རྒྱ་ཆེན་བཀའ་མཛོད།

གླེགས་བམ་བཅོ་ལྔ་པ།

འཇམ་མགོན་ཀོང་སྤྲུལ་བློ་གྲོས་མཐའ་ཡས།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སྐད་གཉིས་ཤན་སྦྱར་ལ་ཉེ་བར་མཁོ་བའི་ཟིན་བྲིས་ལས་དང་པོ་པ་འཇུག་པའི་རོལ་མཚོ།

[Full Size]

འཇམ་མགོན་ཀོང་སྤྲུལ་རྒྱ་ཆེན་བཀའ་མཛོད། བ། པར་བཀའ་འབུམ་ཡོངས་རྫོགས་མ་ཚང་བ་ཁ་སྐོང་སྐོར་ལ་སྐད་གཉིས་ཤན་སྦར་ཉེར་མཁོའི་ཟིན་བྲིས་ལྡེབ། ༡༣༠སྐྱེས་ཕྲེང་རྟོག་བརྗོད་ལྡེབ། ༤༡ མཁྱེན་བརྩེའི་རྣམ་ཐར་ཆེན་མོ་ཨུ་དུམ་ཝ་རའི་དགའ་ཚལ་ལྡེབ། ༡༡༨ གཡང་སྒོ་འབྱེད་པའི་ལྡེའུ་མིག་ལ་ལྡེབ། ༤ ལྷ་མོ་དཔལ་ཆེན་མོའི་གཡང་ཆོག་ཟུར་འདེབས་ལྡེབ། ༢༠ ཡང་དཔལ་ཆེན་མོའི་གཡང་ཆོག་ལྡེབ། ༡༣ མདུན་སྐྱེད་ལ་ལྡེབ། ༢ སྲིད་གསུམ་གཡང་བདག་བསངས་མཆོད་ལྡེབ། ༡༠ རྒྱུན་གྱི་གཏོར་འབུལ་ལྡེབ། ༤ གཡང་སྐྱབས་ཀྱི་ལྷན་ཐབས་ལྡེབ། ༡༣ གསུང་མགུར་གསར་དུ་རྙེད་པ་ལྡེབ། ༤ བཅས་པ་པར་བསྡོམ་ལྡེབ་གྲངས་སུམ་བརྒྱ་ང་དགུ་བཞུགས། །དགེའོ། །
སྐད་གཉིས་ཤན་སྦྱར་ལ་ཉེ་བར་མཁོ་བའི་ཟིན་བྲིས་ལས་དང་པོ་པ་འཇུག་པའི་རོལ་མཚོ་ཞེས་བྱ་བ་བཞུགས་སོ།། །།

[Full Size]

ན་མོ་ཤཱཀྱ་མུ་ན་ཡེ། མཁྱེན་རབ་མངོན་རྫོགས་གཞོན་ནུའི་ལུས། །སྙིང་རྗེར་བརྟན་པའི་འཁོར་ལོ་ཅན། །གཉིས་མེད་ཡེ་ཤེས་རལ་གྲི་ཡིས། །ཞེན་རྟོག་འཆིང་བ་དྲལ་བར་མཛོད། །སྔོན་མེད་ལེགས་བཤད་གསར་དུ་སྤྲོ་བའི་ནུས་མེད་ལ། །བཤད་གང་བརྗོད་པ་རབ་གཙང་སྐྱོན་གྱིས་མ་རེག་མིན། །མ་བཤད་ལེགས་པར་བཤད་ཕྱིར་བདག་གིས་སྤོབས་པས་འདིར། །འབད་མིན་བློ་གྲོས་གསང་བུ་འཇུག་པའི་རྫིང་ཆུང་ངོ་། །དེ་ལ་སྐད་གཉིས་ཤན་སྦྱར་བ་དང་། ལེགས་སྦྱར་གྱི་ཚུལ་ལམ། །བརྡ་སྤྲོད་པའི་རིག་པ་ལ་འཇུག་པར་འདོད་པ་དག་གིས་རྒྱ་བོད་སྔ་མ་རྣམས་ཀྱི་ཕྱག་སྲོལ་ལྟར་ཐོག་མར་དབྱངས་ཅན་མའི་རི་མོ་གོ་དོན་ཁྲོལ་ངེས་ཀྱིས་བློ་གྲོས་ཀྱི་ལམ་ཅུང་ཟད་ཡངས་

[Full Size]

བར་བྱས་ནས། རིམ་གྱིས། ཀ་ལཱ་པ་དང་། ཙཱནྡྲ་བ། པཱ་ི་ནི་སོགས་ལ་འཇུག་ཅིང་སྦྱངས་བ་མཐར་སོན་པ་ན་སུམ་འབད་སྦྱར་བ་ཙམ་དུ་མ་ཟད། རིག་ལམ་སྤྱི་དང་། གསུང་རབ་དགོངས་འགྲེལ་དང་བཅས་པའི་དོན་ཕྱིན་ཅི་མ་ལོག་པར་རྟོགས་པ་ཡིན་ཏེ། སྒྲ་ཤེས་ན་དོན་ལ་མི་རྨོངས་ཞེས་བྱ་བ་བོད་བླུན་རྣམས་ཀྱིས་ཕྱི་རིག་གནས། ནང་མདོ་རྒྱུད་གང་ལའང་བོད་སྐད་རྐྱང་པའི་སྟེང་ནས་གོ་བ་བཙལ་ཏེ་འབྲུ་གཉེར་ཞིང་རང་ཉིད་ཀྱིས་ཀྱང་དོན་གྱི་ཕྱོགས་ཙམ་ལས་མ་རྟོགས་པར་སྐད་གཉིས་སྨྲ་བའི་དབང་པོ་རྣམས་ལ་དགག་བསྒྲུབ་ཕྱིན་ཀ་ལོག་ཏུ་བྱེད་ནས་རང་གི་བློ་གྲོས་ཀྱི་མཐིལ་ཟང་མར་སྟོན་པའི་སྙིགས་དུས་ཀྱི་འཆད་ཉན་དང་ཐོས་བསམ་གྱི་སྤྱི་སྲོལ་དེ་ལྟར་མ་ཡིན་

[Full Size]

པར། བློ་གྲོས་ཟབ་ཅིང་ཡངས་ལ་དཀྱིལ་ཆེ་བས་ཐོས་བསམ་ལས་བྱུང་བའི་སོ་སོར་རྟོགས་པའི་ཤེས་རབ་རྣམ་པར་དག་རུང་དུ་འགྱུར་ལ། དེ་ཙམ་གྱི་སྤྲོས་པ་མི་ལྕོག་ན་རིག་པ་རྣོ་བ་དག་ཐོག་མ་ནས་ཙཱནྡྲ་པར་འཇུག་སྟེ་སྦྱངས་པས། དེ་ཤེས་པ་ནི་རི་རབ་ཀྱི་རྩེ་མོར་ཕྱིན་ན་རི་ཕྲན་ཞར་ལ་མཐོང་བ་དང་མཚུངས་པར་སྒྲ་མདོ་གཞན་ཤུགས་ཀྱིས་རྟོགས་པར་འགྱུར་བས། འདི་ལ་འཕགས་ཡུལ་པ་དག་བློ་རབ་འཇུག་པ་པཎྜི་ཏའི་ལུགས་ཞེས་སྨྲ། དེ་ཙམ་ཡང་མ་གྲུབ་ན། གོ་སླ་བ་རྒྱལ་པོ་ལུགས་ཀྱི་བསྟན་བཅོས་ཞེས་བྱ་བ་ཀ་ལཱ་པར་འཇུག་པར་བྱ་སྟེ། གཞུང་འདི་ནི་ཁ་གསལ་བས་གོ་སླ་བ། མང་ཉུང་འཚམས་པས་འཇུག་བདེ་བ། ཡོངས་གྲགས་ཀྱི་སྒྲ་སྒྲུབ་ལ་མ་ཚང་བ་མེད་པ་སོགས་ཡོན་ཏན་དུ་མ་དང་ལྡན་པ་ཡིན་ཞིང་། དེ་ཡང་འཇིགས་ན་དབྱངས་ཅན་ཁོ་ནར་སྦྱང་བ་ལས་འོས་མེད་པས། དེ་ལྟར་གྱི་ཚེ་སྒྲ་གཞུང་དེའི་གཞུང་ཡན་ལག་བཅས་དཔྱིས་ཕྱིན་པར་རྟོགས་པར་མ་བྱས་ན་སུམ་འབིད་མཚན་ཉིད་པ་མི་འོང་ལ། སྤྱིར་དབྱངས་ཅན་གཞུང་ཉུང་བས་དེ་ཕན་དང་བུད་མེད་རྐྱེན་མཐའ་མདོ་ཙམ་ལས་མེད་ཅིང་། ཀྲྀཏ་རྣམས་ཀྱང་ཡོངས་གྲགས་ཕལ་ཆེ་བ་ཞིག་ཤུགས་བསྟན་གྱི་དབང་དུ་མཛད་པས་མ་ཚང་བ་མང་ཡང་སྐྱོན་ཡོད་པ་ནི་མ་ཡིན་ཞིང་། དེང་སང་འཕགས་ཡུལ་དུའང་འདི་ཉིད་སློབ་པ་ཆེས་མང་བར་གྲགས་ལ། བོད་འདིར་ནི་གཞུང་འདིའི་གོ་དོན་ཆེར་

[Full Size]

མེད་པའི་རི་མོ་ཁྲལ་ཁྲོལ་ཕལ་ཆེར་སྒྲ་གཞུང་དང་བསྟུན་མི་དགོས་པ་ཞིག་ཡོད་པ་སྣང་ངོ་། །དེ་ལ་དེང་སང་གི་དུས་འདིར་ཕལ་མོ་ཆེས་ལེགས་སྦྱར་ནི། །ཆོས་བསྒྱུར་རྒྱུ་ཡོད་ན་མ་གཏོགས་ཏེ་ཅང་མི་མཁོ་ཟེར་བའམ། ལུང་ལ་ཐོས་བསམ་བྱེད་པ་ལ་ཤེར་བརྩོན་གྱི་སྦྱོར་བ་གཞན་ཡོད་པས་ཆོག་གི། །ལེགས་སྦྱར་ཤེས་མ་ཤེས་མེད་ཟེར་བ་སོགས་མང་དུ་སྣང་བ་ནི་ཚོང་དུས་སུ་རས་པའི་རྣམ་ཐར་འཁྲབ་བ་ལྟར་ཕྱུགས་དང་མཚུངས་པའི་བླུན་པོའི་དབུས་སུ་ལོག་རྟོག་ལ་ཞེན་པའི་བླུན་པོ་དག་འདུག་སྟེ་མིག་མ་ཚང་བའི་ངོ་གནོང་མེད་པར་ལག་པ་ཡོད་པའི་མཚངས་འབྲུ་བརྗོད་པ་ན་བླུན་པོ་གཞན་རྣམས་ཀྱིས་ཀྱང་དེ་དེ་བཞིན་ནོ་ཞེས་ཐེ་ཚོམ་ཙམ་ཡང་མེད་པར་ཡིད་ཆེས་པས་སྒྲོགས་པ་ནི་སྙིགས་དུས་ཀྱིས་བསླད་པའི་བོད་རྒན་པོའི་རང་རྟགས་ཏེ། དཔེར་ན་བོང་བུས་ཕུབ་མ་ཁོ་ན་ཟ་བ་ལ་རྒྱུ་མཚན་ཅི་ཡང་མེད་པ་བཞིན་ནོ། །དེ་ལྟར་ཡང་། །འཕགས་ཡུལ་གྱི་མཁས་གྲུབ་ཆེན་པོ་རྣམས་དང་བོད་དུ་སྔར་བྱོན་པའི་ལོ་པ་སྐྱེས་མཆོག་དེ་རྣམས་ཀྱི་རྣམ་པར་ཐར་པ་ལས་ཤེས་པར་ནུས་སོ། །འགའ་ཞིག་གིས་རིག་པའི་གནས་འདིར་འཇུག་པའི་ཁུལ་བྱེད་ཀྱང་གྲགས་པའི་ཕྱིར་དང་། རྣམ་གྲངས་ཙམ་ལྷུར་ལེན་པའི་ཕྱིར་མཚམས་སྦྱོར་ལྔ་ཡི་རི་མོ་ཁྲོ་ལེ་བ་ཞིག་དང་། །མིང་ལེ་དང་པོ་ཙམ་སོང་ནས་ཐ་ན་བུན་གཏོང་ལེན་གྱི་ཐོ་ཆུང་ཚུན་ཆད་ཀྱི་འགོར་མཚམས་སྦྱོར་ཙམ་

[Full Size]

ཡང་ཇི་བཞིན་མ་བྱུང་བའི་པྲསྟཱ་ར་ཡིན་ཁུལ་གྱི་ཡིག་ཁྲ་དགོད་པ་ལ། དོན་ལ་བརྟགས་ཚེ་ཕལ་ཆེར་ནི་ངག་ཚིག་གིས་དོན་ལ་ཞུགས་པའི་གྲོང་པ་དང་། ལ་ལ་ནི་ཡན་ལག་དང་རྣམ་འགྱུར་ཉམས་པ། སྤྱི་ལྡོག་ནས་སྐད་དོད་རྣམས་རྡོ་ཆག་ལྷུ་གཏུག་ཏུ་བསྒྲིགས་པས་བསྟན་བྱའམ་བརྗོད་བྱའི་དོན་དུ་སོང་བ་ལྟ་ཅི་འབྲེལ་ཅི་ཡང་མེད་པའི་ཚིག་ཕྲེང་མྱོས་པའམ་མྱོས་པའི་ངག་ལྟར་དུ་གྱུར་པར་སྣང་། །དེས་ན་ཚུལ་འདི་ལ་རགས་པ་ཙམ་ཞིག་ཤེས་པར་འདོད་པས་ཀྱང་། ཐོག་མར་སྒྲ་གཞུང་གང་ཡིན་གཅིག་གི་མཚམས་སྦྱོར་དང་། མིང་ལེ་ལ་བྱང་ཆུབ་པ་དང་། ཀུན་བཤད་དང་ཀྲྀཏ་དག་ཀྱང་ཁོག་ཁྲོལ་ཞིང་རྒྱུག་ཆེ་བ་རྣམས་བློ་ནས་བྱང་བར་དགོས། །སྐད་དོད་ཀྱང་ཡོངས་གྲགས་རྒྱུག་ཆེ་བ་ཕལ་མོ་ཆེ་བློ་ནས་ཐོན་པ་དང་། སརྦ་ནཱ་མའི་སྡེ་ཚན། ཉེར་སྒྱུར་ཉི་ཤུ། མི་ཟད་པ་མཁོ་ཆེ་བ་རྣམས་ཀྱང་བློ་ལ་བཟུང་། །སྐད་དོད་ལ་ཕོ་མོ་མ་ནིང་གི་རྟགས་ངེས་པར་བྱ། སརྦ་ནཱ་མ་ནི་ཐད་ཀར་བསྒྱུར་ན་མིང་ཐམས་ཅད་པ་སྟེ་རྟགས་གསུམ་ག་འཇུག་པའི་དོན་ཡིན་པས་བསྒྲུབ་པ་ཚིག་གྲོགས་ཀྱི་རྟགས་དང་བསྟུན་ཏེ་བྱ། མི་ཟད་པ་དང་ཉེར་སྒྱུར་རྣམས་ལ་ནི་གྲངས་མེད་པ་ཞེས་བྱ་སྟེ་རྟགས་ཀྱི་དབྱེ་བ་མེད་ཅིང་རག་པར་རྣམ་དབྱེ་ཐམས་ཅད་ལ་གཟུགས་ཀྱི་དབྱེ་བ་མེད་པ་སོགས་ཞིབ་ཆ་གཞུང་ལས་གསལ། དེའང་ཚིག་ལྷུག་པ་སོགས་པྲསྟཱ་ར་མེད་པའི་རིགས་

[Full Size]

སྐད་གཉིས་ཤན་སྦྱར་བྱས་ཚེ་སྐད་དོད་ཀྱང་ཡོངས་གྲགས་ཁོ་ན་བཞག །རྣམ་དབྱེ་དང་དེ་ཕན་གྱི་ཆོ་ག་སོགས་གང་ལ་གང་དགོས་སྦྱར། དགོས་པ་ཡོད་ན་མ་གཏོགས་ཚིག་སྡུད་མི་བྱེད། བ་སུམ་དུ་བརྩེགས་པ་ལྟ་བུའི་ཡིག་གཟུགས་མི་བདེ་བ་ལ་མཚམས་སྦྱར་ཀྱང་མི་མཛད་པ་རྒྱ་དཔེ་རྣམས་སུ་གསལ་བ་དེ་ལྟར་ལགས། པྲསྟཱ་ར་བྱས་པ་དེའི་ཚེ་དེར་མ་ངེས་པས་དོན་མི་འཁྲུགས་ཤིང་དོན་ལས་མི་འདའ་བར་ཚིག་རྣམ་པ་གསལ་བ་ལ་སྦྱོར་ཚུལ་ཀྱང་ཇི་ལྟར་འདོད་པ་བྱ་སྟེ། སྐད་དོད་ཀྱང་ཡོངས་གྲགས་ཁོ་ན་དགོས་པའི་ངེས་པ་མེད། རྐྱེན་སྟེར་བའམ་བསྡུ་བ་སོགས་ཅི་བདེར་བྱེད། །དོན་མ་འཁྲུལ་བ་ཕན་ཚུན་ཏུ་དཀྲུག་ཆོག་ཀྱང་རྐང་པ་དང་པོ་དང་གཉིས་པ། གསུམ་པ་དང་བཞི་པ་དཀྲུག །ཕྱེད་སྔ་མ་རྐང་པ་གཉིས་པ་དང་། ཕྱེད་ཕྱི་མ་རྐང་པ་བཞི་པའི་མཐར་ཤད་ཀྱིས་ཆོད་པ་ཡིན་པས་གལ་ཏེ་མཚམས་སྦྱར་རྒྱུ་ཡོད་ཀྱང་མཚམས་སྦྱོར་མི་བྱེད་པར་མཚན་མ་ཤད་བྲི། རྐང་པ་དང་པོ་དང་གཉིས་པ། གསུམ་པ་དང་བཞི་པའི་ཐོག་མཐའ་མཚམས་སྦྱར་བ་མ་བྱས་ན་སྐྱོན་ཡིན། །འདི་ནི་བྲྀཏྟའི་དབང་དུ་བྱས་ལ། ཛཱ་ཏིའི་ཚེ་ཕྱེད་སྔ་ཕྱི་གཉིས་ལས་མི་འབྱུང་བས་གོ་བདེ་ཞིང་ལས་སླ་བ་ཡིན་ནོ། །སྐད་དོང་ལྷན་གཅིག་སྦྱོར་བའི་ཚེ་ཉེར་སྒྱུར་ཉི་ཤུ་དང་། མི་ཟད་པ་རྣམས་ཕལ་ཆེར་སྐད་དོད་དང་། བྱིངས་ཀྱི་ཐོག་མ་ལ་སྦྱོར་དགོས་པ་མང་། ཡང་

[Full Size]

ཁྱད་གཞི་གང་ཡིན་པའི་ཁྱད་ཆོས་ཀྱི་ཚིག་རྣམས་དང་། གྲངས་ཀྱི་སྐད་དོད་དང་། མཆོག་དམན་གཉིས་ལྷན་ཅིག་ཏུ་སྦྱོར་བའི་ཚེ་མཆོག་དང་། མང་ཉུང་གཉིས་ནུས་པ་མཚུངས་པ་ན་ཉུང་བ་རྣམས་སྔོན་དུ་སྦྱོར་དགོས་ཏེ། དང་པོ་ནི། ཆེན་པོ་དང་། མང་པོ་དང་། ཉུང་ངུ་དང་། རྒྱལ་ཚབ་ལྟ་བུའི་ཚབ་སོགས་ཏེ། དཔེར་ན། མ་ཧཱ་བུདྡྷ་བོ་དྷི་སཏྭཱཿ མ་ཧཱ་དེ་བཿ མ་ཧཱ་ཀཱ་རུ་ི་ཀཿ ལ་སོགས་པ་དང་། བེ་ཧུ་དྲ་བྱཾཿ སྟོ་ཀ་ངོ་ཥཿ ཡུ་བ་རཱ་ཛཱ། ལྟ་བུ་སྟེ་འདི་རྣམས་གཞན་ལས་ཁྱད་པར་དུ་བྱེད་པའི་ཚིག་ནི་ཆེན་པོ་དང་། མང་པོ་དང་། །སངས་རྒྱས་དང་བྱང་ཆུབ་སེམས་དཔའ་ཆེན་པོ་རྣམས། ལྷ་ཆེན་པོ། སྙིང་རྗེ་ཆེན་པོ། ཉུང་ངུ་སོགས་ ནོར་རྫས་མང་པོ། སྐྱོན་ཉུང་ངུ་། རྒྱལ་པོའི་ཚབ། ཡིན་པས་སྔོན་དུ་བཞག་དགོས་པ་ལྟ་བུ་དང་། གཉིས་པ་ནི། ད་ཤ་བྷཱུ་མཱི། སཔྟ་རཏྣཾ། ས་ཧ་སྲ་བྷུ་ཛཿལྟ་བུ་བཅུ་དང་། བདུན་དང་། སྟོང་ཕྲག་གི་སྐད་དོད་རྣམས་སྔོན་དུ་སྦྱོར་བ་དང་། གསུམ་པ་ནི། དེ་བ་ན་རཿཔུ་ཏྲ་པུ་ཏྲཱི། སི་ཏྲཱ་ཀྲྀཥྞཿ ལྟ་བུ་དེ་དང་དེ་ལ་ལྟོས་ནས། ས་བཅུ། ནོར་བདུན། ཕྱག་སྟོང་། སྔ་མ་རྣམས་མཆོག་ཡིན་པའི་ཕྱིར་དང་། བཞི་པ་ནི། ཨགིྣ་སཱ་གརཿ ཤྭཱ་བརཱཧཿ ཤུག་པ་ དྷ་བ་ཁ་དི་རཽ། སེང་ལྡེང་། ལྷ་དང་མི། བུ་དང་བུ་མོ། ལྟ་བུ་སྟེ། དཀར་ནག །ཀུན་ལ་རིགས་འགྲེ་བར་བྱའོ། །ཡང་མིང་ཚིག་སྔ་མའི་ཡན་ལག་མ་གྱུར་པ་རྣམས་ནི་སྐད་དོད་ཚོལ་ནས་བཞག་མེ་དང་རྒྱ་མཚོ། ཁྱི་དང་ཕག་པ། །

[Full Size]

སྟེ། ཆོས་དབྱིངས་ལྟ་བུ་ཆོས་དང་དབྱིངས་དོན་སོ་སོ་བས་མིང་གཅིག་སྟོན་པ་ཡིན་པས། དྷརྨ་དྷཱ་ཏུ། ཞེས་བཞག་པ་ལྟ་བུ་དང་། ཚིག་སྔ་མའི་ཡན་ལག་ཡིན་ན་རྐྱེན་སྦྱར་བར་བྱ་ཞིང་དེ་ལའང་རྣམ་པ་བཞི་རུ་འགྱུར་ཏེ། རྣམ་དབྱེའི་ཡན་ལག་ཡིན་པ་དང་། ཕྲད་ཀྱི་ཡན་ལག་ཡིན་པ་དང་། དེ་ཕན་གྱི་དང་། ཐམས་ཅད་ཀྱིའོ། །དང་པོ་ནི། སངས་རྒྱས་ཀྱིས་གསུང་ལྟ་བུར། ཀྱིས་ཞེས་པ་ཚིག་སྔ་མ་བྱེད་པ་པོ་གསལ་བའི་ཡན་ལག་ཡིན་པའི་ཕྱིར་རྣམ་དབྱེ་གསུམ་པ་སྦྱར་བས། བུདྡྷེ་ནོཀྟཾ། ལྟ་བུ་དང་། བདག་གི་ལྷ། ལྟ་བུར་གི་ཞེས་པས་སྔ་ཕྱིའི་འབྲེལ་བའི་དོན་གསལ་བའི་ཕྱིར་རྣམ་དབྱེ་དྲུག་པ་སྦྱོར་དགོས་པས། ཨསྨ་དྲ་ལ་ངསྲ་དང་། ཚིག་གྲོགས་སྦྱར་བས། མ་མ་དེ་ཝ། ལྟ་བུ་དང་། རྒྱལ་བར་གྱུར་ཅིག །ཅེས་པར་ཚིག་ཕྱི་མ་སྔ་མ་སྨོན་པ་གསལ་བར་བྱེད་པའི་དོན་ཏུ་སྦྱར་བས་ཇི་རྒྱལ་བའི་བྱིངས་ལ་ཏི་སོགས་ཀྱི་རྣམ་དབྱེ་ཨཱ་ཤི་ཥྲའི་ཨཱཏྲ་སྦྱར་བས། ཛི་ཡཱཏ། གྲུབ་པ་སོགས་ཤེས་པར་བྱའོ། །གཉིས་པ་ནི། མ་སྐྱེས་མི་འགག་ལྟ་བུར་མ་དང་མི་དགག་པའི་ཚིག་ཕྲད་ཀྱི་ཡན་ལག་ཡིན་པས། སྐད་དོད་གོང་དུ་ན་ཉའི་རྐྱེན་སྦྱར་བས། ཨ་ཛནྟཾ། ཨ་ནི་རོ་དྷཿ སོགས་དང་། ཇི་སྲིད་བྱང་ཆུབ་བར་དུ་ཞེས་པར། ཇི་སྲིད་དང་། བར་དག་ཚིག་ཕྲད་ཡིན་པས་མི་ཟད་པ་དང་ནི་པཱ་ཏའི་རྐྱེན་སྦྱོར་བས། །

[Full Size]

ཨཱ་ཡཱ་བདྷོ་དྷི་ཥུ། ཞེས་དང་། ཡོད་ཅེས་སྨྲ། ཞེས་པར་ཅེས་ཚིག་ཕྲད་དུ་བསྟན་པས་མི་ཟད་པ་སྦྱོར་དགོས་པས། སཏ་ཡོད་པའི་སྐད་དོད་ལ་ཨི་ཏི་སྦྱར། ཚིག་གྲོགས་དང་སྦྲེལ་བས། ས་དི་ཏི་བཀྟཾ་བྱ། ཞེས་པ་ལྟ་བུའོ། །གསུམ་པ་ལ་ནི་རིགས་ཆེས་མང་བས་དེ་ཕན་སྟོན་པའི་གཞུང་རྣམས་ལས་མ་མཐའ་ཡང་ཐོ་རེ་ལོང་ངེ་བ་མ་ངེས་ཕྱིན་སྦྱར་ཤེས་པ་མེད་ལ། འདིར་དཔེ་མཚོན་ཙམ་སྨྲ་ན། ལྷ་ཡི་སྲས། རྣམ་ཐོས་བུ། ལྟ་བུའི་སྲས་དང་བུ་ནི་སྔ་མ་ཕ་ཡི་ཡན་ལག་ཏུ་གསལ་བར་བྱེད་པའི་ཚིག་ཡིན་པས་དེ་ལ་བུ་བརྒྱུད་ཀྱི་རྐྱེན་སྦྱོར་བར་བྱ་སྟེ། དེ་བ་ལ། ཙཱནྡྲ་པ་ལྟར་ན། གརྒ་ལ་སོགས་པ་རྣམས་ལས་ཡཉྲའོ། ཞེས་པ་དང་། ཀ་ལཱ་བར། གརྒ་སོགས་ལས་ཎྱའོ། །ཞེས་དང་། མཚོ་ལྡན་མར། གརྒ། ན་ཌ་སོགས་ཀྱིས་ཎྱ་སྟེར་བར་བཤད་པ་དེ་རྣམས་གང་སྟེར་ཡང་གྲུབ་གཟུགས་གཅིག་པས། དཻ་བྱཿ ཞེས་གྲུབ། འོན་ཀྱང་། དེ་བ་པུ་ཏྲཿ ཞེས་སྐད་དོད་སྦྱར་ཡང་སྐྱོན་ཡོད་པ་ནི་མ་ཡིན་ཏེ། གཞན་ལའང་ཤེས་པར་བྱ་ཞིང་པྲསྟཱ་ར་འགོད་པ་ལྟ་བུའི་ཚེ་གང་བདེར་བྱས་པས་འགྲིགས་སླ། དེ་བཞིན་ཏུ། བེ་ཤྲ་མ་་ལ། བུ་བརྒྱུད་ལ་ཨའོས། ཨྲ་སྦྱར་བས། བཻ་ཤྲ་མཿ གྲུབ་པ་སོགས་དང་། རྒྱ་སྐྱེགས་ཀྱི་རྣམ་འགྱུར། ཞེས་པར་རྣམ་འགྱུར་ཉིད་ཚིག་སྔ་མའི་ཡན་ལག་ཡིན་པས་དེ་ཕན་སྦྱོར་བ་

[Full Size]

ན། ཛ་ཏུ་ལ། ཏྲ་པུ་དང་ཛ་ཏུ་དག་གིས་ཥུཀྲའོས། རྣམ་འགྱུར་ལ་ཥུཀྲ་སྟེར་བ་སོགས་ཀྱིས། ཛཱ་ཏུ་ཥཾ། ཞེས་དང་། ཀུན་ལ་ཕན། ཞེས་པར་ཕན་པ་ཚིག་སྔ་མའི་ཡན་ལག་ཡིན་པས། སརྦ་ལ་དེ་ཕན་གྱི་ཚ་དང་། དེ་ཨཱི་ཡ་རུ་བསྒྱུར་བ་སོགས་ཀྱིས། སརྦཱི་ཡཿཞེས་གྲུབ། དེ་བཞིན་དུ་དྲང་སྲོང་དང་འདྲ་བ། མེ་དང་འདྲ་བ། ཞེས་སོགས་ལ། ཉེ་བར་འཇལ་བ་ལ་བཏི་འོས། འདྲ་བའི་རྐྱེན་བ་ཏི་སྦྱིན་ཞིང་ཨི་ཕྱིས་པ་སོགས་ཀྱིས། རྀ་ཥི་བཏ། ཨགྣིི་བཏ། ཞེས་པ་ལྟ་བུ། ཚེ་དང་ལྡན་པ། ཆོས་དང་ལྡན་པ། ཚོགས་ཅན། རིགས་ཅན་སོགས་ལ་ལྡན་རྐྱེན་རྣམས་སྦྱིན་པར་བྱ་སྟེ། ཀ་ལཱ་པར། དེ་འདིའི་ཡོད་པ་ཞེས་པ་མནྟུ་བནྟུ་བིནྲ་ཨིནྲ་རྣམས་སོས་འདི་རྣམས་གང་རིགས་སྦྱར་བས། ཨཱ་ཡུཥྨཱ་ནྲ། དྷརྨ་བཱནྲ། ལིཙྪ་བཱི། ཀུ་ལཱི། ཞེས་གྲུབ་པ་སོགས་དང་། དེ་ཁོ་ན་ཉིད། མཆོག་ཉིད། སྟོང་ཉིད། གང་ཁྱོད། ཞོ་ཡི་དངོས་པོ། ལྟ་བུ་ལ། ཀ་ལཱ་བར། དངོས་པོ་ལ་ཏ་ཏྭ་དག་གོ། །ཞེས་པས་དེ་དག་གང་རིགས་སྦྱར་དགོས་པས། དེའང་ཏ་སྦྱར་ན་དེ་ལ་བུད་མེད་ཀྱི་ཨཱསྲ་སྟེར་ནས་རྟག་ཏུ་བུད་མེད་ཀྱི་རྟགས་མཐའ་དགོས་པ་དང་། ཏྭ་སྦྱར་ན་རྣམ་པ་ཀུན་ཏུ་མ་ནིང་གི་རྟགས་མཐའ་དགོས་པ་ཉིད་དོ། །འོ་ན། ཏཱ་ཏྭཾ། ཞེས་མི་བསྟན་པ་ཅི་སྙམ་ན། མང་པོ་ཉིད་

[Full Size]

ཀྱི་ཕྱིར་རོ་ཞེས་གསུངས་སོ། །དེ་དག་རིམ་པ་བཞིན་དཔེར་ན། ཏ་ཏྭཾཾ། བ་ར་མ་ཏཱ། ཤཱུ་ནྱ་ཏཱ། ཡ་ཏྭཾཾ། ད་དྷི་ཏྭཾཾ། ཞེས་གྲུབ་པ་ལྟ་བུ་དང་། ལྔ་པ་བདུན་པ་སོགས་ཀྱིས་ཞེས་པ་སྔ་མ་རྫོགས་པའི་ཚིག་གསལ་བྱེད་ཀྱི་ཡན་ལག་ཏུ་ངེས་པས། གྲངས་ལས་རྫོགས་པ་ལ་ཌ་མ་སོགས་ཀྱིས། པཉྩ་མཱི། སཔྟ་མཱི། ཞེས་གྲུབ་པ་སོགས་ཞིབ་ཏུ་སྨོས་ཀྱི་མི་ལངས་སོ། །བཞི་པ་ནི། གོང་མ་གསུམ་པོ་ཤེས་ན་ཞར་ལ་ཤེས་པ་འགྱུར་བ་སྟེ། དཔེར་ན། ཚེ་དང་ལྡན་པས་གང་ཞིག་སྨྲས། ལྟ་བུ་ལྡན་པ་ནི། དེ་ཕན་གྱི་ཡན་ལག་ཡིན་ལ། པས་ཞེས། བྱེད་པ་པོ་ནི་རྣམ་དབྱེ་གསུམ་པའི་དང་། གང་ཞིག་ཚིག་ཕྲད་ཀྱིའོ། །དེས་ན་དེ་ཐམས་ཅད་སྦྱོར་བས་ཨཱ་ཡུཥྨ་ཏཱ་ཡཏྶྱ་དུཀྟཾ། ཞེས་པ་ལྟ་བུའོ། །དེའང་སྐད་དོད་རྣམས་ལྷན་ཅིག་ཏུ་སྦྱོར་བའི་ཚེ་ཐོག་མར་བོད་ཚིག་སྦྱར་གཞི་ལ་དཔག་པའི་རྣམ་དབྱེ་བདུན་གསུམ་ཉེར་གཅིག་གང་དང་གང་སྦྱོར་དགོས་པ་མ་འཁྲུལ་བར་བྱ་དགོས་ལ། དེའང་རགས་པར་ན། སངས་རྒྱས། ཆོས། ལྷ། མི་ལྟ་བུ་ལ་མིང་ཟེར། དེ་དག་གཉིས་སམ་མང་པོ་ཡང་རུང་། རྒྱུན་གཅིག་ཏུ་འཚོགས་པ། སངས་རྒྱས་ཆོས་དང་དགེ་འདུན་ནམ། མཐོ་རིས་ལྷ་མིའི་དཔལ་འབྱོར་ལྟ་བུ་ནི་ཚིག་གི་རྒྱུན་དུ་གྲུབ་པ་ཡིན། བོད་སྐད་ལ་ཕལ་ཆེར་ཚིག་གི་ཕྲད་ཙམ་མ་གཏོགས་དོན་གྱི་ངོ་བོ་སྟོན་པའི་མིང་དང་ཚིག་ལ་

[Full Size]

དབྱེ་བ་མེད་ཀྱང་ལེགས་སྦྱར་གྱི་ལུགས་སུ་ཚིག་ཡིན་ཏུ་ཟིན་ན་རྣམ་དབྱེ་དངོས་སུ་བསྡུས་མ་བསྡུས་གང་ལྟར་རུང་དབྱེ་བ་དོད་པ་དགོས་པས། དེས་ན། རྟགས་ཀྱི་དོན་ཙམ་ལ་རྣམ་དབྱེ་དང་པོ་སྦྱར། དེ་ཡང་དང་པོའི་གཅིག་ཚིག་གིས་ནི་དོན་གྱི་ངོ་བོ་ཙམ་ཁོ་ན་སྟོན་ཅིང་། གཉིས་ཚིག་དང་མང་ཚིག་དག་གིས་དོན་གྱི་ཁྱད་པར་ཅུང་ཟད་སྟོན་པ་དང་། བྱེད་པ་པོ་དང་ལས་ཀྱི་དོན་ལ་གསུམ་པ་དང་གཉིས་པའི་ཚབ་ཏུ་རྣམ་དབྱེ་དང་པོ་སྦྱར་བའང་བྱེད་པ་པོ་དང་ལས་དག་ལ་ཀྲྀཏ་སོགས་རྐྱེན་གཞན་གྱིས་བཤད་ཟིན་པས་དེ་དང་སྦྱོར་བའི་ཚེ་དེ་དང་དེར་རྣམ་དབྱེ་དེ་དག་སྦྱིན་མི་དགོས་པར་དོན་ཙམ་ལ་དང་པོ་སྦྱིན་པ་ཡིན་པ་ལས་དོན་གྱི་ལྡོག་པ་སྟོན་པའི་ཕྱིར་མ་ཡིན་ནོ། །འོ་ན་རྣམ་དབྱེ་དང་པོས་དོན་གྱི་ངོ་བོ་ཁོ་ན་ལས་བསྟན་པ་མེད་དམ་ཞེ་ན་དེ་གཅིག་པུར་ཡང་ཁྱབ་མཐའ་བཅས་པ་མེད་དོ། །ཀྱེ་བཅོམ་ལྡན་འདས། ཀྱེ་སྒྲོལ་མ། །ལྟ་བུ་བོད་པའི་དོན་རྣམས་ལ་རྣམ་དབྱེ་དང་པོ་བསྒྲུབ་པར་བྱ་བ་ཡིན་ལ། དེའི་ཚེ་འདོད་ན་བོད་པ་གསལ་བྱེད་ཀྱི་སྒྲ། ཧེ། བྷོ། བྷོས་སོགས་སྔོན་ཏུ་སྦྱར། བོད་པ་གསལ་བྱེད་ཀྱི་སྒྲ་འདི་ལ་འགའ་ཞིག་བོད་པའི་རྣམ་དབྱེ་ཡིན་པར་རློམས་ཀྱང་། རྣམ་དབྱེ་མིང་གི་ཐོག་མར་སྦྱར་བ་ནི་ལེགས་སྦྱར་ལ་ལྟ་ཅི་སྨོས། བོད་ཀྱི་སྐད་དུའང་ཡོད་པ་མི་དྲན་ནོ། །ཡང་ཞེ་དྲུང་པ་ཡན་ཆད་བོད་སྔ་རབས་པ་ཕལ་མོ་ཆེས་རྣམ་དབྱེ་

[Full Size]

བརྒྱད་པ་བོད་པ་ཞེས་ཟེར་ཡང་སྒྲའི་གཞུང་ཆེན་པོ་རྣམས་སུ་རྣམ་དབྱེ་བདུན་གསུམ་ཉེར་གཅིག་ཞེས་པ་ཁོ་ན་འབྱུང་གི་བརྒྱད་གསུམ་ཉེར་བཞི་མ་བྱུང་ལ། དེའང་། དང་པོ་གསུམ་ལས་ངོ་བོའི་གཟུགས་གཞན་མེད་པའི་ཕྱིར་དང་། ཁྱེད་ལྟར་ན། བོད་པ་ལ་བརྒྱད་པའོ། །ཞེས་འབྱུང་རིགས་ས་ལ་དེ་མ་བྱུང་བར། ཙཱནྡྲ་པ་དང་པཱ་ི་ནིར། དོན་ཙམ་ལ་དང་པོའོ། །ཀུན་ཏུ་བོད་པ་ལའོ། །ཞེས་དང་། ཀ་ལཱ་བར། རྟགས་ཀྱི་དོན་གྱི་ཚིག་ལ་རྣམ་དབྱེ་དང་པོའོ། །བོད་པ་ལའང་ངོ། །ཞེས་དང་། མཚོ་ལྡན་མར། རྟགས་ཀྱི་དོན་ལ་དང་པོའོ། །ཀུན་ཏུ་བོད་པ་ལའང་ངོ། །ཞེས་དང་། རབ་བྱེད་དུ། མངོན་དུ་ཕྱོགས་ནས་ཀུན་ཏུ་བོད་པར་བྱེད་པའི་དོན་ལའང་རྣམ་དབྱེ་དང་པོར་འགྱུར་རོ། །ཞེས་རྣམ་པ་ཐམས་ཅད་དུ་དང་པོ་ཉིད་ཀུན་ཏུ་བོད་པའི་དོན་ཉིད་ལ་འཇུག་པར་བཤད་པས་འདི་རིགས་གཞུང་ཆེན་པོ་རྣམས་སུ་མ་གྲགས་པའི་དོན་རང་མི་མཐུན་པའི་ལེགས་བཤད་ཡིན་པར་རློམས་པ་དམ་དུ་མ་འབྱུང་བ་དག་བོད་བླུན་གྱི་རྟོག་བཟོ་ཉིད་དུ་གཟུང་བར་བྱའོ། །བྱ་བའི་ལས་ལ་གཉིས་པའོ། །ཞེས་བྱེད་པ་པོས་བྱ་བ་བྱེད་པའི་ཚེ་བྱ་བའི་ཡུལ་གྱི་དངོས་པོ་དེ་ལ་རྣམ་དབྱེ་གཉིས་པ་གསུམ་འགྱུར་ཞིང་གཞུང་རྣམས་སུ་བྱེད་པ་ཅན་གྱི་ལས་ཞེས་བརྗོད་ཅིང་། །དཔེར་ན། ལྷས་བྱིན་གྱིས། རྩྭ་ལྷས་བྱེད། བྲམ་ཟེ་ཉི་མ་ལ་བལྟ། ལྟ་བུའི་ལྷས་བྱིན་དང་བྲམ་ཟེ་ནི་

[Full Size]

བྱེད་པ་པོ། །རྩ་ལྷས་དང་ཉི་མ་ནི་བྱ་བའམ་བྱེད་པའི་ཡུལ་གྱི་དངོས་པོ་ཡིན་པས་དེ་དག་ལ་ལས་ཀྱི་རྣམ་དབྱེ་སྦྱོར་དགོས་ཤིང་། དེའང་རྒྱ་འགྲེལ་རྣམས་སུ། །བྱེད་པ་པོའི་བྱ་བས་གང་ཞིག་ཤིན་ཏུ་ཁྱབ་པར་འདོད་པ་དེ་ནི་བྱེད་པ་ཅན་གྱི་ལས་ཀྱི་མིང་ཅན་དུ་འགྱུར་རོ། །ཞེས་བཤད་པས་བྱ་བའི་ཡུལ་ལའང་ཉེ་རིང་གཉིས་ཡོད་པ་ལས། འདིར་དེ་མ་ཐག་བར་མ་ཆད་པར་བྱ་བ་འཇུག་པའི་ཡུལ་དེ་ལ་ངོས་བཟུང་བ་ཡིན་ནོ། །དེའང་ལས་ལ་རྣམ་པ་བདུན་ཏུ་བཤད་པ་ལས། མ་བཤད་པའི་ལས་ལ་གཉིས་པ་འཇུག་པའོ། །དེས་ན། ཀ་ཊཾ་ཀ་རོ་ཏི་དེ་བ་དཏྟ། ཨཱ་དི་ཏྱཾ་པ་ཤྱ་ཏི་བི་པྲ། ཞེས་ཀ་ཊ་རྩྭ་ལྷས་དང་། ཨཱ་དི་ཏྱ་ཉི་མ་ཡིན་པས་གཉིས་པའི་ཨམྲ་སྦྱར་བའོ། །ཡང་། འགྲོ་བའི་དོན་ཅན་གྱི་བྱིངས་དང་། །དེ་བཞིན་དུ་སྦྱར་ཏེ། རྟོགས་པའི་དང་། ཟས་ཀྱི་དང་། སྒྲ་ཡི་དང་། ལས་མེད་པའི་བྱིངས་རྣམས་ལ་སྦྱོར་བ་པོའི་ི་ཙྲའམ། ཨིནྲ་ཀཱ་རི་ཏ་དང་བཅས་པའི་བྱེད་ཚིག་སྦྱོར་བའི་ཚེ་བྱེད་པ་པོ་ལ་རྣམ་དབྱེ་གཉིས་པ་འགྱུར་ཏེ། དཔེར་ན། ཁྱེའུ་ལ་རིག་བྱེད་ཀློག་ཏུ་འཇུག་པར་བྱེད། །ཞེས་པར། པཱ་ཋ་ཡ་ཏི་མཱ་་བ་ཀཾ་བེ་དཾ། ཞེས་པ་ཋ་ཀློག་པའི་བྱིངས་ལ་ཨིན་དང་། བརྟམཱ་ནའི་ཏི། ཨནྲ་བི་ཀ་ར་་སྦྱར་བས་ཀློག་པ་ནི་སྒྲའི་དོན་དང་། དེ་དང་སྦྱར་བའི་ཁྱེའུའི་སྐད་དོད་མཱ་་བ་ཀ་

[Full Size]

ཀློག་པའི་བྱེད་པ་པོ་ཡིན་ཀྱང་ཀློག་པ་ལ་སྦྱར་བར་བྱ་བའི་ལས་ཀྱང་ཡིན་པས་གཉིས་པའི་ཨམྲ་སྦྱར་བ་དང་། བེ་ད་ནི་མ་བཤད་པའི་ལས་དངོས་ཡིན་པས་གཉིས་པ་ཐོབ་ཅིང་། སྦྱར་བྱའི་ལས་འདི་བྱེད་པ་པོ་དང་གཞི་མཐུན་པས་བྱེད་པ་པོའི་ལས་ཞེས་བརྗོད་དོ། །ཡང་བྱ་བའི་ཁྱད་པར་ལ་གཉིས་པ་འཇུག་པར་བཤད་པས། དཱུ་རཾ་པནྠཱཿ ལམ་ཐག་རིང་བ། ཨནྟི་ཀཾ་པནྠཱཿ ལམ་ཐག་ཉེ་བ། ལྟ་བུ་ལམ་ནི་བྱ་བ་ཡིན་ཞིང་ཉེ་རིང་ནི་བྱ་བ་དེའི་བྱེད་པ་ཡིན་པས་དེ་དག་ལ་གཉིས་པའི་ཨམྲ་སྦྱར་བའོ། །བྱེད་པ་པོ་ལ་གསུམ་པའོ། །ཞེས་པས་ལས་གང་ཞིག་བྱེད་མཁན་ནམ། བྱེད་པ་ཅན་ལ་རྣམ་དབྱེ་གསུམ་པ་རྣམས་འཇུག་པས། ནག་པའི་བུས་བྱས། ལྟ་བུ་ནག་པའི་བུ་བྱེད་པ་པོ་ཡིན་པས་ཙཻ་ཏྲ་ལ་ཊཱ་སྦྱར་བས། ཙཻ་ཏྲེ་་ཀྲྀ་ཏཾ། ལྟ་བུ་སྟེ་འདིར་ཡང་བྱེད་པ་པོ་ལ་རྣམ་པ་ལྔར་བཤད་པའི་མ་བཤད་པའི་བྱེད་པ་པོ་ལ་འཇུག་པར་ཤེས་པར་བྱའོ། །ཡང་བྱེད་པ་ལའོ། །ཞེས་བྱ་བའི་སྒྲུབ་བྱེད་དམ་ཕན་འདོགས་པའི་ཐབས་སུ་གྱུར་པ། སྟྭ་རེས་ཤིང་གཅོད་ལྟ་བུ་གཅོད་པའི་བྱེད་པ་པོ་གཞན་ཡོད་མོད་ཀྱི་དེའི་སྒྲུབ་བྱེད་དམ། །གཅོད་པ་ལ་ལྟོས་ནས་བྱེད་པ་ཡིན་པའི་ཕྱིར་རྣམ་དབྱེ་གསུམ་པ་འཇུག་སྟེ། སརྦཱུ་ལ་ཊཱ། དེ་ནཱ། པ་རཱུ་ནཱཙྪི་ནཏྟི་བྲྀཀྵཾ། ལྟ་བུ་སྟེ་པཱ་ི་པ་ལས། རང་དབང་ཅན་ནི་བྱེད་པ་པོའོ། །ཕུལ་དུ་བྱུང་བའི་སྒྲུབ་བྱེད་ནི་བྱེད་

[Full Size]

པའོ། །ཞེས་གསུངས་ཤིང་མ་བཤད་པའི་བྱེད་པ་པོ་དང་བྱེད་པ་གཉིས་ཀ་ཚིག་སྦྱོར་གཅིག་ལ་ཡོད་པའི་ཚེ་གཉིས་ཀ་ལ་རྣམ་དབྱེ་གསུམ་པ་འཇུག་སྟེ། རཱ་མེ་་བཱ་ེ་ན་ཧ་ཏོ་྅་བཱ་ལཱི། །དགའ་བྱེད་ཀྱི་མདས་ཕྲེང་ཅན་བསད་དོ། །ལྟ་བུའོ། །ཡང་དེ་གཉིས་བཤད་མ་ཐག་པ་བཞིན་ཚིག་སྦྱོར་གཅིག་ལ་ཡོད་པའི་སྐབས་བྱེད་པ་པོ་ལ་དང་པོའང་སྦྱོར་ཏེ། དཔེར་ན། ཨགྣི་ནཱ་པ་ཙ་ཏི་བི་པྲཿབྲམ་ཟེས་མེས་འཚེད་པར་བྱེད་ལྟ་བུ་བྲམ་ཟེ་བྱེད་པ་པོ་དང་། མི་བྱེད་པ་སྟེ་བྲམ་ཟེའི་སྐད་དོད་བི་པྲ་ལ་དང་པོ་དང་། ཨགྣི་ལ་གསུམ་པ་སྦྱར་བ་སྟེ། དེའང་བ་ཙ་ཏི་ཞེས་པ་ཏིདྲ་མཐའ་བྱེད་པ་པོ་བརྗོད་པ་ཉིད་ཀྱི་ཕྱིར། བཤད་པའི་བྱེད་པ་པོ་ལ་དང་པོ་ཉིད་ཐོབ་པའི་ཕྱིར་རོ། །ཡང་ཕ་བུ་གཉིས་ལྷན་ཅིག་ཏུ་འོངས་སོ། །ཞེས་པ་ལྟ་བུ་བཅས་པའམ་ལྷན་ཅིག་པའི་ཚིག་སྦྱོར་བའི་ཚེ་གཙོ་བོ་མ་ཡིན་པ་ལ་གསུམ་པ་འགྱུར་ཏེ། པི་ཏཱ་པུ་ཏྲེ་་སཱ་ཧཱ་ག་ཏཿཞེས་ཕ་བུ་གཉིས་ཕ་གཙོ་བོ་ཡིན་པས་མི་སྦྱར་བར། བུའི་སྐད་དོད་ལ་བུ་ཏྲ་ལ་གསུམ་པ་སྦྱར་བ་ཡིན་ཞིང་། རྒན་གཞོན་གཉིས་དང་། བུ་བུ་མོ་གཉིས་དག་རྒན་པ་དང་བུ་དག་གཙོ་བོ་ཡིན་པས་གསུམ་པ་སྦྱར་དགོས་ཤིང་། མདོ་རྒྱུད་ཀྱི་གླིང་གཞི་རྣམས་སུའང་གཙོ་བོ་སངས་རྒྱས་ཀྱི་མཚན་ལ་གསུམ་པ་མ་སྦྱར་བར། འཁོར་བྱང་སེམས་དང་ཉན་ཐོས་ལ་གསུམ་པ་

[Full Size]

སྦྱར་ནས། ལྷན་ཅིག་པའི་དོན་ཐབས་ཅིག་ཏུ་ཞེས་པ་དང་སྦྲེལ་ནས་གསུངས་པ་མང་དུ་སྣང་ངོ་། །ཡང་རིལ་བ་སྤྱི་བླུགས་ཀྱིས་གྲྭ་སར་མཐོང་། ལྟ་བུ་མཚན་ཉིད་དང་རྣམ་པ་ཅུང་ཟད་ཀྱིས་མཚོན་ནས་མཚན་གཞི་དངོས་པོའི་ཁྱད་པར་རྟོགས་པར་བྱེད་པ་ལ་གསུམ་པ་འགྱུར་ཏེ། རིལ་བའི་སྐད་དོད་ཀ་མཎྜ་ལུ་ལ་ཊཱ་དང་། དེ་ནཱ་རུ་བསྒྱུར་བ་སོགས་ཀྱིས། ཀ་མཎྜ་ལུ་ནཱཙྪཏྟྲ་མ་དྲཀྵི་ཏ། ཡང་པཱ་ི་ནི་སོགས་སུ། ཡན་ལག་གི་རྣམ་འགྱུར་གྱིས་ཡན་ལག་ཅན་གྱི་རྣམ་འགྱུར་མཚོན་པ། མིག་གིས་ཞར་པ། རྐང་པས་གྱོལ་པོ་ལྟ་བུ་ལ་གསུམ་པ་འཇུག་པ་བཤད་དེ། ཨ།།།ཀཱ་ཿཔཱ་དེ་ན་ཁཉྫཿ ལྟ་བུའོ། །ཡང་རིག་པས་སྙན་གྲགས། སྔགས་ཀྱིས་གནས། ལྟ་བུའི་བྱ་བ་ལ་སྦྱོར་བའི་རྒྱུ་མཚན་ལ་གསུམ་པ་འཇུག་སྟེ། དཔེར་ན། བིདྱ་ཡཱ་ཡ་ཤཿམནྟྲ་ཱ་བ་ས་ཏི། ཊཱ་ལྟ་བུ་ཊཱ་སྟེ་འདི་ནི་སྔར་བཤད་པའི་བྱེད་པ་དང་གཅིག་ཏུ་འཁྲུལ་བ་མི་བྱ་སྟེ། རྒྱུ་ལ་རགས་ལུས་པ་ནི་བྱེད་པ་པོ་ཡིན་ཞིང་བྱེད་པ་པོ་ལ་རགས་ལུས་པ་ནི་བྱེད་པ་ཡིན་པས་སོ། །དེས་ན་སྔགས་ཊཱ་ཀྱི་རྒྱུ་མཚན་ནི་གནས་པའི་རྒྱུ་མཚན་ངེས་པ་ཅན་ཡིན་ཅིང་། གོང་བཤད་སྟྭ་རེས་བཅད་པ་ལྟ་བུ་ནི་དེ་ལྟ་མ་ཡིན་ཏེ། དེ་ལ་ཕན་འདོགས་པའི་བྱེད་པ་གཞན་ཡོད་པས་སོ། །ཞེས་སྒྲ་ཤེས་དག་སྨྲའོ། །ཡང་དག་པ་རབ་ཏུ་སྦྱིན་པ་ལ་བཞི་པའོ། །

[Full Size]

ཞེས་བྱེད་པ་པོའི་ལས་བྱེད་པ་གང་ཞིག་སྦྱིན་པའི་ཡུལ་གང་ཡིན་པ་དེའི་དོན་དུ་བསམ་ནས། དེར་སྦྱིན་པའམ་བྱ་བ་བྱེད་པའི་དོན་ཏུ་སྦྱར་བ་ལ་གཞུང་རྣམས་སུ་ཡང་དག་པ་རབ་ཏུ་སྦྱིན་པ་ཞེས་རྣམ་དབྱེ་བཞི་པ་འགྱུར་ཏེ། ལྷ་རྣམས་ལ་མེ་ཏོག་སྦྱིན་ཞེས་པར། དེ་བ་ལ་བྷྱསྲ་སྦྱར་བས། དེ་བེ་བྷྱཿཔུཥྤཾ་ད་དཏི། ཞེས་པ་ལྟ་བུ་དང་། སྦྱིན་པ་ཡིན་ཀྱང་དེའི་ཕན་འདོགས་པའི་དོན་མ་ཡིན་ན་བཞི་པ་མི་འགྱུར་བས། ཚོས་མཁན་ལ་གོས་སྦྱིན་ལྟ་བུར། ར་ཛ་ཀཾ་བསྟྲཾ་ད་དཱ་ཏི། ཞེས་རྣམ་དབྱེ་གཉིས་པ་བྱིན་པའོ། །ཡང་ལྷས་བྱིན་ལ་སྲེད་པར་བྱེད་ལྟ་བུ་སྲེད་པའི་དོན་གྱི་ཚིག་སྦྱོར་བ་དང་། །ལྷས་བྱིན་གྱི་ཕྱིར་ཁྲོ་བར་བྱེད། ལྟ་བུ་འཁྲུགས་པ་སོགས་ཀྱིས་སླར་ཁྲོ་བའི་ཡུལ་དུ་གྱུར་པ་ད་ལྟ་མངོན་དུ་ཁྲོ་བ་མ་ཡིན་པ་དང་། དེ་བཞིན་དུ་གནོད་པར་བྱེད་པ། ཕྲག་དོག་པ། དཔྱས་འདོགས་པ་རྣམས་ལ་བཞི་པ་འཇུག་པ་པཱ་ི་པ་སོགས་ལས་བཤད་ཅིང་། ད་ལྟ་མངོན་དུ་གནོད་པ་བྱེད་པ་སོགས་ཡིན་ན་ལས་སུ་གྱུར་པས་གཉིས་པ་སྦྱར་རོ། །ན་མ་སྲ། སྭ་སྟི། སྭཱ་ཧཱ། སྭ་དྷཱ། ཝ་ཥཊྲ། ནུས་པའི་དོན་གྱི་སྒྲ་རྣམས་སྦྱོར་བའི་ཚེ་གཉིས་པའི་དོན་ལ་བཞི་པ་འཇུག་པ་བཤད་དེ། དཀོན་མཆོག་གསུམ་ལ་ཕྱག་འཚལ་ལོ། །ཞེས་པ་ཕྱག་འཚལ་བའི་སྐད་དོད། བནྡེ་དང་། ན་མཱ་མི་དང་། །

[Full Size]

པྲ་མྱཾ་སོགས་གཞན་སྦྱོར་བའི་ཚེ་མཆོག་གསུམ་ཕྱག་བྱ་བའི་ལས་ཀྱི་ཡུལ་ཡིན་པས་ཐོབ་ཐང་ལྟར་གཉིས་པ་འཇུག་ཀྱང་། །ན་མསྲ་སྦྱོར་ན་གཉིས་པའི་ཚབས་སུ་བཞི་པ་སྦྱོར་དགོས་ཕྱིར་དེ་ཕྱིན་ཡ་རུ་བསྒྱུར། མཐའ་ཉེ་རིང་བ་སོགས་ཀྱིས། ན་མོ་རཏྣ་ཏྲ་ཡཱ་ཡ། ཞེས་པ་ལྟ་བུའོ། །ཡང་། མཆོད་སྡོང་གི་ཆེད་དུ་ཤིང་། འདོད་པའི་ཆེད་དུ་བསྙོན་ལྟ་བུ་དེའི་ཆེད་ཀྱི་དོན་ཡིན་པའི་དངོས་པོ། །གསལ་བར་བྱེད་པ་ལ་བཞི་པ་འགྱུར་ཏེ། ཡུ་བཱ་ཡ་དཱ་རུ། ལྟ་བུའོ། །འབྱུང་ཁུངས་ལ་ལྔ་པའོ། །ཞེས་རྟེན་མི་གཡོ་བ་ལས་གཡོ་བའི་དངོས་པོ་གཞན་ཞིག་ལོགས་སུ་བྱུང་བའི་དོན་ལ་འབྱུང་ཁུངས་ཞེས་རྣམ་དབྱེ་ལྔ་པ་འགྱུར་ཏེ། གྲོང་ནས་འོངས་བར་བྱེད། ངེར་ ཅེས་་པར། གྲཱ་མ་ལ་ང་སི་དང་། དེ་ཨཱཏྲ་དུ་བསྒྱུར་བ་སོགས་ཀྱིས། གྲཱ་མཱ་དཱ་གཙྪ་ཏི། ལྟ་བུའོ། །ཡང་། པཱ་ི་པར། རྐུན་མ་ལས་འཇིགས་པར་བྱེད། རྐུན་མ་རྣམས་ལས་སྐྱོབ་པར་བྱེད། ལྟ་བུ་འཇིགས་པ་དང་སྐྱོབ་བའི་དོན་དང་སྦྱོར་བའི་ཚེ་དེའི་རྒྱུ་ལ་ལྔ་པ་འགྱུར་བར་བཤད་པས། ཙཽ་རེ་བྷྱོ་བི་བྷེ་ཏི། ཙཽ་རེ་བྷྱ་སྟྲཱ་ཡ་ཏེ། ལྟ་བུ། ཡང་། ནས་རྣམས་ལས་བ་ལང་ཟློག་པར་བྱེད། ལྟ་བུ་ཟློག་པའི་དོན་གྱི་ཚིག་སྦྱོར་བ་དང་། མཁན་པོ་ལས་སྒྲིབ་པར་བྱེད། ལྟ་བུ། རང་ཉིད་གང་གིས་མི་མཐོང་བར་འདོད་པ་དེ་ལ་ལྔ་པ་འགྱུར་ཏེ། ཡ་བ་བྷྱོ་བྷྱསྲ་གཱཾ་བཱ་

[Full Size]

ང་ཡ་ཏི། ཞེས་སྔ་མའི་དཔེར་བརྗོད་དང་། ཨུ་པཱ་དྷྱཱ་ཡ་དནྟ་རྡྡྷ་ཏེ། ཞེས་ཕྱི་མའི་དཔེར་བརྗོད་དོ། །ཡང་། །ཚིག་ལྷག་བཅས་ཀྱི་དོན་དུ་འགྱུར་བའི་ཀྲྀཏ་རྐྱེན་ཀྟྭཱ་ལྱཔྲ་དུ་བསྒྱུར་བ་ལས་དང་གཞིའི་དོན་ཡིན་པས། དཔེར་ན། བྲཱ་སཱ་ད་མཱ་རུ་ཧྱ་པྲེཀྵ་ཏེ། ཁང་བཟང་། ངསྲི་ལ་འཛེག་ནས་ལྟ་བར་བྱེད། ཨཱ་ས་ནེ་ཨུ་པ་བི་ཤྱ་པྲེཀྵ་ཏེ། གདན་ལ་འདུག་ནས་ལྟ་བར་བྱེད། ཅེས་སྔ་མ་ལས་དང་ཕྱི་མ་གཞི་ཡི་དོན་ཅན་ཏེ། དེའི་ཚབ་ཏུ་རྣམ་དབྱེ་ལྔ་པས་འཐུས་པར་བཤད་པས། ལྱཔྲ་བྱིན་པའི་མཐའ་ཅན། ཨཱ་རུ་ཧྱ་དང་། །ཨུ་བ་བིཤྱ་ཕྱིས་ནས་ལྔ་པའི་ང་སི་སྦྱར་བས། པྲཱ་སཱ་དཱཏྤྲེཀྵ་ཏེ། ཁང་བཟང་ལས་ལྟ་བར་བྱེད། ཨཱ་ས་ནཱཏྤྲེཀྵ་ཏེ། གདན་ལས་བལྟ་བར་བྱེད་ལྟ་བུའོ། །ཡང་། སྐྱ་ནར་བུ་ནས་རྒྱལ་པོའི་ཁབ་ཏུ་དཔག་ཚད་བདུན། ལྟ་བུ་ལམ་གྱི་ཚད་དང་། སྨིན་དྲུག་ཅན་ནས་མགོ་ཟླའི་བར་དུ། ལྟ་བུ་དུས་བརྗོད་པའི་ཚད་ལ་རྣམ་དབྱེ་ལྔ་པ་འགྱུར་ཏེ། པཱ་ཊ་ལི་པུ་ཏྲཱ་དྲཱ་ཛ་གྲི་ཧཾ་སཔྟ་ཡརྫ་ནཱ་ནི། ཞེས་སྔ་མ་དང་། ཡོ་ཛ་ནི་ཥུ་ཀཱརྟི་ཀྱཱ་དཱ་གྲཱ་ཧཱ་ཡ་ཱི་མཱ་སེ། ཕྱི་མའིའོ། །ཡང་འདྲི་བ་དང་བཤད་པའི་དོན་ལས་ལྔ་པ་འགྱུར་ཏེ། ཀུ་ཏོ་བྷ་ཝཱནྲ། ཁྱོད་གང་ལས། པཱ་ཏྲ་ལི་སི་པུཏྲཱ་ཏ། སྐྱ་ནར་བུའི་གྲོང་ལས་ཞེས་པ་སྟེ་སྔ་མ་ཀིམ། ངསི་ ལས་ལྔ་པའི་དོན་གྱི་ཏསྲ་སྦྱར་བའོ། །འབྲེལ་བ་ལ་

[Full Size]

དྲུག་པའོ། །ཞེས་ཕན་ཚུན་རྟེན་བརྟེན་པའམ། ཡན་ལག་དང་ཡན་ལག་ཅན་སོགས་ཀྱི་འབྲེལ་བ་ར་གྲུབ་པ་རྒྱལ་པོའི་སྐྱེས་བུ། །གྲོགས་དག་གི་སྙན་པའི་ངག །གླང་པོ་རྣམས་ཀྱི་སོ་ལྟ་བུའི་འབྲེལ་བ་ཙམ་གྱི་དོན་ལ་རྣམ་དབྱེ་དྲུག་པ་འགྱུར་ཏེ། རཱ་ཛནྲ་ལ་ངསྲ། མིཏྲ་ལ་ཨོསྲ། དནྟིནྲ་ལ་ཨཱམྲ་སྦྱར་ནས་བསྒྲུབས་པས། རིམ་བཞིན། རཱཛྙཿཔུ་ར་ཥཿ མི་ཏྲ་ཡོ་ར་མྀྲ་ཏཾ་ཝཱཀྱཾ། དནྟི་ནཱི་དནྟཱཿ ཞེས་གྲུབ་པ་ལྟ་བུའོ། །གཞི་ལ་བདུན་པའོ། །ཞེས་བསྟན་པ་བྱེད་པ་པོ་དང་ལས་དག་གི་བྱ་བ་གང་ལ་གནས་པར་གྱུར་པ། །རྟེན་གང་ཞིག་གིས་འཛིན་པའམ་རྟེན་པར་བྱེད་པ་ནི་གནས་གཞིའི་དོན་ཡིན་པས་རྣམ་དབྱེ་བདུན་པ་འགྱུར་ཏེ། དེ་ལའང་རཱ་མ་ཙནྡྲ་སོགས་ཀྱི་ས་གཞིའི་དབྱེ་བ་རྣམ་པ་བཞིར་བཤད་པས། དང་པོ་ནི། གཞི་དེ་ལ་དངོས་པོ་གཞན་དངོས་སུ་འཕྲད་ཅིང་བརྟེན་པ་སྟེ། །ཨཱ་ཀཱ་ཤེ་ཤ་ཀུ་ན་ཡཿ ནམ་མཁའ་ལ་བྱ་རྣམས་ལྟ་བུ་དང་། གཉིས་པ་ནི། ཕྲད་པ་དངོས་མ་ཡིན་ཀྱང་དེ་ལ་ཉེ་བར་གནས་པ་ཙམ་ཏེ། བཊེ་ག་བཿསུ་ཤེ་ར་ཏེ། ཤིང་པ་ཊ་ལ་བ་ལང་རྣམས་གནས་པར་བྱེད། ལྟ་བུ་དང་། གསུམ་པ་ནི། དངོས་སུ་འཕྲད་པ་དང་དེ་ལ་ཉེ་བ་གཉིས་ཀ་མིན་པར་ཡུལ་དུ་གྱུར་པ་དེར་གཞིའི་ཐ་སྙད་བྱས་པ། ཏརྐྐེ་ཀུ་ཤ་ལ། རྟོག་གེ་ལ་བྱང་བ། ལྟ་བུ་དང་། བཞི་པ་ནི། །

[Full Size]

ཁྱབ་བྱེད་ཀྱི་དངོས་པོ་གང་ཞིག་ཡུལ་དེ་ལ་ཁྱབ་པར་བྱ་བའི་གནས་སུ་གྱུར་པ་ས་གཞི་དང་འདྲ་བ་སྟེ། ཏི་ལེ་ཥུ་བིདྱ་ཏེ་ཧཻ་ལཾ། ཏིལ་རྣམས་ལ་སྣུམ་ཡོད་དོ། །ཞེས་པ་ལྟ་བུ་སྟེ། དེ་དག་ལ་རིམ་པ་བཞིན། ཉེ་བར་འཕྲད་པ་ཅན་གྱི་གཞི་དང་། །ཉེ་བ་ཅན་གྱི་དང་། ཡུལ་ཅན་དང་། ཁྱབ་པའི་གཞི་ཞེས་བྱའོ། །ཡང་། པགས་པ་ལ་གཟིག་གསོད། ལྟ་བུ་བྱ་བ་གང་བྱེད་པ་དེའི་རྒྱུ་མཚན་གྱི་དོན་ལ་བདུན་པ་འགྱུར་ཏེ། ཙརྨྨ་ནྲ་ལ་དི་སོགས་ཀྱིས། ཙརྨྨ་ི་དྭཱིི་པི་ནཾ་ཧནྟི། འདིར་གཟིག་གསོད་པའི་རྒྱུ་མཚན་པགས་པ་འདོད་པས་ཏེ་གཞན་ལ་འགྲེའོ། །ཡང་། བྱ་བ་གང་ཞིག་གིས་བྱ་བ་གཞན་མཚོན་པར་བྱེད་པའི་རྟགས་སུ་གྱུར་པ་དེ་ལ་བདུན་པ་འགྱུར་ཏེ། དེ་བེ་བརྵ་ཏི་ཙཽ་ར་ཨཱ་ག་ཏཿལྷས་ཆར་འབེབས་པ་ན་རྐུན་པོ་འོང་ངོ་། །ཞེས་ཆར་བབ་པ་དེས་རྐུན་པོ་འོང་བ་མཚོན་པ་ལྟ་བུ་དང་། །བྲྀ་ཥ་ལེ་ཥཱ་སཱི་ནེ་ཥུ་བྲཱཧྨ་ཱ་བྷུཉྫ་ཏེ། དམངས་རིགས་སྡོད་པ་རྣམས་ཀྱིས་བྲམ་ཟེ། རི་རྣམས་ཟ་བར་བྱེད་དོ། །ཞེས་དམངས་རིགས་རྣམས་ལྷག་མ་སྒུག་པ་ལས་བྲམ་ཟེ་རྣམས་ཟས་ཟ་བ་མཚོན་པ་ལྟ་བུའོ། །ཡང་། སུཔྲ་སུཔྲ་མ་གུས་པར་མཚོན་པའི་བྱ་བ་རྟོགས་པར་བྱེད་པ་ལ་དྲུག་པ་དང་བདུན་པ་འགྱུར་བར་བཤད་དེ། རུ་ད་ཏ་ལ་ངསྲ་དང་ངི་སྦྱར། རུ་ད་ཏཿཔྲ་བྲ་ཛི་ཏ་བཱནྲ། རུ་ད་ཏི་པྲ་བྲ་ཛི་ཏ་བཱནྲ། དུས་པ་ལས་སོང་། །

[Full Size]

ཞེས་དུ་བ་ལ་མ་མོས་ནས་སོང་བའི་དོན་ནོ། །ཡང་། རིགས། ཡོན་ཏན་བྱ་བ་རྣམས་ཀྱི་ཚོགས་པ་ལས་ཐ་དད་དུ་བྱེད་པ། ངེས་པར་དགར་བའི་གཞི་དེ་ལ་དྲུག་པ་དང་བདུན་པ་འགྱུར་རོ། །དེ་ལ་རིགས་ནི། ཤཱ་ལ་ཡཿཤཱུ་ཀ་དྷཱ་ནྱཱ་ནཱཾ་པ་ཙྱ་ཏ་མཱཿ ཤཱ་ལ་ཡཿ ཤཱུ་ཀ་དྷཱ་ནྱེཥུ་པཙྱ་ཏ་མཱཿ གྲམ་ཅན་གྱི་འབྲུ་རྣམས་ལས་ཤྭཱཱ་ལེ་རྣམས་འཚེད་པར་བྱ་བའི་མཆོག་གོ། །ཞེས་འབྲུ་རྣམས་ལས་ཤཱ་ལིའི་རིགས་དགའ་བའོ། །ཡོན་ཏན་ནི། ག་བཱཾ་ཀྲྀཥྞ་ ཨཱམྲ་ སམྤནྣ་ཀྵཱི་ར་ཏ་མཱ། གོ་ཥུ་ སུ་བྲ་བཀྲྀཥྞ་སམྤནྣ་ཀྵཱི་ར་ཏ་མཱ། བ་རྣམས་ལས་ནག་མོ་འོ་མ་ཆེས་ཕུན་སུམ་ཚོགས། ཞེས་པ་ཁ་དོག་ཉིད་ཡོན་ཏན་ཡིན་པས་སོ། །བྱ་བ་ནི། །གཙྪ་ཏཱཾ་དྷ་བནྟ། ཨཱ་མ་ཤཱི་གྷྲ་ཏ་མཱཿ གཙྪ་ཏྶུ་དྷ་བནྟཿ ཤྲཱི་གྷྲ་ཏ་མཱཿ འགྲོ་བ་རྣམས་ལས་རྒྱུག་པ་ཤིན་ཏུ་མགྱོགས། འགྲོ་བའི་བྱ་བ་ལས་རྒྱུག་པ་ལོགས་སུ་དགར་བའོ། །མཱ་ཐུ་རཿཔཱ་ཊ་ལི་པུཏྟྲ་ཀེ་ ཨཔྲ་ བྷྱཿསུ་ཀུ་མཱ་ར་ཏ་རཿ སྐྱ་ནར་བུ་པ་ སུཔྲ་ རྣམས་ལས་བཅོམ་རླག་པ་ཤིན་ཏུ་མཛེས་ཤིང་གཞོན་པའོ། །ཞེས་ཐ་དད་དུ་རྣམ་པ་དབྱེ་བ་ཅན་གྱི་གང་ལས་དགར་བའི་གནས་ལ་སྔ་མ་དག་མི་འགྱུར་བ་ལྔ་པ་འགྱུར་ཏེ། འདིར་ཡང་སྐྱ་ནར་བུ་པ་ལས་བཅོམ་རླག་པ་ལོགས་སུ་དགར་བའོ། །དེའང་སྔ་མ་རིགས་ནི་ཚོགས་པ་ལས་དགར་བ་སྟེ། འདི་ནི་གཞི་ཐ་དད་པ་གཉིས་ཀྱི་གཅིག་ལས་གཅིག་དགར་བའོ། །

[Full Size]

མཚུངས་པར་བརྗོད་པའི་སྒྲ་ཏུ་རུ་ལྱ་དང་། ས་དྲྀ་ཤ །ས་མ་སོགས་ཀྱི་སྒྲ་རུ་སྦྱོར་བའི་ཚེ་དྲུག་པ་དང་གསུམ་པ་འགྱུར་ཏེ། ཏུ་ལྱོ་དེ་བ་དཏྟ་སྱ། ཏུ་ལྱོ་དེ་བ་དཏྟེ་ནི། ལྷས་བྱིན་དང་མཚུངས་པ་ཞེས་པ་ལྟ་བུའོ། །ཚེ་རིང་བ་དང་། བཟང་པོ་དང་། །དགེ་བ་དང་། ཕན་པ་དང་། སྐྱིད་པ་དང་། །བདེ་བ་སོགས་སྨོན་པའི་དོན་གྱི་སྒྲ་སྦྱོར་ ངེས་ བ་ལ་དྲུག་པ་དང་བཞི་པ་འགྱུར་ཏེ། ཙི་རཾ་ཛཱི་བི་ཏནྟེ྅སྟུ། ཁྱོད་རིང་དུ་འཚོ་བར་གྱུར་ཅིག །ཀཱ་ལྱཱ་ཾ་ཏུ་བྷྱ་མསྟུ། ཀ་ལྱཱ་ཾ་ཏ་བཱསྟུ། ཁྱོད་ལ་དགེ་བར་གྱུར་ཅིག །ལྟ་བུའོ། ༈ །དེ་ནས་རྣམ་དབྱེ་རྣམས་སྦྱར་བའི་ཚེ་རྟགས་ངེས་པར་བྱ་དགོས་ ངསྲ་ ལ། དེ་ཡང་སི་སོགས་ཀྱི་རྣམ་དབྱེ་ཡིན་ཕྱིན་ཆད་ ངེ་ སྦྱིན་ཡུལ་དེ་ ངས་ མིང་ངམ་རྟགས་ཡིན་པ་ལས་མ་འདས་ཤིང་། མིང་རྣམས་ཀྱང་ཕོ་མོ་མ་ནིང་གི་རྟགས་གསུམ་དང་། །རྟགས་གཉིས་རེ་བ་དང་། གསུམ་པ་ཅན་དང་། །རྟགས་ཀྱི་དབྱེ་བ་མེད་པ་སྟེ་བཞི་རུ་འདུས་སོ། །དེ་ལ་རྟགས་ཀྱི་ཁྱད་པར་ཤེས་པ་ནི་ཤིན་ཏུ་ནས་གལ་ཆེ་ཏེ། དཔེར་ན། ཀཿནི་ཚངས་པ་རླུང་ཉི་བདག །མ་ནིང་ ཀཾ་ནི་མགོ་དང་ཆུ་དག་ལ། ཞེས་ཀའི་སྒྲ་ཁོ་ན་ལ་སྐྱེས་པ་དང་མ་ནིང་གི་རྟགས་སོ་སོར་བྱས་པས་དོན་སོ་སོར་འཇུག་པ་བཞིན་སྒྲའི་གཟུགས་གཅིག་ལའང་རྟགས་ཀྱི་ སྐྱེས་བ་ དབྱེ་བས་དོན་སོ་

[Full Size]

སོར་བསྒྱུར་བ་དང་། ཡང་སྐྱེས་པའི་རྟགས་མཐའ་ཁོ་ན་ལས་རྣམ་པ་ཀུན་ཏུ་གཞན་མི་འཇུག་པ་པྲྀཀྵ་ལྟ་བུ་ལ་མ་ནིང་ངམ་བུད་མེད་ཀྱི་རྟགས་མཐའ་བྱས་ཚེ་བུད་མེད་ལ་སྣམ་སྦྱར་བཀབ་པ་ལྟར་མཁས་པས་མཐོང་ན་ཡ་མཚན་པའི་གནས་སུ་འགྱུར་བས་ལས་དང་པོ་པ་དག་གིས་ཕྱོགས་ཙམ་ངེས་པའི་ཕྱིར་ཨམཱ་ར་ཀོ་ཥ་དང་། འགྲེལ་པ་ཀཱ་མ་དྷེ་ནུ་དང་། ཚིག་གི་ཟླ་བ་དང་། མཆོག་སྲེད་ཀྱིས་བྱས་པའི་རྟགས་བསྡུ་བ་རྣམས་ལས་རིགས་མཐུན་པ་རྣམས་བསྡུས་ནས་བཀོད་པ་འདི་ཅུང་ཟད་སྟེ། རྒྱས་པ་གཞུང་དེ་རྣམས་དང་། སུཔྲ་མཐའ་རིན་འབྱུང་སོགས་ལས་རྟོགས་པར་བྱ་དགོས་སོ། །དེ་ཡང་། །འགྲེལ་པ་འདོད་འཇོར། དེ་ལ་འདི་ལྟར་རྟགས་རྣམ་པ་དྲུག་སྟེ། དག་པ་དང་། འདྲེས་པ་དང་། གཏིབས་པ་དང་། ཉེ་བར་སྒྲུབ་པ་དང་། ཀུན་ཏུ་འཇུག་པ་དང་། མི་གསལ་བ་རྣམས་སོ། །དེ་ལ་གཅིག་གི་འདུ་བྱེད་པའི་རྒྱུ་ནི་དགའ་སྟེ། ཁ་ཊྭཱ། པྲྀ་ཀྵཿ ཀུཎྜཾ། མོ་དང་། ཕོ་དང་། མ་ནིང་ངོ་། གཉིས་ཀྱི་འདུ་བྱེད་ཉེ་བར་འཛིན་པ་ནི་འདྲེས་པ་སྟེ། མ་རཱི་ཙིཿ ཨཱུརྨྨིཿ ཨ།།།ཿ ཚརྡྡིཿ ཀ་པཱ་ཊ། གསུམ་གྱི་འདུ་བྱེད་ཉེ་བར་སྦྱོར་བ་ནི་གཏིབས་པ་སྟེ། ཏ་ཊཱི། ཏ་ཊཱཿ ཏ་ཊཾ། ཤྲྀངྑ་ལཿ ཤྀངྑ་ལཱཿ ཤྲྀངྑཾ། ཁྱད་པར་གྱི་སྒྲའི་འདུ་བྱེད་ཉེ་བར་འཛིན་པས་བྱེ་བྲག་འབྱེད་པའི་གཟུགས་

[Full Size]

ནི་ཉེ་བར་བསྒྲུབ་པ་སྟེ། ཤུཀླཱ། ཤུཀླཿ ཤུཀླཾ། པཊྭཱི། པཊུཿ པཊུ། བྱེ་བྲག་འབྱེད་པ་ཉིད་ལའང་ངེས་པར་འདུ་བྱེད་པར་འོས་པ་ནི་ཀུན་ཏུ་འཇུག་པ་སྟེ། པཉྩ། ཥཊྲ། པྲ་ཀྲྀ་ཏིཿ བི་ཥ་ཡཿ པྲ་དྷཱ་ནཾ། བྷཱརྻ། དཱ་རཱཿ ཀ་ལ་ཏྲཾ། རྟགས་ཀྱི་མཚན་མས་སྒྲ་འདུ་བྱེད་པར་མི་འོས་པ་ནི་མི་གསལ་བ་སྟེ། པཉྩ། ཥཊྲ། ཀ་ཏི། ཨུཙྪཻཿ ཡཱུ་ཡཾ། བ་ཡཾ། ཞེས་བཤད་དོ། །ཞེས་སོ། །རྟགས་དེ་དག་གང་ལས་ཁྱད་པར་དུ་བྱ་བའི་གཞི་མིང་ལ་སོགས་པའི་སྒྲ་རྣམས་ནི་རྣམ་པ་བཞིར་འདུས་པ་ཤེས་པར་བྱ་སྟེ། མི་ཤྲའི་རིགས་ཀྱི་ཨཱ་ཙཱརྻ་བ་ར་རུ་ཙིས། སྒྲ་དེའང་རིགས་ཀྱི་སྒྲ་དང་ཡོན་ཏན་གྱི་སྒྲ་དང་བྱ་བའི་སྒྲ་དང་ཇི་ལྟ་བའི་སྒྲ་སྟེ་རྣམ་པ་བཞིར་འགྱུར་རོ། །དེ་ལ་རིགས་ཀྱི་སྒྲ་ནི། གཽཿ ཨ་ཤྭཿ པུ་རུ་ཥཿ ཧསྟཱི། ཤ་ཀུ་ནིཿ བྲཱཧྨ་ཿ ཞེས་པ་ལ་སོགས་པ་རྣམས་སོ། །ཡོན་ཏན་གྱི་སྒྲ་ནི། ནཱི་ལཿ ཤུཀླཿ ཧ་རི་ཏཿ ཞེས་པ་ལ་སོགས་པའོ། །བྱ་བའི་སྒྲ་ནི། པ་ཙ་ཏི། བ་ལང་། རྟ་ སྐྱེས་བུ། པ་ཋ་ཏི། གླང་པོ་བྱ་བྲམ་ཟེ་ཞེས་སོགས་སོ། །ཇི་ལྟ་བའི་སྒྲ་ནི། ཌིཏྠ། བིཏྠ། ཨདྲ་ སྔོན་པོ་ དཀར་པོ་ ལྗང་གུ་ བཏྲ། སྭཱ་ཨུ་པ། ཨཱུ་ཞེས་པ་ལ་སོགས་པའོ། །འཚེད་པར་བྱེད། ཞེས་གསུངས་ཀློག་པར་བྱེད། པའི་སྔ་མ་གསུམ་ནི་དག་པའི་རྟགས་སོགས་

[Full Size]

ལྔ་རྣམས་སུ་བསྒྲུབ་པར་བྱེད་པ་ཡིན་ལ། ཕྱི་མ་ནི་མི་གསལ་བའི་རྟགས་རྣམས་སུ་རྣམ་པར་བཤད་པ་ཉིད་དོ། །དེ་ལ་འདིར་བྱ་བའི་སྒྲ་ལ། པ་ཙ་ཏི་སོགས་བཤད་པས་དེ་ནི་ཀུན་བཤད་ཀྱིས་བསྒྲུབས་པའི་ཕྱིར། རྟགས་ཞེས་པ་སི་སོགས་ཁོ་ནའི་དབང་དུ་བྱས་ཀྱི་ཏི་སོགས་ལ་དེ་འདྲའི་རྣམ་བཞག་མེད་དེ་རང་རང་གི་ཚིག་ཏུ་བསྒྲུབས་ཟིན་པའི་ཕྱིར་མི་འཐད་དོ་སྙམ་ན་སྐྱོན་མེད་དེ། འདིར་བ་གླང་དང་གླང་གི་རིགས་པས། པ་ཙ་ཏི་སོགས་གཙོ་ཆེ་བར་སྨོས་པ་ཟད་ཀྱི་བྱ་བའི་སྒྲ་གཞན། ཛྙེ་ཡཾ། སོགས་ཀྲྀཏྱ་སྲ་བསྒྲུབས་པ་དང་། བེ་དཱ་དྷྱ་ཡཿ ཀྲྀཏྭཱ་ལྟ་བུ་ཀྲྀཏ་རྒྱེན་གཞན་གྱིས་བསྒྲུབས་པ་སོགས་ཁོང་དུ་ཡོད་པའི་ཕྱིར་དང་། མཆོག་ཏུ་འཚེད་པའི་དོན་ལས་ཏ་ར་དང་ཏ་མ་དག་འགྱུར་བས། ཤེས་བྱ་པ་ཙ་ཏི་ཏ་མ། ལྟ་བུ་ཏི་སོགས་ཀྱི་མཐར་རིག་བྱེད་ཀློག་པར་བྱེད། བྱས་ན། དེ་ཕན་གྱི་རྐྱེན་འགའ་ཞིག་འགྱུར་བ་སོགས་ཡོད་པས་དེའི་ཚེ་དེ་དག་རྟགས་ཀྱི་མཐའ་གང་རུང་དུ་བསྒྲུབ་པ་ལས་འོས་མེད་པ་བཞིན་ནོ། །ད་ནི་དཀྱུས་ལ་འཇུག་པར་བྱ་སྟེ། སྔར་བཤད་པའི་རྟགས་ཀྱི་དབྱེ་བ་དྲུག་པོ་ལས། དང་པོ་ནི་ཕོ་མོ་མ་ནིང་གང་རུང་གཅིག་གི་རྟགས་སུ་གྲུབ་པས་རྟགས་གཞན་གྱི་སྒྲུབ་པ་མི་འཇུག་པ་རྣམས་སོ། །སྡོམ་ནི། །སངས་རྒྱས་སྤྱི་དང་ཤཱཀ་ཐུབ་སོགས། །རྒྱལ་བའི་མཚན་གྱི་རྣམ་གྲངས་དང་། །ལྷ་དང་ལྷ་མིན་དེའི་

[Full Size]

ཁྱད་པར། །ཉི་མ་སྣ་ཚོགས་ནོར་ལྷ་དང་། །དགའ་ལྡན་འོད་གསལ་ཟླ་བ་རླུང་། །ཚངས་པ་ཉེ་དབང་དྲག་པོ་དང་། །ལུས་ངན་གནོད་སྦྱིན་སྲིན་པོ་དང་། །གསང་བ་པ་སོགས་རྣམ་གྲངས་བཅས། །མཐོ་རིས་མཆོད་སྦྱིན་རི་དང་སྤྲིན། །རྒྱ་མཚོ་ལྗོན་ཤིང་ལོ་ཟླའི་དུས། །རལ་གྲི་མདའ་དང་དགྲ་བོ་དང་། །དབྱ་ཁྲལ་འོད་ཟེར་ཉིན་མོ་དང་། །ལག་པ་མཁུར་ཚོས་འགྲམ་པ་མཆུ། །དཔུང་པ་སོ་མགྲིན་སྐྲ་སེན་མོ། །ལོང་བུ་ནུ་མ་འདམ་རྫབ་ཤོ། །སྒྲ་དང་དྲི་རོ་རེག་བྱ་དང་། །འབྲུ་དང་ཨཧྞ་ཨ་ཧའི་མཐའ། །གྲངས་མིན་རཱ་ཏྲ་ཚིག་སྡུད་དང་། །དུག་དང་ཐང་ཆུ་རྣམ་གྲངས་བཅས། །ཨས་ཨནྲ་མཐའ་ཅན་དབྱངས་མང་པོ། །རུ་ཏུའི་མཐའ་ཅན་ཕལ་ཆེར་དང་། །ཀ་སོགས་ཨ་ཐུང་ཨུ་བ་དྷ། །མ་བཀག་པ་སོགས་དྲུག་མཐའ་ཉེ། །གྲགས་པའི་རིགས་དང་རིག་བྱེད་སྤྱོད། །བྱེད་པོ་སྤང་བའི་བྱེད་ཅན་དང་། །དངོས་ལ་སྒྲུབ་པའི་གྷ་ཉའི་མཐའ། །ཨ་ཙ་ཨསྲ་ནདྲ་དང་ནི་ལ་། །གྷ་དང་ཨ་ཐུ་ཙསྲ་བསྒྲུབས་པ་དང་། །ཨི་མ་ནི་ཙྲ་ཀས་དངོས་བསྒྲུབས་སོགས། །པྲ་སོགས་ཉེ་ཚིག་དཱ་ལས་ཀི། །ཀུན་སྡུད་ལས་གཞན་ཟླས་དབྱེའི་མཐའ། སཱུརྻ་ཀཱནྟཿབ་ཊ་ཀཿ དེ་སོགས་སྐྱེས་པའི་རྟགས་སུ་བཤད། དེ་ལ་བུདྡྷཿ སངས་རྒྱས་ཛ་ཡཿ རྒྱལ་བ་སོགས། སངས་རྒྱས་སྤྱིའི་མཚན་བརྗོད་པ་དང་། ཤཱཀྱ་མུ་ནི་ཤཱཀྱ་

[Full Size]

། ཐུབ་པ། ལོ་ཀེ་ཤྭརཿ ཨ་པ་རི་མི་ཏཱ་ཡུཛྙཱ་ན་བུདྡྷཿ སོགས་དམིགས་བསལ་མ་གཏོགས་པའི་རྒྱལ་བ་སྟེ་ལྷ་རྣམས་ཀྱི་མཚན་གྱི་རྣམ་གྲངས་དང་། དེ་བཱཿལ་སོགས་པའི་ལྷའི་མིང་དང་། དེའི་བྱེ་བྲག་ཉི་མ་ལ་འཇིག་རྟེན་དབང་ཕྱུག སངས་རྒྱས་ཚེ་དང་ཡེ་ཤེས་དཔག་ཏུ་མེད་པ། སོགས་པའི་མིང་རྣམ་གྲངས་དང་བཅས་པ། ཁྱབ་འཇུག་དང་དྲག་པོའི་རྗེས་འབྲང་། རྟག་ཏུ་མང་ཚིག་གི་མཐའ། ཙཎྜཿདང་ན་ནིཿ སོགས་དང་། །དཻ་ཏྱཱཿསོགས་ལྷ་མ་ཡིན་གྱི་མིང་། དེའི་དབྱེ་བ། བ་ལིཿསོགས་དང་། ལྷ་མིན་གྱི་ཁྱད་པར། ཀུཥྨཎྜཿ ལ་སོགས་པ་དང་། རྒྱ་མཚོ་དང་། དིབྲ་དང་། ཏྲི་པིཥྚ་པ་མ་གཏུམ་པ་དགའ་བྱེད་གཏོགས་པའི་མང་ཚིག་མཐོ་རིས་ཀྱི་མིང་རྣམས་དང་། ཡ་ཛྙཱཿསོགས་ སྟོབས་ལྡན་ མཆོད་སྦྱིན། དེའི་དབྱེ་བ། ཀུཎྜ་པཱཡྻཱཿ སོགས་དང་། གི་རཱིཿརཱི་པ།།།ཏཿསོགས་རིའི་རྣམ་ མ་ནིང་ གྲངས། མེ་རུཿ ཧི་མ་བཱནྲ་སོགས་དེའི་དབྱེ་བ་རྣམས་དང་། ཨབྷྲཾ་མ་གཏོགས་པའི་སྤྲིན་གྱི་མིང་རྣམས་དང་། རྒྱ་མཚོ་དང་རྒྱ་མཚོའི་ཐབས་འཐུང་། དབྱེ་བ། བྲྀཀྵ་སོགས་ཤིང་དང་། པླཀྵ་སོགས་ཤིང་གི་ཁྱད་ལྷུན་པོ་གངས་ཅན་པར། །ཀཱ་ལ་སོགས་དུས་དང་དུས་ཀྱི་མ་ནིང་ཁྱད་པར། ལོ་སམྦཏྤ་རཿ ཟླ་བ་མཱ་སཿ ནག་པ་ཟླ་བ་ ཙཻ་ཏྲཿ པཀྵཿ ཕྱོགས་ཏེ་ཡར་ངོ་། །མར་ངོ་ སོགས་དང་། ཨིཥུ་མ་ རབ་འགྱུར། གཏོགས་པའི་མདའ་དང་། །རལ་གྲི་དང་། །

[Full Size]

དགྲ་བོའི་མིང་གི་རྣམ་གྲངས་དབྱེ་བ་བཅས་པ་རྣམས་དང་། དཔྱ་ཁྲལ་དང་། འོད་ཟེར་དང་ལག་པ་ལ་འཇུག་པའི་ཀ་རཿདང་། དེའི་མིང་གིས་བསྟན་པའི་ཀཱ་རཿསོགས་དཔྱ་ཁྲལ་དང་། །དཱི་དྷི་ཏི་མ་གཏོགས་པའི་འོད་དང་འོད་ཟེར་བརྗོད་པའི་སྒྲ་རྣམས་དང་། དི་ན་མ་ཡིན་པའི་ཉིན་མོ་དང་། ལག་པ་དང་མཁུར་ཚོས་དང་མཆུ་དང་འགྲམ་པ་དང་དཔུང་། མངོན་བརྗོད་པ་དང་སོ་དང་སེན་མོ་དང་སྐྲ་དང་། །གྲཱི་བུད་མེད་བ་མ་གཏོགས་པའི་མགྲིན་པའི་མིང་དང་། ནུ་མ་དང་ལོང་བུ་ མ་ནིང་ དང་། པངྐཿསོགས་འདམ་རྫབ་དང་། ཤོ་དང་ཤཔྟ་ལ་སོགས་པའི་སྒྲ་དང་། ར་ས་སོགས་རོ་དང་། མྲི་དུཿསོགས་བུད་མེད་འཇམ་རྩུབ་ཀྱི་རེག་བྱ་དང་། གུར་གུམ་ལ་སོགས་པའི་དྲི་སྣས་གཟུང་བར་བྱ་བ། གནྡྷ་ལ་སོགས་པ་དང་། པྲི་ཡངྐུ་ཨཀྵ་མ་གཏོགས་པའི་ཡ་བཿ མཱཥཱཿསོགས་འབྲུའི་རིགས་འཇམ་པ་རྣམས་དང་། །པཱུྦཱཧྞཿ ཉི་མ་སྔ་མ་ཉི་མ་གཉིས་དྭྱ་ཧཿལྟ་བུ་ཨཧྣ་དང་ཉི་མ་ཨ་ཧ་དག་ཀུན་སྡུད་ཀྱི་བསྡུ་བར་བྱས་པའི་མཐའ་དང་། ཁྲེ་པཉྩ་རཱ་ཏྲཾ་ལྟ་བུ་གྲངས་སྔོན་ཏུ་མེད་ནས་སྲན་མ་པའི་རཱ་ཏྲིའི་སྒྲ་གཅིག་སྦྱོར་བའི་ཟླས་དབྱེའི་བསྡུ་བ་བྱས་པ་གཅིག །སྦ་རཱ་ཏྲཿ ཨ་བ་ར་རཱ་ཏྲཿ ན་མ་སྨད་ལ་སོགས་དང་། མ་ནིང་བི་ཥ་མ་གཏོགས་པའི་དུག་གི་མིང་རྣམས་དང་། ཤྲཱི་པིཥྚཿསོགས་ཐང་ཆུ་དང་། དེའི་དབྱེ་བ། སཱ་རཱ་བིཥྚཿ གུགྒུ་ལུཿ གུ་

[Full Size]

གུལ། ཀུནྡུ་རུཿ སིཧླ་ཀ་ལ་སོགས་པ་དང་། སུ་མ་ནསྲ། ཨཔྶ་རསྲ་མ་གཏོགས་པའི། ཙནྡྲ་མཱཿ ཨངྒ་རཱཿ ལ་སོགས་པ་དབྱངས་མང་པོ་ཅན་ཨསྲ་ཀྱི་མཐའ་ཅན་དང་། པྲ་ཏི་དི་བནྲ། མཡྷ་བནྲ་ལ་སོགས་ཚིམ་བྱེད་སིལ་པ་དབྱངས་མང་པོ་ཨནྲ་གྱི་མེ་ཏོག །ལྷའི་བུད་མེད་མཐའ་ཅན་རྣམས་དང་། ཟླ་བ་ཉི་མ་དཱ་རུ། ཀ་ཤེ་རུ། ཛཱ་ཏུ། བསྟུ། མསྟུ་རྣམས་མ་གཏོགས་པའི། ཙ་ཏུཿ ཀི༚་ཤ་རུཿ ཧེ་ཏུཿ ཏོག་ཀེ་ཏུཿ ལྟ་བུ་རུ་དང་ཏུའི་མཐའ་ཅན་རྣམས་དང་། ཀ་ཥ་་བྷ་མ་ར་སྟེ་ཡི་གེ་དེ་རྣམས་ཀྱི་སྲོག་ཏུ་ཨ་ཐུང་། ཤིང་གྲོ་མ་ རྒྱ་སྐྱེགས་ གཞི་ དར་བ་ འདི་རྣམས་མ་ནིང་ ཞུགས་པ་ཅན་ བཤོ་ པྲ་མ་མཐའ་ན་ རྒྱུ་ཡོད་པས། ཨ་ཨུ་པ་དྷཱར་གྱུར་པ། ལོ་ཀཿ སྥ་ཌིཀཿ ཀ་ཨ་ཐུང་མཐའ་ཉེ། དེ་བཞིན་ཏུ། ཨོ་ཥཿ པྲྀཀྵཿ གུཿ གཿ ཀཽསྟུ་བྷཿ ངྷཿ གྲཱ་མཿ དྷཱུ་མཿ ཤཱི་ཀ་རཿ ས་མཱི་རཿ རླུང་ལ་སོགས་པ་རྟགས་གཞན་གྱིས་དམིགས་འཇིག་རྟེན་ཤེལ་བསལ་དུ་བཀག་པ་མེད་པ་རྣམས་དང་། སྲེག །ཤིང་གཞན་ ཡོན་ཏན་ ཚོགས་ ས་རྟེན་ ཀུ་ཤ་ གྲོགས་ དུ་བ་ གྱིས་མ་བཀག །ཆུ་འཐོར་པའི་པ་ཐ་ན་ཡ་སཊ་ཞེས་བྱ་བ་ཡི་གེ་དྲུག་པོ་དེ་དག་མཐའ་ཉེ་རུ་ཡོད་པར། ཡཱུ་པ། མཆོད་སྡོང་། བཱཥྤཿ རླངས་པ་རྨ་བྱའི་མཇུག་སྒོ་ཀ་ལཱ་པ། སཱརྠཿ དོན་མཐུན་ནཱ་ཐཿ མགོན་པོ་ཨི་ནཿ རྗེ་བོ་ ཇོ་ནཿ སྐྱེ་བོ་ར་ཡཿ སྒྲ་ ཏནྟྲ་

[Full Size]

པཱ་ཡཿ ཐགས་མཁན་ བ་སཿ ཀ།།།སཿ པ་ཊཿ ཤ་ཀ་ཊཿ ལ་སོགས་པ་སྟེ། དེ་དག་ཏུ་བཤད་པའི་མཐའ་ཉེ་ཡིན་ཏུ་ཟིན་ཀྱང་། པདྨ། ཙཏྭ་རཿ ཏཱི་རྠ་ལ་སོགས་པ་ལྟ་བུ་གཞན་གྱི་རྟགས་སུ་བཤད་པས་བཀག་པ་ གནས་ རས་བལ་དར་ རྣམས་ནི་ ཤིང་རྟ་ཆུང་ངུ་ གཟུང་བར་མི་བྱའོ། །ཡང་། འཇིག་རྟེན་ན་རབ་ཏུ་གྲགས་པའི་ མེ་ཏོག་ བཞི་ གནས་ཀྱི་ཁྱད་པར་ འདི་རྣམས་ མ་ནིང་གི་རྟག་རིགས་བུ་བརྒྱུད་ཀྱི་རྐྱེན་མཐའ་ཅན་མ་ཡིན་པ། བྷ་ར་དྷྭཱཱ་ཛཿ ཀ་ཤྱ་པ། བཏྤ་ལ་སོགས་པ་ལྟ་བུ་དང་། སྤྱོད་པས་བོད་པ་ཞེས་རིག་བྱེད་ཀྱི་ཡན་ལག་ཏུ་བཤད་པ། ཀ་ཋཿ བ་ཧྲྀ་ཙཿ ཀ་ལཱ་པཿ ལ་སོགས་པ་ལྟ་བུ་དང་། ཨྲ་སོགས་ བྷཉྲ་སོགས་ཀྲྀཏྲ་རྐྱེན་འོག་ཏུ་འབྱུང་བ། འོད་སྲུངས་བྱེད་པ་པོ་སྤང་བའི་ལས་སོགས་བྱེད་པ་ཅན་ལྷག་མ་ལྔ་པོའི་དོན་ཏུ་བསྒྲུབས་པ་དང་། དངོས་པོ་ཙམ་གྱི་དོན་ཏུ་བསྒྲུབས་པ་དེའང་མིང་ཡིན་ན་སྐྱེས་པའི་རྟགས་སུ་འགྱུར་ཏེ། དཔེར་ན། གྷཉྲ་ལ། རབ་ཏུ་འཕེན་པ་བྱ་བ་ལས་ཉིད་ཀྱི་ཕྱིར། པྲཱ་སཿ ཐག་མདུང་ངོ་། །འདིས་རིག་པར་བྱེད་དོ་ཞེས་པར། བེ་དཿ རིག་བྱེད་དོ། །འདི་ལས་རབ་ཏུ་ལྟུང་ངོ་། །འབྱུང་ཁུངས་ཞེས་པར། པྲཱ་སཱ་རཿ གཡང་སའོ། །འདིར་ཡིད་རབ་ཏུ་འཇུག་པར་བྱེད་དོ་ཞེས་པར། པྲཱ་སཱ་དཿ ལྷའམ་རྒྱལ་པོའི་ཁང་བཟང་ངོ་། །དེ་རྣམས་ཀྱང་རིམ་པ་བཞིན། པྲ་

[Full Size]

སྔོན་མའི་ཨ་སུ་འཕེན་པ། བི་ད་ཤེས་པ། པཏླྀ་འོག་ཏུ་ལྟུང་བ། ཥངླྀ་རྣམ་པར་བྱེ་བ་དང་འགྲོ་བ་དང་ཀུན་ནས་བརྙས་པར་བྱེད་པའི་བྱིངས་རྣམས་ལ། ཙཱནྡྲ་པ་ལྟར་ན། རྗེས་འབྲེལ་རྣམས་ཕྱིས་ནས། བྱེད་པ་ཅན་ལའང་གྷཉྲའོ། །ཞེས་པས་གྷཉྲ་བྱིན། གྷ་ཡིག་གྷིཏ་ཎྱཏྲ་དག་ལ་ཙ་ཛ་དག་གི་ཀུའོ་ཞེས་པའི་དོན་ཡིན་པས་ཕྱིས། སྲོག་གི་ཨ་བཞག །ཉྞཏྲ་ལའོ། །ཨཙྲའིའོ་ཞེས་པས་མཐའ་ཉེའི་ཨཏྲའི་ཨཱཏྲ། །ཀ་དེའི་དོན་གྱིས་ཕྱིས། ཡཱུང་བ་མཐའ་ཉེའི་འོས་ཨིཀྲའི་ཨེདྲ། བྱིངས་ཀྱི་དང་པོ་ཥ་ས། དབྱངས་མེད་དྲངས། ཨྙཀྲའི་ཨཀྲ་ལ་རིང་པོ། ཕྱི་མར། པྲྭཱ་སོགས་ཀྱིས་གྷཉྲ་ལ་མང་པོ་འོས་དེ་རིང་། སུ་དང་རུ་རྣམ་བཅད་སོགས་ཀྱིས་འགྲུབ། ཀ་ལཱ་པ་ལྟར་ན། བྱིངས་སྔ་མ་ལྟར། རྗེས་འབྲེལ་ཕྱིས། དངོས་པོ་ལའོ། །བྱེད་པ་པོ་མིན་པའི་བྱེད་པ་ཅན་ལའང་མིང་ལའོ། །ཞེས་པས་གྷཉ་བྱིན། གྷྲ་ཡིག་ཙ་ཛ་དག་གིས་དྷུ་ཊྲ་གྷ་རྗེས་སུ་འབྲེལ་བ་དག་ལ་ཀ་ག་དག་གོ། །ཞེས་པའི་ཁྱད་དོན་ཡིན་པས་ཕྱིས། ཨ་བཞག །ཀྲྀཏ་ གྲུབ་པ་ཉྲ་་རྗེས་སུ་འབྲེལ་བ་ལ་ཨི་ཙྲ་བཞིན་ཏུ་འོས་ཉ་ཕྱིས། ཨིནྲ་ཨིཙྲ་ཨཊྲ་རྣམས་ལ་ཨའི་ཨུ་པ་དྷཱ་རིང་པོ་སྟེ་ན་མི་རྣམས་ཀྱིས་འཕེལ་བའོ། །ཞེས་པས་ཨ་ཨུ་པ་དྷཱ་འཕེལ། ཨཱ་ཨུ་བ་དྷཱ་ནཱ་མིནྲ་ ཀྲཱྀཏ་ གྱིའང་ཡང་བའི་འོས་ཨི་ཡོན་ཏན། གསལ་བྱེད་དབྱངས་མེད་པ་ཕ་རོལ་གྱི་ སན་

[Full Size]

ཡི་གེར་དྲངས། མཚུངས་པ་འདྲ་བའི་ཡི་གེ་ལ་རིང་པོར་འགྱུར་ཏེ། ཕ་རོལ་ཡང་དབྱིའོ། །ཐུང་ངུའི་རིང་པོ་ཉིད་དོས་པྲ་ཕྱི་མ་རིང་། སི་བྱིན་ནས་བསྒྲུབ་པ་སོགས་དང་། དབྱངས་ཅན་མ་ལྟར་ན། བྱིངས་རྣམས་བཞག །རྗེས་ སཱནྲ་ འབྲེལ་ཕྱིས། དངོས་པོ་ལ་གྷཉྲའོ། །བྱེད་པ་པོ་མ་ཡིན་པ་ལའང་ངོ་། །ཞེས་པས་གྷཉྲ། གྷིཉྲ་ལ་ཙ་ཛ་དག་གིས་ཀ་ག་དག་གོས་གྷ་ཕྱིས་ལ་བཞག །ཉིྞཏྲ་དང་པོའི་དབྱངས་ཀྱི་འཕེལ་བའོ། །ཨཏྲའི་ཨུ་པ་དྷཱིའིའོ་ཞེས་པས་འཕེལ། ཨུ་པ་དྷཱ་ཡང་བའིའོ་ཞེས་པས་བི་ཡོན་ཏན། དབྱངས་ཀྱིས་དམན་པ་ཕ་རོལ་དུ་ཡང་དག་པ་སྦྱར། འདྲ་བའི་ཡི་གེ་ལ་ལྷན་གཅིག་ཏུ་རིང་པོའོ། །ལ་ལར་གཉིས་ཀ་དག་ལ་འོས་པྲ་ཕྱི་མ་འཕེལ། སི་སོགས་ཀྱིས་འགྲུབ་བོ། །དེ་བཞིན་ཏུ། དངོས་པོ་ལཿཔཱ་ཀཿརོ་གཿཏྱཱ་གཿལ་སོགས་པ་ཏེ། །ཌུ་པ་ཙཥྲ་འཚེད་པ། རུ་ཛོ་འཇིགས་པ། ཏྱཛ་འདོར་བའི་བྱིངས་རྣམས་ལས་གྷཉྲ་དང་། ཙྲ་ཛྲ་དག་ཀྲ་གྲ་རུ་བསྒྱུར་བ་སོགས་སོ། །མིང་མ་ཡིན་པ་ལའང་སྨིན་པ་ནད་གཏོང་བ་གྷཉྲ་འཇུག་པའི་ཚེ་སྐྱེས་པའི་རྟགས་སུ་བཤད་པ་སོགས་མ་བརྗོད་པའི་ལྷག་མ་འཇིག་རྟེན་ལས་རྟོགས་པར་བྱ་དགོས་པ་ནི་གོང་འོག་ཐམས་ཅད་དུ་ཤེས་པར་བྱའོ། །ཙ་ཡཿ བསགས་པ༔ ཛ་ཡཿ རྒྱལ་བ་ན་ཡཿ ཚུལ་སོགས་ཨི་ལས་

[Full Size]

ཨཙྲས་བསྒྲུབས་པ་དང་། ཀ་རཿ ག་རཿ དུག་དང་བོང་དཀར་སོགས་ལ་བཿ སྟ་བཿ སོགས་རྀཏ་དང་ཨུ་ལས་ཨསྲའི་བསྒྲུབས་པ་དང་། ཡཙྪ་མ་གཏོགས་པའི་ཡརྣཿ རཏྣ་ལྟ་བུ་བིཙྪ་རཀྵ་ལས་ནདྲ་འོས་ནདྲ་གི་རྐྱེན་བྱིན་ནས་ལག་པ་འོད་དཔྱ་ཁྲལ་སོགས། བསྒྲུབས་པ་དང་། གཅོད་བྱེད་བསྟོད་པ། ནྱཱདཿ ལ་སོགས་པ། ནི་ལ་ྲའང་ངོས་ྲ་བྱིན་ནས་བསྒྲུབས་པ་དང་། ཨུ་འབད་པ། རིན་ཆེན། རཤྪ་དཿ དནྟ་ཙྪ་དཿ སོགས་སྐྱེས་པ་ལ་མིང་ལས་གྷ་བྱིན་ནས་བསྒྲུབས་པ་དང་། ཤྭ་ཡ་ཐུཿ ན་ནྲ་ཐུཿ ལྟ་བུ་ཊུ་ ཟབ་ འགྲོ་བ་ལས་ཨ་ཐུ་ཙསྲ་བསྒྲུབས་པ་དང་། བྱེད་པ་པོའི་དོན་ བྲང་སྐྱོབ་ ཏུ་ནནྡི་སོགས་ལས་ལྻུ་སོ་སྒྲིབ་བྱིན་ནས་བསྒྲུབས་པ། ནནྡནཿདགའ་བྱེད་ར་མ་་ལ། པོ་ཡཱསྲ་དགའ་བ་སོགས་པ་དང་། དངོས་པོའི་དོན་ལ་དེ་ཕན་གྱི་རྐྱེན་ཨི་མ་ནི་ཙསྲ་བསྒྲུབས་པ། པྲ་ཐཱི་མཱ། ག་རི་མཱ་ལྕི་བ་ལ་སོགས་པ་དང་། །ཨུྲ་ལ་སོགས་པའི་ཨི་མ་ནི་ཙསྲ་དངོས་པོ་བསྒྲུབས་པ། པྲེ་མཱ་སོགས་ཏེ། པྲེ་མཱ་ཕའོ་དགའ་བ་ཉིད། ཅེས་མ་ཕམས་པས་སོ། །དེ་བཞིན་ཏུ། བྱི་ ཡངས་བ་ བ་རྣམས་ལྡང་ཞིང་མཆིས་སོ་ཞེས་པར། ཨཱ་ཁུརྠཿ པྲསྠཿསོགས་གྷཉྲའི་དོན་ཏུ་ཀ་བྱིན་ནས་བསྒྲུབས་པ་དང་། བྲ་ལ་སོགས་པའི་ཉེ་སྒྱུར་རྣམས་དང་། མིང་ཉེ་བའི་ཚིག་སྔོན་མ་ཅན་གྱི། དཱ་ཡི་མིང་ཅན་ཏེ་གྷུ་ལས་ཀིའི་རྐྱེན་བྱིན་པ། །

[Full Size]

ཨི་ཥུདྷ ིཿམ་གཏོགས་པ། ནི་དྷིཿ པྲ་དྷིཿ ཨཱ་དི། ལ་བ་དྷིཿ ཤི་རོ་དྷིཿལ་སོགས་པ་རྣམས་དང་། ཟླས་དབྱེའི་བསྡུ་བ་ལ་ནང་གསེས་ཀྱི་དབྱེ་བ་ཀུན་བཏུས་པ་དང་། ཞར་བྱུང་གཅིག་གཅིག་སྦྱོར་ དེང་པ་སྟེ་མོ་ བ་དང་། ཀུན་སྡུད་གཏེར་འཁོར་ལོའི་མུ་ཁྱུད་སོགས་དང་པོ་རྟ་རྔ་རྐེ་པ་སྟེ་བཞི་ཡོད་པ་ལས་སྔ་མ་གཉིས་ནི་བསྡུ་གཞིའི་གྲངས་སུ་བསྒྲངས་པ་ལས་བསྡུ་བྱ་དངོས་མིན་པས་སྐྱེས་པའི་རྟགས་སམ་དམིགས་བསལ་ཡོད་ན་ཐོབ་ཐང་ལྟར་འགྱུར་ཞིང་། གཅིག་ཤོས་དང་གཅིག་ཤོས་སྦྱོར་བ་ནི་ཆོས་ཅན་གཙོ་བོ་ཡིན་པས་སྐྱེས་པར་འགྱུར་ཏེ། ཨ་ཤྭ་བཱ་ཌ་བཱཿལྟ་བུ་སྟེ། གཞན་ཏུ་མ་ནིང་ཉིད་དུ་བསྟན་པའི་ཕྱིར་ཆོས་གཙོ་བོ་ཡིན་པ་ཀུན་སྡུད་པ་ནི་མི་འགྱུར་ཏེ། པཱ་ི་པཱ་དཾ་ལྟ་བུའོ། །ཀཱནྟའི་སྒྲ་ལ་ཉི་མ་དང་ཟླ་བའི་རྣམ་ཨ་ཡྲ་སོགས་སྔོན་ཏུ་ཡོད་པའི་རྟ་དང་རྒོད་མ་ཚེ་སྐྱེས་པའི་རྟགས་སུ་འགྱུར་ཏེ། སཱུ།།།ཀཱནྟཿ ཨིནྟུ་ཀཱནྟཿ ཨ་ཡསྐཱནྟཿ ལ་སོགས་པ་རྐང་ལག་དང་། རིགས་མཛེས་པ་མཐུན་བསྡུ་རྒྱུ་མེད་པ། བཊཀཿསོགས་ལྷག་མ་རྣམས་འཇིག་རྟེན་ལས་རྟོགས་པར་བྱའོ། །སྡོམ་ནི། །ཁམ་དང་མེ་ཤེལ་གྱི་དོན་རྣམས་ལའང་ངོ། །ཆུ་ཤེལ་ལྕགས་ཤེལ། ནགས་ཚལ་ལོ་འདབ་དང་། །བུ་ག་ཁ་བ་ཆུ་དྲོ་གྲང་། །ཤ་ཁྲག་ཁ་མིག་ནོར་རྫས་དང་། ཁུར་བའི་བྱེ་བྲག །ཁུང་བུ་གྲོང་ཁྱེར་ཁུ་བ་གཞུ། །སྟོབས་ནུས་དམག་དཔུང་

[Full Size]

ཐང་གཤོལ་གཟུགས། །གསེར་དང་ཟངས་ལྕགས་བདེ་དང་སྡུག །དགེ་དང་མི་དགེ་རྗེས་སུ་བྱུགས། །ལན་ཚྭ་ཚོད་མཆུའི་མེ་ཏོག །བྱེ་བ་མིན་པའི་བརྒྱ་སོགས་གྲངས། །དབྱངས་གཉིས་ཨསྲ་ཨིསྲ་ཕ་ལམ་སྟེ་འབྲས་བུ་ཞེས་བཤོལ་གྱི་ཚབ་ཏུ་རབ་འབྱོར་ཟླ་བས་བཀླགས། ཨུསྲ་ཨན་མཐའ། །བྱེད་པོ་མིན་པའི་ཨ་ན་དང་། །ཇི་སྙེད་ཏྲ་མཐའི་སྒྲ་དག་དང་། །ས་ལ་ཨུ་པ་དྷཱ་ན་ཡོད། །གྲངས་དང་སྦྱར་བ་རཱ་ཏྲའི་སྒྲ། །བ་གཉིས་ཟླས་དབྱེ་མི་ཟད་གྱུར། །ཀྲྀཏྱ་དང་ནི་ཀྲྀཏྲའི་རྐྱེན། །ཀྟ་སོགས་དངོས་དོན་བསྒྲུབས་པ་དང་། །དེ་ཕན་རཱ་སོགས་དངོས་དང་ལས། །ཚོགས་ཀྱི་དོན་བསྒྲུབས་རྟགས་བྱ་བ། །མི་ཟད་པར་གྱུར་སེམས་ཅན་མིན། །དབང་པོ་ལ་འཇུག་ཨཀྵ་སོགས། །གཉིས་ཀྱིས་དམན་པའི་རྟགས་སུ་དྲན། ཁ་ལ་སོགས་པ་ནི་གཉིས་ཀྱི་དམན་པ་སྟེ་མ་ནིང་གི་རྟགས་སུ་འགྱུར་རོ། །དེའང་། མེ་དི་ནཱི་ལས། ཁཾ་ནི་དབང་པོ་གྲོང་དང་ཞིང་། །སྟོང་པའི་ཐིག་ལེ་ནམ་མཁའ་དང་། །ཚོར་བ་མྱོང་དང་ལྷའི་འཇིག་རྟེན། །བདེ་སྐྱིད་ལ་ཡང་མ་ནིང་ངོ་། །ཞེས་སམ། ཡང་ན། ཁཾ་སྒྲ་སྟོང་པའི་ཐིག་ལེ་དང་། །མཐོ་རིས་ནམ་མཁའ་རྣམས་ལ་ཡང་། །ཞེས་བྱཱ་ཌི་ས་སོ། ཚོར་བ་དབང་པོ་མཐོ་རིས་སོ། །ལྷ་ལམ་བདེ་བ་རྣམས་ལ་ཁཾ། །ཞེས་ར་བྷ་སས་སོ། །བ་ནཾ། ཀཱ་ན་ནཾ་ལ་སོགས་པའི་མིང་དགོན་པའམ་ནགས་ཚལ་ལ་འཇུག་པ་རྣམས་དང་། པ་ཏྲཾ། པཱ་

[Full Size]

ལ་ཤཾ་སོགས་ལོ་འདབ། ཤྭ་བྷྲཾ། བི་ལཾ་སོགས་བུ་གའམ་ཁུང་བུ། ཧི་མཾ། རུ་ཧི་ནཾ་སོགས་ཁ་བའམ་གངས། ཨསྲ་མ་གཏོགས་པའི་ཨུ་ད་ཀཾ། །ཛ་ལཾ་སོགས་ཆུ། ཤཱི་ཏཾ། །ཤི་ཏ་ལཾ་སོགས་གྲང་བའམ་འཁྱག་པ། ཨུཥྞཾ། ཏིགྨཾ་སོགས་དྲོ་བ། མཱཾ་སཾ། པི་ཤི་ཏཾ་སོགས་ཤ །རཀྟཾ། རུདྷི་རཾ་སོགས་ཁྲག །མུ་ཁཾ། བུད་མེད་སྟེ་རྟག་ཏུ་མང་ཚིག་གི་མཐར། ཏུཎྜཾ་སོགས་ཁ་དང་གདོང་པ། ཨཀྵཾ། ནེ་ཏྲཾ་སོགས་མིག །དྲ་བྱཾ། རྀཀྠཾ་སོགས་ནོར་རྫས་ཀྱི་མངོན་པར་བརྗོད་པ་ཐམས་ཅད་རྣམས་དང་། ནག་རཾ་ལ་སོགས་པའི་གྲོང་ཁྱེར་བརྗོད་པ་དེ་བཞིན་ཏུ། སྟོབས་དང་། མཐུ་ནུས་དང་། །དམག་དཔུང་དང་། ཧ་ལཾ་སོགས་གཤོལ་དང་། རབ་འབྱོར་ཟླ་བས་འབྲས་བུའང་བཤད་པས་དེ་ལྟ་ན། ཕ་ལམ་སོགས་འབྲས་བུའི་མིང་རྣམས་དང་། གསེར་དང་ཟངས་དང་ལྕགས་ཀྱི་མངོན་པར་བརྗོད་པ་རྣམས་དང་། རཱུ་པ་སོགས་གཟུགས་ཀྱི་མིང་རྣམས་དང་། ཤུ་ཀྲ་སོགས་ཁུ་བའི་མིང་རྣམས་དང་། དྷ་ནུསྲ་སོགས་གཞུ་ཡི་མིང་རྣམས་དང་། བདེ་དང་། སྡུག་བསྔལ་དང་། དགེ་བ་དང་། །མི་དགེ་བ་སྟེ་སྡིག་པ་དང་ཉོན་མོངས་པ་སོགས་དང་། ལུས་ལ་རྗེས་སུ་བྱུག་པ་ག་པུར་དང་། ཙནྡན་གྱི་ལྡེ་གུ་དང་། ཀུངྐུ་མཾ་གྲུམ་ཆར་ལ་སོགས་པ་དང་། །ལ་བ་ཾ་ལ་སོགས་ལན་ཚྭའི་མིང་གི་རྣམ་གྲངས།

[Full Size]

བྱཉྫན་སོགས་ཚོད་མ་དང་། དེའི་བྱེ་བྲག །ད་དྷི། ཏ་ཀྲཾ་ལ་སོགས་པ་རྣམས་དང་། པདྨ་མ་གཏོགས་པའི་ཆུ་སྐྱེས་ཏེ་མེ་ཏོག་གི་མིང་གི་རྣམ་གྲངས། ཀ་མ་ལཾ། པུཥྤཾ་སོགས་དང་། དབྱེ་བ། ཀུ་མུ་དཾ། ཨུཏྤ་ལཾ། ཙམྤ་ཀཾ། ཀ་དམྤཾ་ལ་ ཀོ་ དང་བ་ སོགས་པ་རྣམས་དང་། །བྱེ་བའི་མིང་ཀོ་ཊི་མ་གཏོགས་པའི། ཤ་ཏཾ། ས་ཧ་སྲཾ། ཨ་ཡུ་ཏཾ། ནི་ཡུ་ཏཾ། འབུམ་ ལཀྵཾ། པྲ་ཡུ་ཏཾ། མ་ཏཾ། ཨརྦུ་དཾ་ལ་སོགས་པའི་གྲངས་ཀྱི་སྒྲ་རྣམས་དང་། དབྱངས་གཉིས་པ་ཅན་ཨསྲ་ལ་སོགས་པའི་གཟུགས་མཐའ་རུ་ཡོད་ བརྒྱ་ སྟོང་ པ་སྟེ་ ཁྲི་ འོད་ཀྱི་སྐད་དོད་རྣམས་ཕོ་ཡིན་ཀྱང་ཨསྲ་ཨིསྲ་ ས་ཡ་ བྱེ་བ་ མཐའ་དུང་ཕྱུར་ཅན་མ་ནིང་དུ་བཤད་པའི་ཕྱིར་ཏེ་ཛསྲ། གཟི་བརྗིད། རོ་རྩིས། ཨརྩི།།།སྲ་འོད་ལྟ་བུ་རྣམས་འདི་གྲས་སུ་བཀླག་པར་བྱའོ། །སྙན་གྲགས་ ཡ་ཤསྲ། པ་ཡསྲ། འོ་མ་ བྲང་ ཨུ་རསྲ་ལྟ་བུ་དང་ཨིསྲ་མཐའ་ཅན། མར་ སརྤི།།།སྲ། །ར་བིསྲ་སོགས་དང་། ཨུསྲ་མཐའ་ཅན། བ་སུསྲ། ཡ་ཛུསྲ་ལ་སོགས་པ། ཨནྲ་མཐའ་ཅན། ཙརྨྨ་ནྲ། ནཱ་མནྲ་ལ་སོགས་པ་སྟེ་རཱ་ཛནྲ་རྒྱལ་པོ། ཡུ་བན་ལང་ཚོ། ཤྭན་ཁྱི་ལ་སོགས་པ་སྒྲ་བཅུ་གཅིག་སྐྱེས་པར་བཤད། བསྲེག་རྫས་ འདིར་ཡང་དམིགས་བསལ་དུ་མ་ ལུས་ མཆོད་སྦྱིན་ བཀག་པ་རྣམས་བལྟ་བར་བྱའོ། །པགས་པ་མིང་བྱེད་པ་པོ་མ་ཡིན་པའི་བྱེད་ཅན་རྣམས་དང་། དངོས་པོ་ལ་འཇུག་པའི་ཨ་ནའི་མཐའ་ཅན་

[Full Size]

ལྻུཊྲ་སོགས་ཀྱིས་བསྒྲུབས་པ། འདིར་གཞལ་བར་བྱ་བ་ཡིན་པས། མཱ་ནཾ། ཚད་དོ་སྨྲ་བར་བྱེད་པ་ཉིད་ཀྱི་ཕྱིར། བ་ཙ་ནཾ། སྨྲ་བའོ་དེའི་ཆེད་དུ་སྦྱིན་ནོ་ཞེས་པར། ད་ནཾ། སྦྱིན་པའོ། །འདི་ལས་ཤེས་པར་ཉིད་ཀྱིས་ཕྱིར། པྲ་མཱ་ཾ། ཚད་མའོ། །འདི་ལ་གནས་སོ་ཞེས་པར་ཨཱ་ས་ནཾ། གདན་ལ་སོགས་པའོ། །དངོས་པོ་ལ། ཤཱ་ས་ནཾ་ལ་སོགས་པ་སྟེ་འདིར། མཱདྲ་ཚད། བཙ་སྨྲ་བ། ཌུདཱཉྲ་སྦྱིན་པ། པྲ་སྔོན་མའི་མཱདྲ། ཨདྲ་སོགས་ཀྱི་ཨཱ་ས་ཉེ་བར་སྡོད་པ། ཤཱ་སུ་རྗེས་སུ་སྟོན་པའི་བྱིངས་རྣམས་བཞག །རྗེས་འབྲེལ་ཕྱིས། དེའང་ཙཱནྡྲ་པ་ལྟར་ན་དངོས་པོ་སོགས་ལ་སྤྱིར་བཏང་ནས། ལྻུཊྲའོ་ཞེས་པས་ལྻུཊྲྲ་བྱིན། ལྲ་ཁྱད་དོན་དང་། ཊྲ་ཊིཏྲཌྷ་ཨྲ་སོགས་ཀྱི་དོན་ཡིན་པས་ཕྱིས། ས་མེད་པའི་ཡུ་བུའི་ཨ་ན་ཨ་ཀ་དག་གོས་ཡུའི་ཨ་ན་རུ་བསྒྱུར། ཨཀྲའི་ཨཀྲ་ལ་རིང་པོའོ། །ཚིག་གཅིག་ལས་ར་ཥ་ལས་ན་། དབྱངས་མེད་དྲངས། སུ་བྱིན། ཨ་ཏ་ལས་ཨམྲའོས། དེ་ཨམྲ། ཨམྲ་ལ་སྔོན་མ་འོས་ཨ་ཡིག་སྔ་མའི་གཟུགས་སུ་གྱུར། ཧལྲ་ལ་མའི་འོས་མ་རྗེས་སུ་ང་རོ་སོགས་ཀྱིས་འགྲུབ། ཀ་ལཱ་པར། ཡུཊྲའང་ངོ་ཞེས་པས་བྱིངས་དེ་རྣམས་ལས་ཡུཊྲ་བྱིན་ཊྲ་ཕྱིས། ཡུ་བུ་ཛྷ་རྣམས་ཀྱི་ཨ་ན་ཨཀ་ཨནྟ་རྣམས་སོས་དེ་ཨ་ན། མཚུངས་འདྲ། གསལ་བྱེད་དབྱངས་མེད་

[Full Size]

དྲངས། ར་ཥ་རྀའི་ཡི་གེ་རྣམས་ལས་མཐའ་མིན་པའི་ནའི་་སྟེ་དབྱངས་དང་ཧ་དང་ཡ་དང་ཀ་སྡེ་དང་པ་སྡེ་བར་ན་ཡོད་ཀྱང་ངོས་ན་། སི་བྱིན། མ་ནིང་ལས་སི་ཨམྲ་དག་གི་དབྱི་སྟེ་དེ་ལ་བརྗོད་པའང་མ་ཡིན་ནོས་སི་དབྱི། ནཱ་ སམྦུདྡྷི་མ་ཡིན་པ་ལ་མུའང་ངོས་མུ་ཨཱ་ག་མ་བྱིན། མུའི་ཨུ་ཡིག །ཨཱ་ག་མ་ཨྩཏྲ་རྗེས་སུ་འབྲེལ་བ་ནི་དབྱངས་མཐའ་ལས་ཕ་རོལ་དུའོ་ཞེས་པའི་ཁྱད་པར་གྱི་དོན་ཡིན་པས་ཕྱིས། མ་གསལ་བྱེད་ལ་རྗེས་སུ་ ནཱ་ ང་རོ་འོས་ང་རོ་བྱས་པས་འགྲུབ་བོ། །སཱ་ར་སཱ་ཏཱི་ར། ཡུཊྲའོ། ནཱ་ སྒྲུབ་བྱེད་དང་གཞི་དག་ལའང་ངོས་བྱིངས་ལ་ཡུཊྲ། ཊྲ་དབྱི། ཡུ་བུ་དག་གི་ཨ་ན་ཨ་ཀ་དག་གོས་དེ་ཨ་ན། སན་ དབྱངས་ཀྱིས་དམན་པ་ཕ་རོལ་དུ་སྦྱར། འདྲ་བའི་ཡི་གེ་ལ་ལྷན་ཅིག་ཏུ་རིང་པོ། ར་ཥ་རྀ་ལས་མཐའ་མིན་པའི་ནའི་། སི་བྱིན། ཨཏ་ལས་ཨམྲའོས་དེ་ཨམྲ། ཨམྲ་ཤསྲ་དག་གི་ཨའི་འོས་ཨ་དབྱི། མ་རྗེས་སུ་ང་རོའོ་སོགས་ཀྱིས་བསྒྲུབས་པ་སྟེ། བསྒྲུབ་ཚུལ་མི་འདྲ་བ་འདི་རྣམས་ནི་བློ་གསར་བུ་ལ་ཅུང་ཟད་ཕན་པའི་ཕྱིར་བཀོད་པའོ། །འདིར་ཙཱནྡྲ་པའི་ཊཱིཀྲ་ཆེན་ཏུ། ཨ་པཱ་དཱ་ན་སྟེ་ཕྱིར་ལེན་པའམ་ཕྲལ་བའི་དོན་ལ། །པཏླྀ་འགྲོ་བ་ལས། པྲ་པ་ཏ་ནཾ། ལྟུང་བ། དངོས་པོ་ལ་ལྻུཊ་འགྱུར་ཞིང་དེའང་མ་ནིང་གི་རྟགས་སུ་བཤད་དེ། ཀྲྀཉྲ་བྱེད་པ་ལས། ཀ་ར་ཾ། བྱེད་པ་གམླི་འགྲོ་བ་ལས། ག་མ་ནཾ། འགྲོ་བ། བྷུ་ཛ་

[Full Size]

ཟ་བ་ལས། བྷོ་ཛ་ནཾ། ཟ་བ། དཱ་སྦྱིན་པ་ལས། དཱ་ནཾ་སྦྱིན་པ་སོགས་སོ། །ལས་ལའང་ལྻུཊའི་མཐའ་མ་ནིང་སྟེ། སྤྲྀཤྲ་རེག་པ་ལས། ལྻུཊྲ། སཾ་སྔོན། ངསི་བྱིན། ཚིག་གྲོགས་དང་སྦྱར་བས། ཡེ་ན་སཾ་སྤརྴ་ནཱཏྲ། ཀརྟྟུཿཤཱ་རཱི་ར་སུ་ཁཾ། གང་གིས་རེག་པ་ལས་བྱེད་པ་པོའི་ལུས་བདེ། ཞེས་པའི་དོན་ནོ། །འདིར་རེག་པའི་ལས་ནི་ལུས་ཡིན་ཡང་། ལྻུ་ཊྲའི་རྐྱེན་གྱིས་ལས་བརྗོད་པའི་ཕྱིར། སི་སྤརྴ་ནའི་སྒྲ་མ་ནིང་གི་རྟགས་སུ་འགྱུར་རོ། །ལས་ཉེའི་ཚིག་ལས་ཀྱང་སྟེ། པཱ་བཏུང་བ་ལས། པ་ཡཥྤ་ནཾ། འོ་མ་བཏུང་བ། བྷུ་ཛ་ཟ་བ་ལས། གུ་ཌ་བྷོ་ཛ་ནཾ། བུ་རམ་ཟ་བ་ལྟ་བུའོ། །བྱེད་པ་དང་གཞི་དག་ལའང་ལྻུཊྲ་འགྱུར་ཞིང་། དེ་མ་ནིང་མ་ཡིན་ཏེ། ཨོ་བྲཤྩུ་གཅོད་པ་ལས། དེ་ཧ་བྲཤྩནཿ ཁཌྒཿ རལ་གྲིས་ལུས་གཅོད་པ། གཞི་ལ་དྲ་ཧ་འཇོ་བ། དྷཱཉ་འཛིན་པ་ལས། །ལྻུཊྲ། ཊིཏྲ་ཌྷ་ཨནྲ་སོགས་ཀྱི་དཱིཔྲ། གོ་དོ་ཧ་ནཱི། བ་འཇོ་བའི་གནས། རཱ་ཛ་དྷཱ་ནི། རྒྱལ་པོའི་ཕོ་བྲང་། བྱེད་པ་པོ་ལ། བ་ཙ་སྨྲ་བ་ལས། གུ་་བ་ཙ་ནཿ ཡོན་ཏན་བརྗོད་པ་སོགས་མ་ནིང་གི་རྟགས་སུ་འགྱུར་བ་དང་མི་འགྱུར་བའི་དམིགས་བསལ་དཔེར་བརྗོད་བཅས་གསུངས་ཤིང་། དེའང་སྔ་མ་ནི་མང་པོ་ལ་སྤྱིར་བཏང་བའི་ཕྱིར་སྒྲ་གཞུང་ཐམས་ཅད་ཀྱི་དགོངས་པ་དང་བསྟུན་ནས་བཀོད་པ་ཡིན་ལ། ཕྱི་མ་ནི།

[Full Size]

པཱ་ི་པ། རབ་བྱེད་ཟླ་ཟེར་སོགས་ཀྱི་སྦྱོར་ཚུལ་ཇི་ལྟ་བར་བཤད་པ་ཡིན་འདུག་པ་འགལ་བ་སྙམ་དུ་གཟུང་བར་མི་བྱའོ། །དེ་བཞིན་ཏུ། ཨ་མིཏྟྲ་སོགས་དགུ་མ་གཏོགས་པའི། དཱ་ཏྲཾ། པ་ཏྲཾ། བསྟྲཾ་ལ་སོགས་པ་ཇི་སྙེད་པ་རྣམས་དང་། །ས་ཨུ་པཱ་དྷ་ན་ཡོད་པ། མ་ཧཱ་ན་སཾ། བུ་སཾ། བི་སཾ་ལྟ་བུ་དང་། ལ་ཨུ་པ་དྷཱ་ན་ཡོད་པ། ཀུ་ལཾ། མཱུ་ལཾ་ལ་སོགས་པ་སྟེ། སཾ་ཧ་ས། སྟེར་བ། ཕེར་བ། གོས། ཀཱ་ལ་ལ་ལཿ སོགས་པ་དམིགས་བསལ་དུ་བསྟན་པ་ནི་མ་གཏོགས་སོ། །སྣ་ཆེན་པོ། སྦུན་མ་ བད་སྣལ་ཏྲི་རཱ་ཏྲཾ། པཉྩ་རཱ་ཏྲཾ། ཥཌྼཱ་ཏྲ་ལྟ་བུ་ རིགས་ རྩ་བ་ གྲངས་སྔ་མ་ཅན་གྱི་རཱ་ ཡང་དག་དགོད། ཏྲིའི་སྒྲ་ལ་སོགས་པ་ དུས་རྣམས་དང་། དྭིགུ་སྟེ་བ་གཉིས་པའི་བསྡུ་བར་གྲགས་པ་ཚིག་གསུམ་གར་འཇུག་པ། མཚན་གསུམ་མཚན་པོ་ལྔ། མཚན་དྲུག་ པཉྩ་ཀ་པཱ་ལཿ པཉྩ་ཀ་པ་ལཱཽཿ པཉྩ་ཀ་པ་ལཱཿ ལྟ་བུ་མ་ཡིན་པའི། །གཅིག་ཚིག་འཇུག་པའི་ཡུལ། དྭི་པ་ཐ་ལྟ་བུ་མ་ནིང་གི་རྟགས་སུ་འགྱུར་ཏེ། དྭ་ཡཱ་ཱཾ་པ་ཐཱཾ། ཞེས་པར་བསྡུ་བར་བྱས་པས་དྭི་པ་ཐཾ། ཐོད་ཕོར་ལྔ། ལམ་གཉིས། དེ་བཞིན་ཏུ། ཙ་ཏུཥྤ་ཐཾ། ལམ་བཞི་མདོ། པཉྩ་ག་བཾ། བ་ལྔ་ལ་ལམ་གཉིས་སོགས་པ་སྟེ། འཇིག་རྟེན་པའི་ཉེར་སྤྱོད་ལས་བསྟན་པ་དེ་རྣམས་དང་། ལྷག་མ་ལའང་། འདིར་བ་གཉིས་པའི་བསྡུ་བ་ཚིག་ཕྱི་མ་མོ་རྟགས་ཀྱི་མཐར་གྱུར་པ་ཀུན་སྡུད་

[Full Size]

པའི་ཡུལ་ལ་མ་ནིང་གི་རྟགས་སུའང་ཡང་ན་འགྱུར་བར་བཤད་པས། པཉྩ་ཁ་ཊྭཱཿ ཞེས་པར་རྣམ་དབྱེ་བསྡུས། ཨཱསྲ་མཐའ་ཅན། པཉྩ་ཁ་ཊྭཱ་ཁོ་ནར་གནས་པར། བུད་མེད་དུ་བསྒྲུབ་ན་སླར་ཨཱི་སོགས་ཀྱིས་པཉྩ་ཁ་ཊྲཱཾ་གྲུབ། ཕྱོགས་གཅིག་ལ་མ་ནིང་ལྟར་འགྱུར་བས། མཐའ་ཐུང་སཾ་མུ་བྱས་པས། པཉྩ་ཁ་ཊྭཱཾ་གྲུབ་པ་སོགས་སོ། །པཉྩ་པཾ་ལ་སོགས་པར་ཤེས་པར་བྱ་བ་ལས། གཞན་ཏུ། ཨྲཏ་མཐའ་ཅན་ངག་གཉིས་པའི་བསྡུ་བ་རྣམས་ཙཱནྡྲ་པར། ཨ་ནི་བུད་མེད་དོ། །ཞེས་བུད་མེད་ཀྱི་རྟགས་མཐར་གསུངས་པས། ཏྲི་པཱུ་རི། པཉྩ་པཱུ་ལི་ལ་སོགས་པ་བཞིན་ནོ། །ཟླས་དབྱེའི་དང་གི་དོན་གྱི་བསྡུ་བ་ལ་ནང་གསེས་སུ་ཀུན་བཏུས་པ་སོགས་དབྱེ་བ་བཞི་ཡོད་པ་ལས། ཚིག་དོན་ཕན་ཚུན་གཅིག་ལ་གཅིག་ལྟོས་ཤིང་བྱ་བ། གྲོང་གསུམ་ ཁུར་བ་ལྔ་ གཅིག་དང་འབྲེལ་བ་ཆོས་རྣམས་གཙོ་བོ་ཡིན་པ་ལ་ཀུན་སྡུད་པ་ཞེས་བྱ་ཞིང་དེ་མ་ནིང་གི་རྟགས་སུ་འགྱུར་ཏེ། པཱ་ི་པཱ་དཾ། རྐང་ལག །བྷེ་རི་པ་ཊ་ཧཾ། རྔ་ཆེན་པ་ཊ་ཧ། ཤི་རོ་གྲཱི་བཾ། མགོ་རྐེ་ལ་སོགས་པའོ། །སྟྲི་ཡ་མ་དྷི་ཀྲྀཏྱ་བྷ་བ་ཏི། བུད་མེད་ལ་ལྷག་པར་བྱས་ནས་འགྱུར་རོ་ཞེས་པ་བསྡུས། ཨ་དྷེ་གྲངས་མེད་པའམ་མི་ཟད་པ་ཡིན་པས་སྔོན་ཏུ་བཞག །སི་བྱིན། མི་ཟད་པ་ལས་གྲངས་མེད་པའི་བསྡུ་བའམ། གཞུང་ཕལ་ཆེར་མི་ཟད་པར་གྱུར་བའི་བསྡུ་བ་ཞེས་པ་མ་ནིང་གི་རྟགས་སུ་

[Full Size]

འགྱུར་ཚུལ། ཀྱང་ངོས་སི་འཇིགས། སྟིལ་ཛསྲ། ཨ་དྷི་།།།ཿ དེར་གནས་རྣམ་དབྱེ་རྣམས་དབྱི་བར་བྱའོས་ཛསྲ་འཇིག །ཨ་དྷི་སྟྲཱིི། ཞེས་པར་འགྱུར། དེ་ནི་མ་ནིང་རྟགས་སུ་འགྱུར་ཞེས་གསུངས་པས་སི་བྱིན། མ་ནིང་ལ་དབྱངས་ཐུང་ངུ་འོས་ཨི་མཐའ་ཐུང་། གཞན་ནཱ་ལས་འཇིག་གོས་སི་ཕྱིས་པས། ཨ་དྷི་སྟྲི། གྲུབ་པ་བུད་མེད་ལྷག་པར་བྱེད་པའམ། ནཱ་ བུད་མེད་གཞིར་བཞག་པའི་དོན་ཡིན་པས། ལྷག་པའམ་གཞིར་བཞག་པ་བརྗོད་བྱའི་གཙོ་བོ་ཡིན་ ནཱ་ པའི་ཕྱིར། མི་ཟད་པ་ཨ་དྷིའི་དོན་གཙོ་ཆེ་བའི་དབང་གིས་མི་ཟད་པ་གྱུར་པ་ཞེས་བྱ་སྟེ་སྔར་བུད་མེད་ཀྱི་སྐད་དོད་སྟྲཱིི་མི་ཟད་པ་མ་ཡིན་པ་ལ། །ཚིག་སྡུད་བྱས་པས་མི་ཟད་པར་གྱུར་པའོ། །འོན་ཀྱང་མི་ཟད་པ་དངོས་ནི་མ་ཡིན་ཏེ་མི་ཟད་པ་གཙོ་ཆེ་བ་ཙམ་གྱི་དོན་ནོ། །ཨུ་པ་ཀུམྦྷ། ལྟ་བུ་ནི་མི་ཟད་པར་གྱུར་པ་ཡིན་པས་མ་ནིང་གི་རྟགས་སུ་འགྱུར་བ་གཞིར་བཞག་ནས། ཨ་ཐུང་མཐའ་ཅན་ཡིན་པས། མི་ཟད་པར་གྱུར་པ་ཨ་ཡིག་མཐའ་ཅན་ལས་ལྔ་པ་མིན་པའི་རྣམ་ཉེ་བའི་བུམ་པ་དབྱེ་རྣམས་ཀྱི་ཨམྲའོ། །གསུམ་པ་དང་བཞི་པ་དག་གི་ཡང་ནའོ་ཞེས་མ་ནིང་གི་རྟགས་སྤྱི་འགྲེ་དང་མི་མཚུངས་པས་ལྔ་པ་མ་ནཱ་གཏོགས་པའི་རྣམ་དབྱེ་ཐམས་ཅད་གཟུགས་མཚུངས་ཕྱིར་དོན་གང་ཡིན་ཚིག་གྲོགས་ལས་ཤེས་དགོས་ཏེ། གཉིས་པ་ལ། ཉེ་བའི་བུམ་པར་ལྟོས། ཨུ་པ་ཀུམྦྷཾ་

[Full Size]

པ་ཤྱ། གསུམ་པ་ལ། ཨུ་པ་ཀུམྦྷཾ་ཀྲྀ་ཏཾ། ཉེ་བའི་བུམ་པས་བྱས་ཨུ་པ་ཀུམྦྷེ་ན་ཀྲྀ་ཏཾ། བཞི་པ་ལ། ཨུ་པ་ཀུམྦྷཾ་དེ་ཧི། དྲུག་པ་ལ་ཨུ་པ་ཀུམྦྷཾ་དེ་ཤཿ བདུན་པ་ལ། ཨུ་པ་ཀུམྦྷཾ་ནི་དེ་ཧི། ཨུ་པ་ཀུམྦྷེ་ནི་དེ་ཧི། ལྔ་པ་ལ་སྤྱི་འགྲེ་ལྟར་བྱ་གསུམ་པ་དང་བདུན་པ་དག་ལ་ཡང་ན་ཨ་ཐུང་སྤྱི་འགྲེ་བྱས་པས། ཉེ་བའི་བུམ་པའི་ཆེད་དུ་བྱིན་ཅིག དགོས་པས། ཨུ་པ་བུམ་པ་དང་ཉེ་བའི་ཡུལ། ཀུམྦྷཱ་དཱ་ན་ཡ། ལྟ་བུ་སྟེ། །ཉེ་བའི་བུམ་པར་།།། ཨ་ཐུང་མཐའ་ཅན་མ་ཡིན་པའི་དབྱངས་སོགས་མཐའ་གཞན་བྱེད་པ་ཅན་གྱི་མི་ཟད་པ་སྔ་མར་སྦྲེལ་བའི་ཚེ་ཐམས་ཅད་མ་ནིང་གི་རྟགས་དང་རྣམ་དབྱེ་བྱེ་བྲག་མེད་པར་ ཉེ་བའི་བུམ་པ་ལས་ལོངས་ཤིག་ འཇིག་པར་འགྱུར་ཏེ། གཞན་ལས་འཇིག་གོ་ཞེས་པ་ལས་སོ། །འབྲུ་མང་པོ་པའི་བསྡུ་བ་མ་ཡིན་པའི་ཆུ་ཀླུང་གི་དོན་རྣམས་མ་ནིང་གི་རྟགས་སུ་འགྱུར་ཏེ། ཨུནྨཏྟ་གངྒཾ། གངྒཱ་མྱོས་པ། ཏཱུཥྞཱི༚་གངྒཾ། གངྒཱ་མི་སྨྲ་བ་ལ་སོགས་པ་སྟེ། འདིར་གངྒཱ་སྒྲ་དང་བཅས་པའི་ཡུལ་ལ་གང་གཱ་མྱོས་པ་དང་། སྒྲ་མེད་པའི་ཡུལ་ལ་གང་གཱ་མི་སྨྲ་བར་གྲགས་པས་དེ་དག་ནི་ཡུལ་གྱི་མིང་ཡིན་ནོ། །ཀྲྀཏྲ་རྐྱེན་ན་དང་།་དང་། ཀ་དང་། ཙིཏ་ཞེས་བསྟན་པས་ཙྲ་ལྟ་བུ་ཙྲ་འགྲོ་བ་ཅན་གྱི་རྐྱེན་རྣམས་མ་ཡིན་པ། ཨ་ནཱི་ཡ་སོགས་བྱ་བའི་རྐྱེན་དང་། ཀྟ་ལ་སོགས་པ་དངོས་པོའི་དོན་ཏུ་བསྒྲུབ་པ་ཨ་ཐུང་མཐའ་ཅན་རྣམས་མ་

[Full Size]

ནིང་དུ་བཤད་དེ། བྷཱུ་ཡོད་པ་ལས། ཏབྱ། བྷ་བི་ཏ་བྱཾ། ཨ་ནཱི་ཡ་ལ། བྷ་བ་ནཱི་ཡཾ། ཡ་ལ། བྷ་བྱཾ། དེ་བཞིན་ཏུ། སྠེ་ཡཾ། ཙོ་ཡཾ། ཀྱཔྲ་ལ། བྲཧྨ་བྷཱུ་ཡཾ། ཁེ་ཡཾ། གུ་ཧྱཾ། གྷྱྲ་ལ། ཀ།།།བཱཀྱཾ་ལ་སོགས་པ་སྟེ། དེ་དག་ཀྱང་ འབྱུང་བར་བྱ། ལས་ཀྱི་དོན་ཡིན་ འབྱུང་བྱ། ན་སྐྱེས་པ་ལྟར་ སྐལ་ལྡན། བསྒྲུབ་ གནས་བྱ། གསག་བྱ། དགོས་པས། ཚངས་བྱུང་། ལོངས། གསང་བ། ཀརྟྟ་ བྱ་ག །ངག བྱཿ ཀ་ཊཿ ཀ་ར་ཱི་ཡཿ ཀ་ཊཿ ལྟ་བུའོ། །ཀྟ་ལ། བྷུཀྟཾ། ལབྡྷཾ། བྷྲནྟཾ་སོགས་དང་། མངོན་པར་ཁྱབ་པའི་དངོས་པོར། ཨི་ནུྲ་ལ། སཱཾ་ར་བི་ཾ་བརྟྟ་ཏེ་ལ་སོགས་པ་རྣམས་དང་། །དེ་ཕན་གྱི་རྐྱེན་རེ་ལྡེ་བྱའོ། ཏྭ་སོགས་དངོས་པོའི་དོན་ཏུ་བསྒྲུབས་པ། ཚོགས་ཟོས། རྙེད། འགྲུལ། ཀྱི་དོན། ལས་ཀྱི་དོན་རྣམས་ལ་བསྒྲུབས་པ་ཨ་ཐུང་མཐའ་ཅན་ ཀུན་ཏུ་སྒྲོགས་པར་འཇུག་ རྣམས་མ་ནིང་གི་རྟགས་སུ་འགྱུར་ཏེ། ཏྭ་བྲཧྨ་ཏྭཾ། ཏྭ་ གོ་ཏྭཾ། ཨྲ་ཤཽ་ཙཾ། ཨྲ་ མཱ།།།བཾ། མཱ་ནོ་ཛྙཱ་ཀཾ། བུ། ཚོགས་ཀྱི་དོན། བྷིཀྵུ་ལས་ཨྲ། དགེ་སློང་གི་ཚོགས། བྷཻཀྵཾ། ཡུ་བནྲ་ལས། ཡཽ་བ་ནཾ། དེ་བཞིན་ཏུ། ཀྵ་ཀཾ། རཱ་ཛ་རྒྱལ་པོའི་ཚོགས་ཀཾ་ཚངས་པ་ཉིད། བ་ལང་ཉིད། གཙང་བ་ཉིད། འཇམ་པ་ཉིད། ཡིད་འོང་ཉིད་དམ་ཡིད་འོང་གི་དངོས་པོ་ལ་སོགས་པའོ། །སོགས་སོ། །ལས་ལ། ཥྱཉྲ། ཤཽཀླྱ་དཀར་བ་ལྟ་ལང་ཚོའི་ཚོགས། བྱ་རོག་གི་ཚོགས། བུའོ། །ཐུན་

[Full Size]

མོང་གི་རྟགས་བྱ་བའི་ཁྱད་པར་དུ་བརྗོད་པ་དང་སྦྱར་བའི་ཚེ། །བྱ་བའང་གཅིག་ཚིག་གིས་བརྗོད་ཅིང་རྟགས་མ་ནིང་དུ་འགྱུར་ཏེ། མནྡཾ་པ་ཙ་ཏི། མྲྀ་དུཾ་པ་ཙ་ཏི་ལྟ་བུ་དང་། མི་ཟད་པ་དང་སྦྱར་བས་སྒྲ་སྔ་མའང་མི་ཟད་པའི་ནུས་པས་བསྒྱུར་བ་དེའང་སེམས་ཅན་གྱི་ཡུལ་ལ་འཇུག་པ་མ་ཡིན་པ། ལིངྒཾ་སྭཿ མཐོ་རིས་རྟགས་ལྟ་བུ་དང་། དོན་དལ་བུར་འཚེད་པར་བྱེད། མལ་མུལ་དུ་འཚེད་ མང་པོ་ཅན་ ཨཀྵིའི་སྒྲ། དབང་པོ་སྟེ་མིག་སོགས་དང་། སྤང་མ། ཚལ་རྣམས་ལ་འཇུག་པའི་ཚེ་དང་ཏོ་ཊ་ཀཾ། །ཙཱི་བ་རཾ་ལ་སོགས་པ་རྣམས་སོ། །གཞན་ཡང་པཱ་ི་པ་སོགས་སུ། དེ་ཕན་གྱི་རྐྱེན། ཨྲ། ཨཉྲ། ཨཏྲ། ཚ། ཡ། ཡཉྲ། བུཉྲ ཌྷཀྲ་རྣམས་དངོས་པོ་དང་། ལས་ཀྱི་དོན་ལ་སྦྱར་བའི་ཚེ་མ་ནིང་གི་རྟགས་སུ་འགྱུར་བར་བཤད་པ་སོགས། །བསྡུ་བ་དང་། དེ་ཕན་ལས་རྟགས་མི་འདྲ་བ་གཞན་ཏུ་བསྒྱུར་བ་དང་། ལ་ལ་རང་བཞིན་གྱིས་གྲུབ་པ་དང་། ལ་ལ་བརྗོད་བྱའི་རྟགས་སུ་འགྱུར་བ་སོགས་ཡོད་པས་སྐབས་དེ་དང་དེར་བལྟ་བར་བྱ་དགོས་སོ། །ཡང་། རཻཿཞེས་པ་སྐྱེས་པའི་རྟགས་ཡིན་ཀྱང་ཨ་ཏི་རཻ་ལྟ་བུ་ཚིག་སྡུད་ཀྱི་ཚེ་མ་ནིང་གི་རྟགས་སུ་འགྱུར་བས། དེའི་ཚེ་མཉམ་སྦྱོར་གྱི་དབྱངས་མཐའ་དེ་དག་ཐུང་བར་བྱ་དགོས་པས། ཨ་ཏི་རི་ཞེས་པར་བསྒྱུར་ནས་སི་བྱིན། མ་ནིང་ལས་སི་ཨམ་

[Full Size]

སོགས་ཀྱིས་ཕྱིས་པས་ཀྱང་། ཨ་ཏི་རི་ཉིད་དོ། །དེ་བཞིན་ཏུ། ཨ་ཏི་ནཽ་ལ། ཨ་ཏི་ནུ་བྱ་བ་སོགས་རྒྱ་ཆེར་ཤེས་པར་བྱའོ། ༈ །སྡོམ་ནི། དབྱངས་གཅིག་ཨཱིཏ་ཨཱུཏྲ་དག་གིས་རྫོགས། །སྐྱེ་གནས་ལྡན་པའི་སྲོག་ཆགས་མིང་། །གློག་དང་མཚན་མོ་འཁྲི་ཤིང་དང་། །པི་ཝཾ་ངག་ཕྱོགས་ས་གཞི་དང་། །གཙང་པོ་ངོ་ཚ་བློ་དང་ནི། །ཀུན་སྡུད་པ་གཉིས་ཨཏྲ་མཐའ་ཅན། །དངོས་དོན་ཏལྲ་དང་ཚོགས་པའི་རྐྱེན། །རྩེ་དང་ཆུང་ངུ་ཉ་སོགས་མཐའ། །འགྲས་འཁྲིག་ཁྱབ་འདོད་ཁྲལ་སྦྱིན་པར། །བསྒྲུབས་པའི་བུནྲ་ཏེ་དེ་ཕན་ནོ། །ཀྟི་ྭུ་ཀྱཔྲ་དང་ཨ་ནཱི་སོགས། །བྱེད་དངོས་ལས་སུ་བསྒྲུབས་པའི་ཀྲྀཏྲ། །ཨུ་སོགས་ནི་དང་ཨཱུ་དང་ཨཱི། །དཱི་ཨསྲ་ཨཱུ་མཐའ་བརྟན་དང་གཡོ། །ལུས་ཀྱི་ཆ་ཤས་ཨིཏྲ་མཐའ་ཅན། །ཉི་ཤུ་ནས་བརྩམ་དགུ་བཅུའི་བར། །དེ་དག་བུད་མེད་རྟགས་སུ་བརྗོད། ཤྲཱིཿ དྷཱིཿ ཧྲཱིཿ སྟྲཱིིཿ སྲཱུཿ དྲུཿ ཛཱུཿ བྷཱུཿ བྷྲཱུཿ ལྟ་བུ་དབྱངས་གཅིག་པ་ཨཱི་རིང་ཨཱུ་རིང་དག་གིས་མཐར་རྫོགས་པ་བྱེད་པ་རྣམས་དང་། སྐྱེ་གནས་ཏེ་བུད་མེད་ཀྱི་མཚན་མ་དང་ལྡན་པའི་དཔལ་བློ་གྲོས་ངོ་ཚ་བ་བུད་མེད་མཆོད་སྦྱིན་གྱི་སྣོད་དབྱིངས་སོགས་ཤ་ཟ་མོ་ས་གཞི། སྨིན་པ། སྲོག་ཆགས་ཀྱི་མིང་། ཛཔྲ་སྟེ་པོ། དཱ་རཱཿཆུང་མ། མ་ནིང་། ཀ་ལ་བུད་མེད། ཏྲཾ་མ་གཏོགས་པའི། འདི་རྣམས་སི་བྱིན་པའི་མཐའ་འོ། མཱ་ཏཱ། མ། དུ་ཧི་ཏཱ། སྲིང་མོ། ཛཱ་མཱ་ཏཱ། མག་པ་གྲུས་མ་དྷེ་ནུ་དཱ་

[Full Size]

ནུ། དམུའི་རི་བུ་མོ། དཱི་ཏིཿ པྲ་པཱུཿ ཡོ་ཥིཏྲ བེ་ཧ་ཏ་ལྟ་བུ་རྣམས་དང་། བིངྻུཏྲ ཏ་ཌྲིཏ་སོགས་གློག་གི་མིང་ཇི་སྙེད་པ་རྣམས་དང་། དེ་བཞིན་ཏུ། རཱ་ཏྲིཿརཱ་ཛ་ནིཿསོགས་མཚན་མོ། བལླིཿ ལ་ཏཱཿ བྲ་ཏ་ཏིཿ གཅོད་སྐྱེས་ཀྱི་མ། མ། བཙུན་མོའམ་བུད་མེད། མངལ་ལྟུང་མ། བཱི་ཏུཏྲ་སོགས་འཁྲི་ཤིང་། བཱི་ཱ། བི་པཉྩི་སོགས་པི་ཝཾ་གི་མིང་། འདིར་ངག་ཅེས་བྱཱ་ཁྱཱ་སུ་དྷཱ་སོགས་སུ་བཀླག་པས་དེ་ལྟར་ན་ཝཱཀྲ། གཽཿལ་སོགས་པ་དང་། ཕྱོགས་ལ་དིཀྲ། ཀ་ཀུཔྲ། ཧ་རིཏྲ་སོགས་དང་། ས་གཞི་ལ། བྷཱུཿ བྷཱུ་མིཿ ཨ་ནི་ནིཿ ཀུཿ ཀྵི་ཏི་ལ་སོགས་པ་དང་། གཙང་པོ་དང་། ན་དཱི། པ་རིཏྲ། གངྒཱ། ཏྲི་སྲོ་ཏཱ། བྷཱིཥྨ་སུཿ བི་པཱ་ཊ་སོགས་དང་། ངོ་ཚ་ལ། ཧྲཱིཿ ལཛྫ། བྲཱི་ཌཱ་སོགས་དང་། རཱ་ཡ་མུ་ཀུ་ཊ་སོགས་ཀྱིས་བློ་ཞེས་ཀློག་པས། བུདྡྷིིཿམྤིཏྲ་ལ་ ཆུ་གླུངས་ སོགས་པ་ ཆུ་བོ་གངྲ་ག་རྣམས་ཤེས་པར་བྱའོ། །བ་གཉིས་པའི་ཚིག་སྡུད་ཅེས་དེའི་སྐྱེས་བུའི་བསྡུ་བའི་དབྱེ་བ་གྲངས་སྔ་མ་ཅན་གྱི་བསྡུ་བ་ལ་ནང་གསེས་སུ་གཅིག་དང་འདྲ་བའི་དངོས་པོ་དང་། །དུ་མ་དང་འདྲ་བའི་དངོས་པོ་སྟེ་རྣམ་པ་གཉིས་སུ་དབྱེར་ཡོད་པ་ལས། སྔ་མ་ལ་གཞུང་གཞན་ཏུ་ཀུན་སྡུད་པ་ཅེས་ཐ་སྙད་བྱེད་པས་དེ་ལྟ་བུའི་བསྡུ་བའང་ཡིན་ལ། ཚིག་ཕྱི་མ་ཨ་ཐུང་མཐའ་ཅན་ཀྱང་ཡིན་

[Full Size]

པ། པཉྩནྲ། པཱུ་ལཱཿཏྲི་ལོ་ཀཱཿསོགས་བསྡུས། བུད་མེད་ཀྱི་རྐྱེན། དཱི་པྲའམ་ཨཱ་བྱིན། སྦྱར་བས། པཉྩ་པཱུ་ལཱི། ད་ཤ་པཱུ་ལཱི། ཏྲི་ལོ་ཀཱི། ཥ་ཌ་ཀྵ་རཱི། དྭི་པུ་རི་ལ་སོགས་པ་སྟེ་ཀུན་སྡུད་པའི་ཨཱཏྲ་མཐའ་ཅན་ཡིན་ཀྱང་། དྭི་པཱ་ཏྲཾ། ཙ་ཏུརྻུ་གཾ། ཏྲི་བྷུ་བ་ནཾ། པཉྩ་ག་བཾ་རྣམས་ནི་སྤྱིར་བཏང་ལས་མ་ ཁུར་བ་ལྔ། ཁུར་བ་བཅུ། འཇིག་རྟེན་གསུམ། ཡི་གེ་དྲུག །གྲོང་ཁྱེར་གསུམ། ནིང་གི་རྟགས་སུ་ཐོབ་བོ། །དངོས་པོའི་རྐྱེན་ཏལྲ་ལམ་ཏ་བྱིན་སྣོད་གསུམ། དུས་བཞི། ས་གསུམ། པ་རྣམས་དང་། ཚོགས་པའི་རྐྱེན་དབྱངས་མཐའ་ཅི་རིགས་པ་ཕལ་མོ་ཆེ་བུད་མེད་དུ་འགྱུར་ཏེ། དྷརྨ་ཏཱ། ཆོས་ཉིད། ཤཱུ་ནྱ་ཏཱ་སྟོང་ཉིད། གོ་ཏཱ། བ་ཉིད། གྲཱ་མ་ཏཱ། གྲོང་ཚོགས། དཱ་ར་ཏཱ། ཆུང་མ། ཏ་ཐ་ཏཱ། དེ་བཞིན་ཉིད། འདིར་དེ་བཞིན་ཅེས་པའི་སྐད་དོད་ཏ་ཐ་ཞེས་ཡོད་པར་ཏ་དང་ཨཱསྲ། འགྲེལ་པ་ཚིག་གི་ཟླ་བ་ལས། ཏ་ཐའི་སྒྲ་མི་ཟད་པ་ནི་མ་ཡིན་ཏེ། དཔེར་ན། ཏ་ཐེ་ན་མརྒྒེ། ཞེས་སོ། །ཞེས་གསུངས། སྐྱེས་བུ་མཆོག་གིས་ནི་ཐཱལྲའི་རྐྱེན་ཉིད་ཀྱིས་པྲྀ་ཥོ་ད་ར་ལ་སོགས་པའི་ཕྱིར་ཐུང་ངུ་ཉིད་དུ་བཤད་དོ། །ཚོགས་པའི་དོན་ལ། ཡ་དང་ཨཱསྲ། པཱ་ཤྱཱ། ཞགས་པའི་ཚོགས། པཱསྟྱཱ། ཁ་ལི་ནི། མེ་ཏོག་གི་ཚོགས། ཨི་ནི་དང་ཨཱི། པདྨ་ནཱི། ཤིང་རྟའི་ཚོགས། ར་ཐ་ཀ་ཊྱཱ། བ་ལང་གི་ཚོགས། གོ་ཏྱཱ་ལ་སོགས་པ་རྣམས་དང་། བརྩེ་

[Full Size]

བའི་དོན་ལ། མཽཥྚ། ཁུ་ཚུར་གྱི་རྩེད་མོ། པཱལླ་པཱ། ཐལ་ལྕག་གི་རྩེད་མོ། དཱཎྜ། དབྱུག་པ། མཽ་ཥ་ལི་ཀཱ། གཏུན་ཤིང་གི་རྩེད་མོ་ལ་སོགས་པ་དང་། ཆུང་ངུ་ལ། །པྲད་རྩ་པྲ་མོ་ནི། གྲྀ་ཱ་ལི། འོད་མ་ཐུང་ངུ་ནི། པཾ་ཤཱི། དེ་བཞིན་ཏུ། ཀུམྦྷཱིི། གྷ་ཊཱི། བུམ་ཆུང་། ཀུ་ཊཱི། ཁང་ཆུང་། ཏ་ཌཱི། ངོག་ཆུང་ལ་སོགས་པ་སྟེ། འདི་རྣམས་ནི་གཽ་ར་ལ་སོགས་པ་ལས་དཱི་ཥྲའམ་ཨཱི་རྐྱེན་ཏུ་བྱས་པ་སྟེ་དེ་ཕན་མ་ཡིན་ནོ། །པེ་ཊི་ཀཱ། སྒམ་ཆུང་། ཤཱ་ཊི་ཀ །གོས་ཕྲན་སོགས་ཆུང་ངུའི་དོན་ལ་ཀ་རྐྱེན་ཏུ་བྱས་པ་རྣམས་ཀྱང་བུད་མེད་དུ་བཤད་དོ། །གཞན་ཡང་ཀྲྀཏྲརྐྱེན་གྷཉྲས་བསྒྲུབས་པའི་མཐར་རྩེ་སོགས་ཀྱི་དོན་ལ་ཉའི་རྐྱེན་བྱིན་པ། དཱཎྜ་པཱ་ཏཱ་པ་ལྒུ་ནཱི། དེའང་དབོ་ཟླ་བའི་ཚེས་བཅོ་ལྔ་ལ་ཡུལ་འགའ་ཞིག་ཏུ་དབྱུག་པ་ལྟུང་བའི་རྩེད་མོ་ཡོད་པའི་དོན་ཏོ། །དེ་དག་ནི་ཁྱབ་འདོད་ཀྱང་ཡིན་ལ་ཁྲལ་དང་སྦྱིན་པ་དག་ཀྱང་ཡིན་པས་བུ་ནྲའི་རྐྱེན་ སྤོས་ཉ་བར་དབྱུག་པ་ལྟུང་བའི་རྩེད་མོ། དང་མོ་རྟགས་སུ་བསྒྲུབས་པའོ། །དེ་ལ་ཏལྲ་ནས་བཟུང་འདི་ཡན་དེ་ཕན་གྱི་རྐྱེན་གྱིས་བསྒྲུབས་པ་རྣམས་ཀྱི་དམིགས་བསལ་ལོ། ཀྲྀ་ཏ་ལས་བྱུང་བ་བུད་མེད་དུ་བསྒྲུབས་པའི་རྐྱེན་ཀྟི་ལ་སོགས་པ་རྣམས་ཀྱི་མཐའ་ནི་རང་བཞིན་གྱིས་བུད་མེད་ཀྱི་རྟགས་ཉིད་དེ། དེ་ཡང་བྱེད་དངོས་ལས་གསུམ་དུ་

[Full Size]

བསྒྲུབས་པ་ཡིན་ནའོ། །དཔེར་ན། ཀྟིནྲ་ལ། ཀྲྀ་ཏིཿ། ཙི་ཏིཿ ནཱི་ཏིཿ བྷཱུ་ཏིཿ ཧེ་ཏིཿ ཉི་མ་འོད་ཟེར་མཚོན་ཆ་མེ་ལྕེ་རྣམས། ཀཱིརྟྟིིཿ གྲགས་པ། ལ་སོགས་པ་རྣམས་དང་། ཕན་ཚུན་ཏུ་བྱེད་པ་ལ་ཙྲ་ལས་དཱིཔྲ་བྱིན་པས། བྱཱ་བ་ཧཱ་སི། ཕན་ཚུན་ཏུ་བྱེད་པ། ཚོགས་དང་རོ་ཐབ། ཚུལ་དང་ཐོབ་བྱེད། འདིར་བི་ཤྭ་པྲ་ཀཱ་ཤ་ལས། །བྷཱུ་ཏི་གླང་པོའི་ལྕགས་སྒྲོགས་དང་། །འབྱོར་པ་ཐལ་བ་སྲིད་པ་ལ། །ཞེས་སོ། །དགོད། བྱཱ་བ་ཙ་ར།།།ཕན་ཚུན་ཏུ་སྤྱོ་བ་སོགས་དང་། མིང་ལ་ཀིྟི་ཙྲ་ལས། ཏནྟིཿ རནྟིཿ སུ་བྷཱུ་ཏིཿ མ་ཏིཿ ལ་སོགས་པ་རྣམས་དང་། དངོས་པོ་ལ་ཀྱ་པྲའི་མཐའ། ས་མ་ཛྱཱ། བིདྱཱ། ཨི་ཛྱཱ་སྦྱིན་པ་མཆོད་པ་འོད་གཟུགས་བརྙན་འགྲོ་བ་ཉི་མའི་ཆུང་མ་རྣམས་སོ། །མྲྀ་གཱ་ཡ་སོགས་རྒྱས་བྱེད། རྩེ་བ། རབ་འབྱོར། བློ་གྲོས། དང་། ཡ་ལས། པ་རི་པཱ།།།ཡོངས་སུ་འགྲོ་བ། པ་རི་འདུ་ཁང་། རིག་པ། ཙ།།།གུས་པས་བསྟེན་པ་དག་ཀྱང་བུད་མེད་ཀྱི་རྐྱེན་མཐའ་ ནོར་འཚོལ་བ་དང་རི་དྭགས་བཤོར་བ། ཆིག་ཕྲད་དུ་བྱས་པ་དང་། སནྲ་ལ་སོགས་པའི་མཐའ་ལས་ཨའི་རྐྱེན་ལས། ཙི་ཀཱིརྵཱ། བྱེད་འདོད་པ། ཇི་ཧཱིརྵ། འཕྲོག་འདོད་པ། པུ་ཏྲཱི་ཡཱ། བུ་བཞིན་ཏུ་སྤྱོད། ཀཱམྱ་ཙ་ཨ་ཌཱ་པྲ། པུ་ཏྲཀཱ་མྱཱ། བུར་འདོད། ཡང་ཨ་ཌཱ་པྲ་ཨ་ཊཱ་ཊཱ། ཡང་ཡང་འཁྱམས། ཡཀྲ་ཨ་ཌཱ་པྲ་ལོ་ལཱུ་ཡཱ། ས་ན་ཨ་ཌཱ་པྲ། ཡང་ཡང་ ས་ན་ཨ་ཌཱ་པྲ། གཅོད། ཀཎྜཱུ་ཡཱ། ཀྱཙྲ་ཨཌཱ་པྲ།

[Full Size]

རྔོ་ནད་ལ་སོགས་པ་དང་། ལྗི་བ་ལས་ཧལ་ལས། ཨཱིཀྵཱ། ཨཱུ་ཧཱ། ཤིཀྵཱ་ལ་སོགས་པ་རྣམས་དང་། བྷིདྲ་ལ་སོགས་པ་དང་ཥཱ་འགྲོ་བ་ལས་ཨདྲྲ་ལས། བྷི་དཱ། འཇོམས་པའམ་གཤོག་པ། ཡེ་ཤེས་སམ་བློ། བི་དཱ། གུ་ཧྱ། མེ་དྷཱ། ཡིད་གཞུངས་སམ་གཟུངས། བྱེད་པ། ལྟ་བའམ་རྟོགས་པ། སློབ་མ། རེ་ཁཱ། ཏཱ་རཱ། སྐར་མ་མིག་འབྲས་སྒྲོལ་མ་བླ་མའི་བཙུན་མོ་སོགས། མྲྀ་ཛཱ། ཀྵ་མཱ། གྷ་ཊཱ། སྦྱར་བ་དང་གནག་ལྷས་ཆུང་ངུ། །ཀྲྀ་པཱ་ལ་སོགས་ཕུག་པ་ཚང་ཚིང་སེང་གེའི་མཇུག་མ། པ་རྣམས་དང་། ཨནྟརྲ་དང་པྲ་ལ་སོགས་རི་མོའམ་ཕྲེང་། པ་རྣམས་ལས་ཨཱཏྲ་ལས། ཨནྟྷཱ། འཁྲུད་པ། ས་གཞི་དང་བཟོད་པ། ཨུ་པ་དྷཱ། ཉེར་འཛིན་དང་མཐའ་ཉེའི་ཡིད། སྙིང་རྗེ། པྲ་ཏིྲ་མཱ། སཾ་དྷཱ། པྲ་བྷ་སོགས་དང་།ི་ཤྲནྠ་སོགས་ཀྱིས་ཡུཙྲ་ལ། ཀཱ་ར་ཱ། བྷ་བ་ནཱ། བོ་དྷཱ་ནཱ། གྲནྠཱ་མི་སྣང་བ། ན། སྒྲིག་པའམ་གྱ་གྱུར་བྱེད་པ། །ཤྲནྠ་ནཱ། ཨ་དྷྱེ་ཥ་ཱ་ལ་སོགས་པ་གཟུགས་བརྙན་ནམ་འདྲ་ཅོག་ ཡང་དག་འཛིན། འོད། རྣམས་དང་།ཱུཙྲ་ལ། ཨ། བྱེད་པ་དང་འབད་པ། དྲི་སོགས་བྱུགས་པ་དང་བསམ་གཏན། སད་བྱེད་རྟོགས་བྱེད། སི་ཀཱ། ཤཱ་ཡི་ཀཱ། བྷཉྫིྫི་ཀཱ། ལྷོད་པ། གསོལ་བ་འདེབས་པའི་མིང་། ཚརྡྡི་ཀཱ། སྐྱུགས་ནད། མིའམ་ཅི་མོ། ཤཱ་ལ་བྷཉྫི་ཀཱ་སྟེ་དཔེར་བརྗོད་ཕྱི་མ་སྡོད་པ། གཉིས་པོ་འདི་པཱ་ི་པར། ནད་ཀྱི་མིང་ལ་ཎྦུལྲ་མང་པོར་རོ། །མིང་ལའོ། ཉལ་བ། རྩེ་བ། ཞེས་

[Full Size]

འབྱུང་བ་ལྟར་ན་ཎྦུལྲའི་བསྒྲུབ་པ་ཡིན་ཞིང་། ཙཱནྡྲ་པ་སོགས་སུཎྦུ་ཙྲ་ལས་ལོགས་སུ་མ་བསྟན་ཏོ། །འདྲི་བ་དང་བཤད་པ་དག་ལ་ཨིཉྲའི་རྐྱེན་གྱིས། ཀཱཾ་ཏྭཾ་ཀཱ་རི་མ་ཀཱརྵཱིཿ ཅི་ཁྱོད་ཀྱིས་བྱས་སམ་མ་བྱས། །སྦཱཾཀཱ་རི་མ་ཧ་མ་ཀཱརྵཾ། བདག་གིས་བྱ་བ་ཐམས་ཅད་བྱས་སོ། །ཞེས་སོགས་དང་། སཾ་སདྲ། ཕུན་ཚོགས་དང་འབྱོར་པ་ཡོན་ཏན་ཕུལ་དུ་བྱུང་བ་སོགས། བི་སདྲ། ཕོངས་པ་པ་རི་སདྲ། ཀུན་ཏུ་འགྲོ་བ། སམྦིདྲ་ནི་སྣ་ཚོགས་གསལ་བར། སཾ་བིདྲ་ཡེ་ཤེས་དམ་བཅའ་དང་། །བརྡ་དང་ཀུན་སྤྱོད་མིང་དང་ནི། །དགའ་བའི་ཚིག་དང་ཚིམ་བྱེད་དང་། །བྱ་བ་གླ་ལས་འཐབ་མོ་ལ། །ཞེས་གསུངས་པ་སོགས་འདི་ལྟ་བུའི་ཀྭིཔྲའི་མཐའ་ཅན་རྣམས་དང་། ཙཱནྡྲ་པར། ཨུྲ་སོགས་སུ་ཨིྲ་དང་ཨིཉའི་ས་བསྒྲུབ་པར་བཤད་ཅིང་། གཞུང་ཁ་གཅིག་ཏུ་གོང་གི་ཨི་ཉས་བསྒྲུབས་པར་བཤད་པ། བཱ་སིཿ ནཱ་ སིཿ མ་ ཛ་ནིཿ བི་པ་ིཿལ་སོགས་པ་རྣམས་དང་། ཁྲོས་ཚིག་ལན་ཉ་ལས་ཨ་ནི་ལས། ཏ་སྱཱ་ཛ་ན་ནི་རེ་བཱསྟུ། མི་འབྱུང་བར་གྱུར་ཅིག ། ཨ་བྷ་བ་ནི་ར་སྟུ་ལ་སོགས་པ་དང་། གཞན་ཡང་། གླ་ནི། སྟེང་དུ། རྫིང་བུ། །ཧཱ་ནིཿ འདོར་བ། ཚོང་ཁང་། ཛྱཱ་ནིཿ རྒས་པ། སོགས་བུད་མེད་ཀྱི་རྟགས་སུ་སྤྱིར་བཏང་ཀྲྀཏ་རྐྱེན་གྱི་དེ་མི་སྐྱེ་བ་ཉིད་དུ་གྱུར་ཅིག །མཐའ་ཅན་ཕྱོགས་ཙམ་བསྟན་པས་མཚོན་པར་བྱ་ཞིང་། ཨུ་ནད་ཀྱིས་ལུས་ཉམ་ཆུང་བ།

[Full Size]

སོགས་ཀྱི་ནི་དང་ཨཱི་ཨཱུའི་རྐྱེན་མཐའ་དམིགས་བསལ་དུ་རྟགས་བཀག་པ་མ་ཡིན་པ། བེ་ིཿ ཤྲེ་ིཿ ཏནྟྲཱིཿ ལཀྵྨཱིཿ ཏ་ནཱུཿ བ་དྷཱུཿལ་སོགས་པ་དང་། ཨུྲ་མདོ་འགའ་ཞིག་ཏུ་ཨ་ནི་ཞེས་གློག་པས། གྲུ་ ཏ་ར་ིཿ པ་ར་ིཿ དྷ་ར་ི་ལ་སོགས་པ་དང་། དཱི་སོགས་རྐང་པ་གཅིག་ སྦ་ཆིངས། གྲལ། གིས་བུད་མེད་ ཕུན་ཚོགས། ལུས། མནའ་མ། ཀྱི་རྟགས་སུ་སྒྲུབ་པར་བྱེད་པ་བུད་མེད་རྐྱེན་མཐའ་ཞེས་གྲགས་པ་སྤྱི་དང་། བྱེ་ ལམ། ས་གཞི། བྲག་དཱི་ཞེས་པས། དཱིཔྲ་དང་དཱིཥ། ཨཱཔྲ་ཞེས་པས་ཌཱཔྲ་དང་ཙཱཔྲ། ཨཱུདྲའི་འི་རྐྱེན་མཐའ་བསྟན་ཅིང་། དེ་དག་ལ་ཀ་ལཱ་པར་རིམ་བཞིན། ཨཱི་དང་ཨཱ་དང་ཨཱུ་ཞེས་དང་། མཚོ་ལྡན་མར། ཨཱསྲ་དང་ཨཱིསྲ་སོགས་སུ་བཤད་དོ། །བཤད་མ་ཐག་པའི་རྐྱེན་དངོས་བསྟན་ལྔ་དང་། ཡུ་བནྲ་ལས་ཏི་སྟེ་དྲུག །ཥུ་ཥྱདྲ་དག་འབྲེལ་བའི་རྐྱེན་སྟེ་བརྒྱད་པོ་བྱིན་པའི་མཐའ་ཇི་སྲིད་བུད་མེད་ཡིན་ཀྱང་ཕྱི་མ་གསུམ་ཤུགས་བསྟན་ཡན་ལག་ཡིན་པའི་ཕྱིར་དང་། བརྟན་དང་གཡོ་བ་ལས་གཞན་རྣམ་པར་བཅད་པ་ཤེས་བྱའི་ཐ་སྙད་དུ་མི་སྲིད་པའི་ཕྱིར་རོ། །ཞེས་བཤད་དོ། །དེ་ལ་གཡོ་བ་ལ་དཔེར་ན། དཱིའི་ཨཱི་མཐའ་ཅན་དཱི་པྲ་ ཀརྟྟྲཱི། བྱེད་པ་མོ། དཎྜི་ནཱི། དབྱུག་པ་ཅན་མ། ཡོ་གི་ནཱི། རྣལ་འབྱོར་མ། ཌཱ་ཀི་ནཱི། མཁའ་འགྲོ་མ། གར་མཁན་མ། ནརྟྟ་ཀཱི་དཱིཥྲ་ གཽ་རཱི། དཀར་མོ། །

[Full Size]

ཨསྲ་མཐའ་ཅན། བ་རུ་རཱ་ཛཱ། དནྟ་ཀྲྀ་ཏཱ། ཨེ་ཌ་ཀཱ། ཀོ་ཀི་ལཱ། ཤི་བཱ། གངྒཱ། ཨཱུདྲ་མཐའ་ཅན། བཱ་མོ་རུ། ཀ་ར་བྷོ་ཏུཿ བྲཧྨ་བནྡྷུཿ བརྟན་པ་ལ་དཔེར་ན། ཨཱི་མཐའ་ཅན། །དྷ་རི་ཏྲཱི། ཤ་མཱི། མང་པོའི་རྒྱལ་མོ། སོ་བྱེད་མ། ལུག་མ་མོ། ཀ་ད་ལཱི། ཁུ་བྱུག་མོ། ཅེ་སྤྱང་། ཆུ་བོ། ཏཱ་ཌིྲ། ཨཱསྲ་ལ། བརླ་མཛེས་མོ། །རི་དྭགས་བརླ་ཅན་མ། ཚངས་པའི་གཉེན་མ། ཁ་ཊྭཱཾ། མཱ་ལཱ། ཤཱ་ལཱ། སུ་འཛིན་མ། ཞི་ཤིང་དང་གོང་བུ། ཤརྨྨཱ། ཨུདྲ་ལ། ཀ་མཎྜ་ལུཿ ཆུ་ཤིང་། ཨ་ལཱ་པཱུཿ ཡ་བཱ་གཱུཿ ངོག་སྐྱེས། ཀརྐནྡྷཱུཿ ལ་སོགས་པ་རྣམས་སོ། །ན་སིཿ ཀུཀྵིཿ པཱ་ིཿ མལ་ཁྲི། ཕྲེང་བ། ཁང་པ། རྣམས་མ་གཏོགས་པའི་སྲོག །བདེ་སྐྱིད། ཆགས་ཀྱི་སྤྱི་བླུགས། ལུས་ཀྱི་ཀུ་བ། ཆ་ཤས་ཐུག་པ། བརྗོད་ རྒྱ་ཤུག་པའི་སྒྲ་ཨི་ཐ།ུང་མཐའ་ གཤང་བ། ལྟོ་བ། ལག་པ། ཅན། ཀ་ཊིཿ སྟ་ཟུར་ཤ་པགས་སམ་སྐེད་སྨད། ཤྲོ་ནིཿ སྐེད་སྨད། ཨཾ་ཀུ་ལིཿ པཱ།།།ཿལ་སོགས་པ་རྣམས་དང་། བིངྴ་ཏི། ཏྲི༚་ཤཏྲ། ཙ་ཏྭཱ་རི༚་ཤད། པཉྩ་ཤཏྲ། ཥཥྚི། སཔྟ་ནི། ཨ་ཤཱི་ཏི། ན་བ་ཏི་ལ་སོགས་པ་དབྱེ་བ་དང་བཅས་པ་རྣམས་ཀྱང་བུད་མེད་ཀྱི་རྟགས་སོར་མོ། རྟིང་བ། སུ་བསྒྲུབ་པར་བྱའོ། །དེ་ཉི་ཤུ། སུམ་ཅུ། བཞི་བཅུ། ལྔ་བཅུ། དྲུག་ཅུ། བཞིན་ཏུ། བདུན་ཅུ། བརྒྱད་ཅུ། དྻུཿ མཐོ་རིས། དགུ་བཅུ། ནཽཿགྲུ། པཱུ་ཙིཿརིན་པོ་ཆེའི་

[Full Size]

མཛོད་ལས། པཱུ་ཙི་གར་གྱི་དབྱེ་བ་དང་། སྨོད་དང་རྩེད་མོ་དག་ལ་ཡང་། །ཞེས་སོ། །ལ་སོགས་པ་དབྱིབས་ཀྱི་ཚོགས་རྣམས་ཀྱང་ཤེས་པར་བྱའོ། །དེ་ནས་གོང་དུ་དྲངས་བའི་འགྲེལ་པ་ཀཱ་མ་དྷེ་ནུའི་ལུང་གིས་བཅད་གཉིས་པ་འདྲེས་པའི་རྟགས་ནི། སྐྱེས་པ་མ་ནིང་ལའོ་ཨརྡྡ་རྩ། །སོགས་དང་ཀཎྜ་ཀཾ་གྱིས་ཉེར་དྲངས་པའི། །དབྱིབས་ཀྱི་ཚོགས་སོ་བུད་མེད་སྐྱེས་པ་ལ། །རིག་འཛིན་དྲི་ཟ་མིའམ་ཅི་སོགས་དང་། །གཉིས་བཞི་དྲུག་གི་རྐང་ལྡན་བྲང་འགྲོ་རྣམས། །གཞན་ཡང་རིགས་ཀྱི་དབྱེར་བཅས་བུ་རྒྱུད་མཐའ། །བུད་མེད་མ་ནིང་ལའོ་དངོས་པོ་དང་། བྱ་བར་ལ་ལར་ཥྱཉྲ་བུཉྲ་སྟེ། །དྲུག་མཐའ་སྔོན་མའི་ཚིག་ཅན་སེ་ན་སོགས། །ཨཱསྲ་ཨནྲ་མཐའ་ཅན་ཚིག་ནི་ཕྱི་མ་ཅན། །བ་གཉིས་པ་གྱུར་སྐྱེས་མིན་ནྲ་ཡང་དབྱི། ཞེས་པ་སྟེ། ཨརྡྡྷ།།།ལ་སོགས་པའི་དབྱིབས་ཀྱི་ཚོགས་རྣམས་ནི། གྷྲྀ་ཏ། །།།ར། དྲཱ་རུ། ལོ་མནྲ། ས་ཧ་སྲ། ཨཱ་ས་ན། སུ་ཁ། བྷ་བ་ན། ཨཱ་ར་ཎྱ། ཀུ་སུ་མ། ཏྲྀ་། དི་ན། ཤ་རཱི་ར། བསྟྲ། མུ་ཁ། དཎྜ། དྲོ་། ནི།།།པ། ཨུ་པ་བཱ་ མར། ས། མ། ཤིདྲྲ། ཧསྟ། ཕྱག་བ་སྤུ། སྟོང་། གདན། ཨཱ་ཏ་པ་ཏྲ། གདུགས། བདེ་བ། སྲིད་པ་ ནགས། མེ་ཏོག །ཤ་ཏ། བརྒྱ། རྩྭ། ཉིན་མོ། ལུས། ཙ་ར། འཛབ་བུ། གོས། གདོང་བ་སོགས། དབྱུག་པའམ་ཆད་པ། བྲེ་ཆེན། ཐང་ཆུའི་སྤོས། བསྙེན་གནས།

[Full Size]

སནྟ་ལ་སོགས་པ་སྟེ། ཙནྡྲ་གོ་མི་དང་དུརྒྒ་སི༚་ཧས། ཨ་དུ་ཏྟ་ལ་སོགས་པའི་རྟགས་རྗེས་སུ་བསྟན་པ་ལས་ཀྱང་དེ་ལྟར་བཤད་དོ་ཞེས་འགྲེལ་པ་ཚིག་གི་ཟླ་བ་ལས་སོ། །དེ་བཞིན་ཏུ། ཀཎྜ་ཀཾ་འདིར་མེ་དི་ནི་ལས་དམ་པ། མོ་མིན་ཀཎྜ་ཀཿ ཕྲ་མོའི། དགྲ་དང་ཉ་སོགས་ཀྱི་རུས་པ། རྣལ་འབྱོར་ངེས་པ་སོགས་ཀྱི་སྐྱོན། བ་སྤུ་ལངས་དང་ཤིང་ཚེར་མ། ཅེས་དང་། བི་ཤྭ་ལས་མ་ཀར་སོགས་ལ་འཇུག་པར་བཤད་དོ། །ཊངྒ༔ རྡོ་བ་གསེ་བྱེད་དེ་གཟོང་གི་མིང་ངོ། །ཏ་མཱ་ལཿལ་སོགས་པ་རྣམས་ནི་སྐྱེས་པ་དང་མ་ནིང་གཉིས་ཀ་ལ་འཇུག་པའི་རྟགས་རྣམས་སོ། །རིག་འཛིན་དང་དྲི་ཟ་དང་། མིའམ་ཅི་སོགས་དང་། རྐང་པ་གཉིས་པ་བརྗོད་པ། མ་ནུ་ཥིཿ། མི་མོ། མ་ནུ་ཥཱིཿཨཱི། ལྗོན་ཤིང་གི་བྱེ་བྲག་དང་སྨྱུག་མའི་ཤུན་པ་འོང་། ཕོ་ པུ་རུ་ཥ། ཨ། པུ་རུ་ཥཱི། ཨཱི། པི་པྲཿ བྲམ་ཟེ། ཤཱུ་དྲཿ དམངས་རིགས། དམངས་རིགས་མོ། ཤཱུ་དྲཱཿ བྱ། བ་ཀཿ བྱ་མཱོ། བ་ཀཱིཿ ཨཱི། ཀུཀྐུ་ཊཿ མི། ཨི། ཀུཀྐ་ཊཱི། རྐང་བཞི་བརྗོད་པ། སེ༚་ཧཿ སི༚་ཧཱི། གཽ་ར་ཡཾ། བ་གཽ་རི་ཡཾ། མོ། རྐང་དྲུག་བརྗོད་པ། བྷྲ་མ་རཿ བྷྲ་མ་རཱི། བྲང་འགྲོ་བརྗོད་པ། ཨུ་ར་གཿ ཨུ་ར་གཱི་ལ་སོགས་པ་དེ་ཕོ། རྣམས་དང་། དེ་མོ་ཨཱི། གཞན་ཡང་དེར་མ་སེང་གེ་སེང་གེ་མོ་ཨཱི་གླང་། འདུས་པའི་ཕོ་མོའི་རིགས་ཀྱི་དབྱེ་བ་བརྗོད་པའི་སྒྲ། བུང་་པ་བུང་ཆུང་། དྲུ་ཿ སྡོམ། དྲུ་ཱི། སྡོམ་ཆུང་། སྦྲུལ། སྦྲུལ་མོ། མཏྶྱཿ ཉ། ཉ་ཆུང་། མདྶྱཱི་སོགས་

[Full Size]

རིགས་ཀྱི་དབྱེ་བ་དང་ཁྱད་པར་བརྗོད་པའི་སྒྲ་ཇི་སྙེད་པ་རྣམས་དང་། བུ་རྒྱུད་ཀྱི་རྐྱེན་མཐའ་ཨཎྲ། ཎྱ། ཡ། ལ་སོགས་པ་བྱིན་པའི་མཐའ། ཨཽ་པ་ག་པ ཨན། ཌྷ་ཀྲ་ ཨ་ཏེྲཡ ཨཽ་བ་ག་བཱི། ཨ་ཏྲེ་ཡཱི། གཱརྒྒྱ གཱརྒྒྱཱ་ལྟ་བུ་རྣམས་ནི་བུད་མེད་དང་སྐྱེས་པ་གཉིས་ཆར་འཇུག་པ་རྣམས་སོ། །དངོས་པོ་དང་ལས་དག་ལ་བསྒྲུབ་པའི་དེ་ཕན་གྱི་ ཨུ་པ་གུའི་བུ་བརྒྱུད། རྒྱུན་ཤེས་ཀྱི་བུ་བརྒྱུད། །ཨོ་པ་མོའི་བུ་མོ། རྒྱུན་ཤེས་ཀྱི་བུ་མོ། གརྒྱའི་བུ་བརྒྱུད། གརྒྱའི་བུ་མོ། རྐྱེན་ཥྱཉ་དང་བུ་ཉྲ་དག་གི་མཐའ་སྤྱིར་མ་ནིང་གི་རྟགས་མཐར་སྔར་བསྟན་ཟིན་མོད་ཀྱི། འདིར་ཡང་ལ་ལར་སྟེ་དམིགས་བསལ་མ་བཀག་པ་ཁ་གཅིག་ལ་བུད་མེད་དང་མ་ནིང་གཉིས་ཆར་བརྗོད་པར་བྱ་སྟེ། དཔེར་ན་ཥྱཉྲ་ལ། ཨཽ་ཙི་ཏྱཾ། ཨཽ་ཙི་ཏཱི། བཻ་དགྡྷི། བཻ་དགྡྷྱཾ། མཻ་ཏྲཾ། མཻ་ཏྲཱི་ལ་སོགས་པ་དང་། བུཉྲའི་མཐའ། བཱརྡྷ་ཀཾ། བཱནྷི་ཀཱ། ཙཽ་ར་ཀཾ། ཙཽ་རཾ་ཀཱ་ལ་སོགས་པ་དང་། ཚིག་སྔ་མ་རྣམ་དབྱེ་དྲུག་པའི་མཐའ་ཅན་དང་ཚིག་སྡུད་འོས་བབ་ཅན། བྱས་པ་སེ་ན་ལ་བྱམས་པ། སོགས་པའི་མཐའ་ཅན་ཏེ། འདིར་སོགས་ཁོངས་སུ། ཙཱནྡྲ་པར། སཻ་ནཱ། སུ་རཱ། ཤཱ་མཱ། ནི་ཤཱ་རྣམས་ཡང་ནའོ། །ཙྪ་ཡཱའོ། །ཞེས་གསུངས་པས། སེ་ན་སོགས་དཔེར་བརྗོད་ཟིན། ཡ་བ་སུ་རཾ། ཡ་བ་སུ་རཱ། ནས་ཀྱི་ཆང་། བྲྀཀྵ་ཙྪཱ་ཡཾ། བྲྀཀྵ་ཙྪཱ་ཡཱ། ཤིང་གི་གྲིབ་མ། ཀུ་ཊྱ་ཙྪཱ་ཡཾ། ཀུ་ཊྱ་ཙྪཱ་ཡཱ། རྩིག་པའི་

[Full Size]

གྲིབ་མ་ལ་སོགས་པ་སྟེ། མང་པོ་ཉིད་ལའོ། །ཞེས་དབྱེར་ཕྱེ་བས་མདའ་རྣམས་ཀྱི་གྲིབ་མ་ནི། ཤ་རཱ་ཎཱཾ་ཙྪ་ཡཾ། ཞེས་རྟག་ཏུ་མ་ནིང་ཉིད་དུ་བཤད་དོ། །ནྲཱྀ་ཎཱཾ་སེ་ནཱ། མི་རྣམས་ཀྱི་དམག་ཅེས་བསྡུས་པས། ནྲྀ་སེ་ནཾ། དེ་བཞིན་ཏུ། ཁྱི་རྣམས་ཀྱིས་མཚན་མོ་ནི། ཤྭ་ནི་ཤཾ། བ་ལང་རྣམས་ཀྱི་ཁང་པ་ནི། གོཤཱ་ལཾ། ཡང་ན་བུད་མེད་དེ། ནྲྀ་སེ་ནཱ། ཤྭ་ནི་ཤཱ། གོ་ཤ་ལ་རྣམས་སོ། །ཌཱཔྲ་ཙཱཔྲ་དག་བྱིན་པས་ཨཱཔྲ་སྟེ་ཨཱ་རིང་པོའི་མཐར་གྱུར་པ། ཁ་ཊྭཱཱཾ་ལྟ་བུ་དང་། ཀརྨནྲ། དྷརྨྨན་ལྟ་བུ་ཨནྲ་མཐའ་ཅན་པ་གཉིས་པའི་བསྡུ་བར་གྱུར་པས་ཚིག་ཕྱི་མ་ན་ཡོད་པ་གང་ཞིག །སྐྱེས་མིན་ཏེ་བུད་མེད་དང་མ་ནིང་གི་རྟགས་སུ་ཡང་འགྱུར་ཞིང་། །དེའི་ཚེ་ཚིག་ཕྱི་མའི་ནྲ་ཡིག་ཀྱང་དབྱི་བར་བྱའོ། །དཔེར་ན། ཨཱསྲ་མཐའ། ཏིྲ་ཁ་ཊྭཾ། ཏྲི་ཁ་ཊྭཱི། ཨན་མཐའ་ཅནྲ། ཏྲི་ཏཀྵཾ། ཏྲི་ཏཀྵཱི། པཉྩ་ཀརྨྨཾ། ལས་ལྔ་ པཉྩ་ཀརྨྨི་ལ་སོགས་པ་རྣམས་སོ། ༈ །།གསུམ་པ་གཏིབས་པའི་རྟགས་ལ་སོགས་པ་ནི། །གསུམ་པ་རྣམས་ལའོ་པཱ་ཏྲ་ མལ་ཁྲི་གསུམ། སོགས། །རང་གཙོ་ཟླས་ ཤིང་མཁན་གསུམ། དབྱེ་དེའི་སྐྱེས་བུ། །ཕ་རོལ་རྟགས་སོ་ཨརྠའི་མཐའ། ཨ་ལམ་པྲ་སོགས་སྔོན་མ་ཅན། །དེ་ཕན་དོན་ཅན་བ་་གཉིས་པ། །གཞན་ཡང་མ་བརྗོད་བརྗོད་བྱའི་རྟགས། །གྲངས་དང་སརྦ་ཚིག་སྡུད་མཐའ། །ཕྱོགས་མིང་མ་ཡིན་འབྲུ་མང་པོ། །ཡོན་ཏན་བྱ་བ་

[Full Size]

རྫས་སྦྱོར་གང་། །ཕ་རོལ་ཁྱད་པར་རྟོགས་པ་དང་། །མིང་མིན་བྱེད་པ་པོ་ལ་ཀྲྀཏྲ། །བྱེད་པོ་ལས་ལ་ཏ་བྱ་སོགས། །དེས་བཙོས་སོགས་ལ་ཨནྲ་སོགས་མཐའ། །རྣམ་པ་མང་པོར་འདུ་བྱེད་པས། །སྣ་ཚོགས་དབྱེ་བ་ཅན་རྣམས་ཏེ། ༈ །དེ་ལས་གཞན་ཏུ་ཏིདྲ་མཐའ་དང་། །མི་ཟད་པ་སོགས་རྟགས་མེད་ཅེས། །འགལ་བ་ལ་ནི་ཕྱི་མ་གཙོ། །མ་བརྗོད་གལ་ཏེ་འཇིག་རྟེན་ཏུ། །ཡོད་ན་ལྷག་མ་བཞིན་ཏུ་གྱིས། །ཞེས་བྱ་བ་སྟེ། སྒྲ་རེ་རེ་ལའང་རྟགས་གསུམ་གར་འཇུག་པ་ཅན་པཱ་ཏྲ་ལ་སོགས་པ་ནི་རྟགས་གསུམ་པ་གཏིབས་པའི་རྟགས་ཏེ། པཱ་ཏྲ པ་ཏྲཾ། པཱ་ཏྲཱི། པཱ་ཏྲ་སྣོད་ལ་གསུམ་མ་ནིང་། །དགང་གཟར་སོགས་དང་བློན་ཕོ་ལ། །ཞེས་མཻ་དི་ནཱི་ལས་སོ། །དེ་བཞིན་ཏུ། བཱ་ཊགསེར་ཅན་གྱིས། བཱཊ ལམ་དང་སྤྱོད་ཚུལ་དང་། །བཱ་ཊཾ་དབྱར་གྱི་སྣམ་བུ་དང་། །ཟ་དང་ཟས་ཀྱི་དབྱེ་བ་ལས། །བཱ་ཊི་སྣེའུ་ལོ་ཁང་པ་ཡི། །ཚལ་དང་ཉེ་འཁོར་རྣམས་ལའོ། །ཞེས་སོ། །བཱ་ཊཾ། པཱ་ཊི་ལ་སོགས་པའི་དབྱིབས་ཀྱི་ཚོགས་རྣམས་མཆོག་གིས་སྦྱར་བའི་རྗེས་སུ་འབྲང་ནས་རྟོགས་པར་བྱའོ། །རང་གཙོ་བའི་ཟླས་དབྱེ་ནི་གཅིག་ཤོས་དང་གཅིག་ཤོས་སྦྱོར་བའི་ཟླས་དབྱེའི་བསྡུ་བ་སྟེ་དེ་དང་། དེའི་སྐྱེས་བུའི་བསྡུ་བ་ལའང་། པཱ་ཎི་པ་སོགས་སུ་ཟླས་དབྱེ་དང་དེའི་སྐྱེས་བུ་དག་ལ་ཕ་རོལ་དང་འདྲ་བའི་རྟགས་སོ་ཞེས་

[Full Size]

གསུངས་པས་བསྡུ་བ་ལ་བསྡུ་བའི་རྟགས་སུ་མི་འགྱུར་བ་ཇི་སྐད་བཤད་པ་བཞིན་ཏུ་འགྱུར་བར་ཤེས་པར་བྱའོ། །དཔེར་ན་ཟླས་དབྱེ། ཀུཀྐུ་ཊ་ཡུ།།།བི་མེ། མ་ཡཱུ་རཱི་ཀུཀྐུ་ཊཱི་མཽ། དེའི་སྐྱེས་བུ་ལ། །ཀ་ར་ཀི་ཤ་ལ་ཡ་མི་དཾ། མུ་ཁ་ཙནྡྲོ྅ཡ། ཨི་ཡམ་བྷུ་ཛ་ལ་ཏཱ། ཀུ་ལ་བི་པྲོཉ་ཡཾ། བིཔྲ་ཀུ་ལ་མི་དཾ། ཨརྡྡྷ་པིསྤ་ལཱི་ཡཾ། ཨརྡྷ་ཙནྡྲོ྅ཡཾ། རྨ་བྱ་དང་ཁྱིམ་བྱ་དག །ལ་སོགས་པ་ལྟ་བུ་སྟེ་འདིར་ཨ་ཡཾ་འིས་ལག་པའི་ཡལ་འདབ། མ་ནིང་། གདོང་པའི་ཟླ་ག་ཕོ། ལག་པའི་འཁྲི་ཤིང་། མོ། བྲམ་ཟེའི་རིགས། བསྟན་པ་རྣམས་སྐྱེས་པའི་རྟགས་པི་པི་ལིང་ཕྱད་པ། ཟླ་ཕྱེད། དང་། ཨི་དཾ་མ་ནིང་། ཨི་ཡཾ་བུད་མེད་ཀྱི་རྟགས་སུ་བསྟན་པའི་བརྡར་བྱས་པའོ། །ཨརྠའི་མཐའ་ཅན་ཚིག་སྔ་མ་ཅན་དང་། ནུས་པ་སོགས་ལ་འཇུག་པའི་ཨ་ལཾ། པྲ་ལ་སོགས་པའི་ཉེར་བསྒྱུར་ཉི་ཤུ་པོ་རྣམས་སྔ་མ་ཅན། ཕ་རོལ་རྟགས་གང་ཡིན་པ་དེ་དང་། །རྟགས་མེད་པ་ལ་བརྗོད་བྱའི་རྟགས་རྗེས་སུ་འཇུག་སྟེ། དེ་ལ་ཨརྠའི་མཐའ་ཚིག་སྔ་མ་ཅན། བྲཱ་ཧྨ་ཎཱརྠཱ་མཱ་ལཱ། མོ། བྲམ་ཟེའི་དོན་གྱི་ཕྲེང་བ། བྲཱ་ཧྨ་ཎཱརྠ་ཨོ་ད་ན ཕོ། བྲམ་ཟེའི་དོན་གྱི་ཟས། །པྲཱཧྨ་ཎཱ་རྠཾ་པ་ཡ མ་ནིང་། བྲམ་ཟེའི་དོན་གྱི་འོ་མ་ཞེས་པ་རྣམས་ཚིག་སྔ་མའི་རྟགས་ཀྱང་ཕྱི་མ་དང་མཚུངས་པར་འགྱུར་བ་དང་། འཚེ་བར་ནུས་པ། ཨ་ལཾ་ཛཱི་བི་ཀཕོ། ཨ་ལཾ་ཛཱི་བི་ཀཾ། མ་ནིང་། ཨ་ལཾ་ཛཱི་

[Full Size]

བིཀྵ་ལྟ་བུ་དང་། འདི་རབ་ཏུ་སོན་པའི་སློབ་དཔོན་ནི། པྲཱ་ཙཱ།།། པྲཱ་ཙཱ།།། པྲཱ་ཙ།།། རིམ་པ་ལས་བརྒལ་བའི་ཁྲི་ནི། ཨ་ཏི་ཁ་ཊྲཱ ཨ་ཏི་ཁ་ཊྲཾ་ལ་སོགས་པ་རྣམས་དང་། མོ། འདི་ཕན་གྱི་དོན་ཅན་བ་གཉིས་པའི་བསྡུ་བ་ནི། དཔེར་ན། པཉྩ་པུ་ཀ་པཱ་ལི་ཥུ་སཾ་སྐྀྲ་ཏ ཞེས་པ་བསྡུས། ཛསྲ་བྱིན། མོ། ཟས་ལེགས། ཕོ། བར་སྦྱར་བ། མ་ནིང་། ལ་ཨཎྲ། བ་གཉིས་པ་ལས་བུ་བརྒྱུད་མ་ཡིན་པའི་དེ་ཕན་དབྱངས་དང་པོ་འཇིག་པར་བཤད་པས་ཐོད་ཕོར་ལྔ་རྣམས་སུ་ཟས་ལེགས་པར་སྦྱར་བ། ཨནྲ་འཇིག་པ་སོགས་ཀྱིས། པཉྩ་ཀ་པཱ་ལ་གྲུབ། སི་བྱིན། ངག་དང་སྦྱར་བའི་ཚེ་བརྗོད་བྱའི་རྟགས་སུ་གྱུར་པས། པཉྩ་ཀ་པཱ་ལ་ཨོ་ད་ནཔཉྩ་ཀ་པཱ་ལཾ་བྷཀྟ། པཉྩ་ཀ་པཱ་ལ་ཡ་བ་གཱུ། ལྟ་བུའོ། །བཞི་པ་ཉེ་བར་བསྒྲུབ་པ་ཞེས་བྱ་བ་ནི། བཤད་མ་ཐག་པ་དེ་དག་ཀྱང་ཕལ་ཆེར་ཡིན་མོད་ཀྱི། དེར་མ་བརྗོད་པ་ ཟན་ཐོད་ཕོར་ལྔ། ཕོ། ཐོད་ཕོར་ལྔ་ཟོས། མ་ནིང་། ཐུག་པ་ཐོད་ཕོར་ལྔ། གཞན་ཡང་རིགས་མཐུན་བསྡུ་བར་ཤེས་པར་བྱ་སྟེ། དེ་ཡང་ཁྱད་པར་གྱི་སྒྲ་ཡིས་ཁྱད་གཞིའི་བྱེ་བྲག་ཉེ་བར་འབྱེད་པའི་ཕྱིར། རྟགས་བརྗོད་བྱའམ་ཚིག་གྲོགས་དང་བསྟུན་དགོས་པས་གཞུང་རྣམས་སུ་བརྗོད་བྱའི་རྟགས་ཞེས་བྱ་ལ། རྟགས་གསུམ་ཀར་ཡང་འདིའི་སྒྲ་འཇུག་མོད། བྱེ་

[Full Size]

བྲག་དབྱེ་བ་འདིའི་ལུགས་སུ་ན། སྔ་མ་ནི། ཤྲྀངྑ་ལ ཤྀངྑ་ལཾ། ཤྲྀངྑ་ལཱ་ལྟ་བུ་བརྗོད་བྱ་གཞན་ལ་མ་ལྟོས་པར་རང་ཉིད་ཇི་ལྟར་འདོད་པའི་རྟགས་སུ་འགྱུར་ལ། འདི་ནི། ཤུཀླཔ་ཊལྟ་བུ་བརྗོད་བྱའི་དོན་གང་ཡིན་གྱི་རྟགས་དང་བསྟུན་དགོས་པ་ནི་འཆད་འགྱུར་བུད་མེད་ཀྱི་སྐེད་རྒྱན་ལུ་གུ་རྒྱུད། གྱི་དཔེར་བརྗོད་རྣམས་ལས་རྟོགས་པར་བྱའོ། །དེ་ལ། གྲངས་ཀྱི་སྒྲ་ནི། དེའང་ཨེ་ཀ་ལ་རྣམ་དབྱེ་ཐམས་ཅད་འཇུག་ཅིང་། དྭི་ལ་གཉིས་ཚིག་ཁོ་ནར་འཇུག་པ་དང་། ཏྲི། ཙ་ཏུརྲ། བ་ཧུ་རྣམས་ལ་མང་ཚིག་ཁོ་ན་ལས་གཞན་མི་འཇུག་པའང་ཤེས་པར་བྱའོ། །ཨེ་ཀཨེ་ཀཾ། ཨེ་ཀཱ། དྭཽ་དྭེ་མ་ནིང་། དྭཽ། ཏྲ་ཡ ཏི་པྲ ཏྲཱི་ཎི ཙ་ཏྭཱ་རམོ། ་ཙ་ཏ་པྲ། ཙ་ཏྭཱ་རི། བ་ཧ་བ པ་ཧྭྱ བ་ཧྭ་ནི་རྣམས་སོ། སརྦ་ནཱ་མའི་སྡེ་ཚན་རྣམས་ནི། སརྦ སརྦཾ། སརྦཱཾ་ལ་ གཅིག །སོགས་པ་ གཉིས། དང་། ཕོ། གྲངས་ཕོ། ཚིག་ བཞི་བསྡུད་མ་ནིང་། མང་པོ། ཕོ། མོ། ཀྱི་མཐའ་ནི། གསུམ་དམན། ཨུ་ནྲཱ་ཏི་པྲམོ། ཨུ་ན་ཏྲ་ཡཕོ། ཐམས་ཅད། ཨུ་ན་ཏྲཱི་ཎི་ལྟ་བུ་དང་། སརྦ་སོགས་ཚིག་སྡུད་ཀྱི་མཐའ་ཡང་། ཕོ། དྭྱ་ནྱ དྭྱ་ནྡཱ། མོ། དྭྱེ་ནྱཱཏྲ། མ་ནིང་། ཐམས་ཅད་མཆོག བ་ར་མ་སརྦྦ། པ་ར་མ་སརྦྦཔ་ར་མ་སརྦཱ་ལྟ་བུ་སྟེ་སརྦ་སོགས་ལ་རྣམ་དབྱེ་སྦྱར་བའི་ཚེ་ཚིག་རང་དབང་ཅན་གཞན་གྱི་དོན་དང་། ལྷན་ཅིག་བསྡུས་པ་སོགས་ལས་ཇི་ལྟར་འགྱུར་བའང་། གཉིས་གཞན། །

[Full Size]

གཞན་ཏུ་ཤེས་པར་བྱའོ། །ཕྱོགས་ཀྱི་མིང་མ་ཡིན་པའི་འབྲུ་མང་པོའི་ཚིག་སྡུད་རྣམས་ཀྱང་བརྗོད་བྱའི་རྟགས་སུ་འགྱུར་ཏེ། བ་ཧུ་དྷ་ནོ་བི་པྲ པ་ཧུ་དྷ་ནཾ་པི་པྲ་ཀུ་ལཾ། བ་ཧུ་དྷ་ནཱི་པྲཱཧྨ་ཎཱི་ལྟ་བུ་སྟེ། ཕྱོགས་ཀྱི་མིང་ཡིན་ན་བུད་མེད་ཀྱི་རྟགས་སུ་འགྱུར་བས། དཀྵི་ཎྲ་པཱུརྦྦཱི་དི་ཀ་ལྟ་བུའོ། །ཕ་རོལ་ཏེ་ཁྱད་གཞིའམ་བརྗོད་བྱའི་བྲམ་ཟེ་ནོར་མང་། བྲམ་ཟེའི་རིགས་ནོར་མང་པོ། བྲམ་ཟེ་མོ་ནོར་མང་པོ། ཁྱད་པར་རྟོགས་པར་བྱེད་པའི་ཁྱད་ཆོས་ཀྱི་སྒྲ་ཡོན་ཏན་བྱ་བ་རྫས་རྣམས་ལ་སྦྱོར་བ་ཤར་ལྷོའི་ཕྱོགས། ན་བརྗོད་བྱའི་རྟགས་སུ་འགྱུར་ཏེ། དེ་ལ་ཡོན་ཏན་གྱིས་སྦྱོར་བའི་རྒྱུ་མཚན་གྱིས། ཤུཀླཱ་ཤཱ་ཊཱི། ཤུཀླཔ་ཊ ཤུཀླཾ་བསྟྲཾ་ལྟ་བུ་དང་། རྫས་ཀྱིས། དཎྜཱི། ཕོ། དཎྜི་ནཱི། མོ། དཎྜི། མ་ནིང་། བྱ་བས། པཱ་ཋ་ཀ པཱཋ་ཀཾ པཱ་ཋི་ཀཱ། ཞེས་སོགས་ལྟ་བུ་དང་། མིང་དུ་སྒྲུབ་པ་མ་ཤཊི་དཀར་པོ། དར་རམ་སྟོད་གཡོགས་དཀར་པོ་གོས་དཀར་པོ། ཡིན་པའི་བྱེད་པ་པོ་དང་ཀྲྀཏྲ་རྐྱེན་ དབྱུག་པ་ཅན། རྣམས་བརྗོད་བྱའི་རྟགས་སུ་འགྱུར་ཏེ། ཀློག་མཁན། དཔེར་ན། བུམ་པ་བྱེད་པོ་ལ། ཀུམྦྷ་ཀཱ་རཱི། ཀུམྦྷ་ཀཱ་ར ཀུམྦྷ་ཀཱ་རཾ་ལྟ་བུའོ། །མིང་ལ་ནི། གྲ་ཧའདིར་བི་ཤྭ་ལས། གྲཧརྗེས་སུ་འཛིན་པའི་དོན། །འཛིན་དང་གཡུལ་ལ་འབད་པ་དང་། །ཉི་མ་སོགས་དང་སྲུལ་པོ་སོགས། །སྒྲ་གཅན་དང་ནི་གཟའ་འཛིན་རྫ་མཁན། མོ། རྫ་མཁན་ཕོ། རྫ་མཁན། མ་ནིང་། ལའོ། ཞེས་

[Full Size]

སོ། །སོགས་ལ་སྐྱེས་པའི་རྟགས་ཁོ་ན་འཇུག་པ་ལྟ་བུའོ། །ཏ་བྱ་ལ་སོགས་པའི་ཀྲྀཏྱའི་རྐྱེན་རྣམས་བྱ་བ་ལ་བསྒྲུབ་པ་མ་ཡིན་པར་བྱེད་པ་པོ་དང་ལས་ཀྱི་དོན་ལ་བསྒྲུབ་པ་ན་བརྗོད་བྱའི་རྟགས་སུ་འགྱུར་ཏེ་དཔེར་ན་བྱེད་པ་པོ་ལ། བྷ་བྱཱ་ལ་ཏཱ། བྷ་བྱསྟ་རུ བྷ་བྱཾ་བ་ནཾ། ལས་ལ། ཀརྟྟ་བྱ ཀརྟྟ་བྱཾ། ཀརྟྟ་བྱཱ་ལྟ་བུ་སྟེ། བྱ་བ་ཡིན་ན་སྠཱ་ཏ་བྱཾ། སྠེ་ཡཾ། མིང་ལ་སཱུ།།།ལ་སོགས་པ་བཞིན་ཐོབ་ཐང་ལྟར་བཤད་པའི་རྟགས་སུ་། ཤིང་། འགྱུར་རོ། །ཤིང་། ནགས་དས་བཙོས་པ་ལ་བྱའོ། །སོགས་པའི་དོན་ལ་ཨཎ་ལ་སོགས་པ་རྣམས་གནས་པར་བྱ། ཀྱིས། ཉི་མ། བསྒྲུབས་པར་བྱས་པ་ནི་བརྗོད་བྱའི་རྟགས་སུ་འགྱུར་ཏེ། དཔེར་ན་གུར་གུམ་གྱིས་བཙོས་པའི་གོས་ནི། ཀུ་སུམྦྷ་ལ་ཨཎྲ་སོགས་སྦྱར་ན་ས་ཚིག་གྲོགས་དང་ལྷན་ཅིག་པས། ཀཽ་སུམྦྷཔ་ཊ ཀཽ་སམྦྷཾ་བསྟྲཾ། ཀཽ་སུམྦྷི་ཤཱ་ཊཱི། དེ་བཞིན་ཏུ། རྒྱ་སྐྱེགས་ཀྱི་ས་བཙོས་པའི་གོས་ནི་ལཀྵིི་ཀ་ལ་ཨ་ཎ་སྦྱར་བ་སོགས་ཀྱིས། ལཱཀྵི་ཀ པ་ཊ ལཱཀྵི་ཀཾ་བསྟྲཾ། ལཱཀྵི་ཀཱི་ཤཱ་ཊཱི་ལ་སོགས་པ་ལྟ་བུ་དང་། རྒྱུ་སྐར་སྨིན་དྲུག་དང་ལྡན་པའི་དོན་ལ། ཀཱརྟྟི་ཀོ་དེ་བ སྨིན་དྲུག་ཅན་གྱི་ཉིན། ཀཱརྟྟི་ཀཾ་དི་ནཾ། ཀཱརྟྟི་ཀཱི་དེ་བཱ། ཞེས་པ་ལ་སོགས། དར་རྒྱ་ཚོས། གོས་རྒྱ་ཚོས། ཤ་ཊི་རྒྱ་ཚོས། པར་ཤེས་པར་བྱའོ། ༈ །ལྔ་པ་ཀུན་ཏུ་འཇུག་པར་བྱ་བ་ནི། །བྱེ་བྲག་

[Full Size]

འབྱེད་པའི་བརྗོད་བྱའི་རྟགས་དེ་རྣམས་ཉིད་ལ། རྟགས་ཀྱི་གཟུགས་ཀྱིས་དོན་ངེས་པར་སོ་སོར་འདུ་བྱེད་པར་འོས་པ་སྟེ། པྲ་ཀྲྀ་ཏིལ་སོགས་པ་ལ་དཔེར་མཛད་པས་དེ་རྣམས་ནི། །འདོད་འཇོ་ལས། སྐྱེ་གནས་ནི་བྷ་གའོ། །གྲོང་དང་བློན་པོ་སོགས་དང་རྟགས། །རང་བཞིན་བྷ་ག་པྲ་ཀྲྀ་ཏི། སྙིང་སྟོབས་རྡུལ་དང་མུན་པ་རྣམས། །མཉམ་པའི་གནས་སྐབས་ལ་ཡང་བལྟ། །ཞེས་བྱཱ་ཌིས་སོ། །འཁོར་བའི་ལམ་དང་དགའ་བ་ཡི། །བ་ུག་པྲ་ཀྲྀ་ཏིནི་མོ། །ཞེས་སྐབས་གསུམ་གྱི་ལྷག་མ་ལས་ཀྱང་རྣམ་གྲངས་སུའོ། །དེ་ལ། གྲོང་པ་ནི་ཆང་འཚོང་དང་། སྣུམ་འཚིར་བ་དང་། རྫ་མཁན་ལ་སོགས་པ་རྣམས་སོ། །རྟགས་ནི་གྲངས་བརྗོད་པའི་རང་བཞིན་དང་། །ལིངྒཾ་གྲངས་བརྗོད་རང་བཞིན་ལ། །ལིངྒཾ་མཚན་མ་ཕོ་མཚན་ལ། །ཞེས་དྲག་པོས་སོ། །རྐྱེན་ལས་དང་པོ་ལའང་པྲ་ཀྲྀ་ཏིའོ། །ཞེས་གསུངས། བི་ཥ་ཡནི་སྤྱོད་ཚུལ་ཡུལ། །གཟུགས་སོགས་རྟག་ཏུ་བསྟེན་པ་ལ། །ཞེས་མ་ཕམ་པས་སོ། །གོ་སྐབས་དང་ནི་སྤྱོད་ཡུལ་ཕོ། །ཞེས་འཆི་མེད་ཕྲེང་བ་ལའོ། །བི་ཥ་ཡཡང་གོ་སྐབས་ཡུལ། །ཞེས་རིན་ཆེན་མཛོད་ལས་ཀྱང་ངོ་། །བི་ཥ་ཡ་སྟེ་རྟག་ཏུ་ཕོའོ། །རྒྱུན་སོགས་གང་ཞིག་གང་གིས་ཤེས། །དེ་དེར་བི་ཥ་ཡནི་ཕོ། །དབང་དོན་དང་ནི་

[Full Size]

ཡུལ་ལྗོངས་དང་། །ཡུལ་དང་སྤྱོད་ཡུལ་དག་ལས་ཀྱང་། །ཞེས་ར་བྷ་སས་སོ། །པྲ་དྷཱ་ནཾ་ནི་རང་བཞིན་མཆོག །སྣ་ཆེན་བདག་དང་བློ་རྣམས་ལ། །ཞེས་ཨ་ཇི་ཏཱས་སོ། །མ་ནིང་པྲ་དྷཱ་ནི་ཡིན་ཏེ། །མཆོག་ལ་རྟག་ཏུ་གཅིག་ཉིད་དོ། །ཞེས་དྲག་པོ་དང་ར་བྷ་ས་དག་གིས་ཏེ། འདི་དག་ནི་རྣམ་གྲངས་སུ་སྨོས་པའོ། །དེ་བཞིན་ཏུ། བྷཱ།།།ནི་ལོག་གཡེམ་ལ་སོགས་པའོ། །དཱ་རནི་ཆུང་མ་ལ་སོགས་པའོ། །རྒྱལ་པོ་སོགས་ཀྱི་རྫོངས་གནས་དང་། །སྟ་ཟུར་ཆུང་མ་ཀ་ལ་ཏྲཾ། ཞེས་དྲག་པོས་སྟེ་དེ་རྣམས་ཀྱིས་ཕྱོགས་ཙམ་མཚོན་པའོ། །འདིར་ཚིག་གི་ཟླ་བ་ལས། གང་ཞིག་སྣ་ཚོགས་ཏེ་རྣམ་པ་མང་པོའི་དོན་གྱིས་དབྱེ་བ་ཅན་དེ་རྣམས་ནི་བརྗོད་བྱའི་རྟགས་སུ་འགྱུར་ཏེ་ཇི་ལྟར་ཀཚངས་པ། ཀཾ་མགོ་དང་བདེ་བ་ལ་སོགས་པ་བཞིན་ནོ། །ཞེས་སོ། །དྲུག་པ་མི་གསལ་བ་ནི་རྟགས་མེད་པ་ཞེས་བྱ་བ། རྟགས་གསུམ་ཀ་ལ་གཟུགས་མཚུངས་པ་སྟེ། ཏིང་ངམ་ཏི་སོགས་བྱ་བའི་མཐའ་ཅན་རྣམས་ནི་ཀུན་བཤད་དེ་རྟགས་ཀྱི་དབྱེ་བ་མེད་ལ། གཞན་ཡང་། ཨུཙྪཻལ་སོགས་པའི་མི་ཟད་པ་རྣམས་དང་། གྲངས་པཉྩ་ན་ཥཊུ་སོགས་ཥ་ནྲའི་མཐའ་ཅན་དང་། ཀ་ཏི་ལ་སོགས་པའི་མཐའ་ཅན་རྣམས་དང་། ཡུཥྨང་། ཨཥྨང་རྣམས་ཀྱང་རྟགས་ཀྱི་གཟུགས་མཐོ་བ། དབྱེ་རྒྱུ་མེད་པས་རྟགས་ཀྱི་མཚན་མས་སྒྲ་འདུ་བྱེད་

[Full Size]

པར་མི་འོས་པ་སྟེ། དཔེར་ན། ཀུན་བཤད་ལ། སུ་མཱནྲ་གླ་ཏེ། ཀུ་ལཾ་གླ་ཏེ། སྟྲཱིི་གླཱ་ཏེ། མི་ཟད་པ་ལ། ནཱ་ནཱ་དེ་ཤཱ ནཱ་ནཱ་དྷ་ནཱ་ནི ནཱ་ནཱ་སྟྲི་ཡ ཨུཙྪཻ་སྟ་རུ ཨུཙྪཻ་རྒྲྀ་ཧཾ། ཨུཙྪཻཏྟྲི། གྲངས་ནྲ་མཐའ་ལ། ད་ཤ་བ་ལ ད་ཤ་མུ་ཁཾ། སྐྱེས་བུ་སྨུ་བ། རིགས་སྨྲ་བ། བུད་མེད་སྨྲ་བ། ད་ཤ་བྷཱུ་མི ཡུལ་སྣ་ཚོགས། ནོར་སྣ་ཚོགས། བུད་མེད་སྣ་ཚོགས། ཤིང་མཐོན་པོ། ཁྱིམ་མཐོན་པོ། བུད་མེད་མཐོན་པོ། ཥཊྲ་ལ། ཥཊྤུ་རུ་ཥ ཥཊྐུ་ལཱ་སྟོབས་བཅུ། གདོང་པ་བཅུ། ནི། ཥཊྲ་སྟྲཱི་ཡ ཀ་ཏིའི་མཐའ་ས་བཅུ། ལ། ཀ་ཏི་པུ་རུ་ཥཱ ཀ་ཏི་དྷ་ནཱ་ནི། ཀ་ཏི་སྟྲི་ཡཡུཥྨ་དྲ་ལ། ཡཱུ་ཡཾ་སུ་མཱཾ་ཕ ཡུ་ཡཾ་ཀླཱི་བ་ཏྭཱ་ནི། སྐྱེས་བུ་དྲུག །རིགས་དྲུག །ཡཱུ་ཡཾ་སྟྲི་ཡ ཨསྨདྲ་ལ། བུད་མེད་དྲུག །བ་ཡཾ་སུ་མཱཾ་པ། བ་ཡཾ་མི་ཏྲཱ་ཎི། སྐྱེས་བུ་དུ། ནོར་དུ། བ་ཡཾ་ བུད་མེད་དུ། ཤྲི་ཡལ་སོགས་སྐྱེས་པ་ཁྱོད། པ་ལྟ་བུའོ། །མ་ནིང་ཁྱོད། འདིར་སྒྲའི་གཟུགས་གཅིག་དང་བུད་མེད་ཁྱོད། དོན་གཅིག་ལ་རྟགས་མི་འདྲ་བ་གཉིས་འཇུག །བཤེས་གཉེན་བདག །བར་བཤད་པ་ལྟ་བུ་འགལ་བ་ལ་དཔལ་བདག །ནི་ཕྱི་ནས་གང་བཤད་པ་དེ་གཙོ་ཆེ་བར་བྱ་དགོས་ཤིང་། འདིར་ཕྱོགས་ཙམ་ལས་སྨོས་སུ་མ་ལོངས་པས་མ་འཐུས་པའི་ལྷག་མ་རྣམས་འཇིག་རྟེན་པའི་ཉེ་བར་སྤྱོད་པ་ལས་ཤེས་པར་བྱའོ། །སྐབས་འདིར་བསྡུ་བ་

[Full Size]

དང་དེ་ཕན་སྦྱོར་ཚུལ་ཤེས་པ་གལ་ཆེ་མོད། །ཉུང་ངུའི་ཚིག་གིས་རྟོགས་པར་མི་ནུས་པས་གཞན་ཏུ་སྦྱར་བར་སྤྲོའོ། །དེ་ནས་དེ་ལྟར་འཇོག་རྒྱུའི་སྐད་དོད་ཡན་ལག་བཅས་མ་ཉམས་པར་ངེས་པར་བྱས་ནས། ཟུང་གཅིག་ཏུ་བསྒྲིགས་པའི་ཚེ་མཚམས་སྦྱོར་གལ་ཆེ་ཡང་། དེ་ནི་རྟོགས་སླ་བའི་དབང་དུ་བྱས་ཏེ་འདིར་མ་བསྟན་ལ། པཱ་ཎི། ཙཱནྡྲ། དབྱངས་ཅན་སོགས་སུ་དམིགས་བསལ་འགའ་ཞིག་གསུངས་པས་བློ་གསར་བུ་ལ་མགོ་རྨོངས་པར་བྱེད་པའི་ཕྱིར། འདིར་ཡང་ཕྱོགས་ཙམ་སྨོས་ན་མིང་སྔ་ཕྱི་གཉིས་བསྒྲིགས་པའི་འདི་རྣམས་ཀྱང་གཅིག་གི་ཆོ་ག་ལ་མཚམས་སྦྱོར་ཡིན་པ་དེ་གཅིག་ལ་ཚིག་ཕྲད་དམ་རང་བཞིན་གྱིས་གྲུབ་པ་ལྟ་བུ་ཕན་ཚུན་མི་མཁོ་བ་མང་ངོ་། །ཚེ་ཕྱི་མའི་ཐོག་མར་དབྱངས་བྱུང་ན་སྔ་མ་དེ་དབྱངས་སམ་གསལ་བྱེད་མཐའ་གང་ཡིན་བརྟགས་ལ། དབྱངས་ཡིན་ན་མཚུངས་འདྲ་དང་། ཡོན་ཏན་དང་། འཕེལ་བ་སོགས་དང་། གསལ་བྱེད་ཀྱི་མཐའ་ཅན་ཡིན་ན་ཚིག་མཐའ་ཡིན་མིན་བརྟགས། ཚིག་མཐའ་ཡིན་ན་དབྱངས་དང་སྒྲ་ལྡན་རྣམས་ལ་གསུམ་པ་བསྒྱུར་བ་སོགས་བྱ། ཚིག་མཐའ་མིན་པ་བྱིངས་སྒྲུབ་སོགས་ཀྱི་ཚེ་དྷུ་ཊ་རྣམས་ཀྱི་གསུམ་པ། སྒྲ་མེད་པ་ལ་དང་པོ་སོགས་ཀྱིས་སྦྱར། ཕྱི་མའི་ཐོག་མ་གསལ་བྱེད་དང་སྔ་མ་གསལ་བྱེད་ཀྱི་མཐར་ལྷན་ཅིག་ཚོགས་པའི་ཚེ་བཤད་མ་ཐག་པ་ལྟར་དང་། སྔ་མ་རྣམ་བཅད་

[Full Size]

ཀྱི་མཐར་གྱུར་པ་ན་རྣམ་བཅད་ཀྱི་མཚམས་སྦྱོར་བྱ། ཕྱི་མ་གསལ་བྱེད་ཐོག་མ་ཅན་ལ་སྔ་མའི་མཐར་དབྱངས་ཡོད་ཀྱང་མཚམས་སྦྱོར་བར་མི་འགྱུར་ཏེ། ཀ་ལཱ་པར། གསལ་བྱེད་ལ་དབྱངས་རྣམས་མཚམས་སྦྱོར་མི་བྱའོ། །ཞེས་སོ། །ཞེས་པ་ཙམ་སྤྱིར་བཏང་ནས། ཐོག་མར་དབྱངས་ལ་མཚམས་མི་སྦྱོར་བའི་དམིགས་བསལ། ཀ་ལཱ་པར་མཚམས་སྦྱོར་གསུམ་པར་མདོ་བཞི་ཡིས་སྟོན་ཏེ། དེའང་ནཱི་པཱ་ཏ་ཨོཏྲ་མཐའ་ཅན་ཨ་ཧོ། ཨ་ཐོ་ལྟ་བུ་དང་། ཨཱདྲ་མ་ཡིན་པའི་ནི་པཱ་ཏ་ཨ་སོགས་དབྱངས་གཅིག་པ་ཅན་རྣམས་དབྱངས་ལ་མཚམས་མི་སྦྱོར། འདིར་ཨ་ཁྱབ་འཇུག །ཨི་བདུད། ཨུ་དབང་ཕྱུག་ཏུ་བོད་འགྲེལ་ངོ་མཚར། སྔ་མ་རྣམས་ཀྱིས་བཤད་ཀྱང་། མཚམས་མི་སྦྱོར་རྒྱུ་ནི་མི་ཟད་པའམ་གྲངས་མེད་པ་ཡིན་པ་པཱ་ཎི་པ་སོགས་སུ་བཤད་ལ། ལྷའི་མིང་ལ་འཇུག་པའི་ཨ་ལ་སོགས་པ་ནི་གྲངས་མེད་པ་མ་ཡིན་པར་མིང་གི་མཛོད་རྣམས་ལས་བཤད་པའི་ཕྱིར་རོ། །དེ་ལྟར་ཡང་། སྣ་ཚོགས་གསལ་བ་ལས། ཨ་ནི་དངོས་མེད་ཆུང་ངུའི་དོན། །ཁྱབ་འཇུག་ལ་འདི་མི་ཟད་མིན། །ཨི་ནི་སྐྱོ་དང་ཁྲོས་ཚིག་ལ། །འདོད་པའི་ལྷར་ནི་མི་ཟད་ཡིན། །ཨུ་ནི་ཀུན་ཏུ་འབོད་ཁྲོས་ཚིག །ཞི་པ་བརྗོད་པ་མི་ཟད་མིན། །རབ་གཟུང་ཨ་ནི་དྲན་དང་སྨྲ། །ཞེས་བཤད་དེ་རབ་གཟུང་ན་པྲ་གྲྀ་ཧྱ་སྟེ། །

[Full Size]

མཚམས་སྦྱོར་བ་མ་ཡིན་པའི་དོན་ཏོ། །སྣ་ཚོགས་གསལ་བར། ཨཱདྲ་ནི་མཚམས་དང་མངོན་པར་ཁྱབ། །བྱ་བའི་སྦྱོར་བ་ཅུང་ཟད་དོན། །ཞེས་བཤད་པ་ཉེར་བསྒྱུར་ལས་བྱུང་བ་དྲ་འགྲོ་བ་ཅན་གྱི་ཨཱདྲ་ནི་མཚམས་སྦྱོར་བར་བྱ་སྟེ། ཟ་བར་བྱེད་དོ་ཞེས་པ་སྟེ། ཉེར་སྐྱུར་གྱིས་བྱིངས་བསྒྱུར་བའོ། །མཚམས་འཛིན་པའི་དོན་ལ། ཨཱ་ཨུ་ད་ཀཱནྟཱ་ཏྲ། ཞེས་པར། ཨོ་ད་ཀཱནྟཱ་ཏྲ། མངོན་པར་ཁྱབ་པ་ལ། ཨཱ་ཛནྨ་བྲཧྨ་ཙཱ་རི། བྱིངས་ཀྱི་སྦྱོར་བ་ལས་སྐྱེས་པ་ནི། ཧྲྀཉྲ་འཕྲོག་པ་ལས་ཏི་སོགས་ཀྱིས། ཨཱ་ཧ་ར་ཏི། ཅུང་ཟད་ཀྱི་དོན་ལ། ཨཱ་པིངྒ་ལ ཆུ་ལ་ཐུག་གི་བར། ལྟ་བུ་སྟེ་ཞར་བྱུང་ངོ་། །བོད་པི་བྱིན་པའི་ཨོ་ཡིག །སྐྱེ་བ་ཀུན་ཏུ་ཚངས་བར་སྤྱོད་པ་ཅན། མཐའ་ཅན་ཨི་ཏི་ཕ་རོལ་ལ་ཡང་ན་མཚམས་མི་སྦྱོར་ཏེ། ཧེ་པ་ཊོ་ཨི་ཏི། ཧེ་པ་ཊ་བི་ཏི། ཀྱེ་སྒྲིན་པོ་ཞེས་སོ། །ཡང་། མཚུངས་པ་འདྲ་བའི་ཡི་གེ་ལ་རྟག་ཏུ་རིང་པོར་འགྱུར་བ་ཉིད་ནའང་ལྀ་ལ་རིང་པོ་མི་སྲིད་པས། ཧོ་ཏྲཱྀ། ལྀ་ཀཱ་ར ཞེས་པར། ཙཱནྡྲ་པར། ལྀཏྲ་ལྀ་འོས་གཉིས་དག་གིས་ལྀ་ཡིག་ཐུང་ངུའམ་རྀ་ཡིག་ ཅུང་ཟད་དམར་སེར། རིང་པོ་གཅིག་ཏུ་གྱུར་པས། ཧོ་ཏླྀ་ཀཱ་རཧོ་ཏྲཱ་ཀཱ་རཞེས་སོ། །ཚིག་མཐའི་ཨེ་ཐུང་ཨོ་ཐུང་ཕ་རོལ་དུ་ཨ་ཐུང་ཐོག་མ་ཅན་བྱུང་ན་མཚམས་སྦྱར་བར་མི་འགྱུར་ཏེ། ཨགྣེ་དང་། ཨགྣི་དང་བ་ཡུལ་བོད་མི་བྱིན་པའི་ཚིག་མཐའོ། །བ་ཨོ་དག་གི་ཕ་རོལ་དུ་ཨ་སྦྱིན་སྲེག་མཁན་གྱི་ལྀ་ཡིག །ཏྲ་སྦྱར། ཨ་ཕྱིས་པའི་མཚན་མའི་དོན་ཏུ་པླུ་ཏ་བྲིས་པས། ཨགྣེཉྲཏྲ། ཀྱེ་མེ་འདིར།

[Full Size]

བ་ཡོ་ཉྲཏྲ་ལྟ་བུའོ། །འདིར་པླུ་ཏ་མ་བྲིས་ཀྱང་རུང་སྟེ་རྒྱ་དཔེ་ཕལ་ཆེ་བ་ལ་མི་སྣང་ངོ། །ཨ་ཐུང་མ་ཡིན་ན་ཨེ་ཨཡྲ་སོགས་འགྱུར་བས། བཱ་ཡོ་དང་ཨི་ཏི་སྦྱར། བཱ་ཡ་བི་ཏི། ཞེས་པ་ལྟ་བུའོ། །གོའི་སྒྲ་ལས་ཚིག་གི་ཨཏྲ་ཕ་རོལ་ལ་ཡང་ན་མཚམས་མི་སྦྱོར་ཞིང་། ཡང་ན་ཨ་དབྱི་བར་འགྱུར་ཏེ། གོ་དང་ཨ་གྲམ་སྦྱར། གོ་གྲམ། གོ་ཨ་གྲཾ་ལྟ་བུའོ། །གཞན་ཀྱེ་རླུང་ཞེས་བྱ། །ཡང་། ཙཱནྡྲ་པར། ཨཙྲ་ལ་ཨ་བདྲ་ངོ་། ཨཀྵ་ཨིནྡྲ་ལའོ། །ཞེས་གོའི་ཕ་རོལ་དུ་ཨཙྲ་སྟེ་དབྱངས་ལ་ཨོ་ཡིག་ཨ་བདྲ་དུ་ཡང་ན་བསྒྱུར་བ་མཆོག་བ་དང་། རྟག་ཏུ་བསྒྱུར་བའི་འདམ་ག་གསུངས་ཤིང་། དབྱངས་ཅན་ཏུ་གོ་ལ་སོགས་པའི་ཨཀྵ་སོགས་ལ་ཨ་ཡིག་ཨཱ་ག་མ་བརྗོད་པར་བྱའོ། །ཞེས་རབ་བྱེད་དུ་འགྲལ་ཚིག་གིས་ཁ་བསྐང་སྟེ་བར་རྐྱེན་ཨ་ཨཱ་ག་མ་སྦྱིན་པར་གསུངས་པ་གང་ལྟར་ཡང་། །གོ་ཨཀྵ་ལ། ག་བཱཀྵ། བ་ལང་མིག་སྟེ་སྐར་ཁུང་། གོ་ཨ་ཛི་ནཾ་ལ། ག་བཱ་ཛི་ནའམ། གོ་ཛི་ནཾ། གོ་ཨུཥྚྲཱི་ལ། ག་བོ་ཥྚྲཱི།། གོ་ཨིནྡྲ་ལ། ག་བེནྟྲ སོགས་སོ། །པླུ་ཏ་དང་ལྡན་པའི་ཚིག་ཀྱང་ཨི་ཏི་མ་ཡིན་པའི་དབྱངས་ལ་མཚམས་མི་སྦྱོར་ཏེ། དེ་བ་དཏྟ་ལས་བོད་སི། དེ་དབྱི། བ་ལང་པགས་པ། རྔ་མོ། ཙཱནྡྲ་པར། ཀུན་ཏུ་བོད་ བ་ལང་། པ་ལ་འོས་པླུ་ཏ། ཨ་ཏྲ་དང་སྦྱར། །

[Full Size]

དེ་བ་དཏྟཉྲ། ཨ་ཏྲ་ལྟ་བུའོ། །ཨི་ཏི་ལ་མཚམས་སྦྱོར་ཏེ། ཡཛྙ་དཏྟ་ལ་བོད་སི་པླུ་ཏ་སོགས། ཨི་ཏི་དང་སྦྱར་བའི་ཚེ་པླུ་ཏ་ཕྱིས་ནས་མཚམས་སྦྱར་བས། ཡཛྙ་དཏྟེ་ཏི། འདིར་པླུ་ཏ་ནི། མཚོ་ལྡན་ཀྱི་ལྷས་བྱིན་འདིར། མར། རྒྱང་རིང་པོར་འབོད་པ་ལའང་ཏྲིའི་པླུ་ཏའོ་ཞེས་པ་སོགས་གསུངས་ཤིང་། ཙཱནྡྲ་པའི་སྐབས་དྲུག་པའི་རྐང་པ་གསུམ་པར། ངག་གི་ཨཙྲ་ ཀྱེ་མཆོད་སྦྱིན་ཞེས་པ། རྣམས་ཀྱི་མཐར་པླུ་ཏའོ་ཞེས་སོགས་མདོ་རྐང་པ་བཅོ་བརྒྱད་ཙམ་གྱིས་ཐོབ་མིན་རྒྱས་པར་བསྟན་པས་དེ་དག་ཏུ་བལྟ་བར་བྱའོ། །རྣམ་དབྱེའི་གཉིས་ཚིག་ཨཽ་དག་བྱིན་པས་ཨགྣི་དང་བུད་མེད་ཀྱི་རྟགས་སོགས་ལ་གཟུགས་གཞན་ཨཱི་ཨཱུ་ཨེ་རུ་གྱུར་པ་ནི་དབྱངས་དང་མཚམས་མི་སྦྱོར་ཏེ། ཨགྣཱི་ཨི་ཏི། བཱ་ཡཱུ་ཨི་ཏི། གངྒེ་ཨ་མཱུ་ལྟ་བུའོ། །སྐབས་འདིར་།ཐུགས་ཊཱིཀྲ་ཏུ། པ་ཙེ་ཏེ་ཨི་ཏི་ཞེས་ཀུན་བཤད་ཀྱི་གཉིས་ཚིག་ཨེ་མཐའ་ཅན་ལའང་མཚམས་མི་སྦྱོར་བའི་དཔེར་བརྗོད་མཛད་པ་དྷརྨ་མ་དག་ཅེས་པ། རླུང་དག་ཅེས་པ། གངྒཱ་དག་འདི་དག །དཱ་སཱ་སོགས་ཙཱནྡྲ་པའི་རྒྱ་འགྲེལ་རྣམས་སུ་ཡོད་ཁུལ་ལ། པཱ་ཎི་པ་སོགས་ཀྱི་རྒྱ་འགྲེལ་གཞན་ཏུ་དེ་འདྲའི་གསལ་ཁ་མ་མཐོང་བས་ཙཱནྡྲའི་རྒྱ་འགྲེལ་གྱི་རྒྱ་དཔེ་དེ་དག་རྙེད་ན་སླར་བརྟག་པར་བྱ་བའི་འོས་སོ། །ཡང་ཨ་དསྲ་ལ་ཨཽ་དང་ཛསྲ་བྱིན་པའི་རྗེས། ཨ་མཱུ་དང་། ཨ་མཱི་དག་ཀྱང་དབྱངས་

[Full Size]

ལ་མཚམས་མི་སྦྱོར་ཏེ། ཨ་མཱུ་ཨ་ཏྲ། ཨ་མཱི་ཨ་ཏྲ་ལྟ་བུའོ། །སྤྱིར་བཏང་གསལ་བྱེད་ལ་དབྱངས་རྣམས་མཚམས་མི་སྦྱོར་ཡང་། ཡ་ཕ་རོལ་ལ་ཨ་བ་ཨབྲ་དག་གོ། །བྱིངས་ཀྱི་དེ་ཉིད་ལའོ། །ཞེས་ཙཱནྡྲ་པར་གསུངས་འདི་དག་འདིར། འདི་རྣམས་འདིར། ཤིང་ཀ་དབྱངས་རྣམས་སུའང་ཕྱོགས་མཚུངས་བསྟན་པས་ཡ་ལ་ཨོ་ཨཽ་དག་གིས་མཚམས་སྦྱར་བར་ཐོབ་སྟེ། དེ་ཕན་ནམ་བྱིངས་སོགས་ཀྱི་ཆ་ཤས་ཡིན་ནའོ། །དཔེར་ན་བྱིངས་ལ། ལཱུ་ཉ་གཅོད་པ་ལ་ཡ། ལ་བྱཾ། གོ་ལ་དེ་ལས་བྱུང་བའི་དོན་ལ་དེ་ཕན་གྱི་ཡཏྲ། ག་བྱཾ། གཞན་ཏུ་ཚིག་རང་དབང་ཅན་ཡིན་ན་མི་འགྱུར་ཏེ། གོ་ཡཱུ་ཏི་ལྟ་བུའོ། །འདིར་ཙཱནྡྲ་པར། ག་བྱཱུ་ཏི། གླང་གི་བགྲོད་པ་སྟེ་གཞུ་འདོམས་སྟོང་ཕྲགགཅད་བྱ། ཡོད་པར་རྒྱང་གྲགས་གཉིས་ཀྱི་ས་ལ་བརྗོད་པ་ཡིན་ཞིང་འགའ་བ་བྱུང་། ཞིག་གིས་འདི་ལ་རྒྱང་གྲགས་གཅིག་ཏུ་བརྩི་བ་ནི་མངོན་པ་འོག་མའི་བ་ལང་ཁྱུ་འདྲེས་པ། བཤད་པ་ནོར་བ་དེ་མཐོང་ནས་བོད་བླུན་གྱི་རང་རྟགས་བསྟན་པར་ཟད་དོ། །ལམ་ཚད་ལའོ་ཞེས་ཚིག་ཕྲད་དུ་བསྟན་པས་དེ་ནི་ལམ་ཚད་ཏེ་རྒྱང་གྲགས་བརྗོད་པ་ལ་ཡིན་གྱིས་གཞན་ཏུ་མ་ཡིན་ནོ། །ནུས་པ་ལ་ཀྵི་ཛི་དག་གི་ཨ་ཡྲའོ་ཞེས་པས། ཀྵིི་ཟད་པ་དང་། ཛི་རྒྱལ་བ་ལས་བྱ་བའི་དོན་གྱི་ཡ། ཀྵ་ཡྻ ཟད་པར་ནུས། ཛ་ཡྻ རྒྱལ་བར་ནུས། འཚོང་བའི་ནོར་ལ་ཀྲཱིའི་འོ་ཞེས་པས་

[Full Size]

ཌུཀྲཱིཉྲ་རྫས་འཚོང་བ་ལ་ཡ། ཀྲཡྻ བ་ཊ ལྟ་བུ་སྟེ། ཟོང་བཀྲམ་པའི་གོས་བརྗོད་པའོ། །བྱིངས་ཀྱི་དང་པོར་ཧྱ་སྟཱ་ནི་ཨ་དྱ་ཏ་ནཱི་བྱ་བ་ཤོར་བ་རྣམས་ལ་ཨཊྲ་བྱིན་ནས་དབྱངས་དང་ཕྲད་པའི་ཚེ་སྤྱིར་བཏང་གི་མཚམས་སྦྱོར་མི་ཐོབ་པར་འཕེལ་བར་འགྱུར་ཏེ། རྀ་དྷཱུ་འཕེལ་བ་དང་། ཨཱིཀྵ་བལྟ་བ་ལས་ཧྱ་སྟ་ནཱིའི་དི། སྔ་མར་སུ་སོགས་ལས་ནུ་དང་ཕྱི་མར་ཨནྲ་བི་ཀ་ར་ཎ་སོགས་ཀྱིས། རྀ།།།ཏྲ། ཨཱིཀྵཏྲ། གྲུབ་པ་དང་པོར་ཨཊྲ་བྱིན། ཀ་ལཱ་པར། དབྱངས་དང་པོ་རྣམས་ཀྱི་དང་པོའི་འཕེལ་བའོ། །གཉིས་དག་གི་གཅིག་འཕེལ་བའོ། །རྀ་ཨཏ་དང་། ཨའི་ཡི་གེ་ཨིའི་ཡི་གེ་ལ་འཕེལ་བར་བྱ། བལྟས། ཨེ་སོགས་མི་བྱ་བར། ཨཱཏྲ་དང་། ཨཻ་རུ་འཕེལ་བ་བྱས་པས། ཨཱ།།།ཏྲ། ཨཻ་ཀྵཏྲ་ལྟ་བུའོ། ཀ་ལཱ་པར། ཨ་ཡིག་ལས་ཨཱུཏྲའི་འཕེལ་བའོ་ཞེས་པས། དྷ་བུ་འགྲོ་བ་ལས་ཀྟ། བྲ་ཨཱུཏྲ་དུ་བསྒྱུར། ཨུ་ལ་ཨོ་མི་བྱ་བར་མདོ་འདིས་འཕེལ་བར་བྱས་པས། དྷཽ་ར ཞེས་སོ། །ཡང་ཨཀྵ་ལས་ཨཱུ་ཧི་ནཱི་ལའོ་ཞེས་ཙཱནྡྲ་པར་གསུངས་པས། དེ་དག་ཀྱང་མཚམས་སྦྱོར་སྤྱིར་བཏང་མི་འགྱུར་བར་འཕེལ་བ་བྱ་སྟེ། ཨཀྵཽ་ཧེ་ཎཱཾ། དབང་པོའི་རྟོགས་པ་ཅན་ཞེས་མི་བགྲུས། ཡི་དམག་དཔུང་གི་མང་མཐའ་ཚོགས་ཅན་བཅུའི་དཔུང་ཚོགས་བརྗོད་པ་སྡེ་འདར་ལོའི་འགྲེལ་པ་ནོར་ཤིང་སོགས་སུ་འདིའི་སྒྲ་བསྒྲུབ་སོགས་

[Full Size]

ཇི་བཞིན་མ་རྟོགས་པའི་བླུན་གཏམ་ཁོ་ནར་བྱས་པ་དེར་བས། པྲ་དང་པཱུ་ལས་ཨཱིར་ཨཱུ་ཌྷ་སོགས་ལ་འཕེལ་བར་འགྱུར་ཏེ། སཻྭ་ར པྲཽ་ཌྷ སོགས་དང་། རྀ་ཏ་ལ་ས་གསུམ་པའི་ཚིག་སྡུད་ལ་འཕེལ་བར་གྱུར་ཏེ། དུ ཁི་ན་རྀ་ཏ སྡུག་བསྔལ་གྱིས་སྤངས་བ། ཞེས་བསྡུས་ནས་འཕེལ་བས། དུཁཱརྟྟ ཡང་། པྲ། ད་ཤ་སོགས་དང་རྀ་ཎ་སྦྱར་བས་འཕེལ་བར་འགྱུར་ཏེ། པྲཱརྞྞཾ། ད་ཤཱརྞྞཾ། རྀ་ཎཱརྞྞཾ། །བ་ས་ནཱརྞྞཾ། ཀམྦ་ལཱརྞྞཾ། ལ་བའི་བུ་ལོན། བཏྶ་རཱ་རྞྞཾ་རྣམས་སོ། ལོ་ཡི་བུ་ལོན། །རྣམ་དབྱེ་གཉིས་པའི་ཨམྲ་དང་ཤསྲ་དག་གི་ཨ་ཡིག་མིང་ཨོཏ་མཐའ་ཅན་ལ་ལྷན་ཅིག་འཕེལ་བ་འགྱུར་ཏེ། བྱོལ། དང་པོའི་བུ་ལོན། བཅུའི་བུ་ལོན། བུ་ལོན་གྱི་གོས་ཀྱི་བུ་ལོན། ཨམྲ་དང་ཤསྲ་སོགས། ཚིགས་གྲོགས་དང་སྦྱར་བས་དྱཱཾ་པ་ཤྱ། དྱཱ པ་ཤྱགྲུབ། ཉེར་སྒྱུར་ཨ་ཐུང་མཐའ་དང་བྱིངས་ཀྱི་རྀ་ཡིག་ལྷན་ཅིག་འཕེལ་བ་འགྱུར་ཏེ། རྀཙྪ་འགྲོ་བ་ལས། །བརྟྟ་མཱ་ནའི་ཏི་དང་ཨནྲ་བི་ཀ་ར་ཎ། པྲ་སྔོན། འཕེལ་བས། མཐོ་རིས་དག་ལ་ལྟོས། མཐོ་རིས་རྣམས་ལ་ལྟོས། པྲྲཱཙྪ་ཏི་ལྟ་བུའོ། །ཡང་ཉེར་བསྒྱུར་ལ་ཨ་ཐུང་མཐའ་ཅན། བྱིངས་ཨེཏྲཨོཏྲ་ཐོག་མ་ཅན་ཕ་རོལ་ལ་ཕ་རོལ་གྱི་གཟུགས་སུ་འགྱུར་ཏེ། ཨི་ལ་འགྲོ་བ་ལས་ཨིནྲ་ཀཱ་རི་ཏ། རྀ་ཨནྲ་སོགས་ཀྱིས་ཨ་ལ་ཡ་ཏི་གྲུབ། པྲ་སྔོན་ཏུ་སྦྱར་བའི་ཚེ་ཨེ་ཡིག་ལ་ཨེ་སྟེ་སོགས་ཀྱིས་མི་འཕེལ་བ་

[Full Size]

གཟུགས་གཅིག་ཏུ་བསྒྱུར་བས་པྲེ་ལ་ཡ་ཏ། དེ་བཞིན་ཏུ། ཨུ་ཁ་འགྲོ་བའི་དོན་ལ། ཏི་དང་ཨནྲ་སོགས་ཀྱིས་སྲོ་ཥ་ཏཾ། གྲུབ་པ་ལྟ་བུའོ། །ལས་ལ་སྦྱོར་བའི་ཚིག་མེད་པའི་ཨེ་བ་སྔ་མ་དང་གཅིག་ཏུ་འགྱུར་ཏེ། ཨ་དྱེ་བ། ཨི་ཧེ་འགྲོར་འཇུག་པར་བྱེད། པ་སོགས་སོ། །ལས་ཡོད་ན། ཨི་ཧཻ་པ་ཏིཥྛ། ཨ་དྱཻ་བ་གཙྪ་ལྟ་བུའོ། །ཨོཥྛ་དང་ཨོ་ཏུ་དག་ཚིག་བསྡུས་པ་ལ་གཉིས་དག་གི་གཟུགས་གཅིག་ཏུ་ཡང་ན་འགྱུར་ཏེ། དེ་རིང་ཉིད། འདི་ཉིད་དུ། སྠཱུ་ལོཥྛ སྠཱུ་ལཽཥྛདེ་དག་མཆུ་སྦོམ་འདི་ཉིད་དུ་སྡོད་ཅིག །དེ་རིང་ཉིད་དུ་སོང་ཞིག །པོའོ། སྠཱུ་ལོ་ཏུ སྠཱུ་ལོ་ཏུབྱི་ལ་སྦོམ་པོ་བརྗོད་པའོ། །བིམྦོཥྛ བིམྦཽཥྛ བིམྦའི་མཆུ། ཚིག་སྡུད་མེད་ན་སྤྱི་འགྲེ་ལྟར་བྱ་སྟེ། ཧེ་དེ་བ་དརྟཽཥྛ་པ་ཤྱ། ཀྱེ་ལྷས་བྱིན་མཆུ་ལ་ལྟོས་ཤིག་ལྟ་བུའོ། །གཞན་ཡང་ཤ་ཀ་དང་ཨནྡྷུ་སྦྱར་བས་མཚུངས་འདྲ་མི་འགྱུར་བར་གཉིས་དག་གི་གཅིག་ཕ་རོལ་གྱི་གཟུགས་སུ་སོང་བས། ཤ་ཀནྡྷུ། འདིར་དབྱངས་ཅན་མར། ཤ་ཀནྡྷུ ལ་སོགས་པའི་ཊི་དབྱི་བར་བརྗོད་པར་བྱའོ། །ཞེས་འབྱུང་བ་ཆོ་གའི་ཁྱད་ཕྲན་བུ་མ་གཏོགས་དོན་འདྲ་བའི། ཧ་ལ། ཨཱིཥྲ། ལངྒ་ལ། ཨཱི་ཥཱ་སྦྱར། ཧ་ལཱི་ཥཱ། ཤ་ཀའི་ཡུལ་གྱི་ཁྲོན་པ། ལངྒ་ལཱི་ཥཱ། གྲུབ་པ་དེ་དག་གཤོལ་དང་གཤོལ་མདའ་བརྗོད་པའོ། །མ་ནསྲ་ཨཱི་ཥཱ་སྦྱར། མ་ནཱི་ཥཱ། ཡིད་རྟོགས་ཏེ་བློ་གྲོས་སོ། །ས་རྲ། །

[Full Size]

ཨཉྫ་ལིཿསྦྱར། ས་རཉྫ་ལིཿཐལ་མོ་ལྷུང་བ་སྟེ་བརྡའ་སྤྲོད་ཀྱི་བསྟན་བཅོས་ཞིག་གི་མིང་ངོ་། །སཱ་ཏཱ། ཨངྒཿ སྦྱར། སཱ་ཏདྒཿ བྱིའུ་ཁུག་རྟ་དང་རི་དྭགས་སོགས་ལ་འཇུག་གོ། །ཨ་ཐུང་མཐའ་ཅན་དང་ཨོཾ་ཨཱདྲ་དག་སྦྱོར་བའི་ཚིག་སྦྱོར་ལ་གཟུགས་གཅིག་ཏུ་འགྱུར་ཏེ། ཀ་ལ་ཨོཾ། ཚིག་གྲོགས་དང་སྦྱར་བས། ཀོ་མི་ཏྱ་བོ་ཙཏ། ཨཱདྲའི་དྲ་རྗེས་འབྲེལ། ཨཱུ་དྷ་དང་མཚམས་སྦྱོར་ནས་ཡོན་ཏན་བྱས། དེ་དང་ཨ།།།སྦྱར་བས། ཨ།།།ཌྷཱ། ཨཱདྲ་དང་ཏྀཥྱཏྲ་སྦྱར། ཨརྵྱཏ། གྲུབ། དེ་དང་ཨ།།། སྦྱར་བས། ཨོཾ་ཞེས་སྨྲས་པ་ཅི། ཨ།།།རྵྱཏྲ། གྲུབ་པ་ལྟ་བུའོ། །བྱཱ་ཁྱཱ་སུ་དྷཱ་ལས། གྲངས་མེད་པའི་ཏུ་དང་ནུ་དག་གྲངས་མེད་པ་རྗེའུ་རིགས་ཀྱི་བག་མ་ཀུན། བ་ཡིག་དང་པོ་ཅན་ཕ་རོལ་ལ་ཡང་ན་ཕ་རོལ་གྱི་གཟུགས་སུ་འགྱུར་བར་བཤད། རྗེའུ་རིགས་མོ་ཀུན་ཏུ་འོང་ངོ་། །པས། ཏྭཻ། ཏུ་བཻ། ནྭཻ། ནུ་བཻ། གྲུབ་པ་ལྟ་བུའོ། །ཀུན་བཤད་ཀྱི་རྐྱེན་ལ་སོགས་པ་དང་པོ་མ་ཡིན་པའི་ཨ་ཐུང་དང་ཨེཏྲ་ཨོཏྲ་ཕ་རོལ་ལ་ཕ་རོལ་གྱི་གཟུགས་སུ་འགྱུར་ཏེ། པཙྲ་འཚེད་པ་ལས་ཨནྟི་དང་ཨནྲ་བི་ཀ་ར་་སྦྱར་བས། འཚེད་པ་རྣམས། པ་ཙནྟི། ཨེ་སྦྱར་བས། འཚེད་པ་དག །པ་ཙེ་གྲུབ་པ་ལྟ་བུའོ། །ཙཱནྡྲ་པར། དབྱིབས་མི་མཚུངས་པ་ལ་བསྡུ་བ་མེད་པའི་ཚེ་ཡང་ན་མི་སྦྱར་བ་དང་། ཨཱི་ཨཱུ་རཱྀ་

[Full Size]

རིང་པོ་ཡིན་ན་ཨུ་ཐུང་ངུ་འགྱུར་བར་བཤད་དེ། ཀུ་མཱ་རཱི་ཨ་ཏྲ་ཞེས་པར། ཀུ་མ་རི་ཨ་ཏྲ། ཡང་ན་མཚམས་སྦྱར་བས། ཀུ་མཱ།།།ཏྲ། ཞེས་པ་ལྟ་བུའོ། །རྀ་ཏྲ་ལྀ་ཏ་ལ་ཨ་ཨི་ཨུ་རི་ལི་རྣམས་ཀྱིས་ཡང་ན་ཐུང་ངུར་འགྱུར་ཞིང་མཚམས་མི་སྦྱོར་ཏེ། ཁཊྭཱ་དང་རྀ་ཥྱཿསྦྱར་བས། ཁཊྭརྀཥྱཿ ཡང་ན། ཁཊྭརྵྱཿ ཞེས་གྲུབ་པ་ལྟ་བུ་སྟེ་ལྀ་ཡིག་ལའང་སྦྱར་ནས་དཔེར་བརྗོད་པར་བྱའོ། །གཞན་ཡང་། རྣམ་བཅད་ཀྱི་མཚམས་སྦྱོར་ལས། ཨ་ལས་ཕ། མལ་ཁྲི་དྲང་སྲོང་བརྒྱུད། རོལ་དབྱངས་གཞན་ལ་དབྱི་བའམ་ཡང་ན་ཡའོ་ཞེས་པ་ལྟ་བུའི་རྣམ་བཅད་ཕྱིས་པས་ཕ་རོལ་ཏུ་དབྱངས་བྱུང་ཡང་མཚམས་སྦྱོར་མི་བྱ་སྟེ། །དེ་བཿ ཨིནྡྲཿ ཞེས་པར། དེ་བ་ཨིནྡྲ། ཞེས་དང་། སྡེབ་སྦྱོར་ལ། དེ་བེནྡྲཿ ཞེས་པ་ཡང་ངོ་། བྷོཿ ཨཱིཀྵཿ ཞེས་པར། བྷོ་ཨཱིཀྵ་ལྟ་བུའོ། །དེ་ཡང་དང་པོ་དབྱངས་ཅན་མཐའ་ཅན་གྱི་མིང་དང་དབྱངས་ཐོག་མ་ཅན་ལྟ་བུ། ལྷ་དབང་། འཕྲད་ནས་མཚམས་སྦྱོར་དགོས་པའི་ཚེ། ཀ་ལཱ་པའི་ལུགས་ལྟར། རིམ་པ་ལས་མ་འདས་ཀྱེ་ལྟོས་ཤིག །པར་ཕྲལ་དགོས་པའི་དོན་དེ། ཀ་ལ་ཨཱ་པ། །ལྟ་བུར་མཚམས་སྦྱོར་བ་ན་ཨཱ་དང་ལ་དག་གཟུགས་གཅིག་ཏུ་འགྲོ་དགོས་པས། ཕྲད་པའི་རིམ་པ་དེ་ལས་མ་འདས་པར་ལའི་སྲོག་གི་ཨ་ཕྲལ་ནས་མཚུངས་འདྲ་བྱ་ ཀ་ལཱ་པ། གྲུབ། དགོས་པ་ལས། སྦྱར་

[Full Size]

རྒྱུའི་རིམ་པ་དེ་ལ་ལྟོས་པའི་སྦྱོར་བྱེད་གཞན་ཏུ་འདས་ཏེ་ཀའམ་པའི་སྲོག་གི་ཨ་ཕྲལ་ཀྱང་དོན་མི་འགྲུབ་པ་བཞིན་ནོ། །མདོ་འདི་ནི་དབྱངས་ལ་ལྟོས་པ་ཡིན་ཏེ་གསལ་བྱེད་ལ་དེའི་མཁོ་དགོས་ཆུང་། བྱཱ་ཀ་ར་ཿལ་བྱེད་པ་པོའམ་བཟོ་བོ་བརྗོད་པའི་དེ་ཕན་གྱི་ཨྲ་བྱིན་པའི་ཚེ། ཡ་བ་ཚིག་དང་པོ་དག་གི་མ་ཡིན་ཞིང་འཕེལ་བ་ཨཱ་ག་མ་འོས་ཨཻ་ཨ་ག་མ་བྱིན་པ་ན། ཡཱ་ལས་བྲ་སྲོག་མེད་གོང་དུ་ཕྲལ་ནས་བྱ་བ་བྱས་པས། བཻ་ཡཱ་ཀཱ་ར་ཿ གྲུབ་པ་ལྟ་བུའོ། །སྤྱིར་སྒྲ་གཞུང་རྣམས་སུ་མཚམས་སྦྱོར་སོགས་བྱས་ཟིན་པའི་གྲུབ་གཟུགས་གཅིག་ཀྱང་བྱེད་ཚུལ་ལ་ལྟོས་པའི་གོ་དོན་ནི་མཐའ་གཅིག་ཏུ་འདྲ་བ་མ་ཡིན་ཏེ། དཔེར་ན་། བརྡ་སྤྲོད་མཁན་པོ། སྔ་མར་དབྱངས་ཨ་ཐུང་རིང་མཐའ་ཅན་དང་། ཕྱི་མར་ཨ་ཨི་སོགས་འཕྲད་པའི་ཚེ། ཙཱནྡྲ་པར། ཨཀྲའི་ཨཀྲ་ལ་རིང་པོའོ། །ཞེས་དང་། ཨ་ལས་ཨཏྲཨེདྲ་འོས། སྔ་ཕྱི་ལ་ཨ་རིང་པོའམ་ཨེ་གཅིག་ཏུ་འགྲོ་བར་བཤད། ཀ་ལཱ་པར། མཚུངས་པ་འདྲ་བའི་ཡི་གེ་ལ་རིང་པོར་འགྱུར་ཏེ་ཕ་རོལ་ཡང་དབྱིའོ། །ཨའི་ཡི་གེ་ཨིའི་ཡི་གེ་ལ་ཨིའོ་ཞེས་ཕ་རོལ་ཨ་ཨི་སོགས་ཀྱི་ནུས་པས་སྔ་མའི་ཨ་ཉིད་ཨ་ཡིག་གམ་ཨེ་རུ་འགྱུར་ཟིན་ནས་ཕྱི་མ་རང་གར་དབྱི་བར་བཤད་པ་དང་། མཚོ་ལྡན་མར། འདྲ་བའི་ཡི་གེ་ལ་ལྷན་ཅིག་ཏུ་རིང་པོ་

[Full Size]

དང་། ཨ་ཨི་ཨེ་སོགས་ཙཱནྡྲ་པ་དང་ཚུལ་མཚུངས་པའི་ཕྱིར་རོ། །གཞན་ཡང་རབ་བྱེད་དུ། སྤྱིར་བཏང་བསྟན་བཅོས་ལ་ངེས་པར། །བྱེ་བྲག་སྟོབས་དང་ལྡན་པར་འགྱུར། །ཡང་ན་སྔ་མས་ཕྱི་མ་ནི། །བཀག་པ་འདི་ཡང་བལྟ་བར་བྱའོ། །ཞེས་དང་། བརྡའ་སྤྲོད་པའི་བསྟན་བཅོས་ཆེན་པོ་རྣམས་སུ། །རྟག་པ་དང་མི་རྟག་པ་དག་ལས་རྟག་པ་སྟོབས་དང་ལྡན་པའོ། །ངེས་པར་བཤད་པ། ནང་གི་ཡན་ལག་དང་ཕྱིའི་སྡེབ་སྦྱོར་ལ་བཤད་པ། ཡན་ལག་ནང་གི་ཡན་ལག་སྟོབས་དང་ལྡན་པའོ། །སྤྱིར་བཏང་བ་དང་། ཆོ་ག་དམིགས་ཀྱིས་བསལ་ ཆོ་ག་བ་དག་ཀྱང་དམིགས་ འདིར་སློབ་པ་ན་ལས་བཤད་པ་ལྟར་ན། བྷཉྫོ་ཀུན་ཏུ་ཉེད་པ་ལས་ཀྟ། ཨིཏྲ་རྗེས་སུ་འབྲེལ་བ་སོགས་ཀྱིས་ཨ་ནུ་ཥཾ་ག་ཕྱིས། ཚ་ཛ་སོགས་ཀྱི་ཛ་གྲ། ལཱུ་སོགས་དང་ཨོཏ་རྗེས་སུ་འབྲེལ་བ་སོགས་ཀྱིས་ཏ་ན་ར་བསྒྱུར། མི་བྱིན་པས། བྷགྣཿ ཉེད་པ་གྲུབ་འདིར་དྷུ་ཊྲ་མ་ཡིན་པས་ཛྲ་གྲར་ཇི་ལྟར་འགྱུར་ཞེ་ན། འདི་ནི་ནང་གི་ཡན་ལག་ཏ་ཡིན་ཞིང་། ཕྱི་ཡི་ཡན་ལག་ནྲ་ཉིད་མི་བདེན་པའི་ཕྱིར། ཏ་ལ་བསྒྱུར་ཟིན་པ་གང་ཞིག་ཕྱི་མས་གཞིག་ཏུ་མེད་པར་བསྟན་ནོ། །བསལ་སྟོབས་དང་ལྡན་པའོ། །ཞེས་གསུངས་པས་སྒྲུབ་པ་རྣམས་ལ་སྟོབས་ཆེ་ཆུང་ཡོད་པའི་དོན་ཏེ། ཡུལ་གཅིག་ལ་སྟོབས་མི་མཚུངས་པའི་བྱ་བ་གཉིས་འབྱུང་བ་དེའི་ཚེ་སྒྲ་གཞུང་རང་རང་གིས་བསྟན་པའི་གོ་རིམ་ལས་ཕྱི་ནས་བཤད་པ་དེ་དམིགས་

[Full Size]

ཀྱིས་བསལ་བ་ཡིན་པས་དེ་ཉིད་ཐོབ་པར་ཤེས་པར་བྱའོ། །ཞེས་རྐང་པ་ཕྱི་མས་བསྟན་ཏོ། །དེས་མཚམས་སྦྱོར་ལ་ཕན་པ་སོགས་རག་པ་ཙམ་བཤད་ཟིན་ནས། གཞན་ཡང་སྒྲ་ཚད་ཀྱིས་དོན་རྗེས་སུ་རྟོགས་པར་བྱེད་པ་ནི་ཚིག་དང་ཡི་གེའི་གཟུགས་དང་སྒྲའི་གདངས་ཙམ་ལ་བརྟེན་དགོས་པས་ན་གཞུང་ཆེན་པོ་རྣམས་སུ་ལེགས་པར་གསུངས་པ་དེ་བརྗོད་པར་བྱ་སྟེ། མཚུངས་པ་འདྲ་བའི་ཡི་གེ་ལ་རིང་པོར་འགྱུར་ཏེ་ཕ་རོལ་ཡང་དབྱིའོ། །ལྟ་བུ་རྒྱ་དཔེའི་སྐད་དོད་པརྞྞ་ལ་བདུན་པའི་དི་བྱིན་ནས་བརྞྞེ་ཞེས་བདུན་པས་བསྟན་ཅིང་བོད་སྐད་ལའང་ལ་དོན་གྱི་རྣམ་དབྱེ་རྣམ་པར་གསལ་བ་སྣང་བ་འདི་ལྟ་བུ་བདུན་པས་བསྟན་པ་ལ་ནི་བསྟན་བྱ་གང་ཡིན་པ་སྔ་མ་དེ་ཉིད་ལ་བསྒྲུབ་པ་འབྱུང་བ་སྟེ། འདི་ཡང་མདོ་འདིས་སྔ་མ་རིང་བའི་བསྒྲུབ་པའམ་ཆོ་ག་ཟིན་ནས་ཕྱི་མ་སླར་དབྱི་བ་ལྟ་བུའོ། །དེས་ན་བདུན་པ་ལ་སྔོན་མའིའོ་ཞེས་འབྱུང་ངོ་། །སྣཱ་ནཱ་མ་ལས་ནི་ངེ་སྨེའོ། །ཞེས་པ་ལྟ་བུ་རྣམ་དབྱེ་ལྔ་པས་བསྟན་པ་རྣམས་ནི་སྦྱར་གཞིའི་ཡུལ་གང་ཡིན་པ་དེ་ལས་ཕ་རོལ་གྱི་གནས་སུ་བསྒྲུབ་པ་འབྱུང་སྟེ། །སརྦ་ནཱ་མ་ལས་ཞེས་ལྔ་པས་བསྟན་པ་དེ་ལས་གཞན་ནམ་ཕ་རོལ་དེ་ལ་སྨཻ་རུ་བསྒྱུར་བའི་བསྒྲུབ་པ་བྱ་དགོས་པ་ལྟ་བུའོ། །དེས་ན་ལྔ་པ་ལ་ཕ་རོལ་གྱིའོ། །ཞེས་སོ། །དང་པོའིའོ་ཞེས་ཀྱང་གསུངས་པས་

[Full Size]

ལྔ་པས་བསྟན་པ་དེ་ལས་ཕ་རོལ་གྱི་གནས་སུ་བསྒྲུབས་པ་འབྱུང་བའང་ཕ་རོལ་གྱི་དང་པོར་བྱ་བ་སྟེ། འདི་ནི་འགའ་ཞིག་ཏུའོ། །དེའང་ཨཱ་བདུན་པར། ཨ་ལས་ཨཱ་ཏམྲ་ཨཱ་ཐམྲ་གྱི་དང་པོའི་ཨིའོ་ཞེས་གསུངས་པ་ལྟ་བུའོ། །སནྠི་མནྠི་རྀ་བྷུཀྵི་རྣམས་ཀྱི་སི་ལའོ། །ཞེས་པ་ལྟ་བུ་རྣམ་དབྱེ་དྲུག་པས་བསྟན་པ་ནི་དྲུག་པ་དང་ལྡན་པ་དེ་ཉིད་ཀྱི་མཐའ་ཡི་སྒྲུབ་པ་ཐོན་པས། འདི་ཡང་པནྠི་སོགས་ལ་སི་བྱིན་པའི་ཚེ་མཐའི་ཨི་ཡིག་རྣམས་ཀྱི་ཨཱ་ཡིག་ཏུ་བསྒྱུར་བའི་སྒྲུབ་པ་འབྱུང་བ་ལྟ་བུ་སྟེ། དྲུག་པས་མཐའིའོ་ཞེས་འབྱུང་ངོ་། །ཡང་། ཙཱནྡྲ་ས་སོགས་སུ། །དྲ་འགྲོ་བའོ་ཞེས་དྲ་ཡིག་རྗེས་འབྲེལ་དུ་བསྟན་པ་རྣམས་ཀྱང་མཐའ་བསྒྱུར་བའི་མཚན་མར་བཤད་ཀྱང་། ཀ་ལཱ་པ་སོགས་སུ་ཉེ་བར་མི་མཁོའོ། །དེའང་བསྒྱུར་བ་ལ་ཡིན་གྱིས་རྣམ་པ་ཐམས་ཅད་དུ་མ་ཡིན་ནོ་ཞེས་བྱའོ། །ཡང་། ཛྣཱསྲ་ཤསྲ་དག་གི་ཤིའོ། །ཞེས་པ་ལྟ་བུ་ཤྲ་འགྲོ་བ་བྱས་པ་རྣམས་དང་། དྲྀ་ཤྲའི་པ་ཤྱྲའོ། །ཞེས་པ་ལྟ་བུ་ཡི་གེ་མང་པོ་ཚོགས་པའི་བསྒྱུར་བ་རྣམས་ནི་དྲུག་པས་བསྟན་ཏུ་ཟིན་ཀྱང་མཐའ་ཁོ་ན་ལ་མི་བསྒྱུར་བར་ཐམས་ཅད་བསྒྱུར་བར་བྱ་བ་སྟེ། ཤྭ་འགྲོ་བ་དང་ཨལྲ་གཅིག་མ་ཡིན་པ་ནི་ཐམས་ཅད་ཀྱིའོ། །ཞེས་སོ། །དེའང་སྔ་མ་པནྠི་སོགས་ཀྱིས་ཁྱད་པར་དུ་བྱས་པས་མཐའི་ཡི་གེ་ཁོ་ན་ལ་བསྒྲུབ་པ་འབྱུང་བ་ཟད་དེ། །

[Full Size]

དཔེར་ན། མྱུར་བའི་བུ་བརྒྱུད་བརྗོད་པ་ན། དཀྵཿལས། ཨཏ་ལས་ཨིའོ་ཞེས་ཨ་ཐུང་མཐའི་ཁྱད་པར་གྱིས་ཨིྲའི་ས་བསྒྲུབ་པ་འབྱུང་བས། དཱཀྵིཿ ཞེས་གྲུབ་པ་ཡིན་ནོ། །ཡང་། ཨཱ་ག་མ་སྟེ་གློ་བུར་བར་གྲགས་པའི་རྐྱེན་ཀ་དང་ཊྲ་དང་མྲ་འགྲོ་བ་བྱས་པ་རྣམས་རིམ་བཞིན་རང་བཞིན་ནམ་རྐྱེན་གྱི་ཐོག་མར་སྦྱོར་བ་དང་། ཐ་མར་དང་། གསལ་བྱེད་ལས་གོང་། དབྱངས་ཀྱི་མཐའ་རྣམས་སུ་སྦྱར་བའི་མདོ་དང་བརྡ་ཁྱད་མཛད་ཀྱང་། །ཀ་ལཱ་པར། ཨཱ་ག་མ་ཨུཏྲ་རྗེས་སུ་འབྲེལ་བ་དབྱངས་མཐའ་ལས་ཕ་རོལ་དུའོ། །ཞེས་པ་ཙམ་ལས་གཞན་པའི་བརྡ་ཁྱད་མ་མཛད་པར་ཟད་དོ། །གཞན་ཡང་ཀ་ལཱ་པར་ཡི་གེའི་བསྡུ་བ་དངོས་སུ་མ་བསྟན་ཀྱང་པཱ་ཙཱནྲ་དབྱངས་གསུམ་སོགས་སུ་ཡིག་བསྡུའི་རྣམ་བཞག་འབྱུང་བས། དེ་ལ་པཱ་ི་པའི་འགྲེལ་པར། དང་པོ་ཨིཏྲ་དང་བཅས་པ་སྨོས་པར་བྱེད་པ་ནི་བར་དུ་ཆུད་པ་རྣམས་དང་རང་ཡང་སྨོས་པར་འགྱུར་རོ་ཞེས་འབྱུང་བས། །དཔེར་ན། དང་པོའི་ཨ་དང་མཐའི་ལ་བསྡུས་པས་ཨལྲ་ཞེས་པས་དབྱངས་དང་གསལ་བྱེད་ཐམས་ཅད་གོ་བར་བྱེད་པས་ན། བར་དུ་ཆུད་པ་ནི་དེ་རྣམས་དང་རྗོད་པར་བྱེད་པ་རང་ཉིད་ཀྱང་དེའི་ནང་དུ་བགྲང་དགོས་པའོ། །དེ་བཞིན་དུ། ཨཙྲ་ཞེས་པས་དབྱངས། ཨིཙྲ་ཞེས་པས་ནཱ་མིན། ཨིཙྲ་ཞེས་པས་

[Full Size]

མཚམས་སྦྱོར། ཧལྲ་ཞེས་པས་གསལ་བྱེད། ཛྷལྲ་ཞེས་པས་དྷུཊྲ། ཧཤྲ་ཞེས་པས་སྒྲ་ལྡན། ཁརྲ་ཞེས་པས་སྒྲ་མེད། ཙཡྲ་ཞེས་པས་སྡེ་པའི་དང་པོ་ལྔ་གོ་བ་སོགས་ཡི་གེའི་བསྡུ་བ་དང་། །སནྲའི་ས་དང་མ་ཧིདྲའི་དྲ་སྦྱར་བས་སདྲ་ཞེས་པས་སནྲ་སོགས་བྱིངས་སུ་སྒྲུབ་པའི་རྐྱེན་བཅུ་གཉིས། ཀྲྀཏྱ་དང་། ཀྲྀཏ་རྐྱེན་རྣམས་དང་། ཀུན་བཤད་ཀྱི་རྐྱེན་ཐམས་ཅད་གོ་བ་དང་། ཏིཔྲའི་ཏི་དང་མ་ཧིདྲའི་དྲ་བསྡུས་པའི་ཏིདྲ་ཞེས་པས་ཀུན་བཤད་ཀྱི་རྐྱེན་ཏི་སོགས་བརྒྱ་བརྒྱད་ཅུ་རྣམས་གོ་བ་དང་། དང་པོའི་སུ་ལ་བདུན་པའི་པྲ་སྦྱར་བའི་སུཔྲ་ཞེས་པས་སི་སོགས་ཀྱི་རྣམ་དབྱེ་བདུན་གསུམ་ཉེར་གཅིག་གོ་བ་སོགས་མཐའ་ཡས་སོ། །འདིར་ཡི་གེའི་རྣམ་གཞག་མདོར་བསྡུས་ནི། ཡི་གེ་ལ་དབྱེ་ན་དབྱངས་དང་གསལ་བྱེད་གཉིས། དབྱངས་ལ་བརྒྱ་སོ་གཉིས། གསལ་བྱེད་རྐྱང་པ་སུམ་ཅུ་རྩ་བདུན། དབྱངས་དང་བཅས་པའི་གསལ་བྱེད་སྟོང་ཕྲག་བཞི་དང་སུམ་བརྒྱ་དང་ལྔ་བཅུ་རྩ་དྲུག་རྣམས་སུ་ཡོད་ཅིང་། ཡི་གེ་དེ་རྣམས་ཀྱང་གནས་དང་བྱེད་པ་དང་རྩོལ་བ་ལ་བརྟེན་ནས་སྐྱེ་བའི་ཕྱིར་མཁས་པ་སྔ་མ་རྣམས་ཀྱིས་འདིར་གང་བསླབ་པར་བྱ་བའི་སྒྲའི་ངོ་བོ་ངོས་བཟུང་བ་ན། སྤྱིར་སྒྲ་ལ་ཟིན་པ་དང་མ་ཟིན་པ་གཉིས་ཡོད་པ་ལས་སྔ་མ། དེ་ལའང་སེམས་ཅན་ནམ་ལུང་དུ་སྟོན་པ་དང་མི་སྟོན་པ་གཉིས་ལས་ལུང་དུ་སྟོན་པ། དེ་ལའང་པྲ་ཀྲྀཏ་དང་། ཨ་

[Full Size]

བ་བྷྲཾ་ཤ་སོགས་དབྱེ་བ་ཡོད་པ་ལས་འདིར་སཾ་སྐྲྀ་ཏ་ལེགས་པར་སྦྱར་བ་ལྷའི་སྐད་དོ་ཞེས་གསུངས་སོ། །འདིར་པཱ་ི་པའི་འགྲེལ་པ་གཟུགས་ཀྱི་འཇུག་པ་སོགས་ལས། གང་ཞིག་གནས་དང་རྩོལ་བ་དག་མཚུངས་པའི་ཡི་གེ་དེ་ནི་ཕན་ཚུན་ཏུ་མཚུངས་པའི་ཡི་གེར་འགྱུར་རོ། །རྀ་ཡིག་དང་ལི་ཡིག་ཕན་ཚུན་མཚུངས་པར་བརྗོད་དོ། །སྡེ་པ་དང་སྡེ་པ་མཚུངས་པའོ། །རེ་ཕ་དང་དྲོ་བ་རྣམས་ཀྱི་མཚུངས་པ་མ་ཡིན་ནོ། །ཞེས་གསུངས་པ་དང་། དབྱངས་རྣམས་ནི་ཕན་ཚུན་མཚུངས་པའམ་འདྲ་བའི་ཡི་གེ་ཡིན་ཞིང་། །གསལ་བྱེད་ལ་སྡེ་པ་རྣམས་དང་མཐའ་གནས་གསུམ་ཁོ་ན་ལས་ར་ཡིག་དང་དྲོ་བ་རྣམས་ལ་མཚུངས་པ་མེད་པས་གནས་མཐུན་པའི་བྱ་བ་མི་འགྱུར་བ་སོགས་ཀྱང་ཤེས་པར་བྱའོ། །ཡང་། ཨུཏྲའི་ས་སྡེ་དང་བཅས་པའོ། །ཞེས་གསུངས་པས། སྡེ་པ་རང་རང་གི་དང་པོའི་ཡིག་ལ་ཨུ་ཐུང་སྦྱར་བས། ཀུ། ཞེས་གྲུབ་པ་ལ་སོགས་པ་རྣམས་ཀྱིས་རང་རང་གི་སྡེ་པ་གོ་བར་བྱེད་དེ། ཀུ། ཞེས་པས་ཀ་སྡེ་དང་། དེ་བཞིན་ཏུ། ཙུ། ཊུ། ཏུ། སུ། རྣམས་ཀྱིས་ཀྱང་ཙ་སྡེ་སོགས་རྗོད་པར་བྱེད་དེ། ཨུཏའིསྲ་སྡེ་པ་བརྗོད་པ་ཅི་སྟེ་ཞེ་ན། སྡེ་པའི་སྐད་དོད་བརྒྒ་ལ་རྗེས་འབྲེལ་ཕྱིས། དང་པོ་ཉིད་སཾ་པྲ་སཱ་ར་་བྱས་པས་སོ། །ཏྲའི་སྲ་དེའི་དུས་སོ། །ཞེས་གསུངས་

[Full Size]

པས་དབྱངས་ལ་སོགས་ལ་ཏ་ཡིག་རྗེས་འབྲེལ་དུ་བྱས་ནས་བསྟན་པ་རྣམས་ཀྱིས་ཏ་ཡིག་སྦྱོར་ཡུལ་གྱི་དབྱངས་དེ་ཉིད་ཐུང་ངུ་ཡིན་ན་ཐུང་ངུ་དང་རིང་པོ་ཡིན་ན་རིང་པོ་བརྗོད་པའི་ཡུན་ཚད་ཀྱི་དུས་གང་ཡིན་པ་དེ་ཉིད་གཟུང་བར་སྟོན་ཏེ། ཨཏྲ་ཅེས་པས་ཨ་ཐུང་གོ་བ་ལྟ་བུའོ། །ཏྲ་མ་སྦྱར་བའི་ཨ་སོགས་བསྟན་པ་རྣམས་ཀྱིས་རང་རིག་གི་ཡི་གེ་ཐུང་རིང་གཉིས་རེར་བསྟན་པར་བཞེད་དོ། །འདིར་ཡང་ཏ་ཡིག་གིས་རིང་།ཐུང་ངེས་པར་སྟོན་པའི་རྒྱུ་མཚན་ནི། དེའི་དུས་ཞེས་པའི་སྐད་དོད་ཏཏྐཱ་ལྲའི་རྗེས་འབྲེལ་ཕྱིས་པའི་ཕྱིར་རོ། །ཡི་གེ་དང་བྱིངས་དང་རྐྱེན་དང་རྣམ་འགྱུར་རྣམས་ཀྱི་རང་རང་གི་ཆ་ཤས་མ་ཡིན་པ་མཚན་མའི་དོན་ཏུ་སྦྱར་བའི་ཡི་གེ་རྣམས་ནི་ཙཱནྡྲ་པ་སོགས་སུ་ཨིཏྲ་སྟེ་འགྲོ་བ་དང་། ཀ་ལཱ་པ་སོགས་སུ་རྗེས་སུ་འབྲེལ་པ་ཞེས་བྱ་ཞིང་མཚན་མ་བྱེད་པའི་རྒྱུ་མཚན་གྱི་བྱ་བ་གང་ཡིན་པ་བྱུང་ཟིན་ནས་མི་གནས་པར་དབྱི་བར་བྱ་བ་ཉིད་ཀྱིས་སོ། །དེའང་རང་རང་གི་ཆ་ཤས་་ནི་བྷཱུ་ཡོད་པའི་བྱིངས་ཀྱི་ཨཱུ་ལྟ་བུ་ཡིན་པས་རྣམ་པ་ཀུན་ཏུ་དབྱི་མི་རུང་ལ། ཀྲྀཉྲ་བྱེད་པའི་བྱིངས་ཀྱིཉྲལྟ་བུ་ནི། ཙཱནྡྲ་པར། ཉྲ་འགྲོ་བ་ལས་སོ་ཞེས་དང་། ཀ་ལཱ་པར། ཨིནྲ་དང་ཉ་དང་ཡ་ཛ་སོགས་ལས་གཉིས་ཀའོ་ཞེས་དང་། དབྱངས་ཅན་མར། ཉི་ཏ་དང་སྭ་ཏི་ཏའི་གཉིས་ཀའོ་ཞེས་བྱིངས་དེ་ལས་བདག་དོན་དང་གཞན་དོན་གཉིས་ཀ་འཇུག་པའི་དོན་ཡིན་པས་

[Full Size]

དེ་ལ་རྐྱེན་དེ་དག་གང་རུང་སྦྱར་བའི་རྒྱུ་མཚན་གྱི་བྱ་བ་བྱུང་ཟིན་ནས་རྒྱུ་མཚན་ཅན་དེ་ཉིད་དབྱི་བར་བྱ་བ་སྟེ། དཔེར་ན། ལག་པ་ནི་བྲམ་ཟེའི་ཆ་ཤས་ཡིན་ལ། དབྱིག་གུ་ནི་བརྟུལ་ཞུགས་ཀྱི་མཚན་མ་སྟེ། མཚན་མ་དེས་བྲམ་ཟེའི་རིགས་ཀྱི་རིམ་པ་ལྔ་ལས་སྐྲ་མཚམས་ཚད་ཅན་གྱི་པ་ལཱ་ཤའི་དབྱིག་པ་འཆང་བ། པ་ར་མ་ཧཾ་ས་ལ་སོགས་པའི་ཀུན་ཏུ་རྒྱུ་མཚོན་པ་བཞིན་ནོ། །དེའང་ཡི་གེ་ནི་གང་བསྡུ་བར་བྱ་བ་དབྱངས་དང་གསལ་བྱེད་རྣམས་ཏེ་དེ་ལ་རྗེས་འབྲེལ་དུ་སྦྱར་བ་ནི་དབྱངས་བཅུ་གསལ་བྱེད་ཉེར་གཉིས་ཏེ། ཨ་ཨཱ། ཨི་ཨཱི། ཨུ་ཨཱུ། རྀ་ལྀ། ཨེ་ཨོ། ཀྲ་ཁྲ་གྷྲ་དྲ། ཙྲ་ཛྲ་ཉྲ། ཊྲ་ཋྲ་ཌྲ་ྲ། ཏྲ་ནྲ། བྲ་མྲ། ཤྲ་ཥྲ་སྲ། ཡྲ་རྲ་ལྲ་ཝ་རྣམས་སོ། །དེ་རྣམས་ཡི་གེ་ལ་སྦྱར་བའི་དགོས་པ་ནི། ཙཱནྡྲ་པཱ་ི་སོགས་ཚིག་སྡུད་ཡོད་པ་རྣམས་སུ་གལ་པོ་ཆེ་ཡིན་ཏེ་ཨ་ཨི་ཨུྲ། ཞེས་ྲ་ཡིག་རྗེས་འབྲེལ་དུ་སྦྱར་བ་ཉིད་ཐོག་མའི་ཨ་དང་བསྡུས་ནས་ཨྲ་ཞེས་པས་རང་རིགས་ཀྱི་ཐུང་རིང་གཉིས་རེ་བའི་ཡིག་འབྲུ་དྲུག་གོ་བར་བྱེད་པ་སོགས་དང་། ཨིཏྲ་ཞེས་པ་ལྟ་བུའི་རིང་ཐུང་ངེས་བཟུང་གི་ཏྲ་ཡིག་སྦྱར་བའང་ཡི་གེ་ལ་སྦྱར་བའི་ཨིཏྲ་ཏུ་ངེས་ཏེ་དབྱངས་ཡིག་དེ་ཉིད་སོ་སོར་ངེས་པའི་དོན་ཡིན་པས་སོ། །བྱིངས་ལ་རྗེས་འབྲེལ་དུ་སྦྱར་བའི་ཨིཏ་ཀྱི་ཡི་གེ་ནི་བཤད་མ་ཐག་པའི་

[Full Size]

དབྱངས་བཅུ་དང་། གསལ་བྱེད་རྐྱང་བ། ཀྲ་དྲ་ཉ་ཊྲ་ྲ་པྲམྲ་ཥྲ་རྣམས་དང་། གསལ་བྱེད་ལ་དབྱངས་ཞུགས་པ་ཅན། ཉི། ཊུ། ཌུ། ངག་དང་། གསལ་བྱེད་དང་དབྱངས་འབྲེལ་བ་ཅན། ཨཥྲ། །ཨཱུཥྲ། ཨིཏྲ་ལ་སོགས་པ་རྣམས་སོ། །དེའང་ཨ་ཐུང་མཐའ་ཅན་གྱི་བྱིངས་ནི། ཨ་ཏ་རྒྱུན་དུ་འགྲོ་བ་ལའོ། །བ་ད་བརྟན་པ་ལའོ། །བ་ཙ་བརྗོད་པ་ལའོ། །ཞེས་པ་ལྟ་བུའི་མཐའི་ཏ་སོགས་ཀྱི་སྲོག་གི་ཨ་ཐུང་སྟེ་སྦྱར་བའི་དགོས་པ་ནི་བརྗོད་པའི་དོན་ཡིན་པས་དབྱི་བར་བྱའོ། །ཊུ་ཨོ་སྥུརྫཱ་རྡོ་རྗེའི་སྒྲ་ལའོ་ལྟ་བུ་ཨཱ་ནི། ཀ་ལཱ་བར། ཨཱཏྲ་རྗེས་སུ་འབྲེལ་བ་ལས་ཀྱང་ངོ་སོགས་ཀྱི་དོན་ཏོ། །དེ་བཞིན་ཏུ་དགོས་པ་རྣམས་ཀྱི་མདོ་འདིར་སོ་སོར་དྲངས་ན་ཡིག་ཚོགས་ཀྱིས་འཇིགས་པས་སོ་སོར་དྲན་པར་བྱ་སྟེ། ཨུ་ཡིག་གི་མཐའ་ཅན། ཤ་མུ་དང་དམུ་ཉེ་བར་ཞི་བ་ལའོ་སོགས་དང་། ཨཱུཏྲ་མཐའ་ཅན་གུ་ཧཱུ་ཀུན་ནས་སྒྲིབ་པ་ལའོ་སོགས་དང་། རྀ་ཏ་མཐའ། ལོ་ཀྲྀ་དང་ལོརྠྀ་བལྟ་བ་ལའོ་སོགས་དང་། ལྀ་མཐའ། ཨཱཔླྀ་ཁྱབ་པ་ལའོ། །མཙླྀ་ཐར་པ་ལའོ་སོགས་དང་། ཨེ་མཐའ། ར་གེ་དོགས་པ་ལའོ། །ལ་གེ་ཆགས་པ་ལའོ་སོགས་དང་། ཨོཏྲ་མཐའ། ཊུ་ཨོ་ཤྭི་འགྲོ་བ་དང་འཕེལ་བ་ལའོ། །ཊུ་མ་སྒྲོ་དག་པ་ལའོ་དང་། ཀྲ་མཐའ། ཨོ་ཧཱཀྲ་གཏོང་བ་ལའོ་སོགས་དང་། དེ་བཞིན་ཏུ། །

[Full Size]

ཥྨི་དྲ་ཅུང་ཟད་དགོད་པ་ལའོ་ལྟ་བུའི་དྲ། ཌུ་གྲྀཉྲ་བྱེད་པ་ལའོ་ལྟ་བུའི་ཉྲ། དྷེཊྲ་དང་པཱ་བཏུང་བ་ལའོ་ལྟ་བུའི་ཊྲ། དཱྲ་སྦྱིན་པ་ལའོ་ལྟ་བུའི་ྲ། དཱཔྲ་གཅོད་པ་ལའོ། །དེཔྲ།དག་བྱེད་ལའོ་ལྟ་བུའི་པྲ། ཌུ་པ་ཙ་ཥྲ་འཚེད་པ་ལྟ་བུའི་ཥྲ་ཡིག་རྗེས་འབྲེལ་དུ་བྱས་པ་རྣམས་དང་། གྷཏྲ་ལ་སོགས་པ་བྱིངས་ལྔ་བཅུ་རྩ་ལྔ་རྣམས་དང་། གྷཊྲ་སོགས་སུ་བསྡུས་པའི་ཛ་ནཱི་སོགས་དང་ཨམྲ་མཐའ་རྣམས་ལ་དངོས་སུ་མ་ཡིག་རྗེས་འབྲེལ་མེད་ཀྱང་སྔོན་གྱི་སློབ་དཔོན་རྣམས་ཀྱིས་མྲ་འགྲོ་བ་ཅན་ཏུ་བརྡ་ཁྱད་མཛད་དེ་དགོས་པ་ནི། མ་རྗེས་སུ་འབྲེལ་བ་རྣམས་ཀྱི་ཐུང་ངུའོ་ཞེས་སོགས་ཀྱི་དོན་ཏོ། །གྷཊྲ་ལ་སོགས་པའི་ཐོག་མའི་བྱིངས་བཅུ་བཞིའམ་བཅུ་གཉིས་ལ་ཥྲ་འགྲོ་བ་ཅན་གྱི་བརྡའ་ཁྱད་མཛད་དེ། དགོས་པ་ནི། ཥྲ་རྗེས་སུ་འབྲེལ་བ་དང་བྷིད་སོགས་རྣམས་ལས་ནི་ཨདྲའོ་ཞེས་པའི་དོན་ཏོ། །ཊུཀྵུ་སྒྲ་ལའོ་ལྟ་བུའི་ཊུ་འགྲོ་བ་ནི། ཊུ་རྗེས་སུ་འབྲེལ་བ་ལས་ཨ་ཐུའོ། །ཞེས་པའི་དོན་ནོ། ཌུཀྲྀཉྲ་བྱེད་པ། ཌུ་པ་ཙཥྲ་འཚེད་པ་ལྟ་བུའི་ཌུ་ནི། ཌུ་རྗེས་སུ་འབྲེལ་བ་ལས་དེ་ཡིས་ཚར་བ་ལ་ཏྲིམ་ཀྲའོ། །ཞེས་པའི་དོན་ཏོ། །ཉི་མི་དཱ་སྣུམ་པར་བྱེད་པ་ལའོ་ལྟ་བུའི་ཉི་ནི་ཉི་རྗེས་སུ་འབྲེལ་བ་དང་འདོད་པ་བློ་མཆོད་པའི་དོན་རྣམས་ལས་ཀྟའོ། །ཞེས་པའི་དོན་ཏོ། །རུ་དྷིརྲ་སྒྲིབ་པ་ལའོ། །བྷི་དི་རྲ་

[Full Size]

རྣམ་པར་འཇོམས་པ་ལའོ་ལྟ་བུའི་ཨི་རུ་ནི། ཙཱནྡྲ་པར། ཨི་རུ་འགྲོ་བ་ལས་ཡང་ནའོ། །ཞེས་སོགས་ཀྱི་དོན་ཏེ། བྱིངས་ལ་རྐྱེན་སྦྱོར་བའི་དགོས་པ་བརྗོད་པའི་མདོ་གང་རུང་བརྗོད་ནས་ཐོག་མ་ཉིད་དུ་དབྱི་བར་བྱའོ། །དེ་དག་ལ་ཐུན་མོང་དུ། ཨཱ་བརྒྱད་པར། གང་རྗེས་སུ་འབྲེལ་བ་མི་སྦྱོར་རོ། །ཞེས་པའི་མདོས་ཀྱང་རུང་བ་ཉིད་དེ་བྱ་བ་རྟོགས་བྱེད་ཀྱི་དོན་ཙམ་ཡིན་པས་སོ། །རྐྱེན་ལ་སྦྱར་བའི་རྗེས་འབྲེལ་གྱི་ཡི་གེ་ནི། དབྱངས་ཨ་ཨི་ཨུ་རི་རྣམས་དང་། གསལ་བྱེད། ཀྲ་ཁྲ་གྷྲ་དྲ་ཙྲ་ཛྲ་ཉྲ་ཊྲ་ཋྲ་ཌྲ་ྲ་ཏྲ་ནྲ་པྲ་མྲ་ཤྲ་ཥྲ་སྲ་རྲ་ལྲ་རྣམས་སོ། །བསྒྱུར་བའི་ཨིཏྲའི་ཡི་གེ་ནི། དབྱངས་ཨ་ཨི་ཨུ་རྀ་ལྀ་རྣམས་དང་། གསལ་བྱེད། དྲ་ཙྲ་ཉྲ་ཊྲ་ཋྲ་ཌྲ་ྲ་ཏྲ་པྲ་བྲ་ཤྲ་རྣམས་སོ། །དེ་ལ་རྐྱེན་ནི། སནྲ་སོགས་དང་བྱ་བ་བྱེད་པའི་རྐྱེན་རྣམས་དང་། ཏི་སོགས་ཀུན་བཤད་ཀྱི་རྐྱེན་བརྒྱ་བརྒྱད་ཅུ་དང་། མོ་རྟགས་ཀྱི་རྐྱེན་རྣམས་དང་། དེ་ཕན་རྣམས་དང་། ཨནྲ་སོགས་བི་ཀ་ར་་རྣམས་དང་ནུ་ལ་སོགས་པ་ཨཱ་ག་མའི་རྐྱེན་རྣམས་སོ། །བསྒྱུར་བ་ནི། སྠཱའི་ཏིཥྛ། ཨདྲའི་གྷསླྀ། ཏི།།།ཉྩའི་ཏི་རཤྩི། ཛསྲ་ཤི་རུ་བསྒྱུར་བ་ལ་སོགས་པའོ། །རྗེས་འབྲེལ་དེ་རྣམས་སྦྱར་བའི་དགོས་པའང་། རྐྱེན་ཉྲ་ཡིག་དང་ྲ་ཡིག་རྗེས་སུ་འབྲེལ་བ་སྦྱིན་པའི་ཚེ། གྀཏ་གྲུབ་པ་ཉྲ་ྲ་རྗེས་སུ་འབྲེལ་བ་ལ་ཨིཙྲ་བཞིན་ཏུ་འོས་ཨིཙྲ་བཞིན་ཏུ་བྱིངས་ལ་འཕེལ་བ་སོགས་བྱ་

[Full Size]

དགོས་པས་མཚོན་རྒྱ་ཆེན་ཤེས་པར་བྱའོ། །རྗེས་འབྲེལ་ཡི་གེ་འདི་རྣམས་ཙཱནྡྲ་པའི་ལུགས་སུ་བཤད་པས་སྐབས་དོན་འདིར་འཆད་པ་དང་མི་འབྲེལ་ལོ་སྙམ་ན་མི་སྐྱོན་ཏེ། ཙཱནྡྲ་པའི་ལུགས་དེ་ཉིད་ཁྱབ་ཆེ་བས་སྒྲ་གཞུང་གང་དང་ཡང་འབྲེལ་བར་གྲུབ་པའི་ཕྱིར་རོ། ༈ །ད་ནི་བྱིངས་ལས་ཚིག་ཏུ་སྒྲུབ་པར་བྱེད་པ་ཀུན་བཤད་པ་སྦྱོར་བའི་ཚུལ་མཚོན་བྱེད་ཙམ་དགོད་པར་བྱ་སྟེ། པཱ་ི་ཙཱནྡྲ་སོགས་སུ་ཀླུས་བཀོད་པའི་བརྡའ་ཁྱད་ལཊྲ་སོགས་རིགས་བཅུ་བསྟན་ལ། དེ་བསྒྱུར་བའི་ཏིཔྲ་སོགས་བཅོ་བརྒྱད་པ་ཕྲག་བཅུ་ལ་སོ་སོའི་ཁྱད་པར་གྱི་བྱ་བ་རྣམས་བྱེད་པའི་རྣམ་གྲངས་བརྒྱ་དང་བརྒྱད་ཅུ་འབྱུང་བའི་རྩ་བ་ནི་ལྲ་དབྱངས་མེད་ཁོ་ན་ཡིན་ན། དེར་མ་ཟད་ཀྲྀཏྲ་རྐྱེན་གྱི་སྐབས་སུའང་ཤ་ཏྲྀ་དང་ཤཱ་ན་ཙྲ་དག་ལཊྲ་བསྒྱུར་བ་དང་། ཀྭ་སུ་ལིཊྲ་བསྒྱུར་བའི་རྣམ་འགྱུར་སོགས་སུ་བསྟན་ནོ། །ཀ་ལཱ་པར་རྣམ་འགྱུར་བྱས་ཟིན་པའི་གཟུགས་ཏི་སོགས་བརྒྱ་བརྒྱད་ཅུ་བཀོད་པས་བློ་གྲོས་དམན་པ་རྣམས་འཇུག་བདེ་བའི་ཕྱིར་འདིར་ཡང་དེའི་ལུགས་སུ་འཆད་པར་སྤྲོའོ། །དེ་རྣམས་ཀྱི་འཇུག་ཡུལ་ཀྱང་འདིར་ལྷས་བསྟན་པའི་རྗེས་སུ་འབྲང་ནས་འཆད་པ་སྟེ། དེ་རྣམས་རང་མིང་གིས་དུས་ཀྱི་ཁྱད་པར་རོ། །ཞེས་པ་ལྟར། ལཊ། བརྟྟ་མཱ་ན། ད་ལྟར་བ། ལོཊ། པཉྩ་མཱི། ལྔ་པ། ལིདྲ། སཔྟ་མཱི། བདུན་པ། ལདྲ། ཧྱ་སྟཱ་ནཱི། ཁར་སང་། ལུདྲ། ཨཏྱ་ཏ་ནཱི། དེ་རིང་། པ་རོ་ཉྲཀླཱ། ལིཊྲ། །

[Full Size]

ལྐོག་གྱུར། ཤྭ་སྟ་ནཱི། སང་། ཨ་ཤཱིཥྲ། སྨོན་པ། བྷ་བི་ཥྱནྟི་འབྱུང་འགྱུར། ཀྲྀ་ཡཱ་ཏི་པཏྟི། བྱ་བ་ཤོར་བ་ཞེས་ཟེར་རོ། །དེ་ལྟར་སོ་སོའི་མིང་གི་ཁྱད་པར་གྱིས་བསྟན་པ་ལྟར་ད་ལྟར་བ་ལ་སོགས་པའི་དུས་ལ་འཇུག་པའི་ཕྱིར། དུས་སྨོན་ལིདྲ། ལའོ། །ལྀྲཊྲ། ཞེས་སྤྱིར་བཏང་བ་སྟེ། ལྀྲདྲ། བརྟྚ་མནཱ་སོགས་དུས་ལ་འཇུག་པ་གོ་སླ་ཡང་པཉྩ་མཱི་སོགས་དུས་ལ་ཅང་འཇུག་གམ་ཞེ་ན། དེ་རྣམས་ཀྱང་དུས་ཁོ་ན་ལ་འཇུག་སྟེ། སྒྲུབ་པ། ཡང་དག་པར་དྲི་བ་སོགས་ད་ལྟར་བ་དང་མ་འོངས་པས་ཁྱབ་པའི་ཕྱིར་རོ། །གཞུང་དུ། པ་རོ་ཉཀྵཱའོ། །བྱུང་བའི་བྱེད་པ་དང་ལྡན་པ་རྣམས་ཀྱང་ངོ་ཞེས་པ་དང་། འབྱུང་འགྱུར་ལ་བྷ་བི་ཥྱནྟི། ཨཱ་ཤིཥྲ། ཤྭ་སྟ་ནཱིའོ། །ཞེས་པ་ཙམ་ལས་མ་གསུངས་ཀྱང་། གཞུང་གཞན་ཏུ་འདི་ལྟར་བཤད་དེ། ཨཱ། དེ་རིང་མ་། ཨཱ། ཡིན་པའི་བྱུང་བ་ལ་ཧྱསྟ་ནཱི། དེ་རིང་ཉིན་མོ་ཕན་ཨཱ། ཆད་བྱུང་བ་ཙམ་གྱི་དོན་ལ་ཨདྱ་ཏ་ནཱི། བྱུང་བའམ་མངོན་སུམ་མཐོང་ཐོས་ཀྱི་ཡུལ་དུ་མ་གྱུར་པ་ལ་པ་རོ་ཉཀྵཱ་སྟེ་འདས་པ་ཁོ་ན་ལ་འཇུག་པའི་རྐྱེན་བཅོ་བརྒྱད་པོ་ཕྲག་གསུམ། སང་ཉིན་གྱི་མ་འོངས་པ་ལ་ཤྭསྟ་ནཱི། འབྱུང་འགྱུར་ཙམ་གྱི་དོན་ལ་བྷ་བི་ཥྱནྟི། སྨོན་ནས་ནམ་ཞིག་འབྱུང་བར་གྱུར་ཅིག་པའི་དོན་ལ་ཨཱ་ཤིཥྲ་སྟེ་མ་འོངས་པའི་རྐྱེན་བཅོ་བརྒྱད་པོ་ཕྲག་གསུམ། ཀྲྀ་ཡཱ་ཏི་བཏྟི་འདས་པ་དང་མ་འོངས་པ་གཉིས་

[Full Size]

ལ་འཇུག་ཅིང་ད་ལྟ་བ་ལ་མི་འཇུག་སྟེ། དེ་ལྟ་བ་ལ་བྱ་བ་ཤོར་མི་སྲིད་པའི་ཕྱིར་རོ། །དེ་རྣམས་ཀྱི་ཐོག་མའི་བརྟྟ་མནཱ། པཉྩ་མི། སཔྟ་མཱི། ཧྱསྟ་ནཱི་བཞི་ལ་བྱིངས་ཐམས་ཅད་པ་ཞེས་སྤྱི་མིང་དུ་གདགས་ཏེ། རྐྱེན་དེ་རྣམས་ཕ་རོལ་ལ་བྱིངས་ལས་ཨནྲ་སོགས་བི་ཀ་ར་་རྣམས་འཇུག་པའི་ཕྱིར་རོ། །ཨདྱ་ཏ་ནཱི་སོགས་འཕྲོས་དྲུག་ལ་བྱིངས་ཕྱེད་པ་ཞེས་བྱ་སྟེ་བི་ཀ་ར་་རྣམས་མི་འཇུག་པས་སོ། །དེའང་བཅོ་བརྒྱད་པོ་ཕྲག་རེ་བཅུ་པོ་རེ་རེ་བཞིན་གྱི་སྔ་མ་དགུ་རྣམས་པར་སྨཻ་པ་ད་སྟེ་གཞན་དོན་གྱི་ཚིག་ཅེས་བྱ་ལ། ཕྱི་མ་དགུ་རྣམས་ཨཱཏྨ་ནེ་པ་ད་སྟེ་བདག་དོན་གྱི་ཚིག་ཅེས་བྱའོ། །དེ་ལྟར་བཏགས་པའི་རྒྱུ་མཚན་ཀྱང་མཐའ་གཅིག་ཏུ་ངེས་བཟུང་བྱར་མེད་ཀྱང་། གཙོ་བོར་བྱེད་པ་པོ་གཞན་ལ་མ་ལྟོས་པའི་རང་ཉིད་ཀྱི་བྱ་བ་ལ་འཇུག་པ་ཤས་ཆེ་བས་བདག་དོན་གྱི་ཚིག་ཅེས་བྱ་ཞིང་། བྱེད་པ་པོ་གཞན་ལ་ལྟོས་པ་ལ་ཤས་ཆེར་འཇུག་པས་གཞན་དོན་གྱི་ཚིག་ཅེས་བྱའོ། །དེ་ལྟར་ཡང་སློབ་དཔོན་རྗེས་འབྱོར་རང་བཞིན་གྱིས། གལ་ཏེ་འབྲས་བུ་བདག་ལ་འོངས་ན་བདག་དོན་གྱི་ཚིག་ཅན་དང་། གལ་ཏེ་འབྲས་བུ་གཞན་ལ་འོང་ན་གཞན་དོན་གྱི་ཚིག་ཅན་ཏུ་རབ་ཏུ་སྦྱར་ཏེ། ཞེས་སོགས་གསུངས་སོ། །འདི་རྣམས་ལ་བི་བྷཀྟི་སྟེ་ཀུན་བཤད་ཀྱི་རྣམ་དབྱེ་ཞེས་སུའང་བརྗོད་དེ། གཅིག་གཉིས་མང་པོ་སོགས་གྲངས་དང་། བྱ་

[Full Size]

བྱེད་ལས་གསུམ་སོགས་དོན་གྱི་རྣམ་པར་དབྱེ་བ་དུ་མ་ལ་བརྟེན་ནས་འཇུག་པའི་ཕྱིར་རོ། །དགུ་ཚན་གཉིས་པོ་སོ་སོ་ལའང་གསུམ་ཚན་གསུམ་རེ་ཕྱེ་བའི་སྐྱེས་བུ་དང་པོ། སྐྱེས་བུ་དབུས་མ། སྐྱེས་བུ་ཕྱི་མ་ཞེས་ཐ་སྙད་བྱེད་ཅིང་། དེ་རེ་རེ་ལའང་གཅིག་ཚིག་གཉིས་ཚིག་མང་ཚིག་གསུམ་གསུམ་དུ་དབྱེར་ཡོད་དེ། དཔེར་ན། བརྟྟ་མཱ་ནའི། ཏི། ཏསྲ། ཨནྟི་རྣམས་སྐྱེས་བུ་དང་པོའི་གཅིག་གཉིས་མང་པོའི་ཚིག་ཡིན་པ་བཞིན། ཕྱི་མ་རྣམས་ལའང་འགྲེ་སྟེ། བདག་དོན་ལ་དེ་ལྟར་བལྡབ་པའོ། །དེ་རྣམས་གང་དུ་སྦྱོར་ཞེ་ན། །དབྱངས་ཅན་མར་བྱིངས་ལས་སོ། །ཞེས་གསུངས་ལ་བྱིངས་ལའང་དབྱེ་བ་རྣམ་པ་དྲུག་ཡོད་དེ། ཀཱ་མ་དྷེ་ནུར། སྒེག་པ་གསལ་བ་ལས་བྱིངས་རྣམ་པ་དྲུག་བཤད་དེ། ཡོངས་སུ་བཀླག་པ་རྣམས་དང་། ཡོངས་སུ་མ་བཀླགས་པ་རྣམས་དང་། ཡོངས་སུ་བཀླགས་ཤིང་མ་བཀླགས་པ་རྣམས་དང་། རྐྱེན་གྱི་བྱིངས་རྣམས་དང་། མིང་གི་བྱིངས་རྣམས་དང་། རྐྱེན་དང་མིང་གི་བྱིངས་རྣམས་ཀྱང་ངོ་། །ཞེས་སོ། །དེ་ལ་བཀླགས་པ་ནི་བྷཱུ་ལ་སོགས་པ་རྣམས་སོ། །ཡོངས་སུ་མ་བཀླགས་པ་ནི། ཨཱནྡོ་ལ་ཡ་ཏི་ལ་སོགས་པ་རྣམས་སོ། །ཡོངས་སུ་བཀླགས་ཤིང་མ་བཀླགས་པ་ནི་གང་ཞིག་མདོ་རྣམས་ཉིད་དུ་བཀླགས་པའི་བྷཱུ་སོགས་མ་ཡིན་པ་དེ་རྣམས་ཏེ། སྐ་ལ་སོགས་པ་རྣམས་སོ། །རྐྱེན་གྱི་

[Full Size]

བྱིངས་ནི་སནྲ་ལ་སོགས་པའི་མཐའ་རྣམས་སོ། །ཀཎྜཱུ་ལ་སོགས་པ་རྣམས་ནི་མིང་གི་བྱིངས་རྣམས་སོ། །གང་དག་ཡོངས་སུ་བཀླགས་པའི་བྱིངས་རྣམས་ལས་མིང་ཉིད་དུ་སྒྲུབ་པའི་ཕྱིར་རམ། །མིང་རྣམས་ལས་བྱིངས་ཉིད་དུ་བསྒྲུབ་པའི་ཕྱིར་ཀྭི་པྲ་ལ་སོགས་པའི་རྐྱེན་ཕྱིས་པའི་མཐའ་དེ་རྣམས་རྐྱེན་གྱི་མིང་དང་བྱིངས་སུའང་འགྱུར་བས། རྐྱེན་དང་མིང་གི་བྱིངས་ཏེ། གཱིཿ ཤྲཱིཿ ཀླཱི་བ་ཏེ། བི་དྷ་བ་ཏི། བི་ཏ་ར་ཏིི། མཁས་པ་བྱེད་དོ་ཞེས་པར། པ་ཊ་ཡ་ཏི། བུམ་པ་བྱེད་དོ། །ཞེས་པར། གྷ་ཊ་ཡ་ཏི། ཞེས་པ་ལ་སོགས་པ་རྣམས་སོ། །ཞེས་བཤད་དོ། །དེ་ལྟ་བུའི་བྱིངས་རྣམས་ལས་ཕ་རོལ་དུ་ཏི་སོགས་སྦྱར་བ་ཡིན་མོད། །དབྱངས་ཅན་མར། བྷཱུ་ལ་སོགས་པའོ། །ཞེས་གསུངས་པས་གཙོ་ཆེར་ཡོངས་སུ་བཀླགས་པའི་བྱིངས་ལས་འཇུག་པར་བཤད་པས། བྷཱུ་ཡོད་པའི་བྱིངས་དགུ་བཞག །འདི་བྱིངས་མདོར་པ་རསྨཻའི་ཚིག་ཅན་ཏུ་བཀླགས་པའི་ཕྱིར། གཞན་དོན་གྱི་ཚིག་ཅན་རྣམས་འཇུག་པས། ད་ལྟ་བ་ལ་བརྟམཱན་འོས་བརྟ་མཱ་ནའི་ཏི་དགུ་བྱིན། བྱིངས་འདི་ཨནྲ་བི་ཀ་ར་་སྤྱིར་བཏང་བ་ཅན་གྱི་སྡེ་ཚན་ཡིན་པས། ཨཱ་བྱེད་པ་པོ་ལ་ཨནྲ་ཏེ་བི་ཀ་ར་་འོས་བར་རྐྱེན་ཨནྲ། ནྲ་ཁྱད་དོན་ཡིན་པས་དབྱི། བྷཱུ། ཨ་ཏི། སོགས་སུ་གནས་པ་ལ། ཨཱ་ནཱ་མའི་མཐའ་ཡི་བྱིངས་དང་བི་ཀ་ར་་

[Full Size]

དག་གི་ཡོན་ཏན་ནོ། །བི་ཀ་ར་་ལའང་ཨནྲ་ཉིད་ལའོ། །ཞེས་པས་བྷཱུའི་ཨུ་ཨོ། ཨོ་ཨབྲ་འོས་མཚམས་སྦྱར། གསལ་བྱེད་དབྱངས་མེད་པ་ཕ་རོལ་གྱི་ཡི་གེར་དྲངས། ཨ་དང་མཚམས་སྦྱོར་གྱི་ཡི་གེ་དག་ལས་ཨའི་དེ་དག་སྟེ་དེ་དབྱི་བའང་ངོས་ཨནྟའི་ཨ་དབྱི། ཨཱ་ཨའི་བ་མ་དག་ལ་རིང་པོ་འོས་རྐྱེན་ཕྱི་མ་གསུམ་ལ་བའི་ཨ་རིང་། ར་དང་ས་ཡིག་དག་གིས་རྣམ་པར་བཅད་པ་འོས་སྲ་རྣམ་བཅད་བྱས་པས། བྷ་བ་ཏི། བྷ་བ་ཏཿ བྷ་བནྟི། བྷ་བ་སི། བྷ་བ་ཐཿ བྷ་བ་ཐ། བྷ་བཱ་མི། བྷ་བཱ་བཿ བྷ་བཱ་མཿ ཞེས་གྲུབ་བོ། །བྷཱུ་ཐོབ་པ་ལའོ། །ཞེས་པ་འདི་ཨཱཏྨ་ནེའི་ཚིག་ཏུ་བཤད་པས། བྱིངས་དེ་ལ་བདག་དོན་གྱི་ཚིག་ཅན་རྣམས་འགྱུར་བའི་ཕྱིར་བྷཱུ་དགུ་བཞག །ཏེ་སོགས་དགུ་བྱིན། བར་རྐྱེན་ཨནྲ་བི་ཀ་ར་་དང་། བྱིངས་ཡོན་ཏན། ཨོ་ཨ་བ་སོགས་སྔར་བཞིན་བྱས། དབྱངས་མེད་དྲངས། ཨཱ་ཏི་ཨཱ་ཐེ་ཞེས་པའི་འང་ངོས་དེ་དག་གི་ཨཱ་ཨི་རུ་བསྒྱུར། ཨའི་ཡི་གེ་ཨིའི་ཡི་གེ་ལ་ཨེ་འོས་དེ་དག་གི་སྔ་མའི་ཨ་ཨེ། ཕ་རོལ་གྱི་ཨི་ཕྱིས། ཨ་དང་མཚམས་སྦྱོར་གྱི་ཡི་གེ་དག་ལ་ཨའི་དེ་དག་སྟེ། དེ་དབྱི་བའང་ངོས་ཨ་ཕ་རོལ་ལ་བའི་ཨ་ཨེ་རུ་བསྒྱུར། ཕ་རོལ་གྱི་ཨེ་ཕྱིས། བ་མ་དག་ལ་ཨའི་རིང་པོའོ་སོགས་བྱས་པས། བྷ་བ་ཏེ། བྷ་བེ་ཏེ། བྷ་བནྟི། བྷ་བ་སེ། བྷ་བ་ཐེ། བྷ་བ་དྷེྭ། བྷ་བེ། བྷ་བཱ་བ་ཧེ། བྷ་

[Full Size]

བཱ་མ་ཧེ། བོད་དུ་སྔར་བསྒྱུར་བའི་ཀ་ལཱ་པའི་བྱིངས་མདོར། བྷཱུ་རབ་ཏུ་ཐོབ་པ་ལ་སྟེ་ཨཱཏྨ་ནེའི་ཚིག་པོ། །ཞེས་ཙུ་ར་སོགས་ཀྱི་ནང་དུ་བཀླགས་ཤིང་བྱིངས་མདོའི་འགྲེལ་པར། བྷ་བ་ཡ་ཏི། བྷ་བཏེ། ཚིག་གཉིས་ཀར་བརྗོད་པར་གྱུར་པ་ནི་ཡང་ན་ཀུན་ཏུ་རྟོགས་པ་ལ་བརྗོད་དོ་ཞེས་བཤད་དོ། །གཞན་ཏུ། བྷ་བ་ཏི། ཞེས་གསུངས་ནས། ཨིནྲ་སྦྱར་བ་དང་མི་སྦྱར་བ་འདམ་གཅན་ཏུ་དཔེར་བརྗོད་ནས་ཡོད་པའི་དོན་ཅན་གྱི་བྷཱུ་འདིར་མ་འདུས་པའི་གཞན་ཏུ་སྟེ་སྔར་བཤད་ཟིན་པ་ཉིད་དུ་བསྟན་ནོ། །ཡང་བྷཱུ་ཡོད་པའི་བྱིངས་དགུ་ལས། ཨཱ་སྒྲུབ་པ་སོགས་རྣམས་ལས་ས་ལྟ་མཱིའང་ངོས་སཔྟ་མཱིའི་ཡཱཏྲ་སོགས་ཀྱིས། བར་དུ་ཨནྲ་བི་ཀ་ར་་དང་། ཡོན་ཏན་སོགས་སྔར་བཞིན་བྱས། འདིར་ཡ་སྒྲ་རྣམས་ཨནྲའི་ཨ་ཐུང་དང་འཕྲད་པའི་ཕྱིར་ཡ་སྒྲའིའང་པསྟ་མཱིའོའོ་ཞེས་པས་ཡཱ་རྣམས་ཨི་རུ་བསྒྱུར། ཡཱམྲ་ཡུས་ངག་གི་ཨི་ཡམྲ་ཨི་ཡུསྲ་དག་གོ་ཞེས་པས་དེ་དག་གིས་དེ་དག་ཏུ་བསྒྱུར། ཨའི་ཡི་གེ་ཨིའི་ཡི་གེ་ལ་ཨེ་འོས་མཚམས་སྦྱར། ཨཱ་ མླ་མཱ་ན་དག་གི་དྷུཏྲ་ལ་རྗེས་སུ་ང་རོའོ། །རྲ་ཡིག་དང་པྲ་ཨཱ། ཡིག་དག་གི་རྣམ་པར་བཅད་པ། བྷ་བེཏྲ། བྷ་བེ་ཏཱཾ། བྷ་བེ་ཡུཿབྷ་བེ། བྷ་བེ་ཏཾ། བྷ་བེ་ཏ། བྷ་བེ་ཡཾ། བྷ་བེ་བ། བྷ་བེ་མ། གྲུབ་བོ། ཡང་། བྷཱུ་ཐོབ་པ་ལས་ཨཱཏྨ་ནེ་ ཨཱ། པ་ད་རྣམས་

[Full Size]

སྦྱར། ཨནྲ། ཡོན་ཏན། དབྱངས་མེད་དྲངས། སཱནྲ་ཨའི་ཡི་གེ་ཨིའི་ཡི་གེ་ལ་ཨེ། མྲ་ང་རོ་སྲ་རྣམ་བཅད་བྱས་པས། བྷ་བེ་ཏ། བྷ་བེ་ཡཱ་ཏཱཾ། བྷ་བེ་ར་ན། བྷ་བེ་ཐཱཿབྷ་བེ་ཡཱ་ཐཱཾ། བྷ་བེ་དྷྭཾ། བྷ་བེ་ཡ། བྷ་བེ་བཏི། བྷ་བེ་མ་ཧི་རྣམས་གྲུབ་བོ། །ཡང་། གྷཱུ་ཡོད་པའི་བྱིངས་ལ། རྗེས་སུ་འདོད་པ་ལ་པཉྩ་མཱི་འོས་པཉྩ་མཱིའི་གཞན་དོན་ཚིག་ཅན་གྱི་རྐྱེན་དགུ་བྱིན། ཨནྲ་བི་ཀ་ར་། ཡོན་ཏན། དབྱངས་མེད་དྲངས། །ཨ་དང་མཚམས་སྦྱོར་གྱི་ཡི་གེ་དག་ལ་ཨའི་དེ་དག་སྟེ་དབྱི་བའང་ངོས། །ཨནྷུའི་ཨ་དབྱི། ཨ་ཡིག་ལས་ཧནྟིི་མ་ཡིན་པ་ལས་ཧིའོ་ཞེས་པས་ཧི་དབྱི། མྲ་ང་རོ་དང་། མཚུངས་འདྲ་བྱས་པས། བྷ་བ་ཏུ། བྷ་བ་ཏཱཾ། བྷ་བནྟུ། བྷ་བ། བྷ་བ་ཏཾ། བྷ་བཱ་ཏ། བྷ་བཱ་ནི། བྷ་བཱ་བ། བྷ་བཱ་མ། གྲུབ། ཨཱ། ཡང་། བྷཱུ་ཐོབ་པ་ལས་བདག་དོན་གྱི་ཚིག་དགུ་སྦྱར། ཨནྲ་བི། བྱིངས་ཡོན་ཏན། དབྱངས་མེད་དྲངས། ཨ་ལས་ཨཱ་ཏཱ་མྲ་ཨཱ་ཐྲམྲ་གྱི་དང་པོའི་ཨིའོ་ཞེས་པས་དེ་དག་གི་ཨ་ཨི་རུ་བསྒྱུར། ཨ་དང་མཚམས་སྦྱོར་གྱི་ཡི་གེ་སོགས་ཀྱིས་ཨནྟཱ་མྲ་དང་ཨཻ་ཕ་རོལ་ལ་ཨ་ཐུང་སྔ་མ་དེ་དག་གི་གཟུགས་སུ་སོང་ནས་ཕ་ཨཱ། རོལ་དབྱི། ཨའི་ཡི་གེ་ཨིའི་ཡི་གེ་ལ་ཨེ། ཕ་རོལ་དབྱི། མཚུངས་ཨཱ། འདྲ། ནཱ། མན་ངག་གི་དྷུཊྲ་ལ་རྗེས་སུ་ང་རོའོ་ཞེས་པས། བྷ་བ་ཏཱཾ། བྷ་བེ་ཏཱཾ། བྷ་བནྟཱཾ། བྷ་བ་སྭ། བྷ་

[Full Size]

བེ་ཐཱཾ། བྷ་བེ་དྷྭཾ། བྷ་བཻ། བྷ་བཱ་བ་ཧཻ། བྷ་བཱ་མ་ཧཻ། གྲུབ་བོ། ཡང་། བྷཱུ་ཡོད་པ་ལས། བྱུང་བའི་བྱེད་པ་དང་ལྡན་པ་རྣམས་ཀྱང་ངོས་ཧྱ་སྟ་ནཱིའི་གཞན་དོན་གྱི་ཚིག་དི་སོགས་བྱིན། ཨནྲ་བི། ཡོན་ཏན། དབྱངས་མེད་དྲངས་པ་སོགས་སྔ་མ་ལྟར་བྱས། བྱིངས་ཀྱི་དང་པོར་ཧྱ་སྟ་ནཱི། ཨདྱ་ཏ་ནཱི། བྱ་ཨཱ། བ་ཤོར་བ་རྣམས་ལ་ཨཊྲ་འོས་ཞེས་པས་ཨཊྲ་བྱིན། ཊྲ་ཡིག་ནི། ཙཱནྡྲ་པར།ྙིཏྲ་དག་དང་པོ་ཐ་མ་དག་གོ། ཞེས་སོགས་ཀྱི་དོན་ཏེ་ཕྱིས། དི་སི། དག་གི་ཨི་ཡིག་བརྗོད་པའི་དོན་དང་བྱ་བ་མང་པོའི་དོན་ཡིན་པས་ཕྱིས། ཚིག་མཐར་དྷུཊ་རྣམས་ཀྱི་དང་པོ་བོས་དྲ་ཏ། །ཨ་དང་མཚམས་སྦྱོར་གྱི་ཡི་གེ་དག་ལ་སོགས་ཀྱིས་ཨནྲ་དང་ཨམྲ་གྱི་ཨ་དབྱི། རྲ་ཡིག་དང་སྲ་ཡིག་དག་གི་རྣམ་པར་བཅད་པ། མན་ངག་གི་དྷུཊ་ལ་རྗེས་སུ་ཨཱ། ང་རོ། ཨའི་བ་མ་དག་ལ་རིང་པོ་སོགས་ཨཱ་བྱས་པས། ཨ་བྷ་བཏྲ། ཨ་བྷ་བ་ཏཱཾ། ཨ་བྷ་བཱནྲ། ཨ་བྷ་བ། ཨ་བྷ་བ་ཏཾ། ཨཱ། ཨ་བྷ་བ་ཏ། ཨ་བྷ་བཾ། ཨ་བྷ་བཱ་བ། ནཱ། ཨ་བྷ་བཱ་མ། ཞེས་གྲུབ་བོ། །ཡང་། ཨཱ། བྷཱུ་ཐོབ་པ་ལ་ཨཱཏྨ་ནེའི་ཚིག་རྣམས་བྱིན། ཨནྲ་བི་ཡོན་ཏན་སོགས་བྱས། བྱིངས་ཀྱི་དང་པོར་མདོ་སྔ་མས་ཨེཊྲ་བྱིན། ཊྲདབྱི། ཨཱ། ཨཱ་ལས་ཨཱ་ཏཱམྲ་ཨཱ་ཐམྲ་གྱི་དང་པོའི་ཨི་འོས་དེ་དག་གི་ཨཱ་ཨི། ཨཱ། ཨ་དང་མཚམས་སྦྱོར་

[Full Size]

གྱི་ཡི་གེ་ཞེས་པའི་མདོས་ཨནྟའི་ཨ་དབྱི། ཨའི་ཡི་གེ་ཨིའི་ཡི་གེ་ལ་ཨེ་འོས་ཨི་རྣམས་དང་མཚམས་སྦྱར། སྲ་རྣམ་བཅད། མ་ང་རོ་སོགས་ཀྱིས། ཨ་བྷ་བ་ཏ། ཨ་བྷ་བེ་ཏཱཾ། ཨ་བྷ་བནྟ། །ཨ་བྷ་བ་ཐཱཿ ཨ་བྷ་བེ་ཐཱཾ། ཨ་བྷ་བ་དྷྭཾ། ཨ་བྷ་བེ། ཨ་བྷ་བཱ་བ་ཧི། ཨ་བྷ་བཱ་མ་ཧི། རྣམས་གྲུབ་བོ། །དེ་ལྟར་དཔེར་བརྗོད་པ་ངེས་རིགས་འགྲེ་ནས་བྷཱུ་ཐོབ་པ་སོགས་ལ་སྦྱར་བར་བྱ་ཞིང་ཨཏྲ་སོགས་ལས་ཁྱད་པར་དུ། ཨཱ་བཞི་པར། ཨདྲ་སོགས་ལས་བི་ཀ་ར་འི་འཇིག་གོ་ཞེས་པས་ཨནྲ་འཇིག་པའི་ཕྱིར། དཔེར་ན། ཨད་ཟ་བ་ལའོ་ཞེས་པའི་བྱིངས་བཞི་བཞག །བྱིངས་མཐའི་ཨ་བརྗོད་དོན། །བྱིངས་ཐམས་ཅད་པ་བཞི་པོའི་པ་རསྨཻ་པ་དའི་སྐྱེས་བུ་དང་པོའི་གཅིག་ཚིག །ཏི། ཡཱཏ། ཏུ། དི་རྣམས་བྱིན། ཨཱ། བྱེད་པ་པོ་ལ་ཨནྲ་ཏེ་བི་ཀ་ར་་འོས་བར་རྐྱེན་ཨནྲ་བི། མདོ་འདིས་འཇིག །སྒྲ་མེད་པ་ལ་ཤིཊྲ་མ་ཡིན་པ་རྣམས་ཀྱི་དང་པོ་འོས་ཏི་དང་ཏུ་ཕ་རོལ་ལ་དྲ་དག་ཏྲ་རུ་བསྒྱུར། དབྱངས་མེད་རྣམས་དྲངས། ཕྱི་མར། བྱིངས་ཀྱི་དང་པོར་ཧྱསྟ་ནཱི་སོགས་ཀྱིས་ཨཊ་བྱིན། ཊ་ཕྱིས། ཨ་ཡིག་གིས་ཨ་ཨཱ། ཡིག་གོས་ཨདྲའི་ཨ་རིང་། སླར་མཚུངས་འདྲ་བྱས། ཨཱ། ཨདྲ་ལས་ཨཊྲ་འོས་རྐྱེན་གྱི་ཐོག་མར་ཨཊྲབྱིན། ཊྲ་གནས་དོན་དང་། དིའི་ཨི་བརྗོད་དོན་དབྱི། དྲངས། ཨཱ། ཚིག་མཐར་དྷུཊ་རྣམས་

[Full Size]

ཀྱི་དང་པོ་འོས་དྲ་ཏྲ་རུ་བསྒྱུར་བ་བྱས་པས། ཨརྟི། ཨ་ཏྱཱནྲ། ཨརྟུ། ཨ་དཏྲ་རྣམས་གྲུབ་བོ། །བྱིངས་ཧུ་ལ་སོགས་ལས་དེ་བཞིན་བྱིན་པའི་ཚེ། བར་རྐྱེན་ཨནྲ་བི། འདི་ལ་མདོ་གཉིས་ཏེ། ཨདྲ་སོགས་ཡིན་པའི་ཕྱིར། ཨདྲ་སོགས་ལས་བི་ཀ་ར་་འཇིག་གོས་ཨནྲ་འཇིག །ཨདྲ་སོགས་ལས་ཛུ་ཧོ་ཏི་སོགས་དམིགས་ཀྱི་བསལ་བའི་ཕྱིར། ཨཱ་གསུམ་པར། ཇུ་ཧོ་ཏི་སོགས་རྣམས་ཀྱི་བྱིངས་ཐམས་ཅད་པ་ལ་འོས། བྱིངས་རྣམས་གཉིས་བརྗོད། ཧའི་ཛའོ་ཞེས་པས་ཧུ་སྔོན་མ་རྣམས་ཛུ་རུ་བསྒྱུར། ནཱ་མིའི་མཐའི་བྱིངས་དང་བི་ཀ་ར་་དག་གི་ཡོན་ཏན་ནོས་ཧུ་གསུམ་ཡོན་ཏན་ཨོ་བྱས། སཔྟ་མཱི་ལ་ཡང་ངོས་ཞེས་པས་བཀག་པའི་ཕྱིར་ཡཱཏྲ་ལ་ཡོན་ཏན་མེད། ཨཱ། ཕྱི་མར། བྱིངས་ཀྱི་དང་པོ་སོགས་ཀྱིས་ཨཊྲ་དང་ཊྲ་ཨཱ། དབྱི། དེའི་ཨི་དབྱི་ཞིང་། ཚིག་མཐར་དྷུཊྲ་རྣམས་ཀྱི་དང་པོའོ་ཞེས་། ཨཱ། པ་ཀུན་ལ་འགྲེ་དགོས། ཛུ་ཧོ་ཏི། ཛུ་ཧུ་ཡཱཏྲ། ཛུ་ཧོ་ཏུ། ཨ་ཛུ་ཧོཏྲ། ཞེས། ཨཱ། གྲུབ་བོ། །ཡང་བྱིངས་དེ་དག་གི་བདག་དོན་གྱི་ཚིག་ལ། དཔེར་ན། ཨཱི་ཤ་དབང་ཕྱུག་ཉིད་ལའོ། །ཞེས་པའི་བྱིངས་ལ་བྱིངས་ཐམས་ཅད་པ་བཞི་པོའི་བདག་དོན་གྱི་སྐྱེས་བུ་དང་པོའི་གཅིག་ཚིག །ཏེ། ཨཱི་ཏ། ཏཱམྲ། ཏ་རྣམས་བྱིན། བྱིངས་མཐའི་ཨ་བརྗོད་དོན་དབྱི། ཨནྲ་བི་སྔར་བཞིན་འཇིག །ཨཱ་ཚ་

[Full Size]

ཤ་དག་གིའང་ངོས་དྷུཊྲ་ཐོག་མ་ཅན་ཕ་རོལ་ལ་བྱིངས་མཐའི་ཤ་ཥ་རུ་བསྒྱུར། དབྱངས་མེད་རྣམས་དྲངས། ཥ་དང་ཊྲ་སྡེ་ལས་ཏ་སྡེའི་ཊ་སྡེ་འོས་ཏ་གསུམ་པོ་ཊ་རུ་བསྒྱུར། ཕྱི་མའི་དང་པོ་ཨཊྲ། དབྱངས་དང་པོ་རྣམས་ཀྱི་དང་པོའི་འཕེལ་བའོ་ས་ཨཱི་ཨཻ་རུ་འཕེལ། ཨེ་ཡིག་ལ་ཨེ་སྟེ་སོགས་ཀྱིས་མཚམས་སྦྱར་བས། ཨཱ། ཨཱིཥྚེ། ཨཱི་ཤཱི་ཏ། ཨཱིཥྚཾ། ཨེཥྚ། རྣམས་གྲུབ། ཡང་། ཛུ་ཧོ་ཨཱ། ཏིའི་བདག་དོན་སྦྱོར་ན། མཱདྲ་ཚད་ལ་སྟེ་སྒྲ་ལའང་ངོ་ཞེས་པའི་བྱིངས་བཞག་དྲ་ཡིག །དྲ་རྗེས་སུ་འབྲེལ་བ་རྣམས་ལས་སོ་ཞེས་བྱེད་པ་པོ་ལ་ཨཱཏྨ་ནེའི་ཚིག་རྣམས་འཇུག་པའི་དོན་ཡིན་པས་ཕྱིས། ཏེ་སོགས་བྱིན། ཨནྲ་བི་འཇིག་ཅིང་བྱིངས་གཉིས་བརྗོད་པ་སྔར་ལྟར། ཐུང་ངུའོ་ཞེས་པས་ཨཱ། སྔ་མ་ཐུང་། བྷྲཱྀཉྲ་ཧཱདྲ་མཱདྲ་རྣམས་ཀྱི་ཨཱིཏྲ་འོས་ཨ་བྷྱཱ་སྲའི་ཨ་ཨི་རུ་བསྒྱུར། གཉིས་ཀ་རྣམས་ཀྱི་དཱ་མིན་པའི་གསལ་བྱེད་དང་པོ་ལ་ཨི་ཡིག་གོས་ཨ་བྷྱཱ་སྟའི་ཨཱ་ཨཱི་རུ་བསྒྱུར། ཨ་བཱ་ྷྱསྟ་རྣམས་ཀྱི་ཨ་ཡིག་གོས་ཨཱི་ཏྲ་ལ་ ཨཱ། མའི་ཨ་དབྱི་ནས་དྲངས། མྲ་ང་རོ། ཨཊྲ་སོགས་ཀྱིས། ཨཱ་ མི་མཱི་ཏེ། མི་མཱི་ཏ། མི་མཱི་ཏཱཾ། ཨ་མི་མཱི་ཏ། ཞེས་གྲུབ་བོ། །བྱིངས་ ཨ། ཐམས་ཅད་པའི་རྐྱེན་ཕ་རོལ་ལ་དི་བ་སོགས་ལས་ནི་ཨནྲའི་ཚབ་ཏུ་བར་རྐྱེན་ཡནྲ་བི་ཀ་ར་་འགྱུར་ཏེ། དི་བུ་རྩེ་བ་ལའོ་ཞེས་

[Full Size]

པའི་བྱིངས་བཞི་བཞག །ཨུ་ཁྱད་དོན་ཡིན་པས་དབྱི། ཏི་ཡཱཏྲ། ཏུ། དི། རྣམས་སྦྱར། དིཔྲ་སོགས་ལས་ཡནྲའོ་ཞེས་པས་བར་དུ་ཡནྲ་བི། ནྲ་ཕྱིས། བི་ཀ་ར་་ལའང་ཨནྲ་ཉིད་ལའོ་ཞེས་པའི་ཤུགས་ལས་བི་ཀ་ར་་གཞན་ལ་ཡོན་ཏན་བཀག་པའི་ཕྱིར་ཨུ་པ་དྷཱ་ནཱ་མིན་གྱི་ཡང་བའི་འོ་སོགས་ཨཱ། ཀྱིས་ཡོན་ཏན་བྱར་མེད། ནཱ་མིན་གྱི་རྲ་པྲ་དག་ལ་གསལ་བྱེད་ལ་སྟེ་ཀུ་རྲ་ཙུ་རྲ་དག་གི་མ་ཡིན་ནོས་དེའི་ཨི་རིང་། དབྱངས་མེད་དྲངས། ཡཱ་སྒྲའི་འང་སཔྟ་མིའི་འོས་ཡཱ་ཨི་དང་ཨ་ཨི་ལ་ཨེ། ཨཊྲ་སོགས་ཀྱིས། དཱི་བྱ་ཏི། དཱི་བྱེཏྲ། ཞེས་གྲུབ་བོ། ༈ །སུ་ལ་སོགས་པ་རྣམས་ལས་ནུ་བི་ཀ་ར་་འགྱུར་ཏེ། ཨཱ། ཥུཉྲ་མངོན་པར་འཁྲུད་པ་ལའོ་ཞེས་པའི་བྱིངས་ལས། ཏི་སོགས་བྱིན། སུ་སོགས་ལས་ནུའོ་ཞེས་པའི་བར་དུ་ནུ་བི། ཉྲ་གཉིས་ཀའི་ཚིག་དོན་ཡིན་པས་དབྱི། བྱིངས་ཀྱི་དང་པོའི་ཥའི་ས་འོས་ཥུ་སུ། ནཱ་མཱིའི་མཐའི་བྱིངས་དང་བི་ཀ་ར་་དག་གི་ཡོན་ཏན་ནོ། །ཞེས་པས་ནུ་ཐོག་ཐ་དང་ཐ་ལྟག་བཅས་གསུམ་ཡོན་ཏན་བྱ། ཡཱཏྲ་ལ། སདྟ་མཱི་ལའང་ངོས་བཀག་པའི་ཨཱ། ཕྱིར་ཡོན་ཏན་མེད། ཨཊྲ་ཨཱ། སོགས་སྦྱར་བས་སུ་ནོ་ཏི། སུ་ནུ་ཡཱཏྲ། སུ་ནོ་ཏུ། ཨ་སུ་ནོཏྲ། གྲུབ་བོ། ༈ ཡང་། ཏུདྲ་སོགས་ལས་ཨཱ། །

[Full Size]

ཨནྲ་བི་ཀ་ར་་འགྱུར་ཞིང་དེའི་ཚེ་ཡོན་ཏན་མེད་དེ། པཱ་ི་བ་སོགས་ལས་ཤ་བི་ཀ་ར་་ཞེས་ཟུར་དུ་རྐྱེན་སྦྱིན་པར་མཛད་ཀྱང་། འདིར་སྤྱིར་བཏང་བའི་ཨནྲ་ཉིད་ཀྱིས་དོན་གྲུབ་པར་དགོངས་ནས་མ་སྨོས་པའོ། །དེ་ལ་ཏུདྲ་གཟིར་བ་ལའོ་ཞེས་པའི་བྱིངས་བཞི་བཞག །ཨ་རྗེས་འབྲེལ་དབྱི། ཏི་སོགས་བྱིན། བར་རྐྱེན་ཨནྲ་བི། ཏུདྲ་སོགས་ཀྱི་ཨནྲ་ལའོ་ཞེས་པས་ཡོན་ཏན་བཀག །གཞན་སྔར་བཞིན་སྦྱར་བས། ཏུ་ད་ཏི། ཏུ་དེཏྲ། ཏུ་ད་ཏུ། ཨ་ཏུ་དཏྲ། ཞེས་པའོ། ༈ །རུ་དྷ་སོགས་ལས་ན་སྒྲ་བི་ཀ་ར་་འགྱུར་ཏེ། རུ་དྷིརྲ་སྒྲིབ་པ་ལའོ་ཞེས་པའི་བྱིངས་བཞག །ཨིཏྲ་འགྲོ་བ་ཁྱད་དོན་ཡིན་པས་ཕྱིས། ཏི་སོགས་དང་བར་དུ། རུ་དྷ་སོགས་ཀྱི་དབྱངས་ལས་ཕ་རོལ་དུ་ན་སྒྲའོ་ཞེས་པས་གསལ་བྱེད་ཀྱི་གོང་དུ་ན་སྒྲ་བི་ཀར་བྱིན། རཱ་ཥ་རྀའྀ་ཡི་གེ་རྣམས་ལས་མཐའ་མིན་པའི་ནའི་་སྟེ་དབྱངས་དང་ཧ་དང་ཡ་དང་ཀ་སྡེ་དང་པོ་སྡེ་བར་ན་ཡོད་ཀྱང་ངོས་ན་་རུ་བསྒྱུར། པཉྩ་མཱིའི་ཡཱཏྲ་ལ་ཡོན་ཏན་མེད་པས་དེས་ན་རུ་དྷ་སོགས་ཀྱི་བི་ཀ་ར་འི་ནཱ། མཐའ་དབྱི་འོས་ནྲའི་ཨ་དབྱི། ནཱ། མ་ནྲ་དག་གི་དྷུཊྲ་ལ་རྗེས་སུ་ང་རོའོ་ཞེས་པས་ང་རོ་བྱ་བའམ་ཡང་ན་དྲངས། ཨཱ། གྷ་བྷ་དྷ་བྷ་རྣམས་ལས་དྷ་མ་ཡིན་པ་ལས་ཏ་ཐ་དག་གིས་དྷའོ་ཞེས་པས་ཏི་དང་ཏུ་དག་དྷི་དྷུ་རུ་བསྒྱུར། ཨཱ་ དྷུཊ་

[Full Size]

རྣམས་ཀྱི་བཞི་པ་རྣམས་ལ་གསུམ་པ་རྣམས་སོས་དེ་དག་ཕ་རོལ་ལ་སྔ་མའི་དྷཱ་དག་ད་རུ་བསྒྱུར། དབྱངས་མེད་དྲངས་པ་སོགས་ཀྱིས། རུ་་དྡྷཱི། རུཾ་དྟྱཏྲ། རུནྡྷྱ་ཏྲ། རུ་་དྡྷུ། ཨ་རུ་ཏྲ། ཞེས་པ་གྲུབ་བོ། ༈ །བྱིངས་ཏྲན་ལ་སོགས་པ་རྣམས་ལས་ཨུ་བི་ཀ་ར་་རྐྱེན་ཏུ་འགྱུར་ཏེ། ཏ་ནུ་རྒྱས་པ་ལའོ་ཞེས་པའི་བྱིངས་བཞག །ཨུ་ཁྱད་དོན་དབྱི། ཏི་སོགས་དང་། ཏནྲ་སོགས་ལས་ཨུའོ་ཞེས་པས་བར་རྐྱེན་ཨུ་བི་བྱིན། ནཱ་མིའི་མཐའི་བྱིངས་སོགས་ཀྱིས་དེ་ཡོན་ཏན་ཨོ་བྱས། ཡཱཏྲ་ལ་མེད། དབྱངས་མེད་དྲངས་པ་སོགས་ཀྱིས། ཏེ་ནོ་ཏི། ཏ་ནུ་ཡཱཏྲ། ཏ་ཨཱ། ནོ་ཏུ། ཨ་ཏ་ནོཏྲ། ཞེས་སོ། ༈ །ཀྲཱི་སོགས་ཨཱ། ལས་ནཱ་བི་ཀ་ར་་རྐྱེན་ཏུ་འགྱུར་ཏེ། ཌུ་ཀྲཱྀཉྲ་རྫས་འཚོང་བ་ལའོ་ཞེས་པའི་བྱིངས་བཞག །ཌུ་དང་ཉྲ་ཁྱད་དོན་གྱི་མདོ་བརྗོད་ནས་དབྱི། ཏི་སོགས་བྱིན། ཀྲཱི་སོགས་ལས་ནཱའི་ཞེས་པས་ནཱ་བི་བར་དུ་བྱིན། ཡཱཏྲ་ལ། གཉིས་ཀ་རྣམས་ཀྱིས་དཱ་མིན་པའི་གསལ་བྱེད་དང་ཕོ་ལ་ཨི་ཡིག་གོས་ནཱའི་ཨཱ་ཨི་རུ་བསྒྱུར། ར་ཥ་རྀ་སོགས་ཀྱིས་ནཱ་བཞི་པོ་ཱ་རུ་བསྒྱུར་བ་སོགས་བྱས་པས། ཀྲཱི་ཱ་ཏཱི། ཀྲཱི་ཱ་ཡཱ་ཏྲ།། ཀྲཱི་ཱ་ཏུ། ཨཱ། ཨ་ཀྲཱི་ཱཏྲ། ཞེས་གྲུབ་བོ། ༈ །ཀྲཱི་སོགས་ཀྱི་བྱིངས་ཡིན་ཀྱང་གསལ་བྱེད་ཨཱ། མཐའ་ཅན་

[Full Size]

ལས་པཉྩ་མིའི་ཧི་ཕ་རོལ་ལ་བར་རྐྱེན་ནཱ་བི་མི་འགྱུར་བ་ཨཱ་ན་འགྱུར་ཏེ། པུ་ཥ་རྒྱས་པ་ལའོ། །གྲ་ཧ་ཉེ་བར་ལེན་པ་ལའོ། །དེ་དག་ལ། རྗེས་སུ་འདོད་པ་ལ་པཉྩ་མཱི་འོས་པཉྩ་མཱིའི་སྐྱེས་བུ་དབུས་མའི་གཅིག་ཚིག་ཧི་བྱིན། གསལ་བྱེད་མཐའ་ལས་ཧི་ལས་ཨཱ་ནའོ་ཞེས་པས་བར་དུ་ཨཱ་ན་བྱིན། མཐར་གནས་པ་ཕ་རོལ་གྱི་དབྱངས་དང་བཅས་པས་སཾ་པྲ་ས་ར་འོ། །གྲཱ་ཧི། ཛྱཱ། བ་ཡི། བྱ་དྷི། བཥྚི། བྱ་ཙི། པྲཙྪ། པྲཤྩི། བྷྲཤྫི་རྣམས་ཀྱི་ཡོན་ཏན་མེད་པ་ལ་འོས་གྲའི་ར་དབྱངས་དང་བཅས་པ་སཾ་པྲ་སཱ་ར་་བྱས། ཨ་ཡིག་ལས་ཧནྟི་མ་ཡིན་པ་ལས་ཧི་འོས་ཧི་དབྱི། །དབྱངས་མེད་དྲངས་པས། པུ་ཥཱ་། གྲྀ་ཧཱ་། ཞེས་གྲུབ་བོ། ཀྲཱི་སོགས་ཀྱི་གསལ་བྱེད་མཐའ་ཅན་ཡིན་ཀྱང་ཧིའི་རྐྱེན་མ་ཡིན་ན་བར་རྐྱེན་ཨཱ་ན་མི་འགྱུར་བས་སྔར་བཞིན་ནཱ་ཉིད་སྦྱིན་པར་བྱ་སྟེ། བུཥྞཱ་རི། པུཥྞཱི་ཡཱ་ཏྲ། པུཥྞཱ་ཏུ། ཨ་པུཥྞཱ་ཏྲ། ཞེས་པ་ལྟ་བུའོ། །དེ་ལྟར་བར་རྐྱེན་རིགས་བདུན་པོ་དེ་རྣམས་ཀྱིས་བྱེད་པ་པོ་བརྗོད་པ་སྟེ། ཨ་ནུ་བྷཱུ་ཏིས། བྱེད་པ་པོ་ལ་ཐམས་ཅད་དུ་རབ་ཏུ་བྱ་བ་རྣམས་ཤེས་པར་བྱའོ། །ཞེས་གསུངས་སོ། །འདི་རྣམས་ཀྱི་བདག་དོན་གྱི་ཚིག་སྦྱོར་སླ་བས་དཔེར་མ་བརྗོད་དོ། ༈ །དེ་ནས་བྱིངས་ཕྱེད་པའི་རྐྱེན་དྲུག་པོ་ནི། བྷཱུ་ཡོད་པའི་བྱིངས་དགུ་བཞག །ཨཱ། བྱུང་བའི་བྱེད་

[Full Size]

པ་སོགས་ཀྱིས་ཨདྱ་ཏ་ནཱིའི་དི་སོགས་གཞན་དོན་གྱི་ཚིག་ཅན་དགུ་བྱིན། ཨདྱ་ཏཱ་ནཱི་ལས་སིཙྲའོ་ཞེས་པས་བར་རྐྱེན་སིཙྲ་བྱིན། ཨི་བརྗོད་དོན་དང་ཙྲ་ཁྱད་དོན་ཡིན་པས་ཕྱིས། ཨིྲ། །སྠཱ། དཱ། པི་བ་ཏི། བྷཱུ་རྣམས་ལས་སིཙྲའི་པ་ར་སྨཻ་ལའོ་ཞེས་པས་པྲ་འཇིག །བྱིངས་ཀྱི་དང་། ཨཱ། བོར་ཧྱསྟ་ནཱི་ཨདྱ་ཏ་ནཱི་བྱ་བ་ཤོར་བ་རྣམས་ལ་ཨཊྲ་འོས་ཨཊྲ་ཨཱ་ག་མ་བྱིན། ཊྲ་གནས་དོན་ཨཱ། ཡིན་པས་ཕྱིས། བྷཱུའི་མཐའ་ཨདྱ་ཏ་ནཱི་དང་པོ་རོཉྲ་ཀྵཱ་དག་ལའོ། །ཞེས་པས་དབྱངས་དང་པོ་ཅན་རྣམས་ཀྱི་བར་དུ་བ་ཨཱ་ག་མ་བྱིན། ཨ་བརྗོད་དོན། དི་པིའི་ཨི་ཕྱིས། ཚིག་མཐའི་དྷུཊྲརྣམས་ཀྱི་དང་པོ། སྲ་རྣམ་བཅད། མྲ་ང་རོ། དབྱངས་མེད་དྲངས་པས། ཨ་བྷཱུཏྲ། ཨ་བྷཱུ་ཏཾ། ཨ་བྷཱུ་བཱ་ནྲ། ཨ་བྷཱུཿཨ་བྷཱུ་ཏཾ། ཨ་བྷཱུ་ཏ། ཨ་བྷཱུ་བཾ། ཨ་བྷཱུ་པ། ཨ་བྷཱུ་མ། གྲུབ། ཨཱ། ཡང་། བྷཱུ་ཐོབ་པ་ལས་དེ་ཉིད་ཀྱི་ཨཱཏྨ་ནེ་ཡ་ད་རྣམས་བྱིན། སྔར་བཞིན་སིཙྲ་དང་རྗེས་འབྲེལ་ཕྱིས། བྱིངས་ཐམས་ཅད་པ་མ་ཡིན་པའི་གསལ་བྱེད་དང་པོ་ཅན་ཡ་ཡིག་དང་པོ་མིན་པའི་དང་པོར་ཨིཊྲ་ཨཱ་ག་མའོ། །ཞེས་པས་སྲ་ལ་གོང་དུ་ཨིཊྲ་ཨཱ་ག་མ་བྱིན། ཊྲ་གནས་དོན་ཕྱིས། འོ་ན་སྔ་མ་ལས་མི་འགྱུར་ཨཱ། བ་ཅི་ཞེ་ན། ཨཱ། བྷཱུ་ལས་སིཙྲ་འཇིག་པ་ལའོ་ཞེས་པས་བཀག་པའི་ཕྱིར་རོ། །ཨིཊྲ་ལ་ཡོན་ཏན་ཐོབ་པས་ནཱ་མིའི་

[Full Size]

མཐའི་བྱིངས་དང་སོགས་ཀྱིས་བྷཱུའི་ཨཱུ་ཨོ། །ཨོ་ཨ་བྲ། རྒྱུ་མཚན་ལས་རྐྱེན་དང་རྣམ་འགྱུར་དང་ཨཱ་ག་མ་ལ་གནས་པའི་སྲའི་ཥ་ཉིད་དོ། །ཞེས་པས་ས་རྣམས་ཥ་རུ་བསྒྱུར། དབྱངས་མེད་རྣམས་དྲངས། ཥ་དང་ཊ་སྡེ་ལས་ཏ་སྡེའི་ཊ་སྡེ། ཨ་ཡིག་མ་ཡིན་པ་ལས་ཨཱཏྨ་ནིའང་ངོས་ཨནྟའི་ན་དབྱི། སིཙྲའི་དྷ་ཡིག་ལའོ་ཞེས་པས་དྷཱམྲ་ལ་སིཙྲའི་ས་ཕྱིས། ནཱ་མིན་མཐའ་ཅན་གྱི་བྱིངས་ལས་ཨཱ་ཤིཥྲ་ཨདྱ་ཏ་ནཱི་པ་རོ྅ཀྵཱ་རྣམས་ལ་དྷའི་ཌྷའོ་ཞེས་པས་དྷྭ་ཡང་ན་བྷྭཾ་དུ་བསྒྱུར། ས་རྣམ་བཅད། བྱིངས་ཀྱི་དང་པོར་ཨཊྲ། མན་ངག་གི་དྷུཊྲ་ལ་ང་རོ་སོགས་ཀྱིས་བསྒྲུབ་ ཨཱ། ཨ་བྷ་བིཥྚ། ཨ་བྷ་བི་ཥཱ་ཏཱཾ། ཨ་བྷ་བི་ཥ་ཏ། ཨ་བྷ་བི་ཥཱཿ ཨ་བྷ་བིཥྛ་ཐཱཾཿ ཨ་བྷ་བི་དྷྭཾ། ཨ་བྷ་བི་ཌྷཱཾ། ཨ་བྷ་བི་ཥི། ཨ་བྷ་བི་ཥྭ་ཧི། ཨ་བྷ་བི་ཥྨ་ཧི། རྣམས་གྲུབ་བོ། །ཡང་བྷཱུ་ཡོད་པའི་བྱིངས་ལས། པ་ར྅ཀྵཱའོ་ཞེས་པས་པ་རོཉྲཀྵཱའི་རྐྱེན་གཞན་དོན་རྣམས་བྱིན། ཙྲ་པ་རོཉྲཀྵཱ་ཙེ་ཀྲཱི་ཡི་ཏ་སནྲ་མཐའ་རྣམས་ལའོ་ཞེས་པས་བྱིངས་གཉིས་བརྗོད། བྷ་བ་ཏིའི་ཨའོ་ཞེས་པས་བྷཱུ་སྔོན་མའི་སྲོག་གི་ཨཱུ་ཨ་རུ་ཨཱ། བསྒྱུར། ཨཱ། གཉིས་པ་བཞི་པ་དག་གི་དང་པོ་གསུམ་པ་དག །ཨཱ། གོ་ཞེས་པས་བྷ་བ་རུ་བསྒྱུར། ཨཊྲ་གཉིས་ཀྱི་ཊྲ་ཡིག་ནི། ཨཱ། ཨིནྲ་ཨིཙྲ་ཨཊྲ་རྣམས་ལ་ཨའི་ཨུ་པ་དྷཱའི་རིང་པོ་སྟེ་ནཱ་མི་རྣམས་

[Full Size]

ཀྱིའང་འཕེལ་བའོ། །ཞེས་སོགས་དེ་ལ་བརྟེན་པའི་བྱ་བ་རྣམས་འབྱུང་བའི་ཁྱད་དོན་ཡིན་པས་ཕྱིས། ཐལྲའི་ལའང་། ཐལ་ལའང་ཨིཊྲ་དང་བཅས་པ་ལའོ་ཞེས་སོགས་ཀྱི་དོན་ཡིན་པས་ཕྱིས། དེ་ལས་དབྱངས་ཡིག་དང་པོ་ཅན་རྣམས་ལ་བྷཱུའི་མཐའ་པ་རོ྅ྲཀྵཱ་དང་ཨ་དྱ་ཏཱ་ནི་དག་ལ་བའོ་ཞེས་པས་པ་ཨཱ་ག་མ་བྱིན། ཨ་བརྗོད་དོན་ཕྱིས། བྱིངས་ཐམས་ཅད་པ་མིན་པའི་གསལ་བྱེད་དང་པོ་ཅན་ཡ་ཡིག་དང་པོ་མིན་པའི་དང་པོར་ཨིཊྲ་ཨཱ་ག་མའོ་ཞེས་ཨཱ། པས་ཐལྲ། བམ། རྣམས་ལ་ཨིཊྲ། ཊྲ་ཕྱིས། འདིར་པཱ་ི་བ་ལས། ཨིནྡྷི་བྷ་བ་ཏི། ཨཱ། དག་གིས་ཀྱང་ངོ་ཞེས་བྷཱུ་ལས་པ་རོ྅ཀྵཱའི་རྣམ་དབྱེ་བཅོ་བརྒྱད་ལ་ཡོན་ཏན་དང་འཕེལ་བ་མི་ཐོབ་པར་བཤད། དབྱངས་མེད་རྣམས་དྲངས། རྲ་ཡིག་དང་པོ་ཡིག་དག་གི་རྣམ་པར་བཅད་པ་འོས་ས་རྣམ་བཅད་བྱས་པས། བ་བྷཱུ་ག །བ་བྷཱུ་བ་ཏུཿ བ་བྷཱུ་བུཿ བ་བྷཱུ་བི་ཐཿ བ་བྷཱུ་བ་ཐུཿ བ་བྷཱུ་བཿ བ་བྷཱུ་བཿ བ་བྷཱུ་བི་བ། བ་བྷཱུ་བི་མ། རྣམས་གྲུབ། ཡང་། བྷཱུ་ཐོབ་པ་ལས། པ་རོ྅ཀྵཱའི་བདག་དོན་རྣམས་བྱིན། བྱིངས་གཉིས་བརྗོད་པ་དང་། དབྱངས་དང་པོ་ཅན་ལ་བ་སྟེར་བ་སོགས་གཞན་དོན་གྱི་སྐབས་ལྟར་བྱ། ཨཱ། བྱིངས་ཐམས་ཅད་པ་མ་ཡིན་པའི་སོགས་ཀྱིས་གསལ་བྱེད་དང་པོར་ཨིཊྲ་ཨཱ་ག་མ། ནཱ་མིན་གྱི་

[Full Size]

མཐའ་ཅན་སོགས་ཀྱིས་དྷྭེ་ཡང་ན་དྷེྭ་རུ་བསྒྱུར། དབྱངས་མེད་དྲངས་པ་སོགས་ཀྱིས། བ་བྷཱུ་བེ། བ་བྷཱུ་བཱ་ཏེ། བ་བྷཱུ་བི་རི། བ་བྷཱུ་བི་ཥེ། བ་བྷཱུ་བཱ་ཐེ། བ་བྷཱུ་བི་དྷེྭ། བ་བྷཱུ་བེ་ཌྷྭེ། བ་བྷཱུ་བེ། བ་བྷཱུ་བི་བ་ཧེ། བ་བྷཱུ་བི་མ་ཧེ། རྣམས་གྲུབ་བོ། ༈ །ཡང་། བྷཱུ་ཡོད་པའི་བྱིངས་དགུ་བཞག །འབྱུང་འགྱུར་ལ་བྷ་བི་ཥྱནྟི་དང་། ཨཱ་ཤིཥ་དང་། ཤྭསྟ་ནཱིའོ། །ཞེས་པས་ཥྭསྟ་ནིའི་ས་ར་སྨཻ་སད་རྣམས་བྱིན། བྱིངས་ཐམས་ཅད་པ་མིན་པའི་གསལ་བྱེད་དང་པོ་སོགས་ཀྱིས་ཐམས་ཅད་ལ་ཨིཊྲ་ཨཱ་ག་མ་བྱིན། ནཱ་མིའི་མཐའི་བྱིངས་དང་བི་ཀར་་དག་གིས་ཡོན་ཏན་ནོ། །ཞེས་པས་བྱིངས་ཀྱི་ཨཱུ་ཨོ། ཨོ་ཨནྲ། དབྱངས་མེད་དྲངས། ས་རྣམ་བཅད་བྱས་པས། བྷ་བི་ཏཱ། བྷ་བི་ཏཱ་རཽ། བྷ་བི་ཏཱརཿ བྷ་པི་ ཨཱ། ཏཱ་སི། བྷ་བི་ཏཱསྠཿ བྷ་བི་ཏཱསྠ། བྷ་བི་ཏཱསྨི། བྷ་བི་ཏཱ་སྭིཿ བྷ་བི་ཏཱ་སྨཿ སཱན། ཡང་། བྷཱུ་ཐོབ་པ་ལས་བདག་དོན་གྱི་ཚིག་རྣམས་སྦྱར། ཨིཊྲ་ ཡོན་ཏན་སོགས་ཀྱིས་བྷ་བི་གྲུབ་པ་དང་སྦྲེལ་བས། བྷ་བི་ཏཱ། བྷ་བི་ཏཱ་རཽ། བྷ་བི་ཏཱ་རཿབྷ་བི་ཏཱ་སེ། བྷ་བི་ཏཱ་སཱ་ཐེ། བྷ་བི་ཏཱ་དྷེྭ། བྷ་བི་ཏཱ་ཧེ། བྷ་བི་ཏཱསྦ་ཧེ། བྷ་བི་ཏཱ་སྨ་ཧེ། ཞེས་གྲུབ་བོ། །ཡང་། བྷཱུ་ཡོད་པ་ལས། ཨཱ། འབྱུང་འགྱུར་སོགས་ཀྱི་མདོས་ཨཱ་ཤིཥྲའི་རྐྱེན་རྣམས་བྱིན། ཨཱ། ཨཱ་

[Full Size]

ཤིཥྲ་ལའང་པ་ར་སྨཻ་ལའོ་ཞེས་པས་ཡོན་ཏན་བཀག །མྲ་ང་རོ། །ས་རྣམ་བཅད་བྱས་པ་སོགས་ཀྱིས། བྷཱུ་ཡཱཏྲ། བྷཱུ་ཡཱ་སྟཱཾ། བྷཱུ་ཡཱ་སུཿ བྷཱུ་ཡཱཿ བྷཱུ་ཡཱ་སྟཾ། བྷཱུ་ཡཱ་སྟ། བྷཱུ་ཡཱ་སཾ། བྷཱུ་ཡཱ་སྭ། བྷཱུ་ཡཱ་སྨ། རྣམས་གྲུབ། ཡང་། བྷཱུ་ཐོབ་པ་ལས་བདག་དོན་རྣམས་བྱིན། བྱིངས་ཐམས་ཅད་པ་མིན་པའི་སོགས་ཀྱིས་ཨཱིཊྲཨཱ་ག་མ་བྱིན། དེ་ལ་ཡོན་ཏན་ཡོད་པས་བྷ་བི་གྲུབ་པ་དང་སྦྱར། རྒྱུ་མཚན་ལས་རྐྱེན་དང་རྣམ་འགྱུར་དང་ཨཱ་ག་མ་ལ་གནས་པའི་སའི་ཥ་ཉིད་དོ་ཞེས་ཨཱ། པ་ས་ཨི་ཡིག་ནཱ་མིའི་ཡི་གེ་ཡིན་པས་ཕ་རོལ་གྱི་ས་ཥ་རུ་བསྒྱུར་བ་སོགས་ཀྱིས་བྷ་བི་ཥཱིཥྚཿ བྷ་བི་ཥཱིཥྚཿ ཨཱ། བྷ་བི་ཥཱི་རནྲ། བྷ་བི་ཥཱིཥྛཿ བྷ་བི་ཥཱི་ཡསྠཱཾ། བྷ་བི་ཥཱི་དྷྭཾཾ། བྷ་བི་ཥཱེ་ཡ། བྷ་བི་ཥཱི་བ་ཧི། བྷ་བི་ཥཱི་མ་ཧི། རྣམས་གྲུབ་བོ། །ཡང་བྷཱུ་ཡོད་པའི་བྱིངས་དགུ་བཞག །འབྱུང་འགྱུར་ལ་བྷ་བི་ཥྱནྟིའི་གཞན་དོན་གྱི་རྐྱེན་རྣམས་བྱིན། དེ་བྱིངས་ཕྱེད་པ་དང་ཡ་མིན་པའི་གསལ་བྱེད་དང་པོ་ཅན་ཡིན་པས་ཨིཊྲ་བྱིན། ཡོན་ཏན་སོགས་ཀྱིས་བྷ་བི་གྲུབ་པ་སྦྱར། ཨཱ། རྒྱུ་མཚན་ལས་རྐྱེན་དང་རྣམ་འགྱུར་དང་ཨཱ་ག་མ་ལ་གནས་པའི་སའི་ཥྲ་བྱས། ས་རྣམ་བཅད། བྷ་བི་ཥྱ་ཏི། བྷ་བི་ཥྱ་ཏཿ བྷ་བི་ཥྱནྟིི། བྷ་བི་ཥྱ་སི། བྷ་བི་ཥྱ་ཐཿ བྷ་བི་ཥྱ་ཐ། བྷ་བི་ཥྱཱ་མི། བྷ་བི་

[Full Size]

ཥྱ་པཿ བྷ་བི་ཥྱཱ་མཿ གྲུབ། ཡང་། བྷཱུ་ཐོབ་པ་ལས་བདག་དོན་གྱི་ཚིག་རྣམས་དེ་བཞིན་ཏུ་སྦྱར་བས། བྷ་བི་ཥྱ་ཏེ། བྷ་བི་ཥྱེ་ཏེ། བྷ་བི་ཥྱནྟེ། བྷ་བི་ཥྱ་སེ། བྷ་བི་ཥྱེ་ཐེ། བྷ་བི་ཥྱ་དྷྭེི། བྷ་བི་ཥྱེ། བྷ་བི་ཥྱཱ་བ་ཧེ། བྷ་བི་ཥྱཱ་མ་ཧེ། གྲུབ་བོ། །ཡང་། བྷཱུ་ཡོད་པའི་བྱིངས་ལས། དི་སོགས་རྣམས་བྱ་བ་ཤོར་བ་ལའོ་ཞེས་པས་པྱཏ་སོགས་ཀྲི་ཡཱ་ཏི་པརྟིའི་གཞན་དོན་རྣམས་བྱིན། བྱིངས་ཀྱི་དང་པོར་ཧྱ་སྟ་ནཱི། ཨདྱ་ཏ་ནཱི། བྱ་བ་ཤོར་བ་རྣམས་ལ་ཨཊྲ་འོས་ཨཊྲ་བྱིན། ཊྲ་གནས་དོན་ཕྱིས། བྱིངས་ཐམས་ཅད་པ་མིན་པ་སོགས་ཀྱིས་རྐྱེན་གྱི་གོང་དུ་ཨིཊྲ་དང་། བྱིངས་ཡོན་ཏན་སོགས་བྱས་ནས་བྷ་བི་སྔར་བཞིན་སྒྲུབ། རྒྱུ་མཚན་ལས་རྐྱེན་དང་རྣམ་འགྱུར་དང་ཨཱ་ག་མ་ལ་གནས་པའི་སའི་ཥའོ་ཞེས་པས་ཨི་ལས་སྱ་རྣམས་ཥྱ་རུ་བསྒྱུར། མྲ་ང་རི། ས་རྣམ་བཅད་སོགས་ཀྱིས། ཨ་བྷ་བི་ཥྱ་ཊྲ། ཨ་བྷ་བི་ཥྱ་ཏཾ། ཨ་བྷ་བི་ཥྱ་ནྲ། ཨ་བྷ་བི་ཥྱཿ ཨ་བྷ་བི་ཥྱ་ཏཾ། ཨ་བྷ་བི་ཥྱ་ཏ། ཨ་བྷ་བི་ཥྱཾ། ཨ་བྷ་བི་ཥྱཱ་བ། ཨ་བྷ་བི་ཥྱཱ་མ། ཡང་། བྷཱུ་ཐོབ་པ་ལས། བདག་དོན་གྱི་རྐྱེན་རྣམས་དེ་བཞིན་ཏུ་སྦྱར་བས། ཨ་བྷ་བི་ཥྱེ་ཏ། ཨ་བྷ་བི་ཥྱེ་ཏཱཾ། ཨ་བྷི་བི་ཥྱནྟ། ཨ་བྷི་བི་ཥྱ་ཐཱཿ ཨ་བྷ་བི་ཥྱེ་ཐཱཾ། ཨ་བྷ་བི་ཥྱེ་དྷྭཾ། ཨ་བྷ་བི་ཥྱེ། ཨ་བྷ་བི་ཥྱཱ་བ་ཧཻ། ཨ་བྷི་ཥྱཱ་མ་ཧཻ་རྣམས་

[Full Size]

གྲུབ་སྟེ་བྱིངས་བྷཱུ་ལ་ཀུན་བཤད་ཀྱི་རྣམ་དབྱེ་བརྒྱ་བརྒྱད་ཅུ་སྦྱོར་བའི་ཚུལ་ཡིན་ལ་གཞན་རྣམས་ལའང་སོ་སོར་ཁྱད་པར་དང་བཅས་ཇི་ལྟར་སྦྱོར་བའི་ཚུལ་ཁོང་དུ་ཆུད་པར་བྱའོ། །དེ་ལ་བརྟ་མཱ་ནའི་རྐྱེན་རྣམས་ནི་གཙོ་ཆེར་ད་ལྟ་བའི་དུས་ལ་འཇུག་ཅིང་། ཚིགས་གྲོགས་དང་སྦྱར་བས་དུས་འདས་པ་ལ་འཇུག་པ་སོགས་གཞན་དང་གཞན་ལ་འཇུག་པ་ཡོད་ཅིང་། སཔྟ་མཱི་སོགས་རྐྱེན་གཞན་གྱི་དོན་ལ་འཇུག་པ་ཡང་ཡོད་པས་ན་ཁྱབ་ཆེ་བར་ཤེས་པར་བྱའོ། །དཔེར་ན། བྷ་བ་ཏི། འབྱུང་བའམ་ཡོད་པར་བྱེད་ཅེས་ད་ལྟ་བ་སྟོན་པ་དང་། ཀ་ལཱ་པར། སྨ་ཡིས་འདས་པ་ལའོ་ཞེས་པས། །མི་ཟད་པའི་སྨ་ཚིག་གྲོག་ཏུ་སྦྱར་བས། བྷ་བ་ཏི་སྨ། བྱུང་ངོའམ་ཡོད་དོ་ལྟ་བུ་འདས་པ་ལ་འཇུག་པ་དང་། བྱིངས་ཀྱི་དངོས་པོ་ཙམ་ལ་བྷ་བ་ཏེ་འཇུག་པ་ཨཱ། སོགས་མང་ངོ་། །དེའང་གཉིས་ཚིག་ལ་བྷ་བ་ཏཿདག་འབྱུང་བར་བྱེད། མང་ཚིག་ལ་བྷ་བནྟི་རྣམས་འབྱུང་བར་བྱེད་ལྟ་བུ་གཅིག་གཉིས་མང་པོའི་ཚིག་གི་སྦྱར་ལུགས་རྣམས་ཀྱང་ཚིག་གྲོག་བརྗོད་བྱ་མང་ཉུང་ལས་དཔག་སྟེ་ཤེས་པར་བྱའོ། །ཡང་། ཅིག་ཆར་བརྗོད་པ་ལ་སྐྱེས་བུ་རྣམས་ཀྱི་ཕྱི་མའོ་ཞེས་མིང་མང་པོ་ཅིག་ཆར་དུ་སྦྱོར་བའི་ཚིག་གིས་བསྒྲུབ་པར་བྱེད་པ་ལ་སྐྱེས་བུ་རྣམས་ཀྱི་ཕྱི་མ་དེ་སྦྱར་བར་བྱ་སྟེ། ཌུཀྲྀཉྲ་བྱེད་པའི་

[Full Size]

བྱིངས་ལ་བརྟ་མཱ་ནའི་མི་དང་ཨུ་བི་སྦྱར། ཚིག་གྲོགས་དང་སྦྲེལ་བས། སརྦ་ཏ་ཐཱ་ག་ཏ་ཀཱ་ལ་ཝཱཀྲ་ཙིཏྟ་པྲ་་མེ་ན་བཛྲ་བྷནྡྷ་ནཾ་ཀ་རོ་མེ། ཞེས་དང་། ཙུ་ར་སོགས་ཀྱི་ཡ་ཏ་འབད་པའི་བྱིངས་ལ། ཨིནྲ་ཀཱ་རི་ཏ། བྱིངས་འཕེལ། ཉེར་བསྒྱུར་ནིརྲ་སྔོན། སླར་ཡང་བརྟ་མཱ་ནའི་མི་དང་། ཨནྲ་བི། ཨི་མཐའ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ལ་རབ་ཏུ་འདུད་པས་རྡོ་རྗེ་འཆིང་བར་མཛོད་ཅིག །ཡོན་ཏན་སོགས་ཚིག་གྲོགས་དང་སྦྱར་བས། ཨི་དཾ་རཏྣ་མཎྜལ་ཀཾ་ནི།།།ཏ་ཡཱ་མི། ཞེས་གྲུབ། ཌུ་པ་ཙཥྲ་འཚེད་པའི་བྱིངས་ལས་བརྟ་མཱ་ནའི་སྐྱེས་བུ་ཕྱི་མའི་མང་ཚིག་མསྲ། ཨནྲ་བི་སོགས། ཚིག་གྲོགས་ཡོད་པའི་ཚེ། །རིན་པོ་ཆེའི་མཎྜལ་འདི་ཉིད་འབུལ་བར་བགྱིའོ། །ས་ཙ་ཏྭཾཾ་ཙཱ་ཧཾ་ཙ་པ་ཙཱ་མཿཞེས་པ་ལྟ་བུའམ། ཡང་ན། མདོ་གཅིག་གིས་ཡུལ་གཅིག་ལ་སྟོབས་མཚུངས་པར་རྐྱེན་བཅོ་བརྒྱད་པོ་རྣམས་སྦྱར་བར་བཤད་པའི་ཚེ་སྐྱེས་བུ་རྣམས་ཀྱི་ཕྱི་མ་བཟུང་བའམ། སྔོན་ཁྱོད་དང་བདག་གིའང་དི་རྣམས་འཚེད་པར་བགྱིའོ། །རྗེས་གཉིས་སུ་བྱ་བ་མཚུངས་པར་འགྱུར་བའི་ཚེ་ཕྱི་མ་དེ་གཙོ་ཆེ་བར་བྱ་བའི་དོན་ཀྱང་ཡིན་ནོ། །ཡང་། མིང་ལ་རབ་ཏུ་སྦྱོར་བ་ལའང་དང་པོའོ་ཞེས་མིང་དང་མ་སྦྱར་བའི་ཚིག་རྣམས་ཀྱིས་ནི་རྣམ་པ་ཀུན་ཏུ་དང་པོར་འགྱུར་ཞིང་། དེར་མ་ཟད་མིང་དོན་རེ་རེ་བ་དང་རབ་ཏུ་སྦྱོར་བའི་ཚེ་ནའང་རྣམ་དབྱེ་དང་པོ་གསུམ་སྟེ་སྐྱེས་བུ་རྣམས་ཀྱི་དང་པོའམ་གཅིག་ཚིག་གསུམ་

[Full Size]

སྦྱར་བར་བྱའོ་ཞེས་སོ། །དཔེར་ན། བྷ་བ་ཏི། བྷ་བ་ཏཿ བྷ་བནྟི་ལྟ་བུ་མིང་དང་མ་སྦྱར་བ་དང་། ས་པ་ཙ་ཏི། ཏཽ་བ་ཙ་ཏཿ ཏེ་པ་ཙནྟི་ལྟ་བུ་མིང་ལ་སྦྱར་བའི་དཔེའོ། །ཡང་། ཁྱེད་ཀྱི་སྒྲ་སྦྱོར་བའི་ཚེ་སྐྱེས་བུ་དབུས་མ་གསུམ་པོ་འབྱུང་བར་བྱེད། རྣམས་དང་། ངེད་ཀྱི་སྒྲ་སྦྱོར་བའི་ཚེ་སྐྱེས་བུ་ཕྱི་མ་རྣམས་སྦྱོར་དགོས་པས་ཁྱེད་དང་ངེད་ཀྱི་སྒྲ་དངོས་སུ་སྦྱོར་རམ་མ་སྦྱར་རུང་དོན་མཚུངས་པར་ཐོབ་པ་ལའང་དེ་ལྟར་སྦྱོར་དགོས་ཏེ། དཔེར་ན། པ་ཙ་འཚེད་པ་ལས་བརྟ་མཱ་ནའི་དེ་རྣམས་སྦྱར་བས། ཏྭཾཾ་པ་ཙ་སི། ཡུ་ཝཱཾ་པ་ཙ་ཐཿ ཡཱུ་ཡཾ་པ་ཙ་ཐཿ གཞན་དོན་ནོ། །ཏྭཾ་པ་ཙ་སེ། ཡུ་ལཾ་པ་ཙེ་ཐེ། ཡཱུ་ཡཾ་པ་ཙ་དྷེྭ། བདག་དོན་ཏེ་ཡུཥྨ་དྲ་ཚིག་གྲོགས་སུ་སྦྱར་བའོ། །དེ་བཞིན་ཏུ་ཨ་སྨདྲ་སྦྱར་བའི་གཞན་དོན་གྱི་རྐྱེན་ལ། ཨ་ཧཾ་པ་ཙཱ་མི། ཨཱ་པཱཾ་པ་ཙཱ་བཿབ་ཡཾ་པ་ཙཱ་མཿབདག་དོན་ལ། ཨ་ཧཾ་པ་ཙེ། ཨཱ་བཱཾ་པ་ཙཱ་བ་ཧེ། བ་ཡཾ་པ་ཙཱ་མ་ཧེ། ཞེས་པ་སྟེ་དང་པོ་གསུམ་ནི་དེ་དག་ཐུན་མོང་གི་ཡུལ་ལ་འཇུག་པ་སྔར་བཤད་ཟིན་ནོ། །ཙཱནྡྲ་པར། ཏདྲ་ཨཱ་ན་རྣམས་ཇི་ལྟར་བཀླག་པའོ། །ཞེས་གསུངས་པས་བདག་དོན་དང་གཞན་དོན་གྱི་ཚིག་རྣམས་བྱིངས་ཀྱི་མདོར་ཇི་སྐད་བཀླགས་པ་ལྟར་སྔར་གྱི་ས་ཁོང་སོ་སོའི་ཚིག་དང་། གཉིས་

[Full Size]

ཀར་བཤད་པ་སོགས་དེ་དང་དེར་མ་འཁྲུལ་བར་རྐྱེན་རྣམས་སྦྱིན་པར་བྱ་སྟེ། བྷཱུ་ཡོད་པ་ལའོ་ཞེས་པའི་བྱིངས་པར་སྨཻ་པ་དར་བཀླག་པས་ཏི་ལ་སོགས་པ་གཞན་དོན་གྱི་ཚིག་ཏུ་སྒྲུབ་པའི་རྐྱེན་དགུ་པོ་རྣམས་ཁོ་ནར་འཇུག་པ་དང་། བྷཱུ་ཐོབ་པ་ལའོ། །ཞེས་པའི་བྱིངས་ཨཱཏྨ་ནེ་པ་དར་བཀླགས་པས་ཏེ་སོགས་དགུ་ལས་སྔ་མ་རྣམས་མི་འཇུག་པ་དང་། ཌུ་པ་ཙ་ཥྲ་འཚེད་པ་ལའོ་ཞེས་པའི་བྱིངས་གཉིས་ཀའི་ཚིག་ཅན་ཏུ་བཀླགས་པས་ཏི་སོགས་བཅོ་བརྒྱད་པོ་ཐམས་ཅད་འཇུག་པ་ཡིན་པས་དེས་རིགས་འགྲེའོ། ༈ །ད་ནི་ཀུན་བཤད་ཀྱི་རྐྱེན་དེ་རྣམས་དང་སྔར་བཤད་པའི་སི་སོགས་ཀྱི་རྣམ་དབྱེ་རྣམས་སྦྱོར་ཚུལ་ཞིབ་པར་ཤེས་པའི་ཆེད་དུ་པཱ་ི་པ་སོགས་སུ་བྱེད་དངོས་ལས་གསུམ་གྲགས་པ་རྣམས་ཇི་ལྟར་སྦྱོར་བའི་ཚུལ་དང་། དངོས་པོ་དང་ལས་དང་ལས་མེད་པའི་བྱིངས་རྣམས་ཀྱི་ཚུལ་ཅུང་ཟད་ཙམ་བསྟན་པར་བྱ་སྟེ། རྒྱས་པར་ནི། ཀུན་མཁྱེན་བསྟན་པའི་ཉིན་བྱེད་ཀྱི་གསར་འགྱུར་མཚོ་ལྡན་མའི་རབ་ཏུ་བྱེད་པ་དང་། འབྲེལ་བ་ལ་མཁས་པ་སོགས་སུ་ཤེས་པར་བྱའོ། །དེ་ཡང་མཚོ་ལྡན་མས་རྗེས་སུ་བཟུང་བའི་སློབ་དཔོན་ཨ་ནུ་བྷཱུ་ཏིས། བྱེད་པ་ཅན་གྱིས་མ་རེག་གང་། ཡོད་ཙམ་དངོས་པོའི་རྟགས་སུ་འགྱུར། བྱིངས་དོན་དག་པ་འབའ་ཞིག་ནི། །དངོས་པོ་ཞེས་སུ་མངོན་པར་བརྗོད། །ཅེས་གསུངས་པ་ལྟར། གཉིས་པ་ལ་སོགས་པའི་བྱེད་ཅན་དྲུག་གི་དོན་ཅན་མ་ཡིན་པ། བྱིངས་དོན་རྐྱང་པ། དཔེར་ན། ཤཱིདྲ་ཉལ་བ་ཞེས་པའི་བྱིངས་དོན་རྐྱེན་གྱིས་བཅོས་ཟིན་

[Full Size]

ནའང་ཉལ་བ་ཞེས་པ་ཙམ་ལས་གཞན་ཉལ་བར་བྱ་བ་དང་། ཉལ་བར་བྱེད་པ་པོ་སོགས་མི་སྟོན་པ། ཉལ་བ་ལྟ་བུ་ཤེས་བྱ་ལ་ཡོད་ངེས་པ་ཉི་དངོས་པོ་ཙམ་ཞིག་བརྗོད་པ་ལ། འདིར་དངོས་པོའི་རྟགས་ཞེས་ཟེར། དེ་ལ་རྐྱེན་གྱི་དབང་དུ་བྱས་ན་བདག་དོན་གྱི་ཚིག་ཏེ་ལ་སོགས་པ་འཇུག །དེའང་འཆད་འགྱུར་ལས་མེད་པའི་བྱིངས་རྣམས་ལ་སྦྱར་ན་དངོས་པོ་ཁོ་ན་དང་། གཞན་བྱིངས་ལས་བཅས་རྣམས་ལ་སྦྱར་བས་དངོས་པོ་དང་ལས་ཏེ་བྱ་བའི་དོན་ཅན་ཏུ་འགྱུར་རོ། །ཡང་ན། བྱིངས་ལ་རྐྱེན་གང་ཡང་མ་སྦྱར་བའི་བྱ་བ་འབྱུང་བའི་གཞི་ཙམ་དུ་གནས་པ་ལའང་དངོས་པོ་ཞེས་ཀྱང་རྗོད་པར་བྱེད་དོ། །རྣམ་དབྱེ་དྲུག་པ་མ་གཏོགས་པའི་འཕྲོས་དྲུག་པོ། །བྱེད་པ་པོ། ལས། བྱེད་པ། ཆེད་དུ་བྱ་བ། འབྱུང་ཁུངས། གནས་གཞི་རྣམས་ལ་བྱེད་པ་ཅན་ཞེས་བྱ་ཞིང་། བཤད་པའི་ལས་སོགས་ལ་རྣམ་དབྱེ་དང་པོ་འཇུག་པའི་ཚེ་དེའང་བྱེད་པ་ཅན་གྱི་དོན་ཏུ་ཤེས་པར་བྱའོ། །དེ་ལྟར་ཡང་མཁས་པ་དྲང་སྲོང་བྱིན་གྱིས། འབྱུང་བས་ན་བྱ་བའོ། །སྒྲུབ་པར་བྱེད་པས་ན་བྱེད་པ་ཅན་ནོ། །བསྐྱེད་བྱ་སྐྱེད་བྱེད་ཀྱི་དངོས་པོ་ལ་སོགས་པ་ནི་འབྲེལ་བའོ། །འབྲས་བུ་སྒྲུབ་པར་སྦྱོར་བའི་ཚིག་གི་དོན་ནི་འཇིག་རྟེན་ན་རྒྱུ་ཞེས་བརྗོད་དོ། །འབྱུང་བ་དང་། གནས་པ་དང་ཡོངས་སུ་

[Full Size]

འགྱུར་བ་དང་། འཕེལ་བ་དང་འབྲི་བ་དང་རྣམ་པར་ཉམས་པ་རྣམས་ནི་བྱ་བ་རྣམས་སོ། །བྱེད་པ་པོ་དང་ལས་དང་གཞིར་བྱེད་པ་དང་ཡང་དག་པར་རབ་ཏུ་སྦྱིན་པ་དང་ཕྱིར་ལེན་པ་ནི་བྱེད་པ་ཅན་ནོ། །ཞེས་སོགས་གསལ་བར་བཤད་དོ། ༈ །གཉིས་པ་ལས་ནི། པུཉྫ་རཱ་ཛ་ལས། རྟོག་པ་ཤེས་པ་མཐོང་ཐོས་ཚེ། །བཟའ་བ་དང་ནི་འཁྲིག་པ་དང་། །བྱེད་པ་འཚོང་བ་འཛིན་དང་རྐུ། །སྦྱིན་པ་མཆོད་པ་འདོད་དང་རེག །དུད་པ་བསྟོད་པ་ཆགས་དང་བཟོད། །གསོ་བ་སེམས་པ་འགྲོ་་འགོགས་སོགས། །སྨྲ་བ་གསོད་པ་ལ་སོགས་ལས། །བརྗོད་པས་ལས་དང་བཅས་པར་ཤེས། །ཞེས་གསུངས་པ་ལྟར་བྱིངས་གང་ཞིག་རྟོག་པ་དང་ཤེས་པ་དང་མཐོང་བ་དང་ཐོས་པ་ལ་སོགས་པ་ལྟ་བུ་བྱ་བ་དང་ལྡན་པ། བྱ་བ་དེའི་ཡུལ་ལ་རྣམ་དབྱེ་གཉིས་པ་ལས་ཀྱི་རྣམ་དབྱེ་འཇུག་དགོས་པའི་ཕྱིར་བྱེད་པ་དང་བཅས་པ་སྟེ། རབ་བྱེད་ལས། གང་ཞིག་ལས་ལ་ལྟོས་པ་དང་བཅས་པའི་བྱ་བར་བཤད་པས་དེ་རྣམས་ནི་ལས་དང་བཅས་རྣམས་སོ། །ཀ་ཊཿཀྲི་ཡ་ཏེ་ཀཱ་རུ་ཀེ་ནཿ ཞེས་དཔེར་བརྗོད་ཅིང་། འདིར་ཌུཀྲྀཉྲ། བྱེད་པའི་བྱིངས་ལ་བརྟ་མཱ་ནའི་བདག་དོན་གྱི་ཚིག་ཏེ་དང་། དངོས་པོ་དང་ལས་ལ་ཡཀྲ་སྦྱར་བ་སོགས་ཀྱིས་ཀྲི་ཡ་ཏེ་འགྲུབ། བྱེད་པའི་བྱིངས་ལས་བཅས་ཡིན་པ་དང་། བདག་དོན་

[Full Size]

གྱི་ཚིག་ཏེ་དང་། ཡཀྲ་རྐྱེན་གྱིས་ཀྱང་ལས་བསྟན་པའི་ཕྱིར་ལས་དངོས་ཀ་ཊ་ལ་རྣམ་དབྱེ་དང་པོ་སྦྱར། བྱེད་པ་པོ་ཡི་དོན་ཅན་མེད་པས་ཀཱ་རུ་ཀ་ལ་གསུམ་པའི་ཊཱ་སྦྱར་བའོ། ཏྭཾ་དུཿཁི་ཀྲི་ཡ་ཏེ། ཆགས་དང་ཆགས་བྲལ་གྱི་བདག་བདེ་བ་དང་ལྡན་པར་བྱའོ། །རཱ་གཻརྦི་རཱ་གཿསུ་ཁྱ་ཏཾ་ཀྲི་ཡེ། འདིར་ཡང་ལས་ཀྱི་དོན་ཀྲི་ཡ་ཏེ་དང་། ཀྲི་ཡེ་དག་ཡོད་པས་ལས་དངོས་ཁྱོད། སྡུག་བསྔལ་བདག །བདེ་ཁྱོད་སྡུག་བསྔལ་དང་ལྡན་པར་བྱས་སོ། །བ་རྣམས་ལ་དང་པོ་སྦྱར་བའོ། །ཡང་རབ་བྱེད་ལས། ལས་མེད་པའང་ལ་ལར་ལས་དང་བཅས་པ་ཉིད་དང་རྗེས་སུ་མཐུན་པར། ཉེར་བསྒྱུར་གྱི་སྟོབས་ལས་བྱིངས་ཀྱི་དོན་གཞན་ཏུ་དྲངས་པར་བྱེད་དེ། བི་ཧཱ་ར། ཨ་ཧཱ་རཿསཾ་ཧཱ་ར། པྲ་ཏི་ཧཱ་ར། པྲ་ཧཱ་ར། དེ་ལྟར་བཤད་པའི་ཕྱིར། སུ་ཁ་མ་ནུ་བྷཱུ་ཡ་ཏེ་སྭཱ་མི་ནཱ། ཞེས་དཔེར་བརྗོད་པ་དང་བཅས་གསུངས་པ་ནི་སྔ་མ་ཧྲྀཉྲ་འཕྲོག་པའི་བྱིངས་ལས་མེད་ཡིན་ནའང་། བི་སོགས་ཉེར་བསྒྱུར་སྔོན་ཏུ་བཞག་པས་ལས་བཅས་སུ་འགྱུར་བ་དང་། ཕྱི་མ་བྷཱུ་ཡོད་པའི་བྱིངས་ལས་མེད་ཡིན་ཀྱང་ཉེར་བསྒྱུར་ཨ་ནུ་དང་བདག་དོན་གྱི་ཚིག་ཏེ་དང་། བར་རྐྱེན་ཡཀྲ་རྣམས་ཀྱི་ས་ལས་བརྗོད་པས་སྒོ་ཐམས་ཅད་ནས་ལས་དང་བཅས་པར་འགྱུར་བས་བཤད་པའི་ལས་སུ་ཁ་ལ་དང་པོའི་སི་སྦྱར། མ་ནིང་ལྟར་བསྒྲུབས་པས་སུ་ཁམྲ་

[Full Size]

གྲུབ་པ་དང་སྦྱར། བྱེད་པ་པོའི་དོན་གྱི་རྐྱེན་མེད་པས་སྭཱ་མིནྲ་ལ་གསུམ་པའི་ཊཱ་སྦྱར་བའོ། ༈ །གསུམ་པ་ལས་མེད་པ་ནི། རབ་བྱེད་ལས། གང་ཞིག་ལས་ལ་ལྟོས་པ་མེད་པའི་བྱ་བ་ཅན་དེ་རྣམས་ནི་ལས་མེད་པ་རྣམས་སུ་བཤད་དེ། བྷཱུ། ཨེ་དྷ། ཨཱསྲ། ཤཱིདྲ་ལ་སོགས་པ་རྣམས་སོ། །དེ་ལྟར་ཡང་བཤད་པ་ངོ་ཚ་ཡོད་དང་གནས་མེལ་ཚེ། །འཕེལ་ཟད་འཇིགས་དང་འཚོ་དང་འཆི། །ཉལ་བ་རྩེད་མོ་འོད་གསལ་དོན། །བྱིངས་ཚོགས་དེ་རྣམས་ལས་མེད་བཤད། །ཅེས་དང་། པུཉྫ་རཱ་ཛརྲ་ལས་མེད་པའི་རང་བཞིན་ཏུ་བཤད་པ་དེ་རྣམས་ནི་ལས་ལ་མ་ལྟོས་པར་བྱ་བ་འབྱུང་བ་སྟེ་དེ་རྣམས་ནི་ལས་མེད་པའོ། །བྷཱུ། ཨེ་དྷ། ཨཱསྲ། ཤཱིདྲ་ལ་སོགས་པ་རྣམས་ཇི་ལྟར་བཤད་པ་རྣམས་སོ། །ཞེས་གསུངས་སོ། །དེ་ཡང་བྱིངས་ཤཱིདྲ་ལ་སོགས་པ་དེ་རྣམས་ཀྱི་དོན་ནི། ཉལ་བ། འཕེལ་བ། སྡོད་པ། ཡོད་པ་ལྟ་བུ་རྣམས་ནི་ངེས་པར་ལས་ཀྱི་རྣམ་དབྱེའི་ཡུལ་ཅན་ལ་ལྟོས་མི་དགོས་པར་བྱ་བ་འབྱུང་བ་སྟེ། དཔེར་ན། གདན་ལ་སྡོད། ཤིང་ལ་ཉལ་སོགས་ལྟ་བུ་རྣམ་དབྱེ་བདུན་པ་གནས་གཞིར་དང་། དམངས་རིགས་ཉལ་བ་ལྟ་བུ་རྣམ་དབྱེ་གསུམ་པ་སོགས་ལ་ལྟོས་པས་ན་ལས་མེད་པ་ཞེས་བརྗོད་པ་ཡིན་ཏེ། བྷཱུ་ཡོད་པ་ལ། ཏེ་དང་ཡཀྲ་སྦྱོར་བ་སོགས་ཀྱིས། །

[Full Size]

བྷཱུ་ཡ་ཏེ་བྷ་ཝ་ཏཱ། ཁྱོད་ཀྱིས་འབྱུང་བ། བྷ་ཝཏྲ་ལ་ལས་ཀྱི་རྣམ་དབྱེ་མི་འཇུག་པའི་ཕྱིར་ན་གསུམ་པའི་ཊཱ་སྦྱར་བའོ། །ཨེ་དྷྱ་ཏེ་དྷརྨཱི་ཀཻཿ ཆོས་དང་ལྡན་པས་འཕེལ་ལོ། །དྷརྨཱི་ཀ་ལ་གཉིས་པ་མི་འཐོབ་པས་གསུམ་པའི་བྷིསྲ་བྱིན་ནས་ཨཻསྲ་སུ་བསྒྱུར་བའོ། །ཨཱསྱ་ཏེ་སྷིཿ དམ་པ་རྣམས་ཀྱི་ས་གནས་པ། སཏྲ་ལ་ལས་ཀྱི་རྣམ་དབྱེ་མི་འཐོབ་པས་བྷིསྲ་བྱིན་པའོ། །ཤཡྻ་ཏེ་ཤུ་དྲེ་། དམངས་རིགས་ཀྱིས་ཉལ་ལོ། །ཤུ་དྲ་ལ་ལས་མི་འཐོབ་པས་བྱེད་པོའི་ཕྱིར་དུ་ཊཱ་བྱིན་པའོ། །དེ་ལ་བྱིངས་འདི་རྣམས་ལ་རྐྱེན་ཇི་ལྟར་སྦྱོར་བའི་ཚུལ་ལ་གཉིས་ཏེ། །རྐྱེན་རང་དབང་ཅན་དང་། དེ་ལས་འཕྲོས་པའི་ཡན་ལག་གོ། །སྔ་མ་ལ་གཉིས་ཏེ། མིང་དུ་སྒྲུབ་པ་དང་། ཚིག་ཏུ་སྒྲུབ་པར་བྱེད་པའོ། །ཕྱི་མ་ལ་སི་སོགས་དང་། བུད་མེད་དང་། དེ་ཕན་དང་། བསྡུ་བའི་མཐའ་སྡེ་བཞིར་མཆིས་པ་ལས་སི་སོགས་ཀྱི་འཇུག་ཡུལ་ཕྱོགས་ཙམ་གོང་དུ་བསྟན་ལ། གཞན་གསུམ་ཉུང་ངུའི་ཚིག་གིས་མི་དཔོག་པས་གཞན་ཏུ་བསྡུས་ཏེ་འཆད་པར་སྤྲོ་ཞིང་། །འདིར་བྱེད་དངོས་ལས་གསུམ་བཤད་མ་བཤད་གཙོ་བོར་སྟོན་པའི་སྐབས་སུ་བབས་པའོ། །དེ་ལ་བྱིངས་ལས་ཚིག་ཏུ་སྒྲུབ་པ་ཀུན་བཤད་ཀྱི་རྐྱེན་རགས་པར་སྦྱོར་ཚུལ་དང་། འཇུག་ཡུལ་ཏདྲ་

[Full Size]

ཨཱ་ན་ཇི་ལྟར་བཀླག་པ་ཞེས་གོང་དུ་སྤྱིར་བསྟན་པས་ཁྱབ་མོད་ཀྱི། བྱེ་བྲག་གི་འཇུག་པ་དང་། མི་འཇུག་པ་དང་། རྣམ་པར་བརྟགས་པ་གསུམ་ལས། དང་པོ་ནི། ཀ་ལཱ་པའི་ཀུན་བཤད་གཉིས་པར་མདོ་དགུས་བསྟན་ཅིང་། དབྱངས་ཅན་ཏུའང་ཕྱོགས་ཙམ་བཤད་པས་དོན་བསྡུས་ཏེ་འཆད་ན། བྱིངས་ལས་དངོས་པོ་དང་ལས་ཀྱི་དོན་ལ་ཨཱཏྨ་ནེ་རྣམས་འགྱུར་ཏེ། བྷཱུ་ཡོད་པའི་བྱིངས་ལས། བརྟ་མ་ནའི་ཏེ་དང་། བྱིངས་ཐམས་ཅད་པ་ལ་ཡྲ་འོས་བར་རྐྱེན་ཡྲ་དང་རྗེས་འབྲེལ་ཕྱིས་པས། བྷཱུ་ཡ་ཏེ། འདིར་བྷཱུ་ཡོད་པའི་བྱིངས་ལས་མེད་ཡིན་པས་དེ་ལ་ཏེ་སོགས་སྦྱར་བས་དངོས་པོ་ཁོ་ནའི་དོན་ཏུ་འགྱུར་བ་དང་། བྱིངས་འདི་པ་རསྨཻའི་ཚིག་ཅན་ཡིན་ཀྱང་། དངོས་པོ་དང་ལས་ཀྱི་དོན་ལ་ཡྲའི་རྐྱེན་ཡོད་པས་བདག་དོན་སྦྱར་བ་ཡིན་ཞིང་། རྐྱེན་དེ་ྲ་རྗེས་འབྲེལ་ཅན་ཡིན་པས་ཡོན་ཏན་བཀག་གོ། ཡང་། ཌུཀྲྀཉྲ་བྱེད་པའི་བྱིངས་ལས། ཏེ་དང་ཡྲ། ཨཱནྲ་དང་ཡོན་ཏན་མེད་པ་ལ་ཨི་འོས། རྀ་ཡིག་མཐར་ཨི་ཨཱ་ག་མ་བྱིན། མཚམས་སྦྱར་བས། ཀྲི་ཡ་ཧེ་ཀ་ཊཿགྲུབ་པ་བྱིངས་ལས་དང་བཅས་པ་ལ། བདག་དོན་དང་ཡྲའི་ས་ལས་བསྟན་པས་ལས་ཀྱི་དཔེར་བརྗོད་པ་སྟེ་ཀྲྀཉྲ་གཉིས་ཀའི་ཚིག་མིན་ཀྱང་དངོས་པོ་དང་ལས་ལ་ཡྲ་སྦྱར་བས། རྩྭ་ལྷས་བྱའོ། །ཨཱཏྨ་ནེ་

[Full Size]

ཐོབ་བོ། །ཡང་བྱེད་པ་པོ་ལ་རྣམ་པ་ལྔར་བཤད་པའི་གསུམ་པ་ལས་ཀྱི་བྱེད་པ་པོ་སྟེ། བྱེད་པ་པོ་གཞན་མེད་པར་རང་ཉིད་ཀྱི་བྱ་བ་བྱེད་པ། གཞན་ཏུ་བྱེད་པ་ཙམ་ལ་བྱེད་པ་པོར་བརྗོད་པར་འདོད་ཕན་ལས་ལ་སྦྱར་བ་བཞིན་ཏུ་ཨཱཏྨ་ནེ་ཏེ་ལ་སོགས་པ་འགྱུར་ཏེ། བྷི་དིརྲ་རྣམ་པར་འཇོམས་པའི་བྱིངས་ལས། ཨདྱ་ཏ་ནཱིའི་ཨཱཏྨ་ནེའི་ཏ་དང་། ཨིཙྲ་བར་དུ་བྱིན། ཏ་དབྱི། ཐོག་མ་ཨཊ་བྱས་པ་སོགས་ཀྱིས། ཨ་བྷེ་དི་གྲུབ་པ་ཚིག་གྲོགས་དང་སྦྱར་བས། ཨ་བྷེ་དི་ཀུ་ཤུ་ལཿ སྭ་ཡ་མེ་ཝ། ཞེས་པ་ལྟ་བུའོ། །བྱིངས་རུ་ཙ་སོགས་བྱེད་པ་པོ་ལ་འཇུག་པ་དང་། །ཤཱིདྲ་ཉལ་བ་ལྟ་བུའི་དྲ་རྗེས་སུ་འབྲེལ་བ་དང་། ཡ་ཙེ་ཀྲཱི་ཡི་ཏའི་མཐའ་དང་། ཨཱ་བཙོང་རང་ཉིད་འབིགས་པར་བྱེད། ཡིའི་རྐྱེན་གྱི་མཐའ་རྣམས་ལས་ཀྱང་དངོས་པོ་དང་ལས་དང་བྱེད་པ་པོའི་དོན་ལས་ཀྱང་ཨཱཏྨ་ནེ་རྣམས་འགྱུར་ཞིང་དཔེར་བརྗོད་ནི་འགྲེལ་བྱེད་རྣམས་ཀྱིས་ཚང་ཚིང་བསྟར་ཞིང་། །དེ་ཡང་ལེགས་སྦྱར་ལ་བག་ཆགས་འཇོག་ཁུལ་བྱེད་པ་རྣམས་ཀྱིས་གོ་དོན་མཐར་ཐུག་ཏུ་རློམ་པ་དེ་ཀ་ལགས་ཕྱིར་མ་སྤྲོས། ཡང་། བྱེད་དུ་འཇུག །འཕྲོག་ཏུ་འཇུག་ཅེས་པ་ལྟ་བུ་བྱེད་པ་པོས་བྱ་བའི་འབྲས་བུ་ལ་དགོངས་པ། ཙཱནྡྲ་པ་སོགས་སུ་འབྲས་བུ་ལྡན་པའི་བྱེད་པ་པོར་གྲགས་པ་ལ་

[Full Size]

ཨིནྲ་ཀཱ་རི་ཏ་སྦྱོར་བ་ན་བདག་དོན་གཞན་དོན་གཉིས་ཀ་འཇུག་སྟེ། ཀཱ་ར་ཡ་ཏི། ཀཱ་ར་ཡ་ཏེ། ཌུཀྲྀཉྲ་བྱེད་པ་ལས་ཨིནྲ་དང་ཏི་ཏེ་ཨནྲ་བི་བཅས་ཀྱིས་བསྒྲུབ་པ་དང་། ཧཱ་ར་ཡ་ཏི། ཧ་ར་ཡ་ཏེ། ཧྲྀཉ་འཕྲོག་པ་ལས་ཨིནྲ་སོགས་ཀྱིས་བསྒྲུབས་པ་ལྟ་བུའོ། །ཡང་། ཡ་ཛ་སོགས་དང་། ཌུདཱཉྲ་སྦྱིན་པ་ལྟ་བུའི་ཉྲ་རྗེས་སུ་འབྲེལ་བ་རྣམས་ལས་ཀྱང་གཉིས་ཀ་འགྱུར་ཞིང་། བྱིངས་བྱིངས་སུ་བསྒྲུབ་པའི་རྐྱེན་སནྲ་བྱིན་པའི་ཚེ་སནྲ་སྦྱིན་ཡུལ་གྱི་བྱིངས་དེ་ཉིད་བདག་གཞན་དང་གཉིས་ཀའི་ཚིག་ཅན་གང་དུ་བཀླགས་པ་དེའི་སྔར་གྱི་ཐོབ་ཐང་ལྟར་གཉིས་པོ་གང་རུང་སྦྱིན་པར་འགྱུར་རོ། །ཡང་། ལྷག་མ་ལས་བྱེད་པ་པོ་ལ་པ་ར་སྨཻའི་ཚིག་གོ་ཞེས་གསུངས་པས་བདག་དོན་དང་གཉིས་ཀའི་ཚིག་ཅན་ཏུ་བཤད་པའི་བྱིངས་དང་རྐྱེན་ལྷག་མ་གཞན་ལས་པ་ར་སྨཻ་ས་ད་རྣམས་འགྱུར་ཞིང་། འདི་རྣམས་ཀྱིས་ནི་བྱེད་པ་པོ་གསལ་བར་བྱེད་པ་ཡིན་ནོ། །བྱིངས་ལ་དཔེར་ན། བྷཱུ་ཡོད་པ་ལས་ཏི་དང་ཨནྲ་བི་ཚིག་གྲོགས་དང་སྦྱར་བས། བྷ་བ་ཏི་དེ་བ་དཏྟོོ྅དྐུར། རྐྱེན་ལ་དཔེར་ན། པུཏྲ་ལ། མིང་ལས་བདག་ཉིད་ཀྱི་འདོད་པ་ལ་ཡིནྲ་འོས་ཡིནྲ། ན་དང་ཨི་ཕྱིས། ཡིནྲ་ལ་ཨའི་ཡི་གེའོ་ཞེས་པས་རྟགས་མཐའི་ཨ་ཨཱི། མདོ་ ལྷས་བྱིན་གྱི་མྱུ་གུ་འབྱུང་བར་བྱེད། །

[Full Size]

འདིས་ཏི་དང་། བར་དུ་ཨནྲ་བི་སོགས་ཀྱིས། པུ་ཏྲཱི་ཡ་ཏི། གྲུབ་པ་ལྟ་བུའོ། །ཡང་མཚོ་ལྡན་མར། ཨ་ནུ་དཏྟ་རི་ཏ་ལས་ཨཱ་ཏྲའོ། །ཉིཏྲ་དང་སྭ་རི་ཏ་འགྲོ་བ་ལས་གཉིས་ཀའོ། །གཞན་ལས་གཞན་ནོ། །ཞེས་སྔར་བཤད་མ་ཐག་པ་ལྟར་ལ། བདག་ཉིད་ཀྱི་བུར་འདོད་པར་བྱེད། དམའ་བར་འདོན་པའི་བྱིངས་རྣམས་ལས་ཨཱཏྨ་དེ་པ་ད་དང་། བར་མ་འདོན་པ་ལས་གཉིས་ཀ་དང་། དེའི་ཤུགས་ལས་ཨུ་དཏྟ་མཐོ་བར་འདོན་པ་ལ་པ་ར་སྨཻ་ས་ད་འཇུག་པར་གསུངས་ཀྱང་བོད་ཀྱི་རང་སྐད་ལྡབ་ལྡིབ་སྨྲ་བ་ལ་དེ་འདྲའི་རྣམ་བཞག་ཆེར་མི་མཁོ་ཞིང་། སྤྱི་ཙམ་ནི་ཏྲད་ཨཱ་ན་ཇི་ལྟར་བཀླགས་པ་ཞེས་པས་གྲུབ་པའི་ཕྱིར་ཞིབ་ཏུ་མ་སྨོས་སོ། །གཉིས་པ་ནི། བྱེད་པ་པོ་ལ་བ་ར་སྨཻ་ས་ད་ལས་གཞན་མི་འཇུག་པ་དང་། དངོས་པོ་དང་ལས་ལ་ཨཱཏྨ་ནེ་ས་ད་ཁོ་ན་འཇུག་ཅིང་། །གཞན་ཡང་བྱིངས་མདོར་བཀླགས་པའི་རིམ་པ་ལས་མི་འགོད་ཡང་། གཞན་དོན་གྱི་ཚིག་ཅན་གྱི་བྱིངས་ལ་བར་རྐྱེན་ཨྲ་བྱིན་པའི་ཚེ། དེ་དངོས་པོ་དང་ལས་ཀྱི་དོན་ཅན་ཡིན་པས་ཨཱཏྨ་ནེའི་ཚིག་ལས་པ་རཏྨཻ་མི་འཇུག་པ་དང་། ཀྲྀཉྲ་གཉིས་ཀའི་ཚིག་ཅན་ཡིན་ཡང་འབྲས་བུ་དང་ལྡན་པའི་བྱེད་པ་པོ་ལ་ཨ་ནུ་དང་པ་རཱ་སྔོན་ཏུ་ཡོད་པའི་ཚེ་ཨཱཏྨ་ནེ་ས་ད་རྣམས་མི་འཇུག་པ་སོགས་སོ། །གསུམ་པ་ནི། །

[Full Size]

དྻུ་ཏ་ལ་སོགས་པའི་བྱིངས་ཉི་ཤུ་རྩ་གཉིས་རྣམས་ལས་ཨདྱ་ཏ་ནཱིའི་རྐྱེན་ཕ་རོལ་ལ་བདག་དོན་དང་གཞན་དོན་གཉིས་ཡང་ན་བར་བཤད་པ་དང་། འཇམ་དཔལ་བྱཱ་ཀ་ར་་སོགས་སུ། ཌཱ་ཙྲ་དང་ལོ་ཧི་ཏ་སོགས་ལས་ཀྱཥྲ་བྱིངས་ཀྱི་དོན་ལ་འགྱུར་བས་དེ་མཐར་བྱེད་པ་པོ་བརྗོད་པའི་ཚེ་ཚིག་གཉིས་ཀ་ཡང་ན་བར་འགྱུར་བར་བཤད་པ་སོགས་འདི་རིགས་ཙཱནྡྲ་པར་ཤིན་ཏུ་རྒྱས་པས་ཞིབ་པར་ཤེས་འདོད་ན་དེར་བལྟ་བས་གསལ་ལོ། །དེ་ལས་ནང་གསེས་རྐྱེན་བཅོ་བརྒྱད་པོ་ཕྲག་བཅུ་རྣམས་རང་མིང་གིས་དུས་ཀྱི་ཁྱད་པར་ལ་འཇུག་པ་གོང་དུ་ཕྱོགས་ཙམ་བསྟན་པས་འཐུས་ལ་དཔེར་བརྗོད་ནི་འབྲེལ་བ་གང་དུའང་རྒྱས་པས་མ་སྤྲོས་ལ། པཉྩ་མཱི་དང་། སཔྟ་མཱིའི་འཇུག་ཚུལ་ཕྱོགས་ཙམ་བསྟན་ན། པཱ་ི་པའི་གཞུང་འགྲེལ་དང་། བྷཱ་ཥ་ལས། སྒྲུབ་པ། ངེས་པར་འབོད་པ། ཀུན་ཏུ་འབོད་པ། ལྷག་པར་འདོད་པ། ཡང་དག་པར་དྲི་བ། དོན་ཏུ་གཉེར་བ་རྣམས་ལ་ལིདྲའོ། །ཞེས་འབྱུང་བས། སྒྲུབ་པ་ནི་བྱ་བ་ལ་སྦྱོར་བ་ཙམ་དང་། ངེས་པར་འབོད་པ་ནི། བྱ་བ་ལ་ངེས་པར་སྦྱོར་བ་དང་། ཀུན་ཏུ་འབོད་པ་ནི་འདོད་པ་བཞིན་སྤྱོད་དུ་འཇུག་པ་དང་། ལྷག་པར་འདོད་པ་ནི་གསོལ་བ་འདེབས་པར་སོགས་ཏེ། དེ་རྣམས་རིམ་པ་ལྟར་དཔེར་བརྗོད་ན། སྒྲུབ་པ་ལ་

[Full Size]

ཀྲྀཉྲ་བྱེད་པའི་བྱིངས་ལས། སཔྟ་མཱིའི་ཡཱཏྲ། ཏནྲ་སོགས་ལས་ཨུ་བི། ཀ་རོ་ཏི་ལས་རྟག་ཏུའོ། །སཔྟ་མཱིའི་ཡ་ལའང་ངོས་ཨུ་དབྱི། བྱིངས་ཐམས་ཅད་པ་ཡོན་ཏན་མེད་པ་ལ་ཨའི་ཨུ་ཡིག་གོ། །དབྱངས་མེད་དྲངས་ནས་ཚིག་གྲོགས་དང་སྦྱར་བས། ཀ་ཊཾ། ཨཱ། ཀུ།།།ཏྲ་བྷ་བཱནྲ། ཁྱོད་ཀྱིས་རེ་ལྡེ་བྱོས་ཤིག །ཅེས་རེ་ལྡེ་བྱེད་པ་ལ་སྦྱོར་བ་ཙམ་དང་། ངེས་པར་འབོད་པ། བྷཱུ་ཛ་ཟ་བ་ལས། ཨཱི་ཏ། རུ་དྷ་སོགས་ཀྱི་དབྱངས་ལས་ཕ་རོལ་དུ་ན་སྒྲ་འོས་ན་བི། རུ་དྷ་སོགས་ཀྱི་བི་ཀ་ར་འི་མཐའི་དབྱིའོས་ནྲའི་དབྱངས་ཕྱིས། སྡེ་པ་ལ་སྡེ་པའི་མཐའ་འོས་ནྲ་ཉྲ་རུ་བསྒྱུར། དབྱངས་མེད་དྲངས། ངག་དང་སྦྱར་བས། ཨི་ཧ་བྷ་བཱནྦྷུཉྫ་ཏ། འདིར་ ཨཱ་ ཁྱོད་ཟོ་ཞིག །ཅེས་གནས་དེར་ངེས་པར་ཟ་བཅུག་པ་ལྟ་བུ་དང་། ཀུན་ཏུ་འབོད་པ་ལ། ཨཱསྲ་ཉེ་བར་སྡོད་པ་ལས། ཨཱི་ཏ། ཨནྲ་བི། ཨདྲ་སོགས་ལས་དེ་འཇིག །དྲངས་པ་སོགས་ཀྱིས། ཨི་ཧ་བྷ་བཱནྣ་སཱི་ཏ། ཁྱེད་འདིར་བཞེད་པ་བཞུགས་ཤིག །ཅེས་འདོད་པ་དང་བསྟུན་པ་ལྟ་བུ་དང་། ལྷག་པར་འདོད་པ་ལ། རབ་བྱེད་ཟླ་ཟེར་དུ། བཀུར་སྟི་སྔོན་མ་ཅན་གྱི་བྱ་བ་བསྒྲུབ་པ་ནི་གསོལ་བ་འདེབས་པ་ཞེས་བཤད་དེ། །

[Full Size]

ཨིདྲ་ཀློག་པའི་བྱིངས། ཨ་དྷི་སྔོན། བྱིང་ས་ལས་ཀྱང་རྒྱུ་ལ་འོས། སྦྱོར་བ་པོའི་བྱ་བ་ལ་ཨིནྲ་ཀཱ་རི་ཏྲ། །སྤིདྲ་ཛི་ཀྲཱི་ཨིདྲ་རྣམས་ཀྱི་ཨིནྲ་ལ་འོས་ཨིདྲའི་ཨི་ཨཱ། ཨ་དྷི། ཧྲཱི། ཙླཱིི། རཱི། ཀྣུ་ཡཱི། ཀྵཱཾ་ཡི་དང་ཨཱཏྲ་མཐའ་རྣམས་ཀྱིས་མཐའ་སྟེ་ཡ་དབྱི་ཞིང་ནཱ་མི་རྣམས་ཀྱི་ཡོན་ཏན་ནོ་ཞེས་པས་ ཨཱ་ བྱིངས་མཐར་ས་ཨཱ་ག་མ། ཨ་དབྱི། དྲངས། ཨཱ། སྒྲུབ་པ་སོགས་རྣམས་ལ་སཔྟ་མཱིའང་ངོས་སཔྟ་མཱིའི་གཞན་དོན་གྱི་སྐྱེས་བུ་དང་པོའི་གཅིག་ཚིག་ཡཱཏྲ། བར་རྐྱེན། ཨཱ། བྱེད་པ་པོ་ལ་སོགས་ཀྱིས་ཨནྲ་བི། ནྲ་དབྱི། ནཱ་མིའི་མཐའི་བྱིངས་དང་སོགས་ཀྱིས་ཨི་ཡོན་ཏན་ཨེ། ཨེ་ཨ་ཡྲ་དྲངས། ཡ་སྒྲའིའང་སཔྟ་མཱིའི་འོས་ཡ་ཨི་རུ་བསྒྱུར། ཨའི་ཡི་གེ་ཨིའི་ཡི་གེ་ལ་ཨེའོ། །ཨིའི་ཡི་གེ་འདྲ་བའི་ ཨཱ་ ཡི་གེ་མ་ཡིན་པ་ལ་སོགས་ཀྱིས་ཨ་དྷིའི་ཨི་ཡྲ། དབྱངས་མེད་དྲངས་ཨཱ། པ་སོགས་ཀྱིས། མཱ་་བ་ཀཾ་བྷ་བྲནྣ་སཱན། དྷྱཱ་ས་ཡེ་ཏྲ། ཁྱོད་ཀྱིས་སཱནྲ། ཁྱེའུ་ལ་ཀློག་ཏུ་འཇུག་པར་མཛོད། ཅེས་མཁས་པ་ལ་རིམ་གྲོ་སྔོན་ཏུ་འགྲོ་བས་ཁྱེའུ་ཀློག་གྲར་སྦྱར་བ་ཞེ་སའི་ཚིག་གིས་སྨྲས་པ་ལྟ་བུའོ། །ཡང་དག་པར་དྲི་བ་སྟེ་གྲོས་བ་གྲོ་བ་ལ། ཨ་དྷི་སྔོན་མའི། ཨིདྲ་ཀློག་པ་ལས། སཔྟ་མཱིའི་

[Full Size]

བདག་དོན་གྱི་སྐྱེས་བུ་ཐ་མའི་གཅིག་ཚིག་ཨཱི་ཡ། ལར་རྐྱེན་ཨནྲ་བི། ཨདྲ་སོགས་ལས་དེ་འཇིག །བྱིངས་ཀྱི་ཨིའི་ཡི་གེ་དང་ཨུའི་ཡི་གེ་དག་མཐའི་དབྱངས་དང་པོ་ཅན་ལ་ཨིཡྲ་ཨུབྲ་དག་གོས་བྱིངས་ཀྱི་ཨི་ཐུང་ཨི་ཡྲ་རུ་བསྒྱུར། ཨི་དག་མཚུངས་འདྲ་བྱས། དབྱངས་མེད་དྲངས། ངག་དང་སྦྱར་བས། ཀིནྟུ་ཁ་ལུ་བྷི་བྱཱ་ཀ་ར་་མ་དྷཱི་ཡཱི་ཡ། འོ་ན་ཁྱེད་བརྡའ་སྤྲོད་པ་སློབ་པར་གྱིས་ཤིག་གུ། ཞེས་ལེགས་སྦྱར་དོན་ཏུ་གཉེར་བ་ཞིག་དང་ཕན་ཚུན་གྲོས་བགྲོ་བ་སྐད་དུ་བྱས་པའོ། །འདིར་ཁ་ལུ་ཞེས་པ་སྙིང་ཉེ་བའི་ཚིག་དང་། བྷོ་ཞེས་པ་བོད་ཚིག་ཡིན་ཡང་བྷ་བ་ཏ་ལས་བསྒྲུབ་པའི་ཕྱིར་ཁྱེད་ཅེས་པར་བསྒྱུར་དུ་རུང་ངོ། །དོན་ཏུ་གཉེར་བ་སྟེ་སློང་བ་ལ། ཌྲུ་བྷཥྲ་ཐོབ་པ་ལས་ཡཱམྲ་ཨནྲ་བི། རྗེས་འབྲེལ་རྣམས་ཕྱིས། ཡཱམྲ་ཡུསྲ་དག་གི་ཨི་ཡཱམྲ་ཨི་ཡུསྲ་དག་གོས་ཡཱམྲ་ཨི་ཡམྲ་དུ་བསྒྱུར། ཨའི་ཡི་གེ་ལ་ཨེ། སཱནྲ། མ་གསལ་བྱེད་ལ་རྗེས་སུ་ང་རོ་སོགས་བྱས་པས། ལ་བྷེ་ཡཾ་བྷི་ཀྵཱཾ། སློང་མོ་ཐོབ་པར་བགྱིའོ། །ཨཱ། ལྟ་བུའོ། །ཡང་། ཙནྡྲ་པར། ལོཊྲའོ་ཞེས་མདོ་སྔ་མར་ཁ་འཕངས་པས་སཔྟ་མཱི་མ་ཟད་པཉྩ་མཱིའང་སྒྲུབ་པ་སོགས་ཀྱི་དོན་དེ་རྣམས་ལ་འགྱུར་ཏེ། དོན་ཚན་དྲུག་པོ་རིམ་བཞིན་དཔེར་བརྗོད་ན། དང་

[Full Size]

པོ་ལ། ཀྲྀཉྲ་བྱེད་པ་ལས་པཉྩ་མཱིའི་ཏུ། ཏནྲ་སོགས་ལས་བར་རྐྱེན་ཨུ་བི། ནཱ་མིའི་མཐའ་སོགས་ཀྱི་ཨུ་ཡོན་ཏན་ཨོ། ཀ་རོ་ཏིའི་འོས་བྱིངས་ཀྱི་རྀ་ཨཏ། དྲངས་ནས་ངག་དར་སྦྱར་བས། ཀ་ཊཾ་ཀ་རོ་ཏུ་བྷ་བནྲ། ཁྱོད་རེ་ལྡེ་བྱོས་ཤིག །ཨོ་ཧཱཀྲ་གཏོང་བ་ལས། པཉྩ་མཱིའི་ཧི་དང་། ཨནྲ་བི། ཛུ་ཧོ་ཏི་ཨཱ་སོགས་རྣམས་ཀྱི་བྱིངས་ཐམས་ཅད་པ་ལ་འོས། བྱིངས་རྗེས་འབྲེལ་ཕྱིས་པ་གཉིས་བརྗོད། ཨདྲ་སོགས་ལས་ཨནྲ་བི་འཇིག །ཧའི་ཛ་འོས་ཧཱ་སྔོན་མ་ཛཱ། ཐུང་ངུ་འོས་དེ་ཐུང་། གཉིས་ཀ་རྣམས་ཀྱི་དཱ་མིན་པ་པའི་གསལ་བྱེད་དང་པོ་ལ་ཨི་ཡིག་གོས། ཧཱ་ཧཱི། ཚིག་གྲོགས་ཨཱ། སྦྱར་བས། ཛ་ཧཱི་ཧི་པཱ་པཱཾ། ཨཱ། སྡིག་པ་སྤོངས་ཤིག །ཀྲྀཉྲ་ལས་ཧི། ཨཱ། ཨུ་བི་ཀ་རོ་ཏིའི་འོས་བྱིངས་ཡོན་ཏན་ཧི་ལའང་ངོས་བི་ཀ་ར་་ཡོན་ཏན་བཀག །ནུ་ལས་ཀྱང་བརྩེགས་པ་མ་ཡིན་པའི་བི་ཀ་ར་་ལས་སོ། །ཨུ་ཡིག་ལས་ཀྱང་ངོ་ཞེས་པ་དག་གིས་ཧི་དབྱི། ངག་དང་སྦྱར་བས། ཀུ་རུ་ད་ཡཱཾ། བརྩེ་བར་མཛོད། ལྟ་བུའོ། །གཉིས་པ་ནི། ཨཱ་ བྷུ་ཛ་ཟ་བ་ལས་ཨཱཏྨ་ནེའི་ཏཱཾ་སྦྱར། རུ་དྷ་སོགས་ཀྱིས་དབྱངས་ལས་ཕ་རོལ་ཏུ་ན་བི་ཀ་ར་། དེའི་ཨ་དབྱི། མན་ངག་གི་དྷུ་ཊྲ་ལ་རྗེས་སུ་ང་རོ། ཙ་སྡེའི་འདྲ་བའི་ཡི་གེ་མ་

[Full Size]

ཡིན་པ་ལ་ཀི་འོས་ཛྲ་ཀི་རུ་བསྒྱུར། ཨི་རྗེས་འབྲེལ་ཕྱིས་ནས་དྲངས་པ་སོགས་ཀྱིས། ཨི་ཧ་བྷ་བཱནྲ་བྷུཾཀྟཱཾ། འདིར་ཁྱོད་ཟོ་ཞིག །གསུམ་པ་ཨཱ་ས་ཉེ་བར་སྡོད་པ། །ཏཱམྲ་དང་ཨནྲ་བི། དེ་ཨདྲ་སོགས་ལས་འཇིག །དྲངས་ཤིང་སྦྱར་བ་བཅས་ཀྱིས། ཨི་ཧ་བྷ་བཱནྣཱསྟཱཾ། འདོད་ན་འདིར་ཁྱོད་གནས་པར་བྱ། བཞི་པ་ནི། ཨ་དྷི་སྔོན་མའི་ཨིདྲ་ཀློག་པ་ལས་ཨིནྲ་ཀྵ་རི་ཏ། ཨི་ཨཱ། པ་ཨཱ་ག་མ། པཉྩ་མཱིའི་ཏུ་སྦྱར། གཞན་ཨནྲ་བི་སོགས་གོང་ལྟར་བསྒྲུབས་ནས་ངག་དང་སྦྱར་བས། མཱ་་བ་ཀཾ་བྷ་བཱནྣ་དྷྱཱ་པ་ཡ་ཏུ། ཁྱོད་ཀྱིས་ཁྱེའུ་ལ་སློབ་པར་གྱིས་ཤིག །ལྔ་པ་ནི། ཨ་དྷི་སྔོན་མའི་ཨིདྲ་ལས། པཉྩ་མཱིའི་བདག་དོན་གྱི་སྐྱེས་བུ་ཕྱི་མའི་གཅིག་ཚིག་ཨཻ་སྦྱར། ཨནྲ་བི་འཇིག །ནཱ་མའི་མཐའི་སོགས་ཀྱིས་བྱིངས་ཡོན་ཏན་ཨེ། ཨེ་ཨཡྲ། ཨིའི་ཡི་གེ་འདྲ་བའི་ཡི་གེ་སོགས་ཀྱིས་ཨ་དྷིའི་ཨིཡྲ་རུ་བསྒྱུར་ནས་དྲངས། ངག་དང་སྦྱར་བས་ཀིནྟུ་ཁ་ལུ་བྷོ་བྱཱ་ཀ་ར་་མ་དྷྱ་ཡཻ། འོ་ན་ཁྱེད་བརྡ་སྤྲོད་པར་སློབ་པར་མཛོད་ཅིག་གུ། དྲུག །སཱནྲ། པ་ནི། ཌུདཱཉྲ་སྦྱིན་པ་ལས་པཉྩ་མཱིའི་ཧི་དང་། ཨནྲ་བི་སྦྱར། བྱིངས་གཉིས་བརྗོད་ཅིང་ཨནྲ་འཇིག །དཱ་ཨསྟི་དག་གི་ཨེ་སྟེ་ཨ་བྷྱཱསྲ་དབྱི་བའང་ངོས་དཱ་སྔ་མ་དབྱི་

[Full Size]

ཞིང་ཕྱི་མའི་ཨ་ཨེ་རུ་བསྒྱུར། ཚིག་གྲོགས་སྦྱར་བས། དེ་ཧི་མེ་བྷིཀྵཱཾ། བདག་ལ་བསོད་སྙོམས་བྱིན་ཅིག །ཛཱི་བ་སྲོག་འཛིན་པ་ལས་ཏུ་དང་ཨནྲ་བི་སྦྱར་བ་སོགས་ཀྱིས། ཛཱི་བ་ཏུ་བྷ་བཱནྲ། །ཁྱོད་ཀྱི་འཚོ་བར་མཛོད། ལྟ་བུའོ། །ཡང་། ཙཱནྡྲ་པར། སྤྲིང་བསྐུལ་རྗེས་སུ་གནང་བ་དུས་ལ་བབ་པ་རྣམས་ལ་པཉྩ་མཱི་འགྱུར་བར་བཤད་པས། དེ་ཡང་། སྤྲིང་བསྐུལ་ནི་མངགས་པ་དང་ལས་ལ་བསྐུལ་བ། རྗེས་སུ་གནང་བ་སྟེ་འདོད་པ་བཞིན་སྤྱོད་པ་རྗེས་སུ་གནང་བ། དུས་ལ་བབ་པ་སྟེ་བྱ་བ་བྱེད་པའི་སྐབས་སུ་བབ་པ་དེ་གསུམ་ལས་དང་པོའི་དཔེར་བརྗོད་ནི། གམླྀ་འགྲོ་བ་དང་། ཨི་ཥུ་འདོད་པ་ལས་པཉྩ་མཱིའི་ཏུ་དང་། བྱེད་པ་པོ་ལ་ཨནྲ་བི་སྦྱར། གམྲ། ཨི་ཥུ། ཡམྲ་རྣམས་ཀྱི་ཚ་འོས་མྲ་དང་ཥ་ཚ་རུ་བསྒྱུར། དབྱངས་ལས་ཕ་རོལ་ཚ་ཡིག་གཉིས་སུ་འགྱུར་རོ་ཞེས་པས་ཚ་གཉིས་བརྗོད། སྒྲ་མེད་པ་ལ་དང་པོའོས་ཚ་སྔོན་མ་ཙ་རུ་བསྒྱུར་ནས་དབྱངས་མེད་དྲངས། ངག་དང་སྦྱར་བས། གྲཱ་མཾ་གཙྪ་ཏུ། གྲོང་དུ་འགྲོ་བར་གྱིས། ཀརྟྟུ་མིཙྪ་ཏུ། བྱ་བ་འདོད་པར་གྱིས། ལྟ་བུའོ། །གཉིས་ ནཱ། པ་ནི། ཀྲྀཉྲ་ལས་ཧུ་དང་ཨུ་བི་སོགས་གོང་ལྡར་བསྐྲབས། སྦྱར་བས། ཨེ་བཾ་ཀུ་རུ། དེ་བཞིན་སཱནྲ། དུ་གྱིས་ཤིག །ལྟ་བུའོ། །གསུམ་

[Full Size]

པ་ནི། ཀ་ཊཾ་ཀུ་ཏུ། རྩྭ་ལྷས་བྱེད་རན་ནོ། །ལྟ་བུའོ། །ཡང་ཙཱནྡྲ་པར། འོས་པ་དང་ནུས་པ་ལའོ། །ཞེས་དེ་དག་གི་དོན་ལ་སཔྟ་མཱི་འགྱུར་བར་བཤད་པས། འོས་པ་ལ་དཔེར་ན། བ་ཧ་ཐོབ་པའི་བྱིངས་ལས། པཉྩ་མཱའི་ཡཱཏྲ་དང་། ཨནྲ་བི་བྱིན། ཡ་སྒྲའིའང་སཔྟ་མཱིའི་འོས་ཡཱ་ཨི་རུ་བསྒྱུར་ནས་མཚམས་སྦྱར་དྲངས། ངག་དང་སྦྱར་བས། བྷ་བཱནྲ་ཁ་ལུ་ཀ་ནྱཱཾ་བ་ཧེཏྲ། ཁྱོད་ཀྱིས་བུ་མོ་ལེན་པར་འོས་སོ། །ཡུ་བཱ་ཀ་ནྱཱཾ་བ་ཧེཏྲ། ལང་ཚོ་ཅན་ཨཱ། བུ་མོ་ལེན་པར་འོས་སོ། །ལྟ་བུའོ། །ནུས་པ་ལ་བ་ཧེཏ་སྔར་བཞིན། ཚིག་གྲོགས་སྦྱར་བས། ས་བྷཱ་རི་བ་ཧེཏྲ། དེས་ཁུར་འདྲེན་པར་འོས་སོ། །ལྟ་བུའོ། །ཡང་། ཀ་ལཱ་པར་ནུས་པ་ལ་པཉྩ་མཱི་འགྱུར་བར་བཤད་པས། པཱ་བཏུང་བའི་བྱིངས་ལ་པཉྩ་མཱིའི་གཞན་དོན་གྱི་སྐྱེས་བུ་ཕྱི་མའི་གཅིག་ཚིག་ཨ་ནི་དང་། བར་རྐྱེན་ཨ་ཏྲ་བི་བྱིན། པཱའི་པི་ཝྲའོ། །ཞེས་པས་པ་པི་བྲ་རུ་བསྒྱུར། དྲངས། མཚུངས་འདྲ་བྱས། སྦྱར་བས། ས་མུ་དྲ་མ་སི་པི་པཱ་ནི། རྒྱ་མཚོ་ཡང་འཐུང་བར་ནུས། ལྟ་བུའོ། །ཡང་། པཱ་ི་པར། སྨོན་པ་ ཨཱ། ལ་ལིདྲ་ལོཊ་དག་ལའོ། །ཞེས་སྨོན་པའི་དོན་ལ་ལིདྲ་སྟེ་ཨཱ་ཤཱི་རའི་རྐྱེན་རྣམས་འགྱུར་བ། དེ་བཞིན་ཏུ་པཉྩ་ལོཊྲ། མཱིའང་འགྱུར་བར་གསུངས་

[Full Size]

པས་ཨཱ་ཤཱིཥའི་དཔེར་བརྗོད་ནི་ཟུར་དུ་སྨོས་མི་དགོས། སཱ་སྲུང་བའི་བྱིངས་ལ་པཉྩ་མཱིའི་ཏུ་སྦྱར། ཨནྲ་བི་བྱིན། དེ་ཨདྲ་སོགས་ལས་འཇིག །སཱ་ཏུ་གྲུབ། ངག་དང་སྦྱར་བས། བུདྡྷཿསཱ་ཏུ་བཿ སངས་རྒྱས་ཀྱིས་ཁྱོད་ལ་སྲུངས་ཤིག །ལྟ་བུའོ། །འདི་དག་ལ་ཀ་ལཱ་པར་དོན་ཚན་ལྔ་པ་དང་བདུན་པ་ཞེས་གསུངས་པ་ནི། སྤྲིང་བསྐུལ། རྗེས་གནང་། དུས་ལ་བབ་པ། འོས་པ་དང་ནུས་པ་བསྡོམས་པ། སྨོན་པ་སྟེ་ལྔ་ལས་པཉྩ་མཱི་སྒྲུབ་པ་སོགས་དྲུག །འོས་པ་དང་ནུས་པ་བསྡམས་པས་བདུན་ལ་སཔྟ་མཱི་འཇུག་ཅིང་། རྒྱུད་ཉུང་གི་མདོས་དངོས་བསྟན་ཏུ་སྨོན་པ་ལའང་སཔྟ་མཱི་འཇུག་པ་ལྟ་བུ་བྱུང་ཡང་། པཱ་ི་པ་སོགས་གཞུང་ཆེན་པོ་གཞན་ཏུ་འཇུག་པར་མ་བཤད་པས། ནུས་པར་བྱེད་པ་དང་སྨོན་པར་བྱེད་པ་དག་ལའང་ངོ་ཞེས་པའི་བསྡུ་བར་རིགས་མཐུན་ཀྱང་སྔ་ཕྱིའི་ནང་གསེས་ཀྱི་དབྱེ་བས་འབྱེད་དགོས་པར་ཤེས་པར་བྱའོ། །འདིར་བ་རོཉྲཀྷྱཱའི་ཆ་ཤས་ཨཱམྲ་དང་། ཨདྱ་ཏ་ནཱིའི་ཆ་ཤས་སིཙྲ། སྲ། ཙྲ། ཨིཙྲ་རྣམས་ཀྱི་འཇུག་ཡུལ་གལ་ཆེ་བར་སྣང་ཡང་བྲི་བར་མ་ལྕོག་པས་ཀུན་བཤད་ཀྱི་ལེའུ་གཉིས་པར་རྟོགས་པར་བྱའོ། །ཀྲི་ཡཱ་ཏི་དྟི་ཞེས་པར་ཤོང་དཔང་སོགས་ཀྱིས་བྱ་བ་ཤོར་བར་བསྒྱུར་ཏེ་དོན་ཏུ་བྱ་བ་བསྒྲུབ་མི་བཏུབ་པའམ། མི་འོས་པ་ཞིག་

[Full Size]

གམ། བསྒྲུབ་ཏུ་རུང་ཡང་ད་ལྟ་མི་འགྲུབ་པ་ཞིག་ལ་བྱ་བ་སྦྱོར་བའི་ཚིག་བརྗོད་པ་སྟེ། བྷཱ་ཥའི་འགྲེལ་པ་ལས། གང་ཞིག་བྱ་བའི་དོན་ཏུ་བརྩམ་པའི་བྱ་བ་དེ་རྒྱུ་འགའ་ཞིག་ལས་མི་འགྲུབ་པ་ནི་ཀྲི་ཡཱ་ཏི་པཏྟིའོ། ཞེས་དང་། པཱ་ི་པའི་འགྲེལ་པར། འགའ་ཞིག་ལས་བྱ་བ་མི་འགྲུབ་པ་དེ་ལ་རྐྱེན་འདི་འགྱུར་རོ། །ཞེས་བཤད་དོ། །དེའི་དཔེར་བརྗོད་དུ། བྷཱ་ཥཱའི་འགྲེལ་པར། ཡདིབརྵསཧསྲམཛཱིབིཥྱཾཏདཱཔཏྟྲསཧསམཛནི་ཥྱཾ། གལ་ཏེ་ལོ་སྟོང་འཚོ་ན་དེའི་ཚེ་བུ་སྟོང་བསྐྱེད་པར་འགྱུར་རོ། །ཞེས་བྱུང་སྟེ། ཛཱི་བ་སྲོག་འཛིན་པ་དང་། ཛ་ན་སྐྱེད་པ་ལས་ཀྲི་ཡཱ་ཏི་པངྟིིའི་གཞན་དོན་གྱི་སྐྱེས་བུའི། གཅིག་ཚིག་སྱམྲ་སྦྱར། བྱིངས་ཀྱི་ཐོག་མར་ཨཊྲ། བྱིངས་ཐམས་ཅད་པ་མ་ཡིན་པའི་སོགས་ཀྱིས་བར་རྐྱེན་ཨིཊྲ་ཨཱ་གམ་རྗེས་འབྲེལ་རྣམས་ཕྱིས་ནས་སྦྱར། རྒྱུ་མཚན་ལས་སོགས་ཀྱིས་ས་ཥ་སྦྱར་བས་གྲུབ་བོ། །དེ་བཞིན་ཏུ། པཱ་ི་པའི་འགྲེལ་པར། སུབྲྀཥྚིཤྩེད་བྷ་བིཥྱཏྟདཱསུབྷིཀྵམབྷབིཥྱཏྲ། གལ་ཏེ་ཆར་ལེགས་པར་འབབ་པར་འགྱུར་ན་དེའི་ཚེ་སློང་མོ་བཟང་པོ་འབྱུང་ངོ་། །བྷཱུ་ཡོད་པ་ལས་སྱཏྲ་སྦྱར་ནས་སྔར་བཞིན་བསྒྲུབས་པའོ། །དེ་དག་འབྱུང་འགྱུར་གྱི་དཔེར་བརྗོད་དོ། །བྷཱུ་ཐོབ་པ་ལས་ཀྲི་ཡཱ་ཏི་པདྟིའི་སྱཏྲ། །

[Full Size]

ཐོག་མར་ཨཊྲ། བྱིངས་ཡོན་ཏན། ས་ཥ། ངག་དང་སྦྱར་བས། བདྷིརོནཱམཤབྷམཤྲོཥྱཏྲ། འོན་པས་སྒྲ་ཉན་པ་མཚར། འདི་འོན་པས་སྒྲ་ཉན་པ་མི་བཏུབས་པས་དེ་ལ་སྦྱར་བ་སྟེ་དུས་འདས་པའི་དཔེར་བརྗོད་དོ། །ཡང་། ཀ་ལཱ་པར། དངོས་པོ་དང་ལས་དག་ལའང་ངོ། །བྱིངས་ཐམས་ཅད་པ་ལ་ཡ་འོ་ཞེས་གསུངས་པ་ནི་བྱིངས་ཐམས་ཅད་པའི་རྐྱེན་བཞི་པོ་ཕ་རོལ་ལ། དངོས་པོ་དང་ལས་ཀྱི་དོན་ལ་བར་རྐྱེན་ཡ་འགྱུར་རོ། །དེའང་བྱིངས་ལས་བཅས་ལས་མེད་གཉིས་ཀ་ལ་འཇུག་ཅིང་ལས་མེད་པ་ལ་ཡྲ་སྦྱར་བས་དངོས་པོ་རྗོད་པར་བྱེད་དོ། །རྐྱེན་ནི་བདག་དོན་ཁོ་ན་དང་སྦྱོར་གྱི་གཞན་དོན་རྣམས་ཀྱིས་བྱེད་པ་པོ་བརྗོད་པས་དེ་དང་དེ་བྱ་བ་མི་མཚུངས་པའི་ཕྱིར་རོ། །དཔེར་ན། ཨཱསྲ་ཉེ་བར་སྡོད་པའི་བྱིངས་ལས་བརྟ་མཱ་ནའི་ཏེ། མདོ་འདིས་བར་རྐྱེན་ཡཱ་བྱིན། །དྲངས་པས། ཨཱ་སྱ་ཏེ་དེ་བ་དཏྟེན། ལྷས་བྱིན་གྱིས་སྡོད་པར་བྱེད། དངོས་པོའོ། །གམླི་འགྲོ་བ་ལས། ག་མྱ་ཏེ་གྲཱ་མཿགྲོང་དུ་འགྲོ། ལས་སོ། ཡང་། གམླྀ་ལས། བརྟ་མཱ་ན་ལ་དང་པོ་དང་གཞི་གཅིག་མིན་པ་དང་བོད་པ་ངག་ལ་ཤནྟྲྀདྲ་ཨཱ་ན་ཤྲ་དག་རྐྱེན་དུ་བྱིན། ཀྲི་ཏྲ། ཤ་ལ་བྱིངས་ཐམས་ཅད་པ་བཞིན་ཡང་ངོས་ཡཊ་བྱིན། ཤྲ་དེའི་དོན་ཡིན་པས་ཕྱིས། ཀྲྀཏྲ། ཐུང་ངུ་དང་ཨ་

[Full Size]

རུཥྲ་དག་གི་མ་མཐའ་འོས་ཡ་མཐར་མ་ཨཱ་ག་མ་བྱིན། མའི་སྲོག་གི་ཨ་ཕྱིས་ནས་དྲངས། མཐར་སི་བྱིན་པས་ག་མྱ་མཱ་ནཿགྲུབ་པའང་ལས་ཀྱི་དཔེར་བརྗོད་དོ། །ཡང་འཇམ་དཔལ་བྱཱ་ཀ་ར་་ལས། བྱ་བའི་གཞི་ལས་ཀྱི་བྱེད་པ་པོ་ཉིད་ལ་ལས་བཞིན་ན། ཞེས་གང་ལ་བྱ་བའི་ལས་གནས་པའི་བྱེད་པ་ཉིད་ལ་བྱེད་པ་པོར་བརྗོད་པར་འདོད་པའི་ཚེ་ལས་བཞིན་ཏུ་ཡཀྲ་འགྱུར་བར་བཤད་པས། པཙ་འཚེད་པའི་བྱིངས་ལས་བརྟ་མཱ་ནའི་ཏེ་དང་། བར་རྐྱེན་ཡྲ་བྱིན། ངག་དང་སྦྱར་བས། པཙྱ་ཏེ་ཨོ་ད་ནཿསྭ་ཡ་མེ་བ། ཟས་རང་ཉེད་འཚེད་པར་བྱེད། །འདིར་པཙྱ་ཏེ་ཞེས་པས་ལས་བརྗོད་ཅིང་། སྭ་ཡཾ་ཞེས་པས་བྱེད་པ་པོ་རྗོད་པར་བྱེད་དོ། །འཚེད་མཁན་གྱི་བྱེད་པ་པོ་གཞན་མེད་པར་ཟས་རང་ཉིད་འཚེད་པའི་དོན་ཏོ། །དེ་ལྟར་བཤད་པའི་བྱིངས་ལས་དང་བཅས་པ་དེ་རྣམས་ཀྱང་དེ་ལྟར་བརྗོད་མི་འདོད་པའི་ཚེ་ན་ལས་མེད་པར་འགྱུར་བའང་ཡོད་དེ། མཁས་པ་དྲང་སྲོང་བྱིན་གྱིས། དེ་ཉིད་ཀྱི་ཕྱིར་ལས་དང་བཅས་པའི་བྱིངས་རྣམས་ཀྱང་ལས་མེད་པ་ཅན་ཏུ་འགྱུར་རོ་ཞེས་ངེས་པར་བྱས་ནས་དངོས་པོ་ལ་ལ་ཡིག་གྲུབ་པ་ཡིན་ནོ། །ཀ་ཊེ་ཀྲི་ཡ་ཏེ་དེ་བ་དཏྟེ་ན། ལྷས་བྱིན་གྱིས་བྱ་བ་རྩ་ལྷས་ལ། སྭ་ཡ་མོ་ད་ནེ་ན་པཙྱ་ཏེ། ཟས་ཀྱིས་རང་ཉིད་

[Full Size]

འཚེད། སྭ་ཡ་མོ་ད་ནཻཿཔ་ཙྱ་ཏེ། ཟས་རྣམས་ཀྱིས་རང་ཉིད་འཚེད། ཞེས་པ་ཕྱོགས་རྣམས་ཀྱི་ཕལ་ཆེར་ཞེས་པའི་དོན་ཏོ། །ཞེས་གསུངས། འདིའི་དོན་ནི་ཀྲྀཉྲ་དང་པཙྲ་བྱིངས་ལས་བཅས་ཡིན་ཀྱང་སྔ་མ་ལས་ལ་རྣམ་དབྱེ་བདུན་པས་བསྟན་པ་གཞིར་བྱེད་པ་དང་། ཕྱི་མ་གཉིས་བྱེད་པ་པོས་བསྟན་པ་ལས་ཀྱི་བྱེད་པ་པོར་གསལ་བའི་ཕྱིར་ཚིག་གྲོགས་དེ་དག་གི་ནུས་པ་ལ་མ་ལྟོས་པར་བྱིངས་རང་ཉིད་ཀྱི་ནུས་པ་མི་གསལ་བས་ལས་མེད་དུ་བྱས་པ་དང་། པུཛྫ་རཱ་ཛརྲ་ཡང་གསུངས་པ། ལས་ལ་མ་ལྟོས་པའི་བྱ་བ་འབྱུང་བ་ནི་ལས་བཅས་སུ་བཤད་དོ། །ཞེས་པ་འདིའང་ཕྱི་རོལ་གྱི་ལས་ལ་མ་ལྟོས་པ་ཉིད་བཤད་པར་ཤེས་པར་བྱའོ། །དེའང་ལས་དང་བཅས་པའང་ལས་བརྗོད་པར་མི་འདོད་ན་ལས་ལ་མ་ལྟོས་པར་བྱ་བའི་དངོས་པོར་བརྗོད་པ་ཉིད་བཤད་དེ། བྷཱུ་ཛྱ་ཏེ། བཟའ་བ། དེ་བཞིན་ཏུ། བ་ཧ་ཐོབ་བྱེད་ལའོ། །ཞེས་པའི་བྱིངས་འདི་ནི་ཐོབ་པར་བྱེད་པ་ཉིད་ཀྱིས་ལས་དང་བཅས་པ་ཡིན་ཡང་ལས་མེད་པར་བརྗོད་པ་ཡང་ཡོད་དོ། །དེའང་དོན་གཞན་ལ་འཇུག་ཅིང་རབ་ཏུ་འབྲང་བའི་དོན་ཉིད་ཀྱིས་ཕྱིར་ལས་ལ་མ་ལྟོས་པར་མཐོང་སྟེ་དཔེར་ན། ན་དཱི་པ་ཧ་ཏི། གཙང་པོ་འབབ་པ་ལ་སོགས་པའོ། །ཡང་ནྀྲ་ཏཱི་ལུས་བསྐྱོད་པ་ལའོ། །ནྀྲ་ཏྱ་ཏཱཾ། གར་གྱིས། ཞེས་སོ། །ཞེས་

[Full Size]

གསུངས། ཡང་། བྱིངས་ལས་མེད་རྣམས་ལས་ཅན་ཏུ་བྱས་པས་རབ་ཏུ་གྲགས་པའི་ལས་ལ་མི་ལྟོས་པར་ཡང་མཐོང་སྟེ། དེ་ཉིད་ལས། ཇི་སྐད་དུ། བྱིངས་ཀྱི་དོན་ནི་ཉེར་བསྡུས་པས། །བྱིངས་དོན་གཞན་ཏུའང་འཇུག་འགྱུར་ཏེ། །རབ་གྲགས་བརྗོད་པར་མི་འདོད་ན། །ལས་མེད་རྣམས་ལས་ཅན་བྱ་བའོ། །འཆད་པར་འགྱུར་བ་ལས་མེད་པའང་འགའ་ཞིག་ཏུ་ལས་དང་བཅས་པ་ཉིད་རྗེས་སུ་འདུག་གོ། །ཞེས་གསུངས་པས་ལས་མེད་རྣམས་ལས་ཅན་ཏུ་བྱ་བ་ནི་རྣམ་དབྱེ་ཏེ་དང་ཏི་སོགས་ཀྱི་མཐའ་ཅན་ཏུ་བྱ་བའི་དོན་ཏེ། གཞན་ཡང་སྒྲ་གཞུང་རྣམས་སུ། དུས་དང་དངོས་པོ་དང་ཡུལ་དང་ལམ་གྱི་དོན་རྣམས་ཀྱིས་ལས་མེད་པའི་བྱིངས་དང་སྦྱོར་བ་ན་ལས་ཀྱི་མིང་ཅན་ཏུ་འགྱུར་བར་གསུངས་པས། དུས་ལ། ཨསྲ། ཡོད་པའི་བྱིངས་ལ་བརྟ་མཱ་ནའི་ཏི། ཨནྲ་བི། ཨདྲ་སོགས་ལས་འཇིག །མཱ་ས་ལེ་གཉིས་པའི་ཨམྲ་སྦྱར་བས། མཱ་ས་མསྟི། ཟླ་བར་གནས་པར་བྱེད། དངོས་པོ་ལ། གོ་དོ་ཧ་མསྟི། བ་འཇོ་བ་ལ་གནས་པར་བྱེད། ཡུལ་ལ། ཀུ་རུལ་ཤསྲ་བྱིན་ནས། ཥྭ་པྲ་ཉལ་བའི་བྱིངས་ལས་ཏི་དང་ཨནྲ་བི་བྱིན་པ་དང་སྦྱར་བས། ཀུ་རཱུནྲ་སྭ་པི་ཏི། སྒྲ་ངན་རྣམས་སུ་ཉལ་བར་བྱེད། ལམ་ལ། ཀྲོ་ཤ་མསྟི། རྒྱང་གྲགས་ལ་ཡོད། །

[Full Size]

ཅེས་པ་ལྟ་བུའོ། །ཤཱིདྲ་ཉལ་བ། སྠཱ་འགྲོ་བ་ལས་ལྡོག་པ། ཨཱསྲ་ཡོད་པའི་བྱིངས་འདི་རྣམས་ལ་ཨ་དྷི་སྔོན་ཏུ་སྦྱར་བའི་ཚེ་ཀུན་འཛིན་པ་སྟེ་བདུན་པའི་དོན་ཅན་གྱི་ལས་ཀྱི་མིང་དུ་འགྱུར་བར་བཤད་པས། ཉེར་བསྒྱུར་ཨ་དྷི་སྔོན་མའི་བྱིངས་དེ་དག་ལས་ཏི་དང་ཏེ་སོགས་ཀྱིས་བསྒྲུབས། གྲཱ་མ་ལ་ཨམྲ་བྱིན་ནས་སྦྱར་བས། གྲཱ་མ་མ་དྷི་ཤེ་ཏེ། གྲོང་དུ་ལྷག་པར་ཉལ། གྲཱ་མ་ཨ་དྷི་ཏིཥྛ་ཏི། །གྲོང་ལ་ལྷག་པར་གནས། གྲཱ་མ་མ་དྷྱ་སྟི། གྲོང་ལ་ལྷག་པར་འདུག་སོགས་སོ། །ཡང་ཙནྡྲ་པར། འགྲོ་བ་དང་རྟོགས་པ་དང་སྒྲ་ཡི་དོན་དང་ལས་མེད་པ་རྣམས་ཀྱི་སྦྱར་བྱ་ལའོ་ཞེས་དོན་གྱིས་འཐོབ་པ་ཆོས་འབངས་ཀྱིས་ཁ་བསྐང་བ་སྟེ། ལས་མེད་པའི་བྱིངས་རྣམས་ལ་སྦྱོར་བ་པོའི་ི་ཙྲའམ་ཨིནྲ་ཀཱ་རི་ཏ་དང་བཅས་པའི་བྱེད་ཚིག་སྦྱར་བའི་བྱེད་པ་པོ་ཉིད་ཀྱང་སྦྱར་བར་བྱ་བའི་ལས་སུ་འགྱུར་ཏེ། གང་ཞིག་འགྲོ་བ་དང་། རྟོགས་པ་དང་། ཟ་བའི་དོན་དང་། །སྒྲའི་ལས་དང་། ལས་མེད་པ་རྣམས་ི་མེད་པ་ལ་བྱེད་པ་པོ་སྟེ།ི་དང་བཅས་པ་ལ་ལས་ཀྱི་མིང་ཅན་ནོ། །ཞེས་འབྲེལ་མཁས་ལས་བཤད་དོ། །འདིར་དེ་བ་དཏྟའི་སྒྲ་ི་མེད་པ་ལ་བྱེད་པ་པོ་སྟེ་ི་དང་བཅས་པ་ལ་ལས་སུ་འགྱུར་རོ། །ཨ་ས་ཡ་ཏི་དེ་བ་དཏྟཾ་སྠཱ་ནཾ། ལྷས་བྱིན་གནས་སུ་སྡོད་འཇུག་པར་བྱེད། ཤ་ཡ་ཡ་ཏི་དེ་བ་དཏྟཾ་སྠཱ་ནཾ།

[Full Size]

ལྷས་བྱིན་གནས་སུ་ཉལ་འཇུག་པར་བྱེད། སྠཱ་བ་ཡ་ཏི་མཱ་་བ་ཀཾ་སི་ཏཱ། ཕས་ཁྱེའུ་གནས་སུ་འཇུག་པར་བྱེད། ཅེས་པ་རྣམས་ཀྱི་བྱེད་པ་པོ་དངོས་ལ་རྣམ་དབྱེ་གཉིས་པར་སྦྱར་ཞིང་ཕྱི་མར་དང་པོ་སྦྱར་བ་དང་། ཨིནྲ་གྱིས་ལས་དང་བཅས་པ་འདྲ་བར་འགྱུར་བས་ན་ལས་ཀྱི་མིང་ཅན་ཞེས་བཤད་དོ། །སྠཱ་པ་ཡི་ཥྱ་ཏེ་མཱ་་བ་ཀཿཏ་རེ་ན། སྐྱོང་བྱེད་ཀྱིས་ཁྱེའུ་གནས་སུ་འཇུག་པར་བྱེད། ཅེས་པ་ཨིནྲ་ཀཱ་རི་ཏས་ལས་བཅས་སུ་བསྒྲུབ་པ་ཡིན་པས། མཱ་་བ་ཀ་ལ་བཤད་པའི་ལས་ལ་དང་པོ་སྦྱར་བའོ། །ཀ་ལཱ་པའི་བྱིངས་ཀྱི་འགྲེལ་པར། ཨཱ་སྭཱ་དཿ ལས་དང་བཅས་པ་ལས་སོ། །སྭ་ད་རོ་མྱོང་བ་ལའོ་ཞེས་འཆད་པར་འགྱུར་རོ། །ལས་ཏེ་བྱ་བ་བརྗོད་པ་ཅན་གྱིས་ཨ་ལས་ཕ་རོལ་གྱི་བྱིངས་དེ་ཉིད་ལས་ཨིནྲ་འགྱུར་རོ། །ཞེས་འཆད་པར་བྱེད་དོ། །ཨཱ་སྭཱ་ད་ཡ་ཏི་ཡ་བཱ་གཱུཾ། ཐུག་པའི་རོ་མྱོང་བར་བྱེད། ལས་མེད་པ་ལ་ནི། ཨཱ་སྭ་ད་ཏེ། རོ་མྱོང་བ། ཞེས་ཀློག་པའི་ཕྱིར་རོ། །ཞེས་གསུངས་པའི་དཔེར་བརྗོད་སྔ་མ་ནི་ཨིནྲ་དང་བཅས་པ་རོ་མྱོང་བར་བྱེད་པའི་བྱ་བ་སྟེ་ལས་ནི་ཐུག་པ་ཡོད་པས་ཡ་བཱ་གཱུ་ལ་གཉིས་པའི་ཨམྲ་བྱིན་པ་དང་། ཕྱི་མ་ནི་ཨིནྲ་མེད་པ་རོ་མྱོང་ཞེས་པ་དངོས་པོ་ཙམ་ལས་བྱ་བ་མེད་པའི་ཕྱིར་ལས་མེད་པ་ཉིད་དོ། །དེའི་ཕྱིར་འབྲེལ་མཁས་

[Full Size]

བྱེད་པོས། ལས་མེད་པར་ལ་ལར་ལས་དང་བཅས་པ་ཉིད་དང་རྗེས་སུ་མཐུན་པར་འགྱུར་ཏེ། ཉེར་བསྒྱུར་གྱི་སྟོབས་ལས་བྱིངས་དོན་གཞན་ཏུ་འདྲེན་པར་བྱེད་དེ། བི་ཧཱ་ར་ལ་སོགས་པ་ལྟ་བུའོ། །ཞེས་བཤད་དོ། །ད་ནི་དེ་ལས་འཕྲོས་ཏེ་བྱིངས་དང་མིང་ཡང་། བྱིངས་སུ་བསྒྲུབས་པའི་རྐྱེན་མཚོན་ཙམ་འཆད་པར་བྱ་སྟེ། པཱ་ི་དང་ཙཱནྡྲ་སོགས་སུ་སནྲ་ལ་སོགས་པ་བཅུ་གཉིས་གསུངས་ཤིང་། ཀ་ལཱ་པ་དང་དབྱངས་ཅན་ལས་དངོས་བསྟན་ཏུ་བདུན་ནམ་བརྒྱད་དགུ་ཙམ་བཤད་དོ། །དེ་ལ་འདིར་རྒྱུད་ཉུང་ལྟར་བཤད་ན། གུཔྲ་སྦེད་པ་དང་སྨོད་པའི་བྱིངས་དང་། ཏི་ཛ་རྣོ་བ་ལ་སྟེང་ཐོད་པ་ལའང་ངོ་ཞེས་པ་དང་། ཀི་ཏ་ངེས་པར་གནས་པ་ལ་ཏེ་ནད་སེལ་བ་ལའང་ངོ་ཞེས་པའི་བྱིངས་འདི་གསུམ་རིམ་བཞིན། སྨོད་པ་དང་། བཟོད་པ་དང་། ཐེ་ཚོམ་དང་གསོ་བ་ལ་འཇུག་པ་ན་རང་དོན་ལ་སནྲ་རྐྱེན་ཏུ་འགྱུར་ཏེ། བྱིངས་གསུམ་བཞག །གུཔྲ། ཏིཛྲ་ཀིཏྲ་རྣམས་ལས་སནྲ་འོས་སནྲ་རྐྱེན་བྱིན། ཨ་བྷྱཱསྲ་མེད་པའི་དང་པོའི་དབྱངས་གཅིག་པའི་གཉིས་བརྗོད་དོ། །ཙ་་པ་རོཉྲཀྵཱ་ཙེ་ཀྲཱི་ཡི་ཏ་སནྲ་མཐའ་རྣམས་ལ་འོས་བྱིངས་རྣམས་ཨཱ། གཉིས་སུ་བརྗོད། ནྲ་དེའི་དོན་ཡིན་པས་ཕྱིས། ཨ་བྷྱཱ་སྲའི ་ཨཱ་ གསལ་བྱེད་དང་ཕོ་ལྷག་མར་བྱ་འོས་བྱིངས་སྔོན་མའི་པྲ་ཛྲ་ཏྲ། ཨཱ་ རྣམས་ཕྱིས། ཀ་སྡེའི་

[Full Size]

ཙ་སྡེ་འོས་གུ་སྔོན་མ་ཛུ་དང་། ཀི་སྔོན་མའང་ཙི་རུ་བསྒྱུར། ཙ་སྡེའི་འདྲ་བའི་ཡི་གེ་མ་ཡིན་པ་ལ་ཀིའོས། ཏི་ཛྲའི་ཛྲ་ཀྲ་རུ་བསྒྱུར་ནས་དྲངས། རྒྱུ་མཚན་ལས་སོགས་ཀྱིས་ཀ་དང་འབྲེལ་བའི་ས་ཥ་རུ་བསྒྱུར། ཛུ་གུཔྶ། ཏི་ཏིཀྵ། ཙི་ཀིཏྭ་ཞེས་གནས་པར། དེ་རྣམས་བྱིངས་སོ་ཞེས་སནྲ་ལ་སོགས་པ་མིང་ངམ་བྱིངས་གང་ལ་བྱིན་ཀྱང་། ཨཱ། སླར་ཡང་བྱིངས་སུ་བསྒྲུབ་པར་བྱེད་པས་བྱིངས་དང་འདྲ་བའི་ཕྱིར་ཀྲྀཏྲ་དང་ཏིདྲའི་རྐྱེན་རྣམས་འཇུག་པས། ཨཱ་ འདིར་ཀུན་བཤད་ཀྱི་སྒྲུབ་པ་ན། སནྲ་གྱི་མཐའ་ལས་སྔ་མ་བཞིན་ནོ་ཞེས་བདག་དོན་དང་གཞན་དོན་གྱི་ཚིག་གང་ཐོབ་སྔར་གྱི་བྱིངས་དང་བསྟུན་དགོས་པས། དཔེར་ན། གུཔྲ་དང་ཏི་ཛ་གཉིས་བྷཱུ་སོགས་ཀྱི་ཨཱཏྨ་ནེ་པ་ད་དང་། ཀིཏྲ་པ་ཨཱ། རསྨཻ་པ་དར་བཀླགས་པས་དེ་དང་དེ་ལྟར་བརྟ་མཱ་ནའི་ཏེ་དང་ཏི་བྱིན། བར་དུ་ཨནྲ་བི། ཨ་དང་མཚམས་སྦྱོར་གྱི་ཡི་གེ་དག་ལ་ཨའི་དེ་དག་སྟེ་དེ་དབྱི་བའང་ངོས་ཨནྲ་བིའི་ཨ་ཕྱིས་ནས་ཚིག་གྲོགས་དང་སྦྱར་བས། ཏི་ཏིཀྵ་ཏེ་ཨ་པ་རཱ་དྷཾ། གནོད་པ་ལ་བཟོད་པར་བྱེད། ཛུ་གུཔྶ་ཏེ་ཨ་ཨཱ། དྷརྨྨཾ། ཆོས་མིན་ལ་སྨོད་པར་བྱེད། བི་ཙི་ཀིཏྤ་ཏི་མེ་མ་ནཿ བདག་གི་ཡིད་ཐེ་ཚོམ་དུ་བྱེད་དོ། །ཙི་ཀིཏྤ་ཏྱཱ་ཏུ་རཾ་བྷི་ཥ་ཀཱ། སྨན་པས་མྱུར་དུ་གསོ་དཔྱད་བྱིད་དོ། །ཅེས་སོ། །སྤྱིར་བདག་

[Full Size]

དོན་གྱི་ཚིག་གིས་ལས་བརྗོད་པ་ཡིན་ཡང་། འདིར་སནྲ་དང་། ཡིནྲ་སོགས་དང་སྦྱར་བའི་ཚེ་བྱེད་པ་པོའི་དོན་ཏུ་འགྱུར་བ་དང་། ཨནྲ་བིས་ཀྱང་བྱེད་པ་པོ་བསྟན་ཅིང་། དབྱངས་ཅན་མའི་རབ་བྱེད་དུ། པཾ་སྟེ་གཞན་དོན་གྱི་ཚིག་ཅན་ནི་བྱེད་པ་པོ་ལ་འགྱུར་རོ། །འང་སྒྲས་བདག་དོན་གྱི་ཚིག་ཅན་ཡང་ངོ་ཞེས་གསུངས་པས་རྒྱ་འགྲེལ་རྣམས་སུ་ཡང་བྱེད་པ་པོའི་དོན་ཏུ་སྦྱར་བ་མཐོང་ངོ། །ཡང་། བྱིངས་ཏུམ་མཐའ་ཅན་ལས་བྱེད་པ་པོ་གཅིག་པ་ཅན་གྱི་འདོད་པའི་ལས་ལ་ཡང་ན་སནྲ་འགྱུར་ཞིང་དེའི་ཚེ་ཏུམྲ་འཇིག་པར་བཤད་པས། ཌུཀྲྀཉྲ་བྱེད་པའི་བྱིངས་ལ། བྱེད་པ་པོ་གཅིག་པ་འདོད་པའི་དོན་ལ་ཏུམྲ་འོས་ཏུམྲ་དང་། ཡོན་ཏན་བྱས་པས། ཀརྟུམྲ་གྲུབ། ཏུམྲའི་མཐའི་བྱིངས་ལས་ཞེས་སོགས་ཀྱིས་སནྲ་སྦྱིན་ཞིང་ཏུམྲ་འཇིག །རྒྱུ་མཚན་མེད་ན་རྒྱུ་མཚན་ཅན་ཡང་མེད་པས་ཀརྲ་ཞེས་པ་ཀྲྀ་རུ་ལོག །དེ་གཉིས་བརྗོད། རྀ་ཡིག་གི་ཨ་ཡིག་གོས་ཀྲྀ་སྔོན་མ་ཀ །ཀ་སྡེའི་ཙ་སྡེ། སན་ལ་ཨའི་ཡི་གེ་འོས་དེའི་ཨ་ཨི། དབྱངས་མཐའ་རྣམས་ཀྱི་སནྲ་ལ་འོས་ཕྱི་མའི་རྀ་རིང་། རྀ་ཏ་མཐའི་ཡོན་ཏན་མེད་པ་ལ་ཨིཏ་ྲའོས་དེ་ཨིཏྲ་ཏུ་བསྒྱུར། ཀུརྲ་ཚུརྲ་མིན་པའི་ནཱ་མིན་གྱིར་བྲ་དག་ལ་ ཨཱ། གསལ་བྱེད་ལའོས་ར་ཨུ་པ་དྷཱ་རིང་། དབྱངས་མེད་དྲངས། རྒྱུ་མཚན་ལས་ས་ཥ། བརྟ་མཱ་ནའི་ཏི་

[Full Size]

དང་ཏསྲ་ཨནྲ་བི་སྔར་ལྟར། ས་རྣམ་བཅད་བྱས་པས། ཙི་ཀཱིརྵཏྲི། ཏ་སི་ཀཱརྵ་ཏཿ བྱེད་པར་འདོད། ཡང་ན་ངག་ཉིད་དུ། ཀརྟྟུ་མིཙྪ་ཏི། ཞེས་བརྗོད་པར་བྱའོ། །མིང་ལས་བདག་ཉིད་འདོད་པ་ལ། ཡིནའོ། །ཞེས་མིང་ངམ་རྟགས་ཀྱི་མཐའ་རྣམ་དབྱེ་གཉིས་པའི་དོན་ཅན་ལས་བདག་ཉིད་ཀྱི་འདོད་པའི་དོན་ལ་ཡིནྲ་འགྱུར་ཞིང་། དེའང་གཞུང་གཞན་ཏུ། སྦརྲ། པྲྀ་ཐཀྲ། ལྟ་བུའི་མི་ཟད་པ་དང་ཨི་དམྲ། ཀིམྲ་ལྟ་བུའི་མྲ་མཐའ་ཅན་མ་ཡིན་པ་ལས་སོ། །ཞེས་གསུངས། དཔེར་ན། བདག་ཉིད་ཀྱི་བུར་འདོད་པ་བྱེད་དོ་ཞེས་པའི་དོན་ལ། ཨཱཏྨ་ནཿཔུ་ཏྲ་མིཙྪ་ཏི། ཞེས་གནས། པུ་ཏྲ་ལ་གཉིས་པའི་ཨམྲ། པུ་ཏྲམྲ་གྲུབ། འདིས་ཡིནྲ། དེང་གནས་རྣམ་དབྱེ་རྣམས་དབྱི་བར་བྱའོ་ས་ཨམྲ་འཇིག །ཨི་བརྗོད་དོན་དང་། ནྲ་ཁྱད་དོན་ཡིནྲ་ལ་ཨའི་ཡི་གེ་ལ་འོས་རྟགས་མཐའི་ཨ་ཨི་རུ་བསྒྱུར། མཐར་བརྟ་མཱ་ནའི་ཏི། ཨ་ནུ་བི་སོགས་ཀྱིས། པུ་ཏྲཱི་ཡ་ཏི། དེ་བཞིན་ཏུ། བསྟྲཱིི་ཡ་ཏི། དྷརྨཱི་ཡ་ཏི། བདག་ཉིད་ཀྱི་ཆོས་སུ་འདོད་པར་བྱེད་དོ། །སོགས་སོ། །ཀཱ་མྱ་ཡང་ངོ་། །ཞེས་དོན་དེ་ལ་ཀཱ་མྱ་ཡང་འགྱུར་བས། པུ་ཏྲ་ཀཱ་མྱ་ཏི། བསྟྲ་ཀཱ་མྱ་ཏི། དྷརྨ་ཀཱ་མྱ་ཏི། དོན་སྔ་མ་དང་། བདག་ཉིད་ཀྱི་གོས་སུ་འདོད་པར་བྱེད་དོ། །འདྲའོ། །འདོད་པའི་དོན་ཡིན་ཀྱང་བདག་ཉིད་ཀྱི་ལས་མིན་ན་

[Full Size]

རྐྱེན་འདི་དག་མི་འགྱུར་བས། རཱ་ཛྙཿཔུ་ཏྲ་མིཙྪ་ཏི། ལྟ་བུའོ། །ཉེ་བར་འཇལ་བ་ལ་ཀུན་སྤྱོད་ལའོ། །ཞེས་ཉེ་བར་འཇལ་བ་སྟེ་དཔེ་ལས་ཀུན་ཏུ་སྤྱོད་པའི་དོན་ལས་རྐྱེན་དེ་དག་འཇུག་སྟེ། དེའང་ལས་ཀྱི་དོན་ལས་སོ། །པུ་ཏྲ་མི་བཱ་ཙ་ར་རྒྱལ་པོའི་བུར་འདོད་པར་བྱེད་དོ། །ཏི་མཱ་་བ་ཀཾ། ཁྱེའུ་བུ་བཞིན་ཏུ་ཀུན་ཏུ་སྤྱོད་པར་བྱེད་དོ་ཞེས་པའི་དོན་ལ། པུ་ཏྲམྲ་ལ་སྔར་བཞིན་བསྒྲུབས། ཚིག་གྲོགས་སྦྱར་བས། པུ་ཏྲཱི་ཡ་ཏི་མཱ་་བ་ཀཾ། གྲུབ། འདིར། ཙཱནྡྲ་པར། གཞི་ལས་སོ། །ཞེས་རྣམ་དབྱེ་བདུན་པ་གནས་གཞིའི་མཐའ་ཅན་གྱི་མིང་ལས་དོན་དེ་ལ་རྐྱེན་དེ་དག་འགྱུར་བར་གསུངས་པས། ཁང་བཟང་ལ་ཁང་ཆུང་ལྟ་བུར་སྤྱོད་དོ་ཟེར་རྒྱུར། ཀུ་ཊི་ལ་དི། དི་ཨམྲ། ཀུ་ཊྱཱཾ་གྲུབ། ཡིནྲ་བྱིན་ནས་རྣམ་དབྱེ་འཇིག་པ་སོགས་སྔར་བཞིན་བསྒྲུབས། ཚིག་གྲོགས་དང་སྦྱར་བས། ཀུ་ཊཱི་ཡ་ཏི་པྲཱ་སཱ་དེ། ཡང་ན། པྲཱ་སཱ་དཱི་ཡ་ཏི་ཀུ་ཊྱཱཾ། གྲུབ་པ་ལྟ་བུའོ། །བྱེད་པ་པོ་ལ་ཨཱ་ཡི་སྟེ་པྲ་དབྲི་བའང་ངོ་། །ཞེས་མིང་ལས་བྱེད་པ་པོའི་རྣམ་དབྱེའི་དོན་ཏུ་དང་པོའི་སི་བྱིན་པའི་མཐའ་ཅན་ལས་དོན་དེ་ལ་ཨཱ་ཡི་འགྱུར་ཞིང་། གལ་ཏེ་མིང་ཁང་ཆུང་ལ་ཁང་བཟང་ལྟ་བུར་སྤྱོད་པར་བྱེད་དོ། །མཐར་སྲ་ཡོད་ན་ཡང་ན་དབྱི་སྟེ། ཨོ་ཛ་སྲ་དང་། ཨཔྶ་རསྲ་དག་གི་ནི་རྟག་ཏུ་དབྱི་བར་འགྱུར་རོ། །ག་རུ་ཌཿལ་

[Full Size]

ཨཱ་ཡི་བྱིན། སི་ཕྱིས་ནས་མཚམས་སྦྱར། ཨཱ་ཡིའི་ཨི་བརྗོད་དོན་དབྱི། །བརྟ་མཱ་ནའི་ཏེ་དང་། ཨནྲ་བི། ཚིག་གྲོགས་སྦྱར་བས། ཀཱ་ཀོ་སི་ག་རུ་ཌཱ་ཡ་ཏེ། བྱ་རོག་གིས་ཀྱང་མཁའ་ལྡིང་བཞིན་ཏུ་སྤྱོད། བ་ཡ་སྲ་ལས་སི་དབྱི། ཨར་ཡི་སོགས་སྔར་ལྟར། སྲ་ཡང་ཕྱིས་ནས་ངག་དང་སྦྱར་བས། ཛ་ལོ་པི་པ་ཡཱ་ཡ་ཏེ། ཛ་ལོ་པི་པ་ཡ་སྱ་ཏེ། ཆུས་ཀྱང་འོ་མ་བཞིན་ཏུ་སྤྱོད་པར་བྱེད། དཔེར་བརྗོད་ཕྱི་མ་འདིར། ནཱ་མི་དང་གསལ་བྱེད་མཐའ་ལས་ཨཱ་ཡིའི་དང་པོའི་འོས་པྲ་སྲོག་མེད་དང་སྦྱར་བའི་ཚེ་དང་པོའི་ཨཱ་ཕྱིས་པའོ། །དེ་བཞིན་ཏུ། ཨཔྶ་རསྲ་ལས། ཀུ།།།ཀཱ། བྱཔྦ་རཱ་ཡ་ཏེ། རྒུར་མོས་ཀྱང་ཆུ་སྐྱེས་མ་བཞིན་ཏུ་སྤྱོད། ཡང་། ཙཱནྡྲ་པ་སོགས་སུ་དོན་དེ་ལ་ཝིཔྲ་འགྱུར་བར་བཤད་པས། ཨ་ཤྭ་ལ་ཝིཔྲ་བྱིན། མི་འཇིག ཝིཔྲ་འཁོར་བཅས་ཕྱིས། ཏེ་དང་། ཨནྲ་བི། ཚིག་གྲོགས་སྦྱར་བས། ཨཱ་ཤྭ་ཏེ་གྷ་བྷཿབོང་བུའི་རྟ་བཞིན་ཏུ་སྤྱོད། ཡང་། གལྦྷ་ལས་ཝིཔྲ་དང་པ་རོ྅ཀྵཱའི་ཨཱམྲ། མཐར་ཀྲྀ྅ལས་པ་རོ྅ཀྵཱའི་བསྒྲུབས་པ་སྦྱར། །གཝྷཱཉྩ་ཀྲེ། མུ་ཅོར་བཞིན་ཏུ་སྤྱོད་པར་བྱས། ཞེས་སོ། །བྱིངས་དོན་ལ་ཨིནྲ་ཏེ་ཀཱ་རི་ཏའོ། །ཞེས་མིང་ངམ་རྟགས་ཀྱི་མཐའ་ལས་བྱིངས་ཀྱི་དོན་ཏུ་སྒྲུབ་པ་ལ་ཨིནྲ་

[Full Size]

འགྱུར་ཏེ་དེའི་མིང་ཀཱ་རི་ཏ་ཞེས་བྱའོ། །དཔེར་ན། བདེན་པ་གསལ་བར་བརྗོད་པའི་དོན་ལ། སཏྱ་ལ་འདིས་ཨིནྲ་བྱིན། བྱངས་ཀྱི་མདོར། སཏྱ་དང་། ཨརྠ་དང་པེ་ད་རྣམས་ཀྱི་མཐའ་ཨཱསྲ་ནི་ཀཱ་རི་ཏ་ཉིད་དོ་ཞེས་པས་མིང་མཐར་ཨཱསྲ་ཨཱ་ག་མ་བྱིན། མཚམས་སྦྱར། དྲངས། དེ་བྱིངས་སུ་གྱུར་པས་སླར་ཡང་རྐྱེན་གྱིས་བསྒྲུབ་དགོས་པའི་ཕྱིར་བརྟ་མཱ་ནའི་ཏི་དང་། ཨནྲ་བི། ནཱ་མའི་མཐའི་བྱིངས་སོགས་ཀྱིས་ཨི་ཨེ། ཨེ་ཨཡྲ། དྲངས། སདྱཱ་པ་ཡ་ཏི། བདེན་པར་བརྗོད། དེ་བཞིན་ཏུ། ནི་སྔོན་མའི་རཱུ་པ་ལས། གཟུགས་ལ་བལྟ་བར་བྱེད་དོ་ལ། ནི་རཱུ་པ་ཡ་ཏི། སཾ་སྔོན་མའི་བརྨྨནྲ་ལ། གོ་ཆ་བགོ་བར་བྱེད་དོ་ལ། སཾ་བརྨྨ་ཡ་ཏི། ཁ་དོག་འཛིན་པ་ལ། བརྞྞ་ཡ་ཏི། ཀུན་ཏུ་འཇོམས་པ་ལ། ཙུརྞྞ་ཡ་ཏི། ལ་སོགས་པ་རྣམས་སོ། །ཕྱི་མ་འདི་རྣམས། ཨིནྲ་ལ་རྟགས་ཡི་གེ་གཅིག་མིན་པའི་མཐའི་དབྱངས་ལ་སོགས་པ་དབྱི་འོས་རྟགས་མཐའི་དབྱངས་དང་རྗེས་འབྲེལ་བཅས་ཕྱིས་ནས་སྦྱར་བའོ། །ཡང་། ལེགས་པར་བརྗོད་དོ། །ཞེས་པར། པྲ་ཤ་སྱ་ལ་ཨིནྲ། བྱིངས་མདོར། པྲ་ཤ་སྱའི་ཤྲ་འོས་དེ་ཤྲ་རུ་བསྒྱུར། དབྱངས་གཅིག་པ་རྣམས་ཀྱིས་ཨཏྲའི་མཐའ་རྣམས་ཀྱིའང་ངོ་ཞེས་པས་དེ་མཐར་ཨཱསྲ་བྱིན་ནས་སྔར་བཞིན་སྦྱར་བས། ཤྲཱ་པ་ཡ་ཏི། །

[Full Size]

བྲྀདྡྷ་ལས། རྒན་པོ་བརྗོད་དོ་ལ་ཨིནྲ། པྲྀདྡྷའི་ཡང་ཛྱ་འོས་དེར་བསྒྱུར་བ་སོགས་ཀྱིས། ཛྱཱ་པ་ཡ་ཏི། ལ་སོགས་པ་སྟེ་འདི་རིགས་མང་བས་འདིར་ཡི་གེས་འཇིགས་ཏེ་མ་སྤྲོས་པ་འདི་ཉིད་ཀྱི་བྱིངས་མདོ་རྩ་འགྲེལ་དུ་བལྟ་བར་གལ་ཆེ་བ་ཡོད་དོ། །ཡང་པཱ་ི་པའི་བྱིངས་མདོར་དེ་བྱེད་དོ། །དེ་གསལ་བར་བརྗོད་དོ། །ཞེས་ཙུ་ར་སོགས་སུ་བཀླགས་པའི་ཕྱིར་སོ་སོར་བསྒྲུབས་པའི་མིང་གཞན་དང་གཞན་ལས་བྱིངས་དོན་དེ་དག་ལ་ཨིནྲ་འགྱུར་བར་བསྟན་པས་གསལ་བར་བརྗོད་པའི་དཔེར་བརྗོད་བཤད་མ་ཐག་པ་དག་ཀྱང་ཡིན་མོད། པ་ཊུ་ལས། སྒྲིན་པོར་བརྗོད་དོ་ལ། པ་ཊ་ཡ་ཏི། ཀ་བི་ལས། མཁས་པར་བརྗོད་དོ་ལ། ཀ་བ་ཡ་ཏི། སཱུ་ཏྲ་ལས་སྲད་བུ་བྱེད་དོ་ལ། སཱུ་ཏྲ་ཡ་ཏི། ཡང་མུཎྜ་སོགས་བཅུ་ལས་ཀྲྀཉྲའི་དོན་ལ་ཨིནྲ་འགྱུར་བར་བཤད་པས། མགོ་ཟླུམ་བྱེད་པ་ནི། མུཎྜ་ཡ་ཏི། བྱ་བ་བྱེད་པ་ནི། ཀྲྀ་ཏ་ཡ་ཏི། ལ་སོགས་པ་རྣམས་སོ། །ཡང་། འཇམ་དཔལ་བྱཱ་ཀ་ར་་ལས། ཀྲྀཏྲ་རྐྱེན་གྱི་མཐའ་ལས་ལས་ཤེས་པའི་དོན་ལ་ཨིནྲ་འགྱུར་ཞིང་ཀྲྀཏྲ་རྐྱེན་ཡང་འཇིག་པར་བཤད་པས། ཡུཀྟ་ལས་ཨིནྲ་དང་། ཀྟ་འཇིག་པ་སོགས་ཀྱིས་བསྒྲུབས། ངག་དང་སྦྱར་བས། པུཥྱེ་་ཙནྡྲཾ་ཡོ་ཛ་ཡ་ཏི། རྒྱལ་དང་ཟླ་བ་སྦྱོར་བར་ཤེས་སོ། །ཡང་ན། །

[Full Size]

གྲགས་པའི་ལས་ལས་དུས་མཚོན་པའི་བྱེད་པ་ལ་འགྱུར་བར་བཤད་པས། མཚན་མོའི་བར་དུ་སྡོད་པར་བྱེད་པ་ལ། རཱ་ཏྲིམྦི་བཱ་ས་ཡ་ཏི། ལ་སོགས་པའོ། །ཡང་། བྱིངས་མདོར། ཡན་ལག་ངེས་པར་གཡོབ་བ་ལའང་ཨི་ནི་དྲའོ་ཞེས་བྱིངས་ལས་དོན་དེ་ལ་ཨི་ནིདྲ་རྐྱེན་ཏུ་འགྱུར་བར་གསུངས་ཏེ། དེའང་དྲ་རྗེས་འབྲེལ་དུ་བྱེད་པའི་དགོས་པ་ནི། འགྲེལ་པར། བྱིངས་དོན་ལ་ཨིནྲ་ཀཱ་རི་ཏའོ་ཞེས་ཧ་སྟ་ལ་སོགས་པ་རྣམས་ལས་ཨིནྲ་གྲུབ་པ་ལ་སླར་ཡང་པ་རྗེས་སུ་འབྲེལ་བ་ནི་བདག་དོན་གྱི་ཚིག་གི་དོན་ཏུ་བརྗོད་པར་བྱའོ། །ཞེས་གསུངས། དེས་ན། ལག་པ་གཡོ་བར་བྱེད་དོ་ལ། ཧསྟ་ཡ་ཏེ། ཧསྟ་ལས་སོ། །རྐང་པ་གཡོ་བར་བྱེད་དོ་ལ། བཱ་ད་ཡ་ཏེ། པཱ་ད་ལས་སོ། །འདིར་འང་སྒྲས་ངེས་པར་བསྟན་པ་འདི་རྣམས་མང་པོའོ་ཞེས་པ་བསྡུས་པའི་ཕྱིར་དང་། པཱ་ི་པར། པུཙྪ། བྷཱཎྜ། ཙི་བ་ར། ལས་ིའོ་ཞེས་སྒྲ་དེ་དག་ལས་རིམ་བཞིན་བསྒྲེང་བ་དང་། གཡོབ་པར་བྱེད་པ་དང་། ཡང་དག་པར་གསོག་པ་དང་། སྒྲུབ་པའམ་གྱོན་པར་བྱེད་པ་ལ་ཨི་ནིདྲ་འགྱུར་བར་གསུངས་པས། སྟག་རྣམས་མཇུག་མ་སྒྲེང་བར་བྱེད་དོ་ལ། ཨུཏྤུ་ཙྪ་ཡེ་བྱཱ་གྷྲཱཿམཇུག་མ་གཡོབ་པར་བྱེད་པ་ལ། པ་རི་པྲཙྪ་ཡ་ཏེ། རྫ་མཁན་སྣོད་རྣམས་གསོག་པར་བྱེད་པ་ལ། སཾ་བྷཱཎྜ་ཡ་

[Full Size]

ཏེ་ཀུམྦྷ་ཀཿདགེ་སློང་ཆོས་གོས་སྒྲུབ་པའམ་གྱོན་པར་བྱེད་པ་ལ། བི་ཙཱི་བ་ར་ཡ་ཏེ་བྷིཀྵཱུཿ འདི་རྣམས་སྒྲ་སོ་སོ་ལ་ཨི་ནིདྲ་བྱིན། དྲ་ཨཱཏྨ་ནེ་འཇུག་པའི་དོན་དང་། ཨི་བརྗོད་དོན་ཕྱིས་པས་ཨིནྲ་གྲུབ། ཨིནྲའི་ནྲ་ཡིག་དབྱངས་ཨུ་དཏྟའི་མཚན་མ་ཡིན་པས་དབྱི་བར་བྱས་ནས་སྔར་བཞིན་སྦྱར་ཏེ། བརྟ་མཱ་ནའི་ཏེ་སོགས་ཀྱིས་བསྒྲུབས་པའོ། །དོན་དེ་དག་ལ་ཨིནྲ་ཀཱ་རི་ཏ་སྦྱོར་བའི་ཚེ། ཧསྦྱ་ཏེ། པཱ་དྱ་ཏེ། ཞེས་སོགས་འགྱུར་ཏེ། ཀཱ་རི་ཏའི་ཨཱམྲ་ཨིཊྲ་བི་ཀ་ར་་མ་ཡིན་པ་ལ་དབྱི་འོས། ཨི་དབྱི། འབྲས་བུ་དང་ལྡན་པའི་བྱེད་པ་པོ་ལ་ཏདྲ་ཨཱ་ན་འཇུག་པ་ཙཱནྡྲ་པར་བཤད་པས་བརྟ་མཱ་ནའི་ཏེ་དང་ཡྲ་སྦྱར་བའོ། །བྱིངས་མདོར། དེ་བཞིན་ཏུ། ཨིཥྛ་དང་ཨི་མནྲ་དང་ཨི་ཡནྲ་རྣམས་ལ་མང་པོའོ་ཞེས་དེ་ཕན་གྱི་རྐྱེན་ཨིཥྛ་སོགས་གསུམ་ཕ་རོལ་ལ་འདིར་ཨིནྲ་ཀཱ་རི་ཏ་ལ་ཇི་ལྟར་བྱ་བ་བཞིན་ཏུ་འགྱུར་བ་དང་། དེ་ལ་ཇི་ལྟར་བྱ་བ་བཞིན་ཏུ་འདིར་ཨིནྲ་དང་ཨི་ནིདྲ་དག་ལ་འགྱུར་བའི་དོན་དང་། མོ་རྟགས་ཀྱི་མཐའི་སྐྱེས་པ་བཞིན་ཏུ་འགྱུར་བ་དང་། མཐའི་དབྱངས་དབྱི་བ་ལ་སོགས་པ་རྣམས་སོ། །འདིར་ཏ་ཙ་ལྟ་བུ་དབྱངས་གཅིག་པ་ཅན་དང་། རཱུ་པ་ལྟ་བུའི་མཐའི་ཨ་ཐུང་ཕྱིས་པ་ལ་ཨུ་པ་དྷཱ་ཨིནྲ་ཨིཙྲ་སོགས་ཀྱིས་འཕེལ་བར་མི་འགྱུར་བ་དང་།

[Full Size]

གསལ་བྱེད་དང་པོ་ཅན་རྀཏྲ་ཡང་བའི་ར་སྒྲར་འགྱུར་བ་དང་། གྷ་ཊ་སོགས་མ་རྗེས་སུ་འབྲེལ་བ་རྣམས་ཀྱི་། ཐུང་ངུར་འགྱུར་བ་སོགས་ཤེས་དགོས་སོ། །བྱིངས་ལས་ཀྱང་རྒྱུ་ལའོ། །མིང་དུ་མ་ཟད་བྷཱུ་སོགས་ཀྱི་བྱིངས་ལས་ཀྱང་གང་ཞིག་ལས་ལ་སྐུལ་བར་བྱེད་པའི་རྒྱུ་སྟེ་སྦྱོར་བ་པོ་དང་འབྲེལ་བའི་བྱ་བའམ་ལས་ཀྱི་དོན་རྟོགས་པར་བྱེད་པ་ལ་ཨིནྲ་ཀཱ་རི་ཏ་འགྱུར་རོ། །དཔེར་ན། ཌུཀྲྀཉྲབྱེད་པ། ཧྲྀཉྲ་འཕྲོག་པ། པཙྲ་འཚེད་པའི་བྱིངས་རྣམས་ལ་མདོ་འདིས་ཨིནྲ་བྱིན། ཨིནྲ་ཨིཙྲ་ཨཊྲ་རྣམས་ལ་ཨའི་ཨུ་པ་དྷཱའི་རིང་པོ་སྟེ་ནཱ་མི་རྣམས་ཀྱིའང་འཕེལ་བ་འོས་རྀ་དག་ཨཱར་དུ་འཕེལ། ས་རིང་པོ་བྱས། ནྲ་ཕྱིས་ནས་དྲངས། སླར་ཡང་བརྟ་མཱ་ནའི་ཏི་དང་། ཨནྲ་བི་སོགས་ཀྱིས། ཀཱ་ར་ཡ་ཏི། བྱེད་དུ་འཇུག །ཧཱ་ར་ཡ་ཏི། འཕྲོག་ཏུ་འཇུག །པཱ་ཙ་ཡ་ཏི། འཚེད་དུ་འཇུག །དེ་བཞིན་ཏུ། བ་ས་ངེས་པར་གནས་པ་ལས་བསྒྲུབས་ནས་ཚིག་གྲོགས་དང་སྦྱར་བས། ཨི་ཧ་བྷིཀྵཱ་བཱ་ས་ཡ་ཏི། འདིར་སློང་མོ་པ་གནས་སུ་འཇུག །འདིར་བྱིངས་ཐམས་ཅད་ལས་སྦྱོར་བ་པོའི་བྱ་བ་ལ་ཨིནྲ་འཇུག་པ་ཡིན་མོད། ཙུ་ར་སོགས་ལས་ནི་རང་དོན་གྱི་ཨིནྲ་གྱི་མཐར་སྦྱོར་བ་པོའམ་རྒྱུ་ཡི་ཨིནྲ་འཇུག་སྟེ། ཙུ་ར་རྐུ་བ་ལས་རང་དོན་གྱི་ཨིནྲ་སྦྱར་བའི་ཙོ་རི་ལས་

[Full Size]

སྦྱོར་བ་པོའི་ཨིནྲ་སྦྱར། ཀཱ་རི་ཏའི་ཨམྲ་ཨིཊྲ་སོགས་ཀྱིས་ཨི་སྔ་མ་ཕྱིས་ནས་ཏི་སོགས་ཀྱིས་བསྒྲུབས་པས། ཙོ་ར་ཡ་ཏི། རྐུ་བར་བྱེད་དུ་འཇུག །ལྟ་བུའོ། །ཙུ་ར་སོགས་ལས་ཀྱང་ངོ་། །ཞེས་ཙུ་ར་སོགས་ལས་རང་དོན་ལ་ཨིནྲ་ཀཱ་རི་ཏ་འགྱུར་ཏེ། དཔེར་བརྗོད་ནི། བཤད་མ་ཐག་པ་ལྟར་ལས་གྲུབ་གཟུགས་ཁྱད་པར་མེད་དོ། །འདིར་ཟུར་དུ་སྨོས་པ་ལས་ཙུ་ར་སོགས་ལས་རང་དོན་ལ་ཨིནྲ་རྟག་ཏུ་འགྱུར་བ་དང་། རང་དོན་ཞེས་པའང་བྱིངས་རང་ཉིད་ཀྱི་ངོ་བོ་དང་དབྱེར་མེད་དུ་གྱུར་པ་ལས་བྱེད་པ་ཅན་གྱི་དོན་གྱི་ཁྱད་པར་མི་སྟོན་པས་སླར་ཡང་ཏི་དང་ཀྲྀཏྲ་རྐྱེན་རྣམས་འཇུག་པའོ། །འདིར་ཡུ་ཛ་ལ་སོགས་པ་རྣམས་ལས་རང་དོན་ལ་ཨིནྲའི་རྐྱེན་འདམས་གར་ཡང་བཤད་དོ། །དབྱངས་གཅིག་པའི་བྱིངས་ལས་བྱ་བ་ཡང་དག་པར་མངོན་པར་སྡུད་པ་ལ་ཡ་སྒྲ་སྟེ་ཙེ་ཀྲཱི་ཡི་ཏའོ། །ཞེས་པཙྲ་འཚེད་པ་ལྟ་བུའི་བྱིངས་དབྱངས་གཅིག་པ་གསལ་བྱེད་དང་པོ་ཅན་ལས་ཤིན་ཏུ་བ་དང་ཡང་ཡང་གི་དོན་ལ་ཡ་རྐྱེན་ཏུ་འགྱུར་སྟེ། དེ་ལ་ཙེ་ཀྲཱི་ཡི་ཏ་ཞེས་བྱའོ། །ཌུ་པ་ཙཥྲ་འཚེད་པའི་བྱིངས་བཞག །རྗེས་འབྲེལ་རྣམས་ཕྱིས། མདོ་འདིས་ཡ་བྱིན། ཨཱ་ ཙ་་པ་རོ྅ཀྵཱ་ཙེ་ཀྲི་ཡི་ཏ་སནྲ་མཐའ་རྣམས་ལ་འོས་བྱིངས་གཉིས་བརྗོད། ཨཱ་ གསལ་བྱེད་དང་པོ་ལྷག་མར་བྱ། ཨཱ་། ཨཱ་

[Full Size]

ག་མེད་པའི་རིང་པོ་འོས་པ་སྔོན་མ་རིང་། དབྱངས་མེད་དྲངས་པས། པཱ་ཙྱ་གྲུབ། དེའང་བྱིངས་ཡིན་པས་བརྟ་མཱ་ནའི་ཏེ་དང་། ཨནྲ་པི་སོགས་སྦྱར་བས། པཱ་ཙྱ་ཏེ། ཤིན་ཏུའམ་ཡང་ཡང་འཚེད་པར་བྱེད། ལ་སོགས་པ་ལྟ་བུའོ། །གཞན་ཡང་གུ་པཱུ། དྷཱུ་པ་སོགས་ལས་ཨཱ་ཡ་འགྱུར་བ་སོགས་འདི་དང་གཞན་ཏུ་གསུངས་པ་རྣམ་གྲངས་མང་དུ་ཡོད་ཀྱང་འདིར་བཀོད་པ་མ་ལྕོག་པས། ཀྲྀཏྲ་བཞི་བར། པཙྲ་ལ་དེ་མི་འཇིག་གོ་ཞེས་ཀྲྀཏྲ་རྐྱེན་ལ། པཙཱ་ཕ་རོལ་གྱིས་འཇིག་པ་དང་། ཙཱནྡྲ་བར། ཡཱ་ནི་མང་པོར་རོ་ཞེས་འཇིག་པ་དང་མི་འཇིག་པ་རྣམ་པ་མང་པོར་བཤད་པའང་མཆོག་གིས་སྦྱོར་བ་ལས་རྟོགས་པར་བྱའོ། །དེ་དག་ཏུ་བལྟ་བར་བྱའོ། །འདིར་བསྟན་གྱི་སནྲ། ཡ་ཙེ་ཀྲཱི་ཡི་ཏ། ཨཱ་ཡ་གསུམ་བྱིངས་ལ་འཇུག་ཅིང་། ཡིནྲ། ཀཱ་མྱ། ཝིསྲ། ཨ་ཡི་བཞི་རྟགས་ཀྱི་མཐར་འཇུག་པ་དང་། ཨིནྲ་ཀཱ་རི་ཏ་ནི་མིང་དང་བྱིངས་གཉིས་ཀར་འཇུག་ལ། བྱིངས་མདོའི་ལུང་དྲངས་པའི་ཨིནྲའམ། ཨི་ནིདྲ་ནི་མིང་ལ་འཇུག་པ་ཡིན་ནོ། ༈ །ནི་སུམ་འབིད་ཀྱི་སྐབས་ལྕི་ཡང་འགྲིག་པ་ལ་ཉེ་བར་མཁོ་བའི་ཀྲྀཏྲ་ཀྱི་ཚོགས་ཅུང་ཟད་བྲི་བར་བྱ་སྟེ། ཐོག་མར་སྤྱི་དོན་ཤེས་དགོས་པ་ནི། ཀྲྀཏྟ། གྲུབ་པ་ཉྲ་ྲ་རྗེས་སུ་འབྲེལ་བ་ལ་ཨིཙྲ་བཞིན་ཏུའོ། །ཞེས་ཀྲྀཏྲ་རྐྱེན་གྷཉྲ་དང་བུྲ་ལྟ་བུའི་ཉྲ་ྲ་རྗེས་སུ་འབྲེལ་བ་

[Full Size]

ལ་ཀུན་བཤད་ཀྱི་སྐབས་ཨིཙྲ་ལ་ཇི་ལྟར་བྱ་བ་བཞིན་ཏུ་ཨུ་པ་དྷཱ་ཡང་བའི་རིང་པོ་དང་། ནཱ་མི་རྣམས་ཀྱི་འཕེལ་བ། ཨཱཏྲ་མཐའ་རྣམས་ཀྱི་ཨཱ་ཡིར་འགྱུར་བ། ཧནྲའི་ནྲ་ཏྲ་རུ་འགྱུར་བ་སོགས་ཀྱི་དོན་ཏོ། །ཤ་ལ་བྱིངས་ཐམས་ཅད་པ་བཞི་ནའང་ངོ་། །ཤཱ་ན་ཙྲ་དང་ཤནྟྲྀདྲ་ལྟ་བུའི་རྐྱེན་ཤྲ་འགྲོ་བ་ཅན་ཕ་རོལ་ལ་བྱིངས་ཐམས་ཅད་པའི་རྐྱེན་དང་འདྲ་བར་དངོས་པོ་དང་ལས་ལ་བར་རྐྱེན་ཡྲ་སྦྱིན་པ་དང་། བྱེད་པ་པོ་ལ་ཨནྲ་བི་སོགས་སྦྱིན་པ་དང་། ཧུ་རྣམས་ཀྱི་གཉིས་བརྗོད་པ་སོགས་འགྱུར་བའི་དོན་ཏོ། །དྲ་ལ་ཡོན་ཏན་མ་ཡིན་ནོ། །ཤཱ་ན་དྲན་ཛིདྲ་ལྟ་བུའི་དྲ་རྗེས་སུ་འབྲེལ་བའི་རྐྱེན་ཕ་རོལ་ལ་ཨི་ཨེ་ཨུ་ཨོ་སོགས་ཀྱི་ཡོན་ཏན་མི་འགྱུར་རོ། །ཀྲ་ལ་ཡྲ་བཞི་ནའང་སྟེ་ཡ་ལ་བརྗོད་པ་བོར་བའོ། །ཀྟ་དང་ཀྟ་བནྟུ་ལྟ་བུའི་ཀྲྀཏྲ་རྐྱེན་ཀྲ་རྗེས་སུ་འབྲེལ་བ་ཕ་རོལ་ལ་ཀུན་བཤད་ཀྱི་ཡྲ་ལ་ཇི་ལྟར་བྱ་བ་བཞིན་ཡོན་ཏན་མི་ཐོབ་པ་དང་། ཡཛྲ་སོགས་ཀྱི་སཾ་པྲ་སཱ་ར་་བྱ་བ་སོགས་ཀྱི་ཁྱད་པར་ཡོད་པས་དེ་ལྟར་བྱ་དགོས་ཤིང་། ནཱ་མིན་གྱི་མཐའ་རྣམས་ཀྱི་ཡྲ་ཨ་ཡི་ཡིནྲ་ཨཱ་ཤིཥྲ་ཙེ་ཀྲཱི་ཡི་ཏ་རྣམས་ལས་ཡ་ལ་རིང་པོའོ་ལྟ་བུའི་ཡ་ལ་བརྗོད་པ་རྣམས་ནི་འདིར་མི་འགྱུར་བས་བོར་བར་བྱ་བའོ། །སྤྱིར་དེ་ཙམ་ངེས་པར་བྱས་ནས་མི་ཤེས་ཀ་མེད་གཞན་ནི་སོ་སོའི་

[Full Size]

སྐབས་སུ་གསལ་བར་འགྱུར་རོ། །དེ་ནས་གོང་གིས་བཅད་བྱིངས་ལས་རྟགས་སམ་མིང་དུ་སྒྲུབ་པར་བྱེད་པ་ཀྲྀཏ་རྐྱེན་ཞེས་བྱ་བ། བོད་སྐད་དུ་བྱེད་པའི་རྐྱེན་ཏུ་གྲགས་པ་ནི་སྤྱི་མིང་ཡིན་མོད། འོན་ཀྱང་ཏ་བྱ་སོགས་ལ་ཀྲྀཏྱ་སྟེ་བྱ་བའི་རྐྱེན་ཏུའང་གྲགས་ལ། ཙཱནྡྲ་བར་སྐབས་འདིར་སྤྱིར་བཏང་བའི་མདོ། མང་པོའོ། །ཞེས་བྱ་བ་ཡོད་པས་ཀྲྀཏྲ་དང་ཀྲྀ་ཏྱའི་རྐྱེན་འདི་རྣམས་གཞུང་འདིར་བསྟན་གྱི་འཇུག་ཡུལ་དངོས་བསྟན་དེར་འཇུག་པ་མ་ཟད། བྱ་བྱེད་གོ་ལྡོག་ཏུ་འཇུག་པ་ལྟ་བུའི་དོན་གཞན་ལ་འཇུག་པ་དང་། ལ་ལར་བཤད་པའི་ཡུལ་དེར་མི་འཇུག་པ་དང་། ལ་ལར་འདམས་ག་ཅན་ཏུ་འགྱུར་བ་སོགས་རྣམ་པ་མང་པོའི་དོན་ཡིན་པར་གསུངས་པས། མདོ་རེ་རེ་བའི་ཚིག་ལ་འབྲུ་གཉེར་ཞིང་དོན་ལ་མཛུབ་མོ་བཙུག་ནས་འདི་ཁོ་ན་བདེན་གྱི་གཞན་ནི་གཏི་མུག་གོ་ཞེས་ཉི་ཚེ་བའི་གོ་བས་གཡག་ཞར་གྱི་རྩྭ་ལྟར་ཕྱོགས་རེར་འཛིན་པ་མ་ཡིན་པ། སེང་གེའི་མིག་གིས་གཞུང་གི་ཚིག་ལ་བལྟ་ཞིང་། སྦལ་པ་འཕར་བའམ་ཆུ་ལ་ཀུ་བའི་རིགས་པས་དོན་ལ་སྤྱོད་པར་བྱའོ། །འོན་ཀྱང་གཞུང་དང་རྒྱ་འགྲེལ་ཆེན་པོ་རྣམས་སུ་འཕགས་ཡུལ་བའི་མཁས་པས་བཤད་པ་དག་དང་། བོད་ཀྱི་སྐད་གཉིས་སྨྲ་བ་ཁུངས་མ་རྣམས་ཀྱིས་ཇི་

[Full Size]

ལྟར་སྦྱོར་བའི་ཚུལ་ཁོང་དུ་ཆུད་པར་བྱ་ཞིང་། ཁྱད་པར་ཡི་གེའི་གཟུགས་ལ་ཤིན་ཏུ་འདྲིས་པར་བྱས་ནས་རྒྱ་དཔེ་མང་པོ་ཡང་ཡང་བཀླགས་ནས་དོན་བསམ་པས་གོ་བ་འཆར་བར་འགྱུར་བས་དེ་དང་དེ་ལྟ་བུའི་ཚུལ་ལས་མི་འགོང་བར་བྱ་ཡི། ཧ་ཅང་རིག་པའི་འཁྲུལ་འཁོར་བསྐོར་ཆེས་པས་གཞུང་གི་གནད་དང་གབ་འཛོལ་བ་ཧ་ནུ་མནྠའི་མཆོངས་པ་ལྟ་བུའང་མི་བྱའོ། །དེ་ནས་བྱ་བའི་རྐྱེན་ནི། བྱིངས་ལས་དངོས་པོ་དང་བྱ་བའི་ལས་ཀྱི་དོན་ལ་ཏ་བྱ་དང་ཨ་ནཱི་ཡའི་རྐྱེན་དག་འགྱུར་ཏེ། ཛྙཱ་ཁོང་དུ་ཆུད་པ་ལའོ། །ཌུཀྲྀཉྲ་བྱེད་པ་ལའོ། །དེ་དག་ལ། ཏ་བྱ་ཨ་ནཱི་ཡ་དག་གོས་རྐྱེན་དེ་དག་བྱིན། སྔ་མར་རྣམ་འགྱུར་མེད། རྗེས་མར་ཨིཏྲ་ཕྱིས་ནས། ནཱ་མའི་མཐའི་སོགས་ཀྱིས་བྱིངས་ཡོན་ཏན་ཨཏྲ། དྲངས། ར་ཥ་རྀ་སོགས་ཀྱིས་ནཱི་ཱི། འདི་དག་མ་ནིང་གི་རྟགས་མཐའ་ཉིད་དུ་བཤད་པས་སི་མུ་བྱས། ཛྙཱ་ཏ་བྱཾ། ཤེས་པར་བྱ། ཀ་ར་ཱི་ཡཾ། བྱའོ། །དེ་དག་དངོས་པོའི་དཔེར་བརྗོད་དོ། །ཀྲྀྲཏྲ་ལས་ཏ་བྱ་སྦྱར། ཡོན་ཏན་བྱས། དེ་དང་ཀ་ར་ཱི་ཡ་ཚིག་གྲོགས་ཀྱི་དབང་གིས་སི་སྐྱེས་པ་ལྟར་བསྒྲུབས། ངག་དང་སྦྱར་བས། ཀརྟ་བྱཿཀ་ཊཿ ཀ་ར་ཱི་ཡཿཀ་ཊཿ རེ་ལྡེ་བྱ། ལས་ཀྱི་དཔེར་བརྗོད་དོ། །ཡང་ཙཱནྡྲ་པ་སོགས་དང་། འདི་ཡི་འགྲེལ་པ་སློབ་

[Full Size]

ཕན་ལས་དོན་འདི་ལ་ཀེ་ལི་མ་འགྱུར་བར་གསུངས་ཤིང་། རབ་བྱེད་ཟླ་ཟེར་དང་། འཇམ་དཔལ་བརྡའ་སྤྲོད་དག་ལས་དེ་ལས་ཀྱི་བྱེད་པ་པོ་ལ་འགྱུར་བར་གསུངས་པས། བྷི་དིརྲ་རྣམ་པར་འཇོམས་པ། པཙྲ་འཚེད་པ་དག་ལས་ཀེ་ལི་མ་བྱིན། ཀྲ་ཡིག་ཀྲ་ལ་ཡྲ་བཞིན་ཡོན་ཏན་མེད་པ་སོགས་ཀྱི་དོན་ཡིན་པས་ཕྱིས། སྲོག་གི་ཨེ་བཞག་པ་སོགས་འདི་རིགས་ཐམས་ཅད་ལ་འགྲེ། དབྱངས་མེད་དྲངས། ཛསྲ་བྱིན། ངག་དང་སྦྱར། སྔ་མར། ཨཱ་བྷོ་དག་ལས་དབྱངས་ལ་དེ་ལྟ་ཉིད་དོ། །སྒྲ་ལྡན་ལ་དབྱི་འོས་རྣམ་བཅད་ཕྱིས། ཕྱི་མར་ཏ་ཐ་དག་ལ་སརྲ་བསྒྱུར་ནས་དྲངས་པས། བྷི་དེ་ལི་མཱ་མཱ་ཥཱཿསྲན་ཁྲེའུ་རྣམས་དབྱེ་བར་བྱ། ལས་སོ། །པ་ཙེ་ལི་མཱསྟ་ཎྜུ་ལཿའབྲས་རང་ཉིད་སྨིན་པར་བྱེད་ལས་ཀྱི་བྱེད་པ་པོའོ། །ཡང་། དེ་དག་བྱེད་པ་སོགས་ལའང་འགྱུར་ཏེ་དཔེར་བརྗོད་ནི་འབྲེལ་མཁས་སོགས་སུ་གསལ་ལོ། །བྱིངས་དབྱངས་མཐའ་ཅན་ལས་བྱ་བའི་དོན་ལ་ཡ་རྐྱེན་ཏུ་འགྱུར་ཏེ་ཙིཉྲ་གསོག་པ། ཛི་རྒྱལ་བ། བྷཱུ་ཡོད་པ་རྣམས་ལས། དབྱངས་ལས་ཡ་ལ་འོས་ཡ་བྱིན། ཡོན་ཏན་བྱས། ཀྲྀཏྲ་རྐྱེན་ཡ་ཐོག་མ་ཅན་ཕ་རོལ་ལ་ཨོ་དང་ཨཽ་དག་དབྱངས་བཞིན་ཏུ་མཚམས་སྦྱར་བ་ཐོབ་པས། ཨོཏྲ་དང་ཨཽཏྲ་

[Full Size]

དག་ལས་ཀྲྀཏྲ་ཀྱི་ཡ་དབྱངས་བཞིན་ནོས། ཨོ་ཨཔྲ། དྲངས། མ་ནིང་གི་རྟགས་ཡིན་པས་སི་མུ་བྱས། ཙེ་ཡཾ། བསག་བྱ། བྷ་བྱཾ། འབྱུང་བའམ་དགེ་ལེགས། ཛེ་ཡཾ། རྒྱལ་བྱ། དངོས་པོའམ། ལས་ལ་ཚིག་གྲོགས་དང་སྦྱར། དེའི་དབང་གིས་མི་སྐྱེས་པ་ལྟར་བསྒྲུབས། བྷ་བྱཿཔུ་རུ་ཥཿསྐྱེས་བུ་འབྱུང་བར་བྱ། གཻ་སྒྲ་ལའོ། །མཚམས་སྦྱོར་གྱི་ཡི་གེ་རྣམས་ཀྱི་སོགས་ཀྱིས་གཻ་གཱ་རུ་བསྒྱུར། དེ་ལ་བྱེད་པའི་དོན་ལ་ཡ། མདོ་འོག་མས་བྱིངས་ཀྱི་ཨཱ་ཨི་རུ་བསྒྱུར། དེ་ཡོན་ཏན་ཨེ་བྱས། ངག་དང་སྦྱར་བས། གཻ་ཡོ་བྲཱཧྨ་ཿསཱམྣཾ། སྙན་ཚིག་སྒྲོགས་བྱེད་བྲམ་ཟེ། ཡང་། ཌུདཱཉ་སྦྱིན་པ། པཱ་བཏུང་བ། ཛྙཱ་ཁོང་དུ་ཆུད་པ། ཨོ་ཧཱཀྲ་གཏོང་བ། མཱདྲ་ཚད་ལའོ། །པྲ་སྔོན། བྱིངས་དེ་རྣམས་ཀྱི་རྗེས་འབྲེལ་ཕྱིས། ཨཱཏྲ་ཁ་ན་དག་གི་ཨིཏྲའང་ངོས་ཡ་བྱིན། བྱིངས་ཀྱི་ཨཱ་རྣམས་ཨི་རུ་བསྒྱུར། དེ་ཡོན་ཏན། སི་མུ་བྱས་པས། དེ་ཡཾ། སྦྱིན་བྱ། པི་ཡཾ། བཏུང་བྱ། ཛྙེ་ཡཾ། ཤེས་བྱ། ཧེ། ཀྲཱྀཏྲ། ཡཾ། དོར་བྱ། པྲ་མེ་ཡཾ། དང་པོར་གཞལ་བྱ། ལྟ་བུའོ། །ཀཱ་ མིང་ལས་བདྲ་ལས་ཀྱ་པྲའང་ངོ་། ཞེས་མིང་ཉེ་བའི་ཚིག་སི་སོགས་ཀྱི་མཐའ་ཅན་སྔོན་མའི་བདྲ་སྨྲ་བའི་

[Full Size]

བྱིངས་ལས་ཡ་དང་ཀྱ་པྲའང་འགྱུར་ཏེ། བྲཧྨནྲ་ལ་ཊཱ། བྲཧྨ་ཱ། ཚངས་པས་ཞེས་རྣམ་དབྱེ་གསུམ་པའི་མཐའ་ལས། ཨུདྱ་ཏེ། རྗོད་པར་བྱེད་ཅེས་པའི་དོན་ལ་བདྲ་ལས་ཀྱང་། དེ་ཀྲ་འགོ་བ་ཅན་ཡིན་པས་ཡྲ་བཞིན་འགྱུར་བའི་ཕྱིར། སྭ་པི། བ་ཙི། ཡ་ཛྲ་སོགས་རྣམས་ཀྱི་ཡྲ་པ་རོ྅ཀྵཱ་ཨཱ་ཤཱིཥྲ་རྣམས་ལ་འོས་སཾ་པྲ་སཱ་ར་་བྱས། སཾ་པྲ་སཱ་ར་་ཞེས་པ་ནི་སླར་ལོག་པའམ་སླར་འགྱུར་བ་སྟེ། ཡ་ཨི། བ་ཨུ། ར་རྀ། ལ་ལྀ་རུ་འགྱུར་བའི་དོན་ཏོ། །དེའང་ཙཱནྡྲ་པ་སོགས་སུ་མཐར་གནས་དབྱངས་མེད་ཨི་སོགས་སུ་སླར་འགྱུར་ཟིན་ནས་དེའི་སྲོག་གི་དབྱངས་དེ་སླར་ཨི་སོགས་དང་གཟུགས་དབྱེར་མེད་དུ་འགྲོ་བ་དང་། འདིར་མཐར་གནས་དབྱངས་བཅས་ཐོག་མ་ནས་ཨི་སོགས་སུ་འགྱུར་བའི་ཁྱད་པར་ཡོད་དོ། །ཀ་དེའི་དོན་དང་། སྲ་ཁྱད་དོན་གྱིས་ཕྱིས། དྲངས། སི་མུ་བྱས། དེ་དང་བྲཧྨ་ཱ་ཚིག་སྡུད་བྱས། དེར་གནས་རྣམ་དབྱེ་རྣམས་དབྱི་བར་བྱའོ་ས་ཊྭ་འཇིག །དེའི་སྐྱེས་བུ་ལ་ནའི་དབྱི་འོས་ནྲ་ཕྱིས། ཨ་ཨུ་ལ་ཨེ་བྱས་པས། བྲཧྨོ་དྱཾ། ཚངས་པས་བརྗོད། གྲུབ། ཕྱོགས་གཅིག་ལ་ནཱ་ཡ་སྦྱར་བས། བྲཧྨ་བ་དྱཾ། ཞེས་པའོ། །ཡང་བྷཱུ་ཡོད་པའི་བྱིངས་མིང་སུ་པྲ་མཐའ་ཅན་སྔོན་ཏུ་ཉེ་བའི་

[Full Size]

ཚིག་ཡོད་པ་ལས་དངོས་པོ་ལ་ཀྱངྲ་འགྱུར་ཏེ། ཚངས་པ་ལས་བྱུང་བའམ་ཚངས་པའི་དངོས་པོ་ཞེས་པའི་དོན་ལ། བྲཧྨ་ཿསྔོན་མའི་བྷཱུ་ལས་ཀྱཔྲ། ཀྲཔྲ་ཕྱིས། སི་མུ་བྱིན། ཚིག་སྡུད་སྔར་ལྟར་བྱས་པས། བྲཧྨ་བྷཱུ་ཡཾ། ཚངས་པ་ཉིད། གྲུབ། འདིའི་རྣམ་གྲངས་གཞན་ཏུ། བྲཧྨ་ཏྭཾཾ། ཞེས་ཀྱང་འབྱུང་སྟེ་དངོས་པོ་ལ་ཏྭ་སྦྱར་བའོ། །མེད་སྔོན་མ་ཅན་མ་ཡིན་ན་ཀྱཔྲ་མི་འགྱུར་བས། བྷ་བྱཾ། སྐལ་ལྡན་སོགས། པྲ་སོགས་ཡོད་ནའང་མི་འགྱུར་ཏེ། པྲ་བྷ་བྱཾ། རབ་ཏུ་འབྱུང་། སྟེ་ཡཏྲའོ། ཡང་། བྲྀ་ཏུ་འཇུག་པ། ཀྲྀ་དྷཱུ། སྲེད་པ། ནྀྲ་ཏཱི་ལུས་བསྐྱོད་པ་ལྟ་བུའི་རྀ་ཐུང་མཐའ་ཉེ་ཡོད་པ་ལས་བྱ་བའི་དོན་ལ་ཀྱངྲ་འགྱུར་ཏེ། བྱིངས་དེ་དག་གི་རྗེས་འབྲེལ་ཕྱིས་ནས་ཀྱཔྲ་སྦྱར་བས། ནྀྲ་ཏྱཾ། འཇུག་བྱ། གྲྀ་དྷྱཾ། སྲེད་བྱ། ནྀྲ་ཏྱཾ། ཟློས་གར་ལྟ་བུའོ། །ཀྲྀ་པཱུ་ནུས་པ་དང་། ཙྀྲ་ཏཱི་འཚེད་པའི་བྱིངས་དག་རྀཏྙ་མཐའ་ཉེ་ཡིན་ཀྱང་ཀྱཔྲ་མི་འགྱུར་བར། ནཱ་མིནྲ་གྱི་ཡི་གེ་མཐའ་ཉེ་མ་བཀག་པའི་ཡུལ་ལ་ཡ་འགྱུར་བ་དྷརྨ་དཱ་སར་གསུངས་པས་དེ་དག་གི་རྗེས་འབྲེལ་ཕྱིས་ནས་ཡ་སྦྱར། ཡོན་ཏན་བྱས། པཾ་དང་བི་སྔོན། ཨཱ། ཀྲྀ་པིའི་ར་ལ་འོས། བྱིངས་སྔ་མའི་ཆ་ཤས་ལྲ་རུ་བསྒྱུར། སངྐ་ལྶྱཾ། །

[Full Size]

བརྟག་པར་བྱ་བ། བི་ཙརྟྟྱཾ། རྣམ་པར་འཚེ་བར་བྱ་བ། འདིར་ཏ་ཡིག་གཉིས་བརྗོད་པ་ནི། ཙཱནྡྲ་པར། ཨཙྲ་ལས་ར་ཧ་ལས་གཉིས་སོ། །ཞེས་ར་ཡིག་གམ་ཧ་ཡིག་དང་སྦྱོར་བའི་ཚེ་ར་ཧ་དག་མ་གཏོགས་པའི་གསལ་བྱེད་དབྱངས་བཅས་གཞན་གྱི་གསལ་བྱེད་ཉིད་གཉིས་སུ་བརྗོད་པར་གསུངས་ཏེ། དབྱངས་ཅན་མར་ཡང་། ཧ་ས་ལས་ར་ཧ་མ་ཡིན་པའི་ཧ་ས་རྣམས་སོ་ཞེས་བསྟན་པས། དྷརྨྨ། ཀརྨྨ་ལྟ་བུའི་འདི་རིགས་གཞན་ལའང་གོ་བར་བྱ་ཞིང་འོན་ཀྱང་ཀ་ལཱ་པའི་ལུགས་ཀྱི་སྒྲ་སྒྲུབ་བྱས་པ་དེའི་ཚེ་མདོའི་དངོས་བསྟན་ཏུ་དེ་ལྟར་མ་གསུངས་པས་གཉིས་བརྗོད་མ་བྱས་ཀྱང་སྐྱོན་ཡོད་པ་ནི་མ་ཡིན་ནོ། བྱིངས་ཌཱུཀྲྀཉ་བྱེད་པ། ཧྲྀཉ་འཕྲོག་པ་ལྟ་བུའི་གསལ་བྱེད་རྀ་ཡིག་གི་མཐའ་ཅན་དང་། པཙྲ་འཚེད་པ། པཙྲ་སྨྲ་བ་ལྟ་བུའི་གསལ་བྱེད་མཐའ་ཅན་རྣམས་ལས་གྷྱྲ་རྐྱེན་ཏུ་འགྱུར་ཏེ། དེ་དག་གི་རྗེས་འབྲེལ་ཕྱིས། རྀ་ཡིག་དང་གསལ་བྱེད་མཐའ་ལས་གྷྱྲ་འོས་དེ་བྱིན། ཉྲ་ྲ་རྗེས་སུ་འབྲེལ་བ་ལ་ཨིཙ་བཞིན་ཏུ་འགྱུར་བས། ཨཱ། ཨིནྲ་ཨིཙྲ་ཨཊྲ་སོགས་ཀྱིས་རྀ་ཨཱརྲ་དུ་འཕེལ། ཨ་ཨུ་པ་དྷཱ་རིང་། ཙ་ཛ་དག་གི་དྷུཊ་ལ་གྷ་རྗེས་སུ་འབྲེལ་བ་ལ་ཀཱ་གྲ་དག་གོས་ཙྲ་བྱིངས་བྲ་ཛ་འགྲོ་བ་དང་། ཨ་ཛ་འཕེན་པ་དག་མ་

[Full Size]

གཏོགས་པའི་བྱིངས་གཞན་ཙ་ཛའི་མཐའ་ཅན་ལ་བྱ་བ་འདི་རྟག་ཏུ་འབྱུང་བ་ཤེས་པར་བྱའོ། །དག་ཀ་རུ་བསྒྱུར། གྷ་དང་་དེ་དག་གི་དོན་ཡིན་པས་ཕྱིས། འདི་ཕྱིན་གྱི་གྷྲ་རྗེས་འབྲེལ་ཡོད་པ་རྣམས་བྱ་བ་དེའི་དོན་ཏུ་ཤེས་པར་བྱའོ། །སི་མུ་བྱས། ཀཱ།།། བྱ་བ། ཧཱ།།། དབྲོག་་བྱ། པཱཀྱཾ། སྨིན་བྱ། བཱཀྱཾ། ངག་རྣམས་འགྲུབ། གསལ་བྱེད་མཐའི་བྱིངས་ཡིན་ཀྱང་། ས་སྡེའི་མཐའ་ཅན་ལས་གྷྱྲ་མི་འགྱུར་ཏེ། ཌུ་ལ་བྷཥྲ་ཐོབ་པ། ཛ་པྲ་གསལ་བར་བརྗོད་པ། དེ་དག་གི་ཨིཏྲ་ཕྱིས། ཤ་ཀི་ས་ཧི་པ་སྡེའི་མཐའ་ལས་ཀྱང་ངོ་ཞེས་དེ་ལས་རྟག་ཏུ་འགྱུར་བས་ཡ་བྱིན། དྲངས། སི་མུ་བྱས། ལ་བྷྱཾ། འཐོབ་བྱ། ཛཔྱཾ། བཟླ་བྱ་སོགས་སོ། །གོང་དུ་བཤད་པའི་ཀཱ་མྱ། ཡིནྲ། ཝིསྲ། ཡ་ཙེ་ཀྲཱི་ཡི་ཏའི་མཐའ་རྣམས་ལས་ཀྱང་ཡ་འགྱུར་བ་བྷཱ་ཥའི་འགྲེལ་པར་བཤད་པས། ཀཱ་མྱ་ལས། པུ་ཏྲ་ཀཱ་མྱཾ། བདག་གི་བུར་འདོད་པར་བྱས། ཡིནྲ་ལས། པུརྟྟཱིཡྻཾ། བུ་བཞིན་ཏུ་སྤྱད་པར་བྱ། ཝིསྲ་ལ། གརྡྷ་བྷྱཾ། བོང་བུ་བཞིན་ཏུ་སྤྱད་པར་བྱ། ཡ་ཙེ་ཀྲཱི་ཏ་ལས། དེ་དྭི་བྱཾ། ཡང་ཡང་རྩེ་བར་བྱ་བ་སོགས་དཔེར་བརྗོད་དོ། །དབྱངས་ཅན་རབ་བྱེད་དུ། བདེ་བླག་བྱེད་པ་ལ་ཀེ་ལི་མ་སྟེ། བྷི་དི་ལི་མཾ་ཀཱཥྛཾ། ཤིང་བདེ་

[Full Size]

བླག་ཏུ་གཅོད་པར་བྱ། པ་ཙེ་ལི་མཱ་ཨཱ་ཌྷ་ཀྱཿབྲེ་གང་བདེ་བླག་ཏུ་འཚེད། ཅེས་གསུངས། ཡང་། སློབ་མ་ལ་ཕན་པར་སྡེབ་སྦྱོར་གྱི་ཡུལ་ལ། ཏ་བཻ། ཀེཀེ་ནྱ། ཏྲཱ་རྣམས་འགྱུར་བར་གསུངས་པས། ཀྲྀཉྲ་ལས། ཏ་བཻ་དང་ཏྲཱ། ཀེ་ནྱ། པ་ཙྲ་ལས་ཀེ་རྣམས་བྱིན། སྔ་མ་གཉིས་ལ་ནཱ་མིའི་མཐའི་སོགས་ཀྱིས་རྀ་ཡོན་ཏན་ཨཏྲ་བྱས་ནས་སྦྱར། ཀྲ་ཀྲ་ལ་ཡརྞ་བཞིན་སོགས་ཀྱིས་ཕྱིས་ནས་ཡོན་ཏན་མེད་པས། རྀའི་རྲའོས་མཚམས་སྦྱོར་ནས་དྲངས་པ་སོགས་ཀྱིས་ཀརྟ་བེ། པ་ཙེ། ཀྲེ་ཎྱཿ ཀརྟྭཱ། དེ་དག་བྱ་བའམ་ལྷག་བཅས་སྒྲར་ཡང་བསྒྱུར་དུ་རུང་བས་བྱ་བའམ་བྱས་ནས་ཞེས་སོ། །དེ་བཞིན་ཏུ་འཚེད་ནས་སམ་འཚེད་བྱ་ཞེས་སྦྱར། འདིར། ཀྲེ་ཎྱཿཞེས་པ་ར་ཥ་རྀ་སོགས་ཀྱིས་ན་་རུ་བསྒྱུར་ནས་སི་བྱིན་པ་ཡིན་ཞིང་། གཞན་རྣམས་སློབ་ཕན་ཏུ། ཀྟྭཱཱ་དང་མྲ་དང་མཚམས་སྦྱོར་གྱི་ཡི་གེའི་མཐའ་རྣམས་མི་ཟད་པའོ་ཞེས་འོག་ནས་བཤད་པའི་ཀྟྭཱཱ་དང་། འདིར་བསྟན་ལྟ་བུའི་ཏྭའི་མཐའ་ཅན་རྣམས་དང་། ཏུམྲ་སོགས་ཀྲྀཏྲ་རྐྱེན་མ་མཐའ་ཅན་རྣམས་དང་། ཨེ་ཨཻ་ཨོ་ཨཽ་སྟེ་མཚམས་སྦྱོར་གྱི་ཡི་གེའི་མཐའ་ཅན་རྣམས་རྟགས་མི་གསལ་བའམ་གྲངས་མེད་པ་སྟེ་མི་ཟད་པའི་མཐར་བཤད་པས་གཞན་ལས་འཇིག་

[Full Size]

གོ། །མི་ཟད་པ་ལས་ཀྱང་ངོ་ཞེས་པས་རྣམ་དབྱེ་རྣམས་བྱེ་བྲག་མེད་པར་འཇིག་པས་འདིར་ཡང་མདོ་དེས་སི་ཕྱིས་པ་སྟེ་གཞན་ལའང་ཤེས་པར་བྱའོ། །དེ་ལྟར་རྐྱེན་དེ་རྣམས་ཀྲྀཏྲ་དྲུག་པར། དངོས་པོ་དང་ལས་དག་ལ་ཀྲྀཏྱ་དང་ཀྟ་དང་ཁལྲའི་དོན་རྣམས་སོ་ཞེས་གསུངས་པས་དངོས་པོ་དང་ལས་དག་ལ་ཀྲྀཏྱ་དང་འཆད་པར་འགྱུར་བའི་ཀྟ། ཁལྲ། ཁལྲའི་དོན་ཅན་ཏེ་དེ་དང་འཇུག་སྒོ་མཚུངས་པས་ཡུ་སོགས་འགྱུར་བའི་དོན་ཡིན་པས། ཨཱསྲ་ཡོད་པ་ལས་ཏ་བྱ་དང་། ཨཱ། བྱིངས་ཐམས་ཅད་པ་མ་ཡིན་པ་སོགས་ཀྱི་ཨིཊྲ། ཤཱིདྲ་ཉལྲ་བ་ལས་ཨ་ནཱི་ཡ་དང་ཡོན་ཏན་བྱས། ངག་དང་སྦྱར་བ་སོགས་ཀྱིས། ཨཱ་སི་ཏ་བྱཾ་བྷ་བ་ཏཱ། ཁྱོད་བསྡད་དོ། །ཤ་ཡ་ནཱི་ཡཾ་བྷ་བ་ཏཱ། ཁྱོད་ཉལ་ལྟ་བུ་སྟེ་དངོས་པོ། དོན་གོང་དུའང་བཤད་མོད་བྱིངས་དོན་རྐྱང་པ་བྱེད་ཅན་དྲུག་གི་དོན་གྱིས་མ་བསྒྱུར་བ་ལ་བརྗོད་ཅིང་། ལས་ནི་གོང་དུ་དཔེར་བརྗོད་པ་བཞིན་ལྷས་སྦྱིན་གྱིས་རེ་ལྡེ་བྱའོ་ལྟ་བུ་ལྷ་བྱིན་གྱིས་བྱ་རྒྱུའི་ལས་རེ་ལྡེ་ཡིན་པས་དེའི་དོན་ལ་ཀྲྀཉྲ་ལ་ཏ་བྱ་ལ་སོགས་པ་སྦྱིན་པ་ཡིན་ནོ། །དེ་ནས་བྱེད་པའི་རྐྱེན་དངོས་ནི། བྱེད་པ་པོ་ལ་ཀྲྀཏྲ་རྣམས་སོ། །ཞེས་བྱེད་པ་ཅན་གྱི་བྱ་བའི་དོན་ལས་ཕ་རོལ་དུ་བྱ་བ་བྱེད་མཁན་གྱི་བྱེད་པ་པོ་བརྗོད་པ་

[Full Size]

ལ་འདི་ཕྱིན་གྱི་ཀྲྀཏ་རྐྱེན་འཇུག་ཡུལ་དམིགས་བསལ་མེད་པ་རྣམས་འཇུག་པ་ཡིན་ནོ། །པུྲ་ཏྲྀ་ཙྲ་དག་གོ། །བྱིངས་ལས་བྱེད་པ་པོའི་དོན་ལ་རྐྱེན་དེ་དག་འགྱུར་ཏེ།ཱིཉྲ་ཐོབ་པའི་བྱིངས་ཀྱི་ཉ་རྗེས་འབྲེལ།འི་ནའོ་ས་་ན་རུ་བསྒྱུར། འདིས་བུྲ། ཨིནྲ་ཨིཙྲ་ཨཊྲ་སོགས་ཀྱིས་ཀཱ་བྱིངས་འཕེལ།ྲ་དེའི་དོན་ཡིན་པས་ཕྱིས། ཡུ་བུ་ཛྷ་རྣམས་ཀྱིས་ཨ་ན་ཨ་ཀ་ཨནྟ་རྣམས་སོས་བུ་ཨ་ཀ་རུ་བསྒྱུར། ཨཻ་ཨཱ་ཨྲ། དྲངས། སི་ཨཱ། རྣམ་བཅད། ནཱ་ཡ་ཀཿའདྲེན་པ་སྟེ་གཙོ་བོའོ། །བི་སྔོན། བི་ནཱ་ཡ་ཀཿ འདི་རྣམ་འདྲེན་ནམ་ལོག་འདྲེན་ཏུ་བསྒྱུར་ཀྱང་སངས་རྒྱས་མཚན་གྱི་སྐབས་སུ་འདུལ་མཛད་ཅེས་བསྒྱུར་ན་ལེགས་པར་གསུངས་སོ། །ཡང་། ཀྲྀཉྲ་བྱེད་པ་ལ། བུྲ་དང་། རྀ་ཨཱར་དུ་འཕེལ་བ་སོགས་ཀྱིས། ཀཱ་ར་ཀཿབྱེད་པ་པོ་གྲུབ། འདིར་སྤྱི་དོན་འདི་ཤེས་དགོས་ཏེ། ཀྲྀཏྲ་དྲུག་པར། ཡུ་བུ་ཛྷ་རྣམས་ཀྱི་ཨ་ན་ཨ་ཀ་ཨནྟ་རྣམས་སོ་ཞེས་གསུངས་པས་སྲ་རྗེས་འབྲེལ་མེད་པའི་ཡུ་བུ་ངག་གི་རྟག་ཏུ་བསྒྱུར་བྱ་དེ་དག་འགྱུར་ཞིང་སྲ་ལ་དེ་མི་འགྱུར་ཏེ། མི་ཟད་པའི་ཀམྲ་དང་ཤམྲ་ལས། ཡུའོ་སྲ་མ་རུའི་དོན་ལ་ཡུསྲ་བྱིན། སྲ་ཡུ་ཨ་ན་རུ་མི་འགྱུར་བའི་དོན་ཏེ་ཕྱིས། མྲ་ང་རོ་དང་། སི་བྱིན་པས། ཤ་མ་ཡུཿབདེ་

[Full Size]

ལྡན། ཀཾ་ཡུཿ ཞི་བ་ཅན། བྷཱུུ་ཛ་སྐྱོང་བ་ལས། ཛ་ནི་མ་ནི་སོགས་ཀྱི་ཀྱཔྲ་སྦྱར། ཀྲ་ཀིཏྲ་བྱ་བའི་དོན་དང་། པྲ་འདིའི་དོན་གྱིས་ཕྱིས། སྦྱར་ནས་སི་བྱིན། བྷུ་ཛྻུཿ ཟན་ལྟ་བུའོ། །ཤཱ་ས་རྗེས་སུ་སྟོན་པ།ཱིཉྲ་ཐོབ་པ། གུ་པཱུ་སྲུང་བ་རྣམས་ལ་ཧྲྀ་ཙྲ་བྱིན། རྗེས་འབྲེལ་ཕྱིས།ཱི་ནཱི། ཙྲ་དབྱངས་དོན། དབྱངས་མེད་དྲངས་པས། ཤཱསྟྲྀ། །ནཱ་མིའི་མཐའི་སོགས་ཀྱི་བྱིངས་ཡོན་ཏན། ནེ་ཏྲྀ། གོ་སྟྲི། གྲུབ་པ་ལ་སི་བྱིན། སི་ལ་ཨཱ་སྟེ་སི་དབྱི་བའང་ངོས་བསྒྲུབས་པས། ཤཱསྟཱ། སྟོན་པ། ནེ་ཏཱ། འདྲེན་པ། གོ་སྟ་སྦེད་བྱེད་རྣམས་གྲུབ་སྟེ་རྐྱེན་དེ་དག་བྱིངས་གཞན་ལའང་སྦྱར་ཤེས་པར་བྱའོ། །ཡང་པཱ་ི་པ་དང་། ཀ་ལཱ་པ་སོགས་སུ་པུ་ྲ་ཏྲྀ་ཙ་དག་བྱེད་པ་པོའི་རྐྱེན་སྤྱིར་བཏང་ནས་དམིགས་བསལ་པཙྲ་ལ་སོགས་པ་རྣམས་ལས་བྱེད་པ་པོ་ལ་ཨཙྲ་འགྱུར་བར་གསུངས་པས་པ་ཙྲ་འཚེད་པ། པ་ཙ་སྨྲ་བ། མིཥྲ་འགྲན་པ་རྣམས་ལས་ཨཙྲ་བྱིན། ཙྲ་དབྱངས་དོན་ཕྱིས། བྱིངས་ཡོན་ཏན་སོགས་དང་སི་སྦྱར་བས། པ་ཙཿའཚེད་བྱེད། པ་ཙཿསྨྲ་བྱེད། མེ་ཥཿ ལུག་སོགས་ནི་འགྲེལ་པ་རྣམས་སུ་བལྟ་བར་བྱའོ། །ཙཱནྡྲ་པར། ཨཙྲ་འང་བུྲ་ཏྲྀ་ཙ་དག་དང་མཚུངས་པར་

[Full Size]

སྤྱིར་བཏང་གི་རྐྱེན་ཏུ་བཤད་པས་དེས་ན། ཏྲཱྀ་རྒྱལ་བ་དང་སྒྲོལ་བ། ཨུདྲ་སྔོན། ཛྭ་ར་ནད། ནིརྲ་སྔོན། དི་བུ་རྩེ་བ། དེ་དག་ལས་ཨཙྲ་དང་བྱིངས་ཡོན་ཏན་སོགས་ཀྱིས་བསྒྲུབས། །མིང་སྔ་མའི་གོང་དུ་དགག་པའི་ནཉྲ་བཞག །ཉྲ་ཁྱད་དོན་ཕྱིས། དབྱངས་ལ་ཡི་གེ་བཟློག་པར་བྱའོ་ས་ནའི་སྲོག་གི་ཨ་སྔོན་ཏུ་བཞག །ནྲ་དབྱངས་མེད་ཨུ་ལ་དྲངས། སྒྲ་མེད་པ་ལ་དང་པོ་འོས་དྲ་ཏྲ་རུ་བསྒྱུར་ནས་དྲངས་པས། ཨ་ནུཏྟ་རཿབླ་ན་མེད་པ་ནི་རྫྭ་རཿརིམས་ནད་མེད་པ། དེ་བཿལྷ་རྣམས་གྲུབ་པ་ལྟ་བུའོ། །རབ་བྱེད་ཟླ་ཟེར་སོགས་ལས། སནྲའི་མཐའ་ལས་ཏྲྀཙྲ་དང་། ཡ་ཙེ་ཀྲཱི་ཡི་ཏའི་མཐའ་ལས་ཨཙྲ་འགྱུར་ཞིང་། ཡའང་འཇིག་པར་གསུངས་པས། གམླྀ་འགྲོ་བ་ལས་སནྲ། ཏྲྀཙྲ། ཨིཊ་སོགས་ཀྱིས། སཾ་ཛིག་མི་ཥིཏཱ། འགྲོག་པར་འདོད། ལུཔླྀ་གཅོད་པ་ལས་ཡ། ཨཙྲ། ཡ་འཇིག །ལོ་ལུ་པཿ ཤིན་ཏུ་སྲེད་པ་ཅན། རུ་སྒྲ་ལས། རོ་རུ་བཿཡང་ཡང་སྒྲོགས་པ། ཞེས་སོགས་སོ། །མང་པོ་ལ་སྤྱིར་བཏང་བའི་ཕྱིར་ལས་ཙམ་གྱི་དོན་ལའང་བུྲ་འཇིག་པར་གསུངས་པས། པཱ་དཱ་བྷྱཾཱ་ཧྲི་ཡ་ཏེ། རྐང་པ་དག་གི་བསྣུན་པར་བྱའོ་ཞེས་པའི་དོན་ལ། ཧྲྀཉྲ་འཕྲོག་པ་ལ། པཱ་དཱ་ཧཱ་ར་ཀཿ ལྟ་བུའོ། །

[Full Size]

ཡང་། དེ་དག་གི་དམིགས་བསལ་དུ་བནྡི་སོགས་ལས་ཡུ་དང་། གྲ་ཧ་སོགས་ལས་ི་ནི་འགྱུར་ཏེ། ཊཱུ་ན་དི་འབྱོར་ཚོགས་ལའོ། །བས་ངེས་པར་གནས་པ། དྲྀ་པ་དགའ་བ་དང་གྲོལ་བར་བྱེད་པ། ར་མུ་རྩེ་བ། ལཱུཉྲ་གཅོད་པ། དེ་དག་ལ་ཡུ་བྱིན། རྗེས་འབྲེལ་རྣམས་ཕྱིས། ཨི་དིཏྲའི་ནུ་སྦྱར། ཡོན་ཏན་བྱས། ར་ཥ་ལ་ན་། ཕྱི་མར་ཚིག་ཕྲད་ཀྱིས་ན་། སི་བྱིན་པས། ནནྡནཿ དགའ་བྱེད། ནཱ་ས་ནཿ གནས་བྱེད་དེ་གཉིས་དེ་བྱེད་དུ་འཇུག་པའི་དོན་ལ་ཨིནྲ་སྟེར་བའོ། །ད།།། མེ་ལོང་། ར་མ་ཿ དགའ་བྱེད། ལ་བ་ཿ ལན་ཚྭ་རྣམས་གྲུབ། ལས་ཉེ་བའི་ཚིག་ཅན་ཨྲའི་ཡུལ་ལའང་ཡུ་འགྱུར་ཏེ། དམུ་ཉེ་བར་ཞི་བ་ལས། ཀུ་ལ་ད་མ་ནཿརིགས་འདུལ་བ། ཨ་རི་ད་མ་ནཿདགྲ་འདུལ་བ་ལྟ་བུའོ། །ཡང་། གྲ་ཧ་ཉེ་བར་ལེན་པ། ཨཀྵཱུ་ཁྱབ་པ་དག་ལས་ི་ནི། ཨི་རྗེས་འབྲེལ་ཕྱིས། ཨི་ཙྭ་བཞིན་བྱིངས་ཀྱི་ཨ་རིང་།་དེའི་དོན། དྲངས་པས། ཀྲཱ་ཧིནྲ། ནིརྲ་སྔོན། ནི་རཀྵིནྲ། གྲུབ། དེ་ལ་སི་བྱིན། གསལ་བྱེད་ལས་ཀྱང་ངོས་སི་ཕྱིས། ན་མཐའི་འང་ཨུ་པ་དྷཱའིའོ་སོགས་ཀྱིས་ན་ཨུ་པ་དྷཱ་རིང་། རྟགས་མཐའི་ན་ཡིག་གོས་ནྲ་ཕྱིས་པས། གྲཱ་ཧཱི། །

[Full Size]

འཛིན་བྱེད། ནི་རཀྵཱི། ངེས་ཁྱབ་བམ་མིག་མེད་སོགས་ཏེ་སོགས་ཁོང་གཞན་ཏུ་བལྟ་བར་བྱའོ། །ནཱ་མི་ཨུ་པ་དྷཱ་ཀྲཱྀ་པྲཱྀ་གྲཱྀ་ཛྙཱ་རྣམས་ཀྱི་ཀའོ། །ཀྵི་པ་འཕེན་པ། བུདྡྷ་ཁོང་དུ་ཆུད་པ། །ཨཱི་ཤ་དབང་ཕྱུག །པུ་ལ་ཆེ་བ། ཀྲྀ་ཤ་ཕྲ་མོར་བྱེད་པ་ལྟ་བུའི་ནཱ་མིའི་ཡི་གེ་ཨུ་པ་དྷཱ་ན་ཡོད་པ་དང་། པྲཱྀཉྲ་ཚིམས་པ། ཀྲྀ་རྣམ་པར་བསྐྱོད་པ། ཛྙཱ་ཁོང་དུ་ཆུད་པ། གྲཱྀ་ཡ་གསལ་བ་རྣམས་ལས་བྱེད་པ་པོ་ལ་ཀ་རྐྱེན་ཏུ་འགྱུར་ཏེ། བྱིངས་དེ་དག་ལས་ཀ་ ཀྲ་ཀྲ་ལ་ཡ་བཞིན་སོགས་ཀྱི་དོན་ཏེ་ཕྱིས། སྲོག་གི་ཨ་བཞག །བྱིངས་ཀྱི་ཨིའི་ཡི་གེ་དང་ཨུའི་ཡི་གེ་དག །མཐའི་དབྱངས་དང་པོ་ཅན་ལ་ཨིཡྲ་ཨུབྲ་དག་གོས། པྲཱིའི་ཨི་ཡིག་པྲིཡྲ་རུ་བསྒྱུར། རཱྀཏྲ་མཐའི་ཡོན་ཏན་མེད་པ་ལ་ཨི་ཏྲ་འོས་ཀྲཱྀ་གྲཱྀ་ཀིརྲ་གིརྲ་དུ་བསྒྱུར་ནས་དྲངས། སི་བྱིན་པས། བི་ཀྵི་པཿ བསྡུ་བ། བི་སྔོན་ཏུ་བཞག་པའོ། །བུ་དྷཿ མཁས་པ། ཨཱི་ཤཿ དབང་པོ། བི་པུ་ལཿ ཡངས་པ། བི་སྔོན་ཏུའོ། །ཀྲྀ་ཤཿ ཆུང་ངུ་། པྲི་ཡཿ མཛའ་བ། ཨུཏྐི་རཿ གཡེང་བ། ཨུཏ་སྔོན་ནོ། གིརཿགསལ་བ། ཛྙཿཤེས་པ་རྣམས་གྲུབ། མང་པོ་ལ་སྤྱིར་བཏང་བས་ནཱ་མི་མཐའ་ཉེ་ལས་ཀྲྀཏྲ་རྐྱེན་གཞན་ཡང་འཇུག་སྟེ། སྔར་དེ་པཿ དཔེར་བརྗོད་

[Full Size]

པ་དང་། ཀྵི་པ་ལ་པུ་ྲ་དང་ཏྲྀཙྲས། བི་ཀྵེ་པ་ཀ་ན། བི་ཀྵེ་པྟཱ། གཡེང་བྱེད། མི་ཧྲ་འཁྲུད་པ་ལས་གྷཉྲ་ལ། མེ་གྷཿ སྤྲིན་ལྟ་བུས་མཚོན་པར་བྱའོ། །ཡང་། ཉེར་བསྒྱུར་སྔོན་མ་ཅན་གྱི་བྱིངས་ཨཱཏྲ་མཐའ་ཅན་ལས་ཌ་རྐྱེན་ཏུ་འགྱུར་ཏེ། ཥྛཱ་འགྲོ་བ་ལས་ལྡོག་པ། དང་པོའི་ཥའི་ས། ཋཱ་ཐཱར་ལོག །ཌུདཱཉྲ་སྦྱིན་པ། ཛྙཱ་ཁོང་དུ་ཆུད་པ། གྷྲཱ་དྲི་ཉེ་བར་ལེན་པའི་བྱིངས་རྣམས་བཞག །ཌུཉྲ་ཕྱིས། རིམ་པར། པྲ། སུ། ཨ་བྷི། བི་དང་ཨཱདྲ་སྦྱར་བའི་བྱཱ་རྣམས་སྔོན་ཏུ་བཞག །ཌ་རྗེས་སུ་འབྲེལ་བ་ལ་མཐའི་དབྱངས་ལ་སོགས་པ་དབྱི་འོས་བྱིངས་མཐའི་དབྱངས་རྣམས་ཕྱིས། དེའི་དོན་གྱིས་ཕྱིས་ནས་སྲོག་གི་ཨ་བཞག་པ་ནི་འདི་སོགས་ཌིཏྲ་ཐམས་ཅད་ལ་ཤེས་ནཱ་པར་བྱའོ། །དེའི་མཐའི་དབྱངས་དང་གསལ་བྱེད་རྗེས་འབྲེལ་ཡོད་ན་དེ་དང་བཅས་དབྱི་དགོས་པ་ཡིན་ནོ། །དབྱངས་མེད་དྲངས། སི་སྦྱར། པྲསྠཿ བྲེའུ་ཆུང་། སུ་དཿ ལེགས་སྦྱིན། ཨ་བྷི་ཛྙཿ མངོན་ཤེས། པྲཛྙ་ཤེས་རབ་བྱཱ་གྷཿ སྟག་རྣམས་གྲུབ་པ་ལྟ་བུའོ། །འདིར་ཉེར་བསྒྱུར་ནི་བྷཱ་ཥ་ལས། པྲ་དང་པ་རཱ་ཨ་པ་སཾ་དང་ཨ་ནུ་ཨ་པ་ནི་རུ། དུར་བི་ཨ་བྷི་ཨ་དྷི་སུ་ཨུད་ཨ་ཏི་ནི་པྲ་ཏི། པར་ཨ་པི་ཨུ་པ་

[Full Size]

ཨཱདྲ། ཞེས་ཉི་ཤུ་པོ་འདི་རྣམས། གྲོགས་ལ་ཉེ་བར་སྒྱུར་བ་སྒྲུབ་བྱེད་མཁས་པ་རྣམས་ཀྱིས་བཤད། ཅེས་གསུངས་པའི་སྒྲ་ཡི་གཟུགས་ཉི་ཤུ་པོ་འདི་རྣམས་མི་ཟད་པའང་ཡིན་ལ། ནི་པཱ་ཏའང་ཡིན་མོད། དེ་དག་གཞན་ཡང་མང་བའི་ཕྱིར་རིགས་མཐུན་འདི་ལ་སྒེར་དུ་ཨུ་པ་སརྒྒ་སྟེ་ཉེར་སྒྱུར་ཞེས་བྱ་ལ། བཏགས་པའི་དགོས་པ་ནི། ཇི་སྐད་དུ། གངྒཱའི་ཆུ་ནི་རབ་མངར་བ། རྒྱ་མཚོར་སླེབ་ན་བ་ཚར་འགྱུར། །དེ་བཞིན་སྒྲ་ཡི་བྱིངས་རྣམས་ཀྱང་། །ཉེར་སྒྱུར་དབང་གིས་གཞན་ཏུ་འགྱུར། །ཞེས་གསུངས་པ་ལྟར་འདི་རྣམས་བྱིངས་ལ་སྦྱར་བས་བྱིངས་ཀྱི་དོན་དེ་ཉིད་དོན་གཞན་ཏུ་འགྱུར་བའང་བྱེད་དེ། བྷཱུ་ཡོད་པ་ལ་བི་སྔོན་ཏུ་བཞག་པས་ནོར་རྫས་ཀྱི་དོན་ཏུ་འགྱུར་བ་དང་། ལ་བྷ་ཐོབ་པ་ལ་ཨཱང་སྔོན་ཏུ་བཞག་པ་གསོད་པའི་དོན་ཏུ་འགྱུར་བ་དང་།ཱིཉྲ་ཐོབ་པ་ལ་པི་སྔོན་ཏུ་བཞག་པས་འདུལ་བའི་དོན་ཉིད་ཀྱིས་ཕྱིར། བི་ན་ཡཿའདུལ་བར་བསྒྱུར་བ་ལྟ་བུ་དང་། རང་གི་ངོ་བོ་ཡང་དོན་དུ་མ་ཅན་ཡིན་པས་བྱིངས་དང་མིང་གང་ལ་སྦྱར་བ་དེའི་དོན་གྱི་ཁྱད་པར་ཅི་རིགས་པར་སྟོན་ཏེ། སུ་བཱ་ཙཿ ལེགས་གསུངས། པྲ་བྷ་བཿ རབ་བྱུང་། ཨུ་པ་སི་ཀཿ ཉེ་བར་བསྙེན་པ་ལྟ་བུའོ། །ཡང་ཛྭ་ལ་འབར་བ་ནས།

[Full Size]

ཀ་པ་འགྲོ་བའི་བར་གྱི་བྱིངས་སུམ་ཅུ་ལ་འི་རྐྱེན་ཡང་ན་འགྱུར་ཏེ། དེའང་སྔོན་ཏུ་ཉེར་བསྒྱུར་མེད་པ་ལས་སོ། །ཛྭ་ལ་འབར་བ། ཙ་ལ་གཡོ་བ་ལས། ཛྭ་ལ་སོགས་དང་། དུ་ནི་བྷཱུ་ལས་་ཡང་ན་འོས་་བྱིན། བྱིངས་འཕེལ།་ཕྱིས། ཨ་བཞག །དྲངས། སི་བྱིན་པས། ཛྭ་ལ། མེ་ལྕེ། ཙཱ་ལ། སྐྱོད་བྱེད། ཡང་ན་ཨཙྲ་ལ། ཛྭ་ལཿ ཙ་ལཿ སོགས་གྲུབ་བོ། །སྨོན་པའི་དོན་ལ་ཨ་ཀ་རྐྱེན་ཏུ་འགྱུར་ཏེ། ཊུ་ན་དི་འབྱོར་ཚོགས། ཨི་དིཏྲའི་ནུ་མྲ། ཛཱི་བ་སྲོག་འཛིན་པའོ། །དེ་དག་ལས། སྨོན་པ་ལ་ཨ་ཀ་འོས་ཨ་ཀ་དང་སི་བྱིན་ནས། ནནྡ་ཀཿའབྱོར་བར་གྱུར་ཅིག །ཇི་བ་ཀཿ འཚོ་བར་གྱུར་ཅིག །ལྟ་བུའོ། །ཀཱ་ལས་ལ་ཨྲའོ་ཞེས་བྱ་བའི་ལས་སུ་གྱུར་པའི་ཉེ་ཚིག་སྔོན་ཏུ་ཡོད་པ་ལས་བྱིངས་གང་རུང་ལས་ཨྲ་རྐྱེན་ཏུ་འགྱུར་ཏེ། འདི་ནས་བཟུང་ཀྟའི་རྐྱེན་མ་ཟིན་གྱི་བར་དུ་ཉེ་ཚིག་སྔོན་ཏུ་ཡོད་པའི་བྱིངས་ལས་འཇུག་པ་ཤ་སྟག་སྟེ། ཉེ་ཚིག་ཞེས་པའང་བོད་སྐད་ལ་དཔེར་ན་མར་མེ་མཛད་ལྟ་བུ་མར་མེའི་སྐད་དོད་དཱི་པཾ་ཞེས་པ་ཡིན། མཛད་ཅེས་པའི་སྐད་དོད་ཀྲྀཉྲ་བྱེད་པའི་བྱིངས་ལ་སྤྱིར་བཏང་དང་དམིགས་བསལ་གྱི་རྐྱེན་སྐབས་སུ་གང་བབས་ཀྱིས་བསྒྲུབས་དགོས་པས། དཱི་པཾ་ཀ་རཿ གྲུབ་པ་ལྟ་བུ་སྟེ། དེ་ལའང་ལས་ཉེ་བ་དང་། མིང་ཉེ་བ་གཉིས་སུ་ཡོད་དེ་ཕྱི་

[Full Size]

ནས་འཆད་པར་འགྱུར་རོ། །པ་བྷྱ་ཏི། ཤྲྀ་ོ་ཏེ། གཙྪ་ཏི་རྣམས་མ་གཏོགས་སོ། །ཀུམྦྷཾ་ཀ་རོ་ཏི། བུམ་པ་བྱེད་དོ། །ཀཱཎྜཾ་ལུ་ནྠ་ཏི། ཚེར་མ་གཅོད་དོ། །བེ་ད་མ་དྷཱི་ཏེ། རིག་བྱེད་ཀློག་གོ་ཞེས་པ་རྣམས་ཀྱི་དོན་ལ་ཉེ་ཚིག་ལས་ཀྱི་དོན་ལ་གཉིས་པ་སྦྱར་བ་དེ་རྣམས་སྔོན་མའི། ཀྲྀཉ་བྱེད་པ། ལཱུ་ཉྲ་གཅོད་པ། ཨཱིདྲ་ཆིག་འདོན་པ། ཨ་དྷི་སྔོན། འདིས་ཨྲ་རྐྱེན་ཨིནྲ་ཨིཙྲ་སོགས་ཀྱིས་བྱིངས་རྣམས་འཕེལ་ཞིང་མཚམས་སྦྱར། སི་བྱིན། ཚིག་སྡུད་ལས་རྣམ་དབྱེ་འཇིག་པས། ཀུམྦྷ་ཀཱ་རཿ རྫ་མཁན། ཀཱཎྜ་ལཱ་བ། དགྲ་འཇོམས་པའི་དོན་ཏོ། །ཚེར་མ་གཅོད་པ། བེ་དཱ་དྷྱཡཿ རིག་བྱེད་ཀློག་པ། གཞན་ཡང་། ལཱུ་ལས། ཤ་ཏྲུ་ལཱ་བཿདགྲ་གཅོད། དྷྲྀཉྲ་འཛིན་པ། ཙྪཏྟྲ་དྷཱ་རཿགདུགས་ཐོགས། པཱ་སྲུང་བ། དཱ་ར་པཱ་ལཿསྒོ་སྲུང་། ཧ་ན་འཚེ་བ། རི་སུ་གྷཱ་ཏཿ དགྲ་འཇོམས། བྲྀཉྲ་སྒྲིབ་པ་ལས། ཨ་ཤྭ་བཱ་ར། རྟ་ཟློག་ལ་སོགས་པ་རྣམས་སོ། །འདིར་བདུན་པས་བརྗོད་པ་ཉེ་བའི་ཚིག་གོ་ཞེས་རྣམ་དབྱེ་བདུན་པས་བསྟན་པ་རྣམས་ནི་ཉེ་བའི་ཚིག་ཏུ་ཤེས་པར་བྱ་སྟེ། འདིར་ཡང་། །ལས་ལ་ཞེས་བདུན་པ་བསྟན་པས་ཨྲ་སྦྱར་བའི་ཀ་ ཡུལ་ལ་ཉེ་ཚིག་སྔོན་ཏུ་དགོས་པ་རྟོགས་པ་དང་། །

[Full Size]

དྲྀ་ཏི་ནཱ་ཐ་དག་ལ་ཧ་ར་ཏི་ལས་ཕྱུགས་ལའོ། །ཞེས་དྲྀ་ཏི་དང་ནཱ་ཐ་དག་ལ་ཞེས་བདུན་པ་སྦྱར་བས་དེ་དག་ཉེ་བའི་ཚིག་ཏུ་མཚོན་ཞིང་ཧ་ར་ཏི་ལས་ཞེས་ལྔ་པས་བསྟན་པ་ཕ་རོལ་ཏུ་འགྱུར་བ་སོགས་ཤེས་པར་བྱའོ། །གལ་ཏེ་མིང་ཡིན་ན་དེ་སྔོན་མར་རོ་ཞེས་ཉེ་ཚིག་དེ་གལ་ཏེ་མིང་ཡིན་ན་བྱིངས་ཀྱི་སྔོན་ཏུ་སྦྱོར་དགོས་པ་དང་། དེའི་ཤུགས་ལས་ཉེ་ཚིག་སྦྱར་རྒྱུ་ཚིག་ཏུ་གྲུབ་པ་ཡིན་ན་གང་སྦྱོར་བའི་མཐར་ ཀཱ་སྦྱར་དགོས་པའང་རྟོགས་པར་བྱ་བ་དང་། དེ་ནི་དེ་དང་བསྡུ་བར་འགྱུར་རོ་ཞེས་ཉེ་བའི་ཚིག་དེ་རྣམ་དབྱེ་བདུན་གསུམ་ཉེར་གཅིག་གང་རུང་སྦྱར་བ་ཞིག་ཡིན་དགོས་པས་དེའི་ཚེ་རྣམ་དབྱེ་དེ་ནི་བྱིངས་དེ་དང་ལྷན་ཅིག་སྦྱོར་བའི་ཚེ་ཉེ་ཚིག་མཐའི་རྣམ་དབྱེ་བསྡུ་ཞིང་།མྲ་སོགས་མི་ཟད་པའི་མིང་ཅན་དང་སྦྱོར་བའི་ཉེ་ཚིག་གི་མཐར་གསུམ་པ་དང་བདུན་པ་དག་ཡོད་ན་ཡང་ན་བསྡུ་བར་འགྱུར་བའང་ཤེས་པར་བྱའོ། །ཉེར་བསྒྱུར་མེད་པའི་ཨཱཏྲ་་ལས་ཀའོ་ཞེས་ལས་ཉེ་བའི་ཚིག་ལས་ཕ་རོལ་གྱི་ཉེར་སྒྱུར་མེད་པའི་བྱིངས་ཨཱཏྲ་མཐའ་ཅན་ལས་ཀ་རྐྱེན་ཏུ་འགྱུར་ཏེ། ཌུདཱཉྲ་སྦྱིན་པ། གོ་དང་། ཀམྦ་ལ་སྔོན། པཱ་སྲུང་བ། ནྀྲ་སྔོན། །།།ཁོང་དུ་ཆུད་པ། སྦ་སྔོན། དེ་རྣམས་ལ་ཀ །ཀྲ་ཕྱིས་ཨ་

[Full Size]

བཞག །བྱིངས་ཐམས་ཅད་པ་མ་ཡིན་པ་ལ་ཨ་དབྱི་འོས་ཨཱ་ཕྱིས་ནས་དྲངས། སི་བྱིན་པས། གོ་དཿབ་སྦྱིན། ཀམྦ་ལ་དཿ ལ་བ་སྦྱིན་པ། ནྀྲ་པཿ མི་སྐྱོང་སྟེ་རྒྱལ་པོ། སྦ་ཛྙཿ ཐམས་ཅད་མཁྱེན་པ། ལྟ་བུའོ། །བ་ཌ་བཱ་སནྡཱ་ཡཿ རྒོད་མ་ཡང་དག་པ་སྦྱིན་པ། ཞེས་པ་ནི་ཉེར་སྒྱུར་སཾ་སྔོན་ཏུ་ཡོད་པས་དཱ་ལས་སྤྱིར་བཏང་གི་ཨྲའོ། །ཁ་གཅིག་ཏུ་པྲ་སོགས་དང་བཅས་པ་ལས་ཀྱང་། པྲ་པ། རབ་སྐྱོང་། པྲ་དཿརབ་སྦྱིན་སོགས་སུ་འགྱུར་བར་བཤད་པ་ཡང་ཡོད་དོ། །འདིར་མིང་ལས་སྠཱ་ལས་ཀྱང་ངོ། །ཞེས་པ་ཙམ་ལས་མ་གསུངས་ཀྱང་། ཙཱནྡྲ་པར། སུཔྲ་ལས་སོ། །ཞེས་ཉེ་ཚིག་སི་སོགས་གང་རུང་སྦྱར་བའི་མཐའ་ཅན་ལས་ཕ་རོལ་བྱིངས་ཨཱཏ་མཐའ་ཅན་ལས་ཀཱ་ ཀ་འགྱུར་བར་གསུངས་པས། པཱ་སྲུང་བ། །སྠཱ་གནས་པ་ལས་ཀ་སྔོན་ལྟར། ཉེ་ཚིག་དང་སྦྱར་བས། ཀཙྪ་པཿ རུ་སྦལ། དྭི་པ། གཉིས་འཐུང་། སམ་སྠཿ མཉམ་གནས་ཏེ། ཁོག་པའི་གོ་ཆས་སྲུང་། གཉིས་ཀྱིས་འཐུང་ཞེས་གསུམ་པའི་མཐའ་ཅན་དང་། མཉམ་དུ་གནས་ཞེས་བདུན་པའི་མཐའ་ཅན་གྱི་ཉེ་ཚིག་སྔོན་ཏུ་ཡོད་པ་ལས་བྱིངས་ལས་ཀ་རྐྱེན་དུ་བྱས་པ་ལྟར་འཆད་འགྱུར་གཞན་ལའང་འགྲེ།

[Full Size]

བྱའོ། །དེ་བཞིན་ཏུ། བྷྲྀཉ་འཛིན་པ་ལས། ཨ།།། ཆུ་འཛིན་ཏེ་སྤྲིན། མུ་ད་དགའ་བ་ལས། ཀུ་མུ་ད། ས་མོས་ཏེ་ཀུ་མུ་ད། རུ་ཧ་སྐྱེ་བ་ལས། ཕ་རོ་རུ་ཧཾ། མཚོ་སྐྱེས་ཏེ་པདྨ། དི་བུ་རྩེ་བ་ལས། ཏྲི་དི་བཿ སུམ་རྩེན་ཏེ་ལྷ་གནས། བཱ་བཏུང་བ་ལས། མ་དྷུ་པཿ སྦྲང་འཐུང་སྟེ་བུང་བ་ལ་སོགས་པར་ཤེས་པར་བྱའོ། །ཧྲྀཏྲ་འཕྲོག་པའི་བྱིངས་ལས་གྱེན་ཏུ་འདེགས་པ་མ་ཡིན་པ་ལ་ཨཙྲ་འགྱུར་ཏེ། ཨཾ་ཤ་ཧ་རཿ སོ་གམ་པ། མ་ནོ་ཧ་རཿ མཛེས་པ། པིཏྟ་ཧ་རཾ། འོ་མ། བཱཀྱ་ཧ་རཱ། ཕོ་ཉ་མོ། ན་ཚོད་ཀྱི་དོན་ལ་ཧྲྀཉྲ་ལས་ཨཙྲ་འགྱུར་བས། ཨསྠི་ཧ་རུས་གོང་། ཁྱི་གཞོན་ནུ། ཀ་བ་ཙ་ཏ་རཿགོ་མ་ཐོགས་པ། རྒྱལ་རིགས་གཞོན་ནུ། གྱེན་ཏུ་འདེགས་པ་ཡིན་ན་ཨྲ་སྟེ། བྷ་ར་ཧཱ་རཿ ཁུར་འདེགས་པའོ། །དྷྲྀཉྲ་འཛིན་པའི་བྱིངས་ལས་མཚོན་ཆ་འཛིན་པ་ལ་ཨཙྲ་འགྱུར་ཏེ། བཛྲ་དྷ་ར། རྡོ་རྗེ་འཛིན་པ། ཙཀྲ་དྷ་རཿའཁོར་ལོ་འཛིན་པ་སོགས་སོ། དཌྜ་དྷཱརཿ དབྱུག་ཐོགས། སཱུ་ཏྲ་དྷཱ་རཿ ཐིག་སྐུད་འཛིན་པ་སྟེ་འདི་གཉིས་ལ་ཨ་ཙ་མི་འགྱུར་བས་ཨྲ་བྱིན་པའོ། །ཉེ་ཚིག་ཤཀྟི་སོགས་དབྱིབས་ཀྱི་ཚོགས་དགུ་ལས་གྲ་ཧ་ལས་ཨཙྲ་འགྱུར་ཏེ། ཤཀྟི་གྲ་ཧ། མདུང་ཐུང་འཛིན་པ། གྷ་ཊ་གྲ་ཧཿ།

[Full Size]

བུམ་པ་འཛིན་པ་སོགས་ཏེ་འདིར་ཡང་སྔ་མའི་ཤེས་བྱེད་ལས། མདོ་འཛིན་པ་ལ། ཡ། སཱུ་ཏྲ་གྲཱ་ཧའོ། །ཡང་ཉེ་ཚིག་ཤམྲ་སྔ་མའི་བྱིངས་ལས་མིང་གི་ཡུལ་ལ་ཨཙྲ་སྟེ། ཤངྐ་རཿ ཀྲྀཉའོ། །ཤམྦ་རཿ བདེ་མཆོག །བྲྀདྲའོ། །ཤམྦ་དྲ། བདེར་སྨྲ། བདའོ། །གནས་གཞིའི་དོན་ཅན་ཉེ་བའི་ཚིག་ལ་ཤཱིདྲ་ཉལ་བ་ལས་ཨཙྲ་འགྱུར་ཏེ། ཁེ་ཤ་ཡཿམཁར་ཉལ་ལམ་ནམ་མཁར་གནས་པ། གུ་ཧཱ་ཤ་ཡཿཕུག་པར་ཉལ་བ། གཞི་ལ་ཙར་འགྲོ་བ་ལས་ཊ་འགྱུར་ཏེ། ཊྲ་ནི་ཊིཏ་ལ་བུད་མེད་རྐྱེན་ཨཱི་འཇུག་པའི་དོན་ཡིན་པས་ཕྱིས། སྲོག་གི་ཨ་དང་སྦྱར་བས། ཀུ་རུ་ཙ་རཿསྒྲ་དོན་ཏུ་སྤྱོད་པ། བ་ནེ་ཙ་རཿ ནགས་སུ་སྤྱོད་པ། ཁེ་ཙ་རཱི། མཁའ་སྤྱོད་མ་རྣམས་གྲུབ། འདིར་བདུན་པའི་མཐའ་ཅན་ཀུ་རོ་ཞེས་པ་བསྡུས། ཕྱི་མ་གཉིས། ཙཱནྡྲ་པར། བདུན་པའི་མང་པོར་རོས་མི་འཇིག་པའོ། །པཱ་ི་པར། ཀིམྲ། ཡདྲ། ཏདྲ། བ་ཧུ་སོགས་སྔོན་མའི་ཀྲྀཉྲ་ལས་ཨཙྲ་འགྱུར་ཏེ། ཀིཉྐ་རྵ། ཡ་ཏྐ་རཱ། ཏཏྐ་རཱ། བ་ཧུ་ཀ་རཱ། དེ་རྣམས་ཨཱསྲ་མཐའོ། །ཤབྡ། སྒྲ། ཤློ་ཀ ཚིགས་བཅད། ཀ་ལ་ཧ། རྩོད་པ། ཚིགས་བཅད། གཱ་ཐཱ། བཻ་ར། འགྲས་པ། གསལ་སྒྲ། ཙཱ་ཊུ། མདོ། སཱུ་ཏྲ། ཅི་བགྱི་བ། གང་བྱེད་པ། དེ་བྱེད་མ། གད་དར་བྱེད་མ། སྔགས། མནྟྲ། ཆ་ཤས། པ་ད་

[Full Size]

རྣམས་མ་ཡིན་པའི་ཉེ་ཚིག་རྣམ་དབྱེའི་མཐའ་ཅན་ལས་ཀྲྀཉྲ་བྱེད་པའི་བྱིངས་ལས་རྒྱུའི་བྱེད་པ་པོ་དང་། ངང་ཚུལ་དང་། རྗེས་སུ་མཐུན་པའི་བྱེད་པ་པོ་རྣམས་ལ་ཊ་འགྱུར་ཏེ། རྗེས་འབྲེལ་སྔར་ལྟར་ཕྱིས། ཡོན་ཏན་བྱས། ངག་དང་སྦྱར་བས། བིཏྱཱ་ཡ་ཤསྐ་རཿ རིག་པས་གྲགས་པར་བྱེད་པ། རྒྱུའོ། །ཤྲཱདྡྷ་ཀ་རཿ དད་པར་བྱེད་པའི་ངང་ཚུལ། ངང་ཚུལ་ལོ། །བ་ཙ་ན་ཀ་རཿ མཐུན་པར་སྨྲ་བར་བྱེད་པ། རྗེས་སུ་མཐུན་པའི་དཔེར་བརྗོད་དོ། །ཤཔྡ་ཀ་རཿསྒྲ་བྱེད་སོགས་ཨྲའོ། །ཡང་དི་བཱ་སོགས་དབྱིབས་ཀྱི་ཚོགས་ཉེར་དྲུག་དང་། གྲངས་ཀྱི་སྒྲ་ཉེ་བའི་ཚིག་ལ་ཀྲྀཉྲ་པས་རྒྱུ་སོགས་ཀྱི་དོན་དང་། དེ་མ་ཡིན་པ་ལའང་ཊ་འགྱུར་ཏེ། དི་བཱ་ཀ་རཿ ཉིན་བྱེད། ཨནྟ་ཀ་རཿ མཐར་བྱེད། ཀིངྐ་རཿ ཅི་བགྱི་སྟེ་བྲན། ལི་བི་ཀ་རཿ ཡི་གེ་བྱེད་པ། ཙི་ཏྲ་ཀ་རཿ ལྷ་བཟོ། ཨེ་ཀ་ཀ་རཿ གཅིག་བྱེད་པ། དྭི་ཀ་རཿ གཉིས་བྱེད་པ་ལ་སོགས་པའོ། །མིང་ཉེ་བའི་ཚིག །གམླྀ་འགྲོ་བ་ལས་ཁ་རྐྱེན་ཏུ་འགྱུར་ཏེ། གམྲ་ལས་ཀྱང་ངོ་ཞེས་པས་བྱིངས་དེ་ལ་ཁ་བྱིན། ཉེ་ཚིག་སུ་ཏ་སོགས་སྔོན་ཏུ་བཞག་པའི་མཐར་ཐུང་ངུ་སོགས་ཀྱི་ས་མ་ཨཱ་ག་མ་བྱིན། ཨ་ཕྱིས། སི་རྣམ་བཅད་བྱས་པས་སུ་ཏངྒ་མཿ བུར་

[Full Size]

གཏོགས་པ། བྷུ་ཛངྒ་མཿ ལག་འགྲོ། མི་ཏངྒ་མཱ། གླང་མ། པཱུྤཾ་ག་མ། འགྲུལ་པ། ཧྲྀ་ད་ཡངྒ་མཱཿམི་ཟད་པ་མིན་པའི་པ་ཏཱི་ལྟ་བུ་རིང་པོ་སྔོན་ཏུ་ཡོད་པ་ལ་ཁ་རྗེས་སུ་འབྲེལ་བའི་རྐྱེན་ཕ་རོལ་ལ་དེ་ཐུང་ངུར་འགྱུར་བ་གསུངས་པས་དཔེར་བརྗོད་ནི་འོག་ཏུ་འཆད་དོ། །ཡང་། དབྱངས་གཅིག་པ་ན་མའི་ཨམྲ་སྟེ་རྐྱེན་བཞི་ནའང་ངོ་། །མི་ཟད་པ་མིན་པའིའོ། །སྟྲཱི། ཤྲཱི། བྷཱུ་ལྟ་བུ་དབྱངས་གཅིག་པ་ནཱ་མིའི་མཐའ་ཅན་གྱི་ཉེ་བའི་ཚིག་ལ་བྱིངས་ལས་རྐྱེན་ཁིཏྲ་བྱུང་བའི་ཚེ་ཉེ་ཚིག་གི་མཐར་ཨམྲ་ཨཱ་ག་མ་སྦྱར་ཞིང་། དེའི་ཚེ་སི་སོགས་ཀྱི་རྐྱེན་རྣམ་དབྱེ་གཉིས་པའི་ཨམྲ་བཞིན་ཏུ་བསྒྲུབ་པར་བྱའོ། །ཐུང་ངུ་དང་ཨ་རུཥྲ་དག་གི་མ་མཐའའོ་ཞེས་མི་ཟད་པ་མིན་པའི་ཉེ་ཚིག་དབྱངས་ཐུང་ངུའི་མཐའ་ཅན་དང་། ཨ་རུཥྲའི་ཕ་རོལ་བྱིངས་ལས་ཁི་ཏའི་རྐྱེན་བྱུང་བའི་ཚེ་ཉེ་ཚིག་གི་མཐར་མ་ཨཱ་ག་མ་སྦྱིན་དགོས་ཏེ་དཔེར་བརྗོད་བཤད་མ་ཐག་པ་ལྟར་དང་། ཨོ་རུན་སྔོན་མའི་ཏུདྲ་གཟིར་བ་ལས། བི་དྷུ། ཨ་རུཥྲ། ཏིལ་ལས་ཏུདྲ་ལས་སོས་ཁ་ཤྲ་བྱིན། འདིས་ཁའི་གོང་དུ་མ་བྱིན། བརྩེགས་པའི་མཐའ་དབྱི་འོས་ཥྲ་ཕྱིས། ཁ་དེའི་དོན་གྱིས་ཕྱིས། སྲོག་གི་ཨ་བཞག །དེ་ཤིཏྲ་ཡིན་པས་བྱིངས་ཐམས་ཅད་པ་བཞིན་འགྱུར་

[Full Size]

བའི་ཕྱིར། ཏུདྲ་སོགས་ལས་ཨནྲ་བི། ཡོན་ཏན་མེད། ན་ཕྱིས། ཤ་དེའི་དོན་གྱིས་ཕྱིས། ཨ་དང་མཚམས་སྦྱོར་གྱི་ཡི་གེ་སོགས་ཀྱིས་ཨ་ཕྱི་མ་ཕྱིས་ནས་སི་བྱིན་པས། ཨ་རུནྟུ་དཿ གནད་གཟིར་ཏེ་འཚེ་བར་བྱེད་པའོ། །མིང་མ་ཡིན་པ་ལའང་ཌའོ་ཞེས་མིང་དང་མིང་མ་ཡིན་པའི་ཡུལ་ལའང་གམླྀ་ལས་མང་པོ་ལ་ཌ་རྐྱེན་ཏུ་འགྱུར་ཏེ་སུ་པྲ་ལས་སོ། །གམླྀ་འགྲོ་བ། ལྀ་རྗེས་འབྲེལ། འདིས་ཌ། ཌ་རྗེས་སུ་འབྲེལ་བ་སོགས་ཀྱིས་ཨམྲ་ཕྱིས། སྔར་བཞིན་སྦྱར། ངག་བཀོད་པས། བྷུ་ཛ་གཿ སྦྲུལ། ཏུ་རཱ་གཿ རྟ། ་བླ་བ་གཿ སྤྲེའུ་སྦལ་པ་སྐྱ་རེངས་རྣམས་ལ་འཇུག །པ་ཏ་གཿ ཕྱེ་མ་ལེབ། སུ་གཿ ལམ། དུརྒྒཿ རྫོང་། ཁ་གཿ མདའ། ཉི་མ། ལག་འགྲོ། བྱ་རྣམས་ལ་མྱུར་འགྲོ། འཇུག་འཕར་འགྲོ། །བ་སོགས་ཏེ་མིང་གི་དཔེར་བརྗོད་དོ། །མིང་གསེག་འགྲོ། མ་ཡིན་པ་ལ། ལེགས་འགྲོ། བགྲོད་དཀའ། ཨནྟ་གཿ མཐར་འགྲོ་བར་བྱེད། ཨ་དྷྭ་གཿ ལམ་དུ་འགྲོ་བྱེད་ལྟ་བུའོ། །ཙཱནྡྲ་པར་ཁཌྲ་འཇུག་པར་གསུངས་པས། ཏུ་རཾ་གཿ པ་ཏཾ་གཿ བི་ཧཱ་ཡ་སྲའི་བི་ཧ་རུ་བསྒྱུར་བས། བི་ཧཾ་བ། བྱ་སོགས་དཔེར་བརྗོད་དོ། །གཞན་ལས་ཀྱང་ངོ་། །ཞེས་གམླྀ་མ་ཟད་བྱིངས་གཞན་ལས་

[Full Size]

ཀྱང་མིང་ཉེ་བའི་ཚིག་སྔོན་ཏུ་ཡོད་པ་ལས་ཌ་འགྱུར་ཏེ། ཤཱིདྲ་ཉལ་བ། ར་མུ་རྩེ་བ། པཱ་འཐུང་བ་རྣམས་ལ་ཉེ་ཚིག་གི་རི་སོགས་སྔོན་ཏུ་བཞག །ཌ་སྦྱར་བས། གི་རི་ཤཿརིང་ཉལ་ཏེ་དབང་ཕྱུག །ཀུཉྫ་རཿ ཕོན་པོར་རྩེ་སྟེ་གླང་པོ། དྭི་པཿ གཉིས་འཐུང་སྟེ་གླང་པོ། པཱ་ད་པཿ རྐང་འཐུང་སྟེ་ཤིང་། ཉན་འཚེ་བ་ལས། ཏི་མི་ཧཿ ཆུ་སྲིན་ཉ་མིད་འཇོམས། ཛཱ་ནི་རབ་ཏུ་སྐྱེ་བ་ལས་པྲ་ཛཱཿ སྐྱེ་དགུ། ཨ་ཛཿ མ་སྐྱེས་པ་སོགས་མཚོན་པར་བྱའོ། །ཛ་ལ་དཔེར་བརྗོད་པ་འདི་འཆད་འགྱུར་བྱུང་བ་ལ་འཇུག་པའི་ཌ་ཡིན་པའང་བཞེད་དོ། །ལས་ལས་ཧནྟི་ལས་སྨོན་པ་དང་འགྲོ་བའི་དོན་ལ་ཌ་འགྱུར་ཏེ། ཤ་ཏྲུ་ཧཿ དགྲ་འཇོམས་པར་གྱུར་ཅིག ཀྲོ་ཤ་ཧཿ རྒྱང་གྲགས་གཅིག་འགྲོ། མི་མ་ཡིན་པའི་བྱེད་པ་པོ་ལ་མིང་ལས་ཧ་ན་འཚེ་བ་ལས་ཊཀྲ་འགྱུར་ཏེ། ཉེ་ཚིག་སྔོན། ཧནྲ་ལས་ཊཀྲ་ཀྲ་ཡོན་ཏན་མེད་པ་སོགས་ཀྱི་དོན་དང་། ཊྲ་བུད་མེད་ལ་ཨི་འཇུག་པའི་དོན་ཏེ་ཕྱིས་ལ་བཞག །གམྲ། ཧནྲ། ཛནྲ། ཁནྲ། གྷས་རྣམས་ཀྱི་ཨུ་པ་དྷཱའི་དབྱངས་དང་པོ་ཨྲ་མིན་པ་ལ་ཡོན་ཏན་མེད་པ་ལ་འོས་ཧའི་ཨ་ཕྱིས། ཨུ་པ་དྷཱ་ཕྱིས་པའི་ཡང་ངོ་ས་ཧྲ་གྷྲ་རུ་བསྒྱུར་ནས་དྲངས། ཨཱ། སི་བྱིན། ཚིག་གྲོགས་

[Full Size]

ཀྱི་རྟགས་ལྟར་སྐྱེས་པ་དང་མ་ནིང་དུ་བསྒྲུབས་པས། ཤླེཥྨ།།། བད་འཇོམས་ཏེ་ཚ་བ་གསུམ། པིརྟ།།། མཁྲིས་འཇོམས་ཏེ་ཞུན་མར། ནཱ་ཏ།།།རླུང་འཇོམས་ཏེ་ཏིལ་མར། སྐབས་འགར་བྱེད་པའོ་ལའང་འཇུག་སྟེ། ཀྲྀ་ཏ་།།། ཕན་འཇོམས་ཏེ་སྐྱེ་བོ་ངན་པ། ཤ་ཏྲུ་།།།ཿ དགྲ་འཇོམས་ཏེ་དཔའ་བོ། གོ་།།། གླང་གསོད་དེ་ཤན་པའོ་ནགྣ་པ་ལི་ཏ་ལ་སོགས་པ་རྣམས་ལས་མ་བྱུང་བ་དེར་བྱུང་བ་དེ་ཕན་གྱི་རྐྱེན་ཙྭིི་དང་དོན་འདྲ་ཞིང་ཙྭིི་བྱིན་པ་མ་ཡིན་པ་ལ་ཀྲྀཉྲ་བྱེད་པའི་བྱིངས་ལས་བྱེད་པ་ལ་ཁྻུཊྲ་་འགྱུར་ཏེ། ཁྲ་མ་ཨཱ་ག་མའི་དོན་དང་། ཊྲ་ཨཱིའི་དོན་ཏེ་ཕྱིས། ཡུ་ཨ་ན། བྱིང་ཡོན་ཏན། དྲངས། ཉེ་ཚིག་མཐར་མ་ཨཱ་ག་མ་སོགས། སི། ཚིག་གྲོགས་ཀྱི་རྟགས་དང་བསྟུན་པས། སུ་བྷ་གངྐ་ར་ཾ་དཱ་ནཾ། སྐལ་པ་བཟང་པོར་བྱེད་པའི་སྦྱིན་པ། ཨཱཌྜྷྱཾ་ཀ་ར་ོ་མནྟྲཿ ཕྱུག་པོར་བྱེད་པའི་སྔགས། སྠུ་ལངྐ་ར་ཾ་ཧ་བིཿ སྦོམ་པོར་བྱེད་པའི་མར་ཞུན། པ་ལི་ཏངྐ་ར་ཾ་གྷྲྀ་ཏཾ། སྐྲ་དཀར་བར་བྱེད་པའི་མར། ནགྣངྐ་ར་ཾ་ངྻཱུ་ཏཾ། གཅེར་བུར་བྱེད་པའི་རྒྱན་པོ། ཨནྡྷངྐ་ར་ོ་མཱུ་ཏྲ་ནི་རོ་དྷཿ ལོང་བར་བྱེད་པའི་གཅིན་འགོག་པ། པྲི་ཡངྐ་ར་ཾ་མཻ་ཏྲི་ཡཾ། མཛའ་བར་བྱེད་པ་བྱམས་པ་རྣམས་སོ། །ཡང་ཉེ་

[Full Size]

ཚིག་དེ་རྣམས་སྔོན་མའི་བྷཱུ་ཡོད་པའི་བྱིངས་ལས་དོན་དེ་ལ་ཁིཥྞུ་དང་ཁུ་ཀཉྲ་འགྱུར་ཏེ། གཉིས་ཀ་ཁ་འགྲོ་བ་ཅན་ཡིན་པས་ཉེ་ཚིག་མཐར་མ་ཨཱ་ག་མ་བྱིན། སྔ་མ་ཡོན་ཏན་དང་། ཕྱི་མའི་བྱིངས་འཕེལ་བ་བྱས། ཁྲ་དག་དང་ཉྲ་ཕྱིས་ནས་དྲངས། སི་བྱིན་པས། སུ་བྷ་གམྦྷ་བིཥྞུཿ སུ་བྷ་གམྦྷ་བུ་ཀཿ སྐལ་པ་བཟང་པོར་བྱེད་སོགས་འགྲུབ་བོ། །ཡང་། མིང་ལས་བྷ་ཛ་བསྟེན་པའི་བྱིངས་ལས་བིྲ་འགྱུར་ཏེ། ཨུ་པ་དྷཱ་འཕེལ།ྲ་དེའི་དོན། སྦྱར་བ་མིན་པའི་བིའི་དབྱི་འོས་བི་དབྱི། སི། གསལ་བྱེད་ལས་དབྱི། ཙ་སྡེ་དང་རྀཤྲ་སོགས་རྣམས་ཀྱིའང་ངོས་ཛྲ་གྲ། རྫོགས་པ་ལ་ཡང་ན་འོས་གྲ་ཀྲར་བྱས་པས། ཨརྡྡྷ་བྷཱཀྲ། ཨརྡྡྷ་བྷཱཉྲ། ཕྱེད་ཆ། པཱ་ད་བྷཱགྲ། པཱ་ད་ནཱ་བྷཱཀྲ། བཞི་ཆ་སོགས་ ནཱ་ སོ། བྱིངས་ཨཱཏྲ་མཐའ་ཅན་ལས། མནིནྲ། ཀྭ་ནི་པྲ། ཝ་ནི་པྲ། བི་ཙ་རྣམས་རྐྱེན་ཏུ་འགྱུར་ཏེ་དེ་དག་གི་ནྲ་དང་ཙྲ་དབྱངས་དོན། ཨི་དག་ནི་བརྗོད་དོན། པྲ་ཡིག་ནི་ཀྲྀཏྲ་དང་པོར། བྱིངས་ཀྱི་མཐར་པ་རྗེས་སུ་འབྲེལ་བ་ལ་ཏའོ་ཞེས་འདི་དག་ལྟ་བུའི་པ་རྗེས་སུ་འབྲེལ་བའི་རྐྱེན་ཕ་རོལ་ལ་བྱིངས་དབྱངས་གཅིག་པ་ཐུང་ངུའི་མཐར་ཏ་ཡིག་ཨཱ་ག་མ་སྦྱིན་པའི་དོན་ཏེ་ཐམས་ཅད་དུ་དྲན་པར་བྱའོ། །སྦྱར་བ་

[Full Size]

མིན་པའི་བིའི་དབྱིའོ་ཞེས་འདིར་བིཙྲའི་བ་དང་། སླད་ནས་ཀྭིི་པྲའི་པྲ་ལྟ་བུ་གསལ་བྱེད་རྣམས་ཁྱད་དོན་དང་ཨི་བརྗོད་དོན་ཕྱིས་ནས་གཞན་དང་སྦྱར་བ་མིན་པའི་བིའམ་བ་ནི་རྟག་ཏུ་དབྱི་བར་བྱ་བ་སྟེ་དེ་དག་ལ་ཐ་སྙད་བརྗོད་པའི་མདོ་དེ་དག་གིས་དབྱི་བར་བྱའོ། །དེ་ལ་དེ་དག་གི་རྐྱེན་དངོས་ནི་མནྲ་བནྲ། རྣམས་སོ། ཌུདཱཉྲ། སྦྱིན་པ་ལས། ཨཱཏྲ་སོགས་ཀྱི་མདོས་མནིནྲ་བྱིན། རྗེས་འབྲེལ་རྣམས་ཕྱིས། སུ་སྔོན། བི་བྱིན། གསལ་བྱེད་ལས་བི་དབྱི་བ་སོགས་ཀྱིས་བསྒྲུབས་པས། སུ་དཱ་མཱ། ཆུན་མཛེས་ཏེ་སྤྲིན་གྱི་རྒྱལ་པོ་ཆུ་སྐྱེས་ཀྱི་མིང་ངོ་། །དྷྱིིང་སེམས་པར་བྱེད་པ་ལའོ། །སུ་སྔོན། ཀྭ་ནི་པྲ་བྱིན། ཨིཏྲ་ཕྱིས། མཐར་གནས་པ་ཕ་རོལ་གྱི་དབྱངས་དང་བཅས་པའི་སམྲ་པྲ་སཱ་ར་འོ། །སྭ་སི། བ་ཙི། ཡ་ཛ་སོགས་རྣམས་ཀྱི་ཡ་པ་རོ྅ཀྵཱ། ཨཱ་ཤཱིཥ་རྣམས་ལ་འོས་སཾ་པྲ་སཱ་ར་་བྱས། སི་ཕྱིས་པ་སོགས་ཀྱིས། སུ་དྷཱི་བཱ། ལེགས་སེམས། ཡང་། དཱ་ལས་བ་བིསྲ་ལ། གྷཱུ་རི་དཱ་བཱ། མང་པོ་སྦྱིན་པ། །ཨོ་ཧཱཀྲ་གཏོང་བ་ལས། བིཙྲ་འཁོར་བཅས་ཕྱིས་ནས། སི་བྱིན་པས། ཧཱ་ཧཱཿ སྒྲ་ངན་སྤོང་སྟེ་དྲི་ཟ། པཱ་བཏུང་བ་ལས་བིཙྲ། ཀི་ལཱ་ལ་པཱ། ཁྲག་འཐུང་ངམ་ཆུ་འཐུང་། སོམ་པཱཿ

[Full Size]

ཟླ་བ་འཐུང་བ་སྟེ་མཆོད་སྦྱིན་སོགས་སོ། །གཞན་རྣམས་ལས་མཐོང་ངོ་ཞེས་ཨཱཏ་མཐའ་ཅན་ལས་གཞན་པའི་བྱིངས་རྣམས་ལས་ཀྱང་རྐྱེན་འདི་རྣམས་འཇུག་སྟེ། ཀྲྀཉྲ་བྱེད་པ། ཤྲཱྀ་འཚེ་བ། བྲྀཉ་སྒྲིབ་པ། ཙ་ར་འགྲོ་བ་རྣམས་ལས་འདིས་མ་ནིནྲ། བྱིངས་ཡོན་ཏན་བྱས་པ་སོགས་ཀྱིས་ཀརྨནྲ། ལས། ཤརྨནྲ། སྐྱིད་པ། བརྨྨནྲ། གོ་ཆ། ཙརྨྨནྲ། ལྤགས་པ། དེ་བ་ཤརྨན། ལྷ་སྐྱིད། སུ་ཤརྨནྲ། བདེ་ལེགས་རྣམས་སོ། །དེ་ལ་སུ་བྱིན་པས་ཀརྨཱ་ལ་སོགས་པའོ། །ཡང་པཱ་བཏུར་བ་ལས་ཀྭ་ནི་པྲ་ལ། དཱ་མ་ཀཱ་ཡ་ཏི་པི་བ་ཏིསྠཱ་སྱ་ཏྲི་ཛ་ཧཱ་ཏི་རྣམས་ཀྱི་གསལ་བྱེད་དང་པོ་ལ་ཨི་ཡིག་གོ་ཞེས་པས་ཨ་ཨི་རུ་བསྒྱུར་བ་སོགས་ཀྱིས། སུ་པཱི་བ། ལེགས་འཐུང་། བ་ནི་པྲ་ལ། གྷྭྀ་ཏ་པི་བཱ། མར་ཁུ་འཐུང་བ། ཏྲིདྲ་སྐྱོང་བ། །ཥྛཱ་གནས་པ་ལས་མ་ནིནྲ་ལ། སུ་ཏྲཱ་མཱ། ལེགས་སྐྱོང་སྟེ་བརྒྱ་བྱིན། ཨ་ཤྭརྠཱ་མཱརྟ་གནས་སོགས་ཤེས་པར་བྱའོ། །ཀྭིི་པྲའང་ངོ་། །ཉེ་ཚིག་དང་ཉེར་སྒྱུར་ཡོད་དམ་མེད་ཀྱང་རུང་བྱིངས་གང་ཡང་རུང་བ་ལས་ཀིྭ་པྲ་རྐྱེན་ཏུ་འགྱུར་ཏེ། སྲནྲུ་དང་དྷྭནྶུ་འོག་ཏུ་ལྟུང་བ་ལས་སོ། །ཀྭིཔྲ་ཉེ་ཆེག་སྔོན། རྗེས་འབྲེལ་རྣམས་དང་སྦྱར་བ་མིན་པའི་བི་སྟེ་འཁོར་བཅས་དབྱི། ཨཱ། ཨིཏྲ་

[Full Size]

རྗེས་སུ་འབྲེལ་བ་མ་ཡིན་པ་རྣམས་ཀྱི་ཡོན་ཏན་མེད་པ་ལའོ་ཞེས་པ་སནྲ་ཨ་ནུ་ཥངྒ་དབྱི། ནཱ། སི་དབྱི་པྲ་སི་དྷྭ་སྲ་དག་གིའང་ངོས་བྲ་དྲ། རྫོགས་པ་ལ་ཏ་ཡང་ན་བྱས་པས་ཨུ་ཁཱ་པྲཏྲ། ཕྲུ་བ་ཆགས་པ། བརྞྞ་དྷྭཏྲ། ལོ་མ་བྲུལ་བ་སོགས་སོ། །ཉེ་ཆིག་ཨུ་ད་ཀ་མིན་པའི་སྤྲྀཤྲ་རེག་པའི་བྱིངས་ལས་ཀྭིི་པ་འགྱུར་ཏེ། སྔར་ལྟར་བསྒྲུབས། སི་བྱིན་ནས། ཙ་སྡེ་དང་དྲྀ་ཤྲ་སོགས་ཀྱི་ཤྲཀྲ། གྲ་ཀྲ་བྱས་པས། བོ་དྷི་སྤྲྀཀྲ། བྱང་ཆུབ་ལ་རེག་པ་། སུ་ཁ་སྤྲྀཀྲ། བདེ་བར་རེག་པ། གྷྲྀཏ་སྤྲྀཀྲ། མར་ལ་རེག་པ། མནྟྲ་སྤྲྀཀྲ། སྔགས་ལ་རེག་པ། བྱོ་མ་སྤྲྀཀྲ། མཁའ་ལ་རེག་པ། མརྨ་སྤྲྀཀྲ། གནད་ལ་རེག་པ་སོགས་སོ། །ཨུ་ད་ཀ་སྥརྴཿ ཨུ་ད་ཀ་སྤྲྀ་ཤཿཆུ་ལ་རེག་པ་ལྟ་བུ་ནི་ཀྭིི་པྲ་མི་འགྱུར་བས་ཨཙྲ་དང་ཀའི་རྗེས་སོ། །ཡང་། ཉེར་སྒྱུར་སོགས་སྔོན་མ་ཅན་གྱི་བྱིངས་སདྲ་ལ་སོགས་པ་རྣམས་ལས་ཀྭིིཔྲ་འགྱུར་ཏེ། ཥངླྀ་རྣམ་པར་བྱེ་བ་དང་འགྲོ་བ་དང་ཀུན་ནས་བརྙས་པར་བྱེད་པ་ལས། སཏྲ། བེ་དི་ཥྲཏ །སྟེགས་བུར་རྒྱུབ། ཥཱུདྲ་སྲོག་ཆགས་མངལ་ནས་སྐྱེ་བ་ལས། སཱུཿ ཨཎྜ་སཱུཿ སྒོང་སྐྱེས། པྲ་སཱུཿ རབ་སྐྱེས་དྭིཥྲ་མི་དགའ་བ་ལས། དྭིཊ། བྲ་དྭིཊ། རབ་སྡང་། དྲུཧྲ་འཚེ་བ་ལས།

[Full Size]

།ངྒྲུཀྲ། མིཏྟྲ་དྷྲུཀྲ། བཤེས་ལ་སྡང་བ། དུཧྲ་འཇོ་བ་ལས། དྷུཀྲ། གོ་དྷུཀྲ། བ་འཇོ་བ། ཀ་མ་དྷུཀྲ། འདོད་པ་འཇོག །ཡུ་ཛི་པྲ་སྦྱོར་བ་ལས། ཡུཀྲ། ཨ་ཤྭ་ཡུཀྲ། ཐ་སྐར། བི་ད་ཤེས་པ་ལས། བིཏྲ། བེ་ད་བིཏྲ། རིག་བྱེད་ཤེས་པ། བྷི་དིརྲ་འཇོམས་པ་ལས། བྷིཏྲ། ཀཱཥྵ་བྷིཏྲ། ཤིང་གཤོག་པ། ཙྪི་དིརྲ་རྣམ་པ་གཉིས་སུ་བྱེད་པ་ལས། ཙྪི་ཏྲ། ར་ཛུ་ཙྪིཏྲ། ཐག་པ་གཅོད་པ། ཛི་རྒྱལ་བ་ལས། ཛིཏྲ། གོ་ཏྲཛིྭཏ། ཏ། རིགས་འདུལ་བ། ཏ་ཨ་ག་མའོ། །ིཉྲ་ཐོབ་པ་ལས། ནཱིཿ གྲཱ་མ་ཱིཿ གྲོང་དཔོན། ཨ་གྲ་ཱིཿ འདྲེན་མཆོག་རཱྀ་ཛྲ། འབར་བ་ལས། རཱཊྲ། སམྲཱཊྲ་འཁོར་ལོས་སྒྱུར་རྒྱལ། བི་རཱ་ཊ། རྣམ་གསལ་ལ་སོགས་པ་སྟེ་འདི་རྣམས་སི་བྱིན་ནས་ནཱ་གསུམ་པ་ལྟར་རྫོགས་གསལ་གྱི་ཆོ་ག་བྱས་པའོ། །ས་མཱན། ཨ་ནྱ། ཏྱདྭ། ཏདྲ། ཡདྲ། ཀིམྲ་འདི་ཟླ་བའི་ཞབས་ཀྱིས་སམྲཱ་ཊྲའོ་ཞེས་ཚིག་ཕྲད་དུ་བསྟན་པས་མྲ་ང་རོ་མ་གྱུར་པའོ། །རྣམས་སྔོན་མའི་དྲྀ་ཤིདྲ་ལྟ་བའི་བྱིངས་ལས་དཔེ་ཉིད་དུ་བྱེད་པའི་བྱ་བའི་ལས་ཀྱི་དོན་ལ། ཊཀྲ་སཀྲ་ཀྭིཔྲ། རྣམས་སྦྱིན་ཀྲ་དག་དང་ཊ་རྗེས་འབྲེལ། ཀྭི་པྲ་སྔར་ལྟར་རོ། །རིམ་བཞིན་བསྒྲུབ། ས་མཱ་ནའི་ས་རུ་བསྒྱུར། སི་བྱིན་པ་སོགས་ཀྱིས། ཀྭིིཔྲ་ལ་ས་དྲཀྲ། །

[Full Size]

ཊཀྲ་ལ། ས་དྲྀ་ཤཿ སཀྲ་ལཿ ཚ་ཤ་དག་གིའང་ངོས་ཤྲ་ཥྲ། ཥ་ཌྷ་དག་གི་ས་ལ་ཀ་འོས་དེ་ཀ །རྒྱུ་མཚན་ལས་སྲ་ཥ། སི་བྱིན་པས། སདྲྀཀྵཿ འདྲ་བ། དེ་བཞིན་ཏུ། ཨ་ནྱཱ་དྲྀཀྲ། ཨ་ནྱཱ་དྲྀཤཿ ཨ་ནྱཱ་དྲྀཀྵཿ གཞན་དང་འདྲ་བ། ཏྱཱ་དྲྀཀྲ། ཏྱཱ་དྲྀཤཿ ཏྱཱ་དྲྀཀྵ། ཏཱ་དྲྀཀྲ། ཏཱ་དྲྀཤཿ ཏཱ་དྲྀཀྵཿ དེ་དང་མཚུངས་པའམ་དེ་འདྲ་བ། ཡཱ་དྲྀཀྲ། ཡཱ་དྲྀཤཿ ཡཱ་དྲྀཀྵཿ གང་དང་འདྲ་བ། ཀཱི་དྲྀཀྲ། ཀཱི་དྲྀཤཿ ཀཱི་དྲྀཀྵཿ ཅི་འདྲ་བ། དེ་རྣམས། རྀཀྲ་དྲྀ་ཤ་དྲྀཀྵ་རྣམས་ལ་ས་མ་ནཱའི་སའོ། །ཞེས་དང་། ཨི་དམྲ་ཨཱི། ཀིམྲ་ཀི་ ཨཱ་དམྲ་ཨ་མཱུ་འོས་ཀིམྲ་ཀཱི་རུ་བསྒྱུར། སརྦ་ནཱ་མའི་ཨཱའོ་ཞེས་པས་ཉེ་ཚིག་རིང་པོར་བྱས་པའོ། །བྷ་བཱ་དྲྀཀྲ། ཀཱ་ཡུཥྨཱ་དྲྀཀྲ། ཁྱོད་དང་འདྲ་བ་སོགས་ཀྱང་དཔེར་བརྗོད་དོ། །ཡང་། མིང་ཉེ་བའི་ཚིག་ལས་རིགས་བརྗོད་པ་མ་ཡིན་ན་བྱིངས་ལས་ངང་ཚུལ་རྟོགས་པར་བྱེད་པ་ལ་ི་ནི་རྐྱེན་ཏུ་འགྱུར་ཏེ།ྲ་གྲུབ་པ་ཉྲ་་སོགས་ཀྱི་དོན་དང་། ཨི་བརྗོད་པའི་དོན་ཏོ། །བ་ད་སྨྲ་བ། བྷཱུ་ཛ་ཟ་བ། པཱ་བཏུང་བ་རྣམས་ལས་ི་ནི། ཉེ་ཚིག་སྔོན། རྗེས་འབྲེལ་ཕྱིས། ཨ་ཨུ་པ་དྷཱ་རིང་། ཨུ་ཡོན་ཏན། དྲངས། སྔ་མ་གཉིས་ལ་སི་སྔོན་བཞིན་བསྒྲུབས། རྗེས་མར་ཛསྲ་

[Full Size]

དང་། ར་ཥ་རྀ་སོགས་ཀྱིས་ན་ར་བྱས་པས། ཨེ་བམྦཱ་དཱི། དེ་སྐད་སྨྲ་བའི་ངང་ཚུལ། ཨུཥྞ་བྷོ་ཛཱི། དྲོན་མོ་ཟ་བའི་ངང་ཚུལ། ཀྵཱི་ར་པཱ་ཡི་ཿའོ་མ་འཐུང་བའི་ཚུལ་ཅན་རྣམས་སྲྀ་འགྲོ་བ་ལས། ཨུདྲ་དང་ཨཱདྲ། པྲ་ཏི་དང་ཨཱ་དུ་སྔོན། ཨུ་དཱ་སཱ་རཱི། སྟེང་དུ་མཆེད་པའི་ཚུལ། པྲ་ཏྱཱ་སཱ་རི། སླར་ཡང་མཆེད་པའི་ཚུལ་ཨཱ་ ཏ་མཐའ་རྣམས་ཀྱི་ཨིཙྲ་ལ་ཨཱ་ཡི་འོས་ཨཱ་ཡིར་བསྒྱུར་བའོ། །ཨི་ཕྱིས། རིགས་ཀྱི་སྒྲ་སྔོན་མ་ཅན་ལ། བྲཱཧྨ་ཱ་ནཱཾ་མནྟྲ་ཡི་ཏཱ། བྲམ་ཟེ་རྣམས་ཀྱི་སྔགས་མཁན་གྱི་ཚུལ། མནྟྲ་ལས་ཨིནྲ་དང་དྲྀཤ། ཨིཊྲའོ། ཡང་། བྱེད་པ་པོའི་ཚིག་ཉེ་བར་འཇལ་བའི་དོན་ཅན་མིང་ལ་བྱིངས་ལས་ི་ནི་འགྱུར་ཏེ། གུཤྲ་བོད་པ། གམླྀ་འགྲོ་བ། ན་ད་སྒྲའི་བྱིངས་རྣམས་ལས་ི་ནི། ཨུ་པ་དྷཱ་ཡང་བའི་ཡོན་ཏན། ཨ་མཐའ་ཉེ་འཕེལ། །ཉེ་ཚིག་སྦྱར། སི་བྱིན་པ་སོགས་ཀྱིས། ཨུཥྚྲཾ་ཀྲོ་ཤཱི། རྔ་མོ་ལྟར་ངུ་བར་བྱེད། ཧཾ་ས་གཱ་མཱི། ངང་པ་ལྟར་འགྲོའོ། །ཧཾ་ས་ནཱ་དཱི། ངང་པ་ལྟར་སྒྲ་འབྱིན། བརྟུལ་ཞུགས་དང་ཡང་ཡང་གི་དོན་ལའང་འགྱུར་ཏེ། བྷཱུ་ཛ་ཟ་བ་ལས། ཨ་ཤྲདྡྷཱ་བྷོ་ཛཱི། ཤིད་ཟས་མི་ཟ་བའི་བརྟུལ་ཞུགས་ཅན། ཤཱིདྲ་ཉལ་བ་ལས། སྠཎྜི་ལ་ཤཱ་ཡཱི། ས་སྒྲེན་པོར་ཉལ་བའི་བརྟུལ་ཞུགས་ཅན། །

[Full Size]

ཀྵཱི་ར་པཱ་ཡཱི། འོ་མ་ཡང་ཡང་འཐུང་བ། ཏུ་བ་ར་བྷོ་ཛཱི། རོ་བསྐ་བ་ཡང་ཡང་ཟ་བ། ཨེ་བཾ་བཱ་དཱི། དེ་སྐད་ཡང་ཡང་སྨྲ་བ་སོགས་སོ། །ཡང་གདོན་མི་ཟ་བར་རྟོགས་པར་བྱེད་པ་ལ་འགྱུར་ཏེ། ཉེ་ཚིག་སྔོན་མའི་དཱ་སྦྱིན་པ་ལས། ཨ་བ་ཤྱནྡཱ་ཡི། ངེས་པར་སྦྱིན་པ། ཤ་ཏནྡཱ་ཡཱི། བརྒྱ་སྦྱིན་པ། ས་ཧ་སྲནྡཱ་ཡཱི། སྟོང་སྦྱིན་པ་སོགས་ཏེ་སྔ་མ་ནི་མིང་མྲ་མཐའ་ཅན་ཡིན་ལ་ཕྱི་མ་ནི་ཚིག་ཕྲད་ལས་ཨམྲ་མ་ཞིག་པའོ། །མ་ན་ཤེས་པའི་བྱིངས་ལས་བདག་ཉིད་ཀྱི་ལས་ལ་ི་ནི་དང་ཁ་ཤྲའང་འགྱུར་ཏེ།ི་ནི་ལ། པཎྜི་ཏ་མཱ་ནཱི། ཁ་ཤྲ་ལ། ཤིཏྲ་ཉིད་ཀྱི་ཕྱིར། དིབྲ་སོགས་ལས་ཡནྲ་བི། ཥིཏ་ལ་ཉེ་ཚིག་མཐར་མ་ཨཱ་ག་མ། །ཁྱད་དོན་དེ་དག་གི་རྗེས་འབྲེལ་རྣམས་ཕྱིས། སི་བྱིན་པ་སོགས་ཀྱིས། པཎྜི་ཏམྨནྱཿ །བདག་མཁས་པར་སེམས་པར་བྱེད་ཅེས་སོ། །དེ་བཞིན་ཏུ། ཤཱུ་ར་མཱ་ནཱི། ཤུ་རམྨ་ནྱཿ བདག་དཔའ་བར་སེམས་པ། ཉེ་ཚིག་པ་ཏཱི་སྔོན། རིང་པོ་ཉེ་བའི་ཚིག་སོགས་ཀྱིས་དེ་ཐུང་། པ་ཏིམྨ་ནྱཿ བདག་དམ་པར་སེམས། ཤྲཱི་དང་གོ་སྔོན་ཏུ་བཞག །དབྱངས་གཅིག་པ་སོགས་ཀྱིས་ཁཤྲ་ལ་ཉེ་ཚིག་གི་མཐར་ཨམྲ་ཨཱ་ག་མ་བྱིན། དེ་གཉིས་པའི་ཨམྲ་བཞིན་ཏུ་བསྒྲུབ་དགོས་པས། །

[Full Size]

ཨམྲ་ཤསྲ་དག་ལ་ཨཱ་འོས་གོའི་ཨོ་ཨཱ། ཨཱིཏྲཨཱུཏྲ་དག་གི་ཨིཡྲ་ཨུབྲ་དག་དབྱངས་ལའོས་ཤྲཱིའི་ཨཱི་ཨིཡྲ་སྦྱར་བས། གཱཾ་མ་ནྱཾཿ བདག་རྡོ་རྗེར་སེམས་པར་བྱེད། ཤྲི་ཡཾ་མ་ནྱཾཿ བདག་ཉིད་དཔལ་དུ་སེམས་པར་བྱེད་ལ་སོགས་པའོ། །དེ་ནས་འདས་པ་ལ་འཇུག་པ་ནི། ཉེ་ཚིག་སུ། ཀརྨ། པཱ་པ། མཱནྟྲ། པུཎྱ་རྣམས་ལ་ཀྲྀཉྲ་བྱེད་པའི་བྱིངས་ལས་ཀྭིི་པྲ་འགྱུར་ཏེ་བྱིངས་མཐར་ཏ་ཨཱ་ག་མ་བྱིན། ཨ་བརྗོད་དོན་ཕྱིས། ཀྭིི་པྲ་འཁོར་བཅས་ཕྱིས། སིའང་ཕྱིས་པའི། སུ་ཀྲྀཏྲ། ལེགས་བྱས། ཀརྨྨ་ཀྲྀཏྲ། ལས་བྱས་པ། པཱ་བ་ཀྲྀཏྲ། སྡིག་པ་བྱས་པ། མནྟྲ་ཀྲྀཏྲ། སྔགས་བྱས་པ། པུཎྱ་ཀྲྀཏྲ། བསོད་ནམས་བྱས་པ། ཉེ་ཚིག་གཞན་ལའང་། སཱུ་ཏྲ་ཀྲྀཏྲ། མདོ་བྱས་པ། ཤཱསྟ་ཀྲྀཏྲ། བསྟན་བཅོས་བྱས་པ། དྷརྨྨ་ཀྲྀཏྲ། །ཆོས་སོགས་བྱས་པ་རྣམས་ཀྱིས་མཚོན་པར་བྱའོ། །འདི་ལ་ཀིྭ་པྲ་སྦྱར་བའི་པྲཧྨ་བིཏྲ། བདག་རིག་པ། མནྟྲ་བིཏྲ། སྔགས་རིགས་པ་སོགས་ཀྱང་བྱུང་བའོ། །ཉེ་ཚིག་བདུན་པ་དང་ལྔ་པའི། མཐའ་ཅན་དང་ཉེར་སྒྱུར་ལས་ཛ་ནཱི་རབ་ཏུ་སྐྱེ་བ་ལས་ཌ་རྐྱེན་ཏུ་འགྱུར་ཏེ། ཨུ་པ་ས་རེ་ཛཱ་ཏྲཾ། དུས་སུ་སྐྱེས་སོ་ཞེས་པའི་དོན་ལ་ཛ་ནཱི་ལ་ས་ཌ། ཨི་རྗེས་འབྲེལ། ཌ་རྗེས་སུ་འབྲེལ་བ་

[Full Size]

ལས་སོགས་ཀྱིས་ཨནྲ་ཕྱིས། ཌྲ་དེའི་དོན། ཨ་ལ་དྲངས། སི་རྣམ་བཅད་བྱས། ཉེ་ཚིག་རྣམ་དབྱེ་བསྡུས་པས། ཨུ་པ་ས་ར་ཛཿ དེ་བཞིན་ཏུ་རྟའི་ར་བར། སྐྱེས་སོའི་དོན་ལ། མནྟུ་ར་ཛཿ ཆུ་ལ་སྐྱེས་པ་ལ། ཨམྦུ་ཛཾ། ས་ར་སི་ཛཾ། དེ་དག་པདྨའོ། །དེ་རྣམས་བདུན་པའི་དཔེར་བརྗོད་དོ། །ལྔ་པ་ལ་རིགས་མ་ཡིན་པ་ལས་ཞེས་གསུངས་པས། བུདྡྷི་ཛཿསཾསྐ་རཿ བློ་ལས་སྐྱེས་པའི་འདུ་བྱེད། རིགས་སྔོན་མ་ལས་མི་འགྱུར་ཏེ། ཨ་ཤྭཱཛྫཱ་ཏཿ རྟ་ལས་སྐྱེས་པ། ལྟ་བུ་སྟེ་གྷཉྲའོ། །སྐབས་འགར་རིགས་ལས་ཀྱང་། །བྲཱཧྨ་་ཛོ་དྷརྨྨཿ བྲམ་ཟེ་ལས་སྐྱེས་པའི་ཆོས། ཀྵ་ཏྲི་ཡ་ཛཾ་ཡུདྡྷཾ། རྒྱལ་རིགས་ལས་སྐྱེས་པའི་གཡུལ་ལྟ་བུ་ཌའི་མཐའ་ཅན་ཡང་ཡོད་དོ། །ཉེར་སྒྱུར་སྔོན་མ་ཅན་ལས་མིང་ལ། །པྲ་ཛཱཿ སྐྱེ་དགུ། རཱ་མཱ་ནུ་ཛཿ དགའ་བྱེད་ཀྱི་གཅུང་སོགས་དང་། མིང་མ་ཡིན་པ་ལའང་། ཨ་བྷི་ཛཱཿ ཀེ་ཤཱཿ སྐྲ་མངོན་པར་སྐྱེས་པ་རྣམས། ཨ་དྷི་ཛཿ ལྷག་པར་སྐྱེས་སོགས་སོ། །འདིར་ཙཱནྡྲ་པར། ཌའོ་ཞེས་པས་བྱིངས་དང་ཉེ་ཚིག་མང་པོ་ལ་ཌ་འཇུག་པར་བསྟན་ནས་ངེས་གཟུང་མ་བྱས་པ་དང་། པཱ་ི་པ་སོགས་སུ་གཞན་ལའང་མཐོང་ངོ་ཞེས་གསུངས་པས་

[Full Size]

བྱིངས་གཞན་ལས་ཀྱང་། ཨ་ཛཿ མ་སྐྱེས་པ། དྭི་ཛཿ གཉིས་སྐྱེས་སོགས་དང་། ཁ་ནུ་ངེས་པར་འཇོམས་པ་ལས། ཌ་དང་ཨཱཔྲ། པ་རི་ཁཱ། ཡོངས་བརྐོས་ཏེ་འོ་བས་ཀྱི་ཆུ། མཆོག་འཇོམས་པར་བྱས་པས། ཧནྲ་འཚེ་བ་ལས། བ་རཱ་ཧཿ ཕག་པ། རབ་ཏུ་འགྲན་པ་ལ། ཧྭེཉྲ་འགྲན་པ་ལས། པྲ་ཧྭ་ཿ ཨཱདྲྲ་སྔོན་མའི་ཧནྲ་ལས། ཀ་ཊཱ་ཧཿ སྣུམ་བཀོལ་བའི་སྣོད་སོགས་ལ་འཇུག་པ་སོགས་རྣམ་པ་མང་པོར་བལྟ་བར་བྱའོ། །དེ་རྣམས་ཀྱི་ཉེ་ཚིག་དང་སྦྱར་བའི་རྐྱེན་རྣམས་བཤད་ཟིན་ཏོ། །ནིཥྵཱའོ། །ཞེས་བྱིངས་ལས་བྱུང་བའི་དུས་ལ་ནིཥྛཱའི་མིང་ཅན་འགྱུར་ཏེ། དེའང་། ཀྲྀཏ་དང་པོར། ཀྟ་དང་ཀྟ་བནྟུ་དག་ནིཥྛཱའོ་ཞེས་གསུངས་པའི་ཀྟ་ནི་གོང་སྨོས་ལྟར་དངོས་པོ་དང་ལས་དག ཀ །ལ་འགྱུར་ཞིང་། ཀྟ་བནྟུ་ནི་བྱུང་བའི་བྱེད་པ་པོའི་དོན་ལ་འགྱུར་ཏེ། ཨཱ་ས་ཉེ་བར་སྡོད་པ། ཌུཀྲྀཉྲ་བྱེད་པ། དེ་དག་གི་རྗེས་འབྲེལ་རྣམས་ཕྱིས། མདོ་འདིས་ཀྟ་བྱིན། ཀྲ་ཀྲ་ལ་ཡྲ་བཞིན་སོགས་ཀྱི་དོན་ཏེ་ཕྱིས། སྔ་མར་བྱིངས་ཐམས་ཅད་པ་མ་ཡིན་པ་སོགས་ཀྱིས་ཨིཊྲ་ཨཱ་ག་མ་བྱིན། ཊྲྐིཊྲ་དག་དང་པོ་ཐ་མ་དག་གོའི་དོན་ཏེ་ཕྱིས། དྲངས། སི་བྱིན། ངག་དང་སྦྱར་བས། ཨཱ་སི་ཏམྦྷ་བ་ཏཱ། །

[Full Size]

ཁྱོད་ཀྱིས་བསྡད། དངོས་པོའོ། །ཀྲྀ་ཏཿཀ་ཊོ་བྷ་བ་ཏཱ། ཁྱོད་ཀྱིས་རེ་ལྡེ་བྱས། ལས་སོ། །ཡང་། ཥྵཱ་གཙང་བ། ཥྚུ་བསྟོད་པ་ལས། སྣཱ་ཏཾ་མཱ་ཡཱ། བདག་གིས་བཀྲུས། དངོས་པོའོ། །སྣུ་ཏ་སྟྭ་ཡ་བིཥྞུཿ ཁྱོད་ཀྱིས་ཁྱབ་འཇུག་བསྟོད། ལྟ་བུའོ། །གམླྀ་འགྲོ་བ་ལས། ཀྟ་བནྟུ། ལྀ་ཕྱིས། ཀྲ་ཡོན་ཏན་དགག་པའི་དོན་དང་ཨུ་བརྗོད་དོན་ཕྱིས། ཀ བ་ན་ཏི། ཏ་ནོ་ཏི་སོགས་ཨིཊྲ་བཀག་པ་རྣམས་ཀྱི་དྷུཊྲ་ལ་ལྔ་པ་སྟེ་ཨཊྲ་ཀྱི་ཨ་ཏྲའང་ངོས་མ་ཕྱིས། སི་བྱིན། ཨུ་པ་དྷཱ་རིང་། སི་དང་བརྩེགས་པའི་མཐའ་ཕྱིས་པས། ག་ཏ་བཱནྲ། སོང་བ། ཤཱིདྲ་ཉལ་བ་ལས་ཀྟ་བནྟུ། བྱིངས་ཐམས་ཅད་པ་སོགས་ཀྱིས་ཨིཊྲ་ཨཱ་ག་མ་བྱིན། དེས་བྱིངས་ཡོན་ཏན་དང་མཚམས་སྦྱར། སི་བྱིན་པ་སོགས་ཀྱིས། ཤ་ཡི་ཏ་བཱནྲ། ཉལ་བ། ཤ་མུ་ཉེ་བར་ཞི་བ་ལས་ཀྟ་བནྟུ། ཨཱ། རྗེས་འབྲེལ་རྣམས་ཕྱིས། བྱིངས་ཀྱི་མའི་ན་འོས་མྲ་ནྲ་རུ་བསྒྱུར། ཀ ལྔ་པའི་ཨུ་པ་དྷཱའི་འང་དྷུཊྲ་ལའང་ཡོན་ཏན་མེད་པ་ལ་འོས་མཐའ་ཉེ་རིང་། དྲངས། སི་སོགས་ཀྱིས་བསྒྲུབས་པས། ཤཱནྟ་བཱནྲ། ཞི་བ། སོགས་སོ། །བྱུང་བའི་བྱེད་པ་པོ་དང་དངོས་པོ་དང་ལས་ངག་ལའང་བྱ་བ་བརྩམ་པ་ལ་ཀྟ་དང་ཀྟ་བནྟུ་

[Full Size]

འགྱུར་ཏེ། པྲ་སྔོན་མའི་ཀྲྀཉྲ་ལས། པྲ་ཀྲྀ་ཏཿཀ་ཊཾ། པྲ་ཀྲྀ་ཏ་བཱནྒ་ཊཾ། རེ་ལྡེ་དང་པོར་བྱས་པ། ཉི་ཥྭ་པྲ་ཉལ་བ་ལས་ཀྟ། སཾ་པྲ་སཱ་ར་་བྱས་པས། བྲ་སུཔྟཾ་བྷ་བ་ཏཱ། པྲ་སུཔྟོ་བྷ་བ། ཏཱ། ཁྱོད་ཀྱིས་ཉལ། དངོས་པོའོ། ཡང་། ཤླི་ཥྲ་འཁྱུད་པ། ཤཱིདྲ་ཉལ་བ། སྠཱ་གནས་པ། ཨཱ་ས་ཉེ་བར་སྡོད་པ། བས་ངེས་པར་གནས་པ། ཛ་ནཱཾ་རབ་ཏུ་སྐྱེ་བ། ཛཱྀཥྲ་ལང་ཚོ་ཉམས་པ་ལ་བྱིངས་རྣམས་ལས་བྱེད་པ་པོ་དང་དངོས་པོ་སོགས་ལས་ཀྟ་འགྱུར་ཏེ། ཨཱདྲ་སྔོན་མའི་ཤླྀཥྲ་འཁྱུད་པ་ལས་ཀྟ། ཀྲ་ཕྱིས། ཥ་དང་ཊ་སྡེ་ལས་ཏ་སྡེའི་ཊ་སྡེ་འོས་སྦྱར་ནས་ཏ་ཊར་བསྒྱུར། སི་བྱིན། ངག་དང་སྦྱར་བས། ཨཱ་ཤླིཥྚོ་གུ་རུམྦྷ་བཱནྲ། བླ་མ་ལ་བརྟེན་པ་ཁྱོད། ཨཱ་ཤླིཥྚོ་གུ་རུྷ་བ་ཏཱ། ཁྱོད་ཀྱིས་བརྟེན་པ་བླ་མ། དེ་ལ་སྔ་མ་ནི་རྣམ་དབྱེ་དང་པོ་བྱེད་པ་པོ་དང་འབྲེལ་བའི་དཔེར་བརྗོད་ཡིན་ཞིང་། ཕྱི་མ་ནི་རྣམ་དབྱེ་གསུམ་པ་དངོས་པོའམ་ལས་ཀྱི་དོན་ཏོ། །ཡང་། ཡཱ་ཕྱིན་པར་བྱེད་པ་ལའོ། །གམླྀ་འགྲོ་བ་ལའོ་ལྟ་བུའི་འགྲོ་བའི་དོན་ཅན་གྱི་བྱིངས་རྣམས་དང་། ཨཱསྲ་ཉེ་བར་སྡོད་པ། ཤཱིདྲ་ཉལ་བ་ལྟ་བུའི་ལས་མེད་པའི་བྱིངས་རྣམས་ལས་བྱེད་དངོས་ལས་གསུམ་དང་གནས་གཞིའི་དོན་ལའང་ཀྟ་འགྱུར་ཏེ། ཡཱ་ལས། ཀྟ། །

[Full Size]

རྣམ་འགྱུར་གཞན་མེད། །སུ་དང་ཛསྲ་བྱིན། ངག་དང་སྦྱར་བས། ཨི་ད་མེ་ཥཱཾ་ཡཱ་ཏཾ། འདི་རྣམས་ཀྱི་སླེབ་པ་འདི། བྱེད་པ་པོའོ། །ཨི་ཧ་ཏེ་ཡཱ་ཏཱཿ འདིར་དེ་རྣམས་ཕྱིན་གནས་གཞིའི་ཚིག་སྔ་མ་ལས་སོ། །ཨི་ཧ་ཏཻ།།།ཏཾ། འདིར་དེ་རྣམས་ཀྱིས་ཕྱིན། གཞི་སྔོན་མའི་དངོས་པོའོ། །ཨ་ཡནྟཻརྻཱ།།།ཏཿསནྠཱཿ འདི་དེ་རྣམས་ཀྱིས་ཕྱིན་པའི་ལམ། །བྱ་བའོ། །དེས་གཞན་ལའང་འགྲེའོ། །བྷཱུ་ཛ་སྐྱོང་བ་དང་ཟ་བར་བྱེད་པ། པཱ་བཏུང་བ་ལྟ་བུ་ཟས་ཀྱི་དོན་ཅན་གྱི་བྱིངས་རྣམས་ལས་ཀྱང་བོན་དེ་རྣམས་ལ་ཀྟ་འགྱུར་ཏེ། བྱིངས་དེ་དག་ལས་ཀྟ། ཙ་ཛ་དག་གི་དྷུཊྲ་སོགས་ཀྱིས་ཛྲ་གྲ། སྦྲ་མེད་པ་ལ་དང་པོའོས་གྲ་ཀྲ་བྱས་ནས་དྲངས། ཕྱི་མ་ལ། དཱ་མཱ་ག་ཡ་ཏི་སོགས་ཀྱིས་པཱ་པཱི། སི་བྱིན་པ་སོགས་ཀྱིས། ཨི་ད་མེ་ཥཱཾ་བྷུ་ཀྟཾ། འདི་ཀ་རྣམས་ཀྱི་ཟོས་པ་འདི། ཨི་ད་མེ་ཥཱཾ། ནཱ་། པཱི་ཏཾ། འདི་རྣམས་ཀྱི་འཐུངས་པ་འདི། བྱེད་པ་པོའི་དཔེར་བརྗོད་དོ། །ཨི་ཧ་ཏཻྷུཀྟཾ། འདིར་དེ་རྣམས་ཀྱིས་ཟོས། ཨི་ཧ་ཏཻཿཔཱི་ཏཾ། འདིར་དེ་རྣམས་ཀྱིས་འཐུངས། གཞིའི་དངོས་པོའོ། །ཨོ་ད་ན་སྟཻྷུཀྟཿ དེ་རྣམས་ཀྱིས་ཟས་ཟོས། པཱི་ཏ་མུ་ད་ཀཾཆུ་འཐུངས། ལས་སོ། ཀྭནྶུ་དང་ཀཱ་ན་དག་པ་རོ྅ཀྵཱ་བཞི་ནའང་ངོ་། །ཞེས་

[Full Size]

བྱིངས་ལས་བྱུང་བ་ལ་རྐྱེན་དེ་དག་འཇུག་ཅིང་སྒྲུབ་ཚུལ་ནི་པ་རོ྅ཀྵཱ་ལ་ཇི་ལྟར་བྱ་བ་བཞིན་ཏུའོ། །ཀྲ་ཁྱད་དོན། ཨུ་བརྗོད་དོན་ཏེ་དབྱི་བར་བྱའོ། །དེ་ལ། ཀྀྲཉྲ་ལས་ཀྭནྶུ་དང་ཀཱ་ན་བྱིན། ཀྲ་ཨུ་ཕྱིས། ཙྲ་པ་རོ྅ཀྵཱ་སོགས་ཀྱིས་བྱིངས་གཉིས་བརྗོད། རྀ་ཡིག་གི་ཨ་ཡིག་གོས་ཀྲྀ་སྔོན་མ་ཀྲ། ཀ་སྡེའི་ཙ་སྡེ། སྔ་མར་སི་བྱིན་ནས་རྫོགས་གསལ་གྱི་ཆོ་ག་བྱས། ཕྱི་མའི་ཨ་བྷྱསྟ་ཡི་རྀ་ ཨཱ་ ར་རུ་མཚམས་སྦྱར་ནས་དྲངས། སི་རྣམ་བཅད་བྱས་པས། ཙཀྲྀ་བཱནྲ། ཙཀྲཱ་ཿབྱས། ཨཱ། ར་ཥ་རི་སོགས་ཀྱིས་ན་ནའོ། །ཤྲུ་ཐོས་པ་ལས། ཤུ་ཤྲུ་བཱན། གམླྀ་འགྲོ་བ་ལས། གཉིས་བརྗོད། ཨུ་པ་དྷཱ་ཕྱིས། ཨིཊྲ་སོགས་ཀྱིས། ཛགྨིབཱནྲ། སོང་ཟིན། སོགས་སོ། །འདས་པའི་རྐྱེན་རྣམས་རྫོགས་སོ། ༈ །ད་ལྟ་བ་ལ་དང་པོ་དང་གཞི་གཅིག་མིན་པ་དང་བོད་པ་དག་ལ་ཤནྟྲྀདྲ་དང་ཨཱ་ན་ཤ་དག་གོ། །ཞེས་བྱིངས་ལས་ད་ལྟར་བའི་དུས་ལ། རྣམ་དབྱེ་དང་པོའི་མཐའ་དང་གཞི་གཅིག་མིན་པའི་དོན་མཚུངས་པ་དང་། བོད་པའི་དོན་ལ་རྐྱེན་དེ་དག་འགྱུར་ཏེ། པཙྲ་འཚེད་པ་ལས་ཤནྟྲྀདྲ་དང་ཨཱ་ན་ཤྲ་དག་བྱིན། དྲ་ཡོན་ཏན་འགོག་པའི་དོན་དང་། རྀ་ཁྱད་དོན་ཡིན་པས་ཕྱིས། ཤ་ལ་བྱིངས་ཐམས་ཅད་པ་བཞི་ནའང་ངོ་ཞེས་

[Full Size]

པས་ཨནྲ་བི་ཀ་ར་། ཨ་ལས་ཨཱ་ན་ལས་མ་མཐའ་འོས་ཕྱི་མའི་དབྱངས་མཐར་མ་ཨཱ་ག་མ་བྱིན། དེའི་ཨ་བརྗོད་དོན། དྲངས། གཉིས་པའི་ཨམྲ་བྱིན་པས། པ་ཙནྟཾ་དེ་བ་དཏྟཾ་པ་ཤྱ། པ་ཙ་མཱ་ནཾ་དེ་བ་དཏྟཾ་ ཀ་པ་ཤྱ། འཚེད་པ་པོ་ལྷས་བྱིན་ལ་ལྟོས། གསུམ་པའི་ཊཱ་ལ་ནྲ་ཨ་ནུ་ཥངྒ་ཕྱིས་ནས་དྲངས་པས། པ་ཙ་ཏཱ་དེ་བ་དཏྟེ་ན་ཀྲྀ་ཏཾ། འཚེད་པ་པོ་ལྷས་སྦྱིན་གྱིས་བྱས་སོ། །བོད་པ་ལ། པ་ཙནྟྲ་ལ་བོད་སི་སཾ་བུདྡྷི་ལྟར་བསྒྲུབ། ཧེ་སྔོན་ཏུ་བཞག་པས། ཧེ་བ་ཙནྲ། ཀྱེ་འཚེད་པ། གཉིས་པ་སོགས་སུ་མ་ཟད་དང་པོའི་མཐའི་དོན་མཚུངས་པ་ལའང་རྐྱེན་འདི་དག་འགྱུར་ཏེ་མང་པོ་ལ་སྤྱིར་བཏང་བས་སོ། །ཨཱསྲ་ཡོད་པ་ལས་ཤནྟྲྀདྲ། ཨནྲ་བི། ཨསྟིའི་དང་པོ་དབྱི་འོས་ཨསྲའི་ཨ་དབྱི། སི་སོགས་ཀྱིས། །སྲན་གྲུབ་པ། མཁས་པ་ཡོད་པ་བདེན་པ་སོགས་ལ་འཇུག །ངག་དང་སྦྱར་བས། སནྲ་བྲཱཧྨ་ཿབྲམ་ཟེ་མཁས་པ། ཨཱ། ཡང་ན་བརྟ་མཱ་ནའི་ཏི་ལ། ཨསྟི་བྲཱཧྨ་ཿ བྲམ་ཟེ་མཆིས། བི་ད་ཡོད་པ་ལས་ཨཱ་ནཤྲ། དིབྲ་སོགས་ལས་ཡནྲ་བི། ཀ་ཨ་ལས་ཨཱ་ན་ལམ་མཐའི་སོགས་ཀྱིས། བི་དྱ་མཱ་ནོ་བྲཱཧྨ་ཿབྲམ་ཟེ་ཡོད་པ། ཡང་ན། བིདྱ་ཏེ་བྲཱཧྨ་ཿ

[Full Size]

ཞེས་སོ། །སྔ་མ་ནི་འཚེད་པ་པོའང་ཡིན་ལ་ལྷས་བྱིན་ཡང་ཡིན། དེ་བལྟ་བར་བྱ་བའི་ལས་ཀྱང་ཡིན་པས་ལས་ཀྱི་མཐའ་དོན་མཚུངས་པའི་དཔེར་བརྗོད་དང་། ཕྱི་མ་ནི་བྲམ་ཟེའང་ཡིན་ལ་མཁས་པའམ་ཡོད་པ་པོའང་དེ་ཡིན་པས་དང་པོའི་མཐའི་གཞི་མཐུན་པའི་དཔེར་བརྗོད་དོ། །ཡང་། བྱ་བའི་མཚོན་བྱེད་དང་རྒྱུ་དག་ལའོ་ཞེས་བྱིངས་ལས་དོན་དེ་དག་ལ་རྐྱེན་དེ་དག་འགྱུར་ཏེ། །ཛ་ལྤ་གསལ་བར་བརྗོད་པ་ལ་ཤནྟྲྀདྲ། ཨནྲ་བི། ཛྙཱ་ཁོང་དུ་ཆུད་པ་ལས། ཨིནྲ་ཀཱ་རི་ཏ། ས་ཨཱ་ག་མ། ཤིནྟྲདྲ། ཨནྲ་བི། གཉིས་ཀ་ལ་ཛསྲ་བྱིན་པ་སོགས་ཀྱིས། ཛ་ལྤནྟོ་ཛྙཱ་པ་ཡནྟཿཔཎྜི་ཏཱ། བརྗོད་པ་ཤེས་སུ་འཇུག་པ་མཁས་པ་རྣམས། འདིར་གང་བརྗོད་པ་དེ་ཤེས་སུ་འཇུག་པའི་བྱེད་པ་པོ་མཁས་པ་མཚོན་པར་བྱེད་པ་སྟེ་མཚན་ཉིད་དོ། །དེ་བཞིན་ཏུ། ཤཱིདྲ་ཉལ་བ་ལས་ཨཱ་ནཤྲ། ཤཱིདྲའི་བྱིངས་ཐམས་ཅད་པ་ལ་འོས་ཡོན་ཏན། མཚམས་སྦྱར། ཛསྲ་བྱིན་པ་སོགས་ཀྱིས། ཤ་ཡཱ་ནཱ་བྷུཉྫ་ཏེ་ཡ་བ་ནཱཿཉལ་བའི་མཚན་ཉིད་ཀྱིས་ཡ་བ་ན་རྣམས་ཟ་བར་བྱེད། འདིའང་ཨཱ། ཉལ་ནས་ཡ་བ་ན་ཟ་བར་མཚོན་པ་བྱེད་པའོ། །པ་ཐ་གསལ་བར་བརྗོད་པ་ལ། པ་ཋནྣ་སྟི། ཀློག་པར་མཆིས་སོ། །ཨ་དྷི་སྔོན་མའི་ཨིདྲ་ཚིག་ཀློག་པ་

[Full Size]

ལས། ཨ་དྷཱི་ཡཱ་ན་མཱ་སྟེ། ཀློག་པའི་རྒྱུ་མཚན་ལ་གནས་པར་བྱེད། འདིར་འགའ་ཞིག་ཀློག་པའི་ཕྱིར་གནས་པར་བྱེད་པས་རྒྱུའི་དཔེར་བརྗོད་དེ་སྔ་མ་ཤནྟྲྀདྲ་དང་ཕྱི་མ་ཨཱ་ནཤྲ་དག་གོ། །ཡང་ནུས་པ་དང་ན་ཚོད་དང་ངང་ཚུལ་རྣམས་ཀྱི་དོན་ལ་ཨཱ་ནཤྲ་རྐྱེན་ཏུ་འགྱུར་ཏེ། ནི་སྔོན་མའི་ཧ་ནྲ་འཚེ་བ་ལས་ཨཱ་ནཤྲ། ཨནྲའི། ཨདྲ་སོགས་ལས་འཇིག །ཐམས་ཅད་དུ་ཨཱཏྨ་ནེ་ལའོ་ཞེས་ཡོན་ཏན་མི་ཐོབ་པའི་ཡུལ་ལ། ཨཱ་གམྲ་ཧནྲ་སོགས་ཀྱིས་ཨུ་པ་དྷཱ་དབྱི་བ་དང་ཧ་གྷ་རུ་དབྱི་བ་སོགས་ཀྱིས་བསྒྲུབ་ནས་ཛསྲ་བྱིན། ཚིག་གྲོགས་དང་སྦྱར་བས། ཀ་ཏཱི་ཧ་ཀཎྜཾ་ནི་།།།ནཱཿ འདིར་ཚེར་མ་ངེས་པར་འཇོམས་ནུས་པ་དུ། ནུས་པའི་དོན་ཏོ། །གམྲ་ལས་ཨཱ་ནཤྲ། ཨནྲ་བི། གམྲ་ཨིཥུ་ཡམྲ་རྣམས་ཀྱི་ཚྲ་འོས་མྲ་ཚྲ། དབྱངས་ལས་པ་རོལ་ཚ་ཡིག་གཉིས། སྒྲ་མེད་པ་ལ་དང་པོ་འོས་ཚྲ་སྟེང་མ་ཙྲ་རུ་བསྒྱུར་ནས་དྲངས། སི་སོགས་ཀྱིས་སྟྲི་ཡཾ་གཙྪ་མཱནཿ བུད་མེད་ལ་བསྒྲོད་པར་བྱེད་པའི་ན་ཚོད་ཅན་ནོ། །བ་ཧ་ཐོབ་པ་ལས། ཤི་ཁཎྜཾ་བ་ཧ་མཱ་ནཿ མཇུག་སྒྲོ་ཐོབ་པའི་ན་ཚོད་ཅན་གྱི་རྨ་བྱའོ། །དེ་དག་ན་ཚོད་ཀྱི་དོན་ཏོ། །ནྀྲ་ཏཱི་ལུས་སྐྱོད་པ་ལ་དིབྲ་སོགས་ལས་ཡནྲ་བི་སོགས་ཀྱིས། ཀ་ཏཱི་ཧནྀྲ་ཏྱ་མཱ་ནཱཿ

[Full Size]

འདིར་གར་བྱེད་པ་དུ། གར་མཁན་ནི་གར་བྱེད་པའི་ངང་ཚུལ་ཏེ་དཔེར་བརྗོད་ཕྱི་མའོ། །ཨཱ་ན་འདིར་ཨཱཏྨ་ནེའོ། །ཞེས་གསུངས་པས། འདིར་བསྟན་ཨཱ་ནཤྲ་ལྟ་བུའི་ཀྲྀཏྲརྐྱེན་ཨཱ་ནའི་རིགས་རྣམས་ཨཱཏྨ་ནེའི་མིང་ཅན་ཏེ། དེ་དག་ཨཱཏྨ་ནེ་པ་དར་བཀླག་པའི་བྱིངས་ལ་སྦྱོར་བ་དང་དངོས་པོ་དང་ལས་ཀྱི་དོན་ལ་འཇུག་པ་སོགས་ཏི་སོགས་ཀྱི་ཨཱཏྨ་ནེ་པ་ད་དང་བྱ་བ་འདྲ་ཞིང་དེའི་ཤུགས་ལས་ཀྭནྶུ་དང་ཤནྟྲྀདྲ་དག་ནི་པ་རསྨཻ་པ་དར་བྱས་པ་དང་འདྲ་བར་ཤེས་སོ། །ཀ་ལཱ་པའི་གཞུང་འདིར་ནུས་པ་སོགས་ཀྱི་དོན་ལ་ཤཱ་ནང་ཞེས་རྐྱེན་ཟུར་དུ་མཛད་ཀྱང་འདི་ལ་ང་འགྲོ་བ་ཡོད་པས་ཡོན་ཏན་བཀག་པའི་ཕྱིར་ཡང་ན་བའི་བྱ་བ་མི་འཇུག་པ་ཙམ་ལས་གྲུབ་གཟུགས་སྔར་དང་འདྲའོ། །དེའི་ངང་ཚུལ་དེའི་ཆོས་དེ་ལེགས་པར་བྱེད་པ་རྣམས་ལ་ཀྭིི་པྲ་བར་རོ། །ཏྲྀནྲ་ནས་བརྩམས་ཏེ་ཀྭིི་པྲའི་བར་གྱི་རྐྱེན་རྣམས་བྱིངས་ལས་དེའི་ངང་ཚུལ། དེ་ལེགས་པར་བྱེད་པ། དེའི་ཆོས་ཏེ་ཀུན་ཏུ་སྤྱོད་པ་རྣམས་ལ་འཇུག་པ་ཡིན་ནོ། །ཞེས་པ་སྟེ་དེ་ལས་སྤྱིར་བཏང་བའི་རྐྱེན་དེ་དག་གི་འཇུག་ཚུལ་ཕྱོགས་ཙམ་བྲི་སྟེ་བྱེ་བྲག་ཏུ་འཇུག་པ་རྣམས་ནི་གཞུང་ལས་རྟོགས་པར་བྱའོ། ཀ་ ཏྲྀནྲའོ། །བྱིངས་དམིགས་བསལ་གྱིས་མ་བཀག་པ་དང་། །

[Full Size]

བཀག་ཀྱང་འདམ་གར་བཤད་པ་ལ་ངང་ཚུལ་སོགས་ཀྱི་དོན་ལ་ཏྲྀནྲ་འགྱུར་ཏེ། ཌུ་དཱཉྲ་སྦྱིན་པ་དང་། བད་སྨྲ་བ་ལས། འདི་ས་ཏྲྀནྲ། ཕྱི་མ་ལ་བྱིངས་ཐམས་ཅད་པ་མིན་པ་སོགས་ཀྱིས་ཨིཊྲ་ཨཱ་ག་མ་བྱིན། སི་བྱིན་ནས་བསྒྲུབས་པ་སོགས་ཀྱིས་དཱ་ཏཱ། སྦྱིན་པའི་ངང་ཚུལ། བ་དི་ཏཱ། སྨྲ་བའི་ངང་ཚུལ། དེ་དག་དང་སྦྱར་བས། ཨུ་པ་དཱ་ཏཱ་ཀུ་མཱ་རཱནྲ། གཞོན་ནུ་རྣམས་ཉེ་བར་སྦྱིན་པའི་ངང་ཚུལ། བི་རུནྡྷ་བ་དཱི་ཏཱ། མི་མཐུན་པར་སྨྲ་བའི་ངང་ཚུལ། ལེགས་པ་ལ། ཧྲྀཉྲ་འཕྲོག་པ་དང་། གམླྀ་ལས་ཏྲྀནྲ། ནཱ་མའི་མཐའི་བྱིངས་ཡོན་ཏན། བྱིངས་ཀྱི་མའི་ནའོས་གམྲའི་མྲ་ནྲ། སི་བྱིན། ངག་དང་སྦྱར་བས། ཧརྟྟཱ་མ་ནཿཁེངས་པ་ལེགས་པར་འཕྲོག་པ། གནྟཱ་ཁེ་ལཿབྲན་ལེགས་པར་འགྲོ་བ། ཆོས་ལ། ཀྲྀཉྲ་དང་། གམྲ་དང་། དཱ་ལས་བཤད་མ་ཐག་པ་ལྟར་སྒྲུབ་ཅིང་། མ་ཌི་རྒྱན་ལས་ནུ་དང་ཨིནྲ་ཨིཊྲ་སོགས་ཀྱིས་བསྒྲུབས། ངག་དང་སྦྱར་བས། ཤྲདྡྷཱཾ་ཀརྟྟཱ། དད་པར་བྱེད་པ། ཨཱ་ས་ནཾ་དཱ་ཏཱ། གདན་སྦྱིན་པ། བ་ནཾ་གནྟཱ། ནགས་སུ་འགྲོ་བ། བ་དྷཱུརྨྨཎྜ་ཡི་ཏཱ་རཿ ཆུང་མ་རྒྱན་པར་བྱེད་པ། ལྟ་བུ་སྟེ། ཆོས་ཞེས་པ་ནི་དེའི་ཀུན་སྤྱོད་བརྗོད་པའོ། །དཔེར་བརྗོད་

[Full Size]

ཕྱི་མར་ཛསྲ་བྱིན་ནས་བསྒྲུབས་པའོ། །བྲོ་བ་དང་རྒྱན་དང་གཡོ་བ་དང་སྒྲའི་དོན་རྣམས་ལས་ཡུའོ། །ཀྲུ་དྷ་ཁྲོ་བ། རུཥྲ་འཚེ་བ། མ་ཌི་རྒྱན། བྷཱུ་ཥྲ་རྒྱན། ཙ་ལ་གཡོ་བ། ཙུ་ཕ་དལ་བར་འགྲོ་བ། རུ་སྒྲ་ལའོ། །ཤབྲ་སྒྲའི་བྱིངས་འདི་ལྟ་བུ་རྣམས་ལ་ངང་ཚུལ་སོགས་ལ་ཡུ་རྐྱེན་ཏུ་འགྱུར་ཏེ། དེའང་ཙཱནྡྲ་པར་བྱ་བ་མེད་པ་ལས་ཞེས་གསུངས་པས་བྱ་བ་སྟེ་ལས་ཀྱི་ཚིག་མེད་པ་ལས་སོ། །བྱིངས་དེ་རྣམས་ལ་མདོ་འདིས་ཡུ་རྐྱེན། ཡུ་བུ་ཛྷ་སོགས་ཀྱི་ཡུ་ཨ་ན། ནཱ་མའི་མཐའི་སོགས་དང་། ཨུ་པ་དྷཱ་ཡང་བའི་ཡོན་ཏན་ནོས་བྱིངས་ཡོན་ཏན། མཚམས་སྦྱར། དྲངས། ར་ཥ་རྀ་ས་ན་། སི་རྣམ་བཅད་བྱས་པས། ཀུ་ཀྲོ་དྷ་ནཿ ཁྲོ་བ། རོ་ཥ་ཿ ཨཱ་གཏུམ་པོ། མཎྜ་ནཿ དང་། ཨཱ་ བྷཱུ་ཥ་ཿ བརྒྱན་པ། ཙ་ལ་ནཿ གཡོ་བ། ཙོ་པ་ནཿ དལ་གྱིས་འགྲོ་བ། ར་པ་ཿ ཤབྡ་ནཿ སྒྲ་སྒྲོག་པ། བྱ་བའི་ལས་སུ་གྱུར་པའི་ཚིག་ཡོད་ན་ཡུ་མི་འགྱུར་ཏེ། ས་བི་ཏཱ་སྟོ་ཏྲཾ། བསྟོད་པ་འདོན་པ། འདིར་བྱ་བའི་ལས་ནི་བསྟོད་པ་ཡིན་པས་ངང་ཚུལ་སོགས་ལ་ཡུ་མི་འགྱུར་བའི་ཕྱིར་ཏྲྀནྲའོ། །ཡང་ཙཱནྡྲ་པར། ཏདྲ་ལྡན་པ་ཧལ་དང་པོ་ཅན་ང་མེད་པ་ལས་སོ། །ཞེས་བྱིངས་གང་ཞིག་ཨཱཏྨ་ནེ་

[Full Size]

པ་དང་བཀླགས་ཤིང་གསལ་བྱེད་དང་པོར་ཡོད་པ་ཅན་གྱི་བྱིངས་མཐར་ང་རྗེས་འབྲེལ་མེད་པ་ལས་ངང་ཚུལ་སོགས་ཀྱི་ཡུ་འགྱུར་བར་གསུངས་ཏེ། བྲྀ་ཏུ་འཇུག་པ། བྲྀ་དྷུ་འཕེལ་བ་ལས་ཡུ་དང་། བྱིངས་ཡོན་ཏན་སོགས་ཀྱིས། བརྟ་ནཿ འཇུག་པ། བྷ་ནཿ འཕེལ་བ། འདིར་ཡང་ལས་ཡོད་ན་ཏྲྀནྲ་ཏེ། བ་སི་ཏཱ་བསྟྲཾ། གོས་གཡོག་པ་ལྟ་བུའོ། །བྱིངས་ཀྵུ་ཡཱི་སྒྲ་ལའོ་ལྟ་བུའི་ཡ་མཐའ་ཅན་དང་། དཱིཀྵ་ལས་ཡུཙྲ་མི་འགྱུར་བར་བཤད་པས། ཀྵུ་ཡི་ཏཱཿ སྒྲོགས་པ། དཱིཀྵི་ཏཱ། མཆོད་སྦྱིན་བྱེད་པ་ལྟ་བུ་སྟེ་ཏྲྀནྲའོ། །སྔར་བཤད་པའི་ས་ནྲའི་མཐའ་དང་། ཨཱདྲ་སྔོན་མའི་ཤ །སི་འདོད་པ། བྷིཀྵུ་སློང་བའི་བྱིངས་རྣམས་ལས་ངང་ཚུལ་སོགས་ལ་ཨུ་རྐྱེན་ཏུ་འགྱུར་ཏེ། སནྲ་མཐའ་ཅན་ཙི་ཀཱིརྵ་ལས་ཨུ། བྱིངས་མཐའི་ཨ་ཕྱིས་ནས་དྲངས། སི་བྱིན་པས། ཙི་ཀཱིརྵུཿ བྱེད་འདོད་པ་བྱིངས་དེ་དག་ལས་ཨུ། ཨཱ་ཤམ་སུཿའདོད་པའི་ཚུལ་ཅན། ཀྲྀཉྲ་བྱེད་པ་ལྟ་བུའི་རྀ་མཐའ། ཛནྲ་སོགས་ཨུ་པ་དྷ་ཕྱི་དགོས་པའི་བྱིངས་རྣམས་ལས་ངང་ཚུལ་སོགས་ལ་ཀི་འགྱུར་ཞིང་གཉིས་སུའང་བརྗོད་པར་བྱ་སྟེ། པཱ་བཏུང་བ། དཱ་སྦྱིན་པ། ཀྲྀཉྲ་བྱེད་པ། ཛ་ནཱི་རབ་ཏུ་སྐྱེ་བའི་བྱིངས་རྣམས་

[Full Size]

ལས། ཨཱཏྲའི་རྀ་ཡིག་མཐའ་སོགས་ཀྱིས་ཀི། ཀྲ་ཀྲ་ལ་ཡྲ་བཞིན་སོགས་ཀྱིས་ཕྱིས། ཨི་བཞག །བྱིངས་རྣམས་གཉིས་བརྗོད། ཐུང་ངུ་འོས་སྔ་མ་རིང་བ་ཐུང་། ཀ་སྡེའི་ཙ་སྡེ་འོས་ཀ་སྔ་མ་ཙ། བྱིངས་ཐམས་ཅད་པ་མ་ཡིན་ཀཱ། པ་ལ་ཨ་དབྱི་འོས་པཱ་དཱ་ཕྱི་མའི་ཨཱ་དབྱི། རྀ་ར་འོས་མཚམས་སྦྱར། གམྲ། ཧནྲ། ཛནྲ། ཁནྲ་སོགས་ཀྱིས་ཛ་ཕྱི་མའི་ཨ་ཕྱི་ནས་དྲངས། ཏ་སྡེའི་ཙ་ཊའི་སྡེ་པ་སོགས་ཀྱིས་ན་ཉ། སི་བྱིན། པ་པིཿ བཏུང་བ། ད་དྷིཿ སཱནྲ་ ཞོ། ཙཀྲིཿ བྱེད་པ། ཨཱ། ཛ་ཛྙིཿ སྐྱེ་བ་སོགས་གྲུབ་བོ། །འདིར་ཀྭི་པྲའི་རྐྱེན་ཡང་ངང་ཚུལ་ནཱ་སོགས་ལ་འཇུག་པ་སྤྱིར་བསྟན་པ་མ་ཟད། པཱ་ི་པར། གཞན་རྣམས་ལས་ཀྱང་མཐོང་ངོ་། །ཞེས་འབྱུང་བས། བཙྲ་སྨྲ་བ་ལས། བཱཀྲ། །ངག །ཤྲིཉྲ་བསྟན་པ་ལས། ཤྲཱིཿ དཔལ། དྷྱཻདྲ་སེམས་པར་བྱེད་པ་ལས་སཾ་པྲ་སཱ་ར་ཿ དྷཱིཿ བློ། འདི་རྣམས་མཐའ་རིང་བ་སྟེ་མཆོག་གི་སྦྱར་བའི་རྗེས་སུ་འབྲང་བའོ། །གཞན་ཡང་། བྷི་ཏྲ། འཇོམས་པ། ཙྪི་ཏྲ། གཅོད་པ། སཀྲ། འཚེད་པ་ལ་སོགས་པ་རྣམས་སོ། །ངང་ཚུལ་སོགས་ལ་འཇུག་པ་རྫོགས་སོ། ༈ །ཉི་རྗེས་སུ་འབྲེལ་བ་དང་། འདོད་པ།

[Full Size]

བློ། མཆོད་པའི་དོན་རྣམས་ལ་ཀྟའོ་ཞེས་ཉི་མི་དཱ་སྣུམ་པར་བྱེད་པ། ཉི་ཥིྭ་དཱ་གཤེར་བ་དང་གྲོལ་བར་བྱེད་པ་ལྟ་བུའི་ཉི་འགྲོ་བའི་བྱིངས་དང་། ཨིཥུ་འདོད་པ། བུདྡྷ་རྟོགས་པ། པཱུ་ཛ་མཆོད་པ་ལྟ་བུའི་བྱིངས་དེ་རྣམས་ལས་ད་ལྟ་བའི་བྱེད་པ་པོ་ལ་ཀྟ་འགྱུར་ཏེ། བྱིངས་དེ་རྣམས་ཀྱི་རྗེས་འབྲེལ་ཕྱིས། དང་པོའི་ཥ་ས། ཕྱི་མ་དག་ལས་ཨིཊྲ། ད་ལས་དའི་ངང་ངོསྲ་མི་ད་སྭི་ད་དག་གི་ཀ་ཏའི་ཏ་དང་ཚུ་རོལ་གྱི་ད་གཉིས་ཀ་ན་རུ་བསྒྱུར། གྷ་ཌྷ་དྷ་སོགས་ཀྱིས་བུདྡྷའི་ཕ་རོལ་གྱི་ཏ་དྷ་དྷུཊྲ་རྣམས་ཀྱི་བཞི་པ་རྣམས་ལ་གསུམ་པ་རྣམས་སོས་བུ་དྷྲའི་དྷྲ་དང་། དབྱངས་མེད་རྣམས་དྲངས། སི་བྱིན་པས། མིནྣཿ སྣུམ་པ། སྭིནྣཿ གཤེར་བའམ་རྡུལ་བ། ཡ་ཐེཥྚཿ ཇི་ལྟར་འདོད་པ། ཥ་དང་ཊ་སྡེ་ལས་ཏ་སྡེའི་ཊ་སྡེ། ཡ་ཐཱ་སྔོན་ཏུ་བཞག་པའོ། །བུདྡྷཿ རྟོགས་པ། པཱུ་ཛི་ཏཾ། མཆོད་པ། པཱུ་ཛ་ལས་ཙུ་ར་སོགས་ཀྱི་རང་དོན་ལ་ཨིནྲ་འཇུག་ཀྱང་། ཨིནྲའི་ནིཥྛཱ་ཨིཊྲ་ཅན་ལ་འོས་ཨིཊྲ་ཕ་རོལ་ལ་ཨིནྲ་ཕྱིས་པའོ། །བྱིངས་གཞན་ལས་ཀྱང་མང་པོ་ལ་ཀྟའི་རྐྱེན་འགྱུར་ཏེ། ཤཱི་ལི་ཏཿམཚུངས་པར་འཛིན་པ། རཀྵི་ཏཿ སྲུང་བ། ཀཱནྟཿ མཛེས་པའི་ཤེལ། སྣིགྡྷཿ མཛའ་བ། ཀྵཱནྟཿ བཟོད་

[Full Size]

པ། གུ་ི་ཏཿ བསྒྱུར་བའམ་སྤེལ་བ་ལ་སོགས་པའོ། ༈ །ལས་ཉེ་བའི་ཚིག་ལ། བྱིངས་ལས་འབྱུང་འགྱུར་གྱི་བྱ་བའི་དོན་ལ་བུྲ་དང་ཏུམྲ་དག་རྐྱེན་ཏུ་འགྱུར་ཏེ། ཉེ་ཚིག་ཨོ་ད་ནཾ་སྔོན་མའི་པ་ཙ་ལས་བྱ་བ་ལ་བྱ་བའི་དོན་ལ་བུྲ་དང་ཏུམྲ་དག་གོས་དེ་དག་བྱིན་ནས་བུ་ཨ་ཀ །ཨུ་པ་དྷཱ་འཕེལ།་དེའི་དོན། ཙ་ཛ་དག་གི་དྷུཊྲ་དང་སོགས་ཀྱིས་ཙྲ་ཀྲར་བསྒྱུར་ནས། ཏུམྲ་མཐའ་མི་ཟད་པ་ཡིན་པས་སི་འཇིག །ངག་དང་སྦྱར་བས། ཨོ་ང་ནཾ་པཀྟུཾ་བྲ་ཛ་ཏི། བུྲ་ལ། སི་རྣམ་བཅད། དེ་མཚམས་སྦྱར་བས། ཨོ་ད་ནཾ་པཱ་ཙ་ཀོ་བྲ་ཛ་ཏི། །ཟས་འཚེད་པའི་ཕྱིར་འགྲོའོ། །ཡང་། དངོས་པོ་བརྗོད་པ་རྣམས་ལས་ཀྱང་ངོ་། །ཞེས་འབྱུང་འགྱུར་གྱི་བྱ་བའི་དོན་ལས། དངོས་པོའང་ཡིན་ལ་བྱ་བའང་ཡིན་པ། དེའི་དོན་ཡང་ཡིན་པས་གཞི་མཐུན་པ་ལས། རྐྱེན་དེ་དག་འགྱུར་བར་གསུངས་པའི་དཔེར་བརྗོད་ནི་བཤད་མ་ཐག་པ་ལྟར་རམ། ལས་ཀྱི་ཚིག་མེད་ཀྱང་། པཀྟུཾ་གཙྪ་ཏི། པཱ་ཙ་ཀོ་གཙྪ་ཏི། འཚེད་པའི་ཕྱིར་འགྲོ་ལྟ་བུའོ། །བྱེད་པ་པོ་ཐ་དད་པ་ལས་ཀྱང་ཏུམྲ་འགྱུར་ཏེ། གམླྀ་ལས། དེ་བ་དཏྟ་སྱ་གནྟུ་མ་ཤྭཾ་སཛྫི་ཀ་རོ་ཏི། ལྷས་བྱིན་འགྲོ་བའི་དོན་ཏུ་རྟ་ལ་ཆས་སྤྲོད་པར་བྱེད། འགྲོ་བ་པོ་དང་།

[Full Size]

ཆས་སྤྲོད་པ་པོ་དག་ཐ་དད་པའོ། །གྷཉྲ་སོགས་དངོས་པོ་ལ་འཇུག་པ་རྣམས་ཀྱང་ཏུམྲའི་ཡུལ་ལ་འཇུག་མོད་གཞན་ཏུ་བལྟའོ། ༈ །དེ་ནས་དངོས་པོ་ལ་འཇུག་པའི་གྷཉྲ་སོགས་བཤད་པ་ནི། དངོས་པོ་ལའོ། །ཞེས་རེ་ཞིག་སྤྱིར་བཏང་བ་སྟེ་བྱིངས་ལས་དངོས་པོ་ལ་གྷཉྲ་འགྱུར་ཏེ། དཔེར་ན། ཌུ་པ་ཙཥྲ་འཚེད་པ། ཏྱ་ཛ་འདོར་བ། རཉྫ་ཚོས། རྗེས་འབྲེལ་རྣམས་ཕྱིས། འདིས་གྷཉྲ། ཙ་ཛ་དག་གི་སོགས་ཀྱི་ས་ཙྲ་ཀྲ། ཛྲ་དག་གྲ། གྷ་དེའི་དོན་ཡིན་པས་ཕྱིས། སྲོག་གི་ཨ་བཞག །ཨིནྲ་ཨིཙྲ་ཨཊྲ་སོགས་ཀྱིས་ཨུ་པ་དྷཱ་རིང་། ཉྲ་དེའི་དོན་ཕྱིས། ཨིཏྲརྗེས་ ཀཱ། སུ་འབྲེལ་བ་མ་ཡིན་པ་སོགས་ཀྱིས་སམ། རཉྫའི་དངོས་པོ་དང་བྱེད་པ་དག་ལའོས་རཉྫའི་ནྲ་དབྱི། སི་བྱིན་པས། པཱ་ཀཿ སྨིན་པ། ཏྱཱ་གཿ གཏོང་བ། རཱ་གཿ ཆགས་པའམ་ཚོས་སོགས་སོ། །བྱེད་པ་པོ་མིན་པ་ལའང་བྱེད་པ་ཅན་ལ་མིང་ལའོ། །བྱེད་པ་པོ་མིན་པའི་ལས་སོགས་བྱེད་ཅན་ལྷག་མ་རྣམས་ཀྱི་དོན་ལ་མིང་གི་ཡུལ་ལ་བྱིངས་ལས་གྷཉྲ་འགྱུར་ཏེ། འདི་རབ་ཏུ་འཕེན་པས། ཨ་སུ་འཕེན་པ་ལས་པྲ་སྔོན། པྲཱ་སཿམདུང་ཐུང་སྟེ་ལས་ཀྱི་དོན་ནོ། །འདིར་འཆིང་བས། ཥི་བུ་

[Full Size]

ཐག་འཐགས་པ་ལས། པྲ་སེ་བཿཔི་ཝཾ་གི་རྒྱུད་འཆིང་སྟེ་གནས་གཞིའོ། །འདི་ལས་ལེན་པར་བྱེད་པས། ཧྲྀཉྲ་འཕྲོག་པ་ལས། ཨཱ་ཧཱ་རཿཟས་ཏེ་འབྱུངས་ཁུངས་སོ། །འདི་རྣམས་ཀྱིས་འཇོམས་པ་དང་། འདིས་རྒན་པོར་བྱེད་པས། དྲཱྀདྲ་རྣམ་པར་འཇོམས་པ་དང་། དྲཱྀཥྲ་ལང་ཚོ་ཉམས་པ་ལས། དཱ་རཱཿ ཆུང་མ་ཛཱ་རཿ རྒན་པོ་སྟེ་བྱེད་པའི་དོན་ཡིན་ཞིང་། །མིང་མ་ཡིན་པ་ལའང་། དཱ་སྦྱིན་པ། ལ་བྷ་རྙེད་པ་ལས། དཱ་ཡཿ སྦྱིན་བྱ། ལཱ་བྷཿ རྙེད་པ་ལ་སོགས་པ་རྣམས་སོ། །དངོས་པོ་དང་ལས་དག་ལས་གྲངས་ཀྱིས་ཡོངས་སུ་འཛལ་བའི་དོན་ལ་གྷཉྲ་འགྱུར་ཏེ། ནཻརྲ་སྔོན་མའི་པཱུདྲ་དག་བྱེད་ལས། དྭཽ་པཱུ།།།ནིཥྤཱ་པཽ། སློ་མ་དོ་གང་བྱེད་པ། འདིར་མི་ཟད་པ་མིན་པའི་ཀ་བའི་སྡེ་པ་དག་ལ་པ་ཡིག་གོས་ནི་རྲའི་རྲ་རྣམ་བཅད་བྱས་པ་སྲ་དང་། དེ་རྒྱུ་མཚན་ལས་ཥའོ། །བྱིངས་ལས་མངོན་པར་ཁྱབ་པའི་དངོས་པོ་ལ་ཨི་ནུྲ་རྐྱེན་ཏུ་འགྱུར་ཏེ། ནཱ་རུ་སྒྲའི་བྱིངས་ལས་མངོན་པར་ཁྱབ་པའི་སོགས་ཀྱིས་ཨི་ནུྲ། པཾ་སྔོན། ཨིནྲ་ཀཱ་རི་ཏ། དེ་འཇིག །བྱིངས་འཕེལ།ྲ་དེའི་དོན་དང་ཨུ་བརྗོད་དོན་ཕྱིས། དྲངས། སཾ་རཱ་བིནྲ་གྲུབ། ཙཱནྡྲ་པར།་ཙྲ་ཨི་ནུྲ་ལས་སོས་རང་དོན་ལ་དེ་ཕན་གྱི་ཨྲ།ྲ་དང་

[Full Size]

བཅས་པའི་དང་པོ་འཕེལ་བ།ྲ་ཕྱིས། ཨི་དང་ཨའི་ཡི་གེ་དག་དབྱངས་དང་ཡའི་རྐྱེན་ལའང་དབྱི་འོས་ཨ་དབྱི་བ་མེད་པས་དྲངས། ར་ཥ་རྀའི་ན་། སི་མུ། སྔཾ་རཱ་བི་ཾ་བརྟྟ་ཏེ། ཀུན་ཏུ་དྲག་ཏུ་འབོད་པར་མཆིས་སོ། །ལྟ་བུའོ། །ཡང་། ཙཱནྡྲ་པར། ཨི་ལས་ཨཙྲའོ་ཞེས་བྱིངས་ཨི་རིང་ཐུང་གི་མཐའ་ཅན་རྣམས་ལས་བྱ་བའི་དོན་ལ་ཨཙྲ་འགྱུར་ཏེ། ཙིཏྲ་སོག་པ། ཛྲི་རྒྱལ་བ། བྷི་འཇིག་པ་རྣམས་ལས་ཨཙྲ། ཙྲ་དབྱངས་དོན་ཕྱིས། བྱིངས་ཡོན་ཏན་སོགས་དང་སི་བྱིན་པས། ཙ་ཡཿགསོག་པ། ཛ་ཡཿརྒྱལ་བ། བྷ་ཡཿའཇིག་པ་སོགས་སོ། །རྀཏ་དང་ཨུ་ལས་ཨསྲའོ་ཞེས་བྱིངས་རྀ་རིང་པོ་དང་ཨུ་ཡིག་ཐུང་རིང་གི་མཐའ་ལས་ཨསྲ་འགྱུར་ཏེ། ཀྲཱྀ་རྣམ་པར་གཡེང་བ། གྲཱཾ་རྗོད་པར་བྱེད་པ། ཡུ་སྲེ་བ། པཱུདྲ་དག་བྱེད། དེ་རྣམས་ལས་འདིས་ཨཔྲ། པྲ་ཁྱད་དོན། བྱིངས་ཡོན་ཏན་དང་སི་སོགས་ཀྱིས། ཀརཿལག་པ། འོད། དཔྱ་ཁྲལ་སོགས་ལ་འཇུག །ག་རཿ ཡིད་ལ་འཆར་བ། ཡ་བཿ ནས། པ་བཿ གཙང་བྱེད་སོགས་སོ། །འདི་དག་ལ་ཀ་ལཱ་པར་ཨལྲ་ཞེས་པ་ཡོད་ཀྱང་འཇུག་ཡུལ་ལ་འདི་ཉིད་རྣམ་པ་གསལ་བའི་ཕྱིར་བརྗོད་པའོ། །

[Full Size]

བྱིངས་ཊུ། རྗེས་སུ་འབྲེལ་བ་རྣམས་ལ་ཨ་ཐུ་འགྱུར་ཏེ། ཊུ་པེ་པྲྀ་གཡོ་བ་དང་། ཊུ་ཨོ་ཤྭི་འགྲོ་བ་དང་འཕེལ་བ། ཊུ་ཀྵུ་སྒྲ་ལའོ། །དེ་དག་ལ། ཊུ་རྗེས་སུ་འབྲེལ་བ་ལས་ཨ་ཐུ་འོས་ཨ་ཐུ་བྱིན། རྗེས་འབྲེལ་ཕྱིས་ནས་སྦྱར། སི་བྱིན་པས། པེ་པ་ཐུཿ འདར་བ། ཤྭ་ཡ་ཋུཿ སྐྲངས་པ། ཀྵ་བ་ཐུཿ གློ་ནད་སོགས་སོ། །ཌུ་རྗེས་སུ་འབྲེལ་བ་ལ་དེ་ཉིད་ཀྱིས་ཚར་བ་ལ་ཏྲི་མཀྲ་འགྱུར་ཏེ། ཌུཀྲྀཉྲ་བྱེད་པ། ཌུ་པ་ཙཥྲ་འཚེད་པ། ཏྲི་མཀྲ་བྱིན། རྗེས་འབྲེལ་ཕྱིས། ཙྲ་ཀྲ་སོགས་དང་སི་བྱིན་པས། ཀྲྀ་ཏྲི་མཾ། བཅོས་མ། པཀྟྲིི་མཾ། བཅོས་པ་སོགས་སོ། །དཱསྲ་མིན་པའི་དཱ་དྷཱ་དག་དཱའོ། །ཞེས་དཱསྲ་གཅོད་པ་དཻསྲ་དག་བྱེད་ལྟ་བུའི་སྲ་རྗེས་འབྲེལ་ཅན་མིན་པའི་དཱཉྲ་སྦྱིན་པ། ཌུདྷཱཉྲ་འཛིན་པ། དོ་གཅོད་པ། དེདྲ་སྲུང་བ་ལྟ་བུ་ནི་ཀ་ལཱ་པའི་གཞུང་། ཨཱ། འདིར་དཱ་ཞེས་པའི་མིང་གང་དུ་བྱུང་བར་དྲན་པར་བྱ་དགོས་སོ་ཞེས་ཤེས་པར་བྱས་ནས། ཉེར་སྒྱུར་གང་རུང་སྔོན་ན་ཡོད་པའི་བྱིངས་དཱའི་མིང་ཅན་དེ་དག་ལས་ཀི་རྐྱེན་ཏུ་འགྱུར་ཏེ། ཉེར་སྒྱུར་ཨཱདྲ་སོགས་སྔོན་མའི་དཱ་དང་དྷཱ་དག་ལས། ཉེར་སྒྱུར་ལ་དཱ་ལས་ཀི་འོས་ཀི་རྐྱེན། བྱིངས་ཐམས་ཅད་པ་མ་ཡིན་པ་ལ་ཨཱ་དབྱི་འོས་བྱིངས་མཐའི་ཨཱ་དང་ཀ་དེའི་

[Full Size]

དོན་གྱིས་ཕྱིས་ནས་སྦྱར། སི་བྱིན་པས། ཨཱ་དིཿ དང་པོ། ནི་དྷིཿ གཏེར། བི་བྷིཿ སྒྲུབ་བྱེད་དམ་ཆོག ། པྲ་ི་དྷིཿ སྨོན་ལམ། ཨ་བ་དྷིཿ ལོག་པར་འཛིན་པ། སནྡྷི། ཚིག་མཚམས་དང་མཚམས་སྦྱོར་སོགས་ལ་འཇུག་པ་སོགས་སུ་མཚོན་པར་བྱའོ། །ཀ་ལས་ལས་གཞི་ལའང་ངོ་། །ལས་ཉེ་བའི་ཚིག་སྔོན་མའི་དཱ་ལས་གཞིའི་དོན་ལ་ཀི་འགྱུར་ཏེ། བཱ་ལ་དྷིཿ རྟ་རྔའི་སྤུ་ཚོགས། ཨིཥུ་དྷིཿ མདའ་འཛིན་ཏེ། དོང་པ་ ཤི་རོ་དྷིཿ མགོ་འཛིན་ཏེ་རྐེ། ཨོ་ཥ་དྷིཿ སྨིན་འཛིན་ལ་སོགས་པ་རྣམས་སོ། ༈ །དེ་ནས་བུད་མེད་ཀྱི་རྟགས་ལ་འཇུག་པ་གཞིར་བཞག་པའི་རྐྱེན་ནི་འདི་ལྟ་སྟེ། བུད་མེད་ལ་ཀྟིའོ། །བྱིངས་ལས་བུད་མེད་ཀྱི་རྟགས་ལ་དངོས་པོ་དང་བྱེད་པ་པོ་མིན་པའི་བྱེད་པ་ཅན་ལའང་ཀྟི་འགྱུར་རོ། །ཞེས་རེ་ཞིག་སྤྱིར་བཏང་ནས་དམིགས་བསལ་གྱིས་མ་བཀག་པ་རྣམས་ལ་ཀྟི་སྟེ། དཔེར་ན། ཌུཀྲྀཉྲ་བྱེད་པ། ཨི་ཥུ་འདོད་པ། ཤཀླྀ་ནུས་པ། མ་ན་ཤེས་པ། བུ་དྷ་རྟོགས་པ། ཥྚུཉྲ་བསྟོད་པ། ཙིཉྲ་སོག་པ།ཱིཉྲ་ཐོབ་པ། བྷཱུ་བསྟོད་པ་རྣམས་ལ་འདིས་ཀྟི། ཀ་ཡོན་ཏན་མེད་པའི་དོན་དང་བྱིངས་རྣམས་ཀྱི་རྗེས་འབྲེལ་ཕྱིས་ནས་སྦྱར། སི་བྱིན་པས། །

[Full Size]

ཀྲྀ་ཏིཿ བྱེད་པ། ཨིཥྚིཿ འདོད་པ། ཤཀྟིཿ མཐུ་ནུས་སམ་མདུང་ཐུང་། མ་ཏིཿཤེས་པ། བ་ན་ཏི་ཏ་ནོ་ཏི་སོགས་ཀྱིས་ན་ཕྱིས་པའོ། །བུདྡྷིཿ བློ། སྟུ་ཏིཿ བསྟོད་པ། ཙི་ཏི། ཚོགས་དང་རོ་ཐབ། ནཱི་ཏི། ཚུལ་དང་ཐོབ་བྱེད། བྷཱུ་ཏིཿ འབྱོར་པ། པྲ་བྷཱུ་ཏིཿ སྟོབས་འབྱོར་སོགས་སོ། །འདིར་ཙཱནྡྲ་པར། དངོས་པོ་དང་ལས་སོགས་ལ་ཀྟིནྲ་དང་མིང་ལ་ཀྟི་ཙྲའི་རྐྱེན་འཇུག་པར་གསུངས་ནས་དཔེར་བརྗོད་དེ་དག་ཕལ་ཆེར་སྔ་མའི་དང་། ཕྱི་མ་ལ། ཏནྟིཿ རྒྱས་བྱེད། རནྟིཿ རྩེ་བ། སུ་བྷཱུ་ཏིཿ རབ་འབྱོར་སོགས་དཔེར་བརྗོད་ཀྱང་ཀ་ལཱ་པར་དེ་དག་ཀྟི་ཁོ་ནས་འགྲུབ་པར་དགོངས་ནས་སོ་སོར་མ་སྨོས་པར་ཟད་དོ། །འདིར་དབྱངས་ཅན་མའི་རབ་བྱེད་དུ། བཀྟིཿ ཨཱུ་ཌྷིཿ ཤཱནྟི། བྷཱནྟིཿ གླཱ་ནིཿ སོགས་ཀྱང་དཔེར་བརྗོད་དོ། ༈ །བྱ་བ་ཕན་ཚུན་ཏུ་བྱེད་པ་ལ་བུད་མེད་ལ་་ཙྲ་འགྱུར་ཏེ། བི་དང་ཨ་བ་སྔོན་མའི་ཧ་སེ་དགོད་པ་དང་། ཙཏྩ་སྤྱོ་སྨིན་པ། གླང་ཁལ། ཞི་བ། འགྲུལ་པ། ཉམས་ཆུང་བ། བ་ལས། བྱ་བ་ཧཱ་ས། བྱ་བ་ཙཏྩ། །གྲུབ་པ་རང་དོན་ལ་དེ་ཕན་གྱི་ཨནྲ། ནཱ། ཡ་བ་ཚིག་དང་པོ་དག་གི་མ་ཡིན་ཞིང་འཕེལ་ཨཱ་ག་མ་འོས་ཡ་ལས་གོང་དུ་བ་ཕྲལ་ནས་ཨཻ་ཨཱ་ག་མ་སྦྱིན་པར་ཐོབ་ཀྱང་། ཙཱནྡྲ་པར། བྱ་བ་ཕན་ཚུན་ཏུ་

[Full Size]

བྱེད་པ་ལ་མ་ཡིན་ནོས་བཀག་པའི་ཕྱིར་སྤྱི་ལྟར་བསྒྲུབས་ནས་བུད་མེད་ལ་ཨཱི་བྱིན། སི་ཕྱིས་པས། བྱཱ་བ་ཧཱ་སཱི། ཕན་ཚུན་དུ་དགོད། བྱཱ་བ་ཙཏྩཱི། ཕན་ཚུན་ཏུ་སྤྱོ་ལྟ་བུའོ། ༈ །སནྲ་ལ་སོགས་པའི་བྱིངས་སུ་བསྒྲུབས་པའི་རྐྱེན་རྣམས་ཀྱི་མཐའ་ལས། དངོས་ལས་སོགས་ལ་བུད་མེད་ལ་ཨ་རྐྱེན་ཏུ་འགྱུར་ཏེ། ཤནིྲ་་དང་རྐྱེན་ལ་ཨ་འོས་ཨ། །བྱིང་མཐའི་ཨ་ཕྱིས་ནས་སྦྱར། ནཱ་བུད་མེད་ལས་ཨ་ལས་ཨཱསྲ་སྦྱར་བས། །ཙི་ཀཱིརྵ། བྱེད་འདོད་པ། ཡིནྲ་ལས། པུ་ཏྲཱི་ཡཱ། བུ་བཞིན་ཏུ་སྤྱོད། ཀཱ་མྱ་ལས། པུ་ཏྲ་ཀཱ་མྱཱ། བུར་འདོད། ཡ་ཙེཀྲཱི་ཡི་ཏ་ལ། ལོ་ལཱུ་ཡ། ཡང་ཡང་གཅོད་པ་ལྟ་བུའོ། །བྱིངས་ཀྱི་ལྗིབ་དང་ལྡན་པ་གསལ་བྱེད་མཐའ་ཅན་ནིཥྛཱའི་རྐྱེན་ཨིཊྲཨཱ་ག་མ་དང་བཅས་པ་ཐོབ་པ་ལས་ཨ་འགྱུར་ཏེ། ཨཱི་ཧ་བྱེད་པ། ཨཱིཀྵ་ལྟ་བ། ཨཱུ་ཧ་རྣམ་པར་རྟོག་པ། ཤིཀྵ་རིག་པ་ཉེ་བར་ལེན་པ་རྣམས་ལ་ཨ་དང་ཨཱས་སི་སོགས་ཀྱིས་ཨཱི་ཧཱ། བྱེད་པ། ཨཱིཀྵཱ། ལྟ་བའམ་རྟོག་པ། ཨཱུ་ཧཱ་རྟོག་པ། ཤིཀྵཱ། སློབ་མ་ལ་སོགས་པའོ། ༈ །ཥྲ་རྗེས་སུ་འབྲེལ་བ་དང་བྷིདྲ་ལ་སོགས་པ་རྣམས་ལས་ཨདྲའོ། །བྱིངས་དེ་རྣམས་ལས་བུད་མེད་ཀྱི་ཡུལ་ལ་དོངས་ལས་སོགས་ལ་

[Full Size]

ཨདྲ་འགྱུར་ཏེ། དྲ་ཡོན་ཏན་མེད་པའི་དོན་ཡིན་པས་དབྱི་བར་བྱའོ། །དེ་ལ་ཥིཏྲ་ནི། མྲྀ་ཛུཥྲ་དག་པ་ལའོ། །ཀྵ་མཱུཥྲ་བཟོད་པ་ལའོ། །ཞེས་པ་འདི་ལྟ་བུ་རྣམས་ལས་དང་། ཥྲ་འགྲོ་བ་དངོས་སུ་མེད་ཀྱང་སྔོན་གྱིས་སློབ་དཔོན་རྣམས་ཀྱིས་ཁ་འགྲོ་བ་ཅན་གྱི་བརྡ་ཁྱད་མཛད་པའི་གྷཊ་སོགས་ཀྱི་བྱིངས་བཅུ་བཞིའམ་བཅུ་གཉིས་ལས་ཨདྲ་འགྱུར་ཏེ། བྱིངས་དེ་དག་དང་། གྷཊྲ་བྱེད་པ། ཀྲ་པ་རྩེ་བ་རྣམས་ལས་ཨདྲ་བྱིན། རྗེས་འབྲེལ་རྣམས་ཕྱིས་ནས་སྦྱར། ཕྱི་མར་ཚིག་ཕྲད་ལས་སཾ་པྲ་སཱ་ར་། ཨཱསྲ་དང་སི་དབྱི་བ་སོགས་ཀྱིས། མྲྀ་ཛཱ། འཁྲུད་པ། ཀྵ་མཱ། ས་གཞི་དང་བཟོད་པ་སོགས། གྷ་ཊ། སྦྱར་བ་གནག་ལྷས་ཆུང་ངུ། །ཀྲྀ་པཱ། སྙིང་རྗེ་རྣམས་སོ། །དེས་མཚོན་པར་བྱའོ། །བྷི་དིརྲ་རྣམ་པར་འཇོམས་པ། བི་ད་ཤེས་པ། གུ་ཧཱུ་ཀུན་ནས་སྒྲིབ་པ། མེ་དྷྲྀ་ཡིད་གཞུངས་པ། ཏྲཱྀ་རྒྱལ་བ་དང་སྒྲོལ་བར་བྱེད་པ། ལི་ཁ་ཡི་གེ་འགོད་པ། ཤུ་བྷ་མཛེས་པ་སོགས་བྱིངས་ཉེར་གཉིས་སམ་ཉེར་གསུམ་ལ་སོགས་པ་རྒྱ་འགྲེལ་རྣམས་སུ་བཤད་པ་དེ་དག་ནི་བྷིདྲ་ལ་སོགས་པ་སྟེ་དེ་རྣམས་ལ་ཨདྲ་འགྱུར་རོ། །བྷིདྲ་སོགས་ལས་མདོ་འདིས་ཨདྲ་དང་། རྗེས་འབྲེལ་རྣམས་ཕྱིས་ནས་སྦྱར། དྲ་ལ་ཡོན་ཏན་མེད་

[Full Size]

ཀྱང་། ཛ་ར་དབྱངས་ལ་ཛ་རསྲ་ཡང་ནའོ་ཞེས་པའི་ཤེས་བྱེད་ལས་བྱིངས་རྣམས་ཡོན་ཏན་དང་ཚིག་ཕྲད་ལས་ཨུ་པ་དྷཱ་རིང་ཞིང་སམྲ་པྲ་སཱ་ར་་བྱས། ཐམས་ཅད་ལ་ཨཱསྲ་བྱིན་ཞིང་། སི་ཕྱིས། བྷི་དཱ། འཇོམས་པའམ་གཤོག་པ། བི་དཱ། ཡེ་ཤེས་སམ་བློ། གུ་ཧཱ། ཕུག་པ་ཚང་ཚིང་སེང་གེའི་མཇུག་མ། མེ་དྷཱ། ཡིད་གཞུངས་སམ་གཟུངས། །ཏཱ་རཱ། སྐར་མ་མིག་འབྲས་སྒྲོལ་མ་བླ་མའི་བཙུན་མོ། །རེ་ཁཱ། ལེ་ཁཱ། རི་མོའམ་ཕྲེང་། གུ་བྷཱ། ལེགས་པ་སོགས་ཏེ་ཀ་ལཱ་པའི་ལུགས་འདིར་ཏཱ་རཱ་སོགས་དེ་དག་ཕལ་ཆེར་རྐྱེན་གཞན་གྱིས་བསྒྲུབས་པའང་ཡོད་དོ། །མང་པོ་ལ་སྤྱིར་བཏང་བའི་ཕྱིར། བྷིདྲ་སོགས་ལ་ཀྟིའང་འཇུག་མོད། དེའི་ཚེ་འཇུག་ཡུལ་གཞན་ཏེ། བྷིཏྟིཿ སའི་གྱང་དང་སོ་ཕག་གི་རྩིག་པ་དང་འབྱེད་པ་སོགས་ལ་འཇུག་པ་ལྟ་བུའོ། །ཉེར་སྒྱུར་རྣམས་དང་ཨནྟར་སྔོན་མའི་བྱིངས་ཨཱཏྲ་མཐའ་ཅན་ལས་ཨདྲ་འགྱུར་ཏེ། ཌུདྷཱཉྲ་འཛིན་པ། སྠཱ་གནས་པ། མཱདྲ་ཚད། བྷཱ་འབར་བ་རྣམས་ལས་ཨདྲ། བྱིངས་ཐམས་ཅད་པ་མ་ཡིན་པ་ལ་ཨཱ་དབྱི་འོས་ཨཱ་ཕྱིས་ནས་སྦྱར། ཨཱསྲ་བྱིན། སི་ཕྱིས་པས། ཨནྟརྡྷཱ། མི་སྣང་བ། སཾ་དྷཱ་ཡང་དག་འཛིན། ཨུ་པ་དྷཱ། ཉེར་འཛིན་

[Full Size]

དང་མཐའ་ཉེའི་ཡི་གེ། །སཾ་སྠཱ། གནས་པ་རྣམ་པ་མཚུངས་པ་སོགས། པྲ་ཏི་མཱ། གཟུགས་བརྙན་ནམ་འདྲ་ཅོག །པྲ་བྷཱ་འོད་སོགས་སོ། །པྲ་སོགས་མེད་ན་ཨཱཏ་ལས་ཀྟི་འགྱུར་ཏེ། དྻ་ཏི། སྱ་ཏི། མཱ། སྠཱ་རྣམས་ཀྱི་ཏ་ལ་ཡོན་ཏན་མེད་པ་ལ་འོས་སྲོག་གི་ཨ་ཨི་རུ་བསྒྱུར་བས། སྠི་ཏིཿ གནས་པ་ལྟ་བུའོ། །པྲ་སོགས་ཡོད་ཀྱང་འགའ་ཞིག་ཏུ་ཨཱཏྲ་ལས་ཀྟི་འགྱུར་བ་ཡོད་དེ་སྠཱ་ལས། སཾ་སྠི་ཏིཿ དབྱིབས། གཻ་སྒྲའི་བྱིངས་བསྒྱུར་བའི་གཱ་དང་། པཱ་བཏུང་བ་ལས། དཱ་མ་གཱ་ཡ་ཏི་པི་བ་ཏི། སྠཱ་སྱ་ཛ་ཧཱ་ཏི་རྣམས་ཀྱི་གསལ་བྱེད་དང་པོ་ལ་ཨི་ཡིག་གོས་ཨཱ་ཨཱི། སཾ་གཱི་ཏིཿདབྱངས་སམ་བརྗོད་པ། པྲ་པཱི་ཏིཿ རབ་འཐུངས་ལྟ་བུའོ། །ཨིནྲ་ཀཱ་རི་ཏའི་མཐའ་ཅན་རྣམས་ལས་བུད་མེད་ལ་ཡུ་འགྱུར་ཏེ་ཌུཀྲྀཉྲ་བྱེད་པ་ཧྲྀཉྲ་འཕྲོག་པ་བྷཱུ་ཡོད་པའི་བྱིངས་རྣམས་ལ་ཨིིནྲ་ཀཱ་རི་ཏ་བྱིན་ནས་སྔར་བཞིན་བསྒྲུབས། ཨིཥི། ཤྲནྠི། ཨཱ་ཡི། བནྡི། བི་དི། ཀཱ་རི་ཏའི་མཐའ་རྣམས་ལ་ཡུ་འོས་ཡུ་དང་། ཡུ་བུ་ཛྷ་སོགས་ཀྱི་མདོས་ཡུ་ཨ་ན། ཀཱ་རི་ཏའི་ཨཱམྲ་ཨིཊྲ་སོགས་ཀྱིས་ཨིནྲ་འཇིག །དྲངས་ཀ༔ ཌཱ་པྲ་སོགས་ཀྱིས། ཀཱ་ར་ཱ། བྱེད་པ་དང་འབད་པ། ཧཱ་ར་ཱ། འཕྲོག་པ། བྷཱ་བ་ནཱ། དྲི་སོགས་འབྱུག་པ་དང་བསམ་གཏན་སོགས་

[Full Size]

སོ། །ཨིཥྲ་འགྲོ་བའི་བྱིངས་སམ། ཨིཥྲ་ཡང་ཡང་ངམ་རྟག་པ་ལས་ཡུ་འགྱུར། བྱིངས་དེ་དག་གི་སྔོན་ཏུ་ཨ་ནུ་དང་། །པ་རི། ཨ་དྷི་རྣམས་བཞག །ཡུ་བྱིན། དེ་ཨ་ན། ཨཱ། ཨུ་པ་དྷཱ་ཡང་བའི་ཡོན་ཏན་དང་མཐར་ཨཱསྲ་སོགས་ཀྱིས། ཨ་ནེྭ་ཥཱ། པ།།།ཥཱ། དེ་དག་རིག་པ་སོགས་ཀྱིས་ཆོས་ཀྱི་དོན་འཚོལ་བའི་མིང་ངོ་། །ཨ་དྷྱེ་ཥ་ཱ། བླ་མ་ལ་དོན་གཉེར་བ་སྟེ་གསོལ་བ་འདེབས་པའི་མིང་ངོ་། །འདོད་པ་ཡིན་ན་ཀྟི་ལ། ཨིཥྚིཿའོ། །ནད་བརྗོད་པ་ལ་བུ་ཉའོ། །ནད་བརྗོད་པའི་དོན་ལ་མང་པོར་བུད་མེད་ལ་བུཉྲ་འགྱུར་ཏེ། བ་ཧ་ཐོབ་པ། པྲ་སྔོན་ཚརྡྡ་སྐྱུགས་པ། དེ་དག་ལ་བུཉྲ། ཨིནྲ་ཨིཙ་སོགས་ཀྱིས་ཨུ་པ་དྷཱ་ཡང་བ་འཕེལ། ཉྲདེའི་དོན། ཡུ་བུཛྷ་སོགས་ཀྱིས་བུ་ཨ་ཀ །དྲངས་ནས་ཨཱསྲ་སྦྱར། སི་དབྱི། ཀའི་རྐྱེན་ལ་བུད་མེད་དུ་བྱས་པའི་ཨཱ་ཕ་རོལ་ལ་ཨ་ཨཱ། ཡིག་སྔ་མ་ཨི་ཡིག་གོས་ཧ་དང་དའི་སྲོག་གི་ཨ་ཨི་བྱས་ཀ །པས། པྲ་བཱ་ཧི་ཀཱ། དང་ག་མི་བདེ་བའི་ནད། ཚརྡྡི་ཀཱ། སྐྱུགས་ནད་རྣམས་སོ། །ཀམིདྲ་ལའང་ངོ་། །བྱིངས་ལས་མིང་གི་ཡུལ་ལ་བུད་མེད་ལ་བུཉྲ་འགྱུར་ཏེ། བྷཉྫོ་ཀུན་ཏུ་ཉེད་པ་ལས་བཤད་མ་ཐག་པ་ལྟར་བསྒྲུབས་ནས་ངག་དང་སྦྱར་བས། ཨུདྡཱ་ལ་པུཥྤ་བྷཉྫིྔ་ཀཱཿ

[Full Size]

ལྗོན་ཤིང་སྟེང་འདབ་ཀྱི་མེ་ཏོག་ལ་རྩེ་བ། ཤཱ་ལ་བྷཉྫི་ཀཱ། མིའམ་ཅི་མོ་སོགས་སོ། །པཱ་ི་བ་སོགས་སུ་བྱིངས་དོན་ངེས་པར་བསྟན་པ་ལ་བུཉྲ་འགྱུར་བར་བཤད་པས། ཨཱསྲ་ཉེ་བར་སྡོད་པ། ཤིདྲ་ཉལ་བ་ལས། ཨཱ་སི་ཀཱ། སྡོད་པ། ཤཱ་ཡི་ཀཱ། ཉལ་བ་སྟེ་ཕྱི་མ་འདི་དག་དངོས་པོ་དང་། སྔ་མ་རྣམས་བྱེད་པ་ཅན་གྱི་དཔེར་བརྗོད་དུ་ཡང་འགྲོ་བ་ཡིན་ནོ། །ཡང་། རིམ་པ། འོས་པ། །བུ་ལོན། སྐྱེད་པ་རྣམས་ལ་བུཉ་འགྱུར་བས། ཤཱིདྲ་ཉལ་བ། ཨཤྲ་ཟ་བ་ལས། བྷ་བ་ཏ་ཨཱ་ཤི་ཀཱ། ཁྱོད་ཀྱི་ཟ་རེས། བྷ་བ་ཏཿཤཱ་ཡི་ཀཱ། ཁྱོད་ཀྱི་ཉལ་རེས་ལྟ་བུ་སྟེ་རིམ་པ་ནི་རེས་མོས་ལ་བབ་པའི་དོན་ཏོ། །བྷཀྵ་ཟ་བ་ལས། ཨརྷ་ཏེ་སི་ཏྭ་མ་བྷིཀྵུ་བྷཀྵི་ཀཾ། ཁྱོད་སློང་མོ་མ་ཡིན་པ་ཟ་བར་འོས་སོ། །འོས་པའི་དཔེར་བརྗོད་དོ། །ཁཱ་དྲྀ་ཟ་བ་ལས། དྷཱ་ར་ཡ་ཏི། ཏི་ལ་མོ་ད་ཀ་ཁཱ་དི་ཀཾ །ཏིལ་གྱི་སྣུམ་ཁུར་ཟ་བའི་བུ་ལོན་འཛིན་པར་བྱེད་དོ། །བུ་ལོན་གྱིའོ། །པཱ་བཏུང་བ་ལས། མེ་གྷ་པ་ཡཿཔཱ་ཡི་ཀཱ། སྤྲིན་གྱི་ཆུའི་བཏུང་བ་སྐྱེད། ཨཱཏྲ་མཐའ་རྣམས་ཀྱི་ཨིཙྲ་ལ་ཨཱ་ཡི་འོས་དེ་ལྟར་བསྒྱུར་བ་སྟེ་སྐྱེད་པའི་དཔེར་བརྗོད་དོ། །འདྲི་བ་དང་བཤད་པའི་དོན་ལ་བུད་མེད་ལ་ཨིཉྲ་འགྱུར་ཞིང་། ཇི་ལྟར་ཐོབ་པའི་རྐྱེན་གཞན་ཡང་འགྱུར་ཏེ། ཨིཉྲ་ལ་དཔེར་ན། །

[Full Size]

ཌུཀྲྀཉྲ་ལས། ཨིཉྲ། བྱིངས་འཕེལ། ཉྲ་ཕྱིས། དྲངས། གཉིས་པའི་ཨམྲ། ཐོག་མཐར་ཚིག་གྲོགས་སྦྱར་བས། ཀཱཾ་ཏཱཾ་ཀཱ་རི་ཀཱ་མ་ཀཱརྵཱིཿཅི་ཁྱོད་ཀྱིས་བྱས་སམ་མ་བྱས། སྦཱཾ་ཀྲི་ཡཱ་མ་ཧ་མ་ཀཱརྵཾ། བདག་གིས་བྱ་བ་ཐམས་ཅད་བྱས་སོ། །བཤད་པའོ། །དེ་བཞིན་ཏུ་ཀཱ་རི་མའི་ཚབ་ཏུ། ཀྲྀཉྲ་ལས། ཤ །ཀྟི། ཀྱཔྲ། བུཉྲ་སོགས་སྦྱར་བར་བྱའོ། །ཡང་། ཙཱནྡྲ་པ་སོགས་སུ་དངོས་པོ་དང་བྱེད་པ་ཅན་ལ་སམྦད་ལ་སོགས་པའི་ཀྲིཔྲའི་མཐའ་ཅན་རྣམས་བུད་མེད་དུ་གསུངས་ཏེ། སམྲ་སྔོན་མའི་པདྲ་འགྲོ་བ་དང་། བི་དྲ་ཤེས་པ་ལས་ཀྭིི་པྲ་འཁོར་བཅས་དང་སི་ཕྱིས་པས། སཾ་བདྲ། སམྤདྲ། ཕུན་ཚོགས་སམ་འབྱོར་པ་དང་ཡོན་ཏན་ཕུལ་དུ་བྱུང་བ་སོགས་ལ་འཇུག །བི་པདྲ། ཕོངས་པ། པ་རི་པདྲ། ཀུན་ཏུ་འགྲོ་བ་སོགས་མང་པོའོ། །སཾ་བིཏྲ། ཡེ་ཤེས་སམ་བློ། འདི་རྣམས་ལ་ཀྟི་ལས། སཾ་པཏྟིཿ སོགས་ཀྱང་ངོ་། ༈ །དགག་པའི་ནཉྲ་སྔོན་ཏུ་ཡོད་པས་ཁྲོས་ཚིག་རྟོགས་པར་བྱེད་པ་ལ་ཨ་ནི་འགྱུར་ཏེ། ཛ་ནཱི་རབ་ཏུ་སྐྱེ་བ། བྷཱུ་ཡོད་པ། ཀྲྀཉྲ་བྱེད་པ་དག་ལས། ནཉྲ་སྔོན། ཨ་ནི་ཕྱིས། བྱིངས་ཕྱི་མ་ཡོན་ཏན་དང་། དྲངས་ནས། སི་བྱིན། ཉྲ་ཁྱད་

[Full Size]

དོན་དང་། དེའི་སྐྱེས་བུ་ལ་ནའི་དགྱིའོ་སོགས་ཀྱི་སནྲ་ཕྱིས་ལ་བཞག །ངག་དང་སྦྱར་བས། ཏསྱཱ་ཛན་ནི་རེ་བཱསྟུ། དེ་མི་སྐྱེ་བ་ཉིད་དུ་གྱུར་ཅིག །ཨ་ཀ་ར་ི་སྟེ་བྲྀ་ཥ་ཨ་བྷཱུ་ཡཱཏྲ། དམངས་རིགས་སུ་འགྱུར་བས་མི་བྱ་བ་དེ་རྣམས། ལྟ་བུའོ། །དེ་ལྟར་བུད་མེད་ཀྱིས་རྟགས་སུ་བསྒྲུབས་པའི་ཀྲྀཏྲ་རྐྱེན་རྣམས་སོང་ངོ་། ༈ །སྐབས་འདིར་ཀུན་མཁྱེན་ཟླ་བའི་ཞབས་ཀྱིས། །རང་གི་ངོ་བོ་ལ་ཨི་ཀི། ཤྟིསྲ་རྣམས་སོ། །ཞེས་བྱིངས་རང་གི་ངོ་བོ་ཙམ་ངེས་པར་བསྟན་པའི་དོན་ལ་རྐྱེན་དེ་རྣམས་འགྱུར་བར་གསུངས་པས། ཨི་དི་མཆོག་གི་དབང་ཕྱུག །ཨི་དིཏྲའི་ནུམྲ། བཙྲ་འཚེད་པ། ཡ་ཛ་ལྷ་མཆོད་པ་རྣམས་ལ་འདིས་ཨི་དང་སི། ཨིནྡིཿས་ཙིཿ ཡ་ཛིཿ གྲུབ་སྟེ། ཀ་ལཱ་པར། ཀ་ པ་ཙི། བ་ཙི། སི་ཙི། རི་ཙི། མུ་ཙི་ལས་ཙ་ལས་སོ། །གསུངས་པ་ལྟ་བུའི་བྱིངས་རྣམས་ལ་ཨི་རྗེས་འབྲེལ་དུ་བསྟན་པ་རྣམས་ནི་འདི་ཡི་དོན་ཡིན་པར་ཤེས་པར་བྱའོ། །དེ་བཞིན་ཏུ། ཡུ་དྷ་འཁྲུགས་པ། ཡ་ཛ་ལྷ་མཆོད་པ། ཊུ་བ་པ་ས་བོན་འདེབས་པ་རྣམས་ལས་ཀི་དང་། ཕྱི་མ་དག་མཐར་གནས་པ་ཕ་རོལ་གྱི་དབྱངས་དང་བཅས་པའི་སམྲ་པྲ་སཱ་ར་་འོས་སཾ་ཕྲ་སཱ་ར་་དང་། སི་བྱིན་པས། ཡུ་དྷི། ཨ་ཛིཿཨུ་པིཿརྣམས་གྲུབ། །

[Full Size]

ཌུ་བ་ཙཥྲ་འཚེད། བྷཱུ་ཡོད། ཧུ་སྦྱིན། དི་བུ་རྩེ་བ་རྣམས་ལས་ཤྟིསྲ་བྱིན། དེ་ཤྲ་རྗེས་སུ་འབྲེལ་བ་ཅན་ཡིན་པས་བྱིངས་ཐམས་ཅད་པ་བཞིན་བྱ་དགོས། སྔ་མ་གསུམ་ལ་ཨནྲ་བི་དང་། ཧུའི་གཉིས་བརྗོད། ཡོན་ཏན་སོགས་དང་། དིབྲ་ལ་ཡནྲ་བི་བྱིན། ཨུ་པ་དྷཱ་རིང་། སི་རྣམ་བཅད་བྱས་པས། པ་ཙ་ཏིཿ བྷ་བ་ཏིཿ ཛུ་ཧོ་ཏིཿ དི་བྱ་ཏིཿ རྣམས་འགྲུབ། ཡང་། འཇམ་དཔལ་བརྡ་སྤྲོད་ལས་ཨ་དང་ཀའི་རྐྱེན་དག་བཤད་པས། བ་ད་སྨྲ། བ་ས་གནས། ཨ་བྱིན་པསཿ བ་དཿ བ་སཿ མྲྀ་ཌ་བདེ་བྱེད་དང་། མྲྀ་ད་ཉེད་པ་ལས་ཀ་ལ། མྲྀ་ཌཿ མྲྀ་དཿ ལྟ་བུ་སྟེ་དེ་རྣམས་གང་ལ་སྦྱར་བའི་བྱིངས་དེ་ཉིད་གསལ་བར་སྟོན་པ་ཙམ་ལས་དོན་གྱི་འཇུག་ཡུལ་གཞན་མེད་དོ། །ཡང་། དབྱངས་ཅན་ལས། ཡི་གེ་ལས་ཀཱ་རའོ། །དེའི་འགྲེལ་པར། ཨ་ཡིག་མཐའ་ཅན་ལ་སོགས་པ་ཀྵ་ཡི་མཐར་ཐུག་པའི་ཡི་གེ་རྣམས་ལ་ཀཱ་ར་རྐྱེན་ཏུ་འགྱུར་རོ། །ཀ་ཞེས་པའི་ཡི་གེ་ནི། ཀ་ཀཱ་རཿ འོ་ལ་སོགས་པ་དང་། ར་ལས་ཨི་ཕ་ཡང་ནའོ། །ར་ཞེས་པའི་ཡི་གེ་ནི། རེ་ཕ་སྟེ་ཕྱོགས་གཅིག་ལ་ར་ཀཱ་རཿའོ་ཞེས་གསུངས་སོ། །ཀྲྀཏྱ་དང་ཡུཊྲ་རྣམས་གཞན་ལའང་ངོ་། །ཞེས་སྔར་བཤད་པའི་ཀྲྀཏྱ་རྣམས་དང་འོག་

[Full Size]

གི་ཡུཊྲ་རྣམས་འཇུག་ཡུལ་དངོས་སུ་བསྟན་པ་དེར་མ་ཟད་དོན་གཞན་ལའང་རྣམ་པ་མང་པོར་འགྱུར་ཏེ། དཔེར་ན། ཨ་ནཱི་ཡ་ལ། སྣཱ་ནཱི་ཡཾ་ཙཱུརྞྞཾ། འཁྲུད་བྱེད་ཁྲུས་ཆལ། ཞེས་པ་ལྟ་བུའང་ཤེས་པར་བྱའོ། །ཡུཊྲའང་ངོ་ཤེས་བྱིངས་ལས་མང་པོ་ལ་ཡུཊྲ་རྐྱེན་ཏུ་འགྱུར་ཏེ། ཤམླྀ་འགྲོ། བྷུ་ཛ་ཟ་བ་དག་ལས་ཡུཊ། ཊ། ཊ་ཕྱིས། ཡུ་ཨ་ན། བྱིངས་ཡོན་ཏན། སི་མུ་བྱས་པས། ག་མ་ནཾ། ཀཱ། འགྲོ་བ། བྷོ་ཛ་ནཾ། ཟ་བ། དཱཉྲ་ལས། དཱ་ནི། སྦྱིན་པ་སོགས་ཏེ་ཞིབ་པར་གོང་དུ་མ་ནིང་གི་རྟགས་ཀྱི་སྐབས་སུ་བྲིས་པ་ལས་ཤེས་པར་བྱ་སྟེ། འདི་ནི་འཇུག་ཚུལ་ཆེའོ། །ཡང་། ཙཱནྡྲ་པར། ཀྲྀཉྲ་ལས་བྱེད་པ་པོ་ལའོ། །ཞེས་པས་ཀ་རོ་ཏི་ལས་ཡུཊྲ་འགྱུར་ཞིང་དེ་རིང་པོར་བྱས། ཀཱ་ར་ཾ། བྱེད་པ་པོ་སྟེ་རྒྱུའོ། །སྐྱེས་པ་ལ་མིང་ལ་གྷའོ། །ཞེས་པའི་རྟགས་ལ་མིང་གི་ཡུལ་ལ་མང་པོ་ལ་གྷ་རྐྱེན་ཏུ་འགྱུར་ཏེ། བ་ཙྲ་སྨྲ་བ། ཚ་ད་ཀུན་ནས་སྒྲིབ་པ། དནྟ་སྔོན། གྲྀ་རྗོད་པར་བྱེད་པ། ཀྲྀཉྲ་ ཀཱ་ འཚེ་བ་ཨཱདྲ་སྔོན། ལིདྲ་སྦྱོར་བར་བྱེད་པ། ཤཱིདྲ་ཉལ་བ། དེ་དག་ལ་ཨཱདྲ་སྔོན། རྗེས་འབྲེལ་རྣམས་ཕྱིས། འདིས་གྷ། ཚ་ད་ལས་ཨིནྲ་ཀཱ་རི་ཏ་དང་། བྱིངས་འཕེལ། ཀ་ཚ་དིའི་གྷ་

[Full Size]

ཨིསྲ་མནྲ་ཏྲན་ཀྭི་པྲ་རྣམས་ལའང་ངོས་སླར་ཡང་ཐུང་། །ཙ་ཛ་དག་གི་སོགས་ཀྱིས་ཀྲ་གྲ་རུ་བསྒྱུར། བྱིངས་ཡོན་ཏན། ཨིནྲ་འཇིག་ནས་དྲངས། སི་བྱིན་པས། བ་ཀཿ བྱའི་རིགས་ཆུར་སྒྲོགས་དང་། བཱ་ཀའི་མེ་ཏོག །ལྷའི་སྲིན་པོ། དནྟ་ཙྪ་ཏཿ སོ་སྒྲིབ་སྟེ་མཆུ། དབྱངས་ལས་ཕ་རོལ་ཚ་ཡིག་གཉིས། སྒྲ་མེད་པ་ལ་དང་པོ་བྱས་པའི། །ག་རཿ ནད་ཀྱི་བྱེ་བྲག་དང་། བོང་དཀར་དང་། དུག། ཨཱ་ཀ་ར། འབྱུང་ཁུངས། ཨཱ་ལ་ཡཿཁང་པ། ཨཱ་ཤ་ཡཿབསམ་པ་དང་གཞན་ལ་བརྟེན་པ་སོགས་སོ། །གོ་སྔོན་མའི་ཙ་ར་འགྲོ་བ་ལས། གོ་ཙ་རཿ སྤྱོད་ཡུལ་ཏེ་འདི་རྣམས་ཀྱང་གྷའི་མཐའ་ཅན་ཏུ་ཤེས་པར་བྱའོ། །ཉེ་ཚིག་ཨི་ཥཱཏྲ། སུ། དུརྲ་རྣམས་སྔོན་མའི་བྱིངས་ལས་དཀའ་བ་དང་མི་དཀའ་བའི་དོན་ལ་ཁལྲ་འགྱུར་ཏེ། ཉེ་ཚིག་དེ་རྣམས་སྔོན་མའི་ཀྲྀཉྲ་ལས་ཁལ། ལྲ་ཁྱད་དོན་ཕྱིས། གྲངས་མེད་པ་སྟེ་མི་ཟད་པ་ལས་མ་ཨཱ་ག་མ་མི་འགྱུར་བ་བྱིངས་ཡོན་ཏན་སོགས་བྱས་པས། དུཥྐ་རཿབྱ་དཀའ་བ། ཨཱི་ཥཏྐ་རཿསུ་ཀ་རཿདེ་དག་བྱ་སླ་བ་སྟེ་བདེ་བླག་ཏུ་བྱ་བའོ། །དེས་གཞན་ལའང་འགྲེའོ། ༈ །ཨཱིཥྲཏ་སོགས་ལས་ད་རི་དྲཱ་མིན་པའི་བྱིངས་ཨཏྲ་མཐའ་ཅན་ལས་ཡུ་

[Full Size]

འགྱུར་ཏེ། པཱ་བཏུང་བ་ལས། ཨཱི་ཥཏྤཱ་ནཿསོ་མོ་བྷ་བ་ཏཱ། ཁྱོད་ཀྱིས་ཟླ་བའི་བཏུང་བ་བདེ་བླག་ཏུ་འཐུང་། དུཥྤཱ་ནཿ དཀའ་བར་འཐུང་། སུ་པཱ་ནཿ པ་དེ་བ་འཐུང་སོགས་ཏེ་ད་རི་དྲཱ་ལས་ནི་ཁལྲ་ལོ། །ཡང་། འདོད་པའི་དོན་གྱི་བྱིངས་ལས་བྱེད་པ་པོ་ཐ་དད་པ་མ་ཡིན་པ་ལ་ཏུམྲ་འགྱུར་ཏེ། དེའང་འདོད་པའི་དོན་དེ་ཉིད་ཉེ་བའི་ཚིག་ཏུ་ཡིན་ནའོ། །བྷཱུ་ཛ་ཟ་བ་ལས་ཏུམྲ་དང་ངག་སྦྱར་བས། བྷོཀྟུ་མིཙྪ་ཏི། ཟ་འདོད་པར་བྱེད། ལྟ་བུའོ། །བྱེད་པ་པོ་ཐ་དད་པ་ཡིན་ན། དེ་བ་དཏྟཾ་བྷུཉྫ་ནཾ་ཨིཙྪ་ཏི་ཡཛྙ་དཏྟཿལྷས་བྱིན་ཟ་བར་བྱེད་ཅིང་། མཆོད་སྦྱིན་འདོད་པར་བྱེད། ལྟ་བུ་ད་ལྟ་བ་ལ་ཨཱ་ན་ཤྲའོ། །མིང་གི་སྨོན་པའི་ཡུལ་ལ་ཏིཀྲ་དང་ཀྲྀཏྲ་རྐྱེན་གཞན་འཇུག་སྟེ། རྒྱས་པར་གྱུར་ཅིག་ཅེས་པའི་དོན་ལ་ཏ་ནུ་རྒྱས་པ་ལས་ཏནྟིཿ འཕེལ་བ་ཤོག་ཅེས་པར། བྲྀ་དྷུ་འཕེལ་བ་ལས། བྲྀདྡྷིཿ སྟེ་ཏིཀྲ་གོ། །ལྷ་རྣམས་ཀྱི་འདི་ལ་སྦྱིན་པར་ཤོག་ཅེས་པར། དཱ་ལས་ཀྟ་ལ་དེ་བ་དཏྟཿ ལྟ་བུའོ། ༈ །མི་ཟད་པའི་ཨ་ལི་ཁ་ལུ་དག་དགག་པའི་དོན་ཏུ་སྦྱོར་ན་དོན་དེ་ལ་བྱིངས་ལས་ཀྟྭཱ་འགྱུར་ཏེ། ཀྲ་ཡིག་ནི་ཀ་ལ་ཀ། ཡ་བཞིན་སོགས་ཀྱི་དོན་ཏེ་ཕྱིས། ཌུཀྲྀཉྲ་ལ་ཀྟྭཱ། མི་ཟད་པ་ལས་སི་ཕྱིས་པས། ཨ་ལཾ་ཀྲྀཏྭཱ། ཁ་ལྲ་ཀྲྀཏྭཱ། །

[Full Size]

མ་བྱེད་ཅིག་ལྟ་བུའོ། །ཡང་། བྱེད་པ་པོ་གཅིག་གིས་བྱ་བ་གཉིས་བྱེད་པའི་ཚེ་བྱ་བ་སྔོན་མ་དེ་ལ་ཀྟྭཱ་འགྱུར་ཏེ། བྷུ་ཛ་ཟ་བ་དང་། པཱ་འཐུང་བ་ལས་ཀྟྭཱ། ཙ་སྡེའི་འདྲ་བའི་ཡི་གེ་སོགས་ཀྱི་ཛྲ་ཀྲ། དཱ་མཱ། གཱ་ཡ་ཏི། པི་བ་ཏི། སྠཱ། སྱ་ཏི། ཛ་ཧཱ་ཏི་རྣམས་ཀྱི་གསལ་བྱེད་དང་པོ་ལ་ཨཱི་ཡིག་གོས་སཱ་སཱི། ངག་དང་སྦྱར། སི་ཕྱིས་པས། བྷུཀྟྲཱ་བ་ཛ་ཏི། ཟོས་ནས་འགྲོ། པི་ཏཱ་ཤེ་ཏེ། འཐུང་ནས་ཉོལ་ལྟ་བུའོ། །ཡང་བྱེད་པ་པོ་གཅིག་གི་བྱ་ཨཱ་བ་མང་པོར་རིམ་ཅན་ཏུ་བྱེད་པ་ལ་ཕྱི་མར་ལྟོས་ནས་སྔ་མ་སྔ་མར་ཀྟྭཱ་འཇུག་སྟེ། ཥྞཱ་གཙང་བ། ཐུ་ཐོས་པ། བྷུ་ཛྲ་ཟ་བ་རྣམས་ལས་ཀྟྭ། མཐར་བྲ་ཛ་ཏི་སྦྱར་བས་སྣཱ་ཏྭཱ་ཤྲཱུ་ཏྭཱ་བྷུ་ཀྟྭཱ་བྲ་ཛ་ཏི་བཀྲུས་ནས་མཉན་ནས་ཟོས་ནས་འགྲོ་བར་བྱེད། བྱེད་པ་པོ་ཐ་དད་པ་ཡིན་ན་མི་འགྱུར་ཏེ། བྷུཀྟ་བ་ཏི་དེ་བ་དཏྟེ་ཡཛྫ་དཏྟོ་བྲ་ཛ་ཏི། ལྷས་བྱིན་གྱིས་ཟོས་པའི་ཚེ་མཆོད་སྦྱིན་འགྲོ་བར་བྱེད་དོ། །ལྟ་བུ་སྟེ། བྷུ་ཛ་ལས་ཀྟ་བ་ཏུ་དང་བདུན་པའི་དིའོ། །དུས་སྔ་ཕྱི་ཅན་མ་ཡིན་ནའང་མི་འགྱུར་ཏེ། བྷུཾཀྟེ་ཙ་པ་ཙ་ཏི་ཙ། ཟ་ཞིང་འཚེད་པར་ཡང་བྱེད་དོ། །ལྟ་བུ་སྟེ་བརྟ་མཱ་ནའོ། །ཡང་། འཇིག་རྟེན་པའི་ཉེ་བར་སྤྱོད་པ་ལས་དུས་གཅིག་ཅར་བ་ལའང་འཇུག་པ་ཡོད་དེ། བོད་སྐད་དུ། མིག་འཛུམ་བཞིན་ཏུ་དགོད་དོ། །ཟེར་རྒྱུ་ལ། མིག་བཙུམ་ནས་དགོད་དོ་ཟེར་བ་ལྟ་བུ་སྟེ། སཾ་སྔོན་མའི་མི་ལ་ཟུམ་པ་ལས། ཀྟྭཱ། ནཉྲ་མིན་པའི་ཚིག་སྡུད་ལ་ཀྟྭཱའི་ཡཔྲ་ཏུ་བསྒྱུར་བ་སོགས་ཀྱིས། སམྨཱི་ལྱ་ནེ་ཏྲི་ཧ་པ་ཏི། ཞེས་སོ། །

[Full Size]

ཕ་རོལ་ཚུ་རོལ་སྦྱོར་བ་ལ་ཀྟྭཱ་འགྱུར་ཏེ། ཨ་ཏི་སྔོན་མའི་ཀྲ་མུ་རྐང་པ་བསྐྱོད་པ་ལས་ཀྟཱཱའི་ཡཔྲ་དུ་བསྒྱུར་བས། ནཱ་ལ་ཡ་མ་ཏི་ཀྲ་མྱ་ཡོ་བ་ནཾ། བྱིས་པ་ཉིད་ལས་འདས་པའི་ཕ་རོལ་དུ་དར་མའོ། །ལྟ་བུའོ། །བྱེད་པ་པོ་གཅིག་གི་བྱ་བ་སྔོན་མ་ལ་ཡང་ཡང་གི་ཁྱད་པར་ལ་འཇུག་པའི་ཚེ་མྲ་ཡང་ན་འགྱུར་ཏེ། བྷུཛྲ་ལ་མྲ། ཨུ་པ་དྷཱ་ནཱ་མིན་གྱི་ཡང་བའི་ཡོན་ཏན། ཊཱ་བྱིན། མི་ཟད་པ་ལས་འཇིག །ཡང་ན་ཀྟྭཱ་སྔར་ལྟར་སྦྱར། ཡང་ཡང་ལ་མྲ་ཡང་ན་ཏེ་ཚིག་གཉིས་ཀྱང་ངོས་དེ་གཉིས་བརྗོད། ངག་དང་སྦྱར་བས། བྷོ་ཛཾ་བྷོ་ཛཾ་བྲ་ཛ་ཏི། བྷུཀྟྭཱ་བྷུཀྟྭཱ་བྲ་ཛ་ཏི། ཟོས་ཤིང་ཟོས་ནས་འགྲོའོ། །སྨྲྀ་སེམས་པ་ལས།མྲ། སྨཱ་རཾ་སྨཱ་རཾ་ན་མ་ཏི་བུདྡྷཾ། དྲན་ཅིང་དྲན་ནས་སངས་རྒྱས་ལ་འདུད་པར་བྱས། ཡང་ན། སྨྲྀ་ཏྭཱཱ་སྨྲྀ་ཏྭཱཱ་ན་མ་ཏི་བུདྡྷཾ་སྟེ་ཀྟྭཱའོ། ཡང་། ལས་ཉེ་བའི་ཚིག་ཐུང་ངུའི་མཐའ་ཅན་སྔོན་མའི་ཀྲྀཉྲ་བྱེད་པ་ལས་སྦྱོ་བ་རྟོགས་པར་བྱེད་པའི་སྔོན་མའི་ལས་ལ་ཁ་མིཉྲ་འགྱུར་ཏེ། དཱ་སྻཾུ་སྔོན་མའི་ཀྲྀཉྲ་ལས། ལས་ལ་ཀྲྀ་ལས་ཁྲོས་ཚིག་ལ་ཁ་མི་ཉའོས་དེ་བྱིན་ནས་ཨིཉྲ་རྗེས་འབྲེལ་ཕྱིས། ཚིག་སྡུད་ལས་རྣམ་དབྱེ་འཇིག །དེ་མཐར་མ་ཨཱ་ག་མ་དང་ཁྲ་དེའི་དོན་ཕྱིས། བྱིངས་འཕེལ་ནས་དྲངས། ཀ། །

[Full Size]

། འདིར་རྣམ་དབྱེ་གསུམ་པ་ཐོབ་ཀྱང་མི་ཟད་པ་མ་མཐའ་ཅན་ལས་འཇིག་པས་དཱ་སྱཾུུ་ཀཱ་ར་མཱ་ཀྲོ་ཤ་ཏི། བྲན་ཏུ་བྱས་ནས་སྤྱོ་བར་བྱེད། ལྟ་བུའོ། །སྐྱོ་བ་མིན་ན་ཀྟྭ་སྟེ། སཱ་དྷུཾ་ཀྲྀ་ཏྭཱ་སྟཽ་ཏི། ལེགས་པར་བྱས་ནས་བསྟོད་དོ། །ལྟ་བུའོ། །ཡང་། ཞིམ་པོའི་རོའི་དོན་ཅན་གྱི་ཉེ་ཚིག་ཐུང་ངུ་སྔོན་མའི་ཀྲྀཉྲ་ལས་ཁ་མིནྲ་འགྱུར་ཏེ། སྭཱ་དུཾ་ཀཱ་རཾ་བྷུཾ་ཀྟེ། ཞིམ་པར་བྱས་ཏེ་ཟའོ། །སམྤནྣཾ་ཀཱ་རཾ་བྷུཾཀྟེ། ལེགས་པར་སྦྱར་བར་བྱས་ཏེ་ཟའོ། །ལ་བ་ཾ་ཀཱ་རཾ་བྷྲཾུཀྟེ། ལན་ཚྭ་བྲོ་བར་བྱས་ནས་ཟའོ། །མཐའ་རིང་པོ་ཡིན་ན་ཀྟྭཱ་སྟེ། ནཉྲ་མིན་པའི་བསྡུ་བ་འབྱུང་བ་ལ་ཀྟྭཱའི་ཡཔྲ་འོས། ཀྲྀ་ལས་ཀྟཱའི་ཡཔྲ་དང་། དེ་པ་རྗེས་འབྲེལ་ཅན་ཡིན་པས་བྱིངས་ནཱ་མའི་ཐུང་ངུའི་མཐར་ཏ་ཨཱ་ག་མ་ཐོབ་པས། སྭཱ་དུ་ཀྲྀཏྱ་བྷུཀྟེ། ལྟ་བུའོ། །མཐའ་དག་ལ་དྲྀ་ཤིར་ལྟ་བ་ལས་མྲ་འགྱུར་ཏེ། དཔེར་ན། གུ་་དརྴཾ་པྲ་་མ་ཏི། ཡོན་ཏན་མཐའ་དག་མཐོང་ནས་རབ་ཏུ་འདུད་པར་བྱེད་དོ་ལྟ་བུའོ། །དཔེའི་དོན་ཅན་གྱི་ལས་དང་བྱེད་པ་པོའི་ཉེ་ཚིག་སྔོན་ཏུ་ཡོད་པ་ལས་བྱིངས་ལས་མྲ་འགྱུར་ཞིང་། བྱིངས་དེ་སླར་ཡང་རྗེས་སུ་སྦྱར་རོ། །་ཤ་ལྟར་མེད་པ། ཌུ་དྷཱཉྲ་འཛིན་པ་ལས་མྲ། བྱིངས་སྔ་མའི་དང་པོའི་འི་

[Full Size]

ན། རྐྱེན་གྱི་་ཨིཙ་བཞིན་ཏུ་འགྱུར་བའི་དོན་ཏེ་ཕྱིས། སྲོག་གི་ཨ་བཞག །བྱིངས་སྔ་མའི་ཨུ་པ་དྷཱ་འཕེལ། ཕྱི་མར་ཨཱཏྲ་མཐའ་རྣམས་ཀྱི་ཨིཙྲ་ལ་ཨཱ་ཨི། མི་ཟད་པ་ལས་སི་འཇིག་པ་སོགས་ཀྱིས། ཙུ་ཌ་ཀ་ནཱ་ཤཾ་ནཥྚཱཿ གཙུག་ཕུད་ཅན་གྱིས་བཞིན་ཏུ་བཅོམ་ནས་མི་སྣང་བར་བྱས། སུ་བརྞྞ་ནི་དྷཱ་ཡཾ་ནི་ཧི་ཏཿ ཨཱ་གསེར་བཞིན་ཏུ་བཅོལ་ནས་གཏད་པར་བྱས། དེ་དག་སྔོན་མ་བྱེད་པ་པོ་དང་ཕྱི་མ་ལས་ཀྱི་དཔེར་བརྗོད་པའོ། །གསུམ་པའི་མཐའ་ཅན་ཉེ་བའི་ཚིག་ལས་འཚེ་བའི་དོན་ཅན་གྱི་བྱིངས་བྱ་བའི་ལས་གཅིག་པའམ། ལས་མཚུངས་པ་རྣམས་ལས་་མུལ་འགྱུར་ཏེ། ཨུ་པ་སྔོན་མའི་ཧ་ན་འཚེ་བ་ལས་མྲ། བྱིངས་འཕེལ། རྗེས་འབྲེལ་ཕྱིས། ཧནྟིའི་ནའོ་ཞེས་པས་ན་ཏ། ཨཱ་ ཧ་ནྟའི་ཧའི་ཨིནྲ་ཨིཙ་དག་ལ་གྷ་འོས་ཧ་གྷ། དག་དང་སྦྱར་བས། དཎྜོ་པ་གྷཱ་ཏཾ་གོ་ཤཱ་དཱ་ཡ་ཏི། དབྱུག་པས་བསྣུན་ནས་བ་ལང་རྣམས་དེད་པར་བྱེད་དོ་ལྟ་བུ་བསྣུན་པ་དང་འདེད་པ་གཉིས་ཀའི་ལས་བ་ལང་ལ་གཅིག་པས་བྱ་བ་སྔ་མ་ལ་མྲ་ཐོབ་པ་ཡིན་ནོ། །ཚིག་སྡུད་མི་བྱེད་ན། དཎྜེ་ནོ་པ་གྷཱ་ཏ་སོགས་ཀྱང་སྦྱར་བར་བྱའོ། །ལས་མི་མཚུངས་ན། དཎྜེ་ནོ་པ་ཧ་ཏྱ་བྷཱུ་མི༚་གཿཤཱ་ད་ཡ་ཏི་གོ་པ་ལ་ཀཱཿས་གཞི་ལ་དབྱུག་པས་བསྣུན་ནས་བ་ལང་རྣམས་ཕྱུགས་རྫི་རྣམས་ཀྱིས་འདེད་པར་

[Full Size]

བྱེད་དོ་ལྟ་བུ་སྟེ་འདིར་བསྣུན་པའི་ལས་ས་གཞི་དང་། འདེད་པའི་ལས་བ་ལང་ཡིན་པས་བྱ་བ་སྔ་མའི་དོན་ཏུ་ཧྲན་ལས་ཀྟྭཱའི་ཡསྲ་སུ་བསྒྱུར་བའོ། །ཡང་རྣམ་དབྱེ་གསུམ་པ་དང་བདུན་པའི་མཐའ་ཅན་སྔོན་མའི་བྱིངས་ལས་ཆེས་ཉེ་བ་དང་། ཚད་རྟོགས་པར་བྱེད་པ་ལ་མྲ་འགྱུར་ཏེ། གྲ་ཧ་ཉེ་བར་ལེན་པ་ལས་མྲ། ཀེ་ཤ་གྲཱ་ཧཾ་ཡུ་དྷྱནྟེ། གྲ་རྣམས་ལ་འཇུས་ནས་འཐབ་པར་བྱེད་དོ། །ཡང་ན། ཀེ་ཤེ་ཥུའང་སྦྱར་རོ། །གསུམ་པ་ལས། ཀེ་ཤཻསྒྲཱ་ཧཾ། ཞེས་ཀྱང་ངོ་། །ཡང་། ཨུད་སྔོན་མའི་ཀྲཾཥྲ་འདྲེན་པའི་དོན་ལ་མྲ་སྦྱར། ཚིག་གྲོགས་དང་བསྡེབས་པས། དྭྱངྒུ་ལོཏྐརྵཾ་གཎྜི་ཀཱཾཙྪི་ནཏྟི། སོར་གཉིས་སུ་དྲངས་ནས་གཎྜི་ཀཱ་གཅོད་པར་བྱེད་དོ། །དྭྱངྒུ་ལ་ཡུཏྐརྵཾ། ཞེས་སྦྱར་ཏེ་སྔ་མ་ཆེས་ཉེ་བ་དང་ཕྱི་མ་ཚད་ཀྱི་དཔེར་བརྗོད་དོ། །ཡང་། རྣམ་དབྱེ་ལྔ་པ་དང་གཉིས་པའི་མཐའ་ཅན་གྱི་ཉེ་བའི་ཚིག་ལས་མྱུར་བ་རྟོགས་པར་བྱེད་པ་ལ་མྲ་འགྱུར་ཏེ། ཨུདྲ་སྔོན་མའི་ཥྛཱ་འགྲོ་བ་ལས་ལྡོག་པ་ལས་མྲ། ཥྛཱའི་སྠཱ། ཨུཏྲ་ལས་སྠཱ་སྟམྦྷ་དག་གི་ཏའོས་སྲ་ཏྲ། འཇིག་རྟེན་པའི་ཉེར་སྤྱོད་ལས་ཨུཏྲ་ཀྱི་ཏྲ་ཕྱིས། ཨཱཏྲ་ཀྱིས་ཨཱ་ཡི་སོགས་ཀྱིས། ཤ་ཡྻོཏྠཱ་ཡཾ་བྲ་ཛ་ཏི། མལ་སྟན་ལས་མྱུར་བར་ལངས་ནས་འགྲོ་བར་བྱེད། གྲ་ཧ་

[Full Size]

ལས་མྲ། ཡཥྚི་གྲཱ་ཧཾ་ཡུ་དྷྱནྟེ། ལྕགས་དབྱུག་བཟུང་ནས་འཐབ་པར་བྱེད། ཡང་ན་དེ་དག་གི་རྣམ་དབྱེ་མ་བསྡུས་པས། ཤཡྻཱ་ཡཱ་ཨུ་ཏྠཱ་ནཾ་བྲ་ཛ་ཏི། ཡཥྚིངྒྲཱ་ཧཾ་ཡུ་དྷྱནྟེ། སྔ་མ་ལྔ་པ་དང་ཕྱི་མ་གཉིས་པའི་དཔེར་བརྗོད་དེ། དེ་ནི་ལྕགས་དབྱུག་གམ་མདའ་བོ་ཆེ་བཟུང་ནས་ཏབ་ཏབ་བོར་འཐབ་པའི་དོན་ཏོ། །ཡང་རྣམ་དབྱེ་གཉིས་པའི་མཐའ་ཅན་ཉེ་བའི་ཚིག་ལས་མི་བརྟན་པར་རྟོགས་པར་བྱེད་པ་ལ་བྱིངས་ལས་མྲ་འགྱུར་ཏེ། དེའང་སྨིན་མ་དང་མཛུབ་མོ་སོགས་རང་གི་ཡན་ལག་མི་བརྟན་པ་ལས་སོ། །ཀྵིི་པ་འཕེན་པ་ལས། བི་སྔོན།མྲ་དང་། ཨུ་པ་དྷཱ་ཡོན་ཏན་སོགས་ཀྱིས། བྷྲཱུ་བིཀྵེ་པཾ་བ་ད་ཏི། བྷཱུ་བཾ་བིཀྵེ་པཾ་བ་ད་ཏི། སྨིན་མ་སྐྱོད་ཅིང་སྨྲ་བར་བྱེད་དོ། །ནི་སྔོན་མའི་ཀ་ན་ཟུམ་པར་བྱེད་པ་ལས། ཨཀྵིི་ནི་ཀཱ་ནཾ་ས་མ་དྷི་ཡ་ཏེ། མིག་ཟུམ་པར་བྱེད་ཅིང་ཏིང་ངེ་འཛིན་ལ་འཇོག་གོ། བརྟན་པ་ཡིན་ན་ཀྟཱ་སྟེ། ཨུཏྐྵི་སྱ་ཤི་རཿཀ་སྲ་ཡ་ཏི། མགོ་བོ་བཏེག་ནས་སྨྲ་བར་བྱེད་དོ་ལྟ་བུའོ། །འདིར་འགྲེལ་པ་ལས། གང་ཞིག་བཅད་ན་སྲོག་ཆགས་འཆི་བར་འགྱུར་བ་དེ་ནི་བརྟན་པའོ། །ཞེས་བཤད་པས། མགོ་བོ་ལྟ་བུ་བཅད་ན་སྲོག་ཆགས་དེ་འཆི་བར་འགྱུར་བའི་ཕྱིར་བརྟན་པ་ཞེས་ཟེར་ལ། མིག་དང་སྨིན་མ་སོགས་བཅད་ཀྱང་མི་འཆི་བས་

[Full Size]

མི་བརྟན་པ་ཞེས་བྱའོ། །བརྟན་པའི་རང་གི་ཡན་ལག་གཉིས་པའི་མཐའ་ཅན་ཉེ་བའི་ཚིག་ལས་བྱིངས་ལས་མ་འགྱུར་ཏེ། པྲ་ཏི་སྔོན་མའི་པིཥླི་ཕྱེ་མར་འཐག་པ་ལས།མྲ། ངག་དང་སྦྱར་བས། ཨུ་རཿཔྲ་ཏི་བེ་ཥཾ་ཡུ་དྷྱནྟེ། ཨཱུ་རཱ་སི་པྲ་ཏི་བཻ་ཥཾ་ཡུ་དྷྱནྟེ། བྲང་རྣམས་འགས་འགས་སུ་འཐབ་པར་བྱེད་དོ། །འདིར་ཨུ་རསྲ་ལ་ཤ་སྲའོ། །ཡང་། ཨ་ལཾའི་དོན་གྱི་ཁྱད་པར་ཆོག་གོ་ཞེས་བརྗོད་པའི་དོན་ཅན་ཉེ་བའི་ཚིག་ལས་བྱིངས་ལ་ཏུམྲ་འགྱུར་ཏེ། ཨ་ལཾ་བྷོཀྟཾུ་པཱ་ཏ་ཡ་ཏི། ངོམ་པར་བྱེད་པའི་ཟས་ཀྱིས་ཆོག་གོ། །ལྟ་བུ་སྟེ། དེས་ནི་མདོ་གཞུང་དུ་བཤད་པའི་ཀྲྀཏྲ་རྐྱེན་ཉེར་མཁོ་ཕྱོགས་ཙམ་བཤད་ཟིན་ནས། གཞན་ཡང་དུས་དང་དུས་ཀྱི་དབྱེ་བ་མེད་པར་མིང་སོགས་ལ་ཅི་རིགས་པར་འཇུག་པའི་ཨུྲ་སོགས་ཀྱང་གལ་ཤིན་ཏུ་ཆེ་ནའང་། འདིར་སྨོས་སུ་མ་ལངས་པས་ཨུྲ་སོགས་ཀྱིས་མདོར་བལྟ་བར་བྱ་དགོས་ལ། འོན་ཀྱང་བྱིངས་ཐམས་ཅད་ལ་འཇུག་པའི་རྐྱེན་གཅིག་གཉིས་བྲི་བས་འདིས་མཚོན་ནས་གཞན་ལའང་རྒྱ་ཆེར་ཤེས་པར་བྱ་དགོས་སོ། །ཨིའོ། །བྱ་བའི་དོན་ལས་ཨི་ཕ་རོལ་དུ་འགྱུར་རོ། །རུ་དང་ཀུ་སྒྲ་ལའོ། །ཤྲཱི་འཚེ་བ། བ་ལ་སྡོམ་པ། ཧྲྀཉྲ་འཕྲོག་པ་རྣམས་ལས་ཨི་དང་ཡོན་ཏན་སི་བྱིན་པས། །

[Full Size]

ར་བིཿ ཉི་མ། ཀ་བིཿ སྙན་ངག་བྱེད་པོ། ཤ་རིཿ མདའ། བ་ལིཿ གཏོར་མའམ་ལྷ་མིན་སྟོབས་ལྡན། ཧ་རིཿ ཁྱབ་འཇུག་སོགས་སོ། །ཨིཀྲ་མཐའ་ཉེ་ལས་ཀིའོ། །ནཱ་མི་ཨུ་པ་དྷཱ་ན་ཡོད་པའི་བྱིངས་ལས་ཀི་འགྱུར་ཏེ། ཀྵི་པ་འཕེན་པ། ཤུ་ཙ་མྱ་ངན། རུ་ཙིཏ་གསལ་བ། ཀྲྀཥྲ་རྣམ་པར་བརྐོ་བ་རྣམས་ལས། ཀྵི་པི། གཡུལ་འཁྲུགས་པ། ཤུ་ཙིཿ གཙང་བའམ་དབེན་པ། རུ་ཙིཿ མཛེས་པ། ཀྲྀ་ཥིཿ ཞིང་ལས་སོགས་སོ། །ཀྭཱུནྲའོ། །ཀྵིི་པ་དེད་པ། ལི་ཁ་རི་མོ་འབྲི་བ། ལ་གྷི་འགྲོ་བའི་དོན། དྷ་མ་མདོའི་བྱིངས་འདི་ལྟ་བུ་རྣམས་ལས་ཀྲུནྲ་འགྱུར་ཏེ། བུ་ཨ་ཀ་དང་ཡོན་ཏན་མེད་དོ། །ཀྵིི་པ་ཀཿ གཡུལ་འགྱེད་པ། ལི་ཁ་ཀཿ ཡི་གེ་པ། ལཾ་གྷ་ཀཿ མེ་ཏོག་ཕྲེང་བརྒྱུད་མཁན། དྷ་མ་ཀཿ ལས་བྱེད་པ་སོགས་སོ། །བྲྀཉྲ་ལ་སོགས་པ་མང་པོ་ལ་བུན་འགྱུར་ཏེ། ཀྲྀཉྲ་བྱེད་པ། ནྀྲ་ཚུལ། ཀ་ནཱི་འབར་བ་རྣམས་ལས། ཀ་ར་ཀཿ སྤྱི་བླུགས་སེར་བ་ཆང་སྣོད། ན་ར་ཀཿ དམྱལ་བའི་སྡུག་བསྔལ་གྱི་གནས། ཀ་ན་ཀཿ གསེར་ལ་སོགས་པའོ། །ཉསྲ་མཐའ་ལས་ཌའོ། །རྗེས་སུ་སྣ་ལྡན་གྱི་ཡི་གེའི་མཐའ་ཅན་གྱི་བྱིངས་ལས་ཌ་འགྱུར་ཏེ། ཙ་མུ་ཟ་བ། ད་མུ་

[Full Size]

ཉེ་བར་ཞི་བ། ཨ་ན་རྒྱུན་ཆགས་པའི་བྱིངས། ཀ་མུ་མཛེས་པ། ཥ་་ཡང་དག་པར་གུས་པ། ཁ་ནུ་ངེས་པར་འཇོམས་པ་རྣམས་ལས་ཌ། མ་གསལ་བྱེད་ལ་རྗེས་སུ་ང་རོ། །སྡེ་པ་ལ་སྡེ་པའི་ལྔ་པ། ཏ་སྡེའི་ཙ་ཊའི་སྡེ་པ་སྦྱོར་བ་ལ་ཙ་ཊའི་སྡེ་པ་སོགས་ཀྱིས། ཙནྡྲཿ གཏུམ་པོ། དཎྜ་དབྱུག་པ་སོགས། ཨཎྜ་སྒོ་ང་། ཀཎྜཿ ཚེར་མ། ཥཎྜ་ཚེར་མ་དུམ་བུ་སོགས་སོ། །ཥྛནྲའོ། །ཌུདྷཱཉྲ་འཛིན་པ།ཱིཉྲ་ཐོབ་པ། པཏླྀ་འགྲོ་བ། བཱ་བཏུང་བ། ཤཱ་སུ་རྗེས་སུ་སྟོན་པའི་བྱིངས་རྣམས་ལ། རྗེས་འབྲེལ་རྣམས་ཕྱིས། །རྒྱུ་མཚན་མལ་དུ་ལོག་པས། དྷཱ་ཏྲཱི། ཥིཏྲ་ལས་བུད་མེད་ལ་ཨཱི་སྦྱར་བའོ། །མ་མ། ནེ་ཏྲཾ། མིག །པཏྟྲཾ་ལོ་མ། ཨིཊྲ་མེད་པ་ནི་མང་པོ་ལ་སྤྱིར་བཏང་བས་སོ། །པཱ་ཏྲཾ། ལྷུང་བཟེད། །ཤཱསྟྲཾ། བསྟན་བཅོས་སོགས་སོ། །ཨཻ་མ་ནིཙྪའོ། །ཌུབྷྲྀཉྲ་འཛིན་པ། དྷྲྀཉྲ་འཛིན་པ། ཧྲྀཉྲ་འཚེ་བ་ལའོ། །དེ་ལྟ་བུ་རྣམས་ལ་ཨི་མ་ནི་ཙྲ་འགྱུར་ཏེ། སི་སོགས་ཀྱིས་བསྒྲུབས་པས། བྷ་རི་མ། རྗེ་བོ། དྷ་རི་མཱ། ས། ཧ་རི་མཱ། ཁྱབ་འཇུག་ལ་སོགས་པ་ཏེ། སྐབས་འདིར་ཀ་ལཱ་པའི་ཨུྲ་སོགས་ཀྱི་དཔེ་མ་རྙེད་པས་ཙཱནྡྲའི་ཨུ་མདོ་ལྟར་བྲིས་པའོ། །

[Full Size]

དེ་ལྟར་རྐྱེན་སྔ་ཕྱིར་བཤད་པ་དེ་དག་བྱིངས་ལ་སྦྱིན་ནས་ཚིག་གམ་མིང་དུ་བསྒྲུབས་པའི་ཚེ། ཐོག་མར་བྱིངས་འཇོག་དགོས་པས། བཞག་རྒྱུའི་བྱིངས་དེ་ཉིད་ཀྱི་དང་པོར་ཥ་ཡོད་པ། ཥ་ཧ་གུས། ཥིཙྲ་འཛག །ཥཱུདྲ་སྲོག་ཆགས་མངལ་ནས་བཙའ་བ་ལྟ་བུ་རྣམས་ཀྱི་ཐོག་མའི་ཥ་དེ་ཉིད་རྟག་ཏུ། བྱིངས་ཀྱི་དང་པོའི་ཥའི་ས་འོས་ས་རུ་བསྒྱུར་དགོས། ཥྛཱ་འགྲོ་བ་ལས་ལྡོག་པ། ཥྚུཉྲ་བསྟོད་པ་ལྟ་བུའང་ཐོག་མ་མདོ་འདིས་ཥྲསྲ་རུ་བསྒྱུར། སླར། རྒྱུ་མཚན་མེད་ན་རྒྱུ་མཚན་ཅན་ཡང་མེད་པས་ཋཱ་དང་ཊུ་ཞེས་པ་ཐ་དད་ཏུ་རུ་ལོག་པས། སྠཱ། སྟུ་རུ་གྲུབ་པ་བཞིན་ནོ། །ཥྛི་བུ་སེལ་བ། ཥཀྐ་འགྲོ་བའི་དོན། ཥ་་ཡང་དག་པར་གུས་པ་རྣམས་ཀྱི་དང་པོའི་ཥྲ་ནི་སྲ་རུ་མི་འགྱུར་བ། ཙཱནྡྲ་པ་དང་བྷཱ་ཥ་སོགས་སུ་བཤད་པའང་དྲན་པར་བྱའོ། །ཡང་།ཱིཉྲ་ཐོབ་པ།་མ་རབ་ཏུ་འདུད་པ་ལྟ་བུའི་བྱིངས་ཀྱི་ཐོག་མར་་ཡོད་པ་རྣམས་འི་ནའོ་ཞེས་པའི་མདོས་རྟག་ཏུ་ན་རུ་བསྒྱུར་བར་འགྱུར་ཏེ།་ཡིན།་ཀཱ་རཿ ལྟ་བུ་ནི་མ་གཏོགས་སོ། །ཡང་། ཤྱེདྲ་འགྲོ་བ། དྷྱཻདྲ་སེམས་པར་བྱེད་པ། དོ་གཅོག་པ། ཤོ་ཕྲ་མོར་བྱེད་པ། དེངྲ་སྲུང་བ་ལྟ་བུའི་བྱིངས་མཐར་ཨེ་ཨཻ་ཨོ་ཨཽ་བཞི་པོ་གང་རུང་ཡོད་པ་ཅན་ནི། མཚམས་སྦྱོར་གྱི་ཡི་གེའི་མཐའ་རྣམས་ཀྱི་བི་ཀ་ར་་མ་ཡིན་པ་ལ་ཨཱ་ཡིག་གོ་ཞེས་པས་

[Full Size]

བྱིངས་ཐམས་ཅད་པའི་རྐྱེན་བཞི་པོ་མ་གཏོགས། རྐྱེན་གཞན་ལ། ཤྱཱ། དྷྱཱ། དཱ། ཤཱ། དཱ་སོགས་སུ་རྟག་ཏུ་བསྒྱུར་བར་བྱའོ། །ཀྲྀཏ་རྐྱེན་ཤནྟྲྀྀདྲ་དང་ཨཱ་ནཤྲ་ལྟ་བུ་ལའང་མི་འགྱུར་ཏེ་དེ་དག་ལ་བི་ཀ་ར་་འགྱུར་བའི་ཕྱིར་རོ། །ཡང་། ཨོཏ་ཨཽཏ་དག་ལས་ཀྲྀཏྲ་ཀྱི་ཡ་དབྱངས་བཞིན་ནོ། །ཞེས་ཀྲྀཏ་རྐྱེན་ཡ་ཕ་རོལ་ལ་ཨོ་ཨཽ་དག་གི་དབྱངས་ལ་བྱ་བ་བཞིན་ཏུ་ཨབྲ་ཨཱབྲ་དག་ཏུ་བསྒྱུར་ཏེ། འདིར་དེ་ཕན་ལ་དཔེར་ན། ནཽ་ལས་བསྒྲལ་བྱ་ཉ། དང་བིཥ་ལས་གསད་བྱ་དང་ཏུ་ལཱ་ལས་གཞལ་བྱ་དང་དེར་ལེགས་པ་ལའང་ཡའོས་ཡ་དང་སྦྱར་བས། ནཱ་བྱཾ། གྲུ་ཡིས་བསྒྲལ་བྱ་སྟེ་ཚངས་པ་སོགས་ལ་འཇུག་པ་ལྟ་བུའོ། །རྐྱེན་དང་སྦྱར་ཟིན་ནས། ར་ཥ་རྀའི་ཡི་གེ་སོགས་ཀྱིས་ན་་རུ་བསྒྱུར་བ་དང་། ནཱ་མི་དང་ཀ་དང་ར་ལས་ཕ་རོལ་རྐྱེན་དང་། རྣམ་འགྱུར་དང་ཨ་ག་མ་ལ་གནས་པའི་སའི་ཥ་སྟེ་ནུ་དང་རྣམ་པར་བཅད་པ་དང་ཥ་བར་ན་ཡོད་ཀྱང་ངོས་སའི་ཥ་རུ་བསྒྱུར་བ་སོགས་ཀྱང་རྟག་ཏུ་ངེས་པར་བྱའོ། །དེ་ལྟར་ཉེ་བར་མཁོ་བའི་ཏིདྲ་དང་ཀྲྀཏ་སྦྱོར་ཚུལ་འཕྲོས་དོན་བཅས་བཤད་ནས། བཤད་མ་བཤད་ཅེས་པའི་དོན་ནི་ཀུན་མཁྱེན་ཆེན་པོས་བསྒྱུར་བའི་འབྲེལ་མཁས་ལས། ཏིདྲ་དང་ཀྲིཏྲ་དང་དེ་ཕན་དང་། །ཚིག་སྡུད་རྣམས་ཀྱིས་གང་བརྗོད་པ། །དེར་ནི་དང་པོ་བྱ་བ་སྟེ། །མ་

[Full Size]

བརྗོད་པ་ལ་རྣམ་དབྱེ་གཞན། ཞེས་ཏིདྲ་ལ་སོགས་པ་དེ་རྣམས་ཀྱིས་ལས་དང་བྱེད་པ་པོར་བརྗོད་ཟིན་པ་ལ་རྣམ་དབྱེ་དང་པོར་སྦྱིན་པར་བྱ་ཞིང་། དེ་ལྟར་མ་བརྗོད་པ་ལ་གཉིས་པ་ལ་སོགས་པ་ཐོབ་ཐང་དང་མཐུན་པའི་རྣམ་དབྱེ་གཞན་རྣམས་འཇུག་པ་ཡིན་ནོ་ཞེས་སྤྱིར་བཏང་ནས། གཞུང་དོན་དངོས་ལ་བཤད་པ་རྣམས་འཆད་ནས་མ་བཤད་པ་ཞར་ལས་དོན་ལ་འབྱུང་བའི་ཕྱིར། ཐོག་མ་ཏིདྲའི་ས་བཤད་པ་མདོར་བསྟན་པ། བྱེད་པ་པོ་ལ་ལ་ཡིག་འགྱུར། །ཡང་ན་དངོས་པོ་ལས་དག་ལའོ། །ཏིདྲ་སྟེ་ཀ་ལཱ་པར་ཏེ་སོགས་བརྒྱ་དང་བརྒྱད་ཅུར་གྲགས་པ་ཀུན་བཤད་ཀྱི་རྐྱེན་རྣམས་ཀྱི་རྩ་བ་ནི་ལཊ་སོགས་རིགས་བཅུ་རུ་བསྡུས་པ་གང་ཞིག །ཁྱད་པར་གྱི་མཚན་མ་རྣམས་ནི་བསྣན་པ་ཙམ་ཡིན་པས་དེ་དང་མ་སྦྱར་བའི་ཚེ་ལ་ཡིག་དབྱངས་མེད་ཁོ་ན་རྐྱེན་གྱི་ངོ་བོ་ཡིན་པའི་ཕྱིར། དེ་དག་ནི་བྱེད་པ་པོའམ། ཡང་ན་དངོས་པོ་དང་ལས་ཀྱི་དོན་ཏུ་འགྱུར་རོ། །ཞེས་པའོ། །དེ་ནས་རྒྱས་པར་བཤད་པ་ལ་དངོས་དང་ཁྱད་པར་གྱི་དབྱེ་བ་གཉིས་ལས་དང་པོ་ནི། ཏིཔྲ་སོགས་ལ་བསྒྱུར་དགུ་པོ་དང་། །ལ་བསྒྱུར་ཤ་ཏྲྀ་ཀ་སུ་དག །གཞན་དོན་ཚིག་ཅན་ཞེས་བརྗོད་དེ། །བྱེད་པོ་ཉིད་ལ་མངོན་པར་སྒྲུབ། ལ་བསྒྱུར་བའི་ཏིཔྲ་ལ་སོགས་པ་ཚན་གྲངས་བཅོ་བརྒྱད་པོ་ཕྲག་བཅུ་འབྱུང་བས་སོ་སོའི་སྔ་མ་ཏིཔྲ་སོགས་དགུ་

[Full Size]

དང་། ཀྲྀཏྲ་རྐྱེན་ཏུ་བསྟན་པའི་ལ་བསྒྱུར་ཤ་ཏྲྀ་ཀྭ་སུ་སྟེ། ཀ་ལཱ་པར་ཤནྟྲྀིདྲ་དང་ཀྭནྒུ། ཞེས་ཐ་སྙད་དུ་བྱས་པ་འདི་དག་ནི་སྒྲ་ཡི་དབང་དུ་བྱས་ན་གཞན་དོན་གྱི་ཚིག་ཏུ་སྒྲུབ་པར་བྱེད་པས་གཞན་དོན་གྱི་ཚིག་ཅན་ཞེས་བརྗོད་ཅིང་། དོན་གྱི་འཇུག་ཡུལ་གྱི་དབང་དུ་བྱས་ན་བྱེད་པ་པོའི་དོན་གསལ་བར་བྱེད་པས་དེ་ལ་སྒྲུབ་པར་བྱ་བ་ཡིན་ནོ། །གཉིས་པ་ལའང་ཚིག་གཞན་དོན་དང་འབྲེལ་བ་དང་། བདག་དོན་དང་འབྲེལ་བ་གཉིས་ལས། དང་པོ་ནི། ཨ་ཨུ་ན་ནུ་ནཱ་ཡ་ཏི། བི་ཀ་ར་ས་བྱེད་པོ་གསལ། རང་བཞིན་དང་རྐྱེན་གྱི་བར་དུ་འགྱུར་བའི་ཤསྲ་སཾ་ཨནྲ་བི་ཀ་ར་་ལ་སོགས་པ་རྣམས་ཀྱི་བྱེད་པ་པོ་གསལ་བར་བྱེད་དོ། །གཉིས་པ་ནི། ཡཀྲ་དང་ཏདྲ་ཨཱ་ན་སྦྱོར་བས། །དངོས་པོ་ལས་དག་རབ་གསལ་བྱེད། གོང་དུ་གཞན་དོན་གྱིས་འཕྲོས་སུ་བསྟན་པ་ལྟར་ཏདྲ་སྟེ་ཏེ་སོགས་དང་། ཀྲྀཏྲ་རྐྱེན་ཏུ་བཤད་པའི་ཨཱ་ན་ཤྲ་དང་ཤཱ་ནདྲ་ལྟ་བུའི་ཨཱ་ན་རྣམས་ཀྱིས་ནི་དངོས་པོ་དང་ལས་དག་གསལ་བར་བྱེད་ཅིང་། ཡཀྲ་གམ་ཡནྲའིིས་ཀྱང་དོན་དེ་གསལ་བར་བྱེད་དོ། །ཞེས་སོ། །དེ་ནས་དེ་དག་གི་དཔེར་བརྗོད་པ་མདོ་ཙམ་ནི། པ་ཙ་ཏི་དེ་བ་དཏྟ་ཨོ་ད་ནཾ། ལྷས་བྱིན་གྱིས་ཟས་འཚེད་པར་བྱེད། འདིར་པ་ཙ་འཚེད་པའི་བྱིངས་ལས་བཅས་དངོས་པོའི་རྟགས་སུ་གྱུར་པ་ལ། བྱེད་

[Full Size]

པ་པོ་ལ་བརྟ་མཱ་ནའི་ཏི་དང་ཨནྲ་བི་ཀ་ར་་སྦྱར་བས་དེ་དག་གི་བྱེད་པ་པོ་བཤད་པས་བྱེད་པ་པོ་དངོས་དེ་བ་དཏྟ་ལ་བཤད་པའི་བྱེད་པ་པོ་ལ་དང་པོ་སྦྱར། ས་རྣམ་བཅད། ཨ་ལས་ཕ་རོལ་དབྱངས་གཞན་ལ་སོགས་ཀྱིས་ཕྱིས་ལས་བརྗོད་པའི་དོན་ཅན་མེད་པས་ཨོ་ད་ན་ལ་མ་བཤད་པའི་ལས་ལ་གཉིས་པ་སྦྱར་བའོ། །དེ་བཞིན་ཏུ། ཏིཥྛ་ཏི་གྲཱ་མེ་དེ་བ་དཏྟཿལྷས་བྱིན་གྲོང་དུ་གནས་པར་བྱེད། འདིར་སྠཱ་གནས་པའི་བྱིངས་ལས་མེད་པ་ལས་བརྟ་མཱ་ནའི་ཏི་དང་བྱེད་པ་པོ་ལ་ཨནྲ་བི་སྦྱར། ཨཱ་སྠཱའི་ཏིཥྛ་རུ་བསྒྱུར་ནས་སྦྱར་བས་དེས་བྱེད་པ་པོ་བཤད་པའི་ཕྱིར། བྱེད་པ་པོ་དངོས་ལ་དང་པོ་སྦྱར། གྲཱ་མ་ནི་ལས་ཡིན་པས་ལས་བཤད་པ་མེད་པའི་ཕྱིར་གཉིས་པའི་དོན་ཏུ་བདུན་པ་སྦྱར་བའོ། །ལས་མེད་པ་ལས་དངོས་པོ་ལ། སྠི་ཡ་ཏེ་དེ་བ་དཏྟེ་ན། ལྷས་བྱིན་གྱིས་གནས། སྠི་ཡ་ཏེ་ཨསྨ་བྷིཿབདག་ཅག་རྣམས་ཀྱིས་གནས། འདིར་སྠཱ་ལས་མེད་པའི་བྱིངས་གནས་པའི་དོན་ཅན་ལས་བརྟ་མཱ་ནའི་ཏེ་དང་ཡནྲ་སྦྱར་བས་དེ་དག་གི་དངོས་པོ་དང་ལས་གང་རུང་བཤད་ཀྱང་འདིར་ལས་མེད་པའི་བྱིངས་ལ་སྦྱོར་བའི་ཚེ་དངོས་པོ་བཤད་པར་འགྱུར་བའི་ཕྱིར་ལྷས་བྱིན་དང་བདག་ལ་གཉིས་པ་མི་ཐོབ་པས་གསུམ་པའི་ཊཱ་དང་བྷིསྲ་བྱིན་པའོ། །དེའང་ལྷས་བྱིན་གྱིས་གནས་པ་ཞེས་བྱ་བའི་ངོ་

[Full Size]

བོ་ཙམ་སྟོན་གྱིས་ཁྱད་པར་དུ་བྱ་བའི་ལས་མེད་པ་མ་ཟད་བྱིངས་ཀྱང་ལས་མེད་པ་ཡིན་པས་དངོས་པོ་ཞེས་སྒྲ་ཤེས་རྣམས་ཀྱིས་སྨྲའོ། །ལས་དང་བཅས་པ་ལས་ལས་ལ་ཡང་ན་ལ་ཡིག་འགྱུར་ཏེ། ཨོ་ད་ནཿཔ་ཙྱ་ཏེ་དེ་བ་དཏྟེ་ན། ཨོ་ད་ནཽ་པ་ཙེྱ་དེ་བ་དཏྟེ་ན། ཨོ་ད་ནཱཿཔ་ཙྱ་ནྟེ་དེ་བ་དཏྟེ་ན། དེ་དག་ལྷས་བྱིན་དང་། ལྷས་བྱིན་དག་དང་། ལྷས་བྱིན་རྣམས་ཟས་འཆེད་པར་བྱེད་དོ་ཞེས་པ་སྟེ་འཚེད་བྱའི་ཟས་ལའང་གཅིག་གཉིས་མང་པོའི་ཚིག་སྦྱར་བའོ། །དེའང་པཙྲ་ལས་བརྟ་མཱ་ནའི་ཏེ་དང་ཡཀྲ་སྦྱར་བའི་བྱིངས་ལས་བཅས་ཡིན་པ་དང་ཏེ་དང་ཡནྲའི་ས་ཀྱང་ལས་བརྗོད་པའི་ཕྱིར་སྒོ་ཐམས་ཅད་ནས་ལས་དང་བཅས་པར་འགྱུར་བས་དེ་དང་སྦྱར་བའི་ཚེ་ཨོ་ད་ན་ལས་དངོས་ཡིན་ཀྱང་གཉིས་པ་མ་སྦྱར་བ་བཤད་པའི་ལས་ལ་དང་པོ་སྦྱར་བའོ། །འདིར་དཔེར་བརྗོད་དུ་གསལ་བ་ལྟར་ལས་སམ་བྱེད་པོ་བརྗོད་པའི་ཀུན་བཤད་ཀྱི་ཚིག་དེ་ཉིད་གཅིག་གཉིས་མང་པོའི་ཚིག་གང་དུ་སྦྱར་བ་དེ་དང་མཚུངས་པར་སི་སོགས་ཀྱིས་རྣམ་དབྱེ་ཐོབ་པའི་ཡུལ་དེ་ལའང་དེ་ལྟར་སྦྱར་བར་བྱའོ། །དེ་བཞིན་ཤནྡྲྀདྲ་ངམ་ཤ་ཏྲིསྲ་བྱེད་པ་པོ་བརྗོད་པ། ཨོ་ད་ནཾ་པ་ཙྲ་ན་དེ་བ་དཏྟཿ ལྷས་བྱིན་གྱིས་ཟས་འཚེད་པར་ཕྱེད། ཨོ་ད་ནཾ་པ་ཙནྟཱི་སྟྲཱི། བུད་མེད་ཀྱིས་ཟས་འཚེད་པར་བྱེད། པ་ཙྲ་ལས་ཤནྡྲྀདྲ་

[Full Size]

སྦྱར་བས་དེས་བྱེད་པ་པོ་བཤད་པའི་ཕྱིར་བྱེད་པ་པོ་དངོས་དེ་བ་དཏྟ་དང་སྟྲཱིི་ལ་དང་པོ་སྦྱར་བར་བྱའོ། །ཡནྲ་ཡིས་ལས་བརྗོད་པ་ནི། ཨོ་ད་ནཿཔ་ཙྱ་མཱ་ན་སྟེ་ན། དེ་ཡིས་ཟས་འཚེད། ལྟ་བུ་པཙྲ་ལས་ཨཱ་ན་ཤྲ་དང་ཡནྲ་སྦྱར་བས་ཐམས་ཅད་ཀྱིས་ལས་བརྗོད་པའི་ཕྱིར་ཨོ་དན་ལ་དང་པོ་སྦྱར་བའོ། །སྐབས་འགར་ཨཱ་ན་ཤྲས་བྱེད་པོ་བཤད་པའང་ཡོད་དེ། ཨོ་ད་ནཾ་པཙ་མཱ་ནོ་བྲཱཧྨ་ཿ བྲམ་ཟེས་ཟས་འཚེད་པར་བྱེད། པ་ཙྲ་ལས་ཨཱ་ན་ཤྲས་ལས་བརྗོད་པ་ཡིན་ཀྱང་བར་རྐྱེན་ཨནྲ་བིས་བྱེད་པ་པོ་བརྗོད་པའི་ཕྱིར་པ་ཙ་མཱ་ནཿ བྱེད་པ་པོའི་དོན་ཏུ་འགྱུར་བས་བྲཱཧྨ་་ལ་དང་པོ་སྦྱར་ཞིང་ལས་མ་བཤད་པས་ཟས་ལ་གཉིས་པ་སྦྱར་བའོ། །འདིའི་ཤུགས་ལས་བདག་དོན་གྱི་ཚིག་རྣམས་ལའང་བར་རྐྱེན་ཨནྲ་བི་སོགས་སྦྱོར་བའི་ཚེ་བྱེད་པ་པོའི་དོན་ཏུ་འགྱུར་བའང་ཤེས་པར་བྱའོ། །དངོས་པོ་བརྗོད་པ་ནི་བྷུ་ཡ་ཏེ་མངྐུ་རེ་། མྱུ་གུས་འབྱུང་བ་ཞེས་པ་སྟེ་བྷཱུ་ཡོད་པ་ལས་མེད་པའི་བྱིངས་ལས་ཏེ་ཡནྲ་སྦྱར་ཞིང་མངྐུ་ར་ལ་གཉིས་པ་མི་ཐོབ་པས་ཊཱ་བྱིན་པའོ། །ཀ་ཊཾ་ཀ་རོ་ཏི་དེ་བ་དཏྟཿ ལྷས་བྱིན་གྱིས་རེ་ལྡེ་བྱེད་དོ། །ལྟ་བུ་བྱིངས་ཀྲྀཉྲ་ལས་བཅས་ཡིན་ཀྱང་ཏི་དང་ཨུ་བི་སོགས་ཀྱིས་བྱེད་པ་པོར་བསྒྲུབས་པས་ཀ་རོ་ཏིས་བྱེད་པ་པོར་བརྗོད་པས་ལས་ཀྱི་ཚིག་ཀ་ཊ་ལ་གཉིས་པའི་ཚིག་ཨམྲ་སྦྱར་བ་དང་།

[Full Size]

སུ་ཁམ་ནུ་བྷཱུ་ཡ་ཏེ་སྭཱ་མི་ནཱ། རྗེ་བོས་བདེ་བ་ཉམས་སུ་མྱོང་བ། བྷཱུ་ཡོད་པའི་བྱིངས་ལས་མེད་པ་ཡིན་ཀྱང་ཏེ་དང་ཨནྲ་སྦྱར་བས་ལས་བརྗོད་པའི་ཕྱིར་སྒོ་ཐམས་ཅད་ནས་ལས་དང་བཅས་པར་འགྱུར་བས་སུ་ཁ་ལ་སི་མུ་བྱས་པ་སོགས་ཀྱང་ཤེས་པར་བྱའོ། ༈ །གཉིས་པ་ཀྲྀཏྲ་ཀྱིས་བཤད་མ་བཤད་འཆད་པ་ལས། ཀྲྀཏྲའི་རྐྱེན་གྱིས་བསྒྲུབས་པ་བྷ་བྱ་སོགས་ཁ་འཕངས་ནས་བསྡུས་ཏེ་བཤད་པ་དང་། དངོས་པོ་དང་ལས་སོགས་བཤད་པ། བྱེད་ཅན་ལྔ་ལ་འཇུག་པར་བཤད་པ། བྱེད་པ་པོ་བཤད་པའོ། །དང་པོ་ནི། བྷ་བྱ་གེ་ཡ་སོགས་ཀྱང་འདྲ། ལ་ཡིག་ཇི་ལྟར་བསྒྲུབས་པ་དེ་བཞིན་ཏུ་ཡ་སོགས་ཀྱིས་བསྒྲུབས་པའི་མཐའ་བྷ་བྱ་ལ་སོགས་པ་རྣམས་ཀྱང་བྱེད་པ་པོ་ལ་འགྱུར་ཏེ། ཡང་ན། དངོས་པོ་དང་ལས་དག་ལའང་འགྱུར་ར། བྷཱུ་ལས། དབྱངས་ལས་ཡའོ། །བྷ་བྱོ་྅རྐུ་རཿ འབྱུང་བ་མྱུ་གུ་སྟེ་བྱེད་པ་པོ་བརྗོད་པའོ། །བྷ་བྱ་མངྒུ་རེ་ཿ མྱུ་གུས་འབྱུང་བ་སྟེ་དངོས་པོ་བརྗོད་པའོ། །གཻ་སྒྲ་ལས་ཡའོ། །གེ་ཡོ་དེ་བ་དཏྟཿཤློ་ཀཿལས་དང་བྱེད་པ་པོ་བརྗོད་པའོ། །དེ་བཞིན་ཏུ་ཨཱ་ནི་ཡའི་མཐའ་ཅན་སོགས་ཀྱང་བལྟ་བར་བྱའོ། །གཉིས་པ་ནི། དངོས་ལས་དག་ལ་ཏ་བྱ་སོགས། ཏ་བྱ་ལ་སོགས་པ་ཡོངས་སུ་གྲགས་ལྷས་བྱིན་གྱིས་ཚིག་བཅད་

[Full Size]

སྒྲོག་པར་བྱེད་ཅེས་པ་སྟེ། བའི་ཀྲིཏྲ་རྐྱེན་དྲུག་ཙམ་ཞིག་ནི་བྱིངས་ལས་མེད་པ་ལ་སྦྱོར་ན་དངོས་པོ་དང་ལས་བཤད་ལ་ལས་ལ་སྦྱར་བའི་ཚེ་ལས་ཁོ་ནར་བཤད་པར་འགྱུར་མོད། འོན་ཀྱང་ཀེ་ཡི་མ་ནི་གཙོ་ཆེར་ལས་ཀྱི་བྱེད་པ་པོ་བཤད་ཅིང་། སྐབས་འགར་བྱེད་པ་པོ་དངོས་བཤད་པའམ་ཡོད་པ་གཞན་དག་བཞེད་དོ། །དངོས་པོ་ལ། སྠཱ་ཏ་བྱཾ་དེ་བ་དཏྟེ་ན། ལྷས་བྱིན་གྱིས་སྡོད་པ། སྠཱ་ཏ་བྱཾ་བྲཱཧྣ་ཻཿ བྲམ་ཟེས་སྡོད་པ། སྠཱ་ཏ་བྱཾ་ཡུ་བཱ་བྷྱཱཾ། གཞོན་ནུས་སྡོད་པ། འདིར་སྡོད་པའི་བྱེད་པ་པོ་ལྷས་བྱིན་ལ་སོགས་པ་མ་བཤད་པས་དེ་བ་དཏྟ་སོགས་ལ་རྣམ་དབྱེ་གསུམ་པ་སྦྱར་བའོ། །ལས་ལ། ཀརྟྟ་བྱཿཀརྟྟོ་དེ་བ་དཏྟཱ་བྷྲཱཾ། ལྷས་བྱིན་དག་གིས་རེ་ལྡེ་བྱའོ། །ཏ་བྱ་ལས་བརྗོད་པའི་ཕྱིར་ལས་དངོས་ཀ་ཊ་ལ་དང་པོ་སྦྱར་བའོ། །དེ་དག་གི་ནི་ཏ་བྱ་སྟེ་ཨ་ནཱི་ཡ་དང་། ཡ་དང་ཀྱཔྲ་དང་གྷྱ་སོགས་ཀྱང་སྦྱར་བར་བྱའོ། །མང་པོ་ལ་སྨོས་པའི་ཕྱིར། ནཱསྟ་བྱོ་དེ་བ་དཏྟཿལྷས་བྱིན་གྱིས་གནས་པ། སྣཱ་ནཱི་ཡ་ཙཱུརྞྞཾ། འདག་ཆལ་གྱིས་འཁྲུད་ལྟ་བུ་ཏ་བྱ་དང་ཨ་ནཱི་ཡས་སྐབས་འགར་བྱེད་པ་པོ་བརྗོད་པའང་ཡོད་མོད་ཁྱབ་ཆུང་ངོ་། །གསུམ་པ་ནི། གྷཉྲ་སོགས་རང་དོན་མིང་ལ་ནི། །བྱེད་པོ་བོར་བའི་བྱེད་ཅན་ལ། །བྱིངས་ལས་བཅས་སམ་ལས་མེད་དངོས་པོའི་རྟགས་སུ་

[Full Size]

གནས་པ་གང་ཞིག །དོན་གྱིས་ལྡོག་ཆ་མི་སྟོན་པར་སྤྱི་ལྡོག་ནས་རང་དོན་གྱི་ཁྱད་པར་ཙམ་སྟོན་པར་བྱེད་པ་ལ། གྷཉྲ། ཨཙྲ། ཨསྲ། ཀྟིི། ཡུ་ཙྲའམ་ཡུ། །ཨ། ཨདྲ། ཡུཊྲ་ལ་སོགས་པ་རྣམས་འགྱུར་ཞིང་། མིང་གི་ཡུལ་གྱི་བྱེད་པ་ཅན་ལའང་བྱེད་པ་པོ་མ་གཏོགས་པའི་འཕྲོས་ལྔ་པོའི་དོན་ཏུ་འགྱུར་བ་ཡིན་ཏེ་དཔེར་བརྗོད་ནི་གོང་གི་ཀྲྀཏྲ་ཀྱི་སྐབས་སུ་ཡང་ཡང་སྨོས་པས་ཆོག་ལ། དེའང་གྷཉྲ་ཡིས་དངོས་དོན་ནམ་རང་དོན་སྟོན་པ་ནི། བཱ་ཀཿ རཱ་གཿ ལ་སོགས་པའོ། །ཨཙྲ་ནི། ཙ་ཡཿ པྲ་ཡཿ ལ་སོགས་པའོ། །ཨསྲ་ལ་ནི། ཀ་རཿ སྟ་བཿ ལ་སོགས་པའོ། །དེ་བཞིན་ཏུ། ཀྟེ་ལ་སོགས་པ་བུད་མེད་དུ་བསྒྲུབ་པའི་རྐྱེན་རྣམས་སོགས་སོ། །དེ་རྣམས་ཀྱིས་ལས་བརྗོད་པ་ནི། པ་ཙྱ་ཏེ་྅་ཡཾ་པཱ་ཀཿ སྨིན་པ་འདི་འཚེད་པར་བྱེད། འདིར་གྷཉྲའི་རྐྱེན་ཡོད་པ་དང་པ་ཙྱ་ཏེ་ལས་བརྗོད་པའི་ཕྱིར་པཱ་ཀའི་མཐར་དང་པོ་སྦྱར་བའོ། །དེ་བཞིན་ཏུ། བྱེད་པ་དང་ཕྱིར་ལེན་པ་སོགས་ལའང་སྦྱར་བར་བྱའོ། །བཞི་པ་ནི། ཏྲྀཙྲ་དང་ཨ་ཀ་ཨིནྲ་སོགས་རྣམས། ཐམས་ཅད་བྱེད་པོ་བརྗོད་པར་བལྟ། བུྲ་ཏྲྀཙྲ་དག་གོ་ཞེས་པའི་ཏྲྀཙྲ་དང་། པུ་ཨ་ཀ་རུ་བསྒྱུར་བའི་ཨ་ཀ་དང་།ི་ནི་ལ་སོགས་པའི་ཨིནྲ་དང་། ཨྲ་ཀ

[Full Size]

ཌྷཉྲ། ཌྷ། ཁཤྲ། ཀྭིཔྲ། ཀྭིནྲ། བིཙྲ། བིཊྲ། ལ་སོགས་པ་རྣམས་བྱིངས་ལ་རྐྱེན་ཏུ་བྱས་པ་བྱེད་པ་པོ་བརྗོད་པ་ཅན་ཏུ་བལྟ་བར་བྱའོ། །ཀརྟྟཱ་ཀ་ཊ་སྱ་དེ་བ་དཏྟཿ རེ་ལྡེའི་བྱེད་པོ་ལྷས་བྱིན། ཨོ་ད་ན་སྱ་པཀྟཱ་སཱུ་པ་ཀཱ་རཿ ཟས་ཀྱི་འཚེད་མཁན་ཚོད་མ་བྱེད་པ་ལྟ་བུ་སྟེ་ཏྲྀཙྲ་སྦྱར་བའི་ཀརྟྟཱ་དང་པཀྟཱ་དག་གིས་བྱེད་པ་པོ་བཤད་པའི་ཕྱིར་བྱེད་པོའི་དངོས་མིང་དེ་བ་དཏྟ་དང་སཱུ་ཀཱ་ར་དག་ལ་རྣམ་དབྱེ་གསུམ་པ་མ་སྦྱར་བ་བཤད་པའི་བྱེད་པ་པོ་ལ་དང་པོ་སྦྱར་བ་དང་། ཀ་ཊ་སྱ་ཀཱ་ར་ཀོ་དེ་བ་དཏྟཿ བུ་རྐྱེན་གྱི་མཐའ་དང་། ཨ་བ་བྷྱཾ་ཀཱ་རཱི་ཀཊ་སྱ་དེ་བ་དཏྟཿི་ནིའི་རྐྱེན་མཐའ་ཅན་ཏེ་དེ་རྣམས་ཀྱིས་བྱེད་པ་པོ་བརྗོད་པའི་ཕྱིར་བྱེད་པ་པོ་དངོས་ལ་དང་པོ་སྦྱར་བའོ། །གསུམ་པ་དེ་ཕན་གྱིས་བཤད་མ་བཤད་ནི། ཐམས་ཅད་བརྗོད་པ་དེ་ཕན་ནོ། །བྱ་བའི་ཚིག་གཉིས་པ་ཅན་ལས་མདོར་ཚིག་རྣམས་དོན་མཚུངས་པ་རྣམས་ཀྱི་དང་པོ་ལས་ཡང་ན་དེ་ཕན་རྣམས་འགྱུར་རོ། །འགའ་ཞིག་ཏུ་རང་དོན་ཅན་རྣམས་སོ། །ལ་ལར་དངོས་པོ་བརྗོད་པ་ཅན་རྣམས་སོ། །ལ་ལར་རྒྱུ་མཚན་གྱི་དོན་རྣམས་སོ། །ཁ་གཅིག་ཏུ་ལས་ལ་སོགས་པ་བརྗོད་པ་ཅན་རྣམས་སོ། །ཁ་གཅིག་ཏུ་འབྲེལ་བ་མངོན་པར་བརྗོད་པ་རྣམས་སོ། །ཞེས་གསུངས་ཤིང་། རང་དོན་གྱི་དཔེར་བརྗོད་དུ། ཡཱ་བཿ ཡཱ་བ་ཀཿ །

[Full Size]

འབྲུའི་བྱེ་བྲག་སྟེ་ཡ་བ་ལ་སོགས་པ་རྣམས་སོ། །ཀནྲའོ། །པྲཛྙཿ པྲཱཛྙཿ ཤེས་རབ་ཉིད། མ་ནཿ མཱ་ན་སཾ། ཡིད་ཉིད་དེ། པྲཛྙཱ་ལ་སོགས་པ་རྣམས་ལས་ཡང་ན་འོས་རང་དོན་དེ་ཕན་གྱི་ཨ་ཕྱོགས་གཅིག་ལ་སྦྱར་བ་སོགས་སོ། །དངོས་པོ་བརྗོད་པ་ཅན་ནི། ནོར་རྫས་ཀྱི་དངོས་པོ་ལ། དྲ་བྱ་སྱ་བྷཱ་བཿ ཞེས་པ་ནི། དྲབྱ་ཏྭཾཾ། པྲ་ཐི་མཱ། ལྕི་བའི་དངོས་པོ་ལ། གུ་རུ་ཏྭཾཾ། ག་རི་མཱ། ལ་སོགས་པ་སྟེ། པྲྀཥྛ་ལ་སོགས་པ་རྣམས་ལས་ཨི་མ་ནི་ཙྲ་ཡང་ནའོ། །རྒྱུ་མཚན་གྱི་དོན་ནི་དཔེར་ན། བཱ་ཏྲི་ཀོ྅ས་མུཏྤཱ་ཏཿ ལྟས་འདི་ལས་རླུང་འབྱུང་བར་འགྱུར་རོ། །ཞེས་པ་ཏེ་སྦྱོར་བ་དང་། ལྟས་ཀྱི་རྒྱུ་མཚན་ལ་འོས་ཥྛནྲ་སྦྱར་བའོ། །ལས་ལ་དཔེར་ན་དེས་བཙོས་པའི་ཚོས་ལས་སོ། །དེས་ཞེས་པས་བྱེད་པ་པོ་བརྗོད་པ་ཅན་གྱི་རང་བཞིན་ལས་ཨྲ་འགྱུར་ཏེ་བཙོས་པ་ཞེས་པ་འདིའི་དོན་ལའོ། །རཀྟཾ་ཞེས་པ་ལས་ལ་ཀྟའོ། །དེས་ན་རང་བཞིན་དང་རྐྱེན་དག་རྐྱེན་གྱི་དོན་དང་ལྷན་ཅིག་ཏུ་བརྗོད་དོ་ཞེས་པའི་རིགས་པས་བཙོས་པའི་སྒྲའི་དོན་གྱིས་ལས་སྒྲུབ་པར་བྱེད་དོ། །དེར་འཇུག་བཞིན་པའི་དེ་ཕན་ཡང་ལས་བརྗོད་པ་ཅན་ཏུ་འགྱུར་རོ། །ཀ་ཥཱ་ཡེ་་རཀྵཿ པ་ཊཿ ངུར་སྨྲིག་གིས་བཙོས་པའི་དར། ཞེས་པ་ནི། ཀཱ་ཥཱ་ཡཱཿ སྟེ་ཀ་

[Full Size]

ལཱ་པར། ཚོས་དང་སྐར་མ་ལྡན་ལས་ཀྱང་། ཞེས་སོགས་ཀྱི་ཨའོ། །དེ་བཞིན་ཏུ། གུར་གུམ་གྱིས་བཙོས་པ་ནི། ཀཽངྐུ་མཿ ལ་སོགས་པའོ། །བྱེད་པ་པོ་ལ་དཔེར་ན། འདིས་ཤིང་ཟན་ཟོས་པ་ལ་ཨི་ནི་དང་ཋྲ་དག་སྟེ་ཤྲཱདྡྷའི་སྒྲ་ལས་སོ། །ཨི་ནི་ལ། ཤྲཱདྡྷཱི་དེ་བ་དཏྟཿ ཋནྲ་ལ། ཤྲཱདྡྷི་ཀོ་དེ་བ་དཏྟཿ ལྟས་བྱིན་གྱིས་དེ་རིང་ཤིད་ཟན་ཟོས། ཤྲཱདྡྷཱ་ལས་འདིས་དེ་རིང་ཟོས་པ་ལ་ཋནྲའང་ངོ་། །ཞེས་པས་སོ། །དེ་བཞིན་ཏུ། སྔོན་འདིས་བྱས་པའི་རྩྭ་ལྷས་ནི། ཀྲྀ་ཏ་པཱུྦཱི་ཀ་ཊཾ། སྔ་མ་དང་བཅས་པ་ལས་སོས། པཱུྦའི་སྒྲ་དང་པོའི་ཀ། མཐའ་ཅན་ལས་འདིས་ཞེས་པ་གསུམ་པའི་དོན་ལ་ཨི་ནི་བྱས་པའོ། །ཡང་། ལྷས་བྱིན་གྱིས་རྣལ་འབྱོར་དུ་མཆོད་སྦྱིན་བྱས་པ་ནི། ཨིཥྚཱི་དེ་བ་དཏྟོ་ཡོ་གེ་ཥུ་ལྷས་བྱིན་མཁན་པོ་མཁས་པ་ལས་བརྡའ་སྤྲོད་བསླབ་པ་ནི། ཨ་དྷཱི་ཏཱི་བྱཱ་ཀ་ར་ེ་ཨུ་པཱ་དྷྱཱ་ཡཱཏྲ་དེ་བ་དཏྟཿ དེ་དག་ཨིཥྚ་དང་ཨ་དྷཱི་ཏ་ལས་ཨིཥྚ་ལ་སོགས་པ་རྣམས་ལས་སོས་ཨི་ནི་བྱིན་པའོ། །དེ་དག་ནི་དེ་ཕན་གྱི་རྐྱེན་གྱིས་ལས་སོགས་བཤད་པའི་ཕྱིར་ལས་དང་བྱེད་པ་པོ་དངོས་ལ་དང་པོ་སྦྱར་བའོ། །བཞི་པ་ཚིག་སྡུད་ཀྱིས་བཤད་མ་བཤད་ནི། །ཀ་ལཱ་པ་སོགས་སུ་དེའི་སྐྱེས་བུའི་བསྡུ་བར་གྲགས་པ། དང་པོ་ལ་སོགས་པ་ཚིག་སྡུད་ཀྱི་གྲས་སུ་རྣམ་དབྱེ་

[Full Size]

གཉིས་པ་དང་གསུམ་པ་བསྡུས་པ་ནི་ཚིག་སྡུད་ཀྱིས་ལས་དང་བྱེད་པ་པོ་བཤད་པ་ཏེ། འབྲེལ་མཁས་ལས། ལས་ལ་རྣམ་དབྱེ་གཉིས་པ་བསྡུ་བར་བྱའོ། །ག་མཱི་ལ་སོགས་པ་བཤད་པ་རྣམས་ཀྱིས་སོ། །ཀ་ཊ་ཙི་ཀཱིརྵུཿ རེ་ལྡེ་བྱེད་འདོད་པ། ཀཥྚ་ཤྲི་ཏཿསྟྲཱིི། བུད་མེད་བསྙེན་དཀའ་བ། གྲཱ་མ་ག་མཱི། གྲོང་དུ་འགྲོ་བ་སྟེ། དེ་དག་བྱ་བའི་ལས་ཀ་ཊ་ལ་སོགས་པ་དང་ཚིག་ཕྱི་མ་འཕྲད་པའི་བར་ནས་རྣམ་དབྱེ་གཉིས་པ་བསྡུས་ནས། བུད་མེད་དང་གྲོགས་དག་ལས་དངོས་ཡིན་ཀྱང་བཤད་པའི་ལས་ལ་དང་པོ་སྦྱར་བའོ། །ལ་ལར་མ་བསྡུས་པས། ཀ་ཊཾ་ཙི་ཀཱིརྵུ། ཀཥྛཾ་ཤྲི་ཏཿསྟྲཱི་ལ་སོགས་པའང་ངོ་། ཡང་བྱེད་པ་པོ་དང་བྱེད་པ་དག་གི་གསུམ་པ་ནི་ཀྲྀཏྲ་མཐའ་ལ་བསྡུ་བར་བྱ་སྟེ། དཔེར་ན་བྱེད་པ་པོ་ལ། དེ་བ་དཏྟོ་ཧསྟི་ཀྲྀ་ཏོ། ལྷས་བྱིན་གྱིས་གླང་པོས་བྱས་པ། དེ་བ་དཏྟོ་ན་ཁ་བྷིནྣཱ། ལྷས་བྱིན་གྱིས་སེན་མོས་གཤགས་སོ་ཞེས་པའི་དོན་ཏོ། །ལྷས་བྱིན་དང་གླང་པོ་གཉིས་ཀ་བྱེད་པ་པོ་ཡིན་ཀྱང་ཚིག་རྗེས་མ་དེ་ཚིག་སྡུད་ཀྱི་བྱེད་པ་པོར་བཤད་པ་ཡིན་པས་སྔ་མ་ལྷས་བྱིན་ལའང་བཤད་པའི་བྱེད་པ་པོ་ལ་དང་པོ་ཉིད་ཐོབ་པས་སི་སྦྱར་བའོ། །དེ་བཞིན་ཏུ་སེན་མོ་བྱེད་པ་ཡིན་ཀྱང་བྱེད་པ་པོ་ཕལ་པ་ཡིན་པས་ཚིག་སྡུད་ཀྱི་བསྟན་པའི་ཕྱིར་ལྟས་བྱིན་བྱེད་

[Full Size]

པ་པོ་དངོས་ལའང་དང་པོ་འཇུག་པ་ཡིན་ནོ། །དེ་བཞིན་ཏུ། ཨ་ནྱཏྤརྦཱུ་ཙྪིནྣ། གཞན་གྱི་དགྲ་སྟྭས་གཅོད། མ་ཡཱ་ཀྵི་ར་སྣཱ་ནཾ། བདག་གི་འོ་མས་བཀྲུས་ལྟ་བུ་སོགས་སོ། །དེ་ལའང་ཀྟྭཱ་དང་། ཏུ་མནྲ་དང་། ཀྟྭཱ་བཅུ་དང་ལ་བསྒྱུར་བ་རྣམས་ཀྱིས་མི་འདོད་དོ། །ཞེས་གསུངས། ཡང་ན་མ་བསྡུས་པས། ཧསྟི་ནཱ་ཀྲྀ་ཏཾ། ལྟ་བུའི་ཚེ་བྱེད་པ་པོ་ལ་གསུམ་པ་ཉིད་ཐོབ་ཐང་ལྟར་སྦྱར་ཏེ། དེ་བ་དཏྟེ་ན་ཧ་སྟི་ནཱ་ཀྲྀ་ཏཾ། ཞེས་བརྗོད་པར་བྱའོ། །བྱེད་པ་པོ་ལ། ཨ་ཤྭ་ག་ཏིཿ ཨ་ཤྭ་ག་མ་ནཾ། བྲཱཧྨ་་ག་ཏིཿ བྲཱཧྨ་་ག་མ་ནཾ། ཞེས་འགྱུར་བ་ནི། དེ་རྣམས་རྣམ་དབྱེ་གསུམ་པ་བྱེད་པ་པོའི་དོན་ཅན་གྱི་དྲུག་པ་བསྡུས་པ་སྟེ་ཚིག་གྲོགས་མིང་གིས་གསལ་བར་བྱས་ན། དེ་བ་དཏྟོ྅ཤྭ་ག་ཏིཿ ལྷས་བྱིན་རྟས་འགྲོ་བ་སྟེ་འགྲོ་མཁན་རྟ་ཡིན་པས། རྟ་བྱེད་པ་པོར་ཚིག་སྡུད་ཀྱིས་བསྟན་ཅིང་རྟ་ཞོན་ནས་འགྲོ་བར་བྱེད་མཁན་ལྷས་བྱིན་ཡིན་པའི་ཕྱིར་དེ་ལ་རྣམ་དབྱེ་དང་པོ་སྦྱར་བས་ཆོག་པ་ལྟ་བུ་དང་། ཡང་། འབྲུ་མང་པོའམ་གཞན་དོན་གྱི་ཚིག་སྡུད་ཀྱི་སྐབས་སུ། བྱེད་པ་ཅན་དང་འབྲེལ་བ་ཡང་། ཚིག་གཞན་དོན་གྱིས་བརྗོད་པར་བྱ། ཞེས་གསུངས་པས་ཚིག་སྡུད་ཀྱི་འབྲེལ་བ་བརྗོད་པ་ནི། ལམྦཽ་ཀརྞྞོ་ད་བ་དཏྟ་སྱ། ལྷས་བྱིན་གྱི་རྣ་བ་འཕྱང་བ་དག་བསྡུས་པས། ལམྦ་ཀརྞྞོ་དེ་བ་དཏྟཿདྲུག་པ་བསྡུས་ནས་དེའི་ཚབ་ཏུ་དང་པོ་བྱིན་པའོ། །བྱེད་པ་པོ་ལ་བསྡུ་བ་ནི་དཔེར་ན། ཨཱུཌྷོ་ར་ཐོ྅་ཤྭེ་ན། རྟས་དྲངས་པའི་ཤིང་རྟ་ཞེས་པ་བསྡུས། ཨཱུ་ཌྷོ་ར་ཐོ྅་ཤྭཿ ཞེས་འདྲེན་མཁན་

[Full Size]

བྱེད་པ་པོ་ཤུགས་ལས་བསྟན་པས་རྟ་འདྲེན་མཁན་བྱེད་པ་པོ་དངོས་ཡིན་ཡང་རྣམ་དབྱེ་དང་པོ་སྦྱར་བའོ། །ལས་ལ་དཔེར་ན། པྲཱབྟོ་ར་ཐོགྲ་མཾ། གྲོང་དུ་ཤིང་རྟ་ཐོབ་པ་བསྡུས། བཤད་པའི་ལས་ལ་དང་པོ་སྦྱར་བས། པྲཱསྟ་ར་ཐོ་གྲཱ་མཿལ་སོགས་པ་སྟེ་བྱེད་པ་ཅན་གཞན་ཚིག་སྡུད་ཀྱིས་བརྗོད་པ་ནི་སྐབས་འདིར་མ་སྤྲོས་སོ། །འདི་རྣམས་ཀྱང་རབ་བྱེད་ལས། གནས་ཀྱིས་བཤད་པ་ལ་དང་པོའོ། །གང་ཞིག་བྱ་བ་ལ་སོགས་པ་སྟེ་བྱེད་པ་ཅན་གཞན་ཀུན་བཤད་དང་ཀྲྀཏྲ་ཀྱིས་བཤད་པར་གྱུར་པ་དེའི་ཚེ་དང་པོ་རབ་ཏུ་སྦྱར་བར་བྱའོ། །ཞེས་སོ། །དེ་དག་ཀྱང་འབྲེལ་མཁས་ཉིད་ལས། བརྗོད་པ་སླར་ཡང་བརྗོད་བྱ་སྟེ། །མ་བརྗོད་པ་ནི་སླར་བརྗོད་མིན། །བརྗོད་པ་སླར་བརྗོད་མི་བྱ་སྟེ། །མ་བརྗོད་པ་ནི་སླར་ཡང་བརྗོད། །ཅེས་གསུངས་པས་རྐང་པ་ཕྱེད་ཕྱི་མ་གཉིས་ཀྱི་དངོས་བསྟན་གྱི་དོན་གྱི་དཔེར་བརྗོད་ཡིན་ལ། ཕྱེད་སྔ་མ་གཉིས་ཀྱིའང་ཤུགས་བསྟན་དང་། བསྡུ་བས་བརྗོད་ཀྱང་ཏི་སོགས་ཀྱི་མ་བརྗོད་པས་སླར་ཡང་བྱེད་པའམ་ལས་སོགས་ཀྱི་རྣམ་དབྱེ་སྦྱར་དགོས་པ་དང་། ལས་བརྗོད་པ་ལ་བྱེད་པ་པོ་བརྗོད་པའི་དོན་མེད་པའི་ཕྱིར་བྱེད་པ་པོ་བརྗོད་པའི་སྐབས་མ་ཡིན་ན་བྱེད་པ་པོ་སླར་ཡང་མི་བརྗོད་པ་སོགས་མཐའ་ཡས་ཀྱང་འདིར་དེ་ཙམ་ཏེ། ཀུན་མཁྱེན་བླ་མའི་ཙཱནྲཊིཀྲ་ཆེན་མོ་སོགས་བཀའ་འབུམ་གྱི་སྐོར་དུ་ཞིབ་པས་རྒྱས་པར་ནི་དེར་བལྟ་བར་བྱའོ། །དེ་ལྟར་ལེགས་སྦྱར་ལ་བག་ཆགས་འཇོག་པའི་ལས་དང་པོ་རྣམས་ཀྱི་གོ་དོན་དང་སུམ་འབིད་སྦྱར་བ་

[Full Size]

ལ་ཉེ་བར་མཁོ་བའི་ཟིན་བྲིས་ནག་འགྲོས་སུ་བཀོད་ནས་ཚིག་གི་སྦྱོར་ལུགས་ཀྱི་མཛེས་ཁྲིག་བསྐྱུང་། དོན་ཆ་གལ་གནད་ཆེ་བ་རྣམས་འཐུས་ཆེ་བའི་ཁུལ་དུ་བྱས་པ་འདིའང་། གཙོ་ཆེར་ཀུན་མཁྱེན་ཆོས་ཀྱི་སྣང་བའི་གསར་འགྱུར་སྒྲའི་གཞུང་ཡན་ལག་དང་བཅས་པ་རྣམས་དང་། ཟུར་མང་ལོ་ཆེན་ཚེ་དབང་ཀུན་ཁྱབ་ཀྱི་གསུང་གི་སྣང་བ་ལ་བརྟེན་ནས་ལེགས་པར་སྦྱར་བའི་ཚུལ་འདིར་ཅུང་ཟད་གོམས་པས་རྒྱ་གར་དང་བལ་པོའི་སྐད་གཉིས་ཤན་སྦྱར་བ་རྣམས་ཇི་ལྟར་སྦྱོར་བའི་ཚུལ་ཕལ་ཆེར་ཁོང་དུ་ཆུད་པས་འདི་ལྟར་བྲིས་པ། ལ་ལ་དག་སྔོན་གྱི་མཁས་པ་དག་གིས་བཤད་བཤད་པ་དེ་བསྐྱར་བཟློས་ཀ་བྱས་པས་ཅི་ཕན་སྙམ་པ་དང་། །འགའ་ཞིག་གིས་འདི་ལྟར་བཤད་པའང་མཁས་འདོད་ཀྱི་གླེགས་བམ་ཁུར་དུ་བརྩེགས་པའི་ཕྱིར། སྔར་མ་དྲན་པའི་ལེགས་བཤད་ཡིན་རློམས་ཕྲེང་བ་བསྟར་ནས་བསྙོན་ཧམ་གྱི་ཁ་ཁྲལ་འཇལ་བདག་ཡིན་ནོ་སྙམ་པའི་ཡིད་ཅན་མཆིས་སྲིད་ཀྱང་ཚོམ་པ་མི་འཚལ་ཏེ། སྒྲ་ཚད་ཀྱི་མིག་དང་ལྡན་པས་མདོ་རྒྱུད་གཞུང་ལུགས་རྒྱ་མཚོར་བལྟ་བའི་བློ་གྲོས་དང་ལྡན་པ་དག་གིས་གྲགས་པ་ཙམ་ལ་སྙིང་པོར་བཟུང་ནས་གཞུང་ལུགས་ཀུན་ལ་བལྟ་བའི་མིག་དང་མི་ལྡན་པ་དག་གིས་ཕྱིན་ཅི་ལོག་ཏུ་བཤད་པའི་རྗེས་སུ་མི་འབྲང་བ་ནི་ཡིན་མོད། །གཞན་ཏུ་སྤྲུལ་པའི་སྐུ་ཆོས་ཀྱི་སྤྱན་དང་ལྡན་ཅིང་ཚད་མར་གྱུར་བ་རྣམས་ཀྱིས་མ་གསུངས་པའམ་མ་མཁྱེན་པ་ཞིག་སླར་བཤད་དུ་ཡོད་པར་གྱུར་ན་ནི་འཆད་པ་

[Full Size]

པོ་དེ་ཉིད་རང་ལ་ང་རྒྱལ་དང་གཞན་ལ་ཕྲག་དོག་གིས་གྲགས་འདོད་ལྷུར་ལེན་པའི་བླུན་པོ་ཤེས་རབ་དང་མི་ལྡན་པ་དག་མགོ་བསྐོར་བའི་གཏམ་དུ་ཟད་ལ། གལ་ཏེ་སྣ་རེ་གཉིས་ཙམ་ལ་མཁས་པར་སྨྲ་བའང་སྲིད་མཐའ་མ་བཀག་ཙམ་དུ་མཆིས་རུང་། སྔོན་གྱི་སྐྱེས་ཆེན་དེ་དག་ལས་རྒྱུད་ཚོད་མཐོ་བའི་ཐམས་ཅད་མཁྱེན་པའི་ཁྱད་ཆོས་ཡོད་པ་ནི་རྒྱལ་བའི་བསྟན་པའང་རྟགས་ཙམ་འཛིན་པའི་དུས་འདིར་ཡོད་པར་མི་སེམས་སོ། །ཕྱི་མས་ཀྱང་ནོངས་པ་མིན་ཏེ། བོད་འདིར་ཕྱིས་ནས་སྒྲ་ཚད་ལ་སོགས་པའི་རིགས་གནས་དང་མདོ་རྒྱུད་གཞུང་ལུགས་གང་ལའང་སློབ་དཔོན་མཁས་པར་བསྟེན་ནས་སློབ་མས་ཤེར་བརྩོན་གྱི་སྦྱོར་བ་ཚད་ལྡན་མི་དགོས་པར་མགོ་མཐོང་ནས་དོན་སྤྱི་ཡིད་ལ་ཤེས་པར་རློམས་ནས་ཧོལ་རྒྱུགས་བྱེད་པ་དེ་ལྟ་བུ་ལ་འདི་ཙམ་གྱིས་ཀྱང་ཕན་པར་འདོད་པའི་བློས། །གོང་སྨོས་དམ་པའི་གསུང་གཟུ་བོར་གནས་པ་དག་དཔང་པོར་བཞག་ཅིང་གཞན་ཡང་ལེགས་པར་སྦྱར་བའི་གླེགས་བམ་ཚད་ལྡན་མང་པོ་མཇལ་བས་དེ་དག་ནས་ཇི་སྐད་བཤད་པ་ཁོ་ན་ཡིན་པའི་ཕྱིར་རོ། །འདིར་བསྒྲུབ་ཚུལ་རྣམས་དང་བརྡའ་ཁྱད་སོགས་གོ་བདེ་བའི་དབང་དུ་བྱས་ཏེ་ཀ་ལཱ་པ་ལྟར་བྲིས་པས་གཞུང་གཞན་གྱིའང་གནད་དོན་འཐུས་པར་ཡོད་ཅིང་། སྤྱིར་ཡང་ཙཱནྡྲ་པའི་གཞུང་ལྟ་བུར་འཇུག་ན་དེ་ཉིད་ཀྱི་བྱིངས་མདོ་དང་ཨུྲ་སོགས་སུ་པྲ་མཐའ་ལ་སོགས་པར་ཤེས་པར་བྱ་དགོས་པས་མཚོན། སྒྲ་མདོ་སོ་སོ་ལ་

[Full Size]

རང་རང་གི་བྱིངས་མདོ་དང་བུད་མེད་ཀྱི་རྐྱེན་མཐའ་ཏི་སོགས་དང་སི་སོགས་ཀྱི་སྦྱར་ཐབས་བྱད་དངོས་ལས་གསུམ་གྱི་མཐའ་དཔྱད་བཅས་ཤེས་པར་བྱ་དགོས་ཤིང་། ཐ་ནའང་སོ་སོའི་བྱིངས་མདོ་དང་ཨུྲ་མདོ་ཙམ་ནི་མ་ཤེས་ཐབས་མེད་ཡིན་ཏེ་རྒྱུ་མཚན་ནི། པཱ་ི་ནི་དང་ཀ་ལཱ་པ་སོགས་སུ་ཉི་རྗེས་འབྲེལ་ཅན་གྱི་བྱིངས་བཤད་ནས་དེ་ལ་རྐྱེན་སྦྱོར་བའི་མདོ་ཟུར་དུ་ཡོད་ཅིང་། ཙཱནྡྲའི་བྱིངས་མདོར་ཉིཏྲ་མ་བསྟན་པས་དེ་ཡི་འཇུག་ཡུལ་ཡང་མ་བཤད་པ་དང་། སྡེ་ཚན་བསྒྲིག་ཚུལ་གོང་འོག་མི་མཚུངས་པས་ཏིདྲ་དང་ཀྲྀཏྲའི་རྐྱེན་སྦྱོར་ཡུལ་མི་མཚུངས་པ་མང་བ་དང་། ལ་ལར་ཀྲྀཏྲ་རྐྱེན་གྱིས་བསྒྲུབ་པ་འགའ་ཞིག་ཏུ་ཨུྲ་སོགས་སུ་བཀླག་པ་སོགས་ཡོད་པས་གཞན་ལའང་ཤེས་པར་བྱའོ། །འདིར་ཚིག་ལྡབ་པ་དང་། གྲོང་ཚིག་ཏུ་སྨྲས་པའང་གོ་བདེ་བའི་ཕྱིར་ལགས་པས་མཁས་པ་རྣམས་ཀྱིས་བཟོད་པར་མཛོད་ཅིག །གཞན་ཡང་མཁས་པ་རྣམས་ལ་མེད་དུ་མི་རུང་བའི་ལེགས་བཤད་དམ་དུམ་མཆིས་པའང་ཡི་གེས་འཇིགས་ནས་མ་བཀོད་མོད་དོན་གྱི་ཆ་ཕལ་ཆེར་འདིར་འདུས་པས་མ་ཚང་བ་ནི་མིན་ནོ། །གཟུར་གནས་མཁས་པ་དགའ་བའི་ལེགས་བཤད་འདི། །མཁས་པའི་ཞལ་ལུང་རོ་ལྡན་བདུད་རྩི་སྟེ། །རྟོག་བཟོས་བསླད་པའི་འདྲ་མིན་ཚིག་ཕྲེང་གིས། །རང་གཞན་གཉིས་མགོ་བསྐོར་དང་འདི་མི་འདྲ། །ཉུང་ངུའི་ཚིག་གིས་གཞུང་མང་དཀའ་གནད་ཀྱང་། །བདེ་བླག་གསལ་བྱེད་གསེར་གྱི་ལྡེ་མིག་འདིས། །བློ་གསལ་བློ་

[Full Size]

ཡི་བང་མཛོད་ཁ་ཕྱེས་པའི། །དགེ་དེས་ཀུན་མཁྱེན་གོ་འཕང་མྱུར་ཐོབ་ཤོག །ཅེས་པ་འདིའང་རིགས་བརྒྱའི་ཁྱབ་བདག་ཐམས་ཅད་མཁྱེན་པ་དཔལ་ཀརྨ་པ་བཅུ་བཞི་པའི་ཞབས་འབྲིང་དུ་འཁོད་པའི་ཚེ་བློ་གསར་བུ་གཞན་ལ་ཕན་ཕྱིར་འདི་ལྟར་གྱིས་ཤིག་པའི་བཀའི་གནང་བ་ཐོབ་པས། ཞེ་ཆེན་པཎྜི་ཏ་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོའི་གསུང་གི་བདུད་རྩི་ཟེར་ཙམ་ཐོབ་པས་གཙུག་ལག་ཀུན་ལ་ལྟ་བའི་བློ་མིག་ཅུང་ཟད་ཡངས་པ་བཙུན་པ་ཡོན་ཏན་རྒྱ་མཚོའམ་བརྡ་སྤྲོད་ཀུན་བཤད་ཀྱི་བཏགས་མིང་དུ་བློ་གཏེར་རབ་དགའ་ཚངས་བྱུང་སྙེམས་པའི་ལང་ཚོའི་ཟླ་སྣང་ཞེས་བགྱི་བས་རང་ལོ་ཉེར་ལྔ་པར་འོག་མིན་ཀརྨའི་གཙུག་ལག་ཁང་དུ་གྲུབ་བར་བགྱིས་པ་བསྟན་པ་རིན་པོ་ཆེ་འཕེལ་བའི་རྒྱུར་གྱུར་ཅིག །སརྦ་དཱ་ཀ་ལྱཱ་ནཾ་བྷ་ཝནྟུ། །

འདུ་ཤེས་གསུམ་ལྡན་སྤོང་བ་པའི་གཟུགས་བརྙན་པདྨ་གར་གྱི་དབང་ཕྱུག་ཕྲིན་ལས་འགྲོ་འདུལ་རྩལ་གྱི་རྟོགས་པ་བརྗོད་པའི་དུམ་བུ་སྨྲིག་རྒྱུའི་བདུད་རྩི།

[Full Size]

འདུ་ཤེས་གསུམ་ལྡན་སྤོང་བ་པའི་གཟུགས་བརྙན་པདྨ་གར་གྱི་དབང་ཕྱུག་ཕྲིན་ལས་འགྲོ་འདུལ་རྩལ་གྱི་རྟོགས་པ་བརྗོད་པའི་དུམ་བུ་སྨྲིག་རྒྱུའི་བདུད་རྩི་ཞེས་བྱ་བ་བཞུགས་སོ། །

[Full Size]

རྡོ་རྗེ་འཆང་པདྨ་ཉིན་བྱེད་དབང་པོའི་ཞབས་ལ་སྒོ་གསུམ་གུས་པ་ཆེན་པོས་ཕྱག་འཚལ་ལོ། །

[Full Size]

འཁྲུལ་སྣང་ཡིད་སྲུབ་གཡུལ་ལས་རྣམ་རྒྱལ་ཏེ། །འཁྲུལ་མེད་ཆོས་སྐུའི་གནས་ལུགས་རྗེན་ཅར་དུ། །

[Full Size]

གཟིགས་པས་རྟོགས་གྲོལ་དུས་མཉམ་མཆོག་བརྙེས་པ། །བཀའ་བརྒྱུད་རིན་ཆེན་རྣམས་ཀྱིས་བྱིན་རླབས་སྩོལ། །

[Full Size]

སྐྱེ་བས་ཐོབ་དང་སྦྱོར་བརྩོན་མཐར་ཕྱིན་པས། །ས་ལམ་ཡོན་ཏན་ཇི་བཞིན་བརྙེས་རྣམས་ཀྱི། །མངོན་ཤེས་སྟོབས་ཀྱིས་གདུལ་བྱའི་ཁམས་གཟིགས་ནས། །རྣམ་ཐར་བྱོགས་ཙམ་མཚོན་དེས་འགྲོ་མང་འདུལ། །སོ་སྐྱེ་རང་བློ་ཙམ་ཡང་ལྐོག་གྱུར་པས། །ཆོས་བརྒྱད་དབང་གིས་ཡོན་ཏན་མེད་བཞིན་ཏུ། །ཡོད་པར་རློམས་དང་གཞན་གྱི་མཐུར་བརྟེན་ནས། །རང་ཉིད་སྒྲོག་རྣམས་ཆོས་འགལ་ཁུར་པོ་ལྕི། །སྙིགས་དུས་ལོག་ལྟའི་ཤུགས་བརྡོལ་བླུན་པོའི་བློ། །དྲང་དོན་དགོས་པ་གཟིགས་ནས་སྙིང་རྗེ་ཡི། །སྟོབས་ལྡན་དམ་པ་འགའ་ཡིས་ཉིང་འཁྲུལ་གྱི། །རྟོགས་པ་བརྗོད་པའི་རེ་ཁཱ་གསལ་བར་མཛད། །དེ་འདྲའི་རྗེས་སུ་ཕྱིན་པའི་མཐུ་མེད་ཀྱང་། །རྩ་གསུམ་བྱིན་རླབས་མི་བསླུ་མཚོན་པ་དང་། །གྲུབ་མཆོག་གཞན་གྱི་ཡོན་ཏན་ཞར་བྱུང་དུ། །ཕྱོགས་ཙམ་གསལ་ཕྱིར་སྦ་འོས་ཅུང་ཟད་བརྗོད། །དེ་ལ་མིའི་ཆོས་བླ་མའི་ཡོན་ཏན་དང་ལྡན་ངེས་པ་དག་གིས་ཀྱང་སྐབས་སུ་མ་བབས་པར་རང་ཉིད་ཀྱིས་བསྒྲགས་པར་བྱ་བ་མ་ཡིན་ཏེ་རྒྱལ་སྲས་འཕགས་པའི་ས་ཆེན་པོ་ལ་བཞུགས་པ་རྣམས་ཀྱིས་ཀྱང་དེ་བཞིན་གཤེགས་པས་མ་གནང་བར་དུ་རང་ཉིད་ཀྱི་ཡེ་ཤེས་དང་ཏིང་ངེ་འཛིན་དང་སྨོན་ལམ་དང་རྫུ་འཕྲུལ་གྱི་སྟོབས་ལ་སོགས་པ་ཐུན་མོང་དུ་སྟོན་པར་མི་མཛད་པ་དང་། །

[Full Size]

རྡོ་རྗེ་ཐེག་པའི་ལམ་རིམ་པ་གཉིས་ལས་དྲོད་ཐོབ་པའི་རྟགས་ནི་དེ་ལས་ཀྱང་གསང་ཞིང་སྦ་བར་རྡོ་རྗེ་འཆང་གི་བཀས་བཅད་པས་ཆོས་ཉིད་ཀྱི་བདེན་པ་གཟིགས་པ་རྣམས་ཀྱིས་སྐལ་ལྡན་གྱི་གདུལ་བྱ་འདུལ་བའི་ཆེད་དུ་ཕྱོགས་ཙམ་སྟོན་པ་ལས། སྦྱོར་ལམ་ལ་གནས་པ་མན་ཆད་ཀྱིས་ཁྱབ་བརྡལ་དུ་མི་བསྒྲག་པའི་དམ་ཚིག་ཡིན་པ་དང་འགལ། ཡོན་ཏན་མེད་པ་ལ་ཡོད་པར་བརྫུ་བའི་ལྷ་མཐོང་འདྲེ་མཐོང་མངོན་ཤེས་རྫས་སྔགས་ཀྱི་གྲུབ་རྟགས་ལ་སོགས་པ་སྡོམ་ལྡན་གྱིས་བྱས་ན་སྡོམ་པ་རྩད་ནས་འཇིག་པས་དངོས་གྲུབ་ཀྱི་སྐལ་པ་ཆད་ཅིང་ཚ་དམྱལ་གྱི་སྡུག་བསྔལ་ཚད་མེད་པ་མྱོང་དགོས་པའི་ཕྱིར་ལས་འབྲས་ཤེས་པ་དག་གིས་སྲོག་ལ་བབས་ཀྱང་སྨྲ་སྤོབས་བར་མི་སྣང་ཞིང་། ཕལ་པ་སྡོམ་པ་ཉམས་རྒྱུ་མེད་ཀྱང་རྫུན་སྨྲ་བ་ཉིད་རང་བཞིན་གྱིས་ཁོ་ན་མ་ཐོ་བ་མི་དགེ་བའི་ལས་ཡིན་པའི་ཕྱིར་ལྷ་དང་བཅས་པའི་འཇིག་རྟེན་གྱིས་ཁྲེལ་ཞིང་ངན་སོང་གི་སྡུག་བསྔལ་མྱོང་དགོས་པ་དང་། སྔོན་ལས་བསོད་ནམས་ཀྱི་འཕྲོ་སྨིན་པ་ཁ་ཅིག་ནག་ཕྱོགས་འབྱུང་པོས་གྲོགས་བྱས་ཏེ་རེ་ཞིག་རྫུན་ཚིག་ཐོག་ཏུ་ཁེལ་ནས་སྐལ་དམན་བསོད་ནམས་ཆུང་བའི་སྐྱེ་བོ་དང་ཟས་གོས་འདུ་བ་ལྟར་སྣང་ཡང་། །མཐར་སྨྲ་བ་པོའི་བརྫུན་མཚང་བརྡོལ། རང་དང་འབྲེལ་ཚད་འདི་ཕྱི་གཉིས་ཀར་ཕུང་ལ་སྦྱོར་བ་མཐོང་ཆོས་སུ་གྲུབ་པས་མིན་པ་ལ་

[Full Size]

ཡིན་པ་དང་། མེད་པ་ལ་ཡོད་པར་བརྫུ་བ་ལྟ་ཅི་སྨོས། བདེན་པའི་དངོས་པོ་བརྗོད་པ་ལ་དུས་དང་སྐབས་ཕྱེད་དགོས་པར་སྣང་བས་བདག་ལྟ་བུའི་སོ་སྐྱེ་ཤིན་ཏུ་ཐ་ཤལ་པ་ཚོགས་ལམ་ཙམ་གྱི་སྣེ་ལེགས་པར་མ་ཟིན་པ་ཞིག་ལ་འཕགས་པའི་ཆོས་ཀྱི་ཡོན་ཏན་གསང་འོས་པ་ནི་གང་ཡང་མི་སྣང་བས་དབུལ་པོའི་མཛོད་དུ་དཀོང་ནོར་བཞིན་ཡེ་གསང་ཐབས་ཀྱིས་ཆོད། སྟབས་ལེགས་ཀྱིས་ལྟས་བཟང་ཕྲན་ཚེགས་དང་རྨི་ལམ་ཟ་ཟི་ཙམ་རེ་ནི་ལམ་གྱི་དྲོད་རྟགས་སམ་སྐྱོན་ཡོན་གང་ཡང་མ་ཡིན་པས་དེ་ལྟ་བུ་གསང་ན་དངོས་གྲུབ་ཐོབ་པའི་རེ་བའང་མེད་ལ། བཤད་པས་གོ་འཕང་ཉམས་པའི་དོགས་པའམ་མ་མཆིས་པ་དང་། སྐྱེ་བ་དང་རྣམ་འཕྲུལ་དུ་གྲགས་པ་ལ་རང་ཉིད་ཀྱིས་ནི་སྐྱེ་བ་སྔ་མ་ལྟ་ཅི་སྨོས། །ཚེ་འདིའི་འདུན་སྤྱོད་ཀྱང་ཉིན་རེ་བཞིན་ཏུ་སྔ་མ་ཅི་བྱས་དང་གང་སྨྲས་ཕལ་ཆེར་བརྗེད་ངས་སུ་སོང་ནས་དྲན་ལམ་དུ་མི་སྣང་བས་སྐྱེ་བ་དྲན་པའི་རེ་བ་ཟད་ཅིང་། གལ་ཏེ་དྲན་ཏུ་ཟིན་ནའང་། འཕགས་པ་དང་དམ་པའི་རྣམ་ཐར་འཛིན་པའི་གང་ཟག་མཆོག་གི་སྐྱེ་བ་ནི་དྲན་རྒྱུས་ཕོངས་པར་སྣང་སྟེ། སྔ་མ་གང་བྱས་ད་ལྟའི་ལུས་ལ་ལྟོས། །ཕྱི་མ་ཅི་འགྱུར་ད་ལྟའི་ལས་ཀྱིས་བྱེད། །ལས་ནི་ལུས་དང་གྲིབ་མ་བཞིན་དུ་འབྲང་། །ཞེས་གསུངས་པ་ལྟར་སྔོན་གྱི་ཚེ་རབས་མང་པོ་ལ་དགེ་

[Full Size]

བའི་རྩ་བ་བསགས་པས་ད་ལྟ་ཆོས་ལྡན་གྱི་མི་ལུས་རྣམ་པར་དག་པ་ཐོབ་ཏུ་ཟིན་ཀྱང་རྒྱུད་ཉོན་མོངས་པའི་གཞན་དབང་ཁོ་ནར་འཆེལ་བ་ལས་རྗེས་སུ་དཔག་པའི་རིག་པས་གཞལ་ན། སོ་སྐྱེ་འཁོར་བ་ཐོག་མེད་ནས་བག་ཆགས་ཁ་བརྒྱུད། དེ་ཁམས་གསུམ་དུ་འཁོར་ཞིང་ད་དུང་འཁོར་བ་མཐའ་མེད་དུ་འཁོར་ཞིང་འཁྱམས་པའི་རང་བཞིན་ཅན་ཉིད་དུ་ངེས་པ་རྙེད་ཀྱང་། མི་བསླུ་ངེས་པའི་དཔལ་ལྡན་བླ་མ་ཆོས་དང་ཡེ་ཤེས་ཀྱི་སྤྱན་ལྡན་རྣམས་ཀྱིས་རང་རང་གི་དགོངས་པ་དང་། ཨོ་རྒྱན་སངས་རྒྱས་གཉིས་པ་སོགས་རྩ་བ་གསུམ་གྱི་བརྡ་དང་ལུང་ལ་བརྟེན་ནས་འཕགས་ཆེན་རྣམས་ཀྱི་རྣམ་འཕྲུལ་དུ་ལྐོག་ན་མོར་མ་ཡིན་པར་ཡོངས་གྲགས་ཁྱད་བརྡལ་དུ་ལུང་བསྟན་རྗེས་སུ་གནང་བས་དབུགས་དབྱུང་སྩལ་བ་ཐོབ་པ་ལ་བརྟེན། མཆོག་དམན་ཕལ་མོ་ཆེས་གང་ཟག་དམ་པར་བཟུང་སྟེ་བསོད་ནམས་སྤེལ་བའི་གནས་སུ་བྱེད་པ་དང་། དག་སྣང་གི་སྤྱན་རས་ཡངས་ཤིང་རང་ཉིད་ལ་བླ་མར་འཛིན་པ་རྣམས་ཀྱིས་དྲང་དོན་ཉིད་ངེས་པའི་དོན་དུ་བཟུང་ནས་རེ་འདུན་ཆེ་བ་དང་། ཁྱད་པར་ཚེ་རབས་སྔ་མར་ཡབ་སྲས་གོང་མ་རྣམས་སོགས་སྐྱེས་ཆེན་རྣམས་ལ་བཟང་འབྲེལ་ཐོགས་པའི་ཐུགས་བསྐྱེད་དང་སྨོན་ལམ་གྱི་འཕེན་ཤུགས་ལྟ་བུས་རྒྱལ་བ་ཀར་འབྲུག་སི་ཏུ་ཡབ་སྲས་གཙོས་སྐྱེས་ཆེན་

[Full Size]

ཡོངས་གྲགས་མང་པོ་ལ་རྡོ་རྗེ་ཐེག་པའི་སྨིན་གྲོལ་དང་གཞུང་ལུགས་རིག་གནས་ཡན་ཆད་ཀྱི་ཞབས་འདེགས་ཞུ་བ་པོར་ཡང་གྱུར་གཤིས། གཅིག་ཏུ་རྗེ་བཙུན་བླ་མ་དམིགས་པ་མེད་པའི་ཐུགས་རྗེ་དང་ལྡན་པ་རྣམས་ཀྱིས་བརྩེ་བས་རྗེས་སུ་བཟུང་བའི་བཀའ་ལུང་གཡས་ཆུང་རས་ཆོད་ཆུད་ཟོས་སུ་བཏང་བ་མི་རིགས་ཤིང་། དེ་ཙམ་ལ་ས་བོན་ཏུ་བྱས་ནས་དོན་དམ་དུ་བཟུང་ན་རྡོ་རྗེའི་གསུང་ལ་བསླུ་བ་མི་སྲིད་པས་མ་འོངས་པར་ངེས་དོན་ཏུ་འགྱུར་བའི་རྟེན་འབྲེལ་འགྲིགས་པར་འགྱུར་བ་དང་། །གཉིས་སུ་མོས་ལྡན་རྣམས་ཀྱིས་ཀྱང་དད་པ་བྱས་ན་ཁྱི་སོ་ལ་རིང་བསྲེལ་གྱི་དཔེ་བཞིན་དམ་པ་དེ་དག་གི་རྣམ་འཕྲུལ་དུ་ཡིད་ཆེས་པས་གསོལ་བ་བཏབ་ན་ཚེ་རབས་ཀུན་ཏུ་དམ་པ་རྣམས་ཀྱིས་རྗེས་སུ་འཛིན་པའི་རྒྱུར་འགྱུར་བ་དང་། གསུམ་དུ་ཐ་མལ་པའི་སོ་སྐྱེ་མངོན་རྗེས་ཚད་མས་གྲུབ་པའི་མཚན་ཉིད་དང་ཡོན་ཏན་གང་ཡང་མེད་པ་ཞིག་ཡབ་སྲས་སྐྱེས་ཆེན་དེ་དག་གིས་སྟེས་དབང་ཙམ་གྱིས་བླ་མར་བསྟེན་ན་ཆོས་དང་མི་མཐུན་པའི་རྣམ་ཐར་དུ་འགྱུར་བས་ཡུལ་མཆོག་དེ་རྣམས་ཀྱིའང་ཞབས་འདེགས་སུ་འགྱུར་བའི་ཕྱིར་འདིར་བརྗོད་པར་བྱ་བ་ལ་གསུམ། དམ་པ་རྣམས་ཀྱི་སྐྱེས་རབས། ལུང་བསྟན་རྣམས་ནས་ཟིན་ཚུལ། ཟབ་མོ་གཏེར་གྱི་དངོས་གྲུབ་ཆ་ཤས་ཙམ་ཐོབ་པའི་ཆུ་ལ་བརྗོད་པའོ། །དང་

[Full Size]

པོ་ནི། དེའང་ཁོ་བོ་ཅག་ཐོག་མ་མེད་པའི་དུས་ནས་གཟུང་འཛིན་གྱི་རྣམ་པར་རྟོག་པ་སྐད་ཅིག་མ་ལ་བརྟེན་ནས་འཁྲུལ་བའི་གཞན་དབང་དུ་འཕྱན་ཏེ་ཁམས་གསུམ་གྱི་གནས་རིས་ཀུན་ཏུ་ལུས་གྲངས་མེད་པ་བླངས། ཉོན་མོངས་པས་བསྐྱེད་པའི་ལས་བསམ་གྱིས་མི་ཁྱབ་པ་བསགས། མཐའ་མེད་པའི་འཁོར་བའི་རྒྱ་མཚོ་ཆེན་པོར་སྡུག་བསྔལ་གསུམ་གྱི་རྦ་རླབས་ཀྱིས་རྟག་ཏུ་གཡེང་བཞིན་པར་གནས་པས་ད་དུང་དུའང་ལམ་སྣ་ཙམ་ཡང་མ་ཟིན་པ་ལ། འཕགས་པ་དང་དམ་པའི་སྐྱེ་བ་དང་སྤྲུལ་བ་སོགས་རང་བློ་ལྐོག་ཏུ་མ་གྱུར་པས་རེ་བ་ག་ལ་ཡོད་ཅིང་། མཁས་པ་རྣམས་ཀྱིས་བརྟགས་ཀྱང་དངོས་པོ་སྟོབས་ཞུགས་ཀྱི་རིགས་པ་ཚད་མས་མ་གྲུབ་པས་མིན་པ་ལ་ཡིན་པ་དང་། མེད་པ་ལ་ཡོད་པར་བརྫུས་པའི་མི་ཆོས་བླ་མའི་རྫུན་གྱིས་དམྱལ་བའི་ས་བོན་ཆེད་དུ་བསྒྲུབ་པ་ནི་སེམས་ལྡན་སུ་ཞིག་གིས་སྤོབས། འོན་ཀྱང་ཡེ་ཤེས་ཀྱི་སྤྱན་ལྡན་དཔལ་ལྡན་བླ་མ་རྣམས་དང་། ཚད་མར་གྱུར་པའི་སྐྱེས་ཆེན་རྣམས་ཀྱིས་ངོ་བསྟོད་དང་གཅོམ་བུ་ཙམ་མ་ཡིན་པར་ལུང་བསྟན་དང་། ཁྱད་པར་ལྐོག་གྱུར་གྱི་གནས་ལ་སངས་རྒྱས་གཉིས་པ་པདྨཱ་ཀ་རའི་གཏེར་ལུང་ལ་མཆོག་དམན་ཀུན་གྱིས་ཚད་མར་གྱུར་པས་དེའི་དབང་དུ་བྱས་ཏེ་ཕྱོགས་ཙམ་འགོད་པ་ཡིན་ནོ། །དེའང་རྡོ་རྗེ་འཆང་པདྨ་ཉིན་བྱེད་དབང་པོ་དང་། རྒྱལ་

[Full Size]

དབང་བཅུ་བཞི་པ་ཐེག་མཆོག་རྡོ་རྗེས་སྨིན་གླིང་གཏེར་ཆེན་གྱི་རྣམ་འཕྲུལ་ཡིན་པར་གསུངས་ཤིང་སྔ་མས་ཞབས་བརྟན་དང་ཕྱི་མས་སྐྱེས་རབས་གསོལ་འདེབས་མཛད་པ་ལས་རྟོགས་པར་ནུས། མཁན་ཆེན་ཟླ་བཟང་སྤྲུལ་པའི་སྐུས་ཐུགས་དམ་བརྟགས་པར་དེ་དོན་ཤིན་ཏུ་གསལ་བར་གཟིགས། ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོས་ཐུགས་དམ་བརྟགས་པར། ཀུན་དགའ་བོ། བཻ་རོ། ཀླུ་མེས། ཟུར་ཆེན་རྣམས་དང་། འཕྲང་མགོ་གཏེར་སྟོན་ཤེས་རབ་འོད་ཟེར་རྣམས་ཡིན་པར་གཟིགས་ཤིང་། མནལ་ལམ་ཞིག་ཏུ་མུས་ཆེན་སངས་རྒྱས་རིན་ཆེན་དང་བ་ཡོ་ཆོས་བཟང་ཡིན་པ་དང་། སྙེ་མདོ་ཀུན་དགའ་དོན་གྲུབ་ཡིན་པ་གསལ་བར་དྲན་གསུངས། དགོངས་པའི་གསལ་སྣང་ངམ་རྒྱུ་མཚན་མ་གསུངས་ཀྱང་ཇོ་ནང་རྗེ་བཙུན་ཏ་ར་ནཱ་ཐ་དང་། རྩེ་ལེ་སྣ་ཚོགས་རང་གྲོལ་ཡིན་པར་དུས་རྒྱུན་ཐུགས་ཐག་བཅད། གཏེར་ཆེན་མཆོག་གྱུར་གླིང་པས་བཻ་རོའི་རྣམ་འཕྲུལ་དུ་ཡིན་པའི་རྟགས་དང་རྒྱུ་མཚན་འབྲེལ་ཆགས་པ་དང་། །བ་ཡོ་ཆོས་ཀྱི་བློ་གྲོས་ཡིན་པའི་གསལ་སྣང་ཤར། འོན་ཀྱང་དམ་པ་རྣམས་ཀྱི་གསུང་ལ་དགོངས་གཞི་དགོས་པ་དངོས་ལ་གནོད་བྱེད་གསུམ་དུ་མཆིས་ཏེ། དགོངས་གཞི་ནི། མདོ་སྡེ་རྒྱན་ལས། དེ་བཞིན་ཉིད་

[Full Size]

ནི་ཐམས་ཅད་ལ། །ཁྱད་པར་མེད་ཀྱང་དག་གྱུར་པ། །དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན། །ཅེས་དང་། རྒྱུད་བླ་མ་ལས། རྫོགས་སངས་སྐུ་ནི་འཕྲོ་ཕྱིར་དང་། །དེ་བཞིན་ཉིད་དབྱེར་མེད་ཕྱིར་དང་། །རིགས་ཡོད་ཕྱིར་ན་ལུས་ཅན་ཀུན། །རྟག་ཏུ་སངས་རྒྱས་སྙིང་པོ་ཅན། །ཅེས་སོགས་རྒྱས་པར་བསྟན་པ་ལྟར་ཡ་གི་ཐོག་མའི་མགོན་པོ་ནས་མ་ཀི་འཇག་མིག་གི་སྲིན་བུ་ཡན་གྱི་རྒྱུད་ལ་བདེ་བར་གཤེགས་པའི་སྙིང་པོ་ལ་ཆེ་ཆུང་བཟང་ངན་འཕེལ་འགྲིབ་མེད་པར་བཞུགས་པས་བཻ་རོ་ཙམ་དུ་མ་ཟད་རྣམ་པར་སྣང་མཛད་ཡིན་བྱས་ཀྱང་གཞི་མ་གྲུབ་པའི་བརྫུན་གསུང་བར་མི་འགྱུར་ལ། རྣམ་པ་གཅིག་ཏུ་ན། ཡེ་ཤེས་མཁའ་འགྲོ་མཚོ་རྒྱལ་གྱི་ཞལ་ནས། མ་འོངས་གཏེར་གྱི་ཆོས་ལ་མོས་པ་ཀུན། །དེང་སང་གུ་རུའི་ཞལ་མཐོང་སྨོན་ལམ་བཏབ། །ཐམས་ཅད་ལས་ཅན་ཡིན་པས་དགའ་བ་སྒོམས། །ཁོ་མོའི་ཚིག་འདི་རིན་ཆེན་གསེར་ལས་དཀོན། །ཅེས་གསུངས་པས་གུ་རུ་རིན་པོ་ཆེ་དང་ལོ་ཆེན་བཻ་རོ་རྣམས་བོད་ཡུལ་དུ་ཞལ་བཞུགས་པའི་སྐབས་མི་ལུས་ཐོབ་ནས་ཞལ་མཐོང་འབྲེལ་བ་ཅུང་ཟད་ཐོབ་པའི་ཐུགས་རྗེ་ལ་བརྟེན་ནས་ད་ལྟ་དལ་འབྱོར་ཐོབ་ཅིང་རྡོ་རྗེ་ཐེག་པ་སྤྱི་དང་ཁྱད་པར་བ་རྣམས་བདེ་བླག་ཏུ་མཇལ་ཞིང་དམ་པ་དེ་དག་གི་བྱིན་རླབས་

[Full Size]

འཇུག་པའི་སྣོད་རུང་ཙམ་ཡིན་པར་བྱས་ནའང་མི་འཐད་པ་མེད་ལ། དགོས་པ་ནི། རྒྱན་ལས། གང་ཞིག་སེམས་ཅན་མིར་གྱུར་པས། །ཚད་མེད་སྐད་ཅིག་རེ་རེ་ལ། །རྫོགས་པའི་སངས་རྒྱས་ཐོབ་དེའི་ཕྱིར། །ཞུམ་པ་དང་དུ་བླང་མི་བྱ། །ཞེས་གསུངས་པ་ལྟར་སེམས་ཞུམ་པ་བསལ་བས་རང་གཞན་གྱི་དོན་སྒྲུབ་པ་ལ་སྤྲོ་བའི་མཐུ་བསྐྱེད་པ་དང་། ཐོས་བསམ་སྒོམ་པའི་ཡོན་ཏན་ཅུང་ཟད་ཡོད་ན་བསྟན་པ་ལ་ཕན་པའི་ལག་རྗེས་འགྲུབ་པ་དང་། སྐལ་མཉམ་གཞན་དག་གིས་དམ་པའི་སྐྱེ་བ་དང་སྤྲུལ་པའི་སྐུར་གྲགས་པ་ལ་དད་མོས་བསྙེན་བཀུར་གྱིས་བཟང་པོའི་འབྲེལ་བ་ཐོགས་ཤིང་མི་མཐུན་པའི་བར་ཆད་ཉུང་བར་འགྱུར་བ་དང་། ཇི་ལྟར་རྨ་དང་ཟས་ལ་དེ་དག་གི། གཟག་དང་སྤྱད་དུ་རུང་བར་སྨིན་འདོད་པ། །དེ་བཞིན་རྟེན་འདིར་ཕྱོགས་གཉིས་ཞི་བ་དང་། །དེ་བཞིན་སྤྱད་པ་ཉིད་དུ་སྨིན་པར་བསྟན། །ཅེས་གསུངས་པ་ལྟར་བཟང་པོའི་བག་ཆགས་འདི་ཙམ་གྱི་ས་བོན་ལ་བརྟེན་ནས་མ་འོངས་པ་ན་དམ་པ་དེ་དག་གི་དགོངས་པ་སྐོང་བའི་ཕྲིན་ལས་ཀྱི་བྱེད་པོར་ཡང་འགྱུར་བས་རུང་བས་སོ། །དངོས་ལ་གནོད་བྱེད་ནི། བདག་ལྟ་བུའི་སོ་སྐྱེ་ཐ་ཤལ་པ་ཉོན་མོངས་པའི་འདམ་རྫབ་ཏུ་ཆུད་པ་ཞིག་དམ་པ་དེ་དག་གི་སྐྱེ་བའམ་རྣམ་འཕྲུལ་དུ་སོན་པ་ལྟ་ཅི།

[Full Size]

བྱིན་གྱིས་བརླབས་པ་ཙམ་ཡིན་པའི་རེ་བ་རྨི་ལམ་དུའང་མེད་མོད། །གོང་དུ་སྨོས་པ་ལྟར་རྡོ་རྗེའི་གསུང་རྣམས་ལ་དགོས་པ་སོ་སོར་མཆིས་པས་གཡས་ཆུང་ངུ་མི་བོར་བར་རགས་བསྡུས་སུ་འགོད་ན། །ལོ་ཆེན་བཻ་རོ་ཙ་ན་ནི་ཨོ་རྒྱན་གུ་རུ་རིན་པོ་ཆེ་དང་དགོངས་པ་མཉམ་ཉིད་དུ་བཞུགས་ཤིང་སྐུ་ཚེ་དེ་ཉིད་ཀྱིས་འཇའ་ལུས་རྡོ་རྗེའི་སྐུ་བརྙེས་ནས་གཞོན་ནུ་བུམ་བསྐུར་བྱང་ཆུབ་སྟེ་ཁྱབ་བདག་རྣམ་པར་སྣང་མཛད་དང་དགོངས་པ་རོ་གཅིག་ཏུ་འཁྱིལ་ཀྱང་། སེམས་ཅན་གྱི་ཁམས་ལ་ཟད་པ་མི་མངའ་བས་གང་ལ་གང་འདུལ་གྱི་རྣམ་པར་འཁྲུལ་པ་རྒྱུན་ཆད་མི་མངའ་སྟེ། རྒྱན་ལས། རྒྱལ་སྲས་བརྩོན་འགྲུས་མཆོག་ལ་བརྟེན་པ་དེ། །སེམས་ཅན་ཚོགས་རབ་སྨིན་པར་བྱེད་པ་ན། །ཕ་རོལ་སེམས་དགེ་གཅིག་གི་ཕྱིར་ཡང་ནི། །བསྐལ་པ་བྱེ་བ་སྟོང་དུའང་སྐྱོ་མི་འགྱུར། །ཅེས་གསུངས་པ་དང་། དེ་ནི་མཆོག་ཚོགས་ནང་དུ་ཏིང་ངེ་འཛིན། །དཔག་མེད་རྣམ་པར་རོལ་པ་ཀུན་སྟོན་ཅིང་། །བཟོ་དང་སྐྱེ་ངར་མཆོག་གི་སྤྲུལ་པ་ཡིས། །སེམས་ཅན་རྣམས་ཀྱི་དོན་དུ་དུས་ཀུན་གནས། །ཅེས་བཟོ་དང་སྐྱེ་བ་དང་སྤྲུལ་པ་ཡང་སྤྲུལ་ཉིད་སྤྲུལ་དཔག་ཏུ་མེད་པ་གཅིག་ཅར་དུ་སྟོན་པ་ནི་སངས་རྒྱས་རྣམས་ཀྱི་ཆོས་ཉིད་དུ་ངེས་པ་སྟེ། ཇི་ལྟར་ཉི་མ་འབད་མེད་ཕྱོགས་ཕྱོགས་ཀུན་ཏུ་འོད་ཟེར་

[Full Size]

དག། རབ་འབྱམས་གསལ་བ་མང་པོས་ལོ་ཏོག་རྣམ་སྨིན་བྱེད་པ་ལྟར། །དེ་བཞིན་ཆོས་ལྡན་ཉི་མའང་རབ་ཞིར་བྱེད་པ་ཆོས་ཀྱི་འོད། །རབ་འབྱམས་དག་གིས་ཕྱོགས་ཕྱོགས་ཀུན་ཏུ་སེམས་ཅན་རྣམ་སྨིན་མཛད། །ཅེས་གསུངས་པ་ལྟར་གདོད་མའི་མགོན་པོའི་རྒྱལ་སར་མངོན་པར་བྱང་ཆུབ་ནས་གདུལ་བྱ་འདུལ་བའི་རྣམ་འཕྲུལ་གཅིག་ལས་དུ་མར་སྤྲུལ་པ་དང་། དུ་མ་གཅིག་ཏུ་སྡུད་པ་སོགས་སོ་སོ་སྐྱེ་བོའི་བློས་ཚད་བཟུང་མི་ནུས་པས་བཻ་རོའི་རྣམ་འཕྲུལ་ཡོངས་སུ་གྲགས་པ་རྣམས་ཀྱང་དུས་གཅིག་ལ་མང་དུ་བྱོན་པ་དང་། མི་ཚེ་གཅིག་གི་ཐོག་མཐའ་བར་གསུམ་དུ་བྱོན་པ་སོགས་མང་བས་ཚུར་མཐོང་གི་བློས་དཔྱད་པར་དཀའ་ཡང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་རྣམ་ཐར་བསམ་གྱིས་མི་ཁྱབ་པའི་ཚུལ་རྟོགས་པ་རྣམས་ནི་ངོ་མཚར་བསྐྱེད་པར་འགྱུར་བས་འོག་ཏུ་འབྱུང་བ་འདི་རྣམས་ཀྱང་རྒྱུ་མཚན་དེ་ལྟར་ཤེས་པར་བྱ་དགོས་སོ། །དེ་ལ་གཏེར་སྟོན་ཤེས་རབ་འོད་ཟེར་སྔོན་དུ་བྱོན། དེ་རྗེས་མི་རབས་གཉིས་ཙམ་གྱི་སྐབས་སྐུ་སྤྲུལ་སྣ་ཚོགས་རང་གྲོལ། གསུང་སྤྲུལ་གཏེར་བདག་གླིང་པ། ཐུགས་སྤྲུལ་པདྨ་བདེ་ཆེན་གླིང་པ་རྣམས་གཅིག་གི་སྐུ་ཚེའི་སྨད་ལ་གཅིག་བྱོན་པ་ལྟར་མི་ཚེ་གཅིག་ལ་བྱོན། དེ་བཞི་པོའི་སྐྱེས་རབས་ཀྱང་གཞི་གཅིག་ལ་མི་

[Full Size]

འདྲ་བའི་ཁྱད་པར་མང་དུ་སྣང་། དེ་ལས་ཤེས་རབ་འོད་ཟེར་འགྲོ་འདུལ་གླིང་པ་ནི། ཤཱནྟ་པུ་རིར་བཞུགས་པའི་དཔའ་བོ་ཐོད་པ་རྩལ་གྱི་ཐུགས་ལས་སྤྲུལ་པར་གསུངས་ཤིང་དེའང་ལོ་ཆེན་བཻ་རོ་ཙ་ན་ཉིད་འབྲས་བུ་མཐར་ཕྱིན་པའི་རྣམ་འཕྲུལ་གྱི་བཀོད་པ་གཅིག་ཏུ་མངོན། །འདིའི་འཁྲུངས་རབས་སུ། སྤྲུལ་གཞི་རྣམ་སྣང་། སྤྲུལ་པ་རྡོ་རྗེ་ཆོས། ཀུན་དགའ་བོ། རྒྱལ་པོ་ཛཿ ཨིནྡྲ་བོ་དྷི། ཐུ་མི་སཾ་བྷོ་ཊ། བཻ་རོ་ཙ་ན། ཙ་མི་སངས་རྒྱས་གྲགས། ལོ་ཙཱ་རིན་ཆེན་བཟང་པོ། རྔོག་བློ་ལྡན་ཤེས་རབ། བྱ་འདུལ་བ་འཛིན་པ། མཁས་གྲུབ་ཁྱུང་པོ་རྣལ་འབྱོར། ཞང་བརྩོན་འགྲུས་གྲགས་པ། དཔལ་ཆེན་ཆོས་ཡེ། རོག་དོལ་བ་ཤེས་རབ་རྒྱ་མཚོ། གཡག་སྡེ་པ་ཆེན། པ་ཆེན་འབུམ་ཕྲག་གསུམ་པ་རྣམས་ཡིན་པར་གསུངས་ལ། སྨིན་གླིང་གཏེར་ཆེན་གྱི་སྐྱེས་རབས་ཡོངས་གྲགས་བཅུ་བཞི་མ་ནི་གཙོ་བོ་རགས་བསྡུས་ཡིན་པར་འདུག་ཅིང་། གཏེར་གཞུང་དང་རང་ཉིད་ཀྱི་མཁྱེན་ངོར་གསལ་བ་ནི་རྒྱལ་སྲས་པདྨ་འགྱུར་མེད་རྒྱ་མཚོས་མཛད་པ་ལས་འདི་ལྟར་འབྱུང་སྟེ། ཀུན་དགའ་བོ་ཡན་ཆད་སྔ་མ་ལྟར་ལ། དེ་ནས་ཨིནྡྲ་བྷུ་ཏི་ཆེན་པོ། ཆོས་རྒྱལ་ཟླ་བ་བཟང་པོ། རྒྱལ་པོ་ཛཿའམ་ལུང་བསྟན་རྡོ་རྗེ། ཤཱནྟི༚་གྷ། ཐུ་མི་སཾ་བྷོ་ཊ།

[Full Size]

གྲུབ་ཆེན་ནག་པོ་སྤྱོད་པ། རྒྱལ་མོ་རོང་དགེ་སློང་བཱུརྞ། ལོ་ཆེན་བཻ་རོ། ཟུར་ཆེན་ཤཱཀྱ་འབྱུང་གནས། གྲྭ་མངོན་དབང་ཕྱུག་འབར། རོང་ཟོམ་ཆོས་ཀྱི་བཟང་ངོ་། །མཁས་གྲུབ་ཁྱུང་པོ་རྣལ་འབྱོར། རྟ་ནག་བོན་པོ་ལྷ་འབུམ་མམ་གུ་རུ་རྣོན་རྩེ། སྤྲུལ་སྐུ་ར་ཤག་ཆེན་པོ། གྲུབ་ཐོབ་དངོས་གྲུབ། ཞིག་པོ་ཉི་མ་སེང་གེ། བསྟན་པ་གཞུང་འཛིན། དགེ་བཤེས་ཉམས་བྲོ་བ། གུ་རུ་ཇོ་དར། ཡེ་ཤེས་ཁྱུང་གྲགས། ས་སྐྱ་པ་ཆེན། ཀློང་ཆེན་རབ་འབྱམས། དབུས་པ་སངས་རྒྱས་འབུམ། གཡག་སྡེ་པ་ཆེན། རྡོ་རྗེ་གླིང་པ། ཀུན་སྐྱོང་གླིང་པ། བོ་དོང་པ་ཆེན་ཕྱོགས་ལས་རྣམ་རྒྱལ། བྲག་ཐོག་པ་བསོད་ནམས་བཟང་པོ། སོག་ཟློག་པ་བློ་གྲོས་རྒྱལ་མཚན། རྗེ་བཙུན་ཏཱ་ར་ནཱ་ཐ། སྤྲུལ་སྐུ་མཆོག་ལྡན་མགོན་པོ། སྲིན་པོ་ཆོས་ཀྱི་གོ་ཆ། ཨོ་རྒྱན་གཏེར་བདག་གླིང་པ་ཞེས་བཀོད་པར་སྣང་། རྩེ་ལེའི་སྐྱེས་རབས་ཀྱང་ཕྱོགས་མཚུངས་ཤིང་གང་ཟག་གཞན་ཡང་སྣང་། ཁྱད་པར་ཉིད་ཀྱི་གོང་མ་དངོས་ནི་རྩེ་ལེ་ཨོ་རྒྱན་བསྟན་འཛིན་ཞལ་སློབ་མཚུངས་མེད་བསྟན་འཛིན་རྡོ་རྗེ་ཞེས་རྩེ་ལེའི་གདན་ས་ཐོག་མར་འདེབས་པ་པོ་ད་ཡིན་པར་འདུག །པདྨ་བདེ་ཆེན་གླིང་པའི་སྐྱེས་རབས་སྤྱི་ཁོག་དེ་དག་དང་མཚུངས་

[Full Size]

པ་ལས་ལ་སྟོན་ནམ་མཁའ་རིན་ཆེན་སོགས་ལྷག་པོ་འགའ་ཞིག་དང་། སྐྱེ་བའི་གོང་མ་དངོས་ནི་ཀཿཐོག་བླ་རབས་བཅུ་གསུམ་གྱི་ཕྱི་མ་བུ་འབོར་བཀྲ་ཤིས་རྒྱ་མཚོ་ཡིན་པར་གསུངས་སོ། །ཇོ་ནང་རྗེ་བཙུན་གྱི་སྐྱེས་རབས་ཐོག་མར་ཐུགས་བསྐྱེད་པ་ནས་བརྩམས། སྐྱེ་བ་དང་སྤྲུལ་པ་མང་དུ་བྱོན་པ་ལས་གཙོ་བོ་སྤྲུལ་སྐུ་བཅུ་གསུམ་དུ་གྲགས་པ་སྟེ། འཕགས་ཡུལ་དུ་གྲུབ་ཆེན་ནག་པོ་སྤྱོད་པ་དང་། ར་ཏ་ན་བྷ་ཧུ་ལ། བོད་དུ་རོང་ཟོམ་ཆོས་བཟང་། འབའ་རོམ་པ་དར་མ་དབང་ཕྱུག། ས་སྐྱ་གྲགས་རྒྱལ་སློབ་མ་ཨ་བ་དྷཱུ་ཏི་ར། ཞང་སྟོན་འབྲུག་སྒྲ་རྒྱལ་མཚན། གཉོས་སངས་རྒྱས་རས་ཆེན། གཉོས་སཾ་གྷ་བྷ་དྲ། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན། སིངྒ་ལའི་པ་ཆེན་ཆོས་ཀྱི་ཉིན་བྱེད། རྗེ་བཙུན་ཀུན་དགའ་གྲོལ་མཆོག །འཕགས་ཡུལ་དུ་དགའ་བྱེད་ས་སྐྱོང་། དེ་ནས་རྗེ་བཙུན་ཐམས་ཅད་མཁྱེན་པ་ཏཱ་ར་ནཱ་ཐ་ཞེས་བགྲང་བར་མཛད་དོ། །དེ་དག་ལས་གསར་རྙིང་གཉིས་སུ་ཡོངས་སུ་གྲགས་པ་རྣམས་ནི་སྨོས་མ་དགོས་ལ། གཏེར་ཆེན་སྐྱེས་རབས་སུ་བསྟན་པ་གཞུང་འཛིན་དང་དགེ་བཤེས་ཉམས་བྲོ་བ་གཉིས་ཀྱི་ལོ་རྒྱུས་ནི་མ་འཚལ། གུ་རུ་ཇོ་དར་ནི། གཏེར་སྟོན་གུ་རུ་ཇོ་རྩེའི་མཚན་ཇོ་བོ་ཚེ་དབང་དར་པོ་ཡིན་

[Full Size]

པས་དེ་ཉིད་ཡིན་ནམ་སྙམ། དེ་དག་སྤྲུལ་གཞི་རྣམ་པར་སྣང་མཛད་ནི། སངས་རྒྱས་ཐམས་ཅད་ཆོས་ཀྱི་སྐུར་མཉམ་པ་ཉིད་དུ་བྱང་ཆུབ་པ་ལས་འོག་མིན་སྟུག་པོ་བཀོད་པར་ངེས་པ་ལྔ་ལྡན་གྱི་ལོངས་སྐུ་རྣམ་སྣང་ཡེ་ཤེས་གང་ཆེན་མཚོའི་ཞིང་དང་སྐུའི་བཀོད་པ་དཔག་ཏུ་མེད་པར་སྣང་བའི་ནང་ཚན་མི་མཇེད་ཀྱི་འཇིག་རྟེན་འདིའི་སྟོང་གསུམ་གྱི་གཟུགས་ཁམས་ཀྱི་འོག་མིན་རྣམས་སུ་བཞུགས་པའི་རྣམ་སྣང་ནི། རྒྱུད་ལས། འོག་མིན་གནས་ནི་ཉམས་དགའ་བར། །གཙང་མའི་གནས་ཀྱི་སྟེང་བཞུགས་ཏེ། །ཡང་དག་སངས་རྒྱས་དེར་སངས་རྒྱས། །སྤྲུལ་པ་པོ་གཅིག་འདིར་སངས་རྒྱས། །ཞེས་དང་ལངྐར་གཤེགས་པ་ལས་ཀྱང་དེ་དང་མཐུན་པར་གསུངས་ཤིང་དབུ་མ་པ་ཆོས་བཤེས་ཀྱིས། བྱང་སེམས་མཐོང་ལམ་པ་ཡན་ཆད་ཀྱི་སྤྱོད་ཡུལ་སྤྲུལ་སྐུ་ཁྱད་པར་བ་ལ་ལོངས་སྐུར་བཏགས་པ་ཡོད་པར་བཤད་པ་དབང་ཕྱུག་ཆེན་པོ་རྣམས་ཀྱི་དབུས་སུ་ཆོས་བསྟན་པར་མཛད་པའི་སྤྲུལ་པ་རྒྱ་ཆེན་པོའི་སྐུ་འདི་ཉིད་དོན་ལ་རྣམ་སྣང་ཆེན་པོའི་རོལ་པ་ཡིན་ཀྱང་། རྣམ་པ་དུ་མར་སྟོན་པ་ཉིད་སྤྲུལ་གཞིར་འཐད་ཅིང་། སྔ་འགྱུར་ལུགས་སུའང་། ཆོས་ཀྱི་སྐུ་ནང་གསལ་ཆོས་ཉིད་དུ་བཞུགས་པ་དེ་ཉིད་རང་སྣང་གི་ཡུལ་ལ་ཕྱིར་གསལ་དུ་མཆེད་པའི་ཡེ་ཤེས་ཀྱི་སྣང་

[Full Size]

ཆ་སྐུ་དང་ཡེ་ཤེས་ཚད་མེད་པ་ལ་ལོངས་སྤྱོད་པའི་རང་སྣང་ལོངས་སྐུའི་སྟོན་པ་རྣམ་པར་སྣང་མཛད་གང་ཆེན་མཚོ་དེ་ཉིད་ཅུང་ཟད་དག་པའི་གདུལ་བྱ་ས་བཅུའི་དབང་ཕྱུག་རྣམས་ལ་རིགས་ལྔའི་ཞིང་ཁམས་སུ་སྣང་བ་ཕྱེད་སྣང་། རང་བཞིན་སྤྲུལ་པ་དང་། དེ་ལས་འགྲོ་བ་འདུལ་བའི་སྤྲུལ་པའི་སྐུ་གདུལ་བྱའི་ཁམས་དང་མཐུན་པར་བསམ་གྱིས་མི་ཁྱབ་པའི་ཚུལ་སྟོན་པར་བཤད་པ་དང་དགོངས་པ་གཅིག་པའི་ཕྱིར་རོ། །རྡོ་རྗེ་ཆོས་ནི། གསང་བ་འདུས་པ་ལས་རྡོ་རྗེ་ཆོས་ལ་རྒྱུད་གཏད་པར་གསུངས་ཤིང་དེ་ནི་ཕྱག་ན་རྡོ་རྗེ་ལ་རྒྱུད་གཏད་ཅིང་དབང་བསྐུར་བའི་མཚན་ཡིན་པར་བཞེད། གསང་བའི་བདག་པོ་ཕྱག་ན་རྡོ་རྗེ་ནི། བདེ་བར་གཤེགས་པ་ཐམས་ཅད་ཀྱི་རྡོ་རྗེའི་སྙན་གཅིག་ཏུ་བསྡུས་པའི་རང་གཟུགས་སུ་དཔལ་དུས་འཁོར་ལས་གསུངས་པ་དང་། ཡེ་ཤེས་ཐིག་ལེ་ལས། ལྟ་བ་ཀུན་ནི་བསྲུང་དོན་ཕྱིར། །སྣ་ཚོགས་པ་ཡི་གཟུགས་སུ་སྤྱོད། །ལ་ལར་རྡོ་རྗེ་འཛིན་པ་དང་། ལ་ལར་སངས་རྒྱས་ཀྱི་ནི་གཟུགས། །ལ་ལར་ཧེ་རུ་ཀ་ཡི་གཟུགས། །ལ་ལར་དེ་བཞིན་གཤེགས་པ་དང་། །ལ་ལར་བྱང་ཆུབ་སེམས་དཔའི་གཟུགས། །ལ་ལར་ཉན་པ་ལྟ་བུར་བཞུགས། །ལ་ལར་འཆད་དོ་དགྱེས་པདྨ། །ལ་ལར་ཀློག་པའི་ཚུལ་དུ་བཞུགས། །ལ་ལར་

[Full Size]

རྒྱུད་དང་བསྟན་བཅོས་ནི། །མཛད་པ་དང་ནི་ལ་ལར་འཛིན། །མང་དུ་བརྗོད་ལྟ་ཅི་ཞིག་དགོས། །དེ་སྟོན་ཕྱག་ན་རྡོ་རྗེ་རྒྱལ། །ཞེས་བདེ་བར་གཤེགས་པའི་བསྟན་པ་མཐའ་དག་འཛིན་པ་པོར་གསུངས་ཤིང་། ཨ་ཏི་ཡོ་ག་ལས་རྡོ་རྗེ་སེམས་དཔའ། ཨ་ནུ་ལས་རིག་འཛིན་གྱི་རྒྱལ་པོ་ཀུཉྫ་ར། མ་ཧཱ་ལས་རྡོ་རྗེ་ཆོས། དགྱེས་རྡོར་ལས་རྡོ་རྗེ་སྙིང་པོ། དུས་འཁོར་སྡུད་པ་པོ་ཟླ་བ་བཟང་པོ་སོགས་ཡེ་ཤེས་གཅིག་ཉིད་དུ་མའི་རོལ་གར་བསྒྱུར་བ་ཡིན་ལ། དོན་དམ་པར་ནི། དཔལ་གསང་བ་གྲུབ་པའི་རྒྱུད་ལས། འདི་ཡི་སྡུད་པར་བྱེད་པ་པོ། །གཞན་དག་ཡོད་པ་མ་ཡིན་ཅེས། །བདག་ཉིད་འབའ་ཞིག་སྨྲ་བར་བྱེད། །རྒྱུད་མཛད་པ་ནི་ ཐུགས་རྡོ་རྗེ། །ཞེས་གསང་བའི་བདག་པོ་སྡུད་པ་པོའི་རྣམ་པར་བསྟན་ཀྱང་སངས་རྒྱས་རྣམས་ཀྱི་ཐུགས་རྡོ་རྗེ་ལས་ལོགས་སུ་བཞག་པར་བྱ་བ་མེད་པར་བཤད་ཅིང་། དེ་མཚུངས་དགྱེས་རྡོར་སོགས་གཞན་ལས་ཀྱང་འབྱུང་ངོ། །ཀུན་དགའ་བོ་ནི། གསང་བའི་བདག་པོའི་རྣམ་པར་འཕྲུལ་པ་ཤཱཀྱའི་རིགས་ཀྱི་སྲས་སུ་འཁྲུངས་ནས་བསྙེན་པར་རྫོགས། །ཤཱཀྱའི་དབང་པོའི་ཉེ་བར་གནས་པའི་ཞབས་འབྲེང་བ་མཛད་ཅིང་ཐོས་པ་འཛིན་པའི་མཆོག་ཏུ་ལུང་བསྟན། སངས་རྒྱས་མྱ་ངན་ལས་འདས་པའི་འོག་

[Full Size]

ཏུ་དགྲ་བཅོམ་པར་གྱུར་ནས་མདོ་སྡེ་རྣམས་ཀྱི་བཀའི་བསྡུ་བ་དང་གཏད་རབས་གཉིས་པའི་མཛད་པ་སྐྱོང་སྐབས་སངས་རྒྱས་དང་མཚུངས་པའི་ཉན་ཐོས་ཆེན་པོ་ཞེས་བསྔགས་པར་མཛད་པ་དེའོ། །ཨིནྡྲ་བྷཱུ་ཏི་ནི། སངས་རྒྱས་ཉིད་བཞུགས་པའི་སྐབས་སུ་ནུབ་ཕྱོགས་ཨོ་རྒྱན་གྱི་ཡུལ་དུ་བྱུང་། བཅོམ་ལྡན་འདས་ཀྱི་མཚན་ཐོས་པས་དད་གུས་ཀྱིས་ཕྱག་འཚལ་ཞིང་ཡིད་ཀྱིས་གསོལ་བ་བཏབ་པས་བཅོམ་ལྡན་འདས་མངོན་དུ་བྱོན། གསང་འདུས་མི་བསྐྱོད་རྡོ་རྗེའི་དཀྱིལ་འཁོར་སྤྲུལ་ནས་དབང་གནང་། འདོད་ཡོན་མི་སྤོང་བར་ལམ་དུ་བྱེད་པའི་ཐབས་ཞུས་པ་བཞིན་རྒྱུད་བསྟན་ཅིང་གདམས་པས་རྗེས་སུ་བཟུང་། རྒྱལ་པོས་ཀྱང་དོན་རྣམས་ ཐུགས་སུ་ཆུད་ནས་སྤྲོས་བཅས་ཀྱི་སྤྱོད་པ་རྒྱ་ཆེན་པོ་བརྩམས་པས་འཁོར་དང་བཅས་པས་རིག་པ་འཛིན་པའི་ས་བརྙེས་སོ། །ཆོས་རྒྱལ་ཟླ་བ་བཟང་པོ་ནི། ཤམྦྷ་ལའི་རྒྱལ་པོ་ཉི་མའི་འོད་ཀྱི་སྲས་སུ་འཁྲུངས་ནས་དགུང་ལོ་དགུ་བཅུ་རྩ་དགུ་བཞེས་པའི་སྐབས། བཅོམ་ལྡན་འདས་འཕགས་ཡུལ་ལྷོ་ཕྱོགས་དཔལ་ལྡན་འབྲས་སྤུངས་ཀྱི་མཆོད་རྟེན་དུ་རྡོ་རྗེ་སེང་གེའི་ཁྲིར་བཞུགས་པའི་སྤྱན་སྔར་འཁོར་དཔག་ཏུ་མེད་པ་དང་བཅས་རྫུ་འཕྲུལ་གྱིས་བྱོན་ནས། རྒྱུད་ཐམས་ཅད་ཀྱི་རྡོ་རྗེའི་ཚིག་མ་ལུས་པ་གསལ་བ་སངས་རྒྱས་རིན་པོ་ཆེའི་ཟ་མ་ཏོག་

[Full Size]

ཁ་འབྱེད་པ་སྟོན་པར་གསོལ་བ་བཏབ་པས། འོག་ཏུ་ཆོས་དབྱིངས་གསུང་གི་དབང་ཕྱུག་དང་སྟེང་དུ་དཔལ་ལྡན་རྒྱུ་སྐར་གྱི་དཀྱིལ་འཁོར་སྤྲུལ་ནས་དཔལ་དུས་ཀྱི་འཁོར་ལོའི་རྩ་རྒྱུད་སྟོང་ཕྲག་བཅུ་གཉིས་པ་བསྟན། རྒྱུད་གཞན་རྣམས་ཀྱི་རྩ་རྒྱུད་ཀྱང་ཞུ་བ་པོ་སོ་སོའི་ངོར་གསུངས། ཟླ་བ་བཟང་པོས་སྤྱིར་རྒྱུད་ཐམས་ཅད་དང་། ཁྱད་པར་དུས་ཀྱི་འཁོར་ལོའི་རྩ་རྒྱུད་ཀྱི་འགྲེལ་ཆེན་སྟོང་ཕྲག་དྲུག་ཅུ་པ་མཛད། གྲོང་ཁྱེར་བྱེ་བ་དགུ་བཅུ་རྩ་དྲུག་གི་སྐྱེ་བོ་སྐལ་ལྡན་རྣམས་ལ་དབང་བསྐུར་ཅིང་རྒྱུད་བཤད། ཀ་ལཱ་པའི་གྲོང་གི་ལྷོ་ཕྱོགས་མ་ལ་ཡའི་སྐྱེད་མོས་ཚལ་དུ་དུས་ཀྱི་འཁོར་ལོའི་སྐུ་གསུང་ཐུགས་ཡོངས་སུ་རྫོགས་པའི་དཀྱིལ་འཁོར་ཆེན་པོ་བཞེངས། སྲས་ལྷ་དབང་སེང་གེ་ཁྲིར་བཀོད་ནས་ཆོས་སྟོན་པར་དབང་བསྐུར་ཏེ་ལོངས་སྐུར་བཞེངས་སོ། །རྒྱལ་པོ་ཛཿནི། སྤྱི་མདོ་དགོངས་འདུས་སོགས་ལས། སངས་རྒྱས་མྱ་ངན་ལས་འདས་ནས་ལོ་གྲངས་བརྒྱད་དམ་བཅུ་གཉིས་ནས་རྒྱལ་པོ་ཛཿཞེས་བྱ་བ་འབྱོན་པར་འགྱུར་བ་ལུང་བསྟན་པ་ལྟར། ས་ཧོ་རའི་རྒྱལ་པོ་ཨིནྡྲ་བྷཱུ་ཏི་ཞེས་བྱ་བ་ཨིནྡྲ་བྷཱུ་ཏི་བར་པའམ་མཚན་གྱི་རྣམ་གྲངས་རྒྱལ་པོ་ཛཿར་གྲགས་པ་དེ་རྒྱུད་སྡེ་འོག་མའི་རྣལ་འབྱོར་ལ་བཞུགས་པའི་ཚེ་ངོ་མཚར་བའི་རྨིས་ལྟས་བདུན་བྱུང་བ་དང་མཐུན་པར་མ་ཧཱ་

[Full Size]

ཡོ་གའི་རྒྱུད་སྡེའི་གླེགས་བམ་རྣམས་ཆར་དུ་བབས། སྒྲུབ་པ་མཛད་པས་རྒྱུད་དོན་མཁྱེན་ཀྱང་སློབ་དཔོན་མེད་པར་རང་གར་འཇུག་པ་དགག་པའི་ཕྱིར། རྡོ་རྗེ་སེམས་དཔས་རྗེས་སུ་བཟུང་བའི་སློབ་དཔོན་ཀུ་ཀུ་རཱ་ཛ་སྤྱན་དྲངས་ཏེ་རྒྱུད་རྣམས་གསན། རྡོ་རྗེ་དབྱིངས་ཀྱི་དཀྱིལ་འཁོར་ལྟར་བསྒོམས་པས་འཁོར་སྟོང་ཕྲག་དང་བཅས་པ་རིག་པ་འཛིན་པའི་ས་གྲུབ་པའོ། །སློབ་དཔོན་ཨཱརྻ་དེ་བ་ནི་སིངྒ་གླིང་གི་རྒྱལ་པོ་པཉྩ་ཤྲྀ་གའི་སྲས། མཁན་པོ་ཧེ་མ་དེ་བ་ལས་རབ་ཏུ་བྱུང་བ། སྡེ་སྣོད་གསུམ་ལ་མཁས་པ་ཞིག་ཕྱིས་ཀླུ་སྒྲུབ་ལ་བརྟེན་ཏེ་དངོས་གྲུབ་མང་པོ་བརྙེས། སྙིང་པོ་དོན་གྱི་བསྟན་པ་གཏད། བྲམ་ཟེ་མ་ཁོལ་བཏུལ་བ་སློབ་དཔོན་དཔའ་བོར་གྲགས། །ཆོས་གཞི་མང་དུ་བཙུགས་ཤིང་བཤད་ཉན་རྒྱ་ཆེན་པོས་བསྟན་པ་སྤེལ་བས་ཛམ་གླིང་རྒྱན་དྲུག་ཏུ་གྲགས་པའི་ཡ་གྱལ་དེའོ། །གྲུབ་ཆེན་ནག་པོ་སྤྱོད་པ་ནི། རྒྱལ་པོས་དངོས་གྲུབ་འགྲུབ་ཅིང་བར་དོར་འཚང་རྒྱ་བར་ལུང་བསྟན་པ་སྟེ། གྲུབ་ཆེན་ཛ་ལནྡྷ་རཱི་བས་རྗེས་སུ་བཟུར་ཞིང་དངོས་གྲུབ་བརྙེས། རྡོ་རྗེ་ཐེག་པའི་བསྟན་པ་སྤྱི་དང་ཁྱད་པར་བདེ་མཆོག་གི་སྒྲུབ་པའི་རྒྱུན་རྒྱ་ཆེར་སྤེལ། ཡི་དམ་གྱིས་ལུང་བསྟན་པ་བཞིན་ནག་པོ་གཞུང་དྲུག་མཛད་པས་ཤིང་རྟའི་སྲོལ་འབྱེད་ཆེན་པོར་གྲགས། དེ་རྗེས་དེ་ཉིད་ཀྱིས་

[Full Size]

བྱིན་གྱིས་བརླབས་པའི་ནག་པོ་སྤྱོད་པ་ཆུང་བར་གྲགས་པ་ཞིག་ཀྱང་བྱོན་ནོ། །ཤཱནྟི༚་གྷ་ནི། སྔ་འགྱུར་བཀའ་བབས་ཀྱི་རིག་འཛིན་ཆེན་པོ་བརྒྱད་ཀྱི་ནང་ཚན་དམོད་པ་དྲག་སྔགས་ཀྱི་བཀའ་བབས། བསམ་ཡས་ས་འདུལ་གྱི་སྐབས་བོད་དུ་བྱོན་པར་བཤད་ལ། དཔལ་ཆེན་སྟོབས་ལྡན་ནག་པོའི་ཕྱག་རྒྱའི་མཆོག་གྲུབ་པ་ཞིག་གོ། །ཐུ་མི་སཾ་བྷོ་ཊ་ནི། འཇམ་པའི་དབྱངས་ཀྱི་རྣམ་འཕྲུལ་ཆོས་རྒྱལ་སྲོང་བཙན་སྒམ་པོའི་ནང་བློན་གྱི་ཚུལ་འཛིན། །རྒྱ་གར་དུ་བྱོན་ནས་པཎྜི་ཏ་རྣམས་ལས་སྒྲ་སོགས་རིག་པའི་གནས་རྣམས་བསླབས། བོད་ཀྱི་ཡི་གེ་དང་བརྡ་དག་ཀློག་ལ་སྦྱོར་བ་སོགས་ཐོག་མར་སྲོལ་གཏོད་པ་པོ་ཡིན་པས་བོད་ལ་བཀའ་དྲིན་དང་ངོ་མཚར་ཆེ་བ་འདི་ལྟ་བུ་ནི་སུའང་མ་བྱུང་བར་སྣང་ངོ་། །སྤྲུལ་པའི་ལོ་ཙཱ་བ་ཆེན་པོ་བཻ་རོ་ཙ་ན་ནི། འདྲ་འབག་དང་ཐང་ཡིག་དང་སྙན་བརྒྱུད་རྡོ་རྗེ་ཟམ་པའི་ལོ་རྒྱུས་རྣམས་སུ་མི་མཐུན་པ་ཅི་རིགས་ཡོད་འདུག་ཀྱང་འདྲ་འབག་ཞལ་གསུང་མ་ཡིན་པར་གསུངས་པས་དག་པར་བྱེད་དགོས་པས་དེ་ལྟར་ན། ཉང་ཆབ་དང་གཙང་ཆབ་འཛོམ་པའི་འགྲམ་དུ་ཡབ་བ་གོར་རྡོ་རྗེ་རྒྱལ་པོ་དང་ཡུམ་སྒྲོན་སྐྱིད་ཀྱི་སྲས་སུ་འཁྲུངས་ཤིང་མཚན་གན་ཇག་ཐང་ཏར་གསོལ། བ་གོར་ཧེ་འདོད་ཨ་ཁུ་ཡིན་པས་ཡབ་འདས་རྗེས་སུ་དེས་

[Full Size]

བསྐྱངས་པའང་བཤད། དགུང་ལོ་བརྒྱད་ལོན་པའི་སྐབས་སུ་ཉི་ཟེར་ལ་ཞོན་ནས་ཕེབས་པ་དང་། སྒྲ་བསྒྱུར་སུམ་བརྒྱ་དྲུག་ཅུ་མ་བསླབ་པར་མཁྱེན་པ་སོགས་རྟགས་ངོ་མཚར་ཅན་བསྟན། ཆོས་རྒྱལ་ཁྲི་སྲོང་གིས་ཆོས་སྒྱུར་བའི་ལོ་ཙཱ་བ་སྡུད་པའི་སྐབས། གུ་རུ་རིན་པོ་ཆེས་ཀུན་དགའ་བོའི་སྐྱེ་བ་བཻ་རོ་དང་སྐ་ཅོག་རྣམས་ལུང་བསྟན་པ་ལྟར་སྤྱན་སྔར་བོས་ཏེ་སྒྲ་སྐད་སོགས་བསླབ་སྤྱོད་མཛད། མཁན་ཆེན་བོ་དྷི་སཏྭ་ལས་བོད་མི་རབ་ཏུ་བྱུང་བའི་ཐོག་མ་སད་མི་མི་བདུན་གྱི་ནང་ཚན་ཡིན་ཅིང་། མཚན་ཡང་བཻ་རོ་ཙ་ན་རཀྵི་ཏ་ཞེས་གསོལ། དགུང་ལོ་བཅོ་ལྔ་པར་རྒྱལ་པོས་རྒྱུ་འབྲས་ལས་འདས་པའི་ཆོས་ཞིག་རྒྱ་གར་དུ་ཡོད་པར་གསན་ནས་དེ་ཚོལ་བའི་ཕྱིར་བཻ་རོ་གཙང་སྔོན་ལེགས་གྲུབ་གཉིས་བཏང་། སྲོག་ལ་ཐུག་པའི་དཀའ་བ་ཆེན་པོ་བཅུ་དྲུག་སྤྱད་ནས་རྒྱ་གར་དུ་བརྡོལ། མན་ངག་གི་ཆོས་སུ་མཁས་དང་གྲུབ་པ་ཐོབ་པ་སུ་ཡོད་རྩད་གཅོད་པས། དྷ་ཧེ་ནའི་འདུ་ཁང་དུ་སློབ་དཔོན་ཤྲཱི་སེང་ཧ་བཞུགས་པ་ཉིད་མཁས་གྲུབ་འཛོམ་པར་ཁ་མཐུན་པས་ཐབས་དུ་མས་བཙལ་ནས་དེར་སླེབས་པ་ན་ཆུ་ལེན་རྣལ་འབྱོར་མས་གྲོགས་བྱས། སློབ་དཔོན་དང་མཇལ་ནས་གསེར་གྱི་མཎྜལ་ཕུལ་ཏེ་ཚེ་འདི་ཉིད་ལ་འཚང་རྒྱ་བའི་རྩོལ་མེད་ཨ་ཏི་ཡོ་ག་གནང་བར་ཞུས། དེའི་གོང་དུ་བོད་ལ་རྩོལ་

[Full Size]

མེད་ཀྱི་ཆོས་འཆོར་བའི་ལྟས་མང་དུ་བྱུང་བས་སུས་ཀྱང་མན་ངག་སྟེར་དུ་མེད་པའི་ཁྲིམས་བསྡམས། །ཐུན་མོང་མ་ཡིན་པའི་རྒྱུད་མན་ངག་པ་གྲུབ་རྣམས་ཀྱི་ཐུགས་ལ་བཞུགས་པ་མ་གཏོགས། ཐུན་མོང་བའི་རྒྱུད་སྡེ་མན་ངག་དང་བཅས་པ་རྡོ་རྗེ་གདན་གྱི་འོག་ཏུ་པཎྜི་དང་རྒྱལ་པོས་རྒྱ་རུ་སྤྲོད་ཀྱིས་བཏབ་པས། ཤིན་ཏུ་མ་གསང་ན་སྲོག་ལ་ཉེན་ཡོང་བའི་ཚུལ་གསུངས་པས་ཉིན་པར་པཎྜི་ཏ་རྣམས་ལས་རྒྱུ་འབྲས་ཀྱི་ཆོས་གསན། མཚན་མོ་གཞན་གྱིས་མི་རྟོགས་པའི་ཐབས་དང་རྟེན་འབྲེལ་མཛད་ནས་སེམས་ཀློང་མན་ངག་གི་སྡེ་རྣམས་རིམ་པར་གནང་། སློབ་དཔོན་དགའ་རབ་རྡོ་རྗེའི་ཡེ་ཤེས་ཀྱི་སྐུ་ཡང་མཇལ་ནས་རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞིའི་དོན་བརྒྱུད་ཐོབ་ཅིང་རྟོགས་གྲོལ་དུས་མཉམ་དུ་གྱུར། དེ་ནས་རྐང་མགྱོགས་བསྒྲུབས་ནས་བོད་དུ་བྱོན་ཏེ་ཉིན་མོ་ཐུན་མོང་དུ་རྒྱུ་འབྲས་ཀྱི་ཆོས་དང་། མཚན་མོ་རྒྱལ་པོ་ལ་རྫོགས་པ་ཆེན་པོའི་སྐོར་ལྐོག་ཆོས་སུ་གསུངས། སེམས་སྡེ་སྔ་འགྱུར་ལྔ་བསྒྱུར། རྒྱ་གར་བས་གདམས་ངག་བོད་དུ་ཤོར་བ་ལ་ཕྲག་དོག་གི་ཕྲ་མ་དང་བཙུན་མོ་དང་བློན་པོ་ཆོས་ལ་གནག་བ་རྣམས་ཀྱི་གཞན་དབང་གི་རྐྱེན་གྱིས་རྒྱལ་མོ་ཚ་བ་རོང་དུ་བྱོན་དགོས་པར་བྱུང་། དེར་བྲག་ལ་མགོན་པོའི་དགོན་པར་

[Full Size]

གཡུ་སྒྲ་སྙིང་པོ་རྗེས་སུ་བཟུང་བ་སོགས་འགྲོ་བ་མང་པོ་སྨིན་གྲོལ་ལ་བཀོད། ཚ་རོང་སྟག་རྩེ་མཁར་དུ་གསང་སྟོན་ཡེ་ཤེས་བླ་མ་ལ་རྫོགས་པ་ཆེན་པོའི་སྐོར་གསུངས། སྟོང་ཁུང་རོང་གི་བྲག་དམར་དགོན་རྫོང་དུ་སྤང་སངས་རྒྱས་མགོན་པོ་ལ་རྣ་བརྒྱུད་རྡོ་རྗེ་ཟམ་པ་གནང་། །སླར་བོད་དུ་ཕེབས་ནས་པ་ཆེན་བི་མ་མི་ཏྲ་དང་ཞལ་འཛོམ། །བོད་ཀྱི་རྒྱལ་བློན་འབངས་འཁོར་དང་བཅས་པས་ཡོན་ཏན་དྲན་པའི་གུས་པ་ཆེན་པོས་མཆོད་བསྟོད་བསྙེན་བཀུར་བསམ་གྱིས་མི་ཁྱབ་པ་ཕུལ། གཉགས་ཛྙཱ་ན་ཀུ་མཱ་ར་དང་ལི་བཟའ་ཚུལ་ཁྲིམས་སྒྲོན་མར་རྫོགས་པ་ཆེན་པོ་གནང་བ་དང་སྔ་མ་གསུམ་བཅས་རིམ་པ་ལྔར་་གྲགས། ཆོས་ཐམས་ཅད་བསྒྱུར་བའི་ཞུ་ཆེན་པ་མཛད་ཅིང་རྫོགས་པ་ཆེན་པོའི་སྐོར་ནི་ཉིད་ཁོ་ནས་བསྒྱུར། དེ་དུས་ལོ་ཙཱ་མང་དུ་འཚོགས་པའི་ཁྱད་པར་འབྱེད་པ་ལ་བྱེ་བྲག་བཤད་མཛོད་ཆེན་མོའི་རྒྱ་དཔེ་ཤིན་ཏུ་བསྒྱུར་དཀའ་བས་དུམ་བུར་བགོས་ཏེ་བསྒྱུར་བཅུག་པས་བཻ་རོས་བསྒྱུར། གཞན་རྣམས་ཀྱིས་བསྒྱུར་མ་ཐུབ་པར་ལུས་པར་གྲགས། མཐར་འཁོར་རྣམས་ལ་གདམས་ངག་ཞལ་ཆེམས་མང་དུ་སྩལ། སྦྲག་ཡང་རྫོང་གི་རི་རྩེར་ཕེབས་ནས་འོད་ཀྱི་ཕུང་པོར་གཤེགས་པས་དེང་སང་ཡང་བཻ་རོ་འོད་ལུས་སུ་གཤེགས་པའི་ཕུག་པ་མཇལ་དུ་ཡོད་

[Full Size]

པ་དང་། འདྲ་འབག་ལས་ལི་བཟའ་ཚུལ་ཁྲིམས་སྒྲོན་མ་དང་ལྷན་ཅིག་ཏུ་ལི་ཡུལ་དུ་གཤེགས་དགོངས་པ་ལ་ཡུན་རིང་དུ་བཞུགས་ནས་མཐར་སྤྲུལ་པ་རྣམ་པར་སྣང་མཛད་ཀྱི་ཐུགས་ཀར་བསྡུས་སོ། །ཞེས་གསུངས་ཏེ་མདོར་ན་བསམ་གྱིས་མི་ཁྱབ་པའི་རྣམ་པར་ཐར་པའོ། །ལོ་ཆེན་བཻ་རོའི་རྣམ་འཕྲུལ་བོད་ཀྱི་ལྗོངས་འདིར་དགེ་བའི་བཤེས་གཉེན་མཁས་པ་དང་བཙུན་པ་དང་གྲུབ་པ་ཐོབ་པ་དང་ཁྱད་པར་གཏེར་སྟོན་རིག་པ་འཛིན་པ་མང་དུ་བྱོན་ཅིང་སྦས་པའི་ཚུལ་གྱིས་འགྲོ་བའི་དོན་མཛད་པའང་མཐའ་ཡས་པ་དེ་དག་ཐམས་ཅད་ཡེ་ཤེས་ཀྱི་རྣམ་པར་འཕྲུལ་པ་ལས་སོ་སོའི་སྐྱེ་བོའི་ལས་དང་བག་ཆགས་ཀྱི་ལུས་ལྟར་སྐྱེ་བ་གཅིག་ནས་གཅིག་ཏུ་བརྒྱུད་པ་མ་ཡིན་པས་ཆུ་སྣོད་ཟླ་གཟུགས་ཀྱི་ཚུལ་དུ་ཤར་བ་མཐའ་དག་བརྗོད་པར་ག་ལ་སྤོབས་ཀྱང་འདིར་བླ་མ་དྲི་མེད་ཡེ་ཤེས་ཀྱི་སྤྱན་ལྡན་ནས་རང་ལ་དམིགས་བསལ་དུ་ལུང་བསྟན་པ་ཀླུ་མེས་ཚུལ་ཁྲིམས་ཤེས་རབ་ནི། །སྡིག་སྤྱོད་རྒྱལ་པོ་གླང་དར་མས་བསྟན་པ་བསྣུབས་ནས་བོད་ཡུལ་དུ་དགེ་སློང་གི་སྡེ་མེད་པའི་སྐབས་དབུས་གཙང་མི་བཅུས་མདོ་སྨད་དུ་མཁན་སློབ་ཀྱི་བཀའ་བརྒྱུད་མ་ཆད་པར་ཡོད་པར་ཐོས་ནས་ཁམས་སུ་ཕྱིན་ཏེ་བླ་ཆེན་དགོངས་པ་རབ་གསལ་ལས་བསྙེན་པར་རྫོགས། སྡེ་སྣོད་ཀྱི་གཞུང་ལུགས་དང་འདུལ་

[Full Size]

བའི་ལག་ལེན་ལ་མཁས་པར་སྦྱངས། གདམས་ངག་མང་པོའང་ནོས། མཁན་པོའི་ཞལ་ནས་ཀླུ་མེས་བཙུན་པས་མཁན་པོ་གྱིས། ཞེས་སོགས་ཁོང་རྣམས་བརྐོས་བཞག་སོ་སོར་མཛད། ཡར་ལོག་ཁར་མཆོད་གནས་ཞིག་ཞུས་པས་དབུ་ཞྭ་ཕུད་ནས། འདི་གྱོན་ལ་ང་མ་བརྗེད་པར་རྗེས་སུ་དྲན་པར་གྱིས་ཤིག་གསུངས་ཏེ་དབུ་ལ་བཀོན། བསམ་ཡས་སུ་སྣ་གཏད་ནས་ཕྱིན་པས་དེར་བཞུགས་པའི་བཙད་པོས་ཀྱང་སྣ་ལེན་བྱས། ཁྱེད་རྣམས་ཀྱི་དཔོན་གང་ཡིན་དྲིས་པ་ལ་ཀླུ་མེས་ཡིན་སྨྲས་པས་དབུ་རྩེ་སོགས་ཀྱི་ལྡེའུ་མིག་གཏད་ཀྱང་། ང་མཁན་པོར་མངགས་པས་མཁན་པོ་དཀོར་ལ་འབགས་པ་མི་རིགས་གསུངས་ནས་མ་བཞེས་ཤིང་ཀ་ཆུ་ཁོ་ཁོ་ན་བཞེས། ཕྱིས་ཡོ་བྱད་མང་པོ་སྟ་གོན་བྱས་ཏེ་དབུ་རྩེའི་ཞིག་གསོས་ལེགས་པར་མཛད། ལ་མོ་ཆག་དེའུ་སོགས་གནས་གཞི་མང་པོ་བརྩིགས། ཕྱིས་སློབ་བརྒྱུད་ཀྱིས་རིམ་པར་བརྩིགས་པས་ས་སྟེང་ཐམས་ཅད་ཀླུ་མེས་དཔོན་སློབ་ཀྱི་གནས་གཞིས་ཁྱབ་པ་ལྟར་གྱུར། སྔོན་འགྱུར་བའི་བཀའ་བསྟན་གྱི་གླེགས་བམ་སྔགས་འཆང་ཇོ་སྲས་རྣམས་ཀྱིས་སྦས་ཏེ་བཟུང་བ་རྣམས་དེ་དག་ཏུ་སྤྱན་དྲངས། དད་ལྡན་མང་པོ་འདུས་ནས་རབ་ཏུ་བྱུང་བས་དགེ་འདུན་གྱི་སྡེ་མང་པོ་འཕེལ། སློབ་མ་ཀ་བ་བཞི། གདུང་མ་བརྒྱད།

[Full Size]

ཕྱ་མ་སོ་གཉིས། དྲལ་མ་གྲངས་ལས་འདས་པ་བྱུང་སྟེ་འདུལ་བའི་བསྟན་པ་ཕྱི་དར་གྱི་རྩ་བ་བཙུགས་ཏེ་མྱ་ངན་ལས་འདས་པའི་སྐུ་གདུང་མ་ཉམས་པར་མཆོད་རྟེན་འོད་ཅན་ན་བཞུགས་པར་བཤད་དོ། །དེ་ནས་འགྲོ་འདུལ་ཤེས་རབ་འོད་ཟེར་གྱི་སྐྱེས་རབས་སྔགས་གསར་མའི་མཁས་གྲུབ་རྣམས་ཀྱི་རྣམ་ཐར་ཡོངས་སུ་གྲགས་ཀྱང་མཚོན་ཙམ་བརྗོད་ན། བོད་དུ་བསྟན་པ་དངོས་གཞི་ཉམས། སྔགས་ལོག་དར་བར་གྱུར་པའི་སྐབས་ལྷ་བླ་མ་ཡེ་ཤེས་འོད་ཀྱིས་བསྟན་པ་སྤེལ་བའི་ཆེད་དུ་རྒྱ་གར་དུ་བཏང་བ་ལོ་ཆེན་རིན་ཆེན་བཟང་པོས་མཁས་གྲུབ་ཀྱི་བླ་མ་མང་དུ་བསྟེན། མཁས་པའི་མཐར་ཐུག་པར་གྱུར། མཚན་ཉིད་ཐེག་པ་དང་རྒྱུད་སྡེ་བཞི་ཀ་ནས་བསྒྱུར། ཁྱད་པར་ཡོ་ག་དང་གསང་འདུས་ཀྱི་སྐོར་བསྒྱུར་བཤད་ཀྱིས་གཏན་ལ་ཕབས། སྔགས་ལོག་སུན་འབྱིན་མཛད་ནས་སྦྱོར་སྒྲོལ་དུས་མིན་དུ་སྤྱོད་པ་བཀག །ནག་ཕྱོགས་ཀླུ་སྐར་རྒྱལ་གྱིས་རློམས་པའི་ར་རྫི་རྫུ་འཕྲུལ་ཅན་བཏུལ་ནས་ཆོས་ལོག་ཐམས་ཅད་བསྣུབས། བསྟན་པ་ཕྱི་དར་གྱི་འགྱུར་འགོ་ཚུགས། ཕྱིས་སྒྲུབ་ཁང་རིམ་པ་གསུམ་པར་སྒྲུབ་པ་མཛད་ནས་མཁའ་སྤྱོད་དུ་འོད་ཀྱི་གོང་བུར་གཤེགས། ངོ་མཚར་གྱི་ལྟས་དཔག་ཏུ་མེད་པ་བྱུང་། ཤུལ་དུ་རིང་བསྲེལ་འོལ་མ་སེའི་མདོག་ལྟ་བུ་གསུམ་བྱུང་བའང་

[Full Size]

རེ་ཞིག་ནས་འབྲུག་སྒྲ་ལྟ་བུ་དང་བཅས་ཏེ་ནམ་མཁར་སོང་ངོ། །རྔོག་ལོ་བསྟན་པའི་ཉི་མ་བློ་ལྡན་ཤེས་རབ་ནི། རྒྱལ་བས་ལུང་བསྟན་པར་ཡང་གྲགས་ཤིང་། ཇོ་བོ་རྗེའི་སློབ་མ་རྔོག་ལེགས་པའི་ཤེས་རབ་ཀྱི་དབོན་དུ་འཁྲུངས། ཤེས་རབ་ཀྱི་རྩལ་ཕུལ་དུ་བྱུང་། ཁ་ཆེར་ལོ་བཅུ་བདུན་ཙམ་བཞུགས། མདོ་སྔགས་ལ་གསན་པ་རྒྱ་ཆེར་མཛད། འགྱུར་མཛད་པ་ཤིན་ཏུ་མང་ཞིང་དག་ཅིང་དོན་བཟང་བའི་ཚད་དུ་འཇོག །བཤད་གྲྭ་མང་དུ་མཛད་པས་སྲས་ཀྱི་ཐུ་བོ་བཞི་སོགས་སློབ་མ་ཉིས་ཁྲི་སུམ་སྟོང་བྱུང་བར་གྲགས། གསང་ཕུའི་གདན་སར་སེང་ཆེན་བརྒྱད་སོགས་རིམ་པར་བྱོན་ཅིང་ཕྱིས་གླིང་སྟོད་ཀྱི་གདན་རབས་ཀྱང་བྱོན་ཏེ་བཤད་གྲའི་ཆུ་འགོ་ཡོངས་གྲགས་སུ་གྱུར་པའོ། །བྱ་འདུལ་བ་འཛིན་པ་བརྩོན་འགྲུས་འབར་ནི། འབྲེ་ཤེས་འབར་ལས་རབ་ཏུ་བྱུང་ཞིང་བསྙེན་པར་རྫོགས། སོག་ཚུལ་ཁྲིམས་བླ་མ་ལས་འདུལ་བ་གསན། ཁོང་གཤེགས་རྟིང་རྒྱ་འདུལ་དང་རྨ་ཚོ་བླ་ཟུར་དུ་བྱས་པའི་དྲུང་དུ་སྦྱངས་པས་མཁས་པར་མཁྱེན་ཏེ། འདུལ་བ་བྱ་ལ་ཐུག་ཅེས་པའི་ཁ་སྐད་ཀྱང་བྱུང་། གཞན་ཡང་ཞང་གཡེངས་ལས་དབུ་ཚད། ཟངས་དཀར་ལོ་ཙཱ་བ་དང་སྟོད་ལུང་པ་ཆེན་པོ་ལས་བཀའ་གདམས་རྣམས་གསན། དེ་རྗེས་ཟུལ་ཕུར་བཤད་གྲྭ་བཙུགས། བེ་ཧར་གྱིས་

[Full Size]

བཙུན་ཆུང་དུ་སྤྲུལ་ནས་ཞབས་ཏོག་བྱས་པས་འདུལ་བ་དང་འགལ་བ་ན་བཟའི་སྤུ་ཕྱིར་བསྟན་གཅིག་པུ་ལས་མ་མཐོང་བས་དད་དེ་བྱ་ཊཱིཀ་ལ་བསླབ་གཉེར་བྱེད་པ་རྣམས་ཀྱི་གྲོགས་བྱེད་པར་ཁས་བླངས། ལོ་དགུར་འཚོགས་པ་བསྐྱངས་རྗེས་སྒྲུབ་པ་ལ་བཞུགས། སློབ་མ་འགྲོ་དོན་ནུས་པ་བདུན་ཅུ་རྩ་དྲུག་ཙམ་བྱུང་བར་འདུག །མཁས་གྲུབ་ཁྱུང་པོ་རྣལ་འབྱོར་ནི། ཐོག་མར་ཡབ་ཆོས་བོན་ལ་མཁས། སློབ་མ་བདུན་བརྒྱ་ཙམ་བྱུང་། །ཡི་དམ་གྱི་ལྷ་མང་པོ་གཟིགས་ཀྱང་ཐུགས་ལ་མ་སོང་སྟེ། རྫོགས་ཆེན་དང་ཕྱག་རྒྱ་ཆེན་པོའི་གདམས་ངག་གསན། དེ་དག་གིས་ཀྱང་ཐུགས་མ་ཚིམས་པར་འཕགས་ཡུལ་དུ་ལན་གསུམ་བྱོན། མཁས་གྲུབ་བརྒྱ་དང་ལྔ་བཅུ་བསྟེན། མདོ་སྔགས་ཀྱི་ཆོས་མ་ལུས་པ་གསན། རྡོ་རྗེ་གདན་པ་བར་པ་ལས་རབ་ཏུ་བྱུང་། ཁྱད་པར་རྡོ་རྗེ་འཆང་དངོས་ལ་ཐུག་ཅིང་ཟག་མེད་ཡེ་ཤེས་ཀྱི་སྐུ་བརྙེས་པ་མཁའ་འགྲོ་ནི་གུ་དང་སུ་ཁ་སིདྡྷིས་རྗེས་སུ་བཟུང་སྟེ་གསེར་ཆོས་ལྔའི་གདམས་པ་གསན། བོད་དུ་གླང་རི་ཐང་པ་ལས་བསྙེན་པར་རྫོགས། རྒྱལ་བ་མཻ་ཏྲི་པ་དང་གྲུབ་ཆེན་རཱ་ཧུ་ལ་རྣམས་ལས་མགོན་པོ་དཀར་མཐིང་གི་གདམས་ངག་གསན། སྐུའི་གནས་ལྔར་རྒྱུད་སྡེ་ལྔ་དངོས་སུ་བཀོད་པ་སོགས་གྲུབ་པའི་རྟགས་མཚན་བསམ་གྱིས་མི་ཁྱབ་པ་བསྟན།

[Full Size]

སློབ་མ་ཁྲི་ཚོ་བཅོ་བརྒྱད་སྨིན་པར་མཛད་པའི་གཙོ་བོ་སྔ་བུ་ལྔ་དང་ཕྱི་བུ་ཆིག་བརྒྱུད་ཀྱི་བཀའ་བབས་རྨོག་ལྕོགས་པ་རིན་ཆེན་བརྩོན་འགྲུས་རྣམས་བྱོན། དགུང་ལོ་བརྒྱ་དང་ལྔ་བཅུ་བཞུགས་པར་གྲགས་ཤིང་རིན་ཆེན་བདུན་བརྒྱུད་སྔ་ཕྱི་གཉིས་ཀ་སྲིད་མཐའི་བྱང་སེམས་ཀྱི་ཕྲེང་བ་དང་ཆོས་བརྒྱུད་ཀྱིས་འཛམ་བུའི་གླིང་ཁྱབ་པར་མཛད་དེ་འདིའི་བརྒྱུད་འཛིན་རྣམས་ལ་ཤངས་པ་བཀའ་བརྒྱུད་དུ་གྲགས་སོ། །ཙ་མི་ལོ་ཙཱ་བ་སངས་རྒྱས་གྲགས་ནི། མི་ཉག་འགའི་ཡུལ་དུ་འཁྲུངས། གཞོན་ནུ་ནས་རྒྱ་གར་དུ་ཐེག་སྟེ། དུས་ཞབས་པ་དང་། ཨ་བྷཱ་ཡ་སོགས་པ་གྲུབ་མང་པོ་བསྟེན་ནས་རང་དང་གཞན་གྱི་གྲུབ་པའི་མཐའ་རྒྱ་མཚོ་ལྟ་བུ་ལ་མངའ་བརྙེས་པས་རྒྱ་གར་ཤར་ནུབ་ཐམས་ཅད་དུ་མཁས་པར་གྲགས་ཤིང་འགྲན་ཟླ་མ་མཆིས་པར་ཀུན་གྱིས་ཚད་མར་འཛིན། པཎྜི་ཏ་ཐམས་ཅད་ཀྱིས་འདྲི་གཏུགས་དང་། འབེལ་བའི་གཏམ་གྱི་དབང་པོ་དང་མན་ངག་ལེན་པའི་གནས་སུ་བྱེད། །བསྙེན་པར་རྫོགས་པའི་མཚན་སངས་རྒྱས་གྲགས་སུ་བཏགས། རྒྱུད་སྡེ་མཐའ་དག་གི་མཛོད་འཛིན་པ། མཆོག་གི་དངོས་གྲུབ་བརྙེས་ཤིང་ཚེ་ཡི་རིག་འཛིན་གྲུབ་པས། ཨ་བྷཱ་ཡ་ལས་ཀྱང་རྟོགས་པ་མཐོ་བར་གྲགས། རྡོ་རྗེ་གདན་དང་། ནཱ་ལནྡྲའི་མཁན་པོ་མཛད་དེ་བོད་ཀྱི་སློབ་མ་རྣམས་ལ་ལྷག་པར་ཡང་

[Full Size]

། ཐུགས་བརྩེ་བས་དུས་འཁོར་འགྲེལ་ཆེན་ལ་རང་འགྱུར་མཛད་ནས་འཁྲིད་པར་མཛད་དེ། མདོར་ན་བོད་ཀྱི་གང་ཟག་གིས་འཕགས་ཡུལ་རྡོ་རྗེ་གདན་གྱི་ཆོས་ཀྱི་ཁྲི་སྲུང་བ་འདི་ཉིད་ཙམ་སྟེ་རྣམ་ཐར་བསམ་གྱིས་མི་ཁྱབ་པའི་བདག་ཉིད་ཅན་ནོ། །ཞང་བརྩོན་འགྲུས་གྲགས་པ་ནི། །སྐུ་ཆུང་ངུ་ནས་ཆོས་ལ་བག་ཆགས་སད་པས་བསགས་སྦྱོང་མང་དུ་མཛད། དྭགས་པོ་རིན་པོ་ཆེའི་དབོན་སྒོམ་ཚུལ་ཁྲིམས་སྙིང་པོ། དཔལ་ཆེན་རྒྭ་ལོ། མལ་ཡེར་པ་བ། དངུལ་ཆུ་བཻ་རོ་བ་སྟེ་ཡིན་ངེས་ཀྱི་བླ་མ་རྣམ་བཞི་ལས་གདམས་པ་གསན་ཅིང་སྦྱངས་པ་མཐར་ཕྱིན། ཁྱད་པར་དབོན་སྒོམ་ལས་རྟོགས་པ་དོན་གྱི་ཡེ་ཤེས་བརྙེས་ཏེ་གྲུབ་པ་ཆེན་པོའི་སར་གཤེགས། གནས་བརྒྱད་དུ་སྐུ་བརྒྱད་མཚན་བརྒྱད་དུ་བསྟན་པ་སོགས་ཐུན་མོང་མ་ཡིན་པ་དང་། ཐུན་མོང་བ་རྣམས་ཀྱི་ངོར་གྲུབ་པའི་སྤྱོད་པ་བློར་མི་ཤོང་བ་མང་པོས་གཞན་ཆེན་རླབས་ཆེན་མཛད། གུང་ཐང་གི་གཙུག་ལག་ཁང་དུ་འབུམ་མོ་ཆེ་རྣམས་བཞེངས། སློབ་མ་འོད་བཞི་ལ་སོགས་པས་གཞན་དོན་རྒྱ་ཆེར་སྐྱོང་། མཉམ་མེད་ཤཱཀྱ་ཡེ་ཤེས་ནས་གདན་རབས་རིམ་པར་བྱོན་པ་རྣམས་ལ་ཚལ་པ་བཀའ་བརྒྱུད་དུ་གྲགས་སོ། །རོག་དོལ་བ་དམར་ཞུར་བ་ཤེས་རབ་རྒྱ་མཚོ་ནི། །འབྲོམ་སྟོན་གྱི་སློབ་མ་སྐུ་མཆེད་གསུམ་ལས་

[Full Size]

པུ་ཏོ་བའི་སློབ་མ་བཀའ་གདམས་གཞུང་བའི་བརྒྱུད་འཛིན་ཡིན་ཅིང་། རྒྱ་འདུལ་ལས་འདུལ་བའང་གསན། གྲྭ་པ་སྟོང་ཕྲག་ཙམ་བསྐྱང་། པུ་ཏོ་བའི་གསུང་སྒྲོས་སྐྱེས་བུ་གསུམ་གྱི་ལམ་རིམ་བེ་བུམ་སྔོན་པོ་ཞེས་པའང་མཛད་དོ། །དཔལ་ཆེན་ཆོས་ཡེ་ནི། འབྲི་གུང་སྐྱོབ་པ་འཇིག་རྟེན་གསུམ་མགོན་གྱི་སློབ་མ་གྲུབ་ཐོབ་གཉོས་མགར་ཆོས་གསུམ་དུ་གྲགས་པའི་ཡ་གྱལ་ཏེ། ཐོག་མར་ཆོས་རྗེའི་ཉེ་གནས་ཡུན་རིང་མཛད། ཉམས་རྟོགས་ལ་བོགས་དབྱུང་བའི་ཕྱིར་ཙཱ་རི་ཏྲར་གསང་སྔགས་ཀྱི་ཀུན་སྤྱོད་མཛད་པས་ཡོན་ཏན་ཁྱད་པར་ཅན་མང་པོ་སྐྱེས། རིན་པོ་ཆེ་བཞི་འགྲོས་བྱ་བ་ལ་སོགས་པའི་བསྟན་བཅོས་མང་དུ་མཛད། འདི་ལ་འབྲི་གུང་ནག་ཚང་བར་གྲགས། གཡག་སྡེ་པ་ཆེན་ནི། གསང་ཕུ་བ་བློ་གྲོས་མཚུངས་མེད། རིག་འཛིན་ཀུ་མཱ་རཱ་ཛ། གཡུང་སྟོན་པ། ཞུ་དོལ་གཉིས་སོགས་བླ་མ་བརྒྱ་རྩ་བསྟེན། མདོ་སྔགས་གསར་རྙིང་ཐམས་ཅད་ལ་མཁྱེན་པ་རྒྱས། མངོན་པར་ཤེས་པ་དང་ལྡན་པས་གཞན་དོན་རྒྱ་ཆེར་མཛད། ཨེ་ཝཾ་གྱི་དགོན་པ་བཏབ། རི་ཁྲོད་པ་མགོན་པོ་ཡེ་ཤེས་སོགས་ཕྲིན་ལས་ཅན་གྱི་སློབ་མ་མང་དུ་བྱོན། པཎྜི་ཏ་འབུམ་ཕྲག་གསུམ་པའི་མཚན་ཅན་སྔ་རྗེས་གཉིས་ཙམ་བྱོན་པར་སྣང་ཡང་འདི་ནི་བོ་དོང་ཨེར་ཕེབས་པ་དེ་ཡིན་

[Full Size]

འདྲའང་རྣམ་ཐར་ཞིབ་པ་མ་མཐོང་ངོ་། །དེ་ནས་སྨིན་གླིང་གཏེར་ཆེན་གྱི་སྐྱེས་རབས་ལྟར་ན། ཟུར་ཆེན་ཤཱཀྱ་འབྱུང་གནས་ནི། ཉང་ཡེ་ཤེས་འབྱུང་གནས། རོག་ཤཱཀྱ་འབྱུང་གནས་སོགས་མཁས་གྲུབ་མང་པོའི་མན་ངག་བླངས། གདམས་ངག་ཉམས་འོག་ཏུ་ཆུད། མདོ་སྔགས་དང་རྒྱུད་སྡེའི་གྲུབ་མཐའ་ཀུན་ལ་མཁས་ཤིང་བྱང་ཆུབ། སློབ་མ་རྣམས་ལ་མདོ་དང་སྒྱུ་འཕྲུལ་གྱི་འཆད་ཉན་མཛད། སྒྲུབ་པ་ལ་རྩེ་གཅིག་ཏུ་གཞོལ་བས་དཔལ་ཆེན་པོ་དང་རྣམ་དབྱེར་མེད་པའི་གྲུབ་པ་བརྙེས། གཞན་དོན་དུ་ཤངས་མདར་དཔལ་ཆེན་ཡང་དག་གི་སྐུ་རྫུ་འཕྲུལ་གྱིས་བཞེངས་ནས་མཐར་ཉིད་ཀྱང་དེའི་ཐུགས་ཀར་འོད་ཀྱི་གོང་བུར་ཐིམ། སློབ་མ་རྩེ་མོ་བཞི། རྩེ་ལྐོག་དང་ལྔ། སྒོམ་ཆེན་བརྒྱ་རྩ་ཐམས་ཅད་ཀྱང་གྲུབ་པ་ཐོབ་པའི་རྟགས་མངོན་དུ་སྟོན་པ་ཤ་སྟག་བྱུང་། བསྟན་པ་ཕྱི་དར་ལ་སྔ་འགྱུར་བསྟན་པའི་རྩ་བ་བཙུགས། ཟུར་མེས་དབོན་རྣམ་གསུམ་དུ་གྲགས་པའི་ཐོག་མའོ། །གྲྭ་པ་མངོན་ཤེས་ནི། འཁྲུངས་ཡུལ་གྲྭ། མངོན་པ་ལ་མཁས་པས་མངོན་ཤེས། རབ་ཏུ་བྱུང་བའི་མཚན་དབང་ཕྱུག་འབར། ཛི་དམར་དང་ཞང་བློན་སྐོར། གསོ་རིག་རྒྱུད་བཞི་རྣམས་གཏེར་ནས་སྤྱན་དྲངས། ཛམྦྷ་ལའི་དངོས་གྲུབ་ལ་བརྟེན་ནས་གྲྭ་ཐང་གི་ཆོས་

[Full Size]

སྡེ་གཙོར་བྱས་གནས་གཞི་མང་དུ་བཞེངས། གྲྭ་ཐང་དང་བསམ་ཡས་ཀྱི་ཆོས་གྲྭའི་བདག་པོའང་མཛད་པས་དགེ་བཤེས་ཆེན་པོར་གྲགས། རོང་ཟོམ་ཆོས་ཀྱི་བཟང་པོ་ནི། སྤྲུལ་པའི་སྐུར་རྩོད་མེད་དུ་གྲགས་པའི་པཎྜི་ཏ། གནས་སྐབས་དེར་བྱོན་པའི་མཁས་པ་ཐམས་ཅད་ཀྱིས་བསྟོད་ཅིང་འདུད་པའི་གནས། རྒྱ་གར་གྱི་པ་ཆེན་མང་དུ་བསྟེན་ནས་རྒྱུད་སྡེ་མང་པོ་བསྒྱུར་བའང་འགྱུར་ཤིན་ཏུ་བཟང་བས་གསར་འགྱུར་གྱི་དཔེར་འོས་ཤིང་པ་ཆེན་རྣམས་ཀྱིས་ཀྱང་བསྔགས། མདོ་རྒྱུད་བསྟན་བཅོས་མཐའ་དག་ཐུགས་སུ་ཆུད་ནས་མི་མཁྱེན་པ་གང་ཡང་མི་སྲིད་པས་བསླབ་པ་གསུམ་ལ་བརྟེན་པའི་མན་ངག་སོགས་གཏིང་ཟབ་ལ་གོ་དོན་སློང་ཆེ་བའི་བསྟན་བཅོས་མཐའ་ཡས་པ་མཛད། ཇོ་བོ་རྗེ་དང་མཇལ་བའི་ཚེ་ཞལ་ནས། རྒྱ་གར་གྱི་ཨཱ་ཙརྻ་ནག་པོ་སྤྱོད་པ་དེ་ཉིད་ཚེ་འཕོས་པ་འདི་ཁོ་ན་ཡིན་པས་ཁོ་བོས་འདི་དང་ཆོས་གཏམ་ག་ལ་ནུས་ཞེས་རྩོད་མེད་དུ་གྲགས། མངོན་ཤེས་དང་གྲུབ་པའི་རྟགས་མཐུན་སྣང་དུ་གྲུབ་པར་བསྟན། དགུང་ལོ་བརྒྱ་དང་བཅུ་དགུ་བཞུགས། སྲས་བརྒྱུད་ཕུར་པའི་གྲུབ་བརྙེས་བརྒྱུད་མར་བྱོན། སློབ་མ་ལོ་ཙཱ་བ་ཆེན་པོ་བཅུ་བདུན། གྲུབ་ཐོབ་སུམ་ཅུ་རྩ་ལྔ། རྣལ་འབྱོར་དབང་པོ་བརྒྱ་བརྒྱད་ཅུ། གདུགས་ཐོགས་ལྔ་བརྒྱ་སོགས་

[Full Size]

བྱོན་པར་གྲགས། འོན་པོ་ལྷ་འབུམ་ནི། གཙང་རྟ་ནག་ཏུ་འཁྲུངས་ཤིང་རྟ་ནག་དུང་ཕོར་བྲག་ནས་ཆོས་བོན་སྨན་རྩིས་ཀྱི་སྐོར་གཏེར་ཁ་རྒྱ་ཆེར་སྤྱན་དྲངས་ཀྱང་གཞན་རྣམས་རྒྱུན་མ་བཞུགས། བོན་པོ་རྣམས་ལ་གུ་རུ་རྣོན་རྩེར་གྲགས་ཤིང་མ་རྒྱུད་ཐུགས་རྗེ་ཉི་མའི་བསྐྱེད་རྫོགས་ཀྱི་སྐོར་དེང་སང་ཡང་བཞུགས་པར་སྣང་། །སྤྲུལ་སྐུར་ཤག་ཆེན་པོ་ནི། བཻ་རོ་དང་འབྲོག་མི་དཔལ་ཡེ་ཟུང་དུ་འཇུག་པའི་རྣམ་འཕྲུལ་ཡར་འབྲོག་སྒང་དུ་བྱོན། ཆུང་ངུ་ནས་མདོས་དང་གསོ་རིག་ལ་མཁས། འཆི་མེད་རིག་འཛིན་བརྙེས་པའི་སྔགས་ཀྱི་རྣལ་འབྱོར་ཆེན་པོར་བཞུགས། སྤ་གྲོ་བཅལ་གྱི་བྲག་ནས་མ་མོ་སྒང་ཤར་དང་། བོན་དང་མདོས་ཆོག་སྨན་དཔྱད་སོགས་གཏེར་ཁ་རྒྱ་ཆེར་བཞེས། གྲུབ་ཐོབ་དངོས་གྲུབ་གཙང་དུ་འཁྲུངས། རྟེན་སྔགས་འཆང་རྡོ་རྗེ་འཛིན་པ། ཚེའི་དངོས་གྲུབ་བརྙེས་པས་ལོ་སུམ་བརྒྱ་ལྷག་པ་བཞུགས། མངའ་བདག་ཉང་གིས་བཀའ་བརྒྱད་བཀའ་མ་རྫོང་འཕྲང་འདི་ལས་གསན། ར་ས་འཕྲུལ་སྣང་ནས་རྒྱལ་པོ་བཀའ་ཆེམས་གཏེར་ནས་བཞེས་པས་ཕྲིན་ལས་རྒྱ་ཆེ་ལ་རྒྱུན་ཆགས་པར་བྱུང་། ཞིག་པོ་ཉི་མ་སེང་གེ་ནི། དམ་པའི་ཞི་བྱེད་ཀྱི་བརྒྱུད་པ་འཛིན་པའི་གྲུབ་ཐོབ། ཞི་བྱེད་ལ་བསྟན་བཅོས་ཀྱང་མང་དུ་མཛད་པར་སྣང་། གུ་རུ་

[Full Size]

ཇོ་རྩེས་ཟང་ཡག་བྲག་ནས་ཆོས་གཏེར་དང་གཏེར་རྫས་རྒྱ་ཆེར་སྤྱན་དྲངས། རིང་བསྲེལ་དང་གཏེར་རྫས་རྣམས་ཀྱིས་དེང་སང་བར་འགྲོ་དོན་མཛད་པར་སྣང་། ཡེ་ཤེས་ཁྱུང་གྲགས་ཀྱིས་སྤོས་དཀར་དང་སྦྲང་རྩི་ལ་བརྟེན་པའི་སྣང་བ་དབང་སྡུད་ཀྱི་གཏེར་ཕྲན་བཏོན་པ་ཙམ་ལས་ལོ་རྒྱུས་ཞིབ་པར་མ་མཐོང་། ས་སྐྱ་པ་ཆེན་དང་ཀློང་ཆེན་རབ་འབྱམས་རྣམས་ཀྱི་རྣམ་ཐར་ནི་ཡོངས་སུ་གྲགས་པས་འདིར་སྨོས་མ་དགོས། དབུས་པ་སངས་རྒྱས་འབུམ་ནི། སྣར་ཐང་པ་རིག་པའི་རལ་གྲི་དང་འཇམ་དབྱངས་རལ་གྲི་གཉིས་ལ་བརྟེན་པས་མཁས་པར་གྱུར། དེ་གཉིས་ཀྱི་བཀས་བསྐུལ་ཏེ་བློ་གསལ་བྱང་ཆུབ་ཡེ་ཤེས། ལོ་ཙཱ་བསོད་ནམས་འོད་ཟེེར། རྒྱང་རོ་བྱང་ཆུབ་འབུམ་གྱིས་འབད་པ་ཆེན་པོས་བཀའ་འགྱུར་བསྟན་འགྱུར་གཉིས་ཀྱི་ཕྱི་མོ་ཡོད་དོ་ཅོག་བཙལ་ནས་ལེགས་པར་བཞེངས་ཏེ་འཇམ་ལྷ་ཁང་དུ་བཞུགས་པ་ལས་རིམ་པར་འཕེལ་ཏེ་དབུས་གཙང་ཁམས་གསུམ་དུ་རྒྱ་ཆེར་འཕེལ་ཞིང་ལུང་གི་རྒྱུན་ལའང་བློ་གསལ་ཁོ་ན་བཀའ་དྲིན་ཆེ་བར་སྣང་། །རྡོ་རྗེ་གླིང་པ་ནི། ཀ་ཏེར་སྟོན་རྒྱལ་པོ་ལྔ་ལ་བྲན་བརྒྱས་བསྐོར། །ཅེས་ལུང་བསྟན་པའི་གསུམ་པ་སྟེ། བཻ་རོའི་དུས་ཀྱི་བག་ཆགས་སད་པས་སྒྲ་སྐད་ཡིག་རིགས་སུམ་བརྒྱ་དྲུག་ཅུ་མཁྱེན་པར་གྲགས།

[Full Size]

མདོ་སྔགས་གསར་རྙིང་གི་ཆོས་མང་དུ་གསན་བས་མཁྱེན་པ་རྒྱས། དགུང་ལོ་བཅོ་ལྔ་པར་ཕྱིང་མདའ་ཨོ་དཀར་བྲག་གི་གཏེར་སྒོ་ཕྱེས་པའི་སྐབས་སྒྲུབ་ཕུག་ཤིན་ཏུ་ཡངས་བར་སོང་བའི་ནང་དུ་གུ་རུ་རིན་པོ་ཆེ་དངོས་སུ་བྱོན་ནས་དཀྱིལ་འཁོར་དང་དབང་རྫས་བཀོད་པས་དབང་བསྐུར། ཤོག་སེར་རེ་རེའི་དབུ་ནས་ལུང་སྩལ། སྐུ་ཚབ་བཞི། བླ་དཔེ་པུསྟི་བཞི། ཤོག་དྲིལ་བརྒྱ་ཐམ་པ། ཚེ་ཆུ་བུམ་པ་བཞི། དམ་རྫས་གྭའུ་བཅས་ཕྱག་གིས་གནང་བས་མཚོན། གཏེར་ཁ་ཆེན་པོ་བཞི་བཅུ་རྩ་གསུམ། ཕྲ་མོ་དང་ནང་གསེས་བརྒྱ་དང་བརྒྱད་བཞེས། གཏེར་སྤྱན་དྲངས་པའི་སྐབས་གུ་རུ་རིན་པོ་ཆེ། མཚོ་རྒྱལ། བཻ་རོ་རྣམས་དངོས་སུ་བྱོན་ནས་བྱིན་གྱིས་བརླབས་པ་དང་། རྫུ་འཕྲུལ་གྱི་བཀོད་པ་བསམ་གྱིས་མི་ཁྱབ་པ་བསྟན་པ་སོགས་རྣམ་ཐར་གཏེར་འབྱུང་རྣམས་སུ་གསལ་བ་ལྟར་རོ། །ཀུན་སྐྱོང་གླིང་པ་ནི། རྡོ་རྗེ་གླིང་པའི་སྐྱེ་བ་དེ་མ་ཐག་པ་སྟེ། ཤངས་ཟབ་བུ་ལུང་གི་མདའ་མཚོར་རྡོ་རྗེ་སྐྱེ་བྲག་གི་གཡང་ལ་ཁྲོམ་འཚོགས་མང་པོའི་དབུས་ནས་བྱ་འཕུར་བ་བཞིན་བྱོན། སྒྲུབ་ཕུག་ཕན་ཚུན་ནས་གཏེར་རྒྱ་ཆེར་བཞེས། སྔགས་སྲུང་མ་དང་དམ་ཅན་སོགས་གཏེར་སྲུང་རྣམས་ཀྱིས་བུད་མེད། ཨཱ་ཙ་ར། སྤྲེའུ། མོན་པ་ལ་སོགས་པར་སྤྲུལ་ནས་གཏེར་རྫས་རྣམས་ཁྲོམ་དཀྱིལ་དུ་དངོས་སུ་སྐྱེལ་བའི་ཞབས་ཕྱི་ཞུས་པས་སྙན་གྲགས་ཀྱིས་ཕྱོགས་ཐམས་ཅད་དུ་ཁྱབ་ཅིང་གདུལ་བྱ་ཕྲིན་ལས་ཤིན་ཏུ་རྒྱས། མངོན་ཤེས་ཆགས་ཐོགས་མེད། གྲུབ་

[Full Size]

མཐའ་རིས་མེད་ཀྱི་དམ་པ་རྣམས་ཀྱིས་ཀྱང་ཆོས་དང་དམ་རྫས་ཅི་ཐོབ་ཏུ་ཞུས་པར་སྣང་། བོ་དོང་པ་ཆེན་འཇིགས་བྲལ་ཕྱོགས་ལས་རྣམ་རྒྱལ་ནི། མཁྱེན་རབ་ཀྱི་རྩལ་ཁ་ཕྱོགས་མེད་དུ་རྒྱས་ཤིང་མི་བརྗེད་པའི་གཟུངས་ཐོག་གྲུབ་པ་ཆེན་པོའི་སར་གཤེགས་པས་མངོན་ཤེས་དང་རྫུ་འཕྲུལ་ལ་མངའ་དབང་བསྒྱུར། རྡོ་རྗེ་སེམས་དཔའ་ཕག་མོ་དབྱངས་ཅན་མ་སོགས་ཀྱིས་བྱིན་གྱིས་བརླབས་ཤིང་གནང་བ་སྩལ་བས་དེ་ཉིད་འདུས་པ་ཆེན་པོ་གླེགས་བམ་སངས་རྒྱས་ཀྱི་མཚན་དཔེའི་གྲངས་ཀྱི་བརྒྱ་དང་བཅུ་གཉིས་མཛད། གདན་ས་རིམ་བརྒྱུད་རྣམས་ཀྱང་མཁས་གྲུབ་དུ་མ་བྱོན་པར་སྣང་། བྲག་ཐོག་པ་བསོད་ནམས་བཟང་པོ་ནི་དཔལ་ལྡན་ས་སྐྱ་བའི་བརྒྱུད་འཛིན་མཁས་བཙུན་བཟང་པོའི་མཐར་སོན་པ་དང་། བློ་གྲོས་རྒྱལ་མཚན་ནི། མཁྱེན་རྟོགས་ཀྱི་རྩལ་རྫོགས་ཤིང་ནུས་པས་བོད་ཁམས་ལ་འཚེ་བའི་མཐའ་དམག་བཟློག་པས་སོག་ཟློག་པ་ཞེས་ཡོངས་སུ་གྲགས། སྔ་འགྱུར་རྙིང་མའི་ཆོས་རྒྱུན་ལའང་ཕྲིན་ལས་རྒྱ་ཆེར་མཛད། མཆོག་ལྡན་མགོན་པོ་ནི། ཀུན་སྐྱོང་གླིང་པའི་ཡང་སྲིད་དེ་ངོ་མཚར་བའི་རྣམ་ཐར་མཐའ་ཡས། པདྨ་གླིང་པས་ཐུགས་བརྩེ་ཆེན་པོས་བསྐྱངས། མངའ་རིས་གུང་ཐང་རྒྱལ་པོ་དང་དབུས་གཙང་གི་སྡེ་དཔོན་ཕལ་ཆེར་གྱིས་ཞབས་ནས་བཏེགས། ལྷ་སར་མཐའ་དམག་ཟློག་པ་བཙུགས་པས་གཏོར་མར་མེ་འབར་ཞིང་ནམ་མཁར་སོང་བའི་ཆོ་འཕྲུལ་བསྟན་པ་སོགས་ཀྱིས་ཆོས་དང་ཟང་ཟིང་གི་ཕྲིན་ལས་ཤིན་ཏུ་རྒྱས་པར་བྱུང་། བཀའ་ཐང་དུ་ལུང་

[Full Size]

བསྟན་པའི་མདོ་སྔགས་གླིང་པ་འདི་ལ་ངོས་བཟུང་ཡང་རྩ་བའི་རྟེན་འབྲེལ་འཆུག་པའི་དབང་གིས་གཏེར་མ་ཐོན་ཅིང་རྐྱེན་ངན་གློ་བུར་བས་སྐུ་གཤེགས་པར་སྣང་། དེའི་རྣམ་པར་འཕྲུལ་པ་ནི་ད་ལྟའི་བར་དུ་བརྒྱུད་མར་བྱོན་པར་སྣང་ལ། །སྤྲུལ་གཞི་ཟངས་མདོག་དཔལ་རིར་སྲིན་པོའི་རིགས་ལས་གུ་རུ་རིན་པོ་ཆེས་རྗེས་སུ་བཟུང་བའི་རིག་འཛིན་ཆོས་ཀྱི་གོ་ཆ་ཞེས་པའི་སྐྱེ་བ་འཛིན་པར་གསུངས། ཨོ་རྒྱན་གཏེར་བདག་གླིང་པའམ་པདྨ་གར་དབང་འགྱུར་མེད་རྡོ་རྗེ་ནི། སྨྱོས་རིགས་རྡོ་རྗེ་འཛིིན་པའི་ཕྲེང་བ་བར་མ་ཆད་པའི་རིགས་སུ་འཁྲུངས། ཡབ་རྗེ་གསང་བདག་ཕྲིན་ལས་ལྷུན་གྲུབ། རྒྱལ་དབང་ལྔ་པ་རིན་པོ་ཆེ་སོགས་ཡོངས་འཛིན་སུམ་ཅུ་རྩ་གྲངས་ལས་གསར་རྙིང་བཀའ་གཏེར་སྤྱི་དང་ཁྱད་པར་རྒྱུན་ཕྲ་བ་རྣམས་འབད་པ་དུ་མས་གསན། སྒོམ་སྒྲུབ་ཉམས་བཞེས་མཐར་ཕྱིན་པར་མཛད་པས་དབང་བཞིའི་རྟོགས་པ་གོང་འཕེལ་དུ་གྱུར་ནས་གྲུབ་པའི་གོ་འཕང་མཐོན་པོར་གཤེགས། ཤ་འུག་སྟག་སྒོ་ནས་བདེ་གཤེགས་ཀུན་འདུས་གཙོས་གཏེར་ཁ་ལྔ་ཙམ་སྤྱན་དྲངས་ཤིང་ཐུགས་ཉམས་སུ་ཚུལ་བཞིན་བཞེས། ཇོ་ཤངས་ཞི་གཅོད་བོ་དོང་པ་སོགས་ཆོས་རྒྱུན་ཕྲ་བ་རྣམས་རང་སྟོབས་དང་གཞན་བསྐུལ་ལ་བརྟེན་གདམས་ངག་གི་སྲོག་རྩ་མཐུད། ཁྱད་པར་སྔ་འགྱུར་རྙིང་མ་མདོ་སྒྱུ་

[Full Size]

སེམས་གསུམ་གཙོས་བཀའ་མ་རྣམས་དང་། གཏེར་ཁ་གོང་འོག་གཙོས་གཏེར་རྙིང་རྣམས་དང་ཉིད་ཀྱི་གཏེར་གསར་རྣམས་ལ་སྒྲུབ་དཀྱིལ་ཁྲིད་ཡིག་གིས་མཚོན་སྔོན་མེད་པའི་ལེགས་བཤད་དུ་མ་གསར་སྤེལ། སྨིན་གྲོལ་འཆད་སྤེལ་འབྱམས་ཀླས། ཨོ་རྒྱན་སྨིན་གྲོལ་གླིང་གི་ཆོས་སྡེ་ཆེན་པོ་བཙུགས་པས་སྔ་འགྱུར་བཤད་སྒྲུབ་ཀྱི་ཆུ་འགོ་གཅིག་པུར་པ་གྱུར་པ་སོགས་བཤད་སྒྲུབ་ལས་གསུམ་གྱི་སྒོ་ནས་བསྟན་པ་སྤེལ་བའི་ཕྲིན་ལས་འགྲན་ཟླ་དང་བྲལ། ཆོས་བདག་སློབ་མའི་ཚོགས་ཀྱང་གངས་ཅན་ན་ཡོངས་སུ་གྲགས་པའི་བླ་ཆེན་ཕལ་མོ་ཆེ། མདོ་ཁམས་རྙིང་ལུགས་ཀྱི་བསྟན་འཛིན་རྣམས་དང་། གདན་སར་བཞུགས་པའི་ཞལ་ངོ་རྣམས་སོགས་བཟང་ལ་གྲངས་མང་བ་བྱོན་ཅིང་སྔ་འགྱུར་བཀའ་གཏེར་གྱི་རྒྱུན་ཁུངས་བཙུན་ཐམས་ཅད་ཕྱོགས་འདི་ནས་མ་བརྒྱུད་པ་མེད་པ་ལྟ་བུར་སྣང་། སྐྱེ་བ་འདིའི་འོག་ཏུ་དག་པའི་ཞིང་ཁམས་པདྨས་བརྒྱན་པར་རྣམ་རོལ་མཐའ་ཡས་ཞེས་བྱ་བར་འཚང་རྒྱ་བ་རྒྱལ་ཚབ་མ་ཕམ་པས་ལུང་བསྟན་ཅིང་། སྤྱིར་བཻ་རོ་ཉིད་བསྐལ་བཟང་སངས་རྒྱས་སྟོང་གི་ཕྱི་མ་དེ་བཞིན་གཤེགས་པ་མོས་པའམ་སྣང་མཛད་དུ་འགྱུར་བ་གཏེར་ལུང་རྣམས་སུ་གསལ་བར་གསུངས་པས་ས་བཅུའི་དབང་ཕྱུག་གི་རྣམ་པར་འཕྲུལ་པ་བསམ་གྱིས་མི་

[Full Size]

ཁྱབ་པའི་གནས་སོ། །ཇོ་ནང་རྗེ་བཙུན་གྱི་སྐྱེས་རབས་སྤྲུལ་སྐུ་བཅུ་གསུམ་ཞེས་ཡོངས་སུ་གྲགས་པ་སྟེ། དང་པོ་གྲུབ་ཆེན་ནག་པོ་སྤྱོད་པ་ནི་གོང་དུ་སོང་། གཉིས་པ་འཕགས་ཡུལ་རྒྱལ་པོ་ཞིག་གི་སྲས་ར་ཏ་ན་བྷ་ཧུ་ལ་ཞེས་གྲུབ་པའི་དབང་ཕྱུག་ཆེན་པོ་ཞིག་བྱུང་། གསུམ་པ་རོང་ཟོམ་ལོ་ཙཱ་བ་ཆོས་ཀྱི་བཟང་པོའང་གོང་དུ་སོང་། བཞི་པ་མཉམ་མེད་དྭགས་པོ་རིན་པོ་ཆེའི་ཐུགས་སྲས་བཀའ་བརྒྱུད་ཆེ་བཞིར་གྲགས་པའི་ནང་ཚན་འབའ་རོམ་པ་དར་མ་དབང་ཕྱུག །ལྔ་པ་ས་སྐྱའི་གྲགས་པ་རྒྱལ་མཚན་གྱི་ཞལ་སློབ་གྲུབ་པའི་དབང་ཕྱུག་ཨ་བ་དྷཱུ་ཏི་པ། དྲུག་པ་རྡོ་རྗེ་འཇིགས་བྱེད་ཀྱི་བཀའ་བབས་ཞང་སྟོན་འཁྲུལ་ཞིག་ཆེན་པོ་འབྲུག་སྒྲ་རྒྱལ་མཚན། བདུན་པ་སྐྱོབ་པ་འཇིག་རྟེན་གསུམ་གྱི་མགོན་པོའི་ཐུགས་སྲས་གཉོས་སངས་རྒྱས་རས་ཆེན་ནམ་རྒྱལ་བ་ལྷ་ནང་པ། བརྒྱད་པ་དེ་ཉིད་བསམས་བཞིན་དུ་སྐྱེ་བ་བཞེས་པའི་མཁས་གྲུབ་ཆེན་པོ་གཉོས་སངྒ་བྷ་དྲ། དགུ་པ་རྗེ་རིན་པོ་ཆེ་བློ་བཟང་གྲགས་པའི་ཞལ་སློབ་གཞུང་བརྒྱ་སྨྲ་བའི་དབང་ཕྱུག་དཔལ་ལྡན་འབྲས་སྤུངས་ཀྱི་ཆོས་སྡེ་འདེབས་པ་པོ་འཇམ་དབྱངས་བཀྲ་ཤིས་དཔལ་ལྡན། བཅུ་པ་སིངྒ་ལའི་གླིང་དུ་སྐུ་འཁྲུངས་ཤིང་བོད་ཡུལ་འདིར་ཡང་ཞབས་གཅགས་པའི་པཎྜི་ཏ་ཆོས་ཀྱི་ཉིན་བྱེད། བཅུ་གཅིག་པ་སྤྱོད་

[Full Size]

འཆང་དབང་པོའི་ཡང་སྲིད་ཡོངས་སུ་གྲགས་ཤིང་མཐོང་ཐོས་དྲན་རེག་ཐམས་ཅད་ངན་འགྲོ་ལས་སྐྱོབ་པར་ཞལ་གྱིས་བཞེས་པ། འགྲན་ཟླ་དང་བྲལ་བའི་མཁས་གྲུབ་ཀྱི་སྐྱེས་བུ་ཆེན་པོ་དཔལ་ཇོ་མོ་ནང་གི་གདན་ས་མཛད་པ་རྗེ་བཙུན་ཀུན་དགའ་གྲོལ་མཆོག་བློ་གསལ་རྒྱ་མཚོའི་སྡེ། བཅུ་གཉིས་པ་འཕགས་ཡུལ་རྒྱལ་པོའི་སྲས་སུ་བལྟམས་ཤིང་། ཆུང་ངུའི་དུས་ནས་རང་བྱུང་རྣལ་འབྱོར་དབང་ཕྱུག་ཏུ་སྣང་བ་རྒྱལ་བུ་དགའ་བྱེད་ས་སྐྱོང་། བཅུ་གསུམ་པ་རྗེ་བཙུན་རིན་པོ་ཆེ་ཞེས་འདྲེན་པར་སྣང་ངོ་། །རྗེ་བཙུན་ཐམས་ཅད་མཁྱེན་པ་ཏཱ་ར་ནཱ་ཐ་ནི། སྔོན་ཚེ་སངས་རྒྱས་རྣམ་གཟིགས་ཀྱི་དྲུང་དུ་བྱང་ཆུབ་ཏུ་ཐུགས་བསྐྱེད། བདག་ཅག་གི་སྟོན་པའི་སྤྱན་སྔར་བྱང་སེམས་ལྔ་བརྒྱའི་དབུས་སུ་བློ་གྲོས་ཤིན་ཏུ་རྣམ་པར་དག་པ་གྱུར་ནས་ངེས་དོན་སྙིང་པོའི་བསྟན་པ་ཕྱོགས་མེད་དུ་སྤེལ་བའི་གོ་ཆ་བཞེས། དེ་ནས་སྤྲུལ་པ་སྣ་ཚོགས་ཀྱིས་འགྲོ་བ་འདུལ་བ་ལས་སྐབས་འདིར་ཡང་། ཤར་ཕྱོགས་ཀྱི་ཞིང་ཁམས་མྱ་ངན་བྲལ་བར་དེ་བཞིན་གཤེགས་པ་ཙམྦྷ་ཀའི་དྲུང་དུ་འཁོར་ལོས་སྒྱུར་བའི་རྒྱལ་པོ་རི་བོའི་རྩེ་མོ་སོགས་སྐུའི་བཀོད་པ་བརྒྱད་ཀྱིས་མཚོན། འཇིག་རྟེན་གཞན་དང་བོད་ཡུལ་འདིར་ཡང་སྤྲུལ་པ་མང་དུ་ཡོད་པར་གསུངས། དངོས་ཀྱི་སྤྲུལ་གཞི་ཨོ་རྒྱན་དཔའ་བོ་བིཥྞུ་རཱ་ཛ་ལས་

[Full Size]

སྤྲུལ་པའི་སྐུར་བསྟན་ཏེ་གཙང་དུ་རྭ་ལོ་ཙཱ་བའི་གདུང་བརྒྱུད་དུ་འཁྲུངས། བྱིས་པའི་སྐབས་སྐུ་ཁམས་ཤིན་ཏུ་འཁྲུགས་པའི་ཚེ་འཕགས་ཡུལ་ནས་གྲུབ་ཆེན་ཛྭ་ལ་ནཱ་ཐ་དངོས་སུ་བྱོན་ནས་བར་ཆད་བསལ། སྐུ་ཆུང་ངུ་ནས་ཐེག་པ་ཆེན་པོ་དང་ལྷག་པར་རྡོ་རྗེ་ཐེག་པའི་རིགས་སད་པས་སྔགས་ཀྱི་ལྷ་དང་སྒྲུབ་ཐབས་མང་པོ་སུས་ཀྱང་མ་བསླབ་པར་ཐོལ་གྱིས་གསུངས། རྗེ་བཙུན་ཀུན་དགའ་གྲོལ་མཆོག་གི་སྔོན་གནས་གསལ་བར་གསུངས་པས་ཇོ་ནང་དུ་སྤྱན་དྲངས། ཡོངས་འཛིན་དམ་པ་རྣམས་ལས་སྡོམ་པ་གསུམ་རིམ་པར་ནོད་ཅིང་མདོ་རྒྱུད་ཀྱི་བཀའ་དང་བསྟན་བཅོས་ཐམས་ཅད་གསན་པ་ཙམ་གྱིས་ཐུགས་སུ་ཆུད། འཆད་རྩོད་རྩོམ་གསུམ་གྱི་གནས་ལ་འགྲན་པའི་ཟླ་དང་བྲལ། སློབ་དཔོན་པདྨཱ་ཀ་རས་ཧེ་རུ་ཀའི་དཀྱིལ་འཁོར་དུ་བཅུག །ཡེ་ཤེས་མཚོ་རྒྱལ་གྱིས་ཟབ་མོའི་བརྡ་དབང་བསྐུར་བ་ལ་བརྟེན། ཕྲེང་བ་སྐོར་བཞི་ཞེས་གསང་བ་སྒྱུ་འཕྲུལ་གྱི་ལམ་རིམ་ཆེན་མོའི་གཏེར་ཁ་བབས་ཀྱང་གཞན་རྐྱེན་གྱིས་ཕྱག་ཏུ་བཞེས་པ་མ་གྲུབ་ཀྱང་། རྒྱུད་སྡེ་རྒྱ་མཚོའི་ཤིང་རྟ་ཆེན་པོ་དྲངས་ཏེ་ཟབ་གསང་རྡོ་རྗེ་ཐེག་པའི་བསྟན་པ་ལ་མཛད་པ་རླབས་སུ་ཆེ་བ་འདི་རེ་རེའང་གཏེར་ཆོས་ཚམ་ཚེམ་དུ་མ་ལས་དགའ་བས་གཏེར་ཁ་ཕྱག་ཏུ་མ་སོན་ཀྱང་མི་ནོངས་པར་འདུག །བླ་མེད་རྒྱུད་སྡེ་རྣམས་ཀྱི་བསྐྱེད་

[Full Size]

རྫོགས་ཀྱི་ཏིང་ངེ་འཛིན་མཐར་ཕྱིན། ཆོས་སྐུ་ལྷ་དབང་གྲགས་པ་ལས་བདེ་སྟོང་འགྱུར་མེད་ཕྱག་རྒྱ་ཆེན་པོའི་རྟོགས་པ་མངོན་དུ་མཛད། གྲུབ་ཆེན་ཞི་བ་སྦས་པའི་ཞལ་སློབ་འཕགས་ཡུལ་གྱི་སློབ་དཔོན་སངས་རྒྱས་སྦས་པའི་མགོན་པོ་སོགས་རྣམ་པ་གསུམ་ལས་གདམས་ངག་གི་བཅུད་གསོལ་ཏེ་རྒྱུད་སྡེ་རྣམས་ཀྱི་དགོངས་པའི་གཏིང་ཕྱིན། །དཔལ་ཧེ་རུ་ཀ་གསང་བའི་མཛོད་གཏད། ཐུབ་པའི་དབང་པོས་ཆོས་ཀུན་གྱི་བདག་པོར་རྗེས་སུ་གནང་། ཉེ་བའི་སྲས་བརྒྱད་ཀྱིས་མདོ་རྒྱུད་མ་ལུས་པའི་འབྱུང་གནས་སུ་བྱིན་གྱིས་བརླབས། རྗེ་བཙུན་སྒྲོལ་མས་རྟག་ཏུ་ཞལ་སྟོན་ཅིང་ལུང་བསྟན་པ་དང་ཡེ་ཤེས་སྤོར་བར་མཛད། འཕགས་ཡུལ་ཤིང་རྟ་ཆེན་པོ་བཅུ་དྲུག །གྲུབ་ཐོབ་རྣལ་འབྱོར་གྱི་དབང་ཕྱུག་མ་ལུས་པས་བྱིན་གྱིས་བརླབས་ཤིང་གསོལ་བ་བཏབ་རེས་དངོས་སུ་གདམས་པ་དང་རྗེས་སུ་གདམས་པ་སྩལ། དེ་བཱི་ཀོ་ཊིར་ཡེ་ཤེས་མཁའ་འགྲོ་ནི་གུ་མས་བྱིན་གྱིས་བརླབས་ཤིང་གནང་བ་སྩལ་བ་ལྟར་ཆོས་དྲུག་ཁྲིད་ཡིག་ཟབ་དོན་ཐང་བརྡལ་མ་མཛད། ཨོ་ཌཱི་ཡ་ན་ར་ཨིནྡྲ་བོ་དྷི། ཟངས་མདོག་དཔལ་རིར་པད་འབྱུང་། ཤམྦྷ་ལར་རིགས་ལྡན་རྒྱལ་པོ་རྣམས་དང་མཇལ་ནས་ཞལ་ལུང་བདུད་རྩི་གསོལ། དུས་འཁོར་གསང་འདུས་རྡོ་རྗེ་ཕག་མོ་རྣམས་ཀྱིས་འོད་ཟེར་

[Full Size]

ཆེན་པོའི་དབང་བསྐུར་ཅིང་རྒྱུད་སྡེའི་དོན་རྣམ་པར་འགྲེལ་བ་ལ་ལེགས་སོའི་དབུགས་དབྱུང་སྩལ། རྡོ་རྗེ་ཐེག་པའི་རིང་ལུགས་རྣམས་ལ་འཁྲུལ་པས་བསླད་པ་ཐམས་ཅད་བསལ། ཤིང་རྟ་ཆེན་པོའི་ལུགས་སྲོལ་གང་ཡིན་པ་དེ་ཉིད་མ་ཉམས་པར་སྤེལ་བའི་བསྟན་བཅོས་རྒྱ་ཆེར་མཛད་པས་འཕགས་ཡུལ་དུ་ཨ་བྷཱ་ཡ་དང་མཚུངས་པར་བོད་འདིར་རྡོ་རྗེ་ཐེག་པའི་བསྟན་པ་འཆི་ཀ་མའི་སྲོག་མཐུད་པ་ལྟ་བུའི་བཀའ་དྲིན་ཉི་མ་གསལ་བ་ལྟར་མཛད། ཆོས་འཁོར་བསྐོར་བ་དང་དབང་དང་ཚོགས་འཁོར་རབ་གནས་མཛད་པ་སོགས་ཀྱི་སྐབས་འཇའ་འོད་དང་མེ་ཏོག་ཆར་པ། མཁའ་འགྲོའི་བརྡ་གླུ། དྲི་བཟང་ངད་པས་ཁྱབ་པ་སོགས་རྟག་ཏུ་འབྱུང་། སྤྱིར་བསྟན་འགྲོའི་དོན་རྒྱ་ཆེར་མཛད། སྒོས་སུ་རྟག་བརྟན་ཕུན་ཚོགས་གླིང་གི་རྟེན་བརྟེན་པར་བཅས་པ་གསར་དུ་བསྐྲུན། རྒྱལ་ཚབ་རྒྱ་མཚོ་རྣམ་གཉིས་སོགས་མཁས་གྲུབ་ཀྱི་སློབ་མ་མང་དུ་བྱོན། དུས་སྐབས་དེའི་བསྟན་འཛིན་གྱི་སྐྱེས་ཆེན་མཐའ་དག་གིས་ཞབས་ཀྱི་པདྨོར་བཏུད་པར་སྣང་། རེ་ཞིག་མཛད་པ་མཐར་ཕྱིན་ནས་ངོ་མཚར་བའི་ལྟས་དུ་མ་དང་བཅས་ཏེ་སྤྲུལ་པའི་བཀོད་པ་བསྡུས། །ཕྱི་མར་ཨོ་རྒྱན་གྱི་གནས་སུ་བཱིརྻ་རཱ་ཛ། བཻ་ཌཱུརྻ་དང་བདེ་བ་ཅན་དུ་ས་བཅུའི་དབང་ཕྱུག །འགྲོ་ལྡིང་གི་གནས་སུ་བདེ་བའི་མགོན་པོ་ཞེས་པས་

[Full Size]

མདོ་སྒྱུ་སེམས་གསུམ་སོགས་ཀྱི་བསྟན་པ་སྤེལ་ཞིང་བོད་ཡུལ་འདིར་ཡང་སྤྲུལ་པ་དང་བྱིན་གྱིས་བརླབས་པ་འགའ་ཞིག་འབྱུང་བར་གསུངས་ཤིང་། དངོས་ཀྱི་སྐྱེ་བ་གསུམ་ནས་འཇིག་རྟེན་འོད་ལྡན་ཅེས་པར་དེ་བཞིན་གཤེགས་པ་ནམ་མཁའི་ཐིག་ལེར་འཚང་རྒྱ་བའི་ལུང་བསྟན་བརྙེས་པར་སྣང་ངོ་། །དམ་པ་དེ་དག་གི་སྐྱེས་པ་རབས་ཀྱི་རྣམ་པར་ཐར་པ་མདོ་ཙམ་མོས་ལྡན་སྤྲོ་བ་བསྐྱེད་པའི་ཕྱིར་རང་བཞིན་བྲིས་པ་ཡིན་ལ། ད་ནི་དམ་པ་དེ་གསུམ་དང་བཟང་འབྲེལ་ཙམ་ཐོབ་པར་མོས་པའི་ཐ་ཤལ་བ་རང་ཉིད་ལ་ཀུན་མཁྱེན་བླ་མ་དམ་པས་བཀའ་སྩལ་དམིགས་སུ་གནང་བ་རྣམས་ལས་ཀླུ་མེས་སྔར་བརྗོད་ཟིན། སྙེ་མདོ་ཐམས་ཅད་མཁྱེན་པ་ཀུན་དགའ་དོན་གྲུབ་ནི། རོག་ཐམས་ཅད་མཁྱེན་པ་བསོད་ནམས་དཔལ་བའི་སྲས་ཆུང་བར་འཁྲུངས། ཡབ་དང་གཅེན་པོ་རྣམས་ལས་གསར་རྙིང་གི་རྒྱུད་གདམས་ངག་ཡོངས་རྫོགས། ཞི་བྱེད་སྐོར་གསུམ་རྣམས་གསན། ཀརྨ་པཀྴི། ཐར་ལོ་གྲགས་པ་སོགས་དམ་པ་མང་པོ་བསྟེན་ནས་རིག་པའི་གནས་ལྔ་དང་མདོ་རྒྱུད་མཐའ་དག་མཁས་པར་སྦྱངས། ཁྱད་པར་གྲུབ་ཆེན་ཨོ་རྒྱན་པ་ལས་དུས་ཀྱི་འཁོར་ལོའི་དབང་རྒྱུད་བཤད་མན་ངག་དང་བཅས་པ་ཚར་གཉིས་གསན། སྦྱོར་དྲུག་ཞི་ཕྱག་རྫོགས་གསུམ་རྣམས་ལ་རྡོ་རུས་འཕྲོད་པའི་སྒྲུབ་པ་ཉམས་

[Full Size]

བཞེས་མཛད་པས་མཉམ་རྗེས་མེད་པའི་རྟོགས་པ་འཁྲུངས། ཡི་དམ་གྱི་ལྷ་མང་པོས་ཞལ་གཟིགས། རྗེ་རང་བྱུང་རྡོ་རྗེ་ལ་དུས་ཀྱི་འཁོར་ལོའི་དབང་རྒྱུད་བཤད་མན་ངག་དང་བཅས་གཙོ་བོར་གྱུར་པའི་རྒྱུད་སྡེ་བཞི། སྔ་འགྱུར་རྙིང་མ། ཞི་བྱེད། ལམ་འབྲས། མདོ་ཕྱོགས་ཀྱི་སྐོར་བཅས་རྫོགས་པར་ཕུལ། དེ་དག་གི་སྐབས་སུ་རྗེ་རང་བྱུང་བ་ལ་དག་སྣང་ཁྱད་པར་ཅན་མང་དུ་ཤར། གཞན་ཡང་མཁས་བཙུན་དཔོན་རིགས་ཆེ་རྒུ་མང་པོ་ལ་དུས་ཀྱི་འཁོར་ལོར་གཙོས་པའི་ཆོས་འཁོར་རྒྱ་ཆེར་བསྐོར། བསྟན་བཅོས་ཀྱང་འགའ་ཞིག་མཛད་པར་སྣང་། བཀའ་བཞི་པ་རཏྣ་བྷ་དྲའམ་རིག་པའི་རལ་གྲི་ནི་རྗེ་དྲུག་པ་མཐོང་བ་དོན་ལྡན་གྱི་ཡོངས་འཛིན་དུ་ཕེབས་ཏེ་བཀའ་བརྒྱུད་གསེར་གྱི་ཕྲེང་བར་བཞུགས་པ་སྟེ་རྣམ་ཐར་རེའུ་མིག་བརྒྱ་རྩ་བརྒྱད་རྗེ་དྲུག་པ་ཉིད་ཀྱིས་བཀོད་པ་ལས་གསལ། དེའི་གོང་མ་གཉན་རས་དགེ་འདུན་འབུམ་ནི་གྲུབ་ཆེན་ཀརྨ་པཀྴིའི་ཞལ་སློབ། ཀུན་མཁྱེན་རང་བྱུང་རྡོ་རྗེས་ཀརྨ་པའི་ཆོས་སྐོར་ཡོངས་རྫོགས་གསན་པའི་ཡུལ་ལོ། །བ་ཡོ་ཆོས་ཀྱི་བློ་གྲོས་ནི། ཀོང་པོ་བ་ཡོའི་གདན་ས་བ་རྟོགས་ལྡན་མཁའ་སྤྱོད་དབང་པོ་དང་རྗེ་རོལ་པའི་རྡོ་རྗེའི་ཞབས་ཟིན། གཏེར་ཆེན་སངས་རྒྱས་གླིང་པ་སྐུ་ཆུང་ངུའི་དུས་ཀྱི་གཉར་སྐྱོང་དང་བླ་མ་མཛད་ཅིང་ཕྱིས་བླ་མ་དགོངས་འདུས་ཀྱི་

[Full Size]

ཆོས་བདག་བུམ་འཛིན་ཉེར་གཅིག་གི་གཙོ་བོར་ལུང་ནས་ཟིན་པ་ལྟར་ཕྲིན་ལས་བསྐྱང་། བ་ཡོ་ཆོས་ཀྱི་བཟང་པོ་དེའི་སྐྱེ་བ་དེ་མ་ཐག་པ་ཡིན་པ་འདྲ། ཞྭ་དམར་གསུམ་པ་ཆོས་དཔལ་ཡེ་ཤེས་ཀྱི་སློབ་མར་གྱུར་ཅིང་བ་ཡོ་དང་སྟག་རྩེ་གཉིས་ཀའི་གདན་ས་བསྐྱངས། ཕྱིས་སུ་ཞྭ་དམར་བརྒྱད་པའི་ཡོངས་འཛིན་གོ་ཤྲཱི་དོན་གྲུབ་སྙིང་པོའང་འདིའི་སྐྱེ་བ་ཡིན་པར་གསུངས། མུས་ཆེན་སངས་རྒྱས་རིན་ཆེན་ནི། མུས་ཆེན་སེམས་དཔའ་ཆེན་པོ་དཀོན་མཆོག་རྒྱལ་མཚན་གྱི་དབོན་དུ་འཁྲུངས། སེམས་དཔའ་ཆེན་པོ་དེ་ཉིད་དང་གྲུབ་ཆེན་དཀོན་མཆོག་བློ་གྲོས། ཀུན་མཁྱེན་བསོད་ནམས་སེང་གེ་རྒྱལ་ཚབ་ཀུན་དགའ་དབང་ཕྱུག་སོགས་ལས་ཚུལ་ཁྲིམས་རྣམ་པ་གསུམ་གྱིས་རྒྱུད་བསྡམས། མདོ་སྔགས་ཀྱི་གསན་བསམ་མཐར་ཕྱིན་པར་མཛད། རྒྱལ་དབང་ཆོས་གྲགས་རྒྱ་མཚོ་ལས་སྐུ་གསུམ་ངོ་སྤྲོད་གསན། ན་ལེནྡྲའི་གདན་ས་ཡུན་རིང་མཛད། དོར་གྱི་གདན་སར་ཡང་ཕེབས་ཏེ་རྗེ་ལྷ་མཆོག་སེང་གེ་རྒྱལ་ཚབ་ཏུ་དབང་བསྐུར། ཐུགས་དམ་གྱི་རིམ་པ་དང་བསོད་ནམས་ཀྱི་ཚོགས་བསམ་གྱིས་མི་ཁྱབ་པ་མཛད། གསུང་ངག་རིན་པོ་ཆེ་ལན་ལྔ་བཅུ་ང་གཅིག་གིས་མཚོན་ཆོས་ཀྱི་འཁོར་ལོ་རྒྱུན་མི་ཆད་པར་བསྐོར། སྤྱན་རས་གཟིགས་ཀྱི་ཞལ་རྟག་ཏུ་མཐོང་བའི་སྨྱུང་

[Full Size]

གནས་པ་བྱམས་པ་ཆོས་འོད་ལ་འཕགས་པས་རྗེ་འདི་ས་བཅུ་པ་ལ་གནས་པའི་བྱང་སེམས་ཡིན་པར་ལུང་བསྟན། དུས་རྒྱུན་དུ་མངོན་པར་ཤེས་པ་སྒྲིབ་མེད་དུ་མངའ་ཞིང་བདུད་རྩི་རིལ་བུ་ལན་གཉིས་སྒྲུབ་པའི་སྐབས་ངོ་མཚར་བའི་རྟགས་བསམ་གྱིས་མི་ཁྱབ་པར་བྱུང་བ་སྣང་། སློབ་མའི་ཚོགས་ཀྱང་། ས་སྐྱ་བདག་ཆེན་བཅུ་གཅིག །ངོར་གྱི་ཁྲི་བཞུགས་གསུམ། རྡོ་རིང་ཀུན་སྤངས་པ་སོགས་དབུས་གཙང་ཁམས་གསུམ་གྱི་དཔལ་ལྡན་ས་སྐྱ་པར་གཏོགས་ཚད་ཀྱི་བསྟན་འཛིན་རྣམས་དང་། ངོ་མ་རིང་། སྣར་ཐང་། ཇོ་ནང་སོགས་ཀྱི་གདན་ས་པ། སྨྱུག་ལ་པ་ཆེན། ཀརྨ་ཕྲིན་ལས་པ་སོགས་ཡང་སློབ་བརྒྱུད་འཛིན་བགྲང་བ་ལས་འདས་པ་བྱོན། སྐུའི་སྐྱེ་བ་ཕྱི་མ་མུས་ཆེན་སངས་རྒྱས་རྒྱལ་མཚན་ཡིན་པར་སྣང་ངོ་། །རྩེ་ལེ་མཁས་མཆོག་པདྨ་ལེགས་གྲུབ་སྣ་ཚོགས་རང་གྲོལ་ནི། ལོ་ཆེན་བཻ་རོ་ཙ་ནའི་སྐུའི་རྣམ་འཕྲུལ་དུ་ལུང་གིས་ཟིན། མཚུངས་མེད་བསྟན་འཛིན་རྡོ་རྗེའི་ཡང་སྲིད་དུ་གྲགས་པས་དེས་བཏབ་པའི་ཐང་འབྲོག་གྲྭ་ཚང་དུ་སྤྱན་དྲངས། གངས་ར་ལོ་ཆེན་སོགས་མཁས་གྲུབ་མང་པོ་བསྟེན་ནས་མདོ་སྔགས་གསར་རྙིང་གི་གཞུང་ལུགས་གདམས་པ་ཐུགས་སུ་ཆུད་པར་མཛད། སྐུ་ཤིན་ཏུ་བཙུན་པས་ཚོགས་ཆང་ལའང་ཆུ་དང་བུ་རམ་

[Full Size]

བསྲེས་པ་ལས་ལྗགས་ལ་མི་རེག །སྐུ་ཚེའི་སྨད་དུ་དཔལ་རི་རྒོད་ཚང་དང་ལྷོ་བདེ་གཤེགས་ཚེའི་ཕུག་པ་སོགས་སུ་བཞུགས། ཕྱག་རྫོགས་ཀྱི་རྟོགས་པ་མཐར་ཕྱིན། ཞལ་སློབ་ཀྱང་སྒམ་པོ་པ་བཟང་པོ་རྡོ་རྗེ། བམ་སྟེང་ཆོས་རྗེ་མི་ཕམ་པ། ཏའུ་པདྨ་བློ་གྲོས་སོགས་བྱོན་པར་སྣང་ངོ། །ལོ་ཆེན་བཻ་རོའི་ཐུགས་ཀྱི་སྤྲུལ་པ་རོང་སྟོན་ལྕགས་རྣ་ཅན་དུ་གྲགས་པ་པདྨ་བདེ་ཆེན་གླིང་པ་ནི། གསེར་ཐར་དུ་སྐུ་འཁྲུངས། ཐོག་མར་གསེར་པ་ཡེ་ཤེས་རྒྱལ་མཚན་ལ་བརྟེན་ནས་ཕྱག་ཆེན་གྱི་ཉམས་རྟོགས་ཕུལ་དུ་ཕྱིན་པར་མཛད། པེ་ཧ་ར་གྱིས་བར་གཅོད་བརྩམས་ནས་དགོངས་གཏེར་དང་གནམ་ཆོས་མང་དུ་བྱུང་། རིག་འཛིན་ཀློང་གསལ་སྙིང་པོ་མཇལ་བས་ཕ་བུ་འཕྲད་པ་ལྟ་བུའི་བརྩེ་བས་བསྐྱངས། གུར་དྲག་ཡེ་ཤེས་རབ་འབར་གནང་ནས་སྒྲུབ་པ་མཛད་དུ་བཅོལ་བས་སྔར་གྱི་བར་ཆད་ལས་གྲོལ་ནས་ས་གཏེར་གྱི་ཁ་བྱང་དང་ལུང་བསྟན་ཐོབ། རྨུ་རྡོ་བྲག་ནས་མཁའ་འགྲོ་སྙིང་ཐིག་དང་། བཙན་རི་ནས་བཀའ་འདུས་ཡིད་བཞིན་ནོར་བུ་སོགས་སྤྱན་དྲངས། ཉིད་ཀྱི་དབང་སྐལ་དངོས་རི་བོ་ཕག་ཞལ་དུ་མཁའ་འགྲོ་དགོངས་འདུས་བཞུགས་པར་འདུག་ཀྱང་ཕྱག་ཏུ་མ་སོན། ཀློང་གསལ་ནས་ཉིད་ཀྱི་རྒྱལ་ཚབ་ཏུ་ཀཿཐོག་གདན་སར་མངའ་གསོལ་བར་བཞེད་ཀྱང་

[Full Size]

དབོན་པོ་སོགས་ཀྱིས་ཆགས་སྡང་ཆེ་བར་གཟིགས་ནས་དགོངས་ཁྲོལ་ཞུས་ཏེ་བཙན་རི་གནས་ནང་དུ་གདན་ས་མཛད། བརྒྱུད་འཛིན་སློབ་མ་རིག་འཛིན་ཚེ་དབང་ནོར་བུ་དང་། སྐུའི་སྲས་མཆེད་སོགས་ཁྱད་པར་ཅན་བྱོན། དེའི་སྐུའི་སྐྱེ་བ་དེ་མ་ཐག་པ་ནི་རྟའུ་རོག་རྗེ་གླིང་པ་དང་། དེ་རྗེས་ཞེ་ཆེན་རི་ཁྲོད་དུ་བཞུགས་པའི་བླ་མ་ཤེས་རབ་ཡར་འཕེལ་བྱ་བ། དགུང་ལོ་བཅུ་དགུའི་སྐབས་ནས་ཡིག་དྲུག་དུང་ཕྱུར་འགྲུབ་པས་ ཐུགས་རྗེ་ཆེན་པོས་ཞལ་གཟིགས། བརྒྱད་སྟོང་པ་སྟོང་ཕྲག་གཅིག་དང་བརྒྱ་རྩ་གསུངས་པས་ཤེས་རབ་ཕར་ཕྱིན་རྟོགས་པ་མངོན་དུ་གྱུར་ནས་འདིར་སྣང་གི་འཁྲུལ་པ་ཞིག་པ་ཞིག་བཞུགས་པ་དེས་ཁོང་རོང་སྟོན་ལྕགས་རྣ་ཅན་གྱི་སྐྱེ་བ་ཡིན་པ་གསལ་བར་དྲན་གསུངས་ཀྱང་དེ་ཕྱོགས་རོང་སྟོན་གྱི་རྒྱུས་མེད་པས་སུ་ཡིན་མ་འཚལ་བར་སྣང་། དེ་ཉིད་ཞི་བར་གཤེགས་པའི་ཕྱི་ལོ་དེར་ཁོ་བོ་བཙས་པར་སྣང་བས་བླ་རྒན་དེའི་སྐྱེ་བ་ཙམ་ཡིན་རྒྱུར་བྱས་ན་གུང་འགྲིགས་ཤིང་སྟབས་ལེགས་ཙམ་གྱི་རྒྱུ་མཚན་ཕྲན་བུའང་འདུག་གོ། །གཉིས་པ་ལུང་གིས་ཟིན་ཚུལ་ནི། སྤྱིར་རྒྱལ་བས་ལུང་བསྟན་པ་ནི་འཕགས་ཡུལ་དུ་རྒྱན་དྲུག་གཙོས་སློབ་དཔོན་ཁ་ཤས། བོད་འདིར་མཉམ་མེད་དྭགས་པོ་རིན་པོ་ཆེ་དང་འབྲོམ་སྟོན་རྣམས་གསལ་བར་ལུང་བསྟན་པ་ལ་སུས་ཀྱང་བསྙོན་

[Full Size]

དུ་མེད། འཇམ་དཔལ་རྩ་བའི་རྒྱུད་ལས་བོད་ཀྱི་རྒྱལ་པོ་རྣམས་ཁྲིགས་ཆགས་སུ་འབྱུང་། དགའ་ལྡན་དང་བློ་བཟང་གི་མིང་རྣམས་ཀྱང་གསལ་བར་འབྱུང་། གཞན་བསྟན་པ་གསལ་བར་བྱེད་པའི་སྐྱེས་ཆེན་ཤིང་རྟའི་སྲོལ་འབྱེད་རྣམས་ཀྱང་དེང་སང་བོད་དུ་བཞུགས་པའི་མདོ་རྒྱུད་རྣམས་ལས་ལུང་བསྟན་གསལ་བར་མ་མཐོང་། སོ་སོའི་རྗེས་འཇུག་རྣམས་ནས་མཚན་སྒྲ་མཐུན་པ་ཙམ་དང་། འཇམ་དཔལ་རྩ་རྒྱུད་ལས་ཡི་གེའི་མགོ་འབོད་གསུངས་པ་རྣམས་རྡོ་ཆག་ལྷུ་གཏུགས་ཀྱིས་བསྒྲིགས་པ་དང་། ཁ་ཅིག་གིས་ན་བོད་དུ་མ་བྱོན་པའི་མདོ་རྒྱུད་ལས་ལུང་བསྟན་ནོ་སྐད་པའི་བོད་རྩོམ་གཤའ་མའི་ཚིགས་བཅད་ཁ་ཤས་ལུང་འདྲེན་བྱེད་པ་སོགས་ཀྱང་སྣང་ཞིང་། ཁོ་བོ་ལྟ་བུ་ལ་ནི་སངས་རྒྱས་ཀྱིས་ལུང་བསྟན་པའི་རེ་བ་རྨི་ལམ་དུའང་ག་ལ་ཡོད་ཅིང་གཏེར་ལུང་རྣམས་ཀྱང་གོང་དུ་སྨོས་པ་ལྟར་དགོངས་པ་ཅན་གྱི་གསུང་ལོས་ཡིན་སྙམ་པ་ལས་ངེས་དོན་ཡིན་པའི་ཐག་ཆོད་དང་རློམས་སེམས་གཏན་ནས་མེད་ངེས་ཅན་ཡང་། སངས་རྒྱས་ལས་ཀྱང་བཀའ་དྲིན་ལྷག་པའི་དཔལ་ལྡན་བླ་མ་དམ་པས་འཁོར་བ་ལས་སྒྲོལ་བའི་དབུགས་འབྱིན་སྩལ་བ་དེ་སོ་སྐྱེའི་བློ་རྟོག་གིས་རས་ཆོད་བྱེད་པ་ཆོས་ལུགས་སྤྱིར་འགལ་བ་དང་། ཁྱད་པར་མཉམ་མེད་དྭགས་པོ་བཀའ་བརྒྱུད་པའི་

[Full Size]

ལུགས་སུ་རྩ་བའི་བླ་མས་མེ་ལ་ཆུ་དང་ཆུ་ལ་མེ་ཡིན་གསུངས་ཀྱང་དེ་ལ་ཐེ་ཚོམ་དང་ལོག་ལྟ་སྤུ་ཙམ་མི་བྱེད་པར་རྡོ་རྗེའི་གསུང་དུ་གོ་ན་རྟེན་འབྲེལ་འགྲིགས་པར་གསུངས་པས་དེའི་དབང་དུ་བྱས་ཏེ་དགོད་ན། །ཏིང་འཛིན་རྒྱལ་པོའི་མདོ་ལས། །གང་གི་ལག་ན་ཏིང་འཛིན་མཆོག་ཡོད་པ། །རྒྱལ་བ་བྱམས་པ་གྲགས་པ་མཐའ་ཡས་བཞིན། །སེམས་ཅན་རྣམས་ཀྱི་དོན་མང་བྱེད་འགྱུར་ཞེས། །བློ་གྲོས་མཐའ་ཡས་དེ་ནི་ངས་ལུང་བསྟན། །ཞེས་དང་། འཕགས་པ་དེ་བཞིན་གཤེགས་པའི་ཡེ་ཤེས་ཕྱག་རྒྱའི་མདོ་ལས། འདི་དང་ལྡན་པ་འདྲེན་པར་འགྱུར་ཏེ་བློ་གྲོས་མཐའ་ཡས་བློ་གྲོས་མཆོག །ཕྱོགས་བཅུའི་སངས་རྒྱས་བྱེ་བ་ཕྲག་བརྒྱ་མང་པོ་དག་གིས་དགོངས་པར་འགྱུར། །མདོ་སྡེ་བརྒྱ་ཡི་ཚུལ་དག་ཤིན་ཏུ་རབ་འབྱེད་བསམ་ཡས་དཔག་མེད་དེ། །མདོ་སྡེ་འདི་ལ་རབ་ཏུ་སྦྱོར་བ་མི་ཟད་གཟུངས་ཐོབ་རྙེད་པར་འགྱུར། །ཅེས་གསུངས་པའི་དོན་རྗེ་བླ་མ་འཇམ་དབྱངས་མཁྱེན་བརྩེའི་དབང་པོ་ནས་འཕགས་བོད་གཉིས་ཀར་བློ་གྲོས་མཚན་ཅན་གྱི་སློབ་དཔོན་མང་དུ་བྱོན་ཀྱང་མཐའ་ཡས་དང་འབྲེལ་བ་ཅན་བཀའ་གཏེར་ལོ་རྒྱུས་གང་ནས་ཀྱང་མ་གཟིགས་པས་ཁྱེད་རང་གི་མིང་དང་ཤིན་ཏུ་འབྲེལ་གསུངས་ནས་མཛད་བྱང་མང་པོ་ཡང་དེ་ལྟར་གནང་འདུག་

[Full Size]

པ་དང་། སྤྱིར་འཁོར་ལོས་སྒྱུར་བའི་རྒྱལ་པོ་ཡུལ་འཁོར་སྲུང་གི་སྲས་སྟོང་བསྐལ་བཟང་སངས་རྒྱས་རྣམས་སུ་ལུང་བསྟན་པའི་རྗེས་མ་གཞོན་ནུ་བློ་གྲོས་མཐའ་ཡས་སངས་རྒྱས་མོས་པ་སྣང་མཛད་དུ་འགྱུར་བ་དེ་ལོ་ཆེན་བཻ་རོ་ཡིན་པར་སྣང་བས་སྔོན་ལུང་བསྟན་པའི་མཚན་དེ་བྱང་ཆུབ་ཀྱི་སྤྱད་པ་སྤྱོད་པའི་གནས་སྐབས་ཐམས་ཅད་དུ་ཡོད་པར་སྨྲ་བ་ཙམ་ལ་ནི་འབྲེལ་མི་ཆགས་པའང་མི་སྣང་ངོ། །འཕགས་པ་ལངྐར་གཤེགས་པ་ལས། དེ་ཡི་འོག་ཏུ་བྱས་དུས་ལ། །འདྲེན་པ་བློ་གྲོས་ཞེས་བྱ་བ། །ཤེས་བྱ་ལྔ་རྣམས་སྟོན་པ་པོ། །དཔའ་བོ་ཆེན་པོ་འབྱུང་བར་འགྱུར། །ཅེས་གསུངས་པའི་ཤེས་བྱ་ལྔ་རིག་པའི་གནས་ལྔ་སོགས་ལ་བྱས་ན་རྒྱ་བོད་མཁས་པ་ཀུན་གྱིས་སྤྱི་ནོར་ཡིན་པས་ལུང་བསྟན་ཡུལ་གྱི་ཁྱད་ཆོས་སུ་མི་འགྱུར་བས་མཛོད་ཆེན་ལྔ་པོ་སྔར་མ་བྱུང་བའི་ཁྱད་པར་ཅན་གྱི་ཕྱིར་འདིའང་ཤིན་ཏུ་འབྲེལ་ཅེས་རྗེ་རིན་པོ་ཆེ་དེ་ཉིད་བཞེད་པར་མཛད་ཀྱང་རྒྱལ་བའི་གསུང་རྣམ་པ་ཐམས་ཅད་པ་ཞེས་སྒྲ་ཤིན་ཏུ་ཡངས་པས་འབྲེལ་གང་དུ་ཆགས་པ་དེར་ཁྱེར་ཆོག་པས་འདི་ལ་མི་འོས་སྙམ་པ་དང་གཞན་ཞིག་ལ་འཐད་ཀྱང་འདིར་འཐེན་ཁྱེར་བྱས་འདུག་སྙམ་པའི་ཁོང་ཁྲོ་དང་གུ་དོགས་གཏན་ནས་མི་དགོས་སོ། །སྔ་འགྱུར་སྒྱུ་འཕྲུལ་ཀལྤ་དུམ་བུའི་རྒྱུད་ལས་ཀྱང་། འཇིག་རྟེན་

[Full Size]

ཁབ་ཅན་ཞེས་སུ༔ པདྨའི་སྙིང་པོ་ཀུན་དགའ་དང་༔ བློ་གྲོས་མཐའ་ཡས་ལ་སོགས་པས༔ འཛིན་པས་བསྟན་པ་རྒྱས་པར་འགྱུར༔ ཞེས་དང་། གཏེར་ཆེན་པདྨ་གླིང་པའི་ལུང་བསྟན་ལས། ལྕགས་རྟ་ལོ་ལ་མཐའ་དམག་བོད་དུ་བརྡོལ༔ ང་ཡི་སྤྲུལ་པ་དགེ་སློང་བློ་གྲོས་མིང་༔ ཁམས་ཕྱོགས་གསེར་ལྡན་འབབ་པའི་འགྲམ་ནས་འབྱུང་༔ སྨོན་ལམ་དབང་གིས་དུས་ཀྱི་འཁྲུགས་པ་ཟློག༔ ལྕགས་ལུག་ལོ་ལ་སྐྱིད་པའི་ཉི་མ་ཤར༔ ཞེས་གསུངས་པ་ལྕགས་རྟ་ལོར་གཡུ་ལུང་གངས་ར་གཉིས་པ་བཀྲ་ཤིས་ཉི་ཟླ་དཔལ་ཕུག་ཏུ་བཀའ་བརྒྱད་བདེ་གཤེགས་འདུས་པའི་སྨན་སྒྲུབ་བགྱིས་པ་སོགས་དང་དུས་འགྲིགས་ཤིང་། རིན་ཆེན་གླིང་པའི་རྫོགས་ཆེན་གཅིག་ཆོད་ཀུན་གྲོལ་ལས། མ་འོངས་དུས་མཐར་བཀའ་བརྒྱུད་ཡལ་བའི་ཚེ༔ བི་མས་བྱིན་རླབས་ཆོས་འདི་སྤྱོད་པ་ན༔ བཻ་རོའི་ཐུགས་བསྐྱེད་རྒན་གཞོན་བྱིས་པའི་ཚུལ༔ གསུམ་གྱིིས་འཆད་ནས་ཅུང་ཟད་དར་ཡང་སྲིད༔ ཅེས་ཟབ་ཆོས་འདིའི་རྒྱུན་ཆད་པ་རྗེ་བླ་མར་བཀའ་བབས་ནས་ཐོག་མར་སྤེལ་བའི་སྣོད། བཻ་རོའི་སྤྲུལ་པ་རྒན་པོར་ངོས་བཟུང་། རྡོ་རྗེ་གླིང་པ་དང་བདུད་འདུལ་རྡོ་རྗེ་སོགས་གཏེར་ཁ་སྔར་བྱོན་རྣམས་སུའང་ཐོར་བུ་ཅི་རིགས་སྣང་ཞིང་། ཁྱད་པར་

[Full Size]

རྗེ་བླ་མ་རིན་པོ་ཆེ་དང་མཆོག་གླིང་ལྷན་རྒྱས་ཀྱི་གཏེར་བྱོན་ཞལ་གདམས་ལམ་རིམ་ཡེ་ཤེས་སྙིང་པོ་ལས། དེ་ཚེ་ཐོག་མའི་སྐལ་ལྡན་ནི༔ རྣམ་པར་སྣང་མཛད་ལོ་ཙཱ་བས༔ བྱིན་བརླབས་ཞི་བའི་བློ་གྲོས་ཀྱིས༔ ཟབ་རྒྱས་ཚིག་དོན་གཏན་ལ་འབེབས༔ ཞེས་གསུངས་པ་ལྟར་རྩ་བའི་སྟེང་ནས་ལྗགས་བཤད་ཞིབ་པར་སྩལ། འགྲེལ་པ་ཞིག་ཅིས་ཀྱང་བགྱིད་དགོས་པར་དངོས་དང་བརྒྱུད་ནས་བཀའ་གནང་བ་ལྟར་ཚིག་འགྲེལ་ཞིག་ཀྱང་བྲིས། ཇོ་མོ་སྨན་མོའི་ཡང་གཏེར་མཁའ་འགྲོ་གསང་བ་ཀུན་འདུས་ལུང་བྱང་ལས། སླར་ཡང་བོད་ཁམས་སྡུག་པའི་དུསཿ ཆོས་ཀྱི་རྒྱལ་པོའི་སྐྱེ་བའི་མཐའ༔ མཚོ་རྒྱལ་ཁྱོད་ཀྱིས་བྱིན་བརླབས་པ༔ སུས་ཀྱང་བརྟག་པར་དཀའ་བ་ཡི༔ མ་ངེས་འགྲོ་འདུལ་རིག་པ་འཛིན༔ སྒྱུ་མ་ལྟ་བུའི་སྐྱེས་བུ་ཞིག༔ མདོ་ཁམས་ཤར་ནས་འབྱུང་དང་འཕྲད༔ ལོ་ཙཱ་ཆེན་པོའི་ཡེ་ཤེས་དང་༔ གཉིས་མེད་གཉིས་སུ་སྣང་བའི་ཚུལ༔ སྔགས་ཀྱི་གདུང་མཐའ་བྱང་ཆུབ་སེམས༔ བློ་གྲོས་མི་ཟད་གཏེར་ལ་གཏད༔ གཉིས་ཀའི་སྨོན་ལམ་ལ་བརྟེན་ནས༔ སྐལ་ལྡན་འགའ་ཡི་ཉམས་ཆགས་སྦྱོང་༔ ལ་ལ་སྔགས་ཀྱི་བརྟུལ་ཞུགས་སྤྱོད༔ འགའ་ཞིག་བདེ་ཆེན་ཡེ་ཤེས་རྙེད༔ དངོས་གྲུབ་དགའ་སྟོན་

[Full Size]

རྒྱས་པར་འགྱུར༔ཅེས་འབྱུང་བའི་དོན་ཐོག་མར་ཁོ་བོས་ཡི་གེ་པ་ཞུས་ཤིང་སྨིན་གྲོལ་ཆིག་རྫོགས་སུ་སྩལ། ཕྱིས་ནས་རང་གིས་བསྙེན་སྒྲུབ་སྐོང་ཆོག་སྒྲུབ་ཆེན་སོགས་དང་གཞན་ལའང་འཆད་སྤེལ་ཅི་ནུས་བགྱིས་པ་ཡིན་ཅིང་། གཞན་ཡང་དགོངས་གཏེར་སྙན་བརྒྱུད་ཡང་གཏེར་རྣམས་སུ་རྗེ་འབངས་རྣམས་ཀྱི་སྤྲུལ་པ་འབྱུང་བར་བསྡམས་ནས་བསྟན་པ་རྣམས་ཀྱི་ནང་ནས་བཻ་རོ་གར་བཞུགས་ཁོ་བོ་ལ་ངོས་འཛིན་མཛད་ནས་སྨིན་གྲོལ་ཐོག་མར་བཀའ་དྲིན་དུ་སྩལ་བ་ཐོབ་པས་སྐལ་པ་ནི་ཤིན་ཏུ་བཟང་བར་སེམས། མཆོག་གྱུར་གླིང་པའི་ཐུགས་སྒྲུབ་བར་ཆད་ཀུན་སེལ་གྱི་ལུང་བྱང་ལས། བཻ་རོའི་སྤྲུལ་པ་བློ་གྲོས་མིང་༔ འཆད་རྩོམ་མཐའ་ཡས་བཀའ་བབས་འབྱུང་༔ ཀླུ་གདོན་གྲོལ་བའི་རྐྱེན་དུ་བྱེད༔ ཅེས་གསུངས་པ་དེ་སྐབས་འཆད་རྩོམ་གྱི་བྱ་བ་ཆེར་མེད་ཀྱང་ཕྱིས་སུ་མངོན་དུ་གྱུར་པ་དང་། འོག་གདོན་གྱི་ནད་གཞི་གྲོལ་བའི་རྐྱེན་ཆོས་འདི་ལས་བྱུང་བ་རྣམས་ནི་ཐོག་ཏུ་ཁེལ། ཆོས་འདིའི་བཀའ་སྲུང་ཚེ་རིང་མཆེད་ལྔའི་སྒྲུབ་ཐབས་གཤམ་དུའང་། བཻ་རོའི་སྐྱེ་མཐའ་གཡུང་དྲུང་མིང་༔ བློ་གྲོས་མཐའ་ཡས་རྩལ་འཆང་བ༔ དེ་ཡིས་སྙིང་པོའི་བསྟན་པ་ལ༔ ཕན་པའི་བཙས་སུ་སྣང་བར་བྱེད༔ ཅེས་གསུངས་པའང་ཆུང་ངུའི་དུས་སྨན་རིའི་

[Full Size]

མཁན་པོས་བསྟན་འཛིན་གཡུང་དྲུང་དུ་བཏགས་པ་དེ་ཉིད་ཕྱིས་དཔལ་སྤུངས་སུ་མ་ཕྱིན་བར་མིང་བླ་དྭགས་སུ་ཆགས་པ་ཡིན་ལ། དེ་བཞིན་དུ་ཐུགས་སྒྲུབ་ཡིད་བཞིན་ནོར་བུའི་ལོ་རྒྱུས་ཤེལ་གྱི་ཕྲེང་བ་ལས། ནུབ་ནས་བཻ་རོའི་སྐྱེ་མཐའ་བློ་གྲོས་ཅན༔ བསྟན་འཛིན་མིང་ཅན་རྒྱལ་བའི་བསྟན་ལ་ཕན༔ ཟབ་རྒྱས་མཛོད་ལ་རང་དབང་བསྒྱུར་བ་འབྱུང་༔ ཞེས་གསུངས་པའི་ཕྱོགས་ནི་གཏེར་ཁ་འདི་ཉིད་གཏན་ལ་འབེབས་པའི་གནས་སྡེ་དགེ་ལྷུན་གྲུབ་སྟེང་ཡིན་པས་དེའི་ནུབ་དྲང་པོར་རང་ཉིད་སྐྱེས་པའི་ཡུལ་ཡོད་པ་ལ་དགོངས་པ་རེད་ཅེས་གཏེར་ཆེན་ཉིད་ནས་གསུངས་ཤིང་མིང་སྒྲ་ནི་སྨོས་མ་ཐག་པ་ལྟར་རོ། །ཟབ་པ་སྐོར་བདུན་གྱི་ལུང་བྱང་ལས། གཤིན་རྗེའི་གཤེད་འདི་བསྟན་པའི་ལྕགས་རི་སྟེ༔ བཻ་རོའི་སྤྲུལ་པ་རབ་བྱུང་བྱ་ཡི་ལོ༔ དབང་གི་མིང་ཅན་གནས་ལྔའི་རིག་པར་མཁས༔ ཞེ་དྲུག་དུས་སུ་ཤིན་ཏུ་འཕྲང་དམ་པས༔ འདི་ཉིད་ཉམས་བླངས་ཁྱད་པར་ཕྱག་རྡོར་སྒྲུབ༔ ལྔ་བཅུའི་བར་དུ་སྒྲུབ་པ་སྙིང་པོར་བྱེད༔ དེ་ནས་མདོ་ཁམས་ཕྱོགས་སུ་བསྟན་པ་སྤེལ༔ ཅེས་གསུངས་པའང་རབ་བྱུང་གི་མིང་ཀརྨ་ངག་དབང་ཡོན་ཏན་རྒྱ་མཚོ་ཞེས་དང་། སྔགས་ཀྱི་གསང་མཚན་པདྨ་གར་དབང་ཞེས་པ་རྣམས་ཀྱི་མིང་ཟུར་ཡིན་པར་གསུངས། རྫོགས་

[Full Size]

ཆེན་སྡེ་གསུམ་ལུང་བྱང་ལས། བཻ་རོའི་སྤྲུལ་པ་བློ་གྲོས་མིང་༔ དེ་ལ་ཡང་དག་འཕྲོད་པར་གྱིས༔ ཞེས་དང་། ཕན་ཚུན་གབ་སྤྲད་བཻ་རོའི་སྐྱེ་བ་ནི༔ བློ་གྲོས་མིང་ཅན་དེ་ལ་བདག་པོར་སྤྲོད༔ ཅེས་གསུངས་པས་གཏེར་ཆེན་ཉིད་ནས་ཁོང་གི་གཏེར་གསར་ཐམས་ཅད་ལ་ཆོག་བསྒྲིག་གིས་མཚོན་ཡིག་ཆ་གང་དགོས་ཐམས་ཅད་ཁྱོད་ནས་བགྱིད་དགོས་པར་ལན་མང་དུ་གསུངས་པ་ཡིན། རིག་འཛིན་ཀུན་གྲོལ་གསང་བ་རྩལ་གྱི་སྲིད་པ་བར་ཁུག་གི་ཁ་བྱང་ལས། ཁྱུང་པོའི་གདུང་བརྒྱུད་འབྱུང་ཚུལ་བཤད་པའི་རྗེས་སུ། དེ་ལས་ལྡེའུ་མིག་ཟབ་གཏེར་འདི། ས་སྟེང་འབྱུང་བའི་དུས་མཉམ་དུ༔ ཁྱད་པར་འཕགས་པའི་སྐྱེས་བུ་ནི༔དགེ་སློང་ཀུན་དགའི་སྤྲུལ་པ་སྟེ༔ བློ་གྲོས་རྒྱ་མཚོ་ལྟ་བུ་ཡི༔ ཤེས་བྱ་མཐའ་ཡས་ཅན་དུ་འབྱུང་༔ འབུམ་ཕྲག་ལྔ་ཡི་འགྲོ་བ་འདྲེན༔ གང་མཇལ་ཐར་པའི་ལམ་ཕྱེད་འགྱུར༔ མཐའ་མི་དབུས་སུ་མི་ཉེ་བའི༔ བརྟུལ་ཞུགས་སྤྱོད་པ་རྒྱུན་དུ་སྐྱོང་༔ སྐུ་ཚེ་མཐར་ཕྱིན་འགྲོ་དོན་མཛད༔ ཅེས་དང་། འཇམ་དབྱངས་མཁྱེན་བརྩེའི་དབང་པོ་དང་བསྡེབས་ནས་བཀའ་གཏེར་གྱི་བསྟན་པ་ལ་བྱ་བ་བྱེད་པའི་ཚུལ་སོགས་རྒྱས་པར་སྣང་ངོ་། །གསུམ་པ་ཟབ་མོ་གཏེར་གྱི་བཀའ་བབ་པ་ཕྱོགས་མཚོན་ཙམ་

[Full Size]

བྱུང་བའི་ཚུལ་ནི། ལོ་གྲངས་བཅོ་ལྔ་པར་རྨི་ལམ་དུ་གུ་རུ་རིན་པོ་ཆེ་མཇལ་ཞིང་བྱིན་རླབས་ཐོབ། དེ་རྗེས་རིམ་པར་སྒྲུབ་ཐབས་སོགས་བྲི་རྒྱུ་མང་པོ་ཞིག་དྲན་པ་བྱུང་བ་ལས། ཞེ་ཆེན་སྡོད་སྐབས་དཔལ་ལྡན་ལྷ་མོའི་སྐོང་མདོས་སྐོར་སོགས་མི་བྲི་ཀ་མེད་བྱུང་བས་དབུ་བཞག་ཙམ་བྲིས་པར། དེ་སྐབས་དཔྱིད་ཀ་ཡིན་ཀྱང་ཉེ་སྐོར་དུ་ཐོག་ལྷུང་བ་སོགས་འཚུབས་ལྟས་ཆེ་ཙམ་བྱུང་། དེ་རྣམས་གྲུབ་རྗེས་རྡོ་རྗེ་བེ་ཅོན་སྒྲུབ་ཐབས་ལས་ཚོགས་དང་བཅས་པ། བཙན་རྒོད་མཆེད་གསུམ་གྱི་སྒྲུབ་སྐོར་རྣམས་ཀྱང་བྲིས། དཔོན་སྤྲུལ་རིན་པོ་ཆེར་གཟིགས་ཕུལ་བ་ཁོང་ཉིད་དག་སྣང་གི་སྤྱན་རས་ཤིན་ཏུ་ཡངས་པའི་སྟོབས་ལེགས་སོའི་བསྔགས་བརྗོད་གནང་། ལུང་གསན་ནས་ཐུགས་ཉམས་སུ་ཅུང་ཟད་བཞེས་པས་དགེ་མཚན་གསལ་བར་གཟིགས། ལྷ་མོའི་སྐོར་དེ་དེང་སང་གི་མི་ཕྱུགས་ནད་རིགས་ལ་ཕན་པ་དང་། རྡོ་རྗེ་བེ་ཅོན་སྙིགས་དུས་ཀྱི་དམ་གྲིབ་སེལ་བ་ལ་ཟབ་པར་འདུག་ཅེས་ཀྱང་གསུངས། དེ་སྐབས་བསླབ་གཉེར་སྦྱོང་བརྩོན་ཁོ་ན་དོན་གཉེར་དུ་སོང་བས་ཉམས་ལེན་གཙོས་དགོས་བྱའི་རིགས་དུས་ལས་ཡོལ། དེ་གའི་གནས་ནང་སྐོར་དུ་གཏེར་སྒོ་ཆེས་གསལ་བར་མཐོང་ཡང་བཏང་སྙོམས་སུ་བཞག །དེ་རྗེས་དཔལ་སྤུངས་སུ་ཕྱིན་ཏེ་རབ་བྱུང་ཞུས།

[Full Size]

བཀའ་བརྒྱུད་རིན་པོ་ཆེའི་ཆོས་སྒོར་ཞུགས་པ་ནས་བརྩམས་བླ་མ་དང་མཆེད་གྲོགས་རྣམས་ཀྱི་བཀའ་བསླབ་གཙོར་བཟུང་ནས་གསར་མའི་ཞེན་ཕྱོགས་ཇེ་ཆེར་སོང་། དགོངས་གཏེར་སོགས་ལའང་ཡིག་ལྡོག་པ་ལྟར་གྱུར། སྔར་བྲིས་པ་དེ་དག་གཟིགས་པའི་ཆེན་པོ་འགའ་ཞིག་ནས་ཀྱང་སྒྲོ་སྐུར་གྱི་གླེང་གཞི་བྱུང་བས་དཔེ་རྣམས་མེ་ལ་བསྲེགས་པ་དང་ཆབ་ཅིག་དམ་བཅའ་སྨོན་ལམ་བྲིས་པ་རྩོམ་པོད་ཐོར་བུར་གསལ། དེ་ཀས་རྐྱེན་བྱས་ཏེ་རིམ་པར་རྨིས་ལྟས་འཁྲུགས་པ་དང་བགྲང་བྱ་སུམ་ཅུ་པར་ངོས་མི་ཟིན་པའི་བྲོ་ནད་ཤིན་ཏུ་ལྕི་བས་ཟིན། ད་རེས་འཆི་བ་རེད་སྙམ་པ་ཉི་རེ་བཞིན་དུ་རྟག་ཏུ་བྱུང་། དེ་སྐབས་ནུབ་ཅིག་དངོས་སམ་རྨི་ལམ་མི་འབྱེད་པར་སྐྱེ་བ་འཕོས་ཏེ་གུ་རུ་ཡབ་ཡུམ་མཇལ་ནས་ཞུ་ལན་འགའ་ཞིག་གི་མཐར་སླར་ཡང་སྐྱེ་སྲིད་བཟུང་དགོས་པའི་བཀའ་ནན་སྩལ་བ་ལྟར་རང་མལ་དུ་ཞུགས་པའི་སྣང་བ་བྱུང་བའི་ཕྱིར་ཉིན་ཞག་ཁ་ཤས་བར་དོའི་སྐབས་ཡིན་སྙམ་པའི་འདུན་པ་ཡུད་དེ་བའང་བྱུང་། བཅའ་ཁ་ཕྲན་བུ་གང་ཡོད་སྤང་དག་བྱས་ནས་བླ་མ་དགོངས་འདུས་ཀྱི་ཞལ་ཐང་གྲ་ཚར་བཅུ་གསུམ་གཙོས་སྐུ་གསུང་ཐུགས་རྟེན་བཞེངས་པ་སོགས་ཀྱིས་རིམ་པར་ནད་ཁམས་དྭངས་ནས་རི་ཁྲོད་དུ་སྒྲུབ་པ་ལ་ཞུགས་པས་ལུས་ཁམས་རླུང་ནད་ཀྱིས་

[Full Size]

བཟུང་བས་ཞན་ཀྱང་ཉམས་རྨིས་ལེགས། ད་དུང་སྐབས་སུ་འཚུབས་རེའང་འབྱུང་འདུག་པས་རྫོང་སར་ནས་རྗེ་བླ་མ་རིན་པོ་ཆེས་ལྷ་མོའི་སྐོང་མདོས་དེ་གལ་ཆེ་འདྲ་གསུངས་པ་དང་། རང་གི་རྨི་ལམ་དུ་དམ་ལྡན་སློབ་མ་ཀརྨ་ཉི་འོད་ནས་ཁྱོད་ཀྱིས་ལྷ་མོའི་སྐོང་མདོས་དེ་མ་བཅས་ན་ནད་འདི་ཇི་ལྟར་བྱས་ཀྱང་དྲག་དཀའ་བ་རེད་ཟེར་བ་རྨིས་ཀྱང་སྐོང་མདོས་ནི་དེར་ཟད། བཀའ་དྲིན་ལྷ་མོའི་གསོལ་ཁ་ཟེར་བ་ཞིག་ཡིད་ལ་ཤར་ནས་བྲིས་པ་དེ་ཉིན་ནམ་མཁའ་མཐིང་ནག་གི་ནང་དུ་འཇའ་ཚོན་གུར་ཁྱིམ་ཟླུམ་པོ་བཀྲག་མདངས་ཅན་ཤར་བའི་བཀྲ་ལྟས་ལེགས། གསོལ་ཁ་དེ་ཚར་གྲངས་ཁ་ཤས་བཏོན་པས་དེ་ཕྱིན་ཇེ་དྭངས་སུ་སོང་། ཕྱིས་སུ་གཏེར་སྟོན་ཀུན་གྲོལ་གསང་བ་རྩལ་ལམ་ཡོངས་གྲགས་ཚེ་དབང་གྲགས་པར་འབོད་པ་ཉིད་ཉེ་སྐོར་དུ་ཕེབས་སྐབས་ཕ་ཡུལ་གཅིག་པའི་སྟབས་ཀྱིས་གཏུགས་འགྲུལ་བྱུང་ན་ཅི་འོས་རྗེ་མཁྱེན་བརྩེ་རིན་པོ་ཆེར་བཀའ་བརྟགས་ཞུས་པ། གཏེར་སྟོན་ཚད་མ་ཡིན་འདུག་ཀྱང་འཚུབས་ཆ་ཆེ་བས་སྤྱིར་འབྲིང་ཙམ་ལས་མི་འབྱུང་ཡང་ཁྱེད་རང་དུང་འཕྲད་ན་སྔོན་གྱི་རྟེན་འབྲེལ་ཉམས་པ་དེ་སོར་ཆུད་པར་འདུག་གསུངས་ཀྱང་དེ་རེས་མཇལ་འཕྲད་མ་བྱུང་། རང་ལོ་སོ་བདུན་པར་གེགས་འཕྲང་ཆེ་ཞིང་ནད་ཁམས་འགའ་ཞིག་ཀྱང་བྱུང་བར་བསྙེན་སྒྲུབ་མང་

[Full Size]

པོ་དང་ཁྱད་པར་བླ་མ་དགོངས་འདུས་ཀྱི་བསྙེན་སྒྲུབ་སྐབས་རྨི་ལམ་དུ་ཨོ་རྒྱན་རིན་པོ་ཆེ་མཇལ་བ་ལ་གུས་པ་ཆེན་པོས་བཏུད་དེ་བྱིན་རླབས་ཞུས་པར་སྔགས་ཚིག་འགའ་ཞིག་གིས་བྱིན་རླབས་སྩལ་ནས། ཁྱོད་ཀྱི་ལོའི་ཚེ་ཀེག་སེལ་བ་ཡིན། ཕྱིན་ཆད་ལོ་ཤས་མཚམས་ངེད་རང་དངོས་དང་འཕྲད་འོང་བས་བསླབ་བྱ་རིམ་པར་བྱེད་ཆོག་གསུངས་པ་ཞིག་བྱུང་། དེ་རྗེས་རང་ལོ་བཞི་བཅུ་པར་གཏེར་ཆེན་མཆོག་གྱུར་གླིང་པ་ཐོག་མར་མཇལ་བ་ཙམ་ནས་ཕ་བུ་འཕྲད་པ་ལྟར་གྱུར། རིམ་པར་གཏེར་སྟོན་ཉིད་རྩོད་མེད་ཡོངས་གྲགས་སུ་གྱུར་པ་ནས་སྤང་བླང་གི་ལུང་བྱང་སྔ་རྗེས་མང་པོ་བྱུང་བ་རྣམས་གནང་བར་མཛད། འདི་སྐོར་ནས་རིན་ཆེན་གཏེར་མཛོད་སྡུད་རྩོལ་གྱི་དབུ་ཚུགས་ཀྱང་ཚེ་འཕྲད་དོགས་གཞི་ཆེ་བར་ཚོགས་ཀྱི་འདུ་བ་རྒྱ་གང་ཆེ་དང་མི་ཁམ་ཁྱོགས་པ་ཞིག་བྱུང་ན་ཚེ་ཚད་མཐར་ཕྱིན་པའི་ལུང་དོན་རྣམས་ཀྱང་ཞུམ་མེད་དུ་བསྒྲུབས། ཁྱད་པར་རྫོང་ཤོད་གནས་སྒོ་ཐོག་མར་འབྱེད་པའི་སྐབས་ཀུན་གཟིགས་འཇམ་དབྱངས་མཁྱེན་བརྩེའི་དབང་པོ་དང་། གཏེར་ཆེན་མཆོག་གླིང་། བདག་ཅག་དང་བཅས་པས་བཀའ་བརྒྱད་སྒྲུབ་ཆེན་གྲུབ་པའི་རྗེས་ཐོག་དེར། གཏེར་ཆེན་རྣམ་པ་གཉིས་ནས་ཙིཏྟ་གསང་ཕུག་ཏུ་རྡོའི་ཁྲི་མཐོན་པོ་བརྩིགས། གདན་བཏིང་བ་

[Full Size]

ལ་བཀོད། སྐུ་གསུང་ཐུགས་རྟེན། རིན་ཆེན་དང་པོའི་མཎྜལ་བཅས་སྩལ་ནས་ཉིད་ལ་གུ་རུ་རིན་པོ་ཆེས་གསོལ་བའི་མཚན་ཨོ་རྒྱན་འཆི་མེད་བསྟན་གཉིས་གཡུང་དྲུང་གླིང་པ་ཡིན་པས་ཕྱིན་ཆད་མཚན་དེ་ལྟར་འདོགས་པ་དང་ཟབ་གཏེར་གྱི་རྟེན་འབྲེལ་ཉམས་པ་སོར་ཆུད་དོགས་པའི་གསུང་ནན་བཅས་ཞབས་བརྟན་གནང་བར་མཛད། དེ་རྗེས་ཀུན་གཟིགས་བླ་མས་གཏེར་སྟོན་ཀུན་གྲོལ་གསང་བ་རྩལ་ལ་བཀའ་བསླབ་གནང་བ་ལྟར་ཁོང་ནས་ལྷ་མདོ་འབུར་མོ་བྲག་གི་ཁ་བྱང་བཞེས་ཏེ་རང་ཉིད་ལ་སྤྲད། རང་གི་ཡིད་ངོར་ཡང་གསལ་སྣང་མང་དུ་བྱུང་བ་ལྟར་རང་ལོ་ང་བརྒྱད་པར་ལྷ་མདོ་འབུར་མོ་བདེ་ཆེན་པདྨོ་བཀོད་པ་ནས་རྩ་གསུམ་དགོངས་པ་འདུས་པའི་ཆོས་སྡེ། འཕགས་པ་ཀུན་དགའ་བོའི་སྐུ་ཆོས། སློབ་དཔོན་ཧཱུྃ་ཀ་རའི་གསང་གོས་སོགས་སྤྱན་དྲངས། དེ་རྗེས་རིམ་པར་ཨ་ཏཱ་རོང་གི་གཡོན་ཕྱོགས་སྐུ་མཆོག་བདེ་ཆེན་ཕུག་ནས་སངས་རྒྱས་དཔའ་བོ་བདུན་གྱི་རིང་བསྲེལ། གུ་རུ་ཐོད་ཕྲེང་སྡེ་ལྔའི་ཕྱག་ཕྲེང་རྡོག་ལྔ། རྩ་གསུམ་དགོངས་འདུས་ཀྱི་རྒྱབ་ཆོས་ཤོག་སེར། མཁའ་འགྲོ་ཡེ་ཤེས་མཚོ་རྒྱལ་གསང་གོས། གཏེར་རྒྱ་ལས་གུ་རུ་ཡབ་ཡུམ་གྱི་བྱང་སེམས་དཀར་དམར་བཅས་ཐོན། འདི་སྐབས་གཏེར་ཕུག་བྲག་སྐམ་པོ་ལས་བདུད་རྩིའི་

[Full Size]

ཟིལ་ཐིག་ཆེས་མང་དུ་བབས་པའི་ངོ་མཚར་ཡང་བྱུང་། ཕྲིན་ལས་འགྲོ་བ་འདུལ་བའི་གནས་ཆེན་བརྒྱད་ཀྱི་ནང་ཚན་པདྨ་རིགས་ཀྱིས་འདུལ་བའི་གནས་མཆོག་པདྨ་ལྷ་རྩེའི་དབུས་རི་རྗེ་བཙུན་ཕུག་ནས་བླ་སྒྲུབ་སྐོར་བཞིའི་སྐུ་རྟེན་ཁྱད་པར་དུ་འཕགས་པ་གུ་རུའི་སྐུ་ཚབ་བཀྲ་ཤིས་དཔལ་འབར། རྩ་གསུམ་དགོངས་འདུས་བླ་མའི་སྒྲུབ་སྐོར་གྱི་རྒྱབ་ཆོས། གུ་རུ་རིན་པོ་ཆེའི་དབུ་ལྗོན་རྩ་གསུམ་ཡོངས་རྫོགས་ཉག་མ་བདུན། ཆོས་འཁོར་ནོར་བུའི་རྡུལ། བྲག་ཕུག་མཱ་ར་ཏི་ཀར་གུ་རུ་རིན་པོ་ཆེ་ལ་ཚེ་དཔག་མེད་ཀྱིས་འཆི་མེད་བདུད་རྩི་སྩལ་བ་ལ་ཕྱག་སོར་ལྔ་ཡིས་རིལ་བུར་བསྒྲིལ་བ་རྡོག་ལྔ། མཁན་ཆེན་བོ་དྷི་སཏྭའི་སྐུ་ཆོས། ཆོས་རྒྱལ་ཁྲི་སྲོང་ལྡེའུ་བཙན་སྐུ་རེག །ཕྱོགས་བཅུའི་སངས་རྒྱས་སྟོང་གི་གདུང་རིལ། ལོ་ཆེན་བཻ་རོའི་ཐུགས་དམ་རྟེན་འཇམ་དབྱངས་སྐུ་ཚོན་གང་བ། བཻ་རོའི་ཐུགས་ཏིག་སྡེ་ལྔའི་ཤོག་སེར་བཅས། རྨ་རོང་གྲུ་གུ་བཀྲ་ཤིས་གཏེར་རྫོང་ནས་གཙོ་བོ་རྫོགས་པའི་སངས་རྒྱས་ཀྱི་ཚེམས་དང་སྐུ་མཚལ་བཞུགས་པའི་སྒྲོམ་བུ་སྤྱན་དྲངས་ཀྱང་རྟེན་འབྲེལ་གནད་གཅིག་མ་བྱུང་བས་གཏེར་སྲུང་གིས་སླར་ཁྱེར། རྩ་གསུམ་དགོངས་འདུས་མཁའ་འགྲོའི་རྒྱབ་ཆོས། ཚེ་ཡུམ་མགྱོགས་མ་ཙཎྜ་ལཱིའི་སྒྲུབ་སྐོར། ཡེ་

[Full Size]

ཤེས་མཚོ་རྒྱལ་དབུ་ལྗོན་འཇའ་འོད་མ་ལན་བུ་གཅིག། ལྷ་ལྕམ་མནྡཱ་ར་བའི་གསང་གོས། ཐོད་ཕྲེང་སྡེ་ལྔའི་བྱང་སེམས་རིལ་བུ། འཕགས་ཡུལ་རིག་འཛིན་བརྒྱད་ཀྱི་ཆོས་སྨན་བཅས། རོང་ཁ་ཤེལ་བྲག་འོད་རྫོང་ནས་ཚེ་དཔག་མེད་དང་རྟ་མགྲིན་གྱི་སྒྲུབ་སྐོར་ཤོག་སེར། མནྡཱ་ར་བའི་ཚེ་རིལ། དྲེགས་པ་ཀུན་འཇོམས་རྫས་རྒོད་ཀྱི་ཕབ་གཏའ་བཅས། གཙང་རོང་བཀྲ་ཤིས་བརྩེགས་པའི་རྫོང་ནས་ཉེ་བའི་སྲས་ཆེན་བརྒྱད་སོ་སོའི་བྱིན་རླབས་ཀྱི་རྫས་ཁྱད་པར་ཅན་དང་། སྒྲུབ་ཐབས་ཤོག་སེར་བཅས། ཆོས་བཀའ་འདི་ནི་རྗེ་བླ་མ་པདྨ་འོད་གསལ་མདོ་སྔགས་གླིང་པའི་ཟབ་གཏེར་ཐུགས་ཆེན་སེམས་ཉིད་ངལ་གསོའི་ཆ་ལག་ཡིན་པར་སྣང་། ཙཱ་འདྲ་རིན་ཆེན་བྲག་གི་མཚོ་རྒྱལ་གསང་ཕུག་ནས་གསང་ཐིག་སྐོར་བདུན་ལས་བླ་སྒྲུབ་འོད་ཀྱི་ཐིག་ལེ། མཁའ་འགྲོ་བདེ་ཆེན་རྒྱ་མཚོའི་སྒྲུབ་སྐོར་གྱི་ཤོག་སེར་མཚན་ལྡན་མཁའ་འགྲོ་རྣམ་ལྔའི་དར་ཤམ་གྱིས་དྲིལ་བ་བཅས། བླ་མའི་དམ་རྫས་བྱིན་རླབས་སྤྲིན་ཕུང་། བྲམ་ཟེ་ཨཱརྻ་སིདྡྷིའི་སྐུ་ཤ། འཆི་མེད་རིག་འཛིན་ཆེན་པོ་བཅུ་གསུམ་གྱིས་བསྒྲུབས་པའི་ཚེ་རིལ་སོགས་དམ་རྫས་ཁྱད་པར་ཅན་མང་ཞིག་ཀྱང་ལག་ཏུ་སོན། རྫོང་ཤོད་བདེ་གཤེགས་འདུས་པའི་གནས་ནང་དུ་ཐོག་མར་བགྲོད་སྐབས་

[Full Size]

གསུང་གནས་རྟ་མགྲིན་ཕུག་ནས་གུ་རུ་རིན་པོ་ཆེས་བམ་སྒྲུབ་མཛད་པའི་མྱང་གྲོལ་སྨན་མཆོག་ལག་ཏུ་སོན། རིག་འཛིན་བརྒྱད་ཀྱི་བྱིན་རྫས་སོགས་བཞུགས་པ་སྔ་ཕྱི་མང་དུ་གསལ་སྣང་ལ་ཤར་ཡང་ཐོག་མར་བཏང་སྙོམས་སོང་སྟབས་དུས་ཚོད་འཕྱུགས་པས་ཕྱིས་ནས་ཐོན་ཇེ་དཀའ་སོང་བ། རྨིས་ལྟས་ལ་བརྟེན་གཏེར་སྟོན་ལས་རབ་གླིང་པ་ལ་གྲོགས་དན་བཅོལ་ཞིང་། རྗེ་མཁྱེན་བརྩེ་རིན་པོ་ཆེས་གཏེར་སྲུང་ལ་དམ་བསྒྲགས་དང་ལས་རབ་གླིང་པར་བསླབ་སྟོན་སྩལ་བ་ལྟར། རང་ཉིད་དང་ལས་གླིང་ལྷན་འཛོམ་གྱིས་དཔལ་དེའུ་ནས་འཕགས་ཡུལ་རིག་འཛིན་བརྒྱད་སོ་སོའི་སྒྲུབ་ཐབས། དམ་རྫས་རིགས་དེ་མཚུངས་བཅས་སྤྱན་དྲངས། འདིའང་རྗེ་བླ་མ་རིན་པོ་ཆེའི་རྩ་གསུམ་བཀའ་འདུས་བཞེས་གྲུབ་ན་དེའི་ཆ་ལག་ཡིན་པར་འདུག །ཐུགས་གནས་ནས་རིག་འཛིན་བརྒྱད་ཀྱི་ན་བཟའ་དང་ཐུགས་རྟེན་ཁྱད་པར་ཅན། གསུང་གནས་ནས་བོད་ཀྱི་བཀའ་བབས་གྲུབ་ཆེན་མི་དགུའི་དབུ་ལྗོན། ཤར་གནས་ཡང་ལེ་ཤོད་ནས་རིག་འཛིན་བརྒྱད་ཀྱི་སྐུ་ཚབ་དང་སྐྱེ་བདུན་བརྒྱ་རྩ་བརྒྱད་ཀྱི་གདུང་རིལ། རྩ་གསུམ་དགོངས་འདུས་ཀྱི་བཅུད་ཕུར་བརྒྱུད་གསུམ་ཀུན་འདུས་དམ་རྫས་ཡིད་བཞིན་འཕྲུལ་གྱི་སྙིང་པོ་རྣམས་ཐོན། གཞན་ཡང་རང་ཉིད་ཀྱི་དབང་

[Full Size]

སྐལ་དུ་གྱུར་ཀྱང་གནས་དུས་ཀྱི་ལག་ཏུ་མ་ལོན་པ། ཡེལ་ཕུག་ནམ་མཁའ་མཛོད་ནས་གསང་མགོན་སྨུག་པོའི་སྐུ་བརྙན་མེ་འབར་མ། མགོན་པོ་ཕྱག་དྲུག་པའི་སྒྲུབ་སྐོར་རྣམས་གཏེར་ཆེན་མཆོག་གྱུར་གླིང་པས་སྤྱན་དྲངས་ཏེ་རང་ཉིད་ལ་གནང་། ཙི་ཀེ་ནོར་བུ་སྤུན་གསུམ་ནས་གུ་རུ་རིན་པོ་ཆེའི་སྐུ་ཚབ། ཟབ་ཆོས་ནོར་བུ་སྐོར་བདུན། རང་གི་སྒོས་ལུང་རྣམས་མཆོག་གླིང་ནས་སྤྱན་དྲངས་པ་ལས་ལུང་བྱང་གཏན་ལ་ཕབ་ནས་ཡིག་བརྒྱུད་ཀྱིས་ཕྱིར་འབྱོར། གཞན་རྣམས་དངོས་མཇལ་སྐབས་གནང་རྩིས་མཛད་ཀྱང་གཏེར་སྟོན་ཞི་བར་གཤེགས་ནས་ལག་ཏུ་སོན་པ་མ་བྱུང་། ལུང་བསྟན་ནི་མཆོག་གླིང་རྟེན་འབྲེལ་ཆོས་སྐོར་ལུང་བྱང་ལས། ལོ་ཙཱ་ཆེན་པོ་ཡེ་ཤེས་སྤྱན་དང་ལྡན༔ དེ་ཡི་ཆེ་བ་ནོར་བུའི་མགུལ་དུ་སྦས༔ མ་གཡེལ་ཐོན་ལ་དད་ལྡན་ཡོངས་ལ་ཤོད༔ ཅེས་གསུངས་པ་དེ་ཡིན་པར་སྣང་། ཙཱ་འདྲ་རིན་ཆེན་བྲག་གི་གུ་རུའི་གསང་ཕུག་ནས་མཆོག་གྱུར་གླིང་པས་སྤྱན་དྲངས་པ་གསང་ཐིག་ཡི་དམ་སྐོར་གསུམ་ཡང་རང་ཉིད་ཀྱི་སྐལ་བ་ཡིན་པར་འདུག །གཏེར་ཁ་ཆེ་ཕྲ་དེ་ཐམས་ཅད་ཡིད་ཆེས་ཁུངས་བཙུན་འཁྲུལ་པའི་དྲིས་མ་གོས་པ་ཡིན་པར་རློམས་ཏེ་རང་ཉིད་ལ་དག་སྣང་བྱུང་བ་དང་སྒོ་མཐུན་པར་ཐམས་ཅད་མཁྱེན་པ་འཇམ་དབྱངས་མཁྱེན་བརྩེ་རིན་པོ་ཆེ་

[Full Size]

ལ་བླ་མ་ལྷ་ཡིས་ལུང་བསྟན་དང་གསལ་སྣང་ཤར་བ་ལྟར་ཐོག་མར་ཚོགས་སྐོང་སོགས་སྣ་སེལ་དགོས་རིགས་རྣམས་རང་དང་ལྷན་ཅིག་མཛད། ཟབ་གཏེར་ལག་ཏུ་ལོན་པ་ཐམས་ཅད་རྗེ་མཁྱེན་བརྩེ་རིན་པོ་ཆེའི་སྤྱན་སྔར་ཕུལ་བས་ལེགས་སོའི་གཟེངས་བསྟོད་སྩལ་ཞིང་མངའ་གསོལ་ཚོགས་མཆོད་སོགས་ཀྱང་རྒྱས་པར་གནང་། ཁྱད་པར་རྩ་གསུམ་དགོངས་འདུས་ཉིད་མཛོད་ལྔ་ཡོངས་སུ་རྫོགས་པའི་ཆོས་སྡེ་ཟབ་ཅིང་རྒྱ་ཆེ་བར་བཞུགས་ཤིང་བརྡ་ཡིག་ཀྱང་དེ་མཚུངས་རིགས་མང་དུ་བཞུགས་པར་འདུག་པས་ཡིད་ཆེས་ཤིང་ཐེ་ཚོམ་གྱི་དྲི་མ་བསལ་བའི་སླད་དུ་རྗེ་བླ་མ་རིན་པོ་ཆེའི་སྤྱན་སྔར་གཟིགས་འབུལ་དུ་ཕྱིན་པར། གདན་ཆེས་མཐོ་བ་ལ་སྡོད་དུ་སྩལ་ཞིང་སྦ་དར་གནང་། སྔོན་མཆོག་གྱུར་གླིང་པས་ཐུགས་སྒྲུབ་བར་ཆད་ཀུན་སེལ་གྱི་ཤོག་སེར་ཕྱག་ཏུ་བྱུང་ཡང་ཅི་མཛད་མ་བྱུང་བར་ལུས་ཤོར་འདུག་པ་ཁོང་ནས་གཏན་ལ་འབེབས་གྲོགས་བྱས་པས་གོ་ཆོད་པ་བྱུང་སོང་། ད་རེས་ཁྱོད་ཀྱི་འདིའང་ཁོང་ནས་གཏན་ལ་འབེབས་པའི་གྲོགས་དན་བྱེད་གསུངས། དེ་ཉིན་ཟླ་བ་བཅུ་པའི་ཚེས་བཅུར་ཁེལ་བས་ཚོགས་འཁོར་མཛད། དེ་ནས་རིམ་བཞིན་གཟིགས་སྣང་དུ་སྔགས་སྲུང་མས་བརྡ་འགྲོལ་ལན་གཉིས་དང་བཀའ་རྒྱ་སྡོམ་འགྲོལ་གྱི་དུས་སོགས་གསལ་བར་བྱུང་

[Full Size]

འདུག་ཅིང་། ཁྱད་པར་ཚེས་ཉེར་དགུའི་ནུབ་འོད་གསལ་གྱི་སྣང་ཆར་རྒྱ་གར་གྱི་ཡུལ་ཡིན་སྙམ་བྱེད་པའི་རྒྱ་ཡངས་ཞིག་ཏུ་རྩྭ་ཁང་དང་བུད་མེད་དུང་རྒྱན་ཅན་ཁོ་ནས་གང་བའི་སྲང་ཞིག་ནས་ཕེབ་པས་བུད་མེད་རྣམས་ཀྱིས་ཆུ་རྫིང་ནས་ཉ་འགའ་རེ་ཕུལ་བ་མར་དུ་སྣང་། དེ་འཕྲལ་དཔལ་སྤུངས་རི་ཁྲོད་དུ་ཕེབས། དེར་ཡང་བུད་མེད་ཁོ་ན་འདུག །ལྷ་ཁང་དུ་ཕེབས་པས་དེར་རྡོ་ཁྲི་བརྟན་ཅིང་ལེགས་པའི་སྟེང་རྩྭའི་སྟན་དང་དེ་སྟེང་ཀྲྀཥྞ་སྣ་རའི་པགས་པའི་སྟེང་དུ་བདག་གུ་་ས་མུ་དྲ་འདུག །རེ་ཞིག་ནས་གནས་འགྱུར་ཏེ་བླ་མ་དར་ཡོལ་ཨག་ཚོམ་ཅུང་ཟད་ཡོད་པ། པད་ཞྭ་དམར་སྨུག་དང་བེར་མནབས་པ་ཞིག་གིས་རྒྱ་སྐད་མང་དུ་གསུངས་ཀྱང་དོན་བརྡ་མ་འཕྲོད་པས། བུད་མེད་ཅིག་གིས་ལོ་ཙཱ་བྱས་ནས། ཁོང་རིག་འཛིན་ཧཱུྃ་ཀ་ར་ཡིན་ཚུལ་སོགས་ལོ་རྒྱུས་བྱུང་བར་དད་གུས་ཀྱིས་གསོལ་བ་བཏབ་པས་རྩ་གསུམ་དགོངས་འདུས་རིག་འཛིན་མཆོག་སྒྲུབ་ཆུ་བོ་བཞིའི་རྩ་དབང་ས་ཆོག་ནས་བཟུང་ཡོངས་རྫོགས་ལུང་དང་ཁྲིད་ལྟ་བུ་མཐར་ཆགས་སུ་གསུངས། དབང་རྫས་དཀྱིལ་འཁོར་བར་སྣང་ལ་ཡོད་པ་འདྲ་བས་དབང་ཚིག་ནམ་བྱུང་དབང་བསྐུར་གྱི་ཕྱག་ལེན་བཅས་གནང་། ཤེར་དབང་སོགས་དཀྱུས་འགྲེ་ལས་དངོས་རིག་ལྟ་བུ་མ་ཐོབ་གསུངས། དེ་ནས་

[Full Size]

ལྷག་པར་ཤོག་སེར་གྱི་དོན་ཚངས་ཐུགས་ལ་གསལ་བར་ཤར་འདུག་གསུངས་ནས་མཛོད་རྣམ་པ་ལྔའི་ནང་ནས་གལ་ཆེ་བ་ལུང་གཏེར་གྱི་མཛོད་ལ་རྩ་གསུམ་ཆོས་སྐྱོང་གི་སྐོར་བཞི་བཞུགས་པ་ལས་བླ་མ་རིག་འཛིན་མཆོག་སྒྲུབ་ཀྱི་ཆོས་སྡེའི་ཐོ་བཀོད་ཀྱང་གནང་། འདི་ལ་མཁའ་འགྲོའི་བརྡ་སྒྱུར་ཆེན་མོའི་དབང་དུ་བྱས་ན་སངས་གླིང་བླ་མ་དགོངས་འདུས་ཙམ་ཞིག་འབྱུང་བར་སྣང་ཡང་བརྡ་སྒྱུར་འབྲིང་པོའི་དབང་དུ་བྱས་པའི་རྒྱས་བསྡུས་འཚམས་པ་ཞིག་ལེགས་གསུངས་ནས་ཆོས་ཚན་དྲུག་ཙམ་གཏན་ལ་ཕབ་འཕྲོས། ཆེན་པོ་འགའ་ཞིག་གི་འགྲུལ་རྐྱེན་གྱིས་སྐུ་ཁམས་རྙོགས་ནས་འཕྲོས་རིམ་ལུས་ཀྱིས་དུས་ཚོད་ཡོལ་སོང་བ་སྤྱི་མཐུན་བསོད་ནམས་ཀྱི་སྐལ་པའང་དེ་ཙམ་ཡིན་པར་གོ། །དེ་སྐབས་རང་ལའང་སྔ་མ་བྲིས་རིམ་བཞིན་ཕྱི་མ་བློ་ལ་ཡོད་པ་ལྟར་ཤར་བ་དང་རྨི་ལམ་དུའང་ཌཱ་ཀིའི་འདུ་བ་མང་པོ་དང་། ལན་ཅིག་རྗེ་བླ་མ་དང་རེས་དེ་མིན་པ་ཞིག་གིས་ཤོག་སེར་ལས་དཔོད། རང་གིས་ཀྱང་མང་པོ་དྲན་པས་ཟད་མཐའ་མེད་པ་ཞིག་བྲིས་པའི་མཐར་མཆོད་རྟེན་ཆེན་པོ་ཞིག་ལ་རང་གིས་ཐོག་དྲངས་ཏེ་མི་མང་པོ་གཡས་སྐོར་དུ་ཁྲིད། བཟང་སྤྱོད་ཀྱི་ཡན་ལག་བདུན་པ་དབྱངས་བཅས་འདོན་ཅིང་མང་དུ་བསྐོར། ཕྱག་འཚལ་བ་དང་སོགས་

[Full Size]

ནས་ཐམས་ཅད་བྱེར་བ་རྨིས། སྐབས་ཤིག་ཏུ་རང་གི་ལུས་འདི་རི་བོ་ཆེན་པོ་ལྟ་བུར་གྱུར་པའི་སྤྱི་མགྲིན་སྙིང་ལྟེ་བཞི་ནས་ཆུ་མིག་བཞི་འབབ། ལྟེ་བའི་ཆུ་དེ་བྱེ་ཉོ་བ་ལྟ་བུའི་དཀར་པོ་ཞིག་དང་འདྲེས་པར་འབབས་པ་ལས་རིམ་བཞིན་བླ་མ་སྐུ་རྡོ་རྗེ། ཡི་དམ་གསུང་རྡོ་རྗེ། མཁའ་འགྲོ་ཐུགས་རྡོ་རྗེ། རྩ་གསུམ་ཡོངས་རྫོགས་ཡེ་ཤེས་རྡོ་རྗེའི་རྒྱུད་སྒྲུབ་ཐབས་མན་ངག་དུ་མ་ལམ་ལམ་འཆར། དེ་སང་མ་ཐག་ཚིགས་བཅད་མང་པོ་ཤུགས་འབྱུང་དུ་གསལ་ཞིང་ཕྱིན་ཆད་ཉི་ཟེར་རྡུལ་འཚུབས་ལྟ་བུ་ཞིབ་པར་བསམ་མནོ་བཏང་ཚེ་སྤུ་རིས་མི་འབྱེད་ལ། རགས་པར་བལྟས་ན་ཟད་མཐའ་མེད་པ་ལང་ལང་དུ་ཤར། དེ་ལས་སད་ནས་ཀྱང་དེ་དག་ཕལ་ཆེར་ཡིད་ལ་འཆར་སྙམ་བྱེད་པའང་བྱུང་། ཟླ་བ་བཅུ་གཉིས་པའི་ཚེས་བདུན་གྱི་ཐོ་རངས་ཉམས་སྣང་གསལ་བ་ཞིག་ལ། བཀོད་པ་ཕུན་སུམ་ཚོགས་པའི་ལྷ་ཁང་ཞིག་ཏུ། ངོ་བོ་གུ་རུ་རིན་པོ་ཆེ་ཡིན་སྙམ་པ་ལ་རྣམ་པ་རྗེ་བླ་མ་རིན་པོ་ཆེ་ཉིད་སྣང་སྟོང་འོད་ཀྱི་སྐུ་ཅན་རྣམ་འགྱུར་མ་ངེས་པ་ཞིག་ཏུ་བཞུགས་པ་ལ་གུས་པས་བཏུད་པར། རིག་འཛིན་རྒྱུན་གྱི་རྣལ་འབྱོར་ལྟར་སྐྱབས་སེམས་ཡན་ལག་བདུན་པ་རྣམས་རྗེས་ཟློས། ལྷ་བསྐྱེད་བཅས་བྱིན་འབེབས་མཛད། བུམ་པ་ཞིག་བླངས་ནས་སྤྱི་བོར་བཞག །གསང་དབང་ཡུམ་དང་སྦྱོར་

[Full Size]

བའི་བྱང་སེམས་གནང་། ཤེར་དབང་ལ་རིག་མ་སྤྲད། དེ་གསུམ་ཀར་སྔགས་རེ་གསུངས་པ་ལས་སྐུར་ཚིག་གཞན་མ་གསུངས། ཐུགས་ཀ་ནས་ཤེལ་རྡོ་ཞིག་སླངས་ནས་བསྟན་ཏེ་ཆོས་ཐམས་ཅད་ཀ་དག་གཏིང་གསལ་ཤེལ་སྒང་ལྟ་བུ། ལྷུན་གྲུབ་ཀྱི་གདངས་རྩལ་ཅིར་ཡང་འཆར་བ་ཤེལ་འོད་ཕྱི་རུ་གསལ་བ་ལྟ་བུའོ། །ཞེས་ངོ་སྤྲད་ནས་སྐུ་མི་སྣང་བར་གྱུར། ཡང་ལམ་གྱིས་གསལ་བས་བཀའ་གཏེར་སྲུང་མ་རྣམས་སྐད་ཅིག་གིས་བཀུག་ནས་དངོས་སུ་ལང་ལང་ཡོད་པ་ལྟ་བུར་བཀའ་བསྒོས་ནས་བཀའ་གཏད་དང་། རྗེས་གནང་གདམས་གཏད་ཀྱི་རྣམ་པ་སྩལ་བའི་མཐར་ལུང་བྱང་ལྟ་བུའི་ཚིགས་བཅད་མང་ཞིག་ཀྱང་ཐོས་ནས་ཉམས་དེ་སད་དོ། །ལས་བྱང་ཕབ་གྲུབ་ནས་ཚར་གཅིག་བཏང་ཞིང་ཚོགས་འཁོར་མཛད་པའི་རྡོ་རྗེའི་གླུའི་སྐབས་བདེ་དྲོད་བཙན་ཐབས་སུ་འབར་ཞིང་ཉམས་འུར་བའི་བྱིན་རླབས་ཀྱི་བབས་ཀྱང་ཆེ་བར་སྣང་། གསང་ཐིག་གླུ་སྒྲུབ་དང་མཁའ་འགྲོའི་སྐོར་གྱི་ཤོག་སེར་གཟིགས་སུ་ཕུལ་བ་རྗེ་རིན་པོ་ཆེ་ཉིད་ཁོ་ནས་གཏན་ལ་འབེབས་པར་གནང་། དམ་རྫས་རིགས་ཀྱང་རྗེ་ཉིད་ནས་ཕྱེད་ཀ་རེ་བཞེས། ལམ་ཟབ་ལེའུ་བདུན་མ་རང་ཉིད་ནས་གཏན་ལ་ཕབ་ཟིན་པའི་རྨི་ལམ་དུ་གུ་རུ་པདྨ་སཾ་བྷ་བའི་ཆས་མཚན་པདྨ་རིག་འཛིན་ཅེས་པས་བཀླགས་ལུང་ལན་གསུམ་མཛད་

[Full Size]

པའི་སྣང་བ་བྱུང་། ཟླ་གམ་དབང་ཕུག་ནས་ཚིག་བདུན་གསོལ་འདེབས་ཀྱི་ཆོས་སྐོར་དག་སྣང་སྙན་བརྒྱུད་ཚུལ་དུ་བྱུང་བའི་རྒྱུ་མཚན་རྗེ་བླ་མ་རིན་པོ་ཆེར་སྙན་སྒྲོན་ཕུལ་བར། མི་ཟད་རྒྱན་འཁོར་ལྔ་མཚན་པའི་རྟེན་དང་འབྲི་གཞི་ཤོག་བུ་བཅས་སྩལ་ནས་འབེབས་པའི་བསྐུལ་མ་གནང་བ་ལྟར་གཏན་ལ་ཕབ་ནས་རྗེ་དང་ལྷན་ཅིག་སྤྲུལ་སྐུ་མཚོ་སྐྱེས་རྡོ་རྗེའི་ཚོགས་འཁོར་མཛད་པས། རྗེ་མཁྱེན་བརྩེ་རིན་པོ་ཆེར་གཟིགས་སྣང་ཁྱད་པར་ཅན་ཤར། མཁའ་འགྲོ་བདེ་ཆེན་རྒྱལ་མོས་འདི་ལ་རྩ་བའི་ཆོས་ཚན་ལྔ་ཡོད། ཡན་ལག་གཉིས་ད་རུང་མ་ཚང་ཞེས་བརྡའི་སྒོ་ནས་ལུང་བསྟན་པ་བྱུང་བ་ལྟར་དབང་ལུང་ཡོངས་རྫོགས་ཀྱང་གསན་པར་མཛད། རོང་མེ་དཀར་མོ་སྟག་ཚང་གི་གྲོ་ལོད་སྒྲུབ་ཐབས་དེ་ལ་བརྟེན་ནས་བདག་དང་ལྷན་ཅིག་ཚོགས་སྐོང་མཛད་སྐབས། རྗེ་བླ་མའི་གཟིགས་སྣང་དུ་སྡིག་པ་རཱ་ཙ་དཀར་ནག་ཆེན་པོ་གཉིས་བྱུང་བས་འདི་ཤིན་ཏུ་གཉན་པའི་ལྟས་སུ་འདུག་གསུངས། ཙཱ་འདྲ་རིན་ཆེན་བྲག་དང་རྫོང་ཤོད་བདེ་གཤེགས་འདུས་པའི་ཕོ་བྲང་གཉིས་ཀྱང་ཐོག་མར་རང་ཉིད་ལ་གནས་ཡིན་པའི་གསལ་སྣང་བྱུང་ཡང་སྐབས་སུ་མ་བབས་པས་ཕྱིས་མཆོག་གླིང་ལ་གནས་ཡིག་དང་གནས་སྒོ་འབྱེད་པར་བསྐུལ་བ་ལྟར་གནས་ཆེན་ཉེར་ལྔའི་མདོ་བྱང་དཔའ་བྲག་ནས་བཞེས་པའི་རྐྱེན་དང་གནས་སྒོ་འབྱེད་པ་སོགས་

[Full Size]

ཀྱང་བྱུང་། རྫོང་ཆེན་ཁམས་ཕུག །ཨ་ལོའི་དཔལ་དེའུ། ཙཱ་འདྲའི་གནས་ལག་དཔེ་ཝར་གནས་ཆེན་གསུམ་པོ་རྣམས་ཀྱང་རྗེ་བླ་མ་མཁྱེན་བརྩེའི་ཞབས་ཀྱི་བཀའ་ལྟར་རང་ནས་གནས་སྒོ་ཕྱེས་ཤིང་ཀུན་ལ་མཚོན་པར་བྱས། དེ་དག་གི་ཕྲིན་ལས་ཀྱང་ཆོས་ཚན་གཏན་ལ་ཕབ་གྲུབ་པ་རྣམས་ཀྱི་དབང་ལུང་རྒྱལ་དབང་ཐམས་ཅད་མཁྱེན་པ་ཀརྨ་པ་གཙོས་བསྟན་འཛིན་གྱི་སྐྱེས་ཆེན་དུ་མས་གསན་ཅིང་ཀུན་ཏུ་ཁྱབ་པ་དང་ཉམས་བཞེས་མཛད་པའང་མང་དུ་བྱུང་། བྱིན་རྟེན་རིགས་གཏའ་སྤེལ་གྱིས་འགྲོ་དོན་བྱས་པས་ཁམས་དབུས་གཙང་གསུམ་གར་ལའང་ཁྱབ་པར་བྱུང་། གཏེར་གྱི་སྐོར་འདི་རྣམས་ཀྱང་སྐལ་པ་བཟང་བ་ཙམ་དུ་རློམས་ནས་འདིར་ཡང་ཁྱུགས་ཙམ་བཀོད་པ་ལས། དམ་རྫས་རྣམས་ཇི་ལྟར་བྱས་ཀྱང་འགྲོ་ཕན་འབྱུང་བའི་རྩིས་དགོས་འདུག །ཆོས་གཏེར་རིགས་གནས་དུས་རྟེན་འབྲེལ་དབང་གིས་གོ་ཆོད་པ་འབྱུང་དཀའ་བ་དང་། །རང་ནས་ཐོག་མཐའ་ཀུན་ཏུ་སྔོན་བྱོན་གཏེར་རྙིང་རྩོད་མེད་རྣམས་ལ་འབད་རྩོལ་ཆེན་པོས་སྲི་ཞུ་ཅི་འགྲུབ་བགྱིས་པ་ལས་རང་གཞན་གྱི་གཏེར་གསར་ཕལ་མོ་ཆེ་བཏང་སྙོམས་སུ་འཇོག་པ་ཡིན་ཏེ། ཇི་སྐད་དུ། མི་རིགས་པ་ཡི་གཟུགས་ལའང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་དགོས། །དེ་ཕྱིར་བཏང་སྙོམས་བཞག་ལེགས་ཉེས་པ་མེད། །ཅེས་

[Full Size]

གསུངས་པ་ལྟར་རོ། །རྨི་ལམ་ལྟ་བུའི་དཔལ་འབྱོར་སྙན་གྲགས་ལ། །གསོ་བ་དང་སྒྱུ་མར་སྙིང་ནས་མཐོང་བའི་ཕྱིར། །མི་རྗེས་ཨི་སླེབ་སྙམ་པའི་རེ་བ་དང་། །མ་སླེབས་དོགས་པ་སངས་ནས་རིང་ཞིག་ཐལ། །དེ་ཕྱིར་འདི་ཡང་རང་ལ་ཟོལ་བསྟོད་དང་། །གཞན་གྱི་ཆེ་བས་རང་ཆེ་བསྒྲུབ་ཕྱིར་མིན། །སྒྲོ་སྐུར་མེད་པའི་རང་བཞིན་བརྗོད་པ་ལ། །འགལ་བ་ཅི་ཡོད་སྙམ་ནས་མདོ་ཙམ་བྲིས། །དད་ལྡན་ཡོད་ན་བྱང་ཆུབ་ས་བོན་ཐེབས། །མ་དད་པ་ལའང་སྒྲིབ་པར་མི་འགྱུར་བར། །འབྲེལ་ཚད་དོན་ལྡན་བཟང་པོ་སྤྱོད་པ་ཡི། །མཐར་སོན་ཡེ་ཤེས་བླ་མའི་སར་བགྲོད་ཤོག །སརྦ་དིཀྵུ་ཀཱ་ལེ་མངྒ་ལཾ་སྭ་སྟི་བྷ་བནྟུ།། ༈ །།འཇིག་རྟེན་མིག་གཅིག་འཇམ་མགོན་བླ་མ་ཡི། །སྐྱེས་རབས་རྟོགས་བརྗོད་ངོ་མཚར་རྒྱ་མཚོའི་གཏེར། །མངོན་སྣང་སྤར་གྱི་འཕྲུལ་ལས་དོན་གཉིས་ཀྱི། །ཕུན་ཚོགས་འཇོ་བ་ཡིད་བཞིན་དབང་རྒྱལ་འདི། ༡ །མཆོག་སྤྲུལ་མདོ་སྔགས་ཆོས་ཀྱི་ཉི་མ་རྗེ། །གཉེར་ཆེན་བཀྲ་ཤིས་ཚེ་འཕེལ་སྐུ་མཆེད་ནས། །གངས་ཁྲོད་རྒྱལ་བསྟན་འཛིན་པའི་སློབ་བརྒྱུད་ལ། །དགའ་སྟོན་འབྲེལ་ཚད་དོན་ཡོད་ཕྱིར་དུ་བསྐྲུན། ༢ །ཤིན་ཏུ་རྨད་བྱུང་བསོད་ནམས་ལས་སྐྱེས་པའི། །རྟག་གུས་སྦྱོར་བས་ཉེར་དྲངས་སྲིད་ཞིའི་ཁྱོན། །རབ་དཀར་སྣང་བའི་དངོས་སྙེད་ཡོངས་བཟླུམས་མཐུས། །མཁའ་མཉམ་འགྲོ་ཀུན་རྣམ་མཁྱེན་རྒྱུར་གྱུར་

[Full Size]

ཅིག༣། སྲིད་ཞིའི་མཐར་ལྷུང་སྐྱོན་མཐོང་འདྲེན་མཆོག་གི། གོ་འཕང་དོན་དུ་གཉེར་བའི་སྐལ་བཟང་མགྲོན། །རྣམ་མང་མཐའ་གཉིས་ལས་གྲོལ་བྱང་ཆེན་གྱི། །སྤྱོད་པ་རྒྱ་མཚོའི་དབུགས་འབྱིན་ཐོབ་གྱུར་ཅིག ༤ །ཅེས་པའང་། རྒྱལ་སྲས་འཇམ་དབྱངས་ཆོས་ཀྱི་ཉི་མ་བློ་གྲོས་རྒྱས་པའི་སྡེས་སྤར་བྱང་སྨོན་ཚིག་ཆེད་དུ་བརྗོད་པ་རང་གཞན་འབྲེལ་བཅས་འགྲོ་ཀུན་མཉམ་མེད་དཔལ་ལྡན་བླ་མས་རྟག་པར་རྗེས་སུ་འཛིན་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཾ་བྷ་བ་ཏུ།། །།

རྗེ་བཙུན་བླ་མ་ཐམས་ཅད་མཁྱེན་ཅིང་གཟིགས་པ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་མདོར་བསྡུས་པ་ངོ་མཚར་ཨུ་དུམྦ་རའི་དགའ་ཚལ།

[Full Size]

རྗེ་བཙུན་བླ་མ་ཐམས་ཅད་མཁྱེན་ཅིང་གཟིགས་པ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་མདོར་བསྡུས་པ་ངོ་མཚར་ཨུ་དུམྦ་རའི་དགའ་ཚལ་ཅེས་བྱ་བ་བཞུགས། །

[Full Size]

འཆར་ཁའི་ཉིན་བྱེད་མདངས་འཛིན་ཡིད་འོང་གཞོན་ནུའི་ལང་ཚོ་མཚན་དཔེའི་གཟི་འབར་སྐུ། །བརྗོད་མེད་བརྗོད་པའི་མཆོག་གྱུར་སྨྲ་བ་ཀུན་གྱི་དབང་ཕྱུག་ཡན་ལག་འབུམ་ལྡན་གསུང་། །

[Full Size]

ཡེ་ཤེས་མེ་ལོང་སྒྲིབ་བྲལ་ངོས་སུ་ཤེས་བྱའི་གཟུགས་བརྒྱ་མ་འདྲེས་འཆར་བའི་ཐུགས། །རྒྱལ་ཀུན་ཡབ་ཏུ་གྱུར་ཀྱང་རྒྱལ་སྲས་སྒྱུ་འཕྲུལ་ལ་ཆགས་འཇམ་མགོན་བླ་མས་སྐྱོངས། །

[Full Size]

བློ་འདས་འོད་གསལ་ཆོས་སྐུའི་མཁའ་དབྱིངས་སུ། །ངེས་པ་ལྔ་ལྡན་ལོངས་སྤྱོད་སྤྲིན་བཀོད་དེ། །རྣམ་རོལ་བསམ་ལས་འདས་པ་རྡོ་རྗེའི་གར། །དུས་གསུམ་སྒྱུར་མཛད་པདྨ་སཾ་བྷ་རྒྱལ། །གཞོན་ནུ་བུམ་སྐུར་གདོད་ནས་བྱང་ཆུབ་ཀྱང་། །སྲིད་མཚོ་སྐེམས་མཛད་ཐུགས་རྗེ་ཉིན་བྱེད་སྟོབས། །ཤིན་ཏུ་བདོ་བས་འཕོ་ཆེན་དྭངས་མའི་སྐུར། །རྟག་བཞུགས་དྲི་མེད་བཤེས་གཉེན་སྙིང་དབུས་རོལ། །གངས་ལྗོངས་པྲ་ཏ་ཀུན་དཀྲིས་མུན་གླིང་དུ། །རྒྱལ་བསྟན་སྣང་ཆེན་འདྲེན་པའི་ཤིང་རྟ་མཆོག །ཆོས་རྒྱལ་ཁྲི་ལྡེ་ཁུ་དཔོན་ཡེ་ཤེས་ཀྱི། །རོལ་རྩལ་སྣ་ཚོགས་བཅས་ལ་དད་ཕྱག་འཚལ། །ཚུར་མཐོང་བློ་ཡི་ཡུལ་ལས་རབ་འདས་པ། །གཅིག་དང་ཐ་དད་གང་འདུལ་དེར་སྟོན་པའི། །ཡེ་ཤེས་སྒྱུ་མའི་རོལ་གར་ཇི་སྙེད་པར། །ངོ་མཚར་དང་བ་ཆེན་པོས་སྙིང་ནས་འདུད། །ནམ་མཁའི་མཐའ་བཞིན་བསམ་གྱིས་མི་ཁྱབ་ལ། །རྒྱ་མཚོའི་གཏིང་བཞིན་བློ་ཡིས་མི་དཔོག་པ། །འཕགས་པའི་རྣམ་ཐར་འཕགས་པ་ཁོ་ནའི་ཡུལ། །ཕྱོགས་མཐོང་ཙམ་ཡང་སོ་སྐྱེས་བརྗོད་པར་དཀའ། །འོན་ཀྱང་བུ་གའི་ནམ་མཁས་མཁའ་དབྱིངས་དང་། །ཆུ་ཐིགས་གཅིག་གིས་ཆུ་གཏེར་རོ་ཤེས་ལྟར། །དམ་པའི་སྤྱོད་ཚུལ་ཆ་ཤས་མཐོང་བས་ཀྱང་། །མོས་ལྡན་ཐར་བའི་ས་བོན་སྐྱེད་པར་འགྱུར། །འབྲེལ་ཚད་དོན་དང་ལྡན་པའི་སྐྱེས་བུ་རྣམས། །མཚན་དང་ཡོན་ཏན་ཡིད་ལ་ཤར་བས་ཀྱང་། །སྲིད་དང་ངན་འགྲོའི་སྒོ་བཅད་བྱང་ཆུབ་ཀྱི། །མྱུ་གུ་བསྐྲུན་པར་མཛད་པ་ཆོས་ཉིད་ཡིན། །ཁྱད་པར་དུས་གསུམ་སངས་རྒྱས་བསྐལ་མང་དུ། །བསྙེན་བཀུར་བྱས་ལས་བླ་མ་ལན་གཅིག་ཙམ། །མཉེས་པ་སྒྲུབ་པ་མཆོག་ཏུ་བསྔགས་པའི་ཕྱིར། །ནུས་དང་

[Full Size]

འཚམས་པར་བརྗོད་འདིའང་དོན་ལྡན་ཉིད། །མཁས་པའི་རྣམ་དཔྱོད་བརྩམ་པའི་ཉམས་འགྱུར་གྱིས། །དབེན་ཡང་རང་ཉིད་ཚོགས་ཆེན་གསོག་པ་དང་། །མོས་ལྡན་དག་གིས་བསྐུལ་བ་དོན་ཡོད་ཕྱིར། །ཟོལ་མེད་དྲང་པོའི་རྣམ་ཐར་སྤྲོ་བས་གླེང་། །དེའང་འདི་ལྟར་རྗེས་སུ་ཐོས་ཏེ། རྗེ་བཙུན་ཐམས་ཅད་མཁྱེན་གཟིགས་དམིགས་པ་མེད་པའི་ཐུགས་རྗེའི་གཏེར་ཆེན་པོ་དང་ལྡན་པ་འདི། །རྒྱལ་བ་ཀུན་གྱི་ཡེ་ཤེས་ཀྱི་མཛོད་འཛིན་པ་འཇམ་དཔལ་གཞོན་ནུར་གྱུར་པའི་ཡེ་ཤེས་ཀྱི་རོལ་པ་ལས་ཤར་བར་ཡོངས་སུ་གྲགས་པའི་ཕྱིར། འཕགས་ཆེན་དེའི་རྣམ་འཕྲུལ་དང་སྤྱོད་ཡུལ་ནི་ས་བཅུའི་དབང་ཕྱུག་རྣམས་ཀྱིས་ཀྱང་བསམ་གྱིས་མི་ཁྱབ་སྟེ། འཕགས་པ་ཕལ་པོ་ཆེ་ལས། བྱང་ཆུབ་རྒྱ་མཚོ་རབ་བརྙེས་གྱུར་ནས་ནི། །སེམས་ཅན་རྒྱ་མཚོ་རབ་ཏུ་སྨིན་བྱའི་ཕྱིར། །བྱང་ཆུབ་སེམས་བསྐྱེད་རྒྱ་མཚོ་སྟོན་མཛད་ཅིང་། །མི་འགྲིབ་སྤྱོད་པ་རྒྱ་མཚོ་ཀུན་ཏུ་སྟོན། །བདེ་གཤེགས་རྣམས་ཀྱི་རྣམ་འཕྲུལ་དེ་འདྲའོ། །ཞེས་གསུངས་པ་ལྟར། ཐོག་མ་མེད་པའི་དུས་ནས་ཆོས་ཐམས་ཅད་ཀྱི་དབྱིངས་སུ་མངོན་པར་རྫོགས་པར་སངས་རྒྱས་ཏེ་སྤྲོས་པ་ཐམས་ཅད་དང་བྲལ་བའི་ཆོས་ཀྱི་སྐུ་ཤེས་རབ་ཀྱི་ཕ་རོལ་ཏུ་ཕྱིན་པ་ལས་གཡོ་བ་མེད་བཞིན་དུ། མཐའ་དང་མུ་མེད་པའི་སེམས་ཅན་འཁྲུལ་པའི་གཞན་དབང་དུ་གྱུར་པ་རྣམས་ཀྱི་ཁམས་ལ་མངོན་པར་གཟིགས་ཏེ་དམིགས་པ་མེད་པའི་ཐུགས་རྗེ་ཆེན་པོའི་རང་རྩལ་ལོངས་སྤྱོད་ཡོངས་སུ་རྫོགས་པའི་སྐུ་དང་ཞིང་ཁམས་རྒྱ་མཚོ་མངོན་པར་བཀོད། དེ་དག་གི་གདུལ་བྱ་འདུལ་བྱེད་ཀྱི་རྣམ་པར་འཕྲུལ་པའང་མཐའ་གཅིག་ཏུ་མ་ངེས་ཤིང་གང་ལ་གང་འདུལ་གྱི་སྒྱུ་འཕྲུལ་རོལ་གར་མཐའ་ཡས་པར་བསྒྱུར་ནས་དུས་གསུམ་རྟག་པ་རྒྱུན་གྱི་འཁོར་ལོར་འགྲོ་བ་གཅིག་གི་དོན་དུའང་

[Full Size]

བསྐལ་བ་མང་པོར་འཁོར་བ་ན་གནས་པ་ལ་སྐྱོ་བ་རྡུལ་ཙམ་ཡང་མི་མངའ་བས་དོན་མཛད་པའི་ཚུལ་བསམ་གྱིས་མི་ཁྱབ་སྟེ། དཀོན་མཆོག་སྒྲོན་མེའི་མདོ་ལས། དེ་དག་སྙན་དངགས་མཁན་རྒྱལ་སྙན་དངགས་སྦྱོར། །གར་མཁན་རྔ་མཁན་གྱད་དང་རོལ་མོ་མཁན། །བཞག་མཛེས་རྒྱན་ཕྲེང་ཐོགས་ཤིང་གར་བྱེད་དང་། །སྒྱུ་མ་མཁན་པོ་གཟུགས་མང་ཀུན་ཏུ་སྟོན། །གྲོང་པ་གྲོང་དཔོན་ཁ་ལོ་སྒྱུར་བར་འགྱུར། །དེ་བཞིན་དེད་དཔོན་ཚོང་དཔོན་ཁྱིམ་བདག་འགྱུར། །རྒྱལ་པོ་བློན་པོ་འདུན་འདོན་ཕོ་ཉ་དང་། །སྨན་པ་འཇིག་རྟེན་བསྟན་བཅོས་ཆོ་ག་མཁན། །དེ་དག་དགོན་པར་ལྗོན་ཤིང་ཆེན་པོར་འགྱུར། །སྨན་དང་རིན་ཆེན་མི་ཟད་གཏེར་རྣམས་དང་། །ཡིད་བཞིན་ནོར་བུ་འདོད་སྦྱིན་སྡོང་པོ་དང་། །ལམ་གོལ་དོང་བ་རྣམས་ལ་ལམ་སྟོན་འགྱུར། །ཞེས་གསུངས་པ་ལྟར། ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་རྣམས་སུ་གཅིག་ཅར་དུའང་མཛད་པ་བཅུ་གཉིས་ཀྱི་ཚུལ་སྟོན་པ་མཆོག་གི་སྤྲུལ་པའི་སྐུ་དང་། བྱང་སེམས་ཉན་དང་པཎྜི་ཏ་གྲུབ་པ་རིག་འཛིན་དགེ་སྦྱོང་འཁོར་ལོས་སྒྱུར་བའི་རྒྱལ་པོ་རྒྱལ་ཕྲན་བློན་པོ་བྲམ་ཟེ་ཁྱིམ་བདག །བྱ་དང་རི་དྭགས་ལ་སོགས་པ་སྐྱེ་བ་སྤྲུལ་པའི་སྐུ་དང་། བཟོ་གནས་བཅོ་བརྒྱད་སོགས་ཀྱིས་ཕན་པ་སྒྲུབ་པ་བཟོ་སྤྲུལ་པའི་སྐུ་དང་། ཡིད་བཞིན་གྱི་ནོར་བུ། །སྨན་དང་ཟས་གོས། རི་བོ་ལྗོན་ཤིང་། གྲུ་གཟིངས་ཟམ་པ་སོགས་བེམ་པོའི་གཟུགས་སུ་སྤྲུལ་ནས་སེམས་ཅན་རྣམས་ལ་འཕྲལ་དང་ཡུན་དུ་ཕན་བདེ་སྟེར་བར་མཛད་པ་ནི། སྒྱུ་འཕྲུལ་རྒྱས་པ་ལས། །ཐུགས་རྗེ་ཆེན་པོའི་བྱིན་རླབས་ཀྱིས། །ཕྱོགས་བཅུའི་འཇིག་རྟེན་རྡུལ་སྙེད་དུ། །རྒྱལ་བའི་ཕྲིན་ལས་བསམ་མི་ཁྱབ། །སྐུ་གསུང་ཐུགས་དང་ཡོན་ཏན་

[Full Size]

དང་། །ལྷུན་གྱིས་གྲུབ་པའི་ཕྲིན་ལས་ཀྱིས། །གདུལ་བྱ་རྣམས་ནི་ཆུད་མི་གསོན། །ངན་སོང་སྦྱོང་ཞིང་བྱང་ཆུབ་ཞིང་། །ཡེ་ཤེས་ཚོགས་རྫོགས་ཀུན་ཏུ་སྟོན། །ཅེས་གསུངས་པ་ལྟར་ལས། རེ་ཞིག་གདུལ་བྱ་ཕྱོགས་རེའི་མིག་ཅན་གྱི་བློ་ཡིས་མཐོང་ཚུལ་དང་སྦྱར་ཏེ། རྗེ་བླ་མ་འདི་ཉིད་ཀྱི་རྣམ་པར་རོལ་པ་དུ་མར་བསྟན་ནས་འཕགས་པའི་ཡུལ་དང་གངས་ཅན་གྱི་ལྗོངས་འདིར་སངས་རྒྱས་ཀྱི་བསྟན་པ་སྤེལ་ཅིང་མགོན་མེད་ཀྱི་འགྲོ་བ་གྲངས་ལས་འདས་པ་ཐར་བ་དང་བྱང་ཆུབ་ཆེན་པོའི་གོ་འཕང་དུ་དབུགས་དབྱུང་བར་མཛད་པའི་སྐྱེས་པ་རབས་ཀྱི་ཕྲེང་བ་ཚར་དུ་དངར་བ་རྡོ་རྗེའི་ལུང་དང་རྗེ་རིན་པོ་ཆེ་ཉིད་ཀྱིས་དགོས་པའི་དབང་གིས་སྐབས་སུ་བབས་པ་ན་སྔོན་གནས་རྗེས་དྲན་ཚུལ་གྱིས་གནས་དུས་མཛད་པ་སོགས་གཏན་ཚིགས་དང་འབྲེལ་བའི་ལོ་རྒྱུས་ཡིད་ཆེས་ངོ་མཚར་ཅན་ཐོར་བུར་གསུངས་པ་རྣམས་ལས་གཙོ་ཆེ་བའི་རིགས་མཚན་ཐོ་ཙམ་བཀོད་ན། འཕགས་པའི་ཡུལ་དུ་ཨ་ཏིའི་བསྟན་པའི་བདག་པོ་སྤྲུལ་པའི་སྐུ་མཆོག་དགའ་རབ་རྡོ་རྗེའི་རྒྱལ་ཚབ་འཇམ་དཔལ་གྲུབ་པའི་སློབ་དཔོན་འཇམ་དཔལ་བཤེས་གཉེན། པ་ཆེན་ལྔ་བརྒྱའི་དབུས་ན་མཁས་པའི་ཁྱུ་མཆོག་ཏུ་གྲགས་ཤིང་རྩོལ་མེད་ཀྱི་ཐེག་པའི་ལམ་ལས་འཇའ་ལུས་འཕོ་བ་ཆེན་པོའི་སྐུ་བརྙེས་པ་པ་ཆེན་བི་མ་ལ་མི་ཏྲ། ཐེག་མཆོག་དབུ་མའི་ཤིང་རྟ་ལེགས་ལྡན་འབྱེད་ཀྱི་སྐྱེ་བ་ཕྱི་མ་འཁོར་ལོ་སྡོམ་པ་དངོས་སུ་གྲུབ་པའི་རྡོ་རྗེ་དྲིལ་བུ་པ། མཁས་མཆོག་དབྱིག་གཉེན་སོགས་བསྟེན་ནས་གཞུང་ལུགས་རྒྱ་མཚོའི་ཕ་རོལ་ཏུ་སོན་པའི་པཎྜི་ཏ་སྒོ་མཐའ་ཡས་པའི་བློ་གྲོས། གྲུབ་ཆེན་ཤ་བ་རི་པས་རྗེས་སུ་བཟུང་སྟེ་མཆོག་གི་དངོས་གྲུབ་བརྙེས་པ་པ་ཆེན་ནགས་ཀྱི་རིན་ཆེན་ལ་སོགས་པ་རྣམས་དང་། བོད་

[Full Size]

གངས་ཅན་གྱི་ལྗོངས་སུ་མཁན་སློབ་རྣམ་གཉིས་གཙོས་ལོ་པ་བརྒྱ་རྩ་བརྒྱད་ཞལ་འཛོམ་པར་མཛད་ནས་བསྟན་པའི་གཞི་མ་གཙུག་ལག་ཁང་བཞེངས། བསྟན་པའི་རྩ་བ་དགེ་འདུན་གྱི་སྡེ་བཙུགས། བསྟན་པ་དམ་པའི་ཆོས་སྡེ་སྣོད་གསུམ་བསྒྱུར་བཤད་འཆད་ཉན་སྒོམ་སྒྲུབ་ཀྱིས་གཏན་ལ་ཕབ་པར་མཛད་པའི་ཐུབ་བསྟན་ཉིན་བྱེད་གསར་དུ་འདྲེན་པའི་ཤིང་རྟ་ཆེན་པོ་ཆོས་རྒྱལ་ཁྲི་སྲོང་ལྡེའུ་བཙན། དེ་ཉིད་ཀྱི་སྐུའི་སྐྱེ་བ་དེ་མ་ཐག་པ་ལྷ་སྲས་མུ་ཏིག་བཙན་པོའི་སྲས་སུ་འཁྲུངས་པའི་སྐྱེ་བ་བདུན་པ་བཀའ་འདུས་ཆོས་ཀྱི་རྒྱ་མཚོའི་མངའ་བདག་རྒྱལ་སྲས་ལྷ་རྗེ་མཆོག་གྲུབ་རྒྱལ་པོ། ཁུ་དབོན་དེ་གཉིས་ལས་གཅིག་ལས་དུ་མར་འཕྲུལ་པའི་ཚུལ་གྱིས་ཆོས་རྒྱལ་ཆེན་པོའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་འཕྲུལ་ལྔ། རྒྱལ་སྲས་ལྷ་རྗེ་ཉིད་གཏེར་སྟོན་རྐྱང་པའི་སྐྱེ་བ་བཅུ་གསུམ་བྱོན་པ་རྣམས་འོག་ཏུ་འཆད་པར་འགྱུར་ལ། བསྟན་པ་ཕྱི་དར་གྱི་སྐབས་སུ་འོད་དཔག་མེད་དངོས་ཇོ་བོ་རྗེ་དཔལ་ལྡན་ཨ་ཏི་ཤའི་ཐུགས་སྲས་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ། སྤྱན་རས་གཟིགས་དང་རྣམ་དབྱེར་མེད་པའི་བྱང་ཆུབ་སེམས་དཔའ་བཀའ་གདམས་བསྟན་པའི་ཆུ་མགོ་འབྲོམ་སྟོན་རྒྱལ་བའི་འབྱུང་གནས། རྗེ་བཙུན་མི་ལའི་ཐུགས་སྲས་གསང་བའི་བདག་པོ་དང་དབྱེར་མེད་ཅིང་སྐུ་དངོས་ཀྱིས་མཁའ་སྤྱོད་དུ་གཤེགས་པ་རས་ཆུང་རྡོ་རྗེ་གྲགས་པ། རྒྱལ་བས་དགེ་སློང་འཚོ་བྱེད་ཅེས་མདོ་སྡེ་གསུམ་ནས་ལུང་བསྟན་པ་བཀའ་བརྒྱུད་བསྟན་པའི་མངའ་བདག་དྭགས་པོ་ལྷ་རྗེ་ཟླ་འོད་གཞོན་ནུ། དཔལ་ལྡན་ས་སྐྱ་པའི་འཇམ་དབྱངས་བདུན་བརྒྱུད་དུ་བྱོན་ཅིང་བོད་ཡུལ་རྡོ་རྗེ་འཛིན་པ་ཀུན་གྱི་གཙུག་རྒྱན་རྗེ་བཙུན་གྲགས་པ་རྒྱལ་མཚན། སར་གནས་ཀྱི་འཕགས་པ་ཆེན་པོའི་རྣམ་ཐར་མ་སྦས་གསལ་བར་སྟོན་པ་ཁམས་གསུམ་

[Full Size]

ཆོས་ཀྱི་རྒྱལ་པོ་བློ་གྲོས་རྒྱལ་མཚན། ཀུན་བཟང་གདོད་མའི་མགོན་པོའི་དགོངས་པའི་གསང་མཛོད་ལ་རང་དབང་སྒྱུར་བས་འོད་གསལ་རྡོ་རྗེ་སྙིང་པོའི་བསྟན་པའི་ཤིང་རྟ་པ་འགྲན་ཟླ་དང་བྲལ་བ་ཀློང་ཆེན་རབ་འབྱམས་བཟང་པོ། །རྗེ་རིན་པོ་ཆེ་བློ་བཟང་གྲགས་པའི་དཔལ་གྱི་ནང་ཐུགས་ཀྱི་སྲས་མཆོག་བཀའ་གདམས་བསྟན་པའི་མངའ་བདག་ཕྲིན་ལས་མཁའ་ལྟར་ཁྱབ་པ་པ་ཆེན་དགེ་འདུན་གྲུབ། རྒྱུད་སྡེ་རྒྱ་མཚོའི་འབྱུང་གནས་མཁས་མཆོག་བུ་སྟོན་ཆེན་པོའི་ཆོས་ཀྱི་ཁྲི་སྐྱོང་བ་ཞྭ་ལུ་མཁྱེན་རབ་ཆོས་རྗེ། ཀུན་མཁྱེན་དོལ་བོ་པའི་ཡང་སྲིད་རང་བྱུང་གི་གྲུབ་པའི་དབང་ཕྱུག་བརྟུལ་ཞུགས་ཆོ་འཕྲུལ་བསམ་གྱིས་མི་ཁྱབ་པས་གདུལ་དཀའ་མཐའ་དག་འདུལ་བ་གྲུབ་ཆེན་ཐང་སྟོང་རྒྱལ་པོ། །ཚར་ཆེན་ཆོས་རྗེའི་ཐུགས་སྲས་ཉི་མ་ལྟར་གྲགས་པ་གསང་ཆེན་སློབ་བཤད་ཀྱི་བསྟན་འཛིན་ཀུན་གྱི་ཕུལ་གྱུར་གནས་གསར་པ་འཇམ་དབྱངས་མཁྱེན་བརྩེའི་དབང་ཕྱུག །དཔལ་ལྡན་བྲང་ཏིའི་གདུང་རིགས་ལས་བྱོན་པའི་ངོར་ཆེན་རྡོ་རྗེ་འཆང་གི་སེང་གེའི་ཁྲིར་འཁོད་པ་མཁྱེན་བརྩེ་ནུས་པའི་བདག་ཉིད་བྱམས་པ་ནམ་མཁའ་འཆི་མེད། རྫོགས་པ་ཆེན་པོ་རང་སྣང་རིས་མེད་ཀྱི་དགོངས་པའི་མཐར་སོན་ཅིང་བྱམས་པ་དང་སྙིང་རྗེའི་ཏིང་ངེ་འཛིན་རྩལ་རྫོགས་པས་འོད་གསལ་སྙིང་ཐིག་གི་བསྟན་པས་བོད་ཁམས་ཀུན་ཏུ་ཁྱབ་པར་མཛད་པ་རིག་འཛིན་འཇིགས་མེད་གླིང་པ་རྣམས་དང་། གཞན་ཡང་གྲུབ་པའི་དབང་ཕྱུག་ཕ་དམ་པ་སངས་རྒྱས། ཁ་ཆེ་པ་ཆེན་གྱི་ཐུགས་སྲས་དཔྱལ་ཨ་མོ་གྷ་བཛྲ། ཞི་བྱེད་བསྟན་པའི་སྣང་ཆེན་སྙེ་མདོ་ཐམས་ཅད་མཁྱེན་པ་བསོད་ནམས་དཔལ་བ་སོགས་སྐྱེས་བུ་དམ་པ་རྣམས་དང་། རྒྱལ་དབང་ཐམས་ཅད་མཁྱེན་པ་རང་བྱུང་རྡོ་རྗེའི་ཡབ་ཏུ་གྱུར་པའི་འབྲུག་པའི་རྟོགས་ལྡན་ཞིག་དང་། གཏེར་

[Full Size]

ཆེན་རྡོ་རྗེ་གླིང་པའི་གསང་བའི་གཟུངས་མ་ལྷོ་བྲག་ནས་རྡོ་རྗེ་འཚོ་བྱ་བ་ཞིག་སོགས་རྣལ་འབྱོར་ཕོ་མོ་སྣ་ཚོགས་པའི་རྣམ་པར་ཡང་སྟོན་པའི་སྔོན་གནས་རྗེས་སུ་དྲན་པ་དང་། ཁྱད་པར་དུ་ཆོས་རྒྱལ་ཁུ་དབོན་གཉིས་ཀྱི་སྐྱེ་སྤྲུལ་ནི་མངའ་བདག་ཁྲི་སྲོང་ཉིད་ནས་བརྩམས་ཏེ་འཕགས་བོད་ལྷ་ཡུལ་རྣམས་སུ་སྐྱེ་བ་བཅུ་གསུམ་བཞེས་པའི་བཅུ་བཞི་པར་ཉང་རལ་པ་ཅན་ཉིད་ནུབ་ཕྱོགས་སངས་རྒྱས་ཀྱི་ཞིང་པདྨ་ཅན་དུ་མ་ཆགས་པདྨའི་སྤྱན་དུ་སངས་རྒྱས་པའི་གསུང་སྤྲུལ་གུ་རུ་ཆོས་ཀྱི་དབང་ཕྱུག་སོགས་རིམ་པར་བྱོན་པར་གསུངས་ཏེ་ཐང་ཡིག་ལས། རྒྱལ་པོ་ཁྲི་སྲོང་ལྡེའུ་བཙན་ཉིད། །སྐུ་གསུང་ཐུགས་ཡོན་ཕྲིན་ལས་ལྔ། །འཕྲུལ་ལྔ་བསྒྱུར་བའི་སྟོབས་སུ་འབྱུང་། །ཞེས་སོགས་གཞན་ལས་ཀྱང་དེ་མཚུངས་མང་དུ་འབྱུང་བ་དང་། །ཐུགས་སྒྲུབ་ཡིད་བཞིན་ནོར་བུའི་ལོ་རྒྱུས་ལས། ཁྱད་པར་འཇམ་དཔལ་སྤྲུལ་པའི་རྒྱལ་པོ་ནི༔ ཡབ་གཅིག་ཁྲི་སྲོང་སྐྱེ་བ་བཅུ་གསུམ་དུ༔ བདག་གིས་བྱིན་བརླབས་གདམས་པ་ཉམས་བླངས་པས༔ གསང་སྔགས་ནང་གི་ས་ལམ་མ་ལུས་བགྲོད༔ མངོན་པར་བྱང་ཆུབ་ཡེ་ཤེས་ཆེ་བརྙེས་ནས༔ སླར་ཡང་སྐུ་གསུང་ཐུགས་ཡོན་ཕྲིན་ལས་ཀྱི༔ སྤྲུལ་པ་གྲངས་ཅན་གྲངས་མེད་བསམ་མི་ཁྱབ། བོད་ཁམས་མཐའ་དབུས་ཀུན་ཏུ་ཡང་ཡང་འབྱུང་༔ ཟབ་ཏིག་ཉེར་ལྔ་ཁྱད་པར་ཐུགས་གཏེར་ལྔ༔ ཉི་མ་འོད་ཟེར་སྤང་རྗེ་སྟོན་པ་སོགས༔ སྨོན་ལམ་དག་པའི་སྤྲུལ་སྐུ་རྣམས་ཀྱིས་བཏོན༔ བདག་གིས་དབང་ལུང་གདམས་པའི་བཀའ་གཏད་ནས༔ བླ་རྫོགས་ཐུགས་གསུམ་སྒྲུབ་སྡེ་བརྒྱད་ལ་སོགས༔ སྙིང་པོའི་བསྟན་པའི་སྲོག་རྩ་ཟིན་པ་འབྱུང་༔ ཞེས་སོགས་འབྱུང་བ་ལྟར། ཆོས་རྒྱལ་ཁྲི་ལྡེའི་རྣམ་འཕྲུལ་གཙོ་བོ་ལྔ་ནི། སྐུ་སྤྲུལ་

[Full Size]

ཟབ་གཏེར་སྒོ་འབྱེད་ཀུན་གྱི་སྤྱི་མེས་མངའ་བདག་ཉང་རལ་ཉི་མ་འོད་ཟེར། གསུང་སྤྲུལ་སྤྱན་རས་གཟིགས་དངོས་འགྲོ་འདུལ་ཆེན་པོ་གུ་རུ་ཆོས་ཀྱི་དབང་ཕྱུག །ཐུགས་སྤྲུལ་མཁས་ཤིང་གྲུབ་པ་ཡོངས་ཀྱི་ཁྱུ་མཆོག་མངའ་རིས་པཎྜི་ཏ་ཆེན་པོ་པདྨ་དབང་གི་རྒྱལ་པོ། ཡོན་ཏན་སྤྲུལ་པ་མེ་ཉག་བྱང་བ་བདག་པོ་བཀྲ་ཤིས་སྟོབས་རྒྱལ་མཁའ་འགྲོ་ཡོངས་གྲུབ་རྩལ། ཕྲིན་ལས་སྤྲུལ་པ་རྩོད་དུས་གངས་ཅན་སྐྱོབ་པའི་དཔལ་མགོན་ངག་དབང་བློ་བཟང་རྒྱ་མཚོ་བཅས་གཏེར་ཁ་གསར་རྙིང་མང་པོ་ནས་ལུང་བསྟན་མགྲིན་གཅིག་ཏུ་གསལ་བ་དང་། སྐུ་གསུང་ཐུགས་ཡོན་ཏན་ཕྲིན་ལས་རེ་རེ་ལའང་སྤྲུལ་པ་ལྔ་ཕྲག་རེ་དང་དེ་ལས་ཀྱང་ཡང་སྤྲུལ་ཉིང་སྤྲུལ་དུ་མ་འབྱུང་བ་རྣམས་ཀྱང་དབྱིངས་གཅིག་པར་ངེས་པས་ཐམས་ཅད་ཀྱང་རྗེ་བླ་མ་འདི་ཉིད་ཀྱི་ཐུགས་རྗེའི་རྣམ་རོལ་ཏུ་གྲུབ་གྲུབ་པ་དང་། རྒྱལ་སྲས་ལྷ་རྗེ་ནི་ཐང་ཡིག་ལས། སྲས་འདི་སྐྱེ་བ་ཡང་སྔ་ད་བར་དུ༔ བདག་གིས་བྱིན་གྱིས་བརླབས་པའི་སྲས་ཡིན་གསུངས༔ ལྟ་བ་རྫོགས་ཆེན་པདྨ་སྙིང་ཐིག་དང་༔ཡི་དམ་བཀའ་འདུས་ཆོས་ཀྱི་རྒྱ་མཚོ་དང་༔ བླ་མ་བསྟན་གཉིས་སྐོར་གསུམ་ལ་སོགས་པ༔ རྩིས་སྨན་ཀུན་གྱི་བདག་པོ་འདི་ཡིན་པས༔ ཡར་ཀླུང་གཏེར་ཁ་འདི་ལ་གཏད་དོ་གསུངས༔ གསང་མཚན་སྔགས་པ་མཆོག་གྲུབ་རྒྱལ་པོར་གསོལ༔ ཞེས་སོགས་དང་། གཏེར་སྟོན་རྐྱང་པའི་སྐྱེ་བ་བཅུ་གསུམ་འབྱུང་༔ འགྲོ་བ་མང་པོ་སངས་རྒྱས་ཞིང་དུ་འཁྲིད༔ སྙན་པས་ས་སྟེང་ཐམས་ཅད་ཁྱབ་པར་འབྱུང་༔ ཞེས་དང་། དེ་ཕྱིར་མཆོག་གྲུབ་སྐྱེ་བ་བཅུ་གསུམ་པར༔ མཐོང་ཐོས་དྲན་རེག་དོན་དང་ལྡན་པ་སྟེ༔ གྲིབ་མས་རེག་ཙམ་ཏིལ་འབྲུ་ཙམ་ཞིག་ཉེ༔ ངན་སོང་འགྲོ་ངེས་ཤེས་ཀྱང་མཐོ་རིས་སྐྱེ༔ དགེ་རྒྱུ་ཉུངས་འབྲུ་

[Full Size]

ཙམ་ཞིག་ས་བོན་ཐེབས༔ ཞེས་སོགས་གསུངས་པ་ལྟར། དང་པོ་གཏེར་འབྱིན་ཐམས་ཅད་ཀྱི་ཐོག་མ་མངའ་རི་གློ་བོ་དགེ་སྐར་ནས་རྩ་གསུམ་དྲིལ་སྒྲུབ་དངོས་གྲུབ་བརྟན་གཟིགས་སོགས་སྤྱན་དྲངས་པ་སངས་རྒྱས་བླ་མ། གཉིས་པ་བལ་བོད་མཚམས་ཀྱི་པཱུརྞ་རྫ་རི་ནས་བླ་མ་བསྟན་གཉིས་སྐོར་གསུམ་སོགས་སྤྱན་དྲངས་པ་རྒྱ་ལོ་ཙཱ་རྡོ་རྗེ་བཟང་པོ། གསུམ་པ་མང་ཡུལ་བྱམས་པ་སྤྲིན་ནས་བླ་རྫོགས་ཐུགས་གསུམ་དྲག་སྔགས་ཀྱི་སྐོར་སོགས་བཏོན་པ་ཉི་མ་སེང་གེ། བཞི་པ་མོན་སྤ་གྲོ་གཅལ་གྱི་བྲག་ནས་ཆོས་བོན་སྨན་རྩིས་སྐོར་རྒྱ་ཆེར་བཏོན་པ་ཀུས་སྨན་པ་པདྨ་སྐྱབས་སམ་ཁུ་ཚ་ཟླ་འོད། ལྔ་པ་ཡར་འབྲོག་མུ་ཏིག་སྤ་མ་གོང་ནས་བླ་རྫོགས་ཐུགས་གསུམ་སྤྱན་དྲངས་པ་དོ་བན་རྒྱ་མཚོ་འོད་དང་སྐུའི་བཀོད་པ་གཅིག་ཟུར་པཀྴི་ཤཱཀྱ་འོད་ཀྱིས་བྲག་རྡོ་རྗེ་སྲ་བརྟན་ནས་ཚེ་ཆུ་བུམ་པ་གཏེར་དུ་བཞེས། དྲུག་པ་བུ་ཚལ་གསེར་ཁང་ནས་གུར་དྲག་དང་འཇིག་རྟེན་མཆོད་བསྟོད་ཀྱི་སྐོར་སྤྱན་དྲངས་པ་གྲྭ་སྒོམ་ཆོས་ཀྱི་རྡོ་རྗེ་དང་། སྐུའི་བཀོད་པ་གཅིག་ཁྱུང་ནག་ཤཱཀྱ་དར་ཏེ་འདིས་ཀྱང་ཆོས་སྨན་རྩིས་སྐོར་གྱི་གཏེར་མང་དུ་བཏོན། བདུན་པ་ཡར་ཀླུང་ཤེལ་བྲག་པདྨ་བརྩེགས་ནས་བཀའ་འདུས་ཆོས་ཀྱི་རྒྱ་མཚོ་སོགས་གཏེར་ཁ་རྒྱ་ཆེར་སྤྱན་དྲངས་པ་ཡར་རྗེ་ཨོ་རྒྱན་གླིང་པ། བརྒྱད་པ་ཟབ་ལུང་མེ་ཚོར་མཁའ་འགྲོ་ཕུག་ནས་བླ་མ་ཡོངས་རྫོགས་ཀྱི་ཆོས་སྐོར་བཏོན་པ་དོལ་སྔགས་འཆང་ལས་འཕྲོ་གླིང་པ། དགུ་པ་གནས་གསར་མཁྱེན་བརྩེའི་དབང་ཕྱུག་མཚན་ཉིད་ཀྱི་གྲྭ་སར་ཞུགས་བ་སོགས་ཀྱི་སྐྱོན་གྱིས་གཏེར་ཁ་རྒྱ་ཆེར་བཞེས་མ་གྲུབ་ཀྱང་གྲམ་བརྒྱད་ནས་ངོ་མཚར་གྱི་གདམས་པ་པུསྟ་ཀ་གཅིག་ཙམ་བཞེས་པར་གྲགས་ཤིང་། མངའ་རིས་པ་ཆེན་ཡང་སྐུའི་བཀོད་པ་གཅིག་ཏུ་ངེས། བཅུ་པ་ཡར་ཀླུང་ཤེལ་བྲག་པདྨ་བརྩེགས་པར་རྫུ་འཕྲུལ་གྱིས་བྱོན་ནས་ཐུགས་དམ་ཟབ་པ་

[Full Size]

སྐོར་བདུན་སོགས་ཆོས་རྟེན་དམ་རྫས་མང་དུ་སྤྱན་དྲངས་པ་ཨེ་སྤེ་ལྕོགས་གར་དབང་ལས་འཕྲོ་གླིང་པ། བཅུ་གཅིག་པ་བདུད་རི་གནམ་ལྕགས་བྲག་ནས་གུ་རུ་ཞི་དྲག་གི་སྐོར་སོགས་ཟབ་གཏེར་མང་པོའི་མངའ་བདག་སྤུ་བོར་ཞིག་ཏེར་སྟོན་པདྨ་རིག་འཛིན་ནམ་པདྨ་ཚེ་དབང་རྩལ། བཅུ་གཉིས་པ་ཟག་མེད་འཇའ་ཚོན་ཕུག་པ་ནས་རྩ་གསུམ་འཆི་མེད་དྲིལ་སྒྲུབ་གཙོས་གཏེར་ཁ་མང་པོའི་མངའ་བདག་ཨོ་རྒྱན་ཆོས་རྗེ་གླིང་པ་བདེ་བའི་རྡོ་རྗེ་རྩལ། བཅུ་གསུམ་པ་ནི་བཀའ་བབས་ཆེན་པོ་བདུན་གྱི་ཤིང་རྟ་འདྲེན་པ་གངས་ཅན་མཁས་གྲུབ་ཡོངས་ཀྱི་གཙུག་རྒྱན་རྗེ་བླ་མ་རིན་པོ་ཆེ་པདྨ་འོད་གསལ་མདོ་སྔགས་གླིང་པ་ཉིད་དོ། །དེ་ལྟར་སྨོས་པ་དེ་དག་ཀྱང་ལ་ལ་ནི་དུས་མཉམ་དུ་བྱོན་པ་དང་། འགའ་ཞིག་སྐུ་ཚེའི་སྟོད་སྨད་ཀྱི་སྔ་ཕྱི་ཙམ་ཡོད་པ་དང་། ཕལ་ཆེར་གཅིག་རྗེས་སུ་གཅིག་བྱོན་པ་སོགས་ཚུར་མཐོང་བློས་དཔྱད་པར་དཀའ་བ་ཡོད་ཀྱང་སོ་སྐྱེའི་རྣམ་པར་ཤེས་པ་སྔ་མ་འཕོས་ནས་ལས་རླུང་གིས་ཕྱི་མའི་མངལ་དུ་ཚུད་པ་ལྟ་བུ་ལས་ཀྱི་དབང་གིས་ཁམས་གསུམ་དུ་སྐྱེ་བ་བརྒྱུད་པ་མ་ཡིན་པ། འཕགས་པའི་ས་ལ་བཞུགས་པ་རྣམས་སྨོན་ལམ་དང་སྙིང་རྗེའི་དབང་གིས་གཅིག་དང་དུ་མའི་སྤྱོད་ཡུལ་ལས་འདས་པའི་ཡེ་ཤེས་སྒྱུ་མའི་རོལ་བ་གང་ལ་གང་འདུལ་ཅིང་ཡང་སྟོན་པ་ནི། ནམ་མཁའི་ཉི་མ་གཅིག་ཉིད་ས་གཞིར་ཆུའི་སྣོད་ཇི་སྙེད་པ་དེ་སྙེད་དུ་དེ་དང་འཚམས་པའི་གཟུགས་སུ་ཤར་བ་ལྟ་བུ་སྟེ། རྒྱུད་བླ་མ་ལས། གང་ཕྱིར་གདུལ་བྱ་དག་པ་ཡི། །ཆུ་ཡི་སྣོད་ནི་ཐམས་ཅད་ལ། །བདེ་གཤེགས་ཉི་མའི་གཟུགས་བརྙན་ནི། །དཔག་ཏུ་མེད་པ་གཅིག་ཅར་འཆར། །ཅེས་དང་། མདོ་སྡེ་རྒྱན་ལས། དེ་ནི་གཅིག་ཅར་ལ་ལར་སྒོ་མང་བརྒྱ་ནས་ཆོས་ཀྱི་འཁོར་ལོ་དང་། །ལ་ལར་སྐྱེ་བ་མི་སྣང་ལ་ལར་སྐྱེ་བོའི་སྤྱོད་པ་སྣ་ཚོགས་དང་། །

[Full Size]

ལ་ལར་བྱང་ཆུབ་ཐམས་ཅད་ལ་ལར་དེ་ནི་མྱ་ངན་འདས་སྟོན་ཀྱང་། །དེ་ནི་གནས་དེ་ལས་ཀྱང་རྣམ་པར་གཡོ་མི་མངའ་ལ་ཐམས་ཅད་མཛད། །ཅེས་གསུངས་པ་ལྟར་བསམ་གྱིས་མི་ཁྱབ་པའི་ཚུལ་ཁོང་དུ་ཆུད་ནས་ཡིད་ཆེས་པར་བྱ་དགོས་སོ། །དེ་ལས་སྐབས་འདིར་ལྷ་དང་བཅས་པའི་འཇིག་རྟེན་གསུམ་ན་མཚན་གྱི་རྔ་བོ་ཆེ་སྙན་པར་གྲགས་པ་འཇམ་དབྱངས་མཁྱེན་བརྩེའི་དབང་པོ་ཞེས་དུས་གསུམ་དུ་འབྱོན་པར་དཀའ་བའི་སྐྱེས་བུ་ཆེན་པོ། སྐྱེ་རྒུ་མ་ལུས་པའི་སྐྱབས་དང་སྐྱོབ་པ་གཅིག་པུ། འབྲེལ་ཚད་དོན་དང་ལྡན་པའི་ཕྲིན་ལས་ཅན། ཤེས་བྱའི་གནས་ལྔ་ལ་ཆགས་ཐོགས་མི་མངའ་ཞིང་ཕྱོགས་ལས་རྣམ་པར་རྒྱལ་བའི་པཎྜི་ཏ་ཆེན་པོ། མདོ་སྔགས་གསར་རྙིང་རིས་སུ་མ་ཆད་པའི་བསྟན་པ་ཡོངས་རྫོགས་ཀྱི་དགེ་བའི་བཤེས་གཉེན་ཆེན་པོ། འདིར་སྣང་ཆོས་བརྒྱད་ཀྱི་འཆིང་བ་ཡོངས་སུ་བཅད་པས་འཁྲུལ་པ་ཞིག་པའི་དབང་ཕྱུག་ཆེན་པོ། ཞེན་ལོག་དང་ངེས་པར་འབྱུང་བའི་ཤུགས་ཀྱིས་གང་ལའང་ཆགས་འཛིན་སྤུ་ཙམ་མི་མངའ་བས་བྱ་བཏང་གི་རྒྱལ་པོ། རིག་པ་དང་གྲོལ་བའི་སྤོབས་པ་བསམ་གྱིས་མི་ཁྱབ་པས་གདུལ་བྱའི་ཚོགས་རྗེས་སུ་འཛིན་པ་ལ་མཁས་པས་བྱང་ཆུབ་སེམས་དཔའ་ཆེན་པོ། མཁས་པ་དང་གྲུབ་པར་བསྙེམས་པ་གང་གིས་ཀྱང་སྤོབས་པའི་སྟོབས་མི་ཆོམ་པས་འཇིགས་བྲལ་གྱི་རྡོ་རྗེ་སློབ་དཔོན་ཆེན་པོ། དེ་ཉིད་བཅུའི་མཐར་སོན་ཅིང་རྡོ་རྗེ་ནང་གི་ས་ལམ་བགྲོད་པས་གྲུབ་པ་ཆེན་པོའི་གོ་འཕང་བརྙེས་པ་དེ་ཉིད་ཀྱི་རྣམ་པར་ཐར་པའི་ཚུལ་བསམ་གྱིས་མི་ཁྱབ་པས་ཇི་བཞིན་པ་ནི་འཕགས་པ་ཁོ་ནའི་སྤྱོད་ཡུལ་ལས་གཞན་དུ་མ་གྱུར་ཀྱང་། སྐལ་པ་དང་ལྡན་པའི་གདུལ་བྱ་རྣམས་གུས་པ་འཕེལ་བའི་སླད་དུ་རང་བློས་རྗེས་སུ་དཔོག་པ་ཅུང་ཟད་ཙམ་བརྗོད་པ་ལ་གསུམ། གདུལ་བྱ་ཐུན་མོང་བའི་མཐུན་སྣང་དུ་གྲུབ་པ་ཕྱིའི་རྣམ་

[Full Size]

ཐར་དང་། ཐུན་མོང་མ་ཡིན་པ་རྗེ་ཉིད་ཀྱི་ཁྱད་ཆོས་སུ་གྲུབ་པ་ནང་གི་རྣམ་ཐར་དང་། ཤིན་ཏུ་ཐུན་མོང་མ་ཡིན་པ་ཕལ་པའི་སྤྱོད་ཡུལ་ལས་འདས་པ་གསང་བའི་རྣམ་ཐར་རོ། །དང་པོ་ལ་བརྒྱད། ཚད་མར་གྱུར་པའི་ལུང་ལས་ཇི་ལྟར་བསྟན་པའི་ཚུལ། ཐུགས་བསྐྱེད་དང་སྨོན་ལམ་གྱི་སྟོབས་ལས་བསམ་བཞིན་སྐྱེ་བ་ཇི་ལྟར་བཞེས་པའི་ཚུལ། དེ་ནས་སངས་རྒྱས་ཀྱི་བསྟན་པ་རིན་པོ་ཆེར་ཇི་ལྟར་ཞུགས་པའི་ཚུལ། ཞུགས་ནས་དགེ་བའི་བཤེས་གཉེན་བསྟེན་ཅིང་ཐོས་བསམ་ཇི་ལྟར་མཛད་པའི་ཚུལ། དེའི་དོན་ཉམས་སུ་བཞེས་ནས་མངོན་པར་རྟོགས་པའི་ཡོན་ཏན་ཇི་ལྟར་བརྙེས་པའི་ཚུལ། དེ་ལ་བརྟེན་ནས་བསྟན་པ་དང་འགྲོ་བའི་དོན་ཇི་ལྟར་མཛད་པའི་ཚུལ། ཞར་བྱུང་དུ་བསོད་ནམས་ཀྱི་ཚོགས་སྒོ་དུ་མ་ནས་ཇི་ལྟར་བསགས་པའི་ཚུལ། མཐར་མཛད་པ་མཐར་ཕྱིན་ནས་སྤྲུལ་པའི་བཀོད་པ་དབྱིངས་སུ་ཐིམ་པའི་ཚུལ་ལོ། །དང་པོ་ནི། དཔེར་ན་བདག་ཅག་གི་སྟོན་པས་དུས་གསུམ་འདྲེན་པ་ཐམས་ཅད་ལས་ཁྱད་པར་དུ་འཕགས་པའི་ཐུགས་བསྐྱེད་དེ་སྨོན་ལམ་ཆེན་པོ་ལྔ་བརྒྱ་བཏབ་ནས་མི་མཇེད་ཀྱི་འཇིག་རྟེན་དུ་རྩོད་པའི་དུས་ཀྱི་གདུལ་བྱ་རྣམས་བཟུང་བར་མཛད་པ་ལྟར། བྱང་ཆུབ་སེམས་དཔའ་སྙིང་སྟོབས་ཕུལ་དུ་བྱུང་བ་རྣམས་ཀྱང་ཆེས་སྙིགས་མའི་དུས་ཀྱི་སེམས་ཅན་གདུལ་དཀའ་བ་རྣམས་འདུལ་བའི་ཆེད་དུ་བྱོན་པ་ཡིན་ཏེ། སྡུད་པ་ལས། དཔེར་ན་བྲན་མོ་ཆུ་ཆུན་དབང་མེད་རྗེ་བོའི་དབང་། །དེ་བཞིན་དཔའ་རྣམས་སེམས་ཅན་ཀུན་གྱི་དབང་གིས་འགྲོ། །ཞེས་དང་། ཇི་སྐད་དུ། བདག་ནི་ཡོངས་སུ་བཟུང་བའི་འཇིག་རྟེན་ནམ། །མྱ་ངན་འདས་ལ་སྤྲོ་བ་མ་མཆིས་ཏེ། །གང་དང་གང་དུ་སྡུག་བསྔལ་གནས་རྣམས་སུ། །བསྐལ་པ་རྒྱ་མཚོར་གནས་ཤིང་ཕན་བར་བགྱིད། །ཅེས་རྒྱུད་ཀྱི་དམ་

[Full Size]

བཅའ་ཉེར་བརྒྱད་པ་ལས་གསུངས་པའི་དོན་བཞིན། ཐུབ་པའི་ཐུགས་བསྐྱེད་སྨོན་ལམ་གྱི་དབང་གིས་ཞིང་ཁམས་གཞན་ན་སངས་རྒྱས་དང་བྱང་ཆུབ་སེམས་དཔས་མ་ཐུལ་བའི་སེམས་ཅན་མང་པོ་དེང་སང་ཞིང་འདིར་སྐྱེས་ནས་རྒྱུད་མ་རུངས་པར་གྱུར་པ་མཐའ་དག་ལ་ཐར་པའི་ས་བོན་སྣ་རེ་ཙམ་བཞག་ཅིང་འཁོར་བ་མཐའ་ཅན་མཛད་པའི་སླད་དུ་རང་ཉིད་ཁམས་གསུམ་ལས་འདས་ཀྱང་རྣམ་པར་གྲོལ་བའི་ཞི་བདེ་ལ་མི་གཞོལ་བར་སྲིད་པའི་ཚུལ་བཟུང་བ་ནི། སྡུད་པ་ལས། དཔའ་བོ་གར་སྤྱོད་ཤེས་རབ་ཕ་རོལ་ཕྱིན་པ་ཡིས། །ཁམས་གསུམ་ཡང་དག་འདས་ལ་རྣམ་པར་གྲོལ་བའང་མིན། །ཉོན་མོངས་བསལ་བར་གྱུར་ཀྱང་སྐྱེ་བ་སྟོན་པར་བྱེད། །རྒ་དང་ན་དང་འཆི་བ་མེད་ཀྱང་འཆི་འཕོ་སྟོན། །ཅེས་གསུངས་པ་ལྟར་གང་ལ་གང་འདུལ་གྱི་རྣམ་འཕྲུལ་ཚད་མེད་པས་འགྲོ་བའི་དོན་རྒྱུན་མི་འཆད་པ་ནི་འཕགས་པ་རྣམས་ཀྱི་ཆོས་ཉིད་ཡིན་ཅིང་། ལྷག་པར་རིགས་གསུམ་མགོན་པོ་དང་། །དེ་ལས་ཀྱང་འཇམ་དཔལ་སྤྲུལ་པའི་ཆོས་རྒྱལ་ཆེན་པོ་ཉིད་བོད་འབངས་རྣམས་ལ་ཐུགས་ཤིན་ཏུ་བརྩེ་བས་སྤྲུལ་པའི་རྣམ་རོལ་སྣ་ཚོགས་པ་ཡང་ནས་ཡང་དུ་འབྱུང་བའི་ཚུལ་སངས་རྒྱས་གཉིས་པ་གུ་རུ་པདྨའི་རྡོ་རྗེའི་ལུང་རྣམས་སུ་གསལ་བ་ལས། བླ་མ་དགོངས་འདུས་ལུང་བསྟན་བཀའ་རྒྱ་མར། མངའ་བདག་རྗེ་ཉིད་ཆེ་བའི་ཡོན་ཏན་རྒྱས༔ དགོངས་པ་ཡོངས་རྫོགས་རྣམ་པར་གྲོལ་གྱུར་ནས༔ མངའ་རིས་གདུལ་བྱ་རྗེས་འཇུག་ལ་སོགས་པ༔ འགྲོ་བ་སེམས་ཅན་རྣམས་ཀྱི་དོན་སླད་དུ༔ སྤྲུལ་པས་དོན་མཛད་ཐུགས་རྗེའི་འོད་ཟེར་འཕྲོ༔ རང་བཞིན་ཐབས་ཀྱིས་གདུལ་ཐབས་སྣ་ཚོགས་སྟོན༔ ཕལ་ཆེར་སྟོད་ཁམས་བར་ཁམས་ཁམས་སྨད་དང་༔ ལེ་ལེ་རུ་བཞི་དབུ་རུ་ལ་སོགས་དང་༔

[Full Size]

སྨོན་ལམ་དབང་གིས་མཐའ་འཁོབ་ཡང་འཁོབ་ཏུ༔ འགྲོ་བའི་དོན་བརྩོན་མཛད་ཚུལ་བསམ་མི་ཁྱབ༔ ཅེས་དང་། དེ་བཞིན་སྤྲུལ་པ་ཡང་སྤྲུལ་དཔག་མེད་འགྱེད༔ གང་ལ་གང་འདུལ་ཚུལ་གྱི་གཟུགས་སུ་སྟོན། །འགྲོ་བའི་དོན་བརྩོན་སྐྱོ་དུབ་མེད་པ་འབྱུང་༔ གང་འབྲེལ་ཐམས་ཅད་པདྨ་ཅན་དུ་སྤྱོད༔ ཅེས་གསུངས་པ་ལྟར་སྤྱིར་ལུང་བསྟན་པ་དང་། བྱེ་བྲག་ཏུ་མངའ་བདག་ཉང་གི་གཏེར་ལུང་ལས། རྩེ་སྒང་ཞེས་པའི་རི་བོའི་མདུན༔ ཕ་ཝཾ་ཀླུ་དབང་འཁྱིལ་བའི་སྟེང་༔ མངའ་བདག་འཇམ་པའི་དབྱངས་ཞེས་འབྱུང་༔ བཅུ་གསུམ་ཟབ་མོའི་གཏེར་ལ་སྤྱོད༔ ཅེས་སྐུ་འཁྲུངས་པའི་གནས་སོགས་གསལ་བར་བསྟན་པའི་ལུང་དོན་འོག་ནས་འབྱུང་། ཐང་ཡིག་ལས། རྩིས་ཀྱི་ལྷ་ཁང་སྦས་པའི་གཏེར་ཁ་ནི༔ མི་བཞག་འདོན་པའི་རྟགས་དེ་བསྟན་ནས་འབྱུང་༔ གཏེར་སྟོན་མདོ་སྔགས་གླིང་པ་ཞེས་བྱ་འབྱུང་༔ ཞེས་པའང་པདྨ་ཚེ་དབང་རྒྱལ་པོ་ལ་དེར་གྲགས་མོད། །ལས་འཕྲོ་གླིང་པ་སྔ་ཕྱི་བཞི་ཙམ་བྱོན་པ་བཞིན་བཀའ་ཐང་དུ་ལུང་བསྟན་པ་རེ་རེ་ལ་སྔ་ཕྱི་ངོས་འཛིན་གཉིས་གསུམ་རེ་བྱོན་པ་ཐམས་ཅད་ཚད་མས་གྲུབ་པས་འགལ་བ་མེད་པ་མ་ཟད། ཚེ་དབང་རྒྱལ་པོས་ལུང་བསྟན་པའི་གནས་དེ་ནས་གཏེར་བཞེས་པར་མ་གྲགས་ཤིང་། རྗེ་བླ་མའི་ཟབ་གཏེར་རྩ་གསུམ་བཀའ་འདུས་ཆོས་སྐོར་དེའི་གཙུག་ལག་ཁང་གི་ཀ་ཞུའི་ནང་དུ་བཞུགས་ཀྱང་དུས་ཐོག་ཏུ་ཕེབས་མ་གྲུབ་པས་ཕྱིས་གཙུག་ལག་ཁང་འཇིག་ལ་ཉེ་བ་ན་གཏེར་གནས་འཕོས་ཏེ་དེ་སྐོར་གྱི་བྲག་ཞིག་ཏུ་བཞུགས་པ་གསལ་བར་གཟིགས་པ་དང་། དེའི་རྟེན་གྲལ་དམ་ཚིག་གི་རྡོ་རྗེ་ཁྱད་པར་ཅན་གཏེར་སྲུང་གིས་ཕྱག་ཏུ་ཕུལ་འདུག་པ་དངོས་སུ་མཇལ་བས་མཚོན་ལུང་འདིའང་རྗེ་འདི་ཉིད་དུ་གྲུབ། ཨོ་རྒྱན་གླིང་པའི་ཟུང་

[Full Size]

མཁར་རྡོའི་མཆོད་རྟེན་གྱི་གཏེར་མ་ཐུགས་རྗེ་ཆེན་པོ་ཡེ་ཤེས་འོད་མཆོག་གཏེར་ལུང་ལས། མ་འོངས་ཆོས་ཀྱི་བདག་པོ་དེ་ཉིད་ཀྱང་༔ ཤར་གྱི་ཕྱོགས་ནས་འབྲུག་གི་ལོ་བ་འབྱུང་༔ རང་ནོར་སྤྱོད་པས་བསྟན་པའི་མེ་རོ་གསོ༔ ཞེས་འབྱུང་། དེའི་དོན་ནི་བཀའ་འདུས་ཆོས་ཀྱི་རྒྱ་མཚོའི་སྙིང་པོ་ངོ་མཚར་ཁྱད་པར་དུ་འཕགས་པའི་ཆོས་སྡེ་དང་། བཀའ་འདུས་སྙིང་པོ་ཉིན་མཚན་རྒྱུན་གྱི་རྣལ་འབྱོར་རྣམས་ཀྱི་ཤོག་སེར་ཕྱག་ཏུ་བབས་ཤིང་སྔ་མ་གཏན་ལ་ཕབས་ནས་འཆད་སྤེལ་མཛད་པས་ཨོ་རྒྱན་གླིང་པའི་བཀའ་འདུས་ཆོས་རྒྱམ་སྔོན་ཆད་མཚན་ཙམ་ལས་མི་བཞུགས་པ་ལ་འདིར་བསྟན་པའི་མེ་རོ་གསོས་པ་དང་། རཏ་གླིང་ཕྱག་ཆེན་ཉི་མའི་སྙིང་པོ་ལས། སྟག་ཚང་རོང་དུ་སྦས་པ་འདི༔ མངའ་བདག་མྱང་གི་གདུང་བརྒྱུད་ནི༔ མི་རབས་ཡང་བརྒྱུད་བཅུ་གསུམ་ན༔ འཇམ་དབྱངས་སྤྲུལ་པ་བློ་གྲོས་ཅན༔ འཇམ་དཔལ་བཤེས་གཉེན་ཞེས་པས་འདོན༔ གདུལ་བྱ་གངས་ཅན་ཡུལ་ཁྱབ་འབྱུང་༔ ཞེས་པའང་མངའ་བདག་ཉང་གི་གདུང་བརྒྱུད་མི་རབས་བཅུ་གསུམ་རྫོགས་ཟིན་པའི་རྗེས་སུ་འབྱོན་པའི་དུས་དང་། སྟག་ཚང་མིང་ཅན་བཅུ་གསུམ་ལས་རོང་རྨེ་དཀར་མོ་སྟག་ཚང་ལས་ཟབ་གཏེར་བཞེས་པའི་གནས་སོགས་གསལ་བར་བསྟན། ཆོས་རྒྱལ་རིན་ཆེན་གླིང་པའི་རྫོགས་ཆེན་ཆིག་ཆོད་ཀུན་གྲོལ་གྱི་གཏད་རྒྱའི་ལུང་བསྟན་ལས། མ་འོངས་དུས་མཐར་བཀའ་བརྒྱུད་ཡལ་བའི་ཚེ༔ བི་མས་བྱིན་བརླབས་ཆོས་འདི་སྤྱོད་པ་ན༔ བཻ་རོའི་ཐུགས་བསྐྱེད་རྒན་གཞོན་བྱིས་པའི་ཚུལ༔ གསུམ་གྱིས་འཆད་ནས་ཅུང་ཟད་དར་ཡང་སྲིད༔ ཅེས་གསུངས་པའི་དོན་བཞིན་ཆོས་རྒྱུན་ཆད་ནས་ཡུན་རིང་སོང་བ་ན། རྗེ་བླ་མ་ཉིད་ནས་དཔེ་རྒྱུན་བཙལ། གུ་རུ་རིན་པོ་ཆེ་དང་གཏེར་སྟོན་གྱི་ཡེ་

[Full Size]

ཤེས་ཀྱི་སྐུས་ཉེ་བརྒྱུད་སྩལ་བ་ལྟར་རྒན་པ་ཁོ་བོ་དང་། གཞོན་པ་དཔའ་བོ་མཆོག་སྤྲུལ་དང་། བྱིས་པའམ་ཆུང་བ་སྤུ་བོ་རྦ་ཁ་སྤྲུལ་སྐུ་རྣམས་ཡིན་པར་མཛད་ནས་རིམ་པར་སྩལ་བས་ལུང་དོན་དང་འབྱོར། མངའ་རིས་པ་ཆེན་གྱི་བཀའ་བརྒྱད་ཡོངས་འདུས་ལུང་བྱང་ལས། བདག་དང་ནམ་མཁའི་སྙིང་པོའི་སྨོན་ལམ་ལས༔ ཁམས་ཀྱི་ཕྱོགས་སུ་འབྲུག་གམ་བྱི་ཕག་ལོ༔ སྡེ་སྣོད་རྒྱུད་སྡེའི་གསང་བ་ཀུན་བསྡུས་ནས༔ རིག་འཛིན་རྣམ་བཞིའི་བརྒྱུད་པ་རྒྱས་པར་བྱེད༔ མཐར་ནི་དཔལ་ཆེན་ཐུགས་དང་གཉིས་སུ་མེད༔ ཅེས་ས་ཕྱོགས་དགུང་སྙིང་མཛད་པ་བཅས་གསལ་བར་བསྟན་ལ། སྤྲུལ་གཞིའི་ཁྱད་པར་ཡང་སྤྱིར་རྗེ་འབངས་རྣམས་ཡེ་ཤེས་ཀྱི་དབྱིངས་གཅིག་པར་མ་ཟད། པ་ཆེན་རིན་པོ་ཆེའི་སྤྲུལ་གཞིར་དམིགས་སུ་གསུངས་པས་ཤིན་ཏུ་ངེས་པ་ཡིན་པ་དང་། གཞན་ཡང་རྡོ་རྗེ་གླིང་པ། བདུད་འདུལ་རྡོ་རྗེ་རྣམས་ཀྱི་ལུང་ལས་ཀྱང་ཤིན་ཏུ་གསལ་བར་བསྟན་ཅིང་། རོལ་པའི་རྡོ་རྗེའི་བྲག་གཏེར་ལུང་ལས་ཀྱང་། མཉྫུའི་མཚན་ཅན་ངུར་སྨྲིག་འཆང་བ་འབྱུང་༔ཞེས་སོགས་གཏེར་རྙིང་འགའ་ཞིག་ལས་རང་གིས་མཐོང་ཚོད་བཀོད་པ་སྟེ། ལུང་ཟིན་གྱི་སྐྱེས་བུ་ལ་འདྲ་མིན་དང་མི་ནོར་བའི་མཚན་རྟགས་ཀྱང་དགོངས་འདུས་ལུང་བསྟན་ཆེན་མོ་ལས། གང་ཡང་མི་འགྱུར་བརྡ་རྟགས་གསུམ་དང་ལྡན༔ ལུས་ལ་ལྟེ་སྨེ་སྙིང་གར་ཤ་མཚན་ནམ༔ སྨེ་བ་དཀར་དམར་ཐིག་ལེས་སྤྲས་དང་གཅིག༔ ངག་ནི་སྙན་འགྱུར་ངག་ཚིག་རྩོལ་བ་ཅན༔ ཡང་ན་མགྲིན་པར་ཤ་མཚན་ཐིག་ལེའམ༔ པདྨ་ལས་བྱུང་པདྨའི་མིང་ལྡན་གཉིས༔ ཡིད་ནི་རྩེ་གཅིག་གདུང་ཤུགས་ང་ཉིད་དྲན༔ ཕུར་ཆུགས་འདི་མིན་ཡིད་ལ་མི་བྱེད་གསུམ༔ དེ་གསུམ་གསུམ་འཛོམ་མཆོག་ཡིན་གཉིས་

[Full Size]

འཛོམ་འབྲིང་༔ གཅིག་འཛོམ་ཐ་མ་གང་ཡང་ལས་ཅན་ཏེ༔ ཞེས་གསུངས་པའི་རྟགས་གསུམ་ཀ་རྗེ་འདི་ལ་མངའ་བ་དང་། མཆོག་གླིང་གཏེར་བྱོན་ཟབ་བསྐོར་བདུན་ལུང་བསྟན་ལས། ཁྲི་སྲོང་སྤྲུལ་པས་ཕ་བུའི་ལས་འཕྲོ་སྐྱོང་༔ ཞེས་པ་ནི་གཏེར་སྟོན་ཡོངས་གྲགས་སུ་འགྱུར་བའི་བཀའ་དྲིན་སྐྱོང་ཚུལ་འོག་ཏུ་སྨོས་པ་ལྟར་ལ། ཁྲི་སྲོང་སྤྲུལ་པ་རབ་བྱུང་འབྲུག་གི་ལོ༔ ཡང་ན་ཡོས་ཀྱི་ལོ་པ་ཤིང་ཁམས་པ༔ ཨཱ་ཡུའམ་ནི་མཉྫུའི་མིང་ཅན་ཞིག༔ བློ་གྲོས་མཐར་ཕྱིན་གཞན་སྣང་ཟིལ་གནོན་པ༔ སོ་བདུན་ལོ་ལ་ཆོས་འདི་འཕྲོད་པར་གྱིས༔ ཞེས་ཡང་དག་ཐུགས་ཀྱི་སྙིང་པོའི་ཆོས་བདག་དམིགས་སུ་གསུངས་པ་དང་། ཐུགས་སྒྲུབ་བར་ཆད་ཀུན་སེལ་གྱི་ཞལ་གདམས་སྙིང་བྱང་ལས༔ མངའ་བདག་སྤྲུལ་པ་དབང་པོའི་མིང་༔ ཀཿ ཐོག་ཉེ་བའི་ཕྱོགས་སུ་འབྱུང་༔ ཆོས་ཀྱི་སྒོ་འབྱེད་ཕྲིན་ལས་སྤེལ༔ ཅེས་གསུངས་པ་ལྟར་ཐོག་མར་རྣམ་གཉིས་ཞལ་རྒྱས་པས་གཏན་ལ་ཕབ་ཅིང་ཀུན་ཁྱབ་ཡོངས་གྲགས་ཀྱི་ཕྲིན་ལས་སྤེལ་བའི་བདག་པོའི་རྐྱེན་དུ་གྱུར་པ་དང་། ཁྱད་པར་གཏེར་གསར་ལུང་བྱང་སྙིང་གི་མེ་ལོང་ལས། དེ་ནས་ཡང་དག་བཤད་བྱ་བ༔བྱང་རྒྱུད་ཕྱོགས་ཀྱི་དམག་དཔུང་ཞིག༔ བོད་ཡུལ་དབུས་འདིར་སླེབ་པ་ན༔ བོད་ཁམས་བསྟན་པ་ཉམས་ལ་ཐུག༔ དེ་ཚེ་པདྨའི་ཐུགས་བསྐྱེད་མཐུས༔ ཟ་ཧོར་རྒྱལ་པོའི་གདུང་མཐའ་རུ༔ ཡབ་གཅིག་ཁྲི་སྲོང་སྤྲུལ་པ་འབྱུང་༔ པ་གྲུབ་ཁ་ཡར་འགའ་ཚོགས་ཏེ༔ ད་ལྟའི་བསྒྱུར་བཤད་ཆོས་རྣམས་ཀུན༔ དེ་དུས་ཅུང་ཟད་འཆད་ཉན་བྱེད༔ དེ་ནས་ཕལ་ཆེར་ནུབ་ཉའི་དུས༔ བི་མ་མི་ཏྲས་བྱིན་བརླབས་པ༔ ཁྲི་སྲོང་སྤྲུལ་པ་དགེ་སྦྱོང་ཚུལ༔ ལྕགས་ཁམས་འབྲུག་གི་ལོ་བ་ནི༔ སྐྱེས་བུ་བློ་རྩལ་ལྡན་པ་འབྱུང་༔

[Full Size]

སྙིང་པོའི་བསྟན་པ་གསལ་བར་བྱེད༔ བོད་ཁམས་བདེ་ཐབས་སྣ་ཚོགས་སྤེལ༔ ཁྱད་པར་བདག་གིས་དངོས་ཉམས་དང་༔ རྨི་ལམ་ཚུལ་དུ་བྱིན་བརླབས་པས༔ འཇམ་དཔལ་སྤྲུལ་པའི་རྒྱལ་པོ་ཉིད༔ གྲུབ་པ་མཆོག་གི་ཚུལ་བཟུང་ནས༔ མཐར་ཐུག་ནོར་བུ་ལྔ་ལ་སོགས༔ ཟབ་མོའི་གཏེར་སྒོ་འགའ་ཞིག་འབྱེད༔ ཡང་ན་བཀའ་རྙིང་བསྟན་པ་བསྐྱང་༔ འབྲེལ་ཚད་སྨིན་གྲོལ་ལམ་ལ་བཀོད༔ མདོ་སྔགས་སྤྱི་དང་སྙིང་པོའི་སྲོལ༔ གྲུབ་པ་བརྙེས་པའི་རིང་ལུགས་རྣམས༔ བཀའ་བསྡུ་འཆད་ཉན་སྒོམ་སྒྲུབ་ཀྱིས༔ དབུས་གཙང་མདོ་སྨད་ཀུན་ཏུ་དར༔ ཞེས་སོགས་གཏེར་གསར་ལུང་བྱང་ཐམས་ཅད་ལས་དཔལ་ཨོ་རྒྱན་དུས་གསུམ་མཁྱེན་པ་ཉིད་ཀྱི་རྡོ་རྗེའི་གསུང་གིས་ཡང་ནས་ཡང་དུ་བསྔགས་བརྗོད་ཀྱི་ཨུཏྤལ་ཆར་དུ་བསྙིལ་ཞིང་། རྗེ་ཉིད་ཀྱི་ཟབ་གཏེར། ཐུགས་རྗེ་ཆེན་པོ་སེམས་ཉིད་ངལ་གསོའི་ལུང་ལས། ནམ་ཞིག་སྤྲུལ་པའི་རྒྱལ་པོ་ཡི༔ སྐུ་གསུང་ཐུགས་ཡོན་ཕྲིན་ལས་ཀྱི༔ རྣམ་པར་རོལ་བ་མཐའ་ཀླས་པས༔ བོད་ཁམས་འགྲོ་རྣམས་སྐྱོབ་པ་དང་༔ བསྟན་པའི་མེ་རོ་ཡང་ཡང་གསོ༔ ཁྱད་པར་སུམ་ཅུའི་ཁ་རལ་དུས༔ གསུང་སྦྲུལ་བདུན་གྱི་གསུམ་པ་ནི༔ པདྨ་འོད་གསལ་མདོ་སྔགས་གླིང་༔ ཤེས་རབ་ཆེན་པོའི་རྩལ་རྡོལ་ཞིང་༔ བསམ་གྱིས་མི་ཁྱབ་ཉམས་མྱོང་ཅན༔ གཞན་སྣང་ཟིལ་གནོན་བརྟུལ་ཞུགས་དང་༔ གསང་བ་བསྲུང་ལ་བློ་བརྟན་པས༔ སུས་ཀྱང་བརྟག་པར་དཀའ་བ་ཞིག༔ ལྕགས་ཁམས་འབྲུག་གི་ལོ་ཤར་དུས༔ མདོ་ཁམས་འབྲི་རྫ་སྒང་རྒྱུད་ལས༔ བཀྲ་ཤིས་དབང་གི་གནས་ཀྱི་མདུན༔ ཆུ་བོ་ལྷུང་ལྷུང་འབབ་པའི་གཡས༔ རི་བོ་གླང་ཆེན་འགྱིང་འདྲའི་གདོང་༔ ཀླུ་དབང་འཁྱིལ་འདྲའི་བྲག་གི་སྟེང་༔ ངོ་མཚར་ལྟས་དང་བཅས་ཏེ་

[Full Size]

འབྱུང་༔ དེ་ཚེ་ད་ལྟའི་སྨོན་ལམ་མཐུས༔ རྒྱལ་བའི་བསྟན་པ་མཐའ་དག་དང་༔ ཁྱད་པར་སྙིང་པོའི་དོན་ལ་མོས༔ མང་དུ་ཐོས་པས་མི་ངོམས་ཤིང་༔ ཐོས་དོན་ཉམས་ལེན་གཏན་ལ་འབེབས༔ མར་མེ་འཆི་ཀ་ལྟ་བུ་ཡི༔ ཟབ་ལམ་མང་པོའི་སྲོག་མཐུད་ནས༔ རང་དང་གཞན་གྱི་མཐུས་བཟུང་སྟེ༔ ཕྱོགས་མཐའ་ཀུན་ཏུ་རྒྱས་པར་བྱེད༔ ཅེས་དང་། གྲུབ་ཐོབ་བཀའ་བརྒྱད་ལས། འོ་མའི་ནང་ནས་མར་དང་ནི༔ མར་གྱི་སྙིང་པོ་ཞུན་བྱས་ལྟར༔ ལྟ་སྒོམ་སྤྱོད་འབྲས་བོགས་འདོན་དང་༔ སྒྲུབ་པའི་གཞུང་དང་ཡན་ལག་བཅས༔ རྣལ་འབྱོར་བདག་གི་སྙིང་ཐིག་འདི༔ བོད་ཀྱི་རིག་འཛིན་སྔགས་པ་གཞན༔ སུ་ལའང་འཕོ་བའི་སྐབས་མེད་པས༔ རིན་ཆེན་ལྟ་བུའི་གང་ཟག་ནི༔ གཅིག་ཅར་རིགས་ཅན་བརྟུལ་ཞུགས་མཐོ༔ སུས་ཀྱང་མི་དཔོག་རང་ཟུངས་ཐུབ༔ བདག་དང་གཉིས་མིན་རྣལ་འབྱོར་པ༔ མཚན་ཉིད་ལྔ་དང་ལྡན་པ་ཞིག༔ འདི་ནས་བདུན་བརྒྱའི་ལོ་ཁོངས་སུ༔ མདོ་ཁམས་བར་ནས་འབྲུག་གི་ལོ༔ གཉོས་ཀྱི་རིགས་འཛིན་སྒ་ཡི་བུ༔ ལྕགས་ཁམས་དཔའ་བོའི་མཚན་རྟགས་ཅན། པདྨ་རྒྱལ་པོས་བྱིན་བརླབས་པས༔ བཀའ་བབས་བདུན་ལྡན་མདོ་སྔགས་གླིང་༔ བི་མ་མི་ཏྲས་བྱིན་བརླབས་པས༔ འོད་གསལ་སྤྲུལ་པའི་རྡོ་རྗེ་སྟེ༔ འཇམ་དཔལ་སྤྲུལ་པའི་མངའ་བདག་གིས༔ བྱིན་བརླབས་ཆོས་ཀྱི་བཤེས་གཉེན་ཞེས༔ སྒྱུ་མ་ལྟ་བུའི་སྐྱེས་བུ་འབྱུང་༔ ཞེས་པས་མཚོན་གཏེར་ཁ་རེ་རེ་བཞིན་རྒྱ་ཆེར་འབྱུང་ཡང་སོ་སོའི་གཞུང་དུ་གསལ་བས་འདིར་འགོད་པའི་སྤྲོས་པ་མ་བགྱིས་ཤིང་། གཏེར་ཁ་ཕལ་ཆེར་ལས། མངའ་བདག་གི་སྐུ། པདྨའི་གསུང་། ནམ་མཁའི་སྙིང་པོའི་ཐུགས། བི་མའི་ཡོན་ཏན། ལང་གྲོ་དཀོན་མཆོག་ཕྲིན་ལས་ཀྱི་རྣམ་འཕྲུལ་དུ་བསྔགས་པས་རྣམ་ཐར་མཐའ་ཡས་

[Full Size]

པའི་བདག་ཉིད་ཅན་དུ་ཤེས་པར་བྱའོ། །གཉིས་པ་བསམ་བཞིན་དུ་སྐྱེ་བ་ཇི་ལྟར་བཞེས་པའི་ཚུལ་ནི། བདག་ཉིད་ཆེན་པོ་རྣམས་སྤངས་རྟོགས་མཐར་སོན་པས་སྲིད་པ་ཉེ་བར་ལེན་པའི་ས་བོན་རྩད་ནས་བཅད་ཟིན་ཀྱང་གདུལ་བྱའི་ཡུལ་དང་ཐུགས་རྗེའི་རྐྱེན་ཚོགས་པ་ལ་བརྟེན་ནས་སྲིད་པའི་གཟུགས་སུ་མངོན་པར་སྣང་བ་སྟེ། རྒྱུད་བླ་མ་ལས། ཇི་ལྟར་བཻ་ཌཱུའི་ས་གཞི་གཙང་མ་ལ། །ལྷ་དབང་ལུས་ཀྱི་གཟུགས་བརྙན་འཆར་བ་ལྟར། །དེ་བཞིན་འགྲོ་སེམས་ས་གཞི་གཙང་མ་ལ། །ཐུབ་པའི་དབང་པོའི་སྐུ་ཡི་གཟུགས་བརྙན་འཆར། །ཞེས་གསུངས་པ་དང་རྗེས་སུ་མཐུན་པ་དང་། གདུལ་བྱ་གདུལ་དཀའ་བ་རྣམས་ལ་ལྷག་པར་ཡང་ཐུགས་རྗེ་ཆེན་པོ་སྐྱེས་ནས་བསམ་བཞིན་དུ་སྲིད་པར་ཉིང་མཚམས་སྦྱོར་ཏེ། བརྒྱད་སྟོང་འགྲེལ་ཆེན་ལས། གཞན་དོན་བརྩེ་བ་ཅན་རྣམས་སྲོག་ཕྱིར་ཡང་། །རང་གི་ནུས་པ་ལྷོད་པར་མི་བྱེད་དེ། །སྐྱེས་བུ་དམ་པ་ཁུར་ལྕི་ཁུར་བ་དག །ཉམ་ངའི་གནས་སུ་ནམ་ཡང་འདོར་མི་བྱེད། །ཅེས་གསུངས་པ་ལྟར་དེང་སང་སྐྱེ་བོ་མི་སྲུན་པ་རྣམས་ལ་བཟང་ངན་ལས་ཀྱི་འབྲེལ་བ་ཅུང་ཟད་ཙམ་གྱིས་ཀྱང་ཐར་པའི་ཁ་ལོ་གྱེན་དུ་སྒྱུར་བ་ལ་གཟིགས་ནས་སྐུ་སྐྱེ་བ་བཞེས་པའི་ཡུལ་ནི། མདོ་ཁམས་ཆུ་བཞི་སྒང་དྲུག་ལས་ཟལ་མོ་སྤང་། ཆོས་སྐྱོང་བའི་རྒྱལ་པོ་སྡེ་བཞི་དགེ་བ་བཅུ་ལྡན་གྱི་རྒྱལ་ཁབ་ཆེན་པོའི་ཤར་ཕྱོགས། ཁམས་ཕྱོགས་གནས་ཆེན་ཉེར་ལྔའི་ནང་ཚན་ཕྲིན་ལས་འགྲོ་འདུལ་སྤྲུལ་པའི་གནས་བརྒྱད་ལས་དབང་གིས་འདུལ་མཛད་རི་བོ་དབང་ཞུ་དང་། ཡོན་ཏན་གནས་ལྔ་གཅིག་འདུས་རྫོང་ཤོད་བདེ་གཤེགས་འདུས་པའི་ཕོ་བྲང་། གཡུང་དྲུང་རྣམ་པར་བཀོད་པའི་གནས་མཆོད་རྟེན་དགུ་བརྩེགས་སོགས་གནས་ཆེན་གནས་ཕྲན་མང་པོས་བསྐོར་ཅིང་ཆོས་རྟེན་གྱི་གཏེར་ཁ་

[Full Size]

དུ་མས་གཏམས་པས་གཏེར་ཀླུང་ཞེས་བྱ་བའི་ཡུལ་ལྗོངས་སུ། མངའ་བདག་ཉང་གི་གཏེར་ལུང་གིས་གསལ་བར་བསྟན་པ་ལྟར། རྒྱབ་རི་རྩེ་སྒང་ཞེས་པའི་མདུན་རོལ། འོག་ཏུ་བྲག་རི་སྦྲུལ་འཁྱིལ་བའི་གཟུགས་སུ་གནས་པའི་སྟེང་དུ་དེའུ་ཡོད་པས་དེ་ལ་མགོ་ཞེས་པར། རུས་ནི་ཤིང་ཁམས་སྒ་དང་། རིགས་ནི་མྱོས་ཡིན་པར་གྲགས་པས་འོད་གསལ་ལྷ་ལས་མཆེད་པའི་རིགས། སྔོན་གྱི་དུས་འབྲི་གུང་སྐྱོབ་པ་འཇིག་རྟེན་གསུམ་གྱི་མགོན་པོའི་ཞལ་སློབ་ཀྱི་གཙོ་བོ་རང་མཉམ་བཅུ་གསུམ་གྲགས་པའི་གྲུབ་ཐོབ་ཆེན་པོ་དཔལ་ལྡན་བྱང་ཆུབ་གླིང་པ་ཞེས་དཔལ་སྤུངས་དགོན་ཐོག་མར་འདེབས་པ་པོའི་དབོན་བརྒྱུད། ལྷ་ཆོས་དང་མི་ཆོས་གང་ལའང་ཕུན་སུམ་ཚོགས་པ་རིམ་པར་བྱུང་བའི་མཐར། ཡ་རབས་དྲྭ་མའི་རིགས་ཀྱི་ཡོན་ཏན་ཕུན་སུམ་ཚོགས་པས་མི་ཆོས་ཀྱི་དཔེར་འོས་ཤིང་སྙན་དངགས་དང་རྩིས་དཀར་ནག་ཡིག་བྲིས་སོགས་ལ་མཁས་པའི་རྩེར་སོན་པས་ཆོས་རྒྱལ་ཆེན་པོའི་དྲུང་ཆེན་གྱི་ལས་ཀ་འཛིན་པ། ཆོས་ཕྱོགས་ལའང་ཤིན་ཏུ་དད་པས་རྟེན་གསུམ་ཁྱད་པར་ཅན་བཞེངས་པ་དང་ཁ་ཏོན་ཚོགས་གསོག་ལ་རྟག་ཏུ་བརྩོན་པ། ཤར་ཆེན་རིན་ཆེན་མི་འགྱུར་རྒྱལ་མཚན་ནས་བྱང་ཆུབ་སེམས་དཔའི་རིགས་ཅན་ཅིག་ཡིན་ཅེས་བཀའ་སྩལ་ནས་རིན་ཆེན་དབང་རྒྱལ་ཅེས་བཏགས་པ་ཉིད་སྐྱེད་པའི་ཡབ་དང་། ས་ཕྱོགས་འདིར་རིགས་རུས་ཐོབ་ཐང་ཆེ་བར་གྲགས་པ་དགེ་རབ་གཉེར་ཆེན་མགོན་ཚེའི་བུ་མོ་བསོད་ནམས་འཚོ་ཞེས་པ་སྐྱེད་པའི་ཡུམ་སྟེ། ཡབ་ཀྱིས་སྔོན་དུས་གྲུབ་དབང་ཆེན་པོ་འཇིགས་མེད་ཕྲིན་ལས་འོད་ཟེར་ལ་ཁོ་བ་རབ་ཏུ་བྱུང་ན་ཅི་འགྱུར་ཅེས་ལུང་བསྟན་ཞུས་པ་ན་ཁྱེད་རང་རབ་ཏུ་མ་བྱུང་ན་ལེགས་ཤིང་སྐྱེ་བོ་བྱས་ན་རིགས་རྒྱུད་ལ་སྤྲུལ་པའི་སྐུ་ཁྱད་པར་ཅན་འབྱུང་ཞིང་དེས་བསྟན་འགྲོ་ལ་ཕན་པ་རླབས་པོ་ཆེར་འགྱུར་བའི་ཚུལ་ནན་ཏན་དུ་ལུང་

[Full Size]

བསྟན་པའི་ཚུལ་ད་ལྟའང་ཡོད་པར་སྣང་། དེ་ལྟར་ཡབ་ཡུམ་དེ་གཉིས་ལས་སྲས་གཉིས། སྲས་མོ་ལྔ་བྱུང་བའི་ཆུང་ལྟག་ཏུ་རྗེ་འདི་ཉིད་ཕེབས་པ་ཡིན་ལ། ལྷུམས་སུ་ཞུགས་པའི་ཚེ་ཡབ་ཡུམ་གྱིས་མནའ་ལྟས་ཁྱད་པར་ཅན་གཟིགས་པ་སོགས་སྔ་ཕྱི་ཀུན་ཏུ་དགེ་མཚན་དུ་མ་བྱུང་ཡོད་པ་གཞིར་བཅས་ཀྱང་གཏན་ཁེལ་གྱི་ཐོར་འཁོད་པ་སོགས་མི་སྣང་། ཕྱིར་ཉིན་སྐུ་བལྟམས་རྒྱུའི་ནང་མོར་ཐོ་རངས་ཉི་མའི་དཀྱིལ་འཁོར་ཤར་བ་ལྟ་བུས་འོད་ཀྱིས་ཁྱིམ་ནང་གང་བ་གཡོག་མོ་ཞིག་གིས་མཐོང་ནས་ཉི་མ་ཤར་བ་རེད་སྙམ་ནས་ཧར་ལངས་ཏེ་མེ་འབུད་པ་སོགས་བྱས་རྗེས་ཐོ་རངས་ཙམ་དུ་འདུག་པ་དང་། ནང་མོ་ཆུ་ལེན་པས་ཆུ་ཟོམ་གང་ཁུར་འོང་བས་ཁྱིམ་དུ་སླེབ་དུས་འོ་མར་གྱུར་པ་ནི་ཀུན་གྱིས་མཐོང་གསལ་ཡིན་འདུག །སྐུ་འཁྲུངས་པའི་དུས་ནི་རབ་བྱུང་བཅུ་བཞི་པ་ལྕགས་ཕོ་འབྲུག་གི་ལོ། །ཐུབ་པའི་དབང་པོས་ཆོས་ཀྱི་འཁོར་ལོ་ཐོག་མར་བསྐོར་བའི་དུས་ཆེན་ཆུ་སྟོད་ཀྱིས་ཉ་བའི་དཀར་ཕྱོགས་ཀྱི་དགའ་བ་གཉིས་པ། རེས་གཟའ་ཟླ་བའི་སྲས་པོ། རྒྱུ་སྐར་ནབས་སོར་རྩེ་བའི་ཉིན་ཕྱེད་རྟའི་དུས་ལ་མཚན་དཔེའི་དཀྱིལ་འཁོར་གསལ་བའོ། །སྐུ་འཁྲུངས་པའི་གནས་ནི། ཡབ་གཞིས་འབྱོར་ལྡན་ཆེན་པོའི་རིགས་ཡིན་པས་སྟོན་དགུན་ཏུ་ཐམས་ཅད་ཡུལ་ཁྱིམ་དུ་འཁོད་པ་དང་། དཔྱིད་དབྱར་འབྲོག་སྒར་དུ་གནས་པའི་སྲོལ་ཡོད་པས་སོས་ཀའི་རུ་བ་ཕྱིས་སུ་རྗེ་ཉིད་དང་གཏེར་ཆེན་མཆོག་གླིང་ལྷན་རྒྱས་པས་རིག་འཛིན་ཡོངས་རྫོགས་ཀྱི་སྙིང་ཐིག་སྤྱན་དྲངས་བའི་གཏེར་གནས་ཁྱུང་ཚང་བྲག་གི་མདུན་ཞོལ་དུ་ཡོད་པ་མ་ཡུམ་ལ་ལྷུམས་སུ་ཞུགས་ནས་ཟླ་བ་བརྒྱད་ལས་མ་སོང་སྟབས་དོགས་པ་མེད་པས་དབྱར་རུལ་སྦོ་རྒྱུའི་སྔ་སྐྱས་ཐམས་ཅད་ཐེག་ཚར་བ་དང་། བཙའ་བའི་ལྟས་བྱུང་བས་རས་དཀར་གྱི་ལྡིང་གཡབ་ཕུབ་པའི་ནང་དུ་རེ་ཞིག་བཞུགས་

[Full Size]

པས་གནོད་པ་མེད་པར་བདེ་བར་བལྟམས། དེའང་དབུ་སྐྲ་ནག་སི་ལེབས་སྙན་ཡན་ཁེབས་པ་དང་། ཕྲུམ་ཆོས་གོས་བཞིན་དུ་དཀྲིས་པའི་སྟེང་དུ་རྩྭ་མཆོག་ཀུ་ཤས་བསྡམས་པ་ཞིག་ཏུ་བྱོན་པར་སྣང་སྟེ། གུ་རུ་ཇོ་རྩེའི་གཏེར་ལུང་ལས། མོན་བུ་སྤྱི་རིང་སྐྲ་ཡི་ལྭ་བ་ཅན༔ རི་བོ་ཁྱུང་ཆེན་ལྡིང་བའི་ཞོལ་དུ་འབྱུང་༔ ཞེས་པ་ཉིད་རང་གླིང་སོགས་གཏེར་སྟོན་འགའ་ཞིག་གིས་ཀྱང་ཞལ་བདག་མཛད་མོད། སྤྱི་ལུང་ཡིན་ཕྱིར་གཅིག་ཁོ་ནར་ངེས་པ་མེད་ལ། འདིར་ནི་བོད་ཡུལ་དབུས་ལ་ཆ་བཞག་པའི་ཡུལ་མཐའ་རྣམས་སུ་སྐྱེས་པ་ལ་མོན་བུའི་སྒྲ་འཇུག་པ་དང་། ལྕང་ལོ་སླད་ནས་བཞག་པ་མང་མོད་སྐྲའི་ལྭ་བ་ལྷན་སྐྱེས་སུ་འབྱུང་བ་དང་། འཁྲུངས་པའི་གནས་ཀྱི་རིའི་མིང་རྣམས་ཤིན་ཏུ་གསལ་བར་བསྟན་པ་ཡིན་ནོ། །གནས་གསར་མཁྱེན་བརྩེ་སྐུ་བལྟམས་པའི་ཚེ་ལྟེ་བས་ཆོས་གོས་བཞིན་དུ་དཀྲིས་པ་ལ། འཚོ་བྱེད་མཁས་པ་རིན་ཆེན་པས། འདིའི་ལྟེ་བའི་དཀྲི་ཚུལ་ལ་དཔྱད་ན། ངེས་པར་བསྟན་པ་ལ་ཕན་པའི་དགེ་བཤེས་ཞིག་འབྱུང་ཞིང་། རྒྱུད་ལས། དེ་འདྲ་གསོ་སླ་མི་ནོར་བཀྲ་ཤིས་བྱེད། །ཅེས་འབྱུང་བས་ཁབ་ཏུ་བཞུགས་ཀྱང་གཞན་དང་མི་འདྲ་བ་ཞིག་འབྱུང་ཞེས་ལུང་བསྟན་ཞུས་པ་ལྟར་ཕྱི་ནས་དེ་ཁོ་ན་ལྟར་བྱུང་བ་དང་། ཀུ་ཤ་ནི་དག་བྱེད་དགེ་བའི་རྩྭ་རྒྱལ་བའི་གསུང་དང་ཐུན་མོང་རིག་བྱེད་ལས་ཀྱང་ཡོངས་སུ་གྲགས་པ་ཡིན་པས་ལས་ཉོན་གྱི་སྒྲིབ་པ་དང་མངལ་གྱི་དྲི་མས་ཐུགས་རྒྱུད་ལ་མ་གོས་པའི་བརྡར་སྣང་ངོ། །དེ་ནས་ཡུལ་ལུགས་དང་མཐུན་པའི་ཞབས་འདེགས་ཞུས་ཏེ་རིམ་པར་སྐུའི་སྐྱེད་བསྲིངས། ཡབ་ཀྱིས་ཚེ་རིང་དོན་གྲུབ་ཅེས་པའི་མཚན་གསོལ། །ཐུགས་ཀྱིས་དྲན་ཙམ་གྱི་དུས་ནས་ཡེ་ཤེས་ཀྱི་མགོན་པོ་ཕྱག་དྲུག་པ་དང་སྔགས་སྲུང་ཨེ་ཀ་ཛཱ་ཊིས་ཤིན་ཏུ་བརྩེ་ཞིང་རྗེས་སུ་སྐྱོང་བར་མཛད་པ་གཟིགས་ཤིང་

[Full Size]

སྔོན་རབས་ཀྱི་སྐྱེ་བ་མང་པོ་འལ་འོལ་དུ་དྲན། གཟིམས་ཁང་ནས་ནང་མོ་བཞེངས་ཏེ་རྒྱབ་ཏུ་ཆབ་བསིལ་ལ་ཕེབས་སྐབས་གཡས་ཕྱོགས་སུ་རི་བོ་དབང་ཞུའི་རི་གདོང་དུ་དཀར་འཛང་བྲག་ཅེས་པའི་བྲག་དཀར་དེའི་ངོས་སུ་ཨོ་རྒྱན་རིན་པོ་ཆེའི་སྐུ་ཤིན་ཏུ་གསལ་བ་ཞིག་བཞུགས་པ་ནང་རེ་བཞིན་གཟིགས་པ། དེ་སྐབས་བྲག་ངོས་ལ་དེ་འདྲ་ཞིག་ཡོད་དར་བ་རེད་དགོངས། ཕྱིས་དཔྱད་དུས་བྲག་དེར་སྐུ་ཚབ་ཁྱད་པར་ཅན་ཞིག་གཏེར་དུ་བཞུགས་ཡོད་པ་ཡིན་འདུག་གསུངས། མཁན་ཆེན་བྱམས་པ་ཀུན་དགའ་བསྟན་འཛིན་ས་སྐྱོང་སྡེ་དགེའི་དབུ་བླར་མཛད་ནས་གཏེར་ལུང་དུ་ཕེབས་སྐབས་དིལ་མགོར་གདན་འདྲེན་ཞུས། རྗེ་འདི་དགུང་ལོ་གསུམ་པ་ཞེས་པ་མ་ཡུམ་གྱི་པང་ན་འཚོ་བའི་སྐབས་ཐོག་མར་མཇལ་ཏེ་གཙུག་ཏོར་རྣམ་པར་རྒྱལ་མ་ལྷ་དགུའི་རྗེས་སུ་གནང་བ་གསན་པས་ཐུགས་ཀྱི་སྲས་སུ་འགྱུར་བའི་རྟེན་འབྱུང་ལེགས་པར་འགྲིགས། དགུང་ལོ་བཞི་ལྔ་བཞེས་པ་ནས་རབ་ཏུ་བྱུང་བའི་ཕྱོགས་ལ་ཤིན་ཏུ་དགྱེས་ཤིང་། མདོ་སྡེ་རྒྱན་ལས། སྦྱོར་བའི་སྔོན་དུ་སྙིང་རྗེ་དང་། །མོས་པ་དང་ནི་བཟོད་པ་དང་། །དགེ་བ་ཡང་དག་སྤྱོད་པ་ནི། །རིགས་ཀྱི་རྟགས་སུ་ཤེས་པར་བྱ། །ཞེས་གསུངས་པ་ལྟར་ཐེག་པ་ཆེན་པོའི་རིགས་སད་པའི་རྟགས་རྣམས་དང་ལྡན་པ་དང་། སྐུ་རྩེད་ཀྱང་བླ་མའི་གོས་བཟུང་ནས་དབང་བསྐུར་ཆོས་བཤད་ལ་སོགས་པ་དང་། །བཀའ་འདུས་ཆོས་ཀྱི་རྒྱ་མཚོའི་སྒྲུབ་ཆེན་མཛད་པ་ཡིན་གསུངས་ནས་འཇིམ་སོགས་ལས་གཏོར་མའི་ཚོམ་བུ་མང་པོ་བཀོད། དེ་ལ་ཤོག་བུ་དཀར་སེར་དམར་པོ་རྣམས་ཀྱི་རྒྱན་བཏགས་ནས་འདོན་དབྱངས་ཁོ་ནར་མཛད་པ་སོགས་བྱིས་པ་ཕལ་པའི་སྤྱོད་པ་ལས་འདས་པས་ཡུལ་མི་རྣམས་ཀྱིས་ཀྱང་སྤྲུལ་པའི་སྐུར་དེས་བརྙེད་པའི་ངོ་མཚར་བསྟན། འདི་སྐབས་ཀློག་སློབ་པའི་བཅའ་ག་མཁན་

[Full Size]

པདྨ་བཀྲ་ཤིས་ཟེར་བ་གཏུམ་པོ་ཞིག་ཡོད་པ་དེའང་བསམ་པ་བཟང་པོ་ཡིན་པ་གཞིར་བཅས་ཀྱང་། རྗེ་འདི་ཉིད་སྤྲུལ་པ་པོ་ཡིན་པར་མ་ངེས་ནས་བྱིས་པ་ཕལ་པ་ལྟར་གཅུན་པ་ཞིག་ཡོད་པ་དེའི་མཐོང་ཚོར་སར་ཅོག་གེར་བཞུགས་པ་མ་གཏོགས་སྐུ་རྩེད་གང་ཡང་མི་ཆོག་པས་ལན་གཅིག་ཁོ་རང་གཞན་དུ་སོང་བའི་ཤུལ་དུ་བཀའ་འདུས་ཆོས་ཀྱི་རྒྱ་མཚོའི་ཚིག་མང་པོ་གྱེར། གོང་སྨོས་ལྟར་གཞི་བཀོད་ཡོད་པ་ལ་མ་ཚོར་བར་ཁོ་རང་བྱུང་ནས་གཞི་རྡོག་པས་འཕྱགས། རྗེ་ཉིད་ལའང་འོ་བརྒྱལ་ཞུས་པ་དང་། དུས་རྒྱུན་གཟིགས་སྣང་ཤིན་ཏུ་མང་པོ་ཡོད་འདུག་པས་གཞན་གྱིས་ཀྱང་མཐོང་ངམ་དགོངས་པ་དང་། མནལ་ལམ་ཟུར་ཙམ་གསུངས་པ་ལའང་དད་ལེན་མེད་པའི་ཁར་ཁྱད་གསོད་ཁོ་ན་ཞུས་ཡོད་འདུག །དེས་ཐུགས་ཆེས་སུན་པར་གྱུར་པས་རྩ་བའི་རྟེན་འབྲེལ་འཆུག་པའི་རྐྱེན་དུ་བྱས་ཡོད་པར་སྣང་། སྐྱེས་བུ་དམ་པ་རྣམས་སྐུ་ནར་མ་སོན་པ་དང་ཐུགས་དམ་གྱི་རྩལ་མ་རྫོགས་བར་དུ་བར་གཅོད་ཆེས་མང་བར་འབྱུང་བ་ནི་ཆོས་ཉིད་ཡིན་ཏེ། སྡུད་པ་ལས། དཔེར་ན་རྒྱལ་པོའི་བུ་ཞིག་ནོར་གཏོང་དོན་འདོད་པ། །ཀུན་གྱི་གཙོ་བོར་གྱུར་ཏེ་མངོན་པར་འགྲོ་བྱ་འོས། །འདི་ནི་ད་ལྟ་ན་ཡང་སེམས་ཅན་མང་དགའ་བྱེད། །ཐབས་ཐོབ་གྱུར་ཏེ་རྒྱལ་སྲིད་གནས་ནས་སྨོས་ཅི་དགོས། །དེ་ལྟར་ཤེས་རབ་སྤྱོད་མཁས་བྱང་ཆུབ་སེམས་དཔའ་ཡང་། །བདུད་རྩི་སྦྱིན་པར་བྱེད་ཅིང་ལྷ་དང་མི་རྣམས་དགའ། །འདི་ནི་ད་ལྟ་ན་ཡང་སེམས་ཅན་མང་ཕན་བརྩོན། །ཆོས་ཀྱི་རྒྱལ་པོར་གནས་པར་གྱུར་ནས་སྨོས་ཅི་དགོས། །དེ་ཡི་ཚེ་ན་བདུད་ནི་ཟུག་རྔུ་ལྡན་པར་འགྱུར། །མྱ་ངན་ཉམ་ཐག་སྡུག་བསྔལ་ཡིད་མི་བདེ་ཉམ་ཆུང་། །ཇི་ལྟར་བྱང་ཆུབ་སེམས་དཔའ་འདི་ཡིད་ནུར་འགྱུར་ཞེས། །འཇིགས་པ་བསྟན་ཕྱིར་ཕྱོགས་རྣམས་སྲེག་ཅིང་སྐར་མདའ་

[Full Size]

གཏོང་། །ཞེས་གསུངས་པ་ལྟར་དང་གཞན་གྱི་བཙོག་གྲིབ་སོགས་ལ་བརྟེན་ཐུགས་རིག་མི་གསལ་ཅིང་། ལྗགས་བདེ་བའང་མེད་པས་དགུང་ལོ་ལྔའི་དུས་ནས་ལྗགས་ཀློག་སྦྱངས་ཀྱང་རེ་ཞིག་འགོར། དགུང་ལོ་བརྒྱད་པ་ཙམ་ནས་ཡབ་ཉིད་ལས་ཡིག་བྲིས་དང་། །རྩིས་དཀར་ནག་སོགས་ཅུང་ཟད་རེ་སྦྱངས། ཡབ་ཚན་དུ་གྱུར་པ་འཚོ་བྱེད་མཁས་པའི་དབང་པོ་ཚེ་དབང་གིས་གསོ་དཔྱད་སྦྱང་ན་ལེགས་པར་བསྐུལ་བ་ལྟར། ས་སྐྱོང་སྡེ་དགེའི་བླ་སྨན་པ་ཆེན་པོ་ཆོས་གྲགས་རྒྱ་མཚོ་སོགས་ལས་གསོ་རིག་གི་བཤད་པ་དང་ལག་ལེན་མཐར་ཕྱིན་པ་གསན། དེས་སད་བྱེད་ཀྱི་རྐྱེན་བྱས་ནས་དེ་ཕྱིན་ཐུགས་རིག་ཇེ་གསལ་དང་། ལྗགས་རིམ་བདེའི་རྣམ་པར་སོང་། དགུང་ལོ་བཅུ་གཉིས་བཞེས་པའི་དུས་ཙམ་ཐར་རྩེ་མཁན་ཆེན་རིན་པོ་ཆེ་བྱམས་པ་ཀུན་དགའ་བསྟན་འཛིན་ནས་ཡབ་དྲུང་ཆེན་པ་ལ་གསོལ་སྟོན་དང་། དར་ཕྱི་མཛོད། རྒྱ་དངུལ་རྡེལ་ཚད་གཅིག་གནང་ནས་ཁྱོད་ཀྱི་བུ་ཆུང་བ་དེ་མཁན་ཆེན་ནམ་མཁའ་འཆི་མེད་ཀྱི་སྤྲུལ་པའི་སྐུར་ངེས་པས་ཐར་རྩེ་ལ་བསླུ་བཏང་དགོས་གསུངས་པར། དྲུང་ཆེན་པས་ངེད་ཀྱི་བུ་རྒྱུ་དང་ཉོ་ཚོང་བྱེད་པའི་དགོས་པ་མེད། བསྟན་འགྲོ་ལ་ཕན་ཐོགས་པ་ཞིག་འབྱུང་བའི་དགོངས་བཞེད་ཡོད་ན་ཉིད་ལ་འབུལ་ཆོག་ཞུས་ནས་དངུལ་མ་བླངས། །དེ་སྐབས་མཁན་ཆེན་བྱམས་པ་ཀུན་དགའ་བསྟན་འཛིན་པའི་ཞལ་སྔ་ནས། འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོ་ཞེས་པའི་མཚན་གྱི་ཅོད་པན་གྱིས་བརྒྱན་པར་མཛད། དེ་ཕྱིན་ནས་ཐར་རྩེ་སྤྲུལ་སྐུ་དང་ཞབས་དྲུང་ཞེས་པའི་མཚན་ཆགས། དེའི་རྒྱུ་མཚན་ཡང་། ཐར་རྩེ་མཁན་ཆེན་བྱམས་པ་ནམ་མཁའ་འཆི་མེད་དེ་ཉིད་དཔལ་ལྷུན་གྲུབ་སྟེང་གི་སྒྲུབ་ཁང་བླ་བྲང་དུ་ཞིང་གཤེགས་པར་ཉེ་བའི་སྐབས། སྡེ་དགེ་ས་སྐྱོང་ཆེན་པོས་སྐུ་སྐྱེ་ཕེབས་དགོས་ཚུལ་ནན་ཏན་དུ་

[Full Size]

གསོལ་བ་བཏབ་པས་དངོས་སུ་ཞལ་གྱིས་མ་བཞེས། ནང་འཁོར་སྐུའི་དབོན་རྗེ་འཇམ་དཔལ་བཟང་པོ་པ་སོགས་ལ། ས་སྐྱོང་རིན་པོ་ཆེས་དེ་ལྟར་གསུངས་ནའང་བར་དོའི་རྣམ་ཤེས་ལས་རླུང་གི་གཞན་དབང་ལས་རང་དབང་འདུས་པོ་ག་ལ་འོང་། དེ་འདྲའི་ཅི་མོས་ཆོག་ན་ད་དུང་ལོ་ཤས་མ་ཤི་བར་སྡོད་ན་དགའ་མོད། གལ་སྲིད་ངེས་པར་ཕྱོགས་འདིར་སྐྱེ་བ་ལེན་པའི་རང་དབང་ཞིག་བྱུང་ཕྱིན་དྲུང་ཡིག་རིན་ཆེན་དབང་རྒྱལ་དང་། ལ་བཙས་དབང་རྒྱལ་འདི་གཉིས་འདྲ་མོའི་བུ་ཚ་ཞིག་ཏུ་སྐྱེས་ན་མི་གཞི་བཟང་བས་བསྟན་པ་ལ་ཕན་པ་ཞིག་ཨེ་ཡོད། གཞན་ཆེ་བཙན་དང་མ་རབས་ཀྱི་རིགས་སུ་སྐྱེས་ན་ཕུགས་རང་གཞན་ལ་གནོད་པ་ལས་མེད་ཅེས་རང་བཞིན་བབས་འཕྲོས་སུ་སྩལ་རྗེས་མཁན་ཆེན་རིན་པོ་ཆེ་ཞིང་གཤེགས་པའི་དེ་ལོ་རང་དུ་རྗེ་འདི་ཉིད་འཁྲུངས་པ་དང་། དྲུང་ཡིག་ཡབ་རྗེ་དེ་ཉིད་ནས་རྗེ་ཉིད་ཀྱི་གསན་ཐོ་རིན་པོ་ཆེ་གླེགས་བམ་ཚང་མ་གསར་བསྒྲིགས་ཀྱི་ཞབས་འགྱུར་ཞུས་པ་སོགས་ཐུགས་ལ་མཆོག་ཏུ་འདོགས་པ་ཞིག་ཡིན་འདུག་པ་བཅས་གང་ཅིར་སྐུ་སྐྱེ་ངེས་པ་ཅན་ཡིན་ཅེས་རྗེ་འཇམ་དཔལ་བཟང་པོས་གསུངས། འོན་ཀྱང་མཁན་ཆེན་རིན་པོ་ཆེ་ཞིང་གཤེགས་པ་དང་། རྗེ་འདི་འཁྲུངས་པའི་བར་ལ་ཟླ་བ་དྲུག་ལས་མེད་སྟབས་སོགས་ཀྱིས་རྗེ་ཉིད་ནས་ཞལ་གྱིས་མི་བཞེས་རུང་། འགའ་ཞིག་དེ་འདྲ་མང་དུ་ཡོད་དེ། སྐྱེས་བུ་དམ་པ་རྣམས་འཚོ་བའི་འདུ་བྱེད་ནི་བཏང་། སྐུ་ཚེའི་འདུ་བྱེད་བྱིན་གྱིས་བརླབས་ཏེ་ལོ་ཟླ་ཅི་རིགས་པར་བཞུགས་པ་ཡོད་པས། འཚོ་བའི་འདུ་བྱེད་བཏང་མ་ཐག་ཐུགས་འདུན་གར་གཏད་དུ་སྐྱེ་བ་བཞེས་གྲུབ་པའི་ཕྱིར་ཞེས་གསུངས་པའང་ཐོས། གང་ལྟར་ཡང་བསྟན་པ་རིས་མེད་པ་ལ་ཕན་པའི་ཕྱིར་སྐྱེས་བུ་དམ་པ་ཐམས་ཅད་ཀྱིས་དགོངས་པ་གཅིག་ཏུ་བྱིན་གྱིས་བརླབས་པའི་སྤྲུལ་པར་ངེས་ཏེ། མངའ་རིས་པ་ཆེན་སོགས་ཀྱི་རྣམ་ཐར་

[Full Size]

དུ་འཕགས་བོད་མཁས་གྲུབ་ཕལ་མོ་ཆེའི་སྤྲུལ་པར་ལུང་བསྟན་ཚུལ་ཡོད་པ་དང་། སྤྱིར་འཕགས་ས་ཐོབ་ནས་སྐྱེས་བུ་དམ་པ་མང་པོའི་སྤྲུལ་པ་གཅིག་ཏུ་བྱིན་གྱིས་བརླབས་པ་དང་། སྐྱེས་བུ་དམ་པ་རྣམས་ཀྱང་སྤྲུལ་པ་བརྒྱ་ཕྲག་མང་པོ་དུས་གཅིག་ཏུ་སྟོན་ནུས་པའི་མིག་འཕྲུལ་ལྟ་བུའི་ཏིང་ངེ་འཛིན་དང་རྣམ་པར་ཐར་པ་བསམ་གྱིས་མི་ཁྱབ་པ་ལ་དབང་འབྱོར་བའི་ཕྱིར་གང་ལྟར་བཏགས་ཀྱང་འགལ་བ་མེད་པར་སེམས་ཏེ། གོང་དུའང་ཅུང་ཟད་སྨོས་པ་ལྟར་རོ། །འདི་སྐབས་དབྱར་སོས་སྐོར་དུ་སྐྱོ་སངས་ཆེད་སྐུ་རྐྱང་གིས་གཡས་གཡོན་སྤང་ལྗོངས་བྲག་རི་སོགས་ལ་ཕེབས་སྐབས་གཟིགས་སྣང་མང་པོ་དང་གཏེར་གྱི་ཆ་ཤས་ཕྱག་ཏུ་སོན་པ་ཡོད་འདུག་ཀྱང་གཞན་ནས་མཐོང་ཚོར་མེད། །ལན་ཅིག་བྲག་སྐྱིབས་ཤིག་ཏུ་ཕེབས་ནས་ཅུང་ཟད་མནལ་བ་ན། ནམ་མཁའ་ནས་དྷཱིཿཞེས་པའི་སྒྲ་ཆེན་པོ་གྲགས་པས་ཅུང་ཟད་ཤེས་པ་བརྒྱལ་ཐབས་སུ་སོང་། དེ་ལས་སད་མ་ཐག་འཇམ་དཔལ་གཞོན་ནུ་དང་སློབ་དཔོན་འཇམ་དཔལ་བཤེས་གཉེན་དབྱེར་མེད་པ་དངོས་སུ་མཇལ་ནས་བྱིན་གྱིས་བརླབས་པས་འཇམ་དཔལ་བཤེས་གཉེན་གྱི་སྙིང་ཐིག་སྒྲོན་མ་བདུན་པ་ཐུགས་ལ་བཀྲ་ལམ་མེར་གསལ་བ་ཕྱིས་དུམ་བུ་དང་པོ་ལོ་རྒྱུས་ཀྱི་སྒྲོན་མ་ཙམ་འབེབས་པར་མཛད་སོང་། །དགུང་ལོ་བརྒྱད་པར་འབྱུང་གདོན་གྱི་བར་ཆད་ཀྱིས་ཕྱག་གཉིས་ཐབ་ཆེན་མེ་འོབས་སུ་ཤོར་བས་ཟུག་རྔུའི་ཚོར་བས་ཤིན་ཏུ་གདུང་བའི་སྐབས་སུ་ཨོ་རྒྱན་རིན་པོ་ཆེ་ཡབ་ཡུམ་གྱིས་དངོས་སུ་ཞལ་བསྟན་ནས་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་ཅིང་བྱིན་གྱིས་བརླབས། ཡང་ཕུར་སྦྲགས་མའི་སྙིང་ཐིག་སྙན་བརྒྱུད་ཏུ་སྩལ་བས་སྐུ་ཁམས་འཕྲལ་དུ་དྭངས། ཞལ་གཟིགས་སྐོར་ནི་གཞན་ལ་ཟུར་ཙམ་ཡང་གསུང་བར་མི་སྣང་། དགུང་ལོ་བཅུ་བཞེས་པའི་སྐོར་ནས་ཡབ་མེས་རྣམས་ཀྱི་གྲྭ་ཤུལ་རྫོང་

[Full Size]

སར་དགོན་དུ་ཕེབས་ནས་རང་གཤགས་སུ་ཕལ་ཆེར་གདན་འཇགས་པར་མཛད། དགུང་གྲངས་བཅུ་གཅིག་སྐོར་དུ་ཀཿཐོག་རྡོ་རྗེ་གདན་དུ་ཕེབས། རང་གི་ཁུ་བོ་རྨོག་སྟོན་གསང་བདག་ཆེན་པོས་ཐུགས་བརྩེ་བས་སྐྱོང་ཞིང་། འཇིགས་མེད་མཁྱེན་བརྩེའི་ཟློས་གར་ཅེས་པའི་མཚན་གསོལ། གྲུབ་དབང་བྱང་ཆུབ་ཆོས་ཀྱི་ཉི་མ་ལས་ཀྱང་ཚེ་དབང་གསན་པས་སྐུ་ཚེ་མཐར་ཕྱིན་པའི་རྟེན་འབྲེལ་ཤིན་ཏུ་དགེ་བར་བྱུང་གསུངས། དགུང་ལོ་བཅུ་གཉིས་ཡན་ཆད་ནས་རིགས་ཀྱི་ནུས་པ་སད་དེ་ཅིའང་མ་བསླབས་པར་སྙན་ངག་གི་བསྟོད་ཚོགས་དང་། ཉམས་མགུར་སོགས་ཚིག་དོན་ཤིན་ཏུ་བཟང་བས་མཁས་པ་དང་གྲུབ་པ་རྣམས་ཀྱང་ཐུགས་འཕྲོག་ནུས་པ་བྱུང་། དེ་དུས་ཤེས་བྱའི་གནས་ལ་བསླབ་སྦྱོང་མཛད་རྒྱུ་བྱུང་ན་གངས་ཅན་ཙམ་ན་འགྲན་ཟླ་བྲལ་བའི་མཁས་པ་ཆེན་པོ་འབྱུང་ངེས་སུ་སྣང་ནའང་ཡབ་དྲུང་ཆེན་པ་གཤེགས་པ་སོགས་ཀྱིས་བསླབ་གཉེར་མཛད་རྒྱུ་མ་བྱུང་བར་ལོ་ཤས་ལུས། ཁྱད་པར་དགུང་ལོ་བཅུ་དྲུག་པར་སློབ་དཔོན་འཇམ་དཔལ་བཤེས་གཉེན་གྱིས་བྱིན་གྱིས་བརླབས་པའི་དག་སྣང་བྱུང་བ་ནས་བརྩམས་ཏེ། ཕྱག་དཔེ་ཚར་རེ་གཟིགས་པ་ཙམ་གྱིས་དེའི་ཚིག་དོན་གང་ཡོད་ཐུགས་ལ་ཆུབ། བླ་མའི་རྣམ་ཐར་ལྟ་བུ་ཚར་གཅིག་གཟིགས་པས་སང་ཉིན་དེའི་དོན་ཐམས་ཅད་མཐར་ཆགས་སུ་མ་འདྲེས་བར་འཆད་ནུས་པ་དང་། ཚིག་དེ་ལྡེབ་མ་དེའི་མདུན་རྒྱབ་ཀྱི་ཕྲེང་གར་ཡོད་ཀྱང་མི་ནོར་བར་མཁྱེན་པའི་ཤེས་རབ་ཀྱི་རླབས་བསམ་ལས་འདས་པ་ཞིག་ཏུ་བྱུང་འདུག །དེ་སྐོར་ལུང་དོན་ལྟར་ཁ་བ་དཀར་པོའི་ཕྱོགས་སུ་ཕེབ་གྲུབ་པ་ཞིག་བྱུང་ན་འབམ་ལྷ་མདུན་དུ་ཡེ་ཤེས་མཚོ་རྒྱལ་གྱི་རྣམ་འཕྲུལ་མཁའ་འགྲོ་ཞིག་ཡོད་པས་གྲོགས་བྱས་ནས་གཏེར་ཁ་བཅུ་གསུམ་རིམ་པར་བཞེས། དབུས་གཙང་མཚམས་སུ་ཆོས་སྡེ་ཞིག་བཙུགས་ནས་གསང་ཆེན་རྡོ་རྗེ་ཐེག་པའི་འབྱུང་གནས་

[Full Size]

བེད། མཐའ་དམག་ལོ་བརྒྱའི་བར་དུ་ཟློག །མངོན་ཤེས་དང་རྫུ་འཕྲུལ་ལ་དབང་འབྱོར། སྐུ་ཚེའི་མཇུག་ཏུ་སྨད་གཡུ་ལུང་གངས་རའི་གནས་སྒོ་འབྱེད་ནས་དེར་འཇའ་ལུས་འཕོ་བ་ཆེན་པོའི་སྐུ་འགྲུབ་པ་ཡིན་འདུག་ཀྱང་། དེ་འདྲའི་ཕྱོགས་ལ་གྲགས་བྱེད་མེད་པའི་ཐོག །མ་ཡུམ་གཙོར་བྱས་དགེ་རྒན་སོགས་ནས་མནལ་ལམ་སོགས་ཟུར་ཙམ་ཐོས་ནའང་ཁྲེལ་བདས་དང་ཁྱད་གསོད་ཆེན་པོ་བྱེད། རྗེ་ཉིད་དགུང་ལོ་ཆུང་བའི་སྟབས་གཞན་དབང་དུ་ཤོར་བར་སྣང་། ཡབ་དེ་ནི་ལྕང་ལོ་ཅན་དུ་ཕྱག་རྡོར་གྱི་ཞལ་མཐོང་བའི་གནོད་སྦྱིན་ཞིག་ཏུ་སྐྱེས་པ་དང་། ཡུམ་ཡང་ཤ་ཟ་མཁའ་འགྲོའི་རིགས་ཅན་ཡིན་པས་དེང་སང་གནས་ཡུལ་ཀུན་ཏུ་ཉུལ་བའི་ཤ་ཟ་མཁའ་འགྲོ་ཞིག་ཏུ་སྐྱེས་ནས་སྐབས་རེར་ལུང་སྟོན་པའང་བྱེད་འདུག་གསུངས། དགུང་ལོ་བཅུ་བདུན་པར་འབམ་ལྷ་མདུན་གྱི་མཁའ་འགྲོ་དེའང་གཤེགས་པའི་མཚན་མ་གཟིགས། མཁའ་འགྲོ་འཁྲུགས་པའི་རྐྱེན་གྱིས་མནལ་ལྟས་རྣམས་ཀྱང་ལྡོག །ལོ་དེའི་མཇུག་ཏུ་རྫོང་སར་སྒང་སྣ་ཆོས་རྗེས་གསོལ་ཚིགས་ཞུས་པར་ལུག་ཤ་ཞིག་བཞེས་པའི་རྐྱེན་གྱིས་ཁམས་ལྡོག །དེ་ནུབ་དགོན་གྱི་གཟིམས་གཤག་ཏུ་གཟིམས་པའི་ཟ་ཟིའི་ངང་དུ་སྐྱེས་པ་དང་བུད་མེད་ཤ་ཆེན་པོ་རལ་བ་ཉག་རེ་ལ་གཡུ་བྱེར་མང་པོ་བཏགས་པ་གཉིས་རབ་གསལ་ནས་བྱུང་སྟེ་གདན་འོག་ཏུ་འཛུལ་སོང་བའི་སྣང་བ་བྱུང་། །ཕྱིར་ཉིན་ནས་རིམས་ལྟ་བུའི་བསྙུན་གཞི་ཚབས་ཆེན་གྱིས་ཟིན། ཞག་བདུན་བར་དུ་གསོལ་ཆས་འགགས། ཞལ་དབུགས་ཀྱི་འགྱུ་བ་ཆད། མ་ཡུམ་སོགས་ཀྱིས་ཉིན་མཚན་ཀུན་ཏུ་ཤངས་སྒོར་སྤུ་ཉག་བཞག་ནས་བསྲུང་དགོས་པ་ཞིག་བྱུང་། རྗེ་ཉིད་ནི་འདིར་སྣང་ཡོངས་སུ་ནུབ་ནས་རིགས་དྲུག་གི་གནས་སྦྱོང་ལྟ་བུས་མཐོ་རིས་ནས་ངན་སོང་ཡན་ཆད་མ་སླེབས་ས་གཅིག་ཀྱང་མེད་པའི་སྣང་བ་ཤར་བས་གཞན་གྱི་སྟངས་བྱས་ན་

[Full Size]

དེ་རྗེས་འདས་ལོག་གི་སྒྲུང་པོད་ཆེན་པོ་བྲི་ཆོག་པ་ཡོད་གསུངས། དེ་སྐབས་སྐུ་རིམ་མང་དུ་བྱས། ཞག་བདུན་ཙམ་སོང་ཉིན་སྒང་སྣ་ཆོས་རྗེས་འཇིགས་བྱེད་སྦྱིན་སྲེག་བླུགས་ནས་མེ་ཞགས་འཕངས་པའི་སྐབས་སྤྱན་ལམ་དུ་དམར་ཚུབས་ལྟ་བུ་བྱུང་བས་རྐྱེན་བྱས་ནས་སྤྱན་གྱིས་ཅུང་ཟད་གཟིགས་སུ་ཡོད་པ་དང་། རིམ་གྱིས་གསོལ་ཇ་ཞུས་པ་ཕྲན་བུ་བཞེས་ཤིང་གསུང་ཅུང་ཟད་བྱོན་ཐུབ། ཐོག་མར་གཞན་ཅིའང་མི་མཁྱེན་མ་ཡུམ་ཁོ་ན་ངོ་མཁྱེན་འདུག་གསུངས། དེ་ནས་ཞག་རེ་བཞིན་སྐུའི་ཉེར་སྤྱད་ཡན་ལ་ངོ་གསར་དུ་སྤྲད་ནས་མིང་རེ་རེ་བཏགས་དུས་རེ་རེ་ཤེས་དགོས་པ་ཞིག་བྱུང་བས། དེ་རྗེས་སྐུ་ཁམས་རྩ་བ་ནས་དྭངས་སྐབས་ཀྱང་སྐྱེ་བ་སྔ་མ་འཕོས་ནས་སྐྱེ་ལུས་གསར་དུ་བླངས་པ་ལྟ་བུས་བྲིས་ཀློག་ཚུན་མུ་མཐུད་དུ་མཁྱེན་དགོས་པ་བྱུང་བས་སྔར་གྱི་ཤེས་རབ་དེའི་བཞི་ཆ་ཙམ་ཞིག་ལས་མ་བྱུང་གསུངས། དགུང་གྲངས་བཅོ་བརྒྱད་པར་ཆོས་རྒྱལ་སྡེ་དགེ་མཆོད་ཡོན་གྱི་བཀས་བསྐུལ་ཏེ་ཞེ་ཆེན་རི་ཁྲོད་པདྨ་འོད་གླིང་དུ་ཕེབས། བཅུ་ཕྲག་རིག་པའི་གནས་མཐར་སོན་པའི་མ་ཧཱ་པཎྜི་ཏ། སྣང་བའི་བདེན་འཛིན་གྱི་འཁྲུལ་པ་གཏད་མེད་དུ་ཞིག་པའི་གྲུབ་བརྙེས་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོའི་ཞབས་པད་དུ་བསྙེན་ཏེ། བརྡ་སྤྲོད་རིག་པའི་གཞུང་ཆེན་གསུམ། སྡེབ་སྦྱོར། སྙན་དངགས་མེ་ལོང་མ། མངོན་བརྗོད་འཆི་མེད་མཛོད་རྩ་འགྲེལ། མངའ་རིས་པ་ཆེན་གྱིས་མཛད་པའི་སྡོམ་གསུམ་རྣམ་ངེས་རྩ་འགྲེལ། སྒྱུ་འཕྲུལ་ཞི་ཁྲོའི་དབང་དང་རྩ་རྒྱུད་གསང་བ་སྙིང་པོའི་བཤད་པ་གཙོ་བོར་གྱུར་པའི་རྙིང་མ་བཀའ་གཏེར་མང་པོའི་སྨིན་གྲོལ་གསན་ནས་སླར་ཕེབས། དགུང་གྲངས་བཅུ་དགུའི་སྐོར་དུ་རིག་འཛིན་འཇིགས་མེད་གླིང་པའི་ཞལ་སློབ་མདོ་ཁམས་ཐུགས་སྲས་རྣམ་གསུམ་གྱི་ཡ་གྱལ་བྱང་ཆུབ་སེམས་དཔའ་ཆེན་པོ་འགྲོ་བ་འདུལ་

[Full Size]

བའི་ཕྲིན་ལས་ལ་མངའ་བརྙེས་པ་འཇིགས་མེད་རྒྱལ་བའི་མྱུ་གུ་གཏེར་ལྷུང་ཕྱོགས་སུ་ཕེབས་པ་ལས་ཀློང་ཆེན་སྙིང་ཐིག་གི་སྨིན་གྲོལ་རྩ་བ་རྣམས་གསན་པའི་དབང་གི་སྐབས་ཤིག་བཞུགས་སྒར་གྱི་ཐད་དུ་ཁ་དོག་ལྔ་ལྡན་གྱི་འཇའ་གུར་ཕུབ་པ་སོགས་ལྟས་བཟང་པོ་བྱུང་། གླིང་སྲས་རིག་འཛིན་པདྨ་འགྲོ་འདུལ་ཕེབས་པ་ལས་ཀྱང་ཉིད་ཀྱི་དགོངས་གཏེར་ཡཀྴ་མེ་དཔལ་སོགས་ཀྱི་དབང་ལུང་གསན། རྡོ་གྲུབ་ཆེན་གྱི་ཞལ་སློབ་བླ་མ་བློ་བཟང་ནོར་བུ་ཞེས་པ་ལས་གྲུབ་ཆེན་གྱི་དགོངས་གཏེར་འོད་དཔག་མེད་ཀྱི་དབང་ལུང་སོགས་གསན་ཅིང་། སེམས་དོན་གྱི་ངོ་སྤྲོད་ཕུལ་བས་ཕྱིས་ཀྱང་སེམས་ཀྱི་ངོ་བོ་ལ་དེ་ལས་བོགས་དབྱུང་དུ་མི་འདུག་གསུངས། གཏེར་སྟོན་བདུད་འདུལ་རྡོ་རྗེའི་རྣམ་འཕྲུལ་ཡུལ་དེར་བཞུགས་པའི་སྦས་པའི་རྣལ་འབྱོར་པ་སངས་རྒྱས་དོན་གྲུབ་ཅེས་པ་ཡབ་གཞིས་སུ་སྐབས་རེར་སྐུ་རིམ་ཆེད་དུ་བྱོན་པ་ཞིག་ཡོད་པ་དེ་ལས་གཏེར་ཆོས་འགའ་རེ་གསན། བླ་མ་དེས་རྗེ་འདི་ཉིད་སྐུ་ཆུང་ངུ་ནས་དམ་པའི་རྣམ་འཕྲུལ་དུ་བསྔགས་ཤིང་ཕྱིས་འབྱུང་གི་ལུང་བསྟན་ཐོར་བུ་འགའ་རེ་ཐོལ་བྱུང་དུ་གསུངས་པའང་ཐོག་ཏུ་ཁེལ་བ་ཡིན་སྣང་ངོ་། །གསུམ་པ་སངས་རྒྱས་ཀྱི་བསྟན་པ་རིན་པོ་ཆེའི་སྒོར་ཞུགས་ནས་སྡོམ་པ་གསུམ་ལྡན་དུ་མཛད་པའི་ཚུལ་ནི། གང་ཞིག་རྒྱལ་སྲས་བྱང་ཆུབ་སེམས་དཔའི་སྤྱད་པ་སྤྱོད་པ་དང་སངས་རྒྱས་ཀྱི་བསྟན་པ་རིན་པོ་ཆེ་འཛིན་པའི་དགེ་བའི་བཤེས་གཉེན་རྣམས་ནི་ལྷག་པའི་ཚུལ་ཁྲིམས་རྣམ་པ་གསུམ་ལ་མི་སློབ་པ་དང་། རྒྱུད་སྡོམ་པས་མི་སྡོམ་པ་ནི་གནས་མེད་པའི་ཕྱིར། སློབ་དཔོན་དབྱིག་གཉེན་གྱིས་ཀྱང་། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཅེས་པའི་གོ་རིམ་དུ་གསུངས་པ་ལྟར། ཐོག་མ་ཉིད་དུ་ཚུལ་ཁྲིམས་ཀྱི་བསླབ་པ་རིན་པོ་ཆེ་ལེགས་པར་

[Full Size]

བཞེས་ནས་རིམ་གྱིས་མང་དུ་ཐོས་པ་རྒྱ་མཚོའི་ཕ་རོལ་ཏུ་ཕྱིན་པར་མཛད་པར་བཞེད་པ་དང་། ཐར་རྩེ་མཁན་ཆེན་རིན་པོ་ཆེ་མཆེད་ཞལ་གྱི་བཞེད་པ་སྐོང་བའི་སླད་དུ་དགུང་གྲངས་ཉི་ཤུ་པ་ས་མོ་ཕག་གི་ལོར་རྫོང་སར་དགོན་ནས་ཆིབས་བསྐྱོད་དེ་དབུས་ལྗོངས་དག་པའི་ཞིང་ཁམས་སུ་རིམ་གྱིས་བྱོན་ནས་ཐོག་མར་ངོར་ཨེ་ཝཾ་ཆོས་ལྡན་དུ་ཞབས་བཀོད་ནས་ཐར་རྩེ་བླ་བྲང་དུ་བཞུགས་གདན་འཇགས་པར་མཛད། དགུང་ལོ་ཉེར་གཅིག་ཏུ་སོན་པ་ལྕགས་ཕོ་བྱི་བའི་ལོར། མདོ་སྡེ་འཛང་བླུན་ལས། གང་ཞིག་རབ་ཏུ་བྱུང་བ་དེའི་བསོད་ནམས་ནི་རབ་ཏུ་མང་སྟེ། བདག་གི་བུའམ་བུ་མོའམ་བྲན་ཁོལ་ལས་གང་ཡང་རུང་། རབ་ཏུ་བྱུང་བར་གནང་ངམ། བདག་ཉིད་རབ་ཏུ་བྱུང་ན་དེའི་བསོད་ནམས་དཔག་ཏུ་མེད་དོ། །གང་ཞིག་སྦྱིན་པ་བྱས་པའི་བསོད་ནམས་དེ་ནི་སྐྱེ་བ་བཅུ་གཉིས་ཀྱི་བར་དུ་ལོངས་སྤྱོད་མོད་པར་འགྱུར། གནམ་རིམ་པ་དྲུག་གི་ལྷར་ཡང་དང་ཡང་དུ་སྐྱེ་བ་ལས། མི་གཅིག་རབ་ཏུ་བྱུང་ངམ་བདག་ཉིད་རབ་ཏུ་བྱུང་ན་བསོད་ནམས་འདི་ནི་སྔ་མ་བས་མཆོག་ཏུ་ཆེའོ། །དེ་ཅིའི་ཕྱིར་ཞེ་ན་སྦྱིན་པ་བྱས་པའི་བསོད་ནམས་ནི་ཟད་མཐའ་ཡོད་ཀྱིས། རབ་ཏུ་བྱུང་བའི་བསོད་ནམས་དཔག་ཏུ་མེད། མཐའ་མེད། གཞན་ཡང་ཚུལ་ཁྲིམས་སྲུང་བའི་བསོད་ནམས་ཀྱིས་མངོན་པར་ཤེས་པ་ལྔ་དང་ལྡན། དྲང་སྲོང་དང་མཐོ་རིས་ཀྱི་ལོངས་སྤྱོད་ཚངས་པའི་འཇིག་རྟེན་གྱི་བར་དུ་མྱོང་བར་འགྱུར་གྱི། སངས་རྒྱས་ཀྱི་བསྟན་པ་ལ་རབ་ཏུ་བྱུང་བའི་བསོད་ནམས་བསམ་གྱིས་མི་ཁྱབ་སྟེ། མྱ་ངན་ལས་འདས་པའི་བར་དུ་བསོད་ནམས་ཟད་མི་ཤེས་སོ། །ཞེས་དང་། ཡང་ན་རབ་ཏུ་བྱུང་བའི་ཆོས་ཀྱིས་ནི་བདུད་ཀྱི་འཁོར་མེད་པར་བྱེད་ཅིང་སངས་རྒྱས་ཀྱི་གདུང་འཚོབ་པར་བྱེད་དོ། །སྡིག་པ་མི་དགེ་བའི་ཕྱོགས་མེད་པར་བྱེད་ཅིང་། དགེ་བའི་ཕྱོགས་སྐྱེད་པར་བྱེད་དོ། །ཁ་ན་མ་

[Full Size]

ཐོ་བའི་དྲི་མ་མེད་པར་བྱེད་ཅིང་། བླ་ན་མེད་པའི་བསོད་ནམས་ཀྱི་ལས་སྐྱེད་པར་བྱེད་དོ། །དེ་བས་ན་བཅོམ་ལྡན་འདས་ཀྱིས་རབ་ཏུ་བྱུང་བའི་བསོད་ནམས་ནི་རི་རབ་ལྷུན་པོ་བས་ཀྱང་འཕང་མཐོའོ། །རྒྱ་མཚོ་བས་གཏིང་ཟབ་བོ། །ནམ་མཁའ་བས་རྒྱ་ཆེའོ། །ཞེས་སོགས་གསུངས་པ་དང་། འཇུག་པ་ལས་ཀྱང་། སོ་སོ་སྐྱེ་བོ་རྣམས་དང་གསུང་སྐྱེས་དང་། །རང་བྱང་ཆུབ་ལ་བདག་ཉིད་དེེས་རྣམས་དང་། །རྒྱལ་སྲས་རྣམས་ཀྱི་ངེས་པར་ལེགས་པ་དང་། །མངོན་མཐོའི་རྒྱུ་ནི་ཚུལ་ཁྲིམས་ལས་གཞན་མེད། །ཅེས་སོགས་བཀའ་དང་བསྟན་བཅོས་ལས་རྒྱ་ཆེར་འབྱུང་བའི་དོན་བཞིན་སོ་ཐར་གྱི་སྡོམ་པ་གསན་པར་བཞེད་ཅིང་། དེའང་སྔ་འགྱུར་གྱི་སྡོམ་རྒྱུན་ཅིག་གསན་དགོས་པའི་རྒྱུ་མཚན་ཡོད་པར་སྣང་ཡང་དེ་འདྲའི་གནད་བཀའ་གནང་བའི་སྲོལ་མེད་སྟབས་ཉེ་གནས་ཚུལ་ཁྲིམས་རྒྱ་མཚོ་བ་བཅས་དཔོན་སློབ་གཉིས་བྱ་བྲལ་བའི་འགྲོས་ཀྱིས་དབུས་གྲྭ་ཕྱི་ཨོ་རྒྱན་སྨིན་གྲོལ་གླིང་དུ་ཕེབས། སྟོན་པའི་ཞལ་རས་ལྷ་ཁང་དུ། ལྷོ་བྲག་པ་གྲུབ་ཆེན་མེ་ལོང་རྡོ་རྗེའི་གདུང་ལས་བྱོན་པ་བརྟན་མཁས་ཕན་འདོགས་པའི་ཡན་ལག་རྨད་དུ་བྱུང་བས་མངོན་པར་མཐོ་བའི་མཁན་པོ་འགྱུར་མེད་རིག་འཛིན་བཟང་པོ། ལས་ཀྱི་སློབ་དཔོན་ཁྲི་འཛིན་པ་འགྱུར་མེད་དོན་གྲུབ། གསང་སྟེ་སྟོན་པ་སྔགས་རབ་འགྱུར་མེད་གར་དབང་། དུས་གོ་བ་བྱང་འདྲེན་ཆེན་མོ་འགྱུར་མེད་ཀུན་ལྡན། གྲོགས་དན་པ་དགེ་བསྐོས་ཆེན་མོ་སྔགས་རབ་འགྱུར་མེད་དཔལ་བཟང་བཅས་དད་པའི་དགེ་འདུན་གྲངས་ཚང་བའི་དབུས་སུ་རབ་ཏུ་བྱུང་ཞིང་བསྙེན་པར་རྫོགས་ཏེ་སོ་སོ་ཐར་པའི་དགེ་སློང་གི་སྡོམ་ལྡན་དུ་བསྒྲུབས་པར་མཛད། མཁན་པོ་དང་ལས་གྲྭ་རྣམས་ལ་གཏོང་རག་གི་བསྙེན་བཀུར་བས་ཀྱང་མཉེས་པར་མཛད། སྤྱིར་རང་གཤིས་ཀྱིས་སྐུ་ཆུང་ངུའི་དུས་ནས་སྤྱོད་ལམ་

[Full Size]

གཙང་ཞིང་རྣམ་པར་དག་པ་ཁོ་ནར་བཞུགས་ཤིང་། དེ་ཕྱིན་ཆད་ནས་ཞི་བར་གཤེགས་ཀྱི་བར་ཡང་། ཕྱི་རུ་ཉན་ཐོས་སྤྱོད་པ་བསྐྱང་། །ནང་དུ་འདུས་པའི་དོན་ལ་དགའ། །ཞེས་གསུངས་པ་ལྟར་རྟགས་དང་ཆ་ལུགས་ཚུན་ཆད་དགེ་སློང་གི་དངོས་པོ་ལས་ནམ་ཡང་མི་འདའ་བའི་ཀུན་སྤྱོད་ཤིན་ཏུ་གཙང་ཞིང་ཚངས་སྤྱོད་ཀྱི་བསླབ་པ་དྲི་མ་མེད་པ་སྐུ་ཉམས་སུ་བསྟར་བར་མཛད་དོ། །ཞི་བ་ལྷས། སྲིད་པའི་སྡུག་བསྔལ་བརྒྱ་ཕྲག་གཞོམ་འདོད་ཅིང་། །སེམས་ཅན་མི་བདེ་བསལ་བར་འདོད་པ་དང་། །བདེ་མང་བརྒྱ་ཕྲག་སྤྱོད་པར་འདོད་པས་ཀྱང་། །བྱང་ཆུབ་སེམས་ཉིད་རྟག་ཏུ་བཏང་མི་བྱ། །ཞེས་གསུངས་པ་ལྟར་རྫོགས་པའི་སངས་རྒྱས་ཀྱི་གོ་འཕང་དོན་དུ་གཉེར་བ་ལ་མེད་ན་མི་འབྱུང་བའི་ས་བོན་གྲུངས་པོ་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་ལ་ཐོག་མ་མེད་པ་ནས་གོམས་པ་མཐར་སོན་ཀྱང་གདུལ་བྱའི་སྐྱེ་བོ་རྗེས་སུ་བཟུང་བའི་སླད་དུ་ཤིང་རྟའི་སྲོལ་ཆེན་པོ་གཉིས་ལས་བྱུང་བའི་བྱང་ཆུབ་ཏུ་སེམས་བསྐྱེད་པའང་སོ་སོར་གསན་པར་མཛད་དེ། དཔལ་ས་སྐྱ་པ་ཆེན་པོ་འཇམ་མགོན་རྡོ་རྗེ་རིན་ཆེན། འཇམ་མགོན་བསྟན་འཛིན་སྙན་གྲགས། སྨིན་གླིང་ཁྲི་ཆེན་འགྱུར་མེད་སངས་རྒྱས་ཀུན་དགའ་རྣམས་ལས་ཀླུ་སྒྲུབ་ནས་བརྒྱུད་པའི་དབུ་མ་ལུགས་དང་། འཇམ་མགོན་ས་སྐྱ་པ་ཆེན་པོ། སེམས་དཔའ་ཆེན་པོ་བློ་གསལ་བསྟན་སྐྱོང་། ཁོ་བོ་བློ་གྲོས་མཐའ་ཡས་ལས་ཀྱང་ཐོགས་མེད་ནས་བརྒྱུད་པའི་སེམས་ཙམ་ལུགས་སུ་གྲགས་པའི་སེམས་བསྐྱེད་གསན་པར་མཛད་ཅིང་དེ་དག་སོ་སོར་ཡང་སྐབས་སུ་བབས་པའི་མཆོད་པའི་སྤྲིན་རྒྱ་ཆེར་སྤྲོ་བ་དང་། དངོས་པོ་གྱ་ནོམ་པ་ཅི་འབྱོར་བ་སེམས་བསྐྱེད་པའི་རྟེན་དུ་འབུལ་ཞིང་རྣམ་པ་ཀུན་ཏུ་རང་འཁྲིས་དང་གཡོ་སྒྱུ་སྤངས་པའི་བྱང་ཆུབ་སེམས་དཔའི་སྤྱོད་པ་ལ་ཡང་

[Full Size]

དག་པར་འཇུག་པ་ནི་ཀུན་གྱི་སྤྱོད་ཡུལ་དུ་གྱུར་པ་ཉིད་དོ། །གྲངས་མེད་གསུམ་དུ་ཕ་རོལ་ཕྱིན་དྲུག་དཀའ་བ་དུ་མས་སྤྱོད་པ་སོགས་ལ་མི་ལྟོས་པར་ཐབས་དང་ཤེས་རབ་ཟབ་མོ་བདེ་མྱུར་གྱི་ལམ་གྱིས་ཚེ་གཅིག་གམ་སྐྱེ་བ་བཅུ་དྲུག་ཚུན་ལ་ཟུང་འཇུག་རྡོ་རྗེ་འཆང་གི་སར་སྦྱོར་བ། བདག་ཅག་གི་སྟོན་པའི་སྨོན་ལམ་དང་ཐུགས་བསྐྱེད་ཀྱི་ཁྱད་པར་ཁོ་ན་ལས་བྱུང་བ་གསང་སྔགས་རྡོ་རྗེ་ཐེག་པའི་སྨིན་གྲོལ་གསན་པའི་ཚུལ་རྒྱས་པ་འོག་ཏུ་འབྱུང་ཞིང་། གཙོ་བོར་རྗེ་ཉིད་ཀྱི་ཕྱག་ཐོ་གནང་བར། མཁན་ཆེན་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་ལས་བྱ་རྒྱུད་ཀྱི་གཙོ་བོ་རིགས་གསུམ་སྤྱི། མ་ཧཱ་པཎྜི་ཏ་དཀོན་མཆོག་བསྟན་པ་རབ་རྒྱས་ལས་སྤྱོད་རྒྱུད་ཀྱི་གཙོ་བོ་རྣམ་སྣང་མངོན་བྱང་། ཁྱབ་བདག་བློ་གསལ་བསྟན་སྐྱོང་ལས་རྣལ་འབྱོར་རྒྱུད་ཀྱི་གཙོ་བོ་རྡོ་རྗེ་དབྱིངས། རྡོ་རྗེ་འཆང་ཀུན་དགའི་ཞབས་ལས་རྣལ་འབྱོར་བླ་མེད་ཕ་རྒྱུད་གསང་འདུས་ལུགས་གཉིས་དང་། མ་རྒྱུད་བདེ་མཆོག་ལཱུ་ནག །ཁྱབ་བདག་ཞྭ་ལུ་བ་དང་། དུས་ཞབས་པ་འཇམ་པའི་དབྱངས་བློ་གྲོས་མཐའ་ཡས་ལས་དཔལ་དུས་ཀྱི་འཁོར་ལོ་སྐུ་གསུང་ཐུགས་ཡོངས་རྫོགས། མཁན་ཆེན་རྡོ་རྗེ་འཆང་ཞལ་རྣམ་པ་གཉིས་ལས་རྒྱུད་སྡེའི་མཐར་ཐུག་དཔལ་ཀྱེ་རྡོ་རྗེའི་དབང་གི་མངོན་པར་རྟོགས་པ་བརྒྱད་ལྡན། འཇམ་མགོན་མཐུ་སྟོབས་རྣམ་རྒྱལ་སོགས་ལས་སྔ་འགྱུར་མདོ་སྒྱུ་སེམས་གསུམ་དང་། བཀའ་དགོངས་ཕུར་གསུམ་གྱིས་མཚོན་པའི་དབང་བཀའ་མཐའ་ཡས་པར་གསན་པར་གསུངས་ཏེ། རིག་འཛིན་སྔགས་ཀྱི་སྡོམ་པས་རྒྱུད་སྨིན་ཅིང་གྲོལ་བར་མཛད་དེ་བསྟན་པ་ལ་ཞུགས་ཤིང་ཡོངས་སུ་རྫོགས་པའི་སུམ་ལྡན་རྡོ་རྗེ་འཛིན་པ་ཆེན་པོར་བཞུགས་པ་ཡིན་ནོ། །བཞི་པ་དགེ་བའི་བཤེས་གཉེན་བསྟེན་ཅིང་གསན་བསམ་

[Full Size]

གྱི་སྒོ་ནས་མང་དུ་ཐོས་པ་རྒྱ་མཚོའི་ཕ་རོལ་ཏུ་ཕྱིན་པར་མཛད་པའི་ཚུལ་ནི། འཕགས་པ་བརྒྱད་སྟོང་པ་ལས། དགེ་བའི་བཤེས་གཉེན་གྱིས་ཡོངས་སུ་ཟིན་པའི་བྱང་ཆུབ་སེམས་དཔའ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་རྒྱའོ། །ཞེས་དང་། སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བ་དེ་སྐད་གསུངས། །ཞེས་སོགས་གསུངས་པ་ལྟར། དམ་པ་འདི་ཉིད་ནི་སྐུ་ཆུང་ངུའི་དུས་ནས་རིས་སུ་མ་ཆད་པའི་དགེ་བའི་བཤེས་གཉེན་དང་བླ་མ་བསྟེན་པ་ཁོ་ན་ལ་ཐུགས་དགྱེས་ཤིང་དེ་དག་ལས་དམ་པའི་ཆོས་ཚོལ་བ་ཉིད་མཛད་པའི་གཙོ་བོ་ཡིན་པར་སྣང་སྟེ། དེའང་རིགས་རུས་ཆོ་འབྲང་བཙུན་པ་དང་། གོས་ཐོབ་ཐང་ཆེ་བ་དང་། སྟོབས་དང་འབྱོར་པའི་གཟི་བརྗིད་ཀྱིས་དྲེགས་པ་རྣམས་ཀྱིས་ནི་རང་ལས་དམན་པའི་བླ་མ་ལ་ཆོས་ཀྱི་ཡོན་ཏན་ཡོད་དུ་ཟིན་ཀྱང་། རང་གི་ཆེ་བ་ཉམས་ཀྱིས་དོགས་པ་དང་། གཞན་གྱིས་དཔྱས་གདགས་ཀྱིས་དོགས་པ་དང་། ངའོ་སྙམ་པའི་ང་རྒྱལ་གྱིས་ཁེངས་པའི་ཕྱིར་བསྟེན་པར་མི་སྤོབས་ལ། རིག་པའི་གནས་སམ་མདོ་རྒྱུད་ལ་གོ་རྟོགས་ཡོད་པ་རྣམས་ཀྱང་དེ་ཙམ་ཤེས་པའི་ཁེངས་པས་བསྙེམས་ཏེ་བདག་ནི་མཁས་པའོ། །བདག་ནི་དགེ་བཤེས་ཆེན་པོའི་སྙམ་པའི་ང་རྒྱལ་གྱིས་ཁོང་སྦོས་ཏེ་གང་ལའང་འདུད་པར་མི་བྱེད་པ་དང་། ཕལ་མོ་ཆེ་ནི་བདག་ནི་གྲྭ་ས་དེ་དང་ཆོས་ལུགས་དེ་འཛིན་པའོ་སྙམ་པའི་ཕྱོགས་གཅིག་ཁོ་ནར་ཞེན་ཏེ་རང་ལུགས་ཀྱི་བླ་མ་ཡོན་ཏན་ཡོད་མེད་གང་ལྟར་བླུན་ཞེན་ཁོ་ནས་སངས་རྒྱས་ལྟར་འཛིན་ཅིང་དཀོར་སྡུད་ཀྱི་ལག་སྣེ་ཟ་ཆོག་ཕྲན་ཚེགས་ཙམ་ལས་ཟབ་རྒྱས་ཀྱི་ཆོས་དོན་དུ་གཉེར་བ་ཤིན་ཏུ་དཀོན་པ་སྙིགས་དུས་ཀྱི་མུན་རུམ་ཆེན་པོ་འདིར། གཞན་དང་མ་འདྲེས་པའི་རྣམ་ཐར་གློག་འོད་འཁྱུགས་

[Full Size]

པ་ལྟར་སྣང་བ་ནི་སྔོན་གྱི་ཐུགས་བསྐྱེད་ཀྱི་སྟོབས་ལས་བྱུང་བའི་ཕྱིར། རིགས་རུས་གོ་ས་སྟོབས་འབྱོར་སོགས་ཀྱི་ཁེངས་དྲེགས་གཏན་ནས་མི་མངའ་ཞིང་། རང་ཉིད་ཀྱི་བསླབ་ཤེས་ཡོན་ཏན་ཇི་ཙམ་མངའ་ཡང་དེ་ལ་བསྙེམས་བརྡུལ་ཙམ་མི་མཛད་པར་གཞན་གྱི་ཡོན་ཏན་ཆུང་ངུ་ལའང་ངོ་མཚར་དུ་འཛིན་པར་མཛད་པ་དང་། རྗེ་ཉིད་རྩ་བས་ངོར་གྱི་བསྟན་འཛིན་ཆེན་པོ་ཡིན་པ་གཞིར་བཅས་ཀྱང་རང་འདོད་ཀྱི་ཕྱོགས་འཛིན་རྩ་བ་ནས་མེད་པས་གངས་ཅན་ཐུབ་པའི་བསྟན་པ་ཡིན་ནོ་ཅོག་གི་བསྟན་འཛིན་རྣམས་ལ་གུས་པ་དང་། སོ་སོའི་ཆོས་རྒྱུན་ཁུངས་དང་འབྲེལ་ངེས་པ་རྣམས་ཕྱོགས་རིས་དང་ཆོག་ཤེས་མེད་པར་གསན་བསམ་ཡང་ནས་ཡང་དུ་མཛད་པ་ལ་ནམ་ཡང་བརྩོན་པ་མི་བརྟུལ་ཅིང་སྐྱོ་དུབ་ཅུང་ཟད་ཀྱང་མི་མངའ་བས་མང་དུ་ཐོས་པར་སྨྲ་བ་མང་ཡང་ཐུབ་བསྟན་ཡོངས་སུ་རྫོགས་པའི་མང་དུ་གསན་པ་འདི་ལྟ་བུ་ནི་ཆེས་དཀོན་པར་སྣང་ངོ་། །མདོ་སྡེ་ལས་མང་དུ་ཐོས་པའི་ཕན་ཡོན་རྒྱ་ཆེར་གསུངས་ཤིང་། བྱང་ཆུབ་སེམས་དཔའི་སྡེ་སྣོད་ལས། ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་དོན་མ་ཡིན་པ་སྤོང་། །ཐོས་པས་མྱ་ངན་འདས་པ་ཐོབ། །ཅེས་གསུངས་ཤིང་། བཀའ་དང་བསྟན་བཅོས་རྣམས་ཀྱི་ཆོས་ཀྱི་དོན་ཤེས་པ་ལས། བདུད་ཀྱི་ལས་སུ་གྱུར་པའི་སྡིག་པ་དང་དོན་མ་ཡིན་པའི་བྱ་བ་ཐམས་ཅད་སྤངས་པས་སྐྱེས་བུ་དམ་པའི་ཡོན་ཏན་མཐའ་དག་ལྡན་པར་འགྱུར་ལ། དེ་དང་ལྡན་པས་ལྷ་དང་བཅས་པའི་འཇིག་རྟེན་ན་བསྔགས་པར་འོས་པ་སྟེ། སྐྱེས་རབས་ལས། ཡོན་ཏན་ཡོད་ན་རྒྱལ་པོའི་གོ་འཕང་དང་། སྐྱེ་རྒུ་མངོན་པར་མ་ཐོབ་ཐོབ་པར་གྱུར། །ལྷ་དབང་དཔལ་ཡང་ཡོན་ཏན་ལ་ལྟོས་ཏེ། །ཡོན་ཏན་ཡོད་ན་ཕ་རོལ་མགུ་བར་འགྱུར། །གྲགས་པ་

[Full Size]

རྣམས་ཀྱང་ཡོན་ཏན་ཉིད་ལས་འཕྲོ། །བདག་ཉིད་ཆེ་བའང་ཡོན་ཏན་ལྡན་ལས་འབྱུང་། །ཟླ་འོད་ལས་ཀྱང་གསལ་བའི་ཡོན་ཏན་གྱིས། །དགྲ་བོ་མི་བཟད་དྲེགས་ཤིང་སྡང་བ་དང་། །འཁོན་རྙིང་ཡོད་ཅིང་ཕྲག་དོག་ཆེ་བ་ཡང་། །ཡིད་ནི་རབ་ཏུ་དྭངས་ཤིང་མགུ་བྱེད་དོ། །ཞེས་སོགས་འབྱུང་བ་བཞིན་ནོ། །ཡོན་ཏན་དེ་ལྡན་གྱི་གསན་བསམ་མཛད་པའི་ཚུལ་ལ་གཉིས། ཐུན་མོང་བ་ཕྱི་རིག་པ་དང་། ཐུན་མོང་མ་ཡིན་པ་ནང་རིག་པའི་གནས་རྣམས་སོ། །དང་པོ་ནི། རྒྱལ་བས་མདོ་ལས་རྒྱས་པར་བཀའ་སྩལ་བའི་དོན་རྒྱལ་ཚབ་བྱམས་པས་ཚིགས་སུ་བཅད་པ། རིག་པའི་གནས་ལྔ་དག་ལ་མཁས་པར་མ་བྱས་ན། །འཕགས་མཆོག་གིས་ཀྱང་ཐམས་ཅད་མཁྱེན་ཉིད་མི་འགྱུར་ཏོ། །དེ་བས་གཞན་དག་ཚར་བཅད་རྗེས་སུ་བཟུང་ཕྱིར་དང་། །བདག་ཉིད་ཀུན་ཤེས་བྱ་ཕྱིར་དེ་ལ་དེ་བརྩོན་བྱ། །ཞེས་དང་། ས་སྐྱ་པ་ཆེན་གྱིས། རང་བློ་ཤེས་བྱའི་གནས་ལ་མ་སྦྱངས་ན། །ཐམས་ཅད་མཁྱེན་པ་ནམ་མཁའི་མཐའ་ལས་རིང་། །དེ་ལྟར་དགོངས་ནས་རྒྱལ་དང་རྒྱལ་སྲས་ཀྱིས། །རིག་པའི་གནས་རྣམས་སྦྱང་ཞེས་ལེགས་པར་གསུངས། །ཞེས་གསུངས་པ་ལྟར་ཐོག་མར་རིག་པའི་གནས་ལ་གསན་བསམ་མཛད་དེ། ཞེ་ཆེན་པཎྜི་ཏ་འཇམ་དབྱངས་དགྱེས་པའི་བློ་གྲོས་ཀྱི་ཞལ་སྔ་ནས། ཀཿཐོག་པཎྜི་ཏའི་འགྲེལ་པའི་སྟེང་ནས་དབྱངས་ཅན་སྒྲ་མདོའི་ས་རིས་ཐུགས་ཐོག་ནས་ཆིག་རྒྱུགས་འཕེར་བ་ཟླ་བ་གཅིག་དང་ཞག་བཞིས་འདྲིལ་བར་མཛད་ཅིང་། གཞན་ཡང་ས་བཟང་སྒྲ་ཊཱི།ཀ་སོགས་ཀྱི་སྟེང་ནས་ཀ་ལཱ་པའི་གཞུང་། སི་སོགས། ཏི་སོགས། བྱིངས་མདོ་རྩ་འགྲེལ་བཅས་ཀྱི་རི་མོ་ཚང་མ། འཇམ་མགོན་སི་ཏུ་རིན་པོ་ཆེའི་འགྲེལ་ཆེན་སྟེང་ནས་ཙཱནྡྲ་པའི་གཞུང་དང་། སུཔྲ་མཐའ། ཏིདྲ་མཐའ། ཨུྲ་སོགས་

[Full Size]

ཀྱི་རི་མོ་ཚང་མ། སི་ཏུ་རིན་པོ་ཆེའི་ཞལ་ལུང་ཁམས་པའི་འགྲེལ་ཆེན་སྟེང་ནས་སྙན་ངག་མེ་ལོང་ལེའུ་གསུམ་གའི་གོ་དོན་རྩོམ་རྒྱུགས་རྒྱས་སྤྲོས་བཅས་ཞག་ཉི་ཤུས་འདྲིལ་བ། སྨིན་གླིང་ལོ་ཆེན་འགྲེལ་པའི་སྟེང་ནས་སྡེབ་སྦྱོར་རིན་འབྱུང་ངོ་མཚར་རྟོགས་བྱེད་ཀྱི་རི་མོ་བཅས་ཞག་དྲུག་གི་ཁོངས་སུ་འདྲིལ་བར་མཛད་པས་སློབ་དཔོན་ནས་ཀྱང་མཁྱེན་རབ་ཆེ་བའི་བསྔགས་བརྗོད་གནང་ཞིང་། སྔོན་ཆད་སྲོལ་མ་བྱུང་བ་སྙན་ངག་གི་གསལ་བྱེད་ངེས་པའི་བྱ་དཀའ་སོགས་ལེགས་སྦྱར་སྐད་དུ་བརྩམས་པ་དང་། ངོ་མཚར་རྟོགས་བྱེད་ཀྱི་རི་མོ་འདྲི་ཚུལ་སོགས་རྩོམས་ཤིག་ཅེས་བཀས་བསྐུལ་བར་མཛད་པ་ལྟར་བྲིས་ཏེ་སྤྱན་འབེབས་ཕུལ་བས་ཀུན་བཤད་ཀྱི་མཚན་འདོགས། ཚངས་སྲས་དགྱེས་པའི་བློ་ལྡན་གདོང་དྲུག་དགའ་བའི་ལང་ཚོ་ཞེས་པ་དང་འབྲེལ་བའི་བསྔགས་བརྗོད་ཀྱང་མཛད། རྗེ་ཉིད་ནས་ཀྱང་སྒྲ་རིག་པའི་བྱིངས་དང་རྐྱེན་སྐད་དོད་སོགས་ལ་ཤིན་ཏུ་བྱང་བར་སྦྱངས་པས་གཞན་ངོ་འབྲིད་པའི་སུམ་བིད་ཙམ་ལ་ཕལ་ཆེར་སྐད་དོད་ལ་ལྟོས་མི་དགོས་པས་ཤློ་ཀ་མང་པོ་བློ་ཐོག་ནས་བསྒྲིགས་པ་སོགས་ནུས་ཀྱང་དེ་འདྲས་གར་ཡང་མི་ཕྱིན། རྒྱ་དཔེ་བསྒྱུར་ནུས་པ་ཞིག་གི་གོ་དོན་གཏིང་ཚུགས་པ་བྱུང་ན་ངོ་མཚར་ཆེའང་རྒྱ་བོད་སྐད་རིགས་མི་གཅིག་པའི་སྟེང་ནས་གོ་བ་གནད་དུ་ཕྱིན་པ་ཤིན་ཏུ་དཀའ་བས་རྒྱ་དཔེ་བསྒྱུར་ནུས་པ་ནི་ཆེས་འོང་བ་དཀའ། དེས་ན་དེང་སང་སྒྲ་བ་ལ་དོན་འབྲས་ཆེར་མེད་པའི་གཟུགས་བརྙན་དུ་སྣང་གསུངས། ཚད་མ་ལ་ཤིན་ཏུ་དགྱེས་ཤིང་རྒྱ་ཆེར་མ་སྤངས་རུང་བཀྲས་ལྷུན་ཀ་ཆེན་བློ་བཟང་དགེ་ལེགས་སོགས་ལས་བསྡུས་པའི་འགྲོ་ཕྱོགས་དང་། རྒྱལ་ཚབ་རྗེའི་འགྲེལ་པའི་སྟེར་ནས་རྣམ་འགྲེལ་གྱི་བཤད་ལུང་། བྲག་སྒོམ་པཎྜི་ཏ་ལས་མདོ་དང་རྣམ་འགྲེལ་སྦྱར་

[Full Size]

བའི་གོ་དོན་རགས་རིམ་གྱི་བཤད་ལུང་སོགས་གསན་ཅིང་གཟིགས་པས་རིགས་པར་སྨྲ་བར་རློམས་པའི་ཁེངས་པ་ཅན་དག་ལ་འབེལ་བའི་གཏམ་མཛད་པ་ཙམ་གྱིས་ཀྱང་དོན་གྱི་གཏིང་དཔོགས་པའི་མཁས་པའོ་ཞེས་བསྔགས། བཟོ་རིག་ཕྱག་གིས་འདུ་མཛད་པ་མེད་རུང་། སྐུ་གསུང་ཐུགས་རྟེན་གྱི་ཐིག་རྩ་དང་ཉམས་འགྱུར་སོགས་ཀྱི་གཞུང་གཞན་ལས་ཞིབ་པར་མཁྱེན། ས་སྐྱོང་སྡེ་དགེའི་བླ་སྨན་པ་མཁས་དབང་ཆོས་གྲགས་རྒྱ་མཚོ་ལས། གསོ་རིག་རྒྱུད་བཞིའི་བཤད་པ་ལག་ལེན་བཅས་ཞིབ་ཁྲིད་དུ་གསན། ཟུར་མཁར་བའི་བྱེ་བ་རིང་བསྲེས་འབྲི་གུང་གཅེས་བཏུས་ཕན་བདེའི་སྙིང་པོ། ཕན་བདེའི་ཆར་རྒྱུན། གློ་བུར་ནད་ལྔའི་བཅོས། ཞལ་ཤེས་སྙིང་གི་ཁུ་བ་གམྦྷཱི་ར། ལྷ་ལུང་གཅེས་བཏུས་བུ་ཡིག་དང་བཅས་པ། ཀརྨ་རཏྣའི་གཅེས་བཏུས་འཆི་མེད་ནོར་ཕྲེང་རྣམས་ཀྱི་ལུང་གསན། བླ་སྨན་པ་ཀརྨ་ཚེ་དབང་ལས། དངུལ་ཆུ་བཙོ་བཀྲུ་ཆེན་མོ་དང་རིན་ཆེན་རིལ་ནག་ཆེན་མོའི་ཕྱག་ལེན་སྦྱོར་ཐབས་མཐོང་རྒྱུད་དུ་བསྟར་བ་དང་། སྨན་བླ་ལོངས་སྐུའི་སྒྲུབ་ཐབས་དང་གསོལ་འདེབས་ཀྱི་ལུང་གསན། ཞྭ་ལུ་མཆོག་སྤྲུལ་རིན་པོ་ཆེ་ལས་ཀླུ་སྒྲུབ་ཀྱིས་མཛད་པའི་སྦྱོར་བ་བརྒྱད། དར་མོ་སྨན་རམས་པའི་གདམས་ངག་བཀའ་རྒྱ་མ་རྣམས་ཀྱི་ལུང་གསན། བྲག་སྒོམ་ཞབས་དྲུང་དཀོན་མཆོག་བསྟན་པ་རབ་རྒྱས་ལས་སྡེ་སྲིད་སངས་རྒྱས་རྒྱ་མཚོས་མཛད་པའི་མན་ངག་ཡོན་ཏན་རྒྱུད་ཀྱི་ལྷན་ཐབས་རྩ་བ། སྨན་མིང་ངོ་སྤྲོད། བུ་ཡིག་མཁའ་འགྲོ་གཏད་རྒྱའི་རྒྱ་མདུད་རྣམས་བཤད་ལུང་གི་ཚུལ་དང་། ཡང་ཡིག་ཆ་དེ་རྣམས་ཚང་མ་དང་། གསང་སྨན་ཆིག་བརྒྱུད་ཀྱི་ཡིག་ཆུང་། ལྷན་ཐབས་ཞལ་ཤེས་སྙིང་གི་ཡང་བཅུད། དར་མོ་སྨན་རམས་པའི་ཞལ་ཤེས་སོགས་ཆོས་གྲགས་རྒྱ་མཚོ་ལས་ཀྱང་གསན་ནས། གསོ་དཔྱད་

[Full Size]

ཀྱི་ཕྱག་བཞེས་ཀྱང་ལོ་ཤས་མཛད་པ་ལ་རྒྱུད་བཞི་ཐུགས་འཛིན་གནང་བས་རྟག་ཏུ་བྱང་བར་བཞུགས་ཤིང་གོ་དོན་ལ་སྨོས་མ་དགོས། རྩ་ཆུའི་རྣོ་ཐིག་དང་སྨན་གྱིས་ཕན་ཐོགས་སོགས་སྨན་པ་གང་ལས་ཀྱང་ཁྱད་པར་འཕགས་པ་ཡིན་འདུག་གོ། །གཉིས་པ་ནང་རིག་པ་ལ་རྒྱུ་མཚན་ཉིད་ཐེག་པའི་བཤད་རྒྱུན་ནི། ན་ལེནྡྲའི་གཟིམས་འོག་མཆོག་སྤྲུལ་བྱམས་པ་ངག་དབང་བསྟན་འཛིན་སྙན་གྲགས་མདུན་ནས། རོང་སྟོན་ཆེན་པོའི་བཤད་སྲོལ་འགྲེལ་པ་དོན་གསལ་ལ། མཆོག་སྤྲུལ་ཉིད་ཀྱིས་མཛད་པའི་འགྲེལ་པ་དང་སྦྱར་ཏེ་ཕར་ཕྱིན་མངོན་རྟོགས་རྒྱན་གྱི་བཤད་པ་ཞིབ་མོ་དང་། འདུལ་བ་མདོ་རྩའི་བཤད་ལུང་བཅས་གསན། ལི་ཐང་བྱམས་པ་གླིང་གི་རབ་འབྱམས་པ་ཆེན་པོ་དགེ་བཤེས་བྱམས་པ་ཕུན་ཚོགས་ལས་དབུ་མ་འཇུག་པའི་བཤད་པ་རྗེ་རིན་པོ་ཆེའི་འགྲེལ་བ་དགོངས་པ་རབ་གསལ་དང་སྦྱར་བའི་བཤད་པ། དབྱིག་གཉེན་མངོན་པ་མཛོད་མཆིམས་འགྲེལ་དང་སྦྱར་བ། ཤེར་ཕྱིན་བརྒྱད་སྟོང་པའི་བཤད་པ་ཉིད་མཛད་མཆན་བུས་གསལ་བ་རྣམས་གསན། འབྲས་བུ་ལམ་བྱེད་གསང་སྔགས་རྡོ་རྗེ་ཐེག་པའི་རྒྱུད་ཀྱི་བཤད་རྒྱུན་སྔ་འགྱུར་རྙིང་མའི་སྐོར་ལ། ཞེ་ཆེན་དབོན་སྤྲུལ་རིན་པོ་ཆེའི་མདུན་ནས་སྒྱུ་འཕྲུལ་གསང་བ་སྙིང་པོའི་རྒྱུད་བཤད། སྨིན་གླིང་ལོ་ཆེན་དྷརྨ་ཤྲཱིས་མཛད་པའི་སྤྱི་དོན་གསང་བ་དག་ཞལ་ལུང་དང་། ཚིག་འགྲེལ་གསང་བདག་དགོངས་རྒྱན་གཉིས་ཀ་མཐར་ཆགས་སུ་གསན་ཅིང་། གཞན་ཡང་རབ་འབྱམས་པ་ཨོ་རྒྱན་ཆོས་གྲགས་ཀྱིས་མཛད་པའི་སྤྱི་དོན་རིན་ཆེན་ཕྲེང་བ། ཀཿཐོག་པ་འགྱུར་མེད་ཚེ་དབང་མཆོག་གྲུབ་ཀྱིས་མཛད་པའི་འགྲེལ་པ། སྒེག་པ་རྡོ་རྗེའི་སྤར་ཁབ། རོང་ཟོམ་པའི་འགྲེལ་པ། གཡུང་སྟོན་པའི་འགྲེལ་པ། བཤད་པའི་ལེ་ལག་ཏུ་གཏོགས་པའི་ཡིག་ཆ་ཚང་མ་དང་སྒྲུབ་དཀྱིལ་གྱི་ལུང་རྣམས་ཀྱང་

[Full Size]

གསན། ཞྭ་ལུ་མཆོག་སྤྲུལ་བློ་གསལ་བསྟན་སྐྱོང་མདུན་ནས། སྔགས་གསར་མའི་རྒྱུད་ཀྱི་གཙོ་བོ་དཔལ་དུས་ཀྱི་འཁོར་ལོའི་རྒྱུད་དང་འགྲེལ་པ་དྲི་མེད་འོད་གཉིས་ལ་བུ་སྟོན་རིན་པོ་ཆེའི་གསུང་མཆན་དང་། སྐྱོར་ལུང་པ་དོན་ཡོད་དཔལ་བཟང་གིས་ཡང་མཆན་བཏབ་པ་རྩ་བར་བཟུང་། དེ་ལ་དགོས་པའི་ཡིག་ཆ་མཁས་མཆོག་བུ་སྟོན་ཆེན་པོས་མཛད་པའི་བཤད་པའི་སྤྱི་དོན་རིན་ཆེན་གཅེས་པའི་ལྡེའུ་མིག །བསྡུས་དོན་དྲི་མ་མེད་པའི་འོད་ཀྱི་རྒྱན། མདོར་བསྡུས་དང་པོའི་ཊཱི་ཀ་སྙིང་པོ་སྣང་བའི་འོད་ཟེར་རྣམས་དང་། ཁ་སྐོང་སྒྲ་རིག་མཁས་པའི་ཁ་རྒྱན། སྡེབ་སྦྱོར་མེ་ཏོག་ཕྲེང་འཛིན། ལྔ་བསྡུས་སྒྲ་གཅན་དང་བཅས་པའི་གཞུང་། གཟའ་ལྔ་དང་དེའི་མྱུར་རྩིས་ཀྱི་ལྷན་ཐབས། གོ་ལའི་རྣམ་གཞག །རྩིས་ཀྱི་བསྟན་བཅོས་ཆེན་མོ་མཁས་པ་དགའ་བྱེད། དུས་སྦྱོར་གྱི་དྲིས་ལན་དཀའ་གནང་འགལ་སྤོང་། བཤད་ཐབས་ངེས་དོན་སྙེ་མ། །ཐུགས་སྲས་ལོ་ཙཱ་བས་མཛད་པའི་གསུང་སྒྲོས་ཟིན་བྲིས་ཆེན་མོ་དང་། སྔགས་ཀྱི་དགྲ་གྲོགས་རྩིབ་རྣམས་སྐབས་དང་འཚམས་པར་སྦྱར་བ་དཔལ་དང་པོའི་སངས་རྒྱས་ཀྱི་རྒྱུད་ཀྱི་བཤད་ལུང་ཡོངས་རྫོགས་གསན། མཁས་མཆོག་རྡོ་རྗེ་སློབ་དཔོན་ངག་དབང་ལེགས་གྲུབ་མདུན་ནས། དཔལ་དགྱེས་པ་རྡོ་རྗེའི་རྒྱུད་བརྟག་པ་གཉིས་པ་ལ་སློབ་དཔོན་བསོད་ནམས་རྩེ་མོས་མཛད་པའི་ཚུལ་གསུམ་དང་། རྗེ་བཙུན་གྲགས་པས་མཛད་པའི་ལྗོན་ཤིང་། དཀོན་མཆོག་ལྷུན་གྲུབ་ཀྱི་མཛེས་རྒྱན་རྣམ་གཉིས་སྦྱར་བའི་བཤད་ལུང་ཞིབ་མོ་དང་། ཀུན་ཏུ་དགོས་པའི་གཞུང་བདུན་སོགས་ཀྱི་བཀླགས་ལུང་ཡང་གསན། དགེ་བཤེས་བྱམས་པ་ཕུན་ཚོགས་ལས། རྗེ་རིན་པོ་ཆེ་བློ་བཟང་གྲགས་པའི་དཔལ་གྱི་ཕྱག་བཞེས་ལྟར་ནམ་མཁའ་དང་མཉམ་པའི་རྒྱུད་གསང་བ་འདུས་པ་འགྲེལ་པ་བཞི་སྦྲགས་སུ་གྲགས་པའི་བཤད་ལུང་

[Full Size]

དང་། བདེ་མཆོག་རྩ་རྒྱུད་ལེའུ་ལྔ་བཅུ་པ་ལ་རྗེ་རིན་པོ་ཆེས་མཛད་པའི་འགྲེལ་པ་སྦས་དོན་ཀུན་གསལ་དང་སྦྱར་བའི་བཤད་པ། རྒྱུད་ཀྱི་རྒྱལ་པོ་འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་རྗེ་དགེ་འདུན་རྒྱ་མཚོས་མཛད་པའི་སྟེང་ནས་བཤད་པ་བཅས་གསན་པར་མཛད་དེ། །དེང་སང་བོད་ཡུལ་དུ་རྒྱུད་ཀྱི་བཤད་བཀའ་བཞུགས་པ་ནི་དེ་ཙམ་མོ། །མདོ་ཕྱོགས་ལའང་དབུ་མ་རིག་ཚོགས་དྲུག། བྱམས་ཆོས་སྡེ་ལྔ། སྤྱོད་འཇུག་གཙོ་བོར་གྱུར་པའི་རྒྱ་གཞུང་ཕལ་མོ་ཆེར་བཤད་པ་བཏང་བ་མང་རུང་། དེ་དག་རྣམས་ལས་རྒྱུད་བླ་མ་ཙམ་ལས་ཕལ་ཆེར་མཁས་པའི་རྩལ་བཤད་མ་གཏོགས་བརྒྱུད་པའི་བཤད་སྒྲོས་མ་ཆད་པ་ནི་བཞུགས་པར་དཀའ་སྣང་ངོ་། །གསར་རྙིང་རྒྱུད་སྡེ་རབ་འབྱམས་ཀྱི་སྨིན་བྱེད་དབང་། གྲོལ་བྱེད་གདམས་ཁྲིད། རྒྱབ་བརྟེན་ལུང་གི་ཚོགས་མཐའ་ཡས་པ་གསན་པའི་ཚུལ་ནི། རྣམ་ཐར་རྩ་བ་ཞལ་གསུངས་ལས། སྔ་ཕྱིར་ཁམས་དབུས་གཙང་གསུམ་དུ། །མི་ལོ་བཅུ་གསུམ་ཐོས་པ་བཙལ། །རྡོ་རྗེ་འཛིན་དང་དགེ་བའི་བཤེས། །རིག་བྱེད་གཞུང་ལ་མཁས་པ་སོགས། །གཙུག་ནོར་བརྒྱ་དང་ལྔ་བཅུ་བསྟེན། །བཟོ་གསོ་སྒྲ་ཚད་ཡན་ལག་བཅས། །འདུལ་མཛོད་དབུ་མར་བཤད་སྲོལ་ཐོས། །གསར་རྙིང་རྡོ་རྗེ་ཐེག་པ་ཡི། །དབང་དང་བྱིན་རླབས་རྗེས་གནང་སོགས། །བཀའ་གཏེར་བཀའ་གདམས་ས་སྐྱ་པ། །འབྲི་སྟག་མཚུར་དང་གདན་འབྲུག་གི། སྔོན་གྱི་ལུགས་སྲོལ་མ་ཉམས་པར། །བཞུགས་པའི་སྨིན་གྲོལ་གདམས་ངག་དང་། །བདེ་དགྱེས་གསང་གསུམ་དུས་འཁོར་ལོ། །སྒྱུ་འཕྲུལ་གསང་བ་སྙིང་པོ་སོགས། །རྒྱབ་རྟེན་རྒྱུད་ཀྱི་བཤད་པ་དང་། །བཀའ་བསྟན་དམ་པའི་གསུང་རབ་ལུང་། །གླེགས་བམ་བདུན་བརྒྱ་ལྷག་ཙམ་

[Full Size]

ཉན། །མདོར་ན་བཤད་བརྒྱུད་ཤིང་རྟ་བཅུའི། །རིང་ལུགས་རྒྱུན་བཞུགས་ཕལ་ཆེར་ཐོས། །ཅུང་ཟད་སྦྱངས་ཤིང་ཕྱོགས་ཙམ་ཤེས། །རང་གཞན་གྲུབ་མཐའི་ཁས་ལེན་དང་། །ཆོས་རྒྱུས་ཤིན་ཏུ་ཆེ་བར་བྱུང་། །ཞེས་གསུངས་པ་ལྟར་མདོ་ཁམས་ནས་དབུ་བརྩམས། དབུས་གཙང་དུ་ལན་གཉིས་བྱོན་པ་དང་། སླར་མདོ་ཁམས་སུ་བཞུགས་པའི་སྔ་རྗེས་ཀུན་ཏུ་གསན་བསམ་ངོམས་པ་མེད་པར་མཛད་པས་ཤིན་ཏུ་རྒྱ་ཆེ་ཞིང་ཤེས་པར་དཀའ་བས་འགོད་པར་མ་ནུས་ཀྱང་གཙོ་ཆེ་བ་འགའ་ཞིག་ཕྱག་ཐོ་དང་བསྟུན་ནས་འགོད་པར་བྱ་སྟེ། དཔལ་ས་སྐྱ་པ་ཁྲི་ཆེན་ཀུན་དགའ་བཀྲ་ཤིས་ལས་ཚེ་དཔག་ལྷ་དགུའི་དབང་། དེའི་མན་ངག་གི་ལུང་ཁྲིད། ལམ་འབྲས་སློབ་བཤད་བརྒྱུད་འདེབས་བཅས་ཀྱི་ལུང་། སྔགས་འཆང་ཀུན་དགའ་རིན་ཆེན་ལས་དཔལ་མགོན་གྱི་རྗེས་གནང་ཁྲིད་ལུང་ཡོངས་རྫོགས། ལམ་འབྲས་སློབ་བཤད་བརྒྱུད་འདེབས། རྣམ་ཐར་སྤར་མ་ཕལ་ཆེར། ཚར་ཆེན་གྱིས་མཛད་པའི་བླ་མ་ལྔ་བཅུ་པའི་རྣམ་བཤད། བླ་མཆོད། གཟའ་ཡུམ། སོ་འབྲང་དཀར་མོ། ཨུ་ཙརྱ། ཁྱུང་ཁྲ་ནག །འཇམ་དཔལ་ནག་པོ། རྟ་མགྲིན་ཟླ་རྒྱལ་ལུགས་རྣམས་ཀྱི་རྗེས་གནང་ལུང་བཅས། ཞལ་རྣམ་འགྱུར་བཅུ་བདུན། བེགྩེ་རིགས་གཉིས་བཅས་ཀྱི་རྗེས་གནང་། གསང་ཁྲིད། ཞལ་བོད་གཉིས་ཆ་ཚང་དང་བེགྩེའི་དཔེ་བུམ་སྐོར་ཕལ་ཆེར་ཚང་མའི་ལུང་། ཕུར་པ་སྟོད་ལས་སྨད་ལས་ཀྱི་དབང་ཚང་བ། དཀར་བདུད་རྗེས་གནང་། ཨ་མེས་ཞབས་ཀྱི་ཕུར་པའི་ཞི་སྦྱིན། རྒྱུན་ཁྱེར་ངེས་དོན་ཐིག་ལེ་བཅས་ཀྱི་ལུང་། གུར་དྲག་ཉང་ལུགས་དབང་ཆེན། དེའི་རྗེས་གནང་། ཕྲིན་གཞུང་དྲེགས་པ་ཟིལ་གནོན། དབང་ཆོག་མཐོང་བ་རང་གྲོལ། ལས་མཐའ་གསལ་བྱེད་དགྲ་བགེགས་ཚར་གཅོད་བཅས་

[Full Size]

ཀྱི་ལུང་། ཚེ་སྒྲུབ་ལྕགས་སྡོང་མ་ལྷ་མང་དང་། ལྷ་གཅིག་བུམ་གཅིག་གི་ཚེ་དབང་། །ཡིག་ཆའི་ལུང་བཅས། ས་སྐྱ་ཀུན་བཀྲས་དབང་ཆོག་འཆི་མེད་འདོད་འཇོ་དང་། སྒྲུབ་ཐབས་རྒྱུན་ཁྱེར་བདུད་རྩི་བུམ་བཟང་གི་ལུང་བཅས། འཇམ་མགོན་རྡོ་རྗེ་རིན་ཆེན་ལས་སེམས་བསྐྱེད་ལུགས་གཉིས། སྣང་མཐའི་ཉལ་སྒོམ་ལུང་ཆ་ཚང་། འཇིགས་བྱེད་ས་ལུགས་དང་། བདེ་མཆོག་དྲིལ་བུ་པའི་དབང་། ཨིནྡྲ་དང་མཻ་ཏྲི་མཁའ་སྤྱོད་བྱིན་རླབས། མཁའ་སྤྱོད་འཆད་ཐབས། དམར་པོ་སྐོར་གསུམ་པོད་ཆ་ཚང་། ཛམ་ལྷ་སུམ་སྒྲིལ། ཚོགས་བདག་ཁྱད་པར་བའི་རྗེས་གནང་། གཤེད་དམར་སྤྲོས་མེད་བསྐྱེད་རྫོགས་དང་། རྒྱུན་ཁྱེར་སོགས་ཀྱི་ལུང་། ཚེ་སྒྲུབ་ཞག་བདུན་མ། གང་བློ་མའི་རིག་གཏད། སྤྱན་རས་གཟིགས་དོན་ཡོད་ཞགས་པའི་རྗེས་གནང་། སྒྲུབ་ཐབས་ཀྱི་ལུང་། བཅུ་གཅིག་ཞལ་རིགས་བཞིས་སྐོར་བ་དང་། གཙུག་འབར་རྗེས་གནང་ལུང་བཅས། སྒྲོལ་དཀར་ཡིད་བཞིན་འཁོར་ལོའི་རྗེས་གནང་ཁྲིད་ལུང་བཅས། སྒྲོལ་མཚན་ལུང་། ཤངས་ཆོས་སྐོར་ཉིད་ལ་གང་བཞུགས་ཆ་ཚང་། མགོན་དཀར་རྗེས་གནང་། བོོད་ལུང་། དུར་བདག་རྗེས་གནང་། པོད་ཚང་མའི་ལུང་། གུར་ལྷ་བརྒྱད་རྗེས་གནང་། ཆོས་དབང་གཏེར་བྱོན་ཐུགས་ཆེན་འཁོར་བ་དོང་སྤྲུག་དབང་། ཨ་མེས་ཞབས་ཀྱིས་མཛད་པའི་རྡོར་དྲིལ་བུམ་པ་དགང་བླུགས་བཅས་ཀྱི་རྣམ་བཤད་ཕྲིན་ལས་ཀུན་ཁྱབ་དང་། ཚེ་སྒྲུབ་མདའ་འཕེལ་མའི་དབང་ཆོག་དང་། ཛཾ་དཀར་རྗེས་གནང་ཁམས་གསུམ་དབང་སྡུད་ལུང་། དུས་འཁོར་ཁྱུང་ཁྲའི་རྗེས་གནང་། ཁྲོ་མོ་སྨེ་བརྩེགས་རྗེས་གནང་ལུང་བཅས། སྨེ་བརྩེགས་ས་ལུགས་ཀྱི་གྲིབ་མདོས་ལུང་། རིགས་བྱེད་དཔེ་བུམ་གྱི་ལུང་སོགས་གསན། ཐེག་ཆེན་བཀྲ་ཤིས་རིན་ཆེན་ལས་མཁའ་སྤྱོད་སྐོར་

[Full Size]

གསུམ་གྱི་གླེགས་བམ་རྒྱས་པའི་ལུང་། རིགས་བྱེད་དཔེ་བུམ་གྱི་ལུང་སོགས་གསན། ངོར་དུ་མཁན་ཆེན་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་ཞལ་སྔ་ནས་དབང་གི་ཐོག་མར་བདེ་མཆོག་ནག་པོ་ལུགས་ཀྱི་དབང་བསྐུར་གསན་པའི་སྐབས། བུམ་པ་ཕྱག་ཏུ་བཞེས་ནས་ཆུ་དབང་མ་རྫོགས་པར་བདེ་མཆོག་ཞལ་བཞི་ཕྱག་བཅུ་གཉིས་པའི་རྣམ་པ་ཅན་དངོས་སུ་གཟིགས། མུས་ཆེན་འཁོར་ལོ་སྡོམ་པའོ་སྙམ་པའི་ཐུགས་ཤེས་གསལ་བས་དེ་ཕྱིན་མུས་ཆེན་དཀོན་མཆོག་རྒྱལ་མཚན་ཉིད་དུ་ཐུགས་ཐག་ཆོད། སྔ་རྗེས་རྣམས་སུ་བདེ་མཆོག་ལཱུ་ཧི་ལུགས། ཀྱེ་རྡོར་ལུགས་གསུམ། ལམ་འབྲས་སློབ་བཤད། གསང་བ་འདུས་པ་རིགས་གསུམ། འཇིགས་བྱེད་རྭ་ལུགས་ལྷ་དགུ་དང་ལྷ་བཅུ་གསུམ་མ། གཤེད་དམར་ལྷ་ལྔ། སྤྲོས་མེད་ཀྱི་ཁྲིད། ་ནཱ་རོ་མཁའ་སྤྱོད་ཀྱི་རྗེས་གནང་དང་ཁྲིད་ལུང་ཡོངས་རྫོགས། སྲུང་བ་ལྔ་བཅུ་རྩ་གཅིག་པ། གདུགས་དཀར་ཉེར་བདུན་མ། མི་འཁྲུགས་པ་ལྷ་དགུ། ཚེ་དཔག་ལྷ་དགུ། ཀུན་རིག །ཕྱག་རྡོར་འཆི་འཇོམས། ས་ལུགས་དམར་པོ་སྐོར་གསུམ་དང་དམར་ཆུང་སྐོར་གསུམ། །ནོར་ལྷ་དང་ཆོས་སྲུང་གི་རིགས། སྒྲུབ་ཐབས་བརྒྱ་རྩ། སྣར་ཐང་བརྒྱ་རྩ་སོགས་དབང་དང་རྗེས་གནང་གི་རིགས་མང་པོ། མུས་ཆེན་སེམས་དཔའ་ཆེན་པོ། གོ་རམས་བསོད་ནམས་སེང་གེ། དཔལ་ལྡན་དོན་གྲུབ་ཀྱི་བཀའ་འབུམ་གཙོས་དབང་། རྗེས་གནང་། ཁྲིད་དང་ལུང་གི་རིགས་མང་དུ་གསན། མཁན་ཆེན་རྡོ་རྗེ་འཆང་བྱམས་པ་རྣལ་འབྱོར་འཇམ་དཔལ་བཟང་པོ་ངོར་གྱི་ཁྲི་ཐོག་པའི་སྐབས་སུ། །ཐུན་མིན་སེམས་བསྐྱེད། ཀྱེ་རྡོར་མན་ངག་ལུགས་ཀྱི་དབང་། །ཡན་ལག་གི་དབང་རྣམས་དང་། གདམས་ངག་ལམ་འབྲས་བུ་དང་བཅས་པ་ཚོགས་བཤད་ཀྱི་ཁྲིད་ཡོངས་རྫོགས་གཙོ་བོར་གྱུར་པའི་དབང་། རྗེས་གནང་།

[Full Size]

ལྗགས་ལུང་མང་དུ་གསན། ལམ་ཟབ་བླ་མའི་བྱིན་རླབས་གསན་སྐབས་གྲུབ་ཆེན་བིར་ཝ་པའི་སྐུར་དངོས་སུ་གཟིགས་པས་དེ་ཕྱིན་བིར་ཝ་པའི་རྣམ་འཕྲུལ་རྒྱལ་ཚབ་ཀུན་དགའ་དབང་ཕྱུག་གི་སྐུའི་སྐྱེ་བར་ཐུགས་ངེས་གཏིང་ནས་འདྲོངས། ཕྱིས་སྐུ་གཤེགས་པའི་སྐབས་སུའང་ཡེ་ཤེས་ཀྱི་སྐུས་རྗེས་སུ་བཟུང་བར་སྣང་ངོ། །མཁན་ཆེན་དཔལ་ལྡན་ཆོས་ཀྱི་རྒྱལ་མཚན་ལས། བི་རཱུ་པའི་སྲུང་བའི་བྱིན་རླབས། འཇམ་དབྱངས་སྨྲ་སེང་། གཉན་སྒྲོལ་ཡན་ལག་དྲུག་པ། །སྤྱན་རས་གཟིགས་བཅུ་གཅིག་ཞལ་རྣམས་ཀྱི་རྗེས་གནང་། ཐེག་པ་ཆེན་པོའི་གསོ་སྦྱོང་གི་སྡོམ་པ། མང་མཁར་བློ་གྲོས་བཟང་པོའི་སྒྲོལ་དཀར་སྐོར། ཉིད་མཛད་སྨན་བླའི་མདོ་ཆོག་སོགས་ལུང་མང་དུ་གསན། བྱམས་པ་དཔལ་ལྡན་བཟང་པོ་ལས་དཔལ་ལྡན་ལྷ་མོ་དུད་སོལ་མའི་རྗེས་གནང་གཉིས་དང་། དཔེ་བུམ་ཡོངས་རྫོགས་ཀྱི་ལུང་བཅས་གསན། བྱམས་པ་འཇམ་དཔལ་གྲགས་པ་ལས་ཚེ་དཔག་ལྷ་དགུའི་དབང་། ཆོས་རྗེ་ངག་དབང་ཚུལ་ཁྲིམས་ལས་ཀུན་རིག་དབང་། ཚེ་རྟ་ཟུང་འབྲེལ། འཇམ་ནག །ཁྱུང་ནག །རི་ཁྲོད་མ། འབྱུང་འདུལ། སེང་གེ་སྒྲ། རྣམ་འཇོམས། འཇམ་དཔལ་དམར་སེར་སྒྲོལ་མ་བཅས་ཀྱི་རྗེས་གནང་གསན། སྨྲ་བའི་སེང་གེ་རྡོ་རྗེ་སློབ་དཔོན་ཆེན་པོ་འཇམ་པའི་དབྱངས་ངག་དབང་ལེགས་གྲུབ་ཀྱི་མདུན་ནས་གུར་རིགས་བསྡུས། སམྦུ་ཊ། མཁའ་འགྲོ་རྒྱ་མཚོ་སོགས་དབང་ཆེན་དང་། །གུར་ཞལ་བཀའ་སྡོད་དང་བཅས་པའི་རྗེས་གནང་། དུར་ཁྲོད་བདག་པོའི་རྗེས་གནང་དང་བེ་བུམ་གྱི་ལུང་། དམ་ཚིག་རྡོ་རྗེའི་རིག་གཏད། ལས་འབྲེལ་གཏེར་བྱོན་ཕྱག་རྡོར་དྲེགས་འདུལ་གྱི་དབང་ལུང་སོགས་མང་དུ་གསན། ཁྱད་པར་བོད་དུ་ལན་རྗེས་མ་ཕེབས་སྐབས་སློབ་དཔོན་ཨ་བྷ་ཡཱ་ཀ་རས་མཛད་པའི་རྡོ་རྗེ་ཕྲེང་བའི་དབང་བསྐུར་

[Full Size]

གསན་པའི་སྐབས་མནལ་ལྟས་གཟིགས་པ་རྣམས། རྗེ་ཉིད་ཀྱིས་ཕྱག་ཐོར་བཀོད་པ་འདི་ལྟ་སྟེ། ན་མོ་གུ་རུ་བཛྲ་སཏྭཱཱ་ཡ། ཡེ་ཤེས་ཉི་མ་ནང་གི་དབུ་མའི་མཁར། །ཤར་བའི་མོད་ནས་བདེ་ཆེན་གྲུབ་པའི་གཟིས། །མཆོག་ཏུ་མི་འགྱུར་པདྨོ་རྒྱས་མཛད་པ། །ཁྱབ་བདག་རྡོ་རྗེ་སེམས་དཔས་དགེ་ལེགས་མཛོད། །དེ་ལ་འདིར་ཤྲཱི་བཛྲ་ཨཱ་བ་ལིའི་མ་ཧཱ་མཎྜལ་རྣམས་སུ་གཏོར་བ་དང་བླུགས་པའི་བདུད་རྩིས་ཡིད་ཀྱི་ཨུཏྤ་ལ་ཁ་བྱེ་བའི་ཚེ། ཉིང་འཁྲུལ་གྱི་ངེས་པ་ལ་ཇི་ལྟར་འཆར་བའི་རིམ་པ་མདོ་ཙམ་བརྗོད་པར་བྱ་སྟེ། དང་པོར་ཨ་དྷི་ཏིཥྵའི་ཐོ་རངས། སྐྱེས་བུ་བརྗིད་ཆགས་པ། སྣུམ་བག་ཅན། གཟུགས་གཞན་ལས་འདབས་འགྱུར་གྱིས་ཆེ་བ། ཟ་འོག་ནག་པོའི་གོས་ལྷུབ་གྱོན་བྱས་པ་ཞིག་གིས་ཐོག་དྲངས་སྐྱེ་བོའི་ཚོགས་རབ་ཏུ་མང་པོས་བདག་ཉིད་ལ་འདུད་པ་དང་། ཤར་ཕྱོགས་ནས་ཉི་མ་ཞིག་ཤར་བ་སྙིང་གར་ཐིམ། དེ་ལས་སླར་སྐར་མ་ལྟ་བུའི་ཉི་མ་ཆུང་ངུ་མང་པོ་འཕྲོ་བ་དང་། །བྱེའུ་ཆུང་ངུ་ཞིག་ཁྲས་དེད་པ་སྲོག་བསྐྱབས་པ་རྣམས་བྱུང་ངོ་། །གཉིས་པ། མཉྫུ་བཛྲའི་ཐོ་རངས། སྔར་ཕྱིན་མྱོང་བ་ལྟ་བུའི་སྐྱེད་ཚལ་ཉམས་དགའ་བ་ཞིག་ཏུ་སླེབས་པའི་ཐོ་ཕྱི་ཐམས་ཅད་མེ་ཏོག་དཀར་པོ་ཕོར་པ་ཙམ་རྒྱས་པའི་ཤིང་ལྗོན་པ་ཁོ་ནས་གང་བའི་ཁྲོད་ནས་ཕར་སྤྲོ་བཞིན་དུ་ཕྱིན་ཕྱིན་པས། ཤིང་སྡོང་མེ་ཏོག་སེར་པོ་རྒྱས་པ་ཞིག་གི་བསིལ་གྲིབ་ཏུ། མ་ཧཱ་ཨུ་པ་དྷྱཱ་ཨཱ་ནནྡའི་ཞབས་དྲང་སྲོང་གི་ཆ་བྱད་དུ་བཞུགས་པ་ལ་མོས་གུས་ལྷག་པར་འབར་ནས་བསྐོར་བ་བྱས་པ་ཞིག་བྱུང་། དེ་བཞིན་དུ། གསུམ་པར། གངས་རི་ཨོ་རྒྱན་རྫོང་དུ་འཛེགས་པའི་ལམ་བར་ཐམས་ཅད་ཤུག་པའི་ནགས་སྟུག་པོ་དང་། མེ་ཏོག་རྒྱས་པར་སྣང་། བར་སྐབས་ཤིག་ཐར་དཀའ་བར་སྟེང་ནས་སུ་ཡིན་ངོ་མ་འཚལ་བས་གཟན་གོས་ལྟ་བུ་ཞིག་འཕངས་བྱུང་བའི་སྣེ་ེལ་ཟིན་ནས་ཕྱིན་པས་བདེ་བླག་ཏུ་ཐར།

[Full Size]

དེར་ཁང་བཟང་བཀོད་ལེགས་ཅུང་རྙིང་པ་ཞིག་གི་ཕུག་ཏུ། དམར་པོ་སྐོར་གསུམ་གྱི་བྲིས་སྐུ་སྣུམ་བག་ཆགས་པའི་མདུན་མར་མེ་གསལ་ལམ་པ་མང་པོ་སྦར་བ་མཐོང་། བཞི་པར། གཞོ་སྟོད་གཏེར་སྒྲོམ་རེད་སྙམ་ཞིག་གི་མདའ་ནས་ཡར་བཛྲ་དྷཱ་ར་མཻ་ཏྲི་ཨཱ་ནནྡའི་ཞབས་དང་ལྷན་དུ་ཕྱིན་པས། སྐབས་ཤིག་ཆུ་ལས་ཐར་དཀའ་ཡང་། བཛྲ་དྷཱ་རའི་ཞབས་སྔོན་ལ་ཚེགས་མེད་པར་ཕེབས། རང་ཉིད་ཀྱིས་ལན་གཉིས་བརྒལ་བའི་སྔ་མར་ཕྱིན་མ་ཐུབ། རྗེས་མར་བདེ་བླག་ཏུ་ཕྱིན་པའི་ཕར་ཀར་ཕ་ཝང་ཞིག་གི་སྟེང་དུ་གྲུབ་པའི་སློབ་དཔོན་བཛྲ་གྷཱཎྜ་པ་བཞུགས་འདུག །དེའི་འཁྲིས་སུ་ཀུན་ཏུ་རྒྱུའི་ཆ་བྱད་ཅན་ཞིག་གིས་ལི་ཁྲི་དངོས་ཡིན་ཚུལ་གྱིས་ཤིང་ལོ་དམར་སེར་རེག་པས་ཚོན་དམར་སེར་དུ་འགྱུར་བ་ཞིག་དཔྲལ་བར་བསླན། དཱུར་ཝ་དངོས་ཡིན་ཞེས་ཤིང་ཏོག་སེར་པོ་ཞིག་བྱིན་པ་ཟོས་པས་རོ་ཁྱད་པར་དུ་འཕགས་པ་བྱུང་། བཅུད་ལེན་མཆོག་ཏུ་འགྱུར་ཞེས་ཟེར། ཡང་རེ་ཞིག་ན་ལྷ་ཁང་གོག་པོ་ཞིག་ཏུ། བྱམས་པའི་སྐུ་བསམ་གྱིས་མི་ཁྱབ་པ་ཞིག་ཐིགས་པས་འཇིག་ལ་ཁད་དུ་འདུག །འཁྲིས་དེར་མི་མང་པོས་ངེད་ལ་ཞིག་གསོས་ཀྱིས་ཞེས་བསྐུལ་བ་ན། རང་ཉིད་ནས་ཀྱང་དེ་ལྟར་བྱེད་པའི་ཁུལ་གྱིས། དར་གཅིག་ན་ཞལ་རས་ཡན་ལེགས་པོ་ཞིག་གྲུབ་སོང་བར། རབ་གནས་བྱ་ཟེར། མ་ཧཱ་སནྡྷི་པ་ཨ་ནྱ་ཧི་ཏའང་བཞུགས་འདུག། ཆོ་ག་ཞིག་བཏང་སོང་བ་བརྗེད། ཚོགས་འཁོར་ཟིན་པ་ན་བདུད་རྩི་ཡིན་ཟེར་ཤིང་ཏོག་གི་ཁུ་བ་འདྲ་མོ་སེར་པོ་ཞིག་གནང་བྱུང་བ་འཐུངས་པས་ཟི་བུན་པ་ཞིག་བྱུང་། དེར་གླུ་ལོངས་ཞེས་གསུངས་པས་འདི་འདྲ་ཞིག་འཐེན་པའི་སྣང་བ་ཤར་རོ། །ཨོཾ་ཤྲཱི་ཨ་ལ་ལ་ཧོཿ བདེ་ཆེན་གྱི་ཡེ་ཤེས་མཐར་སོན་པས། ཁ་སྦྱོར་ལ་ཡན་ལག་བདུན་དང་ལྡན། །དཔལ་རྡོ་རྗེ་འཆང་ཆེན་

[Full Size]

མི་གཟུགས་ཅན། །རྗེ་བླ་མའི་ཞབས་པད་སྙིང་ནས་དྲན། །ཕུང་པོ་དང་ཁམས་དང་སྐྱེ་མཆེད་ཀུན། །གདན་གསུམ་གྱི་དཀྱིལ་འཁོར་གཅིག་ཏུ་ཤར། །རྗེ་བླ་མ་སྐུ་ཡི་རྡོ་རྗེ་ལ། །ཡུལ་སྣང་སྟོང་གི་ངང་ནས་གསོལ་བ་འདེབས། །རྩ་ཨ་བ་དྷཱུ་ཏིའི་རྒྱུད་མངས་ལས། །རླུང་མི་ཤིགས་ནཱ་དའི་དབྱངས་སྙན་ལེན། །རྗེ་བླ་མ་གསུང་གི་རྡོ་རྗེ་ལ། །སྒྲ་གྲགས་སྟོང་གི་ངང་ནས་གསོལ་བ་འདེབས། །ཐབས་བདེ་བ་ཆེན་པོས་དྲངས་པ་ཡི། །སྟོང་ཉིད་ལ་སྙིང་རྗེའི་རང་རྩལ་རྫོགས། །རྗེ་བླ་མ་ཐུགས་ཀྱི་རྡོ་རྗེ་ལ། །བློ་རིག་སྟོང་གི་ངང་ནས་གསོལ་བ་འདེབས། །ཆེས་ཕྲ་བའི་རྩ་རླུང་ཐིག་ལེའི་ཁམས། །འོད་གསལ་དུ་དྭངས་པའི་ཟུང་འཇུག་སྐུ། །རྗེ་བླ་མ་ཡེ་ཤེས་རྡོ་རྗེ་ལ། །དོན་དབྱེར་མེད་ཀྱི་ངང་ནས་གསོལ་བ་འདེབས། །ངེས་འབྱུང་གི་ཆུ་ཡིས་སྙིང་རབ་བསིལ། །ཚུལ་ཁྲིམས་ཀྱི་བསླབ་པས་ལུས་ངག་དག །ཏིང་འཛིན་གྱི་བྱེད་པོས་སེམས་རྒྱུད་དུལ། །ཤེས་རབ་ཀྱི་མིག་དང་ལྡན་པར་ཤོག །སྣང་བ་ཀུན་འཇའ་ཚོན་ལྷ་སྐུར་ཤར། །སྟོང་པ་ཡང་བདེ་བའི་ཐབས་དང་བཅས། །ཟུང་འཇུག་ལ་དགའ་བཞིའི་རྩལ་རྫོགས་པའི། །གོ་འཕང་དེ་ཚེ་འདིར་འགྲུབ་གྱུར་ཅིག །ཅེས་པ་སྟེ། ཚིག་ཟུར་རེ་གཉིས་ཉམས་ཡོད་ན་མ་གཏོགས་འདི་ཇི་ལྟ་བའོ། །ལྔ་པར། ཕ་རོལ་ཏུ་སྨན་ལྗོངས་དང་། བཟའ་ཤིང་གི་ར་བ་དང་། ཁང་བཟང་ཡིད་འཕྲོག་པ། ཚུ་རོལ་ཏུ་རང་ཉིད། བར་དུ་ཆུ་ཀླུང་ཆེན་པོ་ཞིག་འབབས་པར་སྣང་བས། རང་ཉིད་དེར་འཇུག་འདོད་ཀྱི་བློ་སྐྱེས་མ་ཐག །ཉིང་འཁྲུལ་དུ་ཤེས་ནས་ཐོག་བརྫིས་ཀྱིས་ཕྱིན་ཀྱང་། ཆུ་གཞུང་ཙམ་དུ་སླེབས་པ་དང་ཕྱིར་འཁོར་ནས་མ་ཐར། སླར་གོས་དང་བྲལ་བས་ཕྱིན་པ་ན་བདེ་བླག་ཏུ་སླེབས། དེར་བྲམ་ཟེའི་གཟུགས་ཅན་ཞིག་གིས། སྙན་ངག་

[Full Size]

མེ་ལོང་གི་རྒྱ་དཔེ་ཞིག་གཏད་ནས། ཅུང་ཟད་ཁྲོ་ཚུལ་བཅས། ཁྱོད་སྙིང་རུལ། ཚེ་འདིར་ཆུ་འདི་ལས་བརྒལ་མི་ནུས། འོན་ཀྱང་ཕྱི་མར་དཀའ་བ་མེད་པར་ཐར་བར་འགྱུར་རོ། །ཞེས་ཟེར་རོ། །དྲུག་པར། བསམ་ཡས་མཆིམས་ཕུའི་ཀུན་མཁྱེན་དྲི་མེད་འོད་ཟེར་གྱི་གདུང་འབུམ་ཡིན་རྒྱུ་དེའི་འཁྲིས་ནས་ཕར་ཕྱིན་པ་ན། སེ་བའི་ཕུང་པོ་མེ་ཏོག་རྒྱས་པ་ཞིག་གི་ཁྲོད་ནས་རྗེ་བླ་མ་དྷཱི་ཀཱ་ཤའི་ཞབས་ཀྱི་ཕྱག་བྲིས་ཡིན་པའི་ཤོག་དྲིལ་ཞིག་རྙེད། སྟོད་ཆ་དེར་ཚིག་འགའ་ཞིག་འདུག་ཀྱང་བརྗེད། གཤམ་དེར་སྙན་བརྒྱུད་འཆི་མེད་བཅུད་ལེན་ཟུར་དུ་བྲིས་པ་འདི་ཇི་ལྟ་བ་བཞིན་གདའ། དེར་སེམས་སྤྲོ་སྣང་གིས་ཚར་ཁ་ཤས་ཀློག་པ་བློ་ལ་གསལ་བ་བྱུང་། དེ་མཚམས་རྗེ་བླ་མ་དྷཱི་ཀཱ་ཤའི་ཞབས་མཇལ། འདི་ལྟར་འདུག་ཅེས་ཞུས་པས། རེ་ཞིག་ཅི་ཡང་མི་གསུང་། དར་ཅིག་ན།། དེ་འབའ་ར་བའི་སྙན་བརྒྱུད་ཟབ་ཤོས་ཤིག་ཡིན། ངོས་ཙཱ་རིར་འགྲོ་དུས་བྲིས་པ་ཡིན་ཅེས་ཕེབས། དེ་རྗེས་ཙམ་དུ་རྡོ་རྗེ་འཛིན་དབང་བཱ་གིནྡྲ་མཇལ་བར་འཕྲོས་ཞུས་པས། དགྱེས་པའི་རྣམ་འགྱུར་དང་བཅས་ཐོད་ཕྲེང་རྒྱན་ལྡན་ཞིག་གནང་ནས། དམ་ཚིག་གཙང་བ་ཡིན་འདུག །ཅེས་དང་། དམ་ཚིག་འདི་ནི་འདའ་བར་དཀའ། །དེ་བས་སྲོག་བཞིན་གཅེས་པར་ཟུངས། །ཞེས་གསུངས་པའི་སྣང་བ་བྱུང་། བདུན་པར། ལྷ་ལྡན་སྤྲུལ་པའི་གཙུག་ལག་ཁང་དུ་སློབས་པ་ན། ནང་སྐོར་དུ་ཕྱིན་པར། རང་གི་ལག་ཏུ་འབྲས་དཀར་གྱིས་ཁེངས་པའི་རིན་པོ་ཆེའི་ཟ་མ་ཏོག་ཞིག་འདུག་པ་ནས་འཐོར་བཞིན་དུ་ཕྱིན་པས། ས་ལ་ཆགས་རིམ་བཞིན་དུ་མེ་ཏོག་དཀར་པོ་རེ་རེ་ལམ་ལམ་སྐྱེས། སྤྲོ་སྣང་བཅས་ཇོ་བོ་རིན་པོ་ཆེའི་མདུན་དུ་སླེབས། དེར་མར་མེ་བརྒྱ་ཀོང་ཞིག་སྦར་ཆོག་བྱས་འདུག་པའི་འཁྲིས་དེར་ངོ་མི་འཚལ་བའི་མི་ཞིག་གིས། །སྐུ་ཞབས་ཀྱི་གྲུབ་

[Full Size]

རྟགས་ཁྱད་པར་འཕགས། དམར་མེ་འདི་རྣམས་ལ་ཐུགས་སྨོན་གནང་ན་རང་འབར་དུ་ཡོང་། དེ་བྱུང་ན་སྨོན་ལམ་གང་བཏབ་མྱུར་དུ་འགྲུབ་ཟེར་བར། མར་མེ་ལ་དམོད་བཙུགས་ཏེ་མེ་ཏོག་འཐོར་བས་རང་འབར་དུ་བྱུང་། དེར་ཕན་བདེ་འབྱུང་བའི་སོགས་དང་། འཇིག་རྟེན་བདེ་ཞིང་སོགས་ཀྱི་སྨོན་ལམ་བཏབ་པས། ད་ཅིའི་དེ་ན་རེ། རང་དོན་ཏུའང་སྨོན་ལམ་རེ་མཛོད་ཟེར་བར། ཕར་ལྟོས་དཔོན་མེད་ཚུར་ལྟོས་གཡོག་མེད་ཅིང་། །འདུལ་རྒྱུའི་དགྲ་མེད་བསྐྱང་རྒྱུའི་གཉེན་མེད་པར། །དབེན་པའི་གནས་སུ་རང་སེམས་འདུལ་བ་དང་། །རླབས་ཆེན་རྒྱལ་སྲས་སྤྱོད་པ་མཐར་ཕྱིན་ཤོག །ཅེས་བཏབ་པས་ཡི་རངས་པའི་རྣམ་འགྱུར་སྟོན་ཏོ། །བརྒྱད་པར། བཙུན་པ་བགྲེས་སོང་ཞིག་གིས་གླེགས་བམ་ཆེན་པོ་ཞིག་གཏད་འདི་ཕྲེང་བསྐོར་གསུམ་གྱི་དོན་འགྲེལ་གྲུབ་ཆེན་མི་ཏྲ་ཛོ་ཀིས་མཛད་པ་དེ་ཡིན་ཟེར། ཞལ་ཕྱེས་པས། ཐོག་མ་དེར་སྲིད་སྤེལ་དང་། དེ་འོག་བྱིས་པ་ལ་འཇུག་པའི་སྒོ་དང་། སྨན་དཔྱད་སོགས་ནས། མཐར་དུས་འཁོར་ལས་གསུངས་པའི་བཅུད་ལེན་སོགས་ཡོད་པ། དཔེ་ཚན་ཤིན་ཏུ་མང་བ། བོ་དོང་པའི་དེ་ཉིད་འདུས་ཆེན་གྱི་སྙིང་པོ་བསྡུས་པ་ལྟ་བུ་ཞིག་འདུག །དེ་ཙམ་ན་ལུང་ཡོད་མེད་དཔྱོད་པའི་སྣང་བ་ཤར་མ་ཐག །རྗེ་བླ་མ་ཝཱ་གིནྡྲ་དང་མཇལ། ལུང་ཡོད་ཀྱང་བརྒྱུད་པ་ངེས་འདྲོངས་མི་འདུག་གསུངས། ཅུང་ཟད་ན་མདུན་གྱི་ནམ་མཁར་སློབ་དཔོན་རིན་པོ་ཆེ་དང་། གྲུབ་ཆེན་མི་ཏྲ་གང་ཡིན་མ་འཚལ་བ་ཞིག་བྱིན་གྱིས་རློབ་རློབ་ལྟར་བཞུགས་པའི་འཕྲོར་གཉིད་སད་དོ། །དགུ་པར། མི་ཞིག་གིས་བསམ་ཡས་ནས་བསྐུར་བ་ཡིན་ཟེར་རྒྱ་མ་ཆེན་པོ་ཞིག་སྤྲད། ཁ་ཕྱེ་བས་གནམ་ལྕགས་རྡོ་རྗེ་དངོས་གཙང་ཁྱད་མཚར་ཞིག་འདུག །དེར་མི་དེས། འདི་ལས་ཅུང་ཆུང་བ་ཞིག་ཡོད་པ་མ་

[Full Size]

ཧཱ་སནྡྷི་པར་ཕུལ་བས་ཐུགས་མཉེས་པོ་རང་བྱུང་སོང་། འདི་ན་ཉིན་ནས་སྐུ་ཞབས་རང་ལ་འབུལ་སྙམ་ཡང་། ཐུགས་བཅའ་གནང་གི་མེད་དམ་སྙམ་པས་བཞག །ད་ལན་ཐུགས་བཅའ་གནང་བ་འདྲ་ཟེར་བས་ཕུལ་བ་ལགས་ཟེར་བའི་འཕྲོར་བཞད་མོ་མང་དུ་འཚོར་བ་ཞིག་བྱུང་ངོ་། །བཅུ་པར། རང་ཉིད་སྐྱེ་ཡུལ་ཡིན་སྙམ་པའི་སྨན་ལྗོངས་ཉམས་དགའ་བ་ཞིག་ཏུ་སླེབས་པར། བདུད་རྩི་རིལ་བུར་འགྲོ་བའི་སྔོ་སྨན་རྣམས་ཚོལ་བའི་འདུན་པས་ཕྱིན་པར་ཕལ་ཆེར་ཞིག་རྙེད། སླར་ཕྱིན་པས་ཨ་རུ་རའི་ནགས་ཚལ་ཐོ་རེ་བ་ཞིག་ཏུ་སླེབས། དེ་ན་སྨན་གྱི་དྲང་སྲོང་ཡིན་ཟེར་བའི་དགེ་སློང་བགྲེས་པོ་སྐྲ་དང་སྨ་ར་དཀར་པོ་ཅན་ཞིག་འདུག་པས། སྔོ་སྨན་མང་པོའི་ངོས་འཛིན་དང་། སྨན་སྦྱོར་ཁ་ཤས་གསུངས། དེ་ལ་ཡུལ་འདི་རྒྱ་བལ་གྱི་ས་ཆ་ཞིག་ཡིན་འདྲ་བས་ཇི་སྐད་ཟེར་བ་ལགས་ཞུས་པར། བདེ་མཆོག་གི་གནས་ཁྱད་པར་ཅན་ཡིན། སྐུ་རང་བྱོན་ཀྱང་བཞུགས་པས་མཇལ་དུ་འདོང་ཞེས་ཁྲིད། ཁང་བཟང་ཅུང་ཟད་གོག་པ་ཞིག་གི་སྒོ་ཕྱེ་བའི་ནང་དུ། མཚོ་ནག་ངམ་པ་ཞིག་གི་དབུས་སུ་བདེ་མཆོག་གི་སྐུ་བློས་མི་འཁྱུད་པའི་ཆེན་པོ་ཞིག་མཇལ། ཟིལ་བསམ་གྱིས་མི་ཁྱབ་པས་རེ་ཞིག་བརྒྱལ་བ་སྙམ་བྱེད་དོ། །བཅུ་གཅིག་པར། སྲོད་ཁྲ་འབྲུག་ཏུ་སླེབས། པ་ཆེན་ནགས་རིན་གྱི་སྐུ་དེ་མཇལ་བས། ཅུང་ཟད་ན་སྐུ་དངོས་སུ་སོང་། ཕྱག་གིས་རེག་ཅིང་། ཁྱོད་ཀྱིས་དབང་ཇི་ཙམ་ཐོབ་གསུངས། ཐོབ་ཚུལ་རགས་པ་ཞུས་པས། སྐལ་བཟང་དང་དམ་ཉམས་གཉིས་ཀ་མང་དུ་བསགས་འདུག་ཕེབས། སྤྱིར་སྔགས་ཀྱི་དམ་ཚིག་སྲུང་ཤིན་ཏུ་དཀའ་ནའང་རྩ་བ་ཆེ་རིགས་དང་འགལ་བ་ཆེར་མི་བདོག་ཞུས་པས། གནད་མགོ་བ་མཚངས་ཆེ། ཐ་མལ་གྱི་སྣང་ཞེན་དང་བཅས་པས་དབང་ཚིག་འཆད་ཉན་

[Full Size]

ཙམ་ལའང་ལྟུང་བ་ཆར་བཞིན་འབབས་གསུངས། འོ་ན་དབང་གཏན་ནས་མི་ཞུ་བ་ལེགས་སམ་ཞུས་པ། དེ་འདྲ་ག་ལ་ཡིན། རྫས་ལྡོག་སོ་སོར་ཕྱེ་དགོས་པ་ཡིན་མོད་གསུངས་པས། བོད་སྔ་ཕྱིའི་སྔགས་ཀྱི་ཕྱག་ལེན་ཡངས་དོག་དང་། ཇོ་བོ་རྗེས། སོ་སོར་ཐར་པའི་ཉེས་པས་གཏན་ནས་མ་གོས་སོགས་དང་། འཇམ་དབྱངས་བླ་མས། རྡོ་རྗེ་ཐེག་པའི་བསྟན་པ་ནི། །སོགས་ལ་གོ་བ་ཁྱད་པར་ཅན་སྐྱེ་བ་སྙམ་བྱེད་པ་བྱུང་། དེར་ཉིད་ཀྱི་པདྨ་ཚེ་ཁྲིད་དེ་གནང་དགོས་ཞུས་པས། དཔེ་བརླག་ནས་མེད་གསུངས། ཐུགས་ནས་གནང་བས་ཁྱབ་ལགས་སམ་ཞུས་པར། གདམས་ངག་དགོས་ན་དབང་བསྐུར་བ་དགོས་པ་ཡིན་མོད་གསུང་བའི་འཕྲོར་སྐུ་རང་དུ་སོང་ངོ་། །ཐོ་རངས། ཕྲེང་བའི་སྐོར་ལ་འབེལ་གཏམ་མང་དུ་བགྱིས་ཀྱང་བརྗེད། དྲན་པ་ཞིག་ལ། ཨ་བྷ་ཡས། རྒྱུད་སྡེ་སོ་སོར་མ་ཕྱེས་ཟེར་བ་མི་བདེན་ཏེ། རྒྱུད་སྡེ་ཕྱི་ནང་གཉིས་སུ་ཕྱེ་ཞིང་། །ནང་ལའང་ཁྱད་ཆོས་མ་འདྲེས་པར་བཤད་པའི་ཕྱིར། དེ་ལའང་རྒྱུ་མཚན་ཡོད་དེ། ལམ་དང་འབྲས་བུ་དངོས་བཏགས་ལྡོག་པ་དང་བཅས་པའི་དབྱེ་བ་དང་། བསླབ་པ་གསུམ་རྫོགས་པའི་དབང་དུ་བྱས་པའི་ཕྱིར། འོན་ཀྱང་ཕྱག་ལེན་ལ་གཉིས་ཀ་གནང་སྟེ། མ་ངེས་པའི་དབང་རྣོན་དང་། བླ་མེད་ཁོ་ནར་ངེས་པའི་དབང་རྣོན་དག་གི་ཆེད་དུའོ། །དེ་ལྟ་མོད་ཀྱི་ད་ལྟའི་ཕྱག་ལེན་ལྟར་ནའང་དོན་གྱིས་བླ་མེད་དུ་འགྱུར་ཏེ། ཐོག་མ་ནས་དེའི་དབང་བསྐུར་བ་ཙམ་གྱིས་རྒྱུད་བདེ་སྟོང་ཆེན་པོའི་ངོ་བོར་བསྡོམས་ཟིན་པའི་ཕྱིར་རོ། །ཞེས་སོགས་རྒྱུ་མཚན་དང་བཅས་ཏེ་སྨྲ་བ་ཞིག་བྱུང་ངོ་། །ཞེས་བཀའ་སྩལ་པ་ལྟར་ཡ་མཚན་པའི་མནལ་ཉམས་ཁྱད་པར་ཅན་དང་བཅས་གསན་པར་མཛད་དོ། །ཕན་བདེ་བཟང་པོ་ལས་ཀྱང་རྡོ་རྗེ་ཕྲེང་བའི་དབང་

[Full Size]

བསྐུར་ཕལ་ཆེར་དང་། འཇམ་ནག །གཟའ་ཡུམ། གཤེད་དམར་རྣམས་ཀྱི་རྗེས་གནང་། ངག་དབང་ལྷུན་གྲུབ་ལས། ཀུན་རིག་དབང་། སེང་གདོང་། གུར་དྲག །སེང་གེ་སྒྲ་རྣམས་ཀྱི་རྗེས་གནང་། ཚེ་རྟ་ཟུང་འབྲེལ་དབང་། ཚུལ་ཁྲིམས་དཔལ་བཟང་ལས་སེང་གེ་སྒྲ། གཤེད་དམར་སོགས་ཀྱི་རྗེས་གནང་། ཀུན་དགའ་བསམ་འགྲུབ་ལས་རྣམ་འཇོམས་རྗེས་གནང་དང་། ཚེ་རྟ་ཟུང་འབྲེལ། ཆོས་གྲགས་ལས་རྣམ་འཇོམས་རྗེས་གནང་། ངག་དབང་བཀྲ་ཤིས་ལས་ཚེ་དཔག་མེད་གྲུབ་རྒྱལ་ལུགས་ཀྱི་དབང་། རྣམ་འདྲེན་དམ་པ་དགེ་འདུན་རྒྱ་མཚོ་ལས་ཚེ་དཔག་ལྷ་དགུའི་དབང་འཆི་བསླུ་དང་འབྲེལ་བ། རི་ཁྲོད་མ། ཚེ་རྟ་ཟུང་འབྲེལ་སོགས་གསན། དཔལ་ལྡན་ཕྲིན་ལས་ལས་ཀྱེ་རྡོར་རྒྱུ་ལམ། བ་རི་བརྒྱ་རྩ། སྣར་ཐང་བརྒྱ་རྩ། སྒྲོལ་མ་བར་ཆད་ཀུན་སེལ་རྣམས་ཀྱི་རྗེས་གནང་སོགས་དང་། ཚེ་རྟ་ཟུང་འབྲེལ། འཇམ་དབྱངས་དམར་སེར་གྱི་རྗེས་གནང་ལུང་བཅས། བྱམས་པ་བསྟན་འཛིན་རྣམ་རྒྱལ་ལས་ཞུ་ཆེན་པའི་བཅུ་གཅིག་ཞལ་གྱི་སང་གནས་ལུང་། བླ་མ་ངག་དབང་གྲགས་པ་ལས་རབ་གནས་དཔལ་འབྱོར་རྒྱ་མཚོའི་ལུང་། ངག་གི་དབང་པོ་ལས་འཇམ་དཔལ་ཤེས་རབ་འཁོར་ལོ་དང་། གཙུག་ཏོར་འབར་བའི་རྗེས་གནང་ལུང་བཅས་གསན། རྡོ་རྗེ་སློབ་དཔོན་བསོད་ནམས་ཕུན་ཚོགས་ལས་དུས་འཁོར་བུ་ལུགས་དབང་རྫོགས་པ། བརྒྱུད་འདེབས། སྒྲུབ་དཀྱིལ་ལུང་། རྡོ་རྗེ་ཤུགས། སྣ་ཚོགས་ཡུམ། རྡོ་རྗེ་ཁྱུང་ཁྲ་རྣམས་ཀྱི་རྗེས་གནང་། རྣམ་སྲས་སེར་ཆེན་ལྷ་དགུའི་རྗེས་གནང་བཅས། ཆོས་རྗེ་དགེ་ལེགས་རྒྱལ་མཚན་ལས་སྦྱོང་དཀྱིལ་བཅུ་གཉིས། འཆི་འཇོམས། ཉི་སྦས་སྒྲོལ་མ་ཉེར་གཅིག །ཚེ་དཔག་དཀར་པོ། ཁྲོ་མོ་སྨེ་བརྩེགས། བཅུ་

[Full Size]

གཅིག་ཞལ། མི་འཁྲུགས་པ་རྣམས་གསན། རྡོ་རྗེ་འཛིན་པ་ངག་དབང་བཟང་པོ་ལས། ཐུགས་རྗེ་ཆེན་པོ་ཕྱག་ཆེན་ཟུང་འཇུག །ཚེ་དཔག་མེད་སྤྲུལ་སྐུ། བདེ་མཆོག་བོང་ཞལ་ཅན། དགྲ་ནག །རིགས་གསུམ་སྤྱི་དབང་སོགས། དཔལ་ལྡན་དོན་གྲུབ་ལས། བཅུ་གཅིག་ཞལ། ཐུགས་ཆེན་སྐྱེར་སྒང་ལུགས། འཇིག་བྱེད་དཔའ་གཅིག །བིར་སྲུང་། ཕྲན་ལས་རབ་རྒྱས་ལས་ཐང་ལུགས་ཚེ་དབང་། དེའི་ཡིག་ཆའི་ལུང་། ཞབས་དྲུང་བྱམས་པ་ཀུན་དགའ་དཔལ་བཟང་ལས་ས་རུ་པའི་ལུགས་གཅོད་སྐོར་ཡོངས་རྫོགས་ཀྱི་སྨིན་གྲོལ་གསན། འཇམ་དབྱངས་བློ་གསལ་ལས་ཚེ་དཔག་མེད་འཆི་མེད་རྔ་སྒྲའི་དབང་། གསང་འདུས་སྤྱན་རས་གཟིགས་དབང་། འཇིགས་བྱེད་བཅུ་གསུམ་མའི་དབང་། འཇིག་བྱེད་རྭ་པོད་ཀྱི་ལུང་། ངོར་ཆེན་བཀའ་འབུམ་པོད་བཞི། ཞུ་ཆེན་བཀའ་འབུམ་པོད་བརྒྱད་ཀྱི་ལུང་སོགས་གསན། ནཱ་ལེནྡྲའི་གཟིམ་འོག་མཆོག་སྤྲུལ་རིན་པོ་ཆེ་བྱམས་པ་ངག་དབང་བསྟན་འཛིན་སྙན་གྲགས་ཞལ་སྔ་ནས་དབུ་མ་ལུགས་ཀྱི་སེམས་བསྐྱེད། དེའི་བརྒྱུད་འདེབས་ལུང་། བློ་སྦྱོང་ཞེན་པ་བཞི་བྲལ། དེའི་དོན་འགྲེལ་གྲགས་པ། ས་པ། ནུབ་པ་རིག་འཛིན་གྲགས། ཀུན་དགའ་ལེགས་རིན་བཅས་ཀྱིས་མཛད་པའི་ཁྲིད་ལུང་། གྲུབ་ཆེན་མི་ཏྲའི་ཚེ་དཔག་དཀར་པོའི་རྗེས་གནང་། དེའི་བརྒྱུད་འདེབས། སྒྲུབ་སྐོར། རྗེས་གནང་བཅས་ཀྱི་ཡིག་ཆའི་ལུང་། སྒྲོལ་དཀར་འོད་ཟེར་དྲུག་སྦྲགས་ཀྱི་རྗེས་གནང་དང་ཁྲིད་ལུང་། །སྒྲུབ་ཐབས་ཀྱི་ལུང་། དབྱངས་ཅན་མ་དཀར་མོའི་རྗེས་གནང་ལུང་བཅས། བོ་དོང་ལུགས་ཀྱི་དབྱངས་ཅན་དཀར་མོའི་རྗེས་གནང་ལུང་བཅས། བོ་དོང་པས་མཛད་པའི་དེའི་སྒྲུབ་ཐབས་ཚིག་ལྷུག །གེགས་སེལ། སྦྱིན་སྲེག །བསྟོད་པ་དང་བཅས་

[Full Size]

པའི་ལུང་སོགས་དབྱངས་ཅན་མའི་སྐོར་གྱི་རྗེས་གནང་བཀླག་ལུང་མང་དུ་གསན། ཚེ་དཔག་མེད་ལྷ་དགུའི་དབང་། ས་ལུགས་ཐུགས་རྗེ་ཆེན་པོ་གཙོ་འཁོར་གསུམ་གྱི་རྗེས་གནང་ལུང་བཅས། ཐུགས་རྗེ་ཆེན་པོ་ཚོམ་བུ་ལུགས་ཀྱི་ཁྲིད། ཡིག་ཆ་སྐོར་དུ་མའི་ལུང་། རྟ་མགྲིན་གསང་སྒྲུབ་ཀྱི་བྱིན་རླབས། །རྟ་མགྲིན་པད་དབྱུག་ཅན་གྱི་ལུང་། རྟ་མགྲིན་ཟླ་རྒྱལ་ལུགས་ཀྱི་རྗེས་གནང་། ཁྱུང་ནག་འབྱུང་པོ་འུར་འདེད་ཀྱི་རྗེས་གནང་ལུང་བཅས། ཨོ་རྒྱན་རིན་པོ་ཆེ་ལ་བརྟེན་པའི་བླ་མ་མཆོད་པའི་ཆོ་ག་གྲུབ་གཉིས་འདོད་འཇོའི་བསམ་འཕེལ། ཨོ་རྒྱན་བསྟོད་པ། ནཱ་རོ་མཁའ་སྤྱོད་ཀྱི་དམིགས་རིམ་ཁྱེར་བདེ་བཅས་ཀྱི་ལུང་། ལྕམ་དྲལ་ལྷ་གསུམ་གྱི་རྗེས་གནང་། ཉིད་མཛད་མགོན་པོའི་བླ་མཆོད་དང་། ནཱ་རོ་མཁའ་སྤྱོད་ཀྱི་བརྒྱུད་འདེབས། སྒྲུབ་ཐབས། སྨོན་ལམ་གྱི་ལུང་སོགས་ཟབ་ཆོས་མང་དུ་གསན། རྗེ་བཙུན་རྡོ་རྗེ་རྣལ་འབྱོར་མས་མངོན་སུམ་རྗེས་སུ་བཟུང་བ་མཁས་ཤིང་གྲུབ་པའི་རྡོ་རྗེ་སློབ་དཔོན་ཆེན་པོ་དཔལ་ཞྭ་ལུ་རི་སྦུགས་མཆོག་སྤྲུལ་རིན་པོ་ཆེ་རིན་ཆེན་བློ་གསལ་བསྟན་སྐྱོང་གི་ཞལ་སྔ་ནས་སྔ་ཕྱིར་བཀའ་ཆོས་རྒྱ་མཚོ་གསན་པའི་ཟེགས་མ་ཙམ་བཀོད་པར། སེམས་ཙམ་ལུགས་ཀྱི་སེམས་བསྐྱེད། རིགས་བྱེད་མའི་རྗེས་གནང་ཕྱི་སྒྲུབ་ཐུན་མོང་བ། ཛཾ་དམར་རྗེས་གནང་ལུང་བཅས། མགོན་པོ་བེང་དམར་རྗེས་གནང་ལུང་བཅས། གཏོར་ཆོག་ལུང་། ཕྱག་རྡོར་འབྱུང་འདུལ་སེམས་དཔའ་སུམ་བརྩེགས་ཀྱི་རྗེས་གནང་ལུང་བཅས། ཐུབ་དབང་འོད་ཟེར་དྲི་མེད་ལྷ་བདུན་མའི་དཀྱིལ་འཁོར་དུ་དབང་བསྐུར་བ། གཙུག་ཏོར་དྲི་མེད་ལྷ་ལྔའི་དབང་། དོན་ཡོད་ཞགས་པ་ལྷ་མང་གི་དབང་ཆེན། དབང་ཆོག་གི་ལུང་། དཔལ་རྡོ་རྗེ་དབྱིངས་རྩ་བའི་ལུགས་ཀྱི་དཀྱིལ་འཁོར་གྱི་དབང་བསྐུར་ཆེན་མོ་སྔོན་དངོས་རྗེས་ཚང་། དཀྱིལ་ཆོག་

[Full Size]

སོགས་ཀྱི་ལུང་བཅས། དཔལ་རྡོ་རྗེ་རྩེ་མོ་རིགས་བསྡུས་པའི་དཀྱིལ་འཁོར་གྱི་དབང་བཀའ་བཅུ་ཐམ་པ་ཚང་བ། མཚན་བརྗོད་རྣལ་འབྱོར་རྒྱུད་དུ་བཀྲལ་བ་འཇམ་དཔལ་གསང་ལྡན་གྱི་དབང་ཆེན། ཤཱཀྱ་སེང་གེ་གཙུག་ཏོར་དགུ་པའི་དབང་། རྣམ་འཇོམས་དཀར་པོ་ལྷ་བཅུ་དགུ་མའི་དབང་། ཕྱག་རྡོར་འགྲོ་བཟང་ལུགས་ཀྱི་དབང་ཆེན། རྡོ་རྗེ་རྣལ་འབྱོར་མའི་བྱིན་རླབས་རྒྱས་པ་ཚར་ལུགས་ལྟར། ཉིད་གསུང་རྣལ་འབྱོར་མའི་བྱིན་རླབས་ཀྱི་ཆོ་ག །གེགས་སེལ་སོགས་ཀྱི་ལུང་། དཔལ་མཆོག་རྡོར་སེམས། མི་འཁྲུགས་བཅུ་གསུམ་མ། འཇིགས་བྱེད་དཔའ་གཅིག་རྣམས་ཀྱི་ལུང་། ནི་གུའི་སྐོར་རྗེ་ཉིད་ཀྱི་ཆོག་ཁྲིགས་ཚང་མའི་དབང་བྱིན་རླབས། སུ་ཁའི་བྱིན་རླབས། རྩ་ཁྲིད། སྟན་གཅིག་མ། ལྷན་ཐབས་རྣམས་ཀྱི་ཁྲིད་ལུང་། སུ་ཁའི་ཁྲིད། ཕྱག་ཆེན་གྭའུ་མའི་བྱིན་རླབས་ཁྲིད་དང་བཅས་པ། ཡིག་ཆའི་ལུང་། བདེ་མཆོག་དྲིལ་བུ་པའི་དབང་། བདེ་མཆོག་མི་ཏྲི་བཅུ་གསུམ་མའི་དབང་། བདེ་མཆོག་སྡོམ་འབྱུང་གི་དབང་། བདེ་མཆོག་སྤྱན་རས་གཟིགས་པདྨ་དྲྭ་བའི་དབང་། བདེ་མཆོག་ལྭ་བ་བཅུ་གསུམ་མའི་དབང་། མ་ཧཱ་མཱ་ཡཱའི་དབང་། བདེ་མཆོག་སངས་རྒྱས་མཉམ་སྦྱོར་གྱི་དབང་། བཅོམ་ལྡན་འདས་རྡོ་རྗེ་གདན་བཞི་ཡབ་བཀའི་དབང་། གསང་འདུས་འཇམ་རྡོར་དབང་། གསང་འདུས་འཇིག་རྟེན་དབང་ཕྱུག་དབང་། གཤིན་རྗེ་གདོང་དྲུག་གི་དབང་། དཔལ་དུས་ཀྱི་འཁོར་ལོ་བུ་ལུགས་ཀྱི་དབང་བསྐུར་ཆེན་མོ་སྔོན་དངོས་རྗེས་ཚང་། གྲུབ་ཐོབ་ཚེ་སྒྲུབ་ཀྱི་དབང་། ཇོ་ནང་ཁྲིད་བརྒྱའི་གསུང་ཁྲིད། བོད་དབང་། ལུང་བཅས། ཐུགས་རྗེ་ཆེན་པོ་ཚོམ་བུ་དམར་ཁྲིད་ཀྱི་གསུང་བཤད་སྔོན་འགྲོ་ནས་བརྩམས་མཐར་ཆགས་སུ་རྒྱས་སྤྲོས་བཅས། བདེ་མཆོག་དྲིལ་བུ་ལུགས་ཀྱི་བསྐྱེད་རྫོགས་ཀྱི་ཟབ་ཁྲིད། ཏི་ཕུའི་ཚེ་སྒྲུབ་ཞལ་ཤེས་མའི་ཞལ་

[Full Size]

ཁྲིད། གསང་འདུས་རིམ་ལྔའི་ཁྲིད། མི་ཏྲ་ལུགས་ཀྱི་ཐུགས་ཆེན་ཡི་གེ་བཞི་པའི་བྱིན་རླབས། རྫོགས་རིམ་ཕྱག་ཆེན་སེམས་ཉིད་ངལ་གསོའི་ཁྲིད། ཚེ་དཔག་མེད་གྲུབ་རྒྱལ་ལུགས་ཀྱི་ཚེའི་ཉམས་ཁྲིད་ཟབ་མོ་ཞག་བདུན་དང་། འབའ་ར་བའི་ཚེ་ཁྲིད་རིན་ཆེན་གཏེར་མཛོད་སོགས་ཀྱི་ལུང་། བྱིན་རླབས་དབང་བཞིའི་ཚུལ་དུ་བསྐུར་བ། ཚེ་སྒྲུབ་བུ་སྟོན་གོང་ཁུག་མའི་ཁྲིད་ལུང་། ལམ་སྐོར་ཕྱི་མ་བརྒྱད་ཀྱི་པོད་གཞུང་། བུ་སྟོན་ཡོ་གའི་ཆོས་འབྱུང་རྣལ་འབྱོར་རྒྱུད་ཀྱི་རྒྱ་མཚོར་འཇུག་པའི་གྲུ་གཟིངས། བུ་སྟོན་རིན་པོ་ཆེའི་རྡོར་དབྱིངས་མཆོད་ཕྲེང་། རྗེ་ཉིད་མཛད་དབང་གིས་སྡོམ་རིག་པའི་འཕྲུལ་འབྱེད། ལམ་འབྲས་པོད་ནག་མ། རྗེ་ཉིད་མཛད་རྣལ་འབྱོར་མའི་བླ་མའི་རྣལ་འབྱོར། ཆོས་ཉིད་དངོས་བསྟན་གྱི་ཟིན་བྲིས་སོགས། ཞྭ་ལུ་པའི་གདན་རབས་གླེགས་བམ། སྦྱོང་དཀྱིལ་བཅུ་གཉིས་ཀྱི་ཡིག་ཆ་ཐར་པ་གྱིས་མཛད་པ། ཚར་ལུགས་བླ་མའི་རྣམ་ཐར་སྐོར་ལས། བདག་ཆེན་རྡོ་རྗེ་འཆང་། རྗེ་བཙུན་རྡོ་རིང་པ། རྡོ་རྗེ་འཆང་སྒོ་རུམ་པ། ཚར་ཆེན་རྗེ། མཁྱེན་བརྩེ། མང་ཐོས་ཀླུ་སྒྲུབ། བོད་མཁར་བ་མཻ་ཏྲི་དོན་གྲུབ་རྒྱལ་མཚན། །མཁན་ཆེན་བསླབ་གསུམ་རྒྱལ་མཚན། རྟ་རབ་བསོད་ནམས་ཆོས་འཕེལ། མཁན་ཆེན་ངག་དབང་ཆོས་གྲགས། དབང་ཕྱུག་རབ་བརྟན། མགོན་པོ་བསོད་ནམས་མཆོག་ལྡན། ཞྭ་ལུ་མཁན་ཆེན་བསོད་ནམས་མཆོག་གྲུབ། ཉིད་མཛད་ས་སྐྱ་པ་ཀུན་དགའ་རྒྱལ་མཚན་པ་བཅས་ཀྱི་རྣམ་ཐར་དེ་དག་གི་ལྗགས་ལུང་སོགས་སྒྲུབ་ཐབས། ཁྲིད་ཟིན། ལས་ཚོགས་སོགས་ཀྱི་བཀླགས་ལུང་རབ་ཏུ་མང་པོ་གསན་ནོ། །གོང་དཀར་པོ་ཏ་ལ་བ་མཁན་ཆེན་རིན་པོ་ཆེ་བསྟན་འཛིན་ཚུལ་ཁྲིམས་མདུན་ནས། དཔལ་མཆོག་དང་པོ་འཇིག་

[Full Size]

རྟེན་ལས་འདས་པ་དང་འཇིག་རྟེན་པའི་དཀྱིལ་འཁོར་བཅུ་བཞི་རྡུལ་ཚོན་གྱིས་བཞེངས་པའི་སྟེང་ནས་དབང་བསྐུར་ཡོངས་སུ་རྫོགས་པ་སྔོན་དངོས་རྗེས་ཚང་དང་། ས་ལུགས་ཡང་དག་ལྷ་དགུའི་དབང་རྫོགས་པར་གསན། བྲག་སྒོམ་ཞབས་དྲུང་མ་ཧཱ་པཎྜི་ཏ་དཀོན་མཆོག་བསྟན་པ་རབ་རྒྱས་དཔལ་བཟང་པོའི་ཞལ་སྔ་ནས་བཀའ་ཆོས་མང་དུ་གསན་པ་ལས། གསང་བདེ་འཇིགས་གསུམ་སྔགས་བཏུའི་བྱིན་རླབས། བདེ་མཆོག་སྔགས་བཏུའི་ལུང་། དབྱངས་ཅན་དམར་མོའི་རྗེས་གནང་ལུང་བཅས། འཇམ་བཞད་གཉིས་པའི་ཡི་དམ་སྒྲུབ་སྐོར་ནས། འཇམ་དཀར། དམར་སེར། ཕག་དཀར། གདུགས་དཀར་འདོན་ཐབས། རྣམ་འཇོམས་བུམ་ཆོག་བཅས་ཀྱི་ལུང་། དྲི་མེད་འོད། རྡོ་རྗེ་སྙིང་འགྲེལ། རྒྱན་འཇུག །རྒྱན་འགྲེལ་དོན་གསལ། ཞྭ་ལུའི་ཆོས་སྤྱོད་ལས་ཆུ་གཏོར་མ་གཏོགས་ཚང་བ། བློ་སྦྱོང་ཆེན་མོ། ལམ་རིམ་ཟིན་བྲིས་བཅས་ཀྱི་ལུང་། རྗེ་རིན་པོ་ཆེའི་ཡོན་ཏན་གཞིར་གྱུར་མ། རིན་ཆེན་གསུམ་གྱི་གཏམ། ཕྱག་རྡོར་སྟོད་འགྲེལ། ནག་པོ་གཞུང་དྲུག །དྲིལ་བུ་སྐོར་གསུམ། ལཱུ་ཧི་པའི་སྒྲུབ་ཐབས་ཆེ་བ། ཕྲེང་བསྐོར་གསུམ། རྒྱ་མཚོ། སྒྲོན་གསལ། མདོར་བྱས། མདོ་བསྲེ། རྣམ་བཞག་རིམ་པ། དཀྱིལ་ཆོག་ཉི་ཤུ་པ། བྱང་ཆུབ་སེམས་འགྲེལ། རིམ་ལྔ། ཟུང་འཇུག་གསལ་བ། ཀླུ་སྒྲུབ་བསྟོད་ཚོགས། དཔག་བསམ་འཁྲི་ཤིང་། མདོ་ཀུན་བཏུས། བསྐལ་བཟང་རྒྱན་ཕྲེང་། སྐྱེས་རབས་སོ་བཞི་པ། བསླབ་བཏུས། སྤྱོད་འཇུག །བྱང་ས། ཆེད་དུ་བརྗོད་པའི་ཚོམས། བྱམས་ཆོས་ཕྱི་མ་བཞི། རིགས་ཚོགས་དྲུག །ཚད་མ་མདོ། རྣམ་འགྲེལ་སོགས་སྡེ་བདུན། སོ་ཐར་མདོ། འདུལ་བ་མདོ་རྩ། སུམ་བརྒྱ་པ། མེ་ཏོག་ཕྲེང་རྒྱུད། འོད་ལྡན།

[Full Size]

མངོན་པ་མཛོད། །ཀུན་བཏུས། དབུ་མ་བཞི་བརྒྱ་པ། འཇུག་པ་རང་འགྲེལ། ཇོ་བོའི་ཆོས་ཆུང་བརྒྱ་རྩ། སྣར་ཐང་བརྒྱ་རྩ། རིན་སྤུངས་སྐོར་གསུམ། བློ་སྦྱོང་བརྒྱ་རྩ། ཐོགས་མེད་བཀའ་འབུམ། སྙན་བརྒྱུད་ཆེན་མོ། བླ་མ་ལྔ་བཅུ་པ། རྩ་ལྟུང་དང་སྦོམ་པོའི་རྩ་བ། སྤྱན་སྔ་བློ་གྲོས་རྒྱལ་མཚན་པའི་འདུལ་བའི་སྡོམ་ཚིག །དགེ་ཚུལ་སློང་བྱང་སྔགས་བཅས་ཀྱི་ཕྱིར་བཅོས། གསང་འདུས་རྩ་རྒྱུད་རྒྱུད་ཕྱི་མ་དང་བཅས་པ་རྣམས་ལེགས་པར་གསན། གཞན་ཡང་རྗེ་རིན་པོ་ཆེའི་ལམ་གྱི་གཙོ་བོ་རྣམ་གསུམ་གྱི་ལུང་། བཀའ་གདམས་ཐིག་ལེ་བཅུ་དྲུག་གི་དབང་། རྣམ་སྣང་མངོན་བྱང་གི་དབང་། དེའི་སྒྲུབ་དཀྱིལ་སོགས་ཀྱི་ལུང་། གཤེད་དམར་བཅུ་གསུམ་མའི་དབང་། དྲིལ་བུ་ལྷ་ལྔའི་དབང་། སྒྲུབ་དཀྱིལ་ལུང་། དྲིལ་བུ་ལུས་དཀྱིལ་དབང་། དེའི་སྒྲུབ་སྐོར་སོགས་ཀྱི་ལུང་། ཕྱག་རྡོར་འཁོར་ཆེན་གྱི་དབང་། ཨུ་ཙརྻ་དང་། སེམས་དཔའ་སུམ་བརྩེགས་ཀྱི་རྗེས་གནང་། འཇིགས་བྱེད་དུག་དབང་། རྒྱལ་བ་དགེ་འདུན་རྒྱ་མཚོའི་ཡི་དམ་སྒྲུབ་སྐོར་ནས་སྤྱན་རས་གཟིགས་དང་། སྒྲོལ་དཀར་རྗེས་གནང་། བྱང་ཆུབ་སེམས་དཔའི་ནོར་བུའི་ཕྲེང་བ་བཅས་ཀྱི་ལུང་། བཀའ་གདམས་གླེགས་བམ་རིན་པོ་ཆེ་ཡོངས་རྫོགས། བཀའ་གདམས་ཐོར་བུ། པོ་ཏོ་བའི་ཆིག་ལབ་རིང་མོ། བྱང་ཆུབ་འོད་ཀྱི་ཞལ་གདམས། དིང་རི་བརྒྱད་ཅུ། ཨང་ཡིག་བདུན་ཅུ་པ། ཐོ་ལྕོགས་དྲུག་པ། ནག་ཚོའི་ཇོ་བསྟོད་བརྒྱད་ཅུ་པ། མན་ངག་ལྷན་ཐབས། བདེ་མཆོག་རྩ་རྒྱུད། འཇམ་དབྱངས་བཞད་པ་ངག་དབང་བརྩོན་འགྲུས་ཀྱི་འཇམ་དཀར། དབྱངས་ཅན་དཀར་མོ། སྲིད་བརྒྱུད་ལུགས་ཀྱི་རི་ཁྲོད་མ་རིགས་གསུམ་གྱི་སྒྲུབ་ཐབས། སོ་སོའི་ལས་སྦྱོར་དང་བཅས་པའི་ལུང་། སྟག་ཕུ་བའི་རྣལ་འབྱོར་མའི་བསྐྱེད་

[Full Size]

རྫོགས་ཆེན་མོ་བཻ་ཌཱུར་ཞུན་མའི་ཐེམ་སྐས། ཐུའུ་བཀྲན་པས་མཛད་པའི་རྣལ་འབྱོར་མའི་བསྐྱེད་རྫོགས་ཀྱི་དམིགས་རིམ་ཤིན་ཏུ་ཟབ་པ་བདེ་ཆེན་བཅུད་ཀྱི་སྙིང་པོ། པ་ཆེན་དཔལ་ལྡན་ཡེ་ཤེས་ཀྱིས་མཛད་པའི་བསྟོད་པ་སྲིད་གསུམ་འགུགས་པའི་ལྕགས་ཀྱུའི་འགྲེལ་ཆེན་རྡོ་རྗེ་གསུམ་གྱི་སྣང་བ་ཞེས་ཁྲི་གུང་ཐང་པས་བཀོད་པའི་གླེགས་བམ་བཅས་ཀྱི་ལུང་། བློ་སྦྱོང་ཉི་མའི་འོད་ཟེར། ཡོངས་འཛིན་རིན་པོ་ཆེའི་དོན་བདུན་མ། བློ་སྦྱོང་ཚིག་རྐང་བརྒྱད་མ། ཚེམ་བུ་དམར་ཁྲིད་བཅས་ཀྱི་ཁྲིད། བཀའ་གདམས་ཆོས་འབྱུང་ཆེན་མོའི་ལུང་བཅས། གསོ་དཔྱད་རྒྱུད་བཞི། ས་པ་ཚིག་གཏེར། སྡེབ་སྦྱོར་རིན་འབྱུང་། མེ་ཏོག་ཆུན་པོ། སྙན་ངག་མེ་ལོང་། སྒྲ་ཀ་ལཱ་པ། དབྱངས་ཅན་སྒྲ་མདོ་རྩ་འགྲེལ་བཅས་ཀྱི་ལུང་སོགས་དབང་རྗེས་གནང་བཀླག་ལུང་། ཞལ་ཁྲིད་སོགས་ཤིན་ཏུ་རྒྱ་ཆེན་གསན་ནོ། །དགའ་ལྡན་ཁྲི་རིན་པོ་ཆེ་འཇམ་དཔལ་ཚུལ་ཁྲིམས་ལས་བླ་མའི་རྣལ་འབྱོར་དགའ་ལྡན་ལྷ་བརྒྱ་མའི་ཁྲིད་ལུང་། ཤར་རྩེ་གྲགས་པ་བསྟན་དར་ལས་འདུལ་བ་རྒྱ་མཚོའི་སྙིང་པོ་དང་། བྱང་རྩེ་བློ་བཟང་མཁས་གྲུབ་ལས་ཡོན་ཏན་གཞིར་གྱུར་མ་སོགས་ཀྱི་ལུང་། རྭ་སྒྲེང་ཁྲི་ཆེན་རིན་པོ་ཆེ་ལས་ལམ་གྱི་གཙོ་བོ་རྣམ་གསུམ་གྱི་ལུང་། མཆོག་སྤྲུལ་བློ་བཟང་མཐུ་སྟོབས་ལས་ཚེ་དབང་གྲུབ་རྒྱལ་མ་དང་། བྱ་སྤྱོད་སྤྱིའི་ཆོ་གའི་ལུང་། དབུ་མའི་ལྟ་ཁྲིད་སྐོར་གྱི་གསུང་བཤད། ཀ་ཆེན་ནོར་བུ་དོན་གྲུབ་ལས་པ་ཆེན་དཔལ་ཡེས་ཀྱིས་མཛད་པའི་དུག་དབང་བསྐུར་ཚུལ། རིགས་བྱེད་མའི་བསྟོད་ལུང་། སྒྲུབ་ཐབས་བརྒྱ་རྩའི་རྒྱ་གཞུང་གི་ལུང་བཅས་གསན། ལྷ་བཙུན་འཇམ་པའི་རྡོ་རྗེ་ཡེ་ཤེས་དོན་གྲུབ་བསྟན་པའི་རྒྱལ་མཚན་དཔལ་བཟང་པོའི་ཞལ་སྔ་ནས། ཐུབ་པ་དམ་ཚིག་གསུམ་བཀོད་ལྷ་ལྔ། སྨན་བླ་ཞེ་བདུན་མ། གདུགས་དཀར་

[Full Size]

ལྷ་མང་། རྣམ་འཇོམས་མཐིང་ག་ལྷ་བཅོ་ལྔ། གཟའ་ཡུམ་ལྷ་བཅུ་བཞི། ཁམས་གསུམ་རྣམ་རྒྱལ། འཇིགས་བྱེད་སྐྱོ་ལུགས་ཞེ་དགུ་མ། དགེ་ལུགས་འཇིགས་བྱེད་དཔའ་གཅིག །འབྲུག་ལུགས་རས་ཆུང་ཚེ་དཔག་མེད་ནང་སྒྲུབ་ཞི་བ་ལྷ་མང་། གསང་སྒྲུབ་ཁྲོ་བོ་ལྷ་མང་། དམ་རྫོང་ལུགས་ཀྱི་བདེ་མཆོག་ལུས་དཀྱིལ། སྟག་ལུང་པའི་དགྱེས་རྡོར་ཛྙཱ་ན་ལུགས། ཀྱེ་རྡོར་ཏིང་འཛིན་དབང་བཞི། ཁྲོས་ནག་ལྷ་ལྔ་རྣམས་ཀྱི་དབང་ཆེན། ཁྲོ་ཕུ་ལོ་ཙཱའི་མན་ངག་བརྒྱ་རྩ་འབྲིང་པོའི་ལུང་། །གཏུམ་མོ་ཞག་བདུན། ཞག་གསུམ་མ། རླུང་། ཆུ། མེ་ཏོག་བཅས་ཀྱི་བཅུད་ལེན། རྡེའུའི་བཅུད་ལེན་བཅས་པའི་ཕྱག་ཁྲིད་ལུང་བཅས། མ་ནིང་ཧ་འདོན་གྱི་ཁྲིད། དིང་རི་བརྒྱད་ཅུ་པ། དམ་པའི་མཁྱུད་དཔྱད་དཀར་ནག་ཁྲ་གསུམ། འཇིགས་བྱེད་ནག་པོའི་དུག་སྲུང་། གྲུབ་རྒྱལ་ལུགས་ཀྱི་ཚེ་ཁྲིད། འབའ་ར་བའི་ཡིག་ཆ་ཚང་མ། ཁྱུང་པོའི་མགུར་བརྒྱད། སྒྲོལ་དཀར། འཇམ་དབྱངས་སྨྲ་སེང་། འཇམ་དཔལ་ནག་པོ། སེང་གདོང་སྔོན་མོ་གོང་དཀར་ལུགས། དབྱངས་ཅན་དཀར་མོ་རྣམས་ལས་སྔར་མ་གསན་པའི་ཡིག་ཆ་ཅི་རིགས་ཀྱི་ལུང་སོགས་གསན། དཔེ་ཆོས་རིན་ཆེན་སྤུངས་པ། གཏམ་རྒྱུད་རིན་ཆེན་ཕྲེང་མཛེས། མན་ངག་རིན་ཆེན་སྤུངས་པ་རྣམས་ངག་དབང་ལེགས་གྲུབ་ལས་གསན། མཆོག་སྤྲུལ་ཡེ་ཤེས་ཐུབ་བསྟན་རྒྱ་མཚོ་ལས་ཐིག་ལེ་བཅུ་དྲུག་གི་རྒྱུན་ཁྱེར་དབང་ཁྲིད་གཙོས་རྗེས་གནང་དང་ལུང་འགའ་ཙམ་གསན། སེར་བྱེས་རབ་འབྱམས་པ་དགེ་བཤེས་ཡེ་ཤེས་གོང་འཕེལ་ལས་ནག་ཚོའི་ཇོ་བསྟོད་བརྒྱད་ཅུ་པ། འབྲོམ་གྱི་ཇོ་བསྟོད་སུམ་ཅུ་པ། འབྲོམ་གྱི་ལྷ་ཆོས་མི་ཆོས་གནད་ཕྲེང་། ལྷ་བཙུན་བྱང་ཆུབ་འོད་ཀྱི་ཞལ་གདམས། འཆད་ཀ་བའི་དོན་བདུན་མའི་

[Full Size]

རྩ་ཚིག །བློ་སྦྱོང་ཐུན་གཅིག་མ། ཆོས་གསུམ་དྲི་ལེན་དང་རྒྱལ་སྲས་ལག་ལེན། རྒྱ་མ་སྤྱན་སྔ་བའི་བློ་སྦྱོང་བླ་མའི་རྣལ་འབྱོར། འཇམ་དབྱངས་ཁ་ཆེའི་སྙིང་གཏམ་བཅུ་གསུམ་མ་རྣམས་ཀྱི་ལུང་། བྱང་སེམས་ར་སྒྲེང་པའི་བློ་སྦྱོང་བྱང་སེམས་ཆུ་རྒྱུན། པོ་ཏོ་བའི་མན་ངག་བེ་བུམ་སྔོན་པོ། བཀའ་གདམས་གསར་རྙིང་གི་ཆོས་འབྱུང་ཆེན་མོ་སོགས་གསན། དགེ་བའི་བཤེས་གཉེན་རབ་འབྱམས་པ་གྲགས་པ་ལྷུན་གྲུབ་ལས་སྤྱན་སྔ་བློ་གྲོས་རྒྱལ་མཚན་གྱི་བློ་སྦྱོང་ཆོས་ཀྱི་སྒོ་འབྱེད། འཇམ་མགོན་བྱམས་པ་ཕུན་ཚོགས་ལས་ལམ་རིམ་འཇམ་དཔལ་ཞལ་ལུང་གི་ཁྲིད་དང་སེམས་བསྐྱེད། ལམ་རིམ་བསྡུས་དོན་ཁྲིད་ལུང་བཅས། བཀྲ་ཤིས་ལྷུན་པོའི་ཀ་ཆེན་རྣམ་རྒྱལ་རྒྱལ་མཚན་ལས་བ་རི་བརྒྱ་རྩའི་རྒྱ་གཞུང་ཡོངས་རྫོགས་ཀྱི་ལུང་། ཀ་ཆེན་རིན་པོ་ཆེ་བློ་བཟང་དགེ་ལེགས་ཀུན་ཁྱབ་ལས་པ་ཆེན་ན་བཟའ་བའི་བེ་བུམ་དགོས་འདོད་ཀུན་འབྱུང་ལུང་བཅས་གསན་པའི་ཚུལ་འདིར་མདོ་ཙམ་མོ། །ཨོ་རྒྱན་སྨིན་གྲོལ་གླིང་གི་ཁྲི་ཆེན་རིན་པོ་ཆེ་འགྱུར་མེད་སངས་རྒྱས་ཀུན་དགའི་ཞལ་སྔ་ནས། བཀའ་མའི་ཡང་དག་ལྷ་དགུ་སོ་ལུགས་ཀྱི་དབང་། ཉིད་མཛད་དོང་སྤྲུགས་ཀྱི་སྦྱིན་སྲེག་ལུང་། ཉང་གཏེར་དྲག་དམར་པོད་རགས་རིམ། ཐུགས་རྗེ་ཆེན་པོ་འགྲོ་འདུལ་ཕལ་ཆེར་ཚང་བ། ཆོས་དབང་བླ་མ་གསང་འདུས་དབང་ཡོངས་རྫོགས། ལུང་རགས་རིམ། ཐུགས་ཆེན་ཡང་སྙིང་འདུས་པའི་དབང་། ལུང་འགའ་རེ། ཕུར་པ་སྤུ་གྲིའི་དབང་ལུང་ཆ་ཚང་། ལས་འབྲེལ་ཕྱག་རྡོར་གཏུམ་པོའི་སྐོར་འགའ་རེ། པད་གླིང་ཚེ་ཁྲིད་རྡོ་རྗེ་ཕྲེང་བའི་སྐོར་འགའ་ཞིག་གི་ལུང་། རིག་འཛིན་ཐུགས་ཐིག་དབང་། །ཚེ་དབང་། །བླ་མའི་རྣལ་འབྱོར་བྱིན་རླབས་ཆར་འབེབས་ཁྲིད་ལུང་། རྡོར་སེམས་དབང་། རྩ་ཁྲིད་བཅས། རྗེ་བཙུན་རིན་པོ་ཆེ་འགྱུར་མེད་ཕྲིན་ལས་

[Full Size]

ཆོས་སྒྲོན་ལས་སྔ་ཕྱིར་དབང་ལུང་ཁྲིད་གསུམ་མང་དུ་གསན་པ་ལས། གཙོ་བོར་བླ་མ་ཡང་ཏིག་ཡིད་བཞིན་ནོར་བུའི་དབང་ལུང་ཁྲིད་གསུམ་ཆ་ཚང་། །ཐུགས་ཆེན་རྒྱལ་པོ་ལུགས་ཀྱི་ལུང་ཁྲིད། ཉང་གཏེར་གཏུམ་མོ་ཞག་བདུན་མའི་དབང་ཁྲིད་འབྲེལ་མ་ལུང་བཅས། ཆོས་དབང་རིན་པོ་ཆེའི་ཞལ་གདམས་འགའ་རེ། ར་ཤག་མདོས་བཅུ་སྟོད་སྨད་འཕྱང་བཅས། ཐང་ལུགས་ཚེ་རྟ་ཟུང་འབྲེལ། པད་གླིང་ནག་པོ་སྐོར་གསུམ། མན་ངག་གཏེར་ཕྲན། ཉི་ཟླ་སངས་རྒྱས་འཕོ་བ་འཇག་ཚུགས་མའི་ཁྲིད་ལུང་། སྙན་བརྒྱུད་མ་བཅས། དཀོན་མཆོག་སྤྱི་འདུས་རྩ་དབང་། ཚེ་དབང་། བཤར་ཁྲིད་བཅས། ཐུགས་ཏིག་རྩ་དབང་། ཚེ་དབང་། རྩ་ཁྲིད་བཅས། ལོ་ཆེན་རིན་པོ་ཆེའི་རྩ་ཁྲིད་ངོ་སྤྲོད། རྩ་དབང་དང་ཚེ་དབང་མཚམས་སྦྱོར་བཅས་ཀྱི་ལུང་། རྡོར་སེམས་དབང་། རྩ་ཁྲིད། རྨི་ལམ་དང་འཕོ་ཁྲིད། ལོ་ཆེན་རིན་པོ་ཆེའི་གསུང་ཚང་མའི་ལུང་། རིན་རྣམ་ལྷན་ཐབས་མཛེས་རྒྱན་བཅས། ཨ་ཏིའི་རྩལ་དབང་། ཁྲིད། ལུང་ཚད་མ། དྲག་དམར་དབང་གསུམ་དྲེགས་པའི་སྲོག་དབང་བཅས། རིན་རྣམ་བསྙེན་ཡིག །ཞི་སྦྱིན། ཚེ་སྒྲུབ། མི་འགྱུར་དཔལ་སྒྲོན་གྱི་ལྷ་ཁྲིད། དམིགས་རིམ་བཅས་ཀྱི་ལུང་། དྲེགས་འཇོམས་ལུང་། ཐུགས་རྗེ་ཆེན་པོའི་རྩ་དབང་། མཆོག་དབང་། གཏོར་དབང་། གར་ཚེ། གསང་ཡེ། ལྷ་ཆེན་བཅས། རྩ་ཁྲིད། གཏུམ་མོའི་ཤར་ཁྲིད། པོད་རགས་རིམ། ལོ་ཆེན་གྱི་རྩ་ཁྲིད་སྙིང་པོ་སྟན་ཅིག་མ། ཨཽ་ཌི་ཡ་ནའི་གར་ཚེའི་བསྙེན་ཡིག །ཁྱུང་རས་པའི་ནང་སྒྲུབ་གསལ་བྱེད་ཟུང་འཇུག་རྣམ་རོལ་དང་། །གསང་སྒྲུབ་གསལ་བྱེད། ལྷ་ཆེན་བསྙེན་ཡིག་སོགས་ཀྱི་ལུང་། །ལོ་ཆེན་གྱིས་མཛད་པའི་ཆོས་སྤྱོད་ཕྱི་མ་ལས་འགའ་ཞིག་དང་། ནང་གི་ཆོས་

[Full Size]

སྤྱོད། ཐུན་དྲུག །སྨྱུང་གནས་ཆོ་ག །ཀླུ་ཆོག །ཞི་བྱེད་སྐོར་ཆ་ཚང་། གཅོད་དབང་དང་། ཁྲིད་ལུང་། གཡའ་བཟང་པའི་ལུགས་ཀྱི་གཟའ་བཅོས་གསལ་བྱེད་བཅས་ཀྱི་ལུང་། ཉིད་མཛད་གསང་སྙིང་བཤད་རྒྱུན་གསོལ་འདེབས་སྤྱི་དོན་དང་འབྲེལ་བ། ཨ་ནུ་ཡོ་ག་ལུང་བདུན་གྱི་འཆད་ཚུལ། ཉང་གཏེར་ཁྲོས་ནག་རྒྱུན་ཁྱེར། བསྙེན་ཡིག །ཐུགས་ཆེན་བདེར་འདུས་སྔོན་འགྲོའི་ཁྲིད་ཡིག །ཐུན་མོང་སྔོན་འགྲོའི་ཟིན་བྲིས། གཏུམ་མོའི་གསོལ་འདེབས། རྡོར་སེམས་འཕོ་ཁྲིད། གཏེར་གསར་སྐོར་གྱི་བརྒྱུད་འདེབས། ལྷ་བཙུན་པའི་གཅོད་ཡུལ་དཔའ་བོའི་ཐོལ་གླུའི་ཟིན་བྲིས་སྣང་སྲིད་རང་གྲོལ་རྣམས་དང་། ལོ་ཆེན་རིན་པོ་ཆེའི་རྒྱུད་ཆོག །པདྨ་དབང་རྒྱལ་གྱིས་མཛད་པའི་རྒྱུད་འཆད་ཐབས་ཀྱི་ཟིན་བྲིས་ལུང་སོགས་གསན། དགེ་སློང་དགེ་བའི་བཤེས་གཉེན་འགྱུར་མེད་ཕུན་ཚོགས་ཞལ་སྔ་ནས་རྒྱལ་བའི་བཀའ་འགྱུར་རིན་པོ་ཆེ་ཡོངས་སུ་རྫོགས་པ་གསལ་དག་སྙན་གསུམ་དང་ལྡན་པའི་སྒོ་ནས་བློ་ཁ་ཚིམས་པར་ཐོབ་པས་མི་ལུས་ཙམ་པོ་བ་ཐོབ་པ་འདི་དོན་ཅུང་ཟད་དང་ལྡན་པར་གྱུར་སྙམ་རྣམ་པ་ཀུན་ཏུ་རྗེས་སུ་དྲན་ཏོ། །ཞེས་གསུངས། དགེ་སློང་སྔགས་རབ་སློབ་དཔོན་འགྱུར་མེད་དོན་གྲུབ་ལས། ལོ་ཆེན་རིན་པོ་ཆེས་མཛད་པའི་སོ་ཐར་ལས་ཆོག །གཞི་གསུམ། སྡོམ་གསུམ་རྣམ་ངེས། གསང་བདག་དགོངས་རྒྱན། ཆོས་སྤྱོད་ཚང་བ་བཅས་གསན། དགེ་སློང་དགེ་བའི་བཤེས་གཉེན་སྔགས་རབ་འགྱུར་མེད་བསྟན་འཕེལ་ལས། གཏེར་ཆེན་རིན་པོ་ཆེའི་གསུང་རབ་གླེགས་བམ་བཅུ་གསུམ་ཡོངས་སུ་རྫོགས་པ་དང་། གཏེར་གསར་སྐོར་གཏེར་གཞུང་ཆ་ཚང་གི་ལུང་བཅས་གསན། རྒྱལ་སྲས་གཞན་ཕན་མཐའ་ཡས་ལས། གུ་རུ་ཚེ་བརྟན་རྒྱལ་མཚན་གྱི་གཏེར་མ་རྟ་མགྲིན་བརྒྱ་རྩ་དང་། །ཉིད་མཛད་གྲུབ་མཐའ་

[Full Size]

རིས་མེད་གསོལ་འདེབས་ཀྱི་ལུང་། ཀློང་སྡེ་རྣ་བརྒྱུད་རྡོ་རྗེ་ཟམ་པའི་དབང་ལུང་ཁྲིད། སེམས་སྡེ་ཨ་དོན་བཅོ་བརྒྱད་ཀྱི་དབང་ལུང་ཁྲིད། ཀུན་བྱེད་དོན་ཁྲིད། གནུབས་ཀྱི་ཤོག་དྲིལ་བཅུ། འབྲི་གུང་ཆོས་གྲགས་གཤིན་རྗེའི་བེ་བུམ་ནག་པོར་གནུབས་ཀྱི་གོང་ཁུག་བརྒྱ་རྩར་མཚན་གསོལ་བ། རྟ་མགྲིན་ཡང་ཁྲོས་རྩ་དབང་ཚེ་དབང་། བཀའ་སྲུང་སྲོག་གཏད་བཅས། པུསྟི་ཡོངས་རྫོགས་ཀྱི་ནང་ཚན་ཁ་ཤས་མ་གཏོགས་ཚང་མ་སོགས་བཀའ་ཆོས་ཁྱད་འཕགས་རབ་ཏུ་མང་བ་གསན། རྫོགས་ཆེན་མཁན་རིན་པོ་ཆེ་པདྨ་དམ་ཆོས་འོད་ཟེར་རམ་པདྨ་བཛྲའི་ཞལ་སྔ་ནས། སྔ་འགྱུར་བཀའ་མའི་ཕྲིན་ཆོག་ཕྱོགས་བསྡུས་གླེགས་བམ་དགུའི་ལུང་ཡོངས་རྫོགས། མཁྱེན་བརྩེའི་བཀའ་འབུམ་ལུང་ཡོངས་རྫོགས། རྫོགས་ཆེན་རྒྱུད་བཅུ་བདུན་དབང་ལུང་། ཁྲོས་མའི་སྲོག་དབང་། སྒྱུ་འཕྲུལ་ཞི་ཁྲོ་དང་འདུས་པ་མདོའི་དབང་ལུང་ཡོངས་རྫོགས། ཀློང་ཆེན་སྙིང་ཏིག་སྐོར། གཤིན་རྗེ་གཤེད་དམར་དབང་། ཁ་ཐུན་དབང་། རོང་ཕུར་དབང་། རོག་ཕུར་དབང་། དོང་སྤྲུགས་ཞི་ཁྲོ་རིགས་བསྡུས་འགྲོ་བ་ཀུན་སྒྲོལ་དང་། རིགས་བསྡུས་པདྨ་བརྒྱ་ལྡན་གྱི་དབང་། བཀའ་བརྒྱད་རྫོང་འཕྲང་གི་དབང་། དབུ་ལུགས་སེམས་བསྐྱེད་ཆོ་ག །རོང་ཕུར་པོད་ལུང་། ཕུར་འགྲེལ་འབུམ་ནག་གི་ལུང་། བཀའ་བརྒྱད་རྫོང་འཕྲང་པོད་ལུང་། ཕུར་པ་རྒྱལ་པོ་ལུགས་སམ་རྒྱུད་ལུགས་ཕུར་པའི་དབང་ལུང་ཆ་ཚང་། ཞི་ཁྲོ་ཁྲོམ་དཀྲུགས་ངན་སོང་སྦྱོང་བའི་དབང་། ཕྲེང་བོ་རིན་པོ་ཆེའི་གྲོལ་ཏིག་དགོངས་པ་རང་གྲོལ་དབང་ལུང་སོགས་ཟབ་རྒྱས་ཀྱི་གདམས་ཁྲིད། དབང་ལུང་རྒྱ་ཆེན་གསན། གླིང་སྤྲུལ་ཐུབ་བསྟན་རྒྱལ་མཚན་ལས། ཆོས་དབང་ཡང་ཏི་སངས་རྒྱས་མཉམ་སྦྱོར། རྡོར་གླིང་ལྟ་བུ་ཀློང་ཡངས་པོད་བཞི་དང་།

[Full Size]

ལེགས་ལྡན་ཚེ་སྒྲུབ་བདུད་རྩི་འཁྱིལ་བ་རྣམས་ཀྱི་དབང་ལུང་ཡོངས་རྫོགས། རྒྱ་གཞུང་ཐོར་བུའི་རིགས། གཏེར་ཆོས་ཐོར་བུའི་རིགས་ཀྱི་དབང་ལུང་མང་དུ་གསན། སྒྲོལ་སྟོན་འཇམ་དབྱངས་ཆོས་ཀྱི་རྒྱལ་མཚན་ལས། གཏེར་ཁ་གོང་མ་མངའ་བདག་ཉང་གི་གཏེར་བྱོན་བླ་མ་དྲག་པོ་དམར་ཆེན་གྱི་ཆོས་སྐོར་ཡོངས་སུ་རྫོགས་པ། རྗེ་བཙུན་ཁྲོས་མ་ནག་མོའི་དབང་ལུང་ཁྲིད་གསུམ་ཚང་མ། ཆོས་དབང་བླ་མ་གསང་འདུས་སྐོར་གྱི་དབང་དང་། ལུང་རགས་རིམས། སྨན་ལུང་པའི་ཡིག་ཆ་ཚང་མ། ཐུགས་སྒྲུབ་དྲགས་པ་ཚར་གཅོད། མཚོ་རྒྱལ་སྒྲུབ་ཐབས་ལེའུ་ལྔ་པ། མཁའ་འགྲོ་གྲིབ་སེལ་གྱི་སྐོར། རྫོགས་ཆེན་སངས་རྒྱས་མཉམ་སྦྱོར་གྱི་ཁྲིད་ལུང་། སྔོན་འགྲོའི་ངག་འདོན། ཐུགས་ཆེན་འཁོར་བ་དོང་སྤྲུགས་ཀྱི་རྩ་དབང་། ལམ་དབྱང་གཏེར་གཞུང་དང་། མཁྱེན་བརྩེའི་ལམ་ཐབ་སོགས་ཀྱི་ལུང་ཚར་བ། ཕྱག་རྡོར་གཏུམ་པོའི་དབང་ལུང་ཆ་ཚང་། ཡེ་ཤེས་ལྷུན་གྲུབ་ཀྱི་བརྒྱུད་འདེབས་དང་། བསྙེན་ཐབས། སེམས་བསྐྱེད་བསྟན་པའི་སྙིང་པོ། ཞང་ཁྲོམ་ཀིང་དམར་རླུང་སྒྲུབ་གཞུང་དང་བཀྲས་སྟོབས་པའི་ཆོག་ཁྲིགས། རྡོར་འབུམ་གཏེར་མ་བུམ་ཆེན་གྱི་ཆ་ལག །རྣམ་དག་དབང་གི་ཆུ་རྒྱུན། སྲུང་བའི་སྡོམ། ཞལ་ཤེས་ཕྱག་ལེན། འཁོར་ལོ་ཁྱུང་གསུམ་བཅས། བུམ་ཆུང་། བཟང་པོ་གྲགས་པའི་འཁོར་ལོ་འབར་བའི་རྩ་བ། བརྡ་དོན་ལམ་ཟབ་ཁྲིད། དུག་དབང་སྔགས་བཅས། ཁྱུང་ནག་གཏོར་དབང་། རིན་གླིང་ནཱ་ག་རཀྴ་འདྲེན་སྐེམ་སྨན་འཁོར་དང་། ལས་ཚོགས་དགུ་པ་མ་གཏོགས་ཆ་ཚང་། །གྲྭ་པའི་ཛཾ་དམར་དང་། ལོ་ཆེན་སྦྱིན་སྲེག །པད་གླིང་བླ་མ་ནོར་རྒྱམ་ལས་བཅུད་ལེན་ཡིད་བཞིན་ནོར་བུ་ནང་གསེས་བཅས། ལས་ཚོགས་ང་བཞི་པ་རིན་ཆེན་སྤུངས་པ། རྒྱ་ནག་ཆུ་འཁོར་ཆར་འབེབས་སྐོར་

[Full Size]

བཅས། དྲི་མེད་རྡོ་རྗེའི་ཟ་ཡིག་ནོར་བུའི་བང་མཛོད། མངའ་རིས་པ་ཆེན་གྱི་ཡོན་ཏན་གཏེར་མཛོད། ལེགས་ལྡན་རྗེའི་བླ་མ་སྐུ་གསུམ་དང་། ནམ་མཁའ་ཟས་ཟ། བྱང་བདག་ཚེ་སྒྲུབ་སྐུ་གསུམ་རིགས་འདུས། དྲག་པོ་ཀརྨ་གུ་རུའི་དབང་ལུང་ཆོག་བསྒྲིགས་བཅས་ཆ་ཚང་། དག་སྣང་མདོས་ཆོག་སྣང་སྲིད་སྤྱི་སྐོང་། བ་མཁལ་བའི་གསོལ་འདེབས་བར་ཆད་ལམ་སེལ། ཉི་ཟླ་སངས་རྒྱས་འཕོ་བ་འཇག་ཚུགས་མ་དང་། ཀ་དག་མའི་ཁྲིད་ལུང་། རྒྱ་ཕུར་བུའི་རྭ་སྲུང་དུག་ཁྲག་བུམ་ལྕགས་གཉིས་ཚང་བ། སྐལ་ལྡན་བྱིས་པའི་འབྲུམ་སྲུང་གཅུད་འཁོར་དཔེའུ་རིས་དང་སྦྲགས་པ། གུ་རུ་ཇོ་ཚེའི་ཤ་བརྒྱ་ཟན་བརྒྱ། སྣ་ནམ་ཐུབ་རྒྱལ་གཏོ་བཅོས་བརྒྱ་རྩ། ཟུར་མཁར་ཨ་ཇོ་བལ་པོའི་བསོད་ནམས་གླང་པོ་སྟོབས་སྐྱེད། ཟངས་གླིང་དབང་ཕྱུག་གཏད་ཧྲུལ། རད་གླིང་ཡད་ཟློག་དང་གཏད་ཧྲུལ། ཨ་ཙཱ་ར་དམར་པོའི་སེར་སྲུང་། གཏེར་སྟོན་ཚེ་རིང་རྡོ་རྗེའི་སྤྱི་ཏིའི་སྐོར་གྱི་དབང་ལུང་ཚང་བ། གཏེར་སྟོན་དྲི་མེད་ལྷུན་པོའི་དོན་ཏིག་དང་། ཟླ་བ་རྒྱལ་མཚན་གྱི་ཟབ་ཏིག་ཆོས་དབྱིངས་རང་གསལ་བརྒྱུད་པའི་ཆུ་བོ་གཉིས་འདྲེས་ལས་ཕྱི་མ་གཙོ་བོར་བྱས་པའི་དབང་ལུང་། གྲུབ་ཆེན་ཉི་ཟླ་ཀློང་གསལ་གྱི་དག་སྣང་ཛ་བཱིར་ཉེ་བརྒྱུད་ཀྱི་དབང་ལུང་དམིགས་ཁྲིད། བྲམ་ཟེ་སྡོམ་བཟང་རླུང་འཁོར་ཉེར་གཉིས་མ། ཇག་ཆིངས་ར་རུ་མའི་གཞུང་ཞལ་གདམས་བཅས་ཆ་ཚང་། ཐོག་སྲུང་ཞལ་ཤེས་སོགས་མང་དུ་གསན། རིག་འཛིན་ཀུན་བཟང་གསང་སྔགས་བསྟན་འཛིན་ལས། རྡོར་འབུམ་ཆོས་གྲགས་གཏེར་བྱོན་བདུད་རྩི་བུམ་པའི་དབང་ལུང་། བུམ་ཆེན་ཚང་མའི་པོད་ལུང་། ཆོས་དབང་ཡང་དག་སྙིང་པོའི་དབང་ལུང་། ཟབ་མོ་དག་སྣང་གི་ཆོས་སྡེ་འཆི་མེད་མནྡཱ་ར་བའི་དབང་ལུང་། པད་ཕྲིན་ཀུན་རིག་རྣམ་བཤད། བླ་མ་

[Full Size]

གསང་འདུས་བསྙེན་ཡིག །ཉམས་ལེན་ལམ་ཟབ་གསལ་བྱེད། ཡོན་ཏན་གཏེར་མཛོད་དབང་གི་ཟིན་བྲིས། བརྒྱུད་འདེབས། ལས་བྱང་། གསོལ་འདེབས་ལམ་ཁྱེར་ཟིན་བྲིས། བསྙེན་ཡིག་བཅས་ཀྱི་ལུང་། ལེགས་ལྡན་རྗེའི་བླ་མ་སྐུ་གསུམ་མའི་ངག་འདོན་དམིགས་རིམ། དམར་ཁྲིད། རྟ་མགྲིན་གསང་སྒྲུབ་རྒྱུན་ཁྱེར། བསྙེན་ཡིག །ཞི་སྦྱིན་རྣམས་ཀྱི་ལུང་། ལྔ་པའི་གསུང་རབ་ཡང་དག་འཁོན་ལུགས་ཀྱི་སྒྲུབ་དཀྱིལ། བླ་མ་གསང་འདུས་ལས་བྱང་། བསུན་ཟློག་སྐོར་ལེ་ཚན་བཞི། རྟ་མགྲིན་ཡང་གསང་ལོ་རྒྱུས། ལས་བྱང་ཆེ་ཆུང་། བསྙེན་ཡིག་སོགས། རས་ཆེན་དཔལ་འབྱོར་བཟང་པོའི་ལུགས་ཀྱི་འཕོ་བ་འཇག་ཚུགས་མ། ཁྱུང་ནག་གི་ལས་བྱང་། ཕག་མོའི་མེ་མཆོད། བརྟན་བཞུགས་ལེ་ཚན། རྒྱལ་པོ་ལུགས་ཀྱི་ཐུགས་ཆེན་ལས་བྱང་། ཚོགས་མཆོད་སོགས། གནས་བརྟན་འཇམ་དབྱངས་གྲགས་པའི་གསུང་ཚེ་དཔག་མེད་དྭང་མ་བཅུད་འདྲེན་གྱི་ཁྲིད་ཟིན་ལུང་། རྟ་མགྲིན་དྲེགས་པ་དབང་སྡུད་ཀྱི་དབང་། ཆོས་དབང་གཏེར་མ་སེམས་བསྐྱེད་བསྟན་པའི་སྙིང་པོ་སོགས་བཀླག་ལུང་རབ་མང་གསན། མཆོག་སྤྲུལ་མཁྱེན་བརྩེའི་དབང་ཕྱུག་གི་ཞལ་སྔ་ནས། དཀོན་མཆོག་སྤྱི་འདུས་ཞི་བའི་དབང་ཚེ་དབང་བཅས། བླ་མ་དྲག་པོ། རྒྱ་ཅན་སྨན་བླ་རྣམས་ཀྱི་དབང་། ཀློང་སྙིང་ཐུན་མོང་ཐུན་མིན་སྔོན་འགྲོའི་ཁྲིད། སྔོན་འགྲོའི་སྐོར་གྱི་ངག་འདོན་ནས་དུས་མཐར་གདབ་པའི་སྨོན་ལམ་བར་དང་། བཻ་རོའི་བླ་སྒྲུབ་སོགས། གཏུམ་མོའི་གསོལ་འདེབས། དཔལ་ཆེན་དང་སེང་གདོང་བརྒྱུད་འདེབས། འཕགས་པའི་གསོལ་འདེབས། ཕྱི་ནང་གསང་བ་ཡང་གསང་གི་སྒྲུབ་པ། ཐུགས་རྗེ་ཆེན་པོའི་པྲ་ཁྲིད། ཚེ་སྒྲུབ་བདུད་རྩིའི་བུམ་བཅུད། རིག་

[Full Size]

འཛིན་ཐུགས་སྒྲུབ་དཔལ་ཆེན་ཞལ་ལུང་། ཕུར་པ། མཁའ་འགྲོའི་རྩ་སྒྲུབ། ནང་སྒྲུབ། གསང་སྒྲུབ། དེའི་སྲུང་ཟློག །བླ་མ་དྲག་པོ། མ་མགོན། འཁྲུགས་སྐོང་། གཟའ། ཚེ་རིང་མ། འཕོ་བའི་སྨོན་ལམ་རྣམ་མཁྱེན་གྲོང་འཇུག །རིག་འཛིན་སྲོག་འཁོར། ཀུན་བཟང་ཀློང་རྒྱུད། རྒྱུད་ཕྱི་མ་བཅས་ཀྱི་ལུང་རྣམས་གསན། སེམས་དཔའ་ཆེན་པོ་འཇིགས་མེད་རྒྱལ་བའི་མྱུ་གུའི་ཞལ་སྔ་ནས། རིགས་འདུས་ཐུགས་རྗེ་ཆེན་པོ་རིགས་བདག་འོད་དཔག་མེད་རྣམས་ཀྱི་སྨིན་དབང་རྒྱས་པ། ཀློང་སྙིང་མཁའ་འགྲོའི་བྱིན་རླབས། སྔོན་འགྲོ་གཉིས་ཀྱི་སྨིན་ཁྲིད་དངོས་གཞིའི་ངོ་སྤྲོད་བཅས། འདོན་ཆ་གོང་སྨོས་ཕལ་ཆེར། ཡང་དག །སྨྱུང་ཆོག །མཁའ་འགྲོའི་སྲེག་བླུགས། ཐུགས་རྗེ་ཆེན་པོའི་ཚོགས་སྐོང་། རིག་འཛིན་རྩ་རྒྱུད་བཅས་ཀྱི་ལུང་སོགས་ཆོས་བཀའ་མང་དུ་གསན། མཆོག་སྤྲུལ་ཆོས་ཀྱི་རྒྱལ་མཚན་ཞལ་སྔ་ནས། གུ་་ཀོ་ཥ་སྐབས་བཅུ་གསུམ་པའི་ལུང་། མཁའ་འགྲོའི་བྱིན་རླབས་ལུང་བཅས། རྗེ་བཙུན་བསོད་ནམས་མཆོག་ལྡན་མདུན་ནས། མི་ལའི་བྱིན་རླབས་ལུང་བཅས། ཡུམ་བཀའ་སེང་གདོང་མའི་དབང་། །དཔལ་ཆེན་དབང་ལུང་། ཚེ་དཔག་མེད་སྐུ་གསུམ་འདུས་པའི་ཆོག་ཁྲིགས། རྡོར་སེམས་བླ་མའི་རྣལ་འབྱོར་ཇ་མཆོད་ལེ་ཚན་བར། མདོ་སྔགས་སྨོན་ལམ། ཡང་རྫོང་ཐུགས་སྒྲུབ་ཧཱུྃ་དམིགས། ཆོས་སྤྱོད་བསྟན་པ་ཡོངས་རྫོགས། གནས་བརྟན་ཕྱག་མཆོད། ཞལ་བཞི། གཡུ་སྒྲོན། རྣམ་སྲས། མ་སང་བཅས་ཀྱི་སྐོང་བ། །མངའ་གསོལ། བསྐང་བཤགས། ཕྲིན་བཅོལ། ཚོགས་བསྡུས་བཅས་ཀྱི་ལུང་། གྲུབ་ཆེན་རིན་པོ་ཆེའི་བཀའ་འབུམ་ནས། དམ་ཆོས་བདེ་ཆེན་ལམ་མཆོག་གི་གསང་སྒྲུབ། རྒྱུན་ཁྱེར། འཕོ་བའི་གདམས་པ། གྲིབ་བསང་སོགས་ལུང་

[Full Size]

ཤིན་ཏུ་མང་པོ་གསན། རྗེ་བཙུན་བླ་མ་ཆོས་ཉིད་རང་གྲོལ་གྱི་མདུན་ནས། རིག་འཛིན་ཚེ་དབང་དང་བཅས་པ། འདོན་ཆའི་ལུང་། སྒྲུབ་བརྩོན་ཀརྨ་དཔལ་ལྡན་མདུན་ནས་རྟ་ཁྱུང་འབར་བའི་དབང་དང་། བླ་མའི་རྣལ་འབྱོར་སོགས་ཀྱི་ལུང་། སྒྲུབ་ཆེན་དགེ་བ་འཕེལ་རྒྱས་ལས་བླ་མའི་རྣལ་འབྱོར་གྱི་ལུང་། བླ་མ་པདྨ་རྒྱལ་མཚན་ལས་ཀྱང་རིག་འཛིན་སོགས་འདོན་ཆ་འགའ་ཞིག་གི་ལུང་། འཇིགས་མེད་གཞན་ཕན་དབང་ཕྱུག་ལས་རིག་འཛིན་ཚེ་དབང་དང་། ཁྲིད་ཡིག་ཟིན་བྲིས་ཀྱི་ལུང་། སྔོན་འགྲོའི་ངག་འདོན་ལུང་བཅས་གསན། མ་ཧཱ་པཎྜི་ཏ་འགྱུར་མེད་ཚེ་དབང་མཆོག་གྲུབ་ལས་ཀློང་གསལ་སྐུ་གསུམ་ཞི་ཁྲོའི་དབང་། ཚེ་སྒྲུབ་ཡང་གསང་བླ་མེད་དབང་བཅས། འཇིགས་མེད་རིག་འཛིན་མགོན་པོ་ལས། གུར་དྲག་ཡེ་ཤེས་རབ་འབར་དབང་རྒྱས་པ། ཚེ་དབང་འཆི་མེད་རྔ་སྒྲ་བཅས། འཇིགས་བྲལ་ཆོས་དབྱིངས་རྡོ་རྗེ་ལས། །བཀའ་བརྒྱད་ཡོངས་འདུས། གུར་དྲག་དབང་རྒྱས་བསྡུས། ཚེ་སྒྲུབ་ཡང་གསང་བླ་མེད། ཞི་ཁྲོ་འཕྲད་ཚད་རང་གྲོལ། འགྲོ་དྲུག་རང་གྲོལ། སྐུ་གསུམ་ཞི་ཁྲོ། དམ་པའི་གསུང་རྡོ་རྗེ། བདུད་འདུལ་ཕྱག་རྡོར་དྲེགས་འདུལ། རྩ་གསུམ་རྡོ་རྗེ་སྙིང་པོ་ནས། རྟ་ཕྱག་ཁྱུང་གསུམ། སྨན་བླ། རི་ཁྲོད་མ། རྣམ་འཇོམས། །ཐུགས་རྗེ་ཆེན་པོ་ཡང་གསང་བླ་མེད་དབང་སྒྲུབ་ཆེན་དང་འབྲེལ་བ། བསམ་ལྷུན་དབང་། ནཱ་ག་རགྴ་དང་སྙིང་ཐིག་གི་བླ་མ་དྲག་པོའི་དབང་གདོན་ཁྲོལ་བཅས། སེང་གདོང་མའི་བྱད་འགྲོལ་དབང་། གཅོད་ཡུལ་ལུང་བཅས། ཨོ་རྒྱན་བསྟན་འཛིན་ནོར་བུ་ལས། སྐུ་གསུམ་རྡོ་རྗེ་སྙིང་པོའི་དབང་སྒྲུབ་ཆེན་དང་འབྲེལ་བ། རྡོ་རྗེ་སྙིང་པོ་ལས། རྡོར་སེམས། ཐུགས་ཆེན་རིགས་གཉིས། མནྡྲ་ར་བ་བཅས། རྩ་གསུམ། བི་མ། སྙན་བརྒྱུད།

[Full Size]

སྨིན་གླིང་རྡོར་སེམས་བཅས་ཀྱི་དབང་ལུང་ཡོངས་རྫོགས། གྲུབ་དབང་བྱང་ཆུབ་ཆོས་ཀྱི་ཉི་མ་ལས་ཚེ་སྒྲུབ་ལྕགས་སྡོང་མའི་དབང་། སྤྲུལ་པའི་སྐུ་འཇིགས་མེད་ཆོས་དབྱིངས་འོད་གསལ་ལས་དཀོན་སྤྱི་ཞི་དྲག་དང་། །དགོངས་པ་རང་གྲོལ་དབང་། མ་ཧཱ་པཎྜི་ཏ་འགྱུར་མེད་མཐུ་སྟོབས་རྣམ་རྒྱལ་ལས་ཞི་ཁྲོའི་དབང་། དེ་དང་རྗེས་འབྲེལ་ཡིག་ཆ་མང་པོའི་ལུང་། ཉང་གཏེར་ཁྲོས་ནག་དང་། སྨིན་གླིང་བདེ་གཤེགས་ཀུན་འདུས་དབང་ལུང་ཁྲིད་གསུམ་ཡོངས་རྫོགས། ཚེ་སྒྲུབ་འཆི་མེད་ཡང་སྙིང་། གཤིན་རྗེ་དྲེགས་འཇོམས་དབང་། རྒྱ་ཅན་དབང་ལུང་ཡོངས་རྫོགས། གཙུག་ཏོར་དྲི་མེད་དབང་ལུང་། གྲུབ་བརྒྱའི་བྱིན་རླབས། ཉང་གཏེར་བཀའ་བརྒྱད་རྣམས་ཀྱི་དབང་། དུག་དབང་རྡོ་རྗེ་ཕ་ལམ། མདོ་བསྐལ་བཟང་དང་། མངའ་པ་སྡོམ་གསུམ་རྩ་འགྲེལ་གྱི་ལུང་། ཐུགས་ཆེན་རྒྱལ་པོ་ལུགས་ཀྱི་ཁྲིད་ལུང་། བྱད་འགྲོལ་གསེར་ལྡེའི་ལུང་མན་ངག་དང་བཅས་པ་སོགས་གསན་པ་རྒྱ་ཆེན་མཛད་དོ། །གར་དབང་ཆོས་ཀྱི་རྒྱལ་མཚན་ལས་ཚེ་སྒྲུབ་འཆི་མེད་ཡང་སྙིང་གི་དབང་སྒྲུབ་ཆེན་དང་འབྲེལ་བ། ཨོ་རྒྱན་རང་བྱུང་རྡོ་རྗེ་ལས་བླ་མ་གསང་འདུས་དབང་། རིག་འཛིན་ཐུགས་ཀྱི་རྡོ་རྗེ་ལས་དཀོན་མཆོག་སྤྱི་འདུས་ཚེ་དབང་། ཐུགས་ཆེན་རྒྱལ་བ་རྒྱ་མཚོའི་དབང་། རྒྱ་ཅན་སྨན་བླའི་དབང་། བླ་མ་ཆོས་ལོངས་སྤྲུལ་གསུམ། ཡགྴ་མེད་པ་ལ། སྨན་བླ། རྡོར་སེམས། ཕུར་པ་བཅས་ཀྱི་ལུང་། ཡོངས་རྫོགས་ཀྱི་བཀའ་གཏད་རྗེས་གནང་། གསང་སྙིང་ལུང་བཅས། གར་དབང་། ཐུགས་མཆོག་རྡོ་རྗེ་ལས་ཞི་ཁྲོའི་དབང་། ཀུན་བཟང་ཐེག་མཆོག་རྡོ་རྗེ་ལས་རིག་འཛིན་པའི་ཕྱག་རྡོར་དང་། ཞི་ཁྲོའི་དབང་། བླ་མ་རིན་པོ་ཆེ་པདྨ་དར་རྒྱས་ལས་སྙིང་ཐིག་གི་འདོན་ཆ་འགའ་རེའི་

[Full Size]

ལུང་། འཇིགས་མེད་གཞན་ཕན་ལས་ཚེ་དབང་། སྙིང་ཐིག་གི་ཁྲིད་ལུང་། སྔོན་འགྲོའི་ལུང་བཅས། ཨོ་རྒྱན་བསྟན་འཛིན་ཉི་མ་ལས་ཚེ་སྒྲུབ་རིགས་གཉིས་ཀྱི་དབང་། བླ་མ་རིན་ཆེན་བཟང་པོ་ལས། ཚེ་གུར་གྱི་དབང་། འཛར་ཀ་མཆོག་སྤྲུལ་ཀུན་བཟང་རྣམ་པར་རྒྱལ་བ་ལས། ཀློང་གསལ་སྙིང་པོའི་གཏེར་ཆོས་གུར་དྲག་ཡེ་ཤེས་རབ་འབར་གྱི་དབང་། ལམ་འབྲས་ཁྲིད། ཀློང་གསལ་རྡོ་རྗེ་སྙིང་པོའི་དབང་། ཁྲིད་ཆེན་ཐབས་ལམ་བཅས་ཡོངས་རྫོགས། རྩ་གསུམ་རྡོ་རྗེ་སྙིང་པོ། བཀའ་བརྒྱད་བདེ་གཤེགས་ཡོངས་འདུས་ཡང་གསང་བླ་མེད་སྐོར། བི་མ་དང་སྲོང་བཙན་སྙན་བརྒྱུད། རྫོགས་ཆེན་ཡང་སྙིང་ཀུན་ཟབ། དམ་པ་བདེ་གཤེགས་ཀྱི་སྒྱུ་འཕྲུལ་བཅས་ཀྱི་དབང་ལུང་ཡོངས་རྫོགས། བཀའ་འབུམ་པོད་གཅིག །མཆོག་སྤྲུལ་ཉིད་ཀྱིས་མཛད་པའི་བདུད་འདུལ་དང་ཀློང་གསལ་གཏེར་ཆོས་རྣམས་ཀྱི་དབང་བསྒྲིགས་པོད་གཉིས་བཅས་ཀྱི་ལུང་། །བདུད་འདུལ་རྡོ་རྗེའི་གཏེར་ཆོས་ཡོངས་རྫོགས་པོད་ལྔ། བཀའ་འབུམ་པོད་གཅིག་རྣམས་ཀྱི་ལུང་གསན། དཔལ་ཡུལ་རྒྱ་སྤྲུལ་ཀརྨ་ཀུན་བཟང་བསྟན་པའི་ཉི་མ་ལས། རྩེ་ལེ་སྣ་ཚོགས་རང་གྲོལ་གྱི་བཀའ་འབུམ་པོད་བཞིའི་ལུང་། གནམ་ཆོས་པུསྟི་བཅུ་གསུམ་གྱི་དབང་ལུང་ཚང་མ། ཁྲོ་བོ་རོ་ཟའི་གཏུམ་མོ། །རྫོགས་ཆེན་སངས་རྒྱས་ལག་བཅང་གི་ཁྲིད་དང་ཡིག་ཆའི་ལུང་། དགོངས་གཏེར་པོད་གཅིག་གི་དབང་ལུང་། བཀའ་འབུམ་པོད་གཉིས། ཆགས་མེད་དང་མི་འགྱུར་རྡོ་རྗེའི་རྣམ་ཐར་སྐོར་ཚང་མའི་ལུང་། བདུད་འདུལ་གཏེར་བྱོན་དམ་ཆོས་དགོངས་པ་ཡོངས་འདུས། སྤྲུལ་སྐུ་སྙིང་ཐིག །ཟབ་དོན་གསང་བ་སྙིང་ཐིག །རིག་འཛིན་འདུས་པ། སྒྱུ་འཕྲུལ་ཞི་ཁྲོ་བཀའ་བརྒྱད་ཡོངས་འདུས། ཚེ་ཡང་ཕུར་གསུམ། འཇམ་

[Full Size]

དཔལ་སྐོར། སྙན་བརྒྱུད་སྐོར་རྣམས་ཀྱི་དབང་ཚང་མ། བཀའ་སྲུང་ཞིང་སྐྱོང་གི་སྲོག་གཏད་བཅས་ད་ལྟ་རྒྱུན་གང་བཞུགས་ཚང་མ་གསན། སྒྲུབ་བརྩོན་བླ་མ་འཇིགས་མེད་དགེ་ལེགས་ལས། བླ་མ་དྲག་པོ། རྟ་མགྲིན་དམར་ནག །དཀོན་མཆོག་སྤྱི་འདུས། རྣམ་འཇོམས་རྣམས་ཀྱི་དབང་། ཀུན་བཟང་ཀློང་རྒྱུད་སོགས་ཀྱི་ལུང་། ཞི་ཁྲོའི་དབང་། གུ་རུ་དྷརྨཱ་བ་ཏཱི་ལས་དཀོན་སྤྱིའི་ཚེ་དབང་། འཆི་མེད་ཐུགས་ཐིག་གི་ལུང་བཅས། ནམ་མཁའི་ཞབས་ལས་ཐུགས་རྗེ་ཆེན་པོའི་དབང་། བླ་མ་དམ་པ་འགྱུར་མེད་བསྟན་འཛིན་ལས་ཕྱག་རྫོགས་དབུ་གསུམ་གྱི་རྣམ་བཞག་དང་། ཞལ་གདམས་གསོལ་འདེབས་ལེ་ཚན་འགའི་ལུང་། དོན་དབང་ཟབ་མོ་ཞལ་གདམས་ངོ་སྤྲོད་སོགས་སྨིན་རྒྱས། སྒྲུབ་བརྩོན་འགྱུར་མེད་བསྟན་འཕེལ་ལས་སློབ་སྤྲིང་ལུང་སོགས། བླ་མ་དཔལ་ལྡན་ཆོས་རྒྱལ་ལས་ཞི་ཁྲོ་དགོངས་པ་རང་གྲོལ་གྱི་དབང་། །འོད་དཔག་མེད། བསམ་ལྷུན། རྟ་མགྲིན་ནག་པོ་རྣམས་ཀྱི་དབང་། ཆོས་མཛད་རཏྣ་ཤཱ་ར་་ལས་ཀློང་གསལ་བཀའ་བརྒྱད། གུར་དྲག །ཚོགས་བདག་དངོས་གྲུབ་འབྱུང་གཏེར། གསང་བ་སྤུ་གྲི། གནམ་ཆོས་འོད་ཆོག་སྐོར། རྡོར་གཅོད། འོད་མདོ། དྲི་མེད་བཤགས་རྒྱུད། བདུད་འདུལ་ཕུར་པ། ཀློང་གསལ་བཀའ་སྲུང་ཡོངས་རྫོགས། བདུད་འདུལ་དང་། ཀློང་གསལ་གཏེར་མ་བཀའ་ཐང་སོགས་ཀྱི་ལུང་རྣམས་གསན། བླ་མ་བློ་གྲོས་དཔལ་བཟང་ལས་ཞི་ཁྲོའི་དབང་། སྙིང་ཐིག་སྐོར་གྱི་དབང་ལུང་འགའ་ཞིག །བླ་མའི་ཤུདྡྷ་ལས་གནམ་ཆོས་རྟ་ཕྱག་ཁྱུང་གསུམ། གུར་དྲག་ཕུར་འཇུག་གི་དབང་། ཨེ་ཝཾ་བླ་མ་ལས་ཞི་ཁྲོ་དགོངས་པ་རང་གྲོལ་གྱི་དབང་། བསྟན་འཛིན་ཆོས་ཀྱི་ཉི་མ་ལས་ཀུན་གཟིགས་འཕྲེང་པོ་རིན་པོ་ཆེའི་བཀའ་

[Full Size]

འབུམ་ཡོངས་རྫོགས་ཀྱི་ལུང་། གྲོལ་ཐིག་གི་ཁ་སྐོང་གྲས། ལམ་འབྲིང་བསྡུས་ཀྱི་ལས་བྱང་། བླ་མ་དྲག་པོ་དང་རྟ་མགྲིན་བསྙེན་ཡིག །གཏེར་བུམ་སྒྲུབ་ཐབས། དབང་གི་སྦྱིན་སྲེག །ཚེ་སྒྲུབ་སྐུ་གསུམ་འདུས་པའི་ཆོག་ཁྲིགས་ལུང་སོགས། ཀུན་བཟང་པདྨ་བསྟན་འཛིན་ལས་པད་གླིང་ཚེ་སྒྲུབ་རྡོ་རྗེ་ཕྲེང་བའི་དབང་བསྐུར་བ་དང་། སི་ཏུ་རིན་པོ་ཆེ་པདྨ་ཉིན་བྱེད་དབང་པོའི་མདུན་ནས་བཀའ་གདམས་པའི་མན་ངག་ནོར་བུ་བསྟན་པ་སྤྱི་དབང་། བསྟན་པའི་ཉིན་བྱེད་ཀྱི་བཀའ་འབུམ་ཚང་མའི་གདམས་གཏད། ཕྱག་ཆེན་མ་རིག་མུན་སེལ་དང་། །ཆོས་དྲུག་བདུད་རྩིའི་ཉིང་ཁུའི་ཁྲིད་ལུང་། སྦྱོར་དྲུག་སྔོན་འགྲོའི་ངག་འདོན་ལུང་། ཆོས་གླིང་ཚེ་སྒྲུབ་རྡོ་རྗེའི་སྲོག་སྒྲུབ། བདེ་གླིང་ཚེ་སྒྲུབ་རྡོ་རྗེའི་རྒྱ་མདུད་བཅས་ཀྱི་དབང་། ཞྭ་དམར་མཁའ་སྤྱོད་དབང་པོའི་བཀའ་འབུམ་ལས། རྫོགས་ཆེན་ཨ་རོ་ལུགས། རླུང་སེམས་དབྱེར་མེད། སྐུ་གསུམ་ངོ་སྤྲོད། ཕྱག་ཆེན་འཁོར་བ་རྒྱུན་གཅོད། རོ་སྙོམས་སྒང་དྲིལ། ཞི་བྱེད་སོ་ལུགས། རས་ཆུང་པའི་ལུས་མེད་མཁའ་འགྲོའི་ཆོས་སྐོར། བྱང་ཆུབ་ལམ་རིམ་གྱི་ཁྲིད་བསྡུས་རྣམས་ཀྱི་ལུང་། ཉིད་མཛད་སྒྲོལ་མ་རྣལ་འབྱོར་མའི་དབང་བཤད་ཀྱི་ལུང་བཅས་གསན། དཔལ་ཀརྨ་པ་བཅུ་བཞི་པ་ཁྱབ་བདག་ཐེག་མཆོག་རྡོ་རྗེའི་ཞལ་སྔ་ནས་འབྲུག་ལུགས་ཚེ་དཔག་མེད་ཕྱི་སྒྲུབ་ལྷ་གཅིག །ཡང་གསང་གོང་ཁུག་མ་ལྷ་དགུ། ལྷ་ལྔ། ཚེ་རྟ་ཟུང་འབྲེལ། དཀར་པོ་ལྷ་དགུ། ཆོས་གླིང་ཡང་དག་བདེ་ཆེན་སྙིང་པོའི་དབང་ལུང་ཆ་ཚང་། གནམ་ཆོས་འོད་དཔག་མེད། ཐུགས་རྗེ་ཆེན་པོ་རྒྱལ་བ་རྒྱ་མཚོ། རྟ་མགྲིན་ལྷ་ལྔ་བཅས་ཀྱི་དབང་། ཨོ་རྒྱན་པའི་རྡོ་རྗེ་གསུམ་གྱི་བསྙེན་སྒྲུབ་ཚང་མའི་པོད་འབྲུ་ལུང་། ཡང་ཆགས་མེད་སྨྲ་སེང་སྒྲུབ་ཐབས། ཡང་དགོན་རི་

[Full Size]

ཆོས་ཐོར་ལུང་། ཚེ་དབང་ནོར་བུའི་ཐུགས་རྗེ་ཆེན་པོའི་ཁྲིད་ཡིག་དང་། གཅོད་ཡུལ་ལེ་ཚན་ལུང་། རང་བྱུང་བའི་ཕྱག་ཆེན་སྙིང་གཏམ་ཆིག་གཅིག་མའི་ལུང་། རྗེ་ཉིད་ཀྱི་གསུང་ཐོར་བུའི་ལུང་། རྩེ་ལེ་རིན་པོ་ཆེའི་ཕྱག་རྫོགས་ཟུང་འཇུག་གི་ཞལ་གདམས་དང་། བདུད་འདུལ་རྡོ་རྗེའི་ཞལ་གདམས་ལུང་སོགས་གསན། སྟག་ལུང་པ་ངག་དབང་བསྟན་པའི་ཉི་མའི་མདུན་ནས་དྭགས་པོའི་ཐར་རྒྱན་གསུང་བཤད་ཞིབ་མོ། སྟག་ལུང་རྗེས་གནང་ཞེ་གསུམ་གྲས་བདེ་མཆོག་གྲས་དཀར་པོ་བྱང་ཆུབ་སྒྲུབ་པ་དང་། དེའི་ཚེ་སྒྲུབ་ཚེ་དཔག་མེད་ལོངས་སྐུ་དང་། འབྲི་གུང་དག་སྣང་སྒྲ་མི་སྙན་གྱི་ཚེ་སྒྲུབ་ཟབ་མོའི་དབང་ལུང་སོགས་གསན། དགེའུ་མཆོག་སྤྲུལ་རིན་པོ་ཆེ་བཀའ་བརྒྱུད་ཕྲིན་ལས་དབང་ཕྱུག་ལས་དཔལ་བདེ་མཆོག་རས་ཆུང་སྙན་བརྒྱུད་ཀྱི་དབང་ལུང་ཁྲིད་གསུམ་ཡོངས་རྫོགས་གསན། རྩེ་བ་མཆོག་སྤྲུལ་ངག་དབང་གྲགས་པ་ཡོངས་ཁྱབ་ལས་སྟག་ལུང་ཐང་པའི་བཀའ་འབུམ་རགས་རིམ་གྱི་ལུང་བཅས། ཟླ་སྤྲུལ་རིན་པོ་ཆེ་ཀརྨ་ངེས་དོན་བསྟན་པ་རབ་རྒྱས་མདུན་ནས། མི་ཏྲ་བརྒྱ་རྩའི་དབང་ཡོངས་རྫོགས། དཀོན་མཆོག་འབངས་ཀྱི་ཆོས་སྤྱོད། ཆོས་ཀྱི་དབང་ཕྱུག་གི་བསྟན་པ་རྒྱ་མཚོ། ཟུར་མང་རི་ཆོས་ཀུན་བཟང་དང་། བཻ་ཌཱུརྻའི་ཕྲེང་བའི་ལུང་སོགས་མང་དུ་གསན། མཆོག་སྤྲུལ་ཀརྨ་ངེས་དོན་དབང་པོའི་མདུན་ནས་ཕྱག་ཆེན་རྒྱ་གཞུང་ལུང་། །ཞྭ་དམར་དཀོན་མཆོག་འབངས་ཀྱིས་བསྒྲིགས་པའི་ནག་རྒྱལ་ཕག་གསུམ་གྱི་གཞུང་པོད་ལུང་། གཏུམ་པོ་རས་ཆུང་ལུགས་ལྷ་ལྔའི་དབང་ལུང་། རས་ཆུང་སྙན་བརྒྱུད་ལས་བྱུང་བའི་ཆོས་དྲུག་གི་ཀ་དཔེ་ཆུང་བ། གཏུམ་མོའི་གཞུང་ཆུང་། མི་ལའི་ཕྱག་ཆེན་ཡེ་ཤེས་གསལ་བྱེད། སྟེང་སྒོ་ཆོས་དྲུག །བར་དོ་བློ་ཆོད་བཅས། ཁྲིད་རིམ་

[Full Size]

སྤྱི་ཁྱབ་ཀྱི་སྔོན་འགྲོའི་ངག་འདོན་ཐར་ལམ་རབ་གསལ། ཆགས་མེད་པའི་ཨཱ་ཆོས་བཅུ་གསུམ། སྒྲོལ་མ་རྣལ་འབྱོར་མའི་ཁྲིད་ཡིག་བདེ་ཆེན་མྱུར་སྟེར། དྭགས་པོའི་ལམ་མཆོག་རིན་ཆེན་ཕྲེང་བ། གསེང་ལམ་བླ་སྒྲུབ། རིག་འཛིན་ཆེན་པོའི་ཞིང་སྦྱོང་ཁྲིད། ཐུགས་རྗེ་ཆེན་པོའི་ཁྲིད། བཛྲ་གུ་རུ་འདོན་ཐབས། ཤངས་ཆོས་སྔོན་འགྲོའི་ངག་འདོན་སོགས་ལུང་མང་བ། དགོངས་གཏེར་བསམ་པ་ལྷུན་གྲུབ་མའི་དབང་ལུང་ཆ་ཚང་གསན། དུས་མཁྱེན་བཀའ་འབུམ་ལས་ལྔ་ཚན་ལྔ་སོགས། འབྲི་གུང་དགོངས་གཅིག །ཆགས་མེད་སེང་གདོང་མའི་དབང་ལུང་ཆ་ཚང་འཁོར་ལོའི་མན་ངག་བཅས། ཆགས་མེད་རིན་པོ་ཆེའི་རི་ཆོས། རྒྱབ་ཆོས། ཡང་དགོན་པའི་རི་ཆོས། ཉང་གཏེར་རྟ་ནག་སྐོར། ཆགས་མེད་གཏོ་པོད་སྐོར། དྭགས་པོའི་ཐར་རྒྱན། པད་དཀར་དྲག་པོ་ཀཱི་ལ་ཡའི་དབང་ལུང་། བི་མའི་སྒྲོལ་དཀར་དབང་ལུང་སོགས་དུ་མ་གསན་པར་མཛད། རི་པ་མཆོག་སྤྲུལ་ཀརྨ་མཁས་མཆོག་གྲུབ་པའི་དབང་པོའི་ཞལ་སྔ་ནས། །བདེ་མཆོག་ལྷ་ལྔའི་མངོན་དཀྱིལ། ཕག་མོ་ལྷ་ལྔའི་སྒྲུབ་དཀྱིལ། རྒྱལ་བ་རྒྱ་མཚོའི་མངོན་དཀྱིལ་སོགས། གཅོད་ཀྱི་ཚོགས་ལས་ཡོན་ཏན་ཀུན་འབྱུང་། དེའི་ཉེར་མཁོའི་ཟིན་བྲིས། རྒྱུན་ཁྱེར་ལུས་སྦྱིན་བཅས། ཕྱག་ཆེན་ལྷན་ཅིག་སྐྱེས་སྦྱོར་གྱི་བསྡུས་དོན་རྩ་ཚིག །ཁྲིད་ཡིག་རྒྱས་པ་ངེས་དོན་རྒྱ་མཚོ། འབྲིང་པོ་ཆོས་སྐུ་མཛུབ་ཚུགས། བསྡུས་པ་མ་རིག་མུན་སེལ། ཆོས་དྲུག་ཁྲིད་ཡིག་བདུད་རྩིའི་ཉིང་ཁུ། རས་ཆུང་སྙན་བརྒྱུད་ལས་ཆོས་དྲུག་སྲས་མཁར་མ། ཆོས་དྲུག་གོ་གྱའི་ཆིངས། ཁྲིད་ཡིག་གསེར་ཞུན་མ། ཆགས་མེད་ཐུགས་རྗེ་ཆེན་པོའི་དམར་ཁྲིད་བསྡུས་པ་ཚིགས་བཅད་མ་རྣམས་ཀྱི་ལུང་སོགས་གསན། སྤང་ཕུག་བླ་མ་མཁས་དབང་

[Full Size]

ཀརྨ་ངེས་དོན་མདུན་ནས་སྟག་ཤམ་བསམ་གཏན་གླིང་པའི་གཏེར་ཆོས་སྐོར་པུསྟི་དགུའི་བཀླག་ལུང་། སྤོ་རུ་རྟོགས་ལྡན་དཀོན་མཆོག་རྒྱལ་མཚན་ལས་ཆགས་མེད་རིན་པོ་ཆེའི་བཀའ་འབུམ་ཕལ་མོ་ཆེའི་བཀླག་ལུང་། ས་བདག་སྐོར་དང་མགོ་གསུམ་གཙོས་པའི་གཏོ་བོད་རྣམས་ཀྱི་ལུང་བཅས་གསན། གཞན་ཡང་རིས་མེད་ཀྱི་དམ་པ་རྣམས་ལས་བཀའ་ཆོས་ཐོར་བུའི་རིགས་ཤིན་ཏུ་རྒྱ་ཆེན་གསན་པ་ལས། བསམ་སྡིངས་རྡོ་རྗེ་ཕག་མོ་ཆོས་དབྱིངས་བདེ་ཆེན་འཚོ་མོའི་ཞལ་སྔ་ནས། གནོད་སྦྱིན་ཨ་པ་ར་ཙིཏྟ་ཕྱི་ནང་གསང་གསུམ། ནང་སྒྲུབ་སྤོག་ཆོག་དང་བཅས་པའི་རྗེས་གནང་བཞི། ཚོགས་བདག་གསང་སྒྲུབ་སྤྲེལ་གདོང་ཅན་གྱི་རྗེས་གནང་། འདིའི་མན་ངག་གཉིས། སྐོང་ཆོག །རྗེས་གནང་ཀག་ཆོལ་གྱི་ལུང་། གྲུབ་ཆེན་པདྨ་གར་དབང་ལས་སྙན་བརྒྱུད་སེང་གདོང་མའི་ཆོས་སྐོར་ཐུན་མོང་དང་ཐུན་མིན་གྱི་སྨིན་གྲོལ་ཡོངས་རྫོགས། རས་ཆེན་དཔལ་འབྱོར་བཟང་པོའི་གཏུམ་མོ་ཞག་བདུན་མའི་ཉམས་ཁྲིད། ཕག་མོ་ཧྲཱིཿགཅིག་མའི་མེ་དབང་དང་བཅས་པ། རས་རྐྱང་གི་ཕྱུག་ལེན། གཏོར་རྒྱུན་རྒྱ་མཚོའི་གྲས་ནས་དབང་བཀའ་འགའ་ཞིག །རྗེ་བཙུན་རིན་པོ་ཆེ་འདི་ཉིད་ཀྱིས་ཕག་མོའི་བཀའ་སྲོལ་དྲུག་ཅུ་ལྷག་ཙམ་གསན་པའི་སྙིང་པོ་ཕྱོགས་གཅིག་ཏུ་དྲིལ་བ་དཔའ་མོ་སྙིང་ཏིག་གི་དབང་ལུང་ཁྲིད་གསུམ་ཡོངས་རྫོགས། ཕྱག་ཆེན་ཟབ་གསལ་དང་ཐུབ་པ་མདོ་གཅོད་ཀྱི་ཁྲིད་བཅས་གསན། འདར་སྟོན་བློ་བཟང་བསྟན་པའི་ཉི་མ་ལས། ཆོས་དབང་གཏུམ་པོའི་དབང་། ལུང་རགས་རིམ། རྟ་མགྲིན་གསང་སྒྲུབ། དབང་ཆེན་གསང་སྒྲུབ། རྟ་མགྲིན་ཡང་ཁྲོས་དབང་སོགས་གསན། ལྕགས་ཟམ་མཆོག་སྤྲུལ་བརྒྱད་པ་བསྟན་འཛིན་མཁྱེན་རབ་མཐུ་སྟོབས་ལས། ཆོས་དབང་བླ་མ་གསང་འདུས་ལུང་

[Full Size]

ཚང་བ། ཛཾ་དཀར་དམར། ལྷ་བུ་བཙོན་འཛིན། ཀརྨ་གུ་རུ་དར་ནག་བེར་ཆེན། གྲུབ་ཆེན་ཐང་རྒྱལ་གྱིས་རྡོ་རྗེ་ཕག་མོ་ལས་དངོས་སུ་གསན་པའི་གསང་སྤྱོད་མཁའ་འགྲོའི་སྙན་བརྒྱུད་སྐོར། གྲུབ་ཆེན་ཉེ་བརྒྱུད་ཚེ་རྟ་ཟུང་འབྲེལ་འཆི་མེད་དཔལ་སྟེར་སྐོར་ལེ་ཚན། བསྟན་འཛིན་བདུན་པས་མཛད་པའི་སྒྲུབ་ཐབས། ཚེ་འགུགས། དབང་ཆོག །བསྙེན་ཡིག་རྒྱས་བསྡུས། གནས་བརྟན་ཡན་ལག་འབྱུང་ལས་གསན་པའི་ཤེར་ཕྱིན་བརྒྱད་སྟོང་པའི་སྐབས་གསུམ་པ། ནི་གུ་ཆོས་དྲུག་བླ་བརྒྱུད་རྣམ་ཐར་ཚང་མ། གྲུབ་ཆེན་རིན་པོ་ཆེའི་རྣམ་ཐར་ལྔ་བསྡུས་ལུང་སོགས་གསན། སྤྲུལ་པའི་སྐུ་ཉི་མ་ཆོས་འཕེལ་ལས་ཀུན་མཁྱེན་དོལ་པོ་པའི་རི་ཆོས་ངེས་དོན་རྒྱ་མཚོ་ས་བཅད་དང་བཅས་པའི་ལུང་། ཏཱ་ར་ནཱ་ཐའི་གཅོད་ཁྲིད་སོགས་གསན། སྤྲུལ་སྐུ་ཀུན་དགའ་ཕྱོགས་ལས་རྣམ་རྒྱལ་ལས། གདུགས་དཀར་ལྷ་བཅུ་བདུན་མའི་དབང་། སྲུང་བ་ལྷ་ལྔའི་རིག་གཏད། འོད་དཔག་མེད་ཀྱི་ཉལ་སྒོམ། གྲོལ་མཆོག་ཁྲིད་བརྒྱའི་ཡིག་ཆ། དབང་བརྒྱ་མགོན་བརྒྱའི་མཚན་ཐོ། མཐའ་རྟེན་སྨོན་ལམ་གཉིས། བདེ་མཆོག་བཀྲ་ཤིས་ཀྱི་ལུང་བཅས་གསན། ཀཿཐོག་སི་ཏུ་མཆོག་སྤྲུལ་ཆོས་ཀྱི་བློ་གྲོས་ལས་ཀཿཐོག་པཎྜི་ཏའི་གསང་སྔགས་ལམ་རིམ་འགྲེལ་ཆེན་བཀླག་ལུང་གསན། གཏེར་ཆེན་མཆོག་གྱུར་བདེ་ཆེན་གླིང་པ་ལས་འབྲི་གུང་དགོངས་པ་ཡང་ཟབ་ཀྱི་དབང་ལུང་ཕལ་མོ་ཆེ། ཆོས་ཀྱི་གྲགས་པའི་ཡང་ཟློག་གི་ལུང་སོགས་བཀླག་ལུང་འགའ་ཞིག་དང་། མཆོག་གླིང་ཉིད་ཀྱི་གཏེར་ཆོས་ཐུགས་རྗེ་ཆེན་པོ་པདྨ་གཙུག་ཏོར་གྱིས་ཐོག་དྲངས། བདེ་མཆོག་སངས་རྒྱས་མཉམ་སྦྱོར་འཇོག་མཚམས་གྱུར་གྱི་བར་ཕལ་མོ་ཆེ་དངོས་དང་བརྒྱུད་ནས་གསན། མདོར་ན་དབུས་གཙང་ཁམས་གསུམ་ན་བཞུགས་པའི་ས་དགེ་བར་རྙིང་གི་བསྟན་

[Full Size]

འཛིན་སྐྱེས་བུ་དམ་པ་མཁས་བཙུན་བཟང་གྲུབ་དང་ལྡན་པའི་ཡོངས་འཛིན་དམ་པ་བརྒྱ་ཕྲག་དང་ལྔ་བཅུ་ལྷག་པ་དཀའ་སྤྱད་ཆེན་པོས་ཚུལ་བཞིན་དུ་བསྟེན་ཏེ། དཔལ་ལྡན་ས་ངོར་ཚར་གསུམ་ནས་བརྒྱུད་པའི་དབང་ཁྲིད་ལུང་མན་ངག་གི་རྒྱུན་ཡོད་དོ་ཅོག་དང་ཞྭ་ལུ་དང་གོང་དཀར་ཕྱོགས་ཀྱི་རྒྱུད་སྡེ་ཆེན་པོའི་དབང་དང་ཁྲིད་རྒྱུན་གང་ཡོད། སྔ་འགྱུར་རྙིང་མ་བཀའ་མ་དེང་སང་རྒྱུན་གང་བཞུགས། གཏེར་ཁ་གོང་འོག། བྱང་པ་སྔ་ཕྱི། གླིང་པ་བཅུ་གསུམ། དྲི་མེད་རྣམ་གཉིས་སོགས་གཏེར་མ་ཁུངས་བཙུན་ཕལ་ཆེར། བཀའ་གདམས་རྙིང་མའི་གཞུང་མན་ངག་དང་བཅས་པ་དེང་སང་རྒྱུན་གང་ཡོད། བཀའ་བརྒྱུད་ཡ་བཞིའི་སྐོར་ཕལ་ཆེར། བཀའ་གདམས་གསར་མ་དགེ་ལུགས་ཕྱོགས་ཀྱི་དབང་བཤད་ཁྲིད་ལུང་གི་རྒྱུན་མང་པོ། གཞན་ཡང་ཤངས་ཆོས། ཞི་བྱེད། གཅོད་ཡུལ། བོ་དོང་པ་སོགས་གྲུབ་མཐའ་རིས་བྲལ་ལྷད་མེད་ཡིད་ཆེས་ཁུངས་བཙུན་གྱི་དབང་། །ཁྲིད། རྒྱུད་བཤད་སོགས་དང་། །དེ་དག་གི་རྒྱབ་བརྟེན་རྒྱལ་བའི་བཀའ་འགྱུར་རིན་པོ་ཆེ་དང་། བསྟན་འགྱུར་ལས་ལུང་རྒྱུན་གང་ཡོད་ཕྲ་ཞིང་ཕྲ་བའང་རྩད་བཅད་དེ་གསན་པར་མཛད་པས་མཚོན་གདས་ཅན་ཙམ་ན་ཡོངས་སུ་གྲགས་པའི་མདོ་སྔགས་ཀྱི་གཞུང་ལུགས་ཐམས་ཅད་མ་གསན་པ་མེད་པ་ལྟ་བུའི་མང་དུ་ཐོས་པ་རྒྱ་མཚོའི་ཕ་རོལ་ཏུ་སོན་པར་མཛད་དོ། །ད་ནི་ཡོངས་འཛིན་དམ་པ་དེ་དག་རྣམས་ཀྱི་གྲལ་མཐར་འཁོད་པའི་རྨོངས་བརྟུལ་འདུ་ཤེས་གསུམ་པ་ཀརྨ་ངག་དབང་ཡོན་ཏན་རྒྱ་མཚོའམ། བློ་གྲོས་མཐའ་ཡས། པདྨ་གར་དབང་ཕྲིན་ལས་འགྲོ་འདུལ་རྩལ་ཅེས་མིང་མང་ལྡན་པའི་གྱི་ན་པ་བདག་ལའང་རྗེ་ཉིད་ཀྱི་བ་སྤུ་ཉག་གཅིག་ལ་འགྲན་པའི་ཡོན་ཏན་གྱིས་དབེན་ཀྱང་། དམ་པ་རྣམས་ནི་དམན་པ་ལ་ལྷག་པར་བརྩེ་བ་

[Full Size]

ཆོས་ཉིད་དུ་གྱུར་པ་དང་། སྔོན་གྱི་ལས་འཕྲོའི་འབྲེལ་ཟབ་ལྟ་བུར་གཟིགས་ནས་དགུང་ལོ་བཅུ་དགུ་པར་ཐོག་མར་མཇལ་བ་ནས་ཐུགས་འདུན་ཆེན་པོས་སྐྱོང་ཞིང་། ཕྱིས་ནས་མཁན་ཆེན་རྡོ་རྗེ་འཆང་སྐུ་མཆེད་དང་། ཞྭ་ལུ་མཆོག་སྤྲུལ་རིན་པོ་ཆེ་རྣམས་དང་མཉམ་པའི་བླ་མའི་གྲལ་འཇོག་མཛད་ཅིང་སྨིན་གྲོལ་གྱི་ཚེས་བཀའ་སྔ་ཕྱིར་མང་དུ་གསན་བཞེས་མཛད་པ་རྣམས་རང་ཉིད་ཀྱང་སྐལ་པ་བཟང་པོར་རློམས་ནས་ཆོས་ཀྱི་སྐྱེས་མཎྜལ་གྱི་ཚུལ་དུ་ཕུལ་བ་ལས་གཙོ་ཆེ་བ་རགས་རིམ་བསྡོམས་ནས་བརྗོད་ན། ཇོ་ནང་རྗེ་བཙུན་རིན་པོ་ཆེ་ཏཱ་ར་ནཱ་ཐའི་གསུང་རབ་ལྟར་དཔལ་དུས་ཀྱི་འཁོར་ལོ་སྐུ་གསུང་ཐུགས་ཡོངས་རྫོགས་ཀྱི་དཀྱིལ་འཁོར་དུ་སློབ་མ་རྗེས་འཛིན། སྟ་གོན། བྱིས་འཇུག །མཆོག་དབང་ཐུན་མོང་དང་ཐུན་མིན། རྡོ་རྗེ་སློབ་དཔོན་བདག་པོ་དང་བདག་པོ་ཆེན་པོའི་དབང་བསྐུར་ཡོངས་སུ་རྫོགས་པ། སྦྱོར་དྲུག་གི་ཁྲིད་ཡིག་མཐོང་བ་དོན་ལྡན་དང་ལྷན་ཐབས་འོད་བརྒྱ་འབར་བ་སྦྱར་བའི་སྨིན་ཁྲིད་དམ་པོའི་བྱིན་རླབས་དང་བཅས་པ། རྫོགས་རིམ་རྣམ་བཤད་ཟུང་འཇུག་རབ་གསལ་ཡན་ལག་ཡིག་ཆ་སྒྲུབ་དཀྱིལ་སོགས་ཀྱི་ལུང་། སྟོད་འགྲེལ་ལུགས་ཀྱི་བདེ་མཆོག་གི་དབང་། བདེ་མཆོག་ལཱུ་ནག་དྲིལ་གསུམ་གྱི་དབང་། །ལཱུ་ཡི་པའི་རྫོགས་རིམ་རྣལ་འབྱོར་ཆེན་པོའི་ཁྲིད། དྲིལ་བུ་རིམ་ལྔ། ནག་པོ་པའི་རིམ་བཞི་དང་དཔྱིད་ཐིག་གི་ཁྲིད། འཁྲུལ་སྤངས་ལུགས་ཀྱི་ལྷ་དྲུག་ཅུ་རྩ་གཉིས་པ། མཻ་ཏྲི་བཅུ་གསུམ་མ། སྦྱངས་པའི་ཡོན་ཏན་ལྭ་བ་བཅུ་གསུམ་མ། སྡོམ་འབྱུང་བཅུ་གསུམ་མ། འཁོར་ལོས་སྒྱུར་དྲུག །འཇམ་པའི་རྡོ་རྗེ་ལྷ་ཉེར་ལྔ་པ། དྲིལ་ཆུང་ལྷ་ལྔ། གསར་འགྱུར་དྲག་པོ་ཕྱག་འབུམ་པ། བདེ་མཆོག་བོང་ཞལ་ཅན། ཁྲོ་བོ་རྡོར་སེམས། རྡོ་རྗེ་མཁའ་འགྲོ། མཁའ་འགྲོ་རྒྱ་མཚོ། ཡུམ་

[Full Size]

བཀའ་ཕག་མོ་སོ་བདུན་མ། ནཱ་རོ་མཁའ་སྤྱོད། དཔྱལ་ལུགས་བདེན་གཉིས་ཞལ་ཅན། དོན་གྲུབ་མ། གསར་འགྱུར་ཤ་བ་རི་པའི་ཕག་མོ། རྔོན་པའི་གདམས་ངག་གི་སྨར་ཁྲིད། ཕག་མོ་འབྱུང་བ་ལྷ་ཉེར་གཅིག་པ། སམྦུ་ཊའི་རྡོར་སེམས་ལྷ་སོ་བདུན་མ། དགྱེས་རྡོར་ཞི་སྦས་ལུགས། ཕྱག་རྒྱ་བཞིའི་རྫོགས་རིམ་གྱི་ཁྲིད། གསང་འདུས་འཕགས་ལུགས། རིམ་ལྔ་འགོས་ལུགས་ཀྱི་ཁྲིད། འཇམ་པའི་རྡོ་རྗེ། གྲོལ་བའི་ཐིག་ལེའི་ཁྲིད། གཤེད་དམར་ལྷ་ལྔ་དང་བཅུ་གསུམ་མ། རྫོགས་རིམ་སྤྲོས་མེད་དང་རྣལ་འབྱོར་བཞི་རིམ་ཁྲིད། ཞང་ལུགས་གཤེད་ནག་ལྷ་བཅུ་གསུམ་མ། འཇིགས་བྱེད་སྐྱོ་ལུགས་ཁྲོ་མོ་བརྒྱད་སྐོར། མལ་ལུགས་ལྷ་དགུ། མི་གཡོ་ལྷ་དགུ། གསར་འགྱུར་སྒྲོལ་མ་རྣལ་འབྱོར་མ་རྣམས་ཀྱི་དབང་། སྒྲོལ་མ་རྣལ་འབྱོར་མའི་རྒྱུད་ཕྱག་མཆན་དང་བཅས་པའི་རྒྱུད་བཤད། ཡེ་ཤེས་མྱུར་སྟེར་གྱི་ཁྲིད། རྗེ་བཙུན་ཏཱ་ར་ནཱ་ཐའི་གསུང་འབུམ་སྤར་པོད་བཅུ་བདུན་ཡོངས་སུ་རྫོགས་པའི་བཀླག་ལུང་། ཞི་སྦས་ལུགས་ཀྱི་བཀའ་བབས་དྲུག་ལྡན་གྱི་ཁྲིད། མངའ་བདག་མར་པ་ལས་བརྒྱུད་པའི་རྡོག་དཀྱིལ་སྔར་གྲགས་བདུན་པོ་ཆགས་མེད་ཡིག་ཆ་ལས་ལན་གཅིག་ཕུལ། རྗེས་ནས་རང་གིས་གསར་བསྒྲིགས་སྟེང་ནས་སྒྲོལ་དཀར་ཇོ་བོ་ལུགས་ཀྱི་རྗེས་གནང་དང་ཚེ་ཁྲིད། མར་ལུགས་རྡོར་སེམས་རྣམ་རྒྱལ་མ་སྒྲོལ་ལྗང་རྣམས་ཀྱི་རྗེས་གནང་། ལམ་ཟབ་བླ་སྒྲུབ་ཀྱི་དབང་། དགྱེས་རྡོར་མཚོ་སྐྱེས་ལྷ་དགུ། བདག་མེད་ལྷ་མོ་བཅོ་ལྔ། གུར་རིགས་བསྡུས་རྣམས་ཀྱི་དབང་། མར་ལུགས་བསྲེ་འཕོའི་ཁྲིད། མ་ཧཱ་མཱ་ཡཱའི་དབང་། རྫོགས་རིམ་དབྱིབས་སྔགས་ཆོས་གསུམ་ཁྲིད། རྡོ་རྗེ་གདན་བཞི་ཡབ་བཀའ་ལྷ་མང་དང་། ཡུམ་བཀའ་བཅུ་གསུམ་མའི་དབང་། གདན་

[Full Size]

བཞིའི་རྫོགས་རིམ་ཁྲིད། སངས་རྒྱས་ཐོད་པ་ལྷ་ཉེར་ལྔ་པའི་དབང་། རྫོགས་རིམ་ཁྲིད། འདུས་པ་འཕགས་ལུགས་དབང་། རིམ་ལྔ་མར་ལུགས། འཇམ་དཔལ་གསང་ལྡན་བླ་མེད་ལུགས། གཏུམ་པོ་ལྷ་ལྔ་རས་ཆུང་ལུགས་རྣམས་ཀྱི་དབང་། བཀའ་བརྒྱུད་ཀཾ་ཚང་ལུགས་ཀྱི་བདེ་མཆོག་ལྷ་ལྔ། ཕག་མོ་ལྷ་ལྔ། རྒྱལ་རྒྱམ་ལྷ་དགུ་ལྷ་ལྔ་རྣམས་ཀྱི་དབང་། ཟུར་མང་བཀའ་བརྒྱུད་ལས་བྱོན་པའི་བདེ་མཆོག་སྙན་བརྒྱུད་ཆེན་མོའི་དབང་དང་བྱིན་རླབས་ཐམས་ཅད། འཁོར་ལོ་ལྔའི་གཞུང་པོད་ཚང་མའི་ལུང་། ཆོས་སྐྱོང་མ་མགོན་ཞལ་སྦྱོར་དབང་ཆེན། ཕྱག་བཞི་པའི་དབང་ཆེ་ཆུང་། མ་མགོན་འཁོར་ལྔ་ཚེ་རིང་མ་སོགས་ཀྱི་རྗེས་གནང་། ཇོ་ནང་རིན་འབྱུང་དང་། རྗེ་དགུ་པ་དབང་ཕྱུག་རྡོ་རྗེའི་ཞི་ཕྲེང་དྲག་ཕྲེང་ཆོས་སྐྱོང་གློག་ཕྲེང་བཅས་ཀྱི་རྗེས་གནང་། རང་བྱུང་བའི་ཟབ་མོ་ནང་དོན། རྣམ་ཤེས་ཡེ་ཤེས། སྙིང་པོ་བསྟན་པ་རྣམས་ཀྱི་བཤད་ལུང་། མར་མི་དྭགས་གསུམ་བྱིན་རླབས། ཕྱག་ཆེན་ཁྲིད་རྒྱས་འབྲིང་བསྡུས་གསུམ་དང་ནཱ་རོ་ཆོས་དྲུག་སོགས་ཀྱི་ཁྲིད་ལུང་། ཤངས་ལུགས་རྒྱུད་སྡེ་ལྔའི་དབང་ཆེན། བདེ་མཆོག་ལྷ་ལྔའི་དབང་དང་ཁྲིད། ནི་གུ་ཆོས་དྲུག་ཇོ་ནང་ལུགས་ཀྱི་བྱིན་རླབས་རྣམས་དང་ཁྲིད། ཟུར་མང་དང་གནས་མདོ་ལུགས་ཀྱི་གཅོད་དབང་གཅོད་ཁྲིད། གྲུབ་ཆེན་བརྒྱད་ཅུའི་བྱིན་རླབས་ཇོ་ནང་ནས་བརྒྱུད་པ། གཞན་ཡང་རྗེས་གནང་གི་རིགས། གོང་སྨོས་རྣམས་ཀྱི་ཡིག་ཆ་དང་ཆགས་མེད་གསུང་སྐོར་གཙོར་གྱུར་ལུང་གི་རྣམ་གྲངས་ཤིན་ཏུ་མང་པོར་ཕུལ། རྙིང་མའི་སྐོར་ལ་རྙིང་མ་རྒྱུད་འབུམ་སྤར་པོད་ཉི་ཤུ་རྩ་ལྔའི་བཀླག་ལུང་། རྙིང་མ་བཀའ་མ་དྲག་དམར་འོ་བྲན་ལུགས། བཀའ་བརྒྱད་རྫོང་འཕྲང་། རོད་ལུགས་ཕུར་པ། རོག་ཕུར་ལྷ་ནག །གདོང་དྲུག་ནག་པོ་

[Full Size]

གསང་རྫོགས་ཐུགས་ཀྱི་སྒྲུབ་པ། གཤིན་རྗེ་གཤེད་ཁ་ཐུན་ནག་པོ། གཤེད་དམར་རུ་མཚོན་དམར་པོ་རྣམས་ཀྱི་དབང་། དེ་དག་གི་གཞུང་པོད་ཚང་མའི་ལུང་། དོང་སྤྲུགས་ཞི་ཁྲོ་ཁྲོམ་དཀྲུགས་དང་པདྨ་བརྒྱ་ལྡན་གྱི་དབང་། གཏེར་མའི་ཕྱོགས་ལ་ཉང་གཏེར་བཀའ་བརྒྱད་བདེར་འདུས་གཞུང་པོད་དགུའི་ལུང་། ཆོས་དབང་གསང་རྫོགས་ཀྱི་དབང་ཆེན། དོན་དབང་། གཞུང་པོད་བཞིའི་ལུང་། བྱང་གཏེར་བཀའ་བརྒྱད་རང་ཤར། རིག་འཛིན་གདུང་སྒྲུབ། ཐུགས་སྒྲུབ་དྲག་པོ་རྩལ། ཐུགས་རྗེ་ཆེན་པོ། རྫོགས་ཆེན་དགོངས་པ་ཟང་ཐལ། ཕུར་པ་ཆེ་མཆོག་དང་སྤུ་གྲི། བསྟན་སྲུང་ཡོངས་རྫོགས་ལྷ་ཆེན་སོགས་ཀྱི་དབང་དང་ལུང་ཡོངས་རྫོགས། མཁའ་འགྲོ་སྙིང་ཐིག་དང་མཁའ་འགྲོ་ཡང་ཏིག་དབང་ལུང་། ཀུན་མཁྱེན་ཀློང་ཆེན་པའི་མཛོད་བདུན་དང་ངལ་གསོ་སྐོར་གསུམ་རྗེས་འབྲེལ་དང་བཅས་པའི་ལུང་། ཞང་ཁྲོམ་ཚེ་བདག་ལྕགས་འདྲ་དང་ལྕགས་སྡིག་གི་དབང་ལུང་ཡོངས་རྫོགས། ར་ཤག་མ་མོ་སྒང་ཤར་གཞུང་པོད་ལུང་། སངས་གླིང་བླ་མ་དགོངས་འདུས་པོད་བཅུ་གསུམ། ཐུགས་རྗེ་ཆེན་པོ་ཕྱི་རྒྱལ་པོ་ལུགས། ནང་ནོར་བུ་ལུགས། གསང་བ་མི་ཏྲའི་བླ་མེད་ལུགས་བཅས་པོད་གསུམ། ཕུར་པ་ཐུགས་ཀྱི་ཉིང་ཁུ། འཇམ་དཔལ་དཀར་དམར་ནག་གསུམ། ཁྱུང་གསང་བ་ཡང་ཁོལ་སོགས་ཀྱི་དབང་ལུང་ཡོངས་རྫོགས། ཀར་གླིང་ཞི་ཁྲོའི་དབང་དང་གཞུང་པོད་ལུང་། ཞིག་གླིང་གཏེར་ཆོས་རྣམས་དང་འཇའ་ཚོན་སྙིང་པོའི་གཏེར་ཆོས་པོད་དྲུག་ཏུ་གྲགས་པ་རྣམས་ཀྱི་དབང་ཡོངས་རྫོགས། སྟག་ཤམ་ཡི་དམ་དགོངས་འདུས་གཙོར་གྱུར་གཏེར་ཆོས་ཕལ་མོ་ཆེའི་དབང་། ཆོས་གླིང་གཏེར་ཆོས། ཡོངས་དགེ་མི་འགྱུར་རྡོ་རྗེའི་གཏེར་ཆོས་ཆེ་ཆུང་ལྔ། རོལ་རྡོར་

[Full Size]

མཚོ་བྲག་གཉིས་ཀྱི་སྐོར་ཚང་མའི་དབང་ལུང་གིས་མཚོན་གཏེར་མའི་ཕྱོགས་ཆེ་ཕྲ་ཤིན་ཏུ་མང་བ་རྣམས་དང་། རང་རྩོམ་བསྟན་བཅོས་ཤེས་བྱ་ཀུན་ཁྱབ་རྩ་འགྲེལ་བཤད་ལུང་གི་ཚུལ་དུ་གསན་པར་བཞེད་པ་སོགས་རང་རྩོམ་རིགས་ཕལ་མོ་ཆེའང་བཀས་གནང་མ་ཐག་པ་ནས་དགྱེས་པ་སྐོང་བའི་སླད་དུ་གུས་པ་ཆེན་པོས་འབུལ་བར་བགྱིས་པའོ། །དེ་དག་རྣམས་ཀྱང་གསན་ཐོ་བཞུགས་རིགས་ལས་རགས་བསྡུས་ཙམ་བཀོད་པ་སྟེ་གསན་ཐོ་གང་བཞུགས་རྣམས་བཀོད་ན་ཡིག་ཚོགས་ཧ་ཅང་ཆེ་བ་དང་ཕལ་ཆེར་ཐོ་ཡིག་ཀྱང་མ་བཞུགས་པས་ཞིབ་པར་མ་འཚལ་ལོ། །དེ་ལྟར་རྒྱ་མཚོ་ཆེན་པོ་ལ་ཆུ་ཀླུང་བྱེ་བ་འབུམ་ཕྲག་སྙེད་སྡུད་ཀྱང་བྲི་བ་དང་གང་བ་ནམ་ཡང་མེད་པ་བཞིན་ཆོས་ཀྱི་རྒྱ་མཚོ་ཆེན་པོ་འདིས་ནི་དམ་པའི་ཆོས་ཀྱི་ཆུ་ཀླུང་ནམ་ཡང་ངོམས་པ་མེད་པར་གསོལ་བའི་རྣམ་ཐར་འདི་གཅིག་པུའང་ད་ལྟའི་གང་ཟག་སུས་ཀྱང་ཆ་ཙམ་བསྐྲུན་ནུས་པ་མ་མཆིས་སོ། །ལྔ་པ་དེ་ལྟར་གསན་པའི་དོན་ཐུགས་ཉམས་སུ་བཞེས་ཏེ་མངོན་པར་རྟོགས་པའི་ཡོན་ཏན་གྱིས་འཕགས་པའི་ཚུལ་ནི། དེང་སང་སྙིགས་མའི་མཐར་མཆོག་དམན་ཐམས་ཅད་གལ་ཆུང་ཆོས་ལ་བྱེད་པའི་དུས་ངན་ཤར་བས་ད་ལྟར་སངས་རྒྱས་པའི་ཆོས་ཁུར་པོ་གཅིག་ལས་ཀྱང་ཁེ་གྲགས་ཟང་ཟིང་དངོས་པོ་ཕྲ་མོ་ཙམ་སྙིང་གི་དཀྱིལ་དུ་འཆང་བ་དང་། རི་བོང་ཅལ་སྒྲོག་གི་རྗེས་སུ་རྒྱུག་པ་དང་བློ་ཆུང་དྲན་མང་འགའ་ཞིག་གིས་ཞུས་ཞུས་ཐོབ་ཐོབ་མང་པོ་བྱས་ཀྱང་དཔེ་ཆ་ལྡེབ་གཅིག་མི་བཞེངས། དོན་སྣེ་གཅིག་ཉམས་སུ་མི་ལེན། ཕལ་མོ་ཆེས་ནི་རང་ཉིད་དཀའ་ལས་གང་ཡང་མི་དགོས། ཆོས་ལ་ཞུ་རྟེན་མི་དགོས། ཕྱིན་ཆད་ཁས་ལེན་དམ་བཅའ་མེ་དགོས་པའི་ཆུ་ཆེན་ནས་ཆུ་བཅུས་པ་ལྟ་བུ་ཞིག་བྱེད་དུ་ཡོད་ན་ཞུ་བ་སྐད་དང་། དེའང་ཆོས་ཞུས་ཤིང་ཉན་པའི་དྲིན་བརྩི་

[Full Size]

བླ་མ་ལ་བྱེད་པའི་སྐབས་འདིར། རྗེ་བླ་མ་འདི་ནི་དངུལ་ཆུ་ས་ལ་ཕོ་ཡང་རྡུལ་དང་མ་འདྲེས་པ་ལྟར་ངན་པའི་མིག་ལྟོས་ཀྱིས་ནམ་ཡང་མ་བསླད་པར། སྐུ་ཆུང་ངུ་ནས་བླ་མ་ཚུལ་བཞིན་བསྟེན་པ་དང་དམ་ཆོས་ཚུལ་བཞིན་དུ་ཚོལ་བའི་རྣམ་པར་ཐར་པ་ལྷན་སྐྱེས་སུ་མངའ་བས་དབུས་གཙང་ནས་ལྷོ་མོན་ཚུན་ཆད་ཀྱི་གནས་རྟེན་རྣམས་མཇལ་བ་དང་། རྣམ་འདྲེན་དམ་པ་རྣམས་ལས་ཆས་གསན་དུ་ཕེབས་པ་ནའང་ཉེ་གནས་དམ་པ་ཚུལ་ཁྲིམས་རྒྱ་མཚོ་དང་དཔོན་སློབ་གཉིས་ཁོ་ན་བྱ་བཏང་ཀུན་ཏུ་རྒྱུའི་ངང་ཚུལ་གྱིས་ཕེབས། སྐབས་རེར་ཞབས་ཕྱགས་ཀྱང་མེད་པར་ཞབས་རྗེན་ཁོ་ནས་གཤེགས་པས་མཚོན་དཀའ་བ་དུ་མ་སྤྱད་དེ་གནས་རྟེན་རྣམས་ལ་ཕྱག་མཆོད་ཚོགས་སྐོང་སྨོན་ལམ་མཐིལ་ཕྱིན་པ་གནང་། བླ་མ་རྣམས་ལ་དངོས་པོ་རྒྱ་མི་ཆེ་རུང་སྤུས་ནམ་གཙང་བའི་ཕྱག་རྟེན་ཅི་འབྱོར་པ་རེ་དང་བཅས་ཆོས་དང་གདམས་ངག་ཐུགས་ཁ་མ་རྫོགས་པར་འཚོ་ཆས་འབྱོར་མིན་དང་ཡུན་རིང་ཐུང་ལ་མི་གཟིགས་པར་གསན། ཕྱིས་སུ་བཞེད་པ་མེད་ཀྱང་འབྱོར་པ་འབད་མེད་ལྷུན་གྲུབ་ཏུ་འབྱུང་བའི་སྐབས་སུ་ནི་ཉིན་རེ་བཞིན་ཡང་མཎྜལ་གྱི་རྟེན་དངོས་གཙང་བ་རེ་དང་དབང་ཆོས་གྲུབ་པའི་སྐབས་སུ་ཞབས་བརྟན་དང་འབྲེལ་བར་དངོས་པོ་གང་བཟང་གི་འབུལ་བ་སྦོམ་མཐོ་བ་རེ་མཛད་པ་སོགས་མདོར་ན་ཅི་མཛད་ཐམས་ཅད་མདོ་རྒྱུད་ནས་བཤད་པའི་ཆོས་མཐུན་གྱི་མཛད་པ་འབའ་ཞིག་ལྷུར་བཞེས་པ་སྟེ། རིན་ཆེན་བང་མཛོད་ལས། སྐྱོན་བྲལ་ཡོན་ཏན་རྫོགས་པའི་བླ་མ་ནི། །སྙིགས་མའི་དུས་ན་སངས་རྒྱས་དངོས་དང་མཚུངས། །རབ་དྭངས་སྲི་ཞུས་གུས་པས་སྤྱི་བོས་བསྟེན། །ཅེས་པ་ལྟར་སུམ་ལྡན་རྡོ་རྗེ་འཛིན་པ་རྣམས་ཚུལ་དེ་བཞིན་དུ་བསྟེན་པར་མཛད་པ་དང་། སའི་སྙིང་པོའི་མདོ་ལས། གཅིག་ཏུ་དད་ཅིང་གུས་པས་

[Full Size]

ཆོས་ཉན་གྱིས། །འདི་ལ་འཕྱ་ཞིང་སྐུར་བ་མི་བྱའོ། །ཆོས་སྨྲ་བ་ལ་མཆོད་པར་བྱ་བ་ནི། །སངས་རྒྱས་འདྲ་བར་དེ་ལ་འདུ་ཤེས་སྐྱེད། །ཅེས་གསུངས་པ་ལྟར་ཆོས་སྨྲ་བའི་བཤེས་གཉེན་ཐམས་ཅད་ལ་དེ་བཞིན་གུས་པར་མཛད་པ་དང་། རྒྱན་སྟུག་པོ་བཀོད་པའི་མདོ་ལས། འཇམ་དཔལ་གང་ན་ཆོས་སྨྲ་བ་འདུག་གམ། དེ་མཐོང་ན་མཚམས་མེད་པ་ལྔ་བྱང་བར་འགྱུར་རོ། །ཆོས་སྨྲ་བ་དེ་ལའང་མཆོད་པར་བྱ་སྟེ། གལ་ཏེ་ཆོས་སྨྲ་བ་དེས་མཚམས་མེད་པ་ལྔ་སྤྱོད་ཀྱང་དེ་ལ་སེམས་འཁྲུགས་པར་མི་བྱའོ། །ཞེས་གསུངས་པའི་དོན་ཐུགས་ལ་བཞག་ནས་ཕལ་པ་ལྟར་སྣང་བ་རྣམས་ལའང་གུས་པ་དང་བཅས་པས་གདམས་ངག་སྣ་རེ་ཡིན་ཀྱང་གསན་པར་མཛད་ཅིང་། གང་གསན་པའི་རིགས་ཐམས་ཅད་གཡས་ཆུང་ངུ་མི་བཞག་པར་ཕྱག་དཔེ་འདྲི་བ་དང་། གསར་རྙིང་རྒྱུད་སྡེ་རྣམས་ཀྱི་དཀྱིལ་ཐང་། གཏེར་མ་ལ་སོགས་པའི་ཙཀ་ལི་བཞེངས་པ་དང་། དབང་ཆས། མཆོད་པའི་ཡོ་བྱད་ཐམས་ཅད་ལ་ཕྱག་རྫས་གང་ཡོད་ཕངས་མེད་དུ་བཏང་ནས། གཞན་གྱིས་དཔེར་འོས་པ་ཤ་སྟག་བཞེངས་པ་སོགས་བླ་མ་དམ་པ་རྣམས་མཉེས་ཤིང་བསྟན་པ་ལ་ཕན་པའི་མཛད་པ་ཁོ་ན་ལྷུར་བཞེས་པས་ས་ལམ་གྱི་ཡོན་ཏན་ཞར་བྱུང་དུ་རྫོགས་པ་གཞིར་བཞག །ལོ་ལེགས་ན་ཕུབ་མ་ཞར་ལ་འབྱུང་བ་ལྟར་གནས་སྐབས་ཀྱི་དཔལ་དང་འབྱོར་པ་ཐམས་ཅད་ཀྱང་ལོ་རེ་བཞིན་ཇེ་རྒྱས་སུ་འགྱུར་བ་སྟེ། ཡེ་ཤེས་རྒྱ་མཚོ་ལས། གང་གིས་བླ་མའི་བྱ་བ་ལ། །མཁས་པའི་སྐལ་ལྡན་གང་ཡིན་དེ། །དུས་གསུམ་སངས་རྒྱས་ཐམས་ཅད་ལ། །བསྐལ་པ་བྱེ་བ་དྲུག་འབུམ་དུ། །ཕྱག་བྱས་བས་ནི་འདི་དོན་ཆེ། །བླ་མས་བསྒོ་བ་བཞིན་བསྒྲུབས་ན། །འདོད་པ་ཐམས་ཅད་འགྲུབ་པ་དང་། །བསོད་ནམས་དཔག་ཏུ་མེད་པ་འཐོབ། །རང་གི་རྫས་དང་ཡོ་བྱད་

[Full Size]

ཀྱིས། །བླ་མ་མཉེས་པར་སུས་བྱས་ན། །འདིས་ནི་ཁམས་གསུམ་འཁོར་བ་ལས། །སྤྲུལ་སྐུའི་ཞིང་དུ་དབུགས་དབྱུང་སྟེ། །མྱ་ངན་འདས་པའི་སར་གཤེགས་སོ། །ཞེས་གསུངས་པ་ཉིད་མངོན་དུ་གྱུར་པའོ། །གང་ཞིག་གསན་པ་དེ་དག་ཐམས་ཅད་ཀྱང་མིང་རྐྱང་ཙམ་མ་ཡིན་པར་གྲུབ་མཐའ་སོ་སོའི་བཤད་པའི་རྣམ་གྲངས། ལྟ་སྒོམ་གྱི་འཇོག་མཚམས། བསྐྱེད་རྫོགས་སོ་སོའི་ཟབ་གནད། ཆོ་ག་དང་མན་ངག་གི་ཕྱག་ལེན་ཕྲ་མོ་ཚུན་ཆད་རང་རང་གི་ལུགས་སྲོལ་མ་འདྲེས་པར་གསལ་བར་མཁྱེན་ཅིང་དེ་ལྟར་ཕྱག་ལེན་དུའང་བསྟར་བར་མཛད་དོ། །དེ་དག་ཀྱང་། ཇི་སྐད་དུ། དམ་པས་ཁས་འཆེ་མང་པོ་མི་བྱེད་ལ། །གལ་ཏེ་དཀའ་བས་ཁས་ནི་བླངས་གྱུར་ན། །རྡོ་ལ་རི་མོ་བྲིས་པ་ཇི་བཞིན་དུ། །ཤི་ཡང་གཞན་དུ་བྱེད་པར་མི་འགྱུར་རོ། །ཞེས་དང་། བླུན་པོ་ཆུ་ཡི་རི་མོ་འདྲ། །གང་ཞིག་བྱས་པ་དེ་མྱུར་འཇིག །མཁས་པ་རྡོ་ཡི་རི་མོ་འདྲ། །ཤིན་ཏུ་ཕྲ་བའང་བརྟན་པར་གནས། །ཞེས་པ་ལྟར་རིག་པའི་གནས་དང་མདོ་རྒྱུད་ལ་གསན་བསམ་མཛད་པའི་དོན་གོ་སྐུན་གཞོན་པའི་སྐབས་སུ་འཆད་སྤེལ་གྱིས་སློབ་མ་བསྐྱངས། ཕྱིས་སུ་རྩ་བའི་གཞུང་དང་འགྲེལ་པ་ཕལ་མོ་ཆེ་སྤར་དུ་བཞེངས་ནས་ཆོས་སྦྱིན་འཛད་པ་མེད་པའི་སྒོ་འཕར་ཕྱེས། མདོ་རྒྱུད་ཀྱི་གཞུང་རྣམས་ཀྱང་སྣོད་དང་ལྡན་ཅིང་སྐབས་སུ་བབས་པ་ན་ཞིབ་མོར་བཤད། གཙོ་བོར་གསང་སྔགས་ཀྱི་བསྐྱེད་རྫོགས་ཟབ་མོ་རྣམས་ལ་ཉམས་བཞེས་ཆད་པ་མེད་པར་མཛད་དེ། དགུང་ལོ་ཉེར་བཞི་པ་ཆུ་མོ་ཡོས་ཀྱི་ལོར་མཁན་རིན་པོ་ཆེ་འཇམ་དཔལ་བཟང་པོ་དང་ལྷན་ཅིག་མདོ་ཁམས་སུ་ཕེབས་ནས་རྫོང་སར་བཀྲ་ཤིས་ལྷ་རྩེའི་གཟིམས་གཤགས་སུ་བཞུགས་སྟན་འཇགས་ནས་ལོ་བཞི་ཙམ་ལ། ངོར་ལུགས་ཀྱི་ཕྱག་བཞེས་ལྟར་ཀྱེ་རྡོར་གཞི་བསྙེེན་སྔོན་

[Full Size]

དངོས་རྗེས་ཚང་ཟླ་བ་བརྒྱད་ཀྱི་ཁོངས་སུ་བསྒྲུབ། བྱ་རྒྱུད་རིགས་གསུམ་སྤྱི། སྤྱོད་རྒྱུད་རྣམ་སྣང་མངོན་བྱང་། རྣལ་འབྱོར་རྒྱུད་རྡོ་རྗེ་དབྱིངས་རྣམས་ལ་ལས་རུང་གི་ལྗགས་བསྙེན་བཏང་། ཆ་མཐུན་རྒྱུད་ཀུན་རིག་ཟླ་བ་དྲུག་གི་ཁོངས་སུ་བསྙེན་པ་རྒྱས་པ། གཞན་ཡང་རྣམ་འཇོམས། གདུགས་དཀར་གྱིས་མཚོན་པའི་ཕྲན་ཚེགས་ཀྱི་ལྗགས་བཟླས་ཀྱང་མང་དུ་མཛད། དགུང་ལོ་ཉེར་དགུ་པས་སྤྲེལ་ལོར་མཁན་རིན་པོ་ཆེ་དང་ལྷན་ཅིག་བོད་དུ་ཕེབས་ནས་ལོ་གསུམ་ཙམ་བཞུགས། ལྕགས་ཕག་དགུང་ལོ་སོ་གསུམ་པར་ཕྱིར་ཕེབས་ནས་གསར་མའི་ཕྱོགས་ནས་དུས་ཀྱི་འཁོར་ལོ་གཙོས་པའི་རྒྱུད་སྡེ་ཆེ་ཕྲ། མཁའ་སྤྱོད་མ་སོགས་མཁའ་འགྲོའི་རིགས། གུར་ཞལ་སོགས་ཆོས་སྲུང་། གཞན་ཡང་སྒྲུབ་ཐབས་མང་པོའི་རྣལ་འབྱོར་གྱི་རིམ་པ་ལ་བཞུགས་ནས་ལྗགས་བཟླས་དུ་མ་མཛད། རྙིང་མའི་ཕྱོགས་སུ་གཏེར་ཁ་གསར་རྙིང་གི་གུ་རུའི་ཐུགས་སྒྲུབ་ཞི་དྲག་ཆེ་ཕྲ། ཐུགས་རྗེ་ཆེན་པོའི་རིགས། ཚོགས་ཆེན་འདུས་པ་དང་སྒྱུ་འཕྲུལ་ཞི་ཁྲོ། བཀའ་བརྒྱད་ལུགས་སྲོལ་བཅུ་དགུ་ཙམ་དང་ཕུར་པ་ལུགས་སྲོལ་དེ་ཙམ། གསར་རྙིང་གི་ཚེ་སྒྲུབ་རིགས་བརྒྱ་རྩ་རེ་ཟུང་རྣམས་ལ་བསྙེན་བཟླས་དང་། ཚོགས་སྐོང་བཤགས་ནར་མ། ཡར་མར་གྱི་ཚེས་བཅུ་དང་དུས་ཆེན་རིགས་ལ་ཚོགས་དང་མཆོད་པ་ཤིན་ཏུ་རྒྱས་པ། རྒྱུན་དུ་མར་མེའི་ཕྲེང་བ་གཙོར་བྱས་པའི་མཆོད་པའི་ཕྲེང་བ་ཚར་དུ་དངར་བ་རྣམ་གྲངས་དུ་མ་བཤམས་ནས་བསགས་སྦྱོང་སྤེལ་བའི་རིམ་པ་ཕལ་པའི་བློས་འཁྱུད་པར་དཀའ་བ་ཁོ་ན་གནང་། ཁྱད་པར་དུའང་དེ་ཁོ་ན་ཉིད་ངེས་པར་བསྟན་པའི་མདོ་ལས། ཤཱ་རིའི་བུ་གང་གིས་བསྐལ་བ་གཅིག་གི་བར་དུ་ཉན་པ་བས། གང་གིས་སེ་གོལ་གཏོགས་པའི་ཡུན་ཙམ་ཅིག་དེ་ཁོ་ན་ཉིད་ཀྱི་ཏིང་ངེ་འཛིན་ལ་མཉམ་པར་བཞག་ན་བསོད་

[Full Size]

ནམས་མང་དུ་འཕེལ་ལོ། །ཤཱ་རིའི་བུ་དེ་ལྟ་བས་ན་དེ་ཁོ་ན་ཉིད་ཀྱི་ཏིང་ངེ་འཛིན་འདི་གཞན་ལ་ནན་གྱིས་གདམས་པར་བྱའོ། །ཞེས་དང་། མདོ་སྡེ་རྒྱན་ལས། དེ་ལྟས་རྣལ་འབྱོར་ཅན་གྱི་སྒོམ་པ་གང་ཡིན་དེ་ནི་དོན་མེད་མིན། །དེ་ལྟར་བདེ་བར་གཤེགས་ཀྱི་བསྟན་པ་གང་ཡིན་དེ་ཡང་དོན་མེད་མིན། །གལ་ཏེ་ཐོས་པ་ཙམ་གྱིས་དོན་མཐོང་འགྱུར་ན་སྒོམ་པ་དོན་མེད་འགྱུར། །གལ་ཏེ་མ་ཐོས་པར་ཡང་སྒོམ་ལ་འཇུག་ན་བསྟན་པ་དོན་མེད་འགྱུར། །ཅེས་གསུངས་པའི་དོན་ཐུགས་ལ་བཅངས་ནས། སྤྱིར་དགུང་ལོ་ཆུང་ངུའི་དུས་ནས་སྐྱེས་ཐོབ་ཀྱི་སྟོབས་ཀྱིས་མཚན་བཅས་རྩ་རླུང་ཐིག་ལེའི་རྣལ་འབྱོར་འབད་རྩོལ་ཆུང་ངུས་འགྲུབ་པ་དང་། ཉིན་མཚན་གྱི་རྟགས་བཅུ་དང་སྲིད་པ་གསུམ་གྱི་སྟོང་གཟུགས་རྐྱེན་ཆུང་ངུ་ལ་བརྟེན་ནས་ཤར་བ་དང་། འོད་གསལ་གྱི་སྣང་བ་སྐུ་དང་ཐིག་ལེའི་འཆར་སྒོ་ཅི་རིགས་པ་འབྱུང་བ་དང་། ཆོས་ཉིད་ཀྱི་བདེན་པ་ཕྱིན་ཅི་མ་ལོག་པ་གཟིགས་པས་སེམས་འཛིན་དང་བྱུང་གནས་འགྲོ་གསུམ་གྱི་རྩད་གཅོད་སོགས་རིམ་གྱིས་པའི་ལམ་ལ་བརྟེན་མ་དགོས་པར་རང་བཞིན་ལྷུན་གྲུབ་དང་བཞག་ཆེན་པོའི་ལྟ་སྒོམ་གྱི་ལྷུམས་སུ་ཚུད་ཀྱང་གདུལ་བྱ་རིམ་སྐྱེས་དང་བློ་རིགས་ཐ་དད་པ་རྣམས་དྲང་བའི་སླད་དང་། སྨིན་གྲོལ་གྱི་རིམ་པ་ཟབ་མོ་གསན་པའི་གཤམ་དུ། སློབ་དཔོན་གྱིས་དེ་ཉིད་ཉམས་སུ་ལེན་དགོས་པར་གདམས་པ་ན། སློབ་བུས་གཙོ་བོས་ཇི་ལྟར་བཀའ་སྩལ་བ་སོགས་ཀྱི་ཁས་ལེན་ཞུ་བའི་སྲོལ་མཆིས་པ་རྣམས་ཀྱང་རྗེས་སུ་བསྒྲུབ་ཅིང་གསན་པ་རྣམས་ཆུད་ཟོས་སུ་མི་བཏང་བའི་ཕྱིར། གསུང་ངག་རིན་པོ་ཆེ་ལམ་འབྲས་བུ་དང་བཅས་པ། མཁའ་སྤྱོད་མའི་རྫོགས་རིམ་གྱི་དམིགས་རྐང་སོགས་ཀྱང་ཚར་རེ་མ་ཆག་པ་དང་། ལོ་གསུམ་བཅད་རྒྱའི་ཁོངས་སུ་ཇོ་ནང་རྗེ་བཙུན་ཀུན་དགའ་གྲོལ་མཆོག་

[Full Size]

གིས་བསྒྲིགས་པའི་ཟབ་ཁྲིད་བརྒྱ་དང་བརྒྱད་པ་ཉིད་རྩ་བར་བཟུང་། སྒོམ་དོན་ཞིབ་མོ་སོ་སོའི་ཁུངས་སུ་གྱུར་པའི་ཁྲིད་ཡིག་རྣམས་དང་སྦྱར་ཏེ་དམ་ཚིག་རྡོ་རྗེའི་སྒོམ་བཟླས་སོགས་ཀྱིས་རྒྱུད་སྦྱང་བ་སྔོན་དུ་བཏང་ནས། ཐོག་མར་བླ་མ་ས་སྐྱ་པའི་ཞེན་པ་བཞི་བྲལ་ནས་བཟུང་། བྲམ་པ་ཀུན་དགའ་བཟང་པོའི་ཕྱག་རྫོགས་ནོར་བུ་མཐོང་གྲོལ་གྱི་བར་རྣམས་ལ། མདོ་དང་ཐུན་མོང་བའི་ལམ་རིམ་ཞེན་པ་བཞི་བྲལ། བཀའ་གདམས་ལམ་རིམ། བློ་སྦྱོང་དོན་བདུན་མ། །དམར་ཁྲིད་རིགས་གསུམ་སོགས་དང་། རྒྱུད་སྡེ་སོ་སོའི་རྫོགས་རིམ་དུས་འཁོར་སྦྱོར་དྲུག །ཀྱེ་རྡོར་ལམ་འབྲས། བདེ་མཆོག་ལཱུ་དྲིལ་ནག་གསུམ་སོགས་དང་། རྒྱུད་སྡེ་ཐུན་མོང་གི་རྫོགས་རིམ་ནཱ་རོ་དང་ནི་གུའི་ཆོས་དྲུག །དྭགས་པོ་ལུགས་ཀྱི་ཕྱག་ཆེན་རྣམས་གཙོ་བོར་མཛད་ཅིང་ཞག་གྲངས་མང་བ་དང་། གཞན་ཐམས་ཅད་ཀྱང་ཆད་ལུས་གཅིག་ཀྱང་མེད་པར་ཉམས་བཞེས་མཐར་ཕྱིན་པར་མཛད། རྙིང་མའི་ཕྱོགས་སུ་སེམས་སྡེ་ལུགས་གསུམ། ཀློང་སྡེ་རྣ་བརྒྱུད་རྡོ་རྗེ་ཟམ་པ། བི་མ་དང་མཁའ་འགྲོ་སྙིང་ཐིག །གཏེར་མའི་ཕྱོགས་ནས་ཀློང་ཆེན་སྙིང་ཐིག་གཙོ་བོར་གྱུར་པའི་ཟབ་ཁྲིད་རྣམས་དང་། སེམས་ཉིད་ངལ་གསོ་སོགས་ཁྲོ་བུ་ལུགས་ཀྱི་ཁྲིད། ཞག་བདུན་མ་རྣམས་སོགས་བོ་དོང་ལུགས་ཀྱི་ཁྲིད་སོགས་མདོར་ན་ཁྲིད་ཚུལ་གསན་ཚད་ཤར་སྒོམ་རེ་ཙམ་མ་མཛད་པ་གང་ཡང་མེད་པས་ཉམས་དང་རྟོགས་པའི་ཡོན་ཏན་ཉིན་རེ་བཞིན་ཡང་གོང་འཕེལ་དུ་གྱུར། མདོར་ན་སྔ་རྗེས་ལོ་གྲངས་བཅུ་གསུམ་ཙམ་དུ་བསྐྱེད་རྫོགས་ཁོ་ན་ལ་བརྩོན་པར་མཛད་པས་སྔ་ཕྱིར་གྲུབ་པའི་མཚན་མ་མངོན་དུ་གྱུར་པའང་ཅི་རིགས་པར་བསྟན་ཡོད་པར་སྣང་བ་ལས་མཐོང་ཐོས་སུ་གྱུར་པ་ནི། ལྕགས་ཟམ་ཆུ་བོ་རིའི་ཚེ་ཆུ་ཕུག་ཏུ་ཚེ་རྟ་ཟུང་འབྲེལ་སྒོམ་བཟླས་

[Full Size]

མཛད་པའི་སྐབས་ཚེ་ཆུ་ཀར་ཡོལ་གང་གློ་བུར་དུ་བབས། ཡར་ཀླུང་ཚེ་ཆུ་འབུམ་པ་ལ་ཕྱག་མཆོད་མཛད་པ་ནའང་དེ་མཚུངས་དང་། ལྷ་ལྡན་ཇོ་བོ་རང་བྱོན་ལྔ་ལྡན་ལ་ཕྱག་མཆོད་མཛད་སྐབས་རིང་བསྲེལ་ཁ་ཤས་ཕྱག་ཏུ་ཕེབས། དཔལ་སྤུངས་གླིང་སྟོད་ནས་བདག་ཅག་འདུས་པ་རྣམས་ལ་ཉང་གཏེར་ཁྲོས་ནག་གི་དབང་གནང་སྐབས་དབང་རྟེན་ཐོད་པ་རེག་ཏུ་མི་བཏུབ་པ་ཙམ་གྱི་དྲོད་འབར། བྱང་རྫ་རྒྱུད་མ་མོ་ཐང་དུ་རྫོགས་ཆེན་དཔལ་སྤྲུལ་ནས་རྡོ་འབུམ་ལ་རབ་གནས་ཞུས་པར་ཚེས་བཅོ་ལྔ་ཞིག་ལ་མཆོད་པ་ཤོམས་ཤིག་གསུངས་ནས་རྫོང་སར་བཞུགས་གནས་ནས་དགོངས་གཏད་མཛད་པས་ཉིན་ལམ་བདུན་བརྒྱད་ཀྱི་བར་ཆོད་པའི་རྡོ་འབུམ་དེར་རབ་གནས་ཀྱི་མེ་ཏོག་ཆར་བབས་པ་བཞིན་བྱུང་བ་དེར་གནས་ཕལ་མོ་ཆེས་དད་རྟེན་དུའང་ཐོབ། ཕྱིས་སུ་ཚེ་སྒྲུབ་ལོ་གསུམ་ཙམ་ཆགས་མེད་མཛད་སྐབས་ཚེ་ཆང་རྒྱུན་བཞག་དེ་དབྱར་མི་རུལ། དགུན་མི་འཁེང་། ཁ་དོག་སེར་སྨུག་ཤིན་ཏུ་སྐ་བའི་ཉམས་ཅན། དབུས་ནས་གྱེན་དུ་ཕྱུར་བ་ལ་དྲི་རོ་གར་གིས་ཀྱང་མཚོན་དུ་མེད་པའི་ཡ་མཚན་ཅན་དུ་གྱུར། དད་སྐལ་ལྡན་པ་རྣམས་ཀྱིས་ཐོག་མར་མཇལ་སྐབས་ཐང་སྟོང་རྒྱྱལ་པོ་སོགས་སྐུའི་རྣམ་པ་ཐ་དད་དུ་མཐོང་བ་དང་། གང་ཟག་བཟང་པོ་ཞིག་ལ་འཕགས་མའི་སྙིང་ཐིག་གི་དབང་བསྐུར་གནང་བའི་སྐབས་སྤྱན་བདུན་པོ་བཀྲ་ཧྲིག་ཡོད་པ་མཇལ་བས་དད་པའི་ཤུགས་ཀྱིས་ཤེས་པ་བརྒྱལ་ཐབས་སུ་སོང་བ་སོགས་མང་། དངོས་ཉམས་མནལ་ལམ་ཅི་རིགས་པར་དག་སྣང་ཞལ་གཟིགས་རྒྱུན་ཆད་མེད་པར་འབྱུང་ཡང་དད་ལྡན་བློ་ཐུབ་ལ་ཟུར་ཙམ་རེ་ལས་གཏན་ནས་མི་གསུང་། གཞན་པས་མཐོང་སྣང་བྱུང་ཚུལ་ཞུས་པ་ལའང་རླུང་ཁམས་ལྡང་བའི་མིས་མི་རིག་མི་མཐོང་བ་ཅི་ཡོད། དེ་འདྲ་ལ་བློ་གཏད་ཅིའང་མེད་ཚུལ་གྱི་སང་

[Full Size]

རྒྱལ་གཅོག་པ་ཁོ་ན་མཛད། སྐབས་རེར་ཟུར་ཙམ་གསུངས་པ་ལ་སངས་རྒྱས་བྱང་སེམས། རིག་འཛིན་མཁའ་འགྲོའི་ཚོགས་ལས་ཆོས་གསན་པ་དང་། ཚིག་དོན་གྱི་སྒྲོ་འདོགས་བཅད་པ་དང་། རྡོ་རྗེའི་སྔགས་རྒྱུད་མང་པོ་སྒྲོགས་པ་དང་། རྡོ་རྗེའི་གླུ་སྙན་ཅིང་དོན་ཟབ་བ་ལེན་པ་སོགས་ཆོས་ཀྱི་རྒྱུན་གྱི་ཏིང་ངེ་འཛིན་བརྙེས་པའི་ངོ་མཚར་འབྱམས་ཀླས་ཤིང་། སྔ་ཕྱིར་ཀླ་ཀློ་དང་། དམ་སྲི་གདུག་པ་ཅན་ཚར་བཅད་པའི་མཚན་མའང་མང་དུ་གཟིགས། དག་སྣང་གི་རིགས་ཅུང་ཟད་འོག་ཏུ་འཆད་པར་འགྱུར་ལ། འདིར་ཡང་ཅུང་ཟད་སྨོས་ན་གཙང་དུ་ཕེབས་སྐབས་དཔལ་ས་སྐྱའི་གདན་སར་ས་ཆེན་ཕུག་ཏུ་འཇམ་དབྱངས་དམར་སེར་གྱི་རིལ་བུ་སྒྲུབ་པ་ཞག་བདུན་མཛད་གྲུབ་པའི་ཐོ་རངས་ཁར། མདུན་གྱི་གཞི་སྟེང་དུ་འོད་དམར་སེར་གྱི་གོང་བུ་ཆེ་བ་ཞིག་གི་ནང་དུ་ཨུཏྤལ་སྔོན་པོ་ཁ་བྱེ་མ་ཐག་པ་ཅན་ཡུན་ཅིག་གསལ་བའི་མཐར་ཐུགས་ཀར་ཐིམ་པ་ཞིག་བྱུང་། དེ་ཕྱིན་བློ་གྲོས་ཀྱི་སྤོབས་པ་ཇེ་འཕེལ་དུ་སོང་ནས་སུ་ལ་ཅི་ཞིག་འཆད་ཀྱང་ཐོགས་པ་མེད་པ་བྱུང་གསུངས། ཕྱིས་མེ་ཡོས་ཟླ་བ་གསུམ་པའི་ཚེས་ལྔ་ལ་ཨ་ལོ་ཞེ་དགར་ཁྱིམ་བདག་ཅིག་རྩར་བཞུགས་པའི་མནལ་ལམ་དུ་བཞུགས་ཁྲི་མཐོན་པོ་ཞིག་གི་ཁར་མཁན་རིན་པོ་ཆེ་བྱམས་པ་ཀུན་དགའ་བསྟན་འཛིན་དང་ལྷན་ཅིག་ཏུ་བཞུགས། མཁན་ཆེན་རིན་པོ་ཆེས་འཐོར་ནས་མཛད་དེ་འཇིག་རྟེན་དང་འཇིག་རྟེན་ལས་འདས་པའི་བཀྲ་ཤིས་ཚིགས་བཅད་བརྒྱ་ཕྲག་མང་པོ་གསུང་བ་ཞིག་བྱུང་བས། དེའི་ཐོག་མའི་ཚིགས་བཅད། ལྷ་དབང་ལྷ་ཡི་ལོངས་སྤྱོད་ཆེན་པོས་བརྗིད། མི་དབང་མི་ཡི་འབྱོར་པ་ཆེན་པོས་མཐོ། །ཀླུ་དབང་ཀླུ་ཡི་ནོར་བུ་ཆེན་པོས་ཕྱུག །འཇིག་རྟེན་ཆེན་པོ་གསུམ་གྱི་བཀྲ་ཤིས་ཤོག །གེ་སར་མངོན་ཤེས་།རྫུ་འཕྲུལ་འགྲན་ཟླ་མེད། །ཞལ་ལུ་དཔའ་རྒོད་སྙིང་སྟོབས་

[Full Size]

འགྲན་ཟླ་མེད། །ཁྲོ་ཐུང་འཕྲུལ་དང་བཀྲ་ལག་འགྲན་ཟླ་མེད། །འགྲན་མེད་མི་ཕོ་གསུམ་གྱི་བཀྲ་ཤིས་ཤོག །རྒྱ་བཟས་རྒྱ་ཡི་རྟེན་མཆོག་ཐབས་ཀྱིས་དྲངས། །བལ་བཟས་བལ་པོའི་མཆོད་སྡོང་བརྫོངས་སུ་ཐོབ། །འབྲུག་མོས་འབྲུག་ལྟར་གྲགས་པའི་གཏམ་རྒྱུད་བཞག །ཡ་མཚན་བུད་མེད་གསུམ་གྱི་བཀྲ་ཤིས་ཤོག །ཅེས་པ་འཕྲལ་དུ་འདྲི་བར་མཛད་ནས་དེ་ཀའི་ཁྱིམ་དུ་བླན། དེ་རྗེས་ཕྱོགས་དེའི་གར་བྱོན་སར་བཀྲ་ཤིས་ཀྱི་ཚིགས་བཅད་ངོ་མཚར་བ་མང་དུ་མཛད། ཁོ་བོའི་སྒྲུབ་ཁང་སོགས་ལའང་བཀྲ་ཤིས་རྟགས་བརྒྱད། རྫས་བརྒྱད། རྒྱལ་སྲིད་དང་སྦྱར་བ་སོགས་མང་དུ་གནང་བ་རྣམས་ཀྱང་རྟེན་འབྲེལ་གྱི་སྒོ་ཁྱད་པར་ཅན་ཞིག་ཡོད་པར་མངོན། ཡང་ཕྱོགས་དེའི་སྦྱིན་བདག་ནི་ས་མདའ་ཚང་ལ་བཞུགས་པའི་མནལ་ལམ་དུ། ཀླ་ཀློའི་ཞགས་པ་བྱུང་ཟེར་མ་ཐག་ཏུ་དྲུ་གུ་འདྲ་བ་ཞིག་ཧྲིལ་གྱིས་བྱུང་ནས་སྐུ་ལུས་དཀྲིས་ཏེ་ནམ་མཁར་ཁྱེར་སོང་བས་ཅུང་ཟད་ཐུགས་ཞད་པའི་རྣམ་པ་བྱུང་མ་ཐག །མགོན་པོ་ཕྱག་བཞི་པ་བྱུང་ནས་གྲི་གུག་གིས་བཅད་སོང་བས་ས་ཐོག་ཏུ་རྡོ་རྗེ་ལེགས་པ་འདུག་པས་སྐུ་ལུས་པང་དུ་བཏེགས་ནས། ཧེ་ཧེ། མགོ་མཐོ་ས་ལ་བཏགས། རྐེ་ཕྲ་ས་ནས་ཆད་ཟེར་དཔེས། བྱད་ཐག་མགོན་པོས་བཅད་པ་བཟང་སྟེ་ང་མེད་ན་ས་ཐོག་ཏུ་འོ་བརྒྱལ་བྱས་ཨང་སོང་ཟེར་བ་དང་མནལ་སད། འདི་སྐོར་དུ་གར་ཕེབས་ཀྱི་རི་རྣམས་ཟང་ཐལ་དུ་གཟིགས་ཤིང་གནས་རི་རྣམས་ལ་རྩ་གསུམ་ལྷ་ཚོགས་ཅི་གནས། གཏེར་ཁ་དུ་ཡོད་ཐམས་ཅད་སྒྲིབ་མེད་དུ་གཟིགས་པ་ཞིག་བྱུང་འདུག། འོག་གསང་རྣམ་དུའང་ཁྱུགས་ཙམ་སྨོས་པ་ལྟར། ཁྱད་པར་དཔལ་འབྱོར་སྒང་དུ་བཞུགས་པའི་ནུབ་གཅིག་སྟོད་འབྲས་མོ་ལྗོངས། བར་པདྨ་བཀོད། སྨད་གཡུ་ལུང་གངས་ར་ཡན་

[Full Size]

ཆད་ཀྱི་གནས་ཀྱི་བཀོད་པ་དང་གཏེར་ཁ་གང་ཡོད་སོགས་མེ་ལོང་གི་གཟུགས་བརྙན་བཞིན་སྒྲིབ་མེད་མ་འདྲེས་གསལ་བར་གཟིགས། དེ་སྐབས་མཆོག་གྱུར་གླིང་པ་བོད་དུ་བྱོན་པས་མོན་ཡུལ་དཀར་མོ་བྲག་གི་ཁ་བྱང་ཡང་བྱང་སྙིང་བྱང་གནད་བྱང་བཅས་གཅིག་ཏུ་བསྡོམས་པ་མར་མེའི་འོད་ལ་བྲིས་ཏེ་བོད་དུ་བསྐུར་རྩིས་མཛད་ཀྱང་རྗེས་སོར་མཚོ་རྒྱལ་གྱི་ལུང་བསྟན་དེ་བྱུང་ཕྱིན་དེ་ཕྱོགས་འཕྲོས་ཙམ་ཡང་མི་གནང་ཞིང་ཡི་གེ་དེའང་བསྐུར་མཛད་མ་སོང་བས་དེ་ཕྱོགས་ཀྱི་རྟེན་འབྲེལ་ཐམས་ཅད་བོད་སྤྱིའི་བསོད་ནམས་ཀྱིས་མ་ཆུན་པ་ལ་དགོངས་པར་སྣང་། སྔར་ཕན་རྗེ་ཉིད་ལ་གཏེར་ཁ་བཞུགས་པའི་སྒྲོས་ཙམ་སུས་ཀྱང་མཐོང་ཐོས་མེད་པ་ལ་སྡེ་དགེའི་རྒྱལ་ཁབ་ཀྱི་ཉེ་སྐོར་རྡོ་ཁོ་མར་གཏེར་ཆེན་མཆོག་གླིང་དང་ཞལ་རྒྱས་བཞུགས་པའི་སྐབས། འཕགས་མའི་སྙིང་ཐིག་ཐོག་མར་སྤེལ་བ་སོགས་ཀྱི་ནུབ་ཅིག་མནལ་ལམ་དུ། ཉིད་ཀྱི་མ་ཡུམ་དེ་སྐྲ་དར་དམར་གྱིས་རྒྱབ་ཏུ་མདུད། གོས་ཆེན་གོས་གྱོན། བར་དུ་འཛེར་བུས་བསྡམས་པ་ཞིག་ཐོགས་ནས་བྱུང་སྟེ། ངེད་ཀྱི་གྲོགས་མོ་གསེར་གྱི་རྣ་ཆ་ཅན་བྱ་བ་དེས་གསང་འོས་པ་རྣམས་དམ་མེད་ལ་བསྒྲགས་པའི་ཉེས་པས་མཁའ་འགྲོ་མ་རྣམས་ཀྱིས་བསྒྲལ་ནས་ཤ་ཁྲག་ཚོགས་འཁོར་བྱས། སྙིང་འདི་རེད་ཟེར་ནས་པར་བུ་ཁ་ཕྱེ་ནས་སྙིང་རློན་པ་འཕར་འདར་ཕྲི་ལི་ལི་བྱེད་པ་ཞིག་འདུག་པ་དེ་ལ་སྐྲག་སྡངས་ལྟ་བུས་སྐུ་ལུས་འདར་ཕྲི་ལི་ལི་བྱས་ནས་མནལ་སད། ཕྱིར་ཉིན་ཀྱང་དེ་ནམ་དྲན་དུས་སྙིང་ཚ་ཤར་འགྲོ་བ་ཞིག་བྱུང་བས་དུས་སུ་མ་བབས་པར་གསང་བ་བསྒྲགས་པ་འདི་ཉེན་ཆེ་འདུག་གསུངས། ཡང་སྨིན་གླིང་པའི་གཏེར་བྱོན་རྡོར་སེམས་ཀྱི་ཆོ་ག་བཏང་བའི་སྐབས་ཤིག་མནལ་ལམ་དུ། རྡོར་སེམས་སྐུ་དངོས་ལྟ་བུ་ཞིག་ལ་སྐུ་སྨད་དུ་རིར་བསྲེལ་གྲངས་མེད་པ་འབྱར་ནས་འདུག་པ་མཇལ་བར། གཞན་

[Full Size]

ཞིག་ལ་འདི་ཅི་རེད་དྲིས་པར། ཁྱེད་རང་གིས་རྡོར་སེམས་སྒོ་ནས་དབང་དང་བྱང་ཆོག་བྱས་པ་རྣམས་རེད་ཟེར་གསུངས། འདིས་ནི་དེ་འདྲའི་འབྲེལ་ལྡན་རྣམས་རྡོ་རྗེ་སེམས་དཔའི་གོ་འཕང་དུ་རྣམ་པར་གྲོལ་བ་ཐོབ་པར་བརྡའི་སྒོ་ནས་ལུང་དུ་བསྟན་པར་སྣང་སྒྲོལ་སྟོན་འཇམ་དབྱངས་ཆོས་ཀྱི་རྒྱལ་མཚན་སོགས་ལས་ཆོས་དབང་གཏེར་བྱོན་ཐུགས་རྗེ་ཆེན་པོ་འཁོར་བ་དོང་སྤྲུགས་ཀྱི་སྨིན་གྲོལ་གསན་གྲུབ་པའི་རྗེས་ལམ་དུས་ཀྱི་ཉམས་བཞེས་ཅུང་ཟད་རེ་མཛད་སྐབས་མནལ་ལམ་དུ་ཕྱག་མཐིལ་དུ་དེ་བཞིན་གཤེགས་པའི་རིང་བསྲེལ་ཞིག་སྣང་བ་ལ། འཁོར་བ་དོང་སྤྲུགས་ཀྱི་གཟུངས་རིང་གསུངས་ནས་ཞལ་ཕུ་བཏབ་པས་རིང་བསྲེལ་གྲངས་མེད་པ་སྐད་ཅིག་ལ་འཕེལ་བ་ཐུགས་ཤིན་ཏུ་དགྱེས་པ་ཞིག་བྱུང་གསུངས། འདི་ནི་ཐུགས་རྗེ་ཆེན་པོའི་གདུང་འཛིན་གྲངས་མེད་འབྱུང་བའི་ལྟས་སུ་སྣང་། སྡེ་དགེ་མ་ཡུམ་ཆོས་དབྱིངས་བཟང་མོ་སོགས་ལ་མཁའ་འགྲོ་ཡང་ཏིག་གི་དབང་ལུང་ཁྲིད་གསུམ་གནང་བའི་སྐབས་སུ་ཡང་ཏིག་གི་དག་སྣང་ཁྱད་པར་ཅན་གཟིགས་ཀྱང་ཞིབ་པར་མ་ངེས། བསམ་ཡས་མཆིམས་ཕུར་ཕེབས་པའི་སྣང་བ་ལ་ཀུན་མཁྱེན་ཀློང་ཆེན་རབ་འབྱམས་མཇལ་ནས་སྙིང་ཏིག་ཡ་བཞི་ཉེ་བརྒྱུད་ཚུལ་དུ་གསན་པར་འདུག །མཁའ་སྤྱོད་རྡོ་རྗེ་རྣལ་འབྱོར་མ་བླ་མ་བརྒྱུད་པ་དང་བཅས་པས་བྱིན་གྱིས་བརླབས་ཤིང་རྗེས་སུ་བཟུང་བ་དང་། ཉིད་ལས་མཁའ་སྤྱོད་མའི་ཆོས་འབྲེལ་ཐོབ་པ་རྣམས་ཀྱང་རིམ་པར་བྱིན་རླབས་ཐོབ་པའི་ལྟས་ཀྱང་གཟིགས། རྣལ་འབྱོར་མ་གྲུབ་པའི་རྟགས་སུ་སྤྱིར་བཤད་པའི་ལུས་ལ་བདེ་བ། ངག་ལ་ནུས་པ། སེམས་ལ་རྟོགས་པ་སྟེ་འབར་བ་རྣམ་པ་གསུམ། ཉིན་མོ་མི། མཚན་མོ་ལྷ་འདྲེ། ནང་ནུབ་ཟས་ནོར་ཏེ་འདུ་བ་རྣམ་པ་གསུམ་རྣམས་ནི་ཐམས་ཅད་ཀྱི་མཐུན་སྣང་དུ་གྲུབ་པ་དེར་གདའ། སྐབས་ཤིག་སྐུ་ལུས་ཀྱི་ནང་དུ་

[Full Size]

རྩ་གསུམ་འཁོར་ལོ་བཞིའི་གནས་ལུགས་རྣམས་གདོས་བཅས་ཀྱིས་མ་བསྒྲིབས་པར་གསལ་བར་གཟིགས་ཤིང་། ལན་གཅིག་འཁོར་ལོ་འོག་མ་རྣམས་སྐམ། མགྲིན་པ་འོལ་ཙམ་དང་སྤྱི་བོ་རང་མལ་དུ་ཡོད་པའང་གཟིགས་པར་གསུངས་པ་འདི་ནི་ལམ་གྱི་མངོན་རྟོགས་ཆེས་མཐོན་པོར་ཕེབས་པའི་དོན་དུ་སྣང་ངོ་། །འཛམ་ནང་པདྨ་ཤེལ་ཕུག་ཏུ་གཏེར་གསར་ཐུགས་སྒྲུབ་ཡིད་བཞིན་ནོར་བུའི་ཚོགས་སྐོང་མཛད་སྐབས་ཁྲོམ་མང་དུ་འདུས་པ་ལ་ཁྲོམ་དབང་ཞིག་ཕུག་པ་དེར་མཛད་པར་བཞེད་པ་ལ་དམ་ཅན་དངོས་སུ་འོངས་ནས། འདིར་མི་ཉི་ཤུ་ལས་མང་བ་གཏན་ནས་བཙུད་མི་ཉན་ཞུས་པས་ཁྲོམ་དབང་རྒྱབ་ཏུ་མཛད། གཏེར་ལྷུང་པདྨ་ཤེལ་རིར་མཆོག་གླིང་དང་ཕྲན་བཅས་ཡོད་སྐབས་ཕྱི་དྲོ་ཞིག་ལ་སྐུ་ངལ་བའི་ཚུལ་གྱིས་ཅུང་ཟད་བསྙལ་ནས་བཞུགས་སོང་བའི་རྗེས། ད་ལྟ་འོག་གི་ཕ་ཝཾ་འགྲམ་འདིར་རྡོ་རྗེ་ལེགས་པ་བྱུང་ནས་གཡས་ཀྱི་རྡོ་རྗེ་ཡར་གྱི་བྲག་ལ་བསྟན། མིག་ཟུར་གྱིས་མར་གྱི་སྒྲུབ་ཕུག་འདི་ལ་བལྟས་སོང་བས་འདི་གཉིས་ལ་གཏེར་ཁ་རེ་རེ་ཡོད་པར་འདུག་གསུངས་པ་དེ་ལ་བརྟེན་ནས་ཕྱིར་ཉིན་ཡར་མར་ནས་མཆོག་གླིང་དང་རྗེ་ཉིད་བཅས་ཀྱིས་གཏེར་ཁ་རེ་རེ་ཐོན་སོང་། ལར་དུས་རྒྱུན་དམ་ཅན། གཡུ་སྒྲོན་མ། ཤ་བྲ་ཁ་མོ་ཆེ་རྣམས་ནི་གྲིབ་མ་ལྟར་འགྲོགས་ཤིང་ལེགས་ཉེས་ཀྱི་ལུང་བསྟན་པ་དང་ཅི་བཅོལ་བའི་ཕྲིན་ལས་སྒྲུབ་པ་ཡིན་འདུག །ལྕགས་སྤྲེལ་ལོར་ཁོ་བོས་ཡང་ཁྲོད་སྒྲུབ་སྡེར་རྡོར་སེམས་སྐུ་བརྙན་བཞེངས་པའི་ནང་གཞུག་ལ་ཆེད་དུ་གསོལ་བ་བཏབ་པ་ལྟར། ཟླ་གམ་དབང་ཕུག་ཏུ་བཞུགས་སྐབས་རྡོ་རྗེ་གཡུ་སྒྲོན་མ་ལ་ཕྲིན་ལས་བཅོལ་བས། རིན་པོ་ཆེ་ཨསྨ་གྷ་ལས་གྲུབ་པའི་རྡོར་སེམས་སྐུ་བརྙན་རྒྱལ་པོ་ཛཿའི་ཐུགས་དམ་རྟེན་ཁྱད་པར་འཕགས་པ་ཕུལ་འདུག་པ་བཀའ་དྲིན་དུ་སྩལ་བས་ད་ལྟ་སྐུ་བརྙན་གྱི་ཐུགས་

[Full Size]

ཀར་ཡེ་ཤེས་སེམས་དཔའི་ཚུལ་དུ་བཞུགས་པ་ལགས། རབ་བྱུང་བཅོ་ལྔ་པ་ཐོག་མར་ཚེས་པ་མེ་ཡོས་ཟླ་བ་བཅུ་གཅིག་པའི་དགའ་བ་དང་པོར་ཡང་ཁྲོད་སྒྲུབ་ཁང་འདིར་རབ་གནས་བཀའ་དྲིན་སྩལ་བའི་ནུབ་དག་སྣང་མུ་མེད་པ་ཤར། སྐབས་ཤིག་རི་བོ་ལྟ་བུའི་མཆོད་རྟེན་ཆེན་པོ་ཞིག་གི་ཕྱོགས་བཞིར་སྒོ་བཞི། ནང་དུ་མཛོད་ལྔ་ཡོད་པའི་མཛོད་རེ་རེ་བཞིན་ཆོས་གཏེར་གྱིས་གཏམས་པ་ལ་པ་གྲུབ་དང་མཁའ་འགྲོ་མང་པོས་བརྡ་སྤྲད། རྗེ་ཉིད་ནས་ཀྱང་གཟིགས་པ་བཙལ་བས་དེ་དག་ལ་དོན་གང་ཡོད་ཐུགས་ལ་ངེས་ཤིང་དེའི་སྲུང་མ་ཚེས་སྲུང་ཁྱད་པར་བ་བཞི་ཡོད་པ་དང་། རྒྱལ་ཆེན་བེ་ཧར་ནས་ཀྱང་ཐུགས་ཡུས་པའི་ཚུལ་གྱིས། ངེད་ལ་སྔོན་སློབ་དཔོན་པདྨས་བོད་ཡུལ་གྱི་གཙུག་ལག་ཁང་ཅི་ཡོད་གཉེར་གཏད་པ་ཡིན་ཀྱང་ཁྱེད་རང་རྣམས་ཀྱིས་གསོལ་མཆོད་ཙམ་མི་བྱེད་པའི་ཐོག་འདྲེར་ལྟ་བ་ཞིག་འདུག་པས་གནོད་པ་སྐྱེལ་ན་རི་རབ་ཙམ་ཡང་ཐལ་བར་བྱེད་ནུས་ཀྱང་ཁྱེད་རང་རྣམས་སློབ་དཔོན་པདྨའི་རྗེས་འཇུག་རེད་པས་ངེད་ཀྱིས་དེའི་དམ་ཚིག་ལ་བརྩིས་པ་ཡིན། ད་ཞག་གློ་བུར་མི་བདེ་བ་ཁ་ཤས་བྱུང་བ་དེ་རྣམས་ངེད་ཀྱིས་རྟགས་ཙམ་བསྟན་པ་ཡིན་ཟེར་བ་བྱུང་། མཆོད་རྟེན་དེའི་དོན་ཁྱོད་ལ་མཛོད་ལྔར་གྲགས་པ་ཞིག་ཚང་དགོས་པར་འདུག་པས་ཤེས་བྱ་ཀུན་ཁྱབ་དེའི་ཕྱོགས་གཏོགས་བཅས་ཐུན་མོངས་ཤེས་བྱའི་མཛོད། གསར་རྙིང་གི་རྒྱུད་སྡེའི་སྐོར་རྣམས་ ཐུན་མིན་སྔགས་ཀྱི་མཛོད། གཏེར་ཆོས་གསར་རྙིང་གི་ཆོ་ག་བསྒྲིགས་རྣམས་རིན་ཆེན་གཏེར་གྱི་མཛོད། སྒྲུབ་བརྒྱུད་ཤིང་རྟ་བརྒྱད་ཀྱི་སྨིན་གྲོལ་རྣམས་ཟབ་མོ་གདམས་ངག་གི་མཛོད། ས་གཏེར་དགོངས་གཏེར་གང་བྱུང་གསང་བ་ཐུན་མོང་མིན་པའི་མཛོད་ཀྱི་བརྡར་བཞག་ནས་དེ་སྔ་འགོ་བཞག་གྲུབ་པ་རྣམས་རིམ་པར་མཐའ་འདུས་གྲུབ་པ་དང་། དེ་སྔ་མེད་རིགས་

[Full Size]

དེ་ལྟ་བུའི་འགྲིགས་ཤིག་བྱུང་ན་དགོས་པ་གནད་དོན་ཆེ་བར་འདུག་ཅིང་། བེ་ཧར་ལའང་གསོལ་ཁ་རེ་ཙམ་གཏན་ནས་ཆག་མི་ཉན་པར་འདུག་ཅེས་བཀའ་ཕེབས་པས་མགོན་ཁང་དུ་སྐུ་ལྔའི་གསོལ་ཁ་ལྡེབ་གཅིག་ཙམ་བཏོན་པ་དང་། དེ་ནས་ད་ལྟའི་བར་དུ་མཛོད་བཞི་པོ་རྣམས་བླ་མའི་བཀའ་ལུང་སོར་བཞག་གིས་དབང་ལུང་གི་རྒྱུན་བཙལ་འོས་པ་རྣམས་གསར་དུ་བཙལ། གསར་བསྒྲིགས་དགོས་རིགས་དགེ་སྦྱོར་ཡང་གཅོག་ནས་དེ་ལ་འབད་འབུངས་བཏོན། དཔེ་གསར་བཞེངས་དང་སྤར་དུ་འཁོད་པའི་རྩ་བ་བྱས། དབང་ལུང་ཁྲིད་བཅས་རྒྱུན་ཡང་ཡང་སྤེལ་བའི་རྒྱུ་མཚན་ཀྱང་དེ་ལ་བརྟེན་པ་ལགས། ཚེས་བཅུ་གཉིས་པའི་སྔ་དྲོར་འཚུབས་སློང་ཆེན་པོས་ཐུགས་ཁམས་མ་བདེ་བས་མུན་པའི་ནང་དུ་བཞུགས་པའི་སྤྱན་སྔར་བྱང་ཤར་ཕྱོགས་ངོས། སྲིད་པའི་རྒྱལ་མོ་ཨེ་ཀ་ཛཱ་ཊི་སྐུ་མདོག་ཕྱག་མཚན་སོགས་སྔགས་སྲུང་མ་སྤྱི་དང་འདྲ་བ་ལ། ཚེམ་ཁྲབ་ལྟ་བུ་ཁ་དོག་ལྗང་གུ་གཡུ་འོད་འབར་བ་ཞིག་མནབས་པ། འཇིགས་ཟིལ་དང་བཅས་པ་ཇ་སྦྱོར་ཙམ་མངོན་སུམ་གཟིགས། མུན་མཐོངས་བསལ་ནས་ཀྱང་དེ་ལྟར་འཆར་བ་དེ་ཡིས། ཨེ་ཆོས་དབྱིངས་གདོད་ནས་སོགས་ཀྱི་གསོལ་མཆོད་སྩལ་བ་དེ་ཉིད་ཡི་གེར་བཏབ་ནས་ཆར་གཅིག་གསུངས་པས་འཇའ་ཡལ་བ་ལྟར་སོང་གསུངས། དེའི་ཚེས་ཉེར་གཉིས་ནུབ་མོར་འོད་གསལ་གྱི་ངང་ལ་རྗེ་ཉིད་ལྷ་སའི་བར་སྐོར་དུ་བྱོན་པ་ན་བུད་མེད་མི་ལས་འདས་པའི་གཟི་བརྗིད་མཛེས་སྡུག་ཆས་རྒྱན་ཕུན་སུམ་ཚོགས་པ་ཞིག་གིས་རྒྱ་མན་ལྟ་བུའི་མེ་ཏོག་དམར་པོའི་སྡོང་པོ་ཆེན་པོས་བུམ་པ་བཀང་བ་ཐོགས་ནས་བྱུང་བ་དང་འཕྲད། ཕན་ཚུན་མ་བུ་ལྟ་བུའི་དགྱེས་པ་ཆེན་པོའི་ངང་གསུང་གླེང་འགའ་ཞིག་མཛད་པའི་མཐར་འགྲོགས་ནས་ཇོ་བོ་རིན་པོ་ཆེའི་མདུན་དུ་ཕྱིན་ཏེ་ལྷན་ཅིག་བོད་ཁམས་

[Full Size]

བདེ་བའི་སྨོན་ལམ་མང་པོ་མཛད། བུད་མེད་དེ་ལ་ཁྱེད་སུ་ཡིན་དྲིས་པས་ཁྱེད་རང་རྣམས་ཀྱིས་དུས་རྒྱུན་འབོད་པའི་ཡེ་ཤེས་མཚོ་རྒྱལ་བྱ་བ་དེ་ཡིན་གསུངས། འོ་ན་བོད་ཁམས་བདེ་བའི་ཐབས་ཅི་དྲག་ཞུས་པས། ལུང་བསྟན་མང་དུ་གསུངས། བོད་འདིར་ནང་འཁྲུགས་ཞིག་མ་བྱུང་ན་རེ་ཞིག་སྐྱོན་མེད། འོན་ཀྱང་ལོ་གསུམ་གྱི་ནང་ཚུན་ནང་འཁྲུགས་ཞིག་འབྱུང་བས་དེ་ལ་བརྟེན་ནས་ཀླ་ཀློས་ཉེན་ཆེ། ལར་ཁྱེད་རང་རྣམས་ནས་བྱ་དགོས་ངེས་དེ་ཅིའང་མི་བྱེད། ཁྱེད་ཀྱིས་མ་མཐའ་ནའང་ལོ་བརྒྱད་ཀྱི་སྐབས་ལ་ཁོ་མོས་ཡང་ཕུར་སྒྲུབ་ཐབས་བྱིན་པ་དེ་ཙམ་ཡང་རང་བཞིན་གལ་ཆུང་བསྐྱུར་བ་དེའང་མ་ལེགས་སོགས་གསུངས་ནས་བར་སྣང་ཐམས་ཅད་ཌ་མ་རུའི་སྒྲ་ཤར་ཤར་གྱིས་གདབ་བཅས་མཁའ་ལ་གཤེགས། དེའི་ཕྱིར་ཉིན་དགུང་ལོ་བརྒྱད་པར་མཁའ་འགྲོ་མཚོ་རྒྱལ་གྱིས་སྩལ་བའི་ཡང་ཕུར་སྦྲགས་མའི་སྒྲུབ་ཐབས་ཕབ་པའི་ཡི་གེ་པ་ཁོ་བོས་ཞུས། ཉི་ཟློག་དང་འགྲིགས་པས་གཏོར་ཟློག་ཀྱང་གནང་བར་མཛད་དོ། །ཟླ་བ་བཅུ་གཅིག་པ་ཕྱི་མའི་ཚེས་ལྔ་ནུབ་རྨང་ལམ་དུ། དཔལ་སྤུངས་བྱང་འདྲེན་རབ་གྲུབ་ནས་ཕུར་པའི་བྲིས་ཐང་རི་མོ་སོགས་གསར་ཉམས་ཅན་ཧ་ཅང་ཁྱད་མཚར་མི་ཆེ་བ་ཞིག་ཁུར་ནས་འདི་ཤིན་ཏུ་རྩ་ཆེན་ཡིན་པས་རབ་གནས་ཞིག་ཞུ་ཟེར། འདི་དེ་ཙམ་གྱི་རྙིང་ཉམས་བཅའ་ཁ་སོགས་མི་འདུག་པས་ནམ་ཅི་ཆེ་གསུངས་པས། འདི་ནི་སྤང་མི་རབས་བཅུ་གསུམ་གྱི་ཐུགས་དམ་རྟེན་སོ་སོ་ལ་གསུང་བྱོན་པའི་རྩ་ཆེན་ཡིན་ཟེར་མ་ཐག །ཁོ་བོ་དེར་འདུག་པས་གྲུ་ཚུགས་ཤིག་བྱས་སོང་བར་རྫོགས་ཆེན་མཁན་པོ་པད་རྡོར་ལྟ་བུར་གནས་འགྱུར་བས་སྐད་ཆེ་སྙན་འབྲུག་སྒྲ་ལྟ་བུས། ཨོཾ་བཛྲ་ཀཱི་ལི་ཀཱི་ལ་སོགས་ཛ་པ་དབྱངས་ས་གཡོ་བ་ལྟ་བུ་བྱས་པ་དང་ལྷན་ཅིག་ཕུར་སྐུ་དེ་རྡོ་རྗེ་གཞོན་ནུ་དངོས་སུ་

[Full Size]

བཞེངས་ནས་བྱོན་ཏེ། རྗེ་ཉིད་དང་ཁོ་བོ་གྲོགས་དན་དེ་བཅས་གསུམ་ལ་ཕྱག་ཐ་མའི་ཕུར་པ་མགོ་ལ་བཞག་སྟེ་བྱིན་རླབས་མཛད་མ་ཐག་མནལ་སད། སྣང་བ་ཐམས་ཅད་རྡོ་རྗེ་གཞོན་ནུའི་སྐུ་དང་སྔགས་སྒྲས་མེར་མེར་ཤིག་ཤིག་བྱེད་པ་མངོན་སུམ་དུ་ཡུན་རིང་བྱུང་གསུངས། ཡང་། དེ་སྐབས་ཤིག་གི་མཚན་མོར་གསལ་སྣང་དུ། རྗེ་ཉིད་ཁྱམས་ཡངས་པ་ཞིག་ན་ཁྲི་མཐོན་པོར་བཞུགས་འདུག་པ་ལ། དྲིལ་བུ་ལྟ་བུའི་སྒྲ་རྒྱུན་རིང་བྱུང་བའི་རྗེས་སུ་བུད་མེད་གཟུགས་བོང་ཆེ་ལ་མཚར་སྡུག་གཟི་བརྗིད་དང་ལྡན་པ་མོ་བཙུན་བཟང་མོའི་ཆས་ཅན་ཞིག་བྱུང་ནས་གོས་ཆེན་གོས་གཉིས། འགོ་སྣམ་གོས་གཉིས། ཐེར་ཕྲུག་སོགས་དང་། བཟང་གོས་གཅོད་ལྡན་སྔོན་པོ་ཁ་བཞི་བཅུ་རྩ་གསུམ་ཡོད་པའི་ཡུག་གཅིག་ཕུལ་ནས་ཕྱག་དབང་ཞུས། གུས་པ་ཆེན་པོས། དུས་རྒྱུན་ཉིད་ཀྱི་གསུང་ཐོས་པ་ཙམ་གྱིས་ཀྱང་དགའ་བདེ་མི་བཟོད་པ་སྐྱེ། སྐུ་མདུན་འོང་སྙམ་ཡང་འགོལ་པོ་ཞིག་མ་བྱུང་། ད་རེས་ལི་ཐང་དུ་ཕྱིན་པའི་ཡར་ལམ་སྐུ་མདུན་ཆེད་དུ་བཅར་བ་ཡིན་ཟེར་བ་ལ། ཁྱེད་སུ་ཡིན་གསུངས་པས། སྨན་བཙུན་རྡོ་རྗེ་དབྱར་མོ་བསིལ་ཡིན་ཟེར། འོ་ན་ཁྱེད་ལི་ཐང་དུ་ཅིའི་དོན་དུ་ཕྱིན་དྲིས་པས་དེར་གྲོགས་མོ་ཞིག་ཡོད་པས་གཏུགས་སར་ཕྱིན་ཟེར། ད་གང་དུ་འགྲོ་དྲིས་པས་ཟིལ་ཁྲོམ་དུ་འགྲོ་ཟེར། ཟིལ་ཁྲོམ་ལ་རྟེན་གནས་གང་ཡིན་དྲིས་པས་ཕྱག་མཛོད་ནོར་བུ་བཟང་པོ་རྩར་ཡིན་ཟེར། སྐབས་དེར་གྲོགས་མོ་བདེ་ཆེན་ཆོས་སྒྲོན་འདྲ་བ་ཞིག་གིས་བ་མེན་རྭ་ཅོ་ཞོས་བཀང་བ་ཞིག་ཕུལ་ནས། འདི་ལ་དུས་ཕྱིས་མི་བདེ་བ་ཞིག་བྱུང་བ་དེ་ལ་ཕན་པའི་བྱིན་རླབས་མཛད་དགོས་ཟེར། མི་བདེ་བ་ཅི་བྱུང་དྲིས་པས་སྨན་བཙུན་དེས་རྒྱབ་སྟོན་པ་ན་སྒལ་ཚིགས་རེ་རེ་བཞིན་འཛེར་ནག་འདྲ་བས་གང་བར་འདུག །ཞོ་དེ་བཞེས་པས་

[Full Size]

བདེ་བ་ཚད་མེད་པ་ཞིག་སྐྱེས་པ་དང་མཉམ་དུ་སྨན་བཙུན་དེས་སྐུ་ལ་ཁྲིལ་གྱིས་འཁྲིལ་བྱུང་བས། དགེ་སློང་ལ་བུད་མེད་ཀྱིས་འཁྱུད་པ་གཞན་གྱིས་མཐོང་ན་ཤིན་ཏུ་ངོ་ཚ་སྙམ་ནས་གནོང་བག་འཆར་བའི་སྐབས་དེར་གསང་གནས་འཕྲད་པས་གསང་རྩ་པདྨའི་སྣལ་མ་ལྟ་བུ་ལྟེ་བ་ལ་ཐུག་པར་བརྐྱངས་བྱུང་བས་བདེ་བའི་ངང་དུ་རྟོག་པ་གཞན་ནུབ་ནས་སྐུ་ལུས་རི་བོ་ཆེན་པོ་ལྟ་བུར་སོང་བ་ལ་རྩི་ཤིང་ནགས་ཚལ་ཐམས་ཅད་དཔའ་བོ་དཔའ་མོའི་རང་བཞིན་ཅན་གྱིས་རྡོ་རྗེའི་རྒྱུད་དང་སྔགས་ཀྱི་སྒྲ་མུ་མེད་པ་ཞིག་སྒྲོག་པ་ཤར་བའི་ངང་དུ་གསལ་སྣང་དེ་འགགས་སོ། །རྒྱལ་ཟླ་བའི་དཀར་ཕྱོགས་ཀྱི་དགའ་བ་གསུམ་པར་ཁོ་བོ་ནས་བརྟན་བཞུགས་ཕུལ་བའི་སྟ་གོན་གྱི་ནུབ་མོར་མནལ་ལམ་དུ་སྡེ་དགེ་ས་དབང་དཔལ་ལྡན་འཆི་མེད་རྟག་པའི་རྡོ་རྗེ་ཉིད་རྗེ་ཉིད་ཀྱི་འཁྲིས་སུ་བྱིས་པ་ཆུང་ངུའི་ངང་ཚུལ་གྱིས་བརྩེ་གདུང་དང་བཅས་ཏེ་བཞུགས་འདུག་པ། རེ་ཞིག་ནས་བཞེངས་ཏེ་བརྐྱང་ཕྱག་གསུམ་འཚལ་བ་དང་སྦྲགས། རྗེ་ཉིད་ལ་སྐུ་ཆུང་ངུ་ཞིག་དང་། ཤོག་དྲིལ་ཞིག་སྤྲད་ནས་སྐུ་འདི་ཁོང་གིས་ཁྲོ་ཁོག་སྟོད་ཀྱི་བྲག་སྐེད་ཅིག་ནས་རྙེད་པ་ཁྱེད་ལ་ཕུལ་བ་ཡིན། ཡི་གེ་འདི་ཞབས་བརྟན་རྩོམ་ཕུད་ཡིན་ཅེས་གསུངས་པ་ཕྱག་ཏུ་བླངས་ནས་མཇལ་བས། སྐུ་ནི་སྨད་སྙིང་ཞོ་ཤ་ལ། སྟོད་ཀླུ་འཇིམ་གྱི་རྣམ་པ་རྡོ་རྗེ་འཆང་སྐུ་སྐེད་ཡན་ཆོད་ཤིན་ཏུ་གསལ་བ་ཞིག་འདུག །ཡི་གེ་ཁ་ཕྱེ་བས། རྡོ་རྗེ་འཆང་ཆེན་རྡོ་རྗེའི་རིག་པ་འཛིན། །འཇམ་དཔལ་གཞོན་ནུ་འཇམ་དབྱངས་མཁྱེན་བརྩེའི་གཏེར། པད་སྡོང་ལས་འཁྲུངས་པདྨའི་རྒྱལ་ཚབ་ཆེ། །བསྐལ་བརྒྱར་འཚོ་གཞེས་སྐལ་བཟང་གྲུབ་གྱུར་ཅིག །ཅེས་སྣང་། དེ་འཕྲོས་རྗེ་ཉིད་ནས་ཁྱེད་ཀྱི་སྐུ་འདི་གཏེར་མ་ཡིན་རྒྱུ་རེད་པས་འདི་མཉམ་ཤོག་སེར་ཨི་འདུག་གསུངས་པས། ཤོག་སེར་ཆུང་ངུ་ཞིག་འདུག་སྟེ་

[Full Size]

ངེད་ནས་ཀློག་མི་ཤེས་གསུངས། ངེད་ལ་སྟོན་དང་ཀློག་ཨི་ཤེས་ལྟ་གསུངས་པས་བསྟན་བྱུང་བར། ཤོག་སེར་ཆུང་ངུ་སྦྲང་བུའི་འདབ་མ་ལྟ་བུ་ཤེལ་ལྟར་དྭངས་པ་བརྡ་ཡིག་ཆ་ཤས་ཡོད་པ་ཞིག་སྣང་བ་ཀླག་པར་བརྩམས་པས། གསལ་སྣང་ལ། དཔལ་ཕྱག་ན་རྡོ་རྗེ་དྲག་པོ་དུས་ཀྱི་མེ་ལྕེའི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །དེ་ནས་གསང་བ་བཤད་བྱ་བ། །བྷ་ག་ཆོས་ཀྱི་འབྱུང་གནས་ཆེ། །གྲུ་གསུམ་ཉམས་དགའི་གནས་མཆོག་ཏུ། །གསང་བའི་བདག་པོ་རབ་བཞུགས་ཏེ། །ཞེས་སོགས་དང་། སྔགས། ཨོཾ་བཛྲ་སཏྭ་ཙཎྜ་མ་ཧཱ་རོ་ཥ་་རཛྙཱ་པ་ཡ་ཏི་རངྒ་པ་ཡ་སོགས་ཡོད་པ། མཚན་ལ་དཔྱད་ན་གསར་མ་དང་། རྒྱུད་སྡེ་འོག་མའི་སྔགས་རྒྱུད་ལྟ་བུ། མཆོད་བརྗོད་ལ་བརྟགས་ན་རྙིང་མ། བརྗོད་བྱ་བླ་མེད་ཀྱི་རྒྱུད་ཡིན་པ་ཞིག་ཏུ་སྣང་གསུངས་པས་ཕྱིར་ཉིན་རང་ནས་བརྩམས་པའི་ཞབས་བརྟན་གྱི་དབུར་དག་སྣང་ཤློ་ཀ་དེའང་བསབས་པས་རྟེན་འབྱུང་ཤིན་ཏུ་དགེ་བར་གྱུར། མེ་གླང་ཟླ་བ་དང་པོའི་ཚེས་ཉི་ཤུ་ཉིན་རྗེ་ཉིད་དང་རྡོར་བྲག་མཁན་པོ་སོགས་ལ་བྱང་གཏེར་དགོངས་པ་ཟང་ཐལ་གྱི་དབང་བགྱིས་པའི་མཚན་མོར་རྗེ་བླ་མའི་གསལ་སྣང་དུ། ཟང་ཟང་ལྷ་བྲག་ཡིན་སྙམ་བྱང་ཁ་རི་ཆེན་པོ་ཁ་ཤས་ཕྱོགས་ཕྱོགས་སུ་ཡོད་པ། དེ་ནང་རི་གཅིག་ལ་བྲག་མི་ཆེ་བ་གདོང་གྱེན་རྒྱུག་ཡོད་པ་ཞིག་གི་མདུན་རབ་བྱུང་ཆས་སྦ་དབྱུག་བཅས་ཕེབ་པ། རིག་འཛིན་རྒོད་ལྡེམ་ཡིན་ཟེར་བའི་སྔགས་པ་ཟིལ་ཅན། སྤྱན་གྲུ་གསུམ་རྣམ་པ། དབུ་སྐྲ་ཐོར་ཅོག་ཆེ་ཙམ་ཡོད་པ། ཕྱག་ཏུ་ཐོད་ཕྲེང་བསྣམས་པ་ཞིག་དེ་ནས་བྱོན་བྱུང་བ་དེའི་ཞལ་ནས། དགོངས་པ་ཟང་ཐལ་དབང་དེ་དེ་འདྲ་བྱེད་བསྐུར་རྒྱུ་མིན། ཁྲིད་སྦྲེལ་དགོས་གསུངས། ཁམས་ཕྱོགས་སུ་དབང་ལུང་རྒྱུན་མ་ཆད་ཙམ་ལས་ཁྲིད་

[Full Size]

རྒྱུན་མི་འདུག་ཞུས། ང་ཡིས་དགོངས་པ་གཏད་པ་ཡིན། ཁྲིད་རྒྱུན་བྱེད་ཆོག །ཚིག་རྒྱུན་ཞིག་ཀྱང་ལོ་གསུམ་ནང་ཐོབ་འོང་གསུངས། ཟང་ཐལ་འདི་དབང་ཁྲིད་སྤྲེལ་དུས་སྔར་ལོ་གསུམ་དགོས་པ་སོགས་ཞིབ་ཆ་ཆེན་པོ་དགོས་པའི་ཕྱག་སྲོལ་འདུག་ཚུལ་ཞུས་པ། དེ་མི་སྐྱོན། བསྟན་པ་སྤྱིའི་བབས་དང་མཐུན་པར་གཏེར་ཆོས་རྣམས་ལའང་འབྲས་བུའི་དུས། སྒྲུབ་པའི་རུས། ལུང་གི་དུས། རྟགས་ཙམ་འཛིན་པའི་དུས་རྣམས་སུ་ཡོད་པ་ལས་འདིའང་མངའ་རིས་པ་ཆེན་སྐུ་མཆེད་ཡན་ཆད་ཆོས་འདིར་ཞུགས་ནས་ཚུལ་བཞིན་བསྒྲུབས་ཚད་འབྲས་བུ་མ་ཐོབ་པ་གཅིག་ཀྱང་མ་བྱུང་། དེ་ནས་སྒྲུབ་པའི་དུས་ཡིན། ཚད་ལྡན་བྱེད་མཁན་ཁ་ཤས་འབྲས་བུ་ཐོབ་པའང་བྱུང་། དེང་སང་ལུང་གི་དུས་ཡིན་པས་སྤྱི་འགྲེ་ལྟར་བྱེད་ཆོག །ལར་ཁྱེད་རང་ལ་བྱར་གཏར་འདིའི་བག་ཆགས་ཆེན་པོ་ཡོད་པ་གསུངས། ངེད་ནས་བྱང་གཏེར་འདི་ལ་གཞན་དང་མི་འདྲ་བའི་དད་པ་ཡོད། ང་ཞག་བག་ཆགས་འདྲ་བ་ཐར་ཐོར་ཡང་འདུག་ཞུས་པས། འོ་དེ་ཀ་ཡིན་གསུངས། ད་ལྟ་ཡང་ཏིག་གཅེས་སྒྲོན་ཁྲིད་ཅིག་འཆད་སྐབས་ཡིན་ཀྱང་སྔར་ལྟ་རི་གཟིམ་ཕུག་ནས་ཁྲིད་ལུང་མདོར་བསྡུས་ཞིག་ལས་མ་ཐོབ་པས་ཅི་རེད་འགྲོ་ན་ཞུས་པས། དེའང་ང་ཡིས་དགོངས་པ་གཏོད་པ་ཡིན་པས་ཁྲིད་དངོས་རེད་འགྲོ་གསུང་འཕྲོར་སད། གཏེར་ཆེན་མཆོག་གྱུར་གླིང་པས་ཐོག་མར་མཇལ་བའི་སྐབས་བར་ཆད་སེལ་བའི་རྟེན་འབྲེལ་དུ་ཆོས་དབང་ཕུར་བ་སྤུ་གྲིའི་དབང་གནང་བའི་རྗེས་ནས་ཕྱིས་ཀྱི་བར་དུ་གཏེར་བཞེས་པ་ལ་བར་ཆད་མེད་པར་ཅི་འདོད་ཆོག་པ་མངོན་སུམ་གིས་གྲུབ་པ་བྱུང་སོང་། དེ་རྗེས་ཞིག་ཏུ་བྱིན་རླབས་འབེབས་པའི་སླད་དུ་དཔལ་ཆེན་ཡང་དག་གི་དབང་གནང་བའི་སྐབས། གཏེར་ཆེན་

[Full Size]

ཉིད་ཀྱིས་རྗེ་བླ་མ་དཔལ་ཧེ་རུ་ཀའི་སྐུར་དངོས་སུ་གཟིགས་པའི་མོས་གུས་ཀྱི་རྐྱེན་གྱིས་ཐུགས་ཀ་ནས་འོད་ཟེར་མཐིང་ནག་གི་གོང་བུ་ཧཱུྃ་ཡིག་གིས་མཚན་པ་བྱུང་སྟེ་སྤྱི་བོ་ནས་ཞུགས་སྐུ་ལུས་ལ་ཐིམ་པས་བྱིན་ཕེབས་པའི་ཉམས་བཟོད་མེད་དུ་སྐྱེས། དེས་རྩ་མདུད་གྲོལ་བས་དེ་ཕྱིན་ཆད་ཤོག་སེར་འབེབས་པ་ལ་ཐོགས་པ་མེད་པ་དང་ཚིག་དོན་ཐམས་ཅད་རིམ་བཞིན་ཇེ་ལེགས་ཇེ་ཟབ་ཏུ་གྱུར་པ་བྱུང་འདུག། བར་སྐབས་ཞིག་འདི་སྐོར་ཕེབས་ནས་ཁྲོ་ཁོག་སོགས་སུ་དགོན་པ་འདེབས་པར་རྩོམ་པའི་དབྱར་ཐོག་བསྙུན་ཁམས་མང་པོ་ཞིག་བཞེས་པ་ལ་སྐྱབས་འཇུག་ཞུས་པའི་སྐབས་སྐུ་རིམ་དུ་སྒྲུབ་པ་ཞིག་མཛད་པའི་ནུབ་གཅིག་མནལ་ལམ་དུ། ཐང་ཡངས་པ་ཞིག་ཏུ་ཆོས་རྒྱལ་བླ་རི་ཡིན་ཟེར་བའི་རི་ཆེན་པོ་ཞིག་ལ་མེ་འབར་བའི་འོད་ཀྱིས་ཕྱོགས་ཐམས་ཅད་ཁྱབ་པའི་མུས་སུ་རླུང་འཚུབས་ཆེན་པོ་ཞིག་ལངས་པས་རི་བོ་མེ་དང་བཅས་པ་གར་སོང་མེད་པར་གཏོར་སོང་བ་ཞིག་བྱུང་གསུངས་པ་ནི་ཕྱིས་འབྱུང་གི་ལུང་བསྟན་དུ་སྣང་། ཕྱིས་ཞིག་གི་མནལ་ལམ་དུ་གུ་རུའི་སྐུ་ཚབ་ཤིན་ཏུ་ལེགས་པ་ཞིག་ཕྱག་ཏུ་འདུག་པ་ཞིག་ནས་ཐལ་བ་ལྟར་གྱུར་པ་ལ་ད་ནི་དེ་འདྲ་ཐོན་ཐབས་མེད་དགོངས་པའི་ཐུགས་འགྱོད་ཆེན་པོ་སྐྱེས་པ་ཞིག་བྱུང་གསུངས་པའི་རྗེས་ཡུན་རིང་མ་འགོར་བར་གཏེར་ཆེན་དེ་ཉིད་གཤེགས་སོང་། །ཡང་ལན་ཅིག་འོད་གསལ་སྣང་བར་དཔལ་ཆུ་བོ་རིའི་ཡར་རྒྱབ་ཐང་དཀྱིལ་དུ་གུར་དཀར་པོ་ཕུབ་པ་ཞིག་སྣང་བ་ལ། དེར་སུ་འདུག་བལྟ་དགོས་དགོངས་ནས་ཕེབས་པས། དེར་མངའ་རིས་རིག་འཛིན་ལེགས་ལྡན་རྡོ་རྗེ་ཉིད་སྔགས་པའི་ཆ་ལུགས་ཅན་དུ་བཞུགས་འདུག་པ་ལ་གུས་འདུད་མཛད་ནས་འདིར་ཕེབས་དོན་ཅི་ཡིན་ཞུས་པར། སྔོན་གུ་རུ་ཆོས་དབང་གིས་ལ་ཡག་གུ་རུ་ལྷ་ཁང་གི་སྒོ་གོང་དུ་སྦས་པ་ཕལ་ཆེར་མངའ་རི་པ་ཆེན་གྱིས་བཏོན། འདིར་

[Full Size]

ཁྱོད་ལ་ལུང་བྱེད་དུ་འོང་བ་ཡིན་གསུངས། དྲང་སྲོང་དྲི་མེད་ཞི་བ་ཀུན་ཏུ་དགེ་བའི་སྒྲུབ་ཐབས་ལས་ཚོགས་དང་བཅས་པའི་དབང་ལུང་ཡུད་ཙམ་ལ་གནང་ནས་དཔེ་ཕྱག་ཏུ་གནང་བ་ཞིག་བྱུང་། དེ་རྗེས་འཆི་མེད་སྤྲུལ་སྐུ་ནས་ལོགྟྲིི་ཞི་བའི་སྒྲུབ་ཐབས་ཞིག་མཛད་པར་ཞུས། རྟེན་འབྲེལ་དུ་དགོངས་ཏེ་དྲང་སྲོང་དྲི་མེད་ཀུན་ཏུ་དགེ་བའི་སྒྲུབ་ཐབས་དབང་བསྐུར་ལས་ཚོགས་དང་བཅས་པ་དེ་གནང་། འདི་སྐབས་གཏེར་གྱི་འཕྲོས་ཙམ་ཡང་མི་གསུང་ཞིང་རྗེ་ཉིད་ལ་གཏེར་ཁ་བཞུགས་པ་སུས་ཀྱང་མ་ཚོར་བའི་སྐབས་ཡིན་པས་མཛད་བྱང་སོགས་སུ་རྩོམ་ཆོས་ལྟ་བུར་གནང་བ་ལས་དོན་དུ་འདིའང་ཡང་གཏེར་གྱི་གྲལ་ཡིན་པར་སྣང་ངོ་། །ཡང་རྗེ་ཉིད་ལ་སྔ་སོར་གསོལ་ངན་ཞིག་ཞུ་བར་བྱུང་བ་རླུང་གི་ནུས་པ་སོགས་ཀྱིས་དངོས་དེས་མ་ཚུགས་ཀྱང་བསྙུན་རོ་དེ་གྲིབ་རྐྱེན་སོགས་ཀྱིས་སྐབས་རེར་འཕར་ལྡངས་ཀྱིས་ཟུག་རྔུ་ཆེན་པོ་ལྡང་བ་ཡོད་པ་དེ་འདྲའི་རེས་ཞིག་ལ་ཕྲན་ནས་བྱ་བས་ཁྲུས་སོགས་སྐུ་རིམ་ཕུལ་བའི་སྐབས་ཤིག་ཏུ་གསུང་འཕྲོས་སུ། ཁོང་འཕགས་ཡུལ་དུ་པཎྜི་ཏ་སྒོ་མཐའ་ཡས་པའི་བློ་གྲོས་སུ་གྱུར་པ་དབེན་རི་ཞིག་ན་བཞུགས་པའི་སྐབས་སུ། ཡུལ་དེར་མུ་སྟེགས་ལ་དགའ་བའི་སྡིག་སྤྱོད་ཀྱི་རྒྱལ་པོ་སྟོབས་ཆེན་ཞིག་ཡོད་པ་དུས་བཟང་ཞིག་གི་ཉིན་བློན་འབངས་ཀྱི་ཚོགས་ཀྱིས་བསྐོར་ནས་སྐྱེད་མོས་ཚལ་དུ་སྐྱོ་སངས་ཀྱི་དགའ་སྟོན་ལ་སྤྱོད་པ་ན། རྒྱལ་པོ་ན་རེ། དི་རིང་སྐབས་གནས་ཉམས་དགའ། ཚེས་དུས་བཟང་པོ་ལ་སྔ་ན་མེད་པའི་དགའ་སྟོན་ཉམས་སུ་མྱང་བའི་སྐབས་འདིར་བྱ་བ་ཁྱད་པར་ཅན་ཅིག་བྱེད་པའི་འདུན་མ་ཤོམ་དགོས་པས་ཁྱེད་བློན་འབངས་རྣམས་ཀྱིས་རང་རང་གིས་ཇི་ལྟར་འདོད་པ་རེ་སྨྲོས་ཤིག་བྱས་པའི་ཚེ། ལ་ལས་ནམ་མཁའི་ལྷ་མཆོད་པ་བཟང་ཟེར། ལ་ལས་གླུ་བྲོ་གར་གྱི་རྩེད་མོ་བྱེད་པ་བཟང་ཟེར། ལ་ལས་

[Full Size]

ཕ་རོལ་ལ་དམག་དྲངས་ནས་སྲིད་འཕྲོག་པ་བཟང་ཟེར་བ་སོགས་སྣ་ཚོགས་པའི་མཐར་ཐམས་ཅད་ཀྱིས་ཁ་འཆམས་པར་སངས་རྒྱས་ཀྱི་བསྟན་པ་བཅོམ་པ་བཟང་ཟེར་བ་ལ་བློ་མཐུན་པའི་ཚེ། པཎྜི་ཏ་ལ་མཁའ་འགྲོ་མས་ལུང་བསྟན་ནས་དེ་རིང་ཉིད་ནས་སྡིག་སྤྱོད་ཀྱི་རྒྱལ་པོ་དེ་མ་བསྒྲལ་ན་ངེས་པར་སངས་རྒྱས་ཀྱི་བསྟན་པ་ལ་འཚེ་བ་ཆེན་པོ་འབྱུང་བར་འགྱུར་རོ་ཞེས་བསྐུལ་ནས། པཎྜི་ཏས་གཤིན་རྗེ་གཤེད་ཀྱི་ཏིང་ངེ་འཛིན་གྱིས་མངོན་སྤྱོད་ཀྱི་ལས་བརྩམས་པས། རྒྱལ་བློན་རྣམས་འཚོགས་པའི་སར་གང་ནས་བྱུང་ཆ་མེད་པར་གླང་རྒོད་འཇིགས་སུ་རུང་བ་ཞིག་བྱུང་ནས་རྭ་རྩེས་སྡིག་རྒྱལ་གྱི་ལྟོ་བ་ཕུག་ནས་བསྒྲལ། བློན་པོ་ཆོས་ལ་གནག་པ་རྣམས་ཀྱང་བསྒྲལ་བས་ཐམས་ཅད་སྐྲག་ནས་བྱེད། དེའི་ལས་འབྲས་ཀྱིས་ད་ལྟ་ལྟོ་བ་ལ་ཟུག་གཟེར་འབྱུང་བ་དང་། དེ་སྐབས་པཎྜི་ཏ་གང་བ་སྤེལ་དང་ཐུགས་ཤིན་ཏུ་མཐུན་པའི་མཛའ་བཤེས་སུ་ཡོད་པས་གང་སྤེལ་གྱི་སྐྱེ་བ་ལི་ཐང་དགེ་བཤེས་བྱམས་པ་ཕུན་ཚོགས་ཡིན་འདུག་པས་དེ་ལོ་སྐུ་མདུན་བཅར་སྐབས་ཐུགས་ལ་ཤིན་ཏུ་འཐད་པས་བཤད་རྒྱུན་འགའ་ཞིག་གསན་རྒྱུ་རེད་པའང་སྔོན་གྱི་བག་ཆགས་ཡིན་པ་གསལ་བར་དྲན་འདུག་གསུངས། དེ་ལྟ་བུའི་སྔོན་གནས་རྗེས་དྲན་ངོ་མཚར་བ་རྒྱུན་ཆགས་སུ་བཞུགས་པར་སྣང་ཡང་ཐུགས་ཁམས་དྭངས་ཤིང་སྤྲོ་བའི་སྐབས་ཉམས་མཚར་རེ་ཙམ་ལས་གཏན་ནས་མི་གསུང་ཞིང་། གཞན་ལ་གསུངས་པའང་ཆེར་མ་ཐོས་ཤིང་ཐོར་བུ་ཕྲན་ཚེགས་གསུངས་པའང་ངེས་ཏིག་ཅན་གྱི་ཟིན་དུ་བཏབ་པ་སོགས་མི་སྣང་། དེ་མཚུངས་ཞིང་ཁམས་དང་ཡུལ་གྱི་བཀོད་པ་གཟིགས་པའི་ཚུལ་ཤིན་ཏུ་མང་བར་འདུག་ཀྱང་ངེས་པ་ཅན་པཎྜི་ཏ་མི་ཕམ་རྒྱ་མཚོ་ལ་བཀའ་སྩལ་བ་ནི། སྐབས་ཤིག་ཁང་ད་ཞག་སྐོར་ཟླ་བ་དྲུག་གིས་བགྲོད་དགོས་པའི་མྱ་ངམ་གྱི་ཐང་བརྒལ་ནས་

[Full Size]

རིའི་ཕུག་ཏུ་ཡུན་རིང་སོང་ནས། ཤམ་བྷ་ལ་ཆུང་བའི་གནས་སྒོ་ལྷོ་ཕྱོགས་གསང་བ་བྲག་གི་ར་བ་ཞེས་གྲོང་ཁྲི་ཕྲག་ཙམ་ཡོད་པ། ཡུལ་དེའི་མི་རྣམས་བཅུད་ལེན་གྱི་མཐུས་ཡུན་རིང་འཚོ་བ། པདྨ་གླིང་པའི་གཏེར་ཆོས་དར་བ་དེར། སྔོན་སློབ་དཔོན་པདྨའི་སློབ་བརྒྱུད་ཡིན་པའི་རྣལ་འབྱོར་པ་ཡུལ་སྐད་ཏོང་ཀུ་བླ་མ་ཟེར་བ་ཞིག་ལས་རྡོ་རྗེ་སེམས་དཔའ་རྒྱན་འཁོར་ལྔ་པ་ཞེས་པའི་དབང་ལུང་ཞུས། བླ་མ་དེས་ཤམ་བྷ་ལ་ཆུང་བ་ནས་བླངས་པ་ཙནྡན་ལས་གྲུབ་པའི་རྡོ་རྗེ་སེམས་དཔའི་སྐུ་སྟོང་ཕྲག་མང་པོ་བཞུགས་པའི་ལྷ་ཁང་ཡང་མཇལ། དེས་ཤམ་བྷ་ལ་ཆུང་བར་འགྲོ་ལམ་བྲག་ཕུག་ནས་ཆུ་འབབ་པ་སོགས་བསྟན། གནས་འདི་བྲག་གི་རབ་གྲོང་ཁྲི་ཕྲག་ཙམ་ཡོད། འདི་ནས་བྱང་དུ་ལམ་བགྲོད་དཀའ་བར་ཕྱིན་ན་ཤམ་བྷ་ལ་ཆུང་བ་གཡའ་ཡི་ར་བ་ཞེས་གྲོང་འབུམ་ཕྲག་ཡོད། བོན་པོས་འོལ་མོ་ལུང་ཟེར་བའང་དེ་ཡིན་ཀྱང་བོན་པོ་ལ་ལོ་རྒྱུས་དག་པོ་མེད། དེ་ན་ནུས་པ་ཐོབ་པའི་རྣལ་འབྱོར་པ་དུ་མ་བཞུགས་ཡོད། དེ་ལས་ཀྱང་ཕར་བྱང་ཕྱོགས་སུ་ཕྱིན་ན་ཤམ་བྷ་ལ་ཆེ་བ་གངས་ཀྱི་ར་བ་ཅན་གྲོང་བྱེ་བ་དུ་མ་ཡོད་པ་དངོས་ཡོད་ཅེས་ཟེར་བ་ལྟ་བུའི་ཉམས་བྱུང་ཞིང་། དེར་བྱོན་ལམ་དང་ཡུལ་དེའི་བཀོད་པ། བླ་མ་དེའི་རྣམ་འགྱུར་སོགས་ཉིན་སྣང་ལྟ་བུར་གསལ་གསལ་འདི་དང་འདི་འདྲ་འདུག་ཅེས་ཐུགས་ཉམས་མཚར་སྣང་དང་བཅས་ཏེ་བཀའ་སྩལ་ཏོ་ཞེས་ཐོས། ཡང་སྐབས་ཤིག་མནལ་ལྟས་སུ། རྗེ་ཉིད་བསམ་ཡས་ཀྱི་ཕོ་བྲང་ཞིག་ཏུ་རྒྱལ་པོའི་ཚུལ་གྱིས་བཞུགས་ནས་འདུག །གཡས་ཕྱོགས་ཡངས་པ་ཞིག་ཏུ་སློབ་དཔོན་པདྨ་ཕེབ་ལམ་སྐས་བཙུགས་དགོས་པ་རེད་ཟེར་ནས་སྒྲོམ་སྐས་བར་སྣང་ལ་ཟུག་པ་ཞིག་མི་རེ་ཟུང་གིས་དཀའ་ལས་ཆེན་པོ་བྱེད་ནས་བཙུགས། དེ་སྐོར་མི་ཚོགས་ཤིན་ཏུ་མང་པོས་འུར་

[Full Size]

སྒྲ་སྒྲོག་ཅིང་འཚུབས་ཀྱི་ལི་ལི་བྱེད་ཀྱང་ཤིང་ཐུང་བས་ཡར་མི་སླེབ་པ་དང་། ལྗི་བས་མི་ཐེག་པ་སོགས་ཀྱིས་སྐས་དངོས་ལ་མི་ཕན་འདུག །དེར་མི་བརྗིད་ཅན་ཞིག་འདུག་པ་དེས་འདི་རྣམས་ཀྱིས་སློབ་དཔོན་པདྨའི་ཕེབས་སྐས་བཙུགས་པ་ཡིན་ཟེར་འུར་སྒྲ་ཆེན་པོ་བྱེད་པ་རེད་ཀྱང་། མཆོག་གྱུར་གླིང་པ་དང་། ཀོང་སྤྲུལ་དང་། ཁྱེད་རང་གསུམ་ཙམ་མ་གཏོགས་སྐས་ཆེན་འདི་ཚུགས་ཐུབ་པ་ནི་སུའང་མི་འདུག་ཟེར་བ་ཞིག་བྱུང་བས་འདི་ལའང་གོ་རྒྱུ་ཆེན་པོ་ཞིག་འདུག་གསུངས། ལར་མནལ་ལྟས་འདི་འདྲའང་དགོས་པའི་དབང་གིས་སྐབས་རེར་ཟུར་ཙམ་གསུང་བ་མ་གཏོགས་རྒྱུན་དུ་ནི་གཏན་ནས་བཀའ་གནང་བའི་སྲོལ་མི་འདུག་གོ། །ཡང་ལན་ཅིག་འོད་གསལ་དག་པའི་སྣང་ཆར་འཕགས་ཡུལ་ལྟ་བུའི་ས་གཞི་ཤིན་ཏུ་རྒྱ་ཆེ་ཞིང་ཁོད་སྙོམས་པ། སྤང་ལྗོངས་ནེའུ་གསེང་ཆུ་མཚོ་རྣམས་ལ་མེ་ཏོག་དཀར་དམར་སྣ་ཚོགས་ཀྱིས་སྤྲས་ཤིང་ཤིན་ཏུ་ཉམས་དགའ་ལ་ཡིད་དུ་འོང་བ་ཞིག་ཏུ་ཕེབས་འདུག་པར། རྗེ་ཉིད་ཀྱིས་གསེར་གྱི་རུས་སྦལ་ཞིག་ལ་ཆིབས། ཞྭ་ལ་མཆོག་སྤྲུལ་བློ་གསལ་བསྟན་སྐྱོང་གིས་སེང་གེ་དཀར་མོ་ཆིབས། རྫོགས་ཆེན་པ་གཞན་ཕན་མཐའ་ཡས་ཀྱིས་གླང་ཆེན་ཐལ་དཀར་ཆིབས། གཏེར་ཆེན་མཆོག་གྱུར་གླིང་པས་རྒྱ་སྟག་ངར་མ་ཆིབས། ཁོ་བོ་པདྨ་གར་དབང་གིས་གཡུ་འབྲུག་སྔོན་མོ་ལ་ཞོན། ཐམས་ཅད་ཀྱང་ཧེ་རུ་ཀའི་ཆ་བྱད་ཤ་སྟག་བྱས། དཔའ་བོ་མཁའ་འགྲོ་དར་དང་རིན་ཆེན་རུས་པའི་རྒྱན་ལྡན་ཤིན་ཏུ་མང་པོ་ཌ་དྲིལ་སོགས་ཕྱག་མཚན་སྣ་ཚོགས་ཐོགས་པ་རྣམས་དང་ལྷན་ཅིག་རྡོ་རྗེའི་གླུ་ལེན་ཅིང་གར་བསྒྱུར་བས་ཤིན་ཏུ་དགྱེས་པའི་སྣང་བ་ཡུན་རིང་མོར་བྱུང་གསུངས་ནས་ཐུགས་ངོ་མཚར་བའི་ཚུལ་མཛད། འདི་དག་གི་ཞོན་པ་ལས་སོ་སོའི་སྤྲུལ་

[Full Size]

གཞི་ཡོན་ཏན་ཕྲིན་ལས་སོགས་དང་འབྲེལ་བའི་གནད་དོན་གོ་རྒྱུ་ཆེན་པོ་རེ་ཡོད་པ་ཡིན་འདུག་པས། ཁོ་བོས་ཚུལ་དེ་ལྟ་བུའི་བཀོད་པ་བྲིས་ཐང་ཞིག་བཞེངས་ནས་སྤྱན་སྔར་ཕུལ་བས་ཐུགས་དགྱེས་པས་རབ་གནས་གནང་ཞིང་སྐུའི་ཉེ་ལོགས་སུ་ཡུན་རིང་བཀྲམ་པར་མཛད་སོང་། ངེད་ལ་མངོན་ཤེས་མེད་ཅེས་དུས་རྒྱུན་དུ་གསུངས་མོད། དེང་སང་གི་ལུང་བསྟན་མཁན་པོ་མི་དགོས་དུས་ཐམས་ཅད་ཀྱི་སྐྱེ་བ་སྔ་ཕྱི་བར་གསུམ་དང་ལེགས་ཉེས་ཤེས་པ་ལྟ་བུའི་ཡི་གེས་སྲང་མདོ་ཐམས་ཅད་ཁྱབ་ཅིང་ཐིག་མི་ཐིག་སྣ་ཚོགས་དང་། དགོས་དུས་ཅིའང་མི་མཁྱེན་པ་མ་ཡིན་པར། དུས་འགྱུར་ཆེན་མོའི་སྐབས་སོགས་གལ་གནད་ཆེ་དུས་ཅི་གསུངས་ཐམས་ཅད་ཐོག་ཏུ་ཁེལ་བས་བླ་ཆེན་དང་། མི་ཆེན་དང་། མཁས་གྲུབ་ཐམས་ཅད་ཀྱིས་ཡིད་རྟོན་པའི་གནས་གཅིག་པུར་མཛད། དེས་མཚོན་མཁས་བཙུན་གྲུབ་པའི་ཡོན་ཏན་ལ་ཤེས་ལྡན་གཟུར་གནས་ཀུན་གྱིས་བསྔགས་པའི་གླིང་བུ་བསྒྱུར། སློབ་མ་དད་ལྡན་རྣམས་འགྲོ་ཁར་ད་ཕྱིན་ཆད་འཕྲད་པར་དཀའ་གསུངས་པ་དང་། ད་དུང་རྗེས་ནས་འཕྲད་འོངས་གསུངས་པ་རྣམས་ཀྱང་དེ་བཞིན་ཁོ་ནར་གྱུར། ལན་ཅིག་དགོན་སྟོད་ལ་མེའི་དོགས་པ་གྱིས་གསུངས་པ་དང་། ལན་ཅིག་དགོན་སྨད་དུ་མེ་ཤོར་བར་འདུག་པས་ལྟོས་ཤིག་གསུངས་པ་རྣམས་ཀྱང་དེ་སྐབས་ཁོ་ནར་མེ་འབར་བར་སྣང་བ་རྣམས་སོ་སོའི་ཁྱིམ་དུ་གནས་པས་ཀྱང་མ་མཐོང་བར་ལྐོག་གྱུར་གཟིགས་པ་སོགས་འདི་འདྲའི་རིགས་ཀྱང་མང་དུ་འདུག །མདོར་ན་སྤངས་པ་དང་རྟོགས་པའི་ཡོན་ཏན་དང་མངོན་པར་རྟོགས་པ་བསམ་གྱིས་མི་ཁྱབ་པའི་བདག་ཉིད་ཅན་ཡིན་པས་གནས་ཚུལ་ཇི་བཞིན་པ་བརྗོད་ནུས་པ་ལྟ་ཅི་སྨོས། ཕྱོགས་རེ་ཙམ་ཡང་ཤེས་པ་དང་བརྗོད་པའི་རྔོ་ཐོགས་པ་མ་ཡིན་ཀྱང་སོ་སྐྱེ་ཐ་

[Full Size]

མལ་པས་ཇི་ཙམ་མཐོང་བ་དེ་ཙམ་ཞིག་བརྗོད་བྱར་བྱས་པའོ། །དྲུག་པ་དེ་ལ་བརྟེན་ནས་བསྟན་པ་དང་འགྲོ་བའི་དོན་ཇི་ལྟར་མཛད་པ་ནི། དགུང་ལོ་ཉེར་གཅིག་བར་ངོར་གྱི་གདན་སར་བཞུགས་པའི་སྐབས་མཁན་ཆེན་རྡོ་རྗེ་འཆང་ཆེན་པོའི་བཀས་བསྐུལ་ཏེ། བརྡ་སྤྲོད་གཙོ་བོར་གྱུར་པའི་རིག་གནས་ཀྱི་བསླབ་གྲ་བཙུགས་པས། ཐར་རྩེ་ཞབས་དྲུང་བྱམས་པ་ཀུན་དགའ་བསྟན་པའི་རྒྱལ་མཚན་དང་། འཇམ་པའི་དབྱངས་ངག་དབང་ལེགས་གྲུབ་སོགས་ཆེས་མཁས་པའི་སློབ་མའང་ཐོན། གཙང་པ་ཆེན་ཐམས་ཅད་མཁྱེན་པ་བསྟན་པའི་ཉི་མས་ཀྱང་། གསུང་བྲིས་ཀྱིས་བསྔགས་ཤིང་། དངོས་སུ་ཞལ་མཇལ་སྐབས་ཁ་བཏགས་ནང་མཛོད་མགུལ་དུ་གསོལ། གསེར་ཞོ་ལྔ་ཕྱག་ཏུ་གཏད། དབུ་ལ་ཕྱག་གིས་བྱུགས་པ་དང་བཅས་ཐར་རྩེ་མ་ཧཱ་པཎྜི་ཏ་ཞེས་གསུང་གིས་གཟེངས་བསྟོད་པས་མཚོན། ཕྱོགས་དེར་སྡེ་དགེ་པཎྜི་ཏ་དང་། ཐར་རྩེ་པཎྜི་ཏ་སོགས་སུ་མཁས་པ་རྣམས་ཀྱིས་སྙན་པའི་དྲིལ་བསྒྲགས། བློ་གྲོས་རྒྱ་མཚོས་ཞུས་པའི་མདོ་ལས། རྫོགས་པའི་བྱང་ཆུབ་སེམས་དང་ཆོས་འཛིན་དང་། །ཆོས་སྒྲུབ་པ་དང་སྲོག་ཆགས་སྙིང་རྗེ་བ། །ཆོས་བཞི་འདི་དག་ཡོན་ཏན་ཚད་མེད་དེ། །དེ་དག་མཐའ་ནི་རྒྱལ་བས་མི་གསུང་ངོ། །ཞེས་པའི་ཆོས་བཞི་པོ་རྟག་ཏུ་ཐུགས་དམ་དུ་བཞེས་པ་ལས་ཁྱད་པར་དུ་གྱུར་པ། དཔལ་ས་སྐྱ་པའི་གསེར་པོད་དུ་གྲགས་པ་ལྷག་པའི་ལྷའི་སྒྲུབ་ཐབས་མང་པོ་ཕྱོགས་བསྡུས་ཀྱི་རྗེས་གནང་། སོ་སོའི་རྒྱ་གཞུང་གི་ལུང་དང་བཅས་བར་མ་ཆད་པ་བཞུགས་པ་རྣམས་གཞིར་བཀོད། དེ་དག་གི་གསལ་བྱེད་ཡིག་ཆ་ཤིན་ཏུ་གལ་ཆེ་བ་རྣམས་ཀྱིས་ཁ་བསྐངས། མ་ཚང་བ་དང་མི་གསལ་བ་རྣམས་ལ་གསལ་བྱེད་ཀྱི་ཡིག་ཆ་གསར་དུ་སྤེལ། ཀར་དགེ་སོགས་ལུགས་སྲོལ་ཁུངས་ཐུབ་གཞན་ལས་

[Full Size]

བྱུང་བ་དེ་མཚུངས་རྣམས་ཀྱང་ཕྱོགས་སུ་བསྡེབས་ཏེ་བསྟན་པའི་རྒྱུན་གནས་པ་ཁོ་ན་ལ་དགོངས་པ་གཏད་ནས་སྒྲུབ་ཐབས་ཀུན་བཏུས་ཞེས་པའི་མཚན་གསོལ་བ་པུསྟི་ཀ་བཅུ་གསར་དུ་བསྒྲིགས་ནས་སྤར་དུ་བཀོད། དེ་དག་གི་དབང་ལུང་ཁྲིད་གསུམ་གྱི་རྒྱུན་གཙང་དུ་ལན་གཅིག །མདོ་ཁམས་དཔལ་སྤུངས་ཀྱི་གདན་སར་ཟླ་བཟང་སྤྲུལ་པའི་སྐུ་དང་། བདག་ཅག་དད་འདུས་ཉི་ཤུ་སྐོར་ལ་ལན་གཅིག །རྫོང་སར་དགོན་དུ་རྒྱལ་དབང་ཀརྨ་པ་བཅོ་ལྔ་པ་དང་། ཐར་རྩེ་མཁན་ཆེན་འཇམ་དབྱངས་རིན་ཆེན་རྡོ་རྗེ་སོགས་ལ་ལན་གཅིག །ཐར་རྩེ་ཞབས་དྲུང་འཇམ་དབྱངས་ནམ་མཁའ་རྒྱལ་མཚན་དང་། ཁང་སར། བན་ཁང་ཞབས་དྲུང་སོགས་ལ་ཁ་སྐོང་གི་སྐོར་ཚར་གཅིག་སྩལ། བྱམས་པས་སེང་གེའི་སྒྲ་བསྒྲགས་པའི་མདོ་ལས། གངྒའི་བྱེ་སྙེད་འཇིག་རྟེན་གསེར་དག་གིས། །བཀང་སྟེ་གང་ལ་སྦྱིན་པ་བྱིན་པ་བས། །དུས་ངན་ཚེ་ན་ཚིགས་བཅད་གཅིག་འཆད་པ། །དེ་ཡི་བསོད་ནམས་ཅི་འདྲ་སྔ་མར་མེད། །ཅེས་ཤིན་ཏུ་སྙིགས་མའི་དུས་འདིར་ཆོས་འཆད་པར་འོས་པའི་སྣོད་ཚུལ་དང་ལྡན་པ་ཤིན་ཏུ་དཀོན་ཀྱང་། བསྟན་པའི་བཅས་དང་གཞན་ཕན་ལྷག་པའི་བསམ་པས་དྲངས་ཏེ་ཆོས་ཤློ་ཀ་གཅིག་འཆད་པ་ལའང་ཕན་ཡོན་དཔག་ཏུ་མེད་པར་གསུངས་པ་ལྟར། བསྟན་པ་འཛིན་པའི་བཤེས་གཉེན་ཆེན་པོ་རྣམས་ནས་བཟུང་། མཆོག་དང་བར་པ་དང་དམན་པའི་འགྲོ་བ་རྣམས་ལ་ནམ་ཡང་སྐུ་ངལ་བ་དང་ཐུགས་སྐྱོ་དུབ་མེད་པར་ཆོས་ཀྱི་སྦྱིན་པ་བར་མ་ཆད་དུ་སྩལ་བ་སྟེ། རྗེ་ཉིད་ཀྱི་རྩ་བའི་བླ་མ་གཅིག་པུ་ཐར་རྩེ་རྡོ་རྗེ་འཆང་སྐུ་མཆེད་ནས་ཀྱང་ངོར་ཆེན་བཀའ་འབུམ་དང་། ཞུ་ཆེན་བཀའ་འབུམ་གྱི་ལུང་། དྲི་མེད་རྣམ་གཉིས་ཀྱི་དབང་བཀའ་སོགས་གསན་བཞེས་མཛད་པས་མཚོན། དཔལ་ས་སྐྱ་པ་ཁྲི་

[Full Size]

ཆེན་བཀྲ་ཤིས་རིན་ཆེན། རྗེ་བཙུན་མ་རྟ་མགྲིན་དབང་མོ། བསྟན་འཛིན་དབང་མོ། སྐལ་བཟང་ཆོས་སྒྲོན་སོགས་དཔལ་ལྡན་ས་སྐྱ་པའི་ཞལ་ངོ་། ངོར་ཨེ་ཝཾ་པའི་མཁན་པོ་ཞབས་དྲུང་ཕལ་ཆེར། ཞྭ་ལུ་མཆོག་སྤྲུལ། ནཱ་ལེནྡྲའི་གཟིམས་འོག་རིན་པོ་ཆེ། ཡར་ཀླུང་དབོན་རིན་པོ་ཆེ། ས་སྐྱ་དགའ་ལྡན་དཔོན་སློབ། ངོར་དཔོན་སློབ་ངག་དབང་ལེགས་གྲུབ། འདར་གྲོང་ཆེན་སློབ་དཔོན་ཀུན་དགའ་འཇམ་དཔལ། ས་སྐྱོང་སྡེ་དགེའི་དབུ་བླ་དཔལ་ལྡན་ཕྲིན་ལས་དང་དགེ་འདུན་རྒྱ་མཚོ་ཁུ་དབོན། ཤར་བླ་མ་མཁས་དབང་ཀུན་དགའ་དཔལ་ལྡན་སོགས་ས་ངོར་ཚར་གསུམ་གྱི་ཕྱོགས་དང་། དཔལ་ཀརྨ་པ་ཆེན་པོ་གོང་འོག །སི་ཏུ་མཆོག་སྤྲུལ་གོང་འོག །སྟག་ལུང་མ་རིན་པོ་ཆེ། རི་བོ་ཆེའི་རྗེ་དྲུང་དང་ཞབས་དྲུང་ནོ་མི་ཧན་འཕགས་མཆོག་བཅས། ཟླ་བཟང་རིན་པོ་ཆེ། དབོན་སྤྲུལ་སྐུ་མཆད། མཁས་དབང་བླ་མ་ཀརྨ་ངེས་དོན། བདག་ཅག་ཡན་བཀའ་བརྒྱུད་ཕྱོགས་ཀྱི་བསྟན་འཛིན་ཕལ་མོ་ཆེ། སྦྱོར་ར་ཐམས་ཅད་མཁྱེན་པ། བསམ་སྡིངས་རྡོ་རྗེ་ཕག་མོ་སོགས་བོ་དོང་། ལྕགས་ཟམ་ཉི་མ་ཆོས་འཕེལ་སོགས་ཇོ་ནང་གི་བསྟན་འཛིན་དུ་མ། དཀོན་མཆོག་བསྟན་པ་རབ་རྒྱས། ལྷ་བཙུན་དོན་གྲུབ་རྒྱལ་མཚན། བཀྲ་ཤིས་ལྷུན་པོ་དང་། སེ་འབྲས་ཀྱི་མཁས་པ་མང་པོ། བྲག་གཡབས་ནོ་མི་ཧན་ཆེན་པོ། ལི་ཐང་མཁན་རིན་པོ་ཆེ་མཁས་མཆོག་བྱམས་པ་ཕུན་ཚོགས། ཧོར་ཁང་སར་རྒྱལ་བ་སོགས་དགེ་ལུགས་ཕྱོགས། རྡོར་སྨིན་དཔལ་རི། ལྕགས་ཟམ་སོགས་ཀྱི་བླ་མ་དགེ་འདུན་མང་པོ། ཀཿདཔལ་ཞེ་རྫོགས་ཀྱི་བླ་མ་བླ་མཆན་ཅི་རིགས། གཏེར་ཆེན་མཆོག་གྱུར་གླིང་པ་ཡབ་སྲས་སོགས་སྔ་འགྱུར་རྙིང་མའི་ཕྱོགས་ཀྱིས་མཚོན་གྲུབ་མཐའ་རིས་མེད་པའི་ཞལ་སློབ་དང་། བོད་ཀྱི་མི་ཆེན་བཀའ་མདའ་རྩིས་

[Full Size]

གསུམ། ཆོས་རྒྱལ་སྡེ་དགེ། གླིང་རྒྱལ་པོ་སོགས་ལ། རིག་གནས་འཆད་སྤེལ་ཅི་རིགས། མདོ་རྒྱུད་ཀྱི་བཤད་བཀའ། རྙིང་མ། བཀའ་གདམས། ས་ངོར་ཚར་གསུམ་གྱི་ལུགས། བཀའ་བརྒྱུད། ཤངས་ཆོས། ཞི་བྱེད། གཅོད་ཡུལ། དུས་འཁོར་གཙོར་གྱུར་རྒྱུད་སྡེ་རྣམས་ཀྱི་དབང་། བྱིན་རླབས། རྗེས་གནང་། བསྐྱེད་རྫོགས་ཀྱི་ཁྲིད། ལུང་སོགས་སོ་སོའི་འདོད་པ་དང་མཐུན་པར་ཕྱོགས་དང་རིས་མེད་པར་སྤེལ། རྗེ་ཉིད་ཀྱིས་གསན་རིགས་རྣམས་ལས་བཀའ་འགྱུར་ཙམ་མ་གཏོགས་གཞན་ཚར་རེ་མ་འཆད་པ་མེད་ཅིང་། ཕལ་ཆེར་ཚར་གྲངས་མང་པོ་དང་། ཁྱད་པར་མཁའ་སྤྱོད་མའི་བྱིན་རླབས་དང་ཁྲིད། ཀློང་ཆེན་སྙིང་ཐིག་དབང་ཁྲིད་སོགས་ནི་ཞུ་མཁན་ཆད་པ་མེད་པར་འབྱུང་བ་ལ་ཐམས་ཅད་ཀྱི་རེ་བ་སྐོང་བར་མཛད། ཕྱིས་སུ་མདོ་ཁམས་ཆུ་བཞི་སྒང་དྲུག་གི་སྐྱེ་བོ་ཕོ་མོ་ཕལ་ཆེར་ཞལ་མཇལ་ཞུ་བར་འོང་བ་རྣམས་ལའང་། ཚེ་དབང་དང་འཕོ་ལུང་གིས་མཚོན་པའི་ཆོས་འབྲལ་མོས་པ་དང་འཚམས་པར་ཁོར་ཡུག་ཏུ་གནང་། །དེ་ལྟར་ཁམས་དབུས་ཀྱི་བླ་ཆེན་མི་ཆེན་མཐའ་དག་གིས་མངོན་པར་བཏུད་ཅིང་མཆོད་ཀྱང་། ངོ་སྲུང་ཕྱོགས་འཛིན་དང་། །རང་གཞན་གྱི་མགོ་འདྲེན་ཞུ་རྒྱུ་ལྟ་བུས་མཚོན་འཇིག་རྟེན་ཆོས་བརྒྱད་ཅིའང་མི་སྤེལ་བར་ཆོས་དང་མཐུན་པའི་ལམ་དུ་དྲང་ཐ་ལེར་བཞུགས་ཏེ་ཁེངས་པ་དང་དྲེགས་པ་ཅུང་ཟད་ཙམ་ཡང་མེད་པར་སྙོམ་ཆུང་ཁོ་ནས་བྱ་བཏང་ཀུན་སྤངས་ཀྱི་ངང་ཚུལ་ལྷུར་བླངས་ཏེ་བཞུགས་པ་ནི་གཅིག་ཏུ་ངོ་མཚར་ཆེ་བར་སེམས། ལར་རྗེ་ཉིད་ནས་གྲུབ་མཐའ་གང་ལའང་མི་སྨོད། དག་སྣང་རིས་མེད་དུ་སྦྱངས། ཕན་ཚུན་བསྲེ་བའང་མི་མཛད། བོན་པོ་ཚུན་ཆད་ཀྱང་དངོས་བརྒྱུད་གང་རུང་ནས་ཐར་པའི་ལམ་སྟེགས་སུ་ངེས་པའི་

[Full Size]

མོས་པས་དྲངས་ཏེ། བསྟན་པ་ཐམས་ཅད་ལ་ཅི་ཕན་གྱི་ཐུགས་བསྐྱེད་བཟང་པོ་ཡོད་པའི་རྟེན་འབྲེལ་གྱིས་ཕྱོགས་དེའི་བོན་པོ་རྣམས་ཀྱིས་ཀྱང་རང་རང་གི་བླ་མ་ཞིག་དང་མཚུངས་པར་བཟུང་བ་སོགས་བསྟན་པ་ཐམས་ཅད་ཀྱི་སྤྱི་དཔལ་དུ་བཞུགས་པ་ལགས། དེ་ལ་སྤྱིར་སྐྱེས་བུ་དམ་པ་རྣམས་ཀྱི་རྣམ་པར་ཐར་པའི་མདོ་ནི། དམ་པའི་ཚུལ་དགུའམ་བཅུ་གཉིས་ཞེས་ཡོངས་སུ་གྲགས་པ་ལྟར་ན། མདོ་སྔགས་རིག་གནས་དང་བཅས་པ་མང་དུ་གསན་པ་རྒྱ་མཚོའི་མཐར་སོན། །བསམ་བྱུང་གི་རིག་པས་རང་གཞན་གྱི་གྲུབ་མཐའི་གནད་མ་འདྲེས་པར་མཁྱེན། བསྒོམས་པས་ཉམས་དང་རྟོགས་པའི་ཀློང་བརྡོལ། མཁས་པ་ཕྱོགས་རེ་བ་མ་ཡིན་པར་མདོ་སྔགས་རིག་གནས་ནས་ཚིག་གི་བརྡ་ཁྱད་ཕྲན་བུ་ཡན་ཆད་ལ་བློ་གྲོས་ཆེན་པོར་གྲགས་པ་རྣམས་ཀྱིའང་ཐེ་ཚོམ་སེལ་ནུས་པ་མངའ། བཙུན་པོ་ངོ་ལྐོག་ཅན་མ་ཡིན་པར་ཆོས་དང་མཛད་སྤྱོད་ཞུ་དག་ཕེར། བཟང་པོ་ཕྱོགས་ལྷུང་ཅན་མ་ཡིན་པར་ཤིན་ཏུ་དྲང་པོའི་ཐུགས་བསམ་རྣམ་པར་དག་པ་གསེར་ལྟ་བུར་དཔྱོད་ལྡན་ཀུན་གྱིས་བསྔགས། །འཆད་པའི་ཚེ་ལྷག་པའི་ལྷའི་བྱིན་རླབས་ཞུགས་པ་ལྟ་བུས་གཞུང་གང་འཆད་ཀྱང་དཔེ་གཟིགས་དང་ཐུགས་བསམ་སོགས་ལ་མ་ལྟོས་པར་མ་ི་འདྲེན་པ་བཞིན་ཐོགས་པ་མེད། །རྩོད་པ་ན་དང་པོར་ཞལ་གྱིས་བཞེས་པ་དེ་བརྒལ་བརྟག་ཇི་ཙམ་བྱས་ཀྱང་ལུང་རིག་གི་སྒྲུབ་བྱེད་དང་གཏིང་ཇེ་ཟབ་ཏུ་འགྲོ་བ་མ་གཏོགས་ལྟག་འོག་འགལ་བའི་སྣང་ལ་མ་ངེས་པ་མི་མངའ། བརྩམ་པ་ན་ཚིགས་བཅད་ཆེས་མང་པོ་སྤྲེལ་ཏེ་གསུངས་ནའང་བློ་འཛིན་བྱང་བ་ལྟ་བུར་དཔོད་པ་མ་གཏོགས་ཐུགས་བསམ་དང་ཟློས་སྐྱོན་སོགས་མེད། མཁྱེན་པའི་ཡེ་ཤེས་ཀྱིས་ཇི་སྙེད་པའི་ཤེས་བྱ་ཐམས་ཅད་ཀྱི་རང་དང་སྤྱིའི་མཚན་ཉིད་གཟིགས། ཇི་ལྟ་བའི་གནས་ལུགས་ཀྱི་དགོངས་པ་བརྙེས།

[Full Size]

བརྩེ་བའི་ཐུགས་རྗེ་བསྟན་འགྲོ་ཀུན་ལ་ཕྱོགས་ལྷུང་མེད་པའི་ཕན་པ་འབའ་ཞིག་མངའ། ནུས་པས་ཀླ་ཀློ་གདུག་པའང་ཟིལ་གྱིས་མནན་པར་རྡོ་རྗེའི་ལུང་གིས་བསྔགས་ན་གཞན་ལྟ་ཅི་སྨོས་སོ། །དེ་ལྟར་ཆོས་ཀྱི་ཡོན་ཏན་ལྟ་ཞོག །འཇིག་རྟེན་གྱི་ངོས་ནས་ཀྱང་རྗེ་ཉིད་ཀྱི་ཡབ་དེ་ཤིན་ཏུ་བློ་དྲང་ཞིང་ངོ་ལྐོག་ཐུབ་པ་ཞིག་ཡོད་འདུག་སྟབས། སྡེ་དགེའི་དྲུང་ཡིག་ཆེན་མོ་ལོ་ཉེར་དྲུག་ཙམ་དུ་མཛད་པའི་སྐབས། མི་བདག་ཁྲིམས་ཀ་ཚ་ཞིང་ཐུགས་རྟོག་ཧ་ཅང་རྒོད་པས་ཉེས་ཆད་མ་བྱུང་བའི་སྐུ་དྲག་སུའང་མེད་མོད། དྲུང་ཡིག་དམ་པ་དེས་ཁ་བཏགས་ཁ་གང་ཙམ་ཤོར་བའི་བཀའ་བཀྱོན་ཀྱང་མ་བྱུང་བས་སྤྱི་མི་དུང་གི་ཐོར་ཚུགས་ཅན་ཞེས་ཐམས་ཅད་ཀྱིས་བསྔགས་པ་དང་། རྡོ་རྗེ་འཆང་ནམ་མཁའ་འཆི་མེད། གྲུབ་ཆེན་ཀུན་བཟང་གཞན་པ་ན། ཀཿཐོག་མ་ཧཱ་པཎྜི་ཏ་ཚེ་དབང་མཆོག་གྲུབ་སོགས་ཀྱིས་ཀྱང་སྐྱེས་བུ་དམ་པ་ཞིག་དང་མཚུངས་པར་དངོས་སུ་བཀའ་གནང་བ་ཡི་གེར་བྲིས་པ་དེང་དུས་ཀྱང་ཡོད་པས་མཚོན། རྗེ་ཉིད་ཀྱང་དེའི་རིགས་ལས་འཁྲུངས་པས་ ཐུགས་གཟུ་བོར་གནས་ཤིང་ཧ་ཅང་དྲང་བས། ཆོས་ལུགས་ཀྱི་གྲུབ་མཐའི་ཁས་ལེན། འཇིག་རྟེན་གྱི་བསམ་སྤྱོད་ལེགས་ཉེས་གང་ལའང་ཉེ་རིང་ཕྱོགས་ཆ་གཏན་མེད་པར་དྲང་པོ་ཁོ་ནར་མཁྱེན་ཅིང་། དྲང་པོ་ཁོ་ནར་གསུངས་པས་ཤེས་ལྡན་རྣམས་གཅིག་ཏུ་མགུ། འཆོལ་བར་སྤྱོད་པ་རྣམས་བག་ཟ། ཡིད་སྲུབས་ཀྱི་མཐུས་བརླབས་པའི་མི་སྲུན་རླངས་པོར་སྤྱོད་པ་རྣམས་ཀྱིས་རང་མཚངས་བརྟོལ་བ་མ་བཟོད་པས་གཤེ་སྐུར་ཀྱང་འདེབས་པ་ནི། ཐིག་སྐུད་དྲང་པོར་བཞག་པ་ན། །ཡ་ཡོ་ཅན་གྱི་སེམས་ལ་གཟན། །ཞེས་པ་ལྟར་སྣང་ངོ་། །གཞན་ཡང་གདུལ་བྱ། གྲོང་ཆོག །རྙེད་པས་རྙེད་པ་འཚོལ་བ་སོགས་ཆེད་དུ་གཏད་པ་ཅིའང་མི་མཛད།

[Full Size]

དགྲ་འདུལ་གཉེན་སྐྱོང་། ཚོང་སོ་ནམ་ཉེ་ངུའི་ཁ་འཛིན་སོགས་མནལ་ལམ་དུའང་མི་མངའ། ཕེབས་ཞོར་ལྟ་བུར་གདན་འདྲེན་རེ་ཙམ་བྱུང་ན་སུས་ཅི་བྱས་རེ་བ་སྐོང་བ་ལས་ངེད་བྱ་བཏང་ཡིན་ཅེས་བུམ་གོག་དང་། ལག་པ་མགོར་འཇོག་པ་ཙམ་ལའང་སྲོག་ཆད་ཆད་ཀྱི་ཚུལ་འཆོས་མི་མཛད། རྙེད་པ་གང་བྱུང་ཐམས་ཅད་འཕྲལ་བྱུང་འཕྲལ་དག་གི་དགེ་རྩར་གཏོང་བ་མ་གཏོགས་ཕུགས་བསྲིས་སུ་འཚག་པ་དང་། གྲ་འཁོར་ཉེ་དུ་སོགས་རྣམ་སྨིན་ལ་མི་འཛེམས་པ་རྣམས་ལ་ངོ་དགས་མཚོན་གནས་མིན་དུ་ཞོ་གང་ཡང་ཆུད་ཟོས་སུ་མི་གཏོང་། ནང་ཚག་ལ་ངེད་བན་རྒན་འཆི་ཉེ་བ་ཡིན་ཞེས་ངེས་འབྱུང་གི་གསུང་ཐུང་ངུ་ཁོ་ན་ལས་ཡུན་རིང་གི་འཚོ་རྩིས་འདི་བྱ་འདི་བྱེད་ཀྱི་ཤོམ་ར་མི་འདིང་། ཐུན་མོང་གི་ངོར་ངེས་འབྱུང་ལ་བསྙད་པའི་ངུ་ཆོ་ཚིར་ཚིར་ལྟ་བུའི་མངོན་ཚན་ཅན་མི་མཛད། བླ་མ་རྣམས་ལའང་དངོས་སུ་ཧ་ཅང་གུས་གུས་དུང་དུང་གི་ཁ་གསག་གིས་ཐུགས་སྣ་མི་འབྲིད་མོད། ལྐོག་ཏུ་མིང་རུས་བླ་དྭགས་ཚུན་ཆད་ནས་བརྗོད་པའི་བརྙས་བཅོས་མ་ཡིན་པར་རྡོ་རྗེ་འཆང་དང་། རིན་པོ་ཆེ་སོགས་གསུངས་པའི་ཆེ་བ་འབའ་ཞིག་པའི་བསྔགས་པ་བརྗོད་པ་སོགས་མོས་གུས་ཀྱི་རྣམ་འགྱུར་བསམ་གྱིས་མི་ཁྱབ་པ་མཛད་ཅིང་། ཐུགས་དད་འགྱུར་ལྡོག་མི་མངའ་བ་འདི་ཁོ་ནའང་དེང་སང་གི་བླ་མ་དང་སློབ་མ་ཆེར་རློམས་མངོན་ལྐོག་ཅན་སུས་ཀྱང་འགྲན་དུ་མེད་པའི་རྣམ་ཐར་མཆོག་གཅིག་ཏུ་མངོན། སྤྱིར་ཡང་ཐུགས་ཀྱི་གཏིང་སྒམ་པས་སུས་ཀྱང་ཚོད་མི་དཔོག་མོད། ལྟར་སྣང་དུ་ཞུས་ཟེར་ས་ཅིའང་མེད་པའི་ངན་དཀྱུས་དང་། མཁས་པའི་སྙེམས་པ་དང་། གྲུབ་པའི་སྦུ་སུད་དང་། ཐུགས་སྣ་ཐུང་ངུ་ཅན་མ་ཡིན་པར་ཀུན་དང་མཐུན་པའི་སྙེམས་ཆུང་དང་། ཐུགས་ཆུང་ངུ་མཇངས་པ་ལྟ་བུ་མཛད། དོན་དུ་དུས་འགྱུར་ཆེན་མོའི་སྐབས་

[Full Size]

སོགས་སུ་ལྷ་ཆོས་ཀྱི་ངོས་ནས་སྐྱེས་བུ་དམ་པ་དང་། བློ་གྲོས་ཅན་དང་། མངོན་ཤེས་རྫུ་འཕྲུལ་ནུས་པ་ཅན་དུ་རློམས་པ་དང་། མི་ཆོས་ཀྱི་ཕྱོགས་ནས་ཤེས་པ་ཡོན་ཏན། ཕོ་རྒོད་ངན་གཡོ་ཅན་དུ་བརྩི་བ་སྟག་དང་སེང་གེ་ལྟ་བུ་ཐམས་ཅད་ཀྱིས་ཀྱང་སྔ་བསམ་ཕྱི་མནོ་ཅུང་ཟད་ཙམ་ཡང་མེད་པར་སྙིང་ལྐོག་མར་ལྷུད་དེ་ཕྱི་མིག་མི་བལྟ་བར་འབྲོས་པའམ། ཤེས་བཞིན་དུ་དགྲ་ཡི་དྭངས་མར་བློ་གཏད་ལིང་བསྐྱུར་མགོ་བཅད་དབང་བཞག་གིས་རང་གཞན་ཐམས་ཅད་ཕུང་ལ་སྦྱོར་བ་ཤ་སྟག་གི་འཁྲུལ་འཁོར་མིག་འཕྲུལ་ལྟ་བུར་བསྐོར་བ་དང་། ཞེན་ཕོ་རུས་སམ། ཁྲེལ་ངོ་ཚའམ། འདི་ཕྱི་ལས་འབྲས་སོགས་འཕོངས་ཕྱིས་བའི་རྡོ་བཞིན་དོར་ཏེ་འཇིག་རྟེན་ན་གྲགས་པའི་ཀུན་རྫོབ་ཀྱི་རྫ་ཕུང་མ་རབས་ཐ་ཆད་ཀྱི་སྤྱོད་ངན་རྡོ་བའི་ཆར་གྱིས་རྨེངས་མེད་དུ་བཅོམ་པ་དེ་ལྟ་བུའི་སྐབས་སུའང་། འཇིགས་ཟིལ་རྔམས་ཞུད་ཇི་ཙམ་ཆེ་རུང་དེ་ཙམ་གྱི་ཐུགས་སྟོབས་ལྷག་པར་རྒྱས་ཏེ་བ་སྤུའི་རྩེ་མོ་ཙམ་ཡང་མི་གཡོ་བར། ཕ་རོལ་པོ་ལ་སྐྱབས་འཚོལ་བའམ། གཞན་དུ་བྱོལ་བ་ལྟ་བུའི་རྟོག་པ་མནལ་ལམ་དུའང་རྒྱང་བསྲིངས་ཏེ་ཤིན་ཏུ་ཟུངས་ཐུབ་པ་ལྷུན་པོ་ལྟར་ཇི་མི་སྙམ་པར་བཞུགས་པས། སུས་ཀྱང་ཅིའང་བྱར་མེད་པ་སྤྲིན་བྲལ་ཉིན་མོར་བྱེད་པ་ལྟར་གཟི་བརྗིད་ཀྱི་དཔལ་རབ་ཏུ་འབར་ཏེ། སྔོན་གྱི་དུས་རྨོག་སྟོན་གསང་བདག་ཆེན་པོ་འཇིགས་བྲལ་ཆོས་དབྱིངས་རྡོ་རྗེས་རྗེ་ཉིད་ལ་འཇིགས་བྲལ་གྱི་སློབ་དཔོན་དོན་ཐམས་ཅད་གྲུབ་པ་ཞེས་ཞལ་རྩེད་ཀྱི་ཚུལ་དུ་མཚན་གྱི་ཅོད་པ་དཔྱངས་པ་དང་། རྗེ་དེ་ཉིད་ནས། ཕྱིས་ཨོ་རྒྱན་སྨིན་གྲོལ་གླིང་དུ་བསྙེན་པར་རྫོགས་སྐབས་བཅས་འཇིགས་མེད་མཁྱེན་བརྩེའི་ཟློས་གར་ཕྱོགས་ལས་རྣམ་རྒྱལ་དཔལ་བཟང་པོ་ཞེས་པའི་མཚན་ཕུལ་བའང་སྐབས་འདིར་མངོན་གྱུར་གྱི་དོན་དང་ལྡན་པའི་ལུང་

[Full Size]

བསྟན་ལྟ་བུར་སེམས། དེས་མཚོན་སྙན་ཁུང་མཐུག་ཅིང་ཐུགས་ཀྱི་གཤིས་སུས་ཀྱང་བསྒྱུར་དུ་མི་བཏུབ། མཆོག་དམན་བར་མ་གང་ལའང་ཐུགས་དལ་དལ་སྐབས་ལྟ་བུར་གནས་ཚུལ་གྱི་གསུང་གླེང་དྲི་རྨེད་ཞིབ་ཏུ་མཛད་པ་ལས་ཞལ་མི་བསྲེ་བ་དང་། སྦུགས་འཐུམས་ཚིག་སྣ་ཐུང་ངུའི་གོ་དཀའ་བ་མི་མཛད་ཅིང་། །གསུང་སྒྲོས་རྣམས་ཀྱང་མདོ་སྦུག་མེད་པར་ལྷུག་པར་སྩལ། ལྷག་པར་བཀའ་གདམས་གོང་མའི་གསུང་སྒྲོས་དང་། བླ་མ་རྣམས་ཀྱི་ཞལ་གསུང་དང་། རྗེ་ཉིད་ཀྱི་མཛད་ཚུལ་སོགས་གནའ་གཏམ་ཡ་མཚན་ཅིང་ཟླ་ཚོད་ཚེས་གྲངས་ཁུངས་དང་གཏན་ཚིགས་སོགས་ཤིན་ཏུ་ཞིབ་པ་ཆོས་ཀྱི་སྙིང་པོ་ཅན་མང་དུ་གསུངས་མོད། བདག་ལྟ་བུའི་བླུན་པོ་ནི་ངོ་དགའ་དང་། ཕྱོགས་ལྷུང་གི་གཏམ་ཆལ་ཆོལ་ཆང་བཟིའི་བླ་བཅོལ་ལྟ་བུ་ལ་མགུ་བ་ལས། དེ་རིགས་ནོར་སྐྱོང་གི་མདུན་དུ་རྩྭ་བཞག་པ་ལྟ་བུར་མ་ཟད། ཐ་ཆད་འགའ་ཞིག་རྣ་བ་སུན་སྣང་ཡང་སྐྱེ་སྲིད་པར་འདུག །དེ་ལས་གཞན་དུ་རང་ཉིད་མངོན་པར་བསྟོད་ཅིང་བསྔགས་འོས་སྨད་པ་དང་། དེང་སང་བླ་དཔོན་ཕལ་ཆེར་གྱིས་སྐད་ཆ་དྲི་རྒྱུའི་སྙིང་པོ་ངེད་རང་ལ་སུ་ཞིག་གིས་སྨད། སུ་ཞིག་གིས་བསྟོད། ཅི་ཟེར་བར་འདུག་སོགས་རེ་དོགས་ཀྱི་གཟེ་རེ་ཚེར་མ་གཟེངས་པ་ལྟ་བུ་དེ་འདྲ་གཏན་ནས་མི་མཛད། མ་རབས་འགའ་ཞིག་གིས་རྗེ་ཉིད་ལ་གཏིང་ནས་གུས་པ་མེད་བཞིན་དུ་དེང་དུས་བླ་དཔོན་སྤྱི་ཁྱབ་ཀྱི་མདུན་སར་གཏམ་གྱི་ལག་སྣེ་མེད་དུ་མི་རུང་བདོ་དགའ་ཕྱེ་གཏོར། རང་རང་གི་དགའ་མི་དགའི་རྣམ་རྟོག་སྙིང་པོར་བྱས་པའི་བསྟོད་སྨད་དང་། །ཁྱད་པར་མཐོ་དོགས་དམའ་དགའི་ཕྲག་དོག་གི་ཟུར་ཟ་ཁྱི་རྒན་ཟུག་པ་ལས་ལོད་པ་དེ་རིགས་གསན་པ་ཙམ་ནས་གཏམ་འཕྲོ་བཅད་དེ་སྙན་གྱི་ཕྱིར་ཕྱོགས་སུའང་མི་བཞག་པར་མ་ཟད། རྗེས་སུའང་མི་དེ་རིགས་ཀྱི་གཏམ་ལ་ཉོན་ཉན་ཅིའང་མེད་ཅེས་ཐུགས་

[Full Size]

ཤིན་ཏུ་མི་དགྱེས། རྗེ་ཉིད་ཀྱི་མཛད་སྤྱོད་གང་ལ་སུས་ཀྱང་ཆོས་དང་མཐུན་པར་བརྒལ་དུ་མེད་མོད། །རང་རང་གི་བསམ་སྦྱོར་ཕྱིན་ཅི་ལོག་པ་དང་མ་མཐུན་པ་རྒྱུ་མཚན་དུ་བཟུང་ནས་སྨོད་པ་དང་སྐུར་པ་སོགས་བརྒྱལ་སྙན་དུ་སོན་ནའང་མོས་པ་སྣ་ཚོགས་པའི་སེམས་ཅན་སངས་རྒྱས་ཀྱི་མཛད་པས་ཀྱང་མི་མགུ་ན་བདག་ལྟ་བུས་ལྟ་ཅི་སྨོས་ཞེས་རེ་དོགས་ཀྱི་ཟུག་རྔུ་ཏིལ་གྱི་ཤུན་པ་ཙམ་ཡང་མི་མཛད་ཅིང་། རྗེ་ཉིད་ཀྱི་དགོངས་སྤྱོད་གང་ཡིན་པ་དེ་དྲང་པོར་བསྲངས་ཏེ་བཞུགས་པ་ལས་བསྒྱུར་བཀོད་ཀྱི་ཙབ་ཙུབ་ཅུང་ཟད་ཀྱང་མི་གནང་། མཁས་པ་དང་མི་ཆེན་སོགས་ཀྱི་མདུན་སར་ངོ་སྲུང་ཕྱེ་གཏོར་མི་གནང་ཞིང་ཞུམ་པའི་རྣམ་པ་ཙམ་ཡང་མེད་པར་གསུང་སྒྲོས་ཚུན་ཆད་བྱང་ཐ་ལེར་གཟེངས་བསྟོད་དེ་སྩལ། ཕལ་པ་དང་བྱིས་པ་ཆུང་ངུ་དམན་པ་རྣམས་ལ་བརྙས་སེམས་དང་ཁེངས་པ་མི་གནང་བར་གསུང་དཔངས་ལྷོད་པ་དང་ཞལ་རྩེད་སོགས་ཅི་དགར་མཛད་པས་དབུགས་དབྱུང་བ་ལས་འཇིགས་འཇིགས་དང་སྒྲོབ་སྒྲོབ་མི་མཛད་རུང་། །སྔོན་གྱི་ལས་འཕྲོ་སད་པ་དང་། ནང་དུ་ཏིང་ངེ་འཛིན་མངའ་བའི་མཐུས་མཆོག་དམན་ཐམས་ཅད་ཟིལ་གྱིས་གནོན་ནུས་པའི་བརྟུལ་ཞུགས་ཁྱད་པར་ཅན་མངའ་བས་ཀུན་ཀྱང་གདོང་ཞུམ་བཞིན་དུ་བཏུད། རྗེ་ཉིད་ཀྱི་མཛད་པ་ཆེ་ཕྲ་གང་ལའང་། གལ་ཆེ་སྐབས་གཏིང་ནས་ཐུགས་ཡིད་ཆེས་པའི་བླ་མ་རེ་རེ་ཙམ་ལ་བརྟག་པ་མཛད་པ་ཙམ་སྐུལ་བ་དང་། རྗེ་རང་ནས་བླ་མ་དང་དཀོན་མཆོག་ལ་ལུང་ཞུས་བརྟག་སྒྲིལ་རེ་ཙམ་མ་གཏོགས། གཞན་ཆོས་དང་མི་འགལ་ཞིང་། འཇིག་རྟེན་དང་མཐུན་པར་དཔྱད་དེ་རང་ཚུགས་བཟུང་ནས་འཇུག་པ་མ་གཏོགས་མི་མང་ཁ་མང་གི་གྲོས་ཁ་མི་འདིང་། གསུང་ལས་ཀྱང་རང་རེ་དང་པོར་སྐྱེས་དུས་ཀྱང་གཅིག་པུར་སྐྱེས། མཐར་འཆི་དུས་ཀྱང་གཅིག་པུར་འཆི་

[Full Size]

བས་གལ་ཆེ་ཤོས་དེ་གཉིས་ལ་བློ་སྟོན་གྲོས་བྱེད་མཁན་སུ་མི་འདུག་པ། ཚེ་འདིའི་དོན་རང་ཐག་རང་གིས་མ་ཆོད་པ་ཅི་ཡོད་ཅེས་བཀའ་སྩལ་ནས་རང་དབང་གཞན་ལ་མི་བསྐུར། གཞན་གྱིས་ཐུགས་བློ་འདྲ་ཞུས་ནའང་། ངེད་ལ་མངོན་ཤེས་ནི་མེད། བློ་ནི་རང་རེ་ཐམས་ཅད་སྨྲ་ཤེས་དོན་གོ་མིའི་ལུས་རྟེན་ཅན་ཡིན་ཙ་ན། འདོད་པ་ཐོག་ཏུ་བབས་ན་དགའ། མི་འདོད་པ་མ་བྱུང་ན་དགའ་བའི་ཅི་དྲག་གང་དྲག་གི་རྣམ་རྟོག་ཅན་རེ་ཡིན་མོད། རེ་བས་ཡོང་བ་སྒྲིབ་པའི་དཔེས་དེ་འདྲ་ཨི་འོང་ཅི་ཆ་བས་བློ་བཀོད་ནས་བསམ་ཚོད་ག་ལ་འོང་། སྤྲང་པོའི་ཉལ་བསམ་གྱི་དཔེ་ལས་མེད་པས་ཅིའང་ལུང་སྟོན་མི་ཤེས་ཞེས་པ་དང་། ལར་ཡང་མི་མང་ཚོགས་པ་དང་། བཀའ་ཆོས་སོགས་ཀྱི་སྐབས་བླང་དོར་གྱི་སྤྱི་བཤད་རེ་ཙམ་མ་གཏོགས། མི་རེ་རེ་ནས་ཁྱོད་ཀྱིས་འདི་གྱིས་འདི་མ་བྱེད་ཅེས་བཀའ་བཀོད་དེ་འདྲ་གཏན་ནས་མི་མཛད་ཅིང་། བཀའ་ལས་ཀྱང་། འབྲོམ་སྟོན་པས། མི་ཉན་པ་ལ་ཁ་ཏ་བྱེད་པ་མ་ཚངས། ཞེས་པ་ལྟར་དེང་སང་སློབ་མ་བརྒྱ་ཡོད་ཀྱང་བླ་མ་ལ་ཉན་ངེས་པ་རེ་རེའང་དཀོན། བུ་བརྒྱ་ཡོད་ཀྱང་ཕ་ལ་ཉན་པ་རེ་རེའང་དཀོན་པས་དེ་འདྲ་ལ་བསླབ་སྟོན་བྱེད་པ་མི་རང་གཉིས་ཀ་ཚིག་པ་ཟ་བའི་རྒྱུ་ལས་ཅི་ཡོད་ཅེས་མི་ཐག་རང་གིས་ནམ་ཡང་མི་གཅོད། སྙིང་ཐག་པ་ནས་བློ་གཏད་པ་ཡིན་ཚེ་དཀོན་མཆོག་ལ་ལུང་ཞུས་སོགས་ཞིབ་ཆ་མཛད་ནས་སྣེ་རེ་ཙམ་བཀའ་གནང་བ་ལས་གདུལ་བྱ་བསླུ་བའི་བབ་ཅོལ་མི་གནང་བས་མཚོན། དེང་སང་བློ་ཆུང་ཡིན་རློམས་མི་འོང་བཞིན་དུ་གཞན་གྱི་མགོ་འདྲེན། མི་ཤེས་བཞིན་དུ་མངོན་ཤེས་དང་རྫུན་ལུང་འཆད། མི་ཐོན་བཞིན་དུ་ཕན་ཚུན་བར་འདུམས། མི་ཉན་བཞིན་དུ་གཞན་ལ་བསླབ་སྟོན་དང་སློབ་དཔོན་བྱེད། མི་དགའ་བཞིན་དུ་ངོ་སྲུང་དང་ཕྱེ་གཏོར་མི་བྱེད་རྒུ་བྱེད་

[Full Size]

བ། སྤྲེའུ་དང་བྱི་ལའི་བརྟུལ་ཞུགས་ཅན་མང་པོ་ལ་བསམས་ན་བླ་མའི་རྣམ་ཐར་ཁོ་ན་དྲན་པ་ལས་གཞན་དུ་ཅི། རྗེ་ཉིད་སྐུ་ན་གཞོན་ནུའི་དུས་སྐུ་གཟུགས་ཐང་པོ་ཞིག་ཡིན་འདུག་རུང་། ཕྱིས་འཁྲུགས་གཞི་དང་། སྦྱར་དུག་གི་གཞི་སོགས་བྱུང་བས་རིམ་པར་བོད་ཁམས་སྤྱིའི་བསོད་ནམས་དམན་པས་སྐུ་གཟུགས་བབས་ཇེ་ཞན་དང་། སྙུན་ཁམས་སྣ་ཚོགས་པ་ཇེ་ལྗིར་གྱུར་པའི་སྐབས་སུའང་། དེང་སང་ཕལ་གྱིས་བློ་སྦྱོང་ལ་བསྙད་པའི་ཚུལ་འཆོས་ལྟ་བུ་མ་ཡིན་པར། ངེད་སྔོན་གྱི་ལས་ངན་པས་སྨན་གྱིས་མི་ཕན། རིམ་གྲོའང་དེ་དང་འདྲ། ན་དགའ་ཤི་སྐྱིད་ག་ལ་ཡིན། ཆུ་ཚོད་རེར་བདེ་མོ་འདུག་རྒྱུ་བྱུང་ན་ལོས་བཟང་སྟེ། སྔོན་ལས་ལ་བཅོས་སུ་ཅི་ཡོད་པས་ལས་བདག་གིར་ཕྱེད་པ་ལས་འོས་མ་མཆིས་ཞེས་ཁུ་སིམ་མེར་བཞུགས་པ་ལས། ཅི་དྲག་ཅིའང་མི་མཛད། གཞན་འགའ་རེས་ཕྱོགས་གཞན་དུ་མཁས་པ། བཙུན་པ། བྱ་བཏང་། གྲུབ་ཐོབ། གཏེར་སྟོན་སོགས་ཁྱད་པར་ཅན་འདི་དང་འདི་ལྟ་བུ་བཞུགས་ཞེས་ཞུས་ན། སྲིད་པ་ཟེར་བ་ཅི་དང་ཅིའང་སྲིད་པས་དེ་འདྲ་ལོས་ཡོད་ཅེས་ལས། ཕལ་ཆེར་ཡོངས་སུ་འདྲིས་ལ་སྡང་། རྟག་ཏུ་གསར་པ་གསར་པ་འཚོལ། །ཞེས་པ་ལྟར་ཆོས་དང་བླ་མ་སྔ་མ་དོར་ནས། ཕྱི་མ་ཕྱི་མ་ཚོལ་བའི་ཨ་གསར་དང་། ཕྲག་དོག་གིས་གཞན་ལ་སྨོད་པ་སོགས་མི་མཛད། ལར། གྲུབ་ཐོབ་དང་། གཏེར་སྟོན་སོགས་ལོས་བཟང་སྟེ། དེང་སང་མཁས་བླུན་གྱབ་ཆུང་སུས་ཀྱང་དང་པོ་གྲུབ་གཏེར་གྱི་རིགས་ལ་ཧ་ལས་ལས་གནམ་ས་ཁེངས་པ་ཙམ་དུ་བསྔགས་པ་བརྗོད་ཅིང་རྗེས་སུ་འབྲང་། ཆོས་ཞུ། ཇེ་ཞིག་ན་བཀའ་གདམས་རིན་པོ་ཆེའི་གསུང་ལས། རང་རེ་རྣམས་དགེ་བའི་བཤེས་གཉེན་ལ་ཞེས་དང་བཅས་པས་སྐུར་བ་འདེབས་སུ་

[Full Size]

འོང་ཞེས་པ་ལྟར། ཞེ་ས་མ་ཞུས་ནའམ་ཞེ་ས་ན་ཞེས་སྔོན་དུ་འགྲོ་བས། ཐུགས་སྣ་ཐུང་། དབང་ཡོད་ཆེ། ངན་ལོང་ཆེ། མཛད་རྒྱུ་མང་། དྲན་འཕྲུལ་རྒོད། གསུང་རྒྱུ་མང་། ཆ་བཞག་མེད། ཕྱག་རྫས་ཀྱིས་དོན་མི་ཐོན། འཛིན་འཆང་ཆེ་སོགས་ཁ་ཤེས་ཚང་གཏོང་བ་དང་། སྤྲང་པོའི་ཁ་འགེགས་པའི་ངན་པའང་ཟེར་དོན་ཅི་ཡོད་པས་སུ་ལའང་བཟང་ངན་ཅིའང་མ་སྨྲས་པར་འོན་པ་ལྟར་སྡོད་ན་དགའ་ཞེས་གསུངས་པས་གནད་ཆེ་བ་ཞིག་ཡིན་འདུག་སྙམ། འགའ་ཞིག་གིས་རྟེན་འབྲེལ་ཞེས་གསུང་མོད། རྗེ་ཉིད་ནས། རྟེན་འབྲེལ་ཞེས་པ་དེ་རང་ཤུགས་ཀྱིས་འགྲིགས་ན་ལས། ཆེད་དུ་བཅོས་པས་འགྲིགས་རྒྱུ་ཡིན་ཚོད་མི་སྣང་། མཁན་ཆེན་བི་དྷི་སཏྭ་དང་ཆོས་རྒྱལ་ཁྲི་སྲོང་དུས་ཀྱི་རྟེན་འབྲེལ་ལ་ལྟོས། རང་ཤུགས་ཀྱིས་འགྲིགས་པ་དེའང་དེང་སང་གདུལ་བྱ་ཐམས་ཅད་བསོད་ནམས་ཟད། ལོག་རྟོག་རྒོད། ཐེ་ཚོམ་མང་། མཉམ་འགྲོགས་ཆེ། དམ་ཉམས་མོད། དེའི་རྗེས་སུ་འབྲང་ཞིང་བློ་གཏོད་པ་ཁོ་ནས་བླ་མས་ཅི་བྱས་སྐྱོན་འབའ་ཞིག་མཐོང་བའི་དུས་འདིར་རྟེན་འབྲེལ་བཟང་པོ་དེའང་འགྲིགས་དུས་དཀའ་ཞེས་ཡང་ཡང་བཀའ་གནང་བའང་ཐུགས་ཉམས་ཅན་གྱི་གསུང་དུ་ངེས་ཤིང་། རྗེ་ཉིད་ནས་རྟེན་འབྲེལ་ཡིན་ཞེས་ཉག་ཧོར་གྱི་ཁྲམ་ཆས་བྱེད། ནག་ཆང་སྤྱོད། རྟ་རྒྱུགས། མདའ་འཕེན། མེ་མདའ་རྒྱགས། རི་དྭགས་གཤོར། གླུ་ལེན། བྲོ་རྡུང་། ལུང་བསྟན། ལྷ་བབས། འདྲེ་བབས་ཟེར་བའི་སྲོག་རླུང་ཅན་ཨ་རག་གིས་བཟི་བ་ལྟ་བུ་ལ། ངེད་རང་ལྟ་བུས་གང་ཟག་གི་ཚོད་གང་ཟག་གིས་མི་ཟིན་པས་མཐའ་གཅིག་ཏུ་ལེགས་ཉེས་ཀྱི་ཁ་ཚོན་ག་ལ་ཆོད་ཀྱང་། སྤྱིར་བཏང་དམ་པ་རྣམས་ཐུགས་གཏིང་ནས་ཁྲེལ་བར་མ་ཟད། ཆོས་རྒྱལ་ཁྲི་སྲོང་དུས་ནས། དབུ་ཟླུམ་མདོའི་སྡེ། ལྕང་ལོ་

[Full Size]

སྔགས་པའི་སྡེ་ཞེས་པ་གཉིས་ལས། ཁྲམ་ཆས་རྐུན་མའི་སྡེ་ཞེས་པའི་ཕུང་པོ་གསུམ་པ་ཞིག་གཏན་ནས་མེད་ཅེས་གསུངས་པའང་བློ་གཟུ་བོར་གནས་ཤིང་མདོ་སྔགས་ཀྱི་བསྟན་པ་ལ་མནོ་བསམ་ཡོད་པའི་མི་ཞིག་ཡིན་ན་དེ་འདྲ་ཞིག་ལོས་ཡིན་ཨེ་ཤི་རེ་སྙམ་མོད། ལས་ངན་རྣམས་ལ་ཅི་ཆ་ཡོད། འགའ་ཞིག་སྤྱིར་གྲུབ་མཐའི་དགག་སྒྲུབ་མང་པོའི་སྤུ་སུད་ཚ་བོ་དང་། ལྷག་པར་རང་སྟོང་དང་གཞན་སྟོང་ཨམ་ཞིག་གི་ཕྱོགས་ཞེན་རྐེ་ཆད་ཆད་འཐེན་པ་མང་མོད། རྗེ་ཉིད་ནས་རང་རང་གི་གྲུབ་མཐའ་གསུངས་པའི་སྐབས་ཆོས་སྐད་མ་འདྲེས་པར་ཐད་ཀར་གོ་སླ་ཞིང་དོན་འདུམས་པ་རེ་གསུངས། སྤྱིར་བཏང་གྲུབ་མཐས་གཏན་ལ་དབབ་བྱའི་སྙིང་པོ་ནི་ཆོས་ཐམས་ཅད་ཀྱི་ཆོས་ཉིད་ཡིན་ཏེ། དེ་ནི་ཤེར་ཕྱིན་ལས། ཆོས་ཉིད་ཤེས་བྱ་མ་ཡིན་ཏེ། །དེ་ནི་རྣམ་པར་ཤེས་མི་ནུས། །ཞེས་གསུངས་པར་མ་ཟད། བོད་ཡུལ་གྱི་རྟོག་གེ་བ་ཐམས་ཅད་ཀྱི་གཙུག་གི་ནོར་བུ་རྔོག་ལོ་ཆེན་པོ་ལྟ་བུས་ཀྱང་དོན་དམ་པ་སྒྲ་རྟོག་གི་ཡུལ་ཡིན་པ་ལྟ་ཞོག །ཞེན་པའི་ཡུལ་ཙམ་ཡང་མིན་པར་བཞེད་ན། གནས་ལུགས་མཐར་ཐུག་པ་ནི་ཚུ་རོལ་མཐོང་བའི་བློ་ཇི་ཙམ་ཟབ་ཀྱང་གཏན་ལ་འབེབས་མི་ནུས། གནས་སྐབས་ཕྱོགས་རེ་ནས་གཞལ་བའི་དབང་དུ་བྱས་ན་མཁས་གྲུབ་ཆེན་པོ་རྣམས་ཀྱིས་རྣམ་པར་བཞག་པའི་ཆོས་སྐད་རེ་རེ་ལའང་སྒྲུབ་བྱེད་ཀྱི་གཏན་ཚིགས་དང་འཐད་པ་མང་དུ་སྣང་བས་རང་རང་གི་ལུགས་སྲོལ་གང་ཡིན་པ་དེའི་རྗེས་སུ་འབྲངས་ཏེ་བླ་མ་གོང་མའི་བཞེད་པ་རྐང་ཚུགས་པ་ཞིག་བྱུང་ན་ཧ་ཅང་ཕྱོགས་ཞེན་རང་མི་དགོས། འོན་ཀྱང་ཆོས་སྐད་དང་གྲུབ་མཐའ་ཕན་ཚུན་བསྲེ་བ་དང་། རང་གི་གྲུབ་མཐའི་རྐང་མ་ཟིན་པས་གཞན་གྱི་ན་ཡམ་རྒྱབ་རྟེན་དུ་ཁྱེར་བ་དང་། ལྟ་སྒོམ་སྤྱོད་འབྲས་ཀྱི་ལུང་ཐམས་ཅད་མོ་ངན་མའི་

[Full Size]

ཐག་ཆ་འཛིངས་པ་བཞིན་བྱས་ཏེ་ལུང་དོན་རིགས་པས་རྒྱབ་འཁྱོལ་མི་ནུས་པ་དེ་འདྲ་ནི་རང་གི་གྲུབ་མཐའ་ལ་ཡིད་མ་ཆེས། གཞན་གྱི་རྗེས་སུ་བསྙེགས་འདོད་ཀྱང་མ་སྙོགས། མཁས་པས་མཐོང་ན་བཞད་གད་ཀྱི་རྒྱུ་ལས་མ་འདས་པས་རང་ཚུགས་རེ་ཟིན་པ་བྱུང་ན་ནི་ལེགས་ཞེས་གསུངས། ལ་ལ་གཏེར་ལུང་ངམ། རང་གི་བླ་མ་ག་གེ་མོ་དང་ཆེ་གེ་མོས་གསུངས་སོ་ལོ་ཞེས་རང་ཕྱོགས་འགའ་ཞིག་ཞལ་མཇལ་བའམ། ཕྱག་དབང་ཐོབ་པ་ཙམ་གྱིས་ངན་སོང་མེད་ཅེས་སངས་རྒྱས་བྱང་སེམས་ཀྱི་རྒྱལ་ཚབ་སོགས་སུ་བསྔགས་པ་ཧ་ཅང་ཐལ་བ་མང་པོ་བྱེད། གཞན་ཕྱོགས་འགའ་ཞིག་མཁས་བཙུན་བཟང་པོའི་ཡོན་ཏན་མཐོང་ཆོས་སུ་མངའ་བ་རྣམས་ལའང་འབྲེལ་ཚད་ངན་སོང་དུ་འགྲོ་སྐད་པ་མང་བ་ལ། རྗེ་ཉིད་ནས་རང་གི་བླ་མ་ལ་འཇིག་རྟེན་གྱི་ཞེན་ཕོ་རུས་ཙམ་མིན་པར་སྙིང་ནས་སངས་རྒྱས་སུ་མཐོང་བའི་མོས་གུས་ཀྱི་བསྟོད་བསྔགས་ཡིན་ན་བཟང་མོད། གཞན་ཕྱོགས་ཀྱི་ཆོས་དང་གང་ཟག་བཟང་པོའི་རིགས་ལ་དད་པ་མ་བྱུང་རུང་། ལོག་ལྟའི་སྐུར་འདེབས་དེ་འདྲ་བྱེད་པ་ནི་ཆོས་སྤོང་བའི་ལས་ཞེས་མཚམས་མེད་ལྔ་ལས་ཀྱང་ཐུ། གཏེར་ལུང་རིགས་ཀྱང་འགའ་རེ་བླུན་པོ་སྙིང་ཁམ་ཅན་གྱིས་ཨོ་རྒྱན་པདྨ་རྫུན་རྒྱབ་ཏུ་སྤྱན་དྲངས་ནས་གསར་དུ་ཆགས་སྡང་གིས་དཀྲུགས་ཏེ་སྦྱར་བའི་ལག་རྗེས་མངོན་སུམ་པའང་མང་། གལ་སྲིད་གཏེར་ཡི་། ལྡན་ལས་ཕམ་པ་ཞིག་ཡིན་དུ་ཟིན་ཀྱང་། དགོངས་གཞི། དགོས་པ། དངོས་ལ་གནོད་བྱེད་ཅི་རིགས་པས་མཐའ་གཅིག་ཏུ་ཁུངས་དེ་ཙམ་ལ་འཆེལ་ནས་ཆོས་དང་གང་ཟག་འགངས་ཆེ་བ་ལ་སྨོད་པའང་བླུན་ཆེ་བ་ཡིན་པས། འདི་འདྲ་འཛིན་པ་ལྟ་ཅི་སྨོས། །ཐོས་པར་གྱུར་ཀྱང་རྣ་བ་དགབ། །ཅེས་གསུངས་པ་ལྟར་རོ་ཞེས་བཀའ་གནང་བ་བླུན་པོ་སྙིང་ཁམ་ཅན་

[Full Size]

དག་འདི་རིགས་ལ་བག་ཡོད་ཟུང་ཅད་རེ་དགོས་པར་སེམས་ཏེ། འཕགས་པ་ཆོས་ཐམས་ཅད་འབྱུང་བ་མེད་པ་ཞེས་བྱ་བའི་མདོ་ལས། རིགས་ཀྱི་བུ། ཕྲ་བ་ནི་ལས་ཀྱི་སྒྲིབ་པ་ཡིན་གྱིས། སུ་ལས་ཀྱི་སྒྲིབ་པ་མི་འདོད་པ་དེ་དག་གིས་གཞན་གྱི་སྤྱོད་པ་ལ་ཁོང་ཁྲོ་བར་མི་བྱའོ། །དེའི་སྤྱོད་པ་ཐམས་ཅད་ལ་ཡིད་ཆེས་པར་བྱའོ། །འདི་སྙམ་དུ་ཕ་རོལ་གྱི་སེམས་ནི་བདག་གིས་མི་ཤེས་ཏེ། སེམས་ཅན་གྱི་སྤྱོད་པ་ནི་ཤེས་པར་དཀའ་འོ་སྙམ་དུ་སེམས་བསྐྱེད་པར་བྱའོ། །དོན་གྱི་དབང་དེ་གཟིགས་ནས་དེ་བཞིན་གཤེགས་པས་འདི་སྐད་དུ་ཆོས་སྟོན་ཏེ། གང་ཟག་གིས་གང་ཟག་ལ་ཚོད་གཟུང་བར་མི་བྱའོ། །གང་ཟག་གིས་གང་ཟག་གི་ཚོད་བཟུང་ན་རྨ་འབྱུང་བར་འགྱུར་ཏེ། ངའམ་གཞན་ཡང་ང་དང་འདྲ་བ་དག་གིས་གང་ཟག་ལ་ཚོད་གཟུང་ངོ་། །རིགས་ཀྱི་བུ་སུ་བདག་བསྲུང་བར་འདོད་པ་དེས་གཞན་སུའི་སྤྱོད་པ་ལའང་བརྟག་པར་མི་བྱ་སྟེ། དེ་དག་ལ་འདི་ནི་འདི་འདྲའོ། །འདི་ནི་འདི་འདྲའོ་ཞེས་དཔྱ་བར་མི་བྱའོ། །ཉིན་མཚན་དུ་སངས་རྒྱས་ཀྱི་ཆོས་ལ་བརྩོན་པར་བྱའོ། །ཞེས་སོགས་འབྱུང་བ་དང་། བསྡུས་པའི་མདོ་ལས། འཇམ་དཔལ་དམ་པའི་ཆོས་སྤོང་བའི་ལས་ཀྱི་སྒྲིབ་པ་ནི་ཕྲའོ། །དེ་བཞིན་གཤེགས་པས་གསུངས་པའི་བཀའ་ལ་ལ་ནི་བཟང་བར་འདུ་ཤེས། ལ་ལ་ནི་ངན་པར་འདུ་ཤེས་པ་ནི་ཆོས་སྤངས་པའོ། །གང་ཆོས་སྤངས་པ་དེས་ཆོས་སྤངས་པས་དེ་བཞིན་གཤེགས་པ་ལ་སྐུར་པ་འདེབས་པ་ཡིན། དགེ་འདུན་ལ་ངན་དུ་བརྗོད་པ་ཡིན་ནོ། །འདི་ནི་རིགས་སོ། །འདི་ནི་མི་རིགས་སོ་ཞེས་ཟེར་ན་ཆོས་སྤངས་པའོ། །འདི་ནི་བྱང་ཆུབ་སེམས་དཔའ་རྣམས་ཀྱི་ཆེད་དུ་གསུངས་པའོ། །འདི་ནི་ཉན་ཐོས་རྣམས་ཀྱི་ཆེད་དུ་གསུངས་པའོ། །འདི་ནི་རང་སངས་

[Full Size]

རྒྱས་རྣམས་ཀྱི་ཆེད་དུ་གསུངས་པའོ། །ཞེས་ཟེར་ན་ཆོས་སྤངས་པའོ། །ཞེས་ཚད་མར་གྱུར་པའི་ལུང་འདི་ལའང་འགལ་ཟླར་མ་གྱུར་པ་རྗེ་འདི་ཁོ་ན་ཙམ་ལས་མང་དུ་མ་མཐོང་ངོ་། །བདུན་པ་ཞར་བྱུང་དུ་བསོད་ནམས་ཀྱི་ཚོགས་རླབས་པོ་ཆེ་སྒོ་དུ་མ་ནས་སྤེལ་བའི་ཚུལ་ནི་དེང་སང་དུས་ངན་སྙིགས་མ་ལྔ་བདོ་བའི་མཐའ་ལ་ཐུག །ཐུབ་པའི་བསྟན་པ་ལུང་རྟོགས་གཉིས་ཀ་གཟུགས་བརྙན་ཙམ་ལ་སྤྱོད་པའི་སྐབས་འདིར། བསྟན་པ་འཛིན་པའི་བཤེས་གཉེན་ཏུ་གྲགས་པ་ཕལ་པོ་ཆེ་རྣམས་ཀྱང་ཐོས་བསམ་སྒོམ་གསུམ་གྱི་མཛད་པ་གལ་ཆུང་ངུ་བཞག་ནས། རྒྱལ་བསྟན་རིས་མེད་ལ་ཕན་པ་དང་འགྲོ་བ་མཐའ་དག་གི་བསོད་ནམས་ཀྱི་ཞིང་དུ་འགྱུར་བ་ལ་དམིགས་པའི་ཐུགས་བསྐྱེད་ཡོད་མེད་ཇི་ལྟར་ཡང་གཅིག་ལ་གཅིག་ལྟོས་ཚུལ་གྱིས་ལྷ་ཁང་། སྐུ་གཟུགས་མཆོད་རྟེན། གར་འཆམས་ཀྱི་ཆས་སོགས་ལྟར་སྣང་ཡ་མཚན་དང་འུར་སྒྲོབ་སྐྱེད་པའི་བྱ་བ་ལས་ཀྱི་འཁོར་ལོ་བསྐོར་བ་ནི་མང་ཞིང་། དེ་ལས་དམན་པ་ཁ་ཅིག་སོ་སོའི་དགོན་གནས་ཀྱི་གཞི་འཛིན་ཙམ་གྱི་ཆེད་དུ་ཐོས་བསམ་སྒོམ་གསུམ་གྱི་བྱ་བ་ལིང་གིས་བོར་ནས་མི་ཚེ་ཧྲིལ་པོར་དཀོར་རྗེས་སུ་རྒྱུག་ཀྱང་ཡུལ་གྱི་མི་དཔོན་གྱི་ཐོབ་འཇལ། གཞན་ཚེ་འདིའི་གྱོད་དང་ཁ་མཆུའི་གྱང་གུད་ཁོ་ནའི་ངང་དུ་གྲམ་གསེང་ཆུ་བླུགས་ཁོ་ན་ལས་བསྟན་པ་ཡར་རྒྱས་འོང་རྒྱུ་མེད་པའི་ཁར་མཁོ་རྒུའང་འཛོམ་དུས་མེད་པ་སོགས་སྤྱིའི་ལམ་སྲོལ་ལྟ་བུ་ཡིན་འདུག་ཀྱང་། རྗེ་འདི་ནི་སྐུ་ཚེ་ཧྲིལ་པོར་ཐོས་བསམ་སྒོམ་གསུམ་སོགས་དམ་པའི་ཚུལ་དགུས་བསྟན་དང་འགྲོ་བའི་དོན་སྒྲུབ་པའི་མཛད་པ་ཁོ་ན་མ་གཏོགས། བསྟན་དོན་དང་དགེ་བའི་མཐུན་རྐྱེན་དུ་བསྙད་པའི་དབྱར་ལྡོམ་དགུན་ལྡོམ་གྲོང་ཆོག་གསོན་གཤིན་གྱི་དཀོར་ནག་གི་རྗེས་སུ་ཉིན་གཅིག་ཙམ་ཡང་ཕེབས་བཞུད་མཛད་མ་མྱོང་བ་དང་། དམན་པའི་བརྟུལ་

[Full Size]

ཞུགས་ལྷུར་བཞེས་པས་ཐོབ་འཇལ་གྱི་ལོག་འཚོ་སོགས་ཀྱང་གཏན་ནས་མི་མངའ་བས་སྤྱི་མཐུན་ལྟར་ན་ཀུན་སྤངས་བྱ་བྲལ་ཁོ་ནའི་ཚུལ་དུ་བཞུགས་ཀྱང་སྔོན་གྱི་ཐུགས་བསྐྱེད་ཚོགས་བསགས་ཀྱི་སྟོབས་ལས་ཇི་ལྟར་མཁོ་བའི་འདོད་རྒུ་ཐམས་ཅད་འབད་མེད་ལྷུན་གྲུབ་ཏུ་འབྱུང་བ་དང་། ཇི་སྐད་དུ། མེ་ཏོག་དྲི་ནི་རྫི་ཕྱོགས་མིན་མི་འགྲོ། །རྩ་བརྒྱ་སྤོས་སམ་ཙནྡན་ཀྱང་མ་ཡིན། །དམ་པའི་དྲི་ནི་རྫི་ཕྱོགས་མི་འགྲོ་སྟེ། །ཕྱོགས་རྣམས་ཀུན་ཏུ་མི་མཆོག་དྲི་ཡིས་ཁྱབ། །ཅེས་པ་ལྟར་སྐུ་ཆེ་བའི་ཡོན་ཏན་གྱི་སྙན་པའི་གྲགས་པས་བླའི་ལྷ་རྣམས་ཀྱིས་བསྒྲགས་པ་ལྟ་བུས་ཕྱོགས་མཐའ་དག་གི་བླ་ཆེན་མི་དཔོན་སྐྱེ་བོ་ཕོ་མོ་གྲངས་ཀྱིས་མི་ཆོད་པ་འདུས་ནས་འབྱོར་འཁོས་དང་བསྟུན་པའི་མཆོད་འབུལ་དང་། སྐྱབས་འཇུག་བསྔོ་རྟེན་ཆད་མེད་དུ་འབྱུང་བ་དེ་དག་ཐམས་ཅད་ཀྱང་གནས་མིན་དུ་ཁབ་གཅིག་གི་རྩ་བ་ཙམ་ཡང་ཆུད་ཟོས་སུ་བཏང་བར་མི་མཛད་པར། དཀོན་མཆོག་གི་རྟེན་གསུམ་བཞེངས་པ། བླ་མ་དང་དགེ་འདུན་ལ་བསྙེན་བཀུར། དུས་དང་། རྒྱུན་གྱི་མཆོད་པ། ཕོངས་པ་ལ་སྦྱིན་པས་རྗེས་སུ་འཛིན་པ་སོགས་གཏོང་བ་ནམ་མཁའ་མཛོད་ཀྱི་སྒོ་འཕང་གཏན་པ་མེད་པར་དབྱེ་བར་མཛད་པ་དེ་དག་ཞིབ་པར་སྨོས་ཀྱིས་ལོངས་པའི་གོ་སྐབས་མ་མཆིས་ཀྱང་། འདིར་དེ་དག་ལས་གཙོ་ཆེ་བ་ཙམ་རགས་བསྡུས་སུ་སྨོས་ན། ཐོག་མར་ལྷ་ཁང་དང་སྐུ་གསུང་ཐུགས་རྟེན་གྱི་སྐོར་ལ། རྗེ་ཉིད་ཀྱི་ཞལ་གསུངས་རྣམ་ཐར་རྩ་ཐོ་ལས་ཇི་ལྟར་གསུངས་པ་བཞིན་ལྷ་ཁང་བཅུ་གསུམ་ཙམ་བཞེངས་པར་མཛད་པའང་ཐོག་མཐའ་བར་གསུམ་ཀུན་ཏུ་འགེན་བཞེས་ཕྱག་བསྟར་གྱིས་བཞེངས་པ་དང་། །གཞན་དག་ལ་ཞལ་འདེབས་མཐུན་རྐྱེན་ཞལ་བསྒོས་སོགས་ཀྱིས་ཀྱང་རྣམ་དཀར་གྱི་མཛད་སྒོ་སྐྱོང་བའི་ལྷ་ཁང་རྩ་ལག་མང་དུ་བསྐྲུན་པའི་

[Full Size]

གཙོ་བོ་རྫོང་གསར་བཀྲ་ཤིས་ལྷ་རྩེའི་དབུ་རྩེར་མངོན་བྱང་ལྷ་ཁང་ཀ་བ་ལྔ་བཅུ་ང་ལྔའི་མལ་སྟེང་འོག་ཕྱི་ནང་ཤིན་ཏུ་དངོས་གཙང་བཀོད་མཛེས་སུ་ཡུན་ཐུང་ངུས་མཐར་ཕྱིན་པར་བསྒྲུབས་པའི་ནང་རྟེན་གྱི་གཙོ་བོ་ཐུབ་དབང་སྐུ་ཁྲི་རྒྱབ་ཡོལ་གྱི་བཀོད་པ་སོགས་ཁྱད་མཚར་རིན་ཆེན་དུ་མའི་ཕྲ་རྒྱན་སོགས་ཤིན་ཏུ་སྤུས་ནམ་དག་པ། ཐུབ་དབང་སྐུ་ཧོར་ལི་དངོས་གཅིག་ལ་འཁོར་སངས་རྒྱས་རབས་བདུན་གྱི་གསེར་སྐུས་བསྐོར་བ། ལྟུང་བཤགས་སོ་ལྔ། ཉེ་སྲས་བརྒྱད། གནས་བརྟན་བཅུ་དྲུག །གུར་མགོན་སྐུ་ཏཱ་མིང་མ་ཤིན་ཏུ་སྤུས་ལེགས། ཞལ་བྲམ་གཟུགས། འདོད་ཁམས་མ། ཕྱག་བཞི། ཕྱག་དྲུག །རྒྱ་གར་ཤར་ལིའི་མགོན་པོ་གྲི་གུག །རྣམ་སྲས། ནོར་རྒྱུན་མ། གཡས་ཕྱོགས་གཙོ་བོ་ཚེ་དཔག་མེད། ལི་སྐུ་དང་ཁ་སྐོང་གསེར་ཟངས་འདྲེས་མ་བརྒྱད་ཀྱིས་བསྐོར་བ། འོད་དཔག་མེད་གཙོ་འཁོར་གསུམ། སྟེང་དུ་སྨན་བླ་ལི་མལ་འཁོར་བདུན་ཟངས་གསེར་ལས་བསྐྲུན་པ་མཁྱིད་གང་བ་རེ། འོག་ཏུ་སློབ་དཔོན་པདྨ་དངུལ་སྐུ་ལ་མཚན་བརྒྱད་གསེར་ཟངས་ལས་བསྐྲུན་པས་བསྐོར་བ། གཡོན་ལོགས་གཙོ་བོ་བྱམས་པ་མགོན་པོ་ལ་འཁོར་རྒྱལ་སྲས་རིགས་གསུམ་མགོན་པོ། ཉེ་སྲས་བརྒྱད། མི་འཁྲུགས་པ་རྒྱ་སྐུ་ལ་བཀྲ་ཤིས་ལྷ་མོ་བརྒྱད་ཀྱིས་བསྐོར་བ། མདུན་དུ་སྒྲོལ་མ་ལི་དམར་ཚ་གསེར་ཅན་ལ། འཁོར་རྒྱ་བོད་ཀྱི་ལི་སྐུ་དང་གསེར་སྐུ་འདྲེས་མ་ཉེར་གཅིག །ཕུགས་ལོགས་ཆོས་ཁྲིའི་དབུས་སུ་ཐུགས་ཆེན་བཅུ་གཅིག་ཞལ་རིགས་བཞིས་བསྐོར་བ། ཆོས་ལོངས་སྤྲུལ་གསུམ། དེ་ཐམས་ཅད་ཀྱི་སྟེང་དུ་གཙོ་བོ་རྡོ་རྗེ་འཆང་གཙོ་འཁོར་གསུམ་བོད་ལི། བི་རཱུ་པ། ས་སྐྱའི་གོང་མ་རྣམ་ལྔ། ངོར་ཆེན་རྡོ་རྗེ་འཆང་། སྲོང་བཙན་སྒམ་པོ། ཆོས་བློན་ཐུ་མི་དང་མགར་སྟོང་བཙན་གཉིས། ལོ་ཆེན་བཻ་རོ། སྐ་ཅོག་

[Full Size]

ཞང་གསུམ། མངའ་བདག་ཁྲི་རལ། ཇོ་བོ་ཨ་ཏི་ཤ། ཁ་ཆེ་པ་ཆེན་ཤཱཀྱ་ཤྲཱི། ལོ་ཆེན་རིན་ཆེན་བཟང་པོ། འབྲོམ་སྟོན་པ། རྔོག་ལོ་ཡབ་སྲས། མར་མི་དྭགས་གསུམ། བུ་སྟོན་རིན་པོ་ཆེ། དོལ་པོ་སངས་རྒྱས། རྗེ་རིན་པོ་ཆེ་ཡབ་སྲས་གསུམ། རྫོང་པ་ཀུན་དགའ་རྣམ་རྒྱལ། ཚར་ཆེན། ཐར་རྩེ་མཁན་ཆེན་བྱམས་པ་ནམ་མཁའ་འཆི་མེད། ཀུན་དགའ་བསྟན་འཛིན། འཇམ་དཔལ་བཟང་པོ། བསྟན་པའི་རྒྱལ་མཚན་བཅས་བཞི། སླར་གསར་དུ་བཞེངས་པར་མཛད་པའི་མཁན་སློབ་ཆོས་གསུམ། རྒྱལ་ཆེན་ཨིནྡྲ་བྷཱུ་ཏི། ཆོས་རྒྱལ་ཟླ་བཟང་། གྲུབ་ཆེན་ས་ར་ཧ། ཀླུ་ཐོགས་རྣམ་གཉིས། ཨཱརྻ་དེ་བ། དབྱིག་གཉེན། ཕྱོགས་གླང་། ཆོས་ཀྱི་གྲགས་པ། པ་ཆེན་བི་མ་ལ་མི་ཏྲ། འབྲོག་མི་ལོ་ཙཱ། གྲུབ་ཆེན་ཁྱུང་པོ་རྣལ་འབྱོར། ཕ་དམ་པ་སངས་རྒྱས། གྲུབ་ཐོབ་ཨོ་རྒྱན་པ། འགྲོ་མགོན་ཕག་གྲུ། ཞང་ཚལ་པ། མ་གཅིག་ལབ་སྒྲོན། གྱི་ཇོ། གྲུབ་དབང་ཐང་རྒྱལ། རྒྱལ་བ་སྐལ་བཟང་རྒྱ་མཚོ། ས་སྐྱ་པ་ཀུན་དགའ་རིན་ཆེན། ཀརྨ་པ་ཐེག་མཆོག་རྡོ་རྗེ། ཞྭ་ལུ་བློ་གསལ་བསྟན་སྐྱོང་། དཀོན་མཆོག་བསྟན་པ་རབ་རྒྱས། ལྷ་བཙུན་ཡེ་ཤེས་དོན་གྲུབ། དགེ་བཤེས་བྱམས་པ་ཕུན་ཚོགས། ཞབས་དྲུང་ནམ་མཁའ་རྒྱལ་མཚན། དགེ་མད་གཞན་ཕན་མཐའ་ཡས། གཏེར་ཆེན་མཆོག་གླིང་། ཁོ་བོ་ཡན་རྗི་ཉིད་ཀྱི་བླ་མ་གལ་ཆེན་རྣམས་ཀྱི་གསེར་སྐུ་བྱོན་ལེགས་མཐོ་གང་སོར་གསུམ་རེ་ལྷག་ཙམ་ཐམས་ཅད་ཚད་གཅིག་པ་སོགས། ཡི་དམ་སྐོར་ལ། ཀྱེ་རྡོར་རྒྱ་ནག་མ་ཐུགས་དམ་རྟེན་བྱིན་ཅན་ལ། འཁོར་ལྷ་མོ་བརྒྱད་གསེར་སྐུ། རྡོ་རྗེ་གུར། སམྦྷུ་ཊ། དཔལ་དུས་ཀྱི་འཁོར་ལོ་དེང་དུས་ཙམ་ན་བཟོ་ཁྱད་ཕུལ་ཕྱིན་དཔེར་བྱར་འོས་པ། གསང་འདུས་མི་བསྐྱོད་པ་

[Full Size]

འཇམ་པའི་རྡོ་རྗེ་གཉིས། བདེ་མཆོག་ལཱུ་ཧི་པ། ནག་པོ་པ། རྡོ་རྗེ་འཇིགས་བྱེད་བསྐུམས་ཁྲུ་གང་། གཤིན་རྗེ་གཤེད་དམར་པོ། དགྲ་ནག །འབྱུང་འདུལ། མཁའ་སྤྱོད་སྐོར་གསུམ། དམར་པོ་སྐོར་གསུམ། དམར་ཆུང་སྐོར་གསུམ། གསེར་ཆོས་ཚེ་དཔག་མེད་སྤྲུལ་སྐུ་སེང་གེ་སྒྲ། གདུགས་དཀར། འོད་ཟེར་ཅན་མ། རི་ཁྲོད་མ། འཇམ་དཔལ་ནག་པོ། ཁྱུང་ཁྲ། མི་གཡོ་བ། ཕྱག་རྡོར་གཏུམ་པོ། ཕྱག་རྡོར་འཁོར་ཆེན། སྒྲོལ་མ། རྟ་མགྲིན་གསང་སྒྲུབ། རྡོར་སེམས་ཡབ་རྐྱང་དང་། ཧེ་རུ་ཀ །ཙན་དཀར་ལས་བསྐྲུན་པའི་མགོན་དཀར། གཟིམ་ཆུང་ངུ་མཁན་སློབ་ཆོས་གསུམ། མར་མི་དྭགས་གསུམ། ཇོ་བོ་རྗེ། རྗེ་ཡབ་སྲས་གསུམ། གནས་བརྟན་བཅུ་དྲུག །ཙནྡན་གྱི་བདེ་མཆོག །གསང་འདུས་སོགས་སྐུ་རྟེན་སྤུས་ནམ་ལྡན་པ་ཤིན་ཏུ་མང་པོ། ལྷ་ཁང་གི་ལོགས་རྣམས་སུ་སངས་རྒྱས་སྟོང་སྐུའི་ལྡེབས་རིས་གྲང་གསེར་ལྗིབས་བྱུགས་དང་བྲིས་བཀོད་ཕུན་སུམ་ཚོགས་པ། སྒོར་ཆོས་སྐྱོང་གི་རིགས་སོགས་སྒྲོས་ལེགས་བཞུགས། གསུང་རྟེན་རྒྱལ་བའི་བཀའ་འགྱུར་རིན་པོ་ཆེ་མཚལ་ཤོག་གདོང་དར། གླེགས་ཤིང་ཐག་ཡན་ཤིན་ཏུ་སྤུས་ལྡན་ཆ་གཅིག་གིས་མཚོན་མདོ་སྔགས་གཞུང་གདམས་མན་ངག་གི་རིགས་པུསྟི་གྲངས་མང་བས་གཏམས། གསེར་དངུལ་བཀྲ་མའི་མཆོད་སྡོང་ཆ་བརྒྱད་ཁྲུ་གང་རེ་ཅན་ཕྲ་རྒྱན་བཟོ་ཁྱད་སོགས་སྒྲོས་ལེགས། ཟངས་གསེར་ལས་བསྐྲུན་པའི་མཆོད་རྟེན་མདའ་ཚད་ལྷག་ཤིན་ཏུ་སྤུས་ལྡན་བྱོན་གཙང་། ཤིང་གི་མཆོད་སྡོང་ཆ་བརྒྱད་གསེར་འདུར་གསོལ་བ། གཞན་ཡང་གསར་དུ་བཞེངས་པར་མཛད་པའི་རྣམ་སྣང་མངོན་བྱང་ཁྲི་རྒྱབ་བཅས་སྤུས་ལེགས་མདའ་ཚད་མ། རྡོ་རྗེ་སེམས་དཔའ། སློབ་དཔོན་བཅས་མདའ་ཚད་རེ་གཙོས་ལྷ་ཁང་འདི་ཁོ་ནར་བླ་མ་ཡི་དམ་ཆོས་སྲུང་སོགས་

[Full Size]

ཀྱི་སྐུ་བརྙན་གསར་རྙིང་ཆེ་ཆུང་ལྔ་བརྒྱ་སྐོར་དང་། བཀའ་གདམས་མཆོད་རྟེན་ཆ་བརྒྱད་གཙོས་མཆོད་རྟེན་ཆེ་ཆུང་སུམ་ཅུ་ཙམ་བཞུགས་ཁང་སོགས་བཀོད་ལེགས་ཁྱད་མཚར་དང་བཅས་བཞུགས་སུ་གསོལ་བར་མཛད་ཅིང་། གོང་གསལ་གསར་དུ་བཞེངས་པར་མཛད་པའི་བླ་སྐུ་རེ་ལ། མགར་བ་ལས་ཟངས་སྐུ་བསླུས་པའི་དབང་དུ་དངུལ་སྲང་བདུན་རེ། ལག་བཟོས་ལ་དེ་ལྷག་སྲང་དོ་རེ་ཙམ་གནང་བ་བཅས་མདོར་བསྡོམས་སྐུ་རེ་ལ་དངུལ་སྲང་འདེགས་བརྒྱད་རེ་འགྲོ་ངེས་དང་། གཙོ་བོ་ཐུབ་དབང་སྐུ་ལ་དངུལ་རྡེལ་ཚད་བརྒྱད་ཙམ། བྱམས་པ་ཚེ་དཔག་གཉིས་བསྡོམས་རྡེལ་ཚད་བདུན་ཙམ། དུས་ཀྱི་འཁོར་ལོའི་སྐུ་ཡོན་བདག་གཞན་གྱིས་གུས་པས་ཕུལ་བ་ལ་ལེགས་གསོས་ཀྱི་ཚུལ་དུ་དངུལ་སྲང་བཞི་བཅུ་ཐམ་པ་གནང་ཞིང་བསྡོམས་པས་དངུལ་སྲང་དྲུག་ཅུ་ཙམ། བདེ་གསང་གུར་སཾ་རྣམས་ལ་དངུལ་སྲང་ཉི་ཤུ་རེ། དམར་པོ་སྐོར་གསུམ་ཅན་གསེར་ཆོས་ལྷ་རྣམས་ལ་དངུལ་བཞི་རུ་རེ། རྣམ་སྣང་མངོན་བྱང་སྐུ་དང་། རྡོ་རྗེ་སེམས་དཔའ་བཅས་ལ་དངུལ་སྲང་བདུན་ཅུ་དོན་ལྔ་རེ་ཙམ། མཆོད་རྟེན་ཆེ་བ་ལ་རྡེལ་ཚད་བཞི། ཆ་བརྒྱད་ལ་དངུལ་སྲང་ཉི་ཤུ་རེ་གནང་རྩིས་ཀྱིས་རྡེལ་ཚད་གསུམ་དྲག་ཙམ་གྱི་ཡོན་བསྟབས་པ་ཡིན་འདུག་པ་སོགས་དེ་དག་གིས་ཕྱིས་འདིར་བསྟན་འགྲོའི་གསོས་སུ་དགོངས་ཏེ་གསར་བཞེངས་དབུ་རྩེའི་ལྷ་ཁང་རྟེན་བརྟེན་པར་བཅས་པའི་བཞུགས་ཚུལ་ཕྱོགས་ཙམ་སྨོས་པས་མཚོན། ཐུབ་དབང་གནས་བཅུ་ལྷ་ཁང་ངོ་མཚར་ཀུན་ཏུ་གཟིགས་པའི་ཞིང་ཁམས་ཀ་བ་དགུའི་མལ་གསར་བཞེངས་ལ། རྟེན་གཙོ་གསེར་ཟངས་ལས་གྲུབ་པའི་ཐུབ་དབང་ལོངས་སྤྱོད་རྫོགས་སྐུ་ཆེ་ལེགས་ཁྲི་རྒྱབ་ཡོལ་སོགས་སྤུས་ལྡན་ལ་འཁོར་ཉེ་སྲས་བརྒྱད། གནས་བརྟན་བཅུ་དྲུག །ལྟུང་བཤགས་

[Full Size]

སོ་ལྔ། རྡོ་རྗེ་འཆང་ལི་མ། སྒྲོལ་མ་ཉེར་གཅིག །གུ་རུ་མཚན་བརྒྱད། ཀུན་རིག་རྩ་ལྷ་སོ་བདུན། རྒྱལ་བ་རིགས་ལྔ་སོགས་གསེར་ཟངས་ཤིན་ཏུ་སྤུས་ནམ་ལྡན་པས་མཚོན། གཞན་ཡང་སྐུ་བརྙན་སྣ་ཚོགས་པ་ཕྱོགས་བསྡོམས་སུམ་བརྒྱ་སུམ་ཅུ་ཙམ། གསེར་ཟངས་བྱང་ཆུབ་མཆོད་རྟེན་ཆེ་ལེགས། ཆ་བརྒྱད་ཆ་གསུམ་སོགས་མཆོད་རྟེན་ཆེ་ཆུང་སུམ་ཅུ་སོ་བཞི་ཙམ། བཀའ་འགྱུར་རིན་པོ་ཆེ། བསྟན་བཅོས་འགྱུར་རོ་འཚལ། འཁོར་ལོ་ཐ་མའི་མདོ་སྡེ་ཕྱོགས་བསྡུས་ངེས་དོན་པོད་དྲུག །ཤེར་ཕྱིན་སྟོང་ཕྲག་བརྒྱ་པ། ས་སྐྱ་གོང་མ་རྣམ་ལྔའི་བཀའ་འབུམ། ཞུ་ཆེན་ཚུལ་ཁྲིམས་རིན་ཆེན་གསུང་འབུམ། འཇམ་མགོན་ཨ་མེས་ཞབས་ཀྱི་བཀའ་འབུམ། ཞྭ་ལུའི་དཀྱིལ་ཆོག་རིགས། རིག་གནས་ཆ་ཚང་སོགས་གླེགས་བམ་ཤིན་ཏུ་གྲངས་མང་གིས་གཡོན་ལོགས་དྲྭ་མིག་ཁྱབ་པར་བཀང་། དེའི་ཁང་སྟེང་དུ་དཔེ་མཛོད་ཐུགས་ཆེན་ལྷ་ཁང་གྲུ་འཛིན་བཀོད་པར་གཙོ་བོ་ཐུགས་རྗེ་ཆེན་པོ་སེམས་ཉིད་ངལ་གསོ། ཐུགས་ཆེན་ཕྱག་བཞི་པ། བཅུ་གཅིག་ཞལ་རྣམས་གསེར་ཟངས་ཕྲ་བཀོད་སོགས་སྤུས་ནམ་ལྡན་པ། བདེ་གཤེགས་སོ་ལྔ་ཆུང་། མཆོད་རྟེན་ཆ་བརྒྱད། དཔེ་སྒམ་བཞིའི་ཁྲོད་དུ། ས་སྐྱ། རྙིང་མ། བཀའ་བརྒྱུད། དགེ་ཕྱོགས་ཀྱི་ཡིག་ཆ་མ་ཚང་བ་མེད་པ། སྨན་རྩིས་འགྲེལ་པ་སོགས་རིག་གནས་སྐོར་ཏེ་བྲིས་མ་ཤས་ཆེའི་གླེགས་བམ་ཤིན་ཏུ་གྲངས་མང་གིས་ཕྱུར་བུར་བཀང་བ་དང་། སྟེང་དུ་ཟངས་གསེར་གྱི་གཉྫི་ར་ཆེ་ལེགས་བཅས། འདུ་ཁང་སྟེང་ལམ་འབྲས་ལྷ་ཁང་དུ། ཐུབ་དབང་གནས་བཅུ། བིར་ཝ་པ། གོང་མ་རྣམ་ལྔ། གུ་རུ་མཚན་བརྒྱད། བླ་སྐུ་རིགས་རེ་ཟུང་། མཆོད་རྟེན་སྦུས་ལེགས། ས་སྐྱ་བཀའ་འབུམ་སོགས། བླ་མ་ལྷ་ཁང་དུ་གསར་བཞེངས་འདྲ་ཞལ། གྲུབ་

[Full Size]

མཐའ་རིས་མེད་བླ་སྐུ་སོགས་སྐུ་བཅོ་ལྔ་སྐོར། རྙིང་མ་རྒྱུད་འབུམ། རྫོགས་ཆེན་སྙིང་ཏིག་ཡ་བཞི། ཀློང་ཆེན་མཛོད་བདུན་སོགས་གླེགས་བམ་དུ་མ། ཛཾ་ནང་སྒྲུབ་ཕུག་ལྷ་ཁང་སྟེང་འོག་ཏུ་གུ་རུ་བདེ་བ་ཆེན་པོ། མཚོ་རྒྱལ་སྐུ་བཅས་ཟངས་གསེར་ལས་བསྐྲུན་པ། གཞན་དེ་ག་ཕན་ཚུན་ཏུ་སྒྲོལ་མ་ཉེར་གཅིག་སོགས་གསེར་སྐུའང་མང་ཙམ། མཛོད་བདུན་སོགས་གླེགས་བམ་མང་རབ། འོག་ཏུ་གཟིམ་ཁང་ཡིན་རྒྱུའི་ནང་སྐུ་ཞལ་ཐང་། མཆོད་ཆ། ཐབ་ཆས་སྐོར་ཆ་ཚང་རྟེན་འཇོག་དང་། ཟླ་གམ་དབང་ཕུག་སྒྲུབ་ཁང་དུ་རྩ་གསུམ་བྱིན་རླབས་རང་བབ་ལྡེར་སོ་བྱོན་ལེགས་ཀྱིས་གཙོས་རྟེན་གསུམ་དགོས་ཆ་ཚང་མ། རོང་མེ་དཀར་མོ་སྟག་ཚང་སྒྲུབ་ཁང་དང་རྟེན་གསུམ་བཅས། ཁང་དམར་མདོར་ལྷ་ཁང་བང་བ་གསར་འཛུགས་དང་ཟངས་གསེར་ལས་གྲུབ་པའི་ཐུབ་སྐུ་མདའ་ཚད་མ་གཙོས་པའི་རྟེན་གསུམ་མཆོད་ཆ་ཅི་རིགས་སྦྱོར་འཇགས་དང་། ཁམ་བྱེ་ཐང་དུ་རིགས་གསུམ་ལྷ་ཁང་ཀ་བ་དགུ་ཅན་གསར་བསྐྲུན་མཛད་པའི་ནང་། །ཐུབ་དབང་། ཉེ་སྲས་བརྒྱད། གནས་བརྟན་བཅུ་དྲུག །རིགས་གསུམ་མགོན་པོ་ཆེ་ལེགས་རེ། ཆོས་སྐུ་ཡུམ་ཆེན་སྐུ་རྒྱ་ནག་མ་ཁྲུ་ཚད་ལ་ཕྱོགས་བཅུའི་སངས་རྒྱས་ཀྱིས་བསྐོར་བས་མཚོན་སྐུ་ཐོར་བུ་མང་པོ། །བཀའ་གདམས་མཆོད་རྟེན་བཟོ་དབྱིབས་ཁྲུ་ཚད་ལ་སྐུ་གདུང་ཆ་བརྒྱད་ཟངས་གསེར་ལས་བསྐྲུན་པས་བསྐོར་བ། ཤེར་ཕྱིན་སྟོང་ཕྲག་བརྒྱ་པའི་གླེགས་བམ་བཅུ་གཉིས་སོགས་ཆོས་སྣ་མང་ཙམ་གྱི་གླེགས་བམ། ལྡེབས་རིས་ལ་སྡོམ་གསུམ་བརྒྱུད་པ། རིས་མེད་བླ་མ་སོགས་ཚོན་རིས་སྤུས་དག་དང་གཉྫི་ར་བཅས། རྗེ་ཉིད་ཀྱི་གཟིམ་སྤྱིལ་བཀྲ་ཤིས་འཆི་མེད་གྲུབ་པའི་དགའ་ཚལ་གྱི་ལྷ་ཁང་ཕྱི་ནང་དུ་བླ་མ་ཡི་དམ་ཆོས་སྲུང་གི་སྐུ་བརྙན་ལི་མ། གསེར་ཟངས་གསར་རྙིང་

[Full Size]

བརྒྱ་དང་བཅུ་སྐོར། གསུང་རྟེན་གླེགས་བམ་ཤིན་ཏུ་མང་པོས་ཕྱི་ནང་ཐམས་ཅད་ཁྱབ་པར་བཀྲམ་པའི་བྱིན་རླབས་ཀྱི་གཟི་བརྗིད་དཔལ་དུ་འབར་བར་བཞུགས་པ་བཅས་འདི་རིགས་རྗེ་བླ་མ་རང་ཉིད་ཀྱིས་མགོ་ལུང་རྒྱུ་འདོན་བཅས་ཀྱིས་གསར་བཞེངས་གནང་བའི་ལྷ་ཁང་རྟེན་གསུམ་འབའ་ཞིག་དང་། གཞན་ཡང་ངོས་ཀྱི་རི་ཁྲོད་སྒྲོལ་མ་ལྷ་ཁང་དུ་འཆི་མེད་འཕགས་མའི་སྐུ་བརྙན་གསེར་ཟངས་ཕྲ་བཀོད་སོགས་ནམ་ལྡན་གཙོ་འཁོར་བཅུ་བཞི་གནང་ཞིང་། རྫོང་སར་འདུ་ཁང་དུ་སྐུ་བརྙན་ཐོར་བུ་བཞི་བཅུ་སྐོར་རྟེན་བཞག་དང་། ཨ་ལོ་དཔལ་འབྱོར་དགོན་དུ་མཁན་བླ་མ་བཀྲ་ཤིས་འོད་ཟེར་གྱི་ལྷ་ཁང་དུའང་སྟོན་པ་ལོངས་སྐུ་གསེར་ཟངས་ལས་བསྐྲུན་པ། བདེ་གཤེགས་སོ་ལྔ། ཉེ་སྲས་བརྒྱད་ཀྱི་ལྡེམ་སྐུ་གསེར་ཟངས་མཐོ་གང་བ་རེ་བཅས་སྩལ། དགོན་ཆེན་ཀུན་ཡོན་ལྷ་ཁང་དུ་བླ་བརྒྱུད། ཀྱེ་རྡོར་ལྷ་དགུ་སོགས་གསེར་སྐུ་ལྔ་བཅུ་ཙམ་སྩལ་གནང་དང་། རྫོང་སར་མངའ་སྒང་། གནས་ར་བཅས་ཀྱི་ལྷ་ཁང་གསར་བསྐྲུན་སོགས་ཀྱིས་མཚོན་པའི་གཞན་དང་གཞན་ཀུན་ལ་དེ་འདྲའི་རྣམ་དཀར་རྟེན་བཞེངས་ཀྱི་བདག་རྐྱེན་ཅི་རིགས་པ་གནང་བ་མ་ཟད། གྲྭ་རྐྱང་ས་སྐུ་དྲྭ་མིག་ཙམ་བཞེངས་པའི་རྩོལ་བ་བྱེད་མཁན་རྣམས་ལ་ཚོན་རྩི་ཡན་གནང་བའི་མཐུན་འགྱུར་རྣམ་པ་ཀུན་ཏུ་མ་མཛད་པ་མེད་པ་ལྟ་བུའི་འདི་རིགས་ཀྱང་རྗེ་བླ་མའི་ཐུགས་རྗེ་བརྒྱུད་ནས་བྱུང་བ་གོར་མ་ཆག་པས་མཚོན། མདོར་ན་སྔ་ཕྱིར་གོང་གསལ་ལྷ་ཁང་ཁག་རྣམས་སུ་བཀོད་མཛེས་སུ་གཏན་བཞག་མཛད་པ་དང་། བླ་དགོན་གཞན་ལའང་ཅི་རིགས་པར་བསྩལ་བ་བཅས་གསེར་ཟངས་འབའ་ཞིག་ལས་གྲུབ་པ་སྟོང་ཕྲག་གཉིས་ཙམ་བཞེངས་པར་མཛད་པ་དང་། གསུང་རྟེན་སྐོར་རྗེ་ཉིད་ནས་ཇོ་ནང་རིན་འབྱུང་གི་རྒྱབ་ཆོས་ཚུལ་དུ་ལྷ་སོ་སོའི་སྒྲུབ་ཐབས་ལས་ཚོགས་བཅས་

[Full Size]

དཀྱུས་གཅིག་ཏུ་བཀའ་བསྡུ་སྤེལ་བའི་གསང་སྔགས་གསར་མའི་སྒྲུབ་ཐབས་རབ་འབྱམས་གཅིག་ཏུ་བཏུས་པའི་གླེགས་བམ་ཆེན་པོ་བཅུ་གཅིག་གི་ཡོན་སྨར་ཟོང་སྦྱར་ཏེ་སྤར་དུ་བསྐྲུན་པར་མཛད་པས་མཚོན། གསར་རྙིང་གི་འདོན་ཆ་ཉེར་མཁོ་མང་ཙམ། ཇོ་བོའི་ཆོས་ཆུང་བརྒྱ་རྩ། ཇོ་ནང་རྗེ་བཙུན་སྒྲོལ་མགོན་ཞབས་ཀྱིས་བསྡེབས་པའི་བདག་ཅག་གི་སྟོན་པའི་མཛད་བརྒྱ། རྒྱ་གར་ཆོས་བྱུང་། བྱམས་ཆོས་ལྔ་སོགས་བཀའ་པོད་ཕལ་ཆེའི་རྩ་བ། མངོན་པ་གོང་འོག་དང་། ཀུན་མཁྱེན་རོང་པོའི་འབྱེད་གཉིས་ཀྱི་འགྲེལ་པ་སོགས་གཞུང་དང་གཞུང་འགྲེལ་དུ་མ་ཕྱག་བསྟར་གྱིས་སྤར་དུ་བཀོད་པ་དང་། དཔྱོད་ལྡན་འབྱོར་པ་ཅན་གཞན་ལའང་ཞལ་བསྒོས་ཀྱིས་བསྐུལ་ཞིང་དངོས་པོའི་ཞལ་འདེབས་སྦྱར་བའི་སྒོ་ནས་བསྒྲུབས་པའང་། དགོན་ཆེན་དུ་རོང་སྟོན་ཆེན་པོའི་ཤེར་ཕྱིན་མངོན་རྟོགས་རྒྱན་གྱི་འགྲེལ་བཤད་དང་རྒྱུད་བླ་མའི་འགྲེལ་པ་བཅས། རྨ་བྱ་བྱང་བརྩོན་གྱི་དབུ་མ་རྩ་བའི་འགྲེལ་པ། རེ་མདའ་བའི་དབུ་མ་འཇུག་པའི་འགྲེལ་པ། མཚོ་སྣ་བའི་འདུལ་བ་མདོ་རྩའི་འགྲེལ་ཆེན་གླེགས་བམ་གཉིས། སྐྱེད་ཚལ་བའི་འདུལ་ཊཱིཀ །མཆིམས་འཇམ་པའི་དབྱངས་ཀྱི་མངོན་མཛོད་འགྲེལ་ཆེན་གླེགས་བམ་གཉིས། ས་བཟང་པ་ཆེན་སྤྱོད་འཇུག་འགྲེལ་ཆེན། རྒྱལ་སྲས་ཐོགས་མེད་སྤྱོད་འགྲེལ་དང་། མདོ་སྡེ་རྒྱན་འགྲེལ། ཀློང་ཆེན་པའི་ཡིད་བཞིན་མཛོད་རྩ་འགྲེལ། མི་ཕམ་རྒྱ་མཚོའི་དབུ་མ་རྒྱན་གྱི་འགྲེལ་ཆེན། འུ་ཡུག་པའི་ཚད་མ་རིག་པའི་མཛོད་སོགས་མདོ་སྔགས་གཞུང་འགྲེལ་རིག་པའི་གནས་སོགས་ཀྱི་གླེགས་བམ་བཞི་བཅུར་ཉེ་བའི་སྤར་དང་། བཀའ་གཏེར་གསར་རྙིང་གྲུབ་མཐའ་རིས་མེད་པའི་གཞུང་གདམས་མན་ངག །ཐ་ན་སོ་སོའི་ལམ་མཐུན་མན་ངག་ཚད་ལྡན་ཤོག་ལྡེབ་གཅིག་

[Full Size]

འདུག་ཀྱང་གསར་བྲིས་ཀྱིས་བཞེངས་པར་མཛད་པའི་པུསྟི་ཉིས་བརྒྱ་ཡར་བརྒལ་དང་། བོད་དབུས་གཙང་དུ་བཞུགས་པའི་སྤར་མ་གལ་གང་ཆེ་ཐམས་ཅད། མདོ་ཁམས་འདིར་སྤར་ལྡེབ་གཅིག་ཙམ་གོང་མཆིས་ཚར་རེ་མ་བཏབ་པ་མེད་པ་སོགས་བྲིས་མ་དང་སྤར་མ་བསྡོམས་པས་པུསྟི་ཀ་སྟོང་ཕྲག་གཉིས་ཙམ་གསར་དུ་བཞེངས་པར་མཛད་པ་དེ་དག་ལའང་གླེགས་ཤིང་། གླེགས་ཐག །གདོང་དང་། ཆབ་མགོ། སྒྲིལ་ཚས་ཡན་ཤིན་ཏུ་རྒྱུ་སྤུས་དག་པའི་བཀུར་སྟི་སྲི་ཞུ་བཅས་མིག་གི་བདུད་རྩིར་མཛད་པ་དང་། ཐུགས་རྟེན་ལྷུན་གྲུབ་སྟེང་མཆོད་སྡོང་མཐོང་གྲོལ་ཆེན་མོ་ཐོག་ཚད་ཤིན་ཏུ་མཐོ་བ་གསེར་དངུལ་ཕྲ་རྒྱན་གྱི་བཀོད་པ་སོགས་སྤུས་ན་མ་ལྡན་པ་དངུལ་རྡེལ་ཚད་བརྒྱ་དང་བརྒྱད་ཙམ་གྱི་བབས་ཀྱིས་བསྐྲུན་པར་མཛད་པས་གཙོས་གསེར་ཟངས་འབའ་ཞིག་ལས་གྲུབ་པའི་མཆོད་སྡོང་ཆེ་ཆུང་བརྒྱ་ཕྲག་ལྷག་པ་བསྒྲུབས་པར་མཛད་པ་སྟེ། གོང་སྨོས་རྟེན་གསུམ། ལྷ་ཁང་བཅས་རབ་ཏུ་མང་བ་བཞེངས་པར་མཛད་པའི་རིགས་གཙོ་ཆེ་བ་རགས་པ་བསྡུས་པའི་ལུགས་ཀྱིས་ས་བོན་ཙམ་སྨོས་པར་ཟད་ཀྱི། སྐུ་བརྙན་དང་གླེགས་བམ་གྱི་ཚོགས་འདུ་མཛད་པས་དེ་དག་གཞན་ལ་གནང་སྩོལ་མཛད་པ་ཡན་རྣམ་གྲངས་སོགས་རེ་རེ་ནས་ཞིབ་པར་སྨོས་ཀྱིས་མི་ལོངས་ཤིང་ཧ་ཅང་ཡི་གེའི་ཚོགས་སུ་ཆེ་བ་དང་། འདིར་དེ་ཙམ་ལས་བཀོད་དགོས་པའི་གལ་ཆེན་པོ་རང་ཡང་མི་འདུག་པས་དེ་ཙམ་མོ། །བླ་མ་དང་དགེ་འདུན་ལ་ཡུལ་ཁྱད་པར་བར་དགོངས་ཏེ་བསྙེན་བཀུར་མཛད་པའང་། རྗེ་རང་ཉིད་ཀྱིས་ཟབ་རྒྱས་ཆོས་ཀྱི་བདུད་རྩི་བཞེས་པའི་བླ་མ་རྡོ་རྗེ་འཛིན་པ། དགེ་བའི་བཤེས་གཉེན་སྔ་ཕྱི་ཀུན་གྱི་ཞལ་སྔར་བཀའ་ཆོས་གསན་པའི་སྤ་ལོགས་སམ་ཐོག་མར་ཞུ་རྟེན་མེ་ཏོག་གམ་མཎྜལ། མཇུག་གྲུབ་པའི་སྐུ་དྲིན་

[Full Size]

གཏོང་རག་གི་མཆོད་སྤྲིན་དངོས་པོ་སྤུས་ནམ་གང་ལྡན་རྩལ་སྤྲུགས་ཀྱིས་གཡོ་ཟོལ་སེར་སྣའི་དྲི་མས་ཅུང་ཟད་ཀྱང་མ་གོས་པར་གུས་ཤིང་དྭང་བ་ཆེན་པོས་ལན་མང་དུ་སྤྲོས་ཏེ་ཕུལ་བ་དང་། ཕྱིས་འདིར་ཡང་དཔལ་ཡུལ་སྤྲུལ་པའི་སྐུ་ཀརྨ་ཀུན་བཟང་བསྟན་འཛིན། ཛར་ཀ་མཆོག་གི་སྤྲུལ་སྐུ་ཀུན་བཟང་རྣམ་རྒྱལ་དག་གི་ཞལ་སྔ་ནས་ཟབ་ཆོས་ཀྱི་དབང་ལུང་དུ་མ་གསན་བཞེས་གནང་བའི་སྐབས་རྣམས་སུ་ཡོན་དང་མཎྜལ་གྱི་དངོས་པོ་བཟང་ལ་གྱ་ནོམ་པས་དགྱེས་པ་བསྐྱེད་པ་དང་། བདག་ཅག་ལའང་བོང་བ་གསེར་དུ་གཟིགས་པའི་དག་སྣང་གིས་རྗེ་ཉིད་ཀྱི་བླ་མའི་གྲལ་དུ་འཇོག་ཅིང་སྔ་ཕྱི་དུས་རྣམ་ཀུན་ཏུ་མཎྜལ། ཞབས་བརྟན་སོགས་ཀྱི་ཆེད་དུ་སྐུ་གསུང་ཐུགས་རྟེན་རྩ་བ་གང་ཆེས་ཐོག་དྲངས། དངོས་རྫས་ཉེར་སྤྱད་མཁོ་རྒུ་སྤུས་ཀ་གཙང་དག་གི་རིགས་གྱུར་ཡང་ནས་ཡང་དུ་སྩལ་བ་སོགས་ཀྱིས་མཚོན། རིས་མེད་ཀྱི་བླ་མ་ཆོས་ཀྱི་འབྲེལ་ལྡན་རྣམས་ལ་བཀུར་བསྟི་མཆོད་འབུལ་རྒྱ་ཆེ་ལ་རྒྱུན་ཆགས་པར་མཛད་པའང་། བླ་མ་ལྔ་བཅུ་པ་ལས། མི་བཟད་དེ་ཉིད་འདོད་པ་ཡིས། །ཅུང་ཟད་ཡིད་འོང་གང་དང་གང་། །ཤིན་ཏུ་ཁྱད་པར་གྱུར་པ་ཉིད། །དེ་དང་དེ་ནི་བླ་མར་དབུལ། །ཞེས་སོགས་མདོ་རྒྱུད་བསྟན་བཅོས་ཀུན་ནས་བླ་མ་དགེ་བའི་བཤེས་གཉེན་ལ་བཀུར་ཞིང་མཆོད་པའི་ཚུལ་རྒྱ་ཆེར་འབྱུང་བའི་དོན་ཐུགས་དབུས་སུ་བཅངས་ཏེ་ཕྱག་ལེན་དུ་ཁེལ་བར་མཛད་པ་དང་། རིས་མེད་པའི་དགེ་འདུན་གྱི་སྡེ་ཆེ་ཕྲ་གང་ན་སུ་མཆིས་པ་ཐམས་ཅད་ལ་ཕྱེས་དེར་དུས་འཁྲུགས་སྟོབས་སུ་བདོ་བའི་རྐྱེན་གྱིས་ཕལ་མོ་ཆེ་ཉམས་གུད་ཆེར་གྱུར་པ་རྣམས་ལ་ཞིག་གསོས་ཞལ་འདེབས་ཀྱི་ཚུལ་དུ་གནང་སྦྱིན་དངོས་ཇ་སྟོང་ཕྲག་གསུམ་ལྷག་པ་སྩལ་ཅིང་། རྒྱུ་བོད་ཀྱི་དཔོན་ཆེན། ཆོས་རྒྱལ་སྡེ་དགེ་དཔོན་བློན་རྣམས་ལ་མཐུན་

[Full Size]

སྦྱོར་མཛད་གལ་གནད་བཀྲོལ་གནང་བའི་སྒོ་ནས་སྔར་གནས་སོར་ཆུད་ཀྱི་ཉམས་པ་གསོས་པའི་བདག་པོའི་རྐྱེན་དང་། །མཆོད་ཐེབས་ཀྱི་ཞལ་འདེབས། ལུགས་གནས་ཚུལ་མཐུན་གྱི་ཞལ་བསྒོས་ཚུལ་བཞིན་སྩལ་བའི་སྒོ་ནས་དར་རྒྱས་འཕེལ་བའི་བཀའ་དྲིན་རླབས་པོ་ཆེ་གནང་བ་ནི། ཇི་སྐད་དུ། སྐྱེས་རབས་ལས། ཟླ་བའི་ཀུན་དགའ་ཉི་མའི་རབ་གསལ་དང་། །མེ་ཡི་ཚ་བ་རླུང་གི་མགྱོགས་པ་དང་། །སྙིང་རྗེའི་དགའ་བ་སྐྱེ་བོ་ཆེ་རྣམས་ཀྱིས། །གཞན་ལ་ཕན་པ་ལྷན་སྐྱེས་རང་བཞིན་ཡིན། །ཞེས་གསུངས་པ་ལྟར་བསྟན་འགྲོར་གཅིག་ཏུ་ཕན་པ་ལྷུར་བཞེས་པའི་རྣམ་ཐར་གཙང་མ་ནི་རྗེ་འདི་ལ་མངའ་བ་མངོན་སུམ་པའི་ཚད་མར་གྲུབ་ཅིང་། གཞན་ཡང་ཕན་ཚུན་གྱི་ཆོས་སྡེ་ཆེ་ཆུང་རྣམས་ལ་ལོ་རེ་བཞིན་དུ་གཟུངས་སྔགས་དང་བསྔོ་བའི་རྟེན་ཡོན་སྦྱར་གནང་བ་སྔ་རྗེས་དངོས་ཇ་བཞི་སྟོང་ལྷག་པའི་རྩ་བ་ཉམས་མེད་དུ་ཕུལ་བས་མཚོན། ཐ་ན་དབེན་པའི་རིར་དགེ་སྦྱོར་ལ་གནས་པའི་བྱ་བྲལ་ཡན་ལ་ཆོས་དང་འཚོ་ཆས་ཀྱི་མཐུན་རྐྱེན་ཡང་དག་པས་སྐྱོང་བ་སོགས་བླ་མ་དགེ་འདུན་ལ་བསྙེན་བཀུར་ཆོས་དང་མཐུན་པའི་ཕྱག་ལེན་འདི་ལྟ་བུ་སྐུ་ཉམས་སུ་བསྟར་བ་ཕྱིས་ཀྱི་དུས་འདིར་གངས་ཅན་ཙམ་ན་རྗེ་འདི་ཙམ་ལས་མང་དུ་མཆིས་པ་མི་དྲན་ཏོ། །དུས་དང་རྒྱུན་གྱི་མཆོད་པའི་སྤྲིན་དུ་གྱུར་པ་ཁོར་ཡུག་ཏུ་ཆད་པ་མེད་པར་མཛད་པའི་ཚུལ་ཡང་། གོང་དུ་ཇི་ལྟར་སྨོས་ཟིན་པའི་ལྷ་ཁང་བཅུ་གསུམ་རྩ་ལག་རྣམས་སུ་མཆོད་པའི་ཡོ་བྱད་ཕུན་སུམ་ཚོགས་པ་སྤྱི་དང་། །བྱེ་བྲག་སྤོས་མར་མེ་སོགས་ཀྱི་རྒྱུན་ཐེབས་སྦྱོར་འཇགས། ཁྱད་པར་བདེ་མཆོག་ནག་པོ་ལུགས་ཀྱི་སྒྲུབ་མཆོད། གསང་འདུས་འཇམ་པའི་རྡོ་རྗེའི་སྒྲུབ་མཆོད། སྦྱོང་རྒྱུད་ཀུན་ཏུ་རིག་པའི་དཀྱིལ་འཁོར་གྱི་སྒྲུབ་མཆོད། རིགས་གསུམ་སྒྲུབ་

[Full Size]

མཆོད་སོགས་གསར་རྙིང་གི་རྒྱུད་སྡེ་མང་པོའི་སྒྲུབ་མཆོད་ཀྱི་རྒྱུན་ཇི་སྲིད་བར་འཛུགས་པར་མཛད་པའི་ཆས་འཁོར་ཡོ་བྱད་མཆོད་རྫས་གཟབས་སྤྲོས་སོགས་མཆོད་པའི་སྤྲིན་ཕུང་རྒྱུན་མི་འཆད་པ་དང་། གཟིམས་སྤྱིལ་གྱི་ལྷ་ཁང་ཕྱི་ནང་བར་ཁྱམས་ཀུན་ཏུ་མར་མེའི་ཕྲེང་བ་ཉིན་མཚན་རྒྱུན་ཆད་མེད་པ། དྲི་བཟང་གི་བདུག་སྤོས་རྒྱུན་བཏུལ། གཞན་ཡང་མེ་ཏོག་གི་རིགས་གྱུར། ཆབ་གཙང་མའི་མཆོད་ཡོན་བརྒྱ་ཚར་མང་པོ། ཞལ་ཟས་ཀྱི་ཕྲེང་བ་སོགས་དུས་ཀུན་ཏུ་ཆད་བུལ་མེད་པའི་མཆོད་འབུལ་དངོས་དག་གཙང་སྦྲས་ཐོན་པ་དང་། ཉིན་བསྟར་ཆགས་སུ་ཚོགས་མཆོད་ཀྱི་རྫས་བཟའ་བཏུང་བདའ་དགུའི་ཡོ་བྱད་དང་ལྡན་པ་རེ་ཆག་མེད། རྒྱལ་ཁམས་བསྟན་འགྲོ་སྤྱིའི་དོན་དུ་གླུད་བསྔོ་རེ་ལ་གླུད་རྫས་དངུལ་གྱི་དོང་ཙེ་གསུམ་བཞི་རེའི་རྩ་བ་ཡོད་པ་ཉིན་བཞིན་བཏང་བ་སོགས་གཉུག་མར་སྐྱོང་བའི་མཆོད་སྦྱིན་གྱི་རིགས་རྒྱ་ཆེན་དང་། དམིགས་བསལ་དུས་ཀྱི་མཆོད་པའང་ཡར་མར་ཚེས་བཅུའི་མཆོད་པ་རྒྱས་པ་རེ་ལ་མར་མེའི་ཕྲེང་བ་ཁོ་ནའང་བརྒྱ་ཕྲག་ཁ་ཡར་གྱིས་མཚོན་ཚོགས་ཀྱི་ཡོ་བྱད་སོགས་མཆོད་རྫས་དངོས་དག་ཅི་རྒྱས། རྒྱལ་བའི་དུས་ཆེན་བཞི་དང་། ཉ་སྟོང་བརྒྱད་སོགས་ལ་གསུང་ཆོག་སྐབས་བབས་དང་འབྲེལ་བའི་སྤོས་དང་མར་མེ་བརྒྱ་རྩའི་ཕྲེང་བ་དུ་མ་ཚར་དུ་དངར་བའི་མཆོད་པའི་སྤྲིན་གྱི་བཀོད་པ་ཀུན་ཏུ་བཟང་པོའི་སྨོན་ལམ་ལས་བྱུང་བ་ལྟ་བུའང་ལོ་ཟླ་བསྟར་ཆགས་སུ་ཆག་འཕྲི་མེད་པར་འདུ་མཛད་ཅིང་བསོད་ནམས་ཀྱི་ཚོགས་གསོག་པའི་ཐབས་ཀྱི་སྒོ་ལ་གཅིག་ཏུ་བརྩོན་པར་མཛད་པ་འདི་ཙམ་ཡང་རྒྱུ་འབྲས་རྟེན་ཅིང་འབྲེལ་འབྱུང་ཟབ་མོའི་གནས་ལ་ཐུགས་ཀྱི་ངེས་པ་གཞན་དྲིང་མི་འཇོག་པར་འདྲོངས་པའི་རྣམ་ཐར་དུ་ངེས་པས་ཤེས་ལྡན་རྣམས་

[Full Size]

ཅིས་ཀྱང་ངོ་མཚར་བའི་གནས་སོ། །ཇི་སྐད་དུ། སྦྱིན་པའི་གཡབ་མོས་ལེགས་བོས་ཏེ། །སྙན་པར་སྨྲ་བས་ཡིད་རབ་དྲངས། །དོན་སྤྱོད་པ་ཡིས་བག་ཕབས་ཏེ། །དོན་མཐུན་གྲོས་ཆེན་གདབ་པར་བྱ། །ཞེས་གསུངས་པ་ལྟར་བསྡུ་བའི་དངོས་པོ་བཞིས་གདུལ་བྱ་འདུན་པར་བྱེད་པའི་ཐབས་ལ་བསྐལ་པར་གོམས་པ་བརྟན་པའི་མཐུས། བྱང་ཆུབ་སེམས་དཔའ་རྣམས་ཀྱི་འཇུག་ངོགས་དམ་པ་འདི་ལྟ་བུའི་ཕྲིན་ལས་རྨད་དུ་བྱུང་བ་བདག་གིར་མཛད་པས། མཆོག་དམན་ཀུན་ལ་ཟང་ཟིང་དངོས་པོའི་གནང་སྦྱིན་གྱ་ནོམ་པ་ཕངས་པ་མེད་པར་སྟེར་བས་དགའ་བ་དང་མགུ་བསྐྱེད་ཅིང་། དམན་པའི་འགྲོ་བ་བྱ་ཁྱི་ཡན་དབུལ་ཞིང་ཕོངས་པའི་རིགས་ལ་གང་འཚམས་ཀྱི་ཟས་གོས་སོགས་ལྷུག་པར་སྩལ་བས་ལུས་སེམས་ལ་ཕན་པ་ཉེ་བར་བསྒྲུབ་པ་དང་། ཐ་ན་གསུང་ཚིག་སྙན་ཅིང་ཡིད་དུ་འོང་བའི་འཕྲོས་གཏམ་གནང་བ་ཡན་གྱིས་གཞན་སེམས་ལ་སྤྲོ་བ་སྐྱེད་པ་སོགས་མདོར་ན་གཏོང་བ་ནམ་མཁའ་མཛོད་ཆེན་པོའི་སྒོ་གཏན་པ་མེད་པར་དབྱེ་བས་བསོད་ནམས་ཀྱི་ཚོགས་རླབས་པོ་ཆེ་བསགས་པའི་ནོར་བུའི་གྲམ་བུ་ཐང་མར་བརྡལ་བས་སྲིད་ཞིའི་དབུལ་བ་ཐམས་ཅད་གཅིག་ཅར་དུ་བཅོམ་པར་མཛད་པ་ཡིན་ནོ། །རྩ་བའི་ས་བཅད་བརྒྱད་པ་མཛད་པ་ཕྲིན་ལས་མཐར་ཕྱིན་ནས་སྤྲུལ་པའི་དཀྱིལ་འཁོར་ཆོས་ཀྱི་དབྱིངས་སུ་བསྡུས་པའི་ཚུལ་ནི། རྗེ་བླ་མ་ཐམས་ཅད་མཁྱེན་གཟིགས་ཆེན་པོ་དེ་ཉིད་ཐོག་མར་ཡོངས་འཛིན་དམ་པ་མང་པོ་བསྙེན་ནས་ཤེས་པའི་གནས་སྤྱི་དང་ཁྱད་པར་མདོ་སྔགས་ཀྱི་ཆོས་ཚུལ་རིས་སུ་མ་ཆད་པ་མཐའ་དག་ལ་གསན་བསམ་མཐར་ཕྱིན་པར་མཛད་པས་ཆོས་ཀྱི་རྒྱ་མཚོ་ཆེན་པོར་གྱུར། བར་དུ་གསན་པ་ཙམ་དུ་མ་བཞག་པར་ཐོས་དོན་རྒྱུད་ལ་སྦྱོར་བའི་སྒོམ་སྒྲུབ་སྔགས་གསར་རྙིང་ཡོངས་

[Full Size]

རྫོགས་སུ་མཛད་པས་སྔོན་སྦྱངས་ཀྱི་འཕྲོ་སད་ནས་ས་དང་ལམ་གྱི་ཡོན་ཏན་ཡོངས་སུ་རྫོགས། མཐར་སྨོན་ལམ་དང་སྙིང་རྗེའི་རྩལ་ཤུགས་ཀྱིས་རིས་སུ་མ་ཆད་པའི་བསྟན་པ་དང་མཆོག་དམན་བར་མའི་འགྲོ་བ་མཐའ་དག་ལ་ཕན་པ་དང་བདེ་བའི་ཕྲིན་ལས་ཀྱི་བདུད་རྩིའི་ཀླུང་ཆེན་པོ་ཕབ། ཁྱད་པར་དུ་ས་སྐྱ་པ་ཆེན་གྱི་ཞལ་ནས། ལུང་རིག་རྗེས་སུ་གདམས་པའོ། །ཞེས་གསུངས་པ་ལྟར། མདོ་རྒྱུད་བསྟན་བཅོས་ཚད་མར་གྱུར་པའི་ལུང་དང་། སྒྲ་ཚད་དངོས་སྟོབས་དང་མཐུན་པའི་རིག་པ་དང་། ཆོས་ཉིད་ཟབ་མོ་དང་མི་འགལ་བའི་རྗེས་སུ་གདམས་པས་སྐལ་པ་དང་ལྡན་པའི་གང་ཟག་དབང་པོ་མཆོག་དམན་མཐའ་ཡས་པ་ཐར་པ་དང་ཐམས་ཅད་མཁྱེན་པའི་ལམ་ལ་བཀྲི་བ་སོགས་དེང་སང་སྙིགས་དུས་ན་བསྟན་འཛིན་གྱི་སྐྱེས་བུ་སུས་ཀྱང་འགྲན་གྱི་ཟླ་དང་བྲལ་བའི་མཛད་པའི་ཕྲིན་ལས་ཐམས་ཅད་མཐར་ཕྱིན་ནས། མདོ་སྡེ་རྒྱན་ལས། ཇི་ལྟར་ཆུ་ཡི་སྣོད་ཆག་ན། །ཟླ་བའི་གཟུགས་བརྙན་མི་སྣང་བ། །དེ་བཞིན་སེམས་ཅན་ངན་པ་ལ། །སངས་རྒྱས་གཟུགས་ཀྱང་མི་སྣང་ངོ། །ཞེས་གསུངས་པ་ལྟར་གདུལ་བར་བྱ་བའི་སྙིགས་མའི་སྐྱེ་བོ་རྣམས་བསོད་ནམས་དང་སྐལ་པ་དམན་པས་ཐུགས་རྗེ་འཇུག་པའི་ཡུལ་དུ་མ་གྱུར་ཅིང་། །ཞིང་གཞན་དུ་ཕྲིན་ལས་འཇུག་པ་ལ་དོན་ཆེ་བར་དགོངས་ཏེ་དུས་རྒྱུན་དུའང་དྲེད་པོ་རྣམས་ཆོས་ལ་བསྐུལ་བའི་ཆེད་དུ། བན་རྒན་ནམ་འཆི་མི་ཤེས། ཅི་ལའང་འབྲས་བུ་མེད། ཅིས་ཀྱང་དགོས་པ་མེད་ཅེས་བཀའ་སྩལ་བ་དང་མཐུན་པར། དགུང་ལོ་དོན་གསུམ་བཞེས་པ་ཆུ་ཕོ་འབྲུག་གི་ལོའི་ཟླ་བ་དང་པོའི་ཉེར་ལྔའི་དུས་མཆོད་རྒྱས་པར་བཏང་། ཉེ་སྐོར་གྱི་ཡིག་ཉོབ་སོགས་གཙང་མར་མཛད་ནས་མཆོད་དཔོན་བླ་མ་ལའང་དེ་རིང་ཕྱིན་ཆད་ཁྱོད་ནས་དཀའ་ལས་ཅིའང་མི་དགོས་

[Full Size]

ཞེས་བཀའ་སྩལ་ནས་སྦུག་གི་གཟིམས་གཤག་ཏུ་ཕེབས། ཕྱིར་ཉིན་ནས་སྐུ་ཁམས་མི་དྭངས་པའི་ཚུལ་བསྟན། དེ་ནས་རིམ་པར་ཞབས་གཡས་ཕྱོགས་སྐྲངས་པ་ཞིག་གིས་བཞེངས་བཞུགས་མི་བདེ་བ་བྱུང་སྐབས་ཞབས་འགྲེང་བ་རྣམས་ཀྱིས་སྐུ་རིམ་པ་སྒྲུབ་དགོས་ཚུལ་ནན་ཏན་ཞུས་པར། སྐུ་རིམ་གང་ཡང་བསྒྲུབ་མི་དགོས་ཟླ་བ་རྗེས་མའི་ཉི་ཤུ་སྐོར་དྲག་འགྲོ་བ་ཡིན་གསུངས། ཐར་རྩེ་དང་ཕན་ཁང་མཁན་རིན་པོ་ཆེ་རྣམ་གཉིས་དང་ཕྲན་ལའང་ཞབས་བརྟན་ཅི་དྲག་གི་བསྐུལ་མ་བྱུང་བ་ལྟར། རང་ནས་ཀྱང་འཕགས་མའི་སྙིང་ཐིག་དང་ཚེ་ལྷ་རྣམ་གསུམ་གྱི་སྒྲུབ་མཆོད་སོགས་ཞབས་བརྟན་གསོལ་འདེབས་རྒྱས་པར་ཞུས་ཤིང་། ཉེ་གནས་རྣམས་ལའང་བསྒྲུབ་བྱའི་བསླབ་སྟོན་གང་ཤེས་ཞུས་པ་དེ་ནང་རྡོར་སེམས་ཡིག་བརྒྱ་ཅི་འགྲུབ་བྱས་ན་ལེགས། གཏོ་ཚོགས་སོགས་ནི་ངེད་རང་ཚེ་ལ་གཏོ་བཅའ་མ་མྱོང་བས་དགོས་པ་མེད་ཚུལ་ཕེབས་པ་ལྟར་རྡོར་སེམས་སྙིང་པོ་དུང་ཡོན་ཁ་ཤས་ཡར་མར་དགོན་ཁག་རྣམས་ལ་རྒྱེབ་ཆོག་དང་། རྗེ་ཉིད་ཀྱི་། ཐུགས་བཞེད་ལྟར་གཟིམས་ཆུང་ཕྱི་མར་བླ་མ་དཔོན་སློབ་ཁ་ཤས་ནས་མཁའ་འགྲོའི་ཚོགས་སྐོང་དང་མེ་མཆོད་གྲངས་མང་བསྒྲུབས་པ་སོགས་ཞུས། སྐབས་རེར་ཉེ་གནས་ལ་བི་མ་ལ་མི་ཏྲ་བར་སྣང་ལ་བཞུགས་འདུག །ཁྱོད་ནས་ཨི་མཇལ་ཅེས་པ་ཙམ་གསུངས། བསྙུན་ཟུག་ཆེ་རིགས་གང་ཡང་མེད་ཅིང་གསོལ་ཆས་ཀྱང་། ཐུགས་ལ་གང་བབས་རེས་མོས་ཚུལ་གྱིས་བཞེས། དེ་རྗེས་ཙམ་ཞིག་འོ་མ་བསྐོལ་བ་མཆོད་ཞལ་གང་ལྷག་ཙམ་བཞེས་ཟིན་ནས་ཟས་སྐོམ་གྱི་གསོལ་ཆས་གང་ཡང་བཞེས་པར་མ་མཛད། དབོ་ཟླ་བའི་དགའ་བ་གཉིས་པའི་ནང་མོ་རྒྱུན་བསྟར་གྱི་ཕྱག་བསིལ་ནས་ད་ལས་ཀ་ཚར་བ་རེད། བཅའ་ལག་ཕར་ཁུར་གསུངས། མེ་ཏོག་འཐོར་ནས་ཤིས་བརྗོད་ཤིན་ཏུ་མང་

[Full Size]

པོ་མཛད། དེ་རྗེས་ནས་གསུང་གང་ཡང་མ་བྱོན་པར་མཉམ་པར་བཞག་བཞིན་པའི་ངང་ཉིན་ཕྱེད་མ་ཟིན་ཙམ་ལ་འོད་གསལ་ཆོས་ཀྱི་དབྱིངས་སུ་སྙོམས་པར་ཞུགས་སོ། །དེ་སྐབས་ཁོ་བོ་ལའང་བྱ་མ་རྟ་འབྱོར་བས་རིངས་པར་བཅར་ཡང་གང་ཟག་གཞན་འགྲེལ་ཐུགས་དམ་གསལ་འདེབས་སོགས་ཞུ་བའི་ཡུལ་མིན་ཅིང་འདིར་སྣང་སྤྲུལ་པའི་བཀོད་པ་བསྡུས་པའི་དེ་མ་ཐག་པར་སློབ་དཔོན་ཆེན་པོ་བི་མ་ལ་མི་ཏྲ་དང་དགོངས་པ་དབྱེར་མེད་བུམ་པ་ཆག་པའི་ནམ་མཁའ་དང་ཕྱིའི་ནམ་མཁའ་དབྱེར་མེད་དུ་འདྲེས་པ་ལྟར་གྱུར་པ་ལ་སྔོན་ནས་ངེས་ཤེས་རྙེད་ཟིན་པས་མཆོད་འབུལ་དང་གསོལ་འདེབས་ཐུགས་ཡིད་བསྲེ་བའི་མཉམ་བཞག་གཙོ་བོར་བགྱིས། ཞག་གསུམ་པའི་ཉིན་སྤྱི་འགྲེ་ལྟར་ཆོས་སྐུ་ལས་གཟུགས་སྐུའི་རྣམ་པར་བཞེངས་པར་བསྐུལ་ནས། བླ་མ་མཆོད་པའི་རིམ་པ་གསོལ་འདེབས་སྨོན་ལམ་སོགས་ཡིད་ཚིམ་པར་ཞུས། ཐར་རྩེ་མཁན་རིན་པོ་ཆེ་འཇམ་དབྱངས་རིན་ཆེན་རྡོ་རྗེ་ཡང་ཕེབས་གྲུབ་པ་དང་ཁོ་བོ་བཅས་ནས་རྣམ་འཇོམས་དང་སྨེ་བརྩེགས་སོགས་ཀྱིས་བསྒྲུབས་པའི་ཁྲུས་ཆུས་སྐུ་གདུང་རིན་པོ་ཆེ་ལེགས་པར་བཀྲུས། དྲི་བཟང་གི་ཕུར་མས་བྱུགས། གསེར་སྦྱང་གིས་བྲིས་པའི་གནས་ཡིག་གསར་རྙིང་གི་རྒྱུད་སྡེ་གོང་འོག་རྣམས་ལས་འབྱུང་བ་དང་། སངས་རྒྱས་སྲས་གཅིག་གི་རྒྱུད་བཏགས་གྲོལ་གྱི་གླེགས་བམ་དང་འཁོར་ལོའི་རིགས་མང་པོ། བླ་མ་དགོངས་འདུས་རྒྱུད་དགུ་སོགས་སྐུའི་གནས་རྣམས་སུ་ཕུལ། རས་དཀར་དྲི་བཟང་གི་ཆུས་བགོས་པས་སྐུ་ལ་དཀྲིས། དབུ་རྒྱན་ཐོར་ཚུགས་སྟོད་གཡོགས་སྨད་གཡོགས་གསོལ། ཕྱག་ཏུ་རྡོ་རྗེ་དང་དྲིལ་བུ་ཕུལ་ཏེ་ལོངས་སྤྱོད་རྫོགས་པའི་རྣམ་པས་གཟིམས་ཆང་ཕྱི་མའི་ཉིན་བཞུགས་ཀྱི་གདན་ལ་བཞུགས་སུ་གསོལ།

[Full Size]

མཆོད་པའི་བྱེ་བྲག་དང་ཚོགས་ཀྱི་འཁོར་ལོ་རྒྱས་པར་བཤམས་ནས་ཉིན་བདུན་ཙམ་ལ་མཁན་རིན་པོ་ཆེས་མཁའ་སྤྱོད་མ་དང་། ཁོ་བོས་རྡོ་རྗེ་སེམས་དཔའི་སྒྲུབ་མཆོད་དང་འབྲེལ་བའི་བླ་མ་མཆོད་པ་རྒྱས་པ། སྔོན་གྱི་ཕྱག་གཞེས་ལྟར་དབང་སྐུར་ལེན་པ་དང་། སླར་ཡང་དཀྱིལ་འཁོར་གྱི་གཙོ་བོ་ལ་དབང་བཞེས་པའི་མོས་པས་དབང་བཞི་ཕུལ་ཅིང་། ཚོགས་མཆོད། འདོད་པའི་དོན་ལ་ཐུགས་རྒྱུད་སྐུལ་བའི་གསོལ་འདེབས་རྣམས་གཟབས་རྒྱས་སུ་ཞུས། རྗེ་རིན་པོ་ཆེ་ཉིད་ཀྱིས་རྣམ་པ་ཀུན་ཏུ་གསུང་འཕྲོས་ཕྱིས་ཚོད་བླ་མ་རྣམས་གདུང་གོག་མཆོད་རྟེན་དུ་བཞག་པ་འདི་མ་འོངས་པ་ན་བླ་མ་དེའི་རུས་ལ་གནོད་པའི་ཞབས་འདྲེན་དང་། གཞན་དག་ལ་སྡིག་པ་གསོག་པའི་རྐྱེན་དུ་འགྱུར་ཞིང་། དེ་ལྟར་བཞག་པ་དེས་བླ་མའི་དགོངས་པ་རྫོགས་པའི་ཐབས་སུའང་མི་འགྱུར་ལ། གསོན་པོ་རྣམས་རང་རང་ལ་བསོད་ནམས་དང་བསགས་པ་ཞིག་མེད་ཕྱིན་རོ་རུལ་གྱིས་ཕན་བཏགས་པའི་བཤད་ཁུངས་གང་ནའང་མེད་པས་ཤུལ་གཙང་བྱུང་ན་ལེགས་པ་སོགས་རྒྱུ་མཚན་མང་དུ་ཕེབས་པ་ལྟར། དབོ་ཟླ་བའི་གནམ་གང་ཉིན་གཟའ་སྐར་དགེ་བ་ལ་མཁན་རིན་པོ་ཆེས་ཀྱེ་རྡོར། དཔོན་སློབ་རིན་པོ་ཆེས་མཁའ་སྤྱོད་མ། ཁོ་བོས་སྨིན་གླིང་རྡོར་སེམས། དགོན་གྱི་བྱང་འདྲེན་བླ་མས་ཀུན་རིག །སོ་སོར་དཔོན་སློབ་མང་ཙམ་བཅས་དཀྱིལ་འཁོར་བཞིའི་སྒོ་ནས་སྐུ་གདུང་རིན་པོ་ཆེ་ཙན་དན་དང་ཨ་ག་རུ་གཙོ་བོར་གྱུར་པའི་བཟང་ཤིང་གི་མེ་ལ་བསྲེག་བཞུ་ཕུལ། དེ་ཉིན་མེ་ཏོག་གི་ཆར་ཡང་ཤིན་ཏུ་མཐུག་པར་བབས། ཞག་གསུམ་དུ་གདུང་ཁང་རྒྱས་བཏབ་ཅིང་མཆོད་འབུལ་ཕུལ། དེ་ནས་ཞལ་ཕྱེས་ཏེ་ཆོ་ག་བཞིན་གདུང་རུས་རྣམས་བསྡུས་ནས་འཐོར་ཟེགས་མེད་པར་སྦྱངས་བཏུལ་ཞུས་ཏེ་དྲི་མེད་རྣམ་གཉིས་ཀྱི་སཱཙྪ་ཚད་ལྡན་བཏབ་

[Full Size]

སྟེ་གདན་སའི་གདུང་རྟེན་དང་། ལྷུན་གྲུབ་སྟེང་མཆོད་སྡོང་ཆེན་མོ་བཅས་ལ་བཞུགས་སུ་གསོལ་བར་བགྱིས་སོ། །དེ་ནས་ཇི་སྐད་དུ། འདུལ་བ་ལུང་ལས། སཱ་ལའི་ཤིང་ལ་འཁྲི་ཤིང་བཞིན། །དམ་པ་རྣམས་ནི་བསྟེན་གྱུར་བ། །བཟང་པོའི་དབལ་གྱིས་འཁྱུད་པར་བྱེད། །ཅེས་དང་། གང་ཞིག་གསེར་གྱི་རི་ལ་བརྟེན་བཅས་པ། །དེ་ཡིས་བྱ་ཚོགས་ཐམས་ཅད་གསེར་དུ་འགྱུར། །ཞེས་གསུངས་པ་ལྟར། ལྷ་དང་བཅས་པའི་གཙུག་རྒྱན་སྐྱེས་བུ་དམ་པ་ལས་ཀྱང་དམ་པ་ཆེན་པོའི་རྣམ་ཐར་བཟང་པོའི་ཙན་དན་གྱི་ཚལ་དུ་སྡོང་དུམ་བཞིན་ཞབས་འབྲིང་དུ་གནས་པ་དག་ཀྱང་ཁྱད་པར་དུ་གྱུར་པའི་ཡོན་ཏན་གྱིས་མཛའ་བ་ཆོས་ཉིད་དེ། རྗེ་ཉིད་ཀྱི་སྐུ་དབོན་ལུགས་གཉིས་ལ་མཁྱེན་པའི་དཀྱིལ་ཆེ་ཞིང་ཡ་རབས་དྲྭ་མའི་རྣམ་ཐར་ཕུལ་དུ་བྱུང་བས་བརྒྱན་པ་སྐལ་བཟང་རྡོ་རྗེ་ལགས་དང་ཕྱི་ནང་རིག་པའི་གནས་ཀྱི་གཙུག་ལག་ལ་དཔྱོད་པའི་བློ་མིག་པདྨོ་ལྟར་རྒྱས་པ། རྗེ་བཙུན་བླ་མ་ཉིད་ཀྱི་སྐུ་དང་གྲིབ་མའི་ཚུལ་དུ་འབྲལ་བ་མེད་པས་མཉེས་པ་སྒོ་གསུམ་ནས་བསྒྲུབས་པའི་ཉེ་གནས་ཆེན་པོ་འཇམ་དབྱངས་ལེགས་པའི་བློ་གྲོས་དང་། རིང་ནས་ཞབས་འབྲིང་དུ་འཁོད་ཅིང་མཉེས་པའི་ཞབས་ཏོག་ཕུལ་དུ་ཕྱིན་པ། བསླབ་གསུམ་ལྡན་པའི་དགེ་སློང་དགེ་བའི་བཤེས་གཉེན་ཀུན་དགའ་རྒྱལ་མཚན་གཙོ་བོར་གྱུར་པས་གུས་ཤིང་དང་བའི་བློ་གྲོས་དྲི་མ་མེད་པ་དུང་དང་ཀུན་ད་ལྟ་བུས་མཚམས་སྦྱར་ཏེ་རྟག་གུས་ཀྱི་བརྩོན་པ་ཆེན་པོས་གཤེགས་རྗེས་དགོངས་པ་རྫོགས་པའི་ཐབས་རྒྱ་ཆེན་པོ་བསྒྲུབས་པའི་ཚུལ་མདོར་བསྡུས་པར་སྨོས་ན། དབུས་གཙང་ཁམས་གསུམ་གྱི་ལྷ་རྟེན་ཁྱད་འཕགས་བླ་མ་དགེ་འདུན་དང་བཅས་པར་དགོངས་རྫོགས་མཆོད་འབུལ་གཏོང་བ་རྒྱ་ཆེའི་མཛོད་སྒོ་ཡངས་པོར་ཕྱེས་པ་ལས།

[Full Size]

གངས་ཅན་སྟོན་པའི་ཞལ་སྐྱིན་ལྷ་ལྡན་ཇོ་ཤྭཀ་མཆེད་གསུམ་མདུན་སྟོང་མཆོད་དང་འབྲེལ་བའི་དངོས་པོ་རྒྱ་མ་ཆུང་ཙམ་གྱི་མཆོད་འབུལ་དང་། དཔལ་གྱི་བསམ་ཡས་སོགས་དབུས་གཙང་གི་སྒྲུབ་གནས་ལྷ་རྟེན་ཡོངས་གྲགས་ཁྱད་འཕགས་རྣམས་ལ་གསེར་གསོ། སྙན་ཤལ། སྤོས་ས་དང་མར་མེའི་ཕྲེང་བ་སྟོང་རྩ་སོགས་རྒྱས་པར་སྤྲོས་ཏེ་ཕུལ་བ་དང་། ཕྱག་ན་པདྨོ་གོང་ས་རྒྱལ་དབང་ཐམས་ཅད་མཁྱེན་པ། སྲིད་སྐྱོང་དེ་མོ་ཧོ་ཐོག་ཐུ་སྟེ་རྩེ་ཤོད་སོ་སོར་ཁ་བཏགས་ཨཱ་ཤ་དང་། རིན་ཆེན་གཉིས་པ། བཟང་གོས་ཁ་འབྲེལ་སོགས་བབས་ཐོབ་དང་བསྟུན་པའི་འབུལ་མཚོན། གཙང་པ་ཆེན་རིན་པོ་ཆེ། དགའ་ལྡན་ཁྲི་རིན་པོ་ཆེ། ས་སྐྱ་ཁྲི་ཆེན་རིན་པོ་ཆེ་སོགས་ས་སྐྱའི་སྐུ་ངོ་གདུང་བརྒྱུད་རིན་པོ་ཆེ་ལྷན་རྒྱས། རྒྱལ་བ་ཀརྨ་པ། འབྲུག་ཐམས་ཅད་མཁྱེན་པའི་མཆོག་སྤྲུལ། ཀརྨ་པའི་རྗེ་དཔོན་རྣམ་གཉིས། སྟག་ལུང་མ་རིན་པོ་ཆེ། རྩེའི་ཡོངས་འཛིན། ངོར་ཨེ་ཝཾ་ཁང་གསར། ཞབས་དྲུང་ཁག་ལྔ། ཐར་རྩེ། ཕན་ཁང་། ཀླུ་སྡིངས་སོགས་ངོར་པའི་བླ་བྲང་ཁག །རྒྱུད་སྟོད་སྨད་མཁན་པོ། ཤར་རྩེ་བྱང་རྩེ། མཆིམས་ཕུ་ཟུང་སྤྲུལ། ཞྭ་ལུ་སྤྲུལ་སྐུ་གཉིས། ལྷོ་བྲག་ཐུགས་སྤྲུལ། རྦ་ཁ་སྤྲུལ་སྐུ་སོགས་ལ་སྐུ་གསུང་ཐུགས་རྟེན། རིན་ཆེན་དང་པོ་དང་གཉིས་པའི་དབྱིག་ནོར། དར་གོས་སོགས་གང་ལ་གང་འོས་ཀྱི་མཆོད་བསྔོ་དང་། ས་ངོར་གཙོས། ར་སྒྲེང་། ཞྭ་ལུ། བསམ་ཡས་གཡའ་མ་ལུང་། མཆིམས་ཕུ། གདན་ས་ཐེལ། རྩེས་དྭངས། སྣེའུ་གདོང་རྩེ་ཆོགས། ཡར་ལུང་ཤེལ་བྲག རས་ཆུང་སྦུག །ལྕགས་རྩེ་གྲི་གུ། ལྷོ་བྲག་སྨྲའོ་ཅོག །མཁར་ཆུ། བཀྲ་ཤིས་ལྷུན་པོ། སྟག་ལུང་སོགས་ཀྱིས་མཚོན་པའི་དགོན་སྡེ་ཆེ་ཕྲའི་དགེ་འདུན་འདུས་པ། རི་ཁྲོད་སྒྲུབ་པ་པོ་བཅས་ལ་མང་ཇ་མཆོད་འབུལ་ཡོན་འབུལ་རྒྱ་ཆེན་པོས་མཉེས་པར་

[Full Size]

བྱས་པ་དང་། མདོ་ཁམས་ཁུལ་འདིའི་བླ་མ་དགེ་འདུན་ལ་དགོངས་རྫོགས་མཆོད་འབུལ་སྐུལ་བའང་། ཐོག་མར་ཐར་རྩེ་མཁན་ཆེན་ནས་དགུང་ཚིགས་གཉིས་པ་ནས་གསུམ་པའི་བར་ཀྱེ་རྡོ་རྗེའི་སྒྲུབ་མཆོད་རྡུལ་ཚོན་ལ་བརྟེན་པའི་སྒོ་ནས་མཆོད་འབུལ་ཞུས་པའི་སྐུ་ཡོན་དགོངས་རྫོགས་སུ། ནང་མཛོད། དངུལ་གྱི་མཎྜལ་འཁོར་ཚང་། ཚེ་དཔག་བོད་ལི། གྲུབ་ཆེན་བརྒྱད་ཀྱི་ཞལ་ཐང་། འཇམ་དཔལ་མཚན་བརྗོད་སོགས་སུམ་བིད་ཅན། ཇོ་བོའི་ཆོས་ཆུང་བརྒྱ་རྩ། རྒྱ་གར་ཆོས་འབྱུང་། ཕྱག་དྲིལ་དངུལ་རྩེ་ཅན། ཕྱག་ཕྲེང་རྒྱན་ལྡན་ཤིན་ཏུ་སྤུས་ལེགས་དངུལ་སྲང་དྲུག་ཅུ་འགྲོ་བ། དངུལ་རྐྱང་སྲང་འཁོར་བདུན་ཅུ་དོན་ལྔ། མཐའ་དཀར་སོགས་རྣམ་གྲངས་བརྒྱ་དང་བཅུ་གཉིས་ལ་རྒྱ་སྲང་སུམ་བརྒྱ་ལྔ་བཅུའི་བབས། ཐར་རྩེ་ཞབས་དྲུང་མདུན་ནང་མཛོད། སྐུ་གསུང་ཐུགས་རྟེན། དངུལ་གྱི་མཎྜལ་འཁོར་ཚང་། རྒྱ་སྲང་ལྔ་བཅུ་སོགས་རྣམ་གྲངས་སོ་བདུན་ལ་དངུལ་སྲང་བརྒྱ་རེ་གསུམ་བབས། གཞན་སྐུ་འཁོར་ལས་ཚན་སོ་སོར་གང་འཚམས་ཀྱི་དངོས་པོ་གྱ་ནོམ་པ་བསྟབས་པ་དང་། །ཨེ་ཝཾ་ངོར་ཐར་རྩེ་བླ་བྲང་རང་དུ་གཏན་བཞག་འབུལ་རྒྱུ་ཐུབ་དབང་རྒྱ་གར་ཤར་ལི། སྒྲོལ་ལྗང་བོད་ལི། སྐུ་ཚབ་པདྨཱ་ཙརྻ། རྒྱུད་སྡེ་ལྔའི་ཞལ་ཐང་། ལམ་འབྲས་པོད་སེར་དམར་སྔོ་གསུམ། ཚུལ་ལྗོན་དགོངས་རྒྱན་པོད་གཅིག །ཀླུ་སྒྲུབ་དང་ངག་ཆོས་ལམ་འབྲས་པོད་གཉིས། ངག་ཆོས་འབེལ་གཏམ་པོད་གཅིག །དམ་པའི་མཁྱུད་དཔྱད་པོད་གཅིག །སྒྲུབ་ཐབས་ཀུན་བཏུས་པོད་བཅུ་གཅིག་འཁར་གསིལ་ལྔ། སྦ་ལྕག་བྱིན་ཅན། རྣལ་འབྱོར་མའི་ཕྱག་མཚན་རྡོ་རྗེའི་ཁ་ཊྭཱཾ་ག་གསེར་དངུལ་བཀྲམ། གུ་རུ་ཉི་མ་འོད་ཟེར་ཕྱག་མཚན་ལི་སེར་རྡོ་རྗེ། དངུལ་བུམ་འཁོར་ཚང་ཆ། རྡོ་དྲིལ་གསར་བསྐྲུན་གསེར་རྩེ་ཅན་སྤུས་ལེགས་ཉེར་ལྔ། ཚེ་བུམ་ཤིན་ཏུ་ཁྱད་ནམ་ཅན། དབུ་རྒྱན་རིགས་

[Full Size]

ལྔ་སྐྱོ་འབུར་གསེར་ཤོག་ཅན་ཆ་ཉེར་ལྔ། དེ་འབྲེལ་རྩ་ཆིངས། དར་དཔྱང་ཆ་ཉེར་ལྔ་རེ། སྟེགས་ཁེབས་རབ་འབྲིང་ཉེར་ལྔ། གསེར་དངུལ་བཀྲ་མའི་སྤོས་ཕོར་ཆེ་ལེགས་ཆ། གསེར་དངུལ་བཀྲ་མའི་རྒྱ་གླིང་ལེགས་པ་ཆ། དུང་སེར་དངུལ་རྒྱན་ཅན། རྐང་གླིང་གསེར་དངུལ་བཀྲ་མ་ཕྲ་རྒྱན་ཅན་སྤུས་ལེགས། གསེར་དངུལ་བཀྲ་མའི་མཆོད་གཞོང་སོགས་འབོར་བསྡོམས་དངུལ་རྡེལ་ཚད་ཉེར་ལྔའི་བབས་ཕུལ། དེ་བཞིན་ཕན་ཁང་མཁན་རིན་པོ་ཆེའི་མདུན་དགུང་ཞག་རྫོགས་པར་ཀྱེ་རྡོར་སྒྲུབ་མཆོད་མཛད་པའི་ཡོན་དུ་ནང་མཛོད། ཚེ་དཔག་མེད་གསེར་སྐུ། ཉེ་སྲས་སུམ་ཐང་། ཚེ་དཔག་མེད་བརྒྱ་སྐུ། ཇོ་བོའི་ཆོས་ཆུང་། རྡོ་དྲིལ་རྙིང་མ་གསེར་རྩེ་ཅན། གསེར་དངུལ་བཀྲ་མའི་ནང་མཆོད། གསོལ་ལྟིར་སྤུས་ལེགས། རྒྱ་དངུལ་གར་བུ་རྡེལ་ཚད། མཐའ་དཀར་སོགས་རྣམ་གྲངས་མཚན་བཟང་སོ་གཉིས་དང་བཅུ་གསུམ་སའི་གྲངས་ལྡན་ལ་རྒྱ་སྲང་ཉིས་བརྒྱ་ཉེར་ལྔའི་བབ་ཐོབ། བླ་མཚན་སོགས་ལས་ཚན་ལའང་དེ་མཚུངས་སྨར་ཟོང་གི་དངོས་པོ་འོས་བསྟུན་བཅས་ཕུལ། ཐར་རྩེ་དཔོན་སློབ། དཔལ་སྤུངས་དཔོན་རྒན། ཉི་གྲགས་མཆོག་སྤྲུལ། དགེ་མང་སྐུ་ཞབས། དཔལ་ཡུལ་ཀརྨ་འགྱུར་མེད་སྤྲུལ་སྐུ། སྐུ་ཞབས་ཁམས་སྤྲུལ། ནང་ཆེན་ཕུར་བླ་དང་། བྲག་གཡབས་གཙང་སར་སྤྲུལ་སྐུ། ཛ་ཀ་སྤྲུལ་སྐུ་རིན་པོ་ཆེ་སོགས་ཀྱིས་གསར་རྙིང་རྒྱུད་སྡེ་བཀའ་གཏེར་གྱི་དཀྱིལ་འཁོར་གྱི་གཙོ་བོ་ལྷག་པའི་ལྷ་དང་བླ་མ་དབྱེར་མེད་དུ་སྒྲུབ་ཅིང་མཆོད་ལ་དབང་བླངས་པའི་ཚུལ་གྱིས་དངོས་གྲུབ་རྣམ་གཉིས་བདེ་བླག་ཏུ་སྒྲུབ་པའི་ལམ་ཟབ་མོ་ལ་ཉེ་བར་གཞོལ་བའི་ལེགས་འབུལ་དར་གོས་རིན་ཆེན། པགས་རིགས། ཐེར་ཕྲུག །རྟ་དྲེལ་སོགས་དངོས་པོ་སྤུས་ནམ་ལྡན་ཅིང་སྦོམ་མཐོ་བའི་ཡོན་བསྟབས་བས་དགྱེས་པར་བྱས། གཞན་ཡང་དཔལ་སྤུངས་ཏཱའི་སི་ཏུའི་མཆོག་སྤྲུལ་མདུན་ལྷ་རྫས། རྟེན་གསུམ། དངུལ་གྱི་མཆོད་ཆས་ཆ་ཚང་། རྗེ་དཔོན་རྣམ་

[Full Size]

གཉིས། དཔལ་ཡུལ་རྒྱ་སྤྲུལ་རིན་པོ་ཆེ། ཀཿཐོག་ཞིང་སྐྱོང་། སི་ཏུ། རྫོགས་ཆེན་རིན་པོ་ཆེ། ཞེ་ཆེན་རབ་འབྱམས། རྒྱལ་ཚབ། རྒྱ་རོང་དཔོན་སྤྲུལ། གླིང་རྗེ་དྲུང་སོགས་གསར་རྙིང་གི་བླ་མ་ཆེ་རྒུ་རྣམས་ལ་མཆོད་བསྔོའི་རྟེན་སྐུ་གསུང་ཐུགས་ཀྱི་རྟེན་མཆོག །སྐུ་ཆས་མཆོད་ཆས་མཚོན་པའི་ཉེར་སྤྱད། དར་གོས། རིན་ཆེན་སོགས་དངོས་པོ་ནམ་ལྡན་སྤུས་གཙང་རྒ་ཆེའི་མཆོད་འབུལ་སྤྲོས་པ་སོགས་རྣམ་གྲངས་མིང་ནས་སྨོས་ཀྱིས་མི་ལོངས་པ་དང་། ཁོ་བོ་ཅག་ལའང་རྟེན་གསུམ་ཁྱད་ཅན་རིགས་གཙོས་སྦམ་མཐོ་བའི་དགོངས་རྫོགས་སྐུལ་བྱེད་བསྟབས་ཤིང་། དགོན་སྡེ་རྣམས་སུའང་། ལྷུན་གྲུབ་སྟེང་དུ་དངུལ་སྲང་བརྒྱ་ཐམ་པའི་བབས། རྫོང་སར་གྲྭ་མང་འདུས་པར་དངུལ་སྲང་ཉེར་ལྔ། སྤྱི་ཆེན་པར་དངུལ་སྲང་ཉེར་ལྔ། སྤྱི་ཆུང་ཁག་གཉིས་ལ་བཞི་རུ་རེ་བཅས་ལ་ཧེ་རུ་ཀའི་ཡིག་བརྒྱ་དང་། ཐུགས་རྗེ་ཆེན་པོའི་ཡིག་དྲུག་ཡོན་དུ་ཕུལ། དཔལ་སྤུངས་དངུལ་སྲང་བརྒྱད་ཅུ་ཡིག་བརྒྱ་དང་སྨོན་ལམ་རྣམ་ལྔའི་ཡོན་དང་། སྒྲུབ་སྡེ་གོང་འོག་ཏུའང་བབས་འོས་རེ། རྫོགས་ཆེན་དགོན་པའི་འདུས་སྡེར་དངུལ་སྲང་ཉེར་ལྔའི་བབས། ཞེ་ཆེན་དངུལ་བཞི་རུའི་བབས། ཀཿདཔལ་གཉིས་སུའང་དེ་བཞིན། འཛིང་སྟག་མོ་སྒང་། སྦྲ་མཐོ། སྤོམ་འཛང་། ཁང་དམར་མདོ་རྣམས་ཀྱི་འདུས་སྡེ་སོ་སོར་དངུལ་སྲང་བཅུ་རེའི་བབས་ཡིག་དྲུག་དང་སྨོན་ལམ་རྟེན། བོན་དགོན་ལྕང་ལུང་དུ་དངུལ་སྲང་བརྒྱད་བབས་ཕུལ་བ་སོགས་རིས་བྲལ་གསར་རྙིང་པོ་ན་གསུམ་གྱི་ཆོས་སྡེ་དགེ་འདུན་འདུས་པ་རྒྱ་མཚོར་མང་ཇའི་དོད་ཀྱི་བསྙེན་འབུལ་དངོས་རྫས་བཟང་དགུ་སེར་སྣ་སོགས་ཀྱི་དྲི་མས་མ་སྤགས་པར་རྗེ་བཙུན་བླ་མའི་ཟབ་དགོངས་འོད་གསལ་མི་སློབ་པའི་ལམ་དུ་ཡོངས་སུ་རྫོགས་པའི་གསོལ་གདབ་ཐུགས་རྒྱུད་ཡར་དག་པར་སྐུལ་བའི་ཐབས་རྒྱ་ཆེན་པོར་འཇུག་པ་སྟེ། རྒྱས་པར་བརྗོད་ན་དགེ་བ་ངོམས་པའི་སྐྱོན་དང་ཡི་གེ་མང་གིས་དོགས་པས་རགས་བསྡུས་དེ་ཙམ་དང་།

[Full Size]

གཟིམས་མལ་དུ་འདྲ་སྐུ་སྨན་འདམ་ལས་བཞེངས་པ། དགོངས་བཞེད་བྱམས་སྐུ་མཐོ་བཅོ་ལྔ་པ་དངུལ་རྡིལ་ཚད་ཉེར་ལྔ་ཙམ་གྱིས་གསར་བསྐྲུན་དགོན་ཆེན་དུ་བཞུགས་པ་དང་། ཆོས་སྐུའི་རྟེན་མཆོག་ཏུ་རྗེ་ཉིད་ཀྱི་གདུང་ཚ་སོགས་བཞུགས་པའི་མཆོད་སྡོང་མཐོ་དགུ་ལྷག་ཙམ་ཟངས་ཤས་གསེར་སྤུས་གཉིས་ཀ་ཅི་མཐུག །ཕྲ་རྒྱན་གྱི་བཀོད་པ་རིན་ཐང་གང་ཆེ་ཐམས་ཅད་རྩལ་སྤྲུགས། སྒྲོས་ཆ་ཆགས་ཚད་སོགས་གཟབས་རྒྱུ་གང་ཡོད་ཀྱིས་ཤིན་ཏུ་སྤུས་ནམ་དག་ཅིང་མིག་གི་བདུད་རྩིར་གྱུར་པ་རྒྱ་དངུལ་རྡིལ་ཚད་སོ་བདུན་ཙམ་གྱི་རྒྱུ་ཆས་ཀྱིས་བསྐྲུན་ཅིང་དྲི་མེད་རྣམ་གཉིས་ཀྱི་སྲོག་ཤིང་འཛུགས་ཆོག །གདུང་རུས་ཚ་སྒྲུབ་སོགས་གཞུང་མཐུན་གྱིས་མཚོན། རིང་བསྲེལ་རྣམ་བཞི་སོགས་རྟེན་མཆོག་ཁྱད་འཕགས་ཀྱིས་གཏམས་ཏེ་ཡེ་ཤེས་སེམས་དཔའ་དངོས་སུ་བསྟིམ་པའི་བཀྲ་ཤིས་རབ་གནས་ཀྱི་ཆོ་ག་ཚད་དང་ལྡན་པ་བཅས་ཀྱིས་མཐོང་གྲོལ་ཆེན་མོར་བཞུགས་པ་དང་། ལོངས་སྐུའི་རྟེན་འཇམ་དཔལ་ཆོས་དབྱིངས་གསུང་དབང་ལི་དམར་གསེར་དངུལ་བཀྲ་མའི་རྒྱན་ཅན་དངུལ་རྡིལ་ཚད་གསུམ་ལྷག་ཙམ་གྱིས་གསར་བསྐྲུན་མཛད་པའི་བཞེད་པ་ཐུགས་བཅངས་དང་། སྤྲུལ་སྐུའི་རྟེན་བདག་ཅག་གི་སྟོན་པའི་སྣང་བརྙན་ཇོ་བོ་ཤཱཀྱ་མུ་ནིའི་སྐུ་ཚད་དང་། རྗེ་བཙུན་བླ་མ་ཉིད་ཀྱི་འདྲ་ཞལ་མཐོ་བཅུ་པ་བྱོན་ལེགས་གཉིས་ལ་དངུལ་རྡིལ་ཚད་ཉེར་བདུན་ཙམ། གཞན་སངས་རྒྱས་བྱང་སེམས་ཉན་ཐོས་ཀྱི་འཁོར་གསེར་སྐུ་བདུན་ཅུ་སྐོར། གསུང་རྟེན་པུསྟི་གྲངས་མང་། གདུང་རྟེན་བཞུགས་ཁང་བང་བ་ནང་འདམ་ལྔ་སྒོ་ཁང་བཅས། དེ་ནང་མཆོད་ཆ་ཡོ་བྱད་མཁོ་ཚང་། མར་མེའི་རྒྱུན་འཛུགས་བཅས་བསམ་བདག་ཅིང་སྦྱོར་བ་གུས་པ་ཆེན་པོས་བརྩོན་པ་ལྷུར་བླངས་ཏེ་བླ་མ་མཉེས་པའི་བགྱི་བ་དམ་པས་བསྔགས་ཤིང་ཆོས་དང་མཐུན་པའི་བྱ་བ་རླབས་སུ་ཆེ་བ་གེགས་མེད་མཐར་ཕྱིན་གྱིས་དགོངས་རྫོགས་རྗེས་སྒྲུབ་ཀྱི་རིམ་པ་མཐའ་རྒྱས་བསྒྲུབས་དང་སྒྲུབ་བཞིན་པས་ཤིན་ཏུ་དགེ་ལེགས་སུ་བྱས་པའོ།། །།

[Full Size]

གཉིས་པ་གང་ཟག་གཞན་དང་ཐུན་མོང་མ་ཡིན་པ་རྗེ་ཉིད་ཁོ་ནའི་ཁྱད་པར་གྱི་ཆོས་སུ་གྱུར་པ་ནང་གི་རྣམ་པར་ཐར་པ་ནི། གངས་ཅན་ལྗོངས་ཀྱི་བསྟན་འཛིན་ཕལ་མོ་ཆེ་རང་རང་ལུགས་སུ་མཁས་ཤིང་གྲུབ་པའི་རྣམ་ཐར་ངོ་མཚར་བས་བསྟན་པ་སྐྱོང་ཞིང་འགྲོ་ཕན་སྒྲུབ་པས་དད་ཅིང་གུས་པར་བྱ་བའི་ཡུལ་ཁོ་ན་ལས་མ་འདས་མོད། མདོ་སྔགས་ཀྱི་བསྟན་པ་ཕྱོགས་ཐམས་ཅད་ནས་གསན་བསམ་སྒོམ་པ་མཛད་ཅིང་རིས་སུ་མ་ཆད་པའི་བསྟན་པ་སྤེལ་ཅིང་གདུལ་བྱ་སྐྱོང་བ་ནི་རྗེ་ཐམས་ཅད་མཁྱེན་པ་འདི་ཉིད་ཀྱི་ཁྱད་པར་གྱི་ཆོས་སུ་གྲུབ་པ་སྟེ། དེའང་རིག་པའི་གནས་དང་སྡེ་སྣོད་གསུམ་གྱི་མཛད་པའི་རྣམ་ཐར་མདོ་ཙམ་གོང་དུ་སོང་བ་ལས་ཤེས། འདིར་མཁས་གྲུབ་ཆེན་པོ་པྲཛྙཱ་ར་སྨིས། རྒྱལ་བས་ལུང་བསྟན་གངས་ཅན་འགྲོ་བའི་མགོན། །གཅིག་ཏུ་བསྟན་པ་འབའ་ཞིག་ཉེར་དགོངས་པའི། །སྔོན་གྱི་ཆོས་རྒྱལ་ལྷ་གཅིག་བཙན་པོ་དེ། །གངས་རིའི་ཁྲོད་འདིར་སྟོན་པ་གཉིས་པ་ཡིན། །ཞུ་ཆེན་ལོ་ཙཱ་བ་གོར་བཻ་རོ་དང་། །རྒྱལ་བའི་གདུང་འཚོབ་འབྲོམ་སྟོན་ཨུ་པ་སཱི། །མཁས་གྲུབ་ཆེན་པོ་ཁྱུང་པོ་རྣལ་འབྱོར་པ། །སྐད་གཉིས་སྨྲ་བ་བླ་ཆེན་འབྲོག་མི་དང་། །རྣལ་འབྱོར་དབང་ཕྱུག་རྗེ་བཙུན་མར་པའི་ཞབས། །གྲུབ་པའི་སར་བཞུགས་དམ་པ་རྒྱ་གར་དང་། །ཇི་གྱོ་ལོ་ཙཱ་མཁས་གྲུབ་ཨོ་རྒྱན་པ། །བྱང་ཕྱོགས་སྒྲུབ་བརྒྱུད་འདེགས་པའི་ཀ་ཆེན་བརྒྱད། །དཔལ་ལྡན་རྡོ་རྗེ་འཆང་ནས་ལེགས་འོངས་པའི། །གངས་རིའི་ཁྲོད་འདིར་སྒྲུབ་བརྒྱུད་སྲོལ་ཆེན་བརྒྱད། །དེ་དག་གྲུབ་ཐོབ་གོང་མའི་གཤེགས་ཤུལ་ཡིན། །ཐར་འདོད་རྣམས་ཀྱང་ལམ་དེའི་རྗེས་སུ་ཞུགས། །ཞེས་གསུངས་པ་ལྟར། བྱང་ཕྱོགས་གངས་རིའི་ལྗོངས་འདིར་ལོ་པ་སྤྲུལ་པའི་སྐྱེས་མཆོག་རྣམས་ཀྱི་བཀའ་དྲིན་ལས་ལེགས་པར་བྱོན་ཅིང་།

[Full Size]

དེ་དག་ཐུགས་ཉམས་སུ་བཞེས་པས་གྲུབ་པའི་འབྲས་བུ་མངོན་དུ་མཛད་ནས། དམ་པའི་སྐྱེས་བུ་རེ་རེས་ཀྱང་གདུལ་བྱ་གྲངས་མེད་པ་བྱང་ཆུབ་ཆེན་པོའི་གོ་འཕང་དུ་དབུགས་དབྱུང་བར་མཛད་པ་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་རིང་ལུགས་འཛིན་པ་དབུས་གཙང་མདོ་ཁམས་རྣམས་སུ་གང་བཞུགས་རྩད་གཅོད་མཛད། འཕགས་ཡུལ་པ་གྲུབ་རྣམས་ཀྱི་རྩ་བའི་སྲོལ་འབྱེད་དང་། །རང་གིས་གསན་ཡུལ་དེ་ཡིད་ཆེས་པ་བྱུང་ཕྱིན་བར་གྱི་བརྒྱུད་པ་ཡོད་པ་ཙམ་གྱིས་ཆོག་པར་མཛད་པའི་ཕྱག་སྲོལ་ལྟར། སོ་སོའི་ཆོས་བརྒྱུད་འཛིན་པའི་ཡོངས་འཛིན་དང་གདམས་ངག་ཚོལ་བ་ལ་སྐུ་ངལ་ཁྱད་དུ་བསད་དེ་འབད་རྩོལ་ཆེན་པོས་དོན་གཉེར་མཛད། གཞུང་གདམས་མན་ངག་གི་དཔེ་ཚད་ལྡན་ཆེ་ཕྲ་མང་ཉུང་ཅི་ཞིག་ཡོད་ཀྱང་གསར་བཞེངས་མཛད་ནས། འགའ་ཞིག་ལན་གྲངས་མང་པོ། ཕལ་ཆེར་ཚར་རེ་མ་འཆད་པ་མེད་པས་དབང་ཁྲིད་མན་ངག་གི་རྒྱུན་ཆད་པར་ཉེ་བ་ཐམས་ཅད་སྣོད་དང་འཚམས་པར་འཆད་སྤེལ་སྒོམ་སྒྲུབ་ལ་སྦྱར་ནས་བསྟན་པའི་སྲོག་རྩ་མཐུད་པར་མཛད་པ་སྟེ། དེའང་སོ་སོའི་རིང་བརྒྱུད་བར་མ་ཆད་པར་བཞུགས་སོ་ཅོག་གསན་པ་གཞིར་བཞག །ཉེ་བརྒྱུད་ཀྱི་བཀའ་བབས་བྱུང་བའི་ཚུལ་ནི། དང་པོ་མཁན་སློབ་ཆོས་གསུམ་གྱི་བཀའ་དྲིན་ལས་བྱུང་བ་སྔ་འགྱུར་རྙིང་མ་ལ། ཐོག་མར་དགུང་ལོ་ཉེར་བཞི་ཆུ་ཡོས་ས་ག་ཟླ་བའི་ཚེས་དྲུག་གི་ཉིན་ཤངས་མདོ་སྲམ་པ་སྒྲུབ་ཁང་གི་དཔལ་ཆེན་པོ་མཇལ་ཞིང་ཚོགས་མཆོད་མཛད་པའི་ཚེ། ཉམས་ཀྱི་སྣང་བར་དཔལ་ཆེན་པོ་དངོས་སུ་མཇལ། སྒོ་གོང་དུ་ཟུར་ཡབ་སྲས་གཉིས་བཞད་གད་ཐེག་གེར་བཞུགས་ནས་རུ་ལུའི་སྔགས་ཀྱི་དབང་། བཛྲ་སཏྭའི་རྒྱུད་བཤད། ཧཱུྃ་ཡིག་གི་མན་ངག་གནང་བའི་ཉམས་སྣང་ཆེས་གསལ་ཞིང་བརྟན་པར་བྱུང་བས་སྒྱུ་འཕྲུལ་གསང་བ་སྙིང་པོའི་ཉེ་བརྒྱུད་ཐོབ།

[Full Size]

དགུང་ལོ་སོ་བརྒྱད་པ་མེ་སྦྲུལ་ལོར་རུ་དམ་བསམ་གཏན་གླིང་གི་མཁན་པོ་རྡོ་རྗེ་འཛིན་པ་པདྨ་བཛྲ་ལས་འདུས་པ་མདོའི་དབང་གསན་སྐབས། དབང་དངོས་གཞིའི་སྐབས་སུ་དཀྱིལ་འཁོར་ཡོངས་རྫོགས་ཀྱི་གསལ་སྣང་བརྟན་པོ་ཤར། དེ་ནུབ་མནལ་ལམ་དུ་ལུང་པ་ཞིག་ནས་གྱེན་དུ་ཕེབས་པས་རི་རྩེར་སྒྲུབ་ཁང་དཀར་པོ་ཞིག་སྣང་། དེ་ལ་གཏད་ནས་ཕེབས་ཏེ་ནང་དུ་ཕྱིན་པས་ཕུག་ཏུ་རས་ཡོལ་བཏང་བའི་མདུན་ཏུ་གཏོར་མཆོད་ཤ་ཁྲག་གི་དྲི་ཡ་ང་བ་བཤམས། ཟུར་དེར་སྔགས་པ་རལ་པ་ཅན་ཟིལ་ཅན་ཞིག་གིས་རཀྴའི་ཕྲེང་བ་བགྲང་། རྔ་ཞིག་བརྡུངས་ནས་འདོན་པ་བྱེད་མུར་འདུག་པ་ལ་ཁྱོད་སུ་ཡིན་གསུངས་པས་ལན་མ་སྟེར། སླར་ཡང་ཁྱོད་སུ་ཡིན་ཅེས་ཧུར་པོར་གསུངས་པས་རྔ་དེ་དྲག་བརྡུང་ཞིག་བྱས་ནས། བྱང་ཆུབ་སེམས་ཀྱི་རྔ་ཆེན་འདི་བརྡུངས་པས། །ཕོ་ཉ་སུམ་བརྒྱ་དྲུག་ཅུ་འདིར་འདུས་ཤིག །ཅེས་དྲག་པོར་གསུངས་པས་ཡོལ་བ་དེའི་ཕག་ནས་ཕོ་ཉ་སུམ་བརྒྱ་དྲུག་ཅུ་ཡིན་སྙམ་པའི་མཚོན་ཆ་ཐོགས་པ་མང་པོ་འཁྲབ་ཅིང་བྱུང་སྟེ་ཉིད་ཀྱི་སྐུ་ལུས་དུམ་བུ་བརྒྱ་སྟོང་མང་པོར་གཏུབས་སོང་བ་ལ་འཇིགས་སྐྲག་ན་ཚ་སོགས་གང་ཡང་མེད་པའི་རང་བཞིན་ལྟད་མོ་བལྟས་པ་འདྲ་བ་ཞིག་གི་རྗེས་སུ་རྡོ་རྗེ་སེམས་དཔའི་སྐུ་འོད་ལམ་མེར་ཡོད་པ་ཞིག་ཏུ་གྱུར་ནས། སྔགས་པ་དེ་སོ་ཡེ་ཤེས་དབང་ཕྱུག་དང་འདུས་མདོའི་སྨིན་གྲོལ་དུས་གཅིག་ལ་རྫོགས་པའི་ཉམས་སྣང་བྱུང་བས་འདུས་པ་མདོའི་ཉེ་བརྒྱུད་ཐོབ། མཁན་པོ་ཉིད་ཀྱང་ངན་ལམ་རྒྱལ་བ་མཆོག་དབྱངས་ཀྱི་རྣམ་འཕྲུལ་ཡིན་གསུངས་པ་འདི་རིགས་ཕལ་ཆེར་རྩ་གསུམ་སྒྱུ་འཕྲུལ་དྲྭ་བའི་ལུང་བྱང་དུའང་གསལ་ཆ་ཡོད་པར་འདུག །དགུང་ལོ་བཅུ་དྲུག་པ་ཤིང་ལུག་ས་ག་ཟླ་བའི་ཚེས་བརྒྱད་ལ་མནལ་ལམ་དུ། རྒྱ་གར་གྱི་ཡུལ་སྤང་

[Full Size]

ལྗོངས་སྨན་གྱི་ནགས་ཚལ་སོགས་ཆེས་ཡིད་དུ་འོང་བ་ཞིག་ཏུ་ཕེབས་པ་ན་རྡོ་རྗེ་གདན་གྱི་ཀེའུ་ཚང་རིམ་དགུའང་ཟེར། དྷ་ཧེ་ནའི་འདུ་ཁང་ཡིིན་སྙམ་བྱེད་པའི་མཆོད་རྟེན་གྱི་རྣམ་པ་ལྟ་བུའི་ལྷ་ཁང་དགུ་བརྩེགས་གསེར་གྱི་རྒྱ་ཕིབ་སོགས་བཀོད་པ་བློ་ལས་འདས་པ་ཞིག་གི་ནང་དུ་བུད་མེད་ཅིག་གིས་ལམ་སྣ་བྱས་ཏེ་རིམ་པར་ཕེབས་པའི་རྩག་འོག་མ་རྣམས་སུ་པ་གྲུབ་ཕྱག་དཔེ་ཐོགས་ཤིང་འཆད་པ་དང་། སྐུ་བརྙན་སོགས་མང་པོ་བཞུགས་སྙམ་བྱེད་པ་ལས་ཞིབ་པར་མ་རྟོགས། རིམ་པ་བརྒྱད་པ་དེར་ཕེབས་པ་ན་སློབ་དཔོན་འཇམ་དཔལ་བཤེས་གཉེན་པཎྜི་ཏའི་ཆ་ལུགས་ཅན་གྱི་སྐུའི་གཡས་གཡོན་དུ་གླེགས་བམ་མང་པོ་བརྩེགས་པ་ཞིག་མཇལ་བ་ལ་གུས་པ་ཆེན་པོས་བཏུད་ཅིང་གསོལ་གདབ་མཛད་པས། གཡོན་ཕྱོགས་ནས་གླེགས་བམ་ཞིག་བླངས་ཏེ་བསྟན་པ་ཤེར་ཕྱེན་སྡུད་པའི་རྒྱ་དཔེར་འདུག །དེ་ཉིད་དབུར་བཞག་ནས་དགོངས་པ་གཏད་དེ་མཚན་ཉིད་ཀྱི་ཆོས་ཐམས་ཅད་ཀྱི་བཀའ་ལུང་རྫོགས་པ་ཡིན་ནོ་གསུངས། གཡས་ཕྱོགས་ནས་ཤོག་གུ་དུང་མདོག་ལ་བོད་ཡིག་ཏུ་བྲིས་པའི་གླེགས་བམ་ཞིག་བླངས་ནས་བསྟན་པ་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཅེས་བྱ་བར་སྣང་། དེ་ཉིད་དབུར་བཞག་ནས་དགོངས་པ་གཏད་དེ་གསང་སྔགས་རྡོ་རྗེ་ཐེག་པའི་ཚུལ་སྤྱི་དང་ཁྱད་པར་རྫོགས་པ་ཆེན་པོ་སྡེ་གསུམ་གྱི་ཚིག་དོན་བྱིན་རླབས་ཐམས་ཅད་རྫོགས་པ་ཡིན་ནོ་གསུངས། ལུང་བསྟན་འགའ་ཞིག་ཀྱང་མཛད་པའི་མཐར་དགྱེས་པའི་ཚུལ་གྱིས་འོད་དུ་ཞུ་ནས་རྗེ་ཉིད་ལ་ཐིམ་པས་དར་ཅིག་རྣམ་པར་མི་རྟོག་པའི་ཏིང་ངེ་འཛིན་ལ་འབྱམས། དེ་སད་ནས་ཕྱིར་ཕེབས་ལམ་རྩག་འོག་མ་རྣམས་སུ་གྲུབ་ཐོབ། པ་ཆེན། སྒོམ་པ་དང་། བཤད་པ་དང་། གཟིམ་པ་པོ་མང་དུ་བཞུགས་པ་རྣམས་སེམས་སྡེའི་མཁས་པ་ཉེར་གཅིག་སོགས་ཡིན་སྙམ་བྱེད་པ་ལས་བྱིན་རླབས་

[Full Size]

སོ་སོར་ཞུས་ནས་སྒོར་ཕེབས་པའི་ཚེ། གཙུག་ལག་ཁང་གི་སྒོ་དེར་བུད་ཤིང་སོགས་མེད་པའི་མེ་ཆེན་པོ་ཞིག་འབར་ཞིང་འདུག་པ་ལ། འདིར་བསྲེག་དགོས་སྙམ་པ་ཞིག་གི་རང་མེ་དེར་ཞུགས་པས་གདོས་བཅས་ཀྱི་ཕྱི་ནང་ཐམས་ཅད་ཚིག་པའི་རྗེས་སུ་སྣང་བ་དེ། དག་འགགས་ནས་ལུས་འོད་ལུས་བི་མ་མི་ཏྲ་ཡིན་སྙམ་པ་དང་སེམས་བདེ་སྟོང་ཟག་མེད་ཀྱི་ཡེ་ཤེས་མུ་མཐའ་མེད་པ་ལ་འབྱམས་པའི་ངང་དུ་མནལ་ལས་སད་པ་ན་ཉམས་དེ་ཞག་ཁ་ཤས་ཀྱི་བར་དུ་མ་ཡལ་བར་བྱུང་བས་རྫོགས་ཆེན་སེམས་སྡེའི་ཉེ་བརྒྱུད་ཀྱང་ཐོབ། དགུང་ལོ་སོ་གསུམ་པ་ཆུ་བྱི་ཟླ་བ་བཅུ་པའི་ནང་རྫོང་གསར་བཀྲ་ཤིས་ལྷ་རྩེའི་རྗེ་ཉིད་ཀྱི་བཞུགས་གནས་སུ་ཁོ་བོས་གསོལ་བ་བཏབ་པའི་ངོར་ཀློང་སྡེ་རྡོ་རྗེ་ཟམ་པའི་དབང་ལུང་ཁྲིད་བཅས་སྩལ་བའི་སྒོམ་ཚུལ་བླ་མའི་བྱིན་རླབས་ཀྱི་ནུབ་མོ་མནལ་ལམ་དུ་ཝ་སེང་གེ་བྲག་ཡིན་སྙམ་པའི་སྟོད་ལ་བྲག་དཀར་ཤུག་པའི་ནང་ཡོད་པ། དཀྱིལ་སྤང་རི་ཡིན་པའི་མཐིལ་དུ་བྲག་དཀར་ཁྱི་ཚུགས་བཅས་པ་འདྲ་བ་ཡོད་པའི་བྲག་རྩེར་སྤང་མི་ཕམ་མགོན་པོའི་སྐུ་འབུམ་ཡིན་རྒྱུའི་ས་འབུམ་ལྟ་བུ་ཞིག་འདུག་པ་ལ་དད་གུས་ཀྱིས་བསྐོར་བ་མཛད་པས་ས་སྐུ་ལྟ་བུར་སོང་། །མཐར་བགྲེས་པོ་ཕྱིང་ཐུལ་ཅན། སྒོམ་ཤིང་གཡོན་དུ་བརྟེན། ཚུལ་ཤིང་མདུན་དུ་བཞག་པ་ཅན་ཞིག་ཏུ་གྱུར་པ་ལ་གསོལ་འདེབས་མང་དུ་མཛད་པས་ཡུན་གཅིག་ནས་ཚུར་གཟིགས་ཏེ་བརྡ་བཞི་བསྟན་བྱུང་བས་ཀློང་སྡེའི་སྨིན་གྲོལ་ཚང་བར་ཐོབ་པའི་ངེས་ཤེས་སྐྱེས་པ་ནི་རྫོགས་ཆེན་ཀློང་སྡེའི་བཀའ་བབས་བརྙེས་པའོ། །དགུང་ལོ་ཉེར་གཅིག་ལྕགས་བྱི་རྣོྲན་ཟླར་གཞོ་སྟོད་ཏི་སྒྲོ་བྲག་དཀར་དུ་ཕེབས་སྐབས་སྤྱིར་གནས་ཀྱི་བྱིན་རླབས་ལྟ་བུས་ཐུགས་སྣང་འགྱུར་ནས་ཀུན་རྟོག་གི་རི་མོ་དག་པའི་སྣང་བ་འབའ་ཞིག་ཏུ་ཤར་བ་དང་། ཚོགས་ཁང་ཆེན་

[Full Size]

མོར་ཚོགས་མཆོད་མཛད་པའི་སྐབས་ཅུང་ཟད་མནལ་དུ་སོང་བ་ན། ཨོ་རྒྱན་ཡབ་ཡུམ་གཉིས་ཀྱིས་མཁའ་འགྲོ་སྙིང་ཐིག་གི་དབང་ལུང་ཁྲིད་གསུམ་ཡུད་ཙམ་ལ་རྫོགས་པར་སྩལ་བའི་དག་སྣང་ཤར། ཡང་ལོ་དེ་ཀའི་ས་ཟླ་ཕྱི་མའི་བཅོ་ལྔ་སྐོར་གངས་རི་ཐོད་དཀར་དུ་གནས་འབྲེལ་མཛད་སྐབས། དག་པའི་སྣང་བར་ཀློང་ཆེན་པའི་ཡེ་ཤེས་ཀྱི་སྐུས་ཕྱག་དབུ་ལ་བཀོད་ནས། བུ་ཞེས་པའི་གསུང་གིས་དབུགས་དབྱུང་སྩལ། བླ་སྒྲུབ་ཐིག་ལེའི་རྒྱ་ཅན་གྱི་དབང་བསྐུར་སོགས་ཀྱང་ཐུགས་གཏེར་དུ་བརྡོལ་ནས་ཡི་གེར་བཀོད་པར་མཛད། སྦྱར་བྱང་འགའ་ཞིག་ཏུ་ཀུན་མཁྱེན་བླ་མ་དགྱེས་པའི་འབངས་ཞེས་པའང་དེ་ལ་དགོངས་པ་ཡིན་གསུངས། མནལ་ལམ་དུ་ཀུན་མཁྱེན་པས་མཁའ་འགྲོ་ཡང་ཏིག་གི་བྱིན་རླབས་བླ་མ་སྒྲུབ་པའི་དབང་དང་ཁྲིད་བཅས་གནང་བ་དང་། གདུང་རུས་ལྟ་བུའི་སྐུ་བརྙན་ཞིག་ཀྱང་ཕུག་པ་དེ་ནས་ཕྱག་ཏུ་སོན་པས་རྫོགས་ཆེན་མན་ངག་སྡེ་པདྨའི་ལུགས་ཀྱི་བཀའ་བབས་ཐོབ། དགུང་ལོ་ཉེར་བཞི་ཆུ་ཡོས་ས་ཟླའི་ཚེས་བཅུ་གསུམ་ཉིན་འོ་ཡུག་སྡིང་མའི་ལམ་དུ་ཕེབས་པའི་ཆིབས་ཐོག་ཏུ། ཐོག་མར་སྣང་ཡུལ་ཐམས་ཅད་འོད་དམར་སེར་གྱིས་ཁྱབ་པས་ཐ་མལ་གྱི་རྟོག་པ་འགགས་ཏེ་ཕྱི་གོང་རྫའི་ར་བར་ཕེབས་ནས་ལྕེ་བཙུན་སེང་གེ་དབང་ཕྱུག་ལ་མཁའ་འགྲོ་མང་པོས་བསྐོར་བའི་གྲལ་དུ་འཁོད། འདས་རྗེས་ཞལ་ཆེམས་ཀྱི་ཚུལ་དུ་ལྕེ་བཙུན་སྙིང་ཐིག་བཀའ་སྩལ་པའི་སྔོན་གནས་རྗེས་སུ་དྲན། མཁའ་འགྲོ་མ་དཔལ་གྱི་བློ་གྲོས་ཀྱིས་བྱིན་གྱིས་བརླབས་པས་ཚིག་དོན་ཐམས་ཅད་ཕྱིས་ཡུན་རིང་མོ་སོང་ཡང་མི་བརྗེད་པར་བཀྲ་ལམ་མེར་ཐུགས་ལ་གནས་པར་བྱུང་བ་ནི་མན་ངག་སྡེ་བི་མའི་ལུགས་ཀྱི་བཀའ་བབས་བརྙེས་པའོ། །གཉིས་པ་ཇོ་བོ་རྗེ་དཔལ་ལྡན་ཨ་ཏི་ཤའི་བཀའ་སྲོལ་ལས་བྱོན་པའི་བཀའ་གདམས་

[Full Size]

ཀྱི་བཀའ་བབས་ཉེ་བརྒྱུད་བརྙེས་པའི་ཚུལ་ནི། སྤྱིར་འབྲོམ་སྟོན་གྱི་གདན་ས་རྭ་སྒྲེང་དུ་སྔ་རྗེས་ལན་བཞིར་ཕེབས་པ་ལ། ནམ་ཕེབས་དུས་ཐུགས་སྣང་འགྱུར་བའི་བྱིན་རླབས་ཆེན་པོའི་ངེས་ཤེས་རྙེད་པ་དང་། །ལྷག་པར་དགུང་ལོ་ཉེར་བཞི་ཆུ་ཡོས་སྣྲོན་ཟླའི་ཚེས་བརྒྱད་ལ་ཇོ་བོ་འཇམ་པའི་རྡོ་རྗེ་དང་། ཇོ་བོའི་འདྲ་ཐང་དབུ་ཡོན་མཇལ་སྐབས་དེ་དང་དེ་དངོས་སུ་མཇལ་བའི་དག་སྣང་གསལ་བས། དེ་སྐོར་སྦྱར་དུག་ཏུ་དོགས་པའི་བསྙུན་ཁམས་ལྕི་བ་ཞིིག་ཡོད་པའང་སྐད་ཅིག་གིས་དྭངས་པའི་ངོ་མཚར་ཆེན་པོ་བྱུང་། དགུང་གྲངས་སོ་གཉིས་ལྕགས་ཕག་དབྱུག་པ་ཟླ་བར་རྭ་སྒྲེང་དུ་ཕེབས་སྐབས་ཤུག་པའི་གསེབ་ཏུ་འབྲོམ་སྟོན་ཡབ་སྲས་རྣམས་བཞུགས་པ་དང་། གཞུང་གདམས་མན་ངག་བཅས་པའི་བཀའ་རྫོགས་པར་གཏད་པའི་གསལ་སྣང་བྱུང་བ་ལ་དེ་དང་མཐུན་པའི་གསུང་མགུར་མཛད་པའང་མགུར་པོད་དུ་བཞུགས་སོ། །གསུམ་པ་གྲུབ་ཆེན་བི་རཱུ་པའི་བཀའ་སྲོལ་གདམས་ངག་ལམ་འབྲས་བུ་དང་བཅས་པའི་བཀའ་བབས་ཉེ་བརྒྱུད་བརྙེས་པའི་ཚུལ་ནི། དགུང་ལོ་སོ་གཅིག་ལྕགས་ཕག་ས་ག་ཟླ་བའི་ནང་། མང་མཁར་ཐུབ་བསྟན་དགེ་འཕེལ་དུ་ཕེབས་ནས་ཚར་ཆེན་གྱི་འདྲ་སྐུ་མཇལ་སྐབས་སྐུ་བརྙན་དེ་ཉིད་ཚར་ཆེན་དངོས་སུ་སྣང་བས་བྱིན་གྱིས་བརླབས་པར་ཤར། མུ་གུ་ལུང་གི་སྒྲ་བསྒྱུར་རྒྱ་གར་ཕུག་ཏུ་ལམ་ཟབ་བླ་མའི་རྣལ་འབྱོར་ཞིག་ཉམས་བཞེས་མཛད་སྐབས་ཅུང་ཟད་མནལ་དུ་སོང་བར། འབྲོག་མི་ལོ་ཙཱ་བ་སྐུའི་རྣམ་པ་ཧ་ཅང་མི་གསལ་ཙམ་ཞིག་གིས་གླེགས་བམ་ཞིག་དབུ་ཐོག་ཏུ་བཞག་ནས། རྒྱུད་ཀྱི་བཤད་བཀའ་འདིས་རྫོགས་པ་ཡིན། མན་ངག་རྗེས་སུ་འབྱུང་གསུངས། དེ་སྐབས་ལམ་འབྲས་སྙིང་པོའི་མགུར་ཡང་མཛད། དགུང་ལོ་ཞེ་གཅིག་པ་མེ་སྤྲེལ་ཟླ་བ་དགུ་པའི་

[Full Size]

ཚེས་བཅུ་བཞིར་མནལ་ལམ་དུ། བླ་མ་ས་སྐྱ་པ་ཆེན་པོ་སྐུ་ཤིན་ཏུ་གསལ་བར་མཇལ་བའི་སྐུ་འོད་ཀྱི་རང་བཞིན་གྱི་ཐུགས་ཀའི་དབུས་སུ་འོད་ཀྱི་གང་བུ་ཤེལ་སྔོན་པོའི་མཆོད་རྟེན་དབྱིབས་ལྟ་བུའི་སྟོད་ཀྱི་ཆར་ཡང་དག་ལྷ་དགུ། བར་དུ་དགྱེས་རྡོར་ལྷ་དགུ། འོག་གི་ཆར་ཕུར་པ་གཙོ་རྐྱང་བཅས་སྐུ་དངོས་དང་མཚུངས་པར་གསལ་བའི་བླ་མ་ཡི་དམ་དབྱེར་མེད་ཀྱི་ཞལ་ནས་ཡང་ཕུར་དང་། ལམ་འབྲས་ཀྱི་བསྐྱེད་རྫོགས་སྙིང་པོ་ཁྱད་པར་ཅན་སྩལ་བ་གསན། །བཞི་པ་མངའ་བདག་མར་པའི་བཀའ་བརྒྱུད་ཀྱི་བཀའ་བབས་བརྙེས་པའི་ཚུལ་ནི། དགུང་ལོ་ཉེར་གཅིག་ལྕགས་བྱི་ལོའི་ཟླ་བ་དགུ་པར་ལྷོ་བྲག་གསས་མཁར་དགུ་ཐོག་ཏུ་མར་པ་ལོ་ཙཱའི་སྐུ་འདྲ་རིན་པོ་ཆེ་མཇལ་སྐབས་མར་པ་དངོས་ཀྱི་དག་སྣང་ཤར། དེ་ནུབ་མནལ་ལམ་དུ་མར་པ་ཡིན་སྙམ་པ་ལ་སྐུ་དངོས་མི་གསལ་བ་ཞིག་གིས། དངོས་པོའི་གནས་ལུགས་ལམ་དང་ནི། །འབྲས་བུ་སྐྱེ་བའི་རིམ་པའོ། །ཞེས་ཡེ་ཤེས་མཁའ་འགྲོའི་རྡོ་རྗེའི་ཆིག་རྐང་ལ་གསུང་བཤད་མཛད་པ་གསན། །དགུང་ལོ་ཉེར་དགུ་ས་སྤྲེལ་དབྱུག་པ་ཟླ་བའི་ཚེས་ཉེར་ལྔར་གཞུང་སྤྲེ་ཞིང་དུ་ཕེབས་ལམ་ཆིབས་ཐོག་ནས་ཡེངས་མ་ལམ་ལྟ་བུའི་སྐབས། མངའ་བདག་མར་པ་སྐུ་དར་ཡོལ་ཞིག་མདུན་མཁར་བཞུགས་ནས་རྒྱུད་དང་གདམས་ངག་གི་སྙིང་པོ་ཤློ་ཀ་གཅིག་གསུངས། རྔོག་ཆོས་སྐུ་རྡོ་རྗེ་ཡིན་པའི་གསལ་སྣང་ལམ་ཙམ་ཤར། བྱིན་རླབས་ཀྱི་ཟིལ་ཆེན་པོ་བྱུང་། གཞན་ཡང་སྔ་ཕྱི་རྣམས་སུ་མཚུར་ཕུའི་དུས་མཁྱེན་ཕུག་གི་སྐུ་བརྙན། ཕག་གྲུ་འཇག་སྤྱིལ་གྱི་སྐུ་འདྲ་རིན་པོ་ཆེ། འབྲི་གུང་སྐྱོབ་པ་གསེར་ཁང་མ། སྟག་ལུང་གཟིམ་སྤྱིལ་གྱི་ཐང་པ་རིན་པོ་ཆེ། ར་ལུང་གཙང་བརྒྱ་རས་ཀྱི་སྐུ་འབགས་ཁམས་གསུམ་ཟིལ་གནོན་རྣམས་མཇལ་སྐབས། དད་མོས་དྲག་པོ་རེས་རྐྱེན་བྱས་

[Full Size]

ཏེ་སོ་སོའི་སྐུར་དངོས་སུ་མཇལ་བ་དང་བྱིན་རླབས་ཀྱི་བབས་ཆེན་པོ་རེ་བྱུང་ཞིང་། སྔ་རྗེས་འགའ་ཞིག་ཏུ་རས་ཆུང་རྡོ་རྗེ་གྲགས་པ་ཡིན་པའི་གསལ་སྣང་འལ་འོལ་ཤར་གསུངས། །ལྔ་པ་མཁས་གྲུབ་ཁྱུང་པོ་རྣལ་འབྱོར་ནས་བརྒྱུད་པའི་ཤངས་ཆོས་ཀྱི་བཀའ་བབས་ཉེ་བརྒྱུད་བརྙེས་པའི་ཚུལ་ནི། དགུང་གྲངས་ཉེར་བཞི་ཆུ་ཡོས་ས་ག་ཟླ་བའི་ཚེས་བརྒྱད་ལ་ཞང་ཞོང་དུ་ཁྱུང་པོ་རྣལ་འབྱོར་གྱི་སྐུ་བརྙན་མཇལ་སྐབས། དབུ་སྟེང་དུ་གདུགས་ལྟ་བུའི་འོད་སྔོན་པོའི་ནང་དུ་རྒྱུད་སྡེའི་ལྷ་ཚོགས་མང་པོ་སྟོང་གཟུགས་ལྟ་བུར་ལམ་གྱིས་ཤར། མཐར་སྐུ་འདྲ་རིན་པོ་ཆེར་ཐིམ་པའི་ཞལ་ནས། ཨེ་ཝཾ་མཱ་ཡཱ་ཧོཿ ཞེས་པའི་སྔགས་ཀྱི་བརྡ་དང་། ཐུགས་ཀ་ནས་འོད་ཟེར་རང་ལ་ཐིམ་པས་ཤངས་ཆོས་ཀྱི་བག་ཆགས་སད་པ་ཞིག་བྱུང་། དེ་གོང་དགུང་ལོ་བཅོ་ལྔ་ཤིང་རྟ་ལོའི་སྟོན་སོར་ཡབ་གཞིས་སུ་བཞུགས་སྐབས་མནལ་ལམ་དུ། གྲུབ་ཆེན་ཐར་སྟོང་རྒྱལ་པོ་མཇལ་ནས་རྗེས་སུ་བཟུང་ཞིང་ཐུགས་ཏིག་སྩལ་སྐབས། རྫོགས་རིམ་སྐོར་ལྔའི་ནང་ནས་སྒོམ་པ་ཕྱག་ཆེན་གྭའུ་མ། བོགས་འདོན་ནི་གུ་ཆོས་དྲུག་ཏུ་སྩལ་བ་གསན་ནོ། །དྲུག་པ་གྲུབ་པའི་དབང་ཕྱུག་དམ་པ་སངས་རྒྱས་ཀྱི་བཀའ་སྲོལ་དམ་ཆོས་སྡུག་བསྔལ་ཞི་བྱེད་དང་། མ་གཅིག་ལབ་སྒྲོན་གྱི་བཀའ་སྲོལ་བདུད་ཀྱི་གཅོད་ཡུལ་གྱི་བཀའ་བབས་ཉེ་བརྒྱུད་བརྙེས་པའི་ཚུལ་ནི། དགུང་གྲངས་ཉེར་བཞི་ཆུ་ཡོས་གྲོ་བཞིན་ཟླ་བའི་ཚེས་བཅུར་རྩི་ཁོག་ཏུ་ཕེབས་སྐབས་དམ་པའི་སྒྲུབ་ཕུག་ནང་དུ་ཚོགས་མཆོད་མཚོན་ཙམ་ཞིག་མཛད་པ་ན། སྒྲུབ་ཕུག་དེ་འོད་ཀྱི་རང་བཞིན་དུ་གྱུར་པའི་མདུན་མཁར་དམ་པ་སངས་རྒྱས་ཉིད་ཆ་ལུགས་ཉི་འདི་མའི་རྣམ་པར་བཞུགས་པ་མཇལ། ཞི་བྱེད་སྐོར་གྱི་མན་ངག་དགོངས་པ་གཏོད་པའི་ཚུལ་གྱིས་

[Full Size]

གནང་བའི་མཐར་ཨོ་རྒྱན་པདྨ་སཾ་བྷ་བར་གནས་འགྱུར་ནས་སྙན་བརྒྱུད་སྐོར་ལམ་ཙམ་གསུངས། མཁའ་འགྲོ་མ་དཀར་མོ་ཞིག་ལ་ཕྱག་གི་བརྡ་མཛད་པས། བརྡ་ཡིག་ལྟ་བུ་ངོས་མི་ཟིན་པའི་སྟོང་གཟུགས་མང་པོ་ཞིག་ཐུགས་ཀར་བསྟིམས་བྱུང་བས། དམ་པའི་བླ་སྒྲུབ་སྙན་བརྒྱུད་སྙིང་གི་ཐིག་ལེའི་ཆོས་སྐོར་རྣམས་ཐུགས་ལ་བཀྲ་ལམ་གྱིས་ཤར་བ་ཕྱིས་སུ་སྒྲུབ་ཐབས་དང་རྩ་བ་ཙམ་གཏན་ལ་ཕབ་པར་མཛད། དགུང་ལོ་ཉེར་གཅིག་པ་ལྕགས་བྱི་ལོར་ཟངས་རི་མཁར་དམར་དུ་མ་གཅིག་ལབ་ཀྱི་སྒྲོན་མའི་སྐུ་འདྲ་རིན་པོ་ཆེ་མཇལ་སྐབས་ཞལ་བཞད་ཅིང་སྐུ་གཡོ་འགུལ་མཛད་པས་དངོས་སུས་གཡོ་བ་ལྟ་བུ་ཐམས་ཅད་ཀྱིས་ཚོར་བ་བྱུང་། བྱིན་རླབས་ཀྱི་ཟིལ་ཆེན་པོ་ཐོབ་པས་གདམས་པའི་སྙིང་པོ་ཐུགས་ལས་བརྡོལ་པའང་ཉམས་མགུར་གྱི་ཚུལ་དུ་འབྲི་བར་མཛད་དོ། །བདུན་པ་རྒྱུད་ཐམས་ཅད་ཀྱི་རྒྱལ་པོ་དཔལ་དུས་ཀྱི་འཁོར་ལོའི་རྫོགས་རིམ་རྡོ་རྗེའི་རྣལ་འབྱོར་གྱི་བཀའ་བབས་ཉེ་བརྒྱུད་བརྙེས་པའི་ཚུལ་ནི། དགུང་གྲངས་སོ་གཉིས་པ་ལྕགས་ཕག་སྣོྲན་ཟླའི་ཚེས་གསུམ་སྐོར་ཇོ་ནང་སྐུ་འབུམ་ཆེན་མོ་མཇལ་བར་ཕེབས་པར། མཁའ་འགྲོའི་རིགས་ཅན་གྱི་བུད་མེད་ཅིག་གིས་སྣ་དྲངས་ནས་ཐོག་ཁར་ཕེབས་སྐབས་དེ་ལས་རློན་ཟིལ་ལྟ་བུ་ཞིག་སྐུ་ལུས་ལ་ཕོག་པའི་རྐྱེན་གྱིས་བདེ་སྟོང་གི་ཉམས་མུ་མཐའ་མེད་པ་སྐྱེས་པས་རྐྱེན་བྱས། ས་ཕྱོགས་ཐམས་ཅད་དག་པའི་ཞིང་ཁམས་ལྟ་བུ་དང་ཆོས་རྒྱལ་རིགས་ལྡན་བརྒྱུད་པ་དང་བཅས་པ་དངོས་སུ་མཇལ་བའི་གསལ་སྣང་ཤིན་ཏུ་བརྟན་པའི་མཐར། ནམ་མཁའ་ནས་ཨེ་ཝཾ་གྱི་སྔགས་སྒྲ་ཞིག་གསན་པས་རྒྱུད་དང་མན་ངག་གི་སྙིང་པོ་ཐུགས་ལ་ལམ་ལམ་འཆར་བ་བྱུང་། དེའི་གོང་ས་སྦྲེལ་ནག་ཟླའི་ཉལ་དཔལ་སྤུངས་སུ་ཁོ་བོ་ལས་དུས་འཁོར་ཇོ་ནང་ལུགས་ཀྱི་དབང་

[Full Size]

ལུང་ཁྲིད་གསུམ་གསན་བཞེས་མཛད་སྐབས། སྦྱོར་དྲུག་སོར་སྡུད་ཁྲིད་ཀྱི་དམ་པོ་བྱིན་རླབས་ཕུལ་ནས་མུན་ཁང་མཚོན་བྱེད་བསྟེན་སྐབས། ཐིག་ལེ་སྔོན་པོའི་དབུས་སུ་ཨེ་ཝཾ་གྱི་ཡིག་འབྲུ་ཡོད་པ་ཤིན་ཏུ་མང་པོར་འཆར། ལར་སྐུ་ཆུང་ངུའི་དུས་ནས་བཟུང་མུན་པ་ཅུང་ཟད་གནག་པའི་ནང་དུ་སྲིད་པ་གསུམ་གྱི་སྟོང་གཟུགས་ཤིན་ཏུ་མང་པོ་རྩོལ་མེད་དུ་འཆར་བར་འདུག་པས་སྦྱོར་དྲུག་གི་བག་ཆགས་ཤིན་ཏུ་མཐུག་པ་འདྲ་གསུངས། ལྕགས་ཁྱི་ལོའི་དབྱུག་པ་ཟླ་བར་ཞྭ་ལུ་རི་ཕུག་ཏུ་མཆོག་སྤྲུལ་བློ་གསལ་བསྟན་སྐྱོང་ལས་དུས་འཁོར་བུ་ལུགས་ཀྱི་དབང་དང་རྒྱུད་བཤད་གསན་པའི་སྐབས་སྟ་གོན་གྱི་ནུབ་མོར། ནམ་མཁའི་དབྱིངས་མཐོན་པོར་འཕུར་ཅིང་གཤེགས་པས་བྱང་ཕྱོགས་ཐག་རིང་པོར་ཤམ་བྷ་ལ་ཡིན་རྒྱུའི་ཡུལ་ལྗོངས་ཆེས་ཆེ་བ་ཞིག་གཟིགས་པའི་དབུས་སུ་དུས་འཁོར་སྐུ་གསུང་ཐུགས་ཡོངས་རྫོགས་ཀྱི་དཀྱིལ་འཁོར་དངོས་ཀྱི་རྣམ་པ་ལ་ཧ་ཅང་མི་གསལ་ཙམ་གཟིགས་པའི་མཐར། མེ་ཕུང་ཆེན་པོ་འབར་བའི་ནང་དུ་འབྱུང་པོ་མ་རུངས་པའི་ཆ་བྱད་ཅན་མང་པོ་ཚིག་པའི་སྒྲས་རྣ་བ་འགས་པ་ཙམ་བྱུང་བའི་རྗེས་མནལ་སད། རྗེས་སུ་བླ་མ་ལ་ཞུ་བར་མཛད་པས་བར་ཆད་ལས་རྒྱལ་བའི་མཚན་མ་ཡིན་པས་ཤིན་ཏུ་ལེགས་གསུངས་སོ། །བརྒྱད་པ་གྲུབ་ཆེན་ཨོ་རྒྱན་པ་ལ་རྡོ་རྗེ་བཙུན་མོས་གནང་བའི་བསྙེན་སྒྲུབ་ཀྱི་བཀའ་བབས་ཉེ་བརྒྱུད་བརྙེས་པའི་ཚུལ་ནི། ཨོ་རྒྱན་པའི་དུས་སུ་རྟོགས་ལྡན་ཟླ་བ་སེང་གེ་ཡིན་པའི་ཐུགས་ཤེས་ཤིན་ཏུ་གསལ་བའི་བག་ཆགས་ཀྱིས་ཨོ་རྒྱན་བསྙེན་སྒྲུབ་སྐོར་ཨི་ཐོབ་ཀྱི་ཐུགས་འདུན་བསྟར་ཆགས་སུ་བྱུང་བའི་སྐབས་ཤིག་མནལ་ལམ་དུ། དང་པོ་རྗེ་རང་བྱུང་རྡོ་རྗེ་ལམ་ཙམ་གསལ། སླར་གྲུབ་ཐོབ་ཨོ་རྒྱན་པ་ཡིན་

[Full Size]

པའི་ཕྱག་ཏུ་པུསྟི་ཞིག་བསྣམས་པ་རྗེ་ཉིད་ཀྱི་དབུར་བཞག་ནས་བྱིན་གྱིས་བརླབས་པ་ཞིག་བྱུང་བ་ནས་མི་རིང་བར། མཚུར་ཕུའི་གདན་སར་དཔལ་ཀརྨ་པ་བཅུ་བཞི་པ་ལས་འདིའི་གདམས་ངག་རྫོགས་པར་གསན་གྲུབ་པར་བྱུང་བས་སྐལ་བ་བཟང་པོར་གྱུར་གསུངས། གཞན་གདམས་ཕྲན་ཐོར་བུའི་སྐོར་རྣམས་ལའང་ཉེ་བརྒྱུད་ཀྱི་བཀའ་བབས་བྱིན་རླབས་ཐོབ་ཚུལ་མང་དུ་བཞུགས་པར་སྣང་ནའང་། ཁོ་བོས་ཆེད་དུ་གསོལ་བ་བཏབ་པ་ལ་གཙོ་ཆེ་བ་རྣམས་བཀའ་སྩལ་བ་ཐོར་བཀོད་ཅིང་། གཞན་རྨི་ལམ་དང་མཐོང་སྣང་སོགས་ལ་བཤད་ཚོད་བྲི་ཚོད་ག་ལ་ཡོད་ཅིང་དགོས་པ་ཆེར་མི་འདུག་ཅེས་ཕེབས་པས་ཞིབ་ཏུ་མ་རྟོགས་ཤིང་ཁ་ཤས་ཐོས་པ་ཙམ་འོག་ཏུ་འབྱུང་ངོ། །མཁས་གྲུབ་པྲཛྙཱ་ར་སྨིས། ཆོས་ཕུང་བརྒྱད་ཁྲིའི་ཡང་སྙིང་སྲོལ་ཆེན་བརྒྱད། །གནས་སྐབས་གདུལ་བྱའི་རིམ་པས་འཁྲིད་ཚུལ་དང་། །ཉམས་ལེན་གཙོ་བོ་ལ་སོགས་སོ་སོ་ནའང་། །མཐར་ཐུག་ལྟ་སྒོམ་རྣམ་བཞག་གཅིག་ཏུ་ངེས། །ཞེས་སོགས་གསུངས་པ་ལྟར་བཀའ་སྲོལ་དེ་དག་ཐམས་ཅད་ཀྱང་གནས་སྐབས་གང་ཟག་དབང་པོའི་རིམ་པ་ལ་དགོངས་པའི་ཁྲིད་ཚུལ་འདྲ་མིན་ཏུ་བྱུང་བ་ལས་ལྟ་སྒོམ་གྱི་གནད་དང་། མཐར་ཐུག་མི་སློབ་པའི་ཟུང་འཇུག་སྐུ་བཞིའི་བདག་ཉིད་ཅན་གྱི་རྫོགས་པའི་སངས་རྒྱས་ཀྱི་གོ་འཕང་སྒྲུབ་པ་ལ་མཚུངས་ཤིང་། །ཐམས་ཅད་ཀྱང་ཐེག་ཆེན་རྡོ་རྗེ་ཐེག་པའི་ཟབ་ལམ་ཕྱིན་ཅི་མ་ལོག་པ་ཡིན་པ་ལ་ཁྱད་པར་མེད་པས་བསྟན་འཛིན་གྱི་སྐྱེས་བུ་གཞན་དག་གིས་ཀྱང་རྗེ་བླ་མ་འདི་ཉིད་ཀྱི་རྣམ་པར་ཐར་པ་ལ་ཡིད་ཆེས་པའི་དད་པས་རྗེས་སུ་སློབ་པར་རིགས་སོ།། །།

[Full Size]

གསུམ་པ་གང་ཟག་མཆོག་དམན་གང་དང་ཡང་ཐུན་མོང་མ་ཡིན་པ་གསང་བའི་རྣམ་ཐར་སྤྱི་དང་ཁྱད་པར་གཉིས་ལས། སྤྱིར་ཐུགས་བསྐྱེད་ཁྱད་པར་ཅན་དང་སྨོན་ལམ་གྱི་ས་བོན་དུས་སུ་སྨིན་པའི་རྒྱུ་ལས་བཀའ་བབས་ཆེན་པོ་བདུན་གྱི་མངའ་བདག་ཏུ་གྱུར་པ་སྟེ། རྫོགས་ཆེན་སྡེ་གསུམ་གྱི་ལུང་བྱང་ལས། བཀའ་ནས་བཀའ་བརྒྱུད་བར་མ་ཆད༔ ཟབ་མོ་དངོས་དང་དགོངས་པའི་གཏེར༔ ཡང་གཏེར་རྗེས་སུ་དྲན་པའི་གཏེར༔ དག་སྣང་སྙན་དུ་བརྒྱུད་པ་ཡི༔ བཀའ་བབས་བདུན་གྱི་ཆུ་བོ་༔ མངའ་བདག་ཡབ་སྲས་སྐལ་བར་བབས༔ སྙིགས་དུས་བསྟན་པའི་བཙས་ཆེན་བྱེད༔ ཟབ་རྒྱས་ཉི་འོད་ལྷག་པར་བརྡལ༔ ཅེས་དང་གཏེར་ལུང་གཞན་ལས་ཀྱང་མདོ་རྒྱས་ཚུལ་གྱིས་མང་དུ་འབྱུང་བ་ལྟར། ཡབ་གཅིག་ཁྲི་སྲོང་རྣམ་འཕྲུལ་ཀུན་མཁྱེན་བླ་མ་རིན་པོ་ཆེ་དང་། ལྷ་སྲས་དམ་འཛིན་རྣམ་འཕྲུལ་མཆོག་གྱུར་བདེ་ཆེན་གླིང་པ་རྣམ་པ་གཉིས་ཀྱི་ལུང་དུ་གསལ་བ་ལྟར། མཆོག་གྱུར་གླིང་པ་ལའང་རྣམ་གྲངས་ཚང་ཙམ་བཞུགས་ཀྱང་འགྲོ་དོན་གྱི་མཐའ་བརྟུལ་བས་རྒྱ་ཆེར་མ་བྱུང་བར་སྣང་། རྗེ་བཙུན་བླ་མ་འདི་ཉིད་ཀྱི་བཀའ་བབས་དང་པོ་གསང་སྔགས་གསར་རྙིང་གཉིས་སུ་གྲགས་པ་རྣམས་བཀའ་ནས་བཀར་བརྒྱུད་པའི་བཀའ་བབས་བརྙེས་པའི་ཚུལ་ནི། །དགུང་གྲངས་བཅུ་དྲུག་པ་རས་ག་ཟླ་བའི་ཚེས་བཅུའི་ཐོ་རངས་དག་པའི་སྣང་བར་རྔ་ཡབ་པདྨ་འོད་དུ་ཕེབས། དེའང་བྲག་རི་ལྷུན་ཆགས་པའི་ཕུག་པའི་ནང་དུ་སྤྲིན་དཀར་ཤིན་ཏུ་མཛེས་པའི་ཁྲོད་ན་གུ་རུ་མཚོ་སྐྱེས་རྡོ་རྗེ་མཁའ་འགྲོའི་ཚོགས་ཀྱིས་བསྐོར་བའི་བཀོད་པ་ཅན་མཇལ། དགོངས་པས་བྱིན་གྱིས་བརླབས་ཤིང་བརྡའི་དབང་བསྐུར་བ་དང་བཀའ་བབས་བདུན་འབྱུང་བའི་དབུགས་དབྱུང་རྒྱས་པར་སྩལ་བའི་

[Full Size]

མཐར་སྤྱན་ལྟ་སྟངས་དང་བཅས་ཏེ། གཟུང་བའི་ཡུལ་གྱིས་མ་གོས་ཤིང་། །འཛིན་པའི་རྟོག་པས་མ་བསླད་པ། །རིག་སྟོང་རྗེན་པར་བསྐྱང་བ་ནི། །སངས་རྒྱས་ཀུན་གྱི་དགོངས་པའོ། །ཞེས་གསུངས་ཏེ་འཁོར་དང་བཅས་པ་རྗེ་ཉིད་ལ་ཐིམ་པས་ཐུགས་ཡིད་དབྱེར་མེད་དུ་འདྲེས་པའི་ཉམས་ཤར་ཏེ་དེ་ཕྱིན་ཆད་ཀ་དག་གི་གནས་ལུགས་ལ་རང་བཞིན་གྱིས་བརྟན་པ་ཐོབ་པར་གྱུར། དེ་ལ་ཐུགས་སྤྲོ་བ་བརྟས་ཏེ་གུ་རུ་རིན་པོ་ཆེར་རྩེ་གཅིག་ཏུ་གསོལ་བཏབ་མཛད་པའི་རྐྱེན་ལས་མདོ་རྒྱུད་གསར་རྙིང་བཀའ་གཏེར་སྨིན་གྲོལ་རྒྱབ་རྟེན་དང་བཅས་པ་ཡོངས་གྲགས་རྣམས་དང་རྒྱུན་ཤིན་ཏུ་དཀོན་པ་རྣམས་ཀྱི་དབང་ལུང་མན་ངག་གངས་ཅན་དུ་བཞུགས་སོ་འཚལ་གསན་གྲུབ། གཞུང་དང་གདམས་པའི་ཡིག་རྙིང་ཁྱད་པར་ཅན་དཔེ་རྒྱུན་ཤིན་ཏུ་དཀོན་པ་མང་པོའང་རྩོལ་བཅས་རྩོལ་མེད་སྣ་ཚོགས་ཀྱིས་ཕྱག་ཏུ་འབྱོར་བས་རང་ཉིད་ཀྱིས་ཐུགས་ཉམས་སུ་བཞེས་ཤིང་དད་མོས་ཅན་རྣམས་ལ་འཆད་སྤེལ་གྱི་ཕྲིན་ལས་བསྐྱངས་པས་གྲུབ་མཐའ་རིས་སུ་མ་ཆད་པ་ཀུན་གྱི་བསྟན་པའི་སྲོག་མཐུད་པར་མཛད་པ་འདི་ཀ་གཙོ་བོ་ཡིན་ལ། ཆོས་ཀྱི་རྒྱུན་གྱི་ཏིང་ངེ་འཛིན་ལ་དབང་འབྱོར་བའི་ཚུལ་གྱིས་ཉིན་དང་མཚན་དུ་ཆོས་སྒོ་རབ་འབྱམས་ཀྱི་སྣང་བ་ལ་ལོངས་སྤྱོད་པས། དག་པའི་སྣང་བར་སངས་རྒྱས་བྱང་སེམས་མཁས་གྲུབ་རིག་པ་འཛིན་པ་ལ་སོགས་པ་ལས་ཆོས་གསན་པ་དང་། སྐུའི་ཡང་སྲིད་སྔོན་མའི་གནས་ཚུལ་དང་ཟབ་ཆོས་གསན་པར་དྲན་པ་སོགས་ནི་མང་དུ་བཞུགས་པར་སྣང་ནའང་སྐལ་ལྡན་འགའ་ཞིག་ལ་མཚོན་ཙམ་ལས་རང་གི་ཡོན་ཏན་སྒྲོག་པར་འགྱུར་བ་དང་། གཞན་དག་གི་བློ་ལ་མི་ཤོང་བས་ཉེས་པ་སྐྱེད་པར་འགྱུར་བ་ལ་དགོངས་ནས་ནམ་ཡང་གསུང་བར་མ་མཛད་པས་བཀོད་པར་རྔོམ་ཐོགས་ཀྱང་། རང་གིས་གང་ཐོས་སྒྲོ་སྐུར་

[Full Size]

མེད་པ་ཕྱོགས་མཚོན་ཙམ་ནི་གོང་དུ་སྒྲུབ་བརྒྱུད་ཤིང་རྟ་བརྒྱད་ཀྱི་བཀའ་བབས་ཉེ་བརྒྱུད་བརྙེས་པའི་ཚུལ་དེ་རྣམས་དང་། །གཞན་ཡང་དཔྱལ་ཨ་མོ་གྷ་བཛྲའི་སྔོན་གནས་གསལ་བར་དྲན་ཅིང་ཁ་ཆེ་པ་ཆེན་གྱི་ཐུགས་དམ་ཡང་དག་མེ་གཅིག་ཉེ་བརྒྱུད་བྱུང་། དག་པའི་སྣང་བར་སངས་རྒྱས་གསང་བ་ལས་སྒྱུ་འཕྲུལ་ལམ་རིམ་གསན། རེད་མངའ་བ་གཞོན་ནུ་བློ་གྲོས་ལས་དབུ་མ་བདེན་གཉིས་གསན། སྙེ་མདོ་པ་བསོད་ནམས་དཔལ་གྱི་སྔོན་གནས་རྗེས་སུ་དྲན་ཅིང་ཕ་དམ་པས་སློབ་དཔོན་པདྨ་ལ་ཞུས་པའི་ཕུང་པའང་ཉེ་བརྒྱུད་དུ་གསན། ས་ཆེན་གྱིས་ལན་གསུམ་དུ་སྨིན་གྲོལ་བྱིན་རླབས་སྩལ་ཅིང་ཁྱད་པར་མེ་ཡོས་མགོ་ཟླའི་དམར་ཕྱོགས་སུ་དཔལ་སྤུངས་ཕུར་སྒྲུབ་རྡོ་རྗེ་སློབ་དཔོན་མཛད་སྐབས་ཁོ་བོས་ཕུར་པ་རྩ་དུམ་རྒྱུད་བཤད་ཅིག་གནང་གྲུབ་པར་གསོལ་བ་བཏབ་པའི་ནུབ་མོ་མནལ་ལམ་དུས་ཆེན་མཇལ་བར་རྩ་དུམ་ལྗགས་བཤད་སྩོལ་བར་ཞུས་པས་སྔར་གནང་བ་དེ་རྣམས་ཀྱིས་ཆོག་པར་ཡོད་མོད་གསུངས། ལྗགས་བཤད་མདོར་བསྡུས་གནང་ནས་ཕེབས་སོང་བ་ན་དེ་ལ་ས་བཅད་སོགས་རྒྱས་པ་ཞིག་ཡོད་དགོས་པར་འདུག་ཞུས་པས། རྩ་བའི་བཤད་རྒྱུན་དེ་ཀས་ཆོག །རྒྱས་པ་ངེད་རང་གི་སློབ་མ་མེ་ཉག་པ་པྲཛྙཱ་ཛྭ་ལས་བྲིས་པ་ལ་ལྟོས་གསུངས་པས་ཕུར་པའི་རྒྱུད་བཤད་ཉེ་བརྒྱུད་གསན། ལྕགས་བྱ་ནག་པ་ཟླ་བར་དཔལ་སྤུངས་ཡང་ཁྲོད་སྒྲུབ་སྡེར་རྟེན་གསར་བཞེངས་རྣམས་ལ་རབ་གནས་དང་། དགྱེས་པ་རྡོ་རྗེ་བཀའ་སྲོལ་བཞི་པོའི་དབང་། རྒྱུད་བཤད། ལམ་འབྲས་བཅས་རྫོགས་པར་ཞུས་པའི་སྐབས་མནལ་ལྟས་སུ། ལྷ་ཁང་ཆེན་པོ་ཞིག་ཏུ་ཕེབས་པས་དབུས་སུ་ཁྲི་ཆེན་པོ་ཞིག་གི་སྟེང་དུ་དཔལ་ལྡན་བླ་མ་བསོད་ནམས་རྒྱལ་མཚན་པ་བཞུགས། སྐུའི་གཡས་གཡོན་དུ་པུསྟི་མང་པོ་

[Full Size]

བརྩིགས། མདུན་གཡས་གདན་རྐྱང་བཏིང་བའི་སྟེང་ཐེག་ཆེན་ཆོས་རྗེ་བཞུགས་འདུག་པ་ལ་གུས་འདུད་མཛད་ནས་ཀྱེ་རྡོར་རྒྱུད་བཤད་ཅིག་སྩོལ་བར་ཞུས་པས་གཡས་ཀྱི་དཔེ་ཁྲི་ལ་ཕྱག་མཛུབ་གཏད་ནས་འགྲེལ་པ་ཁྱེར་ཤོག་གསུངས། གདོང་ཡིག་ལ་འགྲེལ་པ་ཡིན་པའི་གླེགས་བམ་ཞིག་ཕུལ་བས་འདི་ངེད་ཀྱི་མ་རེད། ཁོང་རང་གིས་བྱས་པ་རེད་གསུངས་ནས་ཐེག་ཆེན་ཆོས་རྗེ་ལ་གཟིགས། སླར་གླེགས་བམ་ཞིག་ཕུལ་བས་དེ་སྟེང་རྒྱུད་བཤད་ཚར་གཅིག་གནང་ནས་གླེགས་བམ་དབུར་བཀོད་པ་སོགས་བྱུང་། ཡང་དུས་གཞན་ཞིག་ལ་བྱ་གཤོང་དུ་མང་ཐོས་ཀླུ་སྒྲུབ་རྒྱ་མཚོ་ལས་ཀྱེ་རྡོར་རྒྱུད་བཤད་གསན་པའང་བྱུང་བས། ཀུན་ཏུ་དགོས་པའི་གཞུང་བདུན་སོགས་ཚིག་བརྒྱུད་བར་མ་ཆད་པ་བཞུགས་བཞིན་པའི་ཐོག །བཤད་པའི་ཉེ་བརྒྱུད་དམིགས་བསལ་ཐོབ་པས་ཀྱེ་རྡོར་བརྟག་གཉིས་དང་ཕུར་པ་རྩ་དུམ་རྣམས་བཤད་རྒྱུན་ཀྱང་བཞུགས་ངེས་པའི་དམིགས་བསལ་མཛད་པས་ལུགས་འདི་འཛིན་པ་རྣམས་ཀྱིས་རྒྱུན་སྐྱོང་བ་ཞིག་མཛད་གྲུབ་ན་ཤིན་ཏུ་གལ་ཆེ་བར་མངོན་ནོ། །རབ་བྱུང་བཅོ་ལྔ་པའི་མེ་ཁྱི་ཟླ་བ་གཉིས་པའི་ཚེས་གཅིག་སྐོར་མ་ཧཱ་པཎྜི་ཏ་མི་ཕམ་ལ་དབུ་མ་རྒྱན་གྱི་འགྲེལ་པ་ཞིག་བྲིས་ཞེས་བཀའ་གནང་བ་བཞིན་འགྲེལ་པ་བྲི་གྲུབ་ནས། སླར་དབྱར་ཕྱོགས་བཤད་པ་ཞིག་བགྱིད་པར་རྩོམ་པའི་ཚེ། ཟླ་བ་བཞི་པའི་ཚེས་བཅུ་དྲུག་ལ་སྐུ་མདུན་ཤོག་གསུངས། མདངས་སུམ་ཚེས་བཅོ་ལྔའི་ནུབ་སློབ་དཔོན་ཀ་མ་ལ་ཤཱི་ལ་ན་བཟའ་བཙུན་ཆས་རྡོ་ཆོས་ཅན་དཀྱུས་མ་མནབས་པ་ཞིག་གིས་ཕྱག་ན་སྦ་ཡེ་ཤེས་དབང་པོའི་ཕྱག་དཔེ་ཡིན་གསུངས་པའི་དབུ་མ་རྒྱན་རྩ་འགྲེལ་གཉིས་བསྣམས་ནས་ཁོང་ལ་གནང་སྟེ་བཤད་པ་ཞིག་མཛད་སོང་བའི་རྗེས་ལ། ཁོང་གིས་ཀ་ཤཱིའི་སྒོམ་རིམ་གྱི་བཤད་པ་ཞིག་ཞུས་པ་ལ། སྒོམ་རིམ་

[Full Size]

བར་པའི་ལུང་རྒྱུན་ཡོད་པ་དེས་ཆོག་གསུང་བ་བྱུང་། ད་ནང་ཁྱོད་ལ་བཤད་ལུང་བྱེད། གནང་ཚེས་བཅོ་བརྒྱད་ལ་རྒྱན་གྱི་བཤད་པ་ཞུ་མཁན་གྱི་འདུས་པ་རྣམས་ལ་བཤད་པ་གྲུབ་གྱིས་ཞེས་ཕེབས་པ་དང་། ཡང་དེ་སྐོར་ཞིག་ཏུ་ཁོང་ལ་གཞན་ཞིག་གིས་ཁྱོད་རྡོ་ཐོག་ཐེལ་པ་རྡོ་རྗེ་རྒྱལ་མཚན་དུ་སྐྱེས་དུས་བྱམས་ཆོས་སྡེ་ལྔ་ཚར་བརྒྱ་བཤད་པ་ཡིན་ཚུལ་གླེང་བ་དང་། བླ་མ་དེ་རྒྱ་ནག་དབུ་བླར་ཕེབས་པར་སྔགས་པ་ཡིན་གཤིས་རྒྱ་ནག་པས་ཉམས་སད་པའི་ཕྱིར་མཆོད་རྟེན་ནང་སྒྲོམ་དུ་བཅུག་སྟེ་ལོ་གཅིག་སྒོ་བསྡམས་ནས་དབྱེ་མི་ཆོག་པར་བཞག །སླར་ལོ་གཅིག་སོང་རྗེས་བལྟས་པས་ཕར་བཞག་དུས་དང་འདྲ་བར་བཞུགས་ཤིང་། དེར་ཡུད་ཙམ་གྱི་སྣང་བ་ལས་མ་བྱུང་ཚུལ་གསུངས་པས། རྒྱ་ནག་རྒྱལ་པོ་འཁོར་བཅས་སྔགས་པར་དད་ནས་བཀུར་བཟོས་རྒྱ་ཆེན་པོ་དང་བཅས་ཏེ་སླར་བོད་དུ་ཕེབས་པས་སྔགས་པ་རྣམས་ལ་ཕན་ཆེན་པོ་ཐོགས་པ་དེ་ཡིན་ཞིང་། །དེ་དུས་ཀྱི་གནས་སྐབས་རྣམས་དྲན་གསུངས་ནས་དེའི་གནད་ཀས་མི་ཕམ་རང་ལ་འབྱེད་རྣམ་གཉིས་ཀྱི་བཤད་ལུང་ཞིག་སྩལ་བར་ཐོས། ཡང་མེ་ཡོས་ཟླ་བ་བཅུ་གཉིས་པའི་ཚེས་གསུམ་ལ་རྗེ་རིན་པོ་ཆེས་མཛད་པའི་བདེ་མཆོག་རྒྱུད་འགྲེལ་སྦས་དོན་ཀུན་གསལ་སྟེང་ནས་རྒྱུད་བཤད་ཞུས་པ་དང་པོ་ཚུགས་པའི་ནུབ་མོ་མནལ་ལམ་དུ། སྐུ་ལུས་ལས་མི་གཙང་བ་དང་། བུ་ག་རྣམས་ལས་ཁྲག་རྣག་མཐའ་ཡས་པ་ཞིག་ཟག །སྐུ་ལུས་དྲི་མ་མེད་ཅིང་ཤིན་ཏུ་ཡང་བ་གཤོག་པ་དང་ལྡན་པ་ཞིག་ཏུ་གྱུར་པས་འཕུར་ནས་ཕྱིན་པས་རྒྱ་གར་ལྷོ་ཕྱོགས་ཞིག་ཏུ་ཕེབས། དེར་ཐང་ཡངས་པ་ཞིག་གི་མཐར་བྲག་དང་ནགས་ཚལ་ཡོད་པའི་རི་བོ་ཞིག་དང་ཉེ་བར་འདུག་པ་ལ་གཟིགས་པས། རི་མགུལ་དེར་གྲུབ་ཆེན་ལཱུ་ཧི་པ་ཡིན་ཟེར་བའི་རྣལ་འབྱོར་པ་ཞིག་

[Full Size]

ཞལ་ཕར་ཕྱོགས་ཏེ་ཁོག་མ་ལ་མེ་འབུད་ནས་ཚོད་མ་བཙོ་བ་ལྟར་སྣང་། རི་དེའི་གཤམ་ནས་བདག་ལ་དངོས་གྲུབ་ཅིག་སྩོལ་ཅེས་འགའ་ཞིག་པོས་པས་ཞལ་ཚུར་གཟིགས་པ་ན་ཉི་མ་ལྟ་བུའི་གཟི་བརྗིད་ཤིན་ཏུ་བཟོད་དཀའ་བ་ཞིག་སྣང་། སླར་ཡང་བོས་པས་མདུན་གྱི་མེ་དེ་དམར་ཐར་ཐར་དྲག་ཏུ་གཏོར་བྱུང་བའི་གསེབ་ཏུ་ཉུངས་མ་བསྲེགས་པའི་རྡོག་པོ་ཞིག་སྣང་བ་ཁ་ཕྱེས་པའི་ནང་དུ་ཤིང་ཏོག་ལས་གྲུབ་པ་ལྟ་བུའི་འཁོར་ལོ་བདེ་མཆོག་གི་སྐུ་བརྙན་སེར་སྨུག་ཆེས་ལེགས་པ་ཞིག་འདུག་པ་ཞལ་དུ་གསོལ་བས་སྐུ་ལུས་དང་དབྱེར་མེད་དུ་འདྲེས་པའི་བདེ་བས་གང་བ་ལྟ་བུའི་ངང་ནས་སད་པ་ན་འཁོར་ལོ་བདེ་མཆོག་གི་བྱིན་རླབས་ཡོངས་རྫོགས་ཐོབ་པའི་ངེས་ཤེས་འཁྲུངས། ཤབ་བག་སྟོན་གཞོན་ནུ་ཚུལ་ཁྲིམས་ཀྱི་སྔོན་གནས་རབ་ཙམ་གསལ་ཞིང་། མངའ་རིས་པ་ཆེན་རིན་པོ་ཆེའི་བག་ཆགས་འལ་འོལ་འཆར་བ་ན་དེ་དག་གི་སྐབས་སུ་སྒྲུབ་བརྒྱུད་བརྒྱད་ཀྱི་ལམ་སྲོལ་རྣམས་དཀའ་བ་དུ་མས་བཙལ་བ་དྲན་པ་ན་དགའ་བ་དང་སྐྱོ་བ་འདྲེས་པའི་ཉམས་ཅི་རིགས་འཆར་བར་སྣང་གསུངས། རྗེ་རིན་པོ་ཆེ་ཙོང་ཁ་པའི་མཚན་ཐོས་པ་ཙམ་གྱིས་དང་བའི་ཡིད་རྒྱུན་ཆགས་སུ་འབྱུང་ཞིང་། ཇོ་ནང་རྗེ་བཙུན་རིན་པོ་ཆེར་མོས་གུས་ཐུན་མོང་མ་ཡིན་པ་རྒྱུན་ཆགས་པ་ལ་བརྟེན། ཡང་དང་ཡང་དུ་མཇལ་བ་དང་། སྐབས་ཤིག་ཁོང་གིས་བཞེས་མ་གྲུབ་པའི་གཏེར་ཆོས་ཕྲེང་བ་སྐོར་བཞི་ལས་ལྟ་བུའི་ཕྲེང་བ་གཞི་རྒྱུད། རྣམ་ཤེས་ཕྲེང་བ་བསྐྱེད་རིམ། ཡེ་ཤེས་ཕྲེང་བ་རྫོགས་རིམ། ལས་ཀྱི་ཕྲེང་བ་སྒྲུབ་ཆེན་དང་ལས་ཕྲན་སྐོར་སོགས་ཡིན་པའི་གསུང་བཤད་མདོར་བསྡུས་གནང་། དེ་རྣམས་ཀྱི་གཏེར་དཔེ་ཟབ་བུ་ལུང་གི་རྫ་མོ་ཧཱུྃ་འདྲར་ཡོད་པ་མ་འོངས་པའི་དུས་སུ་སྤྱོད་པར་གྱིས་ཤིག་པའི་རྗེས་གནང་ཡང་སྩལ་གསུངས་སོ། །གཉིས་པས་གཏེར་གྱི་བཀའ་

[Full Size]

བབས་ཚུལ་ནི། དགུང་ལོ་ཆུང་ངུའི་དུས་ནས་གཏེར་གྱི་ལུང་བསྟན་མང་དུ་བྱུང་འདུག་ཀྱང་རྟེན་འབྲེལ་གཞན་དབང་དུ་སོང་། དབྱར་རུ་ནང་བཞུགས་སྐབས་གནས་རི་ཡིན་པའི་བྲག་ཞིག་ནས་རྡོ་གྲུ་བཞི་ལ་བརྡ་ཡིག་ཡོད་པ་ཞིག་རྙེད་པ་རྩ་གསུམ་བདེ་གཤེགས་འདུས་པའི་ཆོས་སྐོར་ཡིན་འདུག་པ་ལས་བྱང་ལྡེབ་ལྔ་བཅུ་ཙམ་ཕབ། རྔོ་རང་མལ་དུ་རྒྱས་གདབ། ལས་བྱང་དེ་ཕྱིས་བར་ཕྱག་ཏུ་བཞུགས་ཀྱང་ཕྱིས་བྱོན་ཐུགས་སྒྲུབ་རྣམ་གསུམ་གཅིག་དྲིལ་ལྟ་བུའི་ལྷ་སྔགས་ཐམས་ཅད་རྣམ་པ་གཅིག་པ་ཁོ་ནར་སྣང་བས་དཔེ་མི་མངོན་དབྱིངས་སུ་རྒྱས་བཏབ་པ་ཡིན་གསུངས། དགུང་ལོ་ཉེར་དགུ་ས་སྤྲེལ་དབྱུག་པ་ཟླ་བར་ལྷ་ལྡན་ནས་བསམ་ཡས་ཕྱོགས་སུ་ཕེབས་པའི་ཚེས་བཅུའི་ནང་མོར་ཉེ་གནས་པ་སྔོན་དུ་སོང་། སྐུ་ཉིད་རྐྱང་པ་བྲག་དམར་མགྲིན་བཟང་ལྷ་ཁང་མཇལ་དུ་ཕེབས་པ་ན་ཉེ་སྐོར་དེར་བུད་མེད་ཅིག་གིས་ལྷ་ཆེན་འཇིག་སོང་བའི་ཕྱག་མཛུབ་ཅིག་ཕུལ་བྱུང་བ་སྐུ་འཕྲག་ཏུ་བཙུད་ནས་ཕེབས། བར་དེར་ཡོད་པ་ཙམ་ཡང་མ་དྲན། ཕྱིས་ཞིག་ན་བཟའ་ཡང་བརྗེ་སྐབས་སྐུ་ཆིངས་བཀྲོལ་བས་ཐང་དུ་ལྷུང་སོང་བ་ཅི་ཡོད་གཟིགས་འདོད་པ་ཞིག་བྱུང་ནས་མཛུབ་མོ་བཅགས་པས། ནང་དུ་ཐུགས་རྗེ་ཆེན་པོ་སེམས་ཉིད་ངལ་གསོའི་ཆོས་སྐོར་དང་། དྲི་མེད་ཀུན་དགས་ཡང་གཏེར་དུ་སྦས་པའི་བླ་རྫོགས་ཐུགས་གསུམ་གྱི་སྙིང་པོ་གཅིག་དྲིལ་རྣམས་ཀྱི་ཤོག་སེར། བྲམ་ཟེ་ཉེར་གཅིག་གི་གདུང་རྣམས་བྱོན་ཀྱང་རླུང་ཕྱོགས་ཙམ་ཡང་མ་བསྒྲགས་པས་ཉེ་གནས་ཚུལ་ཁྲིམས་རྒྱ་མཚོ་ཞབས་ཏོག་པ་རྒྱུན་གཅར་ཡིན་རུང་གཏེར་བཞེས་པའི་ཕྱོགས་ཙམ་ཡང་མ་རྟོགས། སེམས་ཉིད་ངལ་གསོའི་ཉམས་བཞེས་ཁྱུག་ཙམ་རེ་གནང་། ཕྱིས་ས་ཕོ་རྟ་ལོ་དགུན་ཟླ་འབྲིང་པོའི་ཚེས་བཅུར་ཡེ་ཤེས་མཁའ་

[Full Size]

འགྲོའི་སྐུལ་བྱང་ལ་བརྟེན། ལོ་རྒྱུས་གནད་བྱང་དང་ཡང་བྱང་ཙམ་གཏན་ལ་ཕབ་པར་མཛད། ལོ་རྒྱུས་གནད་བྱང་ལས། ཐོག་མར་ཆོས་འདིའི་སྒོའི་བྱེད་པ༔ དབང་གི་གནས་སུ་དབང་གི་དུས༔ དབང་ཆེན་པདྨའི་རིགས་སྐྱེས་པའི༔ རྣམ་འཕྲུལ་ཟུང་གི་དོན་དུ་སྟོན༔ ཚོམ་བུ་དང་བཅས་སྐལ་བཟང་འགྱུར༔ཅེས་གསུངས་པ་ལྟར། ལྕགས་སྤྲེལ་སྣོྲན་ཟླ་བར་རྒྱལ་དབང་ཀརྨ་པ་བཅུ་བཞི་པ་ཉག་སྐེད་དཔོན་གྱིས་གདན་ཞུས་ལ་ཕེབས་པའི་ཡར་ལམ་ཆུ་སྟོད་ཟླ་བར་གཏེར་ལྷུང་ཕྱོགས་སུ་ཆིབས་ཁ་བསྒྱུར། ཁོ་བོ་ལ་སྔ་མ་ནས་འདི་དོན་ཟུར་ཙམ་བཀའ་སྩལ་ཕེབས་པ་དང་འདི་སྐབས་རྗེ་བླ་མ་ཉིད་ཀྱང་ཟླ་གམ་དབང་ཕུག་ཏུ་ཕེབས་འདུག་པས་རྒྱལ་དབང་རིན་པོ་ཆེར་ཡང་མཚམས་སྦྱོར་སྙན་གསན་གང་དྲག་ཞུས་པས། ཟླ་གམ་དབང་ཕུག་ཏུ་གནས་མཇལ་ཕེབས་ནས་དགོངས་པར་གང་བབས་ཀྱི་དབང་ཞིག་གནང་གྲུབ་པར་ཞུ་རྒྱུ་མཛད་སོང་བས། རྗེ་རིན་པོ་ཆེ་ཡང་ཐུགས་དགྱེས་པ་ཆེན་པོས་རྒྱལ་དབང་རིན་པོ་ཆེ། སི་ཏུ་སྤྲུལ་པའི་སྟུ་གཙོས་བདག་ཅག་འདུས་པ་བརྒྱད་ལ་སེམས་ཉིད་ངལ་གསོའི་དོན་དབང་། མཚོ་སྐྱེས་སྙིང་ཐིག་གི་རྩ་དབང་། ལྕེ་བཙུན་སྙིང་ཐིག་གི་དབང་བཅས་རྗེ་ཉིད་ཀྱི་ཟབ་གཏེར་ལས་བྱོན་པའི་བླ་རྫོགས་ཐུགས་གསུམ་ཚང་བར་མཛད་ནས་བཀའ་དྲིན་ཏུ་སྩལ་བ་ཐོབ་པས་ཆེས་སྐལ་པ་བཟང་པོར་གྱུར་ཅིང་། ཐོག་མར་རྟེན་འབྲེལ་ལེགས་པར་འགྲིགས། ཆོས་འདིའི་ཆ་ལག་གནས་དེར་བཞུགས་ཡོད་པར་སྣང་བའང་ཕྱག་ཏུ་སོན་པར་ངེས་ཀྱང་ས་གཏེར་གྱི་རྩ་བའི་རྟེན་འབྲེལ་ཐོག་མར་འཚུགས་པའི་དབང་གིས་ས་གཏེར་ལ་བརྟེན་པའི་ཤོག་སེར་རིགས་གཟིགས་པ་ཙམ་གྱིས་ཀྱང་ཐུགས་ཆེས་བསྙུན་པ་མ་ཟད་ཤོག་སེར་གྱི་ལབ་གླེང་ཙམ་ཡང་ཞུ་དཀའ་བ་དང་། དེའི་གནད་ཀྱིས་ཆོས་བཀའ་ཕལ་ཆེར་མགོ་མཐོང་ཙམ་ལས་ཆ་ལག་ཚང་བ་གཏན་ལ་འབེབས་ཐུབ་

[Full Size]

པ་གཏན་ནས་མ་བྱུང་། འདིའི་རྒྱུན་ཁྱེར་ཅིག་ཞུས་པ་རྩོམ་མི་དགོས། ཤོག་སེར་ལ་ཡོད་གསུངས་ནས་འབེབས་པར་རྩོམ་པ་ན་འཕྲལ་དེར་ཕྱག་ལ་བསྙུན་ཁམས་ཚབས་པོ་ཆེས་ཐེབས་པ་བཅས་ཆོས་བཀའ་གཏན་ལ་འབེབས་མ་ཐུབ་པ་ནི། སྤྱིར་གདུལ་བྱ་ཕལ་མོ་ཆེ་སྐལ་པ་དམན་པའི་སྟེང་ཐོག་མ་ནས་ཡིད་གཉིས་ཞུགས་པའི་དམ་སེལ་གྱི་གྲིབ་དང་། ཁྱད་པར་ཆོས་བཀའ་འདི་ཉིད་ཞལ་ཕྱེས་པ་ཙམ་གྱིས་ཀླ་ཀློའི་ཉེར་འཚེ་ཕྱིར་བསྲིང་བ་ཡིན་འདུག་པས་དེ་ལྟ་བུ་གངས་ཅན་པའི་བསོད་ནམས་ཀྱི་སྐལ་བར་མ་ཤོང་བར་ཟད་དོ། །དགུང་ལོ་སོ་གཅིག་པར་གཡོ་རུ་ཁྲ་འབྲུག་ནས་ལུང་བསྟན་གྱི་ངེས་པ་གཟིགས་པ་བཞིན། དཔལ་ཆེན་ཆུ་བོ་རིའི་གུ་རུའི་སྒྲུབ་ཕུག་ནམ་མཁའ་ལྡིང་དུ་བོད་ཁམས་བདེ་ཐབས་ཀྱི་ཕྲིན་ལས་མཛད་པས། གུ་རུ་བདེ་བ་ཆེན་པོ་གཙོ་འཁོར་གྲངས་མེད་པས་ནམ་མཁའ་ཁེངས་ཏེ་སྤྲུལ་པ་མཐའ་ཡས་པས་བོད་ཁམས་དབུགས་འབྱིན་སྩལ་བ་དང་། ལོ་སྐོར་གཅིག་གི་བར་དུ་བོད་ཡུལ་དབུས་སུ་མཐའ་དམག་གི་འཇིགས་པ་མི་འབྱུང་བའི་མཚན་མ་ཁྱད་པར་ཅན་བརྙེས། དེའི་ཕྱི་ལོར་རྒྱང་ཡོན་པོ་ལུང་གི་གུ་རུའི་སྒྲུབ་ཕུག་ཏུ་ཚོགས་མཆོད་མཛད་པའི་ཚེ་དེའི་སྒོ་གོང་དུ་གུ་རུའི་སྐུ་ཚབ་དང་བསམ་པ་ལྷུན་གྲུབ་མའི་ཆོས་སྐོར་བཞུགས་པ་གསལ་བར་གཟིགས་ཤིང་ཆོས་ཀྱི་རྣམ་གྲངས་སོགས་ཇི་ལྟ་བར་ཐུགས་ལ་ཤར། སླར་དགུང་ལོ་སོ་དགུ་པས་ཕོ་རྟ་ལོ་དབོ་ཟླ་བའི་ཚེས་བཅུའི་ཐོ་རངས་སུ་ནམ་མཁའ་ནས་ཐོད་ཕྲེང་རྩལ་གྱི་ཛཔྲ་དབྱངས་ཤིག་གྲགས་པའི་རྗེས་ཐོག་ཏུ། སྤྱན་ནས་འོད་ཟེར་གྱི་སྤུ་གུ་ཕྲ་ལ་གཡེལ་བ་ཞིག་ལྷོ་རྒྱུད་ཀྱི་ཕྱོགས་གཡས་གཡོན་ནས་ཆུ་བོ་འབབས་པའི་བྲག་རི་ཞིག་གི་འདབས་སུ་ཟུག །དེར་གུ་རུའི་སྐུ་ཚབ་བདེ་བ་ཆེན་པོའི་རྣམ་པ་ཁྲུ་

[Full Size]

གང་བ་དང་། ཆོས་སྐོར་རྣམས་ཤོག་སེར་གླེགས་བམ་ཆེན་པོའི་རྣམ་པ་མངོན་སུམ་ལྟ་བུར་གཟིགས་པ་ལ། །ཐུགས་རྟོག་ཞིབ་ཏུ་བཅུག་པས་སྐུ་དང་ཤོག་སེར་ད་ལྟའི་ཚད་ཅི་ལྟ་བ་ལ། དེ་ན་གང་བཞུགས་ཀྱི་ཆོས་ཀྱི་ཚིག་དོན་ལམ་ལམ་ཐུགས་ལ་གསལ་བ་ཞིག་བྱུང་ཡང་། གནས་དུས་སོགས་ཀྱི་རྟེན་འབྲེལ་དང་དགོས་པའི་དབང་གཞན་གཟིགས་ནས་རྗེ་ཉིད་ཀྱིས་འདོན་པར་སྐབས་སུ་མ་བབས་པས། གཏེར་ཆེན་མཆོག་གྱུར་གླིང་པ་ལ་རྒྱུ་མཚན་དང་བཅས་ཏེ་འདོན་པར་བསྐུལ་བས། གཏེར་ཆེན་ཉིད་ལའང་ལུང་བསྟན་དང་གསལ་སྣང་ཁྱད་པར་ཅན་གྱིས་མཚམས་སྦྱར་ཏེ། ས་རྟ་སྨིན་དྲུག་ཟླ་བའི་ཚེས་བཅུ་ལ་རྩི་རྐེའི་ཆུ་བོ་འདུས་པའི་ནོར་བུ་སྤུན་གསུམ་གྱི་བྲག་ནས་སྐུ་ཚབ་དངོས་གྲུབ་དཔལ་འབར་དང་། ཆོས་སྐོར་ཤོག་སེར། དོན་ཀུན་འགྲུབ་པའི་ཝཾ་གི་བམ་པོ་བཅས་ཚེགས་མེད་པར་དངོས་གྲུབ་ཏུ་བཞེས། ཤོག་སེར་ལ་བརྡ་ཡིག་དངོས་སུ་མི་གསལ་ཡང་ཡབ་སྲས་ཞལ་རྒྱས་པའི་ཐོག་གཏེར་སྒྲུབ་ཞག་བདུན་མཛད་ཅིང་བདུད་རྩི་ལྔའི་ཆུ་ལ་སྤངས་པས་ཞག་པོ་ལྔ་ནས་བརྡ་ཡིག་གི་གྲོང་ཁྱེར་བདུན་བཀྲ་ལམ་གྱིས་ཤར་བའི་ངོ་མཚར་ཆེན་པོ་དང་བཅས། མགོ་ཟླའི་ཚེས་བཅུར་ལྷན་རྒྱས་ཀྱིས་གཏན་ལ་ཕབ་པས། གཏེར་ཆེན་རིན་པོ་ཆེས་ཇི་ལྟར་གསུངས་པ་དང་མཐུན་པར་རྗེ་བླ་མ་ལའང་གསལ་སྣང་ངེས་པ་ཅན་ཤར་བས་གཅིག་ལ་གཅིག་ཐུགས་ཡིད་ཆེས་ནས་འཁྲུལ་པ་དང་བྲལ་བར་གཏན་ལ་ཕེབ། དེའི་ཕྱི་ལོར་ཀུན་མཁྱེན་བླ་མ་གཙོ་འཁོར་གྱིས་ཐུགས་སྒྲུབ་རྣམ་གཉིས་ཟུང་འབྲེལ་གྱི་ཚོམ་བུ་ཚོགས་སྒྲུབ་མཛད་པའི་ཚེ་ནའང་། གཞལ་མེད་ཁང་རྒྱ་ཁྱོན་བཀོད་པ་བསམ་གྱིས་མི་ཁྱབ་པའི་དབུས་སུ། ཐུགས་སྒྲུབ་གཉིས་ཀྱི་ལྷ་ཚོགས་སྟེང་འོག་ལྟ་བུར་མངོན་སུམ་བཞིན་

[Full Size]

བཞུགས་པའི་གཙོ་བོའི་ཞལ་ནས་གདམས་ངག་དང་རྗེས་སུ་བསྟན་པ་གསུངས་ཤིང་། ཁྱད་པར་གསོལ་འདེབས་ཚུལ་བཞིའི་སྒོ་ནས་འཆད་པའི་མན་ངག་སྩལ་བ་དང་། གཏེར་སྲུང་སོ་སོས་ཀྱང་ཕྲིན་ལས་སྒྲུབ་པའི་གསལ་སྣང་ཁྱད་པར་ཅན་གཟིགས། སྐུ་ཚབ་རིན་པོ་ཆེ་ཐུགས་དམ་རྟེན་དུ་བཞུགས་ཤིང་། ཐུགས་སྒྲུབ་ཡིད་བཞིན་ནོར་བུའི་སྐུ་རྟེན་གསེར་ཟངས་ལས་གྲུབ་པ་པདྨ་ཤེལ་ཕུག་ཏུ་བཞུགས། ཆོས་ཀྱི་ཕྲིན་ལས་ཀྱང་སྤེལ་བར་མཛད་མོད། ཞལ་གདམས་སྙིང་བྱང་ཆོས་ཚན་བཅུ་གསུམ་སྐོར་རྣམས་རྟེན་འབྲེལ་གནད་ཅིག་གིས་སྤེལ་བར་མ་གནང་ངོ་། །དགུང་གྲངས་ཞེ་དྲུག་པ་མེ་སྟག་ལོའི་ཟླ་བ་དང་པོའི་ནུབ་གཅིག་གི་ཐོ་རངས་ཁར་རྔ་ཡབ་གླིང་ནས་འོངས་པ་ཡིན་ཟེར་བའི་དཔའ་བོའི་ཆས་ཅན་གཉིས་བྱུང་ནས་འདི་ལོ་སྐོར་སྔ་མ་ཤིང་སྟག་ལོ་ལ་དུས་ཚོད་དངོས་ཡིན་ཀྱང་རྟེན་འབྲེལ་མ་འགྲིགས། ད་ལན་གུ་རུ་རིན་པོ་ཆེའི་བཀས་ཁྱེད་ལ་སྤྲོད་དུ་ཕྱིན་པ་ཡིན་ཟེར། ཤོག་དྲིལ་ཞིག་སྤྲད་ནས་མི་སྣང་བར་གྱུར། ཤོག་དྲིལ་དེ་མདུན་དུ་ནས་བཟེད་ནང་དུ་བཅུག་ནམ་གསལ་ནས་གཟིགས་པས་གཏེར་གྱི་ཁ་བྱང་དུ་འདུག་པ་ལྟར་ལོ་དེའི་ཟླ་བ་བཅུ་པའི་ནང་གཏེར་ཆེན་མཆོག་གྱུར་གླིང་པ་དང་ལྷན་རྒྱས་རོང་མེ་དཀར་མོ་སྟག་ཚང་དུ་ཕེབས། གནས་ཞལ་གསར་དུ་འབྱེད་པར་མཛད། མཆོག་གླིང་ནས་ཀྱང་གནམ་ལྕགས་རྡོ་རྗེ་དང་དམ་ཆོས་སྙིང་པོ་སྐོར་ལྔ་བཞེས། རྗེ་ཉིད་ཀྱིས་གནས་མདུན་བྲག་དཀར་ནས་ཐུགས་སྒྲུབ་རྡོ་རྗེ་དྲག་རྩལ་གྱི་སྐུ་རྟེན་བཞེས། སི་དུ་གཡུ་མཚོར་དར་ཆགས་པ་མཚོ་དཀྱིལ་འཁྱག་པ་བརྟིབས་ནས་རྣམ་པ་གཉིས་ཀས་ཚོགས་སྐོང་གསེར་སྐྱེམས་ཕུལ། བཀའ་བསྒོ་མཛད་ནས་མཚོ་དཀྱིལ་དུ་ལྡིང་ཐག་འཕངས་པར་ལན་གཉིས་ལ་མ་བྱུང་། དེ་ནས་

[Full Size]

གཏེར་སྲུང་ཀླུའི་རྒྱལ་པོ་གསེར་གྱི་གདུགས་བཅས་འོང་བའི་གཟིགས་སྣང་བྱུང་བ་དང་ལྷན་ཅིག་མཚོ་ཕྱུར་ནས་གསེར་ཕྱེ་ཉིལ་གྱིས་བྱུང་བའི་སྐབས་ལྡིང་ཐག་ཁུད་དུ་གཏེར་སྒྲོམ་འབྱོན། རྗེ་བླ་མས་མཚོ་ནང་ནས་གསེར་སྒྲོམ་ཞིག་བཞེས་པ་ཧེ་རུ་ཀ་ཞལ་སྦྱོར་གྱི་རྣམ་པར་བཞུགས་པ་ཞིག་བྱོན། དེ་སྐབས་ཡོད་པའི་གྲྭ་འཁོར་གཞན་རྣམས་ཀྱིས་བྱེ་མའི་ནང་ནས་གསེར་ཕྲན་ཚེགས་རྙེད། དེ་རྗེས་ནི་གསེར་རྣམས་གར་སོང་མེད་འདུག །གཏེར་སྒྲོམ་ནས་ཐུགས་སྒྲུབ་རྡོ་རྗེ་དྲག་རྩལ་དང་། རྩ་གསུམ་སྒྱུ་འཕྲུལ་དྲྭ་བའི་ཆོས་སྡེ་རེ་མཚར་ཅན་ཤོག་སེར་ལྡེབ་བརྒྱད་ཙམ་བྱོན་པ་ལས། རྡོ་རྗེ་དྲག་རྩལ་ཆོས་སྡེ་ལམ་རིམ་ཡེ་ཤེས་སྙིང་པོ་གཏན་ལ་ཕབ་ནས་ལྗགས་བཤད་ཚར་ཁ་ཤས་གནང་། རྩ་གསུམ་ཆོས་ཚན་ཁ་ཤས་ཕབས་ཀྱང་གཞན་ལ་གནང་གྲུབ་པ་ནི་མ་བྱུང་ངོ་། །དགུང་གྲངས་ཞེ་གཉིས་པ་ཆུ་ཁྱི་ཧོར་ཟླ་གཉིས་པའི་ཚེས་ཉེར་བདུན་ནུབ་མོ་གཉན་ཆེན་ཐང་ལྷ་དངོས་སུ་འོངས་ནས་སྒྲོམ་བུ་ཞིག་ཕྱག་ཏུ་ཕུལ་ནས། ཁྱེད་རང་སྙིང་དྲུང་གི་ཕུག་པར་འོངས་ན་སྒྲོམ་བུ་འདི་སྤྲད་དགོས་པ་ཡིན་ཀྱང་དུས་ཐོག་ལ་མ་བྱུང་། ད་ནས་དུས་ཡོལ་ཟིན་པས་ཅི་བྱ་མེད་ནའང་ཁྱེད་རང་ལ་ཐེངས་པ་ཡིན། དབུས་གཙང་དུའང་དུས་པ་དེ་མོ་འོང་དཀའ་བས་ངེད་རྒྱ་ནག་རི་བོ་རྩེ་ལྔར་བི་མ་མི་ཏྲའི་མདུན་འགྲོ་བ་ཡིན་ཟེར་བ་ལ། རྗེ་ཉིད་ནས་དེ་ལྟར་ཡིན་དུས་ཕྱོགས་གང་དུའང་དུས་བདེ་འཇགས་དཀའ་བ་འདི་བཞིན་ཅི་ཕན་ཅི་དགོས་བི་མ་མི་ཏྲ་ལ་ཞུས་ཤོག་གསུངས་པར། དུས་ཁུག་བཅུ་ཡོད་པའི་བརྒྱད་པ་ལ་སླེབས་པ་ཡིན། རེ་ཞིག་བི་མས་ཀྱང་ཅི་གསུང་ཡོད་དཀའ། ཐུགས་རྗེ་ཆེན་པོ་བསྒོམ། མ་ི་བཟླ། དམ་སྐོང་དོང་སྤྲུགས་ཅི་མང་བྱས་ན་ཁོལ་བུ་རེ་རེར་བདེ་བར་སྲིད། ཐམས་ཅད་བསམ་པ་བཟང་

[Full Size]

པོ་གལ་ཆེ་སྟེ་ཞེས་ཟེར་བའི་མུར་ཡལ་སོང་གསུངས། སྒྲོམ་དེ་རྗེས་ནས་ཞལ་འབྱེད་པའི་ནང་ཀླུ་འཇིམ་ལས་གྲུབ་པའི་གུ་རུའི་སྐུ་ཚབ་མཁྱིད་གང་ཐོད་ཕྲེང་སྡེ་ལྔ་ཡབ་ཡུམ་གྱི་བྱང་སེམས་ཀྱི་འདམ་པས་གཡོགས་པ། གུ་རུ་རིན་པོ་ཆེའི་ཚེམས། སྤྲུལ་པའི་རིང་བསྲེལ་ཆུ་ཤེལ་མདོག་ཅན་གྲངས་མང་། བླ་མ་སྐུ་བཞིའི་སྒྲུབ་ཐབས་རྣམས་བྱོན་པའི་ཚེམས་ཀྱི་རིང་བསྲེལ་དད་ལྡན་ཞུ་བ་པོ་སུ་བྱུང་ལ་གནང་བས་སྟོང་ཕྲག་མང་པོ་སོང་ཡང་འཛད་དུ་མེད་ལ། ཕྱིས་སྐུ་གཤེགས་ཁའི་སྔ་ལོ་ཙམ་ནས་གཏེར་སྲུང་གིས་ཕར་ཁྱེར་བ་རེད་གསུངས་མི་བཞུགས་པ་ཡིན་འདུག །བླ་མ་སྐུ་བཞིའི་ཆོས་སྐོར་ནི་ཚེས་བཅུའི་སྐུའི་རྣམ་འགྱུར་རྣམས་གཞིར་བྱས་པའི་སྒྲུབ་ཐབས་རྒྱས་འབྲིང་བསྡུས་གསུམ་དུ་བཞུགས་པའི་རྒྱས་པ་དེ་ཡིན་པར་འདུག་ཀྱང་། དབུའི་ལོ་རྒྱུས་ཕྱེད་ལྷག་ཙམ་ལས་གཞན་གཏན་ལ་འབེབས་པར་མ་གནང་ཞིང་ཡང་གཏེར་དུ་རྒྱས་བཏབ་པར་མངོན། དགུང་གྲངས་ཞེ་བདུན་པ་མེ་ཡོས་སྨིན་དྲུག་ཟླ་བའི་ཡར་ཚེས་ནང་ཨ་ལོ་དཔལ་འབྱོར་སྒང་དུ་ཕེབས། ཕྲན་བུ་ལའང་བཀའ་ཕྲིན་གནང་ལྟར་ཞབས་བཅར་ཞུས། ཚེས་བཅུའི་ནུབ་མོར་སྟོད་འབྲས་མོ་ལྗོངས་ནས་སྨད་གཡུ་ལུང་གངས་ར་ཡན་གྱི་གནས་ཆེ་ཆུང་སྟོང་ཕྲག་ལྷག་པའི་བཀོད་པ་དང་གཏེར་ཁ་སོགས་སྒྲིབ་མེད་དུ་གཟིགས་པའི་གསལ་སྣང་ཤར། ཚེས་བཅུ་གཅིག་ཉིན་རྒྱབ་རི་ཞི་ཁྲོ་ཤེལ་ཕུག་ལ་ཚོགས་སྐོང་མཛད། གྲོལ་ཏིག་སྐོར་གསུམ་དང་། གནས་ཡིག་འགའ་ཞིག་གི་ཤོག་སེར་བཞེས། འཇའ་འོད་དང་མེ་ཏོག་གི་ཆར་བྱུང་། གནས་ཡིག་ཁ་ཤས་གཏན་ལ་ཕབ་པར་མཛད། ཡང་མེ་ཡོས་ལོར་རྗེ་ཉིད་དང་མཆོག་གླིང་ལྷན་རྒྱས་ཕེབས་བཞུད་མཛད་སྐབས་ཡབ་གཞིས་རི་བོ་ཁྱུང་ལྡིང་ངམ་ཁྱུང་ཚང་བྲག་

[Full Size]

ནས་རྡོ་སྒྲོམ་རིམ་པ་གསུམ་པ་ཞིག་སྤྱན་དྲངས་པ་ལ་རྩ་གསུམ་བཀའ་འདུས་ཀྱི་ཆ་ལག་རྗེ་འབངས་ཉེར་ལྔ་སོ་སོའི་སྒྲུབ་ཐབས་དམ་རྫས་བཅས་བཞུགས་པ་ཡིན་འདུག་ཀྱང་། དམ་རྫས་ཕྱོགས་བསྡུས་ཙམ་ལས་གཞན་སྤེལ་བར་མ་མཛད། དེ་རྗེས་དབྱར་ཐོག་ཅིག་ལ་གཏེར་སྟོན་ཀུན་གྲོལ་གསང་བ་རྩལ་ཕྱག་མཇལ་དུ་བཅར་བ་ན། ད་རེས་གཏེར་ལྷུང་ཕྱོགས་སུ་སོང་། ཕ་ཝཾ་གསེར་གདུགས་ཅན་ན་སངས་རྒྱས་རབས་བདུན་གྱི་རིང་བསྲེལ་ཡོད་པ་དང་། པདྨ་ཤེལ་རིར་གཏེར་ཁ་ཞིག་ཡོད་པ་སོགས་རྗེ་ཉིད་སྔར་ཕེབས་སྐབས་གྲ་འགྲིགས་པོ་མ་བྱུང་བ་དང་ད་ཕན་དངོས་ཀྱིས་ཕེབས་པ་མི་འོང་བར་འདུག་པས་དེ་རིགས་ལོན་རྒྱུ་བྱུང་ན་གལ་ཆེ་བ་ཡོད་ཚུལ་བཀས་གནང་བ་ལྟར། གཏེར་སྟོན་ཀྱང་བྱོན་ནས་ཚོགས་སྐོང་གསེར་སྐྱེམས་གསོལ་འདེབས་མཛད་ཀྱང་རིང་བསྲེལ་གཞན་མ་བྱུང་། ཟླ་གམ་དབང་ཕུག་ཏུ་ཞག་གསུམ་སྒྲུབ་པ་ཚོགས་སྐོང་གྲུབ་པའི་སྔ་དྲོ་གནས་ཀྱི་དབུ་རྩེར་ལྷ་སྲིན་དམ་བསྒྲགས་མཛད་པས། འཇའ་སྤྲིན་འཁྲིགས་པའི་ནང་དུ་པདྨ་ཤེལ་རི་ནས་བྱ་རྒོད་ཅིག་འཕུར་ཏེ་འོག་གི་བྲག་རྩེར་བབས་ནས་གཏེར་སྒྲོམ་ཞིག་བཞག་སོང་བ་སིནྡྷཱུ་རའི་འཇིམ་རློན་པས་བཏུམས་པ་ཞིག་ཡོད་འདུག་པ་དེ་ཀ་ལྟར་ཁུར་ནས་རྗེ་བླ་མར་ཕུལ་བས་ནང་གི་སྒྲོམ་ཞལ་ཕྱེས་པ་ལས། ཚེ་དབང་རིག་པ་འཛིན་པའི་སྐུ་ཚབ་ལི་སྨུག་ལས་གྲུབ་པ། རྩ་གསུམ་སྤྱི་འདུས་ཀྱི་ཆོས་སྐོར། གནས་ཆེན་མང་པོའི་མདོ་བྱང་གི་ཤོག་སེར་རྣམས་བཞུགས་པར་སྣང་བ་ལས་སྤྱི་འདུས་ཀྱི་ལས་བྱང་དབང་ཙམ་ཞིག་འབེབས་པར་མཛད། ཤོག་སེར་ཡང་གཏེར་དུ་བསྡམས་པར་མངོན་ནོ། །རྗེ་ཉིད་ཀྱི་སྐུ་སྐྱེ་བ་འདིའི་ཟབ་གཏེར་གྱི་གཙོ་བོ་གཙང་གཡས་རུ་རྩིས་ཀྱི་ལྷ་ཁང་དུ་བཞུགས་པའི་རྩ་གསུམ་བཀའ་འདུས་ཆེན་མོ་ཡིན་

[Full Size]

པར་སྣང་ཡང་བཞེས་མ་གྲུབ་པས་དེའི་ཆ་ལག་ཏུ་གྱུར་པ། གཏེར་སྟོན་ལས་རབ་གླིང་པས་ཀཿཐོག་ནས་སྤྲོས་བྲལ་བདེ་ཆེན་སྒོས་སྒྲུབ་ཀྱི་ཤོག་སེར་བཏོན་པ་སོགས་དང་། ཁོ་བོས་ལག་ཏུ་འབྱོར་པའི་གཙང་རོང་བཀྲ་ཤིས་ལྷ་རྩེའི་ཉེ་སྲས་བརྒྱད་ཀྱི་སྒྲུབ་སྐོར། རྫོངས་ཤོད་བདེ་གཤེགས་འདུས་པའི་ཕོ་བྲང་གི་རིག་འཛིན་བརྒྱད་ཀྱི་སྒོས་སྒྲུབ་ཡོད་པ་རྣམས་ཀྱང་གཏན་ལ་ཕེབ་པ་མ་བྱུང་ངོ་། །གཞན་ཡང་བོད་དུ་ལན་རྗེས་མར་ཕེབས་སྐབས་ཉིད་དང་ཉེ་གནས་ཚུལ་ཁྲིམས་རྒྱ་མཚོ་གཉིས་ཁོ་ན་ཞབས་རྐྱང་གིས་དབུས་གཙང་གི་དགོན་པ་དང་གནས་རྟེན་རྣམས་ལ་ཕེབས་པའི་ཚེ། ཤངས་ཟབ་བུ་ལུང་དུ་ཕེབས་ནས་སྤང་ལྗོངས་ཡིད་འོང་ཞིག་ཏུ་གསོལ་ཚིགས་མཛད་པས། བྲག་དེར་རྗེ་བཙུན་སྒྲོལ་མའི་སྒྲུབ་སྐོར་རྒྱས་པ་ཉིད་ཀྱི་གཏེར་སྐལ་དེ་ཡོད་པར་ཤིན་ཏུ་གསལ་ཡང་ཞག་བཞུགས་དོན་གཉེར་མཛད་རྒྱུ་མ་བྱུང་བས་ཤོག་སེར་དངོས་ཕྱག་ཏུ་མ་སོན་ཀྱང་དེ་ནང་གང་ཡོད་ཐུགས་ལ་བཀྲ་ལ་མ་མེར་གསལ་བས་རྩ་བ་ལྡེབ་གསུམ་བཞི་སྐོར་ཕྱག་བྲིས་སུ་གནང་བའི་སྐབས་དེར། ཇོ་ཇོ་ཞིག་གིས་སྒྲོལ་མའི་སྐུ་རྙིང་ཞིག་ཕྱག་ཏུ་ཕུལ་ནས་འདི་ལ་རིན་རྩ་གསེར་ཞོ་བདུན་གནང་དགོས་ཞུས་པ་ལྟར་གསེར་ཞོ་བདུན་ཁོ་ན་སྐུ་ཆས་གློ་འདོགས་སུ་ཡོད་པ་བྱིན་གསུངས། ཚུལ་དེ་ཉེ་གནས་པས་ནི་གཏན་ནས་མཐོང་མི་འདུག་པས་གཏེར་སྲུང་གིས་དངོས་སུ་ཕུལ་བ་དང་གསེར་དེའང་གཏེར་ཚབ་ཏུ་དགོས་པ་ཡིན་འདུག །སུ་བརྙན་འཕགས་པ་ཀླུ་སྒྲུབ་ཀྱི་ཐུགས་དམ་རྟེན་ཡིན་གསུངས་ནས་ཤིན་ཏུ་ཐུགས་རྩིས་ཆེན་པོ་མཛད། ཕྱིས་གཏེར་ཆེན་མཆོག་གྱུར་གླིང་པ་ལ་ལེགས་སོ་ཞེས་པའི་གསུང་ལན་གསུམ་བྱོན། སླད་ནས་སྒྲོལ་མ་ཟབ་ཏིག་གི་སྨིན་གྲོལ་དང་ལྷན་ཅིག་ཁོ་བོ་ལ་བཀའ་དྲིན་ཏུ་

[Full Size]

སྩལ་བ་ད་ལྟ་ཡང་ཁྲོད་ཀུན་བཟང་བདེ་ཆེན་འོད་གསལ་གླིང་གི་རྟེན་གཙོར་བཞུགས་པ་འདི་ཡིན་ལ། ཇོ་མོ་ཁ་རག་ཏུ་ཕེབས་ལམ་དུ་ཕུར་པ་ཁྱད་ཅན་ཞིག་ཕྱག་ཏུ་སོན་པའང་གཏེར་སྲུང་གིས་དངོས་སུ་ཕུལ་བར་ངེས་པ་དང་། མེ་ཡོས་ལོར་ཁང་དམར་མདོར་ཕེབས་སྐབས། ཁོ་བོས་འདི་སྐོར་རྡོར་སེམས་གཏེར་ཁ་བཞུགས་ངེས་པ་བདུད་འདུལ་རྡོ་རྗེའི་གཏེར་ལུང་ལས་གསལ་བས་སྣེ་གཅིག་བཞེས་ནས་གནང་ཐུབ་པ་གསོལ་བ་བཏབ་པས། པདྨ་ཤེལ་རིར་བཻ་རོའི་གསང་ཕུག་ཏུ་མཆོག་གླིང་དང་ཕྲན་ཅག་ཁ་ཤས་བཅས་ལྷན་ཅིག་ཕེབས་ནས་ཚོགས་འཁོར་གནང་བའི་མཐར་ཕུག་དེ་ཀ་ནས་བཻ་རོའི་ཐུགས་དམ་རྟེན་གྱི་རྡོར་སེམས་ལི་སྐུ་ཁྱད་པར་ཅན་ཞིག་བཞེས་ནས་ཕྱིས་ཁོ་བོ་ལ་སྩལ་བ་དང་། རྫོང་ཤོད་ཀྱི་སྐུའི་གནས་ནས་པདྨ་རྒྱལ་པོའི་སྐུ་རྒྱན་དཔག་བསམ་ཤིང་གི་འབྲས་བུ་ཡིན་འདུག་གསུངས་པ་མཛུབ་མགོ་ཙམ་ཤིན་ཏུ་ངོ་མཚར་ཅན་བཞེས་པ་དང་། གནས་དེའི་དཔལ་དེའུའི་མགོན་པོ་ཕྱག་བཞི་པའི་གསང་ཕུག་ནས་མངའ་བདག་ཉང་རིན་པོ་ཆེས་ཡང་གཏེར་དུ་སྦས་པའི་གནམ་ལྕགས་རྡོ་རྗེ་ཁྱད་པར་ཅན་ཅིག་བཞེས་པ་ཕྱིས་རྫོགས་ཆེན་དགོན་དུ་ནང་རྟེན་སྩལ། ཁྲོ་ཟིལ་ཕྲམ་གྱི་མདུན་ངོས་ཆུ་མིག་ཅིག་ནས་མཁའ་འགྲོ་ལས་ཀྱི་དབང་མོའི་རང་བྱུང་གསང་བའི་བདུད་རྩི་དང་། ཟླ་གམ་དབང་ཕག་ནས་ཛམ་བྷ་ལའི་སྐུ་རྙིང་། དེའི་ཉེ་ཕྱོགས་སྒྲོལ་མ་བྲག་ནས་འཕགས་མའི་སྙིང་ཐིག་གི་སྒྲུབ་རྟེན་རིལ་བུ། སི་དུ་གཡུ་མཚོ་ནས་མོན་མོ་བཀྲ་ཤིས་ཁྱེའུ་འདྲེན་གྱི་དར་ཤམ། བྱང་ཆུབ་ཤིང་གི་ལོ་མས་མཚོན་ཁམས་དབུས་གཙང་གསུམ་ནས་རྟེན་དང་དམ་རྫས་མང་པོ་ཞིག་བཞེས་ཡོད་པར་སྣང་ཡང་འདིར་རང་གིས་ཐོས་ཚོད་ཙམ་བཀོད་པ་ཡིན་ལ། དེ་རྣམས་ཀྱང་ཐང་ཡིག་ལས། ང་ཡིས་ས་

[Full Size]

སྟེང་གཏེར་གྱིས་བཀང་ནས་ཡོད༔ དངོས་གྲུབ་འདོད་ན་གཏེར་གནས་ཀུན་ནས་ལོངས༔ ཞེས་གསུངས་པ་ལྟར་སྦྱོར་ལམ་ཡན་ཆད་ལ་གནས་པའི་གང་ཟག་སྐལ་པ་ཅན་ལ་གཏེར་གྱི་དངོས་གྲུབ་ས་ཕྱོགས་གང་ནས་ཀྱང་རྩོལ་མེད་དུ་འབྱུང་བ་ཡིན་འདུག་གོ། །རྗེ་འདི་ཉིད་དང་མཆོག་གྱུར་གླིང་པ་ལྷན་རྒྱས་སུ་གྱུར་པའི་ཟབ་གཏེར་བླ་སྒྲུབ་སྐོར་བཞིར་གྲགས་པ། ཕྱིའི་བླ་སྒྲུབ་བར་ཆད་ཀུན་སེལ། ནང་སྒྲུབ་ཡིད་བཞིན་ནོར་བུ་བསམ་པ་ལྷུན་གྲུབ། གསང་སྒྲུབ་མཚོ་སྐྱེས་སྙིང་ཐིག །ཡང་གསང་རྡོ་རྗེ་དྲག་རྩལ་རྣམས་དང་། སྙིང་ཏིག་སྐོར་བདུན་ཅེས་པ་དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སེང་ཧ། བི་མ་ལ་མི་ཏྲ། གུ་རུ་པདྨ། ཡེ་ཤེས་མཚོ་རྒྱལ། བཻ་རོ་ཙ་ན་བཅས་ཀྱི་སྙིང་ཐིག་སོ་སོར་བཞུགས་པ་ལས། བར་ཆད་ཀུན་སེལ་རྗེ་ཉིད་ལ་ཐོག་མར་བྱུང་ཚུལ་གོང་སྨོས་ལྟར་ལ་མཆོག་གླིང་གི་ཤོག་སེར་ཡང་ལོ་བརྒྱད་ཙམ་དུ་གཏན་ལ་འབེབས་ །ཐུབ་པ་མ་བྱུང་བ་ཕྱིས་རྗེ་ཉིད་ནས་རྟེན་འབྲེལ་མཐུན་སྦྱོར་གྱིས་གཏན་འབེབས་མཛད་སྐབས་ཀྱང་ལས་བྱང་ཆེན་མོའི་སྐོར་དང་བཀོལ་བྱང་རྣམས་མཆོག་གླིང་ནས་ཕབ། གཞན་ཐམས་ཅད་རྗེ་ཉིད་ནས་འབེབས་པར་གནང་འདུག་པ་དང་། གཞན་གསུམ་པོ་བཤད་དང་འཆད་འགྱུར་ལྟར་ལ། དགའ་རབ་སྙིང་ཐིག་སྨད་ཤོད་ཛཾ་ནང་བྲག་དཀར་ཡང་རྩེ་དང་། །བཻ་རོའི་སྙིང་ཐིག་རྫོགས་ཆེན་སྡེ་གསུམ་པདྨ་ཤེལ་ཕུག་ནས་ལྷན་རྒྱས་ཀྱིས་སྤྱན་དྲངས། མཚོ་རྒྱལ་སྙིང་ཐིག་སེང་གནམ་བྲག་དང་། སྡེ་གསུམ་ཆ་ལག་རིགས་གསུམ་སྙིང་ཐིག་ཡེ་རྒྱལ་ནམ་མཁའ་མཛོད་ནས་མཆོག་གྱུར་གླིང་པས་སྤྱན་དྲངས་པའང་གཏན་ལ་ཕབ་དུས་ལྷན་རྒྱས་མཛད་པ་ཡིན་ཅིང་། སྙིང་ཐིག་གཞན་རྣམས་ནི་རྗེ་བླ་མ་ཉིད་ལ་བཀའ་བབས་པར་སྣང་མོད།

[Full Size]

གནས་དུས་ཀྱི་རྟེན་འབྲེལ་སོགས་ཀྱིས་ཕྱོགས་མཚོན་ཙམ་ལས་ཇི་བཞིན་བསྟན་ལ་ཕེབ་ཐུབ་པ་མ་བྱུང་ངོ། །སྤྱིར་ས་གཏེར་གྱི་གཙོ་བོ་རྗེ་བླ་མ་ཉིད་ལ་རྩ་གསུམ་བཀའ་འདུས། མཆོག་གླིང་དང་ཐུན་མོང་དུ་རྩ་གསུམ་སྒྱུ་འཕྲུལ་དྲྭ་བ། ཁོ་བོ་ལ་རྩ་གསུམ་དགོངས་འདུད་ཀྱི་བཀའ་བབས་མངའ་བ་ལས་རྩ་གསུམ་དགོངས་འདུས་ཀྱི་གཏེར་ཁ་ཤིང་ཁྱི་ལོར་དངོས་གྲུབ་ཏུ་ཐོབ་པ། སྤྱན་སྔར་གཟིགས་འབུལ་ཞུས་པ་དགྱེས་ཚོར་ཆེན་པོས་གདན་སོགས་སྔ་རྒྱུན་ལས་ལྷག་པའི་མངའ་གསོལ་མཛད། མཆོག་གྱུར་གླིང་པ་རྟེན་འབྲེལ་གྱི་ཐོག་མ་འཆུགས་ནས་ཐུགས་སྒྲུབ་བར་ཆད་ཀུན་སེལ་གྱི་ཤོག་སེར་འབེབས་མ་ཐུབ་པའང་ཁོང་གིས་དབུ་བཏོན་པ་ཡིན། ད་རེས་ཁྱོད་ཀྱི་གཏེར་ཁ་འདིའང་ཚང་མ་གཏན་ལ་འབེབས་ཐུབ་དགོས་པས་བརྡ་ཡིག་གི་རྒྱུས་ཡོད་དང་གྲོགས་དན་གཉིས་ཀ་མཛད་གསུངས་ནས་ཚོགས་སྐོང་གསོལ་འདེབས་གཟབས་རྒྱས་བཅས། ཆོས་སྡེ་ལ་མཛོད་ལྔར་བཞུགས་པའི་ལུང་གཏེར་གྱི་མཛོད་ཆེན་པོའི་དགོངས་འདུས་རྣམ་བཞིའི་ནང་ཚན་བླ་མ་དགོངས་འདུས་ཆོས་ཚན་ཐོ་བཀོད་གནང་། རིག་འཛིན་མཆོག་སྒྲུབ་ཆོས་ཚན་བཞི་ཙམ་ཕྲན་དཔོན་སློབ་ཟུང་འབྲེལ་ནས་ལེགས་པར་གྲུབ་མཚམས་གཞན་རྐྱེན་ཞིག་ལ་བརྟེན་ནས་སྐུ་བསྙེལ་བས་འཕྲོས་ལུས། འདི་སྐོར་དག་སྣང་མང་དུ་འདུག་ཀྱང་འདིར་མ་བཀོད། དེ་ཕྱིན་འབེབས་ཇེ་དཀར་སོང་ཡང་རྗེ་ཉིད་ནས་ཁུར་ལེན་མཛད་པའི་ཐུགས་དགོངས་ཞལ་བཞེས་འགྱུར་མེད་གནང་བའི་མེ་བྱི་ཟླ་བ་བདུན་པའི་ཚེས་དྲུག་གི་ཐོ་རངས་འོད་གསལ་དང་། གངས་ཏི་སེ་ཡིན་ཟེར་བའི་ཤེལ་དཀར་མཆོད་རྟེན་དབྱིབས་བང་རིམ་བརྒྱད་པའི་སྟེང་དུ་ཕེབས། དེར་གཏེར་རྟགས་ཁ་ཅིག་ཡོད་པའི་བྲག་ཕུག་ཞིག་ཏུ་ཆོས་གོས་ལྷུང་བཟེད་ཕྱག་འཁར་བཅས་བཞུགས། བུད་མེད་འགའ་ཤས་

[Full Size]

དང་མཉམ་ཚེགས་འཁོར་ཞིག་མཛད་པར། ཤར་ཕྱོགས་ནས་ཉི་མ་ཞིག་ཤར། དེའི་ཟེར་ལ་འཇའ་འོད་མེ་ཏོག་གི་ཆར་བབས་པ་དང་ལྷན་ཅིག་ཨོ་རྒྱན་རིན་པོ་ཆེ་ཕེབས་ནས་མདུན་ཏུ་སྟེགས་ཞིག་ལ་བྱམས་བཞུགས་མཛད། ཟ་མ་ཏོག་ལྟ་བུའི་དམར་སེར་ཞིག་བསྣམས་ནས། འདི་རྒྱུད་ལུང་མན་ངག་ཆུ་བོ་བཞི་འདུས་པའི་དབང་ཡིན་གསུངས་ཏེ་གནས་གསུམ་དུ་བཞག །ཀཱ་ཡ་ཨ་བྷི་ཥིཉྩ་ཨོཾ་སོགས་སྔགས་རྣམས་གསུངས་མཐར་ཕྱག་ཏུ་གནང་བ་ཞུ་ལ་ཁད་ལྟ་བུའི་སྙི་ཉོར་ཉོར་ཞིག་འདུག་པ་ཞལ་དུ་བཞེས་པས་རོ་མངར་བ་ཞིག་གི་ཁུ་བས་སྐུ་ལུས་ཐམས་ཅད་གང་བའི་སྣང་བ་བྱུང་། ད་ཚིག་བདུན་གསོལ་འདེབས་འབུམ་ཐེར་ཞིག་གྲུབ་པ་གྱིས་དང་ཨོ་རྒྱན་བབས་འོང་གསུངས་པའི་འཕྲོས་ལ་ཉམས་སད། དེ་ཉིན་ཕྲན་ལ་ཚིག་བདུན་འབུམ་ཐེར་དེ་འགྲུབ་པར་བྱས་ན་རྩ་གསུམ་དགོངས་འདུས་གཏན་ལ་འབེབས་ཐུབ་པ་ཞིག་ཡིན་འདྲ་གསུངས་ནས་གཏེར་སྒྲུབ་ཀྱི་ཚུལ་དུ་གནས་དང་འདོན་ལུགས་ལྗགས་བཀོད་ཞིབ་པར་སྩལ་བ་བཞིན་བསྒྲུབས་པའི་སྐབས་ཚིག་བདུན་སྒྲུབ་ཐབས་དེ་བྱུང་བ་རྗེའི་བཀའ་བཞིན་ཕལ་ཆེར་ཡི་གེར་བཀོད། དེ་ཕྱིན་རྗེ་ཉིད་ལ་མཇལ་མཁན་སོགས་ཇེ་མང་སོང་བའི་རྣམ་གཡེང་ཁོ་ནས་ཐུགས་ལྕོགས་པ་གཏན་ནས་མ་བྱུང་བས་ཡིད་ཆེས་དཔང་པོ་ཐུབ་པའི་རྡོ་རྗེའི་གསུང་དེ་འདྲ་ཞིག་མེད་ཕྱིན་རྟོག་པའི་འཆར་སྒོ་ཡི་གེར་བཀོད་པ་ལ་དགོས་ནུས་གང་ཡང་མ་མཆིས་ཤིང་གནས་དུས་ཀྱི་རྟེན་འབྲེལ་ཕལ་ཆེར་ཡང་ཡོལ་ཟིན་པས་ཁོ་བོའི་སྐལ་པའང་དེ་ཙམ་དུ་ཟད་དོ། །གསུམ་པ་དེ་ལས་འཕྲོས་པའི་ཡང་གཏེར་གྱི་བཀའ་བབས་བྱུང་བའི་ཚུལ་ནི། དགུང་གྲངས་བཞི་བཅུ་དོན་གྲུབ་ས་མོ་ལུག་གི་ལོར་སྐབས་ཤིག་མནལ་ལམ་དུ། གཏེར་ཆེན་སངས་རྒྱས་གླིང་པ་སྔགས་བཙུན་གྱི་ཆས་སྟོད་གོས་

[Full Size]

རྒྱ་ཁའི་སྟེང་སྐུ་གཟན་སྨུག་པོས་དཀྲིས་པ་ཞིག་མཇལ་བ་ལ་གུས་འདུད་བཅས་ཉིད་ཀྱི་རྫོགས་ཆེན་སྙིང་པོ་བསྡུས་པ་དེ་གནང་ཐུབ་པར་ཞུས་པས་ཕྱག་ཏུ་གླེགས་བམ་ཞིག་བསྣམས་ཏེ། རྫོགས་ཆེན་སྙིང་པོ་བསྡུས་པ་ལས་འདིས་དགའ། འདི་ངེད་རང་གི་བསམ་ཡས་བྲག་སེང་གེའི་གདོང་ཅན་ནས་བཏོན་པའི་གཏེར་འབྱུང་ཆེན་མོ་ཡིན་གསུངས་ནས་ཕྱག་ཏུ་སྩལ་བ་ཞལ་ཕྱེས་ནས་གཟིགས་པས་ཕྱེད་གཏེར་སྟོན་དེ་སྔ་བྱོན་ཟིན་པ་དང་། ཕྱེད་ད་ལྟ་དང་འབྱུང་འགྱུར་རྣམས་ཀྱི་རྣམ་ཐར་དང་གཏེར་ཆོས་ཀྱི་རྣམ་གྲངས་ཞིབ་པར་སྣང་བ་སླར་པུསྟི་ཡར་ཕུལ་བ་ཕྱག་ཏུ་བཞེས་ནས་ཉིད་ཀྱི་དབུར་བཞག་སྟེ་བྱིན་རླབས་ཀྱི་ཚིག་འགའ་ཞིག་གསུངས་པའི་མཐར་གཏེར་སྟོན་གླེགས་བམ་དང་བཅས་པ་ཉིད་ལ་ཐིམ་པས་ཉིད་ཀྱི་སྐུ་གླེགས་བམ་དེར་སོང་བ་འདྲ་ཞིག་ལ་གཏེར་སྟོན་སྟོང་རྩ་ལྷག་པའི་ལོ་རྒྱུས་གཏེར་ཆོས་རྣམས་རེ་རེ་ནས་བཀྲས་ལེར་གསལ་བ་ཞིག་བྱུང་། དེ་ལས་སད་ནས་ཀྱང་ཞག་ཤས་དེ་ལྟར་ཐུགས་ལ་གསལ་ཞིང་། ཕྱིས་སུའང་དགོངས་པ་ཆེད་དུ་གཏད་ན་ཞིབ་ཆ་མཁྱེན་པར་འདུག་གསུངས། གཏེར་རྙིང་དཔེ་ལུང་གཉིས་ཀ་མེད་རིགས་དང་། དཔེ་རྒྱུན་ཡོད་ཀྱང་རྒྱུན་དཀོན་གྲས་རིགས་ལ་ཆེད་དུ་གསོལ་འདེབས་མཛད་པ་ན་གཏེར་སྟོན་དེ་དང་དེའི་ཡེ་ཤེས་ཀྱི་སྐུས་དབང་ལུང་སྩལ་ཅིང་། གཏེར་སྲུང་མཁའ་འགྲོ་རྣམས་ཀྱིས་ཡང་གཏེར་དུ་སྦས་པའི་ཤོག་སེར་དང་རྟེན་དང་དམ་རྫས་ཕུལ་བ་ནི་མངོན་སུམ་གྲུབ་པར་སྣང་། དེ་ལས་ཐོག་མའི་སྐབས་ཤིག་གཏེར་སྟོན་སངས་རྒྱས་བླ་མ་སྔགས་བཙུན་ཆས་སྟོད་གོས་སེར་པོའི་སྟེང་མནབ་གཟན་རྒྱ་སྨུག་དཀྲིས་པ་ཞིག་དངོས་སུ་བྱོན་ནས་ཁོང་གི་གཏེར་ཆོས་རྩ་གསུམ་དངོས་གྲུབ་བརྟན་གཟིགས་ཡིན་གསུངས་ཆོས་ཚན་ཉེར་གཅིག་པའི་བྱིན་རླབས་སྩལ། ཆོས་སྐོར་དེ་ཉིད་བརྡ་ཡིག་ཏུ་བཀོད་པར་མཛད་པ་དངོས་གཞི་གཏན་ལ་ཕབ་པ་

[Full Size]

མ་བྱུང་ཡང་མདོར་དྲིལ་ཉམས་ལེན་རྩ་གསུམ་དྲིལ་སྒྲུབ་ཀྱི་ལས་བྱང་དང་གཏོར་དབང་ཙམ་མཛད་པར་སྣང་། གུ་རུ་རིན་པོ་ཆེས་གཡོ་རུ་ཁྲ་འབྲུག་ཏུ་བཀའ་འདུས་ཆོས་ཀྱི་རྒྱ་མཚོའི་ཆོས་འཁོར་བསྐོར་བའི་སྐབས་སུ་ལྷ་ལྕམ་མནྡཱ་ར་བས་མ་འོངས་པའི་གདུལ་བྱ་ལ་དགོངས་པས་གསོལ་བ་བཏབ་པའི་ངོར་སྩལ་བ། ཟབ་པ་དང་རྒྱ་ཆེ་བའི་དགོངས་པའི་གནད་གཅིག་ཏུ་དྲིལ་བ། ཚིག་ཉུང་ལ་དོན་འདུས་པ། ཉམས་ལེན་བདེ་ལ་བྱིན་རླབས་ཆེ་བ། བཀའ་འདུས་སྙིང་པོའི་ཡང་བཅུད་བླ་མ་བསྟན་གཉིས་སྐུ་གསུམ་བདེ་གཤེགས་འདུས་པའི་ཟབ་ཏིག་མཐོང་བ་རང་གྲོལ་གྱི་གདམས་སྐོར་བ་ལ་བོད་མཚམས་པུརྞ་རྫ་རིའི་ཤར་ཕྱོགས་ཀྱི་ཕ་ཝཾ་དགའ་བ་འཁྱལ་པ་འདྲ་བར་གཏེར་དུ་སྦས་པ་རྒྱ་ལོ་ཙཱ་བ་རྡོ་རྗེ་བཟང་པོས་སྤྱན་དྲངས་ནས་སླར་འདབ་གཏེར་དུ་སྦས་པ། གཏེར་སྲུང་མཁའ་འགྲོས་ཤོག་སེར་ཕྱག་ཏུ་ཕུལ་བ་ལ་ལེའུ་བརྒྱད་བཞུགས་པའི་ལེའུ་དྲུག་ཡན་གཏན་ལ་ཕབ། གཏེར་སྒྲུབ་ཅུང་ཟད་མཛད་པས་གཏེར་སྟོན་ཉིད་ཀྱིས་བྱིན་རླབས་ཀྱང་སྩལ། དོན་དབང་དང་ཕབ་ཟིན་པའི་ལུང་བཀའ་དྲིན་ཏུ་སྩལ་བ་ཐོབ། པདྨ་སཾ་བྷ་ཝས་མཆིམས་ཕུ་ལ་སོགས་པའི་སྒྲུབ་གནས་རྣམས་སུ་རྒྱལ་སྲས་ལྷ་རྗེ་གཙོས་རྗེ་འབངས་འདུས་པ་ཕྱི་མ་རྣམས་ལ་བླ་རྫོགས་ཐུགས་གསུམ་གཅིག་དྲིལ་ཐུགས་རྗེ་ཆེན་པོ་པདྨ་ཞི་ཁྲོའམ་པདྨ་རྒྱལ་པོའི་ཆོས་སྐོར་ལ་རྒྱས་འབྲིང་བསྡུས་པ་སྙིང་པོའི་ཡང་བཅུད་བཞིར་བཞུགས་པ་ལས་ཟབ་དོན་ཀུན་འདྲིལ་ཡིད་བཞིན་ནོར་བུ་མཐོང་བ་རང་གྲོལ་གྱི་ཆོས་སྡེ་མང་ཡུལ་བྱམས་སྤྲིན་གྱི་གཙུག་ལག་ཁང་དུ་སྦས་པ་གཏེར་སྟོན་ཉི་མ་སེང་གེས་བཏོན་ཀྱང་ཡུམ་དང་གྲྭ་འཁོར་གྱིས་ཐུགས་སུན་ཕྱུངས་པའི་རྐྱེན་གྱིས་འགྲོ་དོན་བརྟུལ་བས་སླར་ཡང་གཏེར་དུ་སྦས་པ། རབ་ཚེས་དང་པོ་མེ་ཡོས་ཟླ་བ་ལྔ་པའི་དམར་ཕྱོགས་ཀྱི་ཚེས་

[Full Size]

བཅུའི་ནུབ་ཞིང་སྐྱེས་དབང་གི་མཁའ་འགྲོ་ཙཎྜི་ཀས་ཤོག་སེར་སྒྲིལ་ཁ་ཆུང་ངུ་ཞིག་ཕྱག་ཏུ་ཕུལ་བ་ལོ་སྐོར་གཅིག་ཏུ་གསང་བའི་རྒྱས་བཏབ། ཕྱིས་ས་ཡོས་ལོའི་སོས་ཀར་སྔར་གྱི་མཁའ་འགྲོས་ཤོག་སེར་འབེབས་པར་བསྐུལ་བ་དང་། ཉམས་ཀྱི་སྣང་ཆར་གཡོ་རུ་ཁྲ་འབྲུག་གི་ཁྱམས་སྟོད་ཨོ་རྒྱན་ལྷ་ཁང་དུ་ཕེབས། སྐུ་ཚབ་ཉིད་གུ་རུ་རིན་པོ་ཆེ་དངོས་སུ་གྱུར་ནས་བཀའ་འདུས་སྒྲུབ་ཆེན་སྟེགས་བུའི་ཁར་དཀྱིལ་འཁོར་དབང་རྫས་རྣམས་སྐད་ཅིག་གིས་སྤྲུལ་ནས་སྨིན་གྲོལ་ཆིག་རྫོགས་སུ་སྩལ་བའི་ཉམས་དེ་ལས་སད་པ་ན། བརྡ་ཡིག་གི་ཚིག་དོན་ཐམས་ཅད་བཀྲ་ལམ་གྱིས་གསལ་བ་ལྟར་གུ་རུ་རིན་པོ་ཆེ་ལ་རྩེ་གཅིག་ཏུ་གསོལ་བ་བཏབ་ནས་གཏན་ལ་ཕབ་པས་ཉིན་ཞག་གཉིས་ལ་རྩོལ་མེད་དུ་གྲུབ་ནས་ཐུགས་ཉམས་སུའང་བཞེས་ཤིང་འཆད་སྤེལ་མཛད། གུ་རུ་རིན་པོ་ཆེ་བྲག་དམར་ཟན་ཡངས་སུ་བཞུགས་པའི་ཚེ་རྗེ་འབངས་གྲོགས་ལྔ་དང་། ཞང་བློན་རྡོ་རྗེ་སྤྲེལ་ཆུང་བཅས་ཀྱིས་ཞུས་པའི་ངོར་རྣལ་འབྱོར་མ་རྒྱུད་པདྨ་གར་དབང་གི་མཁའ་འགྲོའི་རྟོག་པ་ལས་ཕྱུངས་ཏེ་སྩལ་བ་པདྨ་མཁའ་འགྲོའི་སྒྲུབ་ཐབས་ཕྱི་ནང་གསང་བ་ཡང་གསང་དེ་ཁོ་ན་ཉིད་དུ་སྒྲུབ་པ་རྣམས་ལ་ཟབ་པ་དང་རྒྱ་ཆེ་བ་དང་སྙིང་པོའི་ཚུལ་གྱིས་གདམས་ངག་འདྲ་མིན་གསུམ་དུ་བསྡུས་ནས་གཏེར་གནས་གསུམ་དུ་སྦས་པ་རྣམས་གཏེར་སྟོན་སོ་སོས་བཏོན། ཤིན་ཏུ་ཟབ་ཅིང་འདྲིལ་བ་གསང་སྒྲུབ་ལྷ་ལྔའི་གདམས་སྐོར་གཙང་རོང་ཆེན་གྱི་ཉིན་མོའི་སྟོང་ཕྱོགས་བྲག་དམར་ཟླ་གམ་འདྲ་བའི་ཕུག་པའི་སྒོར་སྦས་པ་རོང་ཟོམ་ལོ་ཙཱ་བ་ཆོས་ཀྱི་བཟང་པོས་གཏེར་ནས་བཞེས་པ་མཁའ་འགྲོ་མ་རིག་བྱེད་རྩལ་ཞེས་གྲགས་པའི་དབང་ལུང་གི་རྒྱུན་གནས་གསར་འཇམ་དབྱངས་མཁྱེན་བརྩེ་དང་ཞིག་པོ་གླིང་པ་རྣམས་ཀྱིས་ཀྱང་གསན་ཐོར་འཁོད་རུང་། །ཕྱིས་འདིར་དཔེ་ལུང་གཉིས་ཀའི་

[Full Size]

རྒྱུན་མི་བཞུགས་པ་ལ་རབ་ཚེས་ལྕགས་འབྲུག་ལོར་ཆོས་བདག་མཁའ་འགྲོས་དཔེ་རྙིང་དངོས་སུ་ཕུལ། ཨོ་རྒྱན་རིན་པོ་ཆེ་དང་ལོ་ཆེན་བཻ་རོ་གཉིས་ཀས་སྨིན་གྲོལ་གྱི་གདམས་པས་བྱིན་རླབས་སྩལ་ཏེ་བུ་དཔེ་རྒྱས་པར་བཀོད། ལོ་དེའི་ས་ག་ཟླ་བར་ཅུང་ཟད་ཐུགས་ཉམས་སུ་བཞེས་པས་གྲུབ་པའི་མངོན་རྟོགས་ཀྱང་གསལ་བར་བྱུང་གསུངས། ས་རྟ་ལོའི་སྐབས་ཤིག་ཡར་རྗེ་ཨོ་རྒྱན་གླིང་པ་སྔགས་པ་རྙིང་པ་པད་ཞྭ་ཅན་དངོས་སུ་བྱོན་ནས་བཀའ་འདུས་ཆོས་ཀྱི་རྒྱ་མཚོ་ཚོམ་བུ་ཉེར་གཅིག་པ་སྙིང་པོ་བཅུད་དྲིལ་གྱི་གདམས་པ་སྩལ་བ་གཏན་ལ་ཕབ་སྟེ་རིམ་པར་ཐུགས་ཉམས་སུ་བཞེས་པས་བར་ཆད་ཀྱི་གཡུལ་ལས་རྒྱལ། ཆོས་འདི་མཐའ་དམག་སོགས་ནག་ཕྱོགས་གདུག་པའི་ཚོགས་ཀྱི་གཉེན་པོ་གཅིག་ཏུ་གྱུར་པའི་སྟབས་ཐོག་མར་གླེགས་བམ་ཞལ་ཕྱེ་བ་ཙམ་ལའང་འཚུབས་ཆེན་པོ་རེ་འབྱུང་བར་འདུག་གསུངས། སྐུ་ཚེ་འདིར་མངོན་སྤྱོད་ཀྱི་ཕྲིན་ལས་ཕྲ་མོ་ཙམ་ཡང་མཛད་མ་མྱོང་ཡང་ཆོས་འདིའི་བྱིན་རླབས་ཤུགས་འབྱུང་གི་ཚུལ་དུ། ཉག་དཔོན་པའི་དུས་ཟིང་གིས་མདོ་ཁམས་པ་ཐམས་ཅད་སྡུག་བསྔལ་ལ་སྦྱོར་སྐབས་ཆུ་ཕག་ཟླ་བ་གཉིས་པའི་ཚེས་ཉེར་ལྔའི་ནུབ་མནལ་ལྟས་སུ། མདུན་དུ་ལྕགས་སླང་ཞིག་གི་ནང་ལིང་ཆུང་བཞི་བཅུ་རྩ་བཞི་སོ་སོའི་སྙིང་གར་སྟག་མའི་ལོ་མ་ལ་ཨེ་ནྀྲ་ཏྲི་ཛཿཁྲག་གིས་བྲིས་པ་རེ་རེ་བསླན་པ་བཀོད་འདུག །དེར་མི་བརྗིད་ཅན་ཞིག་གིས་དང་པོའི་འཁྲུགས་པ་འདི་ལ་དམག་དཔོན་ཆེ་ཁག་མིང་ཐོགས་བཞི་བཅུ་ཞེ་བཞི་ཡོད། དེ་རེ་རེ་ལ་སྐྱོབ་པའི་ལྷ་ཞེ་བཞི། རྗེས་འབྲང་གི་དམ་སྲི་ཞེ་བཞི་ཡོད་པས་དཀར་ཕྱོགས་དར་ན་རྒྱལ་ཁམས་སུ་བདེ་འཇགས་ཅུང་ཟད་ཀྱི་རྒྱུར་འགྱུར་སྲིད་ཀྱང་། ནག་ཕྱོགས་དར་ན་ཕུང་ཁྲོལ་ཚབ་ཇེ་ཆེར་འགྱུར་བས་དམ་སྲི་འདི་རྣམས་བསྒྲལ་དགོས་ཞེས་ནན་གྱིས་བཏུད་ནས་

[Full Size]

ཟེར་འདུག་པ་ལ། རྗེ་ཉིད་ནས་ཀྱང་ཅི་དྲན་མེད་པ་ལ་ཐོག་མར་གུར་དྲག་གི་སྒོམ་བཟླས་ཞིག་མཛད་མུར་དཔལ་མགོན་མ་ནིང་གི་སྐུར་དངོས་སུ་གྱུར་འདུག །དེའང་གནས་གྱུར་ནས་ཀུན་ཐུབ་རྒྱལ་མོ་སྐུ་མི་ཚད་ལས་འདས་པ་ཞིག་ཏུ་སོང་འདུག་པས་དམིགས་པའི་སྦྱོར་བས་དགུག་བསྟིམ་རེ་རེ་མཛད་པ་ན། དམ་སྲི་གཟིག་སོགས་གཅན་གཟན། སྡིག་སྦྲུལ་སོགས་ཀླུ་ནོར། ཁྲ་གླག་སོགས་འདབ་ཆགས་ཤ་ཟན་འཇིགས་རུང་གི་མགོ་ཅན་གྲངས་མེད་པ་བཀྲུག་ནས་ལིང་ཆུང་ལ་བསྟིམས་པས་རེ་རེ་བཞིན་ཚད་ལས་འདས་པའི་གཟུགས་བརྙན་ཆེན་པོ་སྲོག་དང་བཅས་པར་གྱུར་པ་མཚོན་ཆ་སྣ་ཚོགས་ཀྱིས་བསྒྲལ། ཁྲག་གི་རྒྱུན་འོད་ཆུ་ལྟར་བབ། དེ་དག་གི་ཤ་ཟོས། ཁྲག་འཐུང་བ་སོགས་ལྷག་མེད་དུ་བྱས། དེ་འདྲ་རེ་རེ་བཞིན་བགྱིས་པའི་གྲངས་ཉེར་བཞི་རྫོགས་མཚམས་མནལ་སད། དངོས་སུའང་ཁྲག་དྲི་སྣོམ་པ་སོགས་བྱུང་འདུག །དེ་རྗེས་ངོས་བཟུང་མེད་པའི་བསྙུན་ཁམས་ཀྱིས་གསུང་འགག་པ་སོགས་ཀྱང་བྱུང་འདུག་པས། དེ་སྐབས་བསྟན་པའི་རིམ་གྲོ་འདོན་བྱ་སོགས་སྒྲུབ་མཁན་མང་འདུག་ཀྱང་དོན་དུ་རྗེ་འདི་ཉིད་ཀྱི་ཐུགས་རྗེས་ནག་ཕྱོགས་གདུག་པའི་ཚ་ངར་ཕྱེད་ཙམ་ཞི་ནས་རྒྱལ་ཁམས་སུ་བདེ་སྐྱིད་སྤྲིན་བར་གྱི་ཉི་མ་ཙམ་བརྡོལ་བར་མངོན་ནོ། །གུ་རུ་རིན་པོ་ཆེས་མཁའ་འགྲོ་ཡེ་ཤེས་མཚོ་རྒྱལ་ལ་ཐུགས་དམ་སྙིང་པོར་སྩལ་བ་མཁའ་འགྲོ་གསང་བ་ཀུན་འདུས་ཀྱི་གདམས་སྐོར་ཨེ་གཟར་མོ་ལུང་གི་ཕུག་པར་སྦས་པ། ཇོ་མོ་སྨན་མོ་པདྨ་མཚོ་སྐྱིད་ལ་མཁའ་འགྲོ་རྣམས་ཀྱིས་གཏེར་དཔེ་དངོས་སུ་སྤྲད་ཀྱང་རང་གི་ཐུགས་ཉམས་སུ་བཞེས་པ་ཙམ་ལས་གཞན་ལ་སྤེལ་བའི་སྐབས་སུ་མ་བབས་པས་སླར་འདབ་གཏེར་དུ་སྦས། ཇོ་མོ་ཉིད་དབུས་གཙང་གི་རྒྱལ་ཁམས་རྣམས་ཉུལ་ནས་ཕེབས་པའི་སྐབས་

[Full Size]

ལྷོ་བྲག་ཏུ་གུ་རུ་ཆོས་དབང་དང་མཇལ་བས་སྨིན་གྲོལ་གྱི་གདམས་པས་རྗེས་སུ་བཟུང་། གསང་བའི་ལས་རྒྱར་བརྟེན་པས་ཡེ་ཤེས་ཀྱི་རྩ་མདུད་གྲོལ་ཏེ་བཀའ་བརྒྱད་གསང་རྫོགས་ཀྱི་རྒྱུད་སྔར་མ་ཁྲོལ་བའང་གཏན་ལ་འབེབས་ཐུབ་པ་སོགས་བྱུང་བས་གཟུངས་མའི་གཙོ་མོར་གྱུར། ཕྱིས་འདིར་རྗེ་ཉིད་ཆོས་དབང་རིན་པོ་ཆེའི་དུས་ཀྱི་བག་ཆགས་ཤིན་ཏུ་གསལ་བ་དང་། སྔོན་གྱི་རྟེན་འབྲེལ་ལས་ཡེ་ཤེས་མཚོ་རྒྱལ་དང་ངོ་བོ་གཅིག་ལ་རྣམ་པ་ཐ་དད་དུ་སྣང་བའི་ཇོ་མོ་ཉིད་ཀྱིས་བྱིན་གྱིས་བརླབས་ཤིང་ཡེ་ཤེས་ཀྱི་བྷ་སནྟའི་སྒོ་འབྱེད་པ་དང་། གཏེར་སྲུང་གིས་གཏེར་དཔེ་སྤྱན་ལམ་དུ་ཕབ་པས་དགོངས་པ་ནམ་གཏད་སྤྱན་ལམ་དུ་བརྡ་ཡིག་རྩོལ་མེད་དུ་འཆར་བར་སྣང་བས་མདོས་སྐོང་དང་སྒྲུབ་པའི་ཁོག་དབུབ་མ་གཏོགས་ཆོས་སྡེ་གཞན་ཚང་བར་གཏན་ལ་ཕབ་པར་མཛད་པ་ཆོས་སྡེ་འདི་ནི་དེང་སང་གི་སྔགས་སྒོར་ཞུགས་པ་ཀུན་ལ་ཤིན་ཏུ་གལ་གནད་ཆེ་བར་འདུག་སྟེ། གཞུང་གི་ལུང་བྱང་ལས། སྔོན་ཚེ་འོག་མིན་གསང་ཆེན་ཞིང་༔ །ཡེ་ཤེས་རང་སྣང་ཕོ་བྲང་དུ༔ དབྱིངས་ཀྱི་ཡུམ་ཆེན་ཀུན་བཟང་མོ༔ ལོངས་སྐུ་རྡོ་རྗེ་ཕག་མོར་བཞེངས༔ ཆོས་ཉིད་རང་སྒྲས་གསང་ཆེན་རྒྱུད༔ དུས་གསུམ་དུས་མེད་རྟག་ཏུ་གསུངས༔ བར་དུ་མཁའ་འགྲོ་འདུ་བའི་གླིང་༔ ཨོ་རྒྱན་རང་བྱུང་དུར་ཁྲོད་དུ༔ བཅོམ་ལྡན་བཛྲ་ཝཱ་རཱ་ཧཱིས༔ པདྨ་ཐོད་ཕྲེང་བདག་ཉིད་ལ༔ རྒྱུད་ལུང་མན་ངག་གསང་བའི་མཛོད༔སྨིན་གྲོལ་ཡོངས་སུ་རྫོགས་པར་སྩལ༔ད་ལྟ་དོན་གྱི་རྣལ་འབྱོར་མ༔བཀའ་ཡི་སྡུད་པོ་མཚོ་རྒྱལ་ལྕམ༔ དྷཱ་ཀི་འབུམ་གྱི་ཚོགས་བཅས་ལ༔ བོད་ཡུལ་གྲུབ་པའི་གནས་ཀྱི་མཐིལ༔ དབང་ཆེན་དགྱེས་པའི་ཕོ་བྲང་དུ༔ བདག་ཉིད་མཚོ་སྐྱེས་རྡོ་རྗེ་ཡིས༔ རྡོ་རྗེ་ཕག་

[Full Size]

མོའི་གསང་བ་ཆེ༔ རྒྱུད་ཀྱི་དགོངས་པ་སྙིང་པོར་དྲིལ༔ ལུང་གི་ངེས་པས་གཏན་ལ་ཕབ༔ མན་ངག་ལག་ལེན་དམར་ཁྲིད་དུ༔ ཐུགས་ཀྱི་ཉིང་ཁུ་བརྣག་པ་བྱིན༔ རང་རང་ཉམས་ལེན་མཐར་དབྱུང་ལ༔ རིན་ཆེན་ས་ཡི་སྙིང་པོར་སྤོས༔ ནམ་ཞིག་མཁའ་འགྲོས་བྱིན་བརླབས་པའི༔ རིགས་ལྡན་བུ་མོ་སྦྲེལ་ལོ་མ༔ སྦས་ཚུལ་ཇོ་མོའི་མིང་ཅན་ལ༔ མཁའ་འགྲོ་རྣམས་ཀྱིས་ཆོས་འདི་གཏད༔ བྱིན་རླབས་རྟོགས་པས་རང་བཞིན་གྲོལ༔ དུས་དེར་གཞན་དོན་ཆེར་མི་འབྱུང་༔ འབྲེལ་ཚད་བདེ་ཆེན་ས་ལ་སྦྱོར༔ ཕུང་པོ་ལྷག་མེད་བྱང་ཆུབ་ཐོབ༔ སླར་ཡང་བོད་ཁམས་སྡུག་པའི་དུས༔ ཆོས་ཀྱི་རྒྱལ་པོའི་སྐྱེ་བའི་མཐའ༔ མཚོ་རྒྱལ་ཁྱོད་ཀྱིས་བྱིན་བརླབས་པ༔ སུས་ཀྱང་བརྟག་པར་དཀའ་བ་ཡི༔ མ་ངེས་འགྲོ་འདུལ་རིག་པ་འཛིན༔ སྒྱུ་མ་ལྟ་བུའི་སྐྱེས་བུ་ཞིག༔ མདོ་ཁམས་ཤར་ནས་འབྱུང་དང་འཕྲད༔ ལོ་ཙཱ་ཆེན་པོའི་ཡེ་ཤེས་དང་༔ གཉིས་མིན་གཉིས་སུ་སྣང་བའི་ཚུལ༔ སྔགས་ཀྱི་གདུང་མཐའ་བྱང་ཆུབ་སེམས༔ བློ་གྲོས་མི་ཟད་གཏེར་ལ་གཏད༔ གཉིས་ཀའི་སྨོན་ལམ་ལ་བརྟེན་ནས༔ སྐལ་ལྡན་འགའ་ཡི་ཉམས་ཆག་སྦྱོང་༔ ལ་ལ་སྔགས་ཀྱི་བརྟུལ་ཞུགས་སྤྱོད༔ འགའ་ཞིག་བདེ་ཆེན་ཡེ་ཤེས་རྙེད༔ དངོས་གྲུབ་དགའ་སྟོན་རྒྱས་པར་འགྱུར༔ ཞེས་བཀའ་སྩལ་བ་ལྟར་རོ། །གུ་རུ་རིན་པོ་ཆེ་ཉིད་ངོ་བོ་དཔལ་ཆེ་མཆོག་ཧེ་རུ་ཀ་དང་རྣམ་དབྱེར་མེད་ཀྱང་གདུལ་བྱ་དྲང་བའི་སླད་དུ་རྡོ་རྗེ་བདུད་རྩིའི་གྲུབ་བརྙེས་སློབ་དཔོན་བདུད་རྩི་གསང་བ་ལས་གདམས་ངག་ཡོངས་རྫོགས་གསན་པའི་ཚུལ་བསྟན། བོད་དུ་གཉགས་ཛྙཱ་ན་ཀུ་མཱ་ར་ལ་བདུད་རྩི་ཡོན་ཏན་གྱི་རྒྱུད་ལུང་མན་ངག་སྤྱི་དང་ཁྱད་པར་རྡོ་རྗེ་བདུད་རྩི་གསང་བ་ཆེན་པོའི་མན་ངག་སྙིང་ཐིག་ཟབ་མོ་ཏིང་ངེ་འཛིན་བདུན་གྱི་རིམ་

[Full Size]

པར་ཕྱེ་བའི་གཞུང་ཉིད་ཡར་ལུང་བསམ་འགྲུབ་ཤེལ་གྱི་བྲག་ཕུག་ཏུ་བསྒྱུར་ཏུ་སྩལ་ཅིང་། ཆོས་རྒྱལ་ཡབ་སྲས་སོགས་འདུས་པ་རྣམས་ལ་སྨིན་གྲོལ་སྩལ། དཔེ་རྒྱུད་པདྨ་བརྩེགས་པའི་ཕུག་པར་རྒྱས་བཏབ་པ་ཕྱིས་ར་མོ་ཤེལ་སྨན་ཡེ་ཤེས་བཟང་པོས་སྤྱན་དྲངས་ཏེ་ཐུགས་ཉམས་སུ་བཞེས། སླར་རྡོ་རྗེའི་ལུང་དོན་བཞིན་རང་གནས་སུ་སྦས་པར་མཛད་པ། རྗེ་ཉིད་དགུང་གྲངས་ང་བདུན་མེ་བྱི་ཟླ་བ་དང་པོའི་ཡར་ཚེས་སྐབས་ཀྱི་ཐོ་རངས་ཤིག་ཏུ་སྔགས་སྲུང་ཨེ་ཀ་ཛཱ་ཊི་ཉིད་ཞིང་སྐྱེས་ཀྱི་མཁའ་འགྲོར་རྣམ་པར་འཕྲུལ་པས་གདམས་པ་འདིའི་གཏེར་དཔེ་ཏཱ་ལའི་ལོ་མར་ན་ག་ར་དང་བརྡ་ཡིག་འདྲེས་མར་བྲིས་པ་ཕྱག་ཏུ་ཕུལ་ཏེ་ལོ་རྒྱུས་རྒྱས་པར་ཞུས། དེ་རྗེས་ཨོ་རྒྱན་རིན་པོ་ཆེ་ལ་གསོལ་འདེབས་ཡང་ཡང་མཛད་པས་སྣོྲན་ཟླའི་ཚེས་བཅུའི་ཐོ་རངས་དག་པའི་སྣང་བར་པདྨ་འོད་ཀྱི་གཞལ་མེད་ཁང་དུ་གུ་རུ་རིན་པོ་ཆེ་འཁོར་དང་བཅས་པས་སྤྲུལ་པའི་དཀྱིལ་འཁོར་དུ་དབང་བསྐུར་ཅིང་གདམས་ངག་གཅིག་རྫོགས་སུ་སྩལ། ལས་ཀྱི་རྡོ་རྗེ་གཉགས་ལོ་ཆེན་པོའི་ཞལ་ནས་འདི་ཉིད་བདུད་རྩི་ཡོན་ཏན་གྱི་བཀའི་གཙོ་བོ་ཡིན་ཅིང་ད་དུང་སྨན་གྱི་རྫོང་འཕྲད་ཆེན་མོའི་བཀའ་བབས་ཡོད་ཚུལ་གྱི་ལུང་བསྟན་ཀྱང་མཛད། དེ་ནས་བཟུང་སྟེ་གཏེར་ཤོག་ཏུ་གང་བཞུགས་པའི་ཚིག་དོན་ཐམས་ཅད་སྒྲིབ་ཐོགས་མེད་པར་ཐུགས་ལ་ལམ་མེར་ཆུབ་པས་ཆོས་སྐོར་ཡོངས་རྫོགས་མིག་འཕྲུལ་ལྟ་བུའི་ཆོ་འཕྲུལ་ཆེན་པོ་ངོ་མཚར་བའི་བཀོད་པས་གཏན་ལ་ཕབ་ནས་ཁོ་བོ་ཅག་ལ་སྐལ་ལྡན་དུ་དབུགས་དབྱུང་ཞིང་དབང་ཁྲིད་གདམས་ངག་ཐམས་ཅད་བཀའ་དྲིན་དུ་སྩལ། འདིའི་དབང་སྐུར་ཁོ་བོས་ཆེད་དུ་ཞུས་པའི་སྟ་གོན་ནུབ་མོར། རྗེ་བླ་མ་ཉིད་རི་རོང་དོག་པོ་ཞིག་ཏུ་ཕེབས། མི་ཞིག་ལ་ས་ཆ་འདི་གར་རེད་དྲིས་པས་སོ་མ་བུ་

[Full Size]

རིའི་ཉེ་སྐོར་རེད་ཟེར། དེ་ནས་ཡར་བྱོན་པས་ཐང་ཅུང་ཡངས་པ་ཞིག་ཏུ་ཕེབས་པས། མི་དེས་སོ་མ་བུ་རི་ཡ་ཀི་རེད་ཟེར། རི་ཤིན་ཏུ་གཟར་ཞིང་མཐོ་བའི་རྩེ་མོར་བྲག་དཀར་འདྲ་ཞིག་སྣང་། དེར་འཛེག་པས་ཡུད་ཀྱིས་ཕྱིན་པ་ན་ཁང་པ་རྩག་མཐོ་ཞིག་སྣང་བའི་ནང་དུ་ཕེབས་པའི་རྩག་མང་པོ་ཞིག་བགྲོད། ད་རུང་སྟེང་དུ་རྩག་གཉིས་ཡོད་སྙམ། བར་སྣང་དུ་སླེབས་པ་ལྟ་བུ་མཐོ་བའི་ནང་དུ་ཁྲི་སྟན་ཞིག་འདུག་པ་ཉིད་ཀྱི་ཡིན་སྙམ་གྱིས་དེར་བཞུགས། དེར་རི་ཆེའི་ཕྱག་མཛོད་ལྟ་བུ་ཞིག་འདུག་པ་ལ་འདི་ན་ཤིན་ཏུ་གནད་ཆེ་བའི་རྟེན་ཅི་འདྲ་ཡོད་ཅེས་བྲིས་པར། འདི་ཡི་རྟེན་གྱི་གཙོ་བོ་འདི་ཡིན་ཞེས་ཕུག་ལོགས་སུ་སྒམ་ཞིག་འདུག་པ་ལ་མཛུབ་མོ་བཙུགས། དེ་ན་ཅི་འདྲ་ཡོད་དྲིས་པས། རྒྱལ་པོ་ཛཿལ་བཀའ་བབས་ཆུ་བོ་བཞིའི་དབང་གི་ཆུ་རྒྱུན་མ་ཆད་པ་ཡོད་ཟེར། དེར་ངེད་རང་ད་ལྟའི་ཆ་བྱད་ལྟར་འདུག་པས་སྒམ་དེ་ཕྱེས་སོང་བ་འདི་གང་ཡིན་གྱིས་ལྟ་ཕོད་ས་མི་འདུག་ཟེར། ཉིད་ཕེབས་པས་དེ་ནང་ཁྲོན་པ་གཏིང་མེད་པ་འདྲ་བ་ལ། བར་དན་དུ་ཆང་བུམ་ལྟ་བུའི་ལྗང་གུ་ཆེ་ལེགས་ཞིག་འདུག་པ་ན་ཉིད་སྔར་མལ་བཞུགས། ངེད་ཀྱིས་དེ་དྲངས་བྱུང་བ་ཤིན་ཏུ་ཕྲ་བའི་བ་ཐག་གིས་སྦྲེལ་བ་ལྟ་བུའི་ངང་། དེ་ནང་ནས་བུམ་ཆུ་དཀར་ཤས་ཅན་ཞིག་ཕྱག་ཏུ་བླུགས་བྱུང་བ་དེ་བཞེས་པས་སྐུ་ལུས་ཀྱི་ནང་ཐམས་ཅད་གང་། བདེ་བ་སྐྱེས། ཆང་བཟི་ལྟ་བུའི་རྣམ་འགྱུར་དང་། རྟོག་མེད་ཀྱི་ཉམས་འཆར། སླར་ངེད་ལ་གནང་བས་ངེད་རང་ཡང་ཉིད་ལ་སྐྱེས་པའི་ཉམས་དེ་ཤར་སོང་། མི་དེས་ད་རེས་སྐུ་ཞབས་རྣམ་པ་ཚོ་ཞལ་འཛོམ། དབང་བུམ་གདན་དྲངས། སྐལ་པ་ཤིན་ཏུ་བཟང་བས་ང་རང་ལའང་གནང་བར་ཞུ་ཟེར་བས་ལག་ཏུ་བླུགས་པས་འཐུངས་སོང་བ་དེ་ལའང་ཉམས་དེ་སྐྱེས་སོང་། དེ་ན་རེ། ད་རེས་རྣམ་

[Full Size]

པ་ཚོ་ལ་བུམ་ཆུས་སྐུ་ལུས་གང་བ་བུམ་དབང་། བདེ་བ་གསང་དབང་། ཆང་བཟི་ལྟ་བུ་ཤེར་དབང་། རྟོག་མེད་ཀྱི་ཉམས་སྐྱེས་པ་བཞི་པ་ཡིན་ཟེར་ནས་ནམ་མཁར་འཕགས་པ་མཁའ་འགྲོ་མ་དམར་མོ་རུས་རྒྱན་ཅན་ཞིག་ཏུ་གནས་གྱུར་སོང་། དེར་ཐུགས་དགོངས་ལ། མི་དེ་རྒྱལ་པོ་ཛཿ མཁའ་འགྲོ་འདི་ལས་ཀྱི་དབང་མོ་ཆེ་ཡིན་དགོངས་པ་བྱུང་གསུངས། གོང་གི་ལུང་བསྟན་བཞིན་རོང་སྨན་ཉི་མ་འོད་གསལ་གྱིས་ཡར་འབྲོག་གི་རྫ་རོང་བྷི་ནས་སྤྱན་དྲངས་པའི་སྨན་གྱི་རྫོང་འཕྲང་ཆེན་མོའི་སྙིང་པོ་བསྡུས་པའི་སྨན་གྱི་རྫོང་འཕྲང་སྙིང་ཐིག་ཅེས་ཆེ་མཆོག་བདུད་རྩིའི་དཀྱིལ་འཁོར་སྒེར་སྒྲུབ་འབྲེལ་བའི་སྨན་གྱི་ཆོས་སྡེ་ངོ་མཚར་བ་ཞིག་ཀྱང་བཞུགས་པར་སྣང་མོད། གཏན་ལ་འབེབས་གྲུབ་པ་ནི་མ་བྱུང་། ཡང་ཟབ་ཐུགས་རྗེ་ཆེན་པོ་རྒྱལ་བ་རྒྱ་མཚོའི་གདམས་པ་ཡེ་ཤེས་འོད་ཀྱི་སྙིང་པོའི་ཆོས་སྐོར་ནི། སྔོན་རབ་བྱུང་དྲུག་པའི་ལྕགས་མོ་གླང་གི་ལོའི་སྨལ་བོ་ཟླ་བའི་ཚེས་བཅུར་དཔལ་གྱི་བསམ་ཡས་མཆིམས་ཕུའི་བྲག་སྣ་སེང་གེའི་གདོང་ནས་གནུབས་ཆེན་པོའི་རྣམ་འཕྲུལ་སྐྱེས་མཐའི་བྱང་སེམས་ཨོ་རྒྱན་དྲི་མེད་ཀུན་དགས་གདན་དྲངས། བླ་རྫོགས་ཐུགས་གསུམ་རྒྱ་ཆེ་བའི་སྐོར་རྣམས་ཁྱབ་གདལ་དུ་སྤེལ་བ་ལ་བརྟེན་ནས་གདུལ་བྱ་མཐའ་ཡས་པ་སྨིན་གྲོལ་ལ་བཀོད། སྙིང་པོ་འདི་ཉིད་ལུང་བྱང་ལྟར་ཐུགས་ཉམས་སུ་བཞེས་ཏེ་གཞན་ལ་མ་སྤེལ་བར་དཔལ་གྱི་བསམ་ཡས་བྲག་དམར་མགྲིན་བཟང་གི་བྲེ་གུའི་སུལ་དུ་རྒྱས་བཏབ་པ། རྗེ་ཉིད་ལ་འགྲོ་འདུལ་འཕགས་པའི་ཐུགས་ཏིག་དང་ལྷན་ཅིག་གཏེར་སྲུང་མཁའ་འགྲོ་མས་དངོས་སུ་ཕུལ་བ་རིང་དུ་གསང་རྒྱས་བཏབ། རབ་ཚེས་མེ་མོ་གླང་ལོར་མནལ་ལམ་དུ་ཁང་པ་ཞིག་ཏུ་ཕེབས་པར། ཕུག་དེར་ཞེ་ཆེན་དབོན་སྤྲུལ་ཉིད་གོས་སྐྱ་ཞིག་མནབས་ནས་བསྙེལ་བའི་ཚུལ་མཛད་

[Full Size]

ནས་བཞུགས་པའི་སྐུ་དྲུང་དུ་ཕེབས་པར་འདིར་མ་བྱོན། ངེད་རང་ཡང་མོ་དགའ་ཆེས་པས་མི་ལོ་བ་མང་པོ་བྱུང་། རྒྱ་ནད་ཅིག་འགོས་ནས་ཁོག་སྨད་རུལ་ཡོད། དྲི་ངན་བྲོ་བས་ཞེ་ལྡོག་གསུངས་པ་དང་དྲི་ངན་ཀྱང་བྲོ་བ་སྙམ་བྱེད། ཅུང་ཕྱིར་གྱེད་པས་ད་ཅུང་ཟད་བཞུགས་དང་ཁ་དལ་ཞིག་བྱེད་གསུངས། དེར་བཞུགས་པ་དང་དེང་སང་ཀོང་སྤྲུལ་ཁྱེད་གཉིས་ནས་གཏེར་ཆོས་རྒྱུན་ཡོད་མེད་སྣ་ཚོགས་འཆད་སྤེལ་བྱེད་པ་རེད་དེ། ངེད་ཀྱིས་དེ་དུས་ཀར་གླིང་ཞི་ཁྲོའི་བཏགས་གྲོལ་སྔགས་ལ་ཞུ་དག་བྱེད་རྩིས་བྱས་པ་དབང་ཕྱུག་ཉེར་བརྒྱད་ཀྱིས་སྲོག་དེའུ་བཅད་བྱས་པ་ཡིན། ཕོད་ལེ་ཨི་རེད་གསུངས་པར། གསར་མ་འདྲ་ཡིན་ན་རྒྱུན་ཡོད་ངེས་པ་ཞིག་ལས་ཤློ་ཀའང་འཆད་སྲོལ་མེད། །ཁྱེད་རང་རྙིང་མ་བ་རྣམས་ཀྱིས་བཀའ་གཏེར་དག་སྣང་གི་བརྒྱུད་སྲོལ་མང་དུ་འདྲེན་སྲོལ་འདུག་པ་བཞིན་ངེད་གཉིས་ནས་ཀྱང་ཚིག་བརྒྱུད་ཅི་ཐོབ་བྱས་པས་ཚིག་བརྒྱུད་མེད་པ་ཆེར་མེད། རྒྱུན་དཀོན་ཁ་ཤས་ཉམས་རྨིས་སོགས་ཐོབ་ངེས་མ་གཏོགས་གཏན་ནས་ཁུངས་མེད་འཆད་སྤེལ་བྱེད་ཀྱི་མེད་གསུངས་པར། ཨ་ཅང་ལོས་ཆོག །ཁྱེད་རང་གཉིས་གཏེར་ཆོས་རྣམས་ཀྱི་བདག་པོ་ཡིན་འདུག་པས་དེ་རྣམས་ལེགས་པོ་རེད་ཀྱང་། ཇོ་མོ་སྨན་མོ་ཟེར་བའི་གཞོང་འཚོང་མ་དེ་དང་། ར་མོ་ཤེལ་སྨན་ལྷ་རྗེ་སྐྱ་ཐོ་བ་དེ་རིགས་ཀྱི་གཏེར་ཆོས་ལ་རྩ་བ་བྱེད་དུས། ང་དྲི་མེད་ཀུན་དགའ་ཡིན་པས་དེའི་བླ་རྫོགས་ཐུགས་གསུམ་ཤོག་སེར་དེ་གལ་ཆུང་དུ་བསྐྱུར་བ་དེ་མ་རེད་གསུངས། དེར་དྲི་མེད་ཀུན་དགའི་གཏེར་ཆོས་ཤོག་སེར་ཞིག་སྔ་མོ་ནས་ལག་ཏུ་བྱུང་ཡང་འབེབས་རྒྱུ་སོགས་མ་བྱུང་། ད་རེས་ཉིད་ཀྱི་དབང་ལུང་ཞིག་མཛད་རོག་ཞུས་ནས་ཤོག་སེར་དེའང་བསྒྲིལ་ཁ་ཆེན་པོ་ཞིག་ཕྱག་ཏུ་བཞུགས་སྣང་འདུག་པས་ཕྱག་ཁར་ཕུལ་བ། ཁྱེད་རང་རྣམས་སློབ་དཔོན་པདྨ་དང་། ཡུ་བུ་རྣམས་

[Full Size]

ཀྱི་གཅེས་ལོ་མ་ཡེ་ཤེས་མཚོ་རྒྱལ་གཉིས་ཀྱིས་དགོས་ཚད་ཐམས་ཅད་གནང་དུས་དེས་མཆོག་པ་ཅི་ཡོད་གསུངས། ནན་གྱིས་ཞུས་པར་དེ་མ་ཐག་རྣལ་འབྱོར་པ་རལ་པ་སྐུ་རྒྱབ་ནས་གཙུག་ཏོར་དུ་དཀྲིས་པ། ནང་གོས་དཀར་པོ། དེ་སྟེང་དབང་གོས། མནབ་གཟན་ཅན་ཟིལ་ཆེ་བ་ཞིག་ཏུ་གནས་འགྱུར་ནས་བར་སྣང་ལ་འཕག་སྟེ། ཤོག་སེར་ཐོག་ནས་དབང་ལུང་དང་སྤྱི་བོར་བཞག་ནས་བཀའ་གཏད་མཛད་པས་ཤོག་སེར་སྤྱི་བོ་ནས་ཐིམ་སྙམ་ངང་དེ་ནང་ཅི་ཡོད་ཚིག་དོན་ཐམས་ཅད་ཁྲ་ལམ་མེ་དགོངས་པ་བྱུང་། དེ་ནས་འདི་གསུངས། ཁྱེད་རང་གཉིས་ཀྱང་དཀར་ཆས་རེ་བྱས་ན་ལེགས་པ་རེད། དེ་སྔ་གཏེར་སྟོན་གྱི་མིང་ཐོགས་མི་འདུག །མིང་ཐོགས་དགོས། འདི་ལ་གནད་ཆེན་པོ་ཡོད། ངེད་ཀྱང་སྤྲུལ་སྐུ་དེའི་སྐབས་སུ་དཀར་ཆས་མ་བྱས་པས་རྟེན་འབྲེལ་འཆུག ད་དུས་རྒྱུན་མཁའ་འགྲོ་གྲིབ་སེལ་ཤིན་ཏུ་གལ་ཆེ་གསུངས་ནས་ཇེ་མཐོར་སོང་བ་ད་རུང་ཅུང་བཞུགས་གྲོགས་ཞུས་ཀྱང་ནམ་མཁའི་དབྱིངས་སུ་ཐིམ་པ་དང་མནལ་སད། ཕྱིར་ནང་ཁོ་བོ་ཅག་ལ་དེ་ལྟར་བྱུང་ཚུལ་ཕེབས་པས་གཏན་ལ་འབེབས་ཐུབ་པར་གསོལ་བ་བཏབ་པས། བླ་སྒྲུབ། །ཐུགས་རྗེ་ཆེན་པོ། ཕྱག་ཆེན་བཅས་འབེབས་པར་མཛད་ཅིང་དབང་ཁྲིད་ཆིག་རྫོགས་སུ་སྩལ། ཁྱད་པར་ཟབ་དབང་ཐུན་མོང་མ་ཡིན་པ་བཀའ་དྲིན་བསྐྱངས་ཏེ་དེ་ལ་བརྟེན་ནས་ཚེ་མཐར་ཕྱིན་པའི་ལུང་བསྟན་ཀྱང་སྩལ། བླ་སྒྲུབ་ཆ་ལག་འགའ་ཞིག་བཞུགས་པར་སྣང་ཡང་རིམ་ལུས་སུ་གྱུར་ཅིང་ཁོ་བོའི་ལམ་ཟབ་ལེའུ་བདུན་མའང་བླ་སྒྲུབ་འདིའི་ཆ་ལག་ཏུ་གཏོགས་པར་སྣང་། འདིའི་བླ་སྒྲུབ་ཡིད་བཞིན་ནོར་བུའི་ལུང་བྱང་ལས། འདི་ནི་རང་བྱུང་པདྨ་བདག་ཉིད་ཀྱི ༔ཐུགས་ཀྱི་གསང་བ་རྨད་བྱུང་དྭངས་མའི་བཅུད༔ སྐུ་གསུམ་དབྱེར་མེད་འོད་ཀྱི་སྙིང་པོའི་གཟུགས༔

[Full Size]

སྣོད་ལྡན་རྣམས་དང་འབྲལ་ཁའི་ཞལ་ཆེམས་ཚུལ༔ འདི་ཡིན་འདི་ལས་གཞན་དུ་མ་བཅོས་པར༔ རྩེ་གཅིག་ཉམས་ལོངས་བརྡ་ཡི་ཡི་གེར་བྲིས༔ མཆིམས་ཕུའི་ཉེ་འདབས་བྲག་གི་སུལ་དུ་སྦོས༔ མ་འོངས་རྩུབ་འགྱུར་དུས་ཀྱི་བར་སྐབས་སུ༔ གནུབས་བན་རང་གིས་སྤྱོད་པའི་སྨོན་ལམ་ཐོབ༔ དྲི་མེད་མིང་ཅན་དེ་དང་འཕྲད་ནས་ཀྱང་༔ རང་ཉམས་བླངས་ནས་མ་ཕྱིའི་ཤོག་སེར་ནི༔ འགྲོ་འདུལ་འཕགས་པའི་ཐུགས་ཀྱི་ཏི་ཀ་དང་༔ ལྷན་ཅིག་སྦས་པས་རྩུབ་འགྱུར་ཡང་མཐའི་དུས༔ ད་ལྟའི་དུས་ཀྱི་ལྷ་སྲས་མཆོག་གྲུབ་རྒྱལ༔ གཏེར་སྟོན་རྐྱང་པའི་སྐྱེ་བ་བཅུ་གསུམ་པས༔ འདི་ཉིད་བླངས་ནས་རིང་དུ་གསང་རྒྱས་གདབ༔ དུས་སུ་བབས་ཚེ་སྣོད་ལྡན་མཆོག་ལ་སྤེལ༔ དེས་ཀྱང་ཉམས་བླངས་རྟོགས་པའི་རྩལ་ཆེན་རྫོགས༔ ཀུན་བཟང་གདོད་མའི་ས་ལ་ཕྱིན་པར་འགྱུར༔ ཅེས་གསུངས་ཤིང་། འབེབས་པའི་དུས་ཚོད། རྨི་ལམ་ཚུལ་དུ་ཆོས་ཀྱི་བདག་པོ་ཡིས༔ བཀའ་གཏད་བྱིན་རླབས་སྐུལ་མ་ཐེངས་གསུམ་འོང་༔ ཞེས་གསུངས་པའང་ཇི་བཞིན་བྱུང་བར་འདུག་གོ། །ཞེ་ཆེན་དབོན་སྤྲུལ་འགྱུར་མེད་མཐུ་སྟོབས་རྣམ་རྒྱལ་འདིའང་རྫོགས་ཆེན་བཞི་པ་མི་འགྱུར་ནམ་མཁའི་རྡོ་རྗེས་ཁོང་གཏེར་སྟོན་རྒྱུ་ཞང་ཁྲོམ་གྱི་སྐྱེ་བ་ཡིན། དེ་སྐབས་མཐུ་སྟོབས་ཆེ་བས་དེང་སང་མ་ཉེས་ཁ་ཡོག་མང་བ་རེད་གསུངས་པའང་ཡེ་ཤེས་ཀྱི་གཟིགས་པ་འཁྲུལ་པ་མེད་པར་སྣང་སྟེ་ཞང་ཁྲོམ་སྐྱེ་བ་དྲི་མེད་ཀུན་དགར་ཡོངས་སུ་གྲགས་ཤིང་དེའི་སྐྱེ་བ་དབོན་སྤྲུལ་རིན་པོ་ཆེ་ཉིད་ཡིན་པ་ལུང་ལས་གསལ་བའི་ཕྱིར་རོ། །མེ་གླང་ཟླ་བ་དང་པོའི་ཚེས་ཉེར་དྲུག་ནུབ་མོར་དག་པའི་སྣང་བར། ཐོག་མར་ངེད་རང་ཁྲི་མཐོ་བ་ཞིག་ཏུ་སྡོད་ནས་སྐུ་གསུམ་སྟོན་པའི་དགོངས་མཛོད་རིང་མོ་ཟེར་བའི་ཆོས་བཀའ་ཕལ་ཆེར་ཤེར་ཕྱིན་ཚིགས་བཅད་བྱས་པ་ལྟ་བུ་ལ་གཞུང་ལམ་

[Full Size]

གསང་སྔགས་ཡིན་པ། ལེའུ་སུམ་བརྒྱ་དྲུག་ཅུ། པོ་ཏི་བདུན་ཡོད་པ་ཞིག་བཤད་འདུག་པ། གཏེར་སྟོན་སུས་རེད་གསུངས་པར་ཐམས་ཅད་ཀྱི་ཐོག་མའི་གཏེར་སྟོན་དེ་རེད་ཟེར། སངས་རྒྱས་བླ་མ་ཨི་རེད་གསུངས་པ་མ་རེད་གཙུག་ལག་དཔལ་དགེའི་ཆོས་རེད་ཟེར། ཆོས་དེ་ཚང་མ་གསན་ཚར་བ་དང་། གནས་འགྱུར་ནས་ཉང་ཤ་མི་གོ་ཆ་ཡིན་ཟེར་བའི་ལོ་ཙཱ་སྐུ་ཆེ་ཞིང་གཟི་བརྗིད་ཅན། །དབུ་ལ་པ་ཞུ་ལེབ་བཞག་མཛད་པ་ཞིག་མཇལ་བར། ཁྱེད་སྔ་འགྱུར་ལོ་ཙཱ་བ་ཡིན་ན་རྗེ་འབངས་ཉེར་ལྔའི་གྲལ་དུ་མི་འདུག་ན་གསུངས་པས། རྗེ་འབངས་ཉེར་ལྔའི་གྲལ་དུ་ཡོད་རུང་མེད་རུང་ངེད་རང་ལ། མཁན་པོ་བོདྷི་སཏྭ། སློབ་དཔོན་པདྨ་འབྱུང་གནས། བི་མ་མི་ཏྲ། བཻ་རོ་ཙཱ་ན་བཞིའི་གདམས་ངག་ཐམས་ཅད་ཡོད་པ་ཡིན་གསུངས། དེར་གདམས་ངག་གནང་བར་ཞུས་པས། མཁན་པོའི་གདམས་ངག་ཕྱི་སྡེ་སྣོད་གསུམ། སློབ་དཔོན་གྱི་ནང་ཀྲི་ཡོ་ག་སྡེ་གསུམ། བི་མ་ལའི་གསང་བ་ཡོ་ག་གསུམ་དགོངས་བཅུད་གཅིག་ཏུ་དྲིལ་བ་དགོངས་མཛོད་ཆེན་མོ་ཞེས་བྱ་བ་བསམ་ཡས་ཧས་པོ་རིར་གཏེར་དུ་སྦས་པ་ཤ་མི་རྡོ་རྒྱལ་གྱིས་བཏོན་ནས་འགྲོ་དོན་མཛད། འགྲོ་དོན་རྫོགས་ནས་དཔེ་རྣམས་མཁའ་འགྲོས་དྲངས་པ་ཡིན། གླེགས་བམ་བདུན་ཡོད། དེས་དགོས་པ་མེད་པས་འདི་དེའི་སྙིང་པོ་དགོངས་མཛོད་ཟབ་ཏིག་ཡིན་གསུངས་ནས་ལེའུ་གསུམ་པ་ཞིག་གི་དབང་ལུང་རྫོགས་པར་གསན། གུ་རུ་པདྨ་བཛྲ་ཉིད་ཚེ་ལམ་གྱི་གྲོགས་མཆོག་མནྡཱ་ར་བ་དང་བཅས་ཏེ་བྲག་ཕུག་མཱ་ར་ཏི་ཀར་འཆི་མེད་ཚེའི་དངོས་གྲུབ་བསྒྲུབས་ནས་གྲུབ་པའི་སྐབས་སུ་སྐུ་གསུམ་ཧེ་རུ་ཀས་རྒྱུད་དང་གདམས་པའི་གསང་མཛོད་དཔག་ཏུ་མེད་པ་གཏད་ཅིང་བྱིན་གྱིས་བརླབས། ཆོས་རྒྱལ་གྱིས་གསོལ་བ་བཏབ་པའི་ངོར་ལོངས་སྐུ་འཁོར་ལོ་བདེ་མི་ཆོག་གི་གདམས་སྐོར་མང་དུ་སྩལ་

[Full Size]

བ་རྣམས་རྒྱས་འབྲིང་བསྡུས་གསུམ་དུ་ཕྱེས་ནས་གཏེར་གནས་སོ་སོར་སྦས་པ་རྒྱས་འབྲིང་གཉིས་མངའ་བདག་ཉང་དང་བོན་པོ་ལྷ་འབུམ་གྱིས་བཏོན། བསྡུས་པ་ཟབ་དོན་སྙིང་པོའི་བཅུད་འདྲིལ་འདི་ཉིད་ཨེ་ཡུལ་རིག་པའི་འབྱུང་གནས་ཀྱི་ཁ་སྟོད་གངས་བར་ཕུག་མོ་ཆེ་ཞེས་པའི་བྲག་སྐྱིབས་ཆེན་པོའི་སྒོ་དྲུང་ཕ་ཝཾ་དབང་ཕྱུག་གི་མཚན་རྟགས་ཅན་ཏུ་སྦས་པ་རྒྱ་སྟོན་པདྨ་དབང་ཕྱུག་གིས་གཏེར་ནས་བཏོན་ཏེ་བླ་རྫོགས་ཐུགས་གསུམ་གྱི་ཆོས་དང་བསྟན་སྲུང་གུར་མགོན་གྱི་རྒྱ་གཞུང་དྲེགས་པ་ཟིལ་གནོན་སྐོར་མན་ངག་ལེ་ཚན་ལྔ། དམ་རྫས་བདུད་རྩིའི་སྨན་གྱི་རིལ་བུ་བཅས་སྤྱན་དྲངས་ཏེ། འགྲོ་དོན་ཅི་རིགས་མཛད་ཅིང་གུར་མགོན་སྐོར་རྣམས་ཡར་ལུང་ཀླུ་པའི་བླ་མ་རྣམས་བརྒྱུད་དེ་དེང་སང་ས་སྐྱའི་གུར་མགོན་གཞུང་པོད་མེ་འབར་མར་བཞུགས་པ་ཡིན་ཅིང་། བླ་མ་བདེ་མཆོག་གི་ཆོས་སྐོར་རྣམས་ལུང་བྱང་ལྟར་གནས་དེ་ཉིད་དུ་ཡང་གཏེར་གྱི་རྒྱས་བཏབ་པ་ཕྱིས་རབ་ཚེས་ས་སྟག་ལོའི་ས་ག་ཟླ་བའི་ཚེས་བཅུར་ཡེ་ཤེས་ཀྱི་མཁའ་འགྲོས་རྗེ་བླ་མ་རིན་པོ་ཆེ་ཉིད་ལ་གཏེར་དཔེ་དངོས་སུ་བསྟན་ཅིང་བརྡ་སྤྲོད་མཛད་པའི་རྗེས་ཐོག་ཏུ་གཏེར་སྟོན་པདྨ་དབང་ཕྱུག་ཉིད་ཀྱི་སྐུ་མངོན་དུ་སྣང་བས་དབང་དང་གདམས་ངག་རྫོགས་པར་གནང་། དེ་འཕྲལ་ཚིག་བརྒྱུད་ཡི་གེ་རིས་སུ་གཏན་ལ་ཕབ། ཆུ་རྟ་མགོ་ཟླའི་ཉེར་ལྔར་དོན་བརྒྱུད་སྨིན་གྲོལ་གྱི་གདམས་པ་ཁོ་བོ་ཅག་ལ་ཆིག་རྫོགས་སུ་བཀའ་དྲིན་སྩལ། གསར་མ་ལ་ཡོངས་སུ་གྲགས་པའི་དྲིལ་བུ་རིམ་ལྔའི་ཁྲིད་ཀྱང་རིང་བརྒྱུད་བཀའ་སྲིལ་འགའ་ཞིག་སྨིན་ཁྲིད་དུ་གསན་ཅིང་། ཉེ་བརྒྱུད་དག་པའི་སྣང་བར་གྲུབ་ཆེན་རྡོ་རྗེ་དྲིལ་བུ་བ་ཡུམ་དང་བཅས་པས་བརྡའི་དབང་བཞི་བསྐུར། རིམ་ལྔའི་རྩ་ཚིག་ཤ་ལོ་ཀ་གཅིག་བཀྲོལ་ཏེ་གསུངས་ནས་མཐར་བསམ་མི་ཁྱབ་པའི་སྐབས་སུ་དབྱིངས་དང་ཡེ་ཤེས་དབྱེར་མེད་པར་བྱིན་གྱིས་བརླབས་པའི་ཆུ་བོའང་

[Full Size]

གཅིག་ཏུ་འདུ་བ་མ་ཟད་གསར་མའི་དྲིལ་བུ་རིམ་ལྔའི་ཁྲིད་ཀྱི་བྱིན་རླབས་ས་ཆེན་ཀུན་དགའ་བློ་གྲོས་ཀྱི་བར་དུ་བྱུང་ཡང་དེ་ཕྱིས་རྒྱུན་མི་བཞུགས་ཀྱང་། འདིའི་དབང་གི་སྐབས་རིམ་ལྔའི་བྱིན་རླབས་ཁྱད་པར་ཅན་ཡོད་པས་རྒྱུན་དེའི་གོ་ཡང་ཆོད་པར་སྣང་ངོ་། །ཟབ་མོའི་རྒྱུད་སྡེ་མང་པོའི་བཅུད་བསྡུས་པའི་ཞི་བྱེད་བདུན་གྱི་མན་ངག་རིམ་པར་ཕྱེ་བ་བཅུ་གཅིག་གི་གཞུང་པདྨ་སཾ་བྷ་ཝ་དང་ལྷ་སྲས་ཡེ་ཤེས་རོལ་པ་རྩལ་གྱིས་བསྒྱུར་ནས་འུ་ཤང་རྡོའི་ནུབ་ཕྱོགས་ལྷ་རི་རོལ་པོ་བྲག་ཏུ་སྦས་པ་རབ་བྱུང་གཉིས་པའི་ནང་ལྷ་བཙུན་སྔོན་མོའམ་ལྷ་དབང་རྒྱ་མཚོ་བློ་གྲོས་ཀྱིས་སྤྱན་དྲངས། མ་ཕྱི་སྒྲགས་ཀྱི་ཡང་རྫོང་དུ་སྦས་པ་རབ་བྱུང་བཅོ་ལྔ་པའི་ས་ཕོ་འབྲུག་གི་ལོར་གཏེར་ཆེན་མཆོག་གྱུར་གླིང་པས་སྤྱན་དྲངས་ཏེ་ཤོག་སེར་རྗེ་བླ་མ་རིན་པོ་ཆེར་ཕུལ་བ་གཏན་ལ་ཕབ་ནས་དབང་ལུང་སྤེལ་བར་མཛད། ཡཀྴ་ཛཾ་བྷ་ལ་ནག་པོའི་གདམས་སྐོར་འཕགས་པའི་ཡུལ་དུ་ཚོང་དཔོན་གྱི་བུ་སུ་ཁ་དེ་བ་ལ་བཀའ་བབས་པ་རྣམས་རྒྱལ་པོ་གུ་རུ་དེ་བ་ལས་སློབ་དཔོན་ཆེན་པོས་གསན་པའི་ཚུལ་མཛད། ཡཀྴ་རྩ་བའི་ཏནྟྲ་དང་རཏྣ་རྩལ་ཆེན་འདུས་པའི་རྒྱུད་ལེའུ་སུམ་བརྒྱ་བདུན་ཅུ་རྩ་བདུན་པའི་ཟབ་གསང་སྙིང་པོའི་ཡང་བཅུད་དུམ་བུར་བྱུངས་པ་ཛམྦྷ་ལ་ནག་པོའི་སྒྲུབ་ཐབས་ཀྱི་མན་ངག་རིན་ཆེན་གཏེར་སྤུངས་ཞེས་བྱ་བ་ལག་ལེན་དམར་ཁྲིད་ཀྱི་ཚུལ་དུ་བསྡེབས་ནས། བོད་ཡུལ་མངའ་བདག་རྗེ་འབངས་རྣམས་ལ་ཐུགས་བརྩེ་བ་ཆེན་པོས་རྗེས་སུ་གདམས། སྙིགས་དུས་འགྲོ་བའི་དོན་དུ་མཚོ་རྒྱལ་གྱིས་དཔེ་རྒྱུད་འདྲ་མིན་གསུམ་རེ་བཀོད་ནས་གཏེར་གནས་གསུམ་དུ་རྒྱས་བཏབ་པ་ལས་གཉིས་པོ་གཏེར་སྟོན་གཞན་གྱིས་སྤྱན་དྲངས། ཟབ་ཆོས་འདི་ཉིད་བདུད་འཇོམས་རྣམ་འཕྲུལ་བལ་པོ་ཨ་ཧཱུྃ་འབར་གྱིས་སྦ་གྲོ་གཅལ་གྱི་བྲག་དམར་པོའི་ནུབ་ཕྱོགས་མེ་ལྕེ་

[Full Size]

འཁྱིལ་པ་འདྲ་བ་ནས་མེ་ཕོ་འབྲུག་ལོ་སྟོན་ཟླ་ར་བའི་ཉ་ལ་སྤྱན་དྲངས་ནས་འགྲོ་དོན་རྒྱ་ཆེར་མཛད། བར་སྐབས་སུ་དར་རྒྱས་ཆེ་བ་བྱུང་ནའང་ཕྱིས་བརྒྱུད་པའི་ངེས་ཏིག་མེད་པ་དང་གཏེར་ཆོས་ཀྱང་ནུབ་པ་ལྟར་གྱུར་པའི་སྐབས། རབ་ཚེས་ལྕགས་འབྲུག་ལོའི་ཆོ་འཕྲུལ་ཟླ་བར་རྗེ་བླ་མ་རིན་པོ་ཆེ་ལ་ཆོས་བདག་མཁའ་འགྲོས་སྲོག་འཁོར་མན་ངག་དང་བཅས་པའི་དཔེ་རྙིང་དངོས་སུ་ཕུལ་ཅིང་སྒྲུབ་ཐབས་ཀྱི་སྐོར་རྣམས་བྱིན་གྱིས་བརླབས་པའི་ཚུལ་དུ་སྩལ་བ་ལ་བརྟེན་ནས་གཏན་ལ་ཕབ་པའི་སྐབས་སུ་མནལ་ལམ་དག་པའི་སྣང་བར། ཡུལ་ལྗོངས་ཤིན་ཏུ་ཉམས་དགའ་བ་ཞིག་གི་ཁ་སྟོད་རི་བོ་གླང་ཆེན་འགྱིང་བ་ལྟ་བུའི་གདོང་པའི་ཐད་ཙམ་དུ་རྗེ་ཉིད་ཕེབས་པས་རྒྱང་རིང་པོ་ནས་འོད་ཀྱི་གང་བུ་ལྗང་གུ་ཤིན་ཏུ་བཀྲག་མདངས་དང་ལྡན་པ་ལ་ཇེ་ཉེར་སླེབས་པའི་ཚེ་རྡོ་ཤེལ་ལྗང་ནག་དྭངས་པ་ལ་ཉི་ཟེར་ཕོག་པའི་རྐྱེན་གྱིས་འོད་ཟེར་ཁ་དོག་སྣ་ཚོགས་སུ་འཕྲོ་བ། དབྱིབས་ནོར་བུ་མིག་གཅིག་ལྟ་བུ་ཆེ་ཞིང་དྭངས་པ་ཞིག་གི་དྲུང་དུ་སླེབས་པ་ན་ངོ་མཚར་གྱི་སྣང་བ་བཅས་ནང་དུ་ཞུགས་པས། རིན་པོ་ཆེའི་ཁྲི་བཀོད་པ་ཕུན་སུམ་ཚོགས་པའི་སྟེང་དུ་ཛཾ་བྷ་ལ་ནག་པོ་ལྗང་འོད་འཚེར་བ། ཞལ་ཕྱག་སོགས་མངོན་རྟོགས་དང་མཚུངས་པ་ཤིན་ཏུ་གསལ་བ་ལ་འཁོར་རྣམས་ཀྱང་ཡོད་དགོངས་པ་བྱུང་། །དེ་ཉིད་སྐད་ཅིག་གིས་ཨོ་རྒྱན་སྣང་སྲིད་ཟིལ་གནོན་གྱི་སྐུར་གནས་གྱུར་ནས་སྨིན་གྲོལ་གྱི་གདམས་པ་ཆིག་རྫོགས་སུ་སྩལ། འདིའི་སྒྲུབ་ཐབས་ཀྱི་སྐོར་རྣམས་སྔར་བལ་པོ་ཨ་ཧཱུྃ་འབར་དང་གུ་རུ་ཇོ་ཚེའི་གཏེར་དཔེ་གཉིས་པོ་གཅིག་ལྟ་བུ་ཡོད་པས་བརྒྱུད་པ་གཉིས་འདྲེས་སུ་འགྱུར་རོ་གསུངས་པའི་གནང་བ་དང་བཅས་བྱིན་རླབས་ཀྱི་མཚན་མ་ཁྱད་པར་ཅན་བརྙེས། ནོར་ལྷ་རྣམས་ཀྱི་ནང་ནས་ཀྱང་འདི་སྒྲུབ་པ་ལ་རྒབ་འདྲེའི་བར་ཆད་མེད་ཅིང་བཅས་པས་ཆོག་པའི་འཁོར་ལོ་

[Full Size]

སོགས་ཟབ་གནད་ངོ་མཚར་རྨད་དུ་བྱུང་བ་དང་ལྡན་པ་ཡིན་ནོ། །མ་འོངས་སྙིགས་མའི་དུས་སུ་བོད་ཁམས་རྒྱལ་བ་སེན་འབྱུང་པོའི་འཚེ་བས་མནར་བ་ལ་ཐུགས་རྗེས་དགོངས་ནས། གུ་རུ་རིན་པོ་ཆེས་རྟ་མགྲིན་དམར་པོ་དཔའ་བོ་གཅིག་པའི་མན་ངག་གནམ་ལྕགས་འཁོར་ལོ་ཞེས་བྱ་བའི་གདམས་ངག་ཟབ་ལ་འདྲིལ་བ་མཛད་ནས་ཆོས་རྒྱལ་ལ་གནང་། དེས་ཀྱང་མོན་གྱི་སྒོམ་པ་ཧ་མི་ནཱ་ཐ་ལ་གནང་ནས་རྗེས་སུ་གདམས་པ་དང་། གུ་རུ་རིན་པོ་ཆེ་ཐོག་མར་གཙང་སྟོད་ལ་རུའི་གསེར་ཁ་ལ་ཕེབས་པའི་སྐབས་མི་མ་ཡིན་པས་བར་ཆད་བྱས་པ་བཏུལ་ཅིང་མོན་གྱི་རྒྱལ་པོ་སེ་འདར་ཁ་སྡེ་བརྒྱད་ཀྱི་གནོད་པ་ལས་གྲོལ་བར་མཛད་པའི་རྒྱལ་བསེན་གནད་འབེབས་སྲོག་གི་འཁོར་ལོ་བཅས་བྱང་པྲ་དུན་རྩེའི་གཙུག་ལག་ཁང་གི་ཀ་ཞུའི་ནང་གཏེར་དུ་སྦས་པ་ཕྱིས་ལྷོའི་མངའ་བདག་ཆེན་པོའི་བརྒྱུད་པ་མོལ་མི་འཁྱིལ་གྱིས་སྤྱན་དྲངས། འཁོར་ལོ་སོགས་སྔར་དུས་སྔགས་པ་རྣམས་ལ་དར་ཅིང་གྲགས་ཆེ་ཡང་ཕྱིས་སུ་བརྒྱུད་པ་ཆད་ནས་ཡུན་རིང་སོང་། རབ་ཚེས་ལྕགས་འབྲུག་ལོར་རྗེ་བླ་མ་ཉིད་ལ་ཞིང་སྐྱེས་མཁའ་འགྲོས་རྒྱལ་བསེན་སྲོག་གི་འཁོར་ལོའི་དཔེ་རྙིང་དངོས་སུ་ཕུལ། རྟ་མགྲིན་དཔའ་བོ་གཅིག་པའི་གདམས་སྐོར་ཡང་བྱིན་རླབས་ཀྱི་ཚུལ་དུ་གནང་བ་གཏན་ལ་ཕབ་ཅིང་སྐལ་ལྡན་རྣམས་ལ་བཀའ་དྲིན་དུ་སྩལ་བས་སློབ་མ་ལའང་བར་ཆད་བསལ་བའི་མཚན་མ་མངོན་དུ་བྱུང་བ་སོགས་བྱིན་རླབས་ཀྱི་བབས་ཆེན་པོ་དང་ལྡན་པར་མ་ཆིས་སོ། །སློབ་དཔོན་པདྨ་སཾ་བྷ་བ་འཕགས་ཡུལ་ཤར་ཕྱོགས་བྲག་ཕུག་མཱ་ར་ཏི་ཀར་ཟབ་ལམ་སྙིང་པོའི་སྒྲུབ་པ་ལ་བརྩོན་པའི་ཚུལ་བསྟན་པའི་སྐབས་སུ་རྗེ་བཙུན་སྒྲོལ་མ་དངོས་སུ་བྱོན་ནས་རྒྱུད་ལུང་མན་ངག་གི་རིམ་པ་རྒྱ་ཆེན་སྩལ་བ་རྣམས་ཀྱི་ནང་ནས་སྙིང་པོའི་བཅུད་ཕྱུངས་ཏེ་གདམས་ངག་རྒྱས་འབྲིང་

[Full Size]

བསྡུས་པའི་ཚུལ་དུ་གཏན་ལ་ཕབ་ནས་བོད་ཀྱི་སྐལ་ལྡན་རྗེ་འབངས་རྣམས་ལ་གནང་། མ་འོངས་པའི་གདུལ་བྱ་རྣམས་ཀྱི་དོན་དུ་གཏེར་ཁ་གསུམ་དུ་རྒྱས་བཏབ་པ་ལས་བསྡུས་པ་སྒྲོལ་མ་འཇིགས་པ་ཀུན་སྐྱོབ་འདི་ཉིད་གཙང་འོ་ཡུག་གཡག་སྡེའི་ལུང་ལག་གཡག་ལྕེ་ཁྲ་མོ་བྲག་ཏུ་སྦས་པ་གཏེར་སྟོན་གཡག་ཕྱར་སྔོན་མོས་བཏོན། །ཤོག་སེར་རྣམས་སླར་ཡེར་བ་སེ་བ་ལུང་དུ་འདབ་གཏེར་དུ་སྦས་པ་རོང་པ་བདུད་འདུལ་གླིང་པས་སྤྱན་དྲངས་ཀྱང་གཏེར་སྟོན་གློ་བུར་གཞན་དབང་དུ་གཤེགས་པས་གཏེར་སྲུང་སྨན་བཙུན་རྡོ་རྗེ་གཡུ་སྒྲོན་མས་ཤོག་སེར་སླར་ཁྱེར་བ། ཕྱིས་རབ་ཚེས་ས་སྟག་ལོའི་ཆོ་འཕྲུལ་ཟླ་བའི་ཡར་ཚེས་བརྒྱད་ལ་རྗེ་བླ་མ་རིན་པོ་ཆེར་མཁའ་འགྲོ་ཙཎྜི་ཀས་མནལ་ལམ་དུ་ཤོག་སེར་ཕུལ་ཞིང་བྱིན་རླབས་སྩལ་བའི་གཟིགས་སྣང་བྱུང་བ་མནལ་སད་པ་ན་མངོན་སུམ་དུ་སྣང་བའི་ཤོག་ཏུ་ལྗང་སེར་ཞེང་སོར་དོ་དཀྱུས་མཛུབ་གང་པ་བརྡ་རིས་ཀྱིས་གཏམས་པ་ཞིག་ལས་གཏན་ལ་ཕབ་ཅིང་སྐལ་ལྡན་རྣམས་ལ་རིམ་པར་སྤེལ་བར་མཛད་དོ། །དབུ་རུ་ལྷ་སའི་སྟོན་པ་ཤཱཀྱ་འོད་ཀྱིས་བྱང་པྲ་དུན་རྩེའི་མཆོད་རྟེན་ནས་དྲག་སྔགས་གཙོ་བོར་གྱུར་པའི་གཏེར་ཆོས་མང་པོ་སྤྱན་དྲངས་པའི་རྒྱུན་ཕལ་ཆེར་སྔར་དུས་བྱུང་། དེང་སང་ནི་དཔེ་རྒྱུན་ཙམ་ཡང་དཀོན་པར་སྣང་བ་ལ། ཕྱག་རྡོར་རྡོ་རྗེ་མེ་འབར་ཅེས་པའི་སྒྲུབ་ཐབས་ཟབ་ཅིང་འདྲིལ་བ་ཡང་གཏེར་དུ་སྦས་པའི་ཤོག་སེར་གཏེར་སྲུང་མཁའ་འགྲོས་རྗེ་འདི་ཉིད་ཀྱི་ཕྱག་ཏུ་ཕུལ་བའང་གཏན་ལ་འབེབས་པར་མཛད། བོན་པོ་བྲག་ཚལ་གྱི་རྫོགས་ཆེན་གུ་རུ་བཞི་པ་དང་ཚེ་གུར་སྦྲགས་མ་འདབ་གཏེར་དུ་སྦས་པའི་ཤོག་སེར་རྣམས་ཕྱག་ཏུ་འཁོར་ཞིང་ནུབ་ཁ་ཤས་བཏུད་མར་གཏེར་སྟོན་ཉིད་ཀྱིས་དེ་དག་གི་དབང་ལུང་སྩལ་བའི་དག་སྣང་བྱུང་བར་གསུངས། ཚེ་གུར་སྦྲགས་མ་ཕབ་པར་མཛད་པ་ལས་གཤམ་དུ་ཚེ་བདུད་བཟློག་

[Full Size]

པའི་མདོས་ཟབ་མོ་ཞིག་ཡོད་པ་དེར་འཚུབས་ཤིན་ཏུ་ཆེ་འདུག་གསུངས་ནས་ལུས་སོང་། ཉང་པོ་བསམ་གཏན་གླིང་པའི་བཀའ་བརྒྱད་དྲེགས་པ་ཀུན་འདུལ་གྱི་ཡང་བཅུད་སྙིང་པོའི་ཆོས་སྐོར་འདབ་གཏེར་དུ་སྦས་པ་རྒྱུད་ལུང་མན་ངག་གསུམ་གྱི་ཆོས་སྐོར་ལེ་ཚན་བདུན་ཡོད་པའི་ཤོག་སེར་མཁའ་འགྲོས་ཕྱག་ཏུ་ཕུལ་བ་ལས་རྒྱུད་ལུང་གཉིས་དང་ལས་བྱང་ཙམ་གཏན་ལ་ཕབ་པར་མཛད་ཅིང་དབང་ཆོག་སོགས་འབེབས་པར་མ་བྱུང་། མཆོག་ལྡན་མགོན་པོས་བོད་ཁམས་མཐའ་དམག་ཟློག་པའི་རིམ་གྲོ་ཆེན་པོ་མཛད་ནས་ལྷ་ལྡན་དུ་བཞུགས་པའི་སྐབས་གུ་རུ་རིན་པོ་ཆེས་སྙན་བརྒྱུད་དུ་སྩལ་བའི་བར་ཆད་ཀུན་འཇོམས་རྟ་མགྲིན་གཉེན་པོ་ལྷ་ལྔའི་སྒྲུབ་ཐབས་ཟབ་ཅིང་འདྲིལ་བ་ཉིད། རྗེ་བླ་མ་རིན་པོ་ཆེར་དག་པའི་སྣང་བར་མཆོག་ལྡན་མགོན་པོའི་ཡེ་ཤེས་ཀྱི་སྐུས་སླར་ཡང་སྙན་བརྒྱུད་དུ་གདམས་པ་ཉིད་ཀྱང་གཏན་ལ་ཕབ་པར་མཛད། གུ་རུ་རིན་པོ་ཆེ་ཉིད་དུར་ཁྲོད་བསིལ་བ་ཚལ་དུ་བཞུགས་པའི་ཚེ་རྒྱལ་ཡུམ་རྡོ་རྗེ་ཕག་མོས་རྒྱུད་དང་གདམས་པ་རྒྱ་ཆེར་སྩལ་བ་ལས་བོད་ཡུལ་རྗེ་འབངས་རྣམས་ཀྱི་སྐལ་པ་དང་འཚམས་པའི་གདམས་ངག་ཅི་རིགས་པར་སྩལ་བ་རྣམས་རྒྱས་འབྲིང་བསྡུས་པ་སྙིང་པོའི་སྐོར་དང་བཞིང་ཕྱེས་ཏེ་གཏེར་གནས་རྣམས་སུ་སྦས་ཏེ་གཏེར་སྟོན་སོ་སོས་བཏོན་པ་ལས། བསྡུས་པ་ཕག་མོ་དཀར་མོའི་སྒྲུབ་ཐབས་ཡེ་ཤེས་འཁོར་ལོ་གསང་བ་ཆེན་པོའི་ཐུགས་ཏིག་ཉིད་རབ་བྱུང་དགུ་པའི་མཐར་ཨེ་སྤེ་ལྕོགས་གར་དབང་ལས་འཕྲོ་གླིང་པས་ཡར་ཀླུང་ཤེལ་བྲག་པདྨ་བརྩེགས་པ་ནས་མ་འགགས་རྫུ་འཕྲུལ་གྱི་རོལ་པས་སྤྱན་དྲངས། གསང་བའི་ཐུགས་དམ་དུ་མཛད་པ་ལས་གཞན་ལ་སྤེལ་བར་མ་གནང་། ཤོག་སེར་ལུང་བྱང་ལྟར་འདབ་གཏེར་དུ་སྦས་པ་ཆོས་བདག་ཡེ་ཤེས་མཁའ་འགྲོས་རྗེ་ཉིད་ལ་མདོངས་

[Full Size]

གསོལ་དུ་ཕུལ། རབ་ཚེས་ལྕགས་ཕོ་འབྲུག་ལོའི་ཆོ་འཕྲུལ་ཟླ་བར་གཏན་ལ་ཕབ་པའི་ཚེ་ལས་འཕྲོ་གླིང་པ་ཉིད་ཀྱིས་དངོས་ཉམས་རྨི་ལམ་གྱི་ཚུལ་དུ་སྨིན་གྲོལ་གྱིས་བྱིན་གྱིས་བརླབས་ཤིང་ཆོས་སྒོ་འབྱེད་པར་རྗེས་སུ་གདམས་པ་ལྟར་བདག་ཅག་ལ་བཀའ་དྲིན་ཏུ་སྩལ། དེ་དག་ནི་ཆོས་སྡེ་རྫོགས་པ་དང་ཅི་རིགས་པར་གཏན་ལ་ཕབ་གྲུབ་པ་རྣམས་སྨོས་པ་ཡིན་ལ། སྤྱིར་གོང་དུ་བཤད་པ་ལྟར་བོད་ཡུལ་དུ་བྱུང་བའི་གཏེར་ཆོས་ཡོངས་རྫོགས་ལ་རང་དབང་ཐོབ་ཅིང་། དམིགས་བསལ་ཡང་གཏེར་གྱི་ཤོག་སེར་མཁའ་འགྲོ་གཏེར་སྲུང་རྣམས་ཀྱིས་ཕྱག་ཏུ་ཕུལ་ནས་བཞུགས་པའི་རྣམ་གྲངས་ཀྱང་། །སྣ་ནམ་ཐུབ་པ་རྒྱལ་པོའི་རྟེན་འབྲེལ་ཡང་སྙིང་འདུས་པ། དཔོན་སྲས་ཁྱུང་ཐོག་གི་ཡཀྴ་ཀཱི་ལ་ཡ། གཙུག་ལག་དཔལ་དགེའི་དྲག་སྔགས་ཐེམས་བདུན། ཁྱུང་པོ་དཔལ་དགེའི་རྒྱལ་པོ་མདོས་བཅུའི་ཆོ་ག །ཤ་མི་རྡོར་རྒྱལ་གྱི་དགོངས་མཛོད་སྙིང་ཐིག །ཞུ་ཡས་གནོད་སྦྱིན་འབར་གྱི་སྐུ་གསུམ་ཉི་ཟླ་འབར་བའི་སྣང་བ་དང་རྟ་མགྲིན་དམར་པོ། ཁུ་ཚ་ཟླ་འོད་དམ་ཀུས་སྨན་པའི་རྩ་གསུམ་སྤྱི་སྤུངས། རོང་སྨན་ཉི་མའི་འོད་ཀྱི་གསོ་དཔྱད་རྫོང་འཕྲང་སྙིང་ཐིག །གུ་རུ་ཇོ་ཚེའི་དྲི་མེད་བཤགས་རྒྱུད་ཆོ་ག །གྲྭ་སྒོམ་ཆོས་ཀྱི་རྡོ་རྗེའི་གུར་དྲག་ཡེ་ཤེས་རང་གསལ། ཨ་ཡ་བོན་པོ་ལྷ་འབུམ་མམ་རྟ་ནག་གུ་རུ་རྣོན་རྩེའི་མ་རྒྱུད་ཟབ་མོ་ཀུན་འདུས། ཨོ་རྒྱན་གླིང་པའི་བཀའ་འདུས་ཉིན་མཚན་རྒྱུན་གྱི་རྣལ་འབྱོར། སྔགས་འཆང་ལས་འཕྲོ་གླིང་པའི་པདྨ་ཤ་བ་རི་དམར་པོ། བླ་མ་གྲུམ་དང་ཡོན་བདག་ནག་པོ་མཁར་གྱི་གསང་བདག་གདུག་པ་ཀུན་འཇོམས། ཁ་རག་བདེ་ཆེན་གླིང་པའི་མཁའ་འགྲོ་སྙིང་ཐིག་སྙིང་པོ་རྣམས་བཞུགས་པ་ཞལ་ནས་དངོས་སུ་ཐོས་ཤིང་འགའ་ཞིག་དབུ་བཞག་ཙམ་རེ་འབེབས་པར་མཛད་པའང་ཡིན་ལ། རང་ནས་མ་འཚལ་བའང་མང་

[Full Size]

དུ་བཞུགས་ཡོད་པར་སྣང་ངོ་། །གཏེར་རྙིང་ལས་དཔེ་ལུང་གི་རྒྱུན་དཀོན་པ་མི་འགྱུར་ལས་འཕྲོ་གླིང་པའི་པདྨ་གཏུམ་མོ། །ར་ཞི་པདྨ་རིག་འཛིན་གྱི་ཁྱུང་ཁྲ། སྟག་མོ་གཏེར་སྟོན་དཔོན་སྲས་ཁྱུང་ཕྲོག་གི་ཚེ་སྒྲུབ་ཡེ་ཤེས་སྲོག་ཏིག །ཏའུ་རོག་རྗེ་གླིང་པའི་ཚེ་སྒྲུབ་གསང་བ་རྨད་བྱུང་རྣམས་ཀྱི་དཔེ་རྙིང་ཚན་པ་རེ་གཏེར་སྲུང་གིས་ཕུལ་བ་ལས་དབང་ལུང་བཀའ་དྲིན་ཏུ་སྩལ་སྐབས་པདྨ་གཏུམ་པོའི་མེ་ལོང་གི་སྔགས་འཁོར་བ་སུབ་ཏུ་མེད་པའི་རང་བྱོན་ཏུ་སོང་བ་དང་། ཁྱུང་ཁྲས་འོག་གདོན་གྱིས་ཟིན་པའི་སློབ་མའི་ནད་གཞི་མེད་དུ་དྭངས་པ་སོགས་མངོན་རྟགས་ངོ་མཚར་ཆེ་བའང་བྱུང་། ཉང་གཏེར་གུ་རུ་མཚོ་སྐྱེས་རྡོ་རྗེ་དང་ཐུགས་རྗེ་ཆེན་པོ་འགྲོ་འདུལ་གྱི་དབང་རྒྱས་པའི་རྒྱུན་མི་བཞུགས་པ་གསར་དུ་སྤེལ་བར་མཛད་པའི་གཏན་ཚིགས་གོང་སྨོས་ལྟར་ལས་དམིགས་བསལ་ཞུ་གནང་མ་བྱུང་། ར་ཤག་མ་མོ་སྒང་ཤར་ལུང་རྒྱུན་ཙམ་ཁོ་བོས་ཐོས་ཤིང་རྗེ་ཉིད་ཀྱིས་གསན་པ་གནང་སྐབས་འདིའི་དབང་དེ་རྒྱུན་ཡོད་པ་ཞིག་བྱུང་ན་བཀའ་དྲིན་ཆེ་དགོས་ཚུལ་གསོལ་བ་ནན་ཏུ་བཏབ་པར། ཟླ་བ་བཅུ་གཅིག་པའི་ཚེས་ཉེར་དགུའི་ནུབ་མོར་རྗེའི་དག་སྣང་དུ། །གུ་རུ་ཆོས་དབང་སྐུ་བོང་ཆེ་ཞིང་དབུ་སྦ་སྒོར་མོ་ཐུགས་ཀའི་མེ་ལོང་ཡང་ཡོད་སྙམ་བྱེད་པ་ཞིག་མཇལ་བ་ལར་ཤག་མ་མོ་སྒང་ཤར་གྱི་དབང་ལུང་ཨི་བཞུགས་ཞུས་པ་ལ་ཅུང་ཟད་ཁྲེལ་བའི་རྣམ་པས། མ་མོ་སོགས་མདོས་ཀྱི་ལག་ལེན་ཤིན་ཏུ་མཁས་པ་ཁྱུང་ནག་ཤཱཀ་དར་ཡིན་གསུངས། དེའང་ཉེ་སྐོར་དུ་ཡོད་སྙམ་བྱེད་པའི་མུར་སྒྲོལ་སྟོན་འཇམ་དབྱངས་ཆོས་ཀྱི་རྒྱལ་མཚན་དུ་གནས་གྱུར་པ་ལའང་སྔར་བཞིན་ཞུས་པ། དེ་དུས་ཉིད་ལ་བཀའ་བརྒྱད་བདེར་འདུས་དབང་བྱས་སྐབས་ལྷ་ངོ་བོ་གཅིག །གོང་མ་རྣམས་ལ་བརྒྱུད་པའི་ཆུ་བོ་གཅིག་འདྲེས་ཡོད་པས་དེས་འཐུས་ཚུལ་

[Full Size]

གསུངས་ཡོད་པས་དེ་ཀས་ཆོག་ཚུལ་གསུངས། དེ་འགགས་ནས་གནས་ཁང་ཞིག་ཏུ་ཨོ་རྒྱན་གླིང་པ་པད་ཞྭ་ན་བཟའ་དབང་གོས་སྟེང་གཟན་དཀྲིས་མཛད་པ་ཞིག་བཞུགས་འདུག་པ་ལ་སྒང་ཤར་དབང་ཨི་ཡོད་ཞུས་པ། དེ་ནི་ཁོང་ཤིན་ཏུ་མཁས། ཕྱག་ལེན་མང་པོ་བཏབ། སྣེ་གདོང་སྡེ་པས་ཀོང་པོར་ཕུང་སྐབས་འདིའི་བསད་མདོས་བཅས་ན་བསྒྲལ་བ་ལ་ཚེགས་མེད་ཀྱང་དེ་བསྒྲལ་ན་བོད་སྤྱི་ལའང་གནོད་འདུག་པས་བཏང་སྙོམས་བཞག་པ་ཡིན་གསུངས། སྐུ་རྒྱབ་རྩིགས་ངོས་ནས་ཟ་མ་ཏོག་སྙིང་གཟུགས་སེར་པོ་ཞིག་བླངས། འདི་སྲིད་པ་མ་མོའི་རྒྱུད་ལུང་ཐམས་ཅད་འདུས་པ་ཡིན་གསུངས། དབུར་བཞག་ནས་ལེགས་སྦྱར་སྐད་ཁོ་ན་ལྡེབ་བཅུ་སྐོར་ཙམ་གྱི་ཚོད་ཞིག་གསུངས། བྱིན་རླབས་གཟི་བརྗིད་ཆེན་པོའི་མཐར་ཟ་མ་ཏོག་དེ་ཞིག་སོང་བ་ལྟ་བུའི་དབུ་གཙུག་ནས་སྐུ་ལུས་ལ་ཐིམ་པའི་རྐྱེན་གྱིས་སྐུ་ལུས་ཐམས་ཅད་ཙིཏྟ་ཞིག་ཏུ་སོང་ཞིང་བདེ་ཉམས་ཀྱིས་བརྒྱལ་ཐབས་སུ་ཡུན་ཅིག་གནས་པའི་མཐར་སད་གསུངས། ཚེས་སུམ་ཅུ་དགོངས་མོ་པདྨ་མཁའ་འགྲོའི་དབང་སྦྱིན་སྲེག་བཅས་མཛད་ནུབ། མདུན་དུ་བུད་མེད་ཐོག་བརྩག་ཚད་ཅིག་སླེབ་འདུག་པ་ཁྱོད་སུ་ཡིན་གསུངས་པས། ང་སྤྲུལ་སྐུ་ཆེན་པོའི་དཔེ་གཉེར་ཡིན་ཟེར། སྤྲུལ་སྐུ་སུ་གསུངས་པས་སྤྲུལ་སྐུར་ཤག་ཆེན་པོ་ཡིན་ཟེར། ཁྱོད་ལ་མ་མོ་སྒང་ཤར་དབང་ལུང་ཨི་ཡོད་གསུངས་པས་ཡོད་དེ་དབང་ཡར་རྗེས་གནང་བ་དེས་ཆོག །དཔེ་འདི་འབུལ་དུ་འོང་བ་ཡིན་ཟེར། རྒྱ་དཔེ་ཕྲ་རིང་བོོད་བཞི་ཕུལ་བ་གཟིགས་པས་ལ་ཉ་ཝར་ན་ག་ར་ཡིག་སྣ་ཚོགས་འདུག །འདི་ཅི་ལ་ཁུར་བ་ཡིན་གསུངས་པས་དོ་ནུབ་སྦྱིན་སྲེག་དེས་ང་དགའ་ནས་འོངས་པ་ཡིན་ཟེར། ར་ཤག་གི་རྣམ་ཐར་རགས་རིམ་དང་། ལར་ར་ཤག་གིས་འགྲོ་དོན་མ་བྱུང་ཟེར་བ་རེད་ཀྱང་འགྲོ་དོན་བསམ་

[Full Size]

གྱིས་མི་ཁྱབ་པ་མཐོང་ཐོས་དྲན་རེག་གྲོལ་ཚུལ་དང་། ཀུ་ས་སྨན་པས་ཀྱང་གོ་མཆོད་ཟེར་ཡང་སྨན་ཁ་ལ་རག་ཚད་སེམས་ཅན་འབུམ་ཕྲག་མང་པོ་གྲོལ་ཚུལ་སོགས་ཟེར་བའི་མཐར་མིའི་ལུས་ལ་བྱ་རོག་གི་མཆུ་ཤིན་ཏུ་རིང་པོ་ཕྱུང་། གཟི་བརྗིད་ཆེན་པོས་ཁ་ཕར་གྱུས་ཏེ་སོང་འཕྲལ་འཁོར་གཡོག་བསམ་གྱིས་མི་ཁྱབ་པ་དང་བཅས་ཡུད་ཀྱིས་གཤེགས་པར་གཟིགས། དེ་རྗེས་སྒང་ཤར་དབང་རྒྱས་པར་སྩལ་ཞིང་ལས་བྱང་དང་དབང་ཆོག་གསར་བསྒྲིགས་གལ་ཆེ་བའི་བཀའ་གནང་བའང་གྲུབ་པར་བགྱིས་སོ། །བྱང་ཆུབ་གླིང་པ་དཔལ་རྒྱལ་མཚན་གྱི་གཏེར་བྱོན་ཀུན་བཟང་ཐུགས་གཏེར་འཁོར་འདས་རང་གྲོལ་ཕྱིས་འདིར་དབང་ལུང་རྒྱུན་ཆད་ཀྱང་དཔེ་བཙལ་ནས་ཞལ་བཤུ་གསར་བཞེངས་མཛད་པའི་སྐབས་གཏེར་སྟོན་ཉིད་ཀྱིས་བྱིན་གྱིས་བརླབས་པའི་མཚན་མ་དང་། སྐུའི་སྲས་བསམ་འགྲུབ་རྡོ་རྗེ་ཡིན་པའི་བག་ཆགས་གསལ་བར་སད། ཆུ་ལུག་ཟླ་བ་དང་པོའི་ཚེས་གཅིག་ལ་འདིའི་དབང་ལུང་སྩོལ་བར་གསོལ་བ་བཏབ་པ་བཞིན་གནང་བའི་ནུབ་དང་པོར་ཇོ་མོ་རྒྱ་གར་མ་ཤིང་ལོའི་གོས་ཅན་འོངས་ནས་ཆོས་འདི་ཕྱིས་ཚོད་འཆད་ཉན་མཁན་མ་བྱུང་། ད་རེས་དགའ་རྟགས་ཡིན་ཟེར་འབྲས་སྙེ་ཞིག་ཕྱག་ཏུ་ཕུལ་བའི་ཉམས་བྱུང་། ནུབ་གཉིས་པར་མཚན་རིང་དུ་ཞབས་ཕྱི་ཞུ་བའི་རྨི་ལམ་བྱུང་གསུངས། ཡན་ལག་དབང་རྣམས་གནང་བའི་ནུབ་མོ་བྱང་ཆུབ་གླིང་པ་སྔགས་པ་སྐུ་ཉམས་རྒྱས་ཤིང་ཟིལ་ཅན་ན་བཟའ་ཤུག་ཚང་ལྟ་བུ་སྔོན་པོས་གཡོགས་པ་གསོལ་བས་ཐུགས་རྗེ་ཆེན་པོ་ལྷ་དྲུག་དེའི་སྐོར་ཤིན་ཏུ་རྒྱས་པ་གསུངས་པ་དང་། སངས་རྒྱས་གླིང་པ་རབ་བྱུང་ཆས་ཅན་སྐུ་འཁྲིས་སུ་པོ་ཏི་ཁ་ཤས་བཞག་པ་ཞིག་གིས། ངེད་ཀྱི་བླ་མ་དང་སློབ་མ་གཉིས་ཀ་ཡིན་པའི་བ་ལོ་ཆོས་བཟང་དང་ཁྱོད་གཉིས་

[Full Size]

ཀྱིས་དེ་སྔའི་བྱ་བ་རྣམས་ལེགས། ད་རུང་གཏེར་རྙིང་སྐོར་ཉི་ཤུ་རྩ་ལྔ་ཁ་ལོངས་པ་ཞིག་ཕབ་རྒྱུ་དང་འཇོག་རྒྱུ་ཐོན་ན་ཁྱེད་རང་གཉིས་གང་རུང་ལོ་ཉི་ཤུ་རྩ་ལྔ་སྡོད། གསང་སྔགས་རྙིང་མའི་བསྟན་པ་ལ་བྱ་བ་རྒྱ་ཆེན་རེད་འགྲོ་གསུངས་པ་བྱུང་འདུག །རྟ་མགྲིན་བདེ་གཤེགས་འདུས་པ་དྲེགས་པ་ཀུན་སྒྲོལ་གྱི་ཆོས་སྐོར་རྣམས་མོན་ཡུལ་ཆུ་བཞི་འདུས་པའི་མགོ་བོ་སྤ་གྲོ་དཔྱད་དཀར་གྱི་བྲག་དམར་པོ་མེ་ལྕེ་དགུང་དུ་ཆད་པ་འདྲ་བ་ལ་ཆོས་རྒྱལ་ཁྲི་སྲོང་གིས་སྦས་པ། ཕྱིས་མངའ་བདག་སྐུའི་ཐུགས་སྤྲུལ་དྲག་སྔགས་བཀའ་བབས་གཏེར་སྟོན་གྲུ་གུ་ཡང་དབང་ངམ་རྡོ་རྗེ་ཡང་དབང་རྩལ་གྱིས་སྤྱན་དྲངས་པ་དང་། ངན་ལམ་རྒྱལ་བ་མཆོག་དབྱངས་ལས་བརྒྱུད་པའི་རྟ་མགྲིན་བཀའ་མའི་སྐོར་རྣམས་ཀྱང་གཏེར་སྟོན་ཉིད་ནས་གསན་པས་ཆུ་བོ་གཅིག་འདྲེས་སུ་གྱུར་པས་བྱིན་རླབས་མཐུ་སྟོབས་འགྲན་ཟླ་དང་བྲལ་བ་ཉིད་སྔར་དུས་དར་རྒྱས་ཆེན་པོ་བྱུང་། ཕྱིས་ནས་དབང་ལུང་ལྟ་ཅི་དཔེ་རྒྱུན་ཙམ་ཡང་དཀོན་པ་ལ། རྗེ་ཉིད་ཀྱི་ཕྱག་ཏུ་ཡར་མར་ཀུན་ནས་དཔེ་རྙིང་འགའ་རེ་རྩོལ་མེད་དུ་འབྱོར་པ་རྣམས་དབུ་ཞབས་བསྒྲིགས་ནས་དཔེ་གསར་བཞེངས་མཛད། ཨོ་རྒྱན་རིན་པོ་ཆེ་ལ་གསོལ་འདེབས་ནན་ཏན་དུ་མཛད་པས། རབ་ཚེས་ལྕགས་འབྲུག་ལོའི་གྲོ་བཞིན་ཟླ་བའི་དཀར་ཕྱོགས་ཀྱི་ཚེས་བཅུའི་ཐོ་རངས་ཁར་སྔར་གྲུ་གུ་ཡང་དབང་ཉིད་ཀྱིས་ཟབ་གཏེར་བཞེས་ཤིང་སྒྲུབ་གནས་མཛད་པའི་མུ་ནང་རྡོ་རྗེ་བྲག་དམར་རྩར་ཕེབས་པའི་སྣང་བ་ལ། སྐད་ཅིག་དེར་གྲུ་གུ་ཡང་དབང་ཉིད་སྔགས་འཆང་སྐུ་བོང་དང་གཟི་བརྗིད་ཤིན་ཏུ་ཆེ་བ། སྤྱན་མིག་ཟུར་གསུམ་སོགས་ཁྲོ་བོའི་རྣམ་པ་ཅན་ཅིག་མིག་འཕྲུལ་ལྟ་བུར་མཇལ་བ་ལ་ཕྱག་བཙལ་ཞིང་བྱིན་རླབས་ཞུས་པ་ན། ང་གཏེར་སྟོན་གྲུ་གུ་རྡོ་རྗེ་ཡང་དབང་གཏེར་ཡིན་ཅེས་དང་།

[Full Size]

བྲག་དེ་ལ་ཕྱག་མཛུབ་བཙུགས་ཏེ་འདི་ནས་དྲག་པོ་བཙན་གྱི་སྐོར་ཞིག་སྤྱན་དྲངས་པ་ཡིན་གསུངས་ནས་ཞལ་འཛུམ་མཛད་པ་དེ་མ་ཐག་རྟ་མགྲིན་གྱི་ཆོས་སྐོར་རྣམས་གནང་བར་གསོལ་བ་བཏབ་པ་ན་སྐད་ཅིག་གིས་ཨོ་རྒྱན་སྐུ་མདོག་དམར་སྨུག་དབུ་གཙུག་རྟ་ཞལ་འཚེར་བ་ཧེ་རུ་ཀའི་ཆས་ཅན་ཞིག་ཏུ་གནས་གྱུར་ནས་སྨིན་གྲོལ་གྱི་གདམས་པ་ཆིག་རྫོགས་སུ་སྩལ། འདི་ལ་ཆོས་ཚན་ལྔ་བཅུ་རྩ་བདུན་ཡོད་དོ་གསུངས་པས་ད་ལྟའི་དཔེ་ལ་ཉི་ཤུ་རྩ་གྲངས་ལས་མི་འདུག་པ་ཇི་ལྟར་ལགས་ཞུས་པ་ན། དུས་རིང་བས་དཔེ་ཕལ་ཆེར་ཟག་པ་དང་ལ་ལ་མཁའ་འགྲོ་མས་སྦས་པ་སྲིད་མོད་འོན་ཀྱང་ཁྱེད་རང་གིས་གསོལ་བ་ཐོབ་དང་དགོངས་པའི་གཏེར་ལས་འཆར་བར་འགྱུར་བ་ལྟར་གུང་བསྒྲིགས་ནས་ཉམས་སུ་ལོངས་དང་དེས་ཆོག་ཅེས་རྗེས་སུ་གདམས་པ་ལྟར་མེད་དུ་མི་རུང་བའི་ཆོས་ཚན་འགའ་ཞིག་ཁ་བསྐངས་པར་མཛད་ཅིང་ཐུགས་ཉམས་སུ་བཞེས་པས་བྱིན་རླབས་ཀྱི་རྟགས་མཚན་ཁྱད་པར་ཅན་བརྙེས་པར་སྣང་། གཏེར་ཆེན་རྡོ་རྗེ་གླིང་པའི་གཏེར་ཆོས་རྣམས་ཀྱི་བཀའ་བབས་སྔ་ཕྱི་མང་དུ་བྱུང་བར་སྣང་ཡང་། གཙོ་བོར་རབ་བྱུང་བཅོ་ལྔ་པ་ཐོག་མར་ཚེས་པའི་མེ་ཡོས་ལོར་དཔལ་སྤུངས་ཡང་ཁྲོད་དུ་ཕེབས་ནས་བཀའ་ཆོས་མང་དུ་སྩལ་བའི་ཟླ་བ་བཅུ་གཅིག་པ་ཕྱི་མའི་ཚེས་དྲུག་གི་ཉིན་རྡོར་གླིང་རྫོགས་ཆེན་ཕ་རྒྱུད་ལྟ་བ་ཀློང་ཡངས་ཀྱི་དབང་གི་དངོས་གཞི་སྩལ་བའི་ནུབ་མོ་མནལ་ལམ་དུ། རྗེ་ཉིད་ལྷོ་བྲག་ལ་།།།ཕྱོགས་སུ་ཁྱིམ་བདག་ཞིག་གི་ཆུང་མ་རྡོ་རྗེ་འཚོ་ཟེར་བ་ཞིག་ཏུ་གྱུར་ནས་འཇིག་རྟེན་པའི་ལས་ཐབས་ལ་སྤྱོད་ཀྱིན་འདུག་པའི་སྐབས་ཤིག །ཁྱིམ་བདག་དེས་བླ་མ་ཚང་ཕེབས་ཡོང་བ་རེད། གདན་བཤམ་དགོས་ཟེར་ནས་ཁང་པ་ཞིག་ཏུ་བྱི་དོར་དང་གདན་བཤམས་པ་ལ་དར་ཅིག་ནས་རྡོ་རྗེ་གླིང་པ་ཡིན་ཟེར་

[Full Size]

བའི་བླ་མ་བོང་ཐུང་སྐུ་ཤ་རྒྱས་པ། ཐོར་ཚུགས་ཆུང་ངུ་དང་དབུ་རལ་ཡོད་པ། སྟོད་འབོགས་སེར་པོ་མནབས་པ་ཞིག་ཕེབས་པ་ལ་ཕྱག་དབང་དང་བསྙེན་བཀུར་སོགས་ཞུས། དེ་ནུབ་དེར་བཞུགས་པའི་མདུན་དུ་ཕྱིན་ནས་དེ་ཉིད་ཀྱིས་ལག་བཅངས་དང་འོ་བྱེད་པ་དང་འཁྱུད་པ་སོགས་རོལ་རྩེད་སྣ་ཚོགས་ཀྱིས་དུས་འདས། དེའང་ལན་རེ་རྡོར་གླིང་དང་ལན་རེ་ཇོ་ནང་རྗེ་བཙུན་ཡིན་པ་འདྲ་བ་ལ་དེ་གཉིས་དབྱེ་བ་མི་འབྱེད་པའི་ཟ་ཟི་ཞིག་གི་ངང་། ནམ་ལངས་རྗེས་བསྙེན་བཀུར་འདྲ་ཞུས་ནས། བླ་མ་རྟ་ལ་ཆིབས། གྲྭ་པ་རྐང་ཐང་འགའ་རེ་དང་བཅས་ཕེབས་སོང་། བཞུགས་ཁྲིའི་ཐོག་ཏུ་སྒམ་འདྲ་བ་ལྡིར་ལྡིར་དར་གྱིས་བཀབ་པ་ཞིག་འདུག་པ། བླ་མ་ཚང་སྐུ་ཆས་ལུས་འདུག་བྱས་དེ་ཁུར་ནས་རྗེས་ལ་རྒྱུག་འབོད་པ་བཅས་རྗེས་ཟིན་པ་ན་ཕྱག་ཏུ་ཕུལ་བས་འདི་ཁོང་གི་གཏེར་རྫས་སྒམ་ཡིན། དེར་ལུས་པ་རྟེན་འབྲེལ་བཟང་བས་ཁྱོད་རང་ནས་ཚགས་རྩ་བྱེད་དགོས་གསུངས། དེར་སྐྱེས་དམན་དུ་སོང་བ་དང་ཡུལ་འཕོ་དགོས་པ་འདྲ་ཞིག་ཀྱང་དྲན་ཡུལ་དུ་འདུག་པ་སོགས་ཀྱིས། ཁོ་མོས་ཚགས་རྩ་གཏན་ནས་མི་ཐུབ། ཉ་ར་བྱེད་མི་ཕོད། ཅི་དགོས་ཀྱང་མི་ཤེས་སོགས་ཞུས་པས། སྐྱོན་མེད། རེ་ཞིག་ཚགས་རྩ་གྱིས་དང་ང་རང་སླེབ་འོང་གསུངས། ཉིད་ནམ་བྱོན་དང་གར་བྱོན་མི་ཤེས། ཚགས་རྩ་མི་ཕོད་པས་བྱིན་རླབས་ཤིག་ཞུ་ཞུས་པས། སྒམ་ཁ་ཕྱེ་བའི་ནང་ནས་ཤོག་སེར་ཤོག་དྲིལ་ཆེན་པོ་བླངས་ནས། གསང་སྔགས་ལུང་གི་བཀའ་ཐོ་ཆེན་མོ་བཞུགས་སོ། །ཞེས་པའི་འཕྲོས་སུ་རྡོར་གླིང་གཏེར་ཆོས་ད་ལྟ་གྲགས་པ་མ་གྲགས་པ་མང་པོ་ཞིག་གི་དཀར་ཆགས་འདྲ་བ་ཞིག་ཚང་བར་བཀླགས་ཏེ་སྒམ་དུ་བཅུག །དེ་མགོ་ལ་བཞག་ནས་འདི་ཚགས་རྩ་གྱིས་དང་ངེད་ཀྱི་སྤྲུལ་སྐུ་ཁྱོད་རྩར་སླེབས་འོང་གསུངས། ང་ནི་ན་སོ་

[Full Size]

ཅུང་རྒན། བླ་མ་འདི་ནི་གཞོན་པས་སྤྲུལ་སྐུ་ངེད་ལ་འཁྲུངས་པ་སྲིད་དོགས་མེད་སྙམ་སྤྲུལ་སྐུ་ནམ་འབྱོན་ཞུས་པས། ད་ཕན་ལོ་ལྔ་བརྒྱ་ཙམ་ན་ཨི་མི་འབྱོན་གསུངས། སྒམ་བུ་ཁྱེར་ནས་ལོག་ཁར་བླ་མ་འདི་ཨོ་རྒྱན་དངོས་ཡིན་འདུག་པས་གོང་སྤྲུལ་མ་ཡུམ་དེ་སྐྱེ་བ་ཅི་རེད་དྲི་དགོས་སྙམ་ནས་དེ་དོན་ཞུས་པས། ཆུ་གནས་ཞིག་ཏུ་སྐྱེས་གསུངས། དེར་ཤིན་ཏུ་འགྱོད་པས་དུས་ནས་ཆུ་གནས་ཅི་འདྲ་དང་ད་ཅི་དྲག་ཞུས་པས། འོན་ཀྱང་ད་ནི་དྲག་ལེ་ཡོད། མི་འཁྲུགས་པ་ཞིག་བྱས་ན་གསུང་སྐབས་ཉིད་ཀྱི་དགོངས་པ་ལའང་ཆུ་གནས་དེ། ནོར་བུའི་ཁང་པ་དང་རྒྱན་སོགས་ལ་ལོངས་སྤྱོད་པའི་ཡ་མཚན་ཅན་ཞིག་འདུག་སྙམ་བྱེད་པའི་ངང་དེ་ལས་སད་གསུངས། རྡོ་རྗེ་འཚོ་འདི་ནི་དུས་རྒྱུན་དྲན་ལམ་གསལ་ཅིང་། བླ་མ་བཀའ་འདུས་དང་ཧཱུྃ་སྐོར་སྙིང་ཐིག་རྣམས་ཞུས་པའི་སྐབས་སུའང་རྡོར་གླིང་ཉིད་མདུན་གྱི་དྲང་ཐད་འདིར་དངོས་སུ་བཞུགས་པར་གསལ་བ་དང་། །ཆོས་ཐུན་ཚུགས་ནས་མ་རྫོགས་ཀྱི་བར་སྣང་སེམས་རོ་གཅིག་ཏུ་འདྲེས་ནས་སྐུ་ལུས་ཀྱང་ཟུར་དུ་ཡོད་མེད་མི་འབྱེད་པ་འདྲ་ཞིག་འབྱུང་འདུག་གསུངས། ལྟ་བ་ཀློང་ཡངས་དབང་ལུང་རྒྱུན་མ་ཆད་པར་བཞུགས་པ་ཙམ་ལས་གཏེར་ཆོས་གཞན་དཔེ་ཙམ་ཡང་དཀོན་པ་ལ་ཐབས་རྩོལ་དུ་མས་བླ་མ་བཀའ་འདུས། བཀའ་བརྒྱད་གསང་རྫོགས། ཐུགས་རྗེ་ཆེན་པོ་རྒྱལ་བ་རྒྱ་མཚོ་དང་ངན་སོང་ཀུན་སྐྱོབ། ཧཱུྃ་སྐོར་སྙིང་ཐིག །མ་རྒྱུད་ཀློང་གསལ་འབར་མ་རྣམས་ཀྱི་དབང་ལུང་བཀའ་དྲིན་རྩལ་གྲུབ་པ་བྱུང་། དེ་ལས་གཞན་པའི་དཔེ་རྒྱུན་གཏན་ནས་མ་རྙེད། འདུས་པ་སྐོར་བཞི་ལས་མཁའ་འགྲོ་བཀའ་འདུས་བརྡ་ཡིག་ཕྱག་ཏུ་བབས་ཀྱང་གཏན་ལ་འབེབས་གྲུབ་པ་མ་བྱུང་། རིན་ཆེན་གླིང་པའི་ཡེ་ཤེས་ཀྱི་སྐུས་ཁོང་ཉིད་ཀྱི་བླ་རྫོགས་ཐུགས་

[Full Size]

གསུམ་གྱི་སྙིང་པོའི་བཅུད་དྲིལ་གནང་ནས་བྱིན་གྱིས་བརླབས་པ་ལྟར། མེ་ཕག་ཟླ་བ་བཅུ་པའི་ཚེས་ཉེར་དགུ་ལ་རྫོགས་པ་ཆེན་པོ་གཅིག་ཆོད་ཀུན་གྲོལ་གྱི་དབང་ལུང་ཁྲིད་བཅས་བཀའ་དྲིན་ཏུ་སྩལ་བའི་ནུབ་མོ་མནལ་ལམ་དུ། རྒྱ་གར་ཡུལ་ཡངས་པ་དེའུ་འབུར་མང་པོ་ཡོད་ཞིག་ཏུ་ཕེབས། དེར་མི་ཆས་དཀར་རྟ་དཀར་ལ་ཕྲེད་བཀལ། གྱེན་འགྲེང་སོགས་ཞོན་ཚུལ་མི་འདྲ་བ་བྱས་པ་ཤིན་ཏུ་མང་པོའི་ནང་ཁྱེའུ་དར་ཐོད་ཅན་ཤིན་ཏུ་མཛེས་པ་མོ་སྐད་ཅན་ཞིག་བྱུང་ནས། སྐུ་ཞབས་ཉིད་འདིར་ཕེབས་པ་ལ་ངེད་ཀྱི་ཕ་མ་གཉིས་དགའ་ཚོར་ཆེན་པོ་བྱེད། གསོལ་ཚིགས་ཞིག་ཞུ་དགོས་ཟེར་འདུག་པས་རྟ་འདི་ཆིབས་ནས་གསོལ་ཚིགས་ལ་འབྱོན་པར་ཞུ་ཟེར། རྟ་མི་དགོས་ཁྱོད་དང་ཁྱེར་གསུངས་པས་ཁོས་ཕོབ་སྒ་གོང་དུ་བཀལ་ཏེ་འགྲོ་འདུག་པའི་རྗེས་ལ་ཕེབས་པས་ཕ་ཝཾ་ཞིག་གི་རྩར་སླེབས། དེར་སྒོ་ཞིག་འདུག་པ་ནས་ནང་དུ་ཕིབས་པས་འཇག་ཁྱིམ་ལྟ་བུའི་ནང་མདོ་སྦུགས་གཉིས་ལྟ་བུ་ཞིག་འདུག་པའི་སྦུགས་སུ་བཞུགས། བགྲེས་པོ་བགྲེས་མོ་དར་དཀར་ཐོད་དང་གོས་ཅན་གཟི་བརྗིད་ཆེན་པོ་ཅན་གཉིས་འདུག་པས་ཡུངས་མ་བཙོས་པ་ལྟ་བུ་ཞིག་དྲངས་པ་ཤར་འདུག །མི་ཤ་ཡིན་ནམ་སྙམ་པའི་འཕྲིག་པ་སྐྱེས་པས་ཐུགས་དོགས་གནང་མི་དགོས། བཞེས་པ་ཞུ་ཟེར། ཁྱེད་གཉིས་སུ་ཡིན་གསུངས་པས་ངེད་གཉིས་དུས་རྟག་ཏུ་འདིར་སྡོད་མཁན་ཡིན། ཕ་ཝཾ་རུས་སྦལ་ནག་པོ་ཟེར་བའང་འདི་གར་ཡོད་ཟེར། ཁྱེད་གཉིས་ལ་མིང་ཅི་ཡིན་གསུངས་པས། ངེད་གཉིས་མིང་མང་ཡང་སྐབས་རེར་ཕལ་ལེགས་ལྡན་ནག་པོ་ཟེར། མ་ལ་ཨེ་ཀ་ཛཱ་ཊི་ཟེར། བུ་འདི་ལ་དཔལ་མགོན་མ་ནིང་ཟེར་བ་ཡིན། བོད་ནས་སྔར་རིན་ཆེན་གླིང་པ་འདིར་བྱུང་། རྫོགས་ཆེན་ཆོས་གཏོད་དགོས་ཟེར། ངེད་ཀྱི་སྙིང་

[Full Size]

ནོར་ཡན་པས་ཤིན་ཏུ་ཕངས་ཀྱང་ཁོ་ལ་ཨོ་རྒྱན་པདྨས་གནང་བ་རེད་པས་མེ་གཏད་ཀ་མེད་བྱུང་། ཆོས་དེ་སྔར་དུས་དར་པོ་བྱུང་། དེ་རྗེས་རྒྱུན་མ་ཆད་ཙམ་ཡོད་པ་ལ་ཕྱིས་སུ་ཆད་སོང་བས་ངེད་ཚོ་མ་དགའ། ད་རེས་ཁྱེད་ནས་སྤེལ་བ་ལ་ངེད་རྣམས་ཤིན་ཏུ་དགའ་བས་ཕྲིན་ལས་སྒྲུབ་ཟེར་བ་བྱུང་གསུངས། ཡང་ཕྱག་མཇལ་མང་པོ་འོང་བའི་སྐབས་ཤིག །སྔར་གྲུབ་ཆེན་ཐང་སྟོང་རྒྱལ་པོས་མངའ་རིས་དབུས་གཙང་མདོ་ཁམས་གསུམ་དུ་སྐུའི་བཀོད་པ་གསུམ་དུ་བསྟན་པའི་ཡ་གྱལ། མངའ་རིས་སྟོད་གུ་གེ་རོང་དུ་བྱུང་བའི་གྲུབ་མཆོག་ཚུལ་ཁྲིམས་བཟང་པོ་ཞེས་དགུང་ལོ་བརྒྱ་དང་སུམ་ཅུ་བཞུགས་ཀྱང་སྐུ་ལ་བགྲེས་རྒུད་ཀྱི་སྐྱོན་མེད་ཅིང་གཞོན་ནུའི་ཚུལ་དུ་བཞུགས་ནས་མཐར་འོད་ཀྱི་ཕུང་པོར་དེངས་པ་དེ་ཉིད་བྱ་བྲལ་གྱི་ཆ་བྱད་ཅན་མངོན་སུམ་དུ་བྱོན་ནས། ཁོང་ཉིད་ལ་འཕགས་པ་ཐུགས་རྗེ་ཆེན་པོས་སྩལ་བའི་ཡི་གེ་དྲུག་པའི་གསོལ་འདེབས་ཀྱི་སྒོམ་བཟླས་དེ་དཔེ་དང་བཅས་སྩལ་ནས་གར་སོང་མ་བྱུང་། སྒྲུབ་ཐབས་དེ་ཉིད་རིག་གཏད་བཅས་པས་ཀྱང་འགྲོ་བ་མང་པོ་རྗེས་སུ་འཛིན་པར་མཛད་ཅིང་སྒྲུབ་ཐབས་འདི་ནི་མཆོག་དམན་ཀུན་ལ་ཕན་ཐོགས་ཤིང་བྱིན་རླབས་ཀྱི་བབས་ཆེན་པོ་དང་ལྡན་པ་ཡིན་པས་ཡིག་དྲུག་གྲངས་གསོག་མཁན་རྣམས་ཀྱིས་ཀྱང་བཟླས་པའི་གཞི་འདི་ཙམ་ཉམས་སུ་ལོན་ན་བྱས་ལ་མ་བསགས་པའི་ལས་སུ་མི་འགྱུར་བར་བདེ་བ་ཅན་བྱ་བའི་མིང་སྙན་པོ་དེར་སྨོན་ལམ་བཏབ་ནའང་དོན་དང་ལྡན་པར་སྣང་ངོ་། །པད་གླིང་གཏེར་སློབ་ཉེར་གཅིག་གི་གྲས་འགྲོ་འདུལ་ལས་འཕྲོ་གླིང་པའི་གཏེར་ཆོས་ཐུགས་ཆེན་དོན་གསལ་སྒྲོན་མེ་འདིའི་སྒོ་ནས་གཏེར་སྟོན་ཉིད་ཀྱིས་བུམ་སྒྲུབ་ལན་གྲངས་དྲུག་ཅུ་རྩ་གཉིས་མཛད། སྲས་བརྒྱུད་ལྔའི་བར་དུ་འགྲོ་དོན་ཤིན་ཏུ་རྒྱས་ཀྱང་དེང་སང་དབང་ལུང་གི་

[Full Size]

རྒྱུན་མི་བཞུགས་པ་ལ། གཏེར་སྟོན་ཉིད་ཀྱིས་ཉེ་བརྒྱུད་བྱིན་རླབས་རྗེས་གནང་སྩལ་བ་ལྟར། ཆུ་ལུག་ཟླ་བ་དང་པོའི་ཚེས་ནང་འདིའི་དབང་བསྐུར་རྣམས་གནང་བའི་ནུབ་མོར། བུད་མེད་ནང་གོས་སྟེང་སྟོད་གཡོགས་དམར་པོ་ལྷུབ་གྱོན། སྐྲ་རྒྱབ་ཏུ་བསྡམས་པ་ཞིག་གིས་ཤེལ་དམར་ལྟ་བུའི་གྭའུ་ཞིག་ཁྱེར་ནས། འདི་ནང་བྲམ་ཟེ་སྐྱེ་བདུན་ཤ་རིལ་སྟོང་ཕྲག་གསུམ་ཡོད་པ་སྔར་ལས་འཕྲོ་གླིང་པ་ལ་ཕུལ་བ་ཁོང་འགྲོ་དོན་ཆེ་བས་ད་གཅིག་ལས་ལྷག་མི་འདུག །འདི་ད་རེས་ལས་འཕྲོ་གླིང་པས་ཁྱེད་ལ་ཕུལ་ཤོག་གསུངས་པ་ཡིན་ཟེར་གའུ་དབུ་ཐོག་ཏུ་བཞག་ནས་པར་པིར་མང་པོ་བརྗོད་ནས་བྱིན་རླབས་འདྲ་བ་ཞིག་བྱས། དེ་ནས་བྲམ་ཟེ་སུ་རེད་དྲིས་པས་ཟླ་བ་བཟང་པོ་རེད་ཟེར། འོ་ན་ཟླ་བཟང་སྤྲུལ་སྐུ་ཟེར་བ་དེའི་སྐྱེ་བ་ཡིན་ནམ་དྲིས་པས་དེའི་འོད་ཟེར་ཕོག་པ་ཙམ་བྱས་ན་ཆོག་རྒྱུ་རེད། རིལ་བུ་འདི་ཤིན་ཏུ་རྩ་བ་ཆེ་བས་བཅའ་ག་ཡག་པོ་དགོས་ཟེར་བཞུགས་སའི་ཉེ་ལོགས་ཀྱི་རྟེན་སྒམ་ཞིག་ཏུ་བཅུག་སོང་བ། ཕྱིས་རིལ་བུ་དངོས་སུ་ཡོང་འདུག་པ་ལ་གཏའ་སྤེལ་ཡང་མཛད། མཁའ་འགྲོ་མ་དེ་པདྨའི་དྲྭ་བ་ཅན་རེད་གསུངས། མེ་ཡོས་ཟླ་བ་བཅུ་གཅིག་པའི་ཚེས་དྲུག་ནུབ་མནལ་ལམ་དུ་རིན་པོ་ཆེ་ཉིད་ཀྱིས་རྟ་ཞིག་ཆིབས། གྲྭ་པ་རྐང་ཐང་བཞི་ཙམ་བཅས་ཟབ་བུ་ལུང་མཇལ་དུ་ཕེབས་ཀྱིན་འདུག་པ། གནས་མདར་སྔགས་པ་ཞིག་གིས་ཁྱིམ་དུ་གདན་དྲངས། དབང་དང་བྱིན་རླབས་ཞུས། བསྙེན་བཀུར་བསྟབས། དེས་མཚོན་ལམ་དུ་གར་ཕེབས་པ་ཡིན་ཞུ་མཁན་ཐམས་ཅད་ལ། ཟབ་བུ་ལུང་གཏེར་ལུང་མཇལ་དུ་འགྲོ་བ་ཡིན་ཁོ་ན་གསུངས་ཀྱིན་འདུག །ལམ་དུ་ཆར་པ་འགའ་ཞིག་བབས་པ། གྲྭ་པ་རྣམས་ནས་དེ་རིང་སྡུག་རྒན་མ་འདིས་ག་འདྲད་།།།བྱེད་པ་ཡིན་ཟེར་བ་ལ། དགའ་མོ་ཡོང་འགྲོ་གསུངས་ཀྱིན་

[Full Size]

ཕེབས། ཕྱི་དྲོ་ལུང་པའི་རྐེད་ཙམ་སླེབ་པ་ཆུ་ཕར་ཀ་དེར་འབྲོག་དུད་ཕྱུག་པོ་ཞིག་འདུག་པ། ཆེ་ཆུང་མེད་པ་ཐམས་ཅད་ཆུ་ཚུར་ཀར་བརྒྱུགས་ནས་བྱིན་རླབས་ཞུས། ད་ཅི་ཙམ་འགྲོ་དགོས་དྲིས་པ་ད་དུང་ལམ་ཕྱེད་ལས་མ་སླེབས་ཚུལ་བཤད། དོ་དགོང་བཞུགས་གནས་གར་འབེན་དྲིས་པར་འདི་ཡན་ཆད་ཆར་སྐྱིབས་སོགས་སྟབས་བདེ་མེད་ཚུལ་ལབ་པ་གྲྭ་པ་རྣམས་ནས། འོ་ན་དོ་དགོང་ཁྱེད་རང་ཚང་ལ་གནས་ཚང་ཨི་གཡར་བྱས་སོང་བ། ནངས་སྔ་བར་ཕེབ་རྒྱུ་ཡིན་ཚེ་གཡར་རྒྱུ་ཡོད་ཟེར། དེ་ཀ་ཡིན་ཚུལ་གྱིས་ཆུ་ཕར་ཀར་ཕྱིན་པར་དུད་ཚང་དེས་ལྟག་སྦྲ་ཆུང་ལོགས་དང་ས་ཐམས་ཅད་སྟན་དཀར་གྱིས་གཡོགས་པ་ཞིག་ནང་བཞག །གསོལ་ཐུག་སོགས་བསྐྱལ། སང་ཉི་ཤར་ལ་བླ་མ་མངའ་བདག་པ་ཕེབས་རྒྱུ་ཡིན། དེ་པ་གཙང་སྦྲ་ཤིན་ཏུ་ཆེ་བ་ཡིན་པས། ཉིད་དཔོན་སློབ་ནས་ཕོ་གཏོར་སོགས་འབག་འབོག་མི་མཛད་པར་ཞུ་འདུག །དེ་ནུབ་ཐུགས་དམ་འདྲ་མཛད་ཀྱིན་བཞུགས། ནངས་ནམ་ལངས་པ་དང་ཚ་བ་བཞེས་ནས་ཆིབས་བཏེགས་ཏེ་ལུང་པའི་ཕུ་ལ་ཕེབས་ཏེ་འགྲུལ་པ་འདྲས་ལམ་ངོ་སྤྲད་ཅིང་། ཟབ་ལུང་བདེ་གཤེགས་འདུས་པའི་ཕོ་བྲང་དུ་ཕེབ་པ་དང་། ཕ་ཝང་ཞིག་གི་སྐྱིབས་སུ་རྣལ་འབྱོར་པ་ཐོར་ཚུགས་ཆུང་ངུ་ཡོད་པ། རབ་བྱུང་ཆས། སྐུ་བོང་མི་ཆེ་མི་ཆུང་། སྐུ་ཤ་རན་པ། ཞལ་རྒྱན་ཅུང་ཟད་ཡོད་པ་ཞིག་ཆར་ཡིབས་ལྟ་བུས་བཞུགས་འདུག་པ་བཞེངས་ནས། ཁོང་འཕྲེང་མགོ་གཏེར་སྟོན་ཤེས་རབ་འོད་ཟེར་ཡིན། ཁྱེད་ཕེབས་པ་རྟེན་འབྲེལ་ཤིན་ཏུ་བཟང་བས་ད་ལྟ་གཏེར་འདོན་པར་འགྲོ་གསུངས། དགྱེས་བཞིན་ཕེབས་པས་ཕ་ཝང་ཞིག་ནས་ཤོག་དྲིལ་ཞིག་ཕྱུང་། དེ་མ་ཐག་བདག་གུ་་ས་མུ་དྲ་ད་ལྟའི་བྱད་དབྱིབས་ཅི་ལྟ་བར་གནས་འགྱུར་ནས།

[Full Size]

ཤོག་སེར་འདིའི་ཆོས་བདག་ཁྱེད་རང་ཡིན་པས་ད་ལྟ་རང་དུ་ལུང་བྱ་ཞེས་ཤོག་སེར་ཚར་གཅིག་དག་པར་བཀླགས་སོང་བ་གྲོལ་ཐིག་གི་ཆོས་སྡེ་ཤེས་རབ་བློ་འཕེལ་མི་བརྗེད་གསུངས་ཐོབ་དེར་སྣང་གསུངས། རྗེ་ཉིད་འཇམ་དབྱངས་མཁྱེན་བརྩེའི་དབང་ཕྱུག་ཡིན་པའི་ཐུགས་ཤེས་གསལ་ཡོད་འདུག །ཡང་རབ་ཡིད་མེ་འབྲུག་ཟླ་བ་གསུམ་པའི་ཚེས་ཉེར་གཅིག་ཉིན་ཕྲན་རྗེའི་སྤྱན་སྔར་ཕྱིན་པའི་སྔ་ནུབ་ཚེས་ཉི་ཤུའི་ཐོ་རངས་འོད་གསལ་དུ། བུད་མེད་གོས་སྔོན་གྱོན་པ་ཞིག་གིས་ད་འགྲོ་གསུངས་པའི་རྗེས་ལ་ཕེབ་པའི་ལམ་དུ་གྲོག་རོང་ཞིག་འདུག་པ་ལ་བུད་མེད་དེ་འཕུར་སོང་བའི་རྗེས་ལ། རྗེ་ཉིད་ཀྱང་འཕུར་ནས་ཕེབས་པས་ཆོས་དབང་དག་སྣང་སོགས་དང་ཕྱོགས་མཚུངས་ཀྱི་ལམ་ཞོར་རྒྱ་བོད་བལ་པོའི་ཡུལ་ཁམས་ར་རི་ཙམ་ཤར་བའི་མཐར་རི་བོ་སྨུག་པས་རྩེ་བཏུམས་པ་ཞིག་མཐོང་བ་ཇེ་ཉེར་སོང་བ་དང་རི་ངོས་དེ་མཆོད་རྟེན་རྣམ་པ་ཇེ་གསལ་སོང་། ཁད་ཉེར་ཕེབས་པས་རི་སྔོན་རྒྱབ་གཉིས་སུ་ཡོད་པའི་མདུན་མ་དེ་ཕྱི་མཆོད་རྟེན་དབྱིབས་ཤིན་ཏུ་གསལ་བའི་རི་བོ། སེང་ཁྲིའི་ཕྱོགས་བཞིར་སྒོ་འདུག་པས་ཕྱོགས་བཞི་ཀར་ཕེབས་ཀྱང་སྒོ་རྣམས་བཅད་པས་ནང་དུ་མ་བརྟོལ། རི་དེའི་རྒྱུ་མཚན་སོགས་བུད་མེད་དེ་ལ་དྲིས་པས། འདི་ཤཱནྟ་པུ་རིའི་གྲོང་ཁྱེར་ཡིན་ཟེར། དེར་ཕྲེང་མགོ་གཏེར་ཆེན་ཤེས་རབ་འོད་ཟེར་གར་བཞུགས། ཁོ་བོ་མཇལ་དུ་འགྲོ་དགོས་གསུངས་པས། འདིར་དཔའ་བོ་ཐོད་པའི་དུམ་བུ་རྩལ་ཟེར། ཁོང་དེང་སང་བོད་དུ་བཞུགས་ཡོད། འདིར་སྐུ་གདུང་ལ་མཆོད་པ་རྟག་ཏུ་འབུལ་བའི་ལྷ་དང་མཁའ་འགྲོ་སོགས་འདུས་པ་ཡིན་ཟེར། སྒོའི་བུག་སྒོ་ཞིག་ནས་གསན་པས་ཕེ་ཧྲང་གི་འཕྲུལ་འཁོར་ལྟ་བུའི་རོལ་མོའི་སྒྲ་སྙན་ལ་ཡིད་འཕྲོག་པ་བསམ་གྱིས་མི་ཁྱབ་པའི་གདངས། རྒྱུད་ཀྱི་ཚིགས་སུ་བཅད་པ་ངོ་མཚར་བསྒྲོགས་པ་ཞིག་

[Full Size]

གསན་པ་མཆོད་འབུལ་གྱི་རོལ་མོའི་སྒྲ་ཡིན་ཟེར། བོད་དུ་ཕེབས་དུས་དཔའ་བོ་ཐོད་པའི་དུམ་བུ་དངོས་ཇི་ལྟར་འགྱུར་དྲིས་པས། ཏིང་ངེ་འཛིན་ལ་མཉམ་པར་བཞག་པ་ལྟ་བུས་གསུང་མི་སྨྲ་བ་ཞིག་ཏུ་འགྱུར། བོད་ནས་སླར་ཕེབས་པ་དང་གསུང་གིས་ཆོས་སྟོན་པ་ཞིག་ཏུ་འགྱུར་བའི་ཁྱད་པར་ཡོད་ཟེར། དེ་ནས་རྒྱབ་ངོས་རི་གཉིས་པ་དེ་སྨུག་པོ་ཞིག་ལ་དེ་ནས་ཐག་རིང་དུ་སོང་འདུག་པ་ཟངས་མདོག་དཔལ་རི་ཡིན་ཟེར་བས་དེའི་རྩེ་མོར་འཕུར་ནས་ཕེབས་པས། པདྨ་འོད་ཀྱི་གཞལ་ཡས་ཡིན་ནམ་སྙམ་པ་ཧ་ཅང་བཀོད་པའི་ཁྱད་པར་མཚར་དུ་མེད་པའི་ཕོ་བྲང་སུམ་ཐོག་ཞིག་གི་འོག་ཁང་དུ་ཕྱིན་པས་གུ་རུ་ཟ་ཧོར་མ་ལ་མཚན་བརྒྱད་ཀྱིས་བསྐོར་བ། དེའི་བར་ཁང་དུ་ཕེབས་པས་སྤྱན་རས་གཟིགས་རྒྱལ་བ་རྒྱ་མཚོ་ལ་ཉེ་སྲས་བརྒྱད་ཀྱིས་བསྐོར་བ། དེ་གཉིས་ཀ་སྐུ་བརྙན་གྱི་རྣམ་པར་མཇལ། སྟེང་ཁང་དུ་ཕེབས་པས་འོད་སྔོན་པོའི་རང་བཞིན་དུ་གཟིགས་ནས་དག་སྣང་ལས་སད་གསུངས། འདི་དག་གི་རྒྱུ་མཚན་ལ་སོགས་པ་ལས་འཕྲང་འགོ་གཏེར་སྟོན་ཤེས་རབ་འོད་ཟེར་གྱི་གཏེར་ཆོས་ཀྱང་ཉེ་བརྒྱུད་བྱེད་ཆོག་པ་ཡིན་གསུངས། དེ་ལས་གཞན་པ་ཕྱིས་ཀྱི་གཏེར་སྟོན་འཇའ་ཚོན་སྙིང་པོའི་ཡེ་ཤེས་ཀྱི་སྐུ་དངོས་དང་སྔ་རྗེས་མཇལ་ནས་གཏེར་ཆོས་ཉེ་བརྒྱུད་ཀྱི་བྱིན་རླབས་གསན་པ་དང་། སྟག་ཤམ་བསམ་གཏན་གླིང་པ། ཀློང་གསལ་སྙིང་པོ་སོགས་ཀྱི་ཡང་གཏེར་དང་ཉེ་བརྒྱུད་བཞུགས་ཚུལ་ཀྱང་སོ་སོའི་བརྒྱུད་འཛིན་རྣམས་ལ་བཀའ་སྩལ་གནང་བར་ཐོས་སོ། །བཞི་པ་ཟབ་མོ་དགོངས་པའི་གཏེར་ནི། སྐུ་ཆུང་ངུའི་དུས་ནས་སྔོན་གནས་རྗེས་སུ་དྲན་པ་དང་ཚིགས་བཅད་སྒྲུབ་ཐབས་མང་པོ་ཐོལ་བྱུང་ཐོགས་མེད་དུ་འབྱུང་བ་ཞིག་བཞུགས་ཡོད་འདུག་ཀྱང་དེ་འདྲའི་རིགས་གལ་ཆུང་བཏང་

[Full Size]

སྙོམས་ཁོ་ནས་དམིགས་མེད་དུ་རྒྱས་བཏབ། དགུང་ལོ་ཉེར་དགུར་སོན་པའི་ས་སྤྲེལ་ལོར་བོད་ཡུལ་དབུས་སུ་ཕེབས་པའི་བྱང་ལམ་དགེ་རྒྱལ་ཕྱོགས་སུ་ཁྲུམས་ཟླའི་ཚེས་བཅུར་ཁེལ་བས་བླ་མ་གསང་འདུས་ཚོགས་མཆོད་མཛད་པས་ཐུགས་ཉམས་འབར། ཕྱི་རོལ་ཏུ་ཕེབས་སྐབས་བྲག་ཕུག་ཁ་ལྷོ་ནུབ་ཏུ་བལྟ་བ་ཡིད་དུ་འོང་བ་ཞིག་འདུག་པའི་ནང་དུ་ཕེབས་པས་ཐུགས་སྤྲོ་བར་བྱུང་ནས་བླ་མའི་རྣལ་འབྱོར་ཞིག་མཛད་པའི་མཐར་ཅུང་ཟད་མནལ་དུ་སོང་བ་ལ་སྒྲ་ཆེན་པོ་ཞིག་གྲགས་པས་སད་པ་ན། །མདུན་གྱི་ནམ་མཁར་གུ་རུ་ཟ་ཧོར་མའི་ཆས་ཅན་གཙོ་འཁོར་གསུམ་མངོན་སུམ་བྱོན་ནས་བརྡའི་བྱིན་རླབས་སྩལ་ཏེ་ཉིད་ལ་ཐིམ་པའི་རྗེས་ཐོག་ཏུ་མཚོ་སྐྱེས་སྙིང་ཐིག་གི་རྩ་བའི་ཆོས་སྐོར་ཐུགས་ལ་ལམ་མེར་གསལ་བས་དེ་ཉིད་དུ་ལས་བྱང་རྫོགས་པར་གཏན་ལ་ཕབ། དེ་ནས་ཐ་སྐར་ཟླ་བའི་ཚེས་བཅོ་ལྔར་བསམ་ཡས་སུ་ཕེབས་ཏེ་རྫོངས་སུ་བཞུགས་པའི་ཉང་གཏེར་གུ་རུ་མཚོ་སྐྱེས་རྡོ་རྗེའི་མདུན་མཆོད་པ་རྒྱས་པར་ཕུལ་ཏེ་སྔ་མའི་ལས་བྱང་བཏང་བའི་ཚེ་སྐུ་བརྙན་དེ་མཚོ་སྐྱེས་རྡོ་རྗེ་དངོས་སུ་གྱུར་ནས་དབང་དང་གདམས་པ་སྩལ་ཏེ་ཉིད་ལ་ཐིམ་པའི་གཟིགས་སྣང་ཤར། ཡན་ལག་ཆོས་སྐོར་རྣམས་ཀྱང་དགོངས་པའི་ཀློང་དུ་གསལ་ཡང་རིང་ཞིག་གསང་རྒྱས་བཏབ། དགུང་གྲངས་སོ་བདུན་མེ་འབྲུག་རྒྱལ་ཟླའི་ཡར་ཚེས་ལ་གཏེར་ཆེན་མཆོག་གྱུར་གླིང་པས་རྗེ་ཉིད་ལ་བཞུགས་པའི་ཟབ་ཆོས་ཞིག་གི་སྨིན་གྲོལ་སྩོལ་བའི་གསོལ་བ་ནན་དུ་བཏབ་པའི་ངོར་རྩ་དབང་དང་ལས་བྱང་གི་བཤད་པ་བཅས་གནང་བའི་ནུབ་མོ་གཏེར་ཆེན་མནལ་ལམ་དུ། གུ་རུ་རིན་པོ་ཆེས་རྒྱལ་ཚབ་ཏུ་མངའ་གསོལ་བའི་ལྟས་ཁྱད་པར་ཅན་གཟིགས། དེའི་བྱིན་རླབས་ཀྱིས་སྣ་དྲངས་ཏེ་སེང་ཆེན་གནམ་བྲག་གི་གཏེར་ཁ་རྣམས་ཀྱང་ཕྱག་ཏུ་སོན།

[Full Size]

ཕྱིས་སུ་བསྙེན་སྒྲུབ་མཛད་པའི་མཐར་ཚེས་བཅུའི་ཚོགས་འཁོར་སྐབས་ཐུགས་ཉམས་འུར་ཏེ་ཌ་དྲིལ་བར་སྣང་ལ་བཞག་པ་ཉེ་གནས་པས་ཀྱང་མཇལ་བའི་མངོན་རྟགས་བྱུང་། འདི་ལའང་བླ་མ་མཚོ་སྐྱེས་རྡོ་རྗེ། ཡི་དམ་ཡང་དག་དམར་པོ། མཁའ་འགྲོ་མནྡཱ་ར་བ། བཀའ་སྲུང་དཔལ་མགོན་མ་ནིང་གཙོ་འཁོར་རྣམས་ཀྱི་སྒྲུབ་ཐབས་རྫོགས་རིམ་ལས་ཚོགས་དང་བཅས་པ་བཞུགས་ཡོད་པར་སྣང་རུང་། གཏན་ལ་ཕབ་པ་ནི་བླ་མ་དང་མཁའ་འགྲོའི་ལས་བྱང་དབང་ཆོག་དང་བཅས་པ་ཙམ་མོ། །དགུང་གྲངས་སོ་ལྔ་བཞེས་པ་ཤིང་སྟག་རྒྱལ་ཟླ་བར་འཕགས་མ་ཡིད་བཞིན་འཁོར་ལོ་ལུགས་འགའ་ཞིག་གི་རྣལ་འབྱོར་ལ་རྩེ་གཅིག་ཏུ་བཞུགས་པའི་སྐབས་ཀྱི་ཐོ་རངས་འོད་གསལ་དག་པའི་སྣང་ཆར་བཅོམ་ལྡན་འདས་མ་ཡིད་བཞིན་འཁོར་ལོ་ཡི་གེ་བཅུ་པའི་སྒྲ་གདངས་ཅན་དངོས་སུ་མཇལ། མཐར་རང་ཉིད་ལ་ཐིམ་པའི་མོད་ལ་རྟོག་མེད་འོད་གསལ་ཆེན་པོར་འབྱམས་ཀླས་ཤིང་རྡོ་རྗེ་གསུམ་དང་དབྱེར་མི་ཕྱེད་པའི་ངེས་ཤེས་འཁྲུངས། དེ་ལས་སད་པ་ན་མདུན་གྱི་ནམ་མཁར་རིག་འཛིན་ཤྲཱི་སི༚་ཧ། བི་མ་ལ་མི་ཏྲ། མཚོ་སྐྱེས་རྡོ་རྗེ་གསུམ་གཙོ་འཁོར་དགྱེས་བཞིན་དུ་བཞུགས་ཏེ་བརྡ་དོན་ངོ་སྤྲོད་ཀྱི་དབང་སྐུར་སྩལ་བའི་མཐར་འོད་དུ་ཞུ་ནས་རྗེ་ཉིད་ལ་ཐིམ་པས་ཐ་མལ་གྱི་རྟོག་པ་མཐའ་དག་དབྱིངས་སུ་ཐིམ། རིག་རྩལ་མ་འགགས་པའི་འཆར་སྒོར་འཕགས་མའི་སྙིང་ཐིག་གི་གདམས་སྐོར་ཡོངས་སུ་རྫོགས་པ་མེ་ལོང་ནང་དུ་གཟུགས་བརྙན་འཆར་བ་བཞིན་མ་འདྲེས་གཅིག་ཆར་དུ་གསལ་བའི་ཕྱིར་ཉིན་ནས་ལས་བྱང་ཙམ་གཏན་ལ་ཕབས་ཤིང་ཐུགས་ཉམས་སུ་བཞེས་པས་བར་ཆད་ཀྱི་གཡུལ་ལས་རྒྱལ། ཁྱད་པར་བི་མ་ལས་ཡང་ནས་ཡང་དུ་བྱིན་རླབས་སྩལ་ཞིང་བྲིས་ཟིན་ལ་ཞུ་དག་གི་ཚུལ་

[Full Size]

ཡང་མཛད། དེ་ནས་ལོ་ལྔར་གསང་རྒྱས་བཏབ་སྟེ་ས་རྟ་ལོར་ཐོག་མར་གཏེར་ཆེན་མཆོག་གྱུར་གླིང་པ་ལ་སྨིན་བྱེད་སྩལ་ཅིང་ཆོས་སྒོ་ཕྱེས། རིམ་པར་རྒྱལ་དབང་ཀརྨ་པ་བཅུ་བཞི་པ་སོགས་ལུང་ཟིན་རྣམས་ལ་གནང་སྟེ་ཐམས་ཅད་ཀྱི་སྐུ་ཚེའི་འཕྲང་བསལ་ཅིང་དགེ་ལེགས་ཀྱི་རྟེན་འབྱུང་ཡར་ཟླ་ལྟར་འཕེལ་བར་གྱུར། འདི་ལ་རྫོགས་རིམ་ལས་ཚོགས་སོགས་ཟབ་རྒྱས་བཞུགས་ཡོད་འདུག་ཀྱང་རྩ་བའི་ཕྲིན་ལས། དབང་བྱིན་རླབས་རྗེས་གནང་། ཡན་ལག་གི་སྐོར་ལས་རིག་འཛིན་རྣམ་གསུམ་གྱི་སྒྲུབ་སྐོར་ཁྱད་པར་ཅན། ཚེ་དཔག་མེད་དཀར་པོ་དང་། རྣམ་རྒྱལ་མའི་སྒྲུབ་ཐབས་ཙམ་འབེབས་པར་མཛད་འདུག་གོ། །དགུང་ལོ་བཅོ་ལྔ་པ་ར་བ་ཡིད་ཤིང་ཕོ་རྟ་ལོ་སྟོན་ཟླ་འབྲིང་པོའི་ཚེས་བཅུ་བཞིའི་ཐོ་རངས་ཁར་མནལ་ལམ་དུ་ས་ཆ་འདི་ཡིན་ངོ་མ་འཚལ་བའི་ཁང་བཟང་བཀོད་ལེགས་པའི་ནང་དུ་མཎྜལ་དམར་ཟླུམ་ཆེན་པོ་ཞིག་གི་སྟེང་དུ་སྤྲིན་དཀར་ཤིན་ཏུ་མཛེས་པའི་དབུས་གྲུབ་ཆེན་ཐང་སྟོང་རྒྱལ་པོ་མཁའ་འགྲོ་སྡེ་ལྔ་དང་བཅས་པའི་མདུན་དུ་དབང་རྫས་རྣམས་བཀོད་པས་དབང་བསྐུར་ཅིང་གདམས་པ་སྩལ། མནལ་ལས་སད་པ་ན་གྲུབ་ཆེན་ཉིད་མངོན་སུམ་དུ་མཇལ་བའི་ཞལ་ནས། གཟུང་བའི་ཡུལ་ལ་མི་རྟོག་ཅིང་། །འཛིན་བྲལ་རིག་པ་རྗེན་པའི་ངང་། །སྤང་བླང་བསལ་བཞག་བྲལ་བ་ནི། །སངས་རྒྱས་ཀུན་གྱི་གསང་བའོ། །ཞེས་གདམས་པ་ངོ་སྤྲོད་ཤློ་ཀ་གཅིག་སྩལ་ནས་ཉིད་ལ་ཐིམ་པས་སྨིན་གྲོལ་གདམས་པའི་སྐོར་ཐུགས་ལ་བཀྲ་གསལ་གྱིས་འཆར་བས་བཅོ་ལྔའི་ཉིན་གྲུབ་ཐོབ་ཐུགས་ཐིག་གི་ལས་བྱང་སོགས་གཏན་ལ་ཕབ་པར་མཛད། སླད་ནས་ཀྱང་བྱིན་རླབས་ཀྱི་ལྟས་ཡང་དང་ཡང་དུ་བྱུང་བ་དང་། ལྟ་སྒོམ་སྤྱོད་པ་བོགས་འདོན་འབྲས་བུ་སྟེ་བཀའ་བབས་ལྔའི་གདམས་

[Full Size]

ངག་རིང་བརྒྱུད་བར་མ་ཆད་པ་གསན་ཅིང་ཉེ་བརྒྱུད་ཆུ་བོ་གཅིག་འདྲེས་སུ་གྱུར་པ་ཉིད། དགུང་གྲངས་ཞེ་བདུན་བཞེས་པའི་ཚེ་གནས་དུས་ཀྱི་རྟེན་འབྲེལ་ཕུན་སུམ་ཚོགས་པ་ལ་བརྟེན་ནས་འཆི་མེད་གྲུབ་པའི་གནས་མཆོག་བཀྲ་ཤིས་ཟླ་གམ་དབང་གི་ཕུག་པར་བདག་ཅག་སྐལ་ལྡན་མཆོག་གི་འདུས་པ་གསུམ་ལ་སྨིན་གྲོལ་བདུད་རྩི་ཐོག་མར་སྩལ། དེ་ནས་རིམ་པར་སྙན་བརྒྱུད་རྡོ་རྗེའི་ཚིག་རྐང་། སྒྲུབ་ཐབས་སྙིང་པོ་སྐོར་ལྔ། ཁྲག་འཐུང་བདེ་གཤེགས་འདུས་པའི་སྒྲུབ་སྐོར་རྣམས་ཀྱང་གཏན་ལ་ཕབ་པར་མཛད། འདི་དག་ནི་སྒྲུབ་ཐབས་ལས་ཚོགས་ཕྲན་ཚེགས་ཙམ་ལ་དགོངས་གཏེར་གྱི་མིང་དུ་བཏགས་པ་དང་མི་འདྲ་བ་རྒྱུད་ལུང་མན་ངག་གི་དོན་ཟབ་ཅིང་རྒྱ་ཆེ་ལ་ཚིག་ཉུང་ཞིང་འདྲིལ་བ་གང་ཟག་ཕལ་པའི་བློ་ཡི་སྤྱོད་ཡུལ་ལས་འདས་པ་ཀློང་ཆེན་རབ་འབྱམས་བཟང་པོའི་གསུང་དང་རྗེས་སུ་མཐུན་པར་སྣང་ངོ་། །ལྔ་པ་དེ་ལས་འཕྲོས་པ་རྗེས་སུ་དྲན་པའི་གཏེར་ནི། གཙོ་བོར་ལྕེ་བཙུན་ཆེན་པོའི་སྙིང་ཐིག་སྟེ་དེའི་ལོ་རྒྱུས་ནི་གོང་དུ་སོང་། ལང་གྲོ་དཀོན་མཆོག་འབྱུང་གནས་ཀྱིས་ལོ་ཆེན་བཻ་རོ་ཙ་ནའི་ཚེའི་སྒྲུབ་ཐབས་ཟབ་མོ་ཞུས་པའི་སྔོན་གནས་རྗེས་སུ་དྲན་ཏེ་གཏན་ལ་ཕབ་པའི་ཚེ་སྒྲུབ་བཻ་རོའི་ཐུགས་ཏིག་དང་། ལྷོ་བྲག་མཁར་ཆུར་དགེ་སློང་ནམ་མཁའི་སྙིང་པོ་ལ་མཁའ་འགྲོ་མ་རྣམས་ཀྱིས་ཕུལ་བའི་སེང་གདོང་དཀར་མོའི་བཅུད་ལེན་རྣམས་བཞུགས་པར་སྣང་བའི་ཕྱི་མའི་རྒྱུ་མཚན་གོང་སྨོས་རྡོ་རྗེ་ཕྲེང་བ་གསན་སྐབས་ནུབ་དྲུག་པའི་དག་སྣང་དུ་ཤར་བ་དེ་ཉིད་དོ། །དྲུག་པ་དག་སྣང་གི་སྐོར་ནི། དགུང་ལོ་བཅོ་ལྔ་པ་ཤིང་ཕོ་རྟ་ལོ་རྒྱལ་ཟླ་བའི་ནང་། ཚེ་སྒྲུབ་ཟབ་མོའི་བསྙེན་སྒྲུབ་མཛད་སྐབས་ཚེས་བཅུའི་ཐོ་རངས་སྐབས་བཟླས་ཐུན་གྱི་དུས་སུ་ནམ་མཁའ་ནས་ཌ་མ་རུའི་སྒྲ་དང་དྲི་བཟང་གི་ངད་པ་འཐུལ་བའི་རྐྱེན་

[Full Size]

གྱིས་སྒྲུབ་རྫས་ཀྱི་སྟེང་དུ་འོད་དམར་པོ་ཤིན་ཏུ་གསལ་བ་ཞིག་ཞུགས་སོང་བའི་ཀློང་ནས་འཆི་མེད་མནྡཱ་ར་བ་ཚེ་ཡུམ་ཙཎྜ་ལཱིའི་རྣམ་པས་ཡབ་བཀའ་ཚེ་དཔག་མེད་ཧྲིཿགཅིག་མའི་སྐོར་དང་། ཚེ་ཡུམ་ཙཎྜ་ལཱིའི་གདམས་ངག་རྗེས་སུ་བསྟན་པ་དབང་བསྐུར་བཅས་སྩལ་བའི་མཐར་ཤིས་བརྗོད་སྐབས་མེ་ཏོག་དམར་པོའི་ཆར་སིལ་མར་བསྙིལ་བའི་ཐུགས་ཉམས་བྱུང་། ཕྱིར་ནང་སྒྲུབ་གཞིའི་སྟེང་གཡར་མོ་ཐང་ལྟ་བུའི་མེ་ཏོག་དམར་པོ་ཁ་ཤས་དངོས་སུ་སྣང་། དེ་འཕྲལ་ལས་བྱང་རྩ་བ་ཙམ་གཏན་ལ་ཕབ་སྟེ་ཉམས་བཞེས་མཛད་ནས་གསང་རྒྱས་བཏབ། ཕྱིས་དགུང་ལོ་ང་དགུ་རབ་ཚེས་ས་སྟག་ལོའི་དབྱར་ཐོག་སྨིན་གྲོལ་གྱི་གདམས་པ་བཀའ་དྲིན་ཏུ་སྩལ་བ་ཐོབ། ཀློང་ཆེན་པའི་བླ་སྒྲུབ་ཐིག་ལེའི་རྒྱ་ཅན་གྱི་དོན་གོང་དུ་སོང་། ལྕགས་རྟ་མགོ་ཟླ་བའི་ཚེས་བཅོ་ལྔར་དག་པའི་སྣང་བར་པདྨ་ས་ཁེབས་པའི་ཞིང་ཁམས་ཆེན་པོར་ཕེབས། དེར་གཏེར་ཆེན་མཆོག་གྱུར་གླིང་པ་ཉིད་བྱང་ཆུབ་སེམས་དཔའ་པདྨའི་མྱུ་གུ་ཞེས་པའི་སྐུར་བཞུགས་པར་སྣང་བ་ལས། དེ་ཉིད་ཀྱི་སྒྲུབ་ཐབས་དབང་བསྐུར་བར་དོ་དྲུག་ཁྲིད་བཅས་ཀྱི་གདམས་པའི་བདུད་རྩི་གསན། དེ་རྗེས་ཟླ་བ་གཅིག་ཏུ་གསང་བའི་དམ་ཚིག་གི་རྒྱས་བཏབ། རྒྱལ་ཟླ་བའི་ཚེས་བཅུར་ཚོགས་ཀྱི་མཆོད་པ་དང་རྗེས་སུ་འབྲེལ་བར་གཏན་ལ་ཕབ་པར་མཛད་པའི་ཡི་གེ་པ་ཁོ་བོས་ཞུས་པའི་སྐབས་དེ་ཉིན་ས་གཞིའི་ཁྱོན་ལ་དྲོད་གློ་བུར་དུ་བབས་པས་འཁྱགས་པ་རྣམས་ཀྱང་ཞུ་ནས་ཆུ་བོའི་རྒྱུན་དུ་འགྱུར་བ་བྱུང་ངོ། །སྤྱིར་དག་སྣང་ལ་རྒྱུན་ཆད་མི་མངའ་བས་ཆོས་སྒོ་མཐའ་ཡས་པ་མངའ་བ་གཞིར་བཅས་ཀྱང་སྒྲུབ་ཐབས་སོགས་གཏན་ལ་ཕབ་པ་ནི་དེ་ཙམ་ལས་སྤྱོད་ཡུལ་དུ་མ་གྱུར་ཏོ། །བདུན་པ་དེ་མཐུན་སྙན་བརྒྱུད་ནི། དགུང་གྲངས་ཞེ་བརྒྱད་བཞེས་པ་མེ་ཡོས་ཟླ་བ་གསུམ་པའི་ནང་རྫོང་

[Full Size]

ཤོད་བདེ་གཤེགས་འདུས་པའི་ཕོ་བྲང་དུ་བཞུགས་པའི་ནུབ་གཅིག་འོད་གསལ་གྱི་སྣང་ཆར་མཆོད་རྟེན་བདེ་བྱེད་བརྩེགས་པའི་དྲུང་དུ་ཕེབས། དེར་བཀའ་བབས་རིག་འཛིན་བརྒྱད་པོ་གུ་རུ་མཚན་བརྒྱད་ཀྱི་རྣམ་པ་དང་། ཀུན་འདུས་སློབ་དཔོན་པདྨ་ཐོད་ཕྲེང་རྣམས་ཕྱོགས་མཚམས་དང་དབུས་སུ་བཞུགས་པ་ལས་རྒྱུད་སྒྱུ་འཕྲུལ་ཞི་ཁྲོ། སྒྲུབ་ཆེན་བཀའ་བརྒྱད་ཀྱི་གཞུང་གདམས་ངག་སོ་སོར་གསན། སློབ་དཔོན་ཆེན་པོས་ལུང་ཨ་ནུ་དང་རྫོགས་ཆེན་ཨ་ཏིའི་གདམས་པ་རྣམས་ཀྱང་སྩལ་བ་ཕྱིས་བཀའ་བརྒྱད་ལས་འཇིག་རྟེན་ལས་འདས་པ་ལྔ་དང་། མ་མོ་རྦོད་གཏོང་རྣམས་གཏན་ལ་ཕབ་པར་མཛད། དེ་ལས་གཞན་པའི་སྙན་བརྒྱུད་ཇི་ལྟར་བཞུགས་སོགས་མ་འཚལ་ཞིང་སྙན་བརྒྱུད་ཅེས་པའི་དོན་ནི་གསུང་བ་པོས་གསལ་བར་གསུངས་པ་དེ་ཉིད་མི་བརྗེད་པའི་གཟུངས་ཀྱིས་ཐུགས་སུ་ཆུད་ནས་དབུ་ཞབས་མ་རྫོགས་ཀྱི་བར་དུ་མ་ཆད་མ་ལྷག་པར་གཏན་ལ་ཕབ་པར་སྣང་ངོ་། །ས་གཏེར་སོགས་རེ་རེ་ལའང་ལུང་བསྟན། ཁ་བྱང་བབས་ཚུལ། སྐུ་ལ་བྱང་། དངོས་གཏེར་བཞེས་པའི་སྐབས་དང་། གཏེར་སྒྲུབ་སྐབས་ཀྱི་གཟིགས་སྣང་དང་སྨིན་གྲོལ་གསན་པའི་ཚུལ། ཡུན་རིང་པོར་གསང་དམ་མཐར་ཕྱིན་པར་མཛད་ནས་དུས་ལ་བབ་ངེས་པའི་ཚེ་ལུང་དང་མཐུན་པར་སྐལ་ལྡན་རྣམས་ལ་སྤེལ་བའི་ཚུལ་རྒྱ་ཆེར་བཞུགས་པ་སྨོས་ཅི་འཚལ་ཡང་རྗེ་ཉིད་གསང་བ་སྲུང་བ་ལ་ཐུགས་ཤིན་ཏུ་སྒོམ་པས་སུ་ལའང་ཟུར་ཙམ་གསུང་བར་དཀའ་ཞིང་ཕྱག་ཐོ་སོགས་ཀྱང་མི་སྣང་བས་ཁོ་བོ་ལ་དགོས་པའི་དབང་གིས་སྐབས་སུ་བབས་པ་ཁ་ཤས་ཙམ་བཀའ་ཕེབས་པ་རྣམས་སྙིང་ལ་བཅངས་ནས་ཐོར་བཀོད་པ་རྣམས་སྒྲོ་སྐུར་མེད་པར་བཀོད་པ་ལགས་སོ། །རྡོ་རྗེ་ཐེག་པའི་གསང་བ་མཐའ་དག་

[Full Size]

གི་སྙིང་པོ་བདེ་ཆེན་ཟབ་ལམ་གྱི་བཀའ་བབས་བྱུང་བའི་ཚུལ་ཡང་། ས་སྟག་ཟླ་བ་བརྒྱད་པའི་ཚེས་ཉེར་བཞིའི་ནུབ་འོད་གསལ་གྱི་སྣང་ཆར། རྗེ་ཉིད་སྐུ་ཤམ་རྐྱང་པ་ཙམ་བཅས་ཕྱག་ཏུ་འཁར་བ་རྩེ་མོ་གསུམ་ལ་ཀུ་བ་སོགས་བཏགས་པ་ཞིག་བསྣམས་ནས་ས་ཁད་ཡངས་པ་ཞིག་ཏུ་ཕེབས་པ། དེར་ཤིང་ལོ་སྔོན་པོའི་སྤྱིལ་བུ་ཞིག་འདུག་པ་སྒོར་ཕེབས་པས། སྟེང་མེ་ཏོག་དམར་པོ། འོག་གཞིར་མེ་ཏོག་སྣ་ཚོགས་བཀྲམ་ཞིང་དྲི་ཞིམ་ཁོར་ཡུག་ཏུ་ཁྱབ་པའི་དབུས་སུ་གྲུབ་ཐོབ་སྐུ་བོང་མི་ཚད་ལས་ཉིས་འགྱུར་ཆེ་ཞིང་གཟི་བརྗིད་ཅན། ཨག་ཚོམ་བྲང་ལ་སླེབ་པ། དབུ་ལ་དར་ཐོད། དར་གྱི་སྟོད་གཡོགས་སྨད་གཡོགས་ཅན་ཞིག་བཞུགས་པའི་མདུན་དུ་ཕེབས་པས། ཁྱེད་ཀྱིས་ང་ངོ་ཨི་ཤེས་གསུངས། མི་ཤེས་ལགས་ཞུས་པས། ང་ནི་གནས་བརྟན་ཐམས་ཅད་ཀྱི་གཙོ་བོ། ཁྱེད་རང་ཐམས་ཅད་ཀྱི་བརྒྱུད་པ་ལ་ཡོད་ཅིང་གསོལ་བ་འདེབས་ཡུལ་ས་ར་ཧ་ཞེས་པ་དེ་ཡིན་གསུངས། སྐུ་ཆས་སོགས་ལ་བརྟགས་ན་ཨིནྡྲ་བྷཱུ་ཏི་མིན་ནམ་དགོངས་པའི་སྐབས་ཡང་གསུངས་པ། ངས་ནི་མི་དུང་ཕྱུར་ཞིག་ལ་བསྙེན་རྫོགས་བསྒྲུབས་པ་ཡིན། ཁྱེད་ནས་ད་སྔ་བསྙེན་རྫོགས་སུ་ལ་མ་བསྒྲུབས་འདུག་པས་ད་སྟེ་མི་ལྔ་བཅུ་ལ་བསྙེན་རྫོགས་བསྒྲུབ་དགོས་པས། ང་ཡིས་ཁྱེད་ལ་དངོས་སུ་བསྙེན་རྫོགས་བསྒྲུབ་གསུངས། དེར་ལས་གྲྭ་མི་སུའང་མི་འདུག་པས་ཅི་འདྲ་མཛད་རྒྱུ་ཡིན་དགོངས་པས། གྲོགས་དན་འདི་ལྟར་བྱེད་གསུངས་ནས་ལྕགས་ཀྱུའི་ཕྱག་རྒྱ་དང་ལྟ་སྟངས་མཛད་མ་ཐག་གནམ་ས་གཡོ་བ་ལྟ་བུའི་རོལ་མོའི་སྒྲ་དང་གློག་འོད་འཁྱུགས་པའི་ནང་དུ་མཁའ་འགྲོ་སོ་སངས་རུས་རྒྱན་ཅན་མཛེས་སྡུག་ལྟར་མི་ངོམ་པ་ཞིག་གློག་ཞོན་པ་ལྟར་བྱས་ནས་དེར་བྱུང་སྟེ་འཁོད། དེ་ནས་ལེགས་སྦྱར་ཤ་སྟག་གིས་དབང་

[Full Size]

རྒྱས་པ་ཞིག་གནང་། རྗེས་ཟློས་རྣམས་ཀྱང་ལེགས་སྦྱར་མཛད། བུམ་དབང་སྐབས་ཕྱག་སྤྱི་བོར་བཞག། གསང་དབང་ཡབ་ཡུམ་སྙོམས་འཇུག་མཛད་པའི་བྱང་སེམས་ལྗགས་ལ་ཚེགས་མེད་སླེབས། ཤེར་དབང་མཁའ་འགྲོ་དེ་གཏད། བཞི་པ་ཚིག་གི་ངོ་སྤྲོད་བཅས་བཞི་ཀར་ཉམས་མི་འདྲ་བ་རེ་རེ་སྐྱེས། །བར་མཚམས་རེ་བཞག །མཐར། དེ་རྣམས་ཀྱིས་དགེ་བསྙེན། དགེ་ཚུལ། དགེ་སློང་། གནས་བརྟན་རྒན་པོའི་གོ་འཕང་གྲུབ་པ་ཡིན་ནོ། །ཞེས་བོད་སྐད་གསུངས་མཐར་གཟུང་འཛིན་རྟོག་པ་ཐམས་ཅད་འགགས། སྔགས་ཀྱི་ནང་། ཙ་ཏུ་རྣནྡ། ཞེས་གསལ་བར་གསན། གཞན་རྣམས་ལ་བོད་སྐད་དང་ར་འཕྲོད་པ་ཆེར་མ་བྱུང་གསུངས། ཡང་ཤིང་བྱ་ཟླ་བ་བཅུ་གཅིག་པའི་ཚེས་བཅུ་བཞིའི་ནུབ། གྲུབ་ཆེན་ས་ར་ཧ་པ་དང་ཨིནྡྲ་བྷཱུ་ཏི་བར་པ་ལ་རྒྱལ་པོ་ཛཿཞེས་གྲགས་པ་དེ་སྔར་དུས་ཀྱི་གཟིགས་སྣང་དང་ཕྱོགས་མཚུངས་པར་མཇལ་ནས་ཁྱད་པར་འཕགས་པའི་ཐབས་ལམ་བཞི་ཚན་བཞི་བཅུ་པ་ཞིག་གསན་པར་སྣང་བ་གསར་རྙིང་གི་ཐབས་ལམ་གྱི་རིམ་པ་ཐམས་ཅད་ཕྱོགས་གཅིག་ཏུ་དྲིལ་བ་ལ། སྔར་མེད་པའི་ཟབ་གནད་མང་པོས་ཁྱད་པར་དུ་བྱས་པའི་གཞུང་ངོ་མཚར་བ་ཞིག་བཞུགས་ཡོད་པར་འདུག་ནའང་གཏན་ལ་འབེབས་པ་ནི་ལྟག་ལ་ཞིག། ཟུར་ཙམ་སྨོས་པའང་བཀའ་རྒྱ་དམ་པོར་སྣང་མོད། དབང་རྣོན་ཆོས་སྤྱན་ལྡན་པའི་རྗེས་འཇུག་མཆིས་ན་བཀའ་བབས་ཀུན་ལས་ཀྱང་ངོ་མཚར་བའི་གནས་འདི་ལ་ཡིད་ཆེས་བསྐྱེད་པའི་སླད་དུ་བཀོད་པ་ལ་བླ་མ་དང་མཁའ་འགྲོས་བཟོད་ཅིང་ཚངས་པར་སྩལ་དུ་གསོལ། ཤྲི་ཤྲཱི་ཤྲཱི་སཱ་སྟི་བི་ཛ་ཡནྟུ། བསམ་ཡས་བདེར་གཤེགས་སྲས་བཅས་ཡེ་ཤེས་ཡོན་ཏན་ཕྲིན་ལས་ཇི་སྙེད་ཀུན། །དུས་མཐའི་

[Full Size]

བསྟན་དང་གདུལ་བྱའི་དོན་ཕྱིར་སྙིང་སྟོབས་གོང་བུར་གཅིག་དྲིལ་ནས། །འགྲན་ཟླས་སྤངས་པའི་སྐྱེས་བུའི་ཁྱུ་མཆོག་ལྷ་མིའི་བླ་མའི་སྐུར་སྣང་བ། །མཚན་ཙམ་གྱིས་ཀྱང་ཉེས་པའི་མུན་འཇོམས་ཐར་ལམ་སྣང་མཛད་དེ་ལ་འདུད། །མཆོག་བསྟན་ནོར་འཛིན་རྩོད་པའི་རྒྱ་མཚོར་བྱིང་བར་ཕྱོགས་པའི་ཚེ། །མཁྱེན་སྟོབས་རུས་སྦལ་སྟོབས་ཀྱིས་བླ་ན་བཏེགས་པའི་ཕྲིན་ལས་ལ། །ཕྱོགས་བཅུའི་ཞིང་བཞུགས་དབང་སྟོབས་རྩལ་ལྡན་དཔའ་ཆེན་སྲས་དང་བཅས། །འཇིག་རྟེན་དབང་པོ་རྣམས་ཀྱང་བསྔགས་པའི་མེ་ཏོག་ཆར་དུ་བསྙིལ། །སྙིགས་ལྔའི་རྙོགས་པས་ཤིན་ཏུ་སྙིགས་གྱུར་དམུ་རྒོད་འགྲོར། །ཤས་ཆེར་བརྩེ་བས་བསམ་མི་ཁྱབ་པའི་ཡེ་ཤེས་ཀུན། །བཤེས་གཉེན་ཚུལ་བཟླུམས་ཐབས་མཁས་མཛད་པ་རླབས་པོ་ཆེས། །སྲིད་མཚོར་བྱིང་རྣམས་རྣམ་གྲོལ་སྐམ་སར་དབུགས་དབྱུང་མཛད། །ཇི་སྙེད་ཤེས་བྱ་རང་སྤྱིའི་མཚན་ཉིད་གཟིགས། །གནས་ལུགས་ཇི་ལྟའི་དགོངས་པ་མངོན་ཏུ་གྱུར། །ཆགས་དང་ཐོགས་པའི་དྲི་མའི་གཟེབ་ལས་གྲོལ། །མཁྱེན་པའི་ཡེ་ཤེས་རྡོ་རྗེ་རྣོན་པོར་མཚུངས། །གསེར་ཞུན་ལྟ་བུའི་ལྷག་བསམ་གཡོ་མེད་པས། །རིས་མེད་བསྟན་དང་མཆོག་དམན་བར་མའི་འགྲོར། །ཕྱོགས་སུ་མ་ལྷུངས་ཕན་བདེའི་སྣང་བས་སྐྱོང་། །བརྩེ་བའི་ཐུགས་རྗེ་པདྨ་དཀར་འཛིན་དངོས། །ལྷན་སྐྱེས་གྲུབ་པའི་མཐུ་སྟོབས་རྩེ་བརྒྱ་པས། །བདུད་རིགས་ཀླ་ཀློའི་དཔུང་ཚོགས་ཟིལ་གནོན་པའི། །རྡོ་རྗེའི་ལུང་གིས་རབ་བསྔགས་ལྷ་ཡི་དབང་། །ནུས་པའི་རྩལ་འཆང་དཔལ་ལྡན་གསང་བའི་བདག །ཕྱི་རུ་བརྟན་མཁས་ཡོངས་རྫོགས་འདུལ་བ་འཛིན། །ནང་དུ་བྱང་ཆུབ་མཆོག་སྤྱོད་རྒྱལ་བའི་སྲས། །གསང་བ་དཀྱིལ་འཁོར་དབང་ཕྱུག་རྡོ་རྗེ་འཆང་། །དོན་དམ་སྲིད་ཞི་ཀུན་

[Full Size]

ལ་ཁྱབ་པའི་བདག །སྣང་བའི་མུ་ཁྱུད་རྒྱུ་སྐར་བྱེ་བ་སྙེད། །ཀུན་གསལ་ངོགས་སུ་ཤར་ལ་ཆོས་མཚུངས་ཀྱང་། །སྒྲོལ་བྱེད་ཕྲེང་བ་ཇི་ཙམ་འཚོགས་ན་ཡང་། །ཉི་མའི་དཀྱིལ་འཁོར་འགྲན་ཟླས་དབེན་པ་བཞིན། །འཛིན་མའི་གཞི་ལ་དངོས་སྦས་ཚུལ་འཆང་བའི། །ཡོན་ཏན་འོད་འབར་འདྲེན་མཆོག་ཇི་སྙེད་པས། །མདོ་སྔགས་ཉི་མའི་གཉེན་གྱུར་གཉིས་པ་འདིའི། །རྣམ་ཐར་ཕྱོགས་རེའི་ཆར་ཡང་འགྲན་མི་བཟོད། །དེས་ན་སྲས་བཅས་རྒྱལ་བའི་རྡོ་རྗེའི་ལྗགས། །མགྲིན་གཅིག་བརྐྱངས་ནས་བསྔགས་ཀྱང་མི་དཔོག་པའི། །དམ་པའི་ངང་ཚུལ་ཡིད་བཞིན་ནོར་བུའི་གཏེར། །བགྲང་བའི་ངལ་བ་བྱིས་པ་བླུན་པོའི་མཚངས། །ནམ་མཁའི་མཐའ་དང་རྒྱ་མཚོའི་གཏིང་ཟབ་ལྟར། །གཞལ་བར་མི་བཟོད་ཟབ་ཅིང་རྒྱ་ཆེ་ལ། །ངོ་མཚར་རྨད་བྱུང་བླ་མའི་རྣམ་པར་ཐར། །ཤས་ཙམ་གླེང་པའང་བསོད་ནམས་སྐལ་པ་སྦོམ། །སྟོང་ཁམས་རཏྣའི་གྲམ་བུར་བརྡལ་འདྲ་བའི། །ཡོན་ཏན་མཛོད་ལས་ཤེར་བརྩོན་སོར་མོའི་རྩེས། །ཅུང་ཟད་ཐོབ་པ་དད་བློའི་གསེར་བཟང་གི། །སྐུད་པར་བརྒྱུས་འདི་སྐལ་ལྡན་མགྲིན་པའི་རྒྱན། །མཚན་ཙམ་གྱིས་ཀྱང་སངས་རྒྱས་མཛད་པ་སྒྲུབ། །ཐོས་དང་དྲན་པས་རྣམ་གྲོལ་མཆོག་སྦྱིན་པ། །བདེན་གསུང་ཚད་མས་གྲུབ་ཕྱིར་ཕྱོགས་མཚོན་ཙམ། །བརྗོད་པ་འདི་ཡང་དོན་ལྡན་འབྲས་བུས་ལྕི། །དེ་ཕྱིར་ཕུལ་བྱུང་ངག་ཏུ་མ་འཁྱོག་པར། །རང་བཞིན་བརྗོད་པ་རང་འདོད་ཚིག་སྦྱོར་གྱི། །དྲི་མས་མ་རེག་ས་བོན་ཙམ་འདི་ལས། །ཚིག་སྦྱོར་དཔག་བསམ་ལྗོན་བཟང་བསྐྲུན་པར་གསོལ། །དེ་ཡིས་མོས་ལྡན་དད་པའི་མིག་བྱེ་ཞིང་། །དེས་ཀྱང་སྐྱེ་དགུ་ངན་འགྲོའི་གཡང་ལས་སྒྲོལ། །རང་གཞན་ཐར་པའི་གྲོང་དུ་བདེར་འཇུག་པའི། །དོན་ཆེན་འགྲུབ་

[Full Size]

འདི་ཐུགས་བསྐྱེད་སྟོབས་སུ་གྲུབ། །སྤང་རྟོགས་མཐར་ཕྱིན་རྫོགས་པའི་སངས་རྒྱས་དངོས། །མདོ་སྔགས་ཆོས་སྒོ་བསམ་ཡས་འབྱུང་བའི་གནས། །དཀྱིལ་འཁོར་རྒྱ་མཚོའི་མངའ་བདག་ཧེ་རུ་ཀ །མཉམ་མེད་དཔལ་ལྡན་བླ་མར་སླར་ཡང་འདུད། །རྡུལ་སྙེད་ལུས་སྤྲུལ་དེ་སྙེད་བསྟོད་དབྱངས་སྒྲོག །སྐྱབས་གནས་གཅིག་ཆོག་ཉིད་དུ་ངེས་པ་ཡི། །མོས་པའི་བློ་ཡིས་ཞབས་པད་ཟེའུ་འབྲུ་ལ། །སྤྱི་བོས་གཏུགས་ཏེ་རྟག་ཏུ་ཕྱག་བགྱིའོ། །རྒྱལ་བས་རབ་བསྔགས་བཟང་པོ་སྤྱོད་པ་ཡི། །མཆོད་སྤྲིན་བླ་བྲེ་བླ་ན་མ་མཆིས་པ། །ཆོས་དབྱིངས་རྒྱས་པར་བྲེས་ཏེ་གུས་ཕུལ་བས། །ཟག་མེད་དགོངས་པ་མཐར་ཐུག་སྐོང་གྱུར་ཅིག །འཁྲུལ་པའི་གཡའ་དྲིས་ཆོས་ཁམས་གསེར་བཟང་ལ། །སྒྲིབ་པའི་ལྷག་མ་དང་བཅས་སྟོབས་བཞིའི་ཆུས། །ལེགས་པར་བཀྲུས་པས་བདག་གཞན་འགྲོ་ཀུན་རྒྱུད། །རྣམ་དག་ཚངས་པའི་བཞིན་རས་གསལ་བར་མཛོད། །སྲིད་རྩ་ཞི་བའི་དབྱིངས་སུ་གཅོད་པའི་འཕྲུལ། །འཇིག་རྟེན་འཇིག་རྟེན་འདས་པའི་ལེགས་སྤྱད་ཀླུང་། །རྣམ་ཐར་རྒྱ་མཚོར་གཅིག་ཏུ་བཟླུམས་པ་ལ། །ཡི་རང་པདྨོ་འཛུམ་པས་མཛེས་པར་བགྱི། །གང་འདུལ་ཆོས་སྒྲས་མ་རིག་གཉིད་སློང་ཞིང་། །ཁྱད་པར་གསང་ཆེན་རྡོ་རྗེ་ནཱ་དའི་དབྱངས། །གདུལ་བྱའི་རྣ་བར་རྒྱུན་མི་འཆད་འབབས་པས། །རྩོལ་མེད་གདོད་མའི་གྲུབ་མཐའ་སྙོགས་པར་གསོལ། །དེ་བཞིན་ཉིད་དབྱིངས་སྐྱེ་འགག་གདོད་ནས་བྲལ། །རྒྱལ་རྣམས་ཀུན་རྫོབ་བདེན་པར་རྟོན་མི་མཛད། །འགྲོ་ཁམས་འཛད་པ་མེད་ཕྱིར་གཤིས་ཀྱི་སྐུར། །རྟག་བརྟན་གཡུང་དྲུང་ཆེན་པོར་བཞུགས་གསོལ་འདེབས། །ཟག་བཅས་ཟག་མེད་ཡོངས་གྲུབ་རྣམ་དཀར་ཚོགས། །འགྲོ་ཀུན་སྲིད་མཚོར་བྱིང་ལས་མྱུར་བཏོན་

[Full Size]

ནས། །བླ་མ་སངས་རྒྱས་ཉིད་འགྲུབ་ཕྱིར་བསྔོ་བ། །རྒྱལ་སྲས་དཔའ་བོ་རྣམས་ཀྱི་རྗེས་སུ་སློབ། །འདི་བཟུང་བྱང་ཆུབ་སྙིང་པོར་མཆིས་ཀྱི་བར། །སྐྱེ་ཀུན་རྗེ་བཙུན་བླ་མས་རྗེས་བཟུང་སྟེ། །འབྲལ་མེད་སྤྱི་བོའི་རྒྱན་ཏུ་བཞུགས་ནས་ཀྱང་། །གསང་བ་གསུམ་གྱི་བྱིན་རླབས་རྒྱུད་ལ་སྩོལ། །རྟག་ཏུ་མཉེས་པའི་བྱ་བ་མཐར་ཕྱིན་སྒྲུབ། །མི་མཉེས་ལོག་ལྟ་སྐད་ཅིག་མི་འབྱུང་ཞིང་། །གསུང་གི་མཛོད་འཛིན་ཐུགས་ཀྱི་དགོངས་བཅུད་ལོན། །རྣམ་ཐར་ཕྲིན་ལས་ཡོངས་རྫོགས་འགྲུབ་པར་ཤོག །བྱིན་རླབས་རྫོགས་ལྡན་སྤྲིན་ཆེན་འཁྲིགས་པ་ལས། །ཕན་བདེ་ནོར་བུའི་གྲུ་ཆར་རྟག་འབེབས་པས། །འདི་གཏན་འདོད་རྒུ་ཡིད་བཞིན་འཇོ་མཛད་པ། །ཁྱབ་བདག་བླ་མའི་ཤིས་པས་སྐྱོང་གྱུར་ཅིག །ཅེས་ཁམས་གསུམ་འགྲོ་བའི་བླ་མ་བཀའ་དྲིན་མཉམ་མེད་ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་ས་བོན་ཙམ་དུ་སྨོས་པ་འདི་ཉིད། རིགས་ཀྱི་དབོན་མཁྱེན་དཔྱོད་ཕུལ་བྱུང་དགེ་བློས་རྒྱུད་ཕྱུག་པ་སུ་བྷ་ག་བཛྲ་ནས་བཀྲ་ཤིས་པའི་ལྷ་རེག །སའི་སྙིང་པོ་སྲང་འཁོར་གྱི་རྟེན་བཅས་བསྐུལ་བ་དང་། རྗེ་ཉིད་ཀྱི་ཐུགས་ཟིན་རིམ་གྲོ་པ་ལྔ་རིག་སྨྲ་བའི་དབང་ཕྱུག་འཇམ་དབྱངས་ལེགས་པའི་བློ་གྲོས་ནས་ཀྱང་གསུང་ནན་ཆེན་པོས་བསྐུལ་བ་ལྟར། རྗེ་བླ་མ་ཉིད་ཀྱི་བཀའ་དྲིན་ཆེན་པོས་ཐུན་མིན་ཏུ་བསྐྱངས་ཞིང་རིས་མེད་པའི་བསྟན་པ་ལ་སྙིང་ནས་གུས་པའི་ཀུ་སཱ་ལི་བློ་གྲོས་མཐའ་ཡས་པའི་སྡེས། ཕྱི་ནང་གསང་བའི་རྣམ་ཐར་གྱི་རྩ་ཚིག་དང་། ཕྱིའི་རྣམ་ཐར་རྩ་ཐོ་རྗེ་རིན་པོ་ཆེ་ཉིད་ཀྱིས་དངོས་སུ་སྩལ་བ་རྣམས་གཞིར་བྱས། གསན་ཡིག་དང་གཤེགས་རྗེས་དགོངས་རྫོགས་བསྒྲུབས་ཚུལ་

[Full Size]

སོགས་ཀྱི་ཡི་གེའི་རིགས་མདོར་བསྡུས། དག་སྣང་སྐོར་སོགས་ཞལ་ནས་དངོས་སུ་ཐོས་རིམ་གྱི་ཟིན་བྲིས་བཏབ་པ་རྣམས་ཕྱོགས་སུ་བསྡུས་ཏེ་བགྱིས་པ་བགྲང་བྱ་མཐོ་ཞིང་ཤེས་རིག་བརྟུལ་བས། རྗོད་བྱེད་ཀྱི་ཚིག་ཚོགས་ལ་དཔྱོད་ལྡན་དགྱེས་པའི་རྣམ་དཔྱོད་མ་མཆིས་ཀྱང་། །བརྗོད་བྱའི་དོན་ལ་སྒྲོ་སྐུར་གྱི་མཐའ་དང་བྲལ་ཞིང་ནོར་འཁྲུལ་གྱི་རྙོགས་པ་མ་མཆིས་པས། རྗེའི་བཀའ་སློབ་མཁས་གྲུབ་རྣམས་ཀྱིས་འདི་ལ་བརྟེན་ནས་ཚིག་སྦྱོར་ཕུན་སུམ་ཚོགས་པས་གསལ་ལ་རྒྱས་པར་སྤྲོ་བ་གསོལ་བ་འདེབས་པ་ལགས། འདིའང་རང་ལོ་གྱ་གཅིག་ཏུ་སོན་པ་ཆུ་སྦྲུལ་ནག་པ་ཟླ་བར་ཙཱ་འདྲ་རིན་ཆེན་བྲག་གི་སྒྲུབ་གནས་ཀུན་བཟང་བདེ་ཆེན་འོད་གསལ་གླིང་དུ་བཀོད་པའི་ཡི་གེའི་རིས་སུ་སྤེལ་བ་པོ་གནས་ལྔ་རིག་པའི་བློ་གྲོས་ཅན་དགེ་བའི་བཤེས་གཉེན་ཀརྨ་བཀྲ་ཤིས་ཆོས་འཕེལ་གྱིས་བགྱིས་པ་སྟེ། གསང་བ་བསྒྲགས་པ་སོགས་ནོངས་པ་གང་མཆིས་བླ་མ་མཁའ་འགྲོ་སྲུང་མ་དང་བཅས་པའི་སྤྱན་སྔར་བཤགས་ཤིང་། དགེ་བས་མཐའ་ཡས་པའི་སེམས་ཅན་ཐམས་ཅད་དཔལ་ལྡན་བླ་མ་ཐམས་ཅད་མཁྱེན་པའི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིག །སརྦ་ཐཱ་མངྒ་ལ་ཀ་ལྱཱ་ཾ་བྷ་ཝནྟུ།། ༈ །།ཨོཾ་སྭ་སྟི། རྒྱལ་བའི་བསྟན་པ་དུས་མཐར་བསྲིང་བ་ལ། །སྨོན་ལམ་ ཐུགས་དམ་དུས་ཀྱིས་སད་པ་ལས། །ཕྱོགས་དང་རིས་མེད་ཕན་བདེའི་མཆོག་སྦྱིན་པ། །རྗེ་བཙུན་བླ་མ་སྙིང་རྗེའི་གཏེར་ལ་འདུད། །གང་གི་རྣམ་ཐར་ཇི་བཞིན་འཆད་པའི་བདག །ངག་གི་དབང་ཕྱུག་ཆེན་པོ་ཉིད་འོས་ཕྱིར། །ཡོན་ཏན་རྒྱ་མཚོའི་གཏེར་ཁ་ཕྱེ་བ་ཡི། །གཏམ་གྱི་བདུད་རྩི་སྐལ་བཟང་ཡིད་ཀྱི་གསོས། །ཚུལ་འདིར་ཤེས་ནས་དད་པའི་སྐྱེ་བོ་ལ། །རྣམ་གྲོལ་སྒོ་ཆེན་དབྱེ་སླད་སྤར་གྱི་འཕྲུལ། །

[Full Size]

གཏོང་བའི་བཀྲ་ཤིས་ཚེ་རབས་ཀུན་འཕེལ་བས། །སྡེ་བཞིས་དགེ་བྱས་རྒྱལ་ཁབ་ཆེན་པོར་བསྐྲུན། །བླ་མའི་ཡོན་ཏན་སྒྲོགས་པའི་བསོད་ནམས་ལ། །རླབས་ཆེན་དགེ་བ་ཅིས་ཀྱང་མི་བསྐྲུན་པའི། །དཔལ་དེས་དད་ཅན་སྦྱིན་པའི་བདག་པོ་གཙོས། །འབྲེལ་བཅས་ངེས་པར་ལེགས་པས་འཚོ་གྱུར་ཅིག །ཐུགས་རྗེའི་མཁའ་ནས་བྱིན་རླབས་ཉི་མའི་འོད། །སྐལ་ལྡན་དད་པའི་པད་རྫིང་ལ་ཞུགས་ཏེ། །ལེགས་ལམ་སྤྱོད་པས་དུས་ཀྱི་དགའ་སྟོན་དང་། །ལྷན་ཅིག་བསྟན་འགྲོའི་ཕུན་ཚོགས་རྒྱས་གྱུར་ཅིག །ཅེས་རྗེ་བཙུན་བླ་མ་དེ་ཉིད་ལ་ཁ་ཙམ་མ་ཡིན་པའི་དད་གུས་དང་ལྡན་པ་སྡེ་དགེ་གཉེར་ཆེན་བཀྲ་ཤིས་ཚེ་འཕེལ་ནས་ཡོན་སྦྱར་ཞིང་རྗེ་ཉིད་ཀྱི་དབོན་སུ་བྷ་གའི་མཐུན་རྐྱེན་ལ་བརྟེན་ལེགས་པར་གྲུབ་པའི་ཚེ་མཆོག་ཏུ་དགའ་ཞིང་རྗེས་སུ་ཡི་རངས་པའི་བློ་གྲོས་ལས་བྱུང་བ་དགེ། །།

[Full Size]

ཤོཏ་སྟོང་།

གཡང་སྒོ་འབྱེད་པའི་ཆོ་ག་རིན་ཆེན་ལྡེའུ་མིག

[Full Size]

གཡང་སྒོ་འབྱེད་པའི་ཆོ་ག་རིན་ཆེན་ལྡེའུ་མིག་བཞུགས་སོ།། །།

[Full Size]

སྭ་སྟི་སིདྡྷེ། རྟག་ཏུ་གཏའ་བཙུགས་པའི་གཡང་གི་དཀྱིལ་འཁོར་གྱི་སྒོ་དབྱེ་ཞིང་ཆོ་གའི་སྒོ་ནས་རྒྱ་བསྡམས་པ་སྐབས་སུ་བབ་པའི་ཚེ་བཀྲོལ་བར་འདོད་པས། ཐོག་མར་ཡི་དམ་གྱི་ང་རྒྱལ་གྱིས་དྲག་སྔགས་ཐུན་སྐོར་ཚམ་རྔམས་བཅས་བགེགས་བསྐྲད་ཅིང་སྲུང་འཁོར་བསྒོམ། །བཟང་ཤིང་གི་དུད་པ་དང་ཕྱེ་མར་གསེར་སྐྱེམས་མཆོད། མདའ་དར་ཐོགས་ལ་རོལ་མོ་བཅས་པས་འདི་སྐད་གྱེར་རོ། །ཀྱེ། དེ་རིང་བཀྲ་ཤིས་གདུགས་གང་ལ། །འཇིག་རྟེན་བདེ་ལེགས་བྱ་བ་དང་། །སྣོད་བཅུད་དཔལ་འབྱོར་འཕེལ་བ་དང་། །སྦྱིན་བདག་ཚེ་བསོད་རྒྱས་པའི་ཕྱིར། །བཀྲ་ཤིས་ལྷ་གཞི་དཀར་པོ་བཏིང་། །ཕྱ་ཆ་གཡང་རྫས་རི་ལྟར་སྤུངས། །སྔགས་འཆང་ཏིང་འཛིན་རྩལ་བསྐྱེད་དེ། །

[Full Size]

ཕྱ་གཡང་འགུགས་པའི་ལས་བགྱིད་ན། །སྒོ་སྲུང་རྣམས་ཀྱིས་གཡང་སྒོ་ཕྱེས། །མགོན་བྱེད་རང་རང་རྟེན་ལས་བཞེངས། །གསང་སྔགས་འཛིན་རྣམས་དམ་རྒྱ་ཁྲོལ། །བཀྲ་ཤིས་གཡང་ལ་སྒོ་བཞི་ཡོད། །སྒོ་བཞི་སྲུང་བའི་ལྷ་བཞི་བཞུགས། །ཤིང་མེ་ལྕགས་ཆུའི་ཀློང་དཀྱིལ་ནས། །འབྱུང་བའི་སྒོ་སྲུང་ཆེན་པོ་བཞི། །སྟག་སྐྱ་གཡུ་འབྲུག་སྔོན་མོ་དང་། །བྱ་དམར་རུས་སྦལ་རྒྱ་བོ་བཞེངས། །གནས་འདིར་ཕྱོགས་བཞིའི་གཡང་སྒོ་ཕྱེས། །འབྱུང་བ་བཞི་ཡི་བཅུད་གཡང་ཁུག །ལྕང་ལོ་ཅན་དང་སྤོས་ངད་ལྡན། །ཆོས་ཀྱི་འཕགས་དང་རྒྱ་མཚོའི་གླིང་། །

[Full Size]

རིན་ཆེན་ཕོ་བྲང་རྣམ་བཞི་ནས། །ཕྱི་སྒོ་སྲུང་བའི་རྒྱལ་ཆེན་བཞི། །རྣམ་མང་ཐོས་སྲས་ཡུལ་འཁོར་སྲུང་། །འཕགས་སྐྱེས་བོ་དང་སྤྱན་མི་བཟང་། །ནོར་བདག་ཆོས་སྐྱོང་གཡང་གི་ལྷས། །ཕྱོགས་བཞིའི་གཡང་སྒོ་གནས་འདིར་ཕྱེས། །གནོད་སྦྱིན་དྲི་ཟ་གྲུལ་བུམ་དང་། །ཀླུ་དབང་ཚོགས་ཀྱི་ཕྱ་གཡང་ཁུག །བཀྲ་ཤིས་གཡང་གི་ཕོ་བྲང་གི། །ནང་སྒོ་སྲུང་མཛད་གནོད་སྦྱིན་བཞི། །ཛམྦྷ་ལ་དང་གང་བ་བཟང་། །མ་ི་བྷ་དྲ་ཀུ་བེ་ར། །ཕྱག་གཡས་རིན་ཆེན་མཚོན་ཆ་བསྣམས། །གཡོན་པས་གཏེར་གྱི་ནེའུ་ལེ་འཛིན། །གནོད་སྦྱིན་བྱ་བའི་ཚོགས་ཀྱིས་བསྐོར། །དེ་རིང་རིན་ཆེན་མཛོད་ནས་བཞེངས། །གནས་འདིར་ཕྱོགས་བཞིའི་གཡང་སྒོ་ཕྱེས། །ཕྱོགས་བཞི་མཚམས་བརྒྱད་ཕྱ་གཡང་ཁུག །བཀྲ་ཤིས་བཅུད་འཁྱིལ་གཡང་གི་མཛོད། །གསང་སྒོ་འོད་ཀྱི་ཐིག་ལེའི་ཀློང་། །རྫུ་འཕྲུལ་གཡང་གི་ལྷ་མོ་བཞི། །དཀར་སེར་དམར་སྔོ་རིན་ཆེན་འོད། །ཕྱག་གཡས་རང་རྟགས་མདའ་དར་བསྣམས། །

[Full Size]

གཡོན་པས་གཡང་གི་བུམ་པ་འཛིན། །ཕྱ་མདའ་གཡབ་མོ་ལིངས་སེ་ལིང་། །གཡང་བུམ་དྭངས་བཅུད་ཀྱི་ལི་ལི། །སྟངས་སྟབས་ཕྱག་རྒྱ་ཁྲིགས་སེ་ཁྲིག །གནས་འདིར་ཕྱོགས་བཞིའི་གཡང་སྒོ་ཕྱེས། །ཤར་ཕྱོགས་རྒྱ་དང་ལྷོ་ཕྱོགས་མོན། །ནུབ་ཕྱོགས་བལ་པོ་བྱང་ཕྱོགས་ཧོར། །རིགས་བཞིའི་ཕྱ་གཡང་བྱིན་རླབས་ཁུག །ཁྱད་པར་གཡང་གི་སྒོ་སྲུང་ནི། །སྒོ་ལྷ་སྟག་གཡག་ལ་སོགས་པ། །གཡང་གི་ར་བ་སྒོ་བཞི་པོ། །རང་རང་བརྟེན་པའི་གནས་ནས་བཞེངས། །རིན་ཆེན་ལྡེའུ་མིག་ཕྱག་ཏུ་ཐོགས། །གཡང་གི་མཆོང་སྒོ་སྨུག་པོ་ཕྱེས། །སེར་པོ་གསེར་གྱི་འདན་བུ་ཁྲོལ། །ཕྱི་སྒོ་གསེར་གྱི་མི་བོས་ཕྱེས། །ནང་སྒོ་ལྕགས་ཀྱི་མི་བོས་ཕྱེས། །སྒོ་སྲུང་གཡང་ལྷ་གཉན་པོ་རྣམས། །མདའ་དར་བ་དན་གཡབ་མོས་གཡབ། །བཟང་ཤིང་སྤོས་ཀྱི་དུད་པས་བསངས། །ཕྱེ་མར་དཀར་གསུམ་ཟས་སྣས་མཆོད། །རིན་ཆེན་གསེར་སྐྱེམས་ཕུད་ཀྱིས་བརྔན། །

[Full Size]

དབྱངས་སྙན་རོལ་མོའི་བརྡ་ཡིས་བསྐུལ། །ཕྱ་དམུ་གཙུག་གསུམ་གཡང་གི་མཁར། །དེ་རིང་བཀྲ་ཤིས་ས་འདིར་བརྩེགས། །ལྷ་ཀླུ་གཉན་གསུམ་གཡང་གི་བཅུད། །དེ་རིང་ལྷ་ཁྱིམ་འདི་རུ་འགུགས། །ཁུ་ཡེ་ཧུ་ལོ་གཡང་གི་སྔགས། །དེ་རིང་རིག་འཛིན་བདག་གིས་འདྲེན། །མི་ཤིགས་ཏིང་ངེ་འཛིན་གྱི་རྒྱ། །མི་ཉམས་གསང་བ་སྔགས་ཀྱི་རྒྱ། །མི་འགྲོལ་ཕྱག་རྒྱ་མདུད་པའི་རྒྱ། །བཀྲོལ་བ་སྔགས་འཆང་བདག་གིས་བཀྲོལ། །རྣལ་འབྱོར་བདག་ལ་རུ་མ་ང་། །ཡོན་བདག་འདི་ལ་ཕྲག་མ་དོག །ཕྱ་ཚེ་གཡང་བཅུད་ཕྱིར་མ་བཏང་། །འདྲེ་སྲིན་བྱུར་གསུམ་ནང་མ་བཏང་། །ཡེ་འདྲོག་གོད་ཁའི་སྣ་མ་འདྲེན། །ཚེ་བསོད་དཔལ་འབྱོར་སྙན་གྲགས་དང་། །ལོངས་སྤྱོད་དབང་ཐང་སྟོབས་རྩལ་སོགས། །མི་ཡི་དཔལ་དང་ནོར་གྱི་དབྱིག །ཟས་ཀྱི་བཅུད་དང་ཕྱུགས་ཀྱི་གཡང་། །འཁོར་འདས་བརྟན་གཡོའི་དྭངས་མ་ཀུན། །ཁང་ཁྱིམ་གཡང་རྟེན་འདི་ལ་སྡུས། །ཕྱ་ཡི་དམུ་ཞག་སྒོ་རོ་རོ། །

[Full Size]

གཡང་གི་མཚོ་མོ་ཀྱི་ལི་ལི། །བཀྲ་ཤིས་ཉི་མ་ཏ་ལ་ལ། །བསམ་དོན་འགྲུབ་པའི་སྡོང་གྲོགས་མཛོད། །ཅེས་པ་འདིའང་རྒྱལ་པོའི་ཕོ་བྲང་སོགས་ཆེན་པོ་འགའ་ཞིག་གི་ཁྱིམ་དུ་གཡང་སྒོ་ཆོ་གས་བསྡམས་པའི་སྲོལ་ཡོད་པས། །སླད་ནས་སྒོ་དབྱེ་བ་དང་རྟེན་བསྒུལ་བའི་ཚེ་ཆོ་ག་མེད་པར་བྱུང་རྒྱལ་བྱས་ཚེ་མི་ཤིས་པ་མངོན་སུམ་དུ་འབྱུང་ཞིང་། །ཡིག་རྙིང་ལས་འགའ་རེ་འབྱུང་བའང་སྤྱི་ཁྱབ་དང་མི་འབྱོར་བ་མཐོར་ནས། རང་འདྲའི་གྲོང་སྔགས་པ་དང་སྦྱིན་བདག་རྣམས་ལ་དགེ་ཞིང་བཀྲ་ཤིས་པའི་བསམ་པ་བཟང་པོས་ཀུན་ནས་བསླང་སྟེ་ལུགས་བརྒྱའི་འདུན་ས་ལྷུན་གྲུབ་སྟེང་གི་རྒྱལ་ཁབ་ཏུ་ཆོས་རྒྱལ་ས་དབང་ཆེན་པོའི་སྐུའི་རིམ་གྲོ་བསྒྲུབ་པའི་སྐབས་སུ་རིག་པ་འཛིན་པ་པདྨ་གར་གྱི་དབང་ཕྱུག་རྩལ་གྱིས་བྲིས་པ་བཀྲ་ཤིས་གཡང་གི་སྒོ་མོ་རབ་ཏུ་བྱེ་བར་གྱུར་ཅིག། །།སརྦ་མངྒ་ལཾ།། །།

[Full Size]

ཤོཏ་སྟོང་།

ལྷ་མོ་དཔལ་ཆེན་མོའི་གཡང་ཆོག་གི་ཟུར་འདེབས་ཡོངས་འདུའི་སྙེ་མ།

[Full Size]

ལྷ་མོ་དཔལ་ཆེན་མོའི་གཡང་ཆོག་གི་ཟུར་འདེབས་ཡོངས་འདུའི་སྙེ་མ་ཞེས་བྱ་བ་བཞུགས་སོ།། །།

[Full Size]

ཨོཾ་སྭ་སྟི་ཀ་ལྱཱ་ཾ་བྷ་བ་ཏུ། །མི་ཟད་དགེ་བའི་དཔལ་འབྱོར་གྱིས། །རྒྱལ་རྣམས་མཆོད་པའི་ཚོགས་སྡེལ་བ། །དཔལ་མོ་དངོས་གྲུབ་འབྱུང་གནས་ལ། །གུས་པས་འདུད་དོ་མཆོག་སྩོལ་ཅིག །ལྷ་མོ་དཔལ་ཆེན་མོའི་སྒྲུབ་ཐབས་གཡང་སྐྱབས་དང་འབྲེལ་བ་འཇིག་རྟེན་དབང་ཕྱུག་ཆགས་མེད་ཞབས་ཀྱིས་བཀའ་དྲིན་ཏུ་སྩལ་བའི་ཟུར་འདེབས་འདི་ལ་དོན་རྣམ་པ་གཉིས་ཏེ། འདོན་སྒོམ་གྱི་སྣོད་རུང་དུ་བྱ་བ་སྒོམ་ལུང་དང་། །ཇི་ལྟར་སྒྲུབ་པའི་ཚུལ་དངོས་བཤད་པའོ། །དང་པོ་སྒོམ་བཟླས་ཀྱི་ལུང་འབོགས་པ་ལ་སློབ་དཔོན་གྱི་བྱ་བ་དང་། སློབ་མའི་བྱ་བ་གཉིས། །དང་པོ་ནི། གཞན་ལ་ལུང་འབོགས་པའི་སྔོན་ཏུ་རང་ཉིད་ཀྱིས་ཉམས་ལེན་ཚར་གཅིག་བྱ་སྟེ། སྟེགས་གཙང་མར་མཎྜལ་ལ་འབྲུའི་ཚོམ་བུ་གཅིག་བཀོད་པའི་མདུན་ཏུ་གཙང་སྦྲ་ཅན་གྱི་གཏོར་ཟླུམ། །མཆོད་པ་རྣམ་བདུན་

[Full Size]

བཅས་བཤམ། རང་ཉིད་ཕྱག་རྡོར་ཞི་བ་གང་རུང་གི་བདག་བསྐྱེད་དགོས་པས། ཐོག་མར། སངས་རྒྱས་ཆོས་དང་སོགས་ལན་གསུམ། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། སྭ་བྷཱ་བས་སྟོང་བར་སྦྱང་། སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ་ཉི་མ་ལ་གནས་པའི་ཧཱུྃ་སྔོན་པོ། དེ་ལས་འོད་འཕྲོས་དོན་གཉིས་བྱས་ཚུར་འདུས་ཡོངས་སུ་གྱུར་པ་ལས། །རང་ཉིད་གསང་བའི་བདག་པོ་ཕྱག་ན་རྡོ་རྗེ་སྐུ་མདོག་སྔོན་པོ་ནམ་མཁའི་མདངས་ཅན། །ཞི་ཞིང་འཛུམ་ལ་འགྱིང་བག་དང་ལྡན་པ། རིན་པོ་ཆེའི་པྲོག་ཞུ་གསོལ་བ། མི་བསྐྱོད་པ་གཙོ་

[Full Size]

བོར་གྱུར་པའི་རིགས་ལྔས་དབུ་བརྒྱན་པ། ཕྱག་གཡས་པས་ཐུགས་ཀར་འབར་བའི་རྡོ་རྗེ་གསོད་པའི་ཚུལ་གྱིས་འཛིན་ཅིང་གཡོན་གདན་ལ་བརྟེན་པ། ན་བཟའ་མཆོག་དང་རྒྱན་ཐམས་ཅད་ཀྱིས་བརྒྱན་པ། །རབ་ཏུ་བཞད་ཅིང་རོལ་བའི་སྟབས་ཀྱིས་བཞུགས་པ། །ཟླ་བའི་འོད་ཀྱི་རྒྱབ་ཡོལ་ཅན་ནོ། །དེའི་དྲུང་དུ་བདུད་རྩི་འཁྱིལ་བ་སྔོ་སང་ཁྲོ་བོའི་ཆ་བྱད་རྫོགས་ཤིང་དགྲ་སྟྭ་འཛིན་པའོ། །རང་གི་སྙིང་གའི་འོད་ཟེར་གྱིས་ཡེ་ཤེས་པ་སྤྱན་དྲངས། བཛྲ་ས་མཱ་ཛཿཛཿཧཱུྃ་བཾ་ཧོཿདམ་ཚིག་པ་དང་གཉིས་སུ་མེད་པར་གྱུར། །སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཐུགས་ཀར་ཟླ་བ་ལ་སྔགས་ཀྱི་ཕྲེང་བ་གསལ་བར་གྱུར། ན་མོ་བཛྲ་པཱ་་ཡེ། མ་ཧཱ་བཛྲ་པྲ་ཏིཥྛི་ཏཱ་ཡ། སརྦ་ཏ་ཐཱ་ག་ཏ་ཤ་རཱི་རཾ་ཨནྟ་རྒ་ཏཱ་ཡ། །བཛྲ་ཤ་རཱི་རཾ། མེ་ཀུ་ར་བཛྲ་ཨ་དྷིཥྛཱ་ན་སྭཱ་ཧཱ། ཞེས་ཅི་འགྲུབ་ཏུ་བཟླ། མཆོད་པ་རྣམས། བཛྲ་ཨ་མྲྀ་ཏས་བསངས། སྭ་བྷཱ་བས་སྦྱང་། སྟོང་པའི་ངང་ལས། རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ལས་བྱུང་བའི་

[Full Size]

མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་མཆོད་པའི་ཡོ་བྱད་དྭངས་ཤིང་ཐོགས་པ་མེད་ལ། བསམ་གྱིས་མི་ཁྱབ་པ་རྣམས་སུ་གྱུར། ཨོཾ་བཛྲ་ཨརྒྷཾ་སྭཱ་ཧཱ། པཱ་དྱཾ་སྭཱ་ཧཱ། ཨོཾ་བཛྲ་པུཥྤེ་ཨཱཿཧཱུྃ། ནས་ཤཔྡའི་བར་དང་། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་བརྟྟ་ཡ་ཨཱ་བརྟྟ་ཡ་ཧཱུྃ། རྣམས་ཕྱག་རྒྱ་དང་བཅས་པས་བྱིན་བརླབ། མདུན་བསྐྱེད་བསངས་སྦྱང་། སྟོང་པའི་ངང་ལས་གཏེར་གྱི་བུམ་པ་དགུའི་སྟེང་དུ་པད་ཟླ་ལ་སེང་གེའི་གདན། དེའི་སྟེང་དུ་ཤྲཱི༚་ཡིག་ཡོངས་སུ་གྱུར་པ་ལས་ལྷ་མོ་དཔལ་ཆེན་མོ་ལྗང་གུ་སྒེག་ཅིང་བཞད་ལ་སྤྱན་གདངས་པ། །དར་དང་རིན་པོ་ཆེའི་རྒྱན་གྱིས་བརྒྱན་པ། ཕྱག་གཡས་ནོར་བུས་མཚན་པའི་པདྨ་འཛིན་ཅིང་གཡོན་སྐྱབས་སྦྱིན་གྱི་ཕྱག་རྒྱ་མཛད་པ། དེའི་ཤར་དུ་ཟླ་ཤེལ་མ། ལྷོར་སྦྱིན་མ། ནུབ་ཏུ་སྦྱིན་བཟང་མ། བྱང་དུ་འཕགས་མ། ཤར་ལྷོར་རབ་བཟང་མ། ལྷོ་ནུབ་ཏུ་རབ་སྦས་མ། ནུབ་བྱང་དུ་ནོར་རྒྱུན་མ། བྱང་

[Full Size]

ཤར་དུ་དབྱངས་ཅན་མ་སྟེ་ཐམས་ཅད་གསེར་བཙོ་མའི་མདངས་ཅན་དར་དང་རིན་པོ་ཆེས་བརྒྱན་པ། གཡས་མཆོག་སྦྱིན་དང་གཡོན་འབྲས་ཀྱི་སྙེ་མ་བསྣམས་ཤིང་པདྨ་དང་གཏེར་གྱི་བུམ་པ་ལ་བཙུན་མོ་རོལ་པའི་སྟབས་ཀྱིས་གནས་པ། གཞན་ཡང་གནོད་སྦྱིན་མོ་རྣམས་དང་མ་མོའི་ཚོགས་ཀྱིས་ཡོངས་སུ་བསྐོར་བའོ། །སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་དང་ཤྲཱི༚། བདག་མདུན་གྱི་ཐུགས་ཀ་ནས་འོད་ཟེར་འཕྲོས། ལྕང་ལོ་ཅན་གྱི་སྐྱེད་མོས་ཚལ་ནས་ལྷ་མོ་དཔལ་ཆེན་མོ་འཁོར་གནོད་སྦྱིན་མ་མོའི་ཚོགས་དང་བཅས་པ་སྤྱན་དྲངས། །བཛྲ་ས་མཱ་ཛཿཛཿཧཱུྃ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་འོད་ཟེར་གྱིས་དབང་གི་ལྷ་རིགས་ལྔ་འཁོར་བཅས་བཛྲ་ས་མཱ་ཛཿ ཁྱེད་རྣམས་ཀྱིས་ལྷ་ལ་མངོན་པར་དབང་བསྐུར་དུ་གསོལ། །ཞེས་གསོལ་བ་བཏབ་པས། དབང་གི་ལྷ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡེ་ཤྲཱི་ཧཱུྃ། ཞེས་གསུངས་ཤིང་བུམ་པའི་ཆུས་དབང་བསྐུར། །སྐུ་གང་།

[Full Size]

དྲི་མ་དག །ཆུའི་ལྷག་མ་ཡར་ལུད་པ་ལས་གཤིན་རྗེ་གཤེད་པོས་དབུ་བརྒྱན་པར་གྱུར། ཨོཾ་མ་ཧཱ་དེ་བཱི་ཤྲཱི་ས་པཱ་རི་བཱ་ར་ཨརྒྷཾ་སོགས་ཀྱིས་མཆོད། ཤེས་རབ་ཕ་རོལ་ཕྱིན་པ་མོ། །ནམ་མཁའ་མཛོད་ཀྱི་ཏིང་འཛིན་ལས། །སྒྲུབ་ལ་དངོས་གྲུབ་སྩོལ་བའི་ཚུལ། །དཔལ་གྱི་ལྷ་མོ་དེ་ལ་བསྟོད། །འགྲོ་ལ་དམིགས་མེད་ །ཐུགས་རྗེ་ཡིས། །ཐབས་མཁས་རང་བཞིན་སྐུར་སྤྲུལ་པ། །གནོད་སྦྱིན་མ་མོའི་ཚོགས་རྣམས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །ཐུགས་ཀར་ཟླ་བ་ལ་གནས་པའི་ཤྲཱི༚་ཡིག་ལྗང་གུའི་མཐར་སྔགས་ཀྱི་ཕྲིང་བ་གཡས་བསྐོར་མི་གཡོ་བ་གསལ་བར་བལྟས་ལ། ཨོཾ་ཀ་མ་ལ་བཱ་སི་ནི། ཀ་མ་ལེ། མ་ཧཱ་ལ།།།རཱ་ཛྱཾ་མེ། བ་སུ་ནཱ་ནཱ་ཁ་དྷེ་སརྦ་སིདྡྷིི། དེ་ཧི་དེ་ཧི་བ་ར་དེ་སྭཱ་ཧཱ། འཁོར་གྱི་ལྷ་མོ་བརྒྱད་ཀྱི་ཐུགས་ཀར་སོ་སོའི་ས་བོན་མཐར་སྔགས་ཕྲེང་གསལ་བཏབ་ནས། ཨོཾ་བཱ་སུ་དྷ་རི་ཎྱཻ་སྭཱ་ཧཱ། ཨོཾ་ཙནྡྲ་ཀཱི་ནྟྱཻ་སྭཱ་ཧཱ། ཨོཾ་དཱ་དཱ་ཡཻུ་སྭཱ་ཧཱ། ཨོཾ་སུ་དཱ་དཱ་ཡཻ་སྭཱ་ཧཱ། ཨོཾ་ཨཱརྱ་ཡཻ་སྭཱ་ཧཱ། ཨོཾ་སུ་བྷ་དྲཱ་ཡཻ་སྭཱ་ཧཱ།

[Full Size]

ཨོཾ་གུཔྟཱ་ཡཻ་སྭཱཱ་ཧཱ། ཨོཾ་དེ་བྱཻ་སྭཱ་ཧཱ། ཨོཾ་ས་ར་སྭ་སྟྱཻ་སྭཱ་ཧཱ། ཞེས་བཟླ། མཐར་གཏོར་མ། ཨོཾ་ཨཱཿཧཱུྃ། ལན་གསུམ་གྱིས་བྱིན་བརླབ། ཨོཾ་ཤྲཱི་དེ་བཱི་ས་པཱ་རི་པཱ་རེ་བྷྱཿ ཨ་ཀཱ་རོ་ལགས་བཏགས་པ་ལན་གསུམ་གྱིས་འབུལ། མཆོད་ཅིང་བསྟོད་པའི་མཐར། མཆོད་སྦྱིན་གཏོར་མ་སོགས་དང་། བདག་སོགས་སེམས་ཅན་ཐམས་ཅད་དབུལ་བའི་འཇིགས་པ་ལས་གྲོལ་ཞིང་འཛད་པ་མེད་པའི་དཔལ་འབྱོར་ཆེན་པོ་ལ་ལོངས་སྤྱོད་པའི་དངོས་གྲུབ་སྩལ་དུ་གསོལ། །ཞེས་གསོལ་བ་གདབ་བོ། །གཉིས་པ་སློབ་མའི་བྱ་བ་ནི། ཨ་མྲྀ་ཏ་བཟླ་བཞིན་པས་སྒོ་དྲུང་དུ་ཆབ་བཏང་། ཨོཾ་བཛྲ་པུཥྤེ་ཏྲཱཾ་གིས་མེ་ཏོག་བཀྱེ། ནམ་མཁའ་དང་མཉམ་པའི་སེམས་ཅན་ཐམས་ཅད་གནས་སྐབས་དབུལ་བའི་འཇིགས་པ་ལས་སྐྱོབ་ཅིང་། མཐར་ཐུག་ཚོགས་གཉིས་ཀྱི་དཔལ་འབྱོར་ཡོངས་སུ་རྫོགས་པ་འགྲོ་བའི་བླ་མའི་གོ་འཕང་ལ་འགོད་པར་བྱ་བའི་སླད་དུ་ལྷ་མོ་དཔལ་ཆེན་མོའི་སྒོམ་ལུང་གསན་པར་བགྱིའོ་སྙམ་པའི་ཐུགས་བསྐྱེད་པ་གསལ་བཏབ་ནས་གསན་པར་ཞུ། དེའང་འདས་པའི་དུས་སུ་དེ་བཞིན་

[Full Size]

གཤེགས་པ་རིན་ཆེན་མེ་ཏོག་ཡོན་ཏན་རྒྱ་མཚོ་བཻ་ཌཱུརྻ་དང་གསེར་གྱི་རི་མདོག་མཛེས་གསེར་འོད་དཔལ་ཞེས་བྱ་བ་ལ་ཐུགས་བསྐྱེད་ཅིང་། དེ་བཞིན་གཤེགས་པ་དཔལ་སྟུག་པོ་སོགས་སངས་རྒྱས་དུ་མ་ལ་དགེ་བའི་རྩ་བ་བསྐྱེད་པ། །བདེར་གཤེགས་འཛམ་བུའི་གླིང་གི་རྒྱལ་མཚན་གསེར་བཟང་པོ་ལས་ནམ་མཁའ་མཛོད་ཀྱི་ཏིང་ངེ་འཛིན་ཞུས་ནས་དུས་གསུམ་གྱི་རྒྱལ་བ་ཐམས་ཅད་ཀྱི་སྦྱིན་བདག་ཆེན་མོར་གྱུར་ལ། མ་འོངས་པའི་དུས་སུ་འཇིག་རྟེན་གྱི་ཁམས་དཔལ་རིན་པོ་ཆེས་བརྒྱན་པ་ན། དེ་བཞིན་གཤེགས་པ་དཔལ་ནོར་བུ་རིན་པོ་ཆེ་ལས་བྱུང་བ་ཞེས་བྱ་བར་འཚང་རྒྱ་བར་འགྱུར་བ། །ངོ་བོས་ལ་གནས་པའི་སེམས་མའི་ཚུལ་གྱིས་རྒྱལ་བ་ཐམས་ཅད་མཆོད་པ་དང་སེམས་ཅན་གྱི་དབུལ་བསེལ་བའི་ཐུགས་བསྐྱེད་ཕྲིན་ལས་ལ་མངའ་མཛད་ཅིང་། རྣམ་པ་གནོད་སྦྱིན་གྱི་རྒྱལ་པོ་ཆེན་པོ་རྣམ་མང་ཐོས་སྲས་ཀྱི་ཡུམ་གྱི་ཚུལ་དུ་སྣང་བ། མཚན་བཟུང་བ་ཙམ་གྱིས་དབུལ་བ་དང་ཉེས་སྡིག་ཐམས་ཅད་མེད་པར་བྱེད་པ། སྡིག་པ་ཐམས་ཅད་འཇོམས་པར་བྱེད་པ། བསོད་ནམས་ཐམས་

[Full Size]

ཅད་སྡུད་པར་བྱེད་པ། བཀྲ་མི་ཤིས་པ་ཐམས་ཅད་མེད་པར་བྱེད་པ། དཔལ་དང་བདེ་བ་དང་སྐལ་པ་བཟང་པོ་ཐམས་ཅད་སྡུད་པར་བྱེད་པ་འདི་ནི། རྒྱུད་སྡེ་རྣམས་ཀྱི་རྩ་བ་ལྟ་བུར་གྱུར་པ་བྱ་བའི་རྒྱུད་ལ་རིགས་དྲུག་ཏུ་ཡོད་པའི་སྔ་མ་འཇིག་རྟེན་ལས་འདས་པའི་རིགས་གསུམ་གྱི་ནང་ཚན་པདྨའི་རིགས་ཀྱི་བཀའ་ཉན་ཏུ་གཏོགས་པ་དཔལ་ལྷ་མོ་ལུང་བསྟན་པའི་མདོ་སོགས་ལས་གསལ་བར་གསུངས་ཤིང་། གཞན་ཡང་གཤེགས་རིགས་ཀྱི་ཡུམ་གསེར་འོད་དམ་པ་དང་། ནོར་ཅན་གྱི་རིགས་གར་མཁན་མཆོག་གི་བརྟགས་པ་རྣམས་ལས་ཀྱང་འཁོར་དང་བཅས་པའི་སྒྲུབ་ཐབས་སྙིང་པོ་བཅས་བསྟན་པར་མཛད་ལ། སྐབས་སུ་བབས་པའི་སྒོམ་ལུང་འདི་ནི། གཤེགས་རིགས་ཀྱི་བདག་པོ་འཇམ་དཔལ་དཔའ་བོ་གཅིག་གྲུབ་ལས་ལེགས་པར་གསུངས་པ། དེ་ལ་བརྟེན་ཏེ་ཇོ་བོ་རྗེ་དཔལ་ལྡན་ཨ་ཏི་ཤའི་མན་ངག་བཀའ་གདམས་གོང་མ་རྣམས་ཀྱིས་ཕྱག་བཞེས་སུ་མཛད་པས་བྱིན་རླབས་ཀྱི་རྒྱུན་དང་ཡིད་ཆེས་ཀྱི་ངེས་པ་

[Full Size]

སྟེར་བར་བྱེད་པ་སྟེ། དེ་ལྟ་བུའི་སྒོམ་ལུང་ཟབ་མོ་གསན་པའི་སླད་དུ་མཎྜལ་འབུལ་བར་ཞུ། ཐལ་མོ་མེ་ཏོག་དང་བཅས་ཏེ་འདིའི་རྗེས་ཟློས་མཛོད། སློབ་དཔོན་གྱིས་བདག་ལ་རིག་སྔགས་དམ་པ་སྩལ་དུ་གསོལ། ལན་གསུམ། དེ་ནས་སྐྱབས་འགྲོ་སེམས་བསྐྱེད་འདི་དག་དཔོན་སློབ་ལྷན་ཅིག་པས་གནང་བར་ཞུ། །ཞེས་སྐྱབས་སེམས་ཚད་མེད་བཞི་ལན་གསུམ། དེ་ནས་སྤྱན་དམིགས་འདི་བཞིན་ཏུ་མཛད་པར་འཚལ། ཨོཾ་སྭ་བྷཱ་བ་སོགས། སྟོང་པའི་ངང་ལས་ཧཱུྃ་ལས་བྱུང་བའི་སྲུང་འཁོར་གྱི་དབུས་སུ་ཁྱེད་རང་རྣམས་གང་དུ་གནས་པའི་གོ་སར་ཉི་མ་ལ་གནས་པའི་སོགས་གོང་ལྟར་ལ། རང་ཉིད་ཅེས་པ་དོར། ཁྱེད་རང་གསང་བའི་བདག་པོ་ཞེས་བསྒྱུར། ཐུགས་ཀར་ཧཱུྃ་གིས་མཚན་པར་མོས་པ་མཛོད། །སློབ་དཔོན་ཀྱང་གསང་བདག་ཏུ་གསལ་བའི་ཐུགས་ཀར་ཟླ་བ་ལ་གནས་པའི་སྔགས་ཕྲིང་། དེ་ལས་སྔགས་ཕྲེང་གཉིས་པ་ཆད། ཞལ་ནས་འཐོན། །ཁྱེད་རང་རྣམས་ཀྱི་ཞལ་དུ་ཞུགས། །

[Full Size]

། ཐུགས་ཀར་ཟླ་བ་ལ་འཁོད་པའི་མོས་པས་སྔགས་འདིའི་རྗེས་ཟློས་ལན་གསུམ་མཛོད། །ན་མོ་བཛྲ་སོགས་གསུམ། རིག་པ་འཛིན་པ་འདི་རྣམས་ཀྱི་རྒྱུད་ལ་བཅོམ་ལྡན་འདས་གསང་བའི་བདག་པོའི་གསུང་རིག་སྔགས་ཀྱི་ནུས་པ་མ་ལུས་པ་འཇུག་ཅིང་བརྟན་པར་གྱུར་ཅིག །ཅེས་མེ་ཏོག་འཐོར། དེ་ནས་མཆོད་པ་བྱིན་རླབས་སྔོན་ཏུ་འགྲོ་བའི་མདུན་བསྐྱེད་གསལ་འདེབས་པ་ལ་སྤྱན་དམིགས་འདི་ལྟར་དུ་མཛད་འཚལ། ཞེས་བརྡ་སྦྱར་ནས། མཆོད་པ་ཁ་གསོས་ཏེ། གོང་གསལ་མཆོད་པ་བྱིན་རླབས་ནས། བསྟོད་པའི་བར་སློབ་དཔོན་གྱིས་བརྗོད་ལ་བརྡ་སྤྲད། མདུན་བསྐྱེད་ཀྱི་ཐུགས་ཀར་ཟླ་བའི་དབུས་སུ་ཤྲཱི༚་ཡིག་ལྗང་གུ་སྔགས་ཕྲེང་དང་བཅས་པ་ལས་སྔགས་ཕྲེང་གཉིས་པ་བྱུང་། ཁྱེད་རང་རྣམས་ཀྱི་ཞལ་དུ་ཞུགས། །ཐུགས་ཀའི་ས་བོན་ལ་ཐིམ་པའི་མོས་པས་འདིའི་རྗེས་ཟློས་མཛོད། །གཙོ་མོའི་སྔགས་ལན་གསུམ། །འཁོར་གྱི་ལྷ་མོ་བརྒྱད་པོ་རང་རང་གི་ཐུགས་ཀའི་ཟླ་སྟེང་ས་བོན་ལས་རང་རང་གི་སྔགས་རྣམས་བྱུང་། ཞལ་ནས་ཞལ་དུ་བརྒྱུད། །

[Full Size]

ཁྱེད་རང་རྣམས་ཀྱི་ཐུགས་སྲོག་ལ་ཐིམ་པའི་མོས་པས་འདིའི་རྗེས་ཟློས་མཛོད། །འཁོར་སྔགས་རྣམས་ལན་གསུམ་གསུམ་བཟླར་གཞུག །མཐར་མེ་ཏོག་འཐར་བཞིན་ཏུ། བཅོམ་ལྡན་འདི་ལ་སྩལ་ལགས་ཀྱི། །བཅོམ་ལྡན་འདི་ལ་བྱིན་གྱིས་རློབས། །ལན་གསུམ། དེ་ནས་མདུན་བསྐྱེད་ལ་གཏོར་མ་འབུལ་བའང་ངེད་ཀྱིས་བརྡ་སྤྲད་པའི་དམིགས་རིམ་ལ་འཇུག་པར་ཞུ། ཨོཾ་ཨཱཿཧཱུྃ། ཞེས་པ་ནས། འདོད་དོན་གསོལ་གང་བཀྱེ་བར་གོང་བཞིན་བྱ། དེ་ལྟར་ཇོ་བོ་རྗེ་ལྷ་གཅིག་གི་མན་ངག་ལྷ་མོ་ཆེན་མོ་དཔལ་གཙོ་བོར་གྱུར་པའི་གནོད་སྦྱིན་མོ་དགུའི་སྒོམ་ལུང་བཀའ་གཏད་སྦྱིན་གྲུབ་པ་ཡིན་པས་འདི་དག་ལྷག་པའི་ལྷར་འཛིན་སྙམ་པས་འདིའི་རྗེས་ཟློས་མཛོད། །གཙོ་བོས་ཇི་ལྟར་སོགས། །གཏོང་རག་མཎྜལ། དགེ་བསྔོ་བྱས་པས་གྲུབ་བོ། །རྗེས་མཆོད་པ་ཁ་གསོ། བྱིན་རླབས་མཆོད་བསྟོད་གོང་གསལ། མ་འབྱོར་བ་དང་སོགས། ཡིག་བརྒྱ་བརྗོད། རྟེན་ཡོད་ན་མདུན་བསྐྱེད་རྣམས་དེ་ལ་བསྟིམ་ཞིང་མེད་ན། ཨོཾ་ཁྱེད་ཀྱིས་སེམས་ཅན་སོགས་ཀྱིས་གཤེགས་སུ་གསོལ། །བདག་བསྐྱེད་འོད་

[Full Size]

གསལ་དུ་བསྡུ་ཞིང་སྐད་ཅིག་གིས་ཐུན་མཚམས་ཀྱི་ལྷར་ལྡངས་ལ་གནས་གསུམ་འབྲུ་གསུམ་གྱིས་བསྲུང་། དགེ་བ་བསྔོའོ།། །།གཉིས་པ་ལག་ལེན་དངོས་བཤད་པ་ལ་གཉིས། གཞུང་མཐུན་གྱི་བསྙེན་པ་བྱ་བའི་ཚུལ་མདོར་བསྟན། གཡང་སྐྱབས་དཀྱུས་མའི་ལག་ལེན་རྒྱས་པར་སྨོས་པའོ། །དང་པོ་ནི། ལྷ་མོ་ཆེན་མོ་འདི་ཉིད་ཆེད་དུ་བསྙེན་པར་འདོད་ན། བཅའ་གཞི། སྒོམ་དོན། སྔགས་རྒྱ། སྤྱོད་ལམ་སོགས་བྱ་བ་སྤྱི་རྒྱུད་ཀྱིས་ཁོག་དབུབ། འདི་ཉིད་ཀྱི་མདོ་རྒྱུད་རྟོག་པ་རྣམས་ཀྱི་དགོངས་པ་བྱེ་བྲག་ཏུ་བསྡེབས་ཏེ་ཉམས་སུ་ལེན་དགོས་པ་ཡིན་ཀྱང་། ཡུལ་དུས་དབང་གིས་ཇི་བཞིན་འགྲུབ་དཀའ་བས་མ་སྨོས་ལ། །རྗེས་མཐུན་ཙམ་ལག་ཏུ་ལན་བར་སྤྲོ་ན། །གནས་ཁང་རྒྱན་གྱིས་བརྒྱན་པར་སྟེགས་བུ་གཙང་མ་ལ་རིན་པོ་ཆེའི་མཎྜལ་ལ་དྲི་དང་བ་བྱུང་གིས་བྱུག་པ་ལ། ཙནྡན་དཀར་པོ་ལས་བྱས་པའི་དཔལ་མོའི་སྐུ་གཟུགས་ནང་དུ་རིང་བསྲེལ་དང་ལྡན་པ་བཞག །མདོ་སྡེ་གསེར་འོད་དམ་པའི་གླེགས་བམ་ཡང་བཞུགས་སུ་གསོལ། མ་འབྱོར་ན་བྲིས་སྐུའམ་ཙཀ་ལི་དགྲམ་པའི་མདུན་ཏུ་འབུལ་གཏོང་དཀར་གསུམ་ལས་བྱས་པ། འོ་ཆབ་ཀྱི་མཆོད་ཡོན། མེ་ཏོག་སེར་པོ། ཙནྡན་ལ་སོགས་པའི་འདུག་སྤོས། སྦྲང་རྩི་བུ་རམ་དང་སྦྱར་བའི་ཞལ་ཟས་སོགས་མཆོད་པ་དག་ཅིང་གཙང་བ་བཤམ། བགེགས་ལ་གཏོར་མ་བྱིན་ཏེ་བསྐང་། །

[Full Size]

བདུད་རྩི་འཁྱིལ་བའི་སྔགས་བཟླས་པའི་ཆུས་མགོ་ལུས་དག་པར་འཀྲུས་ཤིང་གནས་མལ་ཡོ་བྱད་རྣམས་ལ་འཐོར། སྔགས་བཟླས་པའི་གུ་གུལ་དཀར་པོས་བདུག །གོས་གཙང་མ་གྱོན། ཉིན་རེ་བཞིན་ཁྲུས་བྱ་མ་གྲུབ་ན་སྔགས་ཀྱི་ཆུས་ནངས་མོ་དང་ཟས་ཟོས་པ་གཤང་གཅི་འདོར་བའི་རྗེས་ཐོག་སོགས་ལ་ཁ་བཤལ་ཞིང་ཉེ་རེག་བྱ། ཤ་ཆང་སྒོག་བཙོང་འབགས་བཙོག་སླད་ཟས། བག་མེད་དང་མི་དགེའི་སྤྱོད་པ། སྔགས་བཟླ་བའི་སྐབས་སུ་བཟའ་བཏུང་གཤང་གཅི་གཏམ་ལབ་གཉིད་དང་གླལ་སྦྲིང་སོགས་ཅི་ནུས་ཀྱིས་སྤངས་ཏེ། ཉམས་ལན་དངོས་གོང་སྨོས་བདག་མདུན་གྱི་རིམ་པ་རྗེས་ཆོག་བཅས་ཐུན་བཞི་འམ་གསུམ་དུ་བྱེད། །སྔགས་བཟླ་བའི་ཚེ་བདག་བསྐྱེད་འོད་ཟེར་སྤྲོ་བསྡུ་སྤྱི་མཐུན་གྱིས་རུང་ཞིང་ཐུན་འགོར་བཟླས་པ་བརྒྱ་བརྒྱད་ཙམ་རེས་ཆོག །དངོས་གཞི་མདུན་བསྐྱེད་གཙོ་མོའི་རིག་སྔགས་བཟླ་བའི་ཚེ། གཙོ་བོའི་ཡི་གེའི་གཟུགས་དང་དྲིལ་བུའི་སྐད་ལྟ་བུའི་སྔགས་ཀྱི་སྒྲ་གདངས་ལ་སེམས་རྩེ་གཅིག་ཏུ་གཏོང་ཅིང་། སྐབས་སུ་བདག་བསྐྱེད་ཀྱི་ཐུགས་ཀའི་འོད་ཟེར་གྱིས་མདུན་བསྐྱེད་བསྐུལ། དེའི་ཐུགས་སྲོག་སྔགས་ཕྲེང་དང་བཅས་པ་ལས་འོད་ཟེར་སྣ་ཚོགས་བྱུང་བའི་རྩེ་མོ་ལས་ལྷ་མོ་ཆེན་མོའི་སྐུ་ནམ་

[Full Size]

མཁའི་དབྱིངས་ཐམས་ཅད་ཁྱབ་པ་བྱུང་། དེ་དག་གི་ཕྱག་མཐིལ་ནས་མཆོད་པའི་སྤྲིན་ཆེན་པོ་སྤྲུལ་ཏེ་རྒྱལ་བ་སྲས་དང་བཅས་པ་མཆོད་པའི་དགེ་བ་ལས་བྱུང་བའི་བསོད་ནམས་ཀྱི་སྤྲིན་ཆེན་པོ་འཁྲིགས་པ་ལས། བདུད་རྩིའི་ཆར་ཆེན་པོ་བབས་པས་རྒྱུ་སེར་སྣ་དང་འདོད་ཆགས་ཀྱི་དྲི་མ་བཀྲུས། འབྲས་བུ་ཡི་དྭགས་ཀྱི་འགྲོ་བ་ཀུན་ཚིམས་ནས་སངས་རྒྱས་ཀྱི་བདེ་བ་ལ་བཀོད། ཡང་། ནོར་བུ་རིན་པོ་ཆེ་ལ་སོགས་པ་འདོད་རྒུའི་ཆར་རྒྱུན་ཆད་མེད་པ་བབས་པས་བདག་གཞན་འགྲོ་བ་མཐའ་དག་སྐྱེ་བ་ཀུན་ཏུ་དཔལ་འབྱོར་ཟད་མི་ཤེས་པའི་ལོངས་སྤྱོད་ཀྱི་གཏེར་ཆེན་པོ་ལ་དབང་ཐོབ། འོད་ཟེར་སླར་ལོག་སྟེ་ཐུགས་ཀར་ཐིམ་པར་མོས། །ལྷ་མོ་བརྒྱད་ལའང་དེས་རིགས་འགྲེ་ཞིང་གྲངས་གཙོ་མོའི་བཅུ་ཆར་བཟླ། འདི་ནི་བློ་བཟོ་མ་ཡིན་ཏེ། སྤྱོད་རྒྱུད་ཀྱི་གཟུགས་ཀྱི་ལྷའི་སྤྲོ་བསྡུ་དང་། གསེར་འོད་དམ་པ་ལས་ཟུར་གྱིས་བསྟན་པའི་དོན་གཅིག་ཏུ་འདུས་པ་འཕགས་བོད་ཀྱི་རྡོ་རྗེ་སློབ་དཔོན་ཆེན་པོ་དག་གིས་ལེགས་པར་བཤད་པའི་དགོངས་པའོ། །དེ་ལྟ་བུའི་བསྙེན་པ་ལེགས་པར་གྲུབ་ནས། སྒྲུབ་པའི་ཚུལ་དུ་མདུན་བསྐྱེད་ལ་སྤྱན་འདྲེན་མཆོད་བསྟོད་སོགས་ཀྱི་སྐབས་སུ་ཚིགས་བཅད་ཀྱིས་མཚོན་སྤྲོས་པ་རྒྱས་པར་བྱ་ཞིང་། །བཟླས་པའི་ཐོག་

[Full Size]

མར་མདོ་སྡེ་གསེར་འོད་དམ་པ་ནས་འབྱུང་བའི་སངས་རྒྱས་ཀྱི་མཚན་སྤྱི་དང་། ཁྱད་པར་བདེ་གཤེགས་རིན་ཆེན་མེ་ཏོག་དང་། གསེར་འོད་དམ་པ་མདོ་སྡེའི་དབང་པོ་ལ་ཕྱག་བྱ་ཞིང་མཆོད་པ་ཕུལ། གཟུངས་སྔགས་དང་བདེན་ཚིག་ལན་བདུན་ལ་སོགས་པ་བརྗོད་ནས། སྔར་སྨོས་པའི་སྙིང་པོ་རྣམས་དང་། སྱད་ཡ་ཐ་དན་དང་། ཏདྱ་ཐཱ་ཞེས་པ་རིགས་གཉིས་ཀྱང་ཅི་ནུས་སུ་བཟླ། ཐུན་མཐར་གཏོར་འབུལ་མཆོད་བསྟོད་རྒྱས་པར་བྱ་ཞིང་དཔལ་ལྷ་མོའི་མཚན་བཅུ་གཉིས་ལ་ཕྱག་མཆོད་འདོད་དོན་གསོལ་བ་བཏབ་ནས་མདུན་བསྐྱེད་སྐུ་གཟུགས་ལ་བརྟན་བཞུགས་གསོལ། །བསྙེན་སྒྲུབ་གཉིས་ཀའི་ཐུན་མཚམས་སུ་ཕྱག་མཆོད་ཡན་ལག་བདུན་པ་གཙོ་བོར་གྱུར་པའི་བསོད་ནམས་ཀྱི་ཚོགས་གསོག་ཅི་འགྲུབ་བྱ། ལྷ་མོ་ཆེན་མོ་དཔལ་ལུང་བསྟན་པའི་མདོ་དང་། དཔལ་ལྷ་མོའི་མདོ། །གསེར་འོད་དམ་པ་སོགས་ཅི་ནུས་སུ་བཀླག །བཟའ་བཏུང་གི་བྱ་བ་སོགས་གྲུབ་ནས་ཉེ་རེག་བྱས་ཏེ་ཐུན་ལ་འཇུག །སྒྲུབ་པ་གྲུབ་པའི་ཚེ་ལས་ལ་སྦྱོར་བའི་དོན་ཏུ་ཁྲུས་དང་གོས་གཙང་བགོ་ཞིང་ལུས་སྤོས་ཀྱིས་བདུག་པ་སོགས་བྱས་ནས། བརྟན་བཞུགས་བྱས་པའི་ལྷ་མོའི་སྐུ་དེ་འབྲུ་སྣ་དང་རིན་པོ་ཆེ་ལྔའི་ཕུར་མ་དང་སེར་པོ་རྣམས་ཀྱིས་དྲིལ་བ་སྙིམ་པ་ཁ་སྦྱོར་དུ་བཅུག་སྟེ་ཇི་ཙམ་ནུས་པའི་

[Full Size]

བཟླས་བརྗོད་འབྲུ་ནོར་ལ་དོན་གཉེར་ཆེ་ཆུང་དང་བསྟུན་པའི་ཞག་གྲངས་སུ་བྱས་ལ་མཐར་མཛོད་ཁང་གི་དབུས་སུ་འབྲུའི་ཕུང་པོའི་སྟེང་དུ་བཞག་ལ། དེ་ཕྱིན་ཆད་དུས་བཟང་པོ་བྱུང་ངོ་ཅོག་ལ་སྦྲང་རྩི་བུ་རམ་འོ་མའི་མཆོད་ཡོན་རྣམས་དང་ཟས་ནོར་གྱི་ཕུད་ཐམས་ཅད་ཀྱིས་མཆོད་ཅིང་འབྲུ་ནོར་ལོངས་སྤྱོད་འཕེལ་བའི་གསོལ་བ་གདབ། བསྙན་པ་འབུམ་ཕྲག་ལ་སོགས་པ་སྔོན་ཏུ་སོང་ནས། སྒྲུབ་པའི་དཀྱིལ་འཁོར་ལྷ་མོ་འཁོར་བཅས་གསལ་བར་བསྒོམ་པའི་མདུན་ཏུ་འབྲས་བུ་ཅན་གྱི་ཤིང་ལ་མེ་ཐབ་ལས་ཐམས་ཅད་པའི་མཚན་ཉིད་ཅན་དུ་བྱས་ཤིང་དམིགས། །བསྲེག་རྫས་འབྲས་བུ་ཅན་གྱི་ཡམས་ཤིང་། མར་ཁུ་སེར་པོ། ཏིལ་དཀར་པོ་ཅི་མང་འདུ་བྱ། བདག་ཉིད་གསང་བདག་ཏུ་གསལ་བ་ལ་ཆུ་དང་ཅོད་པན་གྱི་དབང་མདོར་བསྡུས་བླང་། མེ་ཐབ་ཏུ་མེ་ལྷ་སྤྱན་དྲངས། ཨ་མྲི་ཏས་བགེགས་བསྐྲད། མཆོད་པ་དང་བསྲེག་རྫས་བྱིན་བརླབས་ལ་འབུལ། སླར་བདེན་པའི་སྟོབས་བརྗོད་ལ་དཀྱིལ་འཁོར་བ་མེ་ཐབ་ཏུ་སྤྱན་དྲངས་ཏེ་ལྷ་སོ་སོའི་སྔགས་ལ་སྤེལ་ཚིག་སྦྱར་བས་བསྲེག་རྫས་རྣམས་ལན་བདུན་ལ་སོགས་པ་ཕུལ་ནས། ཏདྱ་ཐཱའི་སྔགས་ཁོ་ནས་ཏིལ་དཀར་པོ་ཅི་ནུས་སུ་ཕུལ་བ་ལ་གྲངས་བཟུང་། མཐར་མར་ཁུ་ལན་གསུམ་ཕུལ་ནས་ལྷ་རྣམས་དཀྱིལ་འཁོར་དུ་གཤེགས། མེ་ལྷ་གསལ་བཏབ་ནས་བསྲེག་རྫས། མཆོད་པ།

[Full Size]

སླར་མར་ཁུ་ལན་གསུམ་ཕུལ་ལ་གཤེགས། ཐབ་ཀྱི་མེ་རང་ཞིར་སོང་བའི་ཐལ་བ་འབྲུ་ལ་སོགས་པའི་མཛོད་དུ་བཏབ་ན་འབྲུ་ནོར་ཟད་མི་ཤེས་པར་འཕེལ་བར་འགྱུར་རོ།། །།གཉིས་པ་གཡང་སྐྱབས་དཀྱུས་མ་ཙམ་གྱི་ཕྱག་ལེན་བྱེ་བྲག་ཏུ་བཤམ་པ་ལ་གསུམ། བཅའ་གཞི་དང་། གཞུང་གི་ལག་ལེན་དངོས། རྗེས་ཀྱི་བྱ་བ་རྣམས་སོ། །དང་པོ་ལ་གཉིས། འབྱོར་པ་དང་ལྡན་པས་བཅའ་གཞི་རྒྱས་པར་སྤྲོ་ན་རྟན་རྫས་ཀྱི་གཙོ་བོ་གོང་དུ་སྨོས་པའི་སྐུ་དང་གླེགས་བམ་དག་ཡོད་དགོས་ལ། དེ་ལྟར་མི་འཛོམས་པའམ་སྤྱི་མཐུན་སྟབས་བདེ་ཙམ་དུ་གཞུང་འདི་ལས་དངོས་སུ་གསུངས་པ་ལྟར། སྐྱེས་པ་བུ་བདུན་ཡོད་པའི་མདའ་མ་ཉམས་པ་ལ། དར་རས་གཙང་མ་སྤྱིན་དང་མ་འདྲེས་པ་ལ་ལྷ་མོ་གཙོ་འཁོར་སྲིད་གསུམ་གཡང་བདག་དང་བཅས་པའི་སྐུ་དང་སྔགས་བྱང་བྲིས་པ་དང་དངུལ་དཀར་མེ་ལོང་། བུད་མེད་བུ་བདུན་ཡོད་པའི་ནོར་གཡུ། གཞན་ཡང་དར་སྣ། སྟག་གཟིག་རས་མ། ཁྲབ་བྱང་སོགས་བཏགས་པ་རྟེན་རྫས་ཀྱི་གཙོ་བོར་ཡིན་པས་གང་འཛོམ་བྱ་དགོས་ལ། དེའང་མ་འཛོམ་ན་མདའ་དར་དཀྱུས་མ་མེ་ལོང་ལྡན་པ་མེད་ཀ་མེད་ཡིན། །ཆགས་མེད་རིན་པོ་ཆེ་ཉིད་ཐུགས་བསྐྱེད་ཆེ་དྲག་པས་དེའང་མི་འཛོམ་པའི་དབུལ་པོ་ལ་དགོངས་ནས་མདའ་

[Full Size]

དར་མེད་ན་དེའི་ཚབ་ཏུ་ཤུག་པ་བལ་ཚོན་གྱིས་བརྒྱན་པ་བཞག་པར་གསུངས་པའི་གནད་མ་གོ་བ། ད་ལྟ་གཡང་ཤུག་ཅེས་ཤུག་ཐེལ་ཞིག་མ་བཞག་ཀ་མེད་བྱེད་པ་ནི་བླུན་པོའི་བྱ་བ་ཡིན་པས་ཅིས་ཀྱང་མདའ་དར་མ་འཛོམ་ན་ས་བཅད་ཙམ་མ་གཏོགས། སྒྲུབ་རྟེན་ཏུ་ཤུག་པ་བཞག་མི་རུང་སྟེ་སྐམ་ནས་གྲུག་པ་སོགས་ཀྱིས་རྟེན་འབྲེལ་མི་ལེགས་པའི་ཕྱིར་རོ། །གཞན་ཡང་གཞུང་ལས་གསུངས་པའི་གཡང་རྫས་རྣམས་ཚོགས་པར་བྱས་ལ། ཉི་མ་བྱང་བགྲོད། ར་བ་བཞི་སོགས་ཡར་ངོའི་ཚེས་གཡང་གཟའ་གཡང་སྐར་འཛོམ་ཞིང་དབུལ་ཉི་ཉི་ནག་སོགས་མེད་པའི་དུས་བཟང་པོ་ཞིག་ལ་ཐོག་མའི་དབུ་འཛུག་པ་དང་། རྗེས་ཀྱི་གཡང་གཏད་ཁེལ་བར་བྱས་ཏེ། གནས་ཁང་གཙང་མ་རྒྱན་གྱིས་སྤྲས་པའི་ཕུག་ལོགས་སོགས་གང་བ་དེར་རང་གི་ཡི་དམ་གྱི་གཞུང་གང་ལ་བྱེད་པའི་གཏོར་མཆོད་ཚོགས་ཀྱི་ཡོ་བྱད་སོགས་བཤམ། སྟེགས་བུ་གཙང་མར་དར་རས་སེར་པོའམ་དཀར་པོས་གཡོགས་པའི་ཁར་འབྲས་སམ་གྲོ་ནས་ཀྱིས་པདྨ་འདབ་བརྒྱད་བྲིས་པ་ལ་འབྲུ་གཙང་གི་ཕྱེ་སྨན་དང་རིན་པོ་ཆེ་མངར་གསུམ་བསྲེས་པ་ལས་གཡང་བཤོས་ནོར་བུའི་དབྱིབས་ཅན་གཙོ་འཁོར་དགུ་རྒྱན་སྤྲོས་གཟབ་པ་བྱས་ཏེ་སྣོད་གཙང་གས་ཆག་མེད་པའི་ནང་དུ་བཀོད་ལ་བཞག །སྐུ་དང་གླེགས་བམ་ཡོད་ན་དེ་ཉིད་དབུས་སུ་

[Full Size]

བཀོད་པའི་མདུན་དུ་གཏོར་མ་འདི་འཇོག་དགོས། གང་ལྟར་གཡས་གཡོན་མདུན་གསུམ་དུ་འབྲུའི་ཚོམ་བུའི་ཁར་ལྷ་ཀླུ་གཉན་གསུམ་དཀར་གཏོར་དྲུང་བཀོད་གཞུང་གསལ། རྒྱབ་ངོས་སུ་གོང་སྨོས་སྒྲུབ་རྟེན་མདའ་དར་གཡོ་འགུལ་མེད་པའི་སྟེགས་ལ་གཟུག །མདུན་དུ་མཆོད་པ་རྣམ་བདུན་གོང་སྨོས་ལྟར་ཕྲེང་ཚར་དང་། གཞན་ཡང་སྣོད་གཙང་མ་རྣམས་སུ་ལྔ་ཕྲག་ལྔ། དཀར་གསུམ་མངར་གསུམ། མར་ཐུད་འོ་ཞོ། ཕྱེ་མར། ཇ་ཆང་། ཤིང་ཏོག །བུ་རམ་སོགས་བཟའ་བཅའ་བཏུང་བ་གཙང་ཞིང་དག་པའི་རིགས་ཇི་ཙམ་འཚོགས་པ་བཤམ། དར་དཀར་རམ་ཤོག་བུ་ལ་བཀྲ་ཤིས་རྟགས་བརྒྱད་དང་རྫས་བརྒྱད། རྒྱལ་སྲིད་སྣ་བདུན། རྒྱ་ནག་ལུགས་ཀྱི་ནོར་བུ་ཆ་བདུན་ཏུ་གྲགས་པ་རྣམས་བྲིས་པའི་རྒྱབ་ཏུ་རྟེན་འབྲེལ་སྙིང་པོའི་གཤམ་ལ། བདག་གམ། སྦྱིན་བདག་འདི་ཞེས་བྱ་བ་ལ་ཚེ་དང་བསོད་ནམས་དཔལ་དང་འབྱོར་པ་མི་ནོར་ཟས་གསུམ་གཡང་གི་དངོས་གྲུབ་ཆེན་པོ་ཆར་བཞིན་ཏུ་ཕོབ་ཅིག །པུཥྚི༚་ཀུ་རུ་ཨོཾ། ཞེས་བྲིས་པ་ཅི་བདེར་བཀོད་པའམ་གོང་གི་མདའ་ལ་བཏགས་ཀྱང་རུང་། གོ་ཁྲབ་རྒྱན་གོས་སོགས་བཀྲ་ཤིས་པའི་ཡོ་བྱད་རྣམས་དང་། ནོར་ལྷ་སྤྱིའི་རྟེན་ཏུ་གྲགས་པ་རྔ་མ་དཀར་པོ་དར་སྣས་བརྒྱན་པས་མཚོན་གཡང་འགུགས་པའི་རྟེན་གཞུང་གསལ་གང་འཚོགས་བྱ། གྱོ་

[Full Size]

ཚལ་ལ་སོགས་པའི་སྣོད་པོར་ཆོག་ཞིག་གི་ནང་དུ་གཡང་གླུང་་བསྡུས་པ་ངར་མི་ཏིང་ལོ་ཆངས་བུ་ཅན་གྱིས་འཐུས་པར་མཛད་ལ། སྤྲོ་ན་འདོན་ཆ་དང་མཐུན་པའི་བསེ་རག་གི་གཟུགས་ཆུང་གསུམ་གྱི་འཁོར་རྣམས་སྤར་དུ་བཏབ་པའི་སྔོན་ཕྱོགས་སུ། མི་དང་རྟ་ནོར་ར་ལུག་གི་གླུད་གཟུགས་མར་མེ་བཤོས་བུ་ཆངས་བུ་རྣམས་དང་། ཚ་སྒོག་རམ་གསུམ་སོགས་མི་ཁའི་ཡས་རྫས། ཟོ་ཤེ་རྐྱལ་ཤེ་སྟན་རུལ་གོད་རུས་ཐག་ཆད་སོགས་འགོང་པོའི་བཀར་ཡས་ཅི་རིགས་པ་བསགས། ཞུན་རྡོའི་ཕྱེ་མ་ཡུངས་ཀར་རམ་ནས་དང་བསྲེས་པ། སྣོད་གཙང་མར་འོ་ཆབ་འཐོར་བྱེད་དང་བཅས་པ། གཡབ་དར་མདའ་དར་དཀར་པོ། ཤུག་པ་བལ་བུ་སོགས་བཟང་ཤིང་གི་སྤོས་སྦྱོར། །མཆོད་པ་རྣམས་ཁ་གསོ་བའི་ཆས་སོགས་འདུ་བྱ། སྒྲུབ་པའི་དབུ་བཙུགས་ནས་གཡང་སྒོ་བསྡམས་ཟིན་པའི་ཞག་གསུམ་མམ་བདུན་གྱི་བར་དུ་ཡོ་བྱད་བཟའ་བཏུང་དགས་སྤྱི་དང་། ཁྱད་པར་དཀར་མཚན་ཅན་དང་བཀྲ་ཤིས་པའི་རྫས་ཕྱིར་མི་བཏང་བའི་འཛེམ་བྱ་དགོས་ཀྱང་གནས་ཆེན་ལྟ་བུ་དེ་ལྟར་འགྲུབ་དཀའ་བའི་རིགས་ལ་ཡུལ་ལུགས་དང་བསྟུན་ཞིང་། གཡང་རྟེན་ཏུ་བཞག་པའི་ཡོ་བྱད་ཆེ་ཕྲ་ཐམས་ཅད་ནམ་ཡང་ཕྱིར་མི་འཁྱར་བ་དང་། མཆོད་རྫས་ཀྱི་རས་མ་སྦྱིན་བདག་གམ་སྒོ་ནོར་རྩིས་ཅན་ལྟ་བུར་སྦྱིན་པ་ལས། བྱ་ཁྱི་

[Full Size]

ཙམ་ལའང་སྦྱིན་པར་མི་རུང་ངོ་། །སྔར་ཆོ་ག་དང་འབྲེལ་བའི་རྟེན་བཙུགས་པ་ཡོད་ན། ཟུར་གསལ་ལྟར་སྒོ་དབྱེ་བའི་ཆོ་ག་བྱས་ཏེ་གཡང་རྟེན་རྣམས་སྤོས་དུད་སོགས་བཀུར་བསྟི་དང་བཅས་ཏེ་སྤྱན་དྲངས་ལ་གཞི་སྟེང་དུ་བཀོད་ཅིང་། རྒྱན་སྤྲོས་ཀྱིས་མཚོན་ཏེ་ཁ་གསོ་དགོས་པ་རྣམས་གསོ་ཞིང་། མཆོད་པའི་བྱེ་བྲག་ལ་སོགས་པ་གསར་དུ་བཤས་པར་བྱའོ། །གཉིས་པ་འབྱོར་པས་དམན་པའམ་ཉན་ཆོག་ལྟ་བུར་བཅའ་གཞི་བསྡུས་པའི་ཚུལ་ནི་གཞུང་གི་དབུར་གསུངས་པ་ལྟར་རོ། ༈ །གཉིས་པ་ལག་ལེན་དངོས་གཞི་ནི། །ཐོག་མར་བདག་བསྐྱེད་ཡི་དམ་གང་བྱེད་ཀྱི་གཞུང་བཟླས་པའི་བར་དུ་བཏང་དགོས་པས། ཞག་གྲངས་བྱེད་ཚེ་དཀོན་མཆོག་སྤྱི་འདུས་ལ་མཚོན་ན་དབུ་ནས་བརྩམ། སེང་གདོང་མའི་བཟླས་པའི་བར་དུ་བཏང་། དེ་མཚམས་ནོར་ཅན་དང་རྒྱས་པའི་རིགས་ལ་ངེས་པར་དགོས་པ་གོང་སྨོས་ཕྱག་རྡོར་བདག་བསྐྱེད་བཟླས་པ་དང་བཅས་པའང་བྱ། ཉིན་ཆོག་གམ་ཚར་རེ་ཟུང་ལ་ཕྱག་རྡོར་བསྐྱེད་བཟླས་འདི་ཁོ་ནས་ཆོག་གི་སྤྲོས་པ་གཞན་མི་དགོས། དེ་ནས་གཞུང་གསལ། ཧཱུྃ། རང་ཉིད་ཡི་དམ་སོགས་ལ་འཇུག་སྟེ། དེའི་ཚེ་རང་ཉིད་ལས་ཀྱི་ཁྲོ་བོ་བདུད་རྩི་འཁྱིལ་བར་གསལ་བའི་

[Full Size]

། ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལྗང་སྔོན་གྱི་མཐར་བཟླས་བྱའི་སྔགས་ཕྲེང་གཡས་སུ་བསྐོར་བ་ལས་འོད་ཟེར་འཕྲོས། རྒྱལ་བ་སྲས་དང་བཅས་པའི་ཐུགས་རྒྱུད་བསྐུལ། མཐུ་སྟོབས་བྱིན་རླབས་ཐམས་ཅད་བདུད་རྩི་འཁྱིལ་བའི་སྐུ་དང་སྔགས་ཕྲེང་ཕྱག་མཚན་གྱི་རྣམ་པར་ཆར་བབ་པ་ལྟར་བྱོན་ནས་བདག་དང་ཐུན་རྫས་ལ་ཐིམ་པས་བདག་ཉིད་མཐུ་སྟོབས་གཟི་བརྗིད་རབ་ཏུ་རྒྱས་ཤིང་། ཐུན་རྫས་རྣམས་ཁྲོ་ཆུང་མེ་འབར་ཤིང་ཚྭ་ཚྭ་འཕྲོ་བར་གྱུར་པར་མོས་ལ། ཨ་མྲྀ་ཏ་སྟོང་ཕྲག་ཙམ་དང་། ཀུཎྜ་ལཱི་བརྒྱ་རྩ་ཙམ་བཟླས་ལ་ཕུས་བཏབ་པས། ཐུན་རྫས་ཀྱི་ཁྲོ་བོ་རྣམས་འོད་དུ་ཞུ་སྟེ་ཧཱུྃ་ཡིག་ལྗང་སྔོན་མེའི་ཚྭ་ཚྭ་ཐུལ་ཐུལ་འཕྲོ་བ་འབའ་ཞིག་ཏུ་གྱུར་པར་མོས་ལ། མཆོད་བསྟོད་བྱ། འོ་ཆབ་གྱི་སྟེང་དུ་སྒྲུབ་པ་པོ་གཙང་སྦྲ་ལ་གནས་པ་ཡིན་ན་སྐད་ཅིག་དྲན་རྫོགས་སུ་རྡོ་རྗེ་རྣམ་འཇོམས་ལྗང་སྔོན་དང་། ཤ་ཆང་སོགས་ལ་འབགས་ན་དཀར་པོར་གསལ་བའི་ཐུགས་སྲོག་དང་སྐུ་ལས་བདུད་རྩིའི་རྒྱུན་བབ་འོ་ཆབ་དག་བྱེད་ཀྱི་ཁྲུས་ཆུ་ནུས་པ་དང་ལྡན་པར་མོས་ལ། རྣམ་འཇོམས་ཚར་གཅིག་དང་ཉེ་སྙིང་གང་འགྲུབ། ཤམ་བུ་ཁྲུས་བདུན་རིག་པ་སྦྱར་བའམ་

[Full Size]

བདུན་ཙམ་ཕན་ཡོན་བཅས་བརྗོད་ལ་ལྷ་མི་དམིགས་པར་བཞག །རང་ཉིད་བདུད་རྩི་འཁྱིལ་བར་གསལ་བའི་ཐུགས་ཀའི་འོད་ཟེར་ལྕགས་ཀྱུ་ལྟ་བུས་དབུལ་ཕོངས་བྱེད་པའི་བསེ་རག་དང་གོད་འདྲེ་སོགས་བགེགས་རིགས་ཐམས་ཅད་མདུན་ཏུ་བཀུག་སྟེ་གུས་པས་འཁོད། གླུད་གཏོར་དེ་དག་རྣམས་ཀྱི་ཡིད་ལ་གང་འདོད་པའི་ལོངས་སྤྱོད་ཟད་མི་ཤེས་པའི་གཏེར་ཆེན་པོར་བསམ་ལ་གཞུང་ཚིག་གྱེར། དོ་གལ་བྱེད་ན་གླུད་རྫས་ཀྱིས་ཁ་གསོ་ཞིང་ལན་བདུན་ལ་སོགས་པ་ཚར་གྲངས་བསག །ན་མཿསརྦ་སོགས་ལ་ཆུ་གཙང་སྦྲེང་དགོས། མཐར་དེ་དག་ཚིམས་ནས་ཕྱི་མིག་མི་ལྟ་བར་མཐའི་རྒྱ་མཚོའི་ཕ་རོལ་དུ་སོང་བར་བསམ་ལ། གླུད་གཏོར་ཁང་ཁྱིམ་མི་མཐོང་བའི་སར་སྐྱེལ་ལ་ཕྱི་མིག་མི་ལྟ་བར་ལོག་བཅུག །གླུད་མི་ལེན་ཅིང་བདེན་ཚིག་ལ་མི་ཉན་པའི་འབྱུང་པོ་གནོད་པའི་སེམས་འཆར་བ་མཐའ་དག་རང་གི་སྐུ་ལས་སྤྲོས་པའི་ཁྲོ་ཆུང་མེ་ཕུང་ཐུན་རྫས་ཧཱུྃ་ཡིག་མཚོན་ཆེན་འབར་བའི་ཆར་གྱིས་བསྐྲད་ཅིང་རྡུལ་ཕྲན་ཙམ་དུ་བརླགས་པར་བྱས་པར་མོས་ལ། མཚམས་གཅད་བརྗོད་

[Full Size]

ཅིང་འཁྱིལ་བའི་སྔགས་དང་། སུམྦྷ་ནི་དྲག་ཏུ་བཟླ་བཞིན་པས་ཁྱིམ་ཕྱི་ནང་ཐམས་ཅད་དུ་རྡོ་ཐུན་གཏོར། སླར་ཁྲོ་ཆུང་ཐམས་ཅད་ཚུར་འདུས་པ་ལས་བྱུང་བའི་རྡོ་རྗེ་མཚོན་ཆ་མེ་རིའི་གུར་ཁང་ཅིས་ཀྱང་མི་ཤིགས་པའི་ནང་དུ་བསྲུང་བྱའི་གནས་ཁང་ནོར་ཕྱུག་ཞིང་དང་བཅས་པ་ཚུད་པར་བསྒོམ། དེ་ནས་ཁྲུས་ཚིག་དང་རྣམ་འཇོམས་ཀྱི་སྔགས་ཤམ་བུ་ཅན། ཀུཎྜ་ལཱི་རྣམས་བརྗོད་བཞིན་པས་ཁྲུས་ཆབ་ཕྱོགས་ཐམས་ཅད་དུ་འཐོར་བས། འགོ་བའི་ལྷ་ལྔ། སྐྱོབ་པའི་ལྷ་དགུ། དགྲ་བླ་ཡུལ་ལྷ་གཉན་པོ་སོགས་འགོ་བའི་ལྷ་སྲུང་རྣམས་ལ་མི་གཙང་བའི་དྲི་མ་ཕོག་པ་རྣམས་དང་། བདག་དང་ཡོན་གྱི་བདག་པོའི་སྡིག་སྒྲིབ་རྨེ་རྨུག་ནལ་གསུམ་གྱི་དྲི་མ་ཡུལ་ཞིང་ནོར་རྫས་ལ་འགོང་པོ་བསེ་རག་གི་ཁ་རླངས་ཕོག་པ་སོགས་མདོར་ན་གྲིབ་དང་མི་གཙང་བ་མཐའ་དག་ཤེལ་དཀར་གྱི་བུམ་པ་ལྟར་བཀྲུས་ནས་གཙང་ཞིང་དག་པར་མོས། འདིར་སྤྲོ་ན་གནས་མདོ་བདེ་ཆེན་སྙིང་པོས་མཛད་པའི་སངས་རྒྱས་ཀྱི་མདུན་བསྐྱེད་བཏོན་ལ། སྔགས་བཟླ་བའི་ཚེ་བཅོམ་ལྡན་འདས་ཀྱི་ཐུགས་རྗེ་ཆེན་པོའི་འོད་ཟེར་

[Full Size]

གསེར་བཙོ་མ་ལྟ་བུ་བདག་དང་སྦྱིན་བདག་ལ་ཕོག་པས། ཐོག་མེད་ནས་བསགས་པའི་སྡིག་སྒྲིབ་སྤྱི་དང་། བྱེ་བྲག་སེར་སྣའི་ཉེས་པས་དབུལ་ཞིང་ཕོངས་པར་འགྱུར་བའི་ལས་སྒྲིབ་ཅི་ཡོད་པ་ཐམས་ཅད་སང་གི་དག །བསོད་ནམས་དང་ཡེ་ཤེས་ཀྱི་ཚོགས་གཉིས་རྫོགས་པའི་སྐལ་བ་ཅན་ཏུ་གྱུར། མཐར་དེ་བཞིན་གཤེགས་པ་ཉིད་མདུན་གྱི་ནམ་མཁར་བཞུགས་པའི་འོད་ཟེར་གྱིས་ཡུལ་ཕྱོགས་གནས་ཁང་དང་བཅས་པ་བདེ་བ་ཅན་གྱི་ཞིང་ཁམས་ལྟ་བུ་བཀོད་པའི་ཁྱད་པར་མཐའ་ཡས་པ་དང་ལྡན་པར་བྱིན་གྱིས་བརླབས་པར་མོས། དེའི་དབུས་སུ་རིན་པོ་ཆེའི་གཞལ་མེད་ཁང་གྲུ་བཞི་སྒོ་བཞི་རྒྱན་རྟ་བབས་བཅས་པའི་དབུས་དང་ཕྱོགས་མཚམས་བརྒྱད་དུ་གཏེར་བུམ་དང་པདྨ་ཟླ་བའི་གདན་རེ་རེ། བར་མཚམས་རྣམས་སུ་མཆོད་པའི་ཡོ་བྱད་བསམ་གྱིས་མི་ཁྱབ་པ། །མཐའ་བསྐོར་དུ་ཁྲུས་ཀྱི་རྫིང་བུ། །དཔག་བསམ་ལྗོན་ཤིང་། རིན་པོ་ཆེའི་རི་བོ། །མ་རྨོས་པའི་ལོ་ཏོག །འདོད་འཇོའི་བ་མོ། ནོར་

[Full Size]

བུའི་འགྲམ་སྟེགས་ལ་སོགས་པས་བསྐོར་ཞིང་། ཕྱོགས་མཚམས་ཀུན་ཏུ་འཇའ་འོད་དང་རིན་པོ་ཆེའི་སྤྲིན་འཁྲིགས་པར་བསྒོམ་ལ། སྭ་བྷཱ་བ་ནས། རང་བཞིན་གྱུར་བར་བརྗོད། འདིར་སྤྲོ་ན་བདེན་པའི་བྱིན་བརླབས་བརྗོད་པ་སྐབས་སུ་བབས་པས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་པའི་སྟོབས་དང་། བདག་གི་བསོད་ནམས་དང་སྨོན་ལམ་གྱི་སྟོབས་དང་གསང་སྔགས་དང་རིག་སྔགས་དང་གཟུངས་སྔགས་སྙིང་པོ་ཕྱག་རྒྱའི་ཚོགས་ཀྱི་བདེན་པའི་སྟོབས་ཀྱིས། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའི་ཆོས་ཀྱི་ཕོ་བྲང་མཚན་ཉིད་ཡོངས་སུ་རྫོགས་པ་ལྷ་སོ་སོའི་གདན་དང་བཅས་པ། །ཕྱི་ནང་ཀུན་ཏུ་ཡང་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བ་ལྟ་བུའི་མཆོད་པའི་སྤྲིན་གྱི་ཕུང་པོ་ནམ་མཁའ་དང་མཉམ་པ་ཇི་སྲིད་འཁོར་བ་མ་སྟོང་གི་བར་དུ་འབྱུང་ཞིང་རྒྱས་པར་གྱུར་ཅིག །ཐལ་མོ་ཁོང་སྟོང་དུ་སྦྱར་ལ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་

[Full Size]

ཐཱ་ཁཾ་ཨུངྒ་ཏེ་སྥ་ར་་ཨི་མཾ་ག་ག་ན་ཁཾ་ས་མནྟ་སྭཱ་ཧཱ། ལན་བརྒྱད་བརྗོད། དེ་ནས་སརྦ་བིད་པཱུ་ར་སོགས་སྦྱར། འདི་བརྗོད་ན་ཨ་ཀཱ་རོ་དང་། ནམ་མཁའ་མཛོད་སྔགས་གཉིས་མི་དགོས། དེ་ནས་སྤོས་ཀྱི་དུད་པ་བཏང་། མདའ་དར་གཡབ་ལ། རང་ཉིད་གསང་བའི་བདག་པོའི་ཐུགས་ཀའི་འོད་ཟེར་གྱིས་ལྕང་ལོ་ཅན་ནས་ལྷ་མོ་དཔལ་ཆེན་མོ་འཁོར་དང་བཅས་པའི་ཐུགས་རྒྱུད་བསྐུལ་ནས་སྔོན་གྱི་ཐུགས་དམ་དྲན་ཏེ་དགྱེས་པས་དགོངས་ཏེ་སྐད་ཅིག་གིས་བྱོན་པར་བསམ་ལ། སྤྱན་འདྲེན་དབྱངས་རོལ་བཅས་བརྗོད། ལྷ་མོ་དགུ་པོ་གནོད་སྦྱིན་བྱེ་བ། རྒྱལ་ཆེན་བཞིའི་འཁོར་དང་བཅས་ཏེ་བྱོན་ནས་གཞལ་ཡས་ཁང་གི་སོ་སོའི་གདན་ལ་བཞུགས་ཤིང་རྒྱལ་པོ་བཞི་ཡང་སྒོ་བཞི་ལ་བཞུགས་པར་མོས། འདི་རིགས་ཀྱི་བཀའ་ཉན་ཡིན་པར་མ་ཟད་དགོས་པའི་གནད་འགའ་རེ་ཡོད་པས་བསྒོམ་དོན་ངེས་པར་བྱ་དགོས། དེ་ནས་རང་གི་ཐུགས་ལས་སྤྲུལ་པའི་མཆོད་པའི་ལྷ་མོ་དཔག་ཏུ་མེད་པས་མཆོད་པར་མོས་ལ་མཆོད་ཕྲེང་སྦྱར། གཞུང་དུ་གཏོར་མ་བྱིན་རླབས་ཟུར་གསལ་མ་གསུངས་པས། ཚར་གྲངས་བསགས་ཚེ་གོང་དུ་གཞལ་ཡས་སོགས་

[Full Size]

བསྐྱེད་པའི་ཞར་བྱུང་དམིགས་པས་ཁྱབ་པར་བྱས་ཀྱང་འཐུས་ཤིང་། ཚར་སྔ་མ་རྣམས་སུ་འདི་ལྟར་སྦྱར་ཏེ། ཨ་མྲྀ་ཏས་བསངས། སྭ་བྷཱ་བས་སྦྱང་། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿཧཱུྃ་ཞུ་བ་ལས་བྱུང་བའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཁ་དོག་དྲི་རོ་ནུས་མཐུ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ་གྱིས་བྱིན་བརླབས་ནས། ལྷ་མོ་འཁོར་དང་བཅས་པའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་གསོལ་བས་མཉེས་པར་མོས་ལ། གཞུང་གསལ་སྔགས་ཀྱིས་འབུལ་ཞིང་གཙོ་མོ་ལ་བསྟོད་ཅིང་ཕྲིན་ལས་བཅོལ། སངས་རྒྱས་ཀྱི་མཚན་བརྗོད་པའི་ཚེ་མདུན་གྱི་ནམ་མཁར་བཞུགས་པའི་དེ་བཞིན་གཤེགས་པ་དང་། ཆོས་ལ་དེ་ཉིད་ཡིད་ལ་བྱ་ཞིང་། དཔལ་ཆེན་མོའི་མཚན་བཅུ་གཉིས་ཀྱི་སྐབས་གཙོ་མོ་ལ་དམིགས་ཏེ། དད་མོས་རྩེ་གཅིག་པས་རང་གཞན་སེམས་ཅན་ཐམས་ཅད་ཀྱི་ལུས་ཞིང་གི་རྡུལ་སྙེད་དུ་སྤྲུལ་ནས་ཕྱག་བྱ་ཞིང་། མཆོད་པ་ཕུལ་བ་སོགས་མོས་ཏེ། དེའི་ཚེ་དེ་དག་གི་ཐུགས་རྗེའི་འོད་ཟེར་གྱིས་བདག་གཞན་ཐམས་ཅད་ཀྱི་

[Full Size]

སྡིག་སྒྲིབ་མ་ལུས་པ་བྱང་། བསོད་ནམས་དང་ཡེ་ཤེས་ཀྱི་མཐུ་སྟོབས་རབ་ཏུ་རྒྱས་པར་མོས། །སྔགས་བཟླ་བའི་ཚེ་དམིགས་པའི་གནད་གོང་དུ་སྨོས་པ་དེ་ལ་གཙོར་བྱ་ཞིང་། གཞན་ཡང་སྐུ་སྤྲོས་པ་དེ་དག་ཚུར་འདུས་པའི་ཚེ་བདག་དང་སྦྱིན་བདག་ལ་ཐིམ་པས་སྒྲིབ་པ་བསལ་ནས་བྱིན་གྱིས་བརླབ་པ་དང་། སྐུའི་འོད་ཟེར་ལས་སྐྱེས་པའི་ནོར་བུའི་སྤྲིན་འཐུག་པོ་ལས་ཟས་ནོར་ལོངས་སྤྱོད་ཀྱི་ཆར་ཆེན་པོ་བབས་པས་གནས་ཁང་བང་མཛོད་དང་བཅས་པ་མེར་གྱིས་ཁེངས་པར་བསམ་པ་དང་། ཡང་རང་གི་ཐུགས་ཀར་འོད་ཟེར་གྱིས་ལྷ་མོ་གཙོ་འཁོར་བསྐུལ། དེ་དག་གིས་སྔོན་གྱི་དམ་བཅའ་རྗེས་སུ་དྲན། ཐུགས་སྲོག་ལས་འོད་ཟེར་དཔག་ཏུ་མེད་པ་འཕྲོས། །ཕྱི་སྣོད་ཐམས་ཅད་སྦྱངས་བདེ་བ་ཅན་གྱི་ཞིང་ཁམས་ལྟ་བུར་གྱུར། ནང་བཅུད་ཀྱི་འགྲོ་བ་སྤྱི་དང་ཁྱད་པར་བདག་དང་སྦྱིན་བདག་གི་སེར་སྣ་རྐུ་འཕྲོག་གི་ཉེས་པས་མཚོན་པའི་སྡིག་སྒྲིབ་མཐའ་དག་སྦྱངས། སྣོད་བཅུད་མཐའ་དག་གི་དཔལ་འབྱོར་ཡོན་ཏན་རབ་ཏུ་སྤེལ། སླར་འོད་ཟེར་ཚུར་འདུས་པས་འཁོར་འདས་ཀུན་གྱི་ཡོན་ཏན་

[Full Size]

བྱིན་རླབས། ཚེ་བསོད་དཔལ་འབྱོར། དབང་ཐང་སྙན་གྲགས། སྟོབས་རྩལ་གཟི་བརྗིད། འབྱུང་བ་བཞིའི་བཅུད། ལྷ་ཀླུ་མིའི་ཕྱ་གཡང་། མདོར་ན་བརྟན་གཡོའི་ཚོས་བཅུ་བཞིའི་དངས་བཅུད་ཐམས་ཅད་བསྡུས་ཏེ་བདག་མདུན་སྦྱིན་བདག་རྣམས་ལ་སིབ་སིབ་ཐིམ་པར་མོས་ལ། རྩ་བསྙེན་ཅི་འགྲུབ། ལས་སྔགས་བརྒྱའམ་ཉེར་གཅིག་བཟླ། ལྷ་མོ་བརྒྱད་པོ་བརྟེན་ཅིང་ཐུགས་དམ་བསྐུལ་ཏེ་ནོར་རྒྱུན་མའི་ཐུགས་ཀར་ཟླ་གདན་ལ་མཚན་སྔགས་ཐོག་མ་བཾ་གསེར་མདོག་བཀོད་པས་མཚོན་སོ་སོའི་ཐུགས་སྲོག་སྔགས་ཀྱིས་བསྐོར་བ་ལ་དམིགས་ནས་འོད་ཟེར་སྤྲོ་བསྡུ་གོང་སྨོས་ལྟ་བུས་ཉེར་གཅིག་ཕན་ཅི་འགྲུབ་བཟླའོ། །དེ་ནས་བདག་མདུན་གྱི་ཐུགས་ཀའི་འོད་ཟེར་སྟེང་ཕྱོགས་སུ་འཕྲོས་པས། སུམ་ཅུ་རྩ་གསུམ་གྱི་གནས་ནས་ལྷ་ཆེན་ཚོགས་ཀྱི་བདག་པོ་འཁོར་དང་བཅས་པ་སྤྱན་དྲངས། མདུན་བསྐྱེད་གཞལ་ཡས་ཁང་གི་བར་ཁྱམས་གཡས་ངོས་སུ་བཞུགས་པར་མོས་ལ། མཆོད་བསྟོད་གཏོར་འབུལ་གྱི་དམིགས་པ་གོང་སྨོས་ཀྱིས་རིགས་འགྲེ། ལྷ་ཆེན་པོའི་ཐུགས་ཀར་ཟླ་བའི་སྟེང་དུ་གཾ་ལས་སྔགས་ཕྲེང་གཡས་བསྐོར་དུ་འཁོད། བདག་མདུན་གྱི་འོད་ཀྱིས་བསྐུལ་

[Full Size]

བས། དེ་ལས་འཕྲོས་པའི་འོད་ཟེར་གྱིས་འཇིག་རྟེན་གསུམ་གྱི་དཔལ་འབྱོར་སྤྱི་དང་། བྱེ་བྲག་སྟེང་ཕྱོགས་ལྷའི་ཕྱྭ་གཡང་ཐམས་ཅད་འོད་དང་ཐིག་ལེ་དཀར་ལ་འཚེར་བའི་རྣམ་པར་བསྡུས་ཏེ་བསྒྲུབ་བྱ་མི་ནོར་ཞིང་ཁང་དང་བཅས་པ་ལ་ཐིམ་པས་བཀྲག་མདངས་སྣུམ་བག་གཟི་བརྗོད་དང་ལྡན། གནས་ཁང་ཐམས་ཅད་ལོངས་སྤྱོད་ཆེན་པོས་མེར་གྱིས་གང་། ཁྱད་པར་སྤྲུལ་པ་དུ་མས་བགེགས་ཐམས་ཅད་གཟིར་ཞིང་གནད་ལ་བཀར་བར་མོས་ལ་སྔགས་ཅི་འགྲུབ་བཟླ། དེས་གཞན་གཉིས་ལ་རིགས་འགྲེས་ཏེ། འོད་ཟེར་འོག་ཕྱོགས་སུ་འཕྲོས་པས་ཀླུ་རྒྱལ་མི་མགོན་དཀར་པོ་འཁོར་དང་བཅས་པ་སྤྱན་དྲངས། གཡོན་ཕྱོགས་ཀྱི་བར་ཁྱམས་འོ་མའི་རྒྱ་མཚོ་འཁྱིལ་བ་ལ་བཞུགས་པ་དང་། འོད་ཟེར་སྤྲོ་བསྡུའི་སྐབས། ཐུགས་ཀར་ཟླ་སྟེང་ཕུཿཡིག་སྔགས་ཕྲེང་དང་བཅས་པའི་འོད་ཟེར་གྱིས། བྱེ་བྲག་འོག་ཕྱོགས་ཀླུའི་ཕྱ་གཡང་ཐམས་ཅད་འོད་དང་ཐིག་ལེ་སྔོ་ལ་དྭངས་པའི་རྣམ་པར་བསྡུས། ཁྱད་པར་ཐུགས་ཀའི་འོད་ཟེར་གྱིས་ཀླུ་ཆེན་པོ་རྣམས་བསྐུལ་བས་འཛད་པ་མེད་པའི་

[Full Size]

རིན་པོ་ཆེའི་ཕུང་པོ་ཕྱུར་བུར་སྤུངས་པར་བསམ་ལ་སྔགས་བཟླ། དེ་བཞིན་ཏུ། འོད་ཟེར་ཤར་ཕྱོགས་སུ་འཕྲོས་པས་རྨ་རྒྱལ་སྤོམ་ར་གཉན་པོ་འཁོར་དང་བཅས་པ་སྤྱན་དྲངས། མདུན་གྱི་ཁྱམས་ལ་བཞུགས། །ཐུགས་ཀར་ཟླ་སྟེང་ཤཿཡིག་དཀར་སེར་སྔགས་ཕྲེང་དང་བཅས་པའི་འོད་ཟེར་གྱིས། བྱེ་བྲག་པར་ཕྱོགས་མི་དང་གཉན་གྱི་ཕྱ་གཡང་ཐམས་ཅད་འོད་དང་ཐིག་ལེ་སེར་ལ་བརྗིད་པའི་རྣམ་པར་བསྡུ། ཁྱད་པར་ཐུགས་ཀའི་འོད་ཟེར་གྱིས་རྨ་གཡང་དངོས་གྲུབ་མཐའ་དག་འུབ་ཀྱིས་བསྡུས་ནས་གནས་ཁང་བང་མཛོད་ར་བ་ཕྱུག་ལྷས་ཡུལ་ཞིང་དང་བཅས་པ་ལ་ཐིམ་པས། རྒུད་པ་མེད་པའི་ཕྱྭ་གཡང་གི་བྱིན་ཆགས་པར་མོས་ལ་སྔགས་བཟླའོ། །དེ་ལྟར་ཚར་གཅིག་སོང་མཚམས་སུ་ཟུར་གསལ་གཡང་བསངས་ཉིད་ངེས་པར་ཚར་གཅིག་སྦྱར་བར་བྱ་སྟེ་དེའང་དཔལ་ཆེན་མོ་ལུང་བསྟན་པའི་མདོ་ལས། །སངས་རྒྱས་དེ་དག་ལ་མེ་ཏོག་དང་བདུག་པ། ལྷ་མོ་ཆེན་མོ་དཔལ་ལ་ཡང་ཙནྡན་བདུག་པ་ཕུལ་ཏེ་སངས་རྒྱས་ཀྱི་མཚན་འདི་དག་དང་། ལྷ་མོ་ཆེན་མོའི་མཚན་བརྒྱ་རྩ་བརྒྱད་བཀླགས་ན་དེས་དཔལ་ཐམས་ཅད་འཐོབ་པར་འགྱུར་ཞིང་།

[Full Size]

བདེ་བ་དང་ཡིད་བདེ་བ་ཐམས་ཅད་འཐོབ་པར་འགྱུར། ལྷ་ཐམས་ཅད་ཀྱང་བསྲུང་བ་དང་། བསྐྱབ་པ་དང་། སྦེད་པར་བྱེད་པར་འགྱུར་ལ་དེའི་དོན་ཐམས་ཅད་འགྲུབ་པར་འགྱུར་བ་སོགས་ཕན་ཡོན་མཐའ་ཡས་པ་གསུངས་པའི་དགོས་པ་དང་ལྡན་པས་སོ། །དེ་ནས་ཉིན་གཅིག་ལ་ཚར་གྲངས་ཅི་ཙམ་བྱེད་ཀྱང་། གནས་ཁང་བསྐྱེད་པ་ནས་སྤོམ་ར་ཡན་བསགས་ཤིང་། གཙོ་བོར་སྔགས་དམིགས་ཉིད་བུང་བསྐྱེད་པ་གལ་ཆེ། དགོངས་མོར་སྤྲོ་ན་ལོགས་སུ་གསལ་བའི་གཏོར་འབུལ་རྒྱས་པ་ཉིད་འདིར་སྦྱར། དེ་ནས་ལྷན་ཐབས་མཇུག་ཆོག་གི་མཆོད་བསྟོད་ཐུགས་དམ་བསྐུལ་བ་གཡང་འགུགས་བཅས་བྱ་ཞིང་། དེའི་ཚེ་ཇི་ལྟར་སྨོས་པའི་འཁོར་འདས་ཀྱི་བཅུད་དང་དྭངས་མ་ཕྱྭ་གཡང་དཔལ་འབྱོར་ཐམས་ཅད་བདག་མདུན་འཁོར་དང་བཅས་པའི་འོད་ཟེར་ལྕགས་ཀྱུའི་རྡུལ་ལྟ་བུས་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་འུབ་ཀྱིས་བསྡུས་ནས་བསྒྲུབ་བྱ་དང་། ཁྱད་པར་མདུན་གྱི་གཡང་རྟེན་རྣམས་ལ་སིབ་སིབ་ཐིམ་པར་མོས། མཐར་གཡང་རྟེན་དེ་དག་ཐམས་ཅད་ཀྱང་རྡོ་རྗེ་མཚོན་ཆ་མེ་ཕུང་གི་གུར་དུ་ཚུད་པས་བསེ་རག་འགོང་པོ་

[Full Size]

སྲིས་རྐུན་སོགས་ཀྱིས་གླགས་ལྟ་བའི་གནས་མེད་པར་བསྒོམ་ལ་དམིགས་མེད་སྤྲོས་བྲལ་གྱི་ངང་དུ་མཉམ་པར་བཞག །ནོངས་བཤགས། བརྟན་བཞུགས། བཀྲ་ཤིས་བརྗོད། དེ་ནས་ཆོས་སྐྱོང་གཏར་འབུལ། ཡི་དམ་ཚོགས་སྐོང་སོགས་མཐར་དབྱུང་ཞིང་། གཡང་སྐྱབས་ཆོ་ག་གཞན་འདོན་སྲོལ་ཡོད་ནའང་གོང་གི་བཀྲ་ཤིས་གྲུབ་པའི་རྗེས་སུ་སྦྱར་ན་ལེགས་སོ།། །།ཉིན་ཕྱི་མ་རྣམས་སུ་གཡང་གླུད་བཀར་ཡས་བགེགས་བསྐྲད་ཁྲུས་གསོལ་རྣམས་ཀྱང་སྤྲོས་པ་ལ་དགའ་ན་བྱ། མི་སྤྲོ་ན་ཉིན་དང་པོ་དེ་ཀས་འཐུས། གཞན་ཐམས་ཅད་སྔར་བཤད་པ་ཁོ་ན་ལྟར་བསྐྱར་བར་བྱའོ།། །།གསུམ་པ་རྗེས་ཀྱི་བྱ་བ་ནི། གཡང་སྒྲུབ་ཞག་གྲངས་ཇི་ཙམ་བྱེད་པ་གྲུབ་ནས། གཟའ་སྐར་འཕྲོད་སྦྱོར་དགེ་བའི་སྔ་དྲོའི་ཆར་ཉིན་བསྟར་ཆགས་སུ་བྱ་བའི་རིམ་པ་ལས། ཐུགས་དམ་བསྐུལ་བ་ཡན་གྲུབ་པ་དང་། སྟན་དཀར་པོ་འབྲུ་དཀར་གྱི་གཡུང་དྲུང་བྲིས་པ་ལ་གཡང་གཏད་གང་ལ་བྱ་བའི་སྦྱིན་བདག་རྣམས་འཁོད་དུ་བཅུག །སློབ་དཔོན་གྱིས་མདའ་དར་གཡབ་སྟེ་གཡང་འགུགས་གྱེར་བའི་ཚེ། ཕྱ་གཡང་རྣམས་སྦྱིན་བདག་དང་གཡང་རྟེན་གཉིས་ཀ་ལ་བཀུག་ཅིང་བསྟིམ། སྦ་བསྟིམ། ནོངས་བཤགས། ཡེ་ཤེས་པ་བརྟན་

[Full Size]

བཞུགས། འཇིག་རྟེན་པ་ལྷ་ཀླུ་གཉན་གསུམ་རྟེན་ཡོད་ན་བརྟན་བཞུགས་དང་། མེད་ན་གཤེགས་གསོལ་སྐབས་བབས་བྱ། དཔལ་ཆེན་ལྷ་མོ་འཁོར་གྱི་གྲོགས་མོ་བརྒྱད་དང་བཅས་པ་འོད་དུ་ཞུ་སྟེ་རྟེན་རྣམས་ལ་ཐིམ་པས། གཡང་རྟེན་རྣམས་ངོ་བོ་ལྷ་མོ་འཁོར་བཅས་དང་གཉིས་སུ་མེད་པ་ལ། རྣམ་པ་འཁོར་འདས་ཀྱི་ཕྱ་གཡང་དྭངས་བཅུད་ཐམས་ཅད་གཅིག་ཏུ་འདུས་པ་དགོས་འདོད་ཐམས་ཅད་འབྱུང་བའི་ཡིད་བཞིན་གྱི་ནོར་བུ་རིན་པོ་ཆེ་ལྟ་བུར་གྱུར་པར་མོས་ལ། མདའ་དར་སྐྱེས་པ། གཡང་བཤོས་ཡོན་བདག་མོ། །གཞན་རྣམས་ཀྱང་གང་འོས་སུ་གཏད་ལ་གཡང་གཏད་བྱེད། །ལྷན་ཐབས་ཀྱི་གཤམ་དུ་གསལ་བའི་བཀྲ་ཤིས་རྒྱས་པར་བརྗོད་ལ་མེ་ཏོག་འཐོར་དཀར་གསུམ་དང་ཕྱེ་མར་གྱིས་མཆོད་ཡོན་གཉིས་ཀའི་ཞལ་བསྲོ། གཡང་རྟེན་རྣམས་སྦྱིན་བདག་གིས་གུས་པ་དང་བཅས་པས་བཞུགས་སྒྲོམ་དུ་མགོ་མཇུག་གོ་རིམ་མ་ལོག་པར་བཞུགས་སུ་གསོལ་ཞིང་། འབྱོར་ན་མདུན་ཏུ་ཆུ་གཉིས་ཉེར་སྤྱོད་ཀྱང་བཤམ། འབྲོག་པ་ལྟ་བུས་གཏོར་མ་སོགས་ཟས་ཕུད་དང་གཡང་རྟེན་མདའ་དར་སོགས་སྒྲོམ་དུ་བཅུག་ཅིང་ལྷག་མ་དངོས་གྲུབ་ཏུ་རོལ་བ་ཡུལ་ལུགས་ལྟར་བྱ། དེ་ནས་

[Full Size]

རྟེན་ཡོད་ས་དེར་སྒྲུབ་པ་པོ་རྣམས་ཀྱང་ཕྱིན་ཏེ། བསངས་དུད། གསེར་སྐྱེམས། ཕྱི་མར། འབྲུ་སྣའི་མཆོད་པ་དང་བཅས་གཡང་གི་སྲུང་བཙུགས་ཤིང་། སྒོ་སྲུང་བཀོད་དེ་རྒྱས་གདབ་ལ་བཀྲ་ཤིས་གང་འོས་བརྗོད་པས་མཐར་དག་པར་བྱ། རྟག་བཞུགས་ཀྱི་རྟེན་ཡོད་ཚེ་སླར་ལྷ་མོ་འཁོར་བཅས་སྐད་ཅིག་གིས་གསལ་གདབ་ལ། མཆོད་བསྟོད་འདོད་གསོལ་བྱ། ཤུག་པ་ཡོད་ན་དཀྱིལ་ཀ་སོགས་ལ་བཙུགས་ཏེ་ཕྱར་མ་འདར། ལྷ་ཀླུ་གཉན་གསུམ་གཤེགས་པའི་སྐབས་སུ་ལྷའི་གཏོར་མ་རི་རྩེ། ཀླུ་གཏོར་ཆུ་མིག །སྤོ་མ་རའི་གཏོར་མ་བསངས་ནང་དུ་འབུལ་དགོས་ཤིང་དེ་དག་དངོས་གྲུབ་ཏུ་རོལ་ནའང་ཆོག་གོ། །དེ་ནས་ཆོས་སྲུང་གི་གཏོར་འབུལ་དང་ཚོགས་སྐོར་སོགས་མཐའ་རྒྱས་སུ་བྱའོ། །དེའི་ཉིན་མོར་ཁ་བརྡ་ལ་ཉེ་བཟང་པོ་བརྗོད་ཅིང་དགའ་སྟོན་དང་འབྲེལ་བའི་ཆས་གོས་ཁ་ཟས་བཟང་དུ་བྱ་བ་དང་། ཞག་གསུམ་བདུན་ལ་སོགས་པར་བཏང་ལེན་གྱི་སྤང་བླང་ཡང་ལུགས་སྲོལ་དང་བསྟུན་ཏེ་བྱ། གཡང་རྟེན་གང་དུ་བཞུགས་པའི་མདུན་ངོས་སུ་སྣོད་གཙང་མར་ཟས་སྣ་འབྲུ་སྣ་བྱུང་ངོ་ཅོག་གི་ཕུད་བླུགས་ཤིང་། ཁྱད་པར་ཚེས་གྲངས་བཟང་པོ་རྣམས་དང་། འགྲུབ་སྦྱོར་དང་ལྡན་པའི་ཚེ་བཟའ་བཏུང་གི་ཕུད་ཀྱིས་མཆོད་ཅིང་སྨོན་ལམ་གདབ། ལོ་དུས་སུ་སྒྲུབ་པའི་ཁ་གསོ་མ་ཆགས་པར་བྱས་པས་འདོད་རྒུ་ཕུན་སུམ་ཚོགས་

[Full Size]

པར་འགྱུར་རོ།། །།བསོད་ནམས་དཔལ་དང་འབྱོར་པ་ཀུན། །རིག་སྔགས་མཐུ་ཡིས་སྟེར་ནུས་པ། །རིག་པའི་ནོར་བུ་རྒྱུད་རྣམས་ལས། །གསུངས་པ་འདི་ལ་བྱི་དོར་འོས། །དགེ་བས་འགྲོ་བ་མཐའ་ཡས་པ། །རྒྱུ་དང་འབྲས་བུའི་དབུལ་བ་ལས། །གྲོལ་ཞིང་བསོད་ནམས་ཡེ་ཤེས་ནི། །ནམ་མཁའི་མཛོད་ལ་ལོངས་སྤྱོད་ཤོག །ཅེས་པ་འདི་ནི། རྩ་བའི་གཞུང་ཆགས་མེད་རིན་པོ་ཆེའི་གསུང་བྱིན་རླབས་ཀྱི་གཟི་བྱིན་དང་ལྡན་པ་ཉིད་དང་ཆ་ཆེ་ཡང་ཚད་ལྡན་བྱེད་པ་དཀོན་པས་ཞབས་ཏོག་ཏུ་བྲི་བར་བདུན་པའི་ཐོག །བསྟན་པའི་སྒྲོན་མེ་དབོན་སྤྲུལ་རིན་པོ་ཆེས་གཞན་ཕན་ཐུགས་བསྐྱེད་ཆེན་པོས་གཞུང་ཆ་ལག་བཅས་སླར་དུ་བསྒྲུབས་པའི་ཚེ། བཀའ་ཡིས་བསྐུལ་མ་གནང་བ་ལྟར་ཀརྨ་ངག་དབང་ཡོན་ཏན་རྒྱ་མཚོའམ། བློ་གྲོས་མཐའ་ཡས་པའི་སྡེས་ལྷག་བསམ་བཟང་པོས་དཔལ་སྤུངས་སྒྲུབ་ཁང་ཆེན་མོར་སྤེལ་བ་དགེ་ལེགས་འཕེལ།། །།

ལྷ་མོ་དཔལ་ཆེན་མོའི་གཡང་སྐྱོབས་འདོད་དགུའི་ཆར་འབེབས།

[Full Size]

ལྷ་མོ་དཔལ་ཆེན་མོའི་གཡང་སྐྱོབས་འདོད་དགུའི་ཆར་འབེབས་ཞེས་བྱ་བ་བཞུགས་སོ།། །།

[Full Size]

བཅོམ་ལྡན་ཐུགས་རྗེ་ཅན་ལ་ཕྱག་འཚལ་ལོ། །ལྷ་མོ་དཔལ་གྱི་གཡང་སྐྱབས་ནི། །འགྲོ་བ་རྣམས་ལ་ཕན་ཕྱིར་བྲི། །གཞི་ནི་དཀར་པོ་གཙང་མའི་སྟེང་། །ནས་ཀྱི་པདྨ་འདབ་བརྒྱད་བྲི། །དེ་སྟེང་གཡང་བཤོས་དཔེའུ་རིས་ལྟར། །སྡེར་གཙང་ཆག་གས་མེད་པར་བཤམ། །གཡས་གཡོན་མདུན་ཏུ་ནས་ཚོམ་གསུམ། །དེ་སྟེང་དཀར་གཏོར་གསུམ་བཞག་གོ། །དེ་མཐར་གྲོ་དང་གྲོ་མ་དང་། །མར་དང་ཐུད་ཀྱི་སྔར་ཆུང་གཟུགས། །བྲུང་གི་ཚུལ་དུ་འཁོད་པར་བསྐོད། །ཕྱེ་མར་ཟས་ཕུད་གང་འཛོམ་དང་། །གཡང་ཕོར་མར་ཁུས་བཀང་བ་དང་། །གཡང་སྒྱེ་གེ་ལུ་དཀར་པོ་ལ། །རྔ་མ་དར་ཚོན་རྒྱན་བཏགག་པ། །སྲུང་སྐུད་དཀར་པོས་ཁ་ཐིག་བྱ། །ནང་དུ་འབྲུ་སྣ་གཡང་རྫས་བཅུག །མདའ་དར་ཇ་ཆང་ལ་སོགས་ཕུད། །བཤམས་པ་དེ་ནི་བསྡུས་པ་ཡིན། ༈ །རྒྱས་

[Full Size]

པར་གཡང་བཤོས་ཆེ་བའི་མཐར། །རིན་ཆེན་འདྲ་བའི་བཤོས་ཕྲན་བརྒྱད། །ནས་ཀྱི་འདབ་བརྒྱད་སྟེང་དུ་བཀོད། །གཡས་ཀྱི་དཀར་གཏོར་དྲུང་དུ་ནི། །ཐུད་ཀྱི་གཡག་དང་མར་གྱི་ལུག །འབྲུ་སྣ་ཚོགས་ཚད་ཅི་འཛོམ་བཀོད། །གཡོན་གྱི་དཀར་གཏོར་དྲུང་དུ་ནི། །མར་གྱི་སྦལ་སྦྲུལ་ཉ་གསུམ་བཞག །འོ་མ་ཞོ་ལ་ཀླུ་སྨན་བཏབ། །བདུན་གྱི་དཀར་གཏོར་དྲུང་དུ་ནི། །ཟན་གྱི་བྱ་རྟ་གླང་གསུམ་བཞག །ཤུག་པ་རྩེ་རྒྱལ་རྟིང་དཀར་ལ། །བལ་ཚོན་སྣ་ལྔ་བཏགས་པ་བཤམ། །དེ་ཡང་དོ་དམ་ཆེར་བྱེད་ན། །སྐྱེས་པ་བུ་བདུན་ཡོད་པའི་མདའ། །བུད་མེད་བུ་བདུན་ཡོད་པ་ཡི། །སྐྲའམ་ཡང་ན་གོས་དུམ་མམ། །ནོར་གཡུ་སྣ་གཅིག་གང་རྙེད་དང་། །ཕྱུག་པོ་མི་རབས་མང་པོ་ལ། །དམ་བཏང་རྒྱུན་མི་ཆད་པའི་ནས། །རྒྱལ་པོས་ཁྲལ་ལ་བསྡུས་པའི་ནས། །ལུག་ནི་ཕྱུག་པོའི་བལ་དུམ་དང་། །

[Full Size]

རྟ་ནོར་ཕྱུག་པོའི་རྟ་ནོར་སྤུ། །སྡེ་པ་ཆེན་པོའི་ཐབ་ཀའི་དྲག །སྟོན་མོ་ཆེན་པོའི་ཟས་སྣ་རྣམས། །གཡང་སྒྱེ་ནང་དུ་བླུག་པར་བྱ། །ཞིང་ནི་བཟང་པོ་མང་པོའི་ས། །གཡང་གཞིའི་ཞབས་སུ་བཀོད་པར་བྱ། །རྫས་རྣམས་མ་འཛོམ་ན་ཡང་རུང་། །སྐར་མ་སྨིན་དྲུག་སྣར་མ་དང་། །མགོ་ལག་རྒྱལ་དང་སྒོ་ང་དང་། །བྱ་རོག་ས་རི་ས་ག་དང་། །སྒྲོག་དང་བྲེ་དང་བྲ་ཉེ་ལ། །གཡང་སྐྱབས་བྱེད་དང་རྫས་བསགས་རུང་། །སྐར་མ་མ་འཛོམ་ན་ཡང་རུང་། །གཡང་གླུད་དར་མི་ཆང་བུ་དང་། །སྦང་མ་ཤ་ཤུན་རམ་པ་རྣམས། །གྱོ་ཆག་གམ་ནི་སྡེར་ཆག་ནང་། །བཞག་ལ་ཁྲུས་ཆུ་ཆང་སྐྱུར་རམ། །ཞོ་ལད་འོ་རུལ་དྲན་ལ་བཞག །གཡང་སྐྱབས་གཞི་ཡི་གཡས་གཡོན་ཏུ། །བཞོ་ཟོ་མར་གྱིས་བརྒྱན་པ་དང་། །སྒྱིད་ཐག་དར་རས་སྐུད་པས་བཅིང་། །གོ་ཁྲབ་གོས་ཟས་གང་རུང་བཤམ། །ཤུག་པ་སུར་དཀར་མཁན་དཀར་གྱི། །བསངས་དུད་ཅུང་ཟད་བྱེད་རྒྱུ་བཞག །ཁྱིམ་ལ་གཏོར་རྒྱུའི་འོ་དཀར་དང་། །ཐུན་གཏོར་རྒྱུ་ཡི་རྡོ་ཕྱེ་བསགས། །དང་པོ་ཡི་དམ་གཏོར་མ་བཤམ། །རང་གི་ཡི་དམ་ལྷ་གཞུང་གྱེར། ཧཱུྃ། །རང་ཉིད་ཡི་དམ་གནས་འགྱུར་ཏེ། །དྲན་རྫོགས་ཁྲོ་བོ་བདུད་རྩི་འཁྱིལ། །སྐུ་མདོག་ལྗང་ལ་དམར་བའི་མདངས། །གཡས་པས་རྡོ་རྗེ་ནམ་མཁར་ཕྱར། །གཡོན་པས་སྡིགས་མཛུབ་མེ་

[Full Size]

འབར་མཛད། །ཁྲོ་བོའི་ཆས་ཀུན་ཡོངས་སུ་རྫོགས། །ཞབས་གཉིས་འདོར་ཐབས་དགྲ་བགེགས་མནན། །ཐུགས་ཀར་ཉི་སྟེང་ཧཱུྃ་ལྗང་མཐར། །སྔགས་ཀྱིས་གཡས་སུ་བསྐོར་བ་ལས། །འོད་ཟེར་ལྗང་གུ་ཕྱོགས་བཅུར་འཕྲོས། །འོག་མིན་གནས་ནས་བདུད་རྩི་འཁྱིལ། །རང་འདྲ་དཔག་མེད་སྤྱན་དྲངས་ཏེ། །བདག་དང་ནས་འབྲུ་རྣམས་ལ་ཐིམ། །ཐུན་རྡོ་རེ་དང་ནས་འབྲུ་རེའང་། །རང་འདྲའི་བདུད་རྩི་འཁྱིལ་བ་རེ། །མེ་འབར་ཆྭ་ཚྭ་འཕྲོ་བར་གྱུར། །ཨོཾ་ཨ་མྲྀ་ཏེ་ཧཱུྃ་ཕཊ། །ཅེས་སྟོང་ཕྲག་ཙམ་ཞིག་བཟླས་པ་བྱ་བ་དང་། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། སྔགས་དེ་ཕྲེང་སྐོར་གཅིག་གཉིས་ཀྱིས། །འོ་དཀར་དང་ནི་ཐུན་སྔགས་བཞག །ཨོཾ་ཨ་མྲྀ་ཏེ་ཨརྒྷཾ་སོགས་ནས། ཤབྡའི་བར། ཧཱུྃ། འཇིགས་པའི་ཧཱུྃ་སྒྲ་ངེས་སྒྲོགས་ཤིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བདུད་རྩི་འཁྱིལ་ལ་ཕྱག་འཚལ་བསྟོད། །ཅེས་བསྟོད། ཧཱུྃ། ང་ནི་དཔལ་ཆེན་ཧེ་རུ་ཀ །སངས་རྒྱས་ཀུན་གྱི་

[Full Size]

བྱིན་གྱིས་བརླབས། །བགེགས་རིགས་འདུལ་བའི་གཉེན་པོར་བསྐོས། །དཀོན་མཆོག་གསུམ་གྱི་བདེན་པ་དང་། །བདུད་རྩི་འཁྱིལ་བའི་མཐུ་སྟོབས་ཀྱིས། །བདག་དང་ཡོན་གྱི་བདག་པོ་ལ། །གནོད་ཅིང་འཚེ་བར་བྱེད་པ་དང་། ཁང་ཁྱིམ་འདི་ལ་འཁྲི་བ་ཡི། །ལྟོག་འགོང་དབུལ་སྲི་བསེ་རག་རྣམས། །རང་གཟུགས་ཡས་སྟགས་འདི་ལ་ཁུག །བསེ་རག་རྒྱལ་པོ་གཞོན་ནུ་པ། །ལྟོག་འགོང་དབུལ་སྲི་མང་པོས་བསྐོར། །གོད་ཀ་ཐམས་ཅད་ཁྱོད་ལས་བྱུང་། །དབུལ་འདྲེ་དབུལ་སྲི་ཁྱོད་ལས་བྱུང་། །ལོ་ཉེས་ཐོག་ཉེས་ཁྱོད་ལས་བྱུང་། །མི་ལ་ན་ཚ་ཁྱོད་ལས་བྱུང་། །ནོར་ལ་གོད་ཀ་ཁྱོད་ལས་བྱུང་། །མི་ཁ་བྲམ་ཆུ་ཁྱོད་ལས་བྱུང་། །ཚེ་ལ་བར་ཆད་ཁྱོད་ལས་བྱུང་། །ད་མེ་འདྲེ་ཐམས་ཅད་ཁྱོད་ལས་བྱུང་། །ཟ་ཁ་འཐུང་ཁ་ཁྱོད་ཀྱིས་འཕྲོག། བུ་ཚའི་བླ་ནི་ཁྱོད་ཀྱིས་བརྐུས། །བཟའ་མིའི་འཐབ་འདྲེ་ཁྱོད་ཀྱིས་བྱས། །དེ་ཕྱིར་གནོད་བྱེད་འཁོར་དང་བཅས། །གཟུགས་བརྙན་འདི་ལ་ཐིམ་པར་གྱུར། །ཛཿཧཱུྃ་བྃ་ཧོཿ

[Full Size]

ཅེས་གནོད་བྱེད་ཐམས་ཅད་གཟུགས་བརྙན་ལ་སིབ་སིབ་ཐིམ་པར་བསྒོམ། དེ་ནས་གཡང་གླུད་ངར་མི་བྲན། །ཧཱུྃ། ང་ནི་ཁྲོ་བོ་བདུད་རྩི་འཁྱིལ། །ལྗང་ནག་རྒྱ་གྲམ་སྡིགས་མཛུབ་མཛད། །ཁྲོ་བོའི་ཆས་ཀུན་སྐུ་ལ་རྫོགས། །ཉོན་ཅིག་བསེ་རག་འགོང་པོའི་ཚོགས། །རྒྱུ་སྦྱོར་ཡོན་བདག་འདི་ཉིད་ལ། །ཚེ་རབས་འཁོར་བ་ཐོག་མེད་ནས། །རྐུ་འཕྲོག་རློམ་པའི་ལན་ཆགས་བདག །ཐམས་ཅད་འདིར་འདུས་གླུད་གཏོར་ལོངས། །གཟུགས་མཛེས་འབྱམས་ཀླས་འཇིགས་བྲལ་དང་། །རིན་ཆེན་མང་ལ་ཕྱག་འཚལ་ལོ། །རང་རང་ཡིད་མཐུན་སྣོད་ནང་དུ། །གླུད་གཏོར་འདོད་པའི་ཡོན་ཏན་ལྔ། །ཨོཾ་ཨཱཿཧཱུྃ་གིས་བྱིན་བརླབས་ནས། །ཁྱེད་རྣམས་མགུ་ཞིང་ཚིམ་གྱུར་ཅིག །བསེ་རག་རྒྱལ་པོ་གཞོན་ནུ་པ། །བུ་ཆུང་གཟུགས་ལ་གཡུ་རྣ་ཅན། །སྦ་དམར་གྲི་ཆུང་སྐེད་ལ་བཅུག །ཆིབས་སུ་རི་བོང་ཁ་ཤོ་ཆིབས། །སྲེག་པ་བདུན་ནི་ཀླད་ན་ལྡིང་། །ཁྱི་གུ་རིའུ་ཚེ་ཤིས་དང་སྒིས། །ཆུང་གསུམ་བསེ་རག་མང་

[Full Size]

པོས་བསྐོར། །ཡོད་ལ་མི་དགའ་མེད་ལ་དགའ། །གང་ལ་མི་དགའ་སྟོང་ལ་དགའ། །བརྒྱག་ལ་མི་དགའ་ལྟོག་ལ་དགའ། །ཕྱུག་ལ་མི་དགའ་དབུལ་ལ་དགའ། །བློ་ཉེས་ཚོང་ཉེས་བཏང་བའི་བདག །ཁྱོད་ལ་གླུད་དང་གཏོར་མ་སྦྱིན། །ཡོན་བདག་འདི་ལ་མ་གནོད་ཅིག །བསེ་རག་རྒྱལ་པོ་ནག་པོ་ནི། །མི་རྒན་ནག་པོ་ཆེན་པོ་ཞིག །གོས་སུ་ཁོ་ཤོག་སྐམ་པོ་གྱོན། ཁ་ན་རུས་པ་སྣུམ་མེད་མུར། ཁ་ནས་སྡུག་གླུ་མུག་གླུ་ལེན། །སྤྲུལ་པ་བྱི་ལ་བྱིས་པ་འགྱེད། །མཆིག་གི་སྟེང་ནས་ཕྱེ་ལ་རྐུ། །དཀར་ཐོག་རློམ་ཞིང་སྐྱུར་ཐོག་བཅོམ། །ཁྱོད་ལ་ལན་ཆགས་གླུད་གཏོར་སྦྱིན། །འདི་རུ་མ་འདུག་གཞན་ཏུ་སོང་། །གོད་འདྲེ་མི་ནག་ཕག་ལ་ཞོན། །གྲོད་པའི་ཞྭ་ལ་རྒྱུ་མས་བརྒྱན། །ལག་ན་བཤའ་གྲི་དམར་པོ་ཁུར། །ནོར་བདུད་ཁམ་པ་ཁྱི་མགོ་སོགས། །གོད་འདྲེ་གྲི་བོ་འགོང་པོས་བསྐོར། །ཁྱོད་ལ་གླུད་དང་གཏོར་མ་སྦྱིན། །འདི་རུ་མ་གནོད་གཞན་ཏུ་སོང་། །གཞན་

[Full Size]

ཡང་འགོང་པོ་དམ་སྲི་དང་། །འདྲེ་མོ་གྲི་བོ་གྲི་མོ་དང་། །སྒབ་འདྲེ་ལྟོག་འགོང་དབུལ་སྲི་རྣམས། །ངར་མི་ཏིང་ལོ་ཆང་བུ་དང་། །ཤ་ཤུན་སྦང་སྐམ་ཆང་སྐྱུར་དང་། །ཞོ་ལད་རམ་པ་ལ་སོགས་པའི། །རང་རང་མཐུན་རྫས་འདི་ཁྱེར་ལ། །འདི་རུ་མ་འདུག་གཞན་ཏུ་དེངས། །ཡོན་བདག་མི་ནོར་འཁོར་བཅས་ལ། །མ་ཉེ་མ་འཁོར་མ་གནོད་པར། །དཔག་ཚད་མང་པོའི་ཕ་རོལ་དུ། །ད་ལྟ་ཉིད་དུ་འགྲོ་བར་གྱིས། །ཨོཾ་ནྀྲ་ཏྲི་ཤན་ཏྲི་ཀ་ཏྲི་ཨི་དམ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ལན་བདུན་གྱིས་བསྔོ། སརྦ་བི།།།ན་གཙྪ་གཙྪ། ཞེས་སྦྲ་ཁྱིམ་མི་མཐོང་སར་བསྐྱལ་བཅུག་གོ། །དེ་ནས་སྔགས་པས་ཐུན་བཟུང་ལ། ཧཱུྃ། ང་ནི་ཁྲོ་རྒྱལ་བདུད་རྩི་འཁྱིལ། །རང་འདྲའི་ཁྲོ་ཆུང་སེར་ལྟར་འབེབས། །བསྐལ་པའི་མེ་དཔུང་འཚུབས་ཤིང་འབར། །གང་དག་འགྲོ་བར་མི་བྱེད་པའི། །བསེ་རག་ལྟོག་འགོང་རྡུལ་དུ་རློག །ཨོཾ་ཨ་མྲྀ་ཏེ་ཧཱུྃ་ཕཊ། ཨོཾ་སུམ་བྷ་ནི། སོགས་བརྗོད་ཅིང་སྦྲ་ཁྱིམ་ནོར་སླས་ཐམས་ཅད་དུ་ཐུན་གཏོར། །དེ་ནས་འོ་

[Full Size]

དཀར་ཤུག་ལོས་གཏོར་ཅིང་། ཧཱུྃ། །བདུད་རྩི་འཁྱིལ་བའི་བྱིན་རླབས་ལས། །ཡེ་ཤེས་བདུད་རྩིའི་ཆུ་རྒྱུན་གྱིས། །ཕུག་གི་ལྷ་ལ་ཁྲུས་གསོལ་ལོ། །ཕུག་ལྷ་ཕ་མཚུན་གཡང་རྒན་ལ། །གྲིབ་ཀྱིས་ཕོག་པ་དག་གྱུར་ཅིག །སྦྲ་དང་ཁྱིམ་ལ་ཁྲུས་གསོལ་ལོ། །རྩོག་འདྲེ་དམ་རྨུག་དག་གྱུར་ཅིག །མི་དང་ནོར་ལ་ཁྲུས་གསོལ་ལོ། །བསེ་རག་གོད་འདྲེ་སངས་གྱུར་ཅིག །ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ། རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤདྡྷེ་ཤུདྡྷེ། ཨེ་ཡཾ་རཾ་བཾ་ལཾ་ཤུདྡྷེ་ཤུདྡྷེ་ཨ་ཨ་ཨ་སྭཱ་ཧཱ། ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ། ཅེས་དང་རྣམ་འཇོམས་སོགས་འདོན་ཅིང་སྦྲ་ཁྱིམ་ནོར་སླས་ཐམས་ཅད་ལ་གཏོར། དེ་ནས་གཡང་སྐྱབས་བྲན་ལ་དབྱངས་དང་བཅས་པས། ཨོཾ་སྭ་བྷཱ་ཝས་སྦྱངས། སྟོང་པའི་ངང་ལས་ཁང་ཁྱིམ་འདི། །རིན་ཆེན་སྣ་བདུན་གཞལ་ཡས་ཁང་། །གྲུ་བཞི་སྒོ་བཞི་རྟ་བབས་ཅན། །འཁོར་ཡུག་གསེར་གྱི་ར་བས་བསྐོར། །རིན་ཆེན་སྣ་ཚོགས་བཅལ་དུ་བཀྲམ། །མ་རྨོས་འབྲོག་པ་ཡིན་ན་སྦྲ་ཞེས་བསྒྱུར། ལོ་ཏོག་སྤུངས་སེ་སྤུང་། །

[Full Size]

དཔག་བསམ་ལྗོན་ཤིང་ལྡེམས་སེ་ལྡེམ། །འོད་ཟེར་འཇའ་ཚོན་ལམས་སེ་ལམ། །རྨ་གཡང་སྤྲིན་ཕུང་ཐིབས་སི་ཐིབ། །དེ་དབུས་རིན་ཆེན་སྣ་ཚོགས་ཁྲི། །པདྨ་ཟླ་བ་བརྩིགས་པའི་གདན། །བྷྲཱུྃ་ལས་རིན་ཆེན་སྣོད་ཡངས་པར། །ཁཾ་ལས་ལྷ་མིའི་འདོད་ཡོན་ཚོགས། །གཡང་རྫས་མཆོད་པའི་སྤྲིན་དཔུང་གཏིབས། །ཟག་མེད་ནམ་མཁའི་མཛོད་གྱུར་པ། །རྨ་གཡང་ལྷ་ཚོགས་ཐམས་ཅད་རྣམས། །རབ་ཏུ་དགྱེས་པའི་རང་བཞིན་གྱུར། །ཨོཾ་ཨ་ཀཱ་རོ། སོགས། ན་མཿསརྦ་ཏ་ཐཱ་ག་ཏེ་བྷྱོ། སོགས། ཨོཾ་སརྦ་བིད་པཱུ་ར་སོགས། ཨོཾ་བཛྲ་སྥ་ར་་ཁཾ། ཧཱུྃ། དེ་རིང་གཟའ་སྐར་ཚེས་གྲངས་བཟང་། །གཡང་རྫས་སྣ་ཚོགས་རི་ལྟར་སྤུངས། །དར་དཀར་མདའ་དར་གཡབ་མོས་གཡབ། །རོལ་མོ་སྙན་པའི་དབྱངས་ཀྱིས་འབོད། །འདི་ནས་བྱང་གི་ཕྱོགས་རོལ་ན། །རི་རབ་ཆེན་པོའི་བྱང་གི་ངོས། །གཉའ་ཤིང་འཛིན་གྱི་རྩེ་མོ་ཡི། །ལྕང་ལོ་ཅན་གྱི་གནས་མཆོག་ན། །སྐྱེད་མོས་ཚལ་བཟང་མེ་ཏོག་

[Full Size]

འོད། ཁང་བཟང་གསེར་གྱི་རྒྱལ་མཚན་ན། །བཞུགས་པའི་ལྷ་མོ་ཆེན་མོ་དཔལ། །གྲོགས་མོ་ལྷ་མོ་བརྒྱད་དང་བཅས། །ཡོན་བདག་དད་པས་ཁྱོད་འབོད་ན། །མ་ཐོགས་མྱུར་དུ་གཤེགས་སུ་གསོལ། །མཚན་ནི་པདྨའི་ཕྲེང་བ་ཅན། །མཚན་ནས་འབོད་ཀྱིས་ད་ཚུར་བྱོན། །དཔལ་ལྡན་མ་དང་བཀྲ་ཤིས་མ། །མཚན་ནས་འབོད་ཀྱིས་ད་ཚུར་བྱོན། །དཀར་མོ་ནོར་གྱི་བདག་མོ་སྟེ། །མཚན་ནས་འབོད་ཀྱིས༴ །གྲགས་པ་ཆེན་མོ་པདྨའི་སྤྱན། །མཚན་ནས་འབོད་ཀྱིས༴ །བྱེད་པ་མོ་དང་འོད་ཆེན་མོ། །མཚན་ནས་འབོད་ཀྱིས༴ །རིན་པོ་ཆེ་ནི་རབ་སྦྱིན་མ། །མཚན་ནས་འབོད་ཀྱིས༴ །ཟས་སྦྱིན་མ་དང་དཔལ་ཆེན་མོ། །མཚན་ནས་འབོད་ཀྱིས༴ །ཁྱོད་ཀྱི་འཁོར་གྱི་གྲོགས་མོ་བརྒྱད། །ནོར་རྒྱུན་མ་དང་ཟླ་ཤེལ་མ། །མཚན་ནས་འབོད་ཀྱིས༴ །སྦྱིན་བྱེད་མ་དང་རབ་སྦྱིན་མ། །མཚན་ནས་འབོད་ཀྱིས༴ །འཕགས་མ་སྦས་མ་རབ་བཟང་མ། །མཚན་ནས་འབོད་ཀྱིས༴ །ལྷ་མོ་ཆེན་མོ་

[Full Size]

དབྱངས་ཅན་མ། །མཚན་ནས་འབོད་ཀྱིས་ད་ཚུར་བྱོན། །ད་ལྟ་སྙིགས་མ་ལྔ་ཡི་དུས། །ལྷ་མོ་འབྱོན་པའི་གནས་ངན་ཡང་། །ཁྱོད་ལ་སེམས་ཅན་དོན་ལས་མེད། །བྱང་ཆུབ་སེམས་མ་ཁྱེད་དགུ་ཡང་། །བདག་དང་ཡོན་གྱི་བདག་པོ་ལ། །སྙིང་རྗེའི་ཐུགས་ཀྱིས་མྱུར་དུ་བྱོན། ཁང་ཁྱིམ་གཡང་རྫས་འདི་རྣམས་ལ། །དགྱེས་ཤིང་བརྟན་པར་བཞུགས་སུ་གསོལ། །ཨོཾ་དེ་ཝཱི་མ་ཧཱ་ཤྲཱི་དེ་ཝཱི་ཨཥྚ་ས་པཱ་རི་ཝཱ་ར་བཛྲ་ས་མ་ཡ་ཛཿ ཛཿཧཱུཾ་བཾ་ཧོཿ ཏིཥྛ་ལྷན། མཆོད་པ་ནི། ཧཱུྃ། དུས་གསུམ་རྒྱལ་བའི་རིག་སྟོང་ཡུམ། །ཤེས་རབ་ཆེན་མོ་ལྷ་མོ་དཔལ། །འཁོར་ནི་ནོར་རྒྱུན་མ་ལ་སོགས། །ལྷ་མོ་བརྒྱད་དང་བཅས་པ་ལ། །དགྱེས་པའི་མཆོད་པ་འབུལ་བ་ནི། །ཡན་ལག་བརྒྱད་ལྡན་མཆོད་ཡོན་དང་། །དག་ཅིང་དྲི་བྲལ་ཞབས་བསིལ་དང་། །སྣ་ཚོགས་མཛེས་པའི་མེ་ཏོག་དང་། །ཙན་དན་ལ་སོགས་བདུག་སྤོས་དང་། །མ་རིག་མུན་སེལ་སྣང་གསལ་དང་། །ག་པུར་སོགས་སྦྱར་རྨད་བྱུང་དྲི། །རོ་བརྒྱ་

[Full Size]

དང་ལྡན་བཤོས་གཙང་དང་། །སྒྲ་སྙན་རོལ་མོ་སྣ་ཚོགས་འབུལ། །མཛེས་པའི་གཟུགས་དང་སྙན་པའི་སྒྲ། །དྲི་བཟང་ལྷ་མིའི་བཅུད་ལྡན་ཟས། །སྣ་ཚོགས་རེག་བྱ་དཔག་མེད་འབུལ། །དཀར་གསུམ་མངར་གསུམ་བཟའ་བཏུང་དང་། །ཟག་མེད་བདུད་རྩི་གཏོར་མའི་ཚོགས། །སྨན་འབྲུ་དྲི་དང་སྙིང་པོ་ལྔ། །དར་ཟབ་གོས་ཀྱི་བྱེ་བྲག་འབུལ། །གདུགས་བཟང་གསེར་ཉ་པདྨ་དུང་། །བུམ་པ་རྒྱལ་མཚན་དཔལ་བེའུ་འབར། །འཁོར་ལོ་ནོར་བུ་བཙུན་མོ་དང་། །བློན་པོ་གླང་པོ་རྟ་མཆོག་དང་། །དམག་དཔོན་ལ་སོགས་རིན་ཆེན་འབུལ། །ཡུངས་ཀར་དཱུར་ཝ་བིལ་བ་ཞོ། །མེ་ལོང་ལི་ཁྲི་དུང་དཀར་དང་། །གི་ཝཾ་ལ་སོགས་སྲིད་གསུམ་ན། །མཆོད་འོས་རྨད་བྱུང་ཇི་སྙེད་འབུལ། །རྟ་གླང་གནག་ལུག་འདོད་འཇོའི་བ། །མ་ཧེ་ལ་སོགས་བཞོན་པའི་ཚོགས། ཁང་བཟང་དཔག་བསམ་སྐྱེད་ཚལ་འབུལ། །ལྷ་ཀླུ་དག་ལ་ཆེ་བའི་ནོར། །རིན་ཆེན་བཻ་ཌཱུརྱ་གསེར་གཡུ་དངུལ། །མུ་ཏིག་བྱེ་རུ་ཤེལ་ལ་སོགས། །རིན་ཐང་ཆེ་བའི་ནོར་རྣམས་

[Full Size]

འབུལ། །གདུགས་དང་བླ་བྲེ་དར་དཔྱངས་དང་། །འཕན་དར་ཆུན་འཕྱང་རྔ་ཡབ་དང་། །རིན་ཆེན་དར་ཟབ་ཟ་འོག་གི། །གདན་གོས་ཡོ་བྱད་དཔག་མེད་འབུལ། །ནས་འབྲས་གྲོ་སྲན་ཏིལ་དང་ཁྲེ། །སྣ་ཚོགས་འབྲུ་ཡི་ཕུང་པོ་དང་། །རྩི་བཅུད་མར་གྱི་ལོངས་སྤྱོད་དང་། །ཉེ་བར་འཚོ་བའི་ཁ་ཟས་ཚོགས། །དཔག་མེད་རྣམ་དག་བློ་ཡིས་འབུལ། །མདོར་ན་རབ་འབྱམས་ཞིང་ཁམས་ན། །བདག་པོས་བཟུང་དང་མ་བཟུང་བའི། །མཆོད་འོས་མཆོད་པའི་བྱེ་བྲག་ཚོགས། །ཐམས་ཅད་གཅིག་ཏུ་བསྡུས་ཏེ་འབུལ། །བདག་ལ་བརྩེ་བར་བཞེས་ནས་ཀྱང་། །ཚེ་བསོད་དཔལ་འབྱོར་མཆོག་ཐུན་གྱི། །དངོས་གྲུབ་གངྒཱའི་རྒྱུན་ལྟར་ཕོབ། །བྱང་ཆུབ་རྒྱལ་སར་འཚོ་མཛད་གསོལ། །ཨོཾ་དེ་ཝི་ཤྲཱི་ས་པཱ་རི་ཝཱ་ར་ཨརྒྷཾ་སོགས། ཞེས་པའི་མཆོད་ཕྲེང་གྲགས་པའི་མཚན་གྱིས་སྦྱར་བ་དང་། དེ་ནས་གཏོར་འབུལ་ནི། ཨོཾ་དེ་ཝཱི་མ་ཧཱ་ཤྲི་ཡེ་དེ་ཝཱི་ཨཥྚ་ས་པཱ་རི་ཝཱ་ར་ཨི་དཾ་བ་ལི༚་ཏ་ཁ་ཁ་ཁཱ་ཧི་ཁཱ་ཧི། །ཅེས་ལན་

[Full Size]

གསུམ་མམ་བདུན་གྱིས་འབུལ། ཧཱུྃ། གཡང་གི་ལྷ་མོ་དཔལ་ཆེན་མོ། །སྐུ་མདོག་ལྗང་གུ་འོད་ཟེར་འབར། །ཕྱག་གཡས་རིན་ཆེན་པདྨ་འཛིན། །གཡོན་པས་སྐྱབས་སྦྱིན་ཕྱག་རྒྱ་མཛད། །པདྨ་གཏེར་གྱི་བུམ་པའི་སྟེང་། །ཞབས་གཉིས་བཙུན་མོ་རོལ་པའི་སྟབས། །མཛེས་སྡུག་བལྟ་བས་ཆོག་མི་ཤེས། །རིན་ཆེན་རྒྱན་ཆ་སི་ལི་ལི། །དར་གྱི་ཅོད་པན་པུ་རུ་རུ། །དྲི་ཞིམ་ངད་པ་སངས་སེ་སང་། །ན་བཟའ་མང་པོ་ལྷུབས་སེ་ལྷུབ། །ཁྱོད་ལ་མཆོད་པ་འབུལ་བ་ནི། །གཡང་བཤོས་རིན་ཆེན་འབར་བའི་དབྱིབས། །ཕྱེ་མར་ཤིང་རྩི་དྲི་བཟང་འཐུལ། །གཡང་ཕོར་མར་ཁུས་ལྟེམས་སེ་ལྟེམ། །རོ་བཅུད་ཟས་སྣ་རྫ་ལྟར་བཀྲམ། །ནོར་སྣ་གཡང་རྫས་བྲུང་ལྟར་བརྩིགས། །ཇ་ཆང་འོ་ཞོ་མཚོ་ལྟར་བསྐྱིལ། །འབྲུ་སྣ་ཕྱེ་མར་གངས་ལྟར་སྤུངས། །ཟད་མེད་ཀུན་བཟང་མཆོད་སྤྲིན་འདིས། །མཆོད་དོ་གཡང་གི་ལྷ་མོ་མཆོད། །གསོལ་ལོ་མཆོད་དོ་དགྱེས་གྱུར་ཅིག །མདའ་དར་འདི་ལ་རྟེན་ཆོས་ལ། ཁང་ཁྱིམ་འདི་

[Full Size]

ལ་བཞུགས་སུ་གསོལ། །ཡོན་བདག་འདི་ལ་དངོས་གྲུབ་སྩོལ། །ཕྱྭ་དང་གཡང་གི་དངོས་གྲུབ་ནི། །རི་རབ་ལྟ་བུར་སྤུང་དུ་གསོལ། །རྒྱ་མཚོ་བཞིན་དུ་བསྐྱིལ་བ་དང་། །སྤྲིན་དཔུང་བཞིན་དུ་གཏིབས་པ་དང་། །བར་སྣང་ཆར་བཞིན་དབབ་ཏུ་གསོལ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ཏོག་ཡོན་ཏན་རྒྱ་མཚོ་བཻ་ཌཱུརྻ་དང་གསེར་གྱི་རི་ཁ་དོག་བཟང་པོ་གསེར་དུ་སྣང་བའི་དཔལ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། ཅེས་ལན་གསུམ་བརྗོད། དམ་པའི་ཆོས་དཀོན་མཆོག་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། །ལན་གསུམ། གཡང་གི་ལྷ་མོ་དཔལ་ཆེན་མོ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། །གཡང་གི་ལྷ་མོ་དཔལ་ལྡན་མ་ལ། །མཆོད་དོ། །བྱིན་

[Full Size]

གྱིས། །གཡང་གི་ལྷ་མོ་བཀྲ་ཤིས་མ་ལ༴ །མཆོད་དོ༴ བྱིན་གྱིས༴ གཡང་གི་ལྷ་མོ་པདྨའི་ཕྲེང་བ་ཅན་ལ༴ །མཆོད་དོ༴ བྱིན་གྱིས༴ གཡང་གི་ལྷ་མོ་ནོར་གྱི་བདག་མོ་ལ༴ །མཆོད་དོ༴ བྱིན༴ གཡང་གི་ལྷ་མོ་དཀར་མོ་ལ༴ །མཆོད་དོ༴ བྱིན་གྱིས༴ གཡང་གི་ལྷ་མོ་གྲགས་པ་ཆེན་མོ་ལ༴ །མཆོད་དོ༴ བྱིན་གྱིས༴ གཡང་གི་ལྷ་མོ་པདྨའི་སྤྱན་ལ༴ མཆོད་དོ༴ བྱིན་གྱིས༴ གཡང་གི་ལྷ་མོ་བྱེད་པ་མོ་ལ༴ །མཆོད་དོ༴ བྱིན་གྱིས༴ གཡང་གི་ལྷ་མོ་འོད་ཆེན་མོ་ལ༴ མཆོད་དོ༴ བྱིན་གྱིས༴ གཡང་གི་ལྷ་མོ་ཟས་སྦྱིན་མ་ལ༴ །མཆོད་དོ༴ བྱིན་གྱིས༴ གཡང་གི་ལྷ་མོ་རིན་པོ་ཆེ་རབ་ཏུ་སྦྱིན་མ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །བྱིན་གྱིས་བརླབ་ཏུ་གསོལ། །རྒྱུ་སྦྱོར་ཡོན་བདག་འདི་ལ་ཚེ་དང་བསོད་ནམས་དཔལ་དང་འབྱོར་པ་ཟས་ནོར་ལོངས་སྤྱོད་གཡང་གི་དངོས་གྲུབ་ཆེན་པོ་མྱུར་དུ་སྩོལ་ཅིག །དཔའ་བོ་གཅིག་གྲུབ་ལས་གསུངས་པའི་རྩ་བའི་སྙིང་པོ་ནི། ཨོཾ་ཀ་མ་ལ་ཝཱ་སི་ནི། །ཀ་

[Full Size]

མ་ལེ། མ་ཧཱ་ལ།།།རཱ་ཛྱྃམེ། བ་སུ་ནཱ་ནཱ་ཁ་དྷེ་སརྦ་སིདྡྷི། དེ་ཧི་དེ་ཧི་བར་དེ་སྭཱ་ཧཱཱ། ཞེས་པ་ཅི་འགྲུབ་དང་། སྱཱད་ཡ་ཐེ་དན། ཛི་ནི་གྷྲྀ་ནི་སརྦ་ཨརྠ་སཱ་དྷ་ནི། །ཤ་ཤི་ནི། ཨ་ལཀྵ་མི་ནི། མེ་ནཱ་ཤ་ཡ། སི།།།ནྟུ་མེ་མནྟྲ་པ་དཱཿསྭཱ་ཧཱ། ཨོཾ་བྷྲྀ་ཀུ་ཊཱི་པ་ར་མ་སུ་བྷ་གེ་སྭཱ་ཧཱ། ཞེས་བདུན་ལས་མི་ཉུང་བར་བརྗོད། ཧཱུྃ། གཡང་གི་ལྷ་མོ་ནོར་རྒྱུན་མ། །སྐུ་མདོག་སེར་མོ་གསེར་གྱི་མདོག །ཕྱག་གཡས་འབྲས་ཀྱི་སྙེ་མ་འཛིན། །འབྲུ་ཡི་ཆར་པ་སི་ལི་ལི། །གཡོན་པས་གཏེར་གྱི་བུམ་པ་འཛིན། །འཛད་མེད་དངོས་གྲུབ་ཆུ་བོའི་རྒྱུན། །རིན་ཆེན་རྒྱན་ཆ་སི་ལི་ལི། །དར་གྱི་ཅོད་པན་པུ་རུ་རུ། །པདྨ་གཏེར་གྱི་བུམ་པའི་སྟེང་། །སྒེག་བཞད་གར་སྟབས་ཁྱུགས་སེ་ཁྱུག །ཁྱོད་ལ་མཆོད་པ་འབུལ་བ་ནི། །གཡང་བཤོས་ཕྱེ་མར་ཟས་ཕུང་འབུལ། །བཟང་ཤིང་ཕྱེ་མར་སྤོས་ཀྱིས་མཆོད། །མངའ་དར་འདི་ལ་རྟེན་ཆོས་ལ། ཁང་ཁྱིམ་འདི་ལ་བཞུགས་སུ་གསོལ། །ཡོན་བདག་འདི་ལ་དངོས་གྲུབ་

[Full Size]

སྩོལ། །ཕྱ་དང་གཡང་གི་དངོས་གྲུབ་ནི། །རི་རབ་ལྟ་བུར་སྤུང་དུ་གསོལ། །རྒྱ་མཚོ་བཞིན་དུ་བསྐྱིལ་དུ་གསོལ། །སྤྲིན་ཕུང་བཞིན་དུ་གཏིབས་པ་དང་། །བར་སྣང་ཆར་བཞིན་འབེབ་པར་མཛོད། །ཧཱུྃ། གཡང་གི་ལྷ་མོ་ཟླ་ཤེལ་མ། །སྐུ་མདོག་སེར་མོ། སོགས་ནས་ཚིག་རྐང་ཉི་ཤུ་འགྲེའོ། །ཧཱུྃ། །གཡང་གི་ལྷ་མོ་སྦྱིན་བྱེད་མ། །སྐུ་མདོག་སེར་མོ། ཧཱུྃ །གཡང་གི་ལྷ་མོ་རབ་སྦྱིན་མ། །སྐུ་མདོག་སེར་མོ། ཧཱུྃ། གཡང་གི་ལྷ་མོ་འཕགས་མ་ནི། །སྐུ་མདོག་སེར་མོ། ཧཱུྃ། གཡང་གི་ལྷ་མོ་སྦས་མ་ནི། །སྐུ་མདོག་སེར་མོ། ཧཱུྃ། གཡང་གི་ལྷ་མོ་རབ་བཟང་མ། །སྐུ་མདོག་སེར་མོ། ཧཱུྃ། གཡང་གི་ལྷ་མོ་དབྱངས་ཅན་མ། སྐུ་མདོག་སེར་མོ། ཏདྱ་ཐཱ། ཛི་ནི་གྲྀ་ནི། སརྦ་ཨ་ཀརྻཱ་སིདྡྷ་ནི། སི་སི་མི། སི་ལི་སི། ནི་མི་ནི་མི། ཨ་ལཀྵ་ཡཱ་མེ། ནཱ་ཤ་ཡེ་སྭཱ་ཧཱ། ཨོཾ་བཱ་སུ་དྷ་རི་ཎྱཻ་སྭཱཱ་ཧཱ། ཨོཾ་ཙནྡྲ་ཀཱནྟྱཻ་སྭཱ་ཧཱ། ཨོཾ་དཱ་དཱ་ཡཻ་སྭཱ་ཧཱ། ཨོཾ་སུ་དཱ་དཱ་ཡཻ་སྭཱ་ཧཱ། ཨོཾ་ཨཱརྻ་ཡཻ་སྭཱ་ཧཱ། ཨོཾ་

[Full Size]

སུ་བྷ་དྲཱ་ཡཻ་སྭཱཱ་ཧཱ། ཨོཾ་གུཔྟ་ཡཻ་སྭཱ་ཧཱ། ཨོཾ་དེ་བྱཻ་སྭཱ་ཧཱ། ཨོཾ་ས་ར་སྭ་སྟྱཻ་སྭཱ་ཧཱ། སརྦ་བ་སུ་སིདྡྷི་ཧཱུྃ་སྭཱ་ཧཱ། ཞེས་ཚར་གསུམ་མམ་ལྔའམ་བདུན་བརྗོད། དེ་ནས་གཡས་ཕྱོགས་ཀྱི་དཀར་གཏོར་བྲན་ལ། ཧཱུྃ། སྟེང་ཕྱོགས་འདོད་ཁམས་ལྷ་ཡི་ཡུལ། །སུམ་ཅུ་རྩ་གསུམ་གནས་མཆོག་ནས། །ནོར་དང་གཡང་གི་བདག་པོ་ནི། །ནོར་ལྷ་ལྷ་ཆེན་ཚོགས་ཀྱི་བདག །སྐུ་མདོག་དཀར་ལ་གླང་ཆེན་དབུ། །ཕྱག་བཞི་ལ་ཕུག་དགྲ་སྟྭ་དང་། །ཟས་གཞོང་རིན་ཆེན་ཕྲེང་བ་འཛིན། །ཆིབས་སུ་བྱི་བ་སྔོན་པོ་ཆིབས། །འདིར་བྱོན་དཀར་གཏོར་མཆོད་པ་བཞེས། །ཐུད་གཡག་མར་གྱི་ལུག་གུ་དང་། །འབྲུ་སྣའི་མཆོད་པ་འདི་བཞེས་ལ། །ཡོན་བདག་རྟ་ནོར་ཞིང་ཁང་ལ། །བགེགས་ཀྱི་གནོད་པ་ཁྱེད་ཀྱིས་སྲུངས། །འཁོར་ལ་བཀའ་ནན་མ་ཆུང་ཞིག །སྟེང་ཕྱོགས་ལྷ་ཡི་ཕྱྭ་དང་གཡང་། །ཆར་པ་བཞིན་དུ་འབེབས་པར་མཛོད། །ཁྱད་པར་དུད་འགྲོ་རྐང་བཞི་རྣམས། །འཕེལ་ཞིང་རྒྱས་པའི་དངོས་གྲུབ་

[Full Size]

སྩོལ། །ཨོཾ་ག་་པ་ཏི་ས་པཱ་རི་བཱ་ར་ཨི་དཾ་བ་ལིང་ཏ་ཁཱ་ཧི་ཁཱ་ཧི། ཨོཾ་བ་ར་ཀ་ཏ་སྭཱཱ་ཧཱ། བ་སུ་སརྦ་སིདྡྷི་སིདྡྷི་ཧཱུྃ་སྭཱ་ཧཱ། དེ་ནས་གཡོན་ཕྱོགས་ཀྱི་དཀར་གཏོར་བྲན་ལ། ཧཱུྃ། འོག་ཕྱོགས་རྒྱ་མཚོ་ཀླུ་ཡི་ཡུལ། །བཀྲ་ཤིས་འོ་མའི་རྒྱ་མཚོ་ནས། །ཀླུ་གཡང་དངོས་གྲུབ་ཀུན་གྱི་བདག །ཀླུ་རྒྱལ་མི་མགོན་དཀར་པོ་ནི། །སྐུ་མདོག་དཀར་པོ་དུང་གི་མདོག །སྦྲུལ་མགོ་བདུན་གྱི་གདེངས་ཀ་ལ། །རིན་ཆེན་འབར་བའི་ཅོད་པན་ཅན། །ཕྱག་གཉིས་གཏེར་བུམ་ཐུགས་ཀར་འཛིན། །སྐུ་སྨད་གསེར་སྦྲུལ་སེར་པོ་འཁྱིལ། །གཡང་གི་རྒྱ་མཚོ་མེ་རེ་རེ། །འདིར་གཤེགས་གཡང་རྟེན་འདི་ལ་བཞུགས། །ཁྱོད་ལ་མཆོད་པ་འབུལ་བ་ནི། །དཀར་གཏོར་ཀླུ་སྨན་འོ་ཞོའི་ཕུད། །དུང་སྦྲུལ་དུང་ཉ་དུང་སྦལ་འབུལ། །འོག་ཕྱོགས་ཀླུ་གཡང་དངོས་གྲུབ་དེ། །རྒྱ་མཚོ་བཞིན་དུ་བསྐྱིལ་བར་མཛོད། །བུ་ནོར་བདེ་སྐྱིད་དངོས་གྲུབ་སྩོལ། །ཀླུ་གཡང་མི་ལ་དབབ་

[Full Size]

ཏུ་གསོལ། །ཨོཾ་ནཱ་ག་རཱ་ཙ་མ་ནུ་ཥེ་ནཱ་ཐ་ཨི་དཾ་བ་ལིང་ཏ་ཁཱ་ཧི་ཁཱ་ཧི། ཨོཾ་ནཱ་ག་རཱ་ཙ་སརྦ་སིདྡྷི་སིདྡྷི་ཧཱུྃ་སྭཱ་ཧཱ། དེ་ནས་མདུན་གྱི་དཀར་གཏོར་ཐན་ལ། ཧཱུྃ། བར་ཕྱོགས་ལྷ་སྲིན་གཉན་གྱི་ཡུལ། །ཤར་ཕྱོགས་གངས་རི་རྩེ་རྒྱལ་ནས། །རྨ་གཡང་ཀུན་གྱི་མངའ་བདག་སྟེ། །རྨ་རྒྱལ་སྤོམ་ར་ལྷ་ཡི་སྲས། །སྐུ་མདོག་དཀར་ལ་འོད་ཟེར་འཕྲོ། །དབུ་ལ་དུང་རྨོག་སྟག་འཕྲུ་ཅན། །སྐུ་ལ་བེར་དཀར་བསེ་ཁྲབ་གསོལ། །སྟག་དོང་གཟིག་ཤུབས་སྐེད་ལ་བསྐོར། །ཕྱག་ན་མདུང་དར་ནོར་བུ་འཛིན། །ཆིབས་སུ་རྟ་དཀར་འཕུར་ཤེས་ཆིབས། །རྨ་རིགས་སུམ་བརྒྱ་དྲུག་ཅུ་དང་། །རྨ་སྨན་འབུམ་གྱི་འཁོར་གྱིས་བསྐོར། །ཐུགས་ཀར་ཡིད་བཞིན་ནོར་བུ་ལས། །དངོས་གྲུབ་སྣ་ཚོགས་ཆར་ལྟར་འབེབས། །འདིར་གཤེགས་ཡོན་བདག་ཁ་འཛིན་མཛོད། །དཀར་གཏོར་ཟས་ཕུང་སྣ་ཚོགས་དང་། །བྱ་རྟ་གླང་གཟུགས་མཆོད་པ་འབུལ། །

[Full Size]

རྨ་དང་གཡང་གི་དངོས་གྲུབ་ནི། །ན་བུན་བཞིན་དུ་འཐིབས་པར་མཛོད། །མི་འཕེན་རྟ་ཧྲག་དངོས་གྲུབ་སྩོལ། །བཙན་ཕྱུག་དར་གསུམ་འཛོམ་པར་མཛོད། །ཨོཾ་ཀུ་མཱ་ར་ཕུ་ཏྲི་ས་པཱ་རི་ཝཱ་ར་ཨི་དཾ་བ་ལིང་ཏ་ཁཱ་ཧི་ཁཱ་ཧི། ཨོཾ་ཀུ་མཱ་ར་ཕུ་ཏྲི་སརྦ་སིདྡྷིི་སིདྡྷིི་ཧཱུྃ་སྭཱ་ཧཱ། ཞེས་རབ་བརྒྱ་ཚར་འབྲིང་ལོ་གྲངས་སམ་ཉེར་གཅིག་གམ་བཅུ་གསུམ། ཐ་མ་བདུན་ནམ་ཡང་མཐའ་ཚར་གསུམ་འདོན། །འདོན་ཚེ་ཤུག་དུད་ཕྱེ་མར་གསུར་མ་ཆད་པར་བྱའོ། །ཞག་གཅིག་གམ་ཞག་མང་ན་ལེགས། དེ་ནས་གཡང་བཤོས་ཆེ་བ་ཡོན་དག་མོས་བཀྱག །མདའ་དར་སྐྱེས་པ་དེས་བཟུང་། གཞན་ཡང་དཀར་གཏོར་རྣམས་དང་། ཟས་སྣ་གཏོར་མ་སོགས་སྡེར་དུ་བཞག །ཡོན་བདག་ཚང་གི་མི་དུ་ཡོད་ཀྱིས་ལག་ཏུ་བཟུང་ལ། ཐམས་ཅད་ཐད་ཏུ་འཇུག་བཅོལ། རང་གིས་ནས་གཏོར་ཞིང་བཀྲ་ཤིས་བརྗོད། །དེ་ནས་ཟས་ཕུད་ཅུང་ཟད་རེ་དང་འབྲུ་སྣ་སོགས་གཡང་སྒྱེ་ནང་དུ་བླུག་ལ་ཚག་བྱའོ། །མདའ་དཀྱིལ་ཀ་ལ་བཅིངས་ནས་ཚག་དམ་དུ་བྱ། །ཤུག་པ་ཀ་བ་ལ་བཅིངས་སམ་འབྲོག་པ་ཡིན་ན་ཟླ་བ་ནང་དུ་བཙུགས། དེ་མིན་གཏོར་མ་མཆོད་རྫས་ཐམས་ཅད་ཁྱི་མི་ལ་མི་སྦྱིན་དངོས་གྲུབ་ཏུ་བཟའ། གཡང་གཞིའི་འོག་གིས་ཞིང་ནང་དུ་

[Full Size]

སྡུག །འབྲོག་པ་ཡིན་ན་སླས་ནང་དུ་གཏོར། གཡང་ལྷ་ཡེ་ཤེས་པ་ཐམས་ཅད་སྦྲ་ཁྱིམ་མི་ནོར་ལ་ཐིམ་པར་བསྒོམ། འཇིག་རྟེན་པ་སྤོམ་ར་སོགས་རང་གནས་སུ་གཤེགས་པར་བསྒོམ། །ལོ་ཀ་སརྦ་གཙྪ་གཙྪ་ཅེས་བརྗོད། དེ་ལྟར་བྱས་པས་ལྷ་མོ་དཔལ་ཆེན་མོ་རབ་ཁྱིམ་དེར་གནས་པར་འགྱུར་ལ་ཕྱུག་ཅིང་བདེ་སྐྱིད་ལོངས་སྤྱོད་ཕུན་སུམ་ཚོགས་པར་འགྱུར་རོ། །ཐ་ནའང་ལྷ་མོ་དེས་ཐུགས་ཀྱིས་དགོངས་ཏེ་ལོངས་སྤྱོད་དངོས་གྲུབ་འབྱུང་བར་གསུངས་སོ། །འདི་ནི་མདོ་སྡེ་གསེར་འོད་དམ་པ་དང་། ལྷ་མོ་དཔལ་གྱི་མདོ་དང་། གར་མཁན་མཆོག་གི་རྒྱུད་དང་། གསེར་འོད་གཡང་སྐྱབས་དང་། པདྨ་གཡང་སྐྱབས་དང་། རྨ་སྤོམ་རའི་གཡང་སྐྱབས་རྣམས་ཀྱི་དོན་བསྡུས་ཏེ་བླ་མ་ཙཱ་རི་བས་བསྐུལ་བའི་ངོས། སྔགས་འཆང་རཱ་ག་ཨ་སྱས་གསེར་འཕྱང་གི་ལོ་ཁྲུམ་གྱི་ཟླ་བའི་གནམ་གང་ཉིན་རྫོགས་པར་བྲིས་པ་ལ། ཉེས་འགལ་མཆིས་ན་རྩ་བ་གསུམ་ལ་བཤགས་ཤིང་དགེ་བས་སེམས་ཅན་ཐམས་ཅད་བདེ་སྐྱིད་ཕུན་སུམ་ཚོགས་པར་གྱུར་ཅིག །སརྦ་མངྒ་ལཾ།། །།

ལྷ་མོ་དཔལ་ཆེན་མོའི་གཡང་ཆོག་གི་ཟུར་འདེབས་ཡོངས་འདུའི་སྙེ་མ།

[Full Size]

བླ་མ་དཀོན་མཆོག་རྣམ་གསུམ་ལ། །སྒོ་གསུམ་གུས་པས་སྐྱབས་སུ་མཆི། །འགྲོ་རྣམས་དབུལ་ཕོངས་བསལ་བའི་ཕྱིར། །བདག་གིས་བླ་མེད་སངས་རྒྱས་བསྒྲུབ། །འགྲོ་ཀུན་བདེ་ལྡན་སྡུག་བསྔལ་བྲལ། །བདེ་ལས་མི་ཉམས་བཏང་སྙོམས་ཤོག །སྐད་ཅིག་དྲན་རྫོགས་རང་ཉིད་ལས། །པདྨ་ཟླ་བའི་གདན་སྟེང་དུ། །མདུན་མཁར་སངས་རྒྱས་རིན་པོ་ཆེ། །མེ་ཏོག་ཡོན་ཏན་གྱི་རྒྱ་མཚོ། །བཻ་ཌཱུརྻ་དང་གསེར་གྱི་རི། ཁ་དོག་བཟང་པོ་གསེར་དག་ཏུ། །སྣང་བའི་དཔལ་གྱི་བཅོམ་ལྡན་འདས། །གསེར་མདོག་ཆོས་གོས་རྣམ་གསུམ་གསོལ། །མཆོག་སྦྱིན་མཉམ་བཞག་རྡོ་རྗེ་ཡི། །སྐྱིལ་ཀྲུང་བཞུགས་ཤིང་འོད་ཟེར་འབར། །གནས་གསུམ་འབྲུ་གསུམ་འོད་ཟེར་གྱིས། །ཡེ་ཤེས་སེམས་དཔའ་སྤྱན་དྲངས་ཐིམ། ཧཱུྃ འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། །སངས་རྒྱས་རིན་ཆེན་མེ་ཏོག་ཡོན་ཏན་མཚོ། །བཻ་ཌཱུརྻ་དང་གསེར་རི་ཁ་དོག་བཟང་། །གསེར་དུ་

[Full Size]

སྣང་བའི་དཔལ་གྱི་བཅོམ་ལྡན་འདས། །ལྷ་མོ་དཔལ་ཆེན་མོ་ཡི་བཤེས་གཉེན་ཁྱོད། །གཤེགས་དང་བཞུགས་པའི་མཚན་མ་མི་མངའ་ཡང་། །ཆུ་ཟླ་བཞིན་དུ་གནས་འདིར་སྣང་བར་མཛོད། །མདུན་མཁར་དམ་ཡེ་དབྱེར་མེད་བརྟན་པར་བཞུགས། །སྒོ་གསུམ་རབ་ཏུ་གུས་པས་ཕྱག་འཚལ་ལོ། །བདག་སོགས་སྒྲིབ་གཉིས་སྦྱང་ཕྱིར་སྐུ་ཁྲུས་གསོལ། །ཨོཾ་ན་མོ་བྷ་ག་ཝ་ཏེ་རཏྣ་ཀ་མ་ལ་གུ་ས་མུ་དྲ་བཛྲ་ས་མ་ཡ་ཛཿཛཿ ཛཿཧཱུྃ་བཾ་ཧོཿ ཏིཥྛ་ལྷན། ཨ་ཏི་པཱུ་ཧོཿ ཀཱ་ཡ་ཤུདྡྷེ་ཨཱཿ ཞེས་སྔགས་ལན་གསུམ་གྱིས་གསལ་བཏབ། མཆོད་ཡོན་ཞབས་བསིལ་མེ་ཏོག་བདུག་སྤོས་དང་། །སྣང་གསལ་དྲི་ཆབ་ཞལ་ཟས་རོལ་མོ་སོགས། །ཉེར་སྤྱོད་བདུན་དང་འདོད་ཡོན་རྣམ་པ་ལྔ། །བཀྲ་ཤིས་རྫས་རྟགས་བརྒྱད་དང་རིན་ཆེན་བདུན། །ཀུན་བཟང་སྨོན་ལམ་ལྟ་བུའི་མཆོད་པས་མཆོད། །ཨོཾ་ན་མོ་བྷ་ག་ཝ་ཏེ་རཏྣ་ཀ་མ་ལ་གུ་་ས་མུ་དྲ་ས་པཱ་རི་ཝ་ར་ཨརྒྷཾ་སོགས་ནས། ཤབྡ་པྲ་ཏཱིཙྪ་སྭཱ་ཧཱ། རཱུ་པ་ཤབྡ་གནྡྷེ་ར་ས་སྤརྴེ་སརྦ་པཱུ་ཛ་པྲ་

[Full Size]

ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་་ས་མ་ཡེ་ཧཱུྃ། འདས་པའི་སངས་རྒྱས་བཅོམ་ལྡན་དེ་བཞིན་གཤེགས། །རིན་ཆེན་མེ་ཏོག་ཡོན་ཏན་རྒྱ་མཚོ་ནི། །བཻ་ཌཱུརྻ་དང་གསེར་རི་ཁ་དོག་བཟང་། །གསེར་དུ་སྣང་བའི་དཔལ་ལ་ཕྱག་འཚལ་བསྟོད། །མདུན་བསྐྱེད་ཐུགས་ཀར་ཟླ་སྟེང་ཧཱུྃ་ཡིག་མཐར། །སྔགས་ཕྲེང་གཡས་སུ་འཁོར་བའི་འོད་ཟེར་གྱིས། །རྒྱལ་མཆོད་བྱིན་རླབས་བསྡུས་ནས་བདག་སྦྱིན་བདག །གནས་ཁང་ཡུལ་ཞིང་ལ་ཐིམ་ཐམས་ཅད་ནི། །སྣང་སྟོང་འཇའ་ཚོན་སངས་རྒྱས་ཞིང་ལྟར་གྱུར། །ན་མཿསརྦ་ཏ་ཐཱ་ག་ཏ་ཧྲྀ་ད་ཡ་ཨ་ནུ་ག་ཏེ་ཨོཾ་ཀུ་རུ་གི་ནི་སྭཱ་ཧཱ། ཞེས་དེ་བཞིན་གཤེགས་པ་སྤྱིའི་སྙིང་པོ་འདི་ལན་ཅིག་བརྗོད་པས་བསྐལ་པ་བརྒྱད་ཁྲིའི་སྡིག་པ་འདགས་པར་གསུངས། མཚན་སྔགས་བཟླ་བར་སྤྲོ་ན། ཨོཾ་ན་མོ་བྷ་ག་ཝ་ཏེ་རཏྣ་ཀ་མ་ལ་གུ་་ས་མུ་དྲ་བཻ་ཌཱུརྻ་ཀ་ན་ཀ་སྱ་མེ་རུ་སུ་ཝརྞ་ཀ་ན་ཀཾ་བྷཱས་ཤྲི་ཡེ་ཨཱཿཧཱུྃ། ཞེས་བཟླའོ། །ཞེས་པའང་གནས་མདོའི་རིང་ལུགས་འཛིན་པ་བླ་མ་བདེ་ཆེན་སྙིང་པོ་ཞེས་པས་བཀོད་པའོ།། །།སརྦ་མངྒ་ལཾ།། །།

དཔལ་ཆེན་མོ་སྲིད་གསུམ་གཡང་བདག་དང་བཅས་པའི་བསངས་མཆོད་ནོར་བུའི་ཆར་སྤྲིན།

[Full Size]

དཔལ་ཆེན་མོ་སྲིད་གསུམ་གཡང་བདག་དང་བཅས་པའི་བསངས་མཆོད་ནོར་བུའི་ཆར་སྤྲིན་ཞེས་བྱ་བ་བཞུགས་སོ།། །།

[Full Size]

ཨོཾ་སྭ་སྟི། ནོར་སྦྱིན་ལྷ་མོ་དཔལ་ལ་འདུད། །བོད་ཀྱི་ཡུལ་ཆོས་བསང་མཆོད་ལ། །གྲོང་སྔགས་པ་རྣམས་དགའ་བའི་ཕྱིར། །རྒྱུད་ནས་མེ་ཏོག་འདུག་པ་ཡིས། །མཆོད་ཅིང་བསྙེན་བའི་ལུང་དོན་གྱི། །རྗེས་འབྲང་འདི་ཡང་དོན་མེད་མིན། །དེའང་ཙན་དན་ཨ་ག་རུ་སོགས་དྲི་བཟང་གི་བདུག་སྤོས་བཏུལ། ཁ་དོག་སེར་པོ་གཙོ་བོར་གྱུར་པའི་མེ་ཏོག་གི་ཕྲེང་བ་བསྟར། བཟང་ཤིང་ཚོགས་ཚད་ཀྱི་མེ་ལ་དཀར་མངར་ཟས་སྣ་བསྲེག་པའི་གསུར་དང་། །རིན་པོ་ཆེས་འཕྲད་པ་སྩལ་བའི་གསེར་སྐྱེམས་སོགས་གཙང་མར་སྦྱར་བའི་མཆོད་རྫས་འདུ་བྱས་ལ། རཾ་ཡཾ་ཁཾ། མི་གཙང་བའི་དྲི་མ་བསྲེག་ས་གཏོར་བཀྲུས། ཨོཾ་ཨཱཿཧཱུྃ་ཧ་ཧོཿཧྲཱིཿ ལན་གསུམ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་བྱིན་

[Full Size]

གྱིས་བརླབས་པའི་སྟོབས་དང་། བདག་གི་བསོད་ནམས་དང་སྨོན་ལམ་གྱི་སྟོབས་དང་། རིག་སྔགས་ཀྱི་སྟོབས་ཀྱིས་མེ་ཏོག་དང་། བདུག་པ་ལ་སོགས་པ་འདི་དག་ཀུན་བཟང་མཆོད་པའི་སྤྲིན་ཕུང་འདོད་ཡོན་ནམ་མཁའ་མཛོད་ཀྱི་ཆར་པ་ཟད་མི་ཤེས་པ་འཇོ་བས་སངས་རྒྱས་ཀྱི་ཞིང་ཐམས་ཅད་ཁྱབ་པར་གྱུར་ཅིག །ན་མཿསརྦ་བུདྡྷ་བོ་དྷི་སཏྭཱ་ནཱཾ། སརྦ་ཐཱ་ཁཾ་ཨུངྒ་ཏེ་སྥ་ར་་ཨི་མི་ག་ག་ན་ཁཾ་ས་མནྟ་སྭཱ་ཧཱ། ལན་བརྒྱད་བརྗོད། དབྱངས་སྙན་རོལ་མོ་བཅས་འདི་སྐད་དོ། །ཀྱཻ། སངས་རྒྱས་བྱང་སེམས་སྨོན་ལམ་དང་། །འབྱུང་བ་འདུས་པའི་རྟེན་འབྲེལ་ལས། །རང་བྱུང་བདུད་རྩི་

[Full Size]

ཅན་གྱི་ཤིང་། །སྤོས་ཀྱི་སྤྲིན་ཆེན་དྲ་བར་འཁྲིགས། །བདུག་པའི་དྲི་བསུང་ཞིང་ཀུན་ཁྱབ། །མེ་ཏོག་ཕྲེང་བས་བར་སྣང་ཁེབས། །གསེར་སྐྱེམས་ཡེ་ཤེས་བདུད་རྩིར་འཁྱིལ། །ཀུན་བཟང་མཆོད་པའི་སྤྲིན་ཕུང་གཏིབས། །འདོད་ཡོན་ནམ་མཁའ་མཛོད་ཆར་འབེབས། །དབྱངས་སྙན་རོལ་མོའི་སྒྲ་ཡིས་འབོད། །དད་མོས་རྩེ་གཅིག་གུས་པ་ཡིས། །མཆོད་ཡུལ་རྒྱ་མཚོ་སྤྱན་འདྲེན་ན། །རབ་འབྱམས་དག་པའི་ཞིང་ཁམས་ནས། །རྒྱལ་དང་རྒྱལ་སྲས་ཐུགས་རྗེ་ཅན། །རྫུ་འཕྲུལ་བྱིན་རླབས་ཆེན་པོ་ཡིས། །ཡེ་ཤེས་རང་གཟུགས་ཆུ་ཟླའི་གར། །མདུན་མཁར་སྤྲིན་བཞིན་གཏིབ་པར་མཛོད། །ཕོ་བྲང་ལྕང་ལོ་ཅན་གྱི་འཁོར། །སྐྱེད་ཚལ་བསོད་ནམས་མེ་ཏོག་འོད། ཁང་བཟང་པདྨ་དམ་པ་ནས། །ནོར་གྱི་ལྷ་མོ་ཆེན་མོ་དཔལ། །ནོར་རྒྱུན་མ་སོགས་གྲོགས་མོ་བརྒྱད། །ནོར་བདག་བྱེ་བའི་འཁོར་དང་བཅས། །སྤྱན་འདྲེན་དགྱེས་པའི་ཐུགས་ཀྱིས་གཤེགས། །ཚོགས་ཀྱི་བདག་པོ་མི་མགོན་དཀར། །རྨ་

[Full Size]

རྒྱལ་པཾ་ར་གཉན་པོ་སོགས། །སྲིད་གསུམ་གཡང་བདག་འཁོར་བཅས་རྣམས། །བསངས་དང་མཆོད་པའི་གནས་འདིར་བྱོན། །རིན་ཆེན་མེ་ཏོག་དར་ཟབ་ཁྲི། །དགྱེས་པའི་གདན་ལ་བཞུགས་སུ་གསོལ། །པདྨ་ཨུདྤལ་ཀུ་མུད་སོགས། །མདངས་མཛེས་མེ་ཏོག་ཕྲེང་བས་མཆོད། །ཙན་དན་བལ་བུ་ཨ་གར་སོགས། །ངད་བཟང་བདུག་པའི་སྤྲིན་གྱིས་མཆོད། །སྦྲང་རྩི་བུ་རམ་རོ་སྦྱར་བའི། །འོ་ཆབ་ཨརྒྷཾ་རྒྱུན་གྱིས་མཆོད། །རོ་བརྒྱ་ནུས་པ་སྟོང་ལྡན་པའི། །ཞལ་ཟས་བཟའ་བཏུང་དུ་མས་མཆོད། །བསྟོད་དབྱངས་ཡན་ལག་བརྒྱ་ལྡན་པས། །འཇིག་རྟེན་འདས་དང་མ་འདས་པའི། །མགྲོན་རིགས་མ་ལུས་བསྔགས་པར་བགྱི། །མཉེས་ནས་མཆོག་དང་ཐུན་མོང་གི། །དངོས་གྲུབ་ཆུ་བོའི་རྒྱུན་ལྟར་སྩོལ། །ཀྱེ། །དཀོན་མཆོག་རྒྱལ་བ་ཤཱཀྱ་ཐུབ། །དམ་ཆོས་གསེར་འོད་དམ་པ་དང་། །འཕགས་པའི་དགེ་འདུན་ཚོགས་བཅས་ལ། །ཕྱག་འཚལ་བསངས་དང་མཆོད་པ་འབུལ། །ལྷ་མོ་ཆེན་

[Full Size]

མོ་བྱང་ཆུབ་ཏུ། །ཐུགས་མཆོག་བསྐྱེད་མཛད་དགེ་བའི་བཤེས། །རིན་ཆེན་མེ་ཏོག་ཡོན་ཏན་མཚོ། །བཻཌཱུརྻ་དང་གསེར་གྱི་རི། །མདོག་བཟང་གསེར་དུ་སྣང་བའི་དཔལ། །བྱང་སེམས་ཉན་ཐོས་ཚོགས་བཅས་ལ། །ཕྱག་འཚལ་བསངས་དང་མཆོད་པ་འབུལ། །དེ་བཞིན་གཤེགས་པ་དཔལ་སྟུག་པོ། །བཀྲ་ཤིས་དཔལ་དང་སྐར་འོད་དཔལ། །གཡུལ་རྒྱལ་སྣང་བའི་དཀྱིལ་འཁོར་དཔལ། །རྒྱལ་མཚན་ཤུགས་དཔལ་སྤོས་སྣང་དཔལ། །ཞི་མཛད་སྐུ་དང་མཚོ་སྣང་དཔལ། །མཚན་དཔའ་རིན་ཆེན་གནས་ཀྱི་དཔལ། །འོད་འཕགས་ཡང་དག་རྫོགས་པའི་དཔལ། །གསེར་མཆོག་སྣང་དཔལ་སྒྲ་དབྱངས་དཔལ། །འོད་ཀྱི་ཏོག་དང་ལྷུན་པོའི་དཔལ། །ཚངས་དཔལ་དབང་ཕྱུག་ཆེན་པོའི་དཔལ། །འོད་དཔལ་ཆོས་འོད་རྒྱལ་པོའི་དཔལ། །འོད་བཟང་དཔལ་དང་ཏོག་གི་དཔལ། །སྤོས་སྒྲོན་རྒྱ་མཚོའི་སྙིང་པོའི་དཔལ། །སྙན་དཔལ་ཆོས་སྣང་བཀོད་པའི་དཔལ། །ཤིང་རྒྱལ་ལྟར་སྐྱེས་རི་བོའི་དཔལ། །ཡེ་འོད་

[Full Size]

སྨོན་ཆེན་ཤུགས་ཀྱི་དཔལ། །སྤྲིན་ཆེན་དཔལ་དང་དྲན་ཏོག་རྒྱལ། །དབང་པོའི་ཏོག་གི་རྒྱལ་མཚན་དཔལ། །ནོར་འབྲུ་ཀུན་སྡུད་ཞི་འདྲེན་དཔལ། །ཕུན་སུམ་ཚོགས་པ་འགུགས་པའི་དཔལ། །རྒྱལ་བའི་མྱུ་གུའི་ཚོགས་བཅས་ལ། །ཕྱག་འཚལ་བསངས་དང་མཆོད་པ་འབུལ། །བདེ་གཤེགས་རིན་ཆེན་གཙུག་ཏོར་ཅན། །དྲི་མེད་རིན་ཆེན་འོད་སྣང་ཏོག །འཇམ་བུའི་གསེར་གྱི་རྒྱལ་མཚན་དར། །གསེར་སྣང་འོད་སྣང་སྙིང་པོ་མཆོག །གསེར་རི་རིན་འབྱུང་གདུགས་བརྩེགས་པ། །གསེར་གྱི་མེ་ཏོག་འོད་འབར་ཏོག །སྒྲོན་མ་ཆེན་པོ་རིན་ཆེན་ཏོག །མི་འཁྲུགས་རིན་འབྱུང་ཚེ་དཔག་མེད། །རྔ་སྒྲ་ལ་སོགས་ཕྱོགས་བཅུ་དང་། །དུས་གསུམ་གཤེགས་པའི་རྒྱལ་རྣམས་ལ། །ཕྱག་འཚལ་བསངས་དང་། འཇམ་དབྱངས་ཕྱག་རྡོར་སྤྱན་རས་གཟིགས། །སྒྲིབ་སེལ་ནམ་སྙིང་ཀུན་ཏུ་བཟང་། །བྱམས་པ་ས་སྙིང་མཛེས་པའི་ཏོག །གསེར་འོད་དམ་པ་གསེར་གྱི་སྙིང་། །རྟག་དུ་

[Full Size]

ཆོས་འཕགས་རབ་གནས་སོགས། །རྒྱལ་སྲས་བྱང་སེམས་ཚོགས་རྣམས་ལ། །ཕྱག་འཚལ་བསངས་དང་། ཁྱེད་རྣམས་མཆོད་པའི་བྱིན་རླབས་ཀྱིས། །བདག་གཞན་སེམས་ཅན་ཐམས་ཅད་ཀྱི། །ཉེས་སྡིག་ཐམས་ཅད་མེད་པ་དང་། །ལུས་དང་སེམས་ཀྱི་དྲི་མ་སོལ། །ནོར་དང་འབྲུ་རྣམས་འདུ་ཞིང་འཕེལ། །དབུལ་ཞིང་ཕོངས་པའི་རྒྱུན་ཆད་དེ། །ལྷ་ཀླུ་གནོད་སྦྱིན་ལྷ་མ་ཡིན། །དྲི་ཟ་མཁའ་ལྡིང་མིའམ་ཅི། །ལྟོ་འཕྱེ་ཆེ་སོགས་འདུན་ཅིང་འགུགས། །ཡམས་ནད་གནོད་འཚེ་འཐབ་དང་འཁྲུག །འགྱེད་དང་རྩོད་སོགས་རབ་ཞི་ཞིང་། །ཕ་རོལ་ཕྱིན་དྲུག་ཡོངས་སུ་གྲུབ། །ཀུན་མཁྱེན་ཡེ་ཤེས་རྫོགས་པ་སོགས། །ཆོས་མཐུན་བསམ་པའི་དོན་རྣམས་ཀུན། །མྱུར་དུ་འགྲུབ་པར་མཛད་དུ་གསོལ། །ཀྱཻ། བསང་ངོ་དཔལ་ཆེན་ལྷ་མོ་བསང་། །མཆོད་དོ་དཔལ་ཆེན་ལྷ་མོ་མཆོད། །དཔལ་ལྡན་བཀྲ་ཤིས་པད་ཕྲེང་མ། །ནོར་བདག་དཀར་ཤམ་གྲགས་པ་ཆེ། །པད་སྤྱན་འོད་ཆེན་

[Full Size]

བྱེད་པ་མོ། །ཟས་སྦྱིན་རིན་ཆེན་རབ་སྦྱིན་མ། །བཅུ་གཉིས་མཚན་ལྡན་དཔལ་ཆེན་མོ། །བྱང་ཆུབ་སེམས་མའི་ཚོགས་བཅས་ལ། །ཕྱག་འཚལ་བསངས་དང་མཆོད་པ་འབུལ། །དེ་བཞིན་གཤེགས་པ་ཐམས་ཅད་དང་། །ལྷ་རྣམས་ཀྱིས་ནི་དབང་བསྐུར་བ། །དེ་བཞིན་གཤེགས་དང་ལྷ་རྣམས་ཡུམ། །བདེ་གཤེགས་བྱང་སེམས་ཉན་རང་དང་། །ཚངས་པ་ཁྱབ་འཇུག་དབང་ཕྱུག་ཆེ། །ལྷ་སོགས་གནས་ཀུན་ཡོད་པའི་དཔལ། །ལྷ་ཀླུ་གནོད་སྦྱིན་དྲི་ཟ་དང་། །ལྷ་མིན་མཁའ་ལྡིང་མིའམ་ཅི། །ལྟོ་འཕྱེ་ཆེན་པོ་རིག་སྔགས་འཆང་། །ལག་ན་རྡོ་རྗེ་རྡོ་རྗེ་འཆང་། །འཇིག་རྟེན་སྐྱོང་བ་བཞི་དང་ལྔ། །གཟའ་དང་རྒྱུ་སྐར་དཔལ་དེ་ལ། །ཕྱག་འཚལ་བསངས་དང་། ཉི་བུ་རིག་བྱེད་བཞི་ཡི་དཔལ། །བཀྲ་ཤིས་མ་དང་སེམས་ཅན་མ། །རྒྱལ་མ་རྣམ་རྒྱལ་གངྒཱ་མ། །མུ་སྟེགས་བཀྲ་ཤིས་ཐམས་ཅད་མ། །དྲི་མེད་བྱེད་དཔལ་སྡིག་འཕྲོག་མ། །རྒྱགས་བྱེད་ཟླ་ཉི་གཟའ་

[Full Size]

ཀུན་དཔལ། །ཕྱག་འཚལ་བསངས་དང་། སེང་ཞོན་པད་མཆོག་འབུམ་གྱིས་བཀབ། །པདྨ་པད་བྱུང་པད་གནས་མ། །པད་འཛིན་པདྨ་དང་ལྡན་མ། །ཤིས་འཛིན་བསོད་ནམས་བསགས་པའི་ལུས། །ཤེས་ཉེན་ཅན་གྱི་བུ་མོ་ལ། །ཕྱག་འཚལ་བསངས་དང་། །ཕྱག་དང་སྤྱན་དང་དབུ་འབུམ་མངའ། །ནོར་བུ་སྣ་ཚོགས་ཅོད་པན་ལྡན། །གཟུགས་བཟང་ཀུན་གྱི་གཟུགས་ཅན་མ། །གྲགས་མ་ཤིན་གྲགས་ཞི་བ་མ། །སྤྲིན་འདྲའི་སྐྲ་གཙང་ཟླ་ལྟར་མཛེས། །དགེ་མ་དགེ་བྱེད་སེམས་ཅན་ལ། །མངོན་ཕྱོགས་འཕགས་མ་མེ་ཏོག་དཔལ། །མེ་ཏོག་དག་གི་དབང་ཕྱུག་མར། །ཕྱག་འཚལ་བསངས་དང་། །རི་རྒྱལ་རི་རབ་ཆུ་ཀླུང་དང་། །མཚོ་ཆུ་རྒྱ་མཚོ་ཀུན་གྱི་དཔལ། །མུ་སྟེགས་ཐམས་ཅད་མངོན་ཕྱོགས་དཔལ། །སྨན་ནགས་རྩྭ་དང་ནོར་འབྲུའི་དཔལ། །གསེར་སྦྱིན་ཟས་དང་སྐོམ་སྦྱིན་མ། །འོད་གསལ་སྣང་མ་ལུས་གཙང་མ། །བདེ་གཤེགས་དབང་སྒྱུར་ལྷ་མངོན་ཕྱོགས། །བརྒྱ་བྱིན་ལ་སོགས་

[Full Size]

སྐྱོང་བཞིའི་དཔལ། །ཕྱག་འཚལ་བསངས་དང་། །སྦྱིན་བྱེད་ལོངས་སྤྱོད་གཟི་བརྗིད་མ། །གཟི་ལྡན་ཕུན་ཚོགས་འབྱོར་འཕེལ་ལ། །མཐོང་མ་ཆོས་དཔལ་ཁྱབ་འཇུག་རྟེན། །ཀུ་མུད་ལ་གནས་གནོད་བཟོད་སྦྱིན། །མཐུག་ནས་དག་བྱེད་བཀྲ་ཤིས་ལག །མི་ཤིས་ཀུན་འཇིགས་བསོད་ནམས་སྡུད། །ས་དང་རྒྱལ་པོ་སྔགས་འཆང་རྒྱལ། །འབྱུང་པོ་གནོད་སྦྱིན་སོགས་ཀྱི་དཔལ། །ལྷ་གནས་ལྷ་དང་བཟླས་བརྗོད་དང་། །བཟླས་བརྗོད་སྦྱིན་སྲེག་བྱ་དང་བྱེད། །བཀྲ་ཤིས་ཀུན་གྱི་དཔལ་གྱུར་ལ། །ཕྱག་འཚལ་བསངས་དང་། འོད་ལྡན་མཆོག་དགའ་སྐལ་པས་འགྱུར། །དྲང་སྲོང་དགའ་བརྗོད་བུད་མེད་ཀྱི། །གནས་ཀུན་གཙོ་མོ་དཔལ་གྱི་མཆོག །ལྷ་མིན་མིའམ་ཅི་མོའི་དཔལ། ཁ་ན་མ་ཐོ་མེད་གནས་འདུག །ཡིད་འོང་སིམ་བྱེད་ལུས་ངན་གྱི། །སྙིང་སྡུག་ཆོས་ཀྱི་རྒྱལ་པོའི་དཔལ། །ཕྱག་འཚལ་བསངས་དང་། །ནོར་རྒྱུན་མ་དང་ཟླ་ཤེལ་མ། །སྦྱིན་བྱེད་མ་དང་རབ་སྦྱིན་

[Full Size]

མ། །འཕགས་མ་སྦས་མ་རབ་བཟང་མ། །དབྱངས་ཅན་མ་སྟེ་གྲོགས་མོ་བརྒྱད། །འཁོར་དང་བཅས་པ་ཐམས་ཅད་ལ། །ཕྱག་འཚལ་བསངས་དང་། རྣམ་མང་ཐོས་དོང་དེ་ཡི་སྲས། །ཀུ་བེ་ར་སོགས་རྟ་བདག་བརྒྱད། །ཛམ་ལྷ་དཀར་སེར་དམར་ནག་སོགས། །རིན་ཆེན་ནོར་གྱི་ཆར་འབེབས་པའི། །གནོད་སྦྱིན་བྱེ་བ་འབུམ་བཅས་ལ། །ཕྱག་འཚལ་བསངས་དང་། །ལྷ་མོ་འཁོར་བཅས་མཆོད་པའི་མཐུས། །བདག་དང་སེམས་ཅན་ཐམས་ཅད་ཀྱི། །ཉེས་ལྟུང་སྡིག་པ་ཟད་ཅིང་འཇོམས། །བཀྲ་མི་ཤིས་ཀུན་མེད་པར་མཛོད། །མི་མཐུན་ཕྱོགས་ཀུན་མྱུར་དུ་འཇིག། །ནམ་ཡང་བྲེལ་ཞིང་ཕོངས་མེད་མཛོད། །བསོད་ནམས་དཔལ་དང་བདེ་བ་དང་། །སྐལ་པ་བཟང་རྣམས་སྡུད་པར་མཛོད། །སྡུག་བསྔལ་ཀུན་ལས་སྒྲོལ་ཞིང་ཐར། །བསོད་ནམས་ཚོགས་ཀུན་མངོན་གྱུར་མཛོད། །ས་ལ་ས་ཡི་བཅུད་འཕེལ་ཞིང་། །ལོ་ཏོག་འབྲས་བུ་རབ་རྒྱས་མཛོད། །ལྷ་རྣམས་རྟག་ཏུ་རབ་དགའ་ཞིང་། །སྡུག་

[Full Size]