །ཡོས། བྱི་བ། བྱ། རྟ། སྟག །ཕག །སྤྲེལ།

― LT41_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲུལ་ལ་ས་བོན་འདེབས་པ། མཛོད་སྒོ་དབྱེ་བ། ནོར་རྫས་ནང་དུ་བསྡུ་བ་སོགས་ངན། དགུ་སྟོང་དང་འཕྲད་ན་ཐམས་ཅད་ལ་འཛེམ་དགོས། ༈ །བཟློག་པའམ་འཁོར་བའི་དགྲ་ནི། དཔྱིད་ཡོས། དབྱར་རྟ། སྟོན་བྱ། དགུན་བྱི་བ་ལ་ས་ཀློག་པ་སྤངས། ༈ །ཅ་ཆུའུ་སྟེ་བྱ་དམར་མོ་ནི། དང་པོ་བདུན་པ་ཡོས། གཉིས་བརྒྱད་སྦྲུལ། གསུམ་དགུ་ལུག །བཞི་དང་བཅུ་བྱ། ལྔ་བཅུ་གཅིག་ཕག །དྲུག་བཅུ་གཉིས་གླང་ལ་ཁང་གཞི་གསར་སློང་། ནོར་འབོར། ཁྱིམ་བཟུང་། སྐྱས་འདེགས་ངན། ༈ །ཨོ་ཧུ་ནི། དང་པོ་ནས་བྱི་བ། བྱ། ལུག །སྤྲེལ། སྦྲུལ། ཡོས། སྟག །གླང་། རྟ། ཁྱི། ཕག་ལ་ཁྲི་བཟོ་བ། སྦྲ་གུར་འབུབས་པ་འཛེམ། ༈ །ཐྱིན་ཀན་ནི། དང་པོ་ནས། སྦྲུལ། བྱི་བ། ལུག །སྟག །བྱ། འབྲུག །ཕག །རྟ། གླང་། སྤྲེལ། ཡོས། ཁྱི་ལ་ཁྱིམ་སྟོང་པའི་ཉི་མ་ཟེར་ངན། ༈ །ཧོ་ཁྭོའི་ཡན་ནི། དང་པོ་ནས། ཕག །རྟ། གླང་། སྤྲེལ། ཡོས། ཁྱི། སྦྲུལ། བྱི་བ། ལུག །སྟག །བྱ། འབྲུག་ལ་ཆག་ཆེ་ཅི་ཡང་ངན། ༈ །བཞི་བྲལ་ནི། དཔྱིད་མཉམ། དབྱར་ཉི་ལྡོག །སྟོན་མཉམ། དགུན་ཉི་ལྡོག་བཞིའི་སྔ་ཉེན་ལ་བྱ་བ་ལེགས་ཉེས་ཐམས་ཅད་འཛེམ། ༈ །བཞི་ཆད་དམ་རབ་ཆད་ནི། དབྱར་དགུན་སྟོན་དཔྱིད་བཞིའི་མགོ་ཚུགས་པའི་སྔ་ཉིན་ལ་བག་མ། ལམ་ཞུགས། དམག །ཁྲི་འདོན། ཁང་ཁྱིམ་

― LT41_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་པ་འཛུག་པ། སྤོ་བ་ངན། ༈ །ས་དགུའི་འདྲེ་ནི། ཤིང་བྱ། ཆུ་སྦྲུལ། ལྕགས་གླང་། ལྕགས་ཁྱི། མེ་སྦྲུལ། ཤིང་རྟ། ཆུ་སྟག །ས་བྱ། ས་རྟ་རྣམས་ལ་ཁྲི་འདོན། ལམ་བགྲོད། ཚོང་། གྲང་རྐོང་འཛེམ། ༈ །འདྲེ་ལྔ་སྟོད་པ་ནི། དཔྱིད་སྤྲེལ། དབྱར་སྟག །སྟོན་སྦྲུལ། དགུན་ཕག་ལ་ངན། ༈ །ཏའུ་ཀྱང་ཞྭ་ནི། དཔྱིད་བྱི་ཕག །དབྱར་སྟག་ཡོས། སྟོན་རྟ་སྦྲུལ། དགུན་བྱ་སྤྲེལ་ལ་གཏར་བསྲེགས། རྣ་བ་འབིགས་པ། དུད་འགྲོའི་འབྲས་བུ་འདོན་པ་འཛེམ། །མེའི་སྐར་མ་ནི། དང་པོ་བཞི་བདུན་བཅུ་བར། ཤིང་གི་གླང་ཁྱི། ཆུའི་འབྲུག་ལུག །ལྕགས་ཀྱི་ཁྱི་གླང་། ས་ལུག། ༈ །གཉིས་ལྔ་བརྒྱད་བཅུ་གཅིག་པར། ཤིང་ཁྱི། ཆུའི་བྱ་རྟ། ལྕགས་ཀྱི་ཡོས་བྱི་བ། སའི་བྱ་རྟ། གསུམ་དྲུག་དགུ་བཅུ་གཉིས་བར་ཆུ་སྤྲེལ། མེ་སྦྲུལ། ལྕགས་ཀྱི་སྦྲུལ་སྟག །སའི་སྤྲེལ་ཕག་རྣམས་ལ་ས་ལས། ཁང་འབུབས། ཐབ་བཟོ། གོས་དྲ་བ་ངན། ༈ །ཀྱིན་གསིན་ཧུན་ནི། དཔྱིད་ལྕགས་ཀྱི་བྱ་སྤྲེལ། དབྱར་ཆུའི་བྱི་ཕག །སྟོན་ཤིང་གི་སྟག་ཡོས། དགུན་མེའི་རྟ་སྦྲུལ་ལ་ངན། ༈ །མེ་མོའི་ཉི་མ་ནི། ཤོ་བན་ཏེ་ཟླ་བ་ཕྱེད་པ་ཚེས་བརྒྱད་དང་སྐར་མ་མོན་གྲེ་སྟེ་ཤུའི་ཉི་མ། ཧུའི་སྟེ་ཟླ་བ་ཚེས་པའི་དུས་དང་ཐ་སྐར་ཏེ་ལིའུ་བ་སངས། དབེན་ཏེ་ཉ་གང་བ་བཅོ་ལྔ་དང་ས་རི་སྟེ་ཁྭང་པ་སངས། བཞིན་ཏེ་ཉེར་དགུ་དང་གྲོ་བཞིན་ཏེ་ཉེའུ་པ་སངས།

― LT41_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ཞྭ་སྟེ་ཉི་ཟླ་ལྷན་ཅིག་འགྲོགས་པ་གནམ་སྟོང་དང་ནག་པ་སྟེ་གྱོ་ཕུར་བུ་འཛོམ་པ། འདི་དག་ལ་ལས་སྤྱི་དང་བག་མ། ལྷག་པར་ཆུ་བརྒལ་བ་དང་གྲུ་གཏོང་བ་ལ་འཛེམ། ༈ །གནམ་ཁྱིའི་ཉི་མ་ནི། རབ་བཞིའི་དབུགས་ཐོབ་ཀྱི་ཉིན་བཞི། དབྱར་དགུན་གྱི་ཉི་ལྡོག་གི་ཉིན། སྟོན་དཔྱིད་ཀྱི་ཉིན་མཚན་མཉམ་པའི་ཉིན་བཅས་ཉིན་ཞག་བརྒྱད་དང་། ཟླ་བ་སོ་སོའི་དམན་གྱི་ཉི་མ་རྣམས་ནི་གནམ་ཁྱི་རྒྱུ་བའི་དུས་ཡིན་པས་བག་མ་ལ་ལྷག་པར་ངན། བུ་དང་བུ་མོ་བྱུང་ཡང་མངལ་ལྟུང་བར་བཤད། ༈ །གནམ་ཁྱི་ཟས་འཚོལ་ཅེས་པ། ཟླ་བ་དང་པོ། བྱི་བའི་ཉི་མར་ཕག་གི་དུས་ཚོད། གཉིས་པར་གླང་ཉིར་བྱི་དུས། གསུམ་པར་སྟག་ཉིར་གླང་དུས། བཞི་པ་ཡོས་ཉིར་སྟག་དུས། ལྔ་པ་འབྲུག་ཉིར་ཡོས་དུས། དྲུག་པ་སྦྲུལ་ཉིར་འབྲུག །བདུན་པ་རྟ་ཉིར་སྦྲུལ་དུས། བརྒྱད་པ་ལུག་ཉིར་རྟ་དུས། དགུ་པ་སྤྲེལ་ཉིར་ལུག་དུས། བཅུ་པ་བྱ་ཉིར་སྤྲེལ་དུས། བཅུ་གཅིག་པ་ཁྱི་ཉིར་བྱ་དུས། བཅུ་གཉིས་པ་ཕག་ཉིར་ཁྱི་དུས་ཏེ་འདིའི་དུས་ཚོད་ལ་རྫིང་ཡུར། ཁྲོན་པ་འབྲུ་བ། ཉ་གསོ་བ། ཆུ་ལ་བཏང་བ་སོགས་བཟང་། སྲམ་གྱི་གནོད་པ་མི་འབྱུང་བར་བཤད། ༈ །ཁ་སྨུག་ནི། དང་པོ་བདུན་པར། ཚེས་གཉིས་བརྒྱད་ལ། གསུམ་དགུར། བཞི་བཅུར། ལྔ་བཅུ་གཅིག་པར་དྲུག་བཅུ་གཉིས་བང་། རྣམས་ལ་བག་མ་སོགས་ངན། ༈ །རིང་བའི་

― LT41_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

སྐར་མ་ནི། དང་པོའི་བདུན། གཉིས་པའི་བཞི། གསུམ་པའི་གཅིག །བཞི་པའི་དགུ། ལྔ་པའི་བཅོ་ལྔ། དྲུག་པའི་བཅུ་བདུན། བདུན་པའི་བརྒྱད། བརྒྱད་པའི་གཉིས་དང་ལྔ། དགུ་པའི་གསུམ་དང་བཞི། བཅུ་པའི། བཅུ་གཅིག་པའི་བཅུ་གཉིས། བཅུ་གཉིས་པའི་དགུ་རྣམས་དང་། ༈ །ཐུང་བའི་སྐར་མ་ནི། དང་པོའི་ཉེར་གཅིག །གཉིས་པའི་བཅུ་དགུ། གསུམ་པའི་བཅུ་དྲུག །བཞི་པའི་ཉེར་ལྔ། ལྔ་པ་དང་དྲུག་པའི་ཉི་ཤུ། བདུན་པའི་ཉེར་གཉིས། བརྒྱད་པའི་བཅོ་བརྒྱད་དང་བཅུ་དགུ། དགུ་པའི་བཅུ་དྲུག་དང་བཅུ་བདུན། བཅུ་པའི་བཅུ་བཞི། བཅུ་གཅིག་པའི་ཉེར་གཉིས། བཅུ་གཉིས་པའི་བཅོ་ལྔ་དང་ཉེར་ལྔའོ། །འདི་གཉིས་ཉོ་ཚོང་། གོས་དྲ་གྱོན། ནོར་རྫས་སྡུད་པ་སྤངས། ༈ །ཟླ་བ་བྱུང་ངོ་ཅོག་ལ་འཛེམ་དགོས་པ། ཚེས་ལྔ་བཅུ་བཞི་ཉི་ཤུ་གསུམ། །ཟླ་བ་གང་ལ་རྟག་པར་གནས། །སྔ་མོ་ཉིད་ནས་ད་ལྟའི་བར། །གཅིག་གིས་གཅིག་ལ་སྨྲ་བྱེད་ཀྱང་། །མ་འཛེམ་རི་ལ་སྤྲོ་སངས་བྱས། །ལཱིས་ཡན་ཁང་ཁྱིམ་གསར་པར་འཛུག །བུ་གསུམ་ཡོད་ཀྱང་འཆི་བར་འགྱུར། །ཚེས་ལྔར་ཁྱིམ་སྤོས་ཁྱིམ་དཔོན་འཆི། །བཅུ་བཞིར་མ་འཛེམ་རང་ཉིད་འཆི། །ཉེར་གསུམ་གྲུ་བཏང་ཆུ་བོར་བྱིང་། །རྒྱལ་པོའི་ཆད་ལས་འབྱུང་བར་འགྱུར། །བཀྲ་མི་ཤིས་པས་འཛེམ་པར་བྱ། ༈ །ཡན་ཀྭོང་ཞེས་པའི་

― LT41_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

འཛེམ་ཉིན་ནི། །དང་པོའི་བཅུ་གསུམ། གཉིས་པའི་བཅུ་གཅིག །གསུམ་པའི་དགུ། བཞི་པའི་བདུན། ལྔ་པའི་ལྔ། དྲུག་པའི་གསུམ། བདུན་པའི་གཅིག་དང་ཉེར་དགུ། བརྒྱད་པའི་ཉེར་བདུན། དགུ་པའི་ཉེར་ལྔ། བཅུ་པའི་ཉེར་གསུམ། བཅུ་གཅིག་པའི་ཉེར་གཅིག །བཅུ་གཉིས་པའི་བཅུ་དགུ་རྣམས་ལ་བྱ་བ་ཅིའང་ངེས་པར་འཛེམ། དྲང་སྲོང་གིས་ནི་འཛེམ་པ་ཡི། །ཉི་མ་བཅུ་གསུམ་འདི་རྣམས་ལ། །འགྲོ་འདུག་ཅི་ཡང་འཛེམ་པ་གཅེས། །མ་འཛེམ་འཚེ་བ་ཅི་ཡང་འབྱུང་། །ཨར་པོ་བཟོ་རིགས་བྱས་གྱུར་ན། །མེ་རྐུན་འཕྲད་དམ་ཆག་ཆེ་འབྱུང་། །ཁྱིམ་བསྒྲིགས་ཁྱིམ་ལེན་ལ་ཡང་ངན། །མཐར་ཐོན་མི་འགྱུར་བཀྲ་མི་ཤིས། །འདི་ཉིན་སྐྱེ་བའི་མི་དག་ནི། །ཚེ་གང་སྡུག་བསྔལ་མང་བ་ཡིན། །དུར་བཏབ་བྱས་ན་ཕྱི་རྒྱུད་དབུལ། །ཁྲི་འདོན་བྱས་ན་ཉམས་འགྱུར་ཞིང་། །ཡང་མང་པོ་འབྱུང་བ་ཡིན། །འདི་ལྟར་འཛེམ་དགོས་གཞན་ལའང་སྒྲོགས། །ངེས་པར་འཛེམ་ན་ཕན་ཡོན་ཐོབ། ༈ །ལས་ཐབས་སོ་སོ་ལ་སྦྱིན་གཏོང་སོགས་དགེ་ལས་རྒྱ་ཆེན་པོ་བསྒྲུབ་པའི་རྩིས་ལ། སྤྱིར་དུ་ཐྱན་ཏས། ཡད་ཏས། བསོད་ནམས་སྐྱེས། ཀུན་སྲུང་། དད་སེམས། གནམ་བཀྲོལ། བ་ཐག་སྤྲེལ། ཤེས་རབ་སྤྱོད། གཡི་ཧུའི་ཉི་མ་རྣམས་ལ་བཟང་ཞིང་། །ཉི་མ་སོ་སོའི་སྤང་བླང་ནི། ཤིང་ཕོ་བྱི་བའི་ཉིན་ཁྱེའུ་ནོར་བཟང་

― LT41_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་སྦྱིན་པ་ལྟ་རྟོགས་བྱེད་པས་འདི་ཉིན་སྦྱིན་གཏོང་དང་དགེ་བ་ཁས་བླངས་པ་དག་བསྒྲུབ་ན་རིགས་བརྒྱུད་འཕེལ་ཞིང་སྟོབས་འབྱོར་རྒྱས་པར་འགྱུར་བས་མཆོག་ཏུ་བཟང་ངོ་། །ཤིང་མོ་གླང་དང་མེ་ཕོ་སྟག་གི་ཉིན་དགྲ་བཅོམ་རྣམས་དང་ལྷ་དག་འབྱོན་པས་སྦྱིན་གཏོང་དང་དགེ་བ་ཁས་བླངས་དག་བསྒྲུབ་ན་ཟས་གོས་དབང་ཐང་འབྱོར་པ་རྒྱས་པར་འགྱུར་རོ། །མེ་མོ་ཡོས་ཀྱི་ཉིན་དགེ་སྡིག་ཤན་འབྱེད་པའི་ལྷ་མིའི་འཇིག་རྟེན་དུ་འབྱོན་པས། འདི་ཉིན་མཆོད་པ་བཤམས་པ་དང་། དགེ་བ་ཁས་བླངས་པ་རྣམས་བསྒྲུབ་ན་ཁྱིམ་གྱི་མི་ཆུད་གཟན་ཅིང་བཀྲ་མི་ཤིས་པ་འབྱུང་བས་ངན་ནོ། །༈ །ས་ཕོ་འབྲུག །ས་མོ་སྦྲུལ་གཉིས་ཀྱི་ཉིན་རྒྱལ་བུ་ནོ་ཏྲ་མི་ཡུལ་དུ་གནས་པས། འདི་ཉིན་དགེ་བ་བསྒྲུབ་པ་དང་སྔར་ཁས་བླངས་པ་རྣམས་བསྒྲུབ་ན་དཀར་ཆོས་ནག་ཆོས་སུ་འགྱུར་བས་ཤིན་ཏུ་གཉན། ༈ །ལྕགས་ཕོ་རྟའི་ཉིན་ཁྱེའུ་གོས་སྔོན་ཅན་འཇིག་རྟེན་དུ་འབྱུང་། དགེ་བ་ཁས་བླངས་བསྒྲུབ་པ་དང་། མཆོད་སྦྱིན་བྱས་ན་མི་བརྒྱུད་ཁྲི་ཕྲག་གི་བར་དུ་འབྱོར་པ་རྒྱས་པར་འགྱུར་བས་ཤིན་ཏུ་བཟང་ངོ་། ༈ །ལྕགས་མོ་ལུག་གི་ཉིན་ཡི་དྭགས་མགོ་གསུམ་མིའི་ཡུལ་དུ་རྒྱུ་བའི་ཉི་མ་ཡིན་པས། འདི་ཉིན་སྦྱིན་གཏོང་དང་དགེ་བ་ཁས་བླངས་པ་རྣམས་བསྒྲུབ་ན་འབྱོར་བ་ཉམས་ཤིང་ཕྱུགས་ཀྱང་ཉམས་པར་འགྱུར་བས་ངན་ནོ། ༈ །ཆུ་ཕོ་སྤྲེལ།

― LT41_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་མོ་བྱ་གཉིས་ཀྱི་ཉིན་གཤིན་རྗེའི་བློན་པོ་ཕན་ཀྭན་ཅེས་པ་མིའི་ཡུལ་དུ་འབྱུང་བའི་ཉིན་ཡིན་པས། འདི་ཉིན་སྦྱིན་པ་མཆོད་འབུལ། དགེ་བ་ཁས་བླངས་པ་རྣམས་བསྒྲུབ་ན་ལོ་གཅིག་གི་རིང་ལ་བཀྲ་མི་ཤིས་པ་འབྱུང་བས་ངན་ནོ། ༈ །ཤིང་ཕོ་ཁྱི། ཤིང་མོ་ཕག །མེ་ཕོ་བྱི་བ། མེ་མོ་གླང་། ས་ཕོ་སྟག །ས་མོ་ཡོས་དྲུག་གི་ཉིན་བྱང་ཆུབ་སེམས་དཔའ་རྟ་སྐད་ཅེས་པ་མིའི་ཡུལ་དུ་འབྱོན་པས། འདི་ཉིན་སྦྱིན་པ་དང་དགེ་བ་ཁས་བླངས་པ་དག་བསྒྲུབ་ན་བསོད་ནམས་དཔག་མེད་ཐོབ་ཅིང་བྱ་བ་ཅི་ལའང་བཟང་ངོ་། །ལྕགས་ཕོ་འབྲུག །ལྕགས་མོ་སྦྲུལ། ཆུ་ཕོ་རྟ་གསུམ་གྱི་ཉིན་རིའི་ཁོང་ན་གནས་པའི་ལྷ་གཏུམ་པོ་དང་། ཡི་དྭགས་མིའི་ཡུལ་དུ་རྒྱུ་བས། འདི་ཉིན་མཆོད་པ་བཤམས་པ་དང་སྦྱིན་གཏོང་བྱས་ན་ལོ་གཅིག་གི་ནང་དུ་ཁྱིམ་མི་ཆུད་གཟན་ཅིང་ནད་འབྱུང་། ཁྱིམ་དུ་ཁྲག་ངོ་དམེ་ངོ་འབྱུང་དོགས་པ་ཡོད་པས་ཤིན་ཏུ་ངན་ནོ། ༈ །ཆུ་མོ་ལུག་གི་ཉིན་རིའི་སྲིན་མོ་རྒྱུ་བའི་ཉིན་ཡིན་པས། འདི་ཉིན་སྦྱིན་པ་བཏང་ན་ལོ་གཅིག་གི་ནང་དུ་ཁྱིམ་གྱི་མི་རྣམས་འཐོར་བར་འགྱུར་བས་ཤིན་ཏུ་ནས་ཀྱང་ངན་ནོ། །ཤིང་ཕོ་སྤྲེལ། ཤིང་མོ་བྱ། མེ་བོ་ཁྱི་གསུམ་གྱི་ཉིན་རྒྱལ་བ་འོད་དཔག་མེད་ཀྱིས་ཆོས་གསུངས་པའི་ཉིན་ཡིན་པས། འདི་ཉིན་དགེ་བའི་ལས་ཀྱི་སྦྱོར་བ་བྱེད་པ་དང་། དགེ་བ་ཁས་བླངས་པ་རྣམས་བསྒྲུབ་ན་ལོ་གསུམ་ཚུན་བསོད་ནམས་ཐོབ་ཅིང་། རིགས་བརྒྱུད་

― LT41_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་འཕེལ་ཞིང་ལྷ་ཀླུས་གྲོགས་བྱེད་པས་མཆོག་ཏུ་བཟང་ངོ་། ༈ །མེ་མོ་ཕག་གི་ཉིན་གྲུའུ་ཁྱོའུ་ཞེས་པའི་ལྷ་མི་ཡུལ་དུ་རྒྱུ་བས། མཆོད་པ་བཤམས་པ་དང་། དགེ་བ་ཁས་བླངས་པ་བསྒྲུབ་ན་ཁ་མཆུ་དང་ནད་སོགས་འབྱུང་བས་ངན་ནོ། །ས་ཕོ་བྱི་བའི་ཉིན་གཤིན་རྗེས་ཅིས་ཅི་ཤིན་ཅེས་པ་མི་ཡུལ་དུ་བཏང་བས། འདི་ཉིན་མཆོད་པ་བཤམས་པ་དང་། དགེ་བ་ཁས་བླངས་བསྒྲུབ་ན་རྒྱལ་པོའི་ཆད་པ་དང་ནད་སོགས་འབྱུང་བས་ངན་ནོ། ༈ །ས་མོ་གླང་གི་ཉིན་ཐབ་ལྷའི་འཁོར་གྱི་ཁྱེའུ་མི་ཡུལ་དུ་བཏང་ནས་མཆོད་པ་ལྟ་རྟོགས་བྱེད་བས། འདི་ཉིན་དགེ་བ་ཁས་བླངས་པ་དག་བསྒྲུབ་ན་ཁྱིམ་གྱི་མི་རྣམས་བདེ་ཞིང་བསོད་ནམས་འཐོབ་པས་སྐྱིད་ཅིང་བཟང་ངོ་། ༈ །ལྕགས་ཕོ་སྟག །ལྕགས་མོ་ཡོས་གཉིས་ཀྱི་ཉིན་དུད་འགྲོ་རིགས་དྲུག་གི་ལྷ་མིའི་ཡུལ་དུ་རྒྱུ་བས་འདི་ཉིན་མཆོད་པ་བཤམས་པ་དང་། དགེ་བ་ཁས་བླངས་པ་བསྒྲུབ་ན་ནོར་རྫས་ཆུད་གཟན་ཅིང་ཕྱུགས་ལ་གོད་ཁ་འབྱུང་བས་ངན་ནོ། ༈ །ཆུ་ཕོ་འབྲུག་གི་ཉིན་གནས་བརྟན་ཀུན་དགའ་བོ་དང་། ཁྱེའུ་གོས་སྔོན་ཅན་མིའི་ཡུལ་དུ་གནས་ནས་མཆོད་པ་ལྟ་རྟོགས་བྱེད། འདི་ཉིན་དགེ་བ་ཁས་བླངས་བསྒྲུབ་ན་རིགས་བརྒྱུད་འཕེལ་ཞིང་ལོ་གསུམ་གྱི་ནང་ནས་བསོད་ནམས་རྒྱས་པར་འགྱུར་བས་ཤིན་ཏུ་བཟང་ངོ་། ༈ །ཆུ་མོ་སྦྲུལ་གྱི་ཉིན་ལྷ་གཏུམ་པོ་དག་རྒྱུ་བའི་ཉིན་ཡིན་བས་མཆོད་པ་

― LT41_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

བཤམས་པ་དང་། དགེ་བ་ཁས་བླངས་པ་དག་བསྒྲུབ་ན་ལོ་གསུམ་གྱི་རིང་ལ་ངན་ནོ། ༈ །ཤིང་ཕོ་རྟ་ཤིང་མོ་ལུག་མེ་ཕོ་སྤྲེལ་མེ་མོ་བྱ་ས་ཕོ་ཁྱི་ས་མོ་ཕག་ལྕགས་ཕོ་བྱི་བ་ལྕགས་མོ་གླང་བརྒྱད་ཀྱི་ཉིན། བྱང་ཆུབ་སེམས་དཔའ་འཇམ་དཔལ། ཀུན་ཏུ་བཟང་པོ། ཁྱེའུ་གོས་སྔོན་ཅན་མི་ཡུལ་དུ་འབྱུང་། མཆོད་པ་སྦྱོར་བ་ལྟ་རྟོགས་བྱེད། ཉིན་འདི་བརྒྱད་ལ་དགེ་བ་ཁས་བླངས་བསྒྲུབ་ན་བསོད་ནམས་དཔག་མེད་ཐོབ་ཅིང་ཟས་གོས་ཁྲི་ཕྲག་རྙེད། བྱ་བ་ཅི་ལའང་མཆོག་ཏུ་བཟང་ངོ་། ༈ །ཆུ་ཕོ་སྟག་ཆུ་མོ་ཡོས་ཀྱི་ཉིན། འཕགས་པ་སྤྱན་རས་གཟིགས་ཀྱིས་སྐྱེ་བོ་འདུལ་བའི་ཉིན་ཡིན་པས། འདི་ཉིན་དགེ་བའི་ལས་ཀྱི་སྦྱོར་བ་བྱས་པ་དང་དགེ་བ་ཁས་བླངས་པ་དག་བསྒྲུབ་ན་རིགས་བརྒྱུད་དང་བཅས་པ་དག་ཞིང་དུ་སྐྱེ་བར་འགྱུར་ཞིང་། བུ་དང་བུ་མོ་དབང་པོ་ཚང་བ་སྐྱེ་བར་འགྱུར་བས་མཆོག་ཏུ་བཟང་ངོ་། ༈ །ཤིང་ཕོ་འབྲུག་ཤིང་མོ་སྦྲུལ་གཉིས་ཀྱི་ཉིན་མཚམས་བཞིའི་ལྷ་ཆེན་རྣམས་ཀྱིས་མཆོད་པ་ལྟ་རྟོགས་བྱེད། འདི་ཉིན་དགེ་བ་ཁས་བླངས་པ་བསྒྲུབ་ན་དགེ་བ་མི་དགེ་བར་འགྱུར་བས་ངན་ནོ། ༈ །མེ་ཕོ་རྟ་མེ་མོ་ལུག་གཉིས་ཀྱི་ཉིན་གནོད་སྦྱིན་གླང་མགོ་ཅན་གྱིས་མཆོད་པ་ལྟ་རྟོགས་བྱེད། འདི་ཉིན་དགེ་བ་ཁས་བླངས་བསྒྲུབ་ན་ལོ་གསུམ་གྱི་ནང་དུ་ཁྱིམ་མི་ཆུད་གཟན་པས་ཤིན་ཏུ་ངན་ནོ། ༈ །ས་ཕོ་སྤྲེལ་ས་མོ་བྱ་གཉིས་ཀྱི་ཉིན་རྒྱལ་བ་སྟོང་འཇིག་རྟེན་དུ་འབྱོན་པའི་

― LT41_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིན་ཡིན་པས་མཆོད་པ་བཤམས་པ་དང་། དྲིན་ལན་འཇལ་བ་དང་། དགེ་བ་ཁས་བླངས་པ་དག་བསྒྲུབ་ན་ཚེ་བསོད་དབང་ཐང་འབྱོར་བ་རིགས་བརྒྱུད་རྒྱས་ཤིང་ཕྱུགས་ཀྱང་འཕེལ་བས་བདེ་ལེགས་སུ་འགྱུར་བ་ཡིན་ནོ། ༈ །ལྕགས་ཕོ་ཁྱི་ལྕགས་མོ་ཕག་གཉིས་ཀྱི་ཉིན་འཕགས་པ་རྣམས་མི་ཡུལ་དུ་འབྱོན་པས། འདི་ཉིན་མཆོད་པ་སྦྱོར་བ་དང་ཚོགས་གསོག་པར་བྱས་ན་བསོད་ནམས་དཔག་མེད་འབྱུང་བས་ཤིན་ཏུ་བཟང་ངོ་། ༈ །ཆུ་ཕོ་བྱི་བ་ཆུ་མོ་གླང་ཤིང་ཕོ་སྟག་ཤིང་མོ་ཡོས་བཞིའི་ཉིན་སངས་རྒྱས་དང་བྱང་ཆུབ་སེམས་དཔའ་འཕགས་པ་ཨི་ཤུའུ་ཤིན་ཅེས་པ་དང་བཅས་མིའི་འཇིག་རྟེན་དུ་འབྱུང་བས། མཆོད་པ་བཤམས་པ་དང་། དགེ་བ་ཁས་བླངས་བསྒྲུབ་པ་དང་། ཚོགས་གསོག་པ་བྱས་ན་བཟང་། ༈ །མེ་ཕོ་འབྲུག་མེ་མོ་སྦྲུལ་གཉིས་ཀྱི་ཉིན་ཁྲོ་བོ་མགོ་ཆེན་གྱིས་མཆོད་པ་ལྟ་རྟོགས་བྱེད་པས་ཉི་མ་འདི་གཉིས་ངན་ནོ། །ས་ཕོ་རྟའི་ཉིན་འཕགས་པ་རྣམས་ཀྱིས་དགེ་བ་ཁས་བླངས་མ་དག་པ་བཞེས་པར་མི་འགྱུར་བས་ཤིན་ཏུ་ངན་ནོ། ༈ །ས་མོ་ལུག་གི་ཉིན་བཅོམ་ལྡན་འདས་ཤཱཀྱ་ཐུབ་པ། བྱང་ཆུབ་སེམས་དཔའ་མིའི་འཇིག་རྟེན་དུ་འབྱུང་། འདི་ཉིན་མཆོད་པ་སྦྱོར་བ་དང་། དྲིན་ལན་འཇལ་བ་སོགས་བྱས་ན་ཚེ་བསོད་དཔལ་འབྱོར་མངའ་ཐང་རིགས་བརྒྱུད་འཕེལ་བས་ཉི་མ་འདི་བཀྲ་ཤིས་པ་ལས་ཀྱང་ཆེས་བཀྲ་ཤིས་སོ། །

― LT41_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཕོ་སྤྲེལ་ལྕགས་མོ་བྱ་གཉིས་ཀྱི་ཉིན་དེ་བཞིན་གཤེགས་པ་ཤཱཀྱ་ཐུབ་པས་ཆོས་གསུངས་པས་འདི་ཉིན་མཆོད་པ་བཤམས་པ། དགེ་བ་ཁས་བླངས་སོགས་བསྒྲུབ་ན་ཁྱིམ་བདེ་བསོད་ནམས་རྒྱས་པར་འགྱུར་ཞིང་། རིགས་བརྒྱུད་ཀྱང་འཕེལ་བས་མཆོག་ཏུ་བཟང་ངོ་། ༈ །ཆུ་ཕོ་བྱི་བ་ཆུ་མོ་ཕག་གཉིས་ཀྱི་ཉིན་སངས་རྒྱས་བྱང་སེམས་རྣམས་ཀྱིས་མཆོད་པ་མི་བཞེས་པའི་ཉིན་ཡིན་པས་ཉི་མ་འདི་གཉིས་དགོས་པ་མེད་དོ། ༈ །ལྷ་བྲིས་བཞེངས་ལུགས་སུ་བླུགས་པ་ཚོན་མདངས་སྤྱན་འབྱེད་སོགས་ཀྱི་རྩིས་ལ། དཔྱིད་དང་སྟོན་ལ་ཟླ་བ་བཞི་པོ་བཟང་། དབྱར་དགུན་གཉིས་ལ་ཉི་མ་བཞི་པ་བཟང་། ས་འབྲུག །ས་སྦྲུལ། ལྕགས་ལུག །ས་སྟག །ས་ཡོས། མེ་བྱི། མེ་གླང་། ཤིང་སྤྲེལ། ཤིང་བྱ། མེ་ཁྱི། ས་གླང་། ལྕགས་ཡོས། ས་ཁྱི། ལྕགས་གླང་། ཤིང་འབྲུག །ཤིང་སྦྲུལ། མེ་ལུག །ས་བྱ། ལྕགས་ཁྱི། ལྕགས་ཕག །ཆུ་བྱི། ཆུ་གླང་། མེ་འབྲུག །ལྕགས་སྤྲེལ། ལྕགས་བྱ། ཆུ་ཁྱི། ཆུ་ཕག་བཅས་ཉི་མ་ཉེར་བདུན་པོ་འདི་ཉིད་ན་གང་གིས་ཀྱང་ལྷད་མེད་པར་མ་ཟད། འབྲུག་དགུ་མཁར་གྱི་མཆོད་རྟེན་གྱི་འབྲུག་བཟང་པོ་དང་འགྲིགས་པས་ཤིན་ཏུ་བཟང་། གཞན། ཐྱན་ཏས། ཡྭད་ཏས། ཐྱན་ཧོང་། ཡྭད་ཧོང་། ལམ་སེར། གསོན་དབུགས། བསོད་ནམས་སྐྱེས། ཆུ། དམན། ཚིན། ཁས་རྣམས་ཀྱང་བཟང་། ཟླ་བ་སོ་སོར་ཉི་མ་བཟང་བ་ནི། ཟླ་བ་དང་པོར། ཆུ་བྱ། མེ་བྱ། གཉིས་པར། ཆུ་ལུག །ཤིང་ལུག །

― LT41_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ལུག །གསུམ་པར། ཆུ་བྱ། མེ་བྱ། ཤིང་སྦྲུལ། བཞི་པར། ཤིང་བྱི། ཤིང་གླང་། ལྕགས་འབྲུག །ལྕགས་བྱི། ཤིང་ཡོས། ལྔ་པར། མེ་སྟག །ལྕགས་ལུག །ས་སྟག །དྲུག་པར། ཤིང་ཕག །མེ་བྱ། ལྕགས་ཕག །ཤིང་སྟག །བདུན་པར། ཤིང་འབྲུག །ཆུ་འབྲུག །མེ་འབྲུག །ཤིང་བྱི། བརྒྱད་པར། ཤིང་གླང་། མེ་གླང་། ལྕགས་འབྲུག །ཆུ་འབྲུག །མེ་འབྲུག །དགུ་པར། ལྕགས་རྟ། མེ་རྟ། བཅུ་པར། མེ་རྟ། ལྕགས་རྟ། ལྕགས་ལུག །ཆུ་ལུག །ཤིང་ལུག །མེ་ལུག །ས་ལུག །བཅུ་གཅིག་པར། མེ་སྟག །ལྕགས་སྟག །ཤིང་སྦྲུལ། བཅུ་གཉིས་པར། ཤིང་སྤྲེལ། མེ་སྤྲེལ། ལྕགས་སྤྲེལ། མེ་སྟག་རྣམས་ལ་བཟང་། ༈ །ཡྭད་གཡན། ས་བདག་གི་མཚམས་བཅད། འདྲེ་ལྔ་སྟོང་པ། ལམ་ནག །དམའ་ཆད། གནམ་གྱི་ཇག་པ། གསུ་ཧུ། གནམ་ས་སྟོང་པ། ཤི་བ་ཉམས་མྱོང་ཤི་སླེབ། གནམ་གྱི་དལ་ཡམས། ཡིན་ཏིས་རྣམས་ངན། གཞན་ཡང་འདྲེ་དུ་བའི་ཉི་མ་ཞེས་གནམ་དལ་དང་། ལྷ་འདྲེས་རྟགས་བཙུགས་པའི་ཉི་མ་ཞེས་ཆིན་གཉིས་ནམ་ཡོད་ན་ངེས་པར་འཛེམ་དགོས། ༈ །བྱེ་བྲག་ཏུ་སྐུ་འདྲ་དང་ཐང་ཁར་ཚོན་བཏང་བའི་ཉི་མ་ནི། ཤིང་བྱི། ཤིང་གླང་། མེ་སྟག །མེ་ཡོས། ས་འབྲུག །ས་སྦྲུལ། ལྕགས་སྦྲུལ། ཆུ་རྟ། ཆུ་ལུག །ལྕགས་སྟག །ལྕགས་ཡོས། ཆུ་འབྲུག །ཆུ་སྦྲུལ། ས་

― LT41_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

ཕག །ལྕགས་བྱི། ལྕགས་གླང་། ཤིང་སྦྲུལ། མེ་སྦྲུལ། ཤིང་སྤྲེལ། ལྕགས་སྤྲེལ། ཆུ་སྟག །ཆུ་ཡོས་རྣམས་ལ་བཟང་། ལྷའི་དྲིན་གྱིས་བསྐྱངས་པའི་ཉི་མ་དང་འཕྲད་ན་ལྷག་པར་བཟང་། ལྷའི་སྐུ་གཟུགས་བྲི་བ་དང་བཞེངས་པ་ལ་འབྲུག་དང་པོ། དྲུག་པ། བརྒྱད་པ་རྣམས་དང་འཕྲང་ན་སྐུ་གཟུགས་དེ་ནུས་པ་ཆེ་ལ་བཀའ་གཉན་པ་འོང་བར་བཤད་དོ། ༈ །སྐྱེ་བོ་ཕོ་མོའི་ལོ་གཟའ་རྟོགས་ཚུལ་དང་མར་མེ་འབུལ་ཚུལ་བཅས་ཀྱི་རྩིས་ལ། དེ་ཡང་སྐྱེས་པ་དང་བུད་མེད་གང་ཡང་རུང་བ་ལོ་བཅུ་གཅིག་ལོན་ནས་གོ་དགུའི་བར་དུ་སོ་སོའི་ལོ་གྲངས་དང་བསྟུན་པའི་རེའུ་མིག་གི་ཐད་ནས་

― LT41_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་གཟའ་གང་ཡིན་ངོས་འཛིན་དགོས། དཔེར་ན་ལོ་བཅུ་གཅིག་པའམ་ཉི་ཤུ་པ་ཞིག་ལ་སྐྱེས་པ་ལ་སྦེན་པ། བུད་མེད་ལ་མིག་དམར། དེས་འགྲེའོ། །མར་མེ་འབུལ་ཚུལ་ཡང་། སྡོམ་གྱི་ཚིགས་སུ་བཅད་པ་ནི། མར་མེའི་མཆོད་པས་གཟའ་རྣམས་ཚིམ། །བསྲུང་ཞིང་བཀྲ་ཤིས་བཅོལ་བར་བྱེད། །དེས་ན་དུས་བསྟུན་གཟའ་དག་ལ། །མར་མེ་སྐྱེས་པ་ཕོ་མོས་འབུལ། །ཅེས་པས། སྐྱེ་བོ་ཕོ་མོ་སོ་སོའི་རང་རང་གི་ལོ་དེ་ལ་དབང་བའི་གཟའ་རྣམས་ལ་མཆོད་ན་ཞི་གཟས་བསྲུང་ལ་དྲག་གཟའ་རྣམས་ཀྱི་གནོད་པ་མི་འབྱུང་བས་མར་མེ་འབུལ་ཚུལ་དཔེ་རིས་བཞིན་དུ་བྱའོ། །ཉི་མ་དབང་བའི་ལོ་དེ་ལ། །བདེ་བའི་དཔལ་དང་ལྡན་པ་འབྱུང་། །སྐྱེས་པ་ལ་ནི་མཆོག་ཏུ་ཤིས། །བུད་མེད་ལ་ནི་ཤིན་ཏུ་རྩུབ། །འོད་ཆེ་ཞིང་འཇིག་རྟེན་གསལ་བར་བྱེད་པའི་གཟའ་ཉི་མ་དབང་བའི་ལོ་འདི་ལ། ཕྱོགས་གཞན་དུ་སོང་ན་ནོར་རྙེད། གོང་ནས་བྱམས། གཡོག་པོ་འདུ་བྱ་བ་གང་ལའང་བཟང་། བུད་མེད་ལ་རྩུབ་པས་མཆོད་ན་སྐྱོན་མི་འབྱུང་། ཟླ་བ་སོ་སོའི་ཚེས་ཉེར་བདུན་ལ་ཤོག་གུ་སེར་པོར་ཉི་མའི་དཀྱིལ་འཁོར་གྱི་རྒྱལ་པོ་ཞེས་པ་བྲིས་ནས་བཤམས། དེའི་མདུན་དུ་ནུབ་ཏུ་བལྟས་ནས་མར་མེ་བཅུ་གཉིས་ཕུལ་ན་ཤིན་ཏུ་བཟང་ངོ་། །ཟླ་བ་དབང་བའི་ལོ་ད་ལ། །བྱ་བ་ཐམས་ཅད་ཡིད་བཞིན་འགྲུབ། །ཁེ་གྲགས་གཉིས་ཀ་འགྲུབ་འགྱུར་ཞིང་། །

― LT41_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་བགྲོད་ལ་ནི་ཤིན་ཏུ་བཟང་། །ལོ་འདིར། དཔོན་བཟང་པོ་དང་མཇལ། །འགྲོ་འདུག་གང་ལའང་བཟང་། སྦྲུམ་མ་སྦྲུམ་དཀའ་བའམ་ནད་འབྱུང་བས་བུད་མེད་ལ་ངན་ནོ། །ཟླ་བ་སོ་སོའི་ཚེས་ཉེར་དྲུག་ལ་ཤོག་གུ་སེར་པོར་ཟླ་བའི་དཀྱིལ་འཁོར་གྱི་རྒྱལ་པོ་ཞེས་པ་བྲིས་ནས་བཤམས། དེའི་མདུན་དུ་མར་མེ་བདུན་ཁ་ནུབ་ཏུ་ཕྱོགས་ནས་ཕུལ་ན་ཤིན་ཏུ་བཟང་ངོ་། །ཕུར་བུ་དབང་བའི་ལོ་དེ་ལ། །བུད་མེད་ལ་ནི་རྩུབ་འགྱུར་ཏེ། །སྐྱེས་པ་ལ་ནི་ནད་ཕྲན་འབྱུང་། །འོན་ཀྱང་ལོ་ཟླར་སྐྱོན་ཆེར་མེད། །ལོ་འདིར། སྐྱེས་པ་ལ་མིག་ནད་དང་། བུད་མེད་ལ་ཁྲག་ངོ་ཡོད། གཉེན་འབྲེལ་བྱེད་པ་དང་། བྱ་བ་འདུམ་པ་ལ་བཟང་། ཁྱིམ་གྱི་མི་མི་བདེ། ཟླ་བ་སོ་སོའི་ཚེས་ཉེར་ལྔ་ལ་ཤོག་གུ་སྔོན་པོར་ཤར་ཕྱོགས་ཤིང་གི་ཡོན་ཏན་གྱི་རྒྱལ་པོ་ཞེས་པ་བྲིས་ནས་བཤམས། དེའི་མདུན་དུ་མར་མེ་ཉི་ཤུ་ནུབ་ཏུ་བལྟས་ཏེ་ཕུལ་ན་བཟང་ངོ་། །མིག་དམར་དབང་བའི་ལོ་དེ་ལ། །རང་གར་སྡོད་ལས་བྱ་གཞན་སྤངས། །བུད་མེད་ནད་འབྱུང་སྡུག་བསྔལ་ཞིང་། །སྐྱེས་པ་ལ་ཡང་གནོད་པ་འབྱུང་། །ལོ་འདིར། རྨ་ནད་འབྱུང་། བུད་མེད་སྦྲུམ་དཀའ་ཞིང་ཁྲག་ངོ་ཡོད། སྐྱེས་པ་ལ་ཆད་ལས་འབྱུང་། ཁྱིམ་མི་དག་ཀྱང་མི་བདེ། ཕྱུགས་ལ་གོད་ཀ་འབྱུང་བས་གཟབ་དགོས། གཟའ་འདི་ལ་གནོད་གཟའ་ཟེར། ཟླ་བ་སོ་སོའི་ཚེས་ཉེར་དགུ་ལ་ཤོག་གུ་

― LT41_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་པོར། ལྷོ་ཕྱོགས་མེའི་ཡོན་ཏན་གྱི་རྒྱལ་པོ་ཞེས་པ་བྲིས་ཏེ་བཤམས། དེའི་མདུན་དུ་མར་མེ་བཅོ་ལྔ་ནུབ་ཏུ་ཕྱོགས་ནས་ཕུལ་ན་བཟང་ངོ། །སྦེན་པ་དབང་བའི་ལོ་དེ་ལ། །རྒྱལ་པོའི་ཁྲིམས་ཕོག་འབྱུང་བ་དང་། །འགྲོ་འདུག་དོན་རྣམས་ཉམས་འགྱུར་ཞིང་། །མིང་ན་ཕྱོགས་ལ་གཟབ་པར་བྱ། །ལོ་འདིར། ན་ཚ་འབྱུང་ཞིང་མི་བདེ། ཁྱིམ་དུ་སེམས་མི་བདེ། མཚན་ལ་རྨི་ལམ་ངན་པ་རྨིས། ཕྱུགས་ལ་ངན། ལམ་ཐག་རིང་པོར་མི་འགྲོའོ། །ཟླ་བ་སོ་སོའི་ཚེས་བཅུ་དགུ་ལ་ཤོག་གུ་སེར་པོར། དབུས་ཀྱི་སའི་ཡོན་ཏན་གྱི་རྒྱལ་པོ་ཞེས་པ་བྲིས་ཏེ་བཤམས། དེའི་མདུན་དུ་མར་མེ་ལྔ་ནུབ་ཏུ་བལྟས་ནས་ཕུལ་ན་བཟང་ངོ་། །པ་སངས་དབང་བའི་ལོ་དེ་ལ། །བྱ་བ་བསམ་པ་བཞིན་མི་འགྲུབ། །སྐྱེས་པ་ལ་ནི་སེམས་སྡུག་འབྱུང་། །བུད་མེད་ཀྱིས་ཀྱང་འཛེམ་པ་གཅེས། ལོ་འདིར། གོང་ནས་བྱམས། མི་གསར་པ་འཇོག་པ་དང་། གཉེན་བྱེད་པ་བྱས་ན་ཕོ་བ་མི་བདེ་བ་འབྱུང་དོགས་ཡོད། མི་ངན་ཕྱོགས་ལ་གཟབ། ཟླ་བ་སོ་སོའི་ཚེས་བཅོ་ལྔ་ལ་ཤོག་གུ་དཀར་པོར། ནུབ་ཕྱོགས་ལྕགས་ཀྱི་ཡོན་ཏན་གྱི་རྒྱལ་པོ་ཞེས་པ་བྲིས་ནས་བཤམས། དེའི་མདུན་དུ་མར་མེ་བརྒྱད་ནུབ་ཏུ་བལྟས་ཏེ་ཕུལ་ན་བཟང་ངོ་། །ལྷག་པ་དབང་བའི་ལོ་དེ་ལ། །ནོར་རྫས་འཕེལ་འགྱུར་བཀྲ་ཤིས་ཤིང་། །སྐྱེས་པ་

― LT41_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་དང་བསོད་ནམས་རྒྱས། །བུད་མེད་ལ་ནི་ཁ་མཆུ་ཡོད། །ལོ་འདིར་གོང་ནས་བྱམས། །ལམ་དུ་ཐེག་ན་ནོར་རྙེད། མི་གསར་པ་འདུ། བུད་མེད་ལ་ངན་ཀྱང་སྐྱོན་ཆེར་མེད། ཆུ་བོ་བརྒལ་བར་མི་བྱའོ། །ཟླ་བ་སོ་སོའི་ཚེས་ཉེར་གཅིག་ལ་ཤོག་གུ་ནག་པོར། བྱང་ཕྱོགས་ཆུའི་ཡོན་ཏན་གྱི་རྒྱལ་པོ་ཞེས་པ་བྲིས་ནས་བཤམས། དེའི་མདུན་དུ་མར་མེ་བདུན་ནུབ་ཏུ་བལྟས་ཏེ་ཕུལ་ན་བཟང་ངོ་། །རཱ་ཧུ་དངང་བའི་ལོ་དེ་ལ། །མི་རྣམས་དག་ལ་མྱ་ངན་བསྐྱེད། །སྐྱེས་པར་ཆད་པའི་འཇིགས་པ་འབྱུང་། །བུད་མེད་དག་ཀྱང་སེམས་མི་བདེ། །ལོ་འདིར་ཁྲིམས་སར་ཁག་ངན་དང་། མིག་ལ་ནད་འབྱུང་། བུད་མེད་ལ་ཁྲག་ངོ་དང་བཙའ་དཀའ་བ་འབྱུང་། ཟླ་བ་སོ་སོའི་ཚེས་བརྒྱད་ལ་ཤོག་གུ་སེར་པོར། གཟའི་རྒྱལ་པོ་རཱ་ཧུ་ཞེས་པ་བྲིས་ཏེ་བཤམས། དེའི་མདུན་དུ་མར་མེ་དགུ་བྱང་དུ་བལྟས་ཏེ་ཕུལ་ན་བཟང་ངོ་། །ཀེ་ཏུ་དབང་བའི་ལོ་དེ་ལ། །ན་ཚ་རྒྱུན་མི་ཆད་དུ་འགྱུར། །བུད་མེད་རྣམས་ཀྱིས་ཁམ་ཆུ་འཛེམ། །སྐྱེས་པ་དག་ལ་འབྲིང་ཙམ་ཡིན། །ལོ་འདིར་གོང་ནས་སྡང་། ཕྱུགས་ལ་ངན། བུད་མེད་ལ་ཁ་མཆུས་སྡང་། ལམ་ཐག་རིང་པོར་ཐོན་ན་ནོར་རྙེད། ཁྱིམ་དུ་བསྡད་ན་དོན་ལ་གསལ་ཆ་མི་འབྱུང་། ཟླ་བ་སོ་སོའི་ཚེས་བཅོ་བརྒྱད་ལ་ཤོག་གུ་སེར་པོར། གཟའ་ཀེ་ཏུ་རྒྱལ་པོ་ཞེས་པ་བྲིས་ནས་བཤམས། མར་མེ་ཉི་ཤུ་ནུབ་ཏུ་བལྟས་ནས་ཕུལ་ན་བཟང་ངོ་། །ཁྲི་

― LT41_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན་བྱེད་པའི་རྩིས་ལ། ཐེྱན་ཆཱེ་ན་འཁོར་ལོ་སྟེ། ཟླ་བ་ཆེ་བ་ལ་ཚེས་གཅིག་ནས་གཡས་བསྐོར་དུ་བརྩི། ཟླ་བ་ཆུང་བ་ལ་ཚེས་གཅིག་ནས་གཡོན་བསྐོར་དུ་བརྩི། ཆཱན་དང་འཕྲད་ན་ཤེས། ཕཱོ། གཞུའ། ཀླུང་རྣམས་དང་འཕྲད་ན་འབྲིང་ཤིས། ཙུའི། ཞི། ཝང་རྣམས་དང་འཕྲད་ན་ངན། དཔེར་ན། ཟླ་བ་དང་པོ་ཆེ་བ་ལ་གཡས་བསྐོར་གྱིས་ཚེས་གཅིག་ཆཱན། ཚེས་གཉིས་ཕཱོ། གཞུའ། ཚེས་གསུམ་ཙུའི། ཝང་། ཚེས་བཞིར་ཞི། ཝང་། ཚེས་ལྔར་ཤུང་། ཝང་། ཚེས་དྲུག་ཆཱན། ཀྲུང་། ཚེས་བདུན་ལ་ཆཱན། ཅེས་པའོ། །དེས་ཟླ་བ་གཞན་ལའང་སོ་སོར་རིགས་འགྲེ། ༈ །ཁྲི་འདོན་བྱེད་པའི་ཉི་མ་བཟང་པོ་ནི། ཤིང་བྱི། མེ་སྟག་ཡོས། ས་འབྲུག་སྦྲུལ། ལྕགས་རྟ། ཤིང་ཕག །མེ་བྱི། ས་ཡོས། ཆུ་རྟ། ཤིང་སྤྲེལ་བྱ། མེ་ཁྱི། ས་བྱི། ཆུ་སྦྲུལ། ས་ཕག །ལྕགས་བྱི། ཆུ་སྟག །མེ་རྟ། ས་སྤྲེལ། ལྕགས་ཁྱི་ཕག །ཆུ་བྱི་གླང་། ལྕགས་བྱ་སྤྲེལ་རྣམས་བཟང་། འདི་དག་གི་ཉིན། ཀྱན། དམན། ཡིན། ཕོ། ཤིའུ་འདི་དག་དང་འཕྲད་ན་འཛེམ། ༈ །སློབ་གྲལ་དུ་འཇུག་པའི་ཉི་མ་ནི། ཤིང་བྱི། ཤིང་ཕག །མེ་བྱི། ཆུ་ལུག །ཤིང་སྤྲེལ། མེ་ཕག །ལྕགས་སྟག །ལྕགས་ཡོས། ཆུ་འབྲུག །ཤིང་ལུག །མེ་སྤྲེལ། ཆུ་ཡོས། ཤིང་འབྲུག །ཤིང་སྦྲུལ། མེ་རྟ། མེ་ལུག །

― LT41_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་སྟག །ཤིང་ཡོས། མེ་འབྲུག །ལྕགས་སྤྲེལ། ལྕགས་བྱ་རྣམས་ཀྱི་ཉི་མ། ཡང་ན། ཆི་ན། ཁས་ཀྱི་ཉི་མ་རྣམས་བཟང་། ༈ །གཉེན་བསྡེབས་བག་མའི་རྩིས་ལ། གཉེན་བསྡེབས་པའི་ཉི་མ་བཟང་པོ་ནི། མེ་ས་ཆུའི་སྟག་ཡོས། མེ་སའི་བྱི་བ་དང་ཁྱི། ཤིང་སྦྲུལ། གནམ་སྤྱོད། ཟླ་སྤྱོད། འགྲིགས་ཉི། དྲུག་འགྲིགས། ཐབས་ཀྱི་སྤྱོད་པ། ཁས། ཇི། ཝ། ཆིན་དེ་རྣམས་བཟང་། ཡང་ཟླ་བའི་ཆད་པ། ཟླ་བའི་དབྱེན། ཀྱན། ཕོ། ཤིའུ། དམན། ཏིས། བྱ་དམར་ཟངས་མཆུའི་ཉི་མ་བཅས་འཛེམ། ༈། རྒྱན་ཆ་གཏད་པ་དང་མིང་དྲིས་པའི་ཉི་མ་བཟང་པོ་ནི། གནམ་དགའི་ཉི་མ། ཤིང་ལྕགས་མེའི་ལུག །སའི་སྟག་ཡོས། ཤིང་ལྕགས་མེའི་འབྲུག །ལྕགས་མེའི་ཁྱི། ཤིང་ས་ལྕགས་ཆུའི་གླང་། ཏིས། ཝ། ཆིན་རྣམས་ལ་བཟང་། ཕོ། ཡིན། ཤིའུ་རྣམས་ཀྱི་ཉི་མ་འཛེམ། ༈ །བག་མའི་རིན་སྤྲད་པ་ལ། ཤིང་ལྕགས་ཡོས། ལྕགས་ཀྱི་གླང་སྟག་སྤྲེལ། ཆུའི་འབྲུག་སྦྲུལ། སའི་བྱི་ཕག །ཤིང་མེའི་སྦྲུལ་རྣམས་བཟང་། གཞན་ཡང་། ཐྱན་ཏས། ཐྱན་ཧོང་། ཡྭད་

― LT41_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

ཧོང་། གནམ་དགའ། བ་ཐག་སྤྲེལ། ཆུ། ཝ། ཏིས། གྱི་རྣམས་བཟང་། ཀྱིན་གསིན་ཧྭིན། ཁ་སྨུག ། སྟོང་པ་ཆེ་ཆུང་། ཤི་བ་ཉམས་མྱོང་། གནམ་ཇག །གསུ་ཧུ། ཕོ། ཡིན། ཤིའུ་དེ་རྣམས་འཛེམ། ༈ །ཁྱིམ་ཐབས་ལེན་པའི་འཁོར་ལོ་ཟླ་བ་བརྩི་ལ་དུས་མི་བརྩི། ཟླ་ཆེན་ལ་སྐྱེ་བོ་ནས་གཡས་སྐོར་དུ་བརྩི། ཟླ་ཆུང་ལ་བུད་མེད་ནས་གཡོན་སྐོར་དུ་བརྩི། ཚོམས། སྤུན། ཐབ་ཀ །ཐབ་ཚང་རྣམས་བཟང་། གྱོས་པོ་གྱོས་མོ་མེད་ན་དེ་ཡང་རུང་། ༈ །ཁྱིམ་ཐབས་ལེན་པའི་ཉིན་གྱི་སོ་ཧུའི་འཁོར་ལོ་ཟླ་བ་བརྩི་ལ་དུས་མི་བརྩི། ཟླ་བ་ཆེ་བ་ལ་ཐབ་ནས་གཡས་སྐོར་དང་། ཟླ་བ་ཆུང་བ་ལ་ཐབ་ཚང་ནས་གཡོན་སྐོར་དུ་བརྩི། འཆི་ཉལ་ཐབ་ཚང་ཐབ་ཀ་འཕྲད་ན་བཟང་། སྒོ། ཁྲི། ཚོམས། ལམ་རྣམས་དང་འཕྲད་ན་ངན། ཤས་མཆོད་ན་བཟང་ཟེར་བ་ཞིག་ཀྱང་འདུག ༈ །བག་མ་ལ་ཤིན་ཏུ་གལ་ཆེ་བའི་ཉི་མ་སུ་ཙྱན་ཏེ་གནམ་གྱི་ལོ་འགྲོས་དང་མཐུན་པ་ནི། ཟླ་བ་དང་པོར། མེ་ལྕགས་ཀྱི་སྟག་ཡོས་བྱི་བ། ས་ཡོས། གཉིས་པར། ཤིང་མེ་སའི་གླང་། ལྕགས་མེའི་བྱི་བ་དང་ཁྱི། ཤིང་བྱ། གསུམ་པར། ཤིང་མེ་སའི་གླང་དང་བྱ། ཤིང་མེའི་ཁྱི། བཞི་པར། ཤིང་མེ་སའི་བྱི་བ་ཁྱི་སྤྲེལ། ཤིང་མེའི་བྱ། ལྔ་པར། ཤིང་ཆུའི་ལུག་དང་བྱ། ཤིང་མེ་སའི་ཁྱི་དང་སྤྲེལ། དྲུག་པར། ཆུ་ཤིང་སའི་སྤྲེལ། ཤིང་ཆུའི་ལུག་དང་བྱ་

― LT41_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་སའི་ཁྱི། བདུན་པར། ཆུ་ཤིང་སའི་སྤྲེལ་དང་རྟ། ཤིང་ཆུའི་བྱ། ཆུ་ཤིང་མེའི་ལུག །བརྒྱད་པར། ས་ཆུ་ཤིང་གི་འབྲུག་རྟ་སྤྲེལ། ལྕགས་ཆུའི་སྦྲུལ། དགུ་པར། ས་ཆུ་ལྕགས་ཀྱི་སྦྲུལ་དང་རྟ། ལྕགས་ཆུའི་འབྲུག་དང་ལུག །ཆུ་ཡོས། བཅུ་པར། ས་ལྕགས་ཆུའི་སྟག་ཡོས་འབྲུག །ལྕགས་ཆུའི་རྟ། ས་བྱི། བཅུ་གཅིག་པར། ས་ལྕགས་མེའི་སྦྲུལ་དང་གླང་། ལྕགས་ཆུའི་འབྲུག། བཅུ་གཉིས་པར། མེ་ལྕགས་སའི་གླང་སྟག་ཡོས། ལྕགས་མེའི་འབྲུག་བཅས་འདི་དག་ཤིན་ཏུ་བཟང་བར། བག་བསུ་སྤྱི་ཁྱབ་ཀྱི་ཉི་མ་བཟང་པོ་ནི། ཤིང་མེའི་གླང་། མེ་ལྕགས་ཆུའི་ཡོས། མེའི་བྱི་གླང་། ཤིང་སྦྲུལ་རྣམས་སུ་ཙྱན་དང་མཉམ་པ་ཡིན། ཆུ་བྱི། ཆུ་གླང་། ཤིང་ཡོས་ཀྱི་ཉི་མ་གསུམ་ནི་སུ་ཙྱན་མེད་པ་ཡིན་ཀྱང་དེང་སང་བཟང་པོའི་ཚད་དུ་བྱེད། འཛེམ་མི་དགོས། ༈ །ནམ་ཟླ་དུས་བཞིའི་ཉི་མ་བཟང་པོ་ནི། མེ་ཆུའི་བྱི་གླང་། ཆུ་རྟ་རྣམས་ནི་སྟོན་དཔྱིད་གཉིས་ལ་བཟང་། ཤིང་ཆུའི་སྦྲུལ། ཆུ་ཡོས་དེ་རྣམས་དབྱར་སྟོན་དགུན་ཀར་བཟང་། ཤིང་སའི་གླང་། ཤིང་ལུག་ནི་དཔྱིད་དབྱར་སྟོན་རྣམས་ལ་བཟང་། ལྕགས་ཡོས་སྟོན་དགུན་གཉིས་ལ་བཟང་། ཤིང་མེའི་ཡོས་དབྱར་དགུན་གཉིས་ལ་བཟང་། ༈ །སྤྱིར་དུ་སུ་ཙྱན་དང་། ཐྱན་ཏས། ཡྭད་ཏས། ཡྭད་ཧོང་། ཐྱན་ཧོང་། མ་མོ་མཛོད་ཀྱི་ཉི་མ། ལམ་

― LT41_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

སེར། ཆུ། ཝ། ཏིས། ཇི་རྣམས་ཤིན་ཏུ་བཟང་། ཡྭད་ཏན། བ་ཐག་སྤྲེལ་ཉི། མི་དང་མི་རྨངས་འགྲིགས་པ་ཞེས་པའི་སྟག་ཡོས་དང་འདི་རྣམས་སུ་ཙྱན་དང་འགྲིགས་ན་མཆོག །མ་འགྲིགས་ཀྱང་མི་ལྷོ། སྤང་བྱ་ནི། ཁ་སྨུག །གནམ་གྱི་ཇག་པ། བྲལ་ཆད། དགྲ་ཆེན། སྟག་དཀར། སའི་སྤྲེལ་བྱ་ཕག་གསུམ་མི་དང་མི་རྨངས་བྲལ་བའི་ཉི་མ་དང་། ཧུ་གྱི་སྟེ་བག་མ་རང་ལ་གནོད་པའི་ཉི་མ། ར་བཞིའི་ཟླ་བར་གླང་ཉི། འབྲིང་བཞིར་སྟག །ཐ་ཆུང་བཞིར་བྱི་བའི་ཉི་མ། ཕ་དང་མིང་པོ་ལ་གནོད་པ་ཡྭད་གཡན་དང་། དེ་གཉིས་མེད་ན་རུང་། ཟླ་བ་བཅག་བྱེད་དེ་ཟླ་བ་སོ་སོའི་བདུན་ཟུར་གྱི་ཉི་མ། གཡན་རུའི་སྟེ་བུ་དང་བུ་མོའི་མ་ལ་གནོད་པའི་ཉི་མ་ཟླ་བ་དང་པོ་ནས་རིམ་བཞིན་འབྲུག་ཡོས་གཉིས་སོགས་མས་རིམ་དུ་དེད་པས་བཅུ་གཉིས་པ་སྦྲུལ་ཉི་སོགས་དང་། གནམ་ཁྱིའི་ཉི་མ་སོགས་ནི་ཤིན་ཏུ་འཛེམ་གལ་ཆེའོ། ༈ །སྨན་འཐུ་བའི་རྩིས་ལ། གནམ་གྱི་མཛོད་ཕྱེ་བ་ཞེས། དང་པོའི་ཚེས་གཅིག །གཉིས་པའི་ཉེར་ལྔ། གསུམ་པའི་ཉི་ཤུ། བཞི་པའི་བཅུ་དྲུག །ལྔ་པའི་བཅུ་གཅིག །དྲུག་པའི་དྲུག །བདུན་པའི་གཉིས། བརྒྱད་པའི་ཉེར་ལྔ། དགུ་པའི་ཉེར་གཅིག །བཅུ་པའི་བཅུ་དྲུག །བཅུ་གཅིག་པའི་བཅུ་གཉིས། བཅུ་གཉིས་པའི་དྲུག་རྣམས་དང་། སའི་མཛོད་ཕྱེ་བ་ཞེས་པ་ཟླ་བ་སོ་སོའི་ཁས་ཀྱི་ཉི་མ་

― LT41_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ལ་ཤིན་ཏུ་བཟང་། དཔྱིད་སྟོན་གཉིས་ལ་ཤར་དང་ནུབ་ཀྱི་རི་ལ་མི་འགྲོ། དགུན་དང་དབྱར་ལ་ལྷོ་དང་བྱང་གི་རི་ལ་འགྲོ་བ་སྤངས། ༈ །སྨན་སྦྱར་བའི་རྩིས་ལ། ས་འབྲུག །ས་སྦྲུལ། ལྕགས་རྟ། ཆུ་སྤྲེལ། ཤིང་ཕག །ས་སྟག །ཤིང་སྤྲེལ། མེ་ཁྱི། ལྕགས་ཡོས། ཤིང་ལུག །མེ་རྟ། ལྕགས་ཕག །ས་ལུག་རྣམས་དང་། ཆུ། བོ། ཁས་བཅས། ལྕགས་ལུག་ཉི་མར། བྱེའུ་ཤི་བའི་ཉི་མ་རྣམས་ངན། ༈། སྨན་གཏོང་བའི་རྩིས་ལ། ཤིང་གླང་། ཆུ་སྤྲེལ། ཆུ་གླང་། ཆུ་བྱ། ཤིང་ཕག །མེ་བྱི། མེ་གླང་། ཆུ་རྟ། ཤིང་སྤྲེལ། མེ་ཁྱི། ས་གླང་། ཆུ་འབྲུག །ཆུ་སྦྲུལ། ཤིང་རྟ། མེ་སྤྲེལ། མེ་བྱ། ས་ཁྱི། ས་ཕག །ལྕགས་བྱི། ལྕགས་གླང་། ས་སྤྲེལ། ས་བྱ། ལྕགས་བྱ། གནམ་སྨན། བདེ་འདོད། ཐིྱན་ཧུ། ཀུན་སྲུང་། ཆུ། ཕོ། ཆིན། ཁས་རྣམས་ལ་བཟང་། ལྕགས་ལུག །མེ་མོའི་ཉི་མ། ཁྲག་གི་ཡལ་ག །ཡྭད་གཡན། ཁྲག་འཛེམ་པའི་ཉི་མ། ཤི་བ་ཉམས་མྱོང་། སྟག་དཀར། ཟླ་ཆད། ཟླ་དགྲ། ཤི་བྲལ། སྐྱེས་པ་ཡིན་ན། ཆུ། ཁྱིའི་ཉི་མ། བུད་མེད་ལ། ཕོ། སྦྲུལ་ཉི་བཅས་འཛེམ། ༈ །ལྷ་རྗེས་ནད་འཇོམས་པའི་རྩིས་ལ། དང་པོར། ཤིང་ལྕགས་ཀྱི་བྱི་བ། ཆུ་ཤིང་མེའི་སྤྲེལ། ལྕགས་མེ་ས་ཆུའི་ཡོས་རྣམས་རབ། མེ་ས་ཆུའི་བྱི་བ་ལའང་རུང་། །གཉིས་པར། ཤིང་ལྕགས་ཀྱི་གླང་། ཤིང་མེ་

― LT41_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཆུའི་ཕག་རྣམས་རབ། མེ་ས་ཆུའི་གླང་ཡང་རུང་། གསུམ་པར། སྟག་ལྔ། སྦྲུལ་ལྔ། ཆུ་ཤིང་མེའི་བྱ། ལྕགས་ཤིང་བྱི་བ་རྣམས་རབ། མེ་ས་ཆུའི་བྱི་བའང་རུང་། བཞི་པར། གླང་ལྔ། མེ་ས་ལྕགས་ཆུའི་ཡོས། ལྕགས་ཤིང་ཆུ་མེའི་རྟ་རྣམས་བཟང་། ལྔ་པར། ཆུ་ཤིང་ལྕགས་སའི་འབྲུག་བཟང་། སྟག་ལྔ། མེ་འབྲུག་རུང་། དྲུག་པར། ཤིང་མེ་ས་ཆུའི་གླང་། མེ་ས་ལྕགས་ཆུའི་ཡོས་བཟང་། སྤྲེལ་ལྔ་ལ་རུང་། བདུན་པར། མེ་སྦྲུལ། སྟག་ལྔ་ལ་བཟང་། བརྒྱད་པར། སྦྲུལ་ལྔ་ལ་བཟང་། དགུ་པར། སྟག་ལྔ། སྤྲེལ་ལྔ། ཤིང་ས་ལྕགས་ཆུའི་ཕག་རྣམས་བཟང་། བཅུ་པར། ས་ལྕགས་ཤིང་མེའི་སྦྲུལ། བྱ་ལྔ་ལ་བཟང་། བཅུ་གཅིག་པར། ཤིང་ལྕགས་ཀྱི་གླང་། སྤྲེལ་ལྔ་ལ་བཟང་། མེ་ས་ཆུའི་གླང་། ལྕགས་ཆུ་ས་མེའི་རྟ་ལ་རུང་། བཅུ་གཉིས་པར། སྟག་ལྔ། ཕག་ལྔ། ཤིང་ཡོས་བཟང་། འདི་རྣམས་ཀྱང་སྨན་གཏོང་བ་ལ་ངོས་འཛིན་པའང་འདུག །མཆན། ༈ །བྲན་གཡོག་ཕོ་མོ་ཁྱིམ་དུ་འཇུག་པའི་རྩིས་ལ། ཤིང་བྱི་གླང་། མེ་སྟག་ཡོས། ཆུ་འབྲུག་སྤྲེལ། ཤིང་ཕག །ས་སྟག །ཤིང་སྤྲེལ། མེ་ཁྱི། ལྕགས་ཡོས། ཤིང་རྟ། ས་ཕག །ལྕགས་བྱི། ཆུ་ཡོས། མེ་རྟ། མེ་ལུག །ལྕགས་ཕག །ཆུ་བྱི། ཤིང་སྟག །ཤིང་ཡོས། ས་ལུག །ལྕགས་བྱ། ས་འབྲུག །མིག་ཐན། གཡུ་ཐན། གསི་མིན། ལམ་སེར།

― LT41_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ཐྱན་ཏས། ཡྭད་ཏས། ཤིའུ། དམན་རྣམས་བཟང་། སྤང་བྱ་ནི། བུད་མེད་འཛེམ་ཉི། གནམ་ཇག །གསུ་ཧུ། ཤི་བ་ཉམས་མྱོང་། ཀྱིན་གསི་ཧུན། ཁ་སྨུག་མེ་མོའི་ཉི་མ། ཀྱན། ཕོ། སིན་རྣམས་དང་། གཞན་ཡང་། གསི་སྱེ་ཞེས། པྱིད་ཁྱ། །དབྱར་གླང་། སྟོན་འབྲུག །དགུན་ལུག །ཧུ་ཙུའི་ཞེས། དཔྱིད་ཕག །དབྱར་སྟག །སྟོན་སྦྲུལ། དགུན་སྤྲེལ། ཐུ་གཡེན་ཅེས། དཔྱིད་སྤྲེལ། དབྱར་ཕག །སྟོན་སྟག །དགུན་སྦྲུལ། ཅི་ནོན་ཅེས། མེའི་ཡོས་འབྲུག །ཤིང་གི་ཁྱི་ལུག་བྱ། ལྕགས་ཀྱི་གླང་སྟག །ས་བྱི། ཆུ་བྱ། ལིང་ཁོག་ཅེས། མེ་ཡོས། སའི་འབྲུག་སྦྲུལ་སྟག་གླང་ཁྱི་ཡོས་སྤྲེལ་རྟ། ལྕགས་ཀྱི་སྦྲུལ་གླང་ཕག །ཆུ་ཁྱི། ཕག་སྤྲེལ། མཚམས་པ་དགུ་ཞེས། ཤིང་བྱ། ལྕགས་ཀྱི་ཡོས་བྱ། སའི་བྱི་བ་རྟ་གླང་ཡོས། ཆུའི་བྱི་བ་རྟ། གནམ་གྱི་མི་རུང་བ་ཞེས། ཟླ་བ་དང་པོ་བདུན་པར། ཚེས་བཞི་དགུ། གཉིས་བརྒྱད་ལ་བཅུ་གསུམ། བཅོ་བརྒྱད། གསུམ་དགུར། ཉེར་གཉིས། ཉེར་བདུན། བཞི་དང་བཅུར། བཞི། དགུ། ལྔ་དང་བཅུ་གཅིག་པར། བཅུ་གསུམ། བཅོ་བརྒྱད། དྲུག་དང་བཅུ་གཉིས་པར། ཉེར་གཉིས། ཉེར་བདུན་རྣམས་ངན། ཉི་ངན་འདི་རྣམས་མེད་ན་ཧ་ཅང་བཟང་པོ་མ་འཕྲོད་ཀྱང་རུང་ངོ་། །

― LT41_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེས་སུ་བགྲོད་པའི་རྩིས་ལ། རྒྱུ་འགྲུལ་སོགས་ཀྱི་ཉི་མ་ལ། །བཟང་ངན་སྤྱི་དང་བྱེ་བྲག་ལས། །དང་པོ་ཉི་ཟླ་ལྷན་ཅིག་འགྲོགས། །ཤྭོ་ཡི་ཉིན་ཅེས་ནུབ་ཏུ་སྤངས། །འདི་ཉིད་གནམ་སྟོང་ཉིད་དུ་ངེས། །ཕལ་ཆེར་ཚེས་གཅིག་འབྱུང་བར་བཤད། །ཉ་ལ་ལྷོ་དང་ཉི་ཤུ་ཤར། །སྟོང་ལ་གནོད་སྦྱིན་ཕྱོགས་སུ་འཛེམ། །བྱེ་བྲག་པ་ལ་ཟླ་བ་རྣམས། །རབ་འབྲིང་ཐའི་ཁྱད་པར་གྱིས། །ཉིན་ཞག་བརྒྱ་དང་ཉི་ཤུ་རེ། །བསྡོམས་པས་སུམ་བརྒྱ་དྲུག་ཅུ་འབྱུང་། །དེ་ཡང་ལམ་དུ་འཇུག་པ་སོགས། །འོས་དང་མི་འོས་འབྲས་བཤད་པ། །ར་བཞིའི་ཟླ་བར་ཚེས་གཅིག་བདུན། །བཅུ་གསུམ་བཅུ་དགུ་ཉི་ཤུ་ལྔ། །དེ་དག་རྣམས་ལ་ཁང་ཁྱིམ་ཟེར། །ཚེས་པ་གཉིས་བརྒྱད་བཅུ་བཞི་དང་། །ཉི་ཤུ་ཉེར་དྲུག་གསེར་མཛོད་ཅེས། །ཚེས་གསུམ་དགུ་དང་བཅོ་ལྔ་དང་། །ཉེར་གཅིག་ཉེར་བདུན་གསེར་ཐོག་སྟེ། །ཚེས་བཞི་བཅུ་དང་བཅུ་དྲུག་དང་། །ཉེར་གཉིས་ཉེར་བརྒྱད་ཉི་མ་མཐུན། །ཚེས་ལྔ་བཅུ་གཅིག་བཅུ་བདུན་དང་། །ཉེར་གསུམ་ཉེར་དགུ་ཇག་རྐུན་ཉི། །ཚེས་དྲུག་བཅུ་གཉིས་བཅོ་བརྒྱད་དང་། །ཉེར་བཞི་སྟོང་ལ་རིན་ཆེན་མཛོད། །འབོད་དེ་ཁང་ཁྱིམ་ཉི་མ་ལ། །ལམ་དུ་ཐོན་ན་ལྷ་ངན་རྣམས། །རང་གནས་མེད་ཕྱིར་ཕོག་ཐུག་མེད། །མི་ཆེན་དང་འཕྲད་གྲོགས་ནོར་རྙེད། །གསེར་མཛོད་ཅེས་བྱར་ཤིང་རྟ་དང་། །རྟ་ཕྱུགས་ཆུད་གསན་དོན་གང་ཡང་། །

― LT41_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་པ་དང་བཅས་ཆོམ་རྐུན་ཐུག །གྲོགས་དང་ནོར་གྱི་རྙེད་པ་སྟོར། །གསེར་ཐོག་ཉི་མར་མི་བཟང་འཕྲད། །ནོར་འཚོལ་ཁེ་དང་རྙེད་པ་ཆེ། །གཏུག་གཤེར་བྱས་ན་རང་ཉིད་རྒྱལ། །ཉི་མ་མཐུན་ལ་ཇུས་ལེགས་ཤིང་། །རང་ཉིད་ཆོས་ཐོབ་འཐབ་རྩོད་རྒྱལ། །ཇག་རྐུན་མི་འཕྲད་གྲོགས་ནོར་རྙེད། །བཟའ་བཏུང་གྱ་ནོམ་མི་ཆེན་མཇལ། །ཇག་རྐུན་ཉི་མར་བརྒྱ་ཕྲག་ལས། །ཉེས་ཏེ་མི་འཆི་ནོར་རྣམས་བརླག །ལུས་ལ་ལྕགས་སྒྲོག་ཐེབས་འདྲ་འབྱུང་། །རིན་ཆེན་མཛོད་ལ་མི་ཆེན་འཕྲད། །ནོར་འཚོལ་ལ་སོགས་བྱ་བ་བརྒྱ། །བསམ་པ་བཞིན་འགྲུབ་གོས་ནོར་དང་། །བཅས་ཏེ་ཁྱིམ་དུ་བདེ་བར་འཁོར། ༈ །འབྲིང་བཞིའི་ཟླ་བར་སྡེ་ཚན་བརྒྱད། །གོང་མ་ཉིད་ལས་གཉིས་ཀྱིས་ལྷག །སྔ་མ་དྲུག་ལ་ཉིན་ཞག་བཞི། །ཕྱི་མ་གཉིས་ལ་གསུམ་རེ་ཐོབ། །ཚེས་པ་གཅིག་དགུ་བཅུ་བདུན་དང་། །ཉེར་ལྔར་ལྷ་ཡི་ཇག་པའི་ཉིན། །ཚེས་གཉིས་བཅུ་དང་བཅོ་བརྒྱད་དང་། །ཉི་ཤུ་དྲུག་རྣམས་ལྷ་ཡི་སྒོ། །ཚེས་གསུམ་བཅུ་གཅིག་ཤ་བཅུ་དགུ་དང་། །ཉེར་བདུན་ལྷ་ཡི་ཁང་བཟང་སྟེ། །ཚེས་བཞི་བཅུ་གཉིས་ཉི་ཤུ་དང་། །ཉེར་བརྒྱད་ལྷ་ཡི་དོན་དུ་འབོད། །ཚེས་ལྔ་བཅུ་གསུམ་ཉི་ཤུ་གཅིག །ཉེར་དགུ་ལྷ་ཡི་ཆོམ་རྐུན་ཅེས། །ཚེས་དྲུག་བཅུ་བཞི་ཉེར་གཉིས་དང་། །སྟོང་ལ་ལྷ་ཡི་ཉི་མ་སྟེ། །ཚེས་བདུན་བཅོ་ལྔ་ཉི་ཤུ་གསུམ། །ལྷ་རྣམས་ཀྱི་ནི་དུས་སུ་

― LT41_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེད། །ཚེས་བརྒྱད་བཅུ་དྲུག་ཉེར་བཞི་རྣམས། །ལྷ་ཡི་བང་མཛོད་ཉིད་དུ་བཟུང་། །སོ་སོའི་འབྲས་བུ་སྨིན་ཚུལ་ཡང་། །ལྷ་ཡི་ཇག་པར་བྱེས་སུ་སོང་། །གྲོགས་ནོར་ཨི་རྙེད་བསམ་དོན་སྟོར། ཁ་མཆུ་ཟ་ཟི་འབྱུང་ཕྱིར་ངན། །ལྷ་སྒོར་དོན་འགྲུབ་རྙེད་པ་ཆེ། །གར་སོང་བར་ཆད་མེད་ཕྱིར་བཟང་། །ལྷ་ཡི་ཁང་བཟང་དོན་ཀུན་འགྲུབ། །གར་ཕྱིན་ཐོགས་མེད་མི་ཆེན་གྱིས། །བསུ་དང་ཚོང་སོགས་གྲོགས་ངན་བྱེད། །ལྷ་ནོར་ནོར་རྙེད་མི་བཟང་འཕྲད། །དོན་གང་བརྩམས་པ་དེ་ཡང་འགྲུབ། །ལྷ་ཡི་ཆོམ་རྐུན་ཉི་མ་ལ། །ལམ་ཞུགས་སྟོར་བརླག་འཐབ་རྩོད་ཕམ། །དོན་ནི་གང་ཡང་འགྲུབ་མི་སྲིད། །ལྷ་ཡི་ཉི་མར་བཀྲ་ཤིས་ཏེ། །གྲོགས་ནོར་རྙེད་འགྱུར་ཉེ་དུའི་ལས། །བརྩམས་ན་སྙིང་ཐག་ཉེ་བར་འགྱུར། །ལྷ་ཡི་དུས་ཀྱི་ཉི་མ་ལ། །ལེགས་ཉུང་ཉེས་མང་དམར་ངོ་ཆེ། ཁ་སྨྲས་དོན་མ་ཡིན་པའང་འབྱུང་། །ལྷ་ཡི་བང་མཛོད་གྲོགས་ནོར་རྙེད། །དཔོན་ཐབས་བྱས་ན་དགའ་བ་འཕེལ། ༈ །ཐ་ཆུང་བཞི་ཡི་ཟླ་བ་ཡང་། །སྔར་བཞིན་སྡེ་ཚན་བརྒྱད་དུ་བཅད། །དང་པོར་ཉིན་ཞག་བཞི་ཚན་དྲུག །ཕྱི་མ་གཉིས་ལ་གསུམ་ཚན་རེ། །དེ་དག་རིམ་བཞིན་བྱ་དམར་པོ། །སྟག་དཀར་མགོ་ལུས་རྐང་པ་དང་། །རུས་སྦལ་ནག་པོ་གཡུ་འབྲུག་མགོ། །དེ་ཡི་ལུས་དང་རྐང་པ་སྟེ། །ཕྱི་མས་ཉི་མ་བཅུ་ལ་དབང་། །

― LT41_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

བྱད་མར་ལམ་ཞུགས་ནོར་མི་རྙེད། །བོར་སྟོར་ཆེ་ལ་གཏུག་གཤེར་ཕམ། །སྟག་དཀར་མགོ་ལ་ཐག་རིང་བཟང་། །བཀྲ་ཤིས་དོན་གྲུབ་ཉེ་ན་འབྲིང་། །སྟག་དཀར་ལུས་ཀྱང་འདོད་པའི་ནོར། །བསམ་དོན་བཞིན་འགྲུབ་ཕྱོགས་མཚམས་བརྒྱད། །གང་དུ་སོང་ཡང་བཟང་བར་བཤད། །སྟག་དཀར་རྐང་ལ་དོན་མི་འགྲུབ། །ལྷག་པར་ཐག་རིང་མགྲོན་པོར་ངན། །རུ་སྦལ་ནག་པོར་ལམ་དུ་ཞུགས། །བྱ་བ་ཐམས་ཅད་ཁ་མཆུའི་རྒྱུ། །གཡུ་འབྲུག་མགོ་ལ་ཅི་ཡང་བཟང་། །ལྷག་པར་ཡོས་བུའི་དུས་ཚོད་དང་། །བསྟུན་ན་གང་བརྩམས་མྱུར་དུ་འགྲུབ། །གཡུ་འབྲུག་ལུས་ཀྱང་གཉེར་བྱའི་དོན། །བསམ་པ་བཞིན་འགྲུབ་བཀྲ་ཤིས་ཏེ། །གཡུ་འབྲུག་རྐང་པར་ནོར་མི་རྙེད། །དབོན་དང་འཕྲད་ན་ཉེས་མང་འབྱུང་། །དེ་ཕྱིར་སྤང་བླང་གཟོབ་པ་གཅེས།། །།

― LT41_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

རེའུ་མིག་ཡོད།

― LT41_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ཞར་ལ་ཉི་མ་སོ་སོ་ཡི། །བཟང་ངན་དུས་ཚིགས་གལ་ཆེ་བས། །དུས་ལ་དབང་བའི་ལྷ་བཅུ་གཉིས། །དེ་ཡང་གཡུ་འབྲུག་ཁང་གསར་དང་། །ལྷ་ཡི་ཆད་པ་བྱ་དམར་པོ། །གསེར་སྒྲོམ་ལྷ་ཡི་ཡོན་ཏན་ཏེ། །སྟག་དཀར་རིན་ཆེན་ཁང་བུ་དང་། །ལྷ་ཡི་བཙོན་རར་རུས་སྦལ་ནག །འཇིག་རྟེན་བྱེད་པོ་ལྷ་ཡི་ཤིང་། །དེ་དག་རིམ་བཞིན་བྱི་རྟའི་ཉིན། །གཡུ་འབྲུག་སྤྲེའུའི་དུས་དང་བསྟུན། །དེ་ལྟར་གླང་ལུག་ཉི་མར་ཁྱི། །སྟག་སྤྲེལ་ཉི་མར་བྱི་བའི་དུས། །བྱ་ཡོས་ཉི་མར་སྟག་དུས་ཏེ། །ཁྱི་འབྲུག་ཉི་མར་འབྲུག་ཏུ་ཤེས། །སྦྲུལ་ཕག་གཉིས་ལ་རྟ་ཡི་དུས། །གཡུ་འབྲུག་ཉིད་དུ་ངོས་བཟུང་ནས། ཁང་གསར་ལ་སོགས་རིམ་བཞིན་བསྟར། །དེ་རྣམས་དགེ་དང་མི་དགེ་ཡང་། །གཡུ་འབྲུག་ཁང་གསར་གསེར་སྒྲོམ་དང་། །ལྷ་ཡི་ཡོན་ཏན་རིན་ཆེན་ཁང་། །བྱེད་པོ་ལྗོན་ཤིང་བདུན་པོ་དགེ། །རྒྱུ་འགྲུལ་བྱ་བ་གང་བརྩམས་འགྲུབ། །ལྷག་རྣམས་དེ་ལྟར་མིན་ཕྱིར་སྤངས། །གཞན་ཡང་ལམ་བར་གཅོད་དང་ནི། །སྟོང་འགྲོ་ཞེས་བྱའི་ལྷ་ངན་གཉིས། །གལ་སྲིད་ཐུག་ན་བྱོལ་དགོས་པས། །དེ་དག་ངོས་འཛིན་བྱ་ཚུལ་ཡང་། །ཤིང་ཕོ་ས་མོའི་ཉི་མ་ལ། །སྤྲེལ་བྱའི་དུས་ཏེ་ཤིང་མོ་དང་། །ལྕགས་ཕོའི་ཉི་མར་རྟ་ལུག་དུས། །མེ་ཕོ་ལྕགས་མོར་འབྲུག་དང་སྦྲུལ། །མེ་མོ་ཆུ་ཕོར་སྟག་ཡོས་དུས། །ས་ཕོ་ཆུ་མོའི་ཉི་མ་ལ། །བྱི་གླང་གཉིས་ཀྱི་

― LT41_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སུ་བཟུང་། །དེ་ཚེ་ཉི་དུས་བཟང་ན་ཡང་། །ལམ་བར་གཅོད་ཕྱིར་སྤང་བར་བྱ། །འདི་དག་ཉིན་རེའི་དུས་ཚོད་ལས། །གཞན་དུ་ཉི་མ་སོ་སོ་ཡི། །སྤང་བླང་བརྟགས་མི་དགོས་པར་བཤད། ༈ །ལམ་འཇུག་དྲུག་བསྡེབས་ཞེས་གྲགས་ལ། །ལོ་སྐོར་བཅུ་གཉིས་ལུགས་བཞིན་དགོད། །རང་རང་ཟླ་བས་ཐོག་དྲངས་ཏེ། །ཚེས་གཅིག་ནས་བརྩམས་འགྲོ་ཉིན་བར། །མ་འཆོལ་རིམ་བཞིན་གཡས་བསྐོར་དེད། །གར་བབས་བཟང་ངན་འབྲས་བཤད་བྱ། །དཔེར་ན་དང་པོའི་ཚེས་དྲུག་ལ། །འགྲོ་ན་ཚེས་གཅིག་སྟག་གཉིས་ཡོས། །གསུམ་འབྲུག་བཞི་སྦྲུལ་ལྔ་ལ་རྟ། །ཚེས་དྲུག་ལུགས་ལ་གཡུ་སྤྲིན་བབས། །དེ་བཞིན་བྱེས་སུ་བགྲོད་པ་བཟང་། །གཉིས་པའི་ཚེས་དྲུག་རྟ་ལ་ཞོན། །དེ་ཡང་བྱི་བར་གོང་མའི་དྲིན། །རྟ་ལ་དགོངས་ཁྲོལ་ཆེན་པོ་སྟེ། །གླང་ལ་ཆུ་བྱ་ཟུང་གཅིག་དང་། །ལུག་ལ་གཡུ་སྤྲིན་སྟག་ལམ་འཛེགས། །སྤྲེལ་ལ་རྟ་ཞོན་དབྱར་རང་མདུད། །ཡོས་ལ་སོ་ཐག་འབྲུག་རྐེ་བང་། །ཁྱི་ལ་བཙོན་ཞུགས་སྦྲུལ་གཞུ་རྒྱུད། །ཕག་ལ་གཞུ་ཆག་བཅས་བཅུ་གཉིས། །བཟང་དྲུག་ངན་དྲུག་མ་ནོར་རྩིས། །གོང་མའི་དྲིན་དང་དགོངས་ཁྲོལ་རབ། །ཆུ་བྱ་ཟུང་དང་གཡུ་སྤྲིན་བཟང་། །ལམ་འཛེགས་རྟ་ལ་ཞོན་པའང་བཟང་། །སོ་ཐག་རང་རང་མདུད་པ་ངན། །རྐེ་བང་བཙོན་ཞུགས་

― LT41_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལས་ངན། །གཞུ་རྒྱུད་གཞུ་ཆག་ལྷག་པར་ངན། །བཟང་དྲུག་ལམ་ཞུགས་དོན་ཆེན་འགྲུབ། །ངན་པ་དྲུག་པོ་དེ་ལས་ལྡོག ༈ །ལམ་འགྲོའི་དུས་སུ་གཅེས་པ་ཡི། །ཉི་བཟང་སྤྱི་དང་བྱེ་བྲག་ལས། །ཐྱན་ཏས་དང་ཐྱན་ཧོང་། །ཡྭད་ཏས་ཡྭད་ཧོང་ལམ་སེར་བཅས། །གཞན་ཡང་ཤིང་གི་བྱི་གླང་སྤྲེལ། །སྟག་ཡོས་ཁྱི་དང་རྟ་ལུག་དང་། །མེ་སྟག་ཡོས་ལུག་ས་ཡི་འབྲུག །ཡོས་གླང་བྱ་དང་བྱི་བ་རྣམས། །ལྕགས་ཀྱི་སྟག་སྤྲེལ་བྱི་བ་དང་། །ཆུ་ཡི་སྟག་ཡོས་ཁྱི་དང་བཅས། །ནམ་དུ་ཡང་ནི་དགེ་བར་བཤད། །ལྕགས་རྟ་མེ་ཡི་རྟ་གླང་ཁྱི། །ཆུ་གླང་ལ་ཡང་ལམ་བགྲོད་རུང་། ༈ །ཟླ་བ་སོ་སོའི་དམིགས་བསལ་ཡང་། །དང་པོར་བྱི་རྟ་ཉི་མར་བཟང་། །གཉིས་པར་གླང་ལུག་སྤྲེལ་གྱི་ཉི། །གསུམ་པར་སྟག་སྤྲེལ་བཞིར་བྱི་ཡོས། །ལྔ་པར་སྟག་སྤྲེལ་དྲུག་པར་ལུག །བདུན་པར་སྤྲེལ་རྟ་བརྒྱད་པ་ལ། །བྱ་སྤྲེལ་ཕག་དང་དགུར་བྱི་རྟ། །བཅུ་པར་བྱ་དང་བྱི་ཕག་ཉི། །བཅུ་གཅིག་བྱི་སྟག་

― LT41_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་གཉིས་ཕག །ཉི་མ་དེ་རྣམས་བཟང་བར་བཞེད། །ཟླ་བ་ཀུན་ལ་སྦྲུལ་གྱི་ཉིར། །ནམ་དུའང་ལམ་དུ་འགྲོ་མི་བྱ། །གཞན་ཡང་བྱུང་ངོ་ཅོག་གི་ཟླར། །སྤྲེལ་གྱི་ཉི་མར་ཕྱིར་མི་འགྲོ། །བྱ་ཉིར་སོ་སོར་བྲལ་མི་བྱ། །ཚེས་པ་བདུན་ལ་ཕྱིར་མི་འགྲོ། །བརྒྱད་ལ་ནང་དུ་འཇུག་པ་སྤངས། །ཚེས་ལྔ་བཅུ་བཞི་ཉེར་གསུམ་བཅས། །ལམ་དུ་འཇུག་ལ་ངན་པར་བཤད། ༈ །རིམས་ངན་སོགས་འགོ་ནད་ཅན་དང་གཏུགས་ཚེ་ལྷ་རྗེ་དེ་ནད་བདག་ཡོད་སར་འགྲོ་མི་རུང་བའི་རྩིས་ལ། ཚེས་གཅིག་ལ་ཁང་པའི་དབུས། གཉིས་ལ་ཤར་གྱི་གྱང་རྩ། གསུམ་ལ་ནང་གི་སྒོ་འགག །བཞི་ལ་སྒོ་བར་མ། ལྔ་པ་སྒོའི་རྒྱབ། དྲུག་ལ་ཤར་གྱི་གྱང་རྩ། བདུན་བརྒྱད་ལ་ནུབ་ཀྱི་གྱང་རྩ། དགུ་དང་བཅུ་ལ་ཁང་པའི་རྒྱབ། བཅུ་གཅིག་ལ་ནུབ་ཀྱི་གྱང་རྩ། བཅུ་གཉིས་དང་བཅུ་གསུམ་ལ་ཁང་པའི་ནང་། བཅུ་བཞི་ལ་ལྷོ་ངོས་ཀྱི་ལམ་ནས་མགྲོན་པོ་བསུ། བཅོ་ལྔ་ལ་ཁང་རྒྱབ་ཀྱི་ཕྱི་སྒོ་ནས་མགྲོན་པོ་སྒུག །བཅུ་དྲུག་ལ་ཐབ་ཀའི་མདུན་ན། ཁང་པའི་མདུན་ཅེས་པའང་འདུག །བཅུ་བདུན་ལ་ནད་པའི་ཉལ་ཁྲིའི་སྟེང་ན། བཅོ་བརྒྱད་ལ་ཁང་པ་དབུས་མ་ནང་། བཅུ་དགུ་ལ་ཐབ་ཀའི་མདུན། ཉི་ཤུ་ལ་ཤྭེ་ཀོང་ལ་གནས་ཏེ། འདི་ལྷ་འདྲེ་མཆོད་པའི་ཁང་པ་ཟུར་པ་རྐྱ་འཇང་གི་ཡུལ་ན་ཡོད་པ་ཞིག་གོ། །ཉེར་གཅིག་ལ་ནུབ་ཕྱོགས་སུ་འབྲས་བུ་

― LT41_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱི་ཤིང་སྡོང་ལ་གནས། ཉེར་གཉིས་ལ་ཁང་ཡོལ་མདུན་ཏེ་མགྲོན་ཁང་ལྟ་བུ་ཕལ་ཆེར་སྟོང་པར་བཞག་རྒྱུ་ཞིག་གི་མདུན། ཉེར་གསུམ་ལ་ལམ་འགགས་སུ་མགྲོན་པོ་དང་ཉེ་བ་གྲོགས་མོ་རྣམས་སྒུག །ཉེར་བཞི་ལ་ཤར་ཕྱོགས་ནས་མགྲོན་པོ་སྒུག །ཉེར་ལྔ་ལ་ལ་མ་ནས་མི་རྣམས་སྒུག །ཉེར་དྲུག་ལ་ཤིང་ཕུང་འོག་ཏུ་གནས། ཉེར་བདུན་ལ་ནད་པའི་མལ་ཁྲིའི་འགྲམ་དུ། ཉེར་བརྒྱད་ལ་བྱང་ཕྱོགས་ཀྱི་རྫིང་བུའི་འགྲམ་ན། ཉེར་དགུ་ལ་ལྷ་འདྲེའི་མཆོད་ཁང་ངམ་ལྷ་ཐོལ། སུམ་ཅུ་ལ་ནད་པའི་མལ་ཁྲི་ལ་གནས། ༈ །ནད་བདག་འགྲོ་འོང་གི་དུས་ཚོད་ནི། བྱི་བའི་ཉི་མར་རྟ་དུས་ནང་དུ་འོང་། སྤྲེལ་དུས་ཐོན་ནས་སྒོ་ཆེན་ལ་གནས། གླང་ཉིར་ལུག་དུས་ནང་དུ་འོང་། བྱ་དུས་ཐོན་ནས་ཁང་ཆེན་ལ་གནས། སྟག་ཉིར་རྟ་དུས་འོང་། ཁྱི་དུས་ཐོན་ནས་མདུན་གྱི་ཁང་པ་ལ་གནས། ཡོས་ཉིར་བྱ་དུས་འོང་། ཕག་དུས་ཐོན་ནས་ནད་པའི་ལུས་ལ་ཡོད། འབྲུག་ཉིར་ཁྱི་དུས་འོང་། བྱི་དུས་ཐོན་ནས་སྨན་ཁང་སྟེང་ན་གནས། སྤྲུལ་ཉིར་ཕག་དུས་འོང་། གླང་དུས་ཐོན་ནས་ཁང་རྒྱབ་སྒོ་ལ་གནས། རྟ་ཉིར་བྱི་དུས་འོང་། སྟག་དུས་ཐོན་ནས་ཁང་པ་དབུས་མའི་ནང་གནས། ལུག་ཉིར་གླང་དུས་འོང་། ཡོས་དུས་ཐོན་ནས་ཤར་ཕྱོགས་སུ་གནས། སྤྲེལ་ཉིར་སྟག་དུས་འོང་། འབྲུག་དུས་ཐོན་ནས་ཤར་ཕྱོགས་སུ་གནས། བྱ་ཉིར་གླང་དུས་འོང་། རྟ་

― LT41_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཐོན་ནས་ཁྱིམ་ནང་གནས། ཁྱི་དང་ཕག་གཉིས་ཀྱི་ཉི་མར་ལྷོ་ནུབ་མཚམས་གནས། སྤྲེལ་དུས་འོང་ནས་ནད་པའི་སྒོ་འགག་ཏུ་གནས། ༈ །ལྷ་རྗེ་བསྟེན་པའི་རྩིས་ལ། ནད་བཅོས་བའི་ཉི་མ་བཟང་པོ་ནི། ས་བྱ། མེ་འབྲུག །ཆུ་འབྲུག །གནམ་སྨན། ཐིྱན་ཧུ། ཀུན་སྲུང་། བདེ་འདོད། ཕོ། ཆུ། ཆིན། ཁས་རྣམས་བཟང་། གནམ་སྟོང་། བཅོ་ལྔ། བརྒྱད། ཀྱན། དམན། ཡིན། ཏིས། ཤིའུ་རྣམས་འཛེམ། ཡྭད་གཡན། ཟླ་བའི་དགྲ། ཤི་ཟིན་པ། སྲོག་ཆད་ཚར་བ། མེ་མོའི་ཉི་མ་རྣམས་སྤངས། ༈ །ཁྲག་གཏར་བའི་ཉི་མ་བཟང་པོ་ནི། དང་པོར། ལྕགས་མེ་ཆུའི་བྱི་བ། ཆུ་ཤིང་མེའི་འབྲུག །མེ་ལྕགས་ཤིང་གི་ཡོས། ཤིང་སྤྲེལ། མེ་སའི་ཕག །གཉིས་པར། ས་མེའི་ཕག །ལྕགས་མེ་ཆུའི་བྱི་གླང་། མེ་ལྕགས་ཤིང་གི་ཡོས། ལྕགས་རྟ། གསུམ་པར། ལྕགས་མེ་ཆུའི་བྱི་རྟ། ཆུ་ཤིང་མེའི་འབྲུག །མེ་ས་ཤིང་གི་སྦྲུལ། བཞི་པར། ས་ལྕགས་མེའི་ཡོས། ལྕགས་ཆུ་མེའི་རྟ། ཤིང་མེ་སའི་ཁྱི། ལྔ་པར། ཆུ་ཤིང་མེའི་འབྲུག །ས་ལྕགས་ཀྱི་ཕག་བཟང་། ས་ལྕགས་ཀྱི་ལུག་རུང་། དྲུག་པར། མེ་ལྕགས་ཤིང་གི་ཡོས། ཤིང་ལྕགས་ཀྱི་སྤྲེལ། མེ་སའི་ཕག་བཟང་། ས་ལུག །ལྕགས་སྤྲེལ་རུང་། བདུན་པར། ལྕགས་བྱི། ཤིང་སྦྲུལ། ཤིང་མེ་སའི་ཁྱི་བཟང་། མེ་

― LT41_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུའི་བྱི་བ་རུང་། བརྒྱད་པར། ལྕགས་ཆུ་མེའི་རྟ་གླང་། ཆུ་མེའི་བྱི་བ། ཤིང་སྦྲུལ། མེ་སའི་ཕག །དགུ་པར། མེ་ལྕགས་ཤིང་གི་ཡོས། ལྕགས་རྟ། ཤིང་སྤྲེལ། ལྕགས་བྱི་བཟང་། མེ་བྱི། ཆུ་མེའི་རྟ་རུང་། བཅུ་པར། མེ་ལྕགས་ཤིང་གི་ཡོས། ཆུ་ཤིང་མེའི་འབྲུག །ལྕགས་ཆུ་མེའི་རྟ། ཤིང་སྦྲུལ། བཅུ་གཅིག་པར། ལྕགས་ཀྱི་བྱི་གླང་། ཆུ་ཤིང་མེའི་འབྲུག །ཤིང་གི་སྦྲུལ་སྤྲེལ་བཟང་། མེ་ཆུའི་གླང་རུང་། བཅུ་གཉིས་པར། མེ་ལྕགས་ཤིང་གི་ཡོས། ཤིང་སྦྲུལ་བཟང་། ལྕགས་མེ་ཆུའི་གླང་རུང་། གཞན་ཡང་ཟླ་བ་གང་ཡང་རུང་བ་ལ། མེ་ཡོས། ལྕགས་རྟ། ཤིང་ཁྱི། མེ་བྱི། མེ་གླང་། ཆུ་རྟ། ཤིང་སྤྲེལ། མེ་ཁྱི། མེ་ཕག །ལྕགས་ཡོས། ལྕགས་འབྲུག །མེ་སྤྲེལ། ས་ཁྱི། ས་ཕག །ལྕགས་བྱི། ལྕགས་གླང་། ཤིང་འབྲུག །ཤིང་སྦྲུལ། མེ་རྟ། ས་སྤྲེལ། ཆུ་བྱི། ཆུ་གླང་། ཤིང་ཡོས། མེ་འབྲུག །ས་ལུག །ཆུ་ཁྱི་རྣམས་དང་། ཕོ། ཆུ། ཆིན། ཁས་རྣམས་དང་། གནམ་སྨིན། བདེ་འདོད་རྣམས་བཟང་། སྐྱེས་པར་ཁྱི་དང་། བུད་མེད་ལ་སྦྲུལ་ཉི་འཛེམ། ཤི་བསླེབས་ཉི། ཟླ་གནོད། སྟག་དཀར། ལམ་ནག །ཟླ་དགྲ། ཤི་བྲལ། ཁྲག་གི་ཡལ་ག །ཁྲག་འཛེམ་པ། མེའི་མཚམས་བཅད། ཤི་བ་ཉམས་མྱོང་། ལྕགས་ལུག །མེ་མོའི་ཉི་མ། ཏིས། དེ་རྣམས་ངན།

― LT41_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

སོག་ཆད་ཟིན་པའི་ཉི་མ་ནི། དང་པོའི་དབུགས་ཐོབ་ནས་ཞག་བདུན་ཉིན། གཉིས་དབུགས་ཐོབ་ནས་ཞག་བཅུ་བཞིའི་ཉིན། གསུམ་དབུགས་ཐོབ་ནས་ཞག་ཉེར་གཅིག་ཉིན། བཞི་དབུགས་ཐོབ་ནས་ཞག་བརྒྱད་ཉིན། ལྔ་དབུགས་ཐོབ་ནས་ཞག་བཅུ་དྲུག་ཉིན། དྲུག་དབུགས་ཐོབ་ནས་ཞག་ཉེར་བདུན་ཉིན། བདུན་དབུགས་ཐོབ་ནས་ཞག་དགུའི་ཉིན། བརྒྱད་དབུགས་ཐོབ་ནས་ཞག་བཅོ་བརྒྱད་ཉིན། དགུ་དབུགས་ཐོབ་ནས་ཞག་ཉེར་བདུན། བཅུ་པའི་དབུགས་ཐོབ་ནས་ཞག་བཅུའི་ཉིན། བཅུ་གཅིག་པའི་དབུགས་ཐོབ་ནས་ཞག་ཉི་ཤུའི་ཉིན། བཅུ་གཉིས་པའི་དབུགས་ཐོབ་ནས་ཞག་སུམ་ཅུའི་ཉིན་མོའོ། །དེ་རྣམས་ཀྱི་དུས་སུ་ལྷག་པར་འཛེམ་པ་གལ་ཆེ། ༈ །བཞིྭན་ཤྭིན་ཏེ་བླ་གནས་ཀྱི་རྩིས་ལ། ཚེས་གཅིག་ལ་རྐང་པའི་མཐེབ་ཆེན། གཉིས་ལ་རྐང་པའི་རྒྱབ། གསུམ་ལ་ལྟེ་འོག་དང་ཕོང་། བཞི་ལ་སྐེད་པ། ལྔ་ལ་ཁ། དྲུག་ལ་ལག་པ། བདུན་ལ་བརླ་རྐང་ནང་། བརྒྱད་ལ་རྩིབས་ལོགས། དགུ་ལ་གཞུག་ཆུང་། བཅུ་ལ་སྒལ་པ། བཅུ་གཅིག་ལ་སྣ། བཅུ་གཉིས་ལ་སྐྲ་ནང་། བཅུ་གསུམ་ལ་སོ། བཅུ་བཞི་ལ་ཕོ་བའི་རྒྱབ་བམ་སྙིང་ག །བཅོ་ལྔ་ལ་ལུས་ཀུན། བཅུ་དྲུག་ལ་བྲང་ངམ་ཕོ་བ། བཅུ་བདུན་ལ་མིད་པ། བཅོ་བརྒྱད་ལ་གསང་གནས་སམ་ཕོང་། བཅུ་དགུ་ལ་རྐང་པ། ཉི་ཤུ་ལ་བརླ་

― LT41_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

ནད། ཉེར་གཅིག་ལ་ལག་པའི་མཐེའུ་ཆུང་། ཉེར་གཉིས་ལ་བརླ་ཕྱི། ཉེར་གསུམ་ལ་མཆིན་པ་དང་རྐེད་པ། ཉེར་བཞི་ལ་ལག་པའི་མཐིལ་དང་རྒྱབ། ཉེར་ལྔ་ལ་རྐང་པའི་མཐེབ་ཆེན་དང་པོ་ལ། ཉེར་དྲུག་ལ་བྲང་དང་ཕོ་བ། ཉེར་བདུན་ལ་པུས་མོ། ཉེར་བརྒྱད་ལ་མཚན་མ། ཉེར་དགུ་པུས་མོའི་འཕང་ལོ་དང་རྗེ་ངར། གནམ་སྟོང་ལ་རྐང་མཐིལ་དུ་གནས། དེ་རྣམས་ལ་གཏར་ཀ་འཛེམ། ༈ །དུས་བཞིའི་བླ་གནས་ནི། དཔྱིད་ཀ་རྩིབས་ལོགས་གཡོན། དབྱར་ཀ་ཕོ་བ། སྟོན་ཀ་རྩིབས་ལོགས་གཡས། དགུན་རྐང་པ་ལ་གནས་སོ། ༈ །སྐྲ་འཁྲུ་བ། བཞར་བ། ཁ་སྦུ་བསྐྱེད་པ། བུད་མེད་ཀྱི་གདོང་བཀྲུ་བ། བུ་ཆུང་གི་གཙུག་ཕུད་འཆིང་བ། རྣ་བ་འབིགས་པ་བཅས་ཀྱི་རྩིས་ལ། ཤིང་གི་གླང་སྟག་སྦྲེལ། མེའི་ཁྱི་བྱི་བ། ས་ཡོས། ལྕགས་བྱ། ཆུ་རྟ། ཐྱན་ཏས། ཡྭད་ཏས། ལམ་སེར། གཞི་ཧུ། བ་ཐག་སྦྲེལ་བའི་ཉི་མ་རྣམས་ལ་བཟང་། ཀྱན། ཕོ། མེ་མོའི་ཉི་མ། ཚེས་བཅོ་ལྔ་བཅས་ལ་ངན། མེ་མོ་ལ་བཞར་ན་མགོ་ལ་འབྲུམ་པ་འབྱུང་། ཐ་ཆུང་བཞི་ལ་རྟའི་ཉི་མ་ལ་བཟང་། དམིགས་བསལ་སྐྲ་དང་ལུས་བཀྲུ་བ་ལ། ཤིང་གི་བྱི་བ་སྤྲེལ་ཕག །མེའི་ཡོས་གླང་བྱི་བ་སྦྲུལ། སའི་བྱ་རྟ། ལྕགས་ཀྱི་ཡོས་ལུག །ཆུའི་བྱ་གླང་ཕག་རྣམས་བཟང་། ཚེས་གསུམ་ལ་ཕྱུག །བཞི་ལ་དགའ་བ་ཐོབ། ལྔ་ལ་

― LT41_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་ཡོང་། བདུན་ལ་ཤིན་ཏུ་བཟང་། བརྒྱད་ལ་ཚེ་རིང་། དགུ་ལ་བུད་མེད་དང་འཕྲད། བཅུ་ལ་རྙེད་པ་ལྷག་པོ་ཐོབ། བཅུ་གཅིག་ལ་མིག་གསལ། བཅུ་གསུམ་ལ་སྐྱེས་པ་བཟང་པོ་ཐོབ། བཅུ་བཞིར་ནོར་རྫས་རྙེད། བཅོ་ལྔར་བཀྲ་ཤིས། ཉེར་གཉིས་ལ་ཟས་སྐོམ་ཐོབ། ཉེར་གསུམ། ཉེར་དྲུག །ཉེར་བདུན་ལ་བཟང་། སྟོན་མགོ་ཚུགས་པ་དང་། དུར་ཕག་གསུམ་ལ་འཛེམ་དགོས། བུ་ཆུང་གི་བཙས་སྒྲ་ཚེས་ལྔ་ལ་བཞར་ན་བུ་ཆུང་མདོག་ནག །སྟོང་ལ་ཚེ་ཐུང་། གཞན་གོང་དང་མཚུངས། ཆུ། དམན། ཏིས། ཇི། ཆིན། ཁས་རྣམས་འབྲིང་། ཀྱིན་གསིན་ཧུན། གནམ་དལ། ཤི་བཏམས་མྱོང་གསུ་ཧུ་རྣམས་ནི་སྐྲ་བཀྲུ་བ་དང་། བཞར་བ་སོགས་ཐམས་ཅད་ལ་འཛེམ་པ་གལ་ཆེ། ༈ །ཁྱིམ་སྤོ་བ་དང་ཁྱིམ་ལ་གསར་དུ་འཇུག་པའི་རྩིས་ལ། ཤིང་བྱི། ཤིང་གླང་། མེ་སྟག །ས་འབྲུག །ལྕགས་རྟ། མེ་གླང་། ས་སྟག །ཤིང་བྱ། ལྕགས་སྟག །ཆུ་འབྲུག །ཆུ་སྦྲུལ། ཤིང་ལུག །ཆུ་སྟག །ཆུ་ཡོས། ཤིང་འབྲུག །མེ་རྟ། ལྕགས་ཕག །ཆུ་གླང་། མེ་འབྲུག །མེ་སྦྲུལ། ཆུ་ཁྱི་རྣམས་བཟང་། ༈ །རྟ་ཉོ་བའི་རྩིས་ལ། ཤིང་ཕག །ཤིང་བྱ། ས་བྱ། ཆུ་འབྲུག །ཤིང་སྦྲུལ། ས་ལུག །གྲུབ་པ། སྡུད་པ་རྣམས་བཟང་། ༈ །ས་ཞིང་དང་ཁང་པ་ཉོ་བའི་རྩིས་ལ། ལྕགས་ལུག །མེ་བྱི། མེ་གླང་། ཆུ་

― LT41_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ། ཆུ་ལུག །ཤིང་སྤྲེལ། ལྕགས་ཡོས། ཆུ་འབྲུག །ཤིང་ལུག །ལྕགས་བྱི། ཆུ་ཡོས། མེ་ལུག །ས་སྤྲེལ། ཆུ་བྱི། ཤིང་སྟག །ཤིང་ཡོས། ས་ལུག །ལྕགས་བྱ་རྣམས་བཟང་། བརྟན་པ་ཞེས་པ་དང་། གྲུབ་པ་ཞེས་པ་གཉིས་ཀྱང་བཟང་། ༈ །ནོར་དང་བུ་ལོན་ཕྱིར་གཏོང་པའི་རྩིས་ལ། མེ་གླང་། ཤིང་བྱ། ལྕགས་ཁྱི། ལྕགས་ཕག །ཤིང་ཡོས། ལྕགས་བྱ། ལྕགས་རྟ། ས་སྦྲུལ་རྣམས་བཟང་། གྲུབ་པ་དང་ཁེངས་བའང་བཟང་། ཤིག་པ་ཞེས་པའི་ཉི་མར་འཛེམ། ༈ །ནོར་དང་བུ་ལོན་ཚུར་ལེན་པའི་རྩིས་ལ། ཤིང་གླང་། མེ་སྟག །ཆུ་རྟ། ལྕགས་སྟག །ལྕགས་བྱི། ཤིང་སྦྲུལ། མེ་རྟ། ཤིང་སྟག །ལྕགས་བྱ་རྣམས་བཟང་། ཐྱན་ཏས། ཡྭད་ཏས། སྡུད་པ། ཁོངས་པ་རྣམས་ལ་རུང་། ༈ །འབྲུ་རིགས་ལྔའང་བར་འཇུག་པའི་རྩིས་ལ། ལྕགས་རྟ། ས་ཡོས། ལྕགས་སྦྲུལ། ཆུ་རྟ། ཆུ་ལུག །ཤིང་བྱ། ས་གླང་། ལྕགས་སྟག །ཆུ་ཡོས་རྣམས་དང་། ཐྱན་ཏས། ཡྭད་ཏས་རྣམས་བཟང་། སྙོམས་པ། ཁེངས་པ། གྲུབ་པ། སྡུད་པ་དག་ལའང་རུང་། ༈ །ལས་མགོ་འཛུགས་པའི་རྩིས་ལ། ཆུ་བྱི། ཆུ་གླང་། མེ་འབྲུག །མེ་སྦྲུལ། ས་རྟ། ས་ལུག །ལྕགས་སྤྲེལ། ལྕགས་བྱ་སྟེ་ཉི་མ་བརྒྱད་པོ་འདི་ལ་རྒྱུ་སྐར་གཏུམ་པོ་དག་ལྷའི་ཡུལ་དུ་སོང་བས་བཟང་། ཡང་ས་སྦྲུལ། ལྕགས་ལུག །ཤིང་ཁྱི། ཤིང་ཕག །ཤིང་བྱ།

― LT41_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བྱ།། ཆུ་བྱི། ཤིང་ཡོས། ས་ལུག །ལྕགས་སྤྲེལ་རྣམས་ལ་བཟང་། གྲུབ་པ། དབྱེ་བ་ལའང་རུང་། ༈། ཀ་བ་འཛུགས་པའི་རྩིས་ལ། མེ་སྟག །ལྕགས་སྦྲུལ། ས་སྤྲེལ། ས་ཕག་རྣམས་བཟང་། ༈ །གདུང་མ་འགེལ་བའི་རྩིས་ལ། ཤིང་གྱི། ཤིང་གླང་། མེ་ཡོས། ས་འབྲུག །ས་སྦྲུལ། ལྕགས་རྟ། ལྕགས་ལུག །ཆུ་སྤྲེལ། མེ་ཁྱི། མེ་བྱི། ས་སྟག །ལྕགས་འབྲུག །ཆུ་སྤྲེལ། ཤིང་སྤྲེལ། ས་བྱི། ལྕགས་སྟག །ཤིང་རྟ། མེ་སྤྲེལ། མེ་བྱ། ས་ཁྱི། ས་ཕག །ལྕགས་བྱི། ལྕགས་གླང་། ཆུ་སྟག །ཆུ་ཡོས། ཤིང་སྦྲུལ། མེ་ལུག །ས་བྱ། མེ་སྦྲུལ། ལྕགས་ཕག །ཆུ་གླང་། ཤིང་ཡོས། ས་ལུག །ལྕགས་བྱ། ཆུ་ཕག་རྣམས་ལ་བཟང་། རྟ་དང་བྲལ་བའི་ཉི་མར་ངན། ༈ སྒོ་གསར་དུ་བཏོད་པའི་རྩིས་ལ། ཟླ་བ་ཆེ་བ་ལ། གཅིག །གཉིས། གསུམ། བདུན། བརྒྱད། དགུ། བཅུ་གསུམ། བཅུ་བཞི། བཅོ་བརྒྱད། བཅུ་དགུ། ཉི་ཤུ། ཉེར་བཞི། ཉེར་ལྔ། ཉེར་དགུ་རྣམས་བཟང་། ཟླ་བ་ཆུང་བ་ལ། གཅིག །གཉིས། དྲུག །བདུན། བཅུ་གཅིག །བཅུ་གཉིས། བཅུ་གསུམ། བཅུ་བདུན། བཅོ་བརྒྱད། བཅུ་དགུ། ཉེར་གསུམ། ཉེར་བཞི། ཉེར་བརྒྱད། ཉེར་དགུ་རྣམས་བཟང་། ལྕགས་སྟག་ལ་འཛེམ། དཔྱིད་དུས་ཤར་དུ་སྒོ་མི་གཏོད། དབྱར་ལྷོ་སྒོ་སྤངས། སྟོན་ནུབ་སྒོ་མི་བྱ། དགུན་

― LT41_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་སྒོ་བཏོད་པ་བཅས་སྤངས། ༈ ཁང་མཛོད་བཟོ་བའི་རྩིས་ལ། དཔྱིད་ཀྱི་ས་སྦྲུལ། མེ་སྦྲུལ། མེ་ལུག །དབྱར་གྱིས་སྦྲུལ། ཤིང་རྟ། སྟོན་གྱི་ཤིང་ཕག །ཆུ་རྟ། དགུན་གྱི་ལྕགས་ལུག །ལྕགས་སྟག །ཆུ་འབྲུག །ཤིང་ལུག །ཤིང་ཕག །མེ་འབྲུག་རྣམས་བཟང་། གྲུབ་པ་དབྱེ་བ་གཉིས་ལའང་རུང་། ༈ །ཐབ་ཀ་བཟོ་བའི་རྩིས་ལ། ཤིང་བྱི། ཤིང་གླང་། ས་སྦྲུལ། ལྕགས་རྟ། ལྕགས་ལུག །ཆུ་བྱ། ཤིང་ཁྱི། ཤིང་ཕག །ཆུ་ལུག །ཤིང་སྤེལ། ཆུ་འབྲུག །ཤིང་ལུག །ལྕགས་ཕག །ཆུ་གླང་། ཤིང་སྟག །ཤིང་ཡོས། ལྕགས་སྤྲེལ་རྣམས་དང་། ཟླ་བ་དང་པོ་གཉིས་པར་ཁྱི་གླང་། གསུམ་པ་བཞི་བར་བྱི་བ་ཡོས། ལྔ་པ་དྲུག་པར་སྟག་སྦྲུལ། བདུན་པ་བརྒྱད་པར་འབྲུག་ལུག །དགུ་པ་བཅུ་པར་རྟ་བྱ། བཅུ་གཅིག་པ་བཅུ་གཉིས་པར་སྤྲེལ་ཕག་རྣམས་བཟང་། ཁ་ལྷོ་ནུབ་ཏུ་ཕྱོགས་ན་བཟང་། བྱང་ཤར་དུ་ཕྱོགས་ན་ངན། མེ་ཕོ་ལ་རྟག་པར་འཛེམ། ༈། གོས་དང་གུར་སོགས་བཟོ་བའི་རྩིས་ལ། ཤིང་བྱི། ཤིང་གླང་། མེ་སྟག །མེ་ཡོས། ས་འབྲུག །ས་སྦྲུལ། ཆུ་བྱ། ཤིང་ཁྱི། ཤིང་ཕག །མེ་བྱི། མེ་གླང་། ས་ཡོས། མེ་ཁྱི། མེ་ཕག །ས་བྱི། ས་གླང་། ལྕགས་སྟག །ཆུ་འབྲུག །ཆུ་སྦྲུལ། ཤིང་རྟ། ཤིང་ལུག །མེ་སྤྲེལ། བ་ཁྱི། ལྕགས་བྱི། ལྕགས་གླང་། ཆུ་ཡོས། ཤིང་འབྲུག །ཤིང་སྦྲུལ། ཆུ་གླང་། ཤིང་སྟག །

― LT41_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་ཡོས། མེ་འབྲུག །ས་སྤྲེལ། ལྕགས་བྱ། ཆུ་ཁྱི་རྣམས་དང་། གྲུབ་པ། དབྱེ་བ་བཅས་བཟང་། རྒྱུ་སྐར་མེ་ཁམས་ཅན་འཛེམ། ནག་པ་ལ་བདེ། ས་རིལ་ཟས་རྙེད། ལྷ་མཚམས་ལ་གོས་ཕན་ཐོགས། ཆུ་སྨད་ལ་ཞིམ་པ་ཐོབ། གྲོ་བཞིན་ལ་དགའ་བ་ཐོབ། གྲེ་ལ་དགའ་བ་སྐྱེ། དཔོ་ལ་ནོར་རྫས་རྙེད། ཐ་སྐར་ལ་ཚེ་རིང་། རྒྱལ་ལ་བཀྲ་ཤིས། མེ་བཞི་ལ་ཡུན་རིང་། གཞན་ཡང་། ཐྱན་ཏས། ཡྭད་ཏས། ཐྱན་ཧོང་། ཡྭད་ཧོང་། དྲུག་འགྲིགས། ལམ་སེར། གནམ་གྱི་དྲིན་ལན། ཟླ་བའི་དྲིན་ལན། གནམ་དགའི་ཉི་མ་རྣམས་ལ་བཟང་། གནམ་གྱི་མེ། ཟླ་བའི་མེ། བྱ་དམར། གནམ་གྱི་དལ་ཡམས། གནམ་ཇག །ཤི་བ་ཉམས་མྱོང་། ཀྱིན་གསིན་ཧུན། ཧའུ་ཀྱང་ཞྭ། གསུ་ཧུ། གསི་ཧའུ། ཁ་སྨུག །ས་དགུའི་འདྲེ། སྐར་མ་རིང་ཐུང་། གྱི། ཕོ། དཔྱིད་དུས་ཕག་པྱི། དབྱར་སྟག་ཡོས། སྟོན་རྟ་སྦྲུལ། དགུན་བྱ་སྤྲེལ་རྣམས་འཛེམ། ༈ །བཙས་མ་བྱེད་པའི་རྩིས་ལ། ཟླ་བ་དང་པོར་ལྕགས་ཆུ་ཤིང་གི་རྟ། ས་ཆུའི་ཡོས་བྱ་རྣམས་བཟང་། མེ་རྟ། མེ་ཤིང་ལྕགས་ཀྱི་ཡོས། ཤིང་མེའི་བྱ་ཡང་རུང་། བདུན་པར་མེ་ཆུ་སའི་ཡོས། ཤིང་མེ་ས་ལྕགས་ཀྱི་འབྲུག །ས་ཆུའི་སྦྲུལ། བརྒྱད་པར། ཆུ་གླང་། ཤིང་མེ་ས་ལྕགས་ཆུའི་འབྲུག་སྦྲུལ། ལྕགས་སའི་ཕག །དགུ་པར་ཤིང་མེ་ས་ལྕགས་ཀྱི་

― LT41_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ། མེ་ས་ལྕགས་ཆུའི་བྱ། ས་མེའི་ཁྱི་རྣམས་བཟང་། གྱི། ཕོ། གནམ་སའི་ཇག་པ། ཤི་བ་ཉམས་མྱོང་། རྫུན་པ་ལྔ། གནམ་རྒོད། གནམ་དབུལ། གསི་ཧབུ། གསུ་ཧུ། ཀྱིན་གསིན་ཧུན་རྣམས་འཛེམ་དགོས། ༈ །ཁ་ཟས་གསར་པ་ཟ་བའི་རྩིས་ལ། ཀྱན་ལ་རྒྱུན་དུ་གསར་པ་འབྱུང་ཡང་བུ་ཆེ་བ་ལ་གནོད། ཆུ་ལ་དབུལ་པོར་འགྲོ། དམན་ལ་གོད་ཀ་འབྱུང་། ཡིན་ལ་བཟང་། ཏིས་ལ་མགྲོན་པོ་འོང་། གྱི་དང་ཕོ་ལ་ངན། ཆད་ལས་ཕོག །ཝ། ཆིན། ཤིའུ། ཁས། སིན་རྣམས་ལ་ཞིང་མང་དུ་ཐོབ། ༈ །སྲུས་གསར་པ་ཟ་བའི་རྩིས་ལ། ལྔ་པར། ཤིང་མེ་ས་ལྕགས་ཆུའི་འབྲུག །ལྕགས་སའི་སྦྲུལ། ཤིང་ལྕགས་ཀྱི་གླང་། ཤིང་ལྕགས་མེའི་སྟག །དྲུག་པར། ཤིང་མེ་ས་ལྕགས་ཆུའི་ཡོས། མེ་ལྕགས་ཤིང་གི་སྟག །བདུན་པར། མེ་ལྕགས་ས་ཆུའི་ཡོས། མེ་ལྕགས་ཆུའི་འབྲུག །མེ་ཆུ་སའི་སྦྲུལ། ཤིང་ལྕགས་ཀྱི་ལུག་རྣམས་ལ་བཟང་། ༈ །སྐྱེ་ཤིང་དང་མེ་ཏོག་འཛུགས་པ་ས་བོན་འདེབས་པའི་རྩིས་ལ། དང་པོར། ཤིང་མེ་ས་ལྕགས་ཆུའི་ཡོས། ཆུ་མེ་སའི་བྱ། ས་ཆུའི་ཕག །མེ་ཆུའི་གླང་། གཉིས་པར། མེ་སྟག །ས་སྦྲུལ། མེ་ལྕགས་ཆུའི་ལུག །ཤིང་ལྕགས་སའི་ཁྱི། ལྕགས་སའི་ཕག །གསུམ་པར། མེ་སའི་ཡོས། ཆུ་ལྕགས་སའི་སྦྲུལ། ཆུ་ཤིང་མེའི་བྱི་བ། བཞི་པར། ཤིང་མེ་ལྕགས་ཆུའི་བྱི་བ། མེ་ས་ལྕགས་

― LT41_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུའི་ཡོས། ལྕགས་ཆུ་ཤིང་གི་རྟ། ལྔ་པར། ཤིང་མེ་ས་ལྕགས་ཆུའི་འབྲུག །ལྕགས་ཀྱི་སྦྲུལ་ལུག །དྲུག་པར། མེ་ས་ལྕགས་ཆུའི་སྟག །ཤིང་མེ་ལྕགས་ཀྱི་སྤྲེལ། བདུན་པར། མེ་སའི་ཡོས། མེ་ལྕགས་ས་ཆུའི་སྦྲུལ། བརྒྱད་པར། ཤིང་ལྕགས་ཆུའི་ཁྱི་རྣམས་དང་། གཞན་ཡང་ཟླ་བ་གང་ཡང་རུང་བ་ལ། ཆུ་མེ་ལྕགས་ཀྱི་བྱི་བ། ཤིང་མེ་ས་ལྕགས་ཆུའི་གླང་། ས་ཤིང་ཆུའི་སྟག །མེ་ས་ལྕགས་ཆུའི་ཡོས། ས་ལྕགས་ཆུ་མེའི་སྦྲུལ། ཤིང་མེ་ས་ལྕགས་ཆུའི་རྟ། ཤིང་ས་ལྕགས་ཆུའི་ལུག །ཤིང་ས་ལྕགས་ཀྱི་བྱ་སྤྲེལ། ཆུ་མེ་སའི་ཁྱི། ཤིང་མེ་ཆུའི་འབྲུག །ཆུ་བག་རྣམས་དང་། མ་མོ་མཛོད་ཀྱི་ཉི་མ། ཆུ། ཤིའུ། ཁས་དེ་རྣམས་བཟང་། སའི་ཇག་པ། ཙེའུ་ཁན་གྱི་ཉི་མ། གནམ་སའི་མེ། གསི་ཧའུ། གསུ་ཧུའི་ཉི་མ། སའི་མཚམས་བཅད། ཆུའི་མཚམས་བཅད། གནམ་གྱི་ཇག་པ། ཤི་བ་ཉམས་མྱོང་རྣམས་ཀྱང་ངན། ཁྱད་པར་དུ་དཔྱིད་དུས་ཡོས། དབྱར་རྟ། སྟོན་བྱ། དགུན་བྱི་བ། དམན། ཡིན། ཏིས། གྱི། ཕོ། ཆིན་རྣམས་ལ་ལྷག་པར་འཛེམ། ༈ །ཆང་སྦྱོར་བའི་རྩིས། དང་པོར། ཡོས་ལྔ། གཉིས་པར། ཤིང་མེ་ཆུའི་གླང་། ས་སྦྲུལ། ཤིང་སའི་ཕག །གསུམ་པར། ཤིང་མེ་ལྕགས་ཀྱི་བྱི་བ། ལྕགས་ཆུ་མེའི་རྟ། བཞི་པར། ཤིང་མེའི་གླང་། མེ་ལྕགས་ཤིང་ཆུའི་ཡོས། ལྔ་པར།

― LT41_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ས་ཤིང་གི་སྟག །ལྕགས་སའི་ལུག །དྲུག་པར། ཡོས་ལྔ། ས་ཤིང་གི་སྟག །ཆུ་བྱ། བདུན་པར། ལྕགས་མེ་ཤིང་ཆུའི་ལུག །བརྒྱད་པར། ཆུ་མེ་སའི་འབྲུག །ས་སྦྲུལ། ཤིང་སའི་ཕག །དགུ་པར། ལྕགས་ཆུ་མེའི་རྟ། ལྕགས་བྱ། བཅུ་པར། ཤིང་ལྕགས་ཀྱི་བྱི་བ། ལྕགས་རྟ། ལྕགས་ཤིང་མེའི་ལུག །ཆུ་བྱ། ཤིང་ཁྱི། བཅུ་གཅིག་པར། མེས་ཤིང་སྟག །ཤིང་ས་ལྕགས་ཀྱི་སྤྲེལ། བཅུ་གཉིས་པར། ཤིང་གླང་། ཤིང་མེ་སའི་སྤྲེལ་བཅས་དང་། ཐྱན་ཏས། ཐྱན་ཧོང་། ཡྭད་ཏས། ཡྭད་ཧོང་། ལམ་སེར། སྲོག་འཚོ། བསོད་ནམས་སྐྱེས། གནམ་དང་ཟླ་བའི་དྲིན་ལན་རྣམས་དང་། དཔྱིད་དུས་སྣར་མ་དང་། རྒྱལ། དབྱར་སྨིན་དྲུག །སྟོན་ས་བ། །དགུན་མེ་བཞི་རྣམས་བཟང་། །ཆུ་ནང་ཀྱི་ཉི་མ་ཞེས། ཟླ་ཆེན་ལ། གཅིག །བདུན། བཅུ་གཅིག །བཅུ་བདུན། ཉེར་གསུམ། གནམ་སྟོང་། ཟླ་ཆུང་ལ། གསུམ། བདུན། བཅུ་གཉིས། ཉེར་དྲུག་རྣམས་དང་། གནམ་དང་སའི་ཇག་པ། གནམ་གྱི་དལ་ཡམས། ཡྭད་གཡན། ཤི་བ་ཉམས་མྱོང་རྣམས་ལྷག་པར་ངན། དམན། ཏིས། ཆིན། ཁས། ཤིའུ་རྣམས་ཀྱང་འཛེམ། གཞན་ཡང་། ཆུ་ནད། ཡྭད་གཡན། གནམ་སའི་ཇག་པ། གསུ་ཧུ། གནམ་གྱི་དལ་ཡམས། ཤི་བ་ཉམས་མྱོང་། ལམ་ནག །ཟློག་པའམ་འཁོར་བའི་དགྲ། ཏིས། དེ་རྣམས་

― LT41_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ན་གཞན་བཟང་པོ་མ་འཛོམ་ཡང་རུང་། ༈ །ཆང་རྩི་བཟོ་བའི་རྩིས་ལ། ལྕགས་ལུག །ཤིང་ལུག །ལྕགས་བྱི་རྣམས་བཟང་། ༈ །ཁྲི་བརྩེགས། སྦྲ་གུར་ཕུབ་པ། བཟའ་མི་བགོ་བའི་རྩིས་ལ། ཉི་མ་ངན་པ་ནི། ཨོ་ཧུའི་ཉི་མ་ཞེས། དང་པོར་བྱི་བ། གཉིས་པར་བྱ། གསུམ་པར་ལུག །བཞི་པར་སྤྲེལ། ལྔ་པར་སྦྲུལ། དྲུག་པར་སྦྲུལ། བདུན་པར་ཡོས། བརྒྱད་པར་སྟག །དགུ་པར་བཅུ་པར་རྟ། བཅུ་གཅིག་པར་ཁྱི། བཅུ་གཉིས་པར་ཕག །སྟོང་པ་དགུའི་ཉི་མ་ཞེས། དང་པོ་ནས་རིམ་བཞིན། འབྲུག །གླང་། ཁྱི། ལུག །ཡོས། བྱི་བ། བྱ། རྟ། སྟག ཕག །སྤྲེལ། སྦྲུལ་རྣམས་སོ། །བྱ་དམར་མོའི་ཉི་མ། དང་པོ་བདུན་པ་ཡོས། གཉིས་བརྒྱད་སྦྲུལ། གསུམ་དགུ་ལུག །བཞི་དང་བཅུ་ལ་བྱ། ལྔ་དང་བཅུ་གཅིག་ལ་ཕག །དྲུག་དང་བཅུ་གཉིས་ལ་གླང་རྣམས་དང་། ཤི་བའི་བྱེ་བྲག་གི་ཉི་མ། དཔྱིད་དུས་ཁྱི། དབྱར་གླང་། སྟོན་འབྲུག །དགུན་ལུག །གཞན་ཡང་། །ས་དགུའི་འདྲེ། ལྔ་བྲལ། བཞི་བྲལ། བཞི་ཆད། མེའི་སྐར་མ། ལི་ཁོག །མེ་མོ། ཀྱན། ཡིན། ཕོ། ཤིའུ། སཱི་ཧུའི་ཉི་མ་ཡོད་ཕྱོགས་བཅས་འཛེམ། བྱ་དམར་པོ་མཆུ་དམར་གྱི་ཉི་མའང་ངན། ༈ །དུར་འདེབས་པའི་རྩིས་ལ། ཆུ་སྤྲེལ། ཆུ་བྱ། ཆུ་རྟ། ཤིང་སྤྲེལ། ཤིང་བྱ། མེ་སྤྲེལ། མེ་བྱ། ཆུ་སྟག །

― LT41_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་རྟ། ས་བྱ། ལྕགས་སྤྲེལ། ལྕགས་བྱ་རྣམས་ཤིན་ཏུ་བཟང་། ལྕགས་རྟ། ཆུ་འབྲུག །ཤིང་འབྲུག །ཤིང་སྦྲུལ། ཤིང་སྟག །མེ་འབྲུག །ལྕགས་སྟག་རྣམས་ལའང་རུང་། ༈ །ཆར་འབེབས་པའི་རྩིས་ལ། མེ་བྱི། ཆུ་ལུག།ཤིང་གླང་། ཆུ་གླང་། ཆུ་འབྲུག །ཆུ་སྦྲུལ། ཆུ་བྱི་རྣམས་དང་། བྱི་འབྲུག་སྤྲེལ་གྱི་ཉི་མར་བཟང་། ཆུ་སྤྲེལ་དང་ཆུ་བྱའི་ཉི་མར་འཛེམ། ཤིང་བྱི་ཉི་མར་ཧུང་བའི་རླུང་བདག་དང་། གསུའི་སྟེ་ཆར་གྱི་སློབ་དཔོན་ཤི་བའི་ཉིན་ཡིན་པས་ལྷག་པར་འཛེམ། ༈ །ས་བདག་དང་ལྷ་འདྲེ་སོགས་མཆོད་པའི་རྩིས་ལ། ཐྱན་ཏས། ཡྭད་ཏས། བསོད་ནམས་སྐྱེས། ཀུན་གསང་། དད་སེམས། གནམ་བཀྲོལ། བ་ཐག་སྦྲེལ། ཤེས་རབ་སྤྱོད། གཡི་ཧུའི་ཉི་མ་རྣམས་བཟང་། ཐིྱན་ཀན་ཡ་གའི། གནམ་ཇག །ཧོ་ཁུའི་ཡ་གའི། འབྲུག་སྟག་གི་ཉི་མ། ཤི་བ་ཉམས་མྱོང་། འདྲེའི་མཚམས་བཅད། ས་བདག་གི་མཚམས་བཅད། གནམ་གྱི་མཚམས་བཅད། ཡོའུ་ཧོའི་ཉི་མ། གནམ་ཁྱིའི་ཉི་མ། གནམ་ཁྱིས་ཟས་འཚོལ། བྱིའུའི་ཉི་མ་རྣམས་དང་། ཟླ་བ་བྱུང་ངོ་ཅོག་གི་ཚེས་གཉིས་དང་བཅུ་དྲུག་ལ་སངས་རྒྱས་ཀྱིས་ས་བདག་རྣམས་བདེ་མོར་སྡོད་ཅིག་གསུངས་པའི་དུས་ཡིན་པས་དེ་རྣམས་སྤང་། ༈ །ཡང་ཟླ་བ་སོ་སོར་བཟང་བའི་ཉི་མ། དང་པོར་ཤིང་མེའི་གླང་། མེ་ས་ལྕགས་ཡོས། ལྕགས་

― LT41_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ལུག །ཆུ་ཤིང་ས་མེའི་བྱ། ས་ཤིང་གི་ཡོས། ཆུ་རྟ། གཉིས་པར། ལྕགས་ཤིང་སའི་ལུག །ཆུ་ཤིང་མེ་སའི་སྤྲེལ། ཤིང་མེ་ལྕགས་ཀྱི་ཁྱི། ཤིང་ལུག །གསུམ་པར། ཤིང་བྱི། མེ་ས་ལྕགས་ཀྱི་ཡོས། ཆུ་ཤིང་མེ་སའི་སྤྲེལ། མེ་སྦྲུལ། བྱ་ལྔ། བཞི་བར། ཤིང་མེ་སའི་གླང་། མེ་ཡོས། ས་མེའི་འབྲུག །ལྕགས་ཆུ་ཤིང་གི་བྱ། ཤིང་ཁྱི། ཤིང་བྱི། ཆ་ཤིང་མེའི་རྟ། ལྔ་པར། ཤིང་མེ་ལྕགས་ཀྱི་གླང་ཁྱི། མེ་འབྲུག །དྲུག་པར། ཤིང་བྱི། མེ་ས་ལྕགས་ཤིང་གི་ཡོས། མེ་ཕག །མེ་སའི་སྤྲེལ། བདུན་པར། ས་བྱི། མེ་ས་ལྕགས་ཤིང་གི་ཡོས། ས་མེ་ལྕགས་ཀྱི་འབྲུག །ལྕགས་ཤིང་མེའི་ལུག །མེ་ལྕགས་ཀྱི་བྱ། བརྒྱད་པར། ཤིང་གླང་། ས་ལྕགས་མེའི་འབྲུག །ཤིང་མེའི་ཁྱི་སྦྲུལ་རྣམས་བཟང་། མེ་ས་གླང་འབྲིང་། དགུ་པར། མེ་ས་ལྕགས་ཤིང་གི་ཡོས། ཤིང་ཆུ་མེ་སའི་རྟ། མེ་ཆུའི་ཕག །བཅུ་པར། ཤིང་བྱི། ས་ལྕགས་མེའི་འབྲུག །ལྕགས་ཤིང་མེ་སའི་ལུག །ཤིང་མེ་ལྕགས་ཀྱི་ཁྱི། ཤིང་ས་མེ་ཆུའི་རྟ། བཅུ་གཅིག་པར། ཤང་མེའི་གླང་། ས་ལྕགས་མེའི་འབྲུག །ལྕགས་ཤིང་མེ་སའི་ལུག །སྤྲེལ་ལྔ། བཅུ་གཉིས་པར། ཤིང་གི་བྱི་བ་སྤྲུལ། རྟ་ལྔ་རྣམས་བཟང་། ༈ །སྤྱིར་དགེ་ལས་དང་ས་བདག་མཆོད་པ་ལ་ལྷག་པར་བཟང་བ་ནི། ཤིང་ལྕགས་ཀྱི་

― LT41_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

བྱི་གླང་། མེ་སའི་སྟག །ལྕགས་ཤིང་གི་རྟ། ཆུ་ཤིང་ལྕགས་ཀྱི་སྤྲེལ། ཤིང་སའི་ཁྱི། ཤིང་ཕག །ལྕགས་མེའི་སྦྲུལ། ཤིང་སའི་བྱ། ཆུ་ལྕགས་ཤིང་གི་ཡོས། ཤིང་སའི་ལུག །མེ་འབྲུག་རྣམས་དང་། ༈ ས་བདག་མཆོད་པ་ལ་ཤིན་ཏུ་དགེ་བ་ལྕགས་རྟ་ནས་མེ་གླང་བར། ལྕགས་བྱི་ནས་མེ་ལུག་བར། ཤིང་སྤྲེལ་ནས་ཆུ་སྦྲུལ་བར། ཤིང་སྟག་ནས་ཆུ་ཕག་བར། དེ་རྣམས་ལ་ས་བདག་ཁྱིམ་དབུས་མའི་ནང་ན་བཞུགས་པའི་སྐབས་ཡིན་པས་ཁྱད་པར་དུ་བཀྲ་ཤིས། ཞེས་རྩིས་ཀྱི་བསྟན་བཅོས་ཉེར་མཁོ་བུ་མ་བཟང་ལས་སྐར་རྩིས་ཀྱི་ལག་ལེན་འཇག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། སྤོར་ཐང་གསེར་རྩིས་སྐོར་གྱི་རི་མོའི་ལག་ལེན་འབྲས་རྩིས་དང་བཅས་པ་ཕྱོགས་གཅིག་ཏུ་བཀོད་པའི་སྐབས་ཏེ་དགུ་པའོ།། །།དེ་ནས་གངས་ཅན་སྤྱི་སྲོལ་གྱི། །གཙུག་ལག་སྐར་འབྱུང་དཀྱུས་གཅིག་ཏུ། །བཏབ་པའི་རྣམ་གཞག་རང་ལུགས་ལ། །ལིའུ་ཐུ་དགྲོལ་བའི་གོ་རིམ་བཤད། །རྣམ་དཀར་ལས་བརྩམས་དེའི་སྔོན་དུ། །དམ་པའི་ཡུལ་ལ་ཕྱག་བྱ་བ། །ཤཱཀྱའི་ཏོག་གམ་དུས་འཁོར་ལ། །སྙན་ཅིང་འཇེབས་པའི་ཚིགས་བཅད་གཅིག །བརྡ་སྤྲོད་སྡེབ་སྦྱོར་གཞུང་དག་དང་། །མཐུན་པའི་སྐད་གཉིས་ཤན་སྦྱར་དགོད། །དེ་རྗེས་འཇམ་དབྱངས་མཚོ་ལྡན་མ། །ཆོས་

― LT41_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་རིགས་ལྡན་དུས་ཞབས་པ། །ལུགས་འདིར་བཀའ་དྲིན་ལྡན་པ་ཡི། །འཕགས་བོད་ལོ་པ་མཁས་རྣམས་དང་། །རང་བྱུང་མི་བསྐྱོད་དོན་ཡོད་པ། །གཙུག་ལག་ཆོས་ཀྱི་སྣང་བ་སོགས། །རང་ལུགས་བླ་མ་དང་བཅས་པར། །མཆོད་བརྗོད་ཇི་ལྟར་འོས་པར་བྱ། །བརྩོན་པའི་མི་མཐུན་ཕྱོགས་སྤོང་ཞིང་། །སྤྲོ་ཕྱིར་དངོས་པོ་ངེས་བསྟན་དང་། །འདས་ལོའི་གནས་རྣམས་ཤེས་བྱའི་ཆེད། །དམ་པ་ཏོག་དཀར་ལྷུམས་ཞུགས་སོགས། །གྲགས་ཆེ་ཁུངས་དང་ལྡན་པ་ཡི། །བསྟན་རྩིས་སྐབས་དང་བསྟུན་ཏེ་བྲི། །འཆད་པར་བྱ་བའི་གནམ་ལོ་དེའི། །ལེགས་སྦྱར་གངས་ཅན་ཙཱི་ནའི་སྐད། །དེ་ཡང་འཕགས་ཡུལ་ལྷོ་བྱང་གི། །མཁས་རྣམས་རབ་བྱུང་མེ་ཡོས་དང་། །མེ་སྦྲུལ་ལ་བཞེད་གཉིས་བལྟ་བ་བྱ། །སྲོག་ལུས་དབང་ཀླུང་ལུས་སྨེ་བཅས། །རྩིས་པའི་འབྱུང་གྲངས་ཁ་ཡན་སོགས། །གཟའ་ཀླུང་དབུས་ཞུགས་སྨེ་བ་རྣམས། །གབ་ཙེ་སྤྱི་བཞིན་འགོད་པ་དང་། །རང་ལུགས་རཏྣ་མཱ་ལཱ་ལྟར། །རབ་སྐྱེས་ལ་སོགས་ལོ་ལྔ་རེར། །བདག་པོ་རེ་དང་བཅུ་གཉིས་རེར། །བདག་པོ་རེ་སྦྱར་དེ་འབྲས་བསྟར། །དེ་བཞིན་བྱེད་གྲུབ་ལོ་གཟའ་དང་། །རྒྱལ་བློན་ལོ་སྐར་གཟའ་ལྔ་ཡི། །ཕྱིར་ལྡོག་འབྲས་བུ་དང་བཅས་པ། །སྣར་མའི་འཁོར་ལོ་ཀར་མྱོང་རྩིས། །དྲག་སྦྱངས་ཟླ་བཞིའི་ཆར་འབྲས་དང་། །གནམ་ལོ་དེར་

― LT41_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟུན་དྲུག་ཅུའི་འབྲས། །དབུས་ཞུགས་སྨེ་བ་ས་གླང་བཅས། །རྒྱས་བསྡུས་སྐབས་དང་བསྟུན་པར་བྱ། །སྤྲོ་ན་རུ་སྦལ་འཁོར་ལོ་དང་། །སེང་གེའི་གདན་དང་གདུགས་འཁོར་ལོ། །ཕན་ཚུན་ཆེན་པོའི་འཁོར་ལོ་སོགས། །དབྱངས་འཆར་གཞུང་ནས་བཤད་ལྟར་བརྗོད། །ཐ་མར་དགེ་བའི་བསྔོ་སྨོན་ལ། །ཤིས་བརྗོད་ཚིགས་བཅད་ཅི་རིགས་པ། །དེ་རྣམས་སྡེབ་ལེགས་སྙན་འཇེབ་ཅིང་། །དཎྜིའི་གཞུང་དང་མཐུན་པར་གཅེས། ༈ །དེ་ནས་ཟླ་བཤད་ལག་ལེན་ལ། །འཕགས་ཡུལ་ལྷ་ཤེས་སྤྱི་ལུགས་ཀྱི། །ཉ་སྐར་དང་སྦྱར་དུས་ཚིགས་དང་། །ཉི་དག་ཚད་འཛིན་ཁྱིམ་སླེབས་དང་། །ཁྱིམ་གང་གནས་བསྟུན་ལས་བཞི་དང་། །བུམ་སྟོང་གནས་ཕྱོགས་དང་བཅས་པ། །རེས་གཟའ་ཟླ་བའི་བདག་པོ་དང་། །ཟླ་བདག་ཁྱིམ་འཕོའི་གཟའ་སྤྲད་པའི། །དབང་ཕྱུག་ཡབ་ཡུམ་མཇལ་འཕྲད་རྩིས། །ཟླ་རེར་རེས་གཟའ་ལྔར་སྤྱོད་བཅས། །སོ་སོའི་འབྲས་རྣམས་ཞིབ་པར་བྲི། །ལྷ་གླིང་མ་ཧཱ་ཙཱི་ནའི་ལུགས། །དཔྱིད་ར་ཧོར་ཟླ་དང་པོ་དང་། །སྟག་སྦྱང་ཟླ་བ་སོ་སོ་ཡི། །སྡོང་པོ་ཡལ་ག་ཆེ་ཆུང་དང་། །རྒྱ་བོད་ཚེས་གཅིག་མཐུན་མིན་དང་། །ཟླ་བ་ཆུང་ལ་ཆུ་རོའི་གནས། །ཐིག་ཤར་ཞག་དེར་ཆར་འབེབས་སོགས། །རྒྱ་ཡི་ལིའུ་ཐུ་ཇི་བཞིན་བཀོད། །མ་ཤེས་མཚུར་ལུགས་གྲུབ་པའི་ཚེས། །ཆད་གཉིས་ལྷག་གཅིག་ཡོད་པ་སོགས། །ཉིན་

― LT41_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་ཉེར་དགུ་ཡོད་ཚེ་ཆུང་། །སུམ་ཅུ་ལོངས་ན་ཟླ་བ་ཆེ། །དབུས་ཞུགས་སྨེ་བ་གནམ་ཡས་ལམ། །ཐྱན་ཏས་སོགས་ཉི་ཁྱིམ་བདུན། །ཟླ་བཤད་ནང་བཞིན་བསྟར་ཆགས་སུ། །བཀོད་གང་དང་པོ་གཉིས་པ་ལ། །བོད་སྐད་གནམ་སྤྱོད་གནམ་སྤྱོད་འགྲིགས། །ལས་ཀུན་ཤིན་ཏུ་དགེ་བར་བསྔགས། །ཡྭད་གཡན་དང་ནི་ཡྭད་ཤ་ལ། །ལས་ཐབས་འགའ་ཞིག་ངན་ན་ཡང་། །འབྲས་རྩིས་སྒེར་གྱི་གཞུང་དུ་གསལ། །ཕྱི་མ་གསུམ་ལ་ས་རྐོ་དང་། ཁང་ཁྱིམ་གསར་འཛིན་ལས་ཚན་བསྐོ། །གོང་དུ་འབུལ་བ་བཀྱག་པ་སོགས། །བཟང་ལས་སྤྱི་ལ་ལྷག་པར་དགེ། །རབ་འབྲིང་ཐའི་དུས་རྟགས་སྦྱར། །ཀླུ་དང་སྡེ་བརྒྱད་ཐེབས་ཟློག་དང་། །བོད་རྩིས་ལས་བཤད་གནམ་ལོ་དེའི། །ཡས་མར་བཞི་བགྲང་ཟླ་ནག་ཅེས། །ར་བཞིའི་སྟོད་དང་འབྲིང་ཐ་ཡི། །སྒང་སྨད་འབྱུང་ཚུལ་རེ་ཞིག་བཀོད། །གལ་ཏེ་ཉ་སྟོང་ཟླ་ཉི་ལ། །བདུན་ཅན་འཇུག་ཚེ་ཆ་ཡུན་དུས། །ཕྱོགས་མདོག་ཕན་ཡོན་བཅས་པ་བཀོད། །དེ་རྗེས་བསོད་ནམས་ཚོགས་རྟེན་གྱི། །སྟོན་དང་བསྟན་འཛིན་མཆོག་རྣམས་ཀྱི། །དུས་ཆེན་དག་ཀྱང་ངོས་འཛིན་བྱ། །ཟླ་བཤོལ་ཡོད་ཚེ་ཟླ་བ་དེའི། །ཟླ་བདག་ཁམས་བཅས་སྔ་མས་འགྲེས། །དེ་ཚེ་ལྔར་སྤྱོད་ལ་སོགས་པ། །སྒེར་འབྲས་ཡོད་རྣམས་སྒེར་གྱིས་བསྟར། །གཞན་ཡང་སྐྱོར་ཁ་ཟླ་རྭ་སོགས། །

― LT41_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོའི་སྐབས་དང་བསྟུན་ཏེ་བརྗོད། །དེ་ནས་སྦྱོར་དགྲོལ་དངོས་གཞི་ནི། །ཚེས་ཁོང་སོ་སོའི་རེའུ་མིག་ནང་། །རང་ལུགས་བྱེད་གྲུབ་གཉིས་ཀའམ། །ལག་ལེན་བདེ་ཕྱིར་གྲུབ་རྩིས་ཀྱི། །རེས་གཟའ་བྱེད་པའི་ཉི་མ་གཉིས། །བསྡེབས་པའི་ཟླ་སྐར་སྦྱོར་བ་བཅས། །གནས་ལྔ་གནས་གསུམ་གང་རིགས་དང་། །ཁྱད་པར་རེས་གཟའ་གཉིས་བལྟབ་བམ། །མཆོངས་ན་ཆད་ལྟག་མཚན་མ་བཅས། །ལྷག་ཚེས་སྔ་མར་གང་མཆོངས་ཀྱི། །གཟའ་འདྲི་དབྱུ་གུར་མཁའ་རོ་བཀོད། །ཚེས་དེའི་ཉི་མར་མཚོ་དབང་ནི། །ཚེས་བསྒྱུར་བྱིན་ལ་ཚེས་ལོངས་ཀྱིས། །སྦྱངས་ལྷག་རེས་གྲོགས་ཟླ་སྐར་ཏེ། །ལྷག་མ་རིགས་འགྲེ་ཤེས་པར་གྱིས། །སྔ་ཕྱིའི་བྱེད་པ་གྲངས་བཞིན་ནམ། བསྡུ་ན་བིཥྚི་ཙམ་ཞིག་འགོད། །དེ་ཡི་འཆར་གཞིའི་ཚེས་གྲངས་ཀྱང་། །མཚོ་དྲག་སྐྱོན་དང་དེ་ཉིད་ཕྱི། །ཀླུ་ཚེས་མིག་ལག་ཉེར་དགུ་སྔ། །དེ་ནས་ཉི་ཁྱིམ་འགོད་པ་ཡང་། །རྒྱ་བོད་ཚེས་མཚམས་གཟར་དྲིས་པའི། །གྱོ་ཁང་ཉི་ཁྱིམ་སྦྲགས་འདེད་དང་། །ཀྱན་སོགས་ཁྱིམ་གཟའ་བཅུ་གཉིས་པོ། །རི་མོའི་ལམ་ནས་བསྟར་བའམ། །ཡང་ན་སྟག་སོགས་ཟླ་སོ་སོར། །ཀྱན་འཛོམ་མཐོང་བའི་ཉི་མ་ནས། །བརྩམས་པའི་བཅུ་གཉིས་ཁོར་ཡུག་ཏུ། །དབུགས་ཐོབ་ཉིན་དེར་བསྐྱར་བལྡབ་བྱ། །གཞན་ཡང་དབུགས་ཐོབ་ཁྱིམ་འཕོ་སྒང་། །ལྡོག་གཉིས་རི་བྱིས་

― LT41_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་དང་། །ཕག་ཞག་ཡན་གྭོང་ཉིན་མཚན་ཚད། །རང་རང་ཚེས་ཁོངས་གར་ཡོད་བྲི། །ཇི་ལྟར་འགྲོལ་བའི་རིམ་པ་ཡང་། །ཡར་ངོའི་ཚེས་གཅིག་ནས་བརྩམས་ཏེ། །དགར་ཨ་བཟང་ཨི་རྒྱལ་བ་རྀ། །སྟོང་པ་ཨུ་དང་རྫོགས་པར་ལྀ། །ཚེས་དབྱངས་ལྔ་སྤྲགས་དྲུག་སྐོར་འབྲི། །དེ་ནས་ས་རིས་ཨངྐི་དང་། །བསྟུན་ནས་གྲུབ་པའི་ངེས་གཟའ་དང་། །རེས་གྲོགས་ཟླ་སྐར་བཅས་པ་འགྲོལ། །ཉིན་མོའི་ཆ་ལ་སྐར་མ་གཉིས། །འདུག་ན་གཉིས་ཀ་འགྲོལ་བར་བྱ། །སྤྲོ་ན་དུས་འཁོར་དབྱངས་འཆར་གྱི། །དབྱངས་གསལ་འབྱུང་བ་འདོད་ཡོན་རྣམས། །སོ་སོའི་གཞུང་ནས་བཤད་བཞིན་བཀོད། །བྱིས་གཞོན་ལང་ཚོ་རྒན་པོ་སྨིན། །ཚེས་ཀྱི་དར་གུད་དག་ཀྱང་འགྲོལ། །གཟའ་སྐར་འཕྲོད་པས་འཕྲོད་འདྲི་ཞིང་། །དེ་ཡང་ཉི་མ་དབྱུག་པ་དང་། །ཟླ་བ་མགོ་དང་མིག་དམར་སྐག །ལྷག་པ་མེ་བཞི་ཕུར་ལྷ་མཚམས། །པ་སངས་ཆུ་སྨད་སྤེན་མོན་གྲུ། །བདུན་པོ་འཛོམ་པ་ཀུན་དགའ་ཡིན། །དེ་ལྟར་ཀུན་དགས་ཐོག་དྲངས་ཏེ། །རྒྱུ་སྐར་ཉེར་བརྒྱད་བཀོད་བྱས་ལ། །དུས་དབྱུག་ལ་སོགས་རིམ་པར་སྦྱར། །རི་མོའི་སྒོ་ནས་ཤེས་འདོད་ན། །དེས་གཟའ་གང་ཡིན་གནས་གཉིས་བཞག །འོག་མར་གཟུགས་འཕྲི་འབྱུང་བས་བསྒྱུར། །སྟེང་མར་གྲོ་བཞིན་བྱི་བཞིན་གཉིས། །སོ་སོར་ཕྱེ་བའི་ཟླ་སྐར་གྱིས། །བརྒྱན་

― LT41_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འོག་མའི་ཚོགས་ཀྱིས་འཕྲི། །མ་ལྡང་ཀླུ་ལག་བསྣན་ལ་སྦྱངས། །ལྷག་མ་གཅིག་ཤར་ཀུན་དགའ་སྟེ། །དེ་ནས་རིམ་པར་འདེད་དེ་རྩིས། །དེ་བཞིན་འགྲུབ་སྦྱོར་དངོས་གྲུབ་སྦྱོར། །འཆི་སྦྱོར་སྲེག་ཚེས་སོག་ལེའི་སྦྱོར། །འཕགས་ཡུལ་འབྲས་རྩིས་ཁུང་མ་ནས། །བཤད་པའི་འཕོད་སྦྱོར་གཞན་དག་དང་། །དགུན་ཉི་ལྡོག་འོག་ཤིང་བྱི་ནས། །བརྩམས་པའི་ངོ་མཚར་སྒོ་བརྒྱད་དང་། །བགྲོད་པ་གཉིས་ཀྱི་ཤིང་བྱི་ལ། །བརྟེན་པའི་སྨེ་དགུ་ལུགས་འབྱུང་ལྡོག །ཁང་ཁྱིམ་གཡུ་འབྲུག་ལམ་བར་གཅོད། །གནོད་སྦྱིན་དགེ་བའི་ཉི་མ་སོགས། །ཉི་ཁྱིམ་བཟང་ངན་ཇི་སྙེད་དང་། །གཞན་ཡང་ཉི་ནག་བདུད་ཉི་རྒྱལ། །བོད་རྩིས་གཞུང་ནས་བཤད་རྣམས་ཀྱང་། །རྣམ་གྲངས་ཙམ་ཞིག་བཀོད་ཀྱང་རུང་། །ཟླ་སྐར་སྟེང་དུ་གཟའ་ལྔ་དང་། །སྒྲ་གཅན་དུས་མེར་བཅས་པ་ཡི། །གཡས་གཡོན་མཆེ་གདོང་མཚན་མ་དང་། །གདོང་མཇུག་གཉིས་ལ་དུད་སོལ་བཅས། །གནོད་པ་ལྔ་པོ་དག་ཀྱང་བཀོད། །འདི་ནི་བླ་རྩིས་ཕལ་མོ་ཆེའི། །ལག་ལེན་འབྲིང་པོའི་ལི་ཐུ་སྟེ། །གཞན་དུ་རྒྱས་དང་བསྡུས་པ་ལ། །མོས་ན་སྦྱོར་བ་བཀག་པ་མེད། །ཅེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། མགྱོགས་རྩིས་སྐབས་ཀྱི་ལི་ཐུ་སྦྱོར་

― LT41_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲོལ་གྱི་གོ་རིམ་བཀོད་པའི་སྐབས་ཏེ་བཅུ་པའོ།། །།དྲུག་ཅུའི་ལོ་ཡི་འབྲས་རྩིས་ལ། །ཤིང་ཕྱིར་ཆར་ཆེ་ལོ་ཏོག་རྣམས། །ཆུད་གསོན་ཞིང་པ་མྱ་ངན་བྱེད། །གོས་སྲིན་ལེགས་ཏེ་དཔྱིད་དབྱར་དག །ཆར་མང་སྟོན་དགུན་ཐན་པས་གདུང་། །ཤིང་གླང་ལོ་ལ་ལོ་སྤྱིར་ལེགས། །དཔྱིད་དུས་ནད་མང་མི་སེར་གནོད། ཁ་ལུང་སྔ་དགོས་སྲོ་མ་དང་། །སྲན་མ་བཟང་ཞིང་གླང་ལུག་ལ། །ནད་མང་དཔྱིད་དབྱར་འབྲས་ཀྱང་དཀོན། །མེ་སྟག་ནད་དང་འབུ་སྲིན་མང་། །གྲོ་དང་སྲན་མ་ཆུ་ཡིས་འཇིག །སྟོན་དུས་ཐན་པ་ཕྱི་བཏབ་ཉེས། །མེ་ཡོས་དཔྱིད་དུས་ཆར་པ་ཆེ། །སྟོན་དགུན་ཆུ་ཡིས་མནར་ཞེས་པའང་སྣང་། སྲོ་མ་གྲོ་དང་འབྲས་དཀར་ལེགས། །རྒྱ་ཤོད་མི་ལེགས་ཁ་ལུང་འབྲིང་། །སྟོན་དུས་ཐན་པས་གདུང་བར་བཤད། །ས་འབྲུག་མི་དང་ནོར་ནད་མང་། །གཤོང་ཞིང་མང་དུ་འདེབས་མི་བྱ། །གྲོ་སྲན་ལེགས་ཀྱང་འབྲུ་བབ་ཉུང་། །མྱུ་གུར་འབུ་འབྱུང་སྟོན་ཆར་ཆེ། །ས་སྦྲུལ་སྟོན་དགུན་བང་མཛོད་རྒྱས། །དཔྱིད་དབྱར་ཆར་ཆེ་མི་རྣམས་བདེ། །སྔ་བཏབ་འབྲས་དང་གྲོ་སྲན་ལེགས། །ལྕགས་རྟ་དཔྱིད་དུས་རྐྱེན་ཆག་མང་། །སྟོན་དཔྱིད་དགུན་ཀར་ཁ་ཆར་ཆུང་། །འབྲས་འབྲིང་གྲོ་ལེགས་དབྱར་དུས་ཞོད། །ལྕགས་ལུག་ཡུལ་ཁམས་ཐམས་ཅད་བདེ། །འབྲས་བཟང་འབྲུ་མོད་ལོ་ཏོག་

― LT41_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་། །ཆར་པ་ཆེ་ཆུང་སྙོམས་པར་བཤད། །ཆུ་སྤྲེལ་ལོ་ལེགས་ཕྱུགས་ནད་མང་། །འབྲས་བཟང་དགུན་དུས་གྲང་ངར་ཆེ། །སྟོན་དཔྱིད་ཆར་ཞོད་དབྱར་འབྲིང་དཀོན། ཁ་ལུང་གྲོ་སྲན་ལྷག་པར་འཕེལ། །ཆུ་བྱ་མི་རྣམས་བདེ་ཞིང་སྐྱིད། །སྔ་བཏབ་འབྲས་ལེགས་དཔྱིད་ཆར་ཆེ། །སྟོན་དགུན་རླུང་ལྡང་རྐུན་མ་མང་། །ཤིང་ཁྱི་སྐམ་གྱི་ལོ་ཏོག་བཟང་། །དཔྱིད་དུས་ཆར་ཉུང་དབྱར་དུས་ཞོད། །སྔ་བཏབ་ཡང་ནི་ཁ་ཅིག་ཏུ། །ཕྱི་བཏབ་ལེགས་མོད་སྟོན་དགུན་ཐན། །དགུན་ཀ་ནོར་ནད་མང་བར་བཤད། །ཤིང་ཕག་སྟོན་དུས་ཆར་ཞོད་འབྱུང་། །མི་ནད་ཉུང་ལ་ནོར་ནད་མང་། །སྲོ་མ་འབྲས་མོད་ལྔ་པ་དང་། །དྲུག་པར་མི་རྣམས་ཕན་ཚུན་འདུ། །མེ་བྱི་དབྱར་སྟོན་ཁ་ཆར་མང་། ཁ་ལུང་རྣམས་སུ་ལོ་ཏོག་འབྲིང་། །གཤོང་ཞིང་དང་ནི་ཕྱི་བཏབ་ལེགས། །གྲོ་སྲན་ཕྱེད་ཉེས་བྱི་བ་ལྡང་། །མེ་གླང་དཔྱིད་དབྱར་ཆར་པ་ཆེ། །ཡུལ་རྣམས་ཀུན་ཏུ་འབྲས་གྲོ་ལེགས། །ས་སྟག་ས་ཀུན་ལོ་ཏོག་ལེགས། །དགུན་དུས་གྲང་ངར་ཁ་བ་ཆེ། །དངོས་རྣམས་རིན་ཆེ་སྐྱེ་རྣམས་རྩོད། །ས་ཡོས་གྲོ་དང་སྔ་བཏབ་ལེགས། །དཔྱིད་དུས་ཆར་མང་དབྱར་ཞོད་ཆེ། །ལྕགས་འབྲུག་རྒྱལ་ཁབ་ཐམས་ཅད་དགེ། །སྟོན་དགུན་འབྲུ་མོད་དཔྱིད་དབྱར་ཐན། །དཔྱིད་དབྱར་ཆར་ཆེ་ཞེས་པའང་སྣང་། ནོར་ཕྱུགས་གནོད་མང་མི་ཁྱིམ་རྒྱས། །ཤར་

― LT41_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཆུ་འཁྱག་བརྐོ་མི་བྱ། །ལྕགས་སྦྲུལ་ཁ་ལུང་ཞིང་སྐྱེད་བཟང་། །རྒྱ་བོད་ཆུས་འཇིག་ནོར་ཡམས་དང་། །མི་རྣམས་ཚད་པའི་རིམས་ཀྱིས་གདུང་། །ཆུ་རྟ་ཁ་ལུང་ལོ་ཏོག་བཟང་། །ཉེས་ཞེས་པའང་འདུག །རྒྱ་ཤོད་ལོ་ཉེས་ཆར་མི་སྙོམས། །གྲོ་བཟང་སྔ་བཏབ་འབྲས་ཀྱང་ལེགས། །ཆུ་ལུག་དཔྱིད་དབྱར་ཆར་པ་ཉུང་། །ས་ཆ་མཐོ་དམན་ཐམས་ཅད་འབྲིང་། །སྟོན་རྒྱབ་ལོ་རྒྱས་སྔ་བཏབ་བཟང་། །ཤིང་སྤྲེལ་དཔྱིད་དུས་ཁ་ཆར་མང་། །དབྱར་སྟོན་གཉིས་ལ་ཆར་ཆུ་ཉུང་། །ལོ་ཉེས་ཁྱད་པར་སྔ་བཏབ་ངན། །ཐན་པས་གདུང་ཞིང་གྲུ་རྫིང་སྟོང་། །ཤིར་བྱ་མི་དང་དངོས་ཀུན་ངན། །སྔ་ཕྱིའི་ལོ་ཉེས་ཆར་མི་སྙོམས། །དགུན་གསུམ་ཁ་བས་ཤིང་རྟ་ནུབ། །མེ་ཁྱི་དབྱར་སྟོན་ཆར་པ་མེད། །དཔྱིད་དགུན་ཆར་མང་ལོ་རྣམས་འབྲིང་། །མི་ནོར་ནད་མང་གྲོ་སྲན་ལེགས། །མེ་ཕག་དགུན་དུས་ཁ་བ་མང་། །དབྱར་ལོ་སྔོན་སྐམ་སྟོན་དུས་འཚིག །མི་ལ་ནད་མང་ལོ་ཕྱུགས་གོད། །ས་བྱི་དཔྱིད་དབྱར་ཆར་པ་ཆེ། །སྟོན་དགུན་ཆར་ཆུད་འབངས་རྣམས་བཀྲེས། །དགུན་གསུམ་རིམས་ནད་ལྷག་པར་ལྡང་། །ས་གླང་དཔྱིད་དབྱར་གྲོ་སྲན་བཟང་། །སྟོན་དུས་ཁྲེས་སྨིན་ལོ་སྤྱིར་ལེགས། །མི་ལ་ནད་ཉུང་རིན་ཆེན་མོད། །ལྕགས་སྟག་མི་དང་དངོས་མི་བརྟན། །སྲོ་མ་གྲོ་བཟང་ཆར་ཞོད་ཆེ། །ལྕགས་ཡོས་ནད་དང་མི་

― LT41_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱེན་མང་། །སྔ་བཏབ་འབྲས་ལེགས་སད་སེར་འཚེ། །གྲོ་དང་སྲོ་མ་ཆར་པས་ཉམས། །ཆར་ཆུང་ཞེས་པའང་གདའ། ཆུ་འབྲུག་དཔྱད་དབྱར་ཆར་པ་མང་། །སྟོན་དགུན་ཐན་པ་ལོ་ཏོག་འབྲིང་། །ཆུ་སྦྲུལ་དགུན་དུས་ཁ་བ་ཆེ། །ལོ་ཏོག་ཉེས་ལ་དགུན་བྱིས་རྩོད། །ཤིང་རྟ་ནད་མེད་ལོ་རྣམས་བཟང་། །མི་དང་གླང་ལུག་ཐམས་ཅད་བདེ། །སྦྲུལ་རྟའི་མཚམས་སུ་འབྲས་གྲོ་ལེགས། །ཤིང་ལུག་འབྲུ་དྲུག་སྔ་བཏབ་ལེགས། །ནོར་ཕྱུག་ནད་མང་མི་སེར་བདེ། །དཔྱིད་དང་དབྱར་ཞོད་སྟོན་དགུན་ཐན། །ཐམས་ཅད་ལོ་ལེགས་སྐྱ་རྒྱལ་འགྱུར། །ལོ་ཏོག་འབྲིང་ཞེས་པའང་སྣང་། མེ་སྤྲེལ་དཔྱིད་དབྱར་ཁ་ཆར་ཆེ། །སྟོན་དགུན་ཆར་ཉུང་ནོར་ནད་མང་། །ཕྱི་བཏབ་ལོ་ལེགས་སྔ་བཏབ་ཉེས། །སྡེ་འཁྲུགས་དཔྱིད་ཀར་ཞོད་ན་ངན། །མེ་བྱ་ཀུན་ཏུ་ས་བོན་འགྲོགས། །དཔྱིད་དབྱར་ཆར་ཞོད་སྟོན་དགུན་ཐན། །ནོར་ལ་ནད་མོད་འབྲུ་ལྔ་ངན། །ས་ཁྱི་དཔྱིད་དང་སྟོན་ཆར་ཆེ། །དགུན་དུས་ཁ་ཆེ་ཕྱི་བཏབ་ཉེས། །མི་རྣམས་སེམས་འཚུབས་ས་མཐར་འཁྱམས། །གླང་ལུག་ནད་མང་ལོ་སྤྱིར་འབྲིང་། །ས་ཕག་ལོ་ཉེས་བང་མཛོད་སྟོང་། །མི་ལ་ནད་མང་ཐན་པ་ཆེ། །ཕྱུགས་དབུལ་ཐམས་ཅད་འབྲུ་རྣམས་དཀོན། །ལྕགས་བྱི་དཔྱིད་དང་དབྱར་ཞོད་ཆེ། །སྟོན་དགུན་ཐན་པ་ཕྱི་བཏབ་ངན། ཁ་ལུང་ཕྱེད་ཉེས་མི་ནད་མང་། །ས་ཆ་མཐོ་

― LT41_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་སྒང་གཤོང་ཆེ། །ལྕགས་གླང་ནད་མང་ལོ་ཏོག་བཟང་། །དཔྱིད་དབྱར་ཆར་འབྲིང་སྔོན་དགུན་ཞོད། །ས་ཀུན་སྡུག་བསྔལ་ཕྱུགས་ནད་མང་། །ཆུ་སྟག་དཔྱིད་དབྱར་ཆར་པ་སྙོམས། །དུས་བཞི་ཀར་ཆར་ཞོད་ཅེས་པའང་འདུག །སྟོན་དགུན་ཆར་ལེགས་འབྱོར་པ་རྒྱས། །རྒྱལ་ཁམས་ཐམས་ཅད་ལོ་ཏོག་ལེགས། །མི་རྣམས་བདེ་ཡང་ནོར་ནད་འོང་། །ཆུ་ཡོས་སྟོན་དགུན་ཁ་ཆར་ཉུང་། །དཔྱིད་དབྱར་ཆར་ཆེ་སེར་བ་རྒོད། །ས་རྣམས་ཐམས་ཅད་སྐྱིད་སྡུག་སྙོམས། །ནོར་ཕྱུགས་ནད་མང་མི་སེར་སྡུག །སྤྱིར་ནི་ལོ་ཐོག་ལེགས་པར་བཤད། །ཤིང་འབྲུག་དཔྱིད་དབྱར་ཆར་པ་ཆེ། །སྟོན་དགུན་ཐན་པ་དགུན་ལྷག་ཆེ། །ནོར་ཕྱུགས་རྐྱེན་མང་ལོ་སྤྱིར་འབྲིང་། །དབྱར་གྱི་ཉི་མ་ལྡོག་པ་ནས། །སྔ་སད་འབབ་ཅིང་ཁ་བ་ཆེ། །ཤིང་སྦྲུལ་དཔྱིད་དབྱར་ཁ་ཆར་མོད། །སྟོན་དགུན་གཉིས་ལ་འབྲུ་ལྔ་རྒྱས། །སྟོན་ཐོག་འབྲིང་དུ་བཤད་པའང་སྣང་། །མེ་རྟ་དཔྱིད་དབྱར་ཆར་པ་ཆེ། །རྒྱ་ཤོད་ཆུས་ཁྱེར་ཁ་ལུང་བཟང་། །དཔྱིད་སོས་རྐྱེན་ཆེ་ནོར་ནད་མང་། །མེ་ལུག་དབྱར་དང་དཔྱིད་ཆར་ཆེ། །ལྟོ་བས་ཞེས་པའང་སྣང་། སྟོན་རྒྱབ་ཐན་པ་ལོ་ཏོག་འབྲིང་། །སྐྱེ་རྒུ་ཀུན་ངན་ནོར་ནད་མང་། །ས་སྤྲེལ་ལོ་ཏོག་སྤྱིར་ལེགས་ཏེ། །ཁྱད་པར་དམན་བང་ཆུ་ཡིས་ཁྱེར། །སྔ་བཏབ་ཀུན་ལེགས་ཕྱི་བཏབ་ཉེས། །

― LT41_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བྱ་དཔྱིད་དབྱར་ཆར་པ་ཆེ། །དགུན་དུས་ཁ་འབབ་གྲོ་སྲན་མོད། །མི་ཤི་ཀ་ཅ་ཐམས་ཅད་དཀོན། །རྒྱལ་ཁབ་ཀུན་ཏུ་སྐྱིད་སྡུག་སྙོམས། །ལྕགས་ཀྱི་དགུན་གསུམ་ཁ་བ་མང་། །དཔྱིད་དབྱར་ཞོད་ཆེ་ལོ་སྤྱིར་ལེགས། །ན་ཚ་རིམས་ནད་ཁོལ་བུར་འོང་། །ལྕགས་ཕག་དཔྱིད་དབྱར་ཁ་ཆར་སྙོམས། །སྟོན་དང་དགུན་སྨིན་ལོ་སྤྱིར་ལེགས། །ནོར་ཕྱུགས་དཔྱིད་ཀར་ནད་མང་ཡང་། །དགུན་དུས་ཕྱུགས་བདེ་གྲང་ལྷག་ཆེ། །ཆུ་བྱི་དཔྱིད་སོས་ཐན་པ་ཆེ། །དབྱར་སྟོན་ཆར་ཞོད་སྟོན་ནད་མང་། །ཐན་པས་ཞིང་འཚིག་འབྲས་ཕྱེད་སྟོང་། །སྔ་བཏབ་གྲོ་ལེགས་སྟོན་རྒྱབ་ཏུ། །ཆར་མེད་དངོས་པོའི་གོང་ཐང་འཕར། །ཆུ་གླང་དགུན་དུས་ཁ་བ་ཆེ། །ལོ་སྤྱིར་འབྲིང་ལ་ནོར་ནད་མང་། །མི་སེར་གནོད་མང་རྫིང་བུ་སྐམ། །ཤིང་དང་ཤིང་ལོའི་ཕྱེད་ཆར་ཉེས། །ཤིང་སྟག་དཔྱིད་དབྱར་ཆར་པ་ཆེ། །སྟོན་དགུན་འབྲིང་ལ་འབྲུ་རིགས་དཀོན། །མི་སེར་རང་དབང་མེད་པའི་དུས། །ཤིང་ཡོས་དབྱར་དང་དཔྱིད་ཆར་སྙོམས། །སྟོན་དགུན་ཁ་ཆེ་ཁྲེས་རིགས་མོད། །མཐོ་དམན་གར་ཡང་ལོ་སྤྱིར་ལེགས། །མེ་འབྲུག་དཔྱིད་དབྱར་ཆར་པ་མོད། །དགུན་དུས་ཁ་ཆེ་སྟོན་ཆར་དཀོན། །སྟོན་དགུན་བཟང་ཞེས་སྣང་། སྔ་བཏབ་གྲོ་ལེགས་ཕྱི་ན་ཉེས། །མེ་སྦྲུལ་ལོ་ལེགས་ནད་ཡམས་མང་། །དཔྱིད་དབྱར་ཆར་ཆེ་སྟོན་དགུན་བཟང་། །ས་

― LT41_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་ལོ་ཏོག་སྔ་བཏབ་བཟང་། །དབྱར་དུས་ཅུང་ཐན་རྒྱ་ཤོད་ལེགས། །ས་ལུག་དཔྱིད་དབྱར་ཆར་པ་ཡོད། །སྟོན་དུས་བཟང་ལ་བྱང་རླུང་ཆེ། །བྱང་རླུང་ཆེ་ན་ལོ་མི་ལེགས་ཞེས་པའང་སྣང་། མི་ནོར་ཀུན་བདེ་ལོ་སྤྱིར་ལེགས། །ལྕགས་སྤྲེལ་སྟོན་དུས་ཁ་ཆར་ཡོད། །དཔྱིད་དབྱར་བཟང་ཞིང་ནོར་ནད་མང་། །དབྱར་གསུམ་སྟོན་གྱི་ལོ་གོང་འཕྲད། །ཕྱོགས་བཞིའི་མི་དང་ཀ་ཅ་རྒྱས། །ལྕགས་བྱ་དཔྱིད་ཞོད་སྟོན་དགུན་ཐན། །གྲོ་སྲན་མཐོ་བཟང་དམའ་སར་ངན། །སྔ་བཏབ་ཅུང་བཟང་ལོ་སྤྱིར་འབྲིང་། །ཆུ་ཁྱི་དཔྱིད་འབྲིང་དབྱར་དུས་ཐན། །དབྱར་ཞོད་སྟོན་ཐན་ཅེས་པའང་སྣང་། དགུན་དུས་ནད་མང་གྲོ་སྲན་བཟང་། །ཆུ་ཕག་དཔྱིད་ཞོད་སྟོན་དུས་ཐན། །དབྱར་དུས་ཆར་མང་ལོ་སྤྱིར་ལེགས། །སྔ་བཏབ་བཟང་ལ་འབངས་རྣམས་བདེ། ༈ །དབུས་ཞུགས་སྨེ་བའི་འབྲས་བུ་ནི། །གཅིག་དཀར་དབུས་ཞུགས་ཡུལ་ཁམས་འཁྲུགས། །ཆུ་ཆེ་ཡུལ་འཕོ་མི་འབྲུ་སྙི། །གཉིས་ནག་དབུས་ཞུགས་ཡུལ་འཕོ་མང་། །ཆུ་ཆེ་སྐྱེས་པ་མི་འབྲུ་སྙི། །འབྲས་བུ་མི་སྨིན་གཟེར་ནད་དང་། །འཁྲུགས་པ་ཆེན་པོ་ལྡང་བར་འགྱུར། །གསུམ་མཐིང་སྐར་ལོ་ལྷོག་ནད་འོང་། །ཤིང་འབྲས་སྐམ་ཞིང་བྱིས་པར་ངན། །བཞི་ལྗང་བུད་མེད་ལ་ངན་ཅིང་། །འབྲུམ་རིགས་མ་མོའི་ནད་ཡམས་འོང་། །ལྔ་སེར་དགེ་བཤེས་ཆེན་པོར་

― LT41_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ངན། །རྒྱལ་པོ་འབངས་འབེབས་ལོ་ཉེས་འཁྲུགས། །དྲུག་དཀར་མི་ལ་གཟའ་ནད་འབྱུང་། །ཡ་རབ་གོང་མ་རྣམས་ལ་ངན། །བདུན་དམར་འཁྲུགས་པ་དམར་པོ་ཆེ། །ཕྱུགས་དང་རྐང་བྲན་རྣམས་ལ་ངན། །བརྒྱད་དཀར་ཐན་པ་རླུང་དམར་ལྡང་། །རྩད་པོའི་བུར་པན་འཐབ་མོ་འབྱུང་། །དགུ་དམར་རྒྱལ་པོ་རྒན་རིམ་དང་། །བུད་མེད་ལ་ངན་ལོ་བཙའ་འོང་། །མི་འབྲུ་སྙི་ཞིང་ཕྱུགས་རྣམས་ཉེས། །བྱིས་པ་རྣམས་ནི་དྭ་བོར་ལུས། །ཁྱད་པར་སྟག་སྤྲེལ་ཕག་སྦྲུལ་བཞིའི། །ལུས་སྨེ་གཉིས་ནག་དབུས་གཞུག་ཚེ། །ལོ་ནག་མཆེ་བ་ཅན་དུ་གྲགས། ཁང་གསར་རྨང་འདིང་རྙིང་བཤིག་དང་། །རྟེན་ཆེན་བཞེངས་སམ་ཆུ་ཆེན་འདྲུ། །རི་བདལ་བྲག་གཤོག་ཤིང་གཅོད་དང་། །བག་མ་གཏོང་ལེན་དམག་ཇག་སོགས། །འདུ་ལོང་གལ་ཆེའི་བྱ་བ་འཛེམ། །གསུམ་མཐིང་དབུས་ཞུགས་ནག་ཆུང་སྟེ། །འཛེམ་བྱ་སྔར་དང་ཆ་འདྲ་ཡང་། །ཉེས་པ་ཅུང་ཟད་ཡང་བར་བཤད། ༈ །རྒྱ་ཡི་ས་གླང་བརྟགས་པའི་རྩིས། །གནམ་ལོའི་སྡོང་པོའི་རང་མདོག་གིས། །གླང་གི་མགོ་དང་ཡལ་གས་ལུས། ཁ་གསོག་ཕོ་བ་དཔྱིད་ཀྱི་དབུགས། །ཟུག་པའི་ཉི་མའི་སྡོང་པོ་དེ། །རྭ་དང་རྣ་བ་མཇུག་མ་ཡིན། །ཉི་མའི་ཡལ་གས་སུག་བཞི་དང་། ཁ་གསོག་སོ་དང་མཚུལ་པ་ཡིན། །གླང་དང་གླང་རྫིའི་གོས་མདོག་སོགས། །འབྱུང་བ་

― LT41_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་མེ་ས་ལྕགས་ཆུར། །ལྗང་དམར་སེར་དཀར་སྔོའམ་ནག །ཕོ་ལོར་གླང་གིས་ཁ་གདངས་ཤིང་། །རྔ་མ་གཡོན་དུ་གཡོབ་པ་དང་། །མོ་ལོར་ཁ་བཙུམ་རྔ་གཡས་གཡོབ། །གླང་རྫིའི་གོས་མདོག་དཔྱིད་ཀྱི་དབུགས། །ཐོབ་པའི་ཉི་མའི་ཡལ་གའི་དགྲ། །གོས་དང་གོས་དགྲ་རྐེ་རགས་ཡིན། །ལྷྭམ་ནི་དབུགས་ཐོབ་ཉི་མ་དེའི། ཁ་གསོག་དག་དང་བསྟུན་པ་ལ། །ལྕགས་ལ་གཡོན་གྱོན་གཡས་པ་ཡང་། །གཡོན་གྱི་རྐེ་རགས་སྣེ་ལ་བཏགས། །ཤིང་ལ་གཡས་གྱོན་གཡོན་གཡས་ཀྱི། །རྐེད་པ་ལ་དྲངས་ཆུ་ཁམས་ལ། །སྐྱེ་རྒུ་འགྲུལ་མང་ལྷྭམ་ཟུང་གྱོན། །མེ་ཁམས་ལྷྭམ་མེད་ས་ཡི་ཁམས། །འགྲོས་ཉུང་ལྷྭམ་ཡང་ཕུད་དེ་བཞག །གླང་རྫིའི་ན་ཚོད་སྟག་དང་སྤྲེལ། །ཕག་སྦྲུལ་ལོ་ལ་རྒན་པོ་དང་། །བྱི་རྟ་བྱ་ཡོས་དར་མ་སྟེ། །ཁྱི་འབྲུག་གླང་ལུག་བྱིས་པའི་ཚུལ། །སྟག་ཕུད་དབུགས་ཐོབ་ཉི་མ་དེའི། ཁ་གསོག་འབྱུང་བའི་ཁམས་བསྟུན་པའི། །ལྕགས་ལ་ཚོ་གཉིས་རྣ་བ་ཡི། །སྔོན་ནས་མདུན་དུ་འཕྱང་བར་བྱ། །ཤིང་ལ་གཉིས་ཀ་རྣ་བའི་རྒྱབ། །ཆུ་ལ་གཡས་པ་རྣ་བའི་རྒྱབ། །གཡོན་པ་རྣ་བ་སྔོན་ནས་འཕྱང་། །མེ་ལ་དེ་གཉིས་གཡས་གཡོན་ལྡོག །ས་ལ་གཉིས་ཀ་མགོ་བོ་ལ། །གཡས་དང་གཡོན་དུ་བཀྲི་བར་བྱ། །ལྕག་ཚན་ཡུ་བ་རྒྱ་ལྕང་ལ། །ལྕག་འབྲས་དཔྱིད་ཀྱི་

― LT41_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་ཐོབ་ཉིན། །ར་བཞིར་སྲོ་མ་ར་ཙ་དང་། །འབྲིང་བཞིར་རས་བལ་ཐ་ཆུང་བཞིར། །དར་སྐུད་ཡིན་ནོ་གླང་རྫི་ཡི། །དལ་བྲེལ་ཟླ་བ་དང་པོའི་ཚེས། །གཅིག་གི་སྔོན་དུ་ཞག་ལྔ་ཕན། །དབུགས་ཐོབ་ཡིན་ན་ཤིན་ཏུ་ཡང་། །བྲེལ་བས་གླང་གི་སྔོན་དུ་རྒྱུག །ཚེས་གཅིག་རྒྱབ་ནས་ཞག་ལྔ་ཕན། །དབུགས་ཐོབ་དེ་ཚེ་ཤིན་ཏུ་དལ། །རྗེས་ནས་དལ་བུའི་ཚུལ་གྱིས་འགྲོ། །ཚེས་གཅིག་སྔ་རྗེས་ཞག་ལྔ་ཡི། །ནང་དུ་དབུགས་ཐོབ་དལ་བྲེལ་སྙོམས། །གླང་རྫི་གླང་དང་བསྒྲིགས་ཏེ་འགྲོ། །དེ་ཡང་ཕོ་ལོར་གླང་གི་གཡོན། །མོ་ལོར་གླང་གི་གཡས་སུའོ། །གླང་གཟུགས་འདོམ་གང་ཁྲུ་བཞི་ཡིས། །དུས་བཞི་རྔ་མ་ཁྲུ་གང་དང་། །ཚོན་གཉིས་དུས་ཚོད་བཅུ་གཉིས་མཚོན། །རྫིའུ་ཁྲུ་གསུམ་ཚོན་དྲུག་པས། །ཉིན་ཞག་སུམ་བརྒྱ་དྲུག་ཅུར་རྟོགས། །ལྕག་ཚན་རྒྱ་ལྕང་ཁྲུ་དོ་དང་། །ཚོན་བཞིས་དུས་གཟེར་ཉེར་བཞི་མཚོན། །དེ་ལྟར་མཚོན་བྱེད་སྣང་བརྙན་གྱིས། །ལེགས་ཉེས་ལུང་དུ་སྟོན་པ་གང་། །དེ་ཡང་བཟང་སྟོབས་ཕོ་ཁམས་ཆེ། །ངན་སྟོབས་མོ་ཁམས་གཙོར་འབྱུང་བའི། །གླང་གི་ཁ་དོག་མང་ཉུང་དཔྱད། །ལྗང་གུ་རླུང་ལྡང་རྩི་ཤིང་དང་། །ལོ་མ་ལྗང་བུའི་རིགས་རྣམས་རྒྱས། །མི་ཕྱུགས་དག་ལ་རླུང་ནད་འབྱུང་། །དམར་པོ་མེ་ཐན་བཙའ་དང་ནི། །ཚད་ནད་འབྲུ་སྨིན་འབྲུ་གྲངས་ཉུང་། །ཁོལ་བུར་སེར་རྒོད་ལྕེ་

― LT41_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་འབབ། །དཀར་པོ་སད་སེར་བཀྲེས་དབུལ་དང་། །ཤི་ཆད་གཉན་སྐྲངས་ལྷོག་རྒོད་འབྱུང་། །ནག་པོ་ཆར་ཆུ་སྤྲིན་པ་དང་། །སྔོ་ལྡུམ་མེ་ཏོག་བཀྲག་མདངས་ཆེ། །གྲང་བ་བད་ཀན་ཀླུ་ནད་ལྡང་། །སེར་པོ་ལོ་ཏོག་རྩི་ཤིང་རྒྱས། །འབྲུ་འཕེལ་སྐྱེ་བོ་དགའ་བདེར་སྤྱོད། །འདུས་པའི་ནད་ཀྱིས་ཅུང་ཟད་ཉེན། །དེ་རྣམས་སྤྱི་ཡི་གོ་བབ་སྟེ། །བྱེ་བྲག་རྭ་རྣ་མཇུག་རྣམས་དཀར། །ཡུལ་སྤྱིར་སད་འབབ་མི་ཤི་མང་། །མགོ་དང་སོ་མཚུལ་ས་སྟོད་དང་། །སྔ་སད་ལྡང་ཞིང་ལུས་པོ་དང་། །ཕོ་བས་བར་དཀྲིས་བར་སད་དེ། །སུག་བཞིས་རོང་ཆེན་ཕྱི་སད་རྟགས། །རྭ་རྣ་མཇུག་དམར་ཚད་རིམས་དང་། །ཡུལ་རྣམས་སྤྱི་ཡི་ཐན་པར་བཟུང་། །མགོ་དང་སོ་མཚུལ་མི་ཆེན་གྱི། །མཁར་ཁང་མེས་འཇིག་ས་སྟོད་རྣམས། །དཔྱིད་གསུམ་ར་བཞིར་ཐན་པས་གདུང་། །ལུས་དང་ཕོ་བས་རྗེའུ་རིགས་གྲོང་། །མེས་འཚིག་བར་དཀྲིས་དཀྲལ་གཉའ་རྣམས། །ཐན་པས་དབྱར་སྟོན་འབྲིང་བཞིར་གདུང་། །སུག་བཞིས་རྨོངས་རིགས་གྲོང་ཁྱེར་བསྲེགས། །རོང་ཆེན་རྒྱ་ཤོད་དགུན་དུས་སམ། །ཐ་ཆུང་བཞི་ལ་ཐན་པ་ཆེ། །ལར་ནི་དམར་མད་ངན་མོད་ཀྱི། །མེ་ཁམས་གཏན་མེད་དེ་ཡང་ངན། །དེས་ན་ཕོ་བ་མཚུལ་པ་དག །དམར་ན་ལེགས་ཞེས་བརྗོད་པའང་མཐོང་། །རྭ་སོགས་སེར་པོ་ཡུལ་སྐྱིར་དགེ། །མགོ་སེར་ས་

― LT41_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོའི་རྒྱལ་ཁམས་བདེ། །ཁྱད་པར་ཁ་ལུང་ཞིང་སྐྱེད་བཟང་། །ལུས་དང་ཕོ་བས་བར་ཁམས་བདེ། །བར་དཀྲིས་ཞིང་ལ་སྐྱེ་བུང་ཆེ། །འབྲོག་ན་བཞོན་ཆུ་འཕེལ་བར་བརྗོད། །སུག་བཞིས་རོང་ཆེན་རྒྱ་ཤོད་ལེགས། །དེ་བཞིན་ཤིང་ཁམས་བཟང་ན་ཡང་། །མགོ་བོ་སྔོ་ན་སྟོད་ཕྱོགས་སོགས། །ཡུལ་དུས་ར་འབྲིང་ཐ་ཆུང་གི། །ཟླ་བར་རླུང་ཆེན་ལྡང་འགྱུར་ཞིང་། །ལྷག་པར་རྩྭ་ཤིང་སྐྱེ་ཕུལ་ཆེ། །རྭ་སོགས་ནག་ན་ཡུལ་སྤྱིར་རྒུད། །མགོ་ནག་བྱང་དང་སྟོད་ཕྱོགས་ངན། །ཁྱད་པར་མི་ཆེན་ཇུས་ཉེས་ངོ། །ས་སྟོད་དཔྱིད་སོས་ར་བཞིར་ཞོད། །ལུས་བྱིངས་ནག་པས་བར་ཁམས་ཉམས། །བློན་རིས་འདུན་མ་འབྲས་མེད་བྱེད། །བར་འབྲོག་དབྱར་སྟོན་འབྲིང་བཞིར་ཞོད། །ཕོ་བ་ནག་པས་དམངས་རིགས་ཉམས། །སུག་བཞིས་དེ་བཞིན་རོང་ཆེན་དུ། །ཆུ་ཡིས་འཇིགས་མང་གྲང་ངར་ཆེ། །དམར་ནག་གཉིས་པོས་བཙའ་ཡོང་རྟགས། །མདོར་ན་གླང་གི་ལུས་གནས་དང་། །ཡུལ་དུས་སྦྱར་ཏེ་དཔྱད་བྱ་སྟེ། །གླང་མགོ་ལོ་སྟོད་ས་སྟོད་དང་། །མི་ཆེན་དང་ནི་རྒྱལ་པོའི་གྲོང་། །ར་བཞིའི་ཟླ་བར་དེ་བཞིན་དུ། །ལུས་དང་ཕོ་བས་གནས་དུས་བར། །རྗེའུ་རིགས་གྲོང་དང་འབྲིང་བཞིའི་ཟླར། །སུག་བཞིས་གནས་དུས་ལོ་སྨད་དང་། །དམངས་བྲན་རིགས་གྲོང་ཐ་བཞི་སྟེ། །རི་ཞིང་སྒང་ཞིང་གཤོང་ཞིང་བརྟགས། །ནད་དང་ཐན་པ་སད་

― LT41_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་བཙའ། །སྔ་ཕྱི་གང་འབྱུང་དཔྱད་པར་བྱ། །རྭ་རྣ་མཇུག་གསུམ་ལྷག་པར་གཙོ། །རྔ་གཡས་གཡོབ་པ་མི་ལ་བཟང་། །ཕྱུགས་རྩུབ་གཡོན་དུ་དེ་ལས་ལྡོག །ཁ་གདངས་ཞོན་དང་ཕྲུ་གུ་འཕེལ། །བཙུམ་ན་དེ་ཡང་ལྡོག་པར་ལྟ། །གླང་རྫི་རྒན་པས་རྒན་པོ་བདེ། །གཞོན་རྩུབ་བྱིས་པ་ཤིན་ཏུ་རྩུབ། །དར་མས་གཞོན་བདེ་བྱིས་པར་རྩུབ། །རྒན་པོ་དག་ལ་ལྷག་པར་རྩུབ། །བྱིས་པ་དེ་ཡི་རིགས་པས་ཤེས། །སོ་སོར་ནད་སོགས་གང་གིས་གནོད། །རྫིའུའི་ཁ་དོག་ལ་བརྟག་ཅིང་། །དེ་བཞིན་རྒྱལ་བློན་ཕལ་པའང་སྦྱར། །ལྟག་ཕུད་གཙུག་བཅིངས་མཆོག་ཏུ་དགེ། །རྒྱལ་ཁམས་ལྷ་ཡི་དཔལ་ལ་བསྙེགས། །གཉིས་ཀ་རྣ་རྒྱབ་བྱས་པའང་བཟང་། །གཡོན་ཕྱི་གཡས་ནང་འབྲིང་དུ་བཤད། །གཡས་ཕྱི་གཡོན་ནང་དེ་ལས་ངན། །གཉིས་ཀ་རྣ་ནང་མྱ་ངན་ལྟས། །ལྕག་འབྲས་སྲོ་མར་ཙ་ཡིས། །རྒྱལ་པོའི་ཆད་པ་ཨར་ཇག་རྒོད། །རས་བལ་བློན་ལས་ཕལ་དབང་ཆེ། །དར་སྐུད་ཡུལ་བདེ་འབངས་ཕལ་གྱིས། །རྒྱལ་པོ་ལ་ཡང་རྒོལ་དུ་སྲིད། །མས་རིམ་རབ་འབྲིང་ཐ་མ་སྟེ། །ཚོང་དུས་བཟོ་རིགས་ལ་ཡང་དཔྱད། །ལྷྭམ་གྱོན་ཆར་ཆེ་སྐྱེ་རྒུ་བྲེལ། །གཡས་གྱོན་དེ་རིགས་ཟེར་ཡང་འབྲིང་། །དེ་ལྡོག་དེ་ལས་ལྡོག་པར་ལྟ། །ལྷྭམ་མི་གྱོན་པས་བདེ་སྐྱིད་དལ། །གོས་ནེ་རྒྱལ་བློན་སྲིད་སྐྱོང་

― LT41_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ཟོང་དང་མི་ཡི་འབྱོར་པ་སྟེ། །སྐ་རགས་དགྲ་ཟླས་འཚེ་མིན་བརྟགས། །སེར་ནག་སྔོ་དམར་ཟུང་དང་དཀར། །རབ་དང་འབྲིང་དང་ཐ་མར་བཤད། །གླང་རྫི་བྲེལ་བས་ཕྱུགས་རྣམས་བདེ། །སོས་བུད་སྔ་ཞིང་དམག་འཁྲུགས་རྒོད། །རྒྱབ་ཏུ་འདུག་པ་དེ་ལས་ལྡོག །གཡས་སྦྲེལ་མི་སྐག་ཕྱུགས་ཡོ་སྲིད། །རྒྱལ་པོ་དམངས་ཀྱིས་བསྐོར་ནས་གཡེངས། །གཡོན་སྦྲེལ་ཕྱུགས་སྐག་མིར་ཉེན་སྲིད། །རྒྱལ་ཁམས་ནང་འཐབ་བདེ་གཟར་སྤྱོད། །གླང་ནི་ཕྱུགས་ལ་བརྟགས་པ་དང་། །གླང་རྫིའི་མི་ལ་གཙོ་ཆེར་དཔྱད། །གཞན་ཡང་གླང་འབྲུག་མང་ཉུང་ནི། །དང་པོའི་ཚེས་གཅིག་ཉི་མ་འབྲུག །ཤར་ཚེ་འབྲུག་གཅིག་དཔེར་མཚོན་ཏེ། །འབྲུག་ཉི་གར་བབས་འབྲུག་གི་གྲངས། །གླང་ཡང་མང་ཉུང་དེས་མཚོན་ནུས། །གླང་ནི་ས་ཡི་གསོས་ཡིན་པས། །ཇི་ཙམ་མང་བ་སོས་བུད་སྔ། །ས་བཅུད་འཕེལ་ཞིང་དགེ་བར་ཐོས། །སྟོན་མཇུག་རིང་ལ་འབྱོར་པ་རྒྱས། །བརྒྱད་ཡན་རབ་ལ་བཞི་ཚན་ཐ། །འབྲིང་པོ་ལྷག་མའང་སྟོད་སྨད་དང་། །སོས་བུད་རབ་འབྲིང་ཐ་ཡང་རྟོགས། །འབྲུག་ནི་གནམ་ལྷ་གནམ་གྱི་གསོས། །རྒྱ་མཚོ་ལས་ནི་ཆུ་འཐུང་ནས། །མཁའ་ལས་ཆར་པ་འབེབས་ཀྱང་ཟེར། །ཇི་ཙམ་མང་བ་ཆར་ཆེ་ཡང་། །ས་བཅུད་མཁའ་ལ་འཕུར་བས་ངན། །བརྒྱད་ཡན་ལྕེ་འབབ་སེར་བས་འཇིག །ལྔ་ཆུན་ཆར་དཀོན་

― LT41_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་བདུན་སྙོམས། ཤར་ཕྱོགས་མ་ཧཱ་ཙི་ན་རུ། །ལོ་དཔྱད་གཙོ་བོ་དཔྱིད་དབུགས་སྔོན། །བཀའ་ཡི་གླང་རྩིས་ཆེན་མོ་ཞེས། །རྒྱལ་བློན་ཕལ་གྱིས་རིམ་པ་ཡི། །རིན་ཆེན་ལྡེར་དང་ཤོག་བུ་ལ། །གླང་དང་རྫི་བཅས་གཟུགས་བཅོས་ནས། །བསུ་བས་བསུ་ཞིང་མཆོད་པས་མཆོད། །དེ་ཡིས་བསོད་ནམས་ཐོབ་པར་གྲགས། །འདི་ལ་ལེགས་པར་བརྟགས་མཁས་ན། །ལོ་དེའི་ལེགས་ཉེས་འཁྲུལ་མེད་རྟོགས། །དེ་ཕྱིར་ཞིབ་ཏུ་དཔྱད་པར་འཚལ། །འཇམ་མགོན་བླ་མའི་ཞལ་གྱི་ལུང་། །འཐོར་བསྡུས་འཕྲུལ་གྱི་མེ་ལོང་འདི། །ལྟས་ཤེས་མིག་གི་བདུད་རྩིར་སྦྱིན། ༈ །གཞན་ཡང་གཟའ་ལྔ་ཁྱིམ་སྤྱོད་སོགས། །འབྲས་བུ་འགའ་ཞིག་འཆད་པ་ལ། །གལ་ཏེ་མིག་དམར་ཞིང་ལ་གཟའ། །དྲག་པོ་གནས་པ་དེ་ཡི་ཚེ། །ཟླ་བ་དྲུག་ཏུ་འབྲུ་རྣམས་མེད། །རིན་ཐང་ཆེན་པོར་འགྱུར་བ་ཡིན། །དཀར་པོའི་ཞིང་དུ་མིག་དམར་གནས། །ཟླ་གཉིས་ངེས་པར་རིན་ཐང་ཆེ། །ཟླ་བ་དང་ནི་ཉི་མ་ལ། །རྟག་ཏུ་མི་དགེ་ནད་ཀུན་བྱེད། །སྤེན་པ་སྒྲ་གཅན་འབྲུ་ཐམས་ཅད། །རིན་ཐང་ཆེ་ཞིང་རྒྱལ་པོ་རྩོད། །ལྷག་པའི་ཞིང་ལ་ཉི་མ་ཟླ། །ས་སྐྱོང་ཐམས་ཅད་མི་མཐུན་ཅིང་། །འབྲུ་ཡི་སྦུན་པ་སྐྱེ་བ་ནི། །ཟླ་བ་ལྔ་རུ་རབ་ཏུ་འགྱུར། །པ་སངས་ཞིང་ལ་ལྷག་པ་བཟང་། །ཟླ་བའི་ཞིང་ལ་ངན་སྤོང་བུ། །པཱ་ཥཎྜ་རྣམས་འཕེལ་བར་འགྱུར། །འབྲུ་རྣམས་ཀྱང་

― LT41_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་རིན་ཐང་ཆེ། །ཉི་མའི་ཞིང་དུ་ངན་སྤོང་བུ། །ཕྱུགས་རྣམས་རིན་ཐང་ཆེ་བར་འགྱུར། །པ་སངས་ཞིང་དུ་ས་སྐྱེས་ཕུར། །རས་བལ་ལ་སོགས་རིན་ཐང་ཆེ། །མིག་དམར་ཞིང་དུ་སྤེན་སྒྲ་གཅན། །ཟངས་ལ་སོགས་པ་རིན་ཐང་ཆེ། །སྤེན་པའི་ཞིང་དུ་སྤེན་རཱ་ཧུ། །སྐྱ་རྒྱལ་ཟླ་བ་ཉི་མ་ལ། །ཕྱུགས་རྣམས་ཉམས་ཤིང་འབྲུ་རྣམས་འཕེལ། །བུ་རམ་ལ་སོགས་རིན་ཐང་ཆེ། །ཕུར་བུའི་ཞིང་དུ་སྤེན་རཱ་ཧུ། །ཕྱུགས་རྣམས་ཉམས་ཤིང་རྩྭ་རྣམས་ཟད། །མིག་དམར་ལ་ནི་རྒྱལ་རྣམས་འཁོན། །ལྷག་པ་ལ་ནི་མང་དུ་འཕེལ། །གང་ཚེ་དམར་སྒྲ་ཉི་མའི་བུ། །པ་སངས་མིག་དམར་ཞིང་གནས་ན། །ཟླ་དྲུག་བུ་རམ་རས་བལ་དང་། །མར་དང་ཚྭ་རྣམས་རིན་ཐང་ཆེ། །གང་ཚེ་དལ་འགྲོ་སྒྲ་གཅན་ལྟག །སྤེན་པའི་ཞིང་དུ་གནས་པ་ན། །དེ་བཞིན་རྐང་བཞི་པ་རྣམས་དང་། །རྐང་གཉིས་པ་རྣམས་ཉམས་པར་འགྱུར། །པ་སངས་མིག་དམར་མཚན་མོར་བྱེད། །མིག་དམར་བཞིན་དུ་གནས་དེའི་ཚེ། །ཕྱུགས་རྣམས་དང་ནི་མུ་ཏིག་དང་། །དུང་ནི་རིན་ཐང་ཆེན་པོར་འགྱུར། །མིག་དམར་ཞིང་དུ་ངན་སྤོང་བུ། །གང་ཚེ་འབྲུ་རྣམས་རིན་ཐང་ཆེ། །སྤེན་པའི་ཞིང་དུ་ཉི་ཟླ་དག །གོས་རྣམས་རིན་ཐང་ཆེན་པོར་འགྱུར། །བླ་མའི་ཞིང་དུ་མིག་དམར་སངས། །སྐྱེ་རྒུ་རྣམས་ནི་གཟིར་བར་འགྱུར། །གཟའ་དང་ཁྱིམ་རྣམས་འཕྲད་པའི་ཚེ། །འབྲས་བུ་འདི་ལྟར་རབ་ཏུ་བསྒྲགས། །ཁྱིམ་

― LT41_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཟའ་སྦྱོར་བའི་འབྲས་བུའོ། །མིག་དམར་ཞིང་དུ་ཟླ་བ་ཤར། །སྤུན་ཅན་འབྲུ་ནི་འཕེལ་བར་འགྱུར། །པ་སངས་ཞིང་དུ་ཟླ་བ་ཤར། །ཚོང་ལ་སོགས་པ་ཅུང་ཟད་འཕེལ། །ལྷག་པའི་ཞིང་དུ་ཟླ་བ་སངས། །ཤར་ན་འགྲོ་ལ་འཚེ་བར་འགྱུར། །ཉི་མའི་ཞིང་དུ་སྤེན་ཟླ་བ། །པ་སངས་ཤར་ན་རས་བལ་འཕེལ། །ཟླ་བའི་ཞིང་དུ་ཟླ་བ་སངས། །ལྷག་པ་ཤར་བ་དེ་ཡི་ཚེ། །ཟླ་བ་དྲུག་ཏུ་སྐྱ་ཕམ་ཞིང་། །ཧ་ཅང་ཆར་ཆེ་ལྷག་ཞིང་དུ། །སྒྲ་གཅན་སྤེན་པ་ཤར་བའི་ཚེ། །སྐྱེ་རྒུར་འཚེ་ཞིང་ཕྱུགས་རྣམས་ཟད། །འབྲུ་རྣམས་ཀྱང་ནི་རིན་ཐང་ཆེ། །པ་སངས་ཞིང་དུ་ཉི་ཟླ་དང་། །ཉི་བུ་ཤར་བ་གང་གི་ཚེ། །ཟུག་རྔུ་འཆར་དང་ནུབ་པ་དང་། །རིན་ཐང་ཆེན་པོར་འགྱུར་བ་ཡིན། །སྤེན་པའི་ཞིང་དུ་ཉི་ཟླ་དག །གང་ཚེ་འཆར་བར་གྱུར་པ་ན། །དེ་ཚེ་མར་རྣམས་འཕེལ་བ་དང་། །བུ་རམ་དང་ནི་གོས་དམར་རྣམས། །གང་ཚེ་ཚོགས་པ་ཐོབ་པར་འགྱུར། །སྤེན་པའི་ཞིང་དུ་སྤེན་པ་ཉིད། །དེ་ཚེ་རྩྭ་དང་ཤིང་རྣམས་དང་། །ཧཽ་རཱ་རྣམས་ཀྱང་རིན་ཐང་ཆེ། །གཟའ་འཆར་བའི་ཁྱིམ་གྱི་འབྲས་བུའོ། །གང་ཚེ་ས་ག་ལ་ཕུར་བུ། །དེ་ཚེ་འབྲུ་རྣམས་རིན་ཐང་ཆེ། །བཀྲ་ཤིས་ལ་ནི་ལོ་དུས་དང་། །སྤེན་པར་ཀུན་ཏུ་བཀྲ་ཤིས་སོ། །གང་ཚེ་ལག་ནི་མེ་ཡི་མདོག །སྤེན་པ་འཕྲད་པ་དེ་ཚེ་འཇིག །ལག་ལ་ལྷག་པ་སློང་མོ་དཀའ། །ངན་སྤོང་བུ་ལ་སྐྱ་རྒྱལ་ལོ། །ལྷ་མཚམས་

― LT41_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡང་སྐྱ་རྒྱལ་ཞིང་། །གལ་ཏེ་ལྷག་པའི་གཟའ་གནས་ན། །དགེ་ཞིང་སློང་མོ་རྙེད་པར་འགྱུར། །སྐག་ལ་བླ་མ་གནས་པའི་ཚེ། །རས་བལ་མོད་ཅིང་སྤེན་པ་དང་། །མིག་དམར་ཚེར་མས་འཚེ་བར་བྱེད། །ལྷག་པ་ལ་ནི་ཏིལ་མཱ་ཥ། །ལོ་དུས་ཉིད་ལ་རིན་ཐང་ཆེ། །ཉི་མ་འབྲུ་རྣམས་ཐམས་ཅད་ནི། །རིན་ཐང་ཆེན་པོ་ཉིད་དུ་འགྱུར། །པ་སངས་ལ་ནི་ཆར་པ་ཆེ། །ལོ་ཏོག་མཐའ་དག་རྣམས་ཀྱང་ངོ་། །བས་ལ་ཕུར་བུ་སྲན་ན་གུ། །སྲན་ལྗང་རྣམས་ཀྱང་འཕེལ་བར་འགྱུར། །མིག་དམར་སྡེའུ་ཆུར་འགྱུར་ཞིང་། །ལྷག་པར་ཐམས་ཅད་ཕུན་སུམ་ཚོགས། །ཆུ་སྟོད་ལ་ནི་མིག་དམར་སོང་། །ཕྱུགས་དང་བྱ་རྣམས་འཚེ་བར་འགྱུར། །ཆུ་སྟོད་ལ་ནི་ཀེ་ཏུ་སོང་། །འབྲུ་རྣམས་ཤིན་ཏུ་དཀོན་པར་འགྱུར། །འཚོ་བྱེད་ཆུ་སྨད་ལ་སོང་ན། །བུ་རམ་རྣམས་ནི་རིན་ཐང་ཆེ། །མིག་དམར་ལ་ནི་ལོ་ཏོག་རིགས། །ཐམས་ཅད་རིན་ཐང་ཆེ་བར་འགྱུར། །བྱི་བཞིན་ཞེས་བྱའི་སྐར་མ་ལ། །གང་ཚེ་གྲིབ་མའི་བུ་ཡོད་ན། །ལོ་ཏོག་ཐམས་ཅད་སྐྱེ་འགྱུར་ཞིང་། །སྐྱ་རྒྱལ་མིག་དམར་དེ་བཞིན་ནོ། །གང་ཚེ་གྲོ་བཞིན་ལ་ཕུར་བུ། །དེ་ཚེ་ཐམས་ཅད་ཕུན་ཚོགས་འགྱུར། །ལྷག་པར་རྒྱལ་པོའི་བུ་རྣམས་འཇིགས། །སྤེན་པར་བུ་རམ་ཤིང་རྣམས་མོད། །སྨིན་དྲུག་དང་ནི་སྣར་མ་ལ། །གང་ཚེ་འཚོ་བྱེད་གནས་པ་ན། །ལོ་ཏོག་རྣམས་ནི་འབྲིང་པོར་འགྱུར། །དེ་ཚེ་ཆར་ཡང་འབྲིང་པོའོ། །

― LT41_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་དང་རི་དྭགས་མགོ་ལ་ནི། །གང་ཚེ་ཕུར་བུ་གནས་གྱུར་ན། །སྐྱ་ཕམ་ཆར་ནི་མེད་པ་དང་། །སྐྱེ་རྒུ་རྣམས་ཀྱང་ཞི་བར་འགྱུར། །གྲེ་དང་དབོ་དང་མེ་བཞི་དང་། །མཆུ་ལའང་གང་ཚེ་ཕུར་བུ་ཡོད། །ཆར་པ་ཆེ་ཞིང་སྐྱ་ཡང་རྒྱལ། །སྐྱེ་རྒུ་རྣམས་ནི་ནད་མེད་འགྱུར། །འཚོ་བྱེད་ནག་པ་ས་རིར་ཡོད། །དེ་ཚེ་སྤྲིན་ཡང་སྣ་ཚོགས་ཏེ། །ལོ་ཏོག་རྣམས་ཀྱང་འགའ་དང་འགར། །སྣ་ཚོགས་སུ་ནི་འགྱུར་བ་ཉིད། །ས་ག་མཛའ་བོ་དག་ལ་ཕུར། །འབྲུ་དང་ཆར་ཡང་འབྲིང་པོའོ། །ལུག་ཏུ་ཕུར་བུ་སྐྱ་རྒྱལ་ཞིང་། །ཆར་པ་ཆེ་ལ་མི་རྣམས་བདེ། །གླང་ལ་ཕུར་བུ་ཆར་པ་ཉུང་། །སྐྱེ་རྒུ་གཟིར་ཞིང་རྣམ་པར་རྩོད། །འཁྲིག་པར་ཕུར་བུ་ཆར་པ་མེད། །སྐྱེ་རྒུ་ཉམས་ཤིང་ངུ་བར་བྱེད། །ཀརྐར་ཕུར་བུ་ཆར་པ་ཆེ། །ཡུལ་རྣམས་འཇིག་ཅིང་རིན་ཐང་ཆེ། །སེང་གེར་ཕུར་བུ་སྐྱ་རྒྱལ་ཞིང་། །ཆར་ཆེ་སྐྱེ་རྒུ་ཐམས་ཅད་བདེ། །བུ་མོར་ཕུར་བུ་ནད་ཀྱིས་འཚེ། །ལོ་ཏོག་སྐྱེ་བའི་སྐྱ་ཕམ་མོ། །སྲང་དུ་ཕུར་བུ་ལོ་ཏོག་ཉུང་། །སྐྱེ་རྒུ་ནད་མནར་འོ་མ་མང་། །སྡིག་པར་ཕུར་བུ་སྐྱ་ཕམ་ཞིང་། །རྒྱལ་པོ་རྐུན་པོ་ཀླུ་ཡིས་འཇིགས། །གཞུ་ལ་ཕུར་བུ་ཆར་པ་བཟང་། །ལོ་ཏོག་དགེ་ཞིང་སྐྱེ་བོ་སྐྱིད། །ཆུ་སྲིན་ཕུར་བུ་སློང་མོ་དཀའ། །རྒྱལ་པོ་འཐབ་ཅིང་ཕྱུགས་རྣམས་ཟད། །བུམ་པར་ཕུར་བུ་སྐྱ་རྒྱལ་ཞིང་། ཁམས་དང་རྩ་བ་རིན་ཐང་ཆེ། །ཉ་ལ་ཕུར་བུ་ལྷོ་ཕྱོགས་ཀྱི། །ཡུལ་དུ་

― LT41_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱ་ཕམ་ཡུལ་གཞན་མིན། །ལུག་ལ་སྤེན་གནས་གུཛྫ་ར། །རབ་གསལ་གླང་ལ་ཨརྦུ་ད། །འཁྲིག་པར་སྣོད་དང་རྩ་བ་ཐང་། །ཉམས་སུ་འཚེ་བ་སྐྱེ་བར་འགྱུར། །ཀརྚར་ཁ་ཆེའི་ཡུལ་གནས་གསོད། །རི་དྭགས་རྒྱལ་པོར་བརྒྱ་བྱིན་བྲེ། །བུ་མོར་དལ་འགྲོ་སྤྱོད་པ་ནི། །མ་ལཱ་བ་རུ་ཟད་པར་བྱེད། །སྲང་དང་སྡིག་པ་གཞུ་རྣམས་ལ། །གལ་ཏེ་དལ་འགྲོའི་སྤྱོད་པ་ན། །དེ་ཚེ་སྤྲིན་ལས་ཆར་མི་འབབ། །ས་ལ་ལོ་ཉེས་གནོད་པས་གཟིར། །སྤེན་པ་ཆུ་སྲིན་བུམ་པ་ལ། །གནས་ཚེ་སྐྱ་རྒྱལ་མང་པོ་སྦྱིན། །ཉ་ལ་འཇིག་རྟེན་ཐམས་ཅད་ནི། །ལོ་ཉེས་པས་ནི་ཟད་པར་འགྱུར། །གཞན་ཡང་ཕུར་བུ་བྱང་སྐར་སྤྱོད། །རྒྱལ་པོ་བདེ་ཞིང་ལོ་ལེགས་ལ། །སྒྱ་རྒྱལ་བཀྲ་ཤིས་ནད་མེད་བདེ། །ལྷོ་སྐར་ལ་ཞུགས་གོང་ལས་ལྡོག །མིག་དམར་གང་སྤྱོད་སྐྱེས་སྐར་ཅན། །ངན་ལ་ལོ་ནད་འགྲོས་འཕོ་བ། །མྱུར་ན་བོད་ལ་མི་བདེ་འོང་། །དབྱར་ལོག་ཆར་མེད་ལོ་སྐམ་ཞིང་། །མཚོན་གྱིས་རྨས་པ་ཕལ་ཆེར་འཆི། །ཡང་ན་ཉི་དང་ལྷན་ཅིག་ཐོག །འཁྱོག་པོར་འགྲོ་ན་མགར་བར་ངན། །གྲེ་ནས་འཁྱོག་ཞུགས་ལོ་ཐོག་ཉམས། །མེ་བཞི་ནག་ནས་འཁྱོག་འགྲོ་ན། །སེང་གེ་རི་དྭགས་དུག་སྦྲུལ་གནོད། །ས་ག་ལྷ་མཚམས་འཁྱོག་འགྲོ་ན། །མཁལ་རྐེད་ནད་འབྱུང་སྦྲུལ་ལ་འཚེ། །ལྡེ་གུ་སོག་པར་ཕྱིར་ལོག་ན། །ཆར་མེད་རྐུན་པོའི་འཇིགས་པ་འབྱུང་། །གྲོ་བཞིན་ཉིད་

― LT41_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དམག་དཔོན་ལག །འདོད་ཁམས་མན་ཆད་ཀུན་ལ་ངན། །ཡང་ན་ཉི་མར་གྲོ་བཞིན་གནས། །མིག་དམར་རྒྱལ་ཡོད་རྒྱལ་པོར་ངན། །མཆུ་ནས་འགྲོས་འགྱུར་པཎྜི་ཏ། །རྒྱལ་པོའི་ཚོགས་ལ་གནོད་པ་སྟེ། །མཆུ་ནས་ས་གའི་མཚམས་འགྱུར་ན། །མུ་གེའི་འཇིགས་པ་ཆེན་པོ་འགྱུང་། །བི་རྫིང་འགྲོས་འགྱུར་ཆར་མི་འབབ། །ལྡེ་གུར་ཕྱིར་ལོག་རྒྱལ་པོ་འཇིགས། །འཁྱོག་འགྲོས་དམུ་ནས་ཕྱིར་ལོག་ན། །རྒྱལ་པོ་འཆི་བའི་མཚན་མ་ཡིན། །སྣར་མར་དལ་འགྲོས་མུ་གེ་འོང་། །སྣར་མ་སྣྲོན་སྣྲུབས་དབོ་ཆུ་སྨད། །ཁྲུམས་སྨད་གྲོ་བཞིན་གནས་པ་ན། །ཆར་མེད་ནབས་སོ་མེ་བཞི་སྣྲུབས། །ཁྲུམས་སྟོད་སྣར་མར་མྱུར་འགྲོས་བཟང་། །ཁྱད་པར་སྨིན་དྲུག་སྐག་གི་བར། །རང་སྟོབས་ཆེ་ལ་གནས་པ་ན། །རྒྱལ་པོ་འབངས་དང་བཅས་པ་བདེ། །ལྷག་པ་ཕྱིར་ལོག་ཆར་ཆེན་ནམ། །ཡང་ན་ཆར་མེད་མུ་གེ་འབྱུང་། །ལོག་འགྲོ་སྐར་མར་ཆར་མི་འབེབས། །གྲོ་བཞིན་མོན་གྲེ་སྣར་མ་མགོ། །ཆུ་སྨད་ལྷ་མཚམས་འཁྱོག་པོར་འགྲོ། །ཆར་བབས་ཆུས་འཇིགས་མུ་གེ་འོང་། །ལག་ནས་མཆུའི་བར་འགྲོ་གྱུར་ན། །འཐབ་རྩོད་མུ་གེ་ནད་ཆར་དཀོན། །གོ་རིམ་སེམས་ཅན་སྡུག་བསྔལ་བྱེད། །འཁྱོག་པོར་འགྲོ་ན་སེམས་ཅན་གནོད། །དེ་བཞིན་མེ་བཞི་སྣྲོན་གྱི་པར། །སྐར་དྲུག་བ་ལང་རྣམས་ལ་གནོད། །ཏིལ་ལ་སོགས་པའི་

― LT41_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་མར་དང་། །འབྲས་བུ་དཀོན་པར་འགྱུར་བ་ཡིན། །སྤྲང་སོགས་རོ་ཉམས་ལོ་ཞེལ་ལོ། །བྲ་ཉེ་སྨིན་དབོ་ཁྲུམས་སྨད་ལ། །འཁྱོག་འགྲོས་སྤྱོད་ན་སེམས་ཅན་ཉམས། །ཐ་སྐར་མོན་གྲེ་སྣུབས་ཕྱིར་ལོག །ཚོང་སྨན་པ་ཀླུ་ཁམ་ན་དང་། །ཆུ་ལ་གནས་པའི་སེམས་ཅན་རྣམས། །གྲེ་སྒྲོག་ཆུ་སྟོད་ཁྲུམས་སྟོད་ཀྱིས། །སྐར་མའི་མཚམས་ཕྱེད་ནས་ལོག་ན། །གོ་རིམ་བཞིན་དུ་མུ་གེ་དང་། །འཐབ་རྩོད་རྐུན་བོ་ནད་ཀྱིས་འཇིགས། །ས་རི་བྲ་ཉེ་སྨིན་དྲུག་སྣར། །དེར་སྤྱོད་ནད་མེད་ཆར་ལོ་ལེགས། །ལག་མཆུ་སྐག་གྲེ་ནབས་སོ་དབོ། །སྤྱོད་དུས་ནད་འོང་ལོ་ཆར་འབྲིང་། ༈ །དེ་ཡང་རྒྱལ་པོའི་སྐྱེས་སྐར་སྟེང་། །མཇུག་རིང་ཟླ་བ་འཛོམ་པ་ན། །རྒྱལ་པོ་ཕན་ཚུན་འཐབ་པ་སྟེ། །མཐར་ནི་དེ་ཉིད་འཇིག་པར་འགྱུར། །སྣར་མ་དང་ནི་སྨིན་དྲུག་ལ། །སྤེན་པ་ཤར་ན་གནོད་པ་ཆེ། །མཆུ་དང་གྲེ་ལ་ཟླ་བ་དང་། །པ་སངས་འཛོམ་ན་ལོ་ཐོག་འཛོམ། །ཕུར་བུ་དང་ནི་པ་ཝ་སངས། ཁ་དོག་དམར་ན་ཡུལ་དེ་འཇིགས། །རྒྱལ་གྱི་སྟེང་དུ་མཇུག་རིང་ཤར། །ཕྱོགས་བཞི་ནས་ནི་དམག་འབྱུང་ངོ། །ཕུར་བུ་དང་ནི་མིག་དམར་དག །གྲོ་བཞིན་སྟེང་དུ་འཛོམ་བ་ན། །ལོ་གསུམ་ནང་དུ་འཇིག་པ་འབྱུང་། །ཕུར་སྤེན་ས་གའི་སྟེང་འཛོམ་ན། །འཐབ་ཅིང་འཆི་བའི་འཇིགས་པ་འབྱུང་། །གཞན་རྣམས་འབྲས་བུ་བཏང་སྙོམས་སོ། ༈ །གཞན་ཡང་ཕྱིར་

― LT41_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག་ལ་སོགས་པའི། །འབྲས་བུ་འགའ་ཞིག་བརྗོད་པར་བྱ། །མིག་དམར་ཁྱིམ་གཅིག་བསྡད་པའམ། །གལ་ཏེ་ཕྱིར་ནི་ལོག་པ་ན། །མི་དང་ར་ལུག་འཆི་འགྱུར་ཞིང་། །ནད་ཡམས་དམག་འཁྲུགས་ཆེན་པོ་འབྱུང་། །ལྷག་པ་ཕྱིར་ལོག་ཆར་མི་འབབ། །ནད་འཁྲུགས་མུ་གེའི་འཇིགས་པ་ཆེ། །སྤྲིན་རྣམས་སར་འབྱར་མུན་ནག་འབྱུང་། །ཕུར་བུ་ཕྱིར་ལོག་ནད་མཚོན་དང་། །མུ་གེའི་འཇིགས་པ་འབྱུང་བར་བཤད། །པ་སངས་ཁྱིམ་གཅིག་བསྡད་ན་ཡང་། །དགྲ་མང་མེས་འཇིགས་རྩྭ་ཤིང་སྐམ། །བུད་མེད་ནད་འབྱུང་བུ་ཡང་འཆོར། །གལ་ཏེ་ཕྱིར་ལོག་སྐྲན་འབྲས་དང་། །གཉན་སོགས་ནད་ཡམས་མུ་གེ་འབྱུང་། །ཁྱད་པར་རྒྱལ་བློན་རྣམས་ལ་ངན། །སྤེན་པ་ཕྱིར་ལོག་གླང་ཆེན་དང་། །མ་ཧེ་ཕག་དང་སྤྲེའུ་ལ། །ནད་ཀྱི་འཇིགས་པ་ཆེན་པོ་འབྱུང་། །ཟླ་བ་ཕྱེད་དང་གཉིས་ཀྱི་བར། །མི་ཕྱུགས་ནད་དང་འཆི་བས་མནར། །གླིང་བཞིའི་སེམས་ཅན་རྣམས་ལ་ངན། །པ་སངས་ཕུར་བུ་ཁྱིམ་གཅིག་ཏུ། །ཚོགས་ན་ཆར་དང་འཁྲུགས་པ་འོང་། །སྤེན་པ་སྒྲ་གཅན་སྐར་མ་ནི། །གཅིག་གི་སྟེང་ཚོགས་འཁྲུགས་རྩོད་དང་། །སྐྲན་དང་ནད་ཡམས་མུ་གེ་འབྱུང་། །ཡུལ་ཆེན་དྲུག་ཏུ་ནད་ཡམས་འབྱུང་། །ཆུ་བོ་ཆེན་པོ་འབྲི་ཆད་དང་། །སྟག་གཟིག་ཁ་ཆེའི་ཡུལ་རྣམས་སུ། །ནད་ཡམས་ཆེན་པོ་འབྱུང་བར་

― LT41_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད། །ཞུགས་ཚེ་ཆར་དང་རླུང་འཚུབས་གཡོ། །དེ་ཡང་ལུག་དང་ཀརྚ་གཞུ། །གསུམ་ལ་ཉི་མ་ཡོད་པ་དང་། །ལྷན་ཅིག་གནས་ན་ཞོ་ལ་ངན། །རྩྭ་ཤིང་མེ་ཏོག་སྐམ་པ་དང་། །བུད་མེད་ལ་ལུག་བུ་ཚ་འཆོར། །སེང་གེ་བུ་མོ་སྲང་གསུམ་ལ། །ཉི་སངས་ལྷག་ཕུར་བཞི་འཛོམ་ན། །རྒྱལ་པོའི་ཆད་པས་སྲོག་འཕྲོག་མང་། །བྲ་ཉེ་ལ་ཚོགས་རླུང་འཚུབས་འོང་། །དབོ་ལ་ཆར་ཆེ་སྐག་ལོ་ལེགས། ༈ །དྲང་སྲོང་པ་སངས་ཕུར་བུ་གཉིས། །ཁྱིམ་གྱི་བདུན་ཟུང་སོང་བ་ན། །ནད་དང་རྐུན་པོའི་འཇིགས་པ་དང་། །ཆར་པ་མེད་ཅིང་ལྷག་སྤེན་གཉིས། །བ་ཝ་སངས་ཀྱིས་བདུན་སྤྱོད་པ། །ཡི་དྭགས་ཀླུ་གནོད་རླུང་ཆེན་ལྡང་། །མཛའ་བོ་གསོད་ཅིང་བྲམ་ཟེ་དང་། །དགེ་སློང་ཆོས་སྤྱོད་ཉམས་པ་དང་། །ཆར་དཀོན་ཐོག་གློག་འབབ་པར་བྱེད། །སྤེན་པ་གཅིག་པུས་ཀླ་ཀློ་དང་། །བྱི་ལ་གླང་ཆེན་བོང་བུ་དང་། །མ་ཧེ་འབྲས་དམར་ཕག་མི་ཤ །བཟའ་བའི་ཡུལ་པ་རྣམས་ལ་ངན། །མིག་དམར་ཡོད་ན་འཁྲུགས་པ་དང་། །མེ་ཡིས་འཇིག་པ་འོང་བ་ཡིན། །ཆར་མེད་རྐུན་པོ་འབྱུང་བའོ། །ཕུར་བུ་ཡོད་ན་རྩ་བ་དང་། །འབྲས་བུ་དཀར་པོ་ཅན་རྣམས་ཉམས། །ལྷ་དང་བྲམ་ཟེ་བ་ལང་ངན། །ཤར་ཕྱོགས་པར་གནོད་ཐོག་གློག་དང་། །ལྐོག་མའི་ནད་དང་ལོ་ལེགས་འབྱུང་། །ལྷག་པ་ཡོད་ན་ཆར་པ་ཆེ། །སོས་ཀ་སྨིན་པའི་ལོ་ཐོག་ལེགས། །མཁྲིས་པའི་ནད་

― LT41_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡང་བཙུན་པ་དང་། །བྲམ་ཟེ་སྨན་པ་རྟ་དྲེའུ། །བ་ལང་གར་མཁན་རྒྱལ་པོ་དང་། །མདོག་སེར་ཅན་གྱི་རྩ་བ་དང་། །འབྲས་བུ་ཉམས་ཤིང་ངན་པར་བསྟན། ༈ །ཟླ་བཤད་རྒྱས་པར་བཀོད་སྤྲོ་ན། །མཚུར་ཕུ་འཇམ་དབྱངས་གསུང་བཞིན་སྤྲོས། །ཟླ་ཁམས་གང་ཡིན་བལྟ་བའི་ཚུལ། །ནག་རྩིས་བོད་དུ་ཡོད་པ་ལས། །གནམ་ལོ་མ་ལ་ཟླ་བ་བུར། །གསུངས་ཕྱིར་དཔྱིད་ར་སྟག་ནས་བརྩམས། ཁམས་རེར་ཟླ་བ་གཉིས་རེ་སྦྱར། །ཟླ་བ་ཆེ་ཆུང་ཞག་སུམ་ཅུར། །ལོངས་ན་ཆེ་བ་དེ་མིན་ཆུང་། །གནམ་ལོ་གང་ཤར་དེ་ཉིད་ནས། །ཡར་བཞི་མར་བཞི་ནག་པ་སྟེ། །ར་བ་བཞི་ཡི་སྟོད་ནག་ཅིང་། །འབྲིང་སྒང་ཐ་ཆུང་བཞིའི་སྨད་ནག །དེ་ཡང་དཔེར་ན་གནམ་ལོ་ནི། །སྟག་ཤར་ཕག་སྦྲུལ་ཟླ་བ་གཉིས། །ནག་ཅིང་ཁྱད་པར་སྟོད་ནག་གོ། །ཟླ་བདག་ཉི་ཁྱིམ་སླེབས་ཉིན་གྱི། །གྲུབ་པའི་གཟའ་འམ་ཡང་ན་ནི། །དབང་ཕྱུག་བཞེངས་བཞུགས་བརྟགས་ཚུལ་ནི། །སྔར་གྱི་ཁྱིམ་འཕོའི་གཟའ་དེ་ཡང་། །ཉི་མ་ལུག་སོགས་ཁྱིམ་བཅུ་གཉིས། །སོ་སོར་འཕོ་བའི་ཐོག་མ་ཡི། །ཚེས་དེའི་རེས་གཟའི་ལོངས་སྤྱོད་གཉིས། །ཕན་ཚུན་མང་ཉུང་བརྟགས་བྱས་ནས། །ཚེས་ཀྱི་གཟའ་མང་བཞེངས་ཏེ་མཇལ། །ཆར་ཆུ་དུས་བབས་མུ་གེ་མེད། །རྒྱལ་པོ་ཀུན་དགེ་འཁྲུགས་པ་མེད། །དགེ་སྟོབས་འཕེལ་ཞིང་སེམས་ཅན་སྐྱིད། །ལེགས་པ་ཕུན་སུམ་

― LT41_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་པའོ། །མཉམ་ན་གཟིམས་ཏེ་མཇལ་བས་ན། །རྐུན་མ་མང་དང་ས་འགུལ་དང་། །རླུང་ཆེན་ལྡང་ཞིང་དབྱར་ཡིན་ན། །ཐོག་གིས་མི་འཆི་རྒྱལ་པོ་འཐབ། །འཁྲུགས་པ་འོང་ཞིང་ཆད་པའང་ཕོག །ཁྱིམ་གྱི་གཟའ་མང་བཞུགས་ཏེ་མཐལ། །སེམས་ཅན་སྡུག་བསྔལ་བློ་མི་བདེ། །ནད་འཇིགས་འཁྲུགས་འོང་ཤི་བ་མང་། །སྟོབས་འཆོར་ཡུགས་དང་མཛའ་བོ་འཐབ། །ཅི་ཙམ་ཟོས་ཀྱང་འགྲངས་མི་འགྱུར། །བཅུ་གཉིས་ཀུན་ལ་སྡིག་གཟའ་ཡོད། །ལོ་དེ་ཧྲིལ་ལ་ཤིན་ཏུ་རྩུབ། །འདྲེས་མས་ཐད་ཀའི་ཟླ་བར་བརྟགས། །བསོད་ནམས་གཟའ་ཤར་ཤིན་ཏུ་དགེ། །ཉི་མའི་ལྷ་ནི་དྲག་མོ་ཡིན། །དམངས་རིགས་ཚོང་པ་ཐམས་ཅད་བདེ། །ཟླ་བ་བྱ་རོག་མས་རྗེའུ་རིགས། །བཀྲ་ཤིས་བསུས་མོ་ཆེས་རྔོན་པ། །ལྷག་པ་གངྒཱ་མས་རྒྱལ་པོ། །ཕུར་བུ་དར་མས་བྲམ་ཟེའི་རིགས། །པ་སངས་སྣ་ཚོགས་མདོག་མས་ཕྱུག །སྤེན་པ་སྲིན་མོས་གདོལ་བ་དང་། །རྟ་བོང་ཐམས་ཅད་བདེ་བར་བྱེད། །ཅེས་ཏེ་དབྱངས་འཆར་རྒྱུད་ལས་བཤད། །ཉི་མ་ཁྱིམ་གནས་དང་བསྟུན་ཏེ། །དགུག་ལ་ལུག་སྡིག་དབང་གླང་སྲང་། །རྒྱས་འཁྲིག་བུ་མོ་ཞི་ཉར་སེང་། །བསད་བུམ་ཆུ་སྲིན་བསྐྲད་གཞུ་ཉ། །ལས་འདི་རྣམས་ལ་སོ་སོར་བསྔགས། ༈ །ཟླ་བ་གང་དང་གང་ལ་ཡང་། །ཉི་མའི་རེས་གཟའ་ལན་ལྔར་གྱུར། །རྒྱལ་པོ་འཇོམས་ཤིང་ལོ་ཉེས་དང་། །

― LT41_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་པ་ཆེན་པོ་འབྱུང་བར་འགྱུར། །ཟླ་བའི་རེས་གཟའ་ལན་ལྔར་འགྱུར། །འབྲུ་ནོར་ཕུན་ཚོགས་བདེ་ཞིང་སྐྱིད། །མིག་དམར་ལྔ་སྤྱོད་འཁྲུགས་པ་འབྱུང་། །དེ་ཚེ་གདུགས་ནི་འཇོམས་པར་འགྱུར། །ལྷག་པའི་རེས་གཟའ་སྐྱེ་རྒུ་ཀུན། །བདེ་ཞིང་སྐྱ་ཡང་རྒྱལ་བར་འགྱུར། །ཕུར་བུ་ལྔ་སྤྱོད་ནུབ་ཕྱོགས་སུ། །རྩོད་ཅིང་རལ་གྲིའི་འཐབ་མོ་འབྱུང་། །པ་སངས་ལན་ལྔ་སྤྱོད་པ་ན། །སྐྱེས་བུ་འཕེལ་ཞིང་སྐྱ་རྒྱལ་བདེ། །སྤེན་པ་རེས་ལྔ་ས་གཡོས་འབྱུང་། །དབང་ལྡན་ཡུལ་འཇིགས་མེ་ཡིས་བསྲེགས། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་མཆུ་ཟླ་བ་དུས་ཚིགས་དགུན་སྨད་ཀྱི་ཟླ་བ་སྔ་མ་བུམ་པའི་ཁྱིམ། བུམ་སྟོང་ནུབ། །བསད་ལས་འགྲུབ། ཟླ་བདག །རེས་གཟའ་ལྔ་སྤྱོད། ལྷ་ཆེན་ཡབ་ཡུམ་བཞེངས་བཞུགས་བཅས་བལྟ། མ་ཧཱ་ཙི་ནའི་ལུགས་ཀྱི་ཟླ་བ་དང་པོ་དཔྱིད་རབ། ཟླ་གདོང་བལྟ། ཡལ་ག་སྟག །རྒྱ་བོད་ཀྱི་ཚེས་མཚམས། ཟླ་བ་ཆེ་ཆུང་། ཟླ་སྨེ་རྣམས་བལྟ། །ཉེར་གསུམ་ལ་ཕྱི་སྐྱོར། གནམ་ལམ་ལྷོ། །ཡས་ལམ་ལྷོ་ནུབ། ཐྱན་ཏས་མེ་མོ། ཐྱན་ཧོང་ཆུ་ཕོ། ཡྭད་གཡན་ཁྱི། ཡྭད་ཤ་གླང་། ཡྭད་ཏས་མེ་ཕོ། ཡྭད་ཧོང་ལྕགས་མོ། ཡྭད་ཁོང་ཆུ་ཕོ། ཕྱི་མ་དེ་གསུམ་ལ་ཁང་ལས་སོགས་བཟང་། དཔྱིད་རའི་དུས་རྟགས་རྣམས་ཀྱང་སྦྱར། ཚེས་རྣམས་ལ་ཀླུ་ཐེབས། ཚེས་ལ་བཟློག །གཅིག་

― LT41_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཅོ་ལྔའི་བར་ཆོ་འཕྲུལ་ཆེན་པོ་བསྟན་པའི་དུས་མཆོད་གཉན་ཡོད་ན་དར། བརྒྱད་ལ་མཐོང་བ་དོན་ལྡན། བཅུ་ལ་ངོམ་པ་རྣམ་རྒྱལ། བཅུ་བཞི་ལ་དྲུང་ཀུན་དགའ་རྣམ་རྒྱལ། རྗེ་མི་ལ་རས་པ། བཅོ་ལྔ་ལ་མངའ་བདག་མར་པ་ལོ་ཙཱ། ཀརྨ་པ་ཆོས་གྲགས་རྒྱ་མཚོ། ཉི་ཤུར་ཏྲེ་ཧོ་ཆོས་ཀྱི་དབང་པོ། ཉེར་བཞི་ལ་བདུད་འདུལ་རྡོ་རྗེ། ཉེར་བརྒྱད་ལ་དབང་ཕྱུག་རྡོ་རྗེ་བཅས་ཀྱི་དུས་ཆེན། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་དབོ་ཟླ་བ་དུས་ཚིགས་དགུན་སྨད་ཀྱི་ཟླ་བ་ཕྱི་མ་ཉའི་ཁྱིམ། བུམ་སྟོང་བྱང་། བསྐྲད་ལས་འགྲུབ། ཟླ་བདག །ལྔ་སྤྱོད། བཞེངས་བཞུགས་རྣམས་བལྟ། མ་ཧཱ་ཙི་ནའི་ལུགས་ཀྱི་ཟླ་བ་གཉིས་པ་ཡོས་ཟླ། ཟླ་ཁམས། ཚེས་མཚམས། ཆེ་ཆུང་། སྨེ་བ་རྣམས་བལྟ། གནམ་ལམ་ལྷོ་ནུབ། ཡས་ལམ་ནུབ་བྱང་། ཐྱན་ཏས་སྤྲེལ། ཐྱན་ཧོང་སྦྲུལ། ཡྭད་གཡན་བྱ། ཡྭད་ཤ་ཁྱི། ཡྭད་ཏས་ཤིང་ཕོ། ཡྭད་ཧོང་ས་མོ། ཡྭད་ཁོང་ལྕགས་མོ། ཕྱི་མ་གསུམ་ལ་ཁང་ལས་སོགས་བཟང་། དཔྱིད་འབྲིང་པོའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་བཟློག །ཉེར་གསུམ་གྲགས་པ་མཆོག་དབྱངས། ཉེར་ལྔར་ཀུན་མཁྱེན་བསྟན་པའི་ཉིན་བྱེད། རིག་འཛིན་ཚེ་དབང་ནོར་བུ། བཀའ་བརྒྱུད་ཕྲིན་ལས་ཤིང་རྟ། ཉེར་བདུན་ཡེ་ཤེས་སྙིང་པོ། ཉེར་བརྒྱད་ལ་གསང་བདག་ཏཱར་ནཱ་ཐ། གནམ་སྟོང་ལ་རྗེ་རས་ཆུང་པ་མཁའ་

― LT41_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་གཤེགས་དུས་བཅས་ཀྱི་དུས་ཆེན། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་ལོའི་དང་པོ་ནག་པ་ཟླ་བ། དུས་ཚིགས་དཔྱིད་སྔ་མ་ལུག་གི་ཁྱིམ། བུམ་སྟོང་ཤར། དགུག་ལས་འགྲུབ། ཟླ་བདག །ལྔ་སྤྱོད། བཞེངས་བཞུགས་སོགས་བལྟ། མ་ཧཱ་ཙི་ནའི་ལུགས་ཀྱི་ཟླ་བ་གསུམ་པ་འབྲུག །ཟླ་ཁམས། ཚེས་མཚམས། ཆེ་ཆུང་། སྨེ་བ་རྣམས་བལྟ། གནམ་ལམ་བྱང་། ཡས་ལམ་བྱང་ཤར། ཐྱན་ཏས་ཆུ་ཕོ། ཐྱན་ཧོང་མེ་ཕོ། ཐྱད་གཡན་སྤྲེལ། ཡྭད་ཤ་ལུག །ཡད་ཏས་ཆུ་ཕོ། ཡྭད་ཧོང་མེ་མོ། ཡད་ཁོང་མེ་ཕོ། མེ་ཕོ་མེ་མོ་ཆུ་ཕོ་གསུམ་ལ་ཁང་ལས་ས་རྐོ་བཟང་། དཔྱིད་ཐ་མའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་ཀླུ་བཟློག །བཅོ་ལྔ་ལ་འབྲས་སྦུངས་སུ་དུས་འཁོར་རྩ་རྒྱུད་གསུངས་པའི་དུས་མཆོད་ཤམྦྷ་ལར་དར། བཅུ་དགུ་ལ་ཞྭ་དམར་གྲགས་པ་སེང་གེའི་དུས་ཆེན་བཅས། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་ས་ག་ཟླ་བ། དུས་ཚིགས་དཔྱིད་ཕྱི་མ་གླང་གི་ཁྱིམ། དབང་གི་ལས་འགྲུབ། བུམ་སྟོང་ལྷོ། ཟླ་བདག །བཞེངས་བཞུགས། ལྔ་སྤྱོད་རྣམས་པ་ལྟ། མ་ཧཱ་ཙི་ནའི་ལུགས་ཀྱི་ཟླ་བ་བཞི་པ་སྦྲུལ་ཟླ། ཟླ་ཁམས། ཆོས་མཚམས། ཆེ་ཆུང་། སྨེ་བ་བཅས་བལྟ། གནམ་ལམ་ནུབ། ཡས་ལམ་ཤར་ལྷོ། ཐྱན་ཏས་ལྕགས་མོ། ཐྱན་ཧོང་མེ་ཕོ། ཡྭད་གཡན་

― LT41_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ལུག །ཡྭད་ཤ་འབྲུག །ཡྭད་ཏས་ལྕགས་ཕོ། །ཡྭད་ཧོང་ཤིང་མོ། ཡྭད་ཤིང་ཕོ། ཤིང་ཕོ་ལྕགས་ཕོ་ལྕགས་མོ་གསུམ་ལ་ཁང་ལས་རུང་། དབྱར་ར་བའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་བཟློག །བརྒྱད་ལ་རྒྱལ་བ་སྐུ་བལྟམས་པའི་དུས་མཆོད་སེར་སྐྱར་དར། རྒྱལ་སྲས་སྦོམ་བྲག་པ། བཅོ་ལྔར་སངས་རྒྱས་པ་དང་། མྱ་ངན་ལས་འདས་པའི་དུས་མཆོད་གཉིས་རིམ་བཞིན་རྡོ་རྗེ་གདན་དང་། རྩྭ་ཅན་དུ་དར། ཉེར་ལྔར་ཕག་གྲུ་རྡོ་རྗེ་རྒྱལ་པོ། འབྲི་གུང་འཇིག་རྟེན་གསུམ་མགོན། འགྲོ་མགོན་རས་པ་ཆེན་པོའི་དུས་ཆེན་བཅས། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་སྣྲོན་ཟླ་བ། དུས་ཚིགས་སོས་ཀའི་ཟླ་བ་སྔ་མ་འཁྲིག་པའི་ཁྱིམ། རྒྱས་ལས་འགྲུབ། བུམ་སྟོང་ནུབ། ཟླ་བདག །བཞེངས་བཞུགས། ལྔར་སྤྱོད་རྣམས་བལྟ། མ་ཧཱ་ཙཱི་ནའི་ལུགས་ཀྱི་ཟླ་བ་ལྔ་པ་རྟ་ཟླ་བ། ཟླ་ཁམས། ཚེས་མཚམས། ཆེ་ཆུང་། སྨེ་བ་རྣམས་བལྟ། གནམ་ལམ་བྱང་། ཡས་ལམ་ནུབ་བྱང་། ཐྱན་ཏས་ཕག །ཐྱན་ཧོང་སྟག །ཡྭད་གཡན་རྟ། ཡྭད་ཤ་གླང་། ཡྭད་ཏས་མེ་ཕོ། ཡྭད་ཧོང་ལྕགས་མོ། ཡྭད་ཁོང་ཆུ་ཕོ། མེ་ཕོ་ལུགས་མོ་ཆུ་ཕོ་གསུམ་ལ་ཁང་ལས་རུང་། ཉི་དག །འདི་ལྟར་ཤར་དུས་བོད་གངས་ཅན་འདིར་བྱང་བགྲོད་མཐར་ཐུག་དབྱར་ཉི་མ་ལྡོག །དབྱར་འབྲིང་པོའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་

― LT41_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག །བཞི་ལ་ཞྭ་དམར་ཆོས་དཔལ་ཡེ་ཤེས། བདུན་ལ་སྐྱབས་མགོན་རྡོ་རྗེ་འཆང་པདྨ་ཉིན་བྱེད་དབང་པོ། བཅོ་ལྔར་གྲགས་པ་དོན་གྲུབ་བཅས་ཀྱི་དུས་ཆེན། སྔ་འགྱུར་བསྟན་པའི་ཤིང་རྟ་མངའ་རི་པ་ཆེན་སྐུ་མཆེད། སྨིན་གླིང་སྐུ་མཆེད་རྣམས་དང་། ཀུན་མཁྱེན་ཕུག་པ་བ་བཅས་ཀྱིས་སྤྲེལ་ཟླ་འཆུག་མེད་དུ་བཞེད། ༈ །ཟླ་བ་འདི་འཕགས་ཡུལ་བ་སྤྱིའི་ལུགས་ཀྱི་ཆུ་སྟོད་ཟླ་བ། དུས་ཚིགས་སོས་ཀའི་ཟླ་བ་ཕྱི་མ་ཀརྐ་ཊའི་ཁྱིམ། ཞི་ལས་འགྲུབ། བུམ་སྟོང་བྱང་། ཟླ་བདག །བཞེངས་བཞུགས། ལྔར་སྤྱོད་རྣམས་བལྟ། མ་ཧཱ་ཙི་ནའི་ལུགས་ཀྱི་ཟླ་བ་དྲུག་གི་ཟླ་བ། ཟླ་ཁམས། ཚེས་མཚམས། ཆེ་ཆུང་། སྨེ་བ་བཅས་བལྟ། གནམ་ལམ་ཤར། ཡས་ལམ་ནུབ། ཐྱན་ཏས་ཤིང་ཕོ། ཐྱན་ཧོང་ས་མོ། ཡྭད་གཡན་སྤྲུལ། ཡྭད་ཤ་ཁྱི། ཡྭད་ཏས་ཤིང་ཕོ། ཡྭད་ཧོང་ས་མོ། ཡྭད་ཁོང་ལྕགས་ཕོ། ཤིང་ཕོ་ས་མོ་ལྕགས་ཕོ་གསུམ་ལ་ཁང་ལས་སོགས་རུང་། དབྱར་ཐ་མའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་བཟློག །བཞི་ལ་རྒྱལ་བས་ཆོས་འཁོར་བསྐོར་བའི་དུས་མཆོད་ཝཱ་ར་་སིར་འཛིན། བཅུ་བཞིར་རང་བྱུང་ཞབས། བཅོ་ལྔར་ཡེ་ཤེས་རྡོ་རྗེ། ཟླ་འོད་གཞོན་ནུ། བཅོམ་ལྡན་འདས་ལྷུམས་སུ་ཞུགས་པ། ཉེར་གཉིས་ལ་བུ་སྟོན་ཐམས་ཅད་མཁྱེན་པ་རིན་ཆེན་གྲུབ་ཀྱི་དུས་ཆེན་བཅས། བླ་མ་

― LT41_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་འདུས་སྐར་མཛོད་ཀྱི་རྗེས་འབྲང་ཆགས་མེད་རིན་པོ་ཆེ། ཀུན་མཁྱེན་བསྟན་པའི་ཉིན་བྱེད་སོགས་ཀྱིས་སྤྲེལ་ཟླར་བཞེད། ༈ །ཟླ་བ་འདིར་འཕགས་ཡུལ་སྤྱིའི་ལུགས་ཀྱི་གྲོ་བཞིན་ཟླ་བ། དུས་ཚིགས་དབྱར་སྔ་མ་སེང་གེའི་ཁྱིམ། ཞི་ལས་བཟང་། བུམ་སྟོང་ཤར། ཟླ་བདག །བཞེངས་བཞུགས། ལྔར་སྤྱོད་སོགས་བལྟ། མ་ཧཱ་ཙཱི་ནའི་ལུགས་ཀྱི་ཟླ་བ་བདུན་པ་སྤྲེལ་ཟླ། ཟླ་ཁམས། ཚེས་མཚམས། ཆེ་ཆུང་། སྨེ་བ་རྣམས་བལྟ། གནམ་ལམ་བྱང་། ཡས་ལམ་བྱང་ཤར། ཐྱན་ཏས་ཆུ་མོ། ཐྱན་ཧོང་ས་ཕོ། ཡྭད་གཡན་འབྲུག །ཡྭད་ཤ་འབྲུག །ཡྭད་ཏས་ཆུ་ཕོ། ཡྭད་ཧོང་མེ་མོ། ཡྭད་ཁོང་མེ་ཕོ། ཕྱི་མ་དེ་གསུམ་ལ་ཁང་ལས་སོགས་དགེ། འདི་དང་ཕྱི་མར་བྱེད་པའི་ཉི་དག་སྐར་མ་དྲག་པོ། ཆུ་ཚོད་རྒྱ་མཚོ་ཤར་དུས་རྀ་བྱི་འཆར། སྟོན་ར་བའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་བཟློག །ལྔ་ལ་དཔའ་བོ་ཆོས་དབང་ལྷུན་གྲུབ། བཅོ་ལྔར་ཀརྨ་པ་རོལ་པའི་རྡོ་རྗེ། ཉེར་གསུམ་དཀོན་མཆོག་ཡན་ལག །ཉེར་དགུར་མཁའ་སྤྱོད་དབང་མོའི་དུས་ཆེན་བཅས། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་ཁྲུམས་སྟོད་ཟླ་བ། དུས་ཚིགས་དབྱར་ཕྱི་མ་བུ་མོའི་ཁྱིམ། རྒྱས་པའི་ལས་འགྲུབ། བུམ་སྟོང་ལྷོ། ཟླ་བདག །བཞེངས་བཞུགས། ལྔར་སྤྱོད་བཅས་བལྟ། མ་ཧཱ་ཙཱི་ནའི་ལུགས་ཀྱི་ཟླ་བ་བརྒྱད་

― LT41_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བྱ་ཟླ། ཟླ་ཁམས། ཆེ་ཆུང་། ཚེས་མཚམས། སྨེ་བ་རྣམས་བལྟ། གནམ་ལམ་བྱང་ཤར། ཡས་ལམ་ཤར་ལྷོ། ཐྱན་ཏས་རྟ། ཐྱན་ཧོང་ཕག །ཡྭད་གཡན་ཡོས། ཡྭད་ཤ་འབྲུག །ཡྭད་ཏས་ལྕགས་ཕོ། ཡྭད་ཧོང་ཤིང་མོ། ཡྭད་ཁོང་ཤིང་ཕོ། ཕྱི་མ་གསུམ་ལ་ས་བརྐོ་བ་སོགས་བཟང་། སྟོན་ར་བའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་བཟློག །བཅོ་ལྔར་ཀརྨ་པ་དེ་བཞིན་གཤེགས་པ། ཉི་ཤུར་ཨོ་རྒྱན་པ། ཉེར་གསུམ་རྒྱལ་བའི་དབང་པོ་མི་བསྐྱོད་རྡོ་རྗེའི་དུས་ཆེན་བཅས། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་ཐ་སྐར་ཟླ་བ། དུས་ཚིགས་སྟོན་སྔ་མ་སྲང་གི་ཁྱིམ། དབང་གི་ལས་འགྲུབ། བུམ་སྟོང་ནུབ། ཟླ་བདག །བཞེངས་བཞུགས། ལྔར་སྤྱོད་རྣམས་བལྟ། མ་ཧཱ་ཙཱི་ནའི་ལུགས་ཀྱི་ཟླ་བ་དགུ་པ་ཁྱིའི་ཟླ་བ། ཟླ་ཁམས། ཆེ་ཆུང་། ཚེས་མཚམས། སྨེ་བ་བཅས་བལྟ། གནམ་ལམ་ལྷོ། ཡས་ལམ་ནུབ་བྱང་། ཐྱན་ཏས་མེ་ཕོ། ཐྱན་ཧོང་ལྕགས་མོ། ཡྭད་གཡན་སྟག །ཡྭད་ཤ་གླང་། ཡྭད་ཏས་མེ་ཕོ། ཡྭད་ཧོང་ལྕགས་མོ། ཡྭད་ཁོང་ཆུ་ཕོ། ཕྱི་མ་དེ་གསུམ་ལ་ཁང་ལས་སོགས་རུང་། སྟོན་ཐ་ཆུང་གི་དུས་རྟགས་རྣམས་ཀྱང་སྦྱར། ཚེས་ལ་ཀླུ་ཐེབས། ཚེས་ལ་བཟློག །བཞི་ལ་གྲུབ་ཆེན་པཀྴི། དྲུག་ལ་དོལ་པོ་པ་ཀུན་མཁྱེན་ཤེས་རབ་རྒྱལ་མཚན། ཉེར་གཉིས་ལ་

― LT41_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ལྷ་ལས་བབས་པའི་དུས་མཆོད་གསལ་ལྡན་དུ་དར། ཉེར་བརྒྱད་ལ་ཞྭ་དམར་ཆོས་ཀྱི་དབང་ཕྱུག་གི་དུས་ཆེན་བཅས། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་སྨིན་དྲུག་ཟླ་བ། དུས་ཚིགས་སྟོན་ཕྱི་མ་སྡིག་པའི་ཁྱིམ། དགུག་པའི་ལས་འགྲུབ། བུམ་སྟོང་བྱང་། ཟླ་བདག །བཞེངས་བཞུགས། ལྔར་སྤྱོད་རྣམས་བལྟ། མ་ཧཱ་ཙཱི་ནའི་ལུགས་ཀྱི་ཟླ་བ་བཅུ་པ་ཕག་གི་ཟླ་བ། ཟླ་ཁམས། ཆེ་ཆུང་། ཚེས་མཚམས། སྨེ་བ་རྣམས་བལྟ། གནམ་ལམ་ཤར། ཡས་ལམ་ལྷོར། ཐྱན་ཏས་ཤིང་མོ། ཐྱན་ཧོང་ལྕགས་ཕོ། ཡྭད་གཡན་གླང་། ཡྭད་ཤ་ཁྱི། ཡྭད་ཏས་ཤིང་ཕོ། ཡྭད་ཧོང་ས་མོ། ཡྭད་ཁོང་ལྕགས་མོ། ཤིང་ཕོས་མོ་ལྕགས་མོ་གསུམ་ལས་བརྐོ་བ་སོགས་རུང་། བཅོ་ལྔར་ཉ་དྲུག་བརྟགས། དགུན་ར་བའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་བཟློག །བརྒྱད་དམ་བཅོ་ལྔ་ལ་སྒྲོལ་དཀར་ཉིན་ཐང་བཞེངས་ན་ཕན་ཡོན་དང་རྟེན་འབྲེལ་མཆོག་ཏུ་འགྱུར། བཅུ་དྲུག་ལ་གཙུག་ལག་ཕྲེང་བ། ཉེར་བརྒྱད་གཙུག་ལག་རྒྱ་མཚོ། གནམ་སྟོང་བྱང་ཆུབ་རྡོ་རྗེ་བཅས་ཀྱི་དུས་ཆེན། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་མགོ་ཟླ་བ། དུས་ཚིགས་དགུན་སྟོད་ཀྱི་ཟླ་བ་སྔ་མ་གཞུ་ཁྱིམ། བསྐྲད་ལས་འགྲུབ། བུམ་སྟོང་ཤར། ཟླ་བདག །བཞེངས་བཞུགས། ལྔར་སྤྱོད་བཅས་བལྟ་

― LT41_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཧཱ་ཙཱི་ནའི་ལུགས་ཀྱི་ཟླ་བ་བཅུ་གཅིག་པ་བྱི་བའི་ཟླ་བ། ཟླ་ཁམས། ཆེ་ཆུང་། ཚེས་མཚམས། སྨེ་བ་རྣམས་བལྟ། གནམ་ལམ་ཤར་ལྷོ། ཡས་ལམ་ཤར། ཐྱན་ཏས་སྦྲུལ། ཐྱན་ཧོང་སྤྲེལ། ཡྭད་གཡན་བྱི་བ། ཡྭད་ཤ་ཡུག །ཡྭད་ཏས་ཆུ་ཕོ། ཡྭད་ཧོང་མེ་ཕོ། ཡྭད་ཁོང་མེ་མོ། ཕྱི་མ་གསུམ་ལ་ཁང་ལས་སོགས་རུང་། ཉེར་བདུན་ཐོ་རེངས་ཟླ་སྐྱོར་བལྟ། དགུན་འབྲིང་པོའི་དུས་རྟགས་རྣམས་སྦྱར། གཉིས་ལ་ཆོས་ཀྱི་དོན་གྲུབ། གསུམ་ལ་དུས་གསུམ་མཁྱེན་པ། ཉེར་ལྔར་སྤྱན་སྔ་ཆོས་ཀྱི་གྲགས་པའི་དུས་ཆེན་བཅས། ༈ །ཟླ་བ་འདི་འཕགས་ཡུལ་སྤྱིའི་ལུགས་ཀྱི་རྒྱལ་ཟླ་བ། དུས་ཚིགས་དགུན་སྟོད་ཀྱི་ཟླ་བ་ཕྱི་མ་ཆུ་སྲིན་ཁྱིམ། བསད་པའི་ལས་འགྲུབ། བུམ་སྟོང་ལྷོ། ཟླ་བདག །བཞེངས་བཞུགས། ལྔར་སྤྱོད་རྣམས་བལྟ། མ་ཧཱ་ཙཱི་ནའི་ལུགས་ཀྱི་ཟླ་བ་བཅུ་གཉིས་པ་གླང་གི་ཟླ་བ། ཟླ་ཁམས། ཆེ་ཆུང་། ཚེས་མཚམས། སྨེ་བ་རྣམས་བལྟ། གནམ་ལམ་ནུབ། ཡས་ལམ་བྱང་ཤར། ཐྱན་ཏས་ལྕགས་ཕོ། ཐྱན་ཧོང་ཤིང་མོ། ཡྭད་གཡན་ཕག །ཡྭད་ཤ་འབྲུག །ཡྭད་ཏས་ལྕགས་ཕོ། ཡྭད་ཧོང་། ཤིང་མོ། ཕྱི་མ་དེ་གསུམ་ལ་ཁང་ལས་སོགས་ལེགས། ཉེར་ལྔར་བར་སྐྱོར་ལྟ། དགུན་ཐ་མའི་དུས་རྟགས་རྣམས་སྦྱར། ཚེས་ལ་ཀླུ་ཐེབས། ཚེས་ལ་བཟློག །བཅུ་བདུན་ལ་ལོ་ཆེན་

― LT41_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་བཟང་པོའི་དུས་ཆེན་བཅས། །གཞན་ཡང་ཉེ་བར་མཁོ་བ་ལ། །ར་བཞི་སོ་སོའི་དབུགས་ཐོབ་ནས། །གྱེན་དུ་ཞག་གྲངས་བཅོ་བརྒྱད་རྩིས། །ཉིན་དེར་སྔ་མའི་ས་རྒྱལ་འཆང་། །དཔེར་ན་དབྱར་རའི་དབུགས་ཐོབ་སྡུན། །དཔྱིད་ཀྱི་ས་རྒྱལ་འཆར་སོགས་འགྲེ། །དེ་ཡང་ལོ་གཅིག་དུས་བཞི་ལ། །དཔྱིད་དང་དབྱར་སྟོན་དགུན་རིམ་བཞིན། །ཤིང་མེ་ལྕགས་ཆུ་བཞི་ཡིས་དབང་། །དུས་དེར་ས་ལ་དབང་སྐལ་ཆད། །དུས་བཞི་སོ་སོའི་རྫོགས་མཚམས་དེར། །བཅོ་བརྒྱད་ཞག་རེ་སར་ཕྱིན་པས། །བཞི་བསྡམས་ཉིན་ཞག་དོན་གཉིས་མཉམ། །དེ་ཚེ་ས་རྐོ་ཤིང་བཅད་སྤང་། །ས་བོན་འདེབས་པ་སོགས་ལ་ཤིས། །ས་རྒྱལ་དེ་རྗེས་རྡོ་རྒྱལ་ཅེས། །ནམ་འཇུག་ཡོད་མེད་བརྟགས་པ་ལ། །དུས་བཞིའི་རང་ཁམས་བྱི་བ་ནི། །ས་རྒྱལ་ནང་དེར་འདས་གྱུར་ན། །དེ་དུས་རྡོ་རྒྱལ་མེད་པར་བཞེད། །དུས་ཁམས་བྱི་བ་ས་རྒྱལ་རྗེས། །ལུས་ན་རྡོ་རྒྱལ་ཡོད་པ་སྟེ། །སོ་སོའི་ནམ་མཇུག་རིང་བར་བཤད། །སྔོན་ཆད་ས་རྒྱལ་ཤར་ཚུལ་འདི། །མིང་ཙམ་ལས་ནི་མི་སྣང་ཡང་། །ཁོ་བོས་ཙཱི་ནའི་ལུགས་བཟང་བཞིན། །རྒྱུ་མཚན་ཕྱེས་ཏེ་བསྙད་པ་ཡིན། །དེང་སང་ཕག་ཞག་ཅེས་གྲགས་པ། །རྒྱ་སྐད་ཧུང་ཞེས་གབ་པའམ། །ཕག་ན་མོ་ཡི་ཞག་རྩིས་ནི། །ཐུང་ན་ཟླ་གཅིག་རིང་གྱུར་ན། །ཞག་གྲངས་བཞི་བཅུ་ཐམ་པ་འབྱུང་། །དེ་ཡང་སྟོན་གྱི་

― LT41_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཁམས་ཉིད། །དབྱར་མཇུག་མེ་ཡིས་འཇུ་བར་དོགས། །སྔར་བཤད་དབྱར་གྱི་ས་རྒྱལ་འོག །ལྕགས་ཁམས་གབ་པའི་ཚུལ་གྱིས་གནས། །ཧུང་ཞེས་སྦས་སམ་གབ་པར་འཇུག །འཆར་ཚུལ་དབྱར་གྱི་ཉི་ལྡོག་ནས། །བརྩིས་པའི་ལྕགས་ཕོ་གསུམ་པ་དེར། །ཕག་ཞག་དང་པོ་ཚུགས་པ་ཡིན། །དེ་བཞིན་བཞི་པར་ཕག་ཞག་གཉིས། །ལྔ་པར་ཕག་ཞག་གསུམ་པ་སྟེ། །ཞག་པོ་སུམ་ཅུའི་ནང་དུ་རྫོགས། །གལ་ཏེ་ལྕགས་ཕོ་ལྔ་པ་དེ། །སྟོན་རའི་དབུགས་ཐོབ་སྔོན་དུ་བྱུང་། །ཕག་ཞག་ལྷག་བཅས་བཞི་བཅུར་ལྕགས་ཕོ་གནས། །དེ་ཚེ་ལྕགས་པོ་ལྕགས་ཕོ་དྲུག་པའི་ཐོག །ཕག་ཞག་གསུམ་པ་ཚུགས་ཞེས་བརྗོད། །གབ་ནང་སྟོན་མགོ་ཚུགས་གྱུར་ན། །གབ་པས་སྟོན་འཐུམ་བཞེད་པ་དང་། །གབ་རྗེས་སྟོན་མགོ་ཤར་གྱུར་ན། །སྟོན་གྱིས་གབ་པ་འཐུམ་པར་བཤད། །གབ་པ་ཐོག་མཐའ་བར་གསུམ་གྱི། །ཉིན་དེར་ས་རྐོ་ཞིང་རྨོ་བ། །སྐྲ་བཞར་བུད་མེད་བསྒྲོད་པ་དང་། །ལྕགས་ཀྱི་ལས་སོགས་འཛེམ་པ་གཅེས། །དེ་ནས་ཟླ་བ་བཅུ་གཉིས་ཀྱི། །དུས་རྟགས་བདུན་ཅུ་རྩ་གཉིས་ནི། །དཔྱིད་ར་དང་པོར་ཤར་རླུང་གིས། །ཆུ་ཡི་འཁྱག་ཞུ་སྲིན་བུ་འགུལ། །ཉ་འདྲུད་འཁྱག་པས་རྒྱུ་བ་དང་། །སྲམ་གྱིས་སྲིན་བྱ་ཉ་ཡིས་མཆོད། །ངང་པ་བྱང་གི་ཕྱོགས་སུ་བསྐྱོད། །རྩ་

― LT41_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་བརླན་ཏེ་སྐྱེ་མགོ་བརྩམས། །དེ་དག་རིམ་བཞིན་དབུགས་ཐོབ་ནས། །ལྔ་རེའི་ཞག་མཚམས་ཕལ་ཆེར་ངེས། །ཟླ་གཞན་རྣམས་ལའང་བསྒྲེ་བར་གྱིས། །གཉིས་པར་ཁམ་འབའི་མེ་ཏོག་རྣམས། ཁ་འབུས་ཀ་ལ་པིངྐའི་བྱ། །སྐད་སྙན་སྒྲོགས་ལ་བྱ་ཁྲ་ཡིས། ཁུ་བྱུག་སྤྲུལ་དང་ཁུག་རྟ་སླེབས། །འབྲུག་ལྡིར་གློག་འོད་ཐོག་མར་འགྱུ། །གསུམ་པར་ཨུ་ཐུང་ལྗོན་ཤིང་དང་། །བྱ་ཚེ་རིང་བབས་སའི་ཤིང་ངོ་མཚར་ཅན་ཞིག །ཞིང་གི་བྱི་བས་ཕ་ཝང་བྱར། །སྦྲུལ་ཞིང་འཇའ་ཤར་ཉ་ལྕིབས་སྐྱེ། །ཁུ་བྱུག་སླེབས་དང་ཏའི་ཤིང་བྱ། །འཕུར་རྒྱུ་ཡོད་པའི་འབུ་ཞིག །བལ་ཐག་ནགས་ཚལ་འགྲིམ་པར་བྱེད། །བཞི་པར་སྲོག་ཆགས་ལར་གུ་ཡི། །རང་སྐད་འབྱིན་ཏེ་ས་ཟན་སྐྱེ། །དེ་བཞིན་ཝང་ཀྭ་ག་གོན་དང་། །སླེ་ཏྲེས་སྙེ་མ་ཐོག་མར་སྐྱེ། །མི་ཞེས་བྱ་བའི་རྩྭ་གཅིག་སྐམ། །རྒྱ་ཡུལ་གྲོ་ནི་སྨིན་པའི་དུས། །ལྔ་པར་སྲོག་ཆགས་ཐོག་ལང་སྐྱེ། །འདབ་ཆགས་ཀྱྭ་ཡིས་རང་སྐད་འབྱིན། །ལྕེ་དཀྱུས་ཚེས་ལོ་མ་སོགས། འགྱུར་བྱ་ནི་སྐད་མི་སྒྲོག །ཤ་བའི་རྭ་ཅོ་གསར་དུ་བརྗེ། །བྱིའུ་འུར་པས་གཤོག་སྒྲ་འབྱིན། །དབྱར་འབྲིང་མིང་ཅན་རྩྭ་སྨན་འཁྲུངས། །དྲུག་པར་དྲོ་བའི་རླུང་ལྡང་ཞིང་། །སྲོག་ཆགས་ཀུ་རེ་ཙི་ཞེས་པ། །འཕྱག་གསེབ་ འབུ་ཁུག་ལུང་གྱང་ལ་འབྱར། ཡིབ་འདུན་ཐོག་མར་བརྩམས། །གྱ་ཁྲས་བྱིའུ་ཐོག་མར་

― LT41_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

འདེད། །རུལ་བའི་རྩྭ་དག་མེ་ཁྱེར་སྤྲུལ། །ས་གཞི་བརླན་གཤེར་ཚད་ཆེན་འབྱུང་། །དེ་བཞིན་གྲུ་ཆར་ཆེན་པོའང་འབབས། །བདུན་པར་བསིལ་རླུང་ཟིལ་དཀར་འབབ། །སྟོན་བསིལ་སྲིན་བུའི་གཤོག་སྒྲ་སྒྲོག །འཕུར་རྒྱུ་ཡོད་པའི་འབུ་ཞིག །ཁྲག་གིས་བྱིའུ་མཆོད། །གནམ་མདོག་ཅུང་འགྱུར་ལོ་ཏོག་སྨིན། །བརྒྱད་པར་ངང་པས་ལྷོ་དྲོད་ཆ། །ཁུག་རྟ་ལོག་དང་བྱ་ཀུན་གྱིས། །བརྒྱགས་གསོག་འབྲུག་སྐད་གྲགས་མི་འགྱུར། །འབུ་རྣམས་ཚང་འཆའ་བརླན་གཤེར་འབྲི། །དགུ་པར་ངང་པས་ཚང་མལ་ཡང་། །དྲོ་སར་སྤོ་ཞིང་ནས་ཟན་རྣམས། །ཆུ་ཆེན་ནང་ཞུགས་ཉ་ཕྱིར་སྤྲུལ། །ལུག་མིག་སེར་པོའི་མེ་ཏོག་བྱེ། །འཕར་བས་རང་ལྷར་རི་དྭགས་མཆོད། །རྩྭ་ཤིང་ལོ་འདབ་སེར་ལ་བྲུལ། །འབུ་སྲིན་ཐམས་ཅད་མགོ་མཇུག་ལྡོག །བཅུ་པར་ཆུ་ཀླུང་འཁྱག་མགོ་བརྩམས། །ས་གཞི་འཁྱག་པས་རིམ་གཏམ་ཞིང་། །རེའུ་ཆུར་ལྷུང་དུང་ཁྲར་འགྱུར། །འཇའ་ཚོན་མི་མངོན་གནམ་ས་ཡི། །དབུགས་གཉིས་སོ་སོར་བྱེ་སྟེ་འགག །འདན་ཅིང་འཆར་ནས་དགུན་ར་གྲུབ། །དཔེ་གཞན་ལ་འདི་མི་གདའ། བཅུ་གཅིག་སྤུ་མེད་བྱ་མི་སྒྲོག །སྟག་རྣམས་ཚང་ལངས་ཕན་ཚུན་འཚོལ། །ལིང་ཐིང་རྩྭ་སྐྱེ་ས་ཟན་ཡིབ། །རི་དྭགས་ཤ་བ་མཇུག་རིང་རྣམས། །རྭ་བརྗེ་ཆུ་མིག་འགུལ་བའི་དུས། །བཅུ་གཉིས་

― LT41_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

ངང་པས་བྱང་ཕྱོགས་འདུན། །འདབ་ཆགས་སྐྱ་གས་རང་ཚང་འཆའ། །ཏེ་ཕུ་བྱ་ཡིས་སྐད་འདོན་ཏེ། །ཕྲུ་གུ་དག་ཀྱང་འབྱུང་བ་དང་། །འདབ་ཆགས་ཤ་ཟན་རབ་མྱོགས་པས། །རྩེལ་བསྣོན་འཁྱག་རྣམས་ལྕགས་ལྟར་སྲ། །དེ་དག་རབ་འབྲིང་ཐ་ཡི། །སོ་སོའི་དུས་ཀྱི་ངེས་རྟགས་སོ། །འདིར་སྐྱེ་བ་དང་སྐམ་པ་སོགས་ཐམས་ཅད་ཐོག་མར་མགོ་ཚུགས་པའི་དོན་ཡིན། མཆན། ཞེས་རྩིས་ཀྱི་བསྟན་བཅོས་ཉེར་མཁོ་བུམ་བཟང་ལས་སྐར་རྩིས་ཀྱི་ལག་ལེན་འཇུག་བདེར་བསྡེབས་པ་ལེགས་བཤད་ཀུན་འདུས་ཞེས་བྱ་བ་ལས། ལོ་ཟླའི་འབྲས་རྩིས་སོགས་ཀྱི་སྐབས་ཏེ་བཅུ་གཅིག་པའོ།། །། ༅ །ཚད་མའི་མིག་དབང་རབ་གསལ་གཟུ་བོས་ཀྱང་། །ཚད་མར་གྲུབ་མཐོང་ལྔ་རིག་སྨྲ་བའི་མཆོག །ངེས་ལེགས་བསྟན་འཛིན་ཚེ་དབང་ཀུན་ཁྱབ་སྟེ། །ཐུགས་སྲེས་པ་ཆེན་ཟུང་གི་ལུགས་བཟང་རྒྱལ། །འགྲོ་རྣམས་ལས་ཚུལ་ཐ་དད་པས། །དེ་ཡིས་འབྱུར་འགྱུར་སྤྱོད་ཡུལ་རྣམས། །ལེགས་ཉེས་ལྟས་ཀྱི་བྱེ་བྲག་གང་། །ལུགས་འདིར་མཁས་པའི་གཞུང་བཞིན་དགོད། །ས་གཡོས་གཟའ་མཐོང་སྐར་མདའ་དང་། །གནམ་གྲུམ་པ་དང་ཁུག་རྣ་ཆར། །སེར་བ་འཇའ་ཚོན་སྒྲ་སྐད་དང་། །སྤྱི་བོ་རྐན་ཟ་ནོར་སྲུང་སྨྲེང་། །སྣ་ཚོགས་ལྟས་དང་ཉ་དྲུག་འཛོམ། །ཟླ་བའི་རྭ་དང་ཟླ་སྐྱོར་བཅས། །

― LT41_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

སྐར་རྩིས་རྗེས་སུ་འབྲང་བའོ། །འབྱུང་རྩིས་གཞུང་བཞིན་ཆར་ལྟས་ལའང་། །རྒྱུ་སྐར་ཉེར་བརྒྱད་དྲུག་ཅུའི་ལོ། །མཁའ་མེ་དངས་སྤྲིན་རླུང་ཉི་འོད་འཇའ། །ན་བུན་གློག་དང་ལོ་ཏོག་གི། །ལེགས་ཉེས་དུས་མཚམས་ཉེར་བཞི་དང་། །སྟག་ཟླའི་ཚེས་གཅིག་འཐིབས་དྭངས་སམ། ཁམས་བཅུ་ཡར་ངོའི་བྱི་བ་ལྔ། །གླང་འབྲུག་དུས་བཞིའི་ཤིང་བྱི་ལ། །ཆར་འབེབས་འབྲུག་སྐད་ཐོག་མའི་ཕྱོགས། །དཔྱིད་དབུགས་ཐོབ་དང་ཉིན་མཚན་མཉམ། །དབྱར་དབུགས་དབྱར་གྱི་ཉི་མ་ལྡོག །སྟོན་དབུགས་སྟོན་གྱི་ཉིན་མཚན་མཉམ། །དགུན་དབུགས་དགུན་ཉི་བྱང་དུ་བགྲོད། །མིག་འགུལ་བ་དང་རྣ་བ་དུ། །རྣ་བ་དྲོ་དང་གདོང་པ་ཚ། །ཤ་འཕྲིག་གློ་བུར་སེམས་ཁ་འཁྲུགས། །སྤྲིད་པ་གདོང་ལ་གོས་བཀལ་ཟག །ཐབ་ཀྱི་ཟངས་སྐད་མེ་ལྕེ་མཆེད། །ཁྱི་ཡི་ཀུ་ཅོ་སྐྱ་གའི་སྐད། །གཞན་ཡང་ཐེྱན་ཀང་མུང་ཀླུང་ཀྱཱིས། །ཆར་འབབ་ཆར་མཚམས་ནོར་རྙེད་མིན། །མི་ཆེན་ཚོང་དང་གཉེན་འཕྲོད་མིན། །བྱེས་སུ་སོང་མིན་ཡོང་མི་ཡོང་། །གཏུག་གཤེར་རྒྱལ་ཕམ་གྲུ་ཡོང་མེད། །ཞག་ས་ལེགས་ཉེས་སུམ་མདོའི་ལམ། །མགྲོན་པོ་སླེབ་བམ་ཚོང་སྐྱེད་དང་། །བུ་ལོན་རྙེད་མིན་ཁྭ་ཏའི་སྐད། །རྫས་དང་ནོར་སྟོར་རྐུན་པོ་དང་། །ནད་དང་མངལ་གནས་ཕོའམ་མོ། །འདྲེ་གདོན་ནད་པ་ཕོ་མོ་གང་། །གཡས་གཡོན་

― LT41_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

གར་ཡོད་དངོས་བདེན་བརྫུན། །ཡ་ཆ་ལག་པའི་ཚོན་མདོག་དང་། །དབྱུག་པ་སློང་ཉལ་ཕོར་པའི་ཕྱོགས། །གྲུ་གཏོང་མེ་གཏོང་རི་ལ་འགྲོ། །ཆུ་བོ་བརྒལ་དང་འཕྲིན་བདེན་རྫུན། །མིག་འགུལ་རྣ་བའི་དྲོད་དང་ཆང་། །ཡིག་དན་བརྟན་དང་གཉེན་བསྒྲིགས་མིན། །ཕོར་ཁྱིམ་ཚང་དང་ཆུ་ཡོད་མེད། །ཤོ་རྩེད་འགྲོ་ཕྱོགས་གཞུང་དོན་སློབ། །ཙི་ཙིའི་སྐད་དང་གཡར་པོ་དང་། །རི་དྭགས་ཉ་བཤོར་ཁྱིམ་སྤོ་བ། །ཁྲིམས་ཉེས་ཡོད་མེད་ཚོང་སྐབས་ཏེ། །རྩིས་མགོ་བརྒྱ་ཕྲག་གཅིག་གིས་བསྟན། །དང་པོ་ས་གཡོས་བརྟགས་པའི་རྩིས། །ཐ་སྐར་མཆུ་དང་ནབས་སོ་ལ། །ས་འགུལ་ན་ནི་ཡུལ་དབུས་ཀྱི། །རྐུན་མ་བབ་ཅོལ་བྱེད་ལ་གནོད། །ལྷོ་ཕྱོགས་གནས་པའི་རྒྱལ་ཆེན་འཇིག །བྲ་ཉེ་སྨིན་དྲུག་སྣར་མ་མགོ། །ས་འགུལ་འཇིག་རྟེན་འཇིགས་པ་ཆེ། །དེ་ལ་དོགས་པ་རབ་ཏུ་འབྱུང་། །ནུབ་ཕྱོགས་གནས་པའི་རྒྱལ་པོ་འཆི། །ཀླ་ཀློ་རྐུན་པོས་འཚོ་རྣམས་དང་། །འབིགས་བྱེད་སྟེང་གནས་མི་དབང་བཅས། །དེ་ཚེ་ནད་ཀྱིས་བརྒྱལ་ཞིང་གནོད། །དེ་དག་ལ་ཡང་དགྲ་བྱུང་སྟེ། །གཅིག་ལ་གཅིག་ནི་ཡུལ་འཕྲོག་འགྱུར། །ལག་དང་རྒྱལ་སྐག་གྲེ་དང་དབོར། །ས་འགུལ་ན་ནི་མི་བདག་ཀུན། །མི་མཐུན་ཕན་ཚུན་གནོད་པ་བྱེད། །གསོད་འཆི་གནོད་བྱེད་མུ་གེ་འབྱུང་། །ནག་པ་ས་རི་ལྷ་མཚམས་སྣྲོན། ཁ་བ་ཅན་གནས་ཀླ་

― LT41_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློ་དང་། །རྐུན་མ་ཀུན་ནས་གནས་པ་དང་། །བལ་ཡུལ་གྱི་ནི་བདག་པོ་དང་། ཁ་ཤའི་ལུང་པར་གནས་པ་ཡི། །མི་བདག་མ་ལུས་ཕན་ཆུན་རྩོད། །སྣྲུབས་དང་ཆུ་སྟོད་ཆུ་སྨད་ལ། །ས་འགུལ་ཤར་ཕྱོགས་མི་རྣམས་དང་། །སེནྡྲ་ཨོ་རཱ་ཀ་མ་རུ། །བྷཾ་ག་ལ་བདག་ངེས་པར་འཆི། །གཽ་ཌའི་བདག་པོ་དམག་གིས་བསྐོར། །ཡང་ན་ནའམ་འཆི་བར་འགྱུར། །རྒྱ་མཚོ་གངྒཱའི་འགྲམ་གནས་པ། །ཆུ་ཡིས་ཁྱེར་རམ་ནད་ཀྱིས་ཐེབས། །གྲོ་བཞིན་མོན་གྲེ་མོན་གྲུ་དང་། །ཁྲུམས་སྟོད་ཁྲུམས་སྨད་ནམ་གྲུའི་ཚེ། །ཉིན་ཕྱེད་ས་གཞི་ཆེར་འགུལ་ན། །མྱང་དང་ནུབ་དང་ལྷོ་ཡི་ཕྱོགས། །ཕྱོགས་རྣམས་ཀུན་ལ་གནས་བྱེད་པའི། །མི་བདག་རྣམས་ནི་ཕན་ཚུན་འཁྲུགས། །སེམས་ཅན་རྣམས་ནི་གནོད་ཆེན་ལྡན། །མུ་གེས་ཡུལ་འཁོར་འཇིག་པར་བྱེད། །དུས་ནི་སྔ་ཕྱི་བརྟགས་པ་ལ། །ཐོ་རེངས་དུས་སུ་ས་གཡོས་པ། །ལུས་ཅན་གཤིས་དྭངས་ཞི་བ་སྟེ། །ཚེ་རིང་ནད་མེད་ལོ་ལེགས་བྱེད། །གྲོང་ཁྱེར་གྱི་ནི་ཁོར་ཡུག་ཏུ། །མེ་ཡི་འཇིགས་པ་འབྱུང་བར་ཤེས། །ཉི་ཤར་དུས་ན་ས་འགུལ་བ། །ཨ་ག་མ་ག་དྷར་བཅས་པའི། །ཡུལ་དབུས་རྣམས་ལ་གནོད་འགྱུར་ཏེ། །རྐུན་མས་འཚེ་ཞིང་ཞག་བདུན་ན། །མ་ག་དྷ་རྒྱལ་འཆི་བར་འགྱུར། །ཉིན་ཕྱེད་དམ་ནི་ཕྱི་དྲོ་འགུལ། །ས་སྟེང་རབ་ཏུ་བྱུང་བ་ཀུན། །ནད་དང་

― LT41_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

རིམས་དང་ཡི་ག་འཆུས། །འབྲུམ་བུས་ཞག་བདུན་བཏབ་སྟེ་འཚོ། །ཕྱི་དྲོའི་མཐའ་ལ་ས་འགུལ་ན། །རིགས་བཞིའི་མཆོག་གི་བྲམ་ཟེ་དང་། །ཉོན་མོངས་རྒྱལ་པོའི་བློན་པོ་ནི། །འཆི་བར་འགྱུར་བ་ཐེ་ཚོམ་མེད། །མདུན་ན་འདོན་ནི་ཆོས་ལྡན་དང་། །བློན་པོའི་ཞམ་རིང་གཙོ་བོ་དང་། །སྔགས་རྒྱུད་ཤེས་པའི་བྲམ་ཟེའམ། །རིགས་བཞི་བརྟན་མཁས་དག་དང་ནི། །བསྟན་བཅོས་དེ་ཉིད་རིག་པ་དང་། །གསོད་དམ་རབ་ཏུ་ཉམས་པའམ། །དྲན་ལྡན་ཐོས་དང་དེ་ཉིད་ཤེས། །སྔོན་བྱུང་གཏམ་ལ་བྱང་བ་དག །མྱུར་དུ་ནད་ཀྱིས་འཇིགས་འགྱུར་ཏེ། །གནམ་ལྕགས་ཀྱིས་ནི་ཤིང་ཉམས་བཞིན། །ཉི་མ་ནུབ་དང་དེ་ནས་ཡང་། །ཅུང་ཟད་སོང་དང་ཕྱི་དྲོའི་མཐར། །གལ་ཏེ་ས་ནི་རབ་ཏུ་འགུལ། །སེམས་ཅན་འདྲེས་པ་དག་དང་ནི། །དུད་འགྲོ་དག་གི་འགྲོ་བ་དང་། །མི་ཡི་འཇིག་རྟེན་གཙོ་བོ་དག །དེ་ཚེ་འགུལ་དང་རྣམ་པར་འཇིག །མཚན་མོའི་ཐུན་གྱི་དང་པོར་འགུལ། །སེམས་ཅན་འདྲེས་པ་སྣ་ཚོགས་དང་། །དུད་འགྲོ་རྣམས་དང་མིའི་གཙོ་ལ། །ཆད་ཆེན་རབ་ཏུ་འབྱུང་བར་འགྱུར། །ཅུང་ཟད་ཐུན་དེ་བྲི་ནས་འགུལ། །སླར་ཡང་ཆར་པའི་འཇིགས་ཆེན་འབྱུང་། །དེ་ནས་ཐུན་དེ་ཟད་མཐར་འགུལ། །མི་བཟད་ནུབ་ཕྱོགས་མི་བདག་གི། །ཕ་རོལ་དམག་ཚོགས་འབྱུང་བར་འགྱུར། །ཐུན་ནི་གཉིས་པའི་

― LT41_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོར་འགུལ། །གཞན་གྱི་དམག་ཚོགས་ནད་དང་འཆི། །ཁོང་པའི་ནད་ནི་མི་བཟད་འབྱུང་། །མཁྲིས་པ་བད་ཀན་ལས་གྱུར་ནད། །སྐྱེ་བོ་རྣམས་ལ་འབྱུང་བར་འགྱུར། །འབྱུང་པོ་རྣམས་ནི་སྐྱོ་འགྱུར་ཏེ། །དེ་ཚེ་ཕྱོགས་དང་ཕྱོགས་སུ་འགྲོ། །གཉིས་པའི་ཐུན་དཀྱིལ་དུ་འགུལ་ན། །རླུང་ཆེན་འབྱུང་འགྱུར་ཤིང་དང་ནི། །ལྷ་ཁང་འགྱེལ་འགྱུར་ཡང་ཐོག་དང་། །ར་བ་རི་རྩེ་ངེས་པར་འཇིག །གནས་དང་འདུག་གནས་བཟང་པོ་དང་། ཁང་པ་དང་ནི་རྟ་བབས་དང་། །དུད་འགྲོ་རྣམས་ཀྱི་འདུག་གནས་ཀྱང་། །ས་ལ་མྱུར་དུ་ལྟུང་བར་འགྱུར། །མཚན་ཕྱེད་པ་ན་འགུལ་གྱུར་ན། །ཤར་ཕྱོགས་མི་ཡི་བདག་པོ་འཆི། །མུ་གེ་ཡང་ནི་འབྱུང་བར་སྟོན། །བར་མའི་ཐུན་ནི་བྲི་གྱུར་ནས། །ཐ་མར་ཉེ་ལ་འགུལ་བ་འབྱུང་། །ས་རྣམས་དག་ནི་མ་ལུས་ལ། །ཞི་ཞིང་ནད་མེད་ངེས་པར་སྟོན། །མཚན་ཕྱེད་མཐར་གྱུར་ས་འགུལ་ན། །གཤེར་ཆེ་ཡུལ་གྱི་དབུས་དག་ཏུ། །མི་ཡི་བདག་པོ་ནད་ཀྱིས་གནོད། །ཕན་ཚུན་མི་མཐུན་གྱུར་ནས་ནི། །སྡུག་བསྔལ་མི་བཟད་འཆི་བར་འགྱུར། །ཐུན་ནི་གསུམ་པར་ཕྱི་ནས་འགུལ། །བྱིས་པ་རྣམས་ལ་བདེ་བ་འབྱུང་། །སྦྲང་བུ་ཤ་སྦྲང་ཕྱེ་མ་ལེབ། །རྐུན་པོ་རྣམས་ནི་འཇིགས་པར་འགྱུར། །གཉིས་པ་གཟའ་རྣམས་མཐོད་བའི་རྩིས། །ཉིན་ཕྱེད་དང་

― LT41_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་ཐོ་རངས་དང་། །ཉི་མའི་མཐའ་ཡང་གཟའ་བཟང་པོ། །དཀར་བ་ཟླ་བ་པ་ཝ་སངས། །སེར་བ་གཟའ་ལྷག་ཕུར་བུ་སྟེ། །སྐྱེ་བོ་རྣམས་ཀྱིས་མཐོང་ན་ནི། །འབྲས་བུ་འགྲུབ་ཕྱིར་ནུས་པ་ཡིན། །ཉིན་ཕྱེད་འདས་སམ་ཉི་ནུབ་ན། །མ་རུང་ཉི་མ་མིག་དམར་དང་། །མཇུག་རིང་སྒྲ་གཅན་སྤེན་པ་དང་། །གང་ཡང་གཟའ་ནི་གཙོ་བོ་དང་། །ལས་ནི་ངེས་འཇོམས་སྐར་མདའ་ཅན། །སྐར་མ་ཤིན་ཏུ་མི་བཟད་ཉིད། །དེ་བཞིན་ནག་པོ་འཆི་ལྟས་སོགས། །མ་རུང་གཟའ་མཐོང་གར་ཡིན་པ། །དུས་མིན་འཆི་བ་ས་ལ་ནི། །མི་བཟད་དེ་ཚེ་སྣང་བ་ཡིན། །དུས་དང་མུན་པ་འགུལ་བྱེད་པ། །སྐར་མདའ་ཅན་དང་གཟའ་ངན་དང་། །འགུལ་བྱེད་སྒྲ་དྲག་དམར་བའི་མདོག །གནམ་ལྕགས་ཉིད་ཀྱང་རབ་ལྟུང་བྱེད། །དེ་བཞིན་རྡོ་རྗེ་འཆི་ལྟས་དང་། །གང་ན་ཡང་ཁྱིམ་སོགས་རབ་ཏུ་མཐོང་། །སྐྱེ་བོ་ཀུན་གྱིས་སྒྲ་གཅན་ནི། །མི་བཟད་རབ་ཏུ་མཐོང་འགྱུར་ན། །མི་རྣམས་དབུལ་ཞིང་ཚུལ་ཁྲིམས་འཆལ། །མགོན་མེད་སྡིག་སྤྱོད་སྡུག་བསྔལ་དང་། །ནད་ཀྱི་གཞི་ནི་སྐྱེ་བར་འགྱུར། །མཇུག་རིང་དུས་དང་སྐར་མདའ་དང་། །གནམ་ལྕགས་དང་ནི་རྡོ་རྗེ་དང་། །དུད་པ་ཕྱོགས་ནི་མཐའ་དག་ཏུ། །དུ་བ་མཇུག་རིང་རབ་ཏུ་སྣང་། །ཉི་ཟླའི་དཀྱིལ་འཁོར་མུན་པས་ཁེབས། །ཉི་ཟླ་རྫུ་འཕྲུལ་ཆེན་པོ་དག །བུག་པ་ཡོད་པར་སྣང་

― LT41_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སོགས། །མུ་གེ་ཆེ་དང་ཡུལ་འཁོར་འཇིག །མི་ཡི་བདག་པོ་འཆི་བ་དང་། །སྡོམ་བརྩོན་འཇིགས་པ་ཆེན་པོ་འབྱུང་། །འཇིག་རྟེན་དག་ནི་ཐམས་ཅད་ལ། །དེར་ནི་འཇིགས་རུང་འབྱུང་བར་འགྱུར། །འདིར་ནི་རྒྱུད་ཀྱི་གླེང་གཞི་ལས། །རྡོ་རྗེ་འཆི་ལྟས་གནམ་ལྕགས་དུད། །སྐར་ཡན་རྣམ་པར་འཆར་བར་གསུངས། །གསུམ་པ་སྐར་མདའ་བརྟགས་པའི་རྩིས། །སྐར་མདའ་དཀར་པོ་འབར་གྱུར་ན། །ས་འགུལ་སོགས་ཀྱི་ཉེས་པ་སེལ། །རྟག་ཏུ་དགེ་ཞིང་རབ་ཏུ་བསྔགས། །སྐར་མདའ་མི་བཟད་ཁ་དོག་དམར། །མེ་ཡིས་འཚིག་པ་ཉེ་བར་སྟོན། །དུད་ཁའི་མདོག་ཅན་ནག་པོ་ནི། །རྒྱལ་པོ་འཆི་བར་སྟོན་པ་ཡིན། །སེར་བའམ་ཡང་ན་སེར་སྐྱའམ། །འདྲེས་མའི་མདོག་ནི་སྣང་གྱུར་ན། །དེ་ཚེ་འདྲེས་མའི་ལས་འགྱུར་བ། །སྐར་མདའ་ལྟུང་བས་རྣམ་པར་སྟོན། །སྐར་མདའ་ཁོར་ཡུག་དག་ཏུ་ནི། །གང་དག་ལས་ཀྱིས་བྱུང་གྱུར་པ། །ཕྱོགས་ཀྱི་ཆར་ནི་རབ་སྣང་བ། །གཉིས་དང་གསུམ་ནི་མི་བཟད་ཡིན། །དེར་ནི་འཇིགས་ཆེན་འབྱུང་བར་འགྱུར། །གཞན་ཡང་སྐར་མདའ་ཕན་ཚུན་འཁྲུགས། །ཐན་པ་དང་ནི་རིམས་ནད་འོང་། །སྐར་མདའ་སྒྲ་བཅས་ཚུར་ལྷུང་ན། །གཟའ་ཀླུ་འཐབ་པའི་རྟགས་སུ་བཤད། །ཐན་པས་རྩི་ཤིང་ཆུ་རྣམས་སྐམ། །གཟའ་ཡིས་ཕབ་པའི་སེར་དྲག་འོང་། །ནད་རིམས་མི་བདེའི་

― LT41_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་མང་འབྱུང་། །བཞི་པ་གནམ་གྲུམ་པ་ཡི་རྩིས། །གནམ་གྲུམ་སྒྲ་ཡི་ལྟས་དག་ཀྱང་། །གར་བྱུང་ཡུལ་དེར་འབྲས་བུ་འབྱུང་། །སྒྲ་སྙན་སྙན་པ་བྱུང་ན་ནི། །བདེ་ཞིང་ནད་མེད་སྟོན་པར་བྱེད། །རྔ་སྒྲ་ཡིས་ནི་དགེ་བ་སྦྱིན། །འཇིགས་དང་ཤིན་ཏུ་འཇིགས་རུང་སྒྲས། །དེར་ནི་མུ་གེ་འབྱུང་བར་སྟོན། །ལྔ་པ་ཁུག་སྣ་འཁྲིགས་པའི་རྩིས། །ཁུག་སྣའམ་སེར་བའམ་མཇུག་རིང་ནི། །ཉི་མ་ལྔ་ཡི་བར་དུ་ཡོད། །དེ་འོག་འཇིག་རྟེན་སེམས་ལས་འགྱུར། །དོགས་དང་སྤྱོད་ཅིང་གནས་པ་ཡི། །ཡུལ་མི་ཐམས་ཅད་འཇིགས་པར་འགྱུར། །ནད་ཀྱི་གཞི་ནི་འབྱུང་བ་ཡིན། །བྱང་ཕྱོགས་གངྒཱའི་འགྲམ་གནས་པའི། །རྒྱལ་པོ་དག་ནི་འཇིགས་པར་འགྱུར། །དེ་བཞིན་ཁ་བ་ཅན་གྱི་དབུས། །བགྲོད་དཀའ་འཕྲད་འཁྲོད་ལ་གནས་དང་། །ཁོ་ར་ཡུག་ཏུ་རྩི་རྫི་དང་། །གངྒཱའི་འགྲམ་སྤྱོད་བདག་པོ་དང་། །མྱ་ངན་གདུང་བ་དུ་མ་ཡིས། །སྐྱེ་བོ་བདག་པོ་དེ་འཆི་འགྱུར། །རྒྱུ་སྐར་གང་ལས་ས་འགུལ་བ། །གོང་གི་ས་འགུལ་སྐབས་ཀྱི་རྒྱུ་སྐར་གྱི་འབྲས་བུ་འདིར་ཡང་སྦྱར། མཆན། དེ་ལ་ཁུག་སྣ་ཡང་དག་བསྟན། །ཕྱོགས་རྣམས་མ་ལུས་ཁུག་སྣ་ནི། །མི་བཟད་འོད་ནི་སྤང་བ་དང་། །ཉི་མ་ལྔ་ཡི་བར་དུའམ། །རྟག་ཏུ་ཉིན་ཞག་མང་པོ་ནི། །ཕན་ཚུན་ཆོས་ནི་མི་མཐོང་ནང་། །མི་རྣམས་ཕན་ཚུན་མི་མཐོང་བ། །དེར་ནི་འཇིགས་ཆེན་འབྱུང་བར་ཤེས། །རྒྱལ་

― LT41_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཡུལ་འཁོར་བཅས་ཏེ་འཇིགས། །དུག་པ་གྲུ་ཆར་འབབ་མིན་རྩིས། །གོང་དུ་སྲོག་ཆགས་ཚང་འཆའ་ཞིང་། །དེར་ནི་མི་གནས་རིང་དུ་འབྲོས། །ཞག་བདུན་ནང་དུ་ཆར་ཆེན་འབབ། །མཚོ་ལ་དྲོད་རྒྱས་ཉ་ལྕིབས་དང་། །ཉ་སོགས་མི་གནས་དེར་བབ་པའི། །ཆུ་ཀླུང་ལ་ནི་གྱེན་དུ་རྒྱུ། །དེ་ཚེ་ཞག་མ་ལྔ་ནང་བབ། །ཀ་ཏྲི་ལ་དང་པུ་ཤུད་སོགས། །ཟུར་ཕུད་ཅན་དག་སྒྲ་འབྱིན་ན། །ཞག་མ་གསུམ་ནང་ཆར་པ་འབབ། །རི་སྐེད་ན་བུན་དཀར་པོ་ཡིས། །རྐེ་རགས་རིམ་པ་གཉིས་སམ་གསུམ། །བཅིངས་ན་དེ་ཚེ་ཆར་ཆེན་འབབ། །ནམ་ལངས་ཤར་ཕྱོགས་སྤྲིན་དམར་པོ། །ཐག་དམར་འཐེན་འདྲ་ནུབ་ཏུ་རྒྱུག །ལྷ་ཡིས་ཕབ་ཆར་མྱུར་དུ་བབས། །ཤར་ལྷོར་བལ་འདབ་རྩེ་འདྲ་ཡི། །སྤྲིན་རྩ་འདབ་འབྲེལ་བུ་གུ་མེད། །དེ་ཚེ་ཉིན་ཞག་གཅིག་ནས་འབབ། །ཤར་དུ་ལུག་གི་ལྟོ་ཚིལ་འདྲའི། །སྤྲིན་དཀར་འདབ་ལེགས་རྩེ་མོ་ན། །མི་རིང་དཀར་པོའི་བལྟས་འདྲའི་གཟུགས། །བྱུང་ན་ཉིན་མོ་དེ་མཐར་འབབ། །དཀར་སེར་ཉི་མ་འཆར་ཁ་ཡི། །ཕྱེ་མ་ལེབ་ཀྱི་གཤོག་བརྐྱང་བཞིན། །འཇམ་སྤྲིན་སྙོམས་ལེགས་ཤར་ཕྱོགས་ཁེབས། །དེ་ཚེ་མྱུར་དུ་ཆར་ཆེན་བབས། །སྣ་ཚོགས་འཇའ་ཚོན་ཤར་དུ་ཟུག །དེ་ཚེ་ཆར་འབབ་ནུབ་ཏུ་ཆད། །དངུལ་ཆུའི་མདོག་འདྲ་ཟླ་བའི་ཁྱིམ། །རིང་པོར་མི་ཐོགས་ཆར་ཆེན་འབབ། །ཞིབ་པར་དགུན་གྱི་ཉི་ལྡོག་ནས། །

― LT41_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེར་དང་ཁ་བ་གང་འབབ་པ། །ཞག་རྩིས་མ་ནོར་རིམ་པ་ལྟར། །དབྱར་གྱི་ཉི་ལྡོག་རྗེས་སྦྱར་ན། །སྔར་གྱི་དྲུག་འགྱུར་འབབ་པར་བཤད། །བདུན་པ་སེར་བ་བརྟགས་པའི་རྩིས། །ཤར་ཕྱོགས་མཁའ་ལ་སྤྲིན་དམར་རམ། །སེར་ནག་ཆུང་ངུར་སྐྱེ་འཇིག་བྱེད། །བཙན་རྣམས་གཡོས་པའི་སེར་བ་འབྱུང་། །ནམ་ལངས་ཤར་ཕྱོགས་ནམ་མཁའ་ལ། །ཕྱིང་དཀར་བཏིང་འདྲའི་སྤྲིན་པ་གསུམ། །ཇི་ལྟར་བྱུང་ཡང་མྱུར་དུ་ནི། །མཚོ་སྨན་འཁྲུགས་པའི་སེར་བ་འབབ། །ལྷོ་ཕྱོགས་ས་བདག་གཟུགས་འདྲ་བ། །གསུམ་སོགས་བྱུང་ཆོ་བདུད་སེར་འབབ། །ནུབ་ཏུ་གོ་ཆ་གྱོན་འདྲའི་སྤྲིན། །མ་མོ་ཁྲོས་པའི་སེར་རྐུན་འབབ། །བྱང་དུ་སྤྲེའུ་ཙོག་པུའི་གཟུགས། །དཀོར་བདག་གཡོས་པའི་སེར་བ་འབབ། །དབུས་སུ་སྔོ་དམར་སྦྲུལ་འཁྱིལ་འདྲ། །ཆགས་ན་ཀླུ་ཡི་སེར་བ་འབབ། །བར་སྣང་མགལ་པ་མེ་ཤོར་འདྲའི། །སྤྲིན་བྱུང་ཐེའུ་རང་འཁྲུགས་སེར་བབས། །མདོར་ན་ཁྱི་དཀར་གནམ་མཆོང་ངམ། །སོག་ཐལ་གནམ་དུ་གཏོར་འདྲ་འམ། །གཡག་རྔ་གནམ་དུ་གཟེངས་འདྲ་དང་། །འཕྱར་ནག་གནམ་དུ་བཏིང་འདྲ་དང་། །ཕྱོགས་ཀུན་ལེགས་པར་བཀྲམ་འདྲ་དང་། ཁམ་ནག་མཐའ་བཞི་ནོན་པའམ། །དམར་ནག་ས་བདག་གཟུགས་འདྲ་སོགས། །སེར་བ་འབབ་པའི་སྤྲིན་དུ་ངེས། །དེ་ཡང་ཐོ་རངས་དུས་སུ་བརྟགས། །སྤྲིན་མདོག་དམར་

― LT41_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱ་དུམ་བུར་ཆད། །མེ་འབྲུག་ཆད་མེད་འཁོར་བར་བསྒྲགས། །དེ་ཚེ་གནམ་ལྕགས་འབབ་པར་བཤད། །བརྒྱད་པར་འཇའ་ཚོན་ཤར་བའི་རྩིས། །འབྱུང་བ་ཚ་གྲང་འཐབ་པའི་འོད། །རླུང་གིས་བཅིངས་པའི་མཚན་མ་ལ། །གྲོང་ཁྱེར་གང་དུ་འཇའ་མང་ཟུག །དེ་དག་རིང་པོར་མི་ཐོགས་འཇིག །གྲོང་ཁྱེར་དམག་གིས་བསྐོར་བའི་ཚེ། །ཉི་མ་འཇས་ཁེབས་དམག་རྣམས་འཆི། །གོ་ཆ་གྱོན་ནས་གཡུལ་འཇུག་ཚེ། །ཉི་མ་མཉམ་པར་འཇའ་ཤར་བ། །དེ་ཚེ་ཕན་ཚུན་གཉིས་ཀ་གསོད། །གཡུལ་དུ་ཞུགས་ཚེ་གཡས་གཡོན་ནམ། །མདུན་དུ་འཇའ་ཚོན་མང་བྱུང་འཆི། །གང་དུ་འཇའ་ཁྱིམ་ས་གཡོས་བཅས། །དེར་ནི་འཇིགས་པ་ཆེན་པོ་འབྱུང་། །མཚན་མོའི་ཆ་ལ་འཇའ་ཚོན་ཤར། །རྒྱལ་པོ་འཆི་ཞིང་འཐབ་རྩོད་དང་། །ནད་དང་མུ་གེས་ཡུལ་འཁོར་འཇིག །འཕྲལ་དང་སྤྲུལ་པའི་འཇའ་ཆགས་འཇིག །མཐོང་ན་གྲོང་དང་རྒྱལ་སྲིད་འཇིག །འཇའ་གཟུགས་རྒྱལ་མཆན་ཤིང་རྟ་གདུགས། །འཁོར་ལོ་དར་སོགས་རྣམ་པར་ཤར། །ལོ་ལེགས་རྒྱལ་པོ་རྒྱལ་བྱེད་ཅིང་། །དགེ་མཚན་དུ་མས་འཇིག་རྟེན་ཤིས། །བུག་པ་གཏུན་ཤིང་མདུང་རྩེ་གཞི། །སྒྲོག་རུས་ལྟར་མཐོང་ཡུལ་འཁོར་འཇིག །མགོ་ཐོད་དབྱུག་ཏོ་རུས་སྦལ་དང་། །ཆུ་སྲིན་ལ་སོགས་ཆུ་གནས་གཟུགས། །སྣང་ཚེ་མེ་ཆུའི་གནོད་པ་དང་། །

― LT41_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་དང་མུ་གེའི་འཇིགས་པ་འབྱུང་། ཁ་དོག་རིམ་པ་དུ་མའི་འཇའ། །ཆུ་ལ་ཤར་ན་ཆར་ཆེན་བབ། །དཀར་པོའི་མདོག་མང་དགེ་སྦྱོང་འཆི། །མེ་འོད་ལྟར་དམར་སེར་འོད་ཆགས། །མེ་ཏོག་དམར་སེར་རྩ་སེར་ལྟར། །གང་དུ་ཟུག་པའི་ཡུལ་དེ་འཇིགས། །སྔོན་པོས་ལོ་ཏོག་མ་རུང་གྱུར། །སྲོད་ལ་ཤར་དུ་འཇའ་ཟུག་པ། །མི་བདག་འཆི་ལ་ནུབ་ཏུ་ཟུག །མི་ཡི་གཙོ་བོ་དག་ལ་གནོད། །འཇའ་ཚོན་ཁ་དོག་ལྔ་པ་ཅན། །ཤར་ཟུག་ཆར་འབབ་ལྷོ་ནུབ་བྱང་། །མཆོད་འོས་མཆོད་ལ་ལྷོ་ཕྱོགས་ནས། །ནུབ་ཏུ་ཟུག་ན་རྒྱལ་པོ་དང་། །རྗེའུ་ཤན་པའི་ཚོགས་ལ་གནོད། །དུས་གསུམ་མཚམས་ཤར་ལོ་ལེགས་བདེ། །གཟའ་སོགས་བཟང་པོའི་མཚམས་ཤར་ན། །རྒྱལ་སྲིད་དགེ་ཞིང་རྐུན་པོ་འཇོམས། །ཞག་བདུན་ཚུན་དུ་ཆར་བབས་ན། །འབྲས་བུ་ངན་པ་དག་ཀྱང་ཞི། །དགུ་པར་རི་བོ་བར་སྣང་སོགས། །མི་བཟད་སྒྲ་ཆེན་འབྱུང་བའི་རྩིས། །ཉི་ཤར་སྒྲ་བྱུང་རྒྱལ་རིགས་འཆི། །སྔ་དྲོ་རིགས་ངན་གུང་བྲམ་ཟེ། །ཉི་ནུབ་རྗེ་པོའི་ཚོགས་ལ་གནོད། །ཐོ་རངས་དུས་སུ་བྲན་གྱི་ཚོགས། །ནམ་ཕྱེད་སྲིན་པོ་དག་ལ་ངན། །ནམ་མཁའི་ཁམས་ནས་ཕྱོགས་གཉིས་སུ། །ཕན་ཚུན་སྒྲ་འབྱུང་རྟ་གླང་འཆི། །ནམ་ལངས་སྒྲ་བྱུང་མགྲོན་པོར་གནོད། །དུས་གསུམ་མཚམས་སུ་བྱང་གི་ཕྱོགས། །བཤེས་གཉེན་དགེ་སྦྱོང་དམ་པ་འདས། །ལྷོ་ནུབ་མཚམས་བྱུང་

― LT41_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་འཁོབ་དང་། །ལྷོ་དང་བལ་པོའི་ཡུལ་མི་དགེ། །ཤར་ལྷོར་མེ་ཡིས་འཚོ་ལ་ངན། །རིང་པོར་སྒྲ་ཆེན་ཕྱོགས་མི་ཤིས། །འཇིག་རྟེན་ནས་གནས་དཔའ་བོའི་ཚོགས། །གོ་ཆ་གྱོན་པའི་དམག་དཔུང་འཆི། །སྒྲ་སྙོམས་དལ་ཞིང་ཆུང་སྙན་དགེ། །བཅུ་པ་སྤྱི་བོར་རྐན་ཟ་བ། །མ་རིག་པ་ཡི་ཉི་མ་ལ། །སྤྱི་བོ་རྐན་ཟ་འཐབ་མོ་འབྱུང་། །འདུ་བྱེད་ནོར་རྙེད་རྣམ་ཤེས་ལ། །འཇིགས་སྐྲག་བསྡངས་སྐྱེད་མིང་གཟུགས་ལེགས། །སྐྱེ་མཆེད་དྲུག་ལ་བྱ་བ་ལྡངས། །རེག་པས་ཕ་མར་སྐྲག་པ་འབྱུང་། །ཚོར་བས་གཞན་སོང་མྱུར་དུ་བཟློག །སེད་པས་འཇིགས་འབྱུང་ལེན་པ་ལ། །མགྲོན་འོང་སྲིད་པར་བདེ་ལེགས་བྱེད། །སྐྱེ་བས་དངངས་སྐྲག་རྒ་ཤི་ལ། །རྒན་རབས་སྤྱོད་ཚུལ་སེམས་པར་འགྱུར། །བཅུ་གཅིག་ཁྱི་རྣམས་ངུ་བའི་རྩིས། །མ་རིག་ཉི་མར་རིང་མགྲོན་འོང་། །འདུ་བྱེད་རྒྱལ་པོའི་བྱ་བ་འབྱུང་། །རྣམ་ཤེས་ཟས་རྙེད་རྐུན་པོའང་འོང་། །མིང་གཟུགས་ངོ་ཤེས་མི་གཅིག་འཆི། །སྐྱེ་མཆེད་འཐབ་རྩོད་ཅ་ཅོ་འབྱུང་། །རིག་པ་ཤེས་རབ་ཚོར་བ་འཁྲུགས། །སྲེད་ལེན་རྩོད་ཅིང་སྲིད་པ་ལ། །འགོ་བའི་ལྷ་ཁྲོས་སྐྱེ་བར་དགེ། །རྒ་ཤི་དག་ལ་བྱ་བ་ལྡང་། །བཅུ་གཉིས་སྣ་ཚོགས་ལྟས་ཀྱི་རྩིས། །ཁྱི་དང་བྱ་རོག་བཞི་མདོར་རྒྱུགས། །ཅ་ཅོ་ཕ་རོལ་དམག་ཚོགས་ལྷགས། །བྱ་རོག་བུང་བས་གྲོང་ཁྱེར་དུ། །ཚང་འཆའ་གློ་བུར་འཇིགས་

― LT41_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འབྱུང་། །སྦྲང་བུ་བྱི་ལེབ་བྱིའུ་སོགས། །ཡང་ཐོག་སྒོ་ཁང་རྒྱུག་ཅིང་འཛེགས། །ཁྱིམ་དེ་དགྲ་ཡིས་འཇོམས་པར་དྲན། །བྱི་ལ་ཝ་ཚོགས་དུས་མིན་འཁྲིག །རྒྱལ་པོ་ཡུལ་འཁོར་དང་བཅས་འཇིག །སེམས་ཅན་མངལ་སྒོ་ཕྱིན་ཅི་ལོག །བྱུང་ན་ཡུལ་འཁྲུགས་རྒྱལ་པོ་འཆི། །བྱ་རོག་དཀར་པོ་མཐོང་བ་ན། །ཡུལ་དེར་ནོར་ནད་འཐབ་རྩོད་ལྡང་། །སྲོག་ཆགས་ཁ་དོག་རིགས་མིན་གྱུར། །ཡུལ་བདག་མི་དབང་བཅས་པ་འཆི། །གྲོང་དབུས་བྱ་རོག་ཀུན་འདུས་ནས། །ཕྱི་རོལ་འདོང་ན་སྐྱེ་བོས་དབེན། །ཁྱིམ་དང་ར་བར་ཝ་སྐད་འབྱིན། །ཡང་ན་ཉི་མ་ལ་བལྟས་ནས། །རྟག་པར་བརྒྱལ་ན་སྐྱེ་བོ་དང་། །རྒྱལ་པོ་ལས་གྱུར་ཉེས་མང་འབྱུང་། །གང་དུ་བྱ་རོག་ཁྱུ་རྣམས་ཀྱིས། །ས་ལ་མཆུ་བཙུགས་སྒྲ་མི་གྲགས། །ཡུད་ཙམ་འདུག་ནས་འཕུར་བ་ན། །དེ་ཚེ་དམག་ཚོགས་རབ་ཏུ་འཕུང་། །ཤ་ཟན་མཁའ་ལྡིང་ཁ་ནས་ཤ །ལྷུང་ན་སྲོག་ལ་རྒོལ་ཉེས་འབྱུང་། །བྱ་རྒོད་ལ་སོགས་མི་གཟན་བྱ། ཁང་སྟེང་སྒྲ་སྒྲོགས་མི་བདག་འཆི། །ཉིན་གུང་བ་གླང་བྲེས་དག་ཏུ། །འུག་པ་སྣང་ཚེ་རྒྱལ་པོས་མནར། །སྐྱེད་ཚལ་བྱ་རོག་ཐང་ལ་ནི། །རྒྱལ་པོའི་ཆད་པ་འབྱུང་བའང་བཤད། མཆན། ངང་པ་རྩེ་ན་ཡུལ་དེ་འཇིག །ཤིང་ལ་དུས་མིན་འབྲས་བུ་འབྱུང་། །རྒྱལ་པོ་འཁོར་བཅས་དགྲ་ཡིས་གསོད། །ཤིང་སྐམ་ཡལ་ག་ལོ་མ་སྐྱེ། །ཡུལ་དེ་སྐྱེ་བོ་ཕན་ཚུན་

― LT41_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུགས། །ལྗོན་ཤིང་ལོ་འབྲས་ཕྱིན་ཅི་ལོག །དེ་ཡི་བདག་པོ་མྱུར་དུ་འཆི། །ཤིང་སྡོང་འཆར་ནུབ་གྲིབ་མ་འཛོལ། །དེ་དུས་རྒྱལ་པོ་འབངས་ཀྱིས་གསོད། །ཡང་ན་ཡུལ་དེ་དམག་གིས་འཇོམས། །མེ་ཏོག་ཤིང་ཏོག་འབྲས་བུ་ལས། །སྔོན་མེད་ཁུ་བ་འཛག་པ་ན། །རྒྱལ་ཚབ་ལ་གནོད་བཟའ་ཤིང་གི། །འབྲས་བུ་ལྷག་པར་མདོག་བཟང་ངམ། །ཡང་ན་ཁུ་བ་ཁྲག་འདྲ་འཛག །ཡུལ་དེར་ནད་མུག་འཇིགས་ཆེན་འབྱུང་། །སྐྱེ་ཤིང་འགྲོ་ན་ཡུལ་དེ་འཇིག །ཆུ་ནང་སྲོག་ཆགས་རྒྱུ་བ་སྐམ། །མི་རིང་ནད་དང་དམག་ཚོགས་འབྱུང་། །རླུང་མེད་ཆུ་ཀླུང་འཁྲུགས་པའང་ངན། །ལུས་མེད་སྣ་ཚོགས་སྒྲ་འབྱིན་དང་། །དོན་མེད་འོད་དང་དྲི་ངན་མནམ། །མཚོན་ཆ་འགུལ་དང་མེ་ཆེན་མཐོང་། །རས་ཀྱི་གྲང་དྲོ་ལོག་པ་སོགས། །ནད་དང་མཚོན་དང་ལོ་ཉེས་དང་། །རྒྱལ་པོ་དམག་བཅས་འཇིག་པར་འགྱུར། །ཕྱུག་ལ་མི་ནི་བཙས་གྱུར་ན། །ཡུལ་དེའི་བུད་མེད་རྣམས་ལ་ངན། །མངལ་ནས་བུ་སྨྲ་དུའམ་རྒོད། །ཡུལ་དེར་འཇིགས་པ་ཆེན་པོ་འབྱུང་། །ཁྱིའུ་རྐང་གཅིག་རྐང་གསུམ་བཞི། །མ་ནིང་མཚན་གཉིས་སྐྱེས་པ་ན། །རྒྱལ་པོ་འཆིའམ་མུ་གེ་འབྱུང་། །བྱོལ་སོང་སྐྱེས་སམ་མགོ་མང་དང་། །མགོ་པོ་གཅིག་ལ་གདོང་གཉིས་སམ། །མིག་གསུམ་པ་སྐྱེས་ཡུལ་དེ་སྟོང་། །ཕག་མགོ་ཅན་ནམ་སོ་སྐྱས་དང་། །མགོ་མེད་ལག་པ་

― LT41_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་པའམ། །མ་ཡིས་མ་ཚོར་མངལ་ནས་བཙའ། །དེ་དག་གང་བྱུང་ཡུལ་ཁམས་དེར། །ནད་དང་དམག་དཔུང་ཆེན་པོ་འབྱུང་། །མཐར་ནི་དགོན་པར་འགྱུར་ཡང་སྲིད། །སྐུ་གཟུགས་གདན་ལས་འཕོས་སམ་འགྱེལ། །རྡུལ་ལམ་སྤྱན་ནས་མཆི་མ་འབབ། །རྒྱལ་པོ་དང་བཅས་ཡུལ་འཁོར་དེ། །རྒྱལ་ཁབ་གཞན་གྱི་དབང་དུ་འགྱུར། །ཡང་ན་དཔའ་བོ་བུ་སྨད་བཅས། །ཡུལ་ལྗོངས་གཞན་དུ་སྤྱུགས་པར་བཤད། །དུད་འགྲོ་རྐང་མེད་རྐང་མང་སོགས། །ཕྱིན་ཀ་ལོག་གྱུར་འཇིགས་ཆེན་འབྱུང་། །ཉིན་པར་རམ་ནི་མཚན་མོ་ཡང་། །ཁྱི་ནི་གྱེན་དུ་གདོང་བལྟས་ཏེ། །ཡང་དང་ཡང་དུ་ཟུག་གྱུར་པ། །གང་དུ་དེར་ནི་འཇིགས་ཆེན་བསྐྱེད། །དེ་ལྟར་རྣམ་པ་དུ་མ་དང་། །རྣམ་མང་གང་དུ་རབ་བརྟགས་པ། །དེར་ནི་ཆར་མི་འབབ་པར་འགྱུར། །རྒྱལ་པོའི་ཚོགས་ཀྱང་རྣམ་པར་འཇིག །བཅུ་གསུམ་ཉ་དྲུག་འཛོམ་པའི་རྩིས། །སྨིན་ཟླའི་བཅོ་ལྔར་ཟླ་བའི་སྔོན། །སྨིན་དྲུག་བྱུང་ན་ལོ་ཉེས་དང་། །ཕྱུགས་ཉེས་མི་ནད་དག་ཀྱང་འབྱུང་། །ཟླ་བའི་རྗེས་བྱུང་འཁྲུགས་རླུང་འོང་། །ལྷོར་བྱུང་ཐན་པ་ཆེ་བ་དང་། །རྩ་ཤིང་དཀོན་ལ་མུ་གེ་འོང་། །བྱང་བྱུང་ལོ་ལེགས་ཆར་པ་ཆེ། །དུས་བདེ་སྐྱ་རྒྱལ་འབྱུང་བ་ཡིན། །ཧྲིལ་གྱིས་འགྲོགས་ན་ཤིན་ཏུ་བཟང་། །བཅུ་བཞི་ཟླ་བའི་རྭ་ལ་བརྟགས། །དཔྱིད་འབྲིང་ཉེར་དགུའི་ནམ་ལངས་སམ། །དཔྱིད་ཐའི་ཚེས་

― LT41_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་མུན་མཚམས་སུ། །ཟླ་བའི་གཡས་གཡོན་རྭ་གཉིས་པོ། །ཤར་ནུབ་དྲང་པོར་མཉམ་ན་དགེ། །བྱང་ཕྱོགས་མཐོ་བར་གྱུར་པ་ན། །མུ་གེ་འབྱུང་ཞིང་ཆར་མི་འབབ། །ལྷོ་མཐོ་དགེ་ཞིང་ཆར་མང་འབབ། །བཅོ་ལྔ་སྐྱོར་ཁ་བརྟགས་པའི་རྩིས། །མགོ་ཟླའི་ཉེར་བདུན་བཅུ་གཉིས་པའི། །ཉེར་ལྔ་དང་པོའི་ཉི་ཤུ་གསུམ། །ཐོ་རངས་སྐར་མ་ལག་སོར་གྱི། །མཐེབ་མཛུབ་བར་དུ་ཟླ་བ་སོང་། །དེ་ལ་ལྷ་མོ་འབྲུ་ཐོར་ཟེར། །ལོ་ཏོག་རྩི་བཅུད་འབྲས་བུ་འཕེལ། །མཛུབ་མོ་གུང་མོའི་བར་དུ་སོང་། །དྲང་སྲོང་ནོར་སྡུད་ཅེས་བྱ་བ། །ལོ་ཏོག་འབྲིང་འགྱུར་གུང་སྲིན་བར། །བདུད་མོ་ཤ་ཟན་ལོ་ཉེས་དང་། ཁ་བ་ཆེ་ལ་རྟ་གླང་འཆི། །སྲིན་ལག་མཐེའུ་ཆུང་བར་སོང་ན། །གནོད་སྦྱིན་འབྲུ་སྡུད་མུ་གེ་དང་། །རྟ་གླང་བ་དང་བོང་བུ་འཆི། །མཐེ་ཆུང་རྩེར་སོང་ལྷ་མོ་ནི། །དོན་གཉེར་ཞེས་པ་འཇིག་རྟེན་ཀུན། །དགེ་ལེགས་ཕུན་སུམ་ཚོགས་པ་འབྱུང་། །གང་དུ་མཐེའུ་ཆུང་རྩ་བར་བབས། །ནོར་ལྷ་འབྲུ་འཆག་ལོ་ཏོག་ལེགས། །འཐབ་རྩོད་ཞི་ཞིང་འཁྲིག་མ་ཡི། །ཕྱི་ཟུར་སྦྲུལ་མགོ་ཆུ་འཐོར་ཅེས། །ཆར་ཆེན་འབབ་ལ་མཐེ་བོང་གི། །རྐེད་པར་སོང་ན་ལྕགས་སྤྱང་རྒྱུག །བ་གླང་འཛིན་ངན་ལོ་ཏོག་འབྲིང་། །མཐེ་བོང་རྩ་བར་སྲིན་བུ་ནི། །མེ་ཁྱེར་ཅེས་བྱ་ཐན་པ་འོང་། །ལག་མཐིལ་ཡི་དྭགས་ཁྱིམ་འཕེལ་ཏེ། །དེ་ཚེ་ངེས་པར་མུ་གེ་

― LT41_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་། །གདུབ་བུའི་གོང་སོང་གཡང་རྒྱལ་ཡིན། །ནོར་བུ་འབྲུ་དང་བདེ་ལེགས་འབྱུང་། །གདུ་བུའི་འོག་སོང་དབང་རྒྱལ་ཡིན། །སྐྱེས་བུ་རྒྱན་གྱི་བསམ་པ་འགྲུབ། །མཁའ་ལ་ཞག་ཆགས་ཉིན་མོ་དྲོ། །ཀུན་ལ་དགེ་བར་བཤད་པ་ཡིན། །ལག་པའི་སྦོ་སྨད་ཟན་བརྫི་ཞེས། །ལོ་ལེགས་སྐྱ་རྒྱལ་དེ་ལས་འགྱངས། །མས་འབྱམས་ཞེས་བྱ་ཆར་ཆུ་ཆེ། །གང་དུ་མ་བབས་ལྡིང་བ་ན། །འབྲས་བུ་ཆེར་མེད་བཏང་སྙོམས་སོ། །ཟླ་བ་སྔོན་མ་གཉིས་བཟང་ན། །སྔ་མ་ངན་ཀྱང་གསོ་བར་བཤད། །གཞན་ཡང་སྔོན་རྗེས་བར་གསུམ་པོ། །སྔོན་མས་སྔ་བཏབ་བར་མ་ཡིས། །བར་བཏབ་རྗེས་མས་ཕྱི་བཏབ་དང་། །སྦྱར་བའི་འབྲས་བུ་བརྗོད་པའང་ཡོད། །བཅུ་དྲུག་འབྱུང་རྩིས་ཆར་ལྟས་ལ། །དུས་བཞི་རྒྱུ་སྐར་སོ་སོའི་ཉིན། །འཐིབས་དྭངས་རླུང་ཆར་ཡོད་མེད་རྩིས། །མོན་གྲུ་མོན་གྲེ་ཁྲུམས་སྟོད་དང་། །ཁྲུམས་སྨད་དག་ལ་རླུང་ཆར་མང་། །ནམ་གྲུའི་ཉི་མར་གནམ་ཐང་འགྱུར། །ཐ་སྐར་བྲ་ཉེར་རླུང་ཆེན་དང་། །གྲང་ངད་ཆེན་པོ་འབྱུང་བར་འགྱུར། །སྨིན་དྲུག་སྣར་མ་གཉིས་ཀྱི་ཉིན། །གནམ་ཁད་འཇམ་ཞིང་ཤིན་ཏུ་དྭངས། །མགོ་དང་ལག་དང་ནབས་སོ་དང་། །རྒྱལ་གྱི་ཉི་མར་ཉི་མ་གསལ། །སྐག་མཆུ་གྲེ་དབོ་ཉིན་དག་ལ། །འཐིབས་ཀྱང་དྭངས་པར་འགྱུར་བ་ཡིན། །མེ་བཞི་ནག་པ་གཉིས་ཀྱི་ཉིན། །ཆར་པ་ཉུང་བར་འགྱུར་བ་

― LT41_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །རླུང་ཆར་རི་ཡི་རྐེད་པར་རྒྱུ། །སྐར་མ་ས་རིའི་ཉི་མ་ལ། །བྱེ་མ་འདྲེས་པའི་རླུང་ཆེན་ལྡང་། །ས་ག་དང་ནི་ལྷ་མཚམས་དང་། །སྣྲོན་སྣྲུབས་བཞི་ཡི་ཉི་མ་ལ། །རླུང་སྒྲ་སྒྲོག་ཅིང་ཆར་པ་ཡོད། །ཆུ་སྟོད་ཆུ་སྨད་གཉིས་ཀྱི་ཉིན། །ཅུང་ཟད་འཐིབས་ལ་ཆར་པ་ཉུང་། །གྲོ་བཞིན་བྱི་བཞིན་གཉིས་ཀྱི་ཉིན། །ཅུང་ཟད་འཐིབ་ཅིང་ཆར་བ་ཡོད། །འདི་ཡན་དཔྱིད་ཀྱི་དུས་ལའོ། །མོན་གྲུ་མོན་གྲེ་ཁྲུམས་སྟོད་དང་། །ཁྲུམས་སྨད་དག་ལ་ཅུང་ཟད་འཐིབས། །ནམ་གྲུ་ཐ་སྐར་བྲ་ཉེའི་ཉིན། །ཆར་པ་ཕྲན་བུ་ཕྲན་བུ་འབབ། །སྨིན་དྲུག་སྣར་མ་གཉིས་ཀྱི་ཉིན། །ཆར་པ་ཡོད་པར་འགྱུར་བ་ཡིན། །མགོ་ལག་གཉིས་ཀྱི་ཉི་མ་ལ། །ནམ་མཁར་སྤྲིན་པ་འཐིབ་པར་འགྱུར། །ནབས་སོ་རྒྱལ་དང་སྐག་མཆུ་སྟེ། །བཞི་ལ་འབབས་སམ་ཡང་ན་ཐང་། །གྲེ་དབོ་མེ་བཞི་གསུམ་གྱི་ཉིན། །སྤྲིན་མེད་ཤིན་ཏུ་དྭངས་པར་འགྱུར། །ནག་པ་ས་རི་གཉིས་ཀྱི་ཉིན། །ཉི་མ་མཐོང་བར་འགྱུར་བ་ཡིན། །ས་ག་ལྷ་མཚམས་གཉིས་ཀྱི་ཉིན། །རླུང་ཆེན་ཆར་ཆེན་འབྱུང་བར་འགྱུར། །སྣྲོན་སྣྲུབས་གཉིས་ཀྱི་ཉི་མ་ལ། །ཆར་པ་ངང་གིས་ཡོད་པར་འགྱུར། །ཆུ་སྟོད་ཆུ་སྨད་གྲོ་བཞིན་དང་། །བྱི་བཞིན་ལ་ནི་ཐང་བར་འགྱུར། །འདི་ཡན་དབྱར་གྱི་དུས་ལའོ། །མོན་གྲུ་མོན་གྲེ་ཁྲུམས་སྟོད་དང་། །ཁྲུམས་སྨད་དག་ལ་འབྲུག་གི་སྒྲ། །དྲག་པོ་སྒྲོག་

― LT41_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར་བ་ཡིན། །ནམ་གྲུ་ཐ་སྐར་བྲ་ཉེ་དང་། །སྨིན་དྲུག་དག་ལ་ཆར་པ་ནི། །ཤར་ཤར་སྒྲ་བཅས་འབབ་པར་འགྱུར། །སྣར་མ་མགོ་ལག་ནབས་སོ་ལ། །ཐང་རྗེས་ཆར་པ་ཡང་འབབ་འགྱུར། །རྒྱལ་སྐག་གཉིས་ཀྱི་ཉི་མ་ལ། །སྤྲིན་བསལ་མགྲོན་པོ་ལམ་དུ་འཇུག །མཆུ་གྲེ་དབོ་དང་མེ་བཞི་ཡི། །ཉི་མར་ཆར་པ་འབབ་མི་འགྱུར། །ནག་པ་ས་རི་གཉིས་ཀྱི་ཉིན། །ཆར་སྒྲ་རླུང་སྒྲ་འབྱུང་བར་འགྱུར། །ས་ག་ལྷ་མཚམས་སྣྲོན་སྣྲུབས་ཀྱི། །ཉི་མར་ཆར་པ་ངེས་པར་འབབ། །ཆུ་སྟོད་ཆུ་སྨད་གྲོ་བཞིན་དང་། །བྱི་བཞིན་བཞི་ཡི་ཉི་མ་ལ། །ཆར་པ་སིལ་སིལ་འབབ་པར་འགྱུར། །འདི་ཡན་སྟོན་གྱི་དུས་སུའོ། །མོན་གྲུ་མོན་གྲེ་ཁྲུམས་སྟོད་དང་། །ཁྲུམས་སྨད་དག་གི་ཉི་མ་ལ། །རླུང་དང་ཆར་པ་མང་བ་ཡིན། །ནམ་གྲུམ་ཆུ་ཉིན་ཐང་བར་འགྱུར། །ཐ་སྐར་བྲ་ཉེ་གཉིས་ཀྱི་ཉིན། །ཆར་པ་སྒྲ་བཅས་གྲང་ངད་ཆེ། །སྨིན་དྲུག་སྣར་མ་གཉིས་ཀྱི་ཉིན། །ནམ་མཁའ་དྭངས་པར་འགྱུར་བ་ཡིན། །མགོ་དང་ལག་པ་གཉིས་ཀྱི་ཉིན། །འཕྲལ་དུ་ཐང་པར་འགྱུར་བ་ཡིན། །ནབས་སོ་རྒྱལ་གྱི་ཉི་མ་ལ། །ནམ་མཁའི་མདོག་ནི་སེར་པོར་འགྱུར། །སྐག་གི་ཉི་མར་སྤྲིན་པ་ལྡང་། །གནམ་གྲང་ཆར་རླུང་སད་འབབ་འགྱུར། །གྲེ་དབོ་གཉིས་ཀྱི་ཉི་མ་ལ། །ཆར་རླུང་རྗེས་སུ་ཉི་མ་མཐོང་། །མེ་བཞི་ནག་པ་གཉིས་ཀྱི་ཉིན། །མཚན་འབབ་ཉིན་མོ་ཐང་པར་འགྱུར། །སྐར་མ་

― LT41_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

ས་རིའི་ཉི་མ་ལ། །བྱེ་མ་འདྲེས་པའི་རླུང་ཆེན་ལྡང་། །ས་ག་ལྷ་མཚམས་སྣྲོན་སྣྲུབས་ཉིན། །ཆར་རླུང་དག་གི་སྒྲ་ཐོས་འགྱུར། །ཆུ་སྟོད་ཆུ་སྨད་གཉིས་ཀྱི་ཉིན། །ཆར་པ་ཡོད་པར་འགྱུར་པ་ཡིན། །གྲོ་བཞིན་བྱི་བཞིན་གཉིས་ཀྱི་ཉིན། །ཤིན་ཏུ་འཐིབས་རྗེས་ཡང་ཐང་འགྱུར། །འདི་ཡན་དགུན་གྱི་དུས་སུའོ། །བཅུ་བདུན་ཉི་ཁྱིམ་དྲུག་ཅུའི་རྩིས། །ཤིང་ཕོ་བྱི་ཉིན་ཆར་བབས་ན། །མེ་ཕོ་སྟག་ཉིན་ཆར་མཚམས་བྱེད། །ཤིང་མོ་གླང་ཉིན་ཆར་བབས་ན། །མེ་མོ་ཡོས་ཀྱི་ཉིན་ལ་ཆད། །མེ་ཕོ་སྟག་གི་ཉི་མ་ལ། །ཆར་བབས་འདི་ཉིན་འཆད་པར་འགྱུར། །མེ་མོ་ཡོས་ཀྱི་ཉིན་འབབ་ན། །ཡུན་མི་རིང་བར་འཆད་པར་འགྱུར། །ས་ཕོ་འབྲུག་གི་ཉི་མ་ལ། །ཆར་འབབ་མཚན་ཕྱེད་དུས་སུ་ཆད། །ས་མོ་སྦྲུལ་གྱི་ཉི་མ་ལ། །ཆར་པ་བབས་ཀྱང་འཕྲལ་དུ་ཆད། །ལྕགས་ཕོ་རྟ་ཡི་ཉིན་བབས་ན། །ལྕགས་མོ་ལུག་གི་ཉི་མར་ཆད། །ལྕགས་མོ་ལུག་གི་ཉིན་བབས་ན། །ས་ཕོ་སྟག་གི་ཉི་མར་ཆད། །ཆུ་ཕོ་སྤྲེལ་གྱི་ཉི་མ་ལ། །ཆར་བབས་དེ་མ་ཐག་ཏུ་ཆད། །ཆུ་མོ་བྱ་ཡི་ཉིན་བབས་ན། །ཤིང་ཕོ་ཁྱི་ཡི་ཉི་མར་ཆད། །ཤིང་ཕོ་ཁྱི་ཡི་ཉི་མ་ལ། །ཆར་པ་བབས་ན་མྱུར་དུ་ཆད། །ཤིང་མོ་ཕག་གི་ཉི་མ་ལ། །ཆར་བབས་དེ་ཉིན་འཆད་བར་འགྱུར། །མེ་ཕོ་བྱི་བའི་ཉི་མ་ལ། །ཆར་འབབ་འཕྲལ་དུ་འཆད་པར་འགྱུར། །མེ་མོ་གླང་གི་ཉི་མ་ལ། །ཆར་བབས་ཡུན་མི་རིང་བར་

― LT41_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད། །ས་ཕོ་སྟག་གི་ཉི་མ་ལ། །ཆར་བབས་དུས་དེ་ཉིད་ལ་ཆད། །ས་མོ་ཡོས་ཀྱི་ཉི་མ་ལ། །འབབ་པའི་ཆར་པ་འཕྲལ་དུ་ཆད། །ལྕགས་ཕོ་འབྲུག་གི་ཉི་མ་ལ། །ཆར་པ་འབབ་པ་འཕྲལ་དུ་ཆད། །ལྕགས་མོ་སྦྲུལ་གྱི་ཉི་མར་བབས། །ཆུ་མོ་ལུག་གི་ཉི་མར་ཆད། །ཆུ་ཕོ་རྟ་ཡི་ཉི་མ་ལ། །ཆར་བབས་དེ་མ་ཐག་ཏུ་ཆད། །ཆུ་མོ་ལུག་གི་ཉི་མ་ལ། །ཆར་བབས་ཤིང་ཕོ་སྤྲེལ་ཉིན་ཆད། །ཤིང་ཕོ་སྤྲེལ་གྱི་ཉི་མ་ལ། །ཆར་པ་བབས་པ་འཕྲལ་དུ་ཆད། །ཤིང་མོ་བྱ་ཡི་ཉིན་བབས་ན། །མེ་ཕོ་ཁྱི་ཡི་ཉི་མར་ཆད། །མེ་ཕོ་ཁྱི་ཉིན་ཆར་བབས་ན། །དུས་དེ་ཉིད་དུ་འཆད་པར་འགྱུར། །མེ་མོ་ཕག་གི་ཉི་མ་ལ། །དུས་དེ་ཉིད་དུ་ཆར་པ་ཆད། །ས་ཕོ་བྱི་བའི་ཉིན་བབས་ན། །ལྕགས་ཕོ་སྟག་གི་ཉི་མར་ཆད། །ས་མོ་གླང་གི་ཉིན་བབས་ན། །ཆུ་མོ་གླང་གི་ཉི་མར་ཆད། །ལྕགས་ཕོ་སྟག་གི་ཉི་མ་ལ། །ཆར་བབས་དུས་དེར་འཆད་པར་འགྱུར། །ལྕགས་མོ་ཡོས་ཉིན་ཆར་བབས་ན། །ཆུ་མོ་སྦྲུལ་གྱི་ཉི་མར་ཆད། །ཆུ་ཕོ་འབྲུག་གི་ཉིན་བབས་ན། །ལྕགས་མོ་གླང་གི་ཉིན་ལ་ཆད། །ལྕགས་མོ་སྦྲུལ་གྱི་ཉི་མ་ལ། །ཆར་བབས་ཡུན་མི་རིང་བར་ཆད། །ཤིང་ཕོ་རྟར་བབས་དུས་དེར་ཆད། །ཤིང་མོ་ལུག་ལ་ཆར་བབས་ན། །མེ་མོ་བྱ་ཡི་ཉི་མར་ཆད། །མེ་ཕོ་སྤྲེལ་བབས་འཕྲལ་དུ་ཆད། །མེ་མོ་བྱ་ཡི་ཉི་མ་ལ། །ཆར་བབས་ས་མོ་ཕག་ལ་

― LT41_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད། །ས་ཕོ་ཁྱི་ལ་བབས་གྱུར་ན། །ལྕགས་མོ་གླང་གི་ཉི་མར་ཆད། །ས་མོ་ཕག་གི་ཉི་མ་ལ། །ཆར་བབས་དུས་དེར་འཆད་པར་འགྱུར། །ལྕགས་ཕོ་བྱི་བའི་ཉི་མ་ལ། །ཆར་བབས་མེ་ཕོ་འབྲུག་ཉིན་ཆད། །ལྕགས་མོ་གླང་ཉིན་ཆར་བབས་ན། །ཆུ་ཕོ་སྟག་གི་ཉིན་ལ་ཆད། །ཆུ་ཕོ་སྟག་གི་ཉི་མ་ལ། །ཆར་བབས་དུས་དེར་འཆད་པར་འགྱུར། །ཆུ་མོ་ཡོས་ཉིན་ཆར་བབས་ན། །དེ་མ་ཐག་ཏུ་འཆད་པར་འགྱུར། །ཤིང་ཕོ་འབྲུག་གི་ཉི་མ་ལ། །ཆར་བབས་འཕྲལ་དུ་འཆད་པར་འགྱུར། །ཤིང་མོ་སྦྲུལ་གྱི་ཉི་མ་ལ། །ཆར་བབས་མེ་ཕོ་རྟ་ལ་ཆད། །མེ་ཕོ་རྟ་ཡི་ཉི་མ་ལ། །ཆར་བབས་དུས་དེར་འཆད་པར་འགྱུར། །མེ་མོ་ལུག་གི་ཉི་མ་ལ། །ཆར་པ་བབས་པ་མྱུར་དུ་ཆར། །ས་ཕོ་སྤྲེལ་གྱི་ཉི་མ་ལ། །ཆར་བབས་ལྕགས་ཕོ་ཁྱི་ལ་ཆད། །ས་མོ་བྱ་ཡི་ཉི་མ་ལ། །ཆར་བབས་ལྕགས་མོ་ཕག་ལ་ཆད། །ལྕགས་ཕོ་ཁྱི་ཡི་ཉི་མ་ལ། །ཆར་བབས་དུས་དེར་འཆད་པར་འགྱུར། །ལྕགས་མོ་ཕག་གི་ཉི་མ་ལ། །ཆར་བབས་ཆུ་མོ་གླང་ལ་ཆད། །ཆུ་ཕོ་བྱི་བའི་ཉི་མ་ལ། །ཆར་བབས་ཆུ་མོ་གླང་ལ་ཆད། །ཆུ་མོ་གླང་གི་ཉི་མ་ལ། །ཆར་པ་བབས་པ་དུས་དེར་ཆད། །ཤིང་ཕོ་སྟག་གི་ཉི་མ་ལ། །ཆར་བབས་དེ་མ་ཐག་ཏུ་ཆད། །ཤིང་མོ་ཡོས་ཀྱི་ཉི་མ་ལ། །ཆར་བབས་མེ་ཕོ་འབྲུག་ཉིན་ཆད། །མེ་ཕོ་འབྲུག་ལ་བབས་གྱུར་ན། །

― LT41_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་མོ་སྦྲུལ་ཉིན་འཆད་པར་འགྱུར། །མེ་མོ་སྦྲུལ་གྱི་ཉི་མ་ལ། །ཆར་བབས་དུས་དེར་འཆད་པར་འགྱུར། །ས་ཕོ་རྟ་ལ་བབས་གྱུར་ན། །དེ་མ་ཐག་ཏུ་འཆད་པར་འགྱུར། །ས་མོ་ལུག་གི་ཉི་མ་ལ། །ཆར་བབས་དུས་དེར་འཆད་པར་འགྱུར། །ལྕགས་ཕོ་སྤྲེལ་ཉིན་བབས་གྱུར་ན། །ཤིང་ཕོ་བྱི་བའི་ཉིན་ལ་ཆད། །ལྕགས་མོ་བྱ་ཡི་ཉི་མ་ལ། །ཆར་བབས་དུས་དེར་འཆད་པར་འགྱུར། །ཆུ་ཕོ་ཁྱི་ཡི་ཉི་མ་ལ། །ཆར་བབས་འཕྲལ་དུ་འཆད་པར་འགྱུར། །ཆུ་མོ་ཕག་གི་ཉི་མ་ལ། །ཆར་བབས་དེ་མ་ཐག་ཏུ་ཆད། །བཅོ་བརྒྱད་ནམ་མཁའི་མདངས་བརྟགས་པ། །ཉི་ཤར་ཤར་ལྷོ་མདངས་ནག་ན། །ཉིན་གུང་སྔོན་དུ་ཆར་པ་ཡོད། །ཉི་ནུབ་ནུབ་བྱང་མདངས་ནག་ན། །མཚན་ཕྱེད་ཆར་པ་ཡོད་པར་འགྱུར། །བཅུ་དགུ་སྤྲིན་པ་བརྟགས་པའི་རྩིས། །ཉི་ཤར་སྤྲིན་པ་མེད་གྱུར་ན། །ཉི་མ་འཆར་པ་མདངས་དང་ལྡན། །ཉི་ནུབ་ནུབ་ཏུ་མདངས་གསལ་ན། །ཕྱི་ཉིན་ནམ་མཁའ་དྭངས་བར་འགྱུར། །རྒྱ་ཐག་བར་སྣང་གཡེང་གྱུར་ན། །རེ་ཞིག་ནམ་མཁའ་དྭངས་བར་འགྱུར། །ཉི་ཤར་ཤར་ཕྱོགས་སྤྲིན་འཕགས་ན། །རླུང་བཅས་ཆར་པ་མྱུར་དུ་འབབ། །རླུང་དལ་ཚ་རླངས་འབྱུང་གྱུར་ན། །སྤྲིན་འཐིབས་འབྲུག་སྒྲ་སྒྲོག་པར་འགྱུར། །ཤར་རླུང་སྤྲིན་པ་ནུབ་ཏུ་རྒྱུ། །ཆར་པ་དུས་ལས་ཡོལ་མི་འགྱུར། །ཡོས་དུས་ཤར་ལྷོར་སྤྲིན་ཐོན་ན། །སྦྲུལ་གྱི་དུས་སུ་ཆར་

― LT41_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡོད། །ལྷོ་རིར་སྤྲིན་སྟུག་ཐོན་གྱུར་ན། །འབྲུག་དུས་རླུང་དང་ཆར་པ་འབྱུང་། །ཉི་ཤར་ཡོས་དུས་སྤྲིན་བྱུང་ན། །ཆར་པ་མེད་ཀྱང་གནམ་འཐིབས་འགྱུར། །རླུང་ཆར་སྤྲིན་པ་མགྱོགས་པར་རྒྱུ། །མི་འགྱངས་རླུང་དང་ཆར་པ་ཆད། །ཐད་ཀའི་སྤྲིན་རླུང་མཉམ་དུ་རྒྱུ། །རླུང་ཆར་དུས་ཚོད་གཞན་དུ་འཕོ། །ཉི་ནུབ་སྤྲིན་པ་ནག་པོས་བསུ། །རླུང་དང་ཆར་པ་ངེས་པར་འབྱུང་། །རི་བོ་སྤྲིན་པས་ཁེབས་གྱུར་ན། །མཚན་སྦྲེལ་ཆར་པ་འབབ་པར་འགྱུར། །འབྲུག་སྒོའི་ཕྱོགས་ནས་སྤྲིན་པ་ཐོན། །རླུང་བཅས་ཆར་དྲག་འབབ་པར་འགྱུར། །ནུབ་བྱང་སྤྲིན་པ་ནག་པོས་ཐོན། །འབྲུག་སྒྲ་དང་བཅས་ཆར་པ་འབབ། །སྤྲིན་པ་ཀ་ཁྲབ་འདྲ་བ་འབྱུང་། །ཕྱི་ཉིན་རླུང་ཆེན་ལྡང་བར་འགྱུར། །ཉི་མ་ཕྱེད་ཡོལ་དུས་ཙམ་དུ། །སྤྲིན་པ་བསྒྲིགས་པར་གྱུར་པ་ན། །རླུང་འབྱུང་མི་འབྱུང་ངེས་པ་མེད། །དབྱར་དུས་སྤྲིན་པ་དཀྱིལ་དུ་ཐོན། །སྟོན་རླུང་ཁད་ཀྱིས་འབྱུང་བར་འགྱུར། །ནམ་ལངས་ཤར་ཕྱོགས་སྤྲིན་ཐོན་ན། །ཆར་མེད་མཚན་མོར་སྤྲིན་པ་དག །ནུབ་ཏུ་བྱུང་ཚེ་སྤྲིན་འཁྲུགས་ན། །རླུང་དང་ཆར་པ་མི་ཉུང་འབྱུང་། །རླུང་གིས་ཆར་པ་བདས་གྱུར་ན། །ཆར་པ་ཤིན་ཏུ་ཆེ་བ་འབབ། །སྤྲིན་པ་ཁད་ཀྱིས་ཉམས་གྱུར་ན། །སྤྲིན་དམར་དང་བཅས་ཉི་མ་ཤར། །མགྲོན་པོ་ཤུལ་རིང་བགྲོད་མི་བྱ། །ཉི་ནུབ་དུས་སུ་སྤྲིན་དམར་འབྱུང་། །

― LT41_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ཆར་པ་འབབས་སམ་མི་འབབ་ཅེས། ཁ་དམར་གདགས་པར་མི་ནུས་སོ། །ཉི་ཤུ་རླུང་བརྟགས་པ་ཡི་རྩིས། །སྟོན་དགུན་ཤར་ལྷོའི་རླུང་བྱུང་ན། །དེ་ཉིན་ཆར་པ་འབབ་མི་འགྱུར། །དཔྱིད་དབྱར་ནུབ་བྱང་རླུང་ལང་ན། །ནམ་མཁའ་ངེས་པར་དྭངས་པར་འགྱུར། །སྔ་དྲོ་རླུང་ལ་རྒྱུན་མི་རིང་། །ཕྱི་དྲོ་རླུང་ལང་ཆར་པ་ཆེ། །དཔྱིད་དབྱར་ཤར་ལྷོའི་རླུང་ལྡང་ན། །གནམ་ལ་དྲི་བ་བྱ་མི་དགོས། །སྟོན་དགུན་ནུབ་བྱང་རླུང་ལང་ན། །ནམ་མཁའ་ངེས་པར་དྭངས་པར་འགྱུར། །དབྱར་གྱི་དུས་སུ་རླུང་ཁད་འཇམ། །གྲུ་བོ་ཆུ་བོར་བགྲོད་པ་བདེ། །སྟོན་གྱི་དུས་སུ་རླུང་འབྱུང་བས། །ཆུ་བོའི་རླབས་ཆེན་འཕྱུར་བར་འགྱུར། །དབྱར་དུས་རླུང་ནི་མཚན་སྒྲེལ་ན། །ཉིན་གྱི་སྔོན་དུ་རླུང་ཆགས་འགྱུར། །ཆར་རྗེས་ཤར་ལྷོའི་རླུང་བྱུང་ན། །ཕྱི་དྲོ་རླུང་ནི་ཆེས་ཆེར་ལྡང་། །སྔ་དྲོའི་དུས་སུ་ཆར་རླུང་བྱུང་། །རླུང་ཆེན་ཉམས་པར་འགྱུར་བ་ཡིན། །ཚེས་གསུམ་རླུང་ཆེན་ལང་གྱུར་ན། །ཚེས་བཞི་ལ་ཡང་རླུང་ལྡང་སྟེ། །ཉི་ཤུ་གསུམ་གྱི་ཉི་མ་ལ། །ཤིན་ཏུ་ཆེ་བའི་རླུང་འབྱུང་ངོ། །ཚེས་བདུན་ཚེས་པ་བརྒྱད་དག་ལ། །ངེས་པར་རླུང་ཡོང་འཕྲིན་སྔོན་འབྱུང་། །དཔྱིད་དུས་ཁ་བ་བབས་པའི་རྗེས། །ཞག་པོ་བརྒྱ་དང་ཉི་ཤུ་ན། །ངེས་པར་རླུང་ཡོད་སེམས་ལ་ཞོག །ཟླ་བ་གཉིས་པར་ཆར་རླུང་མང་། །མགྲོན་པོ་དག་གི་སེམས་ལ་ཞོག །ཚེས་པ་བརྒྱད་དང་བཅུ་གསུམ་

― LT41_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །བཅུ་དགུ་དང་ནི་ཉི་ཤུ་གཅིག །ཟླ་བ་གསུམ་པའི་ཚེས་བརྒྱད་བཅས། །ཆར་པ་ངེས་པར་འབབ་གྱུར་ན། །ཟླ་བ་བཞི་པའི་བཅོ་བརྒྱད་ལ། །ཆར་པ་འབབ་པར་འགྱུར་བ་ཡིན། །རླུང་ཆར་འབྱུང་བའི་རླན་ཡང་འབྱུང་། །གྲུར་ཞུགས་མིས་ཀྱང་བཤོལ་དུ་མེད། །ཟླ་བ་ལྔ་པའི་ཚེས་ལྔ་ལ། །རླུང་གི་ཉམས་ཤིག་བྱུང་གྱུར་ན། །གཉིས་དང་དགུ་དག་ངེས་པར་བྱ། །ནུབ་བྱང་ངོས་ནས་རླུང་ཆེན་ལང་། །ལྷོ་རུ་རིམ་གྱིས་ཆེ་བར་འགྱུར། །ཟླ་བ་དྲུག་པའི་ཚེས་བཅུ་གཅིག །བཅུ་གཉིས་དག་ལ་འཛེམ་པ་གཅེས། །ཟླ་བ་བདུན་པའི་ཡར་ངོ་ལ། །རླུང་བྱུང་སྟོན་དུས་གྲུ་མི་གཏོང་། །ཟླ་བ་བརྒྱད་པའི་དཀྱིལ་གྱི་དུས། །ངེས་པར་རླུང་འབྱུང་ཆར་པ་ཡོད། །ཉེར་གཅིག་ཉི་མ་བརྟགས་པའི་རྩིས། །ཉི་མ་སྤྲིན་ནག་དང་འབྲེལ་ན། །མྱུར་དུ་ཆར་པ་འཐིག་པར་འགྱུར། །སྤྲིན་རུམ་ནས་ནི་ཉི་མ་གསལ། །ནམ་མཁའ་ཤིན་ཏུ་དྭངས་པར་འགྱུར། །སྔ་དྲོར་ཉི་དཀྱིལ་རྣ་ལུང་འབྱུང་། །རླུང་དྲག་ལྡང་བར་འགྱུར་བ་ཡིན། །སྤྲེལ་དུས་ཉི་དཀྱིལ་རྣ་ལུང་འབྱུང་། །ཕྱི་ཉིན་ཆར་པ་འབབ་པའི་རྟགས། །ཉི་མའི་རྣ་ལུང་གཅིག་པ་ནི། །སྐར་མ་ཟུང་མིན་དག་ལ་འབྱུང་། །ཉི་མའི་རྣ་ལུང་གཉིས་པ་ནི། །སྐར་མ་ཟུང་ལ་འབྱུང་བ་ཡིན། །ཉིན་གུང་སྔོན་དུ་ཉི་མ་ནི། །མི་གསལ་གྱུར་ཚེ་བྱང་རླུང་ལྡང་། །ཉིད་གུང་རྗེས་སུ་ཉི་མ་ནི། །མི་གསལ་

― LT41_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ཚེ་རླུང་འབྱུང་ངོ་། །ཉི་དཀྱིལ་བསྒྲིབས་པ་བསལ་རྗེས་སུ། །རླུང་ཤུགས་ཉམས་པར་འགྱུར་བ་ཡིན། །སྔ་དྲོར་ཉི་མའི་མདོག་དཀར་ཞིང་། །ཕྱི་དྲོར་མདོག་ནི་དམར་གྱུར་ན། །བྱེ་མ་འདྲེས་པའི་རླུང་ལྡང་འགྱུར། །ཉི་ནུབ་དུས་སུ་དམར་གྱུར་ན། །ཆར་པ་མེད་ཅིང་རླུང་འབྱུང་ངོ་། །སྔ་དྲོར་ནམ་མཁའ་དྭངས་གྱུར་ན། །བསིར་བུ་ལྡང་བར་འགྱུར་བ་ཡིན། །སྔ་དྲོར་ས་གཞི་དྭངས་གྱུར་ན། །ཆར་འཇམ་འབབ་པར་འགྱུར་བ་ཡིན། །མཚན་མོར་ནམ་མཁའི་མདངས་གསལ་ན། །ཉིན་མཚན་སྦྲེལ་བའི་ཆར་པ་འབབ། །ཉི་མའི་གཟི་བྱིན་རབ་གསལ་ན། །རེ་ཞིག་ནམ་མཁའ་དྭངས་པ་འབྱུང་། །ཉི་མའི་འོད་ཟེར་འཆར་སྔ་ན། །ནམ་མཁའ་དྭངས་པ་རེ་ཞིག་ཙམ། །ཉི་མའི་འོད་འགྱུར་སེར་པོར་གྱུར། །ཕྱི་ཉིན་རླུང་དྲག་གཡོ་བར་འགྱུར། །ཉིན་ཕྱེད་རྗེས་སུ་སྤྲིན་པ་ཡིས། །ཉི་མ་སྒྲིབ་ན་མཚན་ཆར་ཆེ། །ཉེར་གཉིས་འཇའ་ཚོན་བརྟགས་པའི་རྩིས། །ཆར་པ་འབབ་བཞིན་འཇའ་ཟུག་ན། །ནམ་མཁའ་སྤྲིན་མེད་གསལ་བར་འགྱུར། །ཕྱི་དྲོ་འཇའ་ཡི་དུམ་བུ་ཤར། །ངེས་པར་གནམ་མདངས་འགྱུར་བར་བཤད། །སྔ་དྲོཏ་་འཇའ་ཡི་དུམ་བུ་ཤར། །རླུང་འབྱུང་གྱུར་ཀྱང་འགལ་བ་མེད། །ཉེར་གསུམ་སྨུག་པ་བརྟགས་པའི་རྩིས། །སྔ་དྲོར་སྨུག་པ་བྱུང་མ་ཐག །སྡུད་པར་གྱུར་ན་གནམ་མཐོང་འགྱུར། །སྔ་དྲོར་སྨུག་པ་རྒྱུན་རིང་འཐིབས། །ཆར་པ་སིལ་བུ་འབབ་

― LT41_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འགྱུར། །ཉིན་གསུམ་སྨུག་པ་སྟུག་པོར་འཐིབས། །ངེས་པར་རླུང་ཆེན་ལྡང་བར་འགྱུར། །འཇའ་དཀར་ཤར་བར་གྱུར་ན་ནི། །སྨུག་པ་སྟུག་པོ་སྡུད་པར་འགྱུར། །ཉེར་བཞི་གློག་འོད་བརྟགས་པའི་རྩིས། །ལྷོ་ནུབ་ཕྱོགས་སུ་གློག་འོད་འཁྱུགས། །ཕྱི་ཉིན་ཚ་བ་འཐིབས་པར་འགྱུར། །ནུབ་ཏུ་གློག་འོད་འཁྱུགས་གྱུར་ན། །ཆར་པ་རྒྱུན་རིང་འབབ་པར་འགྱུར། །འབྲུག་དུས་གློག་འོད་དྲག་པོ་འཁྱུགས། །ངེས་པར་རླུང་ཆེན་ལྡང་བར་འགྱུར། །གློག་འོད་འཆལ་བར་འཁྱུགས་གྱུར་ན། །ཆར་མེད་རླུང་ཡང་འཇགས་པར་འགྱུར། །གློག་འོད་སིལ་བུར་འཁྱུགས་གྱུར་ན། །ཆར་འབབ་རླུང་ཆེན་ལྡང་བར་འགྱུར། །ཉེར་ལྔ་དུས་མཚམས་ཉེར་བཞི་ལ། །ལོ་ཏོག་ལེགས་ཉེས་བརྟགས་པའི་རྩིས། །ཟླ་བ་དང་པོའི་ཚེས་གཅིག་ཉིན། །སྔ་དྲོའི་དུས་སུ་ཕྱོགས་བཞི་འཐིབས། ཁ་བ་ཆེ་ཞིང་ཐན་པའི་ལོ། །དཔྱིད་ཀྱི་དབུགས་ནི་ཐོབ་པའི་ཉིན། །ཉི་ཤར་ནས་བཟུང་ཉི་ནུབ་བར། །རླུང་མེད་ཁད་འཇམ་བྱུང་གྱུར་ན། །ཞིང་པས་དཀའ་ཚེགས་བྱེད་མི་དགོས། །ཟླ་བ་གཉིས་པའི་དུས་སུ་ནི། །འབུ་སྲིན་དག་གི་དབུགས་རྒྱུ་དུས། །འབྲུག་གྲགས་འབྲུ་རྣམས་འདམ་བཞིན་འགྱུར། །ཉིན་མཚན་མཉམ་པའི་ཉི་མ་ལ། །ཆར་བབས་ལོ་དེར་ནད་པ་ཉུང་། །ཟླ་བ་གཉིས་པ་འདི་ཡི་ནང་། །ཡོས་ཀྱི་ཉི་མ་གསུམ་བྱུང་ན། །གྲོ་སོགས་

― LT41_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་རྣམས་སྨིན་པར་འགྱུར། །ཟླ་བ་གསུམ་པའི་དུས་སུ་ནི། །ཚེས་གཅིག་ནས་ནི་རླུང་ཆར་བྱུང་། །རིམས་ཀྱིས་འདེབས་ཤིང་མི་རྣམས་སྡུག །གནམ་དྭངས་ཞེས་བྱའི་ཉི་མ་ལ། །ལྷོ་ཡི་ཕྱོགས་ནས་རླུང་བྱུང་ན། །ངེས་པར་ཞིང་སའི་ལོ་ཏོག་སྨིན། །ཟླ་བ་བཞི་པའི་དུས་སུ་ནི། །དབྱར་གྱི་དབུགས་ཐོབ་ཉི་མ་ལ། །ཤར་ནས་རླུང་བྱུང་ནད་ཉུང་འགྱུར། །ཟླ་བ་འདི་ཡི་ཚེས་བརྒྱད་ལ། །ནམ་མཁའ་ཤིན་ཏུ་དྭངས་གྱུར་ན། །ཤིང་ཏོག་རྣམས་ནི་སྨིན་པར་འགྱུར། །ཤིང་ཕོ་བྱི་དང་ལྕགས་ཕོ་འབྲུག །འདི་གཉིས་ཉི་མར་འབྲུག་གྲགས་ན། །ཆ་གས་ལོ་ཏོག་ཟ་བར་འགྱུར། །ཟླ་བ་ལྔ་པའི་དུས་སུ་ནི། །སངས་རྒྱས་སྨན་བླའི་ཉི་མ་ལ། །ཆར་བབས་ལོ་ཏོག་ལེགས་པར་སྨིན། །མྱུར་འདེབས་ཞེས་བྱའི་དུས་ཀྱི་ཉིན། །འབྲུག་སྐད་གྲགས་ན་ལོ་ཏོག་བཟང་། །ཉི་མ་ལྡོག་ཉིན་ནུབ་བྱང་ནས། །རླུང་བྱུང་སྔོ་ཚོད་དག་ལ་ངན། །ཟླ་བ་དྲུག་པའི་དུས་སུ་ནི། །ཚད་དུས་གསུམ་གྱི་ཉིན་དག་ཏུ། །ལྷག་པར་ཚ་ན་འབྲུ་མི་སྨིན། །འདི་དུས་ནད་དག་མེད་གྱུར་ན། །དགུན་ཟླ་གསུམ་ལ་ཁ་བ་ཆེ། །ཟླ་བ་བདུན་པའི་དུས་སུ་ནི། །སྟོན་དབུགས་ཐོབ་པའི་ཉི་མ་ལ། །ཆར་པ་མེད་ན་སྡུག་བསྔལ་འབྱུང་། །ལོ་ཏོག་ཕྱེད་ཙམ་སྨིན་པ་ཡིན། །ཚ་བ་ཐོན་པའི་ཉི་མ་ལ། །ཆར་པ་བབས་པར་གྱུར་ན་ནི། །འབྲུ་རྣམས་ཐོགས་ཀྱང་ཕན་པ་མེད། །ཟླ་བ་བརྒྱད་པའི་

― LT41_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སུ་ནི། །སྟོན་གྱི་ཉིན་མཚན་མཉམ་པའི་ཉིན། །སྤྲིན་དཀར་མང་བྱུང་འབྲུ་རྣམས་སྨིན། །ཉིན་མཚན་མཉམ་པའི་དུས་དེ་ལ། །འབྲུག་གྲགས་གློག་འཁྱུགས་བྱུང་ན་ངན། །དགུན་དུས་འབྲུ་རིན་ཆེ་བར་འགྱུར། །ཟླ་བ་དགུ་པའི་དུས་སུ་ནི། །ཚེས་གཅིག་སད་འབབ་ཞིང་བར་ངན། །ཚེས་དགུ་ཆར་པ་མ་བབས་ན། །དགུན་རིང་ཁབ་དཀོན་པར་འགྱུར། །འདི་དུས་ཟླ་དབུས་དཔང་ཐིག་འབྱུང་། །མི་ལ་ན་ཚ་སྣ་ཚོགས་འབྱུང་། །འདི་ཉིན་འབྲུག་གྲགས་སྔོ་ཚོད་རྣམས། །རིན་ཆེ་དཀོན་པར་འགྱུར་བ་ཡིན། །ཟླ་བ་བཅུ་པའི་དུས་སུ་ནི། །ཆུ་ཕོའི་ཁམས་ཀྱི་ཉི་མ་ལ། །དགུན་དབུགས་ཐོབ་པར་གྱུར་ན་ནི། །ཕྱི་ལོའི་ཞིང་ལས་དོན་མེད་འགྱུར། །འདི་ཉིན་ཆུ་ཕོ་བྱི་བར་འཕྲད། །མི་ལ་ནད་ཀྱིས་འདེབས་པར་འགྱུར། །ཟླ་བ་བཅུ་གཅིག་པ་ཡི་དུས། །ཚེས་གཅིག་ནུབ་ནས་རླུང་ལང་ན། །རྐུན་མ་མང་པོས་ལྡང་འགྱུར་ཞིང་། ཁ་བ་ཆེ་ལ་བར་ཆད་མང་། །དགུན་ཉི་ལྡོག་པའི་ཉི་མ་ལ། །གནམ་ཁད་འཇམ་ཞིང་ཉི་མདངས་བཟང་། །ཕྱི་ལོར་མི་རྣམས་བདེ་བ་དང་། །སྐྱ་རྒྱལ་འབྱུང་བས་བཟང་བ་ཡིན། །ཟླ་བ་བཅུ་གཉིས་པ་ཡི་དུས། །ཚེས་གཅིག་ཤར་རླུང་ལང་གྱུར་ན། །ཕྱུགས་ལ་གོད་ཁ་འབྱུང་བར་འགྱུར། །འདི་ཉིན་རླུང་དང་ཁ་བ་ཆེ། །ཕྱི་ལོ་ཐན་པའི་ལོ་རུ་འགྱུར། །འདི་ཉིན་ནམ་མཁའ་

― LT41_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

དྭངས་བྱུང་ན། །ཞིང་པ་སེམས་བདེར་བསྡད་པས་ཆོག །ཉེར་དྲུག་སྟག་ཟླའི་ཚེས་གཅིག་ཉིན། །རླུང་ཆར་འཐིབས་དྭངས་བརྟགས་པའི་རྩིས། །ཟླ་བ་དང་པོའི་ཚེས་གཅིག་ལ། །གནམ་གྱི་ཁད་ནི་འཇམ་གྱུར་ན། །དུས་ཚོད་ཀུན་ཏུ་བཟང་བ་ཡིན། །རྒྱལ་ཁམས་བདེ་ཞིང་འབངས་ཀྱང་སྐྱིད། །འབྲུ་སྣ་ལྔ་རྣམས་ཤིན་ཏུ་འཕེལ། །མི་ལ་ནད་ཉུང་དུད་འགྲོ་འཕེལ། །རྐུན་མ་དག་ནི་ཉམས་པར་འགྱུར། །འདི་ཉིན་ཆར་པ་བབས་གྱུར་ན། །མི་ལ་ནད་འབྱུང་ཆར་ཞོད་ཆེ། །དུད་འགྲོ་མི་འཕེལ་ཤིང་ཏོག་བྲུལ། །འདི་ཉིན་གློ་བུར་རླུང་ཆེན་ལངས། །ངེས་པར་རྐུན་མས་སྡང་བར་འགྱུར། །གསར་རྨོས་སར་བཏབ་སྨིན་མི་འགྱུར། །ཕྱུགས་ལ་ཕྱུགས་ནད་འབྱུང་བ་དང་། །ཆར་དཀོན་ཐན་པ་འབྱུང་བ་ཡིན། །སྔོ་ཚོད་དག་ཀྱང་ཉུང་བར་འགྱུར། །འདི་ཉིན་ཁ་བ་ཆེར་བབས་ན། །འབྲུ་རྣམས་འཕེལ་ཀྱང་ནོར་ལུག་ངན། །ཤིང་ཐོག་སྡོང་པོར་མེ་ཏོག་ཉུང་། །འབྲུ་རྣམས་མོད་པར་འགྱུར་བ་ཡིན། །གོས་སྲིན་ཉུང་ཞིང་ཤིང་ཏོག་ཀྱང་། །ཉུང་ལ་སྔོ་ཚོད་མང་བ་དང་། །བུད་མེད་དག་ལ་ནད་རིམས་འབྱུང་། །འདི་ཉིན་སྨུག་པ་ཆེར་འཐིབས་ན། །ལོ་འདིར་སྐྱེས་པའི་བུ་ཆུང་ལ། །ནད་འབྱུང་གོས་ཀྱི་སྲིན་བུ་འཕེལ། །ཆར་བ་སྙོམ་པོ་འབྱུང་བ་ཡིན། །འདི་ཉིན་ཆར་བབས་གློག་འགྱུ་ན། །སྡུག་འདྲེ་རྐུན་མ་མང་བ་ཡིན། །མི་ལ་རྨ་འབྱུང་

― LT41_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

གཡམ་པ་འབྱུང་། །ཟླ་བ་འདི་ལ་གློག་འཁྱུགས་ན། །དུས་ཚོད་འཆོལ་བར་འགྱུར་བ་ཡིན། །ཐབས་ཆ་ཤེས་ཆ་གོ་ལོག་ཡིན། །ཚེས་མགོར་གློག་འགྱུ་མི་ལ་ངན། །འདི་ཉིན་བྱེ་འདྲེས་རླུང་ཆར་བྱུང་། །གོས་ཆེན་དཀོན་ཅིང་ཞིང་ས་སྟོང་། །འདི་ཉིན་ཕྱོགས་བཞིར་མདངས་སེར་ན། །ལོ་ཏོག་སྨིན་ཅིང་མདོག་དཀར་ན། །ངན་ལ་མདོག་སྔོ་ཆ་ག་མང་། །མདངས་དམར་ཐན་པ་འབྱུང་བ་ཡིན། །མདངས་ནག་ཆར་ཞོད་ཆེན་པོ་འབྱུང་། །འདི་ཉིན་སྔ་དྲོར་ནུབ་རླུང་འབྱུང་། །འབུ་སྲིན་མང་བར་འགྱུར་བ་ཡིན། །བྱང་རླུང་བྱུང་ན་སྲན་མ་འཕེལ། །སྟོན་དུས་ཆར་པ་མང་བར་འགྱུར། །ལྷོ་རླུང་བྱུང་ན་ཐན་པའི་རྟགས། །ཟླ་བ་ལྔ་པར་ཁྲེས་དཀོན་འགྱུར། །ལྷོ་ནུབ་རླུང་བྱུང་ས་རྨོ་རུང་། །ནོར་ལུག་དག་ལ་ས་དུག་ཕོག །འབངས་མི་དག་ལ་ནད་འབྱུང་ངོ་། །གཞན་ཡང་དང་པོའི་ཚེས་གཅིག་གི། སྔ་དྲོ་ནས་བཟུང་ཉི་གུང་བར། །སྤྲིན་དང་ཆར་པ་མེད་གྱུར་ན། །ལོ་ཏོག་སྔ་བར་སྨིན་པ་འབྱུང་། །སྔ་དྲོ་ནས་བཟུང་ཉི་ནུབ་བར། །སྤྲིན་དང་ཆར་པ་མེད་གྱུར་ན། །མེ་ཏོག་འཕྱིས་པར་སྨིན་པ་འབྱུང་། །ཤར་ཕྱོགས་རླུང་ནག་བྱུང་གྱུར་ན། །དཔྱིད་ཀ་ཆར་པ་མོད་པ་ཡིན། །སྤྲིན་སྔོན་བྱུང་ན་འབངས་རྣམས་ལྟོག །མི་དག་མི་བདེ་སྡུག་བསྔལ་མང་། །སྤྲིན་དཀར་བྱུང་ན་མྱ་ངན་འབྱུང་། །ལྷོ་ཕྱོགས་སྤྲིན་ནག་བྱུང་གྱུར་ན། །དབྱར་

― LT41_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཆར་པ་མང་བ་ཡིན། །སྤྲིན་པ་དམར་པོ་བྱུང་གྱུར་ན། །ཟླ་བ་ལྔ་པར་ཐན་པ་འབྱུང་། །ཟླ་བ་དྲུག་པའི་ནང་དུ་ནི། །ཆར་པ་ཚིམ་པར་འབབ་པ་ཡིན། །ནུབ་ཏུ་སྤྲིན་ནག་ལང་གྱུར་ན། །སྟོན་དུས་ཆར་པ་མང་པོ་འབབ། །སྤྲིན་དཀར་སྟོན་དུས་མི་མི་བདེ། །ནུབ་བྱུང་སྤྲིན་ནག་བྱུང་གྱུར་ན། ཁ་ཆར་མང་པོ་འབབ་པར་འགྱུར། །ཉེར་བདུན་གནམ་གྱི་ཁམས་བཅུའི་རྩིས། །ཟླ་བ་དང་པོའི་ཚེས་གཅིག་ཉིན། །ཤིང་ཕོ་འབྲུ་མོད་མི་མི་བདེ། །ཤིང་མོ་འབྲུ་དཀོན་མི་ནད་འབྱུང་། །མེ་ཕོ་ཞག་པོ་བཞི་བཅུའམ། །ཟླ་བཞིའི་བར་དུ་ཐན་པ་འབྱུང་། །མེ་མོ་སྐུད་པ་སྲོ་མ་དཀོན། །ས་ཕོ་འབྲུ་གྲོ་ཉ་ཚ་དཀོན། །ཐན་པ་འབྱུང་ཞིང་ས་མོ་འཕྲད། །གོས་སྲིན་འབྲུ་དཀོན་རླུང་ཆར་མང་། །ལྕགས་ཕོ་ལྕགས་ཉུང་ལོ་ཏོག་འཁྲུངས། །མི་ལ་ནད་འབྱུང་ལྕགས་མོ་ལ། །ཏིལ་གྲོ་དཀོན་ལ་ལོ་ཏོག་སྨིན། །ཆུ་ཕོ་དང་འཕྲད་འབྲུ་གྲོ་མོད། །དར་རས་སྲན་དཀོན་ཆུ་མོ་ལ། །ལོ་ཏོག་དག་ལ་གནོད་པ་འབྱུང་། །མི་ལ་ནད་དང་ཆར་པ་མང་། །ཉེར་བརྒྱད་ཁམས་ལྔ་བྱི་བའི་བརྟགས། །ཟླ་བ་དང་པོའི་ཡར་ཚེས་ལ། །ཤིང་བྱི་བྱུང་ན་ལོ་ཏོག་བཟང་། །མེ་ཕོ་བྱི་བར་ཐན་པ་འབྱུང་། །ས་ཕོ་བྱི་བར་ཆ་ག་མང་། །ལྕགས་བྱི་ལ་ནི་སོས་མི་བདེ། །ཆུ་ཕོ་བྱི་བར་ཆར་ཞོད་ཆེ། །ཉེར་དགུ་གླང་འབྲུག་བརྟགས་པའི་རྩིས། །དང་པོའི་གཅིག་ནས་བཅུ་གཉིས་ཚུན། །སྔོན་དུས་ཉུང་

― LT41_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རྗེས་མ་མང་། །གླང་ནི་ས་ནི་གསོས་ཡིན་ཕྱིར། །ཇི་ཙམ་མང་བ་སོས་བུད་སྔ། །ས་བཅུད་འཕེལ་ཞིང་དགེ་བར་ཐོས། །སྟོན་མཇུག་རིང་ལ་འབྱོར་པ་རྒྱས། །བརྒྱད་ཕྱིན་རབ་ལ་བཞི་ཚུན་ཐ། །འབྲིང་པོ་བར་གྱི་རིགས་པས་ཤེས། །འདི་ཡིས་ས་ཆ་སྟོད་སྨད་དང་། །སོས་བུད་སྔ་ཕྱི་བར་ཡང་རྟོགས། །འབྲུག་ནི་གནམ་ལྷ་གནམ་གྱི་གསོས། །རྒྱ་མཚོ་ལས་ནི་ཆུ་འཐུངས་ནས། །མཁའ་ལས་ཆར་པ་འབེབས་ཞེས་གྲགས། །ཇི་ཙམ་མང་བ་ཆར་ཆེ་ཡང་། །ས་བཅུད་མཁའ་ལ་འཁུར་བས་ངན། །བརྒྱད་ཕྱིན་ལྕེ་འབབ་སེར་བས་འཇིག། ལྔ་ཚུན་ཆར་དཀོན་དྲུག་བདུན་སྙོམས། །སུམ་ཅུ་དུས་བཞི་ཤིང་བྱིའི་རྩིས། །དཔྱིད་ཀྱི་ཤིང་བྱིར་ཆར་བབས་ན། །ཆར་འབེབས་ནོར་ལུག་འཁྱགས་པས་འཆི། །ཆུ་དམར་དཔག་ཚད་སྟོང་ཕྲག་འཕྱུར། །དབྱར་གྱི་ཤིང་བྱིར་ཆར་བབས་ན། །ཆར་པ་རབ་ཆེ་ལམ་སྲང་དུ། །གྲུ་གཏོང་དགོས་འོང་སྟོན་དུས་ཀྱི། །ཤིང་བྱིར་ཆར་འབེབས་འབྲུ་མི་སྨིན། །དགུན་ཀར་ཤིང་བྱིར་ཆར་བབས་ན། ཁ་བ་ས་ལེ་བར་སྟོང་འབབ། །གླང་ལུག་ལྷག་པས་འཆི་བའང་བཤད། །སོ་གཅིག་འབྲུག་སྐད་བརྟགས་པའི་རྩིས། །འབྲུག་སྐད་ཐོག་མར་བྱང་ཤར་བྱུང་། །འབྲུ་མོད་ཤར་ཕྱོགས་ལོ་ཏོག་བཟང་། །ཤར་ལྷོར་གྲགས་ན་འབུ་སྲིན་མང་། །ལྷོ་ཕྱོགས་ནས་གྲགས་ཐན་པ་འབྱུང་། །ལྷོ་ནུབ་གྲགས་ན་ཆ་ག་མང་། །

― LT41_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ཏུ་གྲགས་ན་གསེར་ལྕགས་དཀོན། །ནུབ་བྱང་ནས་གྲགས་རྒྱལ་ཁམས་རྣམས། །བདེ་ཡང་མི་ནད་འབྱུང་བར་ཐོས། །བྱང་དུ་གྲགས་ན་ཆར་པ་མང་། །གཞན་ཡང་དང་པོར་འབྲུག་གྲགས་ན། །མི་ལ་མི་དགའ་དུ་མ་འབྱུང་། །སྟོན་དུས་འབྲུག་མང་འབྲུ་མི་སྨིན། །དགུན་དུས་འབྲུག་གྲགས་འབྲུ་སྨིན་ཡང་། །མི་ལ་ངན་ཅིང་དམག་འཁྲུགས་འབྱུང་། །སོ་གཉིས་དཔྱིད་ཀྱི་དབུགས་ཐོབ་བརྟགས། །དཔྱིད་དབུགས་ཐོབ་པའི་ཉི་མ་ལ། །ནམ་མཁའ་དྭངས་ན་རྩི་བཅུད་འཁྲུངས། །འདི་ཉིན་གནམ་འཐིབས་ཆར་བབས་ན། །ཆར་ཞོད་ཆེ་ལ་ཤར་ཕྱོགས་སུ། །ལང་ལོང་སྤྲིན་བྱུང་ལོ་ཏོག་བཟང་། །ཤར་རླུང་འབྲུ་མོད་མི་རྣམས་བདེ། །ནུབ་ནས་རླུང་བྱུང་ཐན་པ་འབྱུང་། །འབྲུ་དཀོན་རྐུན་པོ་དག་ཀྱང་མང་། །ལྷོ་རླུང་བྱུང་ན་དུད་འགྲོ་བདེ། །བྱང་ནས་རླུང་བྱུང་ཆུ་བོར་ནུབ། །ཁྱད་པར་དཔྱིད་ཀྱི་དབུགས་ཐོབ་ཉིན། །ཉི་མ་ཁམས་འཕྲད་བལྟ་བར་བྱ། །ཤིང་ཕོའམ་ཤིང་མོ་དང་འཕྲད་ན། །ལོ་ཏོག་ཡོངས་སུ་སྨིན་པ་འབྱུང་། །མེ་ཕོ་མེ་མོ་དང་འཕྲད་ན། །ལོ་ཏོག་ལ་ནི་ཐན་པ་འབྱུང་། །ས་ཕོ་ས་མོ་དང་འཕྲད་ན། །ལོ་ཏོག་ལ་ནི་གནོད་པ་འབྱུང་། །ལྕགས་ཕོ་ལྕགས་མོ་དང་འཕྲད་ན། །མི་རྣམས་ལ་ནི་བདེ་བ་མེད། །ཆུ་ཕོ་ཆུ་མོ་དང་འཕྲད་ན། །ཆར་ཞོད་ཆེན་པོ་འབྱུང་བ་ཡིན། །སོ་གསུམ་དཔྱིད་དུས་མཉམ་པའི་རྩིས། །དཔྱིད་ཀྱི་ཉིན་མཚན་མཉམ་པའི་ཉིན། །ཤར་ཕྱོགས་སྤྲིན་སྔོན་གྲོ་འཕེལ་ལ། །སྤྲིན་

― LT41_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་གནམ་ཐད་འབྲུ་མི་རྒྱས། །མི་ལ་ཚ་བའི་ནད་ཀྱང་འབྱུང་། །ནུབ་རླུང་གྲོ་དཀོན་ཐན་པས་ཉེན། །ཤར་རླུང་གྲོ་མོད་འབྲུ་གཞན་འབྲིང་། །ལྷོ་རླུང་བྱུང་ན་སྣྲོན་ཟླའི་ནང་། །སྔོན་དུ་ཆར་ཆེ་རྗེས་སུ་འཚིག། བྱང་ནས་རླུང་བྱུང་འབྲུ་རྣམས་དཀོན། །སོ་བཞི་དབྱན་དབུགས་ཐོབ་པའི་བརྟགས། །འདི་ཉིན་ཤིན་ཏུ་གནམ་མཐོང་ན། །ལོ་འདིར་ངེས་པར་ཐན་པ་འབྱུང་། །ཤར་རླུང་བྱུང་ན་འབྲུ་རྣམས་སྨིན། །མི་ཡང་བདེ་ཞིང་ལྷོ་རླུང་བྱུང་། །མི་ལ་ནད་འབྱུང་མྱུ་གུ་སྐམ། །ནུབ་རླུང་ནོར་ལུག་ནད་ཡམས་འབྱུང་། །བྱང་རླུང་ཆུ་བོར་ཉ་སྲིན་མང་། །ཡང་ན་སྦྲུལ་དུས་ཤར་ནུབ་རླུང་། །ཉིན་བཅུ་མཁའ་མདངས་སྔོན་པོ་འཆར། །ཤར་ལྷོར་རླུང་བྱུང་ལོ་འདིར་ཚ། །མཁའ་མདངས་སྔོན་པོ་མ་ཤར་ན། །ལོ་འདིར་རླུང་ཆེན་མང་བར་བཤད། །ཉིན་བཅུའི་ནང་དུ་ངེས་པར་འབྱུང་། །འབྲུ་དག་ལ་གནོད་བྱང་རླུང་བྱུང་། །ཆུ་མིག་ལུད་ཅིང་ས་འགུལ་འབྱུང་། །མི་ལ་ནད་མང་ནུབ་རླུང་བྱུང་། །ཆ་ག་མང་འཕེལ་མི་ནད་འབྱུང་། །ཤར་རླུང་བྱུང་ཞིང་འབྲུག་གྲགས་ན། །དུས་མ་ཡིན་པར་ཐོག་ཀྱང་འབབ། །སོ་ལྔ་དབྱར་གྱི་ཉི་ལྡོག་རྩིས། །འདི་ཉིན་མེ་སྟག་ཉི་མའམ། །མེ་ཡོས་འཕྲད་ན་འབྲུ་རྣམས་དཀོན། །ཉིན་གུང་རྟ་དུས་ལྷོ་ངོས་སུ། །སྤྲིན་དམར་རྟ་ཡི་དབྱིབས་ཅན་བྱུང་། །དེ་ལ་ལི་ཡི་དཀྱིལ་འཁོར་གྱི། །རང་མདངས་ཞེས་ཟེར་འབྲུ་སྣ་ལྔ། །མང་

― LT41_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འཕེལ་ཞིང་སྤྲིན་དམར་པོ། །རྟ་ཡི་དབྱིབས་དེ་མ་བྱུང་ན། །ཁྲེས་རིགས་ལྔ་པོ་སྨིན་མི་འགྱུར། །མི་ལ་མིག་ནད་ཐན་པ་འབྱུང་། །ལྷོ་རླུང་བྱུང་ན་ཚ་བ་ཆེ། །བྱང་ནས་རླུང་བྱུང་རི་ཁ་ཡི། །ལོ་ཏོག་རྣམས་ནི་ཐན་པས་གདུང་། །ལྷོ་ནུབ་རླུང་བྱུང་མི་ནད་དང་། །ཆུ་སྟོད་ཟླ་བར་ཆར་ཞོད་ཆེ། །ནུབ་རླུང་སྟོན་དུས་ཆར་པ་ཆེ། །ཤར་རླུང་ཟླ་བ་བརྒྱད་པའི་ནང་། །མི་ལ་ན་ཚ་འབྱུང་བའི་ལྟས། །བྱང་རླུང་འབྲུ་རྣམས་ཤིན་ཏུ་དཀོན། །ནམ་གྱི་གང་དེར་རླུང་ཆར་བྱུང་། །ཕྱི་ལོར་འབྲུ་རྣམས་དཀོན་པར་འགྱུར། །སོ་དྲུག་སྟོན་དབུགས་ཐོབ་པའི་རྩིས། །འདི་ཉིན་འབྲུག་གྲགས་ལོ་མི་སྨིན། །ཆར་པ་བབས་ན་སྔོ་ཚོད་བཟང་། །ཤར་རླུང་ནད་འབྱུང་རྩྭ་ལྡུམ་བཟང་། །ལྷོ་རླུང་སྟོན་དུས་ཐན་པ་འབྱུང་། །ནུབ་ནས་རླུང་བྱུང་ཆར་པ་ཆེ། །བྱང་རླུང་བྱུང་ན་ཆར་སྤྲིན་མང་། །སྤྲེལ་གྱི་དུས་སུ་ལྷོ་ནུབ་ནས། །སྤྲིན་དམར་བྱུང་ན་འབྲུ་འབྲིང་ཙམ། །སྤྲིན་པ་མེད་ན་འབྲུ་མི་སྨིན། །ས་འགུལ་ཕྱི་ལོར་ནོར་ལུག་འཆི། །སད་འབབ་པ་ཡི་ཉིན་རྗེས་མར། །གལ་ཏེ་སད་ནི་བབས་པ་ན། །དགུན་ཉི་ལྡོག་རྗེས་ཁ་ཆར་དང་། །རླུང་དང་གྲང་འཁྱག་འབྱུང་བར་འགྱུར། །ཁྲུམས་ཟླའི་ཚེས་གཅིག་གནམ་འཐིབས་ན། །ཕྱི་ལོར་ལོ་ཏོག་ཤིང་ཏོག་ལེགས། །དེ་ཡི་རྗེས་ལོར་ཐན་པ་འབྱུང་། །སྟོན་གྱི་བྱི་བའི་ཉི་མ་ལ། །ཆར་པ་བབས་ན་སྟོན་དུས་དེར། །ཞག་མ་དྲུག་ཅུའི་བར་དུ་འབབ། །ཟླ་བ་དགུ་པའི་ཚེས་

― LT41_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

དགུའི་ཉིན། །ཆར་པ་སྡུད་པའི་དུས་ཡིན་ཀྱང་། །འདི་ཉིན་ཆར་བབས་ཕྱི་ལོར་བཟང་། །སོ་བདུན་སྟོན་གྱི་ཉིན་མཚན་མཉམ། །གནམ་མཐོང་བྱུང་ན་འབྲུ་མི་སྨིན། །ཉུང་ངུར་འབབ་ཅིང་འཐིབས་ན་བཟང་། །འདི་ཉིན་བྱ་ཡི་དུས་ཚོད་ལ། །རླུང་ལྡང་སྤྲིན་དཀར་ལུག་གི་དབྱིབས། །བྱུང་ན་རང་མདངས་ཤར་བ་ཡིན། །འབྲས་རྣམས་འཁྲུངས་སོ་མདངས་དཀར་པོ། །འཁྲུག་ཅིང་མི་གསལ་གྱུར་ན་ཏིལ། །འཁྲུངས་པར་བཤད་ལ་སད་འབབ་ན། །ཕྱི་ལོའི་དབོ་ཟླར་མི་ནད་མང་། །ཤར་རླུང་འབྲུ་རྣམས་མི་སྨིན་དཀོན། །ནུབ་རླུང་མི་དང་ལོ་ཏོག་རྒྱས། །ནུབ་བྱང་རླུང་བྱུང་འབྲུ་འཕྲོག་འགྱུར། །ཤར་ལྷོར་རླུང་བྱུང་རླུང་དྲག་གཡོ། །མགོ་ཟླར་རྒྱུན་བར་གནམ་འཐིབས་འགྱུར། །བྱང་ནས་རླུང་བྱུང་གྲང་ལྷག་ཆེ། །ཚེས་གཅིག་ལྷོ་རླུང་བྱུང་ན་ངན། །ནུབ་རླུང་བྱས་ན་ས་ལས་བཟང་། །སོ་བརྒྱད་དགུན་དབུགས་ཐོབ་པའི་རྩིས། །འདི་ཉིན་མེ་ཁམས་དང་འཕྲད་ཅིང་། ཁ་ཆར་མེད་ན་ལོ་འདིར་དྲོ། །ཕྱི་ལོར་ཐན་པ་དག་ཀྱང་འབྱུང་། །ཤིང་ཁམས་སམ་ནི་ཆུ་ཁམས་འཕྲད། །ཕྱི་ལོར་དཔྱིད་དུས་ཆར་པ་མང་། །ཤིང་ཏོག་སྡོང་པོར་མེ་ཏོག་ཤར། །དེ་ཡི་རྗེས་ལོར་ཐན་པ་དང་། །ཤར་རླུང་དག་ཀྱང་འབྱུང་བར་བཤད། །ལྷོ་རླུང་བྱུང་ན་ཕྱི་མའི་ལོར། །ཟླ་བ་ལྔ་པར་མི་ནད་འབྱུང་། །ནུབ་རླུང་ངན་ཅིང་བྱང་རླུང་བྱུང་། །དུད་འགྲོ་འཁྱག་འཆི་ཁ་བ་ཆེ། །

― LT41_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་བྱང་སྤྲིན་དཀར་རྟའམ་འབྲུག །དབྱིབས་ཅན་བྱུང་ན་ཏིལ་རྣམས་སྨིན། །རྟ་འབྲུག་ལྟ་བུའི་སྤྲིན་མེད་ན། །ཕྱི་ལོའི་ཟླ་བ་བཞི་པ་ལ། །གྲང་ལྷག་ཆེ་ཞིང་མི་ནད་འབྱུང་། །དགུན་དུས་འབྲུག་གྲགས་དེ་ཡང་ངན། །སོ་དགུ་དགུན་ཉི་བྱང་བགྲོད་རྩིས། །འདི་ཉིན་ཆུ་ཕོ་དང་འཕྲད་ན། །ས་ལ་བར་སྟོང་ཐན་པ་འབྱུང་། །དེ་ཡི་ཕྱི་ཉིན་ཆུ་ཁམས་དང་། །འཕྲད་ན་ཐན་པ་ཆུང་བ་ཡིན། །ཉི་མ་གསུམ་པར་ཆུ་ཁམས་དང་། །འཕྲད་ན་ཐན་པ་ཆེ་བ་ཡིན། །བཞི་པར་ཆུ་ཁམས་ཁྲེས་རིགས་སྨིན། །ལྔ་བར་ཆུ་ཁམས་ཆུ་ཀླུང་ཆུང་། །དྲུག་པར་ཆུ་ཁམས་ཆུ་རྣམས་ཆེ། །བདུན་པར་ཆུ་ཁམས་ཆུ་བོ་ལུད། །བརྒྱད་པར་ཆུ་ཁམས་རྒྱ་མཚོ་ལུད། །དགུ་པར་ཆུ་ཁམས་ཚ་བ་ཆེ། །ཉི་མ་བཅུ་དང་བཅུ་གཅིག་དང་། །བཅུ་གཉིས་རྣམས་ལ་ཆུ་ཁམས་ཡོད། །ཁྲེས་རིགས་ལྔ་པོ་སྨིན་མི་སྲིད། །གལ་ཏེ་དགུན་ཉི་ལྡོག་པའི་ཉིན། །རླུང་དང་གྲང་ལྷག་ཆེ་བ་ན། །ཕྱི་ལོར་འབྲུ་བཅུད་ཤིན་ཏུ་བཟང་། ཤར་རླུང་བྱུང་ན་མི་ནད་དང་། །བ་གླང་མང་པོ་འཆི་བར་འགྱུར། །ལྷོ་རླུང་འབྲུ་དཀོན་བྱང་རླུང་ལ། །ལོ་ཏོག་སྨིན་ཅིང་ནུབ་རླུང་བྱུང་། །ལོ་ཏོག་རབ་སྨིན་མི་རྣམས་བདེ། །བྱང་ན་སྤྲིན་པ་སྔོན་པོ་ཡོད། །ཕྱི་ལོར་འབྲུ་ལེགས་སྤྲིན་མེད་ངན། །སྤྲིན་དམར་བྱུང་ན་ཐན་པའི་རྟགས། །སྤྲིན་ནག་ཡོད་ན་ཆར་ཆུ་ཆེ། །སྤྲིན་དཀར་ལ་ནི་མི་ནད་འབྱུང་། །སྤྲིན་སེར་ཨར་པོ་བྱེད་པ་བཟང་། །བཞི་བཅུ་

― LT41_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་གཉིས་འགུལ་བའི་རྩིས། །བྱི་དུས་གཡོན་འགུལ་མི་ཆེན་འཕྲད། །གཡས་པ་འགུལ་ན་བཟའ་བཏུང་རྙེད། །གླང་དུས་གཡོན་པ་མྱ་ངན་འོང་། །གཡས་པས་གཞན་གྱིས་རང་ལ་སེམས། །སྟག་དུས་གཡོན་པར་ཐག་རིང་གི། །མགྲོན་པོ་འོང་ལ་གཡས་བཀྲ་ཤིས། །ཡོས་དུས་གཡོན་པ་ཡ་རབ་ཀྱི། །མགྲོན་པོ་འོང་ཞིང་གཡས་པ་འབྲིང་། །འབྲུག་དུས་གཡོན་པར་རིང་མགྲོན་འོང་། །གཡས་པ་རྐྱེན་ངན་འཚེ་བའི་ངོ། །སྦྲུལ་དུས་གཡོན་པ་བཟའ་བཏུང་ཐོབ། །གཡས་པ་འགུལ་ན་བཀྲ་མི་ཤིས། །རྟ་དུས་གཡོན་པར་ཟས་ཆང་དང་། །འཕྲད་ཅིང་གཡས་བར་འཚེ་བ་འབྱུང་། །ལུག་དུས་གཡོན་པར་བཀྲ་ཤིས་ཤིང་། །གཡས་པར་དགའ་བ་ཆུང་ངུར་འོང་། །སྤྲེལ་དུས་གཡོན་པ་ནོར་རྫས་ཐོབ། །གཡས་པས་བུད་མེད་རང་ལ་སེམས། །བྱ་དུས་གཡོན་པར་མགྲོན་པོ་འོང་། །གཡས་པ་ལ་ཡང་ཉེ་དུ་འོང་། །ཁྱི་དུས་གཡོན་པར་མགྲོན་པོ་སླེབས། །གཡས་པར་མི་མང་འདུ་ཚོགས་འོང་། །ཕག་དུས་གཡོན་པར་མགྲོན་བཟང་འོང་། །གཡས་པར་དཔོན་པོའི་དོན་ཞིག་འོང་། །ཆན་ལས་འོང་། སྣང་། །ཞེ་གཅིག་རྣ་བ་ངུ་བའི་རྩིས། །བྱི་དུས་རྣ་བ་གཡོན་པ་དུ། །བུད་མེད་ཀྱིས་ནི་རང་ལ་སེམས། །གཡས་པ་དུ་ན་སྟོར་བརླག་འོང་། །གླང་དུས་གཡོན་པར་ཁམ་ཆུའི་ངོ། །གཡས་པ་ལ་ཡང་རྩོད་པའི་ངོ་། །སྟག་

― LT41_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གཡོན་བར་བོར་སྟོར་ངོ་། །གཡས་བར་དུ་ན་བྲེལ་བ་འོང་། །ཡོས་དུས་གཡོན་པར་སེམས་སྡུག་འོང་། །གཡས་པ་ལ་ནི་མགྲོན་པོ་སླེབས། །འབྲུག་དུས་གཡོན་པར་ཐག་རིང་དུ། །འགྲོ་དགོས་གཡས་པར་མགྲོན་པོ་འོང་། །སྦྲུལ་དུས་གཡོན་ངན་གཡས་པ་དགེ། །རྟ་དུས་གཡོན་པར་རིང་མགྲོན་འོང་། །ཐག་རིང་སྐད་ཐོས། མཆན། གཡས་པ་ལ་ནི་གཉེན་བཤེས་འོང་། །ལུག་དུས་གཡོན་པར་བཟའ་བཏུང་དང་། །གཡས་པར་ཐག་རིང་མི་གཅིག་འོང་། །སྤྲེལ་དུས་གཡོན་པར་འགྲོ་དགོས་འོང་། །གཡས་པ་ལ་ནི་དགའ་བ་ཐོབ། །བྱ་དུས་གཡོན་པར་སྟོར་བརླག་འོང་། །གཡས་པ་ལ་ནི་དགེ་བར་བཤད། །ཁྱི་དུས་གཡོན་པར་ཤ་ཆང་འོང་། །གཡས་པ་ལ་ནི་མགྲོན་པོ་སླེབས། །ཕག་དུས་གཡོན་པར་བཀྲ་ཤིས་འབྱུང་། །གཡས་པ་ལ་ཡང་ཟས་ཆང་ཐོབ། །ཞེ་གཉིས་རྣ་བ་ཚ་བའི་རྩིས། །བྱི་བའི་དུས་ལ་ཧྭ་ཤང་ནི། །ཏོའུ་སི་ཡོང་སན་གྲོས་ཀ་བྱེད། །གླང་དུས་བཀྲ་ཤིས་སྟག་ཟས་ཆང་། །ཡོས་དུས་ཐག་རིང་མགྲོན་པོ་འཕྲད། །འབྲུག་དུས་ནོར་རྙེད་སྦྲུལ་དུས་ལ། །ནོར་སྟོར་བྱ་བའི་ལས་མི་འགྲུབ། །རྟ་དུས་བཀྲ་ཤིས་ལུག་དུས་སུ། །མགྲོན་པོ་འོད་ནས་ཞུ་བ་བྱེད། །སྤྲེལ་དུས་དགའ་སྟོན་འཚོགས་པའི་ངོ་། །བྱ་དུས་གཉེན་བྱེད་ཁྱི་དུས་འཐབ། །ཕག་དུས་ལ་ནི་གཏུག་གཤེར་ངོ། །ཞེ་གསུམ་གདོང་ལ་ཚ་དྲོད་སྐྱེ། །བྱི་དུས་བཀྲ་ཤིས་ནོར་ཡང་

― LT41_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

རྙེད། །གླང་དུས་མྱ་ངན་སྟག་གི་དུས། །ཐག་རིང་མགྲོན་འཕྲད་ཡོས་དུས་ལ། །ཕྱི་ཡི་མི་འོང་ཟས་ཆང་ངོ་། །འབྲུག་དུས་ཐག་རིང་མགྲོན་དང་ཐུག །སྦྲུལ་དུས་གལ་ཆེའི་མི་དང་འཕྲད། །རྟ་དུས་ཉེ་དུ་དང་མཉམ་དུ། །འདུ་པའི་ངོ་ཡིན་ལུག་གི་དུས། །གཏུག་གཤེར་སྤྲེལ་དུས་མི་བཟང་འཕྲད། །བྱ་དུས་མི་བཟང་ཚུར་འཕྲད་འོང་། །ཁྱི་དུས་ཟས་ཆད་སྐྱེལ་མཁན་འོང་། །ཕག་དུས་གཏུག་གཤེར་མི་བདེ་འབྱུང་། །ཞེ་བཞི་ལུས་ཀྱི་ཤ་འཕྲིགས་བརྟགས། །བྱི་དུས་མཐོན་པོའི་མི་འོང་བཟང་། །གླད་དུས་རང་ལུས་བདེ་མི་འོང་། །སྟག་དུས་འཚེ་བ་མི་མངོན་ཏེ། །སླར་བཟང་ཡོས་དུས་ནོར་རྫས་ཐོབ། །འབྲུག་དུས་ནད་ངོ་སྦྲུལ་གྲོགས་འཕྲད། །རྟ་དུས་སེམས་ལས་ཐེ་ཚོམ་འབྱུང་། །ལུག་དུས་ནོར་རྙེད་བཀྲ་ཤིས་ངོ་། །སྤྲེལ་དུས་གྱོད་ངོ་འཛེམ་ན་བཟང་། །བྱ་དུས་ནོར་སྟོར་འཚེ་བའི་ངོ་། །ཁྱི་དུས་ཐག་རིང་མགྲོན་འོང་བཟང་། །ཕག་དུས་བྱ་བ་བཀྲ་ཤིས་དགེ། །ཞེ་ལྔ་གློ་བུར་སེམས་འཕར་བརྟགས། །བྱི་དུས་བུད་མེད་ཀྱིས་དྲན་ལེགས། །གླང་དུས་བཀྲ་ཤིས་སྟག་དུས་ལ། །མགྲོན་པོ་འོང་ནས་བཟའ་བཏུང་བྱེད། །ཡོས་དུས་མགྲོན་འོང་བཟའ་བཏུང་ངོ་། །འབྲུག་དུས་དོན་གྲུབ་མཐུན་པ་འབྱུང་། །སྦྲུལ་དུས་བུད་མེད་རང་ལ་སེམས། །རྟ་དུས་ཟས་ཆང་ལུག་དུས་ཀྱང་། །བུད་མེད་ཀྱིས་དྲན་སྤྲེལ་དུས་ཤིས། །བྱ་དུས་

― LT41_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ནས་འཕྲིན་སྙན་སྐྱེལ། །ཁྱི་དུས་མི་ཆེན་མྱུར་སླེབས་བཟང་། །ཕག་དུས་རྨི་ལམ་ངན་པའི་ངོ། །ཞེ་དྲུག་སྦྲིད་པ་བརྟགས་པའི་རྩིས། །བྱི་དུས་དགའ་སྟོན་བྱེད་པའི་ངོ་། །གླང་དུས་མགྲོན་པོས་ཞུ་བ་བྱེད། །སྟག་དུས་བུད་མེད་ཟས་ཆང་འཕྲད། །ཡོས་དུས་ནོར་རྫས་དོན་རྣམས་ལེགས། །འབྲུག་དུས་ཟས་ཆང་མང་པོ་འབྱུང་། །སྦྲུལ་དུས་མི་བཟང་ནོར་སློང་འོང་། །རྟ་དུས་མགྲོན་པོའི་བཟའ་བཏུང་བྱེད། །ལུག་དུས་ཟས་ཆང་འཕྲད་ཅིང་དགེ། །སྤྲེལ་དུས་རྨི་ལམ་ཟས་བཅས་ངན། །བྱ་དུས་བུད་མེད་གཏམ་འདྲིར་འོང་། །ཁྱི་དུས་བུད་མེད་དང་འཕྲད་བཟང་། །ཕག་དུས་འཇིགས་ཀྱང་བྱི་ནས་བཟང་། །ཞེ་བདུན་གོས་བཀལ་ཟག་པའི་རྩིས། །བྱི་བའི་དུས་ལ་སྐྱེས་པའི་གོས། །གདང་ལས་ལྷུང་ན་ཟས་ཆད་དོ། །བུད་མེད་ལ་ནི་གཉེན་བྱེད་དོ། །གླང་དུས་ཐེ་ཚོམ་ནོར་སྟོར་འོང་། །སྟག་དུས་མྱ་ངན་འབྱུང་ན་ཡང་། །སྐྱོན་མེད་ཙམ་དང་ཡོས་དུས་ལ། །ཟླ་གྲོགས་འཚོགས་ནས་དགའ་སྟོན་བྱེད། །འབྲུག་དུས་ནོར་སྟོར་མྱ་ངན་ནད། །སྦྲུལ་དུས་བུད་མེད་གཞན་ལ་སེམས། །རྟ་དུས་ནོར་རྙེད་རིང་མགྲོན་འོང་། །ལུག་དུས་ཁྲག་ངོ་ཆེ་ཡང་དྲག །སྤྲེལ་དུས་གློ་བུར་ནོར་རྙེད་བཟང་། །བྱ་དུས་མགྲོན་འོང་ནོར་འཆོར་ངན། །ཁྱི་དུས་གྱོད་ངོ་ནོར་ཡང་རྙེད། །ཕག་དུས་དབོན་དང་མཇལ་ཏེ་བཟང་། །ཞེ་བརྒྱད་ཐབ་ཀྱི་ཟངས་སྐད་བརྟགས། །བྱི་དུས་རྟ་

― LT41_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བདེ་ཞིང་བཟང་། །གླང་དུས་ཕྱུག་པོར་འགྱུར་ཏེ་བཟང་། །སྟག་ཡོས་གཉིས་ལ་ཁྱིམ་དུ་ངན། །འབྲུག་དུས་ལོ་ཏོག་སྨིན་ཅིང་ཕན། །སྦྲུལ་དུས་ནོར་དང་བཀྲ་ཤིས་འབྱུང་། །རྟ་དུས་རྒྱལ་ཁྲིམས་ལ་ཐུག་པའི། །བྱ་བ་ཚར་བས་དེ་ཡང་བཟང་། །ལུག་གི་དུས་ལ་འཚེ་བའི་ངོ་། །སྤྲེལ་དུས་ཐག་རིང་མགྲོན་འོང་བཟང་། །བྱ་དུས་ཐག་རིང་སོང་བ་སླེབས། །ཁྱི་དུས་ཟས་དང་གོས་ཀྱི་ངོ། །ཕག་དུས་གཞུང་གི་དོན་ལ་བཟང་། །ཞེ་དགུ་ཐབ་ཀྱི་མེ་ལྕེའི་བརྟགས། །བྱི་གླང་དུས་སུ་མེ་ལྕེ་མཆེད། །བུད་མེད་སྐྱེས་པ་གཞན་ལ་སེམས། །སྟག་དུས་ནོར་རྫས་རྙེད་དེ་བཟང་། །ཡོས་དུས་ནོར་ཐོབ་ལམ་དུ་རྒྱུག །འབྲུག་དུས་མྱ་ངན་བུ་ཆུང་ངན། །སྦྲུལ་དུས་ལས་བཟང་ཟས་ཆང་འདུ། །རྟ་དུས་རྩོད་དམ་མེ་ཡིས་འཇིགས། །ལུག་དུས་ནོར་རྙེད་རྟག་པར་ཤིས། །སྤྲེལ་དུས་ནོར་དང་དོན་རྣམས་འཁོར། །བྱ་དུས་ན་ཚ་ཁྱི་དུས་སུ། །མྱ་ངན་བྱུང་ཡང་སྐྱོན་མེད་ངོ་། །ཕག་དུས་ན་ཞིང་སྐྱོན་མི་སྲིད། །ལྔ་བཅུ་ཁྱི་དུ་བརྟགས་པའི་རྩིས། །བྱི་དུས་བུད་མེད་འཐབ་རྩོད་བྱེད། །གླང་དུས་སེམས་ལ་མྱ་ངན་སྐྱེ། །སྟག་ཡོས་དུས་སུ་བདག་པོ་ལ། །བལྟས་ནས་ངུ་ན་ནོར་རྙེད་བཟང་། །འབྲུག་དུས་ནོར་ཐོབ་སྦྲུལ་དུས་ལ། །གཉེན་གྱིས་གླེང་དང་འཕྲིན་གྱི་ངོ། །རྟ་དུས་སྟོན་མོ་ལུག་དུས་ལ། །བུད་མེད་ཁྱོ་གཞན་དག་

― LT41_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སེམས། །ནོར་སྟོར་འབྱུང་ཞིང་སྤྲེལ་དུས་སུ། །ཁྱིམ་གྱི་བུ་ཆུང་དག་ལ་ངན། །བྱ་དུས་ཟས་གོས་གོ་ས་འཕར། །ཁྱི་ཕག་དུས་སུ་ཁ་ཆུའི་ངོ། །ད་གཅིག་སྐྱ་ཀའི་སྐད་རྟགས་པ། །བྱི་དུས་ཐག་རིང་མགྲོན་སླེབས་བཟབ། །གླང་དུས་ལ་ཡང་ཤིན་ཏུ་དགེ། །སྟག་དུས་གཏུག་གཤེར་ཡོས་དུས་ལ། །ནོར་དང་ཟས་ཆང་རྙེད་དེ་བཟང་། །འབྲུག་དུས་ཐག་རིང་མགྲོན་པོ་འཁོར། །སྦྲུལ་དུས་བཀྲ་ཤིས་འབྱུང་བ་ཡིན། །རྟ་དུས་ནད་འབྱུང་ལྷ་གསོལ་བྱོས། །ལུག་དུས་ཕྱུགས་ལ་གཏོར་བརླག་འོང་། །སྤྲེལ་དུས་བཟང་ཞིང་བྱ་དུས་ལ། །བྱ་བ་མི་བདེ་བ་ཞིག་འབྱུང་། །ཁྱི་དུས་ནོར་འདུ་དོན་རྣམས་འགྲུབ། །ཕག་དུས་ལ་ནི་འཐབ་རྩོད་ངོ་། །གཞན་ཡང་བྱེན་ཀང་ལ་བརྟེན་ནས། །རྙེད་དང་ཆར་སོགས་བརྟགས་པ་ལ། །ཐེྱན་ཀང་ཐུའི་ལཱུ་སཱུ་བཞིན་ཞི་ཁའི་ནི། །ཟླ་བ་དང་པོ་དགུ་པ་གཉིས་ལ་གླང་གི་གནས་ནས་ཟླ་བ་དང་པོ་ནས་བརྩི། །གཉིས་པ་བརྒྱད་པ་གཉིས་ལ་བྱི་བའི་གནས་ནས་བརྩི། །ལྔ་པ་ལ་བྱའི་གནས་ནས་བརྩི། གསུམ་པ་བདུན་པ་གཉིས་ལ་ཕག་གི་གནས་ནས་བརྩི། །བཞི་པ་དྲུག་པ་གཉིས་ལ་ཁྱིའི་གནས་ནས་བརྩི། བཅུ་པ་བཅུ་གཉིས་པ་གཉིས་ལ་སྟག་ནས་བརྩི། བཅུ་གཅིག་པ་ཡོས་ཀྱི་གནས་ནས་བརྩི། འདི་དག་གཡས་སྐོར་གྱིས་བརྩི་བས་མོ་འདེབས་པའི་ཟླ་བ་གང་ཡིན་པ་དེའི་སྟེང་དུ་སླེབས་པ་དང་།

― LT41_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་གཅིག་ཚེས་གཉིས་ཞེས་གཡས་བསྐོར་དུ་བརྩིས་པས། མོ་འདེབས་ཉིན་གྱི་ཚེས་གྲངས་གང་ཡིན་པ་དེའི་སྟེང་དུ་སླེབས་པ་དང་། དེ་ནས་བྱི་བའི་དུས་ནས་གཡས་བསྐོར་དུ་བརྩིས་པས། མོ་འདྲི་བ་པོས་སྨྲས་པའི་དུས་ཀྱི་སྟེང་དུ་སླེབས། འདི་ནས་གནས་གཅིག་ཕྱིར་བསྣུར་ཏེ། ཐེྱན་ཀཱང་ཐའི་ཡིའི། ཞིང་ཀྭང་། ཤེའུ་ཀྱིས། ཋཱན་ཟུང་། ཚུང་ཁུའི། ཧའི་ཁུའི། ཏིང་མཱེད། ཤིན་ཧིའུ། དགུ་པ་ལ་ཀྲུང་ཟེར། ཏཱ་ཀྱིས་བར་གཡས་བསྐོར་དུ་མཐར་ཆགས་སུ་བརྩིའོ། །འདིར་མཁོ་བ་ནི་ཕྱི་མ་གསུམ་མོ། །ཏཱིང་མཱེད་ཅེས་པ། བྱི་བ། རྟ། ཡོས། བྱ་བཞི་ལས་ བརྒྱད་པ་འདིའི་མིང་ལ་མུད་ཟེར། གང་རུང་གཅིག་དང་འཕྲད་ན། བཅུ་པའི་མིང་ལ་ཀྱཱིས་ཟེར། འདིའི་མིང་ལ་མུང་ཞེས་ཟེར། ཤིན་ཧིའུ་ཞེས་པ། བྱི་བ། རྟ། ཡོས། བྱ་བཞི་གང་རུང་གཅིག་དང་འཕྲད་ན་མིང་ལ་ཀྲུང་ཞེས་ཟེར། ཏཱ་གྱིས་ཞེས་པ་བྱི་བ་རྟ་ཡོས་བྱ་བཞི་གང་རུང་གཅིག་དང་འཕྲད་ན་འདི་ལ་ཀྱཱིས་ཞེས་ཟེར། མོ་འདྲི་བ་པོས་བྱི་བ་སོགས་དུས་བཅུ་གཉིས་ནས་གང་ཡང་རུང་བ་གཅིག་གི་མིང་ཚོམ་ཚོམ་མེད་པར་སྨྲས་ན་མོ་ངེས་པར་ཐིག །ཅུང་ཟད་ཚོམ་ནས་སྨྲས་ན་མི་ཐིག་པ་འདིའི་ཆོས་ཉིད་ཡིན་ནོ། །བྱི་བ་སོགས་ཀྱི་གནས་ནི་དཔེ་རིས་ལ་བལྟས་པས་ཤེས་པར་འགྱུར་རོ། །ཏཱིང་མཱེད་ཤིང་ཁམས་འདི་ཕག་གི་གནས་སུ་བྱུང་ན། ཕག་ལུག་ཡོས་

― LT41_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མཐུན་པས། ནོར་འདོད་ཀྱིས་ཚེས་གཅིག །ལྔ། བདུན་གང་རུང་གཅིག་ལ་ནོར་རྙེད། ཤིན་ཧིའུ་མེ་ཁམས། སྟག་གི་གནས་སུ་བྱུང་ན་སྟག་རྟ་ཁྱི་གསུམ་མཐུན་པས། ནོར་འདོད་ཀྱིས་ཚེས་གཉིས། བཞི། བརྒྱད་གང་རུང་གཅིག་ལ་ནོར་རྙེད། ཏཱ་ཀྱིས་ལྕགས་ཁམས། སྦྲུལ་གྱི་གནས་སུ་བྱུང་ན་སྦྲུལ་བྱ་གླང་གསུམ་མཐུན་པས། ནོར་འདོད་ཀྱིས་ཚེས་ལྔ། དྲུག །དགུ་གང་རུང་གཅིག་ལ་ནོར་རྙེད་པར་འགྱུར། ༈། ང་གཉིས་ཆར་པ་ཡོད་མེད་རྩིས། ཐེྱན་ཀཱང་མུང་འཕྲད་ཆར་པ་ཡོད། །ཀྲུང་འཕྲད་འཐིབས་ཐང་གཉིས་ཀ་ཡོད། །ཀྱཱིས་དང་འཕྲད་ན་ཉི་མ་འཆར། །གནམ་ལ་སྤྲིན་པ་མེད་པར་འགྱུར། །ང་གསུམ་ཆར་མཚམས་ཆད་མིན་རྩིས། །སྦྲུལ་ཉིན་གནམ་མདངས་མི་གསལ་འགྱུར། །ཐེྱན་ཀཱང་མུད་འཕྲད་སྔ་མ་བཞིན། །ཀྲུང་དང་འཕྲད་ན་སྤྲིན་པ་མེད། །ཀྱཱིས་དང་འཕྲད་ན་ད་དུང་འབབ། །ང་བཞི་རྙེད་པ་བརྟགས་པའི་རྩིས། །ཐེྱན་ཀཱང་མུང་འཕྲད་ནོར་མི་རྙེད། །ཀྲུང་འཕྲད་ནོར་རྙེད་ཤིན་ཏུ་འགྱངས། །ཀྱཱིས་དང་འཕྲད་ན་ངེས་པར་རྙེད། །བྱང་ནས་ནོར་འབྱུང་ཐེ་ཚོམ་མེད། །ང་ལྔ་མི་ཆེན་འཕྲོད་མིན་རྩིས། །མི་ཆེན་དག་དང་མཇལ་མི་མཇལ། །ཐེྱན་ཀཱང་མུང་འཕྲད་མཇལ་མི་དགོས། །ཀྲུང་དང་འཕྲད་ན་སྒུག་དགོས་འགྱུར། །ཀྱཱིས་དང་འཕྲད་ན་ཕན་ཐོགས་འབྱུང་། །ང་དྲུག་ཚོད་བྱ་བརྟགས་པའི་རྩིས། །ཕན་ཚུན་ཉོ་ཚོང་

― LT41_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུབ་མི་འགྲུབ། །མུང་དང་འཕྲད་ན་འགྲུབ་མི་འགྱུར། །ཀྲུང་དང་འཕྲད་ན་ཁ་སྨྲས་འཛེམ། །ཀྱཱིས་དང་འཕྲད་ན་དོན་རྣམས་འགྲུབ། །ང་བདུན་གྲོགས་དང་འཕྲོད་མིན་རྩིས། །གཉེན་བལྟ་ཁྱིམ་དུ་ཡོད་མེད་ལ། །མུང་དང་འཕྲད་ན་ཁྱིམ་དུ་ཡོད། །ཀྲུང་འཕྲང་ཁྱིམ་མཚེས་ཐག་ཉེར་གནས། །ཀྱཱིས་འཕྲད་ཐག་རིང་ལམ་དུ་སོང་། །ང་བརྒྱད་བྱེས་ལ་སོང་མིན་རྩིས། །གཞན་དག་བྱེས་སུ་སོང་མ་སོང་། །ཀྱཱིས་དང་འཕྲད་ན་ངེས་པར་སོང་། །ཀྲུང་འཕྲད་ད་ལྟ་རང་ལ་སོང་། །མུང་འཕྲད་ད་དུང་མ་སོང་ངོ་། །ང་དགུ་མགྲོན་སོགས་འོང་མིན་རྩིས། །བྱེས་སོང་མི་འགའ་སླེབས་མི་སླེབ། །མུང་དང་འཕྲད་ན་དེ་ཀར་གནས། །ཀྲུང་འཕྲད་ལམ་ཕྱེད་ཀྱཱིས་མྱུར་སླེབས། །དྲུག་ཅུ་གཏུག་གཤེར་རྒྱལ་ཕམ་རྩིས། །མུང་ལ་ཕན་ཚུན་གཉིས་ཀ་མཉམ། །ཀྲུང་དང་འཕྲད་ན་ཕ་རོལ་རྒྱལ། །ཀྱཱིས་དང་འཕྲད་ན་རང་ཉིད་རྒྱལ། །རེ་གཅིག་གྲུ་རྫིང་ཡོད་མེད་རྩིས། །མུང་ལ་གྲུ་དག་ཆུ་འགྲམ་ཡོད། །ཀྲུང་འཕྲད་གྲུ་དག་ངེས་པར་ཡོད། །ཀྱཱིས་དང་འཕྲད་ན་སྒུག་དགོས་འབྱུང་། །རེ་གཉིས་མཚན་མོ་སྡོད་གནས་རྩིས། །གྲོང་དུ་ཞག་ས་ཡོད་མེད་ལ། །ཀྲུང་འཕྲད་ཞག་ས་ཁང་ཆེན་རྙེད། །མུང་འཕྲད་ཁང་ཆུང་བདེར་ཞག་འགྱུར། །ཀྱཱིས་འཕྲད་ངེས་པར་རྐུན་མ་འབྱུང་། །རེ་གསུམ་སུམ་མདོའི་ལམ་བརྟགས་རྩིས། །མུང་དང་

― LT41_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ལ་གཡས་ལམ་དུ། །ཀྲུང་བཅས་དབུས་ཀྱི་ལམ་དུ་བགྲོད། །ཀྱཱིས་བཅས་གཡོན་གྱི་ལམ་དུ་འགྲོ། །ལམ་འགྲོ་བདེ་ཞིང་སྐྱོན་མེད་འགྱུར། །རེ་བཞི་མགྲོན་པོ་སླེབས་མིན་རྩིས། །མུང་དང་འཕྲད་ན་མགྲོན་མི་འོང་། །ཀྲུང་བཅས་མགྲོན་པོ་ལམ་དུ་གནས། །ཀྱཱིས་བཅས་མགྲོན་པོ་སྒོ་དྲུང་སླེབས། །མགྱོགས་མྱུར་ཁྱིམ་དུ་ཕེབས་ཞུ་བྱ། །རེ་ལྔ་ཚོང་སྐྱེད་ཡོད་མེད་རྩིས། །མུང་དང་འཕྲད་ན་སྐྱེད་ནི་མེད། །ཀྲུང་བཅས་སྐྱེད་ནི་འབྲིང་པོ་ཙམ། །ཀྱཱིས་བཅས་འཕྲད་ན་སྐྱེད་ཆེ་བཟང་། །ཐེ་ཚོམ་མི་བྱ་འདི་བཞིན་སྤྱོད། །རེ་དྲུག་བུ་ལོན་བཏང་བ་དག །བསྙགས་ན་ལག་ཏུ་ཐོབ་མིན་རྩིས། །མུང་དང་བཅས་ན་ཐོབ་མི་སྲིད། །ཀྲུང་བཅས་བུ་ལོན་བསྙེགས་པར་བྱ། །ཀྱཱིས་དང་འཕྲད་ན་བུན་སྐྱེད་ཐོབ། །རེ་བདུན་ཁྭ་ཏའི་སྐད་བརྟགས་རྩིས། །མུང་དང་བཅས་ན་ཁ་མཆུ་འབྱུང་། །ཀྲུང་བཅས་ཕན་ཚུན་སྐྱོན་མེད་དོ། །ཀྱཱིས་བཅས་ཉི་མ་གཉིས་གསུམ་ན། །སྐྱོན་བྱུང་མྱུར་དུ་སེལ་བར་འགྱུར། །རེ་བརྒྱད་རྫས་ཀྱི་སྟོར་ཕྱོགས་རྩིས། །མུང་བཅས་ལྷོ་རུ་མྱུར་དུ་འཚོལ། །ཀྲུང་བཅས་ཤར་དུ་རྙེད་པ་འཕྱིས། །ཀྱཱིས་བཅས་ནུབ་དང་བྱང་ཕྱོགས་སུ། །ཤུལ་རྗེས་ཅི་ཡང་མཐོང་མི་འགྱུར། །རེ་དགུ་ནོར་སྟོར་རྙེད་མིན་རྩིས། །མུང་དང་བཅས་ན་རྙེད་མི་འགྱུར། །ཀྲུང་བཅས་ལེ་བར་ལྔ་བཅུར་འཚོལ། །ཀྱཱིས་བཅས་ལེ་བར་ལྔ་ལ་འཚོལ། །དུས་དང་།

― LT41_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

འཛོལ་ན་བཙལ་མི་དགོས། །བདུན་ཅུ་རྐུན་མ་བརྟགས་པའི་རྩིས། །མུང་བཅས་སྐྱེ་བའམ་གཉེན་གྱི་རིགས། །ཁྱིམ་མཚེའམ་ཀྲུང་བཅས་བུད་མེད་ཡིན། །ཀྱཱིས་བཅས་གཞོན་ནུའམ་ཟླ་གྲོགས་ཡིན། །དོན་གཅིག་ནད་པ་བརྟགས་པའི་རྩིས། །མུང་དང་བཅས་ན་ནད་གཞི་ཆེ། །ཀྲུང་བཅས་མྱ་ངན་འབྱུང་བ་ཡིན། །ཀྱཱིས་བཅས་ངེས་པར་སོས་པར་འགྱུར། །ལྷ་ལ་གསོལ་བ་ལེགས་པར་ཐོབ། །དོན་གཉིས་སྦྲུམ་མ་བརྟགས་པའི་རྩིས། །མུང་དང་བཅས་ན་བུ་ཆུང་སྐྱེ། །ཀྲུང་བཅས་བུ་མོ་སྐྱེ་བར་འགྱུར། །ཀྱཱིས་བཅས་ཤིན་ཏུ་སྐྱེ་དཀའ་བས། །མྱུར་དུ་ལྷ་ལ་གསོལ་བ་འདེབས། །དོན་གསུམ་འདྲེ་གདོན་བརྟགས་པའི་རྩིས། །མུང་བཅས་ལྷོ་ཡི་ཆུ་ལྷ་འཕྲད། །ཀྲུང་བཅས་ནུབ་བྱང་གྲོང་ནས་བྱུང་། །ཀྱཱིས་བཅས་ཤར་ལྷོའི་ཁྱིམ་གྱི་འདྲེ། །མྱུར་དུ་ལྷ་མཚོད་བྱས་ན་བདེ། །དོན་བཞི་ན་པའི་སྐྱེ་བོ་དེ། །ཕོ་མོ་གར་ཡིན་བརྟགས་པའི་རྩིས། །མུང་བཅས་ཕོ་སྟེ་ཕ་བུ་ན། །ཀྲུང་བཅས་བུ་མོ་ན་བ་ཡིན། །ཀྱཱིས་བཅས་སྐྱེ་དམན་ན་བ་ཡིན། །དོན་ལྔ་གཡས་གཡོན་གར་ཡོད་རྩིས། །མུང་བཅས་ཤར་ལྷོ་གཡས་ཕྱོགས་སུ། །ཀྲུང་བཅས་ནུབ་བྱང་གཡོན་ཕྱོགས་སུ། །ཀྱཱིས་བཅས་དབུས་ཀྱི་སྟེགས་བུའི་འོག །ངེས་པར་ཐིག་གོ་ངོ་མཚར་ཆེ། །དོན་དྲུག་དངོས་པོ་བདེན་བརྫུན་རྩིས། །མུང་བཅས་ཕྱེད་བརྫུན་

― LT41_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱེད་ནི་འཇམ། །ཀྲུང་བཅས་དངོས་པོ་སྲ་བ་ཡིན། །ཀྱཱིས་བཅས་བརྫུན་མ་ངོ་མ་གཉིས། །འདྲ་འདྲ་འབྱུང་བར་འགྱུར་བ་ཡིན། །དོན་བདུན་ཡ་དང་ཆ་བརྟགས་རྩིས། །མུང་དང་བཅས་ན་ཡ་ཡིན་ནོ། །ཀྲུང་བཅས་གཉིས་ཀ་སྦ་བར་བྱ། །ཀྱཱིས་བཅས་ཆ་ཞེས་ངེས་པར་འགྱུར། །ཡ་ཡིན་དབུས་ཀྱི་ས་རུ་གནས། །དོན་བརྒྱད་ལག་པའི་ཚོན་མདོག་རྩིས། །མུང་དང་བཅས་ན་སྡོ་དཀར་ཡིན། །ཀྲུང་བཅས་ངེས་པར་དམར་པོ་ཡིན། །ཀྱཱིས་བཅས་དམར་པོ་སེར་པོ་ཡིན། །ཐེྱན་ཀཱང་ལ་ནི་བརྫུན་མ་མཆིས། །དོན་དགུ་འཁར་བ་སློང་འགྱེལ་རྩིས། །མུང་དང་བཅས་ན་སློང་ཞིང་གནས། །ཀྲུང་བཅས་ངེས་པར་ས་ལ་ཉལ། །ཀྱཱིས་བཅས་འཁར་བ་འཕྲེད་དུ་གནས། །བརྒྱད་ཅུ་ཕོར་ཁ་གྱུ་ཕྱོགས་རྩིས། །ཐེྱན་ཀང་མུང་བཅས་སྟེང་དུ་ཕྱོགས། །ཀྲུང་བཅས་ལོགས་སུ་ཕྱོགས་པ་ཡིན། །ཀྱཱིས་བཅས་ཁ་ནི་བུབ་པ་ཡིན། །གྱ་གཅིག་གྲུ་རྫིང་གཏོང་མིན་རྩིས། །མུང་བཅས་རླུང་མེད་བདེ་བ་ཡིན། །ཀྲུང་བཅས་རླུང་ནི་ཡོད་པ་ཡིན། །ཀྱཱིས་བཅས་རླུང་དང་རླབས་ཀྱང་ཡོད། །གྱ་གཉིས་རི་ལ་འགྲོ་བའི་རྩིས། །ཐེྱན་ཀཱང་མུང་བཅས་སྐྱོན་ནི་ཆུང་། །ཀྲུང་བཅས་རྐུན་མ་དག་ལ་འཛེམ། །ཀྱཱིས་བཅས་ལམ་ནི་བགྲོད་པར་དཀའ། །གྱ་གསུམ་ཆུ་ཆེན་བརྒལ་བའི་རྩིས། །མུང་བཅས་ཆུ་ཟབ་བརྒལ་མི་བྱ། །ཀྲུང་བཅས་ཆུ་བོ་ཟབ་པ་མིན། །ཀྱཱིས་

― LT41_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་མི་ཟབ་བརྒལ་བར་ནུས། །གྱ་བཞི་འཕྲིན་བསྐུར་བདེན་བརྫུན་རྩིས། །ཐེྱན་ཀཱང་མུང་བཅས་བརྫུན་མ་སྟེ། །ཀྲུང་བཅས་འཕྲིན་ནི་ཕྱེད་མ་བརྫུན། །ཀྱཱིས་བཅས་འཕྲིན་ནི་བདེན་པ་ཡིན། །གྱ་ལྔ་མིག་འགུལ་བརྟགས་པའི་རྩིས། །ཐེྱན་ཀཱང་མུང་བཅས་ཆག་སྒོ་ཡོད། །ཀྲུང་བཅས་ཟླ་གྲོགས་ཡོང་བ་ཡིན། །ཀྱཱིས་བཅས་ནོར་ཆེན་རྙེད་པར་འགྱུར། །གྱ་དྲུག་རྣ་བ་དྲོ་བའི་རྩིས། །མུང་བཅས་མགྲོན་འོང་ཆང་སྣོད་འཛིན། །ཀྲུང་བཅས་ནོར་རྫས་སྟོར་བ་འབྱུང་། །ཀྱཱིས་བཅས་ནོར་འཚོལ་རྙེད་པར་འགྱུར། །གྱ་བདུན་ཆང་གི་ཞིམ་མངར་རྩིས། །ཐེྱན་ཀཱང་མུང་བཅས་ཆང་ནི་ཞིམ། །ཀྲུང་བཅས་ཆང་ནི་ཅུང་ཟད་སྐྱུར། །ཀྱཱིས་བཅས་ཆང་གི་བྲོ་བ་ངན། །གྱ་བརྒྱད་ཡིག་དན་བརྟགས་པའི་རྩིས། །མུང་བཅས་ཡིག་དན་ནོར་བ་ཡིན། །ཀྲུང་བཅས་མི་ལ་གཉེར་གཏད་བྱེད། །ཀྱཱིས་བཅས་ཡིག་དན་ངེས་པར་བཟང་། །གྱ་དགུ་གཉེན་བསྒྲིགས་འགྲུབ་མིན་རྩིས། །མུང་བཅས་མྱུར་དུ་འགྲུབ་མི་འགྱུར། །ཀྲུང་བཅས་འགྲུབ་ཀྱང་སླར་འགྱུར་འབྱུང་། །ཀྱཱིས་བཅས་ཤིན་ཏུ་བསྒྲིགས་པར་འགྱུར། །དགུ་བཅུ་པོར་པར་ཆུ་ཡོད་མེད། །ཐེྱན་ཀཱང་མུང་བཅས་ཆུ་ཡིས་ཁེངས། །ཀྲུང་བཅས་ཆུ་ནི་ཅུང་ཟད་ཙམ། །ཀྱཱིས་དང་བཅས་ན་ཆུ་ཡོད་འགྱུར། །གོ་གཅིག་ཁྱིམ་དེར་ཆང་ཡོད་མེད། །ཐེྱན་ཀཱང་མུང་བཅས་ངེས་པར་མེད། །ཀྲུང་བཅས་ཆང་

― LT41_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་སྣོད་མ་གང་། །ཀྱཱིས་དང་བཅས་ན་ཆང་མང་ངོ་། །ཟས་ཆང་ཇི་འདོད་ཡོད་པ་ཡིན། །གོ་གཉིས་ཤོ་ཡི་རྒྱལ་ཕམ་རྩིས། །མུང་དང་བཅས་ན་རྒྱལ་མི་འགྱུར། །ཀྲུང་བཅས་ཅུང་ཟད་རྒྱལ་བ་འབྱུང་། །ཀྱཱིས་བཅས་ཤིན་ཏུ་རྒྱལ་བར་འགྱུར། །གོ་གསུམ་འགྲོ་ཕྱོགས་བཟང་ངན་རྩིས། །མུང་བཅས་ཉི་མ་འཆར་ཕྱོགས་འཛེམ། །ཀྲུང་དང་བཅས་ན་ནུབ་ཕྱོགས་འཛེམ། །ཀྱཱིས་དང་བཅས་ན་ལྷོ་ཕྱོགས་འཛེམ། །གོ་བཞི་གཞུང་དོན་མངོན་མིན་རྩིས། །མུང་དང་བཅས་ན་གཞུང་དོན་མེད། །ཀྲུང་བཅས་གཞུང་དོན་ཀློག་ནས་འབྱིན། །ཀྱཱིས་བཅས་བུལ་བར་འགྱུར་བ་ཡིན། །གོ་ལྔ་ཙི་ཙིའི་སྐད་བརྟགས་རྩིས། །མཚན་ཕྱེད་ཙི་ཙིའི་སྐད་རྒྱབ་ན། །ཐེྱན་ཀཱང་མུང་བཅས་ནོར་དག་འདུ། །ཀྲུང་བཅས་ཁ་མཆུ་འབྱུང་བའི་ངོ། །ཀྱཱིས་བཅས་མི་ངན་དག་དང་འཕྲད། །གོ་དྲུག་གཡར་པོ་སྟེར་མིན་རྩིས། །ཐེྱན་ཀཱང་མུང་བཅས་གཡར་པོ་སྟེར། །ཀྲུང་དང་བཅས་ན་གཡར་ཀྱང་འགྱངས། །ཀྱཱིས་བཅས་ལག་པ་སྟོང་པར་འཁོར། །གོ་བདུན་རི་དྭགས་ཉ་བཤོར་རྩིས། །མུང་བཅས་དོན་མེད་སྟོང་པར་འཁོར། །ཀྲུང་བཅས་རི་དྭགས་ཉུང་ངུ་རྙེད། །ཉ་ཡང་ཉིན་མོ་ཅུང་ཟད་ཟིན། །ཀྱཱིས་བཅས་རི་དྭགས་ཉ་མང་སོང་། །གོ་བརྒྱད་ཁྱིམ་གཞན་དུ་སྦོ་ཆོག་མི་ཆོག་སྤོ་བའི་རྩིས། །ཐེྱན་ཀླང་མུང་བཅས་སྐྱོན་མེད་ཡིན། །ཀྲུང་དང་བཅས་ན་སྤོ་མི་རུང་། །ཀྱཱིས་བཅས་ཁྱིམ་

― LT41_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

སྤོ་བཟང་བ་ཡིན། །གོ་དགུ་ཁྲིམས་ཀྱིས་ཉེས་མིན་རྩིས། །ཕན་ཚུན་ཚིག་དག་གཤེར་བ་ན། །མུང་བཅས་སྡུག་བསྔལ་མྱོང་བར་འགྱུར། །ཀྲུང་དང་བཅས་པ་ཉེས་པ་མེད། །ཀྱཱིས་བཅས་ཕན་ཚུན་མཉམ་པ་འབྱུང་། །བརྒྱ་ཕྲག་ཚོང་སྐབས་ལེགས་ཉེས་རྩིས། །ཐེྱན་ཀཱང་མུང་བཅས་སེམས་ལས་ཆེ། །མགོ་མཇུག་མེད་པའི་ལས་ཀ་ཡིན། །ཀྲུང་བཅས་མི་ཡིས་སྐྱིན་བྱེད་འཛེམ། །ཀྱཱིས་བཅས་ནོར་འཕེལ་བཟང་བ་ཡིན། །ཐེྱན་ཀཱང་སྤྱི་སྡོམ་ནི། ཉིང་མཱིང་ཞེས་པ་བརྒྱད་པ་ཡིན། ཏིང་མཱིང་འདི་དང་འཕྲད་ན་དཔོན་སར་བསྙེགས། ཡིག་རིགས་དང་དོན་བསྒྲུབ་བཟང་། །བྱེས་སུ་སོང་བའི་མི་མི་འོང་ནད་མེད། ནད་པ་འདྲི་ཚེ་འཇིགས་པ་སྐྱེ། བསོད་ནམས་ཟད། ཁྱིམ་ཆ་བདེ། ནོར་རྫས་ཆེར་མི་འདུ། ཚོང་ཆ་འདྲི་ཚེ་སླར་འགྲུབ། །ཤར་ལྷོར་ནོར་སྟོར་ན་ཕྱོགས་དེ་ཉིད་དུ་འཚོལ། གཉེན་བསྒྲིགས་མི་འགྲུབ། །ཤིན་ཧིའུ་ཞེས་པ་དགུ་པ་ཡིན། ཤིན་ཧིའུ་འདི་དང་འཕྲད་ན། དཔོན་གྱི་གོས་འདྲི་ཚེ་དཔོན་ས་མི་ཐོབ། །ཡིག་རིགས་དང་དོན་བསྒྲུབ་དཀའ་བླས་ཡིན། སོང་བའི་མི་འདྲི་ཚེ་ལམ་དུ་འཕྲད། ནད་པ་འདྲི་ཚེ་ནད་གཞི་ཆེ། ཁྱིམ་ཆ་འདྲི་ཚེ་ཤིན་ཏུ་བཟང་། ཁྱིམ་དུ་སྟོར་བའི་རྫས་ཤར་དུ་འཚོལ། ཚོང་ཆ་བཟང་། ཁྱིམ་ཐབས་གཏོང་ལེན་ངན། ཏཱ་ཀྱིས་ཞེས་པ་བཅུ་པ་ཡིན། ཏཱ་ཀྱིས་འདི་དང་འཕྲད་ན་

― LT41_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་དོན་ལ་སྐྱོན་ཅིའང་མེད། ཡིག་རིགས་དག་ལ་འགྱངས་ན་བཟང་། སྟོར་རྫས་ནུབ་བྱང་ཕྱོགས་སུ་ཡོད། བྱེས་སུ་སོང་བའི་མི་ལམ་དུ་ཐོན། ཁྱིམ་ས་ལ་ནད་དང་ཁ་མཆུ་ཡོད། ནད་པ་འདྲི་ཚེ་འཇིགས་པ་འབྱུང་། ཚོང་དང་ནོར་ཆ་ཅི་ལའང་ངན། བག་མ་གཏོང་ལེན་བཟང་། འདི་ཡན་བརྩིས་པ་བཞིན་བརྩིས་ན་མི་ཐིག་པ་མེད་དོ། །བརྟགས་པ་འདི་ཁུང་ཝང་གི་ཉི་མ་དང་འཕྲད་ན་མི་ཐིག །ཁུད་ཝང་ཞེས་པའི་ཉི་མ་ནི། ཤིང་བྱི་སོགས་ལོ་འགྲོས་བཅུ་གཉིས་ལས། ཆུ་ཕོ་ཁྱི་ཆུ་མོ་ཕག་གི་ཉིན་དང་། ཁྱི་དང་ཕག་གི་དུས་ལ་ཡང་ཁུང་ཝང་ཟེར། ཤིང་ཁྱི་སོགས་ལོ་འགྲོས་བཅུ་གཉིས་ལས། ཆུ་སྤྲེལ་དང་ཆུ་བྱའི་ཉིན། སྤྲེལ་བྱའི་དུས། ཤིང་སྤྲེལ་སོགས་ལོ་འགྲོས་བཅུ་གཉིས་ལས། ཆུ་རྟ་ཆུ་ལུག་གི་ཉིན། རྟ་དང་ལུག་གི་དུས། ཤིང་རྟ་སོགས་ལོ་འགྲོས་བཅུ་གཉིས་ལས། ཆུ་འབྲུག་ཆུ་སྦྲུལ་གྱི་ཉིན་དང་། འབྲུག་སྦྲུལ་གྱི་དུས། ཤིང་འབྲུག་སོགས་ལོ་འགྲོས་བཅུ་གཉིས་ལས། ཆུ་སྟག་ཆུ་ཡོས་ཀྱི་ཉིན་དང་། སྟག་དང་ཡོས་ཀྱི་དུས། ཤིང་སྟག་སོགས་ལོ་འགྲོས་བཅུ་གཉིས་ལས། ཆུ་བྱི་ཆུ་གླང་གི་ཉིན་དང་། བྱི་བ་དང་གླང་གི་དུས། འདི་རྣམས་ལ་ཁུང་ཝང་གི་ཉི་མ་ཞེས་ཟེར། ལཱུ་བཞིན། འདིར་མཇུག་ཅུང་ཟད་ཡོད་སྙམ་རྒྱ་རྩིས་གཞུང་གང་ལས་བཏུས་པའི་དཔེ་ཡོད་དགོས་སྣང་། །

― LT41_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་སྤྱོད་ཡུལ་སྤང་བླང་ནི། །མཐོང་བ་ཙམ་གྱིས་རྟོགས་བྱེད་པ། །འབྲས་རྩིས་གཉིས་ལས་བཏུས་ཏེ་འདིར། །འཕགས་ཡུལ་ལུགས་བཟང་འགོད་པར་བྱ། །ལོ་དང་ཟླ་བ་ཚེས་གྲངས་དང་། །གཟའ་དང་སྦྱོར་བྱེད་རྒྱུ་སྐར་རྩིས། །ཡུད་ཙམ་འཕྲོད་དང་འཕོ་བ་དང་། །གཟའ་སྐར་སྟོབས་དང་དུས་སྦྱོར་འབྲས། །ཉེ་བའི་གཟའ་དང་རིགས་ལྡན་ཚེས། །འགྲམ་དང་མཚུན་དང་གཎྜའི་མཐའ། །སྤྱི་ལ་དགོས་པ་བསྟན་པའོ། །སོ་སོར་དམིགས་སུ་བསལ་བ་ནི། །སྐྱེ་བརྟགས་ཚེ་རྩིས་བཙས་ཁྲུས་བྱེད། །མིང་འདོགས་རྣ་འབིགས་ཕྱིར་འདོན་དང་། །སྐྲ་སེན་འདྲེགས་དང་གཙུག་ཕུད་འཆིང་། །ཟས་གསར་བཟའ་དང་གོས་གསར་གྱོན། །སྣུམ་བྱུག་ཆས་རྒྱན་འཕང་སློབ་དང་། །རིག་པ་སློབ་དང་ལས་སྐལ་སྤྱོད། ཁང་བཟོ་སྒོ་གཏོད་གནས་གཞི་འཛིན། །རྒྱལ་སོགས་ཁྲི་སྟོན་དགེ་ལས་བརྩམ། །རྨ་དང་ན་བ་གདོན་གནོད་བརྟག །སྨན་སྦྱོར་བ་དང་ནད་སོས་ཁྲུས། །ཆུང་མ་ཁྱིམ་འཛུད་བུད་མེད་བསྒྲོད། །ལྷ་སོགས་མཇལ་དང་ཉོ་ཚོང་བྱེད། །གླང་པོའི་ལས་དང་རྟ་ཡི་ལས། །རྟ་ཕྱུགས་ཉོ་ཚོང་གཏོང་ལེན་དང་། །མཛའ་བོ་བྱེད་དང་ནོར་བཅོལ་གཏམ། །ཁྲོན་པ་བརྐོ་དང་སྐྱེད་ཤིང་འཛུགས། །ཞིང་རྨོ་ས་བོན་གདབ་པ་དང་། །ཆར་དང་ལོ་ཏོག་བརྟགས་པ་དང་། །སྤེན་པའི་འཁོར་ལོ་གྲོང་བདེ་

― LT41_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག །སྟོར་བ་རྙེད་ཚོལ་མཐུན་སྦྱོར་བརྟག །བྲོ་གར་དང་ནི་ལག་བསྡེབ་བྱེད། །ལམ་དུ་ཞུགས་དང་ཁྱིམ་དུ་འཇུག །མཚམས་གཅོད་དགོན་གནས་དབེན་པར་བགྲོད། །མེ་ཡི་ལས་དང་རབ་གནས་ཏེ། །རྩིས་འགོ་བདུན་ཅུ་ཐམ་པས་འཆད། །དང་པོ་ལོ་ཡི་རབ་བྱེད་ནི། །དུས་གཅིག་ལ་ནི་ལོ་ལྔ་སྟེ། །དང་པོའི་ལོ་དང་ཡོངས་སུ་ལོ། །ཨི་དཱ་ཨ་ནུ་ཨི་ཏའི་མིང་། །ལྷག་པའི་མེ་ནི་མེ་ཉི་ཟླ། །ཚངས་དང་དབང་པོ་རྣམས་སུ་འགྱུར། །ལོ་ནི་དྲུག་ཅུས་དུས་བཅུ་གཉིས། །ཁྱབ་འཇུག་འཚོ་བྱེད་བརྒྱ་བྱིན་དང་། །སྲེག་བྱེད་འཇོག་པོ་སྦྲུལ་རྟོགས་མཚུན། །སྣ་ཚོགས་ཟླ་བ་དབང་པོ་དང་། །འབར་བྱེད་སྣ་འདོར་ལྷ་བཅུ་གཉིས། །རབ་བྱུང་སོགས་དང་བདག་པོ་ཡི། །མིང་དང་མཚུངས་པའི་འབྲས་བུ་འབྱིན། །ཆུ་སྲིན་ནས་བཟུང་ཁྱིམ་འཕོ་ནི། །གཉིས་གཉིས་དུས་ཚིགས་གཅིག་འགྱུར་ཏེ། །དགུན་སྨད་དཔྱིད་དང་སོས་ཀ་དང་། །དབྱར་དང་སྟོན་ཀ་དགུན་སྟོད་དོ། །དགུན་སྨད་ནས་བརྩམས་དུས་ཚིགས་གསུམ། །བྱང་བགྲོད་ལྷ་ཡི་ཉིན་མོ་ལ། །རབ་ཏུ་གནས་དང་ཁྱིམ་གསར་འཇུག །བརྟུལ་ཞུགས་གཙུག་ཕུད་འཆིང་བ་དང་། །བག་མ་ལེན་སོགས་དགེ་ལས་བརྩམ། །དབྱར་ནས་བརྩམས་ཏེ་དུས་ཚིགས་གསུམ། །ལྷོ་བགྲོད་ལྷ་ཡི་མཚན་མོ་ལ། །གོང་དུ་བཤད་རྣམས་མི་དགེ་བས། །དྲག་ཤུལ་སྤྱོད་པའི་ལས་ལ་བསྔགས། །གཉིས་པ་ཟླ་བ་བཅུ་

― LT41_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་རྩིས། །ནག་པ་ཟླ་ནས་རིམ་བཞིན་དུ། །འདོང་ཟླ་སྦྲང་ཟླ་དཀར་པོའི་ཟླ། །དག་ཟླ་མཁའ་ཟླ་སྤྲིན་ལེགས་ཟླ། །ལྟད་མོ་ཅན་དང་སྟོབས་ནུས་ཟླ། །ཤུགས་ལྡན་དཀའ་ཐུབ་དཀའ་ཐུབ་ལེགས། །མིང་མཐུན་བྱེད་པ་འབྱུང་བའོ། །དགེ་སྡིག་མཚན་ཉིད་སྤྱིར་བཤད་པ། །མགོ་ཟླར་སྔགས་ནི་རང་གིར་བྱེད། །སྡུག་བསྔལ་མང་པོའི་འབྲས་བུ་སྟེར། །ས་ག་ཟླ་བར་རིན་ཆེན་རྙེད། །སྣྲོན་ཟླར་ངེས་པར་འཆི་བ་སྟེར། །ཆུ་སྟོད་ཟླ་བར་གཉེན་རྣམས་ཟད། །གྲོ་བཞིན་ཟླ་བར་དགེ་བ་ཐོབ། །ཁྲུམས་ཀྱི་ཟླ་བར་སྐྱེ་རྒུ་འཇོམས། །ཐ་སྐར་ཟླ་བར་ཀུན་ཏུ་བདེ། །སྨིན་དྲུག་ཟླ་བར་ནོར་རྣམས་འཕེལ། །མགོ་ཡི་ཟླ་བར་དགེ་ལེགས་སྦྱིན། །རྒྱལ་ཟླར་ཡེ་ཤེས་ཉམས་པར་བྱེད། །མཆུ་ཟླར་ཡིད་གཞུངས་འཕེལ་བར་འགྱུར། །དབོ་ཟླར་ཐམས་ཅད་སྐལ་བཟང་ཞེས། །སྔོན་གྱི་སློབ་དཔོན་རྣམས་ཀྱིས་བསྟན། །དཀར་ཕྱོགས་ལྷ་ལ་ནག་ཕྱོགས་མཚུན། །དགེ་དང་མི་དགེའི་ལས་ལ་བསྔགས། །དཀར་པོའི་ཕྱོགས་དང་ནག་པོ་ཡི། །ཚེས་བཅུའི་བར་ཡང་དགེ་ལས་འགྲུབ། །ཟླ་ཟད་དགེ་ལས་འཛེམ་ཞེས་བཤད། །གསུམ་པ་ཚེས་གྲངས་སོ་སོའི་རྩིས། །དཀར་ནག་ཕྱོགས་ཀྱི་ཚེས་གཅིག་ནས། །བརྩམས་ཏེ་སོ་སོར་དབང་བྱེད་ལྷ། །ཚངས་པ་སྒྲུབ་བྱེད་ཁྱབ་འཇུག་དང་། །འགོག་བྱེད་འོད་ཟེར་ས་ག་དང་། །རྡོ་རྗེ་ཅན་དང་ནོར་ལྷ་ཀླུ། །ཆོས་དང་ཞི་

― LT41_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འོད་རྣོན་དང་། །མྱོས་བྱེད་རྩོད་པ་སྣ་ཚོགས་ཏེ། །གནམ་སྟོང་ཞེས་བྱའི་ཚེས་ལ་ནི། །མཚུན་གྱི་བདག་པོས་དབང་བྱད་དོ། །དགའ་བཟང་རྒྱལ་སྟོང་རྫོགས་ཞེས་པ། །དཀར་ནག་ཕྱོགས་རེར་ལན་གསུམ་འཁོར། །དཀར་ཕྱོགས་དམན་འབྲིང་མཆོག་གི་སྟོབས། །ནག་ཕྱོགས་མཆོག་འབྲིང་ཐ་མ་ཡི། །སྟོབས་ལྡན་སོ་སོའི་རང་བཞིན་མིང་། །འཕེལ་དང་རབ་ཤིས་སྟོབས་དང་དམན། །དཔལ་ལྡན་ཇི་ལྟ་བ་དང་བཤེས། །སྟོབས་དང་རབ་ཡངས་དམ་ཆོས་ལྡན། །དགའ་དང་བཟང་ལྡན་ཕ་རོལ་རྒྱལ། །དྲག་ཤུལ་ཞི་བ་ཞེས་བྱ་བ། །མིང་དང་སྟོབས་མཚུངས་འབྲས་བུ་འབྱིན། །དགའ་བ་རྣམས་ཀྱི་ཚེས་ལ་ནི། །ངོ་མཚར་དགའ་སྟོན་གནས་གཞི་ཐགས། །ཞིང་གི་ལས་སོགས་འགྲུབ་པར་བཤད། །བཟང་པོར་བག་མ་རྒྱན་ཤིང་རྟ། །ལམ་དུ་འཇུག་སོགས་རྒྱས་པར་བྱེད། །རྒྱལ་པོ་གཡུལ་དང་སྟོབས་ཤུགས་ཀྱིས། །ཉེར་སྦྱོར་བྱ་བ་ཐམས་ཅད་འགྲུབ། །སྟོང་ལ་དུག་མེ་མཚོན་ཆ་སོགས། །འབིགས་གསོད་འཆིང་དང་འཇོམས་རྣམས་བརྩམ། །རྫོགས་པར་བག་མ་ལྟད་མོ་སོགས། །ཞི་རྒྱས་བཀྲ་ཤིས་ལས་རྣམས་བསྔགས། །འོན་ཀྱང་གནམ་སྟོངས་ཚུན་གྱི་དུས། །དགེ་ཞིང་ཤིས་པ་བྱ་བ་མིན། །ཡར་མར་ཆོས་ནི་གཉིས་དང་བཅུ། །མ་གཏོགས་ཟུང་གི་ཚེས་རྣམས་ནི། །ཕྱོགས་ཀྱི་བུག་པའོ་དགུ་ཡང་སྨད། །གནམ་སྟོང་འཆི་ལྟས་ཞེས་

― LT41_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་གྲགས། །ཉི་མ་ཉ་གཞུའི་ཁྱིམ་སླེབ་སྐབས། །ཡར་མར་ཚེས་གཅིག་སྲེག་སྦྱོར་ཏེ། །དེ་བཞིན་གླང་བུམ་ཀརྚ་ལུག །འཁྲིག་པ་བུ་མོ་སེང་གེ་སྡིག །སྲང་དང་ཆུ་སྲིན་ཁྱིམ་སོ་སོར། །ཡར་མར་བཞི་ནས་བཅུ་གཉིས་པར། །ཟུང་གི་ཚེས་རྣམས་རིམ་སྦྱར་བ། །དྲག་པོའི་ཁྱིམ་བཅས་མི་དགེ་བའི། །ཚེས་ཏེ་དགེ་ལས་ངེས་པར་འཛེམ། །ཚེས་གཅིག་དྲུག་དང་གནམ་སྟོང་ལ། །བྱ་བ་གསར་དུ་བརྩམ་པ་ན། །ནོར་རིགས་གཉེན་གྱི་སྐྱེ་བོ་འཇོམས། །བདུན་དགུ་སྟོང་ལ་ཁྲུས་མི་བྱ། །ཁྱད་པར་བཅུ་ལ་ཁྲུས་དང་ནི། །བཅུ་གསུམ་བུ་ཡི་དོན་བསྒྲུབ་ན། །བྱ་དང་བྱེད་པོ་གཉིས་ཀ་འཇོམས། །དྲུག་ལ་སྣུམ་དང་བརྒྱད་ལ་ཤ །བཅུ་བཞིར་ལ་ནི་སྐྲ་གྲིའི་ལས། །གནམ་སྟོང་བུད་མེད་དོན་གཉེར་ན། །སྐྱེས་བུ་རྣམས་ཀྱི་ཚེ་ཟད་བྱེད། །བརྒྱད་ནས་བཅུ་གསུམ་བར་དག་ཏུ། །རིམ་བཞིན་མགོ་དང་ཐོད་པ་དང་། །རྒྱུ་ལ་སེན་མོ་པགས་པ་ཚིལ། །མཐོ་རིས་འདོད་པས་བཟའ་མི་བྱ། །ནག་ཟླའི་གསུམ་དང་བཅོ་ལྔ་དང་། །ས་ག་ཟླ་བའི་དཀར་པོའི་གསུམ། །སྣྲོན་ཉ་ཆུ་སྟོད་དཀར་པོའི་བཅུ། །གྲོ་བཞིན་གནམ་སྟོང་ཁྲུམས་ཟླ་ཡི། །གསུམ་བརྒྱད་བཅུ་གསུམ་ཐ་སྐར་དགུ། །སྨིན་ཟླའི་བརྒྱད་དགུ་བཅུ་གཉིས་དང་། །རྒྱལ་ཟླའི་བཅུ་གཅིག་མཆུ་ཟླ་ཡི། །བདུན་དང་ཉ་སྟོང་དབོ་ཟླའི་ཉ། །རིག་བྱེད་པ་རྣམས་ཚངས་པ་ཡི། །ཉིན་གཅིག་ཤེད་

― LT41_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་བཅུ་བཞིའི་དུས། །རྫོགས་པས་བསོད་ནམས་འཕེལ་བར་འདོད། །བཅོ་ལྔའི་ཉིན་མོར་ཟླ་བའི་ཆ། །གཅིག་མ་རྫོགས་པས་བཅུ་བཞི་དང་། །འདྲ་བ་ཨརྦུ་མ་ཏིར་གྲགས། །མཚན་མོར་ཉ་གང་རཱ་ཀའོ། །གནམ་སྟོང་ཉིན་མོར་ཟླ་བའི་ཆ། །ཅུང་ཟད་མཐོང་བས་ཉེར་དགུ་དང་། །འདྲ་བ་སི་ནཱི་བཱ་ལཱིར་གྲགས། །མཚན་མོར་སྟོང་ཆེན་ཀུ་ཧཱུའོ། །མཆོད་སྦྱིན་སྦྱིན་སྲེག་ལ་སོགས་པ། རྗེས་འགྲོ་ །སྔ་མ་གཉིས་ལ་སྟོང་དགེ་སྦྱིན། ཕྲག་སྟེ། །ཕྱི་མ་གཉིས་ལ་འབུམ་དུ་འགྱུར། །ཉི་མའི་བདག་པོ་ཞི་བ་སྟེ། །ཟླ་བའི་ཆ་འཛིན། ལྷ་ནི་མེ་ལ་རང་བཞིན་བརྟན། །སྟོང་ཆེན། གདུང་པའི་ལས་བྱེད་དེ་ཡི་རེས། །ཟངས་དང་གྲོ་དང་ཙནྡན་དམར། །ཞོ་ནི་མཆོད་ཅིང་སྦྱིན་པར་ཤིས། །ཟླ་བདག་ཞི་མ་ལྷ་ནི་ཆུ། །རང་བཞིན་གཡོ་ལ་མཛེས་རྒྱས་བྱེད། །མཆོད་སྦྱིན་དུང་དང་ཙནྡན་དམར། །གོས་དཀར་འབྲས་དཀར་དགེ་བར་འགྱུར། །བཀྲ་ཤིས་བདག་ཕུག་ལྷ་ས་གཞི། །རང་བཞིན་དྲག་པོ་འཆི་བར་བྱེད། །གླང་དང་གོས་དམར་བུ་རམ་དང་། །ཟན་སོགས་གོང་བུ་མཆོད་སྦྱིན་དགེ། །ལྷག་པའི་བདག་དང་ལྷ་ཁྱབ་འཇུག །འདྲེས་པའི་ཚུལ་ཅན་ནོར་ལྡན་བྱེད། །ག་བུར་ཆུ་དང་སྲན་སྡེའུ། །གོས་ལྗང་རིན་ཆེན་ལྗང་གུ་སྦྱིན། །ཕུར་བདག་ཚངས་པ་ལྷ་བརྒྱ་བྱིན། །ཡང་བའི་རང་བཞིན་ལོངས་སྤྱོད་འཕྲོག །གོས་སེར་ཡུང་བ་ཙ་ན་ཀ །ཡུངས་ཀར་རྣམས་ནི་མཆོད་ཅིང་སྦྱིན། །པ་སངས་

― LT41_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་པོ་དབང་པོ་སྟེ། །ལྷ་ནི་དབང་མོ་རང་བཞིན་འཇམ། །ཕོངས་པར་བྱེད་དོ་རོ་ཙ་ན། །རྟ་དཀར་འབྲུ་དཀར་མཆོད་སྦྱིན་བྱ། །སྤེན་བདག་དུས་ཏེ་ལྷ་ཚངས་པ། །རྣོ་བའི་རང་བཞིན་ལོངས་སྤྱོད་སྟེར། །ཏིལ་དང་འབའ་ཆབ་ནག་མོ། །སྣུམ་དང་ལྕགས་མཆོག་མཆོད་སྦྱིན་ཤིས། །སྒྲ་གཅན་ཡོད་ཚེ་མ་ཧེ་ར། །སྲན་ཁྲེའུ་ཏིལ་དང་ཡུངས་ཀར་ནག །ཀེ་ཏུར་ར་ལུག་འདྲེས་མའི་ཟས། །སོ་སོའི་ཉི་མར་སྦྱིན་བྱ་སྟེ། །གསེར་དང་བ་ནི་ཀུན་ལ་མཆོག །གནོད་ཚེ་མཆོད་པས་ཞི་བྱེད་དོ། །དེ་ནས་རེས་གཟའ་སོ་སོ་ལ། །དགེ་བའི་བྱ་བ་བཤད་ཀྱི་ཉོན། །རྒྱལ་པོར་དབང་བསྐུར་དགའ་སྟོན་བརྩམ། །ལམ་བགྲོད་གཞན་བསྟེན་བ་ལང་བསྲེལ། །སྦྱིན་སྲེག་ལ་སོགས་མེ་དང་ནི། །སྔགས་སྨན་མཚོན་དང་ཚོས་ཀྱི་ལས། །གསེར་ཟངས་པགས་པ་བུད་ཤིང་བལ། །གཡུལ་དང་ཟོང་སོགས་ཉི་མར་བསྒྲུབ། །མུ་ཏིག་དངུལ་དང་དུང་ཆུ་སྐྱེས། །བུར་ཤིང་བཟའ་དང་བུད་མེད་བསྲེལ། །ལྗོན་ཤིང་ཞིང་དང་ཆུ་འོ་མ། །གོས་རྒྱན་མེ་ཏོག་རྭ་ཡི་བཟོ། །གླུ་དང་མཆོད་སྦྱིན་ཟླ་བར་བརྩམ། །དབྱེ་བརྫུན་རྐུན་མ་མེ་དུག་མཚོན། །འཆིང་གསོད་གནོད་བྱེད་གཡོ་སྒྱུ་དང་། །དམག་འཐབ་གསེར་སོགས་ཁམས་རྣམས་དང་། །བྱེ་རུའི་ལས་ནི་མིག་དམར་དགེ། །འཆད་སོགས་མཁས་པའི་བྱ་བ་དང་། །ཀློག་སོགས་བསོད་ནམས་བསགས་

― LT41_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། །བཤེས་གཉེན་བསྟེན་དང་ཡི་གེ་འབྲི། །བཟོ་དང་ཁམས་ཀྱི་ལས་རྣམས་དང་། །ཕན་ཚུན་མཚམས་སྦྱོར་བག་མ་ལེན། །གསེར་འགྱུར་ལྷག་པའི་རེས་ལ་བྱ། །ཆོས་ཀྱི་བྱ་བ་རྒྱས་པའི་ལས། །ཆོད་སྦྱིན་སྦྱིན་སྲེག་བཀྲ་ཤིས་ལས། །རྒྱན་གོས་ཁང་བཟོ་སྨན་སྦྱོར་བ། །ཤིང་རྟ་རྟ་ཉོ་ལྟད་མོ་སོགས། །ལྷ་ཡི་བླ་མ་ལ་བསྒྲུབ་བྱ། །ནོར་བུ་རིན་ཆེན་མལ་སྟན་གོས། །གླུ་དང་དྲི་བཟང་བུད་མེད་རྒྱན། །དགའ་སྟོན་ཞིང་དང་ས་ཡི་ལས། །མཛོད་དང་ཉོ་ཚོང་བ་ལང་བསྲེལ། །པ་སངས་ཉི་མ་ལ་འགྲུབ་འགྱུར། །ལྕགས་རྡོ་ཞ་ཉེ་བཤའ་ཚེ་བཞུ། །ཁྱིམ་དུ་འཇུག་དང་བྲན་གཡོག་བསྟེན། །སྡིག་ལས་བརྫུན་ཁྲོ་དུག་ཆང་སྦྱོར། །མཚོན་ཆ་བཅིང་དང་མཆོད་སྦྱིན་སོགས། །བརྟན་པའི་ལས་རྣམས་སྤེན་པར་བྱ། །ཟླ་ལྷག་ཕུར་བུ་པ་ཝ་སངས། །བྱ་བ་སྤྱི་ལ་དགེ་བྱེད་དེ། །ཉི་མ་ས་སྐྱེས་སྤེན་པའི་རེས། །རང་རང་བཤད་པའི་ལས་རྣམས་འགྲུབ། །རེས་གཟའ་ཨུ་པ་ཙ་ཡར་ཞུགས། །སོ་སོར་ཇི་སྐད་བཤད་ཀུན་འགྲུབ། །གལ་ཏེ་ཨ་པ་ཙ་ཡར་ཞུགས། །དེ་ཡི་བྱ་བ་འབྲིང་དུ་འགྱུར། །སྨིན་དྲུག་ཟླ་བའི་གནམ་སྟོང་ལ། །ཉི་མིག་སྤེན་པའི་རེས་གྱུར་ཚེ། །བཀྲ་ཤིས་ཐོབ་ཅིང་ཚེ་དང་ལྡན། །མི་བདག་ཉམས་ཤིང་ཕྱུགས་རྣམས་ཟད། །ནམ་གྲུ་ནས་བརྩམས་མགོ་ཡི་བར། །རྒྱུ་སྐར་གང་རུང་ལ་ཟླ་གནས། །དེ་སྲིད་པ་སངས་ལོང་

― LT41_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

བའམ། །ཡང་ན་ལྷོ་ལ་ཕྱོགས་པར་འགྱུར། །ཉིན་ཞག་ལྔ་དང་བདུན་པ་ལ། །ཤར་དང་ནུབ་ཏུ་པ་སངས་ཤར། །དེ་ནི་བྱིས་པ་ཞེས་བྱ་དགེ། །དེ་ལས་བཟློག་པ་རྒན་པོ་ཉེད། །ལྷ་ཡི་བླ་མའང་དེ་དང་འདྲ། །ཉིན་ཞག་བཞི་ལྔ་གསུམ་པ་ལ། །ཕུར་སངས་ནུབ་ཚེ་དགོངས་ཐུན་མགོར། །བྱིས་པ་རྒན་བོར་བག་བསུ་སོགས། །དགེ་བའི་བྱ་བ་སྤང་བར་བཤད། །གང་ཚེ་ཉི་མ་ཕུར་བུ་དག །ལྷན་ཅིག་སྤྱོད་པའི་དུས་སུ་ནི། །ལྷག་སངས་ལ་སོགས་གཟའ་རྣམས་ཀྱི། །ཉེས་པ་མཐའ་དག་སེལ་བར་བྱེད། །ཟླ་བ་དཀར་པོའི་ཚེས་གཉིས་དང་། །ལྔ་དང་དགུ་པ་ལ་སྤྱོད་ཚེ། །རྒྱུ་སྐར་ཀུན་གྱིས་ལེགས་པ་སྦྱིན། །ལྔ་པ་སྦྱོར་བ་ཉེར་བདུན་རྩིས། །རྣམ་སེལ་མཛའ་བོ་ཚེ་ལྡན་དང་། །སྐལ་བཟང་དགེ་བྱེད་ཤིན་ཏུ་འགྲམ། །ལས་བཟང་འཛིན་བྱེད་ཟུག་རྔུ་དང་། །འགྲམ་པ་འཕེལ་བརྟན་རྣམ་བསྣུན་དང་། །དགའ་བ་རྡོ་རྗེ་དངོས་གྲུབ་དང་། །ཕན་ཚུན་ལྟུང་དང་མཆོག་ཆེན་དང་། །ཡོངས་འཇམ་ཞི་བ་གྲུབ་པ་དང་། །བསྒྲུབ་བྱ་དགེ་བ་དཀར་པོ་དང་། །ཚངས་པ་དབང་པོ་མཁོན་འཛིན་ཏེ། །ལས་རྣམས་ཀུན་ལ་རང་རང་གི། །མིང་དང་མཚུངས་པའི་འབྲས་བུ་སྦྱིན། །དེ་ལས་དགུ་ནི་ངན་པ་སྟེ། །གཞན་པ་ཐམས་ཅད་བཟང་པོའོ། །རེ་རེར་ཆུ་ཚོད་དྲུག་ཅུ་ཡོད། །རྣམ་སེལ་ཐོག་མའི་གསུམ་སྤང་བྱ། །འགྲམ་

― LT41_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཤིན་འགྲམ་དབྱུ་གུ་དྲུག །ཟུག་རྔུར་ལྔ་དང་རྣམ་བསྣུན་དང་། །རྡོ་རྗེར་དགུ་ལ་ཡོངས་འཇོམས་ཕྱེད། །ཕན་ཚུན་ལྟུང་དང་མཁོན་འཛིན་གྱི། །ཆུ་ཚོད་རིལ་པོར་དགེ་ལས་འཛེམ། །དྲུག་པ་གཡོ་བརྟན་བྱེད་པའི་རྩིས། །དབང་པོ་ཚངས་པ་མཛའ་བོ་ཉི། །ས་དང་དཔལ་དང་ཀཱི་ནཱ་པ། །གཡོ་བའི་བྱེད་པ་བདུན་གྱི་ལྷ། །ཆ་ལྡན་གླང་དང་སྦྲུལ་དང་རླུང་། །བརྟན་བྱེད་བཞི་ཡི་མགོན་རྣམས་སོ། །ཥྚ་ིྚ་མ་གཏོགས་བྱེད་པ་གཞན། །དགེ་བའི་ལས་ལ་ཕལ་ཆེར་བསྔགས། །བ་བར་བརྟན་དང་རྒྱས་ལས་དགེ། །གཉིས་པས་ཆོས་དང་བྲམ་ཟེར་ཕན། །གསུམ་པར་རབ་མྱོས་གྲོགས་སུ་བསྒྲུབ། །འགྲོ་གནས་ཏཻ་ཏི་ལ་ལ་དགེ། །དུག་ལ་ས་བོན་ཁང་ཞིང་ལས། །ཚོང་པར་ཚོང་དང་བརྟན་ལས་བརྩམ། །བིཥྚིར་ལས་ཀུན་འགྲུབ་མ་ཡིན། །དགྲ་གསོད་སོགས་ལ་དེ་བསྔགས་སོ། །བཟང་པོའི་ལུས་ཀྱི་ཆ་ཤས་ནི། །གདོང་ལ་ལྔ་སྟེ་མགྲིན་པར་གཅིག །སྲང་ལ་བཅུ་གཅིག་སྐེད་པར་བཞི། །དཔྱི་ལྟེར་དྲུག་སྟེ་མཇུག་མར་གསུམ། །དབྱུ་གུ་སུམ་ཅུའི་བདག་ཉིད་དོ། །གདོང་ལ་བྱ་བ་ཉམས་ཤིང་འཆི། །མགྲིན་པར་ནོར་ཉམས་བྲང་སྐེད་དཔྱིར། །བློ་གྲོས་ཟད་ཅིང་ལྟེ་བའི་ཡུལ། །རྣམ་རྒྱལ་མཇུག་མར་འགྲོ་བར་བྱེད། །འཆར་བའི་མདུན་དུ་མི་དགེ་བའི། །སྟོབས་ཆེ་རྒྱབ་ཏུ་དགེ་ལེགས་སྟེར། །རབ་འཆིང་གོང་བུ་

― LT41_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་ཏུ་གློག །རབ་གནག་མཆེ་གནག་འགྲམ་ཡངས་དང་། །དབྱུག་རིང་སྣ་རིང་བྱ་བ་འཇོམས། །འབུམ་ཕྲག་བསྲེགས་ཐོབ་སྐྱུག་བྱེད་དང་། །སྣ་ཚོགས་མཐའ་མིང་མདོན་པར་བརྗོད། །ཤ་ཀུ་ནི་སྟེ་ལྟས་ཅན་ལ། །སྔགས་སྨན་རྒྱས་པའི་ལས་ཀུན་འགྲུབ། །རྐང་བཞི་པར་ནི་བ་ལང་དང་། །བྲམ་ཟེ་རྒྱལ་པོ་མཚུན་ལས་བྱ། །ཀླུ་ལ་འཇོམས་འཕྲོག་བརྟན་པའི་ལས། །ཀིནྟུ་།།།ར་ནི་རྒྱས་པ་དང་། །དགེ་དང་བཀྲ་ཤིས་ལས་རྣམས་བྱ། །བདུན་པ་སྐར་མའི་རྩིས་བཤད་པ། །ཐ་སྐར་གྲངས་གསུམ་རྟ་གདོང་འདྲ། །ལྷ་ནི་ཀུན་འགྱེད་སྐྱེ་གནས་རྟ། །བྲ་ཉེ་སྐར་གསུམ་སྐྱེ་གནས་གཟུགས། །ལྷ་ནི་གཤིན་རྗེ་སྐྱེ་གླང་པོ། །སྨིན་དྲུག་སྐར་དྲུག་སྤུ་གྲིའི་དབྱིབས། །ལྷ་ནི་མེ་ལ་སྐྱེ་གནས་རྟ། །སྣར་མ་སྐར་ལྔ་ཤིང་རྟར་མཚུངས། །ལྷ་ནི་ཚངས་པ་ཀླུའི་སྐྱེ་གནས། །མགོ་ནི་སྐར་གསུམ་རི་དྭགས་མགོ། །ལྷ་ནི་ཟླ་བ་སྐྱེ་གནས་ཀླུ། །ལག་ནི་སྐར་གཅིག་ནོར་བུ་བཞིན། །ལྷ་ནི་དྲག་པོ་སྐྱེ་གནས་ཁྱི། །ནབས་སོ་སྐར་བཞི་ཁྱིམ་ལྟ་བུ། །མི་གཅོད་མ་ལྷ་བྱི་ལའི་སྐྱེ། །རྒྱལ་ནི་སྐར་གསུམ་མདའི་རྣམ་པ། །ལྷ་ནི་ཕུར་བུ་སྐྱེ་གནས་ལུག །སྐེག་ནི་སྐར་དྲུག་འཁོར་ལོའི་ཚུལ། །ལྷ་ཀླུ་སྐྱེ་གནས་བྱི་ལའོ། །མཆུ་ནི་སྐར་ལྔ་ཁང་པ་ལྟར། །ལྷ་མཚུན་བྱི་བའི་སྐྱེ་གནས་ཅན། །གྲེ་ནི་སྐར་གཉིས་

― LT41_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

མལ་སྟན་འདྲ། །ལྷ་ནི་བྷ་ག་སྐྱེ་བྱི་བ། །དབོ་ཡང་སྐར་གཉིས་ཁྲི་ཡི་གཟུགས། །ལྷ་ནི་འགྲོ་ལྡན་སྐྱེ་གནས་གླང་། །མེ་བཞི་སྐར་ལྔ་ལག་པའི་དབྱིབས། །ལྷ་ནི་ཉིན་བྱེད་མ་ཧེའི་སྐྱེ། །ནག་པ་སྐར་གཅིག་མུ་ཏིག་བཞིན། །ལྷ་ནི་འཇོག་པོ་སྐྱེ་གནས་སྟག །ས་རི་སྐར་གཅིག་བྱི་རུའི་དཔེ། །ལྷ་ནི་རླུང་ལ་སྐྱེ་གནས་གླང་། །ས་ག་སྐར་བཞི་རྟ་བབས་འདྲ། །ལྷ་ནི་བརྒྱ་བྱིན་སྐྱེ་གནས་སྟག །ལྷ་མཚམས་སྐར་གསུམ་སྟོབས་ལྡན་གནས། །ལྷ་ནི་མཛའ་བོ་ཨེ་འི་སྐྱེ། །སྣྲོན་ནི་སྐར་གསུམ་རྣ་རྒྱན་འདྲ། །ལྷ་ནི་དབང་པོ་སྐྱེ་རི་དྭགས། །སྣྲུབས་སྐར་བཅུ་གཅིག་ཅོ་འབལ་བཞིན། །ལྷ་ནི་བདེན་བྲལ་སྐྱེ་གནས་སྤྲེལ། །ཆུ་སྟོད་སྐར་བཞི་མལ་ཆའི་ཚུལ། །ལྷ་ཆུ་སྲེ་མོའི་སྐྱེ་གནས་ཅན། །ཆུ་སྨད་སྐར་བཞི་གླང་འགྱིང་འདྲ། །སྣ་ཚོགས་ལྷ་སྟེ་སྲེ་མོའི་སྐྱེ། །བྱི་བཞིན་སྐར་གསུམ་བཞི་མདོའི་ལམ། །ལྷ་ནི་སྒྲུབ་བྱེད་སྐྱེ་གནས་སྤྲེལ། །གྲོ་བཞིན་གྲངས་དབྱིབས་སྐྱེ་གནས་བཅས། །དེ་མཚུངས་ལྷ་ནི་ཁྱབ་འཇུག་གོ། །མོན་གྲེ་སྐར་བཞི་རྩལ་ལྡན་གཟུགས། །ནོར་ལྷ་སེང་གེའི་སྐྱེ་གནས་སོ། །མོན་གྲུ་སྐར་བརྒྱ་རྫ་རྔའི་དབྱིབས། ལྷ་ནི་ཆུ་བདག་སྐྱེ་གནས་རྟ། །ཁྲུམས་སྟོད་སྐར་གཉིས་ཟུང་འཛིན་འདྲ། །ལྷ་ནི་ར་རྐང་སེང་གེའི་སྐྱེ། །ཁྲུམས་སྨད་སྐར་གཉིས་མལ་ཁྲིའི་ཚུལ། །ལྷ་ནི་སྦྲུལ་རྟོགས་སྐྱེ་

― LT41_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཕྱུགས། །ནམ་གྲུ་སོ་གཉིས་བརླ་སུལ་དབྱིབས། །ལྷ་ནི་རྒྱས་བྱེད་སྐྱེ་གནས་ཕག །རྒྱུ་སྐར་ཉེར་བརྒྱད་སྟོབས་དང་ལས། །ལྷ་དང་རིགས་བཞིན་སྤྱོད་པའོ། །སྣར་མ་དང་ནི་ཕྱི་མ་གསུམ། །བརྟན་པའམ་ངེས་པ་བཞི་རུ་བཤད། །དབང་བསྐུར་ཁྲི་འདོན་གྲོང་ཁང་བཟང་། །ས་བོན་ཞི་དང་བརྟན་ལས་བརྩམ། །ནག་པ་ལྷ་མཚམས་མགོ་ནམ་གྲུ། །འཇམ་པོ་མཛའ་བའི་སྐར་མ་བཞི། །མཛའ་མཐུན་འཁྲིག་པ་རྒྱན་དང་གོས། །གླུ་དང་བཀྲ་ཤིས་འདི་ལ་བསྒྲུབ། །ཐ་སྐར་མེ་བཞི་བྱི་བཞིན་རྒྱལ། །ཡང་བ་མྱུར་བའི་སྐར་བཞི་སྟེ། །ཚོང་རྒྱན་སྒྱུ་རྩལ་འཁྲི་ཤིང་སྨན། །ལམ་ཞུགས་བསླབ་སྦྱོང་བཟོ་ལས་འགྲུབ། །སྣྲོན་སྣྲུབས་སྐག་དང་ལག་རྣམས་ནི། །འཇོམས་བྱེད་རྣོ་བའི་མིང་ཅན་ཏེ། །འབྱུང་པོ་གནོད་སྦྱིན་གཏེར་སྔགས་སྒྲུབ། །དབྱེ་འཆིང་གསོད་པ་མྱུར་འགྲུབ་བྱེད། །ནབས་སོ་ས་རི་མོན་གྲེ་དང་། །མོན་གྲུ་གྲོ་བཞིན་གཡོ་བསྐྱོད་ལྔ། །གླང་པོ་རྟ་གླང་གླང་ཕྲུག་ཞོན། །ཡིད་འོང་བགྲོད་པའི་བྱ་བར་བསྔགས། །སྔོན་མ་གསུམ་དང་བྲ་ཉེ་མཆུ། །ཁྲོ་དང་དབང་བྱེད་དྲག་པོ་ལྔ། །བསྒྲུབ་བྱ་གཞོམ་དང་དུག་གསོད་འཆིང་། །མཚོན་འཚེ་སྲེག་སོགས་བྱ་བར་བརྗོད། །སྨིན་དྲུག་དང་ནི་ས་ག་དག །འདྲེས་མིང་ཅན་ཏེ་འདྲེས་པ་བརྩམ། །ནམ་གྲུ་ཐ་སྐར་ལྷ་མཚམས་སྣྲོན། །མེ་བཞི་ནག་པ་ས་རི་མགོ།

― LT41_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

ནབས་སོ་དགུ་ནི་འཕྲེད་བལྟས་ཚོགས། །དེ་དག་རྣམས་ལ་ཚོང་འདུམ་ཆིངས། །ཤིང་འཛུག་ཁྲོན་བརྐོ་གཤོལ་གྱི་ལས། །རྟ་གླང་བོང་བུ་ལུག་སོགས་སྦྱིན། །ཆུ་འདྲེན་ལམ་དུ་ཞུགས་སོགས་དགེ། །བྲ་ཉེ་སྨིན་དྲུག་སྐག་དང་མཆུ། །གྲེ་དང་ས་ག་སྣྲུབས་ཆུ་སྟོད། །ཁྲུམས་སྟོད་དགུ་ནི་འོག་བལྟས་ཏེ། །དོང་འོབས་ཁྲོན་རྫིང་གཏེར་རྐོ་དང་། །འཐབ་མོ་རྩིས་དང་ཤོ་རྒྱན་འདོར། །ས་དང་དྲག་ཤུལ་ལས་རྣམས་བརྩམ། །ལག་སྣར་རྒྱལ་དང་དབོ་ཆུ་སྨད། །གྲོ་བཞིན་མོན་གྲེ་མོན་གྲུ་དང་། །ཁྲུམས་སྨད་དགུ་ནི་སྟེང་བལྟས་ཏེ། །ཁང་པ་ཁང་བཟང་ར་བ་དང་། །རྟ་བ་བསྐྱེད་ཚལ་རྟེན་གསུམ་བཞེངས། །བ་དན་རྒྱལ་མཚན་བཙེམ་དང་སྒྲེང་། །དབང་བསྐུར་ཁྲི་སྟོན་དགེ་ལས་བསྔགས། ༈ །ཆུ་སྨད་བྱི་བཞིན་མོན་གྲེ་དང་། །ཁྲུམས་སྟོད་ཁྲུམས་སྨད་ནམ་གྲུ་དང་། །བྲ་ཉེ་རྣམས་ལ་རོ་སྲེག་དང་། །རྩ་ཤིང་སྔོ་སྡུད་ལྷོ་ཕྱོགས་འགྲོ། །ཁྱིམ་སྦེད་ཐོག་འབུབས་ལ་སོགས་སྤང་། ༈ །ཁྱིམ་འཕོའི་ཚེས་ཀྱི་རྒྱུ་སྐར་ནས། །གསུམ་དྲུག་ལན་གསུམ་བར་བསྐོར་བའི། །རྒྱུ་སྐར་བགྲང་ནས་རིམ་པ་བཞིན། །ལམ་དང་ལོངས་སྤྱོད་ནད་དང་གོས། །འཇོམས་པ་དང་ནི་ནོར་ཆེན་པོ། །ཞེས་པའི་མིང་མཐུན་འབྲས་འབྱུང་བས། །སྐྱེ་དང་བྱ་བ་བསྒྲུབ་སོགས་ལ། །ཟླ་རེ་བཞིན་དུ་རྣམ་པར་དཔྱད། །བྲ་ཉེ་ལག་པ་སྐག་ས་རི། །སྣྲོན་དང་མོན་གྲུ་

― LT41_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

མཐང་དུ་བཤད། །སྣར་མ་ནབས་སོ་དབོ་ས་ག །ཆུ་སྨད་ཁྲུམས་སྨད་ཆེ་བའོ། །ཐ་སྐར་ལ་དཔེར་མཚོན། ལྷག་མ་གཞན་ནི་མཉམ་པའི་མིང་། །མཐང་ལ་ཕུར་བུའི་མཆོད་པ་དང་། །ཆེན་པོར་འབྲུ་མཆོད་ཆེར་བྱ་ཞིང་། །མཉམ་རྣམས་ཟླ་ཕུར་བཞིན་དུ་མཆོད། ༈ །མགོ་ལག་ནབས་སོ་མ་བཞི་དང་། །ལྷ་མཚམས་སྣྲོན་སྣྲུབས་ཆུ་སྟོད་སྨད། །དགུ་ནི་ཁྲུམས་ཟླར་ལྷོ་རུ་སྤྱོད། །ཐ་སྐར་བྲ་ཉེ་མཆུ་གྲེ་དབོ། །ས་རི་ས་ག་ཁྲུམས་སྟོད་སྨད། །དགུ་པོ་དེ་ཚོ་བྱང་དུ་སྤྱོད། །སྨིན་དྲུག་སྣར་མ་རྒྱལ་དང་སྐག །ནག་པ་མོན་གྲེ་མོན་གྲུ་དང་། །ནམ་གྲུ་གྲོ་བཞིན་ཤར་ཕྱོགས་སྤྱོད། །དབྱུག་ཟླར་མགོ་སོགས་ནུབ་སྤྱོད་ཅིང་། །ཐ་སྐར་སོགས་ཤར་སྨིན་སོགས་ལྷོ། །དེ་ལྟར་གཡས་སྐར་རིམ་བཞིན་འཁོར། །དཔེར་ན་ཁྲུམས་ཟླའི་ཤར་ཕྱོགས་དང་། །དབྱུག་ཟླའི་ལྷོ་ཕྱོགས་སྙིང་སྡུག་གོ། །དཔུང་འདེགས་རྩོད་དང་འབྲེལ་བྱེད་དང་། ཁང་པ་ཁང་བཟང་དག་གི་སྒོ། །རྒྱལ་པོ་འདུས་དང་འཐབ་པ་

― LT41_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །སྙིང་སྡུག་ལ་ཕྱོགས་སྦང་བར་བྱ། །བརྒྱད་པ་ཡུད་ཙམ་བརྟགས་པའི་རྩིས། །ཉིན་མོ་ཡུད་ཙམ་བཅོ་ལྔའི་ལྷ། །དྲག་པོ་སྦྲུལ་གཉེན་མཚུན་ནོར་ལྷ། །ཆུ་དང་སྣ་ཚོགས་ཚངས་སྒྲུབ་བྱེད། །དབང་པོ་མི་དབང་མཚན་མོར་རྒྱུ། །ཆུ་ལྷ་གཤིན་རྗེ་མོ་མཚན་ནོ། །མཚན་མོའི་ཡུད་ཙམ་བཅོ་ལྔའི་ལྷ། །རི་ཉལ་ར་རྐང་སྦྲུལ་རྟོགས་ཉི། །ཐ་སྐར་གཤིན་རྗེ་མེ་ཚངས་པ། །ཟླ་བ་མི་གཅོད་ཕུར་ཁྱབ་འཇུག །འོད་རྣོན་འཇོག་པོ་སྲིན་པོ་རླུང་རྣམས་སོ། །ཉིན་མཚན་གཉིས་ཀའི་བརྒྱད་པའི་ཆ། །ཨ་བྷི་ཛཏྲ་སྟེ་དོན་གཉེར་སོགས། །ཕྱོགས་རྣམས་གང་དུ་སྤྱོད་ཀྱང་དགེ། །ལྷོ་ཡི་ཕྱོགས་སུ་སྤང་བར་བྱ། །རེས་གཟའ་ཉི་མ་འཆར་བའི་ཚེ། །ཚངས་པ་སྲིན་པོའི་ཡུད་ཙམ་སྤང་། །ཟླ་བར་དབང་པོ་བཀྲ་ཤིས་ལ། །མེ་མཚུན་ལྷག་པར་ཨ་བྷི་ཛིཏ། །ཕུར་བུར་སྲིན་པོ་ཆུ་དང་ཀླུ། །བ་བ་སངས་ལ་ཚངས་པ་མཚུན། །སྤེན་པར་འཇོག་པོ་སྦྲུལ་རྣམས་སྤང་། །ཕུར་བུར་ལས་སོགས་གང་བཤད་པ། །ཡུད་ཙམ་ལྷ་ལའང་དེ་བཞིན་ཏེ། །གཞན་དག་དེ་ཡི་རིགས་པས་འགྲེ། །ཡུད་ཙམ་རྣམ་གྲངས་གཞན་མཆིས་ཀྱང་། །མ་སྤྲོས་ཡི་གེའི་ཕུང་པོས་འཇིགས། །ཉིན་གྱི་གཉིས་གསུམ་ལྔ་དྲུག་བརྒྱད། །མཚན་གྱི་ཐུན་ཕྱེད་གསུམ་པ་རྣམས། །དོན་ཀུན་གྲུབ་པར་ཁ་ཅིག་བཤད། །དགུ་པ་འཕྲོད་སྦྱོར་བརྟགས་པའི་རྩིས། །ཉི་རེས་ཐ་སྐར་ཟླ་བ་མགོ།

― LT41_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་དམར་སྐག་ལ་མེ་བཞི་ལྷག །ཕུར་བུ་ལྷ་མཚམས་པ་སངས་ཕུལ། །སྤེན་བ་མོན་གྲུ་ནས་བརྩམས་ཏེ། །རྒྱུ་སྐར་འཁོར་ལོ་རིམ་སྦྱར་བ། །ཀུན་དགའ་ལ་སོགས་དགེ་མི་དགེའི། །འབྲས་བུ་རང་རང་མིང་མཐུན་འགྱུར། །འདིར་རེའུ་མིག་འགོད། ཀུན་དགས་ནོར་རྙེད་བདེ་བ་སྟེར། །དུས་ཀྱི་དབྱུག་པ་འཇིགས་པ་ཆེ། །དུ་བ་མཚན་ངན་སྲོག་ཉམས་འགྱུར། །སྐྱེ་རྒུས་རྒྱས་པའི་ལས་རྣམས་སྦྱིན། །ཞི་བ་ལ་ནི་ལས་ཀུན་འགྲུབ། །བྱ་རོག་ཁ་འཐབ་ཟད་པ་སྦྱིན། །རྒྱལ་མཚན་བརྟན་པའི་ལས་ཀུན་དགེ། །དཔལ་བེའུས་དཔལ་སྦྱིན་བཀྲ་ཤིས་བྱེད། །རྡོ་རྗེས་དྲག་པོའི་ལས་རྣམས་འགྲུབ། །ཐོ་བས་ནད་སྦྱིན་རྒོལ་བ་འཇོམས། །གདུགས་ལ་བསིལ་བ་འཐོབ་པར་འགྱུར། །གྲོགས་ལ་ཡིད་འོང་གྲོགས་དང་འཕྲད། །ཡིད་འབྱུང་མཐུན་སྦྱོར་ལས་རྣམས་འགྲུབ། །པདྨ་བྱ་བ་ཀུན་ལ་དགེ། །ཨཱ་ལི་བུ་ཀས་འཇིགས་ལྟུང་འབྱུང་། །ལྟས་ཆེན་བྱ་བ་སྤྱི་ལ་ངན། །འཆི་བས་འཆི་བ་ངེས་པར་སྦྱིན། །ཞར་བས་དབང་པོ་ཡན་ལག་ཉམས། །དངོས་གྲུ་བཞི་རྒྱས་དབང་ལས་འགྲུབ། །དགེ་བ་དགེ་ལེགས་ལས་ལ་དགེ། །འཆི་མེད་སྲོག་འཚོ་བདུད་རྩི་སྟེར། །གཏུན་ཤིང་སྡུག་བསྔལ་ནད་རྣམས་འབྱུང་། །དབྱུག་བས་འཇིགས་པ་དུ་མ་སྐྱེད། །གླང་པོས་བྱ་བ་ཆེན་པོ་འགྲུབ། །སྲིན་པོ་ལ་ནི་སྲོག་ཉམས་འགྱུར། །གཡོ་བས་གཡོ་བའི་ལས་

― LT41_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་འགྲུབ། །བརྟན་པར་བརྟན་པའི་ལས་ཀུན་དགེ། །འཕེལ་བས་ཚེ་དང་བསོད་ནམས་འཕེལ། ༈ །ཉི་མ་མེ་བཞི་ཟླ་བ་མགོ། །བཀྲ་ཤིས་ཐ་སྐར་ལྷ་མཚམས་ལྷག །ཕུར་རྒྱལ་པ་སངས་ནམ་གྲུ་དང་། །སྤེན་སྣར་འཆི་མེད་འགྲུབ་སྦྱོར་ཏེ། །བྱེ་བ་བརྒྱ་ཕྲག་ཀུན་ལ་དགེ། །འོན་ཀྱང་བོད་ཀྱི་བཞེད་རྙིང་པར། །ཉི་མ་མེ་བཞིའི་འགྲུབ་སྦྱོར་ལ། ཁང་པ་བརྩིགས་ན་ཁྱིམ་དེ་ཕུང་། །ཟླ་བ་གྲོ་བཞིན་འགྲུབ་སྦྱོར་ལ། །དམག་ཇག་བྱས་ན་ཁ་ཉེས་འོང་། །དམག་དཔོན་དབྱུ་གུའི་འགྲུབ་སྦྱོར་ལ། །གནག་ཕྱུགས་ཕྱིར་བཏང་ར་བ་སྟོང་། །ལྷག་པ་ལྷ་མཚམས་འགྲུབ་སྦྱོར་ལ། །བག་མ་བླང་ན་ཁྱོ་མང་འཆི། །རྒྱལ་དང་ཕུར་བུའི་འགྲུབ་སྦྱོར་ལ། །ཤིད་ལས་བྱས་ན་མི་གཡང་ཉམས། །པ་སངས་ནམ་གྲུའི་འགྲུབ་སྦྱོར་ལ། །བག་མ་བླང་ན་བུ་མི་སྐྱེ། །སྤེན་པ་སྣར་མའི་འགྲུབ་སྦྱོར་ལ། །བུ་ཚ་མི་ཡུལ་འགྲོ་བ་སྤང་། །དེ་དག་མན་ངག་ཡིན་པར་འདོད། ༈ །གཟའ་སྐར་ཚེས་གསུམ་འཛོམ་པ་ཡི། །དངོས་གྲུབ་སྦྱོར་བ་དགེ་བ་ནི། །འཆི་མེད་འགྲུབ་སྦྱོར་ཇི་བཞིན་དུ། །བཟང་པོའི་ལས་ཀ་ཀུན་ལ་དགེ། །དེ་བཞིན་གསུམ་འཛོམ་མི་མཐུན་སྦྱོར། །དྲག་ལས་མ་གཏོགས་ཀུན་ལ་ངན། །དབྱེ་བ་རེའུ་མིག་ཏུ་གསལ། །རེའུ་མིག་འགོད། ༈ །དགའ་བ་པ་སངས་བཟང་པོ་ལྷག །རྒྱལ་བ་མིག་དམར་སྟོང་པ་སྤེན། །རྫོགས་པའི་ཚེས་དང་ཕུར་བུ་

― LT41_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

འཛོམ། །འགྲུབ་སྦྱོར་དགེ་བའི་ལས་ལ་བསྔགས། །བྱ་བ་གཞན་ལ་ཕྱི་དལ་འགྱུར། ༈ །ཉི་མ་ལྷ་མཚམས་ཟླ་ཆུ་སྨད། །ས་སྐྱེས་མོན་གྲུ་ལྷག་དབྱུ་གུ། །མགོ་དང་ཕུར་བུ་དཀར་པོ་སྐག །སྤེན་པ་མ་བཞི་དང་འཕྲད་ན། །འཆི་སྦྱོར་ཡིན་ཏེ་དགེ་ལས་སྤང་། ༈། དགའ་དང་ཉི་མ་བཀྲ་ཤིས་བཟང་། །རྒྱལ་བར་ཟླ་ལྷག་པ་སངས་འཛོམ། །སྟོང་ལ་ཕུར་བུ་རྫོགས་སྤེན་པ། །དེ་ཡང་འཆི་སྟེར་འཆི་སྦྱོར་རོ། ༈ །མཆུ་དང་ཉི་མ་ས་ག་ཟླ། །ལག་དང་མིག་དམར་སྨིན་དྲུག་ཕུར། །ལྷག་སྣྲུབས་པ་སངས་བྱི་བཞིན་དང་། །བྱ་སྤེན་གཤིན་རྗེའི་དྲིལ་བུའོ། ༈ །སོག་ལེའི་སྦྱོར་བ་རྩུབ་མོ་ནི། །ཚེས་དང་རེས་གཟའ་བསྲེས་པས་གྲངས། །བཅུ་གསུམ་གྱུར་དེར་དགེ་ལས་འཛེམ། ༈ །ཉི་མའི་རེས་ལ་བདུན་ཉེར་གཉིས། །ལྷག་རེས་ཚེས་གཅིག་བཅུ་དྲུག་འཛོམ། །དེས་ཀྱང་དགེ་བའི་ཕྱོགས་འཇིག་པས། །འཇིག་སྦྱོར་ཞེས་བྱ་མཁས་པས་སྨད། ༈ །ནག་པོའི་ཕྱོགས་ཀྱི་བཅུ་གསུམ་ལ། །ལག་དང་ཉི་མ་ཟླ་བ་མཆུ། །འཛོམ་ན་གླང་པོའི་གྲིབ་མ་སྟེ། །ཤིད་སྟོན་བསོད་ནམས་ཐོབ་པ་བཤད། ༈ །ཉི་མའི་རེས་ལ་རིམ་པ་བཞིན། །ས་ག་ལྷ་མཚམས་སྣྲོན་དང་སྣྲུབས། །ལྟས་ཆེན་འཆི་བ་ཞར་བ་དང་། །དངོས་གྲུབ་སྦྱོར་བ་རྣམས་སུ་འགྱུར། །སྔ་མ་གསུམ་སྤང་ཕྱི་མ་དགེ། །བཅུ་པ་ཁྱིམ་འཕོའི་འབྲས་བུའི་

― LT41_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིས། །ཉི་མའི་འཕྲོ་བས་དྲག་པོ་སྟེ། །ཟླ་བ་མྱུར་ལ་མིག་དམར་གཡོ། །ལྷག་པས་གཉེན་སྦྱོར་ཕུར་བུ་བརྟན། །པ་སངས་འདྲེས་མ་སྤེན་པས་འཇོམས། །ཟླ་འཕོའི་ལྷ་དང་རིགས་ལ་སྦྱར། །ཉི་མ་སྔ་དྲོར་འཕོ་བ་ན། །རྒྱལ་དང་བྲམ་ཟེར་ཕན་པ་སྦྱིན། །ཉིན་གུང་རྗེ་རིགས་ཕྱི་དྲོ་དམངས། །ཉི་ནུབ་སྲོད་ལ་ཤ་ཟ་གུང་། །མཚན་རྒྱུ་ནམ་ལངས་ཕྱུགས་རྫིར་དགེ། །དུས་དེར་རང་རང་རིགས་དག་གིས། །བྲོ་གར་བྱ་བ་བརྩམ་སོགས་ལེགས། །ནམ་ལངས་དགོང་མོར་འཕོ་བྱེད་ན། །འཕོ་བའི་འབྲས་བུ་སྟོབས་ཆུང་འགྱུར། །ཀོ་ལ་བ་དང་རྟག་བྱེད་བཞིར། །འཕོ་ན་སྟེང་དུ་གནས་པ་ཞེས། །འབྲུ་ཆར་མཆོད་ཡོན་ཡས་རྣམས་སྤང་། །མཚན་ཕྱེད་ཉི་མའི་འཕོ་བ་རྫོགས། །ཉི་མ་སྔ་ཕྱི་གཉིས་ཀ་རུ། །ཁྲུས་དང་སྦྱིན་སོགས་བྱ་བ་བཟང་། །ཉིན་མཚན་མཉམ་ལའང་དེ་བཞིན་ནོ། །ཉི་ཟླ་ལྷན་ཅིག་འཕོ་བའི་ཚེ། །མཆོད་སྦྱིན་དགའ་སྟོན་ཆེན་པོ་དག །འཇོམས་པར་འགྱུར་བས་བརྩམ་མི་བྱ། །སླར་ཡང་སོ་སོར་འཕོ་བའི་ཚེ། །ཟླ་བ་རང་གི་འབྲས་བུ་འབྱིན། །ཉི་མ་གཞུ་ནས་ཆུ་སྲིན་དུ། །འཕོ་ཚེ་སྟོབས་ཆེན་བྱ་བ་བརྩམ། །དེ་ཚེ་སྲོད་དམ་མཚན་ཕྱེད་དུ། །ལོངས་སྤྱོད་ཉམས་པར་འགྱུར་ཞེས་བཤད། །ཉ་དང་སྲང་འཕོའི་ཉིན་ཞག་ལ། །དགེ་བའི་ལས་རྣམས་བྱར་མི་རུང་། །འཕོ་དང་བགྲོད་པའི་མཐར་ཐུག་ཚེ། །སོ་སོའི་ལས་

― LT41_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་སྟོབས་ལྡན་འགྲུབ། །བཅུ་གཅིག་སྐར་སོགས་སྟོབས་ཀྱི་རྩིས། །རང་གི་སྐྱེས་པའི་སྐར་མ་ནས། །བརྩམ་སྟེ་དགུ་ཚན་གསུམ་དུ་འགོད། །སྐྱེས་པ་ཕུན་ཚོགས་ཕོངས་དང་དགེ། །བདག་དགྲ་སྒྲུབ་མ་ཤེས་ན་མིང་སྐར། བྱེད་གནོད་པ་དང་། །མཛའ་དང་ཆེས་མཛའི་སྐར་མར་འགྱུར། །འདི་ལ་བསོད་ནམས་སྡིག་ཅན་ནི། །གང་གནས་དེ་འབྲས་སྟོབས་ཆེར་འགྱུར། །སྐྱེས་སྐར་གསུམ་ལ་ལས་རྩོམ་ན། །བྱ་བ་ཐམས་ཅད་བཀྲ་ཤིས་བྱེད། །ཕུན་ཚོགས་ནོར་དང་ལོངས་སྤྱོད་འཕེལ། །ཕོངས་པས་ནོར་སོགས་ཟད་པར་བྱེད། །བདེ་བས་བྱ་བ་ཀུན་དང་མཐུན། །བདག་དགྲས་དོན་ཉམས་སྡིག་པ་སྟེར། །སྒྲུབ་བྱེད་དགེ་བས་ཅི་ཡང་འགྲུབ། །གནོད་པས་དཀའ་ཚེགས་ནད་གདོན་འབྱུང་། །མཛའ་བ་ལ་ནི་གཉེན་སོགས་བྱམས། །ཤིན་ཏུ་མཛའ་བས་གཞན་གྱིས་འཁུར། །བརྟེན་པ་བཞི་དང་མེ་བཞི་ལ། །མཆེ་སོགས་འབིགས་པ་མེད་པ་དང་། །བདུད་རྩིའི་སྦྱོར་དང་དངོས་གྲུབ་སྦྱོར། །ཁྱད་པར་ཚེས་བརྒྱད་ལ་ནི་རྒྱལ། །བྱ་བ་བརྒྱ་ཕྲག་མྱུར་བ་རུ། །འགྲུབ་བྱེད་

― LT41_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་ཆེན་སྦྱོར་བ་སྟེ། །རྐང་བཞི་རྣམས་ལས་སེང་གེ་བཞིན། །སྐར་མ་རྣམས་ལས་རྒྱལ་སྟོབས་ལྡན། །ཟླ་སྤྱོད་ལ་སོགས་འགལ་གྱུར་ཀྱང་། །རྒྱལ་ལ་ལས་བྱས་འགྲུབ་པར་འགྱུར། །གཟའ་སོགས་མི་དགེ་ལྡན་པ་དང་། །སྐར་མ་མི་མཐུན་འགལ་གྱུར་ཀྱང་། །བག་མ་ལེན་པ་མ་གཏོགས་པའི། །དོན་ཀུན་འགྲུབ་ལ་རྒྱལ་སྟོབས་ལྡན། །གཞན་གྱི་སྐྱོན་རྣམས་རྒྱལ་གྱིས་འཇོམས། །རྒྱལ་སྐྱོན་གཞན་གྱིས་འཇོམས་ནུས་མིན། །རྒྱུ་སྐར་ཀུན་གྱི་སྟོབས་ལས་ཀྱང་། །ཟླ་བ་སྟོབས་ཆེ་ཟླ་སྟོབས་ལས། །ཉི་མའི་འཕོ་བ་སྟོབས་རབ་ཆེ། །གཟའ་རྣམས་ཀུན་ལས་ཉི་མ་ཡི། །སྟོབས་མཆོག་དེ་འབྲས་འཕྲལ་དུ་མཐོང་། །རྒྱལ་སོགས་མཇལ་ལ་ཉི་མ་སྟེ། །གཡུལ་དུ་ཆས་ལ་ས་ཡི་བུ། །བསྟན་བཅོས་ཤེས་ལ་ལྷག་པ་སྟེ། །བག་མའི་དགའ་སྟོན་སྒྲ་མཁན་ལ། །ལམ་ཞུགས་པ་སངས་ཟླ་སོགས་ཀྱི། །མཆོད་སྦྱིན་སྤེན་པ་སྟོབས་ཆེན་ལྡན། །ལས་རྣམས་ཀུན་ལ་ཟླ་བ་ནི། །སྟོབས་ལྡན་མཁས་པ་རྣམས་ཀྱིས་བརྗོད། །ཟླ་བ་དཀར་ཕྱོགས་དང་པོར་སོན། །སྟོབས་ཆེ་ཤིན་ཏུ་དགེ་བས་ན། །སྐར་ངན་སོགས་ཀྱང་དགེ་བར་འགྱུར། །ཕྱོགས་གཞན་རྣམས་ལ་དེ་ལྟ་མིན། །རྒྱུ་སྐར་འཕྲོད་ཀྱིས་གཞན་དུ་སྒྱུར། །གལ་ཏེ་ཟླ་བ་སྟོབས་ལྡན་ཀྱང་། །སྐྱེས་སྐར་ནས་གསུམ་ལྔ་བདུན་སྤང་བྱ། །གསུམ་ལྔ་བདུན་གྱིས་མི་རྣམས་ལ། །ཉོན་མོངས་གནས་

― LT41_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་སྦྱིན་པར་མཐོང་། །དབྱངས་འཆར་སྟོབས་རྣམས་འོག་ཏུ་འཆད། །བཅུ་གཉིས་དུས་སྦྱོར་འབྲས་རྩིས་ལ། །ཉེར་མཁོའི་བརྡ་ཆད་རགས་བསྡུས་འགོད། །ཕྱོགས་རེར་ཆ་ནི་གསུམ་གསུམ་དབྱེ། །ཤར་དབུས་ནས་བརྩམ་གཡོན་བསྐོར་དུ། །ལུག་གླང་འཁྲིག་པ་ཀརྐ་ཊ། །སེང་གེ་བུ་མོ་སྲང་སྡིག་གཞུ། །ཆུ་སྲིན་བུམ་པ་ཉ་རྣམས་འགོད། །གླང་འཁྲིག་ཀརྚ་བུ་མོ་སྲང་། །གཞུ་ཉ་དགེ་ཕྱིར་ཞི་བར་གྲགས། །གཞན་དྲུག་མི་དགེ་དྲག་པོའི་ཁྱིམ། །གཟའ་མེད་ཞི་དྲག་རང་དབང་ཅན། །གཟའ་ཡིས་སླེབ་ན་བཟང་ངན་བསྒྱུར། །དྲག་ལ་ཞི་གཟའ་གནས་ན་ཞི། །ཞི་ལ་སྡིག་གནས་དྲག་པོར་མཚུངས། །གཡུལ་རྒྱལ་གཞུང་རྙིང་སོར་བཞག་ན། །ལུག་སོགས་དྲུག་ནི་ཕོ་ཡིན་ཅིང་། །མི་མཉམ་པ་དང་དྲག་པོའོ། །གླང་སོགས་དྲུག་ནི་མོ་ཡིན་ལ། །མཉམ་པ་དང་ནི་ཞི་བའོ། །ལུག་ཀར་སྲང་དང་ཆུ་སྲིན་གཡོ། །གླང་སེང་སྡིག་དང་བུམ་པ་བརྟན། །འཁྲིག་པ་བུ་མོ་གཞུ་དང་ཉ། །བརྟན་གཡོ་གཉིས་ཀའི་རང་བཞིན་ནོ། །ལུག་དང་སྡིག་པ་མིག་དམར་ཞིང་། །གླང་དང་སྲང་ནི་པ་སངས་བདག །འཁྲིག་དང་བུ་མོ་ལྷག་པའི་གནས། །ཀརྚ་ཟླ་བ་སེང་གེ་ཉི། །གཞུ་དང་ཉ་ནི་ཕུར་བུའི་ཞིང་། །ཆུ་སྲིན་བུམ་པ་སྤེན་པའི་གནས། །བུ་མོར་སྒྲ་གཅན་བུམ་པར་ནི། །ཀེ་ཏུ་ཉིད་ཀྱིས་དབང་བྱེད་དོ། །ཉེ་མའི་གྲོགས་པོ་ཕུར་བུ་

― LT41_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། །ཟླ་གྲོགས་ཕུར་བུ་ལྷག་པའོ། །པ་སངས་ལྷག་པ་མིག་དམར་གྲོགས། །ཟླ་བ་མིག་དམར་ཕུར་པ་སངས། །སྤེན་པ་རྣམས་ནི་ལྷག་པའི་གྲོགས། །ཕུར་གྲོགས་ཉི་མ་པ་སངས་སྤེན། །མིར་ལྷག་ཕུར་སྤེན་པ་སངས་གྲོགས། །ལྷག་ཕུར་སངས་གསུམ་སྤེན་པའི་གྲོགས། །གྲོགས་ལས་གཞན་པ་དགྲ་ཡིན་ནོ། །བྱང་བགྲོད་གཟའ་རྣམས་མཐོང་ཞིང་དགེ། །ལྷོ་བགྲོད་དམའ་བ་མི་དགེར་ཕྱོགས། །ཏཏྐཱལ་ནས་བགྲང་གཡོན་བསྐོར་དུ། །མཐོང་བའི་ས་ནི་བདུན་དུ་བཤད། །གསུམ་དང་བཅུ་ལ་རྐང་པ་གཅིག །བཞི་དང་བརྒྱད་ལ་རྐང་པ་གསུམ། །ལྔ་དང་དགུ་ལ་ཕྱེད་མཐོང་སྟེ། །བདུན་ལ་ཐམས་ཅད་རྫོགས་པར་མཐོང་། །མཐོང་སར་རང་རང་གྲོགས་ཡོད་དགེ། །དགྲ་ཡོད་འཆི་ཞིང་གཞན་བཏང་སྙོམས། །ཏཏྐཱལ་ནས་ནི་རིམ་པ་བཞིན། །ལུས་ནོར་སྤུན་ཟླ་གྲོགས་པོ་དང་། །བུ་དགྲ་ཆུང་མ་འཆི་བ་ཆོས། །ལས་དང་རྙེད་སྟོར་ས་རུ་འགྱུར། །ལུས་དང་སྐྱེ་བ་བུ་དང་གློ། །མཐའ་ཟད་སྟོར་སོགས་རྣམ་གྲངས་སོ། །ཏཏྐཱལ་ཉིད་དང་བཞི་པ་དང་། །བདུན་པ་དང་ནི་བཅུ་པ་རྣམས། །གནས་ཀྱི་དབང་གིས་གྲུ་བཞིན་གྲགས། །ཏཏྐཱལ་ལ་དང་ལྔ་པ་དགུ། །དབྱིབས་ལས་ཟུར་གསུམ་ཞེས་བྱར་གྲགས། །དང་པོ་གསུམ་སོགས་མི་མཉམ་པ། །ཨུ་པ་ཙ་སྟེ་དགེ་བ་ཡིན། །གཉིས་དང་བཞི་སོགས་མཉམ་པ་རྣམས། །ཨ་པ་ཙ་སྟེ་མི་

― LT41_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

དགེར་བརྗོད། །ཀུན་ཀྱང་གཡོན་བསྐོར་ཉིད་དུ་བརྩི། །སྐབས་འདིར་ཤེས་བྱ་ཉུང་ངུ་ལས། །མ་སྤྲོས་རྒྱས་པ་གཞུང་དུ་ལྟོས། །བཅུ་གསུམ་དུས་སྦྱོར་སྟོབས་བརྟགས་རྩིས། །དུས་སྦྱོར་ཀུན་གྱི་དང་པོར་སྟོབས། །ཟླ་བའི་རྒྱུད་ལས་བརྟག་བྱ་སྟེ། །ཟླ་བར་སྟོབས་མཆོག་ཡོད་པའི་ཚེ། །མཁའ་ལ་སྤྱོད་པའི་གཟའ་དབང་རྣམས། །སྟོབས་ལྡན་དགེ་ལེགས་འབྲས་བུ་སྟེར། །ཟླ་བས་གཞན་སྟོབས་ཟིལ་མནན་ཏེ། །ཟླ་བའི་གཞི་ལ་ནུས་མེད་ན། །དྲག་གཟའ་མི་དགེའི་མཚན་མ་སོགས། །གཟའ་གཞན་རང་རང་ནུས་པ་འབྱིན། །དེ་ཡང་ཟླ་བ་པ་པ་སངས། །གླང་སོགས་མོ་ལ་སྟོབས་ལྡན་ཏེ། །ལྷག་མ་ཕོ་ཁྱིམ་སྟོབས་ལྡན་འགྱུར། །ཟླ་ཉི་བྱང་བགྲོད་སྟོབས་ཆེ་ཞིང་། །གཞན་རྣམས་ལྷོ་བགྲོད་སྟོབས་སུ་འགྱུར། །ཉི་ཕུར་པ་སངས་ཉིན་མོ་སྟོབས། །ཟླ་མིར་རཱ་སྤེན་མཚན་མོ་སྟོབས། །གཉིས་ཀར་ལྷག་པ་སྟོབས་དང་ལྡན། །དཀར་ཕྱོགས་ཕུར་བུ་པ་སངས་སྟོབས། །ནག་པོའི་ཕྱོགས་ལ་ཉི་སྦེན་སྟོབས། །གཉིས་ཀར་ཟླ་ལྷག་མིག་དམར་སྟོབས། །ཞི་ལ་ཉི་ཟླ་རྒྱས་པར་ལྷག །དབང་ལ་པ་སངས་འགུགས་མིག་དམར། །བསྐྲད་ལ་ཕུར་བུ་བསད་སྤེན་པ། །ཁྱད་པར་རང་ཁྱིམ་སྟོབས་ཆེ་ཞིང་། །གཞན་གྱི་ཞིང་ལ་ནུས་སྟོབས་ཆུང་། །སྤེན་པ་མིག་དམར་ལྷག་ཕུར་སངས། །ཟླ་ཉི་གཅིག་ནས་བདུན་འགྱུར་སྟོབས། །

― LT41_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ལས་སྟོབས་ཆེ་རཱ་ཧུར་བཤད། །ལུག་སེང་གཞུ་གསུམ་ཤར་ཕྱོགས་སྟོབས། །གླང་དང་བུ་མོ་ཆུ་སྲིན་ལྷོ། །འཁྲིག་པ་སྲང་དང་བུམ་པ་ནུབ། །ཀརྚ་སྡིག་ཉ་བྱང་དུ་སྟོབས། །དེ་དག་ཏཏྐཱ་ལ་འཚར་ཆེ། །འཁྲིག་པ་བུ་མོ་སྲང་བུམ་པ། །ཤར་དུ་བགྲོད་སོགས་སྟོབས་ལྡན་ཏེ། །ལུག་གླང་སེང་གེ་གཞུ་རྣམས་ལྷོ། །སྡིག་པ་གཅིག་པུ་ནུབ་ཏུ་སྟོབས། །ཀཏྚ་ཆུ་སྲིན་ཉ་རྣམས་བྱང་། །གཞུ་ཆུ་ལུག་གླང་འཁྲི་གཏར་ཁྱིམ། །རྣམས་ནི་མཚན་མོར་སྟོབས་ལྡན་ཏེ། །འཁྲིག་པ་མ་གཏོགས་ལྔ་པོ་དེ། །རྒྱབ་ཏུ་འཆར་བར་མཁས་པས་བཤད། །སེང་གེ་བུ་མོ་སྲང་སྡིག་བཞི། །མགོ་འཆར་ཞེས་གྲགས་དེ་རྣམས་དང་། །བུམ་བཅས་ཉིན་མོར་སྟོབས་ཆེ་ལ། །ཉིན་མཚན་གཉིས་ཀར་ཉ་སྟོབས་ཆེ། །བཅུ་བཞི་འདྲི་དུས་ལྟས་ཀྱི་རྩིས། །མགོ་དང་ཁ་དང་སྣ་མིག་ལ། །རེག་ཅིང་སྐྱེ་བོས་འདྲི་བྱེད་ན། །གསེར་དང་ནོར་དང་འབྲུ་རྣམས་ནི། །དེ་ཡིས་རྙེད་པར་ཐེ་ཚོམ་མེད། །ཕྲག་རྐེ་ལྐོག་མ་ལག་པ་ལ། །རེག་ན་སྡུག་བསྔལ་དང་བཅས་རྙེད། །གསུས་པ་ལྟེ་བ་ཉེད་ཅིང་འདྲི། །བཟའ་བཏུང་ལ་སོགས་འགྲུབ་པར་འགྱུར། །བྱིན་པ་མཚན་མ་རྐེད་པར་རེག །བུ་མོ་རྙེད་ཅིང་བུ་འབྱུང་ངོ་། །པུས་མོ་ལོང་བུ་རྐང་པར་རེག །དཀའ་ལས་ཆེན་པོ་རབ་ཏུ་སྐྱེད། །སྐྲ་ལ་རེག་ན་འཆི་བར་འགྱུར། །ཤིང་འབྲས་སོགས་ལ་རེག་ན་དགེ། །རྩྭ་དང་སོལ་པ་

― LT41_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རེག་ན། །བྱ་བ་འགྲུབ་པར་མི་འགྱུར་རོ། །ཤིང་སྐམ་འདམ་དང་གོས་ལ་རེག །གདོན་གྱི་གནོད་པས་ཡིད་སྡངས་བྱེད། །རིལ་བ་ཟས་ཀྱི་སྣོད་སོགས་ལ། །རེག་ན་བྱ་བ་འགྲུབ་པར་འགྱུར། །གནས་སྟོང་དང་ནི་དུར་ཁྲོད་དང་། །ཤིང་སྐམ་དང་ནི་ཞིང་ཉམས་དང་། །ཤོ་གམ་གོས་འཛིན་གནས་སུ་ནི། །དྲིས་ན་ཉོན་མོངས་རབ་ཏུ་སྐྱེད། །ལྷ་ཁང་དང་ནི་ཆུ་བོའི་འགྲམ། །ལྷ་རྫས་གནས་སུ་དགེ་བར་འགྱུར། །ཕྱོགས་གནས་བད་འགྲུབ་མཚམས་སུ་མིན། །བཅོ་ལྔ་དུས་སྦྱོར་འཆར་ཚད་རྩིས། །ཉ་དང་ལུག་ལ་ཆུ་ཚོད་གསུམ། །ཆུ་སྲང་བཞི་བཅུ་རྩ་ལྔ་རེ། །གླང་དང་བུམ་པར་དབྱུག་གུ་བཞི། །བཅུ་དྲུག་སྲང་ངོ་ཆུ་སྲིན་འཁྲིག །དབྱུག་ལྔ་སྲང་ལྔ་ཀརྚ་གཞུ། །དབྱུག་ལྔ་བཞི་བཅུ་རྩ་གཅིག་སྲང་། །སེང་སྡིག་དབྱུག་ལྔ་སྲང་ཞེ་གཉིས། །བུ་མོ་སྲང་ལ་ཆུ་ཚོད་ལྔ། །ཆུ་སྲང་སུམ་ཅུ་རྩ་གཅིག་གོ། །མྱུར་བར་རྟོགས་པའི་ཁྱད་ཆོས་ཏེ། །དུས་སྦྱོར་བརྟག་ཚེ་ཤེས་པར་བྱ། །ཉིན་མོའི་དུས་སྦྱོར་ཤེས་པའི་ཐབས། །ཐུར་མ་གྲིབ་བཅས་ཟླ་ཟུང་ཟླས། །ཐོབ་ནོར་འདས་པའི་ཆུ་ཚོད་དེ། །ལྷག་མ་སྲང་དུ་ཤེས་པར་བྱ། །མཚན་མོའི་དུས་སྦྱོར་ཤེས་འདོད་ན། །རང་གི་མགོ་ཐད་ནམ་མཁའ་ལ། །ཆུ་སྟོད་ལྷ་མཚམས་སྣྲོན་དང་སྐག །ནམ་གྲུ་ས་ག་ཡོད་གྱུར་ན། །བརྒྱད་པའི་སྐར་མ་འཆར་

― LT41_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་ཞིང་། །མགོ་དང་སྣྲུབས་ཤར་དགུ་པ་འཆར། །མགོ་ཐད་སྐར་གཞན་ཡོད་གྱུར་ན། །བདུན་པ་ཤར་རི་ནས་འཆར་འགྱུར། །ཉི་སྐར་ནས་བརྩམ་མགོ་ཐད་ཀྱི། །སྐར་མའི་གྲངས་ལ་བདུན་གྱིས་དམན། །ལྷག་མ་གཉིས་བསྒྱུར་གཉིས་ཀྱིས་འཕྲི། །མཚན་མོའི་འདས་དུས་གསལ་བར་འགྱུར། །བཅུ་དྲུག་དུས་སྦྱོར་སྤྱི་ཡི་འབྲས། །རྒྱལ་པོ་དབང་བསྐུར་བྱ་བ་དང་། །མི་མཐུན་པ་དང་འབད་རྩོལ་ལས། །བཞུ་བ་དང་མི་བཞུ་བ་ཁམས་ཀྱི་འབྱུང་ཁུངས་དང་འབྲེལ་བ། །ལུག་གི་དུས་སྦྱོར་ལ་འགྲུབ་འགྱུར། །ཁྱིམ་དུ་འཇུག་དང་བག་མའི་ལས། །གཞོན་ནུ་མ་འདམ་སྦྱིན་པ་དང་། །ཞིང་གི་ལས་ནི་བསྒྲུབ་པ་ཡང་། །གླང་གི་དུས་སུ་ངེས་པར་འདོད། །སྒྱུ་རྩལ་བཟོ་དང་འབྲེལ་པ་དང་། །རྒྱན་ལ་སོགས་པའི་ལས་རྣམས་དང་། །གླང་གི་དུས་སྦྱོར་ལ་བཤད་པ། །རྣམས་ཀྱང་འཁྲིག་པ་ཤར་ཚེ་བྱ། །རྫིང་བུ་རྫིང་རིང་ཁྲོན་པ་སོགས། །ཟམ་ཡུར་སོགས་ཆུ་འཆིང་བ་དང་རྒྱས་པ་དང་། །གསེར་ལ་སོགས་པའི་ལས་རྣམས་ཀྱང་། །ཀརྐ་ཊ་ལ་ཐམས་ཅད་བསྒྲུབ། །ཚོང་སྲང་སོགས་དང་ཚོང་ལས་དང་། །མི་བདག་བསྟེན་དང་ཞིང་རྨོ་དང་། །གཞན་དང་བསྟུན་སོགས་ལུག་ལ་ནི། །བཤད་པའི་ལས་གང་སེང་གེར་བསྒྲུབ། །སྨན་དང་པོ་ཡི་རྣམ་ཤེས་དང་། །རྒྱན་སོགས་གཡོ་དང་བརྟན་པའི་ལས། །བུ་མོའི་དུས་སྦྱོར་ལ་འགྲུབ་ཕྱིར། །

― LT41_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པའི་ལས་ནི་བརྩམ་པར་བྱ། །རྨོ་རྐོའི་ལས་དང་ཚོང་པ་བསྟེན། །བགྲོད་པའི་ལས་དང་སྲང་སྣོད་ལ། །བརྟེན་པའི་ལས་རྣམས་ཐམས་ཅད་ནི། །སྲང་ཤར་དུས་སུ་འགྲུབ་པར་འགྱུར། །འབད་རྩོལ་མཆོག་ཏུ་འཇོམས་པ་དང་། །རྒྱལ་པོ་བསྟེན་དང་དབང་བསྐུར་དང་། །ཞི་བའི་ལས་ནི་བརྟན་བརྩམ་པ། །སྡིག་པའི་དུས་སྦྱོར་ཤར་ཚེ་བྱ། །རབ་ཏུ་གནས་དང་རྒྱས་པའི་ལས། །བག་མ་འདུལ་སྦྱོང་ཡོངས་སུ་བཟུང་། །གཡོ་བའི་ལས་རྣམས་འགྲུབ་པའི་ཕྱིར། །གཞུ་ཡི་དུས་སྦྱོར་ལ་བསྒྲུབ་བྱ། །ཞིང་ལ་ཆུ་དྲང་རྒྱུ་འགྲུལ་དང་། །བཅིངས་པ་དགྲོལ་དང་ཆུ་ཡི་ལས། །བྲན་མོ་རྐང་བཞི་རྔ་མོ་སོགས། །ལས་ནི་ཆུ་སྲིན་ཤར་ཚེ་བྱ། །གྲུ་སྒྲོལ་བ་དང་ཆུ་ཡི་ལས། །ས་བོན་སྡུད་དང་འདེབས་པ་དང་། །དེ་བཞིན་བརྟན་དང་གཡོ་བའི་ལས། །བུམ་པ་ཤར་ཚེ་བསྒྲུབ་པར་བྱ། །རིག་པ་རྒྱན་དང་བཟོ་དང་ནི། །སོ་ནམ་ཆུ་དང་ཕྱུགས་ཀྱི་ལས། །འགྲོ་དང་བག་མ་དབང་བསྐུར་སོགས། །ཉ་ཡི་དུས་སུ་མཁས་པས་བྱ། །དེ་ལྟར་བཤད་པའི་ལས་འདི་རྣམས། །ཁྱིམ་སྟོབས་ཁོ་ནས་འགྲུབ་འགྱུར་ཏེ། །གལ་ཏེ་ཏཏྐཱལ་མཐོང་སར་བཅས། །སྡིག་གཟའ་ཡོད་ན་ལས་རྣམས་ཀྱང་། །དྲག་པོའི་སྦྱོར་དང་བཅས་པར་འགྱུར། །ཁྱིམ་དང་ཏཏྐཱལ་ཕྱེད་ཆ་དང་། །དགུ་དང་བཅུ་གཉིས་སུམ་ཅུའི་ཆ། །གང་ལའང་ཞི་གཟའ་ཤར་ན་དགེ། །

― LT41_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སྦྱོར་བཟང་ལ་ཞི་གཟའ་སོན། །བཀྲ་ཤིས་རྒྱས་པའི་ལས་རྣམས་འགྲུབ། །བཟང་ལ་སྡིག་ཅན་སོན་གྱུར་ན། །རྩུབ་འགྱུར་དྲག་པོའི་ལས་འགྲུབ་བྱེད། །དུས་སྦྱོར་ཐོག་མར་འཆར་བའི་ཚེ། །འབྲས་བུ་ཡོངས་སུ་རྫོགས་པར་འགྲུབ། །དབུས་སུ་བར་མའི་འབྲས་སྟེར་ཞིང་། །རྫོགས་མཐར་སྤུན་སྐོག་འབྲས་བུའོ། །བཅུ་བདུན་དུས་སྦྱོར་ལ་བརྟེན་ནས། །བྱ་བ་སོ་སོའི་སྤང་བླང་རྩིས། །ཟླ་བ་ཉ་དང་ཕུར་བུའི་ཞག། ཏཏྐཱལ་ཕུར་བུ་གཡོ་བའི་ཁྱིམ། །ཉི་མ་སོན་ཚེ་བློ་དང་ནོར། །ཚེ་སྒྲུབ་པ་ཡི་བྱ་བ་དང་། །རྒྱལ་པོ་དབང་བསྐུར་བ་ཡང་ཤིས། །ཟླ་བའི་ཉིན་ཞག་ཏཏྐཱ་ལར། །ཟླ་བ་འཆར་དང་ཕུར་བུ་ནི། །བཞི་པར་གནས་ཚེ་སྐྱེད་ཚལ་རྫིང་། །ལོ་ཏོག་འདེབས་པའི་ལས་སོགས་བྱ། །ཕུར་ལྷག་དུས་སྦྱོར་འཆར་བའི་ཚེ། །འདྲི་ཞིང་ཀློག་དང་འཆད་པ་སོགས། །ཆོས་ཀྱི་བྱ་བར་རབ་བཤད་རྣམས། །བརྩམ་བྱ་དེ་ནི་སྟོབས་ལྡན་ཡིན། །ཟླ་བ་ཕུར་བུ་ལས་སུ་ཡོད། །ཞི་བའི་དུས་སྦྱོར་ཉིད་གྱུར་ན། །དེ་དག་སྡེ་ཚོན་གྱུར་པ་ཡི། །བཟོ་ཡི་རིག་པ་བརྩམ་པར་བསྔགས། །ཞི་བའི་ཏཏྐཱལ་སྡིག་ཅན་མེད། །ཟླ་བ་དགེ་པའི་སྡེ་ལ་གནས། །ཤེས་པས་འཛིན་པའི་ལས་བྱའོ། །བཅུ་དང་བཅུ་གཅིག་དུས་སྦྱོར་ལ། །ཟུར་གསུམ་དུ་ནི་ཉི་མ་སོན། །བུམ་པར་འཆར་བ་མ་ཡིན་ན། །བསོད་ནམས་ལས་ལ་དགེ་བར་བཤད། །བུམ་པ་མིན་པའི་ཁྱིམ་ལེགས་

― LT41_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །རྣམས་སུ་སྐུ་གཟུགས་བླུགས་སོགས་ཤིས། །འདོད་ལ་པ་སངས་འགྲོ་བ་ལ། །ཟླ་ལྡན་ཟོང་གི་ལས་རབ་དགེ། །ཏཏྐཱ་ལར་ནི་ལྷག་པ་དང་། །ལས་ལ་ས་སྐྱེས་རབ་ཏུ་སོན། །མཁས་རྣམས་རྐུན་མའི་དུས་སུ་བཤད། །ཆོས་དང་བུ་དང་ཐ་མ་དང་། །གཡོ་བའི་སྡེ་ལ་ཞུ་བྱེད་སྦྱར། །དུས་སྦྱོར་དགེ་ཞིང་ལས་རྙེད་པར། །ཉི་མ་ས་སྐྱེས་སོན་པ་ན། །དབང་བྱེད་པ་དང་མཚོན་ཆའི་ལས། །ཞབས་འབྲིང་རྗེ་བོ་བསྟེན་ལ་བསྔགས། །ཞི་གཟའི་ཞག་དང་ཏཏྐཱ་ལར། །ཞི་གཟའ་འཆར་ཞིང་བྲ་ཉེ་ཡི། །རེས་ལ་ཕྱུགས་ཀྱི་ལས་བྱས་པ། །ལེགས་པ་འབུམ་དུ་འཕེལ་བར་གྲགས། །ཡ་རབས་ལ་ནི་ཕུར་པ་སངས། །ཉམ་ཆུང་ལ་ནི་གཟའ་གཞན་དག །དུས་སྦྱོར་ཡོད་ཚེ་སྐྱེས་པ་ཤིས། །ཕུར་བུ་པ་སངས་ཟླ་བ་རྣམས། །སྐྱེ་བ་བུ་དང་ཆོས་རྣམས་ལ། །སོན་ཆོ་དགའ་མར་རབ་དགའ་བརྩམ། །རྒྱལ་ཚབ་དུས་སྦྱོར་ཉི་ཕུར་གནས། །ཉི་མའི་ཞག་ལ་ཆོས་སྤྱོད་བྱ། །དུས་སྦྱོར་བཀྲ་ཤིས་ལས་ཀྱི་སར། །ཉི་ཕུར་ཤར་ཚེ་མངོན་སྤྱོད་བརྩམ། །ཏཏྐཱལ་ལྷ་ཡི་སློབ་དཔོན་སོན། །ཆོས་ལ་སྡིག་གནས་ནུས་པ་དམན། །རབ་འགྲོའི་སྦྱོར་ཞེས་གྲགས་པ་ལ། །མཆོད་སྦྱིན་ལ་སོགས་མི་བྱའོ། །དུས་སྦྱོར་ཟླ་བ་ལྷག་པས་མཛེས། །ལྷག་པའི་ཁྱིམ་དུ་ཕུར་བུས་མཐོང་། །རྒྱལ་ཚབ་གནས་སུ་དགེ་བའི་ཚེ། །མཁས་པས་ཟློས་གར་བརྩམ་པར་འདོད། །དུས་སྦྱོར་ཕུར་བུ་ལྷག་

― LT41_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

པའམ། །ཡང་ན་མཉམ་ཁྱིམ་དྲག་པོ་སོན། །དགྲ་དང་ལས་ལ་པ་སངས་ཏེ། །ཟླ་བ་ཆུ་ལས་ཆུར་ཞུགས་ན། །ལས་ཀུན་ཐེ་ཚོམ་མེད་པར་འགྲུབ། །དགྲ་ཡི་མཐའ་དང་ཟད་པ་ལ། །ཉི་གནས་གཟའ་གཞན་སྟོབས་ལྡན་དུས། །སྨན་བསྟེན་པ་ནི་དགེ་བར་གྲགས། །རྒྱལ་དང་མཛའ་བོར་ཟླ་བ་གནས། །བཅུ་གཉིས་པ་ལ་དཀར་པོས་མཐོང་། །ཡང་ན་བརྒྱད་ལ་ཏཻ་ཏི་ལ། །ཡོད་ན་ཆང་སྦྱོར་འགྲུབ་པར་བསྟན། །ཚེས་བརྒྱད་བྲ་ཉེ་མགོ་དང་མཆུ། །ལྷག་སངས་བུམ་པའི་དུས་སྦྱོར་འཛོམ། །ས་འོག་རོ་ལངས་འགྲུབ་པར་བཤད། །དྲག་གཟའ་དྲག་པོའི་ཁྱིམ་གནས་ཤིང་། །ཟླ་བ་སྟོབས་དང་ལྡན་པ་དང་། །འཆི་སྦྱོར་ཡོད་དུས་དགྲ་ལ་ནི། །མངོན་སྤྱོད་རྩོམ་པའི་འབྲས་བུ་མཐོང་། །ཟླ་བ་ཨུ་པ་ཙར་གནས་ཤིང་། །ཨུ་པ་ཙ་ཤར་བསོད་ནམས་གཟས། །ཟད་པའི་མཐའ་ནི་ལེགས་མཐོང་ཚེ། །བརྩམ་པ་ཐམས་ཅད་ཡང་དག་འགྲུབ། །ཟླ་བ་སྟོབས་ལྡན་དཀར་ཕྱོགས་སོན། །ཉི་མིག་སྟོབས་དམན་ནག་ཕྱོགས་ལ། །བདུད་རྩི་ཐུན་མཚམས་འཆར་བའི་དུས། །ཏཏྐཱལ་ཕུར་གནས་ཞིང་ལས་བྱ། །མཐའ་མ་ཟད་པ་ལ་གནས་ཚེ། །ཞི་བ་རྣམས་ཀྱང་མི་དགེ་སྦྱིན། །ཟླ་བ་དུས་སྦྱོར་ལ་མེད་ཅིང་། །བློ་མཐའ་ཆོས་མཐར་ཉི་མ་དང་། །དྲག་སོན་དོན་རྣམས་ཀུན་འགྲུབ་དགེ། །དུས་སྦྱོར་འབྲས་བུ་གཟའ་ཡིས་འབྱིན། །ཁྱིམ་དང་ཏཏྐཱལ་མཐོང་ས་སོགས། །གནས་རྣམས་ཀུན་ཏུ་བརྟག་

― LT41_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ། །ཡོན་ཏན་ཀུན་ཚང་འབྲས་བུ་ཞག་ལ་ཐོབ། །སྐྱོན་དང་འདྲེས་ན་གཞན་དུ་འགྱང་བར་འགྱུར། །ཡོན་ཏན་མང་ན་སྐྱོན་ཉུང་མི་སྐྱེ་སྟེ། །མེ་ཆེན་འབར་ཚེ་ཆུ་ཡི་ཐིགས་པ་བཞིན། །སྐྱོན་གཅིག་གིས་ནི་ཡོན་ཏན་འབུམ་ཕྲག་འཇོམས། །མཆོག་གི་ཡོན་ཏན་ཡོད་ན་དེ་འཇོམས་མིན། །ཆང་གི་ཐིགས་པས་བ་བྱུང་ལྔ་དག་ཅིང་། །སྔགས་ཀྱི་བུམ་པ་དྲི་མ་ཅན་དུ་བྱེད། །བཅོ་བརྒྱད་དུས་སྦྱོར་ལ་ཞུགས་པའི། །གཟའ་ཡི་སྤྱོད་ཡུལ་བཟང་ངན་རྩིས། །བཅུ་གཅིག་རྙེད་ལ་གཟའ་ཐམས་ཅད། །བྱ་བ་ཀུན་ལ་དགེ་ལེགས་བྱེད། །སྤུན་ཟླ་དགྲ་མཁར་ཉིན་མོའི་མགོན། །མུས་སྤུན་བློ་དགྲ་འདོད་མཁར་ཟླ། །སྤུན་དགྲ་ལས་ཁྱིམ་མིག་དམར་དང་། །སྒྲ་གཅན་ཀེ་ཏུ་ཉི་མའི་བུ། །ནོར་བློ་འདོད་ཆོས་ཟད་ཕུར་བུ། །མཁའ་འདོད་དགྲ་དང་ཟད་པ་སངས། །ནོར་གྲོགས་དགྲ་འཆི་མཁར་ལྷག་པ། །དགྲ་གཟས་འབིགས་པར་མི་བྱེད་ན། །དེ་རྣམས་བྱ་བ་བརྒྱ་ལ་དགེ། །བུ་ཆོས་ཆུ་མཐར་མཁའ་རྒྱུའི་གཟས། །མི་འབིགས་རྙེད་ནོར་མཁའ་དགྲ་ལ། །ཉིན་མོར་བྱེད་གནས་ངེས་ལེགས་འགྱུར། །ནོར་བུ་མཐའ་འཆི་གཉེན་དང་ཆོས། །མི་འབིགས་རྩེ་སྐྱེ་དགྲ་རྙེད་མཁར། །ཟླ་བ་སོན་ཚེ་དགེ་འབྲས་སྦྱིན། །བློ་ཆོས་སྟོར་བར་ཉི་མའི་བུའི། །འབིགས་མེད་རྣམ་གནོན་དགྲ་འགྲོ་བར། །བཀྲ་ཤིས་ཀྱིས་ནི་བདེ་

― LT41_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བྱེད། །ལུས་ཟླ་བུ་དང་འཆི་ཟད་པར། །གནོད་མེད་ནོར་གཉེན་དགྲ་འཆི་ལས། །འགྲོ་བར་ལྷག་པ་སོན་ན་དགེ། །ཟླ་གྲོགས་དགྲ་དང་བུ་ག་མཁར། །འབིགས་མེད་ནོར་བུ་རྩེ་ཆོས་འགྲོར། །ཕུར་བུ་དཀར་པོས་ལེགས་པ་སྐྱེད། །བུ་བརྒྱད་ཆོས་འགྲོ་ཟད་པའི་བར། །དྲག་པོས་ཕུག་ཅིང་ལུས་བློ་ལས། །ཆོས་དགྲ་རྙེད་མཐར་མཁའ་རྒྱུ་རྣམས། །མཉམ་གནས་ལེགས་པ་མིན་པར་བཤད། །ཟླ་བས་མ་མཐོང་སྡིག་གཟས་མཐོང་། །དགྲ་དང་ནོར་གྱིས་མཐོང་བ་ཙམ། །ནོར་ལ་སོན་དང་ཟད་པར་སོན། །གཟའ་ནི་དགྲ་ཡི་ཁྱིམ་གནས་ན། །འབྲས་བུ་ཐམས་ཅད་དོན་མེད་བརླག །གཟའ་རྣམས་མི་མཉམ་ཁྱིམ་གནས་ཚེ། །དུས་མིན་སྤྱོད་དང་རི་དྭགས་བཤོར། །གླང་པོ་རྟ་ཞོན་ཐག་རིང་དང་། །གཞན་ཁྱིམ་འགྲོ་རྣམས་སྤང་བར་བྱ། །ཨུ་པ་ཙ་ལ་ནམ་མཁའི་ནོར། །ལུས་དང་ཆུང་མར་བདུད་རྩིའི་འོད། །ས་སྐྱེས་ཉི་བུ་མཁའ་ལ་སྟེ། །ཟུར་གསུམ་ནོར་འདོད་འགྲོར་ཕུར་བུ། །བདུད་དགྲ་མཁའ་བོར་པ་པ་སངས། །ཟད་པ་བོར་ལ་ལྷག་པ་སྟེ། །མི་མཉམ་ཁྱིམ་དང་འགྲོ་བ་ལ། །གཟའ་ཡི་སྤྱོད་ཡུལ་དགེ་བར་ཟུངས། །བཅུ་དགུ་ཉེ་བའི་གཟའ་ཡི་རྩིས། །དེ་ཡང་རྒྱུ་སྐར་རྐང་པ་ལ། །སྤྱོད་རྣམས་རྩ་བའི་གཟའ་ཡིན་ཏེ། །ཐུན་ཕྱེད་དུས་སྦྱོར་ཕྱེད་པ་སོགས། །ཡན་ལག་གཟའ་ཡིན་ཚེས་ཀྱི་གཟའ། །ཉིན་རེ་བཞིན་དུ་རྒྱུ་རྣམས་སོ། །

― LT41_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེ་བའི་གཟའ་ནི་གློག་ལ་སོགས། །གོ་རིམ་རྣམ་གྲངས་མི་མཚུངས་མང་། །འདིར་ནི་ཉི་སྐར་ལས་བརྩམས་ཏེ། །ལྔ་པ་གློག་ལ་བདུན་ས་གཡོས། །བརྒྱད་པ་མདུང་ལ་བཅུ་པ་ཐོག །བཅུ་བཞི་ཕུར་བུ་བཅོ་ལྔ་དབྱུག །བཅོ་བརྒྱད་མཇུག་རིང་བཅུ་དགུ་འབར། །ཉེར་གཅིག་རྨོངས་བྱེད་ཉེར་གཉིས་ནི། །ངེས་འཇོམས་ཉེར་གསུམ་འདར་བའོ། །ཉེར་བཞི་རྡོ་རྗེ་དེ་རྣམས་ལ། །ཟླ་བ་སྤྱོད་ཚེ་དགེ་ལས་སྤང་། །དུག་མཚོན་བསྲེག་སོགས་འགྲུབ་པས་བསྒྲུབ། །ཉི་སྐར་ནས་བགྲངས་ཀླུ་བུག་ཉི། །འདོད་པ་མི་བདག་ལག་མིག་རྣམས། །ཐ་སྐར་ནས་བགྲངས་ཟླ་སྐར་དང་། །འགྲིགས་ཚེ་གཡུལ་འགྱེད་བྱས་པ་ན། །གདོན་མི་ཟ་བར་ཕམ་པས་སྤང་། །ཉི་ཤུ་རིགས་ལྡན་ཐུན་མཚམས་རྩིས། །ཉི་རེས་ཡུད་ཙམ་བཅུ་བཞི་པ། །ཟླ་བ་བཅུ་གཉིས་མིག་དམར་བཅུ། །ལྷག་པ་བརྒྱད་དང་ཕུར་བུ་དྲུག །པ་སངས་བཞི་དང་སྤེན་པའི་དུས། །ཡུད་ཙམ་གཉིས་པར་རིགས་ལྡན་འཆར། །དུས་དེར་དགེ་ལས་སྤྱི་དང་ནི། །ཁྱད་པར་སྨན་སྦྱོར་སྨན་བསྟེན་དང་། །ཟས་གསར་བཟའ་སོགས་སྤང་བར་བཤད། །ཚེས་འཕོའི་ཚེས་ཟད་མཐའ་དང་ནི། །ཟླ་མཐའ་ལོ་མཐའ་ཉི་མ་གསུམ། །ཉི་མའི་རེས་ལ་ཚེས་བདུན་དང་། །ཟླ་བར་དྲུག་དང་མིག་དམར་ལྔ། །ལྷག་པར་བཞི་དང་ཕུར་བུ་གསུམ། །པ་སངས་གཉིས་དང་སྤེན་པ་ལ། །

― LT41_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་གཅིག་ཡར་མར་གཉིས་ཀར་སྦྱར། །འདི་ཡང་རིགས་ལྡན་སྦྱོར་བ་སྟེ། །བག་མ་ལ་སོགས་བཀྲ་ཤིས་པའི། །བྱ་བ་བརྒྱ་ལ་བསྡགས་པ་མིན། །འདས་པའི་ཆུ་ཚོད་གཉིས་ཀྱིས་བསྒྱུར། །ལྔ་ཡིས་བགོས་པའི་ཐོབ་ནོར་གྲངས། །དེ་ཉིན་རེས་གཟའ་གང་ཡིན་ནས། །དྲུག་སྐོར་རིམ་པས་བགྲངས་པ་འདས། །ལྷག་མ་མེད་དང་ལྷག་ན་ཡང་། །ད་ལྟའི་གཟའ་རུ་བརྩི་བྱ་སྟེ། །ཉི་མ་པ་སངས་ལྷག་པ་ཟླ། །སྤེན་ཕུར་མིག་དམར་རིམ་བཞིན་ཏེ། །ཉིན་མོ་དྲུག་སྐོར་བགྲང་བའོ། །མཚན་མོ་ལ་ནི་ལྔ་སྐོར་ཏེ། །ཉི་ཕུར་ཟླ་སངས་མིར་སྤེན་ལྷག །འདི་ནི་ཉི་མའི་དཔེར་མཚོན་ཏེ། །རེས་གཟའ་གཞན་ལ་རང་ནས་བརྩམ། །དྲུག་སྐོར་ལྔ་སོར་ཤེས་པར་བྱ། །ཐུན་ཕྱེད་རེ་རེའི་འཆར་ཚད་ནི། །ཉིན་མཚན་ཐུན་ཕྱེད་བཅུ་གཉིས་ཡོད། །དེ་ཕྱིར་ཉིན་མཚན་ཚད་གང་ཡོད། །བཅུ་གཉིས་བགོས་ལྷག་མཁའ་རོས་བསྒྱུར། །བགོས་ཐོབ་སྲང་སྟེ་གང་ཤར་བ། །ཐུན་ཕྱེད་རེ་རེའི་ཡུན་ཚད་དོ། །ད་ལྟའི་ཡུད་ཙམ་བདག་པོའི་གཟས། །ཞི་བ་དགེ་ཞིང་དྲག་པོ་ཡིས། །སྡུག་བསྔལ་སྦྱིན་པས་ལས་ཀུན་འཛེམ། །ཁྱད་པར་བདུད་རྩི་ཐུན་མཚམས་ལ། །བཅུད་ལེན་ས་བོན་གདབ་པ་དང་། །སྨན་སྦྱོར་སྨན་བསྟེན་སོགས་ལ་བསྔགས། །གཞན་ཡང་དགེ་དང་མི་དགེའི་འབྲས། །རིགས་པས་དཔག་གམ་གཞན་ལས་ཤེས། །

― LT41_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མ་མྱུར་བའི་ཐུན་མཚམས་མཉམ། །ཟླ་བ་བདུད་རྩིའི་ཐུན་མཚམས་དགེ། །མིག་དམར་ནད་ཀྱི་མཚམས་མི་དགེ། །ལྷག་པ་རྙེད་པའི་ཐུན་མཚམས་དགེ། །ཕུར་བུ་དགེ་བའི་ཐུན་མཚམས་དགེ། །པ་སངས་གཡོ་བའི་ཐུན་མཚམས་མཉམ། །སྤེན་པ་དུས་ཀྱི་མཚམས་མི་དགེ། །མཉམ་པ་རྣམས་ནི་འདྲེས་པའོ། །ཉེར་གཅིག་འགྲམ་གསུམ་བརྟགས་པའི་རྩིས། །དགའ་བའི་ཚེས་ཀྱི་ཐོག་མ་དང་། །རྫོགས་པའི་ཚེས་ལོངས་ཟད་མཐའ་ཡི། །ཆུ་ཚོད་རེ་རེ་ཚེས་འགྲམ་སྟེ། །དགེ་བའི་ལས་ལ་སྤང་བར་བྱ། །ཟླ་སྐར་སྣྲོན་སྐག་ནམ་གྲུ་ཡི། །ཐ་མ་དང་ནི་སྣྲུབས་དང་མཆུ། །ཐ་སྐར་རྣམས་ཀྱི་ཐོག་མ་ཡི། །ཆུ་ཚོད་གཉིས་གཉིས་སྐར་མའི་འགྲམ། །དུས་སྦྱོར་ཉ་སྡིག་ཀརྐ་ཊའི། །མཐའ་ནས་ཆུ་ཚོད་ཕྱེད་རེ་དང་། །ལུག་གཞུ་སེང་གེའི་ཐོག་མ་ཡི། །ཆུ་ཚོད་ཕྱེད་འགྲམ་སྔར་བཞིན་སྤང་། །ཚེས་སྐར་དུས་སྦྱོར་འགྲམ་རྣམས་ལ། །མི་གང་སྐྱེས་པ་འཚོ་མིན་ཏེ། །གལ་ཏེ་འཚོ་ན་ནོར་ལྡན་འགྱུར། །དེ་དག་འགྲམ་མཐའི་འབྲས་བུའོ། །ཉེར་གཉིས་མཚུན་གྱི་དུས་བསྟན་རྩིས། །ཉི་རེས་ཐུན་ཕྱེད་བཞི་པ་དང་། །ཟླ་བའི་རེས་ལ་གཉིས་པ་སྟེ། །ལྷག་པར་ལྔ་དང་ཕུར་བུའི་རེས། །བརྒྱད་པ་པ་སངས་གསུམ་པ་དང་། །སྤེན་པའི་ཐུན་ཕྱེད་དྲུག་པ་རྣམས། །མཚུན་གྱི་དུས་ཞེས་བརྗོད་བྱ་སྟེ། །བག་མ་ལ་

― LT41_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་དགེ་བའི་ལས། །ཀུན་ལ་འབད་པས་སྤང་བར་བྱ། །ཉེར་གསུམ་གཎྜའི་མཐའ་བརྟག་རྩིས། །ཟླ་བ་སོ་སོའི་གནམ་སྟོང་ལ། །ཟླ་བའི་མཐའ་ཞེས་བྱ་བ་སྟེ། །ཚེས་ཀྱི་ལོངས་སྤྱོད་ཟད་ཉེའི་དུས། །ཚེས་ཀྱི་མཐའ་ཞེས་བྱ་བ་ཡིན། །ཟླ་སྐར་ལོངས་སྤྱོད་ཟད་ཉེའི་དུས། །སྐར་མའི་མཐའ་སྟེ་རེ་རེའམ། །ཁྱད་པར་ཟད་པ་གསུམ་འཛོམ་ནི། །བཀྲ་ཤིས་ལས་ལ་ཤིན་ཏུ་སྤང་། །གཞན་ཡང་གཎྜའི་མཐའ་རྣམ་གསུམ། །སྐར་མ་དགུ་དང་ཚེས་པ་ལྔ། །དུས་སྦྱོར་བཞི་པ་རྫོགས་ཉེའི་མཐར། །རིམ་བཞིན་ཆུ་ཚོད་གཉིས་གཅིག་ཕྱེད། །སྤང་བར་བྱ་སྟེ་ལུགས་གཅིག་གོ། །དེ་རྣམས་བྱ་བ་བཟང་ངན་ནི། །སྤྱི་ལ་དགོས་པའི་རྩིས་རྣམས་སོ། །དེ་ཡར་མར་ནས་ལས་ཐབས་རེ་རེ་ལས། །ཉེར་བཞི་བྱིས་པའི་སྐྱེ་བརྟགས་རྩིས། །མི་ཡི་གཟུགས་བྲིས་སྤྱི་པོ་རུ། །སྐྱེས་དུས་ཉི་སྐར་ལ་སོགས་གསུམ། །དཀོད་ཅིང་དེ་བཞིན་ཁ་ལ་གསུམ། །ཕྲག་གཉིས་རེ་རེ་དཔུང་རེ་རེ། །ལག་མགོར་རེ་རེ་སྙིང་གར་ལྔ། །བཤང་སྒོར་གཅིག་ལ་ལྟེ་བར་གཅིག །བྱིན་གཉིས་རེ་རེ་རྐང་གསུམ་གསུམ། །བཀོད་ནས་སྐྱེས་སྐར་གར་ཡོད་བརྟག །སྤྱི་པོ་ལ་སྐྱེས་རྒྱལ་པོར་འབྱུར། ཁ་ལ་མངར་བའི་ཟས་ཟ་ཞིང་། །ཕྲག་པར་གླང་པོའི་ཕྲག་པར་འགྲོ། །དཔུང་པར་གནས་འཕོ་ལག་པ་ལ། །རྐུན་པོར་འགྱུར་ཞིང་སྙིང་གར་རྒྱལ། །ལྟེ་བ་ལ་ནི་ཉུང་དུས་ཚིམ། །

― LT41_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

བཤང་སྒོར་གཞན་གྱི་བུད་མེད་སྤྱོད། །བྱིན་པ་དག་ལ་ཡུལ་གཞན་འཁྱམས། །རྐང་པ་ལ་སྐྱེས་ཚེ་ཐུང་འགྱུར། ༈ །འབྲ་ག་ཅན་གྱི་འཁོར་ལོ་ནི། །གྱེན་དུ་རེ་ཁཱ་གཅིག་ཡིན་ཏེ། །བཅུ་གསུམ་ཐད་ཀར་ཁྲི་བར་བྱ། །གཡས་ཟུར་ནས་ནི་ཡིམ་པ་བཞིན། །སྦྱོར་བ་རྣམས་ཀྱི་ཨངྐི་བཀོད། །མི་དགེའི་བྱེད་པ་དགུ་པོ་ལ། །སྤྱི་བོའི་སྐར་མ་དགུ་བཀོད་དེ། །རྣམ་སེལ་ཐ་སྐར་ཤིན་འགྲམ་ལ། །ལྷ་མཚམས་ཟུག་རྔུར་རི་དྭགས་མགོ། །འགྲམ་སྣྲུབས་རྣམ་བསྣུན་ནབས་སོ་སྟེ། །རྡོ་རྗེར་རྒྱལ་དང་ཤིན་ལྟུང་སྐར། །ཡོངས་འཇོམས་མཆུ་སྟེ་འཁོན་འཛིན་ལ། །ནག་པ་རྣམས་ནི་རིམ་བཞིན་ནོ། །དེ་ལ་ཉི་ཟླ་ཕན་ཚུན་བལྟས། །རི་མོ་གཅིག་ལ་གནས་ཀྱང་ལྟུང་། །སྒོ་གཏན་གཅིག་པ་ཞེས་བྱ་སྟེ། །རྣམ་འགྱུར་ཁྲོ་ལྡན་དྲག་པོའི་མི། །ས་ལ་བཀྲ་ཤིས་རྣམས་ཉམས་ཤིང་། །སེར་སྐྱའི་མིག་གིས་བསྲེག་བྱར་འགྱུར། ༈ །མི་གང་སྣྲུབས་ལ་སྐྱེས་པའི་འབྲས། །ཟླ་སྐར་སྣྲུབས་ཀྱི་ཐོག་མ་ནས། །ཆུ་ཚོད་དྲུག་ཅུའི་བདག་ཉིད་དེ། །ལྗོན་ཤིང་ཚུལ་དུ་གནས་པ་ཡི། །རྩ་བ་ལ་ནི་ཆུ་ཚོད་བརྒྱད། །སྡོང་པོར་དྲུག་དང་ཤུན་པ་ལ། །བཅུ་གཅིག་ཡལ་ག་ལ་ནི་དགུ། །འདབ་མར་བཅུ་བཞི་མེ་ཏོག་ལྔ། །འབྲས་བུར་བཞི་

― LT41_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྩེ་མོར་གསུམ། །སྐྱེས་དུས་རྩ་བར་སོང་ན་ཉམས། །སྡོང་པོར་འཇོམས་ཤིང་ནོར་རྣམས་ཟད། །པགས་པར་སྤུན་ཟླ་རྣམ་པར་ཉམས། །ཡལ་ག་ལ་ཡང་མ་ལ་གནོད། །འདབ་མར་འཁོར་གཡོག་ཟད་པ་སྟེ། །རྩེ་མོར་སྐྱེས་པའང་ཚེ་ཐུང་འགྱུར། །མེ་ཏོག་རྒྱལ་པོའི་བློན་པོ་དང་། །འབྲས་བུར་རྒྱལ་པོར་འགྱུར་བར་བཤད། །ཉེར་ལྔ་དབྱངས་འཆར་ཚེ་ཡི་རྩིས། །བཙས་པའི་དུས་སྐར་ཤེས་བྱས་ནས། །ནམ་ལངས་པ་ནས་བཙས་བར་གྱི། །ཆུ་ཚོད་ཉིན་མཚན་ཚད་ལས་སམ། །ཐུར་མས་བཙལ་ནས་རྟོགས་པ་དེ། །གཉིས་བཀོད་གཅིག་དེ་མིག་གིས་བསྒྱུར། །མཁའ་རོས་ཐོབ་དེས་འདས་དབྱུག་དང་། །ལྷག་མས་འདས་སྲང་ཕྲིས་པ་དེ། །རེས་འགྲོགས་སྐར་མའི་དབྱུ་གུར་སྟེར། །འཁོར་ལོ་ལོངས་ན་དྲིལ་བ་ཡིས། །སྐྱེས་སྐར་རྐང་བཅས་ལེགས་རྟོགས་སོ། །དེ་ནས་ཆ་ཤས་བཞིར་དབྱེ་ཕྱིར། །སྐར་དབྱུག་ཚེས་ཀྱིས་ཐོབ་པའི་ནོར། །ཐིག་ཤར་དང་པོ་གཟུགས་ནི་གཉིས། །འཁྲིག་པ་གསུམ་སྟེ་མེ་བཞིའོ། །དེ་ཡང་ཆ་ཤས་དང་པོ་ལ། །སྐྱེས་པ་ཚེ་ལོ་བརྒྱ་ཐུབ་ཅིང་། །གཉིས་པར་བརྒྱད་ཅུ་གསུམ་དྲུག་ཅུ། །བཞི་པར་བཞི་བཅུའི་ཚེ་ཚད་དོ། །ཞིབ་མོར་བྱ་ཕྱིར་སྐར་དབྱུག་ཉིད། །མཁའ་རོས་བསྒྱུར་ནས་སྲང་ཡང་བསྲེ། །མཚམས་བསྒྱུར་ཆ་བཅུག་མཁའ་འཁོར་ལོས། །བགོས་ཐོབ་ལོ་ཡིན་ཁྱིམ་གྱིས་བསྒྱུར། །མཁའ་སྐར་བགོས་ཐོབ་ཟླ་བའོ། །

― LT41_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་མེས་བསྒྱུར་ཐོབ་ཞག་གྲངས་ཏེ། །ཆུ་ཚོད་བསྒྱུར་ཐོབ་ཆུ་ཚོད་དོ། །གནས་གཉིས་གཅིག་གིས་བརྒྱ་ལ་སྦྱང་། །ལྷག་མ་སྐྱེས་བུའི་ཚེ་ལོ་ཡིན། །གཅིག་ཤོས་མདས་ཐོབ་འཆི་བསླུའི་ལོ། །ལུས་ཅན་སྐྱེས་ནས་ནམ་འཆིའི་བར། །སྐྱེས་སྐར་བདག་པོའི་གཟའ་ནས་བརྩམ། །རིམ་བཞིན་གཟའ་དགུས་དབང་བྱེད་དེ། །རེའུ་དགུ་པ་བཞི་རིམ་བྲི། །སྟེང་མར་ཉི་ཟླ་དམར་རཱ་ཕུར། །སྤེན་ལྷག་ཀེ་ཏུ་པ་སངས་བཀོད། །ཉི་མའི་འོག་ཏུ་སྨིན་དྲུག་ནས། །བརྩམས་ཏེ་རྒྱུ་སྐར་ཚོ་གསུམ་བཀོད། །སྐར་ཐད་སོ་སོའི་བདག་གཟའ་འབྱུང་། །རང་རང་ཐོབ་སྐལ་བཙལ་པའི་ཕྱིར། །ཚེ་ཚད་གང་ཡོད་མཁའ་ཉིས་བགོས། །མ་ཐོབ་ནོར་སྐལ་ཐིག་ལེ་བྲི། །ཁྱིམ་བསྒྱུར་ཆ་བཅུག་བགོས་ཐོབ་ཟླ། །མཁའ་མེས་བསྒྱུར་བཅུག་ཐོབ་པ་ཞག །ལྷག་ན་མཁའ་རོས་བསྒྱུར་སོགས་ཀྱིས། །ཆུ་ཚོད་ཆུ་སྲང་སོགས་འབྱུང་ངོ། །དགུ་བཀོད་སྐར་བདག་ནས་བརྩམས་ཏེ། །གཟའ་དགུའི་མཚན་མ་སོ་སོར་བཏབ། །ཉི་མར་དུས་དང་ཟླ་བར་ཕྱོགས། །མིག་དམར་རི་བོ་རཱ་ཧུར་སྐྱོན། །ཕུར་བུར་མི་བདག་སྤེན་བུག་གཟུགས། །ལྷག་པར་རི་ཟླ་ཀེ་ཏུ་བདུན། །པ་སངས་མཁའ་མིག་བཅས་ཀྱིས་བསྒྱུར། །སྲང་དབྱུག་ཞག་དང་ཟླ་བ་ཡིས། །མས་རིམ་དྲིལ་བ་རང་སྐལ་ལོ། །དེ་དག་བསྡོམས་པའང་ཚེ་ལོ་འཆར། །དེ་ནས་ཕྲ་མོར་བྱ་བའི་ཕྱིར། །

― LT41_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མའི་ཉི་སོགས་དགུ་ཚན་དགུ། །སྤེལ་བའང་རང་རང་ལོ་སྐལ་ལ། །མཁའ་ཉིས་དགོད་སོགས་གོང་བཞིན་བྱ། །ལོ་ཟླ་ཞག་དུས་གཏོད་ལེན་མཚམས། །ཞིབ་མོར་བརྩིས་ཏེ་སོ་སོའི་འབྲས། །དབྱངས་འཆར་གཞུང་ལས་ཤེས་པར་བྱ། །ཉེར་དྲུག་བུད་མེད་བཙས་ཁྲུས་རྩིས། །ཚེས་གཅིག་དྲུག་དགུ་བཅུ་རྣམས་དང་། །ཚེས་ཟད་པ་ཡི་མཚམས་རྣམས་དང་། །བྲ་ཉེ་སྨིན་དྲུག་ལག་དང་མཆུ། །རྒྱལ་སྟོད་རྒྱལ་སྨད་ནག་པ་སྣྲུབས། །ས་ག་གྲོ་བཞིན་རྣམས་དང་ནི། །རེས་གཟའ་མིར་ལྷག་སངས་རྣམས་ལ། །སྤང་བར་གཅེས་སོ་གཞན་ལ་རུང་། །ཉེར་བདུན་བྱིས་པར་མིང་འདོགས་རྩིས། །འཇམ་བརྟན་མྱུར་དང་གཡོ་བ་ཡི། །སྐར་མར་བྱིས་པའི་ལས་སྤྱིར་དགེ། །ཁྱད་པར་རྒྱལ་གཉིས་མེ་བཞི་ནག །ས་རི་ལྷ་མཚམས་སྣྲོན་དང་སྣྲུབས། །མགོ་དང་མོན་གྲེ་ཡར་མར་གྱི། །ཚེས་གྲངས་བཅུ་གཅིག་བཅུ་གཉིས་དང་། །ཉི་ཟླ་ལྷག་ཕུར་སྦྱོར་བ་དགེ། །བརྟན་པའི་དུས་སྦྱོར་འཆར་བ་དང་། །ཕུར་སངས་བཞི་པར་སོན་པའི་ཚེ། །བྱིས་པ་ལ་ནི་མིང་འདོགས་པ། །དགེ་བར་མཁས་པས་བཤད་པར་ཐོས། །ཉེར་བརྒྱད་རྣ་བ་འབིགས་པའི་རྩིས། །ཐ་སྐར་ནབས་སོ་རྒྱལ་དང་གྲེ། །མེ་བཞི་ལྷ་མཚམས་སྣྲུབས་གྲོ་བཞིན། །བྱི་བཞིན་མོན་གྲེ་མོན་གྲུ་དང་། །ཁྲུམས་སྟོད་ནམ་གྲུ་ཕྱི་མ་གསུམ། །ཟླ་ལྷག་ཕུར་སངས་རྣམས་ཀྱི་རེས། །གཞུ་ཉ་

― LT41_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲིག་པ་བུ་མོའི་ཁྱིམ། །དྲག་པོ་མི་གནས་དགེ་བར་འཆར། །རྙེད་དང་གསུམ་ལ་ཞི་བ་ལྡན། །བུམ་པའི་དུས་སུ་ཞ་ཉེ་ཡིས། །བྱིས་པའི་རྣ་བ་འབིགས་པར་བསྔགས། །ནག་ཟླ་རྒྱལ་ཟླ་མཚན་མོ་དང་། །ལོ་གྲངས་ཟུང་ལ་སླེབ་རྣམས་སྤང་། །ཉེར་དགུ་བྱིས་པ་ཕྱིར་འདོན་རྩིས། །ཐ་སྐར་སྣར་མ་མགོ་ནབས་སོ། །རྒྱལ་གྲེ་དབོ་དང་མེ་བཞི་དང་། །ས་རི་ལྷ་མཚམས་སྣྲོན་དང་སྣྲུབས། །ཆུ་སྟོད་ཆུ་སྨད་གྲོ་བཞིན་དང་། །མོན་གྲེ་ཁྲུམས་སྟོད་ཡར་མར་ཚེས། །བཅུ་གཅིག་དང་ནི་བཅུ་གཉིས་དང་། །སེང་གེ་བུ་མོ་སྲང་བུམ་པའི། །དུས་སྦྱོར་སྣྲོན་དང་ཆུ་སྟོད་ཟླ། །རེས་གཟའ་ཉི་མ་མིག་དམར་ལ། །བྱིས་པ་ཕྱིར་འདོན་བྱ་བ་མིན། །དེ་ལས་གཞན་པའི་དགེ་བ་ལའོ། །སུམ་ཅུ་སྐྲ་སེན་འདྲེག་ལ་སོགས། །སྤུ་གྲིའི་ལས་ནི་བྱ་བའི་རྩིས། །ལྷག་པས་ཟླ་བ་ལྔ་དང་ནི། །ཟླ་བས་བདུན་དང་ཕུར་བུས་བཅུ། །དཀར་པོས་བཅུ་གཅིག་བདེ་སྐྱིད་རྒྱས། །ནབས་སོ་རྒྱལ་ལ་མཆོག་ཏུ་ཤིས། །གྲོ་བཞིན་མོན་གྲེ་མོན་གྲུ་དང་། །ནམ་གྲུ་ཐ་སྐར་མགོ་མེ་བཞི། །ནག་པ་ས་རི་རྣམས་ཀྱང་དགེ། །ཉི་མར་རིམས་འདེབས་ས་སྐྱེས་ལ། །མཚོན་འཇོམས་སྤེན་པར་ཞ་བོར་འགྱུར། །རིམ་བཞིན་ཟླ་གཅིག་བརྒྱད་དང་བདུན། །ཟད་བྱེད་དེ་བཞིན་ཡར་མར་གྱི། །བརྒྱད་དྲུག་སྟོང་པའི་ཚེས་རྣམས་དང་། །དགུ་ལ་ཉི་མ་སྤེན་

― LT41_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སངས། །སྨིན་སྣར་མཆུ་དབོ་ལག་སོར་དང་། །ཆུ་སྟོད་ཆུ་སྨད་རྣམས་ལ་ནི། །སྤུ་གྲིའི་ལས་བྱས་ཚངས་པ་ཡི། །ཚེ་དང་ལྡན་ཀྱང་འཚོ་བ་མིན། །དྲག་པོའི་གཟའ་ནི་ཟུར་གསུམ་སོན། །ནོར་ཟད་འཆི་ལའང་སྡིག་གནས་དང་། །མཚན་དགོངས་འགྲམ་ཟད་གཎྜའི་མཐའ། །ཁྲུས་དང་ཟོས་རྗེས་གཡུལ་དུ་ཞུགས། །རྒྱན་ཆ་མ་བཀྲོལ་བར་ཡང་ནི། །འཚོ་འདོད་སྤུ་གྲིའི་ལས་མི་བྱ། །རྒྱལ་པོའི་བཀའ་སྒྱུར་བྲམ་ཟེ་ཡིས། །སྦྱིན་དང་གཤིན་ལས་བཙས་པའི་ལས། །བཅིངས་ལས་ཐར་དང་མཆོད་སྦྱིན་ཚེ། །བརྟག་མི་དགོས་པར་རུང་བར་བཤད། །སོ་གཅིག་གཙུག་ཕུད་འཇོག་འཆིང་རྩིས། །མགོ་རྒྱལ་ནབས་སོ་མེ་བཞི་ནག །ས་རི་གྲོ་བཞིན་བྱི་བཞིན་སྣྲོན། །ནམ་གྲུ་དཀར་ཕྱོགས་བྱང་བགྲོད་དང་། །བུ་མོ་གཞུ་བུམ་ཆུ་སྲིན་འཁྲིག །ཞི་གཟའ་སྦྱོར་བ་དགེ་བ་ལ། །གཙུག་ཕུད་འཇོག་དང་འཆིང་བ་ཤིས། །རེས་གཟའ་ཉི་ཕུར་དཀར་པོ་དང་། །ཐ་སྐར་མོན་གྲུ་ལ་ཡང་ཤིས། །ཚེས་བདུན་དྲུག་དང་བཅུ་གཉིས་ལ། །བྲམ་ཟེ་རྣམས་ཀྱི་བློ་ཉམས་འགྱུར། །ཚེས་གཅིག་དྲུག་བདུན་བཅུ་གསུམ་སྟོང་། །སྐྱེས་ཟླ་སྐྱེས་སྐར་དཀར་ནག་ཚིགས། །བརྟུལ་ཞུགས་འཆིང་གང་བློ་ནོར་ཉམས། །རིགས་ཀྱི་བདག་པོ་སྟོབས་ལྡན་ཞིང་། །རེས་གཟའ་ཟླ་ཕུར་ལོ་བཅོ་ལྔར། །གཙུག་ཕུད་འཆིང་བར་བསྔགས་པ་ཡིན། །དེ་

― LT41_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་རྒྱལ་རིགས་བདག་ཉི་མ། །བྲམ་ཟེའི་རིགས་རྒྱལ་ཟླ་བ་ཕུར། །རྗེའུ་རིགས་ཟླ་བ་དམངས་ལྷག་པ། །འདྲེས་པའི་བདག་པོ་སྤེན་པའོ། །སོ་གཉིས་ཟས་གསར་བཟའ་བའི་རྩིས། །རེས་གཟའ་ཉི་ཟླ་ལྟག་པ་ཕུར། །སྦྱོར་བ་དགེ་ཞིང་ཡར་མར་ཚེས། །དགའ་བཟང་གསུམ་པ་སྨིན་སྣར་མགོ། །ནབས་སོ་མེ་བཞི་ས་ག་སྣྲུབས། །གྲོ་བཞིན་ནམ་གྲུ་ཕྱི་མ་གསུམ། །སྟོང་པ་སྤངས་པའི་ཆོས་བཟང་པོར། །འབྲས་ཡོས་ལ་སོགས་ཟས་གསར་བཟའ། །དུས་སྦྱོར་བདག་པོ་ལྷག་པ་ལ། །བློ་འཕེལ་ཕུར་བུར་ཚེ་རིང་ཞིང་། །པ་སངས་ནོར་འཕེལ་དུས་སྦྱོར་དང་། །ཉ་འཛོམས་ཟླ་བས་ཡོན་གནས་འགྱུར། །དགྲ་མཐའ་ཟུར་གསུམ་ཉི་སོགས་སོན། །དྲུག་ལ་ཟླ་བ་བརྒྱད་པའི་ཞིང་། །ཉི་སོན་མཐའ་འཇོམས་ཉིད་ཕྱིར་སྤང་། །ཏཏྐཱལ་ཉི་མར་མཛེས་ཟིན་ཅིང་། །མིག་དམར་མཁྲིས་ནད་སྤེན་པར་རླུང་། །ནག་ཕྱོགས་ཟླ་དུས་སློང་མོར་འཁྱམས། །བྱིས་པར་ཐོག་མའི་ཟས་སྦྱིན་པར། །བྲ་ཉེ་ལག་སྐག་མོན་གྲུ་གྲེ། །ཆུ་སྟོད་ཁྲུམས་སྟོད་གཟའ་མིག་སྤེན། །ཡར་མར་སྟོང་པ་བཅུ་གཉིས་བདུན། །ཚིགས་མཚམས་དགའ་བ་སྤང་གཞན་དང་། །ཉ་གླང་བུ་མོ་འཁྲིག་པ་གཟུང་། །ཟད་པའི་དུས་མིན་བརྒྱད་གཉིས་བར། །ཟླ་བ་དགེ་བར་སྤྱོད་དུས་དང་། །སྦྱོར་བ་དགེ་ཞིང་ཤིས་པར་བསྔགས། །བུ་ཟས་ཁྲུམས་ཟླ་སྨིན་ཟླ་ལ། །བུ་མོར་

― LT41_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོ་བཞིན་ཟླ་བར་ཤིས། །ཟླ་བ་དྲུག་པར་ཆུང་མའི་ཟས། །གཞན་ལ་བུ་མོའི་ཟས་ཟ་དགེ། །སོ་གསུམ་ཆས་གོས་བཟོ་བའི་རྩིས། །ཐ་སྐར་ཕྱིས་ཀྱང་གོས་གསར་རྙེད། །བྲ་ཉེ་ལ་ནི་གཞན་གྱིས་འཕྲོག །སྨིན་དྲུག་མེས་ཚིག་སྣར་མ་ལ། །དོན་འགྲུབ་མགོ་ལ་བྱེ་བས་ཟ། །ལག་འཆི་ནབས་སོར་ནོར་མང་ཐོབ། །རྒྱལ་ལ་དོན་འགྲུབ་སྐག་ཆུད་ཟོས། །མཆུ་འཆི་གྲེ་ལ་རྒྱལ་པོའི་འཇིགས། །དབོ་ལ་ཕུན་ཚོགས་མེ་བཞི་ལ། །ལས་འགྲུབ་ནག་པར་འདོད་འབྲས་དམན། །ས་རིར་སྐྱེ་བོའི་ཡིད་དུ་འོང་། །ས་གར་གྲོགས་རྙེད་ལྷ་མཚམས་ལ། །གཞན་འཕྲོག་སྣྲོན་ནི་ཆུ་ལ་ཤོར། །སྣྲུབས་ལ་ནད་འབྱུང་ཆུ་སྟོད་འཇམ། །ཆུ་སྨད་ཐོག་ལྟུང་བྱི་བཞིན་ལ། །མིག་ན་མོན་གྲེར་འབྲུ་འཕེལ་ལོ། །མོན་གྲུར་དུག་འབྱུང་ཁྲུམས་སྟོད་ལ། །ཆུས་འཇིགས་ཁྲུམས་སྨད་ནམ་གྲུའི་རེས། །ནོར་དང་རིན་ཆེན་རྙེད་པར་བཤད། །སོ་བཞི་གོས་རྙིང་གསོ་བའི་རྩིས། །རྙིང་པའི་གོས་ལ་སྔགས་བཏབ་པའི། །དུད་པས་ཕུར་ཞིང་བ་བྱུང་བྱུགས། །གོས་ན་ལེགས་པའི་མཚན་མ་སྟེ། །མི་སྤངས་དེ་ནི་གསོ་བར་བྱ། །འཐོར་ན་མི་འདོད་མཚན་མ་སྟེ། །དེ་སྤང་གོས་གསར་གཞན་བསྒྲུབ་བྱ། །གསོ་ན་ཆ་ཤས་དཔྱད་བྱ་སྟེ། །ལྷ་རྣམས་གོས་ཀྱི་ཟུར་ལ་གནས། །གོང་བ་དང་ཕུ་དུང་ཁ་སོགས། །མི་རྣམས་དབུས་ལོགས་ཁ་ཚར་ལ། །སྲིན་པོ་རྣམས་ནི་སུམ་ཆར་ཏེ། །སྨད་

― LT41_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱུད། མལ་སྟན་ལྷམ་སོགས་ལ་ཡང་དཔྱད། །ལྷ་མེའི་མཚན་མ་གདུགས་རྒྱལ་མཚན། །དོང་རྩེ་གཡུང་དྲུང་དཔལ་བེའུ། །པདྨ་བུམ་པ་རྟ་བབ་སོགས། །སྲིན་པོའི་མཚན་མ་ཀཾ་ཀ་ཁྲ། །མཚུན་བྱ་ཅེ་སྤྱང་རྔ་མོ་སྦྲུལ། །ཤིང་སྐམ་ཡི་དྭགས་ལ་སོགས་སོ། །བཀྲ་ཤིས་མཚན་མ་ལྷ་མིའི་ཆ། །མི་དགེའི་རི་མོ་སྲིན་ལ་སྟེ། །གོ་ལྡོག་གྱུར་ན་ལེགས་པ་མིན། །ལྷ་ཆ་ལེགས་པས་ལོངས་སྤྱོད་འཐོབ། །མི་ཆ་ལེགས་ན་བུ་རྙེད་ལ། །སྲིན་པོའི་ཆ་ཡིས་འཆི་བར་བྱེད། །ཆ་ཀུན་མཐར་ནི་མི་དགེ་སྦྱིན། །བཀྲ་ཤིས་མཚན་མ་མི་བཅད་ཅིང་། །མི་དགེའི་རི་མོ་ལྷ་མིའི་ཆར། །ཡོད་ཀྱང་བཅད་ནས་བོར་བར་བྱ། །དར་ཟབ་སོགས་ལ་འདི་དཔྱད་ཅིང་། །གཞན་ཡང་ཁ་དོག་རྒྱུ་སོགས་ཀྱིས། །ཆ་གསུམ་རང་རང་སྐལ་མཚུངས་བཟོ། །སོ་ལྔ་གོས་གསར་གྱོན་པའི་རྩིས། །ཉི་མར་གོས་གྱོན་ཧྲུལ་པོར་འགྱུར། །ཟླ་བར་ཆུས་བང་མིར་མྱ་ངན། །ལྷག་པར་ནོར་རྙེད་ཕུར་བུ་ལ། །བློ་འཕེལ་པ་སངས་མཛའ་དང་འགྲོགས། །སྤེན་པར་དྲི་ཡིས་བགོ་བར་འགྱུར། །མེ་བཞི་སོགས་ལྔ་ཐ་སྐར་དང་། །གྲོ་བཞིན་མོན་གྲེ་ནམ་གྲུ་ལ། །སྟོད་གཡོགས་སྨད་གཡོགས་དཀར་པོ་ཡི། །གོས་གསར་ཐོག་མར་གྱོན་པ་བཟང་། །མེ་བཞི་སོགས་ལྔ་དབྱུ་གུ་དང་། །ནམ་གྲུ་མོན་གྲེར་ཁྱད་པར་དུ། །རྒྱན་གོས་དམར་པོ་འཆང་བ་ཤིས། །དེ་དག་

― LT41_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དང་བུ་མོ་ཉ། །གླང་འཁྲིག་བུད་མེད་གོས་གྱོན་དགེ། །རྒྱལ་གཉིས་ཕྱི་གསུམ་སྣར་མ་ལ། །སྐྱེས་པས་གོས་གསར་གྱོན་པ་བཟང་། །སོ་དྲུག་ལུས་ལ་སྣུམ་བྱུག་རྩིས། །ཉི་མར་ནད་འབྱུང་ཟླ་བར་མཛེས། །མིག་དམར་འཆི་ཉེན་ལྷག་པ་ལ། །ནོར་ཐོབ་ཕུར་བུར་བློ་སོགས་འཇོམས། །པ་སངས་སྡུག་བསྔལ་སྤེན་པར་བདེ། །སོ་བདུན་ཆས་རྒྱན་བྱ་བའི་རྩིས། །ཉི་མར་བྱི་རུ་ཟངས་དང་གསེར། །ཟླ་བར་དངུལ་དུང་ཤེལ་གྱི་རྒྱན། །མིག་དམར་གསེར་ཟངས་ལྷག་པར་ཁམས། །ཕུར་བུ་གཡུ་དང་ཤིང་རྟའི་རྒྱན། །པ་སངས་ནོར་བུ་སྤེན་པར་ལྕགས། །མེ་བཞི་ནག་པ་ས་རི་དང་། །ས་ག་ལྷ་མཚམས་མོན་གྲེ་དང་། །ནམ་གྲུ་རྣམས་ལ་ཆས་འཇུག་ཤིས། །སོ་བརྒྱད་སྐྱེས་བུ་འཕང་སློབ་རྩིས། །རེས་གཟའ་ལྷ་ཡི་བླ་མ་མཆོག །ཉི་མ་པ་སངས་འབྲིང་པོ་སྟེ། །ཟླ་ལྷག་ལས་ལ་གཡེལ་བར་འགྱུར། །མིག་སྤེན་གྱིས་ནི་འཆི་བར་བྱེད། །རྒྱུ་སྐར་ཡང་དང་གཡོ་རྣམས་བཟང་། །བོད་འདིར་འཕང་རྩལ་ཆེར་མེད་ཀྱང་། །མདའ་རྟ་ཤེད་ལ་སོགས་པའོ། །སོ་དགུ་རིག་པ་སློབ་པའི་རྩིས། །ཐ་སྐར་མགོ་ལག་ནབས་སོ་རྒྱལ། །སྐག་དང་མེ་བཞི་ལ་སོགས་བཞི། །སྔོན་མ་གསུམ་དང་གྲོ་བཞིན་དང་། །མོན་གྲེ་ནམ་གྲུ་སྣྲུབས་རྣམས་བཟང་། །ཕུར་བུ་དཀར་པོ་ལྷག་པ་ལ། །མངོན་པར་འདོད་པའི་འབྲས་བུ་སྦྱིན། །

― LT41_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ་པོ་ཡང་རིང་འཚོ་བྱེད། །ཉི་མར་འབྲིང་ལ་ཟླ་བར་བླུན། །ས་སྐྱེས་ཉི་བུས་སྲོག་འཇོམས་བྱེད། །ཉ་གཞུའི་དུས་དང་ཁྱེའུ་ནི། །ལོ་ལྔ་ལོན་དུས་རིག་པ་བསླབ། །དྲུག་དང་ཉེར་གཅིག་སྟོང་པ་སྤང་། །ཚེས་བརྒྱད་ལ་ནི་མཁན་པོ་འཇོམས། །བཅུ་བཞི་པ་ལ་སློབ་མ་འཇོམས། །གནམ་སྟོང་ལ་ནི་གཉིས་ཀ་འཇོམས། །བཅོ་ལྔ་ལ་ནི་ཐམས་ཅད་འཇོམས། །ཚེས་གཅིག་ལ་ནི་རིག་པ་འཇོམས། །ཚེས་དེ་རྣམས་ནི་ཀློག་པ་སྤྱིའི། །དུས་གཉན་ཡིན་པས་སློབ་གཉེར་སྤང་། །བཞི་བཅུ་ལས་སྐལ་སྤྱོད་པའི་རྩིས། །ཐ་སྐར་ཆུ་སྟོད་མགོ་རྒྱལ་གྲེ། །ནམ་གྲུ་མེ་བཞི་ལ་སོགས་གསུམ། །གྲོ་བཞིན་སོགས་གསུམ་བྱང་བགྲོད་དང་། །ཉི་མ་པ་སངས་ཕུར་བུའི་རེས། །ཚེས་གྲངས་གཉིས་གསུམ་ལྔ་བཅུ་གསུམ། །དཀར་ཕྱོགས་གླང་སེང་གཞུ་བུ་མོ། །ཆུ་སྲིན་སྦྱོར་བ་དགེ་བ་ལ། །བྲམ་ཟེ་རྒྱལ་རིགས་རྗེའུ་རིགས་ཀྱི། །རིགས་ཆོས་བརྟུལ་ཞུགས་འཛིན་པར་བསྔགས། །མངལ་ཞུགས་བརྩིས་པའི་ལོ་བརྒྱད་དང་། །བཙས་ནས་ལོ་གྲངས་བརྒྱད་དམ་ལྔ། །དགུ་པར་བྲམ་ཟེ་རྒྱལ་རིགས་ནི། །ལོ་བཅུ་རྗེའུ་རིགས་བཅུ་གཉིས་ནས། །རང་གི་བརྟུལ་ཞུགས་འཛིན་པར་བྱ། །ཚངས་པའི་སྟོབས་འདོད་བྲམ་ཟེ་ཡིས། །བརྟུལ་ཞུགས་ལོ་ནི་ལྔ་པར་འཛིན། །སྟོབས་དོན་གཉེར་བའི་རྒྱལ་པོའི་དྲུག །ནོར་འདོད་

― LT41_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའུ་རིགས་བརྒྱད་པར་དགེ། །འདྲེས་པའི་རིགས་ཀྱིས་ལྔ་བརྒྱད་དགུ། །མངལ་ལོ་བརྒྱད་པར་རང་སྐལ་སྤྱོད། །ཚེས་གཅིག་ཚེས་བདུན་བཅུ་གསུམ་ལ། །རིགས་བདག་གཟའ་ཡོད་དེ་མ་ཐག །གནམ་སྟོང་ཚེས་བརྒྱད་བཅུ་བཞི་ལ། །ཆུད་ཟོས་གཟའ་ཡིན་རིགས་ལས་སྤང་། །བོད་འདིར་རིགས་དང་རིགས་ཀྱི་ལས། །དངོས་སུ་མེད་ཀྱང་ཆ་མཐུན་དུ། །རབ་ཏུ་བྱུང་རྣམས་བྲམ་ཟེར་བསྡུ། །རྒྱལ་རྣམས་རྒྱལ་རིགས་ཚོང་དཔོན་སོགས། །རྗེའུ་རིག་མ་ཕལ་པ་དམངས་རིགས་གཟུང་། །དོན་དུ་ཐམས་ཅད་འདྲེས་པའམ། །འཆོལ་པ་གདོལ་པའི་རིགས་སུ་བཞེད། །ཞེ་གཅིག་ཁང་གསར་བཟོ་བའི་རྩིས། །ནབས་སོ་རྒྱལ་ལག་དབོ་མེ་བཞི། །ནག་པ་ས་རི་ལྷ་མཚམས་སྣྲུབས། །ཆུ་སྟོད་ཆུ་སྨད་གྲོ་བྱི་བཞིན། །ནམ་གྲུ་ཐ་སྐར་དུས་སྦྱོར་ནི། །སེང་གེ་བུ་མོ་བུམ་པ་གླང་། །འཁྲིག་པ་དང་ནི་ཆུ་སྲིན་ལ། །གཞི་ཡི་ལས་ཀུན་བྱ་བར་བསྔགས། །གཞུ་འཁྲིག་བུ་མོ་ཉ་ཁྱིམ་ལ། ཁང་ལས་བྱས་ན་སྡུག་བསྔལ་འཐོབ། །རེས་གཟའ་ཉི་མིག་སྦྱོར་བ་ཡང་། །རྣམ་སེལ་ལ་སོགས་དགུ་པོ་སྤང་། །ནག་ཟླར་མྱ་ངན་སྣྲོན་ཟླར་འཆི། །ཆུ་སྟོད་ཕྱུགས་འཕྲོག་ཁྲུམས་ཟླར་ཉམས། །ཐ་སྐར་གཡུལ་འགྱིད་མཆུ་ཟླ་ལ། །མེ་ཡིས་འཇིགས་པས་དེ་རྣམས་སྤང་། །ས་ཟླར་འབྲུ་འཕེལ་གྲོ་བཞིན་རྫས། །སྨིན་ཟླར་འབྱོར་བ་མགོ་ཟླར་ནོར། །རྒྱལ་ཟླར་

― LT41_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་དང་དབོ་ཡི་ཟླར། །ཕུན་ཚོགས་འཐོབ་འགྱུར་ཤིན་ཏུ་དགེ། །སེང་སོགས་ཁང་པའི་དུས་སྦྱོར་ནི། །གཡོ་བརྟན་གང་ཡང་ཞི་གཟའ་དང་། །ལྡན་ནམ་མཐོང་ཚེ་ཁང་ལས་བརྩམ། །གནས་ཀྱི་འདོད་པ་ཐོབ་པར་འགྱུར། །ཟུར་གསུམ་ལ་ནི་ནམ་མཁའི་ནོར། །གསུམ་དྲུག་བཅུ་ལ་སྡིག་ཅན་སོན། །བརྒྱད་ལ་ཡང་ནི་དྲག་པོ་གནས། །ངེས་པར་བྱེད་པོ་འཆི་བར་འགྱུར། །ཟླ་ཞིང་ཏཏྐཱལ་ཉི་མ་ཤར། །དཀར་པོ་ནོར་དང་ཕུར་བུ་ཆོས། །སྟོབས་ཀྱིས་དམན་དང་དམའ་བར་གནས། །ནུབ་གྱུར་དུས་སུ་རྣམ་པར་ཉམས། །ཕུར་བུ་འཆར་ཞིང་ཟླ་བ་ནུབ། །ཉི་སྤེན་དགྲ་དག་སྐར་གཅིག་སྤྱོད། །པ་སངས་ནམ་གྲུ་ལ་གནས་ཚེ། །སྟོན་བརྒྱའི་བར་དུ་འཚོ་བར་འགྱུར། །ཏཏྐཱལ་པ་སངས་མཁའ་ལ་ལྷག །ཕུར་བུ་ཉི་མ་དབང་པོ་དང་། །ཉིན་བྱེད་བཅུར་སོན་ལོ་བརྒྱར་གནས། །དུས་སྦྱོར་དཀར་པོ་ཕུར་བུ་དགྲར། །ཉི་མིག་སྤུན་ཟླའི་སར་སྤྱོད་ཚེ། ཁང་པ་ལོ་གྲངས་ཉིས་བརྒྱར་བརྟན། །ཟླ་འབུར་དམའ་ཞིང་ལས་སུ་སྤྱོད། །ཉི་མིག་རྙེད་ལ་སྤྱོད་པ་ན། ཁང་པ་ལོ་གྲངས་བརྒྱད་ཅུར་གནས། །པ་སངས་མཐོ་ཞིང་དུས་སྦྱོར་སོན། །ཕུར་བུ་དམའ་བའམ་མཐོ་བར་སྤྱོད། །སྤེན་པ་མཁའ་གནས་ལ་སོན་ན། །ཡུན་རིང་སྟོང་ཕྲག་ངེས་པར་བརྟན། །ཟླ་བ་རང་སྐར་དུས་སྦྱོར་དང་། །ལྷག་པ་ཉི་དབང་ལ་སོན་ཚེ། །ཁྱིམ་མཛོད་དཔལ་མོ་བཞིན་དུ་གང་། །

― LT41_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

གཟའ་རྣམས་མཐོར་སྤྱོད་གཉེན་ནོར་ལ། །གནས་དགེ་དམའ་སོགས་དབུལ་པོར་འགྱུར། །གཟའ་ཀུན་གཞན་གྱི་ཁྱིམ་དུ་ཞུགས། །མཁའ་དང་དྲན་པར་སྡིག་སོགས་སྤྱོད། །ལོ་ཡི་དབུས་རྩུབ་ཁྱིམ་དེ་ནི། །གཞན་གྱི་ལག་ཏུ་ཤོར་བར་འགྱུར། །གཞན་ཡང་གནས་གཞི་བརྟག་འདོད་ན། །ཇི་ཙམ་བྱ་བའི་ས་གཞིའི་ཆར། །ཞེང་ཚད་དཀྱུས་བསྒྱུར་བརྒྱད་ཀྱིས་བགོས། །ལྷག་མ་གཅིག་བྱུང་རྒྱལ་མཚན་ནས། །ཐིག་ཤར་བྱ་རོག་བར་དུ་བརྟག །རྒྱལ་མཚན་དྲ་བ་སེང་གེ་ཁྱི། །ཁྱུ་མཆོག་བོང་བུ་གླང་པོ་དང་། །བྱ་རོག་ཅེས་པ་རིམ་བཞིན་ནོ། །མི་མཉམ་བཞི་པོ་དགེ་བ་སྟེ། །མཉམ་ན་སྤོ་བའམ་དབྲི་བསྣོན་བྱ། །ཞེ་གཉིས་ཁང་པའི་སྒོ་གཏོད་རྩིས། །ཀརྚ་བུམ་པ་སེང་གེ་དང་། །ཆུ་སྲིན་ཁྱིམ་དུ་ཉི་མ་ཡོད། །ཤར་རམ་ནུབ་ཀྱི་ཕྱོགས་ལ་ཡང་། ཁང་པའི་སྒོ་ནི་བྱ་བར་འདོད། །གླང་ལུག་སྲང་དང་སྡིག་པའི་ཁྱིམ། །ཉི་མ་གནས་ཚེ་ཁང་གསར་སྒོ། །བྱང་ངམ་ལྷོ་ཡི་ཕྱོགས་སུ་གཏོད། །ཁྱད་པར་གནས་གཞི་བརྟགས་པའི་སྐབས། །རྒྱལ་མཚན་ཤར་ན་ནུབ་ཀྱི་སྒོ། །ཁྱུ་མཆོག་ཤར་ལ་སེང་གེ་བྱང་། །གླང་པོ་ལྷོ་ཡི་སྒོ་ཡིན་པས། །དེ་མཚུངས་སྒོ་གཏོད་ལེགས་པ་སྦྱིན། །ཞེ་གསུམ་གནས་གཞི་འཛིན་པའི་རྩིས། །ཡར་མར་ཚེས་གཅིག་མཆོག་ཡིན་ཏེ། །གཉིས་ལ་ལས་འགྲུབ་གསུམ་ནད་མེད། །བཞི་པར་རྩོད་ཅིང་ལྔ་དཔལ་ཐོབ། །

― LT41_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་དྲུག་ལ་ནི་ཆུང་མར་འཐབ། །བདུན་ལ་བཟའ་བཏུང་བདེ་བ་ཐོབ། །བརྒྱད་ལ་ནད་འབྱུང་དགུ་ལ་འཆི། །བཅུ་ལ་ནོར་རྙེད་བཅུ་གཅིག་དགེ། །བཅུ་གཉིས་སྲོག་ལ་ཐེ་ཚོམ་ཟ། །བཅུ་གསུམ་དོན་འགྲུབ་བཅུ་བཞི་སྤང་། །བཅོ་ལྔ་དང་ནི་གནམ་སྟོང་ལའང་། །གནས་གཞི་འཛིན་པར་མི་བྱའོ། །ཞེ་བཞི་ཁྲི་སྟོན་བྱ་བའི་རྩིས། །སྣར་མ་མགོ་རྒྱལ་ལྷ་མཚམས་སྣྲོན། །གྲོ་བཞིན་ལག་སོར་ཕྱི་མ་གསུམ། །ནམ་གྲུ་ཐ་སྐར་རྣམས་དང་ནི། །རེས་གཟའ་ཉི་མ་སྦྱོར་བ་དགེ། །དཀར་ཕྱོགས་འགྲུབ་པའི་སྦྱོར་བ་ལ། །ས་གཞི་སྐྱོང་རྣམས་དབང་བསྐུར་ཤིས། །མི་མཉམ་ཁྱིམ་དང་ཏཏྐཱ་ལ། །བློ་དང་ལས་སུ་ཉི་མིག་གནས། །ཟླ་ཕུར་པ་སངས་ཀྱིས་མཐོང་ན། །ཆེན་པོ་ཁྲི་ལ་འཛེགས་པར་ཤིས། །གྲོགས་དང་ཟུར་གསུམ་རང་ཞིང་དུ། །ཞི་གནས་དཔལ་དང་གྲགས་པ་འཕེལ། །སྐྱེས་སྐར་ཉམས་དང་བརྟན་པར་གནས། །ཡང་ན་ཨུ་པ་ཙ་ལ་སོན། །ཞི་དྲག་ལྷན་ཅིག་མཐོང་སོགས་སྤང་། །ཟུར་གསུམ་རྩེ་ནོར་འཆི་ཟད་ལ། །སྡིག་གཟའ་གནས་ན་ཉམས་པར་འགྱུར། །ནོར་དང་མཐའ་ལ་དྲག་པོ་གནས། །ནོར་ཟད་འགྱུར་ཞིང་ནད་སྐར་ལ། །ནད་བུ་ཅན་འགྱུར་བཞི་དང་མཁར། །ཉམས་ཤིང་བུར་སོན་བདེ་བས་དམན། །མཁའ་ཆོས་འཆི་ལ་ཚེ་ཐུང་ཞིང་། །གསུམ་འགྲོ་དགྲ་ལ་དྲག་གནས་གང་། །བདེ་བ་ནོར་དང་

― LT41_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པར་བྱེད། །འཆི་དགྲར་ཟླ་གནས་སྡིག་མཐོང་འཆི། །ཟད་དགྲ་འཆི་སྤང་ཟླ་གཞན་དགེ། །མི་མཉམ་དུས་སྦྱོར་ཟུར་གསུམ་ལ། །ཟླ་ཕུར་མཁའ་རུ་དཀར་པོ་ཡོད། །ས་སྐྱེས་དགྲ་ཁྱིམ་དེ་གཉིས་དགྲར། །ཤར་ཡང་ཡུན་རིང་དཔལ་ལྡན་འགྱུར། །གསུམ་དང་རྙེད་ལ་སྤེན་ཉི་གནས། །གཡུལ་དང་གཉེན་ལ་ཕུར་སོན་ཚེ། །དབང་བསྐུར་བརྟན་ཅིང་ཚེ་རིང་འགྱུར། །ཞེ་ལྔ་དགེ་ལས་བྱ་བའི་རྩིས། །ཚངས་པ་ཁྱབ་འཇུག་དབང་པོ་དང་། །ཕུར་བུ་ལ་སོགས་སྐར་རྣམས་དང་། །སྟེང་བལྟས་དང་ནི་བརྟན་འཇམ་ཡང་། །མིར་སྤེན་སྤང་བའི་གཟའ་རྣམས་དང་། །སྦྱོར་བ་སྐལ་བཟང་དགེ་བྱེད་སོགས།། །ཁྱད་པར་འགྲུབ་དང་དངོས་གྲུབ་སྦྱོར། །ཚེས་བརྒྱད་རྒྱལ་དང་ལྡན་པ་ལ། །དགེ་བའི་ལས་ནི་རབ་ཏུ་བསྔགས། །ནག་པོའི་ཕྱོགས་དང་མཚུན་གྱི་དུས། །འགྲམ་དང་ཟད་པ་སོགས་ལ་སྤང་། །ཞེ་དྲུག་རྨ་བརྟག་པ་ཡི་རྩིས། །བྲ་ཉེ་སྨིན་དྲུག་སྐག་དང་མཆུ། །ས་ག་སྣྲུབས་དང་ལག་རྣམས་ལ། །སྦྲུལ་གྱིས་རྨུགས་ན་བྱ་ཁྱུང་གིས། །བསྲུངས་ཀྱང་མི་དེ་འཆི་ཞེས་བཤད། །རྨ་རིགས་གཞན་ལའང་དེ་རྣམས་གཉན། །ཁྱད་པར་གང་དུ་རྨ་གཏོད་སར། །བླ་གནས་ཡོད་དང་པིཥྚིི་རྒྱུ། །ཉེ་གཟའ་རིགས་ལྡན་འཆར་སོགས་དང་། །འཕྲད་ན་གཉན་པས་གཟབ་པར་གནད། །ཞེ་བདུན་ནད་པ་བརྟགས་པའི་རྩིས། །ལག་པ་སྐག་དང་

― LT41_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་མ་གསུམ། །ས་རི་སྣྲོན་ལ་ནད་ཕོག་ན། །སྡུག་བསྔལ་ཁུར་ཆེན་ཐོབ་པ་ཡང་། །སྨན་པས་བཅོས་མི་དགོས་པར་འཚོ། །ལྷ་མཚམས་ནམ་གྲུར་ན་བའི་མི། །སྲོག་ནི་འབད་པས་སྐྱོབ་པར་འགྱུར། །མཆུ་ལ་ཉི་ཤུའི་ཞག་ནས་ཐར། །མགོ་དང་ཆུ་སྨད་ཟླ་གཅིག་ལ། །མེ་བཞི་ཟླ་བ་ཕྱེད་ནས་གྲོལ། །སྨིན་རྒྱལ་ཐ་སྐར་ས་ག་སྣྲུབས། །མོན་གྲེ་ཞག་པོ་དགུ་ནས་སེལ། །བྲ་ཉེ་ནག་པ་གྲོ་བཞིན་དང་། །མོན་གྲུ་བཅུ་གཅིག་ཞག་ལ་ཐར། །བྲ་ཉེ་སྣར་མ་ནབས་སོ་རྒྱལ། །ཁྲུམས་སྨད་མཚན་མོ་བདུན་ནས་ནི། །ནད་ལས་གྲོལ་ཞེས་གརྒྒས་བཤད། །ཞེ་བརྒྱད་གདོན་སོགས་གནོད་བརྟག་རྩིས། །ཏཏྐཱལ་བརྒྱད་དང་བཅུ་གཉིས་ཉི། །ཞིང་སྐྱོང་གིས་གནོད་སྐྱེ་ས་དང་། །དགྲ་འཆི་ཟད་པར་ཟླ་ཡོད་ན། །ལྷས་གནོད་ལས་དང་ཟད་མིག་དམར། །གསོན་འདྲེ་མོས་གནོད་བདུན་གཉིས། །ལྷག་གནས་འཇིགས་བྱེད་གདོང་གི་སྐྱོན། །འགོག་བྱེད་ཅེས་གྲགས་རྒྱུ་སྐར་ལས། །མེ་བཞིར་ཕུར་གནས་ལྷ་ཡིས་གནོད། །སྣྲོན་དང་མེ་བཞིར་པ་སངས་ཡོད། །ཆུ་ལྷའི་སྐྱོན་ཡིན་སྤེན་པ་གནས། །རང་གི་རླུང་སྐྱེས་གནོད་པ་ཡིན། །མེ་བཞིར་སྒྲ་གཅན་གནས་པ་ན། །ཉེ་དུའི་ཤི་འདྲེས་གནོད་པ་ཡིན། །དུས་སྦྱོར་ལུག་ལ་མཚུན་གྱི་སྐྱོན། །བཀྲེས་པས་འཇོམས་ཤིང་རིགས་དང་བྲལ། །གླང་ལ་ནམ་མཁའི་ལྷ་ཡི་

― LT41_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་སྐྱོན། །མིག་ནད་རིམས་དང་རྨི་ལམ་ངན། །འཁྲིག་པར་སྒྱུ་མ་ཆེན་མོ་ཡིས། །གནོད་པའི་དུས་ཏེ་རླུང་དང་རིམས། །ཀརྚ་གསོན་འདྲེ་མོ་ཡིས་གནོད། །སེང་གེར་ཆུ་དང་ཡི་དྭགས་སྐྱོན། །རྒོད་དང་ངུ་དང་སྐྱུགས་པའོ། །བུ་མོ་ལ་ནི་གཟའ་ཡི་སྐྱོན། །འདར་བུའི་རིམས་དང་སྲེད་པའི་ནད། །སྲང་ལ་ཞིང་སྐྱོད་ལས་བྱུང་སྐྱོན། །ཁྲོད་བསྲེད་ཅིང་ན་བའོ། །སྡིག་པ་ལ་ནི་ཀླུ་ཡིས་གནོད། །རིགས་བརྒྱུད་ལ་ནི་འཚེ་བ་དང་། །ལུས་ཚ་བློ་གྲོས་རྨོངས་པར་འགྱུར། །གཞུ་ལ་རང་ལུས་ལས་བྱུང་སྐྱོན། །རིམས་དང་མྱ་ངན་ཕོ་བའི་ནད། །ཆུ་སྲིན་ཙཎྜི་ཀཱ་ཡིས་གནོད། །རིམས་དང་རླུང་གིས་ལུས་འཇིག་གོ། །བུམ་པར་ཡི་དྭགས་གནོད་པ་སྟེ། །དྲི་མ་ཅན་གྱིས་ལུས་ལ་འཚེ། །ཉ་ལ་རྣལ་འབྱོར་མ་ཡི་སྐྱོན། །རིམས་དང་མིག་འཁྲུལ་སྣ་ཚོགས་མཐོང་། །ཟད་ཆོས་སྤུན་དགྲར་སྡིག་གཟའ་གནས། །མཚོན་དུག་ཆུས་འཇོམས་དེ་ཡང་སྤེན། །ཆུ་དང་མིར་མཚོན་ཉི་མ་དུག །དེ་རྣམས་རིགས་ལས་བྱུང་བའི་སྐྱོན། །སྒྲ་གཅན་གནས་ན་རྣམ་འགྱུར་ཉམས། །རང་ཞིང་རིགས་ལས་སྐྱེས་པའི་སྐྱོན། །གཞན་ཞིང་ལ་ནི་གཞན་གྱི་སྐྱོན། །དགྲ་ཡི་ཞིང་ལ་དགྲ་ཡི་སྐྱོན། །གྲོགས་ལ་རང་གི་གཉེན་གྱི་སྐྱོན། །དེ་ལྟར་སྤྱི་ལ་ཤེས་བྱ་སྟེ། །མཆོད་སྦྱིན་སོགས་ཀྱིས་ཞི་བར་འགྱུར། །ཞེ་དགུ་སྨན་སྦྱོར་བ་ཡི་རྩིས། །ཐ་སྐར་མགོ་

― LT41_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ནབས་སོ་རྒྱལ། །མེ་བཞི་ནག་པ་ས་རི་དང་། །ལྷ་མཚམས་སྣྲུབས་དང་ནམ་གྲུ་དང་། །གྲོ་བཞིན་མོན་གྲེ་མོན་གྲུ་དང་། །རེས་གཟའ་པ་སངས་ཕུར་བུ་ཟླ། །དུས་སྦྱོར་གཞུ་ཉ་གླང་སྲང་དང་། །ལ་ཉེ་དགེ་ཞིང་ཤིས་པ་དང་། །རིགས་ལྡན་རྒྱུ་བ་མ་ཡིན་ཞིང་། །ནག་པ་ཟླ་བའི་ཟླ་དུས་དང་། །ཁྱད་པར་བདུད་རྩི་ཐུན་སྦྱོར་དུས། །སྨན་སྦྱོར་སྨན་གཏོང་ལ་སོགས་ཤིས། །ལྔ་བཅུ་ནད་སོས་ཁྲུས་བྱེད་རྩིས། །བྲ་ཉེ་སྣར་མ་སྐག་མཆུ་སྲེ། །ས་རི་ནབས་སོ་ཕྱི་མ་གསུམ། །ནམ་གྲུ་རེས་གཟའ་ཟླ་སྤེན་ལ། །སྐྱེ་བོ་ནད་ལས་གྲོལ་བ་རྣམས། །ནམ་ཡང་ཁྲུས་ནི་བྱ་བ་མིན། །སྟོང་པའི་ཚེས་དང་དུས་སྦྱོར་གཡོ། །རེས་གཟའ་ཉི་མ་མིག་དམར་ལ། །བྲམ་ཟེ་ལ་སོགས་ཡོན་གནས་ལ། ཁ་ཟས་འདྲེན་པ་སྔོན་འགྲོ་བས། །ནད་པའི་ཁྲུས་ལགས་བྱ་བར་བཤད། །ང་གཅིག་ཆུང་མ་ཁྱིམ་འཇུག་རྩིས། །མེ་བཞི་ནག་ཟ་ས་རི་དང་། །སྣར་མ་མགོ་རྒྱལ་མཆུ་མོན་གྲེ། །གྲོ་བཞིན་ལྷ་མཚམས་ཕྱི་མ་གསུམ། །ཐ་སྐར་སྣྲུབས་དང་ནམ་གྲུ་དང་། །དུས་སྦྱོར་བརྟན་ལ་ཆུང་མ་རྣམས། །ཁྱིམ་དུ་འཇུག་གམ་བགྲོད་པ་ཤིས། །རེས་གཟའ་ཕུར་སངས་སྤེན་ཟླ་ལེགས། །ཉི་མར་ནད་འབྱུང་མིག་དམར་འཆེ། །ལྷག་པར་ཁྱོ་དང་བྲལ་བར་བཤད། །ང་གཉིས་བུད་མེད་ལ་བགྲོད་རྩིས། །ཐ་སྐར་མགོ་རྒྱལ་མེ་བཞི་

― LT41_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ནག་པ་ས་རི་ཆུ་སྨད་དང་། །གྲོ་བཞིན་འགོག་མེད་མར་སྤྱོད་ཅིང་། །འོག་པགས་འཆིང་བ་འགྲོ་ལ་ཞེས་བཤད། །པ་སངས་ཤར་དུ་ཐོན་པ་ནས། །ཉིན་གསུམ་ཉིན་བཅུ་ནུབ་ཐོན་ནས། །ཞག་ལྔའི་དགོད་མོར་བྱིས་པ་ཡིས། །གྲོང་པའི་ལས་ནི་སྤང་བར་བྱ། །ང་གསུམ་ལྷ་སོགས་མཇལ་བའི་རྩིས། །སྣར་མ་དང་ནི་ཕྱི་མ་གསུམ། །ཐ་སྐར་མགོ་རྒྱལ་མེ་བཞི་དང་། །ནག་པ་ལྷ་མཚམས་གྲོ་བཞིན་དང་། །མོན་གྲེ་ནམ་གྲུར་ས་བདག་རྣམས། །རྣམ་པར་ལྟ་ལ་དགེ་སྦྱིན་བྱེད། །ཉི་ཕུར་སེང་གེའི་ཁྱིམ་གནས་སམ། །ཕུར་སངས་ནུབ་པར་གྱུར་ཀྱང་རུང་། །ལྷ་ལ་སོགས་ལྟ་འགྲོ་བ་སྤང་། །ང་བཞི་ཉོ་ཚོང་བྱ་བའི་རྩིས། །རྒྱལ་དང་ས་རི་ས་ག་དང་། །ཐ་སྐར་གྲོ་བཞིན་མོན་གྲེ་མགོ། །མེ་བཞི་སྐག་གྲེ་མོན་གྲུ་དང་། །ཆུ་སྨད་ཁྲུམས་གཉིས་ནམ་གྲུ་དང་། །རེས་གཟའ་ཟླ་ཕུར་པ་སངས་དང་། །ལྟས་དང་ལ་ཉེ་དགེ་བ་ལ། །ནོར་གྱི་ཉོ་ཚོང་རྩོམ་པ་ཤིས། །ང་ལྔ་གླང་པོའི་ལས་ཀྱི་རྩིས། །མེ་བཞི་ནག་པ་ཐ་སྐར་རྒྱལ། །ནབས་སོ་ས་རི་རྣམས་ལ་ནི། །གླང་པོ་འཆིང་སོགས་དགེ་བས་ན། །བ་གླང་འདུལ་སྦྱོང་བྱེད་པར་ཤིས། །ང་དྲུག་རྟ་ཡི་ལས་ཀྱི་རྩིས། །རྒྱལ་དང་ཐ་སྐར་ནབས་སོ་མགོ། །མེ་བཞི་ས་རི་ནམ་གྲུ་དང་། །མོན་གྲེ་མོན་གྲུ་རྣམས་ལ་ནི། །རྟ་རྒོད་བཏུལ་དང་རྟ་རྒྱུགས་སོགས། །རྟ་ཡི་ལས་རྣམས་མཁས་པས་བསྔགས། །ང་

― LT41_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་རྟ་ཕྱུགས་ཉོ་ཚོང་རྩིས། །ནབས་སོ་རྒྱལ་དང་མེ་བཞེ་གྲེ། །ལྷ་མཚམས་སྣྲོན་སྣྲུབས་ཆུ་སྟོད་དང་། །མོན་གྲེ་ཁྲུམས་སྟོད་ནམ་གྲུ་ལ། །རྟ་ཕྱུགས་ཉོ་ཚོང་བསྒྲིགས་པ་དགེ། །ང་བརྒྱད་རྟ་ཕྱུགས་གཏོང་ལེན་རྩིས། །ཡར་མར་བརྒྱད་དང་བཅུ་བཞི་པ། །ཉ་དང་གནམ་སྟོང་ཚེས་རྣམས་དང་། །སྣར་མ་ནག་པ་དབོ་ཆུ་སྨད། །གྲོ་བཞིན་ཁྲུམས་སྨད་གཟའ་ཉི་མར། །བ་ལང་ཕྱུགས་རྣམས་དབྱུང་བ་ནི། །ནམ་ཡང་དགེ་བར་མི་འགྱུར་བས། །མཁས་པས་འདི་དག་འབད་པས་སྤར། །སྣར་མ་ནབས་སོ་ས་ག་དང་། །གྲོ་བཞིན་ཕྱི་གསུམ་ཡར་མར་ཚེས། །བརྒྱད་དགུ་བཅུ་བཞི་སྟོང་པ་ལ། །ཕྱུགས་རྣམས་ལེན་པར་མི་བྱའོ། །ང་དགུ་མཛའ་མཐུན་བྱེད་པའི་རྩིས། །ནམ་གྲུ་ནས་བརྩམ་མགོ་བར་དྲུག །སྔ་མའི་ཆ་ཚོགས་ཁྱིམ་བདག་ཡིན། །ལག་ནས་ལྷ་མཚམས་བར་བཅུ་གཉིས། །བར་མའི་ཆ་སྟེ་ཕོ་མོ་གཉིས། །སྣྲོན་ནས་ཁྲུམས་སྨད་བར་དུ་དགུ། །ཕྱི་མའི་ཆ་ཡིན་བུད་མེད་དོ། །སྐྱེས་སྐར་རམ་ནི་མིང་སྐར་ཚོལ། །སྐྱེས་པ་བུད་མེད་མཆོག་ཏུ་མཛའ། །གཉིས་ཀ་ནང་སྡེབ་བར་མ་དགེ། །ཕོ་སོགས་ནང་སྡེབ་མི་མཐུན་འགྱུར། །ཙིརནྟ་ན་ཞེས་བྱའོ། །དྲུག་ཅུ་བཅོལ་གཏམ་བྱེད་པའི་རྩིས། །རྒྱུ་སྐར་སྨིན་དྲུག་ས་ག་དང་། །བརྟན་པ་ལྔ་དང་དྲག་པོ་གསུམ། །འཇོམས་བྱེད་རྣོན་པོ་བཞི་རྣམས་ལ། །གང་ཞིག་ནོར་ནི་གཉེར་གཏད་དང་། །བྱིན་

― LT41_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅོལ་དང་བཏགས་པ་རྣམས། །ཉམས་ཏེ་ནམ་ཡང་འཐོབ་མི་འགྱུར། །མཛའ་དང་གཡོ་བ་སོགས་ལ་ཤིས། །ཞིབ་ན་དུས་ཀྱི་སྦྱོར་བ་བསྔགས། །རེ་གཅིག་ཁྲོན་པ་བརྐོ་བའི་རྩིས། །སྣར་མ་མེ་བཞི་མཆུ་དང་རྒྱལ། །ལྷ་མཚམས་མོན་གྲེ་མོན་གྲུ་དང་། །ཕྱི་མ་གསུམ་དང་རེས་གཟའ་ཟླ། །ཁྲོན་པ་བརྐོ་སོགས་ཆུ་ལས་དགེ། །རེ་གཉིས་སྐྱེད་ཚལ་འཛུག་པའི་རྩིས། །རྒྱལ་དང་ཐ་སྐར་ས་ག་སྣྲུབས། །མོན་གྲེ་ནམ་གྲུ་རེས་གཟའ་ནི། །ཟླ་ལྷག་དུས་སྦྱོར་བུ་མོ་དང་། །བུམ་པ་སོགས་ལ་སྨན་འཁྲི་ཤིང་། །མེ་ཏོག་ལ་སོགས་འཛུག་པ་ཤིས། །རེ་གསུམ་ཞིང་ས་རྨོ་བའི་རྩིས། །ལྷག་པ་ལྷ་མཚམས་མགོ་ནམ་གྲུ། །མཆུ་སྣྲུབས་སྣར་མ་ཕྱི་གསུམ་དང་། །མྱུར་བ་བཞི་དང་སྐྱོད་བ་ལྔ། །དུས་སྦྱོར་དགེ་ཞིང་རེས་ཀྱི་གཟའ། །ཟླ་ལྷག་ཕུར་བུ་པ་སངས་ལ། །ནད་མེད་འབྲས་ལྡན་ཁྱུ་མཆོག་གིས། །བཤོལ་འདྲེན་པ་ནི་བཀྲ་ཤིས་དགེ། །རེ་བཞི་ས་བོན་གདབ་པའི་རྩིས། །སྣར་མ་མགོ་རྒྱལ་ཕྱི་གསུམ་མཆུ། །མེ་བཞི་ནག་པ་ས་རི་སྣྲུབས། །ལྷ་མཚམས་མོན་གྲེ་ཐ་སྐར་དང་། །རེས་གཟའ་ཟླ་བ་པ་ཝ་སངས། །ཁྱད་པར་བུམ་པའི་དུས་སྦྱོར་ལ། །ས་བོན་བཏབ་པ་འབྲས་ལྡན་འགྱུར། །གཞན་ཡང་ཕུར་སོང་མགོ་བོར་གསུམ། །མགྲིན་པར་གསུམ་དང་ལྟོ་བའི་གནས། །སྐར་མ་བཅུ་གཉིས་མཇུག་མར་བཞི། །དེ་ནས་ཕྱི་རོལ་སྐར་ལྔ་

― LT41_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར། །ཕུར་བུ་དུད་པ་ཐན་ངང་འཕེལ། །འབྲས་ལྷག་པ་ནི་རིམ་བཞིན་སྦྱར། །འཇིགས་དང་རབ་བསྐྱེད་གདེངས་ཅན་སྐར། །ས་བོན་གདབ་པའི་དུས་སུ་གསལ། །རེ་ལྔ་ཆར་པ་བརྟགས་པའི་རྩིས། །སྣར་མའི་འཁོར་ལོ་ཞེས་བྱ་བ། །བཅུ་གཉིས་ཁྱིམ་གྱི་འཁོར་ལོ་བྲི། །ལོ་དེའི་ལུག་འཕོའི་ཟླ་སྐར་སོགས། །རྒྱུ་སྐར་ཉེར་བརྒྱད་རིམ་བཞིན་བཀོད། །དང་པོའི་སྐར་མ་སྐྱེས་པ་སྟེ། །དེ་རྗེས་སྐར་མ་ཟླ་བའི་མིང་། །དེ་ནས་སྐར་གཉིས་རྒྱ་མཚོ་སྟེ། །དེ་ནས་ངོགས་ལ་སྐར་མ་བཞི། །རི་བོ་ལ་གཉིས་མཚམས་སྦྱོར་བཞི། །སླར་ཡང་དེ་ཉིད་ལན་གཅིག་བལྡབས། །ཁྱིམ་གྱི་འཁོར་ལོ་རྫོགས་འགྱུར་བས། །སྣར་མ་གར་ཡོད་བརྟག་པར་བྱ། །སྐྱེས་པར་ཆར་ཆེ་ཟླ་བར་དགའ། །རྒྱ་མཚོར་ཤིན་ཏུ་ཆར་པ་ཆེ། །ངོགས་ལ་ཆར་ལེགས་རི་བོར་ཉུང་། །མཚམས་སྦྱོར་ཆར་པ་དུམ་བུར་འགྱུར། །གཞན་ཡང་སྨིན་ཟླའི་ཡར་མར་གྱི། །

― LT41_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་གཅིག་མཁའ་ལ་སྤྲིན་འདུས་ན། །ཆུ་སྟོད་ཟླ་བ་འཆར་བའི་ཚེ། །ཆར་པ་འབབ་འགྱུར་ཐེ་ཚོམ་མེད། །མགོ་ཟླའི་ཚེས་བརྒྱད་གློག་འགྱུ་མཐོང་། །གྲོ་བཞིན་ཟླ་བར་ཆར་འབབ་འགྱུར། །སྨིན་ཟླ་མགོ་ཟླར་འཕོ་བ་ལ། །ཆར་བབས་ཆར་ནི་འབྲིང་པོར་བཤད། །རྒྱལ་ཟླའི་ནག་ཕྱོགས་ཚེས་བཅུ་ལ། །ཆར་བྱུང་ཁྲུམས་ཟླར་ཆར་ཆེན་འབབས། །མཆུ་ཟླའི་བདུན་ལ་ཆར་བབས་ན། །སྣྲོན་དང་སྣྲུབས་ལ་འབབ་མི་འགྱུར། །ཆུ་སྟོད་ཟླ་བའི་དཀར་ཕྱོགས་ཀྱི། །ཚེས་པ་གཉིས་ལ་ཆར་མེད་ན། །ཟླ་བ་བདུན་པར་ཆར་པ་འབབ། །ཚེས་གསུམ་ཤར་ནས་རླུང་ལྡང་ཞིང་། །ཤར་ནས་སྤྲིན་གསར་འོང་གྱུར་ན། །ཟླ་བ་བརྒྱད་པར་ཆར་ཆེན་འབབ། །ཚེས་བཞིར་ཆར་བབས་ཆར་ཆེན་འབྱུང་། །དེ་ཉིན་ལྷོ་ནས་རླུང་ལྡངས་ཤིང་། །སྤྲིན་རྣམས་ཤར་དུ་འགྲོ་གྱུར་ན། །ཟླ་བ་དགུ་པར་ཆར་པ་འབྱུང་། །ཚེས་ལྔར་བྱང་ནས་རླུང་ལྡངས་ཤིང་། །ཆར་སྤྲིན་མཐོང་ན་བཅུ་པ་ལ། །ངེས་པར་ཆར་པ་འབྱུང་བ་ཡིན། །ཉ་ལ་ལྷོ་ནུབ་ནས་རླུང་ལྡངས། །ཆར་མེད་ཁྲོན་པ་དང་བཅས་སྐམ། །གྲོ་བཞིན་ཟླ་བའི་ཚེས་ལྔ་ལ། །ཆར་བབས་ཆུ་ཡིས་ས་གཞི་ཁྱབ། །རྒྱུ་སྐར་གང་ལ་ཆར་བབས་པ། །དེ་ཚེ་ཁ་ཟས་ཕུད་རྣམས་ཀྱིས། །ས་གཞི་མཆོད་པས་དགེ་བར་འགྱུར། །རེ་དྲུག་ལོ་ཏོག་བརྟགས་པའི་རྩིས། །རྒྱལ་ཟླའི་ཁྱིམ་འཕོའི་ཚེས་ལ་ནི། །ཉི་མའི་རེས་གཟར་གྱུར་པ་ན། །འབྲུ་རྣམས་ཉིས་འགྱུར་རིན་

― LT41_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་ཆེ། །མིག་དམར་རེས་ལ་བཞི་འགྱུར་ཏེ། །སྤེན་པའི་རེས་ལ་སུམ་འགྱུར་རོ། །ལྷག་པ་པ་སངས་རིན་ཐང་མཉམ། །ཟླ་ཕུར་རིན་ཐང་ཕྱེད་ཀྱིས་འགྲུབ། །ནག་ཟླའི་དཀར་ཕྱོགས་ཚེས་ལྔ་ལ། ཤར་ནས་རླུང་ལྡངས་སྤྲིན་འཐབས་ན། །ཁྲུམས་ཟླར་དེ་ཚེ་སུམ་འགྱུར་གྱི། །ལོ་ཏོག་རྣམས་ཀྱི་རིན་ཐང་འགྱུར། །སྣྲོན་ཟླའི་དཀར་ཕྱོགས་ཚེས་ལྔ་ལ། །ལྷོ་ནས་རླུང་ལྡངས་འབྲུག་སྒྲོགས་ན། །དེ་ཚེ་ཁྲུམས་ཀྱི་ཟླ་བ་ལ། །སྣུམ་གྱི་རིན་ཐང་ཉིས་འགྱུར་རོ། །ཆུ་སྟོད་ཚེས་བཞིར་ཆར་བབས་ན། །ཧ་ཅང་ཟེར་ཆེ་སྐྱ་ཕམ་འགྱུར། །དེ་ཚེ་ཉིན་གཉིས་ནུབ་ལྷོ་ནས། །རླུང་ལྡངས་འབྲུ་རྣམས་ཉམས་པར་འགྱུར། །ཆུ་སྟོད་ཚེས་གསུམ་ཚེས་ལྔ་ལ། །ཤར་དང་བྱང་ནས་རླུང་ལྡངས་ན། །དེ་ཚེ་རྫོགས་ལྡན་དུས་བཞིན་དུ། །འབྲུ་རྣམས་ཐམས་ཅད་འཕེལ་བར་འགྱུར། །ཆུ་སྟོད་ཟླ་བའི་ཉ་ཚེས་ལ། །བདེན་བྲལ་ཕྱོགས་ནས་རླུང་ལྡངས་ན། །འབྲུ་རྣམས་ཉམས་ཤིང་ནུབ་བྱང་ནས། །རླུང་ལྡངས་ནོར་དང་འབྲུ་ཡོད་ཀྱང་། །མ་ཤ་བྱི་བ་སྲིན་བུས་འཚེ། །དེ་ཚེ་བྱང་ཤར་ནས་རླུང་ལྡངས། །འཇིག་རྟེན་ཆོས་ལུགས་འབྲུ་ནོར་འཕེལ། །ཁྱིམ་དང་ཁྱིམ་དུ་དགའ་སྟོན་འབྱུང་། །མེ་ནས་རླུང་ལྡངས་མེ་འཇིགས་འབྱུང་། །ནུས་ནས་ཆུ་ཡིས་འཇིགས་པ་མཐོང་། །གྲོ་བཞིན་ཟླ་བའི་དཀར་ཕྱོགས་ཀྱི། །ཚེས་ལྔར་ཆར་བབས་འབྲུ་འཕེལ་འགྱུར། །ཞར་བྱུང་

― LT41_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

སྣྲོན་ཟླའི་ཚེས་གཅིག་ལ། །ཉི་མའི་རེས་གྱུར་རླུང་ཆེན་ལྡངས། །མིག་དམར་ལ་ནི་ཤིན་ཏུ་རྩོད། །ལྷག་པ་སློང་མོ་དཀའ་བར་མཚོན། །སྤེན་པའི་རེས་ལ་ཆར་མི་འབབ། །གང་དུ་ཆུ་ཡང་རྙེད་མི་འགྱུར། །ཟླ་ཕུར་པ་སངས་རེས་གྱུར་ན། །ནོར་དང་འབྲུ་རྣམས་ཕུན་ཚོགས་ཤིང་། །ཁྱིམ་དང་ཁྱིམ་དུ་དགའ་སྟོན་བྱེད། །ཆུ་སྟོད་ཟླ་བའི་ཉ་ཚེས་ལ། །ཟླ་སྐར་གང་ཡིན་རྣམ་པར་དཔྱད། །ཆུ་སྟོད་ལ་ནི་སྐྱ་རྒྱལ་ཏེ། །སྣྲུབས་ལ་སྐྱ་ནི་ཕམ་པར་མཚོན། །ཆུ་སྨད་ལ་ནི་ལོ་ཏོག་ལ། །འཚེ་བ་དང་བཅས་མཚོན་པར་བྱེད། །ཉ་ཡི་ཁྱིམ་འཕོའི་ཚེས་ལ་ནི། །ཉི་མའི་རེས་ལ་རླུང་ཆེན་ལྡངས། །མིག་དམར་ལ་ནི་ཕྱུགས་རྣམས་གཟེར། །སྤེན་པ་ལ་ནི་སྐྱ་ཕམ་མོ། །ལྷག་པའི་རེས་ལ་བདུད་རྣམས་འཇོམས། །ཞི་གཟར་སྐྱེ་རྒུ་མཆོག་ཏུ་བདེ། །ཉི་མིག་སྤེན་པའི་རེས་རྣམས་ལ། །སྡིག་ཅན་འཁྲུགས་དང་དོན་མེད་ཉིད། །རྒྱལ་མཆུའི་འཕོ་བར་ཆར་བབས་ན། །མི་རྣམས་བདེ་ཞིང་ལོ་ཏོག་ལེགས། །དབོ་དང་ནག་པ་ས་ག་དང་། །སྣྲོན་ཟླ་རྣམས་ཀྱི་འཕོ་བ་ལ། །ཆར་པ་བབས་ན་ཐམས་ཅད་དུ། །སྐྱ་རྒྱལ་སྐྱེ་རྒུ་བདེ་བ་ཡིན། །ཆུ་སྟོད་འཕོ་བར་ཆར་བབས་ན། །ནད་འབྱུང་གྲོ་བཞིན་ཟླ་བར་བདེ། །ཁྲུམས་ཟླའི་འཕོ་བར་ནད་མང་ཞིང་། །ཐ་སྐར་ཟླ་བར་སྐྱ་རྒྱལ་ལོ། །ཟླ་བ་ཀུན་གྱི་ཉ་ཚེས་ལ། །གལ་ཏེ་ས་གཡོས་སྐར་མདའ་དང་། །ཐོག་བབས་

― LT41_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་ཉི་ཟླ་འཁྱིམས། །དུ་ཕོད་འཇའ་ཚོན་གཟའ་འཛིན་སོགས། །རྣམ་པ་མང་པོའི་ལྟས་མཐོང་ན། །ནོར་དང་འབྲུ་ཚོགས་དངོས་པོ་ཀུན། །དཀོན་ཅིང་རིན་ཐང་ཆེར་འགྱུར་བ། །དྲང་སྲོང་ཆེན་པོ་རྣམས་ཀྱིས་བཤད། །དགེ་མིན་སྤེན་པ་འཁོར་ལོའི་རྩིས། །སྐྱེས་བུའི་གཟུགས་བྲི་སྤེན་པ་ནི། །གནས་པའི་སྐར་མ་ཁར་བཀོད་ནས། །ཇི་སྲིད་མི་རྣམས་ཀྱི་ནི་མིད། །དེ་སྲིད་དེར་ནི་རྣམ་པར་དཔྱད། །དགེ་དང་མི་དགེ་ཤེས་པར་བྱ། ཁ་ལ་སྐར་གཅིག་ལག་གཡས་བཞི། །རྐང་པ་དག་ལ་གསུམ་གསུམ་དང་། །ལག་པ་གཡོན་བཞི་སྙིང་གར་ལྔ། །མགོར་གསུམ་མིག་གཉིས་གསང་བར་གཉིས། །འདི་ཡི་ལག་པ་གཡས་པར་འཇོམས། །གཡོན་པར་རྙེད་ཅིང་ནད་ཀྱིས་གདུང་། །སྙིང་གར་དཔལ་དང་སྤྱི་བོར་རྒྱལ། །རྐང་པར་བྱེས་འཁྱམས་མིག་ལ་བདེ། །གསང་བར་འཆི་ཞེས་བཤད་པ་སྟེ། །སྐྱོན་ཀུན་བཟླས་བརྗོད་མཆོད་པས་ཞི། །རེ་བདུན་གྲོང་གི་བདེ་སྡུག་རྩིས། །མི་གང་གྲོང་དུ་གནས་འཆའ་བའི། །བདེ་སྡུག་བརྟགས་པའི་འཁོར་ལོ་ལ། །གྲོང་ཁྱེར་འཛིན་དུས་ཟླ་སྐར་ནས། །བརྩམ་སྟེ་སྤྱི་བོ་རྒྱབ་སྙིང་ག །རྐང་པ་རྣམས་ལ་བདུན་བདུན་དགོད། །སྐྱེས་སྐར་མགོར་སོང་ནོར་ཅན་འགྱུར། །རྒྱབ་ཏུ་ནོར་བྲལ་སྙིང་གར་བདེ། །རྐང་པར་ཡོངས་སུ་འཁྱམས་པར་འགྱུར། །རེ་བརྒྱད་སྟོར་བ་རྙེད་འཚོལ་རྩིས། །ནོར་

― LT41_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་བོར་དུས་ཟླ་སྐར་གང་། །སྣར་མ་ལ་སོགས་བདུན་ལོང་བ། །གྲེ་སོགས་བདུན་ལ་མིག་ཚག་དང་། །སྣོན་སོགས་བདུན་ནི་ཞར་བ་སྟེ། །མོན་གྲུ་སོགས་བདུན་ལྷ་ཡི་མིག །ལོང་བར་བོར་བའི་རྫས་རྙེད་ཅིང་། །མིག་ཚག་པ་ལ་འབད་པས་རྙེད། །ཞར་བ་འབད་པས་ཐོས་པ་ཙམ། །ལྷ་ཡི་མིག་ལ་རྙེད་མི་འགྱུར། །རེ་དགུ་མཐུན་སྦྱོར་བརྟགས་པའི་རྩིས། །ས་སྐྱོང་གཡུལ་དུ་འཇུག་པ་ལ། །རིགས་ལ་གྲོང་ཁྱེར་རྣམ་པར་རྒྱལ། །ཉེ་བའི་རིགས་ལ་གཡུལ་དུ་ཆས། །རིགས་དང་རིགས་མིན་གཡུལ་འཇུག་པ། །གཉིས་ཀ་མཐུན་ཅེས་མཁས་རྣམས་སྨྲ། །སྨིན་དྲུག་མགོ་རྒྱལ་མཆུ་དང་ནི། །ཕྱི་གསུམ་ནག་པ་ས་ག་སྣྲུབས། །མོན་གྲེ་དབྱུག་པའི་སྐར་མ་རྣམས། །རིགས་སྐྱེས་ཞེས་སུ་བཤད་པ་ཡིན། །བྲ་ཉེ་སྣར་མ་ལག་ནབས་སོ། །ས་རི་མི་བཞི་སྣྲོན་ཆུ་སྟོད། །བྱི་བཞིན་ཉི་མ་ཉེ་བའི་རིགས། །ལྷག་རྣམས་རིགས་དང་རིགས་མིན་བརྗོད། །བདུན་ཅུ་བྲོ་གར་བྱ་བའི་རྩིས། །མེ་བཞི་རྒྱལ་དང་ལྷ་མཚམས་སྣྲོན། །མོན་གྲེ་མོན་གྲུ་ཕྱི་གསུམ་ཉི། །རེས་གཟའ་ཟླ་བ་པ་སངས་བཅས། །གང་བརྩམ་བྱ་ལ་དགེ་བར་ཐོས། །དུས་སྦྱོར་ལྷག་པ་ཟླ་བ་དང་། །ལྷག་པའི་ཁྱིམ་དུ་ཕུར་བུས་མཐོང་། །རྒྱལ་ཚབ་གནས་སུ་དགེ་བའི་ཚེ། །མཁས་པས་ཟློས་གར་བརྩམ་པར་འདོད། ༈ །རྩིས་གཞུང་ཁྱད་འཕགས་ལེགས་བཤད་ཀུན་བཏུས་ཞེས་བྱ་བ་འདི་ཉིད་སྐྱབས་རྗེ་པདྨ་ཉིན་བྱེད་ཀྱི་བཀའ་དོན་བཞིན་མཚུར་ལུགས་རྩིས་གཞུང་ཉེར་མཁོ་བུམ་བཟང་གི་རྩིས་མགོ་བསྟུངས་ཤིང་། སྐར་ནག་རྩིས་རིགས་ཀྱི་རྩ་བ་ཡན་ལག་ཐམས་ཅད་དགོས་རྒུ་དཀྱུས་གཅིག་ཏུ་ཚང་བས་དཔེ་གཞན་བཙལ་རྟོག་ལ་ལྟོས་མི་དགོས་པའི་འདོད་འབྱུང་བུམ་པ་བཟང་པོ་ལྟ་བུའི་ལེགས་བཤད་ཀྱི་མཛོད་དུ་བསྐྲུན་པར་བཞེད་ནས་མཚམས་འདི་ཡན་ཆད་བརྩམས་གནང་གི་འཕྲོ་ལུས་པ། ཕྱིས་རྗེ་བླ་མ་སྐུ་ན་ཆེས་སྨིན་པ་

― LT41_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཕྱག་བསྟར་རྔོ་མ་ཐོགས་ནས་ལུས་སོང་བ། ཕྱིན་ཆད་རི་མོས་གཏན་ལ་འབེབས་དགོས་རིགས་ནི་མེད། མཚམས་འདིའི་ས་བཅད་ལྷག་མ་གསར་འགྱུར་རཏྣ་མཱ་ལ་དང་། ཤཱི་གྷྲཾ་བོ་དྷ་གཉིས་ལ་གཏུགས་ནས་མཐའ་དབྱུང་བ་དང་། གཞན་ཡང་བག་གཤིན་གྱི་རྩིས་སྙིང་པོ་བསྡུས་པ་ཞིག་དང་། ཙཱི་ནའི་ས་དཔྱད་མདོ་ཚང་། རྩིས་མོ་དོན་བསྡུས་ཤིག་བཅས་མཛད་བཞེད་ཡོད་པ། ཁོ་བོ་ལ་དེ་དག་ཁྱོད་ཀྱིས་བློས་དཔྱད་ཐོག་མཐའ་འདུས་པ་བྱུང་ན་གལ་ཆེ་བ་ཡོད་ཅེས་བཀའ་སྩལ་རིན་པོ་ཆེའི་ཅོད་པན་གཙུག་ཏུ་བཀོད་པ་བཞིན་སྙིང་ལ་རི་མོར་བྲིས་མོད། རང་ཉིད་ལ་སྤྱིར་ཤེས་བྱར་དཔྱོད་པའི་བློ་གྲོས་ཀྱི་ནོར་གྱིས་དབུལ། ཁྱད་པར་རྩིས་རིགས་ལ་བག་ཆགས་འཇོག་བུལ་ཙམ་ལས་གཏིང་སླེབས་པའི་སྦྱངས་པ་དང་མི་ལྡན། ཡང་སྒོས་ས་དཔྱད་ནི་ཁ་གར་གྱུའང་མ་ངེས་པས་རང་སྟོབས་ཀྱིས་ཇི་བཞིན་བསྒྲུབ་ནུས་པའི་སྐབས་བྲལ་བ། དེས་ན་འོལ་སྤྱི་ཙམ་གྱིས་སྤྱི་བརྟོལ་བསྐྱེད་ནས་ཕོ་རྒོད་རྟ་བཅོས་ཀྱི་དཔེར་མ་སྤོབས་པས། ཐམས་ཅད་གཟིགས་པའི་སྤྱན་ལྡན་བླ་མ་མི་ཕམ་ཞབས་དང་དངོས་མཇལ་ཞིག་བྱུང་ན་འདི་སྐོར་དགོངས་བསྟུན་ཞིབ་མོའི་སྒོ་ནས་མཐའ་མ་ལུས་པ་ཞིག་ཡིད་ལ་བརྣགས་ཀྱང་ཡུལ་གྱིས་བསྐལ་པས་རེ་བ་ཙམ་གྱི་ངང་དུ་ཐལ་ནས་ཇི་བཞིན་མ་བྱུང་ལ། དེང་སང་རང་གཞན་གྱི་ཕྱོགས་ལ་མཁས་པར་རློམ་པ་མང་དུ་ཡོད་ནའང་། ཡིད་རྟོན་ཕེར་བ་ཞིག་མ་བྱུང་ཕྱིན་དགོས་པ་ཆུང་བར་མཐོང་ནས་སྔོན་ཆད་ཇི་ལྟར་མཛད་ཟིན་པ་ཉིད་ཀྱིས་འཐུས་པར་བགྱི་བ་ལས། ཕྱིན་ཆད་བརྩམས་འཕྲོ་རེ་ཞིག་བཏང་སྙོམས་སུ་བྱས་ནས་སྤར་དུ་འགོང་པ་ལགས་ན་མཁྱེན་ལྡན་གཟུར་གནས་རྣམས་ཀྱིས་དགོངས་པར་འཚལ། །ཞེས་བཀའ་སློབ་ཀྱི་ཐ་ཤལ་བཀྲ་ཤིས་ཆོས་འཕེལ་པས་འཕྲོས་པ་དགེ། །།

སྐར་རྩིས་ཀྱི་སྔོན་འགྲོ་རིན་ཆེན་མེ་ལོང་།

― LT41_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

སྐར་རྩིས་ཀྱི་སྔོན་འགྲོ་རིན་ཆེན་མེ་ལོང་ཞེས་བྱ་བ་བཞུགས་སོ།། །།

― LT41_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་བི་ཛ་ཡནྟུ། དུས་གསུམ་དུས་མེད་མཉམ་པ་ཉིད། །ཡན་ལག་མེད་པ་རྩིས་ལས་འདས། །དེ་ཁོ་ན་ཉིད་འཕོ་མེད་དབྱིངས། །འཇམ་དཔལ་དུས་ཀྱི་འཁོར་ལོར་འདུད། །དེ་ཡི་ངང་ལས་འཕོ་བཅས་ཀྱི། །སྣང་བར་ཕྱི་ནང་གཞན་གསུམ་ཚུལ། །གཞལ་དང་བགྲང་དུ་རུང་བའི་ཆོས། །འདི་ཀུན་རྩིས་ཀྱི་ལམ་ལ་གནས། །བཟང་ངན་ཤེས་ཤིང་དུས་ཤེས་པས། །རྟེན་འབྲེལ་ལམ་གྱིས་ཅི་ཡང་འགྲུབ། །དེ་ཕྱིར་རྟོག་པའི་བློ་ཅན་ཆེད། །རྩིས་ཀྱི་ཚུལ་ལ་འཇུག་པ་བརྗོད། །འདི་ལ་བརྩི་ཐབས་བརྩི་བྱ་གཉིས། །དང་པོ་གྲངས་ཀྱི་རྩིས་བཤད་པ། །འབྲི་བགྲང་སྣོན་པ་གཡས་ནས་བརྩམ། །བསྒྱུར་བགོད་འབྲིད་པ་གཡོན་ནས་སོ། །འབྲི་བ་ཡིག་གཟུགས་བཅུ་པོ་དེ། །རྒྱང་སྦྲག་བརྩེགས་མ་

― LT41_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

གང་འདོད་བྲི། །བསྒྱུར་བགོད་ཕྲི་བསྣན་བྱེད་པའི་ཚེ། །གོང་འོག་ཐད་ཀར་རིམ་འགྲིགས་བཀོད། །བགྲང་བ་ཐ་མའི་གནས་ནས་བཟུང་། །གོང་ནས་གོང་དུ་བཅུ་འགྱུར་བརྩི། །གཅིག་བཅུ་བརྒྱ་སྟོང་ཁྲི་འབུམ་དང་། །ས་ཡ་བྱེ་བ་དུང་ཕྱུར་ཏེ། །དགུ་པོ་རྐྱང་པའི་གྲངས་སུ་བརྗོད། །ཐེར་འབུམ་ཁྲག་ཁྲིག་རབ་བཀྲམ་དང་། །གཏམས་དཀྲིགས་མི་འཁྲུགས་ཁྱད་འབྱིན་དང་། །སྤང་རྟེན་དེད་འདྲེན་མཐའ་སྣང་དང་། །རྒྱུ་རིག་འོད་མཛེས་དབང་པོ་དང་། །ལེགས་ཕྱིན་རྟོགས་འགྲོ་འབྱིན་རྡུལ་དང་། །རྒྱ་རྟགས་སྟོབས་འཁོར་བརྡ་ཤེས་དང་། །རྣམ་བྱུང་སྟོབས་མིག་བྱམས་སྙིང་དགའ། །བཏང་སྙོམས་ཉེར་ལྔ་ཆེན་པོར་བཅས། །ལྔ་བཅུ་ཁུག་པའི་གྲངས་ཡིན་ཏེ། །ཐེར་འབུམ་ཐེར་

― LT41_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་ཆེན་པོ་སོགས། །དེ་ལྟར་ཟུང་རེ་སྦྱར་ལ་བརྩི། །གནས་ནི་དྲུག་ཅུའི་གྲངས་སོན་པར། །ཐ་མ་གྲངས་མེད་ཅེས་སུ་བརྗོད། །བསྣོན་པ་ངོ་ཐོག་གནས་བསྡོམ་པ། །བཅུ་ཁ་གང་ལོང་གོང་དུ་འགྲོ། །ལྷག་མ་རང་གི་མལ་དུ་བཞག །ཐམ་པའི་གནས་སུ་ཐིག་ལེའོ། །བསྒྱུར་བའི་དོན་ནི་བསྒྱུར་བྱ་དེ། །སྒྱུར་བྱེད་གྲངས་སུ་སྤེལ་བ་ཡིན། །གཅིག་བསྒྱུར་བ་ལ་མང་ཉུང་མེད། །གཉིས་སོགས་གྱིས་བསྒྱུར་གོང་དུ་འཕེལ། །རྐྱང་བསྒྱུར་ཐད་ཀར་གང་ཡོད་བསྒྱུར། །སྦྲག་བསྒྱུར་སྒྱུར་བྱེད་ཐ་མ་ནི། །བསྒྱུར་བྱ་དང་པོའི་འོག་བཞག་སྟེ། །དེ་ལྟར་གནས་ཀུན་རིམ་བཞིན་བསྒྱུར། །བསྒྱུར་བགོད་དགུ་མཐའི་གྲངས་ལས་ཤེས། །དགུ་གཅིག་གཅིག་དགུ་དགུ་རང་ཡིན། །དགུ་གཉིས་གཉིས་དགུ་བཅོ་བརྒྱད་ལ། །དགུ་གསུམ་གསུམ་དགུ་ཉི་ཤུ་བདུན། །དགུ་བཞི་བཞི་དགུ་སུམ་ཅུ་དྲུག །དགུ་ལྔ་ལྔ་དགུ་བཞི་བཅུ་ལྔ། །དགུ་དྲུག་དྲུག་དགུ་ལྔ་བཅུ་བཞི། །དགུ་བདུན་བདུན་དགུ་དྲུག་ཅུ་གསུམ། །དགུ་བརྒྱད་བརྒྱད་དགུ་བདུན་ཅུ་གཉིས། །དགུ་དགུ་བརྒྱད་ཅུ་གྱ་གཅིག་གོ། །བརྒྱད་གཅིག་གཅིག་བརྒྱད་བརྒྱད་རང་ཡིན། །བརྒྱད་གཉིས་གཉིས་བརྒྱད་བཅུ་དྲུག་སྟེ། །བརྒྱད་གསུམ་གསུམ་བརྒྱད་ཉི་ཤུ་བཞི། །བརྒྱད་བཞི་བཞི་བརྒྱད་སུམ་ཅུ་གཉིས། །བརྒྱད་ལྔ་ལྔ་བརྒྱད་བཞི་བཅུ་ཐམ། །བརྒྱད་དྲུག་དྲུག་བརྒྱད་བཞི་བཅུ་བརྒྱད། །བརྒྱད་བདུན་བདུན་

― LT41_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ལྔ་བཅུ་དྲུག །བརྒྱད་བརྒྱད་དྲུག་ཅུ་རེ་བཞིའོ། །བདུན་གཅིག་གཅིག་བདུན་བདུན་རང་ཡིན། །བདུན་གཉིས་གཉིས་བདུན་བཅུ་བཞི་ལ། །བདུན་གསུམ་གསུམ་བདུན་ཉི་ཤུ་གཅིག །བདུན་བཞི་བཞི་བདུན་ཉི་ཤུ་བརྒྱད། །བདུན་ལྔ་ལྔ་བདུན་སུམ་ཅུ་ལྔ། །བདུན་དྲུག་དྲུག་བདུན་བཞི་བཅུ་གཉིས། །བདུན་བདུན་བཞི་བཅུ་ཞེ་དགུའོ། །དྲུག་གཅིག་གཅིག་དྲུག་དྲུག་རང་ཡིན། །དྲུག་གཉིས་གཉིས་དྲུག་བཅུ་གཉིས་ལ། །དྲུག་གསུམ་གསུམ་དྲུག་བཅོ་བརྒྱད་དོ། །དྲུག་བཞི་བཞི་དྲུག་ཉི་ཤུ་བཞི། །དྲུག་ལྔ་ལྔ་དྲུག་སུམ་ཅུ་ཐམ། །དྲུག་དྲུག་སུམ་ཅུ་རྩ་དྲུག་གོ། །ལྔ་གཅིག་གཅིག་ལྔ་ལྔ་རང་ཡིན། །ལྔ་གཉིས་གཉིས་ལྔ་བཅུ་ཐམ། །ལྔ་གསུམ་གསུམ་ལྔ་བཅོ་ལྔ་སྟེ། །ལྔ་བཞི་བཞི་ལྔ་ཉི་ཤུ་ཐམ། །ལྔ་ལྔ་ཉི་ཤུ་རྩ་ལྔའོ། །བཞི་གཅིག་གཅིག་བཞི་བཞི་རང་ཡིན། །བཞི་གཉིས་གཉིས་བཞི་བརྒྱད་ཡིན་ནོ། །བཞི་གསུམ་གསུམ་བཞི་བཅུ་གཉིས་ལ། །བཞི་བཞི་དག་ནི་བཅུ་དྲུག་གོ། །གསུམ་གཅིག་གཅིག་གསུམ་གསུམ་རང་ཡིན། །གསུམ་གཉིས་གཉིས་གསུམ་དྲུག་ཏུ་འགྱུར། །གསུམ་གསུམ་ལ་ནི་དགུ་ཡིན་ནོ། །གཉིས་གཅིག་གཅིག་གཉིས་གཉིས་རང་ཡིན། །གཉིས་གཉིས་བཞི་རུ་ཤེས་པར་བྱ། །གཅིག་གཅིག་གཅིག་ཉིད་ཐིག་ལེ་སྟོང་། །བགོད་པའི་དོན་ནི་བགོད་བྱ་དེ། །བགོད་བྱེད་གྲངས་སུ་སྡུད་པ་ཡིན། །

― LT41_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱང་བགོད་ཅི་ཙམ་ཐོབ་པ་ཁྱེར། །སྦྲག་བགོད་འོག་མའི་ཚོད་དང་སྦྱོར། །ཐེབ་རེར་གཅིག་ནས་དགུ་ཡི་བར། །གང་ཐོབ་ནོར་སྐལ་ཡས་ནས་བཀོད། །མ་ཐོབ་ནོར་གྱི་སྐལ་བ་ཐིག །བརྩེགས་པ་རྣམས་ལ་འོག་ནས་ཡར། །འཁོར་ལོས་དྲིལ་བྱས་ཐོབ་པའི་ནོར། །གོང་མའི་གནས་སྐལ་རིམ་བཞིན་སྦྱིན། །ཕྲི་བ་མཐའ་ནས་གནས་མཚུངས་བཀོད། །རིམ་ཕྲི་མ་ལྡང་གོང་ནས་ཕབ། །བརྩེགས་མ་རྣམས་ལ་སྟེང་ནས་མར། །རིམ་ཕྲི་མ་འདང་སྟེང་ནས་ཕབ། །ཕབ་ཚེ་སྟེང་གི་གྲངས་གཅིག་ཀྱང་། །འོག་ཏུ་རང་རང་འཁོར་ལོར་འགྱུར། །སྒྱུར་བྱེད་མཐའ་ཐིག་གྲལ་མཐར་འགོད། །བགོད་བྱེད་མཐའ་ཐིག་མ་མཐའ་བཀག །སྒྱུར་བྱེད་སྟོང་ན་བསྒྱུར་བྱ་དབྱི། །བསྒྱུར་བྱ་སྟོང་པ་བསྒྱུར་དུ་མེད། །དབུས་མཐའི་ཐིག་ཀུན་རང་གནས་འཛིན། །ཐོག་མའི་ཐིག་ལེ་རང་སར་ཡལ། །བར་འོག་གནས་སྟོང་ཐིག་ལེས་བརྒྱན། །སྡེ་ཚན་ས་འཛིན་ཐིག་གིས་ནུས། །ཉུང་མཐའ་ནས་བཟུང་ཇེ་མང་དུ། །རིམ་པས་སྦྱངས་ན་རྟོགས་པར་སླ། །དགུ་སྦྲག་ལ་སོགས་གང་འདོད་གྲངས། །དེ་ཉིད་དེས་བསྒྱུར་དེས་བགོས་པས། །དེ་ཐོབ་ལྷག་མེད་རྣམ་དག་ཤར། །ཚེགས་མེད་འདི་འབྱུང་རི་མོ་བྱང་། །དེ་ནས་ཡན་ལག་ལྔ་ལ་སོགས། །གཞུང་གི་རྩིས་ལ་འཇུག་པར་བྱ། །ཞར་བྱུང་ཉེར་མཁོའི་བརྡ་ཆད་ནི། །རང་བཞིན་གཟུགས་

― LT41_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བསེ་རུ་དང་། །ཟླ་བ་རི་བོང་ཅན་རྣམས་གཅིག །ལག་མིག་ཟུང་དང་བགྲོད་པ་དང་། །འཁྲིག་སྦྱོར་མཚེ་མ་གཤིན་རྗེ་གཉིས། །འཇིག་རྟེན་དུས་དང་ཡོན་ཏན་དང་། །མེ་དང་ཚ་བ་རྩེ་མོ་གསུམ། །རྒྱ་མཚོ་ཆུ་གཏེར་ཆུ་བོ་དུས། །རིག་བྱེད་སྡེ་བདུད་ཟུང་ལྡན་བཞི། །མདའ་དབང་ཕུང་པོ་འབྱུང་བ་ལྔ། །རོ་དང་བྲོ་བ་དུས་མཚམས་དྲུག །གཟའ་གླིང་ཐུབ་རི་དྲང་སྲོང་བདུན། །ཀླུ་སྦྲུལ་ལག་འགྲོ་གདེངས་ཀ་ཅན། །ནོར་ལྷ་ནོར་དང་དབྱིག་རྣམས་བརྒྱད། །རྩ་བུག་གཟའ་གཏེར་སྲིན་པོ་དགུ། །ཕྱོགས་དང་སྒྲ་སྒྲོགས་བཅུ་ཡི་མིང་། །དྲག་པོ་དབང་ཕྱུག་བདེ་བྱེད་དང་། །བདེ་འབྱུང་འཕྲོག་བྱེད་བཅུ་གཅིག་གོ། །ཉིན་བྱེད་ཉི་མ་ཁྱིམ་བཅུ་གཉིས། །ལུས་མེད་དང་ནི་འདོད་པ་དང་། །མྱོས་བྱེད་སྣ་ཚོགས་བཅུ་གསུམ་མོ། །མ་ནུ་ཤེད་བུ་ཡིད་སྲིད་པ། །སྲིད་པའི་གནས་རྣམས་བཅུ་བཞིའོ། །ཚེས་ཞེས་བྱ་བ་བཅོ་ལྔའི་མིང་། །ཆ་ཤས་དང་ནི་རྒྱལ་པོ་དང་། །མི་བདག་ཅེས་པ་བཅུ་དྲུག་གོ། །ཉེས་པ་སྐྱོན་ནི་བཅོ་བརྒྱད་དེ། །རྒྱལ་བ་ཞེས་པ་ཉེར་བཞིའོ། །དེ་ཉིད་ཅེས་པ་ཉེར་ལྔ་སྟེ། །སྐར་མ་འཁོར་ལོ་ཉེར་བདུན་ཡིན། །སོ་དང་གཉིས་སྐྱེས་སུམ་ཅུ་གཉིས། །གྲངས་ཀྱི་མིང་གི་རྣམ་གྲངས་སོ། །རྩ་བའི་མིང་དེའི་རྣམ་གྲངས་གཞན། །དེ་ཡང་དེ་དང་མཚུངས་པར་ཤེས། །འབྲི་བཀོད་བཞག་སོགས་རྣམ་གྲངས་ཏེ། །བགྲང་དང་

― LT41_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

རྩི་དང་འདྲེན་པ་གཅིག །བསྣན་དང་བསྲེ་དང་བསྡོམ་དང་ལྡན། །སྦྱིན་དང་ལྷག་བྱས་བརྒྱན་སོགས་མཚུངས། །བསྒྱུར་དང་བསྒྲེས་སྦྲེལ་ལ་སོགས་འདྲ། །བགོས་ཁྱེར་ཕྱེ་བཅད་དོར་སོགས་གཅིག །བརྩེགས་ཚེ་བསྒྲིལ་དང་པུད་ཀྱང་ཟེར། །ཕྲི་དམན་སྦྱངས་ཉུང་ལ་སོགས་འདྲ། །ནོར་ལ་ཐོབ་རྙེད་སྐལ་བར་བརྗོད། །ལྷག་མར་ལུས་འཕྲོ་ཤུལ་སོགས་ཟེར། །མཁའ་དང་སྟོང་པ་ཐིག་ལེའི་མིང་། །དེ་སོགས་རྣམ་གྲངས་ཤེས་པར་བྱ། ༈ །གཉིས་པ་བརྩི་བྱར་སྤྱི་བྱེ་བྲག །དང་པོར་ཡུལ་དུས་དངོས་པོ་གསུམ། །ཡུལ་རྣམས་རྡུལ་གྱི་མཐའ་ཅན་ཏེ། །རྟེན་དང་བརྟེན་པའི་འཇིག་རྟེན་ཁམས། །སྣ་ཚོགས་ཚད་ཅན་ལས་ཀྱིས་བཀོད། །དེ་ཉིད་རྒྱ་ཁྱོན་ཆ་ཡིས་བརྩི། །དུས་རྣམས་སྐད་ཅིག་མཐའ་ཅན་ཏེ། །ནང་དུ་རླུང་ཁམས་འཕོ་བ་དང་། །ཕྱི་རོལ་དུས་ཀྱི་འགྱུར་བར་སྣང་། །དེ་ཉིད་དུས་གསུམ་ཚུལ་གྱིས་བརྩི། །དངོས་ཞེས་ཇི་ལྟར་སྣང་རྣམས་ལ། །སྣ་ཚོགས་ཆོས་སུ་གདགས་པ་སྟེ། །དེ་ཉིད་རྣམ་བཞག་དབྱེ་བསྡུ་དང་། །བཟང་ངན་བླང་དོར་ཚུལ་གྱིས་བརྩི། །གཉིས་པ་བྱེ་བྲག་ཞིང་འདི་རུ། །དུས་ཀྱི་ཆ་འཛིན་གཟའ་རྣམས་ཀྱི། །བགྲོད་པ་ལས་ནི་ལོ་ཟླ་ཞག །དུས་ཚོད་རྣམ་བཞག་རྣམ་པར་དབྱེ། །ལོ་ནི་དྲུག་ཅུར་རབ་གྲགས་པ། །རབ་བྱུང་རྣམ་བྱུང་དཀར་པོ་དང་། །རབ་མྱོས་སྐྱེས་བདག་ཨངྐི་ར། །དཔལ་གདོང་དངོས་བོ་ན་ཚོད་ལྡན། །འཛིན་བྱེད་དབང་ཕྱུག་འབྲུ་མང་པོ། །མྱོས་

― LT41_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་རྣམ་གནན་ཁྱུ་མཆོག་དང་། །སྣ་ཚོགས་ཉི་མ་ཉི་སྒྲོལ་བྱེད། །ས་སྐྱོང་མི་ཟད་ཐམས་ཅད་འདུལ། །ཀུན་འཛིན་འགལ་བ་རྣམ་འགྱུར་དང་། །བོང་བུ་དགའ་བ་རྣམ་རྒྱལ་ཉིད། །རྒྱལ་བ་མྱོས་བྱེད་གདོང་ངན་དང་། །གསེར་འཕྱུང་རྣམ་འཕྱང་སྒྱུར་བྱེད་དང་། །ཀུན་ལྡན་འཕར་བ་དགེ་བྱེད་དང་། །མཛེས་བྱེད་ཁྲོ་མོ་སྣ་ཚོགས་དབྱིག །ཟིལ་གནོན་སྤྲེའུ་ཕུར་བུ་དང་། །ཞི་བ་ཐུན་མོང་འགལ་བྱེད་དང་། །ཡོངས་འཛིན་བག་ཡོད་ཀུན་དགའ་དང་། །སྲིན་པོ་མེ་དང་དམར་སེར་ཅན། །དུས་ཀྱི་ཕོ་ཉ་དོན་གྲུབ་དྲག །བློ་ངན་རྔ་ཆེན་བྲག་སྐྱུག་པ། །མིག་དམར་ཁྲོ་བོ་ཟད་པའོ། །ཟླ་བ་བཅུ་གཉིས་ལོ་གསུམ་ན། །བཤོལ་བཅས་དེ་དག་དུས་བཞི་དང་། །བགྲོད་པ་གཉིས་དང་དུས་དྲུག་དབྱེ། །ཞག་ནི་ཉིན་ཞག་ཚེས་ཞག་དང་། །ཁྱིམ་ཞག་གསུམ་དུ་རྣམ་པར་བཞག །དུས་ནི་དྲུག་གམ་བཅུ་གཉིས་སོགས། །ཡུད་ཙམ་ཆུ་ཚོད་ཆ་ཅན་ཏེ། །འདི་ལྟར་དབུགས་ནི་ཁུག་པ་དྲུག །ཆུ་སྲང་གཅིག་ཅེས་བྱ་བར་བརྗོད། །ཆུ་སྲང་དྲུག་ཅུར་ཆུ་ཚོད་གཅིག །ཆུ་ཚོད་དྲུག་ཅུར་ཉིན་ཞག་གཅིག །དབུགས་ཀྱང་ཆ་ཤས་དུ་མ་ཅན། །དོན་ལ་སྐད་ཅིག་ལ་སོགས་པས། །གཞལ་བར་བྱ་བ་གང་ཡིན་པ། །འདི་ནི་དུས་ཀྱི་ཆུ་ཚོད་ཡིན། །འབྱུང་བ་རིམ་བརྩེགས་རི་རབ་དང་། །འདོད་གཟུགས་ལྷ་ཡི་གནས་བཅས་པའི། །སྟོང་གསུམ་གྱི་ནི་འཇིག་རྟེན་འདིར། །གླིང་བཞིའི་མཁའ་ལ་རླུང་གི་ཁྱིམ། །

― LT41_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

ལུག་གླང་འཁྲིག་པ་ཀརྐ་ཊ། །སེང་གེ་བུ་མོ་སྲང་སྡིག་གཞུ། །ཆུ་སྲིན་བུམ་པ་ཉ་རྣམས་ཏེ། །བཅུ་གཉིས་དག་ན་རྒྱུ་སྐར་ནི། །ཐ་སྐར་བྲ་ཉེ་སྨིན་དྲུག་དང་། །སྣར་མ་མགོ་ལག་ནབས་སོ་རྒྱལ། །སྐག་མཆུ་གྲེ་དབོ་མེ་བཞི་དང་། །ནག་པ་ས་རི་ས་ག་དང་། །ལྷ་མཚམས་སྣྲོན་དང་སྣུབ་ཆུ་སྟོད། །ཆུ་སྨད་གྲོ་བཞིན་བྱི་བཞིན་དང་། །མོན་གྲེ་མོན་གྲུ་ཁྲུམས་སྟོད་དང་། །ཁྲུམས་སྨད་ནམ་གྲུ་ཞེས་བྱ་བ། །ཉི་ཤུ་རྩ་བརྒྱད་རྣམ་པར་གནས། །གྲོ་བཞིན་བྱི་བཞིན་ས་ཡི་ཁྱོན། །གཅིག་བརྩིས་རྒྱུ་སྐར་ཉེར་བདུན་པོའི། །སྐར་ཁོངས་རེ་རེའི་ས་ཁྱོན་ལ། །དྲུག་ཅུར་བྱས་པའི་ཆུ་ཚོད་དེ། །ཡུལ་གྱི་དབང་དུ་བྱས་པ་ཡིན། །དེ་རེའི་ཁྱོན་ལ་དཔག་ཚད་གྲངས། །ཉིས་བརྒྱ་སོ་གཅིག་ལྷག་དང་བཅས། །དོན་དུ་སོང་སོགས་གཞལ་བྱེད། །ཆུལ་ཕྲན་ཆ་ཡི་མཐའ་ཅན་གང་། །བཏགས་པ་སུལ་གྱི་ཆུ་ཚོད་ཉིད། །འདི་ལ་ཉི་མ་ཟླ་བ་དང་། །མིག་དམར་ལྷག་པ་ཕུར་བུ་དང་། །པ་སངས་སྤེན་པ་གདོང་མཇུག་བཅས། །གཟའ་མཆོག་དགུ་ཡིས་བགྲོད་པའི་ཚུལ། །དེ་ལ་མྱུར་རྩིས་ཀྱི་ཆོ་ག་ལས། །ཡུལ་དུས་ལོངས་སྤྱོད་རྣམ་པར་དབྱེ། །འདས་ལུས་ད་ལྟ་གཏན་ལ་ཕབ། །དེ་ལས་བླང་དོར་འབྲས་བུའང་མཐོང་། །འདི་ལ་གཟའ་སྐར་རྩིས་ཞེས་བརྗོད། །ཕྱི་རོལ་སྣ་ཚོགས་སྣང་བ་ནི། །འགྱུར་བར་བཅས་ཤིང་ཆ་བཅས་པ། །འདི་ཀུན་སེམས་ཀྱི་རང་སྣང་སྟེ། །རླུང་སེམས་འདུས་པའི་ཆོ་འཕྲུལ་ཡིན། །དེ་ཕྱིར་ཕྱི་རོལ་ཇི་བཞིན་ནང་། །མ་དག་འཁྲུལ་

― LT41_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་གཉིས་སུ་ཤར། །དག་པའི་ཚེ་ན་གཞན་དུ་ནི། །ལྷ་ཡི་འཁོར་ལོ་དག་ཏུའང་སྣང་། །འདི་ཀུན་སྣང་ཚུལ་དབང་བྱས་ཏེ། །གཞལ་་དང་བགྲང་དང་རྩིས་ཀྱི་ཡུལ། །གནས་ཚུལ་དམ་པའི་དོན་དུ་ན། །ཡེ་ཤེས་རང་སྣང་འཕོ་འགྱུར་བྲལ། །ཆ་མེད་ཀུན་འགྲོ་ཁྱབ་པ་ཉིད། །གཞལ་དང་བགྲང་ལས་ཡང་དག་འདས། །འཕོ་མེད་དབྱིངས་ལས་མ་གཡོས་བཞིན། །འཕོ་བཅས་སྣ་ཚོགས་སྣང་བ་ཀུན། །དུས་ཀྱི་སྦྱོར་བ་ལས་སྐྱེས་ཏེ། །དུས་ཞེས་རྟེན་འབྲེལ་ཚུལ་ལ་བརྗོད། །གང་ཕྱིར་རྒྱུ་རྐྱེན་ཚོགས་པ་ཡི། །གནས་སྐབས་དག་ལ་དེ་དང་དེའི། །དུས་སུ་བརྗོད་པ་མ་གཏོགས་པའི། །དུས་ཞེས་བྱ་བ་གཞན་ན་མེད། །རྟེན་འབྲེལ་དུས་ཀྱི་སྦྱོར་བ་ལས། །བཟང་ངན་འབྲས་བུ་མི་བསླུ་བར། །ཤེས་ཤིང་འཇུག་ལྡོག་ལེགས་བགྱིས་པས། །མངོན་མཐོ་ངེས་ལེགས་དོན་ཀུན་འགྲུབ། །དེ་ལྟར་དུས་སུ་སྣང་བ་ཡང་། །ཕྱི་རོལ་དངོས་པོའི་སྟོབས་ཀྱིས་མིན། །ནང་གི་འཕོ་བའི་དུས་ཀྱིས་བྱས། །གཉིད་ཀྱི་དབང་གིས་རྨི་ལམ་བཞིན། །སྣང་བ་གསུམ་དང་ལྷན་ཅིག་པའི། །ནང་གི་རྣམ་ཤེས་འཕོ་བ་ནི། །ཕྲ་བའི་དུས་ཏེ་དེས་ཀུན་བསྐྱེད། །དེ་ཤེས་རྣལ་འབྱོར་དུས་ཤེས་ཡིན། །ཡང་དག་དོན་དུ་དུས་གསུམ་པོ། །དུས་མེད་མཉམ་པ་ཉིད་རྟོགས་ན། །རྡོ་རྗེའི་དུས་ཏེ་དུས་འཁོར་ལོའི། །ཡེ་ཤེས་སྐུ་ལ་འཇུག་པར་འགྱུར། །དེ་ཕྱིར་ཕྱི་རོལ་དུས་འཁོར་གྱི། །དགོངས་པའི་ཚུལ་ལ་འཇུག་པའི་སྒོ། །གྲངས་ཀྱི་རྩིས་ཚུལ་

― LT41_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་ཙམ་བརྗོད། །དགེ་བས་མཐའ་ཡས་འགྲོ་བ་ཀུན། །འཕོ་བཅས་རྟེན་འབྲེལ་དོན་རྟོགས་ནས། །སྒྱུ་མ་ལྟ་བུའི་ལམ་སྦྱངས་ཤིང་། །འཕོ་མེད་ཡེ་ཤེས་སྐུ་ཐོབ་སྟེ། །དོན་གཉིས་གྲུབ་པའི་དཔལ་གྱུར་ཅིག། ཚུལ་འདི་མཐོང་ཐོས་དྲན་རེག་ཀུན། །གསུམ་རིག་གཙང་མ་དག་པ་དང་། །མངོན་ཤེས་དྲུག་ལྡན་རྗེས་དྲན་དྲུག། རྩོལ་མེད་ཐོབ་པའི་བཀྲ་ཤིས་ཤོག །ཅེས་པ་འདིའང་འཇམ་དཔལ་དགྱེས་པ་འགྱུར་མེད་མི་བསྐྱོད་རྡོ་རྗེར་གྲགས་པས་བཀྲ་ཤིས་དཔལ་འབར་པདྨ་བདེ་ལྡན་གླིང་དུ་རབ་ཚེས་རྣམ་རྒྱལ་ཆུ་སྦྲུལ་ལོའི་ཟླ་བ་བཞི་པའི་ཚེས་ཉེར་ལྔར་སྦྱར་བ་དགེའོ། །མངྒ་ལཾ། །བརྩི་ཐབས། བརྩི་བྱ། དུས་འཁོར་དོན་སྦྱར། ཚིགས་བཅད། ཡོད་པ་དགེ། །།དཔལ་སྤུངས་གདན་སར་སྤར་དུ་བསྒྲུབས་པའོ།། །།

གཙུག་ལག་རྩིས་ཀྱི་སྔོན་འགྲོ་རབ་གསལ་མེ་ལོང་།

― LT41_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་ལག་རྩིས་ཀྱི་སྔོན་འགྲོ་རབ་གསལ་མེ་ལོང་ཞེས་བྱ་བ་བཞུགས་སོ། །

― LT41_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། རྒྱལ་བ་ཀུན་གྱི་མཁྱེན་རབ་ནི། །གཅིག་བསྡུས་རྒྱལ་སྲས་གཞོན་ནུའི་ཚུལ། །འཇམ་དབྱངས་སྨྲ་བའི་སེང་གེ་ལ། །ཀུན་ནས་གུས་པས་ཕྱག་བགྱིས་ནས། །བློ་གསལ་རྩིས་ལ་འཇུག་འདོད་ཀྱི། །རྣམ་རྟོག་སྤྲོ་བའི་ས་བོན་དུ། །གཙུག་ལག་སྒོ་འབྱེད་སྔོན་འགྲོ་ནི། །རབ་གསལ་མེ་ལོང་ལྟ་བུ་བྲི། །དེ་ཡང་བརྩི་བྱ་རྩི་བྱེད་དང་། །བརྩི་ཐབས་གསུམ་ལས་དང་པོ་ལ། །རང་བཞིན་གཞི་ཡི་གཙུག་ལག་དང་། །མ་རིག་འཁྲུལ་སྣང་གཙུག་ལག་གཉིས། །དང་པོ་གནས་ལུགས་སྟོང་པ་ཉིད། །ཆོས་རྣམས་ཀུན་གྱི་རང་བཞིན་ཏེ། །སྤྲོས་པའི་དྲ་བ་རྣམ་སྤངས་པའོ། །དེ་ལྟར་རྟོགས་ན་རྩིས་ལས་འདས། །གཉིས་པ་སེམས་ཀྱི་རང་སྣང་ལ། །ཆོས་ཅན་རྟེན་འབྲེལ་མ་འགགས་

― LT41_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །སྣ་ཚོགས་སྣང་སྲིད་ཆོས་སུ་ཤར། །བན་གནོད་བླང་དོར་བྱེད་པའོ། །དེ་ཉིད་རྩི་བར་བྱེད་པ་ལ། །རུས་སྦལ་གསུམ་གྱིས་མཚོན་པར་བལྟ། །གནས་པའི་རུས་སྦལ་ཆོས་ཀྱི་དབྱིངས། །ཡན་ལག་མེད་པའི་རྩིས་ལས་འདས། །དེ་ཉིད་ཇི་བཞིན་རྟོགས་པ་ན། །སོ་སོ་རང་རིག་མི་གཡོ་བའོ། །ཆགས་པའི་རུས་སྦལ་ཞེས་བྱ་བ། །མཁའ་ལས་འབྱུང་བཞི་རིམ་པར་ཆགས། །ནམ་མཁའི་བདག་པོ་སྣ་ཚོགས་སྟོན། །སེམས་ཅན་ལས་ཀྱི་བཀོད་པར་སྣང་། །དེ་ནས་སྲིད་པའི་རུས་སྦལ་ཞེས། །སྣ་ཚོགས་གཟུགས་ཅན་སྐྱེད་པ་པོ། །མ་ཧཱ་གསེར་སྦལ་སེར་པོ་ལས། །སྤར་ཁའི་ལྷ་ཆེན་བརྒྱད་ལ་སོགས། །སྲིད་པའི་ཁམས་རྣམས་རིམ་པར་གྲོལ། །སྣོད་བཅུད་ཕྱོགས་དུས་

― LT41_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

བླང་དོར་བྱུང་། །གསུམ་པ་སྲིད་པའི་ཆོས་ཚུལ་རྣམས། །མ་འདྲེས་བླང་དོར་བརྩི་ཐབས་གཞུང་། །འཇིག་རྟེན་སྣང་བར་བྱེད་པའི་མཆོག །སྟོན་ཕྱིར་རྒྱ་ནག་རྩེ་ལྔའི་རིར། །ཏྲི་ཤའི་ཤིང་གི་ལྦ་བ་ལས། །ཐེག་པ་སྣ་ཚོགས་ཐབས་ཚུལ་གྱིས། །འགྲོ་བའི་དོན་ལ་རྟོག་བ་པོ། །རྒྱལ་སྲས་འཇམ་དབྱངས་བརྫུས་ཏེ་འཁྲུངས། །སྲིད་པའི་རུས་སྦལ་ཇི་བཞིན་དུ། །སྤྲུལ་པའི་རུས་སྦལ་བརྡས་མཚོན་ནས། །ལྷ་ཀླུ་ལྷ་མིན་སྡེ་བརྒྱད་མིའི། །འཁོར་ལྔར་གཙུག་ལག་སྒོ་མོ་གསུངས། །བཟང་ངན་ཤེས་ཤིང་དུས་ཤེས་པས། །དོན་ཀུན་གསལ་ཡང་དགོས་དབང་གིས། །སླར་ཡང་གཏེར་དུ་སྦས་པའི་ཚེ། །གྲུ་འཛིན་བདག་པོས་བསྐུལ་བ་ཡིས། །ཨཽ་ཌི་ཡཱ་ནའི་སློབ་དཔོན་ཆེས། །ཚངས་པ་གདོང་བཞིར་སྤྲུལ་ནས་སུ། །ལྷ་མོ་རྣམ་རྒྱལ་ཀླུ་འཇོག་པོ། །ལ་སོགས་འཁོར་དང་བཅས་པས་ཞུས། །སྐོར་འགོ་གབ་ཙེ་མཐའ་ཡས་པ། །བོད་འདིར་འགྱུར་འགོ་གསུམ་དུ་བྱུང་། །རྩ་བ་དེ་ལས་འཕྲོས་པ་ཡི། །སྣ་ཚོགས་མན་ངག་བརྗོད་ལས་འདས། །ཆོས་ཀུན་རང་བཞིན་སྟོང་ན་ཡང་། །མཚན་མའི་བློ་ཅན་འགྲོ་བ་ལ། །ཚད་མར་གྱུར་པ་ཀུན་རྫོབ་རྩིས། །རྟེན་འབྱུང་བསླུ་མེད་ཚུལ་གསལ་བ། །ཀུན་ཀྱང་རྩིས་ཀྱི་ལམ་ལ་ཐུག །དེས་ན་ཐབས་འདི་རྒྱལ་བས་བསྟན། །རྩིས་ཀུན་རུས་སྦལ་ལུས་ལས་བརྩི། །མགོ་བོ་ལྷོར་བསྟན་མཇུག་མ་བྱང་། །གློ་གཡས་ཤར་ལ་གློ་གཡོན་ནུབ། །ཡན་ལག་མཚམས་

― LT41_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་གན་རྐྱལ་དུའོ། །དབུས་ནས་གནམ་ལྕགས་རི་བོ་ལ། །མེ་ཆུ་ས་ཤིང་རླུང་ནས་དབུས། །ཕྱི་ནང་བར་པའི་རྩིས་ཞེས་པའི། །ལོ་སྤར་སྨེ་བ་འདི་ལྟ་སྟེ། །ཤར་སྟོད་སྟག་ལ་ཤར་སྨད་ཡོས། །ཤར་ལྷོ་འབྲུག་ལ་ལྷོ་སྟོད་སྦྲུལ། །ལྷོ་སྨད་རྟ་ལ་ལྷོ་ནུབ་ལུག །ནུབ་སྟོད་སྤྲེལ་ལ་ནུབ་སྨད་བྱ། །ནུབ་བྱང་ཁྱི་ལ་བྱང་སྟོད་ཕག །བྱང་སྨད་བྱི་བ་བྱང་ཤར་གླང་། །བྱི་སྟག་འབྲུག་རྟ་སྤྲེལ་ཁྱི་པོ། །དེ་ལྷག་དྲུག་པོ་མོ་ལོ་ཡིན། །ལོ་ཡི་ཐོག་མ་བྱི་བ་སྟེ། །ཟླ་བའི་ཐོག་མ་དཔྱིད་ར་སྟག །དུས་ཚོད་ཐོག་མ་ན་མ་ལངས་ཡོས། །དེ་རྣམས་འབྱུང་བ་ལྔ་དང་ལྡན། །སྤར་ཁ་ཕྱོགས་སུ་གནས་ཚུལ་ནི། །ལི་མེ་ཁོ་ནས་དྭ་ལྕགས་དང་། །ཁེན་གནམ་ཁམ་ཆུ་གིང་རི་བོ། །ཟིན་ཤིང་ཟོན་རླུང་ཞེས་སུའོ། །ཕྱོགས་བཞི་རང་རང་ཁམས་དང་ནི། །མཚམས་བཞི་ས་ཡི་ཁམས་སུ་འདོད། །སྨེ་བ་གང་བརྩི་དབུས་སུའམ། །ལྔ་སར་ལྟ་བུ་ལ་མཚོན་ན། །དབུས་ལྔ་གནམ་དྲུག་ལྕགས་བདུན་སོགས། །སྔར་གྱི་དེ་གའི་འགྲོས་སུ་བཀོད། །བྱི་བ་ལ་སོགས་བཅུ་གཉིས་པོ། །རིམ་པར་འཁོར་བ་གནམ་ལོ་སྟེ། །དེ་བཞིན་ཟླ་ཞག་དུས་ལའང་འཁོར། །དེ་རྣམས་འབྱུང་ལྔའི་དབང་ཁམས་གྱིས། །དབྱེ་བའི་ལོ་ཚོགས་དྲུག་ཅུར་གྲགས། །དེ་རྣམས་དབང་ཐང་ངོས་འཛིན་ནི། །ལོ་དང་ཟླ་བ་སྤྲགས་མ་སྟེ། །ཞག་དང་ཟ་མ་རྐྱང་དེད་བརྩི། །ལོ་ཟླ་

― LT41_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་དུས་བཞི་པོ་ནི། །རིམ་པར་མ་ལ་བུ་ཆོས་ཉིད། །དེ་ཕྱིར་གནམ་ལོ་ཕོ་མོ་གཉིས། ཁམས་གཅིག་རིམ་པར་བུ་དེད་ཡིན། །བགྲང་བྱ་དྲུག་ཅུ་དེ་དག་གི། །སྲོག་ལུས་ཀླུང་རྟ་ངོས་འཛིན་ནི། །སྲོག་ནི་འབྱུང་བ་གནས་ཕྱོགས་ཏེ། །སྟག་ཡོས་ཤིང་ལ་རྟ་སྦྲུལ་མེ། །བྱ་སྤྲེལ་ལྕགས་ལ་བྱི་ཕག་ཆུ། །ཁྱི་འབྲུག་གླང་ལུག་བཞི་པོ་ས། །ལུས་ཀྱི་ལྡེའུ་མིག་བསྟན་པ་ནི། །གླང་ལུག་རྟ་བྱི་ཟིན་ནས་བརྩི། །ཁྱི་འབྲུག་ཕག་སྦྲུལ་ད་ནས་བརྩི། །སྟག་ཡོས་བྱ་སྤྲེལ་ཁམ་ནས་བརྩི། །ལྕགས་ཆུ་མེ་ས་ཤིང་དུ་བགྲང་། །དབང་ཐང་ལུས་གཉིས་བབས་ས་བསྟུན། །ཀླུང་རྟའི་ལྡེའུ་མིག་བསྟན་པ་ནི། བཞི་པོ། འདི་ཁོ་ན་དྭ་ཁམ་ཟིན་ལྡར་ཟིན་སོགས་ནས་ལྕགས་ཆུ་མ་ས་ཤིང་སོགས་བཟང་བས་བརྩི་བྱའི་དབང་ཐང་ཁམས་སྟེང་ཕྱིན་ཚེ་འབྱུང་བ་གང་བབ་དེ་ལུས་སོ། སྟག་རྟ་ཁྱེ་གསུམ་ཀླུང་སྤྲེལ་ལྕགས། །ཕག་ལུག་ཡོས་གསུམ་ཀླུང་སྦྲུལ་མེ། །བྱི་འབྲུག་སྤྲེལ་གསུམ་ཀླུང་སྟག་ཤིང་། །བྱི་གླང་སྦྲུལ་གསུམ་ཀླུང་ཕག་ཆུ། །མཐུན་གསུམ་ཀླུང་རྟའི་སྐྱེས་སྨེ་སྦྱོར། །བླ་ནི་སྲོག་གི་མ་རུ་བཞེད། །ཟླ་བའི་དབང་ཐང་ངོས་འཛིན་ནི། །དཔྱིད་ར་སྟག་དང་དཔྱིད་འབྲིང་ཡོས། །གནམ་ལོའི་དབང་གི་བུ་རུ་བརྩི། །དེ་ནས་རིམ་པར་བུ་འདེད་དམ། །ཡང་ན་མགྱོགས་རྩིས་བྱ་འདོད་ན། །སྟག་ཡོས་བྱི་གླང་གནམ་ལོའི་བུ། །འབྲུག་སྦྲུལ་གྲོགས་ལ་རྟ་ལུག་དག །སྤྲེལ་བྱ་མ་ལ་ཁྱི་ཕག་དང་། །ཞག་གི་དབང་ཐང་ངོས་འཛིན་ནི། །ཚེས་གཅིག་ཟླ་བའི་

― LT41_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གི་བུ། །དེ་ནས་རིམ་པར་དེད་པའམ། །གཅིག་གཅིག་དྲུག་སྟེ་ཟླ་བའི་བུ། །གཉིས་བདུན་གྲོགས་ལ་གསུམ་བརྒྱད་དགྲ། །བཞི་དགུ་མ་ལ་ལྔ་བཅུ་རང་། །ཕོ་དྲུག་སྟག་དང་མོ་དྲུག་གི། །ཟླ་བའི་ཚེས་གཅིག་སྤྲེའུའི་ཉི། །དེ་ནས་རིམ་པར་བརྩི་བར་བྱ། །དུས་ཀྱི་དབང་ཐང་ངོམ་འཛིན་ནི། །ཡོས་ཉིད་ཞག་ཁམས་བུ་ནས་བརྩི། །ཡོས་སྤྲེལ་གླང་གསུམ་ཉི་མའི་བུ། །འབྲུག་བྱ་སྟག་གསུམ་ཉི་མའི་གྲོགས། །ཁྱི་སྦྲུལ་དགྲ་ལ་རྟ་ཕག་མ། །ལུག་དང་བྱི་བ་རང་དུ་འདོད། །གནམ་སྨེ་གང་ཡིན་དེ་ནས་བཟུང་། །དགུ་བརྒྱད་བདུན་དྲུག་ལྟ་བུར་འཁོར། །གཅིག་དཀར་བཞི་ལྗང་བདུན་དམར་གསུམ། །བྱི་རྟ་བྱ་ཡོས་བཞི་ལ་དབང་། །གསུམ་མཐིང་དྲུག་དཀར་དགུ་སྨུག་གསུམ། །ཁྱི་འབྲུག་གླང་ལུག་བཞི་ལ་དབང་། །གཉིས་ནག་ལྔ་སེར་བརྒྱད་དཀར་གསུམ། །སྟག་སྤྲེལ་ཕག་སྦྲུལ་བཞི་ལ་དབང་། །ཤིང་ཕོ་བྱི་བའི་གཅིག་དཀར་ནས། །ཆུ་མོ་ཕག་གི་གཉིས་ནག་བར། །དྲུག་ཅུ་སྐོར་གསུམ་བརྒྱ་བརྒྱད་ཅུས། །སྨེ་ཕྲེང་གསུམ་རྫོགས་དེ་བཞིན་དུ། །ལོ་ལ་ཆད་ལྷག་མེད་པར་འཁོར། །ཡར་བཞི་སྲོག་ལ་མར་བཞི་དབང་། །གང་སྐྱེས་ལུས་སྨེ་མཐུན་གསུམ་ཀླུང་། །དཀར་གསུམ་ལྕགས་ལ་ནག་མཐིང་ཆུ། །ལྔ་ས་བཞི་ཤིང་དམར་གཉིས་མེ། །ཚེས་ལ་གཟའ་སྐར་འཆར་བ་ནི། །སྟག་རྟ་ཁྱི་གསུམ་སྤེན་པས་ཚེས། །ཕག་ལུག་ཡོས་

― LT41_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཟླ་བས་ཚེས། །བྱི་འབྲུག་སྤྲེལ་གསུམ་མིག་དམར་ཚེས། །བྱ་གླང་སྦྲུལ་གསུམ་ཕུར་བུས་ཚེས། །གང་གིས་ཚེས་པ་དེ་ཡིས་ཉ། །ཉི་མ་ཟླ་བ་མིག་དམར་དང་། །ལྷག་པ་ཕུར་བུ་པ་ཝ་སངས། །སྤེན་པ་བདུན་པོ་རེས་ཀྱི་གཟའ། །གདོང་མཇུག་དང་བཅས་གཟའ་དགུའོ། །ཁམས་ནི་ཉི་མ་མིག་དམར་མེ། །ཟླ་ལྷག་ཆུ་ལ་ཕུར་བུ་ཤིང་། །པ་སངས་ལྕགས་ལ་སྤེན་པ་ས། །ཐ་སྐར་བྲ་ཉེ་སྨིན་དྲུག་དང་། །སྣར་མ་མགོ་དང་ལག་ནབས་སོ། །རྒྱལ་དང་སྐག་དང་རྟ་ཆེན་དང་། །རྟ་ཆུང་དབོ་དང་མེ་བཞི་དང་། །ནག་པ་ས་རི་ས་ག་དང་། །ལྷ་མཚམས་སྣྲོན་དང་སྣྲུབས་ཆུ་སྟོད། །ཆུ་སྨད་གྲོ་བྱིན་མོན་དྲེ་དང་། །མོན་གྲུ་ཁྲུམས་སྟོད་ཁྲུམས་སྨད་དང་། །ནམ་གྲུ་རྒྱུ་སྐར་ཉེར་བརྒྱད་དོ། །ཟླ་བར་གང་འཕྲད་དེ་ཉིན་གྱི། །སྐར་མའོ་གང་ཉ་དེའི་ཟླ་བ། །སྨིན་སོགས་སྐར་དྲུག་ཤར་ཤིང་ཁམས། །མཆུ་སོགས་དྲུག་ནི་ལྷོ་མེ་ཁམས། །ལྷ་མཚམས་སོགས་དྲུག་ནུབ་ཕྱོགས་ལྕགས། །མོན་གྲེ་སོགས་དྲུག་བྱང་ཆུ་ཁམས། །བྲ་ཉེ་སྐག་དང་ས་ག་དང་། །བྱི་བཞིན་བཞི་ནི་ས་ཡི་ཁམས། །ཟླ་སྐར་དང་ནི་དེ་བཞིན་དུ། །སྤར་མེ་ཞག་སོགས་འཆར་ཤེས་བྱ། །གཟའ་བཞིའི་ཀླུང་ཞེས་བྱ་བ་ནི། །གཟའ་ལ་རྣམ་གྲངས་མཐའ་ཡས་ཀྱང་། །སྙིང་པོ་ཕྱི་ནང་གསང་གསུམ་ལས། །ཕྱི་གཟའ་ལོ་ནི་དྲུག་ཅུ་སྟེ། །ཤིང་ཕུར་མེ་དམར་ས་ལྕགས་སྤེན། །ཆུ་ཁམས་

― LT41_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་པ་དག་ཏུ་འདོད། །ནང་གཟའ་ལི་ཁམ་གཉིས་མིག་དམར། །དྭ་ཟིན་སྤེན་པ་ཁོན་གིན་ཕུར། །ཁེན་ཟོན་ལྷག་པ་ཉིད་ཡིན་ནོ། །བར་གཟའ་སྟག་རྟ་ཁྱི་གསུམ་སྤེན། །བྱི་འབྲུག་སྤྲེལ་གསུམ་མིག་དམར་ཀླུང་། །བྱ་གླང་སྦྲུལ་གསུམ་ཕུར་བུ་སྟེ། །ཕག་ལུག་ཡོས་གསུམ་ལྷག་པའོ། །ལོ་ངན་ལྕགས་བཞི་མེ་བརྒྱད་སོགས། །རྣམ་གྲངས་སྣ་ཚོགས་གཞན་དུ་ཤེས། །སྲོག་དབང་གཅིག་པ་ཁ་ཡན་ལོ། །སྲོག་མར་དབང་གྱུར་ཁོང་ནོང་སྟེ། །སྲོག་བུར་དབང་གྱུར་སེ་ཞིག་ལོ། །སྲོག་གྲོགས་དབང་གྱུར་ཁ་རལ་ལོ། །སྲོག་དགྲར་དབང་གྱུར་མདུན་ཁུར་ཟེར། །བརྩི་བྱའི་ལོ་བདག་ཤེས་བྱས་ནས། །ལོ་གྲངས་ག་ཙམ་སོང་བ་བརྟག །གཅིག་དང་བཅུ་གསུམ་ཉེར་ལྔ་དང་། །སོ་བདུན་ཞེ་དགུ་རེ་གཅིག་དང་། །དོན་གསུམ་གྱ་ལྔ་གོ་བདུན་རྣམས། །རང་ལོའི་སྟེང་ཡིན་དེ་ནས་བརྩི། །བརྩི་བྱའི་དབང་ཐང་ངོས་འཛིན་ནི། །གང་ཤར་གནམ་ལོ་ཕོ་མོ་ཡི། །དབང་ནས་གྱེན་དུ་ལོ་གྲངས་བར། །བཀེན་ནམ་མགྱོགས་པར་བརྩི་འདོད་ན། །གནམ་ལོ་ཕོ་ལོ་ཤར་བའི་ཚེ། །གཅིག་བཅུ་རང་ལ་གཉིས་གསུམ་མ། །བཞི་ལྔ་དགྲ་ལ་དྲུག་བདུན་གྲོགས། །བརྒྱད་དགུ་བུ་རུ་ཤེས་པར་བྱ། །དེ་བཞིན་མོ་ལོ་དྲུག་ཤར་ཚེ། །གཅིག་གཉིས་རང་ལ་གསུམ་བཞི་མ། །ལྔ་དྲུག་དགྲ་ལ་བདུན་བརྒྱད་གྲོགས། །དགུ་བཅུ་བུ་རུ་ཤེས་པར་བྱ། །

― LT41_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་དབང་ཐང་ངོས་ཟིན་ནས། །ཟླ་ཞག་ལོག་མིན་དུས་རྣམས་ཀྱི། །གྲོག་སོགས་སྔར་གྱི་དེ་བཞིན་བརྩི། །བརྩི་བྱའི་སྔར་ཁ་སྐོར་ལུགས་ལ། །མི་འདྲ་མང་དུ་མཆིས་ན་ཡང་། །སྤར་ཁ་ནང་རུས་ཡིན་པའི་ཕྱིར། །ནང་རྩིས་གཙོར་བཏོན་འབྲས་བུ་བརྗོད། །གང་ཟག་སྐྱེས་པ་ལི་ནས་གཡས། །བུད་མེད་ཁམ་ནས་གཡོན་དུ་བསྐོར། །ལོ་རེས་སྤར་ཁ་རེ་ལ་འགྲོ། །རང་ལོར་རང་མདུན་རེས་མོས་འབབ། །མགྱོགས་འདོད་དེ་ཡི་མཚམས་ནས་བསྐོར། །བརྩི་བྱའི་སྨེ་བ་ངོས་འཛིན་ནི། །གནམ་སྨེ་དབུས་བཅུག་སྔར་ལྟར་བཀོད། །ལོ་གྲངས་དུ་ལོན་བར་དུ་བགྲངས། །གར་བབ་ལུས་སྨེའོ་མགྱོགས་འདོད་ན། །བཅུ་མཚམས་བསྒྲེས་ལ་ལྷག་རྐྱང་འདེད། །བྱས་པས་ཇི་བཞིན་རྟོགས་པ་ཡིན། །ཡར་བཞི་སྲོག་སོགས་སྔར་ལྟར་ཏེ། །སྐྱེས་སྨེ་དབུས་བཞག་བཀོད་པ་ན། །སྲོག་ནི་དུས་སྦལ་ཕྲག་གཡོན་ཁུར། །དབང་ཐང་རྐང་པ་གཡས་པར་བརྒྱན། །ལུས་དེ་ལྟོ་བར་བཀབ་ནས་འགྲོ། །དེ་སོགས་ངོས་འཛིན་ཞལ་ལས་ཤོས། །སྨེ་བ་སྐོར་ལུགས་མང་མཆིས་ཀྱང་། །སྨེ་བ་བར་རྩིས་གཙོར་བཏོན་ནས། །སྐོར་ལུགས་དབུས་ནས་ཤར་དུ་སྟོན། །གང་ཟག་ཕོ་མོ་ཇི་ལྟར་རུང་། །ཕོ་ལོ་དབུས་ནས་ཤར་ཐོན་ཏེ། །བྱང་ཤར་མཚམས་ཕྱིན་ཤར་ལྷོ་ནས། །དབུས་འཇུག་མོ་ལོ་གཡས་བསྐོར་ཏེ། །དབུས་ནས་ཤར་ཐོན་ཤར་ལྷོར་འགྲོ། །བྱང་ཤར་ནང་དུ་འཇུག་པར་བྱ། །

― LT41_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་རེས་སྨེ་བ་རེ་ལ་འགྲོ། །མགྱོགས་འདོད་བཅུ་མཚམས་བགྲེས་ཚུལ་དཔྱད། །སྤར་ཁའི་བཟང་བཞི་ངན་བཞི་ན། །གནམ་ནས་ས་བལྟས་ལྕགས་རེ་བསྐོར། །རླུང་གིས་ཤིང་བསྐྱེད་མེས་ཆུ་བསྐོལ། །དེ་དག་གནམ་སྨན་རབ་ཀྱི་རབ། །མེ་སྲོག་ཤིང་འཚོས་སྲོག་རི། །རླུང་གིས་ཆུ་བརྟེན་གནམ་ལུགས་རྙེད། །དེ་ནི་སྲོག་འཚོ་རབ་ཀྱི་འབྲིང་། །མེ་དཔལ་རླུང་བསྐྱེད་ལྕགས་དཔལ་ས། །གནམ་དཔལ་རི་བསྐྱེད་ཤིང་དཔལ་ཆུ། །དཔལ་བསྐྱེད་རབ་ཀྱི་ཐ་མ་ཡིན། །ལི་དྭ་ཁེན་གིན་རང་གི་ཕྱོགས། །ཕྱྭ་ལོན་འབྲིང་གི་རབ་ཏུ་བརྗོད། །ཆུ་ས་གིང་རླུང་རང་ཕྱོགས་སུ། །ཕྱ་མཉམ་འབྲིང་གི་འབྲིང་དུ་བརྗོད། །མེ་རི་རླུང་གནམ་ལྕགས་ཆུ་དང་། །ཤིང་ས་གནོད་པ་འབྲིང་གི་ཐ། །ལྕགས་ལ་མེ་འབར་སར་རླུང་འཚུབས། །གནམ་ལ་ཤིང་སྐྱེས་རིར་ཆུ་འབབ། །འདྲེ་ལྔ་ཐ་མའི་རབ་ཡིན་ནོ། །ལི་དང་ཁོན་འགྲེས་དྭ་དང་ཟིན། །ཁོན་དང་ཁམ་འགྲེས་གིན་དང་ཟོན། །བདུད་གཅོད་ཐ་མའི་འབྲིང་དུ་བརྗོད། །སྨྱོན་མས་འཇོར་ཐོགས་པས་ཆུ་བཅུས། །མ་ཡིས་མེ་བུས་སྒོམ་ཆེན་ཤར། །མཐུ་བ་ལུས་ཆད་ཐ་མའི་ཐ། །ལོག་མིན་སྐོར་འགོ་སོ་སོ་ཡི། །སྐབས་སུ་གསུངས་དང་སྤྱི་ཁྱབ་ཏུ། །ཕོ་ནི་མེ་སྟག་སྟེང་ནས་མཐུར། །མོ་ནི་ཆུ་སྤྲེལ་སྟེང་ནས་གྱེན། །ལོ་གྲངས་གར་ཕྱིན་ལོག་མིན་ནམ། །བརྩི་བྱའི་དབང་གི་བུ་སྟག་ནས། །

― LT41_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་པ་རྣམས་ནི་མཐར་དུ་སྦུབ། །བརྩི་བྱའི་དབང་གི་མ་སྤྲེལ་ནས། །བུད་མེད་གྱེན་དུ་བཀེན་པ་ཡི། །གར་བབས་ལོ་དེར་ལོག་མིན་བརྟག །དེ་ནས་དར་གུད་བཅུ་གཉིས་ནི། །ཤིང་དབུགས་སྤྲེལ་ལ་མེ་དབུགས་ཕག །ས་ཆུ་སྦྲུལ་ལ་ལྕགས་དབུགས་སྟག །འབྱུང་ཁམས་རང་རང་ལོ་དེ་ནས། །དབུགས་རྒྱུ་མངལ་གནས་ལུས་རྫོགས་དང་། །བཙས་པ་ཁྲུས་བྱེད་གོས་གྱོན་དང་། །ལས་བྱེད་དང་བ་རྒུད་པ་དང་། །ན་བ་ཤི་བ་དུར་ཞུགས་ཞེས། །རིམ་པར་གང་བརྩིའི་ལོ་ལ་གཏུགས། །ལོ་ཟླ་ཞག་དུས་སོགས་ལ་སྦྱར། །གཞན་ཡང་རུས་ལྔ་ཆད་ཆེན་སོགས། །ཕ་མའི་རླུང་དང་ལྷ་དཔལ་རྩིས། །བདུན་ཟུར་དགུ་དུད་འདོམས་སྦྲགས་དང་། །སྨེ་བའི་གནམ་སྨན་དཔའ་སྐྱེད་རྩིས། །དུས་ཀྱི་སྤར་སྨེ་ལ་སོགས་པ། །ཚེ་རྩིས་ཀེག་དང་བག་མ་གཤིན། །ནང་རྩིས་ལ་སོགས་སོ་སོ་ཡི། །སྐོར་འགོའི་རང་གཞུང་བཞིན་དུ་ཤེས། །དེ་རྣམས་མ་བུ་དགྲ་གྲོགས་ནི། །ཤིང་མེ་ས་ལྕགས་ཆུ་ལྔ་པོ། །ཡར་དེད་མ་ལ་མར་དེད་བུ། །ཨ་ཕྱི་དགྲ་ལ་ཚ་བོ་གྲོགས། །བརྩེ་བྱ་དང་ནི་དེའི་འཐད་ཟླ། །ཕན་ཚུན་གོ་མ་ལོག་པར་འཐབ། །དཔེར་ན་གནམ་ལོ་བྱི་བ་ལ། །བརྩི་བྱ་སྟག་ལོ་སྲོག་མར་འཕྲད། །དེ་ལྟར་སྦྱར་ལ་བརྩི་བར་བྱ། །མ་དང་འཕྲད་ན་རྡེལ་དཀར་གཉིས། །གྲོགས་ལ་དཀར་གཅིག་དགྲར་ནག་གཉིས། །བུ་ལ་ནག་གཅིག་ནང་འཕྲད་ཁྲ། །ཡང་ན་

― LT41_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལ་དཀར་པོ་གསུམ། །གྲོགས་གཉིས་ས་ཆུ་ནང་འཕྲད་གཅིག །ལ་སོགས་གཞུང་ནས་བཤད་ལྟར་བསྒྲིག །དར་གུད་གོས་སོགས་གསུམ་དཀར་གཉིས། །ཁྲུས་སོགས་གཅིག་ལ་རྒུད་སོགས་གསུམ། །ནག་གཉིས་ལྷག་གསུམ་གཅིག་བྱའམ། །དཀར་གསུམ་བྱེད་སོགས་གཞུང་ལྟར་བྱ། །སྲོག་ལ་སྲོག་སོགས་གནས་མཚུངས་འཐབ། ཁ་དམར་རྡེའུ་བཞག་དུས་སུ། །དཀར་པོ་གསུམ་ཡོད་མ་ཕྲད་ཀྱང་། །གསུམ་ལ་མི་བརྩི་དཀར་པོ་གཅིག །དེ་མཚུངས་གནས་དེ་དཀར་ནག་ལས། །རྡེའུའི་རང་གྲངས་བརྩི་མི་དགོས། །སྲོག་སོགས་རྡེལ་ཕྲེང་གནས་དུ་ཡོད། །ཐམས་ཅད་ཁ་དམར་གསུམ་ལ་བསྡུ། །སྤྱིར་བཏང་རྡེའུ་དཀར་ནག་གྲངས། །གང་མང་སྟོབས་ཆེ་ཉིད་དུ་ཤེས། །དེ་ལྟར་མདོར་ན་བརྩི་བྱ་ཡི། །ལོ་སྤར་སྨེ་བ་རུས་ཁམས་དང་། །ཕྲན་སྐྱེ་དུས་གཟའ་ཚེས་སོགས། །དགོས་ཀྱང་ཡོངས་གྲགས་ལོ་སོགས་དེའོ། །དེ་ལ་འཐབ་ཟླ་ལོ་སྤར་སྨེ། །ལོག་མིན་ཟླ་ཞག་དུས་གཟའ་སྐར། །དགུ་པོ་འདི་དག་གཙོ་བོ་ཡིན། །དེ་ཡང་ལོ་ནི་གནམ་ལོ་སྟེ། །དེ་ཡི་སྲོག་ལ་སོགས་པ་དང་། །བརྩི་བྱའི་སྲོག་ལ་སོགས་པ་སྤྲད། །གང་གང་འཕྲད་པའི་རྡེའུ་བཞག །སྤར་ཁ་ལ་ནི་འཐབ་ལུགས་གསུམ། །གང་བབ་སྤར་ཁ་རྐྱང་པ་དེས། །བརྩི་བྱའི་སྲོག་སོགས་འཐབ་པ་དང་། །ཡང་ན་ལི་ནི་མེ་སྦྲུལ་ཏེ། །

― LT41_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

བོན་ནི་ས་ལུག་དྭ་ལྕགས་སྤྲེལ། །ཁེན་ནི་ས་ཁྱི་ཁ་ཆུ་ཕ་གྲ །གིང་ནི་ས་གླང་ཟིན་ཤང་སྟག །ཟོན་ནི་ས་འབྲུག་བྱས་ཏེ་འཐབ། །ཡང་ན་མཚམས་བཞི་སྔར་ལྟར་ལ། །ཕྱོགས་བཞིར་དཔེར་ན་ལི་ལ་ནི། །ཕོ་ནི་མེ་རྟ་མོ་མེ་སྦྲུལ། །དེས་མཚོན་བརྩི་བྱ་ཕོ་མོ་ལ། །ལོ་ཡང་དེ་ལྟར་སྦྱར་བར་བྱ། །ཡང་ན་མན་ངག་དག་གི་ལུགས། །སྦར་ཁའི་སྲོག་ལུས་དབང་ཐང་དང་། །ཀླུང་རྟ་བླ་གཟའ་ལྔ་པོ་ནི། །སྲོག་རང་ལུས་དགྲ་དབང་ཐང་མ། །ཀླུང་རྟ་བུ་ལ་བླ་གཟའ་གྲོགས། །དེ་གསུམ་གང་རིགས་བྱ་དགོས་པས། །འདི་ལྟར་བྱ་བ་རང་གཞུང་གེ། །དམིགས་གསལ་ཡོད་དམ་མེད་པ་ལ། །དེར་སང་ཡོངས་སུ་གྲགས་པ་ནི། །བར་མ་དེ་ཡེ་དང་པོའོ། །སྨེ་པ་ལ་ཡང་ལུགས་གསུམ་ཏེ། །བརྩི་བྱའི་སྲོག་སོགས་སྨེ་བ་ལ། །དེ་མཚུངས་གནམ་ལོའི་སྨེ་བས་དང་། །སྲོག་སོགས་སྨེ་རང་འཕུར་སྨེ་ལ། །འཐབ་དང་བརྩི་བྱ་གནམ་ལོའི་སྨེའི། །སྲོག་སོགས་མན་ངག་ལྟར་བྱས་པས། །འཐབ་པ་དང་ནི་གསུམ་ཡིན་ཏེ། །དེ་ལ་མན་ངག་ལུགས་ལ་ནི། །སྨེ་བའི་སྲོག་ལུས་དབང་ཐང་དང་། །ཀླུང་རྟ་བླ་གཟའ་ལྔ་པོ་ནི། །སྲོག་རང་ལུས་མ་དབང་ཐང་བུ། །ཀླུང་རྟ་གྲོགས་ལ་བླ་གཟའ་དགྲ། །དེང་སང་ཡོངས་གྲགས་སྲོག་སོགས་ཀྱི། །སྨེ་བ་རང་རང་འཕུར་སྨེ་ཡིས། །འཐབ་པ་འདི་ཉིད་གཙོ་བོ་ཡིན། །དམིགས་བསལ་བཤད་ན་དེ་ལྟར་བྱ། །ལོག་མིན་ལ་ཡང་ལུགས་

― LT41_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པོ། །སྔར་ལྟར་ཡོངས་གྲགས་ཕྱི་མར་བྱེད། །བླ་ཞག་དུས་ཁམས་སྔར་ལྟར་ལ། །མི་འདྲ་གསར་འགྱུར་གསེར་རྩིས་ལུགས། །ཤིང་ཕོ་ས་མོའི་གནམ་ལོ་ལ། །ཟླ་བ་དང་པོ་མེ་ཕོ་སྟག །ཤིང་མོ་ལྕགས་ཕོར་ས་ཕོ་སྟག །མེ་ཕོ་ལྕགས་མོར་ལྕགས་ཕོ་སྟེ། །ས་ཕོ་ཆུ་མོར་ཤིང་ཕོར་བཟུང་། །མེ་མོ་ཆུ་ཕོར་ཆུ་ཡི་སྟག །ཕོ་མོ་གཉིས་གཉིས་སྦྲགས་འདེད་དེ། །གསུམ་པ་མན་ཆད་བུ་དེད་ཡིན། །ཞག་ནི་གསེར་རྩིས་རང་རྐང་བྱ། །དུས་སྡོང་ཉི་དབང་གཞིར་བཞག་ལ། །ཤིང་ཕོ་ས་མོར་ཤིང་བྱི་དང་། །ཤིང་མོ་ལྕགས་ཕོར་མེ་བྱི་སྟེ། །མེ་ཕོ་ལྕགས་མོར་ས་ཕོ་བྱི། །ས་ཕོ་ཆུ་མོར་ཆུ་ཕྱིར་བཞེད། །མེ་མོ་ཆུ་ཕོར་ལྕགས་བྱིའོ། །དེ་ཡང་གཉིས་གཉིས་སྦྲགས་བུ་དེད། །ཞིབ་པར་གསེར་རྩིས་རི་མོས་ཤེས། །ལོ་ཟླ་ཞག་དུས་སྨེ་བ་ཡང་། །འདི་ཡི་རིང་ལུགས་བཞིན་ཏུ་བྱོས། །དར་གུད་ཅུང་ཟད་འདྲ་མིན་ཁྱད། །ལ་སོགས་རང་གི་གཞུང་ལྟར་ཤེས། །ཟླ་བ་ལོ་འགོ་བཞེད་ལུགས་ལ། །མི་འདྲ་གསུམ་དུ་བྱུང་བ་ཡང་། །རང་རང་སོ་སོའི་གཞུང་ལྟར་བྱ། །རང་འདོད་ལོ་མགོ་གང་ཡིན་ཟླ། །སྟག་ནས་བཟུང་ལ་བཅུ་གཉིས་རིམ། །ཞག་ནི་ཟླ་བ་དེ་དག་གི། །ཚེས་གཅིག་ནས་བཟུང་སྟོང་གི་བར། །དུས་ཚོད་ས་ཡི་ཡན་ལག་ནི། །བཅུ་གཉིས་ཉི་མ་མཉམ་པའི་དུས། །ནམ་ལངས་ཡོས་བུ་ནས་བཟུང་སྟེ། །དུས་ཀུན་

― LT41_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

གུང་གཉིས་བྱི་རྟ་གཉིས། །ཆུ་ཚོད་ལྔ་དེ་དུས་རེས་ཐོབ། །འདི་ལ་དོན་གྱིས་མི་འདྲ་མེད། །གཟའ་ནི་ནག་རྩིས་རང་ལུགས་སམ། །ཉིན་ཞག་གྲུབ་པའི་རེས་གཟར་སྦྱར། །བརྩི་བྱའི་སྲོག་ལ་སོགས་པ་ལ། །གཟའ་ཁམས་རྐྱང་པས་འཐབ་པར་བྱ། །ཡང་ན་ཕུར་བུ་ཤིང་སྟག་སོགས། །གཟའ་སྐར་ལོ་དང་སྦྱར་བ་ཡོད། །སྐར་མ་ནག་རྩས་སམ་གྱོ་ཁང་། །ཞིབ་པར་རཱི་ཐུའི་སྐར་མ་ཡིས། །རང་ཁམས་རྐྱང་པས་བརྩི་བྱར་འཐབ། །དེ་དག་རྣམས་ལ་སྤྱིར་འགྲོ་བ། །སྲོག་ལ་སོགས་པའི་དར་གུད་ནི། །ལོ་སོགས་གང་དང་གང་ཡིན་ལ། །གཏུགས་པའི་དར་གུད་བཅུ་གཉིས་ཡོད། །དེ་ལྟར་མ་ནོར་རིག་པས་དཔྱད། །ཀུན་རྫོབ་རྟེན་འབྱུང་བསླུ་མེད་དངོས། །བཅུ་གཉིས་རྟེན་འབྲེལ་ལོ་སོགས་ཏེ། །ནམ་ཤེས་ཚོགས་བརྒྱད་སྤར་ཁའི་ལྷ། །བུ་ག་དགུ་ཡི་སྨེ་བ་དང་། །འབྱུང་ཝའི་ཡོན་ཏན་རྒྱལ་པོ་ནི། །ཐབས་ཀྱི་རང་བཞིན་གཟའ་མཆོག་དགུ། །ཤེས་རབ་ཉེར་བརྒྱད་རྒྱུ་སྐར་མོ། །ཇི་སྙེད་ལས་ལ་དབང་བ་ཡི། །དྲེགས་ལྡན་གནས་རྒྱུ་རྣམ་པར་བརྟག །ཀུན་ཀྱང་འབྱུང་ལྡང་བདུས་པའི་ཕྱིར། །འབྱུང་ལྔའི་མཐའ་ལ་རྣམ་པར་དཔྱད། །བརྩི་བྱ་དང་ནི་འཐབ་ཟླ་ལས། །སྐྱེ་དགུའི་བདེ་དོགས་མདོར་བསྡུས་པ། །སྲོག་ནི་ཚེ་དང་ལུས་ནད་སོགས། །དབང་ཐང་ནོར་དང་བུ་སྐལ་དང་། །ཀླུང་ནི་བྱ་བའི་ལམ་འགྲོ་སོགས། །བརྟག་པའི་གཞིར་བཟུང་རིག་པས་དཔྱད། །མང་པོར་སྤྲོས་ལ་

― LT41_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་གི། ཁ་དམར་གནད་ཀྱི་འགགས་སུ་དྲིལ། །སྔོན་དུ་ལེགས་པར་བརྟགས་ནས་སུ། ཁ་དམར་ཐེ་བྱ་ཚང་འཇུག་ལྟར། །ཡོ་འཕྱུགས་མེད་པའི་གནད་ཤེས་ན། །ཀུན་ལ་ཕན་པ་ཚད་མེད་འབྱུང་། །སྦོར་ཐང་རྩིས་ཀྱི་གཙུག་ལག་གི། །སྤྱི་ཁྱབ་སྔོན་འགྲོ་འདི་བྲིས་པའི། །དགེ་བས་མཐའ་ཡས་འགྲོ་བ་ཀུན། །རྟེན་འབྲེལ་དེ་ཉིད་རིག་པར་ཤོག །འདི་ཉིད་འཛིན་འཆང་སྦྱང་བ་རྣམས། །ཆོས་ཤེས་བཀྲ་ཤིས་བཀྲ་ཤིས་འབྱུང་། །བཀྲ་ཤིས་ཀུན་གྱི་བཀྲ་ཤིས་པ། །དོན་གྲུབ་བསམ་པ་གྲུབ་པར་ཤོག །ཅེས་པ་འདི་ནི་རང་ལོ་ཉེར་གསུམ་པས་འབྲུག་ལོའི་སྨིན་ཟླའི་ཚེས་བཅུ་དགུར་མི་ཕམ་རྒྱ་མཚོ་ཞེས་བྱ་བས་མོ་ཧོར་དགོན་གྱི་རི་ཁྲོད་དུ་ཤར་མར་བྲིས་པ་ལ་ཕྱིས་སུ་ས་གླང་གི་ལོར་ཅུང་ཟད་བཅོས་བསྣན་བགྱིས་ཏེ་ལེགས་པར་གྲུབ་པ་དགེའོ། །སྔོན་འགྲོ་འདི་རྩིས་ལ་སྦྱང་འདོད་རྣམས་ཀྱིས་ཐོག་མར་བྱང་ཆུབ་པ་གལ་ཆེའོ། །མངྒ་ལཾ།། །།དཔལ་སྤུངས་སུ་སྤར་དུ་བསྒྲུབས་པ་དགེ་ལེགས་འཕེལ།། །།

ཟླ་བ་སྒྲ་གཅན་ལ་འཇུག་པའི་གཏམ་དྭངས་ཤེལ་མེ་ལོང་།

― LT41_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་སྒྲ་གཅན་ལ་འཇུག་པའི་གཏམ་དྭངས་ཤེལ་མེ་ལོང་ཞེས་བྱ་བ། འགྱུར་མེད་སྟོང་ཆེན་ཐིག་ལེ་རུ། །སྣང་བ་དཀར་དམར་རྣམ་དག་པས། །སྲིད་ཞི་བདེ་བ་ཆེན་པོར་བསྡོམས། །བླ་མ་དུས་ཀྱི་འཁོར་ལོར་འདུད། །ཇི་ལྟར་ཀཱ་ཤི་མདངས་དགའི་ཁྱིམ། །མར་མའི་ཟེར་གྱིས་སྣང་བ་ཡིས། །ཕྱི་རོལ་དག་ཀྱང་སྣང་བྱེད་པ། །ཕྱི་ན་གནས་མིན་ནང་ན་མིན། །དེ་བཞིན་བར་དུའང་མི་གནས་པ། །རྒྱུ་རྐྱེན་རྟེན་ཅིང་འབྲེལ་འབྱུང་ཚུལ། །ཀུན་རྫོབ་ཡང་དག་མིན་རྟོག་པར། །འཁྲུལ་པའི་གཞན་དབང་མང་བར་ཟད། །འོན་ཀྱང་གཤིས་ཀྱི་དག་པ་ལ། །ཡོན་ཏན་འཁོར་ལོའང་ཟུང་འཇུག་པས། །རང་བཞིན་རྡོ་རྗེའི་གནས་སྣང་ཉིད། །ཐིག་རླུང་རྩ་ཡི་འདུ་འཕྲོ་ལས། །དག་བྱ་དག་བྱེད་དག་འབྲས་བུ། །ཕྱི་ནང་གཞན་དང་གསུམ་འབྲེལ་བས། །བདེན་མིན་རྫུན་མིན་ཤེས་བྱ་ཡི། །མཚན་གཞི་མཚན་ཉིད་འབྱམས་ཀླས་ཕྱིར། །ཆགས་སྟོང་ཟད་དང་འཕེལ་བ་ཡི། །དུས་གསུམ་ཚང་བའི་དཀར་ནག་ཚིག །སྟོང་ཆེན་མུན་པའི་མཚམས་ཞུགས་པས། །གོ་ལའི་དོགས་སུ་ཆུ་ཤེལ་གྱི། །དཀྱིལ་འཁོར་ལ་བསྟེན་བསིལ་བའི་ཟེར། །འབད་ནས་སྤྲོ་བ་ནམ་མཁའི་ནོར། །བསོད་ནམས་ལྡན་པའི་སྒྲ་གཅན་གཟས། །མུན་རུག་ནས་བཟུང་ཆུ་ཚོད་གྲངས། །དུས་དང་

― LT41_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲིག་པ་འདས་པའི་མཚམས། །ཐུན་གསུམ་ཐ་མ་ཐོ་རེངས་སུ། །ཤར་དང་ཉེ་བའི་ཕྱོགས་དག་ནས། །དབྱུ་གུ་གཟུགས་དང་བསེ་རུའི་ཡུན། །དཀྱིལ་འཁོར་རིལ་པོ་བཟུང་ནས་བསྒྲིབ། །ཐོག་མཐར་དུད་ཀ་བར་དུ་ནི། །ཟངས་ཁོག་ལྟ་བུའི་མདོག་ཏུ་འགྱུར། །སྡང་བས་ཐོས་པའི་མི་སྡུག་ལུས། །མ་སོས་པར་ཡང་གཞན་ཏུ་འགྲོ། །དེ་ཚེ་དགེ་སྡིག་གང་བྱས་ཀྱང་། །བྱེ་བ་བདུན་ཏུ་འགྱུར་གསུངས་ཕྱིར། །སྡིག་པ་བཀྲུ་དང་བསོད་ནམས་སྤེལ། །བྱང་ཆུབ་སེམས་ལ་བློ་སྦྱངས་ཞིང་། །རིམ་པ་གཉིས་ལ་རབ་ཞུགས་པའི། །ཕྱི་ནང་གསང་བའི་རྣལ་འབྱོར་གྱིས། །སྦྱིན་སྲེག་བཅུད་ལེན་སྨན་སྦྱོར་བྱ། །ཁྱད་པར་སྤྲོས་མེད་རྡོར་བཟླས་དང་། །ནང་གི་ཚུལ་ལ་མཉམ་པར་འཇོག། འབྲུ་བཅུད་རྒྱས་ཤིང་ཆོས་དང་ནོར། །འཕེལ་སོགས་མཚན་ལྟས་བཟང་བར་བཤད། །དགེ་བར་གྱུར་ཅིག་རྣམ་དཀར་གྱི། །བྱ་བས་འཇིག་རྟེན་ཕ་རོལ་ཏེ། །རྩོད་པས་རྣམ་པར་ཉམས་པའི་མུན། །རྫོགས་ལྡན་སྣང་བ་གསར་བས་སོ། །འདི་ལྟར་བརྗོད་ལས་བྱུང་བའི་དགེས། །བརྗོད་མེད་དེ་ཉིད་རབ་རྟོགས་ནས། །མཐའ་ཡས་འགྲོ་ཀུན་རྣམ་མཁྱེན་གྱི། །གོ་འཕང་བདེ་བླག་ཐོབ་གྱུར་ཅིག །ཅེས་པའང་ལྔ་རིག་སྨྲ་བའི་བཙུན་པ་ཡོན་ཏན་རྒྱ་མཚོས་སྤེལ་བ་སརྦ་མངྒ་ལཾ།། །།

ཉི་མ་སྒྲ་གཅན་ལ་འཇུག་པའི་གཏམ་ནོར་བུའི་མེ་ལོང་།

― LT41_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མ་སྒྲ་གཅན་ལ་འཇུག་པའི་གཏམ་ནོར་བུའི་མེ་ལོང་ཞེས་བྱ་བ། ཨ་ཧོ། མཆོག་མི་འགྱུར་བདེ་བ་ཆེན་པོའི་སྐུ། །དོན་སྟོང་གཟུགས་ཕྱག་རྒྱ་ཆེན་མོར་རོལ། །དེ་གཉིས་མེད་ཡེ་ཤེས་མཆོག་གི་དངོས། །དཔལ་དྲན་ཆོག་དྭངས་མའི་མགོན་པོར་འདུད། །ཡེ་གདོད་ནས་གྲོལ་བའི་དེ་བཞིན་གཤེགས། །མ་སེམས་ཅན་ཡོངས་ཀྱི་སྙིང་དབུས་སུ། །དྲི་བྲལ་དུ་སྣང་ཡང་ལོག་རྟོག་གིས། །སྣང་ཚུལ་ཀུན་བརྗོད་པ་སུ་ཡིས་ནུས། །ཕྱི་བརྟན་གཡོ་སྣོད་ཀྱི་གནས་སྐབས་གསུམ། །ནང་རྡོ་རྗེ་ལུས་ཀྱི་གནས་ལུགས་དང་། །གཞན་རབ་འབྱམས་དཀྱིལ་འཁོར་འཁོར་དང་བཅས། །དོན་ཅིག་ཏུ་སྦྱོར་བའི་ཚུལ་ངེས་པས། །རྩ་རོ་རྐྱང་རྒྱུ་བ་དྷུ་ཏི་ཆེར། །ཞུག་པ་ན་རྡོ་རྗེའི་རྣལ་འབྱོར་ཅན། །མི་ཤིག་པའི་མཁའ་ཁྱབ་རྡོ་རྗེ་འཆང་། །སྤྲོས་བྲལ་གྱི་དགའ་བ་ཅིར་ཡང་རྒྱས། །བསྲེགས་བཞུ་ཡི་ལམ་ལས་འཕོ་བྲལ་གྱི། །བདེ་ཆེན་ལ་སྤྱོད་པའི་ལྷན་སྐྱེས་ཉིད། །གཏི་མུག་ཅན་ཕྱུག་ཀྱི་ག་ལ་ཤེས། །དེ་ཕྱི་རུ་སྤྱི་མཐུན་སྣང་ཚུལ་དེར། །རྟ་བདུན་ཅན་མཁའ་ལ་རྒྱུ་བ་ན། །སྒྲ་གཅན་གྱིས་བཟུང་བའི་རྣམ་པར་མཐོང་། །ཀུ་ཧུ་ལ་སྤྲེལ་གྱི་དུས་དང་པོར། །ནུབ་ཕྱོགས་ནས་བརྩམས་ཏེ་སུམ་ཆ་ཙམ། །སྔོ་ནག་ཏུ་འགྱུར་ཡུན་དབྱུ་གུ་གསུམ། །དེ་ལྷ་ཡི་ལེགས་

― LT41_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་བཅོས་ཐབས་སོགས། །སྤྲོས་པ་ན་སྤྲོས་ཆོག་ཉིད་ན་ཡང་། །ལག་ལེན་ཏུ་མི་བསྐལ་དེས་ཅི་བྱ། །སྐབས་དེ་རུ་དགེ་ལས་འབད་པའི་འགྱུར། །བྱེ་བ་ནི་འབུམ་ཕྲག་ཡོད་གསུངས་ཕྱིར། །མཉམ་བཞག་དང་བསྒོམ་བཟླས་ཁ་ཏོན་སོགས། །གང་འོས་ལ་འབད་པ་ཅི་ནས་ཞུ། །རྟག་ཆད་ལྟར་མ་གྱུར་བསྐྱེད་རིམ་དང་། །སྣང་རྟག་ལྟར་མི་གོལ་རྫོགས་རིམ་སྟེ། །དོན་དབྱེར་མེད་བདེ་ཆེན་རྡོ་རྗེའི་ལམ། །མ་འགྲོ་དྲུག་འཇུག་ཕྱིར་བསྔོ་བར་བགྱི། ཨི་ཏི་གརྨ་བཱ་གི་ཤྭ་གུ་་ས་ག་རེ་་ཀྲྀ་ཏི་མངྒ་ལཾ།། །།

རབ་ཡིད་ཤིང་མོ་སྦྲུལ་ལོའི་ལྀ་ཐུའུ་འགོ་བརྗོད་ཀོ་ཀི་ལའི་དབྱངས་སྙན།

― LT41_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཡིད་ཤིང་མོ་སྦྲུལ་ལོའི་ལྀ་ཐུའུ་འགོ་བརྗོད་ཀོ་ཀི་ལའི་དབྱངས་སྙན་ཞེས་བྱ་བ་བཞུགས་སོ། །

― LT41_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྭཱསཱབནྡྷཧམཿ སྠི་རཱཙལཽ། བྷཱབཱབྷཱབམཧཱསུཁེཤུདྷཿ ཕལྱཾབསྟུབིབྷུསྶམཾཡུཛཻ། རཱདིརྦུདྡྷགུ་རུཾཤིརོཛཡེ་ཏྲ། སྡེབ་སྦྱོར་དག་པའི་སྣང་བའོ། བརྟན་དང་གཡོ་བའི་དུས་སྦྱོར་དབུ་མར་བཅིངས། །དངོས་དང་དངོས་མེད་བདེ་བ་ཆེན་པོར་དག །གཞི་དང་འབྲས་བུ་ཁྱབ་བདག་མཉམ་པར་སྦྱོར། །དང་པོའི་སངས་རྒྱས་བླ་མ་གཙུག་ན་རྒྱལ། །གཟུགས་དང་སྡུག་བསྔལ་འདུ་ཤེས་འཕེལ་བ་དང་། །གཉིད་སོགས་ཤེས་པ་མིན་པའི་དངོས་ཉམས་པས། ཁམས་དྲུག་བདག་ཉིད་དཀྱིལ་འཁོར་རྣམ་པ་ཅན། །སྐུ་ཡི་རྡོ་རྗེ་རྡུལ་དང་བྲལ་དེར་འདུད། །དབྱེ་བ་ལྔས་བཅིངས་གྲི་གུག་ལ་སོགས་རིགས། །ཡུལ་དང་ཡོན་ཏན་རང་བཞིན་གཞོམ་མེད་དབྱངས། །ལམ་གསུམ་དགའ་བ་འགགས་པ་གསུང་རྡོ་རྗེ། །སྤྲུལ་པ་བཞི་ཡི་ཆ་ལྡན་དེ་ལ་འདུད། །མཁྲིས་པ་ཉི་མ་བད་ཀན་རི་བོང་ཅན། །རྩ་ཡི་ཆུ་སྐྱེས་བདུད་རྩིའི་གནས་ཀྱི་ཆར། །སྲིད་པ་གསུམ་ཟོས་མུན་ཅན་རྣམ་མེད་ཀྱང་། །རྣམ་པ་ཀུན་ལྡན་ཐུགས་ཀྱི་རྡོ་རྗེར་འདུད། །ཕྱག་རྒྱ་སྒྱུ་མའི་རྗེས་མཐུན་དུ་མའི་གཟུགས། །དྲི་མེད་གློག་མཚུངས་སྣང་བྱེད་གཅིག་པུ་ཉིད། །སེམས་ཀྱི་རང་བཞིན་སེམས་ཀྱིས་འཁྱུད་གྱུར་པ། །ཡེ་ཤེས་རྡོ་རྗེ་འགྱུར་བ་མེད་དེར་འདུད། །མཆོག་

― LT41_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གཞན་ཏེ་རྡོ་རྗེའི་ཁང་པའི་སྒོར། །ཐུབ་པའི་ཚོགས་དང་ད་ལས་གཞན་པར་ཡང་། །འཇིག་རྟེན་ལས་འདས་མཆོག་གི་དབང་སྦྱིན་པ། །བྱང་སེམས་འཇམ་པའི་དཔལ་སོགས་སྤྱི་བོས་བཏུད། །མི་འགྱུར་བདེ་བས་ལུས་ཕུག་པ་ཡི་སྲོག །རྡོ་རྗེར་རབ་ཞུགས་ཡེ་ཤེས་མེ་བོ་ཆེས། །སྣང་མཛད་དུས་ཞབས་རྭ་འབྲོ་རང་བྱུང་ཞབས། །མཚུར་འཇམ་ཆོས་ཀྱི་སྤྱན་ལྡན་ལ་སོགས་བསྔགས། །མིང་དང་མིང་ཅན་ལས་འདས་ཡི་གེ་ཡང་། །རིགས་ཀྱི་ཁུངས་བརྡོལ་མི་འགྱུར་གནས་ཐོབ་པ། །ཀུན་མཁྱེན་ཉི་མས་ཤེས་དང་ཤེས་བྱའི་ལམ། །རབ་གསལ་ཆོས་ཀྱི་སྣང་བར་ཕྱག་བགྱིའོ། །གང་གསུང་ལས་སྐྱེས་གྲགས་པའི་རི་མོ་ཅན། །རིག་པའི་འཁྲུལ་འཁོར་ཆེན་པོས་མི་རིགས་པའི། །གྲུབ་མཐའ་སུན་འབྱིན་ཚད་མའི་ཚིག་བརྩམས་པ། །ངེས་ལེགས་མཚན་ཅན་སོགས་ལའང་གུས་བཏུད་ནས། །ཆོ་ག་བཞིན་ཏུ་སེམས་ལ་འབྲས་སྟེར་ཞི་བའི་གཟུགས། །སྡུག་བསྔལ་རྣམ་པ་བདེ་བའི་རང་བཞིན་བརྙན་པོ་ལྟར། །ཐུང་ངུ་རིང་པོའི་ཡོན་ཏན་ཆ་ལྡན་ཆོས་སོགས་ཀྱི། །བཟང་ངན་སྟོབས་གསལ་རྩིས་ཀྱི་བྱང་བུ་འདིར་དགོད་བྱ། ༈དེ་ཡང་སྙིང་རྗེའི་གཞན་དབང་གིས། །རྒྱུ་སྐར་རྣམས་ལས་ཟླ་བ་ལྟར།

― LT41_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོད་ལྡན་གདུལ་བྱ་འདུལ་བ་ལ། །འདྲེན་པ་སྟོང་གིས་མི་བཀྲུན་པ། །པདྨའི་སྤྱན་ཡངས་ཤཱཀྱའི་ཏོག །བལྟམས་ནས་གཟུགས་མཁའ་ཀླུ་ལག་འདས། །སྒྲིབ་གསུམ་རྩད་བཅད་མངོན་བྱང་ཆུབ། །འཇིག་རྟེན་འདྲེན་པས་ཆོས་བསྟན་ཏེ། །སྟོང་ཕྲག་བཅུ་གཉིས་རྡོ་རྗེའི་ཚིག །རྗེས་བཞག་མྱ་ངན་ལས་འདས་པའི། །བགྲང་བྱ་མིག་ལག་འཁོར་ལོ་བརྒལ། །རྒྱལ་ཚབས་རིགས་སྔགས་འཆང་ཆེན་པོའི། །སྒྱུ་འཕྲུལ་རོལ་པས་འོད་མཐའ་ཡས། །མཚོ་དབུས་པདྨའི་སྡོང་བུ་ལས། །འཁྲུངས་ནས་བུག་མཁའ་འཁོར་ལོའོ། །རྡོ་རྗེའི་རིགས་ལྡན་འཇམ་པའི་དཔལ། །ས་སྐྱོང་རྫུ་ལ་ཞུགས་པ་དེས། །ཕྲེང་བ་འཛིན་པའི་སྡེབ་སྦྱོར་གྱིས། །རྒྱུད་ཆེན་བསྡུས་ནས་གཟུགས་མིག་མཁའ། །ཟུལ་ཐལ་དེ་སྲས་སྤྲུལ་པའི་སྐུ། །ཆུ་སྐྱེས་འཛིན་པས་དྲི་མེད་འོད། །སྣང་བྱས་བསེ་རུ་འཁྲིག་སྐྱོན་སོང་། །མེ་མཁའ་རྒྱ་མཚོ་ཚུགས་ནས་ནི། །ཟླ་ཟུང་ཉི་མའོ་གྲུབ་བརྒྱའི་མེས། །རྒྱལ་བས་ལུང་བསྟན་འཚོ་བྱེད་ཞབས། །སྲིད་ཞིའི་དཔལ་འབར་དུས་མཚམས་རི། །རབ་བྱུང་ཚུགས་ནས་སྐྱོན་ཀླུ་བརྒལ། །རང་བྱུང་ཐམས་ཅད་མཁྱེན་དེ་ཡིས། །རྩིས་གཞུང་བརྩམས་ནས་རྒྱུ་སྐར་མདའ། །སྐྱེས་སྦྱངས་བློ་གྲོས་ས་སྟེང་ན། །ཟླ་བྲལ་དོན་གྲུབ་འོད་ཟེར་གྱིས། །

― LT41_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་མཐའི་རྩིས་བརྩམས་རི་དང་པོ། །འཇམ་པའི་རྡོ་རྗེ་མི་ཟོལ་གྱིས། །དམུས་ལོང་རྣམས་ལ་མིག་སྦྱིན་པ། །བསྟན་པའི་ཉིན་བྱེད་ཤར་ནས་ལོ། །ཐུབ་པ་ཡིད་སོང་མཁས་མང་གི། །ཁྱུ་མཆོག་རྗེ་དབོན་ཀརྨ་ཡིས། །རྩིས་གཞུང་སྤེལ་ནས་མེ་དྲག་འདས། །ལྷས་བསྟན་སེངྒེའི་ཁྲི་ཆེན་པོར། །རྣམ་པར་གནོན་པས་རྒྱུད་ཀྱི་རྒྱལ། །ལེགས་གསུངས་བགྲང་བྱ་ཉེར་གཅིག་དང་། །གནམ་བརྐོས་ཏཱ་ཚིན་ཏའོ་ཀོང་ཆེ། །ཁྲིར་བཞུགས་དེ་ཉིད་བརྒལ་བའི་ལོ། ༈འཕགས་ཡུལ་ལྷོ་ན་དགའ་བ་དང་། །ཤར་བས་སྣ་ཚོགས་དབྱིག་ཏུ་འབོད། །མ་ཧཱ་ཙི་ནར་ཡི་ཟི་ཞེས། །ཁོང་ནོང་ལྷ་ཡི་བླ་མའི་ཀླུང་། །འབྱུང་བ་སུམ་ལྡན་ཤིང་མོ་སྦྲུལ། །བཞིན་རས་མཚམས་སྤྲིན་གསར་པའི་དཔལ། །སིནྡྷཱ་བཱ་རའི་ཐོད་ཀྱིས་དཀྲིས། །མ་རྒད་བཞུས་པའི་རལ་གུ་ཡང་། །གནམ་སྔོན་དུམ་བུར་གྱུར་པས་བསྡོམས། །ཕོ་བྲང་དབུས་ན་མིག་སྨན་གྱི། །ཁུ་བས་བཀུས་པའི་གདན་ལ་རོལ། །དེ་འབྲས་ལོ་བཤད་རིགས་མང་པོར། །ལོ་ཁོག་འབྲིང་ཞིང་སྐྱེ་བོ་བདེ། །ནད་དང་འཐབ་རྩོད་ཅུང་ཟད་དཀོན། །ནམ་སྟོད་ཐན་ལ་ནམ་སྨད་ཞོད། །གྲོ་ནས་འབྲིང་དུ་སྨིན་ཞེས་བཤད། །ཁྱད་པར་སྦོར་ཐང་གསེར་གྱི་རྩིས། །ས་གླང་དཔྱད་ལས་ར་བ་བཞིར། །

― LT41_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་དང་རྩྭ་ཤིང་སྐྱེ་ཕུལ་ཆེ། །གྲོང་ཁྱེར་མེས་གཞོམ་བར་ཁམས་བཙའ། །འབྲིང་པོ་བཞི་ལ་ཞོད་དཀོན་ཙམ། །ཡུལ་སྤྱིར་སད་སེར་ཤི་ཆད་མང་། །བཞོན་མང་ལོ་ཏོག་བུངས་ཆེན་སྐྱེ། །ཕྱུགས་དང་རྒན་བདེ་གཞོན་བྱིས་རྩུབ། །མི་ཀག་ཕྱུགས་ལ་ཡོ་བར་སྲིད། །མྱ་ངན་དང་ནི་ནང་འཐབ་འབྱུང་། །ཆར་ཆེ་སྐྱེ་དགུ་བྲེལ་ཟིང་འཚུབ། །ཟོང་དང་དགྲ་ཟླའང་འབྲིང་དུ་འགྱུར། །སོས་འབུད་ཅུང་ཕྱི་སྟོན་མཇུག་རིང་། །གྲུབ་པའི་ལོ་བདག་ཉི་མའི་བུས། །ནད་མུག་ཆོམ་རྐུན་མི་མཐུན་འབྱུང་། །ནོར་འབྲུ་ཆར་པའང་དཀོན་ཞེས་གསུངས། །བསྡུས་རྒྱུད་བདག་པོ་ཟླ་བའི་བུས། །འགྲོ་བ་ཆོས་ལྡན་ལྷ་ལྟར་རྩེ། །ཆར་ཆེ་འབྲུ་འཕེལ་ནད་རིགས་དཀོན། །སྨན་དང་རྩི་བཅུད་ཤིང་ཏོག་རྒྱས། །ལོ་ལེགས་ཡོན་ཏན་ཅན་དང་ནི། །སྒྱུ་མ་ཟོག་པོས་ས་སྟེང་འགེངས། །རྒྱལ་ཁ་དགེ་བའི་བློན་པོས་སྒྱུར། །འཇིག་རྟེན་ཕན་བདེས་སྐྱོང་བར་དྲན། །ཐ་སྐར་ལོར་ཞུགས་འབྲུ་རྒྱས་བདེ། །གཉིས་ནག་དབུས་ཞུགས་མི་འབྲུ་སྙི། །ཡུལ་འཕོ་ཆུ་ཆེ་འབྲུ་མི་སྨིན། །ལོ་ནག་མཆེ་བ་ཅན་ཡིན་པས། །དགེ་ལས་རྔམས་ཆེན་ལས་ཀུན་འཛེམ། །ཐེ་སེ་ལྷོ་སྟོད་ཧལ་ཁྱི་ནི། །ཤར་སྟོད་ཟིན་ཧུང་ནུབ་བྱང་གནས། །ལྷོ་སྨད་ནུབ་སྨད་ཕྱོགས་དག་གཙང་། །ལས་སྣེ་བྱ་ལོ་ང་བདུན་པ། །གླང་ལོ་བཅུ་བདུན་ལོན་པ་དགེ། །སླར་སྨྲས་པ། ཁ་དོག་གང་

― LT41_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་མུན་པ་ཡང་། །དཀར་པོར་ལེགས་བསྒྱུར་དགེ་བའི་འོད། །དུ་མ་སྦུངས་པ་མི་ཡི་དབང་། །བརྩོན་པས་བསོད་ནམས་མཁའ་ལ་དྲོངས། །རྡོ་རྗེའི་སྣ་ལྡན་མི་གཙང་ལ། །ཞེན་པས་དཔེར་འོས་འགྲོ་འདི་ཡི། །ལེགས་སྤྱོད་མིན་ལ་འཛའ་བའི་སེམས། །དུས་ཀྱི་སྡོང་ཟླར་ལྷགས་པ་བཞིན། །བྱང་སེམས་ཀུན་དང་ནོར་གཅིག་ཏུ། །བྱས་པའི་ལྷག་བསམ་ཆབ་གྱིས་ནི། །བཀྲུས་པས་ལས་དང་འབྲས་བུ་ལ། །ཡིད་ཆེས་བརྩམས་པ་དོན་ལྡན་ཤོག །སྲིད་གསུམ་དངོས་མེད་མངོན་སུམ་ཟ་བའི་མིག །མ་བལྟས་བརྟན་གཡོ་ཀུན་གྱི་སྲོག་མཐོང་བར། །བདེན་པ་དེ་དང་གཤིས་ཀྱི་མཛའ་བའི་དགེས། །བསམ་དགུའི་དཔལ་འབྱོར་ཡོངས་སུ་དར་བར་བསྔོ། །རང་རྒྱུད་སྲིད་དང་ལྷན་ཅིག་མི་གནས་ཀྱང་། །སྲིད་པའི་རི་མོ་འབྲི་བའི་རྡོ་རྗེ་ཅན། །གཟུགས་སུ་སྣང་བ་སི་ཏུ་ཐམས་ཅད་མཁྱེན། །སྲས་བཅས་བསྐལ་པ་རྒྱ་མཚོར་ཞབས་བརྟན་གསོལ། །ལྷ་རིགས་ཐིག་ལེའི་བཅུད་སྨིན་བོད་ཆེན་གྱིས། །ས་ཡི་ཚངས་པ་མི་བདག་མཆེད་དང་ལྕམ། །སྐུ་ཚེའི་གཡུང་དྲུང་འཁྱིལ་ལས་སྡེ་བཞི་དང་། །དགེ་བཅུའི་ཆབ་སྲིད་ཤིན་ཏུ་བདོ་གྱུར་ཅིག །ཡང་སྲིད་ཞིང་བརྒྱར་རིན་ཐང་མེད་པའི་ནོར། །བཅལ་ཡང་རྣ་བར་མི་ཁུག་དཀོན་མཆོག་གི། །མཚན་སྙན་འབྱུང་བ་

― LT41_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་གཟུགས་བརྙན་ཀྱང་། །རྣལ་མར་གནས་ཏེ་ས་སྟེང་ཁྱབ་གྱུར་ཅིག །མཚན་མ་ལས་འདས་མི་ཤིགས་བདེ་བ་ཆེའི། །འོད་ཟེར་མྱུ་གུ་གསར་པས་ལེགས་བརྡོལ་བ། །མངོན་པར་མཐོ་དང་ངེས་ལེགས་དགའ་ཚལ་ན། །འགྲོ་ཀུན་ཡང་དག་ལྟ་བས་གར་བྱེད་ཤོག །སུ་ཁ་སཱདྷུ་ལཀྵྨཱི་བྷ་བནྟུ།། །།

ལེགས་སྤྱད་བྱང་ཆུབ་ཀྱི་རྒྱ་མཚོར་སྤེལ་བའི་ཚིག་གི་ཕྲེང་བཟླ་འོད་བདུད་རྩིའི་ཆར་པ།

― LT41_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་སྤྱད་བྱང་ཆུབ་ཀྱི་རྒྱ་མཚོར་སྤེལ་བའི་ཚིག་གི་ཕྲེང་བཟླ་འོད་བདུད་རྩིའི་ཆར་པ་ཞེས་བྱ་བ་བཞུགས་སོ།། །།

― LT41_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གསུམ་ཀུན་འདུས་བླ་མ་ཚེ་དཔག་མེད། །མདུན་མཁར་བསྔོ་བའི་དབང་པོ་མངོན་སུམ་བཞུགས། ས་གཞི་སྤོས༴ །རི་རབ༴ །སངས་རྒྱས༴ །འགྲོ་ཀུན༴ །སྐུ་གསུམ་ཡོངས་རྫོགས༴ །ཕྱི་ནང་༴ །བདག་ལུས༴ །བླ་མེད༴།ཕྱག་འཚལ་བ༴ །རབ་འབྱམས་རྒྱལ་བ་སྲས་བཅས་བརྩེར་དགོངས་ནས། །དགེ་འདི་འཁོར་གསུམ་ཡོངས་དག་བསྔོ་བར་གསོལ། །ཇི་ལྟར་འཇམ་པའི་དབྱངས་སོགས་དཔའ་རྣམས་ཀྱིས། །བསྔོས་བཞིན་རྒྱལ་བ་རྣམས་ཀྱིས་ཆེར་བསྔགས་པའི། །བསྔོ་བའི་མཆོག་ངེས་ཡོངས་སུ་བསྔོ་བར་བགྱི། །སྲས་བཅས་རྒྱལ་བས་ཚོགས་གཉིས་ཅི་བསགས་པ། །དེ་དག་ཀུན་ལ་རྗེས་སུ་ཡི་རང་ངོ་། །འདིས་མཚོན་དུས་གསུམ་དགེ་རྩ་

― LT41_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་བསྡོམས་ཏེ། །སྣང་མཐའ་སྤྱན་རས་གཟིགས་སོགས་ཕྱོགས་དུས་ཀྱི། །བཅོམ་ལྡན་སློབ་མར་བཅས་ལ་འབུལ་བགྱི་ན། །ཀུན་བཟང་མཆོད་སྤྲིན་ལྟ་བུར་འབྱུང་གྱུར་ཅིག །དེ་མཐུས་སངས་རྒྱས་བསྟན་པ་རིན་པོ་ཆེ། །དར་ཞིང་རྒྱས་ལ་ནུབ་མེད་ཡུན་རིང་གནས། །དེར་འཛིན་སྐྱེས་ཆེན་རྣམས་ཀྱི་སྐུ་ཚེ་དང་། །མཛད་ཕྲིན་དཔལ་འབྱོར་ཡར་ངོའི་ཟླ་ལྟར་རྒྱས། །དེ་ལྟའི་དགེ་རྩ་མཁའ་ཁྱབ་འགྲོ་ལ་སྦྱིན། །ཀུན་ཀྱང་བདེ་བ་དང་ལྡན་སྡུག་བསྔལ་བྲལ། །མྱུར་དུ་རྣམ་མཁྱེན་སངས་རྒྱས་ཐོབ་ཕྱིར་བསྔོ། །བདག་དང་བདག་ཉིད་མཐོང་ཐོས་དྲན་རེག་གིས། །དུས་གསུམ་བསགས་པའི་སྡིག་སྒྲིབ་ཉེས་ལྟུང་དང་། །ནད་གདོན་བར་གཅོད་མི་མཐུན་

― LT41_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀུན་ཞི། །ཚེ་བསོད་དཔལ་འབྱོར་སྟོབས་དང་སྙན་གྲགས་རྒྱས། །སྙིང་རྗེ་བྱང་སེམས་ཚད་མེད་རྒྱུད་ལ་སྐྱེ། །དད་དང་གཏོང་བ་ལ་སོགས་འཕགས་ནོར་ཕྱུག །མཁོ་བ་སྦྱིན་སོགས་བསྡུད་ངོས་བཞི་ཡིས་འབྱོར། །ཕ་རོལ་ཕྱིན་པ་དྲུག་དང་བཅུ་ལ་སྤྱོད། །ཐོས་བསམ་སྒོམ་ལྡན་བསླབ་གསུམ་རྒྱན་གྱིས་མཛེས། །བྱང་ཆུབ་ཕྱོགས་ཀྱི་ཆོས་ཀུན་རྒྱུད་ལ་རྫོགས། །འོད་གསལ་ཕྱག་རྒྱ་ཆེན་པོ་མངོན་གྱུར་ཏེ། །ཚེ་གཅིག་རྡོ་རྗེ་འཆང་དངོས་འགྲུབ་ཕྱིར་བསྔོ། །འཕོས་ཚེ་གནད་གཅོད་མི་འབྱུང་ལུས་སེམས་བདེ། །འཁྲུལ་སྣང་རང་ངོ་ཤེས་ནས་རང་སར་གྲོལ། །བླ་མ་སྣང་མཐའ་ཡས་པས་མདུན་བསུས་ཏེ། །བདེ་བ་ཅན་ཏུ་པདྨོར་བརྫུས་ཏེ་སྐྱེས། །སངས་རྒྱས་ཞལ་མཇལ་ལུང་བསྟན་རབ་ཐོབ་ནས། །ས་བཅུ་བགྲོད་ཅིང་སྤྲུལ་པས་འགྲོ་བ་འདྲེན། །རྒྱལ་བའི་སྐུ་གསུང་ཐུགས་དང་མཉམ་ཕྱིར་བསྔོ། །བསོད་ནམས་འདི་ཡིས༴ །ཐོབ་ནས༴ སྐྱེ་རྒ་ན༴ སྲིད་པའི༴ །སྐྱབས་ཀྱི་གནས་ཀུན་ཚེ་དཔག་མེད་ལ་ཐིམ། །དེ་ཉིད་རང་ཐིམ་ཡེ་ཤེས་ཡོན་ཏན་འཕེལ། སངས་རྒྱས་སྐུ༴ །ཆོས་ཉིད༴ །དགེ་འདུན༴ ཇི་བཏབ་བསྔོ་བ༴ །དེ་བཞིན་གཤེགས་པ་བསྔོ་བ་སྨོན་ལམ་ཀུན། །ཡོངས་སུ་འགྲུབ་པའི་རྒྱལ་འོད་ལ་ཕྱག་འཚལ་ལོ། །ཏདྱ་ཐཱ། ཨོཾ་དྷ་རེ་དྷ་རེ་བནྡྷ་རེ་སྭཱ་ཧཱ། ཅེས་ཆགས་མེད་རིན་པོ་ཆེས་མཛད་པའི་བསྔོ་བ་རྒྱས་པའི་དོན་མ་འཛོལ་བས། །རྒྱུན་ཏུ་ཉམས་ལེན་བདེ་ཕྱིར་ཉུང་ངུའི་ཚིགས་བཅད་དུ་བསྡེབ་པ་པོ་ནི་ཡོན་

― LT41_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་རྒྱ་མཚོ་སྟེ། །གཤིན་བསྔོ་སྐབས་འོད་དཔག་མེད་དང་། །གསོན་བསྔོལ་ཚེ་དཔག་མེད་དུ་བསྒྱུར་བར་བྱའོ། །འགྲོ་བ་མང་པོ་ལ་ཕན་པར་གྱུར་ཅིག །མངྒ་ལཾ། ༈ །ངེས་པར་ལེགས་པའི་ལམ་ཚང་ལ་མ་ནོར་བ་སྟོན་ཅིང་། ལོག་པའི་ལམ་མཐའ་དག་ལས་ཟློག་པར་མཛད་པ་ཨོ་རྒྱན་གྱི་སློབ་དཔོན་པདྨ་སཾ་བྷ་བའི་ཞལ་སྐྱིན། །ཐམས་ཅད་མཁྱེན་པ་ཏཱའི་སི་ཏུ་མཚན་ཡོངས་སུ་གྲགས་པ་པདྨ་དབང་ཆེན་གྱི་ཞབས་ལ་སྙིང་ཐག་པ་ནས་སྐྱབས་སུ་མཆི་ཞིང་། །འདི་ཕྱི་བར་དོ་གསུམ་དུ་ཅི་མཛད་ཁྱེད་ཤེས་ཀྱི་བློ་གཏད་ལིངས་བསྐྱུར་བགྱིན་བདག་སོགས་ནམ་མཁའི་མཐའ་དང་མཉམ་པའི་སེམས་ཅན་མ་རིག་པས་མིག་ལྡོང་ཞིང་། ཆོས་དང་མི་མཐུན་པའི་བྱ་བ་ལ་བརྟེན་ཏེ་ངན་སོང་གི་གཡང་སར་ལྷུང་བ་རྣམས་ལ་ཐུགས་རྗེས་བྱིན་གྱིས་རླབས་སྟེ་གཟིགས་ཤིང་དགོངས་སུ་གསོལ། །བདག་དུས་འདི་ནས་བཟུང་སྟེ་ཨོ་རྒྱན་གྱི་སློབ་དཔོན་པདྨཱ་ཀ་རའི་གོང་འཕང་མངོན་ཏུ་མ་གྱུར་གྱི་བར་དུ་དམ་པའི་ཆོས་དང་མི་མཐུན་པའི་བསམ་སྦྱོར་ཕྱིན་ཅི་ལོག་ཐ་ན་རྨི་ལམ་དུའང་མི་འབྱུང་བར་ཤོག་ཅིག །སངས་རྒྱས་ཀྱི་བསྟན་པ་རིན་པོ་ཆེ་སྤྱི་དང་། ཁྱད་པར་ངེས་དོན་སྙིང་པོ་ཕྱག་རྫོགས་ཟུང་འཇུག་གྲུབ་ཐོབ་ཆུ་བོ་བརྒྱུད་པའི་གསང་ལམ་ཀརྨ་ཀཾ་ཚང་དྭགས་རྙིང་ཟུང་དུ་འབྲེལ་བའི་བསྟན་པ་ལ་རང་དོན་ཏུ་ཐོས་བསམ་སྒོམ་གསུམ་མཐར་ཕྱིན། །གཞན་དོན་ཏུ་འཆད་རྩོད་རྩོམས་གསུམ་སོགས་སྐྱེས་བུ་དམ་པའི་བྱ་བས་བསྟན་པའི་

― LT41_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོན་མེ་གཞན་དྲིང་མི་འཇོག་པར་ཡུན་རིང་དུ་བྱེད་པར་ཤོག་ཅིག། མཁྱེན་བརྩེ་ནུས་གསུམ་ཡང་མཐར་ཕྱིན་པར་གྱུར་ཅིག །གལ་ཏེ་བསྟན་པའི་བྱ་བ་མི་འགྲུབ་པར་གྱུར་ན་ཡང་རང་རྒྱུད་དགེ་ཞིང་ཉོན་མོངས་པས་མི་དཀྲུག་པར་ཆོས་དང་མཐུན་པའི་འཚོ་བས་འཚོ་སྟེ་ཁ་རོག་པར་འདུག་པར་གྱུར་ཅིག །དམ་པའི་ཆོས་ལ་དབང་ཟ་བ་དང་། །དམ་པའི་ཆོས་སྤོང་བ་དང་། སྙིང་པོའི་ཆོས་བསྣུབ་པའི་རྐྱེན་ཏུ་འགྱུར་བ་སོགས་དཀོན་མཆོག་ལ་བསྟན་པའི་སྡིག་པ་སྤུ་ཙམ་ཡང་བསགས་པར་མ་གྱུར་ཅིག །ཁྱད་པར་ངེས་དོན་སྙིང་པོའི་བསྟན་པ་ལ་རྨ་འབྱིན་པའི་བསམ་སྦྱོར་སྐད་ཅིག་མ་ཙམ་ཞིག་བྱུང་བར་གྱུར་ན་དེ་མ་ཐག་ཏུ་བདག་གི་ཚེ་དང་བསོད་ནམས་ཐམས་ཅད་ཟད་པར་གྱུར་ཅིག །ནམ་མཁའི་མཐའ་ཀླས་པའི་འགྲོ་བ་རྣམས་ཀྱི་ལུས་དང་ངག་དང་ཡིད་ཀྱི་སྒོ་བླ་མ་ལ་སྨོད་པ་དང་། ཆོས་སྤངས་པ། ཆོས་ལ་དབང་ཟབ་སོགས་རྣམ་སྨིན་མི་ཟད་པར་མྱོང་བར་འགྱུར་བའི་ལས་བསགས་པ་དང་། བསགས་པར་འགྱུར་བ་དང་། བསགས་བཞིན་པ་ཐམས་ཅད་བདག་གི་ལས་ལ་གཅིག་ཏུ་བསྡུས་ནས་སེམས་བསྐྱེད་པ་འདི་དང་། དགེ་བའི་བསམ་པ་འདི་ལ་བརྟེན་ནས་ཐམས་ཅད་བྱང་ཞིང་དག་སྟེ་སྡུག་བསྔལ་གྱི་འབྲས་བུ་འགའ་ཡང་མི་མྱོང་བར་ཕྱིན་ཆད་བག་དང་ལྡན་པས་སྒོ་གསུམ་བསྡམ་པར་གྱུར་ཅིག །ཁྱད་པར་དུ་མངོན་ཤེས་ཤར་བར་བརྫུ་བ་དང་། །ཞལ་གཟིགས་དང་ལུང་བསྟན་པར་བརྫུབ། །བླ་

― LT41_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གོང་མའི་བཀའ་དཀྲུགས་སྟེ་ཨོ་རྒྱན་སངས་རྒྱས་གཉིས་པའི་ངེས་དོན་གྱི་བསྟན་པ་ལ་སེལ་བཞག །སེམས་ཅན་གཡོ་སྒྱུས་བསླུ། །གཏེར་སྟོན་ཏུ་ཁས་འཆེ་བ་སོགས་མིན་པ་ལ་ཡིན་པར་བརྫུ་བའི་སྤྱོད་ངན་སྐྱེ་བ་འདི་ནས་ཚེ་རབས་ཐམས་ཅད་དུ་དངོས་སུ་བགྱིད་པ་ལྟ་ཅི་སྨོས། །སེམས་ལའང་མི་དྲན་པར་གྱུར་ཅིག །གལ་ཏེ་ཕྱིན་ཅི་ལོག་གི་སྤྱོད་པ་བརྩམས་པར་གྱུར་ན་དེ་མ་ཐག་ཏུ་གཅིག་ཤུལ་ཚོགས་བདག་མ་ནིང་ནག་པོ། །དཔལ་ལྡན་སྔགས་ཀྱི་སྲུང་མ། །ཁྱབ་འཇུག་དུག་གི་སྤུ་གྲི། སྐྱེས་མཆོག་བཛྲ་སཱདྷུ་རྩལ་སོགས་བརྒྱུད་པ་དྲུག་ལྡན་གྱི་གཉེར་ཁ་སྐྱོང་བའི་སྙིང་ཏིག་གཉན་པོའི་རྒྱུད་སྲུང་རྣམས་ཀྱིས་བདག་གི་མགོ་ཨརྫ་ཀ་ཡི་དོགས་པ་བཞིན་ཏུ་ཁོས་ལ་སྙིང་ཁྲག་དྲོན་མོ་ཇམས་ཟས་སུ་བཞེས། །རྣམ་ཤེས་ཀུན་བཟང་པདྨ་འབྱུང་གནས་ཀྱི་ཐུགས་ཀློང་དུ་སྦར་བར་གྱུར་ཅིག །དེ་ལྟ་མ་ཡིན་པ་ཆོས་བཞིན་ཏུ་བྱེད་ཅིང་དྭགས་རྙིང་ཟུང་འཇུག་གི་བསྟན་དང་བླ་མ་སྙིང་ལ་འཆང་། །དམ་ཆོས་གཡོ་སྒྱུ་མེད་པར་སྒྲུབ། །ཆོས་བརྒྱད་ཀྱི་རྟོག་ངན་ཚར་བཅད་པ་ལ་ཚེ་བསོད་དཔལ་འབྱོར་ཡེ་ཤེས་ཡོན་ཏན་སོགས་ཆོས་དང་མཐུན་པའི་དངོས་གྲུབ་མཆོག་ཐུན་མོང་འབད་མེད་ལྷུན་གྲུབ་ཏུ་འབྱུང་བར་གྱུར་ཅིག །བྱང་ཆུབ་ཀྱི་སྙིང་པོ་ལ་འདུག་གི་བར་དུ་བདུད་དང་བདུད་ཀྱི་རིས་ཀྱི་ལྷ་གཞན་དག་དང་། །ཁྱད་པར་སྙིགས་མའི་དུས་ཀྱི་རྒྱལ་བསེན་ཀླུ་གདོན་རྣམས་ཀྱིས་བརྫི་བར་མི་ནུས་ཤིང་

― LT41_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དུ་གཅོད་པས་མི་ཚུགས་པར་གྱུར་ཅིག །རང་དོན་ཡིད་བྱེད་དང་། ཐ་མལ་གྱི་སྣང་ཞེན་སེམས་ལ་འགྱུ་བར་མ་གྱུར་ཅིག །དགེ་བའི་རྩ་བ་འདིའི་མཐུས་རྡོ་རྗེ་འཆང་ཆེན་པོ་ཏཱའི་སི་ཏུ་པདྨ་དབང་ཆེན་དང་། །དཔལ་ཀརྨ་པ་ཆེན་པོ་ཐེག་པ་མཆོག་གི་རྡོ་རྗེ་དང་། །དཔལ་ལྡན་དཔའ་བོ་པདྨ་བསྟན་འཛིན། །མཁས་གྲུབ་ཀྱི་དབང་ཕྱུག་ཀརྨ་ཐེག་མཆོག་བསྟན་འཕེལ། །འགྱུར་མེད་མཐུ་སྟོབས་རྣམས་རྒྱལ་གཙོར་གྱུར་པའི་བཀའ་དྲིན་ཅན་གྱི་དཔལ་ལྡན་བླ་མ་དམ་པ་རྣམས་ཀྱི་དགོངས་པ་ལུས་རྟེན་འདི་ཉིད་ཀྱིས་བསྐང་བར་ནུས་པར་གྱུར་ཅིག །མ་རིགས་པའི་དབང་གིས་དེ་དག་ཅུང་ཟད་ཙམ་ཡང་མི་མཉེས་པར་འགྱུར་བའི་ལས་གང་དང་ཅི་བསགས་པ་ད་ཐམས་ཅད་འཕྲལ་དུ་འབྱང་བར་གྱུར་ཅིག །སླན་ཆད་མཉེས་པ་ཁོ་ན་སྒྲུབ་པ་ལས་མི་མཉེས་པའི་བྱ་བ་རྨི་ལམ་དུའང་མི་འབྱུང་བར་ཤོག་ཅིག །རྗེ་བཙུན་དམ་པ་དེ་དག་གི་སྤངས་རྟོགས་ཡོན་ཏན་ཇི་མཆིས་པ་ཐམས་ཅད་རྒྱུད་ལ་འཕོས་ནས་མྱུར་བ་ཉིད་དུ་འབྲེལ་ཐོག་གི་འགྲོ་བ་རྣམས་དང་ཆབ་ཅིག་བར་ཀུན་བཟང་རྡོ་རྗེ་འཆང་པདྨ་འབྱུང་གནས་ཉིན་བྱེད་དབང་པོའི་དཔལ་གྱི་ཐུགས་ཀློང་དང་དབྱེར་མེད་པར་འོད་གོང་ཁྱབ་བརྡལ་ལྷུན་གྲུབ་ཏུ་འཚང་རྒྱ་བར་གྱུར་ཅིག །དཀོན་མཆོག་གསུམ་གྱི་བདེན་པའི་བྱིན་གྱི་རླབས་ཀྱིས་དེ་དེ་བཞིན་ཏུ་འགྲུབ་པར་གྱུར་ཅིག །ཅེས་པའི་སྨོན་ལམ་འདི་སྙིང་ནས་འདེབས་པ་པོ་ནི་བཙུན་པ་ཡོན་ཏན་རྒྱ་མཚོ་སྟེ། །

― LT41_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་དུས་རྒྱུན་བདེ་བས་ནུས་པ་ཡོད་ན་རྒྱལ་བ་སྲས་དང་བཅས་པ་རྣམས་དང་། ཁྱད་པར་རྒྱལ་བ་ཀརྨ་པ་ཡབ་སྲས་ཀྱི་དགོངས་པ་ཚེགས་ཆུང་ངུས་བསྐང་བར་བྱས་པ་ཡིན་ནོ། །འདིས་ཀྱང་སྙིགས་དུས་ཀྱི་འགྲོ་བ་མང་པོ་ཕྱིན་ཅིང་ལོག་གི་ལམ་ལས་སྡོག་ནུས་པར་གྱུར་ཅིག །ཀརྨ་པ་མཁྱེན་ནོ། རང་ལོ་ཉེར་བདུན་པ་ལའོ། ༅ །ཨོཾ་སྭ་སྟི་སིདྡྷི་རསྟུ། །ཚེ་འོད་དཔག་མེད་མགོན་པོ་སྤྱན་རས་གཟིགས། །རྒྱལ་ཀུན་སྤྱི་གཟུགས་བདེ་འབྱུང་ཡབ་ཡུམ་སོགས། །རྩ་གསུམ་སྲུང་མར་བཅས་ཡ་སྐྱབས་སུ་མཆི། །ཇི་ལྟར་སྨོན་པའི་འབྲས་བུ་འགྲུབ་པར་མཛོད། ༡ རིགས་ཀུན་ཁྱབ་བདག་མགོན་པོ་འོད་མི་འགྱུར། །ཐེག་དགུ་ཡོངས་ཀྱི་རྒྱས་གདབ་དཀྱིལ་འཁོར་པའི། །རྣམ་པར་ཤར་བ་དགོངས་པ་འདུས་པའི་ལྷར། །གུས་པས་ཕྱག་འཚལ་རྟག་ཏུ་ཐུགས་རྗེས་ཟུངས། ༢ སྙིགས་ལྔའི་མུན་པར་ཆུད་ལ་ཐུགས་རྗེའི་ཉི། །རྒྱལ་བ་ཟླ་བ་ཀུན་ལས་འཕགས་སོ་ཞེས། །བདེན་ཚིག་བསླུ་བ་མེད་པ་རྡོ་རྗེའི་བཀའ། །དུས་ལ་བབ་བོ་ཡེ་ཤེས་སྤྱན་གྱིས་གཟིགས། ༣ དཀྱིལ་འཁོར་ཀུན་གྱི་བྱེད་པོ་བླ་མ་སྟེ། །བླ་མ་ཀུན་གྱི་མཆོག་རབ་མཐར་ཐུག་པ། །པདྨ་བཛྲའི་དཀྱིལ་འཁོར་ཚོམ་བུ་དགུ། །བརྒྱུད་པར་བཅས་པའི་སྐུ་བརྙན་བཞེངས་པ་དང་། ༤ ཆོས་ཕུང་བརྒྱད་ཁྲི་བཞི་སྟོང་བྲིས་པ་དང་། །བསོད་ནམས་མཉམ་ཞིང་འབྲུ་རེར་ཌཱ་ཀི་མ། །འབུམ་ཕྲག་འདུ་བར་བསྔགས་པའི་གསེར་

― LT41_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་འདི། །དད་གུས་ཆེན་པོས་བཞེངས་པའི་དགེ་བ་དང་། ༥ བདག་གཞན་འགྲོ་བ་ཀུན་གྱིས་དུས་གསུམ་དུ། །རྣམ་པར་དཀར་བའི་ལེགས་བྱས་ཇི་བསགས་པ། །ཐམས་ཅད་གཅང་གྱུར་བྱང་ཆུབ་སྙིང་པོ་རུ། །འཁོར་གསུམ་མི་དམིགས་ཤེས་རབ་སྟོབས་ཀྱིས་བསྔོ། ༦ ཀུན་ཏུ་བཟང་དང་འཇམ་དཔལ་དཔའ་བོ་སོགས། །སྲས་བཅས་རྒྱལ་བས་དམིགས་པ་མེད་པ་ཡི། །བསྔོ་བ་མཆོག་གིས་ཇི་ལྟར་བསྔོས་པ་ལྟར། །བདག་ཀྱང་དེ་དང་མཚུངས་པར་བསྔོ་བར་བགྱི། ༧ བསོད་ནམས་མཐུ་ཡིས་དེང་ནས་བྱང་ཆུབ་བར། །བསམ་བཞིན་སྲིད་པར་འཇུག་པ་མ་གཏོགས་པ། །ལས་ཀྱི་དབང་གིས་ཁམས་གསུམ་རིགས་དྲུག་ཏུ། །མི་འཁྱམས་ལས་རླུང་དབུ་མར་དག་པར་ཤོག༨འགྲོ་ཕན་སྐྱེ་སྲིད་གང་དང་ཅི་སྣང་ཡང་། །རིགས་བདག་མཚོ་སྐྱེས་རྡོ་རྗེ་ཡབ་ཡུམ་དང་། །སྐད་ཅིག་རྨི་ལམ་དུ་ཡང་མི་འབྲལ་ཞིང་། །གདམས་པའི་བདུད་རྩི་ངོམ་མེད་འཐུང་བར་ཤོག༩བདེ་བ་ཆེན་པོ་པད་འབྱུང་ཡབ་ཡུམ་གྱིས། །དབང་བསྐུར་བྱིན་བརླབས་གསང་བའི་མཛོད་གཏད་ནས། །དཀའ་བ་མེད་པར་ཚེ་ལུས་གཅིག་ཁོ་ནར། །རིག་འཛིན་རྣམ་བཞིའི་གོང་འཕང་འགྲུབ་པར་ཤོག ༡༠ རྣམ་སྨིན་ཕུང་ཁམས་འཇའ་ལུས་རྡོ་རྗེར་དག །འཕོ་བཙས་ངག་རླུང་གཞོམ་མེད་རང་སྒྲར་སྨིན། །དྲན་རིག་ཀ་དག་ཁྱབ་བདག་ཆེན་པོར་གྲོལ། །པདྨའི་གསང་བ་གསུམ་

― LT41_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཉམ་གྱུར་ཤོག༡༡འདུལ་བ་བཞི་ཡིས་དངོས་དང་བརྒྱུད་པ་ནས། །གང་གི་ཕྲིན་ལས་ནམ་མཁའི་མཐར་སྤེལ་ཏེ། །ཚར་གཅོད་རྗེས་བཟུང་བླ་མེད་བརྟུལ་ཞུགས་ཀྱིས། །ཐུགས་དགོངས་བདག་ཉིད་ཁོ་ནས་སྐོང་བྱེད་ཤོག ༡༢ མཁའ་ཁྱབ་ཡིད་ཅན་སྤྱི་དང་ཁྱད་པར་དུ། །བདག་ལ་དུས་གསུམ་བཟའ་ངན་པར་མ་ཡི། །འབྲེལ་བ་ཐོགས་ཚད་པདྨ་བཛྲ་ཡི། །གོ་འཕང་གདོན་མི་ཟ་བར་ཐོབ་གྱུར་ཅིག ༡༣ ཐོག་མེད་ནས་བསགས་སྒྲིབ་གཉིས་བག་ཆགས་དང་། །ཁྱད་པར་སྡོམ་པ་གསུམ་དང་འགལ་བ་སོགས། །བཅས་དང་རང་བཞིན་ཁ་ན་མ༴་ཐོ་བ། །ཐར་པའི་གེགས་རྣམས་དུས་འདིར་བྱང་གྱུར་ཅིག ༡༤ ནད་གདོན་བགེགས་རིགས་བྱད་ཟོར་གཏད་ཁྲོམ་དང་། །རྨིས་ལྟས་མཚན་ངན་ལོ་ཟླ་ཞག་ཀེག་སོགས། །སྔོན་ལས་འཕྲལ་རྐྱེན་གཟུགས་ཅན་གཟུགས་མེད་ཀྱི། །ཉེར་འཚེ་མ་ལུས་རྩད་ནས་ཞི་གྱུར་ཅིག ༡༥ གསོན་གཤིན་དགེ་འདུན་དཀོར་ལ་སྤྱོད་པ་དང་། །སློབ་དཔོན་ས་བཟུང་ཆོས་ལ་དབང་ཟོས་སོགས། །དཀོན་མཆོག་ལ་བསྟན་སྡིག་པ་ཅི་བསགས་པ། །ཐམས་ཅད་སྐད་ཅིག་ཡུད་ལ་དག་པར་ཤོག ༡༦ དུག་ལྔ་ཆོས་བརྒྱད་ལ་སོགས་ཐར་པ་དང་། །ཚེ་ཡི་གེགས་གྱུར་ནང་མུག་འཁྲུགས་རྩོད་སོགས། །སྙིགས་མའི་རྒུད་པ་ཀུན་ཞི་འཇིག་རྟེན་ཀུན། །སྡེ་བཞིའི་རྫོགས་ལྡན་གསར་པས་ཚིམས་བྱེད་ཤོག ༡༧ ཚེ་

― LT41_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་དཔལ་འབྱོར་མངའ་ཐང་སྙན་གྲགས་དང་། །ཆོས་བཞིན་སྤྱོད་དང་བྱང་ཆུབ་མཆོག་གི་སེམས། །ཉམས་རྟོགས་ཡོན་ཏན་ཡར་ངོའི་ཟླ་བ་དང་། །དབྱར་གྱི་ཆུ་གཏེར་བཞིན་ཏུ་རྒྱས་གྱུར་ཅིག༡༨ཁྱད་པར་ཐུབ་བསྟན་མདོ་སྔགས་ཚུལ་སྤྱི་དང་། །སྒྲུབ་བརྒྱུད་སྙིང་པོ་འོད་གསལ་རྡོ་རྗེ་ཐེག །མཁའ་ལྟར་ཁྱབ་ཅིང་ནམ་མཁའ་ཇི་སྲིད་གནས། །ཆོས་ཀྱིས་ཕོངས་པ་མིང་ཡང་མི་གྲགས་ཤོག ༡༩ །བསྟན་འཛིན་སྐྱེས་བུ་ཐམས་ཅད་ཐུགས་མཐུན་ཞིང་། །སྐུ་ཚེ་རྡོ་རྗེ་ལྟར་བསྟན་མཛད་ཕྲིན་རྒྱས། །ཆོས་འཁོར་ཀུན་དང་ཟབ་གསང་རྫོགས་པ་ཆེའི། །བསྟན་པའི་ཉི་མ་ཕྱོགས་བརྒྱར་སྣང་བྱེད་ཤོག ༢༠ །སྐྱེ་བར་ཚུལ་གནས་ཐོས་བསམ་སྒོམ་ལ་ཞུགས། །ཕར་ཕྱིན་དྲུག་རྫོགས་སྡོམ་གསུམ་རྣམ་པར་དག །ཐེག་ཆེན་གསང་སྔགས་བཅུད་དང་རྟག་འཕྲད་ནས། །ས་བཅུ་ལམ་ལྔ་མཐའ་རུ་ཕྱིན་པར་ཤོག༢༡ལོག་པའི་ལམ་དང་མི་དགེའི་བཤེས་གཉེན་དང་། །མི་འཕྲད་བརྒྱུད་ལྡན་བླ་མས་རྗེས་བཟུང་སྟེ། །སྔགས་ཀྱི་ལྟ་སྤྱོད་ཟབ་མོ་སྒྲ་ཇི་བཞིན། །སྤྱོད་ནུས་རྡོ་རྗེ་སེམས་དཔའི་གནས་ཐོབ་ཤོག༢༢བླ་མའི་ཐུགས་དགོངས་རྫོགས་ཤིང་ཐུགས་ཡིད་འདྲེས། །ཕ་མའི་དྲིན་ལན་འཁོར་ཞིང་ཐར་ལམ་སྦོར། །དོན་གཉིས་ལྷུན་གྲུབ་ཆོས་ཀྱི་རྒྱལ་པོའི་སྐུ། །བདག་གཞན་འགྲོ་བ་ཀུན་གྱི་བརྙེས་པར་ཤོག༢༣ཁྱད་པར་བདག་དང་

― LT41_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་ཚེ་འདི་ལ། །མཐོང་ཐོས་དྲན་རེག་འབྲེལ་བ་ཐོབ་ཀུན་དང་། །ཁྱད་པར་འཕགས་པའི་རྟེན་མཆོག་འདི་དག་ལ། །འབྲེལ་བ་ཅུང་ཟད་ཐོགས་པ་ཐམས་ཅད་ཀུན། ༢༤ ཚེ་འདིར་འགལ་རྐྱེན་ཀུན་ཞི་མཐུན་རྐྱེན་འགྲུབ། །ཐར་པའི་ལམ་ལ་དད་དམ་ཤུགས་ཀྱིས་འཇུག །རང་གཞན་འབྲེལ་བར་བཅས་ཀུན་དགེ་ལ་སྦྱོར། །གཤིས་ངན་འཆི་རྐྱེན་གཏན་ནས་མི་འབྱུང་ཤོག ༢༥ །ཚེ་འདིས་སྣང་བ་ནུབ་ཚེ་གནད་གཅོད་ཀྱི། །ཟུག་རྔུ་མི་འབྱུང་རྩ་གསུམ་དཀྱིལ་འཁོར་ལྷས། །མངོན་སུམ་བསུས་ཏེ་བདེ་ཆེན་ཞིང་ཁམས་སུ། །བརྫུས་སྐྱེས་འོད་དཔག་མེད་པའི་ཞལ་མཐོང་ཤོག༢༦མདོར་ན་རྒྱལ་དབང་པདྨ་སཾ་བྷ་བའི། །གསང་བ་གསུམ་དང་དབྱེར་མེད་གཅིག་གྱུར་ནས། །ཕྱོགས་བཅུ་དུས་གསུམ་རྒྱལ་བ་སྲས་བཅས་ཀྱི། །རྣམ་ཐར་བདག་ཉིད་ཁོ་ནས་ངེས་འགྲུབ་ཤོག༢༧རྟེན་མཆོག་འདི་ཡང་བྱམས་པའི་ཟླ་བ་ནི། །འཛམ་བུ་གླིང་གི་དཔལ་དུ་སྣང་དེ་སྲིད། །བསྟན་པའི་བཙས་དང་འགྲོ་བའི་བསོད་ནམས་ཀྱི། །ཞིང་དུ་ཉམས་པ་མེད་པར་བཞུགས་གྱུར་ཅིག༢༨དེ་མཐུས་བླ་མ་དགོངས་པ་འདུས་པ་ཡི། །བསྐྱེད་རྫོག་ནོར་བུའི་བང་མཛོད་ཁ་བྱེ་བས། །འབྱོར་ལྡན་རིག་པ་འཛིན་པའི་མྱུ་ཚོགས་ཀྱིས། །དོན་གཉིས་འཁོར་ལོ་མཁའ་ཁྱབ་སྒྱུར་བྱེད་ཤོག༢༩སངས་རྒྱས་སྐུ་གསུམ་བརྙེས་པའི་བྱིན་རླབས་དང་། །ཆོས་ཉིད་མི་

― LT41_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བདེན་པའི་བྱིན་རླབས་དང་། །དགེ་འདུན་མི་ཕྱེད་འདུས་པའི་བྱིན་རླབས་ཀྱི། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག༣༠ཅེས་དགོངས་འདུས་སྐུ་རྟེན་ཞལ་ཐང་གྲྭ་ཚང་༡༡གསུང་རྟེན་གསེར་ཆོས་པུསྟ་ཀ་བཅུ་གསུམ་བཅས་བཞེངས་གྲུབ་པའི་སྐབས། པདྨའི་རྒྱལ་ཚབ་ཏཱའི་སི་ཏུ་པདྨ་དབང་ཆེན་གྱི་བཀའ་འབབས། པདྨ་གར་གྱི་དབང་ཕྱུག་རྩལ་གྱིས་དཔལ་སྤུངས་རི་ཁྲོད་ཀུན་བཟང་བདེ་ཆེན་འོད་གསལ་གླིང་དུ་བྲིས་པ་ཡ་ཐཱ་སིདྡྷིྷ་བནྟུ། དགེ་ལེགས་འཕེལ། ༈བསྐལ་བཟང་སྒྲོན་མེ་སྟོང་ཕྲག་ལས། །ཐུགས་བསྐྱེད་པད་དཀར་ལྟར་འཕགས་པ། །འགྲོ་མགོན་ཤཱཀྱའི་རྒྱལ་པོ་ཡི། །བསྟན་པ་ཡུན་རིང་འབར་གྱུར་ཅིག །ཐེག་གསུམ་མཐར་ཐུག་སེང་གེའི་སྒྲ། །ངེས་དོན་འཁོར་ལོ་ཐ་མ་ཡི། །སྡེ་སྣོད་དགོངས་འབྲེལ་བཅས་པ་ཀུན། །ཡུན་རིང་བསྟན་པ་འབར་གྱུར་ཅིག །ས་བཅུའི་དབང་ཕྱུག་མ་ཕམས་པ། །ཤིང་རྟ་ཆེན་པོ་ཐོགས་མེད་མཆེད། །བརྩོད་དུས་ཀུན་མཁྱེན་ཞི་བའི་ཞབས། །དགོངས་དོན་ཚུལ་བཞིན་བཀྲལ་བ་ཡི། །བཀའ་སྲོལ་གངས་རིའི་ལྗོངས་འདི་ན། །གཟུ་བཙན་འཇིག་རྟེན་མིག་གཅིག་གི། །བཀའ་དྲིན་ཆེན་པོས་སྣང་བྱས་པའི། །བསྟན་པ་ཡུན་རིང་འབར་གྱུར་ཅིག །རིགས་ལྡན་ཆེན་པོ་ཀུན་སྤངས་པ། །རྒྱལ་བ་ཡེ་ཤེས་བྱང་ཆུབ་སེམས། །ཡོན་ཏན་རྒྱ་མཚོ་ཆོས་ཀྱི་མཛོད། །ཁྱད་པར་རྒྱལ་བས་ལུང་བསྟན་པ། །ཀུན་མཁྱེན་ཆེན་པོ་བདེ་བར་གཤེགས། །ཡོངས་རྫོགས་བསྟན་པ་

― LT41_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོའི་བདག །ངེས་དོན་དབུ་མའི་ཤིང་རྟ་ཆེ། །ཆོས་ཀྱི་རྒྱལ་པོ་ཇོ་ནང་པའི། །བརྒྱུད་འཛིན་མཁས་ཤིང་གྲུབ་པའི་ཚོགས། །གྲངས་མེད་སྤྱི་དང་ཁྱད་པར་དུ། །གསང་བདག་སྒྲོལ་བའི་མགོན་པོ་ཡི། །བསྟན་པ་ཡུན་རིང་འབར་གྱུར་ཅིག །ངེས་དོན་ཕྱིར་མི་ལྡོག་པའི་གཏམ། །འོད་གསལ་བདེ་གཤེགས་སྙིང་པོའི་ཚུལ། །ལེགས་པར་རྣམ་པར་ཕྱེ་བ་ཡི། །བསྟན་པ་ཡུན་རིང་འབར་གྱུར་ཅིག །འཕོ་བའི་འཇིགས་འཇོམས་རྒྱུད་ཀྱི་རྒྱལ། །ཕྱི་ནང་གཞན་དང་དེ་བཞིན་ཉིད། །ཟུང་འཇུག་རྣལ་འབྱོར་ཡན་ལག་དྲུག །ཡུན་རིང་བསྟན་པ་འབར་གྱུར་ཅིག །ཤཱཀྱ་སེང་གེའི་བསྟན་པ་ལ། །མདོ་དོན་གཞན་སྟོང་དབུ་མ་དང་། །སྔགས་དོན་རྡོ་རྗེའི་རྣལ་འབྱོར་ལས། །མཐར་ཐུག་ཆོས་ཚུལ་གཞན་མེད་པས། །ཡིད་ཆེས་བསྐལ་པ་བཟང་ལྡན་ཏེ། །རྟོགས་ནས་གཞན་ལ་སྟོན་ནུས་པའི། །དམ་པའི་སྐྱེས་བུས་ས་སྟེང་ཁྱབ། །བསྟན་པ་ཡུན་རིང་འབར་གྱུར་ཅིག །ཅེས་པའང་འཇོ་ནང་ཆོས་ཀྱི་རྒྱལ་པོ་ཡབ་སྲས་ལ་མི་ཕྱེད་པའི་འདུན་པ་ཅན། ཀུན་མཁྱེན་ཏཱའི་སི་ཏུའི་བཀའ་འབངས་ཐ་ཤལ་པ་ཀརྨ་ངག་དབང་ཡོན་ཏན་རྒྱ་མཚོས་དཔལ་ཛཾ་ཐང་གི་ཆོས་སྡེར་རྟེན་འབྲེལ་ཆེད་དུ་བྲིས་པ་དགེ་ལེགས་འཕེལ། ༈བདག་གཞན་དུས་གསུམ་བསགས་དང་ཡོད་པ་ཡི། །རྣམ་དཀར་དགེ་བའི་དཔལ་ཀུན་གཅིག་བསྡོམས་

― LT41_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །ཚེ་འོད་མཐའ་ཡས་རྣམ་རོལ་པ་ཆེན་མཆོག །ཤམྦྷ་ལ་ཡི་མི་འཇིགས་སེང་གེའི་ཁྲིར། །རིགས་ལྡན་དྲག་པོ་འཁོར་ལོའི་སྐུར་བཞེངས་ཚེ། །འཁོར་གྱི་འདུས་པ་དང་པོ་སྐྱེ་ཕྱིར་བསྔོ་། །དེར་ཡང་ཟབ་དོན་ཕྱི་ནང་གཞན་གསུམ་གྱི། །ཚེས་ཀྱི་བདུད་རྩིས་སྨིན་ཅིང་གྲོལ་གྱུར་ཅིག །ཅེས་པའང་སྒ་ཟེལ་དཀར་བླ་མ་ཞིག་གི་ངོར་ཡོན་ཏན་རྒྱ་མཚོས་ཇོ་བོ་སྒྱོགས་ཆེན་གདོང་རའི་མདུན་ནས་སྤེལ་བ་དགེ། ༄༅ །རྟག་བརྟན་ཡོངས་སུ་གྲུབ་པ་ཡི། །སྙིང་པོ་ཏིལ་ལ་མར་བཞིན་ཏུ། །ཡོངས་ཁྱབ་སེང་གེའི་སྒྲ་བསྒྲགས་པ། །བདེན་པ་དེ་ཡིས་བདེ་ལེགས་ཤོག ༡ འགྱུར་བ་མེད་པ་དམ་པའི་རྒྱུད། །ཟབ་ཅིང་ཕྲ་ལ་གཏིང་དཔག་དཀའ། །ཡེ་ཤེས་རྒྱ་མཚོའི་འབྱུང་གནས་དེར། །ཡིད་ཆེས་བདེན་པས་དགེ་གྱུར་ཅིག ༢ །ཀུན་རྫོབས་ཆོས་གཞན་བྲལ་བས་སྟོང་། །དོན་དམ་རང་ངོར་སྟོང་མིན་པ། །ཆ་མེད་ཀུན་འགྲོ་སྲོག་ཆེན་པོ། །བདེན་པས་ཕྱོགས་རྣམས་བདེ་མཛད་ཤོག ༣ །མ་བྱས་གཤིས་ཀྱི་དགེ་བ་སྟེ། །སྐྱེ་བ་མེད་པས་འགག་པ་མེད། །ཀུན་ཏུ་བདུད་རྩིའི་བདག་ཉིད་བདེན། །བདེན་པས་སྲོག་ནི་བརྟན་གྱུར་ཅིག ༤ །སངས་རྒྱས་རིན་ཆེན་ཟ་མ་ཏོག །རྒྱལ་བ་སེང་གེའི་ཁྲིར་བཞུགས་པ། །རྡོ་རྗེ་སེམས་དཔའ་དང་པོའི་བདག །ཆོས་དབྱིངས་བདེན་པས་མི་བསླུ་ཤོག ༥ །སེམས་ཀྱི་རྣམ་དཔྱད་ཤིན་ཏུ་སྤངས། །བལྟ་བར་མི་བཟོད་ནམ་མཁའི་ལུས། །རྣལ་འབྱོར་ཡེ་ཤེས་ཡུལ་དུ་སྣང་། །

― LT41_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་མོའི་དོན་ཕྱིར་བདེ་ལེགས་སྩོལ། ༦ །ཆུ་ཤིང་ལྟ་བུའི་སྟོང་ལས་འདས། །རྒྱུན་མི་ཆད་པའི་བདེ་བ་ཅན། །འཕོ་འཛག་ཀུན་བྲལ་ཡེ་ཤེས་སྐུ། །ས་གསུམ་དགེ་ལེགས་མཛད་གྱུར་ཅིག ༧ །ཐོག་མཐའ་མི་དམིགས་དམ་པའི་བདག །འཁོར་ཚེ་སྒྲིབ་པ་ཀུན་སྤངས་པ། །རྡོ་རྗེའི་རང་བཞིན་སེམས་ཅན་ཀུན། །སྲུང་མཛད་དེ་ཡིས་རྟག་སྲུང་མཛོད། ༨ །གཏེར་དང་འབྲས་བུའི་ཤིང་བཞིན་ཏུ། འཇིག་རྟེན་ཕན་མཛད་རིགས་གཉིས་པོ། །ཤེས་བྱ་བླ་ན་མེད་བདེན་པས། །བདག་སོགས་འགྲོ་ཀུན་བདེ་གྱུར་ཅིག ༩ །ཡེ་ཤེས་ཉིན་མོར་བྱེད་པའི་སྐུ། །པདྨ་འདབ་མ་རྒྱས་པའི་སྤྱན། །རྒྱུད་གསུམ་ཡོངས་དག་མ་ནིང་གི། །གོང་འཕང་རྡོ་རྗེའི་སྐུ་བརྙེས་ཤོག ༡༠ །ཤིས་པ་བརྗོད་པའི་ཚིག་ཕྲེང་སེང་གེའི་སྒྲ་ཞེས་བྱ་བ་ཀརྨ་ངག་དབང་ཡོན་ཏན་རྒྱ་མཚོས་སྤེལ་བ་དགེ་ལེགས་འཕེལ། །མངྒ་ལཾ། ཤུབྷཾ། །

བསླུ་མེད་དཀོན་མཆོག་གསུམ་སོགས།

― LT41_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་རཏྣ་ཏྲ་ཡཱ་ཡ། །བསླུ་མེད་དཀོན་མཆོག་གསུམ་དང་རྩ་བ་གསུམ། །ཡེ་ཤེས་སྤྱན་ལྡན་རྡོ་རྗེའི་ཆོས་སྲུང་དང་། །དཀར་ཕྱོགས་སྐྱོང་བའི་དམ་ཅན་རྒྱ་མཚོ་ལ། །ཕྱག་འཚལ་སྙིང་ནས་གུས་པས་སྐྱབས་སུ་མཆི། །གསོལ་བ་འདེབས་སོ་མཁྱེན་བརྩེའི་ཐུགས་ཀྱིས་དགོངས། །གདུང་བས་འབོད་དོ་ཡེ་ཤེས་སྤྱན་གྱིས་གཟིགས། །ཁྱེད་ལ་རེ་ལྟོས་བཅས་པའི་བསྲུང་བྱ་ལ། །རྟག་ཏུ་མ་གཡེལ་ཐུགས་རྗེའི་མཐུ་ཡིས་སྐྱོབས། །ནད་གདོན་བར་ཆད་མེ་ཆུ་དུག་མཚོན་སོགས། །ཕྱི་ནང་འཇིགས་པའི་ཚོགས་ཀུན་ཞི་བ་དང་། །བྱད་ཁ་རྦོད་གཏོང་བསམ་ངན་སྦྱོར་རྩུབ་སོགས། །མི་དང་མི་མིན་གནོད་པ་སྲུང་ཞིང་ཟློག །ཚེ་བསོད་དབང་ཐང་ཡར་ངོའི་ཟླ་ལྟར་སྤེལ། །བསམ་དོན་མཐའ་དག་ལྷུན་གྱིས་འགྲུབ་མཛོད་གསོལ། །ཆོས་ཉིད་རྣམ་དག་རྟེན་འབྲེལ་བསླུ་བ་མེད། །སྐྱབས་ཡུལ་མཆོག་རྣམས་བདེན་པའི་བྱིན་བརླབས་ཀྱིས། །ནག་པོའི་རྩ་ལག་མྱུར་དུ་ཕམ་པ་དང་། །དཀར་ཕྱོགས་ལྷག་པའི་བསམ་པ་མཐར་ཕྱིན་ནས། །བདེན་རྟགས་བ་དན་སྲིད་རྩེར་བསྒྲེང་གྱུར་ཅིག །ཛ་ཡ་ཛ་ཡ་སུ་ཛ་ཡནྟུ། ༈ རྒྱལ་ཀུན་སྤྱི་གཟུགས་མཚོ་སྐྱེས་རྡོ་རྗེ་འཆང་། །བརྒྱུད་གསུམ་རིག་འཛིན་བླ་མའི་བྱིན་རླབས་དང་། །ཡི་དམ་

― LT41_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་ཆོས་སྐྱོང་བདེན་སྟོབས་ཀྱིས། །གསོལ་བཏབ་སྨོན་པའི་འབྲས་བུ་འགྲུབ་པར་མཛོད། །གྲུབ་གནས་ཁྱད་འཕགས་གསང་སྔགས་རབ་བརྟན་གླིང་། །འདུས་པའི་ཚོམ་བུ་འབྱར་གྱིས་མཚོ་ལྟར་འཕེལ། །ལྷག་པའི་བསླབ་པ་རྣམ་དག་ལམ་གྱུར་གྱི། །རིག་འཛིན་རྣམ་བཞིའི་གོ་འཕང་མཐར་ཕྱིན་ཤོག །སྤྲུལ་པའི་སྐུ་མཆོག་གཙོར་གྱུར་རྣམ་པར་འདྲེན། །གསང་ཆེན་བསྟན་འཛིན་འགྲོ་བའི་མགོན་རྣམས་ཀྱི། །གསང་གསུམ་མི་ཤིགས་རྡོ་རྗེ་ལྟ་བུར་བརྟན། །མཛད་ཕྲིན་ཡར་ངོའི་ཟླ་ལྟར་རྒྱས་གྱུར་ཅིག །ཅེས་པའང་མཁན་ཆེན་བླ་མ་ཤེས་བྱ་ཀུན་གཟིགས་དཀོན་མཆོག་འོད་ཟེར་གྱི་བཀའ་ལྟར་འདུ་གསུམ་པ་པདྨ་གར་དབང་རྩལ་གྱིས་བགྱིས་པ་དགེ་ལེགས་འཕེལ།། །།

བསླབ་བྱ།

― LT41_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་བྲལ་བླ་མ་སངས་རྒྱས་ཞབས་ལ་འདུད། །དམ་ཆོས་སྒྲུབ་ལ་བརྩོན་པའི་སྐལ་ལྡན་གྱི། །གསལ་འདེབས་འཕགས་བོད་མཁས་གྲུབ་གོང་མ་ཡི། །གཞུང་བཟང་ཐོས་ན་བློ་སྣ་ཆོས་ལ་འགྱུར། །དེ་བས་བྱིན་རླབས་ཅན་གྱི་གདམས་ངག་གཟིགས། །གང་ཟག་ཕལ་པའི་ཉི་ཚེའི་ཚིག་སྦྱོར་རྣམས། །རྣ་བར་སྙན་ཡང་སེམས་ལ་ཕན་མི་ཐོག །མི་ལུས་དལ་འབྱོར་ལོ་བརྒྱ་ཐོག་གཅིག་ཡིན། །ཆུད་ཟོས་བཏང་ནས་རང་གིས་རང་ཉིད་བསླུ། །དགེ་སྦྱོར་སྐྱེ་བར་ཉིན་མོའི་སྐར་མ་འདྲ། །དྲན་ཚེ་མ་བྱས་མི་སྡོད་མྱུར་དུ་ཡལ། །འཆི་བ་ཐོག་བབས་ནམ་འོང་ཆ་མེད་པས། །འདུ་ཤེས་ཀུན་གྱི་གཙོ་བོ་མི་རྟག་བསྒོམ། །རང་གི་ལས་བྱས་རང་ཉིད་ཁོ་ནས་སྨིན། །མ་བྱས་ལས་དང་ནམ་ཡང་མི་འཕྲད་ཕྱིར། །སྡིག་པ་ཕྲ་མོ་ལ་ཡང་དུག་ལྟར་འཛེམ། །འཇིག་རྟེན་ཕ་རོལ་རྣམ་སྨིན་ཤིན་ཏུ་ལྕི། །དགེ་རྩ་པྲ་ཡང་ཁྱད་གསོད་མེད་པར་བསྒྲུབ། །འདི་དང་གཏན་དུ་བདེ་སྐྱིད་ཕུན་ཚོགས་རྒྱུ། །སངས་རྒྱས་ཆོས་ཀུན་རྩ་བ་བྱང་ཆུབ་སེམས། །ལྷག་བསམ་གསེར་དང་འདྲ་བས་གཞི་བཟུང་ནས། །འགྲོ་ཀུན་ཕ་མ་མ་གྱུར་གཅིག་ཀྱང་མེད། །འཁོར་བ་སྡུག་བསྔལ་རྒྱ་མཚོར་བྱིང་བ་ལ། །བྱམས་དང་སྙིང་རྗེ་ཤས་མི་བཟོད་པ་ཡིས། །བདག་ཉིད་ཁོ་ནས་སངས་རྒྱས་སར་འགོད་པའི། །སེམས་འདི་ཡོད་ཕྱིན་ཅི་བྱས་ཆོས་སུ་

― LT41_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར། །དེ་མེད་དགེ་རྩ་བསགས་ཀྱང་འཁོར་བའི་རྒྱུ། །གཅིག་ཆོག་ཉམས་ལེན་རྒྱལ་བའི་བཀའ་ལས་འབྱུང་། །དེ་ཕྱིར་བྱང་ཆུབ་སྦྱང་ལ་འདུག་པ་ཡི། །བསླབ་པའི་རིམ་པ་རང་གི་བློ་ནུས་དང་། །སྦྱར་ནས་ལེ་ལོ་མེད་པའི་ལག་བླང་གཅེས། །བཙོན་འགྲུས་མེད་པའི་ཆོས་སྒོར་ཞུགས་པ་རྣམས། །དད་པ་ཡོད་ཀྱང་སྙོམས་ལས་དགྲ་འདིས་ཕུང་། །ཞེ་སྡང་ལ་སོགས་ཉོན་མོངས་གློ་རྡེག་གིས། །ཐར་པའི་ས་བོན་མ་ཆོར་བཅོམ་སྲིད་པས། །དྲན་ཤེས་བྱ་རས་ཐུག་འཕྲད་གཉེན་པོར་སྟེན། །ཆོས་བརྒྱད་ཉོན་མོངས་མ་ཐུལ་ཆོས་པའི་གཟུགས། །ལྷ་དང་བཅས་པའི་འཇིག་རྟེན་ཁྲེལ་བའི་གནས། །དེ་བས་སེམས་རྒྱུད་ཆོས་དང་འདྲེས་པར་གཅེས། །བྱང་ཆུབ་ལམ་གྱི་རིམ་པ་མཐའ་ཡས་ཀྱང་། །ཐོག་པར་མེད་བློ་ཆོས་སུ་སོང་བ་དང་། །ཆོས་དེ་ལམ་དུ་ལོངས་ལ་འདུས་པ་ཡིན། །ལམ་གྱི་འཁྲུལ་སེལ་འཁྲུལ་སྣང་ཡེ་ཤེས་སུ། །ཚོགས་གཉིས་རྫོགས་ན་ཤུགས་ཀྱིས་འཆར་བ་ལགས། །དེ་སྐད་ཐུན་མོངས་བསླབ་བྱ་མདོར་བསྡུས་པ། །ཆོས་བློན་ཚེ་རིང་དོན་གྲུབ་དགེ་སྦྱོར་གྱི། །གསལ་འདེབས་ཕྱིར་དུ་ཆོས་གཟུགས་གུ་་པས། །སྨས་པའི་དགེ་བས་དམ་ཆོས་མཐར་ཕྱིན་ཤོག །སརྦ་དཱ་མངྒ་ལཾ།། །།

ཛཾ་ཐང་དགེ་སློང་དམ་ཆོས་ལ་གསུངས་པ།

― LT41_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ནི་འདི་བཟུང་སྐྱེ་དང་ཚེ་རབས་སུ། །བཅོམ་ལྡན་རྡོ་རྗེ་བཙུན་མོས་རྗེས་བཟུང་སྟེ། །རིམ་གཉིས་མཐར་ཕྱིན་ནང་གི་ས་ལམ་བགྲོད། །བདུད་ལས་རྣམ་རྒྱལ་དངོས་གྲུབ་གཉིས་ཐོབ་ཤོག །འཕོས་མ་ཐག་ཏུ་རྣམ་ཞལ་རྣལ་འབྱོར་མས། །མངོན་སུམ་ཞལ་བསྟན་མཁའ་སྤྱོད་ཆེན་པོ་རུ། །ཁྲིད་ནས་གསང་བ་གསུམ་གྱི་བྱིན་རླབས་སྩལ། །ཡེ་ཤེས་མཁའ་འགྲོ་རྣམས་དང་སྐལ་མཉམ་ཤོག །རིམ་གཉིས་བརྟན་ཐོབ་དམ་ཚིག་རྣམ་པར་དག །འབར་བ་གསུམ་དང་འདུ་བ་རྣམ་གསུམ་བརྙེས། །རང་བྱུང་ཡེ་ཤེས་ཆེན་པོ་རྩལ་རྫོགས་ཏེ། །འགྲོ་ཀུན་འདྲེན་པའི་ཕྲིན་ལས་ལྷུན་གྲུབ་ཤོག །ཅེས་པའང་ཛཾ་ཐང་དགེ་སློང་དམ་ཆོས་གསུང་ངོར་བློ་གྲོས་མཐའ་ཡས་ཀྱིས་བགྱིས་པ་དགེ་ལེགས་འཕེལ།། །།