གླེགས་བམ་བདུན་པ།

གླེགས་བམ་བདུན་པ།

པོད། དྷཱི༽

འཇམ་མགོན་མི་ཕམ་རིན་པོ་ཆེ།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

མགྲོན་བཞི་བརྔན་ཆོག་དཔག་བསམ་ལྗོན་ཤིང་།

― MR07_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲོན་བཞི་བརྔན་ཆོག་དཔག་བསམ་ལྗོན་ཤིང་བཞུགས་སོ། །

― MR07_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་པདྨཱ་ཀཱ་རཱ་ཡ། འདིར་བསང་དང་འབྲེལ་བར་བརྔན་བྱེད་ན་གཟའ་སྐར་དུས་ཚེས་བཟང་པོར། གཞི་དཀར་སྟེང་དཀར་ཟླུམ་ཟས་ཕུད་བཟང་དགུས་བསྐོར་བ། ཕྱེ་མར། ཕུད་མཆོད། བཀྲ་ཤིས་རྫས་རྟགས། རྒྱལ་སྲིད་སྣ་བདུན། འདོད་ཡོན་ལྔ། མཆོད་པའི་ལྷ་མོ་སོགས་ཀྱི་གཟུགས་འགྲོས་དང་། ཉེར་སྤྱོད་སྨན་རག་བཅས་པ་བཤམས། བརྔན་གཏོར་རི་རབ་བང་རིམ་བཞི་སྟེང་དཀར་གཏོར་གཅིག །དེའི་མདུན་དུ་འབྲས་ཀྱི་བྱ། གཡས་སུ་འབྲས་ལུག །གཡོན་དུ་འབྲས་གཡག །རྒྱབ་ཏུ་འབྲས་ར་སོགས་གཟུགས་འགྲོས་སྣ་ཚོགས། ལྷ་ཀླུ་སྡེ་བརྒྱད་ཀྱི་བཤོས་བུ་སོགས་མཐུན་རྫས། འདོད་ཡོན་སྣ་ཚོགས་ཀྱི་གཟུགས། དར་ཚོན་བལ་ཚོན། འབུལ་གཏོར་དཀར་ཟླུམ་ལ་དཀར་གསུམ་མངར་གསུམ་སོགས་ཟས་སྣ་དང་། དམར་གཏོར་

― MR07_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཤ་ཁྲག་སོགས་ཀྱིས་བརྒྱན་པ། ཟ་ཆང་འོ་ཞོའོ་སྐྱེམས་ཕུར་སྣ་ཚོགས། ཕྱི་མར་ཤེལ་ཚིག་སོགས་མཐུན་རྫས་ཅི་འབྱོར་གཙང་བར་བཤམས། དེའི་འོག་ཏུ་གླུད་མི་གཟུགས་ཕྱུགས་གཟུགས་བཤོས་བུ་ཏིང་ལོ་ཆར་སྒོག་པ་སོགས་ཟས་སྐོམ་སྣ་ཚོགས། རས་སྣ་སོགས་གླུད་ཆས་ཅི་འབྱོར་བསགས་པ་བཤམས་ལ། བསང་གཞུང་ཁྱེར་ནས། དང་པོ་ཡང་གཞིའི་གཏོར་མ་སྔགས་དྲུག་ཕྱག་དྲུག་དང་། ཉེར་སྤྱོད་སྨན་རག་རྣམས་བྱིན་བརླབ་བྱས་ནས། ཐོག་མར་དཀོན་མཆོག་སྲིད་ཞུའི་མགྲོན་ལ་འབུལ་ནི། ཨོཾ་ཨཱཿཧཱུྃ་ཧོ། མཆོད་གཏོར་ཟག་མེད་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་ཀུན་ཏུ་བཟང་པོའི་མཆོད་སྤྲིན་རབ་འབྱམས་ཀྱིས་ནམ་མཁའི་ཁམས་ཁྱབ་པ་འདི་ཉིད་མཆོད་ཅིང་འབུལ་བའི་གནས་ནི། སྐྱབས་གནས་དམ་པ་

― MR07_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་གསུམ་དང་རྩ་གསུམ་སྲུང་མ་དང་བཅས་པ་སྐྱབས་འོས་རྒྱ་མཚོའི་ལྷ་ཚོགས་ཆོས་ཀྱི་དབྱིངས་ཀྱི་ཀླས་པ་རྣམས་ལ་འབུལ་ལོ། །དེ་རྣམས་ཀྱི་སྐུ་གསུང་ཐུགས་དགྱེས་རབ་ཀྱི་མཆོག་དང་མཉེས་རབ་ཀྱི་ཕུལ་དམ་པར་གྱུར་ཏེ་ཐུགས་དམ་ཡོངས་སུ་བསྐངས་པར་གྱུར་ནས། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་ཡིད་བཞིན་དུ་བསྩལ་བར་མཛད་དུ་གསོལ་ལོ། །དེ་ནས་རྔ་རོལ་དབྱངས་དང་བཅས་ཏེ། ཨོཾ། རིག་འཛིན་པདྨ་ཐོད་ཕྲེང་རྩལ། །རྒྱ་བོད་མཁས་གྲུབ་བཀའ་གཏེར་གྱི། །དགོངས་བརྡ་སྙན་བརྒྱུད་བླ་མ་ལ། ཕྱག་འཚལ་མཆོད་པ་སྣ་ཚོགས་འབུལ། །བསང་དང་སྦྲགས་མར་བྱེད་ན། ཕྱག་འཚལ་བསང་དང་མཆོད་པ་འབུལ། ཞེས་བྱ། བདེ་གཤེགས་རིགས་ལྔ་ཡབ་ཡུམ་དང་། །བྱང་ཆུབ་སེམས་དཔའ་ལྕམ་དྲལ་བཅས། །ཕྱོགས་བཅུའི་སངས་རྒྱས་ཐམས་ཅད་ལ། །ཕྱག་འཚལ༴ ཆོས་ཀྱི་རྒྱལ་པོ་ཤཱཀྱའི་ཏོག །ཉེ་སྲས་བརྒྱད་དང་གནས་བརྟན་སོགས། །འཕགས་པའི་ཚོགས་དང་བཅས་པ་ལ། །ཕྱག་འཚལ༴ འཇམ་དཔལ་སྐུ་དང་པདྨ་གསུང་། །ཡང་དག་ཐུགས་ཀྱི་ལྷ་ལ་སོགས། །སྒྲུབ་ཆེན་བཀའ་བརྒྱད་དཀྱིལ་འཁོར་ལ། །

― MR07_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ༴ བདེ་མཆོག་དགྱེས་རྡོར་གསང་འདུས་དང་། །འཇིགས་བྱེད་དུས་ཀྱི་འཁོར་ལོ་སོགས། །རབ་འབྱམས་ཡི་དམ་ལྷ་ཚོགས་ལ། །ཕྱག་འཚལ༴ རང་སངས་རྒྱས་དང་དྲང་སྲོང་དང་། །གྲུབ་པའི་ཚོགས་དང་དཀར་ཕྱོགས་ལྷ། །མཆོད་འོས་རྒྱ་མཚོའི་ཚོགས་རྣམས་ལ། །ཕྱག་འཚལ༴ སྐུ་གསུང་ཐུགས་ཀྱི་རྟེན་རྣམས་ལ། །བདེ་གཤེགས་སྲས་བཅས་བཞུགས་པའི་གནས། །ཕྱག་བྱར་འོས་པ་ཐམས་ཅད་ལ། །ཕྱག་འཚལ༴ ཉེར་བཞིའི་ཡུལ་དང་སོ་གཉིས་ཞིང་། །དཔལ་གྱི་གནས་བཅུར་བཞུགས་པ་ཡི། །རབ་འབྱམས་དཔའ་བོ་མཁའ་འགྲོ་ལ། །ཕྱག་འཚལ༴ མ་ཧཱ་ཀཱ་ལ་ལྕམ་དྲལ་སོགས། །རྒྱལ་བའི་བཀའ་ཉན་འཇིག་རྟེན་སྐྱོང་། །བསྟན་སྲུང་དམ་ཅན་རྒྱ་མཚོ་ལ། །ཕྱག་འཚལ་མཆོད་པ་སྣ་ཚོགས་འབུལ། །མདོར་ན་མཆོག་གསུམ་རྩ་བ་གསུམ། །ཡེ་ཤེས་ལས་དང་འཇིག་རྟེན་གྱི། །བཀའ་སྡོད་དྲེགས་པའི་ཚོགས་རྣམས་ལ། །ཕྱག་འཚལ་མཆོད་པ་སྣ་ཚོགས་འབུལ། །ཧོཿ ལྷ་མཆོག་ཁྱེད་རྣམས་དགྱེས་པའི་མཆོད་པ་ནི། །གཟུགས་སྒྲ་དྲི་རོ་རེག་བྱ་འདོད་ཡོན་ལྔ། །མེ་ལོང་ལ་སོགས་བཀྲ་ཤིས་རྫས་མཆོག་བརྒྱད། །

― MR07_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

གདུགས་དང་བུམ་པ་ལ་སོགས་རྟགས་མཆོག་བརྒྱད། །འཁོར་ལོ་ལ་སོགས་རྒྱལ་སྲིད་རིན་ཆེན་བདུན། །རལ་གྲི་ལ་སོགས་ཉེ་བའི་རིན་ཆེན་བདུན། །སྒེག་པ་མ་སོགས་མཆོད་པའི་ལྷ་མོའི་ཚོགས། །རབ་འབྱམས་ནམ་མཁའ་གང་བའི་མཆོད་སྤྲིན་འབུལ། །རིན་ཆེན་སྣ་ཚོགས་ལྷ་ཀླུ་མིའི་ནོར་བུ། །བུམ་བཟང་དཔག་བསམ་ཤིང་དང་འདོད་འཇོའི་བ། །བདུད་རྩིའི་སྤྲིན་ཆེན་མ་རྨོས་ལོ་ཐོག་དང་། །ལྷ་ཡི་སྐྱེད་ཚལ་ཡིད་དུ་འོང་བས་མཆོད། །མཆོད་ཡོན་ལ་སོགས་ཉེར་སྤྱོད་རྣམ་པ་བདུན། །གདན་དང་ན་བཟའ་རྒྱན་ཕྲེང་རོལ་མོའི་ཚོགས། །རྒྱལ་མཚན་བ་དན་རྣམ་མང་ཡོ་བྱད་མཛོད། །རྡོ་རྗེ་འཁོར་ལོ་ལ་སོགས་ཕྱག་མཚན་རིགས། །སྨན་གཏོར་རཀྟ་ཚོགས་ཀྱི་མཆོད་པ་སོགས། །སོ་སོའི་ཐུགས་དམ་སྐོང་བའི་དམ་ཚིག་རྫས། །ཕྱི་ནང་གསང་བའི་མཆོད་སྤྲིན་མཐའ་ཀླས་ཤིང་། །མདོར་ན་སྣང་སྲིད་འཇིག་རྟེན་མཆོད་རྫས་དང་། །འཇིག་རྟེན་ལས་འདས་འཕགས་པའི་སྤྱོད་ཡུལ་གྱི། །ཟག་མེད་ཀུན་ཏུ་བཟང་པོའི་མཆོད་སྤྲིན་གྱིས། །མཆོད་དོ་བརྔན་ནོ་ཐུགས་དམ་བསྐང་གྱུར་ཅིག །བདག་ཅག་ཡོན་མཆོད་འཁོར་དང་བཅས་པ་རྣམས། །རྣལ་འབྱོར་བདག་ཅག་

― MR07_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས་མཆོག་རྣམས་ཀྱི་ཐུགས་རྗེས་བྱིན་བརླབས་ནས། །མི་མཐུན་ནད་གདོན་བར་ཆད་ཀུན་ལས་གྲོལ། །མཐུན་རྐྱེན་ཚེ་བསོད་དཔལ་འབྱོར་རྒྱས་པར་མཛོད། །བདག་ཅག་རྣམས་ཀྱི་ཚེ་རབས་ཐོག་མེད་ནས། །བསགས་པའི་སྡིག་སྒྲིབ་ཉམས་ཆག་དག་གྱུར་ཅིག །ཚོགས་ཆེན་རྣམ་གཉིས་རབ་ཏུ་རྫོགས་གྱུར་ཏེ། །དོན་གཉིས་ལྷུན་གྲུབ་སངས་རྒྱས་མྱུར་ཐོབ་ཤོག །ཅེས་དམིགས་ལ་གཏོར་མ་རྣམས་ཨ་ཀཱ་རོས་བསང་ནང་དུ་འབུལ། གཉིས་པ་ཡོན་ཏན་མགྲོན་རིགས་ཀྱི་བརྔན་གཏོར་ལ་ཆབ་བྲན། སྭ་བྷཱ་བས་སྦྱངས། སྟོང་པའི་ངང་ལས་བྷྲཱུྃ་ཡིག་ཡོངས་སུ་གྱུར་པ་ལས་བརྔན་གཏོར་རི་རབ་གླིང་བཞི་གླིང་ཕྲན་བརྒྱད་ཀྱིས་བསྐོར་བའི་རི་རབ་ཀྱི་སྟེང་དུ་ཁཾ་ལས་འདོད་ཡོན་གྱི་ཞལ་ཟས་དྭངས་ཤིང་ཐོགས་པ་མེད་པ་མཁོ་དགུའི་ཡོ་བྱད་དང་འདོད་དགུའི་དཔལ་འབྱོར་ཆར་ལྟར་འབེབ་པ་དཔག་བསམ་གྱི་ཤིང་དང་མཚུངས་པར་གྱུར། རི་རབ་ཀྱི་ཕྱོགས་མཚམས་སུ་ཡི་གེ་ཏི་སྨུག་ནག་ལས་འོད་འཕྲོས། སྲིད་གསུམ་གྱི་དྭངས་བཅུད་བསྡུས་ནས་གཟུགས་འགྲོས་རྣམས་ལ་ཐིམ་པ་ཡོངས་སུ་གྱུར་པ་ལས། འབྲས་གཡག་དཀར་པོ་སོགས་སྲིད་པའི་སྲོག་ཆགས་གཟུགས་འགྲོས་སྣ་ཚོགས་པ་

― MR07_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་ལྔ་དང་རིན་ཆེན་ལྔ་ལས་གྲུབ་པའི་ལུས་ལ་རིན་པོ་ཆེའི་རྭ་དང་ཡན་ལག་ལྡན་པ། སྤུ་ཉག་མ་རེ་རེ་ལས་ཀྱང་འདོད་ཡོན་ལྔ་འཕྲོ་བ། རྔ་མ་སྤྲིན་ཕུང་གཏིབས་པ་ལས་བདུད་རྩིའི་ཆར་འབེབ་པ་དང་། གཞན་ཡང་ཨོཾ་འོད་དུ་ཞུ་བ་ལས་བྱུང་བའི་བརྟེན་པའི་མཁར། མཁོ་བའི་ཡོ་བྱད་སོགས་རང་རང་སོ་སོའི་ཡིད་དང་མཐུན་པའི་འདོད་ཡོན་རྒྱ་མཚོ་མ་ཚང་བ་མེད་པ། དབང་པོ་དྲུག་གི་སྤྱོད་ཡུལ་དུ་རྨད་དུ་བྱུང་བའི་དགའ་བདེ་བསྐྱེད་བའི་རང་བཞིན་འཛད་མེད་ནམ་མཁའ་མཛོད་ཀྱི་འཁོར་ལོར་གྱུར། ནམ་མཁའ་མཛོད་ཀྱི་སྔགས་རྒྱ་སོགས་གཞན་ལྔས་བྱིན་གྱིས་བརླབས་ནས། ཧོཿ འདོད་པའི་ཡོན་ཏན་ཀུན་དང་ལྡན་པའི་མཆོད་གཏོར་རྒྱ་ཆེན་པོ་འདི་བསྔོ་ཞིང་འབུལ་བའི་ཡུལ་དུ་གྱུར་པ་ནི། རྒྱལ་བའི་བཀའ་ཉན་ཅིང་སངས་རྒྱས་ཀྱི་བསྟན་པ་སྲུང་བའི་གཉེར་འཛིན་པ། དབང་ཕྱུག་མ་ཧཱ་དེ་བ་སོགས་དྲེགས་པའི་སྡེ་དཔོན་སུམ་ཅུ། སྔགས་བདག་དྲེགས་པ་བཅོ་བརྒྱད། འཇིགས་བྱེད་དགུ་དང་ཕྱོགས་སྐྱོང་བ་བཅུ་སོགས་དཔལ་མགོན་བདུན་ཅུ་རྩ་ལྔ་རྣམས་དང་། ས་བདག་གི་རྒྱལ་པོ་ལྟོ་འཕྱེ་ཆེན་པོ་དང་ཐེ་སེ་རྗེ་བློན། སའི་ལྷ་མོ་བརྟན་མ། ལྷ་མིན་གྱི་རྒྱལ་པོ་ཐགས་བཟང་རིས་རྣམས་དང་། སྲིད་པ་

― MR07_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

འདིའི་ལོ་ཟླ་ཞག་དུས་སྤར་སྨེ་འབྱུང་བ་ལྔའི་གཙུག་ལག་རྒྱུད་ཀྱི་ལྷ་ཕྱོགས་དང་དུས་སུ་རྒྱུ་ཞིང་གནས་པ་རྣམས་དང་། རྣལ་འབྱོར་བདག་ཅག་ཡོན་མཆོད་རྣམས་ལ་ཁ་འཛིན་རྒྱབ་བརྟེན་སྡོང་གྲོགས་བྱེད་པའི་འགོ་བའི་ལྷ་ལྔ། སྐྱོབ་པའི་ལྷ་དགུ། དགྲ་ལྷ་ཝེར་མ། ནོར་ལྷ་གཏེར་བདག །སློབ་དཔོན་དང་ཕ་མེས་རྒྱུད་ཀྱི་སྲུང་མ། བདག་ཅག་རྣམས་ཀྱི་རིགས་ཀྱི་ཕ་མཚུན་མ་མཚུན་གྱི་ལྷ་དང་བཅས་པ་རྣམས་དང་། རྒྱ་དཀར་ནག་ཞང་ཞུང་འཇང་དང་ལི་ཡུལ་ཤཾ་བྷ་ལ་སོགས་འཛམ་བུ་གླིང་གི་མཐའ་དབུས་ཀྱི་ཡུལ་ཀུན་གྱི་གནས་བདག་དང་ཆོས་འཁོར་དང་སྒྲུབ་གནས་གཏེར་གནས་སྦས་ཡུལ་གཙུག་ལག་ཁང་གི་སྲུང་མ་རྣམས་དང་བཅས་པ་དང་། བོད་ཡུལ་སྐྱོང་བའི་བརྟན་མ་བཅུ་གཉིས། མགུལ་ལྷ་བཅུ་གསུམ། དགེ་བསྙེན་ཉེར་གཅིག་སོགས་གངས་ཅན་བོད་ཡུལ་སྟོད་སྨད་བར་གསུམ་གྱི་གཞི་བདག་གཉེན་པོ་རྣམས་དང་། རང་ཅག་གནས་པའི་ཡུལ་རིས་འདི་ཉིད་ཀྱི་ཟོ་དོར། ཆེ་རིམ་གང་འདོད་སྨྲོས་ལ། ལ་སོགས་པ་ཁྱེད་རྣམས་ལ་མཆོད་གཏོར་བརྔན་ཆ་དམ་པ་འདི་རྣམས་འབུལ་ལོ། །ཐམས་ཅད་མཉེས་ཤིང་ཚིམ་སྟེ་བྱམས་པ་དང་སྙིང་རྗེ་ཆེན་པོའི་ངང་ནས་བདག་ཅག་འཁོར་དང་བཅས་པའི་ཁ་འཛིན་རྒྱབ་བརྟེན་སྡོང་གྲོགས་མཛད་ནས་ཆོས་མཐུན་གྱི་

― MR07_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་པ་ཡིད་བཞིན་དུ་འགྲུབ་པར་མཛོད་ཅིག དེ་ནས་རོལ་མོ་དབྱངས་སྙན་བཅས་ཏེ་འདི་སྐད་དོ། །ཧོཿ སྟོང་པའི་ངང་ལས་བྷྲཱུྃ་ཡིག་ཡོངས་གྱུར་པའི། །རིན་ཆེན་རི་རབ་བང་རིམ་བཞི་དང་ལྡན། །ཤར་ཕྱོགས་ཤེལ་དང་ལྷོ་ཕྱོགས་བཻཌཱུར་ཡ། །ནུབ་ཕྱོགས་རཱ་ག་བྱང་ཕྱོགས་གསེར་ལས་གྲུབ། །ཉང་གཏེར་གདོན་ཆ་ཡིན། །དེ་ཡི་དབུས་སུ་ཁཾ་ཡིག་འོད་དུ་ཞུ། །འདོད་ཡོན་ཞལ་ཟས་དྭངས་ཤིང་ཐོགས་པ་མེད། །མཁོ་དགུའི་ལོངས་སྤྱོད་འདོད་དགུའི་དཔལ་འབྱོར་ལྡན། །དཔག་བསམ་ཤིང་ལྟར་འདོད་ཡོན་ཆར་བཞིན་འབེབ། །རི་རབ་དེ་ཡི་ཕྱོགས་བཞི་མཚམས་རྣམས་སུ། །ཏི་ཡིག་རེ་རེ་ཡོངས་སུ་གྱུར་པ་ལས། །གཟུགས་འགྲོས་རིན་ཆེན་ལྔ་ལས་གྲུབ་པ་ཡི། །ཁུ་བྱུག་ཤང་ཤང་རྨ་བྱ་ནེ་ཙོ་དང་། །བྱ་རྒོད་ཁྲུང་ཁྲུང་ངང་པ་དཀར་སེར་དང་། །བྱ་ནག་གསེར་མིག་ལྕགས་ཀྱི་བྱ་ཁྲ་སོགས། །མཁའ་ལ་འཕུར་བའི་འདབ་ཆགས་སྣ་ཚོགས་ཀྱང་། །འཕུར་འཇོལ་ལྡིང་དང་བརྩེ་བའི་ཉམས་དང་ལྡན། །སེང་གེ་དར་མ་སྟག་གཟིག་དོམ་དྲེད་དང་། །ཁྱི་ནག་འཕར་སྤྱང་ཕག་རྒོད་སྲེ་མོ་སོགས། །ལྡེར་ཆགས་རྣམས་ཀྱང་ངར་སྐད་ཁྲོ་ལོ་ལོ། །གླང་ཆེན་སྟོབས་ལྡན་གཡག་ལུག་ར་གསུམ་དང་། །མཛོ་འབྲི་བ་གླང་ངར་སྐད་ཆེམས་སེ་ཆེམ། །རྟ་མཆོག་རྒྱལ་པོ་

― MR07_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

དྲེའུ་བོང་བུ་སོགས། །རྨིག་ཟླུམ་རྣམས་ཀྱང་ཚེར་སྐད་ལྷངས་སེ་ལྷང་། །གསེར་རྟ་དུང་ལུག་ཤེལ་ར་གཡུ་འབྲི་རྣམས། །མཛེས་སྡུག་ཡིད་འོང་རྫུ་འཕྲུལ་བསམ་མི་ཁྱབ། །དུང་སེང་གཡུ་འབྲུག་མཚལ་སྟག་རྡོ་རྗེའི་ཁྱུང་། །རྟ་རྒྱལ་སྤྲིན་ཤུགས་འདོད་འཇོ་དུང་གི་བ། །དེ་སོགས་ཁྱད་འཕགས་རྫུ་འཕྲུལ་མཐུ་ལྡན་རིགས། །མཁའ་ལ་འགྲོ་ཞིང་གང་འདོད་ཕྲིན་ལས་བསྒྲུབ། །ཚིགས་བཅད་གཅིག་འདི་གསར་དུ་ཁ་བསྐང་ཡིན། ཤྭ་རྣ་དགོ་བ་རྐྱང་འབྲོང་བསེ་དང་གཉན། །གཙོད་དང་གླ་བ་སྤྲེའུ་ལ་སོགས་པའི། །རི་དྭགས་རྣམས་ནི་བརྩེ་འགྱུ་བྲིངས་སེ་བྲིང་། །ཆུ་སྲིན་གསེར་ཉ་དུང་སྦལ་སྤིར་སྤྲུལ་སོགས། །ཆུ་གནས་སྣ་ཚོགས་རྐྱལ་ལྡིང་གྱ་ལ་ལ། །གཟུགས་འགྲོས་ཡིད་འོང་སྣ་ཚོགས་དེ་དག་ཀྱང་། །དབང་པོ་དྲུག་ལྡན་སྒོ་ལྔ་ཚང་བ་ཡི། །རྭ་ལ་རིན་ཆེན་སྣ་ལྔའི་འོད་ཟེར་འཕྲོ། །མིག་གཉིས་ཉི་མ་ཟླ་བ་ཡིད་དུ་འོང་། །སྤུ་ལ་འདོད་ཡོན་སྣ་ཚོགས་ཆར་ལྟར་འབེབ། །རྨིག་བཞི་རྫུ་འཕྲུལ་རྐང་པ་བཞི་དང་ལྡན། །རྔ་མ་སྤྲིན་ཕུང་བདུད་རྩིའི་ཆར་རྒྱུན་འབེབ། །གཞན་ཡང་མཆོད་པའི་དཀོར་ནོར་སྣ་ཚོགས་ནི། །རྐང་པ་གཅིག་གསར་བསྣན། ཞལ་ཟས་

― MR07_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

བཤོས་བུ་སྣ་ཚོགས་སྐར་ལྟར་བཀྲ། །སྦ་སྨྱུག་ཤུག་པ་རྩི་ཤིང་ལྡེམས་སེ་ལྡེམ། །དར་ཟབ་བལ་ཚོན་ལྷོ་སྤྲིན་ཐིབས་སེ་ཐིབ། །གསེར་དངུལ་གཡུ་དུང་ཤེལ་ཚིག་དཀར་ནག་དང་། །བརྔན་པའི་དམ་རྫས་འཇའ་ཚོན་ཁྱུགས་སེ་ཁྱུག །འབྲུ་སྨན་བདུད་རྩི་དྲི་ངད་ཆི་ལི་ལི། །བསང་གི་དུད་སྤྲིན་འདོད་ཡོན་སྤྲིན་ལྟར་འཁྲིགས། །དེ་འདྲའི་དམ་རྫས་མཆོད་སྤྲིན་སྣ་ཚོགས་ཀྱིས། །ལྷ་སྲུང་གཉེན་པོ་རྣམས་ནི་སོ་སོར་བརྔན། །སོ་སོའི་ཡིད་མཐུན་འདོད་དགུ་ལྷུན་གྲུབ་པའི། །འདོད་ཡོན་མི་ཟད་ནམ་མཁའ་མཛོད་ཀྱི་སྤྲིན། །ཟག་མེད་བདེ་བ་ཆེན་པོའི་རང་བཞིན་འདིས། །སྲུང་མ་རྣམས་ནི་མཉེས་ཤིང་ཚིམ་གྱུར་ཅིག །འདི་ནས་རྐང་པ་གསུམ་གསར་བསྣན། དེ་རྣམས་དེ་ལྟར་བརྔན་པའི༴ སོགས་ཐོག་གི་འདོད་གསོལ་སྦྱར་ལ། གཏོར་མ་གཙང་སར་འབུལ་བའམ། བསང་དང་སྦྲགས་ན་བསང་ནང་ཕུལ། འབྲུ་གསུམ་དང་ཨ་ཀཱ་རོས་ཇི་ལྟར་བསྔོས་པ་བཞིན་འདོད་དགུ་མི་ཟད་པས་མཉེས་པར་བསམ། བལ་མཚོན་སོགས་བསང་སྟེགས་ཀྱི་ཕྱོགས་སུ་བཙུགས་པར་བྱའོ། །ཡང་ན་སྟོང་པའི་ངང་ལས་སོགས་འདོན་ཆ་སྔ་མའི་ཚབ་ཏུ་འདི་བཏོན་པས་ཀྱང་ཆོག་སྟེ། ཧཱུྃ། སྔོན་གྱི་བསྐལ་པ་དང་པོ་ལ། །སློབ་དཔོན་པདྨ་འབྱུང་གནས་ཀྱིས། །

― MR07_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ལ་བཏགས་པའི་ལྷ་འདྲེ་རྣམས། །ཐམས་ཅད་འདིར་བྱོན་དམ་ལ་དགོངས། །བདག་ནི་སློབ་དཔོན་དེ་ཉིད་ཀྱི། །གདུང་རིགས་འཛིན་པའི་རྣལ་འབྱོར་ཡིན། །ཁྱེད་རྣམས་དམ་ལ་བཏགས་པ་ཡི། །ལྷ་འདྲེ་དེ་ཡི་རིགས་ཡིན་པས། །བཀའ་དང་དམ་ལས་མ་འདའ་ཞིག །ཀྱེ། འབྲས་གཡག་ཤམ་པོ་འབྲས་ལུག་གྭ་པ་དང་། །འབྲས་ར་རྒྱ་བོ་ལ་སོགས་གཟུགས་འགྲོས་རྣམས། །ཤ་ནི་ས་ལ་རུས་པ་རྡོ། །ཁྲག་ནི་ཆུ་ལ་དབུགས་ནི་རླུང་། །སེམས་ནི་ནམ་མཁའ་ལྟོ་བ་སྤྲིན། །མཆིན་པ་ས་དང་མཁྲིས་པ་རླུང་། །མཁལ་མ་རྫ་རི་རྒྱུ་མ་ལམ། །པགས་པ་རྩི་ཤིང་ནགས་ཚལ་ལ། །སྐུ་ལུས་བརྟེན་པའི་གནས་མཆིས་སོ། །བཀྲེས་ན་བཟའ་བའི་ཟས་མཆིས་སོ། །ཁྱེད་རྣམས་ཀྱི་ནི་སྤྱན་ལམ་དུ། །ཞིང་ཁམས་གནས་རིས་ཐམས་ཅད་དུ། །བཞུགས་པའི་གནས་དང་བརྟེན་པའི་མཁར། །གུས་པའི་ཡིད་ཀྱིས་འབུལ་ལགས་ན། །ཁྱེད་ཀྱི་རྟེན་ས་འདི་ལ་ཆོས། །ཁྱེད་ཀྱི་ལོངས་སྤྱོད་འདི་ལ་གྱིས། །ཆོས་དང་མཐུན་པའི་སྡོང་གྲོགས་མཛོད། །བརྔན་པའི་དམ་རྫས་འབུལ་བ་ནི། །ཤེལ་ཚིག་ཁྲི་དཀར་སྟོང་ནག་འདི། །དཀར་པོ་གཡང་མོ་ལུགས་བརྒྱར་

― MR07_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ། །ནག་པོ་ཟར་མོ་འབྲི་བརྒྱར་འབུལ། །ཁྲ་བོ་མདོ་ཕྲུག་རྟ་བརྒྱར་འབུལ། །ཁམ་པ་འགྱིང་བ་གཡག་བརྒྱར་འབུལ། །དཀར་དམར་གཏོར་མའི་ཚོགས་ནི་སྤུངས་སེ་སྤུང་། །འབྲང་རྒྱས་ཞལ་དཀར་རི་ལྟར་ཟངས་སེ་ཟང་། །འགྱིང་གཡག་རྣམས་ཀྱང་ངུར་སྒྲ་ཆེམས་སེ་ཆེམ། །ར་ལུག་རྣམས་ཀྱང་འབའ་སྐད་དི་རི་རི། །ར་སྐྱེས་རྣམས་ཀྱང་སྒྲིད་སྒྲ་ཤ་ར་ར། །སྙན་བྱ་རྣམས་ཀྱང་གསུང་སྙན་ཀྱུ་རུ་རུ། །མཛོ་གཡག་རྣམས་ཀྱང་ངུར་དིར་ཟངས་སེ་ཟང་། །ཅང་ཤེས་རྣམས་ཀྱང་རྨིག་སྒྲ་ཁྲ་ལ་ལ། །བ་གླང་རྣམས་ཀྱང་འབུ་སྒྲ་དི་རི་རི། །ལྟོ་འཕྱེ་རྣམས་ཀྱང་གྱད་འགྲོས་གྱ་ལ་ལ། །བོང་དྲེལ་རྣམས་ཀྱང་མདུར་འགྲོས་ཟུ་ལུ་ལུ། །སྒོ་ཁྱི་རྣམས་ཀྱང་འཁང་ཟུག་དི་རི་རི། །ཕག་རྒོད་རྣམས་ཀྱང་ངུར་སྐད་ཆེམས་སེ་ཆེམ། །འདབ་ཆགས་རྣམས་ཀྱང་འཕུར་ལྡིང་ལྷབས་སེ་ལྷབ། །རི་དྭགས་རྣམས་ཀྱང་རྩེ་རྒྱུག་བྲེངས་སེ་བྲེང་། །གཅན་གཟན་རྣམས་ཀྱང་ངར་སྐད་ཆེམས་སེ་ཆེམ། །ཉ་སྦལ་ཆུར་གནས་རྐྱལ་ལྡིང་ཡ་ལ་ལ། །བསང་གི་དུང་སྤྲིན་རྣམས་ནི་ཐིབས་སེ་ཐིབ། །བདུད་རྩི་ཇ་ཆང་མཚོ་ལྟར་གྱི་ལི་ལི། །རྩི་ཤིང་སྦ་སྨྱུག་རྣམས་ནི་ལྡེམས་སེ་ལྡེམ། །བལ་ཚོན་རྣམས་ཀྱང་སྤྲིན་ཕུང་ཐིབས་སེ་ཐིབ། །དར་མཚོན་རྣམས་ནི་འཇའ་ཚོན་ཁྱུགས་སེ་

― MR07_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱུག །སྟག་རས་གཟིག་རས་རྣམས་ནི་ལྷབས་སེ་ལྷབ། །གསེར་དངུལ་རིན་ཆེན་རྣམས་ནི་ཁྲ་ལ་ལ། །སྨན་རྣམས་དྲི་ཞིམ་ངད་པ་ཆི་ལི་ལི། །འཕན་གདུགས་དར་དཔྱངས་རྣམས་ནི་པུ་རུ་རུ། །རྔ་གླིང་རོལ་མོའི་ཚོགས་ནི་ཁྲོ་ལོ་ལོ། །འདོད་ཡོན་ལོངས་སྤྱོད་དཀོར་ནོར་བསམ་མི་ཁྱབ། །དེ་འདྲའི་དམ་རྫས་འདོད་ཡོན་སྣ་ཚོགས་ཀྱིས། །སྲུང་མ་རྣམས་ནི་མཉེས་ཤིང་ཚིམ་གྱུར་ཅིག །དེ་རྣམས་དེ་ལྟར་བརྔན་པའི་བྱིན་རླབས་ཀྱིས། །བདག་ཅག་རྒྱུ་སྦྱོར་ཡོན་མཆོད་ཐམས་ཅད་ལ། །འདོད་ཡོན་ལོངས་སྤྱོད་བུ་ནོར་འཕེལ་བ་དང་། །མཐུན་པའི་བསམ་པ་སྒྲུབ་ལ་རེ་བ་སྐོངས། །མི་མཐུན་རྐྱེན་དང་བར་ཆད་ཐམས་ཅད་བཟློག །བཅོལ་བའི་ལས་རྣམས་ཐམས་ཅད་འགྲུབ་པར་མཛོད། །ཅེས་བྱས་ལ་གཏོར་མ་ཕུལ། སློབ་དཔོན་པདྨས་མཛད་པའི་བརྔན་གཞུང་མངའ་བདག་ཉང་རིན་པོ་ཆེས་བྲག་སྲིན་མོ་སྤར་རྗེས་ནས་གཏེར་དུ་བཞེས་པ་ལས་འདོན་ཆ་གོང་འོག་གཉིས་ག་བྱུང་བས་གཉིས་ཀ་བཏོན་ཀྱང་རུང་ལ། གང་རུང་རེས་ཀྱང་ཆོག་སྟེ་དོན་འདྲ་བས་སོ། །འདིར་ནི་འདོན་ཆ་ཕྱི་མ་གོང་འོག་ཅུང་ཟད་བསྡེབས་པར་བྱས་པའོ། །མགྲོན་བཞིའི་གཏོར་མ་རྒྱས་པར་མ་བཏང་ཡང་གཞི་བདག་སོགས་ཡོན་ཏན་མགྲོན་སྒེར་བརྔན་འདི་བསང་སོགས་ལ་སྦྱར་ཆོག་གོ །གསུམ་པ་གླུད་གཏོར་གཏོང་བ་ལ་རྒྱས་པར་ལན་ཆགས་ཀྱི་མགྲོན་ལ་གླུད་གཏོར་དང་། སྙིང་རྗེའི་མགྲོན་ལ་གཏོར་མ་སོ་སོར་བཤམས་ཤིང་བྱིན་གྱིས་བརླབ་སྟེ་སོ་སོ་ལ་བསྔོ། འདིར་དེ་ཉིད་སྟབས་གཅིག་ཏུ་བྱ་བས། གླུད་རྣམས་དང་།

― MR07_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་བརྔན་གཏོར་རྣམས་ཀྱི་ཟེག་མ་འཐོར་བ་སོགས་ལྷག་མ་ཐམས་ཅད་དང་། སྣོད་རྣམས་ཀྱི་བཤལ་ཆུའང་དེར་བླུགས། ཟུར་དུ་དཀར་དང་དམར་གྱི་གསུར་བཏང་བ་རྣམས་ལ་ཆབ་བྲན། རཾ་ཡཾ་ཁཾ། སྟོང་པའི་ངང་ལས་ཁཾ་འོད་དུ་ཞུ་བ་ལས་མཆོད་སྦྱིན་གླུད་ཀྱི་གཏོར་མ་སྦྱིན་ཡུལ་གྱི་མགྲོན་སོ་སོ། རང་རང་གི་ཡིད་ལ་གང་འདོད་པའི་འདོད་ཡོན་དྲུག་ལྡན་གྱི་རྣམ་པ་མ་ཚང་བ་མེད་པ། དབང་པོ་དྲུག་ཚིམ་པར་བྱེད་པ། དྲི་ཚོར་བ་ཙམ་གྱིས་ཉོན་མོངས་དང་སྡུག་བསྔལ་ཞི་བར་བྱེད་པ། ནམ་ཡང་ཟད་པ་མེད་པ་ནམ་མཁའི་མཛོད་ཆེན་པོར་གྱུར། ཨོཾ་ཨཱཿཧཱུྃ། ཞེས་ཅི་རིགས་དང་། སམྦྷ་རའི་སྔགས་ཅི་རིགས་བརྗོད། སངས་རྒྱས་ཀྱི་མཚན་བཞི་བརྗོད་ནས། ཧོཿ གླུད་གཏོར་འདོད་ཡོན་རྒྱ་མཚོའི་སྤྲིན་ཕུང་འཕྲོ་བ་འདི་ཉིད་བསྔོ་ཞིང་སྦྱིན་པའི་གནས་སུ་གྱུར་པ་ནི། ཡོན་ཏན་གྱི་མགྲོན་རིགས་མཐུ་དང་སྟོབས་ཆེ་བ་དེ་དག་གི་སྡེ་དང་རིས་སུ་གཏོགས་ཀྱང་ཁས་ཞན་ཅིང་དབང་ཆུང་བ་ལྷག་མའི་མགྲོན་དུ་གྱུར་པ་ཐམས་ཅད་དང་། བདག་ཅག་རྣམས་ལ་སྔོན་གྱི་ལན་ཆགས་ཡོད་པ་དང། གཞན་ཡང་སྲིད་པའི་སྤྱི་འདྲེ། འབྱུང་བ་རང་གནས་ཀྱི་འདྲེ་ལྔ། །ལྷན་ཅིག་སྐྱེས་པའི་འདྲེ་སོགས་སྲིད་པ་ཁུངས་ཀྱི་ཡི་དྭགས་དང་། འཚེ་བའི་བསམ་པ་ཅན་མཁའ་ལ་རྒྱུ་བའི་ཡི་དྭགས་ཀྱི་རིགས་སུ་གཏོགས་པ། གནོད་པའི་འདྲེ་དགུ། གཙུག་ལག་ཁང་གི་

― MR07_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

གདོན་བཅུ། བགེགས་རིགས་སྟོང་ཕྲག་བརྒྱད་ཅུ། བྱིས་པའི་གདོན་ཆེན་བཅོ་ལྔ། ནད་བདག་རིམས་བདག །ཤི་འདྲེ་ཕོ་མོ། ཟ་འདྲེ་ཤི་གཤེད། བསེ་རགས་འགོང་པོ། དམ་སྲི་རྒབ་འདྲེ་སོགས། འཕྲལ་གྱི་རྐྱེན་བགེགས་བྱེད་ཅིང་མི་མཐུན་བར་ཆད་རྩོམ་པའི་གདོན་འགེགས་འབྱུང་པོའི་རིགས་སུ་གྱུར་པ་ཐམས་ཅད་དང་། ནམ་མཁའི་ཁམས་ཀྱིས་ཁྱབ་པའི་ཁམས་གསུམ་སྲིད་པ་ལ་གནས་པའི་རིགས་དྲུག་གིས་བསྡུས་པའི་སེམས་ཅན་སྙིང་རྗེའི་ཡུལ་དུ་གྱུར་པ་མ་ལུས་ལུས་པ་མེད་པ་ཐམས་ཅད་ལ་བསྔོའོ། །དེ་རྣམས་ཐམས་ཅད་ཀྱིས་རང་རང་སོ་སོའི་ཇི་ལྟར་འདོད་པའི་ལོངས་སྤྱོད་མ་ཚང་བ་མེད་པ་རྒྱ་ཆེན་པོ་ཐོབ་ཅིང་དགའ་མགུ་ཡི་རངས་སུ་ཚིམ་ནས། གདུག་རྩུབ་ཕྲག་དོག་སོགས་ཉོན་མོངས་དང་། ལུས་དང་སེམས་གྱི་སྡུག་བསྔལ་ཐམས་ཅད་རྒྱུན་ཆད་དེ། ཞི་ཞིང་བྱམས་པ་བྱང་ཆུབ་ཀྱི་སེམས་དང་ལྡན་ཞིང་ཟག་མེད་ཀྱི་བདེ་བས་རྣམ་པར་གྲོལ་བར་གྱུར་ཅིག །བདག་གི་བསོད་ནམས་སྟོབས་དག་དང་། །རྣམ་སྣང་མངོན་བྱང་ལས་སོ། དེ་བཞིན་གཤེགས་པའི་བྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་ཀྱིས་སུ། །སེམས་ཅན་རྣམས་ལ་ཕན་འདོགས་པས། །དོན་རྣམས་གང་དག་བསམ་

― MR07_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཀུན། །འཇིག་རྟེན་ཁམས་ནི་མ་ལུས་འདིར། །དེ་དག་ཐམས་ཅད་ཅི་རིགས་པར། །ཐོགས་པ་མེད་པར་འབྱུང་གྱུར་ཅིག རྫོགས་ཆེན་རྒྱུད་ལས་སོ། ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང་། །དྲན་དང་བཟུང་དང་བསམས་དང་རེག །ལྷོད་དང་ཞི་དང་གྲོལ་བར་མཛོད། །ཁམས་གསུམ་དག་པའི་ཞིང་། །སློབ་དཔོན་པདྨའི་གསུངས་ལས་སོ། །སྲིད་གསུམ་ཐུགས་རྗེའི་མགྲོན། །མ་ལུས་ཁྱབ་པའི་ཟས། །ཆོས་ཉིད་རྟོགས་པའི་མཐུས། །མི་ཟད་གཏེར་དུ་བསྔོ། །ཐམས་ཅད་ནམ་མཁའ་མཛོད་བཞིན་དུ། སྤྱོད་འཇུག་ལས་སོ། །ལོངས་སྤྱོད་ཆད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །སེམས་ཅན་ཐམས་ཅད་བདེ་གྱུར་ཅིག །རྒྱུད་སམ་ཊ་ཕས་སོ། །སེམས་ཅན་ཐམས་ཅད་སྐྱོན་མེད་པར། །གང་གི་ལམ་གྱིས་འགྲོ་འགྱུར་བ། །དེ་ཡིས་སངས་རྒྱས་ཉིད་ཐོབ་ཤོག །ཅེས་བྱས་ལ། སརྦ་བྷཱ་ཏ་གཙྪ། ཞེས་དང་སེ་གོལ། །ཕྱིར་སྨྲས་རང་གནས་སུ་གཤེགས་ནས་ཀླུད་གཏོར་ཕྱོགས་གཞན་དུ་བསྐྱལ། སྦྱིན་པ་རྒྱ་ཆེན་གྱུར་པ་འདི་ཡི་མཐུས། །མདོ་ཐོག །འགྲོ་བའི་ནང་ནས་རང་བྱུང་སངས་རྒྱས་ཤོག །སྔོན་ཚེ་རྒྱལ་བ་རྣམས་ཀྱིས་མ་བསྒྲལ་བའི། །སྐྱེ་དགུ་འདི་དག་སྦྱིན་པས་སྒྲོལ་གྱུར་

― MR07_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །ཅེས་སྨོན་ལམ་དང་། འབྱུང་པོ་གང་དག་འདིར་ནི༴ སོགས་ཚིགས་བཅད་དང་། བགེགས་རིགས་སྟོང་ཕྲག་བརྒྱད་ཅུ་ཞི་བ་སོགས་བཀྲ་ཤིས་ཀྱི་ཚིགས་བཅད་བརྗོད་པར་བྱའོ། །དེ་ལྟར་བརྔན་ཆོག་འདི་ནི་ཉང་གཏེར་བརྔན་གཞུང་གི་དགོངས་པ་གཞིར་བྱས་ནས་བཀོད་པ་ཡིན་ལ། སྲི་ཞུའི་མགྲོན་གཏོར་དང་། གླུད་གཏོར་རྣམས་རང་ཚིག་གིས་གསར་རྩོམ་དང་། བརྔན་གྱི་ཚིགས་བཅད་རྣམས་བརྔན་གཞུང་ལྟར་བྲིས་པ་སྟེ། སྤྱིར་རྒྱགས་བརྔན་གྱི་གཞུང་སླད་མེད་གཏེར་མ་གུ་རུ་རིན་པོ་ཆེའི་རྡོ་རྗེའི་གསུང་དུ་མ་ཡོད་བཞིན་གསར་རྩོམ་ལ་དགོས་པ་མི་ཆེ་ན་ཡང་། རྒྱས་བསྡུས་འཚམ་པར་མགྲོན་བཞིའི་བརྔན་གཏོར་རྐྱང་པ་གཏོང་བའམ། བསང་དང་འབྲེལ་བར་བྱེད་པ་དང་། དེ་དག་གང་འདོད་རེ་རེ་སྒེར་དུ་གཏོང་བའམ། གཞི་བདག་གི་བསང་སོགས་ལ་བརྔན་ཆོག་ཙམ་ཞིག་སྦྱར་འདོད་པ་རྣམས་ལ་ཕན་ཕྱིར་ས་སྤྲེལ་གནམ་ལོ་གསར་ཤར་ཆོ་འཕྲུལ་ཟླ་བའི་ཚེས་གསུམ་ལ་མི་ཕམ་པས་བྲིས་པ་དགེ་ལེགས་འཕེལ། མངྒ་ལཾ། ༈ །། བསང་སོགས་ཀྱི་སྐབས་སུ་ཡུལ་རིས་བྱེ་བྲག་པའི་གཞི་བདག་ལ་བསྔོ་བའི་འཕྱོང་ནི། ཀྱེེ། བདག་ཅག་འདུག་པའི་ས་ཆ་ཡུལ་རིས་འདི་ལ་གནས་པའི་གཞི་ཡི་བདག་པོ། ཆྒཻ་མོ། གང་འདོད་ཀྱི་མིང་སྨྲོས་ལ། དེ་ལ་སོགས་པ་ས་ཕྱོགས་འདི་ཡི་གཞི་བདག་ཆེ་ཕྲ་ཐམས་ཅད་དང་། གཞན་ཡང་འདུག་ཕྱོགས་འདིའི་སྲ་བ་བྲག་ལ་གནས་པ། བརྟན་པ་ཕ་ཝང་དང་རྡོ་བ་ལ་གནས་པ། མཐོ་བ་གངས་རི་དང་བྲག་རི་སྤང་རི་སོགས་རི་

― MR07_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གནས་པ། དམའ་བ་ཤོད་དང་གཞུང་དུ་གནས་པ། སྐྱེ་བ་ཤིང་དང་རྩི་ཐོག་ལ་གནས་པ། འཁྱིལ་པ་མཚོ་དང་མཚེའུ་ལ་གནས་པ། འབབ་པ་ཆུ་མིག་དང་ཆུ་ཀླུང་ལ་གནས་པ། བརྟན་པ་ས་དང་གནས་ཁང་ལ་གནས་པ། ལྷ་རྟེན་དང་སྦས་གནས་གཏེར་གནས་ལ་གནས་པ། བྱིན་རླབས་ཅན་གྱི་གནས་དང་གཉེན་དམིགས་ལ་གནས་པ། ནེའུ་གསེང་དང་སྐྱེད་ཚལ་རྫིང་བུ་སོགས་གནས་སྣ་ཚོགས་ལ་གནས་པ། ཕ་རི་དང་གཡས་ལ་གནས་པ། ཚུ་རི་དང་གཡོན་ལ་གནས་པ། མདུན་རྒྱབ་ཉིན་སྲིབ་ཀྱི་ཕྱོགས་སུ་གནས་པ། མཐོ་ནམ་མཁའ་ལ་གནས་པ། དམའ་ས་གཞི་ལ་གནས་པ། བར་བར་སྣང་དུ་གནས་པ། འབར་བ་མེ་དང་གཡོ་བ་རླུང་ལ་གནས་པ། ཕྱུགས་ལྷས་དང་ལམ་སྲང་ལ་གནས་པ། དུར་ཁྲོད་དང་འབྲོག་སྟོང་ལ་གནས་པ། གཙུག་ལག་ཁང་དང་མཆོད་རྟེན་ལ་གནས་པ། ཚོང་དུས་སོགས་སྐྱེ་བོའི་འདུ་གནས་སུ་གནས་པ། ཕུག་དང་ཡང་དབེན་དུ་གནས་པ་སོགས་ཆེ་བ་ཡུལ་ཁམས་ནས་ཆུང་བ་རྡུལ་ཕྲ་མོའི་བར་གྱི་འབྱུང་བའི་ཁམས་དང་། སྟེང་འོག་ཕྱོགས་མཚམས་ལ་གནས་པའི་ལྷ་ཀླུ་གཉན་བཙན་བདུད་དང་སྲིན་པོ་རྒྱལ་པོ་གཟའ་དམུ་མ་མོ་ཐེའུ་རང་སོགས་སྡེ་ཚན་སྣ་ཚོགས་ཀྱི་

― MR07_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་སུ་གཏོགས་པ། གཉུག་མར་གནས་དང་གློ་བུར་ལྷགས་པ། རྗེ་དང་བྲན་ཕོ་དང་བྲན་མོ། གཉེན་དང་མཛའ་བ། རྒན་པ་དང་གཞོན་ནུ་ཆེ་བ་དང་ཆུང་བ་སོགས་སྣ་ཚོགས་ཀྱི་ཚུལ་དུ་སྣང་བ། ལས་སྣ་ཚོགས་བྱེད་པ། བརྫུ་བག་སྣ་ཚོགས་སྟོན་པ། གཟུགས་སྣ་ཚོགས་འཆང་བ། བདེ་སྡུག་སྣ་ཚོགས་མྱོང་བ། སྲིད་པ་ལས་ཀྱི་སྣང་བས་བསྡུས་པའི་མི་མ་ཡིན་ཇི་སྙེད་ས་ཕྱོགས་འདིར་འཁོད་པ་གཅིག་ཀྱང་མ་ལུས་པ་ཐམས་ཅད་ལ༑ བདུད་རྩི་བསང་གི་དུད་སྤྲིན། དཀར་དམར་འདོད་དགུའི་གཏོར་མ། ཇ་ཆང་འོ་ཞོའི་སྐྱེམས་ཕུད། དར་ཚོན་བལ་ཚོན་གྱི་ཕྲེང་བ། སྣ་ཚོགས་མཐུན་རྫས་ཀྱི་མཆོད་པ། འདོད་ཡོན་མི་ཟད་ནམ་མཁའ་མཛོད་ཀྱི་འཁོར་ལོ་འདིས་ཁྱེད་རྣམས་སོ་སོའི་ཅི་འདོད་པ་ཕམ་རྒྱལ་ཕྱོགས་ལྷུང་མེད་པར་མཉམ་པ་ཉིད་དུ་ཐོབ་ནས་རེ་བ་ཡོངས་སུ་རྫོགས་ཤིང་དགྱེས་མཉེས་མགུ་སྟེ་རབ་ཏུ་ཚིམ་པར་གྱུར་ཅིག །སྡུག་བསྔལ་ཐམས་ཅད་བྲལ་བའི་བདེ་བ་ལ་རྟག་ཏུ་གནས་པར་གྱུར་ཅིག །ཕོག་ཐུག་འགྲམ་འཁྲུག་གི་ཉེས་པ་ཞི་བར་གྱུར་ཅིག་ཀོ་ལོང་གདུག་རྩུབ་ཀྱི་སེམས་

― MR07_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

འདོར་བར་གྱུར་ཅིག །འདིར་གནས་པ་ཐམས་ཅད་ལ་ཕན་ཚུན་ཕ་མ་བུ་ཚའི་ཚུལ་དུ་བྱམས་པར་མཛོད་ཅིག །གནས་མགྲོན་གྱི་དམ་ཚིག་ཟུངས་ཤིག །འགལ་རྐྱེན་ལས་སྲུང་ཤིག །མཐུན་རྐྱེན་སྤེལ་ཅིག འདོད་དོན་སྒྲུབས་ཤིག བཅོལ་པའི་ལས་གྱིས་ཤིག བཀྲ་ཤིས་དགེ་མཚན་དང་མི་ནོར་མངའ་ཐང་རྒྱས་པར་མཛོད་ཅིག ཁྱེད་ཅག་སྐྱེ་བ་ཀུན་ཏུ་བདག་ཅག་རྣམས་ལ་ཆོས་དང་མཐུན་པའི་གྲོགས་སུ་འགྱུར་ཞིང་བྱང་ཆུབ་ཀྱི་སྤྱོད་པ་སྤྱད་ནས། འོག་མིན་དག་པའི་ཞིང་དུ་ཚོམ་བུ་གཅིག་ཏུ་སངས་རྒྱས་པར་གྱུར་ཅིག །ས་སྤྲེལ་ཟླ་བ་གཉིས་པའི་ཚེས་བཞི་ལ་དྷཱི་མིང་པས་བྲིས་པ་དགེ༔ ༈ །རྒྱུན་བསང་འདོད་དགུའི་ཆར་འབེབ་བཞུགས། བསང་བྱས་ཤིང་བྱིན་གྱིས་བརླབས་ལ་འདི་སྐད་དོ། ཧཱུྃ། དབྱིངས་ཀྱི་ངང་ལས་བསྐྱེད་པ་ཡི།། མ་འགག་ཐབས་ཀྱི་རྟེན་འབྲེལ་གར། །ཡེ་ཤེས་བདུད་རྩི་བསང་གི་སྤྲིན། །འདོད་དགུ་ཕུན་སུམ་ཚོགས་པ་འདིས། །རྒྱལ་དབང་པདྨ་ཐོད་ཕྲེང་སོགས། །བརྒྱུད་གསུམ་རིགས་འཛིན་བླ་མ་བསང་། །སྒྲུབ་པ་ཆེན་པོ་བཀའ་བརྒྱད་སོགས། །ཡི་དམ་ཞི་ཁྲོ་རབ་འབྱམས་བསང་། །ཡེ་ཤེས་ཕག་མོ་སྡེ་ལྔ་སོགས། །གནས་གསུམ་དཔའ་བོ་མཁའ་འགྲོ་

― MR07_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

བསང་། །མདོར་ན་སངས་རྒྱས་ཆོས་དགེ་འདུན། །དཀོན་མཆོག་སྲི་ཞུའི་མགྲོན་རྣམས་བསང་། །མ་ནིང་མཆེད་གསུམ་ལེགས་ལྡན་ནག །དཔལ་ལྡན་ཚོགས་ཀྱི་བདག་པོ་དང་། །ཨེ་ཀ་ཛཱ་ཏི་རེ་མ་ཏི། །ཚེ་རིང་མཆེད་ལྔ་བརྟན་མར་བཅས། །རྣམ་སྲས་ཛམ་ལྷ་གཏེར་བདག་བརྒྱད། །རྡོ་རྗེ་ལེགས་པ་རཱ་ཧཱུ་ལ། །ལས་གཤིན་ཐང་ལྷ་ཙིའུ་དམར། །གེ་སར་སྐྱེས་བུ་དགྲ་ལྷའི་ཚོགས། །དྲེགས་པའི་སྡེ་དཔོན་སུམ་ཅུ་དང་། །བཀའ་དང་གཏེར་གྱི་སྲུང་མ་གཉན། །སྤར་སྨེ་གཟར་སྐར་ལོ་སོགས་ལྷ། །མགོན་པོ་དགྲ་བླ་བཅུ་གསུམ་དང་། །འཛམ་བུ་གླིང་གི་གཞི་ཡི་བདག །ཁྱད་པར་ཕྱོགས་འདིའི་གནས་བདག་རིགས། །བདག་སྐྱོབ་སྲུང་མའི་ཚོགས་དང་བཅས། །ཡོན་ཏན་མགྲོན་རིགས་མ་ལུས་བསང་། །ལུས་དང་དཔལ་ལ་འཚེ་བ་ཡི། །བགེགས་རིགས་ལན་ཆགས་མགྲོན་རྣམས་བརྔན། །ཁམས་གསུམ་སྲིད་པར་གནས་པ་ཡི། །རིགས་དྲུག་སྙིང་རྗེའི་མགྲོན་ཀུན་བརྔན། །སྲིད་དང་ཞིབ་མ་ལུས་པ། །མཉམ་ཉིད་བདེ་བ་ཆེན་པོར་ཚིམ། །ཉམ་གྲིབ་མི་གཙང་དབྱིངས་སུ་དག །མཁོན་འགྲས་འགྲམ་འཁྲུག་སོར་ཆུད་ཅིང་། །སྣོད་བཅུད་ཕྱྭ་

― MR07_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

གཡང་བཀྲག་མདངས་རྒྱས། །རྣལ་འབྱོར་བདག་ཅག་འཁོར་བཅས་ཀྱི། །མི་མཐུན་འགལ་རྐྱེན་བར་ཆད་ཞི། །མཐུན་རྐྱེན་ཚེ་བསོད་དཔལ་འབྱོར་རྒྱས། །འཁོར་འདས་སྣང་སྲིད་དབང་དུ་སྡུས། །ཉེར་འཚེ་དགྲ་བགེགས་གདུག་པ་སྒྲོལ། །བསམ་པ་སྒྲུབས་ལ་རེ་བ་སྐོངས། །འདོད་རྒུ་ཡིད་བཞིན་འགྲུབ་པར་མཛོད། །འཇམ་དཔལ་དགྱེས་པའི་རྡོ་རྗེས་སྤེལ་བ་དགེའོ། །བར་གྱི་ཆོས་སྐྱོང་རྣམས་འབྱིན་འཇུག་སོ་སོའི་འདོད་པ་ལྟར་སྦྱར་ཆོག་གོ །མངྒ་ལཾ། ༈ །བསང་མཆོད་སྐོར་བཞུགས་སོ། །ན་མོ་གུ་རུ་པདྨ་མཉྫུ་གྷོ་ཥཱ་ཡ། འདིར་བསང་བྱ་བར་འདོད་པས། དུས་བཟང་སོགས་ཀྱི་སྐབས་དང་། རྒྱུན་དུའང་རུང་སྟེ། གཙང་མའི་ཤིང་སྣ་དང་ཕྱེ་མར་འོ་སྐོམ་མེར་བསྲེག་ནས། རཾ་ཡཾ་ཁཾ་གིས་བསང་། ཨོཾ་ཨཱཿཧཱུྃ། ཡེ་ཤེས་ཀྱི་བདུད་རྩི་བསང་གི་དུད་སྤྲིན་ཁ་དོག་དྲི་རོ་ནུས་པ་ཕུན་སུམ་ཚོགས་པ་འདོད་དགུའི་འབྱོར་པ་མ་ཚང་བ་མེད་པ་ཀུན་ཏུ་བཟང་པོའི་མཆོད་པའི་སྤྲིན་ཕུང་རབ་འབྱམས་མུ་མེད་པས་ནམ་མཁའི་ཁམས་ཐམས་ཅད་གང་བར་གྱུར། སྤྲོ་ན་སྔགས་དྲུག་ཕྱག་དྲུག་ནམ་མཁའ་མཛོད་ཀྱི་སྔགས་རྒྱས་བརླབ། བསྡུ་ན་གོང་གི་དམིགས་པ་གསལ་བཏབ་ལ། ཨོཾ་ཨཱཿཧཱུྃ། ཞེས་བརྗོད་བས་ཆོག་གོ །ཐོག་མར་བདེ་བར་གཤེགས་པ་སྤྱི་ལ་བསང་མཆོད་ཕུལ་བ་ནི། ཨོཾ། ཡེ་ཤེས་བདུད་རྩི་བསང་གི་དུད་པའི་སྤྲིན། །

― MR07_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་བཟང་པོའི་མཆོད་སྤྲིན་རབ་འབྱམས་ཀྱི། །སྣང་སྲིད་ནམ་མཁའི་ཁྱོན་ཀུན་ཡོངས་བཀང་ནས། །ཕྱོགས་བཅུའི་བདེ་གཤེགས་རྣམས་ལ་མཆོད་བར་བགྱི། ༡། གདོད་མའི་མགོན་པོ་རིགས་ལྔ་གངས་ཅན་མཚོ། །སྟོན་པ་བཅུ་གཉིས་སྐལ་བཟང་སངས་རྒྱས་སྟོང་། །སྨན་གྱི་བླ་མ་མི་འཁྲུགས་འོད་དཔག་མེད། །ཚེ་དཔག་མེད་དང་ཀླུ་ཡི་དབང་ཕྱུག་རྒྱལ། ༢ ། སྒྲོན་མའི་རྒྱལ་པོ་རྩལ་བརྟན་དོན་གྲུབ་དགོངས། །བྱམས་པའི་རྒྱན་དཔལ་དགེ་གྲགས་དཔལ་དམ་པ། །ཀུན་ལ་དགོངས་པ་རྒྱ་ཆེར་གྲགས་པ་ཅན། །ལྷུན་པོ་ལྟར་འཕགས་རྩལ་གྲགས་དཔལ་དང་ནི། ༣ །སེམས་ཅན་ཐམས་ཅད་ལ་དགོངས་གྲགས་པའི་དཔལ། །ཡིད་ཚིམ་མཛད་པ་རྩལ་རབ་གྲགས་དཔལ་དང་། །དཔལ་སྙིང་བརྩེགས་པ་རྣམ་དག་བསྒྲག་པའི་རྒྱལ། །རྡོ་རྗེ་རབ་འཇོམས་རིན་ཆེན་ཏོག་ལ་སོགས། ༤ །རབ་འབྱམས་ཕྱོགས་བཅུའི་ཞིང་ན་བཞུགས་པ་ནི། །དུས་གསུམ་བདེ་བར་གཤེགས་པ་ཐམས་ཅད་ལ། །གུས་པས་ཕྱག་འཚལ་བསང་གི་མཆོད་པ་འབུལ། །སྡིག་ལྟུང་ཉེས་བའི་ཚོགས་ཀུན་མཐོལ་ཞིང་བཤགས། ༥ །འདི་ནས་བྱང་ཆུབ་སྙིང་པོར་མཆིས་ཀྱི་བར། །མགོན་པོ་ཁྱེད་རྣམས་ཐུགས་

― MR07_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་རྗེས་བཟུང་ནས། །གནས་སྐབས་མཐར་ཐུག་ཕན་དང་བདེ་བའི་དོན། །འབད་མེད་ཡིད་བཞིན་འགྲུབ་པར་བྱིན་གྱིས་རློབས། །གང་ཞིག་མཚན་དྲན་པ་ཙམ་གྱིས་དོན་ཐམས་ཅད་གེགས་མེད་པར་འགྲུབ་པར་མདོ་ལས་གསུངས་པའི་སངས་རྒྱས་བརྒྱད་སོགས་བདེ་བར་གཤེགས་པ་སྤྱི་ཡི་བསང་མཆོད་དོ། །བྱང་སེམས་སྤྱི་བསང་ནི། ཨོཾ་ཨཱཿཧཱུྃ། གང་ཞིག་དྲན་པས་རྒུད་པ་ཀུན་སེལ་ཞིང་། །ཕུན་ཚོགས་དཔལ་ཡོན་མ་ལུས་རབ་རྩོལ་བ། །རབ་འབྱམས་ཕྱོགས་བཅུའི་ཞིང་བཞུགས་རྒྱལ་བའི་སྲས། །ཀུན་ལ་གུས་པས་ཕྱག་འཚལ་མཆོད་པར་བགྱི། ༡། འཇམ་དཔལ་གཞོན་ནུ་དཔལ་ལྡན་རྡོ་རྗེ་འཛིན། །སྤྱན་རས་གཟིགས་དབང་མགོན་པོ་བྱམས་པའི་དཔལ། །ས་ཡི་སྙིང་པོ་སྒྲིབ་པ་རྣམ་པར་སེལ། །ནམ་མཁའི་སྙིང་པོ་འཕགས་མཆོག་ཀུན་ཏུ་བཟང་། ༢ །སྨན་གྱི་རྒྱལ་པོ་སྐར་མ་དྲི་མེད་དང་། །སྨན་ནི་ཡང་དག་འཕགས་དང་སྨན་ཆེན་པོ། །སྤོས་ཀྱི་གླང་པོ་ནམ་མཁའ་མཛོད་ལ་སོགས། །བྱང་ཆུབ་སེམས་དཔའི་ཚོགས་རྣམས་བསང་ཞིང་མཆོད། ༣ །རྡོ་རྗེ་སྒེག་མོ་ཕྲེང་བ་གླུ་གར་དང་། །བདུག་སྤོས་མེ་ཏོག་སྣང་གསལ་དྲི་ཆབ་མ། །སྒྲོལ་མ་ཀུ་རུ་ཀུལླེ་འོད་ཟེར་ཅན། །རབ་འབྱམས་སེམས་མའི་ཚོགས་རྣམས་བསང་ཞིང་མཆོད། ༤ །མཁྱེན་

― MR07_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མཁའ་དབྱིངས་སྙིང་རྗེའི་སྤྲིན་ཕུང་ཅན། །མཁའ་ཁྱབ་འགྲོ་བའི་ཕན་བདེའི་གཏེར་གྱུར་པ། །ཕྱོགས་བཅུ་དུས་གསུམ་དག་ན་གང་བཞུགས་པའི། །རྒྱལ་སྲས་སེམས་དཔའ་སེམས་མའི་ཚོགས་རྣམས་ལ། ༥ །ལྷ་ལམ་རབ་ཁྱབ་བསང་གི་དུད་པའི་ཚོགས། །རབ་འབྱམས་ཀུན་ཏུ་བཟང་བོའི་མཆོད་སྤྲིན་གྱིས། །བསང་ངོ་མཆོད་དོ་ཐུགས་དམ་དགྱེས་བསྐང་ནས། །བདག་ཅག་འདོད་པའི་དོན་ཀུན་ལྷུན་གྲུབ་མཛོད། །ཉེ་བའི་སྲས་ཆེན་བརྒྱད་སོགས་བྱང་ཆུབ་སེམས་དཔའ་སྤྱི་ལ་བསང་མཆོད་ཕུལ་བའི་སྐབས་སོ། །ཨོཾ་ཨཱཿཧཱུྃ། ཀུན་བཟང་རིགས་ལྔ་རིགས་གསུམ་དགའ་རབ་རྗེ། །ཤྲཱི་སེང་པད་འབྱུང་གྲུབ་པའི་རིགས་འཛིན་བརྒྱད། །རྗེ་འབངས་ཉེར་ལྔ་རྩ་བའི་བླ་མ་སོགས། །དགོངས་བརྡའ་སྙན་རྒྱུད་རིག་འཛིན་བླ་མ་དང་། ༡ །གསར་རྙིང་མཁས་གྲུབ་བཀའ་གཏེར་དག་སྣང་བརྒྱུད། །མདོར་ན་འདས་དང་མ་འོངས་ད་ལྟར་གྱི། །བླ་མ་རིག་འཛིན་བརྒྱུད་པར་བཅས་པ་ཀུན། །ཞིང་ཁམས་གཞལ་མེད་ཁང་དང་ཚོམ་བུར་བཅས། ༢ །མདུན་གྱི་ནམ་མཁར་དབང་པོའི་གཞུ་བཞིན་དུ། །མ་འདྲེས་ཡོངས་རྫོགས་དགྱེས་བཞིན་བཞུགས་པ་ལ། །ཡིད་ཆེས་དད་

― MR07_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

པས་རྡུལ་སྙེད་ལུས་བཏུད་དེ། །དྲི་བཟང་བསང་མཆོད་ཡེ་ཤེས་བདུད་རྩིའི་སྤྲིན། ༣ །འདོད་དགུའི་ཆར་འབེབ་ལྷ་ལམ་ཁྱབ་པ་འདིས། །བསང་ངོ་མཆོད་དོ་དགྱེས་རབ་མཆོག་གྱུར་ཅིག །མི་ཤེས་ཉོན་མོངས་བག་མེད་མ་གུས་པས། །བླ་མའི་སྐུ་གསུང་ཐུགས་དང་འགལ་བ་བཤགས། ༤ །རྒྱལ་ཀུན་ཞལ་སྐྱིན་བླ་མའི་མཆོག་རྣམས་ལ། །གུས་པའི་སེམས་ཀྱིས་བསང་མཆོད་ཕུལ་བའི་མཐུས། །ཉམས་གྲིབ་ཉེས་ལྟུང་གང་མཆིས་ཡོངས་དག་ནས། །དགྱེས་པའི་ཐུགས་ཀྱིས་རྗེས་སུ་འཛིན་པར་ཤོག །༥ བྱིན་རླབས་རྩ་བ་རིག་འཛིན་བླ་མའི་ཚོགས། །སྤྱི་བོའི་ཆུ་སྐྱེས་ཟེའུ་འབྲུར་རྟག་བཞུགས་ནས། །དབང་དང་བྱིན་རླབས་དངོས་གྲུབ་སྩོལ་བ་དང་། །རྟག་ཏུ་བླ་མའི་བཞེད་པ་འགྲུབ་གྱུར་ཅིག །བྱིན་རླབས་ཀྱི་རྩ་བ་བླ་མ་སྤྱིའི་བསང་མཆོད་ཀྱི་སྐབས་སོ། །ཨོཾ་ཨཱཿཧཱུྃ། རིགས་བརྒྱ་རིགས་ལྔ་རིགས་གསུམ་རིགས་མཆོག་གཅིག །སྒྲུབ་པ་སྡེ་བརྒྱད་བདུད་འདུལ་ཁྲོ་བོ་བཅུ། །སྒྱུ་འཕྲུལ་དྲ་བ་དགྱེས་རྡོར་བདེ་མཆོག་དང་། །དུས་འཁོར་གསང་འདུས་འཇིག་བྱེད་སྒྱུ་མ་ཆེ། །སངས་རྒྱས་ཐོད་པ་ཚོགས་ཆེན་འདུས་པ་སོགས། །རྒྱུད་སྡེ་དྲུག་

― MR07_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྒྱུད་ལུང་མན་ངག་གི །ཞི་ཆགས་ཁྲོ་བོའི་ཚུལ་འཆང་ཡི་དམ་ལྷ། །རབ་འབྱམས་སྒྱུ་འཕྲུལ་དྲྭ་བ་ཆེན་པོ་ཡི་དཀྱིལ་འཁོར་ལྷ་ཚོགས་མ་ལུས་ཐམས་ཅད་ལ། །གཙང་མར་སྦྱར་བའི་ལྷ་ཚོགས་མཆོད་པའི་རྫས། །རབ་འབར་མེ་ཡིས་བསྲེག་པའི་དུད་པའི་སྤྲིན། །མི་གཙང་ཉེས་པའི་ཚོགས་ཀུན་སེལ་བྱེད་ཅིང་། །ཕྱི་དང་ནང་དང་གསང་བའི་དམ་རྫས་ཀྱི། །མཆོད་སྤྲིན་རབ་འབྱམས་དགྱེས་དགུར་ཤར་བ་ཡིས། །བསང་ངོ་མཆོད་དོ་དགྱེས་རབ་མཆོག་ལྡན་ཞིང་། །མཉེས་རབ་ཕུལ་གྱུར་ཐུགས་དམ་སྐོང་གྱུར་ཅིག །སྒྲིབ་བྲལ་མཁྱེན་པའི་མཁའ་ཀློང་ཡངས་པ་ལ། །རྨད་བྱུང་ཐུགས་རྗེའི་སྤྲིན་ཆེན་རབ་གཡོས་པས། །གདུལ་བྱའི་རེ་འདོད་ཡིད་བཞིན་སྐོང་བ་ཡི། །དངོས་གྲུབ་རྒྱ་མཚོའི་ཆར་འབེབ་ཡི་དམ་ལྷ། །འབར་བའི་བཀའ་སྡོད་ཚོགས་དང་བཅས་པ་ཡིས། །རྣལ་འབྱོར་བདག་ཅག་ལྟོས་པར་བཅས་པ་རྣམས། །བྱང་ཆུབ་བར་དུ་འབྲལ་མེད་རྗེས་འཛིན་ཞིང་། །རྣམ་གཉིས་དངོས་གྲུབ་འདོད་དགུའི་མཆོག་སྩོལ་མཛོད། །ཡི་དམ་སྤྱི་བསང་གི་སྐབས་སོ། །ཧཱུྃ། ངང་ཉིད་

― MR07_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྐུ་སྐྱེ་བ་མེད་པ་ལས། །གཞན་དོན་འགག་མེད་སྙིང་རྗེའི་རོལ་པ་ཉིད། །བདུད་འདུལ་ཁྲོ་བོ་མཆོག་གི་སྐུར་བཞེངས་པ། །དུས་གསུམ་རྒྱལ་བའི་ཕྲིན་ལས་འདུས་པའི་དངོས། །ལྷ་མཆོག་རྡོ་རྗེ་གཞོན་ནུ་ཡབ་དང་ཡུམ། །སྲས་མཆོག་རིགས་ལྔ་བདུད་འདུལ་ཁྲོ་བོ་བཅུ། །དབྱིངས་ཀྱི་ཡུམ་བཅུ་ཕྱག་བརྙན་ཕྲ་མེན་ཚོགས། །ཕུར་སྲུང་བཅུ་གཉིས་སྐྱེས་བུ་རྣམ་པ་གསུམ། །དཀར་བདུད་ལྕམ་དྲལ་ལ་སོགས་བཀའ་ཉན་སྡེ། །དཔལ་ཆེན་རྡོ་རྗེ་ཕུར་པའི་དཀྱིལ་འཁོར་ལྷ། །མ་ལུས་འཁོར་དང་བཅས་པ་ཐམས་ཅད་ལ། །དག་བྱེད་དྲི་ཞིམ་བསང་གི་མཆོད་པ་འབུལ། །མཉམ་པ་ཆེན་པོ་ཀུན་ཏུ་བཟང་པོའི་དབྱིངས། །མ་འགག་རོལ་བ་འདོད་པའི་ཡོན་ཏན་ཚོགས། །ཟག་མེད་བདེ་བ་ཆེན་པོར་ལྷུན་གྱིས་གྲུབ། །བླ་མེད་མཆོག་གི་བསང་མཆོད་དམ་པ་འདིས། །སྐུ་གསུང་ཐུགས་ཀྱི་དགྱེས་པ་ཀུན་སྐོང་ཞིང་། །དམ་ཚིག་ཉམས་ཆག་ཐམས་ཅད་དག་གྱུར་ཅིག །བླ་མེད་མཐུ་དང་དབང་གི་དངོས་གྲུབ་ཀུན། །ད་ལྟ་ཉིད་དུ་བདག་ལ་སྩལ་དུ་གསོལ། །ཡི་དམ་ལྷ་མཆོག་ཁྱེད་ཀྱི་གཟི་བྱིན་གྱིས། །བར་ཆད་བགེགས་ཀྱི་ཚོགས་རྣམས་བཟློག་ནས་སུ། །ལས་བཞིའི་ཕྲིན་ལས་གང་དང་གང་བརྩམ་པ། །ཐོགས་

― MR07_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མེད་པར་མྱུར་དུ་འགྲུབ་པར་མཛོད། །ཐུན་མོངས་མ་ཡིན་པའི་ཡི་དམ་ལྷག་པའི་ལྷ་རྡོ་རྗེ་ཕུར་པའི་ལྷ་ཚོགས་ཀྱི་སྤྱི་བསང་གི་སྐབས་སོ། །ཧྲཱིཿརྣམ་དག་ཤེས་རབ་དབྱིངས་ཀྱི་ཕྱག་རྒྱ་ནི། །རྡུལ་བྲལ་སྟོང་པའི་ངང་ལས་འོད་གསལ་སྐུ༑༑ཡེ་གདངས་ཁ་དོག་འོད་ལྔའི་དྲྭ་བ་ཅན། །བདེ་ཆེན་མཁའ་འགྲོའི་ཚོགས་རྣམས་འདིར་གཤེགས་ཤིག །ཐོགས་མེད་མཁའ་ལ་ཐུགས་རྗེའི་ཤུགས་ཀྱིས་བསྐྱོད། །ཡིད་འཕྲོག་སྐུ་ཡི་རྣམ་འགྱུར་ཅི་ཡང་སྟོན། །དམ་ལྡན་སྒྲུབ་པ་པོ་ཡི་བར་ཆད་སེལ། །དཔལ་ལྡན་མཁའ་འགྲོའི་ཚོགས་ཀྱི་དབང་ཕྱུག་མ། །རྡོ་རྗེ་ཕག་མོ་རིགས་ལྔའི་ཌཱཀྐི་ནཱི། །མཚོ་རྒྱལ་ལ་སོགས་ཐུགས་ཀྱི་དགྱེས་སྡེ་ལྔ། །གནས་ཡུལ་ཞིང་གི་བཀོད་པ་སྣ་ཚོགས་སུ། །ཞིང་སྔགས་ལྷན་ཅིག་སྐྱེས་པའི་རྣལ་འབྱོར་མ། །འབུམ་ཕྲག་ཡངས་པ་ཆེན་པོའི་ཚོགས་རྣམས་ལ། །དྲི་ཞིམ་བསང་མཆོད་བདེ་སྟོང་རོལ་པའི་སྤྲིན། །རྡོ་རྗེའི་གླུ་གར་ཕྱི་ནང་གསང་མཆོད་ཀྱིས། །བསང་ངོ་མཆོད་དོ་དགྱེས་རབ་མཆོག་གྱུར་ཅིག །དམ་ཚིག་ཉམས་ཆག་ཐམས་ཅད་མཐོལ་ལོ་བཤགས། །འགལ་འཁྲུལ་ཉེས་ལྟུང་དབྱིངས་སུ་དག་གྱུར་ཅིག །ཕྱི་ནང་གསང་བའི་བར་ཆད་མ་ལུས་སོལ། །མཆོག་དང་ཐུན་མོང་དངོས་གྲུབ་དེང་འདིར་སྩོལ། །སྐྱེ་མེད་དབྱིངས་

― MR07_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འགག་མེད་རིག་པ་ཤར། །གཉིས་མེད་མཉམ་པ་ཆེན་པོའི་ངང་ཉིད་དུ། །གནས་གསུམ་མཁའ་འགྲོའི་ཚོགས་རྣམས་འབྲལ་མེད་ཅིང་། །ས་དང་ལམ་གྱི་ཡོན་ཏན་མཐར་ཕྱིན་མཛོད། །དེ་ལྟར་སྤྱི་བསང་ཚན་དྲུག་པོ་འདི་ལྟ་བུ་དགོས་ཞེས་རྫོགས་ཆེན་མཆོག་སྤྲུལ་ལྔ་པ་ཆེན་པོའི་བཀའ་རྩལ་ནོར་བུའི་ཅོད་པཎ་གཙུག་ན་བཅིངས་ཤིང་ལྷ་རེག་དང་རིན་ཆེན་དང་པོའི་གནང་སྐྱེས་བཅས་ཕེབས་ཕྲལ། བླ་མ་རྩ་གསུམ་ལ་གསོལ་བ་བཏབ་ཅིང་བསྟན་འཁྲོར་ཕན་པའི་བསམ་པས་རུ་དམ་ཡང་ཁྲོད་པདྨ་བསམ་གཏན་བདེ་ལྡན་གླིང་དུ་འཇམ་དཔལ་དགྱེས་པའི་རྡོ་རྗེས་བཀོད་པ་དགེ་ལེགས་འཕེལ། ༑ བསང་བསྡུས། རཾ་ཡཾ་ཁཾ། ཨོཾ་ཨཱཿཧཱུྃ། སྲིད་བཞིའི་ཞིང་ན་གང་བཞུགས་པའི། དཀོན་མཆོག་རྩ་གསུམ་ཆོས་སྐྱོང་རྒྱ་མཚོ་དང་། ཨོ་རྒྱན་རྗེ་དང་སྐྱེས་མཆོག་དགྲ་བླའི་གཙོ། མ་མགོན་གཟའ་རྡོར་ཙིའུ་དམར་བདུད་བཙན་ཀླུ། །མ་ནིང་སྔགས་བདག་དཔོན་སུམ་ཅུ་དང་། །དྲེགས་ཆེན་བཅོ་བརྒྱད་དཔལ་མགོན་བདུན་ཅུ་ལྔ། ཤྭོ་ལོག་མེ་རྟ་ཟླ་བ་བཅུ་གཉིས་པའི་ཚེས་བཅོ་ལྔ་ལ་བསྣན་པའོ། མགུལ་ལྷ་དགེ་བསྙེན་ཡུལ་རིས་ཟོ་དོར་ཚོགས། །

― MR07_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་ཆེན་སྡེ་བཞི་ལ་སོགས་གཏེར་སྲུང་རིགས། ཆོས་སྐྱོང་བེར་ནག་རྨ་རྒྱལ་གཡུ་སྒྲོན་སོགས། །འགོ་བའི་ལྷ་སྲུང་མ་ལུས་ཐམས་ཅད་དང་། །མདོར་ན་མཆོད་དད་སྦྱིན་པའི་ཡུལ་རྣམས་ལ། །ཡེ་ཤེས་བདུད་རྩི་བསང་གི་མཆོད་པ་འབུལ། །རྣམ་དག་ཟག་མེད་དགའ་བདེས་རྒྱུད་ཚིམ་ནས། །བདག་གི་རེ་འབྲས་མྱུར་དུ་སྨིན་པ་དང་། །འགྲོ་རྣམས་སངས་རྒྱས་ཐོབ་པའི་རྒྱུར་གྱུར་ཅིག །ཨོཾ་ཨཱཿཧཱུྃ། བཟླའོ། སྔོན་མོ་ཞིག་ཏུ་ཨ་ཛི་ཏཱསོ། ཤུབྷཾ། མངྒ་ལཾ། ༈ །གཟའ་བསང་བཞུགས་སོ། །ཧཱུྃ། ཕྱོགས་བཅུའི་ནམ་མཁའ་ཡངས་པའི་དཀྱིལ་འཁོར་ནས། །གཟའ་བདུད་ཁྱབ་འཇུག་ཆེན་པོ་རཱ་ཧུ་ལ། །གདོང་མོ་མཆེད་བཞི་གཟའ་དང་རྒྱུ་སྐར་དང་། །སྡེ་བརྒྱད་དྲེགས་པའི་ཚོགས་བཅས་ད་ཚུར་བྱོན། །ཤིང་སྣ་ཟས་སྣ་ཤ་ཁྲག་ར་གསུར་གྱི། །དུ་བའི་སྤྲིན་ཕུང་ནམ་མཁའ་ཁྱབ་པ་ཉིད། །ཡེ་ཤེས་བདུད་རྩིའི་རང་བཞིན་འདོད་དགུའི་སྤྲིན། །ཟག་མེད་བདེ་བ་ཆེན་པོའི་བདག་ཉིད་འདིས། །དྲང་སྲོང་ཁྱབ་འཇུག་ཆེན་པོ་བསང་ཞིང་མཆོད། །འཁོར་གྱི་གདོང་མོ་རྣམ་བཞི་བསང་ཞིང་མཆོད། །སྤྲུལ་པའི་གཟའ་ཆེན་བརྒྱད་པོ་བསང་ཞིང་མཆོད། །

― MR07_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་འཛིན་གཟའ་དང་རྒྱུ་སྐར་བསང་ཞིང་མཆོད། །ཕོ་ཉ་དྲེགས་པ་སྡེ་བརྒྱད་བསང་ཞིང་མཆོད། །བསང་ངོ་མཆོད་དོ་དྲེགས་པ་མཐུ་བོ་ཆེ། །མ་གཡེལ་མ་གཡེལ་བདག་གི་སྡོང་གྲོགས་མཛོད། །སྡང་བའི་དགྲ་སོད་གནོད་པའི་བགེགས་དཔུང་ཆོམས། །འཁོར་སྲུང་རྐྱེན་བཟློག་བར་ཆད་མ་ལུས་སོལ། །ཚེ་དཔལ་འབྱོར་པ་འཕེལ་ཞིང་རྒྱས་པ་དང་། །ཡིད་ལ་ཇི་ལྟར་རེ་བའི་དོན་རྣམས་ཀུན། །ཐོགས་མེད་ཡིད་བཞིན་འགྲུབ་པའི་ཕྲིན་ལས་མཛོད། །ལྕགས་ཡོས་ཟླ་བཞིའི་ཚེས་དགུ་ལ་མི་ཕམ་པས་སོ། ༈ །བཙན་རོལ་པ་རྐྱ་བདུན་གྱི་བསང་བཞུགས་སོ། །ཀྱེ། ནུབ་ཕྱོགས་བཙན་ཡུལ་ཟངས་ཐང་དམར་པོ་ནས། །ཆེ་བཙན་རྒྱལ་པོ་གནོད་སྦྱིན་ཙི་འུ་དམར། །རོལ་པ་མཆེད་བདུན་བཙན་གྱི་དམག་དཔུང་བཅས། །མཁའ་ལ་གློག་དམར་འཁྱུག་བཞིན་མྱུར་དུ་བྱོན། །གཙང་སྦྱར་མཆོད་ཚོགས་བསང་གི་དུད་པའི་སྤྲིན། །ཡེ་ཤེས་བདུད་རྩི་འདོད་དགུའི་གཏེར་ཆེན་པོས། །བསང་ངོ་བརྔན་ནོ་ཆོས་སྐྱོང་ཐུགས་དམ་ཅན། །དྲེགས་པ་བཙན་གྱི་རྒྱལ་པོ་དགྱེས་གྱུར་ཅིག །རྣལ་འབྱོར་བདག་ལ་ལུས་དང་གྲིབ་བཞིན་དུ། །རྟག་ཏུ་དབྱེར་མེད་བྱ་ར་སྡོང་གྲོགས་མཛོད། །

― MR07_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མཐུན་རྐྱེན་སོལ་མཐུན་རྐྱེན་ཡིད་བཞིན་སྒྲུབས། །བཅོལ་བའི་ཕྲིན་ལས་མ་ལུས་འགྲུབ་པར་མཛོད། །ལྕགས་ཡོས་ཟླ་བ་བཞི་པའི་ཚེས་དགུ་པ་ལ་མི་ཕམ་པས་སོ། ༈ །སྨན་བཙུན་མཆེད་ལྔའི་བསང་བཞུགས་སོ། །ཀྱེ། ཡེ་ཤེས་བདུད་རྩི་བསང་གི་དུད་པའི་སྤྲིན། །འདོད་དགུ་ཆར་འབེབ་ལྷ་ལམ་ཁྱབ་པ་འདིས། །འཆི་མེད་དབང་མོ་ལྷ་སྨན་མཆེད་ལྔ་ནི། །འབུམ་ཕྲག་མཁའ་འགྲོའི་འཁོར་དང་བཅས་པ་བསང་། །བརྟན་མ་བཅུ་གཉིས་སྨན་ཕྲན་འབུམ་དང་བཅས། །བོད་ཡུལ་ཟོ་དོར་དཀར་ཕྱོགས་སྐྱོང་བ་རྣམས། །བསང་ངོ་མཆོད་དོ་ཐུགས་དམ་བསྐང་གྱུར་ཅིག །ཉམས་གྲིབ་མི་གཙང་གདུང་བ་ཀུན་དག་ནས། །དགྱེས་ཞལ་ཟླ་བ་ལྟ་བུས་བདག་ཅག་ལ། །ཚེ་དཔལ་འདོད་དགུ་ཡིད་བཞིན་འཇོ་བ་དང་། །བདེ་ཆེན་དགའ་བ་འཕེལ་བའི་གྲོགས་མཛད་ནས། །འཛད་མེད་དངོས་གྲུབ་དཔལ་གྱིས་སྐྱོང་བར་མཛོད། །ལྕགས་ཡོས་ཟླ་བ་བཞིའི་ཚེས་དགུ་ལ་མི་ཕམ་པས་སོ། ། ༈ ཐང་ལྷའི་བསང་བཞུགས་སོ། །ཨོཾ་ཨཱཿཧཱུྃ། དྲི་བཟང་བསང་མཆོད་ལྷ་ལམ་འགེངས་པ་འདི། །མཐོ་རིས་འབྱོར་པ་མ་ཚང་མེད་པ་དང་། །ཡེ་ཤེས་སྒྱུ་འཕྲུལ་

― MR07_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

དྲྭ་བའི་རང་བཞིན་ཏེ། །ཀུན་བཟང་བདེ་བ་ཆེན་པོའི་མཆོད་སྤྲིན་འདིས། ༡ །འཕགས་མཆོག་ནམ་མཁའི་སྙིང་པོའི་ཡེ་ཤེས་གར། །སྟོང་གསུམ་མི་མཇེད་བདག་པོ་ཚངས་པ་ཆེ། །ཡུལ་སྐྱོང་ཟོ་དོར་ཚུལ་འཛིན་དྲི་ཟའི་རྒྱལ། །གཉེན་ཆེན་ཐང་ལྷ་དགྱེས་སྡེ་བཙུན་མོ་དང་། ༢ །བཀའ་བློན་འབངས་འཁོར་སྤྲུལ་པ་ཡང་སྤྲུལ་བཅས། །མཆོད་ཅིང་བརྔན་ནོ་དགྱེས་རབ་མཆོག་གྱུར་ཅིག །རྒྱལ་དབང་པདྨའི་རྒྱུད་འཛིན་རྣལ་འབྱོར་བདག །སྙིང་གི་བུ་ལྟར་བརྩེ་བས་རྟག་བསྐྱང་ནས། ༣ །མི་མཐུན་ཀུན་སོལ་མཐུན་རྐྱེན་ལེགས་ཚོགས་སྤེལ། །མཐའ་བཞིའི་རྒྱལ་ཁམས་དབང་དུ་འདུ་བ་དང་། །མཐའ་དམག་རྒྱལ་འགོང་གདུག་པའི་རྒྱུ་འགྲུལ་ཆོད། །ལས་བཞིའི་ཕྲིན་ལས་དངོས་གྲུབ་དཔལ་འབར་མཛོད། ༤ །ལྕགས་ཡོས་ཟླ་བ་བདུན་ཚེས་དྲུག་དགོངས་མོར་མི་ཕམ་པས་ཕྲལ་བྲིས་སོ། ༈ །ལྷ་ཆེན་བསང་ནི། ཀྱེ། ཡེ་ཤེས་བདུད་རྩི་བསང་གི་དུད་པའི་སྤྲིན། །སྣང་སྲིད་བདེ་སྟོང་རོལ་མོར་འཆར་བ་འདིས། །འཇིག་རྟེན་དབང་ཕྱུག་ཐུགས་རྗེའི་སྒྱུ་འཕྲུལ་ལས། །འཇིག་རྟེན་སྐྱོང་བའི་རྒྱལ་པོ་ལྷ་ཆེན་པོ། །དབང་ཕྱུག་ཡབ་

― MR07_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་བཀའ་སྡོད་སྤྲུལ་པ་བཅས། །མཆོད་ཅིང་བརྔན་ནོ་དགྱེས་པའི་ཐུགས་ཀྱི་དགོངས། །སྲིད་གསུམ་དབང་བསྒྱུར་དབང་གི་ཞགས་པ་ཡིས། །འདོད་དགུའི་དཔལ་ཡོན་འགུགས་པའི་ཕྲིན་ལས་མཛོད། །ཅེས་པའང་ཟླ་བ་བདུན་པའི་ཚེས་དྲུག་ལ་མི་ཕམ་པས་བྲིས་པའོ། ༈ གེ་སར་གྱི་བསང་ནི། ཀྱེཿ འདོད་དོན་ཀུན་སྒྲུབ་དགྲ་ལྷ་མཐུ་བོ་ཆེ། །རིགས་གསུམ་པདྨའི་སྒྱུ་འཕྲུལ་སེང་ཆེན་རྒྱལ། །ནོར་བུ་དགྲ་འདུལ་བཀའ་སྡོད་ཕོ་ཉར་བཅས། །བསང་ངོ་མཆོད་དོ་བསམ་དོན་ལྷུན་གྲུབ་མཛོད། །རྡོ་ཤུལ་གྲུབ་དབང་རིག་འཛིན་གྱིས་གསུང་བསྐུལ་ངོར་ལྕགས་ཡོས་རྒྱལ་ཟླའི་ཚེས་བདུན་ལ་མི་ཕམ་པས་བྲིས་པ་མངྒ་ལཾ། ༈ རྃ་ཡྃ་ཁྃ། ཨོཾ་ཨཱཿཧཱུྃ། ཡེ་ཤེས་བདུད་རྩི་བསང་གི་དུད་པའི་སྤྲིན། །འདོད་ཡོན་ཀུན་ལྡན་ཀུན་བཟང་མཆོད་སྤྲིན་གྱིས། །རིགས་བྱེད་དབང་མོ་དབང་མཛད་མཁའ་འགྲོ་འབུམ། །བསང་ངོ་མཆོད་དོ་དབང་གི་དངོས་གྲུབ་སྩོལ། །ཨ་ཚང་གི་ངོར་མི་ཕམ་པས་སོ། ༈ རྃ་ཡྃ་ཁྃ། ཨོཾ་ཨཱཿཧཱུྃ། གཏོར་མ་ཟག་མེད་ཡེ་ཤེས་བདུད་རྩིའི་གཏེར། །འདོད་དགུ་ལྷུན་གྲུབ་འཛད་མེད་ནམ་མཁའ་མཛོད། །རིགས་བྱེད་དབང་མོ་འཁོར་དང་བཅས་ལ་འབུལ། །དགྱེས་པར་བཞེས་ནས་མཆོག་ཐུན་དངོས་གྲུབ་སྩོལ། །ཨོཾ་པདྨ་ཌཱ་ཀཱི་ནཱི་ཀུ་རུ་ཀུལླེ་ས་པ་རི་ཝཱ་ར་མ་ཧཱ་བ་ལིངྟ་ཁ་ཁ་ཁཱ་ཧི་ཁཱ་ཧི་

― MR07_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

མ་མ་སརྦ་སིདྡྷི་ཧཱུྃ། ཞེས་པ་ཨ་ཚང་གིས་བསྐུལ་ངོར་མི་ཕམ་པས་སོ། །མངྒ་ལཾ། ༈ ཀྱེ། བདུད་རྩི་ཤིང་གི་དུད་པའི་སྤྲིན། །ཁ་དོག་དྲི་རོ་ནུས་པར་ལྡན། །ཡེ་ཤེས་བདུད་རྩིའི་རང་བཞིན་འདིས། །ཕུར་ཝེར་མཆེད་གསུམ་ལྕམ་དང་བཅས། ༡ །རྣོ་མཐོང་ཕྱའུ་གཡང་དཀར་དང་། །གཡུང་དྲུང་གསས་ཆེན་སྡེ་ལྔ་སོགས། །མདུད་ལྷ་སུམ་བརྒྱ་དྲུག་ཅུའི་སྡེ། །གནམ་ས་བར་གྱི་ཝེར་མའི་དཔུང་། ༢ །ཡེ་ཤེས་ལས་དང་འཇིག་རྟེན་གྱི། །མོ་ལྷ་ཤེས་བཞི་མཐོང་བརྒྱད་ལྷ། །ཐམས་ཅད་མ་ལུས་བསང་ཞིང་མཆོད། །གྲིབ་རྨུག་མུན་པ་དབྱིངས་སུ་སངས། ༣ །རྣོ་མཐོང་མཁྱེན་པའི་ཉི་མ་གསལ། །དུས་གསུམ་སྒྲིབ་མེད་མཐོང་བ་ཡི། །མངོན་ཤེས་འཕྲུལ་གྱི་དངོས་གྲུབ་སྩོལ། །གར་འགྲོ་གར་འདུག་དགྲ་བླ་མཛོད། ༤ །བཀྲ་ཤིས་ལེགས་ལམ་སྣ་དྲོངས་ལ། །ཕུན་ཚོགས་བསམ་དགུ་གྲུབ་པ་ཡི། །རྟེན་འབྲེལ་སྒྲིག་པའི་དགྲ་བླར་བཞུགས། །བཅོལ་པའི་ཕྲིན་ལས་འགྲུབ་པར་མཛོད། ༥ །ཅེས་པ་གཡུང་དྲུང་སྡེ་ལྔའི་དཔལ་གསས་དབུ་དགུའི་ཞལ་རས་ངོམས་པའི་གནས་སུ་རྟེན་འབྲེལ་ཕྱ་གཤེན་གྱི་ལེགས་ལམ་ཡིད་བཞིན་འགྲིགས་པའི་གནས་དུས་དགེ་བར། ཁྱིམ་བདག་རྐྱ་ལོའི་གཡང་སྤེལ་བའི་ཚེ་མི་ཕམ་པས་བྲིས་པ་དགེའོ། ༈ ཀྱེཿ བསམ་དོན་ཀུན་འགྲུབ་དགྲ་བླ་མཐུ་བོ་ཆེ༔ འཛམ་གླིང་བོད་ཀྱི་དགྲ་ལྷ་གེ་སར་རྒྱལཿ དཔའ་ཐུལ་

― MR07_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་ཅུ་སྐྱེས་བུ་དགྲ་ལྷའི་ཚོགས༔ གཙང་མ་ཕུད་ཀྱི་མཆོད་པ་འབུལ་ལོ་བཞེས༔ འདོད་པའི་དོན་ཀུན་མ་ལུས་ཀུན་འགྲུབ་ནས༔ བཀྲ་ཤིས་དཔལ་འབྱོར་བདེ་བླག་མྱུར་འགྲུབ་མཛོད༔ ཇ་མཆོད་བསང་མཆོད་གང་འོས་སྐབས་སུ་སྦྱར་ན་བཀྲ་ཤིས་བདེ་ལེགས་འབྱུང་ཞིང་དངོས་གྲུབ་ནོར་ཆར་འབེབ་པའི་གནད་དོན་ཡོདཿ སྔགས་བན་པདྨའི་མིང་གིས་སོ། ༈ །རང་གནས་གང་དུ་འདུག་པའི་ཚེ་གནས་བདག་མཆོད་ཐབས་མཐུན་རྐྱེན་ཆར་འབེབ་བཞུགས། ཧྲཱིཿ རྒྱལ་དབང་པདྨ་རྒྱལ་པོ་སོགས། །རྒྱལ་བ་རིག་འཛིན་བརྒྱུད་པ་ཡི༑ །བཀའ་དང་དམ་ཚིག་ལ་གནས་པའི། །ལྷ་ཀླུ་བརྟན་མ་སྡེ་བརྒྱད་སོགས། །དཀར་ཕྱོགས་སྐྱོང་བའི་དགེ་བསྙེན་རིགས། །གནས་གཞི་གཏེར་གྱི་བདག་པོ་རྣམས། །འདིར་གཤེགས་གཏོར་མ་སྐྱེམ་ཕུད་སོགས། །བསང་ཡིན་ན་འདིར་གཤེགས་བདུད་རྩི་བསང་མཆོད་སོགས། ཞེས་བྱ། མཐུན་རྫས་འདོད་ཡོན་མཆོད་པ་བཞེས། །བདག་ནི་རིག་འཛིན་པདྨའི་གདུང་། །ཁྱེད་རྣམས་ལྷ་འདྲེ་དེ་ཡི་རིགས། །བཀའ་དང་དམ་ལས་མ་འདའ་བར། །སྲུང་སྐྱོབ་སྡོང་གྲོགས་ཕྲིན་ལས་སྒྲུབས། །ཁྱད་པར་ཡུལ་རིས་ས་ཕྱོགས་འདིའི། །ཡུལ་ལྷ་གཞི་བདག་གནས་བདག་རིགས། །ཡབ་ཡུམ་ལྕམ་དྲལ་ཕོ་ཉར་བཅས། །མ་ལུས་འཁོར་བཅས་གནས་འདིར་གཤེགས། །མཐུན་རྫས་འདོད་ཡོན་གཏོར་མ་སོགས། །བསང་མཆོད། ནམ་མཁའ་མཛོད་ཀྱི་

― MR07_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོར་འབུལ། །ཉམས་ཆག་འགལ་འཁྲུལ་ཅི་མཆིས་བཤགས། །ཐུགས་དམ་གཉེན་པོ་དགྱེས་པར་བསྐང་། །ཡུལ་འདིའི་ཟོ་དོར་གཉེན་པོ་ཡིས། །བདག་ཅག་འཁོར་དང་བཅས་པ་རྣམས། །མ་ཡིས་བུ་བཞིན་རྟག་བསྐྱང་ནས། །མཐུན་པའི་དངོས་གྲུབ་མ་ལུས་སྩོལ། །ཨོཾ་ཨཱཿབྷུ་མི་པ་ཏི་ས་པ་རི་ཝ་ར་མ་ཧཱ་པཱུ་ཙ་ཁཱ་ཧི་ཁཱ་ཧི། སརྦ་སིདྡྷི་ཧཱུྃ། ཞེས་པའང་མེ་སྤྲེལ་ཟླ་བ་གཅིག་པའི་ཚེས་ཉེར་ལྔ་ལ་མི་ཕམ་རྣམ་པར་རྒྱལ་བའི་རིག་ཁམས་ལས་རྡོལ་བ་དགེའོ། ༈ །རྫ་བསང་བཞུགས། རྫས་རྣམས་སྔགས་དང་ཕྱག་རྒྱ་ཏིང་ངེ་འཛིན་གྱིས་སྤེལ་ནས། ཀྱེ། བྱང་ཕྱོགས་ཕྱ་གཡང་འོ་མའི་རྒྱ་མཚོ་གང་། །འཕེལ་མཛད་ཡུལ་སྐྱོང་བདུད་རྩིའི་ཐིག་ལེ་ཉིད། །མ་སང་སྡེ་དཔོན་རྫ་ཡི་རྒྱལ་པོ་ཆེ། །རྡོ་རྗེ་འཕན་ཕྱུགས་འཁོར་བཅས་གནས་འདིར་གཤེགས། །ཡིད་མཐུན་ཞལ་ཟས་གཏོར་མ་རི་ལྟར་སྤུངས། །ཇ་ཆང་འོ་ཞོའི་སྐྱེམས་ཕུད་མཚོ་ལྟར་བསྐྱིལ། །བརྔན་ཆའི་དཀོར་ནོར་སྣ་ཚོགས་སྐར་ལྟར་བཀྲམ། །བདུད་རྩི་བསང་གི་དུད་པ་སྤྲིན་ལྟར་འཁྲིགས། །དར་སྣ་བ་དན་རྒྱལ་མཚན་འཇའ་ལྟར་བཀྲ། །སྙན་དབྱངས་རོལ་མོའི་འབྲུག་སྒྲ་འུ་རུ་རུ། །འདོད་ཡོན་ཀུན་ལྡན་བདེ་བ་ཆེན་པོའི་གཏེར། །གུས་པས་འབུལ་ལོ་

― MR07_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་པའི་ཐུགས་ཀྱིས་བཞེས། །པདྨ་ཐོད་ཕྲེང་རྩ་བརྒྱུད་བླ་མ་ཡི། །བཀའ་བཞིན་བདག་ཅག་རྣམས་ལ་དུས་ཀུན་ཏུ། །སྲུང་སྐྱོབ་སྡོང་གྲོགས་གཡེལ་བ་མེད་པ་དང་། །ཚེ་བསོད་དཔལ་འབྱོར་སྤེལ་བའི་ཕྲིན་ལས་མཛོད། །ཅེས་པའང་རབ་ཚེས་ཕུར་བུ་ས་སྤྲེལ་ལོའི་ཧོར་ཟླ་དང་པོའི་ཚེས་བདུན་ལ། རྫ་ཀླུང་ཕྱོགས་སུ་ཕན་པའི་བསམ་པས། དགའ་སྟོད་བཀྲ་ཤིས་ཆོས་གླིང་གི་རི་ཁྲོད་བདེ་མཆོག་ཕོ་བྲང་དུ་མི་ཕམ་འཇམ་དཔལ་རྡོ་རྗེས་འཕྲལ་བྲིས་དགེ་ལེགས་འཕེལ།། ༈ །།ལྕམ་མོའི་བསང་བཞུགས་སོ། །ཨོཾ་ཨཱཿཧཱུྃ། ཡོན་ཏན་ཐབས་མཆོག་རུ་དམ་ཆོས་འཁོར་གྱི། །གནོད་སྦྱིན་དབང་པོའི་ཕྱོགས་ཀྱི་སྒོ་སྲུང་བ། །དཔྱལ་གྱི་བྲག་དཀར་རིན་ཆེན་སྤུངས་འདྲ་བའི། །རི་དབང་ལ་གནས་ཡུལ་སྐྱོང་མཐུ་བོ་ཆེ། །ལྕམ་མོ་ཆེན་མོ་སྨན་བཙུན་གཞོན་ནུའི་ཚུལ། །ཡིད་འོང་མཛེས་སྡུག་ལང་ཚོའི་དཔལ་འབར་མ། །མིང་པོ་ལྷ་ཡི་དགེ་བསྙེན་དྲག་རྩལ་ཅན། །བཀྲ་ཤིས་ལེའུ་འཚོ་བྱེད་ཡུལ་གྱི་ལྷ། །ལྕམ་དྲལ་རྣམ་གཉིས་འཁོར་དང་ཡང་འཁོར་བཅས། །ཡིད་ལྟར་མྱུར་བའི་རྫུ་འཕྲུལ་སྟོབས་ཤུགས་ཀྱིས། །སྒྲིབ་མེད་མཁའ་ལམ་གདན་ཁྲིར་དྭངས་པའི་སྐུ། །བསང་མཆོད་མགྲོན་དུ་གནས་འདིར་གཤེགས་སུ་གསོལ། །

― MR07_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་ལྔའི་རང་བཞིན་འབྱུང་ལྔའི་རྟེན་འབྲེལ་ལས། །གཙང་སྦྱར་བསང་གི་དུད་སྤྲིན་ལྷ་ལམ་ཁྱབ། །ཏིང་འཛིན་སྔགས་དང་ཕྱག་རྒྱས་རྣམ་འཕྲུལ་པས། །གང་བཞེད་དེར་སྣང་ངོ་མཚར་བསམ་མི་ཁྱབ། །དབང་པོའི་བརྟན་པ་དབང་མེད་འཕྲོག་བྱེད་པ། །འདོད་ཡོན་དྲུག་ལྡན་སྒྱུ་མའི་གར་མཁན་མས། །ཚོགས་དྲུག་བདེ་བར་སྦྱར་བའི་མཆོད་སྦྱིན་གྱིས། །ཀུན་གསལ་ལམ་གྱི་ཐ་གྲུ་ཕྱུར་བུར་བཀང་། །གཏོང་དང་ལེན་པའི་མཚན་མ་མི་དམིགས་ཀྱང་། །མཆོད་དང་དགྱེས་པའི་རྣམ་རོལ་འགག་པ་མེད། །བདེ་མཆོག་སྒྱུ་མ་བདེ་བའི་མཆོད་སྤྲིན་གྱིས། །ཁྱོད་ཐུགས་མཁའ་དབྱིངས་ཀུན་ནས་འགེངས་གྱུར་ཅིག །པདྨ་རྒྱལ་པོ་བརྒྱུད་པར་བཅས་པ་ཡི། །རྡོ་རྗེའི་ཐ་ཚིག་ཐུགས་ཀྱིས་རབ་དགོངས་ནས། །ཕྱོགས་འདིའི་དགོན་གནས་ཡུལ་གཞི་མངའ་འབངས་བཅས། །བུ་བཞིན་སྲུང་སྐྱོབ་སྡོང་གྲོགས་གཡེལ་མེད་མཛོད། །ཟབ་མོའི་ཆོས་ནོར་གཏེར་གྱི་སྲུང་མ་ཆེ། །རིག་འཛིན་དཔའ་བོར་བདེ་སྟེར་གསང་བའི་གྲོགས། །མངོན་ཤེས་ཚེ་གཡང་རིགས་བརྒྱུད་རྐང་བཞིའི་ལྷ། །སྨན་བཙུན་དཔའ་མོ་དགྱེས་པའི་ཞལ་རས་ཀྱི། །ཡིད་འཕྲོག་

― MR07_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་དྭངས་པའི་མེ་ལོང་ལས། །འཛུམ་པའི་འོད་དཀར་བདུད་རྩིའི་ཟེར་ཕྲེང་གིས། །སྒྲུབ་མཆོག་ཀུནྡའི་དགའ་ཚལ་རྟག་སྐྱོངས་ཤིང་། །ཚེ་དཔལ་འབྱོར་པའི་ཆུ་གཏེར་འཕེལ་བར་མཛོད། །སྨན་བཙུན་ཟླ་བ་གཞོན་ནུའི་འཁྲི་ཤིང་ལས། །དགེ་མཚན་འདབ་སྟོང་ཕྱོགས་བཅུར་རབ་རྒྱས་ནས། །བདེ་སྐྱིད་གེ་སར་སྦྲང་རྩིའི་རྡུལ་དམར་གྱིས། །ས་འདི་དཔལ་གྱིས་ཀུན་ནས་གང་བར་མཛོད། །ལྷ་མོ་ཁྱོད་ནི་དམ་ཚིག་ཚད་མ་སྟེ། །བདག་ཅག་རྣམས་ནི་གུ་རུའི་བརྒྱུད་འཛིན་ཕྱིར། །རྡོ་རྗེའི་ཡལ་གམ་ག་ཕྲེང་བའི་མཛའ་གཅུགས་ཀྱིས། །ནམ་ཡང་དགེ་ལེགས་ཤིས་པའི་དཔལ་སྩོལ་ཅིག །རྫོགས་ཆེན་མཆོག་སྤྲུལ་རིན་པོ་ཆེ་ལྔ་པས་གསུང་བསྐུལ་ལྟར་ཟླ་དགུའི་ཚེས་སུམ་ཅུ་ལ་མི་ཕམ་རྣམ་རྒྱལ་པས་སྤེལ་བ་དགེ་ལེགས་འཕེལ་ལོ།། ༈ །མནོལ་བསང་ཉམས་གྲིབ་ཀུན་སེལ་བཞུགས། བདུད་རྩི་ཅན་གྱི་ཤིང་གསུམ་སོགས་མེར་བསྲེགས་ལ་གཙང་མའི་ཆབ་ཀྱིས་བྲན། ཨོཾ་ཨཱཿཧཱུྃ་གིས་བྱིན་གྱིས་བརླབས་ལ། ཀྱེ། ལྷ་རི་མཐོ་ལ་སྐྱེས་པ་ཡི། །རྩི་ཤིང་ལོ་འདབ་སྣ་ཚོགས་འདི། །འབར་བའི་མེ་ལ་བསྲེགས་ནས་སུ། །གཙང་མ་ཆབ་ཀྱིས་ལེགས་པར་བྲན། །

― MR07_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་དང་ཕྱག་རྒྱས་བྱིན་གྱིས་རླབས། །ཏིང་འཛིན་དག་པས་འདོད་དགུར་སྤེལ། །ངོ་བོ་རང་བྱུང་ཡེ་ཤེས་ལས། །རྣམ་པ་ཀུན་བཟང་མཆོད་པའི་སྤྲིན། །མཁའ་ལ་བདུད་རྩིའི་ཆར་འབེབས་ཤིང་། །བར་སྣང་དྲི་ཞིམ་བསང་གིས་ཁྱབ། །ས་གཞི་འདོད་ཡོན་དགྱེས་དགུས་བཀང་། །ཐམས་ཅད་བདེ་ཆེན་འོད་གསལ་ངང་། །རང་བཞིན་དག་པའི་བསང་མཆོད་འདིས། །མི་བསང་བ་ནི་གང་ཡང་མེད། །གདུག་པའི་དུག་དང་བཙོག་པའི་གྲིབ། །ཐམས་ཅད་མ་ལུས་སངས་གྱུར་ཅིག །མཆོག་གསུམ་རྩ་གསུམ་བྱིན་རླབས་དང་། །སྔགས་དང་ཕྱག་རྒྱ་ཏིང་འཛིན་མཐུ། །ཆོས་ཉིད་རྣམ་དག་ཆོས་ཅན་རྫས། །རྟེན་འབྲེལ་ཐབས་ཀྱི་ཆོ་ག་ཡིས། །མ་རིག་རྒྱུ་ལ་རྐྱེན་གྱིས་བསླད། །རྣམ་རྟོག་དབང་གིས་བྱུང་བ་ཡི། །མི་གཙང་དྲི་མའི་ཚོགས་རྣམས་ཀུན། །དེ་རིང་འོད་གསལ་ཆེན་པོར་བསངས། །ཕྱི་སྣོད་དག་པའི་ཞིང་དུ་བསངས། །ནང་བཅུད་ལྷ་དང་ལྷ་མོར་བསངས། །རྫས་རྣམས་ཡེ་ཤེས་བདུད་རྩིར་བསངས། །སྣང་སྲིད་བདེ་བ་ཆེན་པོར་བསངས། །མཆོག་གསུམ་རྩ་གསུམ་ཆོས་སྐྱོང་དང་། །དགྲ་བླ་ཝེར་

― MR07_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ནོར་གྱི་ལྷ། །ཡུལ་ལྷ་གཞི་བདག་འགོ་བའི་ལྷར། །མི་གཙང་ཉམས་གྲིབ་ཕོག་པ་བསངས། །རིགས་དྲུག་སེམས་ཅན་བགེགས་རིགས་རྣམས། །སོ་སོའི་ལས་སྣང་སྒྲིབ་པ་བསངས། །ཁྱད་པར་བདག་ཅག་འཁོར་བཅས་ལ། །མནོལ་བཙོག་གྲིབ་ཀྱིས་ཕོག་པ་བསངས། །ནམ་མཁའ་བཞིན་དུ་དྭངས་གྱུར་ཅིག །ཉི་ཟླ་བཞིན་དུ་གསལ་གྱུར་ཅིག །ཤེལ་གོང་བཞིན་དུ་དག་གྱུར་ཅིག །མེ་ཏོག་བཞིན་དུ་རྒྱས་གྱུར་ཅིག །ནད་གདོན་བར་ཆད་མི་མཐུན་ཞི། །ཚེ་བསོད་དཔལ་འབྱོར་ཉམས་རྟོགས་རྒྱས། །སྣང་སེམས་ལྷ་མི་དབང་དུ་འདུ། །གནོད་བྱེད་དགྲ་བགེགས་ཚར་བཅད་དེ། །སྣང་སྲིད་རྣམ་དག་ཆེན་པོའི་ངང་། །རང་བྱུང་འོད་གསལ་འདུས་མ་བྱས། །གཉིས་མེད་ཡེ་ཤེས་ཆེན་པོ་རུ། །ཐམས་ཅད་ཕྱམ་གཅིག་སངས་རྒྱས་ཤོག །དེ་ལྟར་དམིགས་ལ། ཨོཾ་ཨཱཿཧཱུྃ། བརྒྱ་རྩ་བརྒྱད་བཟླའོ། །དེས་ཉམས་གྲིབ་མི་གཙང་བ་ཐམས་ཅད་འཕྲལ་དུ་དག་ནས་བཀྲ་ཤིས་བདེ་ལེགས་ཕུན་སུམ་ཚོགས་པར་འགྱུར་རོ། །མེ་སྤྲེལ་ཟླ་བ་ལྔ་པའི་ཚེས་བཅུ་ལ་འཇམ་དཔལ་དགྱེས་པའི་རྡོ་རྗེའི་བློ་མཚོ་ལས་ལེགས་པར་བྱུང་བ་དག་བྱེད་

― MR07_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་མའི་ཆོ་ག་བདུད་རྩིའི་སྤྲིན་ཆེན་ཡང་དག་པར་མངྒ་ལཾ། ༈ །རླུང་རྟའི་བ་དན་གྱི་མཆོད་པ་འདོད་དགུ་མྱུར་སྩོལ་བཞུགས། ཧོ། ཀུན་ཁྱབ་དག་པ་ཡེ་ཤེས་ཆེན་པོ་ལས། །རྣམ་རོལ་མ་འགག་རང་སྣང་བཀོད་པའི་རྒྱན། །བཀྲ་ཤིས་རླུང་རྟ་སྙན་པའི་བ་དན་ཆེ། །ཀུན་བཟང་མཆོད་པའི་སྤྲིན་ཆེན་རབ་ཏུ་འཕྲོ། ༡ །རྫུ་འཕྲུལ་ཤུགས་ལྡན་རྟ་རྒྱལ་བ་ལ་ཧ། །རྣམ་མང་རིན་ཆེན་རྒྱན་སྤྲས་རླུང་ལྟར་འཕྱོ། །གང་བསམ་ཐོགས་མེད་བགྲོད་པ་རྡོ་རྗེའི་སྟོབས། །རྫུ་འཕྲུལ་རྐང་པ་བཞི་ཡི་རོལ་པ་ལས། ༢ །ཕྱོགས་བཞིར་སྟག་སེང་ཁྱུང་འབྲུག་འཕྱོ་ཞིང་ལྡིང་། ས་དང་བར་སྣང་ནམ་མཁའི་ཁྱོན་ཀུན་ཏུ། །བདེ་དང་ལེགས་དང་རྒྱལ་དང་གྲུབ་པ་ཡི། །བཀྲ་ཤིས་གླུ་དབྱངས་ལྷ་ཡི་རྔ་སྒྲ་སོགས། ༣ ། རོལ་མོའི་དབྱངས་བཅས་མེ་ཏོག་ཆར་འབེབས་ཤིང་། །ལྷ་རྫས་མཆོད་པའི་སྤྲིན་གྱིས་ཕྱོགས་ཀུན་ཁྱབ། །ས་གསུམ་དགེ་བའི་བཀྲ་ཤིས་དཔལ་ཡོན་གྱི། །ལེགས་ཚོགས་མ་ལུས་ལྷུན་གྱིས་གྲུབ་པ་ཡི། ༤ །ཡིད་བཞིན་འདོད་འབྱུང་མཆོད་པའི་གཏེར་ཆེན་འདིས། །རྩ་བརྒྱུད་བླ་མ་ཡི་དམ་ཞི་ཁྲོའི་ལྷ། །གནས་གསུམ་མཁའ་འགྲོ་

― MR07_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཅན་ཆོས་སྐྱོང་ཚོགས། །དགྲ་ལྷ་ཝེར་མ་ནོར་ལྷ་གཏེར་བདག་དང་། ༥ ། ཡུལ་ལྷ་གཞི་བདག་དཀར་ཕྱོགས་སྐྱོང་བའི་སྡེ། །འགོ་ཞིང་སྐྱོབ་པ་མཆོད་པའི་མགྲོན་གྱུར་ཀུན། །གསོལ་ལོ་མཆོད་དོ་བསྟོད་དོ་མངའ་གསོལ་ལོ། །དགྱེས་རབ་མཆོག་ལྡན་མཉེས་རབ་ཕུལ་གྱུར་ནས། ༦ །མཐུ་སྟོབས་ནུས་པ་རྡོ་རྗེའི་རླུང་ཤུགས་ཀྱིས། །རྣམ་འབྱོར་བདག་ཅག་འཁོར་དང་བཅས་པ་ཡི། །ཚེ་དཔལ་བསོད་ནམས་རླུང་རྟའི་སྟོབས་བསྐྱེད་ནས། །གང་འདོད་ཕྲིན་ལས་ཐོགས་མེད་ཡིད་བཞིན་འགྲུབ། ༧ །མི་མཐུན་ཕྱོགས་རྣམས་མཐུན་པའི་གྲོགས་སུ་བསྒྱུར། །བཀྲ་ཤིས་དགེ་མཚན་སྙན་པའི་བ་དན་བསྒྲེངས། །ཕ་རོལ་རྒོལ་བ་ཐམས་ཅད་ཟིལ་གྱིས་གནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། ༨ །ཅེས་བཀྲ་ཤིས་གྲངས་ལྡན་གྱི་ཚིགས་སུ་བཅད་པ་འདི་ཉིད་མཛེས་བྱེད་ཆུ་ཡོས་དབྱུགས་གུ་ཟླ་བའི་ཡར་ཚེས་བཅུ་པའི་དུས་བཟང་བར་རུ་དམ་ཡང་ཁྲོད་པདྨ་བསམ་གཏན་བདེ་ལྡན་གླིང་དུ་མི་ཕམ་རྣམ་པར་རྒྱལ་བས་བཀོད་པ་དགེ་ལེགས་འཕེལ། ༈ །འདི་ལ་ཆེད་དུ་དམིགས་པའི་ལྷ་ཡི་ཁ་བསྒྱུར་འཛུད་པར་འདོད་ན། འགོ་ཞིག་སྐྱོབ་པ་མཆོད་པའི་མགྲོན་གྱུར་དང་། །ཁྱད་པར་གེ་སར་

― MR07_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བུ་དགྲ་འདུལ་རྩལ། །རྫུ་འཕྲུལ་རྡོ་རྗེའི་རྐྱང་རྒོད་ཕེར་པོ་དང་། །དཔའ་རྟུལ་དྭངས་སྨན་བཀའ་སྡོད་ཕོ་ཉར་བཅས། །གསོལ་ལོ་མཆོད་དོ་བསྟོད་དོ་མངའ་གསོལ་ལོ། །དབུ་འཕང་གཉན་པོ་ཆོས་ཀྱི་དབྱིངས་སུ་བསྟོད། །ཅེས་ཚིགས་བཅད་གཅིག་བསྣན། ཁྱད་པར་སྣང་སྲིད་དབང་སྡུད་སྟོབས་ཀྱི་ལྷ། །པདྨ་དབང་ཆེན་རྟ་མཆོག་རོལ་པ་ཡི། །དཀྱིལ་འཁོར་ལྷ་ཚོགས་བཀའ་སྡོད་ཕོ་ཉར་བཅས། །གསོལ་ལོ་མཆོད་དོ་བསྟོད་དོ་མངའ་གསོལ་ལོ། །དབུ་འཕང་གཉེན་པོ་ཆོས་ཀྱི་དབྱིངས་སུ་བསྟོད། །ཅེས་ཚིགས་བཅད་གཅིག་བསྣན་ལ། དེ་བཞིན་དུ། ཁྱད་པར་དཔལ་མགོན་ཚོགས་བདག་ཡབ་ཡུམ་དང་། །སྐུ་གསུང་ཐུགས་མགོན་ཕྱོགས་བཅུ་སྡེ་བརྒྱད་མགོན། །དགྲ་བླ་ལྷ་དམག་ཚེ་རྫི་ཤུགས་མགོན་བཅས། །ཞེས་དང་། ཁྱད་པར་མདོ་ཁམས་ཤར་ཕྱོགས་ཡུལ་སྐྱོང་ཆེ། །རྨ་རྒྱལ་སྤོམ་ར་འཁོར་དང་བཀའ་ཉན་དང་། །མ་སང་དགྱེས་སྡེ་སྨན་གྱི་ཚོགས་དང་བཅས། །ཞེས་སོགས་ཚིགས་བཅད་གཅིག་བསྣན་པར་བྱའོ། ༈ ཧོ། བཀྲ་ཤིས་རླུང་རྟ་སྙན་པའི་བ་དན་ཆེ། །ཀུན་བཟང་མཆོད་པའི་སྤྲིན་ཆེན་འཕྲོ་བ་འདིས། །རྩ་གསུམ་སྲུང་མ་དགྲ་བླ་ཟོ་དོར་བཅས། །གང་འདོད་ཁ་བསྒྱུར་

― MR07_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ། །གསོལ་ལོ་མཆོད་དོ་བསམ་དོན་ལྷུན་གྲུབ་མཛོད། །རླུང་རྟའི་གསོལ་བསྡུས་འདི་ཡང་གོང་ཚེས་དེ་ལ་མི་ཕམ་པས་བཀོད་པ་མངྒ་ལཾ། །དགེའོ། །དགེའོ། །དགེའོ། ། ༈ ཧྲཱི༔ དགེ་མཚན་རླུང་རྟ་སྙན་པའི་བ་དན་ཆེ། །འདོད་དགུ་ཀུན་འབྱུང་མཆོད་པའི་སྤྲིན་ཕུང་འདི། །རྩ་གསུམ་དམ་ཅན་དགྲ་བླའི་ཚོགས་ལ་འབུལ། །བསམ་དོན་ཀུན་འགྲུབ་ཕྱོགས་ལས་རྣམ་རྒྱལ་མཛོད། །ཅེས་པ་འདི་ཡང་ཤིང་སྦྲུལ་ཟླ་ཚེས་ལ་མི་ཕམ་པས་སོ། །འདི་ཡི་ཚིག་རྐང་གསུམ་པ་ལྷ་གང་འདོད་ལ་ཁ་བསྒྱུར་བར་བྱ་སྟེ། གེ་སར་སྐྱེས་བུ་འཁོར་དང་བཅས་ལ་འབུལ། །ཞེས་པ་ལྟ་བུའོ། །མངྒ་ལཾ། ༈ །རླུང་རྟའི་གསོལ་མཆོད་ཕྲིན་ལས་ལྷུན་གྲུབ་བཞུགས། ཧོཿ ཀུན་ཁྱབ་དག་པ་ཆོས་དབྱིངས་ཆེན་པོའི་ངང་། །རང་རྩལ་མ་འགག་རོལ་པ་ཕྲིན་ལས་ལྷ། །རྫུ་འཕྲུལ་རྐང་པ་བཞི་ལྡན་རླུང་ཤུགས་ཀྱིས། །གང་འདོད་གནས་སུ་ཐོགས་མེད་ཕྱིན་པའི་རྟ། ༡ །ཡེ་ཤེས་འཇིག་རྟེན་མགོན་མཛད་གང་ཡང་རུང་། །བརྫུས་གཟུགས་མྱུར་མཛད་ལས་ཀྱི་ལྷ་ཆེན་བཞི། །འཁོར་འདས་ཡོངས་ལ་ཁྱབ་རྒྱུ་མཐུ་བོ་ཆེ། །བོས་པ་ཙམ་གྱིས་གློག་ལྟར་མྱུར་དུ་བྱོན། ༢ །དཔག་བསམ་ལྗོན་པའི་ཚལ་ན་

― MR07_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་བ་ཡི། །དགྲ་བླ་ཁྱུང་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟེངས་བསྟོད་ཐུགས་དམ་གཉེན་པོ་བསྐང་། །མཛངས་འཕྲུལ་ཕུན་སུམ་ཚོགས་པའི་རླུང་རྟ་བསྐྱེད། །ཁྱད་པར་ཤིང་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་ནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །འཇིགས་རུང་མེ་ཡི་ཚྭ་ཚྭ་འཁྲུགས་པ་ཡི། །དགྲ་བླ་སྟག་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟེངས་བསྟོད་ཐུགས་དམ་གཉན་པོ་བསྐང་། །དཔའ་སྟོབས་ཕུན་སུམ་ཚོགས་པའི་རླུང་རྟ་སྐྱེད། །ཁྱད་པར་མེ་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་ནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །ཤེལ་བྲག་གངས་ཆེན་ལྕགས་རིའི་ཟོམ་གནས་པ། །དགྲ་བླ་སེང་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟེངས་བསྟོད་ཐུགས་དམ་གཉེན་པོ་བསྐང་། །མཛེས་བརྗིད་

― MR07_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་སུམ་ཚོགས་པའི་རླུང་རྟ་སྐྱེད། །ཁྱད་པར་ལྕགས་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་ནོན། །ཕྱོགས་ལས་རྣམ་བར་རྒྱལ་བའི་ཕྲིན་ལས་མཛོད། །ཆུ་ལྡན་ཆར་སྤྲིན་ཟབ་མོའི་ཀློང་གནས་པ། །དགྲ་བླ་འབྲུག་ཆེན་སྤྱན་འདྲེན་གཤེགས་སུ་གསོལ། །དར་སྣ་བ་དན་རོལ་མོའི་མཆོད་པ་འབུལ། །མངའ་གསོལ་གཟེངས་བསྟོད་ཐུགས་དམ་གཉེན་པོ་བསྐང་། །སྙན་གྲགས་ཕུན་སུམ་ཚོགས་པའི་རླུང་རྟ་སྐྱེད། །ཁྱད་པར་ཆུ་ཁམས་རླུང་གི་ཀ་བ་ཚུགས། །ཕ་རོལ་རྒོལ་བ་ཐམས་ཅད་ཟིལ་གྱིས་ནོན། །ཕྱོགས་ལས་རྣམ་པར་རྒྱལ་བའི་ཕྲིན་ལས་མཛོད། །གང་གིས་མཆོད་ལ་འཕྲལ་དུ་མགོན་མཛད་ཅིང་། །གློ་བུར་སྟོབས་སྤེལ་སྲིད་པ་ལས་ཀྱི་ལྷ། །རྟེན་འབྲེལ་གནས་ལ་དབང་བསྒྱུར་མཐུ་བོ་ཆེ། །མཆོད་དོ་བསྟོད་དོ་དེ་རིང་དཔལ་སྐྱེད་ཅིག །ཕྲིན་ལས་ལྷ་མགོན་གཉན་པོ་ཐུགས་དམ་ཅན། །གློག་ལྟར་མྱུར་བའི་ཤུགས་དང་བཟློག་མེད་སྟོབས། །བསྐྱེད་ལ་རྣལ་འབྱོར་བདག་ཅག་འཁོར་བཅས་ཀྱི། །ཚེ་དཔལ་ཀླུང་

― MR07_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

གི་རྒྱལ་མཚན་སྲིད་རྩེར་སྒྲེངས། །སྙན་པའི་བ་དན་ས་ཆེན་གསུམ་དུ་ཕྱོར། །གྲགས་པའི་འབྲུག་སྒྲ་མཁའ་དང་མཉམ་པར་སྒྲོགས། །གང་བསམ་ཐོགས་མེད་བགྲོད་པའི་ལས་ཤུགས་ཀྱི། །མཐུ་སྟོབས་ནུས་པ་རླུང་གིས་མེ་བཞིན་སྦོར། །ཕས་ཀྱི་རྒོལ་བ་ཀུན་ལས་རྣམ་རྒྱལ་བའི། །འགྱུར་མེད་ཀླུང་གི་དཔལ་ཡོན་རབ་གྲུབ་སྟེ། ཆོས་དང་སྲིད་ཀྱི་ལེགས་ཚོགས་མ་ལུས་པ། །ཡིད་བཞིན་ལྷུན་གྱིས་གྲུབ་པའི་ཕྲིན་ལས་མཛོད། །འདི་ནི་རང་བཟོ་མ་ཡིན་ཏེ་གཙུག་ལག་གི་དགོངས་པ་བཞིན་དུ། རབ་ཚེས་ལྕགས་ཡོས་ས་ག་ཟླ་བའི་ཚེས་བཅུ་གཅིག་རེས་གཟའ་བཀྲ་ཤིས་དང་། རྒྱུ་སྐར་མེ་བཞི་རྩེ་བའི་དུས་ཚེས་བཟང་པོའི་དགུང་གི་ཆ་ལ་ ༧ འཇམ་དཔལ་དགྱེས་པའི་རྡོ་རྗེའི་རིག་པའི་རྩལ་ལས་བྱུང་བ་རྣོ་ཁྱད་ཕན་ཡོན་ཆེའོ། །མངྒ་ལཾ། ༈ །པདྨ་དབང་ཆེན་ལ་བརྟེན་ནས། བསོད་ནམས་རླུང་རྟའི་དཔལ་བསྐྱེད་ན། གཏོར་མ་སྐྱེམས་ཕུད་དར་སྣ་བཤམས། བསང་དང་བརྔན་བྱ་རོལ་མོ་སྤིར། ཧཱུཾ་ཧྲཱི། རྒྱལ་ཀུན་སོ་སོར་རྟོག་པ་ཡི། །ཡེ་ཤེས་སྒྱུ་འཕྲུལ་དྲྭ་བའི་གར། །བདེ་ཆེན་དབང་གི་རྒྱལ་པོ་ནི། །པདྨ་ཁྲག་འཐུང་རྟ་མཆོག་དཔལ། །འཁོར་བཅས་དབང་བསྒྱུར་རྡོ་རྗེའི་

― MR07_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ། །གར་གྱི་དབང་ཕྱུག་དཔའ་བོའི་གཙོ། །མཁའ་འགྲོའི་ཚོགས་ཀྱི་རྗེ་བོ་ནི། །ཆོས་སྐྱོང་དགྲ་བླའི་གྲོལ་ཕུག་སྟེ། །དྲེགས་པ་ཡོངས་ཀྱི་གཙུག་རྒྱན་མཆོག །དམར་ནག་འབར་བའི་སྐུ་མངའ་བ། །དབང་དྲག་སྟོབས་ལྡན་ཉི་འབུམ་གཟི། །བདེ་ཆེན་ཁྲོ་མོ་དགྱེས་པས་རོལ། །དྲེགས་གཏུམ་བཟོད་པར་དཀའ་བ་ཡི། །རྡོ་རྗེའི་རྟ་གདོང་རྔམས་པའི་ཞལ། །བཞེད་པ་བརྒྱད་ཀྱི་དབྱངས་སུ་འཚེར། །སྲིད་ཞིའི་དྭངས་བཅུད་ལས་གྲུབ་པའི། །དགྲ་བླ་ཝེར་མའི་སྤྲུལ་པ་འགྱེད། །སྐུ་རྗེ་སེང་ཆེན་ནོར་བུ་སོགས། །རྟ་ལ་ཆིབས་པའི་དགྲ་བླ་འབུམ། །བྱིན་གྱིས་རློབས་ཤིང་ཚེ་དཔལ་སྐྱེད། །སེང་ལ་ཆིབས་པའི་ཝེར་མ་འབུམ། །གཟི་བྱིན་སྐྱེད་ཅིང་གཞན་སྡེ་གནོན། །ཁྱུང་ལ་ཆིབས་པའི་ཝེར་མ་འབུམ། །མཐུ་རྩལ་སྐྱེད་ཅིང་བློ་གྲོས་སྤེལ། །སྟག་ལ་ཆིབས་པའི་ཝེར་མ་འབུམ། །དཔལ་ངར་སྐྱེད་ཅིང་བདེ་དྲོད་སྤོར། །འབྲུག་ལ་ཆིབས་པའི་ཝེར་མ་འབུམ། །སྙན་གྲགས་སྒྲོགས་ཤིང་དགེ་མཚན་བསྐྱེད། །རྣལ་འབྱོར་ཚེ་དཔལ་རླུང་རྟའི་སྟོབས། །དྲན་པ་

― MR07_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་གྱིས་སྤེལ་བྱེད་པ། །སྲིད་ཞིའི་དགེ་མཚན་དབང་བསྒྱུར་བའི། །དགྲ་བླ་ཝེར་མ་གྲངས་མེད་འཕྲོ། །ཁྱོད་ལ་གུས་པས་ཕྱག་འཚལ་ཞིང་། །དར་སྣ་བ་དན་རོལ་མོའི་དབྱངས། །བསང་དང་སྐྱེམས་ཕུད་བརྔན་ཡོན་རྫས། །དངོས་སུ་བཤམས་དང་ཏིང་འཛིན་གྱི། །བདེ་སྟོང་ཡེ་ཤེས་རོལ་མོ་ཡིས། །མཁའ་དབྱིངས་རྒྱས་པར་བཀང་སྟེ་འབུལ། །ཐུགས་རྗེས་དགྱེས་ཤིང་བཞེས་སུ་གསོལ། །རྡོ་རྗེའི་ཡེ་ཤེས་ཆེན་པོ་ཡིས། །བྱང་ཆུབ་བར་དུ་བྱིན་གྱིས་རློབས། །ཕྱོགས་ངན་དུས་སྐེག་བྱེད་དུ་ཚུད། །སྔོན་ལས་ཕྲལ་རྐྱེན་ལས་གྱུར་པའི། །རླུང་རྟ་རྒུད་པའི་སྐྱོན་ཀུན་ཞི། །ཉམས་ཤིང་འགྲིབ་པ་སོར་ཆུད་ནས། །ཕུན་ཚོགས་དགེ་མཚན་ཤིས་པ་ཡི། །རླུང་རྟ་སྙན་པའི་བ་དན་སྒྲེངས། །གྲགས་པ་འབྲུག་གི་སྒྲ་ཆེན་འུར། །གང་བསམ་ཐོགས་མེད་འགྲུབ་པ་ཡི། །ཕྲིན་ལས་རླུང་རྟའི་སྟོབས་ཤུགས་བསྐྱེད། །མཆོག་ཐུན་དབང་གི་དངོས་གྲུབ་སྩོལ། ཧཱུྃ། དཔལ་ཆེན་ཁྱོད་ཀྱི་སྤྲུལ་པ་ནི། །ཤར་ཕྱོགས་ཡོངས་ལ་དབང་བསྒྱུར་བ། །རྡོ་རྗེ་དབང་ཆེན་ཁྲོ་བོའི་སྐུ། །

― MR07_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་རིགས་ཀྱི་འཁོར་དང་བཅས། རྫུ་འཕྲུལ་རྒྱ་སྟག་རི་མོ་ཅན། །དཔག་བསམ་ལྗོན་པའི་ཚལ་ན་རྒྱུ། །དགྲ་བླ་ཝེར་མ་གིང་ཚོགས་འགྱེད། །བྱི་འབྲུག་སྤྲེལ་གསུམ་ལོ་སྐལ་གྱི། །རྟེན་འབྲེལ་ཁྱིམ་དང་སྐྱེ་མཆེད་སོགས། །གསུམ་གྱི་དཔལ་འཛིན་རླུང་གི་བདག །ཁྱོད་ལ་གུས་པས་ཕྱག་འཚལ་ཞིང་། །དར་སྣ་བ་དན་རོལ་མོའི་དབྱངས། །བསང་དང་སྐྱེམས་ཕུད་བརྔན་ཡོན་རྫས། །དངོས་སུ་བཤམས་དང་ཏིང་འཛིན་གྱི། །བདེ་སྟོང་ཡེ་ཤེས་རོལ་མོ་ཡིས། །མཁའ་དབྱིངས་རྒྱས་པར་བཀང་སྟེ་འབུལ། །ཐུགས་རྗེས་དགྱེས་ཤིང་བཞེས་སུ་གསོལ། །རྡོ་རྗེའི་ཡེ་ཤེས་ཆེན་པོ་ཡིས། །བྱང་ཆུབ་བར་དུ་བྱིན་གྱིས་རློབས། །ཕྱོགས་ངན་དུས་སྐེག་བྱད་དུ་ཚུད། །སྔོན་ལས་ཕྲལ་རྐྱེན་ལས་གྱུར་པའི། །རླུང་རྟ་རྒུད་པའི་སྐྱོན་ཀུན་ཞི། །ཉམས་ཤིང་འགྲིབ་པ་སོར་ཆུད་ནས། །ཕུན་ཚོགས་དགེ་མཚན་ཤིས་པ་ཡི། །རླུང་རྟ་སྙན་པའི་བ་དན་སྒྲེངས། །གྲགས་པ་འབྲུག་གི་སྒྲ་ཆེན་འུར། །གང་བསམ་ཐོགས་མེད་འགྲུབ་པ་ཡི། །ཕྲིན་ལས་རླུང་རྟའི་སྟོབས་ཤུགས་བསྐྱེད། །མཆོག་

― MR07_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་དབང་གི་དངོས་གྲུབ་སྩོལ། །ཧཱུཾ། དཔལ་ཆེན་ཁྱོད་ཀྱི་སྤྲུལ་པ་ནི། །ལྷོ་ཕྱོགས་ཡོངས་ལ་དབང་བསྒྱུར་བ། །རིན་ཆེན་དབང་ཆེན་ཁྲོ་བོའི་སྐུ། །རིན་ཆེན་རིགས་ཀྱི་འཁོར་དང་བཅས། །རྫུ་འཕྲུལ་མེ་སྦྲུལ་འཁྱིལ་ཆེན་རྔམས། །མེ་དཔུང་འབར་བའི་ཀློང་ན་བཞུགས། །དགྲ་བླ་ཝེར་མ་གིང་ཚོགས་འགྱེད། །ཕག་ལུག་ཡོས་གསུམ་ལོ་སྐལ་གྱི། །རྟེན་འབྲེལ་ཁྱིམ་དང་སྐྱེ་མཆེད་སོགས། །གསུམ་གྱི་དཔལ་འཛིན་ཀླུང་གི་བདག །ཁྱོད་ལ་གུས་པས་ཕྱག་འཚལ་ཞིང་། །དར་སྣ་བ་དན་རོལ་མོའི་དབྱངས། །བསང་དང་སྐྱེམས་ཕུད་བརྔན་ཡོན་རྫས། །དངོས་སུ་བཤམས་དང་ཏིང་འཛིན་གྱི། །བདེ་སྟོང་ཡེ་ཤེས་རོལ་མོ་ཡིས། །མཁའ་དབྱིངས་རྒྱས་པར་བཀང་སྟེ་འབུལ། །ཐུགས་རྗེས་དགྱེས་ཤིང་བཞེས་སུ་གསོལ། །རྡོ་རྗེའི་ཡེ་ཤེས་ཆེན་པོ་ཡིས། །བྱང་ཆུབ་བར་དུ་བྱིན་གྱིས་རློབས། །ཕྱོགས་ངན་དུས་སྐེག་བྱད་དུ་ཚུད། །སྔོན་ལས་ཕྲལ་རྐྱེན་ལས་གྱུར་པའི། །རླུང་རྟ་རྒུད་པའི་སྐྱོན་ཀུན་ཞི། །ཉམས་ཤིང་འགྲིབ་པ་སོར་ཆུད་ནས། །ཕུན་ཚོགས་དགེ་མཚན་ཤིས་པ་ཡི། །རླུང་རྟ་སྙན་པའི་བ་དན་སྒྲེངས། །གྲགས་

― MR07_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འབྲུག་གི་སྒྲ་ཆེན་འུར། །གང་བསམ་ཐོགས་མེད་འགྲུབ་པ་ཡི། །ཕྲིན་ལས་རླུང་རྟའི་སྟོབས་ཤུགས་བསྐྱེད། །མཆོག་ཐུན་དབང་གི་དངོས་གྲུབ་སྩོལ། ཧཱུྃ། དཔལ་ཆེན་ཁྱོད་ཀྱི་སྤྲུལ་པ་ནི། །ནུབ་ཕྱོགས་ཡོངས་ལ་དབང་བསྒྱུར་བ། །པདྨ་ཆེན་པོ་ཁྲོ་བོའི་སྐུ། །པདྨ་རིགས་ཀྱི་འཁོར་དང་བཅས། །རྫུ་འཕྲུལ་ལྕགས་སྤྲེལ་མཐུ་རྩལ་ཅན། །གནམ་ལྕགས་རི་བོའི་ཟོམ་ན་རྒྱུ། །དགྲ་བླ་ཝེར་མ་གིང་ཚོགས་འགྱེད། །སྟག་རྟ་ཁྱི་གསུམ་ལོ་སྐལ་གྱི། །རྟེན་འབྲེལ་ཁྱིམ་དང་སྐྱེ་མཆེད་སོགས། །གསུམ་གྱི་དཔལ་འཛིན་ཀླུང་གི་བདག །ཁྱོད་ལ་གུས་པས་ཕྱག་འཚལ་ཞིང་། །དར་སྣ་བ་དན་རོལ་མོའི་དབྱངས། །བསང་དང་སྐྱེམས་ཕུད་བརྔན་ཡོན་རྫས། །དངོས་སུ་བཤམས་དང་ཏིང་འཛིན་གྱི། །བདེ་སྟོང་ཡེ་ཤེས་རོལ་མོ་ཡིས། །མཁའ་དབྱིངས་རྒྱས་པར་བཀང་སྟེ་འབུལ། །ཐུགས་རྗེས་དགྱེས་ཤིང་བཞེས་སུ་གསོལ། །རྡོ་རྗེའི་ཡེ་ཤེས་ཆེན་པོ་ཡིས། །བྱང་ཆུབ་བར་དུ་བྱིན་གྱིས་རློབས། །ཕྱོགས་ངན་དུས་སྐེག་བྱད་དུ་ཚུད། །སྔོན་ལས་ཕྲལ་རྐྱེན་ལས་གྱུར་པའི། །རླུང་རྟ་རྒུད་པའི་སྐྱོན་ཀུན་ཞི། །

― MR07_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ཤིང་འགྲིབ་པ་སོར་ཆུད་ནས། །ཕུན་ཚོགས་དགེ་མཚན་ཤིས་པ་ཡི། །རླུང་རྟ་སྙན་པའི་བ་དན་སྒྲོགས། །གྲགས་པ་འབྲུག་གི་སྒྲ་ཆེན་འུར། །གང་བསམ་ཐོགས་མེད་འགྲུབ་པ་ཡི། །ཕྲིན་ལས་རླུང་རྟའི་སྟོབས་ཤུགས་བསྐྱེད། །མཆོག་ཐུན་དབང་གི་དངོས་གྲུབ་སྩོལ། ཧཱུྃ། དཔལ་ཆེན་ཁྱོད་ཀྱི་སྤྲུལ་པ་ནི། །བྱང་ཕྱོགས་ཡོངས་ལ་དབང་བསྒྱུར་བ། །ཀརྨ་དབང་ཆེན་ཁྲོ་བོའི་སྐུ། །ཀརྨ་རིགས་ཀྱི་འཁོར་དང་བཅས། །རྫུ་འཕྲུལ་མཐིང་ཕག་མི་བཟད་འཇིགས། །རྒྱ་མཚོ་ཆེན་པོའི་དབུས་ན་འཕྱོ། །དགྲ་བླ་ཝེར་མ་གིང་ཚོགས་འགྱེད། །བྱ་གླང་སྦྲུལ་གསུམ་ལོ་སྐལ་གྱི། །རྟེན་འབྲེལ་ཁྱིམ་དང་སྐྱེ་མཆེད་སོགས། །གསུམ་གྱི་དཔལ་འཛིན་ཀླུང་གི་བདག །ཁྱོད་ལ་གུས་པས་ཕྱག་འཚལ་ཞིང་། །དར་སྣ་བ་དན་རོལ་མོའི་དབྱངས། །བསང་དང་སྐྱེམས་ཕུད་བརྔན་ཡོན་རྫས། །དངོས་སུ་བཤམས་དང་ཏིང་འཛིན་གྱི། །བདེ་སྟོང་ཡེ་ཤེས་རོལ་མོ་ཡིས། །མཁའ་དབྱིངས་རྒྱས་པར་བཀང་སྟེ་འབུལ། །ཐུགས་རྗེས་དགྱེས་ཤིང་བཞེས་སུ་གསོལ། །རྡོ་རྗེའི་ཡེ་ཤེས་ཆེན་པོ་ཡིས། །

― MR07_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་བར་དུ་བྱིན་གྱིས་རློབས། །ཕྱོགས་ངན་དུས་སྐེག་བྱད་དུ་ཚུད། །སྔོན་ལས་ཕྲལ་རྐྱེན་ལས་གྱུར་པའི། །རླུང་རྟ་རྒུད་པའི་སྐྱོན་ཀུན་ཞི། །ཉམས་ཤིང་འགྲིབ་པ་སོར་ཆུད་ནས། །ཕུན་ཚོགས་དགེ་མཚན་ཤིས་པ་ཡི། །རླུང་རྟ་སྙན་པའི་བ་དན་སྒྲེངས། །གྲགས་པ་འབྲུག་གི་སྒྲ་ཆེན་འུར། །གང་བསམ་ཐོགས་མེད་འགྲུབ་པ་ཡི། །ཕྲིན་ལས་རླུང་རྟའི་སྟོབས་ཤུགས་བསྐྱེད། །མཆོག་ཐུན་དབང་གི་དངོས་གྲུབ་སྩོལ། ཧཱུྃ་ཧྲཱི། དབང་ཆེན་པདྨ་ཧེ་རུ་ཀཿ །བདེ་ཆེན་གར་གྱི་དབང་ཕྱུག་དང་། །རྡོ་རྗེ་ཁྲོས་མ་ཕག་གི་གདོང་། །ཡབ་ཡུམ་གཉིས་མེད་རོལ་པ་ལས། །རིགས་བཞིའི་དཔའ་བོ་མཁའ་འགྲོ་གིང་། །ཆོས་སྐྱོང་དགྲ་བླ་ཝེར་མ་བཅས། །དབྱིངས་ནས་དགོངས་པའི་རྩལ་བསྐྱེད་ལ། །རྣལ་འབྱོར་རྩ་རླུང་རིག་པའི་ཁམས། །སྟོབས་ནུས་མཐུ་རྩལ་ཤུགས་བསྐྱེད་ཅིང་། །རྡོ་རྗེའི་རླུང་གི་ཤུགས་སྟོབས་ཀྱིས། །གནས་སྐབས་གང་བསམ་འབད་མེད་གྲུབ། །མཐར་ཐུག་པདྨ་རྟ་མཆོག་གི །བདེ་ཆེན་ཐུགས་ཀྱི་ཐིག་ལེ་རུ། །འདུ་འབྲལ་མེད་པར་འཚང་རྒྱ་བའི། །ཕྲིན་ལས་ཐོགས་པ་མེད་པར་སྒྲུབས། །ཧྲཱིཿབཛྲ་ཀྲོ་དྷ་ཧ་ཡ་གྲཱི་བ་ཧུ་ལུ་

― MR07_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

ཧུ་ལུ་ཧཱུྃ་ཕཊཿ ཧྲཱིཿམ་ཧ་རི་ནི་ས་ར་ཙ་ཧྲི་ཡ་ཧ་ཧཱ་ཧི་ཧཱི་ཧེ་ཧཻ་ཧོ་ཧཽ་སརྦ་ཀརྨ་བྷྲཱུྃ་ཧཱུྃ་ཧཱུྃ་ཕཊ༔ འདི་ཡིས་རླུང་རྟ་གུད་པ་གསོ། །དགེ་མཚན་རྟེན་འབྲེལ་ཕྱོགས་མེད་རྒྱས། །སྙན་གྲགས་རྒྱལ་མཚན་སྲིད་ན་མཐོ། །མཆོག་ཐུན་ཕྲིན་ལས་ཡིད་བཞིན་འགྲུབ། །ས་མ་ཡ༔ རྒྱ༔ རབ་ཚེས་ཆུ་ལུག་ཆུ་ཟླའི་ཚེས་མི་བདག་གི་གྲངས་ལ་པདྨ་རང་བྱུང་བཞད་པའི་རྡོ་རྗེས་སྒྲུབ་ཁང་བདུད་ལས་རྣམ་རྒྱལ་དུ་བྲིས་པ་དགེའོ་མངྒ་ལཾ༔ ༈ ཨོཾ་ཨཱཿཧཱུྃ། དཀོན་མཆོག་རྩ་གསུམ་ལྷ་དང་དྲང་སྲོང་དང་། །རིགས་གསུམ་མགོན་དང་རྣམ་རྒྱལ་ལྷ་མོའི་ཚོགས། །པདྨ་ཐོད་ཕྲེང་རྒྱ་བོད་རིག་པ་འཛིན། །དཔལ་མགོན་ཚོགས་བདག་དགྲ་བླ་ལྷ་དམག་དང་། །འགོ་བའི་ལྷ་མགོན་གེ་སར་སྐྱེས་བུ་ཆེ། །རྟེན་འབྲེལ་སྲིད་པ་རྒྱུད་ཀྱི་ལྷ་རྣམས་ལ། །དངོས་བཤམས་ཡིད་སྤྲུལ་ཀུན་བཟང་མཆོད་སྤྲིན་འབུལ། །གསོལ་བ་འདེབས་སོ་ཐུགས་རྗེས་བྱིན་གྱིས་རློབ། །བྱད་ཕུར་གཏད་གནན་གདོན་བགེགས་བར་ཆད་ཀྱིས། །རླུང་རྟ་གུད་ཅིང་ཉམས་པའི་སྐྱོན་ཀུན་ཞི། །འཐབ་མཁོན་མི་ཁ་དགྲ་གྱོད་ཕུང་སྲི་སོགས། །མི་མཐུན་བར་ཆད་མ་ལུས་ཞི་བར་མཛོད། །རྫུ་འཕྲུལ་རྐང་པ་བཞི་དང་ལྡན་པ་ཡི། །བསོད་ནམས་ཀླུང་རྟའི་སྟོབས་ཤུགས་རབ་རྒྱས་ནས། །ཆོས་དང་སྲིད་དང་མཆོག་དང་ཐུན་མོང་གི །དངོས་གྲུབ་མ་ལུས་ཡིད་བཞིན་འགྲུབ་པར་མཛོད། །ཨོཾ་ཝཱ་གི་ཤྭ་རི་མུཾ། ཨོཾ་མ་ཎི་པདྨེ་ཧཱུྃ། ཨོཾ་བཛྲ་པཱ་ཎི་ཧཱུྃ། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཨོཾ་ཨཱཿཧཱུྃ་ཧོ། ཧྐྵྨླྺྼྻྃ་སྭཱ་ཧཱ།

― MR07_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སརྦ་གྲ་ཧ་ནཱ་ཀྵཱ་ཏྲ་དྷྱ་མི་ཀ་ར་ནི་སྭཱ་ཧཱ། ཨོཾ་ཧེ་ཧེ་ཏིཥྛ་ཏིཥྛ་བནྡྷ་བནྡྷ་དྷ་ར་ཡ། དྷཱ་ར་ཡ། ནི་རུནྡྷ་ནི་རུནྡྷ་ཨ་མུ་ཀ་ཨུརྞ་མ་ནི་ཡེ་སྭཱ་ཧཱ། ཨོཾ་པདྨ་ཙནྡྷ་མ་ནི་ཛྭ་ལ་ཧཱུྃ། ཨོཾ་མ་ཎི་རཱ་ཛ་ཧ་ཧ་ཧི་་་་ཧི་ཧེ་ཧཻ་ཧོ་ཧཽ། སརྦ་བི་ཛ་ཡ་སིདྡྷི་ཧཱུྃ། ཨོཾ་ཨཱཿཧཱུྃ་ཧོ་ཧེ་སྟག་སེང་ཁྱུང་འབྲུག་འདི་ཡར་བསྐྱེད། ཀུན་འདུས་སརྦ་འདུ་འདུ་ཧོ། ཨོཾ་བཛྲ་ཨཱཿཡུ་ཥེ་སྭཱ་ཧཱ། བདག་ཅག་གི་ཚེ་དང་བསོད་ནམས་དཔལ་དང་རླུང་རྟ་ཐམས་ཅད་གོང་ནས་གོང་དུ་བསྐྱེད་ཅིག་ཨོཾ་ཡེ་དྷར་མཱ་ཧེ་སོགས་སྭཱ་ཧཱ། ཨོཾ་བྷུ་ར་བྷུ་བ་སྭ༔སྭ་ཏི་ན་མ་སྭཱ་ཧཱ། ཨོཾ་སརྦ་ཏི་ཐི་ནཱ་ཀྵ་ཏྲ་གྲ་ཧེ་མངྒ་ལེ་བྷྱོ༔ སྭཱ་ཧཱ། ཨོཾ་ཨ་ཀ་ནི་ནི་ཀ་ནི་ཨ་བྷི་ལ་མ་དྷ་ལེ་མཎྚ་ལེ་སྭཱ་ཧཱ། ན་མོ་བུདྡྷ་དྷརྨ་སཾ་གྷ་ཡ་མ་མ་ཤྲཱི་ཡེ་མངྒ་ལ་བྷ་བ་ཏུ་སྭཱ་ཧཱ། འདི་ཉིན་རེ་བཞིན་བཏོན་ན་རྟག་ཏུ་བཀྲ་ཤིས་པ་དང་། བྱ་བ་གང་བརྩམ་པ་བར་ཆད་མེད་པར་ཡིད་བཞིན་གྲུབ་པ་དང་། བསོད་ནམས་རླུང་རྟའི་སྟོབས་རྩལ་ཆེར་རྒྱས་ནས། སྙན་གྲགས་དང་དཔལ་འབྱོར་འཕེལ་བ་དང་། བསམ་པའི་དོན་ཀུན་ཆོས་མཐུན་ལེགས་ལམ་འཕེལ་ཏེ་མཆོག་དང་མཐུན་མོང་གི་དངོས་གྲུབ་མྱུར་དུ་འཐོབ་པར་འགྱུར་རོ། །མངྒ་ལཾ། ༈ །གེ་སར་རྒྱལ་པོ་ལ་བརྟེན་པའི་ལམ་ལྷའི་གསོལ་མཆོད་ཡིད་བཞིན་དོན་གྲུབ་ཅེས་བྱ་བ་

― MR07_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་སོ། །སྐྱེམས་ཕུད་གཏོར་མ་བསང་ཕྱེ་མར་བརྔན་ཆས་སོགས་འདུས་བྱས་ལ་འདི་སྐད་དོ། །ཧཱུྃ། རིགས་གསུམ་པདྨའི་སྒྱུ་འཕྲུལ་ཡེ་ཤེས་སྐུ། །སྣང་སྲིད་དགྲ་བླ་ཝེར་མའི་རྒྱལ་པོ་ནི། །སྐུ་རྗེ་སེང་ཆེན་ནོར་བུ་འདྲ་འདུལ་རྩལ། །དོན་གྲུབ་ཝེར་མ་དཀར་པོ་འཁོར་དང་བཅས། །མཆོག་གསུམ་བརྒྱུད་གསུམ་བླ་མ་རྒྱུད་དྲུག་གི །ཡི་དམ་ལྷ་ཚོགས་གནས་གསུམ་མཁའ་འགྲོ་མ། །མ་མགོན་གཟའ་རྡོར་སྡེ་གསུམ་སྲུང་མའི་ཚོགས། །ནོར་ལྷ་གཞི་བདག་གནས་བདག་གཏེར་བདག་དང་། །ཐུགས་ཀར་དགྲ་བླ་ཝེར་མ་ཅོང་སེ་སོགས། །གཞི་མགྲོན་བྱེས་ཡག་ལམ་ལྷ་གཉེན་པོའི་ཚོགས། །བསང་སྐྱེམས་ཕྱེ་མར་དར་སྣ་བརྔན་ཆས་དང་། །སྨན་གཏོར་ཤ་ཁྲག་རྔ་དབྱངས་རོལ་མོ་སོགས། །མཐུན་པའི་དམ་རྫས་དངོས་སུ་བཤམས་པ་དང་། །ཡིད་ཀྱིས་སྤྲུལ་ཞིང་མཐའ་ཡས་ཞིང་ཁམས་ཀུན། །ཡོངས་ཁྱབ་བདེ་སྟོང་ཡེ་ཤེས་བདུད་རྩིའི་སྤྲིན། །མཆོད་པ་འབུལ་ལོ་ཐུགས་དམ་གཉེན་པོ་བསྐང་། །མངའ་གསོལ་གཟེངས་བསྟོད་རྡོ་རྗེའི་དམ་བསྲེ་ན། །འདི་ནས་བྱང་ཆུབ་སྙིང་པོའི་བར་དག་ཏུ། །སྲུང་སྐྱོབ་བྱིན་གྱིས་རློབས་ལ་བསམ་པའི་དོན། །

― MR07_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

གེགས་མེད་ཡིད་བཞིན་གྲུབ་པའི་དངོས་གྲུབ་སྩོལ། །ལམ་དགྲ་བར་ཆད་མི་མཐུན་ཕྱོགས་ལས་སྐྱོབས། །མཐུན་རྐྱེན་འདོད་པའི་རེ་བ་འབད་མེད་སྒྲུབས། །དོན་གཉིས་གྲུབ་མཆོག་བདེ་བའི་ཤུལ་ལམ་ལ། །བསུ་སྐྱེལ་སྡོང་གྲོགས་བཅོལ་བའི་ཕྲིན་ལས་མཛོད། །ཅེས་བྱས་པས་འདོད་དོན་དངོས་གྲུབ་མ་ལུས་པ་འབད་མེད་འགྲུབ་པར་འགྱུར་རོ། །ཞེས་པའང་ཝེར་མ་བསེ་རུ་འོད་ལྡན་དཀར་པོས་ལྕགས་འབྲུག་ཟླ་བ་བཅུ་གཅིག་གི་ཚེས་དགུ་ལ་བྲིས་པ་དགེའོ། །མངྒ་ལཾ། ༈ ལམ་ལྷའི་བསང་། ཨོཾ་ཨ་ཧཱུྃ། རྗེས་སྤྱོད་ལ་སོགས་ཕྱོགས་བཅུའི་སངས་རྒྱས་དང་། །ཁྲོ་བཅུ་ཕྱོགས་སྐྱོང་བཅུ་དང་ཕྱོགས་ཀྱི་ལྷ། །བཀྲ་ཤིས་དོན་གྲུབ་རྒྱལ་བར་མཛད་རྣམས་དང་། །སྤར་སྨེ་གཟའ་སྐར་ལོ་ཟླ་ཞག་དུས་ལྷ། །བླ་མ་ཡི་དམ་མཁའ་འགྲོ་ཆོས་སྐྱོང་ཚོགས། །དགྲ་བླ་ཝེར་མ་ཐུགས་དཀར་ཅང་སེ་གཉན། །སྣ་ཚོགས་ལས་དང་དུས་དང་ཕྱོགས་སོ་སོའི། །ལམ་ལྷ་གཉན་པོ་འཁོར་དང་བཅས་པ་དང་། །རྣལ་འབྱོར་བདག་གི་རིགས་བརྒྱུད་སྲུང་མ་དང་། །འགོ་བའི་ལྷ་མགོན་ཡུལ་རིས་ཟོ་དོར་བཅས། །ཁྱད་པར་གར་འགྲོའི་ཕྱོགས་ཀྱི་སངས་རྒྱས་དང་། །རྒྱལ་སྲས་

― MR07_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དཔའ་བཀྲ་ཤིས་ལྷ་མོའི་ཚོགས། །སྲིད་པའི་ལྷ་ཆེན་གནས་ཡུལ་དུས་ཀྱི་ལྷ། །སྔོན་བསུ་རྗེས་སྐྱེལ་སྡོང་གྲོགས་མཛད་རྣམས་ལ། །དྲི་ཞིམ་བདུད་རྩི་བསང་གི་མཆོད་པའི་སྤྲིན། །ཀུན་བཟང་རྣམ་རོལ་བདེ་བ་ཆེན་པོས་མཆོད། །བདག་ཅག་ཕྱོགས་སུ་དོན་གཉེར་འགྲོ་བ་ལ། །བར་ཆད་འཚེ་བ་གང་ཡང་མི་འབྱུང་ཞིང་། །ཇི་ལྟར་འདོད་པའི་དོན་ཀུན་ཡིད་བཞིན་འགྲུབ། །བཀྲ་ཤིས་བདེ་ལེགས་ཕུན་སུམ་ཚོགས་པར་མཛོད། ༥ །རྫོགས་ཆེན་མཆོག་སྤྲུལ་ལྔ་པ་རིན་པོ་ཆེས་བཀའ་བསྐུལ་ལྟར་མི་ཕམ་རྣམ་པར་རྒྱལ་བས་བཀོད་པ་དགེ་ལེགས་འཕེལ། ༈ །རྣལ་འབྱོར་པ་གནས་གང་དུ་འགྲོ་སྡོད་ཀྱི་དོན་སྒྲུབ་པ་ན། དེའི་ཕྱོགས་ཀྱི་ཡུལ་བདག་མི་མ་ཡིན་རྣམས་དབང་དུ་འདུས་ན་མི་རྣམས་ཆེད་རྩོལ་མེད་པར་དབང་དུ་འགྱུར་བས་འདི་ལ་བརྩོན་པ་གལ་ཆེའོ། །དེ་ཡང་གཙང་མའི་བསང་རྫས་འདུ་བྱས་ལ་མེར་སྲེགས་ཤིང་བྱིན་གྱིས་བརླབས་པར་བྱས་ཏེ་འདི་སྐད་དུ། ཧཱུྃ། བདག་ཉིད་པདྨ་དབང་ཆེན་ནི། །དམར་ནག་ཞལ་གཅིག་ཕྱག་གཉིས་པ། །ཕྱག་གཡས་པདྨའི་དབྱུག་ཐོ་གདེངས། །གཡོན་པ་ཞགས་པ་དམར་པོ་བསྣམས། །དོར་ཐབས་བདུད་བཞིའི་གདན་ལ་བཞུགས། །ཐུགས་ཀར་ཉི་མའི་

― MR07_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་སྟེང་། །ཧཱུྃ་ཡིག་དམར་པོ་མེ་ལྟར་འབར། །དེ་ལས་ཛ་དམར་ལྕགས་ཀྱུའི་དབྱིབས། །ཁ་བ་བུ་ཡུག་ལྟར་འཚུབ་པས། །ཕྱོགས་དེའི་གནས་བདག་གཞི་ཡི་བདག །སྡེ་བརྒྱད་མི་མ་ཡིན་གྱི་རིགས། །ཀུན་གྱི་སྙིང་ནང་ཞུགས་པ་ཡིས། །རང་བཞིན་མཉམ་ཉིད་བདེ་བ་ཆེ། །དབྱེར་མེད་ངང་དུ་གྱུར་པ་ལ། །དྲེགས་པའི་ཁེངས་སེམས་གདུག་རྩུབ་ཞི། །རང་དབང་མེད་པར་བདག་ལ་འདུན། །ཤ་རུས་སྦྲང་ལྟར་འདུས་པར་བསམ། །ཧྲཱིཿ པདྨ་ཀྲོ་ཏ་ཧྱ་གྲཱྀ་བ་ཧུ་ལུ་ཧུ་ལུ་ཧཱུྃ། ཨ་མུ་ཀ་ཏྲི་ཨངྐུ་ཤ་ཛ་༔ ཨཱ་ཀ་རྴཱ་ཡ་ཧྲཱི༔ ཝ་ཤཾ་ཀུ་རུ་ཧོ། ཞེས་བཟླས། དམིགས་གསལ་བྱེད་ན་ཨ་མུ་ཀའི་མལ་དུ་མིང་གཞུག །སྤྱིར་དཀྱུས་ལྟར་བཟླས་ནས་དམིགས་པ་གཟིར་བས་འགྲུབ་བོ། །རྟགས་ནི་དངོས་ཉམས་རྨི་ལམ་དུ། །ཡུལ་དེའི་མི་རྣམས་འདུ་བ་དང་། །ཕྱག་འཚལ་ཟས་སོགས་སྟེར་བ་དང་། །རི་དྭགས་གཅན་གཟན་ལ་སོགས་པ། །སྣ་ཚོགས་འདུ་ཞིང་དགའ་ཚུལ་བྱེད། །དེ་ལྟར་བྱུང་ན་ངེས་པར་འགྲུབ། །ཨོཾ་ཨཱཿཧཱུྃ། དབྱིངས་ནས་འགགས་མེད་ཤར་བ་ཡི། །འདོད་ཡོན་ཀུན་འབྱུང་བསང་མཆོད་འདི། །ཟག་མེད་བདེ་བསྐྱེད་

― MR07_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་རྫས། །ཀུན་བཟང་མཆོད་པའི་སྤྲིན་ཆེན་གྱིས། །རྩ་གསུམ་རྒྱལ་བ་རབ་འབྱམས་བསངས། །ཆོས་སྐྱོང་ནོར་ལྷ་དགྲ་བླའི་ཚོགས། །གནས་བདག་གཞི་ཡི་བདག་པོ་མཆོད། །ཁྱད་པར་ཡུལ་ཕྱོགས་འདིར་གནས་པའི། །སྡེ་བརྒྱད་འབྱུང་པོ་མི་མིན་རིགས། །གང་དག་ཇི་སྙེད་མཆིས་པ་རྣམས། །ཞི་ཞིང་བྱམས་པའི་སེམས་ཀྱིས་ནི། །མཆོད་ཅིང་བརྔན་ནོ་དགྱེས་གྱུར་ཅིག །ཕན་ཚུན་ཕ་མ་བུ་ཚའི་ཚུལ། །བརྩེ་ཞིང་གདུང་བ་ཉིད་དུ་གྱུར། །རང་སེམས་གདོད་ནས་མ་སྐྱེས་པ། །རང་བཞིན་འོད་གསལ་མཉམ་པ་ཆེར། །ང་ཁྱོད་མེད་པར་རོ་གཅིག་པའི། །བྱང་ཆུབ་སེམས་ཀྱིས་ཡོངས་སུ་བཟུང་། །དེ་ཡི་བྱིན་རླབས་ཆེན་པོ་ཡིས། །སྲས་བཅས་རྒྱལ་བའི་ཐུགས་རྗེའི་མཐུ། །དྲེགས་པའི་རྒྱུད་ལ་ཞུགས་གྱུར་ནས། །མི་དགེའི་བསམ་པ་ཐམས་ཅད་ཞི། །བྱང་ཆུབ་སེམས་དང་ལྡན་པར་ཤོག །རྣལ་འབྱོར་བདག་ཅག་འཁོར་བཅས་ལ། །ཤིན་ཏུ་དགའ་ཞིང་བརྩེ་བ་དང་། །དད་དང་གདུང་བ་ཆེན་པོ་ཡིས། །རང་དབང་མེད་བར་བྲན་བཞིན་དུ། །དགོས་པའི་དོན་ཀུན་སྒྲུབ་གྱུར་ཅིག །བདག་དང་འབྲེལ་

― MR07_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཚད་སེམས་ཅན་ཀུན། །འཁོར་བའི་ཆུ་བོ་ལས་བརྒལ་ནས། །བདེ་ཆེན་གདོད་མའི་གྲོང་ཁྱེར་དུ། །མངོན་པར་བྱང་ཆུབ་འགྲུབ་པར་ཤོག །འཇིག་རྟེན་བདེ་ཞིང་ལོ་ལེགས༴ སོགས་ཚིགས་བཅད་བརྗོད། འདི་ནི་ཤིན་ཏུ་གལ་ཆེའོ། །ས་གླང་ཟླ་བ་བཅུ་གཅིག་པའི་ཚེས་བཅུ་གཅིག་ཀྱི་སྔ་དྲོར་ཡིག་རྙིང་གི་མན་ངག་བཞིན་འཇམ་དཔལ་དགྱེས་པའི་རྡོ་རྗེས་ཤར་མར་བྲིས་པ་དགེ་ཞིང་བཀྲ་ཤིས། །ཤུ་བྷཾ། །དགེའོ། ༈ །།ཆར་འབེབས་བསང་མཆོད་འདོད་རྒུ་ཆར་འབེབ་བཞུགས། དཀར་མངར་ཀླུ་སྨན་འོ་སྐོམ་དང་། །ཤིང་སྣ་བརྔན་ཆས་གཙང་མ་བསྲེགས། །ཆུ་གཙང་གིས་བྲན་བྱིན་གྱིས་བརླབ། །མགྲོན་རྣམས་སྤྱན་དྲངས་འདི་ལྟར་གྱེར། །ཧྲཱིཿ ཆོས་ཀྱི་དབྱིངས་ལས་མ་འགག་རང་ཤར་བ། །ཡེ་ཤེས་བདུད་རྩི་བསང་གི་མཆོད་པའི་སྤྲིན། རང་བཞིན་མཆོད་པ་གཞན་ལའང་ཁ་བསྒྱུར་ཆོག །ཀུན་བཟང་རྣམ་འཕྲུལ་རྒྱ་མཚོའི་གཏེར་གྱུར་པས། །རིན་ཆེན་འདོད་འབྱུང་ནོར་བུའི་ཁང་བཟང་དང་། །བླ་བྲེ་རྒྱལ་མཚན་བ་དན་ཁྲི་སྟན་གདུགས། །མེ་ཏོག་བདུག་སྤོས་སྣང་གསལ་དྲི་ཆབ་དང་། །སྣ་ཚོགས་རོལ་མོ་བཟའ་བཅའ་བཏུང་བའི་རིགས། །རྡུལ་སྙེད་ལུས་ཀྱི་ཕྱག་བཅས་བསྟོད་

― MR07_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་སྒྲ། །གསེར་གྱི་སྙིང་པོའི་སྤྲིན་དང་དཔག་བསམ་ཤིང་། །འདོད་འབྱུང་བུམ་པ་ནོར་བུ་སྐྱེད་མོས་ཚལ། །ཁྲུས་རྫིང་བ་མཆོག་རིན་ཆེན་རི་བོ་དང་། །བདུད་རྩིའི་ཆུ་བོ་ནད་སེལ་སྨན་གྱི་ཆར། །འཇིག་རྟེན་ལྷ་ཀླུ་མི་ཡི་འབྱོར་པ་དང་། །འཇིག་རྟེན་ལས་འདས་བླ་མེད་མཆོད་པའི་ཚོགས། །ནོར་བུའི་རྒྱལ་པོ་རྒྱ་མཚོའི་སྤྲིན་རྣམས་ཀྱིས། །ནམ་མཁའི་དབྱིངས་ཀུན་རྒྱས་པར་བཀང་ནས་སུ། །བདེ་བར་གཤེགས་པ་སྲས་དང་སློབ་མར་བཅས། །གངས་ཆེན་མཚོ་སྤྲིན་རྒྱ་མཚོ་ཐམས་ཅད་ལ། །གུས་པས་མཆོད་ཅིང་བསྟོད་དེ་ཕྱག་ཀྱང་འཚལ། །བདེ་བར་གཤེགས་པ་སངས་རྒྱས་བཅོམ་ལྡན་འདས། །རྣམ་སྣང་སྙིང་པོ་ཅན་གྱི་སྤྲིན་ཆེན་དང་། །ཀླུ་རིགས་ལས་བྱུང་སྤྲིན་གྱིས་རྣམ་པར་མཛེས། །སྤྲིན་གྱི་ཆུ་འཛིན་དཔལ་ལྡན་སྤྲིན་གྱི་གཟི། །སྤྲིན་བྱུང་སྤྲིན་གྱི་དཀྱིལ་འཁོར་རྣམ་འཇོམས་སྤྲིན། །ནམ་མཁའ་དཔག་མེད་སྤྲིན་ཆེན་གློག་འབར་ཚོགས། །སྤྲིན་ཆེན་མཐུ་རྩལ་དཔལ་དང་སྤྲིན་མཛེས་དང་། །སྤྲིན་སྡུག་ཆེན་པོ་སྤྲིན་གྱི་དཀྱིལ་འཁོར་ཆེ། །སྤྲིན་འོད་སྤྲིན་ཆེན་སེང་གེ་སྤྲིན་ཆེན་གདུགས། །

― MR07_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

བལྟ་སྡུག་སྤྲིན་ཆེན་དང་ནི་སྤྲིན་ཆེན་ཁེབས། །སྤྲིན་ལས་བྱུང་བ་སྣང་བར་བྱེད་པའི་དལ། །ཕྱོགས་བཅུ་མཐོ་འགེབ་རྔ་དབྱངས་རབ་སྒྲོགས་དང་། །སྤྲིན་བསིལ་མི་དགའ་རབ་འཇོམ་སྒྲ་ཟབ་སྒྲོགས། །སྤྲིན་ཆེན་བདལ་དང་གང་གཱའི་ཆུ་སྤྲིན་དང་། །རྩལ་གྱི་སྤྲིན་ལྟར་དཔའ་དང་འབྲུག་སྒྲ་སྒྲོགས། །ཀུན་ཏུ་སྤྲིན་སྟོན་རྒྱ་ཆེན་སྤྲིན་དང་ནི། །སྤྲིན་འཛག་སྤྲིན་ལྟར་རྣམ་སྒྲོགས་སྤྲིན་ལྟར་འཕགས། །སྤྲིན་འདྲའི་ན་བཟའ་མནབ་དང་སྤྲིན་གྱི་གནས། །སྤྲིན་གྱིས་ལོ་ཐོག་སྐྱེད་དང་ཆར་གྱི་སྤྲིན། །སྤྲིན་ཕུང་རྣམ་པར་རྒྱས་དང་སྤྲིན་འདུ་མཛད། །སྤྲིན་ཆེན་ཨུཏྤལ་སྤྲིན་ཆེན་སྤོས་ཀྱི་སྐུ། །སྤྲིན་ཆེན་འཕགས་པ་སྤྲིན་ཆེན་དབང་ཕྱུག་དང་། །སྤྲིན་ཆེན་འོད་མཛད་དང་ནི་སྤྲིན་ཆེན་བྱིན། སྤྲིན་ལྟར་རྣམ་འཇོམས་སྤྲིན་གྱི་ཆུ་བོ་དང་། །རིན་ཆེན་ནོར་བུའི་སྤྲིན་འདྲ་སྤྲིན་སྡུད་དང་། །དུས་མིན་སྤྲིན་དང་ལྕེ་འབབ་རྣམ་པར་འཇོམས། །སྤྲིན་ཆེན་ལྟ་བུར་ནམ་མཁའི་མཐོངས་ནས་བསྒྲགས། །སྤྲིན་ཆེན་སྒྲ་འབྱིན་སྤྲིན་ཆེན་ཆར་ཆུ་སྐྱེས། །བསྙེམ་པའི་གཟི་བརྗིད་སྒྲུབ་པའི་སྤྲིན་དང་ནི། །རོ་བྲོ་དྲུག་དང་ལྡན་

― MR07_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཆུ་ཆེན་སྤྲིན། །ཆུ་འཐོར་སྤྲིན་ཆེན་སྤྲིན་ཆེན་རྒྱ་མཚོ་འགེངས། །ཆར་མེད་ཚེ་ན་སྤྲིན་གྱིས་ཀུན་ཏུ་འགེབ། །སྤྲིན་གཟུགས་མཐའ་ཡས་དང་ནི་སྤྲིན་ཆེན་པོ། །ཐམས་ཅད་རྣམ་སྒྲུབ་འཛམ་བུའི་སྤྲིན་གྱི་དཔལ། །གཟི་བརྗིད་འོད་མཛད་སྤྲིན་གྱི་འོད་ཟེར་ཅན། །ཤཱཀྱ་སེང་གེ་དང་ནི་ཀླུ་དབང་རྒྱལ། །དེ་ལ་སོགས་པ་ཕྱོགས་བཅུའི་འཇིག་རྟེན་ན། །བདེ་གཤེགས་བྱམས་པ་ཆེན་པོའི་སྤྲིན་མངའ་བ། །ཐམས་ཅད་ཀུན་ལ་གུས་པས་མཆོད་ཅིང་འདུད། །འཇམ་དཔལ་སྤྱན་རས་གཟིགས་དབང་གསང་བའི་བདག །ས་ཡི་སྙིང་པོ་སྒྲིབ་པ་རྣམ་པར་སེལ། །ནམ་མཁའ་སྙིང་པོ་བྱམས་པ་ཀུན་ཏུ་བཟང་། །རྗེ་བཙུན་སྒྲོལ་མ་ལྷ་མོ་རིགས་བྱེད་མ། །གང་གཱའི་ལྷ་མོ་ནོར་རྒྱུན་དཔལ་ལྷ་མོ། །ཕྱོགས་བཅུའི་ཞིང་བཞུགས་སེམས་དཔའ་སེམས་མའི་ཚོགས། །ཀུན་ལ་གུས་པས་ཕྱག་འཚལ་མཆོད་ཅིང་བསྟོད། །སངས་རྒྱས་བྱང་ཆུབ་སེམས་དཔའི་ཚོགས་ཆེན་པོས། །མགོན་མེད་འགྲོ་ལ་བྱམས་པས་རྗེས་དགོངས་ཏེ། །ཆར་པའི་བར་ཆད་ལྔ་པོ་བསལ་བ་དང་། །ཆར་གྱི་རྒྱུན་ཆེན་མྱུར་དུ་དབབ་པར་མཛོད། །

― MR07_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་ཀུན་བདེ་སྐྱིད་ལྡན་པར་བྱིན་གྱིས་རློབས། །ཚངས་དབང་བརྒྱ་བྱིན་རྒྱལ་ཆེན་བཞི་ལ་སོགས། །ཆར་པའི་བར་ཆད་ལྔ་ནི། སྤྲིན་ཡོད་གློག་འབྱུང་འབྲུག་གྲགས་རླུང་བསིལ་ལྡང་ནས་ལྟས་མཁན་དག་གིས་ཆར་འབེབ་ཅེས་ལུང་བསྟན་ཀྱང་། ས་ཆེན་པོ་ལས་མེ་ཁམས་འཕགས་ནས་མོད་ལ་སྐམ་པ་ཐན་པའི་རྒྱུ་དང་པོའོ། །དེ་བཞིན་དུ་མི་མཉམ་པའི་རླུང་བྱུང་བས་ཆར་དེ་ཕྱོགས་གཞན་དགོན་པ་རྣམས་སུ་འཕེན་པ་གཉིས་པའོ། །ལྷའི་བུ་ཆར་གྱི་ཤུགས་ཅན་དག་མྱོས་ཤིང་བག་མེད་པས་ཆར་དུས་སུ་འབེབ་མི་སྟེར་བ་གསུམ་པའོ། །མི་རྣམས་འདོད་པའི་དབང་གིས་ཆོས་མིན་སྤྱོད་པ་དག་ལ་ལྷས་ཆར་འབེབ་ཏུ་མི་སྟེར་བ་བཞི་པ། ལྷ་མིན་སྒྲ་གཅན་རྒྱ་མཚོ་ནས་འཕགས་ཏེ་ལག་གཉིས་ཆར་བར་བཟེད་ནས་རྒྱ་མཚོར་སྡུག་བསྔལ་ཞེས། འདུལ་བ་ལུང་རྣམ་འབྱེད་ཀྱི་རྒྱུ་མཚན་གྱི་གླེང་བཞིའི་སྐབས་ནས་གསུངས་སོ། །འཇིག་རྟེན་སྐྱོང་བའི་ཚོགས་དང་ཁྱད་པར་དུ། །དཔལ་ལྡན་ཀླུ་ཡི་དབང་པོ་ཆེན་པོ་རྣམས། །རྒྱལ་བའི་བཀའ་བཞིན་དེང་འདིར་སྤྱན་འདྲེན་ན། །སྤྲིན་ཕམ་པའི་ཆེན་བརྩེགས་པའི་གཞོན་པ་ལ་ཞོན་ནས། །སྣ་ཚོགས་གཟུགས་མངའ་ནོར་བུའི་ཅོད་པཎ་ཅན། །ཟབ་མོའི་འབྲུག་

― MR07_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་རྣམ་འབྲུག་གློག་འོད་བཅས། །རིན་ཆེན་ཆར་གྱི་རྒྱུན་བཟང་འབེབ་ཕྱིར་དུ། །བྱམས་པའི་ཐུགས་ཀྱིས་གནས་འདིར་གཤེགས་སུ་གསོལ། །ཀླུ་རྒྱལ་གཡོག་མཐའ་ཡས་པ་རྒྱ་མཚོའི་སྤྲིན། །བཀོད་པའི་གཟི་བརྗིད་དཀྱིལ་འཁོར་གདུགས་འདྲའི་རྒྱལ། །དགའ་བོ་ཉེར་དགའ་རྒྱ་མཚོ་གཟི་ཅན་དང་། །ཆུ་ལྷ་དང་ནི་འཇོག་པོ་ཡུལ་འཁོར་སྲུང་། །མ་དྲོས་པ་དང་ནོར་རྒྱས་བུ་དང་ནི། །བཏང་བཟུང་ས་སྲུང་བུ་དང་ནུ་ཏ་ལ། །དཔལ་གྱི་གཟི་བརྗིད་དཔལ་བཟང་གློག་གི་འཕྲེང་། །གཙུག་ན་ནོར་བུ་སྣང་ལྡན་གཙུག་ཕུད་ཅན། །གཙུག་ན་ནོར་བུ་ཐོགས་པ་ལ་སོགས་པའི། །ཀླུ་རྒྱལ་ཀུན་ལ་གུས་པས་མཆོད་ཅིང་བསྟོད། །སངས་རྒྱས་བདེན་བས་ཀླུ་རྣམས་རབ་བསྐུལ་ན། །དཀོན་མཆོག་གསུམ་གྱི་བྱིན་རླབས་དྲན་གྱིས་ལ། །ཀླུ་ཡི་རྒྱལ་པོ་སེམས་དཔའ་ཆེན་པོ་རྣམས། །འཛམ་བུའི་གླིང་འདིར་ཆར་གྱི་རྒྱུན་ཆེན་ཕོབས། །རྩི་ཤིང་མེ་འབྲས་བདེ་ལེགས་རྒྱས་པར་མཛོད། །ཡུལ་ཕྱོགས་འདིར་གནས་ས་བདག་ལྷ་ཀླུ་སོགས། །འཛམ་གླིང་གནས་བདག་སྡེ་

― MR07_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་མ་ལུས་ལ། །འདོད་དགུ་ཀུན་འབྱུང་མཆོད་སྤྲིན་རབ་འབྱམས་འབུལ། །དགྱེས་ཤིང་ཚིམ་ནས་བྱམས་སེམས་ལྡན་གྱུར་ཅིག །བྱམས་པའི་སྟོབས་མངའ་བདེ་གཤེགས་སྲས་དང་བཅས། །མོས་པའི་ཡུལ་དུ་མངོན་སུམ་གསལ་བྱས་ཤིང་། །གུས་པས་ཕྱག་འཚལ་མི་དགེ་སྡིག་པ་བཤགས། །ཉམས་ཐག་འགྲོ་བ་ཀུན་ལ་རྗེས་ཆགས་པའི། །མཁའ་དང་མཉམ་པ་བྱམས་པའི་སེམས་ཀྱིས་ནི། །སངས་རྒྱས་ཆོས་དང་དགེ་འདུན་བདེན་པ་དང་། །སྙིང་པོ་སྔགས་དང་ཕྱག་རྒྱའི་ནུས་པ་དང་། །སྟོང་དང་རྟེན་འབྱུང་ཟབ་མོའི་བྱིན་རླབས་ཀྱིས། །ཀླུ་རྒྱལ་འཁོར་དང་བཅས་པ་དེང་བསྐུལ་ན། །ལྷ་ལམ་རབ་ཏུ་ཁྱབ་པའི་སྤྲིན་ཆེན་ནི། །མཐོན་མཐིང་ནོར་བུའི་ལྷུན་པོ་བརྩེགས་པའི་གཟུགས། །མཛེས་པའི་གློག་དམར་གཡོ་བའི་སྐ་རགས་ཅན། །ཡིད་འོང་འབྲུག་སྒྲ་དལ་བུའི་དབྱངས་དང་བཅས། །རྨད་བྱུང་དགའ་བདེ་སྐྱིད་པའི་ཆར་གྱི་རྒྱུན། །འཛད་མེད་འདོད་རྒུ་འབེབ་པར་མཛད་དུ་གསོལ། །བདུད་རྩིའི་བཅུད་ཀྱིས་ས་ལ་ལོ་ཐོག་

― MR07_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ། །རྩི་ཤིང་སྨན་རྣམས་ནུས་པ་དང་ལྡན་ཞིང་། །སྣོད་བཅུད་བཀྲགས་མདངས་དཔལ་འབྱོར་གོང་དུ་འཕེལ། །མཁའ་ལ་ལྷ་རྣམས་བྱམས་པའི་ཐུགས་ཀྱིས་གནས། །བར་སྣང་ཀླུ་རྣམས་བདེ་བའི་གར་གྱིས་བྲེལ། །ས་ལ་མི་རྣམས་དགའ་བའི་སྒྲ་འབྱིན་པའི། །དགེ་མཚན་མྱུར་བ་ཉིད་དུ་མཐོང་གྱུར་ཅིག །འཇིག་རྟེན་ཁམས་སུ་ནད་མུག་མཚོན་འཁྲུག་ཞི། །རྫོགས་ལྡན་དུས་བཞིན་དགའ་བདེས་ཁྱབ་པ་དང་། །རྒྱལ་བསྟན་སྣང་བ་རྟག་ཏུ་མི་ནུབ་པར། །བྱམས་ཆེན་རྒྱལ་བའི་དགོངས་པ་འགྲུབ་གྱུར་ཅིག །༣༡ །ཏདྱཐཱ། དྷཱ་ར་ནི་དྷཱ་ར་ཎི། ཨུཏྟཱ་ར་ཎི། སམ་པྲ་ཏིཥྛི་ཏེ། བི་ཛ་ཡ་བརྞ། སཏྱ་པྲ་ཏི་ཛྙཱ་ས་ར་ཧ། ཛྙཱ་ན་པ་ཏི་ཨུད་དེ་པཱ་ད་ནི། བི་ནཱ་མ་ནི། ཨ་བྷི་ཥིཉྩ་ནི། ཨ་བྷི་བྱ་ཧཱ་ར། ཤུབྷཱ་བྷཱི་ཏི། ཨ་ཛི་མ་ཏུ། ཨེ་ཧི་ཀུ་མ་བཱ་ལ་ནི། བཱ་ཧ་ཧ་ར་ཀླེ་ཤཱ་ན། དྷུ་ན་པཱ་པཾ། ཤོ་དྷ་ཡ་མརྒཱ་ན། ནི་རྭ་ཏི་ཀ་དྷརྨ་ཏཱ་ཤུདྡྷ་ལོ་ཀ་བཾ་ཏི་མི་ར་ར་ཙ་ས་དུ་ཁཿཤ་མ་ན་སརྦ་བུདྷ་ཨ་བ་ལོ་ཀ་ན་ཨ་དྷིཥྛི་ཏེ་པྲ་ཛྙཱ་ཛྙཱ་ན་བྷེ་སྭཱ་ཧཱ། ཞེས་བརྗོད་པར་བྱའོ། །གཞན་ཡང་གོས་དང་ཟས་གཙང་མར་བྱས་ལ་གཙང་མའི་མཆོད་པ་གང་ཡང་རུང་བ་སྦྱར་ཏེ་འདི་བརྗོད་པའམ་

― MR07_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་དུ་བརྗོད་ཀྱང་རུང་སྟེ་ཆར་འབེབ་པར་བྱེད་དོ། །བྱམས་པའི་སེམས་ཉེ་བར་བཞག་ལ་ཀླུ་བདེ་བ་སྦྱིན་པའི་གཟུགས་སོ། སངས་རྒྱས་དང་བྱང་ཆུབ་སེམས་དཔའ་དང་ཀླུ་རྣམས་ཡིད་ལ་དྲན་པའི་སྒོ་ནས་ནམ་འདོད་དུ་བྱའོ། །འདི་ནི་ལོ་སྔ་ཕྱིར་ཐན་པས་ཉེན་ཚེ་བྱམས་པའི་སེམས་ཀྱིས། སྤྲིན་ཆེན་པོའི་མདོ་ཡི་དོན་བསྡུས་ཏེ་རབ་ཚེས་མི་ཟད་པའི་ཟླ་བ་བཞི་པའི་ཚེས་བཅུ་བདུན་ལ་འཇམ་དཔལ་དགྱེས་པས་བྲིས་པ་སྟེ། དེ་ཡི་རྗེས་སུ་ཡིད་དུ་འོང་བའི་སྤྲིན་གྱིས་ཕྱོགས་ཀུན་ཁེབ་ཅིང་ཆར་རྒྱུན་བབ་པ་སོགས་དགེ་མཚན་དང་བཅས་པའོ། །མངྒ་ལཾ། ༈ དཀར་མངར་དང་བཤོས་གཙང་མར་མེ་བསང་རྣམས་ཀླུ་ལ་འབུལ། ངོ་མཚར་ཨ་ལ་ལ་ཧོ། །མི་དང་ཀླུ་རུ་འཚམས། །བཀྲ་ཤིས་པར་གྱུར་ཅིག །ལོ་ཕྱུགས་རྟག་ཏུ་ལེགས། །མི་ནོར་འཕེལ་ཞིང་དར། །མགོན་དང་སྐྱབས་སུ་མཛོད། །བདག་གི་བཀའ་ལ་ཉོན། །མཐུ་ཆེན་དབང་དང་ལྡན། །ཕོ་བྲང་བཞུགས་ཡུལ་ནི། །གཡུའི་ནེའུ་གསེང་མ་ལ། །ཤེལ་གྱི་ཁུ་འཕང་འདྲིལ། །ཀླུ་རྒྱལ་འཁོར་བཅས་ལ། །བདག་དང་རྒྱུ་འབྱོར་འཁོར་བཅས་ཀྱིས། །གནོད་པ་ཅི་བགྱིས་མཐོལ་ཞིང་བཤགས། །རྩི་དང་སྨན་གྱིས་གསོས། །དག་ཚངས་ཁྲུས་

― MR07_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བཀྲུས། །མཐུན་པའི་སྨན་རྣམས་སྦྱར། །གུས་པས་མཆོད་པ་འབུལ། །ཐུགས་རྗེས་དགོངས་ལ་བཞེས་སུ་གསོལ། །ཞེས་ཀླུའི་སྤང་སྐོང་ལས་གསུངས་པའོ། །མངྒ་ལཾ། ། ༈ བླ་མ་དགོངས་འདུས་ལས་སྒྲུབ་མཐར་གཏེར་སྦ་བ། རིན་པོ་ཆེའམ་མ་རྙེད་ན་གང་བྱུང་བུམ་པར། བཀྲ་ཤིས་རྫས་དང་ཅི་འདོད་གསོལ་ཚིག་གཏོར་མ་སོགས་དངོས་གྲུབ་ཀྱི་རྫས་དང་། གཞན་ཡང་དར་སྣ་ཟས་སྣ་འབྲུ་སྣ་རིན་པོ་ཆེ་སོགས་ཀྱིས་བཀང་། དཀྱིལ་འཁོར་འོག་གམ་དེ་ལས་གཞན་མཛོད་ཕུག་སོགས་སུ་ཚགས་དམ་པོར་གཏེར་སྦ་བཀྲ་ཤིས་པའི་ཚིགས་བཅད་སྣ་ཚོགས་དང་སྨོན་ལམ་བཏོན། ཨོཾ་བྷྲཱུྃ། ལྷ་མིའི་སྐྱོབ་པ་སངས་རྒྱས་བཅོམ་ལྡན་འདས། །བདག་དང་འགྲོ་ལ་ཐུགས་རྗེས་བརྩེར་དགོངས་ཤིང་། །ཉེ་བར་བཟུང་ཕྱིར་ས་འདི་ཁ་ཕྱེས་མཛོད། །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །རྣལ་འབྱོར་བདག་ཅག་མཆེད་ལྕམ་ཐམས་ཅད་ཀྱིས། །སྣ་ཚོགས་འདོད་ཡོན་ལོངས་སྤྱོད་གཏེར་སྦས་པས། །ནམ་ཞིག་འདུས་བྱས་སྐྱེ་འཆི་འབྱུང་བའི་ཚེ། །ལྷག་བསམ་དག་པས་སྒྲུབ་གཏེར་འདི་ཉིད་ལ། །བརྟེན་ནས་མི་ཟད་གཏེར་གྱིས་མདུན་བསུས་ཤིང་། །མཆོག་དང་ཐུན་མོངས་དངོས་གྲུབ་ལ་སོགས་པ། །

― MR07_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་ལོངས་སྤྱོད་རྣམས་ལ་སྤྱོད་པར་ཤོག །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །བླ་མ་དམ་པ་རྣམས་ཀྱི་གཏེར་སྦས་པས། །ནམ་ཞིག་མི་རྟག་སྐྱེ་འཆི་བྱུང་དུས་དེར། །མི་ཟད་རིན་ཆེན་གཏེར་གྱིས་མདུན་བསུས་ཤིང་། །འདོད་ཡོན་ལོངས་སྤྱོད་རྣམས་དང་འཕྲད་པར་ཤོག །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །ཡི་དམ་ལྷ་ཚོགས་རྣམས་ཀྱི་གཏེར་སྦས་པས། །ནམ་ཞིག་མི་རྟག་སྐྱེ་འཆིའི་དུས་བྱུང་ཚེ། །མི་ཟད་རིན་ཆེན་གཏེར་གྱིས་མདུན་བསུས་ཤིང་། །འདོད་ཡོན་ལོངས་སྤྱོད་རྣམས་དང་འཕྲད་པར་ཤོག །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །མ་མོ་མཁའ་འགྲོ་རྣམས་ཀྱི་གཏེར་སྦས་པས། །ནམ་ཞིག་མི་རྟག་སྐྱེ་འཆི་བྱུང་དུས་དེར། །མི་ཟད་རིན་ཆེན་གཏེར་གྱིས་མདུན་བསུས་ཤིང་། །འདོད་ཡོན་ལོངས་སྤྱོད་རྣམས་དང་འཕྲད་པར་ཤོག །བཀྲ་ཤིས་ས་ཡི་ལྷ་མོའི་མཁའ་དབྱིངས་སུ། །དམ་ཅན་ཆོས་སྐྱོང་རྣམས་ཀྱི་གཏེར་སྦས་པས། །ནམ་ཞིག་མི་རྟག་སྐྱེ་འཆི་བྱུང་དུས་དེར། །མི་ཟད་རིན་ཆེན་གཏེར་གྱིས་མདུན་བསུས་ཤིང་། །

― MR07_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་ལོངས་སྤྱོད་རྣམས་དང་འཕྲད་པར་ཤོག །རྡོ་རྗེ་སློབ་དཔོན་ཐུགས་ཀྱི་གཏེར་སྦས་པས། །སྒྲུབ་པའི་ཡང་སྙིང་མཛོད་དང་འཕྲད་པར་ཤོག །མཆེད་དང་ལྕམ་དྲལ་རྣམས་ཀྱི་གཏེར་སྦས་པས། །མིང་སྲིང་མི་འབྲལ་འགྲོགས་ཤིང་རབ་མཐུན་ནས། །ཚོམ་བུ་གཅིག་གི་ངང་དུ་གྲོལ་བར་ཤོག །དེར་ཡང་ཐུགས་རྗེས་འགྲོ་ཀུན་སྒྲོལ་བར་ཤོག །ཞེས་སོ། །སྒྲུབ་པ་ཆེན་པོའི་ལས་མཐའ་གཏེར་སྦ་བ་ལ། སྒྲུབ་གཏོར་སོགས་དངོས་གྲུབ་ཀྱི་རྫས་རིན་ཆེན་དང་སྨན་སྣ་སོགས་སར་སྦས་ཏེ་སྨོན་ལམ་བཏབ་པར་གསུང་པ་ལས་བསྐྱེད་བཟླས་སོགས་མ་གསུང་པས་སྤྱིར་དེ་ཙམ་གྱིས་ཆོག་ལ། རྒྱས་སྤྲོས་བྱེད་ན་བུམ་པར་དངོས་གྲུབ་ཀྱི་རྫས་དང་། ལྔ་ཚན་ལྔའི་ཁྲོལ་བུ་སོགས་བཀྲ་ཤིས་པའི་རྫས་ཅི་འབྱོར་བསགས། ས་བོན་འབྲུ་ལྔ་དང་། འདོད་གསོལ་སྔགས་སོགས་ཀྱང་བཅུག་ན་ལེགས། །བྷྲཱུྃ་ལས་རིན་ཆེན་འདོད་འབྱུང་གི་བུམ་པར་རྫས་རྣམས་རིགས་ལྔའི་ས་བོན་དཔའ་བོ་འབྲུ་ལྔ་ལས་ཕྱོགས་བཅུ་དུས་གསུམ་གྱི་འདས་མ་འདས་ཀྱི་དཔལ་ཡོན་བཀྲ་ཤིས་བདེ་ལེགས་

― MR07_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་བརྫུས་ཏེ་རིན་པོ་ཆེའི་རྣམ་པར་དེར་གནས་པ། གཏེར་གྱི་བུམ་པ་འདོད་དགུའི་འབྱུང་གནས་ནམ་ཡང་མི་ཟད་པའི་ཡེ་ཤེས་རིན་པོ་ཆེའི་དབྱིག་ཏུ་བསམ་ལ། ཨོཾ་ཧཱུྃ་ཏྲཱཾ་ཧྲཱིཿཨཱཿཞེས་ཇི་མང་བཟླས་པས་བྱིན་གྱིས་རློབ་པའོ། །དེ་ནས་ས་ནང་དུ་སྦས་ལ། འབྲུའི་མེ་ཏོག་འཐོར་ཞིང་། བྷྲཱུྃ། ས་ཡི་ལྷ་མོའི་མཁའ་དབྱིངས་སུ། །སྒྲུབ་པ་ལས་ཀྱི་གཏེར་སྦེད་དོ། །དུས་གསུམ་རྒྱལ་བའི་ཐུགས་ཆུད་པའི། །དངོས་གྲུབ་མཆོག་གི་སྙིང་པོ་ནི། །ཟད་པའི་དུས་མེད་ཡིད་བཞིན་མཛོད། །འཕེལ་འགྲིབ་མེད་པར་འབྱུང་བ་སྟེ། །བདེ་ཆེན་བྱང་ཆུབ་སེམས་ཀྱི་གཏེར། །གཏེར་འདི་ཆོས་ཀྱི་དབྱིངས་སུ་སྦ། །གཏེར་ཆེན་འདི་ཡི་བྱིན་བས་ཀྱིས། །མཁའ་ཁྱབ་སེམས་ཅན་ཐམས་ཅད་ལ། །འདོད་དགུ་ལྷུན་གྱིས་གྲུབ་པར་ཤོག །རིན་ཆེན་བུམ་པ་འདོད་དགུའི་གནས། །ནང་ན་འཁོར་འདས་དྭངས་བཅུད་འཁྱིལ། །རིགས་མཆོག་ལྔ་ཡི་གཏེར་སྦས་པས། །ཡེ་ཤེས་ལྔ་དང་ལྡན་པར་ཤོག །སྙིང་པོ་ལྔ་ཡི་གཏེར་སྦས་པས། །འགྲོ་ཀུན་ཟག་མེད་སྙིང་པོར་ལྡན། །སྐུ་ལྔ་ལྷུན་གྱིས་གྲུབ་པར་ཤོག །རཏྣ་ལྔ་ཡི་གཏེར་སྦས་པས། །རིན་ཆེན་གཏེར་ལ་ལོངས་སྤྱོད་ཅིང་། །མཚོན་གྱི་བསྐལ་པ་རྒྱུན་ཆད་ཤོག །དྲི་སྣ་ལྔ་ཡི་གཏེར་སྦས་པས། །འགྲོ་ཀུན་དབང་པོ་

― MR07_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཏུ་གསལ། །རྒུད་པའི་སྐལ་བ་རྒྱུན་ཆད་ཤོག །སྨན་སྣ་ལྔ་ཡི་གཏེར་སྦས་པས། །འགྲོ་ཀུན་བདེ་ཞིང་ལང་ཚོར་ལྡན། །ནད་ཀྱི་སྐལ་པ་རྒྱུན་ཆད་ཤོག །འབྲུ་སྣ་ལྔ་ཡི་གཏེར་སྦས་པས། །བཟའ་བཏུང་འབྱོར་པ་ཕུན་སུམ་ཚོགས། །མུ་གེའི་བསྐལ་པ་རྒྱུན་ཆད་ཤོག །དར་སྣ་ལྔ་ཡི་གཏེར་སྦས་པས། །འགྲོ་ཀུན་བཀྲག་མདངས་གཟི་བརྗིད་འཕེལ། །ཀུན་གྱིས་ཡིད་དུ་འོང་བར་ཤོག །དམ་རྫས་གཏོར་མའི་གཏེར་སྦས་པས། །རིག་འཛིན་སྒྲུབ་པོ་རྒྱུན་མི་ཆད། །མི་ཟད་གཏེར་དང་ལྡན་པར་ཤོག །དམ་རྫས་སྣ་ཚོགས་གཏེར་སྦས་པས། །སྣ་ཚོགས་གང་དང་གང་འདོད་པའི། །མཆོག་ཐུན་དངོས་གྲུབ་ཐོབ་པར་ཤོག །བཀྲ་ཤིས་རྫས་ཀྱིས་གཏེར་སྦས་པས། །ཕྱོགས་དུས་ཀུན་དུ་བཀྲ་ཤིས་ཤིང་། །སྐལ་བཟང་བདེ་ལེགས་འཕེལ་བར་ཤོག །མཁའ་ལ་ཡེ་ཤེས་ཆོས་གཏེར་དང་། །ས་ལ་རིན་ཆེན་ནོར་གཏེར་ལྡན། །སྐྱེ་དགུར་དཔལ་འབྱོར་གཏེར་འཕེལ་ནས། །སྣོད་བཅུད་བཀྲ་ཤིས་དཔལ་ལྡན་ཤོག །བདག་དང་སེམས་ཅན་ཐམས་ཅད་ཀྱི། །ཚེ་དང་བསོད་ནམས་དཔལ་འབྱོར་ལྡན། །གོང་ནས་གོང་འཕེལ་མཁའ་མཉམ་རྒྱས། །འཛད་མེད་

― MR07_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་ལ་སྤྱོད་པར་ཤོག །བདག་གི་ཡིད་ལ་གང་བསམ་པ། །གེགས་མེད་ཡིད་བཞིན་འགྲུབ་པ་དང་། །ཀུན་ཏུ་བཟང་པོའི་སྨོན་ལམ་གྱིས། །འགྲོ་ཀུན་བདེ་ལ་འགོད་པར་ཤོག །བསམ་པ་ཐམས་ཅད་དགེ་བ་དང་། །སྦྱོར་བ་ཐམས་ཅད་མཐའ་རུ་ཕྱིན། །དངོས་གྲུབ་ཐམས་ཅད་ཡིད་བཞིན་ཐོབ། །ཕྲིན་ལས་ཐམས་ཅད་ལྷུན་གྲུབ་ཤོག །ས་དང་བར་སྣང་ནམ་མཁའི་ཁྱོན། །དཔལ་དང་བདེ་དང་འབྱོར་བས་གང་། །ནམ་མཁའི་གཏེར་མཛོད་མི་ཟད་པས། །སྲིད་པ་ཇི་སྲིད་སྐྱོང་བར་ཤོག །སངས་རྒྱས་བསྟན་པ་དར༴ སོགས་ཚིགས་བཅད་བརྗོད། གཞན་ཡང་གལྤོ་དང་དགོངས་འདུས་ཀྱི་གཏེར་སྦ་བའི་སྨོན་ལམ་ཀྱང་བཏབ། ཡེ་དྷར་ཅི་མང་བཟླ་ཞིང་སྦས་ནས་རིགས་ལྔ་སོགས་ཀྱི་བཀྲ་ཤིས་ཀྱི་ཚིགས་བཅད་སྣ་ཚོགས་བརྗོད་པར་བྱའོ། །མེ་བྱ་ཟླ་བ་གཉིས་གཉིས་པའི་ཚེས་བཅུ་གསུམ་ལ་འཆི་མེད་མཆོག་གྲུབ་གླིང་དུ་འཇམ་དཔལ་དགྱེས་པས་སླད་ནས་རང་གི་སྒྲུབ་རྫས་དངོས་གྲུབ་ཀྱི་དབྱིག་ཏུ་སྦ་སྙམ་པས་འདི་ལྟར་བྲིས་པ་དགེ་ལེགས་འཕེལ་ལོ། ། ༈ བདུད་རྩིའི་རྒྱུད་ལས། ཤིང་གི་ལྷ་མོ་འོད་འཆང་མ། །བཛྲ་ལ་སྱེའི་སྤྲུལ་པ་སྟེ། །སྐུ་མདོག་དཀར་ལ་འོད་ཟེར་འབར། །ཕྱག་ན་ཤིང་གི་བུམ་པ་བསྣམས། །ཤིང་ཐོག་

― MR07_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱི་སྲུང་མ་སྟེ། །ཤིང་གི་ལྷ་མོར་ཕྱག་འཚལ་ལོ། །སྨན་གྱི་ལྷ་མོ་ནོར་གྱི་རྒྱུན། །བཛྲ་མཱ་ལེའི་སྤྲུལ་པ་སྟེ། །སྐུ་མདོག་སྔོ་བསང་འོད་ཟེར་འབར། །ཕྱག་ན་གཏེར་གྱི་བུམ་པ་བསྣམས། །སྨན་དང་གཏེར་གྱི་སྲུང་མ་སྟེ། །སྨན་གྱི་ལྷ་མོར་ཕྱག་འཚལ་ལོ། །རྩི་ཡི་ལྷ་མོ་བློ་གྲོས་མ། །བཛྲ་གཱིརྟིའི་སྤྲུལ་པ་སྟེ། །སྐུ་མདོག་དམར་གསལ་འོད་ཟེར་འབར། །ཕྱག་ན་བདུད་རྩིའི་བུམ་པ་བསྣམས། །རྩི་དང་སྨན་གྱི་སྲུང་མ་སྟེ། །རྩི་ཡི་ལྷ་མོར་ཕྱག་འཚལ་ལོ། །ནགས་ཀྱི་ལྷ་མོ་རྨ་བྱའི་མགྲིན། །བཛྲ་ནཱིརྟི་སྤྲུལ་པ་སྟེ། །སྐུ་མདོག་ལྗང་སེར་འོད་ཟེར་འབར། །ཕྱག་ན་དྲི་སྤོས་རྨ་བྱ་བསྣམས། །དྲི་སྤོས་ཀུན་གྱི་སྲུང་མ་སྟེ། །ནགས་ཀྱི་ལྷ་མོར་ཕྱག་འཚལ་ལོ། །ཞེས་སོ། ༈ །སྒྲུབ་ཆེན་མཐར་གཏེར་སྦ་བའི་ཚེ་དུས་གསུམ་འདུ་འབྲལ་མེད་པའི་སྨོན་ལམ་གདབ་སྟེ། ཧེ་རུ་ཀ་གལྤོ་ལས། ཧཱུྃ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །སྐུ་མཆོག་བྱང་ཆུབ་སེམས་སུ་རབ་ཞུགས་པ། །སྣང་སྲིད་ཐམས་ཅད་མི་རྟག་དུས་བྱུང་ཚེ། །ཟད་མེད་མི་ཟད་གཏེར་གྱིས་མདུན་ནས་བསུ། །སྐྱེ་ཤི་མེད་པའི་ཚེ་དང་ཕྲད་པར་ཤོག །དུག་གསུམ་སྐུ་གསུང་ཐུགས་སུ་གཏེར་

― MR07_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

སྦས་པས། །དུག་གསུམ་རྣམ་པར་དག་པས་སྐུ་གསུམ་དང་། །སྐུ་གསུམ་འགྱུར་བ་མེད་པ་ཐིག་ལེའི་གཏེར། །རྫོགས་པ་ཆེན་པོ་ཐིག་ལེ་བདེ་ཆེན་ཀློང་། །ཐིག་ལེ་བདེ་ཆེན་གློང་དུ་གཏེར་སྦས་པས། །སྣང་སྲིད་ཐམས་ཅད་བདེ་ཆེན་ས་ལ་བཀོད། །ལམ་གྱི་ནང་ན་ཉེ་ལམ་བདེར་ཚོགས་པ། །ཐབས་ཀྱི་ནང་ན་མ་ནོར་དམ་པའོ། །ཟག་མེད་བྱང་ཆུབ་སེམས་ཀྱི་གཏེར་སྦས་པས། །དུས་གསུམ་སངས་རྒྱས་སེམས་ཅན་གཉིས་མེད་དེ། །མི་ཟད་གཏེར་གྱི་དངོས་གྲུབ་ཐོབ་པར་འགྱུར། །ཞེས་སོ། །མདོ་པད་དཀར་གླིང་གཞིར་འཇམ་དཔལ་བྱང་སེམས་འོད་མཆོག་ཏུ་གྱུར་པས་ཆོས་བཟུང་ཚུལ་མང་ཙམ་ཡོད། རྟོགས་བརྗོད་ཐེལ་ལམ་ལྟ་དགོས་སོ། ༈ །གནས་བདག་མཆོད་ཐབས་བཞུགས་སོ། ཧཱུྃ། རིག་འཛིན་རྡོ་རྗེ་གྲོ་ལོད་ཀྱིས། །བྱིན་རླབས་སྟག་ཚང་བསམ་འགྲུབ་འདིའི། །གནས་བདག་ཀླུ་སྨན་མཆེད་ལྔ་སོགས། །དགྱེས་ཤིང་བརྩེ་བས་ད་ཚུར་བྱོན། །དབུས་ཕྱོགས་ཆུ་བོ་རིར་གནས་པ། །ཀླུ་སྨན་དཀར་མོ་འཁོར་བཅས་ལ། །བདུད་རྩི་བསང་

― MR07_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

གི་མཆོད་པ་འབུལ། །བ་ལིང་གཏོར་མའི་མཆོད་པ་འབུལ། །གཙང་མ་ཕུད་ཀྱི་མཆོད་པ་འབུལ། །སྣ་ཚོགས་མཐུན་རྫས་མཆོད་པ་འབུལ། །རྣལ་འབྱོར་བསམ་པ་བསྒྲུབ་ཏུ་གསོལ། །ཤར་ཕྱོགས་གོ་ཏྲར་གནས་བཅས་པ། ཀླུ་སྨན་སྔོན་མོ་འཁོར་བཅས་ལ། བདུད་རྩི་བསང་གི་སོགས་གོང་བཞིན་འགྲེའོ། །ལྷོ་ཕྱོགས་འབྲུག་མགོའི་གནས་བདག་ནི། ཀླུ་སྨན་སེར་མོ་འཁོར་བཅས་ལ། བདུད་རྩི་བསང་གི་སོགས། ནུབ་ཕྱོགས་སེང་མཚོའི་གནས་བདག་ནི། ཀླུ་སྨན་དམར་མོ་འཁོར་བཅས་ལ། །བདུད་རྩི་བསང་གི་སོགས། བྱང་ཕྱོགས་གོ་ཚང་བྲག་གི་གནས་བདག་ནི། ཀླུ་སྨན་ལྗང་མོ་འཁོར་བཅས་ལ། བདུད་རྩི་བསང་གི་སོགས། གཞན་ཡང་ཡུལ་ཕྱོགས་འདིར་གནས་པའི། །ལྷ་ཀླུ་གཉན་དང་ས་བདག་སོགས། །གནས་བདག་གཞི་བདག་ཐམས་ཅད་ལ། །བདུད་རྩི་བསང་གི་སོགས། རིག་འཛིན་པདྨའི་ཡང་འཁོར་གྱི། །ཀླུ་སྨན་ཆུ་བདག་མཆེད་ལྔ་པོ། །སྔོན་གྱི་ཞལ་བཞེས་ཇི་བཞིན་དུ། །གནས་འདིར་སྒྲུབ་པའི་རྣལ་འབྱོར་ལ། །རྩེ་ཞིང་གདུང་བའི་གྲོགས་མཛོད་ཅིག །འབྱུང་བའི་

― MR07_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་པ་ཞི་བ་དང་། །སྣོད་བཅུད་བཀྲག་མདངས་འབྱོར་བ་སྤེལ། །ཀླུ་གཡང་ཟས་ནོར་བདེ་སྐྱིད་དཔལ། །མ་ལུས་བདག་ལ་མྱུར་དུ་སྩོལ། །དགྱེས་པའི་ཞལ་སྟོན་ལེགས་ཉེས་སྨྲོས། །གནས་འདིར་ཟབ་མོ་སྒྲུབ་པའི་སྡེ། །འཕེལ་ཞིང་རྒྱས་ལ་བསྟན་འགྲོའི་དོན། །རླབས་ཆེན་འགྲུབ་པའི་རྟེན་འབྲེལ་སྒྲིགས། །བཅོལ་པའི་ཕྲིན་ལས་འགྲུབ་པར་མཛོད། །སྣང་གསལ་པྲ་ཡི་མེ་ལོང་ལས། །ཆེད་དུ་བསམ་དང་རྩོལ་མེད་ཀྱང་། །གནས་ཀྱི་བདག་པོ་མཆེད་ལྔ་ཡི། །རང་ཞལ་ངོམས་ནས་ངེད་ལྔ་པོ། །མཆོད་དང་གྲོགས་ལྡན་བགྱིད་ཅེས་སུ། །བསྒྲགས་ཚེ་ཟླ་ཀླུང་སྨྱོན་པ་ཡིས། །ཟླ་༡ཚེས་༡༨དགེ་བར་སྤེལ་ལེགས་སོ། །ཕུད་དང་གཏོར་མ་བསང་གང་རུང་རེས། །མཆོད་ན་དེ་དེའི་མཆོད་ཚིག་ཁོ་ནས་ཆོག་གོ །མངྒ་ལཾ། །

བསང་བསྡུས།

― MR07_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

བསང་བསྡུས་ནི། ཧོ། །བསང་མཆོད་ཀུན་བཟང་མཆོད་པའི་སྤྲིན་ཆེན་པོས། །བླ་མ་ཡི་དམ་སངས་རྒྱས་བྱང་སེམས་བསང་། །དཔའ་བོ་མཁའ་འགྲོ་ཆོས་སྐྱོང་ནོར་ལྷ་བསང་། །དགྲ་བླ་ཝེར་མ་གནས་གཞི་གཏེར་བདག་བསང་། །འགོ་བའི་ལྷ་མགོན་གཉན་པོ་ཐམས་ཅད་བསང་། ཚིག་རྐང་འདི་ལྷ་གང་འདོད་ལ་ཁ་སྒྱུར་ཀྱང་ཆོག །ཞེས་བཟླ། ཤིང་སྦྲུལ་ཟླ་༧ཚེས་༤ལ་ཁྲ་འགུའི་རི་ཁྲོད་དུ་མི་ཕམ་པས་བཀོད་པ་དགེའོ། །ཕྱི་སྣོད་ནང་བཅུད་དག་པ་ཆེན་པོར་བསང་། །འདོད་ཡོན་མི་ཟད་ནམ་མཁའ་མཛོད་ཀྱིས་མཆོད། །གེགས་ཞི་བསམ་དོན་ལྷུན་གྲུབ་བཀྲ་ཤིས་ཤོག །ཨོཾ་ཨཱཿཧཱུྃ། །ཧཱུྃ། སྣང་སྟོང་རྣམ་དག་བདུད་རྩིའི་བསང་མཆོད་འདིས། །རྣམ་རྟོག་ལས་བྱུང་གྲིབ་དང་མི་གཙང་ཀུན། །དག་གསལ་རྙོགས་མེད་ཆོས་སྐུ་ཆེན་པོའི་ངང་། །བསང་ངོ་ཀུན་བཟང་སྒྲིབ་མེད་ཀློང་དུ་ཨཱཿམནོལ་བསང་བསྡུས་པ་ཤིང་འབྲུག་ཟླ་༡༡ཚེས་༦ལ་དྷཱིས་སོ། །ཧཱུྃ། མཆོག་གསུམ་རྩ་གསུམ་སྔགས་དང་ཕྱག་བརྒྱའི་མཐུས། །བརྟན་གཡོ་སྲིད་ཞིའི་ཕྱྭ་གཡང་དགེ་མཚན་ཀུན། །འདིར་ཁུག་འདིར་བསྡུས་འཕེལ་རྒྱས་མི་ནུབ་པར། བདེ་སྐྱིད་བཀྲ་ཤིས་ལེགས་ཚོགས་དཔལ་འབར་ཤོག །ཤིང་འབྲུག་ཟླ༡༠ཚེས་༦ལ་དྷཱིས་སོ། དགེའོ། །

གཏོ་སྒྲོམ་འབུམ་ཏིག་གི་དགོངས་དོན་ལག་ལེན་ཁྱེར་བདེར་བཀོད་པའི་གཏོ་ཡི་ཆོ་ག་བཀྲ་ཤིས་འདོད་འཇོ།

― MR07_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོ་སྒྲོམ་འབུམ་ཏིག་གི་དགོངས་དོན་ལག་ལེན་ཁྱེར་བདེར་བཀོད་པའི་གཏོ་ཡི་ཆོ་ག་བཀྲ་ཤིས་འདོད་འཇོ་ཞེས་བྱ་བ་བཞུགས་སོ།། །།

― MR07_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་མཆོག་དང་འཇམ་པའི་དབྱངས། །སྲས་བཅས་རྒྱལ་ལ་གུས་བཏུད་ནས། །གཞན་ལ་ཕན་པར་བྱེད་པ་ཡི། །གཏོ་ཡི་ལག་ལེན་ཅི་རིགས་འགོད། །དེ་ལ་གཏོ་ཞེས་པ་ཉེས་པ་ལེགས་པར་འཆོས་པའི་ཐབས་རྣམས་ཀྱི་མིང་ཡིན་ལ། དེ་དག་གི་བྱེ་བྲག་ཚེགས་ཆུང་ལ་དོན་ཆེ་བ་རྣམས་ནི་གཏོ་ཡི་མན་ངག་དང་མཁྱུད་སྤྱད་དུ་ཡང་གྲགས་སོ། །གཏོ་དེ་ལ་དཀར་ནག་ཁྲ་གསུམ་སོགས་ཀྱི་དབྱེ་བ་དང་། གཏོ་ཐབས་སུམ་བརྒྱ་དྲུག་ཅུ་སོགས་རྣམ་གྲངས་མཐའ་ཡས་པ་ཡོད་ཅིང་། དོན་བསྡུས་ན། ཕན་བྱེད་ཀྱི་གཏོ་དང་གནོད་བྱེད་ཀྱི་གཏོ་གཉིས་སུ་འདུ་ལ། དེ་དག་གི་བྱེ་བྲག་ཚད་ལས་འདས་པ་ཡོད་ཀྱང་། འདིར་ནི་རྒྱལ་བ་ཐམས་ཅད་ཀྱི་མཁྱེན་རབ་ཀྱི་མངའ་བདག་འཕགས་པ་འཇམ་དཔལ་ཉིད་ལ། ལྷ་ཚངས་པ་ཆེན་

― MR07_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སོགས་འདུས་པའི་འཁོར་རྣམས་ཀྱིས་ཞུས་པའི་གཏོ་སྒྲོམ་འབུམ་ཏིག་ལས། ཕན་བྱེད་ཀྱི་གཏོ་སྨན་གྱི་ནགས་ཚལ་ལྟ་བུའི་སྐོར་དང་། གནོད་བྱེད་ཀྱི་གཏོ་དུག་གི་སྡོང་པོ་ལྟ་བུའི་སྐོར་ཚོ་གཉིས་བསྟན་པ་ལས། སྔ་མའི་སྐོར་ཚོ་རྣམས་ལག་ལེན་དུ་འདེབས་ཚུལ་མདོར་བསྡུས་བཀོད་པ་ལ། སྔོན་འགྲོ། དངོས་གཞི། རྗེས་དང་གསུམ་གྱི་དང་པོ་ལ། བདག་ལྷར་བསྐྱེད་པ་དང་། མཆོད་སྦྱིན་གྱི་གཏོར་མ་གཏོང་བ་ཙམ་ལས་གང་བྱེད་ཀྱང་སྔོན་དུ་བཏང་ན་ལེགས་པའི་ཡན་ལག་ཏུ་འགྱུར་བས། ཐོག་མར་གཏོ་གང་བྱེད་ཀྱི་རྫས་རྣམས་ཚོགས་པར་བྱས་ནས། གཞི་གཙང་མར་དཀར་དམར་གྱི་གཏོར་མ་གཉིས་དང་ཉེར་སྤྱོད་བདུན་བཤམས། དེའི་འོག་ཏུ་གླུད་ཞིག་ཀྱང་བཤམས་ལ། བདེ་བའི་སྟན་ལ་འདུག་སྟེ། སྐྱབས་སེམས་ཚད་མེད་བཞི་

― MR07_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་པ་སྔོན་དུ་སོང་ནས། སྭ་བྷཱ་ཝས་སྦྱང་། སྟོང་པའི་ངང་ལས་སྐད་ཅིག་གིས། །མུྃ་ཡིག་ཡོངས་སུ་གྱུར་པ་ལས། །རང་ཉིད་འཕགས་པ་འཇམ་དཔལ་དབྱངས། །དམར་སེར་ཞལ་གཅིག་ཕྱག་གཉིས་པ། །ཕྱག་གཡས་ཡེ་ཤེས་རལ་གྲི་གདེངས། །གཡོན་པས་ཤེར་ཕྱིན་གླེགས་བམ་གྱིས། །མཚན་པའི་ཨུཏྤལ་སྡོང་བུ་འཛིན། །གཞོན་ཚུལ་དར་དང་རིན་ཆེན་བརྒྱན། །པད་ཟླའི་གདན་ལ་སྐྱིལ་ཀྲུང་བཞུགས། །གནས་གསུམ་འབྲུ་གསུམ་ཡི་གེས་མཚན། །འོད་འཕྲོས་རང་འདྲའི་ཡེ་ཤེས་པ། །སྤྱན་དྲངས་གཉིས་སུ་མེད་པར་ཐིམ། །བདེ་གཤེགས་རིགས་ལྔའི་དབང་བསྐུར་ཞིང་། །རིགས་ཀྱི་བདག་པོས་རྒྱས་གདབ་བསམ། །ཐུགས་ཀར་ཟླ་བའི་དཀྱིལ་འཁོར་དབུས། །མུཾ་ཡིག་ཐ་མར་སྔགས་ཀྱིས་བསྐོར། །འོད་འཕྲོས་འཕགས་མཆོད་འགྲོ་ཀུན་གྱི། །སྒྲིབ་སྦྱང་སྣང་སྲིད་ལྷར་གྱུར་ནས། །ཀུན་ཀྱང་སྔགས་ཀྱི་རང་སྒྲ་སྒྲོགས། །གང་འདོད་ལས་རྣམས་འགྲུབ་པར་བསྒོམ། །ཨོཾ་ཝཱ་གཱི་ཤཱ་རི་མུྃཿ ཞེས་པའི་རིག་སྔགས་ཅི་འགྲུབ་དང་། ཨོཾ་ཨཱཿཧཱུྃ་ཨཱརྱ་མཉྫུ་ཤྲཱི་ཝཱ་གཱི་ཤྭ་རི་དྷརྨ་དྷཱ་ཏུ་ཛྙཱ་ན་གརྦྷ་ཨཿཞེས་པ་ཅི་རིགས་བཟླས། མཐར་ཉེར་སྤྱོད་

― MR07_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བྱིན་རླབས་སྤྱི་ལྟར་བྱས་ལ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེར་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨཱརྱ་མཉྫུ་ཤྲི་ས་པ་རི་ཝཱ་ར་ཨརྒྷཾ་སོགས། ཤཔྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། ཞེས་པས་མཆོད། གཞོན་ནུའི་སྐུ་ལུས་སོགས་ཀྱིས་བསྟོད། སྤྲོ་ན་འདུད་ཉི་ཤུ་དང་། མཉམ་མེད་མས་ཀྱང་བསྟོད། མཚན་བརྗོད་ཀྱང་འདོན་པར་བྱས་ལ། རྗེ་བཙུན་འཇམ་པའི་དབྱངས་ཀྱིས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩོལ་བ་དང་། ཁྱད་པར་དུ་ལས་གང་ལ་དམིགས་ནས་བརྩམ་པའི་གཏོ་ཐབས་འདི་དག་གི་འབྲས་བུ་མངོན་སུམ་དུ་གྱུར་ནས་རེ་བ་ཡོངས་སུ་རྫོགས་པར་མཛད་དུ་གསོལ། ཞེས་འདོད་དོན་ལ་གསོལ་བ་བཏབ། དེ་ནས་དཀར་གཏོར་གཙང་མ་དཀར་གསུམ་མངར་གསུམ་སོགས་ཟས་སྣས་བརྒྱན་པ་འོ་སྐྱེམས་དང་བཅས་པ་དང་དམར་གཏོར་ཤ་ཁྲག་དང་གཟུགས་འགྲོས་ཀྱིས་བརྒྱན་པ་ཇ་ཆང་གི་ཕུད་དང་སྤྲགས་པ་གཉིས་ལ།

― MR07_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

རཾ་ཡཾ་ཁཾ། སྟོང་པའི་ངང་ལས་དཀར་དང་དམར་གྱི་གཏོར་མ་འདི་ཉིད་མགྲོན་སོ་སོའི་ཐུགས་དང་མཐུན་པའི་འདོད་ཡོན་མི་ཟད་པ་ནམ་མཁའ་མཛོད་ཀྱི་འཁོར་ལོ་ཟག་མེད་བདེ་བ་ཆེན་པོའི་གཏེར་དུ་གྱུར། ཨ་ཀཱ་རོས་བརླབས་ནས་འབུལ་བ་ནི། ཀྱེ། རྗེ་བཙུན་འཕགས་པ་འཇམ་དཔལ་དབྱངས། །ཚངས་པ་འཇོག་པོ་རྣམ་རྒྱལ་མ། །ཀོང་ཚེ་འཕྲུལ་རྒྱལ་ལ་སོགས་པའི། །གཙུག་ལག་བརྒྱུད་པའི་བླ་མ་དང་། །ཡི་དམ་སངས་རྒྱས་བྱང་སེམས་ཚོགས། །གནས་གསུམ་དཔའ་བོ་མཁའ་འགྲོ་མ། །དམ་ཅན་ཆོས་སྐྱོང་སྲུང་མར་བཅས། །ལོ་ཟླ་ཞག་དུས་སྤར་སྨེ་དང་། །གཟའ་སྐར་འབྱུང་ལྔའི་གཙུག་ལག་ལྷ། །མ་ལུས་འཁོར་དང་བཅས་པ་དང་། །འགོ་བའི་ལྷ་མགོན་གཉེན་པོའི་ཚོགས། །ཡུལ་རིས་ཟོ་དོར་བཅས་པ་ཡིས། །དཀར་གཏོར་བཟང་དགུས་བརྒྱན་པ་དང་། །བདུད་རྩི་འོ་སྐྱེམས་འདི་བཞེས་ལ། །བདག་གི་ཡིད་ལ་གང་འདོད་པའི། །ལས་ཀྱི་འབྲས་བུ་མཆིས་པར་མཛོད། །ཅེས་པས་ཕུལ། དམར་གཏོར་ལ་དམིགས་ཏེ། ཀྱེ། མཁའ་མཉམ་དྲག་པོའི་ཞིང་ཁམས་ནས། །ཆོས་ཉིད་ཞི་ལས་མ་གཡོས་ཀྱང་། །གདུག་པ་འདུལ་མཛད་དྲག་པོའི་ཚུལ། །ཁྲོ་བོ་ཁྲོ་

― MR07_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་ཚོགས་རྣམས་དང་། །རྒྱལ་བ་སྲས་དང་བཅས་པ་ཡི། །བཀའ་དང་དམ་ཚིག་ལ་གནས་པ། །སྣང་སྲིད་དྲེག་པ་མཐུ་བོ་ཆེ། །གནམ་ས་བར་སྣང་ལ་རྒྱུ་ཞིང་། །ལེགས་ཉེས་སྟངས་འཛིན་དམ་ཚིག་གི །རྗེས་གཅོད་འགལ་བྱེད་ཆོམས་ལ་འབེབས། །དཔལ་མགོན་དྲེགས་པ་སྡེ་བརྒྱད་ཚོགས། །འཁོར་དང་བཅས་པ་ཐམས་ཅད་ཀྱིས། །ཇ་ཆང་ཕུད་ཀྱི་མཆོད་པ་དང་། །དམར་གཏོར་མཐུན་རྫས་འདི་བཞེས་ལ། །བདག་གིས་ཇི་ལྟར་བརྩམ་པ་ཡི། །ལས་ཀྱི་འབྲས་བུ་མཆིས་པར་མཛོད། །ཅེས་པས་ཕུལ། སྐབས་འདིར་གཏོར་མ་གཏང་ངམ་དེར་བཞག །གླུད་གཟུགས་ལ་ཆང་བུ་དང་། །ཏིང་ལོ་ཤ་ཁྲག་སྒོག་ཙོང་སོགས་ཟས་སྣ་དང་རས་སྣ་སོགས་གླུད་ཆས་གང་འབྱོར་བས་བརྒྱན་པ་ལ་དམིགས་ཏེ། རཾ་ཡཾ་ཁཾ། སྟོང་པའི་ངང་ལས་གླུད་གཏོར་འདོད་པའི་ཡོན་ཏན་རྣམ་པ་ཐམས་ཅད་པར་འཆར་བ་ནམ་མཁའ་མཛོད་ཀྱི་རང་བཞིན་དུ་གྱུར། སམ་བྷཾ་ར་དང་། མཚན་བཞི་བརྗོད་ལ། ཀྱེ། རྒྱུ་སྦྱོར་ཡོན་གྱི་བདག་པོ་འདིར། །སྔོན་གྱི་ལན་ཆགས་ཡོད་པ་དང་། །འཕྲལ་གྱི་རྐྱེན་བགེགས་བྱེད་པ་ཡི། །གནོད་བྱེད་གདོན་བགེགས་འབྱུང་པོ་དང་། །རིགས་དྲུག་སེམས་ཅན་ཐམས་ཅད་ལ། །གླུད་གཏོར་

― MR07_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཡོན་ཀུན་ལྡན་འདི། །བསྔོས་པ་བཞིན་དུ་ཐོབ་གྱུར་ཅིག །དགའ་མགུ་ཡི་རངས་ཚིམ་གྱུར་ནས། །བུ་ལོན་ལན་ཆགས་བྱང་བ་དང་། །ཤ་འཁོན་སྡིག་སྒྲིབ་དག་གྱུར་ཅིག །གནོད་ཅིང་འཚེ་བའི་གདོན་རྣམས་ཀྱིས། །བཟུངས་པ་ཐོངས་ལ་བཅིངས་པ་ཁྲོལ། །བསྡམས་པ་གློད་ལ་མནན་པ་ཐེག །ཕྱིན་ཆད་གནོད་འཚེ་མི་བྱེད་པར། །ཞི་ཞིང་བྱམས་པའི་སེམས་ཀྱིས་སུ། །རང་རང་སོ་སོའི་གནས་སུ་དེངས། །ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང་། །དྲན་དང་བཟུང་དང་བསམ་དང་རེག །ལྷོད་དང་ཞི་དང་གྲོལ་བར་མཛོད། །རིགས་དྲུག་སོ་སོའི་ལས་སྣང་གི །སྡུག་བསྔལ་ཐམས་ཅད་བྲལ་གྱུར་ནས། །ཟག་མེད་བདེ་བར་ལོངས་སྤྱོད་ཅིང་། །རྣམ་གྲོལ་ས་ལ་གནས་གྱུར་ཅིག །ཅེས་བྱས་ལ་གླུད་གནོད་པའི་ཕྱོགས་སུ་བོར་བར་བྱའོ། །རྒྱས་པར་ཡི་དམ་གང་རུང་གི་གཞུང་བསྲངས་ལ་ཚོགས་མཆོད་དང་ཆོས་སྐྱོང་རྣམས་ཀྱི་གསོལ་ཁ་བཏང་ནས་འདོད་དོན་ལ་གསོལ་བ་བཏབ། དེ་ཙམ་མ་འགྲུབ་ན་ཡང་། སྡེ་བརྒྱད་གསེར་སྐྱེམས་ཅི་འགྲུབ་བྱའོ། །གཉིས་པ་དངོས་གཞི་གཏོ་ཐབས་ལ། གཞུང་ལས། བསྒྱུར་ཐབས་རྣམས་པ་ལྔའི་གཏོ་ནི། རྒྱལ་མོ་ཁྲོམ་བསྒྱུར། །གླང་ཆེན་སྣ་བསྒྱུར། གྲི་ཁ་མཚོན་བསྒྱུར། འབྱུང་བའི་དལ་བསྒྱུར། །སྲིད་པ་ལྟེ་བསྒྱུར་ལྔ་སོ་སོའི་ནང་གསེས་དང་བཅས་པ་དང་། བསྒྲལ་ཐབས་རྣམ་པ་གསུམ་གྱི་གཏོ་

― MR07_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ཤི་འདྲེ་ལྷས་སྒྲོལ། གཤིན་རྗེ་གྲུ་སྒྲོལ། ས་བདག་འཕྲང་སྒྲོལ་གསུམ་དང་། ཁ་ཆིངས་རྣམ་པ་ལྔའི་གཏོ་ནི། ཕུང་སྲི་ཁ་ཆིངས། ཆུང་སྲི་ཁ་ཆིངས། དམ་སྲི་ཁ་ཆིངས། རྒྱལ་འགོང་ཁ་ཆིངས། ས་བདག་ཁ་ཆིངས་སོ། གདབ་ཐབས་རྣམ་པ་ལྔའི་གཏོ་ནི། བླ་ཕུར་དང་། །སྲོག་ཕུར་དང་། སྲིད་ཕུར། ཚེ་ཕུར། དཔལ་ཕུར་གདབ་པ་ལྔ་དང་། དེའི་ཡན་ལག་གེགས་ཕུར་གདབ་པ་དང་བཅས་པའོ། །བཅད་ཐབས་གསུམ་གྱི་གཏོ་ནི། སྐྱེ་འཕྲོ་དང་། ཤི་རྒབ་དང་། གོད་ཁ་བཅོད་པའོ། །དབྱེ་ཐབས་གསུམ་གྱི་གཏོ་ནི། ཕ་སྤུན་དབྱེ་བ། སྤུན་དང་ཕ་སྤད་དབྱེ་བ་དང་། གཟའ་མི་དབྱེ་བ་གསུམ། འདུན་འགྲོས་ངན་པ་དབྱེ་བ་དང་བཅས་པའོ། །བསྐྱེད་ཐབས་རྣམ་པ་བཞི་ནི། །སྲོག་ལུས་དབང་ཀླུང་བསྐྱེད་པའོ། བཟློག་ཐབས་གསུམ་ནི། འབྱུང་བ་གཡུལ་ཟློག །བྱིས་པ་ཀླུང་ལོག་བཟློག་པ། ཕྱོགས་ངན་བཟློག་པ་གསུམ་མོ། །ཡང་བཟློག་ཐབས་གསུམ་མམ་དྲིལ་ཐབས་རྣམ་པ་གསུམ་ནི། བྱད་ཁ་ཕུར་དྲིལ། མི་ཁ་རྡོག་དྲིལ། ཐུབ་ཆོད་ཀུན་དྲིལ་གསུམ། གེགས་བསྒྱུར་རྣམ་པ་བཞི་ནི། སྲོག་ལུས་དབང་རླུང་ལ་དགྲ་དར་བའི་གེགས་བཟློག་པའི་ཐབས་བཞིའོ། །

― MR07_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིངས་ཐབས་གསུམ་ནི། མི་རྒོད་ཇག་ཆིངས། རྟ་ཆིངས། ཆིངས་གསུམ་གནད་ཀྱི་གདམས་པ་གསུམ་མོ། །ཉེས་པ་གསུམ་བཅོས་པའི་གཏོ་ནི། བག་མ་བླངས་ཉེས་པ། ཁང་པ་བརྩིགས་ཉེས་པ། དུར་གདབ་ཉེས་པ་དང་གསུམ་མོ། །མི་རིགས་བདུན་གྱི་གཏོ་ནི། རྒྱལ་པོ། བནྡེ། བོན་པོ། ཞང་བློན། དམངས། བུད་མེད། བྱིས་པ་བདུན་གྱི་གཏོའོ། །གཞུག་ཐབས་གཉིས་ནི། ས་གཏེར་དང་བར་གཏེར་རོ། །དེ་དག་ལ་ནང་གསེས་ཀྱི་དབྱེ་བ་དང་བཅས་པའི་སྡོམ་གྱི་དོན་ལྟར་དང་། དེར་མ་འདུས་པ། སྐག་བཟློག་དང་། ངན་བཟློག་ནག་པོ། འཆི་བསླུ་སོགས་དང་། ཁ་འཐོར་གྱི་གཏོ་ཕྲན་སྣ་ཚོགས་གསུངས་པ་རྣམས་འདིར་སྡེ་ཚན་གྱི་སྐོར་ཚོ་བཀྲ་ཤིས་རྫས་བརྒྱད་ཀྱི་གྲངས་སུ་སྡེབས་ཏེ་ལག་ལེན་དུ་བྱ་ཚུལ་བསྟན་པར་བྱ་བ་ལ། མི་མཐུན་པ་བཟློག་པའི་སྐོར་ལས། རྒྱའི་ངན་བཟློག་ནག་པོ་ཞེས་བྱ་བ་གཏོ་ཀུན་ཐུབ་རྒྱལ་པོ་ནི། བཟའ་ཚང་ལ་སྐེག་ཆེ་བ་དང་། སྨེ་བ་དམར་ནག་ལ་སྤུངས་པ། སྤར་ཁ་དགྲ་བདུད་ལ་སྤུངས་པ། བན་བོན་དང་འགྲས་པ། མོ་དང་རྨི་ལྟས་ངན་པ་སོགས་ཆག་ཆེ་ཞིང་ཉམ་རླུང་བཟློག་པའི་ཐབས་ནི། གཟའ་སྐར་བཟང་པོའི་དུས་སུ། ཕྱར་ནག་སོགས་གཏོ་གཞི་ནག་པོའི་སྟེང་དུ། རིལ་མ་བརྒྱ་རྩ་བརྒྱད། དེ་བཞིན་

― MR07_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་སྤེན་མ། བོང་བ། སོལ་བ། འཇག་མ་བརྒྱ་རྩ་བརྒྱད་དང་། ངར་མི་བརྒྱ་རྩ་བརྒྱད་ཚང་བར་བྱས་ལ། རིལ་མ་སྤེན་མ་སོལ་བ་བོང་བ་འཇག་མ་དང་ངར་མི་རེ་རེ་བཅས་ལྷན་ཅིག་སྣོད་དུ་བཤམས་པ་ཉིད། རེ་རེ་ལ་སྔགས་འདི་རེ་རེ་བརྗོད་དེ། ཆུ་ཆེན་འབབ་པའི་ནང་དུ་བསྒྱུར་བའམ། དེ་ལྟར་མ་གྲུབ་ན་ཟངས་ཆུས་བཀང་བའི་སྣོད་དུ་བསྒྱུར་ནས། མཐར་ཐམས་ཅད་ཚང་བའི་རྗེས་སུ་ཆུ་ཆེན་པོར་དོར་བར་བྱའོ། །དེ་ལ་སྔགས་ནི། ཨོཾ་ཕྲི་ཧྲི་ཙི་ཧྲི། ཉི་མ་བྷནྡྷ་ནི། ཏྲ་དུ་ནི། གཏུམ་ནི། ཏིསྟྲ་ཡ་ས་པཱ་ར་ཎི་ཛ་ཛ་ལྷ་ལ་ཛ། ན་རམ་ཀརྨ་ཨདྷི་ན་བྷི་ཏི་ཧཱུྃ་ཧཱུྃ། ཨུཥྞཱི་ཥ་ཡ་སརྦ་བྷནྡྷ་ནི་ཏྲ་ཡ་ངན་བྷྱོཿབྷྱོཿ གཏོས་བཟློག་བཟློག །ཆེ་གེ་མོའི་ངན་དགུ་དུག་བཅུ་ཐམས་ཅད་དང་ཆག་ཆེན་ཉམ་རླུང་སྐག་ཆེ་བ་རྣམས་རིལ་མ་བཞིན་དུ་ཆུས་ཁྱེར་ཅིག །སྤེན་མ་བཞིན་དུ་ཆུས་ཁྱེར་ཅིག །བོང་པ་བཞིན་དུ་ཆུས་ཤིག་ཅིག །སོལ་བ་བཞིན་དུ་ཆུས་ཤིག་ཅིག །ངན་སྐག་ཐམས་ཅད་ཕྱགས་མས་ཕྱོགས་ཤིག །འདི་ཡིས་མི་ཐུབ་གང་ཡང་མེད། །དེས་ཀྱང་མ་ཐུབ་མ་བཟློག་ན། །མི་ལ་ངན་གེགས་ལངས་པ་ཀུན། །ངར་མི་འདི་ཡིས་བཟློག་ཅིང་བསྒྱུར། །ཞེས་རྫས་ཡོན་བདག་རྣམས་ལ་བསྐོར་ཞིང་ཆུ་ནང་དོར། །གཏོ་བསྒྱུར་བྱས་ལ་ཞེས་པ་བཟློག་པ་སོགས་འདོན་ཅིང་ཐལ་རྡེབ་

― MR07_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་ཡིན་ཡང་། བདེན་བདར་འདི་ལྟར་གཏོ་བསྒྱུར་དང་གཏོ་ཐབས་ཀུན་ལ་ཁ་བསྒྱུར་སོ་སོར་བྱས་ཏེ་སྦྱོར་ན་ལེགས། ན་མོ། སངས་རྒྱས་ཆོས་དང་དགེ་འདུན་གྱི་བདེན་པ་དང་། བླ་མ་ཡི་དམ་མཁའ་འགྲོའི་འཇམ་དཔལ་གཞོན་ནུར་གྱུར་པ་དང་། ཀོང་ཚེ་འཕྲུལ་གྱི་རྒྱལ་པོ་གཙུག་ལག་སྲིད་པའི་ལྷ་དང་བཅས་པའི་བདེན༴ དམ་པ་ཆོས་སྐྱོང་བའི་སྲུང་མ་རྣམས་ཀྱི༴ འགོ་བའི་ལྷ་དང་དཔལ་མགོན་རྣམས་ཀྱི༴ སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་པ་དང་། ཆོས་ཉིད་རང་བཞིན་གྱིས་རྣམ་པར་དག་ཅིང་ཆོས་ཅན་རྟེན་ཅིང་འབྲེལ་འབྱུང་བསླུ་བ་མེད་པའི་བདེན་པའི་སྟོབས་ཀྱིས། འཕགས་པ་འཇམ་དཔལ་དང་ཀོང་ཙེ་བྱང་ཆུབ་སེམས་དཔའི་བཀའ་ལུང་བཞིན། གཙུག་ལག་སྲིད་པ་འཕྲུལ་གྱི་གཏོ་ཐབས་འདི་བྱས་པས། རྒྱུ་སྦྱོར་ཡོན་གྱི་བདག་པོ་འཁོར་དང་བཅས་པའམ། བདག་གམ་དམིགས་བྱ་ཆེ་གེ་མོ་ཞེས་སྨོས་ལ། འདི་རྣམས་ལ་གནོད་པའི་སྐེག་རིགས་སྲི་ངན་བྱད་ཕུར་རྦོད་གཏོང་ནད་གདོན་བར་ཆད་སོགས་མི་མཐུན་པའི་ཕྱོགས་ཐམས་ཅད་བཟློག་པར་གྱུར་ཅིག །ཞི་བར་གྱུར་ཅིག །རབ་ཏུ་ཞི་བར་གྱུར་ཅིག །ཞེས་བརྗོད་ཐལ་མོ་བརྡབ་ཅིང་རྟེན་འབྲེལ་སྙིང་པོ་བཟླས་ཏེ།

― MR07_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་མིག་མི་བལྟ་བར་ནང་དུ་ལོག་ནས་ལས་རྗེས་བསྡུ་བ་དང་བཀྲ་ཤིས་བརྗོད་པར་བྱའོ། །དེས་གེགས་ཆེ་བ་དང་། ཉམ་ང་བ་ཐམས་ཅད་བཟློག་པར་ངེས་ཏེ་ཤིན་ཏུ་ཟབ་བོ། །འདི་ལ་རྫས་འདྲ་ཡང་སྔགས་མི་འདྲ་བ་ཨུཥྞཱི་ཥའི་ཕྱི་ཟློག་སོགས་བྱད་ཁ་ཆུར་བསྒྱུར་དུ་གྲགས་པའི་མན་ངག་བཀའ་གཏེར་རྣམས་སུ་ཟབ་པར་བསྔགས་པ་གཞན་པ་ཡང་ཡོད་དོ། །འདི་སྐབས་སུ་ཨུཥྞཱི་ཥའི་ཕྱིར་ཟློག་དང་གཤིན་རྗེ་གཤེད་ཀྱི་དྲག་སྔགས་སོགས་ཞག་བདུན་ནམ་ཐ་ན་ཡང་ཞག་གསུམ་དུ་བཟླས་ནས་ལས་སྦྱོར་གྱི་ཚུལ་དུ་འདི་བྱས་ན་ཤིན་ཏུ་ཟབ། དེ་ལྟར་མ་གྲུབ་ཀྱང་འཕྲལ་དུ་འདི་ལྟར་བྱས་ནའང་ཕན་པར་ངེས་སོ། །ཡང་ཆག་ཆེ་བ་ཟློག་པ་དང་། ན་བ་གསོ་བ་དང་། འཆི་བ་བསླུ་བར་བྱེད་པ་ལ། སྤར་ཁ་བརྒྱད་ཀྱི་སྤྱི་གཏོ་ནི། སྣོད་སྡེར་གཙང་མར་ཁམས་སའི་རུས་སྦལ་བྱས་ཏེ། དེའི་མགོ་བོ་དམར། རྐང་ལག་བཞི་སེར། གཞོག་གཡས་དཀར། གཡོན་སྔོན་པོའམ་ལྗང་། མཇུག་མ་ནག་པོ་ཅན་གཅིག་གན་རྐྱལ་དུ་བཞག དེའི་མགོ་ལ་རྟ་སྦྲུལ་དང་། ལི་ཡི་གཟུགས་སམ་

― MR07_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་འགོད་པ་སོགས། ལོ་བཅུ་གཉིས་དང་སྤར་ཁ་བརྒྱད་ཕྱོགས་སོ་སོར་བཀོད། ཕོ་གདོང་དང་མདའ་བཀྲ། མོ་གདོང་དང་འཕང་བཀྲ། ངར་གླུད་དང་གཏོར་མ་རྣམས་རེ་རེ་ནས་བརྒྱད་རེ་བྱས་པ་སྤར་ཁ་སོ་སོར་བཀོད། དབུས་སུ་ལུས་ལས་བསྒྲེས་པའི་ཟན་ནམ་ཁམས་ལས་ངར་གླུད་ཆེ་བ་གནམ་ལོ་གང་ཡིན་གྱི་མགོ་ཅན་གཅིག་བཤམས། ལུས་ལ་གོས་བསྐོན། ཕོ་ལ་ཕོ་ཤིང་། མོ་ལ་མོ་ཤིང་ལ་ལོ་གྲངས་ཁྲམ་བཏབ་པ་ཕྲག་པ་གཡས་གཡོན་དུ་བཙུགས་དར་སྣ་ལྔ་བལ་ཚོན་ལྔས་བརྒྱན། གླུད་དེ་ཆུ་གཏོར་དང་སྦྲགས་ལ་གཏོང་། ཀེག་བཟློག་ཆེན་མོ་བྱེད་ན་བཅུ་གཉིས་བཅུ་གཉིས་སུ་བསག་གོ །གཞུང་ལས་བཅས་ཆོག་ཙམ་ལས་མ་བསྟན་ཀྱང་། རང་འཇམ་དཔལ་དུ་གསལ། ཡས་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབས། ཧཱུྃ་བྷྱོཿ གཏོ་འདི་གཙུག་ལག་འཕྲུལ་གྱི་གཏོ། །དཔྱད་འདི་ཀོང་ཙེ་རྒྱལ་པོའི་དཔྱད། །གྱེར་འདི་རྒྱ་ནག་གཙུག་ལག་གྱེར། །སྨྲེང་འདི་གཏོ་མཁན་བདག་གིས་སྨྲེང་། །བསྒྱུར་ནི་འབྱུང་པོའི་རྒྱལ་པོས་བསྒྱུར། །བྷྱོཿ ལྷོ་ཕྱོགས་འབྱུང་བའི་རྒྱལ་པོ་ནི། །མེ་ཁམས་འབྱུང་བ་

― MR07_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོ་ཡི་བདག །གླུད་དང་ཡས་རྟགས་འདི་ལོངས་ལ། །ནད་གདོན་སྐག་ཆག་བསྒྱུར་དུ་གསོལ། །དེ་བཞིན་བྱང་ཕྱོགས་ཆུ་ཁམས། ནུབ་ཕྱོགས་ལྕགས་ཁམས། ཤར་ཕྱོགས་ཤིང་ཁམས། མཚམས་བཞི་འབྱུང་བའི་རྒྱལ་པོ་ནི། །ས་ཁམས་འབྱུང་བ་གཏོ་ཡི་བདག །ཅེས་ཁ་བསྒྱུར། མདོས་ཀྱི་བདག་པོས་མདོས་བཞེས་ཤིག །གླུད་ཀྱི་བདག་པོས་གླུད་བཞེས་ཤིག །གོང་ལྟར་ཁྱེར་ཅིག་སོགས་ཀྱི་ཚིགས་བཅད་དང་། །རྒྱུ་སྦྱོར་ཡོན་གྱི་བདག་པོ་ཡི། །ཆག་ཆེན་ཉམ་ང་ཐམས་ཅད་བཟློག །ཅེས་བྱས། བདེན་པ་བརྗོད་ལ་སྲི་སྐག་ནད་གདོན་བར་ཆད་དུས་མིན་འཆི་བ་ཐམས་ཅད་བཟློག་པའི་ཁ་བསྒྱུར་བྱས་ཏེ་རྟེན་སྙིང་བཟླ་ཞིང་གང་གནོད་པའི་ཕྱོགས་སམ། འདྲེ་ལྔ་བདུད་གཅོད་ལུས་ཆད་གནོད་པའི་ཕྱོགས་གང་རུང་དུ་བསྐྱལ། ནང་དུ་ལོག་ནས་བཀྲ་ཤིས་བྱའོ། །དེས་སྲོག་ལུས་དབང་ཐང་མི་མཐུན་པ་དང་སྤར་ཁ་དགྲ་ཐོག་ཏུ་ཕྱིན་པ་ཀུན་ལ་ཕན། །གཞན་ཡང་དགུ་དུར་དུ་ཆུད་པ། གསོན་གཤིན་ལག་སྦྲེལ། སྐྱ་མདའ་ཐུག་པ། གདན་སར་སྤུངས་སོགས་སྤར་ཁའི་སྐྱོན་ཀུན་དང་། མི་ནོར་

― MR07_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འཚེ་གོད་བྱུང་བ་ཐམས་ཅད་ལ་གཏོ་འདི་ལན་གཅིག་བཏང་བས་བཟློག་ཅེས་གསུངས། རྒྱས་པ་སྤར་ཁ་བརྒྱད་མདོས་དང་། སྤར་ཁའི་ཉེས་པ་སྒོས་བཅས་ཀྱི་གཏོ་རྣམས་གཞན་དུ་གསལ། བསྡུ་ན་འདིས་ཆོག་གོ །ཡང་ཀེག་ཆེ་བ་ལ་ལོ་དེར་སྤར་ཁ་གང་བབ་དེའི་ཕྱུགས་གང་ཡིན་ལ་སྤར་ཁ་རང་རང་གི་སྙིང་སྐུར་དུ། འབྲུ་བརྒྱད་ཁལ་དུ་བཀལ་བ་མཆོད་གནས་ལ་ཡོན་དུ་འབུལ་བའམ། ཡང་ན་སྤར་ཁའི་ཕྱོགས་སུ་གཏོར་བཏང་ངོ་། །སྐབས་འདིར་སྤར་བརྒྱད་ཀྱི་ཕྱུགས་བརྒྱད་ནི། ལི་ཡི་རྟ། ༡ ཁོན་གྱི་ལུག ༢ དྭ་ཡི་ར། ༣ ཁེན་ཁྱི། ༤ ཁམ་ཕག ༥ གིན་གླང་། ༦ ཟིན་གྱི་བོང་བུ་འམ་དྲེལ། ༧ ཟོན་གྱི་མཛོ་འམ་རྟོལ་ལེ། ༨ འབྲུ་བརྒྱད་ནི་ལི་ནས། ཟོན་བར་རིམ་བཞིན། འབྲས་སམ་ཁྲེ། ༡ སྲན་མ་ཟར་མ། ༢ ཇུ་ཙེ། ༣ བྲ་བོ། ༤ ཡུངས་དཀར་སྲན་མ། ༥ གྲོ། ༦ སོ་བ། ༧ ཟར་མའོ། ༨ དེ་དག་གི་ཤིང་བརྒྱད་ནི་རིམ་བཞིན། སེ་བ། ༡ལྕང་མ། ༢ཚར་པ། ༣སྦྱར་བ་རེ་ལྕག༤ སྤེན་མ། ༥ཤུག་པ། ༦སྟག་པ། ༧ གསོམ་པའོ། ༨ བྱ་བརྒྱད་ནི། རིམ་བཞིན། སྐྱ་ག ༡ །ཐི་བ། ༢ འཇོལ་མོ། ༣ ཁྲུང་ཁྲུང་། ༤ ཁྭ་ད། ༥ འུག་པ། ༦ ལྕོག་འམ་ནེ་ཙོ། ༧ པུ་ཤུད་དོ། ༨ །རང་རང་གི་ཤིང་གི་ལྷས་པའི་སྤར་བུ་དང་གཟེབ་ལ་སྐུར་མ་ཟེར། གཞན་ཡང་

― MR07_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

སྤར་ཁ་སོ་སོའི་ཟས་གོས་ནོར་སོགས་རྩིས་གཞུང་རྣམས་སུ་གསལ། འདི་དག་སྤར་ཁ་སོ་སོའི་མཐུན་རྫས་དང་མདོས་རྫས་སུ་ཤེས་པར་བྱའོ། །ཡང་ཀེག་ཆེ་བ་དེའི་འཕུར་སྨེ་གང་གི་ཐོག་ཏུ་ཕྱིན་པའི་གདོན་དེ་བཅོས་པར་བྱ། ཀག་ཆེ་གཏོ་ནག་སྲོག་གཅོད་མདངས་བསྐང་སོགས་ཀྱང་བྱ་བར་བཤད་དོ། །ཡང་སྨེ་བ་དཀར་གསུམ་ལ་བབ་པའི་ཀེག་ཆེ་བའི་ནད་པ་ལ། ལྷ་གསོལ། རྒྱལ་མདོས་དཀར་པོ་དྲུག་མདོས་བྱ། མི་རྟ་རྒྱང་བུ་སོགས་དཀར་པོས་དཀོར་བདག་བཅོས་ནས། དཀར་གོང་གི་རྡེའུ་ལོ་གྲངས་ཕོ་ཡི་ཕུ་དུང་གཡས་པ་དང་། མོ་ཡི་གཡོན་དུ་བླུག །དཀར་གསུམ་ཀྱང་བྲན། ས་དཀར་ལ་སྔགས་འདི་ལོ་གྲངས་བཟླས་པས་བྲབས། ཨོཾ་གཏོ་ལ་དུན་ཙེ་ཡ་མ་ད་ར་སརྦ་དུཥྚན་བྷྱོ་བྷྱོ་བཟློག་བཟློག དེ་ནས་དེ་ལོའི་གནམ་སྨེ་དབུས་བཞག་གིས་བཀོད་པའི་དཀར་གསུམ་གང་རུང་གནས་སའི་ཕྱོགས་ཀྱི་རི་རྩེའམ་ལམ་ཁར་ཉི་མ་རྩེ་ཤར་ལ་ཡས་དང་རྡེའུ་རྣམས་བསྐྱལ། བསྐྱལ་དུས་མི་དཀར་རྟ་དཀར་རམ་རྒྱན་ཆས་དཀར་པོ་ཐོགས་པ་སོགས། མདོར་ན་དཀར་པོ་གཅིག་དང་འཕྲད་ན་གཏོ་ཐེབས་པའི་མཚན་མའོ། །སྨེ་བ་དམར་གཉིས་ལ་བབ་པ་ནའམ་ཀེག་ཆེ་བ་ལ། མི་སྨུག་གསུམ། དམུ་རྟ་སྨུག་པོ་

― MR07_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྒྱང་བུ་སྨུག་པོས་དམུ་བཅོས་སོ། །མི་དམར་རྟ་དམར་རྐྱང་དམར་གྱིས་བཙན་བཅོས། ཡས་དེ་རྣམས་དང་གོང་བཞིན་རྡེའུ་དམར་པོ་ལོ་གྲངས། ཤ་སྣ་ཁྲག་སྣ་སྙིང་སྣ་རྣམས་ཀྱང་བླུགས། སེ་འབྲུ་འམ་ཚར་འབྲུ་དང་། །ས་དམར་ལ་གོང་གི་སྔགས་ལོ་གྲངས་བཟླས་ཏེ་བཏབ། དམར་གཉིས་གནས་ཕྱོགས་སུ་ཉིན་ཕྱེད་བསྐྱལ། མི་དམར་རྟ་དམར་སོགས་དང་འཕྲད་ན་ཐེབས་སོ། །སྨེ་བ་ནག་མཐིང་ལ་བབ་པ་ལ། སྦལ་ལྕོང་ཁྲ་མོས་ཀླུ་བཅོས། མི་མོ་ནག་མོ། རྟ་ནག་མོ། རྔ་མ་ནག་པོ་སོགས་ཀྱིས་བདུད་དང་མ་མོ་བཅོས། ཕུ་དུང་དུ་རྡེའུ་ནག་པོ་ལོ་གྲངས་དང་བྲ་སྲན་བླུགས། ས་ནག་དང་ཐལ་བ་སྤར་གང་ལ་གོང་སྔགས་ལོ་གྲངས་བཟླས་ཏེ་བླུགས། ཉི་མ་ནུབ་དུས་ནག་མཐིང་ཕྱོགས་སུ་བསྐྱལ། གཟུགས་ནག་པོའམ་ནག་པོ་ཐོགས་པ་དང་འཕྲད་ན་ཐེབས་སོ། །སྨེ་བ་ལྗང་སེར་ལ་བབ་ནས་ནའམ། ཀེག་ཆེ་བ་ལ། ཀླུ་དང་ས་བདག་བཅོས། ཕུ་དུང་དུ་རྡེའུ་ལྗང་གུའམ། སེར་པོ་ལོ་གྲངས་དང་། ཤིང་འབྲས་སམ། སྒོག་པ་གཡེར་མ་སྒོ་ང་ཁུར་བ་བླུགས། ས་སེར་ལ་སྔགས་ལོ་གྲངས་བཟླས་ཏེ་བླུགས། སྨེ་བ་ལྗང་སེར་གང་རུང་གི་ཐོག་ཏུ། དུས་ཚོད་ཉི་དྲོས་སམ་མྱུར་སྨད་ལ་བསྐྱལ། དེར་བཙུན་པ་ཤིང་གི་འཁར་བ་ཐོགས་པ་དང་འཕྲད་ན་ཐེབས་སོ། །ཡང་གཏོ་ནག་པོའི་ནག་པོ་ནི། མི་ན་བའམ་ཀེག་ཆེ་བ་དེའི་གཟུགས། ཕོ་ཡིན་ན་སྟག་པ་ཤུགས་པ་སོགས་ཕོ་ཤིང་ལ་བྱ། མོ་ཡིན་ན་ལྕང་མ་གླང་མ་སོགས་མོ་ཤིང་ལ་བྱ། བྱིས་པ་ཡིན་ན་འོམ་བུ་སྟར་བུ་ཁམ་བུ་སོགས་བུ་ཤིང་ལ་བྱ། གཟུགས་དེ་ལ་ནད་པ་རང་གི་གོས་དྲི་མ་ཅན་བསྐོན། ལྷམ་དང་

― MR07_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

སྐ་རགས་རྙིང་པ་དང་། རང་གི་སྐེ་རྒྱན་གྱི་ནོར་བུ་སྟེ་རིན་པོ་ཆེ་ཞིག་ཀྱང་མགུལ་ནས་བཀྲོལ་ཏེ་གླུད་ཀྱི་སྐེ་ལ་བཏགས། ལོ་འགྲོས་བཅུ་གཉིས་ཀྱི་གཟུགས་དང་བཅས་པ་བཤམས། འདི་ལ་བྱིན་རླབས་དང་བསྔོ་བའི་སྨྲེང་མ་གསུངས་ཀྱང་འདོད་ན་གོང་གི་གླུད་བྱིན་རླབས་དང་། ཁྱེར་ཅིག་སོགས་ཚིགས་བཅད་བརྗོད་ནས་བསྔོས། ནད་པ་དེའི་རང་གེགས་དང་བདུན་ཟུར་གྱི་ཉི་མའམ་དུས་ཚོད་ལ་བབ་ཚེ། ལོ་དེའི་སྤར་ཁ་གང་ཡིན་གྱི་ཕྱུགས། ལི་ལ་རྟ་སོགས་གོང་དུ་བཤད་པ་ལྟར་ཕྱུགས་དེ་ལ་བཀལ་ནས། འདྲེ་ལྔ་གནས་ཕྱོགས་སུ་བསྐྱལ། མི་ཆེ་གེ་མོ་ལ་གནོད་པའི་གདོད་གེགས་འབྱུང་པོ་ཐམས་ཅད་ཀྱིས་གཏོ་འདི་ལོངས་ཤིག་ཅེས་བྱ་ཞིང་། བདེན་བརྗོད་མཐར་མི་ཆེ་གེ་མོའི་ནད་ཀེག་བར་ཆད་ཐམས་ཅད་ཞི་ནས་བཀྲ་ཤིས་བདེ་ལེགས་ཕུན་སུམ་ཚོགས་པར་གྱུར་ཅིག །ཅེས་དངོས་སུ་བརྗོད་པའམ། དེ་ལྟར་བདེན་པའི་སྟོབས་ཡིད་ཀྱིས་དམིགས་ལ་རྟེན་སྙིང་བཟླ་བཞིན་ཕྱི་མིག་མི་ལྟ་བར་ལོག །གཏོ་ནག་འདི་བསྐྱལ་དུས་དེ་དང་གཞན་སུ་ཞིག་དང་གདོང་འཕྲད་པ་དེ་ལ་ལོ་མ་འཁོར་བར་རྐྱེན་འོང་བས་གསང་བར་བྱའོ། །རང་གི་ཕ་མ་དང་སྤུན་ཟླ་ན་བ་ལྟ་བུ་ལས། གཞན་གྱི་

― MR07_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དུ་གལ་ཐོད་ཐོད་མི་བྱ་སྟེ། སྡིག་ཆེ་བའི་སླད་དུའོ་ཞེས་གསུངས། དཀར་ནག་ཁྲ་གསུམ་གྱི་གཏོ་འདིར་བཤད་སྐོར་འདི་ལ། མགོ་དགུ་ལག་དགུའི་གཏོ་ཞེས་ཀྱང་ཟེར་རོ། །ཡང་སྐག་དང་བར་ཆད་བཟློག་པ་འཆི་བདག་ཞགས་འགྲོལ་གྱི་གཏོ་ནི། སྲོག་ལ་དགྲ་དར་ནས་ན་བ་ལ། རྒྱབ་བཅོས་སུ་སྲོག་བསླུ་ཉེའུ་འདོན་བྱ། ཚེ་གཟུངས་འདོན། རང་ལོ་གང་ཡིན་པའི་གཟུགས་ལ་རང་གི་སྙིང་གའི་དྲེག་པ་ལ་བསྒྲེས་པའི་ཟན་ལས་ངར་གླུད་ཆག་གང་བ་ཞིག་བསྐྱོན། ཕོ་ཡིན་ན་ཕོ་ཤིང་མོ་ལ་མོ་ཤིང་གི་བྱང་བུ་ལ་ནད་པའི་ལོ་གྲངས་ཀྱི་ཁྲམ་བཏབ་ལ། ཕོ་ཁྲམ། མོ་ཁྲམ་ཟེར། མཆན། བཏབ་ལ། ཕོ་གླུད་ཀྱི་ཕྲག་པ་གཡས་དང་མོ་གླུད་ཀྱི་གཡོན་དུ་བཙུགས། རང་སྐེག་གི་ཉི་མ་དང་དུས་ཚོད་ལ་བདུད་གཅོད་ཀྱི་ཕྱོགས་སུ་བསྐྱལ་ལ་མིང་འདི་ཞེས་བྱ་བའི་སྲོག་སྐེག་བསྒྱུར་རོ། །གཏོ་ལོང་ཞིག་བྱས་ལ་བཏང་། དེས་བཟློག་པར་འགྱུར་རོ་གསུངས། འདི་ལའང་རང་འཇམ་དཔལ་དུ་སྐད་ཅིག་གིས་བསྐྱེད་ལ། གླུད་འབྲུ་གསུམ་མམ་སམྦྷ་རས་བྱིན་རླབས་བྱ། ཁྱེར་ཅིག་སོགས་ཚིགས་བཅད་

― MR07_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསྔོས་ལ། བདེན་སྟོབས་དམིགས་ནས་མིང་འདི་ཞེས་སོགས་སྦྱར་ཀྱང་ལེགས། དེ་བཞིན་གཏོ་ཕྲན་གླུད་ཅན་རྣམས་ལའང་རིགས་འགྲེ་ཤེས་པར་བྱའོ། །ལུས་ལ་དགྲ་དར་ཞིང་ན་ན། ན་ཟླ་གཅིག་གིས་སྣ་དྲངས་པའི་མི་ལོ་གྲངས་ཙམ་མམ་ཅི་རིགས་ལས་ཕྱེ་བླངས། དེ་ཆ་གསུམ་དུ་བཅད་དེ། ཆ་གཅིག་ལ་ལོ་བཅུ་གཉིས་ཀྱི་གཟུགས་དང་གཏོར་མ་རྒྱས་པར་བྱ། ཆ་གཅིག་ལ་གཏོ་གཞི་བྱ། ཆ་གཅིག་རང་ལུས་བཀྲུས་པའི་ཆུས་སྦྲུལ་ཏེ་ངར་གླུད་ཆེ་བ་གཅིག་བྱ། དེ་ལ་ནད་པའི་གོས་གྱོན་འཕྲོས་གཡོགས་ལ་རང་གི་མལ་དུ་བཞག་ནས། གཏོར་མ་ཨོཾ་ཨཱཿཧཱུྃ་གིས་འདོད་ཡོན་མི་ཟད་པར་བྱིན་གྱིས་བརླབས། ཨ་ཀཱ་རོས་སྡེ་བརྒྱད་ཀྱི་མགྲོན་ལ་ཕུལ་ཏེ། མཆོད་སྦྱིན་གཏོར་མ་འདི་བཞེས་ལ། སོགས་ཀྱི་ཕྲིན་ལས་བཅོལ། ངར་གླུད་དེ་ནད་པའི་མགོ་ལ་ལན་གསུམ་བསྐོར་ནས། བདེན་སྟོབས་དམིགས་ལ། མིང་འདི་ཞེས་བྱ་བའི་ན་སྐག་བསྒྱུར་རོ། །ཤི་སྐག་བསྒྱུར་རོ། །ལུས་སྐག་བསྒྱུར་རོ། །གཏོས་བསྒྱུར་རོ། །ཞེས་བརྗོད་ལ་བདུད་གཅོད་ཕྱོགས་སུ་བསྐྱལ། ལོ་འགྲོས་བཅུ་གཉིས་རང་རང་གི་ཕྱོགས་སུ་བཏང་། དེ་ནས་ནད་པ་མལ་ས་སྤོ། དེས་ནད་སོས་པར་འགྱུར་རོ། །དབང་ཐང་ལ་དགྲ་དར་ནས་ནན། རང་བྱུང་ལ་ཆོས་སྟོན་དྲངས། བརྒྱ་བཞི་བྱ། བྱིས་པ་ལོ་གྲངས་ལ་སྟོན་མོ་བྱ། བོན་པོ་འཐེང་པོས་གཡང་

― MR07_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

བླན། ཡོན་དུ་ལྷམ་བྱིན། མཆོད་གནས་རབས་ཆད་ཀྱིས་དཔང་སྐོང་དང་སྡུད་པ་ཀློག །ཡོན་དུ་དར་རས་སམ། མཚོན་ཆའི་སྒང་བུ་བྱིན། བནྡེ་ཞར་བས་ཚེ་ཆོག་བྱ། ཡོན་དུ་ཞྭ་འམ་མགོ་ཤ་བྱིན་ན་རྟེན་འབྲེལ་དེས་ནད་ལས་གྲོལ་བར་འགྱུར་རོ། །རླུང་རྟ་ལ་དགྲ་དར་ནས་ན་ན། ཀླུང་རྟ་ཞེས་པ་རྒྱ་ནག་གི་སྐད་ལས་བོད་སྐད་དུ་དོན་འགྱུར་ཡིན་པས་ཀླུང་རྟ་ཟེར་བ་ལས་རླུང་རྟ་ཞེས་བརྗོད་པ་ལེགས། མ་ཀླུང་སྤང་ཀླུང་སོགས་ཀ་ཀླུང་ཡིན་ནོ། །མཆན། དགྲ་སྲི་དགྲ་བཟློག་གམ། འབུམ་དང་ཉི་ཁྲི་འདོན། མི་ཁ་བསྒྱུར། དེས་ནད་ལས་ཐར་བར་འགྱུར་རོ། །ན་སྐེག་བསྒྱུར་བའི་གཏོའོ། །ཡང་ཀེག་ཕུར་གདབ་པ་ནི། འདྲེ་གནོད་ཀྱི་ཀེག་ཆེ་བ་ལ་བྱ་སྟེ། ཁྱོ་ག་བུད་མེད་བྱིས་པ་གསུམ་ལ་རིམ་བཞིན་ཕོ་ཤིང་མོ་ཤིང་བུ་ཤིང་མགོ་མཇུག་མ་ལོག་པའི་ཕུར་པ་བྱ། གྲོང་པ་རྣམས་ཀྱི་ཕུར་པ་ལྟ་བུས་ཆོག་འདྲ། དེའི་ངོས་གཅིག་ལ། སྐྱེས་པའམ། བུད་མེད་དམ། བྱིས་པ་མིང་འདི་ཞེས་བྱ་བའི་ཚེ་ལ་སྐྱོབ་ཅིག །སྲོག་བརྟན་པར་གྱིས་ཤིག་ཅེས་བྲིས་ལ། བསྲུང་བྱ་དེའི་སྲོག་ཁམས་དང་མཐུན་པའི་དར་གྱིས་གྲིལ་ནས། ཚིག་འདི་སྐད་བརྗོད་པར་བྱ་སྟེ། རྒྱུ་སྦྱོར་མིང་འདི་ཞེས་བྱ་

― MR07_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

བས་ལྷ་དང་དྲང་སྲོང་རྣམས་ལ་ཕྲིན་ལས་བཅོལ་བ་ནི། ལོ་སྐེག་ཟླ་སྐེག་ཞག་སྐེག་དང་དུས་ཚོད་ཀྱི་སྐེག་དང་། གཤེད་བཞིའི་སྐེག་བཟློག་ཏུ་གསོལ། འདྲེ་ངན་དང་རྨི་ལམ་ངན་པ་དང་ལྟས་ངན་རྣམས་བཟློག་ཏུ་གསོལ། ཀེག་ཕུར་འདེབས་པའི་ལས་མཛོད་ཅིག །རྒན་པ་རྣམས་ཀྱི་ཚེ་བསྲིངས་ཤིག །གཞོན་པ་རྣམས་ཀྱི་དཔལ་སྐྱེད་ཅིག །ནད་པ་རྣམས་ཡོ་ནས་ཐོན་ཅིག །སྲིའུ་རྣམས་ཚང་ནས་གསོས་ཤིག །བེའུ་ཕྱུགས་ལུག་རྣམས་འཕེལ་བར་མཛོད་ཅིག །ཅེས་བྱས་ལ་སྲོག་བསྐྱེད་པའི་ཕྱོགས་ཀྱིས་ཕྱོགས་བཟང་བར་ས་ལ་གདབ་པར་བྱའོ། །དེ་ལྟར་བྱས་པས་སྐེག་ཇི་ལྟ་བུ་ཡང་བཟློག་པར་འགྱུར་རོ། །ཡང་གཅིག་སྲོག་ལུས་དབང་ཀླུང་མི་མཐུན་པ་དང་། དགུ་དུར་དུ་ཚུད་པ་བཟློག །འབྱུང་བཞི་ལ་དགྲ་དར་བ། བུད་མེད་ལ་ཁྱེའུ་མེད་པ། བུ་མ་སོས་པ་རྣམས་ལ་ཕུར་པ་གདབ་ཐབས་ལ། ཕོ་ལ་ཕོ་ཤིང་མོ་ལ་མོ་ཤིང་གི་ཕུར་པ་བྱ། དེ་ཡང་ཕུར་པའི་མགོ་བོ་གྲུ་བཞིར་བྱས་པའི་ལོགས་ལ། ཤར་དུ་སྟག་སྐྱ་བོ། རབ་གཟུགས་བྲིས་ནས་འདོད་གསོལ་ཏུ་སྟག་སྐྱ་བོ་མི་འདི་ཡི་སོགས་སྦྱར། མི་འདི་ཡི་སྲོག་ལུས་

― MR07_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཐང་རླུང་རྟ་སྐྱོབ་ཅིག །ཅེས་དང་། དེ་བཞིན་དུ། ལྷོར་གཡུ་འབྲུག་སྔོན་པོ། ནུབ་ཏུ་བྱ་དམར་པོ། བྱང་དུ་རུས་སྦལ་ནག་པོ། འདོད་གསོལ་བཅས་བྲི། ཕུར་པ་དེའི་གཤམ་དུ། ནང་དུ་ཟེར། ཨོཾ་ཨེ་ཡཾ་ཁཾ་བྷྲཱུྃ་རཾ་སུཾ་བྲུཾ། ཞེས་དང་། སྣང་བརྒྱད་ཀྱི་སྙིང་པོ་ཡང་བྲི། ཨོཾ་ཨ་ཀ་ནི་སོགས། རྐེད་པ་ལ་རྟེན་འབྲེལ་སྙིང་པོ་གཡས་སྐོར་གྱིས་བྲི། དཀར་གསུམ་མངར་གསུམ་ཕྱེ་མ་བྱས་ཏེ་འབྲུ་སྣ་དང་སྦྱར་བའི་ཐུམ་བུ་ཞིག་ཕུར་པའི་མགོ་ལ་བཏགས། བལ་ཚོན་སྣ་ལྔ་ཡང་ཕུར་པ་ལ་བཏགས་ཏེ་ནས་ཀྱི་སྟེང་དུ་འཛུགས། ཆུ་གཏོར་བཏང་། གསེར་སྐྱེམས་དང་ཕུད་མཆོད། གཏོ་སྨྲེང་གོང་ལྟར་གྱེར་ལ་དེར་མཐུན་ཕུར་འདེབས་པའི་ལས་མཛོད་ཅིག །ཅེས་ཁ་བསྒྱུར་བསྣན། གོང་སྨོས་བདེན་སྟོབས་བརྗོད་མཐར། མིང་འདི་ཞེས་བྱ་བའི་སྲོག་ལུས་དབང་ཀླུང་མི་མཐུན་པ་སོགས། སྐག་དང་བར་ཆད་གནོད་པའི་ཕྱོགས་ཐམས་ཅད་རབ་ཏུ་ཞི་ནས་མི་མཐུན་པ་ཐམས་ཅད་མཐུན་པར་འགྱུར་ཞིང་བཀྲ་ཤིས་བདེ་ལེགས་རྒྱ་ཆེན་པོ་འབྱུང་བ་དང་། བསམ་པའི་དོན་ཐམས་ཅད་ཡོངས་སུ་གྲུབ་པར་གྱུར་ཅིག །ཅེས་བརྗོད་རྟེན་སྙིང་ཡང་ཅི་རིགས་བརྗོད། ཉི་མ་ཐམས་ཅད་དགེ་བ་

― MR07_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་སོགས་ཚིགས་བཅད་དང་མདོ་ལས་གསུངས་པའི་བཀྲ་ཤིས་ཅི་རིགས་བརྗོད། ཕུར་པ་དེ་དམིགས་བྱའི་ལུས་ལ་གཡས་བསྐོར་ནང་སྐོར་ཐར་ལན་གསུམ་བྱས་ལ། སྟག་སྐྱ་བོ་སོགས་ཕྱོགས་མ་ལོག་པར་བྱས་ཏེ་ཁྱིམ་གྱི་ལྷ་རྟེན་ལ་དམ་པར་བཏགས། ལུས་མི་མཐུན་པ་དང་ལུས་དགྲ་དར་ན་བསྲུང་བྱའི་མལ་གྱི་གཡས་ཕྱོགས་དབང་ཐང་དགྲ་དར་ལ་སྔས། རླུང་རྟ་དགྲ་དར་ན་མལ་གཞུག་ཕྱོགས་སུ་བཏབས། དེས་མི་མཐུན་པ་ཀུན་ལ་ཕན་ནོ། །མི་མཐུན་པ་ལ་ཕུར་པ་གདབ་པའི་གཏོ་ཟབ་མོའོ། །ཡང་གསོ་བ་བཞི་ལྡན་གྱི་གཏོ་ཞེས་པ། སྲོག་ཁམས་བསྐྱེད་ཅིང་གསོ་བའི་གཏོ་ནི། འཆི་ངེས་ཀྱི་སྲོག་བསླུ་བའི་སྲོག་འདོན། ཉེའུ་འདོན་བྱ། ཤོག་བུ་ལ་ཚེ་དཔག་མེད་ཀྱི་སྙིང་པོ་བྲི། རྒྱབ་ངོས་སུ་ན་ཟླ་གསུམ་གྱི་མིང་བྲི་ཞིང་འདི་ཡི་ཚེ་དང་དབང་ཐང་བསྲུང་བྱ་འདིས་ཐོབ་པར་གྱུར་ཅིག །ཅེས་བྲི། ལྷ་སྲིན་སྡེ་བརྒྱད་ལ་གསེར་སྐྱེམས་བཏང་། བདེན་བརྗོད་རྗེས་སུ། བསྒྲུབ་བྱ་ཆེ་གེ་མོ་འདིས་ཚེ་དང་དབང་ཐང་མི་ཟད་པ་ཐོབ་པར་གྱུར་ཅིག །ཅེས་བརྗོད་རྟེན་སྙིང་བཟླ། བསྒྲུབ་བྱ་དེས་རྒྱུན་པར་ཚེ་གཟུགས་ལ་ཡི་དམ་བྱ། ཐབས་དེས་ཚེ་གསོ་བར་འགྱུར་རོ། །

― MR07_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་གསོ་བ་ལ་དཀྱིལ་འཁོར་བཞེངས་ནས་དབང་བསྐུར། ཚཱ་ཙྪ་གདབ། ཉེའུ་འདོན་བྱ། བྱུར་ཕུད་ཀྱི་གཏོ་གཞན་ལས་བྱུང་བ་ཡང་བྱ། ས་བདག་བཅོས། ལུས་སོགས་འབྱུང་བ་གསོ་བསྐྱེད་ཀྱི་འཇམ་དབྱངས་གསེར་འཁོར་སོགས་བཏགས། ལུས་ཆས་བསྒྱུར། མིང་བརྗེ། དེས་ལུས་སོས་པར་འགྱུར་རོ། །དབང་ཐང་གསོ་བ་ཕྱུགས་ཀྱི་གཡང་རབ་བརྩིགས་པའི་གཏོ་ལ། རུས་མི་གཅིག་པ་གསུམ་ལས་ཡོན་བླངས། ཤིང་སྣ་བཅུ་གསུམ། ལུང་པ་བཅུ་གསུམ་གྱི་ཆུ། ཞིང་གི་ཀླུ་མོ་བཅུ་གསུམ་གྱི་ས། སྔོ་སྣ་བཅུ་གསུམ། བ་དམར་བྲལ་གྱི་འོ་མ། འབྲུ་སྣ་བཅུ་གསུམ། ཆུ་མིག་རྒྱུན་འབབ་དགུའི་ཆུ། ཕྱུག་པོ་དགུའི་མར་དང་འབྲུ་རྣམས་གཟའ་སྐར་བཟང་པོར་བུམ་པའི་ནང་དུ་བླུགས་ནས་ཁྱིམ་གྱི་དབུས་སུ་གཏེར་དུ་གཞུག །བསང་གསུར་ཆེན་པོ་བཏང་། ཉལ་སའི་འོག་ཏུ་ཟས་སྣ་ཚོགས་ཀྱི་བུམ་གཏེར་གཞུག་འདི་དག་གཡང་གི་གཟའ་སྐར་ལ་གཏད་ནས་བྱ་ཞིང་། གཡས་དགུ་སྐོར་རམ། གཡང་བླན་བྱ། བཀྲ་ཤིས་བརྗོད། བདེན་སྟོབས་དང་། ཡོན་བདག་འདི་ལ་ཕྱ་གཡང་བཀྲ་ཤིས་ཐམས་ཅད་འདུ་ཞིང་མི་ནུབ་འཕེལ་རྒྱས་འབྱུང་བར་གྱུར་ཅིག །ཅེས་སྨོན་ལམ་བཏབ། དེའང་གཡང་སྐར་ནི། སྐར་མ་རྒྱལ་ལ་ལུག་ལྷས་བྱ། སྒྲོག་ལ་རྟ་བྲེས་བརྩིགས། བིའུ་རྫི་ལ་གླང་དང་གནག་གི་གདངས་བསྲེལ། དེས་དབང་

― MR07_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་གསོའོ། །རླུང་རྟ་གསོ་བ་དཔལ་གྱི་འཕན་རྨང་བརྗེ་བའི་གཏོ་ནི། རི་རྩེ་རྒྱས་ཀྱི་ས། ཤིང་རྩེ་རྒྱས་ཀྱི་རྩེ་མོ། བྲག་རྩ་བ་བརྟན་རྒྱས་ཀྱི་རྡོ། ཤ་བའི་རྭ་རྩེ་གཡས། འོམ་བུའི་སོལ་བས། ཞེས་པ་ལྟར་ན་འོམ་སོལ་གྱི་སྣག་ཚས། ཨེ་ཡཾ་རཾ་བཾ་ལཾ། སྟེ་འབྱུང་ལྔའི་སྙིང་པོ་དང་། ནག་རྩིས་རང་རྐང་ལྟར་ན། ཤིང་མེ་ས་ལྕགས་ཆུ་ལྔའི་ས་བོན། ཡཾ་རཾ་བྷྲཱུྃ་ཀེཾ་ཁཾ། ལྔ་ཡིན་ཞིང་། དེ་དག་གི་སྔགས་ཀྱང་། མ་མ་སྔོ་ཏ་སྔོ་ཏ་སོགས་ལྔ་ཡིན་ལ། ལུགས་འདིའི་ལྕགས་དང་ནམ་མཁའི་ཁམས་གཅིག་པ་དང་། ཤིང་དང་རླུང་དོན་འདྲ་བར་གསུངས་འདུག་པས། འདི་རྣམས་གང་འོས་བྱས་ཀྱང་འགལ་བ་མེད་དོ་སྙམ་སྟེ་གཞན་གྱིས་བཤད་པ་ནི་མ་མཐོང་ངོ་། །ཡུལ་གྱི་དར་མ་བཅུ་གསུམ་ནི། ཡུལ་དེར་བསོད་ནམས་དབང་ཐང་ཆེ་ཞིང་རླུང་རྟ་དར་བའི་མི་སྨོན་འོས་སུ་གྱུར་པ་བཅུ་གསུམ་གྱི་མིང་བྲིས་ལ། དེའི་མཇུག་ཏུ་འདི་རྣམས་ཀུན་དང་མཉམ་པའི་དབང་ཐང་དང་རླུང་རྟ་ཆེ་གེ་མོ་འདིས་ཐོབ་པར་ཤོག་ཅེས་བྲིས་པའི་ཤོག་དྲིལ་བཅུག །གཞན་དུ་ན་གསེར་སོགས་འབྱུང་བའི་སྙིང་པོའི་རྟེན་འབྲེལ་གྱི་རྫས་ཀྱང་སྲོག་བསྐྱེད་སྐབས་སུ་བཤད་པ་དག་གིས་རུང་། རྫས་དེ་དག་ཐུམ་པ་བྱས་པ་ཤིང་ཆོ་འབྲང་ཅན་ཞེས་རྩ་ལག་རྒྱས་པ་ལ།

― MR07_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་ནས་ཁྱིམ་གྱི་སྒོར་བཙུགས། མི་སྤུན་རབས་མང་པོ་ཅན་གྱི་མདའ། བུད་མེད་བུ་བདུན་ཡོད་ཅིང་དབང་ཐང་རྒྱས་པ་ལྟ་བུའི་དཔལ་མོ་ཆེའི་འཕང་གཉིས་སྦྲེལ་ཏེ་མལ་འོག་ཏུ་གཞུག །གྲོག་ཚང་གི་ས་དང་། བུ་མང་པོ་ཡོད་པའི་མི་ཚང་གསུམ་གྱི་སྒྱེད་པུའི་དྲེག་པ་ལ་གཏོ་གཞི་བྱས་ནས། བདེན་བརྗོད་དང་། ཆེ་གེ་མོའི་བསོད་ནམས་ཁ་རྗེ་རླུང་རྟ་རྣམས་ཟླ་བ་ཡར་གྱི་ངོ་དང་དབྱར་གྱི་ཆུ་ལྟར་གོང་ནས་གོང་དུ་དར་ཞིང་རྒྱས་ལ་ཕུན་སུམ་ཚོགས་པའི་དཔལ་ཐོབ་པར་གྱུར་ཅིག །ཅེས་བརྗོད་ལ་རྟེན་སྙིང་མང་དུ་བཟླས་ཏེ་བཀྲ་ཤིས་བརྗོད་པར་བྱའོ། །བསྐྱེད་ཐབས་རྣམ་པ་བཞིའི་གཏོ་ལས། སྲོག་བསྐྱེད་པ་ནི། ཨོཾ་ཨཱཿཧཱུྃ་ཧྲཱིཿ སྲོག་ཐ་ཏྲི་ཡར་བསྐྱེད། ལམ་ལམ་ཡལ་ཡལ་བྲུྃ་རཾ་ནྲི་བསྐྱེད་ཅེས་སྔགས་འདི་སྲོག་ས་ཁམས་ཅན་ལ་དར་དམར་ལ་མཚལ་གྱིས་བྲིས་པ། མེ་ཤེལ་ལམ་མེ་རྡོ་ལ་དཀྲིས་ནས་མགུལ་དུ་བཏགས། སྲོག་ཆུ་ཡིན་ན་དར་དཀར་ལ་ར་དཀར་གྱི་འོ་མས་བྲིས། རྡོ་ཁབ་ལེན་ནམ། ཁྲོ་ལྕགས་དང་བཅས་པ་གྲིལ་ནས་བཏགས། སྲོག་ཤིང་ཡིན་ན་དར་སྔོན་ལ་ཁ་ཆར་གྱིས་ཆུས་སྦྱངས་པའི་སྣག་ཚས་བྲིས། ཆུ་ཤེལ་ལམ་

― MR07_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་རྡོ་སྔོན་པོའམ་ཉ་ཡི་སྒོ་ང་ལ་བྲིས་ནས་བཏགས། སྲོག་མེ་ལ་དར་ལྗང་ལ་ཤིང་གི་ཐོག་ཆུའམ་སྦང་མའི་ཁུ་བས་བྲིས་པ། རྒུན་འབྲུམ་མམ། ཨ་རུ་རའམ། བིལ་བའི་འབྲས་བུ་ལ་གྲིལ་ནས་བཏགས། སྲོག་ལྕགས་ཁམས་པ་ལ་དར་སེང་ལ་ཡུང་བའི་ཁུ་བས་བྲིས། གསེར་ས་བྱུང་མེས་མ་བཞུས་པ་ཅུང་ཟད་གྲིལ་ནས་བཏགས། དེས་སྲོག་གི་སྟོབས་ནུས་བསྐྱེད་ནུས་པར་འགྱུར་རོ། །ལུས་བསྐྱེད་པའི་སྔགས་ནི། ཧཱུྃ་བྷྲཱུྃ་ཧྲཱིཿཏྲཾ་ཡལ་བསྐྱེད། མེར་རཾ་ཏྲཾ་ཡལ་བྷྲཱུྃ་ཡར་བསྐྱེད། ཅེས་པ་ལུས་ཤིང་པ་ལ་དར་སྔོ་ནག་ལ་བྲི་བ་སོགས་ལུས་ཁམས་ཀྱི་མ་མདོག་གི་དར་ལ་བྲིས་ནས་གོས་ཀྱི་གོང་བར་བཏགས་པས་ལུས་བསྐྱེད་པར་འགྱུར་རོ། །དབང་ཐང་བསྐྱེད་ན། ཨོཾ་སྤེལ་སྤེལ་ཡཾ་སྤེལ་ཡཾ་སྤེལ། ཡལ་ཡལ་དཾ་དཾ་རཾ་སྤུངས་རཾ་སྤུངས་འདུ་འདུ་ཧེ་ཧེ་འདུས། ཞེས་པའི་སྔགས་འདི་བྲི་བའི་སྣག་ཚ་སྲོག་གི་སྐབས་ནས་བཤད་པ་ལྟར་དབང་ཐང་གི་ཁམས་ཀྱི་མ་ཡི་འབྱུང་བའི་དར་ལ་བྲི་བའམ། དབང་ཐང་ཤིང་ཡིན་ན་ཆུ་ཤེལ་ལམ་ཆུ་རྡེའུ་འམ་ཆུ་ཤིང་གི་བྱང་བུ། མེ་པ་ལ་ཙན་དན་གྱི་བྱང་བུ། ས་པ་ལ་མེ་ཤེལ་ལམ་མེ་རྡོ།

― MR07_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་པ་ལ་གསེར་རམ་ར་གན། ཆུ་པ་ལ་ལྕགས་ཀྱི་བྱང་བུ་ལ་བྲིས་ནས་བཏགས་པས་ཟས་ནོར་འཕེལ་ཞིང་དབང་ཐང་བསྐྱེད་དོ། །སྐབས་འདིའི་སྔགས་རྫས་གསེར་འཁོར་དང་བསྡུར་ནས་ཅུང་ཟད་ཁ་བསྐངས་པ་ཡིན་ནོ། །རླུང་རྟ་བསྐྱེད་ན། ཨོཾ་ཨཱཿཧཱུྃ་ཧོ་ཧེ་སྟག་སེང་ཁྱུང་འབྲུག་འདིར་ཡར་སྐྱེད། ཀུན་འདུས་སརྦ་འདུ་འདུ་ཧོ། ཞེས་པ་འདི་རིན་པོ་ཆེ་བརྡར་བ་དང་བསྲེས་པའི་སྣག་ཚས་དར་རང་རང་གི་རླུང་རྟའི་ཁམས་ཀྱི་མ་ཡི་མདོག་ལ་བྲི་བར་བྱ་སྟེ། དཔེར་ན་བྱི་འབྲུག་སྤྲེལ་གསུམ་ལོ་པ་ཡིན་ན་རླུང་ཤིང་གི་མ་ཆུ་ཁམས་ཡིན་པས་དར་སྔོན་པོའམ་ནག་པོ་ལ་བྲི་བ་སོགས་གཞན་ལ་འགྲེ། སྔགས་འདི་བསྒྲུབ་བྱའི་སྤྱི་བོར་བཏགས་ན་མི་ཀུན་བྱམས་ཤིང་རླུང་རྟའི་སྟོབས་རྒྱས་པར་འགྱུར་རོ། །འདི་བཞི་འཇམ་དབྱངས་གསེར་འཁོར་དང་སྦྲགས་ན་ཕན་སྟོབས་ཆེ་བས་དེའི་ཁ་བསྒྱུར་ལྟར་བྱ། གཏོ་སྒྲོམ་འདི་དང་འཇམ་དབྱངས་གསེར་འཁོར་རྩ་བ་དང་དེའི་ཡན་ལག་ཁ་བསྒྱུར་སུམ་ཅུ་རྩ་བརྒྱད་པ་གཉིས་ཁམ་པ་ཁྲ་མོས་བསྒྱུར་བའི་ནག་རྩིས་ཀྱི་མན་ངག་གི་གདམས་པ་ཟབ་མོ་ཡིན་ནོ། །སྲོག་ལུས་དབང་རླུང་བསྐྱེད་པ་འདི་དག་སྲོག་སོགས་རང་

― MR07_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

རང་དར་བའི་ལོ་ཟླ་ཞག་དུས་དང་བསྟུན་ཏེ་བྲིས་ལ། བདེན་པའི་སྟོབས་དམིགས་ཤིང་རྟེན་འབྲེལ་སྙིང་པོ་བཟླས་པའི་མེ་ཏོག་འཐོར་བ་དང་བཀྲ་ཤིས་བརྗོད་དེ་བཏགས་པར་བྱའོ། །མི་རིགས་སོ་སོ་དང་བསྟུན་པའི་གཏོ་ལས། མི་རྗེ་ས་བདག་རྒྱལ་པོའི་གཏོ་ནི། བྱ་རྒོད་ཐོད་པ་དང་། ཁུ་བྱུག་གི་སྤུ་དང་། འབྲུ་སྣའི་དར་ཕྱེ་ལ་རིན་པོ་ཆེ་བརྡར་བའི་གླུད་གཟུགས་བདུན་བྱས་པ་དང་། འབངས་མི་གང་ཡང་རུང་བ་ལྔའི་མིང་རས་བྲིས་པའི་ཤམ་དུ་འདི་རྣམས་རྗེའི་གླུད་དུ་སོང་ཞིག །ཞེས་བྲི་བརྗོད་གཉིས་ཀ་བྱ། བདེན་སྟོབས་བརྗོད་ཅིང་དམིགས་ལ། རྫས་དེ་རྣམས་དར་དཀར་གྱི་ཕུ་དུང་དུ་བླུགས་པ་སྤྲེའུ་གཅིག་གི་མགུལ་དུ་བཏགས་ནས་གངས་ཀྱི་རྩེ་ལ་བསྐྱལ་བས་རྗེ་བོ་ལ་གནོད་པའི་སྐག་བཟློག་པར་འགྱུར་རོ། །བནྡེའི་གཏོ་ནི། སྦ་དཀར་ལ་ན་ཟླའི་མིང་བྲིས་ནས་སྦ་དཀར་དེ་གསུམ་གཏུབ་བྱས་ལ། དངོས་མས། མ་རྙེད་ན་གཟུགས་བྱ། ཤར་ཕྱོགས་ཀྱི་མཆོད་རྟེན་རྙིང་པའི་འོག་ཏུ་སྦས། བནྡེ་དེ་སྐེག་དང་གནོད་པ་ལས་གྲོལ་བའི་བདེན་སྟོབས་བརྗོད། ཡས་བོར་ནས་སློབ་

― MR07_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ལ་བནྡེ་དེའི་ཕྲེང་བའམ། རྡོ་རྗེ་དྲིལ་བུ་རྙིང་པ་ཡོན་དུ་ཕུལ་བས་གནོད་པ་ལས་ཐར་བར་འགྱུར་རོ། །བོན་པོའི་གཏོ་ནི། བྱ་བོན་པོའི་ཐོད་དཀར་གྱི་མགོ །མ་རྙེད་ན་དེའི་སྤུ་ལས་དེའི་གཟུགས་བྱས། རྔ་ཀོག་གཅིག་ལ་ན་ཟླའི་མིང་བྲིས། བོན་པོའི་བཤང་བརྡར་བའི་ཕྱེ་མ། སིལ་ཁྲོལ་གཡུག་རྒྱུ་དེ་ཡིན། གཡག་རུ། གཡག་མགོ །གཡག་རྔ་རྣམས་གངས་མཐོང་སར་བསྐྱལ་ལ་བདེན་སྟོབས་བརྗོད། རྔ་གསར་པ་ཞིག་སློབ་དཔོན་ལ་ཡོན་དུ་ཕུལ་བར་བྱའོ། །ཞང་བློན་གྱི་གཏོ་ནི། ཤོག་བུ་ལ་དེའི་ན་ཟླའི་མིང་བྲིས། རྔེའུ་འམ་རྟེའུ་གཅིག་གི་སྐེ་ལ་བཏགས་ནས་ཤར་དྲང་པོར་བསྐྱལ། སློབ་དཔོན་ལ་རྟ་དང་ཁྲབ་ཕུལ་བར་བྱ། ཁྱི་དང་དྲེའུ་གླུད་དུ་གཏོང་། འདི་དངོས་སམ་ཡང་ན་དེའི་གཟུགས་བརྙན་གླུད་དུ་བཏང་ངོ་། །དམངས་ཀྱི་གཏོ་ནི། ན་ཟླ་གཅིག་གི་མིང་ཤོག་བུ་ལ་བྲིས། གླང་གཅིག་གི་སྐེ་ལ་བཏགས་ནས་བྱང་ཤར་དུ་བསྐྱལ། ཡང་ན་མིང་བྱང་བོང་བུའི་སྐེ་ལ་བཏགས་ནས་བྱང་དུ་བསྐྱལ་ལོ། །སློབ་དཔོན་ལ་ནོར་སྣ་གཅིག་འབུལ་བར་བྱའོ། །བུད་མེད་ཀྱི་གཏོ་ནི།

― MR07_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

འཕང་ལན་ཟླའི་མིང་རུས་བྲིས། བལ་སྐུད་དང་བཅས་གླང་གི་སྐེ་ལ་བཏགས་ནས་ཆུ་ལ་བསྐྱར། སློབ་དཔོན་ནམ་མིང་པོ་ལ་མགོ་རྒྱན་སྣ་གཅིག་བྱིན། གླང་དེ་ཕ་མིང་ལ་སྦྱིན་པར་བྱ། བྱིས་པའི་གཏོ་ནི། ཤིང་བུ་དགུ་ལ་མགལ་བ་བྱས། མ་ཡི་ཁེད་མར་གཏུམས། འབྲུ་སྣ་ལྔའི་ཕྱེ་ལས་ཟན་བྱས་པ་ལུས་ལ་བསྒྲེས་པའི་ངར་གླུད་བདུན་བྱས། དེ་དག་གི་སྙིང་གར་ན་ཟླའི་མིང་རུས་བཅུག་ལ་ཕྱོགས་གང་བདེར་གླུད་དུ་བཏང་། མེ་ཡོག་བྱིས་པ་རྣམས་ལ་སྟོན་མོ་བྱ། དེས་བྱིས་པ་སྐག་ལས་ཐར་རོ། །མི་རིགས་བདུན་གྱི་གཏོ་འདིའི་སྐབས་སུ་གཞུང་ན་གསལ་ཁ་མེད་ཀྱང་། གླུད་གཟུགས་གསུམ་མམ་བདུན་ལྟ་བུའི་ནང་དུ་ན་ཟླའི་མིང་བཅུག་ལ། གླུད་དེ་དག་དམིགས་བྱའི་གླུད་དུ་སོང་ནས་སྐག་དང་གནོད་པ་ལས་གྲོལ་བའི་བདེན་སྟོབས་དམིགས་པ་བྱས་ན་ལེགས་སོ། །གཞན་ཡང་ཤིན་ཏུ་སྐེག་ཆེ་བ་ལས་ཐར་དཀའ་ན། ན་མཉམ་དང་བརྗེ་བའི་གཏོ་ནག་ལ། སྡོང་པོ་འདྲེ་ཅན་གཅིག་གི་ཤིང་བཅད་དེ། ན་ཟླའི་ལུས་ཚད་ཀྱི་ཤིང་བྱང་བྱས་པར་ན་ཟླ་དེའི་མིང་རུས་བྲིས་ལ་

― MR07_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་སྟེང་དུ་ནུབ་གཅིག་བཞག །རྟ་རུས་མི་རུས། ཁྱི་རུས། སྦང་མ། ཆུ་ར། སྙ་ལོ། ཟྭ་ཚོད། གླ་སྒང་། རབས་ཆད་ཀྱི་ཤིང་ཤུན་པ། ངར་མི་ནག་མོ་གཅིག །ཤིང་ཁྲ་མ་འཛེར་པ་ཅན་གྱི་དུམ་བུ། སེ་བའི་ཤིང་དུམ་རྣམས་ནད་པའི་ལྷྭམ་ནང་དུ་བཅུག་ནས་ཤར་གྱི་འདྲེ། ལྷོའི་འདྲེ། ནུབ་ཀྱི་འདྲེ། བྱང་གི་འདྲེ་རྣམས། སྟག་དོང་དྲིལ་ཅིག །བྲུབ་ཅིག་ཅེས་བྱ། ན་ཟླའི་ལུས་ཚད་ཀྱི་ཤིང་བྱང་ལ་ཕྱ་ལས། སྡོང་པོ་མེས་རེག་ལ་བྷྱོཿ སྡོང་པོ་ཆུས་ཁྱེར་ལ་བྷྱོཿ འབྱུང་བ་ལྔའི་གླུད་ལོངས་ཤིག །མཉམ་གཉིས་ད་རྗེས་ཤིག །མི་དང་ནད་དུ་ཕྲོལ་ཅིག །དེ་ལྟར་ན་ཟླའི་མིང་ནས་བོས་ནས་འདི་དང་ནད་པ་རྗེས་ཤིག་ཅེས་ཐུབ་ཆོད་བྱ། ཀི་ཀི་བསོ་བསོ་ཧ་ཧ་ལྷ་རྒྱལ་ལོ་སོགས་གཞན་ལས་རྒྱལ་བའི་སྐད་གསང་ཆེར་འདོན་པ་ལ་ཐོ་ལེས་གདབ་ཅེས་བྱའོ། །དེས་སྐག་ན་མཉམ་ལ་བསྒྱུར་ནས་ནད་པ་སོགས་བདེ་བར་འགྱུར་རོ། །དེ་དཔེར་ན་གཟའ་ནད་ཕོག་པ་སྔགས་ཀྱིས་ཕུག་རོན་དང་ཉ་ལ་སྤོ་བ་དང་ཚུལ་འདྲའོ། །ཡས་གནོད་པའི་ཕྱོགས་སུ་བོར་བྱའོ། །ན་མཉམ་བརྗེ་བའི་གཏོ་སྐབས་འདིར་གཏོ་སྒྲོམ་གྱི་དཔེ་ལ་ལར། སྲེ་ལོང་ལས་གཟུགས་བཅོས་ཏེ་རྫས་གཞན་དང་བཅས་པའི་སོག་དང་སྔགས་བཅས་ཀྱི་མཚན་

― MR07_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་འདུག་པ་དེ་དེའི་གོང་གི་འགོང་ཇག་བསྒྱུར་བའི་འཕྲོས་སུ་སྨོས་པ་འདྲ་སྟེ་སྐབས་འདིར་དགོས་ངེས་མིན་ལ། སྲེ་ལོང་གི་བཅས་ཆོག་སྔགས་དང་བཅས་པ་དེ་ཐེའུ་རང་འགོང་པོ་དགྲ་ལ་ཟ་ཁ་གཏོད་པའི་ངན་ཐབས་ཞིག་ཡིན་པས་དེའི་ལག་ལེན་མ་བཀྲོལ་ལོ། །ཡང་རང་སྐག་ན་མཉམ་ལ་བསྒྱུར་བའི་གཏོ་ནི། སྤར་ཁ་ལི་ལ་བབ་ན་ངར་གླུད་ལྔ་ཚིགས་ཞེས་བརྗེས་མ་དེའི་མགུལ་དུ་ན་ཟླའི་མིང་བྲིས་ལ་དར་ནག་པོས་གཏུམས་པ་བཏགས། ཐིག་གུ་ཕྱིན་ཀ་ལོག་གཅིག་གིས་གླུད་དེ་འགག་མིག་ཏུ་བཅུག་པའི་ཐིག་སྣེ་མི་ལུས་རྟ་སྦྲུལ་གང་རུང་གི་མགོ་ཅན་བྱས་པར་འཁྲིད་དུ་བཅུག །གླུད་དེ་དག་ལྷོ་ངོས་སུ་བསྐྱལ་བའི་རྒྱབ་ནས་མི་ནག་པོ་རལ་གྲི་ཐོགས་པ་གཅིག་གིས། བདུད་ལ་གསེར་སྐྱེམས་དང་བཤོས་བུ་ཡོས་ཁྲ་རྣམས་མཆོད་ནས། སྨྲེང་འདི་བརྗོད་དེ། ཀྱེ། ལྷ་སྲིན་སྡེ་བརྒྱད་རྣམས། དམིགས་བྱ་ཆེ་གེ་མོ་འདི་བས། ན་ཟླ་ཆེ་གེ་མོ་འདི་བཟང་། གཏོ་མཁན་རང་གི་སྐག་སྤོ་ན། ང་བས་ན་ཟླ་ཁོ་བཟང་། གཟུགས་ཀྱང་འདི་ལེགས། འདི་ན་སྐག་ཆེན་རྒྱུ་སྦྱོར་ཆེ་གེ་མོ་འདི་ལ། ནད་རིགས་བཞི་བརྒྱ་རྩ་བཞི། གློ་བུར་ཡེ་འགྲོགས་སུམ་བརྒྱ་དྲུག་ཅུ། བྱར་མི་བཏུབ་པ་བཀྲ་མི་ཤིས་པ་ཐམས་

― MR07_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་འཕྲོག་པའི་མི་ན་ཟླ་ཁོ་རང་ཡིན་པས། འདི་འཁྱེར་ལ་སོང་ཞིག །ཁོ་རང་ས་ཆ་འདི་ཞེས་བྱ་བ་ན་འདུག་གོ །ཁོའི་མིང་ལ་མིང་ནས་སྨོས་ཏེ་འདི་སྐད་ཟེར་བ་ཡིན། བསྲུང་བྱ་ཆེ་གེ་མོ་འདིའི་གླུད་དུ་ན་ཟླ་ཆེ་གེ་མོ་འདི་ཁྱེར་ལ་སོང་ཞིག །ཅེས་བརྗོད་ལ་ཡས་བོར་ཏེ་ཕྱི་མིག་མི་ལྟ་གཏམ་མ་ཤོར་བར་ནང་དུ་ལོག་པར་བྱ། དེད་མི་དང་ཁ་སྨྲེང་དེ་བཞིན་དུ་སྤར་ཁ་གཞན་ཀུན་ལ་འདྲ། ཁོན་ལ་ངར་གླུད་གསུམ་བྱས། དབུས་མའམ་འབྲིང་པོའི་མགུལ་ན་ན་ཟླའི་མིང་བྲིས་པ་དར་ལྗང་གིས་དགྲ་མདོག་ཡིན་གྲིལ་བ་བཏགས། ལུག་མགོ་ཅན་ལ་ཁྲིད་བཅུག་ལྷོ་ནུབ་ཏུ་འོ་དོད་བོས་ལ་བསྐྱལ། དྭ་ལ་ངར་གླུད་དཀར་པོ་བདུན་བྱས་བདུན་ཚིགས་ལ་ན་ཟླའི་མིང་དར་དམར་གྲིལ་བ་བཏགས། སྤྲེལ་མགོ་ཅན་ལ་འཁྲིད་བཅུག་ཕྱོགས་ནུབ་ཏུ་བསྐྱལ། ཁེན་ལ་ངར་གླུད་བཅུ་གསུམ་བྱ། བཅུ་ཚིགས་པའི་སྐེ་ལ། ན་ཟླའི་མིང་དར་ལྗང་གིས་གྲིལ་བ་བཏགས། ཁྱི་མགོ་ཅན་ལ་ཁྲིད་བཅུག་སྟེ་ནུབ་བྱང་དུ་བོར། ཁམ་ལ་ངར་གླུད་དགུ་བྱ། དགུ་ཚིགས་པའི་སྐེར། ན་ཟླའི་མིང་བྲིས་པ་དར་སེར་གྱིས་གཏུམས། བྱི་ཕག་མགོ་ཅན་གྱིས་ཁྲིད་དེ་བྱང་དུ་བོར། གིན་ལ་ངར་གླུད་བཅུ་གསུམ། བཅུ་གསུམ་པའི་སྐེ་ལ་ན་ཟླའི་མིང་དར་ལྗང་གཏུམས་པ་བཏགས། གླང་མགོ་ཅན་གྱིས་ཁྲིད་ནས་བྱང་ཤར་དུ་བོར། ཟིན་ལ་ངར་གླུད་གཅིག་གི་སྐེ་ལ་ན་ཟླའི་མིང་དར་དཀར་གཏུམས་པ་བཏགས། མི་ལུས་སྟ་མགོ་ཅན་ལ་ཁྲིད་བཅུག་སྟེ་ཤར་དུ་བསྐྱལ། ཟོན་ལ་ངར་

― MR07_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

གླུད་གཉིས་བྱས་པའི་མགུལ་དུ་ན་ཟླའི་མིང་བྲིས་པ་དར་ལྗང་གིས་གཏུམས་ལ་བཏགས། མི་ལུས་འབྲུག་མགོ་ཅན་ལ་འཁྲིད་བཅུག་སྟེ་ཤར་ལྷོར་བཏང་། འདི་ལ་ན་མཉམ་བསད་པའི་གཏོ་ཡང་ཟེར་ཏེ་གཞན་ལ་གནོད་ཕྱིར་སྡིག་ཆེ་བས་ཕྱི་མའི། གར་ཐོད་ཐོད་དུ་མི་བྱའོ། །ཡང་མིང་སྲིང་གང་རུང་གཅིག་འཆི་འདོད་པའི་ཀེག་ལ་བབ་ན། འཇག་མའི་གཟུགས་མི་ཚད་གཅིག་བྱས་དེའི་ཁར་སྙིང་རློན་པ་ཅིག་བཅུག །བསྒྲུབ་བྱའི་ཞྭ་ལྷམ་གོས་གསུམ་བསྐོན། འཁོར་གསུམ་ཚང་བར་བཏགས། མདའ་གཞུ་རལ་གྲི་བཅས། སྔར་ཤི་བའི་མི་གཟུགས་བཅུ་གསུམ་མིང་བཅས་ཤོག་བུ་ལ་བྲིས་པ་བཏགས། གཞན་ཡང་ཟས་སྣ་འབྲུ་སྣ་རས་སྣ་བསོག་པའི་གླུད་མང་པོས་བསྐོར། གླུད་བྱིན་བས་དང་། བསྔོ་བ་རྒྱས་བསྡུས་གང་རུང་གཅིག་གི་ཆོ་ག་ལ་བརྟེན་ནས་དགྲ་ཕྱོགས་སུ་བསྐྱལ་ལ། གོས་སྤྲུག་བསོ་བསོ་ཞེས་སྐད་གསང་མཐོན་པོས་གསོས་གདབ་པར་བྱས་པས་འཆི་འདོད་ཀྱི་སྐེག་ལས་ཐར་བར་འགྱུར་རོ། །ཡང་བསྒྲལ་ཐབས་གསུམ་གྱི་གཏོ་ཡི་བྱེ་བྲག །གཤིན་རྗེ་གྲུ་སྒྲོལ་གྱི་གཏོ་འདི་ནི། མི་ཚང་གཅིག་ལ་ཤི་ཁ་བྱེ་བའམ། མི་ཞིག་འཆི་ངེས་པའི་ནད་ཀྱིས་ཐེབས་པའམ། ཅི་བྱས་ཀྱང་མ་ཕན་པའི་ནད་པ་སོགས་ལ་བྱ་སྟེ།

― MR07_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

སོག་མ་ལ་ནད་པའི་གཟུགས་བྱ་དེ་ལ་ཤོག་བུའམ་འཇིམ་པ་ལས་ཁ་མིག་སོགས་བཏོད། མི་རུས་རྟ་རུས་ཁོང་དུ་བཅུག །ནད་པའི་མིང་རུས་སྙིང་གར་གཞུག །དེ་ནད་པའི་འདབས་སུ་བསྙལ་ལ། ནད་པའི་ཟ་འཕྲོ་བྱིན། གོས་རྙིང་གིས་གཡོགས། ལུས་ལས་བསྒྲེས་པའི་ཟན་ལས་ངར་མི་གཅིག་དང་། ཟན་ཆང་གཅིག་དང་། ཟས་ཕུད་སོགས་ཟས་སྣའི་གླུད་བཤམས་སམ་བྷ་རས་བྱིན་རླབས་བྱ། གཏོ་མཁན་འཇམ་དཔལ་གྱི་ང་རྒྱལ་ལ་གནས་པས། ནད་པ་དེའི་ཁྱིམ་གྱི་མི་སྔར་ཤི་བ་རྣམས་དང་དེ་རྣམས་གསོད་པའི་ཟ་འདྲེ་དང་བཅས་པ་ལ་འདི་ལྟར་བསྔོ་བར་བྱ་སྟེ། ཀྱེ། འདྲེ་གདོན་གནོད་བྱེད་ཐམས་ཅད་དང་། ཕ་ཁུ་ཚང་ཟླ་དང་། ཕུ་ནུ་ཟླ་གྲོགས་དང་། སྔར་ཤི་བའི་གཤིན་འདྲེ་དང་། གཤིན་རྗེ་འཆི་བདག་གིས་གླུད་འདི་ལོངས་ཤིག །བཞེས་ཤིག །ནད་པ་འདི་ཡི་སྐག་དང་གནོད་པ་ཐམས་ཅད་བསྒྱུར་ཅིག །ཅེས་ཁ་སྨྲེང་བཏང་། བཟའ་ཚང་ནང་སྔར་རོ་འདོན་པ་དེའམ། ཡང་ན་ངན་ལོང་རྟོག་མེད་ལ་བསྐུར་ནས་ཕ་མེས་ཀྱི་དུར་ས་སོགས་སུ་བསྐྱལ་ལོ། །ཡང་ན་ཆུ་བོའི་གཞུང་ལ་བསྐུར། བདེན་སྟོབས་བརྗོད། གཏོ་ཁྱེར་མི་སྒོར་མ་སླེབས་གོང་དུ་ནད་པ་དེ་ལོ་དེའི་དཔལ་བསྐྱེད་ཕྱོགས་སུ་བྲོས་བཀྲ་

― MR07_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་བརྗོད། དེ་ལྟར་བྱས་པས་རབ་ལོ་དགུ། འབྲིང་ལོ་གསུམ། ཐ་མ་ཡང་ལོ་གཅིག་གི་འཆི་བ་མི་ལྡོག་པ་མི་སྲིད་དོ། །འདི་ནི་རང་གི་ཕ་མ་དང་བུ་ཚའི་དོན་མིན་པ་གཞན་ལ་མི་བྱ། གཏོ་འདི་སུ་དང་འཕྲད་པ་ལ་ན་ཚ་གོད་ཁ་དྲག་པོ་ཡོངས་ངེས་སོ། །གཤིན་རྗེ་གྲུ་སྒྲོལ་གྱི་གཏོ་ངོ་མཚར་རོ། །ཞེས་གསུངས་སོ། །ཡང་སྐག་ཆེན་པོ་ལ་བབ་པའམ་ནད་པ་འཆིར་དོགས་པ་ལ། འཆི་བསླུའི་གཏོ་ལས། ནག་མོ་སྣ་བཅད་ཀྱི་གཏོ་ནག་ནི། བུད་མེད་རིགས་མི་གཅིག་པ་དགུ་ལས་ཕྱེ་བླངས་ལ། དེ་ནང་རང་གི་ཕྱེ་བསྣན་ནས། ས་སྤྱིན་དང་བསྲེས་ཏེ། ཕྱར་བ་ནག་པོར་འབྲུ་ནག་བཀྲམ་པའི་སྟེང་དུ། བུད་མེད་སྣ་བཅད་པ་ལྔ་ཡི་གཟུགས། གཡས་ན་ཁྲམ་ཤིང་། གཡོན་པ་ནད་རྐྱལ་ལམ་ཚོན་གྱི་དྲུ་གུ་ཐོགས་པ། ཐོད་བཅིངས་པ་ལ་སྤར་ཁའི་རྟགས་བྱས་པ། ཕྱོགས་བཞི་དབུས་ལྔར་བཞག་ཆགས་ཆེ་བ་ཆས་དེའི་སྐེར་ཐིག་གུ་ནག་པོ་ཞིག་ཕྱིན་ཀ་ལོག་ཏུ་འགག་མིག་ཏུ་བཏགས་ནས་བདེན་སྟོབས་བརྗོད་ཅིང་། མིང་འདི་ཞེས་བྱ་བ་འཆི་བའི་སྐག་ལས་ཐར་ནས་ཚེ་རིང་དུ་འཚོ་བར་གྱུར་ཅིག་ཅེས་བརྗོད་དེ། སྐག་ཅན་དེའི་སྐེ། བེ་ཐག་པ་བུད་མེད་གཅིག་གིས་བཀྲོལ་ནས། ཡས་རྟགས་ཀྱི་མགུལ་

― MR07_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཏགས་ལ་ཡས་དེ་ནག་མོ་དེས་ཁྱེར་ནས། བསྲུང་བྱའི་ལུས་ཚད་དམ། འདྲེ་ལྔ། བདུད་གཅོད་གནས་པའི་ཕྱོགས་གང་རུང་དུ་བསྐྱལ། གཏོ་འདི་གཟའ་དར་བའི་དུས་སུ་བྱ། གཏོ་བསྐྱལ་དུས་དེར་ཕྱོགས་དེའི་ཁད་ཉེ་བར་བུད་མེད་དམ། འཁོར་གསུམ་བཏགས་པའམ། ཕད་ཚེ་སྟོང་པ་ཐོགས་པའམ། སྒྲོ་སྟོང་ཁུར་བ། མི་ནག་ཕྱུགས་ནག་དང་འཕྲད་ན་གཏོ་ཐེབས་པའི་རྟགས་སོ། །མི་དཀར་རྟ་དཀར་དང་འཕྲད་ན་ལོག་པས་སླར་ཡང་བསྐྱར་དགོས། གང་དང་མ་འཕྲད་ན་འབྱམས་པ་ཡིན་པས་བསྐྱར་ན་ལེགས། ཡང་མི་རོ་རྟ་ཞོན་གྱི་གཏོ་ནི། བདུད་གཅོད་ཕྱོགས་སུ་དོང་ཞིག་བྲུས། བུད་མེད་ལྔ་ལས་ཕྱེ་བླངས་ནས་ངར་མི་ཆེ་བ་གཅིག་བྱས་ལ། ནད་པ་སྐག་ཆེ་བ་དེའི་མགུལ་དུ་བཏགས། རྟ་གཅིག་ལ་ཕྱིན་ཀ་ལོག་ཏུ་སྐྱོན། ནད་པའི་གོས་དྲི་མ་ཅན་གྱི་གྲིལ། གཏོར་མ་ནག་པོ་གཅིག་དང་བཅས་པ་ཁྱེར་ནས་དོང་བྲུས་པ་དེར་བཅུག །གཏོར་མ་དེ་དོང་ཁར་བཏང་། བདེན་སྟོབས་དམིགས་ལ་ལོག་ནས་ཁྱིམ་དུ་ཚེ་ཆོག་བྱ། གཏོ་བསྐྱལ་དུས། རྟ་པའམ། མོ་གཞོན་དང་། ཁྱི་དང་འཕྲད་ན་ཐེབས། ངལ་ནས་ཐང་ཆད་པའམ། ཤུས་འདེབས་པ། ངུ་བ་དང་འཕྲད་ན་ལོག་པས་བསྐྱར། དེས་འཆི་བ་བཟློག་གོ །ཡང་ཙན་དན་

― MR07_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོང་སྒྲིལ་གྱི་གཏོ་ནི། ནད་པ་དེ་ཐག་པ་གཅིག་གིས་སྡོང་པོ་འདྲེ་ཅན་གཅིག་དང་སྦྲེལ། སྡོང་པོ་ལ་ནད་པའི་ལོ་གྲངས་ཀྱི་ཁྲམ་བཏབ། ངན་དགུ་དུག་བཅུ་ཐམས་ཅད་ཁྱེར་ཅིག་ཅེས་བྲིས། བདེན་སྟོབས་དམིགས་ལ། མཐུན་གསུམ་ལོ་པས་བདུད་གཅོད་ཀྱི་ཕྱོགས་སུ་སྡོང་པོ་བསྒྲིལ་བ་དང་མཉམ་དུ་སྦྲེལ་ཐག་བཅད་ལ་བཏང་། དེའི་ཚེ་ཕར་འགྲོ་དང་འཕྲད་ན་བཟང་། སྒ་དང་ལག་ཆ་སོགས་མེད་པའི་མི་སྟོང་རྟ་སྟོང་དང་འཕྲད་ན་ཐེབས། ཚུར་བྱུང་བ་དང་། ཁྲེས་པོ་ཁུར་བ་དང་འཕྲད་ན་ངན་ནོ། །དེས་འཆི་སྐག་བཟློག་པར་འགྱུར་རོ། །ཡང་འདྲེ་བུ་ཟན་མའི་གཏོ་ནི། བུད་མེད་ཡུག་ས་མ་ལྔ་ལས་ཕྱེ་བླངས་ལ། བུད་མེད་ནག་མོ་རབས་ཆད་ལྔ། ནད་རྐྱལ་དང་མཚོན་སྐུད་ཀྱི་གྲུ་གུ་ཐོགས་པ་བྱ། ཐོད་བཅིངས་སྤར་རྟགས་གཟུགས། ཡང་རྒྱལ་འགོང་གི་གཟུགས་གཅིག་ཀྱང་བྱ། བྱ་ནག་མོའི་སྒོ་ང་། རེའུ་ལུག་གུ་ཁྱིའུ་མིག་མ་བྱེ་བའི་མགོ །ལྟག་སྐོར་རུས། མགལ་བ། བྲ་བོ་རུག་པ་རྣམས་ཕྲུ་བ་རྫ་མ་ནག་པོ་གཅིག་ཏུ་བླུགས་པ་དེ་མདུན་བཞག །ནད་བདག་གླུད་བདག་རྣམས་ལ་བརྔན་རྫས་བྱིན་པས་ཚིམ་ནས་གཞན་དུ་འགྲོ་བར་བསམ། བྱིས་པ་ཆུང་ངུ་ཡོད་པ་གཞན་གྱི་

― MR07_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ཁང་འགྲམ་མམ། དེའི་ཁྱིམ་མཐོང་སར་དེ་ཚང་གི་ཚང་མང་ངམ་མལ་ལ་ཁ་གཏད་དེ་བཞག་ལ། ཁྱོད་ཀྱི་ཟ་རེས་ཁྱིམ་འདི་རུ་ཡོད་ཀྱིས་ཟོ་ཞིག །གཡའ་སྲི་མགོ་དམར་མ། སྤང་སྲི་མགོ་སྔོན་མ། ནགས་སྲི་མགོ་ནག་མ། ཆུང་སྲི་མགོ་སྔོན་མ། དམ་སྲི་ནག་མོ་རལ་པ་ཅན། འགོང་མོ་ནག་མོ་བྱ་བ་ཁྱོད་ཕ་ཀའི་ཁྱིམ་དུ་བཞུད་ཅིག །ཅེས་བརྗོད་ལ་ཕྱི་མིག་མི་ལྟ་བར་ལོག །གཏོ་འདི་བྱིས་པ་གཅིག་གཉིས་ཤི་བ་ལ་རྒྱུ་རྐྱེན་ཡིན་པས་མི་བྱ། དེ་བས་མང་བ་ཤི་ན་ཐབས་འདིས་ཤི་ཁ་ཆོད་དེ་འདྲེ་སྲི་གཞན་ལ་ཟ་ཁ་སྤོས་པར་འགྱུར་རོ། །སྡིག་ཆེ་བས་མི་བྱའོ། །སྐག་ཕྲན་བསྒྱུར་བའི་གཏོ་ཅི་རིགས་བསྟན་པ་ལས། རོ་འདོད་ལག་པ་བཅག་པའི་གཏོ་ནི། ས་ཕུལ་དོ་ལས་གླང་པོ་ཆེའི་གཟུགས་བྱ། ལུག་གི་ལག་གཡས་སུག་པ་དང་མ་བྲལ་བ་གཅིག་དང་། མགལ་བ་ཁ་ནག་གཉིས། སྐུད་པས་དཀྲི་ཞིང་དེ་དག་སྐྲ་ཤད་ཀྱི་སྐུད་པས་སྦྲེལ་ནས་གླང་པོ་ལ་ཁལ་དུ་བཀལ། མི་དེའི་འདྲེ་ལྔའམ་བདུད་བཅོད་ཀྱི་ཕྱོགས་སུ་དོང་གྲུ་གསུམ་བྲུས་པ་དེར་སོང་ལ། དང་པོ་ལག་ངར་དེ་བཅག་ལ། གནོད་པར་བྱེད་པའི་འདྲེ་ཐམས་ཅད་ཀྱི་ལག་ངར་བཅག་གོ །ཅེས་བརྗོད།

― MR07_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་དོང་དེར་དང་པོ་ལག་ངར་བཅུག །དེ་ནས་གླང་པོ་བཅུག །དེ་ནས་མགལ་བ་བཅུག །སས་བྱིབས། གཡམ་པ་ལ་རྡོ་རྗེ་རྒྱ་གྲམ་བྲིས་པས་ཁ་བཅད། བདེན་སྟོབས་བརྗོད་ཅིང་རྟེན་སྙིང་བཟླ། དེས་རོ་འདོད་ལག་པ་བརྫིས་པའི་ཉེས་པ་ཞིའོ། །དགུ་མིག་ཏུ་ཚུད་ན། སངས་རྒྱས་བྱང་སེམས་ཀྱི་སྐུ་གཟུགས་དང་། གསུང་རབ་དམ་པའི་ཆོས་ཀྱི་གླེགས་བམ། རིང་བསྲེལ་ལྡན་པའི་མཆོད་རྟེན་སོགས་སྐུ་གསུང་ཐུགས་ཀྱི་རྟེན་གསུམ་སྤྱན་དྲངས་ནས་སྟེགས་ལ་བཞུགས་སུ་གསོལ་ཏེ། དེ་ལ་ན་མོ་བུདྡྷ་ཡ་སོགས་ཕྱག་འཚལ་བའི་གཟུངས་བརྗོད་ཅིང་དགུ་མིག་ལ་བབ་པ་དེས་ཕྱག་ལན་དགུ་བཙལ། བསྐོར་བ་དགུ་བྱ། མེ་ཏོག་དང་སྤོས་དང་མར་མེ་ཡོན་ཆབ་ལྷ་བཤོས་རྣམས་རེ་རེ་ནས་དགུ་རེ་དགུ་རེ་ཕུལ། མཆོད་པ་འབུལ་བའི་ཚིགས་བཅད་གང་རུང་དང་། མཆོད་གཟུངས་སམ་རྟེན་སྙིང་བཟླ་སྟེ་འབུལ། གཏོར་མ་དང་གླུད་དགུ་བཏང་འཕགས་པ་བློ་གྲོས་བཟང་པོས་ཞུས་མདོ་དང་། སྐྱེས་པ་ལ་ཕྱག་སྟོང་སྤྱན་སྟོང་གི་གཟུངས། བུད་མེད་ལ་སྒྲོལ་མ། བྱིས་པ་ལ་ཁྱེའུས་ཞུས་མདོ། རྒན་མོ་ལ་

― MR07_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲེས་མོས་ཞུས་པའི་མདོ་ཀླག །དེ་ནས་དགུ་མིག་ལས་ཐར་རོ་ཞེས་བརྗོད། བདེན་སྟོབས་དམིགས་ཤིང་བཀྲ་ཤིས་བརྗོད་པས་དགུ་མིག་གི་ཉེས་པ་ཞི་བར་འགྱུར་རོ། །སྤར་ཁའི་སྐྱ་མདའ་འཐུག་པས་བུད་མེད་ཀྱི་བུ་མ་སོས་ན། ཕོ་མོ་གཉིས་ལས་གང་རུང་གཅིག་ལ་དེར་ཁྱིམ་གཞན་དུ་བྱོལ་བས་ཐུབ། སྤར་ཁ་གདན་ས་གཅིག་ཏུ་འཚོགས་པ་དང་། རང་སྐྱེས་སྤར་ཁའི་སྟེང་ཕྱིན་པའི་སྐག་ཅན་ལ་གླུད་ནག་པོ་གཅིག་སྤར་ཁ་གང་བབ་དེ་ཡི་སྟེང་དུ་བཏང་ན་ཐུབ། སྤར་ཁ་དགྲ་ཐོགས་ཏུ་ཕྱིན་པས་ཤི་ཆད་ཆེ་ན། ལུག་ནག་གི་མཇིང་པ་གཅིག །རང་ལོའི་གཟུགས་ཀྱིས་བསྐོར་ནས། སྤར་དགྲའི་ཕྱོགས་སུ་སྦད་ན་ཐུབ། སྤར་ཁ་དུར་ཐོག་ཏུ་ཕྱིན་པ་ལའང་གོང་གི་བཅོས་འདི་དག་གིས་ཐུབ། སྤར་ཁ་དགུ་མིག་ཏུ་ཚུད་པ་ལ། ཕོ་ལ་གླུད་ནག་པོ་དགུ། མོ་ལ་དམར་པོ་དགུ་བྱས། ཧཱུྃ་བྷྱོཿ གཏོ་འདི་གཙུག་ལག་འཕྲུལ་གྱི་གཏོ། སོགས་སྤར་ཁའི་སྤྱི་མདོས་སྐབས་ལྟར་གཏོ་སྨྲེང་གྱེར་ལ། བདེན་སྟོབས་བརྗོད་དེ་དག་གནོད་ཕྱོགས་སུ་བཏང་བས་ཐུབ་བོ། །ཡང་བཟློག་ཐབས་གསུམ་བྱེ་བྲག །

― MR07_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ངན་གྱི་ཉེས་པ་ ༡ བཟློག་ཐབས་ནི། ཤར་དུ་འགྲོ་ན་ལག་ཏུ་ལྕགས་ཆ་ཞིག་ཁྱེར། ལྷོར་ཆུ་གཏོར། ནུབ་ཏུ་མེ་གཏོར། བྱང་དུ་ས་སེར་གཏོར། མཚམས་བཞིར་ཤིང་ཐོགས་ཏེ་འགྲོ་བས་ཐུབ། ཡང་ན་རུས་སྦལ་ཁོག་པ་རང་ལུས་ལ་བཏགས་ཏེ་འགྲོ། ཡང་ན་ལུས་ལས་བགྲེས་གླུད་རང་ལོའི་མགོ་ཅན་བྱས་ལ་ཐོགས་ཏེ། སྒོ་རྩ་ནས་གོམ་པ་ལོ་གྲངས་སོང་མཚམས་འགྲོ་ཕྱོགས་སུ་བོར་བས་ཐུབ་ངེས་སོ། །ཡང་གཅིག་ཕྱོགས་ངན་དུ་འགྲོ་དགོས་བྱུང་བའི་གཏོ་ནི། ལི་པ་བྱང་དུ་འགྲོ་དགོས་བྱུང་ན། འབྲུ་སྣ་ལྔ་ལས་བྱས་པའི་ངར་གླུད་གཅིག །འབྲུག་གི་གཟུགས་ཀྱི་ཁོག་པར་བཅུག །སྒོ་ནས་བྱང་དུ་གོམ་པ་ལོ་གྲངས་བོར་བའི་མཚམས་སུ་ས་དེར་དོང་བྲུས་ལ་མནན། དེའི་འགྲེས་སྦྱར་ཏེ་གཤེད་བཞི་ཤར་དུ་འགྲོ་ན་ངར་གླུད་སྤྲེལ་གཟུགས་ཀྱི་ཁོག་པར་བཅུག་ལ་མནན་པ་སོགས་ལོ་གཞན་ལ་ཤེས་པར་བྱའོ། །ཡང་དྲིལ་ཐབས་རྣམ་པ་གསུམ་གྱི་གཏོ་ཡི་ནང་ཚན། ཐུབ་ཆོད་ཀུན་དྲིལ་གྱི་གཏོ་ཞེས་པ་ནི། རུས་སྦལ་གྱི་ཁོག་པ་ལ་མཚལ་གྱིས་ཡི་གེ་ཧྲཱིཿགཅིག་བྲིས་པ་དེ། དར་རམ་ཤོག་བུ་ལ་

― MR07_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་གྱིས་ཡེ་དྷར་མ་བྲིས་པ་དང་ལྷན་ཅིག་འཆང་། དེ་ཡང་དེ་ཉིད་ཁྱིམ་དུ་བཞག་ན་ཁྱིམ་ཐུབ། ཕྱོགས་སུ་འགྲོ་ན་ཕྱོགས་ཐུབ། ལས་གང་བྱེད་ཀྱང་གཏོ་འདི་ལུས་ལ་བསྟན་པ་གལ་ཆེ་སྟེ། ལས་བྱ་ཉེས། རྫས་སྲེལ་ཉེས། ཕྱོགས་ངན་དང་ཐུག་པ་སོགས་ཉེས་པ་ཐམས་ཅད་འདི་གཅིག་པུས་ཐུབ་པས་ཀུན་ཐུབ་རྒྱལ་པོ་ཞེས་གསུངས་པ་ཤིན་ཏུ་གལ་ཆེ་བ་ཡིན་ནོ། །དེ་ཡན་ཆད་ཀྱིས་སྐག་བཟློག་གི་གཏོ་ཐབས་ཅི་རིགས་གསུངས་པ་བསྟན་ནས། ཞར་བྱུང་དུ་ཉེར་མཁོའི་གཏོ་སྐོར་ཅི་རིགས་བསྟན་པ་ལ། སྐྱེས་པ་ལ་ཆག་སྒོ་ཆེ་ན། ངར་གླུད་མཐོ་གང་པའི་ཁོངས་པར་འབྲུ་སྣ་བླུགས། སྐེ་ལ་དགྲ་འདྲེའི་ལིང་ག་ཁྲག་གིས་བྲིས་པ་བཏགས། མདའ་བཀྲ། འཕང་བཀྲ། ནམ་མཁའ། རྒྱང་བུ། ཤིང་རིས། མེ་ལོང་རྣམས་གླུད་ལ་བཏགས་ཏེ། ཕྱོགས་ངན་གནས་པའི་ཕྱོགས་ཞིག་ཏུ་བཞག །སྐག་ཅན་རང་གི་གོ་མཚོན་ཐོགས་ལ་དེ་བསད་ཚུལ་བྱ། མུ་ཏོ་པ་ཞིག་གིས་ངའི་ཕ་བསད་དོ་ཞེས་ཆོ་ངེས་བཏབ། དེ་ལ་འདམ་པའི་རྟ་ཕྱོགས་ཀྱི་གཟུགས་མང་པོ་དང་། འབྲུ་སྣ་དང་། རིན་པོ་ཆེ་ལ་སོགས་པ་སོ་སོའི་མིང་སྨོས་ཏེ་འདི་དག་ཁྱོད་ལ་ཕ་

― MR07_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

བསད་པའི་སྟོངས་སུ་འཇལ་ལོ་ཞེས་བརྗོད་ལ་བྱིན། དེ་ནས་སྟོངས་འཕྲོད། དེ་མ་སོད་ཚུལ་བྱ་ཞིང་བཟའ་བཏུང་གི་ངོ་བསྲོ་བྱ། བདེན་སྟོབས་བརྗོད་ལ། ནང་དུ་ལོག་སྟེ་བཀྲ་ཤིས་བརྗོད་པར་བྱའོ། །སྐྱེས་པ་གཅིག་ཁ་རྗེ་ཅིར་ཡང་མ་བཏུབ་ན། ཁ་རྗེ་བསྐྱེད་པ་ནི། སྙུག་མ་ཚིགས་དགུ་གཅིག་ལ་གཡག་རྔ་དཀར་པོ་བསྐོན། སྟག་རས། གཟིག་རས། དར་དཀར་པོ། ལྕགས་ཀྱི་བྱང་བུ་བཏགས་པ་གཟའ་སྐར་བཟང་པོར་མཛོད་དུ་སྦས་ལ་བདེན་སྟོབས་བརྗོད་པ་དང་། མདོ་ལས་བྱུང་བའི་བཀྲ་ཤིས་བརྗོད་པར་བྱའོ། །བུད་མེད་ཁྱོ་ལ་མི་དགའ་ན། མོ་ཡི་སྐྲ་ཉག་མ་གཅིག་བཅད། ཁྱོ་ག་རང་གི་ཁ་དལ་དལ་བྱས་ལ་མོའི་གཤེད་ཀྱི་དུས་སུ་མོའི་འོག་ཏུ་སྦས་སོ། །རྟག་ཏུ་བྱེས་སུ་དགྲ་སྡང་ན། མདའ་བཅུ་གཉིས་སྐུད་པ་དཀར་ནག་གཉིས་ཀྱིས་སྦྲེལ། ལན་གསུམ་ས་ལ་བརྡབ་སྟེ། རྟ་ཡི་དུས་སུ་ལུས་གཅོད་པའི་ཕྱོགས་སུ་བསྐྱལ། རྟག་ཏུ་ཞོ་ཆང་ཉེས་ན། སྲེ་ལོང་གཅིག་ཆང་དུ་བཙོས་ལ་ཚིག་མ་ཕུལ་གང་དང་སྦྲགས་ཏེ་ཁྱི་ཡི་དུས་ཚོད་ལ་བྱང་དུ་བསྐྱལ་ལོ། །རྟག་ཏུ་ཤོ་ཡི་རྒྱལ་ཁ་ཤོར་ན། ཁོ་རང་

― MR07_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

གི་རྒྱབ་ཏུ་ལིངྒ་མི་གསུམ་ཞེས་པ་འདི་འཇུག་གསུམ་བྲི། ཁོའི་དགྲ་སྤྲོད། ལུས་གཅོད་པའི་ས་ནས་ཚུར་འོང་ལ་བྱའོ། །འདི་རྣམས་ལ་བདེན་སྟོབས་དམིགས་ལ་བརྗོད་པར་བྱས་ན་ལེགས། གཡང་གཏའ་བསྔམ་པའི་སྐོར་ལ། ཕྱུགས་གཡང་ཉམས་ན་ཁམས་ལས་ཕྱུགས་ཀྱི་གཟུགས་དུ་མ་ཁ་དོག་སྣ་ཚོགས་པ་བྱས་པ་ལ་གཡང་བླན། དེ་རྣམས་དང་དཀར་གསུམ་མངར་གསུམ་འབྲུ་སྣ་རིན་ཆེན་སྣ་ཚོགས་བཅས་སྤར་བུའི་ནང་དུ་བླུག །ཁ་བལ་གྱིས་བཅད་དེ་ཕྱུགས་ཀྱི་རྭ་བའི་དཀྱིལ་དུ་སྦས་ན་ཕྱུགས་འཕེལ་ལོ། །བདེན་སྟོབས་ལ་ཕྱུགས་གཡང་འཕེལ་ཞིང་བརྟེན་པའི་སྨོན་ལམ་སྦྱར། རྟེན་སྙིང་བཟླ། བཀྲ་ཤིས་བརྗོད། གཡང་གི་གཟའ་སྐར་དང་བསྟུན་ནོ། །ཡང་གཡང་ཉམས་གསོ་བའི་གཏོ་ནི། སྐར་མ་གཡང་དཀར་ལ་བབ་པའི་དུས་སུ། ཕྱུག་པོ་དགུའི་ཞིང་ས་དང་ཁང་ས་བླངས་ལ། འབྲང་རྒྱས་ནོར་བུའི་དབྱིབས་ཅན་བཟོས། དེའི་དཀྱིལ་དུ་གཡང་མོ་དགུའི་སོག་པ་ལ། རྟ་དགུའི་རྔ་རྔོག་གནག་དགུའི་རྩིད་པ། ཕྱུག་པོ་དགུའི་ནས། ཆུ་མིག་རྒྱུན་འབབ་དགུའི་ཆུ། རིན་ཆེན་སྣ་ཚོགས་དང་།

― MR07_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་སྣ་ཚོགས་བཅུག །གཡང་བླན་ལ་མཛོད་དུ་སྦ་ཞིང་ཞག་ལྔར་ནོར་རྫས་ཕྱིར་མི་གཏོང་། གཡང་བླན་པའི་གཏོའོ། །ཡང་རྟ་བོང་གི་གཡང་ཉམས་ན། རྟ་བོང་སྒྲོག་འགྲོལ་གྱི་གཏོ་འདི་བྱ་སྟེ། རྟ་བོང་གཉིས་སྒྲོག་ཏུ་བཙུད། ནས་བྲེ་གང་གི་སྟེང་དུ་ལོ་བཅུ་གཉིས་ཀྱི་གཟུགས་བཀོད། ནམ་རྒྱང་མདའ་འཕང་རྣམས་ལྔ་བཀོད། རྟ་བོང་བརྒྱུད་མང་པོ་ཡོད་པའི་རྨིག་རྗེས་ཀྱི་ས་ཚོམ་དང་། རྔ་རྔོག་སོགས་སྤུ་བླངས་ནས་རྟ་གཡང་བླན། པགས་པ་དམར་སེར་གྱི་གཡང་གཞི་གཅིག །ཤིང་སེ་བའི་མགལ་བ། ཤིང་སྣ། འབྲུ་སྣ། དར་སྣ་ཚོགས་བསགས་པ་རྟ་བོང་དེའི་མགོ་ལ་བཏགས། དཔྲལ་བར་མེ་ལོང་བཏགས་ནས་བདེན་སྟོབས་དམིགས་བརྗོད་བྱ། བཀྲ་ཤིས་བརྗོད་ཅིང་རྫས་རྣམས་མཛོད་དུ་སྦའོ། །རྟ་བོང་ལ་དགྲ་ཁ་ཟུག་ན། རྟ་བོང་གི་གཟུགས་བྱས། བདག་པོ་རྟ་སྒ་ཁུར། ཐུ་བ་སྔ་ལོགས་ཕྱི་ལོགས་བརྗེས་ལ། མདའ་ཆག་གཞུ་ཆག་ཁྱེར། ཁུས་འདེབས་ཀི་བྱེད་པའམ་རང་གི་བདུད་གཅོད་ལོ་དེའི་སྤར་ཁའི་ཕྱོགས་སུ་བརྒྱུག་ནས་མདའ་བརྡེག །དེ་དུས་སྔོན་དུ་གང་འདུག་པའི་མི་ལ་དེ་ཁྱེར་བྱས་ནས་ཡས་བོར་ནས་རྟ་གཟུགས་དང་མདའ་ཆག་བཞུ་ཆག་བོར།

― MR07_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱིམ་དུ་བྲོས། རྟ་བོང་སྒྲོག་འགྲོལ་གྱི་གཏོའོ། །ལུག་གི་གཡང་ཉམས་སམ་ལུག་ལ་སྤྱང་ཀི་ཤོར་ན། ནས་བྲེ་གང་སོགས་གོང་དང་མཐུན། ལུག་དཀར་པོ་མགོ་དམར་ལ་གཡང་ལན་གསུམ་བཀུག །ལུག་ལྕགས་མགོ་ལ་དར་སྣས་བརྒྱན་པའི་མགོ་དར་ལྕགས་ཁས་གྲིལ། དཔྲལ་བར་མེ་ལོང་བཏགས། ཤིང་སྣའི་མགལ་པ་གཅིག་ངར་མི་ལ་ཁྲམ་བྱང་བསྐུར་བ་རྣམས་ལུག་རྫིས་མདའ་རྒྱང་གསུམ་དུ་བསྐྱལ། ཕྱིར་ལོག་ནས་ཐོབ་རྩི་ཐོ་ལས་བཏབ། ལུག་ཤི་གཞུག་དེའི་ཐོད་པར་ལུག་གི་གོད་འདྲེའི་མིང་གཟུགས་བྲིས་ལ་མནན་པ་བྱ། ཕྱུག་པོ་བཞིའི་ཞིང་ས། འཕན་པོ་བཞིའི་མི་བརྒྱུད་མང་བ་ཁང་ས་བླངས་ལ་དེ་ནང་རིན་པོ་ཆེ་བརྡར་བ་བསྲེས་ནས་ལུག་གི་ར་བའི་དཀྱིལ་ཏུ་སྦས་ལ་བཞག་ལུག་རྫི་བདག་པོ་དང་ལོ་མཐུན་པ་ཞིག་བཙལ་ལོ། །ལུག་གི་གཏོའོ། །ཚེ་ཚེ་ནག་ཐུས་ཀྱི་མི་རྒྱུད་མང་བ་གཏོ་ལ། ར་གཡང་ཉམས་ན། ནས་བྲེ་སོགས་གོང་དང་འདྲ། ར་ཁྱི་ལག་གི་ཐོད་པར་གནོད་སྲི་ཐམས་ཅད་མནན་ཏེ་དོང་དུ་བྲུབས། ར་རོག་མོ་ལ་གཡང་བླན། ར་རོག་པོ་གཅིག་དར་ཆས་སུ་བཅུག་ལ། རྒྱང་བུ་དཀར་ནག་ཤིང་སྣའི་མགལ་བ་རྣམས་

― MR07_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

རྭ་གཡས་པ་ལ་བཅིངས། སྤུ་སྣ་དང་ཡུངས་ས་མོའི་གོས་ལྷྭམ་ཁལ་དུ་བཀལ། ཁྲེས་པོ་ནག་པོ་ཁུར་བ་གཅིག་གིས་འུར་རྡོས་དེད་ལ་ལམ་པོ་ཆེར་བསྐྱལ། ཕྱིར་ལོག་ནས་ཐོ་ལེས་བཏབ། བཀྲ་ཤིས་བརྗོད། ཚེ་ཚེ་ནག་ཐུས་ཀྱི་གཏོའོ། །གནག་གཡང་ཉམས་ན། སྐར་མ་བིའུ་རྫིའམ་ནག་པ་ལ་གནག་འབྲི་སྤུ་རྟགས་ཅན་གཅིག་ལ། ཕྱུག་པོ་གནག་མང་པོ་ཡོད་པའི་གནག་གི་སྤུ་དང་། མར་དང་ལྕི་བ། ཕྱུག་པོའི་ནས། ར་ལུག་གི་སྤུ་ལ་ཐིག་གུ་བྱས་པ་རྣམས་དེའི་མགུལ་དུ་བཏགས། གཡང་ལན་གསུམ་བླན། དེ་ཕྱུག་གདང་གི་གྲལ་བཏགས། དེ་ཉིད་གཞན་ལ་འཚོང་བ་དང་བསད་པ་སོགས་མི་བྱ་བར་གཡང་རྟེན་དུ་བཟུང་། ཤི་ནའང་དེའི་སྤུ་སོགས་ལ་གཡང་བླན་ལ་མཛོད་དུ་སྦ། སྐར་མ་བིའུ་རྫི་ལ་གནག་གདངས་གསར་པ་བྲེས། གནག་རྫི་དབང་ཐང་དར་བ་བཙལ་ལ་བཞག དེས་གནག་གཡང་འཕེལ་བར་འགྱུར་རོ། །ཕྱུགས་གོད་གཅོད་པའི་གཏོ་ལ། ཕྱུགས་རྗེས་མ་ཤི་བ་དེའི་ཐོད་པའི་དཔྲལ་བར་རྡོ་རྗེ་རྒྱ་གྲམ་དང་། ལྟག་པར་གཡུང་དྲུང་། སྣ་གོང་དུ་ཁྲམ་བྲིས་པ་ལ་ཆོས་བོན་གཙུག་ལག་

― MR07_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱིས་རྒྱས་བཏབ་པ་ཞེས་བྱ། འགྲམ་པ་གཡས་པར་གོད་སྲི་ཁ་ཐཾ། ཞེས་དང་། གཡོན་པར་གོད་ཁ་ཆོད་ཅིག་ཅེས་བྲི། ཐོད་པའི་ནང་དུ་གོད་ཁ་ཐམས་ཅད་བཅད་དོ། །བྲུབ་བོ། །མནན་ནོ། །མ་ལྡང་ཞིག །ཅེས་པ་བྲིས་ལ་གཞུག །གོད་འདྲེའི་ལིང་གའི་སྙིང་གར། ཐ་ཏྲི་ཡ་ཛ་ཞེས་བྲིས་པའང་ཐོད་ནང་བཅུག །ཕྱུགས་དེའི་སྙིང་གི་ནང་དུ་ཡང་དེ་འདྲ་བཅུག །ལྤགས་པ་ལ་གོད་འདྲེ་གོད་སྲི་ཐམས་ཅད་དུལ་ལོ་རུལ་ལོ་ཞེས་སྣང་བྱ་བ་བྲིས། ཐོད་པ་དང་སྙིང་པགས་པས་གྲིལ་ལ། ཕྱུགས་དེའི་རྒྱུ་མའི་ཕྱིན་ཀ་ལོག་ཏུ་དཀྲིས་ནས། ཕྱུགས་ཀྱི་རྭ་བའི་མཐོང་ས་སམ། སྲང་མདོའམ། ལམ་རྒྱ་གྲམ་དུ་མནན། དེ་སྟེང་དང་པོ་མེ་བླུག །དེ་སྟེང་ཆུ་བླུགས། དེ་སྟེང་ས་དང་རྡོ་མནན་ཏེ་དོང་ཁ་བསུབ། དེ་ལྟར་མེ་ཆུ་ས་རྡོ་བཞིས་བྱིབས་ནས་མནན་པས་གོད་ཁ་ཆོད་པའི་གཏོ་ཤིན་ཏུ་ཟབ་བོ། །འདི་བཅས་ཆོག་ཙམ་གྱིས་ཀྱང་ཆོད་ལ། རྒྱས་པར་གོད་མནན་གཞན་དུ་གསལ་ལོ། །ཡང་གོད་ཁ་བཅད་པའི་གཏོ་ལ། ལུག་གི་ཐོད་པར། གོད་འདྲེའི་ལིང་གའི་ལྟོ་བར། གོད་འདྲེ་མཱ་ར་ཡ་ནན། ཞེས་བྲིས་པ་བཅུག །དེ་ལྷོ་ནུབ་ཀྱི་ཕྱོགས་སུའམ། ཕྱི་སྒོའི་ཐེམ་འོག་ཏུ་

― MR07_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

མནན། ཕྱི་སྒོའི་སྒོ་ཀླད་ཀྱི་ཁར། དབུས་སུ་རྟ་ཡི་མགོ །གཡས་སུ་རི་བོང་གི་མགོ །གཡོན་དུ་རྨིག་པ་ཁ་དབྲག་ཅན་གྱི་མགོ་གཅིག་བཞག །སྒོ་ཤིང་ལ་ཕྱུགས་ཀྱི་སྲེ་ལོང་གཅིག་བཏགས་པས་གོད་ཁ་ཆོད་དོ། །དེ་རྣམས་ལ་བདེན་སྟོབས་བརྗོད་ན་ལེགས། དེ་རྣམས་གསོན་རྩིས་སྐག་གཏོ་སོགས་ཀྱི་སྡེ་ཚན་དང་པོའོ།། །།གཉིས་པ་དགྲ་བཟློག་གི་གཏོ་ལ། བསྒྱུར་ཐབས་རྣམ་པ་ལྔའི་ནང་ཚན། རྒྱལ་མོ་ཁྲོམ་བསྒྱུར་ལའང་། དམག་ཁྲོམ་བསྒྱུར་བ་དང་། འདྲེ་ཁྲོམ་བསྒྱུར་བ་གཉིས་ཡོད་པའི། དང་པོ་དམག་ཁྲོམ་བསྒྱུར་བའི་གཏོ་ནི། ལོ་ཀླུང་གི་ལྷ་ཚོགས་གནམ་ལོ་གང་ཡིན་དེའི་ཕྱོགས་སུ་གཏོ་གཏུགས་པར་བྱ་སྟེ། དེ་ཡང་གཡག་དཀར་པོའམ། དཀར་ཟལ་གྱི་མགོ་ཡོད་ན་རབ། མེད་ན་གཡག་མགོ་གང་རྙེད་ལ་བྱ། དེའི་དཔྲལ་བར་མེ་ལོང་ལ་ལྷ་གསོལ་ལོ་བྱ་བ་བྲིས་པ་བཏགས། རྣ་བ་གཉིས་ལ་ལྷས་གཏམ་སྙན་ཟློས་ཤིག་བྱ་བ་བྲིས་པ་རྔ་མ་དཀར་པོའི་ཕོན་བཅས་བཏགས། ཤིང་གི་བྱང་བུ་ཆེ་བ་གཅིག་ལ་ཁྲོམ་སྣ་བསྒྱུར་རོ་དགྲ་སྣ་བསྒྱུར་རོ། །དམག་སྣ་བསྒྱུར་རོ་བྱ་བ་བྲིས་པའང་མགོ་དེ་ལ་བཏགས། རི་རྩེའམ་མཁར་རྩེར་གཟུགས། དེའི་ཁ་ལོ་

― MR07_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷའི་ཕྱོགས་སུ་བསྟན་ལ་བཞག །དེ་མཐོང་སར་རང་གི་དམག་མིའི་མཚོན་ཁ་མི་བསྟོན། ཅིས་ཀྱང་དེ་དང་གདོང་སྤྲད་དུ་འགྲོ་དགོས་བྱུང་ནས་སྟབས་མ་བདེ་ན་གདོང་ཚུགས་སུ་མི་འགྲོ་བར། གཡས་གཡོན་གང་བདེར་བསྐོར་ནས་འགྲོ། ལོའི་ལྷ་ཚོགས་སར་དམག་མི་གྲངས། གཡུལ་སྤྲོད་པའི་དུས་སུ་མདུང་རྩེར་བཏགས་ཚུལ་གྱིས་ཁ་དགྲ་ཕྱོགས་སུ་བསྟན་པར་བྱ། ཡང་ཟླ་བ་གང་ཡིན་དེའི་ཕྱོགས་སུ་ཟླ་བའི་ལྷ་ཚོགས་པས། དེར་ལུག་དཀར་པོ་ཡོད་ན་རབ། མེད་ན་ལུག་མགོ་ལ་བྱ། རྔ་མ་དཀར་པོ་དང་། དར་ལེ་རྒན་རྭ་རྩེ་ལ་བཏགས། དཔྲལ་བར་མཚལ་གྱི་གཡུང་དྲུང་རིས་བྲིས། ཤོག་བུ་ལ་ལྷས་གཏམ་སྙན་ཟློས་ཤོག་བྱ་བ་བྲིས་ལ་ལྕེ་དང་རྣ་བ་གཉིས་སུ་བཏགས། མདུང་གི་རྩེ་མོའི་ཡུ་བར་བཏགས། ཁ་ཟླ་བའི་ལྷ་འཚོགས་སར་བསྟན་ལ་རང་གི་སྒོ་ཁང་ངམ་ཁང་ཐོག་ཏུ་བཙུགས། དེ་ཕྱོགས་དང་གཞན་ཡང་ཞག་དང་དུས་གང་ཡིན་པ་དེ་དག་གི་ལྷ་འཚོགས་སར་མཚོན་ཁ་མི་བསྟན། བཅའ་ཆོག་དེ་ལྟར་བྱས་ནས། ཡི་དམ་གཞུང་བསྲངས་ལ། ཚོགས་དང་ཕུད་ཀྱིས་མཆོད། ལོ་ཟླ་ཞག་དུས་ཀྱི་ལྷ་རྣམས་ལ་གསོལ་མཆོད་ལེགས་པར་བྱ། ཆོས་སྐྱོང་སྲུང་མ་དང་། དགྲ་བླ་ཝེར་མ་རྣམས་གསོལ་མཆོད་གཞུང་གཞན་ལས་བྱུང་བ་རྒྱས་བསྡུས་ཅི་རིགས་དང་། ཡུལ་ལྷ་གཞི་བདག་ལ་བསང་དང་གསེར་སྐྱེམས་གཏོར་མས་ལེགས་པར་མཆོད། སྡེ་བརྒྱད་གསེར་

― MR07_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེམས་གང་འགྲུབ་བྱ། གཏོ་དེ་དག་གི་ཕྱོགས་སུ་མཚོན་ཁ་མི་བསྟན། ཡི་དམ་དྲག་པོའི་ལས་གཞུང་གི་བཟློག་སྔགས་དང་བཟློག་བྱང་སྦྱར་ལ། དགྲ་ཕྱོགས་སུ་ཁྲག་སྣ་དུག་སྣའི་ཐུན་བརྡེག་ལ། སྲིད་པའི་སྣ་བསྒྱུར་རོ། །དམག་གི་ཁྲམ་སྣ་བསྒྱུར་རོ། །མཚོན་སྣ་བསྒྱུར་རོ། །མཚོན་ཆའི་ཁྲམ་ཁ་བསྒྱུར་རོ། །ཞེས་བྱས་ལ། མི་ཕོ་མོ་ཀུན་གྱིས་བྷྱོས་གདབ། བསོས་གདབ། མདའ་འུག་སྒྲོ་མ་ལ་ར་ཁྲག་གིས་སྔགས་འདི་བྲིས་པ་དགྲའི་ཕྱོགས་སུ་འཕང་། ཨོཾ་ཧ་ལི་ཧ་ལི་མུར་ཡ། ཧ་ལི་ཧྲཱི་ད་ཡ་དུན་དུན་མུར་ཡ་ཤག་ཁྲོཾ་སྣ་བསྒྱུར། ཤག་ཤིག་ཁྲོམ་སྣ་བསྒྱུར། མཚོན་རྦད་ཏྲག་ཁྱུང་རི་ལི་བྷྱོ། སྔགས་འདི་བརྒྱ་རྩ་བརྒྱད་མདའ་ཟོར་ལ་བཟླས། དགྲ་བོའི་རུས་སམ། ཕ་རོལ་དམག་དཔོན་གྱི་རུས་ཁམས་ཀྱི་དགྲ་ཁམས་ཀྱི་ལྕགས་བཅས་ཏེ་ཕ་རོལ་རུས་ཤིང་ཡིན་ན་ལྕགས་ཀྱི་མདེའུ། མེ་ཡིན་ན་ཆུ་ཐུམ་སོགས་བྱ། ངོ་ལན་གྱི་དུས་ཀྱང་། དགྲ་ཁམས་ཀྱི་དགྲ་དང་བསྟུན་པ། དཔེར་ན་ཕ་རོལ་ཤིང་པ་ལ། བྱ་སྤྲེལ་ལྕགས་ཀྱི་དུས་སུ་འཕེན་པ་ལྟ་བུ་སྟེ། ལྕགས་ལ་མེ་རྦད། མེ་ལ་ཆུ་རྦད། ཆུ་ལ་ས། ས་ལ་ཤིང་། ཤིང་ལ་ལྕགས་རྦད་པར་བྱའོ། །དར་ནི་

― MR07_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བོའི་ཁམས་ཀྱི་དགྲ་མདོག་ཅན་བྱར། དེ་ལྟར་བྱས་ན་དམག་སྣ་མི་བསྒྱུར་བ་ནི་མི་སྲིད་དོ། །གཏོ་འདི་ནི་ཕ་རོལ་གྱི་དམག་མི་འབྱུང་བར་བཟློག་པ་དང་། འོང་ཡང་དེ་ལས་བྱུང་བའི་ཉེས་པ་མི་འབྱུང་བར་བཟློག་པར་བྱེད་པའི་ཐབས་ཡིན་ནོ། །གླང་ཆེན་སྣ་བསྒྱུར་ཀྱི་གཏོ་ལ་དཀར་ནག་ཁྲ་གསུམ་ལས། དང་པོ་དཀར་པོ་ནི། དར་རམ་ཤོག་བུ་ཁྲུ་གང་པ་གཅིག་ལ། གླང་པོ་ཆེ་དཀར་པོ་གཅིག་ལ་ཞུབ་ཅན་གསུམ་བསྐྱོན་པ་བྲི། ཞུབ་ཅན་ཞེས་པ་གོ་ཁྲབ་གྱོན་པ་ལ་ཟེར། དེ་དག་གི་ལག་ན་རལ་གྲི་སོགས་མཚོན་ཕྱར་བ་བྲིའོ། །དེ་ལ་དར་སྣ་ལྔ་བཏགས། གླང་དང་སྟག་གི་ཉི་མ་ལ། གཟའ་དམར་ཕུར་སངས་གསུམ་དར་བ་དང་། སྐར་མ་མགོ་ལག་རྒྱལ་གསུམ་གང་རུང་དང་འཛོམ་པའམ། ཡང་ན་ཆུ་མཆུ་དང་བྲེ་གང་རུང་དང་འཛོམས་ཀྱང་རུང་སྟེ། དུས་དེ་ཉིན་གླང་གཟུགས་དེ་མདུང་ལ་བཏགས་ནས་ཁ་དགྲ་ཕྱོགས་སུ་བསྟན་པ་མཁར་གྱི་རྩེ་ལ་གཟུགས། ཡི་དམ་གྱི་གཞུང་བསྲངས་ལ་ཚོགས་དང་བསྐང་བ། ཆོས་སྐྱོང་དགྲ་ལྷ་སྡེ་བརྒྱད་རྣམས་ལ་གསོལ་མཆོད་རྒྱས་བསྡུས་ཅི་རིགས་བྱ་བ་ལྷ་ཆ་རྒྱས་པར་གཏང་བའི་དོན་ཏོ། །བན་དེས་ཚེ་ཆོག་བྱ།

― MR07_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པ་གཙུག་གི་ནོར་བུའི་མདོ་དང་། སྟོབས་པོ་ཆེ། གཞན་གྱིས་མི་ཐུབ་པའི་མདོ། རྒྱལ་མཚན་རྩེ་མོའི་གཟུངས་སོགས་རྒྱབ་ཆོས་སུ་བཀླག །དགྲ་ཡི་དམག་དཔོན་གྱི་མིང་རུས་བྲིས་པ་རང་ངམ་རང་གི་དམག་དཔོན་གྱི་ལྷྭམ་ནང་བཅུག་ལ་གྱོན། བདེན་སྟོབས་བརྗོད་དེ། ཕ་རོལ་གྱི་དམག་བཟློག་ཅིང་དམག་གི་དཔུང་ལས་རྒྱལ་བར་གྱུར་ཅིག །ཅེས་དང་། སྟོང་ཆེན་རབ་འབྱམས་ལས་གསུངས་པ་འདི་ཡང་བརྗོད་ན་ལེགས་ཏེ། སངས་རྒྱས་ཀྱིས་ནི་བདུད་ཕམ་མཛད། །ཆོས་མ་ཡིན་ནི་ཆོས་ཀྱིས་སོ། །དགེ་འདུན་གྱིས་ནི་མུ་སྟེགས་ཕམ། །དབང་པོས་ལྷ་མིན་ཕམ་པར་འགྱུར། །ལྷ་མིན་རྣམས་ཀྱིས་ཟླ་བ་ཕམ། །ནམ་མཁའ་ལྡིང་གིས་རྒྱ་མཚོ་ཕམ། །མེ་ཡིས་ཤིང་རྣམས་ཕམ་པར་གྱུར། །ཆུས་ནི་མེ་ཡང་ཕམ་པར་གྱུར། །རླུང་གིས་སྤྲིན་རྣམས་རབ་ཏུ་ཕམ། །རྡོ་རྗེ་ཡིས་ནི་རིན་ཆེན་ཕུག །ལྷ་རྣམས་བདེན་པར་རབ་ཏུ་གསུངས། ས་ཡང་བདེན་པར་གནས་པ་ལགས། །སངས་རྒྱས་དང་ནི་ཆོས་ཀྱང་བདེན། །བདེན་པ་རྒྱལ་གྱུར་རྫུན་མ་ལགས། །བདེན་པའི་ཚིག་ནི་འདི་དག་གིས། །བདག་ཅག་

― MR07_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ནི་ནད་དང་གདོན། །ཕྱིར་རྒོལ་བ་ནི་ཀུན་ལས་རྒྱལ། །སྡིག་པ་ཐམས་ཅད་རབ་ཏུ་ཕམ་སྭཱ་ཧཱ། ཞེས་པའི་རྒྱལ་དབྱངས་འདི་འོག་གི་སྐབས་རྣམས་སུའང་ཅི་རིགས་པར་སྦྱར་ན་ལེགས་སོ། །དེས་གཡུལ་འཁྲུགས་ལས་རྒྱལ་བར་འགྱུར་རོ། །གླང་ཆེན་སྣ་བསྒྱུར་ཁྲ་བོ་ནི། ཁམས་ལ་གླང་པོ་ཆེ་ཡི་གཟུགས་གཅིག་བྱ། ཁ་དོག་དཀར་པོས་བྱུགས། དེའི་རྒྱབ་གཞུང་དུ་ཞུབ་ཅན་མི་ལྔ་བསྐྱོན། བརླ་སྒང་གཉིས་དང་དཔུང་པ་གཉིས་ལ་རེ་རེ་སྟེ་བཞི། ཁྱོན་དྲིལ་ཞུབ་ཅན་དགུའི་གཟུགས་བསྐྱོན་དུས་ཚོད་གཟའ་སྐར་གོང་བསྟན་དང་འདྲ། དེའི་རྒྱབ་སྐྱོར་དུ་བོན་གྱིས་ཤ་བ་རུ་རྒྱས་ཀྱི་གཏོ་དང་། བན་དེས་དབང་ཕྱུག་མའི་ཟོར་མདོས། གོང་བཤད་མདོ་རྣམས་འདོན། གཏོ་མཁན་རང་ཉིད་འཕགས་པ་འཇམ་དཔལ་དུ་བསྒོམས་ལ། ལག་གཡས་སུ་དམར་གཏོར་གཅིག་ཐོགས། གཡོན་བ་སོའི་ཕྲེང་བ་བགྲང་སྟེ་སྔགས་འདི་ལན་ཅི་མང་བཟླ། ཨོཾ་ཡཱ་ཡཱ་ཐེན་ཐེན། དགྲ་སྣ་བསྒྱུར། སརྦ་ཡ་ཧུར་ཐུམས་གདོན་སྣ་བསྒྱུར། །ཡཱ་ཡཱ་རྦད་རྦད་དམག་སྣ་བསྒྱུར། །ཡཱ་ཡཱ་སྲོག་ཐུམས་དགྲ་སྣ་བསྒྱུར། །

― MR07_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཡཱ་ཡཱ་ཆོ་ཆོ་དགྲ་སྣ་བསྒྱུར། །ཡཱ་ཡཱ་བྷྱོ་བྷྱོ་གླང་སྣ་བསྒྱུར། ཞེས་སོ། །ཡོན་བདག་ཀུན་གྱིས་ཀྱང་གོ་མཚོན་ཐོགས་ལ། བསོ་དང་བྷྱོ་སྒྲས་གདབ། སྤྲང་པོ་ངན་ལོང་གཅིག་གིས་གཏོ་སྣ་ཁྲིད། དགྲ་ཕྱོགས་འཁྲུག་སར་བསྐྱལ། དེས་འཁྲུགས་ལས་རྒྱལ་ལོ། །གླང་པོ་སྣ་བསྒྱུར་ནག་པོ་ནི། དགྲ་དུར་ནག་པོ་ནི། དགྲ་དུར་ནག་པོའམ་དུག་ཟོར་ནག་པོ་ཞེས་ཟབ་པར་བསྟན་པ་ཡིན་ལ། འདི་བྱེད་དུས་ཀྱི་གཟའ་སྐར་ནི་གོང་དུ་བསྟན་པ་དང་འདྲ། གླང་བུ་ནག་པོ་གསོན་པོ་གཅིག་གི་རྭ་ལ་ཆུ་གྲི་རེ་རེ་གཟུགས། ཤོག་བུ་ལ་སྔགས་འདི་བྲིས་པ་རྭ་གཉིས་ལ་བཏགས། གླང་ཆེན་སྣ་བསྒྱུར་འདི་དགྲ་བོའི་སྲོག་ལ་བསྒྱུར་རོ། །བྷྱོ་གདོན་བསྒྱུར་རོ། །དམག་སྣ་བསྒྱུར་རོ། །གྲི་སྣ་བསྒྱུར་རོ། །མཚོན་སྣ་བསྒྱུར་རོ། །གླང་སྣ་བསྒྱུར་རོ། །གདོན་སྣ་བསྒྱུར་རོ། །བྷྱོ་བྷྱོ། ཞེས་སོ། །མེ་ལོང་གཅིག་ལ། གླང་མིག་དགྲ་ལ་ལྟོས་ཤིག །ཅེས་བྲིས་པ་དཔྲལ་བར་བཏགས། ཕྱུགས་ཀྱི་ལྟག་སྐོར་རུས་པ། ལྟག་སྐོར་མ་དགུ་ལ། མི་ནད་ཕྱུགས་ནད་དང་མཚོན་དང་གྲི་ཁ་ཐམས་ཅད་དགྲ་

― MR07_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་གྱི་ལྟག་པར་བསྐོར་ལ་སོང་དགྲ་ལ་བྷྱོ་བྷྱོ། ཞེས་བྲིས་པ་སྐེ་ལ་ཐི་གུ་ལ་བརྒྱུས་ནས་བཀོན། རི་ཤོ་པ་དང་། རེ་ལྕག་པ་དང་། སྤྱང་ཚེར་མ་དང་། སྲན་མ་རྣམས་དང་། དབྱི་མོང་དང་། དུག་ཤིང་རྣམས་ཀྱི་མགལ་བ་གཉིས་བྱས་ལ་དེའི་སྣེ་མེས་བསྲེག་པ་གླང་ལ་ཁལ་དུ་བཀལ། དགྲ་ལ་དུག་སྦྱོང་ཅིག །དགྲ་ལ་དུག་བཤོས་ཤིག །ཅེས་བྲིས་པ་བཏགས། འདྲེ་ཚེར་མ་དང་། སྲིན་ཤིང་སྣ་མ་དང་། སྟག་འུ་ཆུང་། ཟྭ་དང་འཇག་མའི་མི་གཟུགས་གཅིག་བྱས་པའི་ཁོང་པར་ཁྲག་གི་གྲོད་པ་བཅུག །དགྲའི་དམག་དཔོན་གྱི་མིང་རུས་དེར་བཏགས་སམ། གཟུགས་ཀྱི་ཁོག་པར་གཞུག །འདི་དགྲ་བོ་ཆེ་གེ་མོའི་གཟུགས་ཡིན་ནོ་ཞེས་བརྗོད་ཅིང་དེ་ལྟར་བསམ་པར་བྱ། རྩྭ་གཟུགས་དེ་གླང་ལ་བསྐྱོན། སྤེན་མའི་ཕྱག་མ་གཅིག་ལ། ངན་དགུ་དུག་བཅུ་ཐམས་ཅད་དགྲ་བོའི་ཡུལ་དུ་ཕྱོགས་ལ་སོང་། ཞེས་བྲིས་པ་བཏགས་ནས། ཕྱགས་མ་དེ་གླང་གི་མཇུག་མ་ལ་གདག་པར་བྱའོ། །གཏོ་འདི་བྱེད་པའི་དུས་སུ་སོ་སོར་འབྲངས་མ་དང་། ཕྱིར་བཟློག་རྣམ་རྒྱལ་བཀླག །ཐང་འབུམ་འདོན། མཚེ་ཡུངས་ཀར་

― MR07_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

བྲོ་བོ་སྲན་ནག་རྣམས་གཡག་རུ་གཡས་པའི་ནང་དུ་དུག་ཁྲག་དང་བསྲེས་པ་བཞག་སྟེ། སྔགས་འདི་སྟོང་བཟླས་ལ་དགྲ་གཟུགས་ལ་བྲབས། ཨོཾ་མེ་རཾ་ཤིགས་རཾ་ཤིག །ལྕགས་རཾ་ཤིག །ཆུ་རཾ་ཤིག །ཤིང་རཾ་ཤིག །དགྲ་ལ་ཕྱོ་ཕྱོ། ཆོ་ཆོ་ཞེས་པའང་སྣང་། དགྲ་སྣ་བསྒྱུར་རོ། །མཚོན་སྣ་བསྒྱུར་རོ། །གྲི་སྣ་བསྒྱུར་རོ། །བདུད་སྣ་བསྒྱུར་རོ། །དམག་སྣ་བསྒྱུར་རོ། །གླང་སྣ་བསྒྱུར་རོ། །བྷྱོ་བཟློག་བསྒྱུརཿ ཞེས་སོ། །དེ་ནས་ངན་ལོང་གཅིག་གམ་དབང་པོ་མ་ཚང་བ་ལྟ་བུས་སྣ་ཁྲིད་ལ་གཏོ་བཏེགས་ནས། གོ་མཚོན་ཐོགས་པ་མང་པོས་རྒྱབ་ནས་འདེད་ཅིང་བྷྱོས་གདབ། བུད་མེད་མང་པོས་ཐོ་ལེས་གདབ་ཅིང་གོས་སམ་ཕྱར་བ་སོགས་ཀྱིས་གཡབ་མོ་གདབ། དགྲ་བོའི་དམག་གམ་གཡུལ་དུ་བསྐྱལ་ལ་དགྲ་གཟུགས་དེའི་སྙིང་ཁར་མཚོན་བརྡེག་ནས་ཁྲག་གྲོད་བཏོལ་ལ་བཏོང་། གཡག་རུ་ཐུན་དང་བཅས་པ་དགྲ་ཕྱོགས་དེར་ཟོར་དུ་འཕང་། གླང་དེ་ཉིད་ཕྱིར་མི་འཁོར་བར་འཐུམ་དུ་གཞུག །གླང་དེ་སུས་བླངས་པ་དེ་ལ་ངན། གཏོ་མཁན་ལྷའི་ང་རྒྱལ་བཅས་བདེན་སྟོབས་དམིགས་

― MR07_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕྱི་མིག་མི་ལྟ་བར་ལོག །དེས་དགྲ་ལ་མི་རོ་དགུ་བརྟུད་འོང་ངེས་སོ། །ཁྱིམ་ནང་དུ་ལྷ་གསོལ། གཡང་བླན་བཀྲ་ཤིས་བརྗོད། གཙུག་ཏོར་རྣམ་རྒྱལ་བཀླག་གོ །ཡང་གཞུང་འདིའི་གནོད་བྱེད་ཀྱི་གཏོའི་སྐབས་ཀྱི་གླང་ཆེན་སྣ་བསྒྱུར་བྱ་ཚུལ་ནི། གླིང་ཞིག་ལ་སྟག་རིས་བཏོང་ནས་གཏོ་བྱས་གླང་བསྒྲེལ་ཏེ་དེའི་ལུས་ཀྱི་གཏོ་བསྒྱུར་བྱེད་པ་འདི་དགྲ་ཁ་ཕུང་དུ་གཏོང་བའི་ངན་ཐབས་ཡིན་ཀྱང་ཞིབ་པར་མ་བཀྲལ་ལོ། །གཞན་ཡང་གླང་ཆེན་སྣ་བསྒྱུར་གྱི་སྐོར་ལ་ཕ་དམ་པའི་འཁྱུད་སྤྱད་དུ་བསྟན་པ་དང་། དབྱངས་འཆར་གྱི་མན་ངག་གི་ཡིག་ཆར་བསྟན་པ་སོགས་སོ་སོའི་གསོག་དང་བཅས་ཅུང་མི་འདྲ། རྙིང་མའི་གཤིན་རྗེ་གཤེད་ཚེ་བདག་ནག་པོའི་ལས་སྦྱོར་གྱི་ལྷ་ལྟ་བུ་ཚེ་བདག་རྣ་ཆ་བརྒྱད་དུ་གྲགས་པའི་ནང་ཚན་གཤིན་རྗེ་གཤེད་འཆར་ཁ་ནག་པོ་མདོས་ཟོར་ཀྱི་རྣ་ཆ་ཞེས་གྲགས་ལ། མདོས་ཟོར་གྱི་མན་ངག་མང་དུ་ཡོད་ཅིང་དེའི་མདོས་ཟོར་གྱི་ཡན་ལག་ཏུ་གླང་ཆེན་སྣ་བསྒྱུར་གྱི་བཅས་དང་འདོན་ཆ་རྒྱས་པར་ཡོད་དོ། །གླང་ཆེན་སྣ་བསྒྱུར་འདི་རིགས་གདུགས་པའི་སྣ་ཁ་སྤྱི་དང་། དགྲ་དང་དམག་སྣ་བསྒྱུར་བའི་ཐབས་སུ་ཟབ་པར་བསྔགས་པ་ཡིན་ནོ། །བསྒྱུར་གཏོ་ལྔའི་ནང་ཚན་གྲི་

― MR07_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་མཚོན་བསྒྱུར་གྱི་གཏོ་འདི་ནི་ཕ་ཚན་ལ་གྲི་ཁ་བྱེ་བའམ། མཚོན་ཁ་ཟུག་པ་ལ་བྱ་སྟེ། དེ་ཡང་དགྲས་བཏབ་པའི་མཚོན་དང་རྡོ་དང་གྲི་གཞུག་ཏུ་ཤི་བ་རྗེས་མ་དེའི་མཚོན་རྣམས་གལ་ཆེ་བས་བསགས། གཞི་སྟེགས་ལ་ནམ་མཁའ་དང་རྒྱང་བུ་དམར་པོ་ལྔ། བཙང་བཤོས་དམར་པོ་གྲུ་གསུམ་ལྔ་བཤམས་ལ། ཡུལ་བཙན་དང་ཡུལ་ལྷ་ཡུལ་བདག་མཆོད་ལ་གྲི་ཁ་བསྒྱུར་བའི་ཕྲིན་ལས་བཅོལ། ར་ཁྱི་ཕག་གསུམ་ཐོད་པའམ། གཡག་རུ་གཡས་པའི་ནང་དུ་གྲི་ཁ་གཏོང་བའི་དགྲ་བགེགས་ཀྱི་ལིང་ག་སྤྱི་མཐུན་སྙིང་གར། ནྲི་ཏྲི་ལ་ཛ་བཞིས་གཞིར་བ་དང་། གྲི་སྲིན་མཱ་ར་ཡ་ནན་སོགས་ཁ་བསྒྱུར་དང་། ལིང་གཟུགས་ཀྱི་ཐ་མར། ཨོཾ་ཨཱཿཧཱུྃ་མཱ་ར་ཡ་སོགས་གཞུང་འདིར་བསྟན་སྔགས་རྣམས་ཀྱིས་བསྐོར་བའི་ཕྱི་ནས་ཛ་ཁྲཾ་གྱིས་བསྐོར་བ་བྲིས་ཏེ་ཐོད་པའི་ནང་བཅུག །ཡང་ན་ར་སོགས་ལ་ལིང་ག་དང་གནོད་བྱེད་ཀྱི་མིང་བྲིས་ལ་དོང་དུ་མནན་ཀྱང་རུང་། མནན་པའི་རིགས་གང་བྱེད་ཀྱང་རྒྱས་སྤྲོས་བྱེད་ན་རྟ་མགྲིན་དང་གཤིན་རྗེ་གཤེད་སོགས་ཡི་དམ་ཁྲོ་བོ་གང་རུང་གི་བདག་བསྐྱེད་བསྒོམས་ལ། དེའི་སྨད་ལས་སྤྱི་ལྟར་དང་། ཨེ་ཁང་བསྐྱེད་པ་དགྲ་བགེགས་གསལ་ཞིང་འགུགས་

― MR07_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནན་ཏན་བྱས་ལ། འདིར་བསྟན་གྱི་གཏོ་དེ་ལ་སྦྱར་ནས། མནན་པ་ཚུལ་བཞིན་བྱ། བསྡུས་པ་འདོད་ན། སྔར་འཇམ་དཔལ་གྱི་བདག་བསྐྱེད་བསྒོམ་པ་ཡིན་ན་སྐད་ཅིག་གིས་ཁྲོ་བོ་གཤིན་རྗེ་གཤེད་དུ་གནས་གྱུར་པར་བསྒོམ་པའམ། ཡང་ན་སྐད་ཅིག་དྲན་རྫོགས་སུ་རང་ཉིད་ཁྲོ་བོ་གཤིན་རྗེ་གཤེད་ནག་པོ་ཞལ་གཅིག་སྤྱན་གསུམ་པ་ཕྱག་གཉིས་གྲི་གུག་ཐོད་ཁྲག་གམ། ཐོད་དབྱུག་དང་ཐོད་ཁྲག་ཐོགས་པ། ཁྲོ་བོའི་ཆས་ཀུན་རྫོགས་ཤིང་ཞབས་བརྐྱང་བསྐུམ་གྱིས་པད་ཉི་རོ་གདན་ལ་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པའི་ཐུགས་ཀར་ཉི་མ་ལ་ཧཱུྃ་གི་མཐར་སྔགས་ཕྲེང་འཁོར་བ་ལས་འོད་འཕྲོས་འཕགས་པ་མཆོད། སེམས་ཅན་གྱི་དོན་བྱས། དགྲ་བགེགས་གདུག་པ་ཅན་ཐམས་ཅད་ཚར་བཅད་ནས་སྣང་སྲིད་ཁྲོ་བོའི་དཀྱིལ་འཁོར་དུ་གྱུར་པས་སྔགས་ཀྱི་སྒྲ་སྒྲོགས་ཤིང་བྱིན་རླབས་ནུས་མཐུ་ཐམས་ཅད་འོད་ཟེར་གྱི་ཚུལ་དུ་རང་ལ་འདུས་པའི་དམིགས་པ་དང་མ་བྲལ་བར། ཨོཾ་ཡ་མཱནྟ་ཀ་ཧཱུྃ་ཕཊ། ཅེས་ཅི་ནུས་བགྲང་། མདུན་དུ་བྲུབ་ཁུང་གྲུ་གསུམ་ཐར་མེད་ལས་ཀྱི་བཙོན་ཁང་གི་ནང་དུ་ལིང་ག་དེ་ཉིད་དགྲ་བགེགས་དངོས་སུ་གསལ། སླར་

― MR07_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་རང་གི་ཐུགས་ཀ་ནས་སྤྲོས་པའི་འགུག་བྱེད་ཕོ་ཉའི་ཚོགས་ནམ་མཁའ་གང་བར་སྤྲོས་པས་ཕྱོགས་བཅུར་གནས་པའི་དགྲ་བགེགས་སྤྱི་དང་། དགྲ་སྲི་དྲི་སྲི་ཐམས་ཅད་རང་དབང་མེད་པར་བཀུག་ནས་ལིང་ག་ལ་ཐིམ་པར་བསམས་ལ། ཨོཾ་ཡ་མཱནྟ་ཀ་ཧཱུྃ་ཕཊ། གནོད་བྱེད་ཆེ་གེ་མོ་དགྲ་སྲི་སོགས་ཁ་བསྒྱུར་ཨཱ་ཀརྵ་ཡ་ཛཿཛཿཧཱུྃ་བཾ་ཧོཿ ཞེས་དམིགས་པ་གསལ་བས་ཅི་ནུས་བརྗོད། དེ་ནས་ཐུན་ཡོད་ན་བྲབས་ཏེ་ནུས་པ་ཉམས་པར་བྱས་བྱད་ཐག་གིས་བཅིངས། མེད་ན་མི་དགོས། ཟླ་བ་མར་ངོ་ལ་ལམ་རྒྱ་གྲམ་དུ་དོང་བྲུས་པར། རང་ལྷའི་ང་རྒྱལ་གྱིས། ཧཱུྃ། དམ་ཉམས་དགྲ་བགེགས་སྡིག་ཅན་རྣམས། འཕང་ངོ་རྒྱ་མཚོའི་གཏིང་དུ་འཕང་། མནན་ནོ་རི་རབ་ལྗིད་ཀྱིས་མནན། ནམ་ཡང་ལྡང་བར་མ་བྱེད་ཅིག །ཅེས་བརྗོད་ལ་མནན་ཆས་རྣམས་དོང་དུ་འཕང་། འབྱུང་བའི་གདན་གྱི་རྔམས་འོག་འཆི་བདག་ལས་ཀྱི་གཤིན་རྗེའི་ལྕགས་ཁང་དུ་དགྲ་བགེགས་ཐར་མེད་དུ་བྲུབས་ལ་སྟེང་ནས་འབྱུང་བཞི་དང་གསེར་གྱི་རི་རབ་ཀྱིས་མནན་པར་བསམས་ལ། རོ་གཡམ་ལ་སྟེང་དུ་རྡོ་རྗེ་རྒྱ་གྲམ། འོག་ཏུ་རི་རབ་

― MR07_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་བཞི་བྲིས་པས་མནན། མེ་ཆུ་བླུགས། ས་རྡོས་དོང་ཁ་བཅད་ནན་བཅག་བྱ། དེ་སྟེང་རང་ཉིད་ལྷའི་ང་རྒྱལ་གྱིས་བྲོ་འཁྲབ་ལ། ཨོཾ་ཡ་མཱནྟ་ཀ་ཧཱུྃ་ཕཊ། གནོད་བྱེད་དགྲ་སྲི་ཐམས་ཅད་མཱ་ར་ཡ་ནན་ཨོཾ་ལཾ་ཧཱུྃ་ལཾ་སྟྭམྦྷ་ཡ་ནན། ཞེས་མནན་སྔགས་ཅི་ནུས་བཟླ་ཞིང་། དམིགས་མེད་ཀྱི་ལྟ་བས་རྒྱས་གདབ་བོ། །མནན་པ་གང་ལའང་བསྡུ་ན་འདི་ཙམ་གྱིས་རུང་། སྐབས་འདིར་གཞུང་ལས་ གཞན་སོ་སོར་ཁ་བསྒྱུར་ གསུངས་པའི། དགྲ་དང་གྲི་སྲི་མནན་སྔགས་འདི་ཅི་ནུས་བགྲང་དགོས་ཏེ། ཨོཾ་ཨཱཿཧཱུྃ་མ་ར་ཡ་བསྒྱུར་བཟློག །མེ་སྲིས་དུ་ནན། དཔེ་ཁ་གཅིག་ལ་མེ་གྲིས་གྲིས་དུ་ནན་ཞེས་སྲི་ཐམས་ཅད་གྲི་བྲིས་པ་སྣང་། ཆུ་སྲི་ས་དུ་ནན། ལྕགས་སྲི་ས་དུ་ནན། ཤིང་སྲི་ས་དུ་ནན། ས་སྲི་ས་དུ་ནན། མཚོན་སྲི་ས་དུ་ནན། མདའ་སྲི་ས་དུ་ནན། མདུང་སྲི་ས་དུ་ནན། རྡོ་སྲི་ས་དུ་ནན། གཡང་སྲི་ས་དུ་ནན། ཐིབས་སྲི་ས་དུ་ནན། དུག་སྲི་ས་དུ་ནན། ཆུང་སྲི་ས་དུ་ནན། བུ་སྲི་ས་དུ་ནན། ལྕེབས་སྲི་ས་དུ་ནན། ཐོག་སྲི་ས་དུ་ནན། འགག་སྲི་ས་དུ་ནན། དམེ་སྲི་ས་དུ་ནན། གཅོད་སྲི་ས་དུ་ནན། མཛེ་སྲི་ས་དུ་ནན། དགྲ་ལ་དམར་

― MR07_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོག་ཨཿ ཡའམ། བཤན་དམར་དགྲ་ལ་ཕོག །ཅེས་བཟླའོ། །དེ་ལྟར་བྱས་པས་སྲི་རིགས་མནན་པར་འགྱུར་རོ། །གྲི་ཁ་བཟློག་པ་དངོས་ཀྱི་གཏོ་ནི། སྔར་གསོག་གི་སྐབས་སུ་བཤད་པའི་རྡོ་དང་མཚོན་ཆ་རྣམས་གྲི་སྲི་དངོས་སུ་བསམས་ལ། དེ་ཐམས་ཅད་ཐབ་ཁུང་ཞིག་ཏུ་སོལ་མེས་བསྲེགས་ལ་སྦུད་པས་སྦུད། འདི་ཡང་སྦུད་པ་དགུ་རྡུངས་ཀྱི་སྐབས་ཀྱི་རྟེན་འབྲེལ་ལྟར་བྱས་ན་མཆོག །མིན་ཀྱང་རུང་སྟེ། བདེན་སྟོབས་དམིགས་ལ་དགྲ་སྲི་དང་གྲི་ཁ་བྱེ་བ་ཐམས་ཅད་བསྲེག་ཅིང་བརླགས་ཏེ་མེད་པར་གྱུར་ཅིག་བརྗོད། དེ་ནས་ཐལ་སོལ་དང་། ཡས་རྣམས་དང་། མདའ་དང་རྡོ་ལ་ཁྲག་གིས་ཁྲམ་རིས་དང་བྷྱོ་བཟློག་བསྒྱུར་གསུམ་བྲིས་པ་དང་། ཡང་ཤ་བའི་རྭ་གཡས་པ་གཅིག་ལ། ར་ཁྲག་དང་དུག་གིས་བྱུགས་ཏེ་དམར་པོར་བྱས། དུག་ཁྲག་བསྲེས་པའི་སྣག་ཚས། གྲི་ཁ་མཚོན་ཁ་དགྲ་ལ་སྒྱུར། དགྲ་ལ་དམག་ཕོག །བཙན་གྱི་ཇག་པ་ཁྱེད་རང་ཡང་དགྲ་ལ་རྒྱུགས། བསྒྱུར་ཞེས་སྣང་། ཅེས་བྲི་

― MR07_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

བའམ། བྲིས་པ་བཏགས། གོང་གི་སྲི་མནན་གྱི་སྔགས་དེའི་མེ་སྲི་ས་དུ་སོགས་ཀྱི་ནན་ཞེས་པའི་ཚབ་ཏུ། བསྒྱུར་ཅེས་སྦྱར་ཏེ་དར་རམ་ཤོག་བྱང་ལ་བྲིས་པ་ཡང་ཤ་རུ་ལ་བཏགས་པའི་བཟློག་ཡས་དེ་རྣམས་དགྲ་ཕྱོགས་སུ་བཏེགས་ལ། ལྷའི་ང་རྒྱལ་དང་ལྡན་པས་ཟོར་དུ་འཕང་། ཡང་ན་ཤི་གཞུག་གང་དུ་ལངས་པ་དེའི་ཕྱོགས་སུ་འཕངས། སྔར་གྱི་རྡོ་ལ་སོགས་པ་སྐུད་པ་སྔོ་དམར་གྱི་འུར་ཐོག་གིས་དགྲ་ཕྱོགས་སུ་འཕང་པས་དགྲ་བགེགས་བརླག་པར་བསམས་ལ་གོང་གི་སྔགས་བསྒྱུར་ཤམ་ཅན་བཟླ། ཕྱི་མིག་མི་ལྟ་བར་ནང་དུ་ལོག་ནས་ལས་རྗེས་བསྡུ། བཀྲ་ཤིས་བརྗོད། ཡས་དེ་སུས་ཁྱེར་བ་ལ་ངན་ནོ། །དེས་གྲི་

― MR07_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་བྱེ་བ་ཐམས་ཅད་རྒྱུན་ཆད་པར་འགྱུར་རོ། །དེ་ལྟ་བུ་མ་འཛོམ་ན། ཁམ་སའི་མཁར་གྲུ་བཞི་ཆེ་བ་གཅིག་བྱས་ལ། དགྲ་མཁར་དུ་དམིགས། དེའི་ནང་དུ་མདའ་མདུང་རྡོ་བ་སོགས་དགྲས་འཕང་ཚད་དང་། དགྲའམ་ལོ་མི་མཐུན་པའི་མཚོན་རྣམས་ཇི་སྙེད་པ་བཅུག་ནས། རོ་སོལ་གྱིས་བསྲེག །རྦུད་པས་འབུད། བདེན་སྟོབས་དམིགས། བུད་མེད་སྟག་ལོ་པའམ། ཡུགས་ས་མོ་གཅིག་གིས་གཡབ་མོ་བརྡབ་ལ། བྷྱོ་བྷྱོ་བཟློག་བཟློག་དང་དགྲ་ལ་དམོད་པ་བྱ་བའི་དགྲ་བཟློག་བྱ། དེ་ནས་གཏོ་མཁན་གྱིས་ལྷའི་ང་རྒྱལ་བསྐྱེད་ལ། ཨོཾ་ར་ཙ་ར་དུ་ཐུམས། ར་ཙ་ཤག་ཕི། ར་ཙ་ཆུ་ཐུམས་ཆུ་ཐུམས། ཞེས་བཟླའོ། །ཐལ་ཟོར་དགྲ་ཕྱོགས་འཕང་། ར་ཐོད་ནང་དུ་དགྲའི་དཔོན་དང་ནང་བློན་གྱི་ལིང་ག་བཅུག་ལ་དགྲ་ཕྱོགས་ཀྱི་ལམ་རྒྱ་གྲམ་དུ་མནན་པ་བྱ། ཕྱོགས་དང་དུས་ཚོད་ནི་དགྲའི་རུས་ཁམས་ཀྱི་གཤེད་ཀྱི་ཐོག་ཏུ་བྱུང་ན་རབ་བོ། །ཡང་དགྲ་སྲི་མནན་པའི་གཏོ་ནི། ཤིང་ཚེར་མ་ཅན་ལ་དགྲ་ཡི་མིང་རུས་བྲིས་ནས་རང་གི་ཁྲེས་པོའི་འོག་ཏུ་མནན། འབྲུ་སྣ་ལ་མི་གཟུགས་

― MR07_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས། དེའི་སྙིང་གར་ཕུར་པ་ཆུང་ངུ་གསུམ་བཏབ་པ་ཐ་མ་དགྲའི་མིང་བྱང་གིས་བསྐོར་བ་དེ་ཉི་མ་ནུབ་ཁར་ཆུ་ལ་བསྐྱུར། ཡང་ཤོག་བུ་ལ་དགྲའི་མིང་བྱང་བྲིས་པ་ཉིན་ཕྱེད་དུས་མེ་ལ་བསྲེག །བདེན་སྟོབས་དམིགས། དེས་དགྲ་སྲི་བྲུབས་པར་འགྱུར་རོ། །རྒྱའི་རྦུད་པ་དགུ་རྡུངས་ཀྱི་གཏོ་ལ། རང་གི་དམག་མི་རྣམས་ཆས་པའི་ཚེ། གཏོ་མཁན་གྱིས་སྦྱིན་བདག་གམ་དམག་དཔོན་ལྟ་བུ་དེའི་ལོ་ཡི་བདུན་ཟུར་ལོ་པ་ལས་མདའ་དང་མདུང་བླངས། ཡས་མར་གྱི་ལོ་གཤེད་དམ། དུར་ཞུགས་ཀྱི་གཤེད་བཞི་ལས་རལ་གྲི་གཡར། གསུམ་ཀ་ལས་སྒྱེད་རྡོ་གསུམ་བླངས། ཡུགས་ས་མོ་ལས་སོལ་བ་དང་བུད་ཤིང་དང་མེ་བླངས་ལ་སྦར། མཚོན་ཆ་རྣམས་ཀྱི་ཆག་དུམ་སོགས་བསྲེག་ཆོག་པ་ཞིག་ཡིན་ན་ཐབ་དེར་བཅུག །མི་ལོ་ན་མེ་ནང་མཚོན་རྩེ་བསྲེག་ཚུལ་ཙམ་དང་། རྩེ་མོ་བརྡར་ཕྱེ་ཅུང་ཟད་མེ་ནང་བཏབ། ཤར་ནས་སྦུད་པ་དཀར་པོ་གཉིས་འབུད། དེ་བཞིན་ལྷོ་ནས་སེར་པོ་གཉིས། ནུབ་ནས་དམར་པོ་གཉིས། བྱང་ནས་ལྗང་ཀུའམ་སྔོན་པོ་གཉིས། སྟེང་ནས་ནག་པོ་གཅིག་རྣམས་དྲག་ཏུ་གཉིས་བྱས་པའང་འདུག་ཀྱང་གཅིག་དང་། བུས་པས་མེ་ངར་ཆེ་བར་བྱས་ལ་མཚོན་ཆ་རྣམས་བསྲེག །འདི་ལ་སྔོན་གྱི་ཁུངས་སྨྲེང་གྱེར་འདོད་ན་རྩིས་གཞུང་གཞན་

― MR07_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་འབྱུང་བ་ལྟར་བྱ། གྱེར་མེད་ཀྱང་བདེན་སྟོབས་དམིགས་ལ། སྡང་བ་དགྲ་ཡི་མཚོན་གྱི་དབལ་སོད། ངར་ཆོག །མཚོན་ཁ་བསྙིལ། མཚོན་གྱི་ནུས་པ་གཏན་ནས་ཉམས་པར་གྱུར་ཅིག །ཅེས་བརྗོད། མི་ཀུན་གྱིས་སྡང་བའི་དགྲ་ཡི་མཚོན་གྱི་དབལ་སོད་ཅེས་སྒྲོགས་པ་དང་། བསོ་གདབ། དེ་ལྟར་བྱས་ནས་འཁྲུགས་ན་རང་ལ་མཚོན་ཁ་མི་འབྱུང་། ཚུར་བརྒྱབ་པའི་མཚོན་དེས་ཕར་སོད། འདི་གར་ཐོད་ཐོད་དུ་མི་བྱ། ཤིན་ཏུ་ཟབ། འདི་ལ་ཕ་རོལ་གྱི་མཚོན་རིགས་དང་དགྲའི་ཁམས་མཐུན་གྱི་རྫས་ལ་དེའི་བླ་བཟུང་སྟེ་བསྲེག་ན་དེའི་སྟོབས་བརླག་གོ །འདི་གཏོ་སྒྲོམ་གཞུང་དུ་གནོད་བྱེད་ཀྱི་གཏོ་ཡི་གྲངས་སུ་བསྟན་ཀྱང་འདིར་མཚོན་ཁ་བསྙིལ་བའི་གཏོ་རུ་ཡར་བླངས་པ་ཡིན་ནོ། །གཟའ་དགྲ་བཟློག་གི་གཏོ་ནི། རེས་གཟའ་ཉི་མའི་ཉིན་དམག་བྱུང་སྟེ་འཐབ་ན། རང་གི་དམག་དཔོན་ཞང་བློན་གྱི་ཆས་སུ་ཞུགས་ལ། ཕ་རོལ་གྱི་དམག་གི་གདོང་དུ་ཆུ་གཏོར། ཟླ་བ་ལ་མི་གོས་སེར་གྱོན་པས་ས་གཏོར། མིག་དམར་ལ་མི་ནག་པོས་ཆུ་

― MR07_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

བྲེ་གསུམ་གཏོར། ལྷག་པ་ལ་བན་དེ་གཅིག་གི་མཚོན་ཐོགས་ལ་བཟློག་པ་བྱ། ཕུར་བུ་ལ་ཞུབ་ཅན་གཅིག་གིས་བསོས་གདབ། པ་སངས་ལ་མཛོའམ་གླང་ཞོན་པས་སྣ་དྲངས་ཏེ་དམག་གི་གདོང་དུ་མེ་གཏོར། སྤེན་པ་ལ་རྟ་ནག་ཞོན་པས་ཤིང་ལོ་མ་ཅན་ཕྱར་བས་སྣ་དྲངས། དེས་ཕ་རོལ་གྱི་དམག་ཕམ་ནས་བཟློག་པར་འགྱུར་རོ། །དྲང་སྲོང་དགྲ་བཟློག་གི་གཏོའོ། །འདིས་མཚོན་པའི་འཁྲུགས་པ་རྒྱལ་ཐབས་ཀྱི་མན་ངག་དམག་རྩིས་དུ་མ་ཡོད་ཀྱང་། བོད་དུ་ཆེར་མ་དར་ལ། ཇོ་སྲས་ཀྱི་གཏེར་ཁ་ནས་བྱུང་བའི་དམག་རྩིས་ཀྱི་གཞུང་དང་ལྐོག་ཡིག་རྣམས་སུ་མན་ངག་ཟབ་སྦས་ཅན་ཡོད་པའང་འབྱུང་རྩིས་ཀྱི་ལུགས་ཡིན། གཞན་འབྱུང་རྩིས་ལུགས་ཀྱི་ཐེབ་བཟློག་རྣམས་རྩིས་གཞུང་མ་བུ་རྣམས་སུ་ཡོད་ཅིང་། འཐབ་རྩོད་རྒྱལ་ཕམ་འགྲན་པ་དང་ཟོར་འཕེན་པ་སོགས་ལ་ཐེབས་བཟློག་ཤིན་ཏུ་གལ་ཆེ། དུས་འཁོར་དང་དབྱངས་འཆར་ལས་གསུངས་པ་སྐར་རྩིས་ལུགས་ཀྱི་ཐེབས་བཟློག་དང་། ཁྱད་པར་དབྱངས་འཆར་བ་གཡུལ་ལས་རྒྱལ་བའི་རྒྱུད་དང་། མན་ངག་རྣམས་སུ་

― MR07_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུལ་འཁྲུགས་ལས་རྒྱལ་ཐབས་ཀྱི་མན་ངག་ཟབ་མོ་རྣམས་བསྟན། གཏེར་མ་རྣམས་སུའང་གཟའི་གདོང་གཏད་སོགས་ཀྱིས་མཚོན་པས་དཀར་རྩིས་འབྱུང་རྩིས་གཉིས་ཀའི་ལུགས་ཀྱི་ཐེབས་ཀྱི་ཐེབས་བཟློག་དང་། མན་ངག་ཤིན་ཏུ་མང་པོ་བཞུགས་པ་ཡིན་ནོ། །གཞན་ཡང་དགྲ་ཡི་ཕྱོགས་དབྱེ་ཐབས་ཀྱི་གཏོ་རྣམ་པ་གསུམ་ལས། ཕ་སྤུན་དབྱེ་ན། ཁྱི་ཐོད་ཀྱི་དཔྲལ་བར་བྱ་རོག་གི་གཟུགས་བྲིས། བྱ་རོག་གི་ལྟོ་བར། ཨོཾ་བྷ་ཀ་ཤ་མ་རུ་ན་ཧཱུྃ་ཞེས་བྲི། སྤྱང་ཀུའི་ཐོད་པའི་དཔྲལ་བར་འུག་པའི་གཟུགས་ཀྱི་ལྟོ་བར། ལམ་བྷ་རུ་ཤ་ན་ཧཱུྃ། ཡི་གེ་རྣམས་ལ་ཚེགས་སྤངས་ཏེ་བྲི། དེ་གཉིས་ཀྱི་སྡེར་མོའི་བར་དུ། དུ་རུ་ཀ་ཤ་ན་ཕུང་ཞིག །ཅེས་བྲིས། ཐོད་པ་གཉིས་པོའི་ནང་དུ་དབྱེ་བྱ་གཉིས་པོའི་མིང་རུས་སོ་སོར་བྲིས་པའི་མཐར། འདི་གཉིས་དབྱེ་བར་གྱིས་ཤིག །དགྲ་བོ་ཆེ་གེ་མོ་ཤག་ཕྱེ་ཤག་ཕྱེ། ཚལ་ཚལ་ཤིག་ཤིག །གྲཾ་གྲཾ། གྲུཾ་གྲུཾ། ཕུར་ཕུར། ཕྱེ་ཕྱེ། ཁྲོལ་ཁྲོལ། ཞེས་བྲིས་པ་བཅུག །དབྱེ་སྔགས་དེ་བཟླས་ལ་ཐུན་བྲབས། དེ་ནས་མི་མཐུན་པའི་ཉི་མ་ལ་འགྲིགས་ན་རབ། དུས་གང་དེར་

― MR07_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོད་པ་གཉིས་ཁྱེར་ལ། དགྲ་བོའི་ཕ་མེས་ཀྱི་དུར་སར་སྦས་ན་རབ་ཡིན་པས་དུར་སའི་ཕར་ཚུར་གྱི་ཕྱོགས་སམ། གྲོང་གི་འགྲམས་ཕར་ཚུར་དུ་སྦས་ན་དགྲ་བོའི་ཤ་རུས་པའང་འབྲལ་བར་བྱེད་ན་གཉེན་འབྱེད་པ་ལྟ་ཅི་སྨོས་སོ། །གཉིས་པ་ཕུ་ནུ་འམ་ཕ་སྦད་འབྱེད་ན། སྲེ་མོང་དང་བྱི་ལའི་ཐོད་པའམ། ཕག་དང་སྦྲུལ་གྱི་ཐོད་པར་གོང་བཞིན་བྲི། བྲི་མ་བདེ་ན་ཤོག་བུ་ལ་བྲིས་ཏེ་སྦྱར། བྲ་ཉེ་འམ་འཇིག་རྟེན་བྱ་རོག་དང་འུག་པའི་སྒྲོ་དང་སྦྲགས་ལ་ཐོད་པ་གཉིས་ཁ་སོ་སོར་ཕྲལ་ནས་ཆུ་ཕར་འགྲམ་ཚུར་འགྲམ་དུ་སྦས་པས་དེས་པར་འབྲལ་ལོ། །གསུམ་པ་བཟའ་མི་འབྱེད་ན། དེ་དག་གི་མདའ་འཕང་རྙིང་པ་ལ་སོ་སོའི་མིང་རུས་བྲིས། གོས་དྲི་མ་ཅན་གྱི་དུམ་བུ་ལ་སོ་སོའི་གཟུགས་བྲིས། མིང་དང་དབྱེ་སྔགས་ཀྱང་བྲིས། རྒྱབ་སྤྲད་ནས་མདའ་དང་འཕང་སོ་སོར་བཏགས། མི་མཐུན་པའི་ཉི་མའམ། འཇིག་ཉི་ལ་ཕག་སྦྲུལ་གྱི་དུས་སུ་ལམ་ཆེན་པོའི་ཕར་ཀ་དང་ཚུར་ཁར་སྦས་ཏེ་བཞག་ན། ལོ་གསུམ་ཚུན་འབྲལ་ངེས་སོ། །ཡང་ཕ་རོལ་པོ་གཉིས་གྲོས་བྱས་ནས་བདག་ལ་གནོད་པ་བྱེད་ན། དེ་དག་གི་མདུན་གྲོས་དབྱེ་བ་ནི། ཁྱི་དང་ཕག་གི་ཐོད་པར་སོ་སོའི་མིང་རུས་བྲིས་པ་གཞུགས། སོ་སོར་སྐུད་པ་སྔོ་དམར་གྱིས་བཅིངས། ཨོཾ་མ་ན་ཀ་ར་པྲད་ད་ཤིག་ཤིག་ཕྱེ། ཞེས་སྟོང་རྩ་བརྒྱད་བཟླས་ཐུན་བྲབས།

― MR07_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འཕྲོད་པའི་ཉི་མ་ལ། ཁྱི་ཐོད་དགྲ་བོའི་ཐེམ་པའི་འོག་ཏུ་སྦ། ཕག་ཐོད་ཕྱི་རོལ་དུ་སྦ། དེས་བསྐལ་པར་ཡང་འགྲོགས་པར་མི་འགྱུར་རོ། །འདི་རྣམས་མ་སྤེལ་ཅིག །གསང་ངོ་ཞེས་གསུངས་པ་ལྟར། རང་དོན་འབའ་ཞིག་ལ་ཆགས་པས་ལས་འདི་བརྩམ་པར་མི་བྱ། བྱས་ན་ཉེས་ལྟུང་ཆེ་བ་འབྱུང་བས་བག་ཡོད་པར་གྱིས་ཤིག །ཡང་བཅིངས་ཐབས་རྣམ་པ་གསུམ་གྱི་གཏོ་ནི། མི་རྒོད་ཇག་ཆིངས་ལ། ཇག་དཔོན་གྱི་མིང་རུས་ཅན་གྱི་ལིང་ག་ཟེར་མོ་དང་ཁྱི་ཁྲག་གིས་བྲིས་པ་དགྲ་གཤེད་ལ་གཏད་པར་བྱ་སྟེ། དཔེར་ན་ཇག་དཔོན་ཤིང་སྟག་ལོ་པར་ཤིང་གི་ལིང་གའི་ལྟོ་བར་མིང་རུས་བྲིས། དེ་ཉིད་ལྕགས་སྤྲེལ་ལོ་པས་སྤྲེལ་ཐོད་དུ་བཅུག་སྟེ་གཟའ་པ་སངས་དང་སྐར་མ་ནུབ་སྐར་བདུན་གྱི་གང་རུང་འཛོམ་པའི་སྤྲེའུའི་ཞག་དུས་ལ། རང་གནས་ཀྱི་ནུབ་ཕྱོགས་སུ་བྲག་དཀར་པོ་ལ་མནན་པར་བྱ། དོང་ཁ་གཡམ་དཀར་ལ་རྡོ་རྗེ་རྒྱ་གྲམ་བྲིས་པས་བཅད། བདེན་སྟོབས་དམིགས་པ་སྨོན་ལམ་ཁ་བསྒྱུར་བྱ། ཕ་རོལ་གྱི་གཤེད་ལྕགས་ཀྱི་སྔགས། ཨོཾ་མ་མ་ཀ་ར་ཀ་ར་ཡེ་སྭཱ་ཧཱ། ཞེས་

― MR07_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླས་ཀྱང་ལེགས། དེའི་འགྲེས་སྦྱར་ཏེ་ལོ་འགྲོས་དྲུག་ཅུ་སོ་སོའི་འབྱུང་གཤེད་སྦྱར་ཤེས་པར་བྱའོ། །དེས་ཇག་པ་ཆོམ་པོ་འཇོམས་པར་ཐེ་ཚོམ་མེད་དོ། །ཡང་རྟ་ཆིངས་ནི། མཉམ་གཉིས་ཀྱི་རྟ་རྒྱུག་འགྲན་པ་སོགས་ལ་བྱ་སྟེ། རང་གིས་ཞོན་རྒྱུའི་རྟ་དེ་དེ་ཉིན་རེས་གཟའི་ཁམས་ཀྱི་མདོག་དང་མཐུན་པར་བྱུང་ན་བཟང་། རྟ་དེའི་ཟེ་རྔོག་གི་ཁྲོད་དུ་རེས་གཟའི་མདོག་མཐུན་གྱི་དར་རམ། གཟའི་ཁམས་མཐུན་གྱི་ཤིང་སོགས་ཀྱི་གཟའ་དེའི་རྟགས་མཚན་བྱ། རང་གི་རྐྱ་མི་རྣམས་ཀྱིས། དེ་ཉིན་གྱི་རེས་གཟའི་ཁམས་ཀྱི་གྲོགས་སམ་རླུང་རྟའི་གྲོགས་དང་མཐུན་པའི་གོས་གྱོན། རང་ལོའི་མཐུན་གསུམ་གྱི་ཕོད་ནི། དཔེར་ན་བསྒྲུབ་པར་བྱ། བྱ་གླང་སྦྲུལ་གསུམ་ཡིན་ན། བྱ་ཕོད་སྔོན་པོ་བཙུགས་པ་དེས་འགྲེ། རང་གི་རླུང་རྟའི་ཁ་དོག་དང་མཐུན་པའི་ལྕག་ཚན་ལག་ཏུ་བཟུང། ཁ་རེས་གཟའ་དང་རང་གི་རླུང་རྟའི་གྲོགས་ཀྱི་ཕྱོགས་སུ་བལྟས་ལ་རྟ་ཞོན། འཐབ་ཟླ་གཞན་གྱི་རྟ་དེ་ལ་གཤེད་ཀྱི་ཐུན་བྲབས་པ་ནི། ཕ་རོལ་གྱི་རྟ་དེ་དཀར་པོ་ཡིན་ན་ས་དམར་པོས་བྲབས་པ་སོགས་འགྲེ། དེ་ཉིན་སྟག་རྟ་ཁྱི་གསུམ་གང་རུང་གི་ཞག་ཡིན་ན་སྤེན་པ་བཅོས།

― MR07_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་སོགས་སྤེན་པ་ལ་མཆོད་ཅིང་བསྟོད་པ་བྱ། དེས་འགྲེ། ཕག་ལུག་ཡོས་གསུམ་ཟླ་བ། བྱ་གླང་སྦྲུལ་གསུམ་ཕུར་བུ། བྱི་འབྲུག་སྤྲེལ་གསུམ་ལ་མིག་དམར་བཅོས། དེ་ཉིན་གཟའ་དེ་དར་ན་བཟང་། གུད་ན་གུད་པ་གསོ་བའི་རྟེན་འབྲེལ་བྱའོ། །དེས་ཕ་རོལ་གྱི་རྟ་འཆིང་ཞིང་རང་གི་རྟ་མགྱོགས་པའི་རྒྱལ་ཁ་ཐོབ་པར་འགྱུར་རོ། །ཡང་ཆིངས་གསུམ་གྱི་གཏོ་ནི། ཕ་རོལ་གྱི་རྟ་དང་མདའ་དང་ཤོ་གསུམ་བཅིངས་པའི་གདམས་པ་སྟེ། རྟ་རྒྱུགས་ན་ཕ་རོལ་པོའི་རྟ་གཟུགས་ཀྱི་ལིང་ག་རྐང་ལག་ཞགས་པས་བཅིངས་པ་བྲི། མདའ་དང་ཤོ་ལ་ཕ་རོལ་གྱི་འདྲ་གཟུགས་ལིང་གའི་དཔྲལ་བར་རུས། སྙིང་གར་མིང་། ཡན་ལག་བཞི་ལ་ཛཿཧཱུྃ་བོཾ་ཧོཿབཀོད། རྐང་ལག་ཞགས་པས་བསྡམས་པ་བྱ། མི་རྟའི་གཟུགས་ལ་མིའམ་རྟ་ཆེ་གེ་མོ་འདི་ཞེས་བྱ་བའི་སྟོབས་དང་ལུས་རྩལ་ཆིངས་ཤིག་བནྡྷ་བནྡྷ། ཞེས་བྲི། དགུག་གཞུག་བྱས་ན་ལེགས། དེ་ནས་དེ་ཉིད་དྲང་སྲོང་དམ་རེས་གཟའ་གང་ཡིན་གྱི་ཐུན་སྔགས་བྲབས་པར་བྱ་སྟེ། རེས་གཟའ་དྲང་སྲོང་ཉི་མ་ཡོད་པའི་ཉིན། ཨོཾ་ཉི་མ་སཱུརྱ་ཨ་ཨ་ཧཱུྃ་ཧཱུྃ་ཕཊ། ཟླ་བར། ཨོཾ་ཟླ་བ་

― MR07_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

ཙནྡྲ་ཀྵྱ་ཀྵྱ་ཧཱུྃ། དམག་དཔོན་ལ། ཨོཾ་དམག་དཔོན་པ་ཤ་ཏ་བ་ལི་བྲེཾ་ཧཱུྃ། ལྷག་པར། ཨོཾ་ལྷག་པ་ནི་ཤ་གྷ་ཛ་ཧཱུྃ། ཕུར་བུ་ལ། ཨོཾ་ཕུར་བུ་ཤི་ཏྲི་ཏྲི་ཧཱུྃ། པ་སངས་ལ། ཨོཾ་པ་སངས་ཝཱ་ཁ་ཤ་ཧཱུྃ། སྤེན་པར། ཨོཾ་སྤེན་པ་ཏྲི་ཤ་ཧཱུྃ། ཞེས་སོ་སོའི་སྔགས་ཀྱི་ཤམ་བུར་ཆེ་གེ་མོའི་མདའ་དང་རྩལ་ཆིངས་ཤིག །ཞེས་སམ་ཆེ་གེ་མོའི་ཤྭ་གྲངས་ཆིངས་ཤིག་ཅེས་སམ། ཆེ་གེ་མོའི་རྟའི་བང་ཆིངས་ཤིག་ཅེས་གང་འདོད་བགྲངས། སྔགས་དེ་བརྒྱའམ་སྟོང་གི་གྲངས་ཐེམ་ནས། རྟའི་མདོག་གི་གཤེད་ཀྱི་ས་ཕྱེའམ། ཕ་རོལ་པོའི་རླུང་རྟའི་ཁམས་ཀྱི་དགྲ་མདོག་གིས་ཕྱེ་རྡོ་ཕྱེ་སོགས་ཀྱིས་ཐུན་བྲབས། ལིང་ག་དེ་ཡུགས་ས་མོའི་འཕང་ལོའི་མིག་ཏུ་བཅུག །ཚོན་སྐུད་ཀྱིས་ཕྱི་ཀ་ལོག་ཏུ་དཀྲི། རྙེད་ན་ཁོའི་གཤེད་དུ་གྱུར་པའི་ལོ་ཡི་ཐོད་པར་བཅུག །དེ་མེད་ན་ཕོ་རོག་དང་འུག་པའི་སྡེར་མོའི་བར་རམ། ཡང་ན་ཁྲ་དང་སྐྱ་གའི་སྡེར་མོའི་བར་རམ། ཡང་ན་བྱི་བ་དང་བྱི་ལའི་སྡེར་མོའི་བར་རམ། ཡང་ན་བྱི་བ་དང་སྲེ་མོང་གི་སྡེར་མོའི་བར་གང་རུང་དུ་བཅུག་ལ་གོང་བཞིན་དཀྲིས་ནས། རྟ་ཆིངས་རྟ་ལམ་གྱི་འོག །མདའ་ཆིངས་འཕེན་

― MR07_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་འོག་ཤོ་ཆིངས་ཤོ་གདན་འོག་ཏུ་བཅུག་སྟེ་གཡམ་པས་མནན། དྲང་སྲོང་གཟའ་ལ་སོ་སོའི་སྔགས་ཀྱིས་གཏོར་མ་ཕུལ། གཟའ་ཡི་མདོག་མཐུན་གྱི་དར་རང་གི་མགོ་ལ་འཆིང་། རང་གི་དབང་ཐང་གཙོ་བས་དབང་ཐང་བསྐྱེད་པའི་མ་མདོག་གི་གོས་གྱོན། དབང་ཐང་གི་ཁམས་ཀྱི་མ་ཡི་ཕྱོགས་སུ་རྒྱབ་བཏད། གྲོགས་ཕྱོགས་སུ་ཁ་བལྟ། རང་གི་སྲོག་ལྷ་གནས་པའི་ཕྱོགས་ནི། དཔེར་ན་རྟ་སྦྲུལ་གྱིས་ལྷོ་ཕྱོགས་སུ་གཏོར་མ་བཏང་སྟེ་འབྱུང་བའི་ལྷ་ལ་འབུལ་དེས་འགྲེ། རང་གི་རླུང་རྟའི་མདོག་གི་ཕོད་དམ་འཕྲུ་བཙུགས། ཡུགས་སའི་རྐང་རྗེས་ས་དང་ལྷང་མ་ལྷང་ཚེར་གྱི་ཕྱེ་མ་མ་ཚོར་བར་ཁོའི་སྤྱི་གཙུག་ཏུ་བཏབ་པས་ཁོའི་ལྷ་འདྲོགས་ཏེ་རྩལ་དང་ཉིན་རེའི་བསོད་ནམས་ངེས་པར་འཆིང་ནས་རང་ཉིད་རྒྱལ་བར་འགྱུར་ངེས་སོ། །བྱ་བ་ཟིན་ནས་མནན་པ་འདོན། ལིང་ག་ཆུའམ་མེ་ལ་གཤེགས། རྫས་རྣམས་དབེན་པར་སྦ། འདི་ཤིན་ཏུ་ཟབ་སྟེ་མཁོ་གལ་ཆེ་བ་ཡིན་པས། གཏོ་སྒྲོམ་གཞུང་དུ་དྲང་སྲོང་གི་སྔགས་དང་

― MR07_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་ཤེས་རྣམས་གབ་པ། རཏྣ་གླིང་པས་བུམ་ཐང་དགེ་གནས་ནས་གཏེར་དུ་བཞེས་པ་མཉམ་གཉིས་རྩལ་འགྲན་ཆིངས་གསུམ་གནད་ཀྱི་གདམས་པ་ལས་བྱུང་བ་བཞིན་བཀོད་པ་ཡིན་ལ། འདིས་མཚོན་མན་ངག་གི་གཏོ་ཐབ་རྣམས་འཕངས་པ་མེད་པའི་གསེར་གྱིས་བསླུས་ཀྱང་སྦྱིན་པར་འཕངས་པའི་གདམས་པ་ཡིན་ནོ། །དགྲ་བཟློག་དང་དགྲ་ལས་རྒྱལ་བའི་ཐབས་སྐོར་གྱི་སྡེ་ཚན་ཏེ་གཉིས་པའོ།། །།གདོན་བཟློག་པའི་གཏོ་ཡི་སྐོར་ལས། དང་པོ་རྒྱལ་པོ་ཁྲོམ་བསྒྱུར་གྱི་བྱེ་བྲག་འདྲེ་ཁྲོམ་བསྒྱུར་བ་མ་ཏྲཾ་ཁྲོམ་བཟློག་གི་གཏོ་ནི། ཡུལ་དུ་འདྲེ་དམག་ཁྲོམ་དུ་ལྷག་པ་སོགས་གནོད་པ་ཀུན་ལ་བསྔགས་པ་ཡིན་ལ། དེའི་བྱ་ཐབས། དུར་ཁྲོད་ཀྱི་ས་དང་། རོ་ཁུངས་ས། ཕུང་ཤུལ་གྱི་ས་རྣམས་ས་སྤྱིན་པོ་དང་བསྲེས་ལ་ཕུབ་ཀྱི་སྟེང་དུ་ཁྲོ་བོ་མ་ཏྲཾ་གི་གཟུགས་མདའ་གང་གི་ཚད་་་་ཅན། ཞལ་དབུས་ནག །གཡས་ལྗང་། གཡོན་དཀར་བ་འདོམ་ནག་པོ། རྐང་ལག་བཞི་སེར་པོ་བྱས་ཏེ་གན་རྐྱལ་དུ་བཞག་པའི་ལག་པ་གཡས་སུ་མཚེ། གཡོན་དུ་

― MR07_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུངས་ཀར་གང་བུ་ཐོགས་པ། མགོ་ལ་ཟེར་མོའི་ཕོད་གཟུགས། དེའི་སྙིང་གར་ཨེ་ཁང་གྲུ་གསུམ་ཕྱི་ནག་ནང་དམར་བ་གཅིག་བཞག །དེའི་ནང་དུ་ཁམ་སའི་མི་གཟུགས་ཀྱི་དཔུང་པ་གཡས་པར་ཤིང་སྟག་པའི་ཁྲམ་ཤིང་གི་བྱང་བུ་ལ། ཁྲམ་མང་པོ་དང་། ཁྱི་ཁྲག་གིས་ཡས་ཀྱི་བདུད་བཟློག མས་ཀྱི་སྲི་བཟློག །ལྷ་མ་སྲིན་སྡེ་བརྒྱད་བཟློག །ཅེས་བྲིས་པ་བཙུགས་པ་བཅུག་ངར་གླུད་དང་ཆང་བུ་ཤ་ཁྲག་ཟས་སྣ་བླུགས་ཀྱང་ལེགས། མ་ཏྲཾ་གི་མགོ་བོའི་ཕྱོགས་སུ་གླུད་དམར་པོ་ཉི་ཤུ། གཞོག་གཡས་སུ་ལྗང་གུ་ཉི་ཤུ། གཡོན་དུ་དཀར་པོ་ཉི་ཤུ། འདོམས་ཀྱི་ཕྱོགས་སུ་ནག་པོ་ཉི་ཤུ། ཡན་ལག་བཞི་ལ་རེ་རེར་གླུད་སེར་པོ་ལྔ་ལྔ་སྟེ་ཉི་ཤུ་བཞག་པས་ཁྱོན་ངར་གླུད་བརྒྱ་ཐམ་པ་བཀོད། གཞུང་གི་བཅས་ལ་འདི་ཙམ་ལས་མ་གསུངས་ཀྱང་། ནམ་རྒྱང་མདའ་འཕང་ཤིང་རིས་ཕོ་ཏོང་མོ་ཏོང་། འཕན་རྒྱལ་མཚན་ཟས་སྣ། ཤ་སྣ། ཁྲག་སྣ། དར་སྣ་གཟུགས་འགྲོས་སོགས་གླུད་ཆས་ཇི་འབྱོར་བས་མཐའ་བསྐོར་བྱས་ན་ལེགས་པའི་ཡན་ལག་ཏུ་འགྱུར་རོ། །དེ་ནས་གཏོ་མཁན་གྱིས་རྒྱས་པར་ཡི་དམ་གྱི་

― MR07_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་གཞུང་བསྲང་། ཚོགས་མཆོད་གསོལ་ཁ་ལེགས་པར་གཏོང་། བསྡུ་ན་གོང་གི་སྔོན་འགྲོའི་སྐབས་སུ་བསྟན་པ་བཞིན་བཟླས་པ་དང་། དཀར་གཏོར་དམར་གཏོར་བཏང་། དེ་ནས་མདུན་གྱི་ཡས་རྟགས་གླུད་ཆས་རྣམས་ལ་ཆབ་བྲན་ལ། སྔོན་འགྲོའི་སྐབས་ཀྱི་གླུད་ཀྱི་བྱིན་རླབས་ལྟར་བྱས་ཏེ། རྒྱས་པར་སྔགས་དྲུག་ཕྱག་དྲུག །བསྡུ་ན་ནམ་མཁའ་མཛོད་དམ། འབྲུ་གསུམ་དང་སམ་བྷ་རས་བརླབས་ནས། ཡས་མགྲོན་དགུག་པ་དང་། བསྔོ་བ་སོགས་མདོས་གཞུང་གཞན་ལས་འབྱུང་བ་ལྟར་རྒྱས་པར་འདོན་པའམ། བསྡུ་ན། ཀྱེ། སྣང་ཞིང་སྲིད་པའི་ལྷ་འདྲེ་རྣམས། །ཚུར་གཤེགས་མདོས་དང་ཡས་ལ་བྱོན། །གླུད་ཀྱི་བདག་པོ་གླུད་གཞེས་ཤིག །མདོས་ཀྱི་བདག་པོ་མདོས་བཞེས་ཤིག །ཡིད་མཐུན་འདོད་ཡོན་རྒྱ་མཚོ་འདིས། །ཁྱེད་ཀྱི་ཐུགས་དམ་བསྐང་གྱུར་ཅིག །རྒྱུ་འབྱོར་ཡོན་བདག་འཁོར་བཅས་ལ། །རྣལ་འབྱོར་བདག་ཅག །ལྷ་འདྲེའི་ཁྲོམ་ཁ་བསྒྱུར་དུ་གསོལ། །འབྱུང་གནོད་སོགས་ཁ་བསྒྱུར་གང་འོས་བྱ། ཁྱེར་ཅིག་ཁྱེར་ཅིག་སོགས་ཚིགས་བཅད་བརྗོད། དེ་ནས་གཏོ་སྒྲོམ་གཞུང་གི་གྱེར། ཧཱུྃ་བྷྱོ། གཏོ་འདི་གཙུག་ལག་འཕྲུལ་གྱི་གཏོ། །དཔྱད་འདི་ཀོང་ཚེ་རྒྱལ་པོའི་དཔྱད། །གྱེར་འདི་རྒྱ་ནག་གཙུག་ལག་

― MR07_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

གྱེར། །སྨྲེང་འདི་གཏོ་མཁན་བདག་གི་སྨྲེང་། །བསྒྱུར་ནི་འབྱུང་བའི་རྒྱལ་པོས་བསྒྱུར། །བྷྱོ། ལྷོ་ཕྱོགས་འབྱུང་བའི་རྒྱལ་པོ་ནི། །མེ་ཁམས་འབྱུང་བ་གཏོ་ཡི་བདག །མ་ཏྲཾ་ཁྲམ་དང་བཅས་པ་འདིས། །གཤིན་རྗེའི་ཁྲོམ་སྣ་དགྲ་ལ་བསྒྱུར། །གདོན་གྱི་ཁྲོམ་སྣ་དགྲ་ལ་བསྒྱུར། །བཙན་གྱི་ཁྲོམ་སྣ་དགྲ་ལ་བསྒྱུར། །བྷྱོ། བྱང་ཕྱོགས་འབྱུང་བའི་རྒྱལ་པོ་ནི། །ཆུ་ཁམས་འབྱུང་བ་གཏོ་ཡི་བདག །མ་ཏྲཾ་ཁྲམ་དང་བཅས་པ་འདིས། །གནོད་སྦྱིན་ཁྲོམ་སྣ་དགྲ་ལ་བསྒྱུར། །མ་བདུད་ཁྲོམ་སྣ་དགྲ་ལ་བསྒྱུར། །བྷྱོ། ནུབ་ཕྱོགས་འབྱུང་བའི་རྒྱལ་པོ་ནི། །ལྕགས་ཁམས་འབྱུང་བ་གཏོ་ཡི་བདག །མ་ཏྲཾ་ཁྲམ་དང་བཅས་པ་འདིས། །ཀླུ་བདུད་ཁྲོམ་སྣ་དགྲ་ལ་བསྒྱུར། །བདུད་ཀྱི་ཁྲམ་སྣ་དགྲ་ལ་བསྒྱུར། །བྷྱོ། ཤར་ཕྱོགས་འབྱུང་བའི་རྒྱལ་པོ་ནི། །ཤིང་ཁམས་འབྱུང་བ་གཏོ་ཡི་བདག །མ་ཏྲཾ་ཁྲམ་དང་བཅས་པ་འདིས། །དྲི་ཟའི་ཁྲོམ་སྣ་དགྲ་ལ་བསྒྱུར། །མེ་ལྷའི་ཁྲམ་སྣ་དགྲ་ལ་བསྒྱུར། །འདྲེ་གདོན་ཁྲོམ་སྣ་དགྲ་ལ་བསྒྱུར། །གཉན་གྱི་ཁྲོམ་སྣ་

― MR07_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ལ་བསྒྱུར། །བྷྱོ། མཚམས་བཞི་འབྱུང་བའི་རྒྱལ་པོ་ནི། །ས་ཁམས་འབྱུང་བ་གཏོ་ཡི་བདག །མ་ཏྲཾ་ཁྲམ་དང་བཅས་པ་འདིས། །མེ་ལྷ་སྲིན་པོ་རླུང་ལྷ་དང་། །ཀླུ་དང་གནོད་སྦྱིན་གྲུལ་བུམ་དང་། །ས་བདག་གདོན་དང་ཡི་དྭགས་དང་། །འབྱུང་པོའི་ཁྲོམ་སྣ་དགྲ་ལ་བསྒྱུར། །མི་ནད་གདོན་གྱི་ཁྲོམ་སྣ་དགྲ་ལ་བསྒྱུར། །གྲི་དང་མཚོན་གྱི་ཁྲོམ་སྣ་དགྲ་ལ་བསྒྱུར། །མི་ནད་ཕྱུགས་ནད་ཁྲོཾ་སྣ་དགྲ་ལ་བསྒྱུར། ཅེས་གྱེར་བཏང་ནས། གཏོ་མཁན་རང་ཉིད་འཇམ་དཔལ་དུ་བསྒོམ་ལ། སྔགས་འདི་བརྒྱ་རྩ་བརྒྱད་བཟླ། ཨོཾ་ཁྲོམ་བསྒྱུར་ཁྲོམ་ཤིག །བདུད་ཁྲོམ་བསྒྱུར། གཟའ་ཁྲོམ་བསྒྱུར། བཙན་ཁྲོམ་བསྒྱུར། རྒྱལ་པོའི་ཁྲོམ་བསྒྱུར། ས་བདག་ཀླུ་གཉན་གྱི་ཁྲོམ་བསྒྱུར། དམུའི་ཁྲོམ་བསྒྱུར། སྨན་མོའི་ཁྲོམ་བསྒྱུར། གདོན་གྱི་ཁྲོམ་བསྒྱུར། འདྲེ་ཡི་ཁྲོམ་བསྒྱུར། ཐེའུ་རང་གི་ཁྲོམ་བསྒྱུར། བྷྱོ་བྷྱོ་བྷྱོ། བཟློག་བཟློག་བཟློག །ཆིལ་ཆིལ་ཡཱ་ཡཱཿ བརྒྱ་རྩ་བརྒྱད་ཚང་བ་དང་སྔགས་དེ་བཟླ་བཞིན། མི་ཕོ་མོ་ཀུན་གྱིས་བྷྱོས་འདེབས་ཤིང་གཏོ་དེ་བཏེགས་ནས། གདོན་གྱིས་གནོད་པའི་ཕྱོགས་སམ་ལམ་པོ་ཆེར་བསྐྱལ།

― MR07_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག་སྔགས་བརྗོད་ཅིང་བདེན་སྟོབས་དམིགས་ལ། ཆེ་གེ་མོ་ལ་གནོད་པའི་ལྷ་འདྲེའི་ཁྲོམ་ཁ་བསྒྱུར་ཅིག་སོགས་བདེན་སྟོབས་བརྗོད་ཅིང་ཡེ་དྷར་བཟླ། དེས་གདོན་ཐམས་ཅད་བཟློག་པར་འགྱུར་ལ། མེ་ཆུ་ས་གཡོས་ཐོག་སེར་ཤ་འུད་སོགས་འབྱུང་བཞིའི་གནོད་པ་དང་གཞན་ཡང་འཚེ་བ་གང་ལ་ཡང་འདི་བསྔགས་སོ། །མ་ཏྲཾ་ཁྲམ་མདོས་རྒྱས་པ་ནི་མ་མོའི་རྒྱུད་ལུང་སོགས་རྙིང་མ་བཀའ་གཏེར་གྱི་སྐོར་ལས་འབྱུང་ཡང་། བསྡུ་ན་འདིས་ཆོག་པ་ཡིན་ནོ། །བྱེ་བྲག་ཏུ་ཁྱིམ་དུ་འདྲེ་རྒྱལ་པོ་ཆགས་པ་འདོན་ན། སྙུག་རྒོད་གཅིག་ལ། སྟག་རས་གཟིག་རས། ཟ་འོག་གི་དུམ་བུ། རྔ་མ་དཀར་པོ་དང་། བྱ་སྤུས་བརྒྱན་པར་རྒྱལ་པོའི་གཟུགས་ཤོག་བུ་ལ་བྲིས་པའི་སྙིང་གར། རཱ་ཙ་ཙ་ཏྲི། ཞེས་རྒྱལ་པོའི་མིང་དང་ས་བོན་བྲིས་པ་བཏགས། དེར་རྒྱལ་པོ་དེ་བསྟིམ་པར་དམིགས་ནས་རང་གི་ཁང་པའི་ནང་དུ་ཕྱི་བསྐོར་ལན་གསུམ་བྱས་ལ་ལྷ་ཁང་ཞིག་ཏུ་བསྐྱལ་ནས། རྒྱལ་པོ་དེར་ཐོན་པར་བསམས། བདེན་སྟོབས་བརྗོད་ཅིང་རྟེན་སྙིང་བཟླ། ནང་དུ་བཀྲ་ཤིས་བརྗོད། དེས་རྒྱལ་པོ་རང་གནས་སུ་བསྐྱལ་

― MR07_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འགྱུར་རོ། །ཡང་ཁྱིམ་དུ་སྲིན་མོ་ཆགས་པ་འདོན་པའི་གཏོ་ནི། བག་ཟན་ལས་སྟོད་མི་ལ་སྨད་སྦྲུལ་དུ་ཡོད་པའི་གཟུགས་བྱས་ལ་རྫ་གསར་པར་བཅུག །དེར་དཀར་གསུམ་མངར་གསུམ་འབྲུ་སྣ་རིན་ཆེན་སྣ་ཚོགས་བླུགས་ལ། སམ་བྷ་རས་འདོད་ཡོན་རྒྱ་མཚོར་བརླབ། གཟུགས་དེར་ས་སྲིན་མོ་བསྟིམ་པར་བསམ་ལ། འདྲེ་ལྔ་གནས་སར་སྦ། བདེན་སྟོབས་བརྗོད་པས་ཐོན་པར་འགྱུར་རོ། །ཡང་རྒྱལ་འགོང་ཁ་ཆིང་གི་གཏོ་ལ། ཁ་བཅིངས་པ་དང་། མནན་པ་དང་། འབྱམ་དུ་གཞུག་པ་གསུམ་ལས། ཕྱི་མ་འདི་རྒྱལ་འགོང་ཟ་ཁ་སྤོ་བའི་འབྱམ་གཏོ་ཡིན་ལ། དེའི་བྱ་ཐབས་ཕད་ཚེ་ཁྲ་བོ་གཅིག་གི་ནང་དུ། རྟ་ཐོད་ལ་རྒྱལ་མཁར་གླིང་བཞི་དང་རྩེ་ལ་རྒྱལ་པོའི་ཞལ་དང་བཅས་བ་བྲིས་ལ། རྒྱལ་པོ་གཏོས་བསྒྱུར་རོ། །ཞེས་པ་ཡང་བྲི། རྟ་ཐོད་དེའི་འགྲམ་པ་གཡས་སུ་གསེར་གྱི་ཉི་མ། གཡོན་དུ་ཤེལ་གྱི་ཟླ་བ་བྲིས། གཏོ་འདི་སུ་དང་འཕྲད་པ་དེའི་ཕྱི་ལ་རྒྱལ་འགོང་འཁོར་དང་བཅས་པ་སོངས་ཤིག །སུས་བླངས་བ་ལ་སྡིགས་ཤིག །ཅེས་བྲིས། རམ་བུ། རུག་པ། སྦང་མ། ཆུར་ཕྱེ། གྲོ་དང་སྲན་མ། བྲ་བོ། སོ་བ། སྤྲེའུའི་སྤུ། བོང་བུའི་སྤུ། ལྟག་སྐོར་རུས་པ། སྲེ་ལོང་། ལྟེ་རྒྱགས། བཟོ་རས་རྣམས་བླུགས་གཏོ་འདི་སུས་བླང་ཞིང་ཁྱེར་བ་ལ་སྡིགས། སུ་དང་འཕྲད་པའི་ཕྱིར་སོངས་ཤིག །

― MR07_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་བྲིས་པ་བཅུག །རྒྱལ་མདོས་སམ། བྱུར་འབུད་ཀྱི་གཏོ་འདོན་གཞན་དང་སྦྲགས་ལ་ལམ་པོ་ཆེར་མཆོག་གི་བསྐྱེལ། །ཁྱེར་མཁན་སྤྲང་པོ་ངན་ལོང་ལ་བསྐུར། དེ་ནང་དུ་འོང་མི་བཅུག་གོ །རྒྱལ་མདོས་སོགས་རྒྱས་པར་མ་ལྕོགས་ན། སམ་བྷ་རས་འདོད་དགུར་བརླབས་ལ། ཀྱེ། གནོད་བྱེད་རྒྱལ་འགོང་འཁོར་བཅས་ཀྱིས། །རང་མཐུན་ཡས་གཏོ་འདི་ལོངས་ལ། །གནས་འདིར་འདུག་པར་མ་བྱེད་པར། །སུ་དང་འཕྲོད་པའི་རྗེས་སུ་སོང་། །ཁྱེར་ཅིག་སོགས་ཚིགས་བཅད་བརྗོད་ལ། །རྒྱལ་འགོང་རྣམས་ཡས་གཏོ་དེར་བསྟིམ། །ཕྱོགས་སུ་བསྐྱལ་ལ་བདེན་སྟོབས་བརྗོད་པས་འདྲེ་ཟ་ཁ་སྤོ་བར་འགྱུར་རོ། །ཡང་རང་ཁྱིམ་དུ་རྒྱལ་འགོང་ཆགས་ཏེ་འདྲེར་སོང་ན། འབྲུག་གི་དུས་ཚོད་ལ། སྙུག་མའི་མགུལ་དུ། དར་སྣ། ཁྲབ་བྱང་། བྱེ་རུ། ཤེལ་རྔ་མ་དཀར་པོ་རྣམས་བཏགས། ཤ་ལག་ངར་ལྷུ་གཅིག་ལ་ཁྱི་གཟུགས་གཅིག་བྲིས་རྫས་དེ་རྣམས་ལ་རྒྱལ་པོ་བསྟིམ་པར་དམིགས་ནས་ཁྱི་ཡི་དུས་སུ་སྲོག་གཅོད་པའི་ཕྱོགས་སུ་བསྐྱེལ། རྒྱལ་པོ་རྣམས་འདིས་མ་ཆགས་མ་གནོད་

― MR07_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་བརྗོད། དེ་ནས་ཤོག་གུ་ལ་བྱི་ལའི་གཟུགས་གཅིག་བྲིས་ནས་ཁྱིམ་གྱི་གདུང་མ་ལ་བཏགས། བརྩེ་བྱིའི་སྲོག་གི་དགྲ་ཕྱོགས་བདེན་སྟོབས་དམིགས་རྟེན་སྙིང་བཟླ། དེས་རྒྱལ་ཚབ་བྱི་བ་ཞེས་བྱ་སྟེ། བྱི་བ་ལ་གནོད་དེ་འོན་ཀྱང་ཁྱིམ་དེའི་རྒྱལ་འགོང་ཟ་ཁ་སྤོ་བར་འགྱུར་རོ། །འགོང་པོའི་ཇག་པ་བསྒྱུར་བའི་གཏོ་ནི། བསླང་ནས་གསུམ་ལ་ཟན་བྱས་ལ། ཆ་གསུམ་གྱི་གཅིག་རང་ལུས་སྟོད་ཀྱི་དྲེག་པར་བསྒྲེས་ལ་གླུད་གཟུགས་དཀར་པོ་གཅིག་བྱ། དེའི་རྐེད་པར་རྟ་དཀར་པོ་གཅིག་བཏགས། གཅིག་ལུས་ཀྱི་རྐེད་པར་བསྒྲེས་ལ་ཁྲོ་བོ། རྐེ་ལ་སྲེ་ལོང་འབྲུ་སྣ་གསུམ་གཞན་ལས་བསླང་གཅིག་སྨད་དུ་བསྒྲེས་ཏེ་གླུད་གཟུགས་ནག་པོ་བྱ། རྐེ་ལ་ཡོང་མོ་བཏགས། དཀར་པོ་རང་དང་གཡག་ཤིང་ཞེས་པ་ཡ་ཤི་ཟེར་སྒོ་འདེན་པའི་ཤིང་ལྡེའུ་མིག་གིས་འབྱེད་དགོས་པ་དེ་ཡིན། ན་མཉམ་གཞན་གྱི་སྒོའི་གཡག་ཤིང་གི་བུ་གར་བཞག །ཁྲ་བོ་གྲོང་པའི་བར་ལག་ཏུ་བཞག །ནག་པོ་ཟམ་ཁ་ནས་ཆུ་ལ་བསྐུར། འགོང་པོ་འདིར་མ་འདུག་ད་སོང་སོགས་འོ་དོད་འབོད་བསོས་གདབ། བདེན་སྟོབས་དམིགས། འགོང་ཆགས་བསྒྱུར་བར་བསམ། ཕྱིས་མི་ལྡང་བའི་སླད་དུ། འགོང་པོའི་ལིང་ག་མིང་བྱང་སྤྲེལ་ཐོད་དུ་བཅུག་པ་

― MR07_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བཙས་ཆེན་པོའི་འོག་ཏུ་མནན་པར་བྱའོ། །འགོང་ཇག་བསྒྱུར་བར་ཐེ་ཚོམ་མེད་དོ། །ཀླུ་མཁར་བ་འདེགས་པའི་གཏོ་འདི་ནི། ཀླུས་གནོད་པའམ། ཁོན་ཁམ་གིན་ལ་སྐྱེས་པ། སྨེ་བ་བཞི་ལྗང་ལ་སྐྱེས་པ། ལོ་རང་རང་གི་ས་བདག་གནོད་པ་རྣམས་ལ་བྱ་བར་གསུངས། འབྲུ་སྣ་ལྔ་ལས་སྦལ་པ་ནག་པོའི་གཟུགས་བྱས། སྐུད་པ་སྔོ་དམར་གྱིས་ནད་པའི་སྲིན་ལག་དང་སྦྲེལ་ཏེ་བཞག །ན་ཟླ་བསྐོས་ལ་སྦལ་བ་བསྒྲལ། སྦལ་བ་དེ་ཀླུ་གཟུགས་སྣ་ཚོགས་ཀྱིས་བསྐོར་ལ་ཟ་ཚུལ་བྱ། རང་ཉིད་འཇམ་དཔལ་དུ་གསལ་ལ། ཧཱུྃ། དཀོན་མཆོག་གསུམ་གྱི་བདེན་པ་དང་། །ཁྲོ་བོའི་ཚོགས་ཀྱི་མཐུ་སྟོབས་ཀྱིས། །འཇམ་དཔལ་རལ་གྲི་རྣོན་པོ་ཡིས། །ཀླུ་ཡི་བྱད་ཐག་བཅད་དུ་གསོལ། །ཞེས་བརྗོད་ལ། ནད་པ་དང་སྦལ་པ་སྦྲེལ་བའི་ཐག་པ་བཅད་ནས་ཀླུ་གཟུགས་ཀྱི་སྟེང་དུ་བསྐྱུར་བས། བྱད་ཐག་གིས་བཅིངས་པ་ལས་དབྱུང་། བྱད་གྲོལ་བར་བསམ། ཀླུ་སྨན་གྱིས་ཀླུ་མཆོད་རྒྱས་བསྡུས་སྤྱི་ལྟར་བྱ། བྱུར་འབུད་ཀྱི་གཏོ་དང་ཀླུ་མདོས་བྱིན། དེ་ནས་ཀླུའི་མཁར་བ་འདེགས་སོ་ཞེས་བྱས་ལ་གཏོ་ཡས་རྣམས་ཀླུས་གང་ནས་གནོད་པར་བསྐྱལ།

― MR07_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་སྟོབས་དམིགས། ཕྱིར་ལོག་ཏེ་ལམ་དུ་མཚམས་བཅད་ཕྱིར་ཐལ་བ་གཏོར། ཐོ་ཞིག་བཙུགས་ལ་ཁྱུང་དུ་དམིགས། ཁྱིམ་དུ་འོང་ནས་ནད་པ་ལུས་ཆས་བསྒྱུར། བཀྲ་ཤིས་བརྗོད་པར་བྱའོ། །ཡང་ཇག་པ་བཅུ་གཉིས་ཀྱི་གཏོ་འདི་ནི། དམེ་སྲི་འཁོར་བ་དང་། སྲོག་ལུས་ལ་མེ་དགྲ་དར་བ་ལུས་སྨེ་བདུན་དམར་ལ་སྐྱེས་པ་རྣམས་ལ་བྱ་སྟེ། སྔོན་དུ་བཙན་མདོས་བཏང་ན་ལེགས། འབྲུ་སྣ་ནག་པོ་གསུམ་ལས་ན་ཟླའི་མི་གཟུགས་བྱ། མི་རེང་མཚོན་ཐོགས་དྲུག །རྟ་པ་མཚོན་ཐོགས་དྲུག་བྱས་ལ་སྤེལ་ཏེ་བཞག །ཐོག་མར་བཤོས་བུ་དམར་པོ་ཟུར་གསུམ་བཅུ་གཉིས་དང་སྐྱེམས་ཕུད་བཤམས། བྱིན་རླབས་བྱ། སྨྲེང་ལ། ཀྱེ་སྣང་སྲིད་ལྷ་སྲིན་སྡེ་བརྒྱད་དང་། བཙན་གྱི་ཇག་པ་བཅུ་གཉིས་པོ། འདིར་གཤེགས་ཡས་དང་གླུད་འདི་ལོངས། གྲི་སྲིལ་སོགས་གནོད་པ་བཟློག །ཁྱེར་ཅིག་སོགས་བརྗོད། སྡེ་བརྒྱད་གསེར་སྐྱེམས་དང་། བདེན་སྟོབས་བརྗོད་ལ་ཡས་རྣམས་ཕྱོགས་ངན་ཡོད་སར་ཁྱེར་ཏེ། ལྷ་མ་སྲིན་སྡེ་བརྒྱད་དང་ཇག་པ་བཅུ་གཉིས། ན་ཟླ་འམ། གང་འདོད་མིང་འདི་ཞེས་བྱ་བའི་མི་འདི་བདག་ཅག་གི་གླུད་དུ་ཁྱེར་ཅིག །གྲི་འཁོར་

― MR07_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་ངན་དགུ་དུག་བཅུ་ཐམས་ཅད་འདི་ཡིས་ཕྲོགས་སོ། །ཕྱོགས་ཆེ་གེ་མོ་ན་ཁོ་རང་གབ་ནས་འདུག་གོ །ཁོ་ཁྱེར་ཅིག་བྱས་ལ་ཡས་རྣམས་བཏང་ཕྱི་མིག་མི་བལྟ་བར་ལོག །བཀྲ་ཤིས་བརྗོད་པར་བྱའོ། །གྲི་ཁ་བཅད་པའི་གཏོའོ། །ཡང་གཤིན་པོ་མཁར་བ་འདེགས་པའི་གཏོ་འདི། གཤིན་ལྟོགས་འདྲེ་རེད་པ་ལ་བྱ་སྟེ། ནས་ཀྱི་ཚིག་མ་དང་ཁམས་ལས་གྲི་ཕོ་མོ་ཤི་འདྲེ་ཕོ་མོ་གང་ཡིན་གྱི་གཟུགས་བྱས་ལ་དེའི་ཁོངས་པར་འབྲུ་སྣ་དང་འདྲེ་ཕོ་མོ་དེའི་མིང་བྲིས་པ་བཅུག །ངར་ཟན་གསུམ། ཆང་བུའི་ཟན་གསུམ། གྲོད་པ་གཅིག་ཏུ་ཆུ་ཕུལ་གང་རྣམས་ཀྱང་བཞག །རྫས་ཐམས་ཅད་གཟུགས་ཀྱི་ཁོག་པར་བཙུད་པ་ལྟ་བུ་འདུག་ཀྱང་འདི་ལྟར་རུང་། གྲེ་ཕོ་མོ་དེ་ལ་བསྟིམ་པ་དང་། ཡས་རྣམས་དེའི་ཟ་སྐལ་གྱི་འདོད་ཡོན་དུ་བརླབ། དེ་ནས་ཡོན་བདག་གི་མི་རྣམས་ཀྱི་གྲེ་ཕོ་མོ་ལ་ཁྱོད་འདིར་ཅི་ལ་འོང་། འོང་དོན་མེད་ཚུལ་སོགས་ཀྱི་ཤག་བཏབ། ད་སོངས་ཤིག་མ་འདུག་ཅིག་ཅེས་བརྗོད་ལ། ལམ་གསུམ་ཆུ་གསུམ་བསྒལ་བའི་ཡུལ་ཕྱོགས་སུ་བསྐྱལ། བདེན་སྟོབས་བརྗོད་ནས་ས་སྤར་བ་གསུམ་གཏོར། བསོད་དང་ཐོ་ལེས་གདབ། ཕྱི་མིག་མི་

― MR07_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

བལྟ་བར་ལོག་ནས་ཁྱིམ་ནང་དུ་ཕ་མེས་རིགས་ཀྱི་གྲི་མཚུན་གསོལ་བའི་ཆོ་ག་གཏོ་གཞན་ལས་འབྱུང་བ་ལྟར་བྱ། དེས་ཕན་པར་འགྱུར་རོ། །ཁ་འཐོར་སྣ་ཚོགས་ཀྱི་གཏོ་ཡི་ལེའུ་ལས་རྒྱལ་པོ་མཆོད་པའི་གཏོ་ལ། རྒྱས་པར་རྒྱལ་ཐབས་བཅུ་གསུམ་བྱ། མཛོ་རྟོལ་དྲེའུ་གང་རྙེད་ལ། དཀོར་རྒྱལ་འདེགས་པའི་གཏོ་བྱ་སྟེ། མཆོད་རྟེན་དང་། ལྷ་ཁང་གི་གཟུགས་དང་། གསུང་རབ་དང་། སྟག་དང་སྤྲེའུ་བྱ་རྒོད་གཟུགས་ཀྱིས་བརྒྱན། རྟ་དང་ཁྱི་ཡི་དཀོར་རྣམས་བྱིན་རླབས་བྱས་ནས་རྒྱལ་པོ་ལ་བསྔོས་ཏེ། རྟེན་ཡོད་པའི་ལྷ་ཁང་དུ་བསྐྱལ་ལོ། །ཡང་འགོང་པོ་ཆགས་ན། འཇིམས་ལས་ཤྭ་སེར་པོ་གསུམ། ནག་པོ་གསུམ། རྡོ་ཕ་ཝང་ལོང་བུ། བྲ་བོའི་ཟན། ཟྭ་དང་ཉུངས་ཀྱི་ལོ་མ། སྦངས་མ་རྣམས་རས་ཀྱི་ཁུག་མར་བཅུག་ནས་ཞག་གཅིག་རང་གི་སྔས་སུ་བཅུག །དེ་ནས་ལམ་པོ་ཆེར་བསྐྱལ་ཏེ་འདི་སྐད་བརྗོད་པར་བྱ། འགོང་པོ་ཆེ་གེ་མོ་ཞེས་མིང་ནས་བརྗོད་དེ། འདི་ངལ་ཆགས་པ། གང་ལ་སྤོ་འདོད་པ་དེའི་མིང་ནས་བརྗོད་ལ། འདིས་ཕྲོགས་སོ། །ཁོ་ཡིས་ཁྱེར་རོ། །ཁྱོད་རང་ཁོའི་ཁྱིམ་དུ་སོང་ཞིག །ཅེས་བརྗོད་ལ། བདེན་སྟོབས་དམིགས་ཏེ་བོར། དེས་

― MR07_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཁྱིམ་དུ་ཆགས་པའི་འགོང་པོ་སྐྱེས་འདེགས་པར་འགྱུར་རོ། །ཡང་མི་རྒྱུད་གཅིག་ལ་གྲི་ཁ་ཟུག་ན། བདུད་བཙན་བསྡོངས་ནས་གནོད་པ་ཡིན་པས། ལུག་མགོ་ནག་གཅིག་གི་མགོ་ལ་དར་མཐིང་ནག་བཅིངས། མདའ་འཕང་དཀར་ནག །ཕོ་གདོང་མོ་གདོང་། ནམ་མཁའ་དཀར་ནག་རྣམས་བཤམས་ལ། ལྷ་གཞུང་ནས་འབྱུང་བ་ལྟར་གྱི་སྨྲེང་གྱེར་ནས་གཏོ་ཡས་དེ་རྣམས་ལུག་ལ་བཀལ་ཏེ་བྱང་དུ་བཏང་བས་བདུད་འཕོས་པར་འགྱུར། གཏོ་གཞུང་གི་བདུད་མདོས་ཀྱི་གྱེར་རྒྱས་པ་མེད་ན། སམ་བྷ་ར་སོགས་ཀྱིས་བྱིབས་བྱ། ཀྱེ། སྲིད་པ་བདུད་ཀྱི་སྡེ་ཚོགས་རྣམས། །ཚུར་གཤེགས་མདོས་དང་ཡས་ལ་བྱོན། །གླུད་ཀྱི་བདག་པོས་གླུད་བཞེས་ཤིག །མདོས་ཀྱི་བདག་པོས་མདོས་བཞེས་ཤིག །ཡིད་མཐུན་འདོད་ཡོན་རྒྱ་མཚོ་འདིས། །བདུད་ཀྱི་ཐུགས་དམ་བསྐང་གྱུར་ཅིག །རྒྱུ་སྦྱོར་ཡོན་བདག་འཁོར་བཅས་ལ། །བདུད་ཀྱི་གནོད་བ་བསྒྱུར་དུ་གསོལ། །ཁྱེར་ཅིག་ཁྱེར་ཅིག་སོགས་ཚིགས་བཅད་གཅིག་བརྗོད་པས་ཀྱང་རུང་། ཡང་ལུག་མགོ་དམར་ལ་གོང་བཞིན་དར་དམར་བཅིང་། མདའ་འཕང་ཕོ་གདོང་མོ་

― MR07_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

གདོང་ནམ་མཁའ་དམར་པོ་རྣམས་བཀལ་ཏེ། བཙན་གྱི་གྱེར་རྒྱས་པའམ། གོང་གི་བདུད་ཞེས་པ་བཙན་དུ་ཁ་བསྒྱུར་ལ་ལྷོར་བཏང་། ཐབས་དེས་བདུད་བཙན་ཆོས་ནས་གྲི་ཁ་ཟུག་རྒྱུན་ཆོད་པར་འགྱུར་རོ། །ཡང་ཕ་རྒྱུད་གཅིག་ལ་རབས་ཆད་མང་ན། བན་བོན་གྱི་གདུང་ཆད་ནས་གནོད་པས། དེའི་ཕྱོགས་སུ་མཆོད་རྟེན་ཞིག་གི་ནང་དུ་ཕྱག་རྡོར་གྱི་སྐུ་གཅིག་གཞུག་པ་བཞག །ཕོ་མདོས་མོ་མདོས་སྤྱི་ལྟར་བཏང་བས་ཕན། ཡང་ཕ་གཅིག་གི་བརྒྱུད་པ་ལས་བྱུང་བའི་ཕ་ཚན་དེར་སྨྱོ་འབོག་དང་འོན་ལོང་མང་ན་དུར་ས་འམ་ཁང་ས་ལ་སེལ་ཡོད་པས་ལེན་པ་ཡིན་པས། མཛོ་རོག་པོའི་ཐོད་པར་སྲི་མནན་བྱ། རུས་པ་སྤོ། ལྷ་རྒྱས་པར་གསོལ། ཡང་མི་བརྒྱུད་ལ་འགག་གྲི་མང་ན། མནའ་མ་རྒན་རིམ་ལ་དམིགས་རྟེན་བྱས་ཏེ་གཡང་ལེན་གསུམ་བྱ། དུར་ལྷ་གསོལ། ལུང་གསུམ་མདོར་ཝ་ཐོད་དུ་འགག་སྲི་མནན། ཡང་མི་ཚན་གཅིག་ལ་བྱེས་སུ་ཤི་བ་མང་ན། ཞང་ཉེའི་འདྲེས་གནོད་པས། འབྲི་དགུ་དང་མཛོ་དགུའི་གཟུགས་བྱས་ལ། ལུང་གསུམ་མདོར་སོང་སྟེ། ཡས་བྱིན་བརླབས་བྱ་ཞིང་། འདྲེ་གཏོ་བྱ་སྟེ། ཀྱེ། སྣང་

― MR07_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་སྲིད་པའི་འདྲེ་གདོན་རྣམས། །ཚུར་ཤོག་མདོས་དང་སོགས། ལྷ་འདྲེའི་ཐུགས་དམ་ལྷ་འདྲེའི་གནོད་པ་ཞེས་དང་། ཁྱེར་ཅིག་སོགས་བརྗོད། འབུམ་འདོན། མི་རུས་ལྔ་ལ་སྟོན་མོ་བྱ། བྱེས་སུ་ཤི་བའི་མིང་བྲིས་ལ་དུར་ས་བཟང་བར་དུར་དུ་གདབ། ཡང་སྐྱེས་དར་མར་ཤི་ཁ་བྱེ་ན། དུར་སྐྱེན་ཡོད་པས་དུར་ས་སྤོ། དུར་ལྷ་གསོལ། སྣ་དཔའ་དང་། འགོང་དཔལ་བྱ། གཡག་རོག་གི་ཐོད་པར་དུར་སྲི་མནན། ཡང་མི་བརྒྱུད་གཅིག་ལ་བྱིས་པ་མ་འཕེལ་ན། ཆུང་སྲི་ལངས་པས། ཐོད་པ་དང་རྭ་ཡོད་ཚད་དུ་ཆུང་སྲི་མནན་པའི་ཐབས་བྱས་ལ་བྲག་བྱ་དམར་པོའི་གཤོག་པའི་འོག་ཏུ་མནན། ལོ་བཅུ་གཉིས་ཀྱི་གཟུགས་གཏའ་རུ་བཟུང་བར་བྱ། ཡང་བྱིས་པ་ཤི་རོ་སྐྱེས་ན། དཔལ་ཤོར་ནི་ཕྱིས་ཀྱང་བུ་སྐྱེ་བས་བཀྲ་ཤིས་པའི་གཏོ་རིགས་བྱ། བྱུར་ཤོར་ནི། རྟ་གཡང་ཉམས་པས། རྟ་ཡི་ཉི་མ་དང་དུས་ཚོད་ལ། རྟ་རིགས་བཟང་མའི་རྔོག་མ་དང་། སྤུ་དང་། རྨིག་པའི་འོག་གི་ས་བརྐོས་ལ། དེར་རྟེན་བྱས་ཏེ་གཡང་བླན་ལན་གསུམ་བྱས་ནས་རྟ་བྲེས་སུ་སྦའོ། །འདི་རྣམས་ཁ་འཐོར་སྣ་ཚོགས་ཀྱི་གཏོ་ཕྱོགས་གཅིག་བསྟན་པའི་ལེའུའོ། །

― MR07_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཁ་ཆིང་རྣམ་པ་ལྔའི་གཏོ་ལས། དང་པོ་ཕུང་སྲི་ཁ་བཅིང་པ་ལ། རྔ་མོང་གི་ཐོད་པ་ཡོད་ན་རབ། མེད་ན་ཤོག་བུ་ལ་རྔ་མོང་གི་གཟུགས་བྲིས་པའི་ལྟོ་བར་འཁོར་ལོ་རྩིབས་དྲུག་མུ་ཁྱུད་བཅས་པ་བྲི། དེའི་ལྟེ་བ་དང་རྩིབས་རྣམས་སུ། འཕུང་སྲི་ནན་ཏེ་རཱ་ཡ་ཛ་དུལ་རྦད། རྩིབས་མཆན་ལ་ཕུང་སྲི་ཁ་ཆིངས། ཞེས་བྲིས། མུ་ཁྱུད་ལ། བྷྱོ་དགུ་ནན་དགུ་བྲི། མཛོ་ཐོད་དམ། དྲེལ་ཐོད་གྱི་ཁར་བཅུག །སྐུད་པ་སྔོ་དམར་གྱིས་བཅིངས། རེ་བས་གྲིལ་ལ་གཏིང་རྡོ་བཏགས་ནས་མཚོ་ཡི་གཞུང་དུ་བསྐྱུར། མནན་པའི་རིགས་ལ་གོང་བཤད་སྔགས་དམིགས་བྱས་ན་ལེགས། དེས་ཕུང་སྲི་ཁ་འཆིང་བར་འགྱུར་རོ། །གཉིས་པ་ཕྲུ་གུ་མང་དུ་ཤི་ན་དེ་བཅད་པ་ཆུང་སྲི་ཁ་བཅིང་བ་ལ། མངལ་སྲི་ཟླ་སྲི་ལོ་སྲི་གསུམ་ལས། མངལ་སྲི་ནི་མའི་ལྟོར་ཤི་བའམ་སྐྱེས་མ་ཐག་ཤི་བ་ལ་ཟེར། དེ་ལ་ཆུང་སྲིའི་ལིང་ག་སྙིང་གར་ཏྲི་སོགས་གནས་ཡིག་རྒྱས་བསྡུས་ཅི་རིགས་བྲིས། སྙིང་གའི་ཏྲི་ལ་ཆུང་སྲི་ཁ་ཐཾ་རྦད་ཆིངས་ཐུམ་ཐམ་དུལ་ནན། ཞེས་པ་གཡས་བསྐོར་དུ་བྲིས། ལིང་ག་མེད་ཀྱང་སྔགས་ཀྱི་ཤོག་དྲིལ་བྲིས་པས་ཆོག་པ་གཞུང་ནས་གསུངས། ཚོན་སྐུད་ལྔས་བཅིངས།

― MR07_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

འགུགས་བསྟིམ་མནན་དམིགས་སྔགས་ཀྱང་བཟླ། ར་ཁྱི་ཕག་གསུམ་གྱི་ཕྲུ་གུ་མིག་མ་བྱེ་བར་ཤི་བའི་ཐོད་པར་བཅུག་ནས། མ་ཡི་མལ་གྱི་འཕོངས་ཕྱོགས་སུ་མནན། ཤིང་ཁམ་བུའམ་འམ་བུའི་མགལ་བས་སྟེང་ནས་མནན་ཏེ་བཞག་ན་ཕྱིས་མངལ་སྲི་སོགས་མི་འབྱུང་ངོ་། །ཡང་ཞག་གྲངས་དང་ཟླ་གྲངས་ཁ་ཤས་སོང་རྗེས་སུ་ཤི་ན་ཟླ་སྲི་ཞེས་བྱ་སྟེ། གོང་གི་ཐོད་པ་གསུམ་ཁ་སྤྲད་པའི་བར་དུ། ལིང་ག་དང་། ཧཱུྃ་ཆུང་སྲི་མཱ་ར་ཡ་ཁ་ཐམ་རྦད། ཆིངས་ཆིངས། ཐམ་ཐམ། དུལ་དུལ། ནན་ཛ་ཛ་རྦད། ཅེས་བྲིས་ལ་གཞུག །སྐུད་པས་བཅིངས། རེ་བས་དྲིལ། ཤིང་སྟག་པའི་མགལ་བས་མནན་པ་དང་སྦྲགས་ཏེ་བྱིས་པ་གང་དུ་ཤི་བའི་རོ་ཐོག་གམ་ནང་སྒོའི་ཐེམ་རྩར་མནན་པས་ཐུབ། ཡང་ལོ་སྲི་ནི་ལོ་ཁ་ཡར་ལོན་ནས་ཤི་བ་སྟེ། དེ་ལ་ཐོད་པ་གསུམ་གྱི་ནང་དུ་སྔགས་གོང་མ་ཤོག་བུར་བྲིས་ལ་བཅུག །ཁ་རེ་ནག་གིས་བཅད། སུ་རུ་དང་ཤིང་ཡོག་མོའི་མགལ་པས་མནན་པ་དང་སྦྲགས་ཏེ་ཕྱི་སྒོའི་ཐེམ་འོག་མནན་ལ། དེ་སྟེང་མེ་ཆུས་མནན། ཕྱི་སྒོ་ལ། ཆུང་སྲིའི་ཟ་ཁ་ཐམས་ཅད་ཆོད། ཅེས་བྲིས་ལ་བཞག །བདེན་

― MR07_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་དམིགས། དེས་རྦད་ཆོད་འོང་ངེས་སོ། །གསུམ་པ་དམ་སྲིའམ་འདྲེ་མོའམ། སྲིན་མོ་ཁ་བཅིངས་པའི་གཏོ་ལ། གྲོ་ག་འམ་ཤོག་བུ་ལ་གང་གནོད་པ་དེའི་ལིང་ག་ཁྲག་གིས་བྲིས། སྙིང་གར་དམ་སྲིའམ་འདྲེ་མོ་ཞེས་པའི་མིང་། དཔྲལ་བར་ཁྲམ། ལྟེ་བར་ནྲི། ལིང་གའི་ཐ་མར་ཛ་དང་ནན་སྤེལ་བས་བསྐོར། བྱ་སྐྱུང་ཀའི་ཐོད་པའི་ཁར་བཅུག་ལ་ཁ་ཚོན་སྐུད་ཀྱིས་བཅིངས། དེ་བ་རུ་འམ་འབྲི་རུ་གཡོན་པར་བཅུག །འགུག་གཞུག་སོགས་གང་དང་འཕྲུལ། རྭ་ཡི་ཁ་ཐལ་འདམ་གྱིས་བཅད། ཤོག་དྲིལ་རིང་པོ་ལ་སྔགས་འདི་བྲིས། ཧཱུྃ་ཛ་གྲི་གཤོག་ནག་མོ་ཁ་ལ་དུན་ཙེ་རྦད་ནན། ནག་མོ་འདྲི་གཤོག་ཁ་ལ་ཟ་འགྲམ་མུ་འགྲམ་ཁ་ལམ་རྦད། འབྲིག་ཤོག་ནག་མོ་དུན་ཧབ་དུལ་དུལ་ནག་ནག་རྦད་རྦད་དམྱགས་མྱགས་ཟ་ཁ་ཆིངས་དམ་སྲི་ཁ་ཐམ་རྦད་ཆིངས། བསེན་མོ་ཁ་ཐམ་རྦད་ཆིངས། བདུད་མོ་ནག་མོ་ཁ་ཐམ་རྦད་ཆིངས། སུ་རུ་ནག་མོ་སའི་ལྟེ་ཕུར་ཁ་ཐམ་རྦད་ཆིངས། འདྲེ་མོ་ནག་མོ་ཡུལ་འདྲེ་ཐམས་ཅད་ཁ་ཐམ་རྦད་ཆིངས། ཞེས་ཤོག་དྲིལ་དེས་བ་རུའམ་འབྲི་རུ་གང་ཡིན་དེ་གྲིལ། དེ་ཡི་རྒྱབ་ནས་རེ་ནག་གིས་

― MR07_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

གྲིལ། ཟམ་འོག་གམ་ལམ་རྒྱ་གྲམ་དུ་མནན་ལ། དམིགས་བཅས་མནན་སྔགས་སྤྱི་དང་ཤོག་དྲིལ་གྱི་སྔགས་ཅི་རིགས་པ་བཟླ། དེ་ལྟར་བྱས་པས་དམ་སྲི་མོས་གནོད་མི་ནུས་སོ། །བཞི་པ་རྒྱལ་འགོང་ཁ་ཆིངས་ནི། སྨྱོ་འབོག་བརྒྱལ་ནད་བྱུང་འམ། ཕྱུགས་དང་ཞོ་ཆང་ལ་གོད་ཁ་བྱུང་ན་བྱ་སྟེ། དེ་ལ་རྒྱལ་འགོང་གི་ཁ་བཅིངས་ལ། རི་བོང་དང་བྱི་བའི་ཐོད་པ་ཁ་སྤྲད་པའི་བར་དུ། ཤོག་བུ་ལ་རྒྱལ་པོའི་ཞལ་བྲིས་པའི་ལྟོ་བར་འཁོར་ལོ་རྩིབས་བཞི་པ་མུ་ཁྱུད་དང་བཅས་པའི་དབུས་དང་རྩིབས་རྣམས་ལ། ཨོཾ་ཧཱུྃ་ར་ཙ་ཏྲི་འུ་རྦད་ཆིངས། ཞེས་བྲི། རྩིབས་མཆན་བཞི་ལ། ཁ་ཐམ་རྦད། ཅེས་བྲི། མུ་ཁྱུད་ལ། རྒྱལ་འགོང་ཁ་ཐམ། ཐེའུ་འགོང་ཁ་ཐམ། གོད་འདྲེ་ཁ་ཐམ། སྲིས་རྐུན་ཁ་ཐམ། ཞེས་བྲིས། རི་བོང་གི་པགས་པའམ་བྱི་ལའི་རླིད་བུར་གཏུམས། ཕྱི་སྒོའམ་ཐེམ་པའི་འོག་ཏུ་མནན། མནན་པའི་སྐབས་བཤད་འགུགས་བསྟིམ་ཐུན་བྲབས་མནན་སྔགས་ཅི་རིགས་བྱ། བདེན་སྟོབས་དམིགས། དེས་ཐུབ་ངེས་སོ། །རྒྱལ་པོ་མནན་ཅིང་ཕྱིས་མི་ལྡང་བར་བྱེད་པའི་གཏོ་ལ། ཤོག་བུ་མཐོ་གང་གྲུ་བཞི་ལ། རྒྱལ་པོའི་ཞལ་ཏེ་གཟུགས་

― MR07_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིས་པའི་ལྟོ་བར། འཁོར་ལོ་རྩིབས་བརྒྱད་པའི་ལྟེ་བར་གང་གནོད་པའི་མིང་བྲི། རྩིབས་བརྒྱད་ལ། ཏྲིའུ་ར་ཙ་ར་གྷ་རུ་བཛྲ་པད་དུ་ཐཱ་རིམ་འུབ་ནན་ནན་ཆིངས། ཞེས་བྲི། རྩིབས་མཆན་བརྒྱད་ལ། ར་ཙ་ནན། ཞེས་བྲི། མུ་ཁྱུད་ལ། རྒྱལ་འགོང་སྟྭམྦྷ་ཡ་ནན། ཞེས་བྲིས། བླ་རྡོ་ཕ་ཝང་ལོང་བུར་ཏྲི་དྲུག་བྲིས་པ་དཀྱིལ་དུ་བཞག་སྟེ་གཟུགས་དེ་དྲིལ་ནས་དར་གྱིས་གཏུམས། རྟ་ཐོད་དམ་བོང་ཐོད་དུ་གཞུག །ཐོད་པའི་དཔྲལ་བར་རྡོ་རྗེ་རྒྱ་གྲམ་བྲི། རོ་རས་ལ་དུག་ཆུ་བྱུགས་པས་ཐོད་པ་གྲིལ། ལྷ་ཁང་གི་ཐེམ་འོག་གམ། ལ་རྫས་ཀྱི་འོག་གམ། མཆོད་རྟེན་རབ་གནས་ཅན་གྱི་འོག་ཏུ་མནན། གོང་གི་མནན་པ་སྤྱིར་རྒྱུག་གི་སྔགས་དམིགས་སྦྱར། བདེན་སྟོབས་བརྗོད། དེས་རྒྱལ་པོ་ནམ་ཡང་མི་ལྡང་བར་ནོན་པར་འགྱུར་རོ། །འབྱམས་གཏོ་གོང་དུ་བཤད་ཟིན་ཏོ། །ལྔ་པ་ས་བདག་ཁ་བཅིང་བའི་གཏོ་ནི། ཀླུ་གཉན་ས་བདག་གིས་གནོད་པར་བྱ་སྟེ། ཤོག་བུ་ལ་སྦྲུལ་དང་། སྡིག་པ། སྦལ་པ། ལྕོང་མོ། རྩངས་པ། རྟ་བླ་རྣམས་ཀྱི་གཟུགས་བྲིས་པའི་ངོས་གཅིག་ལ་ས་བདག་གི་ཁ་བཅིང་ངོ་། །མི་འདི་ལ་གནོད་པའི་ཀླུ་གཉན་གྱི་ཁ་བཅིང་ངོ་། །གདོན་རྣམས་

― MR07_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཁ་བཅིང་ངོ་། །བྱ་བ་བྲིས་ལ་ནད་པའི་སྤྱི་བོར་གདགས། མི་དེའི་ཡན་ལག་བཞི་ཚོན་སྐུད་ཀྱིས་བཅིངས། ཡན་ལག་བཞི་ལ་སྡིག་སྦྲུལ་སྦལ་ལྕོང་གི་གཟུགས་བཞི་བྲི། དཔྲལ་བར་མཚལ་གྱི་ཁྲམ་རིས་གཅིག་བྲི། དུང་ཕོར་འོ་མས་བཀང་བ་ཤར་དུ་བཞག །རུས་སྦལ་གྱི་ཁོག་པ་གཏོར་མས་བཀང་བ་ལྷོ། བ་མེན་གྱི་རྭ་ཅོ་སྨན་གྱིས་བཀང་བ་ནུབ། བསེ་ཕོར་ཡུངས་ཀར་གྱིས་བཀང་བ་བྱང་དུ་བཀོད་དེ། དེའི་དབུས་སུ་ནད་པ་བཞག །རང་གི་ལག་པར་ཀླུའི་དུག་སྲུང་བ་རྨ་བྱའི་སྒྲོ་ཐོགས་ལ་བདེན་པ་བདར། ཞེས་གསུངས་པ་བཅས་ཀྱི་རིམ་པ་སྟེ། སྔོན་དུ་ཡི་དམ་གང་རུང་ངམ། འཇམ་དཔལ་ཞི་ཁྲོ་སོགས་ཀྱི་མངོན་རྟོགས་བསྒོམ། ལས་གཞུང་གི་ཚོགས་གསོལ་ཁ་སོགས་རྒྱས་པར་བྱ་བའམ། བསྡུ་ན་སྔོན་འགྲོའི་སྐབས་ལྟར་དཀར་དམར་གྱི་གཏོར་མ་གླུད་དང་བཅས་པ་བཏང་། སྡེ་བརྒྱད་གསེར་སྐྱེམས་འདོན། དེ་ནས་གོང་བཤད་ལྟར་ནད་པ་མདུན་དུ་བཞག་ལ། དཀར་གཏོར་གཙང་མ་དཀར་གསུམ་མངར་གསུམ་གྱིས་བརྒྱན་པ་དང་ཀླུ་སྨན་དང་སྦྱར་བའི་འོ་སྐྱེམས་བཤམས་ལ་བྱིན་བརླབས་བྱས་ཏེ།

― MR07_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་ཀཱ་རོ་ལན་གསུམ་གྱིས་ཀླུའི་གདོན་རྣམས་ལ་ཅི་འདོད་ཀྱིས་ཚིམ་པར་བསྔོས་ལ། སྨྲེང་འདི་བརྗོད་པར་བྱ་སྟེ། མི་འདི་ལ་གནོད་པའི་ལྷ་ཀླུ་རྣམས་ལ་དཀར་གཏོར་རྒྱན་དང་བཅས་པ་འདི་འབུལ་གྱིས་བཞེས་སུ་གསོལ། །མི་འདི་ལ་གནོད་པ་དང་འགལ་བ་མ་བྱེད་ཅིག །རང་རང་གི་གནས་སུ་དེངས་ཤིག །མི་ཆེ་གེ་མོ་འདི་ནད་དང་བྲལ་བར་གྱིས་ཤིག །གཏོ་མཁན་བདག་གི་བཀའ་ལས་མ་འདའ་ཞིག །གཏོ་མཁན་བདག་ནི་གཏོ་ཡང་མི་མཁས་དཔྱད་ཀྱང་མི་མཁས་ཏེ། གཏོ་འདི་ཀོང་ཙེ་འཕྲུལ་གྱི་གཏོ། །དཔྱད་འདི་གཙུག་ལག་སྲིད་པའི་དཔྱད། །གཏོ་ཡི་གཏོར་མ་འདི་ལོངས་ཤིག །མི་འདི་བཟུང་བ་བཏང་དུ་གསོལ། །ཞེས་བྱས་ལ་གཏོར་མ་དེ་འོ་མ་དང་ཀླུ་ལ་མི་གནོད་པའི་རྩི་སྨན་དང་རིན་པོ་ཆེ་དང་མེ་ཏོག་དང་བཅས་པའི་ཆུ་གཙང་གིས་སྦྱངས་ལ་འདྲེ་ལྔ་གནས་ཕྱོགས་སམ་གང་གནོད་པའི་ཕྱོགས་སུ་བཏང་ངོ་། །སླར་ཡང་རུས་སྦལ་ཁོག་པའི་གཏོར་མར་ཆབ་བྲན་ལ། རཾ་ཡཾ་ཁཾ་གིས་བསངས། ཨོཾ་ཨཱཿཧཱུྃ་གིས་འདོད་ཡོན་མི་ཟད་པའི་གཏེར་དུ་བྱིན་གྱིས་བརླབས་ལ། ཀླུ་མཆོད་པའི་

― MR07_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོ་ག་གཞན་གྱི་གཞུང་ལྟར་གྱེར་བྱ་བའམ། ཡང་ན་གོང་གི་སྨྲེང་སླར་ཡང་བསྐྱར་ཏེ་བརྗོད་ནས། གཏོར་མ་ལ་དུང་ཕོར་ནང་གི་འོ་མ་དང་། བ་མེན་རྭ་ནང་གི་ཀླུ་ལ་མི་གནོད་པའི་རྩི་སྨན་དང་ཀླུ་སྨན་གྱིས་བྲན། གཞན་ཡང་རིན་པོ་ཆེ་དང་མེ་ཏོག་ཆུ་གཙང་བཅས་ཏེ་འབུལ་ལ་སྐབས་དེར་དེ་གར་བཞག །དེ་ནས་གཏོ་མཁན་འཇམ་དཔལ་དུ་བསྒོམས་ལ། བསེ་ཕོར་གྱི་ཡུངས་ཀར་དེས་ནད་པ་དང་ལིང་ག་ལ་བྲབ་སྟེ། ཀླུའི་གདོན་ལུས་ལ་ཞུགས་པ་ཐམས་ཅད་སྔགས་ཀྱི་ནུས་པའི་དཔལ་གྱིས་བཤིག་ཅིང་བཞུས་ནས་ལྷག་མེད་དུ་སོང་བར་བསམས་ལ། ཨོཾ་ཨཱཿཧཱུྃ་ནཱ་ག་ར་ཙ་ས་མ་ཡ་ཕྱེ། འདུ་བ་རྣམ་པ་བཞིའི་ནད་ལ་ཆོ་ཆོ། ནཱ་ག་ཡན་ཏེ་ཁྲོལ། ནཱ་ག་ཤནྟེ་ཤིག །ནཱ་ག་དུ་རུ་རྦད། ནཱ་ག་རཱ་ཛ་ས་མ་ཡ་ཕུ། ནཱ་ག་ཙི་ཙཾ་ཛྭོ་ལ་ཤིག་ཕུད། ཞེས་བཟླས་ནས་བྲབས་པས་ཡུངས་ཀར་ལིང་ག་ལ་ཐམ་ཐམ་འགྲོ། ནད་པ་སྐད་ངན་ཙེར་ཙེར་འབྱུང་། དེ་ནས་སྤྱི་བོའི་ལིང་ག་དང་ཚོན་སྐུད་རྣམས་བཀྲོལ་ཏེ་ཀླུ་གཏོར་གྱི་རྩར་བཞག །ཡན་ལག་དང་དཔྲལ་བའི་རི་མོ་རྣམས་དུང་ཕོར་གྱི་འོ་མ་དཔེ་ཧུར་དང་

― MR07_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་ཟེར་དཔྱད་མ་དང་། བ་མེན་རྭའི་རྩི་སྨན་དང་འདྲེས་པའི་བུམ་ཆུས་བཀྲུ་ཞིང་། རྣམ་འཇོམས་དང་། རྨ་བྱ་ཆེན་མོ་སོགས་ཀྱི་སྔགས་བཟླ། ཁྲུས་ཁུ་རྣམས་སྣོད་གཅིག་ཏུ་བསགས་ལ་བཞག དེ་ནས་རྨ་བྱའི་སྒྲོས་བྱབས་པས་ནད་པའི་ལུས་ཀྱི་གདོན་ཐམས་ཅད་དུད་ཁུ་རླངས་པ་སྔོ་དམར་གྱི་རྣམ་པར་དབང་པོ་དང་འོག་སྒོ་བ་སྤུའི་བུ་ག་རྣམས་ནས་ཐོན་བར་བསམ། ཁྲུས་གླུད་གཅིག་བྱེད་འདོད་ན་དེ་ལ་ཐིམ་པར་བསམས་ལ། གོང་གི་སྔགས་ཅི་རིགས་བཟླས། མཐར་ནད་གདོན་ཐམས་ཅད་མེ་ལོང་གི་རྡུལ་ཕྱིས་པ་ལྟར་དག་པར་བསམ། ཁྲུས་གླུད་ཡོད་ན། རཾ་ཡཾ་ཁཾ། ཨོཾ་ཨཱཿཧཱུྃ་ཞེས་བྱིན་གྱིས་བརླབ། ཀྱེ། གནོད་བྱེད་ཀླུ་ཡི་སྡེ་ཚོགས་རྣམས། །འདིར་གཤེགས་གླུད་ཀྱི་གཏོར་མ་ལོངས། །བཟུང་བ་ཐོངས་ལ་བཅིངས་པ་ཁྲོལ། ཕྱིན་ཆད་གནོད་པར་མ་བྱེད་ཅིག །ཁྱེར་ཅིག་སོགས་ཚིགས་བཅད་བརྗོད། །སརྦ་ཏ་གཙྪ་ཞེས་བརྗོད་པས་ཀླུ་གདོན་རྣམས་རང་གནས་སུ་སོང་བར་བསམས་ལ། གཏོར་མ་དང་གླུད་དང་ཁྲུས་ཁུ་རྣམས་གང་གནོད་པའི་ཕྱོགས་སུ་བསྐྱལ། སྔར་ལྟར་བདེན་སྟོབས་བརྗོད་ལ། མི་ཆེ་གེ་མོ་འདི་གདུག་པ་ཀླུའི་ནད་གདོན་ཐམས་ཅད་ལས་གྲོལ་ནས་བདེ་ལེགས་ཕུན་སུམ་ཚོགས་པ་དང་ལྡན་པར་གྱུར་ཅིག །ཅེས་བྱས་ལ་རྟེན་འབྲེལ་སྙིང་པོ་ཅི་མང་བཟླ། ནད་པའི་གཙུག་ཏུ་རྨ་བྱའི་སྒྲོ་བཞག་ནས། ལྷ་དང་

― MR07_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་སྔགས་ཀྱི་བྱིན་གྱིས་བརླབས་ཀྱིས་ཕྱིན་ཆད་སུས་ཀྱང་གནོད་མི་ནུས་པར་བསམས་ལ། འཇམ་དཔལ་གྱི་སྔགས་དང་། ཨོཾ་ཧཱུྃ་ཏྲཱྃ་ཧྲཱིཿཨཱཿཞེས་བྱིན་རླབས་ཀྱི་དབང་བསྐུར། རྒྱལ་བ་སྲས་བཅས་བདེན་པའི་བྱིན་རླབས་དང་། །འཇམ་དཔལ་གཙུག་ལག་ལྷ་ཡི་ནུས་མཐུ་ཡིས། །འགྲོ་བ་འདི་དག་བདག་གིས་བསྲུང་ཟིན་གྱིས། །ཕྱིན་ཆད་སུས་ཀྱང་གནོད་པ་མ་བྱེད་ཅིག །བཛྲ་རཀྵ་རཀྵ་བྷྲུྃ། ཞེས་བརྗོད་ལ་རྨ་བྱའི་སྒྲོ་ཐིག་ཞིག །ནད་པའི་སྲུང་བར་ལུས་ལ་བཏགས་ནས། དེ་མི་ཉམས་པར་རྒྱུན་དུ་འཆང་བར་བྱ། ཚུལ་དེས་གནོད་པའི་ས་བདག་རྣམས་ཁ་བཅིང་ཞིང་ས་བདག་ཀླུ་གཉན་གྱི་གདོན་ལས་ཐར་བར་འགྱུར་རོ། །ཟབ་བོ། །ཡང་སྒྲོལ་ཐབས་གསུམ་གྱི་བྱེ་བྲག་ས་བདག་འཕྲང་སྒྲོལ་གྱི་གཏོ་ནི། མི་བརྒྱུད་ལས་བདག་གི་ཕུང་འདྲེ་ལངས་པའམ། གང་ཟག་ས་བདག་ཀླུ་གཉན་གྱི་ནད་ཀྱིས་བཏབ་པ་ལ་བྱ་སྟེ། རྫས་གསོག་ནི་ར་ཡི་གྲོད་པའི་ནང་དུ། ས་བདག་གིས་ཁྱེར་བའི་ཕུང་སྲི་བསྒྱུར་རོ། །ཞེས་བྲིས་པ་དང་མི་ཁའི་རྫས་བྲ་བོ། སྲན་ནག །ཉུངས་ནག །རམ་བུ། སྒོག་པ། གཡེར་

― MR07_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

མ། ཚྭ། ཟྭ་ཚོད་སོགས་བླུགས། མི་ཁའི་རྫས་དེ་དག་ལ་སྔགས་འདི་རྒྱག་གོ །ཡ་བྷྱོ། ཡ་བྷྱོ། བཟློག་ཤ །བྷྱོ། ཡོན་བདག་གམ་མི་འདི་ལ་གནོད་པའི་འབྱུང་པོ་ཐམས་ཅད་བཟློག །ས་བདག་ཀླུ་གཉན་བཟློག །ས་སྲིན་ནག་པོ་བཟློག །ཕུང་སྲི་གདོན་ཆེན་བཟློག །ཡས་ལོངས་ཡས་ལོངས། སྐྱེས་ཐེག་སྐྱེས་ཐེག །རྗེས་ཅི་རིགས་བརྗོད་ལ་གྲོད་པ་ཁ་བཅིངས། གྲོད་པའི་ལོགས་ལ་སྦལ་སྦྲུལ་སྡིག་ལྕོང་ཀླུ་གཟུགས་ཡོད་ཚད་ལས་ཅི་རིགས་བྲི། གྲོད་པ་དེ་ནད་པའི་རྐེ་ལ་བཏགས། ནད་པའི་གཞོགས་གཡས་སུ་ར་ཁྱི་ཕག་གསུམ་གྱི་ཐོད་པ་བཞག །ཐོད་པ་དེ་རྣམས་ཀྱི་དཔྲལ་བར་ས་བདག་བསྒྱུར། འཕུང་སྲི་གཏོས་ལ་དགུ་བསྒྲལ་ལོ། །ཁས་བསྒྱུར་སྲི་རུ་ནོན་ཞེས་བྱ་བ་བྲིས། ནད་པའི་ལག་པ་གཡས་གཡོན་ལ་མགལ་བ་གསུམ་གསུམ་བཏགས་ལ། ཀླུ་ནད་མཛེ་ནད་ཐམས་ཅད་མགལ་བ་ཁྱོད་ལ་བསྐུར་རོ། །ཞེས་བྲིས། ནད་པའི་རྐང་པ་གཡས་པར། ཚོན་སྐུད་སྣ་ལྔ་ལ། ས་བདག་ཀླུ་ནད་ཅན་རྣམས་ཀྱི་བྱད་ཁ་མེ་ཡོག་ཁྲོལ་ཅིག བྱ་བ་བྲིས་ལ་བཏགས། རྐང་པ་གཡོན་པར་སྐུད་པ་ནག་པོ་ལ་བསྒྱུར་རོ་ཞེས་ཀྱང་

― MR07_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག །མདུན་བྱས་པར། གདོན་སྣ་དགུ་དང་ནད་སྣ་དགུ་ཕུད། བྱ་བ་བྲིས་པ་བཏགས། སྤྱི་བོར་བྱ་ཁྱུང་གི་གཟུགས་བྲིས་ལ་ཀླུད་ནད་འདི་ཐོན་ཅིག །ས་བདག་གི་ནད་འདི་ཐོན་ཅིག གཉན་གྱི་ནད་འདི་ཐོན་ཅིག །བཙན་གྱི་ནད་འདི་ཐོན་ཅིག །གཟེར་གྱི་ནད་འདི་ཐོན་ཅིག །གདོན་ཕུད་ཅིག །མི་ལུས་ལ་སྲུང་དུ་གསོལ། ཞེས་བྲིས་པ་བཏགས། དེ་ནས་ཡི་དམ་གྱི་ལས་གཞུང་རྒྱས་པར་བཏང་བ་ཡིན་ན་དེ་ལྟར་བྱས་ཏེ། ལས་སྦྱོར་དུས་ནད་པའི་ལུས་ལ་གཏོ་བྱ་བ་འདི་བྱ། རྒྱས་པར་མ་གྲུབ་ན་སྔོན་འགྲོའི་སྐབས་ལྟར་དཀར་གཏོར་དམར་གཏོར་བཏང་ཆུ་གཏོར་ཀྱང་བཏང་། ཀླུ་གཏོར་དང་། འོ་སྐྱེམས་ཀླུ་སྨན་རྣམས་བཤམས་ལ། བྱིན་རླབས་བྱས་ནས། ཧོ། སྣང་སྲིད་ལྷ་སྲིན་སྡེ་བརྒྱད་སྤྱི་དང་། ཁྱད་པར་མི་ལ་གནོད་པའི་ཀླུ་གཉན་ས་བདག་གི་གདོན་རྣམས་དཀར་གཏོར་མཐུན་རྫས་དང་བཅས་པ་འདི་སོ་སོའི་ཡིད་མཐུན་གྱི་འདོད་ཡོན་མི་ཟད་པར་དམིགས་ཏེ་འབུལ་ལོ། །འདི་བཞེས་ནས་མི་འདི་ནད་གདོན་དང་བྲལ་བར་གྱིས་ཤིག །སོ་སོ་རང་རང་གི་གནས་སུ་བདེ་བར་བཞུད་ཅིག །སངས་རྒྱས་དང་བྱང་ཆུབ་སེམས་དཔའ་རྣམས་དང་འཕགས་པ་འཇམ་དཔལ་དང་ཀོང་ཙེ་འཕྲུལ་གྱི་རྒྱལ་པོ་རྣམས་ཀྱི་བཀའ་ལས་མ་འདའ་ཞིག །ཞི་བ་བྱང་ཆུབ་ཀྱི་སེམས་

― MR07_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལྡན་པར་མཛོད་ཅིག །ཅེས་བདེན་པའི་སྨྲེང་གིས་བཀྲོལ་ཏེ་ཕུལ། གོང་བཞིན་བདེན་བརྗོད་ཀྱི་མཐར། མི་འདི་ས་བདག་ཀླུ་གཉན་གྱི་ནད་གདོན་ཀུན་ལས་གྲོལ་བར་གྱུར་ཅིག །ཅེས་བརྗོད། དེ་ནས་གཏོ་མཁན་འཇམ་དཔལ་དང་དེའི་སྤྲུལ་པའི་བྱ་ཁྱུང་དང་བཅས་པར་བསྒོམས་ལ། རྨ་བྱའི་སྒྲོ་ལག་ཏུ་ཐོགས་ཡུངས་དཀར་དང་བྱེ་ཚན་ལ་སྔགས་འདི་དྲག་ཏུ་བཟླས་ཤིང་མི་དེ་ལ་བྲབས་པས་ནད་གདོན་ཐམས་ཅད་ལྷག་མེད་དུ་ཡལ་བར་བསམ། སྔགས་ནི། ཨོཾ་བཛྲ་ག་རུ་ཎ་ཙ་ལེ་ཙ་ལེ་ནཱ་ག་མཱ་ར་ཡ་ཧཱུྃ་ཕཊ། བྷནྡྷ་ནཱ་ག་རྦུད་ཡ་ལིང་། ནག་པོ་ཙི་ཙི་ཛྭ་ལ་ཤིག་ཕུད་ཕུད་སྭཱ་ཧཱ། ཞེས་ཅི་མང་བཟླས། དེ་ནས་རྐེའི་གྲོད་པ་སོགས་ཡས་རྣམས་ནད་པའི་ལུས་ལས་བཀྲོལ་ཏེ་ཕྱོགས་གཅིག་ཏུ་བཞག ནད་པའི་ལུས་ལ་འོ་མ་དང་རྩི་སྨན་གྱི་བུམ་ཆུས་ཁྲུས་བྱ་ཞིང་རྣམ་འཇོམས་ཀྱི་གཟུངས་སོགས་དང་། སྔགས་སྔ་མ་བཟླས་ཤིང་རྨ་བྱའི་སྒྲོས་བྱབས་བས་ནད་གདོན་ཐམས་ཅད་ནད་པའི་ལུས་ལས་ཐོན་ནས་ཡས་རྣམས་ལ་ཐིམ་པར་བསམ། བདེན་སྟོབས་བརྗོད། དེ་ནས་ཡས་དེ་རྣམས་རེ་བ་ནག་པོས་གྲིལ་ནས་གླང་དམར་པོའམ་ཁྱི་ནག་པོ་ལ་བཀལ་ཏེ་འཕྲང་ཞིག་བསྒྲལ་བའི་སར་བསྐྱལ་ལོ། །བྱ་ཁྱུང་གི་གཟུགས་དེ་ནད་པ་ལ་བསྲུང་བར་བཏགས། བཀྲ་ཤིས་བརྗོད། དེས་ཀླུ་ནད་ཀུན་ལས་ཐར་བར་འགྱུར་ཏེ་ཟབ་བོ། །ཡང་དྲིལ་ཐབས་གསུམ་གྱི་ནང་ཚན་བྱད་ཁ་ཕུར་དྲིལ་གྱི་གཏོ་འདི་ནི་བན་བོན་གྱི་བྱད་ཁ་

― MR07_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུག་པ་ལ་བྱ་སྟེ། འཇིམ་པ་ལས་མཆོད་རྟེན་གྱི་དབྱིབས་ཅན་མཐོ་གང་བ་དཀར་ནག་གཉིས་བྱ། ནག་པོའི་ནང་དུ་ཕ་རོལ་བྱད་མ་བུ་སྨད་དང་བཅས་པའི་མིང་རུས་བྲིས་པ་བཅུག་ལ་དེ་དངོས་སུ་བསམ་ཞིང་། མཆོད་རྟེན་མགོ་མཇུག་བཟློ་ལ་བཞག །དཀར་པོའི་ནང་དུ་རང་གི་ཡི་དམ་ལྷའི་སྔགས་དང་མཚན་བྲིས་ལ། བདག་མིང་འདི་ཞེས་བྱ་བ་འཁོར་དང་བཅས་པ་རྣམས་བསྲུང་དུ་གསོལ་ཞེས་བྲིས། ཡེ་དྷརྨས་རབ་གནས་བྱ། ལྷ་ཡི་ཕོ་བྲང་དུ་བསམས་ནས་ནག་པོ་དང་ཞབས་སྤྲད་དེ་དེའི་སྟེང་དུ་བཞག་པས་བྱད་མའི་མཐུ་སྟོབས་མནན་པར་བསམ་ལ་བདེན་སྟོབས་དམིགས། ཕ་རོལ་བྱད་མའི་གནོད་པའི་བསམ་སྦྱོར་ཐམས་ཅད་ཁོ་རང་ལ་བཟློག་པར་གྱུར་ཅིག །བརླག་པར་གྱུར་ཅིག །མེད་པར་གྱུར་ཅིག །ཞི་བར་གྱུར་ཅིག །ཅེས་བརྗོད་ལ་ཡེ་དྷར་བཟླའོ། །ཡང་སྐྱེར་ ཕུར་མཆོག་ཕུར་བྱད་ཕུར་གསུམ་བྱས་ལ། སྐྱེར་ཕུར་གྱི་དབལ་ལ། ཨོཾ་ཨཱཿཀྲོ་ཏ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ། ཅེས་བྲི། མིའི་ལག་ངར་གྱི་མཆོག་ཕུར་ལ། ཨོཾ་

― MR07_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

ཏྲག་རཀྵ་ཁ་དུནྟེ་སྙིང་ཁ་རཀྨོ་བྷྱོ། ཞེས་བྲི། བྱད་ཕུར་ལ། ཨོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ་བྷྱོ། རིམ་པ་ལྟར་གཤིན་རྗེའི་གཤེད་དང་། སྒྲོལ་ཡུལ་ཨེ་ཀ་ཛ་ཊཱི་དང་། བྱ་ཁྱུང་དུ་བསམས་ལ་ཡེ་ཤེས་པ་བསྟིམ། ཡེ་དྷརྨཱས་རབ་གནས་བྱ། ལྷ་དེ་དག་གི་སྤྲུལ་པ་ཡང་སྤྲུལ་མང་པོས་བྱད་ཁ་རྦད་འདྲེ་རྦོད་གཏོང་ཐམས་ཅད་ཕར་བཟློག་པར་དམིགས། བདེན་བརྗོད་མཐར། ཆེ་གེ་མོ་ལ་གནོད་པའི་བྱད་ཁ་རྦོད་གཏོང་ཐམས་ཅད་ཕར་ཁོ་རང་གི་གཤེད་དུ་བཟློག་པར་གྱུར་ཅིག །ཅེས་བརྗོད་དེ་བདེན་སྟོབས་དམིགས་པར་བྱས་ལ། རས་ཀྱིས་གྲིལ་ནས་མིས་མི་མཐོང་བར་རྩེ་མོ་དགྲ་བོ་བྱད་མའི་ཕྱོགས་སུ་བསྟན་ལ་བཞག་པས་བྱད་ཁ་ཐམས་ཅད་བཟློག་པར་འགྱུར་རོ། །ཟབ་བོ། །ཡང་ན་ཁྱི་ཐོད་དུ་བྱད་མའི་ལིང་ག་བཅུག་ལ་དགུག་བསྟིམ་བྱ། སེང་ལྡེང་གི་ཕུར་པ་གཅིག་ལ་སྔགས་འདི་བྲིས། ཧཱུྃ་བྷ་ད་ཡ་བྷཱ་ད་ཡ་ལོ་ག་བྷེ་ཤ་ཡ་ཧེ་ཧེ་ན་ཧཱུྃ། སརྦ་བཟློག་

― MR07_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག་ཡཱ་ཡཱ་བྷྱོ་བྷྱོ། སྔགས་དེ་དག་ཏུ་བརྒྱ་རྩ་རེ་བཟླས་ནས་ཁྱི་ཐོད་ལ་གཟུགས། སྔགས་ངོ་དང་ཐོད་པའི་ཁ་བྱང་མའམ་དགྲ་ཕྱོགས་སུ་བསྟན་ཏེ་ཐེམ་པའི་འོག་ཏུ་མནན། དེས་བྱད་ཁ་ཕུར་ཁ་བཟློག་པར་འགྱུར་རོ། །ཞེས་བྱད་ཁ་ཕུར་དྲིལ་གྱི་ལེའུ་སོ་གསུམ་པ་ལས་སོ། །ཡང་ལེའུ་དོན་བཞི་པ་ལས། བན་དེའི་མཐུ་ཟུག་ན་གཏོ་འདི་བྱ་སྟེ། མཐུ་བྱེད་མཁན་དེའི་གཟུགས་ཇི་འདྲ་བ་གཅིག་བྱས་ལ་ཁོའི་མིང་རུས་བྲིས་པ་ཁོག་པར་བཅུག །དེ་དངོས་སུ་བསམ། དེའི་དབུ་ལ་ཐོད་གཅིག་བཅིངས་འོག་ཏུ་བྲམ་ཟེ་བཏིང་། གདན་ཡིན། མདུན་དུ་དཀྱིལ་འཁོར་གྱི་ཚུལ་ཞིག་བྲིས། དེ་ལ་ཆང་བན་ཆང་བུམ་ཡིན་ནམ་ཤ་ཁོག་མར་སོགས་དྲངས། དེའི་ཕྱི་རིམ་དུ་འདམ་པའི་འཇིམ་པའི་རྟ་གླང་མཛོ་དྲེལ་སོགས་ཀྱི་གཟུགས་དང་དཀོར་ཆ་བསགས་ལ། དེ་དག་དངོས་སུ་དམིགས་ནས། བན་དེ་བྱད་མ་དེ་ལ་སྐུ་རྒྱལ་གྱི་ཚུལ་དུ་ཕུལ་ཏེ། ཆེ་གེ་མོ་ཁྱོད་ལ་སྐུ་རྒྱལ་དུ་བཞེས་སྤྲོ་དང་། རྟ་གླང་མཛོ་དྲེལ་སོགས་རྣམ་པ་མང་པོའི་དཀོར་ཆ་འདི་འབུལ་གྱིས། ད་ནི་བདག་ཅག་ལ་བྱད་ཁའི་བུ་ལོན་མེད་པས་མཐུ་

― MR07_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་ཤིག །བྱད་ཁ་ཁྲོལ་ཅིག །རྒྱ་འདྲེ་བཅད་དོ། །ཞེས་བརྗོད། བདེན་སྟོབས་དམིགས་ཤིང་གོང་བཞིན་བརྗོད་པའི་མཐར། བདག་ལ་ཕ་རོལ་ཆེ་གེ་མོས་མཐུ་བྱད་བྱས་པ་ཐམས་ཅད་དེ་རིང་ནས་རྩད་ནས་ཞི་བར་གྱུར་ཅིག །ཅེས་བརྗོད་ནས། བྱད་མ་ཁོ་རང་གི་ཡུལ་དུ་བསྐྱལ། མ་གྲུབ་ན་དེ་ཕྱོགས་སུ་བསྐྱལ་ནས། སྐད་གསང་མཐོན་པོས་ངས་མ་ཉེས་མ་ལན་མཐུ་ཐམས་ཅད་ཕྱིར་ལོགས་ཤིག་ཅེས་སོགས་བརྗོད་པའི་འོ་དོད་བོས། དུལ་མོ་གདབ་ཅེས་པ་གཡབ་མོ་བརྡབ་པའི་དོན་ཏེ། སྔགས་པ་ཡིན་ན་ཕོད་ཀའི་འཕུར་སྣེ་དང་། འཕུར་སྣེ་ཞེས་ཕོད་ཀའི་ཕུ་རུང་འོག་གི་འཕྱང་སྣེ་ཡིན། སྐྱེས་པའི་གོས་སམ་རུ་དར་སོགས་དང་། བུད་མེད་ཀྱི་ཕྱར་བ་དང་དོར་རྟ་སོགས་དང་། བན་དེའི་གཟན་མཐུ་སོགས་ཀྱི་གཡབ་མོ་བརྡབ་ལ། དམོད་པ་དང་བཟློག་བཟློག་བྷྱོ་བྷྱོ་ཞེས་བརྗོད་པར་བྱའོ། །དེས་གང་ལ་ཆེད་དུ་དམིགས་པ་དེའི་བྱད་ཁ་བཟློག་པར་འགྱུར་རོ། །དྲིལ་ཐབས་གསུམ་གྱི་བྱེ་བྲག །མི་ཁ་རྡོག་དྲིལ་གྱི་གཏོ་ནི། ཁྱིམ་དུ་ལྟས་ངན་བྱུང་བ་དང་། སྨེ་བ་གཉིས་ནག་ལ་བབ་པའམ། སྐྱེས་པ་དང་། གཞན་

― MR07_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་མི་ཁ་ཟུག་པ་ལ་སྟེ། སྒྲོ་བའམ་ཕད་ཚེ་ནག་པོ་ཞིག་གི་ནང་དུ། བྲ་སྲན་སྒོག་པ་ཐལ་འཇིམ་སོགས་མི་ཁའི་རྫས་གང་རྙེད་བླུགས། ལྟས་ངན་བཟློག་པ་ལ་ལྟས་ངན་གང་བྱུང་གི་ཤ་ཁྲག་གམ་སྤུ་དང་དེའི་གཟུགས་ཀྱང་བཅུག །མགལ་བ་ཁ་ནག་ཚོན་སྐུད་སྣ་ལྔས་བསྡམས་པ་གཅིག་ཀྱང་བཅུག །ཞགས་པ་ནག་པོས་བསྡམ། ཐོ་ལེས་བཏབ་ཅིང་། སྒོ་ཐེམ་སོགས་སུ་སྣོད་དེ་བཞག་ལ་རང་གི་རྡོག་པས་བརྫི་ཞིང་དྲིལ་ལ་སྔགས་འདི་ལན་དགུ་བརྗོད། བྷྱོ་མི་ཁ་ཧུར་ཐུམས་རྦད་དྲིལ་ཐུམ་ཐུམས། ཤིག་ཤིག་རྦད་རྦད་རིལ་རིལ་བྷྱོ་བྷྱོ་བཟློག་བཟློག །ཅེས་སོ། །དེ་ནས་ལག་ཏུ་མི་ཁྱེར་བར་ས་ལ་དྲུད་ནས་ཁྱེར་ཏེ་ལམ་སྲང་སུམ་མདོར་བསྐྱལ་ལ་བཞག་གོ། དེས་མི་་ཁ་དང་ལྟས་ངན་ཀུན་བཟློག་པར་འགྱུར་རོ། །ཞར་བྱུང་དུ། བྱ་ཐན་བབ་པའམ་བྱ་ཐལ་ཕོག་ནས་རིམ་གྲོ་བྱ་དགོས་པ་བྱུང་ན། ཟན་ལས་ཤར་དུ་འུག་པ་སེར་པོ། ལྷོར་པུ་ཤུད་ཁྲ་བོ། ནུབ་ཏུ་སྲེག་པ་སྲེ་བོ། བྱང་དུ་ཕ་ཝང་དཀར་པོའི་གཟུགས་བྱས་ལ། བྱ་རེ་རེའི་མདུན་དུ་བཤོས་བུར་རེ་དང་མཐེབ་ཀྱུ་རེ་བཞག་ནས། ངག་ཏུ་

― MR07_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་སྐད་དུ། བྱ་ཁྱེད་བཞི་པོས་བྱ་འདྲེ་དང་བྱ་ཐན་ཐམས་ཅད་བཟློག་ཅིག་སྒྱུར་ཅིག །ཅེས་བརྗོད་ནས། མི་བཞིས་ཕྱོགས་བཞི་ལ་བྱ་རེ་རེ་ཁྱེར་ཏེ་བོར་བར་བྱ། དེས་བྱ་ཐན་དང་བྱ་འདྲེ་ཐམས་ཅད་བཟློག་པར་འགྱུར་རོ། །འདི་གཏོ་འབུམ་གཞུང་གི་གཤམ་དུ་བྲིས་འདུག་པ་འདིར་བཞག་གོ །གདོན་བཅོས་སྐོར་གྱི་གཏོ་ཡི་སྡེ་ཚན་སྟེ་གསུམ་པའོ།། །།དེ་ནས་ནད་པའི་རྩིས་ཀྱི་སྐབས་སུ་བཤད་པའི་ནང་གཏོ་སྐོར་ཕལ་ཆེ་བ་རྩིས་གཞུང་དུ་ཡོད་ཅིང་། གོང་བསྟན་སྐག་གཏོ་རྣམས་དང་གདོན་གཏོའི་སྐོར་རྣམས་ཀྱང་ནད་པ་ལ་ཕན་པའི་གཏོ་ཡིན་ཞིང་། འདིར་གཞུང་གི་ལེའུ་དགུ་པར་གསུངས་པ་འབྱུང་བ་དལ་བསྒྱུར་གྱི་གཏོ་འདི་ནི་ནད་རིམས་ལ་བསྔགས་པ་ཡིན་ལ། གཏོ་འདི་ལའང་དཀར་ནག་ཁྲ་གསུམ་ཡོད་པའི། དང་པོ་འབྱུང་བ་དལ་སྒྱུར་དཀར་པོ་ནི། ཡུལ་ཁམས་སུ་ནད་རིམས་ཆེན་པོའམ། ལྷ་སྲིན་འཁྲུག་པའི་གནམ་དལ་ལམ་དལ་ཡམས་ཆེན་མོ་བྱུང་ན་བྱ་སྟེ། དང་པོ་ཡུལ་དེའི་མི་རྣམས་བསྡུས་ལ། གཟའ་སྐར་

― MR07_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོ་ལ་འབུམ་འུར་འདོན་བྱ། མ་མོ་གླིང་མདོས་དང་། མ་ཏྲཾ་ཁྲམ་མདོས། ཕྱ་ཡི་ཕོ་མདོས། མ་མོའི་ཞལ་བསྒྱུར་རྣམས་བྱ། གཏོ་ནི་སྨན་བཟང་དྲུག་དང་། སྨན་སྣ་དགུ་ནི། མུ་ཟི་ནག་པོ། བོང་ང་ནག་པོ། ཤུ་དག་ནག་པོ། གླ་རྩི། རྩི་བོ་ཆེ་ཞེས་པར་ཤིང་ཀུན། ར་རིལ་ནག་པོ། ར་དུག་ནག་པོ། གུ་གུལ་ནག་པོ། ཡུངས་ཀར་འབྲུ་གསུམ་ལ་སྔགས་འདི་སྟོང་བཟླས་ཏེ་མི་རྣམས་ལ་བསྲུང་བར་བཏགས། གྲོང་གི་ཐ་མར་བསྐོར། ལྷ་མ་སྲིན་སྡེ་བརྒྱད་ལ་གསེར་སྐྱེམས་བཏང་། སྔགས་ནི། ཨོཾ་ཧཱུྃ་ཡ་ཏི་མ་ཀི་མ་ར་ཕུ་ཡ་མ་ཤ་ཏྲུཾ། རཀྴ་ཕུ་ནཱ་ག་ཤུ་ལི་ར་ཡ་སུ་ཕུད། ཡ་ཐེམ་བཟློག །མ་ཐེམ་བཟློག །མེ་ཆུའི་དལ་ཁ་བསྒྱུར་རོ། །ས་རླུང་གི་དལ་ཁ་བསྒྱུར་རོ། །ཞེས་གྲོང་ཡུལ་གྱི་མཐའ་ནས་བསྐོར་ཞིང་སྔགས་བཟླ། མི་ལ་གོང་རྫས་ལ་སྔགས་འདི་བཏབ་པའི་དུ་བས་བདུག །རྫས་ཐུམ་བུ་མང་དུ་བྱས་ཏེ་ཤིང་ལ་བཏགས་ནས་གྲོང་གི་དཀྱིལ་དུ་བཙུགས། དེས་མི་བཟློག་གང་ཡང་མེད་དོ། །དལ་བསྒྱུར་ཁྲ་བོ་ནི། ཤིང་སེ་བ་མགོ་

― MR07_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

ལིང་སྟེ་རྩེ་མོ་མ་ཉམས་པ་གཅིག་ལ། བལ་ཚོན་སྣ་ལྔས་དྲིལ་ལ་བཏགས། ངོས་སམ་ཕྱོགས་གཅིག་ལ་ལོའི་དལ་ཁ་བསྒྱུར་ཞེས་དང་། ངོས་གཅིག་ལ་ཟླ་བ་དང་ཞག་གི་དལ་ཁ་བསྒྱུར་ཞེས་དང་། ཡང་ངོས་གཅིག་ལ་དུས་ཚོད་དང་གཟའ་སྐར་གྱི་དལ་ཁ་བསྒྱུར་ཞེས་བྲིས། ཡུལ་མི་རྣམས་ཀྱིས་ཕྱེ་ཕུད་བསྡུས་ལ་ལྷ་དང་སྲུང་མ་དང་ཡུལ་ལྷ་རྣམས་ལ་གསོལ་མཆོད་རྒྱས་པར་བྱ། ཡུལ་དུ་མི་ནད་མ་བཏང་ཞིག །ཅེས་ཕྲིན་ལས་བཅོལ། ཆབ་གཏོར་དང་གཏོར་མ་ཆ་གསུམ་མང་དུ་གཏོང་། གྲ་ལྔ་དང་། གཙུག་ཏོར་ནག་མོ། མི་ནད་ཕྱུགས་ནད་ཞི་བར་བྱེད་པའི་གཟུངས་འདོན། གཏོ་མཁན་རང་གིས་ར་རོག་པོའི་རིལ་མ་ལ་སྔགས་འདི་བརྒྱ་རྩ་བརྒྱད་བཟླས། མི་རེའི་རྐེ་ལ་རིལ་མ་བདུན་རེ་བཏགས་སོ། སྔགས་ནི། ཨོཾ་མི་ཀི་ཏེ་ཕུད། མ་ཁུ་ལེ་ཕུད། སྤྱི་ཁུ་ལེ་ཕུད། སརྦ་མ་ཕུད། ནམ་ནམ་ཏི་ཀ་ཏེ། རྩེར་རྩེར། ཙུར་ནུབ་ག་ཁུག །ཨ་ད་བག་གི །ཁུ་ཙུ་ཁུ་ལུ་ཁུ་དུ། དལ་བསྒྱུར་དལ་བསྒྱུར། དལ་ཁ་ཡམས་ནད་བསྒྱུར་བཟློག །བསྲུང་བསྲུང་ཞི་ཞི་དལ་ཁ་ལྷེ་ན་སྭཱ་ཧཱ། སརྦ་བྱེ་དྷི་ཛྭ་རཾ་ཤཱནྟིང་ཀུ་རུ་ཡེ་སྭཱ་ཧཱ། རིལ་མ་མང་ཞིག་སེ་བ་ལ་བཏགས་ནས་ཁང་ཐོག་ཏུ་གཟུགས། མིན་ན་

― MR07_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོང་གི་དཀྱིལ་དུ་ཤིང་རིང་པོ་གཅིག་ལ་བཏགས་ནས་གཟུགས་སོ། །ཡང་ན། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཛ་རེ་ཛ་རེ་མ་ཧཱ་ཛྭ་རེ། མ་ཁ་མ་ཁ། སཱ་པ་རི་སཱ་པ་རི། ཨ་ཏྲི་མ་ན་སི། ཀ་རི་ཀ་རི། གཙྪ་ཛྭ་ར་མུ་སྟོ་ཤིག་སྭཱ་ཧཱ། ཞེས་རྩྭ་དཱུར་བའམ་སྐུད་པ་སྔོ་དམར་ལ་སྔགས་དེ་ལན་གསུམ་བརྗོད་ནས། ལག་གཡས་སུ་བཏགས་ན་འགོས་ནད་རིམས་ནད་མེད་པར་འགྱུར་རོ། །དལ་གཏོ་ནག་པོ་ནི། ར་རོག་གཅིག་བསྒྲལ་བའི་གྲོད་པ་དྲོད་མ་ཡལ་བའི་ནང་དུ། སྔོ་དང་། སྦང་མ་དང་། རམ་པ་དང་། རུག་པ་དང་། རྩོད་དང་། རྒྱ་སྐྱེགས་དང་། གཡེར་མ། སྒོག་པ། ལ་ཕུག །བལ་ཚོན་སྔོ་དམར། མི་ཁའི་ཡས་དང་ཁྲག་སྣ་མང་པོ་བླུགས། དགོང་མོ་ཉི་མ་ཟེར་སྡུད་ལ། བུད་མེད་གཅིག་གིས་ལམ་ཁར་བསྐྱལ། གཏོ་མཁན་གྱིས་ཚིག་འདི་བརྗོད་དོ། །ལྷ་འཕགས་པ་འཇམ་དཔལ་གཞོན་ནུས་ནད་ཁ་བཟློག་ལ་རིམས་ཁ་བསྒྱུར། ལྷ་ཀོང་ཙེ་འཕྲུལ་གྱི་རྒྱལ་པོས་ནད་ཁ་བཟློག་ལ་རིམས་ཁ་བསྒྱུར། ཟོན་དལ་བསྒྱུར་གྱིས་བདག་མོས་ནད་ཁ་བཟློག་ལ་རིམས་ཁ་བསྒྱུར། ཞེས་སོ། །དེས་དལ་ཡམས་བཟློག་པར་འགྱུར་རོ། །ཡང་ཕྱོགས་ངན་

― MR07_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སོང་ནས་ན་བར་གྱུར་ན། ཕྱོགས་ངན་དུ་ཕྱིན་ངོས་ཀྱི་ཕྱོགས་ནས་ས་བླངས་ལ་ནད་པའི་ལོ་གྲངས་ཀྱི་གླུད་བཏབ་ཏེ་དཔལ་བསྐྱེད་ཀྱི་ཕྱོགས་སུ་བསྐྱལ། གནམ་སྨན་དཔལ་བསྐྱེད་སོགས་སྲོག་ལུས་བསྐྱེད་པའི་ཕྱོགས་ནས་ས་བླངས་ལ་ནད་པའི་མལ་འོག་ཏུ་བཏིང་། ཕྱོགས་ངན་ནས་ན་ཕྱོགས་དེར་མཆོད་རྟེན་བརྩིགས། རྡོ་ཟོར་འཕང་། འབྲུ་སྣའི་གླུད་ལོ་གྲངས་ཙམ་བཏང་བས་ཐུབ་བོ། །ཡང་ནད་ཚབས་ཆེ་བའི་ནད་གཏོ་ནི་ལུས་ལས་བསྒྲེས་གླུད་ལོ་གྲངས་དང་། མི་ཁའི་རྫས་ཚོགས་ཚད་ཞྭ་གྱོན་འཕྲོ་ལྷྭམ་དང་བཅས་པར་གཏུམས་ལ་ནད་པའི་མཐུན་གསུམ་གྱི་ཉི་མ་དང་དུས་ཚོད་ལ་གང་གནོད་པར་གླུད་དུ་བཏང་བས་ཞིའོ། །ནད་གཏོའི་སྐོར་གྱི་སྡེ་ཚན་བཞི་པའོ།། །།གཏོ་སྒྲོམ་གཞུང་དུ་རྩིས་མགོ་ལྔར་གསུངས་པ་ལྟར་ན་ནད་རྩིས་ཀྱང་གསོན་སྐེག་གི་ཁོངས་སུ་བསྡུས་པ་ཡིན་ལ། གཞུང་གཞན་ལས་ནད་རྩིས་ལོགས་སུ་ཕྱེ་བ་ལྟར་ན་རྩིས་མགོ་དྲུག་ཏུའང་འགྱུར་རོ། །ད་ནི་གི་གོང་བག་མའི་རྩིས་ཀྱི་སྐོར་དུ་མཁོ་བའི་གཏོ་ལ། དེའི་བཅོས་ཕལ་མོ་ཆེ་རྩིས་གཞུང་གཞན་དུ་གསལ། གཞུང་འདིར་བསྟན་པ། བག་མ་ལམ་ལོག་བཅོས་པའི་གཏོ་ནི། བག་རྩིས་ལྟར་བརྩིས་པས་བག་ལམ་མེད་པའམ། ཕྱོགས་ངན་པར་འགྲོ་དགོས་བྱུང་བའི་བཅོས་ཡིན་ཏེ། སྣ་སྐྱོར་ཞེས་སྣ་ལེན་གྱི་གཏོ་བྱེད་པའི་སྣ་བོན་པོའམ་ལེའུ་ནི་བག་མའི་ལོའི་བདུན་ཟུར་

― MR07_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་པ་གཅིག་གིས་བྱ། དེ་ཡང་དེའི་དབང་ཐང་བག་མའི་དབང་ཐང་གི་དགྲར་གྱུར་ན་རབ། མིན་ཀྱང་བདུན་ཟུར་ཡིན་པས་ཆོག །བག་མ་རང་གི་དབང་ཐང་གི་ཁམས་ཀྱི་མདོག་དང་མཐུན་པའི་འོག་རྟ་ལ་ཞོན། མཐུན་གསུམ་ལོ་པ་གཅིག་གིས་བག་མའི་རྟ་ཁ་འཁྲིད་པ་ཡིན་ཏེ་བག་མ་རྟ་ལོ་ཡིན་ན། སྟག་ཁྱི་གང་རུང་གི་ལོ་བས་ཁ་ནི་ཁྲིད་པ་ལྟ་བུའོ། །དེ་ཡང་བག་སྲོག་སོགས་གསོ་བསྐྱེད་ཅན་བྱུང་ན་ལེགས། བག་མའི་དབང་ཟླ་དང་གཟའ་སྐར་བཟང་བར་བག་མ་གཏོང་། རྟེན་འབྲེལ་དེས་བག་ལམ་ལོག་པའི་ཉེས་པ་ཞིའོ། །ཡང་ཁང་པ་བརྩིགས་ཉེས་པ་དང་། དུར་གདབ་ཉེས་པ། བག་མ་བླངས་ཉེས་པ་གསུམ་བཅོས་པའི་གཏོ་ཡི་བྱེ་བྲག །བག་མ་བླངས་ཉེས་ཀྱི་གཏོ་ནི། བག་མ་ཕོ་ལོ་ཡིན་ན་ཕོ་ཆས། མོ་ལོ་མོ་ཆས་བྱས། སྣ་ཆོག་གི་རིམ་གྲོ་རྣམས་ནན་ཏན་དུ་བསྐྱལ་ལ་བྱ། འགྲོ་སའི་ལམ་རྒྱ་གྲམ་ཞིག་ཏུ་ཐོ་ཞིག་བརྩིགས། ལམ་གྱི་ཁང་པ་གཅིག་ལ་ཕྱག་བྱ། ར་རོག་པོ་གཅིག་བག་མའི་སྣ་ལ་སྣ་ལེན་དུ་བྱེད། གནམ་ཁྱི་ཡས་ཀྱིས་བཅོས། བྱུར་འབུད་ཀྱི་གཏོ་བྱ། སྣང་བརྒྱད་ཅི་འགྲུབ་བཀླགས།

― MR07_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་བཀྲ་ཤིས་གསོལ་ཞིང་བཀྲ་ཤིས་པའི་ཟས་ཀྱིས་ངོ་བསྲོ་བྱའོ། །ཡང་བླང་དུ་མི་རུང་བའི་བག་མ་བླངས་ན། ཁམས་ལ་ལོ་བཅུ་གཉིས་ཀྱི་གཟུགས་བྱ། དེ་ལ་མདའ་འཕང་བཙུགས། བག་མའི་བདག་པོ་རང་གི་རྐང་པ་གཡོན་པའི་ལྷྭམ་ཕུད། ཕུ་དུང་གཡས་པ་བྲེགས་ལ་བག་མ་སྒོར་བྱུང་བའི་མདུན་དུ་བོར་བས་ཐུབ། ཡང་ཕར་ལ་བག་མ་བཏང་མི་རུང་བ་བཏང་དགོས་བྱུང་ན། བག་མ་དེའི་གཟུགས་གཅིག་བྲིས་པའི་སྙིང་ཁར་མིང་རུས་བྲིས། དེ་མདའ་བྱ་རྒོད་མ་ལ་བཏགས་ནས་གཡང་བླན་ཏེ་ལྷ་རྟེན་ལ་འཛུགས་སོ། །ཡང་སྔོན་ཆད་བྱེ་བྲལ་མང་དུ་བྱས་པ་བག་མར་ལེན་ན། སྒོ་དྲུང་དུ་བག་མའི་རྐང་པ་སྒྲོག་ཏུ་བཅུག་ལ་གོམ་པ་བཞི་བོར། རྐེད་པ་སྒྲོག་ཏུ་བཅུག་ལ་གོམ་པ་གསུམ་བོར། མགྲིན་པ་སྒྲོག་ཏུ་བཅུག་ལ་གོམ་པ་གསུམ་བོར། །སྐུད་པ་དེ་གསུམ་གྱི་སྣེ་རང་གི་ལྷ་རྟེན་ནམ་ཀ་བ་ལ་བཏགས་ནས། གཡང་བླན་ཚེ་འགུགས་བྱས་ནས་བཀྲོལ་བས་ཐུབ་བོ། །ཡུགས་ས་མོ་བག་མར་ལེན་ན། བག་མ་དེའི་ལོ་དགྲའམ་ལོ་གཤེད་ཀྱི་མགོ་ཅན་མ་དཔེ་ཆད་དམ་ཐག་སྒྲོག་ལྟ་བུའི་སྐུད་སྣེ་གང་ཡིན་བརྟག །གྱི་གཟུགས་

― MR07_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་གཞུ་འགེངས་པ་གཅིག་བྱས་ཏེ། བག་མ་འོང་བའི་མདུན་དུ་འཕང་བཏང་ན་དེས་ཐུབ་བོ། །སྤྱིར་བག་མ་ལ་གནམ་ཁྱི་དང་། ཐེ་ཁྱིམ་བརྩི་ཞིང་བཅོས་པ་གལ་ཆེ། ཟླ་འཁོར་གྱི་གཏགས་ཀྱི་ལྷ་དྲུག་གང་རུང་གནས་ཕྱོགས་སུ་བརྫངས་ཤིང་། ཁྱོའི་ཁྱིམ་དུ་ལྷ་དེ་ཕྱོགས་ཁ་བསྟན་ནས། འགོ་བའི་ལྷ་ལ་བག་མ་དེ་བཅོལ་གཏད་ཀྱིས་ལྷ་ལ་བཏགས་པ་བྱ་ཞིང་བཀྲ་ཤིས་བརྗོད་པར་བྱའོ། །གི་གོང་བག་གཏོའི་སྐོར་གྱི་སྡེ་ཚན་ཏེ་ལྔ་པའོ།། །།ད་ནི་གཤིན་གྱི་རྩིས་ཟང་གྱམ་གྱི་སྐབས་སུ་མཁོ་བའི་གཤིན་གཏོ་ལ། སྤྱིར་གཤིན་གྱི་ཤི་སྒབ་བཅད་པ་དང་བཀྲ་རྩིས་ཀྱི་བཅོས་སོགས་རྩིས་གཞུང་དུ་གསལ། འདིར་གཏོ་སྒྲོམ་གཞུང་ནས་བྱུང་བའི། བཅད་ཐབས་གསུམ་གྱི་བྱེ་བྲག་ཤི་རྒབ་བཅད་པའི་གཏོ་ནི། ཕ་ཚན་གཅིག་ལ་ཡང་ནས་ཡང་དུ་འཆི་བ་མང་དུ་བྱུང་ཚེ་ཤི་ཁ་མ་ཆོད་ན་གཏོ་འདི་བྱ་སྟེ། ཤི་བ་གཞུག་མ་དེའི་ཁར་དགྲ་བོའི་མིང་རུས་བྲིས་ལ་ཤི་གཞུག་ངན་པ་དགྲ་ལ་བསྒྱུར་ཞེས་བྲིས་པ་གཞུག་ཅིང་ངག་ཏུའང་བརྗོད། རོའི་མཆུ་གཉིས་རྒྱུས་པས་བཙེམ་ནས། ཤི་ཁ་བྱེ་བ་བསྒྲུབ་ཅིག །ཅེས་བརྗོད། ལག་པ་ཚོན་སྐུད་སྣ་ལྔས་བཀྱིག་ལ།

― MR07_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིན་ལག་འབྱུང་བ་ལྔ་ཡིས་བཀྱིག་གོ་ཞེས་བརྗོད། རྐང་པ་གཉིས་ལྕགས་སུ་བཅུག་ལ། ཤི་ཁ་བྱེ་བ་ལྕགས་ཀྱི་ཐ་རམ་ནག་པོས་བསྡོམ། ཞེས་བརྗོད། མིག་ཁབ་བཙག་བྱས་ལ། ཤི་མིག་གསོན་ལ་མ་ལྟ་ཞིག །ཅེས་བརྗོད། སྤར་བརྒྱད་གཤེད་ཀྱི་ཕྱག་རྒྱས་མནན་ཏེ་དུར་ཁ་རྒྱས་གདབ། རོ་བོར་བའི་ཤུལ་དུ་གཤིན་པོ་སྤར་ཁ་གང་ལ་ཤི་བའི་ཕྱུགས་དེ་ཕར་ཁྲིད་ཚུར་ཁྲིད་བྱས་ནས་རོ་ཤུལ་བཅག །དེས་ཤི་ཁ་ངེས་པར་ཆོད་དེ། བདེན་སྟོབས་དམིགས་པ་བྱའོ། །ཡང་ལུག་གི་ཉི་མ་ལ་ཤི་ན། གཤིན་ཆུ་ཕར་བརྒལ་གྱི་ཉི་མ་ཞེས་ངན་པས། འཇིམ་པའི་ལུག་གཟུགས་གཅིག་བྱས་པའམ་ལུག་རོ་གཅིག་བཞག་ལ་དེའི་རྣ་བ་གཉིས་བཅད་དེ་སྐས་ཀའི་འོག་ཏུ་མནན། རྨིག་པ་བཞི་ཐེམ་པའི་འོག་ཏུ་མནན། མགོ་བོ་དུར་གྱི་ཕྱོགས་སུ་མནན། སུག་པ་བཞི་ཁང་པའི་གྲྭ་བཞིར་མནན། པགས་པ་ལམ་རྒྱ་གྲམ་སྟེང་དུ་མནན། ཚེ་འདས་ཀྱི་དཀོར་ཆ་སྣ་གཅིག་བོར་ལ་བཞག་པས་ཐུབ། རོ་གཏོའི་ལེའུ་འོ། །ཡང་ཤི་སྒབ་བཅད་པའི་གཏོ་ལ། སྤར་ཁ་བརྒྱད་གང་ལ་ཤི་ཡང་། འདྲེ་ལྔ་ཡོད་པའི་ཕྱོགས་

― MR07_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བཤོས་བུ་ལྔ། གཤིན་པོ་དེའི་ལོའི་འབྲང་རྒྱས་ཕྱེད་དཀར་ཕྱེད་ནག་ལྔ། འབྲུའི་བྱ་ལྔ། ངར་ཟན་ལྔ། མདའ་ལྔ། འཕང་ལྔ། ཟན་ལྔ་རྣམས་སམ་བྷ་རས་བརླབས་ལ། གཤིན་འདྲེ་ཤི་སྲི་ཐམས་ཅད་ལ་བསྔོས་ཏེ། ཁྱེར་ཅིག་སོགས་ཀྱི་ཚིག་བཅད་བརྗོད། དེའི་གཏོ་ལེན་ལ། གསེར་སྐྱེམས་ལྔ་བཤམས་ཏེ་གསེར་སྐྱེམས་འདོན། བདུད་གཅོད་ཀྱི་ཕྱོགས་སུ་ཐོད་པ་གསུམ་དང་། མགལ་བ་གསུམ་མནན་ཤི་ཁ་བྱེ་བ་ཐམས་ཅད་བྲུབས་པར་བསམ། དེས་ཐུབ་བོ། །གཤིན་གཏོའི་སྐོར་གྱི་སྡེ་ཚན་ཏེ་དྲུག་པའོ།། །།དེ་ནས་བྱིས་པའི་བཙས་ཀླུང་གི་རྩིས་ཀྱི་སྐབས་སུ་མཁོ་བའི་གཏོ་ལ། མེད་པ་བཙལ་བ། ཡོད་པ་བསྒྱུར་བ། ཡོད་ཟིན་གསོ་བ་གསུམ་ལས། དང་པོ་སྲིད་གཏན་མ་འཁོར་བ་ལ་མེད་པ་བཙལ་བའི་གཏོ་ནི། འཁོར་ལོ་རྩིབས་བརྒྱད་པ་གཉིས་བྱ། ལྟེ་བ་གཉིས་ལ་ཕོ་སྔགས་དང་མོ་སྔགས་དང་། མྱུ་ཁྱུད་ལ་རྟེན་འབྲེལ་སྙིང་པོ། རྩིབས་ལ་བསྲུང་སྔགས་བྲིས་དཔེའུ་རིས་ལས་རྟོགས་པར་བྱ་ལ། ཡེ་དྷརྨས་རབ་གནས་བྱ། ཕོ་མོའི་དབང་ཐང་གསོ་བའི་ཁམས་ཀྱི་མདོག་

― MR07_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་དར་གྱིས་གྲིལ། ལུ་གུ་ཕོའི་པགས་པས་གཡོགས། དེའི་ཕོ་འཁོར་དེ་མོ་ལ་བཏགས། མོ་འཁོར་ཕོ་ལ་བཏགས། འདི་སྐར་མ་རྒྱལ་གྱི་ཉིན་པར་བྱ། སྐར་མ་བྲ་ཉེའི་དུས་སུ་དམ་སྲི་མནན། དེས་སྲིད་འཁོར་བར་འགྱུར་རོ། །འདིའི་དཔེའུ་རིས་རྙེད་ན་འཛུད་དགོས། ཡང་གདབ་ཐབས་ལྔའི་བྱེ་བྲག་སྲིད་ཕུར་གདབ་པ་ནི། སྲིད་གཏན་ནས་མ་འཁོར་མ་རྙེད་པ་ལ་བྱ་སྟེ། ཕོ་དཔལ་ཆེ་བའི་མདའ། བུད་མེད་དཔལ་ཆེ་བའི་འཕང་བླངས་སམ་བརྐུས་ལ། ཕོ་གཡང་མོ་གཡང་སོགས་གཡང་བླན་ཏེ། བང་ཟུར་རམ། ཚང་མང་ངམ་མཛོད་ཀྱི་ཀ་བ་ལ་བཅིངས། སྲིད་ཀྱི་ཆུ་མིག་དགུ་སྐོར་ཞེས་བྱ་བ། ལུང་པ་དགུའི་ཆུ་འམ་ཆུ་མིག་རྒྱུན་འབབ་ཀྱི་ཆུ་བླངས་ལ་རྫ་བུམ་དུ་བསགས། རིན་པོ་ཆེ་དང་དར་ཟབ་དཀར་གསུམ་མངར་གསུམ་འབྲུ་སྣ་རྣམས་དེ་ནང་བླུགས་ལ་བུད་མེད་ཀྱི་མལ་གྱི་འཕོངས་ཀྱི་ཞབས་སུ་སྦས། ཁ་ཆོད་གཡམ་པའམ་ཤིང་ལེབ་གཙང་མ་ལ་ཕོ་མོ་དཔལ་ཆེན་པོ་གཉིས་ཀྱི་ས་བོན་བྱུང་ན་རབ། མེད་ན་འོ་མ་དང་མཚལ་དང་བུད་མེད་བུ་སྐྱེས་པའི་ནུ་ཞོ་སྦྱར་བས་ཕ་མ་གཉིས་ཀྱི་མིང་རུས་དང་། ཡཾ་རཾ་ཁཾ་ཀེཾ་གྲུཾ་

― MR07_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ནྲི་བསྐྱེད་ཧཱུྃ་སྲིད་འདུ་སྲིད་འདུ་མི་རབས་བསྐྱེད། ཅེས་བྲིས་དེས་བུམ་པའི་ཁ་བཅད་ལ་སས་བྱིང་དུ་སྦ་བདེན་སྟོབས་བརྗོད་ཅིང་རྟེན་སྙིང་བཟླ། བཀྲ་ཤིས་བྱའོ། །དེས་ལོ་གསུམ་ཚུན་སྲིད་འཁོར་ངེས་སོ། །མེད་པ་བཙལ་བའི་གཏོའོ། །ཡོད་པ་ལྟེ་བ་བསྒྱུར་བའི་གཏོ་ལ། རྫས་ནི་རུས་གཅིག་པའི་སྐྱེས་པ་བཀྲ་ཤིས་པ་གཅིག་ལས་མདའ་གཅིག་བླངས། བུད་མེད་དཔལ་ཆེ་བ་གཅིག་ལས་ཁབ་གཅིག་བླངས། དཀར་གཏོར་མཐུན་རྫས་རྒྱན་བཟང་བཅས་བཤམས་ལ་བྱིན་བརླབ་བྱ། གཟའ་སྐར་བཟང་ཞིང་ཕོ་མོའི་དབང་ཐང་དར་བའི་ཉི་མ་དང་དུས་ཚོད་ལ་གཏོ་མཁན་གྱི་གཤམ་དུ་ཕོ་མོ་དེ་གཉིས་གྲལ་བྱས་ཏེ་སྡོད་དུ་བཅུག །སྐྱེས་པ་དེས་མདའ་དེ་ལ་དབང་གསོའི་ཁམས་ཀྱི་དར་བཏགས་པ་ལག་གཡས་སུ་ཐོགས། བུད་མེད་དེས་དབང་གསོའི་ཁམས་ཀྱི་སྐུད་པ་ཁབ་མིག་ཏུ་དྲངས་པ་ལག་གཡོན་དུ་ཐོགས་ལ་བཀྲ་ཤིས་བརྗོད། སྔགས་འདི་བརྗོད་པར་བྱ་སྟེ། ཨཱ་ཧི་ར་སི། ཨ་ར་ལི། སརྦ་པྲ་ཏིཥྛ་སི། དྷ་ར་དྷ་ཏུ་བྷནྡྷ་ཏྭ་དུ་བནྡུ་པྲ་ཧཾ་ཤ་ཙ་སྭཱ་ཧཱ། ཅི་རིགས་བརྗོད་ལ། ཧོ། ཕྱོགས་བཅུའི་ཞིང་ན་བཞུགས་པ་ཡི། །སངས་རྒྱས་

― MR07_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སེམས་དཔའ་དང་། །ལྷ་དང་དྲང་སྲོང་རིག་འཛིན་རྣམས། །བདག་ལ་དཔལ་གྱི་བུ་སྩོལ་ཅིག །ཚིགས་བཅད་འདི་ཁ་སྐོང་། །ཚངས་པ་ཕུར་བུ་ཁྱབ་འཇུག་དང་། །ཉི་ཟླ་ཐ་སྐར་བུ་གཉིས་དང་། །ལེགས་ལྡན་མཛའ་བོ་ཆུ་ལྷ་རྣམས། །བདག་ལ་དཔལ་གྱི་བུ་སྩོལ་ཅིག །བུད་མེད་སྤྲོ་བ་བསྐྱེད་དུ་གསོལ། །འབྲུ་མང་རྟག་ཏུ་ལེགས་རྣམས་སྲུངས། །ཅེས་བརྗོད་གཏོར་མ་དེ་ལྷ་དང་དྲང་སྲོང་འགོ་བའི་ལྷ་དང་ཡུལ་ལྷ་རྣམས་ལ་ཨ་ཀཱ་རོས་འབུལ། ཡང་དཔེ་ལ་ལར་མཆན་དུ་བཀོད་པ་ལྟར། ས་བདག་ལས་སྲིད་སློང་བྱ་ན་དཀར་གཏོར་རྒྱན་བཟང་བྱིན་རླབས་བྱས་ནས། ཨོཾ་བྷཱུ་མི་པ་ཏི་ས་པ་རི་ཝཱ་ར་ཨ་ཀཱ་རོ་སོགས་ཀྱིས་བསྔོས་ལ། ཚིག་འདི་སྐད་བརྗོད་དོ། །ཤར་ལྷོ་ནུབ་བྱང་ཕྱོགས་བཞིའི་ས་བདག་རྣམས་ལ་སྲིད་བསླང་ངོ་། །མི་གཡོ་བ་གཡོ་བར་མཛོད། མི་སྲིད་པ་སྲིད་པར་མཛོད། མི་ཤིས་པ་ཤིས་པར་མཛོད། མི་ཆོས་པ་ཆོས་པར་མཛོད། མི་འདའ་བར་འདའ་བར་མཛོད་ཅིག །ཅེས་ཕྲིན་ལས་བཅོལ་ལ་ཕུལ་ལོ། །རྟེན་ལ་ཁྲུས་གསོལ་བའི་ཆུས་ཕོ་མོ་གཉིས་ལ་ཁྲུས་བྱ་འཐུང་དུ་གཞུག་ཅིང་བཀྲ་ཤིས་བརྗོད་ལ་མདའ་དང་ཁབ་ཀ་བ་སོགས་ལ་བཅིངས་ནས་

― MR07_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་དུ་ཟུང་ངོ་། །དེ་དག་གི་རྣ་བ་གཡས་པར་འདི་སྐད་བརྗོད། ཡན་ལག་ཐམས་ཅད་སྐྱེས་པ་ཡིན། །ལོ་བརྒྱ་སྟོན་བརྒྱར་འཚོ་གྱུར་ཅིག །དཔལ་དང་འབྱོར་བ་འཕེལ་བར་ཤོག །རྒྱུ་སྐར་ཕྱོགས་དང་མཚན་མོ་དང་། །ཉིན་མོར་ཁྱོད་ནི་སྲུང་བར་ཤོག །ཅེས་བརྗོད། བུ་སྐྱེས་པའི་ཚེ་ཡང་ཁྲུས་བྱས་ནས་རྣ་བ་གཡས་པར་ཚིག་དེ་བརྗོད་ནས་ལྟེ་བ་སོར་བཞིའི་འོག་ཏུ་བཅིང་ལ་བཅད་དོ། །ལྷ་དང་སྲུང་མ་གཙུག་ལག་གི་ལྷ་ཀུན་ལ་གཏང་རག་གི་གསོལ་མཆོད་ལེགས་པར་བྱའོ། །འདི་ནི་སྲིད་པ་བསྒྱུར་བའི་གཏོ་ཡིན་ཡང་། སྲིད་སློང་བའང་ཡིན་པས་ཤིན་ཏུ་གལ་ཆེ་བ་དགེ་ཞིང་བཀྲ་ཤིས་པར་བྱེད་པའོ། །ཡང་བསྒྱུར་ཐབས་རྣམས་པ་ལྔའི་བྱེ་བྲག་སྲིད་པ་ལྟེ་བསྒྱུར་གྱི་གཏོ་ལ་དཀར་ནག་ཁྲ་གསུམ་ལས། དཀར་པོ་ལའང་ཆོས་བོན་གཏོ་གསུམ་ལས། དང་པོ་བྱིན་བས་མདོ་དང་སྔགས་ཀྱི་དམ་ཆོས་ལ་བརྟེན་ནས་ལྟེ་བ་བསྒྱུར་བ་ནི། འདུས་པ་རིན་པོ་ཆེ་ཏོག་གི་གཟུངས་དང་། རིགས་སྔགས་ཀྱི་རྒྱལ་མོ་སོ་སོར་འབྲངས་མ་དང་གཙུག་ཏོར་དཀར་མོ་རྣམས་ལན་ཉི་ཤུ་རྩ་གཅིག་གུས་པས་བཏོན་ན་ཁྱེའུ་སྐྱེ་བར་ཐེ་ཚོམ་མེད་དོ། །སྲིད་པ་བོན་གྱི་ལྟེ་བསྒྱུར་ལ། བྱིན་རླབས་ཀྱིས་བསྒྱུར་བ་དང་།

― MR07_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་སྲིན་ཡས་ཀྱིས་བསྒྱུར་བ་གཉིས་ལས། དང་པོ། ཕན་བྱེད་སྔགས་ཀྱི་མདོ་དང་། རིག་པ་སྤྱིའི་སྔགས་དང་། མེད་པ་བཙལ་བའི་གཏོ་དང་། ལྟེ་བ་བསྒྱུར་བའི་གཏོ་རྣམས་སོ། །ལྷ་སྲིན་གྱི་ཡས་ཀྱི་གཏོ་ནི། ལྷ་ཡི་ལྷ་ཁྲི་འབུམ་གྱི་སྔགས། ཕོ་ལྷ་ཡོ་བཅོས་ཀྱི་བོན། རྒྱལ་པོ་དྲ་ཤེལ། དཀར་པོ་བཅུ་གསུམ་གྱི་བསྐང་གསོ་བྱེད་པའོ། །གཙུག་ལག་སྲིད་པ་གཏོ་ཡིས་བསྒྱུར་བ་ནི། བུ་མོ་མང་ཞིང་ཁྱེའུ་མེད་ན། མ་ཧཱ་གསེར་གྱི་རུས་སྦལ་གྱི་རང་སྐད་ནི། ཨོཾ་མ་ཧཱ་ཡ་ན་ནི། དུ་ལ་རུ་པ་དུ་ནི། སྲིད་འདུ། པ་བྷ་སྒྱུར། པུ་ནེ་སྭཱ་ཧཱ། འདི་བརྒྱ་རྩ་བརྒྱད་བཟླས་ཏེ། བུད་མེད་ལུས་ཆུ་ཁམས་པར་ཆུ་བུ་ཤིང་ཡིན་པས་ཁམ་བུའི་འབྲས་བུ་ལ་བཏབ་ནས་བྱིན་ཏེ་བཟའ་བར་བྱ། ཤིང་ཁམས་པས་མེ་ཤེལ་མེ་རྡོ་ལ་བཏབ་པ་སྨད་གཡོག་སོགས་ལ་བཏགས་ཏེ་སྐེད་པར་འཆང་། མེ་ཁམས་པས་ས་ཚིལ་ཏེ་ས་ཞག་ལ་བཏབ་ནས་ཟ། ས་ཁམས་པས་ལྕགས་ཀྱི་བྱང་བུ་ཆུང་ངུ་ལ་བཏབ་པ་ལུས་ལ་འཆང་ལྕགས་ཁམས་པས་ཆུ་ཤེལ་ལམ་ཆུ་རྡོ་ལ་སྔགས་བཏབ་སྟེ་རྐེད་པར་འཆང་བའམ་ཆུ་ལ་བསྔགས་ཏེ་བཏུང་བས་མངལ་གནས་བུར་འགྱུར་ངེས་ཏེ། སྲིད་པ་ལྟེ་བསྒྱུར་ཆེན་པོ་མཚར་རོ། །ཡང་བུ་ལྔ་མ་ཡི་ལུས་ལ་སྲེལ་ན་བུ་ཆགས་ངེས་སོ། །བུ་ལྔ་ནི། མགྲོན་བུ། བྱང་བུ། འོམ་བུ། ལྟར་བུ། ལུ་གུ་ཕོའི་པགས་བུ་ལྔའོ། །པགས་བུའི་ཚབ་ཏུ་ཁམ་བུ་ཟེར་བའང་འདུག །དེ་རྣམས་རྟེན་འབྲེལ་གྱི་རྫས་ལྔའོ། །

― MR07_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་གཅིག་བུད་མེད་ལ་བུ་མེད་པར་བུ་མོ་མང་བ་ན། བུ་ཚ་རིགས་བརྒྱུད་དར་བའི་མི་འཕན་པོའི་མདའ། བུད་མེད་བུ་མང་འབྱོར་ཅན་དཔལ་མོ་ཆེའི་འཕང་དང་གོས་དྲེག་པ་ཅན། ལུང་པ་གསུམ་གྱི་ཆུ། རུས་མི་གཅིག་པ་གསུམ་གྱི་ཞིང་བཟང་པོའི་ས་རྣམས་ལ་སྐར་མ་རྒྱལ་དང་ཤེས་པའི་དུས་སུ་གཡང་བླན། གཟའ་མིག་དམར་དང་པ་སངས་དར་བ། ཉི་མ་དེའི་མཐུན་གསུམ་སྟེ། རྟ་ལོ་མའི་སྟག་ཉི་དང་ཁྱི་ཉི་ལྟ་བུ་ལ་ལས་དེ་དག་བྱའོ། །ཤོག་བུ་ལ་ཕོ་ལྷ་རྒྱན་བཟང་མདའ་ཐོགས་པའི་གཟུགས་བྲིས་ལ། དེའི་གཤམ་དུ། ཕོ་མོ་མིང་འདི་ཞེས་བྱ་བ་གཉིས་ཀྱི་སྲིད་ཀྱི་དཔལ་བསྐྱེད་ཅིག །ཕོ་ལྷ་ལ་སྲིད་སློང་ངོ་། །ཞེས་བྲིས་པ་མདའ་ལ་བཏགས་ཏེ་མོ་ཡི་མལ་ཟུར་གཡས་སུ་འཛུགས། གོང་གི་ཞིང་ས་དེ་རྣམས་ལ་རིན་པོ་ཆེ་བརྡར་བ་བསྲེས་ལ་མ་ཡི་མལ་འོག་ཏུ་བཏིང་། ལུ་གུ་ཕོ་ཡི་པགས་པ་ལ་ལྟེ་བ་བསྒྱུར་བའི་སྔགས། ལྟེ་བསྐྱེད་བྲང་ཤག་ཛ་ལ་བསྒྱུར་སྭཱ་ཧཱ། ཧེ་དུན་ལྟེ་བསྐྱེད་བྲཾ་ཤག་ཛམ་ལྷ་བསྒྱུར་སྭཱ་ཧཱ། ཞེས་སྟར་བུའི་ཆུ་དང་མཚལ་བསྲེས་པས་བྲིས་ལ། བྱང་བུ་དང་། མགྲོན་བུ་བུ་ཆེ་མ་དང་སྦྲགས་ནས་མ་

― MR07_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡི་ཁེད་མ་ལ་བཙེམ་མོ། །སྔགས་འདི་བྲིས་པ་བྱང་བུ་དང་སྦྲགས་ལ་མ་ཡི་ལྟེ་བའི་ཐད་དུ་བཏགས། སྔགས་གང་ཞེ་ན། ཨོཾ་སྲིད་འདུ་སྲིད་འུབ་འུབ་ཏེ་དུན་ཏེ་བསྐྱེད་བསྐྱེད་བྲཾ། ཤག་ཛམ་ལྷ་བསྒྱུར་སྭཱ་ཧཱ། ཞེས་སྔགས་བགྲང་ནས་གོང་རྫས་དང་སྔགས་ལའང་བཏབ་སྟེ་བཏགས་པས་ལྟེ་བ་འགྱུར་ངེས་སོ། །ལྟེ་བསྒྱུར་ནག་པོ་འགྱུར་མེད་ཀྱི་གཏོ་ལ། ཁྱེའུ་སྐྱེས་པའི་ལྟེ་བ་སྐམ་པོ་དང་། ལུ་གུ་ཕོའི་ལྟེ་བ་ཤིང་འོམ་བུའི་འབྲས་བུ་དང་བསྲེས་ལ། དར་གྱི་གེ་ཁུད་དུ་བླུགས་ནས་སྔགས་འདི་བཟླས་ཤིང་བཏག །ཧཱུྃ་ཧཱུྃ་ནི་རཾ་ཁུག་ཏུན་ཏེ་བསྐྱེད་མངལ་སྒྱུར་སྒྱུར། ཞེས་བརྒྱ་རྩ་བརྒྱད་བཟླས་ལ་བཏབ། དར་ཁུད་དེ་བུད་མེད་ཀྱི་ཁེད་མ་ལ་ཡོས་བུའི་དུས་སུ་བཏགས་མངལ་ཆགས་དུས་སུ། ལྟེ་བ་བསྒྱུར་ངེས་སོ། །ཞེས་སྲིད་པ་ལྟེ་བསྒྱུར་གྱི་གཏོ་ཟབ་མོའོ། །གསུམ་པ་བྱིས་པ་ཡོད་ཟིན་དེ་གསོ་བ་ལ། གདབ་ཐབས་ལྔའི་ནང་ཚན་སྲོག་ཕུར་གདབ་པའི་གཏོ་ལ་འདི་ནི་བྱིས་པའི་ཚེ་སྲོག་བརྟན་པར་བྱེད་པ་ཡིན་པས་བྱིས་པ་གང་ལ་བྱས་ཀྱང་ལེགས། ཁྱད་པར་དུ་བྱིས་པ་མང་དུ་ཤི་བ་ལ་སྲོག་ཕུར་གདབ་དགོས་པས་དེའི་བྱ་ཐབས་ལ། དཀར་

― MR07_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་རྒྱན་བཟང་སྐྱེམས་བཅས་བཤམས་ལ་བྱིན་བརླབ་བྱ་ཞིང་ལྷ་མགོན་རྣམས་ལ་ཕུལ་ནས་བྱིས་པ་སྲོག་བརྟན་པའི་བཅོལ་གཏད་བྱ། དེ་ནས་ལྕགས་ཕུར་སོར་བཞི་པ་གཅིག་ལ། དར་རམ་ཤོག་བུར་སྲོག་བསྐྱེད་པའི་སྔགས་འདི་རྣམས་བྲིས། ཧཱུྃ་སྲོག་དན་ཏྲཾ་བསྐྱེད། ཡ་མ་རུ་པ་ཁྲི་ལམ་བསྐྱེད། ཕ་མ་བུ་ཚའི་སྲོག་ལྷ་ཡིས་བསྐྱེད་དོ། །ཞེས་བྲིས་པས་ཕུར་པ་གྲིལ་ནས་བདེན་བརྗོད་མཐར། བུ་ཚ་རྣམས་ཚེ་སྲོག་མི་གཡོ་མི་འགྱུར་མི་ནུབ་མི་འཕོ་བར་རྡོ་རྗེའི་བྲག་རི་བཞིན་དུ་བརྟན་པར་གྱུར་ཅིག །ཅེས་བརྗོད་དེ་རྟེན་འབྲེལ་སྙིང་པོ་བཟླ་བཞིན། ཕོ་སྲོག་གསེར་གྱི་ཀ་བ་ལ་སྐར་མ་རྒྱལ་ལ་གདབ། མོ་སྲོག་དཔེ་ལ་མི་འདུག་པས་ཆད་པ་ཡིན་ནམ་སླར་བརྟག །ཅེས་སྐར་མ་དེའི་དུས་སུ་ལྕགས་ཕུར་དེ་ཁང་པའི་ནང་གི་ཀ་བ་བརྟན་པ་ལ་ཐུག་རེག་མི་དགོས་པའི་མཐོ་ས་ཞིག་ཏུ་ཕྱིར་མི་ཕུད་པར་བརྟན་པར་གདབ། དེའི་རྗེས་སུ་ལྷ་མཆོད། གཡང་བླན། བཀྲ་ཤིས་བརྗོད། དེས་བུ་ཚ་རྣམས་སོས་ངེས་སོ། །ཡང་ལུགས་གཅིག །ཤིང་སྟག་པ་གཤག་ལ་ངོས་གཅིག་ལ་བུག་པ་གསུམ་བྲུ། དེའི་གོང་མར་རཏྣ་ལྔ། མུ་ཏིག་སོགས་སམ་གསེར་སོགས། བར་དུ་སྨན་སྣ། འོག་མར་འབྲུ་སྣ་རྣམས་

― MR07_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུག །ངོས་གཅིག་ལ། སྐྱེས་པ་ཁྱོ་གའི་སྲོག་མ་འགྱུར། ཟ་མ་བུད་མེད་ཀྱི་ཀླུང་མ་འགྱུར། བུ་ཚ་ཆུང་བའི་བླ་མ་འགྱུར། ཤོག་བུ་ལ་ལུས་སྲོག་དབང་ཐང་གསུམ་སྐྱོབས་ཅིག །ཅེས་བྲིས་པའང་གཞུག་ཤིང་གཉིས་པོའི་བར་དུ་སྨན་དྲི་བཟང་རྣམས་བསྐུ། ཁ་སྦྱར་ལ་བལ་གྱིས་དཀྲི་ཞིང་སྐུད་པས་དཀྲིས། བདེན་བརྗོད་གོང་བཞིན་བྱས་ཏེ་ཀ་བ་ལ་བརྟན་པར་བཅིང་ངོ་། །ལུགས་གཅིག་ལ་འོམ་བུའི་ཕུར་པ་ལ་ལྷ་བཞིས་སྲིད་སྤེལ་ཅིག །ཅེས་བྲིས་པ་ཀ་བ་ལ་བཅིངས་ཟེར་བ་འདུག །དེས་བྱིས་པ་སྲོག་བརྟན་པར་འགྱུར། ཕྱིས་བུ་ཚ་ཕོ་མོ་གང་སྐྱེས་ཀྱང་། སྲོག་བསྐྱེད་པའི་ས་ནས་བུད་མེད་དཔལ་ཅན་ནམ། བུ་ཆུང་དེའི་སྲོག་སྐྱོབ་པའི་ལོ་པ་དཔེར་ན་བུ་ཆུང་རྟ་ལོ་ལ། སྟག་ཡོས་གང་རུང་གི་ས་ནས་གོས་བླངས། དེའང་བུ་ཆུང་སྲོག་མེ་པ་ལ་གོས་ལྗང་ཀུ་བྱ་བ་སོགས་འགྲེ། དེ་ནི་སྲོག་ཕུར་གདབ་པའོ། །ཡང་ཚེ་ཕུར་གདབ་པ་ནི། ཕན་ཡོན་སྔ་མ་དང་འདྲ་ལ། དེའི་གྲོགས་སུའང་འགྱུར། འདི་ག་རང་ཁོ་ན་བྱས་ཀྱང་རུང་སྟེ། བུ་ཚ་མང་པོ་སྐྱེས་ཀྱང་ཤི་བ་ལ་ཚེ་དཔག་མེད་ཀྱི་དཀྱིལ་འཁོར་བཞེངས། ཚེའི་བུམ་པ་ལ་ཚེ་ཤིང་ཤུག་པ་

― MR07_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལུ་སོགས་ཀྱི་ཁ་རྒྱན་བཙུགས། ཚེ་གཟུངས་ལན་དགུ་འདོན། བུམ་ཆུ་བླུད། ཤོག་བུ་ལ་ཚེ་གཟུངས་བྲིས་པ་ཚེ་ཤིང་ལ་བཏགས་ལ་མཛོད་ཀྱི་གདུང་གསེབ་ཏུ་སྦ། བདེན་སྟོབས་གོང་བཞིན་བརྗོད། དེས་ཚེ་རིང་བར་འགྱུར་རོ། །ཡང་བུ་མེད་ཅིང་བུ་མོ་མང་བའམ། བྱིས་པ་ལྷག་ཆད་མང་ཞིང་དབང་པོ་དང་ཡན་ལག་མ་ཚང་བའམ་སྐྱོན་ཅན་སྐྱེས་ན་ཕ་མ་དཔལ་ཆུང་བ་ཡིན་པས། གདབ་ཐབས་ལྔའི་ནང་གི་དཔལ་ཕུར་གདབ་པར་བྱ་སྟེ། ཤིང་སྟར་གའི་ཕུར་པ་མཐོ་གང་བ་མགོ་འཇུག་མ་ལོག་པར་བྱས་ལ་ནང་ཁང་སེང་ཅན་བཟོས། དེའི་ནང་དུ་སྒམ་ཕ་ཝཾ་གི་ལྕེ་དང་ནས་དང་འབྲས་བླུགས་ཁ་ལ་ཆས་བཅད་མའི་གཡོས་ཁང་གི་ཐད་དུ་ས་ཁོལ་བུ་ལ་དཔལ་ཕུར་གདབ་སར་ས་ལ་ཕུར་ཤུལ་ཅུང་ཟད་བྱས་པར། མི་དཔལ་ཅན་གྱི་ཞིང་ས་དང་ཁང་ས་ལ་རིན་ཆེན་བརྡར་བའི་ཕྱེ་མ་བསྲེས་ཏེ་བླུགས། དེ་ལ་བདེན་བརྗོད་མཐར། དཔལ་ཕུར་གདབ་པ་འདི་བྱས་པས་སྦྱིན་བདག་ཆེ་གེ་མོ་འདི་ཚང་གི་བུ་ཚ་རྣམས་ཡན་ལག་ཐམས་ཅད་ཚང་ཞིང་དབང་པོ་གསལ་ལ་བུ་ཡི་དཔལ་ཕུན་སུམ་ཚོགས་པ་ཐོབ་པར་གྱུར་ཅིག །ལོ་བརྒྱ་འཚོ་བར་གྱུར་ཅིག །སྟོན་

― MR07_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་མཐོང་བར་གྱུར་ཅིག །བཀྲ་ཤིས་བདེ་ལེགས་འབྱུང་བར་གྱུར་ཅིག །ཅེས་བརྗོད་ལ་རྟེན་སྙིང་བཟླ་ཞིང་བདེན་སྟོབས་དམིགས་ནས་གདབ་པར་བྱ་ཞིང་བཀྲ་ཤིས་བརྗོད། དེས་ཁྱེའུ་མང་ཞིང་སྐྱེ་འབྲས་བཟང་བ་དང་དཔལ་ཆེ་བར་འགྱུར་རོ། །འདིའི་མན་ངག་གུད་སྦས་ལས། སྐྱེས་པ་ཕོ་ལ་སྟག་པ། མོ་ལ་གླང་མ། བྱིས་པ་ལ་འོམ་བུའི་ཕུར་པ་བྱས་པའི་ངོས་གཅིག་ལ་རིམ་བཞིན། སྐྱེས་པ་ཕོ་ཡི་ཚེམ་འགྱུར། ཟ་མ་མོ་ཡི་ཀླུང་མ་འགྱུར། བུ་ཚ་ཆུང་གི་བླ་མ་འགྱུར། ཞེས་སོ་སོར་བྲིས། ངོས་གཅིག་ལ་ལྷ་བཞིའི་སྔགས་དང་མིང་བྲིས་ཞེས་པ་སྟག་སྐྱ་སོགས་ཡིན་པས་དེའི་སྔགས་ཤེས་ན་དེ་དང་མིན་ན་དེ་དག་གི་མིང་བྲི། སྐྱེས་པ་ལ་ཕོ་ཤིང་སྟག་པའི་མདའ་ལྔ་གཞུག་ཅིག །མོ་ལ་གླང་མ་སོགས་མོ་ཤིང་གི་འཕང་ལྔ། བྱིས་པ་ཕོ་ལ་བུ་ཤིང་གི་མདའ་ལྔ། མོ་ལ་བུ་ཤིང་གི་འཕང་ལྔ། སོ་སོར་གླུད་ལྔ་རེ་ལྔ་རེ་བཅས་ཡས་དེ་རྣམས་རས་སོགས་ཀྱིས་གྲིལ་ཏེ་ལྷ་རྟེན་གྱི་གསེབ་ཏུ་གཞུག་ལ་བདེན་བརྗོད་འདི་ཚེ་ཕུར་གདབ་པའི་མན་ངག་ཏུ་བྱེད་པའང་ཡོད་ལ་དེ་གཉིས་གང་ལ་སྦྱར་ཀྱང་ཆོག གོང་བཞིན་བྱ། རྟེན་སྙིང་བཟླ། བཀྲ་ཤིས་བརྗོད། གཏོ་གོང་འོག་འདི་གཉིས་ཀ་བྱས་

― MR07_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཤིན་ཏུ་ལེགས་པར་མངོན་ནོ། །དཔལ་ཕུར་གདབ་པའི་གཏོའོ། །སྲིད་བསྲུང་བའི་གཏོ་ལ་མེད་པ་བཙལ་བ། སྲིད་བསྒྱུར་བ། ཡོད་པ་བསྲུང་བ་གསུམ་གསུངས་པའི་དང་པོ་གཉིས་གོང་དུ་བཤད་ཟིན། ཡོད་པ་བསྲུང་བ་ནི། བུ་སྐྱེས་པ་དེ་ལེགས་པར་འཚོ་བའི་ཆེད་དུ། གཟའ་སྐར་བཟང་དུས་སུ་སྲུང་མ་མཆོད། ཆུ་གཏོར་རྒྱས་པར་བཏང་སཱ་ཙྪ་གདབ། སྲུང་བ་བཏགས། སྲུང་མ་ལ་བཅོལ་གཏད་བྱའོ། དེས་བསྲུང་བར་འགྱུར་རོ། །གཞན་གཏེར་མ་པདྨ་གཅེས་ཕྲེང་སོགས་ན་སྲིད་སྤེལ་སྲུང་གི་སྐོར་མང་དུ་ཡོད་པ་ཡིན་ནོ། །ཡང་སྔ་མའི་སྲི་སྐེག་སོགས་ཀྱིས་བྱིས་པ་ཆུང་ངུ་མི་སོས་པར་དོགས་པ་དེ། བྲེ་ལ་འཇལ། སྲང་ལ་བཏེགས། ཁྱིའི་སྤོ་འོག་ནས་འདོན། དེའི་མིང་གཏོ་མཁན་དང་རྒྱ་དང་ཧོར་རིགས་མི་མཐུན་པའི་མིའི་མིང་ལས་དྲང་ཏེ་བཏགས། བཀྲ་ཤིས་པའི་ས་ནས་བྱས་པའི་རྒྱན་ཆ་གོས་སོགས་ཡོན་བླངས་ལ་བཀྲ་ཤིས་བརྗོད། དེས་སོས་པར་འགྱུར་རོ། །ཡང་སྒྲོལ་ཐབས་གསུམ་གྱི་ནང་ཚན་ཤི་འདྲེ་ལྷས་སྒྲོལ་བྱ་བ་འདི་ནི། ཕོ་མོ་གང་ཡིན་ཡང་འདྲ་སྟེ་བུ་ཚ་འཆི་ཞིང་མ་སོས་ན། ཤི་འདྲེ་དེ་དག་

― MR07_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ལ་སྒྲོལ་དུ་གཞུག་པའི་ཐབས་ཡིན་ལ། སྲིའུ་ལྷ་ལ་བརྟེན་ནས་གེགས་ལས་གྲོལ་བའི་ཐབས་དེ་ལ། སྲིའུ་གསོ་བ་ཚངས་པ་ལྷ་སྒྲོལ་གྱི་གཏོ་ཞེས་ཀྱང་བརྗོད་དོ། །དེའི་བྱ་ཚུལ་ནི། བུ་ཆུང་དེའི་ལུས་གུར་གུམ་དང་། ཙན་དན། གཡའ་ཚན་གསུམ་གྱིས་ཁྲུས་བྱས། དེ་གསུམ་གྱི་དུད་པས་བདུག །ཁ་ཤར་དུ་བལྟ་བཅུག་ལ་འདི་སྐད་དོ། །འཕགས་པ་འཇམ་དཔལ་དབྱངས་ལ་ཕྱག་འཚལ་ལོ། །འགོ་བའི་ལྷ་ལྔ་དང་ཡུལ་ལྷ་ལྕམ་དྲལ་ལ་ཕྱག་འཚལ་ལོ། སྲོ་ལོ་དམར་མོ། ཞེས་བུ་ཆུང་གིས་ཕྱག་འཚལ་ཚུལ་བྱ། སྣང་བརྒྱད་ལན་གསུམ་མམ་བདུན་འདོན། འབྲས་ཟན་གྱི་ལུག་དང་བཤོས་བུ་ལྔ་དང་ཆང་ཕུད་དང་འབྲང་རྒྱས་ཀྱིས་འགོ་བའི་ལྷ་གསོལ་མཆོད་བྱ་སྟེ། འགོ་བའི་ལྷ་ལྔ་མཆོད་ཐབས་ལེའུ་ཚན་གཉིས་མངའ་བདག་ཉང་གི་གཏེར་ཁ་ནས་བྱོན་པ་འདི་ཁུངས་བཙུན་གྱི་གཞུང་བྱིན་བརླབས་ཅན་ཡིན་ལ། ཉུང་འདུས་སྟབས་བདེ་ཡིན་པས་དེ་འདོན། འགོ་བའི་ལྷ་རྣམས་ཀྱིས་བུ་ཆུང་འདིའི་སྲོག་བསྐྱབ་ཏུ་གསོལ། །བུ་ཆུང་འདི་ལ་གནོད་པའི་འདྲེ་ཐམས་ཅད་དང་། དམ་སྲི་རྒྱལ་འགོང་

― MR07_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཡུལ་འདྲེ་ཕོ་མོ་དང་། ཆུང་འདྲེ་ཁ་དམར་དང་། གནོད་འདྲེ་ཐམས་ཅད་ལྷས་བསྒྲལ་དུ་གསོལ། ཅེས་བརྗོད་ལ་ཕུད་གཏོར། ཁྱེའུ་ཕོ་མོ་གང་ཡིན་ཡང་ལོ་དང་སྤར་ཁ་བརྩིས་ཏེ་སྲོག་ཁམས་བསྐྱེད་པའི་ཕྱོགས་སུ་འབྲོས་ཤིང་བྱོལ། ཡང་ན་མལ་གྱི་སྔས་དེ་ཕྱོགས་སུ་བསྟུན། ཤོག་བུ་ལ་སྔགས་འདི་བྲིས་ནས་ཁྱེའུའི་སྲོག་ཁམས་ཀྱི་མ་མདོག་གི་དར་གྱིས་གྲིལ་ཞིང་དར་སྐུད་ཀྱིས་དེའི་མགུལ་དུ་བཏགས། ཨོཾ་སྲོག་ལྷ་ལྷ་མེན་ཏེ་བསྐྱེད། ལྷ་ལྷ་ལྷན་རྩེ་ནན་ཏེ་བསྐྱེད། གནོད་བྱེད་ཐམས་ཅད་སྒྲལ་དུ་གསོལ། །གནོད་པ་ཀུན་ལས་སྲུང་དུ་གསོལ། །ཞེས་སོ། །ཕོ་ཡི་མགྲོན་བུ་གཅིག་ལག་གཡས་ཀྱི་མཁྲིག་མ་ལ་བཏགས་ཤིང་ཚིག་འདི་བརྗོད། ཀྱེ། བུ་ཆུང་འདི་འགྲོ་འདུག་གང་བྱེད་ཀྱང་འགོ་བའི་ལྷས་མི་འབྲལ་བར་སྲུངས་ཤིག །ལྷས་བུ་ལྟར་སྐྱོབས་ཤིག །འདི་འཆི་བའི་གདོན་ལས་སྒྲོལ་ཅིག །ཅེས་བྱ། དེ་ནས་དེ་རིང་གཏོ་བྱས་པ་དེའི་ཉིན་ཞག་དེ་སླར་ནམ་འོང་གི་ཟླ་དུས་དང་ལོ་དུས་སུ་ལྷ་རྣམས་དང་འགོ་བའི་ལྷ་ལྔ་མཆོད་དེ་གཏང་རག་གཏང་ངོ་། །དེ་ལྟར་བྱས་ན་སྲོག་སྐྱོབས་ངེས་ཤིང་འཇིགས་པ་ཀུན་ལས་བསྐྱབ་པར་འགྱུར་རོ། །

― MR07_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས། ཆུང་སྲི་ཁ་ཆིངས་དང་བྱིས་པའི་གཏོ་ཕྲན་སོགས་གོང་དུ་སོང་། ད་ནི་བྱིས་པའི་སྐྱེས་ཀླུང་དང་ཆ་འདྲ་བ་འགའ་ཞིག་འདིར་བཀོད་པ་ལ། ཉེས་པ་བཟློག་ཐབས་གསུམ་གྱི་ནང་ཚན་འབྱུང་བ་གཡུལ་བཟློག་པའི་གཏོ་ནི། ཁྱིམ་གང་དུ་བུ་ཚ་བཙས་པ་རྣམས་སྐྱེས་པ་ཐམས་ཅད་མོ་ལོ་དང་བུད་མེད་རྣམས་ཕོ་ལོ་ཅན་དུ་གྱུར་ན། འབྱུང་བ་གཡུལ་ལོག་པ་ཞེས་བྱ་སྟེ། ཕོ་བརྒྱ་ཡོད་ཀྱང་མཐར་མོ་དབང་དུ་འགྲོ་བས་དེ་བཟློག་པ་ནི། མདའ་བྱ་རྒོད་མའི་རྩེ་ལ། མེ་ལོང་དང་། གྲུམ་པ་དཔྱད། དར་སྣས་བརྒྱན་ཏེ་བཏགས། ལྷ་གསོལ། བུད་མེད་རྣམས་ལ་ལྕམ་དང་མོ་ལས་དྲང་པའི་མིང་བཏགས། སྣང་བརྒྱད་ཀྱི་སྙིང་པོ་བྲིས་པའི་བྱང་བུ་བཏགས། སྐྱེས་པ་ཐམས་ཅད་སྟག་དང་། ཕོ་ལས་དྲང་པའི་མིང་བཏགས། མིང་སྟོན་དྲངས། དེས་ཕོ་རབས་དར་ལ་མོ་རབས་གུད་པར་འགྱུར་རོ། །འབྱུང་བ་གཡུལ་བཟློག་གི་གཏོའོ། །ཡང་བཟློག་གཏོ་གཉིས་པ་བྱིས་པ་ཀླུང་ལོག་གི་གཏོ་ནི། བྱིས་པ་མངལ་ནས་སམ་བཙས་ནས་ཀྱང་ཕོ་མོར་གྱུར་པའམ། མོ་ཕོར་གྱུར་པ་ལ་ཀླུང་ལོག་པ་ཞེས་བྱ་སྟེ། སྣ་ཟ་ཞིང་བཀྲ་མི་ཤིས་པས་དེ་བཟློག་པའི་

― MR07_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཁ་གནོད་པས་རྟེན་འབྲེལ་གྱི་གཏོ་ལ། བྱིས་པ་དེའི་མགོ་ལ་དུང་དྲག་ཏུ་བདར་བའི་ཚ་དྲོད་ཚུགས་ཙམ་གྱི་མེ་བཙའ་བྱ། སྣ་ལ་གསེར་མེར་བསྲོས་ནས་ཚུགས་བྱ། ལྟག་ཁུང་དུ་བཙོད་ཀྱི་སྣེ་མོ་མེར་བསྲེག་པའི་སོལ་མེས་ཚུགས་བརྒྱབ་པའི་མེ་བཙའ་བྱས་པས་ཉེས་པ་ཞི་བར་བྱེད་པའི་གཏོ་འདི་ཚེགས་ཆུང་ལ་ཕན་ཡོན་ཆེ་བར་གདའོ། །ཡང་བཅད་ཐབས་གསུམ་གྱི་ནང་ཚན་བྱིས་པ་སྐྱེ་འཕྲོ་བཅད་པའི་གཏོ་འདི་ནི། བུ་ཚ་མི་སྐྱེ་བར་འདོད་ན་བྱ་སྟེ། ཤོག་བུར་ཙཀྲ་རྩིབས་བརྒྱད་བྲིས་པའི་ལྟེ་བར་རྡོ་རྗེ་རྒྱ་གྲམ་དང་། རྩིབས་རྣམས་ལ། ཨོཾ་དུ་རི་པཱ་རི་སྭཱ་ཧཱ། ཞེས་བྲི། རྩིབས་མཆན་ལ། ས་རི་ཁང་ཁང་སྭཱ་ཧཱ། ཞེས་བྲི། རྩིབས་བརྒྱད་ཀྱི་ཕྱི་རོལ་མུ་ཁྱུད་གཉིས་བསྐོར་བའི་ནང་མར་ཆུ་རིས་བྲིས། ཕྱི་མར། ཨོཾ་ཨོཾ་ལཾ་ཧཱུྃ་ལཾ། ཞེས་པས་བསྐོར། ཙཀྲ་དེ་འདྲ་གཉིས་བྲིས་པ་ཁ་སྦྱར་ཏེ་བལྟབ་པ་བུད་མེད་ཀྱི་སྨད་གོས་ལ་བཏགས་སོ། །འདི་སྡིག་ཆེ་བས་ཀུན་ལ་བསྟན་པར་མི་བྱ་གསུངས། ཤི་སྒབ་དང་གོད་ཁ་བཅད་པ་གོང་དུ་སོང་། ཡང་མིང་སྲིང་དཔལ་བགོ་བའི་གཏོ་འདི་བག་རྩིས་སུ་བཞག་ཀྱང་རུང་མོད། བག་མ་མག་པ་མིན་ཡང་གཞན་མིང་

― MR07_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིང་ཁྱིམ་སོ་སོར་འགྲོ་བ་ལྟ་བུ་ལ་ཕན་ཚུན་ཉེས་པ་མེད་པར་བྱེད་པའང་ཡིན་པས་འདིར་བཀོད་དེ། དེའི་བྱ་ཐབས་འབྲུ་བཟང་པོ་བཅུ་གསུམ་གྱི་བྲན་ལས་འོག་ནས་འཆད་འགྱུར་ལྟར་དཔལ་ཡས་སྣ་ཚོགས་ཀྱི་གཟུགས་བཟོས་པ་བསགས། དཔལ་གྱི་ཆོ་རབས་ཞེས་དཔལ་གྱི་བྱུང་ཁུངས་ལོ་རྒྱུས་ཀྱི་རབས་བརྗོད་པའི་སྨྲེང་གཏོ་གཞུང་གཞན་ན་ཡོད་པ་འདོན། དེ་ནས་དཔལ་རྟ་མིང་པོས་ཁྱེར། དཔལ་ལུག་སྲིང་མོས་ཁྱེར། དེ་བཞིན། དཔལ་གཡག་དང་དཔལ་འབྲི། ཡུལ་དང་མི། རྗེ་དང་བྲན། མདའ་དང་འཕང་སོགས་ཅི་རིགས་བཞག་སྟེ། མདོར་ན་ཕོ་རིགས་དང་མོ་རིགས། ཕོ་ཆས་དང་མོ་ཆས། དངོས་པོ་གཞན་གང་ཡང་རུང་བའི་ནང་ནས་ཅུང་བཟང་ཞིང་མགོ་མཐོ་བ་དང་། ཅུང་ཞན་ཅིང་དམའ་བ་དག་རིམ་བཞིན་དཔལ་གྱི་མིང་གིས་དྲངས་ནས་སྔ་མ་མིང་པོ་དང་། ཕྱི་མ་སྲིང་མོ་ལ་བགོས་ཏེ་བྱིན་པས་སོ་སོར་ཁྱེར་ནས་ཕན་ཚུན་དུ་ཉེས་པ་མེད་ཅིང་བདེ་ལེགས་སུ་གྱུར་པར་བསམས་ནས་ཤིས་བརྗོད་བྱ་བ་ནི། བགོ་རྒྱུའི་དངོས་པོ་ཅི་རིགས་ཞིག་བགོས་པའི་རྟེན་འབྲེལ་གྱི་གཏོ་བྱས་པ་ཡིན་ནོ། །དེ་དག་ནི་བྱིས་པའི་གཏོའི་སྐོར་གྱི་སྡེ་ཚན་ཏེ་བདུན་པའོ།། །།དེ་ནས་

― MR07_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཆ་ཡུལ་རིས་ཀྱི་གཏོ་བཅོས་སྐོར་སྣ་ཚོགས་རྩིས་གཞུང་རྣམས་སུ་གསལ། འདིར་གཏོ་སྒྲོམ་གཞུང་ནས་གསུངས་པ་རྣམས་ལས་ཡུལ་གཏོ་ཞེས་ཡུལ་འདྲེ་བཀར་བའི་གཏོ་ནི། ཁམས་ལས་བྱས་པའི་མི་བོ་ཆེ་བཞིའི་གཟུགས་བྱ། དེ་རེ་རེའི་མདུན་དུའང་གླུད་དང་ཆང་བུ་ཟས་སྣ་ཅི་འབྱོར་རེ་དང་། ཐུན་མོང་དུ། ནམ་རྒྱང་མདའ་འཕང་ཕོ་གདོང་མོ་གདོང་ཤིང་རིས། ཟས་གོས་དར་སྣ་རས་སྣ་ཡོ་བྱད་སོགས་ཅི་རིགས་བསགས་པའི་གླུད་རྫོངས་བཟང་བར་བྱས་ལ། གཟུགས་བཞི་པོ་ཕྱོགས་བཞི་ནས་ལྷགས་པའི་ཡུལ་འདྲེ་དངོས་སུ་བསམ། ཡས་གླུད་རྣམས་སྔགས་དང་ཕྱག་རྒྱས་འདོད་རྒུའི་གཏེར་ཆེན་པོར་བྱིན་གྱིས་བརླབས་ནས། གྱེར་གཞན་ནམ། བསྡུ་ན། ཀྱེ་ཡུལ་ཕྱོགས་འདི་རུ་གནས་པ་ཡི། གནོད་བྱེད་ཡུལ་གྱི་འདྲེ་གདོན་རྣམས། །དེ་རིང་ཡས་གླུད་འདི་ལ་འགུག །ཡས་དང་གླུད་འདི་ལེན་པར་གྱིས། །གཏོ་འདི་འཇམ་དཔལ་རྡོ་རྗེའི་བཀའ། །དཔྱད་འདི་ཀོང་ཙེ་རྒྱལ་པོའི་ལུང་། །གྱེར་འདི་རྣལ་འབྱོར་བདག་གི་སྨྲེང་། །བདེན་པའི་བཀའ་ཉོན་གླུད་ལོངས་ཤིག །རྒྱུ་ནི་ཡས་གླུད་སྣ་ཚོགས་ལ། །

― MR07_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱེན་ནི་སྔགས་དང་ཕྱག་རྒྱས་བསྒྱུར། །ཏིང་ངེ་འཛིན་གྱིས་འདོད་དགུར་སྤེལ། །དངོས་ལས་ལྷག་པའི་མདོས་གླུད་འདི། །ཁྱེད་ལ་སྦྱིན་ནོ་གཉེར་དུ་ལོངས། །ད་ནི་ཡུལ་འདིར་མ་འདུག་པར། །གང་དུ་ལམ་བསྟན་དེ་རུ་བཞུད། །ཕྱིན་ཆད་འཁོར་འདིར་མ་གནོད་ཅིག །དཀོན་མཆོག་བདེན་པའི་བཀའ་མ་བཅག །རྒྱུ་འབྲས་བདེན་པའི་དམ་མ་འདའ། །འདས་ན་བརླག་པར་འགྱུར་ཏ་རེ། །དེ་བས་རང་གི་གནས་སུ་སོང་། །ཞེས་དང་བདེན་སྟོབས་བརྗོད་ཅིང་། ཁ་སྨྲེང་དུ། ཡུལ་གྱི་ཆག་ཆེ་ཉམས་ང་ཐམས་ཅད་གཤིན་གསོན་གྱི་འདྲེ་ཐམས་ཅད་ཀྱིས་ཁྱེར་ཅིག་བྱས་ནས། གྲོང་ཆེན་པོ་གཞན་གྱི་ཕྱོགས་སུ་བསྐྱལ་ཞིང་རྟེན་སྙིང་བཟླ་བཀྲ་ཤིས་བརྗོད། དེས་ཡུལ་འདྲེའི་གནོད་པ་ཞི་བར་འགྱུར་རོ། །ཡང་དུར་ས་དང་། ཞིང་ཁང་པའི་བཅོས་ཀྱི་སྐོར་ལས། དང་པོ་དུར་གདབ་པ་ལ་ཉེ་བར་མཁོ་བ་གདབ་ཐབས་ལྔའི་ཡ་གྱལ་བླ་ཕུར་གདབ་པའི་གཏོ་འདི་ནི། ཕ་མེས་ཀྱི་དུར་ས་བདེ་ཞིང་བླ་དེ་ཉིད་གནས་དེ་ལས་མི་འགྱུར་བར་བྱེད་པ་ཡིན་ལ། དེ་ལས་གསོན་པ་རྣམས་བཀྲ་ཤིས་བདེ་ལེགས་འབྱུང་བ་ཡིན་ནོ། །འདིའི་བྱ་ཐབས་གཤིན་པོ་

― MR07_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་མོ་གང་ཡིན་དེའི་ཕ་མ་བུ་གསུམ་གང་ཡིན་དེ་དག་གི་བླ་ཕུར་བྱ་དགོས་པས། ཕོ་ལ་ནི་ཙན་དན་ནམ། སྟག་པའམ། ཤུག་པ་ལ་གཤིན་པོ་དེའི་མིང་དང་། གཤིན་པོ་དེའི་ཕ་ཡི་མིང་དང་ཕ་ཡི་ཕའམ་མེས་པོའི་མིང་དང་། མེས་པོའི་ཕའམ་ཡང་མེས་པོ་གསུམ་གྱི་མིང་བྲི། མ་ཤེས་ན་ཕ་མིང་དང་མེས་པོ་ཡང་མེས་ཙམ་བྲིས་པས་ཆོག །གླང་མ་འམ་ལྕང་མ་ལ་གཤིན་པོ་དེའི་མདང་ཕྱི་མོ་ཡང་ཕྱི་གསུམ་གྱི་མིང་བྲི། ཁམ་བུ་འོམ་བུ་བ་ལུ་གསུམ་གང་རུང་ལ་གཤིན་དེའི་བུ་དང་ཚ་བོ་ཡང་ཚ་གསུམ་གྱི་མིང་བྲི། མིང་དམིགས་གསལ་མེད་ན། ཆེ་གེ་མོའི་བུ་ཆུང་དེའི་མིང་དང་བུ་དང་ཚ་བོ་ཡང་ཚ་ཞེས་བྲི། ཕུར་པའི་དབྱིབས་ནི་སྟོད་གྲུ་བཞི་སྨད་རིམ་པས་རྩེ་ཕྲ་བ་བྱས་པའམ། སྨད་ཟླུམ་པོར་བྱས་ཀྱང་རུང་། ཕུར་པའི་རྩེ་མོར་ཨོཾ་ཨཱཿཧཱུྃ་སྭཱ་ཧཱ་ཞེས་འབྲུ་ལྔ་དང་། རུས་སྦལ་གྱི་སྔགས། ཨོཾ་མ་ཧཱ་ཀཱ་ལི་མོ་ཏ་ཡེ་སྭཱ་ཧཱ། ཞེས་དང་། འབྱུང་ལྔའི་ས་བོན་ཙམ་བྲིས་ན་ལེགས། བླ་ཕུར་གྱི་ལག་ལེན་རྒྱས་པ་ཡིག་ཆ་གཞན་རྣམས་ན་ཡོད། ཡང་ན་ཤིང་གླ་བ་ལ་གླང་མའང་སྒྲོམ་བུ་བྱས་ཏེ། དེའི་ནང་དུ་མཚལ་

― MR07_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྣག་ཚ་བསྲེས་པས་གོང་བཞིན་གཤིན་པོའི་ཕ་མེས་སོགས་ཀྱི་མིང་བྲིས་ནས་བཅུག་ཀྱང་ཆོག་པར་གསུངས། དེ་གཉིས་གང་ལྟར་ཡང་མིང་དེ་དག་གི་མཐར། ཁྱེད་རྣམས་ཀྱིས་དུར་ས་བཟང་པོ་འདི་ཟུངས་ལ་བུ་ཚ་སྤེལ་བཀྲ་ཤིས་པར་གྱུར་ཅིག །ཅེས་བྲི། རྫས་དེ་དག་དང་ལྷན་ཅིག །རིན་ཆེན་ལྔ། འབྲུ། ས་བདག་དང་ཀླུ་ལ་མི་གནོད་པའི་སྨན་སྣ་དང་ཁྱད་པར་གཤིན་པོ་དེའི་རུས་བུ་བཅུག་པ་གལ་ཆེ། རུས་པ་མེད་ན་ས་དམིགས་སྔ་མའི་འོག་ནས་བརྐོས་པའི་ས་ཚོམ་དང་། གཤིན་པོ་དེའི་གོས་དྲི་ཅན། རྒྱན་རྙིང་པ་གང་རུང་ལ་རྟེན་བྱ། མི་བྱེས་སུ་ཤི་ནས་མགོ་རུས་མེད་པ་ལ། ཕྱག་ཚང་ཀུ་བ་ཀ་བེད་ཡིན་རབ། མེད་ན་དཀར་གོང་ལ་མགོ་དང་ཁ་མིག་བཏོད། སྤྱི་བོར་མཚལ་གྱི་གཡུང་དྲུང་བྲིས། གཤིན་དེའི་མིང་རུས་བྲིས་པ་ནང་དུ་བཅུག་གམ་སྦྱར་བས་ཚབ་བྱ། རུས་སོ་སོའི་བླ་ཤིང་ནི། སྒ་འམ་ཀེག་ཤིང་ཁམས་པའི་བླ་ཤིང་སྐྱེར་བ། སྒོ་འམ་ཇི་མེ་ཁམས་པའི་སྟག་པ། ཀུང་ངམ་གདོང་ས་ཁམས་པའི་སྟག་མ། ཤ་དང་མ་དགྲ་ལྕགས་ཁམས་པའི་གཡར་པ། འབྲུ་འམ་འུ་ཆུ་ཁམས་པའི་ཤུག་པ་ཡིན་པར་རྩིས་གཞུང་གཞན་ལས་

― MR07_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད། དེ་དག་གི་བླ་ཁམས་ཀྱི་ཕྱུགས་ནི་རིམ་པ་བཞིན། ལུག་དང་། ར་དང་། ཤ་བ་དང་། རྐྱང་དང་། གཡག་ཡིན་ནོ། །བླ་ཕུར་གྱིས་རྫས་དེ་དག་རུས་ཁམས་ཀྱི་མདོག་གི་དར་ཟབ་ཀྱིས་གྲིལ། མི་བཀྲ་ཤིས་པའི་ལག་ནས་བླང་བའི་བལ་དཀར་གྱིས་གྲིལ་ཏེ་ས་དམིགས་བཟང་བར་དུར་དུ་གདབ་པ་ཡིན་ནོ། །ཡང་ན་རུས་དེའི་བླ་ཁམས་ཀྱི་ཕྱུགས་གོང་བཤད་དེ་དག་གི་བརླ་རྐང་སྦུ་གུའི་ཕྱི་ལ་མིང་བྲི་བའམ་རྐང་ཕྱུངས་ནས་དར་སོགས་ལ་མིང་བྲི་བ་གོང་བཞིན་བྱ། དེ་ཡང་གཤིན་དུར་དངོས་འདེབས་སྐབས་ས་དམིགས་དེར་གཤིན་པོའི་རུས་བུ་དང་ལྷན་གཅིག་རིན་ཆེན་སྨན་སྣ་འབྲུ་སྣ་སོགས་བཀྲ་ཤིས་པའི་རྫས་དང་བཅས་ཏེ་དོང་དུ་བླུགས་ལ་དེར་བླ་ཕུར་གདབ་པའམ་ཡང་ན་བླ་ཕུར་རྫས་དང་བཅས་པ་རྫ་རྡོའི་སྒྲོམ་དུ་བཅུག་སྟེ་དོང་དུ་སྦས་ལ་ཁ་ལེགས་པར་བཅད་པར་བྱ། སྔར་གཤིན་རོ་ས་དམིགས་སུ་བསྐྱལ་ཟིན་པའི་རུས་བུ་ལ་ཆོ་ག་འདི་བྱས་ཏེ་ས་དམིགས་བཟང་པོ་གཞན་དུ་འཇོག་ནའང་བཤད་མ་ཐག་པ་ལྟར་བྱ། གལ་ཏེ་དུར་ས་སྔ་མ་མི་ལེགས་པས་ས་གཞན་དུ་སྤོ་ན་དེའི་སྤོ་

― MR07_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོག་དཔེ་གཞན་ནས་འབྱུང་བ་ལྟར་བྱས་ཏེ། བླ་ཕུར་དང་ལྷན་གཅིག་ས་བཟང་པོ་ལ་གཞག་ཚུལ་གོང་བཞིན་བྱ། དེ་ཡང་ས་དམིགས་བཟང་པོ་དེར་སོང་ནས། རང་ལྷར་གསལ། དཀར་གཏོར་རྒྱན་བཟང་དང་། ས་ལུག་དངོས་སམ། ལུག་སོགས་ཀྱི་གཟུགས་འགྲོས་དང་། གསེར་ཅི་འབྱོར་གྱིས་མཚོན་པའི་ས་ཡོན་གྱི་བརྔན་ཆ། སྔགས་དང་ཕྱག་རྒྱས་འདོད་ཡོན་རྒྱ་མཚོར་བྱིན་གྱིས་བརླབས་ལ། ས་དེའི་བདག་པོ་ལྷ་ཀླུ་ས་བདག་ལ་ཕུལ་ཏེ། ས་དེ་སློང་བར་བྱ་བ་ནི་ཁང་དུར་སོགས་ས་ལ་བརྟེན་པའི་ལས་བྱ་བ་ལ་མེད་དུ་མི་རུང་བ་ཡིན། མནན་གཏད་སོགས་ལ་ས་སློང་མི་དགོས་སོ། །ས་སློང་གི་ཆོ་གའི་འདོན་ཆ་རྒྱས་བསྡུས་གཞན་ལས་གསལ། ས་བསླངས་ནས་ལྟོ་ཕྱེ་ཚུལ་བཞིན་བཏག་སྟེ་གཙོད་རུ་སོགས་ཀྱིས་ས་བརྐོ། བླ་ཕུར་གདབ། བླ་དེ་གནས་དེར་བརྟེན་པར་གནས་ཤིང་བདེ་བར་བསམས་ལ། བདེན་སྟོབས་བརྗོད། རྟེན་སྙིང་བཟླ། དོང་ཁ་བཅད་དེ་བཀྲ་ཤིས་བརྗོད་ནས་མེ་ཏོག་འཐོར། དེས་གཤིན་ཀྱི་བླ་གནས་བདེ། གསོན་གྱི་སྒབ་འཕེལ། བཀྲ་ཤིས་པར་འགྱུར་བས་ཤིན་ཏུ་གལ་ཆེའོ། །

― MR07_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དུར་གདབ་ཉེས་པ་བཅོས་པའི་གཏོ་ནི། གཟའ་སྐར་སོགས་དུས་བཟང་པོར་དུར་ས་དེར་སོང་ལ་ས་དམིགས་སྟེང་དུ་གཏོ་མཁན་ལ་ཡོན་དུ་ཕུལ་རྒྱུའི་ཁ་གསེར་ཁ་གཡུ་དང་ནས་ཅི་ཙམ་འབྱོར་བའི་གཞི་མའི་སྟེང་དུ་རུས་སྦལ་དངོས་སམ་དེའི་སྐོགས་པ་བཞག །མེད་ན་འདྲ་གཟུགས་བཅས་ལ་བཞག །གཞན་ཡང་དཀར་གཏོར་སྐྱེམས་ཕུད་གཟུགས་འགྲོས་ཤེལ་ཚིག་དར་སྣ་སོགས་བརྔན་ཆས་ཅི་རིགས་ངར་གླུད་གླུད་ཆས་དང་བཅས་པ་བཤམ། ཕྱོགས་ཀྱི་འབྱུང་བའི་ས་དགྲ་བཟློག་པའི་གཏོ། ཤར་དུ་དཀར་གོང་ཐོད་པ་གང་ལྕགས་དུམ་བཅས་པ་དང་། ལྷོར་ཆུ་སྣོད་ཆུས་བཀང་བ། ནུབ་ཏུ་མེ་རྫ་གྱོ་གང་། བྱང་དུ་ས་སེར་བྲེ་གང་། མཚམས་བཞིར་ཤིང་གི་སྡོང་པོ་རེ་རེ་བཙུགས། དེ་དག་གི་ཕྱི་རོལ་དུ། གཞི་ནག་པོ་རེ་རེའི་སྟེང་དུ། འཕྱི་བ། གྲུམ་པ། བྱི་བ། ཁྱིའི་ཐོད་པ་ཤ་ཁྱི་ཡིན་ན་རབ་བཞི་ཁ་ཕྱིར་བསྟན་ལ་བཞག །ཐོད་པ་འདི་དག་ལས་དགྲ་དུར་དགྲ་བཟློག་པའི་ནུས་པ་ཡོད་དོ། །ས་དམིགས་དངོས་ཀྱི་གཡས་གཡོན་གྱི་ཕྱོགས་གང་བདེར་ས་ཡི་ཕུང་སྲི་གནོན་པའི་རྟེན་འབྲེལ་གྱི་གཏོ་ནི་

― MR07_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་སུ་རྡེའུ་ནག་པོ་གསུམ་མནན་པར་བོང་བ་ལས་མཆོད་རྟེན་གྱི་དབྱིབས་འདྲ་ཞིག་བརྩིགས། དེ་ལ་བྱ་སྤུ་སྣ་ཚོགས་བཙུགས། སྒྲོ་ཁ་དོག་སྣ་ཚོགས་ཚོམ་ཚོམ་དུ་བཅིངས་པའི་རྒྱང་བུ་ཚིགས་པ་ལྔ་པ་ཞིག་མཆོད་རྟེན་དེའི་རྩེར་གཟུགས། རང་ལྷར་གསལ། མཆོད་རྫས་བྱིན་བརླབ་བྱས་ནས། གཙུག་ལག་གི་ལྷ་རྣམས་མཆོད། སྡེ་བརྒྱད་གསེར་སྐྱེམས་བཏང་། དེ་ནས་གླུད་བྱིན་གྱིས་བརླབས་ལ་སམ་བྷ་རས་བསྔོས། གཞུང་གི་གྱེར་འདི་བྱ། ཀྱེ། སྔོན་གྱི་བསྐལ་པ་དང་པོ་ལ། མཐོ་རུ་གནམ་ཕུབ་པ། ཁེན་པ་རྒད་པོ་སྔའང་ལགས། དམའ་རུ་ས་བཏིང་བ། ཁོན་མ་རྒན་མོ་ལགས། བར་དུ་རི་བཙུགས་པ། གིན་རི་རྒྱལ་པོ་ལགས། ཡན་མན་རླུང་འཕྱོ་བ། ཟོན་ཆུང་རྒྱལ་མོ་ལགས། སྲ་བ་བྲག་ཆགས་པ། དྭ་ལྕགས་ཀྱི་སྙིང་པོ་ལགས། ཉི་མའི་མདངས་ཤར་བ། ལི་མེའི་སྒྲོན་མེ་ལགས། ལུང་པར་ཆུ་འབབ་བ། ཁམ་ཆུ་གླིང་གོར་མོ་ལགས། རི་ལ་ཤིང་སྐྱེས་པ། ཟིན་ཤིང་ལྗོན་པ་ལགས། ཁེན་པ་རྒད་པོ་དང་། ཁོན་མ་རྒན་མོ་གཉིས། ཡུལ་རུས་སྦལ་གྱི་ལྟོ་བ་རུ། ཁབ་དང་མཇལ་བགྱིས་པས། །ཁྱི་འབྲུག་གཉིས་ལས་ནི།

― MR07_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་སྒོ་དེ་ནས་ཕྱེ། ཕྱི་སྒོ་དེ་ནས་བྱུང་། ཕག་སྦྲུལ་གཉིས་ལས་ནི། ས་སྒོ་དེ་ནས་ཕྱེ། ས་སྒོ་ཕྱེ་བ་དེ་ལ་ཡོད་དོ། །མ་དཔེ་བཀོད་དང་བསྒོས་ཟེར་བ་འདུག །བཟང་པོ་ལྷག་པར་གནས་པས་སུ། ཤི་འཕྲོ་དེ་ནས་ཆད་པ་ཡིན། ཤི་ཁ་ད་ཆོད་ཅིག །གནམ་སའི་སྒོ་འདི་ལོག་མེན་སོགས་ཀྱི་སྐབས་དང་མཐུན། གོད་ཁ་ད་བྲུབ་ཅིག །ཅེས་སོ། །གཞན་ཡང་གོང་དུ་སྤར་ཁ་སྤྱི་མདོས་ཀྱི་སྐབས་སུ་བཀོད་པའི། ཧཱུྃ་བྷྱོ། གཏོ་འདི་གཙུག་ལག་འཕྲུལ་གྱི་གཏོ་སོགས་ཀྱི་ཚིག་རྐང་ལྔའི་རྗེས་སུ། ཧོ། རྗེ་བཙུན་འཕགས་པ་འཇམ་པའི་དབྱངས། །ཡུམ་ཆེན་འབྱུང་ལྔའི་ལྷ་མོ་དང་། མ་ཧཱ་གསེར་གྱི་རུས་སྦལ་ཆེ། །ལོ་ཟླ་ཞག་དང་དུས་ཚོད་ལྷ། །སྤར་མེ་གཟའ་སྐར་ཕྱོགས་དང་དུས། །གཙུག་ལག་སྲིད་པ་འཕྲུལ་གྱི་ལྷ། །མ་ལུས་འཁོར་དང་བཅས་པ་ལ། །ཕྱག་འཚལ་མཆོད་པ་སྣ་ཚོགས་འབུལ། །ཞེས་སྦྱར་དེ་ནས། ཧཱུྃ་བྷྱོ། ལྷོ་ཕྱོགས་འབྱུང་བའི་རྒྱལ་པོ་ནི། །ཞེས་སོགས་ནས། ཁྱེར་ཅིག་ཚིགས་བཅད་ཀྱི་བར་དུ་བརྗོད་པའི་རྗེས་ལ། །རྒྱུ་སྦྱོར་ཡོན་གྱི་བདག་པོ་འདིས། །དུར་ས་ངན་པའི་ཉེས་པ་རྣམས། །དེ་རིང་ཉིད་ནས་ཞི་བར་གྱིས། །ས་དགྲ་འབྱུང་

― MR07_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ཐམས་ཅད་བཟློག །གཙུག་ལག་སྲིད་པའི་ལྷ་རྣམས་ཀྱིས། །ས་འདི་བྱིན་གྱིས་བརླབས་མཛད་དེ། །ས་འདི་ཉིད་ལ་བརྟེན་ནས་སུ། །བདེ་ལེགས་བཀྲ་ཤིས་ཀུན་འབྱུང་མཛོད། །རྟེན་འབྲེལ་ཐབས་ཀྱི་གཏོ་འདི་ཡིས། །དུར་ས་ངན་པའི་ཉེས་པ་ཀུན། །རྩད་ནས་ཞི་བར་རབ་གྱུར་ཏེ། །སླན་ཆད་དགེ་ཞིང་ཤིས་གྱུར་ཅིག །ཉི་མ་ཐམས་ཅད་དགེ་བ་སོགས་བརྗོད། བདེན་སྟོབས་ལ་ཡེ་དྷར་ཅི་མང་བཟླས་པའི་བྱེ་མ་མེ་ཏོག་ཕྱོགས་ཀུན་ཏུ་འཐོར་ཞིང་མདོ་ལས་གསུངས་པའི་བཀྲ་ཤིས་ཅི་རིགས་བརྗོད་པས་བདེ་ལེགས་སུ་བྱའོ། །འདིའི་རྒྱབ་སྐྱོར་དུ་རྒྱལ་བའི་གསུང་རབ་རྣམས་ལས་ཅི་རིགས་དང་། འཇམ་དཔལ་མཚན་བརྗོད། བཀྲ་ཤིས་བརྩེག་མདོ། མདོ་ཐིག །སྣང་བརྒྱད། ཉེས་སེལ་སོགས་ཅི་ནུས་བཀླགས་ཤིང་བྱེ་མ་དང་འབྲུ་སྣ་བསྔགས་པ་ས་དམིགས་དེར་ཁྱབ་པར་གཏོར་བར་བྱ། རུས་སྦལ་སོགས་གཏོ་མཁན་གྱི་གཏོ་ཆས་རྣམས་མ་གཏོགས་པའི། གཏོ་ཡས་གཞན་རྣམས་སོ་སོའི་གནས་དེར་བཞག་ནས་ལོག་པར་བྱའོ། །དེས་དུར་གདབ་ཉེས་པ་ཐམས་ཅད་ཞི་ནས་བདེ་ལེགས་སུ་འགྱུར་རོ། །ཞིང་སའི་ཉེས་པ་བཅོས་

― MR07_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། རྟག་ཏུ་ཞིང་ལ་ལོ་མི་སྐྱེ་ན། ཞིང་དེའི་ས་ཐུ་བ་གང་ཙམ། བླངས་ཏེ་ནུབ་སྨད་དུ་བསྐྱལ། ཤར་སྨད་ཕྱོགས་ཀྱི་ཞིང་བཟང་པོ་གཅིག་ནས་ས་ཐུ་བ་གསུམ་བླངས་ནས་དེ་གཡང་བླན་ཏེ། བདེན་སྟོབས་བརྗོད། རྟེན་སྙིང་བཟླ། བཀྲ་ཤིས་བརྗོད་བཞིན་རང་གི་ཞིང་དེའི་ཐོག་ཏུ་བཀྲམ་ཞིང་འཐོར་བས་ཕན་ནོ། །ཡང་ཞིང་ལ་ལོ་མི་སྐྱེ་ན། དཀར་གསུམ་མངར་གསུམ་དར་སྣ་རིན་པོ་ཆེ་རྣམས་གཞོག་མ་ཕོག་པའི་རྭ་ནང་དུ་བླུགས་ནས་ཁ་བཅད་དེ་ཞིང་དཀྱིལ་སྦས་ན་ནས་བཟང་པོ་སྐྱེ་བར་འགྱུར་རོ། །ཞིང་གཏོའོ། །ཁང་པའི་ཉེས་པ་བཅོས་པ་ལས། ཁང་པ་བརྩིགས་ཉེས་པ་བཅོས་པའི་གཏོ་ནི། སྔར་ནམ་བརྩིགས་པའི་ཟླ་བ་ལ། ཁང་ས་བཟང་བའི་ཁང་པ་བཀྲ་ཤིས་པ་གསུམ་གྱི་ས། ཞིང་ས་བཟང་པོ་གསུམ་གྱི་ས། ལུང་པ་ཁ་ཤར་བསྟན་གསུམ་གྱི་ཆུ། འབྲུ་སྣ་ལྔ། རཏྣ་ལྔ་རྣམས་རྫ་ཡི་བུམ་པ་བརྒྱད་དུ་བླུགས་ལ་ཁང་པ་དེའི་ཕྱོགས་བཞི་མཚམས་བརྒྱད་དུ་གཞུག་ཅིང་། བདེན་སྟོབས་བཀྲ་ཤིས་བརྗོད་པས་ཁང་ཉེས་ཞི་བར་འགྱུར་རོ། །ཡང་ཁང་གཏོ་ནི། རང་ངམ་གཞན་གྱི་ཁང་ས་ཟད་པའམ་གུད་ནས་མི་ནོར་ལ་དར་གུད་བྱུང་

― MR07_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ན་དེ་གསོ་བའི་ཐབས་ནི། ཁམ་སའི་ཀོང་བུ་ཁ་བུག་ལྔ་བྱས་ཏེ་སོ་བཏང་། དེ་ནང་དཀར་གསུམ་མངར་གསུམ་འབྲུ་སྣ་དང་། ཁམ་ས་ལ་ཕྱུགས་ཀྱི་རྟ་སོགས་གཟུགས་བདུན་བྱས་ལ་བཅུག །ཁམས་སས་ཁ་བཅད་དེ། ཁང་པའི་ཕྱོགས་བཞི་དབུས་ལྔར་སྦས་ན་མི་ནོར་འཕེལ་བར་འགྱུར་རོ། །ཡང་ཁང་པ་བཀྲ་མི་ཤིས་ན། དོང་རྩེ་དགུ་བསྐོར་གྱི་གཏོ་བྱ། ཁང་པ་དེའི་འགེབ་བཤུས་ལ་ཞག་གསུམ་ཁང་པའི་ནང་ལ་གནམ་བསྟན། གཡང་སྐར་ཡོད་དུས་གཡང་ལེན་གཏེར་སྦ་བྱས་པས་ཕན་ནོ། །སྔར་ཁང་པ་བཀྲ་ཤིས་པའི་འཕྲོ་ལ་མི་ཤིས་བར་སོང་ན་ཁང་པའི་ནང་དུ་ཞི་བའི་སྦྱིན་སྲེག་བྱས་པས་སེལ། ཡང་བུ་ཚ་ཆུང་ངུ་ཤི་བས་ཁྱིམ་བཀྲ་མི་ཤིས་པ་ལ། དང་པོ་ཁྱིམ་དེར་གཏོ་མཁན་གྱིས་ལྷ་གསོལ། དེ་ནས་བུ་མོ་གཙང་མ་དགུ་འམ། ལྔའམ། གཉིས་ཀྱི་ལག་ཏུ་མདའ་དར་ཐོགས་ལ་ཁ་ཤར་དུ་བལྟས་ནས། ཀྱེ་ལྷ་རྣམས་འདིར་བྱོན་ཅིག་ཅེས་ལྷ་འབོད་མདའ་དར་གཡབ་ལ་གཏོ་མཁན་གྱིས་ལྷ་ལ་མདའ་དར་སོགས་གཏོ་རྟེན་བཙུགས་ཁྱིམ་དེའི་སྒོ་ལྷོར་གཏོད། རང་ཐག་ཤར་དུ་བཞག །ཉལ་ས་བྱང་དུ་བྱ། ཆུ་ཟངས་ཤར་དུ་བྱའོ། །དེས་ཁྱིམ་བཀྲ་ཤིས་པར་འགྱུར་རོ། །

― MR07_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཁང་དགེ་ཞིང་བཀྲ་ཤིས་ལ་དཔལ་འབྱོར་འཕེལ་བའི་སླད་དུ་གཏེར་གཞུག་ཐབས་རྣམ་པ་གཉིས་ཀྱི་གཏོ་ལ། ས་གཏེར་གཞུག་པ་དང་། བར་གཏེར་གཞུག་པ་གཉིས་ཀྱི་དང་པོ་ས་གཏེར་ལ་ལྔ་ལས། དང་པོ། ཀླུ་ཆེན་བརྒྱད་ཀྱི་གཏེར་ནི། ཀླུ་ཆེན་བརྒྱད་ཀྱི་གཟུགས་བག་ཕྱེ་ལས་བྱས་པའི་སྙིང་གར་ཕུཿ རེ་བྲིས་པ་གཞུག །དེ་རྣམས་རྫ་འམ་ཟངས་ཀྱི་བུམ་པ་སོགས་སྣོད་དུ་བཅུག་ལ་དེར་འབྲུ་སྣ་དང་མངར་གསུམ་དང་ཀླུའི་རྩི་སྨན་རིགས། རིན་ཆེན་སྣ་ཚོགས་དང་དར་ཟབ་སྣ་ཚོགས་བླུགས་ཏེ་སྣོད་ཁ་བཀང་། དངོས་གྲུབ་འདོད་གསོལ་ཤོག་བྱང་ངམ། དར་བྱང་ཀྱང་བཅུག །རང་ལྷའི་རྣལ་འབྱོར་གྱིས་ཀླུ་བརྒྱད་སྤྱན་དྲངས་ནས་བསྟིམ། མཆོད་བསྟོད་བྱ། འདོད་དོན་གསོལ། བརྟན་བཞུགས་བྱ། དེ་ནས་ཁང་པའི་དབེན་སར་ས་བྲུས་ལ་གཞུག་ནས། ཀླུ་ཆེན་པོ་རྣམས་ཁང་པ་འདིའི་བདག་པོ་གྱིས་ལ། བདག་ཅག་ལ་ནོར་དང་འབྲུའི་དངོས་གྲུབ་སྩོལ་ཅིག་བྱས་ལ་ཁ་བཅད་དེ་སས་ལེགས་པར་གཡོགས། དེའི་སྟེང་དུ་སཱཙྪ་རབ་གནས་ཅན་བཞག་པར་བྱའོ། །གཉིས་པ་རྒྱལ་བ་རིགས་ལྔའི་གཏེར་ནི། རྫའི་བུམ་པ་ལྔ་བྱས་ཏེ་ཁ་དོག་ལྔར་བསྒྱུར་རྒྱལ་བ་རིགས་ལྔའི་སྐུའམ་ཡིག་འབྲུའམ་ཕྱག་མཚན་གང་རུང་བཀོད། བུམ་པའི་ནང་དུ་རིགས་ལྔའི་སྐུའམ་ཕྱག་མཚན་ཡིག་འབྲུ་གང་རུང་དང་བུམ་རྫས་ཉེར་ལྔ་སིལ་བུའམ་དེ་དག་

― MR07_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཕྱེ་མས་བཀང་། ཁ་རྒྱན་རས་གསར་པ་འཆིངས། རང་རང་ཕྱོགས་སུ་བཀོད། དེ་ལ་རིགས་ལྔ་སྤྱན་དྲངས་མཆོད་བསྟོད་དང་རབ་གནས་བརྟན་བཞུགས་བྱས་ཏེ་ཁང་པའི་ཕྱོགས་བཞི་དབུས་ལྔར་ས་གྲུ་བཞི་བྲུས་ནས་ཕྱོགས་མ་ལོག་པར་སྦ། དུས་བཞིར་མཆོད་པ་བྱའོ། །གསུམ་པ་འབྱུང་བ་ལྔའི་གཏེར་ནི། ཁམ་ས་ལས་ཕག་གམ་གླང་པོ་ཆེའི་གཟུགས་བྱས་པའི་ནང་ཁང་སྟོང་བྱས་ལ། འབྱུང་བ་ལྔའི་ས་བོན་ནམ་སྙིང་པོ་བྲིས་པ་དང་། འབྲུ་སྣ་དང་རིན་པོ་ཆེ་ལྔས་ཁོང་སྟོང་ཀུན་བཀང་། ཡང་ན་རུས་སྦལ་གྱི་གཟུགས་ཀྱི་ཁོག་པར་བྱ། འབྱུང་ལྔའི་ལྷ་རྣམས་སྤྱན་དྲངས་མཆོད་བསྟོད་འདོད་གསོལ་རབ་གནས་བྱས་ལ། ཁང་པའི་དབུས་གཙང་ཞིང་འགོམ་རེག་སོགས་ཀྱི་དབེན་པར་སྦའོ། །བཞི་པ་ས་བདག་སྲུང་བཞིའམ་ཀླུང་བཞིའི་གཏེར་ནི། ཤར་གྱི་སྟག་སྐྱ་བོ། །ལྷོ་གཡུ་འབྲུག་སྔོན་པོ། ནུབ་ཀྱི་བྱ་དམར་པོ། བྱང་གི་རུས་སྦལ་རྒྱ་བོ་རྣམས་ཀྱི་གཟུགས་རྫས་དང་ཁམས་ལས་བྱས་པར་སོ་ལེགས་པར་བཏང་། ནང་འབྲུ་ལ་སོགས་པས་བཀངས་ནས་བུག་པ་ཁམས་ས་དགག །ཀླུང་བཞི་སྤྱན་དྲངས་མཆོད་བསྟོད་འདོད་དོན་གསོལ་རབ་གནས་བྱས་ལ་མི་འགོམ་པའི་གནས་སུ་ཕྱོགས་མ་ནོར་བར་སྟག་སྐྱ་དང་རུས་སྦལ་གཉིས་ཁ་ཕྱིར་བསྟན། འབྲུག་སྔོན་བྱ་དམར་གཉིས་ཁ་ནང་དུ་བསྟན་ལ་སྦ། བདེན་སྟོབས་དམིགས་ལ་སྨོན་ལམ་བཏབ། བཀྲ་ཤིས་བརྗོད།

― MR07_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པ་ནོར་གྱི་བདག་པོའི་གཏེར་ནི། རས་དཀར་པོར་རྣམ་སྲས་ཛམ་ལ་སོགས་ནོར་ལྷའི་སྐུ་ལེགས་པར་བྲིས་སྤྱན་དྲངས་བསྟིམ་སོགས་བྱ། དེ་ནས་མཛོད་སོགས་གང་འདོད་གནས་སུ་འབྲུ་སྣ་སོགས་དགེ་ཤིས་ཀྱི་རྫས་རྣམས་དང་བཅས་ཏེ་བཞག་ལ། མཆོད་བསྟོད་འདོད་གསོལ་བྱ། དུས་རྟག་ཏུ་མཆོད་པ་ལ་བརྩོན་པར་བྱ། འདི་རྣམས་གཞུག་པའི་དུས་སུ་སྨོན་ལམ་ནི། ས་ལ་སྦ་བ་ཡིན་ན། ས་ཡི་ལྷ་མོའི་མཁའ་དབྱིངས་སུ། །རྒྱལ་བ་རིགས་ལྔའི་གཏེར་སྦས་པས། །མི་ཟད་ཡུན་གྱི་གཏེར་ཆེན་ལྡན། །བཀྲ་ཤིས་འདོད་དགུ་ཕུན་ཚོགས་ཤོག །ཅེས་བརྗོད། དེ་བཞིན་ཀླུ་ཆེན་བརྒྱད། འབྱུང་བ་ལྔ། ས་བདག་སྲུང་བཞི་ལ་སོ་སོར་ཁ་བསྒྱུར། ཁྱིམ་དུ་སྤ་བའི་རིགས་ལ། བཀྲ་ཤིས་གནས་ཁང་འདི་ཉིད་དུ། །ནོར་གྱི་བདག་པོའི་གཏེར་སྦས་པས། །སོགས་གོང་བཞིན་ཏེ། བཀྲ་ཤིས་རྫས་བརྒྱད། རིན་ཆེན་སྣ་བདུན་ཞེས་ཁ་བསྒྱུར་རོ། །བར་གཏེར་གཞུག་པ་ལ་རྣམ་གྲངས་གཉིས་གསུངས་པའི་དང་པོ་བཀྲ་ཤིས་རྫས་བརྒྱད་ཀྱི་གཏེར་ནི། དར་རམ་ཤོག་བུ་ལ་བཀྲ་ཤིས་རྫས་བརྒྱད་ཀྱི་གཟུགས་ལེགས་པར་བྲི། དེའི་མཐར་རྟེན་འབྲེལ་

― MR07_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ་འདོད་གསོལ་བཅས་པས་བསྐོར། རབ་གནས་བྱས་ལ་ཁྱིམ་གྱི་གདུང་མའི་གསེབ་ཏུ་གཞུག་གོ །གཉིས་པ་རིན་པོ་ཆེ་སྣ་བདུན་གྱི་གཏེར་ནི། དེའི་རྒྱལ་སྲིད་སྣ་བདུན་གཟུགས་དང་རྟེན་སྙིང་གོང་བཞིན་བྲིས་ཏེ་རབ་གནས་བྱས་པ་གདུང་གསེབ་ཏུ་གཞུག་གོ །ས་གཏེར་བར་གཏེར་འདི་དག་གཞུག་པར་བྱས་ན་མི་དབུལ་ཕོངས་ནོར་འདོད་པ་དག་གི་ཡང་འབྲུ་ནོར་དང་ལོངས་སྤྱོད་བསོད་ནམས་འཕེལ་བར་འགྱུར་ན་གཞན་བསོད་རྣམས་ལྡན་པས་ལྟ་ཅི་སྨྲོས། གཏེར་གཏོ་འདི་དག་རྫས་སྔགས་དམིགས་པའི་ཆོ་ག་རྫོགས་ཤིང་། སྦྱིན་བདག་གི་དབང་ཀླུང་དར་བ་དང་གཟའ་སྐར་དུས་སྦྱོར་སོགས་བཟང་བའི་དུས་ཀྱི་གནད་དང་། ལོ་སྤར་སྨེ་བ་དང་ས་བདག་གནས་པའི་ཕྱོགས་བཟང་ཞིང་། གང་བའི་བུམ་པ་དང་ཞི་བའི་གཟའ་མདུན་ན་གནས་པ་སོགས་ཕྱོགས་ཀྱི་གནད་དང་བསྒྲིགས་ཏེ་རྟེན་འབྲེལ་གྱི་གཏོ་ཐབས་ལེགས་པར་བྱས་ན། ཚེགས་ཆུང་ངུས་ཀྱང་ནོར་བུ་བུམ་བཟང་དཔག་བསམ་གྱི་ཤིང་བཞིན་དུ་འདོད་པའི་འབྲས་བུ་རྒྱ་ཆེན་པོ་སྩོལ་བར་འགྱུར་རོ། །ཡུལ་རིས་ས་གཏོའི་སྐོར་གྱི་སྡེ་ཚན་ཏེ་བརྒྱད་པའོ།། །།གསུམ་པ་རྗེས་ཀྱི་བྱ་བ་ལ། གོང་

― MR07_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་གཏོ་ཐབས་སོ་སོ་གང་བྱེད་པ་དེ་ཉིད་ལེགས་པར་གྲུབ་ནས། ཕུན་སུམ་ཚོགས་པ་མངའ་བ་སོགས་དང་། སྟོང་ཆེན་རབ་འབྱམས་ལས་གསུངས་པའི། འཇིག་རྟེན་འདིའམ་སོགས་མདོ་ལས་གསུངས་པའི་བཀྲ་ཤིས་ཀྱི་ཚིགས་བཅད་རྣམས་རྒྱས་བསྡུས་ཅི་རིགས་སུ་བརྗོད་ཅིང་མེ་ཏོག་འཐོར་བ་ནི་ཕན་ཡོན་ཆེ་ལ། ཡི་དམ་གྱི་ལས་གཞུང་བསྲང་བ་ཡིན་ན་དེའི་རྗེས་ཆོག་རྣམས་བྱ་ཞིང་ལས་རྗེས་མི་མངོན་པར་བསྡུ། གཏོ་མཁན་ལ་ཇི་ལྟར་མཚམས་པའི་ཡོན་གྱིས་མཉེས་པར་བྱ་བ་ནི་གཏོ་ལེགས་པར་འགྱུར་བའི་གནད་གཅིག་ཡིན་ནོ། །སྤྱིར་གཏོ་བྱེད་པ་ལ་འཕགས་པའི་ལུང་གིས་བསྟན་པའི་རྟེན་འབྲེལ་གཏོ་ཐབས་ཀྱི་གཅོས་རྣམས་ལ་ཐེ་ཚོམ་མེད་པར་ཡིད་ཆེས་པ་དང་། རྫས་སྔགས་དམིགས་པ་གྱེར་འདོན་སོགས་ཇི་སྐད་བཤད་པ་ལྟར་ཆོ་གའི་ཡན་ལག་མ་ཉམས་པར་བྱ་བ་དང་། ཕྱོགས་དང་དུས་ཀྱི་གནད་དང་ལེགས་པར་བསྒྲིགས་ཤེས་ན། གཏོ་ཐབས་བྱིས་པའི་རྩེད་མོ། ཕན་པ་རི་རྒྱལ་ལྷུན་པོ་ཞེས་གྲགས་པ་ལྟར་འདོད་པའི་འབྲས་བུ་རྒྱ་ཆེར་སྨིན་པའི་དགེ་མཚན་མངོན་སུམ་དུ་མཐོང་ནས་ངོ་མཚར་བ་ཐོབ་པར་འགྱུར་

― MR07_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

རོ། །དེ་ལྟར་ཡང་། བཅོམ་ལྡན་འདས་ཀྱིས། སྔགས་དང་སྨན་དང་བསམ་གཏན་དང་། མཁྱུད་སྤྱད་ཀྱི་ནུས་པ་བསམ་གྱིས་མི་ཁྱབ་ཅེས་མདོ་ལས་གསུངས་སོ། །གཏོ་དང་རྟེན་འབྲེལ་གྱི་རིགས་འདི་དག་བསྙེན་སྒྲུབ་ཚད་ལྡན་སོང་བ་དང་། ཏིང་འཛིན་ཉམས་རྟོགས་ལྡན་པའི་རྣལ་འབྱོར་པས་བྱས་ན་ལྷག་པར་སྟོབས་ཆེ་བ་ནི་སྨྲོས་མ་དགོས་ལ། འོན་ཀྱང་རྟེན་འབྲེལ་དང་བཀའ་ལུང་གི་བདེན་པ་སུས་ལག་ཏུ་བླངས་ཀྱང་དོན་ཅི་རིགས་ཡོད་མོད་ཀྱི་གཏོ་ཐབས་འདི་རྣམས་བྱེད་འདོད་པས་སྔོན་དུ་གོང་བཤད་ལྟར་འཇམ་དཔལ་གྱི་བདག་བསྐྱེད་བསྒོམ་ནས། ཝཱ་གི་ཤྭ་རི་འབུམ་ཕྲག་དྲུག་དང་། རྟེན་འབྲེལ་སྙིང་པོ་འབུམ་ཕྲག་གཅིག་བཟླས་ནས་ལས་འདི་རྣམས་ལག་ལེན་བྱས་ན་ལེགས་པར་མདོན་ནོ། །དེ་ལྟར་གཏོ་སྒྲོམ་འབུམ་གྱི་ཏི་ཀ་ཞེས་བྱ་བའི་གཞུང་འདི་ཉིད་ལོ་ཙཱ་བ་ཁལ་པ་ཁྲ་མོས་རྒྱ་ནག་གི་སྐད་ལས་བོད་སྐད་

― MR07_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བསྒྱུར་ནས་ཆིག་བརྒྱུད་ཀྱི་བཀའ་རྒྱས་བཏབ་པ་ཉིད། ཁྱུང་ནག་ཤག་དར་གྱིས་ཕྱག་བཞེས་མཛད་པས་གཞན་ཕན་ཆེ་བར་གཟིགས་ནས། སྨད་ལས་གནོད་ཆའི་སྐོར་རྣམས་ཀྱི་གབ་སྦས་ཀྱི་ཡི་གེ་ལོགས་སུ་བཀོད་ཅིང་། གཞུང་ལེའུ་བརྒྱ་དང་ཉི་ཤུ་ཡོད་པའི་དཔེ་འདི་བཀའ་རྒྱ་བཀྲོལ་ཏེ་ཀུན་ལ་སྤེལ་བར་མཛད། དེ་ཡང་འདིའི་ལེའུ་བརྒྱ་དང་དགུ་ཡན་ཆད་ཞུས་པ་དང་། ལན་གྱི་ལེའུ་གཉིས་དང་དར་གུད་ཀྱི་དབྱེ་བ་དང་དུས་ཚོད་བཟང་བ་བསྟན་པའི་ལེའུ་གཉིས་བཅས་བཞི་པོ་དེ་ལས་གཞན་ཐམས་ཅད་ཕན་བྱེད་གཙོ་ཆེར་སྟོན་པའི་གཏོ་སྨན་གྱི་ནགས་ཚལ་ལྟ་བུའི་སྐོར་ཡིན་པས་འདིར་ཕན་གཏོ་དེ་རྣམས་ཡོངས་རྫོགས་ཀྱི་ལག་ལེན་གསལ་བར་བཀོད་པ་ཡིན་ལ། དེ་མན་ཆད་ཀྱི་ལེའུ་བཅུ་གཅིག་ཏུ་གནོད་ཆ་གཙོ་བོར་བསྟན་པ་ཡིན་ཞིང་གབ་སྦས་ཀྱང་ཅི་རིགས་ཡོད་པར་མངོན། འདི་སྐོར་ལའང་། རྙིང་མའི་ཚེ་བདག་རྣ་ཆ་བརྒྱད་ལས། ས་མཚོ་ལ་གཏད་ཀྱི་རྣ་ཆ་ཞེས་པ་རྒྱ་མཚོ་དུ་རུ་ཀའི་རྒྱུད་དང་། དེའི་ལག་ལེན་མན་ངག་སོགས་གཏད་ཀྱི་སྐོར་ཟབ་མོ་རྣམས་དང་། ས་བདག་ཧལ་ཁྱིའི་གཏད་ཁྲམ་

― MR07_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་འབྱུང་རྩིས་ལུགས་ཀྱི་དྲག་མཐུ་ཟབ་པ་མང་པོ་གཏེར་ཁ་རྣམས་སུ་སྣང་བས། གཏེར་མའི་དྲག་སྔགས་ངན་སྔགས་ཀྱི་སྐོར་རྣམས་དང་འཕྲུལ་ཤེས་ན། འདིར་བཤད་པའི་གནོད་བྱེད་ཀྱི་གཏོ་ཐབས་རྣམས་ཀྱི་གནད་ཀྱང་ཤེས་སུ་རུང་མོད། སྤྱིར་ངན་ཐབས་ཀྱི་རིགས་གང་ཡང་སྙིགས་མའི་སྐྱེ་བོ་ཕལ་གྱིས་ལག་ཏུ་བླངས་པ་ལ་དགོས་པ་ཆུང་ཞིང་དགག་བྱ་ཆེ་བས། གནོད་ཆའི་སྐོར་འདི་འདྲའི་རིགས་ལག་ལེན་དུ་འདེབས་པའི་ཡིག་ཆ་གང་ཡང་སྤེལ་འདོད་མེད་པས་འདིར་ཡང་དེའི་སྐོར་རྣམས་བཀྲོལ་བར་མ་བྱས་སོ། །གཏོ་སྒྲོམ་འབུམ་ཏིག་འདི་ཟབ་ཅིང་རྣོ་བས་གཏོ་ཡི་མན་ངག་མཁྱུད་སྤྱད་ལྟ་བུ་ཡིན་པས་སྔར་ཡང་བཀའ་རྒྱ་དམ་པར་མཛད་པ་བཞིན། འདི་ཡི་ལག་ལེན་ཞིབ་པར་བཀྲོལ་བ་འདི་ཡང་མན་ངག་གི་ཡིག་ཆ་ཡིན་པས་གསང་ཞིང་སྦ་འོས་ཡིན་ན་ཡང་། རིས་སུ་མ་ཆད་པའི་བསྟན་འགྲོའི་དོན་དུ་བསམ་པ་བཟང་པོའི་སྒོ་ནས། ལྷ་དང་མཁའ་འགྲོའི་ཚོགས་ལ་གནང་བར་གསོལ་བ་བཏབ་ཏེ་མ་སྦས་པར་བཀོད་པ་ཡིན་ནོ། །འཕགས་

― MR07_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

པས་གཞན་ཕན་ཆེད་དུ་གསུངས། །གཞན་གྱིས་གཞན་ཕན་ཆེད་དུ་བསྐུལ། །རང་གིའང་གཞན་ཕན་སེམས་ཀྱིས་བྲིས། །འདི་ལས་གཞན་ཕན་ཆེར་འབྱུང་ཤོག །ཅེས་གཏོ་ཆོག་བཀྲ་ཤིས་འདོད་འཇོ་འདི་ནི། སོག་ཧ་ལ་ཧའི་ཡུལ་ཏཱ་ཁུ་རེ་ཆེན་པོའི་གྲྭར་གཏོགས། རི་བོ་དགེ་ལྡན་པའི་དགེ་བཤེས་བློ་བཟང་དར་རྒྱས་ལགས་ནས་གཏོ་འབུམ་འདི་སོགས་ཡུལ་དུ་ལག་ལེན་བྱེད་མཁན་འགའ་ཡོད་པས་འདིའི་དོན་འགྲེལ་དུ་ཁུངས་ལྡན་གྱི་ལག་ལེན་བལྟས་ཆོག་ཞིག་བྲིས་ན་མཁོ་གལ་དང་ཕན་ཐོགས་ཆེ་བས། དེ་ལྟར་གྲུབ་པར་དངོས་རྫས་ཀྱི་སྐྱེས་བཟང་བཅས་ནན་ཏན་བསྐུལ་བ་དང་། དེ་དང་རྗེས་སུ་འབྲེལ་བར་སྡེ་དགེའི་མཆོད་གནས་བླ་མ་འཇམ་དབྱངས་མཁྱེན་རབ་ཀྱིས་ཀྱང་དེ་ལྟར་གྲུབ་ན་སུ་ལའང་ཕན་ཆེ་བས་ཅིས་ཀྱང་གྲུབ་པར་སྐུལ་བཞིན། ཕྱིས་སུ་རང་ཉིད་ལུས་ཁམས་རྙོགས་པ་དང་། འབྲི་རྩོམ་རིགས་ལ་སྤྲོ་བ་ལྷོད་ནས་དབེན་པར་གནས་པའི་སྐབས་ཡིན་ཀྱང་། གཞན་ཕན་གྱི་བསམ་པས་བསྐུལ་བ་པོ་དག་གི་རེ་བ་དོན་ཡོད་པར་བྱ་བའི་ཕྱིར། ལྔ་རིགས་སྨྲ་བ་མི་ཕམ་རྣམ་རྒྱལ་ཞེས་གྲགས་པ་འཇམ་དཔལ་རྡོ་རྗེའི་རིག་སྔགས་གུས་པས་འཛིན་པ་བདག་གིས། གཏོ་ཐབས་ཕལ་མོ་ཆེའི་ལག་ལེན་གྱི་ཡིག་ཆ་ཅི་རིགས་

― MR07_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་མཐོང་བ་ལ་བརྟེན་ནས། རབ་བྱུང་བཅོ་ལྔ་པའི་ནང་ཚན་མེ་མོ་ལུག་གི་ལོའི་རྒྱལ་ཟླ་ཕྱི་མའི་ཉ་ལ་མགོ་འཛིན་ཙམ་བྱས་ཏེ་ཐུན་གསེང་དུ་ཅི་རིགས་རེ་བྲིས་པས་ཞག་བཀྲ་ཤིས་རྟགས་བརྒྱད་ཀྱི་ཁོངས་སུ་ལེགས་པར་ཡོངས་སུ་གྲུབ་པར་གྱུར་པ་འདིས་སེམས་ཅན་རྣམས་ལ་ཕན་རྒྱ་ཆེན་པོ་ཐོགས་པ་དང་། དེའི་དགེ་བས་འགྲོ་ཀུན་མཁྱེན་རབ་བདག་པོའི་གོ་འཕང་དམ་པ་ཐོབ་པར་གྱུར་ཅིག །དགེའོ། །མངྒ་ལམ། གཏོ་གཞུང་ཁྱད་འཕགས་འདི་ཉིད་ཕྱག་ལེན་བྱ་ཚུལ་མཁས་དབང་བླ་མ་དམ་པ་མཆོག་གི་ཞལ་སྔ་ནས་བརྩམས་ཏེ་སླར་འཇམ་དབྱངས་མཁྱེན་བརྩེའི་དབང་པོའི་ཕྱག་དཔེ་དང་བསྟུན་ཞུ་དག་གྱིས་ཤིག་ཅེས་བཀའ་གནང་ལྟར་གཞུང་ལ་ཞུ་དག་དང་དཔྱད་གཞི་རྟགས་རྒྱབ་པ་འགའ་ཞིག་མཆིས་པ་ཕལ་ཆེར་རྣམ་དག་ཏུ་གྲུབ་པ་བཅས་འཇམ་དབྱངས་མཁྱེན་རབ་མཐའ་ཡས་ཀྱིས་ཞབས་ཏོག་ཏུ་ཞུས་པ་དགེ་ལེགས་འཕེལ། ས་སྐྱོང་ཆོས་ཀྱི་རྒྱལ་པོས་འགྲོ་ཕན་ཕྱིར་དུ་ལྷུན་གྲུབ་སྟེང་དུ་སྤར་དུ་བཀོད་པའོ། །

― MR07_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

སླར་ཡང་གྲོང་སྔགས་པ་རྒན་པོ་བསོད་ནམས་མིང་གིས་རྩ་བའི་གཞུང་དང་གཏུག་སྟེ་དག་པར་བྱས་སོ། །དགེའོ།།

འཇམ་དབྱངས་གསེར་འཁོར་ཉེས་པ་ཀུན་སེལ་བྲི་ཐབས།

― MR07_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དབྱངས་གསེར་འཁོར་ཉེས་པ་ཀུན་སེལ་བྲི་ཐབས་བཞུགས་སོ། །

― MR07_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དབྱངས་འཁོར་ལོ་ཉེས་པ་ཀུན་སེལ་བྲི་བ་ནི། རྩ་བའི་འཁོར་ལོ་བྲི་ཚུལ་དང་། རབ་གནས་བྱ་ཚུལ་དང་། བྱེ་བྲག་འཁོར་ལོའི་ཁ་བསྒྱུར་བྱ་ཚུལ་ལོ། །དང་པོ་ནི་རྩ་བའི་འཁོར་ལོ་རས་སམ། ཤོག་གུ་གཙང་མ་ལ། རཏྣ་དང་བཅས་པའི་སྣག་ཚའམ། མཚལ་གྱིས་ལྟེ་བ་དང་། མུ་ཁྱུད་བདུན་བསྐོར་ལ་དབུས་ལིང་ཚེ་དགུར་བཅད་ལ། ལིང་ཚེའི་དབུས་སུ་མཱུཾ་བྲིས། དབུས་ཀྱི་མཱུཾ་གྱི་འོག་དང་། ཕྱོགས་མཚམས་བརྒྱད་ལ་སྨེ་བ་དགུ། དེ་ཡི་ཕྱི་རིམ་མུ་ཁྱུད་ལ། ཨོཾ་མ་ཧཱ་ཀཱ་ལཱི་མོ་ཏ་ཡེ་སྭཱ་ཧཱ། ཞེས་པ་རུ་སྦལ་གྱི་སྲོག་སྔགས་དང་། རང་རང་གང་བྱེད་ཀྱི་ཁ་བསྒྱུར་བྲིས། མུ་ཁྱུད་གཉིས་པ་ལ་པད་འདབ་བརྒྱད་ལ་ལྷོ་ནས་བཟུང་སྤར་ཁ་བརྒྱད་ཀྱི་ཕྱག་རྒྱའམ། མ་ཤེས་ན་མིང་བྲིས། མུ་ཁྱུད་གསུམ་པ་ལ་འཁོར་ལོ་རྩིབས་བཅུ་གཉིས་པ་ལ། ལྷོར་རྟ་སྦྲུལ། ལྷོ་ནུབ་ཏུ་ལུག །ནུབ་ཏུ་སྤྲེལ་བྱ། ནུབ་བྱང་དུ་ཁྱི། བྱང་དུ་ཕག་བྱི། བྱང་ཤར་དུ་གླང་། ཤར་དུ་སྟག་ཡོས། ཤར་ལྷོར་འབྲུག །ཡང་ན་མིང་བྲིས། བཞི་པ་པདྨ་འདབ་བརྒྱད་ལ་འབྱུང་བ་ལྔའི་སྙིང་པོ། ཤར་དུ་ཨོཾ་མ་མ་སྔོ་ཏ་སྔོ་ཏ་ཡེ་སྭཱ་ཧཱ། ལྷོར་ཨོཾ་མ་མ་རཾ་རཾ་ཡེ་སྭཱ་ཧཱ། ནུབ་ཏུ་ཨོཾ་མ་མ་ཀར་ཀར་

― MR07_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་སྭཱ་ཧཱ། བྱང་དུ་ཨོཾ་མ་མ་ཁཾ་ཁཾ་ཡེ་སྭཱ་ཧཱ༔ མཚམས་བཞིར་ཨོཾ་མ་མ་སུ་སུ་ཏཾ་ཏཾ་སྭཱ་ཧཱ། ལྔ་པ་ལ་སྣང་བརྒྱད་ཀྱི་སྙིང་པོ། ཨོཾ་ཨ་ཀ་ནི་ནི་ཀ་ནི་ཨ་བྱི་ལ་མཎྜལ་མདྷ་ཡེ་སྭཱ་ཧཱ། གཟའ་དང་རྒྱུ་སྐར་རྣམས་ཀྱི་སྙིང་པོ། ཨོཾ་སརྦ་ཏི་ཐི་གྲ་ཧ་ནཱ་ཀྵ་ཏྲ་བྷོ་ཊི་ཀཱ་རེ་མངྒ་ལཾ་སྭཱ་ཧཱ། ཨོཾ་བྷུ་མི་པ་ཏི་ས་པཱ་རི་ཝཱ་ར་བྷྱ༔ ཤུ་བྷ་བྷ་ཝནྟུ་སྭཱ་ཧཱ༔ ཞེས་བྲིས། ཨོཾ་སརྦ་བིདྱ་སཱ་ཧཱ༔ ཟེར་བའང་འདུག །མུ་ཁྱུད་དྲུག་པ་ལ། ཨཱ་ལི་ཀཱ་ལི་བྲིས། བདུན་པ་ལ་ཡེ་དྷརྨཱ། ཨོཾ་སུ་པྲ་ཏཱིཥྛ་དང་འདོད་གསོལ་མུ་ཁྱུད་ནང་མ་ལ་བྲིས་པ་བཞིན་དུ་བྲིས། དེའི་ཕྱི་མ་རུ་སྦལ་གན་རྐྱལ་མགོ་ལྷོར་བསྟན་པ་ལ་མེ་རིས། ཤར་དུ་ཤིང་ལོ། ནུབ་ཏུ་གྲི་ཟོར་བའི་གཟུགས། མཇུག་མའི་ཐད་དུ་ཆུ་རིས། ཡན་ལག་བཞིར་སའི་མཚོན་པ་གྲུ་བཞི་རེ་བྲིས། དེ་ལྟར་ལེགས་པར་བྲིས་ལ་རབ་གནས་བྱ་བ་ནི་རང་ཉིད་འཇམ་དབྱངས་སམ་ཡི་དམ་གང་རུང་བསྒོམ། འཁོར་ལོ་སྟོང་པའི་ངང་ལས་འབྱུང་བ་རིམ་བརྩེགས་ཀྱི་སྟེང་དུ་འཁོར་ལོ་སེར་པོ་རྩིབས་བརྒྱད་པའི་ལྟེ་བར་མཱུཾ་ལས་འཇམ་དབྱངས་སྐུ་མདོག་གསེར་བཙོ་མ་ལྟ་བུ་ཕྱག་གཡས་རལ་གྲི་འཕྱར་ཞིང་། གཡོན་པ་ཨུཏྤལ་གྱི་སྟེང་ན་ཤེར་ཕྱིན་གྱི་པོ་ཏི་འཛིན་པ་རིན་པོ་ཆེའི་

― MR07_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་དང་དར་གྱི་ན་བཟའ་ཅན། སྐྱིལ་ཀྲུང་གིས་བཞུགས་པར་བསྒོམ། དེའི་ཤར་དུ་ཡཾ་ལས་ཤིང་གི་ལྷ་མོ་འོད་འཆང་མ་ལྗང་སྔོན་གཡས་ཤིང་གི་ཡལ་ག །གཡོན་གཡུ་ཡིས་ཕྲེང་བ་འཛིན་པའོ། །ལྷོར་རཾ་ལས་མེ་ཡི་ལྷ་མོ་བསྲེག་བྱེད་མ་དམར་མོ་གཡས་ཁམས་གསུམ་གསལ་བའི་སྒྲོན་མེ། གཡོན་ཟངས་ཀྱི་ཕྲེང་བ་འཛིན་པའོ། །ནུབ་ཏུ་ཀེཾ་ལས་ལྕགས་ཀྱི་ལྷ་མོ་གཅོད་མ་དཀར་མོ་གཡས་ལྕགས་ཀྱུ། གཡོན་ཤེལ་དཀར་གྱི་ཕྲེང་བ་འཛིན་པའོ། །བྱང་དུ་ཁཾ་ལས་ཆུ་ཡི་ལྷ་མོ་རླན་བྱེད་མ་སྔོན་མོ་གཡས་བདུད་རྩིའི་བུམ་པ། གཡོན་དངུལ་གྱི་ཕྲེང་བ་འཛིན་པ། མཚམས་བཞིར་བྷྲུྃ་བཞི་ལས། ཤར་ལྷོ་ནས་རིམ་བཞིན། སའི་ལྷ་མོ་འདེགས་བྱེད་མ། བརྟན་བྱེད་མ། འཛིན་བྱེད་མ། བརྟེན་བྱེད་མ་བཞི་པོ་སྐུ་མདོག་སེར་མོ་གཡས་རྣམས་རི་རབ་དང་། གཡོན་པ་རྣམས་གསེར་གྱི་ཕྲེང་བ་འཛིན་པའོ། །གཙོ་བོ་ལ་མི་བསྐྱོད་པ་དང་། ལྷ་མོ་བརྒྱད་ལ་འཇམ་དབྱངས་དབུ་རྒྱན་ཅན་དུ་བསྒོམ་ལ། སོ་སོའི་ཐུགས་ཀར་བསྐྱེད་པའི་ས་བོན་བསམས་ལ། དེ་ལས་འོད་ཟེར་འཕྲོས། འོད་ཟེར་ལྕགས་ཀྱུ་འདྲ་བས་ཡེ་ཤེས་པ་བཀུགས་ལ་བསྟིམས་ནས་མཆོད་པ་ཅི་འབྱོར་ཕུལ། ཨོཾ་ཝཱ་གཱི་ཤྭ་རི་མཱུཾ༔

― MR07_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བརྒྱ་སྟོང་སོགས་ཅི་ནུས་བཟླ་བ་དང་མུ་ཁྱུད་བཞི་པའི་སྔགས་ཅི་རིགས་བཟླ། ཡེ་དྷཱརྨའི་རབ་གནས་བྱས་ལ་མེ་ཏོག་འཐོར། སླར་འཁོར་ལོ་ལྷ་དང་བཅས་པ་ལས་འོད་ཟེར་འཕྲོས། བསྒྲུབ་བྱ་ལ་གནོད་པ་གང་ཡིན་པ་དེ་ཞི་ཞིང་ཉེས་པ་ཐམས་ཅད་བསལ་བར་བསྒོམ། ཡང་འོད་ཟེར་འཕྲོས་སྣོད་བཅུད་འཁོར་ལོ་ལྷ་དང་བཅས་པ་ལ་ཐིམ། གཙོ་བོའི་ཐུགས་ཀར་ལྷ་མོ་བརྒྱད་བསྡུས། དེ་ཡང་འོད་དུ་ཞུ། འཁོར་ལོ་ལ་ཐིམ་པས་དེ་ཇི་ལྟར་འདོད་པའི་ནུས་པ་ཐོགས་པ་མེད་པར་བསམས་ནས། ལྟེ་བ་མ་ཆག་པར་ལྟེབས་ལ། སྲད་བུ་དཀར་པོའམ་ཁ་དོག་ལྔ་པས་ནང་ནས་དགྲ་འདེད་ཕྱི་ནས་གྲོགས་འདེད་དུ་རྒྱ་གྲམ་སོགས་སུ་བསྡམ། ལས་སོ་སོ་དང་བསྟུན་པའི་ན་བཟས་གཏུམས་ལ། མི་ལག་མ་བརྒྱུད་པར་བསྒྲུབ་བྱ་འཇམ་དབྱངས་སུ་བསྐྱེད་པ་ལ་འཁོར་ལོ་བཏགས་པས་འཁོར་ལོ་འོད་དུ་ཞུ་བ་བསྒྲུབ་བྱ་ལ་ཐིམ་པའི་སྤེལ་ཚིགས་སོ་སོ་བཞིན་གྱུར་པར་བསམ་མོ། །འཁོར་ལོ་རྩ་བར་བྲི་བ་དང་རབ་ཏུ་གནས་པར་བྱ་བའི་དོན་ནོ། །གཉིས་པ་སོ་སོའི་ཁ་བསྒྱུར་ལ། ༡ སྲོག་བསྐྱེད་པ་ལ། བསྒྲུབ་བྱ་གང་ཡིན་པ་དེའི་སྲོག་སྨེ་དབུས་སུ་བཅུག་པའི་དགུ་ལིང་བྱ།

― MR07_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

མུ་ཁྱུད་དང་པོའི་རུ་སྦལ་གྱི་སྔགས་ཀྱི་ཤམ་བུར་མིང་འདི་ཡི་སྲོག་བསྐྱེད། ཚེ་སྤེལ་འཆི་བདག་ལས་སྐྱོབས་ཤིག །ཅེས་བྲི་ཞིང་མུ་ཁྱུད་བདུན་པའི་རྟེན་འབྲེལ་སྙིང་པོའི་ཤམ་བུར་ཡང་འདི་འདྲ་བྲིས་དེ་བཞིན་གཞན་ལའང་འདོན་པ་བསྒྱུར་བས་རིགས་འགྲེས་སོ། །ཤོག་གུའམ་དར་དམར་པོ་གཅིག་ལ་ཨོཾ་ཨཱཿཧྲཱི༔ སྲོག་ཐ་ཏྲི་ཡར་བསྐྱེད་ལམ་ལམ་ཡལ་ཡལ་བྷྲཱུྃ་རཾ་ནྲི་བསྐྱེད། ཅེས་བྲིས། སྲོགས་ལ་དར་དམར་མཚལ་ལ་སྔགས་བྲིས། མེ་ཤེལ་ལམ་མེ་རྡོ་ལ་གྲིལ་འཁོར་ལོའི་ལྟེ་བར་མཱུཾ་གྱི་སྟེང་དུ་བཅུག །སྲོག་ཤིང་ལ་དར་སྔོན་ལ་བྲིས་ཆུ་ཤེལ་ལམ་ཉ་ཡི་སྒོང་ལ་གྲིལ། སྲོག་ཆུ་པ་ལ་དར་དཀར་རམ། ཤོག་གུ་ལ་བྲིས། ར་དཀར་འོ་མ་དུང་བཏབ་པས། རྡོ་ཁབ་ལེན་ནམ་ཁྲོ་ལྕགས་ལ་གྲིལ། སྲོག་མེ་ལ་དར་ལྗང་ངམ་ཤོག་ལྗང་ལ་བྲིས་ཤིང་གི་ཐང་ཆུས། བིལ་བའི་འབྲུའམ་རྒུན་འབྲུམ་ལ་གྲིལ། སྲོག་ལྕགས་བ་ལ་དར་སེར་པོ་ལ་གསེར་རམ་ཡུང་བས། བྲིས་ཏེ་གསེར་ཅུང་ཟད་ལ། གྲིལ་ཏེ་བྱ་བ་ནི་སྲོག་བསྐྱེད་པའོ། ༢། དབང་ཐང་བསྐྱེད་པ་ལ་དགུ་ལིང་དབུས་སུ་དབང་སྨེ་བྲིས། ཨོཾ་ཨཱཿདབང་ཐང་ཏྲི་བསྐྱེད་གསལ་གསལ་བྲུཾ་ཁཾ་བསྐྱེད། ཅེས་པ་ཙནྡན་

― MR07_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་སྐྱེར་པའི་ཕུར་པ་ལ་བྲིས། དབང་ཐང་མེ་བའི་འཁོར་ལོའི་དབུས་སུ་གཞུག །ཆུ་པ་ལ་ལྕགས་ཀྱི་བྱང་བུ་ལ་བྲིས། ས་པ་ལ་མེ་རྡོ་ལ་བྲིས། ལྕགས་པ་ལ་ར་གན་གྱི་བྱང་བུ་ལ་བྲིས། ཤིང་པ་ལ་ཆུ་ཤིང་གི་ཕུར་པ་ལ་བྲིས་ནས་འཁོར་ལོ་ལྟེ་བར་བཅུག །མུ་ཁྱུད་གཉིས་པ་དང་བདུན་པ་ལ་ཨོཾ་སྤེལ་སྤེལ། ཡཾ་སྤེལ་ཡཾ་སྤེལ་གཏོ་སྒྲོམ་དུ་འདུག །ཡལ་ཡལ་དཾ་དཾ་རཾ་སྤུངས་རཾ་སྤུངས་འདུ་འདུ་ཧེ་ཧེ་འདུས་དབང་ཐང་དཔལ་དུ་བསྐྱེད་ཅིག༔ ཅེས་བྲིས། ༣ ལུས་བསྐྱེད་པ་ལ་ལུས་སྨེ་དབུས་སུ་བཅུག་སྤེལ་ཚིག་ཏུ་ལུས་ཀྱི་སྟོབས་བསྐྱེད་ཅིག་ལུས་སྟོབས་རྒྱས་པར་གྱུར་ཅིག །ཅེས་བྲིས། འབྱུང་བ་ལུས་ཀྱི་ཁ་དོག་གི་དར་རམ་ཤོག་གུ་ལ་བྷྲུཾ་བྷྲུཾ་ཧཱུཾ་ཏྲཾ་ཡལ་རཾ་བསྐྱེད་མེར་རཾ་གྲཾ་ཡལ་བྷྲུཾ་ཡར་བསྐྱེད་ཅེས་བྲིས་ནས་ལྟེ་བར་བཅུག །འཁོར་ལོའི་ན་བཟའ་ལུས་ཤིང་པ་ལ་ནག་པོ། ལྕགས་པ་ལ་སེར་པོ། ས་པ་ལ་དམར་པོ། ཆུ་པ་ལ་དཀར་པོ། མེ་པ་ལ་ལྗང་གུའོ། ༤ ། རླུང་རྟ་བསྐྱེད་པ་ལ། རླུང་སྨེད་དབུས་སུ་བཅུག་པའི་དགུ་ལིང་བྱ། རླུང་རྟའི་འབྱུང་བ་གང་ཡིན་གྱི་ཁ་དོག་བསྒྱུར་བའི་རས་སམ་ཤོག་གུ་ལ་ཨོཾ་ཨཱཿ

― MR07_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ་ཧོ་ཧེ་སྟག་སེང་ཁྱུང་འབྲུག་འདི་ཡར་བསྐྱེད་ཡ་ཀུན་འདུས་སརྦ་འདུ་འདུ་ཧོཿ ཅེས་པ་འདི་མཚལ་དང་བའམ་ར་དཀར་མོའི་འོ་མས་བྲིས་པ་འཁོར་ལོའི་ལྟེ་བར་བཅུག ༥ བླ་བསྐྱེད་པ་ནི། སྲོག་སྨེ་དབུས་སུ་བཅུག་པའི་དགུ་ལིང་བྱ་མིང་འདིའི་བླ་དར་བར་གྱིས་བླ་འཁྱམས་པ་ཁུག་པར་མཛོད། ཅེས་པ་སྤེལ་ཚིག་ལ་བྲིས་པ་མ་གཏོགས་སྲོག་བསྐྱེད་པ་དང་འདྲའོ། ༦ །རང་སྐེག་ལ་བབས་པའི་མི་ལ། མུ་ཁྱུད་གཉིས་བདུན་ལ་རང་སྐེག་གིས་བཅད་པའི་གནོད་པ་ལས་སྲུངས་ཤིག །དགུ་ལིང་དབུས་སུ་ལྔ་སེར་བྲིས་ཏེ་བཏགས་པས་ཐུབ་བོ། ༧ །བཞི་གཤེད་ཀྱི་གེགས་ལ་བབ་པའམ། གཟའ་མི་བཞི་གཤེད་དུ་བྱུང་བ་ལ། མུ་ཁྱུད་གཉིས་བདུན་ལ་བཞི་གཤེད་ཀྱིས་གནོད་པ་ལས་སྲུངས་ཤིག །ཅེས་བྲིས། གཟའ་མི་གཉིས་ཀྱི་ལུས་སྨེ་དབུས་སུ་བཅུག་པའི་དགུ་ལིང་དང་ན་རེས་དང་འཆི་རེས་ཀྱིས་གནོད་པ་ལས་སྲུངས་ཤིག །བྱ་བ་མུ་ཁྱུད་ལ་བྲིས། ༨ ལོ་ཀེག་ཅན་མི་གཟའ་མིའམ་དཔོན་གཡོག་ཏུ་སྡེབས་པ་ལ། ལོ་སྐོར་རོ་འདོད་ཀྱི་གནོད་པ་ལས་སྲུངས་ཤིག །ཅེས་བྲིས། དགུ་ལིང་དབུས་སུ་སོ་སོའི་ཀླུང་སྨེ་བཅུག་གོ ༩ །

― MR07_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་མོའི་བདུན་ཟུར་ལ་བབས་ན། དབང་སྨེ་དབུས་སུ་བཅུག་པའི་དགུ་ལིང་དང་། མུ་ཁྱུད་ལ་བདུན་ཟུར་གྱིས་གནོད་པ་ལས་སྐྱོབས་ཤིག་བྲིས། ༡༠ ཕོ་མོ་དགུ་མིག་ལ་འདུས་པའམ་དགུ་མིག་ལ་བྱིས་པ་བཙས་པའམ། དགུ་མིག་ཅན་ལ་དགུ་ལིང་དབུས་སུ་བརྒྱད་དཀར་བྲིས། མུ་ཁྱུད་ལ། དགུ་མིག་ལས་སྐྱོབས་ཤིག །ཅེས་བྲིས། ལ་རྩེ་དགུའི་ས། ཞིང་མུ་མ་ཅན་དགུའི་ས། ཆུ་མིག་དགུའི་ཆུ་རྣམས་ས་རྡོ་དང་བསྲེས་པ་དང་ལྷན་ཅིག་ན་བཟའ་དཀར་པོས་གྲིལ་ཏེ་བཏག་གོ །༡༡ དུར་ངན་འདོམ་འདུས་པའམ་བྱིས་པ་དུར་ཐོག་ཏུ་སྐྱེས་པ་ལ་ལྔ་སེར་དབུས་སུ་བཅུག་པའི་དགུ་ལིང་དང་། མུ་ཁྱུད་ལ་དུར་ཁ་བྱེ་བའི་གནོད་པ་ལས་སྐྱོབས་ཤིག །དུར་མིག་བཞི་བསྡོམས་ཤིག །དུར་ཁྲོད་ཀྱིས་དང་མི་རུས་དང་བཅས་པ་བཏགས་པས་ཐུབ་བོ། ༡༢ །སྨེ་བ་གཉིས་ནག་ལ་སྐྱེས་པ་དང་གཉིས་ནག་ནང་བསྡེབས་པ་སོགས་སྨེ་བ་ངན་པའི་ཁ་མནན་པ་ནི། དྲུག་དཀར་དབུས་སུ་བཅུག་པའི་དགུ་ལིང་། མུ་ཁྱུད་ལ་སྨེ་བ་ངན་པ་ཐམས་ཅད་ལས་སྐྱོབས་ཤིག །གཉིས་ནག་གི་ཁ་ནོན་ཅིག །

― MR07_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་བྲིས། མཆོད་རྟེན་ནམ་ལྷ་ཁང་བྱིན་རླབས་ཅན་གྱི་རྡུལ་དང་སྟག་རས་གཟིག་རས། གཟུག་མོའི་སྒྲོ། དུང་གི་ཤྭ་དང་བཅས་པ་བཏགས་པས་ཐུབ་བོ། །༡༣ སྨེ་བ་དགུ་དམར་རྨངས་པོ་ཟངས་ཡག་གི་སྨེ་བ་ཞབས་འཛག་པ་སྲུངས་བ་ནི། དམར་དབུས་སུ་བཅུག་པའི་དགུ་ལིང་བྱ། མུ་ཁྱུད་ལ་སྨེ་བ་བཟང་པོ་འཛག་ཤིང་ཉམས་པའི་ཁ་སྡོམས་ཤིག །དཔལ་དུ་བསྐྱེད་ཅིག །ཅེས་བྲིས། བུད་མེད་བུ་བདུན་སྐྱེས་པའི་གོས་དུམ་དང་། སྔགས་པ་ནུས་པ་ཅན་གྱི་གོས་དུམ་གྱིས་གྲིལ་ལ་བཏགས་སོ། ༡༤ །ལོ་སྒང་ལོག་ཞེས་པ་བུད་མེད་ལ་ཕོ་ལོ་བྱུང་། །སྐྱེས་པ་ལ་མོ་ལོ་བྱུང་ན། དགུ་ལིང་ལྟེ་བར་སྲོག་གི་སྨེ་བ་གཉིས་ཁ་བསྒྱུར་ལ། ཕོའི་སྲོག་སྨེ་མོ་ལ་བཅུག །མོའི་སྲོག་སྨེ་ཕོ་ལ་བྲིས། མུ་ཁྱུད་ལ་ལོ་སྒང་ལོག་གིས་དབང་ཐང་དང་ལོངས་སྤྱོད་གོ་ལོག་པ་ཐམས་ཅད་བསྒྱུར་ཅིག་བྲིས། ཕོའི་སྲོག་གི་ཁ་དོག་གིས་བུད་མེད་ཀྱི་སྲུང་ཐུམ་བྱ། བུད་མེད་ཀྱི་སྲོག་གི་ཁ་དོག་གིས་ཕོའི་སྲུང་ཐུམ་བྱས་པས་ཐུབ་བོ། ༡༥། ལྕགས་བཞི་མེ་བརྒྱད་ལ་སྐྱེས་པ་དང་། སྐྱེས་པ་ལྕགས་བཞི་མེ་བརྒྱད་ནང་སྡེབ་བྱུང་ན། དགུ་ལིང་དབུས་སུ་བརྒྱད་

― MR07_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་བྲིས། མུ་ཁྱུད་ལ་ལྕགས་བཞི་ཁ་བརྡར་བ་ལས་སྐྱོབས་ཤིག །ཅེས་པ་འམ་མེ་བརྒྱད་ཚ་བ་བརྩེགས་པ་ལས་སྲུངས་ཤིག །ཅེས་བྲིས། ལྕགས་བཞི་ལ་གྲི་ལྕགས་ཐོག་ལྕགས། གསེར་དངུལ་དང་། མེ་བརྒྱད་ལ་མེ་རྡོ་མེ་ཤེལ་མེ་ལྕགས་ཀྱི་དུམ་བུ་རྡོ་སོལ་རྡོག་པོ་གཅིག་བཅས་ལྟེ་བར་གྲིལ་ལ་བཏགས་པས་ཐུབ་བོ། ༡༦། ཐན་པ་མི་བདུན་ལ་བབས་པའམ་སྐྱེས་པའམ། ནང་གེགས་བྱུང་ན་དགུ་ལིང་ཐོག་མར་གསུམ་མཐིང་བྲིས། མུ་ཁྱུད་ལ་ཐན་པ་མི་བདུན་གྱི་གོད་ཁ་སྲུང་བར་གྱིས་ཤིག་ཅེས་བྲིས། ཆུ་མིག་བཅུ་གསུམ་ནས་བླངས་པའི་རྡེའུ་སྔོན་པོ་ལྟེ་བར་གཏུམས་ལ་བཏགས། ༡༧ ཆུང་སྲི་ལངས་ནས་བུ་ཚ་མ་བཏུབ་ན། དགུ་ལིང་ལྟེ་བར་ལྔ་སེར་བྲིས། མུ་ཁྱུད་ལ་ཆུང་སྲིའི་ཁ་ཆིངས་ཤིག །ཅེས་པ་བྲིས། བུ་ཚ་རྟིང་མ་གང་ཤི་བ་དེའི་ལོ་གང་ཡིན་པའི་མདོག་ལ་ན་བཟའ་བྱ། སྟག་གི་ཤ་གྲུམ་པའི་སྤུ་རི་བོང་རྣ་བ་གཡས་པ་རྣམས་དང་། བུ་ཤིང་གང་རྙེད་དང་བཅས་པ་བཏགས་སོ། ༡༨ །བུ་ཚ་སྐྱེས་འཕྲོ་ཆད་ན། དགུ་ལིང་ལྟེ་བར་དགུ་དམར་བྲིས། མུ་ཁྱུད་ལ་ཆད་པ་མཐུད་ལ་མི་རབ་སྤེལ་

― MR07_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་ཅེས་བྲིས། བུད་མེད་བུ་དགུ་སྐྱེས་པའི་གོས་ཀྱིས་བཏུམ། མགྲོན་བུ། བུ་མ། སྐྱེས་པ་བུད་མེད་མི་གཅིག་པ་གསུམ་ལ་སྐྱེས་བུ་སྐྱེས་པའི་སྐྲའི་གྲིལ་ནས་བཏག་གོ །༡༩ །སྲིད་ཀྱི་ལྟེ་བ་བསྒྱུར་བ་ལ། དགུ་ལིང་དབུས་སུ་བཞི་ལྗང་བྲིས། མུ་ཁྱུད་ལ་མིང་འདི་ཞེས་བྱ་བའི་སྲིད་བུ་རུ་བསྒྱུར་ཅིག་ཅེས་བྲིས། ལུག་གུ་རེའུ་བུའི་ལྟེ་བ་རྣམས་འཁོར་ལོའི་ལྟེ་བར་དྲིལ་ལ་བཏགས། ཧལ་ཁྱིའི་མདོས་བཏང་ངོ་། ༢༠ །གོད་སྲི་རྒྱུན་དུ་ལྡངས་ན་ཕྱུགས་ཐ་མ་ཤི་བའི་ཐོད་པར་དགུ་ལིང་དབུས་སུ་བདུན་དམར་བྲིས། མུ་ཁྱུད་ལ་གོད་སྲི་ནན་ཅེས་བྲིས། དེ་ཐོད་པར་བཅུག་ལམ་རྒྱ་གྲམ་དུ་སྦས་སོ། ༢༡ །གཟའ་གསུམ་འདོམ་ལ་སྐྱེས་པའམ། གསུམ་འདམ་པ་གཉིས་འདུས་ན། དགུ་ལིང་ལྟེ་བར་བརྒྱད་དཀར་བྲིས། མུ་ཁྱུད་ལ་གཟའ་གསུམ་སོ་སོའི་ཉེས་པ་ལས་སྐྱོབས་ཤིག་བྲིས། མི་དམར་འདོམ་ན་བྱི་ཕག་སྤུ་དང་ཆུ་ཤེལ།

― MR07_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་བུ་འདོམ་ན་བྱ་སྤྲེལ་སྤུ་དང་མེ་ལྕགས་དུམ་བུ། སྤེན་པ་འདོམ་ན་རི་བོང་སྤུ་དང་སྐྱེར་པའི་ཕུར་བུ། ཟླ་བའི་བུ་འདོམ་ན་སཙྪ་སེར་པོ་དང་། ཁྱི་རྒྱ་བོའི་སྤུ་རྣམས་གྲིལ་ལ་བཏགས་པས་ཐུབ་བོ། ༢༢ །སྐྱེས་པ་ཕ་ཡི་སྲུང་ཀླུང་གིས་མ་ཟིན་པ་དང་། བུད་མེད་མའི་ཀླུང་གི་མ་ཟིན་ན། བུ་མོ་མང་བ་དང་དབང་ཐང་ཆུང་བ་ལ་སོགས་པ་ཉེས་པ་མང་པོ་ཡོང་བ་དེ་སྐྱོབ་པ་ནི། དགུ་ལིང་དབུས་སུ་ལྔ་སེར་བྲིས། མུ་ཁྱུད་ལ། ཕ་མའི་ཀླུང་གིས་མ་ཟིན་པ་ཐམས་ཅད་ལས་སྐྱོབས་ཤིག །ཅེས་བྲིས། རིན་ཆེན་སྣ་ལྔ་གང་ཟག་ཁྱད་པར་ཅན་གྱི་རིང་བསྲེལ་དང་བཅས་པས་ཐུབ་བོ། ༢༣ །ལྟས་ངན་ཁྱིམ་བབས་འདུས་ཀླུང་སྐྱོབ་པ་ནི། དགུ་ལིང་དབུས་སུ་ལྔ་སེར་བྲིས། ལྟས་ངན་ཁྱིམ་པའི་འདུས་ཀླུང་ངན་པ་ཐམས་ཅད་ལས་སྐྱོབས་ཤིག་ཅེས་བྲིས། རྔ་མོང་གི་སྤུ་དང་ཕ་ཝཾ་གི་སྒྲོ། དྲེའུའི་སྤུ་གསུམ་གྱིས་དྲིལ་ནས་བཏགས་པས་ཐུབ་བོ། །༢༤ །ཕུང་སྲི་ཁ་ཆིངས་ལ། དབུས་སུ་ལྔ་སེར་བྲིས། མུ་ཁྱུད་ལ་ཕུང་སྲིའི་ཁ་ཆིངས་ཤིག །ཤོག་གུ་ཞིག་ལ་ཕུང་སྲི་ནན་མཱ་ར་ཡ་ཛ་དུམ་བྷྱོ་རྦད། ཅེས་པ་ལྔ་སེར་ལ་ཁ་སྦྱར་ལ། མཛོའི་སྤུ་དང་སྤྲེའུའི་ཤ་དང་བཅས་ཏེ་བཏགས་སོ། ༢༥ འདྲེ་མོའམ་བསེན་མོས་གནོད་ན་དེའི་ཁ་བཅིངས་པ་ནི། དགུ་ལིང་ལྟེ་བར་གཉིས་ནག་བྲིས། མུ་ཁྱུད་ལ་འདྲེ་མོ་བསེན་མོའི་ཁ་ཆིངས་ཧཱུྃ་ཛ་གྲིག་ཤྭ་ནག་མོ་ཁ་ལ་དུན་ཙེ་རྦད། ནག་མོ་ཟ་འགྲམ་ཁ་

― MR07_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

ལིང་རྦད། དམ་སྲི་འདྲེ་མོའི་ཁ་ཆིངས་ཞེས་བྲིས། འཁོར་ལོ་མགར་བའི་སྦྲའི་དུམ་བུའམ་རེ་བས་གྲིལ་ལ་བཏགས་པས་ཐུབ་བོ། ༢༦ །རྒྱལ་པོ་ཁ་ཆིངས་ནི། གཅིག་དཀར་དབུས་སུ་བཅུགས་པའི་དགུ་ལིང་བྲིས། མུ་ཁྱུད་ལ་རྒྱལ་པོའི་ཁ་ཆིངས་ཤིག་རཱ་ཛ་མཱ་ར་ཡ་རྦད་རཱ་ཛ་མྱག་ཐུཾ་རིལ་རྦད་རཱ་ཛ་ཏྲིག་ནན་ཅེས་བྲིས། དེ་ཁྱི་དཀར་པོའི་སྙིང་ཤུན་གྱིས་གྲིལ་ལ་བཏགས་སོ། །༢༧ འགོང་པོ་ཁ་ཆིངས་ནི། དགུ་ལིང་དབུས་སུ་གཅིག་དཀར་བྲིས། མུ་ཁྱུད་ལ་འགོང་པོའི་ཁ་ཆིངས་ཨོཾ་ཧཱུྃ་རཱ་ཛ་ཏྲིའུ་རྦད་ཆིངས་ནན། འགོང་པོའི་ཁ་ཆིངས་ཐ་མ་རྦད་གོད་འདྲེའི་ཁ་ཐམ་སྲིས་རྐུན་ཁ་ཐམ་ཆིངས་ཕུང་སྲིའི་ཁ་ཐམ་ཆིངས་ཞེས་བྲིས། རི་བོང་གི་ལྤགས་པས་དྲིལ་ཏེ་བཏགས་སོ། ༢༨། མཛེ་འཕྲོ་བཅད་པ་ལ་དགུ་ལིང་དབུས་སུ་ལྔ་སེར་བྲིས། མུ་ཁྱུད་ལ་འདི་འཆང་བའི་མཛེ་འཕྲོ་ཆོད། ཨོཾ་བམ་ཕེ་ལམ་ཧཱུྃ་རཀྵ་རཀྵ་ཀུ་རུ་མཱུཾ། ཅེས་བྲིས། དེ་སྦྲུལ་གྱི་ལྤགས་པས་གྲིལ། ཁྱི་སྨྱོན་གྱི་མཆེ་བ་དང་ལྷན་ཅིག་བཏགས་སོ། ༢༩ །ས་བདག་ཁ་ཆིངས་ལ། དགུ་ལིང་དབུས་སུ་ལྔ་སེར་བྲིས། མུ་ཁྱུད་ལས་བདག་གི་གནོད་པའི་ཁ་ཆིངས་ཨོཾ་ཨཱཿཧཱུྃ་ནག་རཱ་ཛ་ས་མ་ཡཱ་ཕྱེ་ནཱ་ག་ཡན་ཏེ་ཁྲོལ་ནཱ་ག་ཤནྟིཾ་ཤིག་ནཱ་ག་དུན་ཏྲིག་རྦད། ནཱ་ག་རཱ་ཛ་ས་མ་ཡ་ཕུད་ནག་པོ་ཙིཏྟ་ཛྭ་ལ་ཤིག་ཕུད་ཅེས་བྲིས། རྨ་བྱའི་

― MR07_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོ་སྦལ་པའི་མགོ་སྡིག་པའི་རྭ་དང་བཅས་པ་བཏགས་སོ། ༣༠ །མི་མང་པོ་བཏུད་ནས་ཤི་བའི་ཤི་རྒབ་བཅད་པ་ནི། དགུ་ལིང་དབུས་སུ་ཐ་མར་ཤི་བ་དེ་བུད་མེད་ཡིན་ན་གཉིས་ནག་སྐྱེས་པ་ཡིན་ན་གསུམ་མཐིང་། བྱིས་སྦ་ལོ་བདུན་མན་ཡིན་ན་གཅིག་དཀར་བྲིས། མུ་ཁྱུད་ལ་ཤི་ཁ་ཆོད་ཅེས་བྲིས། དེ་སྔགས་པ་ནུས་པ་ཅན་གྱི་ལྷམ་གྱི་དུམ་བུ་དང་ཕག་གི་མཆེ་བ་སྟག་གི་རས་མ་སྤྲེའུའི་སྤུ་དང་བཅས་པ་བཏགས་པས་ཐུབ་བོ། ༣༡ །གཟའ་ཚང་ནང་གི་སྐྱེས་པ་ཐམས་ཅད་མོ་ལོ་དྲུག་ལ་སྐྱེས་པ་དང་། བུད་མེད་ཐམས་ཅད་ཕོ་ལོ་དྲུག་ལ་སྐྱེས་ན་འབྱུང་བ་གཡུལ་ལོག་ཅེས་ཐ་མར་བུད་མེད་དར་ཞིང་སྐྱེས་པ་རབས་ཆད་པས། དེ་བསྲུང་བ་ནི། དགུ་ལིང་དབུས་སུ་བརྒྱད་དཀར་བྲིས། མུ་ཁྱུད་ལ་འབྱུང་བ་གཡུལ་ལོག་ལས་སྲུང་ཤིག །མཾ་ལཾ་ཡཾ་བྲུཾ་ཁཾ་ཅེས་བྲིས། དེ་རྟ་དང་བྱི་བའི་ལྤགས་པས་གཏུམས་ཏེ་བཏགས། ༣༢ བྱིས་སྦ་ཤྭ་རེའམ་དྲུ་གུ་ཅན་ནམ་ཁོང་ནས་སོ་སྐྱེས་པ་སོགས་བྱུང་ན་དགུ་ལིང་དབུས་སུ་དྲུག་དཀར་བྲིས། མུ་ཁྱུད་ལ་མི་མཐའ་ངན་པའི་ལྟས་ངན་བཟློག་ཅིག་ཏྲིའུ་ཏྲིའུ་བཟློག་བཟློག །རྦབ་རིལ་བྷྱོ་

― MR07_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག །ཅེས་བྲིས། དེ་རྔ་མོང་སྤུའི་གཏུམས། མཛོ་རྟོལ་གྱི་ཁྲག་གིས་བྱུགས་ནས་བྱིས་པ་དེ་ལ་བཏགས་སོ། ༣༣ །ཕྱུག་པོ་རྨིང་པོར་སོང་བའམ། རྒྱལ་པོ་འབངས་སུ་བབས་པའམ། དགེ་བཤེས་ཁྲིམས་གདན་ཁྲི་ལ་བབས་པ་སྣང་། ཉམས་པ་སོགས་ནི་སྲིད་པ་གོང་འོག་བསྒྱུར་བ་ཞེས་བྱ་སྟེ། དེའི་ཉེས་སྐྱོན་སྐྱོབ་ཅིང་སེལ་བ་ནི། དགུ་ལིང་དབུས་སུ་དགུ་དམར་བྲིས། མུ་ཁྱུད་ལ་སྲིད་པ་གོང་འོག་བསྒྱུར་བ་ལས་སྐྱོབས་ལ་དབང་ཀླུང་རྒྱས་པར་མཛོད་ཅིག །ཨེ་བྲུཾ་ཧྲཱིཿབྲུཾ་ཨཱཿབྷྲཱུྃ་སིདྡྷི་པུཎྱ་པ་ཤཾ་ཀུ་རུ་ཧོཿཅེས་བྲིས། འཁོར་ལོ་ཞིག་ལ། དབུས་སུ་འཁོར་ལོ་ཤར་དུ་རྡོ་རྗེ། ལྷོར་རིན་པོ་ཆེ། ནུབ་ཏུ་པདྨ། བྱང་དུ་རལ་གྲི་བྲིས་པ་དང་ཁ་སྦྱར་ལ་རྒྱལ་ཆེན་དབུས་ཀྱིས། བླ་མ་ཆེན་པོའི་གདན་ཁྲིའི་ས། ཕྱུགས་པོ་ཆེན་པོའི་བང་མཛོད་ས། ཞིང་མུ་མའི་ས་འདི་རྣམས་འཁྱིལ་ཆུས་སྦྲུས་པའི་རིན་པོ་ཆེའི་གཟུགས་ཀྱི་ནང་དུ་བཅུག་སྟེ། དེ་ཉིད་ལ་བཏགས་པས་ཐུབ་བོ། ༣༤ །ཕྱོགས་ངན་གྱི་སྟེང་ངམ་བདུད་གཅོད་འདྲེ་ལྔའི་ཕྱོགས་སུ་འགྲོ་དགོས་པའམ། ས་བདག་གདུག་པ་ཅན་གྱི་སར་འགྲོ་ན། དེའི་སྐྱོན་བསྲུང་ནི། དབུས་སུ་ལྔ་སེར་ཡོད་པའི་དགུ་ལིང་

― MR07_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། མུ་ཁྱུད་ལ་ཕྱོགས་ལོག་བདུད་གཅོད་འདྲེ་ལྔ་ས་བདག་གདུག་པ་ཅན་དང་ཐུག་པའི་གནོད་པ་ལས་སྐྱོབས་ཤིག་མ་མ་རཀྵ་ཀུ་རུ། ཅེས་བྲིས། དེ་ནས་འགྲོས་ཤར་དུ་ལྕགས་ཚོན་གང་བ། ལྷོར་བྱི་བའི་སྤུ། ནུབ་ཏུ་མེ་ལྕགས་མེ་ཤེལ། བྱང་དུ་ས་སེར། མཚམས་བཞིར་སྐྱེར་ཕུར་སོར་བཞི་དང་བཅས་ནས་བཏགས་པས་ཕྱོགས་ངན་ཐུབ་བོ། ༣༥ །ཡུལ་དུ་ནད་ཡམས་ཆེན་པོ་བྱུང་བ་དེ་བཟློག་པ་ནི། ལྔ་སེར་དབུས་སུ་བྱས་པའི་དགུ་ལིང་བྲིས་མུ་ཁྱུད་ལ་འབྱུང་བའི་རྒྱལ་ཡམས་བཟློག་ཅིག །ཅེས་དེ་ལ་ཙནྡན་ཤུ་དག་གུ་གུལ་བཙན་དུག་གླ་རྩི་རྣམས་བྱུགས་རོ་རས་ཀྱིས་གྲིལ་ལ། མཆོད་རྟེན་ནམ་ཁང་པའི་རྩེ་ལ་བཏགས་སོ། ༣༦ །ཁང་པ་ལ་མེ་ཤོར་བའམ། ལྟས་ངན་པ་གང་བྱུང་ཡང་བཟློག་པ་ནི། དབུས་སུ་ལྔ་སེར་ཡོད་པའི་དགུ་ལིང་བྱ། མུ་ཁྱུད་ལ་མཚན་མ་འདི་དང་འདི་བཟློག་ཅིག་བསྒྱུར་ཅིག་བྲིས། ཕ་ཝང་གི་རླུང་བུར་བཅུག་ལ་སྒོ་གོང་ལ་བཏགས་པས་ཐུབ་བོ། ༣༧ །འདྲེ་མོའི་ཁ་ཆིང་ནི། གཉིས་ནག་དབུས་སུ་ཡོད་པའི་དགུ་ལིང་བྱ། མུ་ཁྱུད་ལ་བཛྲ་བཛྲ་ཏྲི་ཏྲི་གྲི་མོ་ཁ་བསྡོམས་ཏྲེའུ་ལིང་རྦད་སརྦ་མཱ་ར་ཡ་རྦུད་ནྲྀ་ཏྲི་

― MR07_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

ཛ་བྲིས་ཏེ་ཡུག་ས་མའི་སྐྲ་སྐུད་ཀྱིས་བཅིངས་ལ་བཏག་གོ ༣༨ །བཀྲ་མི་ཤིས་པའི་ཉེས་པ་ཐམས་ཅད་ལས་སྐྱོབ་ཅིང་ཉེས་ཀུན་ཐུབ་པ་ནི། བརྒྱད་དཀར་དབུས་སུ་བཅུག་པའི་དགུ་ལིང་བྱ། མུ་ཁྱུད་ལ་ཉེས་པ་ཐམས་ཅད་ལས་སྐྱོབས་ལ་ཕུན་སུམ་ཚོགས་པ་ཐམས་ཅད་སྤེལ་ཅིག །པུཥྚིཾ་ཤཱནྟིཾ་ཝ་ཤཾ་མཱ་ར་ཡ་ཀུ་རུ་ཧོཿ མ་མ་པུཎྱེ་ཨཱ་ཡུཪྫྙཱ་ནཱ་ཧྲཱིཿ ཅེས་བྲིས་དེ་ལ་བཟང་དྲུག་དང་། མངར་གསུམ་བྱུགས། དར་ཚོན་སྣ་ལྔས་གྲིལ་ལ་རྒྱལ་མཚན་གྱི་རྩེ་མོའམ་ལྷ་ཁང་ལ་སོགས་ཀྱི་པུ་ཤུའམ་བསྒྲུབ་བྱའི་རྐེ་ལ་བཏག་གོ །འདི་དག་རྒྱ་རྗེ་ཕྱག་སྦལ་གྱི་གདམས་པ་དཀོར་མཛོད་རིན་པོ་ཆེའི་སྒྲོམ་བུའི་ཆ་ལག་གཞན་ལ་མེད་པའི་ཁྱད་ཆོས་ཁམས་པ་ཁྲ་མོས་བསྒྱུར་བའོ། །འདི་ལ་རྒྱས་བསྡུས་འགའ་རེ་ཡོད་ཀྱང་། འདི་ཁུངས་བཙུན་ཞིང་ཤིན་ཏུ་དཀོན་པར་འདུག་གོ །མངྒ་ལཾ།། ལི ཁོན དྭ ཁེན ཁཾ གེན ཟིན ཟོན། ལོ་ཀུན་ཐུབ་རྫས་ལོ་བཅུ་གཉིས་ཤ་ཁྲག་གམ་སྤུ། དར་མཚོན་སྣ་ལྔ། བྱ་རྒོད་ཟེ་བའི་སྤུ། བྱ་ཕོའི་ཁྲག །བྱ་མོའི་མཚོན་སྤུ། བྱ་འུག་གང་ལ་འགྲོ་ཞེས་ལུམ་ན་འདུག །གཞན་ཡང་ལོ་ཀུན་ཐུབ་ལ་ལོ་བཅུ་གཉིས་

― MR07_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཤིང་བཅུ་གཉིས། ཤིང་ལྔ་མེ་ལྔ་སོགས་ཡོད་དགེ། འཁོར་ལོ་འདི་དཔེ་འགའ་དང་བསྡུར་སྲོག་སོགས་བསྐྱེད་སྔགས་ལ་བཻཌཱུར་ལྟར་ཅུང་བསྣན་བཅས་མི་ཕམ་པས་དག་པར་བྱས་པའོ།། །།མངྒ་ལཾཿ

སྤོམ་གཏའ་ཆེན་མོ་བཀྲ་ཤིས་ཀུན་ཁྱབ།

― MR07_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

སྤོམ་གཏའ་ཆེན་མོ་བཀྲ་ཤིས་ཀུན་ཁྱབ་ཅེས་བྱ་བ་བཞུགས་སོ། །

― MR07_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་པདྨ་མཉྫུ་ཤྲཱི་བ་རད་བཛྲ་པཱ་དཱ་ཡ། འདིར་ཕྱོགས་དང་དུས་ཀྱི་ཆ་གང་དུ་རྒྱུ་ཞིང་གནས་པའི་གདུག་པ་ཅན་རྣམས་ཀྱི་ཉེས་པ་ཐམས་ཅད་སྤྱི་བཅོས་གཅིག་ཆོག་རྒྱལ་པོ་སྤོམ་གཏའ་ཆེན་མོའི་ལག་ལེན་གསལ་བར་བརྗོད་པ་ལ། སྤོམ་གཏའ་འདི་ལ་རྩིས་རྒྱུད་དང་པཎ་གྲུབ་ཀྱི་མན་ངག །ཀོང་ཙེ་ལུགས་བཀའ་མ། པདྨའི་བཀའ་སྲོལ་གཏེར་ཁ་ནས་བྱུང་བ་སོགས་རྒྱས་བསྡུས་སྣ་ཚོགས་ཡོད་ཀྱང་། འདིར་ལག་ལེན་བསྡོམ་སྟེ་བརྒྱད་བཅུ་བཀྲ་ཤིས་ཀྱི་སྤོམ་གཏའ་ཆེན་མོ་འདི་བཅས་ན། ལས་དང་བྱ་བ་ཆེ་ཕྲ་ཅི་ལ་ཡང་། ཉེས་དགུ་ཐམས་ཅད་སེལ་ཞིང་ལེགས་དགུ་ཐམས་ཅད་འབྱུང་བའི་ཕྱིར། ལྟད་སྟོན་སོགས་རྔམ་ཆེན་གྱི་བྱ་བ་བྱེད་དུས་འདི་ཅིས་ཀྱང་གལ་ཆེའོ། །སྨེ་བ་དབུས་བཅུག་བཀོད་

― MR07_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

པས། མཆན། དེ་ཡང་གནམ་ལོ་དེའི་ནག་པོ་ཆེན་པོ་སྟེ་སྨེ་བ་གཉིས་ནག་གང་དུ་གནས་པའི་ཕྱོགས་སུ་ཤིང་སྡོང་པོ་རིང་པོ་ཞིག་གི་རྩེར། སེ་བའི་ཤིང་ལོ་མ་དང་ལྡན་པ་རྩེ་རྒྱལ་དང་། ཐེ་སེ་སོགས་སྒྲིབ་བྱེད། དེ་དང་མཉམ་དུ་སྐྱེར་ཚེར་མགོ་ལིང་བཅས་ལ་སྦྱིན་བདག་གི་ཁམས་རུས་ཀྱི་བླ་མདོག་བསྟུན་དར་བཏགས། དེ་ལ་ནམ་མཁའ་འཇའ་རིས་ཅན་དང་། སྨྱུག་རྒོད་ལ་དར་སྣ་ལྔ། བལ་ཚོན་ལྔ། རས་སྣ་ལྔ་རིན་ཆེན་སྣ་ལྔ། སྟག་གཟིག་རས་ལོའི་མ་སོགས་དཔྱངས་པས་བརྒྱན་ལོ་དེའི་གནམ་ཁྱི་ཐུབ། དེའི་དྲུང་དུ་རིགས་སུམས་མགོན་པོ་དང་ཐུབ་དབང་པད་འབྱུང་སོགས་ཀྱི་སྐུ། མཚན་བརྗོད་སྡུད་པ་སོགས་ཀྱི་གླེགས་བམ། མཆོད་རྟེན་ཏེ་སྐུ་གསུང་ཐུགས་རྟེན་བཀོད། དེའི་ཕྱོགས་བཞིར་ས་བདག་ཐམས་ཅད། སྟག་

― MR07_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱ་སོགས་ཕྱོགས་ཀྱི་ལྷ་བཞིའི་གཟུགས་བཀོད། དེའི་དྲུང་དུ་སྣང་བརྒྱད་གླེགས་བམ་མམ་སྙིང་པོ། །རུས་སྦལ་ཁོག་པ། ཐེ་སེ་ཐུབ། རྨ་བྱའི་མདོངས། མེ་ལོང་། ཕག་མཆེ། བློན་པོ་གཟུག་མོ་བྱི་ཐུར། དུང་ཤོ། ཚོན་གྱི་དྲུ་གུ། སེང་ལྡེང་ཕུར་བུ། ཁྲབ་བྱང་མིག་དགུ། སྦ་ལྕགས་དར་སྣ་ལྔས་བརྒྱན་པ། མདའ་དར། འཕང་། གཟི་དང་གཡུ་སོགས་དང་མགྲོན་བུ་རྣམས་དཔྱངས་ཏེ་བཞག །དེར་རྫས་ཀྱི་ཐུམ་པོ་ནི། བཟང་དྲུག་ནག་པོ་དགུ་སྦྱོར། རྫ་ནག་དྲེག་པ། མགར་གྱི་སོ་ཏོག །འབྲས་བུ་སྣ་ཚོགས་ཐུམ་པོ། ཚིགས་གསུམ་པ། སེ་བ་རང་རྟ། བློན་པོ་སོགས། གྲུམ་པའི་སྤུ། རྟ་དྲེལ་རྐྱང་གསུམ་གྱི་རྔ་རྔོག །བྱ་རོག་སྒྲོ། གསེར་དངུལ་སོགས་རིན་ཆེན་ཕྱེ་མ་ཐུམ་པོ། ལྡུམ་བུ་སྟག་ཤ། ནས་ཚིག་ཐུམ་པོ། འབྲུ་སྣ་ཐུམ་པོ་རྣམས་གདགས། དེའི་འོག་ཏུ་གཡག་གི་མགོ་དང་ལུག་གི་མགོ་གཉིས་དང་། ཁྱད་པར་ཁྲོམ་བཅོས་ཀྱི་ར་མགོ་སྤོམ་གཏའ་ནི། ར་མགོ་གཅིག་ལ་མི་ཁའི་རྫས་བྲ་བོ་སྲན་མ་སྒོག་པ་ཟ་པ་ལོ་སྦང་མ་སོགས་ཀྱིས་བརྒྱན། ཁྲོཾ་ནོན་ཅིག་ཧྲིཿཀྵ་ཧཱུྃ༔ ཞེས་པ་གྲོ་གར་དབུ་ཅན་དུ་བྲིས་ལ་ར་མགོ་དེའི་ཁར་བཅུག །དེ་བཞིན་ཤོག་བྱང་ལ་མིག་སོགས་གནས་སོ་སོར་གཞུག་རྒྱུའི་ཡི་གེ་འདི་རྣམས་བྲིས། མིག་ཏུ། མིག་གིས་ཁྲོམ་ལ་ལེགས་པར་ལྟོས་ལ་ལྟས་ངན་བཟློག་གཅིག་ཅེས་བྲིས་པ་བཏགས། དེ་བཞིན་རྣ་བར། རྣ་བས་སྒྲ་སྙན་པོ་ཉོན་ཅིག །ཅེས་དང་། ལྕེ་ལ།

― MR07_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕེས་ཤིང་ཟན་སྟོན་མོ་ཟོ་ལ། ཁྲོཾ་ལེགས་པར་སྐྱོངས་ཤིག །ཅེས་དང་། སྣ་ལ། སྣས་དྲི་ཞིམ་པོ་སྣོམས་ལ་ཁྲོཾ་ལེགས་པར་སྐྱོངས་ཤིག་ཅེས་དང་། དཔྲལ་བར་ལྷ་གཉན་པོའི་ཐུགས་ལ་གཡང་ཁྲོཾ་དཔུང་སྐྱེད་ཅིག །གཞན་ཡང་སྣང་བརྒྱད་སྙིང་པོ་བྲིས་པ་བཏགས་ཏེ་རེ་བ་ནག་པོ་བཅས་བཞག་པར་བྱའོ། །ཁྲོཾ་རྩུབ་ན་ར་མགོ་འདི་བསྒུལ་ཙམ་བྱས་པས་ཐུབ། མགོ་དེ་རྣམས་ལ་དུང་ཆེན་ཕྲེང་བ། དྲ་བ་མིག་མང་སོགས་ཀྱིས་བརྒྱན། མགོ་གསུམ་པོ་དེའི་གཡས་གཡོན་དང་ཞབས་སུ་གང་བདེ་བར། གོ་ཁྲབ་མཚོན་ཆ། རྒྱ་སྲང་བྲེ་ཕུལ། མི་ཁའི་རྫས། ངར་གླུད་ནང་དུ་བཅུག་པའི་གྲོད་པ་གཅིག་དབུགས་བརྒྱང་ལ་བཙག་དང་སོལ་བས་ཁ་དགུ་མིག་དགུ་བྲིས་པ་དེ་ལ་ལུག་གི་པགས་བུ་དཀར་ནག་དང་། རྔ་མ་དཀར་ནག་རྣམས་བརྒྱན། དེའི་འོག་ཏུ། ཤིང་སྣ་བཞག་སྟེ། རབ་ཏུ་ཤིང་། ཕ་ལྔ། མ་ལྔ། བུ་ལྔ་ཞེས། ཕ་ལྔ་ནི། ཤུག་པ། སྟག་པ། གཡར་པ། འཁྲིས་པ། གསོམ་པ་སྟེ་ཕོ་ཤིང་ལྔ་དང་། མོ་ཤིང་ནི། སྤེན་མ། གླང་མ། ལྕང་མ། སྟག་མ། གྲ་མ་སྟེ། མ་ལྔར་གྲགས་པ་དང་། བུ་ཤིང་ནི། འོམ་བུ། ཚར་བུ། སྟར་བུ། སུར་བུ། ཁམ་བུ་ལྔ་རྣམས་འཛོམ་པའམ། ཕ་མ་བུ་གསུམ་ཤིང་སྣ་ཅི་འཛོམ་དང་། ས་མདའ་གནམ་མདའ་ཞེས་མདའ་གཉིས་བསྣོལ་ཏེ་མདེའུ་རྩེ་གཅིག་གནམ་དང་གཅིག་

― MR07_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ལ་བསྟན་པ། རྩྭ་ཡི་ཆུན་པོ། ཁྲུད། ཕྱགས་མ། སྦུད་པ། ཁྲོལ་ཚགས། རྫ་མ། གཟར་བུ། ཕོར་ལྡེར། སླ་ང་། ཡོག་མགོ །མཆིག་རྡོ། ཁྲོ་ཟངས། ཤ་དཀར་མོ་ལག་གཡས། ཟོར་བ། སྟ་རེ། གཞོང་པ། འབྲིང་པ། ཐག་པ། སྒང་ཕུག་ཆུས་བཀང་ནང་རྒྱུ་སྐར་ཉེར་བརྒྱད་སྒྲིབ། སོལ་བ་བཏབ། རྡེའུ་ནག་ཉེར་བརྒྱད་བཅུག །བྱུང་ན་ངར་གླུད་ཉེར་བརྒྱད་ཀྱང་བཅུག །གཟའ་བདུན་སྒྲིབ། ཤ་ལག་གཡོན་པ། རྩང་བཞི། རྒྱང་བུ་དཀར་ནག་གནམ་ཁྱི་སོགས། བརྒྱད། ཡ་རབ་ཕོ་ཡི་ཞྭ། མ་རབ་མོ་ཡི་ལྷྭམ་ཧྲུལ་གཡོན་པའི་ནང་དུ་མི་ཁའི་རྫས་བླུགས་པ་རྣམས་བཏགས་པ་སྟེ་སྤོམ་གཏའི་རྫས་ཀྱི་གཙོ་བོ་འདི་རྣམས་ཡིན་ལ། རྒྱས་སྤྲོས་སུ། ཐོང་གཤོལ། གཉའ་ཤིང་། ཐགས་ཆ། སེམས་ཅན་རིགས་མི་གཅིག་པའི་མགོ་ཐོད་སྣ་ཚོགས། རྭ་ཅོ་སྣ་ཚོགས་སོགས་མི་ལ་མཁོ་བའི་རྫས་ཅི་རིགས། སྐྱ་སེར་བུད་མེད་ཀྱི་ཆས་གོས་ཇི་བདོག །མཛོ་དྲེལ་རྟ་སོགས་སྒ་སྟན་སྣ་ཚོགས། གཡག་ཤིང་། ཆུ་སྣོད། མགར་བའི་བླུགས་ཀོང་། ཐབ་ཁའི་བཅའ་ལག་སོགས་མི་ལ་སྲིད་ཚད་ཀྱི་ཡོ་བྱད་ཅི་བདོག་སྦོམ་གཏའི་དྲུང་དུ་བཀོད། སྦོམ་གཏའ་དེའི་མདུན་དུ་མཆོད་པ་ལྔ་ཚར་དང་། ཤ་མར་ཐུད་དང་ཇ་ཆང་ཕྱེ་མར་འོ་ཞོ་སོགས་ཟས་སྣ་དང་ཤེལ་ཚིག་དར་སྣ་བལ་ཚོན་གཟུགས་འགྲོས་བ་དན་ཅི་འབྱོར་གྱི་མཆོད་པ་བཤམས། ཕྱེ་མར་གྱི་གསུར་བཏང་། ལོ་བཅུ་གཉིས་སོགས་ས་བདག་ཆེ་རིགས་ཀྱི་སོ་སོའི་གཟུགས་

― MR07_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

བྲིས་སྤར་ཅི་རིགས་འཛོམ་ཀྱང་ལེགས། དེ་སྟེང་སྤོམ་གཏའ་ལ་སྲིད་པ་ཧུའི་ཕྱག་རྒྱ་དང་། འཇམ་དབྱངས་གསེར་འཁོར། རྭ་ཧུའི་ངོ་ལོན་ཙཀྲ། བིཥྚི་སྒྲིབ་པའི་དབྱུག་པ་སོགས། སྒྲིབ་བཅོས་ཟབ་མོའི་མན་ངག་ཅི་རིགས་པས་བརྒྱན་ཀྱང་ཕུན་སུམ་ཚོགས་པའི་ཡན་ལག་ཏུ་འགྱུར་ལ། དམིགས་ཀྱིས་བསལ་བའི་ས་བདག་དང་ཕྱོགས་ངན་གྱི་སྒྲིབ་བཅོས་སྒེར་པ་དག་ཀྱང་འདིའི་ནང་དུ་ཐེམས་པར་བྱས་ཀྱང་ཆེས་ཟབ་པར་འགྱུར་རོ། །འདི་ནི་གནམ་གཏོ་འམ་གནམ་གྱི་བཅོས། ཕྱོགས་བཀྲ་ཤིས་པའི་སྤོམ་གཏའ་ཆེན་པོ་ཞེས་བྱ་བ་རྒྱས་པའི་ལུགས་ཏེ། འདི་དང་རྗེས་འབྲེལ་དུ་འབྱུང་བའི་ཨུར་གནོན་མན་ངག་ལ། ཤར་དུ་བྱ་སྤྲེལ་གཟུགས་སོགས་འབྱུང་བའི་ཕྱོགས་ཀྱི་དགྲ་ལོའི་གཟུགས་བཞག །ཡང་ཤར་དུ་མེ་མདའ་དང་མཚོན་ཆ། ལྷོར་ཆུ་སྣོད་ཆུས་བཀང་བ། ནུབ་ཏུ་མེ། བྱང་དུ་སཱཙྪ་སེར་པོ། མཚམས་སུ་ཤིང་རིགས་རྩེ་རྒྱལ་རེ་གཟུག །ཡང་སཱཙྪ་དཀར་པོ་ལྔ་ཤར་དུ་བཞག་ནས། ལྕགས་ཀྱི་སྔགས་མ་མ་ཀ་ར་བདུན་བརྗོད། ཤར་ཕྱོགས་ཤིང་གི་དགྲ་ཐམས་ཅད་རཀྵ་རཀྵ་ཞེས་བཟླ། སྤྲོ་ན་སྔགས་དེ་སཱཙྪའི་ནང་དུ་བཅུག་ཀྱང་ལེགས། དེ་བཞིན་ལྷོར་ག་ཙྪ་སྔོན་པོའམ་ནག་པོ་ཆུ་སྔགས་ཤམ་བཅས་དང་། ནུབ་ཏུ་སཱཙྪ་དམར་པོ་མེ་སྔགས། བྱང་དུ་སཱཙྪ་སེར་པོ་

― MR07_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ས་སྔགས། མཚམས་བཞིར་སཱཙྪ་ལྗང་ཀུ་ཤིང་སྔགས་སྲུང་ཤམ་བཅས་པས་འབྱུང་བ་ཨུར་མནན་ཀྱང་བྱའོ། །བསྡུ་ན་སཱཙྪ་མདོག་ལྔ་ལས་ས་ཡི་དགྲ་བཟློག་ལྗང་ཀུ་དབུས་སུ་བཞག་ཅིང་གཞན་བཞི་ཕྱོགས་བཞིར་གོང་ལྟར་བཞག་པ་འདི་ཙམ་གྱིས་ཀྱང་སྤོམ་གཏའ་ཆེན་པོ་མ་གྲུབ་པའི་གོ་ཆོད་ཙམ་རུང་བར་གསུངས། སྤོམ་གཏའི་དྲུང་དུ་མཚན་བརྗོད། བསམ་ལྷུན། ཉེས་སེལ། སྣང་བརྒྱད། བཀྲ་ཤིས་བརྩེགས། མདོ་ཐིག་སོགས་ཀློག་ཏུ་བཅུག་ན་ལེགས། སྡེ་བརྒྱད་མཆོད་པའང་བྱའོ། །དེ་ནས་དཔྱད་མཁན་གྱིས་མདའ་དར་ཐོགས་ལ་ཡོན་བདག་དང་ལྷན་ཅིག །འཁོར་རྣམས་ཀྱིས་བཤོས་བུ་དང་གསེར་སྐྱེམས་མཆོད། འབྲུ་སྣ་འཐོར་ལ་བདག་ཉིད་འཕགས་པ་འཇམ་དཔལ་གྱི་ང་རྒྱལ་གྱིས་ལྟ་གདིང་ལྡན་པས་འདི་སྐད་བརྗོད་དོ། །ཀྱེ། དེ་རིང་སྲིད་པའི་ཉིན་གང་ལ། །གཙུག་ལག་འཛིན་པའི་སྔགས་འཆང་ངས། །འཕགས་པ་འཇམ་དཔལ་བཀའ་བཞིན་དུ། །སྲིད་པའི་སྤོམ་གཏའ་ཆེན་མོ་བཙུགས། །ཆོས་ཀྱི་དབྱིངས་ཀྱི་མཐའ་ཀླས་པའི། །ཕྱོགས་བཅུའི་སངས་རྒྱས་དགོངས་སུ་གསོལ། །རིགས་གསུམ་མགོན་པོ་དགོངས་སུ་གསོལ། །རྩ་གསུམ་དམ་ཅན་དགོངས་སུ་གསོལ། །སྲིད་པའི་

― MR07_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཆེན་དགོངས་སུ་གསོལ། །ལོ་ཟླ་ཞག་དུས་སྤར་སྨེ་དང་། །གཟའ་སྐར་ཕྱོགས་དུས་གནས་ཤིང་རྒྱུ། །གཙུག་ལག་སྲིད་པ་རྒྱུད་ཀྱི་ལྷ། །མ་ལུས་ཐམས་ཅད་དགོངས་སུ་གསོལ། །དེ་རིང་བདག་ལ་མགོན་མཛོད་ཅིག །ཐུབ་དབང་སངས་རྒྱས་བྱང་སེམས་དགྲ་བཅོམ་འཁོར། །རིགས་གསུམ་མགོན་སོགས་ཕྱོགས་བཅུའི་སེམས་དཔའ་དང་། །ཁྱད་པར་རྒྱལ་ཀུན་ཡབ་གཅིག་འཇམ་པའི་དབྱངས། །སྙིགས་དུས་འགྲོ་བའི་སྐྱབས་གཅིག་པདྨ་འབྱུང་། །ཚངས་པ་ཆེན་པོ་ལྷ་མོ་རྣམ་རྒྱལ་མ། །ཀླུ་རྒྱལ་འཇོག་པོ་བྲམ་ཟེ་སེར་སྐྱ་དང་། །ཀོང་ཚེ་འཕྲུལ་རྒྱལ་ལ་སོགས་འཕྲུལ་ལེན་འཆང་། །དུ་ཧར་ནག་པོ་ཨ་ཙར་དམར་པོ་དང་། །ཟླ་བ་ནག་པོ་མཁས་པ་མི་བཞི་དང་། །ཁམས་པ་ཁྲ་མོ་ལ་སོགས་གཙུག་ལག་གི །བརྒྱུད་པའི་བླ་མ་དམ་པ་ཐམས་ཅད་ལ། །གུས་པས་ཕྱག་འཚལ་མཆོད་ཅིང་སྐྱབས་སུ་མཆི། །དེ་རིང་བདག་ཅག་འཁོར་དང་བཅས་པ་ལ། །གེགས་ཞི་བཀྲ་ཤིས་བདེ་ལེགས་མགོན་མཛོད་ཅིག །གཞན་ཡང་སྡེ་སྣོད་གསུམ་དང་རྒྱུད་སྡེ་བཞིའི། །བརྒྱུད་པའི་བླ་མ་རིག་འཛིན་ཚོགས་རྣམས་དང་། །

― MR07_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་དམ་མཁའ་འགྲོ་དམ་ཅན་ཆོས་སྐྱོང་ལ། །གུས་པས་ཕྱག་འཚལ་མཆོད་ཅིང་སྐྱབས་སུ་མཆི། །ཁྱད་པར་མ་ཧཱ་གསེར་གྱི་རུ་སྦལ་ཆེ། །འབྱུང་ལྔའི་ལྷ་མོ་ལོ་ཟླ་ཞག་དུས་བདག །སྤར་སྨེ་གཟའ་སྐར་ཕྱོགས་དུས་གནས་རྒྱུའི་ལྷ། །ཀུན་ལ་གུས་པས་ཕྱག་འཚལ་མཆོད་པ་འབུལ། །ལོ་རྒན་དྲུག་བཅུ་ས་འཛིན་ལག་ཆེན་དང་། །གེའུ་ཐེན་པོ་ལྷ་མོ་བརྟན་མ་སོགས། །གཏན་དུ་མི་འཕོ་ས་ལ་གནས་པ་རྣམས། །བདུད་རྩི་གསེར་སྐྱེམས་མཆོད་པ་དམ་པ་དང་། །རྔན་ཆ་འདོད་ཡོན་དགྱེས་དགུ་འདི་བཞེས་ལ། །ཡུལ་དུས་འདི་ལ་བྱ་བ་གང་བྱེད་ཀྱང་། །ཀོ་ལོང་རུ་ང་ཕྲག་དོག་མ་མཛད་ཅིག །ཁྱེད་ལ་མི་བརྔོ་བསྟོད་ཅིང་བརྔན་བགྱིད་ན། །གཤེད་དང་བདུད་དུ་འབེབ་པར་མ་མཛད་ཅིག །ཞི་དང་བྱམས་པ་དགེ་བའི་སེམས་ཀྱིས་ནི། །ལྷ་དང་དཔལ་དུ་མཛོད་ལ་མགོན་སྐྱབས་མཛོད། །གང་བྱས་ལས་ལ་ཉེས་པ་མེད་པ་དང་། །བཀྲ་ཤིས་བདེ་ལེགས་ཕུན་སུམ་ཚོགས་པར་མཛོད། །ཐེ་སེ་ཐེ་ཁྱིམ་ཙང་ཀུན་བླ་མཁྱེན་དང་། །དམག་དཔོན་ཝང་གིང་ཧལ་ཁྱི་ནག་པོ་དང་། །ཏེ་སོ་སེ་ཤར་རྒྱལ་པོ་མཚོན་ཐོགས་སོགས། །བཅུ་གཉིས་

― MR07_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་ལ་འཁོར་བའི་ས་བདག་རྣམས། །བདུད་རྩི་གསེར་སྐྱེམས་སོགས་འགྲེ། འབྲུག་ལྷག་པ་ལྟོ་འཕྱེ་ཆེན་པོ་དང་། །དུས་བཞིའི་རྒྱལ་མོ་ལྷ་ལྔ་ལྷ་དགུ་དང་། །གདགས་སྲིབས་ལྷ་དྲུག་ཝང་ཁྱི་ནག་པོ་སོགས། །ཟླ་བ་བཅུ་གཉིས་ཕྱོགས་སུ་གནས་པ་རྣམས། །བདུད་རྩི་གསེར་༴ གསེར་མཛོད་སེར་པོ་ཚེས་གཉན་ཐབ་ལྷ་དང་། །གཤིན་གྱི་ཕོ་རོག་མཆེ་བ་ཅན་ལ་སོགས། །ཉིན་ཞག་དག་ལ་འཁོར་བའི་དྲེགས་པ་རྣམས། །བདུད་རྩི་གསེར་སྐྱེམས་༴ གཡུ་མཛོད་སྔོན་མོ་ས་ཡི་ཕུང་བྱད་སོགས། །དུས་ཚོད་བཅུ་གཉིས་དག་ལ་རྒྱུ་བ་རྣམས། །བདུད་རྩི༴ ཀིང་ཀང་ཚེས་གཉན་བྱ་མ་གུང་རྒྱལ་སོགས། །དཀར་ནག་ཕྱོགས་ཀྱི་ཚེས་གྲངས་རྒྱུ་བ་རྣམས། །བདུད་རྩི་གསེར་སྐྱེམས༴ པི་ལིང་ཟིན་ཕུང་འབྱུང་བའི་ལྷ་ལྔ་དང་། །གབ་པ་བཅུ་གཉིས་གནམ་ཁྱི་ཕོ་མོ་སོགས། །ལོ་ཟླ་ཞག་དུས་ཀུན་གྱི་ཆར་རྒྱུ་བའི། །ས་བདག་ལྷ་སྲིན་དྲེགས་པ་གཉེན་པོ་རྣམས། །བདུད་རྩི་གསེར་སྐྱེམས་མཆོད༴ དྲག་པོ་དུས་མཚན་རྣལ་འབྱོར་མ་བརྒྱད་དང་། །དྲེགས་པ་སྡེ་བརྒྱད་ཕྱོགས་སྐྱོང་ཆེན་པོ་བཅུ། །སྡེ་དཔོན་སུམ་ཅུ་མཁའ་འགྲོ་བཅུ་གཉིས་སོགས། །དུས་དང་ཐུན་ཚོད་ཕྱོགས་

― MR07_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་རྒྱུ་བ་རྣམས། །བདུད་རྩི་གསེར༴ ལོ་དང་ཟླ་བ་ཞག་དང་དུས་ཚོད་དང་། །ཚེས་གྲངས་ཐུན་མཚམས་ཡུད་ཙམ་སྐད་ཅིག་ལ། །རྒྱུ་ཞིང་ཟློག་བྱེད་སྣང་སྲིད་མཐུ་ལྡན་ཚོགས། །བདུད་རྩི༴ ཁྱད་པར་དྲེགས་པའི་རྒྱལ་པོ་རཱ་ཧུ་ལ། །སྤྲུལ་པ་ཡང་སྤྲུལ་འཁོར་དང་སྡོང་ཟླར་བཅས། །དུས་ཚོད་ཀུན་གྱི་ཆ་འཛིན་ཕྱོགས་ཀུན་རྒྱུ། །སྣ་ཚོགས་ལས་བྱེད་སྣང་སྲིད་ཁ་ལོ་སྒྱུར། །འཇིག་རྟེན་འདི་ན་མཐུ་དང་དབང་ཆེ་ཞིང་། །རྡོ་རྗེ་འཆང་གི་བཀའ་ཉན་བསྟན་པ་སྲུང་། །རིག་འཛིན་བརྒྱུད་པའི་ཐ་ཚིགས་ལེགས་འཆང་བ། །ཁྱོད་ལ་མཆོད་ཅིང་བསྟོད་དེ་མངའ་གསོལ་ལོ། །བདུད་རྩི་གསེར་སྐྱེམས༴ ཚངས་དང་དབང་ཕྱུག་ཁྱབ་འཇུག་དབང་པོར་བཅས། །ལྷ་ཆེན་བརྒྱད་དང་རྒྱལ་པོ་ཆེན་པོ་བཞི། །གཟའ་དང་རྒྱུ་སྐར་ཚོགས་དང་སྐར་མའི་ལྷ། །སྟེང་ན་གནས་དང་སྟེང་ནས་རྒྱུ་བ་རྣམས། བདུད་རྩི་གསེར༴ ཤར་ཕྱོགས་སྟག་ཡོས་སྡེ་ལྔ་སྤར་ཁ་ཟིན། །སྨེ་བ་གསུམ་མཐིང་འབྱུང་བ་ཤིང་གི་ལྷ། །ཤར་ན་གནས་དང་ཤར་ནས་རྒྱུ་བ་རྣམས། །བདུད་རྩི་གསེར༴ ལྷོ་ཕྱོགས་རྟ་སྦྲུལ་སྡེ་ལྔ་སྤར་ཁ་ལི། །སྨེ་བ་དགུ་དམར་འབྱུང་བ་མེ་ཡི་ལྷ། །ལྷོ་ན་གནས་དང་ལྷོ་ནས་

― MR07_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་བ་རྣམས། །བདུད་རྩི༴ ནུབ་ཕྱོགས་བྱ་སྤྲེལ་སྡེ་ལྔ་སྤར་ཁ་དྭ། །སྨེ་བ་བདུན་དམར་འབྱུང་བ་ལྕགས་ཀྱི་ལྷ། །ནུབ་ན་གནས་དང་ནུབ་ནས་རྒྱུ་བ་རྣམས། །བདུད་རྩི༴ བྱང་ཕྱོགས་བྱི་ཕག་སྡེ་ལྔ་སྤར་ཁ་ཁཾ། །སྨེ་བ་གཅིག་དཀར་འབྱུང་བ་ཆུ་ཡི་ལྷ། །བྱང་ན་གནས་དང་བྱང་ནས་རྒྱུ་བ་རྣམས། །བདུད་རྩི༴ མཚམས་བཞི་ཁྱི་འབྲུག་གླང་ལུགས་གཤེད་ཆེན་བཞི། །འབྱུང་བའི་ཕྱེ་བ་སོ་སོའི་སྡེ་ལྔ་དང་། །ཁེན་ཁོན་གིན་ཟོན་སྤར་ཁ་ཆེན་པོ་བཞི། །གཉིས་བཞི་དྲུག་བརྒྱད་སྨེ་བའི་ལྷ་ཆེན་བཞི། །ཕྱོགས་མཚམས་གནས་པ་འབྱུང་བ་ས་ཡི་ལྷ། །མཚམས་བཞིར་གནས་དང་མཚམས་བཞིར་རྒྱུ་བ་རྣམས། །བདུད་རྩི༴ རུས་སྦལ་ལྟོ་བར་ལེགས་གནས་ལྔ་སེར་གཞིར། །ཕོ་བྲང་ཡུལ་གཞི་གནས་དང་འགོ་བའི་ལྷ། །བདག་ཅག་ཡོན་མཆོད་འཁོར་བཅས་འདུག་གནས་འདིའི། །དབུས་ན་གནས་དང་དབུས་ནས་རྒྱུ་བ་རྣམས། །བདུད་རྩི༴ ལྟོ་འཕྱེ་ཀླུ་བརྒྱད་ས་ཆུ་རླུང་གི་གཞིར། །གང་གནས་ས་འོག་འཇིག་རྟེན་བརྟེན་པ་ཡི། །འོག་ན་གནས་དང་འོག་ནས་རྒྱུ་བ་རྣམས། །བདུད་རྩི༴ མདོར་ན་མ་ལུས་ཕྱོགས་བཅུའི་འཇིག་རྟེན་དུ། །རྒྱལ་བ་རྒྱལ་སྲས་འཇིག་རྟེན་སྐྱོང་བ་དང་། །ཁྲོ་བོ་ཁྲོ་མོ་བཀའ་ཉན་རིགས་ཀྱི་ལྷ། །ཡུལ་རིས་འདིར་གནས་ཟོ་དོར་སྡེ་བརྒྱད་སོགས། །

― MR07_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཅུ་དུས་གསུམ་གནས་ཤིང་རྒྱུ་རྣམས་ལ། །མཆོད་ཅིང་བསྟོད་དོ་དཔལ་དང་མགོན་མཛོད་ལ། །ཕྱོགས་བཅུའི་བཀྲ་ཤིས་གནས་འདིར་འདུ་བ་དང་། །འབྱུང་ལྔའི་དཔལ་ཡོན་བདག་ལ་འབེབས་པར་མཛོད། ཧོ། དཀོན་མཆོག་གསུམ་གྱི་བཀྲ་ཤིས་མཛོད་དུ་གསོལ། །འབྱུང་བའི་ལྷ་རྣམས་བདག་ལ་དཔལ་གྱུར་ཅིག །ཕྱོགས་ཀྱི་ལྷ་ཡི་བཀྲ་ཤིས་དགེ་ལེགས་སྩོལ། །སྣང་སྲིད་ཐམས་ཅད་མཐུན་པའི་གྲོགས་གྱུར་ཅིག །ཆོས་རྣམས་ཐམས་ཅད་མཉམ་པ་ཉིད་གྱུར་པ། །ཡེ་ཤེས་སྐུ་ཅན་འཇམ་དཔལ་བདེན་པའི་མཐུས། །སྣང་ཞིང་སྲིད་པའི་རྟེན་འབྲེལ་ཆོས་རྣམས་ཀུན། །ཇི་ལྟར་འདོད་པའི་དཔལ་དུ་འཆར་གྱུར་ཅིག །ཅེས་བྱས་ལ་ཕུད་མཆོད། དེ་ནས་སྤོམ་གཏའ་བསྡམ་པ་ནི། ཀྱེ། དེ་རིང་སྲིད་པའི་ཉི་མ་འདིར། །གནམ་སྔོན་པོ་ཡང་གསོན་ཅིག །ས་གྲོ་མོ་ཡང་གསོན་ཅིག །ཉིན་རི་དཀར་པོ་ཡང་གསོན་ཅིག །སྲིབ་རི་ནག་པོ་ཡང་གསོན་ཅིག །འཕགས་པ་འཇམ་དཔལ་དང་མ་ཧཱ་གསེར་གྱི་རུས་སྦལ་འབྱུང་བ་ལྔའི་ལྷ་མོ་སོགས་ཡེ་ཤེས་ཀྱི་སྤྱན་དང་ལྡ་ན་པའི་ལྷ་ཐམས་ཅད་གསོན་ཅིག །ལོ་རྒྱལ་པོ་ཡང་གསོན་ཅིག །ཟླ་བ་བློན་པོ་ཡང་གསོན་ཅིག །ཞག་དམག་མི་ཡང་གསོན་ཅིག །དུས་ཚོད་མཚོན་ཆ་ཡང་གསོན་ཅིག །ཕྱོགས་ཀྱི་ལྷ་མོ་བཅུ་གཉིས་ཀྱང་གསོན་ཅིག །ཀོ་ལོང་སྡོམ་པའི་ལྷ་དགུ་ཡང་གསོན་ཅིག །གཟའ་དང་རྒྱུ་སྐར་ཀྱང་གསོན་ཅིག །

― MR07_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

སྤར་ཁ་བརྒྱད་ཀྱང་གསོན་ཅིག །སྨེ་བ་དགུ་ཡང་གསོན་ཅིག །ཕྱོགས་སྐྱོང་བཅུ་རྒྱལ་ཆེན་སྡེ་བཞི་ཐེ་སེ་ལ་སོགས་ས་བདག་རྗེ་བློན་བཅུ་དྲུག །གསེར་མཛོད་དང་གཡུ་མཛོད་ལ་སོགས་དུས་ཀྱི་ལྷ་རྣམས་གསོན་ཅིག །ཚངས་པ་ལ་སོགས་ལྷའི་སྡེ་ཚོགས། །དགའ་བོ་ལ་སོགས་ཀླུའི་སྡེ་ཚོགས། །ཉི་ཟླ་ལ་སོགས་དུས་ཀྱི་ཆ་འཛིན་པའི་སྡེ་ཚོགས་རྣམས་གསོན་ཅིག །དེ་རིང་རྒྱུ་བའི་ས་བདག་ཀླུ་གཉན་ཀྱང་གསོན་ཅིག །སྣང་སྲིད་ཀྱི་ཁམས་ན་མཆིས་པའི་སྲིད་པའི་ལྷ་འདྲེ་དྲེགས་པ་གཉན་པོ་ཐམས་ཅད་གསོན་ཅིག །གནས་སྔོན་པོའི་མར་ཞབས། ས་གྲོ་མོའི་ཡང་སྟེང་། བར་ན་རྫུ་འཕྲུལ་གྱི་གཟར་སྐར་འཆར་བ་འདི་ན་མི་གནས་པ་མེད། འདི་ན་མི་སྲིད་པ་མེད། འདི་ན་མི་འབྱུང་བ་མེད། དེ་རིང་འཕགས་པ་འཇམ་དཔལ་དང་། ཀོང་ཚེ་བྱང་ཆུབ་སེམས་དཔའ་སོགས། སངས་རྒྱས་བྱང་སེམས་རྣམས་ཀྱི་བཀའ་བཞིན་དུ། རྟེན་འབྲེལ་སྲིད་པའི་སྤོམ་གཏའ་ཆེན་མོ་བཙུགས་ཏེ། བར་སྣང་གཤིན་གཞན་གྱི་དང་། གཉན་གྱི་བྱས་པ་འདུག་གྱི་རྒྱལ་པོས་མི་ཐུབ་པ་ཐུབ་པར་བྱས། མི་ཆོད་པ་ཆོད་པར་བྱས། བཀྲ་མི་ཤིས་པ་ཤིས་པར་བྱ་བ་དང་། བྱ་བ་གང་བྱེད་ཀྱང་ཉེས་པ་མི་འབྱུང་བ་དང་། ལེགས་པ་འཕེལ་

― MR07_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་མཐར་ཕྱིན་པའི་ཆེད་དུ། ལོ་ཟླ་ཞག་དུས་ཀྱི་ཆ་ལ་གནས་ཤིང་རྒྱུ་བའི་དྲེགས་པ་གཉེན་པོ་ཁྱེད་རྣམས་ལ། གནམ་ས་བར་གྱི་གཏའ་བཙུགས། བདེན་པའི་ཚིག་གིས་བཀྲོལ། ཕུད་དང་བརྔན་ཆས་ཀྱིས་མཆོད་ཅིང་བསྟོད་དེ་མགོན་དང་སྐྱབས་སུ་མངའ་གསོལ་ན་ཀོང་ལོང་དང་རུ་ང་མ་མཛད་པར། ཞི་ཞིང་བྱམས་པའི་ཐུགས་ཀྱིས་མགོན་དང་སྐྱབས་མཛོད་ཅིག །ང་གཏོ་མཁན་རྒྱལ་པོས་མི་ཐུབ་པ་མེད། མི་ཆོད་པ་མེད། ངན་ཆེན་ཁས་བླང་། དུག་ཆེན་སོས་བཟུང་ནས། གནམ་ས་བར་སྣང་གི་ཉེས་པ་ཐམས་ཅད་ཐུབ་པ་དང་། ལེགས་པ་ཐམས་ཅད་སྤེལ་བའི་ཐབས་སུ་སྲིད་པའི་སྤོམ་གཏའ་ཆེན་མོ་འདི་བཙུགས་ཀྱིས། ང་ཡིས་མི་ཐུབ་ཁྱོད་ཀྱིས་ཐུབ། བ་ཡིས་མི་ཐུབ་གཅི་ཡིས་ཐུབ། རྟ་ཡིས་མི་ཐུབ་སྒྲོག་གིས་ཐུབ། ངེད་ཀྱིས་ཁས་བླང་བ་བཞིན་དུ་སྤོམ་གཏའ་ཁྱོད་ཀྱིས་མི་ཐུབ་པ་ཐུབ་པར་གྱིས། མི་ཆོད་པ་ཆོད་པར་གྱིས། ངན་ཆེན་ཁས་ལོངས་ཤིག །དུག་ཆེན་སོས་ཟུངས་ཤིག །གནམ་རིམ་པ་བཅུ་གསུམ་གྱི་ཡང་སྟེང་ནས་ཤེལ་གྱི་བྱ་ཁྱུང་གཤོག་པ་མ་རྡེབ་ཅིག །གནམ་ལ་གནས་པ་རྣམས་ཐུབ་པར་གྱིས་ཤིག་ས་རིམ་པ་དགུའི་ཞབ་ནས་དུར་ཕག་ནག་པོ་མ་འཁུན་

― MR07_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །ས་ན་གནས་པ་རྣམས་ཐུབ་པར་གྱིས་ཤིག །བར་སྣང་ཁམས་ཀྱི་ཕྱོགས་བཅུ་ནས་ལྷ་སྲིན་སྡེ་བརྒྱད་མ་འཁྲུག་ཅིག །བར་ན་གནས་པ་རྣམས་ཐུབ་པར་ གྱིས་ཤིག །མདོར་ན་མི་མཐུན་པའི་ཕྱོགས་ཐམས་ཅད་ཐུབ་པར་གྱིས་ཤིག །ངན་ཆེན་ཁས་ལོངས་ཤིག །དུས་ཆེན་སོས་ཟུངས་ཤིག །ལོ་རྒྱལ་པོ་ཟླ་བ་བློན་པོ་ཞག་དམག་མི་དུས་ཚོད་མཚོན་ཆའི་ཉེས་པ་ཐམས་ཅད་སྤོམ་གཏས་བཅོས་སོ། །ཤིང་ཆེན་སྡོང་པོ་བཙུགས་བས་ས་རྡོ་མི་འགྱུར་བར་ཁས་ལོངས་ཤིག །ཤིང་སེ་བ་དང་སྐྱེར་པ་འདི་ཡིས་མི་སྤུན་ལ་མི་གནོད་པར་ཁས་ལོངས་ཤིག །རྩ་ཆུན་འདི་ཡིས་ཕྱུགས་ལ་མི་གནོད་པར་ཁས་ལོངས་ཤིག །ལྷམ་གཡོན་པ་འདི་ཡིས་བུད་མེད་ལ་མི་གནོད་པར་ཁས་ལོངས་ཤིག །གནམ་མདའ་ས་མདའ་འདི་ཡིས་གནམ་སའི་བྱུར་ཐུབ་པར་ཁས་ལོངས་ཤིག །མདའ་ལི་མ་ལྟོང་དམར་འདི་ཡིས་སྐྱེས་པའི་སྲོག་མི་འགྱུར་བར་ཁས༴ ལྷ་བཞིའི་བྱང་བུ་འདི་ཡིས་

― MR07_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

འགོ་བའི་ལྷ་ལྔ་མི་འགྱུར་བར་ཁས༴ བྲེ་སྟོང་སྲང་སྟོང་འདི་ཡིས་འཇལ་བ་ནང་དུ་མི་འཇུག་པར་་ཁས༴ གྲོད་པ་གཡས་སུ་བཏགས་པ་འདི་ཡིས་ནོར་གཡང་དང་ཟས་གཡང་ཕྱིར་མི་འཆོར་པར་ཁས་ལོངས་ཤིག །ཁ་དགུ་མིག་དགུ་བྲིས་པ་འདི་ཡིས་བརྒྱ་ཁ་མང་གི་མི་ཁ་ཟུག་པ་དང་། སྟོང་མིག་མང་གི་མིག་འདྲེ་ཐམས་ཅད་ཐུབ་པར་ཁས༴ ནང་ངར་གླུད་བརྒྱད་པོས་ལྷ་སྲིན་སྡེ་བརྒྱད་ཀྱིས་མི་གནོད་པར་ཁས༴ གླུད་གཅིག་གིས་འབྱུང་བ་མི་འཁྲུགས་པར་ཁས༴ རྩེ་ལ་ཁམས་ཀྱི་བླ་དར་ཕྱར་བ་འདིས་ཡོན་བདག་མི་ནོར་དར་ཞིང་རྒྱས་པར་ཁས༴ དེ་ལ་སོགས་པ་རྟེན་འབྲེལ་གྱི་རྫས་སྣ་ཚོགས་འཛོམས་པའི་སྤོམ་གཏའ་ཆེན་མོ་འདིས་སྣང་སྲིད་ལྷ་སྲིན་སྡེ་བརྒྱད་ཀྱི་ཀོ་ལོང་གདུག་རྩུབ་སོགས་མི་འདོད་འགལ་རྐྱེན་བར་ཆད་ཐམས་ཅད་ཐུབ་པར་ཁས༴ བཀྲ་མི་ཤིས་པ་ཐམས་ཅད་ཤིས་པར་འགྱུར་བར་ཁས་ལོངས་ཤིག །ལྟས་ངན་པ་ཐམས་ཅད་གཡང་དུ་འགྱུར་བར་ཁས༴ བྱུར་ངན་པ་ཐམས་ཅད་དཔལ་དུ་འགྱུར་བར་ཁས་ལོངས་ཤིག །རྐྱེན་ངན་པ་ཐམས་ཅད་མཐུན་པའི་གྲོགས་སུ་གྱུར་པར་ཁས་ལོངས་ཤིག །མི་ལེགས་པ་ཐམས་ཅད་ལེགས་པར་འགྱུར་བར་ཁས༴

― MR07_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་ཆོས་ཀྱི་གཏོ་ཆེན་པོ་འདིས་ཡོན་མཆོད་ཐམས་ཅད་བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག་ཅིག །ཉི་མ་ཐམས་ཅད་དགེ་བ་ཡིན། །རྒྱུ་ཀར་ཐམས་ཅད་བཟང་པོ་ཡིན། །སངས་རྒྱས་ཐམས་ཅད་རྫུ་འཕྲུལ་ཆེ། །དགྲ་བཅོམ་ཐམས་ཅད་ཟག་པ་ཟད། །བདེན་པའི་བདེན་ཚིག་འདི་དག་གིས། །བདག་ཅག་ཀུན་ཏུ་བདེ་ལེགས་ཤོག །ཞེས་བརྗོད། རྟེན་སྙིང་ཚར་བདུན་བཟླས་ལ་སྤོམ་གཏར་འབྲུ་གཏོར་ལ་བཀྲ་ཤིས་པའི་ཚིག་བཅད་བརྗོད་དོ། །དེ་ནས་སྤོམ་གཏའ་གཏད་པ་ནི། སྐྱེམས་ཕུད་མཆོད་ལ། ཀྱེ། དེ་རིང་སྲིད་པའི་གནམ་གང་ལ། །སྲིད་པའི་ལྷ་རྣམས་སྤོམ་གཏས་བཅོས། །སྟེང་གི་ལྷ་ལ་སྤོམ་གཏད་དོ། །འོག་གི་ཀླུ་རྣམས་སྤོམ་གཏད་དོ། །བར་གྱི་གཉན་རྣམས་སྤོམ་གཏད་དོ། །ཐེ་སེ་རྒྱལ་པོར་སྤོམ་གཏད་དོ། །ཐེ་ཁྱིམ་བཙུན་མོར་སྤོམ༴ ཙང་ཀུན་བློན་པོར་སྤོམ༴ སྣང་སེལ་ཁྲབ་གྱོན་སྤོམ་གཏད་དོ། །སེ་བ་བླ་མཁྱེན་སྤོམ་གཏད་དོ། །ཧལ་ཁྱི་ནག་པོར་སྤོམ་གཏད་དོ། །ཧ་སྡང་འབར་བར་སྤོམ༴ ཀ་ལ་རོ་ཟན་སྤོམ༴ གྲོལ་བུ་ལྷ་ལྔར་སྤོམ་གཏད་དོ། །རྔ་ཟོར་དམར་པོར་སྤོམ་

― MR07_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

གཏད་དོ། །གསེར་མཛོད་སེར་པོར་སྤོམ་གཏད་དོ། །གཡུ་མཛོད་སྔོན་པོར་སྤོམ་གཏད་དོ། །གཉེན་ཆེན་སྡེ་བཞིར་སྤོམ་གཏད་དོ། །དུས་ཚོད་མཚོན་ཆར་སྦོམ་གཏད་དོ། །ས་བདག་ཀླུ་གཉན་ཐམས་ཅད་དང་། །སྡེ་བརྒྱད་རྣམས་ལ་སྤོམ་གཏད་དོ། །གཏོ་མཁན་བདག་ལ་མ་བཀྱོན་ཅིག །ཕུད་དང་གསེར་སྐྱེམས་འདི་བཞེས་ལ། །དེ་རིང་བདག་ཅག་ཡོན་མཆོད་འདིར་ཚོགས་ལ། །ཀོ་ལོང་རུ་ང་ཕྲག་དོག་མ་མཛད་ཅིག །གདུག་པའི་དུག་མདའ་མ་འགྱེད་ཅིག །ཕན་བདེ་བྱང་ཆུབ་སེམས་ལྡན་ཅིང་། །དགེ་ལེགས་བཀྲ་ཤིས་སྡོང་གྲོགས་མཛོད། །ཅེས་བྱས་ལ་ཇི་སྲིད་སྤོམ་གཏའ་འཛུགས་ཀྱི་བར་དུ་མི་སྒུལ་བར་བཞག་ལ་དེ་མདུན་མཆོད་པ་སོགས་བྱའོ། །ལས་གྲུབ་ནས་སླར་ཡང་སྤོམ་གཏའ་བཀྲོལ་བའི་ཚེ། སྔགས་མཁན་གྱིས་ཤ་ཆང་གསེར་སྐྱེམས་ཕྱེ་མར་སོགས་མཆོད་པ་འབུལ་ལ། ཀྱེ། ད་ནི་གཏོ་ཆེན་འགྲོལ་ཡང་འཚལ། །ད་ནི་འཚོགས་ཆེན་བཤིག་ཀྱང་འཚལ། །ལྷ་སྲིན་སྡེ་བརྒྱད་དགྱེ་ཡང་འཚལ། །སྤོམ་གཏའ་ཆེན་མོ་མ་བཀྲོལ་ན། །བགེགས་ཆེན་དེ་ནི་འདུས་འཚོགས་ལ། །འཚོགས་ཆེན་དེ་ནི་མ་བཤིག་ན། །ས་བདག་ཀླུ་གཉན་སྤྱན་ལ་གནོད། །ས་བདག་ཀླུ་གཉན་ཐུགས་མི་དགྱེས། །འཁོར་འདིར་རྐྱེན་

― MR07_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་འབྱུང་བར་འགྱུར། །དེ་བས། ད་ནི་སྤོམ་གཏའ་བཀྲོལ་ཀྱང་འཚལ། །ལྷ་སྲིན་སྡེ་བརྒྱད་དགྱེ་ཡང་འཚལ། །ལྷ་ཆེན་བརྒྱད་དང་ཀླུ་ཆེན་བརྒྱད། །གཟའ་ཆེན་བརྒྱད་དང་རྒྱུ་སྐར་དང་། །ཁྲ་ཚ་ཐེ་སེ་རྒྱལ་པོ་སོགས། །ལོ་ཟླ་ཞག་དུས་ས་བདག་རྣམས། །ཤ་ཕུད་ཆང་ཕུད་གསེར་སྐྱེམས་དང་། །ཞིམ་མངར་འོ་སྐོམ་འདི་བཞེས་ལ། །ད་ནི་གཤེགས་སོ་ཤ་ར་ར། །བསྐྱོད་འཚལ་དེ་ནི་སི་ལི་ལི། །ཁེན་པ་ལ་སོགས་སྤར་ཁ་བརྒྱད། །གཅིག་དཀར་ལ་སོགས་སྨེ་བ་དགུ། །བྱི་བ་ལ་སོགས་ལོ་སྐོར་དང་། །འབྱུང་བ་ལྔ་ཡི་ས་བདག་རྣམས། །ཤ་ཕུད་ཆང་ཕུད་གསེར་སྐྱེམས་དང་། །ཞིམ་མངར་ཟས་སྐོམ་འདི་བཞེས་ལ། །གཤེགས་སོ་དེ་ནི་ཤ་ར་ར། །བཞུད་དོ་དེ་ནི་ཀྱི་ལི་ལི། །བསྐྱོད་དོ་དེ་ནི་སི་ལི་ལི། །ལྷ་ཀླུ་བདུད་བཙན་མ་མོ་གཟའ། །ཡུལ་ལྷ་གཉེན་པོ་ས་བདག་བཏོད། །རྒྱལ་འགོང་ཐེའུ་རང་ལ་སོགས་པ། །གསེར་སྐྱེམས་ཤ་ཕུད་ཆང་ཕུད་འབུལ། །ཞིམ་མངར་འོ་སྐོམ་འདི་བཞེས་ལ། །གཤེགས་སོ་དེ་ནི་ཤ་ར་ར། །བཞུད་དོ་དེ་ནི་སི་ལི་ལི། །ལྷ་ཀླུ་བདུད་བཙན་ཡུལ་ལྷ་གཉན། སྐྱོད་འཚལ་དེ་ནི་སི་ལི་ལི། །འབྱུང་ལྔའི་ལོག་གནོན་ད་བསྐྱོད་འཚལ། །ལོ་སྐོར་བཅུ་གཉིས་ལོག་གནོན་ད་བསྐྱོད་འཚལ། །སྨེ་བ་དགུ་ཡི་ལོག་གནོན་ད་བསྐྱོད་འཚལ། །ཁྱེད་རྣམས་སོ་སོར་ད་བསྐྱོད་ཅིག །འདི་རུ་མ་འདུག་གཞན་དུ་དེངས། །

― MR07_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་རུ་འདུག་གནས་མ་མཆིས་སོ། །རང་རང་གནས་སུ་བདེ་བར་དེངས། །འབྱུང་པོ་གང་དག་འདིར་ནི་ལྷག་གྱུར་ཏམ། །ས་དང་བར་སྣང་དག་ལ་གནས་པ་རྣམས། །སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ལ་སྤྱོད་གྱུར་ཅིག །ཅེས་བྱས་ལ་སྤོམ་གཏའ་བཀྲོལ་ལོ། །ཤུལ་ཤིང་སྣ་རྩེ་མོ་མ་ཉམས་ཤིང་ར་ཡིས་མ་ཟོས་པའི་འཕྱག་མས་ཕྱགས་ལ་འབྲུ་སྣ་འཐོར་བར་བྱའོ། །འདི་ནི་ལྟད་མོ་དང་སྟོན་མོ་ཁྲོམ་ཆེན་པོ་ཚོགས་པ་རོ་བག་དུར་འདེབས་མཁར་ལས་ཆེ་འདོན་སོགས་གསོན་གཤིན་གྱི་བྱ་བ་རྔམ་ཆེན། མདོས་ཟོར་དྲག་ལས་སོགས་ཀྱི་ཚེ་ཕྱོགས་དང་དུས་ཀྱི་ས་བདག་ལྷ་སྲིན་གདུག་པ་རྣམས་ཀྱི་སྤྱི་བཅོས་སྤོམ་གཏའ་ཆེན་མོ། བྱ་བ་གང་བྱེད་ཀྱང་ངན་ཆེན་ཁས་ལེན་པའི་གཏོ་ཞེས་བྱ་བ་ཡིན་པས་ཤིན་ཏུ་གལ་ཆེའོ། །འདི་ནི་རྩིས་གཞུང་དང་ཀོང་ཙེ་དང་པད་འབྱུང་གི་ལུགས་སོགས་ཡིག་རྙིང་དུ་མའི་དོན་སྣ་ཚོགས་འཐོར་བ་བསྡུས་ཏེ་རྩོམ་གཞིར་བཀོད་པ་སླར་ཡང་རབ་ཚེས་ས་ཕག་སྨིན་ཟླའི་ཚེས་བཅོ་བརྒྱད་ལ་རྫ་རྡོ་རྗེ་འཕན་ཕྱུག་གི་རི་ཞོལ་ཕུན་ཚོགས་ནོར་བུའི་གླིང་གི་ཆོས་གྲར་མི་ཕམ་འཇམ་དཔལ་དགྱེས་པས་ཕྱོགས་གཅིག་ཏུ་བསྒྲིགས་པ་དགེ་ལེགས་འཕེལ། །

སྨྲེང་བཀྲ་ཤིས་ནོར་བུའི་རྒྱལ་མཚན་དགེ་ལེགས་དོན་ཀུན་འགྲུབ་པའི་དབྱངས་སྙན།

― MR07_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

སྨྲེང་བཀྲ་ཤིས་ནོར་བུའི་རྒྱལ་མཚན་དགེ་ལེགས་དོན་ཀུན་འགྲུབ་པའི་དབྱངས་སྙན་ཞེས་བྱ་བ་བཞུགས་སོ། །ན་མོ་མཉྫུ་ནཱ་ཐཱ་ཡ། འདིར་འཇིག་རྟེན་ཁམས་ན་རྒྱུ་ཞིང་། བྱ་བ་ལ་ཀོ་ལོང་སྡོམ་པའི་དྲེགས་པ་དང་། སྤང་བྱའི་དུས་ནི་མང་། དེ་ཀུན་གཙུག་ལག་བཞིན་དུ་རྩི་ཤེས་པ་ཉུང་། རྩིས་ཀྱང་ཐམས་ཅད་འགྲིགས་པར་དཀའ། གང་བབ་བབས་སུ་སྤྱོད་ནའང་། རྟེན་འབྲེལ་མཐུ་ཆེ་བས་འགོག་མི་ཐུབ། སྤྱིར་བཅོས་བཤམས་གཏོ་དང་། སྒམ་ཆིངས་ཉེས་སེལ་སོགས་ཚུལ་བཞིན་བྱེད་མཁན་དཀོན་པས་ན། ལས་དང་བྱ་བ་སྤྱི་དང་ཁྱད་པར་རྔམས་ཆེན་རིགས་ལ་འཚུབས་དང་བར་ཆད་ཅིའང་མེད་པར་དགེ་ཞིང་བཀྲ་ཤིས་བར་བྱ་བའི་སླད་དུ། ཉེས་པ་ཀུན་སེལ་གྱི་གཏོ་འདིས་མཆོག་དམན་སུ་ལ་དོན་ཆེན་པོ་བྱེད་ན། དར་སེར་ལ་རུས་སྦལ་གྱི་ཁོག་པར་གསེར་འདྲེས་པའི་མཚལ་ལམ་སྣག་ཚས་མུྃཿ བྲིས། དེ་འཇམ་དཔལ་དུ་བསྐྱེད་ལ། ཨོཾ་ཨ་ར་པ་ཙ་ན་དྷཱི༔ ཡེ་དྷརྨཱ་སོགས་བརྒྱ་རྩས་རབ་གནས་བྱ། ལས་དང་བྱ་བ་གང་བྱེད་པའི་དུས་སུ་དེ་ཕྱར་ཞིང་། མདུན་དུ་སྐྱེམས་ཕུད། འབྲུ་མཆོད། ཕྱེ་མར་བསང་རྫས་རྣམས་གཙང་མ་བྱས་ལ། ཨོཾ་ཨ་ར་པ་ཙ་ན་དྷཱི་མུྃཿ ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཚར་གསུམ་བསྒྲགས། ཀྱེ་འཕགས་པ་དཀོན་མཆོག་གསུམ་དང་། འཇམ་དཔལ་གྱི་བཀའ་བདེན་པ་འགྲུབ་པར་གྱུར་ཅིག །ཡེ་སྟོང་གདོད་མའི་ངང་ནས་སྣང་བ་བརྟེན་འབྲེལ་གྱི་འཆར་སྒོ། ཕྱི་ནང་འབྱུང་བ་ལྔ། སྣོད་བཅུད་སྲིད་པ་བདེ་སྡུག་སྣ་ཚོགས་སུ་འབྱུང་བ་ལས། སྟོང་གསུམ་འཇིག་རྟེན་འདི་ན་ལས་དང་བྱ་

― MR07_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་བླང་དོར་ལ་དབང་བ། ལོ་རྒྱལ་པོ། ཟླ་བ་བློན་པོ། ཞག་དམག་མི། དུས་ཚོད་མཚོན་ཆ་ལ་དབང་བའི་དུས་ལ་རྒྱུ་བ། ཕྱོགས་དུམ་བུ་བཅུ་གཉིས། སྟེང་འོག་དང་བཅས་པའི་གནས་ལ་དབང་བ། ཐེ་སེ་རྒྱལ་པོ་ལ་སོགས་ས་བདག །ལྷ་ཀླུ་ལ་སོགས་སྡེ་བརྒྱད། སྒྲ་གཅན་དང་ཉི་མ་ལ་སོགས་གཟའ། སྨིན་དྲུག་ལ་སོགས་རྒྱུ་སྐར། ལི་ལ་སོགས་པའི་སྤར་ཁ། གཅིག་དཀར་ལ་སོགས་སྨེ་བ། བྱི་བ་ལ་སོགས་ལོ་སྐོར། ཤིང་ལ་སོགས་པའི་འབྱུང་བ། མདོར་ན་ཡུལ་དུས་སྤྱི་དང་བྱེ་བྲག་དེང་དུས་རང་གནས་ཁྱིམ་གྱི་རྒྱུ་བ་སྲིད་པའི་ལྷ་མགོན་གཉན་པོ་སོགས། སྣང་ཞིང་སྲིད་པས་བསྡུས་པའི་འབྱུང་པོ་དྲེགས་པ་མཐུ་བོ་ཆེའི་ཚོགས་ལ་བདུད་རྩིའི་ཞལ་སྐྱེམས་གསོལ་ལོ། །འབྲུ་མཆོག་ནས་ཀྱིས་མཆོད་དོ། །ཕྱེ་མར་སྟོན་མོས་བརྔན་ནོ། །དྲི་བཟང་བསང་གིས་བཀྱག་སྟེ། དེ་རིང་བདག་གམ། སྦྱིན་བདག་ཆེ་གེ་མོའི་ལས་དང་བྱ་བ་ཆྒེེ་མོ་འདི་ཞེས་བྱ་བ་ལ་རྣལ་འབྱོར་པ་ངས། འཕགས་པ་འཇམ་དཔལ་གྱི་བཀའ་བཞིན། གཙུག་ལག་གི་ལུང་བཞིན། ཁྱེད་རྣམས་ངོ་མཐོན་དུ་རེའོ། །སྲིད་པ་རྒྱུད་ཀྱི་ལྷ། སྣང་གསལ་གཙུག་ལག་གི་ལུང་བཞིན་དུ། མ་བརྩིས་པའམ། མ་ཤེས་པའམ། ནོར་བའམ། འགལ་བ་ཅི་མཆིས་ཀྱང་། ཉེས་པ་ཐམས་ཅད་གཏོ་འདིས་བཅོས་སོ། །འཁྲུགས་པ་ཐམས་ཅད་དཔྱད་འདིས་བསལ་ལོ། །གལ་ཏེ་ཀོ་ལོང་གི་གནས་

― MR07_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་གྱུར་པ་ཡོད་ཀྱང་། བྱ་བ་འདི་ལ་ཀོ་ལོང་གདུག་རྩུབ་མ་མཛད་ཅིག ཕྱོགས་དང་དུས་འདིའི་ལྷ་ཁྱེད་རྣམས་ལ་མགོན་དང་དཔལ་དུ་བརྟེན་པ་ཡིན་ནོ། །རྟེན་འབྲེལ་ཆེན་པོ་འདི་དང་། སྣང་སྲིད་གནས་ཤིང་རྒྱུ་བའི་འབྱུང་པོ་དྲེགས་པ་ཅན་ཐམས་ཅད་ཀྱིས་བདག་གམ་སྦྱིན་བདག་ཆེ་གེ་མོ་འཁོར་དང་བཅས་པ་ལ་བགེགས་དང་། བདུད་དུ་མ་འབེབས་པར་ལྷ་དང་དཔལ་དུ་སྐྱོབས་ཤིག །གནམ་སྔོན་མོ་རུ་མ་ང་། ས་དོག་མོ་ཕྲག་མ་དོག། བར་སྡེ་བརྒྱད་ཁོང་མ་འཁྲུགས་པར་ཞི་བ་དང་བདེ་ལེགས་སུ་གྱུར་ཅིག དུས་ཐམས་ཅད་དགེ་བ། ཕྱོགས་ཐམས་ཅད་བཟང་པོ། རྒྱུ་བ་ཐམས་ཅད་གཉེན། སྣང་བ་ཐམས་ཅད་མཐུན་གྲོགས། འགལ་རྐྱེན་ཐམས་ཅད་དཔལ། ལྟས་ངན་ཐམས་ཅད་གཡང་དུ་གྱུར་ཏེ། སྣང་སྲིད་འགོ་བའི་ལྷ་མགོན་གཉན་པོ་རྩ་གསུམ་སྲུང་མ་ནོར་ལྷ་གཞི་བདག་དགྲ་ལྷ་ཝེར་མ་ཐུགས་ཀར་ཅང་སེ་ཐམས་ཅད་དགྱེས་པའི་བཞད་སྒྲ་ལྷང་ལྷང་། དགའ་བའི་མཛེས་འཛུམ་ཤིག་ཤིག་དུ་དེ་རིང་རྣལ་འབྱོར་པ་བདག་དང་སྦྱིན་པའི་བདག་པོ་ཆེ་གེ་མོ་འདིར་ཚོགས་ཕྱོགས་ཀུན་ལས་རྣམ་པར་རྒྱལ་བའི་བཀྲ་ཤིས་པའི་གླུ་དབྱངས་གསུངས་ཤིག དགེ་ལེགས་ཀྱི་མེ་ཏོག་འཐོར་ཞིག །སྙན་གྲགས་ཀྱི་རོལ་མོ་རྡུངས་ཤིག །ཅི་བསམ་ཡིད་བཞིན་འགྲུབ་ཅིང་། བདེ་སྐྱིད་དཔལ་གསུམ་ཟད་པ་མེད་པའི་དངོས་གྲུབ་རྒྱ་ཆེན་པོ་སྩོལ་ཅིག བཀྲ་ཤིས་སོ། །

― MR07_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་སོ། །རྒྱལ་ལོ། །དགེའོ། །ཞེས་བརྗོད་པས་ཉེས་པ་ཐམས་ཅད་ཞི་ནི་ངེས་སོ། །སྣང་སྲིད་དྲེགས་པ་འདི་རིགས་ལ་བསྔོས་ན་དབལ་ཚ། བཀུར་ན་སྙིང་ཉེ་བ་ཡིན་པས། སྨྲེང་གྱེར་བ་པོ་ལ་ཀོ་ལོང་མི་འབྱུང་བར་བཤད། འདི་ནི་རྟེན་འབྲེལ་གྱི་ནུས་པ་ཆེན་པོ་ཡིན་ནོ། །དེས་ན་འདི་བྱས་བས་ལས་དང་བྱ་བ་ཐམས་ཅད་དགེའོ། །མཁྱུད་དཔྱད་ལེགས་སོ། །ཞེས་རྩིས་མཁན་དང་སྨྲེང་མཁན་ལ་སྙན་པའི་མེ་ཏོག་སྒོ་ཀུན་ནས་འཐོར་བར་ངེས་སོ། །འདི་ནི་རང་བཟོ་མ་ཡིན་ཏེ། གཙུག་ལག་དང་སྲིད་པ་བོན་རྒྱུད་ལ་སོགས་པ་ཕན་བྱེད་ཀྱི་གཞུང་མང་པོ་ལས་བསྡུས་ཏེ་བྲིས་པ་འདིས་ཀྱང་བསྟན་འགྲོ་ལ་ཕན་ཐོག་པའི་རྒྱུར་གྱུར་ཅིག །མི་ཕམ་པས་སྨྲས་པ་དགེའོ།། །།

གཏོ་བརྫང་དཀོན་མཆོག་གསུམ་སོགས།

― MR07_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་གསུམ་གྱི་བདེན་པ་དང་། འཕགས་པ་འཇམ་དཔལ། མ་ཧཱ་གསེར་གྱི་རུས་སྦལ། ཡུམ་ཆེན་འབྱུང་བའི་ལྷ་མོ་ལྔ། གཙུག་ལག་སྲིད་པའི་ལྷ་རྣམས་ཀྱི་བྱིན་རླབས་དང་། རྫས་སྔགས་དམིགས་པ་རྟེན་འབྲེལ་ཟབ་མོའི་མཐུས། དེ་རིང་བདག་གི་འདི་བཏང་བས། བདག་འཁོར་དང་བཅས་པ་ཐམས་ཅད་དང་སེམས་ཅན་ཐམས་ཅད་ཀུན་སྔོན་ལས་ཕྲལ་རྐྱེན་ངན་པའི་ཉེས་པ་ཐམས་ཅད་ཞི་བར་གྱུར་ཅིག །ལོ་ཟླ་ཞག་དུས་སྦས་སྨེ་གཟའ་སྐར་ཕྱོགས་ངན་དུས་ངན་གྱི་ཉེས་པ་ཐམས་ཅད་ཞི་བར་གྱུར་ཅིག །སྐེག་སྒྲེན་སྲི་ངན་འགག་འཕྲང་ཀུན་ལས་ཐར་བར་གྱུར་ཅིག །ནད་གདོན་ལྟས་ངན་བཀྲ་མི་ཤིས་པ་ཐམས་ཅད་རབ་ཏུ་ཞི་བར་གྱུར་ཅིག །

― MR07_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

གྲིབ་རྩོག་བྱུང་ཆགས་རྐྱེན་ངན་ཐམས་ཅད་ཞི་ཞིང་མེད་པར་གྱུར་ཅིག །འཇིགས་དགུ་རྩུབ་དགུ་མི་འདོད་སྡུག་བསྔལ་ཐམས་ཅད་རབ་ཏུ་ཞི་བར་གྱུར་ཅིག །ཕྱིན་ཆད་མི་འབྱུང་བར་གྱུར་ཅིག །ཕྱིན་ཆད་བྱང་ཆུབ་སྙིང་པོའི་བར་དུ་བཀྲ་ཤིས་བདེ་ལེགས་དོན་ཀུན་འགྲུབ་ཅིང་སེམས་ཅན་ཐམས་ཅད་ལ་འཇིགས་མེད་བདེ་བ་ཆེན་པོ་སྐྱབས་ཀྱི་དམ་པ་སྦྱིན་པར་གྱུར་ཅིག །བགེགས་རིགས་སྟོང་ཕྲག་བརྒྱད་ཅུ་ཞི་སོགས་བརྗོད་དོ། །མེ་རྟ་ཟླ་༧ཚེས་༢༤ལའོ། །དགེ་ལེགས་འཕེལ།། དྷཱིཿམིང་པས་སོ།། །།

― MR07_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་བྱེད་ཀྱི་གཏོ་ཐབས་སྣ་ཚོགས་པ་བཀྲ་ཤིས་སྒོ་མང་བཞུགས་སོ། །

― MR07_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་མར་རི་ཁྲུས་ལ་བུམ་པ་རྫས་ལྡན་མེ་ལོང་བཅས་བཤམས་ལ། སྐྱབས་སེམས་ཚད་མེད་བསྒོམས་རྗེས། བདག་མདུན་ཁྲོ་བོ་སྨེ་བརྩེགས་སྐུ་མདོག་མཐིང་། །ཞལ་གཅིག་ཕྱག་གཉིས་དུར་ཁྲོད་ཆས་རྣམས་རྫོགས། །ཕྱག་གཉིས་ཐུགས་ཀར་བསྡིག་མཛུབ་བསྣོལ་མཛད་ཅིང་། །བཞེངས་ཚུལ་པད་ཉི་མེ་དཔུང་དབུས་ན་བཞུགས། །འཁོར་དུ་འབྱུང་བ་ལྔ་ཡི་ལྷ་མོ་ནི། །རང་མདོག་རང་རང་ཕྱག་མཚན་བསྣམས་པས་བསྐོར། །ཐུགས་ཀར་ཧཱུྃ་མཐར་སྔགས་ཀྱི་ཕྲེང་བས་བསྐོར། །འོད་ཟེར་ཡེ་ཤེས་བདུད་རྩིས་མ་དག་སྦྱོང་། །ཞེས་གསལ་ཞིང་མདུན་གྱི་བུམ་པའི་ལྷ་ཡི་སྐུ་ལས་ཡེ་ཤེས་ཀྱི་བདུད་རྩི་བབ་པས་བུམ་པ་གང་བར་བསམས་ལ། ཨོཾ་བྷུར་ཀུཾ་མ་ཧཱ་པྲ་ཎ་ཡེ་བྷུ་རྩི་བྷུ་རྐུ་བི་མ་ལེ་ཨུ་ཙུཥྨ་ཀྲོ་ཏ་ཧཱུྃ་ཕཊཿ བརྒྱ་རྩ་བརྒྱད་བཟླ། འཁོར་གྱི་ལྷ་མོའི་སྔགས། ཨོཾ་ཨེ་ཧོ་ཤུདྡྷེ་ཤུདྡྷེ། ཡཾ་ཧོ་ཤུདྡྷེ་ཤུདྡྷེ།

― MR07_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

རཾ་ཧོ་ཤུདྡྷེ་ཤུདྡྷེ། བཾ་ཧོ་ཤུདྡྷེ་ཤུདྡྷེ། ལཾ་ཧོ་ཤུདྡྷེ་ཤུདྡྷེ། ཞེས་པ་རྣམས་བདུན་སོགས་ཅི་རིགས་བཟླ། མཐར་བུམ་པའི་ལྷ་རྣམས་འོད་དུ་ཞུ་ནས་ཡེ་ཤེས་ཀྱི་བདུད་རྩིར་བསམ་མོ། །དེ་ནས་སྐུ་ཁྲུས་གསོལ་བ་ནི། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ་སོགས། དེ་བཞིན་གཤེགས་པ་རྣམས་དང་སོགས། ཇི་ལྟར་བལྟམས་པ་སོགས་སྔགས་དང་བཅས་པས་སྐུ་ཁྲུས་གསོལ། སྤྲོ་ན་ལྷ་རྣམས་ཀྱི་སྐུ་ཁྲུས་གསོལ་བ་གང་འདོད་བྱ། དེ་ནས་དེ་ལ་སོགས་ཀྱིས་ན་བཟའ་འབུལ། ཁྲུས་གསོལ་བའི་ཆུ་སླར་བུམ་པར་བླུགས་ལ། སྔར་གྱི་ཁྲུས་ཁང་དེར་ཡུལ་ལྷ་སོགས་སྤྱན་དྲངས་པའམ། རང་རང་གི་གནས་སོ་སོར་བདུད་རྩིའི་ཆར་འབེབ་པས་བཀྲུ་བར་བསམས་ལ། འདི་ནི་ཁྲུས་མཆོག་དཔལ་དང་ལྡན། །ཐུགས་རྗེའི་ཆུ་ནི་བླ་ན་མེད། །བྱིན་རླབས་ཡེ་ཤེས་ཆུ་ཡིས་ནི། །ཅི་འདོད་དངོས་གྲུབ་སྩལ་དུ་གསོལ། །འདི་ནི་ཕྱིན་དྲུག་

― MR07_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ཆུ། །ཉོན་དྲུག་དྲི་མ་སྦྱོངས་མཛད་པ། །ཕ་རོལ་ཕྱིན་དྲུག་ཆུ་ཡིས་ནི། །ཁྲུས་ལེགས་མཛད་ཀྱིས་ཁྲུས་བགྱིའོ། །རང་བཞིན་ཡེ་ཤེས་དག་པའི་ཆུ། །རྣམ་པ་ཁ་འབབ་བཞི་ལྡན་ཀླུང་། །རྫས་སྔགས་དམིགས་པའི་རྟེན་འབྲེལ་ལས། །མི་གཙང་དྲི་མ་འཁྲུད་བྱེད་པས། །སྟེང་གི་ལྷ་ལ་ཁྲུས་གསོལ་ལོ། །འོག་གི་ཀླུ་ལ་ཁྲུས་གསོལ་ལོ། །བར་གྱི་ཡུལ་ལྷ་ཁྲུས་གསོལ་ལོ། །འགོ་བའི་ལྷ་ལ་ཁྲུས་གསོལ་ལོ། །ཕྱོགས་འདིའི་ཡུལ་ལྷ་གཞི་བདག་ལ། །མི་གཙང་དྲི་མ་ཕོག་པ་དང་། །མཁོན་འགྲས་འཁྲུག་པ་གང་ཡོད་པ། །ཤེལ་དཀར་ཕྱིས་པ་ཇི་བཞིན་དུ། །ཁྲུས་ཀྱི་ཆོ་གས་དག་གྱུར་ཅིག །སྨེ་བརྩེགས་དང་འབྱུང་ལྔའི་ལྷ་མོའི་སྔགས་དང་། སརྦ་ཏ་ཐ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་ཁྲུས་སྔགས་བཟླ་བཞིན་མེ་ལོང་ལ་ས་ཕྱོགས་ཐམས་ཅད་འཆར་དུ་བཅུག་སྟེ་བུམ་ཆུས་བཀྲུ། རྒྱས་པར་རྡོ་རྗེ་རྣམ་འཇོམས་ཀྱི་གཟུངས་དང་། ཨུཥྩི་ཊ་ཡ་ཏོར་ཡ་སོགས་ཀྱི་སྔགས་ཤམ་ཅན་གྱི་བཀྲུ། ནད་གདོན་སྡིག་སྒྲིབ་རྩོག་མནོལ་ཉམས་ཆག་ལ་སོགས་པ་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། བྱབས་པ་

― MR07_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་ཀུ་ཤ་དང་རྨ་བྱའི་སྒྲོ་དར་དཀར་དང་བཅས་པས་གོང་གི་སྔགས་རྣམས་དང་། ནད་གདོན་སོགས་ལ་ཨ་པ་ན་ཡེ་སྭཱ་ཧཱ། ཞེས་པས་བྱབ་ཅིང་དམིགས་པ་བྱ། དུག་དབྱུང་བ་ནི། ས་ཆུ་མེ་རླུང་བཞིའི་མཚན་མ་ཐོགས་ལ། ཡུལ་ལྷ་རྣམས་ཀྱི་གྲིབ་དང་མི་གཙང་བ་ཐམས་ཅད་དེར་བསྡུས་ནས་དོར་བས་གྲིབ་ཐམས་ཅད་ནམ་མཁའི་དབྱིངས་སུ་ཡལ་བར་བསམས་ལ། ཧཱུྃ། འབྱུང་བཞི་དུག་གི་ཕ་ཡིན་ཏེ། །འབྱུང་བཞི་དུག་གི་མ་ཡང་ཡིན། །བདེན་པའི་བདེན་ཚིགས་འདི་དག་གིས། །ཡུལ་ལྷའི་དུག་ནི་དུག་མེད་ཤོག །ཅེས་བྱས་ལ་དོར། སྤྲོ་ན་དུག་སྣ་དགུའི་རྫས་ཀྱིས་དུག་ཕྱུང་བྱ། ཉི་མ་ཐམས་ཅད་དགེ་བ་ཡིན། །རྒྱུ་སྐར་ཐམས་ཅད་བཟང་པོ་ཡིན། །སངས་རྒྱས་ཐམས་ཅད་རྫུ་འཕྲུལ་ཆེ། །དགྲ་བཅོམ་ཐམས་ཅད་ཟག་པ་ཟད། །བདེན་པའི་བདེན་ཚིག་འདི་དག་གིས། །ཡུལ་ལྷའི་དུག་ནི་དུག་མེད་ཤོག །འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །དཀོན་མཆོག་གསུམ་པོ་དུག་མི་མངའ། །དཀོན་མཆོག་བདེན་པས་དུག་བཅོམ་མོ། །ཞེས་བརྗོད་ཅིང་། ཨོཾ་སྭ་བྷཱ་བ་སོགས། སྟོང་པ་ཉིད་

― MR07_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྔགས་དང་ཕྱག་རྒྱ་བཅས་ལ། རང་བཞིན་གྱིས་དག་པའི་དོན་དྲན་པའི་སྒོ་ནས་དུག་ཐམས་ཅད་དབྱིངས་སུ་དག་པར་བསམ་མོ། །དེ་ནས་སླར་གནོད་པས་མི་ཚུགས་པར་བྱ་བའི་ཕྱིར་རྡོ་རྗེའི་ཕྱག་རྒྱས་ཀུན་ཏུ་བསྲུང་བར་བྱས་ལ། རྒྱལ་བ་སྲས་བཅས་བདེན་པའི་བྱིན་རླབས་དང་། །ཁྲོ་རྒྱལ་སྨེ་བ་བརྩེགས་པའི་ནུས་མཐུ་ཡིས། །ཡུལ་ལྷ་རྣམས་ལ་བདག་གིས་བསྲུངས་ཟིན་གྱིས། །ཕྱིན་ཆད་སུས་ཀྱང་གནོད་པར་མ་བྱེད་ཅིག །གོང་གི་སྔགས་རྣམས་དང་། ནད་དང་གདོན་སོགས་ལ། རཀྵ་རཀྵ་ཡེ་སྭཱ་ཧཱ། ཞེས་བྱས་ལ། ཕྱོགས་བཅུའི་རྒྱལ་བ་སྲས་དང་བཅས་པ་མདུན་གྱི་ནམ་མཁར་བྱོན་ནས་བཀྲ་ཤིས་པའི་གླུ་དབྱངས་བཅས་པས་མེ་ཏོག་གི་ཆར་ཕབ་པས། དེང་འདིར་ཡུལ་ལྷ་གཞི་བདག་ཐམས་ཅད་ཉི་མ་དང་ཟླ་བ་གཟའ་སྒྲ་གཅན་གྱི་གནོད་པ་ལས་གྲོལ་བ་བཞིན་བདུད་དང་བར་ཆད་སྤང་བྱ་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཏེ་མཆོག་ཏུ་བཀྲ་ཤིས་པར་བྱིན་གྱིས་བརླབས་པར་བསམས་ལ། ཡེ་དྷརྨཱ་བཟླས་པའི་མེ་ཏོག་ཕྱོགས་ཀུན་ཏུ་འཐོར་ཞིང་། གང་ལ་སེར་སྣ་རྣམ་ཆགས་པ། རྣམ་འཇོམས་དྲི་མ་མེད་མཛད་ཅིང་། སོགས་དང་། ཕུན་སུམ་ཚོགས་པ་མངའ་བ་སོགས་

― MR07_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་ཀྱི་ཚིགས་བཅད་ཅི་རིགས་པ་བརྗོད་པར་བྱ་ཞིང་། རྒྱས་པར་གཏོར་མ་འབུལ། ཕྱིན་ཆད་མགོན་བྱེད་པའི་ཆད་བསྒྲགས། ཆོས་བཤད། བསང་གཏོང་བར་བྱའོ། །དེས་ནི་ཡུལ་ལྷ་ལ་རྩོག་གྲིབ་དང་མཁོན་སོང་བ་སོགས་དག་ནས་ཡུལ་གྱི་རྒུད་པ་ཞི་ཞིང་བཀྲ་ཤིས་སོ། ༈ །།ཡུལ་གྱི་གསས་མཁར་བསྟོད་ཐབས་ལ། ས་དཔལ་ཅན་དུ་གསས་མཁར་གྲུ་བཞི་བརྩིགས་ལ། དེའི་ནང་དུ་རབ་བུམ་གཏེར་ཚད་ལྡན་དང་། མིན་ཀྱང་ས་བཟང་པོ་ལ་བཀྲ་ཤིས་ས་ནས་བླངས་པའི་རྡོ་དཀར་སྲིན་མེད་ལ། ཡུལ་ལྷ་རྟོད་མནན་གྱི་སྔགས་སྙིང་གཟེར་ལས་བྱུང་བ་ལྟར་བཏབ་པ་དང་། རིན་ཆེན་སྣ་ཚོགས་དང་ས་སྣ་ཆུ་སྣ་སོགས་བཀྲ་ཤིས་བའི་རྫས་བཞག་ལ། གསས་མཁར་གྱི་སྟེང་དུ་རྡོ་དཀར་སྤུངས་པར། ཤིང་བྱང་ལ་ཁྱུང་འབྲུག་སེང་གསུམ། ཉི་ཟླ་ནོར་བུ་བཀྲ་ཤིས་རྫས་རྟགས་བྲིས་པ་བཙུག །བལ་ཚོན་དང་དར་སྣ་ཚོགས་ཁྲབ་བྱང་སོགས་ཀྱིས་མཛེས་པར་བརྒྱན་ལ། ཐོག་མར་གླུད་དང་གཏོར་མ་བྱིན་ཏེ་བགེགས་བསྐྲད། དེ་ནས་དུག་ཕྱུང་བྱ་བ་ནི། འབྱུང་བ་བཞིའི་དུག་ཕྱུང་གི་རྗེས་སུ། ས་དུག་བོང་བ། རྡོ་དུག་མཁར་གོང་སྲིན་ཅན། ཤིང་དུག་གླང་མ། ལྡུམ་དུག་ཐང་ཕྲོམ། རྩེ་དུག་རི་ལྕག །རྩྭ་དུག་འཇག་མ། གསེར་དུག་

― MR07_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

ར་གན། དངུལ་དུག་ཞ་ཉེ། དུང་དུག་མགྲོན་བུ། ལྕགས་དུག་སོ་ཏོག་རྣམས་སྣོད་དུ་བཞག་པ་གསས་མཁར་ལ་བསྐོར་ཞིང་། ཧཱུྃ། ལྷ་གཞི་དཀར་པོའི་གོང་འདི་རུ། །རིན་ཆེན་གསས་མཁར་འདི་ཉིད་ལ། །གདུག་པའི་དུག་དང་རྩོག་པའི་གྲིབ། །ཡི་དམ་ལྷ་དང་དགྲ་བླ་ཡིས། །མི་བཞེད་པ་ཡི་དུག་མར་ཕྱུང་། །དུག་རྫས་འདི་རྣམས་ལ་བརྟེན་ནས། །ཏིང་འཛིན་སྔགས་དང་ཕྱག་རྒྱ་དང་། །དཀོན་མཆོག་གསུམ་གྱིས་བདེན་པ་ཡིས། །དུག་ཕྱུང་ཆག་བསལ་སྒྲེན་འདོན་ནོ། །མཁའ་ལྟར་རྣམ་པར་དག་གྱུར་ཅིག །སྨེ་བརྩེགས་འབྱུང་ལྔའི་ལྷ་མོའམ་ཡི་དམ་གང་ཡིན་གྱི་སྔགས་ལ། སརྦ་བི་ཥ་ཧ་ལ་ཧ་ལ་ཕྱུངས་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་བརྗོད་ལ་དུག་རྫས་རྣམས་རྒྱང་དུ་དོར་རོ། །དེ་རྗེས། ཉི་མ་ཐམས་ཅད་སོགས་གོང་ལྟར་བྱ། དེ་ནས་ཁྲུས་བྱ་བ་ནི་རི་ཁྲུས་ནང་བཞིན་བྱ། དེ་ནས། སྭཱ་བྷཱ་ཝས་སྦྱང་ལ། སྟོང་པའི་ངང་ལས་བྷྲཱུྃ་ཡིག་ལས། །གསས་མཁར་རིན་ཆེན་གཞལ་ཡས་ཁང་། །ཚད་དང་བཀོད་པ་ཡོངས་སུ་རྫོགས། །འདོད་དགུ་ཕུན་སུམ་ཚོགས་པའི་དབུས། །གནོད་སྦྱིན་སྡེ་དཔོན་ཛམ་བྷ་ལར། །ཡུལ་ལྷ་དང་ནི་འགོ་བའི་ལྷ། །སྲིད་པའི་

― MR07_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་མགོན་གཉན་པོས་བསྐོར། །གནས་གསུམ་ཡི་གེའི་འོད་ཟེར་གྱིས། །རང་རང་སོ་སོའི་གནས་ནས་ནི། །སྤྱན་དྲངས་གཉིས་སུ་མེད་པར་བསྟིམ། །བཛྲ་ས་མཱ་ཛཿ ཛཿཧཱུྃ་བྃ་ཧོ༔ ས་མ་ཡ་ཏིཥྛ་ལྷནཿ གྱིས་དགྱེས་པར་བཞུགས་སུ་གསོལ། ཧཱུྃ། གནས་འདིར་བཞུགས་པའི་ལྷ་ཚོགས་ཐམས་ཅད་ལ། །མེ་ཏོག་ཕྲེང་བ་སྤོས་མཆོག་ཡིད་འོང་དྲི། །སྣང་གསལ་སྒྲོན་མེ་དྲི་མཆོག་བྱུགས་པ་དང་། །རོ་བརྒྱའི་ཞལ་ཟས་སྣ་ཚོགས་རོལ་མོའི་སྒྲ། ༡ །ཡིད་བཞིན་ནོར་བུའི་གཏེར་དང་བུམ་པ་བཟང་། །དཔག་བསམ་ཤིང་ཆེན་བདུད་རྩིའི་ཁྲུས་ཀྱི་ཆུ། །མ་རྨོས་ལོ་ཏོག་གྲུབ་པའི་དམ་རྫས་དང་། །རྒྱལ་སྲིད་སྣ་བདུན་བཀྲ་ཤིས་རྫས་རྟགས་བརྒྱད། ༢ །གསེར་གྱི་སྙིང་པོའི་སྤྲིན་དང་རིན་ཆེན་རི། །བཀོད་མཛེས་གཞལ་མེད་ཁང་འབར་ལྷ་མོའི་ཚོགས། །ཤ་རྐྱང་རི་དྭགས་ལ་སོགས་གཟུགས་འགྲོས་རིགས། །མཐོ་རིས་འབྱོར་པ་རྣམས་པ་མང་པོ་དང་། ༣། རབ་འབྱམས་ནམ་མཁའི་མཐར་ཐུག་འཇིག་རྟེན་ན། །འདོད་ཡོན་དྲུག་གི་མཆོད་པ་ཅི་མཆིས་པ། །མ་ལུས་ཡོངས་སུ་རྫོགས་པའི་

― MR07_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ལྡན་པར། །དངོས་སུ་བཤམས་པའི་མཆོད་པར་རྟེན་བྱས་ནས། ༤ །ཏིང་འཛིན་སྔགས་དང་ཕྱག་རྒྱས་བྱིན་བརླབས་པས། །ཡིད་བཞིན་འདོད་དགུ་འཆར་བའི་སྤྲིན་ཕུང་ནི། །བདེ་ཆེན་ཡེ་ཤེས་བདུད་རྩིའི་བདག་ཉིད་ཆེ། །ཀུན་ཏུ་བཟང་པོའི་མཆོད་པར་ལེགས་ཤར་བས། ༥ །མུ་མཐའ་ཡངས་པའི་མཁའ་ལམ་ཁྱབ་པ་འདིས། །མཆོད་ཅིང་བརྟེན་པའི་མགྲོན་དུ་གྱུར་པ་ཀུན། །དགྱེས་རབ་མཆོག་ལྡན་མཉེས་རབ་ཕུལ་གྱུར་ཏེ། །རྟག་ཏུ་བདག་ལ་ལྷ་མགོན་དཔལ་མཛད་ཤོག ༦ །ཅེས་མཆོད་པའི་ཚིགས་བཅད་དྲུག་པོ་འདི་ལྟར་དམིགས་ཤིང་། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨ་བརྟ་ཡ་ཨ་བརྟ་ཡ་ཧོ་སྥ་ར་ཎ་ཁཾ་སྭཱ་ཧཱ། བསྟོད་པ་ནི། ཧཱུྃ། འཆི་མེད་དགའ་བའི་དཔལ་ལྡན་བཀྲ་ཤིས་ལྷ། །གང་གིས་བསྟེན་ན་དངོས་གྲུབ་ཆར་ལྟར་འབེབ། །ཡིད་བཞིན་རེ་སྐོང་མགོན་པོ་ཛམ་བྷ་ལ། །ཡུལ་ལྷའི་ཚོགས་དང་བཅས་ལ་ཕྱག་འཚལ་བསྟོད། འདོད་གསོལ་ནི། འདིར་ནི་རྟེན་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཁྱད་པར་གྱི་འདོད་གསོལ་ནི། ཕྱོགས་འདིར་བཀྲ་ཤིས་འཕེལ་བ་དང་། །ས་ཡི་དཔལ་རྣམས་བཅུད་དུ་ཁུག །ཡུལ་གྱི་རྒུད་པ་སོར་ཆུད་ཅིང་། །ཡིད་ལ་རེ་བ་རྫོགས་པར་མཛོད། །ཡེ་དྷརྨ་

― MR07_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སུ་པྲ་ཏིཥྛ་ས་མེ་ཏོག་འཐོར། གཞུང་རྣམས་ན་དེ་ཙམ་ལས་མ་གསུངས་ཀྱང་གལ་ཆེ་ན་ཛམ་ལྷ་སོགས་ཀྱི་རང་སྔགས་དང་། ཡུལ་ལྷའི་སྔགས། ཨོཾ་སརྦ་དེ་བ་ཨ༴ ཞེས་པ་ལ། བཛྲ་ས་མ་ཡ་ཛཿ ཛཿཧཱུྃ་བྃ་ཧོ༔ བཏགས་པ་བརྒྱ་རྩ་བརྒྱད་ལ་སོགས་པས་དྲངས་བསྟིམ་ཡང་ཡང་བྱས་ན་ནུས་པ་ཆེའོ། །དེ་ནས་ལ་བཙས་སམ་གསས་མཁར་གྱི་ཁ་རྡོ་དཀར་གྱིས་གསོས་ལ། ཧཱུྃ། དེ་རིང་གནམ་ལ་གཟའ་སྐར་བཟང་། །ས་ལ་དུས་ཚོད་ལ་ཉེ་ལེགས། །བར་ན་བཀྲ་ཤིས་ཕུན་སུམ་ཚོགས། །དུས་འདིར་རྣལ་འབྱོར་བདག་ཅག་གིས། །སྔོན་གྱི་སྲིད་པའི་ལུགས་བཞིན་དུ། །རིན་ཆེན་སྣ་ཚོགས་འབར་བ་ཡི། །བཀྲ་ཤིས་གསས་མཁར་གཉན་པོ་བརྩིགས། །འདོད་དགུའི་དངོས་གྲུབ་ཆར་འབེབ་པས། །འགོ་བའི་ལྷ་མགོན་ཡུལ་ལྷ་སོགས། །མཆོད་ཡུལ་མགྲོན་རྣམས་ཚིམ་པར་གྱུར། །བདག་ཅག་ཚེ་བསོད་དཔལ་འབྱོར་རྣམས། །ཟླ་བ་ཡར་གྱི་ངོ་ལྟ་བུར། །གོང་ནས་གོང་དུ་འཕེལ་ཞིང་རྒྱས། །རྟག་ཏུ་བརྟན་པའི་བཀྲ་ཤིས་ཤོག །ཤིང་བྱང་དང་དར་སྣ་རྣམས་བསྒྲོན་བཞིན་པར། ཀྱེ། འགོ་བའི་ལྷ་མགོན་གཉན་པོ་རྣམས། །ཚུར་བྱོན་གསས་མཁར་འདི་ལ་བཞུགས། །བཀྲ་ཤིས་

― MR07_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་སྤྲོས་མཆོད་པ་བཞེས། །ཁྱེད་རྣམས་མངའ་གསོལ་དབུ་འཕང་བསྟོད། །བདག་ཅག་ཡོན་བདག་རྣམས་ལ་མགོན་སྐྱབས་མཛོད། །ཕྱོགས་བཞིར་རྒྱལ་ཆེན་བཞིའི་སྐུ་དང་སྟག་སྐྱ་བོ་སོགས་སྲུང་བཞིའི་གཟུགས་སམ། བསྡུ་ན་རྡོ་དཀར་པོ་རེ་སོགས་མཚན་མ་བཀོད་ལ། རྒྱལ་ཆེན་བཞི་དང་ཁྲོ་བོ་བཞི། །སྟག་སྐྱ་ལ་སོགས་སྲུང་མ་བཞི། །འཇིག་རྟེན་སྐྱོང་བའི་ཚོགས་རྣམས་ཀྱིས། །རྟག་ཏུ་བསྲུང་ཞིང་དགེ་ལེགས་མཛོད། །དམུ་དག་དཀར་པོ་གྱེན་དུ་ཐེན་ལ། ཀྱེ། དེ་རིང་ཚེ་ལྷ་ཚེ་འཛིན་དང་། །བཀྲ་ཤིས་ལྷ་མོའི་ཚོགས་ཀྱིས་ནི། །དམུ་ཐག་འཐེན་ལ་རྟེན་ཕུར་ཚུགས། །བཀྲ་ཤིས་ཕུན་སུམ་ཚོགས་པར་མཛོད། །དེ་ནས་ཁྲི་འཕང་བསྟོད་ལ། ཕྱག་མཚན་ལྔ་དངོས་སམ་ཕྱག་རྒྱ་བཅས་ལ། ཧཱུྃ། ཡེ་ཤེས་ལྔ་ལྡན་རྒྱལ་བ་ལྔའི། །ཕྱག་མཚན་རྡོ་རྗེ་རིན་པོ་ཆེ། །པདྨ་རྒྱ་གྲམ་འཁོར་ལོ་ཡིས། །རྒྱས་གདབ་དབང་བསྐུར་བྱིན་རླབས་པས། །ཐམས་ཅད་ཡེ་ཤེས་ལྔའི་རང་བཞིན། །རྣམ་དག་ཆེན་པོར་ལྷུན་གྱིས་གྲུབ། །ཨོཾ་ཧཱུྃ་ཏྲཱྃ་ཧྲཱིཿཨཱཿཞེས་དང་། བཀྲ་ཤིས་པའི་མངའ་གསོལ་རི་ཁྲུས་སྐབས་ལྟར་བྱའོ། །དེས་ནི་ཡུལ་ལྷ་རྟོད་ལ་གནོན་པ་དང་། ས་དཔལ་ཉམས་པ་གསོ་ཞིང་།

― MR07_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

སའི་དམིགས་ནོན་པ་དང་། བཀྲ་ཤིས་ལ་དཔལ་འབྱོར་འཕེལ་བར་འགྱུར་རོ། ༈ །གཏོ་སྐུ་བཙུག་པ་ནི། ཁང་པའི་སྟེང་ས་དཔའ་བཟང་པོ་མཐོང་བར། བཀྲ་ཤིས་པའི་ས་སྣ་རྡོ་སྣ་སྣ་ཚོགས་ལས་ཟླུམ་པོ་དྲིལ་བུའི་དབྱིབས་ཅན་གྱི་མཎྜལ་བརྩིགས་ལ། ནང་དུ་བུམ་གཏེར་སྔགས་རྫས་ཚད་ལྡན་ཅན་དང་། བཀྲ་ཤིས་པའི་ས་སྣ་ཆུ་སྣ་རྡོ་སྣ་ཤིང་སྣ། གཞི་བདག་བཟང་པོ་ནས་བླངས་པའི་བླ་རྡོ་བླུགས་པས་ཁ་བཀང་། སྟེང་དུ་ཤིང་རིས་དར་རྒྱན་སོགས་གསས་མཁར་ལྟར་བྱས་ལ། སྦྱང་ཁྲུས་བགེགས་བསྐྲད་སོགས་གསས་མཁར་ལྟར་རམ། བསྡུས་ཙམ་གང་མོས་བྱས་ལ། སྦྱངས། སྟོང་པའི་ངང་ལས་བྷྲཱུྃ་ཡིག་ལས། གཏོ་སྐུ་རིན་ཆེན་གཞལ་ཡས་ཁང་། །ཚད་དང་བཀོད་པ་ཡོངས་སུ་རྫོགས། །འདོད་དགུ་ཕུན་སུམ་ཚོགས་པའི་དབུས། །རྩ་གསུམ་དམ་ཅན་འགོ་བའི་ལྷ། །མ་ལུས་ལུས་པ་མེད་པར་གསལ། །གནས་གསུམ་ཡི་གེའི་འོད་ཟེར་གྱིས། །རང་རང་སོ་སོའི་གནས་ནས་ནི། །སྤྱན་དྲངས་གཉིས་སུ་མེད་པར་ཐིམ། །ཀྱེ། དེ་རིང་གནམ་ལ་གཟའ་སྐར་སོགས་ཚིགས་བཅད་གསས་མཁར་སྐབས་ལྟར་དང་། གསས་མཁར་ཞེས་པ་གཏོ་སྐུར་སྒྱུར་ཏེ། ཚིམ་པར་གྱུར། ཀྱེ། བླ་མ་ཡི་དམ་

― MR07_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོའི་ཚོགས། །ཚུར་བྱོན་གཏོ་སྐུ་འདི་ལ་བཞུགས། །ཆོས་སྐྱོང་དགྲ་བླ་ཝེར་མའི་ཚོགས། །ཚུར་བྱོན་གཏོ་སྐུ་འདི་ལ་བཞུགས། །ནོར་ལྷ་གཏེར་བདག་གཞི་བདག་ཚོགས། །ཚུར་བྱོན་གཏོ་སྐུ༴ འགོ་བའི་ལྷ་མགོན་གཉེན་པོའི་ཚོགས། །ཚུར་བྱོན་གཏོ་སྐུ༴ ཕ་མྱེས་བརྒྱུད་ཀྱི་སྲུང་མ་རྣམས། །ཚུར་བྱོན་གཏོ་སྐུ༴ སློབ་དཔོན་བརྒྱུད་ཀྱི་སྲུང་མ་རྣམས། །ཚུར་བྱོན་གཏོ་སྐུ༴ སྲིད་པའི་ལྷ་རབས་ཆེན་པོ་རྣམས། །ཚུར་བྱོན་གཏོ་སྐུ༴ འཇིག་རྟེན་སྐྱོང་བའི་ལྷ་ཚོགས་རྣམས། །ཚུར་བྱོན་གཏོ་སྐུ་འདི་ལ་བཞུགས། །རང་འདོད་པའི་ལྷ་ལའང་དེ་བཞིན་བརྗོད། ཁྱེད་རྣམས་མཆོད་ཅིང་མངའ་གསོལ་ལོ། །རྟེན་མཆོག་འདི་ལ་བརྟན་པར་བཞུགས། །མི་དང་ལྷ་རུ་མ་འབྲལ་ཅིག །ཁ་འཛིན་རྒྱབ་བརྟེན་མ་གཡེལ་ཅིག །རིགས་ཀྱི་ལྷ་དང་དཔལ་དུ་མཛོད། །མི་མཐུན་བར་ཆད་ཀུན་ལས་སྲུངས། །བསམ་པ་སྒྲུབས་ལ་རེ་བ་སྐོངས། །གནས་འདིར་བཀྲ་ཤིས་བདེ་ལེགས་མཛོད། །ཞེས་བྱས་ལ། ཡེ་དྷརྨ་དང་། སུ་པྲ་ཏིཥྛས་མེ་ཏོག་འཐོར། འདི་ལ་གཏོ་སྐུའི་ནང་དུ་སྔགས་སྡེབ་ལས་གསུངས་པ་ལྷ་རྟོད་མནན་གྱི་རྡོ་དཀར་ལ་སྔགས་བཏབ་པ་བཞག་

― MR07_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མན་ངག་གི་དབང་གིས་ཁྱད་པར་འཕགས་སོ། །དེ་ནས་མཆོད་པ་གསས་མཁར་གྱི་ཚིགས་བཅད་དྲུག་པ་ལྟར་དང་། བསྟོད་པའང་དེའི་བསྟོད་པ་ལ། ཡིད་བཞིན་རེ་སྐོང་རྩ་གསུམ་སྲུང་མ་དང་། །ནོར་ལྷ་གཞི་བདག་ཚོགས་ལ་ཕྱག་འཚལ་བསྟོད། །ཅེས་ཁ་སྒྱུར་ལ་བསྟོད། བརྟན་བཞུགས་ལ། འདིར་ནི་རྟེན་དང་སོགས་བརྗོད། ཁྱད་པར་གྱི་འདོད་གསོལ། གཏོ་སྐུ་གཙུགས་པའི་རྟེན་འབྲེལ་ལས། །གནས་འདིར་མི་མཐུན་རྒུད་པ་ཞི། །མི་རྒྱུད་དར་ཞིང་དཔལ་འབྱོར་འཕེལ། །ལྷ་ཡི་མགོན་སྐྱབས་བཙན་པར་ཤོག །གཞན་ཡང་རང་ཇི་ལྟར་འདོད་པའི་དོན་ལ་གསོལ་བ་གདབ་བཀྲ་ཤིས་རི་ཁྲུས་ལྟར་བྱའོ། །དེས་ནི་ལྷ་ཡི་རྟེན་ཚུགས་པས་མི་གཡེལ་བ་དང་། ལྷ་རྣམས་འདུ་ཞིང་གནས་དེར་བཀྲ་ཤིས་པར་བྱེད་པ་དང་། ཅི་བསམ་འགྲུབ་བོ། ༈ ། ཁྱིམ་ལྷ་བསྟོད་ན། གཏོར་མའམ། རིན་ཆེན་མདའ་མདུང་སོགས་རྟེན་དུ་ཡོད་པ་དང་། ཁྱད་པར་མདའ་དར་ལ་ཁྱིམ་ལྷའི་སྐུ་དང་སྔགས་བྱང་བྲིས་པ་སོགས། རྒྱས་བསྡུས་ཀྱི་རྟེན་གང་འོས་ཞིག་དཀྱིལ་ཀ་སོགས་སུ་བཅིང་། མདུན་དུ་མཆོད་པ་ཅི་འབྱོར་བར་བཤམས་ལ། སྔོན་འགྲོ་བགེགས་བསྐྲད་དུག་ཕྱུང་ཁྲུས་གསོལ་སོགས་རྒྱས་བསྡུས་གང་འོས་བྱ། ཁྱད་པར་བསང་བྱ་ན། མཁན་ཤུག་བལ་བུ་སྟེ་

― MR07_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩི་ཅན་གྱི་ཤིང་གསུམ་དང་། གཞན་ཡང་ཙན་དན་དཀར་དམར་སོགས་དྲི་བཟང་གི་སྨན་དང་། ཤིང་སྣ་ཅི་འབྱོར་པའི་བསང་བྱས་ལ། ཨོཾ་ཨཱཿཧཱུྃ་གིས་བྱིན་གྱིས་བརླབས། ༈ ཀྱེ། བསང་ནི་འབྱུང་བ་ལྔ་ལས་བྱུང་། །གནམ་ལས་འབྲུག་གློག་ཆར་པ་བྱུང་། །ས་ལ་རྩི་ཤིང་སྨན་རྣམས་འཁྲུངས། །བདུད་རྩི་ཅན་གྱི་ཤིང་རྣམས་ལ། །མེ་སྤར་དུ་བས་ཕྱོགས་ཀུན་ཁྱབ། །ཏིང་འཛིན་སྔགས་རྒྱས་བྱིན་གྱིས་བརླབས། །རྟེན་འབྲེལ་ཆོ་གའི་ཁྱད་པར་ལས། །གྲིབ་དང་མི་གཙང་དག་པར་བྱེད། །ཡིད་བཞིན་འདོད་དགུའི་ཆར་འབེབས་པས། །ལྷ་རྣམས་དགྱེས་པ་མཆོག་ཏུ་བསྐྱེད། །བསང་གི་མི་བསང་གང་ཡང་མེད། །བསང་མཆོད་བདུད་རྩིའི་སྤྲིན་ཕུང་འདིས། །སྐྱབས་གནས་དཀོན་མཆོག་གསུམ་པོ་བསང་། །ཡི་དམ་རྩ་གསུམ་ལྷ་ཚོགས་བསང་། །ཆོས་སྐྱོང་དགྲ་ལྷ་ཝེར་མ་བསང་། །ནོར་ལྷ་གཏེར་བདག་གཞི་བདག་བསང་། །འགོ་བའི་ལྷ་མགོན་གཉེན་པོ་བསང་། །སྲིད་པའི་ལྷ་རབས་ཐམས་ཅད་བསང་། །ཁྱད་པར་བའི་འཕྱོང་སྦྱར། ཉམས་གྲིབ་མི་གཙང་ཀུན་སངས་ནས། །ཐུགས་དགོངས་ཤེལ་ལྟར་གསལ་གྱུར་ཅིག །དགྱེས་རབ་མཆོག་དང་ལྡན་གྱུར་

― MR07_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། །བདག་ལ་དངོས་གྲུབ་མ་ལུས་སྩོལ། །ཞེས་བྱའོ། །དེ་ནས་ཁྱིམ་བསང་ཞིང་སྦྱངས་ལ། སྟོང་པའི་ངང་ལས་སོགས་གསས་མཁར་ལྟར་ལ། ཁྱིམ་འདི་རིན་ཆེན་སོགས་ཁ་སྒྱུར། རྩ་གསུམ་དམ་ཅན་སྲུང་མར་བཅས། །ཁྱིམ་ལྷའི་ངོ་བོར་བཞུགས་པ་ནི། །ཁྱིམ་ལྷ་གེ་ཐུང་སྐུ་མདོག་སྔོ། །རིན་ཆེན་གཡུ་ཡི་རྒྱན་ཆས་ཅན། །ཕྱག་ན་དུང་གི་ཀ་བ་བསྣམས། །ཁྱིམ་ལྷ་འབུམ་གྱི་འཁོར་གྱིས་བསྐོར། །གཞན་ཡང་རྩ་གསུམ་དམ་ཅན་དང་། །འགོ་བའི་ལྷ་ཚོགས་སྤྲིན་ལྟར་གཏིབ། །གནས་གསུམ་ཡི་གེའི་འོད་ཟེར་གྱིས། །རང་རང་སོ་སོའི་གནས་ནས་ནི། །སྤྱན་དྲངས་གཉིས་སུ་མེད་པར་བསྟིམ། བཛྲ་ས་མཱ་ཛཿ ཛཿཧཱུྃ་བྃ་ཧོ༔ ས་མ་ཡ་ཏིཥྛ་ལྷན། དེ་ནས། ཧཱུྃ། གནས་འདིར་བཞུགས་པའི་མཆོད་པ་ཚིགས་བཅད་དྲུག་པ་སྔགས་དང་བཅས་པ་དང་། བསྟོད་པ་ལ། ཡིད་བཞིན་རེ་སྐོང་བཀྲ་ཤིས་ཁྱིམ་གྱི་ལྷ། །མ་ལུས་འཁོར་དང་བཅས་ལ་ཕྱག་འཚལ་བསྟོད། །ཅེས་ཁ་བསྒྱུར་བས་བསྟོད། ཀྱེ། དེ་རིང་གནམ་ལ་གཟའ་སྐར་སོགས། བཀྲ་ཤིས་མཐུན་པའི་དམ་རྫས་རྣམས། །ཁྱིམ་ལྷ་གཉེན་པོའི་རྟེན་དུ་བཙུགས། །འདོད་དགུའི་དངོས་གྲུབ་ཆར་ལྟར་

― MR07_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོས། །འགོ་བའི་ལྷ་མགོན་ཁྱིམ་ལྷ་སོགས། །མཆོད་ཡུལ་སོགས་གསས་མཁར་སྐབས་ལྟར་དང་། འདིར་ནི་རྟེན་དང་སོགས་ཀྱི་མཐར། ཁྱད་པར་གྱི་འདོད་གསོལ། ཁྱིམ་འདིར་བཀྲ་ཤིས་འཕེལ་བ་དང་། །སྣོད་བཅུད་ཕྱྭ་གཡང་བཅུད་དུ་ཁུག །ཁྱིམ་གྱི་རྒུད་པ་སོར་ཆུད་ནས། །ཡིད་ལ་རེ་བ་རྫོགས་པར་མཛོད། །ཅེས་དང་། ཀྱེ། ཁྱིམ་ལྷ་གཉན་པོའི་ལྷ་ཚོགས་རྣམས། །ཚུར་བྱོན་ཁྱིམ་འདིར་རྟེན་ལ་བཞུགས། །བཀྲ་ཤིས་ཞལ་བསྲོའི་སོགས་དང་། རྒྱལ་ཆེན་བཞི་དང་སོགས། སྲུང་འཛུགས་དང་། ཕྱག་མཚན་ལྔས་བསྲུང་བ་དང་། བཀྲ་ཤིས་རྒྱས་པར་བྱ། དེས་ནི་ཁྱིམ་དེའི་ཉེས་པ་ཞི་ཞིང་དཔལ་ཕུན་སུམ་ཚོགས་པ་འཕེལ་བར་འགྱུར་རོ།། ༈ །།དེ་བཞིན་དུ་ཐབ་ལྷ་བསྟོད་ན། རབ་ཐབ་ཀྱི་འོག་གཞིར་ཐབས་གཏེར་སྦ་བ་དང་། མིན་ཀྱང་གནས་བཀྲ་ཤིས་པའི་ས་རྡོ་རིན་ཆེན་གྱི་བཀང་བའི་བུམ་པ་ཙམ་སྦས་ལ། ཐབ་མཐར་མཆོད་པ་བཤམས། བགེགས་བསྐྲད་པ་སོགས་སྔོན་འགྲོ་རྣམས་ཅི་འོས་བྱས་ལ། ཐབ་བསང་སྦྱང་། སྟོང་པའི་ངང་ལས་སོགས་ནས། ཐབ་འདི་རིན་ཆེན་སོགས་དང་། རྩ་གསུམ་དམ་ཅན་སྲུང་མར་བཅས། །ཐབ་ལྷའི་ངོ་བོར་བཞུགས་པ་ནི། །ཐབ་ལྷ་ཡུ་མོ་

― MR07_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བྱ་བ། །བུད་མེད་ལུས་ལ་གཡུ་ཆས་ཅན། །དར་ཟབ་ན་བཟའ་སྐུ་ལ་གསོལ། །ཕྱག་ན་གསེར་གྱི་གཟར་བུ་བསྣམས། །ཐབ་ལྷ་མེ་ལྷ་འབུམ་གྱིས་བསྐོར། །གཞན་ཡང་སོགས། ཁྱིམ་ལྷའི་སྐབས་ལྟར་དང་། མཆོད་པ་དང་བསྟོད་པར། བཀྲ་ཤིས་ཐབས་ཀྱི་ལྷ། །མ་ལུས་སོགས་ཁ་བསྒྱུར། ཁྱིམ་ལྷ་ཞེས་པ་དེ། ཐབ་ལྷ་གཉན་པོར་ཁ་བསྒྱུར། ཁྱད་པར་འདོད་གསོལ། ཐབ་འདིར་བཀྲ་ཤིས་འཕེལ་བ་དང་། །ཟས་གཡང་དཔལ་འབྱོར་བཅུད་དུ་ཁུག །ཐབ་ཏུ་མར་ཁུའི་མཚོ་མོ་ཁོལ། །བདེ་སྐྱིད་དཔལ་དང་ལྡན་པར་མཛོད། །ཅེས་སྦྱར། གཞན་མཇུག་ཆོག་ཐམས་ཅད་ཁྱིམ་ལྷའི་སྐབས་ལྟར་སྦྱར་བས་གྲུབ་བོ། །དེས་ནི་ཐབ་ཀྱི་བསེ་རག་རྒྱུན་ཆོད་ཅིང་ཐབ་དེར་གཡོ་བསྐོལ་ཟས་ཀྱི་འདུ་བ་འཕེལ་ལ་བཀྲ་ཤིས་པར་འགྱུར་རོ། ༈ །ཞིང་ལྷ་བསྟོད་ན། ཞིང་གི་དཀྱིལ་དུ་ཕྱུག་པོ་རྣམས་ཀྱི་ཞིང་ས་དང་རིན་ཆེན་སྣ་ཚོགས་དང་འབྲུ་སྣ་ཚོགས་ཀྱི་བུམ་པ་བཟང་པོ་སྦས་ལ། སྔོན་འགྲོ་

― MR07_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བྱས་རྗེས། ཞིང་འདིར་རིན་ཆེན་གཞལ་ཡས་སོགས། གཞན་ཐམས་ཅད་འདྲ་བ་ལ། ཞིང་ལྷ་ཚངས་་པ་ཆེན་པོ་ནི། །སྐུ་མདོག་དཀར་པོ་འོད་ཟེར་འབར། །རིན་ཆེན་དར་གྱི་རྒྱན་ཆ་ཅན། །ཕྱག་གཡས་རིན་ཆེན་སྙེ་མ་ལས། །སྣ་ཚོགས་འབྲུ་ཡི་ཆར་པ་འབེབ། །གཡོན་ན་བུམ་བཟང་དགོས་འདོད་སྐོང་། །ཞིང་ལྷ་ཁྲི་དང་འབུམ་གྱིས་བསྐོར། །ཞེས་པ་དམིགས་བསལ་དང་། གཞན་ཐམས་ཅད་ཞིང་ལྷ་གཉན་པོ་ཞེས་པའི་ཁ་བསྒྱུར་ཤེས་པར་བྱ། ཁྱད་པར་གྱི་འདོད་གསོལ་ནི། ཞིང་འདིར་བཀྲ་ཤིས་འཕེལ་བ་དང་། །ལོ་གཡང་དཔལ་འབྱོར་བཅུད་དུ་ཁུག །ས་འདིར་རིན་ཆེན་གཏེར་ལྡན་པས། །ཡིད་ལ་རེ་བ་རྫོགས་པར་མཛོད། །ཅེས་པ་ལས་གཞན་ཐམས་ཅད་གོང་ལྟར་སྦྱར་བས་འགྲུབ་བོ།། །།

― MR07_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ནི་ཞིང་ས་དེར་ལོ་ཏོག་ཕུན་སུམ་ཚོགས་པ་དང་བཀྲ་ཤིས་པར་འགྱུར་རོ། ༈ །ཕྱུགས་ལྷ་བསྟོད་ན། ཕྱུགས་ལྷས་སམ་ཁྱིམ་ནང་དུ། ཕྱུག་པོའི་རྟ་ཕྱུགས་སོགས་ཀྱི་སྤུ་སྣ་དང་འབྲུ་སྨན་རིན་ཆེན་སྣ་ཚོགས་གཙོར་གྱུར་བུམ་པ་ཚད་ལྡན་ནམ་མདའ་དར་སོགས་ལ་རྟེན་བྱས་ཏེ། སྔོན་འགྲོ་དངོས་གཞི་རྗེས་རྣམས་ཁྱིམ་ལྷའི་སྐབས་ལྟར་ལ། ཁྱད་པར་གྱི་དམིགས་བསལ། ཕྱུགས་ལྷའི་ངོ་བོར་བཞུགས་པ་ནི། །དཔལ་ལྡན་རྒྱལ་ཆེན་རྣམ་ཐོས་སྲས། །གསེར་མདོག་རིན་ཆེན་སྣ་ཚོགས་བརྒྱན། །རིན་ཆེན་དབྱུག་ཐོ་ནེའུ་ལེ་བསྣམས། །སེང་གེ་དཀར་མོའི་རྟ་ལ་ཆིབས། །ནོར་ལྷ་ཁྲི་དང་འབུམ་གྱིས་བསྐོར། །ཞེས་དང་། ཁྱད་པར་གྱི་འདོད་གསོལ། བདག་ཡོན་བདག །གི་ཕྱུགས་རྣམས་འཕེལ་བ་དང་། །དགྲ་རྐུན་གཅན་གཟན་གོད་ཁ་སྲུངས། །ཕྱུགས་གཡང་ཐམས་ཅད་དབང་བསྡུས་ནས། །བཀྲ་ཤིས་དཔལ་འབྱོར་རྒྱས་པར་མཛོད། །ཅེས་དང་། ཕྱུགས་ལྷ་ཞེས་དམིགས་བསལ་གྱི་ཁ་བསྒྱུར་སྦྱར་བས་འགྲུབ་བོ། །

― MR07_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ནི་ཕྱུགས་འཕེལ་ཞིང་གོད་ཁ་རྒྱུན་ཆོད་ལ་བཀྲ་ཤིས་པར་འགྱུར་རོ། །ཡང་ན་ཕྱུགས་ལྷ་པ་རྞ་ཤ་བ་རི་བསྒོམ་ལ་ཆོ་ག་འདི་བཞིན་བྱས་པས་དོན་འགྲུབ་བོ། ༈ །།ཁྱིམ་དུ་ནོར་ལྷའི་རྟེན་གཟུགས་པ་ལའང་། དེ་བཞིན་དུ་བུམ་གཏེར་ཚད་ལྡན་ནམ། ནོར་ལྷའི་སྐུ་དང་སྔགས་བྱང་བཅས་པའི་མདའ་དར་དང་། བཀྲ་ཤིས་པའི་ཡོ་བྱད་རྣམས་ལ་རྟེན་བཅས་ཏེ། སྔོན་འགྲོ་དངོས་གཞི་རྗེས་རྣམས་གོང་ལྟར་ལ། ཁྱད་པར་གྱི་ཁ་བསྒྱུར་ནོར་ལྷ་ཞེས་པ་སྦྱར་ཞིང་ལྷ་བསྐྱེད་པ། ནོར་ལྷ་ཨཱརྱ་ཛམ་བྷ་ལ། །གསེར་མདོག་རིན་ཆེན་སྣ་ཚོགས་བརྒྱན། །ཕྱག་གཡས་བི་ཛ་པུ་ར་ཀ། གཡོན་ན་ནེའུ་ལེའི་རྐྱལ་པ་བསྣམས། །གཏེར་གྱི་བུམ་པའི་ཁྲི་ལ་བཞུགས། །ནོར་ལྷ་ཁྲི་དང་འབུམ་གྱིས་བསྐོར། །ཞེས་དང་། ཁྱད་པར་གྱི་འདོད་གསོལ། གནས་འདིར་བཀྲ་ཤིས་འཕེལ་བ་དང་། །སྲིད་ཞིའི་ཕྱ་གཡང་དབང་དུ་སྡུས། །དཔལ་འབྱོར་ལོངས་སྤྱོད་འཛད་མེད་རྒྱུན། །ཡིད་ལ་ཅི་འདོད་དངོས་གྲུབ་སྩོལ། །ཞེས་སྦྱར་བས་འགྲུབ་བོ། །དེས་ནི་དཔལ་འབྱོར་འཕེལ་ཞིང་བཀྲ་ཤིས་པར་འགྱུར་རོ། ༈ །འཕྲག་ལྷ་བསྟོད་ན། མི་དེར་ཁྲུས་བྱས་བགེགས་བསྐྲད་བསང་བྱས་ལ། ཨ་མྲྀ་ཏས་བསང་། སྭ་བྷ་བས་སྦྱང་ལ། སྟོང་པའི་ངང་ལས་མི་བུ་འདི། །ཕུང་ཁམས་སྐྱེ་མཆེད་ཡོངས་རྫོགས་ཤིང་། །འཆི་མེད་

― MR07_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཡི་བུ་བཞིན་དུ། །ཡིད་འོང་ལྟ་ན་སྡུག་པ་ཡི། །ཕུང་པོ་ཁམས་དང་སྐྱེ་མཆེད་ཀུན། །རང་བཞིན་རྣམ་དག་ངང་ཉིད་ལས། །རྣམ་པ་ལྷ་དང་ལྷ་མོའི་དང་། །རྩ་གསུམ་དགྲ་བླའི་ངོ་བོར་རྫོགས། །ཁྱད་པར་ཕྲག་པ་གཡས་ཀྱི་སྟེང་། །རྩ་གསུམ་དམ་ཅན་སྲུང་མར་བཅས། །ཕྲག་ལྷའི་ངོ་བོར་བཞུགས་པ་ནི། །སྐྱེས་བུའི་ཕྲག་ལྷ་བྱ་བ་དེ། །མི་དཀར་དུང་གི་གོ་མཚོན་ཅན། །ཕྱག་ན་རྒྱལ་མཚན་མདུང་དར་བསྣམས། །བྱ་རྒྱལ་ཁྱུང་གི་རྟ་ལ་ཆིབས། །གཟི་བརྗིད་ཉི་མ་འབུམ་ལྟ་བུས། །ཕ་རོལ་རྒོལ་བ་ཟིལ་གྱིས་གནོན། །དགྲ་བླ་ཝེར་མ་འབུམ་གྱིས་བསྐོར། །གཞན་ཡང་རྩ་གསུམ་དམ་ཅན་དང་། །འགོ་བའི་ལྷ་ཚོགས་སྤྲིན་ལྟར་གཏིབས། །གནས་གསུམ་ཡི་གེའི་འོད་ཟེར་གྱིས། །རྩ་གསུམ་ཆོས་སྐྱོང་དགྲ་བླ་རྣམས། །འཕྲག་ལྷའི་ངོ་བོར་སྤྱན་དྲངས་ཏེ། །བསྒོམ་པའི་ལྷ་ལ་གཉིས་མེད་བསྟིམ། ཧཱུྃ། བླ་མ་ཡི་དམ་མཁའ་འགྲོ་དང་། །ཆོས་སྐྱོང་དགྲ་བླ་ཝེར་མ་རྣམས། །སྔོན་གྱི་ཐུགས་དམ་ཇི་བཞིན་དུ། །མགོན་དང་སྐྱབས་སུ་སྤྱན་འདྲེན་ན། །སྐྱེས་བུའི་འཕྲག་ལྷའི་རྣམ་པ་རུ། །ཚུར་གཤེགས་མི་བུ་རིན་ཆེན་འདིའི། །ཕུང་པོ་ཁམས་དང་སྐྱེ་མཆེད་

― MR07_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །བླ་རྡོ་བཅས་ནས་རྟག་བཞུགས་ཏེ། །བྱིན་བརླབ་མགོན་སྐྱབས་དཔུང་རོགས་མཛོད། །ནད་གདོན་མི་མཐུན་ཕྱོགས་ལས་སྲུངས། །མཐུན་རྐྱེན་ཚེ་དཔལ་གཟི་བརྗིད་སྐྱེད། །གང་བསམ་དོན་རྣམས་འགྲུབ་པ་དང་། །ཅི་བྱས་རྒྱལ་ཁ་ཐོབ་པ་ཡི། །ཆོས་སྲིད་ལེགས་ལམ་ལྷུན་གྲུབ་མཛོད། །ཨོཾ་ཨཱཿཧཱུྃ་བཛྲ་གུ་རུ་དེ་བ་ཊཱ་ཀི་ནཱི་དྷརྨ་པཱ་ལ་བཛྲ་ས་མཱ་ཛཿ ཛཿཧཱུྃ་བྃ་ཧོཿ ཨཱ་བེ་ཤ་ཡ་ས་མ་ཡ་ཏིཥྛ་ལྷན། །ཞེས་བྱས་ལ། སྟག་ཤར་ལ་གོ་མཚོན་རལ་གྲི་སོགས་དང་། བཙུན་པ་ལ་གླེགས་བམ་ཕྱག་མཚན་སོགས་རང་རང་ལ་འོས་པའི་ཆས་དང་། སོ་སོའི་གོས་རྒྱན་སྣ་ཚོགས་མཛེས་པས་མངའ་གསོལ་ཞིང་། མདའ་དར་བུམ་པ་སོགས་བཀྲ་ཤིས་ལ་དབང་ཐང་མཐོ་བའི་རྫས་ལག་ཏུ་བཞག །ཞིམ་མངར་ཟས་ཀྱིས་ཞལ་བསྲོ་བྱ་ཞིང་མེ་ཏོག་འཐོར་ལ། ཀྱེ། དགུང་ལ་ཉི་མ་ཤར་བ་བཞིན། །འཕྲག་ལྷ་གཉེན་པོའི་དཔུང་བསྟོད་དོ། །མཁར་ལ་བ་གམ་ཐོགས་པ་བཞིན། །འཕྲག་ལྷ་གཉེན་པོའི་དཔུང་བསྟོད་དོ། །རྨོག་ལ་རྒོད་འཕྲུ་བཙུག་པ་བཞིན། །འཕྲག་ལྷ་གཉེན་པོའི་དཔུང་བསྟོད་དོ། །སེང་ལ་གཡུ་རལ་རྒྱས་པ་བཞིན། །འཕྲག་ལྷ་གཉེན་པོའི་དཔུང་བསྟོད་དོ། །སྟག་ལ་འཛུམ་དྲུག་རྒྱས་པ་བཞིན། །འཕྲག་ལྷ་གཉན་པོའི་དཔུང་བསྟོད་དོ། །ཁྱུང་ལ་གཤོག་དྲུག་རྒྱས་པ་བཞིན། །འཕྲག་ལ་གཉེན་པོའི་དཔུང་བསྟོད་དོ། །འབྲུག་ལ་ངར་སྐད་

― MR07_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པ་བཞིན། །འཕྲག་ལྷ་གཉེན་པོའི་དཔུང་བསྟོད་དོ། །འཁོར་བསྒྱུར་རྒྱལ་སར་འཁོད་པ་བཞིན། །འཕྲག་ལྷ་གཉན་པོའི་དཔུང་བསྟོད་དོ། །ལྷ་དབང་གཡུལ་ལས་རྒྱལ་བ་བཞིན། །འཕྲག་ལྷ་གཉེན་པོའི་དཔུང་བསྟོད་དོ། །ཀྱེ། གངས་དང་སེང་གེ་འགྲོགས་པ་བཞིན། །མི་དང་འཕྲག་ལྷ་མ་འབྲལ་ཞིག །དགུང་དང་གཡུ་འབྲུག་འགྲོགས་པ་བཞིན། །མི་དང་འཕྲག་ལྷ་མ་འབྲལ་ཞིག །ནགས་དང་སྟག་མོ་འགྲོགས་པ་བཞིན། །མི་དང་འཕྲག་ལྷ་མ་འབྲལ་ཞིག །ཁྱུང་དང་དཔག་བསམ་འགྲོགས་པ་བཞིན། །མི་དང་འཕྲག་ལྷ་མ་འབྲལ་ཞིག །བྲག་དང་བྱ་རྒོད་འགྲོགས་པ་ལྟར། །མི་དང་འཕྲག་ལྷ་མ༴ ཉ་དང་མཚོ་མོ་འགྲོགས་པ་ལྟར། །མི་དང་འཕྲག་ལྷ་མ་འབྲལ་ཞིག །སྤང་དང་ཤ་རྐྱང་འགྲོགས་པ་ལྟར། །མི་དང་འཕྲག་ལྷ་མ་འབྲལ་ཞིག །བྱ་དང་འདབ་མ་འགྲོགས་པ་ལྟར། །མི་དང་འཕྲག་ལྷ་མ༴ རྫ་དང་འབྲོང་མོ་འགྲོགས་པ་ལྟར། །མི་དང་འཕྲག་ལྷ་མ༴ གོས་དང་གོང་བ་འགྲོགས་པ་ལྟར། །མི་དང་འཕྲག་ལྷ༴ མཁའ་དང་ཉི་ཟླ་འགྲོགས་པ་ལྟར། །མི་དང་འཕྲག་ལྷ་མ༴ ལུས་དང་གྲིབ་མ་འགྲོགས་པ་

― MR07_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། །མི་དང་འཕྲག་ལྷ་མ༴ ལྷ་དང་དཔལ་དུ་འགྲོགས་པ་ལྟར། །མི་དང་འཕྲག་ལྷ་མ་འབྲལ་ཞིག །ཅི་བསམ་དོན་རྣམས་འགྲུབ་པར་མཛོད། །ཀི་བསོ་ཆའོ་ལྷ་རྒྱལ་ལོ༑ །ཞེས་བྱས་ལ་ཡོན་མཆོད་ཀུན་གྱིས་འབྲུ་མཆོད། །ལྷ་རྒྱལ་འབོད་པར་བྱའོ། །དེ་ནས་ལྷ་ཡི་རྟེན་དང་ཙཀྲ་བླ་རྡོའམ། སྲུང་བའི་མདུད་པ་སོགས་གཏད་ལ། ཀྱེ། སྦྱིན་པའི་བདག་པོ་ཁྱོད་ཉིད་ཀྱིས། །རྟེན་འདི་ཆོངས་ལ་འབྲལ་མེད་མཛོད། །ལྷ་རྣམས་ཡུན་གྱི་ལྷར་བརྟེན་ལ། །རྟག་ཏུ་མཆོད་ཅིང་གུས་པར་གྱིས། །ཞེས་བརྗོད། དེ་ནས་བསང་བྱ་ཞིང་རིགས་ལྔའི་ཕྱག་རྒྱས་བསྲུང་ལ་བཀྲ་ཤིས་རྒྱས་པར་བརྗོད་པར་བྱའོ། །དེས་ནི་འཕྲག་ལྷ་དར་ཞིང་ཅི་བསམ་འགྲུབ་པའི་མགོན་བྱེད་པར་འགྱུར་རོ། ༈ །དེ་བཞིན་དུ་སྲོག་ལྷ་བསྟོད་ན་ཁོག་འདྲ་ལ། ཁྱད་པར་སྙིང་གི་དབུས་ཉིད་དུ། །རྩ་གསུམ་དམ་ཅན་སྲུང་མར་བཅས། །སྲོག་ལྷའི་ངོ་བོར་བཞུགས་པ་ནི། །དུང་མི་ཤེལ་གྱི་གོ་མཚོན་ཅན། །ཕྱག་ན་ཤེལ་གྱི་ཚེ་བུམ་བསྣམས། །ཆིབས་སུ་ངང་པ་གསེར་མདོག་ཆིབས། །སྲོག་ལྷ་ཁྲི་དང་འབུམ་གྱིས་བསྐོར། །གཞན་ཡང་རྩ་གསུམ་སོགས་ཞེས་དང་། འཕྲག་ལྷ་ཞེས་པའི་གནས་སུ། སྐྱེས་བུའི་སྲོག་ལྷ་སོགས་སུ་

― MR07_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་བསྒྱུར་ལ། དཔུང་བསྟོད་ཀྱི་མཐར། མི་འདི་ཚེ་སྲོག་བརྟན་པ་དང་། །བླ་ཚེ་འཁྱམས་པའི་གནོད་པ་སྲུངས། །ཅི་བསམ་དོན་རྣམས་ཞེས་སྦྱར། གཞན་འདྲ། དེས་བླ་ཚེ་མི་ཉམས་ཤིང་སྲོག་བརྟན་པར་འགྱུར་རོ། །དེ་བཞིན་དུ་བུད་མེད་ལ་མོ་ལྷ་བསྟོད་པ་ནི། ཁྱད་པར་འཕྲག་པ་གཡོན་གྱི་སྟེང་། དགྲ་བླ་མ་ལྷ་བུ་རྫི་ནི། །བུད་མེད་ལུས་ལ་གསེར་མདོག་ཅན། །དར་དཀར་སྣ་ཚོགས་ལུས་ལ་བརྒྱན། །ཕྱག་ན་དྲུ་གུ་འཕང་ལོ་བསྣམས། །མོ་ལྷ་ཁྲི་དང་འབུམ་གྱིས་བསྐོར། །གཞན་ཡང་རྩ་གསུམ་སོགས་དང་། མོ་ལྷ་སོགས་སུ་ཁ་བསྒྱུར། དཔུང་བསྟོད་ཀྱི་མཇུག་ཏུ། བུད་མེད་རྣམས་ཀྱི་མོ་ལྷ་དང་། །བུ་ཆུང་སྐྱེས་ཀྱི་རྫི་བུ་མཛོད། །ཅི་བསམ་འགྲུབ་སོགས་སྦྱར། དེས་ནི་མ་བུའི་ཚེ་སྲོག་བརྟན་ཞིང་། བུད་མེད་རྣམས་ཀྱི་སྲིད་འཕེལ་བར་འགྱུར་རོ། ༈ །།དགྲ་བླ་བསྟོད་ན་གཞན་ཐམས་ཅད་འདྲ་ལ། ཁྱད་པར་འཕྲག་པ་གཡས་ཀྱི་སྟེང་། །དགྲ་བླ་འཐབ་སྐྱེན་རྣ་ནག་ནི། །སྐྱེས་མཆོག་མི་ཡི་ལུས་པོ་ལ། །དཔའ་རྔམས་སེང་གེའི་མགོ་བོ་ཅན། །དགྲ་སྟྭ་ངར་མའི་དབུ་རྒྱན་ཅན། །རལ་པ་ཁམ་སེར་མེ་དཔུང་འབར། །རལ་པའི་ནང་

― MR07_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཚྭ་ཚྭ་འཕྲོ། །ཚྭ་ཚྭའི་ཐོག་མདའ་དགྲ་ལ་བརྡེག །སྤྱན་མིག་ཉི་ཟླ་ཤར་བ་འདྲ། །བསྲུང་བྱ་རྣམས་ལ་བྱ་ར་མཛད། །ཤངས་ནས་ན་བུན་རླུང་ལྟར་འཚུབས། །དགྲ་བགེགས་མ་ལུས་གཏོར་བར་བྱེད། །གློག་དམར་འགྱུར་བའི་ལྗགས་ཀྱང་འཁྱུག །ཐོག་རྒོད་འབར་བའི་མཆེ་བ་ཅན། །ལག་པ་ཆུ་སྲིན་སྡེར་མོ་ཅན། །དགྲ་བཟུང་སྡིག་པ་ནག་པོ་འདྲ། །བ་སྤུ་ཐོག་གི་ཚྭ་ཚྭ་འཕྲོ། །རལ་གྲི་ངར་མའི་རྐང་པ་ཅན། །ཆུ་གྲི་ངར་མའི་པུས་མོ་ཅན། །ཤ་ཟུང་ངར་མའི་རྐང་སྡེར་ཅན། །སྤུ་གྲི་ངར་མའི་གཤོག་པ་ཅན། །རྐེད་པ་རླུང་གི་འཁོར་ལོ་ཅན། །རེ་འབྱམས་རྒྱུག་པའི་རྔམ་སྟབས་ཅན། །སྟག་གི་པགས་པའི་ཤམ་ཐམས་ཅན། །རིན་ཆེན་སྣ་ཚོགས་རྒྱན་ཆ་ཅན། །བསེ་ཁྲབ་འབར་བ་སྐུ་ལ་མནབ། །འཕྲུལ་གྱི་མདའ་གཞུ་རྐེད་ལ་ཐོགས། །ཕྱག་གཡས་གནམ་ལྕགས་རལ་གྲི་ཕྱར། །ཕྱག་གཡོན་དགྲ་བླའི་རུ་མཚོན་འཛིན། །ཆིབས་སུ་སྟག་མོ་གྲུས་མ་ཆིབས། །རྩལ་དྲག་བྱ་རྒྱལ་ཁྱུང་ཆེན་འདྲ། །དཔའ་གཏུམ་སེང་གེ་རྔམ་པ་འདྲ། །འཇིགས་སྒྲ་མེ་དཔུང་འབར་བ་འདྲ། །ངར་སྐད་གཡུ་འབྲུག་འུར་

― MR07_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འདྲ། །རྐང་ལག་ཐོག་སེར་འཚུབས་པ་འདྲ། །ལྷ་དམག་ཁྲི་དང་འབུམ་གྱིས་བསྐོར། །གཞན་ཡང་རྩ་གསུམ་སོགས་དང་། དགྲ་ལྷ་ཞེས་པའི་ཁ་བསྒྱུར་དང་། དཔུང་བསྟོད་ཀྱི་རྗེས་སུ། དགྲ་བླའི་མཐུ་སྟོབས་མི་ལ་ཕོགས། །ཕྱོགས་ལས་རྣམ་པར་རྒྱལ་བ་དང་། །ཅི་བསམ་འགྲུབ་སོགས་སྦྱར། རྒྱས་པར་བསང་དང་། གཡག་ལུག་ར་གསུམ་སོགས་གཟུགས་འགྲོས་དང་གོ་མཚོན་རྣམས་ཀྱིས་དགྲ་བླ་མཆོད་པར་བྱ། །དེས་ཕ་རོལ་གྱི་གཡུལ་ལས་རྣམ་པར་རྒྱལ་ཞིང་མཐུ་སྟོབས་རྒྱས་པར་འགྱུར་རོ། ༈ །།དེ་བཞིན་དུ་ཇག་ལྷ་ལའང་། སྐྱེས་བུ་ཇག་ལ་འགྲོ་བའི་ཚེ་བྱ་སྟེ། ཁྱད་པར་གྱི་ཁ་བསྒྱུར་ནི། སྐྱེས་བུའི་ཕྲག་པ་གཡས་སྟེང་དུ། །ཇག་ལྷ་དར་མ་རྐྱ་གཅིག་ནི། །སྐུ་མདོག་དཀར་ལ་དངུལ་འོད་འབར། །ཞལ་གཅིག་ཕྱག་གཉིས་སྤྱན་གསུམ་པ། །དུང་རྨོག་དཀར་པོ་དབུ་ལ་གསོལ། །བསེ་ཁྲབ་འབར་བ་སྐུ་ལ་མནབ། །འཕྲུལ་གྱི་མདའ་གཞུ་སྐེད་ལ་བསྐོར། །ཕྱག་གཡས་ཡ་ཚ་རལ་གྲི་དཀར་པོ་ཕྱར། །གཡོན་པས་དར་མདུང་དམར་པོ་ཕྱར། །ཆིབས་སུ་དུང་རྟ་དཀར་པོ་ཆིབས། །དགྲ་བླ་ཁྲི་དང་འབུམ་གྱིས་བསྐོར། །ཞེས་དང་། དམིག་གསལ་ཇག་ལྷར་ཁ་བསྒྱུར། དཔུང་བསྟོད་རྗེས་སུ། སྐྱེས་བུ་ཇག་ལ་ཆས་

― MR07_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚེ། །དགྲ་ཕམ་བདག་རྒྱལ་དགྲ་བླ་མཛོད། །ཅི་བསམ་འགྲུབ་ཞེས་སྦྱར། དེས་ནི་ཇག་ཡག་ཅིང་དོན་འགྲུབ་པར་འགྱུར་རོ། ༈ །དེ་བཞིན་དུ་བྱན་པོ་ལ། ཟས་གཡང་ཆགས་པའི་ཕྱིར་ཟས་ལྷ་བསྟོད་ན། ལག་ཏུ་ཟས་སྣ་བཏད་ལ། ཟས་ལྷར་ཁ་བསྒྱུར་བ་དང་། ཁྱད་པར་དཔུང་པ་གཡས་པ་རུ། །ཞེས་སམ། ཡང་ན། ཟས་མཛོད་རིན་ཆེན་གཞལ་ཡས་སུ། །གསལ་ལ་དེར། མགོན་པོའི་ཟས་ལྷ་དམར་པོ་ནི། །སྐུ་མདོག་ཟངས་ཀྱི་འོད་དང་ལྡན། །རིན་ཆེན་གསེར་གྱི་གོ་མཚོན་ཅན། །ཕྱག་ན་གསེར་གྱི་ནོར་བུ་བསྣམས། །ཆིབས་སུ་དུང་རྟ་དཀར་པོ་ཆིབས། །རྫུ་འཕྲུལ་མདའ་གཞུ་སྐེད་ལ་ཐོགས། །ཟས་ལྷ་ཁྲི་དང་འབུམ་གྱིས་བསྐོར། །ཞེས་དང་། དཔུང་བསྟོད་མཇུག་ཏུ། ཟ་ཁ་དང་ནི་འཐུང་ཁ་ཕྱེས། །ཟས་ནོར་ཕུན་ཚོགས་དངོས་གྲུབ་སྩོལ། །ཞེས་སྦྱར་དེས་ཟས་རྣམས་འདུ་ཞིང་སྲིས་རྨེ་ལ་འབྱོར་པ་འཕེལ་བར་འགྱུར་རོ། ༈ །སྐྱེས་བུ་ལམ་དུ་ཆས་པའི་ཚེ། མགྲོན་ལྷ་བསྟོད་པ་ནི། གཞན་གོང་འདྲ་ལ། ཡོན་བདག་ཕྲག་པ་གཡས་སྟེང་ན། །མགྲོན་ལྷ་སྐུ་མདོག་དཀར་པོ་ལ། །སྤྱན་གསུམ་དབུ་ལ་དུང་རྨོག་གསོལ། །སྐུ་ལ་གསེར་གྱི་གོ་ཁྲབ་མནབ། །ཕྱག་གཡས་དར་མདུང་དཀར་པོ་ཕྱར། །གཡོན་པས་ནོར་གྱི་རྐྱལ་པ་ཐོགས། །

― MR07_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིབས་སུ་དུང་རྟ་དཀར་པོ་ཆིབས། །མགྲོན་ལྷ་ཁྲི་དང་འབུམ་གྱིས་བསྐོར། །ཞེས་དང་། དཔུང་བསྟོད་དུས་རྟ་ཞོན་བསང་བྱས་ལ་དཔུང་བསྟོད་རྗེས་སུ། བདག་ཅག་གར་འགྲོ་བསུ་སྐྱེལ་གྱིས། །མགྲོན་ལེགས་བདེ་སྐྱིད་ལྡན་པ་དང་། །ཅི་བསམ་འགྲུབ་སོགས་སྦྱར། ལམ་ལྷ་བརྔན་པས་བྱེས་སུ་བདེ་ཞིང་དོན་ཐམས་ཅད་འགྲུབ་པར་འགྱུར་རོ། །ཡང་ན་མགོན་པོ་དཔའ་རབ་འཆང་གི་སྐུ་གསལ་བཏབ་ལ་ལམ་ལྷ་ཉིད་དུ་དེ་བཞིན་སྒྲུབ་པས་དོན་གྲུབ་བོ། ༈ །སྐྱེས་བུ་ཚོང་ལ་འགྲོ་བའི་ཚེ་ཚོང་ལྷ་བསྟོད་ན། ཁྱད་པར་ཕྲག་པ་གཡས་ཀྱི་སྟེང་། །ཚོང་ལྷ་ཚོགས་བདག་གླང་སྣ་ནི། །དུང་མདོག་དར་སྣ་རིན་ཆེན་བརྒྱན། །གླང་པོའི་དབུ་ལ་སྤྱན་གསུམ་པ། །གཡས་ན་ནོར་དབྱུག་གཡོན་ནེའུ་ལེ། །གསེར་གྱི་འཁོར་ལོའི་ཁྲི་ལ་བཞུགས། །ལྷ་དམག་བརྒྱ་དང་སྟོང་གིས་བསྐོར། །གཞན་ཡང་རྩ་གསུམ་སོགས་དང་། གཞུང་། ཚོང་ལྷར་ཁ་བསྒྱུར་བར་བྱ་ཞིང་། དཔུང་བསྟོད་མཐར། ཚོང་ལ་འགྲོ་བའི་ལྷ་མགོན་གྱིས། །ཚོང་ལེགས་ཟས་ནོར་འདུ་བར་མཛོད། །ཅེས་སྦྱར་བས་ཚོང་གི་དོན་གྲུབ་ཅིང་དགེ་ལེགས་འཕེལ་བར་འགྱུར་རོ། །གཞན་ཡང་རང་གང་འདོད་པའི་ལྷ་མགོན་གཉན་པོ་དེ་དག་བསྒོམས་ལ་ཆོ་གའི་ཁྱད་པར་འདི་ལྟར་སྦྱར་བས་དོན་འགྲུབ་བོ་སྟེ་ལྷ་རྣམས་མགོན་པོ་དགྲ་བླ་བཅུ་གསུམ་གྱི་གཞུང་ལས་བཏུས་ཤིང་མི་ཕམ་པས་སྦྱར་བའོ། །ལྷ་རྣམས་བསྟོད་པའི་རིམས་པའོ། །

འཆི་བསླུ་ནད་གདོན་ཀུན་གྲོལ།

― MR07_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་བསླུ་ནད་གདོན་ཀུན་གྲོལ་ནི། ཟན་ལས་མི་ཕྱུགས་གང་ཡིན་དེ་ཇི་འདྲ་བའི་གླུད་བཟོས་འཆང་བུ་ཟས་སྣས་བརྒྱན། འོ་སྐྱེམས་དཀར་བོ་གཙང་མ་གཅིག་བཤམས། སྐྱབས་སེམས་ཚད་མེད་བསྒོམ་པ་སྔོན་དུ་བཏང་། རང་ཉིད་སྐད་ཅིག་གིས་འཇམ་དཔལ་མཆོག་སྦྱིན་རྡོ་རྗེའི་སྐུར་བསྒོམ་ལ་དེའི་སྔགས་ཅུང་ཟད་བཟླ། འོ་སྐྱེམས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཅེས། ཨོཾ་ཨཱཿཧཱུྃ་ཧོ། ལན་གསུམ་གྱིས་བྱིན་བརླབས་བྱ། སྟོང་པའི་ངང་ལས་གླུད་གཏོར་དངོས་ཀྱི་ཕུང་ཁམས་སྐྱེ་མཆེད་ཇི་འདྲ་བ་འདོད་ཡོན་མི་ཟད་པའི་གཏེར་དུ་གྱུར། འབྲུ་གསུམ་སམྦྷ་ར་མཚན་བཞིའི་བརླབ། ཧོཿ དགོངས་སུ་གསོལ་ལོ་དཀོན་མཆོག་གསུམ། །དེང་འདིར་འགྲོ་ལ་ཕན་གདགས་སླད། །སྤྱན་འདྲེན་ཕྱག་འཚལ་མཆོད་པ་འབུལ། །ཐུགས་རྗེས་གཟིགས་ལ་བྱིན་གྱིས་རློབས། །ཕྱོགས་བཅུ་དུས་གསུམ་སངས་རྒྱས་དང་། །རྒྱལ་སྲས་སེམས་དཔའ་སེམས་མའི་ཚོགས། །རིག་སྔགས་ལྷ་དང་ལྷ་མོ་རྣམས། །བདུད་རྩི་ཞལ་སྐྱེམས་འདི་བཞེས་ཤིག །ཁྲོ་བོ་ཁྲོ་མོ་བཀའ་ཉན་བཅས། །དཔའ་བོ་མཁའ་འགྲོ་ཆོས་སྐྱོང་དང་། །གནས་བདག་དཀར་ཕྱོགས་སྐྱོང་བ་རྣམས། །བདུད་རྩི་ཞལ་སྐྱེམས་འདི་བཞེས་ཤིག །ལོ་ཟླ་ཞག་དུས་གཟའ་སྐར་དང་། །སྤར་སྨེ་ས་བདག་འབྱུང་བའི་ལྷ། །འཇིག་

― MR07_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་སྲིད་པའི་ལྷ་འདྲེ་རྣམས། །བདུད་རྩི་ཞལ་སྐྱེམས་འདི་བཞེས་ཤིག །དྲང་སྲོང་གྲུབ་པ་ལྷ་སོགས་སྡེ། །སྨན་གྱི་ལྷ་མོ་མགོན་སྐྱབས་ལྷ། །འགྲོ་ལ་ཕན་བར་མཛད་པ་རྣམས། །བདུད་རྩི་ཞལ་སྐྱེམས་འདི་བཞེས་ཤིག །སྡུག་བསྔལ་ཅན་ལ་ཕན་བཞེད་པའི། །ཐུགས་དམ་ཆེན་པོའི་བྱིན་རླབས་ཀྱིས། །ནད་པ་འདི་ཡི་ནད་སོལ་ལ། །ཚེ་རིང་ནད་མེད་དངོས་གྲུབ་སྩོལ། །ཞེས་བྱས་ལ་འོ་ཕུད་ནམ་མཁའི་ཁམས་སུ་འཐོར་བར་བྱ། ཧོཿ གླུད་གཏོར་འདོད་ཡོན་རྒྱ་མཚོ་འདི། །དམིགས་བྱ་ཆེ་གེ་མོ་འདི་ལ། །སྔོན་གྱི་ལན་ཆགས་ཡོད་པ་དང་། །ཕྲལ་གྱི་རྐྱེན་བགེགས་བྱེད་པ་ཡི། །གནོད་བྱེད་ནད་བདག་འབྱུང་པོའི་ཚོགས། །ཀུན་ལ་འབུལ་ལོ་ཚིམ་གྱུར་ཅིག །བུ་ལོན་ཤ་འཁོན་གནོད་འཚེ་ཞི། །གླུད་འདི་སྣང་སྲིད་ལྷ་འདྲེས་བཞེས། །མི་ཕྱུགས་འདི་རྣལ་འབྱོར་བདག་ལ་བྱིན། །བཟུང་བ་ཐོག་ལ་བཅིང་པ་ཁྲོལ། །བསྡམ་པ་ལྷོད་ལ་མནན་པ་ཁྱོགས། །ནད་དེ་ཉེ་བར་ཕྱུངས་ནས་སུ། །གདོན་རྣམས་རང་གི་གནས་སུ་དེངས། །ཁྱེར་ཅིག་སོགས་ཚིགས་བཅད་བཅས་བརྗོད། གལ་ཆེ་ན་སཾ་བྷར་མཚན་བཞི་བཅས་ལན་གསུམ་བསྐྱར་ལ། སརྦ་བྷཱུ་ཏ་གཙྪཿ ཞེས་གཤེགས་གསོལ་བྱ། འབྱུང་པོ་གང་དག་དང་། བགེགས་རིགས་སྟོང་ཕྲག་བརྒྱད་ཅུ་ཞི་སོགས་བཀྲ་ཤིས་ཀྱི་ཚིགས་བཅད་བརྗོད་ལ་གླུད་བོར་བར་བྱའོ། །དེས་ཕྲལ་དུ་ཕན་ངེས་སོ། །མེ་རྟ་ཟླ་བ་དགུ་པའི་ཚེས་བཅོ་ལྔ་ལ་མི་ཕམ་པས་ཕྲལ་བྲིས་དགེ། དགེའོ།།

སྲིད་པ་དམུ་བཅོས།

― MR07_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱེ། སྣང་ཞིང་སྲིད་པས་བསྡུས་པ་ཡི། །འཆི་བདག་གཤིན་རྗེ་མ་མོ་དང་། །གཟའ་ཀླུ་རྒྱལ་བཙན་གནོད་སྦྱིན་སྲིན། །ལྷ་བདུད་དམུ་ཐེའུ་དམ་སྲི་སོགས། །བདག་དང་རྒྱུ་སྦྱོར་ཡོན་བདག་གི །ཚེ་རྐུ་སྲོག་འཕྲོག་དཔལ་ལ་གནོད། །དོན་ལ་བར་དུ་གཅོད་པ་ཡི། །ལན་ཆགས་རྐྱེན་བགེགས་བྱེད་རྣམས་ལ། །མཐུན་པའི་ཡས་སྟག་འདི་འབུལ་ལོ། །བདག་དང་རྒྱུ་སྦྱོར་ཡོན་བདག་རྣམས། །བཟུང་བ་ཐོངས་ལ་བཅིངས་པ་ཁྲོལ། །བསྡམས་པ་ཀློད་ལ་མནན་པ་ཁྱོགས། །གནོད་འཚེ་གདུག་རྩུབ་མ་བྱེད་པར། །ཞི་དང་བྱམས་པའི་སེམས་ཀྱིས་སུ། །ཚེ་བསྲིང་དཔལ་བསྐྱེད་འབྱོར་པ་སྤེལ། །རྟག་ཏུ་བཀྲ་ཤིས་བདེ་ལེགས་མཛོད། །ལོ་ཟླ་ཞག་དུས་སྤར་སྨེ་དང་། །གཟའ་སྐར་ས་བདག་ཕྱོགས་དུས་ཀྱི། །སྐག་དང་ཉམས་ང་ལངས་པ་ཀུན། །མདོས་གླུད་འདི་ཡིས་བསྒྱུར་དུ་གསོལ། །མགོན་སྐྱབས་ལྷ་ལ་མཆོད་པ་འབུལ། །ལྷ་སྲུང་ཐུགས་དམ་བསྐང་གྱུར་ཅིག །འབྱུང་བ་འཁྲུགས་པ་སོར་ཆུད་ཅིང་། །སྣང་སྲིད་ཞི་བ་ཆེན་པོར་བཅོས། །ལན་ཆགས་རྐྱེན་བགེགས་བྱེད་པ་ཡི། །གནོད་བྱེད་འདྲེ་གདོན་འབྱུང་པོ་ལ། །རང་རང་ཡིད་མཐུན་མདོས་ཀྱིས་བརྔན། །མཁོ་དགུར་དགྱེས་

― MR07_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་ཚིམ་གྱུར་ཅིག །བུ་ལོན་ལན་ཆགས་བྱང་གྱུར་ཅིག །ཤ་མཁོན་སྡིག་སྒྲིབ་དག་གྱུར་ཅིག །དུས་མིན་འཆི་བ་ཐམས་ཅད་བཟློག །དུས་ལ་བབ་ཀྱང་ཚེ་སྲིངས་ཤིག །མི་ཡི་ན་ཚ་རྐྱེན་ངན་བཟློག །ཕྱུགས་ཀྱི་གོད་ཁ་དབུལ་སྲི་བཟློག །འདོད་དོན་བསམ་པའི་བར་ཆད་བཟློག །མི་མཐུན་འགལ་རྐྱེན་ཐམས་ཅད་བཟློག །བཟློག་གོ་མདོས་གླུད་འདི་ཡིས་བཟློག །བསྒྱུར་རོ་དཀོན་མཆོག་བདེན་པས་བསྒྱུར། །རྟེན་འབྲེལ་ཟབ་མོའི་མདོས་གླུད་འདིས། མི་བཟློག་པ་ནི་གང་ཡང་མེད། །བཟློག་ཅིག་བསྒྱུར་ཅིག་ས་མ་ཡ། །འཆི་བསླུའི་འཕྱོང་མི་ཕམ་པས་བྲིས་པ་དགེ། མདོས་གཞུང་འཕྱོང་བཅས་བཀྲ་ཤིས་འཁྱིལ་སྒོ་ལྟར། མཇུག་ཏུ་ཚེ་འགུགས་བླ་འགུགས་རྒྱས་པར་བྱ། །འཆི་མེད་ཚེ་སྒྲུབ་དེས་ནི་བདུད་ལས་རྒྱལ། །མེ་བྱ་ཟླ་བ་བཅུ་པའི་ཚེས་བརྒྱད་ལའོ། །མངྒ་ལཾ། །

― MR07_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་པ་དམུ་བཅོས་ནི། རིན་ཆེན་སྣོད་དུ་བཤོས་བུ་སྨུག་པོ་རྩེ་རྒྱལ་འཁོར་བརྒྱད་ལྡན། དཀར་མངར་ཤ་ཁྲག་དར་ཕན། དམུ་བྱ་ཕུག་རོན་སོགས་གཟུགས་འགྲོས་སྣ་ཚོགས་དང་། སྐྱེམས་ཕུད་བཤམས་ལ། ཧཱུྃ། རང་བཞིན་དབྱིངས་ནས་མ་གཡོས་ཀྱང་། །རྣམ་རོལ་འགག་མེད་དྲེགས་པའི་ཚུལ། །སྲིད་པ་དམུ་ཡི་སྡེ་ཚོགས་རྣམས། །ཚུར་བྱོན་མཐུན་པའི་རྫས་ཀྱིས་མཆོད། །དམུ་རྗེ་བཙན་པོ་དྲེགས་པའི་ཚོགས། །སྲིད་པ་དམུ་ཡི་སྡེ་དཔོན་ཡིན། །གང་ལས་བསྐྱེད་ཅིང་གང་ལ་བསྡུ། །སྲོག་སྙིང་མུན་མུན་ག་བ་ཛ། །སྤྲུལ་པ་མུན་ནག་དམུ་བྱ་བཏང་། །ཤ་ཁྲག་གཏོར་མ་འདི་བཞེས་ལ། །དགྲ་ལ་དིག་ལྐུག་དམུ་རྫིང་ཐོང་། །དམུ་རྗེ་ཁྱོད་ཀྱི་ཆ་ལུགས་ནི། །སྐུ་མདོག་ནག་པོ་ཆར་སྤྲིན་མདོག །དར་ནག་བེར་ཆེན་སྐུ་ལ་གསོལ། །གཡས་པ་ཤང་ལང་གཡོན་མདའ་གཞུ། །ཆིབས་སུ་དམུ་རྟ་མཆོང་རྒོད་ཆིབས། །འཁོར་དུ་དམུ་ཡི་སྡེ་ཚོགས་བསྐོར། །རྡོ་རྗེ་འཆང་དབང་གསང་བའི་བདག །པད་འབྱུང་རྩ་བརྒྱུད་བླ་མ་ཡིས། །ཇི་ལྟར་བཀའ་བསྒོས་དམ་བཞག་བཞིན། །པདྨའི་བཀའ་བརྒྱུད་འཛིན་པ་བདག །ཁྱེད་ལ་ཕ་བཞིན་རེ་ལགས་ན། །དམ་ཚིག་དབང་གིས་བུ་བཞིན་སྐྱོངས། །སྨན་རག་གཏོར་མ་མཐུན་རྫས་ཀྱིས། །མཆོད་ཅིང་

― MR07_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད་དོ་ཐུགས་དམ་བསྐང་། །ཉམས་ཆག་འགལ་བ་ཅི་མཆིས་པ། །སྙིང་ནས་འགྱོད་པས་མཐོལ་ལོ་བཤགས། །བདག་ལ་སྔོན་ལས་ཕྲལ་རྐྱེན་གྱིས། །དམུ་ཡི་བཀའ་ཆད་གནོད་འཚེའི་རིགས། །གང་བྱུང་དེང་ནས་མེད་པར་མཛོད། །གདུག་པ་དམུ་ཡི་གདོན་ཚོགས་ཀྱིས། །བཟུང་བ་ཐོང་ལ་འཆིང་བ་ཁྲོལ། །བསྡམས་པ་གློད་ལ་མནན་པ་ཁྱོགས། །གདུག་གཙུབ་གནོད་པ་ཡོངས་ཞི་ནས། །ནད་ཀྱི་མདའ་ཕྱུངས་ཚེར་མ་དྲོངས། །གདོན་དང་གནོད་པ་ཕྱིར་ལ་བསྡུས། །དིག་ལྐུག་མྱོས་འཐིབ་དམུ་རྫིང་དང་། །སྲིན་དང་སྙོམས་ལས་གྲིབ་གདོན་རིགས། །དམུ་བདག་ཁྱེད་ཀྱིས་ཞི་བར་མཛོད། །ཚེ་རིང་བ་དང་ནད་མེད་དང་། །དཔལ་འབྱོར་འཕེལ་ཞིང་ཕྱ་གཡང་བཀྲག །བདེ་སྐྱིད་ཕུན་སུམ་ཚོགས་པ་ཡི། །དམུ་གཡང་དངོས་གྲུབ་སྩལ་དུ་གསོལ། །ཨོཾ་མུན་མུན་ག་བ་ཛཿས་པ་རི་ཝ་ར་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི། །མ་མ་སརྦ་རོ་ག་ཤནྟིཾ་ཀུ་རུ་སྭཱ་ཧཱ། ཨ་ཤིག་ཤིག་ཕྱུང་ཕྱུང་ཁྲོལ་ཁྲོལ་སྭཱ་ཧཱ། མ་མ་སརྦ་སིདྡྷི་ཧཱུྃ། ཤིང་ལུག་ཟླ་བ་བཞི་པའི་ཚེས་བཅུ་དྲུག་ལ་དགོས་དབང་གིས་ཞེ་ཆེན་དུ་བྲིས་པ་དགེ།

ལག་ན་རྡོ་རྗེ་དབང་བསྐུར་བའི་རྒྱུད་སོགས་ཞི་བའི་མདོས་སྐོར་དང་མནན་པ།

― MR07_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ན་རྡོ་རྗེ་དབང་བསྐུར་བའི་རྒྱུད་ལས། ཉེས་པ་ཅུང་ཟད་ཙམ་གྱི་ཕྱིར། །བགེགས་རྣམས་ལ་ནི་གནོད་མི་བྱ། །ཤིན་ཏུ་སྡང་བར་རིག་ནས་སུ། །གལ་ཏེ་བགེགས་ལ་གནོད་བྱས་ན། །ཤིན་ཏུ་སྡང་བ་དྲགས་རྣམས་ལ། །འཇམ་དེས་ཉིད་དུ་མི་བྱའོ། །གལ་ཏེ་འཇམ་དེས་ཉིད་བྱས་ན། །དེ་ཡིས་མོད་ལ་གནོད་པ་བྱེད། །ཐོག་མར་འཇམ་པོ་སྦྱར་བར་བྱ། །ལན་གཉིས་ཚེ་ན་དབྱེ་བར་བརྩོན། །གསུམ་ཚེ་མཆོད་ཡོན་ཐོགས་ནས་སུ། །མེ་ཏོག་སྙིམ་པར་གནས་བྱས་ལ། །དེ་ནས་བགེགས་ལ་མཆོད་པར་བྱ། །འབྱུང་པོ་ཀུན་ཕན་གཏོར་བྱིན་ནས། །འདི་སྐད་ཀྱི་ནི་ཚིག་བརྗོད་དེ། །བདག་གི་དེ་རིང་སོགས་མདོས་གཞུང་ལྟར་ལ། མི་མཆོག་རྣམས་ཀྱང་མཁྱེན་པར་གསོལ། །བགེགས་ལ་ཆད་པས་གཅད་སླད་དུ། །སྦྱོར་བ་བགྱིས་ཀྱང་ནོངས་མ་མཆིས། །སངས་རྒྱས་རྣམས་དང་སངས་རྒྱས་སྲས། །བྱང་ཆུབ་སེམས་དཔའ་པ་རྣམས་ཀྱེ། །བཀའ་དང་བདག་འགལ་མི་བགྱིད་དོ། །ལྷ་དང་ལྷ་མིན་གསང་རྣམས་དང་། །ཕྱོགས་བཅུ་ཀུན་གྱི་དྲི་ཟ་དང་། །གཟའ་དང་མིའམ་ཅི་གང་དག །མདོ་ལྟར་རམ་སླར་ལྟ། མགོན་པོ་མགོན་པོ་ཆེ་

― MR07_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ། །བགེགས་ཀྱིས་གཙེས་པ་བསྒྲགས་པར་བྱ། །གལ་ཏེ་ཅུང་ཞིག་སྐྱབས་ཞེ་ན། །མྱུར་དུ་ཡོངས་སུ་སྐྱོབས་ཤིག་ཅེས། །བསྒྲགས་ལ་ཞེས་སོགས་གསུངས་ཏེ། ཞི་བའི་ངག་དེ་ལ་བགེགས་ཉན་ཅིང་ཞི་བས་ལྷ་རྣམས་མཆོད། དེར་མི་ཉན་ན་བགེགས་ལ་ཆད་པས་བཅད་པར་བྱ་སྟེ། དེ་ཡང་ཕ་རོལ་དམྱལ་བར་ཡུན་རིང་སྡུག་བསྔལ་བར་འགྱུར་བ་དེ་ལ་ཐབས་མཁས་པ་དང་སྙིང་རྗེས་ཕན་པའི་སླད་དུ་བསྒྲལ་བའི་ལས་བརྩམ་པར་གསུངས་པ་ལྟར། རང་ལ་གནོད་པའི་ཀླུ་ལྟ་བུ་ལ་མཆོད་མདོས་གླུད་ལན་གསུམ་བཏང་། དེ་བཞིན་རྒྱལ་པོ་དམ་སྲི་འགོང་པོ་སྒབ་འདྲེ་སོགས་གང་གནོད་པ་ལ་ཡང་འདྲ་སྟེ། མི་དག་སྔོན་གྱི་ལན་ཆགས་སོགས་ཀྱིས་འབྲེལ་ཆེན་དང་། རང་གི་ཕོག་ཐུག་སོགས་ཀྱིས་ཉེས་པས་བྱུང་ན་དང་པོ་ནས་དྲག་ལས་བརྩམས་ཀྱང་མཐར་ཕན་དཀའ་བས་དང་པོ་ཞི་བཅོས་བྱས་ན་ཚབས་ཆུང་ངུ་དེས་ཞི་ཞིང་སླར་མི་ལྡོག་པས། དང་པོ་མདོས་གཞུང་བཞིན། མི་མཆོག་རྣམས་ཀྱང་མཁྱེན་པར་གསོལ། །བར་བྱས་ལ་མདོས་བཏང་། དེས་མ་ཞི་ན་ལན་གཉིས་པར་མདོས་བསྔོས་ལ་མཁྱེན་པར་གསོལ་གྱི་རྗེས་སུ། ཀྱེ། གནོད་པར་བྱེད་པའི་བགེགས་ཁྱོད་ཉོན། །སྔོན་གྱི་ལན་ཆགས་ཡོད་ན་ཡང་། །ད་ནི་གླུད་འདིས་བྱང་བར་གྱིས། །ཤ་མཁོན་གནོད་སེམས་ཡོད་ན་ཡང་། ད་ནི་གླུད་

― MR07_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

འདིས༴ ཕྲལ་གྱི་རྐྱེན་བགེགས་བྱེད་ན་ཡང་། །ད་ནི་གླུད༴ ཕན་ཚུན་གནོད་པའི་བསམ་སྦྱོར་ལས། །སྐྱེ་བ་དུ་མར་སྡུག་བསྔལ་འགྱུར། །དེ་བས་ད་ནི་ཕན་ཚུན་དུ། །ཞི་ཞིང་བྱམས་པའི་སེམས་ཀྱིས་ནི། །སླན་ཆད་གནོད་པའི་བསམ་པ་དོར། །སོ་སོ་རང་གི་གནས་སུ་སོང་། །འཁོར་འདིར་མ་གནོད་མ་འཁྲི་ཞིག །གནོད་པའི་རྒྱུ་འབྲས་ཞི་བའི་ཕྱིར། །ཆོས་ཉོན་རྒྱལ་བའི་བཀའ་མ་འདའ། །ཁྱོད་ཀྱི་རྒུད་པ་ཞི་པའི་ཕྱིར། །བདག་གིས་རྒྱལ་དང་རྒྱལ་བའི་སྲས། །དཔང་གསོལ་གཟུངས་སྔགས་ཟབ་མོ་བཟླ། །ཁྱོད་ཀྱི་ལས་སྒྲིབ་བྱང་གྱུར་ནས། །མྱུར་དུ་སངས་རྒྱས་ཐོབ་པར་ཤོག །ཅེས་བརྗོད་ལ་སྙིང་ཐག་པ་ནས་བགེགས་དེ་ལ་ཁྲོ་བ་སྤངས་ཏེ་འདི་ཉོན་མོངས་པའི་གཞན་དབང་དུ་སོང་བས་ལན་པ་མེད་དེ་རང་གིས་ཀྱང་མི་ཤེས་པའི་དབང་གིས་ཉེས་པ་ཏིལ་ཙམ་མེད་པར་དུད་འགྲོ་ཕྲ་མོ་སོགས་ལ་སྲོག་ལ་འཚེ་བའི་ལས་བྱས་ཏེ་སྡུག་བསྔལ་བར་བྱས་པ་ཡོད་ན། འདིས་སྔོན་ལས་ཀྱི་རྒྱུ་རྐྱེན་ལ་བརྟེན་ཏེ་བདག་ལ་གནོད་ཀྱང་། འདི་ཚེ་སྔོན་མའི་ཕ་མ་ཉེ་འབྲེལ་ཡིན། ད་ཡང་ལས་ཉོན་སྡུག་བསྔལ་དྲག་པོས་བགེགས་སུ་སྐྱེས་ཏེ་འཚེ་བ་བརྩམས་པས་སླར་ཡང་སྡུག་བསྔལ་བརྒྱུད་མ་ལ་འཇུག་པས་སྙིང་རེ་རྗེ། འདིས་སེམས་ཅན་ཐམས་ཅད་

― MR07_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འཚེ་བའི་བསམ་སྦྱོར་ད་ནས་རྒྱུན་ཆད་དེ་རྒྱལ་བའི་སྲས་འགྱུར་བར་བདག་གིས་ཅིས་ཀྱང་བྱའོ་སྙམ་དུ་དམིགས་ནས། ཀཾ་ཀ་ནི་སོགས་གཟུངས་སྔགས་ཁྱད་པར་ཅན་གང་འདོད་ཡིད་ཆེས་པའི་བར་དུ་འབད། མཐར་རྣམ་མཁྱེན་གྱི་གོ་འཕང་འཐོབ་པའི་སྨོན་ལམ་ནན་ཏན་བཏབ། གཞན་ཡང་མཆོག་སྦྱིན་སོགས་རྒྱབ་དཔུང་དགེ་རྩ་གང་འགྲུབ་བྱས་ལ་གདོན་དེས་ཐོག་དྲང་པའི་སེམས་ཅན་ཐམས་ཅད་ཀྱི་རྒྱུ་ལས་ཉོན་དང་འབྲས་བུ་སྡུག་བསྔལ་གྱི་རྒྱུན་ཆད་དེ་སངས་རྒྱས་ཐོབ་པའི་ཆེད་དུ་བསྔོས་ན། དེས་ཇི་ལྟར་ཡང་རྒྱུ་འབྲས་བསླུ་མེད་ཀྱི་དབང་གིས་གདོན་དེའི་གནོད་པའི་བསམ་སྦྱོར་མཐར་གྱིས་མེད་པར་འགྱུར་རོ། །དེས་ཀྱང་མི་གཏོང་བའི་གདོན་མི་སྲུན་པ་གནོད་ཚབས་ཆེ་ཞིང་ཡུན་རིང་བ་ལ། མདོས་གསུམ་པ་བསྔོས་ཏེ། མཁྱེན་གསོལ་རྗེས་སུ། མཆོད་ཡོན་ཐོགས། མེ་ཏོག་སྙིམ་པར་བཟུང་ལ། ད་ནི་བདག་གིས་མ་ལན་ཏེ། དཀོན་མཆོག་གསུམ་གྱིས་དཔང་པོ་མཛོད། ཡང་ནས་ཡང་དུ་འཚེ་བྱེད་ན། །བགེགས་ལ་ཆད་པས་བཅད་སླད་དུ། །སྦྱོར་བ་བགྱིས་ཀྱང་ནོངས་མ་མཆིས། །སངས་རྒྱས་རྣམས་དང་སངས་རྒྱས་སྲས། །བྱང་ཆུབ་སེམས་དཔའ་རྣམས་ཀྱི་ནི། །བཀའ་དང་བདག་འགལ་མི་བགྱིད་དོ། །ལྷ་དང་ལྷ་མིན་གསང་རྣམས་དང་། །

― MR07_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཅུ་ཀུན་གྱི་དྲི་ཟ་དང་། །གཟའ་དང་མིའམ་ཅི་ལ་སོགས། །གང་དག་འཇིག་རྟེན་སྐྱོང་བའི་ཚོགས། །མགོན་པོ་ཡོན་ཏན་ཆེ་རྣམས་ལ། །གུས་པའི་ཡིད་ཀྱིས་གསོལ་བ་ནི། །བདག་ལ་གནོད་བྱེད་གདོན་བགེགས་འདིས། །ཡུན་རིང་གནོད་པ་སྣ་ཚོགས་བྱས། །བདག་གིས་ཞི་བའི་སེམས་ཀྱིས་སུ། །མཆོད་དང་ཕན་པ་ལེགས་བྱས་ཀྱང་། །གདུག་པའི་སེམས་ནི་མི་འདོར་ཞིང་། །གནོད་པའི་སྦྱོར་བ་མི་གཏོང་བ། །འདི་ལ་ཁྱེད་རྣམས་དཔང་མཛོད་ལ། །གལ་ཏེ་ཅུང་ཞིག་སྐྱབས་ཞེ་ན། །མྱུར་དུ་ཡོངས་སུ་སྐྱོབ་པར་མཛོད། །བདེན་པའི་བཀའ་ལ་མི་ཉན་ཞིང་། །རྒྱུ་འབྲས་ཚུལ་ལ་མི་སེམས་པའི། །མི་སྲུན་བགེགས་ཀྱིས་ད་དུང་ཡང་། །བདག་ཅག་གཏོང་བར་མི་བྱེད་ན། །ཕྱོགས་བཅུའི་སངས་རྒྱས་བྱང་སེམས་དང་། །འཇིག་རྟེན་སྐྱོང་བ་མཐུ་བོ་ཆེ། །མངོན་ཤེས་དྲང་མཁན་གྱུར་པ་རྣམས། །བདག་གིས་མ་ནོངས་དཔང་བྱས་ཏེ། །བདག་གིས་བགེགས་འདིར་ཆད་པའི་ལས། །སྣ་ཚོགས་རྣམ་པར་སྦྱར་བར་བྱ། །སྲོག་ལ་འཁོར་ལོ་བསྐོར་བ་

― MR07_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །སྔགས་ཀྱི་མེ་ཡིས་བསྲེག་པ་དང་། །དུག་གསུམ་ཁུང་བུར་མནན་པ་སོགས། །སྡུག་བསྔལ་སྣ་ཚོགས་མྱོང་བར་བྱ། །ཡུན་དུ་ཡུན་རིང་མནར་བ་ཡིས། །མི་བཟད་པར་ནི་མནར་བྱས་ནས། །ཐལ་བའི་རྡུལ་དུ་བརླག་ཏ་རེ། །དེ་བས་མྱུར་དུ་གནོད་སྦྱོར་ཁྲོལ། །ཕྱིན་ཆད་མི་བྱེད་དམ་ཆོས་ཤིག །དེ་ལྟར་མ་གྱུར་བདག་ཉིད་ལ། །ནོངས་པ་མེད་དོ་རྒྱལ་བས་གཟིགས། །གལ་ཏེ་ཁྱོད་ནི་མ་གནོད་ན། །ཆད་པས་བཅད་ཅིང་ཁྱོད་མི་སྡིགས། །གནོད་པའི་སྦྱོར་བ་མ་བཏང་ན། །ཆད་པའི་ལས་ཀྱིས་ཅིས་མི་སྡིགས། །རྒྱལ་བའི་བཀའ་དང་རྒྱུ་འབྲས་ལུང་། །གསང་སྔགས་ནུས་པ་མི་བསླུ་བས། །གང་དུ་བདག་ལ་གནོད་བྱེད་རྣམས། །ལྷག་མ་མེད་པར་བརླག་གྱུར་ཅིག །ཅེས་བྱས་ལ་དེའི་དོན་བཞིན་རྒྱུ་འབྲས་བསླུ་མེད་བསམས་ལ། ཞག་བདུན་རྟེན་སྙིང་བཟླས་པས་གདོན་ཁྲོལ་ཞིང་གནོད་པ་དངོས་སུ་ཞི་བའམ། རྨི་ལམ་དུ་ཞི་རྟགས་འབྱུང་ཞིང་ཞི་བར་གྱུར་ན་དེར་ཟད། ད་དུང་མི་ཞི་བར་གནོད་པ་ཕྲ་མོ་ཡོད་ན་ཡི་དམ་ཁྲོ་བོ་གང་རུང་ངམ། ཀླུ་ལ་ནཱ་ག་རཀྴས་གཟིར་ཞིང་ཕུར་བུས་གདབ་རྡོ་རྗེ་སྡེར་མོའི་སྔགས་སོགས་ཀྱིས་གཟིར་ཞིང་རྟགས་རྫོགས་

― MR07_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དྲག་པོའི་སྦྱིན་སྲེག་བྱ། ཐལ་བ་མནན་རྒྱལ་འགོང་དམ་སྲི་ལ་ལོཀྟྲི་དང་རྟ་མགྲིན་སོགས། རང་རང་གི་གཉེན་པོར་བསྔགས་པའི་ལྷ་ཡི་སྔགས་ཀྱིས་བསད་པ་དང་སྲེག་པ་མནན་པའི་བཟླས་དམིགས་དང་རྒྱལ་འདུལ་སོགས་བཟླ་བའི་སྒོ་ནས་སྲེག་མནན་དྲག་པོས་ཚར་བཅད་པར་བྱ་སྟེ། ཤིན་ཏུ་གཏུག་ཅིང་གཏུམ་པ་ལ། །ཞི་བས་ཕན་ཡོན་མི་འགྱུར་ཏེ། །ཤེས་རབ་ཐབས་ཀྱི་རྣལ་འབྱོར་པས། །ཁྲོ་བོར་དེ་བཞིན་གཤེགས་ཀུན་མཛད། །ཅེས་པ་ལྟར་གདོན་མི་སྲུན་པ་དུག་ལྔ་ཤས་ཆེ་བ་དག །ཞི་བས་མི་ཐུལ་ཞིང་དྲག་པོ་ཉིད་ཀྱི་གདུལ་བྱ་ཡིན་པའི་ཕྱིར། སྙིང་རྗེ་དང་ཐབས་ཀྱི་རྒྱུ་ལས་ངོ་བོ་ཡེ་ཤེས་ཁྲོས་པའི་མཚོན་ཆས་ལས་ངན་རྒྱུན་བཅད་པར་བྱས་ན་རང་གཞན་གཉིས་ཀ་ཡང་འཕྲལ་ཕུག་བདེ་བར་འགྱུར་རོ། །འདི་ནི་གནད་ཆེ་བའི་གདམས་པ་སྟེ་རྒྱུད་ལུང་མན་ངག་གི་དགོངས་པ་བཞིན་རབ་ཚེས་ས་ཁྱི་རྒྱལ་ཟླའི་ཚེས་གཉིས་ལ་མོ་ཧོར་དགོན་དུ་མི་ཕམ་པས་བཀོད་པ་མཆོག་ཏུ་གྲུབ་པར་གྱུར་ཅིག །མངྒ་ལཾ།། ༈ །།མདོས་ཀྱི་ལས་ཁ་ཚར་ཞལ་ཤེས་འགའ་ཞིག་ལ། །མདོས་གཏོང་དུས་རང་ཡི་དམ་ལྷར་གསལ་བ་སྔོན་དུ་བཏང་ནས་རྫས་བརླབ། མགྲོན་སྤྱན་དྲངས་མཆོད་བསྔོས་ཚིམ་པར་བྱས་ལ་སྐབས་སུ་གང་འདོད་པའི་ནད་སོགས་ཞི་བ། ནོར་སོགས་རྒྱས་པ་སོགས་ལས་བཞི་གང་གི་དོན་དུ་ཡིན་པ་དེའི་ལས་བཅོལ་བསྒོ་བྱས་

― MR07_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སླར་བཏང་། མཆོད་བྱ་མཆོད་བྱེད་མཆོད་རྫས་ཀྱིས་མཚོན་པའི་ཆོས་ཐམས་ཅད་བདེ་ཆེན་བྱང་ཆུབ་སེམས་སུ་ཡེ་ནས་མཉམ་པའི་དོན་ལ་ལྟ་བས་རྒྱས་བཏབ་ན་ཅི་ཡང་འགྲུབ་བོ། ༈ །མདོས་གང་ལའང་། སྤྱིར་ལུག་གཙང་མ་བྱིན་རླབས་བྱ། མི་དེ་ཡི་ཞ་གོས་ལྷམ་གསུམ་བཀོན། མཚལ་གྱིས་ཐིགས་བཏབ། གསེར་གཡུ་སོགས་ཀྱིས་བརྒྱན་ལ་དེའི་སྨྲེང་རྒྱས་པའམ། བསྡུ་ན་གཞུང་འཕྱོང་ལ། ཙ་ར་འདི་ཡི་མདངས་ཀྱིས་བསྐང་། ཞེས་སྦྱར་བས་གྲུབ་སྟེ་ཆོད་ཆེའོ། །མཆོད་མདོས་ཀྱི་ཁ་བསྒྱུར་ལ། འདི་ལྟར་བསྐང་བསྐང་གསོ་གསོ་ནས། །བདག་ཅག་མི་ཤེས་དབང་གྱུར་པས། །ཐུགས་དང་འགལ་བའི་ནོངས་པ་ཀུན། །མཐོལ་ལོ་བཤགས་སོ་ཚངས་པར་སྩོལ། །ཆོ་ག་ལྷག་ཆད་རྫོགས་གྱུར་ཅིག །དམ་ཚིག་ཉམས་ཆག་དག་གྱུར་ཅིག །མཁོན་འགྲས་འཁྲུགས་པ་སོར་ཆུད་ནས། །དངོས་གྲུབ་ཐོགས་པ་མེད་པར་སྩོལ། །ཞི་རྒྱས་དབང་དྲག་ལས་རྣམས་སྒྲུབས། །ལྷ་མཆོག་ཁྱེད་དང་དབྱེར་མེད་པར། །མྱུར་དུ་ཡེ་ཤེས་མཆོག་ཐོབ་ཤོག །ཅེས་སྤྱིར་སྦྱར། བྱེ་བྲག་ཞི་སོགས་ལས་གང་གི་དོན་དུ་ཡིན་པའི་འདོད་གསོལ་སྦྱར་བར་བྱའོ། །ལྷ་རྣམས་ཀྱི་ཐུགས་དམ་བསྐངས་ནས་དངོས་གྲུབ་ཐོབ་པའི་ཆེད་དུ་མཐུན་རྫས་རྣམས་བསགས་ཏེ་མདོས་བྱ་བ་ནི་ཐབས་ཁྱད་པར་ཅན་ཏེ།

― MR07_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་ཉམས་ཆག་བསྐང་བ་དང་། ཚོགས་རྫོགས་པ་དང་། བར་ཆད་ཞི་བ་དང་། ལས་འགྲུབ་པའི་ཐབས་ཁྱད་པར་ཅན་ཡིན་ནོ།། ༈ །།བཻ་དཀར་ལས། གནམ་གཏོ་གནམ་ཁྱི་བཅོས་པ་སྟེ། ཤིང་རྩེར་སེ་བ་དར་སྣ་རྩང་བཞི་རྒྱང་བུ་དཀར་ནག་བརྒྱད་སོགས་རྫས་འགའ་འབྱུང་། སྨྲེང་ཟུར་ཙམ་ཡོད། དེ་ཀུན་སྤོམ་གཏར་ཚང་། བར་གཏོ་འབྲུག་ལྷ་བཅོས་པ་ཡིན། བར་གཏའ་དེ་ལ། ཐེ་གྲུམ་སོགས་ཟླ་བའི་ས་བདག་ཐམས་ཅད་ལ། གསེར་སྐྱེམས་ཆུ་གཏོར་རྒྱས་པར་འབུལ། བར་ན་གནས་པ་རྣམས་ཐུབ་པར་གྱིས་ཤིག །ང་ཡིས་སོགས་བརྗོད། ས་གཏོའམ་ས་གཏའ་ནི་དུར་ཕག་བཅོས་པ་སྟེ། རིན་ཆེན་བརྡར་བའི་རྫ་བུམ་ཡུལ་དེའི་བྲེ་ཤོང་ལྔ་སོ་གཏང་ནང་། དྲི་ལྔ་འབྲུ་ལྔ་སྨན་ལྔ་སྙིང་པོ་ལྔ་རིན་ཆེན་ལྔ་དང་། མཛེ་ཅན་མིན་པའི་མི་རུས་མཐེ་བོང་ཙམ་པ་ཁྱོར་བ་གང་དུ་བླུགས། ཀླུ་སྨན་དཀར་གསུམ་མངར་གསུམ། བཀྲ་ཤིས་པའི་ས་སྣ་མང་པོ། །དར་ཟབ་ཁ་དོག་སྣ་ཚོགས། རིང་བསྲེལ་དང་གདུང་རུས་ཁྱད་པར་ཅན་དང་། གྲོ་ནས་འབྲས་ཀྱིས་བཀང་། སྔགས་པ་ཡིན་ན་སྒྲུབ་གཏོར་གྱི་ཕུད་ཀྱང་བུམ་ནང་བཞག་གོ །མདུན་དུ་མཆོད་པ་རྒྱ་ཆེར་བཤམ། སྐྱབས་སེམས་བདག་བསྐྱེད་བྱ། བུམ་པ་བྷྲཱུྃ་ལས་གཞལ་ཡས་ཁང་། གནམ་འཁོར་ལོ་རྩིབས་བརྒྱད། ས་པདྨ་འདབ་བརྒྱད། མཚན་རྫོགས་ཕྱི་ནང་གསལ་བའི་དབུས་སུ། ཨོཾ་དབུས་

― MR07_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ་ཤར། ཏྲྃ་ལྷོ། ཧྲཱིཿ་ནུབ། ཨཱཿབྱང་། ལས་རིགས་ལྔར་བསྐྱེད་ལ། དེར་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་རྒྱལ་བ་རིགས་ལྔའི་བཀྲ་ཤིས་བདེ་ལེགས་ཀྱི་རྣམ་པར་དེར་བྱོན། གཞན་ཡང་འཇིག་རྟེན་འདས་དང་མ་འདས་པའི་བཀྲ་ཤིས་བདེ་ལེགས་ཐམས་ཅད་དེར་འདུས་པར་བསམ། མཆོད་བསྟོད་བྱས་ལ། རིགས་ལྔ་འོད་ཞུ་དེ་དག་གི་བཀྲ་ཤིས་བདེ་ལེགས་ཐམས་ཅད་རིན་པོ་ཆེའི་རྣམ་པར་བཞུགས་པར་བསམས་ལ་ཡེ་དྷརྨས་མེ་ཏོག་འཐོར། རིན་པོ་ཆེའི་གཏེར་དུ་བྱིན་གྱིས་བརླབ། འབྲས་ཅན་ཤིང་གིས་ཁ་བརྒྱན། མགུལ་ཆིང་ཁ་དོག་ལྔ་བྱ། གཏོ་མཁན་ཡོན་བདག་བཅས་གོས་གསར་པ་གྱོན། ལག་གཡོན་བུམ་པ་ཐོགས། གཡས་མེ་ཏོག་འཐོར་ཞིང་སྦ། གང་སྦ་སར་གཡའ་སྒྲོམ་བྱས་པའི་ནང་འབྲུ་སྣས་བཀང་། དྲི་བཟང་ཆུས་གཏོར་སྤོས་དཀར་བདུག །བུམ་པ་འཇུག་དུས་འདི་སྐད་བརྗོད། སྐྱོབ་པ་སངས་རྒྱས་བཅོམ་ལྡན་འདས། །ས་ཡི་ལྷ་མོའི་མཁའ་ཕྱེ་ཞིག །ས་ཡི་ལྷ་མོའི་མཁའ་དབྱིངས་སུ། །སྒྲུབ་པ་ལས་ཀྱི་གཏེར་སྦེད་དོ། །བཛྲ་ཧེ་རུ་ཀ་ཡི་གཏེར་སྦེད་དོ། །རྡོ་རྗེ་རིགས་ཀྱི་གཏེར་སྦེད་དོ། །རིན་ཆེན་བུམ་པའི་གཏེར་སྦེད་དོ། །ཁ་འདུག་སྙིང་པོ་ལྔ་ཡི་གཏེར༴ དར་སྣ་ལྔ་ཡི་གཏེར༴ སྨན་སྣ་ལྔ་ཡི༴ འབྲུ་སྣ་ལྔ་

― MR07_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི༴ རིན་ཆེན་ལྔ་ཡི་གཏེར་སྦེད་དོ། །དམ་རྫས་གཏོར་མའི་གཏེར་སྦེད་དོ། །ཡིད་བཞིན་གཏེར་ཆེན་འདི་སྦས་པས། །རྣལ་འབྱོར་བདག་ཅག་འཁོར་བཅས་རྣམས། །གཏེར་ཆེན་ཁྱེད་ཀྱི་བྱིན་རླབས་ཀྱིས། །འདོད་ཡོན་ལྔ་ལ་ལོངས་སྤྱོད་ཤོག །སྙིང་པོ་ལྔ་ཡི་གཏེར་སྦས་པས། །སྐུ་ལྔ་ལྷུན་གྱིས་གྲུབ་པར་ཤོག །དར་སྣ་ལྔ་ཡི་གཏེར་སྦས་པས། །ཡེ་ཤེས་ལྔ་དང་ལྡན་པར་ཤོག །སྨན་སྣ་ལྔ་ཡི༴ ནད་ཀྱི་བསྐལ་པ་ཞི་བར་ཤོག །འབྲུ་སྣ་ལྔ་ཡི༴ མུ་གེའི་བསྐལ་པ་ཞི་བར་ཤོག །རིན་ཆེན་སྣ་ལྔའི༴ མཚོན་གྱི་བསྐལ་པ་ཞི་བར་ཤོག །དམ་རྫས་གཏོར་མའི༴ མི་ཟད་གཏེར་ལ་ལོངས་སྤྱོད་ཤོག །ཅེས་བརྗོད་ནས་རྡོ་རྗེ་རིགས་ཀྱི་བུམ་པ་མཐིང་ཀ་ཤར་དུ་སྦ། དོང་ཁ་ཤར་གྱི་ཕྱག་ཚན་རྡོ་རྗེས་བཅད། བཛྲ་ཨཱཿཡུ་སིདྡྷི་བྷྲཱུཾ། ཧོཿ དྷི་ནོར་བུའི་གཏེར་སྦས་པས། །ཡོན་མཆོད་འཁོར་དང་བཅས་པ་རྣམས། །ཡེ་ཤེས་ཐུགས་ཀྱི་དངོས་གྲུབ་ཐོབ། །ཚེ་དབང་ཕུན་སུམ་ཚོགས་པ་ཡི། །བསོད་ནམས་ཡོན་ཏན་ཀུན་ལྡན་ཤོག ཅེས་བརྗོད། མི་འཁྲུགས་རྒྱལ་པོ་སྲིད་དང་སོགས་མི་བསྐྱོད་པའི་བཀྲ་ཤིས་ཀྱི་ཚིགས་བཅད་བརྗོད་དོ། །དེ་བཞིན་བུམ་པ་སེར་པོ་ལྷོ། དམར་པོ་ནུབ། ལྗང་ཀུ་བྱང་། དབུས་སུ་དཀར་པོ་སྦ་ཚེ། རིགས་སོ་སོའི་

― MR07_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་བསྒྱུར་དང་། སྒྲུབ་པ་ཡོན་ཏན་གཏེར་དང་། རཏྟ་ཧེ་རུ་ཀ་དང་། རིན་ཆེན་རིགས་ཀྱི་གཏེར་སྦེད་དོ། །ཞེས་དང་། སྔགས་རཏྣ་ཨཱཿཡུ་སིདྡྷི་བྷྲཱུྃ་ཞེས་སོགས། གསུང་གི་གཏེར་སོགས་སོ་སོར་ཁ་བསྒྱུར་དང་། དོང་ཁ་རིན་ཆེན་པདྨ་རྒྱ་གྲམ་འཁོར་ལོས་བཅད་པ་དང་། རིགས་ལྔ་སོ་སོའི་བཀྲ་ཤིས་བརྗོད་པར་བྱ། དབུས་སུ་སྒྲུབ་པ་ཐམས་ཅད་གཏེར། བུདྷ་ཧེ་རུ་ཀཿ རིགས་ཀུན་ཁྱབ་བདག་བྱས་འདུག །དེས་གནས་བཀྲ་ཤིས་ཤིང་བརྟན་ལ་ནོར་རྫས་འཕེལ་བསམ་པ་འགྲུབ་ས་བདག་གནོད་པ་ཞི་གསུངས། ༈ །།ཡང་ས་གཏའ་ལུགས་གཅིག་བུམ་པར་ཁམ་གླུད་དང་ཤོག་བུ་ལ་འཁོར་ལོ་རྩིབས་བརྒྱད། པདྨ་འདབ་བརྒྱད། ཉི་ཟླ་བྲིས་པ་དང་། སྒོ་ངའི་ནང་དུ་འབྲུ་སྣ་སྨན་དང་རིན་ཆེན་སྙིང་པོ་ལྔ་བླུགས། ཕྱི་ལ་སྦྲུལ་གཟུགས་བྲིས་རྣམས་བཅུག །རས་དཀར་པོས་ཁ་བཅད། རིན་པོ་ཆེའི་གཏེར་དུ་བྱིན་གྱིས་བརླབས་ནས། དབུས་དང་ཕྱོགས་བཞིར་སྦ། དེའི་ཕྱི་རོལ་ས་བདག་བཅོ་ལྔ་དང་ཁ་དོག་མཐུན་པའི་ནམ་མཁའ་དང་རྒྱང་བུ་རང་ཕྱོགས་བཙུགས། གཅིག་རྩེ་མོར་བཙུགས་ལ། ཁམ་གླུད་རིན་ཆེན་གཏེར་ལྡན་འདི། །ས་དབུས་འདི་རུ་བཞུགས་པ་ཡིས། །ས་བདག་ས་རིན་འདི་ཁྱེར་ལ། །སྦྱིན་བདག་རིན་ཆེན་གཏེར་ལྡན་ཤོག །ཐམས་ཅད་ཤི་ན་ཁྱོད་ཤི་ཞིག །བརླག་ན་ཁྱོད་བརླག་པས་ངན་ཁས་ལོངས། །དུག་མཆུས་འཐུང་། ཞེས་བརྗོད། གཏོ་སྔགས་འདི་བརྗོད།

― MR07_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེ་སེ་ནེ་སེ་བྷྱོ་བ་ཐོབ། དུནྟི་ཤག་པྲ་ཚེ་ལ་བྷྱོ། ཙི་ཏ་མར་མར་ཤག །སྲ་ཀ་ར་ཀ་ར་ཤག །སུ་བྱིན་སུ་བྱིན་ཤག །བྱ་བྱ་ཚ་ཡ་གིན་ཤག །ཁན་ལང་ནན་སྭཱ་ཧཱ། དུ་དུ་ཤག །ཨོཾ་ཡཾ་ཡཾ་རཾ་རཾ་སྭཱ་ཧཱ། ཨོཾ་མ་མ་སུ་སུ་ཏང་ཏང་ཡེ་སྭཱ་ཧཱ། ཨོཾ་མ་མ་ཀ་ར་ཀ་ར་ཡེ་སྭཱ་ཧཱ། ཨོཾ་མ་མ་ཁ་ས་ར་ཡ་སྭཱ་ཧཱ། ཨོཾ་ཀརྨ་པོ་ཏ་ཡེ་སྭཱ་ཧཱ། ཞེས་བརྗོད་ཁང་འགྲམ་བར་དུས་དེར་སྦ། འགྲམ་པ་ཏིང་པའི་ས་གཞི་དྲ་དུས། རྩིས་པས་ཟོར་བ། གཙོད་རྭ་སྐྱེར་པ་ཐོགས། ཕྱི་ན་རུས་སྦལ་ཁྲིད་ལ་དྲ་སོགས་བཤད། ༈ །གནམ་ས་བར་གཏའ་མ་གྲུབ་ན་ཚ་ཚ་ལྔར་འབྱུང་བའི་སྔགས་བྲིས་བཅུག་བྲི་རྒྱུའི་སྔགས་ནི། ཨོཾ་མ་མ་ཀ་ར་ཀ་ར་ཡེ་སྭཱ་ཧཱ། ཤར་ཕྱོགས་འབྱུང་བ་ཤིང་གི་དགྲ་ཆོད་ཅིག་རཀྵཿ ཞེས་བརྗོད། ལྗང་ཀུར་སྔོ་ཏ། མཚམས་བཞི་འབྱུང་བ་ས་ཡི་དགྲ་སོགས་དབུས་བཞག །དེ་བཞིན་ནག་པོ་ལྷོ། དམར་པོ་ནུབ། སེར་པོ་བྱང་དུ་བཞག་པས་ཨུར་གནོན་འདིས་ཆོག་གོ །།བཻ་ཌཱུར། ཕྱི་དུམ། ས་དཔྱད། ༡༩༨ ས་བཅག་སོགས། མཁའ་ལས་ཆོ་ག་རྒྱས་པ་དེ་བཞིན་ཁང་དུར་བྱས་ན་ལེགས་ངེས་དགེ། ༈ ཕྱུགས་ཀྱི་ཤི་སྒབས་བཅད་པའི་གཏོ་དང་གོད་མནན་ཁྱད་པར་ཅན་ནི། ཐོག་མར་ལན་ཆགས་སྦྱང་ཕྱིར་གོད་ཤ་རུས་པ། སྤུ་རྨིག་པ་སོགས་དང་ཆད་སྐྲད་བཅས་གླུད་བསྔོ་རྒྱས་པར་བྱ། བདེན་པ་བརྡར།

― MR07_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ཕྱུགས་ཤི་བ་རྟིང་མ་དེའི་མགོ་བོའི་རུས་པའི་ཤ་བརྡར་ཡག་བྱས་ལ། དཔྲལ་བར་རྡོ་རྗེ་རྒྱ་གྲམ། ལྟག་པར་ཁྲམ་རྒྱ་གྲམ་ཡིན་འདུག་གཡུང་དྲུང་རྒྱ་གྲམ། སྣ་གོང་ཁྲམ་རིས་བྲིས་པ་བོན་ཆོས་གཏོ་གསུམ་གྱི་ཕྱག་རྒྱས་བཏབ་པ་ཞེས་བྱའོ། །འགྲམ་གཡས་གོད་སྲི་ཁ་ཐཾ་གཡོན་པར་གོད་སྲི་ཆོད་ཅེས་བྲིས། ཁ་ཡི་ཐ་མར། ཨོཾ་མ་ཏྲི་དུ་ཏྲི་དུ་གོད་སྲི་ཆོད་ཅིག །ཅེས་ཚག་མེད་བྲིས། ཐོད་པའི་ནང་དུ་གཞུག་རྒྱུ་གོད་འདྲེའི་ལིང་ག་སྙིང་གར་འཁོར་ལོ་རྩིབས་བརྒྱད་པའི་ལྟེ་བར། ཏྲི་ཐ་ཡ་ཛཿ ཞེས་པའི་མཐར། ཡིག་མགོ་ཕྱིར་བསྟན་གཡས་སྐོར་དུ། གོད་འདྲེ་གོད་སྲི་ཐམས་ཅད་མཱ་ར་ཡ་སྟྭམྦྷ་ཡ་ནན། ཞེས་བྲིས། རྩིབས་བརྒྱད་ལ། མཱ་ར་ཡ་སྟྭམྦྷ་ཡ་ནན། ཞེས་པའི་ཡི་གེ་བདུན་བྲིས། རྩིབས་མཆན་ལ་གོད་འདྲེ་ནན་ཞེས་བྲིས། མུ་ཁྱུད་ལ་མེ་སྤུར་སོགས་བྲི། ཡིག་མགོ་ཐམས་ཅད་ཕྱི་བསྟན་བྱ། ཕྱུགས་ཤི་བ་རྟིང་མའི་སྙིང་ཡོད་ན་ནང་དུ་གཏུམས་ལ་སྡེབ། དེའི་རྒྱབ་དུ་ཤོག་གུ་ལ། ཨོཾ་རི་ཕུ་མུ་ལ་ཕུ་རྩེར་རྩེར་ནན། གོ་ཁ་ཆོད། ཕྱུགས་ཀྱི་གོད་ཁ་སྒྱུར་གོད་ཁ་བཟློག །གོད་ཁ་ཐམས་ཅད་བཅད་དོ། །བྲུབ་བོ། །བཙན་ཐབས་སུ་མནན་ནོ། །ནམ་ཡང་མ་འདའ་ཅིག །མ་ལྡང་ཅིག །ཅེས་བྲིས་ནས་ཕྲེད་དུ་དཀྲིས་ལ་ཐོད་པའི་ལྟག་ཁུང་དུ་གཞུག །ཡང་ཕྱུགས་

― MR07_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཤི་རྟིང་པ་དེའི་སོག་པ་གཡས་པ་ཤ་མེད་པར་བྱས་ལ། སོག་པའི་རྒྱབ་འཇམ་ལེབ་ངོས་སུ། གོད་འདྲེའི་ལིངྒ་མགོ་སོག་ཡུའི་ཕྱོགས་སུ་བསྟན་པ། སྲོག་ཡིག་ཏྲི་ལ་ཛ་གཉིས་ཀྱིས་གཟིར་བ་དང་། ཡན་ལག་བཞི་ལ་ཛཿཧཱུྃ་བྃ་ཧོཿ ཙམ་གྱི་གནས་ཡིག་ལྡན་པ། རྐང་ལག་ལྕགས་སུ་བཅུག་པ་བྲིས། ལིངྒིའི་མགོ་ནས་གཡོན་སྐོར་དུ་མེ་སྤུར་སྔགས་ཀྱིས་བསྐོར། གོད་ཐོད་དང་། སོག་རུས་ལིངྒ་ཁ་སྦྱར། ཕྱུགས་ཤི་བ་རྟིང་མའི་པགས་པ་ལ། གོད་འདྲེ་གོད་སྲི་ཐམས་ཅད་རུལ། ཞེས་དང་། ཁྲམ་མང་པོ་བཏབ་པས་དྲིལ་ལ། ཡུག་སྐྲའམ་ཚོན་སྐུད་ལྔས་རྒྱ་གྲམ་དུ་བསྡམས་ནས་ཧོཾ་དུ་བཅུག་པ་རྫས་ཀྱི་རིམ་པའོ། །རང་ཡི་དམ་གཤིན་རྗེ་གཤེད་སོགས་གཞུང་བསྲང་། བཟླས་པ་ལ་འབུང་། ཚོགས་བཏོང་གོད་འདྲེ་འགུག་གཞུག་ནན་ཏན་ཀྱིས་གཟུགས་ལ་བསྟིམ། དེ་ནས་སྲོག་སྔགས་འདི་བཟླའོ། །ཨཱོཾ་མེ་སྦུར་རྡོལ། ཆུ་སྦུར་རྡོལ། སུཾ་སྦུར་རྡོལ། ཁྲག་སྦུར་རྡོལ། གོད་འདྲེའི་སྙིང་ལ་རྡོལ་རྡོལ། མཱ་ར་ཡ་ནན་ཧཱུཾ་ཧཱུཾ་ཕཊཿ ཅེས་བཟླས། རྨི་ལམ་དུ་སྐྱེས་དམར་བརྡུང་། རི་བོང་དང་བྱི་ལ་སོགས་ཁ་བཅིང་བ་སོགས་རྟགས་བྱུང་ནས། རེ་ནག་གིས་གྲིལ་སྐུད་པ་ནག་པོས་རྒྱ་གྲམ་དུ་བཅིངས་ལ། ར་བའི་ནང་ངམ། སྲང་མདོའམ། མཆོད་རྟེན་

― MR07_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་འོག་གམ། ལམ་རྒྱ་གྲམ་དུ་དོང་བྲུས་པར་མནན། རྦབ་རྡོའམ་གཡམ་པར་རྡོ་རྗེ་རྒྱ་གྲམ་བྲིས་པས་ཁ་བཅད། གསེར་གྱི་རི་རབ་དཔག་ཚད་བྱེ་བས་མནན་པས་སྟེང་དུ། ཁྲོ་རྒྱལ་སྟོབས་པོ་ཆེས་མནན་པར་བསམས་ལ་སྔགས་འདི་བཟླ། ཨོཾ་བཛྲ་ཀྲོ་ཏ་མ་ཧཱ་བ་ལ་ཧཱུྃ། སྥོ་ཊ་སྥོ་ཊ་ཧཱུྃ་ཕཊ། གོད་འདྲེ་གོད་སྲི་ཐམས་ཅད་སྟྭམྦྷ་ཡ་ལཾ་ནན་ནན་ཧཱུྃ་ཕཊ༔ ཞེས་བཟླ་བཞིན་མེ་ཆུ་ས་རྡོས་བྱིབས། སྟེང་དུ་དམིགས་པ་བཅས་ཏེ་བྲོ་རྡུང་བྱ་ཞིང་བཀྲ་ཤིས་བརྗོད། འདིས་སྔགས་དང་སྒྲུབ་པ་མེད་པར་བཅས་ཆོག་ཙམ་གྱིས་ཀྱང་གོད་སྲི་ཆོད་ངེས་ན་བསྒྲུབས་པས་ལྟ་ཅི་སྨྲོས་ཏེ། དེ་ལྟར་བྱས་པས་ཕྱིས་ཀྱི་གོད་ཁ་ཐམས་ཅད་རྒྱུན་ཆོད་པར་ངེས་སོ། །འདི་ནི་གཙོ་བོར་ནོར་ཕྱུགས་གོད་གཅོད་སྟེ། རྟ་ཕྱུགས་ལ་སོག་པའི་སྙིང་གར་ཏྲི་ལས་གཡོན་སྐོར། །མེ་སྦུར་ཤམ་གོད་འདྲེ་མཱ་ར་ཡ་ཕཊཿ ཅེས་བྲི། ར་ལུག་གོད་གཅོད་ལ། མ་མོའམ་ར་མོའི་སོག་པར། ཏྲི་ཏྲ་སོད། རུ་རུ་སོད། བྲི་ནི་རུ་ཏྲི་སོད་སྭཱ་ཧཱ། སོག་པའི་ལོག་རྩིབ་ལ་བཾ། བཅའ་གཞི་གཞན་གོད་འདྲ་རྩེ་མོ་ལ་རཾ་བྲི། བག་ཟན་ལ་སྤྲེའུའི་གཟུགས་བྱས་ལ། དེ་རྣམས་ལྷན་དུ་མནན་པ་གོང་བཞིན་བྱའོ། །འདི་ནི་གོད་གཅོད་ཀྱི་མན་ངག་བཅས་ཆོག་ཙམ་ཁོ་ན་རྒྱས་བསྡུས་སྣ་

― MR07_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཡོད་པ་དང་། གཤིན་རྗེ་གཤེད་ཀྱི་ལས་མཐའ་གོད་གཅོད་ཟབ་མོ་ཞིག་ན། གཤིན་རྗེ་གཤེད་ས་བཅུའི་དབང་ཕྱུག་ཡིན་ཀྱང་། འཁོར་ཤ་ཟ་མང་བས་གོད་འོང་ན་དེ་བཅད་ཐབས་བསྟན་པ་ཞེས་པའི་ཡིག་རྙིང་གཉིས་ཁོག་བསྡེབས་ཏེ་མི་ཕམ་འཇམ་དཔལ་དགྱེས་པས་དགེ་བྱེད་ཆུ་སྟག་ནག་པ་ཟླ་བའི་ཡར་ཚེས་༢ལ་བསམ་གཏན་ཆོས་གླིང་གི་བླ་བྲང་རྩེར་སྦྱར་བ་ཤིན་ཏུ་ཟབ་པས་གཅེས་སྤྲས་སུ་བྱ་བ་འདིས་གཞན་ལ་ཕན་པར་གྱུར་ཅིག །འདི་མང་དུ་མི་སྤེལ་གནད་གཅིག་ཡོད་དོ། །མངྒ་ལཾ།

― MR07_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་ཛི་ཏ་ཤ་སྟྭཾ།

མདོས་གཞུང་བཀྲ་ཤིས་འཁྱིལ་པ།

― MR07_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་གཞུང་བཀྲ་ཤིས་འཁྱིལ་པ་བཞུགས། །

― MR07_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་རྣམས་ཐོག་མར་བྱིན་རླབས། སྔགས་དྲུག་ཕྱག་དྲུག་བྱ་བ་ནི། སྦྱངས་བའི་ལྷ་ནི་ཤཱཀ་ཐུབ་སེར། དཀར་པོའང་། ཕྱག་གཉིས་ས་གནོན་ལྷུང་བཟེད་བསྣམས། །མཚན་དང་དཔེ་བྱད་ལྡན་པར་བཞུགས། །པལ་མཾ་ཐལ་མོ་ཁང་སྟོང་ཕྱག་རྒྱའི་ནང་དུ། ཨཱཿདཀར་འོད་འཕྲོས་དངོས་འཛིན་སྦྱང་། ཨོཾ་སྭཱ་བྷཱ་ཝ་ཤུདྡྷ་སརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། རྫས་རྣམས་རང་བཞིན་གྱིས་རྣམ་པར་དག་པ་སྟོང་པ་ཉིད་དུ་གྱུར། སྤེལ་བའི་ལྷ་ནི་རྣམ་སྣང་དཀར། སེར་འང་། ཕྱག་མཚན་འཁོར་ལོ་དྲིལ་བུ་བསྣམས། །མཚན་དང་དཔེ་བྱད་ལྡན་པར་བཞུགས། །མཛོད་སྡུར། ཐལ་མོ་ཚིག་

― MR07_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

བཅག་ཕྱག་རྒྱའི་ནང་། །ཁཾ་སྔོན་འོད་འཕྲོས་སྣོད་བཅུད་སྤེལ། ཨོཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། རིན་ཆེན་སྒྲོམ་བུའི། ཇི་ལྟར་འདོད་པའི་ཡོན་ཏན་ཟད་མི་ཤེས་པས་ནམ་མཁའི་ཁམས་ཐམས་ཅད་གང་བར་གྱུར། བསྒྱུར་ལྷ་བདུད་རྩི་འཁྱིལ་པ་ལྗང་། ཕྱག་མཚན་རྒྱ་གྲམ་དྲིལ་བུ་བསྣམས། །མཚན་དང་དཔེ་བྱད་ལྡན་པར་བཞུགས། །ཐལ་མོ་ཁ་འབྱེད་ཕྱག་རྒྱའི་ནང་། །ཛ་དམར་འོད་འཕྲོས་བདུད་རྩིར་གྱུར། །ཨོཾ་བཛྲ་ཨ་མྲྀ་ཏ་ཀུཎྚ་ལི་ཧ་ན་ཧ་ན་ཧཱུྃ་ཕཊཿ །ཐོབ་ལྷ་རིན་འབྱུང་སྐུ་མདོག །མཐེ་བོང་གཉིས་བསྣོལ་སོར་མོ་ལྷག་མ་རྣམས་ཁ་འགྲམ་དུ་འགྱེད་པར་བྱས་པའི་ནང་

― MR07_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཛ་དམར་པོ། ཡོ་བྱད་ཐམས་ཅད་བདུད་རྩིའི་རྒྱ་མཚོ་ཆེན་པོར་གྱུར། སེར། །ཕྱག་ན་རིན་ཆེན་དྲིལ་བུ་བསྣམས། །མཚན་དང་དཔེ་བྱད་ལྡན་པར་བཞུགས། །གཡས་འཛུབ་མོ་ཐུགས་ཀར་བསྒྲེང་། གཡོན་མཆོག་སྦྱིན་ལ་ཏྲཱཾ་སེར་གསལ། མཆོག་སྦྱིན་ཕྱག་རྒྱའི་ཏྲཱཾ་སེར་ལས། །འོད་འཕྲོས་ཀུན་གྱིས་འབད་མེད་ཐོབ། །ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷར་སམྦྷར་ཧཱུྃ། ཡོ་བྱད་ཐམས་ཅད་སོ་སོའི་བསམ་པ་དང་མཐུན་ཞིང་ཡིད་བཞིན་དུ་ཐོབ་བར་གྱུར། ཚིམ་ལྷ་དོན་ཡོད་གྲུབ་པ་ལྗང་། །ཕྱག་མཚན་རལ་གྲི་དྲིལ་བུ་བསྣམས། །མཚན་དང་དཔེ་བྱད་ལྡན་པར་བཞུགས། །གཡས་ཁུ་ཚུར་མཆོག་ཐུགས་ཀར་བཀན། གཡོན་འདེགས་པའི་སྦྱིན་ཕྱག་རྒྱའི་ནང་། །ཧ་ལྗང་འོད་འཕྲོས་བདུད་རྩིའི་གྱུར། །ཨོཾ་ཛྙ་ན་ཨ་ཝ་ལོ་ཀི་ཏེ་ན་མཿས་མནྟ་སྥ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་སྭཱ་ཧཱ། ཡོ་བྱད་ལ་མགྲོན་རྣམས་འཐབ་རྩོད་མེད་པར་ལོངས་སྤྱོད་ནས་དགྱེས་ཤིང་ཚིམ་པར་གྱུར། དབང་བྱེད་ཕྱག་རྡོར་དམར་པོ་ནི། །ཕྱག་མཚན་རྡོ་རྗེ་དྲིལ་བུ་བསྣམས། །མཚན་དང་དཔེ་བྱད་ལྡན་པར་བཞུགས། །སོར་མོ་ནང་དུ་བསྣོལ་བ་སྤྱི་བོར་བཅངས་བའི་ཕྱག་རྒྱའི་ཛ་དམར་ལས། འོད་འཕྲོས་མགྲོན་བཞིའི་ སྔོན་པོའང་། མཐུ་སྟོབས་བསྡུས། ཨོཾ་ན་མཿས་མནྟ་བུདྡྷཱ་ནཱཾཿ གྲ་ཧེ་ཤྭ་རི་

― MR07_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ་བྷཉྫ་ཏི་མ་ཧཱ་ས་མ་ཡ་སྭཱ་ཧཱ། མགྲོན་ཐམས་ཅད་བདག་གི་དབང་དུ་འདུས་པར་གྱུར་ཅིང་། ན་མོ་བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་བྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང་། །སེམས་ཅན་རྣམས་ལ་ཕན་གདགས་སླད། །དོན་རྣམས་གང་དག་བསམ་པ་བྱིན་རླབས་ཀྱི་ཀུན། དེ་དག་ཐམས་ཅད་ཅི་རིགས་པར། །ཐོག་པ་མེད་པར་འབྱུང་གྱུར་ཅིག །དེ་ནས་མདོས་མགྲོན་འགུག་པ་ལ། དང་པོ་བདེན་པའི་ཚིག་གིས་འགུག །ན་མོ་སངས་རྒྱས་རྐང་གཉིས་གཙོ་སྟེ་བདེན་པའི་མཆོག །ཆོས་ཉིད་ཆགས་དང་བྲལ་ཏེ་བདེན་པའི་མཆོག །དགེ་འདུན་འདུས་པའི་གཙོ་ཚོགས་མཆན། སྟེ་བདེན་པའི་མཆོག །བདེན་པའི་མཆོག་ནི་དཀོན་མཆོག་གསུམ་གྱི་བཀའ། །བདེན་པའི་བཀའ་ལ་མི་ཉན་གད་ཡང་མེད། །འབྱུང་བ་ལྔ་ལ་མི་བརྟེན་གང་ཡང་མེད། །འཚོ་བའི་ཟས་ལ་མི་བརྟེན་གང་ཡང་མེད། །འཆི་བའི་སྲོག་ལ་མི་འཛེམ་གང་ཡང་མེད། །སྨྲས་པའི་ཚིག་ལ་མི་ཉན་གང་ཡང་མེད། །ཟབ་མོའི་དོན་ལ་མི་སེམས་གང་ཡང་མེད། །མཐོ་བ་སྲིད་པའི་རྩེ་མོ་མན་ཆད་ནས། །དམའ་བ་ན་རག་དམྱལ་ཁམས་ཡན་ཆད་དུ། །བདག་

― MR07_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྒྱུ་འབྱོར་ཡོན་གྱི་བདག་པོ་ཡི། །མི་ཕྱུགས་འབྱོར་པ་སྟོབས་དཔལ་བཅས་པ་ལ། །སྔོན་གྱི་ལན་ཆགས་དབང་གིས་འབྲེལ་བ་དང་། །འཕྲལ་གྱི་རྐྱེན་བགེགས་བྱེད་པ་འབྱུང་པོའི་ཚོགས། །ཐམས་ཅད་མ་ལུས་བདག་གི་བཀའ་ལ་ཉོན། །སྐད་ཅིག་ཡུད་ལ་གནས་འདིར་གཤེགས་སུ་གསོལ། །ཧཱུཾ་ཞེ་སྡང་གདུག་པའི་སེམས་རྣམས་ཞི་བར་གྱིས། །སྙིང་རྗེ་བྱམས་པའི་སེམས་སུ་ད་བྱོན་ལ། །དགའ་མགུ་རངས་པའི་སེམས་ཀྱིས་གཏོར་མ་ལོངས། །ཞི་བ་བྱང་ཆུབ་སེམས་དང་ལྡན་པར་མཛོད། །ཞེས་དང་། གཉིས་པ་ལྷ་སྔགས་ཀྱི་སྟོབས་ཀྱིས་འགུག་པ་ནི། རང་ཉིད་ཡི་དམ་གྱི་ཐུགས་ཀའི་ཧཱུྃ་གི་འོད་ལས་འདོད་རྒྱལ་དམར་པོ་ལྕགས་ཀྱུ་དང་ཞགས་པ་ཐོགས་པ་འཕྲོས་པས་ལྷ་འདྲེ་མདོས་བདག་གང་ལ་བྱ་བ་མདོས་ཀྱི་མགྲོན་དུ་རང་དབང་མེད་པར་བཀུག་པར་བསམ་ལ། །ཧཱུྃ་འཇིགས་པའི་ཧཱུཾ་སྒྲ་ངེས་སྒྲོགས་ཤིང་། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་ལོ། །ཧཱུཾ་དུས་གསུམ་སངས་རྒྱས་ཐམས་ཅད་ཀྱི། །ཐུགས་ལས་སྤྲུལ་པའི་ཁྲོ་བོ་ནི། །ཐམས་ཅད་འགུག་མཛད་ཁྲོ་བོའི་རྒྱལ། །

― MR07_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

ཊཱཀྐི་ཞེས་བྱ་བྱུང་ནས་ནི། །བགེགས་རྣམས་འགུག་པའི་ལས་མཛད་དེ། །ནམ་མཁའ་སྟོང་པ་འགུག་བྱེད་ན། །གཟུགས་སུ་སྣང་བ་སྨོས་ཅི་དགོས། །བེམ་པོ་རྡོ་ཡང་འགུག་བྱེད་ན། །རྣམ་ཤེས་ལྡན་པ་སྨོས་ཅི་དགོས། །ཁུག་ཅིག་དྲངས་ཤིག་ཁྲོ་བོའི་རྒྱལ། །བགེགས་རྣམས་ཐམས་ཅད་མྱུར་ཁུག་ཅིག །ཨོཾ་བཛྲ་ཊཱཀྐི་རཱ་ཛ་ཧཱུཾ་ཛཿ ཞེས་བཀུག་ལ་སོ་སོ་རང་རང་ལ་འཚམས་པའི། །བདེ་ཞིང་ཡངས་པའི་གནས་སུ་ནི། །ཇི་སྲིད་མཆོད་སྦྱིན་བགྱིད་ཀྱི་བར། །དེ་སྲིད་དུ་ནི་གནས་པར་མཛོད། །ཅེས་བྱས་ལ་གླུད་རང་རང་གི་ཁུང་སྨྲེང་དང་། བསྔོ་བ་གང་འདོད་བྱ། བར་འཕྱོང་གི་རིགས་སྦྱར་བར་བྱའོ། །སྤྱིར་བསྔོ་བ། །ཧཱུྃ་འདོད་པའི་ཡོན་ཏན་ཀུན་ལྡན་བྱིན་རླབས་པས། །ལན་ཆགས་གླུད་ཀྱི་གཏོར་མ་འདི་ཉིད་ནི། །ཚེ་རབས་ཐོག་མ་མེད་ནས་ད་ལྟའི་བར། །སྲོག་ལུས་ལོངས་སྤྱོད་ལན་ཆགས་བསྙགས་རྣམས་དང་། །སྟོང་ཕྲག་བརྒྱད་ཅུའི་བགེགས་ཀྱི་ཚོགས་རྣམས་དང་། །ནད་ཡམས་དལ་བདག་གནོད་བྱེད་ཚོགས་རྣམས་ལ། །འབུལ་ལོ་གདུག་པའི་བསམ་སྦྱོར་ཀུན་ཞི་ཞིང་། །གཞན་ཕན་བྱང་སེམས་རྒྱུད་ལ་སྐྱེས་ནས་ཀྱང་། །རྒྱུ་སྦྱོར་བདག་ཅག་ཅེས་ཁ་བསྒྱུར། ནད་གདོན་བགེགས་ལས་གྲོལ་བར་མཛོད། །

― MR07_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

སམྦྷཱ་ར་དང་མཚན་བཞི་བརྗོད། ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང་། །དྲན་དང་བཟུང་དང་བསམ་དང་རེག །གློད་དང་ཞི་དང་གྲོལ་བར་མཛོད། །ཅེས་པ་འདི་ལ་གྲངས་བསོགས་སྟེ་ཆང་བུ་བསྔོའོ། །མཐར་གླུད་བསྔོ་བ་ནི། ཧཱུཾ། སྔོན་ཚེ་ལྷ་དབང་བརྒྱ་བྱིན་གླུད། །ད་ལྟ་རྒྱུ་སྦྱོར་ཡོན་བདག་གླུད། །ཤ་ཡི་གླུད་འདི་ས་ལ་གཏོང་། །ས་ལ་གནས་པའི་ལྷ་འདྲེ་རྣམས། །གླུད་དང་ཆང་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །ཁྲག་གི་གླུད་འདི་ཆུ་ལ་གཏོང་། །ཆུ་ལ་གནས་པའི་ལྷ་འདྲེ་རྣམས། །གླུད་དང་ཆང་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །དྲོད་ཀྱི་གླུད་འདི་མེ་ལ་གཏོང་། །མེ་ལ་གནས་པའི་ལྷ་འདྲེ་རྣམས། །གླུད་དང་ཆང་བུ་འདི་ཁྱེར་ལ། །འཁོར་འདི་གནོད་པ་མ་བྱེད་ཅིག །དབུགས་ཀྱི་གླུད་འདི་རླུང་ལ་གཏོང་། །རླུང་ལ་གནས་པའི་ལྷ་འདྲེ་རྣམས། །གླུད་དང་ཆང་བུ༴ འཁོར་འདིར་གནོད༴ རུས་པའི་གླུད་འདི་བྲག་ལ་གཏོང་། །བྲག་ལ་གནས༴ གླུད་དང་ཆང་བུ༴ འཁོར་འདིར༴ རྩ་རྒྱུས་གླུད་འདི་ཤིང་ལ་གཏོང་། །ཤིང་ལ་གནས༴ གླུད་དང་ཆང་བུ༴ འཁོར་འདིར་གནོད༴ ལྤགས་པའི་གླུད་འདི་

― MR07_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་ལ་གཏོང་། ཐང་ལ་གནས༴ གླུད་དང་ཆང་བུ་འདི༴ འཁོར་འདིར་གནོད་པ༴ སེམས་ཀྱི་གླུད་འདི་མཁའ་ལ་གཏོང་། མཁའ་ལ་གནས་པའི་ལྷ་འདྲེ་རྣམས། །གླུད་དང་ཆང་བུ་འདི་ཁྱེར་ལ། །འཁོར་འདིར་གནོད་པ་མ་བྱེད་ཅིག །གང་ཞིག་མཚན་མོར་རྒྱུ་བ་ཡི། །འབྱུང་པོ་རྣམས་དང་ཤ་ཟ་དང་། །སྲིན་པོ་ཤ་རྗེན་ཟ་བ་དང་། །སེམས་ཅན་རྣམ་པ་སྣ་ཚོགས་པ། །ལྗོན་ཤིང་གེལ་པ་སོགས་གནས་པ། །དེ་དང་དེ་ལ་གཏོར་མ་ནི། །བཟའ་བ་ཤ་ཆང་ལ་ཕུག་བཅས། །འབྲས་ཆན་འབྲས་བུ་མང་པོ་ཡི། །མཆོད་སྦྱིན་འདི་ཡིས་འགུ་མགུ་བྱོས་ལ། །གནོད་པའི་བསམ་པ་ཞི་བ་དང་། །བདག་ཅག་རྣམས་ལ་ཕན་པའི་ཡིད། །དེ་རིང་ཕྱིན་ཆད་བསྐྱེད་བར་གྱིས། །རྒྱན་གྱི་བརྒྱན་པར་བྱས་ཀྱང་ཆོས་སྤྱོད་ཅིང་། །དུལ་ཞིང་ཡང་དག་སྡོམ་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤངས་པ་སྟེ། །དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །མཚོན་ཆས་མི་འཇིགས་གང་ཡང་མེད། །འཆི་བའི་སྲོག་ལ་ཀུན་ཀྱང་འཛེམ། །འཚོ་བའི་ཟས་ལ་ཀུན་ཀྱང་འདུ། །རང་གི་ལུས་ལ་དཔེ་ལོངས་ལ། །གཞན་ལ་གནོད་པ་མ་བྱེད་ཅིག །ཨོཾ་ཆེན་པོའམ་ཆུང་ངུ་གང་དག་གིས། །ལུས་ལ་

― MR07_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་པར་གནོད་གྱུར་པའི། །ནད་དེ་ཉེ་བར་ཕྱུངས་ནས་སུ། །གདོན་དེ་རང་གི་གནས་སུ་དེངས། །དེ་ལྟར་བདག་གིས་ཅི་ནུས་ཀྱིས། །མཆོད་དང་བསྙེན་བསྐུར་བྱས་པ་ཡི། །དམ་ཚིག་ལ་ནི་གནས་ནས་སུ། །བདག་གི་བསམ་པ་བསྐང་བར་མཛོད། །འདིར་ནི་སེམས་ཅན་ཐམས་ཅད་ཀྱི། །ནད་དེ་རབ་ཏུ་སོལ་མཛོད་ལ། །གདོན་རྣམས་རང་གི་གནས་སུ་དེངས། །སྙིང་རྗེའི་སེམས་ཀྱིས་ཆོས་སྦྱིན་བྱ་བ་ནི། ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པར་སྟེ། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་སྟེ། །ཐམས་ཅད་བསྲུང་བའི་དགེ་སློང་དག །སྡུག་བསྔལ་ཀུན་ལས་ངེས་གྲོལ་ལོ། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོགས་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་འབྱུང་། །ངོ་བོ་ཉིད་མེད་གནས་མེད་པར། །དེ་ལྟར་ཆོས་རྣམས་ཤེས་གྱིས་ལ། །སེམས་

― MR07_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་དོན་ནི་མཉམ་མེད་བྱོས། །འོན་ཀྱང་སྐྱོབས་པའི་སྲས་སུ་སྐྱེ། །ཞེས་བྱའོ། །དེ་ནས་གཤེགས་སུ་གསོལ་བ་ནི། ཧཱུྃ་བདག་གིས་ལག་ན་རྡོ་རྗེ་དབང་བསྐུར་བའི་རྒྱུད་ལས་གསུངས། དེ་རིང་ཁྱོད་མཆོད་ཀྱིས། །སོངས་ཤིག་བགེགས་ཆེན་འགྲོ་བར་གྱིས། །ཕྱིན་ཆད་དེ་ལྟར་མ་བྱེད་ཅིག །ཁྱོད་ཀྱི་སྟོབས་དང་རྩལ་མཐོང་སྟེ། །ཁྱོད་ནི་བགེགས་ཀྱང་བྱེད་པར་ནུས། །ཁྱོད་ནི་ལྷ་ཡི་སྤྲུལ་པ་སྟེ། །ཁྱོད་ནི་བགེགས་བྱེད་མི་ནུས་མིན། །སྔོན་ཆད་མཆོད་པ་མ་ཐོབ་པ། །དེ་རིང་བདག་གིས་མཆོད་བྱས་པས། །ཁྱོད་ཀྱིས་ད་ནི་མཆོད་ཁྱེར་ལ། །བགེགས་ཀྱི་བདག་པོ་འགྲོ་བར་གྱིས། །གལ་ཏེ་འདུག་ཀྱང་བགེགས་མིན་ན། །སྔགས་པས་མཆོད་བྱའི་འོས་ཀྱང་ནི། །ཅི་སྟེ་བགེགས་ནི་ཡང་བྱེད་ན། །ཕྱོགས་བཅུའི་སངས་རྒྱས་དབང་གྱུར་ལ། །མི་མཆོག་རྣམས་ཀྱིས་མཁྱེན་པར་གསོལ། །ཞེས་དང་། འབྱུང་པོ་ས་འོག་རྒྱུ་བ་དང་། །གང་ཡང་ས་སྟེང་འཁོད་པ་དང་། །ས་བླར་རྒྱུ་བ་གང་ཡིན་པ། །མགུ་བར་གྱིས་ལ་རང་གནས་སུ། །ཐམས་ཅད་ཐ་དད་འགྲོ་བར་གྱིས། །སརྦ་བྷུ་ཏ་གཙྪ། ཞེས་རང་གནས་སུ་སོང་བར་བསམ། བསྐྲད་མདོས་ལ་དྲག་སྔགས་ཀྱིས་སྲུང་འཁོར་བསྒོམས། ༈ །རྒྱལ་དབྱངས་ནི། སངས་རྒྱས་ཀྱིས་ནི་བདུད་ཕམ་

― MR07_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད། །ཆོས་མ་ཡིན་ནི་ཆོས་ཀྱིས་སོ། །དགེ་འདུན་གྱིས་ནི་མུ་སྟེགས་ཕམ། །དབང་པོས་ལྷ་མིན་ཕམ་པར་མཛད། །ལྷ་མིན་རྣམས་ཀྱིས་ཟླ་བ་ཕམ། །ནམ་མཁའ་ལྡིང་གིས་རྒྱ་མཚོ་ཕམ། །མེ་ཡིས་ཤིང་རྣམས་ཕམ་པར་འགྱུར། །ཆུས་ནི་མེ་ཡང་ཕམ་པར་འགྱུར། །རླུང་གིས་སྤྲིན་རྣམས་རབ་ཏུ་ཕམ། །རྡོ་རྗེ་ཡིས་ནི་རིན་ཆེན་ཕུག །ལྷ་རྣམས་བདེན་པར་རབ་ཏུ་གསུངས། །ས་ཡང་བདེན་པར་གནས་པ་ལགས། །སངས་རྒྱས་དང་ནི་ཆོས་ཀྱང་བདེན། །བདེན་པར་རྒྱལ་གྱུར་རྫུན་མ་ལགས། །བདེན་པའི་ཚིག་ནི་འདི་དག་གིས། །བསྲུང་བྱ་འདི་ནི་ནད་དང་གདོན། །ཕྱིར་རྒོལ་བ་ནི་ཀུན་ལས་རྒྱལ། །སྡིག་པ་ཐམས་ཅད་རབ་ཏུ་ཕམ་སྭཱ་ཧཱ། ཞེས་དང་། བཀྲ་ཤིས་ཀྱི་ཚིགས་སུ་བཅད་པ་ཅི་རིགས་པས་བདེ་ལེགས་སུ་བྱའོ། །འདི་ནི་གཞུང་རྣམས་ལས་བདག་ཅག་རྣམས་ནི། མི་ཕམ་པས་བསྡུས་པ་དགེ་ཞིང་བཀྲ་ཤིས་པར་གྱུར་ཅིག། །།

མདོས་ཀྱི་བར་དུ་འགྲེས་བྱང་བཀྲ་ཤིས་འཁྲུལ་མིག

― MR07_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་ཀྱི་བར་དུ་འགྲེས་བྱང་བཀྲ་ཤིས་འཁྲུལ་མིག་ནི། མདོས་བདག་ཆེན་པོ་མདོས་བཞེས་ཤིག །གླུད་བདག་ཆེན་པོ་གླུད་བཞེས་ཤིག །ཞེ་སྡང་གདུག་པ་ད་ཁྲོལ་ལ། །དང་བའི་སེམས་ཀྱིས་གླུད་འདི་ལོངས། །སྟོང་གི་སྡེ་དཔོན་གྱིས་གསུང་བཞིན། །བཀའ་ལས་མ་འདའ་གླུད་འདི་བཞེས། །གླུད་བདག་གཉེན་པོ་ཁྱེད་རྣམས་ནི། སྔོན་གྱི་ལན་ཆགས་དེད་པའམ། །འཕྲལ་གྱི་རྐྱེན་དུ་གྱུར་པ་ཡིས། །ཟས་ནོར་འདོད་ཕྱིར་རྒྱུ་བ་ཡང་། །མཐུན་པའི་རྫས་དང་ཡས་སུ་བཤམས། །ཇ་ཆང་ལོངས་སྤྱོད་རྒྱུ་རུ་འདོན། །བདེན་པའི་ཚིག་གིས་བཀྲོལ་ཏེ་འབུལ། །རྟགས་བར་འདི་བཅས་དཀྱུས་མ་ལམ་འདོན་ཀྱང་། །སྐྱེམས་དང་བཅས་པའི་གསེར་གྱིས་མཆོད། །ནམ་མཁའ་འདི་ནི་ཡུལ་དུ་འབུལ། །མདའ་བཀྲ་འདི་ནི་མཁར་དུ་འབུལ། །གཟུགས་བརྙན་འདི་ནི་དཀོར་དུ་འབུལ། །སྒྲ་སྙན་གསུང་གི་གླུད་དུ་འབུལ། །མར་མེ་སེམས་ཀྱི་གླུད་དུ་འབུལ། །ངར་མི་སྲོག་གི་གླུད་དུ་འབུལ། །ཟང་ཟིང་ལོངས་སྤྱོད་གླུད་དུ་འབུལ། །ཅི་འབྱོར་དཀོར་ཆ་མཁོ་དགུ་རྣམས། །རྒྱུ་སྦྱོར་འཁོར་བཅས་གླུད་དུ་འབུལ། །མདོག་བཟང་དག་པར་བྱིན་གྱིས་བརླབས། །ཇི་ལྟར་འདོད་པ་བཞིན་དུ་མཆོད། །བུ་ལོན་ལན་ཆགས་བྱང་

― MR07_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྱིས། །ཤ་མཁོན་སྡིག་སྒྲིབ་དག་པར་མཛོད། །ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང་། །དྲན་དང་བཟུང་དང་བསམ་དང་རེག །གློད་དང་ཞི་དང་གྲོལ་བར་མཛོད། །ཞེས་བྱས་ལ། སཾ་བྷ་ར་དང་། མཚན་བཞི་བརྗོད་ལ་ལན་གྲངས་བསགས་ཤིང་ཆང་བུ་བསྣན་ཏེ་བསྔོའོ།། །།

མདོས་སྨྲེང་བཀྲ་ཤིས་སྒོ་མང་།

― MR07_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་སྨྲེང་བཀྲ་ཤིས་སྒོ་མང་བཞུགས། །ན་མོ་མཉྫུ་ཤྲཱི་ཡེ། མཉེས་བྱེད་མདོས་ཀྱི་ཆོ་ག་ལ། །གསོག་ཤོམས་རྒྱས་དང་བསྡུས་པ་གཉིས། །དང་པོ་འབྲུ་སྣ་གསུམ་མམ་བདུན། །བཅུ་གསུམ་འདྲེས་པའི་ཟན་ལ་ནི། །རིན་ཆེན་སྣ་ཚོགས་ཕྱེ་བསྲེས་ཏེ། །རི་རབ་བང་རིམ་བཞི་བྱས་ལ། །སོ་སོའི་གཟུགས་དང་བཤོས་བུ་དང་། །མདའ་འཕང་ནམ་རྒྱང་རྒྱལ་མཚན་རྩང་། །གཟུགས་འགྲོས་སྣ་ཚོགས་མར་མེ་སོགས། །མཆོད་རྫས་ཅི་འབྱོར་མཛེས་པར་བཤམས། །ཕོ་ཏང་མོ་ཏང་གླུད་བརྔན་ཆས། །འབུལ་གཏོར་གསེར་སྐྱེམས་ལ་སོགས་བཤམས། །བསྡུ་ན་གཏོར་མ་ངར་གླུད་དང་། །གསེར་སྐྱེམས་ཙམ་ལ་བརྟེན་ཏེ་བསྐང་། །ཡུལ་དུས་སྦྱར་ཏེ་གང་འབྱོར་བྱ། །སྟོད་ཀྱི་འཕྱོངས་རྣམས་ལེགས་གྲུབ་ནས། །ཁྱད་པར་སོ་སོའི་མདོས་སྨྲེང་གྱེར། ༈ །བདུད་བཤོས་གྲི་གུ་རྩེ་དགུག་ནག །མདའ་དར་ལ་སོགས་མདོག་ནག་བརྒྱན། །སྐྱུང་ཀའི་གསོབ་སོགས་གཟུགས་འགྲོས་དང་། །ཤ་ཁྲག་བཤམས་ལ་བྱིན་བརླབས་ནས། ཧཱུྃ། ཐམས་ཅད་གསོད་པ་ཞེ་སྡང་བདུད་ཀྱི་བུ། །བདུད་ཀྱི་མེས་ཆེན་རཱ་ཛ་རྒྱལ་པོ་དང་། །དེ་ཡི་བུ་ནི་གནམ་གྱི་རིག་པ་ཆེ། །བདུད་ཀྱི་ཕྱི་མོ་ས་ཆུ་མེར་བཞེས། དེ་ཡི་བུ་མོ་མེ་ར་ལྕམ་གཅིག་མ། །དེ་གཉིས་ཐུགས་སྲས་ཡ་བདུད་བཅུ་གསུམ་བྱུང་། །བདུད་ཡུལ་བདུད་མཁར་ནག་པོའི་ནང་ན་བཞུགས། །སྤྱི་མེས་ཡབ་ཡུམ་སྲས་དང་ཕོ་ཉར་བཅས། །

― MR07_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བདུད་ཆེན་པོ་ལ་སོགས་མ་བདུད་སྡེ། །བདུད་སྡེ་སིལ་མ་སྟོང་ལ་སོགས་པ་ཡི། །ཞེ་སྡང་བདུད་ཀྱི་སྡེ་ཚོགས་རྣམས། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག །སོགས་འགྲེས་བྱང་སྦྱར། ༈ བཙན་བཤོས་གྲུ་གསུམ་དམར་པོ་དང་། །མདའ་དར་ལ་སོགས་ཀུན་ཀྱང་དམར། །རྟ་པ་ཞུབ་ཅན་ལ་སོགས་གཟུགས། །གཞན་ཡང་མཐུན་རྫས་ཅི་འབྱོར་བཤམས། ཧཱུྃ། སྤྱི་བཙན་ཆེན་པོ་གཡག་གི་མགོ་བོ་ཅན། །མགོ་ལ་ཁ་བཞི་བསེ་རྟ་རྨིག་བརྒྱད་མགྱོགས། །འབྱུང་ལྔའི་བཙན་དང་ས་བཙན་གནམ་བཙན་སོགས། །བཙན་ཕྲན་སྟོང་སྡེ་ཡུལ་འདིར་གནས་པའི་བཙན། །བཙན་གྱི་སྡེ་ཚོགས་ཐམས་ཅད་ཀུན། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག །༈ རྒྱལ་པོ་རི་རབ་སྟེང་དུ་རྒྱལ་བཤོས་དང་། །མར་མེ་ལྔ་དང་མདའ་སོགས་དཀར། །སེང་གེ་གཡུ་རལ་ཅན་དང་ནི། །གཡུ་ཡི་སྦྲུལ་སྔོན་ཁྱུང་གཤོག་རྒྱས། །གཡག་ལུག་གླང་བྱ་རྟ་འབྲི་ཁྱི། །བྱི་ལ་ལ་སོགས་དཀར་པོའི་གཟུགས། །ཕོ་བྲང་མཁར་ཐབས་ཉི་མ་སོགས། །སྣ་ཚོགས་མཐུན་པའི་རྫས་བཤམས་ནས། །སྨྲེང་གིས་བསྔོ་བ་འདི་ལྟར་རོ། །ཧཱུྃ། སྲོག་བདག་ཆེན་པོ་གནམ་གྱི་དིང་ཆེན་དང་། །ཡ་ཚེ་དཀར་པོ་ཡམ་ཤུད་དམར་པོ་དང་། །ཁུ་ལེ་

― MR07_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་དགུ་དཀར་པོ་དེ་སེ་དང་། །དཀར་པོ་སྤྱན་གཅིག་ཤོར་བ་རྐྱ་དགུ་དང་། །རྒྱལ་པོ་ཆེན་པོ་ཉི་འཕང་སད་དང་ནི། །རྒྱལ་ཆེན་སྡེ་བཞི་རྒྱལ་ཕྲན་བཅུ་གཉིས་དང་། །རྒྱལ་པོ་སིལ་མ་སྟོང་སྡེ་ལ་སོགས་པ། །དཀོར་བདག་རྒྱལ་པོའི་སྡེ་ཚོགས་ཐམས་ཅད་ཀུན། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག །ཐེའུ་རང་མདོས་ལ་བཤོས་བུ་དང་། །རྟ་ཐོད་ལ་སོགས་ཐོད་སྣ་ཚོགས། །ར་སོགས་གཟུགས་བརྙན་ར་ཚིལ་འདུ་དུད་། །ཡོས་ཁྲ་ལ་སོགས་རྫས་སུ་བཤམས། །ཧཱུྃ། གནམ་ས་བར་གྱི་ཐེའུ་རང་སྤུན་དགུ་དང་། །དཀར་པོ་མིག་གཅིག་སྲིད་པའི་བདག་པོའི་བུ། །ལྷ་བདུད་བཙན་ལ་སོགས་པའི་རིགས་ཅན་གྱི། །སྲིད་པའི་ཐེའུ་རང་སྟོང་སྡེ་མང་པོ་རྣམས། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག །༈ །ཀླུ་ལ་ཀླུ་བཅོས་སྦྲུལ་དཀྲིས་ཅན། །དཀར་མངར་ཀླུ་སྨན་དར་ཟབ་དང་། །སྦལ་སྦྲུལ་ཉ་སོགས་གཟུགས་འགྲོས་བཤམས། །ཧཱུྃ། །ཀླུ་རྒྱལ་དགའ་བོ་འཇོག་པོ་མཐའ་ཡས་སོགས། །རི་རབ་རི་གླིང་མཚོ་དང་ཆུ་མིག་དང་། །ཁྱད་པར་ས་ཆ་ཡུལ་རིས་འདི་དག་ལ། །གནས་པ་ཀླུ་ཡི་སྡེ་ཚོགས་ཐམས་ཅད་ཀུན། །དེ་རིང་སྤྱན་འདྲེན་གནས་འདིར་བྱོན། །

― MR07_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་བདག་ཆེན་པོ་མདོས་བཞེས་ཤིག ༈ །ས་བདག་མཁར་ཐབས་བཤོས་བུ་དང་། །ཤེལ་ཚིག་བལ་ཚོན་པགས་བུ་དང་། །ཤིང་རྩི་སྣ་ཚོགས་མཐུན་རྫས་བཤམས། ཧཱུྃ། ས་བདག་རྒྱལ་པོ་ཧོང་ཕན་ཐེ་སེ་དང་། །བེ་སྣ་ལག་ཆེན་ཙང་ཀུན་ལ་སོགས་པ། །འབྱུང་བ་ས་ཆུ་ཤིང་ལ་གནས་པ་ཡི། །ས་བདག་སྟོང་སྡེ་འཁོར་བཅས་བསམ་མི་ཁྱབ། །ས་བདག་སྡེ་ཚོགས་ཐམས་ཅད་ཀུན། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག །༈ །མཚོ་སྨན་ལ་ནི་བཤོས་བུ་དགུ། །མེ་ཏོག་འབྲུ་སྨན་སྤོས་དང་ཆུ། །ཤ་ཁྲག་རྣམས་ནི་སྣ་ཚོགས་དང་། །འོ་མ་ཀླུ་སྨན་དཀར་མངར་ཟས། །བྱ་དཀར་གསོབ་དང་ལུག་སྨུག་གཟུགས། །མདའ་དར་མེ་ལོང་མདོག་ལྗའི་གུར། །ལ་སོགས་ཅི་འབྱོར་མཐུན་རྫས་བཤམས། ཧཱུཾ། །དཀར་མོ་དབུ་དགུ་དབང་གི་རྒྱལ་མོ་བཞི། །མཚོ་སྨན་འབུམ་སྡེའི་འཁོར་གྱིས་བསྐོར་བ་ཡི། །སྲིད་པ་མཚོ་སྨན་སྡེ་ཚོགས་ཐམས་ཅད་ཀུན། །ས་བདག་ཀླུ་དང་མ་མོའི་ནད་ལ་སོགས། །གདུག་པ་མ་ལུས་རབ་ཏུ་ཞི་བའི་ཕྱིར། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག ༈ །གཟའ་མདོས་བཤོས་བུ་གཡས་དཀྱུས་དམར། །དཀར་མངར་ཤ་ཁྲག་ར་གཟུགས་སོགས། །ཇི་ལྟར་འབྱོར་བའི་བརྔན་ཆས་བཤམས། ཧཱུྃ། །སྡེ་བརྒྱད་དམག་དཔོན་ཆེན་པོ་

― MR07_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

རཱ་ཧུ་ལ། །སྤྲུལ་པ་རྣམ་བརྒྱད་གཟའ་ཆེན་རྒྱུ་སྐར་དང་། །གདོང་མོ་མཆེད་བཞི་བྲན་དང་ཕོ་ཉར་བཅས། །སྲིད་པ་གཟའ་ཡི་སྡེ་ཚོགས་ཐམས་ཅད་ཀུན། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག ༈ །མ་མོར་བཤོས་བུ་སྙིང་གིས་བརྒྱན། །ལུག་ནག་རྨ་བྱ་ལ་སོགས་གཟུགས། །ནལ་བུའི་ཤ་ཁྲག་ལ་སོགས་རྫས། །མདའ་འཕང་ནག་པོའི་ཚོགས་བཤམས་ལ། ཧཱུྃ། །ཡེ་ཤེས་དབྱིངས་ཀྱི་མ་མོའི་རང་རྩལ་ལས། །སྲིད་པའི་བདེ་སྡུག་ལེགས་ཉེས་སྟངས་འཛིན་པ། །ཨེ་ཀ་ཛཱ་ཊི་ནག་མོ་རེ་མ་ཏི། །དབང་མོ་ཉེར་བརྒྱད་ལས་མཁན་སྤྲུལ་པར་བཅས། །ནག་སྨུག་ཚོགས་ཀྱི་གནམ་ས་བར་སྣང་ཁྱབ། །སྣ་ཚོགས་མདོག་ལྡན་འབུམ་སྡེ་འབུམ་སྡེའི་འཁོར། །སྣང་སྲིད་མ་མོ་དཔལ་མོ་འདྲེ་མོར་བཅས། །ཁྲོས་པའི་ཁ་རླངས་སྤྲིན་གྱི་བུ་ཡུག་ཅན། །ནད་བདག་མ་མོའི་སྡེ་ཚོགས་ཐམས་ཅད་ཀུན། །དེ་རིང་སྤྱན་འདྲེན་གནས་འདིར་བྱོན། །མདོས་བདག་ཆེན་པོ་མདོས་བཞེས་ཤིག །༈ །དམ་སྲི་ལ་ནི་སྔགས་པ་དང་། །དགེ་སློང་སྟག་གཤར་བུད་མེད་གཟུགས། །ཟན་ཆངས་མར་མེ་ཤ་ཁྲག་སོགས། །ཇི་ལྟར་འབྱོར་པའི་བརྔན་ཆས་བཤམས། ཧཱུྃ། །དུག་ལྔའི་རང་གཟུགས་དུས་ངན་ཐ་མ་ལ། །དཀར་པོའི་ཆོས་ལ་འཚེ་བྱེད་དམ་སྲིའི་ལུས། །

― MR07_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་བན་སྐྱེས་པ་བུད་མེད་ཚུལ་འཛིན་ཅིང་། །ཡུལ་ཁམས་ཀུན་ཉུལ་འགྲོ་ལ་གནོད་པ་བྱེད། །དམ་སྲི་འབྱུང་པོའི་སྡེ་ཚོགས་ཐམས་ཅད་ཀུན། །དེ་རིང་མདོས་ལ་འབོད་པས་ན། །ད་ལྟ་ཉིད་དུ་འདིར་ཤོག་ལ། །མདོས་བདག་ཆེན་པོ་མདོས་བཞེས་ཤིག ༈ །འགོང་པོ་ལ་ནི་བཤོས་ཟླུམ་དང་། །ཟན་ཆངས་ཏིང་ལོ་ཟན་ཧྲུལ་རིགས། །རུས་ཀོག་སྐྱེམས་ལད་བཅས་པ་བཤམས། ཧཱུྃ། །སེར་སྣའི་རང་གཟུགས་ལྟོག་འགོང་ཡི་དྭགས་ལུས། །མ་ངེས་གཟུགས་ཅན་ཡུལ་ཁམས་ཀུན་ཏུ་རྒྱུ། །ཟས་ལ་འཁྲི་ཞིང་སྲིས་ལ་རྐུ་བྱེད་ཅིང་། །དཔལ་ལ་གནོད་ཅིང་ནོར་ལ་རྔམས་པར་བྱེད། །ཚེ་ལ་འཇབ་ཅིང་དོན་ལ་བར་གཅོད་པའི། །བསེ་རག་འགོང་པོའི་སྡེ་ཚོགས་ཐམས་ཅད་ཀུན། །དེ་རིང་མདོས་ལ་འགུགས་བྱེད་ཀྱིས། །ད་ལྟ་ཉིད་དུ་འདིར་ཤོག་ལ། །མདོས་བདག་ཆེན་པོ་མདོས་བཞེས་ཤིག །༈ །མོ་གདོན་འདྲེ་མོ་བཀར་བའི་རྫས། །རྫ་ནག་ནང་དུ་བུད་མེད་ནི། །ནག་མོའི་གཟུགས་བྱས་དེ་ལ་ནི། །ལུག་ནག་མགོ་བོར་དར་གྱིས་བརྒྱན། །མེ་ལོང་བཏགས་པ་དག་དང་ནི། །བོང་བུ་ནག་པོར་རེ་ཁལ་ཅན། །ནང་དུ་ཚ་དང་རམ་པ་བླུག །ར་ཤ་ཟན་དུམ་འབྲང་རྒྱས་ནག །ངར་མི་མདའ་འཕང་ནམ་མཁའ་ནག །ཁྱི་ཕག་བྱེ་ལེབ་བྱེའུའི་གཟུགས། །ལྟག་འཁོར་རུས་པ་སྲེ་ལོང་དང་། །ཤ་ཁྲག་སྣ་ཚོགས་གླུད་བཤམས་ལ། ཧཱུྃ། །འདོད་ཆགས་

― MR07_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གཟུགས་མོ་གདོན་འདྲེ་མོ་ནི། །དམ་ཉམས་དབང་གིས་དམར་བརྒྱན་མ་ལ་སོགས། །སྣ་ཚོགས་རྫུ་འཕྲུལ་གནོད་པ་བྱེད་པ་རྣམས། །གནས་འདིར་འཁྲི་བའི་ཁོ་ཐག་བཅད་པའི་ཕྱིར། །རང་སྐལ་མདོས་ལ་ད་ལྟ་འགུག་བྱེད་ན། །དབང་དྲག་པདྨའི་བཀའ་ཡིས་མྱུར་དུ་ཤོག །མདོས་བདག་ཆེན་པོ་མདོས་བཞེས་ཤིག །༈ །མཐར་གཤེགས་སུ་གསོལ་བ་ནི། བྷྱོ། །ད་ནི་བདུད་ཀྱི་སྡེ་ཚོགས་རྣམས། །དེང་འདིར་བདེན་པའི་ཚིག་ལ་ཉོན། །དང་པོ་རྡོ་རྗེ་འཆང་གི་བཀའ། །བར་དུ་ཕྱག་ན་རྡོ་རྗེའི་ལུང་། །ཐ་མ་པདྨ་ཐོད་ཕྲེང་གསུང་། །སོ་སོར་ཁ་བསྒྱུར་བྱ། ད་ལྟ་རྣལ་འབྱོར་བདག་གི་ཚིག །བཀའ་དང་དམ་ལས་མ་འདའ་བར། །བགེགས་ཀྱི་བདག་པོ་ཁྱེད་རྣམས་ཀྱིས། །མཆོད་སྦྱིན་བཟང་པོ་འདི་ཁྱེར་ལ། །ལྟོས་པ་རྣམས་ལ་གྲོགས་ཀྱང་མཛོད། །ཞེ་སྡང་ངན་པ་ཞི་བར་གྱིས། །རྒྱུ་སྦྱོར་ཡོན་གྱི་བདག་པོ་འདི། །ཡང་ན། །རྣལ་འབྱོར་བདག་ཅག་འཁོར་བཅས་རྣམས། །ཞེས་བསྒྱུར། །བཟུང་བ་ཐོང་ལ་བཅིངས་པ་ཁྲོལ། །བསྡམ་པ་གློད་ལ་མནན་པ་ཐེག །ནད་ཀྱི་མདའ་ཕྱུངས་ཚེར་མ་དྲོངས། །གནོད་པའི་སྦྱོར་བ་ཕྱིར་བསྡུས་ལ། །ཞི་ཞིང་བྱམས་པའི་སེམས་ཀྱིས་སུ། །ད་ནི་གཤེགས་སོ་གནས་སུ་གཤེགས། །དང་པོ་

― MR07_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བའི་གནས་སུ་གཤེགས། །རིགས་དང་སྡེ་ནི་སྙེགས་ནས་གཤེགས། །རི་རབ་ཆེན་པོའི་ཁ་ལ་གཤེགས། །སྟོང་ཕྲག་དག་གི་གནས་སུ་གཤེགས། །རིན་ཆེན་སྣ་ལྔའི་འཁོར་དུ་གཤེགས། །རྒྱ་མཚོ་ཆེན་པོའི་ཕ་མཐར་གཤེགས། །མུ་མེད་ནམ་མཁའི་གནས་སུ་གཤེགས། །གདུག་པ་ཐམས་ཅད་ཞི་བར་གྱིས། །ཕྱིན་ཆད་འཁོར་འདིར་མི་གནོད་པར། །ཕྱོགས་བཅུའི་སངས་རྒྱས་དབང་གྱུར་ལ། །མི་མཆོག་རྣམས་ཀྱིས་མཁྱེན་མཛད་དེ། །རྡོ་རྗེ་འཛིན་རྒྱལ་བཀའ་ཡིས་ནི། །ཞི་དང་བཀྲ་ཤིས་བདེ་ལེགས་མཛོད། །བཛྲ་མུཿ །ཞེས་པའང་རྒྱུད་ལྷ་འདྲེ་སྟོང་གི་དྲྭ་བ་སོགས་ལས་སྙིང་པོ་བཏུས་ཏེ་མི་ཕམ་བས་སྦྱར་བ་མངྒ་ལྃ། ༈ །མདོས་ཀྱི་འདོན་འགྲིགས་ལ། དང་པོར་ཡི་དམ་སོགས་སྔོན་དུ་བཏང་། དེ་ནས་མདོས་བྱིན་རླབས་སྔགས་དྲུག་ཕྱག་དྲུག །ན་མོ་སངས་རྒྱས་རྐང་གཉིས་ནས། དེ་སྲིད་དུ་ནི་གནས་པར་མཛོད་བར། དེ་ནས་བདུད་སོགས་གང་བྱེད་དེའི་མདོས་སྨྲེང་། མདོས་བདག་ཆེན་པོ་སོགས་དང་བཅས་པ་བཏང་། དེ་ནས་མདོས་རྒྱས་པ་ལ། བྷྱོ་རྣལ་འབྱོར་དབང་ཕྱུག་སོགས་སྤྱི་དང་། ངར་གླུད་སྲོག་ཆགས། རྒྱལ་མཚན་གྱི་འཕྱོངས་སོགས་དང་མར་མེའི་འཕྱོངས་སོགས་གང་འདོད་སྦྱར། སླར་ཡང་སཾ་བྷ་ར་ཅི་རིགས་མཚན་བཞི་བཅས་ཀྱི་རྗེས་སུ། བདུད་སོགས་སོ་སོའི་མདོས་སྨྲེང་དང་། ཡང་སཾ་བྷ་ར་དང་མཚན་བཞིའི་རྗེས་

― MR07_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ཤོག་ལྷེབ་གཅིག་མི་ཚང་།

― MR07_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པའི་ཡོན་ཏན་ཀུན་ལྡན་དང་། ཡང་སཾ་བྷ་ར་སོགས་རྗེས། ཁྱེར་ཅིག་སྦྱར་བ་སྟེ་དེ་ལྟར་ཅི་རིགས་གྲངས་བསོགས་པའི་ཐ་མར་གླུད་རྫོངས་ཚང་བར་བསྟབ་སྟེ། མདོས་གཞུང་གི །སྔོན་ཚེ་ལྷ་དབང་བ་དང་རྗེས་སྨྲེང་གི་མཇུག་གི་གཤེགས་གསོལ་བྱས་ནས་མདོས་གཞུང་གི །བདག་གིས་དེ་རིང་སོགས་འདོན། དེ་ནས་ནང་དུ་ལོག་ལ་མདོས་གཞུང་གི་རྒྱལ་དབྱངས་འདོན་ཅིང་བཀྲ་ཤིས་བརྗོད། ཡི་དམ་དང་ཆོས་སྐྱོང་གི་ལས་མཇུག་བསྡུའོ་མི་ཕམ་པས་སོ། །མངྒ་ལཾ། །

མདོས་ཀྱི་བསྔོ་བའི་འཕྱོངས།

― MR07_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་ཀྱི་བསྔོ་བའི་འཕྱོངས་བཞུགས་སོ། །བྷྱོཿ །རྣལ་འབྱོར་དབང་ཕྱུག་བདག་ཅག་གིས༔ དགའ་རྒུ་བསགས་ནས་མཐུན་རྒུ་བསྡེབས༔ དཀའ་བ་མི་ལ་བཙལ་བའི་མདོས༔ སྲ་བ་བྲག་ལ་བརྐོས་པའི་མདོས༔ སྔགས་དང་ཕྱག་རྒྱས་བྱིན་གྱིས་བརླབ༔ ཏིང་འཛིན་དག་པས་འདོད་རྒུར་བསྒྱུར༔ མདོས་བཅས་དེ་ནི་བདར་བདར་ནས༔ སྐྱེས་པ་དམག་ལ་ཆས་པ་འདྲ༔ མདོས་བཏགས་དེ་ནི་བརྒྱན་བརྒྱན་ནས༔ ན་ཆུང་བག་མར་ཆས་པ་འདྲ༔ མདོས་བྲི་དེ་ནི་བཀོད་བཀོད་ནས༔ སྟག་གཟིག་ཚང་ནས་ཐོན་པ་འདྲ༔ ཀྱེ༔ དྲེགས་པའི་ལྷ་འདྲེ་སྡེ་དཔོན་བཅས༔ སྲིད་པའི་མདོས་ཆེན་འདི་ལ་གཟིགས༔ འཕན་གདུགས་ནམ་ལྗང་གུང་ལ་ལྟོས༔ ཟ་འོག་གུར་ཁྱིམ་ཕུབ་པ་འདྲ༔ ཤིང་རིས་མང་པོ་བྲིས་ལ་ལྟོས༔ འཇིག་རྟེན་སྲིད་པ་མཁའ་ལ་ཤར༔ མདའ་འཕང་མང་པོའི་ཁྲིས་ལ་ལྟོས༔ མཁའ་ལ་འཇའ་ཚོན་འཁྱིལ་བ་འདྲ༔ རི་རབ་གླིང་བཞི་གླིང་ཕྲན་བཅས༔ མཐུན་པའི་ཡས་དང་རྫས་ཀྱིས་བསྐོར༔ ལྷ་སྲིན་དམ་རྫས་གཉེན་པོ་བསགས༔ འདི་ལྟ་བུ་ཡི་མདོས་ཆེན་འདི༔ བདག་དང་རྒྱུ་འབྱོར་འཁོར་བཅས་ཀྱི༔ ཚེ་དང་སྲོག་གི་གླུད་དུ་འབུལ༔ ཆུང་བ་སྲིད་ཀྱི་སྐྱིན་དུ་འབུལ༔ ཡུལ་དང་

― MR07_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་གྱི་དོད་དུ་འབུལ༔ ནོར་དང་རྫས་ཀྱི་སྐྱིན་དུ་འབུལ༔ ནད་གདོན་ཞི་དང་ཚེ་བསོད་རྒྱས༔ སྲིད་གསུམ་དབང་བསྡུས་དགྲ་བགེགས་སྒྲོལ༔ བཅོལ་པའི་ཕྲིན་ལས་འདི་རྣམས་སྒྲུབས༔ དུས་ལ་བབས་སོ་སཱ་མཱ་ཡ༔ ཞེས་དང་སྤྱིར་འབུལ་བ༔ ཀྱེ༔ དྲེགས་པ་ལྷ་ཆེན་ཚུར་གསོན་དང་༔ རྣལ་འབྱོར་དབང་ཕྱུག་བདག་ཅག་གིས༔ འབྱུང་བ་ལྔ་དང་འབྲུ་སྣ་ལྔ༔ རིན་ཆེན་ལྔ་དང་རབ་སྦྱར་ཏེ༔ སྲིད་པ་ལུགས་དང་མཐུན་པ་ལ༔ གླིང་བཞི་གླིང་ཕྲན་རི་རབ་བཅས༔ དྲེགས་པའི་དམ་རྫས་གཉེན་པོ་བསགས༔ འདོད་ཡོན་ལྔ་ཡི་འོད་ཟེར་འཕྲོ༔ ཁྱེད་ཀྱི་ཐུགས་དམ་གཉེན་པོ་བསྐང་༔ ཕོ་གླུད་གཡས་ནས་ཤ་ར་ར༔ མོ་གླུད་གཡོན་ན་གྱི་ལི་ལི༔ ཆུང་གླུད་མདུན་ན་ཁྲབས་སེ་ཁྲབ༔ མཛེས་པའི་རྒྱན་ཆ་མང་པོས་བརྒྱན༔ སྙན་པའི་སྒྲ་སྐད་སི་ལི་ལི༔ འདོད་ཡོན་རྣམ་ལྔ་ཆར་ལྟར་འབེབ༔ ཁྱེད་ཀྱི་ཐུགས་དམ་གཉེན་པོ་བསྐང་༔ རྣལ་འབྱོར་འཁོར་དུ་གཏོགས་པ་ལ༔ གནོད་བྱེད་དམ་ཉམས་དགྲ་བགེགས་ཟློག༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ ཞི་རྒྱས་དབང་དྲག་ལས་བཞི་སྒྲུབས༔ དུས་ལ་བབ་པོ་ས་མ་ཡ༔ ཞེས་བསྔོ༔ ཁྱད་

― MR07_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སྐོང་གི་འཕྱོངས་ལ། ངར་གླུད་ནི། ཀྱེ༔ ངར་གླུད་སྨྲ་ཤེས་འགྲོ་མཁས་འདི༔ འབྱུང་བ་ལྔ་དང་རིན་ཆེན་ལྔ༔ འབྲུ་སྣ་ལྔ་ལས་གྲུབ་པ་ཡི༔ མི་བས་གླུད་བཟང་མདངས་དང་ལྡན༔ རྫས་བས་བག་དྲོ་ཐིབས་སེ་ཐིབ༔ རྒྱུ་ནི་རིན་ཆེན་འབྲུ་སྣ་ལྔ༔ རྐྱེན་ནི་སྔགས་དང་ཕྱག་རྒྱས་བསྒྱུར༔ ཏིང་འཛིན་དག་པས་རབ་ཏུ་ཚིམ༔ སྐུ་གསུང་ཐུགས་ལ་མར་མེ་གསུམ༔ དབང་པོ་ལྔ་ལ་འབྲུ་སྣ་ལྔ༔ རྣམ་ཤེས་བརྒྱད་ལ་འབྲུ་སྣ་བརྒྱད༔ དྲེགས་པ་ལྷ་འདྲེའི་སྤྱན་ལམ་དུ༔ རེས་འགའ་སྐྱེས་པ་བརྒྱ་རུ་བརྫུ༔ བྲོ་བརྡུང་གར་བྱེད་ཁྲབས་སེ་ཁྲབ༔ སྐྱེས་པ་ཕོ་ཡི་གླུད་དུ་འབུལ༔ རེས་འགའ་མོ་བཙུན་བརྒྱ་རུ་བརྫུ༔ གླུ་ལེན་ངག་སྙན་ཀྱུ་རུ་རུ༔ ཟ་མ་མོ་ཡི་གླུད་དུ་འབུལ༔ རེས་འགའ་ཁྱེའུ་ཆུང་ཟུར་ཕུད་ཅན༔ རྩེ་བྲོ་གད་མོ་ལྷག་གེ་ལྷག༔ སྲིད་པ་བུ་ཡི་གླུད་དུ་འབུལ༔ དྲེགས་པའི་ཐུགས་དམ་སྐྱིན་དུ་འབུལ༔ གླུད་འདི་ལྷ་སྲིན་དྲེགས་པས་བཞེས༔ མི་འདི་སྔགས་འཆང་བདག་ལ་ཞུ༔ ཆགས་ཆེ་ཉམ་ང་བཟློག་ཏུ་གསོལ༔ ༈ སྲོག་ཆགས་ཀྱི་འཕྱོངས་ནི། བྷྱོ༔ དམ་ཅན་རྒྱ་མཚོ་སྲོག་གི་གཤེད༔ མ་གཤིན་དྲེགས་པའི་ཐུགས་དམ་ནི༔ མཐུན་པའི་སྲོག་ཆགས་འདི་ཡིས་བསྐང་༔

― MR07_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་ཁྱི་ར་ལུག་གཡག་ལ་སོགས༔ རྣམ་ཤེས་ཚོགས་བརྒྱད་འདི་ལ་ཚང་༔ དབང་པོ་ལྔ་ལ་འདོད་ཡོན་འབྲོ༔ དྲེགས་པའི་ཚོགས་ཀྱི་ཐུགས་དམ་བསྐང་༔ བདག་དང་རྒྱུ་འབྱོར་འཁོར་བཅས་ཀྱི༔ ཆགས་ཆེ་ཉམས་ང་ད་བསྒྱུར་ཅིག༔ རྒྱལ་མཚན་གྱི་འཕྱོངས་ནི༔ ཀྱེ༔ དར་གྱི་རྒྱལ་མཚན་དཔའ་བརྗིད་ལྡན༔ དྲེགས་པའི་སྐུ་དང་གཉིས་སུ་མེད༔ རྣལ་འབྱོར་ལུས་ཀྱི་གླུད་དུ་འབུལ༔ ནད་དང་གནོད་པ་ཞི་བར་མཛོད༔ རྒྱང་བུའི་འཕྱོངས་ནི། བྷྱོ༔ རྒྱང་ཞེས་བྱ་བ་འདོད་རྒུ་འབྱུང་༔ བུ་ནི་ཡིད་དུ་འོང་བ་ཡིན༔ སྙན་པའི་སྒྲ་སྐད་སི་ལི་ལི༔ རྒྱུ་སྦྱོར་ངག་གི་གླུད་དུ་འབུལ༔ དྲེགས་པའི་གསུང་དང་གཉིས་སུ་མེད༔ ཁྱེད་ཀྱི་ཐུགས་དམ་གཉན་པོ་བསྐང་༔ ནམ་མཁའི་འཕྱོངས་ནི། བྷྱོ༔ ནམ་ཞེས་བྱ་བ་ཡངས་པ་ལ༔ མཁའ་ཞེས་བྱ་བ་ཅིར་ཡང་སྣང་༔ ནམ་མཁའ་འཇའ་རིས་འོད་ཟེར་འཕྲོ༔ དྲེགས་པའི་ཐུགས་དང་གཉིས་སུ་མེད༔ རྣལ་འབྱོར་བདག་ཅག་འཁོར་བཅས་ཀྱི༔ རྣམ་ཤེས་སེམས་ཀྱི་གླུད་དུ་འབུལ༔ ཁྱོད་ཀྱི་ཐུགས་དམ་གཉན་པོ་བསྐང་༔ རྩང་གི་འཕྱོངས་ནི༔ བྷྱོ༔ དྲག་པོ་ཤིང་གི་རྩང་རྣོན་ལ༔ དམ་ཅན་དྲེགས་པའི་སྲོག་སྙིང་བཀོད༔ ཐམས་ཅད་གསོད་ཅིང་འཇོམས་པར་བྱེད༔ རྣལ་འབྱོར་སྲོག་གི་གླུད་དུ་འབུལ༔

― MR07_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་ཀྱི་ཐུགས་དམ་གཉན་པོ་བསྐང་༔ ཤིང་རིས་ཀྱི་འཕྱོངས་ནི༔ བྷྱོ༔ ཐམས་ཅད་འབྱུང་བའི་དཔག་བསམ་ཤིང་༔ སྲིད་པ་སྤྱི་དང་མཐུན་པ་ལ༔ དྲེགས་པའི་སྐུ་གསུང་ཐུགས་སུ་ཤར༔ བདག་དང་རྒྱུ་སྦྱོར་འཁོར་བཅས་ཀྱི༔ ཡུལ་ཞིང་མཁར་གྱི་གླུད་དུ་འབུལ༔ དྲེགས་པའི་ལྷ་སྲིན་ཐུགས་དམ་བསྐང་༔ ཕོ་སྟོང་གི་འཕྱོངས། བྷྱོ༔ གསེར་གྱི་ཕོ་ཤིང་སྟག་པ་ལ༔ སྤྱན་ཁྲོ་སྨ་ར་དབུ་རྒྱན་ཅན༔ སྐྱེས་པ་ཕོ་ཡི་གླུད་དུ་འབུལ༔ ཁྱོད་ཀྱི་ཐུགས་དམ་གཉན་པོ་བསྐང་༔ མོ་གདོང་གི་འཕྱོངས། བྷྱོཿ གཡུ་ཡི་གླང་མ་འཕན་བཟང་ལ༔མོ་གཟུགས་འཛུམ་མདངས་མུ་ལུ་ལུ༔ ཟ་མ་མོ་ཡི་གླུད་དུ་འབུལ༔ ཁྱོད་ཀྱི་ཐུགས་དམ་གཉན་པོ་བསྐང་༔ མདའི་འཕྱོངས་ནི། བྷྱོ༔ མོན་ཡུལ་ལྷོ་སྨྱུག་ལྡེམ་པ་ལ༔ བྱ་རྒྱལ་རྒོད་པོའི་སྒྲོ་ཡིས་བརྒྱན༔ དྲེགས་པའི་སྐུ་གསུང་ཐུགས་སུ་བཀོད༔ སྐྱེས་པ་ཕོ་ཡི་གླུད་དུ་འབུལ༔ ཁྱོད་ཀྱི་ཐུགས་དམ་གཉན་པོ་བསྐང་༔ འཕང་བཀྲའི་འཕྱོངས་ནི། བྷྱོ༔ གསོམ་ཤིང་དག་ལ་འཕང་བྱས་ནས༔ རིན་ཆེན་འཕང་ལོ་མཛེས་པས་བརྒྱན༔ འབྱུང་བ་ལྔ་ལ་འོད་ཟེར་འཕྲོ༔ ཟ་མ་མོ་ཡི་གླུད་དུ་འབུལ༔ ཁྱོད་ཀྱི་ཐུགས་དམ་གཉན་པོ་བསྐང་༔ རྡོ་རྗེ་གཙུག་ལག་གི་

― MR07_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ནས་གསུངས་པ། ཆོས་དབང་གི་གཏེར་མ་འཆར་ཁ་གནམ་སྐས་མའི་འཕྱོངས་སོ། ༈ །སྣང་གསལ་གྱི་སྐོང་གི་འཕྱོངས་ནི། ཀོང་བུ་དགུར་ཞུན་མར་གསར་བ་དགུ་བཀྲམ་ལ། རིན་པོ་ཆེའི་སྐྱོགས་ནང་དུ་གསེར་སོགས་རིན་ཆེན་ལྔ་བརྡར་བའི་ཕུད་འཐོར་ཞིང་། མདའ་བྱ་རྒོད་མ་ལ་དར་ལེབ་རྒན་བཏགས་པས་གཡབ་ཅིང་། བདག་དབང་གི་རྒྱལ་པོའི་ཏིང་འཛིན་གྱིས། རྫས་རྣམས་བྱིན་གྱིས་བརླབས་ལ། ཧཱུྃ། སྣང་བ་གསལ་བ་འོད་ཀྱི་མདོས། །སྣང་གསལ་ཆེན་པོ་འདི་ལ་ཀུན་གསོན་ཅིག། ཞེ་སྡང་ཆེན་པོ་བདུད་ཀྱི་བུ། །ང་རྒྱལ་ཆེན་པོ་བཙན་གྱི་བུ། །ཕྲག་དོག་ཆེན་པོ་རྒྱལ་པོའི་བུ། །འདོད་ཆགས་གནོད་སྦྱིན་མོ་ཡི་བུ། །གཏི་མུག་ས་བདག་ཀླུ་ཡི་བུ། །སེར་སྣ་ཡི་དྭགས་འདྲེ་བཀྲེན་བུ། །ཐེའུ་རང་ཇ་ལ་མ་སོགས་ཀུན། །སྟོན་པས་གསུང་པའི་ལུང་ལ་ཉོན། །ཁྱོད་ནི་འདྲེ་བཀྲེན་ཡི་དྭགས་ཏེ། །ལོག་ལྟའི་སེམས་དང་ལྡན་པ་ཡིས། །ལས་ངན་དག་གིས་ལུས་ངན་བླངས། །མི་ཡི་འཇིག་རྟེན་ཁྱེད་གནས་ཏེ། །ཚེ་སྲོག་དབུགས་ལ་དབང་བྱས་པས། །མནར་མེད་པ་ཡི་དམྱལ་ཆེན་སྨིན། །ད་ནི་དག་པའི་སེམས་བསྐྱེད་དང་། །སེམས་ལས་མ་གཏོགས་སངས་རྒྱས་མེད། །དུག་ལྔ་ཉིད་ཀྱང་ཡེ་ཤེས་ན། །སེམས་ཟེར་དཔྱད། དེ་ནི་སངས་རྒྱས་སེམས་ཆེན་ནོ། །མ་

― MR07_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲོད་ས་ལ་དགོད་པ་ཡིན། །ལུང་ཉོན་གདུག་པ་ཞི་བར་གྱིས། །སྣང་བ་གསལ་བ་གླུད་དུ་བསྔོ། །དང་པོ་སེམས་ཀྱི་གླུད་དེ་བཞེས། །ཁ་དོག་ཕུང་པོ་ཁམས་ཀྱི་གླུད། །དུ་བ་དབུགས་ཀྱི་གླུད་ཡིན་ཏེ། །གསལ་བ་འདི་ནི་ལུས་ཀྱི་གླུད། །བདུད་དང་བཙན་དང་རྒྱལ་པོ་དང་། །མ་བདུད་མ་ཡམ་ཐེའུ་རང་དང་། །སུམ་བརྒྱ་དྲུག་ཅུའི་ཇ་མ་ལ། །ས་བདག་ཀླུ་ཚོགས་གཉན་པོ་ཀུན། ཡུལ་ལམ་ལྷ། སྣང་གསལ་གླུད་ཆེན་འདི་བཞེས་ལ། །ཞེ་སྡང་གདུག་པ་གྲོལ་བར་གྱིས། །ཞེས་སོ། །ལྷ་འདྲེ་སྟོང་དྲའི་རྒྱུད་ལས་སོ། ༈ །མདོས་བསྔོ་ནི། ཨོཾ་ཕྱི་སྣོད་འཇིག་རྟེན་མདོས་ཁང་དུ། །ཨཱཿནང་བཅུད་སེམས་ཅན་མདོས་སུ་བཤམས། །ཧཱུྃ། སྣང་སྲིད་འདོད་རྒུའི་སྤྲིན་ཕུང་འཕྲོ༔ ཧོཿའཁོར་འདས་མཉམ་པ་ཆེན་པོར་བསྐང་། མདོས་གང་ལའང་དེའི་གཞུང་བསྲངས་ལ་འདིའི་དོན་ལ་དམིགས་བཞིན་རྫས་ཁ་སབ་ལ་འདི་ཉིད་གྲངས་བསགས་པས། མདོས་ཀྱི་གྲངས་ཚང་བ་སོགས་དོན་ཆེའོ། །ཤིང་ལུག་ཟླ་ཚེས་ལ་དྷཱིས་སོ།། །།

སྲིད་སྲུང་བྱིས་པ་འཚོ་བའི་གཏོ་བུ་མང་ལྗོན་པ།

― MR07_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་སྲུང་བྱིས་པ་འཚོ་བའི་གཏོ་བུ་མང་ལྗོན་པ་བཞུགས་སོ། །

― MR07_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མ་ཧཱ་གུ་རུ་པདྨ་ར་ཛཱ་ཡ། དལ་འབྱོར་ཆོས་ལྡན་མི་ཡི་ལུས། །རིགས་བརྒྱུད་འཛིན་པ་བྱིས་པའི་ཚོགས། །འཚོ་བར་གྱུར་ན་ཅིར་ཡང་དགེ། དེ་ཕྱིར་དེར་ཕན་ཆོ་ག་འབྲི། །གང་དུ་བྱིས་པ་སྲོག་འཚོ་བར་འདོད་ན་བཙས་མ་ཐག་ཏུ་རྟེན་འབྲེལ་བྱ་བ་དང་། སྲོག་གཏའ་བསྡོམ་པ། ལྷ་ལ་བཏགས་པ་གསུམ་བྱས་ན་ཡུན་རིང་འཚོ་ཞིང་བཀྲ་ཤིས་པ་དང་རིགས་བརྒྱུད་འཕེལ་བར་བྱེད་པས་ཤིན་ཏུ་གལ་ཆེ་ལ། སྲི་ཅན་གྱི་རིགས་ཡིན་ཀྱང་གེགས་ལས་ཐར་བར་བྱེད་དོ། །དེ་ལ་ཆོ་ག་རྒྱས་སྤྲོས་སྣ་ཚོགས་ཡོད་ཀྱང་འདིར་རྒྱུ་དང་མན་ངག་གི་གདམས་པ་ཟབ་མོའི་སྙིང་པོ་བརྗོད་ན། དང་པོར་མངལ་ཆགས་པ་དང་། ལྟེ་བ་བསྒྱུར་བ་སོགས་དགོས་ན་གཞན་ལས་ཤེས་པར་བྱ། བཙས་འཕྲལ་བ་མོ་རྒྱུད་བཟང་གི་འོ་དྲོན་དང་གཟུངས་ཆུས་ལུས་བཀྲུ། བཟང་དྲུག །གི་ཝཾ། གླ་རྩི། གུ་གུལ། ཤུ་དག། རུ་རྟ། ཨ་རུ་ར། ཨུཏྤལ་སྔོན་པོ། པདྨ་དཀར་པོ།

― MR07_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

ཙན་དན་དཀར་པོ། བྱང་སེམས་དཀར་དམར་དངོས་མ་རྙེད་ན་ཅོང་ཞི་བྲག་ཞུན་གྱིས་རུང་། གསེར་དང་ག་པུར་བཅས། ཆོས་སྨན་དང་བློ་འཕེལ་རིལ་བུ་སོགས་དམ་རྫས་གང་རྙེད་བསྲེས་ལ་བུར་སྦྲང་གིས་རིལ་བུར་དྲིལ་བ་རྩ་གསུམ་སྔགས་ཀྱི་བྱིན་གྱིས་བརླབ་པའི་རྫས་དེ་ཆུར་སྦྱང་ནས། བྱིས་པ་ལ་རེག་སྤྱོད་མ་བྱས་གོང་དུ། ལྕེ་སྟེང་ཐིག་པ་གཅིག་བཞག་བྱུང་ན་ཧྲཱིཿཐེལ་གདབ། ཕྱིའི་ལུས་ཀྱི་གནས་ལྔ་སྒོ་དགུར་བྱུག། །ནང་དུ་རྐན་མར་དང་སྦྱར་ལ་བཏང་བས། ཚེ་རིང་སྲོག་སྲ་སྟོབས་སོགས་འཕེལ། ནད་གདོན་གྱིས་མི་ཚུགས་བཀྲ་ཤིས་པ་སོགས་ཡོན་ཏན་ཤིན་ཏུ་ཆེ་བས་པདྨ་གཅེས་ཕྲེང་དང་། བལ་པོ་ཧཱུྃ་ཀ་རའི་མན་ངག། །བླ་མ་དགོངས་འདུས་ཀྱི་ཁྱེའུ་འཕེལ་བྱེད་ཀྱི་རྫས་གསུམ་ཚང་བ་འདི་ཡིད་བཞིན་ནོར་བུ་ལྟ་བུའོ། །རྫས་དེས་ཞག་བདུན་བར་དུ་དེ་ལྟར་བྱའོ། །སྲུང་བའི་རྫས་ནི་རིག་པ་མཆོག་གི་རྒྱུད་ལས། གསེར་དང་ལུང་

― MR07_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་བོ་དྷི་ཙེ། རྡོ་ལིག་བུ་མིག །གི་ཝཾ། ཤུ་དག། གྲོ་ག། སྦྲང་དང་མར་རྣམས་གང་གི་ཁྱིམ་དུ་ཡོད་པ་དེར་བུད་མེད་དང་བྱིས་པ་སྲུང་བར་བྱེད་ཅེས་གསུངས་པས། འདི་རྣམས་ཁྲོལ་བུ་སྐེ་ལ་བཏགས། སྦྲང་དང་མར་ཟས་སུ་བྱིན། གྲོག་ལ་རིག་སྔགས་ཟབ་མོ་གང་འདོད་བྲིས་ལ་བཏགས། མ་རྙེད་ན་རྫས་རྣམས་རིལ་བུར་དྲིལ་ལ་འཆང་པས་ཀྱང་ཆ་མཐུན་གྲུབ་བོ། །སྲོག་གཏའ་བསྡམ་པ་ནི། བལ་པོའི་མན་ངག་གི་བཅས་ཆོག་དང་། ལྷ་མོ་བུ་རྫི་མའི་རྟེན་མདོས་ཁོག་བསྡེབ་ཏེ་བྱ་བ་ལ། བྱིས་པའི་སྲོག་རྟེན་སྲོག་མདོག་གི་དར་རམ་གྲོ་གའམ་ཤོག་བུར། ལྟེ་བ་མུ་ཁྱུད་ཅན་ལ། ལྟེ་བའི་དབུས་སུ་སྲོག་གི་ས་བོན་ནྲི་དང་ཧྲཱིཿདེའི་ཐ་མར་ཡེ་ཤེས་ལྔའི་ས་བོན་ཨོཾ་ཨཱཿཧཱུྃ་སྭཱ་ཧཱ་སྟེ། དཔའ་བོ་འབྲུ་ལྔ་ཡིག་མགོ་ཕྱིར་བསྟན་གཡས་སྐོར་དུ་བསྐོར། མུ་ཁྱུད་རྩིབས་ལྔ་ལ་འགོ་བའི་ལྷ་ལྔའི་ས་བོན། ཨཱ་ཡུ་ཥེ་ཛྙཱ་ན། ཞེས་པའི་འབྲུ་ལྔ་བཀོད། རྒྱས་པར་སྤྲོ་ན་དེའི་ཕྱི་རོལ་མུ་ཁྱུད་ལ་ཕྱག་རྡོར། མི་གཡོ་བ། སོར་འབྲང་སོགས་ཀྱི་རིག་སྔགས་དང་། གང་འདོད་ལྷའི་སྔགས་དབྱངས་གསལ་རྟེན་སྙིང་སྲུང་ཤམ་བཅས་སྤེལ་བ་སྲོག་གི་འཁོར་ལོ་སྟེ། དམ་རྫས་བྱུགས་ལ་ལྟེ་བ་ནས་སྲོག་གི་མ་མདོག་གི་སྲིད་བུས་དཀྲི་ཞིང་རབ་གནས་བྱ། སྲོག་རྟེན་དུ་ཞང་ལྷ་བརྟེན་བྱེད་ཞང་པོའམ་བཀྲ་ཤིས་པའི་ལག་ནས། མདའ་བླང་ལ་བུ་ཡི་སྲོག་རྟེན་དང་། འཕང་ལ་བུ་མོའི་སྲོག་རྟེན་བྱ། ཕྱིང་དཀར་

― MR07_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

རམ་སྣམ་དཀར་ཁུག་མའི་ནང་། ཕ་མའི་དོར་རྟའམ་སྨད་གོས་དུམ་ནང་། དུག་རིགས་མེད་པའི་སྨན་སྣ་དང་རིན་ཆེན་ཕྱེ་མ། བཀྲག་མདངས་མི་ཉམས་པའི་ཕྱིར། དར་དམར། མགྲོན་བུ། མ་་སྲུའི་བླ་མི་འཁྱམ་རྟེན་ཁྲབ་བྱང་མིག་དགུ། བླ་གཡུ་རྣམས་བཅུག །མ་ལྷ་སྲོག་ལྷའི་རྟེན་བྱང་ཡིན་བརྟན་བྱེད་མ་ཡི་ཁབ། སྲོག་བརྟན་བྱེད། ལེའུའི་ཕྲེང་ལུང་། དམ་རྫས་གང་རུང་། ཕ་ལྷ་བརྟན་བྱེད་ཕའི་རྣ་རྒྱན་ནམ་ཡོ་བྱད། ཡུལ་ལྷ་བརྟན་བྱེད་ཡུལ་གྱི་འཕན་པོའི་འབུག་གམ་མདེའུ་ཡང་ན་བླ་རྡོ། ཚེ་མི་ཉམས་པའི་ནས་སྐྱོན་མེད་འབྲུ་ཆ་ཤས། བདུན་ནམ། ལུས་མི་འགྱུར་བའི་རིགས་བཟང་ནི་གུའི་རྒྱན་ཕོ་ཡང་ན་ཕའམ་ཕ་སྤུན་གྱི་མདེའུ་འམ་མདུང་ལྕགས། ཞང་ལྷ་ཞང་པོའི་མདེལ། དགྲ་ལྷའི་རྟེན་ཡུལ་མི་བཀྲ་ཤིས་སྟོབས་ལྡན་གྱི་ལག་ནས་བྱུང་བའི་ལྕགས་རིགས། ཡུལ་གྱི་གཞི་བདག་གི་མགུལ་ནས་བླང་པའི་བླ་རྡོ། ཕ་སོགས་ད་ལྟ་མེད་ན་དེའི་རིགས་བརྒྱུད་ནས་བླངས་པས་ཆོག་གཏེར་མ་སྣ་ཚོགས་ན་འདུག་མཆན་ནོ། །ཤིང་མོ་ཤིང་བུ་ཤིང་ལས་བླ་ཡི་ཕུར་པ་སོར་བཞིའམ་ཡང་ན་མ་ཤིང་གི་གཞུ། བུ་ཤིང་གི་མདའ་གཉིས། ལུག་ཕོ་མོའི་སོག་བལ་གྱི་སྐུད་པས་བཅིངས་ཏེ་བཅུག་པ་བླ་སྲོག་གི་རྟེན་ནོ། །སྲོག་འཁོར་དང་བླ་རྟེན་དེ་དག་མདའ་ལ་གདགས་ལ། ནས་དཀར་བྲེ་གང་གི་ནང་དུ་བཙུགས་པ་སྲོག་གཏའ་

― MR07_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

འོ། །ལྷ་ལ་བཏགས་པ་ནི། ཁམ་སའམ་ཟན་ལས་རི་རབ་བང་རིམ་བཞི་སྟེང་ལྷ་མོ་བུ་རྫི་མ་སྐུ་མདོག་དཀར་དམར་དར་དཀར་ན་བཟའ་གསོལ་བ། སྤྱི་གཙུག་དུང་གི་ཐོར་ཚུགས་ཅན། མཆན་ན་ནེའུ་ལེ་རྐྱལ་པ། ཞབས་ལ་དབང་གི་ལྕགས་སྒྲོག་འཆང་བ། ཕྱག་མཚན་ནི་བྱིས་པ་མ་སྐྱེས་གོང་ནས་རྟེན་བཅའ་ན། གཡས་བུམ་པ། གཡོན་རིན་པོ་ཆེ་བསྣམས་པ། སྐྱེས་ཚར་ནས་བྱིས་པ་པང་དུ་ཐོགས་པ་བཅའ། ཡང་ན་དར་ལ་བྲིས་ཀྱང་ཆོག་གོ །རྟེན་རྫས་ནི་མདའ་དར་ལྔ། འཕང་ལྔ། ཟངས་ཀྱི་མེ་ལོང་ལྔ། ནམ་མཁའ་ལྔ། རྒྱང་བུ་ལྔ། འབྲང་རྒྱས་ལྔ། བྱི་བ་ལྔ། སྨན་ལེབ་ལྔ། དཔལ་བཤོས་ལྔ། བྱ་ནག་ལྔ། ལུག་ནག་ལྔ་རྣམས། ཕྱོགས་བཞི་དབུས་ལྔར་བཀོད་ལ། སྟེང་དུ་དར་ནག་གི་གུར་ཕུབ། །མདུན་དུ་མཆོད་པ་ཅི་འབྱོར་བཤམས། །འཛིན་གཏོར་བཟང་པོ་གཅིག་ཀྱང་བཤམས། །ལུག་ནག་མོའམ་བྱ་ནག་མོ་གཅིག་རྟེན་དུ་བཟུང་ལ། སང་ཕོད་ལོ་དུས་བྱིས་པ་མགོ་ཐོན་པའི་གཏང་རག་བཟང་པོ་གཏོང་བར་ཁས་བླང་བྱ་ཞིང་དེ་ལྟར་གཏོང་དགོས། གོང་གི་སྲོག་གཏའ་ལྷ་མོའི་མདུན་ཕྱོགས་སུ་བཞག །རང་གིས་ཡི་དམ་གྱི་ལས་གཞུང་བསྲངས་ལ་ཆོས་སྐྱོང་གི་གསོལ་ཁ་དང་ཚོགས་བཏང་། དེ་ནས་མཆོད་པ་རྣམས་བྱིན་བརླབས་བྱས་ལ། ཀྱེ། སུམ་ཅུ་རྩ་གསུམ་དགའ་ལྡན་ལྷ་ཡུལ་ན། །ལྷ་རྣམས་རྒྱལ་

― MR07_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་ལྷ་མོ་རེ་མ་ཏི། །ལྷ་ཕྲུག་གསོ་བྱེད་ལྷ་མོ་བུ་རྫི་མ། །མཛེས་པའི་ཚུལ་སྟོན་ལྷ་མོ་དུང་སྐྱོང་མ། །ས་བརྒྱད་ནོན་པའི་སེམས་མ་རེ་མ་ཏི། །བདུད་རྩི་སྨན་གྱིས་མཚོན་ནས་སྤྱན་འདྲེན་ནོ། །ཕྱག་རྒྱ་གར་གྱིས་མཚོན་ནས་སྤྱན་འདྲེན་ནོ། །རྔ་གླིང་བཤུག་པའི་སྒྲ་ཡིས་སྤྱན་འདྲེན་ནོ། །ད་ལྟ་སྙིགས་མ་ལྔ་ཡི་དུས། །ཤཱཀྱ་སེང་གེའི་བསྟན་པ་ལ། །སྐྱེ་འགྲོ་རྨང་ལ་ཐུག་པའི་ཚེ། །སྲིའུ་གསོ་བར་ཁས་བླང་བཞིན། །གནས་འདིར་སྤྱན་འདྲེན་གཤེགས་སུ་གསོལ། །ཉི་ཟླ་པདྨའི་གདན་ལ་བཞུགས། །ཕྱི་ནང་གསང་བའི་མཆོད་པ་འབུལ། །དམ་རྫས་མདོས་ཀྱིས་ཐུགས་དམ་བསྐང་། །དེ་རིང་རྒྱུ་སྦྱོར་བུ་གཏའ་བསྡོམས། །བདག་གི་བཀའ་ཉོན་མ་བུ་མ་འབྲལ་ཅིག །སྲོག་གཏའ་གཉན་པོ་དམ་ཅན་ཁྱེད་ལ་བཅོལ། །གཏའ་ཡི་འོག་ཏུ་བུ་འདི་མ་བསད་ཅིག །ལྷ་སྲིན་སྡེ་བརྒྱད་ལག་ནས་སྲིད་ཕོག་ལ། །བུ་ཆུང་འདི་ལ་ཚེ་དཔལ་གཟི་བརྗིད་སྐྱེད། ཧོཿ བདག་གིས་ལྷ་མོ་ཁྱོད་བསྒྲུབས་པས། །ལྷ་མོ་ཁྱོད་ཀྱིས་བྱིན་གྱིས་རློབས། །བགེགས་རྣམས་ཐམས་ཅད་མེད་པ་དང་། །དངོས་གྲུབ་

― MR07_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ལུས་འབྱུང་བར་ཤོག །མ་བྷྱོ་ས་ཡ་ཡ་བྷྱོ། རུ་ལུ་རུ་ལུ་བྷྱོ། རུ་རུ་ནག་མོ་མ་ཤ་ནི། ཙ་པ་ལ་ལྷ་མོ་ཡ་མ་དུ་ཧྲིང་། ཡག་ཏུ་མ་ཛ་ཛཿཞེས་བཟླ། འདིའི་ཐག་རིང་དུ་གསོས་ཀྱང་སོས་གསུངས། དེ་ཚར་ཅི་རིགས་བསྐྱར་ལ་སྔགས་ཇི་མང་བཟླ། དེ་ནས་གཏོར་མ་དང་སྐྱེམས་ཕུད་མཆོད་ལ། ཧཱུྃ་མ་མོ་ཨེ་ཀ་ཛཱ་ཊི་མ། ཕྱག་བརྙན་ནམ་གྲུ་རེ་མ་ཏི། འཁོར་དང་བཀའ་ཉན་བཅས་པ་ལ། །དམ་རྫས་བདུད་རྩིའི་གཏོར་མ་འབུལ། །བུ་འདིའི་ཚེ་སྩོལ་སྲོག་སྐྱོབས་ཤིག །ནད་གདོན་བྱད་ཕུར་སྲི་གེག་སོགས། །མི་མཐུན་བར་ཆད་ཐམས་ཅད་སྲུངས། །མཐུན་པའི་དངོས་གྲུབ་མ་ལུས་སྩོལ། །མ་མ་ཨེ་ཀ་ཛ་ཊི་རེ་མ་ཏི་བུ་ཆུང་ལ་རཀྵ་རཀྵ་བྷྲཱུྃ། ཞེས་གྲངས་བསགས། གཏའ་དེ་ཁང་པར་རྒྱུན་བཞག་བྱ་བའམ། ཡང་ན། སླར་གཏའ་གྲོལ་ཚེ་སྲོག་གཏའ་བླ་རྟེན་རྣམས། མ་ཐང་རེའུ་སྒེ་བུའི་གསོབ་ཀྱི་ནང་དུ་བཅུག་སྟེ་རྒྱུན་དུ་བཅངས་ན་ཁྱིམ་དེར་བུ་ཚ་མི་འཆི་སོས་ཤིང་བཀྲ་ཤིས་སོ། །གཞན་ཡང་འགོ་བའི་ལྷ་ལྔ་མཆོད་པ་ཟུར་དུ་བྱས་ལ། དེ་རིང་རྨང་གི་བུ་གསོས་ཤིག །ཅེས་ཁ་བསྒྱུར་བྱ། ཚེ་ཆོག་དང་དབང་བསྐུར་བྱས་ནའང་ལེགས་ཏེ། དེས་ཅི་འདྲའི་རྐྱེན་དང་སྲི་སྐག་ཆེ་བའི་བུ་ཚ་ཡང་སོས་ངེས་སོ། །དེ་ནས་རིགས་པ་མཆོག་གི་རྒྱུད་སོགས་རྒྱུད་དུ་མ་ལས་གསུངས་པའི་ནམ་གྲུ་མའི་ཆོ་འབྲངས་དང་སྔགས་

― MR07_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་བྲིས་ནས་བྱིས་པ་གང་གི་མགུལ་དུ་བཏགས་པ་དེ་དཔག་ཚད་བརྒྱར་ཡང་ནམ་གྲུ་མས་པང་དུ་འཚོ་ཞིག་གདོན་སོགས་སྲུང་བར་གསུངས་པ་དང་། གང་དུ་བྲིས་པར་མི་ནད་ཕྱུགས་ནད་ཞི་བར་གསུངས་པ་ནི་འདི་ལྟ་སྟེ། ༈ ནམ་གྲུ་ཁྱོད་ཀྱི་མཚན་ཉིད་དང་། །ཆོ་འབྲངས་བདག་གིས་བཤད་པར་བྱ། །ནོར་བུའི་རང་བཞིན་ཁྱོད་ཀྱི་ལུས། །རྒྱབ་ནི་ཛམ་བུ་ཆུ་བོའི་གསེར། །ཁྱོད་ཀྱི་གདོང་ནི་དངུལ་ཡིན་ཏེ། །ལྟོ་བའི་ངོས་ནི་རྡོ་རྗེ་མཁྲེགས། །མིང་པོ་མཛོད་དང་མཛོད་སྲུང་གཉིས། །ཁྱོད་ཀྱི་ཕ་ནི་རླུང་ཞེས་བྱ། །ཁྱོད་ཀྱི་མ་ནི་ཀུན་འགྲོ་མ། །སྐལ་ལྡན་ཤིང་རྟ་ཁྱོད་ཀྱི་རུས། །བཱ་རཱ་ཧི་སྟེ་ཁྱོད་ཀྱི་ལུས། །ལྷ་ཡུལ་དག་ཏུ་གྲགས་པ་ཡིན། །ན་མོ་བཛྲ་པཱ་ནི་སྱི། ཙི་ལི་ཙི་ལི། བྷིནྡྷ་བྷིནྡྷ། མུཉྫ་མུཉྫ་ཧི་བྷ་ཤ་ན་ཀཾ་སྭཱ་ཧཱ། ཞེས་སོ། །འདི་གྲོ་གའམ་མ་རྙེད་ན་ཤོག་བུར་བྲིས་ཏེ་མཇུག་ནས་ཡར་དྲིལ་ལ་བྱིས་པའི་མགུལ་དུ་བཏགས་པར་བྱའོ། །ཡང་རྟ་མགྲིན་རྔོག་མ་ལེབ་རྒན་གྱི་རྒྱུད་ལས་སྲིའུ་གསོ་ཕྱིར་དུར་ཁྲོད་ལྷ་མོས་བགེགས་གཞོམ་ཤིང་སྲུང་སྐྱོབ་བྱེད་པའི་སྔགས་གསུངས་པ། ཨ་མ་བ་སུ་པཱ་ཀཾ་བ་སུ་ཛོ་མོ་ཕེ་ཊཱི་དུ་པ་སུ། སྔགས་ཀྱི་རྒྱལ་པོ་འདི་གོང་དུ་བསྙེན་པ་མ་བྱས་ཀྱང་། མ་ཡིས་

― MR07_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

རྟག་ཏུ་འདི་བཟླས་ན། འཇིགས་པ་ཐམས་ཅད་འགོག་པར་བྱེད། རྡོ་རྗེ་དྲི་ཆུའི་ཐིག་ལེ་བྱ། །འདིས་ཕྱིར་རྒོལ་བ་ཐམས་ཅད་རྨོངས་པར་བྱེད། །ལོགས་པར་ཕྱོགས་པ་ཐམས་ཅད་སྔངས་པར་བྱེད། །བཅིངས་པས་བཟླས་ན་བཅིངས་པ་གྲོལ་བར་བྱེད། །སྨྲ་བར་འདོད་ན་མི་འཇིགས་པ་ཐོབ་པར་བྱེད་ཅེས་གསུང་པའི་སྔགས་ཁྱད་པར་ཅན་ནོ། །ཐབས་འདི་ཁོ་ནས་ཀྱང་སྲིའུ་འཚོ་བར་ངེས་ཀྱི་འོན་ཀྱང་ལས་ཀྱི་སྲི་སྐག་ཅན་གྱི་རིགས་ལ། ལན་ཆགས་བྱང་ཕྱིར་ཆུང་གླུད་བཏང་བ་དང་། ཆུང་སྲི་མནན་པར་བྱ་བ་ལས། དང་པོ་གདོན་ཆེན་བཅོ་ལྔའི་མདོས་རྒྱས་པར་གཞན་ལས་འབྱུང་བ་ལྟར་བཏང་། བསྡུས་ཙམ་གྱི་ཆུང་གླུད་བསྔོ་བ་ནི། སྐྱེས་བུ་བྱ་ཡི་གདོང་ཅན་ལ་བཤོས་བུ་བཅོ་ལྔས་བསྐོར། མདུན་དུ་ཆུང་གླུད་ཇི་མང་། མཐེབ་ཀྱུ་ལན་ཆགས། ཏིང་ལོ། ཤ་སོགས་ཟས་སྣ། བྱེའུ་ཆུང་བཅུ་གསུམ་མམ་བདུན་གྱི་གཟུགས་སོགས་གླུད་རྫས་ཅི་འབྱོར་བཤམས། རང་ཉིད་གཞན་ལ་གྲ་ལྔ་ཀློག་ཏུ་བཅུག །མཆན། སྟོང་ཆེན་རབ་འཇོམས་མའི་ཐུགས་ཀར་བྷྲཱུྃ་གསལ་ལ། ཨོཾ་ཨ་མྲྀ་ཏེ་ཨ་མྲྀ་ཏ་ཝ་རེ་ཝ་རེ་ཝ་རེ། པྲ་ཝ་རེ་བི་ཤུདྡྷེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཅི་མང་བཟླས། བྱིས་པ་ལ་གདགས་རྒྱུའི་སྲུང་སྐུད་ཀྱང་བསྔགས། དེ་ནས་མདོས་རྫས་རྣམས་སྔགས་དྲུག་ཕྱག་དྲུག་གིས་ཅི་འདོད་པའི་དངོས་པོ་

― MR07_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

འཛད་པ་མེད་པར་བྱིན་གྱིས་བརླབ་ནས། སོར་འབྲངས་གཞན་གྱིས་མི་ཐུབ་པའི་སྙིང་པོ་བཀའ་ལས་སོ། །བཀའ་དང་སྡུར་རོ། །ཊཀྐི་རཱ་ཛས་བྱིས་པའི་གདོན་ཐམས་ཅད་བཀུག་ལ། ཧཱུྃ། བྱིས་པའི་གདོན་ཆེན་བཅོ་ལྔ་འཁོར་དང་བཅས། །མངལ་མི་ཆགས་དང་མངལ་ན་གནས་པ་འཕྲོག །བྱིས་པ་རྣམས་ལ་འཚེ་ཞིང་འཇིགས་བྱེད་ཚོགས། །མདོས་དང་གླུད་ལ་སྤྱན་འདྲེན་གཤེགས་སུ་གསོལ། །སྔོན་ཚེ་འཇིག་རྟེན་མགོན་པོའི་དྲུང་། །མདོ་སྡེའི་རིག་སྔགས་འཆང་བ་ཡི། །བྱིས་པ་འགུམ་པར་མི་བགྱི་ཞེས། །དེ་སྐད་ཁས་བླངས་དྲན་གྱིས་ལ། །རྒྱུ་སྦྱོར་མིའུ་བསླུ་བའི་ཕྱིར། །མདོས་གླུད་འདི་ནི་ལེན་པར་གྱིས། །སྔོན་ཚེ་ཤཱཀྱ་ཐུབ་པའི་བཀའ། །བར་དུ་ཕྱག་ན་རྡོ་རྗེའི་བཀའ། །ཐ་མ་སློབ་དཔོན་པདྨའི་བཀའ། །ད་ལྟ་རྣལ་འབྱོར་བདག་གི་བཀའ། །བཀའ་དང་དམ་ལས་མ་འདའ་བར། །གླུད་ལོངས་འཁོར་འདིར་མ་གནོད་ཅིག །སྔགས་དང་ཕྱག་རྒྱས་བྱིན་བརླབས་པས། །མདོས་གླུད་མཁོ་དགུའི་འདོད་ཡོན་ལྡན། །དངོས་ལས་བརྒྱ་སྟོང་འགྱུར་གྱི་ལྷག །རིན་ཆེན་སྣ་ཚོགས་བྱེའུ་ཆུང་། །སྤུ་སྡུག་འཇོལ་མཁས་གསུང་སྐད་

― MR07_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན། །སྣ་ཚོགས་མཆོད་པའི་འོད་ཟེར་འཕྲོ། །བྱིས་པ་ཆུང་གི་གླུད་དུ་འབུལ། །གླུད་ཀྱི་བདག་པོས་གླུད་ལོངས་ཤིག །བུ་ལོན་ལན་ཆགས་བྱང་བར་གྱིས། །གནོད་འཚེ་གདུག་རྩུབ་ཞི་བར་གྱིས། །བཟུང་བ་ཐོང་ལ་བཅིངས་པ་ཁྲོལ། །ཕྱིན་ཆད་གནོད་པ་མ་བྱེད་ཅིག །ཞེས་བརྗོད། སཾ་བྷ་ར་དང་མཚན་གཞི་བརྗོད་ལ་མདོས་ནང་གླུད་འཕར་བསྔོས་ཏེ་གྲངས་ཅི་རིགས་བརྗོད་རྗེས། ཕྱིན་ཆད་གནོད་པ་མ་བྱེད་ཅིག་ཅེས་པའི་རྗེས་སུ། གླུད་ལོངས་རང་རང་གནས་སུ་གཤེགས། །བཀའ་དང་དམ་ལས་འདའ་བྱེད་ན། །རྡོ་རྗེ་འཆང་དབང་ཐུགས་ཁྲོས་ནས། །མགོ་བོ་དག་ནི་འགེམ་པ་དང་། །རིག་སྔགས་ཆད་པས་རྟག་ཏུ་མནར། །དེ་བས་རང་གི་གནས་སུ་སོང་། །ཕྱིན་ཆད་འཁོར་འདིར་མ་གནོད་ཅིག །གཙྪ་ཕཊ། ཅེས་བརྗོད་ལ་མདོས་བསྐྱལ། ཧཱུྃ་བཞིའི་སྔགས་ཀྱིས་བསྐྲད་ཅིང་སྲུང་འཁོར་བསྒོམ་སྲུང་སྐུད་གདགས་པར་བྱའོ། །ཆུང་སྲི་མནན་ཐབས་རྒྱས་པར་གཞན་དུ་གསལ། བསྡུ་ན། ཡི་དམ་ཕུར་པ་སོགས་གང་རུང་གི་ལས་གཞུང་བསྲངས་ལ། ཨེ་ཁང་རྩང་བསྐོར་ནང་ཆུང་སྲིའི་ལིངྒ་བཞག་རང་གི་ཐུགས་འོད་ཀྱི་ཁྲོ་བོ་བཅུ་བསྐུལ་བས་ཆུང་སྲི་བར་ཆད་ཐམས་ཅད་

― MR07_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

བཀུག་སྟེ་གཟུགས་ལ་ཐིམ་པར་བསམ་ལ། དགུག་གཞུག་དྲག་ཏུ་བྱ། དེ་ནས་བདག་གི་སྔགས་བཟླས་པའི་རྐྱེན་གྱིས་དམ་སྲི་ཆུང་སྲི་རྣམས་ཀྱི་སྙིང་ནང་གནམ་ལྕགས་འཁོར་ལོ་གཡས་གཡོན་དུ་ཤུགས་དྲག་འཁོར་བས་ཕུང་ཁམས་རྣམས་མྱལ་མྱལ་གཏུབ་པར་བསམ་ལ། ཡི་དམ་སྔགས་ཤམ་དུ་ཨོཾ་སརྦ་ན་ཏྲི་ནི་ཧཱུྃ་ཛ། སུ་ཏྲི་ནི་ཧཱུྃ་ཛ། རྣྲི་ཏྲི་ནི་ཧཱུྃ་ཛ། ཤན་ཏྲི་ནི་ཧཱུྃ་ཛ། ཀ་ཏྲི་ནི་ཧཱུྃ་ཛ། དམ་སྲི་ཆུང་སྲི་ཐམས་ཅད་ཀྱི་སྙིང་ལ་མཱ་ར་ཡ་རྦད་རྦད་ནན་ནན། ཞེས་ཁྲི་གཅིག་བཟླས་ལ་ཐུན་བྲབས། མཐར་ལིང་ག་སྦྱིན་སྲེག་གམ་མནན་པ་བྱ་དེས་ཆུང་སྲི་རྒྱུན་ཆོད་པར་འགྱུར་རོ། །བྱིས་པ་ལ་སྔགས་ཀྱིས་བཏབ་པའི་སྲུང་བའི་མདུད་པ་བཏགས་ཤིང་རྒྱུན་དུ་སྲུང་གུར་དུ་དམིགས། འདི་ལྟར་བྱིས་པ་གསོ་བའི་ཐབས་འདི་ལས་ཟབ་པ་མེད་དེ། ཨོ་རྒྱན་ཆེན་པོ་པདྨའི་བཀའ་ཡི་མན་ངག་མི་ཕམ་འཇམ་དཔལ་དགྱེས་པས་ས་ཁྱི་ཁྲུམས་ཟླའི་དམར་ཕྱོགས་ཚེས་བཅུ་གཅིག་ལ་བྲིས་པ་མཆོག་ཏུ་དགེ་ལེགས་དང་བཀྲ་ཤིས་འཕེལ་ལོ། །མངྒ་ལཾ། །

ཞི་གཏོར་བསྡུས་པ།

― MR07_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་གཏོར་བསྡུས་པ་བཞུགས། གསང་བ་སྤྱི་རྒྱུད་ལས་ཕྱོགས་གང་ནས་མི་མ་ཡིན་གྱི་གཟུགས་སྣང་བ་དང་། ལྗོན་ཤིང་གི་ཡལ་ག་ཆག་པ་དང་སྒྲ་ཆེན་པོ་དང་ཅེ་སྤྱང་དང་། འབྲུག་སྒྲ་དྲག་པོ་སོགས་ལྟས་སྣ་ཚོགས་བྱུང་བ་དེ་ཕྱོགས་སུ་གཏོར་མ་བྱིན་ནས་བསྲུང་བ་བྱ་བར་གསུངས་པ་ལྟར། ཆོ་འཕྲུལ་དང་བར་ཆད་ཞི་བའི་ཕྱིར་ཕྱོགས་གཏོར་རམ། ཆ་གསུམ་མམ་འབྱུང་གཏོར་སོགས་རྒྱས་པར་མ་ལྕོགས་ན་བསྡུས་པ་འདི་བྱ་སྟེ། གཏོར་ཟླུམ་མཐེབ་ཀྱུ་ཟན་ཆང་ལ་ཅི་འབྱོར་བཟའ་བཏུང་བཟང་དགུས་བསྐོར་བ་བཤམས། སྐྱབས་སེམས་ཚོགས་བསགས་ཚད་མེད་བཞི་བསྒོམ་པ་སྔོན་དུ་བཏང་ནས། སྐད་ཅིག་རང་ཉིད་འཇམ་དཔལ་དབྱངས། །མཆོག་སྦྱིན་རྡོ་རྗེའི་སྐུ་རུ་གྱུར། །གཏོར་མར་ཆབ་བྲན། སྭ་བྷཱ་བས་སྦྱངས། མི་དམིགས་སྟོང་པའི་ངང་ཉིད་ལས། །བྷྲཱུྃ་ལས་རིན་ཆེན་སྣོད་ཡངས་སུ། །ཨོཾ་ལས་གཏོར་མ་འདོད་དགུའི་གཏེར། །མི་ཟད་ནམ་མཁའ་མཛོད་དུ་གྱུར། །ཨོཾ་ཨཱཿཧཱུྃ་ཧོ། ཞེས་བྱིན་གྱིས་བརླབས། རང་གི་ཐུགས་ནས་འོད་འཕྲོས་པས། །ཕྱོགས་སྐྱོང་ཆེ་དང་འབྱུང་པོའི་ཚོགས། །བགེགས་རིགས་ཐམས་ཅད་བསྡུས་ནས་ནི། གཏོར་མ་ཕུལ་བས་དགྱེས་ཚིམ་གྱུར། ཨོཾ་ཨ་ཀ་རོ་སོགས་ལན་གསུམ་གྱིས་སོ་སོར་ཅི་འདོད་ཐོབ་པར་བསྔོས་ལ། སྟེང་མཁར་ཕྱོགས་སྐྱོང་བའི་རྒྱལ་པོ་

― MR07_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དང་བཅས། དེ་འོག་ཕྱོགས་བཅུའི་འབྱུང་བོ་གདོན་རིགས། དེ་འོག་ཕྱོགས་བཅུའི་བགེགས་རིགས་རྣམས་གསལ། །མཆན། ཧཱུྃ། ཕྱོགས་སྐྱོང་གདོན་གྱི་རྒྱལ་བོ་བཅུ། འཁོར་དང་བཅས་པ་ཐམས་ཅད་ཀྱིས། མཆོད་སྦྱིན་གཏོར་མ་འདི་བཞེས་ལ། །ཕྱོགས་ཀྱི་ཆོ་འཕྲུལ་ཞི་བར་མཛོད། །གང་དག་ས་སྟེང་འདིར་རྒྱུ་བའི། །འབྱུང་པོ་གདོན་གྱི་རིགས་རྣམས་ཀྱིས། །མཆོད་སྦྱིན་གཏོར་མ་འདི་ཁྱེར་ལ། །བར་ཆད་གནོད་ཚེ་ཞི་བར་མཛོད། །གནོད་བའི་བསམ་སྦྱོར་འཆང་བ་ཡི། །བགེགས་ཀྱི་རིགས་སུ་གྱུར་རྣམས་ཀྱིས། །མཆོད་སྦྱིན་གཏོར་མ་འདི་ལོངས་ལ། །གདུག་རྩུབ་གནོད་འཚེ་ཞི་བར་གྱིས། །བར་འདིར་སཾ་བྷ་ར་དང་མཚན་བཞི། ཁྱེར་ཅིག་ཚིགས་བཅད་སྦྱར་ཀྱང་རུང་ངོ་། །ཨོཾ། དཀོན་མཆོག་གསུམ་གྱི་བདེན་པ་དང་། །ཏིང་འཛིན་སྔགས་དང་ཕྱག་རྒྱས་མཐུས། །མགྲོན་རྣམས་སོ་སོར་ཅི་འདོད་པར། །བསྔོས་པ་བཞིན་དུ་ཚིམ་གྱུར་ཅིག །མཆོད་སྦྱིན་གཏོར་མ་བསྔོས་པ་དང་། །བླ་མེད་མཆོག་གསུམ་བདེན་པའི་མཐུས། །བདག་ཅག་འཁོར་དང་བཅས་པ་ཡི། །མི་མཐུན་འགལ་རྐྱེན་བར་ཆད་ཀུན། །བཟློག་པར་གྱུར་ཅིག་མེད་གྱུར་ཅིག །ཞི་གྱུར་རབ་ཏུ་ཞི་གྱུར་ཅིག་སྭཱ་ཧཱ། །ཞེས་བརྗོད་ལ་གཙུག་ཏོར་འབར་བའི་སྔགས་ལན་གསུམ་བཟླས་ཏེ་མི་དམིགས་པའི་ངང་དུ་བཞག་ནས་སླར་ཤིས་པ་བརྗོད་པར་བྱའོ། །དེས་རྐྱེན་ངན་ཞི་ཞིང་བཀྲ་ཤིས་བདེ་ལེགས་འབྱུང་བར་འགྱུར་རོ། །ཤིང་སྦྲུལ་ཟླ་བ་བཅུ་པའི་ཚེས་ཉེར་བདུན་ལ་མི་ཕམ་པས་བཀོད་པ་དགེའོ། ༈ །འདིར་གཏོར་མ་ཆ་བཞི་བྱེད་ན་སྣོད་སོ་སོར་དེ་ལྟར་བཤམས། བྱིན་རླབས་འདྲ། དང་པོ། རང་གི་ཐུགས་ནས་འོད་འཕྲོས་པས། །དཀོན་མཆོག་སྲི་

― MR07_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུའི་མགྲོན་རྣམས་ཀུན། །མདུན་གྱི་ནམ་མཁར་སྤྱན་དྲངས་ལ། །གཏོར་མ་ཕུལ་བས་དགྱེས་ཚིམ་གྱུར། །ཨ་ཀཱ་རོས་འབུལ། ཕྱོགས་བཅུའི་རྒྱལ་བ་རྒྱལ་སྲས་རྩ་བ་གསུམ། །དཀོན་མཆོག་སྲི་ཞུའི་མགྲོན་གྱུར་ཐམས་ཅད་ཀྱིས། །རྨད་བྱུང་མཆོད་གཏོར་དམ་པ་འདི་བཞེས་ལ། །མཆོག་ཐུན་དངོས་གྲུབ་མ་ལུས་སྩལ་དུ་གསོལ། །ཞེས་སྦྱར། གཉིས་པ་བྱིན་བས་འདྲ། རང་གི་ཐུགས་ནས་འོད་འཕྲོས་པས། །མགོན་པོ་ཡོན་ཏན་མགྲོན་རྣམས་ཀུན། །མདུན་གྱིས་ནམ་མཁར་སྤྱན་དྲངས་ལ། །གཏོར་མ་ཕུལ་བས་དགྱེས་ཚིམ་གྱུར། ཨ་ཀཱ་རོ་སོགས། དྲེགས་ཆེན་སུམ་ཅུ་དཔལ་མགོན་དོན་ལྔ་སོགས། །བཀའ་དང་བསྟན་སྲུང་ཡོན་ཏན་མགྲོན་ཀུན་གྱིས། །ལྷ་རྫས་འདོད་ཡོན་གཏོར་མའི་མཆོད་པ་བཞེས། །ཇི་ལྟར་འདོད་པའི་ལས་འབྲས་མཆིས་པར་མཛོད། །ཅེས་ཕུལ། གསུམ་པ་བགེགས་རིགས་མགྲོན་གཞུང་ལྟར་རོ། །བཞི་པ། རང་གི་ཐུགས་ནས་འོད་འཕྲོས་པས། །རིགས་དྲུག་སྙིང་རྗེའི་མགྲོན་རྣམས་ཀུན། །མདུན་དུ་བཀུག་ནས་འཁོད་པ་ལ། །གཏོར་མ་ཕུལ་བས་དགྱེས་ཚིམ་གྱུར། ཨ་ཀ་རོ་སོགས། ཟག་མེད་འདོད་ཡོན་ཀུན་དང་ལྡན་པ་ཡི། །ཡེ་ཤེས་བདུད་རྩིའི་

― MR07_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་གཏོར་མ་འདི། །རིགས་དྲུག་སྙིང་རྗེའི་མགྲོན་གྱུར་ཡོངས་ལ་བསྔོ། །སྡུག་བསྔལ་ཀུན་བྲལ་བདེ་ཆེན་མཆོག་ཐོབ་ཤོག །ཅེས་དང་མཐར་ཨོཾ་མན་ཆད་སྦྱར། ཆ་དྲུག་བྱེད་ན་དེ་ལྟར་བཤམས་སོ་སོར་བྱིན་རླབས་འདྲ། ཕྱོགས་བཅུའི་འཇིག་རྟེན་སྐྱོང་བའི་དབང་། །འཁོར་བཅས་མདུན་དུ་སྤྱན་དྲངས་ཏེ། །གཏོར་མ་ཕུལ་བས་དགྱེས་ཚིམ་གྱུར། །ཨ་ཀཱ་རོ་སོགས། ས་སྟེང་འབྱུང་པོ་གདོན་གྱི་ཚོགས། །མདུན་དུ་བཀུག་ནས་འཁོད་པ་ལ། །གཏོར་མ་ཕུལ་བས་དགྱེས་ཚིམ་གྱུར། །ཨ་ཀཱ་རོ་སོགས། གནོད་འཚེའི་སེམས་ལྡན་བགེགས་ཀྱི་ཚོགས། །མདུན་དུ་བཀུག་ནས་འཁོད་པ་ལ། །གཏོར་མ་ཕུལ་བས་དགྱེས་ཚིམ་གྱུར། །ཨ་ཀཱ་རོ་སོགས་སོ་སོའི་བསྔོ་བ་གཞུང་ལྟར་དང་། ཐམས་ཅད་ཀྱི་མཐར། ཨོཾ། དཀོན་མཆོག་གསུམ་གྱི་བདེན་པ་དང་། །ཏིང་འཛིན་སྔགས་དང་ཕྱག་རྒྱའི་མཐུས། །མགྲོན་རྣམས་སོ་སོར་ཅི་འདོད་པར། །བསྔོས་པ་བཞིན་དུ་ཚིམ་གྱུར་ཅིག །མཆོད་སྦྱིན་གཏོར་མ་བསྔོས་སོགས་སྦྱར་བར་བྱའོ། །མི་ཕམ་པས་སོ། །

དཀར་གསུར་དམར་གསུར་སོགས།

― MR07_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་གསུར་གཙང་མ་ལ་ཆབ་བྲན། ཨོཾ་ཨཱ་ཧཱུྃ་གིས་འདོད་ཡོན་མི་ཟད་པ་ནམ་མཁའ་མཛོད་ཀྱི་འཁོར་ལོ་བརླབས་ལ། ཧོཿ དཀར་གསུར་ངོ་བོ་བདེ་ཆེན་ཡེ་ཤེས་ལ། །རྣམ་པ་མི་ཟད་འདོད་དགུར་འཆར་བ་ཡི། །གཙང་མ་ལྷ་རྫས་ཆར་གྱི་ཞིང་ཀུན་ཁྱབ། །མི་ཟད་ནམ་མཁའ་མཛོད་དུ་གྱུར་པ་འདིས། །དཀོན་མཆོག་སྲིད་ཞུའི་མགྲོན་རྣམས་ཐུགས་དམ་བསྐང་། །མགོན་པོ་ཡོན་ཏན་མགྲོན་རྣམས་དགྱེས་པ་བསྐྱེད། །རིགས་དྲུག་སྙིང་རྗེའི་མགྲོན་རྣམས་བདེ་དང་ལྡན། །བགེགས་རིགས་ལན་ཆགས་མགྲོན་རྣམས་ཚིམ་གྱུར་ཅིག །གནས་དང་ཡུལ་གཞི་གཏེར་གྱི་བདག་པོ་བརྔན། །འགོ་བའི་ལྷ་མགོན་མ་ལུས་མཉེས་བྱེད་ཅིང་། །མཆོད་ཅིང་བསྟོད་པའི་མགྲོན་དུ་འོས་པ་ཀུན། །ཡིད་ཀྱི་རེ་བ་ཡོངས་སུ་སྐོང་བར་ཤོག །སྲིད་པའི་སྤྱི་ལྷ་ཡུལ་འདིའི་ཡུལ་ལྷ་དང་། །ཁྱིམ་འདིའི་ཁྱིམ་ལྷ་སྐྱེས་བུའི་འཕྲག་ལྷ་སོགས། །ཕྱོགས་དུས་འདི་དང་འབྲེལ་བའི་ལྷ་འདྲེ་རྣམས། །ཡིད་མཐུན་འདོད་ཡོན་མཁོ་དགུས་ཚིམ་གྱུར་ཅིག །ལན་ཆགས་བདག་པོ་གནོད་བྱེད་འདྲེ་གདོན་རིགས། །

― MR07_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་རྐུ་སྲོག་འཕྲོག་དཔལ་ལ་གནོད་པ་དང་། །དྲི་ཟ་སྲིད་པ་བར་མའི་སེམས་ཅན་རིགས། །མ་ལུས་འཁོར་བཅས་བདེ་བས་ཚིམ་གྱུར་ཅིག །བདག་དང་ཁམས་གསུམ་སེམས་ཅན་ཐམས་ཅད་ཀྱི། །ཚེ་རབས་ཐོག་མེད་ལན་ཆགས་མ་ལུས་བྱང་། །ཕྲལ་གྱིས་རྐྱེན་བགེགས་གྱུར་པ་ཀུན་ཞི་ནས། །བདེ་སྐྱིད་ཕུན་སུམ་ཚོགས་པ་ཐོབ་པར་ཤོག །མི་དང་མི་མིན་འབྱུང་པོའི་ཚོགས་རྣམས་ཀུན། །ཕན་ཚུན་བྱམས་ལྡན་བདེ་ཆེན་དཔལ་ལ་སྤྱོད། །ཆོས་ལ་གཞོལ་ཞིང་རེ་བ་ཡོངས་སུ་རྫོགས། །ཐམས་ཅད་ཕྱམ་གཅིག་སངས་རྒྱས་ཐོབ་པར་ཤོག །དེ་ལྟར་དམིགས་ལ་ཨོཾ་ཨཱཿཧཱུྃ་ཇི་མང་བཟླའོ། །མེ་སྤྲེལ་ཟླ་བ་གཅིག་པའི་ཚེས་ཉེར་ལྔ་ལ་མི་ཕམ་པས་ཕྲལ་བྲིས་མངྒ་ལཾ།། ༈ དམར་གསུར་ལ་ཆབ་བྲན། འབྲུ་གསུམ་ཀྱིས་འདོད་དགུ་མི་ཟད་ནམ་མཁའི་མཛོད་དུ་བརླབས་ལ། ཨོཾ་ཨཱཿཧཱུྃ། དམར་གསུར་འདོད་ཡོན་རྒྱ་མཚོ་འདིས། །ཁམས་གསུམ་སྲིད་པར་གནས་པ་ཡི། །ལྷ་འདྲེ་འབྱུང་པོ་གདོན་བགེགས་རིགས། །གདུག་ཅིང་སྲོག་ལ་རྔམ་པ་དང་། །ཤ་ཁྲག་ཟས་ལ་དགའ་བ་རྣམས། །རང་རང་ཡིད་མཐུན་འདོད་དགུའི་གཏེར། །ཟག་མེད་

― MR07_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བའི་ཚིམ་གྱུར་ནས། །གནོད་འཚེ་གདུག་རྩུབ་ཞི་གྱུར་ཅིག །ཁྱད་པར་བདག་དང་སྦྱིན་བདག་གི །ཚེ་རྐུ་བླ་འཁྱེར་སྲོག་ལ་འཇབ། །ཟས་ནོར་དཔལ་ལ་འགོང་བྱེད་པའི། །ལན་ཆགས་རྐྱེན་བགེགས་བྱེད་རྣམས་ལ། །འདོད་ཡོན་མི་ཟད་གཏེར་དུ་བསྔོ། །དགའ་མགུ་ཡི་རངས་ཚིམ་གྱུར་ནས། །ཞི་ཞིང་བྱམས་པའི་སེམས་ལྡན་ཤོག །ཡུལ་འདིའི་སྣོད་དང་བཅུད་རྣམས་ལ། །རྟེན་ཅིང་འབྲེལ་བའི་ལྷ་འདྲེ་ནི། །མི་ལ་འཚེ་ཞིང་ཕྱུགས་ལ་གནོད། །ཟ་འདྲེ་གོད་འདྲེ་འགོང་པོའི་རིགས། །རྦད་འདྲེ་ཤི་འདྲེ་ཕོ་མོ་དང་། །གློ་བུར་ལྷག་པའི་གདོན་བགེགས་ཚོགས། །གང་དག་ཇི་སྙེད་མཆིས་པ་ལ། །མི་ཟད་བདེ་བའི་གཏེར་དུ་བསྔོ། །འདི་ལྟར་གསུར་མཆོད་ཁྱད་པར་ཅན། །ངོ་བོ་བདེ་ཆེན་ཡེ་ཤེས་ལ། །རྣམ་པ་འདོད་དགུ་མི་ཟད་གཏེར། །གང་ལ་བསྔོས་པ་ཚིམ་གྱུར་ཅིག །འཁྲུལ་བའི་སེམས་ཀྱི་དབང་སོང་བས། །རྟག་ཏུ་གདུང་ཞིང་མནར་བ་ཡི། །ཡིད་ཅན་ཇི་སྙེད་མཆིས་རྣམས་ཀྱི། །ཡིད་ལ་བདེ་ཆེན་གཏེར་ལྡན་ཤོག །བྱང་ཆུབ་སེམས་ཀྱི་སྲོག་རྙེད་ཅིང་། །ཤེས་རབ་ཆེན་པོའི་མིག་ཐོབ་ནས། །

― MR07_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་སྲས་ཀྱི་སྤྱོད་པ་ལ། །འགྲོ་ཀུན་བདེ་བླག་འཇུག་པར་ཤོག །བདག་དང་སྤྱིན་པའི་བདག་པོ་ཡི། །ཚེ་རབས་ཐོག་མ་མེད་པ་ནས། །བུ་ལོན་ལན་ཆགས་སོད་གྱུར་ཅིག །སྐྱེ་བ་ཀུན་ཏུ་བགེགས་མེད་ཤོག །ཕྲལ་གྱི་རྐྱེན་བགེགས་བྱེད་རྣམས་ཀྱང་། །ཤ་མཁོན་སྡིག་སྒྲིབ་དག་གྱུར་ནས། །དེང་ནས་བྱང་ཆུབ་སྙིང་པོའི་བར། །གནོད་ཚེའི་སྦྱོར་བ་རྒྱུན་ཆད་ཤོག །གནོད་བྱེད་འབྱུང་པོའི་རིགས་རྣམས་ཀྱིས། །བཟུང་བ་ཐོང་ལ་བཅིངས་པ་ཁྲོལ། །བསྡམ་པ་ཀློད་ལ་མནན་པ་ཁྱོགས། །གདོན་རྣམས་གདུག་རྩུབ་གནོད་འཚེ་ཞི། །བྱམས་པའི་སེམས་དང་ལྡན་གྱུར་ཏེ། །ཕན་ཚུན་བདེ་ལ་གནས་པར་ཤོག །རྐང་གཉིས་ཁྱེད་ཅག་བདེ་ལེགས་ཤོག །རྐང་བཞི་ཁྱེད་ཅག་བདེ་ལེགས་ཤོག །སྐྱེ་དགུ་ཀུན་ཀྱང་བདེ་ལེགས་ཤིང་། །འཆི་སོགས་འཇིག་ཀུན་བྲལ་གྱུར་ཅིག །ཚེ་རིང་ནད་མེད་དཔལ་གྱིས་བརྒྱན། །རྟག་ཏུ་བདེ་ཞིང་དོན་ཀུན་བསྒྲུབ། །ཆོས་དང་ལྡན་ཞིང་བྱམས་ལ་གནས། །ཐམས་ཅད་སངས་རྒྱས་ཐོབ་པར་ཤོག །དེ་ལྟར་དམིགས་ལ། ཨོཾ་ཨཱཿཧཱུྃ། ཇི་མང་བཟླའོ། །རབ་ཚེས་མེ་སྤྲེལ་ཟླ་བ་གཅིག་པའི་ཚེས་ཉེར་ལྔ་

― MR07_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མི་ཕམ་པས་འཕྲལ་བྲིས་མངྒ་ལཾ། །གདོན་བགེགས་འབྱུང་པོའི་གསུར་བསྔོ་རྐྱེན་ངན་ཀུན་གྲོལ་བཞུགས་སོ། །ཕྱེ་མར་ཤ་ཁྲག་སོགས་ཟས་སྣ་གང་འཛོམ་མེར་བསྲེག་ཆབ་བྲན་ལ། རང་སྤྱན་རས་གཟིགས་སུ་བསྒོམ་ནས་དམིགས་ཡུལ་རྣམས་ལ་སྙིང་རྗེ་དྲག་ཏུ་བསྐྱེད་དེ། ཨོཾ་ཨཱཿཧཱུྃ། ན་མཿསརྦ་ཏ་ཐཱ་ག་ཏ་སོགས། སཾ་བྷ་ར་བདུན་དང་མཚན་བཞི་བརྗོད་དམ་རྫས་མྱོང་གྲོལཡོད་ན་ཅུང་ཟད་བསྲེས་ན་བཟང་། མཚན། པས། དམིགས་ཡུལ་རྣམས་ཀྱི་ཅི་འདོད་པའི་ལོངས་སྤྱོད་འཛད་མེད་བདེ་བ་ཆེན་པོར་བྱིན་གྱིས་བརླབས་ལ། ཧོ༔ གསུར་མཆོད་འདོད་ཡོན་དྲུག་ལྡན་པ། །རང་རང་ཡིད་ལ་གང་འདོད་སྤྲིན། །གནམ་ས་བར་སྣང་ཀུན་ཁྱབ་ཅིང་། །འཛད་མེད་བདེ་བའི་གཏེར་ཆེན་འདི། །རིགས་དྲུག་སྙིང་རྗེའི་མགྲོན་རྣམས་དང་། །ཁྱད་པར་ཕྱོགས་འདིར་རྒྱུ་བ་ཡི། །བགེགས་རིགས་ལན་ཆགས་ཤ་མཁོན་ཅན། །ཟ་འདྲེ་ཤི་གཤེད་གྲེ་ཕོ་མོ། །ནད་བདག་རིམས་བདག་གོད་ཁའི་བདག །ཡུལ་འདྲེ་རྦད་འདྲེ་ཉེ་དུའི་འདྲེ། །ཆགས་དང་འཇུངས་པའི་འདུ་ཤེས་ཀྱིས། །མི་དང་ནོར་ཕྱིར་འབྲང་བའམ། །ཕྲག་དོག་སྡང་བའི་བསམ་པ་ཡིས། །གནོད་པ་རྩོམ་པའི་རིགས་ཀུན་དང་། །དྲི་ཟ་སྲིད་པ་བར་

― MR07_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་འགྲོ། །ལྟོགས་འགོང་བསེ་རགས་ཡི་དྭགས་རིགས། །སྲིད་པར་ལས་ཀྱི་དབང་སོང་བས། །སྣ་ཚོགས་གཟུགས་ཅན་ཀུན་ཏུ་རྒྱུ། །སྣ་ཚོགས་ཟས་ཅན་ཡོངས་ཚོལ་ཅན། །བསམ་སྦྱོར་སྣ་ཚོགས་མི་འདྲ་བ། །གནོད་པ་སྣ་ཚོགས་ཀུན་ཏུ་སྦྱོར། །དབང་ཆེན་དབང་ཆུང་སྣ་ཚོགས་པའི། །གདོན་བགེགས་འབྱུང་པོ་ཐམས་ཅད་ལ། །ཕམ་རྒྱལ་ཕྱོགས་ལྷུང་མེད་པ་ཡི། །འདོད་དགུ་མི་ཟད་གཏེར་དུ་བསྔོ། །ཡིད་ལ་ཅི་འདོད་ཐོབ་གྱུར་ནས། །གནོད་འཚེ་གདུག་རྩུབ་ཀུན་ཞི་ཞིང་། །བྱང་ཆུབ་སེམས་དང་ལྡན་གྱུར་ཅིག །སྲོག་ལ་རློམ་ཞིང་བླ་ལ་འཇབ། །ནོར་ལ་རྔམ་ཞིང་ཟས་ལ་རྐུ། །དཔལ་ལ་གནོད་པའི་འབྱུང་པོ་རྣམས། །མཆོད་སྦྱིན་འདི་ཡིས་ཚིམ་གྱུར་ཅིག །ཚེ་རབས་ལན་ཆགས་བྱང་གྱུར་ཅིག །ཤ་འཁོན་སྡིག་སྒྲིབ་དག་གྱུར་ཅིག །སྡུག་བསྔལ་ཉོན་མོངས་ཞི་གྱུར་ཅིག །བདག་གི་མཆོད་སྦྱིན་འདི་བསྔོས་པས། །འབྱུང་པོའི་ཚོགས་ཀུན་ཚིམ་གྱུར་ནས། །བདག་དང་སེམས་ཅན་ཐམས་ཅད་ཀུན། །དུས་མིན་འཆི་དང་ནད་ལ་སོགས། །འགལ་རྐྱེན་ཀུན་དང་བྲལ་གྱུར་ཅིག །རེ་ཞིང་ཆགས་རྣམས་གཏན་དུ་ཚིམ། །ལུས་གདོན་གནས་

― MR07_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

གདོན་ལ་སོགས་གྲོལ། །འདོད་དོན་བར་ཆད་མ་ལུས་ཞི། །བཀྲ་ཤིས་བདེ་ལེགས་ཕུན་ཚོགས་ཤོག །མཉམ་ཉིད་བྱང་ཆུབ་སེམས་ཀྱི་མཐུས། །གནོད་བྱ་གནོད་བྱེད་ཐམས་ཅད་ཀུན། །ཆོས་དབྱིངས་བདེ་བ་ཆེན་པའི་ངང་། །དབྱེར་མེད་སངས་རྒྱས་ཐོབ་པར་ཤོག །ཐམས་ཅད་ནམ་མཁའ་མཛོད་བཞིན་དུ། །ལོངས་སྤྱོད་ཆད་པ་མེད་པར་ཤོག །རྩོད་པ་མེད་ཅིང་འཚེ་མེད་པར། །རང་དབང་དུ་ནི་སྤྱོད་པར་ཤོག །ཟག་མེད་འདོད་ཡོན་དྲུག་ལྡན་ལ། །ཞེན་མེད་ཚུལ་དུ་ལོངས་སྤྱོད་ནས། །བདག་མེད་མཉམ་པའི་དོན་རྟོགས་ཏེ། །སྐྱེ་མེད་ཆོས་སྐུ་འཐོབ་པར་ཤོག །བདག་གི་བསོད་ནམས་སྟོབས་དག་དང་། །རྣམ་སྣང་མངོན་བྱང་ལས་སོ། །དེ་བཞིན་གཤེགས་པའི་བྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་ཀྱིས་སུ། །སེམས་ཅན་རྣམས་ལ་ཕན་འདོགས་པས། །དོན་རྣམས་གང་དག་བསམ་པ་ཀུན། །འཇིག་རྟེན་ཁམས་ནི་མ་ལུས་འདིར། །དེ་དག་ཐམས་ཅད་ཅི་རིགས་པར། །ཐོགས་པ་མེད་པར་འབྱུང་གྱུར་ཅིག །ཁམས་གསུམ་དག་པའི་ཞིང་། །གུ་རུ་རིན་པོ་ཆེའི་གསུངས། སྲིད་གསུམ་ཐུགས་རྗེའི་མགྲོན། །མ་ལུས་ཁྱབ་པའི་

― MR07_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས། །ཆོས་ཉིད་རྟོགས་པའི་མཐུས། །མི་ཟད་གཏེར་དུ་བསྔོ། །ཞེས་བྱས་ལ་དམིགས་འདུན་དེ་དང་མ་བྲལ་བའི་ངང་ནས། ཨོཾ་ཨཱཿཧཱུྃ་ཅི་རིགས་དང་། མ་ཎི་བརྒྱ་ཙམ་བགྲངས་ནས། སྦྱིན་མདོ་ལས་གསུངས་པའི་ཚིགས་བཅད་དོ། །པ་རྒྱ་ཆེན་གྱུར་པ་འདི་ཡིས་མཐུས། །འགྲོ་བའི་ནང་ནས་རང་བྱུང་སངས་རྒྱས་ཤོག །སྔོན་ཚེ་རྒྱལ་བ་རྣམས་ཀྱིས་མ་བསྒྲལ་བའི། །སྐྱེ་དགུ་འདི་དག་སྦྱིན་པས་སྒྲོལ་གྱུར་ཅིག །སོགས་སྨོན་ལམ་དང་། འབྱུང་པོ་གང་དག་འདིར་ནི་སོགས་དང་། བགེགས་རིགས་སྟོང་ཕྲག་བརྒྱ་ཅུ་ཞི་སོགས་བཀྲ་ཤིས་ཀྱི་ཚིགས་བཅད་བརྗོད་པར་བྱའོ། །འདི་ནི་སྦྱིན་པའི་ཕར་ཕྱིན་རྫོགས་པ་དང་བར་ཆད་ཞི་བའི་ཐབས་ཁྱད་པར་ཅན་ཡིན་པས་སུས་ཀྱང་ཉམས་སུ་བླང་བར་བྱ་ལ། ལྷག་པར་དུས་ངན་གྱི་སེམས་ཅན་རྣམས་བརྣབ་སེམས་དང་བསྐམ་ཆགས་འཕེལ་བའི་སྐབས་སུ་ཟ་འདྲེ་འགོང་པོ་མང་ཞིང་མི་ཕྱུགས་ལ་འཚེ་བ་དང་། ལོངས་སྤྱོད་ལ་གནོད་པ་མང་བའི་དུས་དང་། ཟས་ནོར་གྱི་ཕྱིར་ཡུལ་སྣ་ཚོགས་སུ་རྒྱུ་བའི་སྐབས་དང་། ནད་རིམས་ཕྱུགས་གོད་མང་ཞིང་རྨི་ལམ་ངན་པའི་སྐབས་དང་། གཅན་སྤྱང་བྱི་བ་སོགས་ཀྱིས་གནོད་པ་དང་། འདྲེ་གནོད་དང་འདྲེ་དོགས་ཆེ་བའི་སྐབས་སོགས་སུ་བྱས་ན་བར་ཆད་དང་གནོད་པ་ཞི། རྒྱུན་དང་སྐབས་སུ་སྙིང་རྗེས་ཀུན་ནས་བསླང་ཏེ་བྱས་ན་འཆི་བ་

― MR07_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

བསླུ། ནད་གདོན་བྲལ། སྲིས་རྨི། མཐུན་རྐྱེན་འཕེལ། ཚོགས་རྫོགས་པ་སོགས་རང་གཞན་ལ་འཕྲལ་དང་ཡུན་གྱི་ཕན་པའི་དགོས་པ་དུ་མ་ཡོད་པ་ནི་སྨྲོས་མ་དགོས་པས་ནན་ཏན་བྱའོ། །ཅེས་པའང་རྒྱ་སྟོད་དབང་ཕུག་ཏུ་རྨི་ལམ་རྐྱེན་ལས་ཕྱིར་ནང་ཟླ་བ་བཅུ་པའི་ཚེས་བཅོ་བརྒྱད་ལ་མི་ཕམ་པས་ཕན་སེམས་ཀྱིས་བྲིས་པ་དགེ་བར་གྱུར་ཅིག་མངྒ་ལཾ། །གླུད་བྱེད་ན། གླུད་གཏོར་འདོད་ཡོན་དྲུག་ལྡན་འདི་ཞེས་ཁ་བསྒྱུར་ལ་བསྔོ་བར་བྱའོ། །ཤུབྷཾ། །

བདེ་སྨོན།

― MR07_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བ་ཅན་དུ་སྐྱེ་བར་འདོད་པ་རྣམས་ཀྱིས། བདེ་བ་ཅན་དུ་སྐྱེ་བའི་རྒྱུ་བཞིའི་དོན་ཉམས་ལེན་ནི། སངས་རྒྱས་འོད་དཔག་མེད་ཀྱི་སྐུ་ལ་རྩེ་གཅིག་ཏུ་དམིགས་ཏེ། ཉིན་རེ་མཚན་ལན་བདུན་བརྗོད་ནས། འདྲེན་པ་འོད་དཔག་མེད་པ་དགོངས་སུ་གསོལ། །རྒྱལ་བ་ཁྱེད་ཀྱི་ཐུགས་བསྐྱེད་ཅི་བཞིན་དུ། །བླ་མེད་བྱང་ཆུབ་མཆོག་ཏུ་སེམས་བསྐྱེད་དེ། །དགེ་བའི་རྩ་བ་ཇི་སྙེད་བགྱིས་པ་རྣམས། །ནུབ་ཕྱོགས་བདེ་བ་ཅན་གྱི་ཞིང་ཁམས་སུ། །རྒྱལ་མཆོག་ཁྱེད་ཀྱི་དྲུང་དུ་སྐྱེས་ནས་ཀྱང་། །རླབ་ཆེན་རྒྱལ་བའི་སྲས་ཀྱི་སྤྱོད་པ་ཀུན། །ཡོངས་སུ་རྫོགས་པའི་སླད་དུ་བསྔོ་བགྱིད་ན། །ཚེ་འདི་འཕོས་མ་ཐག་ཏུ་དག་པའི་ཞིང་། །བདེ་བ་ཅན་དུ་བརྫུས་ཏེ་སྐྱེ་བ་དང་། །འདྲེན་པ་འོད་དཔག་མེད་ཀྱིས་ལུང་བསྟན་ནས། །རྫོགས་སྨིན་སྦྱང་བ་མཐའ་རུ་ཕྱིན་པར་ཤོག །དྷཱི་མིང་པས་སོ། ༈ །སངས་རྒྱས་འོད་དཔག་མེད་ལ་གསོལ་བ་འདེབས། །བདག་གིས་བླ་མེད་བྱང་ཆུབ་སེམས་བསྐྱེད་ནས། །དགེ་རྩ་མཐའ་དག་བདེ་ཆེན་ཞིང་མཆོག་ཏུ། །སྐྱེ་ཕྱིར་བསྔོ་ན་འགྲུབ་པར་བྱིན་གྱིས་རློབས། །ཞེས་པའང་མི་ཕམ་པས་སོ། །།

གཏོ་སྒྲོམ་གྱི་ལག་ལེན་བཀྲ་ཤིས་འདོད་འཇོའི་སྤར་ཁ་དུར་བཅོས།

― MR07_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པ་འཇམ་དཔལ་ལ་ཕྱག་འཚལ་ལོ། །གཏོ་སྒྲོམ་གྱི་ལག་ལེན་བཀྲ་ཤིས་འདོད་འཇོའི་སྤར་ཁའི་སྤྱི་གཏོ་ལ་དམིགས་བསལ་མདེའུ་ཁ་སྦྱར་བའི་གཏོ་ཕྲན་འགའ་ཞིག་གཏོ་རྒྱུད་འབུམ་ཊིཀ་ལས་གསུངས་པ་སོགས་ཀྱིས་ཁ་སྐོང་ཉེར་མཁོ་ལ། ཀོང་ཚེའི་ཞལ་ནས་སྲོག་དུར་མིག་འདོན་པའི་གཏོ་འདི་གསུངས་པ། དེ་ལ་ཕྱི་ལྟར་ལོ་བཅུ་གཉིས་ཀྱི་དབང་དུ་བྱས་ན་སྲོག་ཤིང་ཁམས་པའི་དུར་ཞུགས་ལུག །མེ་དུར་ཁྱི། ལྕགས་དུར་གླང་། ས་ཆུ་ལོ་དྲུག་གི་དུར་མིག་འབྲུག་ཡིན་པས། ཁྱི་འབྲུག་གླང་ལུག་བཞི་ལ་གཤེད་བཞི་བྱ་སྟེ། སོ་སོའི་ལོ་ཁམས་ཅན་དེ་ཀུན་ལ་ངན་ཅིང་ནག་པས་དུར་མིག་ཅེས་བྱ། ཁྱད་པར་དུ་འབྲུག་བོན་པོའི་གཤེད། ལུག་རྩི་ཐོག་གི་གཤེད། ཁྱི་བག་མའི་གཤེད། གླང་དུར་གྱི་གཤེད་ཡིན་པས་ངན། ནང་སྤར་ཁའི་དབང་དུ་བྱས་ན། ས་ཆུ་ལོ་དྲུག་ཟོན་ཐོག་དུར་དུ་ཞུགས། དེ་བཞིན་ཤིང་ཁོན་ཐོག །མེ་ཁེན་ཐོག་ལྕགས་གིང་ཐོག་དུར་དུ་ཞུགས་པ་ཡིན་ལ། ཕྱི་ལོ་ཡི་དུར་ཞུགས་དང་། ནང་སྤར་ཁའི་དུར་མིག་ཏུ་ཚུད་པ་འདོམས་ན་སྐག་ཆེ་བས་དེ་ལ་དུར་མིག་ནས་གདོན་པའི་གཏོ་བྱ་བ་ལ། རྟེན་འབྲེལ་སྔགས་དང་བཅའ་གཏོ་གསུམ་ལས། དང་པོ་སྲོག་དུར་མིག་ཏུ་ཞུགས་པ་དེའི་ལོ་དེ་ཡི་དུས་སུ་སོ་སོའི་སྲོག་གི་མ་མདོག་གི་གོས་བགོ །གཉིས་པ་སྔགས་ནི། ཨོཾ་ཧཱུྃ་སྲོག་ཐ་ཏྲི་ཡ་བསྐྱེད། ཡ་མ་ཇུ་པ་ཁྲི་ལ་བསྐྱེད། སྲོག་ཕམ་ལྷ་ཡིས་བསྐྱེད། ཅེས་པ་སོ་སོའི་སྲོག་ཁམས་ཀྱི་མ་མདོག་གི་དར་ལ་བྲིས་པ་མགུལ་དུ་བཏགས་སོ། །གསུམ་པ་བཅའ་གཏོ་ནི། དུར་མིག་ཏུ་ཞུགས་པ་དེའི་ལུས་ཀྱི་དྲི་

― MR07_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

མར་བསྒྲེས་པའི་ཟན་ལན་ངར་མི་འབྲུག་གི་མགོ་ཅན་བཅུ་གསུམ་བྱ། བཤོས་བུ་ལོ་གྲངས་སམ་གང་འབྱོར་ཀྱིས་བསྐོར། རིན་པོ་ཆེ་བརྡར་བའི་ཕུད་ཀྱི་བརྔན་ཆ་བཅས་བཤམས། བྱིན་བརླབ་བྱ། དེ་ནས་གྱེར་ནི། ཀྱཻཿ ཀོང་ཙེ་རྒྱལ་པོའི་ཞལ་ན་རེ། །ཉི་མ་ཤར་ལྷོ་མཚམས་ཤེད་ན། །ས་ཆུ་གཉིས་ཀྱི་དུར་གཤེད་ནི། །མི་ལུས་འབྲུག་གི་མགོ་བོ་ཅན། །རོ་སྟོད་མི་ལ་རོ་སྨད་སྦྲུལ། །ལག་པ་བྱ་ཁྱུང་སྡེར་མོ་ཅན། །གཡས་ན་བདུད་ཀྱི་ཁྲམ་བམ་དང་། །གཡོན་ན་ནད་ཀྱི་རྐྱལ་པ་བསྣམས། །ས་ཆུ་གཉིས་ཀྱི་དུར་ཀྱང་གཅོད། །བདུད་གཅོད་གནམ་ནས་འབེབ་པར་བྱེད། །གནམ་ནས་ན་དུས་འཆི་དུས་འདེབས། །ཁྱོད་ལ་མཐུན་པའི་གཏོ་གླུད་འབུལ། །གསེར་སྐྱེམས་བཅས་པའི་གཏོ་གླུད་བཞེས། །མི་འདི་བཟུང་བ་བཏང་དུ་གསོལ། །ཕོ་སྲོག་དུར་ནས་འདོན་དུ་གསོལ། །ཞེས་བྱ་ལ་ཉི་མ་ཤར་ལྷོ་མཚམས་སུ་བསྒྲུབ་བྱའི་ལོ་གྲངས་དུ་ལོན་གྱི་གོམ་བརྩིས་བར་གཏོ་གླུད་བསྐྱལ། དེ་ནས་ཁྱིམ་དུ་ལོག་ལ་བདེན་བརྗོད་མཐར། མི་འདི་ཞེས་བྱ་བའི་སྲོག་དུར་མིག་ནས་ཐར་རོ་ན་སྐག་འཆི་སྐག་མི་མཐུན་བར་ཆད་ཐམས་ཅད་ལས་ཐར་རོ། །ཞེས་བྱས་ལ་བཀྲ་ཤིས་བརྗོད་པར་བྱའོ། །ཤིང་ཁམས་པ་སྟག་ཡོས་ལོ་བ་ལུག་དང་ཁེན་ཐོག་སླེབས་པ་ལ། སྣོད་གཙང་མར་ངར་མི་སེར་པོ་ལུག་གི་མགོ་ཅན་གཅིག་དང་། བཤོས་བུ་ལྔ། གསེར་སྐྱེམས་བཅས་བཤམས་བྱིན་རླབས་སོགས་གོང་བཞིན་ལ། གྱེར་གྱི་

― MR07_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་བསྒྱུར་ནི། ཀྱེ། ཀོང་ཙེ་འཕྲུལ་རྒྱལ་ཞལ་ན་རེ། །ལྷོ་ནུབ་མཚམས་ཀྱི་དུར་གཤེད་ནི། །མི་ལུས་ལུག་གི་མགོ་བོ་ཅན། །རོ་སྟོད་མི་ལ་རོ་སྨད་སྦྲུལ། །ལག་པ་བྱ་ཁྱུང་སྡེར་མོ་ཅན། །གཡས་ན་གནམ་ལྕགས་སྟ་རེ་དང་། །གཡོན་ན་ལྕགས་ཀྱི་འཁོར་ལོ་བསྣམས། །ཕ་ཁུ་རྒན་པོའི་སྲོག་ཀྱང་གཅོད། །བུ་ཚ་གཞོན་པའི་ཚེ་ཡང་འཕྲོག །འབྱུང་བ་ཤིང་ལ་དུར་གཤེད་འབེབས། །ནད་ནི་འཐིབ་ནད་གཟེར་ནད་གཏོང་། །ཉི་མ་གཏོ་གླུད་འདི་འབུལ་ལོ། །དུར་གཤེད་མ་འབེབ་བཟུང་བ་ཐོང་། །གླུད་འདི་ཉིད་དང་མཐུན་པར་འབུལ། །མཉམ་གཉིས་བརྗེས་ལ་མཚུངས་གཉིས་བསོལ། །བཟུང་བ་དུར་མིག་འདོན་དུ་གསོལ། །དེ་སྐད་བརྗོད་ལ་ལྷོ་ནུབ་མཚམས་སུ་གོམ་པ་ལོ་གྲངས་སར་བསྐྱལ། ཐར་ཐར་དང་བཀྲ་ཤིས་བྱ་བ་གོང་བཞིན་ནོ། །རྟ་སྦྲུལ་ཁྱི་དང་ཁེན་ཐོག་བབ་པ་ལ། ངར་མི་སེར་པོ་ཁྱི་མགོ་ཅན་ཉི་ཤུ་རྩ་ལྔ་དང་། བཤོས་བུ་གྲུ་བཞི་བ་གསུམ། གསེར་སྐྱེམས་བཅས་བཤམས། བྱིན་བརླབས་བྱས་ནས། ཀྱེ། ཀོང་ཙེ་འཕྲུལ་རྒྱལ་ཞལ་ན་རེ། །འབྱུང་བ་མེ་ཡི་དུར་གཤེད་ནི། །ཉི་མ་ནུབ་བྱང་མཚམས་ན་གནས། །མི་ལུས་ཁྱི་ཡི་མགོ་བོ་ཅན། །རོ་སྟོད་མི་ལ་རོ་སྨད་སྦྲུལ། །ལག་པ་བྱ་ཡི་སྡེར་མོ་ཅན། །གཡས་ན་ནད་ཀྱི་རྐྱལ་པ་བསྣམས། །གཡོན་ན་བདུད་ཀྱི་ཁྲམ་ཤིང་བསྣམས། །ནད་དུ་ཚ་གྲང་ནད་རྣམས་

― MR07_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོང་། །ཁྱོད་ཀྱི་ཐོག་ཏུ་མི་ཕྱིན་ན། །གནམ་ལས་དུར་གཤེད་འབེབ་པར་བྱེད། །ས་ལས་དལ་ཡམས་ཐམས་ཅད་འབེབས། །མི་ནད་སྣ་དགུ་བཏང་བར་བྱེད། །དུག་ནད་མཚེར་བཅུ་གཏོང་བར་བྱེད། །གླུད་འདི་ཉིད་དང་མཐུན་པར་འབུལ། །གསེར་ཆ་རིན་ཆེན་འབྲུ་སྣ་དང་། །ངར་མི་ཁྱི་ཡི་མགོ་ཅན་འབུལ། །བཟུངས་པ་ཐོངས་ལ་བཅིངས་པ་ཁྲོལ། །མི་སྲོག་དུར་ནས་འདོན་པར་མཛོད། །ཅེས་ནུབ་བྱང་ལོ་གྲངས་གོམ་པ་བོར་བར་བསྐྱལ། ཐར་ཐར་དང་བཀྲ་ཤིས་བྱའོ། །བྱ་སྤྲེལ་གླང་དང་གིན་ལ་བབ་པ་ལྕགས་མིག་དུ་ཚུད་པ་ལ་། ངར་གླུད་སེར་པོ་གླང་གི་མགོ་ཅན་བཅུ་གསུམ། བཤོས་བུ་དཀར་སེར་དགུ། ཤ་སྣ་དང་། གསེར་སྐྱེམས་འབྲུ་སྣ་བླུགས་ལ་བྱིན་བརླབ་བྱ། ཀྱེ། ཀོང་ཙེ་འཕྲུལ་རྒྱལ་ཞལ་ན་རེ། །བྱང་ཤར་མཚམས་ཀྱི་དུར་གཤེད་ནི། །མི་ལུས་གླང་གི་མགོ་བོ་ཅན། །རོ་སྟོད་མི་ལ་རོ་སྨད་སྦྲུལ། །ལག་པ་བྱ་ཡི་སྡེར་མོ་ཅན། །གཡས་ན་མེ་ཡི་འཁོར་ལོ་བསྣམས། །གཡོན་ན་བདུད་རྩི་བུམ་པ་འཛིན། །འབྱུང་བ་ལྕགས་ཀྱི་གཤེད་ཀྱང་བྱེད། །སེམས་ཅན་ནད་རྣམས་རྩི་ཡིས་གསོ། །སྤྲུལ་པ་ས་བདག་མང་པོ་འགྱེད། །ཞ་གྲུམ་ཡུན་རིང་ནད་ཀྱང་གཏོང་། །ཁྱེད་ལ་མཐུན་པའི་ཡས་འབུལ་གྱི། །སེམས་ཅན་སྲོག་འདི་དུར་ནས་འདོན་དུ་གསོལ། །བཟུང་བ་ཐོངས་ལ་བཅིངས་པ་

― MR07_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོལ། །ཞེས་བྱས་བྱང་ཤར་ཕྱོགས་སུ་གོམ་པ་ལོ་གྲངས་མཚམས་སུ་བསྐྱལ། དེ་ནས་བསྒྲུབ་བྱ་དེ་གོས་མ་མདོག་ཏུ་བསྒྱུར། མིང་རྗེ། སྲོག་བསྐྱེད་སྔགས་བཏགས། ཐར་ཐར་དང་བཀྲ་ཤིས་བརྗོད་པར་བྱ། དེ་ལྟར་བྱས་པས་སྲོག་གི་འབྱུང་བ་དུར་དུ་ཞུགས་པའི་སྐྱོན་ལས་ཐར་བའི་གཏོ་ཁྱད་པར་ཅན་འཇམ་དཔལ་གྱི་སྤྲུལ་པ་ཀོང་ཙེ་འཕྲུལ་གྱི་རྒྱལ་པོའི་གདམས་པའོ།། །།

སྤར་ཁ་བརྒྱད་ཀྱི་གཏོ་ཐབས།

― MR07_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

སྤར་ཁ་བརྒྱད་ཀྱི་གཏོ་ལ་སྤར་ཁ་རེ་རེ་ལ་ཡང་གཏོ་བཅུ་གསུམ་སྟེ། ལི་ལ་ན་ན། རྟ་དམར་ཞུར་གྱི་དཔྲལ་བར་གཡུ་བཏགས། རྒྱབ་དུ་ཕྱིངས་པ་བཏིང་དར་གྱི་སྲབ་བྱས། ངར་མི་བསྐྱོན་ནས་བཏང་བ་ལྷ་ ༡ གཏོ་ཡིན། རྟ་ཐོད་ལ་ལིའི་ཕྱག་རྒྱ་བྲིས་པར་ངར་མི་བསྐྱོན་ནས་བཏང་བ་འདྲེ་ ༢ གཏོ་ཡིན། ཤིང་གྱལ་ཏའི་ཕོ་གཏོང་ལ་ལོ་གྲངས་ཀྱི་ཁྲམ་བཏབ་པ་ངར་མི་ལ་བསྐུར་བ་རྩ་བའི་ ༣ གཏོ་ཡིན། ཚེ་དཔག་མེད་ཀྱི་གཟུངས་དང་འཕགས་པ་གསེར་འོད་དམ་པ་བསྒྲགས་པ་མཐུན་པའི་ ༤ གཏོའམ་རྒྱབ་བཅོས་ཀྱི་གཏོའོ། །གནོད་པའི་འདྲེ་ཡི་མིང་རུས་ཁྱི་ཐོད་དམ་ཕག་ཐོད་དུ་བཅུག་ནས། ལ་བཙས་སམ་མཆོད་རྟེན་འོག་ཏུ་མནན་པ་འབྲུབ་ ༥ གཏོའོ། །ནད་པའི་ན་ཟླའི་མིང་དང་། ངར་མི་བཅུ་གསུམ། རྟ་སྦྲུལ་གྱི་གཟུགས་བཅུ་གསུམ་རྣམས། རྟ་ཐོད་མདོག་དམར་པོར་བྱས་པའི་ནང་དུ་བཅུག་ནས་བཏང་བ་གླུད་ ༦ གཏོའོ། །ལུག་ཐོད་ནང་དུ་གནོན་པའི་མིང་བཅུག་ནས་མནན་པ་གདོན་གཏོ། ལོང་བ་བཞིའམ་དགེ་སློང་བཞི་ལ་སྟོན་མོ་དྲོངས་བ་ཚོགས་ ༧ གཏོའོ། །ལུག་མགོའི་ནང་དུ་ངར་མི་ནད་པའི་གོས་ཀྱིས་གཏུམས་ནས་རོ་སྲེག་པ་ལྟར་བྱས། བོན་པོས་རྔ་བརྡུང་བ་ཤི་ ༨ གཏོ་ཡིན། ངར་མི་ལོ་གྲངས་བསླུ་བ་ངན་ ༩ གཏོ་ཡིན། ལི་

― MR07_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་ཏུ་ཁམ་གྱི་གཏོ་བྱ་བ་དགྲ་ ༡ གཏོ་ཡིན། ལིའི་གཏོ་བཅུ་གསུམ་མོ། ཁོན། ཐོག་ཏུ་ན་ན། བ་སེར་མོ་དང་ལུག་མགོ་སེར་པོར་ངར་མི་བསྐྱོན་ནས་གཏོང་པ་ལྷ་གཏོ། ཝ་ཐོད་དང་ལུག་ཐོད་དུ་བྱེའུ་ཚང་རྙིང་པ་དང་སྒོ་ང་བླུགས་ནས་བཏང་བ་འདྲེ་གཏོ། ཤིང་ལ་ལོ་གྲངས་ཁྲམ་བཏབ་རྩ་བའི་གཏོ། སྟོབས་པོ་ཆེའམ་གནམ་ལྕགས་མཆུ་བཀླག་པ་མཐུན་གཏོའམ་རྒྱབ་ཆོག་གི་གཏོ། གནོད་པའི་འདྲེ་ལྔའི་མིང་རུས་བ་རུའམ་ལུག་རུར་བཅུག་ནས་མནན་པ་འབྲུབ་གཏོ། །ན་ཟླའི་མིང་དང་ངར་མི་ལུག་གཟུགས་རྣམས་ལུག་ཐོད་སེར་པོ་བཙུག་བཏང་གླུད་རང་གཏོ། ལུག་ཐོད་ནང་དུ་གནོད་པའི་མིང་རུས་བཅུག་ནས་མནན་པ་གདོན་གཏོ། ལུག་གི་ནང་ཆ་རྒན་མོ་གཉིས་ལ་སྟེར་བ་ཚོགས་གཏོ། ལྷོ་ནུབ་ནས་གད་པ་རྡིབ་འཕྲོའི་ས་བླངས་ལ་རྒན་མོ་བདུན་གྱི་གཟུགས་བྱས་ལ་དཔྱད་པའི་སྔོན་དུ་འབྲང་རྒྱས་བདུན་བདུན་བཞག་ནས་ལྷོ་ནུབ་ཏུ་བསྐྱལ་བ་ཤི་གཏོ། མཆོད་རྟེན་ལྷོ་ནུབ་ཏུ་བརྩིག་པའམ་སྦྱིན་སྲེག་བྱེད་པ་འཛིན་གཏོ། མཆོད་རྟེན་ཁྲུ་གང་པ་བཞི་བྱས་ཏེ་རབ་གནས་བྱས་ནས་ཁང་པའི་ཟུར་བཞིར་བཞག་པ་ས་འཛིན་གྱི་གཏོ། སྤར་ཁ་གིང་གི་གཏོ་བྱེད་པ་དགྲ་གཏོ་ཡིན། དེས་གཏོ་སྒོ་འགགས་པ་སེལ། དྭ་ཡི་གཏོ་ལ་རྟ་གྲོ་བོ་ལ་

― MR07_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ཁལ་བཀལ་རལ་གྲི་བཏགས་ནས་ཕྱིར་ལ་ལན་གསུམ་བསྐོར་ལ་ནུབ་ཏུ་བཏང་བ་ལྷ་གཏོ། ཕག་ཐོད། སྤྲེའུ་ཐོད། བྱ་ཀེ་ཀེའི་ཐོད་པ། ཤ་རུ་རྣམས་ནུབ་ཏུ་བཏང་བ་འདྲེ་གཏོ། ར་ཡི་སོག་པ་གཡོན་པར་ཁྲབ་བྱང་མིག་དགུ་བཏགས་ནས་ངར་གླུད་ལ་བསྐུར་བ་རྩ་འདྲེ་གཏོའམ་འདྲ་བའི་གཏོ། ཤིང་ཚར་བའི་ཕོ་གདོང་ལ་ལོ་གྲངས་ཀྱི་ཁྲམ་བཏབ་པ་ངར་མི་ལ་བསྐུར་ཏེ་ནུབ་ཏུ་བཏང་བ་རྩ་བའི་གཏོ། འདུས་པ་ཏོག་དང་རྣམ་འཇོམས་ཀྱི་གཟུངས་བསྒྲག་པ་བརྒྱབ་གཏོ། འདྲེ་གཟུགས་ལ་མཆན་ཁུང་གཡོན་དུ་མདའ་བརྒྱབས་ནས་ཤ་རུ་ལ་བསྐྱོན་ནས་ནུབ་ཏུ་མཆོད་རྟེན་ཞབས་སུ་མནན་པ་འགྲུབ་གཏོ། ན་ཟླའི་མིང་དང་ངར་མི་བྱ་སྤྲེལ་གཟུགས་རྣམས་སྤྲེལ་ཐོད་དཀར་པོར་བཅུག་བཏང་གླུད་གཏོ། གཡག་རུ་གཡས་པར་གདོན་འདྲེའི་མིང་བཅུག་སྒོ་འོག་ཏུ་མནན་པ་གདོན་གཏོ། བཙུན་པ་དང་ན་ཟླ་ལ་སྟོན་མོ་དྲངས་པ་ཚོགས་གཏོ། ནད་པའི་གོས་ཀྱིས་རའི་མགོ་སུག་གཏུམས་པ་ནུབ་ཏུ་བསྲེགས་པ་ཤི་གཏོ། ངར་མི་ལོ་གྲངས་ནུབ་ཕྱོགས་བཏང་བ་ན་གཏོ། རའི་སྙིང་ནང་གསེར་དངུལ་ཟངས་ལྕགས་ཀྱིས་བཀངས་ནས་ནུབ་ཏུ་བཏང་བ་སྙིང་གཏོ། ཤ་རུ་ལ་གཤེད་ཀྱི་ཕྱག་རྒྱ་བཏགས་ལ། དར་སྣ་དང་བལ་མཚོན་གྱིས་བརྒྱན་ནས། དེ་དགྲ་ཕྱོགས་སུ་

― MR07_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱལ་བ་བྱོལ་གཏོ། ཡང་དྲག་པོའི་སྦྱིན་སྲེག་བྱས་པའི་ཐལ་བ་ནུབ་ཏུ་ཕྱར་བ་བྱོལ་གཏོ། ནུབ་ཏུ་མཆོད་རྟེན་དཀར་པོ་བརྩིགས་པའི་འོག་ཏུ་གྲེ་བོ་མནན་པས་འཛིན་གྱི་གཏོ། ཟིན་གྱི་་གཏོ་བྱེད་ལཔ་དགྲ་གཏོའོ། ཁེན། ལ་རྟ་དཀར་ཁྱི་དཀར་ལ་ངར་གླུད་བསྐྱོན་པ་ནུབ་བྱང་བཏང་བ་ལྷ་གཏོ། རྟ་ཐོད་ཁྱི་ཐོད་དར་སྣས་བརྒྱན་པ་བཏང་བ་འདྲེ་གཏོ། སེ་བའི་ཕོ་གདོང་ལོ་གྲངས་ཁྲམ་ཅན་དང་ལྷམ་གཡོན་པ་ནུབ་བྱང་བཏང་བ་རྩ་བའི་གཏོ། གཙུག་ཏོར་དཀར་མོ་དང་བསྐང་བཤགས་བྱ་བ་མཐུན་གཏོ། འདྲེ་གཟུགས་སམ་མིང་བྱང་ནུབ་བྱང་མཆོད་རྟེན་འོག་ཏུ་མནན་པ་འབྲུབ་གཏོ། འདྲེའི་མིང་གཟུགས་ལྷ་ཁང་འོག་ཏུ་མནན་པ་གདོན་གཏོ། ཟན་ལས་གླང་དགུའི་གཟུགས་བྱས་པའི་ཁོག་པར་རིན་པོ་ཆེ་བྲིས་པ་བཅུག་ནས་ནད་པའི་སྔས་སུ་སྦས་ཏེ་མནན་པ་ན་གཏོ། དྲག་པོའི་སྦྱིན་སྲེག་ནུབ་བྱང་བྱ་བ་བྱོལ་གཏོ། རྟ་ཐོད་དམ་ཁྱི་ཐོད་ལ་འདྲེ་གཟུགས་བྲིས་ནས་དགྲའི་སྒོར་བསྐྱལ་བ་བསྒྱུར་གཏོའོ། །མདའ་ལ་མེའི་མདེའུ་བཙུག་ནས་དགྲ་ཕྱོགས་སུ་བརྡེག་བ་བྱོལ་གཏོ། ནུབ་བྱང་མཆོད་རྟེན་སེར་པོ་བརྩིགས་པ་ས་འཛིན་གྱི་གཏོ། གླུད་སྒོ་འགགས་ན་ཟོན་གྱི་གཏོ་བྱེད་པ་དགྲ་གཏོའོ། །ལུག་གམ་ཁྱི་ཐོད་དུ་ངར་གླུད་ལོ་གྲངས་གཏུམས་

― MR07_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནུབ་བྱང་བཏང་བ་ན་གཏོ། ཡང་ན་ལོ་གྲངས་ཀྱི་ངར་གླུད་ཕྱིངས་བའི་ཁུད་དུ་གཏུམས་ནས་བཏང་བ་ན་གཏོ། ནད་པའི་འོག་ཏུ་ངར་གླུད་དམ། ཁྱི་ཐོད་སྦ་བ་ཤི་གཏོ། ན་ཟླའི་དགེ་འདུན་ལ་སྟོན་མོ་དྲངས་བ་ཚོགས་གཏོ། ཁམ། གླང་སྔོན་པོ་དང་འུར་རྡོ་བྲ་ཟན་ནུབ་བཏང་ལྷ་གཏོ། གླང་ཐོད་དང་དམར་ཤ་བཏང་བ་འདྲེ་གཏོ། ངར་མི་རྒྱན་ཅན་དང་མདའ་འཕང་བཏང་བ་བྱོལ་གཏོ། གླང་མལ་ལོ་གྲངས་ཀྱི་ཁྲམ་བཏབ་པར་ཆུ་གྲོད་པ་གང་བཏགས། ནད་པའི་སྨད་འདོམས་དཀྲིས་གོས་ཀྱིས་གཏུམས་ནས་ཆུ་ལ་བསྐུར་བ་གླུད་གཏོ། གནོད་འདྲེའི་མིང་རུས་གླུད་ཐོད་ནང་བཅུག་ནས་ལྷ་ཁང་ངམ་ལམ་ཆེན་བཞི་མདོར་མནན་པ་གདོན་གཏོ། ལྕང་མ་གྲུ་ཚད་ལ་ལོ་གྲངས་ཁྲམ་བཏབ་སྐུད་པ་ནག་པོ་ལོ་གྲངས་ཀྱིས་ལྕང་མ་དེ་དཀྲིས་བྱང་གི་ལ་བཙས་སུ་བསྐྱལ་བ་རྩ་གཏོ། སྣང་བརྒྱད་གཟུངས་འདུས་འདོན་པ་རྒྱབ་གཏོ། རྟེན་སྙིང་བྲིས་པ་དཔུང་གཡོན་བཏགས། །གདུང་ཤ་རི་རམ་གྱིས་དབང་བསྐུར། སྦྱིན་སྲེག་བྱ། གླུད་སྒོ་འགགས་ན་ལི་ཡི་གཏོ་བྱའོ། །ནད་པའི་མལ་འོག་བྱི་བའི་ཐོད་པར་རོ་གོས་ཀྱིས་གཏུམས་ནས་སྦེད་པ་ཤི་གཏོ། ལོ་གྲངས་ཀྱི་ངར་གླུད་ལ་རྟ་དང་ཕྱིངས་པ་གོས་ཀྱིས་གཏུམས་ནས་ཆུ་ལ་བསྐུར་བ་

― MR07_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

གླུད་གཏོ། གིན། ལ་གླང་དམར་ལ་ངར་མི་བསྐྱོན་བཏང་ལྷ་གཏོ། གླང་དམར་ཐོད་པར་གིང་གི་ཕྱག་རྒྱ་བྲིས་བཏང་འདྲེ་གཏོ། ཤུག་པའི་ཕོ་གདོང་ལ་ལོ་གྲངས་ཁྲམ་བཏབ་བཏང་བ་རྩ་གཏོ། བྱང་ཤར་མཆོད་རྟེན་སེར་པོ་བརྩིགས་པ་འཛིན་གཏོ། ཞི་བའི་སྦྱིན་སྲེག་བྱ། ཤེས་རབ་ཁྲི་པ་དང་བརྒྱད་སྟོང་པ། ཤེར་ཕྱོགས་མདོ་ཕྲན་བསྒྲགས་པ་རྒྱབ་གཏོ། གླང་རུའམ་རྒྱང་བུ་དང་ངར་མི་གོས་ཁུང་གཏུམས་ནས་འུར་རྡོས་འཕང་བ་བྱོལ་གཏོ། གླང་རུ་ལ་འདྲེ་གང་གནོད་ཀྱི་མིང་བྲིས་མནན་གདོན་གཏོ། གླང་ལ་ངར་མི་བསྐྱོན། ངར་མི་ལུས་ཚད་མི་དམར་པོས་སྣ་དྲངས་ནས་བཏང་བ་རྩ་བའི་གཏོ། ངར་གླུད་དམར་པོ་ཁྲའི་སྒྲོ་བཙུགས་པ་ནུབ་བཏང་བྱོལ་གཏོ། བྱང་ཤར་སྒོམ་ཆེན་ལ་ཆོས་སྟོན་དྲངས་པ་ཚོགས་གཏོ། མར་མེ་ལོ་གྲངས་འབུལ། སཱཙྪ་གདབ་པ་རྒྱབ་ཆོག་གི་གཏོ། འདྲེ་གཟུགས་ལ་མདའ་གཅིག་བརྒྱབ་ནས་གླང་བསྐྱོན་བྱང་ཤར་མཚམས་སུ་མནན་པ་འབྲུབ་གཏོ། དགྲ་གཏོ་ལ་ཁོན་གཏོ་བྱའོ། །ཟིན་རི་བོང་གཟུགས་ལ་དར་སྣ་བཏགས་པར་ངར་གླུད་བསྐྱོན་བཏང་ལྷ་གཏོ། རི་བོང་ངམ་བོང་བུའི་ཐོད་པར་ཟིན་ཕྱག་བྲིས་པ་ཤར་བཏང་འདྲེ་གཏོ། སྟག་པའི་ཕོ་གདོང་ལ་ལོ་གྲངས་ཁྲམ་བཏབ་གོས་བསྐོན་འཁོར་གསུམ་བཏགས་བཏང་རྩ་

― MR07_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གཏོ། གཙུག་ཏོར་སྡོང་བརྒྱན་འདོན་པ་མཐུན་གཏོ། འདྲེ་གདོན་རི་བོང་ཐོད་པར་བཅུག་འགྲམ་འོག་མནན་པ་གདོན་གཏོ། འདྲེ་གཟུགས་མདའ་བརྒྱབ་ཤར་སྦ་བྱོལ་གཏོ། རི་བོང་ཐོད་པ་གོས་གཏུམས་ཤར་བཏང་ཤི་གཏོ། ལོ་གྲངས་ངར་གླུད་བཏང་བ་གླུད་གཏོ། ཤིང་ཕ་གསུམ་ལ་གསུམ་སྐ་རགས་བཅིང་བཏང་ཤི་གཏོ། རི་བོང་དགུའི་གཟུགས་ཤར་དུ་བཏང་། བྱ་དགུའི་གཟུགས་ནུབ་བཏང་བསྒྱུར་གཏོ། དྭ་ཡི་གཏོ་བྱ་བ་དགྲ་གཏོའོ། །ཟོན། ལ་འཛོའམ་དྲེའུ་ལ་ངར་གླུད་བསྐྱོན་བཏང་ལྷ་གཏོ། དྲེའུའི་ཐོད་པར་འདྲེ་གཟུགས་དར་སྣས་བརྒྱན་བཏང་འདྲེ་གཏོ། ཚར་བའི་ཕོ་གདོང་ལོ་ཁྲམ། ཕུ་དུང་གཡས་པ་བསྐོན་ཤར་ལྷོར་བཏང་བ་རྩ་བའི་གཏོ། ངར་གླུད་ལོ་གྲངས་གོས་གཏུམས་དེར་བཏང་ན་གཏོ། བ་ཐོད་དམ་བ་རུ་ལ་འདྲེ་མིང་བྲིས་པ་ཤར་ལྷོར་མནན་པ་འབྲུབ་གཏོ། ནད་པའི་འོག་ཏུ་དྲེལ་ཐོད་མནན་པ་གདོན་གཏོ། གཙུག་གཏོར་སྤང་སྐོང་འདོན་པ་མཐུན་གཏོ། སྦྱིན་སྲེག་བྱས་པའི་ཐལ་བ་དེ་ཕྱོགས་གཏོར་བ་བྱོལ་གཏོ། འདྲེ་མིང་བྱང་དགྲའི་སྒོར་བསྐྱལ་བྱོལ་གཏོ། སེ་བསྐྱེད་པའི་བཀའ་དགྲ་ཕྱོགས་འཕང་པ་བསྒྱུར་གཏོ། འདྲེ་མིང་ན་ཆའི་ནང་བཅུག་ལྷ་ཁང་ཐེམ་འོག་མནན་པ་རྡོལ་གཏོ།

― MR07_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་ལྷོར་མཆོད་རྟེན་བརྩེགས་པ་དཔེ་སྐྱོན་མང་བས་སླར་དཔེ་བསྡུར་སྤར་བཅོས་སོགས་བསྡུར་དཔྱད་བཞིན་བཀོད་དོ། ༈ །ཁྱི་འབྲུག་གནམ་སྒོའི་གཏོ་ལ་སྣང་བརྒྱད་འདོན། ཞ་དང་རང་གི་གཟུགས་ཀྱི་ཕྱག་རྒྱ་བཏགས། ཕག་སྦྲུལ་ས་སྒོ་ལ། སྣང་བརྒྱད་ཚར་གསུམ་འདོན། ལོ་གང་ཡིན་པའི་དགྲ་བདུད་ཀྱི་གཟུགས་ཚ་ཚའི་འོག་ཏུ་མནན། སྟག་སྤྲེལ་དགྲ་དུར་ལ་རྣམ་འཇོམས་འདོན། ཤིང་ལྕགས་ཡོན་ཕུལ། ཤིང་ཁྲུ་ཚད་ལ་ལོ་གང་ཡིན་དགྲ་གཟུགས་བྲི་བ་ལ་སོགས་བྲི་ཞེས་ཀྱང་ཉོབ་ཆེ་བཞག །གླང་ལུག་ཕུང་གྱོད་ལ། སྟོབས་པོ་ཆེ་ཤེས་རབ་ཁྲི་པ་འདོན། གླང་ལུག་ཡོན་ཕུལ། བྱ་ཡོས་རྒུན་ཐུམ་ལ། རྣམ་འཇོམས་གཟུངས་བསྡུས་འདོན། བྱ་ཡོས་གཟུགས་དང་ཤིང་ལྕགས་ཡོན་དུ་ཕུལ། ལོ་གང་ཡིན་གྱི་སྤར་ཁའི་དགྲ་དང་གཟུགས་དང་སྤར་ཁའི་འཁོར་དང་ཕྱག་རྒྱ་ཕྱོགས་སུ་བཏང་། བྱི་རྟ་རུ་གཅོད་ལ། །ཚེ་དཔག་མེད་སྣང་བརྒྱད་བསྒྲགས། །ཐོད་དང་དར་དམར་བྱིན། །བདུན་ཟུར་བཅོས་སོ། ༈ །སྟོར་བརླག་གམ་ན་ཚ་གོད་ཁ་བྱུང་བའི་དུས་ཚོད་དེར། དཔེར་ན་མེ་སྟག་ཉི་མར་མི་འདོད་པ་དེ་བྱུང་ན། ཕྱིས་ཆུ་སྤྲེལ་ཉི་མར་སྟག་གི་གཟུགས་དམར་པོ་བྱས་ཏེ་བྱང་གི་ཆུ་སྐམ་གཤེར་མཚམས་སུ་སྤྲེའུའི་དུས་

― MR07_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་སྦ། གཞན་མ་ངེས་འདྲ་འདྲེ་བདེ་དོགས་མེད་པའི་རིམ་གྲོ་ཡིན། རང་གི་ཟླ་བ་མཐུན་པའི་ཉི་མ་དུས་ཚོད་ལ་བྱའོ། །སྲུང་འཁོར་དང་སྤར་ཕྱག་ལུས་ལ་བཏགས། བདུན་ཟུར་གྱི་གཏོའོ། །སྤར་ཁ་ལ་སྤུངས་པའི་གཏོ་ནི། ལི་ལ་སྤུངས་ན། སྤྱི་བོའི་གནམ་གྲིབ་ཟེར། གཟའ་དཔོན་གྱི་ཞྭ་ལྷོ་ཕྱོགས་བཏང་། ཚེ་གཟུངས་འདོན། གཟའ་དཔོན་གྱི་གོང་ཁུག་ལི་ཕྱག་བཏགས། །བྱང་དུ་མི་འགྲོ་སྟེ་གཟའ་ཡི་ཁ་འགྲམས་སོགས་ཡོད། ཁམ་སྤུངས་ཐང་གི་ས་ཆག །སྣང་བརྒྱད་གདོན། གཟའ་དཔོན་ལ་ཁམ་ཕྱག་བཏགས་ལྕགས་ཕུར་བཏགས། ལྷོ་ཕྱོགས་སྤངས། ལི་ཁམ་གཉིས་སྤུངས། དྭ་ཟིན་གྲི་ཕུར་ལངས་པའི་གཏོ། རྣམ་འཇོམས་མང་གདོན་ཁྲུས་བྱ། སྟག་ཡོས་ཀྱི་གཟུགས་དང་། གཟའ་དཔོན་གྱི་སྐ་རགས་ཕྱེད་དང་། ཤིང་ལུས་ཚད། སྟག་ཡོས་ཀྱི་གཟུགས་ཟིན་ཕྱག་ཤར་དུ་བཏགས། །གཞུ་དང་གྲི་དང་སྐ་རགས་ཕྱེད་བྱ་སྤྲེལ་གཟུགས། དྭ་ཕྱག་ནུབ་དུ་བཏགས། དྭ་ཟིན་རེ་རེ་ལ་བབ་པའི་གཏོ་ཡང་ཡིན། ཤར་ནུབ་སྤངས། ལི་སོགས་སྲུང་འཁོར་མོང་སྣང་གནོད། སྨེ་དགུའི་གཅིག་དཀར་སྟེང་དུ་ན་ན་སོགས་ཀྱི་གཏོ་དཀར་ནག་མང་པོ་མི་བྲི་ཧ་ཧ། །གཏོ་ཆོག་བཀྲ་ཤིས་འདོད་འཇོ་སྤང་མའི་ལྡེབ་བརྒྱ་དཔའི་

― MR07_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱབ་ཏུ། སྤྱངས་རེ་ལྕགས་མཆན་ལ་འདུག་པ། རི་ལྕང་ ཞེས་རི་ཁའི་ལྕང་མ་ཤྱན་པ་སྐྱ་བོ་དེ་ཡིན། ལྡེ་པ་བཅོ་ལྔ་པའི་རྒྱབ་ཏུ་བོན་པོའི། བཤང་ཞེས་པ། གཞང་ཞེས་ག་འབུལ་ཅན་ཡིན། ལྡེབ་རེ་བཞི་བའི་རྒྱབ་ཏུ། རུས་ལྔའི་བླ་ཤིང་སྐབས། ཀུང་དམ་ལོང་། ཤང་དམ། དབྲ་ལྕགས། ཁམས་གཡར་པ། སྦྱར་བམ། ལ་ལར་དབྱར་བ་ཞེས་བྲིས་བ་འདི་རི་ཁརསྐྱེས་པའི་ལྕང་མ་ཡིན། རེ་ལྕགས་ཟེར་བ་ནོར་འདུག་བཅོས་ན་ལེགས། རི་ལྕང་། །

མི་ཁ་གཡང་ལེན་རྟེན་འབྲེལ།

― MR07_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཁ་གཡང་ལེན་རྟེན་འབྲེལ་ནི། ཤར་ལྷོ་ནུབ་བྱང་གི་ལ་རྩེ་བཞི་ནས་རྡོ་དཀར་བཞི་བླང་། མི་སྐྲ་དཀར་པོ་བཀྲ་ཤིས་པའི་ལག་ནས་བླང་བའི་དར་དཀར་གཅིག་མདའ་ལ་བཏགས། ཤིང་བྱང་ལ་ཉི་ཟླ་སྐར་གསུམ། མི་དཀར་རྟ་དཀར་གཡས་ན་བ་དན་དཀར་པོ་ཕྱར་བ། གཡོན་དུ་དུང་བསྣམས་པ། ཕྲག་གཡས་སེང་གེ་གཡོན་འབྲུག །སྤྱི་བོར་ཁྱུང་ལྡིང་བ་བྲིས། དེ་ལ་ནམ་རྒྱང་མདའ་འཕང་ཟས་བཟང་དགུ་ལ་སོགས་པས་ཁྲིག་གིས་བསྐོར། རང་འཇམ་དཔལ་དཀར་གསལ་དྲི་མ་མེད་པ་ཟླ་མདོག་མཆོག་སྦྱིན་པད་ཀར་བསྣམས་པར་གསལ་ལ། ཨ་བརྒྱ་བཟླས། དེ་ནས་སྤོས་བཏང་གསེར་སྐྱེམས་མཆོད། མདའ་དར་གཡབ་ལ། ཀྱེ། དེ་རིང་ལྷ་གཞིའི་གོང་འདི་རུ། །འཕགས་པ་འཇམ་དཔལ་སྤྱན་འདྲེན་ནོ། །ཀོང་ཙེ་སེམས་དཔའ་སྦྱན་འདྲེན་ནོ། །ཕྱོགས་བཅུའི་སངས་རྒྱས་སྤྱན་འདྲེན་ནོ། །འཕགས་པ་ཐམས་ཅད་སྤྱན་འདྲེན་ནོ། །འབྱུང་ལྔའི་ལྷ་མོ་སྤྱན་འདྲེན་ནོ། །སྤར་སྨེ་ལོ་སྐོར་སྤྱན་འདྲེན་ནོ། །གནས་རྒྱུའི་འབྱུང་པོ་སྤྱན་འདྲེན་ནོ། །སྐྱོབ་པའི་ལྷ་དགུ་སྤྱན་འདྲེན་ནོ། །འགོ་བའི་ལྷ་ལྔ་སྤྱན་འདྲེན་ནོ། །དགྲ་བླ་བཅུ་གསུམ་སྤྱན་འདྲེན་ནོ། །མདའ་དར་དཀར་པོས་གཡབ་ཅིང་འབོད། །འབྲུ་སྣའི་ཚོགས་ཀྱིས་མཆོད་པ་འབུལ། །སྨན་སྣའི་ཚོགས་ཀྱི་མཆོད་པ་

― MR07_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ། །བདུད་རྩི་གསེར་སྐྱེམས་མཆོད་པ་འབུལ། །མེ་ཏོག་སྣ་ཚོགས་མཆོད་པ་འབུལ། །མཆོད་དོ་གཙུག་ལག་ལྷ་རྣམས་མཆོད། །དཀོན་མཆོག་གསུམ་གྱི་བདེན་པ་བདར། །བདེན་དོན་གཙང་མའི་སྨྲེང་ཞིག་གྱེར། །མཁྱེན་གཟིགས་ལྷ་རྣམས་དགོངས་སུ་གསོལ། །ཀྱེ། །སྣང་སྲིད་འཁོར་འདས་ཆོས་རྣམས་ཀུན། །སྟོང་གསལ་དབྱེར་མེད་ཆོས་ཀྱི་སྐུ། །རྣམ་དག་འཇམ་དཔལ་གཞོན་ནུ་ཡིན། །འཇམ་དཔལ་ཕྱག་རྒྱའི་སྐུར་བཞེངས་པ། །ང་ནི་ཀོང་ཙེ་སེམས་དཔའ་ཡིན། །སྣང་སྲིད་ཐམས་ཅད་ང་ཡི་ཀློང་། །ང་ནི་གར་གྱི་དབང་ཕྱུག་ཡིན། །ང་ཡི་བདེན་པའི་ཚིག་སྨྲས་པ། །མི་འགྲུབ་པ་ནི་ཡོད་མི་སྲིད། །སྲིད་པ་ལེགས་ཉེས་གཉིས་སྲིད་ཀྱང་། །ཐམས་ཅད་སྒྱུ་འཕྲུལ་དྲ་བའི་གར། །དཔའ་བོ་ང་ཡི་ཕྱག་རྒྱ་ཡིན། །མ་རྟོགས་སེམས་ཅན་སྣང་ངོ་ལ། །མི་ཁ་ཞེས་བྱ་འཕྲུལ་པོ་ཆེ། །བཟང་བར་གླེང་ན་སྣང་མི་ཅོག །ངན་པར་གླེང་ན་འཕྱ་བའི་རྒྱུ། །ཀུན་རྟོག་ཅན་ལ་ཅི་ཡང་དགྲ། །སྣང་སྲིད་དབང་བསྒྱུར་རྣལ་འབྱོར་པས། །མི་ཁ་གཡང་དུ་ལེན་པ་ནི། །མི་ཁའི་རྒྱལ་པོ་ཆེན་པོ་ནི། །གསུང་མཆོག་པདྨ་རིགས་ཀྱི་ཡབ། །མི་ཁའི་རྒྱལ་མོ་ཆེན་མོ་ནི། །བདེ་ལྡན་པདྨ་རིགས་ཀྱི་ཡུམ། །

― MR07_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་གཉིས་བསྡེབས་པའི་ཆོ་འཕྲུལ་ལས། །མི་ཁ་ལྕམ་དྲལ་མང་པོའི་ཚོགས། །བྱང་ཆུབ་སེམས་དཔའ་སེམས་མའི་ཚོགས། །མི་ཁའི་བྲན་དང་ཕོ་ཉ་ནི། །ཕྱག་བརྙན་སྒོ་བ་སྒོ་མ་ཡིན། །ཐམས་ཅད་རང་སེམས་རང་ལས་འཕྲུལ། །མ་དག་པ་ལ་མ་དག་དངོས། །དོན་ལ་རྣམ་དག་ལྷ་ཡི་དལ། །དེ་ཕྱིར་རང་བཞིན་རྣམ་དག་དང་། །ལྷ་དང་སྔགས་དང་བསམ་པའི་མཐུའི། །བདེན་པ་ཆེན་པོས་འཇིག་རྟེན་འདིར། །མང་པོས་གླེང་བའི་མི་ཁ་ཀུན། །སྙན་གྲགས་གསུང་གི་གཡང་དུ་ལེན། །སྨྲས་ཤིང་སྨྲས་བཞིན་རྒྱལ་གྱུར་ཅིག །ཁྱབ་ཅིང་ཁྱབ་ཅིང་དཔལ་གྱུར་ཅིག །མང་པོས་བལྟ་བའི་མི་ཁ་ནི། །ཡིད་འོང་སྐུ་མཆོག་གཡང་དུ་ལེན། །བལྟ་ཞིང་བལྟ་ཞིང་རྒྱལ་གྱུར་ཅིག །འདུ་ཞིང་འདུ་ཞིང་དཔལ་གྱུར་ཅིག །མང་པོས་སེམས་པའི་མི་ཁ་ནི། །བདེ་མཆོག་ཐུགས་ཀྱི་གཡང་དུ་ལེན། །སེམས་ཤིང་སེམས་ཤིང་རྒྱས་གྱུར་ཅིག །གུས་ཤིང་གུས་ཤིང་དབང་གྱུར་ཅིག །སྣང་གྲགས་རིགས་གསུམ་ཨོཾ་ཨཱཿཧཱུྃ། ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱིས་ཀུན་ལ་ཁྱབ། །སྐུ་གསུང་ཐུགས་ལས་འདའ་བ་མེད། །སྣང་བ་རྡོ་རྗེའི་སྐུ་ཉིད་དུ། །དགེ་འདུན་བདེན་པས་

― MR07_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

གཡང་དུ་ལེན། །གྲགས་པ་རྡོ་རྗེའི་གསུང་ཉིད་དུ། །དམ་ཆོས་བདེན་པས་གཡང་དུ་ལེན། །རིག་པ་རྡོ་རྗེའི་ཐུགས་ཉིད་དུ། །སངས་རྒྱས་བདེན་པས་གཡང་དུ་ལེན། །དབྱེར་མེད་ཡེ་ཤེས་རྡོ་རྗེ་ནི། །རྒྱལ་ཀུན་ཕྲིན་ལས་དཔའ་བོའི་སྐུ། །དོན་གྲུབ་ཝེར་མ་དཀར་པོ་སྟེ། །སེང་ཆེན་ཕྱོགས་ལས་རྣམ་པར་རྒྱལ། །བཞུགས་པ་ཆོས་ཀྱི་དབྱིངས་ན་བཞུགས། །ཁྱབ་པ་ནམ་མཁའི་ཁམས་སུ་ཁྱབ། །བརྫུ་བ་སྣང་སྲིད་ཡོངས་ལ་བརྫུ། །སྣང་སྲིད་དབང་བསྒྱུར་དགྲ་བླའི་རྗེ། །གཡས་ན་བ་དན་ལྕེ་བརྒྱད་ཕྱར། །སྲིད་པ་གསུམ་ན་སྙན་པར་སྒྲོགས། །སྣང་སྲིད་མཐུན་པའི་གྲོགས་སུ་འཆར། །གང་སྨྲས་སྙན་པར་གྲགས་པར་མཛོད། །སྙན་པས་ཚེ་ཡི་རྒྱུན་ཆེན་བཏིང་། །ཨ་ལ་ལ་ཧོ་ཝེར་མའི་རྒྱལ། །མཆོད་དོ་བསྟོད་དོ་ལས་ཀྱི་ལྷ། །དེ་རིང་མི་བུ་རྒྱལ་བར་མཛོད། །གཡས་ན་བཀྲ་ཤིས་དུང་དཀར་བསྣམས། །ནམ་མཁའི་དབྱིངས་ཀུན་སྒྲ་སྙན་ཁྱབ། །སྨྲས་ཚད་ཕན་པའི་ཕྱོགས་སུ་སྒྱུར། །བདུད་དང་བར་ཆད་དེ་ཡིས་ཟློག །ཚེ་དཔལ་མཐུན་རྐྱེན་དེ་ཡིས་སྤེལ། །ཕྱོགས་ལས་རྣམ་པར་རྒྱལ་བར་མཛོད། །དེ་རིང་མི་ཁ་གཡང་བླང་བའི། །སྙན་གྲགས་སྤེལ་བའི་རྒྱལ་པོ་ཁྱོད། །རི་བོའི་རྩེ་ལ་ངོ་སོ་བསྟོད། །

― MR07_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པ་ནམ་མཁའི་དབྱིངས་སུ་བཞུགས། །ནམ་མཁའ་ཇི་སྲིད་བདག་ལ་སྐྱོབ། །ད་ནི་མི་ཁ་གཡང་བླང་བས། །མི་ཁ་གཤེད་དང་བདུད་མི་འབེབ། །མི་ཁ་དཔལ་དང་གཡང་དུ་ཤར། །བདུད་ཀྱིས་ཐོས་ཀྱང་ལྷ་སེམས་སྐྱེ། །གང་དུ་གྲགས་ཀྱང་ཡོན་ཏན་འཆར། །ཇི་ལྟར་སྨྲས་ཀྱང་ཕན་པ་ཆེ། །རི་རབ་རྩེ་ལ་སྐུ་བརྟེན་ལ། །རྒྱ་མཚོ་ཆེ་ལ་ཞལ་སྐྱེམས་མཛོད། །གླིང་བཞི་གླིང་ཕྲན་སྤྱན་གྱིས་གཟིགས། །རྟགས་ཏུ་བཞུགས་ནས་སྙན་པར་སྒྲོགས། །འཇམ་དཔལ་བྱིན་རླབས་དེ་ལྟར་ཆེ། །ཆོས་ཉིད་བདེན་པ་དེ་ལྟར་ཟབ། །དཀོན་མཆོག་ནུས་པ་དེ་ལྟར་རྨད། །རྟེན་འབྲེལ་མཐུ་སྟོབས་དེ་ལྟར་མཚར། །བསླུ་མེད་མཆོག་གི་བདེན་པ་ཡིས། །དེ་ནི་རྒྱལ་ལོ་ལྷ་རྒྱལ་ལོ། །ཞེས་བྱས་ལ་དགའ་ཞིང་རྩེ་བྲོ་སྟོན་མོ་དང་བཅས་པའི་ཚུལ་གྱི་རི་མཐོན་པོའི་རྩེ་མོར་བསྐྱལ། བསྐྱལ་མཁན་དེ་ལ་ཟས་སྣ་ཚོགས་ལམ་རྒྱགས་དང་། ཁྱིམ་དུ་སླེབ་ནས་དར་དཀར་པོ་སོགས་བཀྲ་ཤིས་རྫས་བྱིན། རང་གིས་སྣང་སྲིད་སྐུ་གསུང་ཐུགས་སུ་བསམ་ལ། ཨོཾ་ཨཱཿཧཱུྃ་འབུམ་ཕྲག་གཅིག་བཟླ། དེ་དུས་ལྟས་དང་ལ་ཉེ་མང་པོ་འོང་ན་ཐེ་ཚོམ་མེད། རྟེན་འབྲེལ་དབང་གིས་མི་ཕན་མི་སྲིད་དོ། །དེ་ཕན་ཆད་བཟང་ངན་ཇི་ལྟར་བསྒྲགས་ཀྱང་ཡིད་ཀྱི་ཟུར་ཙམ་བག་ཚ་མི་བྱ། ཇི་ལྟར་མི་ཁ་ཆེ་ཡང་མི་འདོད་ཕན་པའི་དཔལ་དུ་འགྱུར། སླར་མི་ཁ་ལ་སྐྱོན་

― MR07_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཟུང་ནས་མི་ཁ་བསྒྱུར་མནན་གྱི་གཏོ་མི་བྱ། དེ་བྱས་ན་འདིའི་ནུས་པ་འཇིག །དེ་མིན་ཅིས་ཀྱང་མི་གནོད་མི་འགྱུར་ཕན་ངེས་སོ། །རབ་ཚེས་ཤིང་སྤྲེལ་ཟླ་བ་བཅུ་གཅིག་ཚེས་བཅོ་ལྔ་ལ་མི་ཕམ་པས་འཕྲལ་ཤར་བཞིན་བྲིས། དགེ་ལེགས་མཁའ་མཉམ་འཕེལ། །མངྒ་ལཾ། །

― MR07_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཁ་ཟློག་པ། པར་རིས།

གཡང་འགུགས་ལྷ་རྫས་ལྕགས་ཀྱུ།

― MR07_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

གཡང་འགུགས་ལྷ་རྫས་ལྕགས་ཀྱུ་བཞུགས། ཧཱུྃ། དེ་རིང་གཟའ་སྐར་ཚེས་བཟང་ལ། །ཕྱྭ་་ཆ་གཡང་གི་རྫས་བཀྲམ་སྟེ། །ཕྱྭ་གཡང་འགུགས་པའི་ལས་བྱེད་ན། །དགོངས་སུ་གསོལ་ལོ་ལྷ་མགོན་ཚོགས། །དཀོན་མཆོག་གསུམ་གྱི་བདེན་པ་དང། །རྩ་གསུམ་སྲུང་མའི་བྱིན་རླབས་ཀྱིས། །མཐོན་པོའི་མཐོ་གཡང་གནས་འདིར་ཁུག །ཆེན་པོའི་ཆེ་གཡང་གནས་འདིར་ཁུག །དར་བོའི་དར་གཡང་གནས་འདིར་ཁུག །བཙན་པོའི་བཙན་གཡང་གནས་འདིར་ཁུག །ཕྱུག་པོའི་ཕྱུག་གཡང་གནས་འདིར་ཁུག །འཕན་པོའི་འཕན་གཡང་གནས་འདིར་ཁུག །མཁས་པའི་མཁས་གཡང་གནས་འདིར་ཁུག །བཙུན་པའི་བཙུན་གཡང་གནས་འདིར་༴ གྲུབ་པའི་གྲུབ་གཡང་༴ བདེ་བའི་བདེ་གཡང་གནས་འདིར་ཁུག །སྐྱིད་པའི་སྐྱིད་གཡང་༴ བཟང་བའི་བཟང་གཡང་༴ དཔའ་བའི་དཔའ་གཡང་༴ མཛེས་པའི་མཛེས་གཡང་༴ མཐུན་པའི་མཐུན་གཡང་༴ ཕྱོགས་ལས་རྣམ་རྒྱལ་ཕྱྭ་གཡང་༴བསམ་དོན་འགྲུབ་པའི་ཕྱྭ༴ འདོད་དགུ་འཕེལ་བའི་ཕྱྭ༴ ཚེ་རིང་ནད་མེད་ཕྱྭ༴ མངའ་ཐང་སྙན་གྲགས་ཕྱྭ༴ བཀྲ་ཤིས་དགེ་མཚན་ཕྱྭ༴ རི་བོའི་རྩེ་ནས་ཕྱྭ༴ རྒྱ་མཚོའི་གཏིང་

― MR07_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཕྱྭ༴ ཕྱོགས་བཞིའི་གནས་ནས་ཕྱྭ༴ ལྷ་གཡང་སྤྲིན་བཞིན་ཐིབས་སེ་ཐིབ། ཀླུ་གཡང་རྒྱ་མཚོ་མེ་རེ་རེ། །མི་གཡང་དམུ་ཞགས་ལྡེམས་སེ་ལྡེམ། །ཉི་མ་བཞིན་དུ་ཀྱི་ལི་ལི། །ཟླ་བ་བཞིན་དུ་རྒ་ར་ར། །སྐར་ཚོགས་བཞིན་དུ་ལམས་སེ་ལམ། །ན་བུན་བཞིན་དུ་ཐིབས་སེ་ཐིབ། །ཆུ་ཀླུང་བཞིན་དུ་འདུ་རུ་རུ། །སྦྲང་ཆར་བཞིན་དུ་སི་ལི་ལི། །ཁུ་ཡེ་ཁུ་ཡེ་གཡང་ཁུགས་སོ། །ཧུ་ཡེ་ཧུ་ཡེ་གཡང་འདུས་སོ། །ཧུ་ལ་ཧུ་ལྡན་གཡང་ཆགས་སོ། །ཕྱྭ་ཡི་རྒྱ་མཚོ་མེ་རེ་རེ། །གཡང་གི་དམུ་ཞགས་ཀྱི་ལི་ཡི། །དཔལ་གྱི་ན་བུན་ཐིབས་སེ་ཐིབ། །ཕྱྭ་འདི་རི་ལ་མ་བྲོས་ལ། །གཡང་འདི་སྒོ་ལ་མ་ཉམས་ཤིག །དཔལ་འདི་གཞན་དུ་མ་གཡེལ་ཅིག །ར་བར་གཡང་འཕེལ་ཕྱུགས་ཀྱིས་གང་། །བང་མཛོད་གཡང་འཕེལ་འབྲུ་ཡི་གང་། །ཁྱིམ་ལ་གཡང་འཕེལ་མི་ཡིས་གང་། །བཅུད་ཆེན་ཟས་ཀྱི་རྒྱ་མཚོ་བསྐྱིལ། །གཡང་ཆེན་ནོར་གྱི་རི་བོ་སྤུངས། །བརྗིད་ཆེན་གོས་ཀྱི་ཆར་རྒྱུན་ཕོབས། །རྟག་ཏུ་ལྷ་དང་དཔལ་གནས་ཤིང་། །སྒྱུ་མའི་བང་མཛོད་ནམ་མཁའ་མཉམ། །འཛད་མེད་དཔལ་འབྱོར་དངོས་གྲུབ་སྩོལ། །ཕྱོགས་བཅུ་ནམ་མཁའི་མཐར་ཐུག་ནས། །ཕྱྭ་དང་གཡང་གི་བཅུད་འདུས་ཏེ། །བདག་དང་སྒྲུབ་པའི་རྟེན་ལ་ཐིམ། །མི་ནུབ་རྒྱལ་མཚན་

― MR07_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དུ་བརྟན། །མི་ཤིགས་རྡོ་རྗེ་ལྟ་བུར་རྟག །མི་འགྱུར་གཡུང་དྲུང་བཞིན་དུ་འཁྱིལ། །ཉི་ཟླ་བཞིན་དུ་གསལ་གྱུར་ཅིག །སྤྲིན་ཆེན་བཞིན་དུ་རྒྱས་གྱུར་ཅིག །འབྲས་བཟང་བཞིན་དུ་འཕེལ་གྱུར་ཅིག །གང་འདོད་ཕུན་སུམ་ཚོགས་པ་ཡི། །ཕྱྭ་དང་གཡང་གི་དངོས་གྲུབ་རྒྱས། །ཡིད་བཞིན་ནོར་བུ་དཔག་བསམ་ཤིང་། །གཏེར་གྱི་བུམ་པ་བཟང་པོ་བཞིན། །ཅི་བསམ་ལྷུན་གྱིས་གྲུབ་པ་ཡི། །བཀྲ་ཤིས་བདེ་ལེགས་དེང་འདིར་སྩོལ། །ཚིག་རྐང་བདུན་ཅུ་རྩ་གཉིས་པ། །བརྒྱ་རྩ་བརྒྱད་དུ་བཏོན་བགྱིས་ན། །དེ་མ་ཐག་ཏུ་ཕྱྭ་དང་གཡང་། །ཁུག་པའི་དགེ་མཚན་མངོན་སུམ་མཐོང་། །རབ་ཚེས་མེ་སྤྲེལ་ཟླ་ལྔ་ཚེས་ཉེར་ལྔ་ལ། །འཆི་མེད་མཆོག་སྒྲུབ་གླིང་དུ་ནི། འཇམ་དཔལ་དགྱེས་པ་རྡོ་རྗེ་ཡིས། །ཡིད་ཀྱི་མཚོ་ལས་བྱུང་བའི་དཔལ། །ས་མ་ཡཱ། རྒྱ། ཨི་ཐིཿ ༈ བླ་སྨན་ཨ་ཚང་ལགས་ནས་སྤར་དུ་བསྒྲུབས། །དགེའོ། །མངྒ་ལཾ།། །།

ནོར་ཕྱུགས་ཁ་ཚྭ་བཅོས་ཐབས།

― MR07_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་དུས་ཀྱི་ཐ་མ་ལ། སྡེ་བརྒྱད་སྤྱི་དང་ཁྱད་པར་མོ་འདྲེའི་རྐྱེན་གྱིས་ནོར་ཕྱུགས་ལ་ཁ་ཚར་གྲགས་པས་འཚེ་བ་ན། དེའི་དུས་སུ་ཟབ་མོ་མདོས་ཀྱི་གདམས་པ་འདི་ལྟ་བུ་བྱས་ན་ཤིན་ཏུ་ཟབ་སྟེ། དེ་ཡང་མ་མོ་ནག་མོ་བུད་མེད་གསུམ་གྱིས་བསྐོར་བ་ལ། བཤོས་བུ། ཕྱུགས་གླུད། ནམ་རྒྱང་། མདའ་འཕང་རིས། ལེགས་པར་འཛོམས་པར་འདུ་བྱས་ནས། འདི་ལྟར་རང་ལྷའི་ང་རྒྱལ་གྱིས་མཆོད་པ་བྱིན་གྱིས་བརླབས། ཀྱཻ། སངས་རྒྱས་རྐང་གཉིས་གཙོ་སྟེ་བདེན་པའི་མཆོག །སོགས་ཀྱིས་མདོས་མགྲོན་འགུགས་ལ། རིན་ཆེན་གླུད་མཆོག་འདོད་པའི་ཡོན་ཏན་ལྔ། །མི་ཟད་ནམ་མཁའ་མཛོད་ཀྱི་གཏེར་གྱུར་པ། །ཕན་བདེ་ཟག་པ་མེད་པའི་ལོངས་སྤྱོད་འདི། །ཐོག་མེད་འཁོར་བ་བུ་ལོན་ལན་ཆགས་བགེགས། །གདོན་རིགས་འབྱུང་པོ་སྤྱི་དང་ཁྱད་པར་དུ། །ནོར་ཕྱུགས་དཀར་ལ་རློམ་པ་མོ་འདྲེ་ནི། །མི་ལ་དངོས་སུ་བརྫུ་ཞིང་མཚན་ལ་རྒྱུ། །དྲི་ཟ་གཤེད་འཁྱམས་འགོང་པོ་རྣམས་ལ་བསྔོ། །ཐོག་མེད་འཁོར་བར་བསགས་པའི་བུ་ལོན་བྱང་། །དགའ་བདེ་ཚད་མེད་བྱམས་པའི་སེམས་དང་ལྡན། །པད་འབྱུང་བཻ་རོ་ཙཱ་ནའི་བཀའ་བཞིན་དུ། །འཁོར་འདིར་མ་གནོད་རང་རང་གནས་སུ་སོང་། །ཀྱཻ། བསད་བྱ་གསོད་བྱེད་བསད་བྱའི་སྦྱོར་བ་དང་། །མཐའ་མར་སྲོག་གི་དབང་པོ་འགགས་པ་ཡང་། །མི་བདེན་སྒྱུ་མ་རྨི་ལམ་ལྟ་བུ་སྟེ། །བདེན་པས་སྟོང་པ་སྤྲོས་བྲལ་ཆོས་ཀྱི་དབྱིངས། །བརྐུ་བྱ་རྐུ་བྱེད་བརྐུ་བའི་སྦྱོར་

― MR07_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། །མཐའ་མར་བརྐུས་པའི་ནོར་རྫས་ཐོབ་པ་ཡང་། །མི་བདེན༴ བདེན་པས༴ གནོད་བྱ་གནོད་བྱེད་གནོད་པའི་སྦྱོར་བ་དང་། །མཐའ་མར་གནོད་པའི་ཟུག་རྔུ་འབབ་པ་ཡང་། །མི་བདེན་སྒྱུ་མ༴ བདེན་པས༴དེ་ལྟར་རྣམས་མང་སྲིད་དང་ཞི་བའི་ཆོས། །ཡུལ་དང་ཡུལ་ཅན་གཉིས་སུ་འཛིན་པའི་བློ། །མི་བདེན་སྒྱུ་མ༴ བདེན་པས་སྟོང་པ༴ དབྱིངས་ལ་ཡེ་ནས་འགྱུར་བ་མེད་ན་ཡང་། །རྣམ་རྟོག་རིག་པའི་རྩལ་ལ་ཅི་ཡང་སྲིད། །མི་སྲིད་སྲིད་པ་ཆགས་པའི་བསྐལ་པ་འདིར། །ཡང་དག་རྒྱལ་མཆོག་ཤཱཀྱའི་བསྟན་པ་འབྱུང་། །བསྟན་པ་དེ་ལ་ཆེ་བ་རིག་འཛིན་གཙོ། །རྒྱལ་མཆོག་རྡོ་རྗེ་ཐོད་ཕྲེང་རྫུ་འཕྲུལ་ངོམས། །གངས་ཆེན་བདེ་བ་བསྟན་པའི་སྒྲོན་མེ་སྦར། །རྒྱ་བོད་མཁས་དང་གྲུབ་པའི་ཉི་མ་ཤར། །དེ་ལས་ཁྱད་འཕགས་རྣམ་སྣང་ལོ་ཙ་བྱོན། །རིག་འཛིན་ཨོ་རྒྱན་བརྒྱུད་པར་བཅས་པ་ཡིས། །བརྩེ་བའི་ཐུགས་རྗེ་ཆེན་པོའི་དེད་དཔོན་གྱིས། །ནུས་མཐུའི་གྲུ་ལ་འགྲོ་ཀུན་མཉམ་པར་བཀོད། །དེ་དུས་སྣང་སྲིད་ལྷ་འདྲེ་དམ་ལ་བཏགས། །ཆོས་དབྱིངས་དྲི་མ་མེད་པའི་བདེན་པ་དང་། །ཆོས་ཅན་རྟེན་འབྲེལ་མི་བསླུའི་ཆོས་བཤད་དེ། །འཇིག་རྟེན་རྣམ་པར་རྒྱུ་བའི་འདྲེ་མོ་ཁྱོད། །ཡུལ་ཀུན་འགྲིམ་ཞིང་ནོར་ཕྱུགས་རྣམས་ལ་འཚེ། །དཀར་ལ་རློམ་ཞིང་མཚན་མོ་ཀུན་ཏུ་རྒྱུ། །ཇི་ལྟར་ཁྱོད་ལ་རྡོ་རྗེ་བཀའ་བཞིན་དུ། །ཐ་ཚིགས་བསྐུལ་བས་མདོས་དང་ཡས་འབུལ་ཏེ། །འཚེ་བའི་བསམ་ངན་འདོར་བའི་རྟེན་འབྲེལ་

― MR07_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས། །དེང་ནས་ཁྱོད་ཀྱིས་ཕྱུགས་ནད་སྤྱི་དང་ནི། །ཁ་ཚར་གྲགས་པའི་ནད་འདི་མྱུར་དུ་ཆོད། །ཕྱིན་ཆད་གཏན་ནས་འཚེ་བར་མ་བྱེད་ཅིག །གལ་ཏེ་བསྒོ་བའི་དམ་འདི་ལས་འདའ་ན། །དུས་གསུམ་ཁྲོ་བོའི་ཕྲིན་ལས་རྡོ་རྗེའི་མེ། །འབར་བའི་ཕུར་བུའི་རྣམ་པར་ཁྱོད་གཙུག་ཏུ། །ཤིན་ཏུ་བསྲེགས་ཤིང་ཉམས་པར་འགྱུར་བ་ཡིན། །དེ་བས་པད་འབྱུང་རྗེ་དང་བཻ་རོ་ཡིས། །བཀའ་བསྒོས་བཞིན་དུ་འདའ་བར་མ་བྱེད་ཅིག །ན་མཿསརྦ་ཏ་ཐ་ག་ཏ༴ དབྱིངས་ལས་སྤྲུལ་པ་སྒྱུ་མའི་རོལ་པ་ནི། །མི་ཟད་འདོད་འབྱུང་ཟས་ནོར་འདོད་དགུའི་དཔྱིད། །སྦྱིན་བདག་མི་ཕྱུགས་ཡུལ་གཞིའི་ལོངས་སྤྱོད་ལས། །འབུམ་ཕྲག་འཕགས་པ་མདོས་ཀྱི་ཡོ་བྱད་འདི། །ཁྱེར་ལ་རྒྱ་མཚོའི་ཕ་རོལ་འགྲོ་བར་གྱིས། །ཁྱོད་ཉིད་མཐོང་བའི་ཇི་བཞིན་ཡིད་ཀྱིས་བལྟས། །གནས་ལུགས་གསལ་བ་ཇི་བཞིན་སྨྲང་གིས་བཀྲོལ། །བཀའ་དང་བདེན་པ་ཆོ་གའི་མཐུ་རྫོགས་པས། །མྱུར་དུ་མ་འདུག་རང་རང་གནས་སུ་སོང་། །ཞེས་ཡས་ལམ་དུ་འཕང་། ཕྱི་ནས་ཡུངས་ཀར་བྲབ་སྟེ། བདག་ཉིད་ལས་ཀྱི་དབང་དྲག་ཆེ་མཆོག་ཀི་ལ་ཡར་གསལ་བའི་སྤྱི་གཙུག་ཏུ་བཻ་རོ་དང་པད་འབྱུང་བསྒོམ། མཆན། སྐུ་ལས་སྤྲོས་པའི་ཕུར་བུ་འབར་བའི་ཚོགས་འགྲིལ་བས། གང་དག་ཕྱི་འཁུན་ཀླད་པར་ཐེབ་ནས་མེ་འབར་བས་ལུས་བསྲེག་པར་བསམས་ལ། ཨོཾ་བཛྲ་ཀི་ལི་ཀཱི་ལ་ཡ་ཧཱུཾ་ཕཊ། མོ་འདྲེ་འབྱུང་པོ་ཐམས་ཅད་ལ་འབར་བའི་ཕུར་བུས་ཐོབ་ཅིག་མཱ་ར་ཡ་ཕཊ།

― MR07_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླའོ། །ཧཱུྃ། འབར་བའི་བཀའ་ལས་མདའ་བ་རྡོ་རྗེའི་མེས། །བསྲེག་ཅིང་གང་དག་འགྲོ་ན་དགྱེས་པར་སོང་། །ཆོས་ཉིད་དྲི་མེད་དབྱིངས་ནི་ཡེ་ཤེས་སྐུ། །ཆོས་ཅན་རྟེན་འབྲེལ་རོལ་པ་གཟུགས་ཀྱི་སྐུ། །སྐུ་གཉིས་ཟུང་དུ་འཇུག་པ་དཔའ་བོ་ཆེ། །མི་འདའ་རྡོ་རྗེ་ཐོད་ཕྲེང་འཁོར་བཅས་དང་། །རྣམ་སྣང་ལོ་ཙཱའི་བདེན་པ་ཆེན་པོ་ཡིས། །གནོད་པའི་འབྱུང་པོ་ལོག་པའི་བསམ་པ་ཤིག །སྦྱོར་ངན་ཕྱུགས་ཡམས་ད་ལྟ་ཉིད་དུ་ཆོད། །མི་ཕྱུགས་གཡང་ཆགས་འདོད་དགུའི་རྟེན་ཕུར་ཚུགས། །བཀྲ་ཤིས་རྡོ་རྗེའི་ར་བའི་གནས་འདིར་འཁོད། །འགྱུར་བ་མེད་པ་བྱིན་རླབས་ཕྱག་རྒྱས་ཐོབ། །མི་ཤིགས་ཚེ་གཡང་འདོད་རྒུའི་བཅུད་ཕོབ་ཅིག །སིདྡྷི་དང་བཀྲ་ཤིས་བརྗོད། ནས་ཀྱིས་ཕྱུགས་ཀྱི་ལྷ་གནས་སླས་མལ་སོགས་ཐམས་ཅད་ལ། འཐོར་བས་ཕྱུགས་ནད་ཁ་ཚ་ཆད་པར་འགྱུར་རོ། །ཟླ་དྲུག་ཚེས་གསུམ་ལ་རྨི་ལམ་ལྟར་བློ་གྲོས་དྲི་མེད་ཀྱིས་བྲིས་བ་མདྒ་ལཾ། །།དགེའོ། །དགེའོ། །དགེའོ། །། །།

སྟོང་འཇལ་ལན་ཆགས་ཀུན་བྱང་།

― MR07_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་འཇལ་ལན་ཆགས་ཀུན་བྱང་བཞུགས། ན་མོ་པདྨ་ཀ་རཱ་ཡ། ནད་དང་འཚེ་བ་དང་། གནོད་པ་དྲག་པོ་ཅིས་ཀྱང་བྱར་མི་བཏུབ་པ་བྱུང་ན་འདི་ལྟར་བྱ་སྟེ། ཉེར་དགུའམ་དགུ་གསུམ་སོགས་ཀྱི་ནུབ་མོར་ལམ་བཞི་མདོར་སོང་ལ། གཏོ་ཡི་གཞི་མར། སྣོད་དམ་རྡོ་ལེབ་སོགས་ཀྱི་སྟེང་དུ། དར་མི་དགུ། རྟ་གཟུགས་དགུ་གནག་དགུ། ལུག་དགུར། ར་དགུ། བྱ་དགུ། གསེར་སྦྲམ་དགུ། དངུལ་རྡིལ་ཚད་དགུ། དར་རས་དྲིལ་མ་དགུ། ཆང་བུ་ཟས་སྣ་བཏུང་བ་བཅས་དགུ་བཤམས་ལ། སྐྱབས་འགྲོ་ཚད་མེད་བཞི་བསྒོམ་པ་ནན་ཏན་བྱ། རང་ཁ་སར་པཱ་ཎིར་བསྒོམ་ལ་མ་ཎི་བརྒྱ་རྩ་བརྒྱད་བསྒྲང་། རྟེན་སྙིང་བརྒྱ་རྩ་བརྒྱད་བསྒྲང་། དེ་ནས་གླུད་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབས་ལ། ཧོ། འཕགས་པ་དམ་པ་དཀོན་མཆོག་གསུམ་གྱི་བཀའ་བདེན་པ་དང་། ཁྲོ་བོའི་རྒྱལ་པོ་ཌཱ་ཀི་རཱ་ཛའི་མཐུ་སྟོབས་ཀྱི་ནུས་པས། སྲིད་པ་འདི་ན་སུ་ཡང་རུང་སྟེ་ལན་ཆགས་དང་རྐྱེན་བགེགས་བྱེད་པའི་གདོན་བགེགས་འབྱུང་པོ་གང་དག་ཡོད་པ་ཐམས་ཅད་མཆོད་སྦྱིན་གླུད་ཀྱི་མགྲོན་དུ་སྐད་ཅིག་ལ་འདིར་མཆིས་པར་གྱུར། །ཨོཾ་བཛྲ་ཌཱ་ཀི་རཱ་ཛ་ཧཱུྃ་ཛཿ་བདག་ལ་གནོད་བྱེད་འབྱུང་པོ་ཐམས་ཅད་ཨཱ་ཀརྵ་ཡ་ཛཿ ལན་གསུམ། དེ་ནས། ཧོཿ སངས་རྒྱས་དང་ཆོས་དང་དགེ་འདུན་རྣམས་ཀྱིས་དཔང་པོར་མཛོད་ཅིག་འཕགས་པ་རིགས་གསུམ་མགོན་པོས་དཔང་པོ་མཛོད་ཅིག །རིག་འཛིན་པདྨ་འབྱུང་གནས་ཀྱིས་དཔང་༴ ཡི་དམ་རྩ་བ་གསུམ་གྱིས་དཔང་པོར༴ དམ་ཅན་ཆོས་སྐྱོང་སྲུང་

― MR07_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རྣམས་ཀྱིས་དཔང་པོ༴ གནམ་ས་བར་སྣང་གི་ལྷ་ཀླུ་སྡེ་བརྒྱད་སྲིད་པའི་དྲང་མཁན་རྣམས་ཀྱིས་དཔང་པོ་མཛོད་ཅིག །འཇིག་རྟེན་སྐྱོང་བའི་དཔལ་མགོན་དམ་པ་རྣམས་དང་ཡུལ་ལྷ་གཉན་པོ་འགོ་བའི་ལྷ་སྲུང་དང་བཅས་པས་དཔང་པོ་མཛོད་ཅིག །གཙུག་ལག་སྲིད་པ་རྒྱུད་ཀྱི་ལྷས་དཔང་པོ་མཛོད་ཅིག ཧོ། དགོངས་སུ་གསོལ་ལོ། །གསན་དུ་གསོལ་ལོ། །གཟིགས་སུ་གསོལ་ལོ། །ལན་གསུམ། དེ་ནས་མདོས་བསྔོ་བ་ནི། ཧོཿ སྦྱིན་པའི་བདག་པོའམ། རྣལ་འབྱོར་པ་བདག་ལ་སྔོན་གྱི་ཚེ་རབས་ཐོག་མ་མེད་ནས་ལན་ཆགས་པའམ། འཕྲལ་གྱི་རྐྱེན་བགེགས་བྱེད་པ་གདོན་བགེགས་འབྱུང་པོ་ཆྒེེ་མོའམ། ནད་ཡམས་བདག་པོ་བདག་མོ། ཐན་དང་ལྟས་ངན་གྱི་བདག་པོ་བདག་མོ། རྦད་འདྲེ་རྦོད་གཏོང་གི་བདག་པོ་བདག་མོ། ལོ་ཉེས་སད་སེར་བཙའ་ཐན་གྱི༴ གློ་གོར་ཧོན་གསུམ་གྱི༴ མི་ནད་ཕྱུགས་ནད་ཀྱི༴ ལྷ་ཡི་གདོན་དང་། ཀླུའི་གདོན་དང་། བཙན་གྱི་གདོན་དང་། གནོད་སྦྱིན་གྱི༴ སྲིན་པོའི༴ རྒྱལ་པོའི༴

― MR07_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

མ་མོའི་གདོན་དང་། གཤིན་རྗེའི༴ ས་བདག་གི༴ ཟོ་དོར་གྱི་གདོན་དང་། ཡུལ་འདྲེའི་གདོན་དང་། ཕ་མེས་ཀྱི་ཟ་འདྲེའི་གདོན་དང་། བདུད་ཀྱི༴ མ་ཡམས་ཀྱི༴ དམ་སྲིའི༴ ཤི་འདྲེའི༴ དྲི་ཟའི༴ གཟའ་དང་རྒྱུ་སྐར་གྱི༴ འགོང་པོ་ཐེའུ་རང་གི༴ འདྲེ་མོ་བདུད་མོའི་གདོན་ལ་སོགས་པ་བདག་ཅག་གི་ལུས་ལ་ན་ཚ། སེམས་ལ་སྡུག་བསྔལ། བསམ་པའི་བར་ཆད། ཟས་ནོར་ལ་དབུལ་སྲི། སྒྲུབ་པ་ལ་སྒབ་འདྲེ། དཔལ་འབྱོར་ལ་ཁ་འགོང་བྱེད་པ་སོགས་ངན་གྱི་སྣ་འདྲེན། བཟང་གི་སྲི་འགོང་བྱེད་ཅིང་མདོར་ན་བདག་ཅག་བསྲུང་བྱ་འཁོར་དང་བཅས་པ་ལ་གནོད་ཅིང་འཚེ་བ་གང་ཡིན་པ་ཁྱེད་རྣམས་ལ། དེ་རིང་དཔང་པོ་དམ་པ་རྣམས་ཀྱི་གཟིགས་པ་དཔང་དུ་བཞག་སྟེ། བདག་ཅག་འཁོར་དང་བཅས་པས་ཚེ་རབས་ཐོག་མ་མེད་པ་ནས་བསད་པའི་སྟོང་བརྐུས་པའི་འཇལ། བླ་སྲོག་བསླུ་བའི་གླུད། ནོར་ཕྱུགས་ཀྱི་ཚབ། རྐྱེན་ངན་བཟློག་པའི་གཏོ། གནོད་པ་བྱས་པའི་བཤགས་པ། མཁོན་སྦྱང་བའི་འབུལ་བ། ཉམས་ཆག་ཤོར་བའི་གསོས། ཕན་པ་སྒྲུབ་པའི་གཏེར་དུ། ངར་མི་དགུ་དང་། རྟ་ནོར་ར་ལུག་བྱ་ཡི་ཚོགས་དགུ་དང་། གསེར་དངུལ་དར་ཟབ་གཟའ་བཏུང་གི་ཚོགས་

― MR07_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་དགུ་བརྒྱད་བཅུ་གྱ་གཅིག་འདི་ཡ། །ཇི་ལྟར་བསམ་པའི་འདོད་དགུ་མི་ཟད་པར་བྱིན་གྱིས་བརླབས་ཏེ་འབུལ་ལོ། །ཀྱཻ། སྲིད་པ་འདི་ན་ཅི་ཡང་སྲིད། །ལྷ་ཡང་སྲིད་ལ་འདྲེ་ཡང་སྲིད། །དགྲ་ཡང་སྲིད་ལ་གཉེན་ཀྱང་སྲིད། །འདི་ཀུན་རྒྱུ་འབྲས་རྟེན་འབྲེལ་དབང་། །རྟེན་འབྲེལ་རྒྱུད་ལ་མི་བརྟེན་མེད། །བདག་ཅག་མ་ཤེས་འཁྲུལ་དབང་གིས། །གཞན་ལ་གནོད་དང་འགྲམས་འཁྲུགས་སོགས། །ཉམས་ཆག་འགལ་འཁྲུལ་སོང་བ་ན། །སྟོང་གླུད་ཡས་ཀྱིས་མཁོན་པ་སྦྱངས། །མཁོན་སྦྱང་དག་པ་སྲིད་པའི་ལུགས། །སྲིད་པའི་ལུགས་ལ་ཀུན་ཀྱང་བརྟེན། །པད་འབྱུང་རིགས་གསུམ་མགོན་པོའི་བཀའ། །བཀའ་བཞིན་མདོས་གླུད་འདི་གཏོང་ན། །འབུལ་བ་ང་ཡིས་མི་ནོར་ལ། །བཞེས་པ་ཁྱེད་ཀྱིས་མ་ནོར་ཅིག །ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང་། །དྲན་དང་གཟུང་དང་བསམ་དང་རེག །ཀློད་དང་ཞི་དང་གྲོལ་བར་མཛོད། །རིན་ཆེན་མདོས་རྫས་ཡོ་བྱད་རྣམས། །དངོས་ལས་བརྒྱ་སྟོང་འགྱུར་གྱིས་ལྷག །སྔོན་ཆད་བདག་གིས་གནོད་བྱས་པ། །དེ་ལས་འདིས་ཕན་བརྒྱ་སྟོང་ལྷག །དཀོན་མཆོག་གསུམ་གྱི་བདེན་པ་དང་། །སྔགས་དང་ཕྱག་རྒྱ་བསམ་པའི་མཐུས། །

― MR07_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེད་རྣམས་གནོད་འཚེ་ཀུན་བྲལ་ཞིང་། །ཇི་ལྟར་འདོད་པ་བཞིན་དུ་ཚིམ། །དགའ་མགུ་ཡི་རངས་ཐོབ་གྱུར་ཏེ། །བྱང་ཆུབ་སེམས་དང་ལྡན་གྱུར་ནས། །མྱུར་དུ་སངས་རྒྱས་ཐོབ་པར་ཤོག །བདག་གི་ཚེ་རབས་ཐོག་མེད་ནས། །བུ་ལོན་ལན་ཆགས་བྱང་གྱུར་ཅིག །ཤ་མཁོན་སྡིག་སྒྲིབ་དག་གྱུར་ཅིག །འགྲམས་འཁྲུགས་འགལ་བ་ཞི་གྱུར་ཅིག །གནོད་འཚེ་གདུག་རྩུབ་རྒྱུན་ཆད་ཤོག །བདག་དང་སྦྱིན་པའི་བདག་པོ་རྣམས། །བཟུང་བ་ཐོང་ལ་བཅིང་པ་ཁྲོལ། །བསྡམས་པ་ཀློད་ལ་མནན་པ་ཁྱོགས། །ཕྱིན་ཆད་གནོད་པ་མ་བྱེད་ཅིག །ད་ནི་བསད་པ་སྟོང་གིས་དག །བརྐུས་པ་འཇལ་གྱིས་བྱང་བ་ཡིན། །གནོད་འཁྲུགས་གཏོ་ཡིས་ཆོས་གྱུར་པས། །སླན་ཆད་གནོད་པ་ཡོང་མ་བྱེད། །དཀོན་མཆོག་གསུམ་དང་རྩ་བ་གསུམ། །དམ་ཅན་སྲུང་མར་བཅས་པ་ཡི། །དཔང་པོ་དམ་པ་རྣམས་ཀྱི་ནི། །ཡེ་ཤེས་གཟིགས་པ་དཔང་བྱས་ན། །བདག་ཅག་ཕན་ཚུན་གཉིས་ཀྱི་ནི། །མཁོན་པ་དེ་རིང་བྱང་ཟིན་ཏོ། །གནོད་པ་དེ་རིང་བསལ་ཟིན་ཏོ། །ད་ནི་གནམ་ལ་སྤྲིན་མེད་དོ། །ས་ལ་རྡུལ་ཡང་དྭངས་པ་ཡིན། །དེ་རིང་ཕན་ཆད་བདག་གཞན་ཀུན། །བྱང་ཆུབ་སྙིང་པོའི་མཐར་ཐུག་བར།

― MR07_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

། ཕན་ཚུན་ཕ་མ་བུ་ཚའི་ཚུལ། །ཤིན་ཏུ་བྱམས་པའི་སེམས་ཀྱིས་ནི། །ཕན་དང་བདེ་བ་བྱེད་པ་དང་། །བདེ་དང་དཔལ་ནི་ཕུན་སུམ་ཚོགས། །ཞི་དང་བཀྲ་ཤིས་བདེ་ལེགས་ཤོག །ཉི་མ་ཐམས་ཅད་དགེ་བ་སོགས། །བདག་ཅག་ཀུན་ཏུ་བདེ་ལེགས་ཤོག །གང་ལ་སེར་སྣ་སོགས། །སྐྱོབ་པ་གང་ཞིག་བྱམས་སོགས། །སེམས་ཅན་ཀུན་དང་སྲོག་ཆགས་ཀུན། །འབྱུང་པོ་ཀུན་དང་ཁྱེད་ཅག་ཀུན། །བདེ་བ་འབའ་ཞིག་ལྡན་གྱུར་ཅིག །ཐམས་ཅད་ནད་རྣམས་མེད་པར་ཤོག །ཀུན་གྱིས་བཟང་རྣམས་མཐོང་གྱུར་ཅིག །འབྱུང་པོ་གང་དག༴ ཉིན་མོ་བདེ་ལེགས་སོགས་བཀྲ་ཤིས་བརྗོད། །དེ་ལྟར་བྱས་ན་སྔོན་གྱི་ལན་ཆགས་བྱང་། །ཕྲལ་གྱི་རྐྱེན་གེགས་ཞི། ནད་དང་དབུལ་ཕོངས་སོགས་ཅི་བྱས་ཀྱང་མི་ཐུབ་པའི་རྐྱེན་ངན་གྱི་གཡང་ལས་ཐར་ཏེ། བཀྲ་ཤིས་བདེ་ལེགས་ཕུན་སུམ་ཚོགས་པར་འགྱུར་རོ། །འདི་ནི་མེ་བྱ་ཟླ་བ་གཉིས་པའི་ཚེས་བཅུ་དགུ་ནུབ་མོར་རྨི་ལམ་དུ་བརྡ་ཞིག་ཤར་བ་ལ་བརྟེན་ནས་མི་ཕམ་འཇམ་དཔལ་དགྱེས་པས་བྲིས་པ། །མངྒ་ལཾ།། །།

སངས་རྒྱས་བྱང་སེམས་ཀྱི་མཚན་སྣ་ཚོགས་པ་ནོར་བུའི་ཕྲེང་བ།

― MR07_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

མཎིམཱལནཱམབུདྡྷབོདྷིསཏྭཱཧྭཱབིཤྭབིཧརཏིསྨ། །
སངས་རྒྱས་བྱང་སེམས་ཀྱི་མཚན་སྣ་ཚོགས་པ་ནོར་བུའི་ཕྲེང་བ་ཞེས་བྱ་བ་བཞུགས་སོ།

― MR07_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

ལིཙྪ་བཱི་རིན་ཆེན་དྲྭ་བ་ཅན་གྱིས་ཞུས་པའི་མདོ་ལས། སངས་རྒྱས་གང་གི་མཚན་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་བ་སོགས་ཕན་ཡོན་ཚད་མེད་པར་གསུངས་པ་ནི་འདི་ལྟ་སྟེ། ཤར་ཕྱོགས་འཇིག་རྟེན་གྱི་ཁམས་མུ་ཏིག་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འོད་ཟེར་ཟླ་བས་བརྒྱན་པ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །མཆོད་དོ་སྐྱབས་

― MR07_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་མཆིའོ། །ལྷོ་ཕྱོགས་འཇིག་རྟེན་གྱི་ཁམས་ཟླ་བས་བརྒྱན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་གི་འོད་ཀྱིས་རྣམ་པར་རོལ་པ་མངོན་པར་མཁྱེན་པ་ལ་ཕྱག་འཚལ་ལོ། །མདོ་ནས་བསྟན་པའི་སངས་རྒྱས་ཀྱི་མཚན་འདི་རྣམས་ཀྱི་རྗེས་སུ་ཕྱག་འཚལ་ལོ་མཆོད་དོ་སྐྱབས་སུ་མཆིའོ་ཞེས་ཁ་ཏོན་གྱི་དུས་སུ་སྦྱར་ན་ལེགས་པས་འདིར་ཁ་ཅིག་ལ་སྦྱར་བ་ལྟར་འོག་གི་གནས་སྐབས་རྣམས་སུ་ཡང་དེ་ལྟར་ཕྱག་འཚལ་ལོ་ཞེས་པའི་རྗེས་སུ་མཆོད་དོ་སོགས་སྦྱར་བར་བྱའོ། །ཕན་ཡོན་རྣམས་ནི་སྤྲོ་བ་བསྐྱེད་པའི་ཕྱིར་བྲིས་པས་མ་བཏོན་ཀྱང་རུང་ལ། མཚན་རྣམས་སེར་པོའི་ཚོན་གྱིས་ཕྱེས་ན་ལེགས་སོ་མཆན། ནུབ་ཕྱོགས་འཇིག་རྟེན་གྱི་ཁམས་རིན་ཆེན་བཀྲ་བ་ཞེས་བྱ་བ་ན། དེ་

― MR07_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་རྒྱས་པ་སཱ་ལའི་རྒྱལ་པོ་ལ་ཕྱག་འཚལ་ལོ། །བྱང་ཕྱོགས་འཇིག་རྟེན་གྱི་ཁམས་རིན་ཆེན་དྲྭ་བས་གཡོགས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་དཀྱིལ་འཁོར་རྣམ་དག་ལ་ཕྱག་འཚལ་ལོ། །འོག་ཕྱོགས་འཇིག་རྟེན་གྱི་ཁམས་རྒྱལ་མཚན་མཆོག་གི་བདག་པོ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཏུ་ཞི་བ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་ལ་ཕྱག་འཚལ་ལོ། །སྟེང་ཕྱོགས་འཇིག་རྟེན་གྱི་ཁམས་ཤིན་ཏུ་རྣམ་པར་ཕྱེ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བརྩོན་འགྲུས་གྲངས་མེད་པས་ཡང་དག་པར་རབ་ཏུ་གནས་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ད་ལྟར་བཞུགས་པའི་སངས་རྒྱས་འདི་དག་གི་མཚན་ཐོས་ནས་ཡིད་ཆེས་ན། ཚེ་བརྗེས་པའི་འོག་ཏུ་དུས་རྟག་ཏུ་འཁོར་ལོས་སྒྱུར་བའི་རྒྱལ་སྲིད་ཐོབ་ཅིང་། སངས་རྒྱས་ཚད་མེད་པ་ལ་མཆོད་པ་བྱེད་པ་དང་། དེའི་ཆོས་འཛིན་པ་དང་། བསྙེན་བཀུར་བྱེད་པ་དང་། ཚངས་པར་སྤྱོད་པར་འགྱུར་བ་དང་། ནམ་ཡང་སོམ་ཉི་དང་སེར་སྣའི་སེམས་དང་རྨོངས་པ་མ་མཆིས་

― MR07_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར་བ་དང་། ཚེ་རབས་དྲན་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དགོངས་ཤིང་བྱིན་གྱིས་རློབས་པ་དང་། བདུད་ཚར་གཅོད་པ་དང་། ཉན་རང་གི་ས་ལས་འདའ་བ་དང་། སངས་རྒྱས་ཀྱི་ཞིང་སྦྱོང་བ་དང་། སེམས་ཅན་ཐམས་ཅད་ཀྱི་སེམས་ཀྱི་དྲི་མ་སེལ་ཞིང་ཆོས་ལ་འགོད་པ་དང་། ནམ་དུ་ཡང་སངས་རྒྱས་རྣམས་དང་མི་འབྲལ་ཞིང་བྱང་ཆུབ་སེམས་དཔའི་སྤྱོད་པ་ཐམས་ཅད་ཡོངས་སུ་རྫོགས་པ་དང་། གངྒཱའི་ཀླུང་གི་བྱེ་མ་སྙེད་ཀྱི་འཁོར་བ་ཕྱིར་བསྙིལ་བ་དང་། སྒྲིབ་པ་ཐམས་ཅད་བྱང་བ་དང་། ལུས་མཚན་བཟང་པོ་དང་ལྡན་ཞིང་རྡོ་རྗེ་ལྟར་མཁྲེགས་པ་དང་། འོད་མཐའ་ཡས་པ་དང་ལྡན་ཞིང་ཁ་ནས་དྲི་ཞིམ་པོ་འབྱུང་བ་དང་། གསེར་གྱི་ཁ་དོག་ལྟ་བུར་འགྱུར་བ་དང་། ཚངས་པའི་དབྱངས་སོགས་སྒྲ་དབྱངས་ཐམས་ཅད་པས་འཇིག་རྟེན་ཀུན་ཏུ་མཐུན་པར་སྒྲོགས་པ་དང་། ལྷ་ལ་སོགས་པ་ཐམས་ཅད་དགའ་ཞིང་སྲུང་བ་དང་། མངོན་ཤེས་དང་ཏིང་ངེ་འཛིན་དང་གཟུངས་ཚད་མེད་པ་ཐོབ་པ་དང་། འཆི་བའི་ཚེ་སངས་རྒྱས་བྱེ་བ་མང་པོ་མཐོང་ནས་དེ་དག་གིས་ཆོས་བསྟན་པ་བྱང་ཆུབ་སྙིང་པོའི་བར་དུ་འཛིན་པ་དང་། ནམ་ཡང་བརྩོན་འགྲུས་སོགས་དགེ་བའི་ཆོས་ལས་མི་ཉམས་ཤིང་གོང་ནས་གོང་དུ་འཕེལ་བ་དང་། མི་ཁོམས་པའི་གནས་དང་མི་སྙན་

― MR07_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་རྩོད་པ་དང་འཇིགས་པ་དང་ཡིད་མི་བདེ་བ་དང་སྡུག་བསྔལ་བ་ཐམས་ཅད་མི་འབྱུང་བ་དང་། ནད་ཐམས་ཅད་མེད་པ་དང་། དབང་པོ་ཚང་ཤིང་བུད་མེད་ཀྱི་དངོས་པོ་ལས་ལྡོག་པ་དང་། མིག་ལྔ་རྣམ་པར་དག་པས་སངས་རྒྱས་ཚད་མེད་པ་མཐོང་བ་དང་། རང་ཉིད་བླ་མེད་བྱང་ཆུབ་ཀྱི་ལམ་ལས་ཕྱིར་མི་ལྡོག་ལ་སེམས་ཅན་ཚད་མེད་པ་དེ་ལ་འགོད་པ་སོགས་ཕན་ཡོན་གྲངས་མེད་པ་གསུངས་སོ། །སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་བ་བསྟན་པའི་མདོ་ལས། རྒྱལ་པོ་གསལ་རྒྱལ་གྱིས་དེ་བཞིན་གཤེགས་པ་གང་གི་མཚན་ཐོས་པ་ཙམ་གྱིས་ངན་འགྲོ་ལས་ཐར་ཞིང་བདེ་འགྲོར་འགྱུར་བ་གང་ལགས་ཞེས་འཇམ་དཔལ་ལ་དྲིས་པ་ན། ངན་འགྲོར་མི་སྐྱེ་བ་དང་སྐྱེས་པ་རྣམས་གྲོལ་བའི་ཕྱིར་བཤད་པ། འཇིག་རྟེན་གྱི་ཁམས་བཻ་ཌཱུརྱ་སྣང་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་ཌཱུརྱའི་འོད་ལ་ཕྱག་འཚལ་ལོ་མཆོད་དོ་སྐྱབས་སུ་མཆིའོ། །འཇིག་རྟེན་གྱི་ཁམས་གཙུག་ཕུད་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་གཙུག་ཕུད་ཅན་ལ་ཕྱག་འཚལ་ལོ། །འཇིག་རྟེན་གྱི་ཁམས་དྲི་མ་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

― MR07_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་དྲི་མ་མེད་པར་འབྱུང་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཞི་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཏུ་ཞི་བར་བཀོད་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་བདེ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་པདྨོའི་བླ་མ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨོ་འབྱུང་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་རྡོ་རྗེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་མཁྲེགས་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་བྲལ་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་འཇིགས་པ་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་པ་ཐམས་ཅད་རབ་ཏུ་ཞི་བར་མཛད་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་རྟོགས་པ་དང་བློ་གྲོས་སུ་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འགྲོ་བ་ཐམས་ཅད་ཡོངས་

― MR07_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་སྦྱོང་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་ངན་འགྲོ་དང་བྲལ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཞི་བར་མཛད་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་དྲི་མ་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བློ་གྲོས་རྣམ་པར་དག་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་དབང་པོ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་བློ་གྲོས་ལ་ཕྱག་འཚལ་ལོ། །འདིའི་མཚན་བཟུང་བས་ལྷའི་དབང་པོར་འགྱུར་རོ། །འཇིག་རྟེན་གྱི་ཁམས་ཟླ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་རྒྱས་པ་དྲི་མ་མེད་པ་ལ་ཕྱག་འཚལ་ལོ། །འདིའི་མཚན་བཟུང་བས་ཉོན་མོངས་པ་ཐམས་ཅད་ལས་གྲོལ་བར་འགྱུར་རོ། །འཇིག་རྟེན་གྱི་ཁམས་ཁྱད་པར་ཐོབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་འགྲོ་ཐམས་ཅད་ཞི་བར་མཛད་པ་ལ་ཕྱག་འཚལ་ལོ། །འདིའི་མཚན་བཟུང་བས་ངན་འགྲོ་ཀུན་ལས་ཐར་བར་འགྱུར་རོ། །འཇིག་རྟེན་གྱི་ཁམས་ལེགས་པར་སྣང་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

― MR07_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་སེམས་ཅན་ཐམས་ཅད་སྡུག་པར་མཐོང་བ་ལ་ཕྱག་འཚལ་ལོ། །འདིའི་མཚན་བཟུང་བས་འཇིག་རྟེན་པ་ཐམས་ཅད་མངོན་པར་དགའོ། །དེ་བཞིན་གཤེགས་པ་དགའ་བའི་དཔལ་དང་། དེ་བཞིན་གཤེགས་པ་ཙནྡན་གྱི་དཔལ་དང་། དེ་བཞིན་གཤེགས་པ་དཔའ་བོ་དང་། དེ་བཞིན་གཤེགས་པ་བདུད་ཐམས་ཅད་ཀྱི་སྟོབས་རབ་ཏུ་འཇོམས་པ་དང་། དེ་བཞིན་གཤེགས་པ་གཙུག་ཕུད་ཅན་དང་། དེ་བཞིན་གཤེགས་པ་ཐམས་ཅད་སྐྱོབས་དང་། དེ་བཞིན་གཤེགས་པ་ལོག་པར་དད་སེལ་དང་། དེ་བཞིན་གཤེགས་པ་གསེར་ཐུབ་དང་། དེ་བཞིན་གཤེགས་པ་འོད་སྲུང་ལ་ཕྱག་འཚལ་ལོ། །ཇི་སྐད་བསྟན་པའི་སངས་རྒྱས་འདི་དག་གི་མཚན་བཟུང་བ་དང་མཆོད་པ་སོགས་བྱས་པས་ངན་སོང་ངན་འགྲོ་ཐམས་ཅད་ལས་གྲོལ་ཞིང་། བསྐལ་པར་གནས་པའི་ལས་ཀྱི་སྒྲིབ་པ་མཚམས་མེད་ལྔ་ལ་སོགས་པ་ཡང་ཡོངས་སུ་དག་པར་འགྱུར་ལ། བདེ་འགྲོར་སྐྱེ་ཞིང་རིམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར། གལ་ཏེ་དད་པ་དང་དྲན་པ་ཉམས་པས་སྡིག་པ་བྱེད་པ་དམ་པའི་ཆོས་སྤངས་པ་འཕགས་པ་ལ་སྐུར་བ་འདེབས་པ། མཚམས་མེད་པ་ལྔ་བྱེད་པ། སྲོག་གཅོད་པ། དཀོན་མཆོག་གསུམ་གྱི་ནོར་རྐུ་བ་དང་། སེམས་ཅན་མནར་མེད་

― MR07_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་ངན་སོང་གསུམ་དུ་སྐྱེས་པའི་སེམས་ཅན་རྣམས་ཀྱི་དོན་དང་། གྲོགས་པོ་དང་གཉེན་རྣམས་ཡོངས་སུ་ཐར་བར་བྱ་བའི་ཕྱིར་དེ་བཞིན་གཤེགས་པ་དེ་དག་གི་སྐུ་གཟུགས་རི་མོའམ་འཇིམ་པ་ལས་བྱས་ལ་མཆོད་པས་མཆོད་དེ་སེམས་ཅན་དེ་དག་ཐར་པའི་སླད་དུ་གསོལ་བ་བཏབ་ཅིང་དགེ་བའི་རྩ་བ་དེ་དག་གི་ཆེད་དུ་བསྔོ་བ་བྱས་པས་ངན་འགྲོ་ལས་ཐར་བར་འགྱུར་བ་སོགས་ཕན་ཡོན་ཚད་མེད་པ་གསུངས་སོ། ༈ །སྤྲིན་ཆེན་པོའི་མདོ་ལས། ལྷོ་ཕྱོགས་འཇིག་རྟེན་གྱི་ཁམས་མངོན་པར་དྭངས་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བློ་གྲོས་མི་ཟད་པ་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་ཁམས་ཐམས་ཅད་མཉམ་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་མཚན་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་ཁམས་ཡིད་བདེ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དྲི་མ་མེད་པའི་སྙིང་པོ་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་ཁམས་རབ་ཏུ་དགའ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་འཕྲུལ་བས་དྭངས་བར་བྱེད་པའི་གྲགས་པ་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་

― MR07_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་དམ་པའི་ཆོས་ལ་དགའ་མོས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་བསྲུང་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་ཁམས་མུ་སྟེགས་ཐམས་ཅད་ཀྱི་གནས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེ་རྣམ་པར་རོལ་པའི་རྒྱལ་པོ་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་ཁམས་མེ་ཏོག་གི་རྒྱལ་མཚན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོའི་རྒྱལ་པོ་མངོན་པར་འཕགས་པ་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་ཁམས་རིན་ཆེན་སྐྱོང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དམ་པའི་ཆོས་ཀུན་ཏུ་སྲུང་བའི་ཏོག་ཏུ་གྱུར་པ་ལ་ཕྱག་འཚལ་ལོ། །སངས་རྒྱས་འདི་དག་གི་ཞིང་ནི་ཡོངས་སུ་དག་སྟེ། སྙིགས་མ་ལྔ་དང་བུད་མེད་དང་ཉན་རང་གི་མིང་མེད་ལ་ཐམས་ཅད་ཐེག་ཆེན་ལ་དགའ་བའོ། །སངས་རྒྱས་དེ་དག་གི་མཚན་རྣམས་ཐོས་ནས་འཛིན་འཆང་ཀློག་ཅིང་གཞན་ལ་སྟོན་པའི་རིགས་ཀྱི་བུའམ་བུ་མོ་དེ་དག་དམྱལ་བའམ་དུད་འགྲོའི་སྐྱེས་གནས་དང་ལྷ་མིན་གྱི་རིས་སུ་སྐྱེ་བ་སྐབས་མེད་གནས་མེད་ལ། སངས་རྒྱས་དེ་དག་གི་མཚན་འཆང་བ་དེ་ལ། དུག་མཚོན་མེ་

― MR07_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་རྒྱལ་པོ་ཆོམ་རྐུན་མི་མི་མིན་ཀླུ་གནོད་སྦྱིན་སེང་གེ་སྲོག་ཆགས་གདུག་པ་སྟག་ཁྱི་སྤྱང་སྦྲུལ་སྡིགས་པ་རྣམས་ཀྱིས་བར་ཆད་བྱ་བ་དང་། དེའི་ཚངས་སྤྱོད་དང་ཁ་ཐོན་བྱེད་པ་དང་ལྷུང་བཟེད་དང་ཆོས་གོས་ལ་བར་ཆད་བྱ་བ་སྐབས་མེད་ཅིང་ལས་ཀྱི་རྣམ་སྨིན་ནི་མ་གཏོགས་སོ། །གཞན་ལ་དཔྱ་བའམ་བཀུར་སྟི་སོགས་ཀྱི་ཆེད་དུ་སངས་རྒྱས་འདི་དག་གི་མཚན་ཐོས་ན་ཡང་ངན་འགྲོར་སྐྱེ་བ་དེ་ནི་གནས་མེད་དོ། །མཚན་འདི་དག་འཆང་བ་དེ་ཡི་ཁྱིམ་ན་སངས་རྒྱས་བཞུགས་ཤིང་ཡིད་ཆེས་པར་བྱེད་པ་དེ་དག་རྡོ་རྗེའི་རང་བཞིན་དུ་འགྱུར་ཞིང་། དེ་དག་ལ་འཇིགས་པ་ཐམས་ཅད་དེ་ཉིད་དུ་ཞི་བར་འགྱུར་བ་དང་། ལྷ་ཀླུ་གནོད་སྦྱིན་སོགས་ནས་དེ་བཞིན་གཤེགས་པའི་བར་གྱིས་དེ་དག་སྲུང་བར་མཛད་དོ། །ཞེས་གསུངས་སོ། ༈ །ཕྱིར་མི་ལྡོག་པའི་འཁོར་ལོའི་མདོ་སོགས་ལས་ཡང་ནས་ཡང་དུ་གསུངས་པ་ནི་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །བདག་ཅག་གི་སྟོན་པ་ཤཱཀྱ་ཐུབ་པ་འདིའི་མཚན་ཐོས་པ་དེ་དག་བྱང་ཆུབ་ལས་ཕྱིར་མི་ལྡོག་པར་འགྱུར་ན། དེ་བཞིན་གཤེགས་པ་དང་དེའི་རིང་བསྲེལ་ཅན་གྱི་མཆོད་རྟེན་ལ་མེ་ཏོག་གཅིག་འཐོར་བ་ལྟ་ཅི་སྨོས། དུད་འགྲོའི་སྐྱེ་གནས་སུ་གྱུར་པས་སྒྲ་ཙམ་ཐོས་པ་དེ་དག་ཀྱང་བྱང་ཆུབ་བླ་ན་མེད་པའི་ས་བོན་དུ་འགྱུར་ཏེ་རིམ་གྱིས་སངས་རྒྱ་བར་

― MR07_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་རོ། །དེ་ནི་དེ་བཞིན་གཤེགས་པ་འདིའི་སྔོན་གྱི་སྨོན་ལམ་དང་སངས་རྒྱས་རྣམས་ཀྱི་ཆོས་ཉིད་ཀྱིའང་ཡིན་ནོ། །ཞེས་གསུངས་སོ། ༈ །སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ་ལས། དེ་བཞིན་གཤེགས་པ་ཟླ་འོད་ལ་ཕྱག་འཚལ་ལོ། །དེའི་མཚན་བརྗོད་པ་འཆང་ཞིང་རྟག་ཏུ་རྒྱུན་པར་ནངས་པར་ལངས་ཤིང་ཡིད་ལ་བྱེད་ན་བསྐལ་པ་སྟོང་ཕྲག་བཞི་བཅུར་ཚེ་རབས་དྲན་པ་དང་ནམ་དུའང་བྱང་ཆུབ་ཀྱི་སེམས་མི་བརྗེད་པར་འགྱུར་རོ། །དེ་བཞིན་གཤེགས་པ་འགྲོ་བ་ཐམས་ཅད་ཡོངས་སུ་སྦྱོང་བའི་རྒྱལ་པོ་ལ་ཕྱག་འཚལ་ལོ། །འདིའི་མཚན་རྟག་ཏུ་ཡིད་ལ་བྱས་ན་ད་ལྟར་གྱི་ཚེ་འདིར་ལས་དང་སྡིག་པ་ཐམས་ཅད་ཡོངས་སུ་འབྱང་ཞིང་མཐར་ཕྱིན་པ་དང་། ལོ་བྱེ་བ་ཕྲག་བཅུ་བཞིའི་བར་དུ་ཚེ་རབས་དྲན་པ་དང་། མཐར་བྱང་ཆུབ་ཀྱི་བར་དུ་དགེ་བའི་རྩ་བ་ཟད་པར་མི་འགྱུར་རོ། །དེ་བཞིན་གཤེགས་པ་མིག་ཡོངས་སུ་སྦྱོང་བའི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཙཀྵུ་ཙཀྵུ་ཛྙཱ་ན་ཙཀྵུ་སྭཱ་ཧཱ། འདིའི་མཚན་འཛིན་ན་དེ་ལྷ་དང་འཇིག་རྟེན་དུ་བཅས་པའི་མིག་ལྟ་བུར་འགྱུར་ཏེ་བསྐལ་པ་བཞི་བཅུར་ཚེ་རབས་དྲན་པར་འགྱུར། དགེ་བའི་རྩ་བ་བྱང་ཆུབ་ལ་ཐུག་གི་བར་དུ་མི་ཟད་པར་འགྱུར་རོ། །དེ་བཞིན་གཤེགས་པ་བལ་གླང་དྲི་འོད་གསལ་རྒྱལ་པོ་ལ་ཕྱག་འཚལ་ལོ། །འདིའི་

― MR07_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་བརྗོད་ན་དེའི་ལུས་ལས་ལོ་བརྒྱ་ཕྲག་བཅུ་གསུམ་གྱི་བར་དུ་དྲི་འབྱུང་བར་འགྱུར་རོ། །བྱང་ཆུབ་ཀྱི་སེམས་ནམ་ཡང་བརྗེད་པར་མི་འགྱུར་རོ། །དེ་བཞིན་གཤེགས་པ་མེ་ཏོག་དཔལ་ལ་ཕྱག་འཚལ་ལོ། །ཏདྱ་ཐཱ། པུཥྤེ་པུཥྤེ་སུ་པུཥྤེ་སྭཱ་ཧཱ། འདིའི་ཆོ་ག་ནི་མེ་ཏོག་ཇི་ལྟར་བཤམས་པ་ལ་ལན་ཉེར་གཅིག་བསྔགས་ཏེ། དེ་བཞིན་གཤེགས་པའི་མཆོད་རྟེན་ལ་གཏོར་ན་དེའི་བསམ་པ་ཐམས་ཅད་ཡོངས་སུ་རྫོགས་པ་དང་། ལས་ཀྱི་སྒྲིབ་པ་ཐམས་ཅད་བྱང་བར་འགྱུར་རོ། །དེ་བཞིན་གཤེགས་པ་ས་འཛིན་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། དྷ་རེ་དྷ་རེ། དྷ་ར་ཎི་བནྡྷེ་སྭཱ་ཧཱ། གང་གིས་དེ་བཞིན་གཤེགས་པ་འདིའི་མཚན་དང་གཟུངས་སྔགས་ཀྱི་ཚིག་འདི་འཛིན་ན་དེའི་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །ཞེས་གསུངས་སོ། ༈ །དམ་ཆོས་ཐར་པ་ཆེན་པོའི་མདོ་ལས། བཅོམ་ལྡན་འདས་མར་མེ་རི་རབ་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་རིན་ཆེན་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་རིན་ཆེན་གཙུག་ཕུད་ལ་ཕྱག་འཚལ་ལོ། །བཅོམ་ལྡན་འདས་ཚེ་དཔག་མེད་ལ་ཕྱག་འཚལ་ལོ། །བཅོམ་ལྡན་འདས་རྣམ་པར་གཟིགས་ལ་ཕྱག་འཚལ་ལོ། །བཅོམ་ལྡན་འདས་རིན་ཆེན་མང་ལ་ཕྱག་འཚལ་ལོ། །བཅོམ་ལྡན་འདས་ཤཱཀྱ་ཐུབ་པ་ལ་ཕྱག་

― MR07_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་ལོ། །བཅོམ་ལྡན་འདས་ཆོས་ཐམས་ཅད་སྡུད་ཅིང་འཛིན་པ་ལ་ཕྱག་འཚལ་ལོ། །བརྗོད་དཔག་འདས་ལ་ཕྱག་འཚལ་ལོ། །དཔེ་ཟླ་མེད་ལ་ཕྱག་འཚལ་ལོ། །མུ་མེད་ཆོས་ལ་ཕྱག་འཚལ་ལོ། །བསམ་ཁྱབ་དཀའ་ལ་ཕྱག་འཚལ་ལོ། །སྟོབས་ལ་གནས་པའི་སྟོབས་ཀྱི་སྟོབས་ལ་ཕྱག་འཚལ་ལོ། །འཇིགས་པ་མེད་པའི་སྟོབས་བཅུ་ལ་ཕྱག་འཚལ་ལོ། །འཇིག་རྟེན་གསུམ་གྱི་གཙོ་ལ་ཕྱག་འཚལ་ལོ། །ཐམས་ཅད་འདྲེན་པའི་སྟོན་པ་ཆེན་པོ་ལ་ཕྱག་འཚལ་ལོ། །འཆིང་བ་ཀུན་གཅོད་ལ་ཕྱག་འཚལ་ལོ། །ཕ་རོལ་མཐར་ཕྱིན་ལ་ཕྱག་འཚལ་ལོ། །འཇིག་རྟེན་ཀུན་ལས་འདས་ཟིན་པ་ལ་ཕྱག་འཚལ་ལོ། །འཁོར་བའི་རྒྱུད་དང་ཡོངས་སུ་བྲལ་བ་ལ་ཕྱག་འཚལ་ལོ། །ཏིང་ངེ་འཛིན་རྣམ་པར་གྲོལ་བ་ལ་ཕྱག་འཚལ་ལོ། །ནམ་མཁའ་ལྟར་དམིགས་སུ་མེད་པ་ལ་ཕྱག་འཚལ་ལོ། །མང་པོའི་ནང་ན་ཆོས་ཀྱི་རྒྱལ་པོ་ལ་ཕྱག་འཚལ་ལོ། །བདུད་བཞིའི་ཚོགས་འཇོམས་པ་ལ་ཕྱག་འཚལ་ལོ། །བུ་གཅིག་པའི་ཕ་ལྟར་བྱམས་པ་ཆེན་པོ་ལ་ཕྱག་འཚལ་ལོ། །ཚེ་རབས་འཆི་འཕོས་གར་འབྱུང་གར་སྐྱེས་ཀྱང་སངས་རྒྱས་ཀྱི་ཞལ་རྟག་ཏུ་མཐོང་ཞིང་སངས་རྒྱས་ཀྱི་བདག་ཉིད་མངོན་པར་རྟོགས་ལ་མྱ་ངན་ལས་འདས་པ་ཆེན་པོར་ཕྱིན་པར་

― MR07_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ཅིག །འདི་དག་གིས་སྡོམ་པའི་རྩ་བ་ཡོངས་སུ་ཉམས་པ་དང་ཉོན་མོངས་པས་འཁྲུལ་པའི་སེམས་ཅན་རྣམས་གྲོལ་ཞིང་ཕན་པ་དང་བདེ་བ་དང་བསོད་ནམས་དཔག་ཏུ་མེད་པ་དང་ལོངས་སྤྱོད་ཕུན་སུམ་ཚོགས་པ་དང་། སངས་རྒྱས་ཀྱི་བདག་ཉིད་ཀྱང་མངོན་སུམ་དུ་རྟོགས་པར་འགྱུར་རོ། །ཞེས་དང་། ཡང་འཆི་ཀར་དགེ་བའི་བཤེས་གཉེན་འགའ་ཞིག་གིས་དཀོན་མཆོག་གསུམ་གྱི་མཚན་ལན་གསུམ་དུ། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མོཿསཾ་གྷཱ་ཡ། ཞེས་དེ་སྐད་དུ་བརྗོད་དུ་བཅུག་ན་མི་འདི་འཆི་འཕོས་ནས་ངན་སོང་གསུམ་དུ་མི་འགྲོ་སྟེ། ཕྱོགས་བཅུའི་འཇིག་རྟེན་གྱི་ཁམས་གང་ནས་གང་དུ་དད་པ་དེ་དང་དེར་སྐྱེ་བར་འགྱུར་རོ། །སངས་རྒྱས་ཐམས་ཅད་ལ་མཐར་གྱིས་རིམ་གྲོ་བྱེད་པར་འགྱུར། བྱང་ཆུབ་སེམས་དཔའ་ཐམས་ཅད་མཐོང་བར་འགྱུར། འཇམ་དཔལ་དང་ཀུན་ཏུ་བཟང་པོས་ཐེག་པ་ཆེན་པོའི་ཆོས་ཐར་པ་ཆེན་པོ་ཕྱོགས་སུ་རྒྱས་པར་བཤད་པའང་ཐོས་པར་འགྱུར། ཐོས་ནས་ཀྱང་དེ་མ་ཐག་ཏུ་སྐྱེ་བ་མེད་པའི་ཆོས་ལ་བཟོད་པ་ཐོབ་པར་འགྱུར་རོ། །རིགས་ཀྱི་བུ་གང་ཟག་དེ་ཡང་བསྐལ་པ་གྲངས་མེད་པ་ནས་དགེ་བའི་རྩ་བ་ཤིན་ཏུ་བསགས་པས་གདོད་དཀོན་མཆོག་གསུམ་གྱི་མཚན་ཐོས་པ་ཡིན་ནོ། །ཞེས་དང་ཡང་། བཅོམ་ལྡན་འདས་དེ་བཞིན་

― MR07_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་ཕྱག་འཚལ་ལོ། །སངས་རྒྱས་འདིའི་མཚན་ལན་གཅིག་ཐོས་པ་ཙམ་གྱིས་ཀྱང་ལྷར་སྐྱེ་བ་ཐོབ་སྟེ་ངན་སོང་ཐམས་ཅད་ལས་ཐར་བར་འགྱུར་ཏེ་སྔོན་གྱི་ཚོང་དཔོན་གྱི་བུ་ཆུ་འབེབས་ཞེས་བགྱི་བས་ལུམ་ཆེན་པོའི་ཆབ་སྐམ་སྟེ་ཉ་སྟོང་ཕྲག་བཅུ་ཞིག་ཉི་མས་གདུངས་ནས་འགུམ་པར་ཉེ་བ་ལ་ཆབ་དང་ཟས་སྩལ་ནས། སྙིང་རྗེའི་སེམས་ཀྱིས་རིན་ཆེན་གཙུག་ཏོར་ཅན་གྱི་མཚན་ལན་གསུམ་བརྗོད་པས་ཉ་དེ་དག་ཚེ་འཕོས་མ་ཐག་ཏུ་སུམ་ཅུ་རྩ་གསུམ་གནམ་གྱི་ལྷར་སྐྱེས་སོ། །ཞེས་དང་། ཡང་། སྔ་མ་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲངས་མེད་པ་རྣམས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཉི་ཟླ་མར་མེ་སྣང་སྟོང་ཕྲག་ཉི་ཤུ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་མར་མེ་མཛད་སྟོང་ཕྲག་སུམ་ཅུ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རྒྱལ་བུ་བཅུ་དྲུག་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་གདོན་མི་ཟ་བའི་འོད་འབུམ་ཕྲག་བརྒྱ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་འོད་གྲངས་མེད་པ་ལ་གུས་པར་ཕྱག་འཚལ་ལོ། །དེ་བཞིན་གཤེགས་བ་སྤྲུལ་པའི་

― MR07_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཐམས་ཅད་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་ཉི་ཟླ་ལྟར་དང་ཞིང་སྣང་བ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཀླུ་དབང་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་འབྲུག་སྒྲའི་སྤྲིན་གྱི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་འོད་སྣང་རྣམ་དག་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རི་རབ་ལྷའི་དབུ་རྒྱན་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་དྲི་མ་མེད་པ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་བློ་གྲོས་རྒྱ་མཚོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཆགས་པ་མེད་པ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྐྱོ་ཡིད་སྤངས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་མཆོག་དམ་པ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་བྱང་ཆུབ་མེ་ཏོག་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཐེ་ཚོམ་རྨུགས་སེལ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་མོས་པ་རྣམ་པར་དག་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཡོངས་སུ་དགེ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་བྱིན་གྱིས་རློབས་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་

― MR07_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་དཔག་ཏུ་མེད་པ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་འཇིགས་མེད་སྟོབས་ཀྱི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཡིད་བཞིན་རྒྱལ་མཚན་མར་མེའི་འོད་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རྡོ་རྗེ་སྲ་བརྟན་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཐུགས་རྗེའི་སྟོབས་ཀྱི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་བྱམས་པའི་སྙིང་པོའི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་བཀོད་པའི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་སྐུ་མདོག་ཀུན་ཏུ་སྟོན་པའི་འོད་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཡེ་ཤེས་འོད་མི་གཡོ་བ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་བདུད་ཀྱི་རྒྱལ་པོ་རྣམས་བཏུལ་བ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་སྟོབས་ཀྱི་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་རབ་དགའ་འཁྲུགས་མེད་འོད་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་གསུང་དབྱངས་ཚད་མེད་རྒྱལ་པོ་ལ་གུས་པར་ཕྱག་འཚལ་ལོ། །དེ་བཞིན་གཤེགས་པ་ཆོས་ཐམས་ཅད་ཐོགས་མེད་རྒྱལ་པོ་ལ་གུས་པར་ཕྱག་འཚལ་ལོ། །འདས་པའི་སངས་རྒྱས་གཅིག་

― MR07_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཅུ་དང་བརྒྱ་དང་སྟོང་དང་ཁྲི་དང་འབུམ་དང་འབུམ་བཅུ་དང་འབུམ་བརྒྱ་དང་འབུམ་སྟོང་དང་འབུམ་ཁྲི་དང་འབུམ་ཕྲག་ཁྲག་ཁྲིག་བྱེ་བ་གངྒཱའི་ཀླུང་གི་བྱེ་མ་སྙེད་བགྲང་བ་ལས་འདས་པ་རྣམས་ལ་གུས་པར་ཕྱག་འཚལ་ལོ། །དེ་རྣམས་ལ་ཕྱག་འཚལ་ན་བསྐལ་པ་གྲངས་མེད་པ་ནས་འཁོར་བའི་སྡིག་པ་མི་དགེ་བ་མ་ལུས་པ་འབྱང་བར་འགྱུར་ཞིང་། བསྐལ་པ་ཁྲི་བརྒྱད་ཀྱི་བར་དུ་དམྱལ་བར་མི་ལྷུང་། མི་དགེ་བཅུ་དང་མཚམས་མེད་ལྔ་ལ་ཕྱིན་ཆད་མི་སྤྱོད་ཅིང་། །ཆོས་ཐོས་པ་རྒྱུན་མི་འཆད་ལ་ཐེག་པ་ཆེན་པོའི་ཚུལ་ཁྲིམས་རྫོགས་པ་སོགས་ཕན་ཡོན་ཚད་མེད་པར་གསུངས་སོ། །འདི་ཐར་མདོའི་མཚན་མདོ་ལས་བཏུས་པའོ། །འཕགས་པ་མེ་ཏོག་གི་ཚོགས་ཞེས་བྱ་བ་ཐེག་པ་ཆེན་པོའི་མདོ་ལས། ཤཱ་རིའི་བུས་ད་ལྟར་བཞུགས་པའི་སངས་རྒྱས་ཇི་སྙེད་ཅིག་བཞུགས་ཞེས་ཞུས་པ་ལས། འདི་ནས་ཤར་ཕྱོགས་སུ་མར་མེ་ཅན་ཞེས་བྱ་བའི་འཇིག་རྟེན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་གནས་ལ་ཕྱག་འཚལ་ལོ། །སངས་རྒྱས་འདིའི་མཚན་ཉན་པ་དང་དད་པ་བྱེད་པ་དེ་དག་ཡང་དག་བྱང་ཆུབ་ཀྱི་ཡན་ལག་རིན་པོ་ཆེ་བདུན་རྣམས་འཛིན་པ་དང་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང་། བསྐལ་པ་དྲུག་ཅུར་འཁོར་བ་ལ་རྒྱབ་ཀྱིས་

― MR07_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་པར་འགྱུར་རོ། །དེའི་མཚན་ཐོས་པར་དགའ་བ་ནི་བསྐལ་པ་དྲུག་ཅུར་འཁོར་བར་མི་འགྱུར་རོ། །སངས་རྒྱས་དེ་ལ་སོགས་པ་ཤར་གྱི་ཕྱོགས་ན་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་ཀྱི་མཚན་རིན་ཆེན་འབྱུང་གནས་ཞེས་བྱ་བ་འཚོ་ཞིང་གཞེས་ལ་ཆོས་སྟོན་པ་རྣམས་ལ་ཕྱག་འཚལ་ལོ། །འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དམ་པ་ལ་ཕྱག་འཚལ་ལོ། །འདིའི་མཚན་ཉན་ཞིང་དད་པ་སྐྱེད་ཅིང་ཐལ་མོ་སྦྱར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་ཆེན་སྣ་བདུན་གྱིས་བཀང་སྟེ་སངས་རྒྱས་ལ་ཉིན་གཅིག་བཞིན་དུ་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཕུལ་བའི་བསོད་ནམས་དེས་སྔ་མའི་བརྒྱའི་ཆ་དང་གྲངས་སམ་དཔེ་དང་རྒྱུར་ཡང་མི་འགྲོའོ། །འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ན། སངས་རྒྱས་རིན་ཆེན་དམ་པ་གཙོ་བོ་ལ་ཕྱག་འཚལ་ལོ། །དེའི་མཚན་ཐོས་པས་འདིར་སངས་རྒྱས་འབྱུང་བ་ཡིན་ནོ། །འཇིག་རྟེན་གྱི་ཁམས་སྤོས་ལྡན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་བ་ལ་ཕྱག་འཚལ་ལོ། །འདིའི་མཚན་ཐོས་པ་དག་ནི་བསྐལ་པ་བཅོ་ལྔར་འཁོར་བ་ལ་རྒྱབ་ཀྱིས་ཕྱོགས་པར་

― MR07_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་རོ། །འཇིག་རྟེན་གྱི་ཁམས་འོད་ཟེར་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་སྣང་བ་ལ་ཕྱག་འཚལ་ལོ། །འདིའི་མཚན་ཐོས་ནས་དད་པར་བྱེད་པ་དེ་ངན་སོང་གསུམ་དུ་འགྲོ་བར་མི་འགྱུར་རོ། །འཇིག་རྟེན་གྱི་ཁམས་ཏོག་གི་རྒྱལ་མཚན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་ཏོག་ལ་ཕྱག་འཚལ་ལོ། །འདིའི་མཚན་ཐོས་ནས་དད་ན་དེ་དཀོན་མཆོག་དང་འདྲ་བར་འགྱུར་རོ། །འཇིག་རྟེན་གྱི་ཁམས་ཡོན་ཏན་ཐམས་ཅད་རབ་ཏུ་སྣང་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རབ་སྣང་ལ་ཕྱག་འཚལ་ལོ། །འདིའི་མཚན་ཐོས་ནས་ལྷག་པའི་བསམ་པས་མོས་ཤིང་ཕྱག་འཚལ་ན་བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པར་འགྱུར་རོ། །འཇིག་རྟེན་གྱི་ཁམས་མངོན་པར་དགའ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ལ་ཕྱག་འཚལ་ལོ། །སངས་རྒྱས་འདིའི་མཚན་ཐོས་པ་དང་དད་པ་དེ་དག་ཐམས་ཅད་བླ་མེད་བྱང་ཆུབ་ལས་ཕྱིར་མི་ལྡོག་ཅིང་བདུད་སྡིག་ཅན་རྣམས་ཀྱིས་ཀྱང་མི་འཁྲུགས་པར་འགྱུར་རོ། །མི་འཁྲུགས་པ་དེའི་མཚན་དང་ཡོན་ཏན་བརྗོད་པ་ན་བདུད་སྡིག་

― MR07_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱིས་ཐོས་ནས་དཔུང་གི་ཚོགས་དང་བཅས་ཏེ་སངས་རྒྱས་ཀྱི་དྲུང་དུ་འོངས་ནས་འདི་སྐད་དུ་སངས་རྒྱས་སྟོང་གི་མཚན་བརྗོད་པ་ནི་མི་མངོན་གྱི་མི་འཁྲུགས་པའི་མཚན་ནི་དེ་ལྟ་མ་ལགས་སོ། །ཅིའི་ཕྱིར་ན་དེ་བདག་གི་ཡུལ་དུ་འགྱུར་བ་མ་ལགས་པས་སོ། །དེས་ན་མཚན་ཉན་པ་དེ་ལ་བདག་གིས་བར་ཆད་བགྱིའོ་ཞེས་གསོལ་པ་ན། སངས་རྒྱས་ཀྱིས་སྡིག་ཅན་ཁྱོད་ཀྱིས་དེ་ལ་བར་ཆད་མི་ནུས་ཏེ་ངས་དེ་བཞིན་གཤེགས་པ་མི་འཁྲུགས་པ་དང་དེ་བཞིན་གཤེགས་པ་གཞན་ལ་གཏད་པས་སངས་རྒྱས་དེ་དག་གིས་དགོངས་ཤིང་བྱིན་གྱིས་རློབ་པར་འགྱུར་རོ། །ཤཱ་རིའི་བུ་ལ་སངས་རྒྱས་ཀྱིས་བཀའ་སྩལ་པ། མི་འཁྲུགས་པ་དེའི་ཡོན་ཏན་ཐོས་ནས་སྤོང་བར་བྱེད་པ་དེ་དག་ནི་དམྱལ་བར་འགྱུར་བའི་ཆོས་དམ་དུ་འཛིན་པ་ཡིན་ནོ། །དེའི་ཡོན་ཏན་ཡོངས་སུ་བརྗོད་པའི་ཆོས་ཀྱི་རྣམ་གྲངས་མཐར་གྱིས་བྱང་ཕྱོགས་སུ་ཐེག་པ་ཆེན་པོ་ལ་ཞུགས་པ་དག་གིས་རྒྱས་པར་བྱེད་པར་འགྱུར་བ་ན། སྤོང་བར་བྱེད་པ་དུ་མ་ཡོད་པ་ཡུལ་ཕྱོགས་དང་གང་ཟག་གི་གྲངས་དང་བཅས་པར་ལུང་བསྟན་པར་མཛད་དོ། །སངས་རྒྱས་དང་དེའི་ཆོས་རྣམས་བསམ་གྱིས་མི་ཁྱབ་པས་བདག་གིས་མི་ཤེས་སོ་སྙམ་དུ་ཆོས་ཟབ་མོ་སྤང་བར་མི་བྱ་སྟེ། ཆོས་སྤང་བའི་བསོད་ནམས་ཀྱི་ཕུང་པོ་མ་ཡིན་པ་ཐོབ་པ་དང་། དད་པ་དེ་དག་

― MR07_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་ཡོན་ཚད་མེད་པའི་ཕྱིར་རོ། །འཇིག་རྟེན་གྱི་ཁམས་དཔག་མེད་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཆེན་པོ་ལ་ཕྱག་འཚལ་ལོ། །འདིའི་མཚན་ཉན་ཞིང་དད་པ་དེ་དག་སངས་རྒྱས་དང་མི་འབྲལ་ལ་རྫོགས་པའི་བྱང་ཆུབ་ལས་མི་ལྡོག་གོ །འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབྱངས་དཔག་མེད་ལ་ཕྱག་འཚལ་ལོ། །དེའི་མཚན་ཐོས་ནས་དད་དེ་སངས་རྒྱས་དེ་ལ་ཕྱག་འཚལ་ལོ། །ཞེས་མཚན་ནས་ལན་གསུམ་བརྗོད་པ་དེ་དག་སངས་རྒྱས་ཀྱི་གསུངས་དབྱངས་དཔག་ཏུ་མེད་པའི་དབྱངས་འཛིན་པར་འགྱུར་རོ། །འཇིག་རྟེན་གྱི་ཁམས་རྡུལ་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདུད་རྩི་དབྱངས་ལ་ཕྱག་འཚལ་ལོ། །མཚན་འདི་ཐོས་ནས་མོས་ན་བསྐལ་པ་བཅུ་གཉིས་ཀྱི་བར་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་འདུལ་དཀའ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲགས་པ་ཆེན་པོ་ལ་ཕྱག་འཚལ་ལོ། །སངས་རྒྱས་འདིའི་མཚན་ཉན་ཅིང་བསྒྲགས་ཤིང་

― MR07_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ན་བདུད་སྡིག་ཅན་གྱིས་མི་ཐུབ་པར་འགྱུར་རོ། །འཇིག་རྟེན་གྱི་ཁམས་བདེ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲགས་པ་མཐའ་ཡས་ལ་ཕྱག་འཚལ་ལོ། །མཚན་འདི་ཐོས་ནས་ཐལ་མོ་སྦྱར་ཞིང་ཕྱག་འཚལ་ལོ་ཞེས་སྨྲས་ན་བསོད་ནམས་ཀྱི་ཕུང་པོ་ཚད་མེད་པ་དང་ལྡན་ཞིང་རིན་པོ་ཆེའི་ཕུང་པོ་རི་རབ་མཉམ་པ་ལོ་བརྒྱར་བྱིན་པ་བས་བསོད་ནམས་ཆེས་ཁྱད་པར་དུ་འཕགས་སོ། །འཇིག་རྟེན་གྱི་ཁམས་མན་ཤེལ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་སྣང་བ་ལ་ཕྱག་འཚལ་ལོ། །མཚན་འདི་འཛིན་པས་བསྐལ་པ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་ཞིང་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །གང་མི་དད་པ་དེ་དག་ནི་མཚམས་མེད་པའི་ལས་བཟུང་བར་འགྱུར་རོ། །འཇིག་རྟེན་གྱི་ཁམས་འོད་གསལ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བ་ཆེན་པོ་ཐོབ་པ་ལ་ཕྱག་འཚལ་ལོ། །མཚན་འདི་ཉན་པས་སེམས་ཅན་ཐམས་ཅད་བདེ་བར་སྒྲོལ་བར་བྱེད་པ་དང་བསོད་ནམས་ཀྱི་ཕུང་པོ་ཚད་མེད་པ་འཛིན་པར་འགྱུར་རོ། །འཇིག་རྟེན་གྱི་ཁམས་ནོར་བུ་

― MR07_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐར་མ་མར་མེ་སྣང་བ་ལ་ཕྱག་འཚལ་ལོ། །སངས་རྒྱས་འདིའི་མཚན་ཉན་ནས་དད་པ་དེ་དག་གིས་དེ་བཞིན་གཤེགས་པའི་སྟོབས་རབ་ཏུ་འཛིན་པར་འགྱུར་རོ། །འཇིག་རྟེན་གྱི་ཁམས་བདེ་ལྡན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེན་པའི་དབྱངས་ལ་ཕྱག་འཚལ་ལོ། །མཚན་འདི་ཉན་པ་ཐམས་ཅད་བླ་མེད་བྱང་ཆུབ་ཐོབ་པར་འགྱུར་རོ། །འཇིག་རྟེན་གྱི་ཁམས་གསེར་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མེད་མཐའ་ཡས་ལ་ཕྱག་འཚལ་ལོ། །མཚན་འདི་ཐོས་ནས་དད་པ་སྐྱེས་པས་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་ཆེན་སྣ་བདུན་གྱིས་བཀང་སྟེ་སྦྱིན་པ་བྱིན་པ་བས་བསོད་ནམས་མང་དུ་འཕེལ་ལོ། །བསོད་ནམས་ཆུང་ངུས་མཚན་འདི་ཐོས་པར་མི་ནུས་ཏེ། སངས་རྒྱས་བརྒྱ་ལ་དགེ་བའི་རྩ་བ་བསྐྱེད་པས་ཐོས་པ་ཡིན་ཞིང་། བསྐལ་པ་ལྔ་བཅུ་རྩ་བརྒྱད་ཀྱི་བར་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་དབྱངས་ཅན་ཞེས་བྱ་བ་ན། དེ་བཞིན་གཤེགས་པ་དགྲ་

― MR07_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་ལྟར་དཀར་བ་ལ་ཕྱག་འཚལ་ལོ། །མཚན་འདི་ཉན་པ་ཐམས་ཅད་ཀྱི་ཆོས་དཀར་པོ་ཡང་ཟླ་བ་ལྟ་བུར་འགྱུར་ཞིང་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །འཇིག་རྟེན་གྱི་ཁམས་ཉི་མ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་འོད་ལ་ཕྱག་འཚལ་ལོ། །ཟླ་འོད་ཀྱི་མཚན་ཉན་ཅིང་ཐོས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་དེ་བཞིན་གཤེགས་པ་ཟླ་འོད་ལ་ཕྱག་འཚལ་ལོ་ཞེས་ལན་གསུམ་བརྗོད་པ་དང་གང་གི་ཆེད་དུ་རྗོད་པར་བྱེད་ན་མྱུར་དུ་བླ་མེད་བྱང་ཆུབ་ཏུ་ངེས་པར་འབྱུང་བར་འགྱུར་རོ། །འཇིག་རྟེན་གྱི་ཁམས་དྲི་མ་མེད་པ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པའི་འོད་ལ་ཕྱག་འཚལ་ལོ། །མཚན་འདི་ལྷ་ཀླུ་མི་གང་དག་ཉན་པ་དེ་དག་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །དེ་དག་ལོག་པར་ལྟུང་བའི་འཇིགས་པར་དོགས་པར་མི་བྱའོ། །འཇིག་རྟེན་གྱི་ཁམས་བཻཌཱུརྱའི་སྣང་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དག་པ་

― MR07_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕྱག་འཚལ་ལོ། །མཚན་འདི་ལྷ་ཀླུ་མི་དང་དྲི་ཟ་ལ་སོགས་པས་ཉན་པ་དེ་ཐམས་ཅད་མིར་འགྱུར་བ་ཐོབ་པར་བྱེད་དོ། །ཆགས་སྡང་གཏི་མུག་སྦྱོང་བར་འགྱུར་ལ། མཚན་ཐོས་པའི་དགེ་རྩ་ལ་མ་དད་པས་དེ་ལྟར་ག་ལ་འགྱུར་ཞེས་སྨྲ་ན། ལོ་སྟོང་ཕྲག་དྲུག་ཅུར་དམྱལ་བ་འོ་དོད་འབོད་པ་ཞེས་བྱ་བར་བཙོ་བར་འགྱུར་རོ། །འཇིག་རྟེན་གྱི་ཁམས་ལེགས་པར་ཐོབ་པ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་འོད་ལ་ཕྱག་འཚལ་ལོ། །སངས་རྒྱས་འདི་རྗེས་སུ་དྲན་ན་དེ་དག་གི་ཆོས་དཀར་པོ་ཉི་མའི་དཀྱིལ་འཁོར་ལྟ་བུར་འགྱུར་ཏེ། བདུད་ཀྱི་སྡེ་དང་མུ་སྟེགས་ཐམས་ཅད་ཀྱང་རྣམ་པར་འཇིགས་པར་བྱེད་ཅིང་། བསྐལ་པ་སུམ་ཅུར་འཁོར་བ་ལ་རྒྱབ་ཀྱིས་ཕྱོགས་པར་འགྱུར་རོ། །འཇིག་རྟེན་གྱི་ཁམས་བྱང་ཆུབ་ཡན་ལག་རབ་ཏུ་བརྒྱན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མཐའ་ཡས་ལ་ཕྱག་འཚལ་ལོ། །སངས་རྒྱས་འདིའི་མཚན་ཉན་པས་བྱང་ཆུབ་ཀྱི་ཡན་ལག་རྣམས་ཐོབ་པ་དང་། སེམས་ཅན་ཡང་དཀོན་མཆོག་དམ་པ་ལ་འགོད་

― MR07_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད་ཅིང་། དེ་ཉིན་མཚན་དུ་བསོད་ནམས་ཀྱི་ཕུང་པོ་ཚད་མེད་པར་འགྱུར་རོ། །འཇིག་རྟེན་གྱི་ཁམས་པདྨོ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨོའི་བླ་མ་ལ་ཕྱག་འཚལ་ལོ། །སངས་རྒྱས་འདིའི་མཚན་ཉན་ཅིང་དད་པ་སྐྱེད་ན་འཇིག་རྟེན་དེ་དག་པདྨོ་དང་འདྲ་བར་འགྱུར་ཏེ། དགེ་བའི་ཆོས་ཀྱིས་མངོན་པར་འཕགས་པར་འགྱུར་རོ། །པདྨོ་ལ་ཆུ་མི་ཆགས་པ་བཞིན་དུ་བསྐལ་པ་ལྔ་བཅུ་རྩ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་མྱ་ངན་དང་གནོད་པ་ཐམས་ཅད་ལས་འདས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡན་ལག་བླ་མ་ལ་ཕྱག་འཚལ་ལོ། །སངས་རྒྱས་འདིའི་མཚན་ཉན་པ་དེ་ཐམས་ཅད་ཀྱིས་སྲིད་པའི་ཆུའི་རྒྱ་མཚོ་ཆེན་པོ་ལས་འཇིག་རྟེན་གྱི་ཁམས་མྱ་ངན་དང་གནོད་པ་ཐམས་ཅད་ལས་སྒྲོལ་བ་ཞེས་བྱ་བར་སྒྲོལ་བར་བྱེད་ཅིང་། འཇིག་རྟེན་ཐམས་ཅད་ཀྱི་སྦྱིན་གནས་སུ་འགྱུར་བར་བྱེད། ཐོས་ནས་དད་པ་དེ་དག་མེ་ཏོག་དང་འདྲ་བར་འགྱུར་ཏེ་འཇིག་

― MR07_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ཐམས་ཅད་ཀྱི་སློབ་དཔོན་དུ་འགྱུར་རོ། །མཐུ་བོ་ཆེའི་ལུས་ལྟར་མཁྲེགས་པ་དང་། བླ་མེད་བྱང་ཆུབ་ལས་མི་ལྡོག་པ་དང་། བུད་མེད་གང་གིས་ཐོས་ནས་དད་ན་བུད་མེད་ལས་འགྱུར་བས་རིགས་ཀྱི་བུའམ་བུ་མོས་སེམས་བསྐྱེད་དེ་མཚན་འདི་ཉན་པར་བྱའོ། །འཇིག་རྟེན་གྱི་ཁམས་སྙིང་པོ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་དམ་པ་ལ་ཕྱག་འཚལ་ལོ། །སངས་རྒྱས་འདིའི་མཚན་ཉན་ཞིང་དད་པས་སངས་རྒྱས་ཀྱི་འོད་དང་སྟོབས་དང་མི་འཇིགས་པ་དང་སངས་རྒྱས་ཀྱི་ཕན་ཡོན་རྣམས་ཀྱང་ཐོབ་པར་འགྱུར། བསྐལ་པ་བཅུ་གཉིས་སུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཐམས་ཅད་ལ་དད་པ་དང་བསོད་ནམས་རྒྱ་ཆེ་ཞིང་དེ་བཞིན་གཤེགས་པའི་བསྟན་པར་བྱང་ཆུབ་ཏུ་སེམས་བསྐྱེད་པས་མཚན་འདི་ཐོས་པར་འགྱུར་གྱི་བསོད་ནམས་ཆུང་ངུས་འདི་ཐོས་པར་མི་ནུས་སོ། །འཇིག་རྟེན་གྱི་ཁམས་མུ་ཏིག་གི་དྲྭ་བ་ཡོངས་སུ་དག་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚངས་པའི་

― MR07_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་རྒྱལ་པོ་ལ་ཕྱག་འཚལ་ལོ། །སངས་རྒྱས་འདིའི་མཚན་ཐོས་ཤིང་དད་པས་ཐལ་མོ་སྦྱར་བ་དེ་དག་སངས་རྒྱས་དང་མི་འབྲལ་ཞིང་འཁོར་ལོས་སྒྱུར་བའི་རྒྱལ་པོ་བྱེད་པར་འགྱུར་ཏེ་བླ་མེད་བྱང་ཆུབ་ལས་ཕྱིར་མི་ལྡོག་གོ །འཇིག་རྟེན་གྱི་ཁམས་ཟླ་བ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་ལྟར་སྣང་བ་ལ་ཕྱག་འཚལ་ལོ། །མཚན་འདི་ཐོས་པ་དེ་དག་ཐ་ན་རྨི་ལམ་ན་ཡང་ཆོས་ཀྱི་རང་བཞིན་མིག་ཡོར་དང་འདྲ་བར་རྒྱ་ཆེར་སྟོན་པར་འགྱུར་རོ། །ལོག་པར་མི་ལྟུང་། བསོད་ནམས་ཆེན་པོ་དང་ལྡན། སེམས་ཅན་ཚད་མེད་པ་རྣམས་ལ་ཡང་བདེ་བ་དང་ཡིད་བདེ་བ་བྱེད་པར་འགྱུར། འཇིག་རྟེན་འཛིན་པར་བྱེད། ཐེག་པ་ཆེན་པོས་ངེས་པར་འབྱུང་བར་འགྱུར་རོ། །འཇིག་རྟེན་གྱི་ཁམས་མེ་སྒྲོན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་གྱི་འབྱུང་གནས་ལ་ཕྱག་འཚལ་ལོ། །སངས་རྒྱས་འདིའི་སྔོན་བདག་སངས་རྒྱས་པའི་ཞིང་དུ་སྐྱེ་བར་འགྱུར་བ་དང་། འཇིག་རྟེན་ཁམས་གཞན་གྱི་སེམས་ཅན་གང་གིས་བདག་

― MR07_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

གི་མིང་ཐོས་པ་དེ་ཐམས་ཅད་བླ་མེད་བྱང་ཆུབ་ལས་ཕྱིར་མི་ལྡོག་པར་བྱའོ་ཞེས་དམ་བཅས་པ་རྫོགས་པའི་ཕྱིར་རོ། །འཇིག་རྟེན་གྱི་ཁམས་སྦྲང་རྩི་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀླུའི་དབང་ཕྱུག་རྒྱལ་པོ་ལ་ཕྱག་འཚལ་ལོ། །དེའི་མཚན་ཐོས་པས་ཀླུའི་ལྕེ་འབབ་པའམ་སེར་བའམ་ནད་དང་གནོད་པ་ནད་འགོ་བ་སོགས་ཐམས་ཅད་ཞི་བ་དང་། ཀླུའི་སྐྱེ་གནས་ལས་ཤི་འཕོས་ནས་སངས་རྒྱས་ཀྱི་ཞིང་དེར་སྐྱེ་བ་དང་བླ་མེད་བྱང་ཆུབ་ལས་མི་ལྡོག་ཅིང་བསོད་ནམས་ཀྱི་ཕུང་པོ་དཔག་མེད་ལྡན་ཞིང་སངས་རྒྱས་ཀྱི་ཡེ་ཤེས་རྙེད་མི་དཀའོ། །འཇིག་རྟེན་གྱི་ཁམས་ཟླ་བ་ལྟ་བུ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཐམས་ཅད་ཀྱི་དྲིའི་དབང་ཕྱུག་རྒྱལ་པོ་ལ་ཕྱག་འཚལ་ལོ། །སངས་རྒྱས་འདིའི་མཚན་ཐོས་པས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དུ་ཚུལ་ཁྲིམས་ཀྱི་སྤོས་ཀྱི་ངད་ལྡང་བར་འགྱུར་རོ། །སངས་རྒྱས་ཀྱི་ཆོས་ཐམས་ཅད་ཐོབ་པར་འགྱུར་ཏེ་སངས་རྒྱས་དེའི་སྔོན་གྱི་སྨོན་ལམ་གྱི་དབང་གིས་ཡིན་ནོ། །དེའི་ཕྱིར་ལྷག་པའི་བསམ་པས་དད་པར་བྱ་སྟེ། དད་པ་དེ་ནི་དོན་ཆེན་པོ་དང་ལྡན་ཞིང་

― MR07_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དད་པ་གཅིག་གིས་གང་འདོད་པ་ཐོབ་པར་འགྱུར་ལ། དད་པས་ཐལ་མོ་སྦྱར་ཏེ་སངས་རྒྱས་ལ་ཕྱག་འཚལ་ལོ་ཞེས་སྨྲས་ནས་བྱམས་པ་ལ་གནས་པར་བྱས་པས་བླ་མེད་བྱང་ཆུབ་ལས་ཕྱིར་མི་ལྡོག་ལ། བསྐལ་པ་བཅུ་བཞིར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་སྐར་མའི་རྒྱལ་པོ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སཱ་ལའི་རྒྱལ་པོ་ལ་ཕྱག་འཚལ་ལོ། །མཚན་འདི་ཐོས་ནས་མ་དད་པས་འཕྱ་བ་དང་སྟིང་བ་དེ་དག་ནི་ལོ་སྟོང་ཕྲག་དྲུག་ཅུར་དམྱལ་བ་བསྡུས་གཞོམ་དུ་བཙོ་བར་འགྱུར། མ་དད་དོ་ཞེས་ཚིག་ཏུ་སྨྲས་པས་ལོ་སྟོང་ཕྲག་བདུན་དུ་ཡི་དྭགས་མེ་འདག་ཟ་བའི་སྡུག་བསྔལ་མྱོང་བར་འགྱུར་རོ། །འཇིག་རྟེན་གྱི་ཁམས་སྟོབས་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བརྟན་པའི་སྡེ་མཚོན་ཆས་ཉོན་མོངས་པ་སེལ་བ་ལ་ཕྱག་འཚལ་ལོ། །མཚན་འདི་ཐོས་པ་ཐ་ན་རྨི་ལམ་གྱི་ཚེ་ན་ཡང་རྡོ་རྗེ་ལྟ་བུར་འགྱུར། བདུད་དང་བདུད་ཀྱི་འཁོར་གྱིས་གདུལ་དཀའ་བར་འགྱུར། གཡུལ་ཆེན་པོ་ལས་

― MR07_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་སྒྲོལ་བར་བྱེད། ཐམས་ཅད་མཁྱེན་པའི་ཡེ་ཤེས་ཀྱང་ཐོབ་བོ། །རིགས་ཀྱི་བུ་གང་དག་མཚན་འདི་དྲན་པ་ཙམ་གྱིས་དད་པ་བསྐྱེད་པ་དང་དགའ་བར་བྱེད་པ་དེ་དག་བྱང་ཆུབ་ཀྱི་ཕྱིར་སྤྱད་པ་སྤྱོད་པ་ན། དེས་དེ་བཞིན་གཤེགས་པ་མཐོང་བ་དང་མཐར་ཕྱིན་པ་ཤེས་པར་བྱ་སྟེ། བྱང་ཆུབ་ལས་མི་ལྡོག་པར་བྱ་བ་དང་། རྒྱ་ཆེར་རབ་ཏུ་དགའ་བར་བྱའོ། །མཚན་འདི་རྣ་ལམ་དུ་གྲགས་ཤིང་དགའ་བ་བསྐྱེད་ན། སེམས་ཅན་མང་པོའི་དོན་བྱེད་པར་འགྱུར་ཏེ་དེ་ལྟར་རྫུ་འཕྲུལ་ཆེའོ། །དེ་བཞིན་གཤེགས་པའི་མཚན་ཉན་ཅིང་ཐོས་ནས་མོས་པར་བྱེད་པའི་བསོད་ནམས་ཕྱོགས་ཙམ་བཤད་ན། འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་རིན་པོ་ཆེས་བཀང་སྟེ་སངས་རྒྱས་གངྒཱའི་ཀླུང་གི་བྱེ་མ་སྙེད་ལ་ཉིན་རེ་ཞིང་ཕུལ་བ་དེ་ལྟར་གངྒཱའི་ཀླུང་གི་བྱེ་མ་སྙེད་དང་མཉམ་པའི་བསྐལ་བར་ཕུལ་བའི་བསོད་ནམས་དེས་མཚན་ཐོས་པ་ལས་བྱུང་བའི་བསོད་ནམས་ཀྱི་ཕུང་པོའི་འདིའི་ཆ་འགའ་ཙམ་དུ་ཡང་བརྗོད་པར་མི་བྱའོ། །གང་ལ་ལ་ཞིག་གིས་མཚན་འདི་མཉན་པའི་ཕྱིར་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་བཀང་སྟེ་བྱིན་ཀྱང་བསོད་ནམས་དེས་འདི་ཐོས་པར་མི་ནུས་ཏེ། ཅི་ཡི་ཕྱིར་ན་བསོད་ནམས་མ་བྱས་

― MR07_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཡང་ཐོས་ན། དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་པ་རྣམས་དང་། ལྷ་ཚེ་རིང་པོ་རྣམས་ཀྱིས་ཀྱང་ཐོས་པ་དང་ཡོན་ཏན་བརྗོད་ཤེས་པར་འགྱུར་ཏེ། དེ་དག་བསོད་ནམས་དེ་སྙེད་དང་ལྡན་པར་འགྱུར་བས་སོ། །འཇིག་རྟེན་གྱི་ཁམས་དཔལ་ལྡན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོར་སྣང་བ་ལ་ཕྱག་འཚལ་ལོ། །སངས་རྒྱས་དེའི་མཚན་ཉན་པ་དང་། ལྷག་པའི་བསམ་པས་མོས་པ་ཐམས་ཅད་བསོད་ནམས་དཔག་ཏུ་མེད་པ་འཛིན་པ་དང་། ངན་སོང་གིས་མི་འཇིགས། སྨོན་ལམ་ཇི་ལྟར་བཏབ་པ་བཞིན་དུ་སངས་རྒྱས་ཀྱི་ཐེག་པས་བླ་མེད་བྱང་ཆུབ་ཏུ་མྱ་ངན་ལས་འདའ་ཞིང་ཐེག་པ་ཆེན་པོའི་བདེ་བ་དང་ཡིད་བདེ་བ་དང་ལྡན་པར་འགྱུར་ལ། ལྷ་མིར་འཁོར་བ་ན་ཡང་སྨོན་ལམ་ཇི་ལྟར་བཏབ་པ་བཞིན་དུ་སངས་རྒྱས་ཀྱི་ཞིང་གི་བཀོད་པ་ཆེན་པོས་མྱ་ངན་ལས་འདའ་བར་འགྱུར། བསྐལ་པ་གངྒཱའི་ཀླུང་གི་བྱེ་སྙེད་དུ་ལོག་པར་མི་ལྟུང་། སངས་རྒྱས་ལ་དགེ་རྩ་བསྐྱེད་པ་ནི་བསམ་གྱིས་མི་ཁྱབ་སྟེ། མཚམས་མེད་བྱེད་པ་དང་འཕགས་པ་ལ་སྐུར་པ་འདེབས་པ་མ་གཏོགས་སོ། །

― MR07_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་ཀྱང་ཡུན་རིང་པོ་འདས་ནས་ཇི་ལྟར་སྨོན་ལམ་བཏབ་པ་བཞིན་ཡོངས་སུ་མྱ་ངན་ལས་འདའ་བར་འགྱུར་རོ། །སྡོང་དུམ་ལའང་གནོད་སེམས་བསྐྱེད་པར་མི་བྱ་ན་མིར་གྱུར་པ་ལ་ལྟ་ཅི་སྨོས། དེ་ལ་ཞེ་སྡང་བས་དམྱལ་བ་ཆེན་པོའི་སྡུག་བསྔལ་དུ་མ་ཐོབ་ན། སངས་རྒྱས་ཀྱི་བསྟན་པར་མོས་པ་ལ་ལྟ་ཅི་སྨོས། དེ་བཞིན་གཤེགས་པ་ཡེ་ཤེས་མཐའ་ཡས་པ་དང་ལྡན་པ་ལ་ཞེ་སྡང་བསྐྱེད་པའི་སྐྱེས་བུ་གླེན་པ་དེ་བསྐལ་པ་བྱེ་བ་བརྒྱ་སྟོང་དུ་ཡང་དེ་ལས་ལྡང་བ་མེད་ཅིང་སྡུག་བསྔལ་བར་འགྱུར་རོ། །གཉིས་མེད་གསུང་པའི་ཆོས་ཚུལ་རྣམ་པར་དག་པ་སྤོང་བར་མི་བྱེད་པ་དེ་ཐམས་ཅད་ཕྱིར་མི་ལྡོག་པར་བྱས་ནས་གདོད་སངས་རྒྱས་ཀྱི་ཡེ་ཤེས་སུ་འགྱུར་རོ་ཞེས་དེ་ལྟར་སེམས་བསྐྱེད་པར་བྱའོ། །འཇིག་རྟེན་གྱི་ཁམས་རྒྱ་མཚོའི་སྤོས་ཀྱིས་བདུགས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་དཔག་མེད་སྣང་བ་ལ་ཕྱག་འཚལ་ལོ། །མཚན་འདི་ཐོས་ནས་ལྷག་པའི་བསམ་པས་དད་ན་བླ་མེད་བྱང་ཆུབ་ལས་མི་ལྡོག་སངས་རྒྱས་ཐོབ་ནས་ཀྱང་བ་སྤུའི་གསེབ་ཐམས་ཅད་ནས་དྲི་ཡིད་དུ་འོང་བ་ཕྱོགས་སུ་སྣང་བར་བྱེད་དོ། །ཤེས་རབ་དམན་པས་ཡེ་ཤེས་

― MR07_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་འདི་ལ་སྨོན་མི་ནུས་ལ་ཤེས་རབ་རྒྱ་ཆེ་བ་དག་གིས་ཐོས་ནས་དད་པར་འགྱུར་ཏེ། སངས་རྒྱས་གཞན་དག་ལས་བསྐལ་པ་དུ་མར་ཤེས་རབ་ཡང་དག་པར་བསྒྲུབ་པར་འགྱུར་རོ། །བསྐལ་པ་བཞི་བཅུ་རྩ་ལྔར་འཁོར་བར་རྒྱབ་ཀྱིས་ཕྱོགས་པར་འགྱུར་ཞིང་། འདི་ལ་དད་པ་དེ་དག་ཤེས་རབ་ཟླ་བ་ལྟ་བུ་དང་ལྡན་པ་དང་ལྷ་དང་བཅས་པའི་འཇིག་རྟེན་གྱི་སྦྱིན་གནས་སུ་འགྱུར་རོ། །འཇིག་རྟེན་གྱི་ཁམས་ཀླུ་དང་ལྡན་པ་སྣང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་དབྱངས་ལ་ཕྱག་འཚལ་ལོ། །སངས་རྒྱས་འདིའི་མཚན་ཐོས་ཤིང་ཚུལ་ཁྲིམས་རྗེས་སུ་དྲན་པ་དང་མོས་པ་དང་ཡིད་ཆེས་པར་བྱེད་ན། དེ་ཐམས་ཅད་དགེ་བའི་ཆོས་རྣམས་ལས་མི་བསྐྱོད་པ་དང་། བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །བུད་མེད་གང་གིས་ཐོས་པ་དེ་མཚན་འགྱུར་ཞིང་འཇིག་རྟེན་ན་མཆོད་རྟེན་དང་འདྲ་བར་འགྱུར་རོ། །འཇིག་རྟེན་གྱི་ཁམས་ཡང་གར་བ་ཏི་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐུ་ཆེན་པོའི་བརྩོན་འགྲུས་ཀྱིས་ངེས་པར་

― MR07_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་ལ་ཕྱག་འཚལ་ལོ། །མཚན་འདི་ཉན་ཅིང་དད་པས་ཐལ་མོ་སྦྱོར་ན། འཁོར་བར་ཚེ་རབས་གཞན་དུ་དེ་དག་མི་རྨོངས་པ་དང་། བདུད་དང་མུ་སྟེགས་དང་ཕས་ཀྱི་རྒོལ་བ་ཐམས་ཅད་ལ་མཚོན་ཆ་སྲ་བར་འགྱུར་རོ། །བསྐལ་པ་ཉི་ཤུ་རྩ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་རྒྱ་མཚོ་རབ་ཏུ་གནས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྙིང་པོ་ཟིལ་གྱིས་གནོན་པ་ལ་ཕྱག་འཚལ་ལོ། །མཚན་འདི་ཉན་ཞིང་དད་པ་དེ་ཐམས་ཅད་སྙིང་པོ་ལ་རབ་ཏུ་གནས་པ་དང་ཐེག་པ་མཆོག་ཐོབ་པར་འགྱུར་ཞིང་། འདི་ལྟར་ཆོས་སྦྱིན་ཐོབ་པའི་བསོད་ནམས་ཀྱི་ཕུང་པོ་ཚད་མེད་པར་འགྱུར་རོ། །འཇིག་རྟེན་གྱི་ཁམས་སྣང་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་དབྱངས་རྒྱལ་པོ་ལ་ཕྱག་འཚལ་ལོ། །མཚན་འདི་ཉན་ཞིང་ཐལ་མོ་སྦྱར་ཏེ་ཕྱག་འཚལ་ལོ་ཞེས་ཟེར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་ཆེན་སྣ་བདུན་གྱིས་བཀང་སྟེ་རང་སངས་རྒྱས་ལ་ཉིན་བཞིན་བསྐལ་པ་

― MR07_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

གངྒཱའི་ཀླུང་གི་བྱེ་སྙེད་དུ་བྱིན་པའི་བསོད་ནམས་ཀྱི་ཕུང་པོའི་ཆ་ཙམ་བསྒྲུན་དུ་མེད་དོ། །འཇིག་རྟེན་གྱི་ཁམས་ཟླ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་བླ་མ་ལ་ཕྱག་འཚལ་ལོ། །མཚན་འདི་ཉན་པས་ལྷ་ཀླུ་གནོད་སྦྱིན་མི་ལ་སོགས་པ་ཐམས་ཅད་མི་དགེ་བའི་ཆོས་ཀྱིས་མི་གོས་ཤིང་འཇིག་རྟེན་ན་པདྨ་ལྟ་བུར་འགྱུར་རོ། །བུད་མེད་གང་དག་ཉན་པ་དང་དད་པ་དང་ལྷག་པའི་བསམ་པས་མོས་པར་བྱེད་ན་བུད་མེད་ཀྱི་ལུས་ཀྱི་ཐ་མར་འགྱུར་རོ། །གང་ཡིད་མི་ཆེས་ཤིང་སྡོང་ན་དེས་སངས་རྒྱས་ཀྱི་སྟོབས་སྤངས་པར་འགྱུར་ཏེ་བསྐལ་པ་ཉི་ཤུར་མཚམས་མེད་པའི་དམྱལ་བར་བཙོ་བར་འགྱུར་རོ། །སངས་རྒྱས་ཀྱི་བསམ་མི་ཁྱབ་ལ་དད་མོས་བྱེད་ན། དེ་ཉིད་ཀྱིས་བསྐལ་པ་བཅུ་དགུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་ཙནྡན་གྱི་ཀ་བ་རབ་ཏུ་གནས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་ཟིལ་གྱིས་གནོན་པ་ལ་ཕྱག་འཚལ་ལོ། །མཚན་འདི་ཉན་ཞིང་དད་པ་སྐྱེད་ན་འཇིག་རྟེན་ན་ངོ་མཚར་དུ་འགྱུར་ཏེ། སངས་རྒྱས་པ་ན་སངས་རྒྱས་ཀྱི་ཞིང་དག་ཅིང་མི་ཁོམས་པ་བརྒྱད་མེད་པར་སེམས་ཅན་རྣམས་ཤིན་ཏུ་བདེ་བ་དང་

― MR07_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་ཏེ། སངས་རྒྱས་དེའི་སྔོན་བྱང་ཆུབ་སེམས་དཔའི་དུས་ཀྱི་སྨོན་ལམ་གྱི་དབང་གིས་ཡིན་ནོ། །འཇིག་རྟེན་གྱི་ཁམས་འཛམ་བུའི་ཆུ་བོ་རབ་ཏུ་གནས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་གྱི་སྒྲོན་མ་ལ་ཕྱག་འཚལ་ལོ། །མཚན་འདི་ཉན་ན་མཚམས་མེད་པའི་ལས་དང་འཕགས་པ་ལ་སྐུར་པ་འདེབས་པ་མ་གཏོགས་བར་དེ་ཐམས་ཅད་ངན་སོང་གི་གཞི་ལས་ཐར་བར་འགྱུར་ཞིང་དཀོན་མཆོག་དམ་པ་ཐོབ་པའི་རྒྱུར་འགྱུར་རོ། །གང་དག་མཚམས་མེད་པའི་ལས་བྱེད་པ་དང་། འཕགས་པ་ལ་སྐུར་པ་འདེབས་པས་ཐོས་ན་ཡང་དེའི་ལས་ཟད་ནས་མཐར་གྱིས་སངས་རྒྱས་སུ་འགྱུར་ཞིང་བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་འོད་གསལ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་རྫོགས་པའི་སངས་རྒྱས་མེ་ཞེས་བྱ་བ་ལ་ཕྱག་འཚལ་ལོ། །སངས་རྒྱས་ཀྱི་ཞིང་དེ་ནི་ལག་མཐིལ་ལྟར་མཉམ་ལ་པདྨོ་ལྟར་སྣང་བས་འོད་གསལ་ཞེས་བྱ་ལ། འཇིག་རྟེན་ན་མུན་པའི་ནང་ན་མེའི་ཕུང་པོ་ལྟར་གཟི་བརྗིད་འབར་ཞིང་ལྷང་ངེར་ཆོས་སྟོན་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དབྱངས་ཀྱིས་གོ་བར་མཛད་དེ། གང་ཡང་

― MR07_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཆེན་པོའི་འཇིག་རྟེན་གྱི་ཁམས་གསེར་གྱི་སྤང་ལེབ་ཀྱིས་གཡོགས་པ། ཤིང་ཐམས་ཅད་གོས་ཀྱིས་བརྒྱན་ནས་སངས་རྒྱས་གངྒཱའི་ཀླུང་གི་བྱེ་སྙེད་གྲངས་མེད་ལ་ཉིན་རེ་ཞིང་བསྐལ་པ་གངྒཱའི་ཀླུང་གི་བྱེ་སྙེད་དུ་ཕུལ་བའི་བསོད་ནམས་ཀྱིས་མཚན་འདི་ཐོས་པའི་བསོད་ནམས་ཀྱི་ཕུང་པོའི་ཆ་ཙམ་ཡང་འགྲན་དུ་མེད་དོ། །ཐོས་ནས་དགའ་བས་ནན་ཏན་བྱས་པས་བསྐལ་པ་དྲུག་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །བླ་ན་མེད་པའི་སངས་རྒྱས་ཀྱི་ཞིང་ཡང་འཛིན་པར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་ཀུན་ཏུ་བཀོད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་རྨད་ཞེས་བྱ་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་སངས་རྒྱས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྟག་པར་ཡོངས་སུ་མྱ་ངན་ལས་འདས་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་རི་རབ་ཀྱི་ངོས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟུག་རྔུ་མེད་པའི་བློ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཕོངས་པ་དང་བྲལ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲུལ་པ་ཚད་མེད་པར་སྣང་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་གོས་ཀ་ཙ་ལིན་ད་

― MR07_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་རེག་ན་འཇམ་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རི་རབ་རྣམ་པར་གནོན་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་མཉམ་པ་དམ་པའི་དཔལ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་གླང་པོ་དམ་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་རིན་པོ་ཆེ་འབྱུང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་འདུས་པའི་དཔལ་ལ་ཕྱག་འཚལ་ལོ། །འཇིག་རྟེན་གྱི་ཁམས་རྣམ་པར་མ་དག་པ་དང་བྲལ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཕྱིར་མི་ལྡོག་པའི་འཁོར་ལོ་རིན་པོ་ཆེ་རྟག་ཏུ་དོན་དཔལ་ཞེས་བྱ་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་རྣམ་པར་དག་པ་གནས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་རྣམ་པར་སྣང་མཛད་རྣམ་པར་དག་པ་ཐོབ་པ་ལ་ཕྱག་འཚལ་ལོ། །དེ་ལྟར་ཤར་ཕྱོགས་ན་དེ་ལ་སོགས་པ་ཚད་མེད་པའི་སངས་རྒྱས་བཅོམ་ལྡན་འདས་རྣམས་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །སོར་བཅུའི་ཐལ་མོ་སྦྱར་ཏེ་དེ་རྣམས་ཀྱི་མཚན་བཟུང་ཞིང་། དེ་དག་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་བརྗོད་པར་བྱའོ། །ཤར་ཕྱོགས་

― MR07_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སངས་རྒྱས་དེ་དག་གི་མཚན་བརྗོད་པས་བསོད་ནམས་ཀྱི་ཕུང་པོ་ཚད་མེད་པར་འགྱུར་རོ། །ལྷོ་ཡི་ཕྱོགས་སུ་འཇིག་རྟེན་གྱི་ཁམས་གྲོལ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་ཟླ་སྒྲོན་མ་ལ་ཕྱག་འཚལ་ལོ། །སངས་རྒྱས་དེའི་མཚན་ཉན་ཞིང་དད་པས་སྤུ་ཟིང་བྱེད་པ་དང་མཆི་མ་བླགས་ན་དེ་དག་གིས་སངས་རྒྱས་དེ་བྱང་ཆུབ་སེམས་དཔའི་སྤྱད་པ་སྤྱོད་པ་ན་བདག་གིས་མཐོང་ངོ་སྙམ་དུ་རྟོགས་པར་བྱའོ། །བུད་མེད་ཀྱིས་ཀྱང་ཐོས་ན་བདག་བུད་མེད་ཀྱི་ལུས་ཀྱི་ཐ་མར་འགྱུར་རོ་སྙམ་དུ་དགའ་བར་བྱ་སྟེ། དེ་ཐམས་ཅད་བླ་མེད་རྫོགས་པའི་བྱང་ཆུབ་ཏུ་འགྱུར་རོ། །སེམས་ཅན་ཇི་སྙེད་ཀྱིས་ཐོས་པ་དེ་ཐམས་ཅད་བླ་མེད་བྱང་ཆུབ་ལས་ཕྱིར་མི་ལྡོག །སེམས་ཅན་འདི་དག་ལ་ཇི་ལྟ་བ་བཞིན་དུ་སེམས་ཅན་དེ་དག་ལ་སྒྲིབ་པར་མི་འགྱུར་ཏེ། མི་མཇེད་འདི་ན་གང་ཡོད་པ་དེ་དག་ཀྱང་རྩིས་པ་ཆེན་པོ་སུས་ཀྱང་རྩི་བར་བྱ་སླ་བ་མ་ཡིན་ནོ། །འཇིག་རྟེན་གྱི་ཁམས་ཇི་སྙེད་དུ་དེའི་མཚན་གྲགས་པ་དེར་བདུད་སྡིག་ཅན་བར་ཆད་བྱེད་པར་མི་འགྱུར་ཏེ། མཚན་འདི་ཐོས་ཤིང་དད་པ་དེ་དག་གི་མཐའ་རྟོགས་པར་བྱ་སླ་བ་མ་ཡིན་ནོ། །དུས་ཕྱི་མར་མཚན་འདི་བརྗོད་པའི་

― MR07_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་ནམས་ལ་མོས་པའི་སེམས་ཅན་ནི་ཨུ་དུམ་ཝཱ་རའི་མེ་ཏོག་དང་འདྲ་སྟེ། འཇིག་རྟེན་གྱི་སྦྱིན་པར་འོས་པར་འགྱུར་རོ། །བསོད་ནམས་ཀྱི་ཕུང་པོ་དཔག་མེད་དང་ལྡན་ཞིང་རྣམ་པར་ལྟུང་བའི་འཇིགས་པ་མི་འབྱུང་སངས་རྒྱས་དང་མི་འབྲལ། འཇིག་རྟེན་ཐམས་ཅད་ལས་བྱེ་བྲག་ཏུ་འཕགས་ཤིང་སངས་རྒྱས་ཀྱིས་ཆོས་སྟོན་ལ་སེམས་ཅན་མང་པོའི་དོན་བྱེད་པ་དང་། སངས་རྒྱས་ཀྱི་བྱང་ཆུབ་བསམ་པ་ཐག་པ་ནས་འཛིན་ཅིང་བསྐལ་པ་བརྒྱར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །གང་མ་དད་པ་དེ་དག་ལ་བྱེ་བ་དྲུག་ཅུར་དམྱལ་བ་ཆེན་པོའི་ཚོར་བ་མྱོང་བར་འགྱུར་ཏེ། གང་དུ་བསྟན་པ་འབར་བ་དེ་ན་དམ་ཆོས་སྤོང་བའི་བླུན་པོ་མང་ངོ་། །དེ་བས་ན་ཆོས་འདི་མི་སྤོང་བ་དེ་དག་གིས་བདག་ངན་སོང་ཐམས་ཅད་ལས་ཐར་སྙམ་ནས་དགའ་བར་བྱ་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་འདི་རིན་པོ་ཆེས་གང་བར་བྱས་ནས་མཚན་འདི་མཉན་པར་བྱའོ། །ཐམས་ཅད་མཁྱེན་པའི་ཡེ་ཤེས་ལ་གནས་པར་འདོད་པས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་གྲངས་མེད་པ་རིན་པོ་ཆེས་གང་བར་བྱས་ནས་ཀྱང་མཉན་པར་བྱའོ། །འཇིག་རྟེན་གྱི་ཁམས་ཚུལ་ཁྲིམས་ཀྱི་འོད་དང་ལྡན་པ་ན། དེ་བཞིན་གཤེགས་པ་དགྲ་

― MR07_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་པ་ཡང་དག་པར་རྫོགས་པའི་སངས་རྒྱས་རི་རབ་ལ་ཕྱག་འཚལ་ལོ། །མཚན་འདི་ཐོས་པས་ཐ་ན་རྨི་ལམ་ན་ཡང་འཕགས་པ་ལ་སྐུར་བ་འདེབས་པར་མི་འགྱུར། ལྷག་པའི་བསམ་པ་ཡང་དག་པར་འགྱུར། བླ་མེད་བྱང་ཆུབ་ལས་ཕྱིར་མི་ལྡོག་པ་དང་། རྨི་ལམ་ལྟ་བུར་མྱུར་དུ་རབ་ཏུ་ཤེས་པ་དང་། བསྐལ་པ་བརྒྱད་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་གཟུགས་གསེར་མདོག་བཟང་པོ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རི་རབ་མངོན་པ་ལ་ཕྱག་འཚལ་ལོ། །མཚན་འདི་ཐོས་པ་དང་རྒྱུན་མི་འཆད་པར་འཛིན་པ་དེ་དག་བསྐལ་པ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་སྣང་བ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རི་རབ་འདྲ་བ་ལ་ཕྱག་འཚལ་ལོ། །མཚན་འདི་ཐོས་ནས་ཐ་ན་སེ་གོལ་གཏོགས་པ་ཙམ་ཡང་རི་མོར་བསྐྱེད་ནས་ཡིད་ལ་བྱེད་ན། སྟོང་ཆེན་པོའི་འཇིག་རྟེན་གྱི་ཁམས་འདི་འཛམ་བུ་ཆུ་བོའི་གསེར་གྱི་སྤང་ལེབ་བཏིང་ནས་སྦྱིན་པ་བྱིན་པ་བས་བསོད་ནམས་ཀྱི་

― MR07_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་པོ་ཁྱད་པར་འཕགས་སོ། །དེ་ལྟར་སངས་རྒྱས་ཀྱི་སྒྲ་ནི་མཐུ་ཆེན་པོ་ཡིན་ཏེ། སངས་རྒྱས་བཞུགས་པའམ་འདས་ནས་སྐུ་གདུང་ལ་མཆོད་པར་བྱེད་པ་ལྟ་ཅི་སྨྲོས། འཇིག་རྟེན་གྱི་ཁམས་སྟོབས་ཀྱི་ཤུགས་ཐམས་ཅད་ཐོབ་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྤོས་ཞེས་བྱ་བ་ལ་ཕྱག་འཚལ་ལོ། །སངས་རྒྱས་འདིའི་བ་སྤུའི་ཁུང་བུ་ཐམས་ཅད་ནས་དྲི་ཡིད་དུ་འོང་བས་ཕྱོགས་བཅུའི་འཇིག་རྟེན་གངྒཱའི་ཀླུང་གི་བྱེ་སྙེད་ཁྱབ་ཅིང་དྲི་སྣོམས་པ་དང་མཚན་ཐོས་པ་དེ་ཐམས་ཅད་བྱང་ཆུབ་ཐོབ་པའི་ཚེ་སྤུའི་ཁུང་བུ་ནས་དྲི་ཡིད་འོང་འབྱུང་བར་སྔོན་སྨོན་ལམ་བཏབ་བོ། །གང་གིས་ཞག་བདུན་དུ་ཟས་མ་ཟོས་ཀྱང་མཚན་ཉན་པ་དེ་ལྟ་བུ་ནི་ཡོན་ཏན་ཡོངས་སུ་བརྗོད་པར་འགྱུར་རོ། །དེ་ཙམ་ན་དེ་ཐོས་མ་ཐག་ཏུ་བསོད་ནམས་ཚད་མེད་པ་ཡོངས་སུ་འཛིན་པར་འགྱུར་རོ། །མཚན་འདིར་དགའ་བ་དེ་དག་ལ་བདུད་ཀྱིས་གླགས་མི་རྙེད་དེ་སངས་རྒྱས་ཀྱིས་དགོངས་པའི་ཕྱིར་ཏེ་རྫོགས་པའི་བྱང་ཆུབ་མ་སྤངས་པར་འགྱུར་རོ། །དེ་བཞིན་གཤེགས་པ་དེའི་བསོད་ནམས་ཀྱི་ཚོགས་གང་ཡོད་བཤད་ན་སེམས་ཅན་རྣམས་མྱོས་པར་འགྱུར་ཏེ་མོས་པར་དཀའོ། །མཚན་ཐོས་ནས་

― MR07_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

མོས་པ་དེ་དག་ཡེ་ཤེས་དང་ལྡན་པས་དགོངས་ཏེ་གསུང་བ་ལ་འཇུག་པར་འགྱུར་རོ། །འཇིག་རྟེན་གྱི་ཁམས་བཅུ་རིན་ཆེན་སྣ་བདུན་གྱིས་གང་བར་བྱས་ཏེ། ཚད་མེད་པའི་སངས་རྒྱས་ལ་བསྐལ་པ་ཚད་མེད་པར་ཕུལ་བའི་བསོད་ནམས་ཀྱི་ཕུང་པོ་ནི་བརྗོད་དུ་མེད་ཀྱང་། གང་གིས་ཚད་མེད་པའི་དེ་བཞིན་གཤེགས་པ་རྗེས་སུ་དྲན་ནས་ཡན་ལག་ལྔས་ཕྱག་བྱས་པའི་བསོད་ནམས་ཀྱི་ཕུང་པོ་ནི་དེ་བས་ཆེས་ཚད་མེད་དོ། །བསྐལ་པ་བརྒྱར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་དྲི་མ་མེད་པའི་འོད་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བ་ཡོངས་སུ་དག་པ་ལ་ཕྱག་འཚལ་ལོ། །མཚན་འདི་ཉན་ནས་སེ་གོལ་གཏོགས་པ་ཙམ་དུ་བྱམས་པ་བསྒོམ་ཞིང་དགེ་རྩ་དེས་སེམས་ཅན་ཐམས་ཅད་སངས་རྒྱས་ཀྱི་ཡེ་ཤེས་དང་ལྡན་པར་སྨོན་ན། དེའི་བསོད་ནམས་ནི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་སྙེད་རིན་ཆེན་སྣ་བདུན་གྱིས་བཀང་སྟེ། གངྒཱའི་ཀླུང་གི་བྱེ་སྙེད་ཀྱི་སངས་རྒྱས་ལ་ཉིན་རེ་ཞིང་བསྐལ་པ་གངྒཱའི་ཀླུང་གི་བྱེ་སྙེད་དུ་ཕུལ་བའི་བསོད་ནམས་ལས་ཆེས་ཁྱད་པར་དུ་འཕགས་པར་འགྱུར་ཏེ་བསོད་ནམས་སྔ་མས་

― MR07_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་ཐོབ་པའི་ཕྱིར་རོ། །ཆོས་ཀྱི་སྦྱིན་པ་ནི་བླ་མེད་བྱང་ཆུབ་དང་ཉེ་བར་གྱུར་པ་ཡིན་པས་ཆོས་ཀྱི་སྦྱིན་པ་ལ་གཟུང་བར་བྱ་ཡི་ཟང་ཟིང་ལ་མ་ཡིན་ནོ། །བསྐལ་པ་བརྒྱད་ཅུའི་བར་དུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་ཆོས་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་བླ་མ་ལ་ཕྱག་འཚལ་ལོ། །དེའི་མཚན་ཉན་ཞིང་དད་པ་དང་ཐལ་མོ་སྦྱོར་བ་ཐམས་ཅད་སངས་རྒྱས་ཀྱི་ཆོས་འདི་ལ་གྲུབ་བར་བྱ་བའི་ཕྱིར་སློབ་པར་འགྱུར་རོ། །ཕན་ཡོན་འདི་དག་འདོད་པས་རི་མོར་བྱས་ཏེ་མོས་པར་བྱ། སངས་རྒྱས་ཀྱི་ཡོན་ཏན་བརྗོད་པ་ལ་སོ་སོའི་སྐྱེ་བོའི་ཤེས་པས་སངས་རྒྱས་ཀྱི་ཡེ་ཤེས་ལ་ཚད་གཟུང་བར་མི་བྱ་སྟེ། དེ་ཉན་རང་གི་ཡུལ་ལས་ཀྱང་འདས་ན་གཞན་པས་ལྟ་ཅི་སྨོས། དེས་ན་སེམས་བསྐྱེད་པ་གཅིག་གམ་ངག་གི་ལས་གཅིག་གིས་དམྱལ་བ་ཆེན་པོའི་ལུས་དུ་མར་འགྱུར་བའི་ལས་ཡོངས་སུ་གཟུང་བར་མི་བྱ་སྟེ། སངས་རྒྱས་འབྱུང་བ་དང་མིར་གྱུར་པ་དང་དལ་བ་ཕུན་ཚོགས་རྙེད་པར་དཀའ། རྒྱ་མཚོ་ལས་རུས་སྦལ་དང་གཉའ་ཤིང་ཕྲད་པའི་དཔེས་མིར་གྱུར་པ་རྙེད་པར་དཀའ་འོ། །མིར་གྱུར་པས་སངས་རྒྱས་མཉེས་པར་

― MR07_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ན་མི་ཉིད་ལེགས་པར་ཐོབ་པའི་ཕྱིར། ཐམས་ཅད་མཁྱེན་པའི་ཡེ་ཤེས་ལ་སེམས་བསྐྱེད་པ་གཅིག་ཙམ་ཡང་མོས་པར་བྱའོ་སྙམ་ནས་བདག་ཉིད་ཡང་དག་པར་དགའ་བར་བྱའོ། །དེས་བསྐལ་པ་སུམ་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་རྒྱུ་བའི་དབང་པོ་ན། དེ་བཞིན་གཤེགས་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་ཀྱི་དབང་ཕྱུག་རྒྱལ་པོ་ལ་ཕྱག་འཚལ་ལོ། །མཚན་འདི་ཉན་ཞིང་དད་པས་ཐལ་མོ་སྦྱར་ཏེ་ཕྱག་འཚལ་ལོ་ཟེར་ན་བསོད་ནམས་ཀྱི་ཕུང་པོ་ཚད་མེད་པ་ཐོབ་སྟེ། སྟོང་ཆེན་པོའི་འཇིག་རྟེན་རིན་ཆེན་སྣ་བདུན་གྱིས་བཀང་སྟེ་སངས་རྒྱས་ལ་ཉིན་རེ་ཞིང་ལོ་སྟོང་དུ་ཕུལ་བ་བས་བསོད་ནམས་རྒྱ་ཆེའོ། །བསྐལ་པ་སུམ་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་བདེན་པ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཆེན་པོ་ལ་ཕྱག་འཚལ་ལོ། །མཚན་འདི་ཐོས་པས་ངེས་པ་ལ་ཞུགས་པ་མ་གཏོགས་པར་དེ་ཐམས་ཅད་སངས་རྒྱས་ཀྱི་ཆོས་ཐམས་ཅད་གྲུབ་པར་བྱེད་པར་འགྱུར་རོ། །འཇིག་རྟེན་གྱི་

― MR07_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་རྒྱན་ཆེན་པོ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་འོད་ལ་ཕྱག་འཚལ་ལོ། །སངས་རྒྱས་འདིའི་སྔོན་བྱང་ཆུབ་སེམས་དཔའི་སྤྱོད་པ་སྤྱོད་པ་ན། བདག་སངས་རྒྱས་པའི་མིང་ཐོས་པ་དང་མོས་པ་ཐམས་ཅད་བླ་མེད་བྱང་ཆུབ་ལས་མི་ལྡོག་པ་དང་། ཕྱི་མར་ངན་སོང་དུ་མི་འགྲོ་བར་སྨོན་ལམ་བཏབ་པ་ཡིན་ནོ། །མཚན་འདི་ཐོས་ནས་ལྷག་པའི་བསམ་པས་མོས་ན་སྨོན་ལམ་དེས་དེ་ཐམས་ཅད་བླ་མེད་བྱང་ཆུབ་ལས་མི་ལྡོག་པར་འགྱུར་རོ། །འཇིག་རྟེན་གྱི་ཁམས་དྲི་མ་མེད་པ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་འཕྲོ་ལ་ཕྱག་འཚལ་ལོ། །མཚན་འདི་ཐོས་པ་ཉུང་སྟེ་ཐོས་ནས་དད་པ་དེ་དག་གི་བསོད་ནམས་ཚད་མེད་དོ། །ཉན་པར་མི་བྱེད་པས་བསོད་ནམས་མ་ཡིན་པའི་ཕུང་པོ་ཚད་མེད་པ་འཛིན་པར་འགྱུར་རོ། །འཇིག་རྟེན་གྱི་ཁམས་ཀུན་ཏུ་དགའ་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཚད་མེད་ལ་ཕྱག་འཚལ་ལོ། །མཚན་འདི་ཐོས་ནས་ལྷག་པའི་བསམ་པས་དད་པར་བྱེད་པ་ཐམས་ཅད་ཀྱིས་དེ་བཞིན་གཤེགས་པ་དེའི་འོད་

― MR07_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་པར་འགྱུར་ཞིང་། མ་དད་པས་བསྐལ་པ་ཉི་ཤུར་ཚ་བའི་དམྱལ་བར་བཙོ་བར་འགྱུར་རོ། །འཇིག་རྟེན་གྱི་ཁམས་སྙིང་པོ་དང་ལྡན་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་བཏང་བ་ཞེས་བྱ་བ་ལ་ཕྱག་འཚལ་ལོ། །མཚན་འདི་ཉན་ཞིང་དད་པ་ཐམས་ཅད་བདུད་སྡིག་ཅན་གྱིས་མི་ཐུབ་པར་འགྱུར་རོ། །འཇིག་རྟེན་གྱི་ཁམས་སྤུག་གི་ཤིང་ཏོག་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་སྒྲོན་མ་ལ་ཕྱག་འཚལ་ལོ། །མཚན་འདི་ཉན་པ་དེ་ལྷ་དང་བཅས་པའི་འཇིག་རྟེན་གྱི་སྦྱིན་གནས་སུ་འགྱུར། དེ་གང་དུ་གནས་པའི་ཡུལ་དེ་ཡང་མཆོད་རྟེན་དུ་འགྱུར་ཏེ་མཚན་ཉན་པའི་སྐྱེས་བུ་དམ་པ་དེ་ནི་ཕྱི་མའི་དུས་ན་དཀོན་ནོ། །འཇིག་རྟེན་གྱི་ཁམས་དྲི་མཆོག་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་འོད་ལ་ཕྱག་འཚལ་ལོ། །མཚན་འདི་ཉན་པའམ་ཐ་ན་རྨི་ལམ་དུ་ཐོས་ནས་དད་པ་དེ་དག་བསོད་ནམས་ཚད་མེད་ཐོབ་ཅིང་། རི་དང་འདྲ་བར་བདུད་ཀྱིས་མི་བསྐྱོད་པར་འགྱུར་རོ། །འཇིག་རྟེན་གྱི་ཁམས་ཉི་མ་དང་ལྡན་པ་ན། དེ་བཞིན་

― MR07_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་སྣང་བ་ལ་ཕྱག་འཚལ་ལོ། །མཚན་འདི་ཐོས་པ་ངན་སོང་གི་གཞི་མེད་ལ་སངས་རྒྱས་དེའི་སྔོན་གྱི་སྨོན་ལམ་བཞིན་དུ། བླ་མེད་བྱང་ཆུབ་ལས་ཕྱིར་མི་ལྡོག་པ་དང་། སངས་རྒྱས་དེའི་ཞིང་གི་བཀོད་པ་དེ་འདྲ་བར་འགྱུར་རོ། །འཇིག་རྟེན་གྱི་ཁམས་གསེར་གྱི་ནོར་བུ་སྣང་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་འོད་ལ་ཕྱག་འཚལ་ལོ། །མཚན་འདི་ཉན་པས་ཆོས་ཀྱི་སྒྲོན་མ་ཐོགས་པར་འགྱུར། སེམས་ཅན་ཐམས་ཅད་འཁོར་བའི་རྒྱ་མཚོ་ལས་སྒྲོལ་བར་འགྱུར། སེམས་ཅན་རྣམས་ལ་ཕན་འདོགས་པས་ཉིན་མཚན་འདའ་བར་འགྱུར་རོ། །ཆོས་ཀྱི་སྦྱིན་པ་གཏོང་ཞིང་བདུད་དང་མུ་སྟེགས་གཞན་གྱིས་མི་ཐུབ་བོ། །འཇིག་རྟེན་གྱི་ཁམས་གཟུགས་སྣང་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བའི་དབྱངས་ལ་ཕྱག་འཚལ་ལོ། །འཇིག་རྟེན་དེའི་སེམས་ཅན་རྣམས་མིའི་མདོག་ལས་འདས་པའི་གཟུགས་བཟང་ཞིང་མཛེས་པའི་ཕྱི་གཟུགས་སྣང་བ་དང་ལྡན་པ་ཞེས་བྱ་ལ། སངས་རྒྱས་འདིའི་

― MR07_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཉན་པ་དེ་ཐམས་ཅད་བླ་མེད་སངས་རྒྱས་ཀྱི་ཆོས་ཀྱི་གཟུགས་བཟང་པོར་འགྱུར་རོ། །འཇིག་རྟེན་གྱི་ཁམས་རྣམ་པར་རྒྱལ་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཆོག་མཛད་ལ་ཕྱག་འཚལ་ལོ། །མཚན་འདི་ཉན་ཞིང་དད་པས་ལྷ་མིར་བཅས་པའི་འཇིག་རྟེན་གྱི་མཆོག་ཏུ་འགྱུར། བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་གཡུལ་ལས་རྣམ་པར་རྒྱལ་ཏེ་རྒལ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མང་པོའི་བླ་མ་ལ་ཕྱག་འཚལ་ལོ། །མཚན་འདི་ལྷ་ཀླུ་གནོད་སྦྱིན་མི་དང་མི་མ་ཡིན་པས་ཉན་པ་དེ་དག་དེ་ཐམས་ཅད་ཀྱི་བླ་མེད་བྱང་ཆུབ་ཀྱི་རྒྱུར་འགྱུར་རོ། །དེས་བསྐལ་པ་སུམ་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །མཚན་འདིར་མི་དད་པ་དེ་ནི་བསྐལ་བ་ཉི་ཤུ་དང་ལོ་སྟོང་དུ་དམྱལ་བར་བཙོ་བར་འགྱུར་རོ། །འཇིག་རྟེན་གྱི་ཁམས་རིན་པོ་ཆེ་སྣ་བདུན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་སྡེ་ལ་ཕྱག་འཚལ་ལོ། །

― MR07_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེས་བཀང་སྟེ་སངས་རྒྱས་ལ་ཉིན་རེ་ཞིང་བསྐལ་པ་གངྒཱའི་བྱེ་སྙེད་དུ་ཕུལ་བའི་བསོད་ནམས་ཀྱིས་མཚན་འདི་ཐོས་པར་བསྔོས་པ་དང་སངས་རྒྱས་མཐོང་བ་དེ་དག་གིས་ཐོས་པར་ནུས་སོ། །སངས་རྒྱས་དེའི་སྤྱོད་པ་བསམ་མི་ཁྱབ་ལས་བྱུང་བ་དེའི་མཚན་ཉན་ཞིང་དད་པ་དེ་དག་ཆུ་ཡི་པདྨ་བཞིན་དུ་ཁམས་གསུམ་ཐམས་ཅད་ལས་མངོན་པར་འཕགས་པར་འགྱུར་རོ། །འཇིག་རྟེན་གྱི་ཁམས་ཟླ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨོའི་དབྱངས་ལ་ཕྱག་འཚལ་ལོ། །མཚན་འདི་ཉན་ཞིང་དད་པས་ཕྱག་འཚལ་ལོ་ཞེས་ཚིག་སྨྲ་ན། མཚམས་མེད་བྱེད་པ་དང་འཕགས་པ་ལ་སྐུར་པ་བྱེད་པ་མ་གཏོགས་པར་ལོག་པར་མི་ལྟུང་ངོ་། །འཇིག་རྟེན་གྱི་ཁམས་མཐུ་བོ་ཆེ་དང་ལྡན་པའི་ས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་ལ་ཕྱག་འཚལ་ལོ། །ཞིང་དེར་ཐེག་ཆེན་གྱི་བྱང་སེམས་ཤིན་ཏུ་མང་ཞིང་དེའི་བསྟན་པ་ཚད་མེད་པར་བྱུང་བས་རིན་ཆེན་མང་ཞེས་བྱའོ། །གང་གིས་ཐལ་མོ་སྦྱར་ནས་རིན་ཆེན་མང་ལ་ཕྱག་འཚལ་ལོ་ཞེས་བརྗོད་ན་སྔོན་གྱི་སྨོན་ལམ་གྱིས་གཡོག་རིན་པོ་ཆེ་དང་ལྡན་པར་

― MR07_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་རོ། །འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་ང་རོ་ལ་ཕྱག་འཚལ་ལོ། །མཚན་འདི་ཉན་པ་དང་པུས་མོའི་ལྷ་ང་ས་ལ་བཙུགས་ཏེ་སངས་རྒྱས་དེ་ལ་ཕྱག་འཚལ་ལོ་ཞེས་ཆེད་དུ་བརྗོད་པ་ལན་གསུམ་བརྗོད་ན། དེ་དག་གིས་སེམས་ཅན་ཐམས་ཅད་དགྲོལ་བའི་ཕྱིར་འཇིག་རྟེན་གསུམ་ཟིལ་གྱིས་མནན་ནས་སེང་གེའི་སྒྲ་སྒྲོགས་སོ། །བསྐལ་པ་ལྔར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་དགོན་པ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེང་གེའི་དབྱངས་ལ་ཕྱག་འཚལ་ལོ། །སངས་རྒྱས་འདི་རྗེས་སུ་དྲན་ནས་ཐ་ན་ནམ་མཁའ་ལ་མེ་ཏོག་གིས་འཐོར་བ་དང་། དེ་བཞིན་གཤེགས་པའི་མཆོད་རྟེན་བཙུགས་ནས་སྦྱིན་པ་གཏོང་བས་དེ་བཞིན་གཤེགས་པ་དེ་ལ་མཆོད་པར་གྱུར་ཅིག་ཅེས་མོས་པ་ལྟ་ཅི་སྨོས་ཏེ། དེ་ཐམས་ཅད་འཇིག་རྟེན་ན་མེ་ཏོག་ལྟ་བུར་འགྱུར་རོ། །སངས་རྒྱས་ཀྱི་གསུང་དབྱངས་དེ་ཐོས་པར་འགྱུར་རོ། །འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་

― MR07_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བོའི་སྡེ་ལ་ཕྱག་འཚལ་ལོ། །མཚན་འདི་ཉན་ཅིང་ལྷག་པའི་བསམ་པས་དད་ལ་ཞིང་དེར་མོས་པ་རྣམས་ཀྱིས་དེ་བཞིན་གཤེགས་པ་ཆོས་སྟོན་པ་མཐོང་ངོ་། །དེ་ནི་སངས་རྒྱས་དེའི་སྔོན་གྱི་སྨོན་ལམ་གྱིས་ཏེ། བདག་གི་མིང་ཐོས་པ་དག་ཤི་འཕོས་ནས་བདག་གི་ཞིང་དུ་སངས་རྒྱས་ཀྱི་ཆོས་ཐམས་ཅད་རྫོགས་པར་གྱུར་ཅིག་ཅེས་སྨོན་ལམ་བཏབ་པའོ། །མཚན་འདི་ཐོས་ནས་མི་ཉན་མི་དད་པ་དེ་དག་ལོ་བྱེ་བ་སྙེད་དུ་དམྱལ་བའི་ལས་བཟུང་བར་འགྱུར་རོ། །འཇིག་རྟེན་གྱི་ཁམས་འཇམ་དབྱངས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡང་དག་པར་བླངས་པ་ཐམས་ཅད་ལས་རྒལ་བ་ཐེ་ཚོམ་གཅོད་པ་ལ་ཕྱག་འཚལ་ལོ། །མཚན་འདི་ཉན་ཞིང་དད་པ་དེ་དག་ཡང་དག་པར་བླངས་ནས་ཚིག་ཏུ་སྨྲ་བ་དེ་ལ་ཇི་ལྟར་སྨྲས་པ་དེ་བཞིན་བྱེད་པར་འགྱུར། བདུད་དང་ཕས་རྒོལ་ཐམས་ཅད་བཅོམ་ནས་ཐེ་ཚོམ་ཐམས་ཅད་གཅོད་པ་དང་སངས་རྒྱས་སུ་འགྱུར་རོ། །འཇིག་རྟེན་གྱི་ཁམས་མེ་ཏོག་གི་དྲིས་བསྒོས་པ་ན། དེ་བཞིན་གཤེགས་པ་དགྲ་བཅོམ་

― MR07_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡང་དག་པར་རྫོགས་པའི་སངས་རྒྱས་འཁོར་རིན་པོ་ཆེ་དང་མེ་ལྟ་བུ་ལ་ཕྱག་འཚལ་ལོ། །མཚན་འདི་ཉན་ཞིང་དད་པ་དེ་དག་འཁོར་རིན་པོ་ཆེ་དང་མེ་ལྟ་བུར་འགྱུར་ཞིང་། འཇིག་རྟེན་དུ་ཆོས་ཀྱི་འཁོར་ལོ་མྱུར་དུ་བསྐོར་བར་འགྱུར་རོ། །དེ་ལྟར་སངས་རྒྱས་ལ་དད་པ་འདི་ནི་རྫུ་འཕྲུལ་ཆེ་སྟེ། ཐེག་པ་གསུམ་དུ་ཇི་ལྟར་བསྔོས་པ་ལྟར་འགྲུབ་སྟེ། གང་དག་ཤེས་རབ་ཆེ་བས་སངས་རྒྱས་སུ་འགྲུབ་པའི་ཕྱིར་བླ་མེད་ཐེག་པ་ཆེན་པོ་འཛིན་ནོ། །སངས་རྒྱས་ལ་ཡོན་ཕུལ་བས་མོས་པ་བྱས་ནས་བྱང་ཆུབ་ཏུ་སེམས་སྐྱེད་ཅིང་བསོད་ནམས་དེ་དག་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་ཡོངས་སུ་བསྔོ་བ་འདི་ནི་ངོ་མཚར་དུ་རིག་པར་བྱའོ། །སངས་རྒྱས་དེའམ་གཞན་གྱི་ཡོན་ཏན་བརྗོད་པར་མི་དད་པ་དེ་དག་ལོ་སྟོང་ཕྲག་བཞི་བཅུར་དམྱལ་བ་ཐིག་ནག་ཏུ་གནས་པར་འགྱུར་རོ། །འཇིག་རྟེན་གྱི་ཁམས་དགའ་བ་དང་བཅས་པར་སྐྱེད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་པ་ལ་ཕྱག་འཚལ་ལོ། །དེའི་མཚན་ཐོས་ཙམ་གྱིས་དགའ་བ་དེ་དག་ཉེ་བའི་ཉོན་མོངས་པས་མི་གོས་ཤིང་མྱ་ངན་མེད་པར་འགྱུར་རོ། །བྱང་ཆུབ་ཐོབ་ནས་སེམས་ཅན་མང་

― MR07_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་མྱ་ངན་མེད་པར་བྱེད། སངས་རྒྱས་དེ་བཞུགས་སམ་མྱ་ངན་ལས་འདས་ཀྱང་རུང་སྟེ་དེ་ལ་དད་པར་བྱེད་པ་དེ་དག་འཇིག་རྟེན་ཀུན་གྱི་མཆོག་ངོ་མཚར་དུ་འགྱུར་ཏེ། དེའི་བསོད་ནམས་ཀྱི་ཕུང་པོ་དཔག་ཏུ་མེད་ལ་སངས་རྒྱས་རྣམས་དང་མི་འབྲལ་བར་འགྱུར་རོ། །འཇིག་རྟེན་གྱི་ཁམས་འཚོ་བ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དམ་པའི་དགའ་ལྡན་ལ་ཕྱག་འཚལ་ལོ། །མཚན་འདི་ཐོས་ནས་དགའ་བས་ཐལ་མོ་སྦྱར་ཏེ་ཕྱག་འཚལ་ལོ་ཞེས་སྨྲ་བ་དེ་དག་ཐེག་པ་དམ་པ་ཐོབ་པ་དང་སེམས་ཅན་མང་པོའི་དོན་བྱེད་པ་དང་ལོག་པར་ལྟུང་བའི་འཇིགས་པ་མི་འབྱུང་ངོ་། །འཇིག་རྟེན་གྱི་ཁམས་ཟླ་བ་སྣང་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་འབྱུང་གནས་ལ་ཕྱག་འཚལ་ལོ། །མཚན་འདི་གཅིག་ནས་གཅིག་ཏུ་བརྒྱུད་པ་ལས་ཀྱང་ཉན་པ་དེ་དག་བསོད་ནམས་ཀྱི་ཕུང་པོ་ཚད་མེད་པ་ཡོངས་སུ་འཛིན། མཚན་བསྒྲགས་པ་ལྷ་ཀླུ་མི་ལ་སོགས་པས་ཉན་པ་དེ་ཐམས་ཅད་ཡེ་ཤེས་ཆེན་པོ་ལས་ཕྱིར་མི་ལྡོག་པར་འགྱུར་རོ། །འཇིག་རྟེན་གྱི་ཁམས་སིལ་སྙན་ཐམས་ཅད་ཀུན་ནས་མཐོ་བ་ན། དེ་བཞིན་

― MR07_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབྱངས་ཚད་མེད་པ་ལ་ཕྱག་འཚལ་ལོ། །མཚན་འདི་ཉན་ཞིང་དགེ་བའི་རྩ་བ་འདིས་ཡེ་ཤེས་དམ་པ་ཐོབ་པར་གྱུར་ཅིག་ཅེས་སེམས་པ་དེ་དག་བླ་མེད་བྱང་ཆུབ་ཏུ་འགྱུར་རོ། །འདི་ལ་མ་དད་པས་སངས་རྒྱས་མི་མཉེས་པར་བྱས་པའི་རྣམ་སྨིན་དེས་དམྱལ་བར་ལྟུང་ངོ་། །སངས་རྒྱས་དེ་དགའ་ལྡན་ནས་འཕོ་བ་ནས་མྱ་ངན་ལས་འདས་བའི་བར་དུ་སྟོང་ཆེན་པོའི་ཁམས་དེའི་ལྷ་མི་རྣམས་ཀྱིས་སིལ་སྙན་དེ་དག་རབ་ཏུ་དཀྲོལ་ཞིང་བླང་བའི་ཕྱིར་ཞིང་དེའི་མིང་དེ་སྐད་དུ་བྱའོ། །སངས་རྒྱས་དེ་ཆོས་སྟོན་པ་ན་འཇིག་རྟེན་གྱི་ཁམས་བརྒྱ་ཕྲག་ཉི་ཤུ་སྙེད་དུ་དབྱངས་ཀྱིས་གོ་བར་མཛད་པས་དབྱངས་ཚད་མེད་ཅེས་བྱའོ། །འཇིག་རྟེན་གྱི་ཁམས་རྣམ་པར་རྒྱལ་བའི་འོད་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ལ་ཕྱག་འཚལ་ལོ། །སངས་རྒྱས་དེའི་འོད་ཀྱིས་ཕྱོགས་བཅུའི་སངས་རྒྱས་ཀྱི་ཞིང་བྱེ་བ་བརྒྱ་སྟོང་དུ་འོད་ཀྱིས་ཁྱབ་པས་ན་མར་མེ་མཛད་ཅེས་བྱའོ། །སངས་རྒྱས་དེའི་མཚན་ཐོས་ནས་དད་ཅིང་དགའ་བ་ལ་གཡོ་དང་ལྡན་པར་མི་འགྱུར་དེ་ཐམས་ཅད་ཀྱིས་འོད་དེ་ཐོབ་པར་འགྱུར་རོ། །འཇིག་རྟེན་གྱི་ཁམས་སྤྲོས་

― MR07_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་སྣང་བ་དང་ལྡན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་སྣང་བ་ལ་ཕྱག་འཚལ་ལོ། །མཚན་འདི་ཉན་ཞིང་ལྷག་པའི་བསམ་པས་དད་ན་དེ་དག་རིན་པོ་ཆེ་ལྟ་བུར་འགྱུར་བ་དང་། སངས་རྒྱས་ཀྱི་ཆོས་ལས་ཕྱིར་མི་ལྡོག་པ་དང་། སངས་རྒྱས་དང་མི་འབྲལ་བ་དང་། བྱང་ཆུབ་སེམས་དཔའི་སྤྱད་པ་སྤྱོད་པ་ན་བསྐལ་པ་ཁྲིར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སྐྱེས་བུ་དམ་པ་དང་མེ་ཏོག་གི་ཚོགས་ལ་ཐ་བའི་སེམས་བསྐྱེད་པས་བྱང་ཆུབ་ལ་ཉེ་བ་ཡང་རིང་དུ་བྱེད་ཅིང་མི་བཟད་པའི་དམྱལ་བར་འགྲོ་བའི་ཕྱིར་ཅི་ནས་སྤོང་བར་བྱའོ། །བྱང་ཆུབ་མཆོག་ཏུ་སེམས་བརྟན་ཞིང་ཆོས་སྦྱིན་བྱིན་པ་དེ་དག་ཨུ་དུམ་ཝཱ་ར་དང་འདྲའོ། །དེ་ལ་སོགས་པ་ལྷོ་ཡི་ཕྱོགས་ན་སངས་རྒྱས་ཚད་མེད་པ་ད་ལྟར་འཚོ་ཞིང་གཞེས་ལ་ཆོས་སྟོན་པའི་ཕྱོགས་སུ་ཕྱག་འཚལ་ཏེ་མཆོད་ལ་མཚན་བསྟན་པ་ཉན་ཞིང་ཡོན་ཏན་བསྒྲགས་པ་ཡིད་ལ་བྱས་ན་བསོད་ནམས་ཀྱི་ཕུང་པོ་ཚད་མེད་པ་ཡོངས་སུ་འཛིན་པར་འགྱུར་རོ། །ནུབ་ཕྱོགས་ན་འཇིག་རྟེན་གྱི་ཁམས་བདེ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དཔག་མེད་ལ་

― MR07_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་འཚལ་ལོ། །མཚན་འདི་ཐོས་པ་ཙམ་གྱིས་དགའ་ཞིང་རྣམ་པ་བརྒྱ་སྟོང་དུ་མོས་པ་དེ་དག་བསོད་ནམས་ཚད་མེད་པ་ཐོབ་ཅིང་ལོག་པར་ལྟུང་བའི་འཇིགས་པ་མེད་པར་འདི་ནས་ཤི་འཕོས་ནས་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །རྒྱུན་དུ་ཡིད་ལ་བྱས་ན་འཆི་བའི་ཚེ་སངས་རྒྱས་འོད་དཔག་མེད་འཁོར་བཅས་མཐོང་ནས་ཞིང་དེར་སྐྱེ་ཞིང་སངས་རྒྱས་ཀྱི་ཆོས་རྣམས་ཡོངས་སུ་རྫོགས་པར་འགྱུར་ཏེ་སངས་རྒྱས་དེའི་སྔོན་གྱི་སྨོན་ལམ་གྱི་དབང་གིས་སོ། །གལ་ཏེ་མ་དད་ཅིང་འཕྱ་ཞིང་སྤོང་ན་བསྐལ་པ་ལྔར་དམྱལ་བར་ལྟུང་ངོ་། །འཇིག་རྟེན་གྱི་ཁམས་བདུད་ཐམས་ཅད་རབ་ཏུ་བཅོམ་པ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བ་མངའ་བ་ལ་ཕྱག་འཚལ་ལོ། །མཚན་འདི་ཉན་པས་བདུད་ཀྱི་ཞགས་པ་ཐམས་ཅད་གཅོད་ཅིང་བསྐལ་པ་དྲུག་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་བདུད་ཐམས་ཅད་རབ་ཏུ་འཇོམས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བའི་དབྱངས་ལ་ཕྱག་འཚལ་ལོ། །མཚན་འདི་ཉན་པས་སྒྲ་དབྱངས་ཐམས་

― MR07_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀྱི་སྨྲ་བ་དང་ལྡན་པར་འགྱུར། བདུད་སྡིག་ཅན་རྒྱང་རིང་དུ་སྤོང་བར་བྱེད། བསྐལ་པ་བརྒྱད་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །བྱང་གི་ཕྱོགས་སུ་འཇིག་རྟེན་གྱི་ཁམས་དཔལ་བརྩེགས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་མ་ཕམ་པས་བྱང་ཆུབ་སེམས་དཔའ་ཆོས་གཅིག་དང་ལྡན་ན་བླ་མེད་བྱང་ཆུབ་ལས་ཕྱིར་མི་ལྡོག་པ་གང་ལགས་ཞུས་པའི་ལན་དུ་བཀའ་སྩལ་པ། སངས་རྒྱས་འདིའི་མཚན་ཉན་པ་དེ་དག་ཆོས་གཅིག་པོ་དེས་བླ་མེད་བྱང་ཆུབ་ལས་ཕྱིར་མི་ལྡོག་པར་མྱུར་དུ་འཚང་རྒྱ་བར་འགྱུར་རོ། །བསྐལ་པ་བྱེ་བ་ཚང་བར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །མཚན་འདི་ཉན་པ་ནི་སངས་རྒྱས་ལྔ་བཅུའི་དྲུང་དུ་སྤྱད་པ་སྤྱོད་པ་ཡིན་ཏེ་དེ་ཤི་འཕོས་ནས་ཀྱང་ནམ་དུའང་རྫུ་འཕྲུལ་དང་འབྲལ་བར་མི་འགྱུར་རོ། །མྱ་ངན་ལས་མ་འདས་ཀྱི་བར་དུ་ནམ་ཡང་རྣ་བ་དང་མི་འབྲལ། དེ་བཞིན་དུ་གཟུགས་ཕུན་སུམ་ཚོགས་པ་དང་མི་འབྲལ། བསད་པ་དང་བཅིངས་པ་དང་རྣ་བ་དང་སྣ་དང་ལྕེ་དང་ལུས་ཀྱི་ནད་

― MR07_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འབྱུང་། ནམ་དུའང་སངས་རྒྱས་མེད་པར་མི་སྐྱེ་སངས་རྒྱས་དང་མི་འབྲལ་ཆོས་དང་མི་འབྲལ་མི་ཁོམ་པར་སྐྱེ་བ་དང་བསླབ་པ་བྲལ་བ་དང་དྲན་པ་བྲལ་བར་མྱ་ངན་ལས་འདས་ཀྱི་བར་དུ་མི་འགྱུར་ལ་ནམ་དུའང་ཡེ་ཤེས་དང་བྲལ་བར་མི་འགྱུར་རོ། །འཇིག་རྟེན་ཐམས་ཅད་ཀྱི་མཆོག་རབ་དམ་པར་འདོད་པས། དེ་བཞིན་གཤེགས་པ་འཇིག་རྟེན་ཐམས་ཅད་ཀྱི་མཆོག་ཏུ་གྱུར་པའི་མཚན་ཉན་པར་བྱ། ཐོས་ནས་ཕྱག་འཚལ་ལོ་ཞེས་ཕྱག་བྱའོ། །ཞེས་དང་གཞན་ཡང་བྱང་ཕྱོགས་སུ་འཇིག་རྟེན་གྱི་ཁམས་རྡོ་རྗེའི་སྙིང་པོ་ཅན་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེས་རབ་ཏུ་འཇོམས་པ་ལ་ཕྱག་འཚལ་ལོ། །མཚན་འདི་ཉན་ན་ཆོས་གཅིག་པོ་དེས་བླ་མེད་བྱང་ཆུབ་ལས་ཕྱིར་མི་ལྡོག་པར་མྱུར་དུ་འཚང་རྒྱ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སྟོན་པ་ཤཱཀྱའི་རྒྱལ་པོ་མར་མེ་མཛད་ལས་སངས་རྒྱས་འདིའི་མཚན་ཐོས་པས་སངས་རྒྱས་པ་ཡིན་ཏེ་མ་ཐོས་ན་དེ་ལྟར་མི་འགྱུར་བར་གསུངས། རྡོ་རྗེས་རྡོ་བ་སོགས་འཇོམས་པ་བཞིན་དུ་འདིའི་མཚན་ཉན་པ་དང་བྱིན་རླབས་དང་ཐམས་

― MR07_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་མཁྱེན་པའི་ཡེ་ཤེས་ལ་དད་པ་དེ་དག་སོ་སྐྱེ་དང་རང་སངས་རྒྱས་ཀྱིས་ཐམས་ཅད་རྣམ་པར་བཤིག་ནས་ཐམས་ཅད་མཁྱེན་པ་ཉིད་རྗེས་སུ་འཐོབ་པའི་ཕྱིར་མཚན་དེ་ལྟར་བྱའོ་ཞེས་སོ། །འཇིག་རྟེན་གྱི་ཁམས་ནོར་བུ་སྣང་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ལ་ཕྱག་འཚལ་ལོ། །མཚན་འདི་ཉན་ན་ངེས་པ་ལ་ཞུགས་པ་དེ་དག་བླ་མེད་བྱང་ཆུབ་ལས་ཕྱིར་མི་ལྡོག་གོ །ཞིང་དེར་ཐེག་པ་ཆེན་པོའི་བྱང་ཆུབ་སེམས་དཔའ་ཁོ་ན་བཞུགས་པ་ཡིན་ནོ། །འཇིག་རྟེན་གྱི་ཁམས་ཨ་ག་རུའི་དྲི་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་འོད་ཅེས་བྱ་བ་ལ་ཕྱག་འཚལ་ལོ། །མཚན་འདི་ཐོས་པས་སྐྱེ་བ་ལས་རྣམ་པར་ལོག་པའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་རབ་ཏུ་ཐོབ་སྟེ་དེ་ལ་གནས་ན་གངྒཱའི་ཀླུང་གི་བྱེ་སྙེད་ཀྱི་སངས་རྒྱས་གྲངས་མེད་མཐོང་བ་དང་། དེ་དག་གིས་བཤད་པ་ཀུན་འཛིན་པ་དང་། ཆོས་ཅི་འདྲ་བ་ཉན་ཅིང་སྨྲ་བར་འདོད་པ་དེ་འདྲ་བར་ཐོས་ཤིང་སྨྲ་བར་འགྱུར་ཏེ། དེ་ནི་སངས་རྒྱས་དེའི་སྨོན་ལམ་གྱི་སྟོབས་ལས་ཡིན་ནོ། །མཚན་ཐོས་པ་དེ་དག་སྐྱེ་བ་གཅིག་གིས་ཐོགས་པར་འགྱུར་ཞིང་ཆོས་སྟོན་པར་འགྱུར་རོ།

― MR07_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གྱི་ཁམས་རབ་ཏུ་དགའ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཟང་པོ་དམ་པའི་དཔལ་ལ་ཕྱག་འཚལ་ལོ། །མཚན་འདི་ཐོས་ན་ཕྱིར་མི་ལྡོག་ཅིང་སྐྱེ་བོ་ཐམས་ཅད་ལ་སྡུག་པ་དང་འདུ་བ་དང་ཚིག་འཛིན་པར་འགྱུར་རོ། །སྤོབས་པ་ཟབ་མོར་འགྱུར་རོ། །སེམས་ཅན་ལ་ཆོས་བསྟན་པས་དེ་དག་ཆོས་དེ་ལ་མོས་པར་འགྱུར་རོ། །བུད་མེད་ཀྱིས་ཐོས་ན་དེ་བུད་མེད་ཀྱི་དངོས་པོའི་ཐ་མར་འགྱུར་རོ། །འཇིག་རྟེན་གྱི་ཁམས་ལེགས་པར་འཇུག་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨོ་ལ་བཞུད་པ་ལ་ཕྱག་འཚལ་ལོ། །མཚན་འདི་ཐོས་པ་ཚེ་འཕོས་ནས་གཟུགས་བཟང་ཞིང་མཛེས་པ་དང་། སེམས་ཅན་རྣམས་ཀྱིས་མཐོང་ན་དགའ་བ་དང་སྡུག་ཅིང་ཡིད་དུ་འོང་བར་འགྱུར་རོ། །བསྐལ་པ་གྲངས་མེད་རྗེས་སུ་དྲན་ཅིང་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །འགྲོ་བ་ཐམས་ཅད་དང་སྐྱེ་བ་ཐམས་ཅད་དུ་བླ་ན་མེད་པའི་སྤོབས་པ་དང་ལྡན་ཞིང་རྟག་ཏུ་རྒྱུན་མི་འཆད་པར་ཆོས་སྟོན་ཏོ། །དེའི་སྨོན་ལམ་དང་མིག་རྣམ་པར་དག་པར་འགྱུར་རོ། །སངས་རྒྱས་འདི་ཀུན་གྱི་མཚན་

― MR07_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བུད་མེད་ཀྱི་དངོས་པོའི་ཐ་མར་འགྱུར་རོ། །དེ་ལྟར་སངས་རྒྱས་ཀྱི་མཚན་རྣམས་ནི་ཕན་ཡོན་ཚད་མེད་ལ་ཆོས་བཞི་དང་ལྡན་པའི་དགེ་སློང་ནི་མཚན་འདི་དག་ལ་མོས་པར་འགྱུར་རོ། །བཞི་གང་ཞེ་ན། དེས་སྔོན་སངས་རྒྱས་བཅོམ་ལྡན་འདས་ལ་བསྙེན་བཀུར་བྱས་པ་ཡིན། ཟབ་མོ་ལ་མོས་པ་ཡིན། དབེན་པར་མོས་པ་ཡིན། དགེ་བའི་བཤེས་གཉེན་ལ་བསྟེན་ཅིང་དམ་པའི་ཆོས་ཀྱིས་ཕོངས་པར་འགྱུར་བའི་ལས་མ་བྱས་མ་བསགས་པ་ཡིན་ནོ། །སྟེང་གི་ཕྱོགས་ན་འཇིག་རྟེན་གྱི་ཁམས་ཟླ་བའི་བླ་མ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་སྣང་བས་རྣམ་པར་གནོན་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་རྩོད་པ་ལ་དགའ་བ་མདོག་ངན་བརྩེགས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མ་ཕམ་པའི་དཔལ་ལ་ཕྱག་འཚལ་ལོ། །འཇིག་རྟེན་གྱི་ཁམས་སློབ་དཔོན་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚད་མེད་པའི་བླ་མ་བདེ་བར་གཤེགས་པ་རྒྱལ་པོ་ལ་ཕྱག་འཚལ་ལོ། །འཇིག་རྟེན་གྱི་ཁམས་རི་རབ་རྒྱལ་མཚན་ན། དེ་བཞིན་གཤེགས་པ་དགྲ་

― MR07_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་པ་ཡང་དག་པར་རྫོགས་པའི་སངས་རྒྱས་མ་རླན་པའི་གླང་པོ་དམ་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཤིན་ཏུ་མཛེས་པ་རྟོགས་པའི་བྱང་ཆུབ་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བརྩོན་འགྲུས་གྲངས་མེད་པ་ལ་ཞུགས་པའི་དཔལ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཡོངས་སུ་འཛིན་པ་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགོངས་པ་བརྗོད་ཀྱིས་མི་ལངས་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཚངས་པར་སྤྱོད་པས་བརྒྱན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཏི་མུག་མེད་པའི་སྤོས་དཔལ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཉི་མ་སྣང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་དཔལ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཆོས་མཆོག་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་མི་རྟོག་པའི་འོད་ལ་ཕྱག་འཚལ་ལོ། །འཇིག་རྟེན་གྱི་ཁམས་ཆོས་སྤྱོད་ཅེས་བྱ་བ་

― MR07_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའ་སྣང་བ་ལ་ཕྱག་འཚལ་ལོ། །འཇིག་རྟེན་གྱི་ཁམས་དགེ་བ་སོགས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྱོད་པ་ཡོངས་སུ་དག་པའི་ཏོག་ལ་ཕྱག་འཚལ་ལོ། །འཇིག་རྟེན་གྱི་ཁམས་རྣམ་པར་རྒྱལ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཏེར་ལེགས་པར་གནས་པ་ཞི་བ་རྒྱལ་པོ་ལ་ཕྱག་འཚལ་ལོ། །འཇིག་རྟེན་གྱི་ཁམས་བརྩོན་འགྲུས་སྐྱེས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་ཐམས་ཅད་གྲུབ་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་སྨོན་ལམ་གྱི་སྟོབས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤེས་རབ་ཀྱིས་སྦེད་པའི་དཔལ་ལ་ཕྱག་འཚལ་ལོ། །འཇིག་རྟེན་གྱི་ཁམས་མདངས་དགའ་བའི་ཕྱོགས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཏམ་ཤིན་ཏུ་ཡོངས་སུ་དག་པར་མཛད་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཙནྡན་གྱི་

― MR07_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིའི་ཕུག་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཻཌཱུརྱའི་སྙིང་པོ་ལ་ཕྱག་འཚལ་ལོ། །འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་ཡོན་ཏན་རིན་པོ་ཆེས་རྣམ་པར་གནོན་པ་ལ་ཕྱག་འཚལ་ལོ། །འཇིག་རྟེན་གྱི་ཁམས་ཡོན་ཏན་ཚད་མེད་དཔལ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཤིན་ཏུ་ཡོངས་སུ་དག་པ་རབ་ཏུ་གནས་པ་ཕྱག་འཚལ་ལོ། །འཇིག་རྟེན་གྱི་ཁམས་ཉན་ཐོས་མ་འོངས་པ་ཞེས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་སྣང་བས་རྣམ་པར་གནོན་པའི་མཆོད་རྟེན་ལ་ཕྱག་འཚལ་ལོ། །འཇིག་རྟེན་གྱི་ཁམས་གཉིད་མེད་པའི་མིག་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚད་མེད་པའི་ཁྲེལ་ཡོད་པ་གསེར་དམ་པའི་དཔལ་ལ་ཕྱག་འཚལ་ལོ། །སྟེང་ཕྱོགས་ཀྱི་སངས་རྒྱས་དེ་དག་གི་མཚན་གང་གིས་ཐོས་ནས་དད་པ་དེ་དག་སངས་རྒྱས་སུ་འགྱུར་རོ། །སྟེང་ཕྱོགས་འཇིག་རྟེན་གྱི་

― MR07_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་ཤིན་ཏུ་མཛེས་པའི་པདྨ་ཞེས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨ་དམ་པ་རྣམ་པར་འཕྲུལ་པའི་དཔལ་ལ་ཕྱག་འཚལ་ལོ། །དེའི་མཚན་ཐོས་ངན་སོང་གསུམ་གྱི་སྒོ་བཅད་པར་འགྱུར། སངས་རྒྱས་ཀྱི་ཆོས་ཀྱི་མེ་ཏོག་ཀྱང་ལེགས་པར་རྒྱས་པར་འགྱུར་རོ། །བསྐལ་པ་སུམ་ཅུ་རྩ་དྲུག་ཏུ་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ཞ་ལོང་དང་བླུན་པོར་མི་འགྱུར། འཇིག་རྟེན་ཀུན་ན་རྣམ་པར་དག་ཅིང་ཤེས་རབ་དང་བསོད་ནམས་ཤིན་ཏུ་འཕེལ། གསོད་པ་དང་སྡིག་གྲོགས་ཕྱིར་རྒོལ་བ་མེད་པར་དགེ་བའི་བཤེས་གཉེན་རྙེད་ཅིང་བྱང་ཆུབ་ལ་ནེམ་ནུར་མེད་པར་འགྱུར་རོ། །སྟེང་ཕྱོགས་འཇིག་རྟེན་གྱི་ཁམས་རིན་པོ་ཆེ་སྒྲོལ་མ་ཞེས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དག་པ་འབྱུང་བའི་དཔལ་ལ་ཕྱག་འཚལ་ལོ། །དེའི་མཚན་ཐོས་ན་བྱང་ཆུབ་ཀྱི་ཡན་ལག་རིན་ཆེན་བདུན་ཐོབ་པར་འགྱུར་རོ། །བསྐལ་པ་སུམ་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་གློག་གི་འོད་ཅེས་བྱ་བ་ན། དེ་བཞིན་གཤེགས་

― MR07_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གློག་གི་སྒྲོན་མ་ཏོག་གི་རྒྱལ་པོ་ལ་ཕྱག་འཚལ་ལོ། །དེའི་མཚན་ཐོས་པས་མི་ཁོམ་པ་ཐམས་ཅད་སྤངས་ནས་བསྐལ་པ་ཉི་ཤུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་གསེར་གྱི་ཤིང་ཏ་ལ་རབ་ཏུ་བརྒྱན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏ་ལའི་རྒྱལ་པོ་མངོན་པར་འཕགས་པའི་དཔལ་ལ་ཕྱག་འཚལ་ལོ། །དེའི་མཚན་ཐོས་ན་སེམས་ཅན་ཐམས་ཅད་ལས་མངོན་པར་འཕགས་པར་འགྱུར་རོ། །འཇིག་རྟེན་གྱི་ཁམས་ཏ་ལ་ནམ་མཁའ་ལ་ཉེ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ནམ་མཁའི་སྒྲོན་མ་ལ་ཕྱག་འཚལ་ལོ། །དེའི་མཚན་ཐོས་ནས་སྐལ་པ་དྲུག་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །སངས་རྒྱས་ཀྱི་ཞིང་ཡང་དག་པར་འགྲོ་བ་ལས་ཀྱང་ཕྱིར་མི་ལྡོག་ལ། ཚེ་འདི་ལ་དེ་བཞིན་གཤེགས་པ་མཐོང་བར་འགྱུར་རོ། །ཐ་ན་རྨི་ལམ་དུ་སངས་རྒྱས་དེ་ལ་ཕྱག་འཚལ་བ་མཐོང་བ་དང་། སངས་རྒྱས་རྣམས་ལ་ལྷག་པའི་བསམ་པས་བསྙེན་བཀུར་བྱ་བའི་ཕྱིར་བླ་མེད་

― MR07_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་དང་ལྡན་པའི་སེམས་ཅན་ཡང་རྙེད་པར་འགྱུར་རོ། །ཚེ་འདི་ལ་ཡོན་ཏན་འདི་དག་ཐོབ་སྟེ་ཕན་ཡོན་ཚད་མེད་དོ། །ཤིན་ཏུ་རྣམ་པར་ཕྱེ་བའི་འཇིག་རྟེན་གྱི་ཁམས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཐམས་ཅད་འབྱུང་བ་ལ་ཕྱག་འཚལ་ལོ། །དེའི་མཚན་ཐོས་ན་དབང་པོ་ཐམས་ཅད་རབ་ཏུ་རྣམ་པར་ཕྱེ་བ་ཡོངས་སུ་འཛིན་ཏོ། །སངས་རྒྱས་ཀྱི་ཆོས་རབ་ཏུ་རྣམ་པར་ཕྱེ་བ་ཡོངས་སུ་འཛིན་ཏོ། །བསྐལ་པ་བརྒྱད་ཅུར་འཁོར་བ་ལ་རྒྱབ་ཀྱིས་ཕྱོགས་པ་ཡང་བྱས་པར་འགྱུར་རོ། །ཡན་ལག་ཐམས་ཅད་མཛེས་ཤིང་བྱད་བཞིན་བཟང་ལ་ལྟ་ན་སྡུག་པ། གཟུགས་མཛེས་པ་མཐོང་ན་དགའ་བ་ཤིན་ཏུ་ཕྱེ་བའི་ལུས་སུ་འགྱུར་རོ། །དཔལ་གྱིས་ཤིན་ཏུ་འབར་ཞིང་སངས་རྒྱས་ཀྱི་ཞིང་དུ་འགྲོའོ། །འཇིག་རྟེན་གྱི་ཁམས་བཟང་པོའི་མཆོག་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཟང་པོའི་ཏོག་གི་རྒྱལ་མཚན་རྒྱལ་པོ་ལ་ཕྱག་འཚལ་ལོ། །དེའི་མཚན་ཐོས་ན་སངས་རྒྱས་ཀྱི་ཆོས་རྣམས་ལས་ཕྱིར་མི་ལྡོག་པར་འགྱུར་རོ། །བསྐལ་པ་ལྔ་བཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །འཇིག་རྟེན་གྱི་ཁམས་རིན་པོ་ཆེའི་

― MR07_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་ཐམས་ཅད་ཀྱིས་བརྒྱན་པའི་གཟུགས་འཛིན་པ་ལ་ཕྱག་འཚལ་ལོ། །དེའི་མཚན་ཐོས་པས་བསྐལ་པ་བརྒྱར་འཁོར་བར་མི་འཁོར་ཞིང་ཕྱིར་མི་ལྡོག་པར་འགྱུར། ཆོས་ཀྱི་སྤྱན་རྣམ་པར་དག་པར་འགྱུར་རོ། །དེས་ན་སླད་མའི་དུས་ན་བསོད་ནམས་ཆུང་ངུས་མཚན་འདི་དག་ཐོས་པ་དང་དད་པར་མི་ནུས་ལ། ཤེས་རབ་དང་བསོད་ནམས་རྒྱ་ཆེན་པོ་དང་ལྡན་པས་བླ་ན་མེད་པའི་བྱང་ཆུབ་ཀྱི་ཕྱིར་མཚན་འདི་དག་བཟུང་བར་བྱའོ། །ཞེས་གསུངས་སོ། །། འཕགས་པ་ཕྱོགས་བཅུའི་མུན་པ་རྣམ་པར་སེལ་བའི་མདོ་ལས། ཤཱཀྱ་གཞོན་ནུ་བཞིན་རབ་གསལ་གྱིས་ཞུས་པ་ན་དེ་བཞིན་གཤེགས་པས་བཀའ་སྩལ་པ། ཤར་ཕྱོགས་འཇིག་རྟེན་གྱི་ཁམས་ཉོན་མོངས་པ་ཐམས་ཅད་བསྐྱོབ་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་རྗེས་སྐྱོབ་ལ་ཕྱག་འཚལ་ལོ། །ལྷོ་ཕྱོགས་འཇིག་རྟེན་གྱི་ཁམས་མུན་པ་དང་མུན་ནག་གི་ཚོགས་བཅོམ་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་

― MR07_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པའི་སངས་རྒྱས་སེམས་དང་པོ་བསྐྱེད་པ་ཡིད་ལ་མཛད་པ་རྣམ་གྲངས་བསྙེངས་པ་དང་བག་ཚ་བ་དང་བྲལ་བས་མངོན་པར་འཕགས་པའི་རྒྱལ་པོ་ལ་ཕྱག་འཚལ་ལོ། །ནུབ་ཕྱོགས་སུ་འཇིག་རྟེན་གྱི་ཁམས་ཡུལ་ཕེབས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཁོན་དང་རྒྱགས་པ་རྣམ་པར་གནོན་པ་ལ་ཕྱག་འཚལ་ལོ། །བྱང་ཕྱོགས་སུ་འཇིག་རྟེན་གྱི་ཁམས་སངས་རྒྱས་ཀྱི་སྤོབས་པ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་གཟུགས་བཀོད་འོད་གནོན་ལ་ཕྱག་འཚལ་ལོ། །བྱང་ཤར་གྱི་ཕྱོགས་སུ་འཇིག་རྟེན་གྱི་ཁམས་བདུད་ཀྱི་སྡེ་བཅོམ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདུད་དང་ཡིད་གཉིས་ཀུན་འཇོམས་རྣམ་གནོན་ལ་ཕྱག་འཚལ་ལོ། །ཤར་ལྷོའི་ཕྱོགས་སུ་འཇིག་རྟེན་གྱི་ཁམས་རྟག་ཏུ་སྣང་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེམས་དང་པོ་བསྐྱེད་པས་ཕྱིར་མི་ལྡོག་པའི་འཁོར་ལོ་འབྱུང་བའི་དཔལ་ལ་ཕྱག་འཚལ་ལོ། །ལྷོ་ནུབ་ཀྱི་ཕྱོགས་སུ་འཇིག་རྟེན་གྱི་ཁམས་གསེར་གྱི་དྲ་བས་གཡོགས་པ་ཞེས་བྱ་བ་ན།

― MR07_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་གདུགས་འཕགས་སྣང་ལ་ཕྱག་འཚལ་ལོ། །ནུབ་བྱང་གི་ཕྱོགས་ན་འཇིག་རྟེན་གྱི་ཁམས་ཡང་དག་རབ་གནས་མངོན་པར་འཕགས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་སེམས་དཔའ་འདུལ་བ་ལ་ཕྱག་འཚལ་ལོ། །སྟེང་ཕྱོགས་ན་འཇིག་རྟེན་གྱི་ཁམས་དམིགས་པ་མེད་པ་ཡིད་ལ་བྱེད་པ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྲག་མེད་མུན་བྲལ་ཏིང་ངེ་འཛིན་མངོན་འཕགས་རྒྱལ་པོ་ལ་ཕྱག་འཚལ་ལོ། །འོག་གི་ཕྱོགས་སུ་འཇིག་རྟེན་གྱི་ཁམས་ཡོན་ཏན་ཐམས་ཅད་ཀྱིས་བརྒྱན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་པོ་སེམས་བསྐྱེད་ཐེ་ཚོམ་གཅོད་མཛད་ཉོན་མོངས་བསྐྱོད་པ་ལ་ཕྱག་འཚལ་ལོ། །སངས་རྒྱས་བཅུ་པོ་འདི་དག་ད་ལྟ་འཚོ་ཞིང་གཞེས་ལ་ཆོས་སྟོན་ཏེ། ཤར་ལ་སོགས་པ་ཕྱོགས་གང་དུ་འགྲོ་བ་ན་ཕྱོགས་དེའི་སངས་རྒྱས་དེ་ལ་ཕྱག་འཚལ་ཏེ་དྲན་པར་བྱས་མདུན་དུ་བྱས་སེམས་ཀྱི་རྒྱུན་གྱིས་དེ་མངོན་དུ་བྱེད་

― MR07_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་སོང་ན་འཇིགས་པ་འབྱུང་བར་མི་འགྱུར་རོ། །དེའི་ཚེ་མི་གཡེང་བར་ཡིད་ལ་བྱས་ན་གང་གི་ཕྱིར་འགྲོ་བའི་བྱ་བ་དེ་འགྲུབ་པར་འགྱུར་རོ། །སྲོག་ཆགས་སྟོང་གིས་སངས་རྒྱས་འདི་རྣམས་ཀྱི་མཚན་བཟུང་བའི་དགེ་བའི་རྩ་བ་འདིས་རེ་རེས་ཀྱང་འཁོར་ལོས་སྒྱུར་བའི་རྒྱལ་སྲིད་གངྒཱའི་ཀླུང་གི་བྱེ་སྙེད་བྱས་ནས་ལུས་ཐ་མ་ལ་བྱང་ཆུབ་ཀྱི་ཚོགས་ཐམས་ཅད་རྫོགས་པར་བྱས་ཏེ། དེ་བཞིན་གཤེགས་པར་ལུང་བསྟན་པ་ཐོབ་བོ། །མཚན་འདི་དག་འཛིན་པ་དེ་ནི་བླ་མེད་བྱང་ཆུབ་འཛིན་ཅིང་སངས་རྒྱས་སུ་འགྱུར་བ་དང་། སངས་རྒྱས་ལ་མཆོད་པ་དང་བཀུར་སྟིར་བྱས་པར་འགྱུར་ཞིང་། དེ་གཉིད་ལོག་པའམ་མ་ལོག་པ་ཀུན་ཏུ་མི་དང་མི་མིན་གྱི་འཚེ་བ་དང་། ཕ་རོལ་གྱི་གནོད་པ་མི་འབྱུང་ལ་ལྷ་རྣམས་ཀྱིས་ཀྱང་སྲུང་བར་འགྱུར་རོ། །དེ་དག་སྔོན་གྱི་རྒྱལ་བ་ལ་བྱ་བ་བྱས་པ་ཡིན་པར་རིག་པར་བྱའོ། །འདི་འཛིན་པ་དེ་དག་འཇིགས་པ་དང་གཤིས་ངན་དུ་འཆི་བ་དང་ཆོམ་རྐུན་དུག་དང་ཆུ་དང་མཚོན་གྱིས་མི་འཇིགས་པར་ཡིད་ཆེས་སོ། །སངས་རྒྱས་ལ་ཇི་སྲིད་འཚོ་ཡི་བར་དུ་བསྙེན་བཀུར་བྱས་པ་བས་ཆོས་འདི་འཛིན་པ་ཕན་ཡོན་ཆེ་བར་གསུངས་སོ། །སངས་རྒྱས་བརྒྱད་པ་ཞེས་བྱ་བ་ཐེག་པ་ཆེན་པོའི་

― MR07_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་ལས། འདི་ནས་ཤར་ཕྱོགས་སུ་འཇིག་རྟེན་གྱི་ཁམས་གཞན་གྱིས་མི་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིན་ཏུ་ཡོངས་བསྒྲགས་དཔལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་ཡིད་འོང་དགའ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་ཏོག་གི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་སྡུག་དགའ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིན་ཏུ་རྣམ་པར་གནོན་པ་གྲགས་མཆོག་དཔལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་སྒོ་ཀུན་ནས་འཇུག་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཡུལ་ལས་ཤིན་ཏུ་རྣམ་པར་རྒྱལ་བའི་རྩལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་རྣམ་དག་བརྩེགས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་བཀོད་པའི་དཔལ་ཀུན་ཏུ་སྣང་བ་ལ་ཕྱག་འཚལ་ལོ། །ཤར་ཕྱོགས་

― MR07_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གྱི་ཁམས་འགྱུར་མེད་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་རྒྱལ་པོ་དཔལ་ཐོགས་པ་མེད་པ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་སྤོབས་པ་བརྩེགས་པ་གང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་པདྨ་ལས་རྣམ་པར་གནོན་པས་བཞུད་པ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་སྒྲ་དབྱངས་སྙན་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་པདྨ་ལ་རབ་ཏུ་གནས་པ་སཱ་ལའི་རྒྱལ་པོ་ལ་ཕྱག་འཚལ་ལོ། །སངས་རྒྱས་འདི་དག་ད་ལྟ་འཚོ་ཞིང་གཞེས་ལ་ཆོས་ཀྱང་སྟོན་པ་སྟེ། དེ་དག་གི་སངས་རྒྱས་ཀྱི་ཞིང་ནི་ཡོངས་སུ་དག་སྟེ་སྙིགས་མ་ལྔ་མེད་ལ་ཡ་མཚན་ཅན་དང་གསེག་མ་དང་གྱོ་མོ་དང་ཉེ་བའི་ཉོན་མོངས་པ་དང་བུད་མེད་དང་དུད་འགྲོ་དང་གཤིན་རྗེའི་འཇིག་རྟེན་དང་སྦྲང་བུ་ཤ་སྦྲང་སྡིག་སྦྲུལ་གྱིས་རེག་པ་རྣམས་མེད་དོ། །རིགས་ཀྱི་བུའམ་བུ་མོ་གང་གིས་མཚན་འདི་དག་ཉན་འཛིན་འཆང་ཀློག་སྟོན་ཅིང་འདོན་པ་དང་ཀུན་ཆུབ་པར་བྱེད་པ་དེ་དག་ངན་

― MR07_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་གསུམ་དུ་འགྲོ་བ་གནས་མེད་ལ། མཚམས་མེད་བྱེད་པ་དང་དམ་ཆོས་སྤོང་བ་ནི་མ་གཏོགས་སོ། །དེ་ཡང་ཆུང་ངུ་མྱོང་ཞིང་མང་དུ་མི་མྱོང་ངོ་། །མཚན་འཛིན་པ་དེ་དག་བྱང་ཆུབ་སྙིང་པོ་མཐར་ཐུག་གི་བར་དུ་ནམ་ཡང་མངོན་ཤེས་དང་མི་འབྲལ། དེ་བཞིན་དུ་གཟུངས་དང་མཚན་དང་དབང་པོ་ཚང་བ་དང་། སྒྲ་དབྱངས་ཤིན་ཏུ་རྒྱས་པ་དང་། རྔ་སྒྲའི་དབྱངས་དང་། སྦྱིན་གནས་དང་། ཕྱིར་མི་ལྡོག་པ་དང་། བྱང་ཆུབ་ཡན་ལག་གི་མེ་ཏོག་དང་། ཐེག་ཆེན་གྱི་མདོ་སྡེ་ཤིན་ཏུ་རྒྱས་པ་དང་འབྲལ་བ་ནི་གནས་མེད་ཅིང་སྐབས་མེད་དོ། །འདི་ཉན་ཅིང་འཛིན་པ་ལ་སོགས་པས་བུད་མེད་དེས་བུད་མེད་ཀྱི་དངོས་པོ་ལན་གཉིས་ཐོབ་པར་འགྱུར་བ་གནས་མེད་ལ་སྨོན་ལམ་གྱི་དབང་གིས་ལེན་པ་ནི་མ་གཏོགས་སོ། །མཚན་འདི་ཐོས་པ་ལ་རྒྱལ་པོ་ཆོམ་རྐུན་མེ་ཆུ་དུག་མཚོན་མ་རུངས་པ་ཀླུ་དང་གནོད་སྦྱིན་མི་དང་མི་མིན་ལ་སོགས་པ་གང་གིས་ཀྱང་འཇིགས་པ་དང་གླགས་རྙེད་པ་གནས་མེད་དོ། །ལས་ཀྱི་རྣམ་སྨིན་དྲག་པོ་ནི་མ་གཏོགས་སོ། །དེ་ཆུང་ངུར་མྱོང་བས་ཐར་རོ། །དེས་འཇིག་རྟེན་དང་འཇིག་རྟེན་ལས་འདས་པའི་དོན་གང་ཅི་རྩོམ་ཡང་རུང་སྟེ། དེ་དགེ་བའི་ཆོས་རྣམས་འཕེལ་བ་ཉིད་དུ་

― MR07_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་གྱི་འགྲིབ་པར་མི་འགྱུར་རོ། །མི་ཁོམས་པ་སྤངས་ནས་བཟང་འགྲོར་སྐྱེ་ཞིང་སངས་རྒྱས་མཉེས་པར་བྱེད་ལ་བསྐལ་པ་བྱེ་བ་གྲངས་མེད་པའི་འཁོར་བ་རྣམ་པར་སྤོང་ཞིང་མིག་དྲི་མ་མེད་པར་ཐོབ་པ་དང་། གང་དུ་སྐྱེས་པ་ཐམས་ཅད་དུ་ཕྱག་བྱ་བའི་འོས་སུ་འགྱུར་བ་དང་། དཔའ་ཞིང་སྦྱིན་པ་དག་ཏུ་འགྱུར་བ་དང་། ཁ་ནས་ལྷ་ཡི་ཙནྡན་དམར་པོའི་དྲི་འབྱུང་བ་དང་། ཕ་མ་དང་སྤུན་དང་མཛའ་བཤེས་ཉེ་དུའི་ཚོགས་ཀྱིས་སྡུག་བསྔལ་ནམ་ཡང་མི་མཐོང་བ་དང་། འདབ་མ་སྟོང་དང་ལྡན་པའི་རིན་པོ་ཆེའི་པདྨ་ལས་སྐྱེ་ཞིང་། སངས་རྒྱས་ཀྱི་ཞིང་ཐམས་ཅད་དུ་ནམ་མཁའ་ལ་འགྲོ་ཞིང་སངས་རྒྱས་ཀྱི་ཞིང་རྣམ་དག་མཐོང་བ་དང་། སངས་རྒྱས་ཀྱི་དྲུང་དུ་ཆོས་ཉན་ཞིང་ཐོས་པ་ཆུད་མི་གསོན་པ་དང་། བདུད་སྡིག་ཅན་ནག་པོའི་རྩ་ལག་སྡེ་དང་བཅས་པས་ནམ་ཡང་གླགས་མི་རྙེད་པ་དང་། ཕན་ཡོན་ཚད་མེད་པ་ཐོབ་པར་གསུངས་སོ། ༈ །འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་ལས། ཤར་ཕྱོགས་འཇིག་རྟེན་གྱི་ཁམས་གཞན་གྱིས་མི་ཐུབ་པའི་རྒྱལ་མཚན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་

― MR07_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཤིན་ཏུ་ཡོངས་བསྒྲགས་དཔལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་མཐོང་དགའ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྣང་བ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་མངོན་པར་དགའ་བ་མེད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཡུལ་ལས་རྣམ་པར་རྒྱལ་བའི་དཔལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་ཤིན་ཏུ་རྣམ་པར་དག་པའི་ཚོགས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབང་པོའི་ཏོག་གི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་རྡུལ་བྲལ་ཚོགས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་མཐའ་ཡས་པ་སྣང་བའི་དབང་ཕྱུག་རྒྱལ་པོ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་བསླུ་བ་མེད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐོགས་པ་མེད་པར་སྟོན་པའི་དཔལ་ལ་ཕྱག་འཚལ་

― MR07_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ། །ཤར་ཕྱོགས་འཇིག་རྟེན་གྱི་ཁམས་གསེར་གྱི་ཚོགས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་པདྨ་ལ་རྣམ་པར་གནོན་པས་བཞུད་པ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་སྒྲ་དབྱངས་སྙན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་པདྨ་ལ་རབ་ཏུ་གནས་པའི་རི་དབང་རྒྱལ་པོ་ལ་ཕྱག་འཚལ་ལོ། །སངས་རྒྱས་འདི་དག་ད་ལྟ་འཚོ་ཞིང་གཞེས་ལ་ཆོས་སྟོན་པ་དེ་དག་གི་ཞིང་ནི་ཡོངས་སུ་དག་ལ་སྙིགས་མ་ལྔ་མེད་དོ། །སངས་རྒྱས་བརྒྱད་པོ་འདིའི་མཚན་ཐོས་ནས་འཛིན་ཅིང་ཀློག་ལ་ཀུན་ཆུབ་པར་བྱས་ཏེ་གཞན་ལའང་སྟོན་ན། ངན་སོང་གསུམ་དང་ལྷ་མིན་གྱི་ནང་དུ་འགྲོ་བ་གནས་མེད་ཅིང་མི་ཁོམ་པར་མི་སྐྱེ་བུད་མེད་ཀྱི་དངོས་པོ་ལན་གཉིས་ལེན་པ་གནས་མེད་དོ། །ལྷ་ཀླུ་གནོད་སྦྱིན་མི་དང་མི་མིན་སྲིན་པོ་ལ་སོགས་པ་དང་། རྒྱལ་པོ་ཆོམ་རྐུན་མེ་ཆུ་དུག་མཚོན་གྱི་འཇིགས་པ་མི་འབྱུང་། ཐེག་ཆེན་ལ་ཞུགས་པ་གང་གིས་མཚན་འདི་དག་བརྗོད་དེ་སྲོད་ལ་ཉལ་ན་བདེ་བར་གཉིད་ཀྱིས་ལོག་པར་འགྱུར་བདེ་བར་སད་པར་འགྱུར་ཞིང་སྡིག་པ་ཅན་གྱི་རྨི་

― MR07_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་རྨི་བར་ལྷ་རྣམས་སྲུང་བར་འགྱུར་རོ། །འཇིག་རྟེན་པའི་བྱ་བ་རྩོམ་ན་འཕེལ་བ་ཉིད་དུ་འགྱུར་གྱི་འགྲིབ་པར་མི་འགྱུར། མཚན་འཛིན་པ་དེ་དག་འདི་ནས་བཟུང་སྟེ་བྱང་ཆུབ་ཀྱི་བར་དུ་ནམ་ཡང་མངོན་ཤེས་དང་གཟུངས་དང་དབང་པོ་ཚང་བ་དང་མཚན་དང་ཤེས་རབ་རྒྱས་པ་དང་། སངས་རྒྱས་དང་བྱང་ཆུབ་སེམས་དཔའ་དང་རང་སངས་རྒྱས་དང་ཉན་ཐོས་དང་བྲལ་བར་མི་འགྱུར་རོ། །སངས་རྒྱས་ལ་བསྙེན་བཀུར་བྱེད་པ་དང་། བསྐལ་པ་བྱེ་བ་བརྒྱ་ཕྲག་མང་པོར་ཁ་ནས་དྲི་བསུང་ཞིམ་པོ་འབྱུང་བར་འགྱུར་རོ། །རྫུ་འཕྲུལ་ཆེ་ཞིང་ཡིད་གཞུངས་ལ་པདྨ་ལས་སྐྱེ་བ་དང་ཕ་མ་རྩ་ལག་སྤུན་རྣམས་ཀྱི་ཡིད་དུ་འོང་ཞིང་ནམ་ཡང་མི་ཕོངས་ལ་སངས་རྒྱས་རྣམས་ལ་ལུང་བསྟན་པ་ཐོབ་པར་འགྱུར་རོ། །ཞེས་གསུངས་སོ། །འཕགས་པ་བཀྲ་ཤིས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་ལས། ལི་ཙྪ་བཱིའི་བུ་རྩལ་རབ་ཀྱིས་བཅོམ་ལྡན་འདས་ལ་སངས་རྒྱས་གང་ལ་ལ་སྔོན་གྱི་སྨོན་ལམ་ཕུན་སུམ་ཚོགས་པ་དག་བཞུགས་པ་ཐོས་ན་མི་དང་མི་མིན་གྱི་འཇིགས་པ་དང་འཚེ་བ་མེད་པ་དང་། གང་གིས་ཀྱང་སྨྲ་བ་ལ་མི་བཟློག་ཅིང་ཟིལ་གྱིས་མི་ནོན་པ་དང་། མཚན་འཛིན་པ་དེ་གཉིད་ལོག་ན་ཡང་སྡིག་པའི་རྨི་

― MR07_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་མི་རྨི་བ་དང་། གཡུལ་དུ་ལུས་ལ་མཚོན་གྱིས་མི་ཕོག་པ་དང་། དེ་ལས་བདེ་བར་ཐར་བར་འགྱུར་བ་བསྟན་དུ་གསོལ་ཞེས་ཞུས་པ་ན། བཅོམ་ལྡན་འདས་ཀྱིས་འདི་སྐད་ཅེས་མཚན་འདི་དག་བཀའ་སྩལ་ཏོ། །ཤར་ཕྱོགས་འཇིག་རྟེན་གྱི་ཁམས་གྲགས་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མེའི་རྒྱལ་པོ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་སྐྱོ་བ་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྩལ་བརྟན་དོན་གྲུབ་དགོངས་པ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་བདེ་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ལ་དགོངས་པ་རྒྱ་ཆེར་གྲགས་པ་ཅན་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་བགེགས་མེད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པའི་རྒྱན་གྱི་དཔལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་ཆད་པ་སྤང་བ་ཞེས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་བར་གྲགས་པའི་

― MR07_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་དམ་པ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་སྣ་ཚོགས་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོ་ལྟར་འཕགས་པ་རྩལ་གྲགས་པའི་དཔལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་དཔལ་འབར་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སེམས་ཅན་ཐམས་ཅད་ལ་དགོངས་པ་གྲགས་པའི་དཔལ་ལ་ཕྱག་འཚལ་ལོ། །ཤར་ཕྱོགས་འཇིག་རྟེན་གྱི་ཁམས་རྡོ་རྗེ་གྲགས་པ་དགའ་བ་ཅན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིད་ཚིམ་པར་མཛད་པ་རྩལ་རབ་གྲགས་པའི་དཔལ་ལ་ཕྱག་འཚལ་ལོ། །སངས་རྒྱས་འདི་དག་གི་མཚན་ལེགས་པར་བཟུང་ཞིང་ཀུན་ཆུབ་པར་བྱས་ན་ཡོན་ཏན་བསམ་གྱིས་མི་ཁྱབ་པ་དང་ལྡན་ལ། སངས་རྒྱས་དེ་དག་གི་ཞིང་ནི་དག་སྟེ་སྙིགས་མ་དང་བྲལ་བ་ཡིན་ནོ། །སངས་རྒྱས་འདི་དག་སྔོན་གྱི་སྨོན་ལམ་དང་ལྡན་པ་ཡིན་པའི་ཕྱིར་རོ། །སྲོད་ལ་ཉལ་ན་དང་ལྡང་བ་ནའང་བསམ་པར་བྱ། འཇིག་རྟེན་གྱི་བྱ་བ་གང་ཅི་ཡང་རུང་བརྩོམ་པ་

― MR07_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

ནའང་མཚན་འདི་དག་བསམས་ནས་དེའི་འོག་ཏུ་བརྩམས་ན་དེར་ཡང་ཁྱེད་ལ་འཕེལ་བ་ཉིད་དུ་འགྱུར་གྱི་འགྲིབ་པ་ནི་མ་ཡིན་པར་ཤེས་པར་བྱ་སྟེ། བཀྲ་ཤིས་བརྒྱད་པའི་ཆོས་ཀྱི་རྣམ་གྲངས་འདི་བརྗོད་པས་ལྷ་རྣམས་ལྷ་མིན་གྱི་གཡུལ་ལས་རྒྱལ་བར་འགྱུར་ཏེ། མཚན་འདི་དག་བརྗོད་པ་ནི་བདེ་ཞིང་འཇིགས་པ་མེད་པ་དང་། ཀུན་ནས་ལྡང་བ་མེད་པ་དང་ཡང་དག་པའི་མཚན་ཀུན་ནས་ཡོངས་སུ་བརྗོད་པ་ཡིན་པའི་ཕྱིར་རོ། །དེ་བཞིན་དུ་གཡུལ་ལས་འདས་པ་དང་། ཟིལ་གྱིས་མི་ནོན་པ་དང་ཞི་བ་དང་ཡོངས་སུ་གདུང་བ་མེད་པ་དང་འཇིགས་པ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ། །ཞེས་གསུངས་སོ། །སངས་རྒྱས་བཅུ་པ་ཞེས་བྱ་བ་ཐེག་པ་ཆེན་པོའི་མདོ་ལས། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པས་བཅོམ་ལྡན་འདས་ལ་ད་ལྟར་འཚོ་ཞིང་གཞེས་པའི་སངས་རྒྱས་གང་དག་གི་མཚན་བཟུང་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པ་འཚང་རྒྱ་བ་མཆི་འམ་ཞེས་ཞུས་པ་ན། བཀའ་སྩལ་པ། ཤར་ཕྱོགས་འཇིག་རྟེན་གྱི་ཁམས་ཡོན་ཏན་ཐམས་ཅད་རྣམ་པར་དག་པ་ཞེས་བྱ་བ་ན། དེ་བཞིན་གཤེགས་པ་དགྲ་

― MR07_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་བསྐལ་པ་དཔག་ཏུ་མེད་པ་ལས་འདས་པ་ལ་ཕྱག་འཚལ་ལོ། །འདིའི་མཚན་བཟུང་བས་བསྐལ་པ་སྟོང་ཕྲག་དྲུག་ཅུར་འཁོར་བ་ལ་རྒྱབ་ཀྱིས་ཕྱོགས་པར་བྱེད་དོ། །ཤི་འཕོས་ནས་ཀྱང་སྒྲིབ་པ་མེད་པའི་གཟུངས་ཞེས་བྱ་བ་འཐོབ་པར་འགྱུར་རོ། །སངས་རྒྱས་ཀྱི་ཞིང་བྱེ་བ་ཕྲག་བཅུའི་སངས་རྒྱས་རྣམས་ཀྱིས་ཀྱང་སྤོབས་པ་ཡང་དག་པར་བསྐྱེད་དོ། །ཆོས་སྟོན་པ་ན་ཡང་ཁེངས་པར་མི་འགྱུར་རོ། །ལྷོ་ཕྱོགས་འཇིག་རྟེན་གྱི་ཁམས་ཡོན་ཏན་རིན་ཆེན་བཀོད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རིན་ཆེན་བཀོད་པའི་དཔལ་གཟི་བརྗིད་ཀྱི་ཕུང་པོའི་བསྐལ་པ་ལ་ཕྱག་འཚལ་ལོ། །འདིའི་མཚན་བཟུང་ན་ཤི་འཕོས་ནས་ཉི་མའི་དཀྱིལ་འཁོར་འོད་ཀྱིས་མཐའ་ཀླས་པ་ཞེས་བྱ་བའི་ཏིང་ངེ་འཛིན་འཐོབ་པར་འགྱུར། སངས་རྒྱས་ཀྱི་ཞིང་བཀོད་པ་དཔག་ཏུ་མེད་པ་འཛིན་པ་དང་། སངས་རྒྱས་ཀྱི་ཞིང་གང་དུ་སྨོན་ལམ་བཏབ་པ་དེར་སྐྱེ་བ་དང་། བླ་མེད་བྱང་ཆུབ་ཀྱང་སྐྱེ་བ་གཅིག་གིས་ཐོགས་པར་ཐོབ་བོ། །ཤི་འཕོས་ནས་ཀྱང་མཚན་སུམ་ཅུ་རྩ་གཉིས་འཐོབ་པར་འགྱུར་རོ། །

― MR07_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ཕྱོགས་འཇིག་རྟེན་གྱི་ཁམས་སྦྱོར་བས་མུན་པ་ཐམས་ཅད་དང་བྲལ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ལ་སྤོབས་པ་བཀོད་པའི་དཔལ་ལ་ཕྱག་འཚལ་ལོ། །འདིའི་མཚན་བཟུང་ན་མེ་ཆུ་དུག་མཚོན་གྱིས་འཆི་བའི་དུས་མི་བྱེད། ཤི་འཕོས་ནས་ཤུགས་བརྒྱ་པ་ཞེས་བྱ་བའི་ཏིང་ངེ་འཛིན་འཐོབ་པར་འགྱུར་རོ། །མངལ་དུ་མི་སྐྱེ་ཞིང་གཟུངས་རྣམས་ཐོབ་པར་འགྱུར་རོ། །བྱང་ཕྱོགས་འཇིག་རྟེན་གྱི་ཁམས་མུན་པ་དང་རྡུལ་དང་བྲལ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པ་དཔག་ཏུ་མེད་པ་བཀོད་པ་ཡང་དག་པར་སྤྱོད་པ་ལ་ཕྱག་འཚལ་ལོ། །དེའི་མཚན་བཟུང་ན་སངས་རྒྱས་བྱེ་བ་ཁྲག་ཁྲིག་ཕྲག་དྲུག་ཅུ་མཉེས་པར་བྱེད་དོ། །ཐམས་ཅད་ཀྱི་རྗེས་སུ་སོང་བ་ཞེས་བྱ་བའི་གསུང་ཐོབ་པར་འགྱུར་རོ། །སྒྱུ་མ་ལྟ་བུ་ལས་ངེས་པར་འབྱུང་བ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་རོ། །མི་ཟད་པའི་ཟ་མ་ཏོག་ཅེས་བྱ་བའི་ཏིང་ངེ་འཛིན་འཐོབ་པར་འགྱུར་རོ། །ནམ་སངས་རྒྱས་སུ་མ་གྱུར་གྱི་བར་དུ་ངན་སོང་གསུམ་དུ་མི་སྐྱེ་ཞིང་མི་སྤྱོད་པར་འགྱུར་རོ། །སངས་རྒྱས་ཀྱི་ཞིང་གང་དང་

― MR07_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

གང་དུ་སྐྱེས་པ་དེར་སེམས་ཅན་ངན་སོང་དུ་སོང་བ་ཐམས་ཅད་ཡོངས་སུ་གྲོལ་བར་བྱེད་ཅིང་དེ་ཐམས་ཅད་བླ་མེད་བྱང་ཆུབ་ལས་ཕྱིར་མི་ལྡོག་པར་བྱེད་དོ། །ཤར་ལྷོའི་ཕྱོགས་ཀྱི་འཇིག་རྟེན་གྱི་ཁམས་ཡུན་རིང་པོར་བདེ་བ་བཀོད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་འབྲུག་སྒྲ་སྒྲ་དབྱངས་སྟོང་པ་ལ་ཕྱག་འཚལ་ལོ། །དེའི་མཚན་བཟུང་ན་ཤི་འཕོས་ནས་སོ་སོ་ཡང་དག་པར་རིག་པ་བཞི་ཐོབ་པར་འགྱུར་རོ། །མི་འཇིགས་པ་བཞི་དང་བྱམས་པ་དང་སྙིང་རྗེ་ཆེན་པོ་དང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འཐོབ་པར་འགྱུར་རོ། །བདེ་བ་ཅན་འདྲ་བའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་རྣམས་འཐོབ་པར་འགྱུར་རོ། །བུད་མེད་ཀྱང་ཤི་འཕོས་ནས་སྐྱེས་པའི་དངོས་པོ་འཐོབ་ཅིང་སངས་རྒྱས་ཀྱི་ཞལ་མཐོང་བར་སྐྱེ་བར་འགྱུར་རོ། །ལྷོ་ནུབ་འཇིག་རྟེན་གྱི་ཁམས་ཡོན་ཏན་དཔག་ཏུ་མེད་པ་བཀོད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་འོད་དམ་པའི་དཔལ་གྱི་གཟི་བརྗིད་འབྱུང་བ་ལ་ཕྱག་འཚལ་ལོ། །དེའི་མཚན་ཐོས་པ་ཙམ་གྱིས་སངས་རྒྱས་བྱེ་བ་མཉེས་

― MR07_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར་རོ། །ཐམས་ཅད་དུ་མདངས་ལྟ་བུ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་ཞིང་། མཚན་དེ་དག་རྒྱུན་དུ་བཟུང་ན་ཤི་འཕོས་ནས་སེམས་ཅན་ཐམས་ཅད་ཀྱང་ཏིང་འཛིན་དེ་ལ་འཇོག་པར་བྱེད་ཅིང་རྫོགས་པའི་བྱང་ཆུབ་ཏུ་ངེས་པར་འགྱུར་རོ། །ཏིང་འཛིན་འདི་ལ་གནས་པས་ཆོས་བསྟན་ན་ཏིང་འཛིན་འདི་ཐོབ་ལ་སྟོང་ཆེན་པོའི་འཇིག་རྟེན་ཁམས་ཀྱི་སེམས་ཅན་ཇི་སྙེད་པ་ཐམས་ཅད་ཀྱང་བདེ་བར་འགྱུར་རོ། །ནུབ་བྱང་ཕྱོགས་ཀྱི་འཇིག་རྟེན་ངན་སོང་སྤོང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པ་མང་པོའི་གཟི་བརྗིད་ཀྱི་རྒྱལ་པོ་དཔལ་འབྱུང་བ་ལ་ཕྱག་འཚལ་ལོ། །འདིའི་མཚན་བཟུང་ན་ཤི་འཕོས་ནས་སྤོབས་པ་དཔག་ཏུ་མེད་པ་བཀོད་པ་ཞེས་བྱ་བའི་གཟུངས་ཐོབ་པ་དང་། ཚེགས་ཆུང་ངུས་འོད་དཔག་མེད་པའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་ཡོངས་སུ་འཛིན་པར་འགྱུར་བ་དང་། སྐྱེ་བ་གཅིག་གིས་བླ་མེད་བྱང་ཆུབ་ཏུ་འགྲུབ་པ་དང་། སངས་རྒྱས་བྱེ་བ་ཕྲག་དགུ་བཅུས་ཆོས་བསྟན་པ་ཡང་ཐོས་པར་འགྱུར་རོ། །བྱང་ཤར་ཕྱོགས་ཀྱི་འཇིག་རྟེན་ཁམས་མྱ་ངན་གྱི་གནོད་པ་ཐམས་

― MR07_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་དང་བྲལ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་བྱེ་བ་གྲངས་མེད་པར་ཀུན་ཏུ་འབྱུང་བ་ལ་ཕྱག་འཚལ་ལོ། །དེའི་མཚན་བཟུང་ན་ཤི་འཕོས་ནས་སྒྲ་དབྱངས་ཡན་ལག་དྲུག་ཅུ་དང་ལྡན་པའི་སྤོབས་པ་ཕུན་སུམ་ཚོགས་པ་འཐོབ་པར་འགྱུར་རོ། །སངས་རྒྱས་བྱེ་བ་ཕྲག་བརྒྱད་ཅུ་ལ་དགེ་བའི་རྩ་བ་བསྐྱེད་པར་འགྱུར་རོ། །སྟེང་གི་ཕྱོགས་འཇིག་རྟེན་གྱི་ཁམས་གཟི་བརྗེད་དཔག་ཏུ་མེད་པ་བཀོད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་བ་གསེར་གྱི་ནམ་མཁའ་ངེས་པར་སྒྲོགས་པ་བཀོད་པ་དཔལ་གྱི་གཟི་བརྗིད་འབྱུང་བ་ལ་ཕྱག་འཚལ་ལོ། །དེའི་མཚན་བཟུང་ན་ཚུལ་ཁྲིམས་ཀྱི་ཕུང་པོ་དཔག་མེད་ཡོངས་སུ་དག་པ་དང་། དེ་བཞིན་དུ་ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་གྲོལ་ཡེ་ཤེས་མཐོང་བའི་ཕུང་པོ་དཔག་ཏུ་མེད་པ་ཡོངས་སུ་དག་པར་བྱེད་དོ། །ས་ནས་ས་ཐོབ་པ་དང་འཇིག་རྟེན་ལས་འདས་པའི་ཡེ་ཤེས་མཆོག་ཐོབ་པར་འགྱུར་རོ། །གཉེན་གྱི་སྟོབས་དང་རྒྱལ་སྲིད་དང་སྤོབས་པ་མི་བུལ་

― MR07_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཐོབ་པར་འགྱུར་རོ། །མྱུར་དུ་བླ་མེད་བྱང་ཆུབ་ཏུ་འཚང་རྒྱ་བ་དང་། སེམས་ཅན་ཐམས་ཅད་ཀྱང་འཆི་འཕོ་དང་སྔོན་གནས་རྗེས་སུ་དྲན་པ་དང་། བརྡ་སྐད་ཤེས་པ་དང་། སྤོབས་པ་རྒྱུན་མི་འཆད་པ་དང་རིགས་མཐོན་པོ་ཆེན་པོ་དང་ཚེ་རབས་དྲན་པ་དང་། མངོན་ཤེས་ལྔ་དང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འཐོབ་པར་འགྱུར་རོ། །འོག་ཕྱོགས་འཇིག་རྟེན་གྱི་ཁམས་རྡུལ་ཐམས་ཅད་འདུས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ཀྱི་ཚུལ་རྣམ་པར་འཕྲུལ་པའི་གཟི་བརྗིད་འབྱུང་བ་ལ་ཕྱག་འཚལ་ལོ། །དེའི་མཚན་བཟུང་ན་ཟླ་བའི་གཟུངས་ཞེས་བྱ་བ་ཐོབ་པ་དང་། སྐྱེ་བ་གཅིག་གིས་བླ་མེད་བྱང་ཆུབ་ཏུ་འཚང་རྒྱ་བ་དང་། སངས་རྒྱས་བྱེ་བ་ཕྲག་དགུ་བཅུས་ཆོས་བསྟན་པ་ཐོས་ནས་ཐམས་ཅད་ཀུན་ཏུ་འཛིན་པར་འགྱུར་རོ། །སངས་རྒྱས་འདི་ཐམས་ཅད་ད་ལྟ་འཚོ་ཞིང་གཞེས་ལ་ཆོས་སྟོན་པ་ཤ་སྟག་གོ །ཞེས་གསུངས་སོ། །འཕགས་པ་སངས་རྒྱས་བཅུ་གཉིས་པ་ཞེས་བྱ་བ་ཐེག་པ་ཆེན་པོའི་མདོ་ལས། ཤར་ཕྱོགས་འཇིག་རྟེན་གྱི་ཁམས་མུ་ཏིག་ཅན་ཞེས་བྱ་བ་ན།

― MR07_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའི་དཔལ་དྲི་མེད་རྡུལ་སེལ་རབ་མཛེས་ཡོན་ཏན་གྱི་ཏོག་གི་འོད་མེ་ཏོག་པདྨ་བཻཌཱུརྱའི་འོད་ཟེར་རིན་པོ་ཆེའི་གཟུགས་ལྟ་བུའི་སྐུ་དང་ལྡན་པ་སྤོས་མཆོག་དམ་པས་མཆོད་པ་སྐུ་རྣམ་པར་སྤྲས་ཤིང་ལེགས་པར་བརྒྱན་པ་གཙུག་ཏོར་གྱི་གཙུག་ནས་ཉི་མའི་འོད་ཟེར་དཔག་མེད་ཟླ་འོད་སྨོན་ལམ་གྱིས་བརྒྱན་པ་རབ་སྤྲུལ་བཀོད་པ་ཆེན་པོ་ཆོས་ཀྱི་དབྱིངས་ལས་མངོན་འཕགས་ཆགས་མེད་རིན་ཆེན་རྒྱལ་པོ་ལ་ཕྱག་འཚལ་ལོ། །སུ་རྒྱལ་བའི་མཚན་འཛིན་པ་དེ་བསྐལ་པ་ཆེན་པོའི་འཛམ་བུ་གླིང་གི་རྡུལ་ཕྲ་རབ་ཀྱི་རྡུལ་སྙེད་ཀྱི་བསྐལ་པར་འཁོར་བ་ལས་ལྡོག་གོ །བཤད་མ་ཐག་པའི་སངས་རྒྱས་དེས་སེམས་དཔའ་ཆེན་པོ་དྲི་མེད་ཅེས་བྱ་བ་ལུང་བསྟན་ནས་སངས་རྒྱས་དེ་མྱ་ངན་ལས་འདས་ཤིང་དམ་པའི་ཆོས་ནུབ་མ་ཐག་ཏུ་བྱང་ཆུབ་སེམས་དཔའ་དེ་འཚང་རྒྱ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཆུ་ལྷ་གཞོན་ནུ་ཉི་མའི་སྒྲོན་མ་ཟླ་བའི་མེ་ཏོག་རིན་ཆེན་པདྨ་གསེར་སྡུག་ནམ་མཁའ་ལྟ་བུའི་སྐུ་ལྡན་རྣམ་པར་སྣང་མཛད་འོད་ཟེར་

― MR07_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་བརྒྱན་ཐོགས་མེད་འཁོར་ལོའི་དཀྱིལ་འཁོར་ཕྱོགས་བཅུར་འོད་ཟེར་རབ་འབྱིན་འཇིག་རྟེན་ཁམས་ཀུན་ཏུ་སྣང་བྱེད་ཏོག་གི་རྒྱལ་མཚན་རྒྱལ་པོ་ལ་ཕྱག་འཚལ་ལོ། །ཤར་ཕྱོགས་དེ་ཉིད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཀོད་པ་ཐམས་ཅད་དྲི་མེད་འོད་ལ་ཕྱག་འཚལ་ལོ། །ལྷོ་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པའི་རྒྱན་ལ་དགོངས་པ་ལ་ཕྱག་འཚལ་ལོ། །ནུབ་ཕྱོགས་ཀྱི་དེ་བཞིན་གཤེགས་པ་དྲི་མེད་ཟླ་བའི་ཏོག་གི་རྒྱལ་པོ་གྲགས་ལྡན་ལ་ཕྱག་འཚལ་ལོ། །བྱང་ཕྱོགས་ཀྱི་དེ་བཞིན་གཤེགས་པ་མེ་ཏོག་གི་བཀོད་པ་སྣང་བར་མཛད་པ་ལ་ཕྱག་འཚལ་ལོ། །ཤར་ལྷོའི་ཕྱོགས་མཚམས་ཀྱི་དེ་བཞིན་གཤེགས་པ་འོད་མཛད་ལ་ཕྱག་འཚལ་ལོ། །ལྷོ་ནུབ་ཕྱོགས་མཚམས་ཀྱི་དེ་བཞིན་གཤེགས་པ་རིན་ཆེན་མཆོག་གི་ཏོག་གྲགས་ལྡན་ལ་ཕྱག་འཚལ་ལོ། །ནུབ་བྱང་གི་ཕྱོགས་མཚམས་ཀྱི་དེ་བཞིན་གཤེགས་པ་འཇིགས་མེད་རྣམ་པར་གཟིགས་པ་ལ་ཕྱག་འཚལ་ལོ། །བྱང་ཤར་ཕྱོགས་མཚམས་ཀྱི་དེ་བཞིན་གཤེགས་པ་འཇིགས་བྲལ་བག་ཚ་བ་མི་མངའ་སྤུ་ཟིང་མི་བྱེད་

― MR07_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་ཕྱག་འཚལ་ལོ། །འོག་གི་ཕྱོགས་ཀྱི་དེ་བཞིན་གཤེགས་པ་སེང་གེ་བསྒྱིངས་བའི་མིང་པ་ལ་ཕྱག་འཚལ་ལོ། །སྟེང་ཕྱོགས་ཀྱི་དེ་བཞིན་གཤེགས་པ་གསེར་འོད་གཟི་བརྗིད་འཇིགས་བྲལ་རྒྱལ་པོ་ལ་ཕྱག་འཚལ་ལོ། །དད་པའི་རིགས་ཀྱི་བུའམ་བུ་མོ་གང་གིས་སངས་རྒྱས་བཅུ་གཉིས་པོ་འདིའི་མཚན་བརྗོད་ལ་ཉི་མ་བཅུར་སྡིག་པ་ཐམས་ཅད་བཤགས་པར་བྱ། དགེ་བའི་རྩ་བ་ཐམས་ཅད་ལ་རྗེས་སུ་ཡི་རངས་བར་བྱ། སངས་རྒྱས་ཐམས་ཅད་ལ་གསོལ་བ་གདབ་པ་དང་། དགེ་རྩ་ཐམས་ཅད་ཆོས་ཀྱི་དབྱིངས་སུ་བསྔོ་བས་བསྔོ་བར་བྱ། དེས་སྡིག་པ་དང་ལས་ཀྱི་སྒྲིབ་པ་ཐམས་ཅད་བྱང་བ་དང་། དེའི་འོག་ཏུ་བསམ་པ་ཇི་ལྟ་བ་བཞིན་དུ་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་དང་མི་འཇིགས་པ་དང་། མཚན་ཕུན་སུམ་ཚོགས་པ་དང་། བྱང་ཆུབ་སེམས་དཔའི་དགེ་འདུན་ཕུན་སུམ་ཚོགས་པ་དང་། གཟུངས་དང་ཏིང་འཛིན་ཕུན་སུམ་ཚོགས་པ་དང་། དགེ་བའི་བཤེས་གཉེན་ཕུན་སུམ་ཚོགས་པ་ཡང་མྱུར་དུ་འཐོབ་བོ། །བླ་མེད་བྱང་ཆུབ་ལས་ཡོངས་སུ་མི་ཉམས་པ་དང་། འཁོར་བ་ན་འཁོར་བའི་ཚེ་ཡང་ཀུན་ཏུ་མཛེས་པ་དང་། དེའི་ལོངས་སྤྱོད་

― MR07_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་སུམ་ཚོགས་པ་དང་། རིགས་དང་སྐྱེ་བ་རུས་དང་གཟུགས་དང་མཐུ་ཕུན་སུམ་ཚོགས་པ་དང་། རིས་འདྲ་བའི་སྐྱེ་བོའི་འཁོར་ཕུན་སུམ་ཚོགས་པ་ཡང་ཡོངས་སུ་འཛིན་ནོ། །ཞིང་བྱེ་བ་ཕྲག་སྟོང་གསེར་གྱིས་བཀང་སྟེ་བྱིན་པ་བས་མཚན་འདི་རྣམས་བཟུང་བའི་བསོད་ནམས་ཆེས་མང་ལ། རྟག་ཏུ་ཚེ་རབས་དྲན་པ་དང་། མི་ཁོམ་པ་སྤངས་ནས་བཟང་འགྲོར་སངས་རྒྱས་ལ་དད་པས་མཆོད་པ་དང་མཉེས་པ་དང་། སངས་རྒྱས་མཐོང་བའི་མིག་སྦྱང་བ་དང་། འཇིག་རྟེན་ན་བཀུར་སྟི་དང་གྲགས་པ་ཐོབ་པ་དང་། ཁ་ནས་སྤོས་ཀྱི་ངད་ལྡང་བ་དང་། ཤེས་རབ་མི་འཆལ་བ་དང་། གཡོ་དང་སྒྱུ་སྤང་བ་དང་དཔའ་ཞིང་གཏོང་ཕོད་དང་ཚངས་པའི་དབྱངས་དང་ལྡན་པ་རིན་པོ་ཆེའི་པདྨ་ལས་རྫུས་ཏེ་སྐྱེ་བ་དང་། ཕ་མ་སྤུན་སོགས་སྡུག་པའི་སྐྱེ་བོ་དང་འབྲལ་བར་མི་འགྱུར། བུད་མེད་ཀྱི་ལུས་སྤངས་ནས་སྐྱེས་པ་བློ་གྲོས་ཆེན་པོར་འགྱུར་རོ། །བདུད་ལ་སོགས་པ་གང་གིས་ཀྱང་གླགས་མི་རྙེད་པ་དང་། དུག་མཚོན་མེ་དང་རྒྱལ་པོ་གཡོན་ཅན་གྱིས་མི་ཚུགས་པ་དང་། ཞིང་བྱེ་བར་མཁའ་ལ་འགྲོ་ཞིང་སངས་རྒྱས་ཀྱི་ཆོས་རྣམས་འཛིན་ཞིང་ལུང་བསྟན་པ་ཐོབ་ནས་ཕར་ཕྱིན་དང་མི་འཇིགས་པ་དང་སྟོབས་ལ་སོགས་པ་སངས་རྒྱས་ཀྱི་ཆོས་མ་ལུས་པ་

― MR07_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པར་འགྱུར་རོ། །ཞེས་གསུངས་སོ། ༈ །སངས་རྒྱས་ཀྱི་དབུ་རྒྱན་ཞེས་བྱ་བ་ཐེག་པ་ཆེན་པོའི་མདོ་ལས། ཤར་ཕྱོགས་འཇིག་རྟེན་གྱི་ཁམས་ཏིང་ངེ་འཛིན་གྱིས་བརྒྱན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏིང་ངེ་འཛིན་གླང་པོ་དམ་པའི་དཔལ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་ལ་དེ་ན་བྱང་ཆུབ་སེམས་དཔའ་ཆེན་པོ་རྡུལ་མེད་རྣམ་པར་གནོན་པ་ཞེས་བྱ་བ་དེ་དེ་བཞིན་གཤེགས་པ་དེ་འདས་པ་དང་། བླ་ན་མེད་པའི་བྱང་ཆུབ་ཏུ་འཚང་རྒྱ་སྟེ། སངས་རྒྱས་རྟག་ཏུ་ཏིང་ངེ་འཛིན་གླང་པོ་དམ་པའི་དཔལ་ཞེས་བྱའོ། །ཐེག་ཆེན་ལ་ཡང་དག་པར་ཞུགས་པ་གང་གིས་སངས་རྒྱས་ཏིང་ངེ་འཛིན་གླང་པོ་དམ་པའི་དཔལ་དང་། བྱང་སེམས་རྡུལ་མེད་རྣམ་གནོན་དེའི་མཚན་འཛིན་པར་བྱེད་པ་དེ་དག་སྲིད་པར་སྐྱེས་བ་ན་ཚེ་རབས་དྲན་པ་དང་། བསྐལ་པ་བརྒྱར་འཁོར་བ་ལས་ཕྱིར་ཕྱོགས་པ་དང་། བསོད་ནམས་ཀྱི་ཕུང་པོ་དཔག་མེད་འཛིན་ཞིང་བླ་མེད་རྫོགས་བྱང་དང་ཉེ་བར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་བྱང་ཆུབ་ཀྱི་སྙིང་པོའི་རྒྱན་ལེགས་མཛེས་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་

― MR07_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

པར་རྫོགས་པའི་སངས་རྒྱས་པདྨ་དམ་པའི་དཔལ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་སོ། །ཞིང་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་པདྨ་ཞེས་བྱ་བ་དེ་བཞིན་གཤེགས་པ་དེ་འདས་པའི་འོག་ཏུ་སངས་རྒྱས་པདྨ་དམ་པའི་གདུགས་ཀྱི་རྒྱལ་པོ་ཞེས་པར་འཚང་རྒྱའོ། །སངས་རྒྱས་དེ་དང་བྱང་སེམས་དེའི་མཚན་འཛིན་པ། དེ་དག་སྲིད་པར་སྐྱེས་པ་ན་ཚེ་རབས་དྲན་པ་དང་། པདྨ་དང་འདྲ་བར་འཇིག་རྟེན་ཐམས་ཅད་ཀྱི་མི་དགེ་བའི་ཆོས་རྣམས་ཀྱིས་མི་གོས་པར་མངོན་པར་འཕགས་པར་འགྱུར་རོ། །བླ་མེད་བྱང་ཆུབ་ལས་ཕྱིར་མི་ལྡོག་པ་དང་། བསྐལ་པ་སུམ་ཅུ་འཁོར་བ་ལས་ཕྱིར་ཕྱོགས་པ་དང་། བླ་མེད་བྱང་ཆུབ་དང་ཉེ་བ་སྟེ་བསོད་ནམས་ཀྱི་ཕུང་པོ་དཔག་མེད་འཛིན་པར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་རྡུལ་བྲལ་

― MR07_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

བསགས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་དཀྱིལ་འཁོར་སྣང་བ་དམ་པའི་དཔལ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་སོ། །ཞིང་དེ་ན་བྱང་སེམས་ཆེན་པོ་ཉི་འོད་ཅེས་བྱ་བ་དེ་བཞིན་གཤེགས་པ་དེ་འདས་ནས་འཚང་རྒྱ་སྟེ་སངས་རྒྱས་འཕགས་པའི་དཔལ་ཐམས་ཅད་རྫོགས་པ་མཚན་དམ་པའི་ལུས་ཀྱི་སྐུ་ཅན་ཞེས་བྱའོ། །ཐེག་ཆེན་ལ་ཞུགས་པ་གང་སུ་དག་སངས་རྒྱས་དང་བྱང་སེམས་དེའི་མཚན་འཛིན་ན་སྲིད་པར་ཚེ་རབས་དྲན་ཞིང་དགེ་བའི་ཆོས་ཐམས་ཅད་ལ་ཉི་མའི་དཀྱིལ་འཁོར་ལྟར་སྣང་བ་ཐོབ་པར་འགྱུར་རོ། །ངན་སོང་གསུམ་དུ་ལྟུང་བའི་འཇིགས་པ་མེད་ལ་བླ་མེད་བྱང་ཆུབ་ཏུ་ཉེ་བ་དང་བསྐལ་པ་སྟོང་དུ་འཁོར་བ་ལས་ཕྱིར་ཕྱོགས་པར་འགྱུར་རོ། །བླ་མེད་བྱང་ཆུབ་ལས་ཕྱིར་མི་ལྡོག་གོ །ཤར་ཕྱོགས་

― MR07_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གྱི་ཁམས་དབང་དུ་གྱུར་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་གདུགས་གཅིག་པ་དམ་པ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་ལ། དེའི་མཚན་བཟུང་བས་ཐེག་པ་ཆེན་པོ་ལ་ཞུགས་པ་དེ་སྲིད་པར་སྐྱེ་བ་ན་ཚེ་རབས་དྲན་པ་དང་རིགས་ངན་དང་དབུལ་པོར་མི་སྐྱེ། ནམ་ཡང་ཕའམ་མས་མི་ཕོངས། ལོངས་སྤྱོད་ཀྱིས་མི་ཕོངས། ནད་ཀྱིས་མི་གཟིར། སྐྱེ་བ་ཐམས་ཅད་དུ་རྒྱལ་པོའི་རིགས་སུ་སྐྱེ། བླ་མེད་བྱང་ཆུབ་དང་ཉེ་ཞིང་བསྐལ་པ་སྟོང་ཕྲག་སུམ་ཅུར་འཁོར་བ་ལས་ཕྱིར་ཕྱོགས་པ་དང་བླ་མེད་བྱང་ཆུབ་ལས་མི་ལྡོག་པར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་ཡོངས་སུ་དག་པ་བསགས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏིང་ངེ་འཛིན་དམ་པ་རྣམ་པར་གནོན་པའི་དཔལ་ལ་ཕྱག་འཚལ་ལོ། །སངས་རྒྱས་དེའི་སྔོན་གྱི་

― MR07_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་ལམ་ནི་ཐེག་ཆེན་ལ་ཞུགས་པ་སུ་དག་བདག་གི་མིང་འཛིན་པ་དེ་དག་སྲིད་པར་སྐྱེས་ཤིང་སྐྱེས་པ་ཐམས་ཅད་དུ་རབ་ཏུ་བྱུང་བ་ཐོབ་པ་དང་། རབ་ཏུ་བྱུང་བ་ཐོབ་ནས་ཏིང་ངེ་འཛིན་སྟོང་ཐོབ་པ་དང་། ཏིང་ངེ་འཛིན་གཅིག་ཁོ་ནས་ཏིང་ངེ་འཛིན་བྱེ་བ་ཁྲག་ཁྲིག་བརྒྱ་སྟོང་མངོན་པར་བསྒྲུབ་པ་དང་། ཏིང་འཛིན་དེ་དག་ལས་ཀྱང་རྣམ་པར་མི་ཉམས་པ་དང་། འདས་པའི་སངས་རྒྱས་མྱ་ངན་ལས་འདས་པ་ཁྲི་པོ་གང་དག་དང་ཆོས་སྟོན་པ་ལ་ལྟ་བར་བྱེད་པ་དང་། འདས་པ་ཇི་ལྟ་བ་བཞིན་དུ་ད་ལྟར་བྱུང་བ་རྣམས་ལའང་དེ་བཞིན་དུ་འབྱུང་བ་དང་། བླ་མེད་བྱང་ཆུབ་ལས་ཕྱིར་མི་ལྡོག་པ་དང་སྐྱེས་ཤིང་སྐྱེས་པ་ཐམས་ཅད་དུ་བསྐལ་པ་སྟོང་སྟོང་དུ་འཁོར་བ་ལས་ཕྱིར་ཕྱོགས་པར་འགྱུར་བ་དང་། བླ་མེད་རྫོགས་པའི་བྱང་ཆུབ་དང་ཉེ་བ་ཐོབ་པར་འགྱུར་བར་བཏབ་བོ། །ཐེག་ཆེན་ལ་ཞུགས་པ་གང་སུ་དག་སངས་རྒྱས་འདིའི་མཚན་འཛིན་པ་དེ་དག་ཚེ་རབས་དྲན་པ་དང་། ཏིང་འཛིན་གཅིག་གིས་ཏིང་འཛིན་བྱེ་བ་ཁྲག་ཁྲིག་བརྒྱ་སྟོང་ཐོབ་པར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་རྣམ་པར་བཀྲ་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་དཀྱིལ་འཁོར་གཟི་བརྗིད་ཀྱིས་

― MR07_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་པར་འཕགས་པའི་རྒྱལ་པོའི་དཔལ་ལ་ཕྱག་འཚལ་ལོ། །ཐེག་ཆེན་ལ་ཞུགས་པ་གང་གིས་མཚན་འཛིན་པ་དེ་དག་སྲིད་པར་སྐྱེས་པ་ན་ཚེ་རབས་དྲན་པ་དང་། བློ་གྲོས་དང་ཤེས་རབ་དང་གཟི་བརྗིད་དང་། མཚན་དང་ལྡན་པར་མི་སྤྲོ་བ་དེ་ལྟ་བུའི་ཚིག་དང་སྤོབས་པ་མི་ཟློག་པ་དང་ལྡན་པ་དང་། དེ་དག་གིས་ཆོས་སྟོན་པ་ན་མདུན་ན་སངས་རྒྱས་ཀྱི་གཟུགས་གནས་པ་དང་། མ་ཐོས་ཤིང་ལུང་མ་ཕོག་པར་བྱེ་བ་ཁྲག་ཁྲིག་གྲངས་མེད་པར་སྤྲོ་བར་མི་འགྱུར་བ་དེ་ལྟ་བུའི་ཚིག་དང་སྤོབས་པ་མི་བཟློག་པར་འགྱུར་རོ། །ཅི་ནས་བླ་མེད་བྱང་ཆུབ་ལས་མི་ལྡོག་པ་དེ་ལྟར་ཆོས་སྟོན་པ་དང་། བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པར་འཁོར་བ་ལས་ཕྱིར་ཕྱོགས་པར་འགྱུར་རོ། །དེ་དག་གིས་བསོད་ནམས་ཕུང་པོ་དཔག་ཏུ་མེད་པ་ཡོངས་སུ་འཛིན་ནོ། །ཤར་ཕྱོགས་འཇིག་རྟེན་གྱི་ཁམས་རིན་ཆེན་ལྡན་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ཏོག་ཀུན་ཏུ་སྣང་བའི་དཔལ་ལ་ཕྱག་འཚལ་ལོ། །ཐེག་ཆེན་ལ་ཞུགས་པ་གང་དག་མཚན་འདི་འཛིན་ན་སྲིད་པར་སྐྱེས་པ་ན་འདུག་སྟེ་ཆོས་སྟོན་པར་འགྱུར། འདོད་ན་འཛམ་བུའི་གླིང་འདི་སྐད་ཀྱིས་གོ་བར་བྱེད། འདོད་ན་སྟོང་ཆེན་པོའི་འཇིག་

― MR07_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ཁམས་འདི་སྐད་ཀྱིས་གོ་བར་བྱེད། ཆོས་འཆད་པ་ན་སེམས་ཅན་གང་དག་ཇི་ལྟར་མོས་པ་དང་ཅི་ནས་བླ་མེད་བྱང་ཆུབ་ལས་མི་ལྡོག་པ་དེ་ལྟ་བུར་ཆོས་སྟོན་པར་འགྱུར་རོ། །བསྐལ་པ་སྟོང་ཕྲག་དྲུག་ཅུར་འཁོར་བ་ལས་རྒྱབ་ཀྱིས་ཕྱོགས་པར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་རིན་པོ་ཆེ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་ལ་ཕྱག་འཚལ་ལོ། །དེའི་མཚན་བཟུང་བས་ཚེ་རབས་དྲན་པ་དང་། བྱང་ཆུབ་ཡན་ལག་གི་རིན་པོ་ཆེ་བདུན་ཐོབ་པར་འགྱུར་རོ། །ལྷོ་ཕྱོགས་འཇིག་རྟེན་གྱི་ཁམས་སྒྲ་ཡིད་དུ་འོང་བ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གོ་འཕང་མཐའ་ཡས་རྣམ་པར་གནོན་པ་ལ་ཕྱག་འཚལ་ལོ། །དེའི་མཚན་བཟུང་བས་སྲིད་པར་ཚེ་རབས་དྲན་པ་དང་། བྱང་ཆུབ་སེམས་དཔའི་ཏིང་ངེ་འཛིན་ཟླ་བའི་དཀྱིལ་འཁོར་རྣམ་པར་དག་པ་ཞེས་བྱ་བ་ཐོབ་པར་འགྱུར་ཏེ། དེ་ལ་གནས་ན་ཕྱོགས་བཅུ་རེ་རེར་ཡང་ཆུ་བོ་གངྒཱའི་བྱེ་སྙེད་ཀྱི་སངས་རྒྱས་མཐོང་བ་དང་། དེ་རྣམས་ཀྱིས་ཆོས་བསྟན་པ་ཡང་ཡང་དག་པར་ཤེས་པར་འགྱུར་བ་དང་། རྟག་ཏུ་སངས་རྒྱས་མཉེས་པར་བྱེད་པ་དང་།

― MR07_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་ཀྱི་མཐར་ཐུག་གི་བར་དུ་སངས་རྒྱས་རྣམས་དང་མི་འབྲལ་བ་དང་། བླ་མེད་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང་། བསྐལ་པ་སྟོང་ཕྲག་སུམ་ཅུ་རྩ་ལྔར་འཁོར་བ་ལས་ཕྱིར་ཕྱོགས་པར་འགྱུར་ལ་བསོད་ནམས་ཀྱི་ཕུང་པོ་དཔག་ཏུ་མེད་པ་ཡོངས་སུ་བཟུང་བར་འགྱུར་རོ། །ལྷོ་ཕྱོགས་འཇིག་རྟེན་གྱི་ཁམས་སྤོས་མཆོག་དྲི་ཞིམ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་མཆོག་མཐའ་ཡས་རྒྱལ་པོ་ལ་ཕྱག་འཚལ་ལོ། །སངས་རྒྱས་འདིའི་སྔོན་སྨོན་ལམ་བཏབ་པ། རིགས་ཀྱི་བུའམ་བུ་མོ་ཐེག་ཆེན་ལ་ཞུགས་པས་བདག་གི་མིང་འཛིན་པ་དེ་དག་སྐྱེ་བ་ཐམས་ཅད་དུ་ཚེ་རབས་དྲན་ཞིང་ཚངས་པར་སྤྱོད་པ་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལུས་ལེགས་པར་བརྒྱན་པར་འགྱུར་བ་དང་། སངས་རྒྱས་ཀྱི་ཞིང་གཞན་དག་ཏུ་འགྲོ་ཞིང་སྣང་བར་བྱེད་པ་དང་། བདག་གིས་དེ་དག་སངས་རྒྱས་ཀྱི་བྱང་ཆུབ་རྫོགས་པར་བྱ་ཞིང་། གལ་ཏེ་ས་ཆེན་པོ་འདི་མེས་གང་ན་མེ་ཞི་ནས་རིན་པོ་ཆེ་འབྱུང་བ་དང་། སློང་བར་བྱུང་བའི་སེམས་ཅན་གྱི་ཡིད་མི་བཅད་པ་དང་། བླ་མེད་བྱང་ཆུབ་ལས་ཕྱིར་མི་ལྡོག་པ་དང་། བསྐལ་པ་སྟོང་ཕྲག་སུམ་ཅུར་འཁོར་བ་ལས་ཕྱིར་ཕྱོགས་པ་དང་།

― MR07_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དག་གིས་བསོད་ནམས་ཀྱི་ཕུང་པོ་འདི་དག་ཐོབ་པར་གསོལ་བ་བཏབ་པས་ད་ལྟ་མཚན་འཛིན་པ་ལ་ཡོན་ཏན་དེ་བཞིན་དུ་འབྱུང་ངོ་། །ལྷོ་ཕྱོགས་འཇིག་རྟེན་གྱི་ཁམས་གང་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དམ་པ་ལ་ཕྱག་འཚལ་ལོ། །ཐེག་ཆེན་ལ་ཞུགས་པ་གང་གིས་མཚན་འདི་འཛིན་པས་ཚེ་རབས་དྲན་པ་དང་། མངལ་ན་འདུག་བཞིན་དུ་སངས་རྒྱས་རྣམས་ཀྱིས་གཟིགས་པ་དང་། སངས་རྒྱས་རྣམས་མཐོང་བ་དང་མཉེས་པར་བྱེད་པ་དང་། སངས་རྒྱས་དེ་དག་གི་ཞལ་ནས་རིགས་ཀྱི་བུ་ཁྱོད་བླ་མེད་བྱང་ཆུབ་ཏུ་ངེས་པར་བྱུང་བ་དང་ཕྱིར་མི་ལྡོག་པ་དང་། ཁྱོད་མངལ་ན་འདུག་བཞིན་དུ་ལྷ་ཀླུ་གནོད་སྦྱིན་གཞན་དག་ཀྱང་བླ་མེད་བྱང་ཆུབ་ཏུ་ཡོངས་སུ་སྨིན་པར་བྱེད་པ་དང་། བསྐལ་པ་སྟོང་དུ་འཁོར་བ་ལས་ཕྱིར་ཕྱོགས་པ་བྱེད་པར་འགྱུར་རོ་ཞེས་གསུང་ངོ་། །དེ་དག་གིས་བསོད་ནམས་ཀྱི་ཕུང་པོ་དཔག་མེད་བཟུང་བར་འགྱུར་རོ། །ནུབ་ཕྱོགས་འཇིག་རྟེན་གྱི་ཁམས་ལེགས་པར་རྣམ་པར་ཕྱེ་བ་རྣམ་པར་འབྱེད་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐུ་སྣང་ཆེ་ལ་ཕྱག་

― MR07_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་ལོ། །ཐེག་ཆེན་ལ་ཞུགས་པ་གང་དག་མཚན་དེ་བཟུང་བས་ཚེ་རབས་དྲན་པ་དང་། བྱང་ཆུབ་སེམས་དཔའི་ཏིང་ངེ་འཛིན་ཉི་མའི་དཀྱིལ་འཁོར་སྣང་བ་དམ་པའི་དཔལ་ཞེས་བྱ་བ་ཐོབ་པར་འགྱུར་ཏེ། དེ་ལ་གནས་ནས་སངས་རྒྱས་ཀྱི་ཞིང་ཆུ་བོ་གངྒཱའི་བྱེ་སྙེད་ཀྱི་སངས་རྒྱས་རྣམས་མཐོང་བ་དང་། མི་ཕམ་པ་དང་འདྲ་བའི་བྱང་ཆུབ་སེམས་དཔའ་རྣམས་ཀྱི་ཡོན་ཏན་གང་ཡིན་པའི་ཡོན་ཏན་གྱི་ཕན་ཡོན་དེ་དག་ལ་ཡང་འབྱུང་བར་འགྱུར་ལ་བུད་མེད་གང་གིས་མཚན་དེ་འཛིན་ན་དེ་བུད་མེད་ཀྱི་དངོས་པོ་ཐ་མ་ཡིན་ཏེ། ཤི་འཕོས་ནས་སྐྱེས་པའི་དངོས་པོ་འཐོབ་པར་འགྱུར་རོ། །བསྐལ་པ་གྲངས་མེད་པར་འཁོར་བ་ལས་ཕྱིར་ཕྱོགས་པ་དང་། དེ་དག་ལ་བསོད་ནམས་ཀྱི་ཕུང་པོ་དཔག་མེད་འབྱུང་བ་དང་། བྱང་ཆུབ་བླ་མེད་དང་ཉེ་བ་ཐོབ་པར་འགྱུར་རོ། །བྱང་ཕྱོགས་འཇིག་རྟེན་གྱི་ཁམས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དམ་པ་ལ་ཕྱག་འཚལ་ལོ། །ཐེག་པ་ཆེན་པོ་ལ་ཞུགས་པ་གང་གིས་མཚན་དེ་འཛིན་པར་བྱེད་པས་བསོད་ནམས་ཆེན་པོ་སྐྱེད་དེ། ཐེག་ཆེན་ལ་ཞུགས་པ་གང་གིས་སངས་རྒྱས་རྣམས་ལ་ལོ་བྱེ་བ་ཁྲག་ཁྲིག་

― MR07_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་སྟོང་དུ་རིའི་རྒྱལ་པོ་རི་རབ་ལྟ་བུའི་གསེར་གྱི་ཕུང་པོ་ཡང་དང་ཡང་དུ་ཕུལ་བ་བས་སངས་རྒྱས་ཀྱི་མཚན་བཟུང་བའི་ཕན་ཡོན་ཆེས་མཆོག་ཏུ་འགྱུར་རོ། །སངས་རྒྱས་འདི་རྣམས་ད་ལྟ་འཚོ་ཞིང་གཞེས་པ་སྟེ་སངས་རྒྱས་འདི་དག་གི་མཚན་བཟུང་བས་ཕན་ཡོན་ཚད་མེད་པ་འཐོབ་པས། བྱང་ཆུབ་སེམས་དཔའ་གང་ཞིག་སངས་རྒྱས་ཀྱི་ཡེ་ཤེས་བསམ་ཡས་འདོད་པ་དང་། སེམས་ཅན་དུ་མ་སྲིད་པ་ལས་དགྲོལ་བར་འདོད་པ་དང་། རྐང་པའི་མཐེ་བོང་གིས་ཞིང་བྱེ་བ་བསྒུལ་བའི་མཐུ་འདོད་པ་དང་། སངས་རྒྱས་རྣམས་ལ་མཆོད་པ་བསམ་ཡས་བྱེད་པར་འདོད་པས་མཚན་འདི་དག་བཟུང་ནས་གཞན་ལ་ཡང་བསྟན་པར་བྱའོ། །གངྒཱའི་བྱེ་མ་སྙེད་ཀྱི་ཞིང་རིན་ཆེན་གསེར་གྱིས་བཀང་སྟེ་སངས་རྒྱས་རྣམས་ལ་ཕུལ་བ་བས་མཚན་འདི་དག་ཐོས་པའི་ཕན་ཡོན་བརྒྱ་ཡི་ཆར་ཡང་མི་ཕོད་ལ། མཚན་འདི་འཛིན་པ་དེ་དག་མིར་གྱུར་པ་ལེགས་པར་རྙེད་པ་དང་། དེ་མིའི་འཇིག་རྟེན་དབྱངས་ཀྱི་ཡན་ལག་དང་ལྡན་པ་དང་། རབ་ཏུ་འབྱུང་བ་ལེགས་པར་རྙེད་པ་དང་། ཟས་ལེགས་པར་སྤྱད་པར་འགྱུར་རོ། །ཞེས་གསུངས་སོ། ༈ ། རིན་ཆེན་ཟླ་བས་ཞུས་པ་ཞེས་བྱ་བ་ཐེག་པ་ཆེན་པོའི་

― MR07_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་ལས་གསུངས་པ། ཤར་ཕྱོགས་འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་བཟང་པོ་ལ་ཕྱག་འཚལ་ལོ། །མཚན་འདི་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ལྷོ་ཕྱོགས་འཇིག་རྟེན་གྱི་ཁམས་དགའ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཙནྡན་དཔལ་ལ་ཕྱག་འཚལ་ལོ། །མཚན་འདི་ཐོས་པས་བླ་མེད་བྱང་ཆུབ་ལས་མི་ལྡོག་གོ །ནུབ་ཕྱོགས་འཇིག་རྟེན་གྱི་ཁམས་བཟང་པོ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བ་མཐའ་ཡས་ལ་ཕྱག་འཚལ་ལོ། །མཚན་འདི་ཐོས་པ་བླ་མེད་བྱང་ཆུབ་ལས་ཕྱིར་མི་ལྡོག་ཅིང་འོད་དེ་ཡང་ཉམས་སུ་མྱོང་ངོ་། །བྱང་ཕྱོགས་འཇིག་རྟེན་གྱི་ཁམས་འཁྲུག་མེད་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་གི་དཔལ་ལ་ཕྱག་འཚལ་ལོ། །མཚན་འདི་ཐོས་པས་བླ་མེད་ལས་ཕྱིར་མི་ལྡོག་ཅིང་ལྷ་དང་བཅས་པའི་འཇིག་རྟེན་གྱི་རྒྱལ་མཚན་ལྟ་བུར་འགྱུར་རོ། །ཤར་ལྷོའི་ཕྱོགས་ཀྱི་འཇིག་རྟེན་ཟླ་བ་སྣང་བ་ན། དེ་བཞིན་གཤེགས་པ་

― MR07_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་པའི་དཔལ་ལ་ཕྱག་འཚལ་ལོ། །མཚན་འདི་ཐོས་པ་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ལྷོ་ནུབ་ཕྱོགས་ཀྱི་འཇིག་རྟེན་ཏོག་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་མཆོད་སྡོང་ལ་ཕྱག་འཚལ་ལོ། །མཚན་འདི་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་ཅིང་འཇིག་རྟེན་ན་རིན་པོ་ཆེ་ལྟར་མངོན་པར་འཕགས་པར་འགྱུར་རོ། །ནུབ་བྱང་གི་ཕྱོགས་ཀྱི་འཇིག་རྟེན་སྒྲ་ལྡན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་དཔལ་ལ་ཕྱག་འཚལ་ལོ། །མཚན་འདི་ཐོས་པས་བླ་མེད་བྱང་ཆུབ་ལས་ཕྱིར་མི་ལྡོག་ཅིང་མེ་ཏོག་ལྟར་མི་དགེ་བའི་ཆོས་རྣམས་ཀྱིས་གོས་པར་མི་འགྱུར་རོ། །བྱང་ཤར་གྱི་ཕྱོགས་སུ་འཇིག་རྟེན་གྱི་ཁམས་བདེ་ལྡན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་པར་ཤེས་པ་ཆུང་ངུ་དང་འབྲིང་དང་ཆེན་པོས་རྣམ་པར་རོལ་པ་ལ་ཕྱག་འཚལ་ལོ། །མཚན་འདི་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་ཅིང་བྱང་ཆུབ་སེམས་

― MR07_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའི་སྤྱོད་པ་དང་ཚུལ་ཐམས་ཅད་ལ་མཁས་ཤིང་ཕ་རོལ་ཏུ་ཕྱིན་པའི་ཤེས་པ་ཡང་ཡོངས་སུ་འཛིན་པར་འགྱུར་རོ། །འོག་ཕྱོགས་འཇིག་རྟེན་གྱི་ཁམས་མཐའ་ཡས་པ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བའི་དཔལ་ལ་ཕྱག་འཚལ་ལོ། །དེའི་མཚན་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་ཅིང་ཉེ་བར་ལེན་པའི་ཉོན་མོངས་པ་ཐམས་ཅད་ཟད་པར་ཡང་རྗེས་སུ་འཛིན་པར་འགྱུར་རོ། །སྟེང་ཕྱོགས་འཇིག་རྟེན་གྱི་ཁམས་ཟླ་བ་ཅན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནོར་དཔལ་ལ་ཕྱག་འཚལ་ལོ། །དེའི་མཚན་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་ཅིང་ཆོས་རིན་པོ་ཆེ་བླ་ན་མེད་པ་ཡང་ཐོབ་པར་འགྱུར་རོ། །དེ་ལྟར་ཡེ་ཤེས་དང་ཡོན་ཏན་བསམ་གྱིས་མི་ཁྱབ་པའི་སངས་རྒྱས་འདི་རྣམས་ད་ལྟ་འཚོ་ཞིང་གཞེས་ལ་ཆོས་སྟོན་ཏོ། །འདི་དག་གིས་སྔོན་རིན་ཆེན་འབྱུང་གནས་ཞེས་བྱ་བའི་བསྐལ་པ་ལ། བཅོམ་ལྡན་འདས་རྒྱ་མཚོའི་དཔལ་ཞེས་པའི་དྲུང་དུ་བཅུ་པོ་འདིས་ལྷན་ཅིག་དགེ་རྩ་བསྐྱེད་དེ་མཆོད་པ་ཚད་མེད་པ་བྱས་ནས་ལྷན་ཅིག་མཐུན་པར་རྫོགས་

― MR07_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བྱང་ཆུབ་ཏུ་སེམས་བསྐྱེད་དེ། ཐམས་ཅད་ཀྱི་ཉི་མ་གཅིག་ཏུ་སྐད་ཅིག་ཐང་ཅིག་ཡུད་ཙམ་གཅིག་ལ་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་དག་གིས་བྱང་ཆུབ་སེམས་དཔའི་སྤྱོད་པ་སྤྱད་ནས་བྱང་ཆུབ་ཕྱོགས་ཀྱི་ཆོས་རྫོགས་པར་བྱས་ཏེ། སྐད་ཅིག་ཐང་ཅིག་ཡུད་ཙམ་གཅིག་ལ་རང་རང་གི་སངས་རྒྱས་ཀྱི་ཞིང་རྣམས་སུ་བླ་མེད་རྫོགས་པའི་བྱང་ཆུབ་ཏུ་སངས་རྒྱས་ནས་ཆོས་ཀྱི་འཁོར་ལོ་བསྐོར་རོ། །ཐམས་ཅད་སྐུ་ཚེའི་ཚད་མཉམ་ལ་དུས་གཅིག་ཏུ་མྱ་ངན་ལས་འདའ་བར་མཛད་དོ། །དེ་དག་གི་ཞིང་ཤིན་ཏུ་ལེགས་པར་བརྒྱན་ཅིང་ཡིད་དུ་འོང་བ་ཡོངས་སུ་དག་པ། ཆོས་བསྟན་པ་རེ་རེས་ཀྱང་སེམས་ཅན་ཚད་མེད་པ་ཡོངས་སུ་གྲོལ་བར་མཛད་པའོ། །ཞིང་དེ་དག་དང་མི་མཇེད་འདིའི་བར་ན་ཞིང་ཚད་མེད་པ་ཡོད་དེ། སྟོང་ཆེན་པོའི་འཇིག་རྟེན་འདི་སྲིད་རྩེའི་བར་དུ་བྱེ་མས་ཡོངས་སུ་གང་བའི་བྱེ་མའི་འབྲུ་རེ་རེ་དག་ཞིང་རེ་རེར་བཞག་པའི་ཚུལ་གྱིས་བྱེ་མ་དེ་སྙེད་ཟད་ཀྱང་བར་ན་གནས་པའི་ཞིང་དེའི་མཐའ་མི་འཛད་པ་དེ་ལྟ་བུའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་ཕྲག་དཔག་ཏུ་མེད་པ་གྲངས་མེད་པ་འདས་པ་ན་ཡོད་དོ། །དེ་དག་སངས་རྒྱས་ནས་

― MR07_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐལ་པ་བྱེ་བ་ཕྲག་དྲུག་ཅུ་ལོན་ནོ། །དེ་བཞིན་གཤེགས་པ་དེ་དག་སེམས་ཅན་ལ་ཐུགས་བརྩེ་བའི་སླད་དུ་སྐུ་ཚེའི་ཚད་རིང་པོར་གཞེས་པ་སྟེ། གང་གིས་སྟོང་ཆེན་པོའི་འཇིག་རྟེན་འདི་དང་། དེ་བཞིན་གཤེགས་པ་བཅུ་པོ་དག་གི་ཞིང་དེ་དང་། སངས་རྒྱས་ཀྱི་ཞིང་བཅུ་པོ་རྣམས་ལྷའི་རིན་པོ་སྣ་བདུན་གྱིས་བཀང་ནས་སངས་རྒྱས་རྣམས་ལ་ཉིན་རེ་བཞིན་བསྐལ་པ་གྲངས་མེད་པར་ཕུལ་བ་བས། མཚན་འདི་རྣམས་དང་སྐུ་ཚེའི་ཚད་འདི་རྣམས་ཐོས་ནས་དེ་བཞིན་འཛིན་ཅིང་ཡིད་ཆེས་པ་མི་སྤོང་ཞིང་དད་པར་བྱེད་ན་བསོད་ནམས་ཀྱི་ཕུང་པོ་སྔ་མ་དེས་འདི་ལ་བརྒྱ་སྟོང་གི་ཆ་དང་དཔེའི་བར་དུ་ཡང་མི་བཟོད་དོ། །མཚན་འདི་རྣམས་འཛིན་པ་ཕྱིར་མི་ལྡོག་པར་སངས་རྒྱས་སུ་འགྱུར་བས་ཕྱག་བྱ་བའི་འོས་ཏེ་བདུད་ཀྱི་དབང་དུ་མི་འགྱུར་བ་དང་། ཚེ་བསྐལ་པ་བྱེ་བ་བསམ་ཡས་སུ་འགྱུར་བ་དང་། མེ་དང་ཆོམ་རྐུན་དུག་མཚོན་གྱིས་མི་ཚུགས་པ་དང་། རྒྱལ་པོ་དང་ཆུའི་གནོད་པ་མི་འབྱུང་བ་དང་། ཆོས་མི་སྤོང་ཞིང་རྨི་ལམ་བཟང་པོ་མཐོང་བ་དང་ཡོན་ཏན་ཚད་མེད་པ་ཐོབ་བོ། །དེ་བས་ན་སངས་རྒྱས་དེ་དག་གི་མཚན་བསྒྲགས་ཤིང་སྡིག་པ་བཤགས་པ་དང་ཕྱག་དང་

― MR07_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ཏེ་རྒྱལ་བ་རྣམས་ཀྱི་དགེ་རྩ་ལ་ཡི་རངས་པར་བྱས་པས་ཕ་རོལ་ཏུ་ཕྱིན་པ་མ་ལུས་པ་མྱུར་དུ་ཡོངས་སུ་རྫོགས་པར་འགྱུར་རོ། །ཞེས་གསུངས་སོ། ༈ །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་། དེ་བཞིན་གཤེགས་པ་ཚེ་དཔག་མེད་དང་། དེ་བཞིན་གཤེགས་པ་རྡོ་རྗེ་རབ་ཏུ་འཇོམས་པ་དང་། དེ་བཞིན་གཤེགས་པ་འོད་ཟེར་ཤིན་ཏུ་སྡུག་པོ་པདྨ་རབ་ཏུ་རྒྱས་པའི་སྐུ་དང་། དེ་བཞིན་གཤེགས་པ་ཆོས་ཀྱི་རྒྱལ་མཚན་དང་། དེ་བཞིན་གཤེགས་པ་སེང་གེ་དང་། དེ་བཞིན་གཤེགས་པ་རྣམ་པར་སྣང་མཛད་དང་། དེ་བཞིན་གཤེགས་པ་ཆོས་ཀྱི་འོད་ཟེར་མེ་ཏོག་རབ་ཏུ་རྒྱས་པའི་སྐུ་དང་། དེ་བཞིན་གཤེགས་པ་ཡེ་ཤེས་འོད་ཟེར་རྒྱས་པོ་དང་། དེ་བཞིན་གཤེགས་པ་ཟླ་བའི་བློ་གྲོས་དང་། དེ་བཞིན་གཤེགས་པ་རྒྱལ་བ་བཟང་པོའི་དཔལ་རྣམས་ལ་ཕྱག་འཚལ་ལོ། །འཕགས་པ་བསམ་གྱིས་མི་ཁྱབ་པའི་རྒྱལ་པོའི་མདོ་ལས། སངས་རྒྱས་ཤཱཀྱ་ཐུབ་པའི་ཞིང་ཁམས་འདིའི་བསྐལ་པ་གཅིག་གང་ཡིན་པ་དེ་ནི་སངས་རྒྱས་ཚེ་དཔག་ཏུ་མེད་པའི་ཞིང་ཁམས་བདེ་བ་ཅན་

― MR07_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཉིན་ཞག་གཅིག་གོ །བདེ་བ་ཅན་གྱི་བསྐལ་པ་གཅིག་ནི་རྡོ་རྗེ་རབ་འཇོམས་ཀྱི་ཞིང་གི་ཉིན་ཞག་གཅིག་ཡིན་པ་སོགས་གོང་ནས་གོང་དུ་སྔ་མའི་ཞིང་གི་བསྐལ་པར་ཕྱི་མའི་ཞིང་གི་ཉིན་ཞག་གཅིག་ཡིན་པ་ཟླ་བའི་བློ་གྲོས་ཀྱི་ཞིང་གི་བར་དུ་བསྒྲེ་ལ། ཚུལ་དེ་ལྟ་བུར་གོང་ནས་གོང་དུ་བསྒྲེས་པའི་སངས་རྒྱས་ཀྱི་ཞིང་ཁམས། སངས་རྒྱས་ཀྱི་ཞིང་བཅུའི་རྒྱ་མཚོའི་རྡུལ་ཕྲ་རབ་སྙེད་ཀྱི་ཞིང་འདས་པའི་ཐ་མ་དེའི་བསྐལ་པ་གཅིག་ནི། འཇིག་རྟེན་གྱི་ཁམས་པདྨའི་དཔལ་ཞེས་བྱ་བ་ན། རྫོགས་པའི་སངས་རྒྱས་རྒྱལ་བ་བཟང་པོའི་དཔལ་ཞེས་བྱ་བ་བཞུགས་པའི་ཞིང་གི་ཉིན་ཞག་གཅིག་གི་ཚད་དུ་གསུངས་སོ། །སངས་རྒྱས་འདི་རྣམས་ཀྱི་མཚན་འདི་དག་ནི་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་སྤྱོད་པ་ཅན། དགེ་བའི་བཤེས་གཉེན་གྱིས་ཡོངས་སུ་ཟིན་པ་རྣམས་ཀྱིས་ཐོས་པར་འགྱུར་གྱི། གཞན་དག་གིས་ཐོས་པར་མི་འགྱུར་རོ། །ཞེས་གསུངས་སོ། ༈ །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་བརྟག་པ་ལས། མཚན་

― MR07_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ནི་དགེ་བ་བཅུ་དང་ལྡན་པ་དང་ཕ་རོལ་ཕྱིན་པ་བཅུ་ལ་མོས་པ་དང་། སེམས་ཅན་བསམ་པ་ངེས་པ་རྣམས་དང་། ཕྱིར་མི་ལྡོག་པའི་ཡོན་ཏན་མང་པོ་ལ་མངོན་པར་འདོད་པ་དང་། ཐམས་ཅད་མཁྱེན་པའི་ཡེ་ཤེས་ལ་བརྟེན་པའི་སེམས་ཅན་རྣམས་ཀྱི་རྣ་ལམ་དུ་ཐོས་པར་འགྱུར་གྱི། སེམས་ཅན་ཕལ་པ་མ་རབས་རྣམས་ཀྱི་ནི་མ་ཡིན་ནོ། །མཚན་འདི་ཐོས་པས་ངན་སོང་དང་དུས་མ་ཡིན་པར་འཆི་བ་ལ་སོགས་པའི་འཇིགས་པ་མི་འབྱུང་ཞིང་། དེ་དག་ནི་དེ་བཞིན་གཤེགས་པ་རྣམས་ཀྱིས་ཀྱང་ཕྱག་བྱ་བའི་འོས་ཡིན་པས། འཇིག་རྟེན་སྐྱོང་བ་དང་འཁོར་ཐམས་ཅད་ཀྱིས་རྟག་ཏུ་སྲུང་བར་བྱེད་པ་ལ་སོགས་པ་ཕན་ཡོན་རྒྱ་ཆེར་གསུངས་སོ། ༈ །འཕགས་པ་དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་མདོ་ལས། བཅོམ་ལྡན་འདས་ལ་བྱང་ཆུབ་སེམས་དཔའ་ཆེན་པོ་འཇམ་དཔལ་གྱིས་གསོལ་པ། གང་ཐོས་པས་བླ་མེད་བྱང་ཆུབ་ལས་ཕྱིར་མི་ལྡོག་པ་དང་། སྡིག་པ་དང་ལས་སྒྲིབ་ཐམས་ཅད་ཡོངས་སུ་བྱང་ཞིང་ཟད་པ་དང་། བདུད་སྡིག་ཅན་གྱིས་མི་བརྫི་བར་འགྱུར་བའི་དེ་བཞིན་གཤེགས་པ་དེ་དག་གི་མཚན་དང་། སྔོན་གྱི་སྨོན་ལམ་གྱི་ཁྱད་

― MR07_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

པར་རྒྱས་པ་དང་། སངས་རྒྱས་ཀྱི་ཞིང་གི་ཡོན་ཏན་བཀོད་པ་བཤད་པར་ཞུས་པ་ན། བཀའ་སྩལ་པའི་དོན་ནི་འདི་ལྟ་སྟེ། ཤར་ཕྱོགས་སུ་འཇིག་རྟེན་གྱི་ཁམས་གཞན་གྱིས་མི་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་ལེགས་པར་ཡོངས་བསྒྲགས་དཔལ་གྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་འདི་ནི་ད་ལྟར་འཚོ་ཞིང་གཞེས་ལ་ཆོས་སྟོན་ཏོ། །དེའི་ཞིང་ནི་ཡོངས་སུ་དག་ཅིང་བྱང་ཆུབ་སེམས་དཔའ་རྣམས་རིན་ཆེན་བདུན་གྱི་པདྨོ་ལས་རྫུས་ཏེ་སྐྱེ་བའོ། །སངས་རྒྱས་དེའི་ཐུགས་བསྐྱེད་པ་ནས་བཟུང་སྟེ་བྱང་ཆུབ་སེམས་དཔའི་སྤྱོད་པ་སྤྱད་པ་ན་སྨོན་ལམ་བརྒྱད་རྒྱུན་མ་ཆད་པར་བཏབ་སྟེ། བདག་མ་འོངས་པར་སངས་རྒྱས་པ་ན་སེམས་ཅན་གང་དག་ནད་སྣ་ཚོགས་དང་། རིམས་དང་གཤེད་བྱེད་དང་བྱད་དང་རོ་ལངས་དང་འཇིགས་པ་རྣམས་ཀྱིས་གཙེས་པ་དག་གིས། བདག་གི་མིང་ཡིད་ལ་གནས་ཤིང་མིང་ལན་བདུན་བརྗོད་པས་ནད་ཐམས་ཅད་རབ་ཏུ་ཞི་ཞིང་། བླ་ན་མེད་པའི་བྱང་ཆུབ་མཐར་ཐུག་གི་བར་དུ་རིམས་དང་སྡིག་པ་ཅན་གྱི་གདོན་རྣམས་མེད་ཅིང་རབ་ཏུ་ཞི་བར་གྱུར་ཅིག་ཅེས་པ་དང་པོ་དང་། དེ་བཞིན་དུ་ལོང་བ་

― MR07_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འོན་པ་དང་སྨྱོན་པ་དང་ཤ་བཀྲ་ཅན་དང་ནད་ཚབས་ཆེན་པོས་བཏབ་པས་མཚན་བཟུང་ཞིང་ལན་བདུན་བརྗོད་པས་བྱང་ཆུབ་མཐར་ཐུག་གི་བར་དུ་དབང་པོ་ཐམས་ཅད་ཚོང་ཞིང་ནད་དང་སྡུག་བསྔལ་ཐམས་ཅད་རྒྱུན་འཆད་པ་ནི་གཉིས་པ་དང་། དུག་གསུམ་གྱིས་བསྒྲིབས་པ། མཚམས་མེད་ལྔ་བྱེད་པ། བྱ་བ་མིན་པ་བྱེད་ཅིང་དམ་ཆོས་སྤོང་བ། མི་དགེའི་ལས་སྣ་ཚོགས་བྱེད་པ། ངན་སོང་གསུམ་དང་ཁྱད་པར་དམྱལ་བར་འགྲོ་བ་གང་དག་དམྱལ་བ་ཆེན་པོར་སྐྱེས་ནས་སྡུག་བསྔལ་མྱོང་བ་དེ་རྣམས། བདག་གི་མཐུས་བདག་གི་མིང་ཡིད་ཀྱིས་བརྗོད་པས་མཚམས་མེད་ལྔ་སོགས་ལས་སྒྲིབ་ཐམས་ཅད་བྱང་ཞིང་ཟད་ནས། བླ་མེད་བྱང་ཆུབ་མཐར་ཐུག་གི་བར་དུ་སུ་ཡང་དམྱལ་བ་དང་ངན་འགྲོར་མི་འགྲོ་བར་ལྷ་མིའི་བདེ་བ་མྱོང་བ་གསུམ་པ་དང་། དབུལ་པོ་གང་དག་ཟས་དང་སྐོམ་དང་གོས་ལ་སོགས་པ་མི་བདོག་པ་དེ་དག་གིས། བདག་གི་མིང་ཡིད་ཀྱིས་བརྗོད་པས་བྱང་ཆུབ་ཀྱི་མཐར་ཐུག་གི་བར་དུ་དབྱིག་དང་གོས་ལ་སོགས་པའི་ཡོ་བྱད་འཕེལ་བར་འགྱུར་བ་ནི་བཞི་པ་དང་། གང་བཅིངས་པ་དང་བརྡེག་པ་དང་གོ་རར་གཞུག་པ་དང་མཚོན་ཆའི་ཚོགས་ཀྱིས་ལུས་

― MR07_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་གཟིར་བ་དེ་དག་གིས་མཚན་བཟུང་ཞིང་ཡིད་ཀྱིས་བརྗོད་པས་བྱང་ཆུབ་མཐར་ཐུག་གི་བར་དུ་བཅིངས་པ་དང་བརྡེག་པ་ཐམས་ཅད་ལས་ཐར་ཞིང་ལུས་ཀྱི་གདུང་བ་ཐམས་ཅད་རྒྱུན་འཆད་པ་ནི་ལྔ་པ་དང་། གང་ལུས་ལ་གདུང་བའི་མེ་འབར་བ་དང་། སྟག་སེང་དོམ་དྲེད་སྦྲུལ་གདུག་པའི་ནང་དུ་ཚུད་དེ་སྲོག་ལ་བབས་ནས་མགོན་མེད་པར་སྐྲགས་ཤིང་སྨྲེ་སྔགས་འདོན་པ་དེ་དག་གིས་མཚན་བཟུང་ཞིང་ལན་བདུན་ཡིད་ཀྱིས་བརྗོད་པས། དེ་དག་བྱང་ཆུབ་མཐར་ཐུག་གི་བར་དུ་གདུང་བའི་མེ་ཞི་བ་དང་། སེང་གེ་ལ་སོགས་པ་གདུག་པ་དེ་དག་ཀྱང་བྱམས་པ་ལ་གནས་ཤིང་འཇིགས་པ་མེད་པར་ཞི་བའི་གནས་ལ་གནས་པ་ནི་དྲུག་པ་དང་། སེམས་ཅན་གང་དག་ཕན་ཚུན་འཐབ་རྩོད་འབྱེད་ཅིང་འཁྲུག་པས་སྐྲགས་ཤིང་དངངས་པ་དེ་དག་གིས་མཚན་ལན་བདུན་ཡིད་ཀྱིས་བརྗོད་པས། དེ་དག་བྱང་ཆུབ་མཐར་ཐུག་གི་བར་དུ་འཐབ་པ་སོགས་ཞི་ཞིང་ཕན་ཚུན་བྱམས་པ་ལ་གནས་པ་ནི་བདུན་པ་དང་། གང་དག་ཆུའི་ནང་དུ་གྲུར་ཞུགས་པ་ཆུ་ཀླུང་དང་རྒྱ་མཚོའི་ནང་དུ་སོན་ཏེ་གླིང་མེད་པར་ཕྱིན་ནས་སྲོག་གི་འཇིགས་པས་སྨྲེ་སྔགས་འདོན་པ་དག་གིས་མཚན་ཡིད་ཀྱི་ལན་བདུན་

― MR07_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་ན། དེ་དག་བྱང་ཆུབ་མཐར་ཐུག་གི་བར་དུ་ཆུ་ཡི་འཇིགས་པ་ལས་དབུགས་འབྱིན་ཅིང་བདེ་བར་བརྒལ་བ་ནི་བརྒྱད་པ་སྟེ། དེ་ལྟར་སངས་རྒྱས་དེའི་མཚན་བཟུང་བས་ནད་དང་སྡིག་སྒྲིབ་ཐམས་ཅད་ཞི་ཞིང་རེ་བ་ཐམས་ཅད་ཡོངས་སུ་རྫོགས་པ་དང་སངས་རྒྱས་ཀྱི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ཤར་ཕྱོགས་ལོགས་སུ་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་དང་ཟླ་བ་དང་པདྨས་རབ་ཏུ་བརྒྱན་པ་མཁས་པ་གཟི་བརྗིད་སྒྲ་དབྱངས་ཀྱི་རྒྱལ་པོ་ལ་ཕྱག་འཚལ་ལོ། །སངས་རྒྱས་འདི་ནི་ད་ལྟར་འཚོ་ཞིང་གཞེས་ལ་ཐེག་པ་ཆེན་པོའི་གཏམ་འབའ་ཞིག་སྟོན་པའོ། །དེས་སྔོན་སྨོན་ལམ་ཆེན་པོ་བརྒྱད་བཏབ་སྟེ་བདག་སངས་རྒྱས་པའི་ཚེ་སེམས་ཅན་གང་དག་ཞིང་ལས་དང་ཚོང་ལ་དགའ་བས་གཡེང་བ་སྣ་ཚོགས་མང་བས་ཆོས་དང་བྱང་ཆུབ་ཀྱི་སེམས་ཡིད་ལ་བྱེད་པ་ལས་ཉམས་ཏེ། འཁོར་བ་ལས་མ་ཐར་བར་ན་བ་སོགས་ཀྱི་སྡུག་བསྔལ་མྱོང་བ་དེ་དག་བདག་གི་མཐུས། བདག་གི་མིང་ཡིད་ལ་གནས་ཤིང་ཡིད་ཀྱིས་བརྗོད་པས། དེ་དག་

― MR07_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མེད་བྱང་ཆུབ་ཀྱི་བར་དུ་བསམ་མ་ཐག་ཏུ་ཟས་གོས་སོགས་ལོངས་སྤྱོད་ཐམས་ཅད་འབྱུང་ཞིང་དགེ་བའི་ཆོས་དང་བྱང་ཆུབ་ཀྱི་སེམས་དང་མི་འབྲལ་ལ། ངན་སོང་དང་དམྱལ་བའི་སྡུག་བསྔལ་ཀུན་ལས་ཡོངས་སུ་ཐར་བར་གྱུར་ཅིག་ཅེས་པ་དང་པོ་དང་། དེ་བཞིན་དུ་མཚན་ཐོས་ཤིང་བརྗོད་པས་སེམས་ཅན་སྐྱེ་གནས་བཞིས་བསྡུས་པ་གང་དག་ཚ་གྲང་དང་བཀྲེས་སྐོམ་གྱིས་ལུས་གདུང་ཞིང་ཉམ་ཐག་པ་དེ་དག་གི་སྒྲིབ་པ་ཡོངས་སུ་བྱང་ཞིང་སྐྱེ་བ་དེ་ཐ་མར་གྱུར་པ་དང་། བླ་མེད་བྱང་ཆུབ་ཀྱི་བར་དུ་སྐྱེ་བའི་སྡུག་བསྔལ་ལས་ཐར་ཞིང་ལྷའི་བདེ་བ་མྱོང་བར་འགྱུར་བ་ནི་གཉིས་པའོ། །བུད་མེད་གང་དག་ཉོན་མོངས་པ་སྣ་ཚོགས་ཀྱིས་ལུས་གང་ཞིང་བུད་མེད་ཀྱི་སྐྱེ་གནས་ལ་སྨོད་པ་དང་བཙའ་བའི་སྡུག་བསྔལ་མྱོང་བ་དག་གིས་མཚན་ཐོས་ཤིང་བརྗོད་པས་ཚོར་བ་སྡུག་བསྔལ་ཐམས་ཅད་རྒྱུན་ཆད་ཅིང་སྐྱེ་བ་དེ་ཡང་ཐ་མར་འགྱུར་བ་དང་། བྱང་ཆུབ་ཀྱི་མཐར་ཐུག་གི་བར་དུ་སྐྱེས་པ་ཉིད་འཐོབ་པ་ནི་གསུམ་པ་དང་། གང་དག་འཆི་བ་དང་དགྲ་དང་དགོན་པས་གཙེས་པ་དང་། ཕན་ཚུན་དུ་ཕ་མ་དང་སྲིང་མོ་དང་མཛའ་བཤེས་དང་ཉེ་དུའི་སྡུག་

― MR07_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་དང་མྱ་ངན་གྱི་ཟུག་རྔུས་ཟུག་པ་དེ་དག་གིས་མཚན་བརྗོད་པས། བྱང་ཆུབ་ཀྱི་མཐར་ཐུག་གི་བར་དུ་འཆི་བ་དང་དགྲ་དང་དགོན་པའི་གནོད་པ་ཐམས་ཅད་ཞི་བ་དང་། མྱ་ངན་སྡུག་བསྔལ་ཐམས་ཅད་དང་བྲལ་བར་འགྱུར་བ་ནི་བཞི་པའོ། །གང་མཚན་མོ་མུན་པ་མུན་ནག་ཏུ་རྒྱུ་བ། ལས་ཀྱི་མཐའ་སྣ་ཚོགས་ལ་ཞུགས་པ་སྡིག་པ་ཅན་གྱི་གདོན་སྣ་ཚོགས་ཀྱིས་གཙེས་པས་འཇིགས་ནས་སྨྲེ་སྔགས་འདོན་པ་དེ་དག་གིས། མཚན་ཡིད་ཀྱིས་བརྗོད་པས་བྱང་ཆུབ་ཀྱི་མཐར་ཐུག་གི་བར་དུ་མུན་པ་ཐམས་ཅད་མེད་པ་དང་གདོན་ཐམས་ཅད་བྱམས་པ་ལ་གནས་པ་དང་མཆོད་པ་དང་རིམ་གྲོ་སྣ་ཚོགས་བྱ་བ་ལ་བརྩོན་པར་འགྱུར་བ་ནི་ལྔ་པའོ། །གང་དག་དམན་པར་མོས་ཤིང་ཤེས་རབ་ཆུང་ལ་དྲན་པ་རྨོངས་པས་དགེ་བའི་ཆོས་དང་སྟོབས་དང་བྱང་ཆུབ་ཀྱི་ཡན་ལག་དང་གཟུངས་དང་ཏིང་ངེ་འཛིན་དང་དཀོན་མཆོག་གསུམ་རྗེས་སུ་དྲན་པ་ལས་ཉམས་པ་དེ་དག་གིས། མཚན་ཡིད་ཀྱིས་བརྗོད་པས་བྱང་ཆུབ་ཀྱི་མཐར་ཐུག་གི་བར་དུ་ཏིང་ངེ་འཛིན་དང་གཟུངས་ཀྱི་སྒོ་ལ་སོགས་པ་མངོན་དུ་འགྱུར་བ་དང་ཤེས་རབ་ཆེན་པོའི་རྗེས་སུ་རྒྱུ་བ་ནི་དྲུག་པའོ། །གང་དག་དམན་པ་ཉན་

― MR07_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གི་ཐེག་པ་ལ་དགའ་ཞིང་བླ་མེད་བྱང་ཆུབ་ལ་རྒྱབ་ཀྱིས་ཕྱོགས་པ་དེ་དག་གིས་མཚན་བརྗོད་པས། བླ་མེད་བྱང་ཆུབ་ཀྱི་མཐར་ཐུག་གི་བར་དུ་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ཉན་རང་གི་ས་ལ་རྒྱབ་ཀྱིས་ཕྱོགས་པ་དང་བྱང་ཆུབ་ཀྱི་སེམས་ཡིད་ལ་བྱེད་པ་དང་མི་འབྲལ་བ་ནི་བདུན་པའོ། །གང་བསྐལ་པ་ཆེན་པོ་ཟད་པའི་ཚེ་འཛམ་བུའི་གླིང་ཀུན་ཏུ་འབར་ཞིང་རབ་ཏུ་འབར་བས་འཁྲུགས་པར་འགྱུར་ཏེ། མྱ་ངན་བྱེད་ལ་སྔོན་གྱི་མི་དགེ་བའི་ལས་ཀྱིས་མགོན་དང་སྐྱབས་མེད་པར་སྡུག་བསྔལ་མྱོང་བ་དེ་དག་གིས་མཚན་བརྗོད་པས། སྡུག་བསྔལ་དང་མྱ་ངན་ཐམས་ཅད་བྲལ་ཏེ་བསིལ་བའི་དངོས་པོ་ཐོབ་པ་དང་། ཤི་འཕོས་ནས་ཀྱང་རང་གི་སངས་རྒྱས་ཀྱི་ཞིང་དུ་སེང་གེའི་ཁྲི་ལ་བརྫུས་ཏེ་སྐྱེ་བར་འགྱུར་བ་ནི་བརྒྱད་པ་སྟེ། སངས་རྒྱས་དེའི་ཞིང་དག་ཅིང་བརྫུས་ཏེ་སྐྱེས་པའི་བྱང་ཆུབ་སེམས་དཔའ་རྣམས་ཀྱི་བསམ་པ་ཙམ་གྱིས་ལོངས་སྤྱོད་ཐམས་ཅད་འབྱུང་བ་ཡིན་ནོ། །ཤར་ཕྱོགས་འཇིག་རྟེན་གྱི་ཁམས་སྤོས་ཀྱིས་ཡོངས་སུ་གང་བ་རིན་ཆེན་བརྩེགས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་བཟང་དྲི་མེད་རིན་

― MR07_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་སྣང་བ་བརྟུལ་ཞུགས་གྲུབ་པ་ལ་ཕྱག་འཚལ་ལོ། །སངས་རྒྱས་འདིའི་ཞིང་ནི་ཡོན་ཏན་བཀོད་པ་ཕུན་སུམ་ཚོགས་ཤིང་ད་ལྟ་འཚོ་ཞིང་གཞེས་ལ་ཆོས་སྟོན་ཏོ། །སངས་རྒྱས་དེའི་སྔོན་གྱི་སྨོན་ལམ་ཆེན་པོ་བཞི་སྟེ། དང་པོ་ནི། སེམས་ཅན་གང་དག་སྲོག་གཅོད་པའི་ལས་མང་པོ་བྱས་པས་ཚེ་ཐུང་ཞིང་ནད་མང་བ་མེ་ཆུ་དུག་མཚོན་གྱིས་འཆི་བ་དག་གིས། མཚན་བཟུང་ཞིང་མཆོད་པས་ལས་སྒྲིབ་དེ་བྱང་ནས་ཚེ་རིང་ལ་ནད་མེད་ཅིང་དུས་མིན་གྱི་འཆི་བ་མི་འབྱུང་བ་དང་པོའོ། །ཡང་གང་དག་གིས་མི་དགེ་བའི་ལས་སྣ་ཚོགས་བྱས་ཏེ་གཞན་གྱི་རྫས་ཕྲོགས་པས་དབུལ་པོར་སྐྱེས་ནས། སྒྲེན་མོ་དང་བཀྲེས་སྐོམ་གྱིས་ལུས་གདུང་ཞིང་སྡུག་བསྔལ་བ་དག་གིས་མཚན་བཟུང་བས། བླ་མེད་བྱང་ཆུབ་ཀྱི་བར་དུ་སྡིག་པ་ཐམས་ཅད་བྱང་ཞིང་དབང་ཕྱུག་ཕུན་སུམ་ཚོགས་པ་མ་ཚང་བ་མེད་པ་ཐོབ་པར་འགྱུར་བ་ནི་གཉིས་པའོ། །སེམས་ཅན་གང་དག་གནོད་སེམས་ཀྱིས་ཕན་ཚུན་སྲོག་གཅོད་པ་དང་འཐབ་པ་དག་གིས་མཚན་བཟུང་བས། བླ་མེད་བྱང་ཆུབ་ཀྱི་བར་དུ་ཕན་ཚུན་ཕ་མ་ལྟར་བྱམས་པ་ལ་གནས་པ་ནི་གསུམ་པའོ། །གང་དག་དུག་གསུམ་གྱིས་བསྒྲིབས་

― MR07_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་ཚུལ་ཁྲིམས་འཆལ་བ་དག་སྡིག་པ་སྤྱོད་ཅིང་བསླབ་པ་དྲལ་བས་ངན་སོང་དང་དམྱལ་བར་འགྲོ་བ་དག་གིས་མཚན་ཐོས་ན། བླ་མེད་བྱང་ཆུབ་ཀྱི་བར་དུ་ལས་སྒྲིབ་ཐམས་ཅད་བྱང་ཞིང་ཉེ་ཉོན་རྣམས་བྲལ་ཏེ་ཚུལ་ཁྲིམས་ཡང་དག་པར་འཛིན་པ་དང་། ལུས་ངག་ཡིད་གསུམ་སྡོམ་པ་ལ་གནས་པ་དང་བྱང་ཆུབ་ཀྱི་སེམས་དང་མི་འབྲལ་བ་ནི་བཞི་པ་སྟེ། དེ་ལྟར་དེ་བཞིན་གཤེགས་པ་དེས་དགོངས་ཤིང་རེ་བ་ཡོངས་སུ་རྫོགས་པར་མཛད་དོ། །ཤར་ཕྱོགས་འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་མཆོག་དཔལ་ལ་ཕྱག་འཚལ་ལོ། །སངས་རྒྱས་འདི་ད་ལྟར་འཚོ་ཞིང་གཞེས་ལ་དེའི་ཞིང་ནི་བདེ་བ་ཅན་དང་མཚུངས་སོ། །སངས་རྒྱས་དེའི་སྨོན་ལམ་ཆེན་པོ་ནི་བཞི་སྟེ། སེམས་ཅན་གང་དག་མྱ་ངན་དང་སྡུག་བསྔལ་དང་ཡིད་མི་བདེ་བ་དང་འཁྲུག་པ་མང་བ་སྡུག་བསྔལ་རྣམ་པ་སྣ་ཚོགས་མྱོང་བ་དེ་དག་གིས་མཚན་ཐོས་ནས་ཡིད་ལ་བྱས་པས། མྱ་ངན་ལ་སོགས་པ་དེ་དག་རབ་ཏུ་ཞི་ནས་སུ་ཡང་སྡུག་པ་དང་བྲལ་བའི་སྡུག་བསྔལ་མི་མྱོང་ལ་ཚེ་རིང་པོར་འགྱུར་བ་ནི་དང་པོའོ། །

― MR07_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

གང་སྡིག་པ་སྣ་ཚོགས་བྱས་པས་དམྱལ་བ་མནར་མེད་པར་སྐྱེས་པ་དེ་དག་ལ་སངས་རྒྱས་དེའི་སྐུའི་འོད་ཀྱིས་རེག་པས་སྡིག་པ་ཐམས་ཅད་བྱང་ནས། སྡུག་བསྔལ་དེ་ལས་ཐར་ཞིང་བླ་མེད་བྱང་ཆུབ་ཀྱི་བར་དུ་ལྷ་མིའི་བདེ་བ་མྱོང་བ་ནི་གཉིས་པའོ། །གང་དག་མི་དགེ་བ་བྱས་ཏེ་གཞན་གྱི་རྫས་ཕྲོགས་པས་དབུལ་པོར་སྐྱེས་ནས་ཟས་གོས་སོགས་མི་བདོག་པས་ཚ་གྲང་བཀྲེས་སྐོམ་གྱི་ལུས་གཟིར་ཞིང་མདོག་ངན་པ་དག་གིས། མཚན་ཐོས་ནས་བརྗོད་པས་བླ་མེད་བྱང་ཆུབ་ཀྱི་བར་དུ་ཟས་གོས་མལ་ཆ་སོགས་ཐམས་ཅད་ལ་ལོངས་སྤྱོད་པ་དང་ལུས་ལ་ལྷའི་ཁ་དོག་གིས་བརྒྱན་པར་འགྱུར་བ་ནི་གསུམ་པའོ། །གང་དག་གནོད་སྦྱིན་དང་ཤ་ཟ་སྲིན་པོ་འབྱུང་པོ་དག་གིས་གཙེས་ཤིང་མདངས་ཕྲོགས་ཏེ་ནད་ཀྱི་སྡུག་བསྔལ་སྣ་ཚོགས་མྱོང་བ་དག་གིས་མཚན་ཐོས་ན། བླ་མེད་བྱང་ཆུབ་ཀྱི་བར་དུ་གནོད་སྦྱིན་སོགས་ཀྱིས་མདངས་འཕྲོག་པ་ཞི་ཞིང་བྱམས་པ་ལ་གནས་པ་དང་ནད་སྣ་ཚོགས་ལས་ཐར་བ་ནི་བཞི་པའོ། །སངས་རྒྱས་དེའི་མཚན་ཐོས་ཤིང་མཆོད་པ་དེ་དག་ནི་སྡུག་བསྔལ་ཐམས་ཅད་ལས་ཐར་ཞིང་། བྱང་ཆུབ་ཀྱི་མཐར་ཐུག་གི་བར་

― MR07_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ངན་འགྲོར་མི་ལྟུང་ལ་སྐྱེ་བ་དྲན་པ་དང་། སངས་རྒྱས་དེའི་ཞིང་དུ་སྐྱེ་བ་དང་ལྷ་ཐམས་ཅད་ཀྱིས་སྲུང་བར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་ཆོས་ཀྱི་རྒྱལ་མཚན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་བསྒྲགས་རྒྱ་མཚོའི་དབྱངས་ལ་ཕྱག་འཚལ་ལོ། །སངས་རྒྱས་འདི་ནི་ད་ལྟར་འཚོ་ཞིང་གཞེས་ལ་དེའི་ཞིང་ནི་ཡོངས་སུ་དག་གོ །སངས་རྒྱས་དེའི་སྔོན་གྱི་སྨོན་ལམ་ཆེན་པོ་ནི་བཞི་སྟེ། སེམས་ཅན་གང་དག་ལོག་ལྟ་ཅན་གྱི་ཁྱིམ་དུ་སྐྱེས་ནས་དཀོན་མཆོག་གསུམ་ལ་མ་དད་པ། བྱང་ཆུབ་ཀྱི་སེམས་ཡིད་ལ་མི་བྱེད་པ་དེ་དག་གིས་མཚན་ཐོས་ན་ལས་སྒྲིབ་དེ་ཟད་ནས་བྱང་ཆུབ་ཀྱི་མཐར་ཐུག་གི་བར་དུ་ཡང་དག་པའི་ལྟ་བ་ཅན་དུ་གྱུར་ཏེ། མཆོག་གསུམ་ལ་མི་ཕྱེད་པའི་དད་པ་ཐོབ་པ་དང་། བྱང་ཆུབ་ཀྱི་སེམས་ཡིད་ལ་བྱེད་པ་ལས་ཕྱིར་མི་ལྡོག་པ་ནི་དང་པོའོ། །གང་དག་མཆོག་གསུམ་གྱི་སྒྲ་མི་གྲགས་པ་ཡུལ་མཐའ་ཁོབ་ཏུ་སྐྱེས་ཏེ་མི་དགེ་བའི་བཤེས་གཉེན་གྱི་རྒྱུས་སྡིག་པའི་ལས་བྱེད་པ་དག་ཤི་འཕོས་ནས་ངན་སོང་གསུམ་དུ་ལྟུང་ཞིང་དགེ་བའི་ཆོས་རྣམས་ལས་ཡོངས་སུ་ཉམས་པ་དེ་དག་

― MR07_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

གི་རྣ་ལམ་དུ་སངས་རྒྱས་དེའི་མཚན་གྱི་སྒྲ་གྲགས་ཅིང་ཆོས་ཀྱི་སྒྲིན་རྒྱ་མཚོའི་སྒྲ་འབྱུང་བ་དང་། སྒྲ་དེ་ཐོས་ནས་སྔོན་གྱི་ལས་ཟད་དེ་བྱང་ཆུབ་ཀྱི་མཐར་ཐུག་གི་བར་དུ་བྱང་ཆུབ་ཀྱི་སེམས་ཡིད་ལ་བྱེད་པ་དང་མི་འབྲལ་བར་འགྱུར་བ་ནི་གཉིས་པའོ། །གང་དག་གོས་རྒྱན་ཕྲེང་བ་སོགས་དང་བྲལ་བའི་དབང་གིས་སྡུག་བསྔལ་ཞིང་སྡིག་པ་བྱེད་པ་དེ་དག་སངས་རྒྱས་ཀྱི་མཐུས་གོས་སོགས་ལོངས་སྤྱོད་ཐམས་ཅད་བསམ་མ་ཐག་ཏུ་འབྱུང་ཞིང་མི་ལྡན་པ་མེད་པ་དང་། བྱང་ཆུབ་ཀྱི་མཐར་ཐུག་གི་བར་དུ་སུ་ཡང་ཅི་དང་ཡང་མི་ལྡན་པ་མེད་པ་ནི་གསུམ་པའོ། །གང་དག་སྔོན་གྱི་ལས་ཀྱིས་ཕན་ཚུན་འཐབ་རྩོད་འགྱེད་ཅིང་གནོད་པ་དང་གསད་པའི་ཕྱིར་མཚོན་དང་དབྱུག་པ་སོགས་ཀྱིས་བསྣུན་པ་དེ་ན། གང་དག་གིས་མཚན་ཐོས་ཤིང་ཡིད་ལ་གཟུང་བ་དེ་མདའ་མཚོན་དབྱུག་པ་སོགས་ལས་སླར་ལྡོག་ཅིང་ཕྱིར་ཕྱོགས་པ་དང་། དགྲ་ཐམས་ཅད་བྱམས་པ་ལ་གནས་པ་དང་སུ་ཡང་སྲོག་གི་དབང་པོ་མི་འགག་ལ། བྱང་ཆུབ་ཀྱི་མཐར་ཐུག་གི་བར་དུ་རང་རང་གི་རྫས་དང་ལོངས་སྤྱོད་དང་དབང་ཕྱུག་གིས་ཆོག་ཤེས་པར་འགྱུར་བ་ནི་བཞི་པའོ། །

― MR07_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་དེ་བཞིན་གཤེགས་པ་དེའི་མཚན་བཟུང་ན་སྡིག་པ་ཐམས་ཅད་བྱང་བ་དང་། ཚེ་རབས་དྲན་པ་དང་བྱང་ཆུབ་ལས་ཕྱིར་མི་ལྡོག་པ་དང་སྐྱེ་བ་ཐམས་ཅད་དུ་སངས་རྒྱས་དང་འཕྲད་པ་དང་། རྟག་ཏུ་ཚེ་རིང་ལ་ནད་མེད་པ་དང་ཤི་འཕོས་ནས་སངས་རྒྱས་དེའི་ཞིང་དུ་སྐྱེ་བ་དང་། ལོག་པར་ལྟུང་བར་མི་འགྱུར་ལ་གང་དུ་སྐྱེས་པར་བསམ་མ་ཐག་ཏུ་གོས་རྒྱན་སོགས་ལོངས་སྤྱོད་དང་དབང་ཕྱུག་ཐམས་ཅད་དང་ལྡན་པར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་རིན་པོ་ཆེའི་རྒྱ་མཚོར་ལེགས་པར་གནས་པ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་རྒྱ་མཚོ་མཆོག་གི་བློ་རྣམ་པར་རོལ་པ་མངོན་པར་མཁྱེན་པའི་རྒྱལ་པོ་ལ་ཕྱག་འཚལ་ལོ། །སངས་རྒྱས་འདི་ནི་ད་ལྟ་འཚོ་ཞིང་གཞེས་ལ་ཆོས་སྟོན་ཏེ་དེའི་ཞིང་ནི་འཇིག་རྟེན་གྱི་ཁམས་རིན་པོ་ཆེ་དང་ལྡན་པ་ཇི་འདྲ་བ་དེ་འདྲའོ། །སངས་རྒྱས་དེའི་སྔོན་གྱི་སྨོན་ལམ་ཆེན་པོ་ནི་བཞི་སྟེ། སེམས་ཅན་སུ་དག་ཞིང་ལས་དང་ཚོང་དང་འཐབ་རྩོད་ལ་སྤྲོ་བ་དང་སྡིག་པའི་ལས་བྱེད་པ་དེ་ཐམས་ཅད་ཀྱིས་མཚན་བཟུང་བས་བསམ་མ་ཐག་ཏུ་འཚོགས་ཆས་

― MR07_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་འབྱོར་པ་དང་། གནོད་སེམས་ཞི་བ་དང་རྟག་ཏུ་དགེ་བའི་ཆོས་སྤྱོད་པར་བྱེད་པ་ནི་དང་པོའོ། །གང་དག་མི་དགེ་བཅུའི་ལས་ལམ་བླངས་ཏེ་དམྱལ་བར་གཞོལ་བ་དེ་དག་གིས་མཚན་ཐོས་ན། དགེ་བ་བཅུའི་ལས་ལམ་དང་ལྡན་ཞིང་སུ་ཡང་དམྱལ་བར་མི་འགྲོ་བ་ནི་གཉིས་པའོ། །གང་གཞན་དབང་དུ་སོང་སྟེ་ཆད་པས་བཅད་པ་དང་བརྡེག་པ་དང་གོ་རར་གཞུག་པ་དང་གསད་བར་འོས་པ་དེ་དག་གིས་མཚན་ཐོས་ན། སངས་རྒྱས་ཀྱི་འོད་ཀྱིས་བྱང་ཆུབ་ཀྱི་མཐར་ཐུག་གི་བར་དུ་བཅིངས་པ་དང་བརྡེག་པ་དེ་དག་རྒྱུན་འཆད་པར་བྱེད་པ་ནི་གསུམ་པའོ། །སེམས་ཅན་གང་ཚེ་ཐུང་བར་འགྱུར་བའི་མི་དགེ་བའི་ལས་སྣ་ཚོགས་བྱས་ཏེ་འཆི་བའི་དུས་ཀྱི་ཚེ་མཚན་ཐོས་ན་བདེ་འགྲོའི་འཇིག་རྟེན་དུ་སྐྱེ་ཞིང་། བྱང་ཆུབ་ཀྱི་མཐར་ཐུག་གི་བར་དུ་ལྷ་མིའི་བདེ་བ་མྱོང་བ་དང་སྡིག་པའི་ལས་ཐམས་ཅད་ཡོངས་སུ་བྱང་བ་ནི་བཞི་པའོ། །ཤར་ཕྱོགས་འཇིག་རྟེན་གྱི་ཁམས་བཻ་ཌཱུརྱར་སྣང་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻཌཱུརྱའི་འོད་ཀྱི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་

― MR07_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདི་ད་ལྟར་འཚོ་ཞིང་གཞེས་ལ་དེའི་ཞིང་ནི་ཡོངས་སུ་དག་སྟེ། སངས་རྒྱས་འདིའི་སྨོན་ལམ་དང་ཞིང་གི་ཡོན་ཏན་བཀོད་པ་བསྐལ་པའམ་བསྐལ་པ་ལས་ལྷག་པར་བརྗོད་ཀྱང་ཟད་མི་ནུས་སོ། །བདེ་བར་གཤེགས་པ་འདིའི་སྔོན་གྱི་སྨོན་ལམ་ཆེན་པོ་བཅུ་གཉིས་ཏེ། གང་སངས་རྒྱས་པ་ན་དེའི་སྐུའི་འོད་ཀྱིས་འཇིག་རྟེན་གྱི་ཁམས་གྲངས་མེད་དཔག་མེད་བརྗོད་ཀྱིས་མི་ལོངས་པ་དག་ལྷམ་མེར་སྣང་ལ། སེམས་ཅན་ཐམས་ཅད་མཚན་དཔེས་ལེགས་པར་བརྒྱན་པའི་སངས་རྒྱས་ཀྱི་སྐུ་ཇི་འདྲ་བར་འགྱུར་བ་ནི་དང་པོའོ། །སངས་རྒྱས་དེའི་སྐུ་ནོར་བུ་བཻཌཱུརྱ་ལྟར་ཕྱི་ནང་ཡོངས་སུ་དག་ཅིང་དྲི་མ་མེད་ལ་འོད་གསལ་བ་ཁོ་ལག་ཡངས་ཤིང་ལེགས་པར་གནས་པ། དཔལ་དང་གཟི་བརྗིད་འབར་བ་ཉི་ཟླ་ལས་ལྷག་པའི་འོད་ཟེར་གྱི་དྲྭ་བ་རྣམས་ཀྱིས་བརྒྱན་པར་གྱུར་ནས། སེམས་ཅན་གང་དག་འཇིག་རྟེན་གྱི་བར་དག་དང་མིའི་འཇིག་རྟེན་དུ་ཡང་མཚན་མོ་མུན་ནག་གི་ནང་ན་འགྲོ་བ་དེ་དག་བདག་གི་འོད་ཀྱིས་ཕྱོགས་རྣམས་སུ་དགའ་མགུར་འགྲོ་ཞིང་དགེ་བའི་ལས་རྣམས་ཀྱང་བྱེད་པར་འགྱུར་བ་ནི་གཉིས་པའོ། །སངས་རྒྱས་དེའི་ཐབས་དང་ཤེས་རབ་དཔག་

― MR07_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་མེད་པས་སེམས་ཅན་གྱི་ཁམས་དཔག་ཏུ་མེད་པ་དག་ལོངས་སྤྱོད་མི་ཟད་པ་དང་ལྡན་ཏེ་སུ་ཡང་ཅིས་ཀྱང་བྲེལ་བ་མེད་པར་འགྱུར་བ་ནི་གསུམ་པའོ། །གང་དག་ལམ་ངན་པར་ཞུགས་པ་དག་བྱང་ཆུབ་ཀྱི་ལམ་ལ་འགོད་པ་དང་ཉན་རང་གི་ལམ་ལ་ཞུགས་པ་དེ་དག་ཐེག་པ་ཆེན་པོ་ལ་གཟུད་པར་བྱེད་པ་ནི་བཞི་པའོ། །དེ་བཞིན་གཤེགས་པ་དེའི་གན་ན་ཚངས་པར་སྤྱོད་པ་དང་སེམས་ཅན་གཞན་དཔག་གིས་མི་ལོངས་པ་དག་གིས་ཀྱང་མཚན་ཐོས་པ་ན། སྡོམ་པ་གསུམ་གྱིས་སྡོམ་ཞིང་ཚུལ་ཁྲིམས་ཉམས་པ་མེད་པ་དང་སུ་ཡང་ཚུལ་ཁྲིམས་ལོག་པར་ཞུགས་པས་ངན་འགྲོར་འགྲོ་བར་མི་འགྱུར་བ་ནི་ལྔ་པའོ། །སེམས་ཅན་གང་དག་ལུས་ངན་པ་དབང་པོ་མ་ཚང་བ་མདོག་མི་སྡུག་པ་སྒུར་པོ་ཤ་བཀྲ་ཞར་ལོང་འོན་པ་སོགས་ཡན་ལག་སྐྱོན་ཅན་དང་། སྨྱོན་པ་དང་ལུས་ལ་ནད་ཀྱིས་བཏབ་པ་དེ་དག་གིས་མཚན་ཐོས་ན་དབང་པོ་ཐམས་ཅད་ཚང་ཞིང་ཡན་ལག་ཡོངས་སུ་རྫོགས་པར་འགྱུར་བ་ནི་དྲུག་པའོ། །གང་དག་ནད་སྣ་ཚོགས་ཀྱིས་གཟིར་བ་སྐྱབས་མེད་པ་དབུལ་བ་འཚོགས་ཆས་མི་བདོག་པ་

― MR07_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་བ་དག་གིས་མཚན་ཐོས་པས། དེ་ཐམས་ཅད་ཞི་ཞིང་བྱང་ཆུབ་མཐར་ཐུག་གི་བར་དུ་ནད་དང་གནོད་པ་མི་འབྱུང་བ་ནི་བདུན་པའོ། །བུད་མེད་གང་དག་བུད་མེད་ཀྱི་སྐྱོན་གྱིས་ཡིད་བྱུང་ནས་སྐྱེ་གནས་དེ་ལས་ཐར་བར་འདོད་པ་དེ་དག་བུད་མེད་ཀྱི་དངོས་པོ་ལས་སླར་ལོག་སྟེ་བྱང་ཆུབ་ཀྱི་མཐར་ཐུག་གི་བར་དུ་སྐྱེས་པའི་དབང་པོ་འཐོབ་པ་ནི་བརྒྱད་པའོ། །སེམས་ཅན་ཐམས་ཅད་བདུད་ཀྱི་ཞགས་པ་ལས་ཐར་བ་དང་། ལྟ་བ་ཐ་དད་མི་མཐུན་པས་གཟེངས་པ་ཀུན་ཡང་དག་པའི་ལྟ་བ་ལ་འགོད་ཅིང་མཐར་གྱིས་བྱང་ཆུབ་སེམས་དཔའི་སྤྱོད་པ་བསྟན་པར་བྱེད་པ་ནི་དགུ་པའོ། །སེམས་ཅན་གང་དག་རྒྱལ་པོའི་འཇིགས་པས་སྐྲག་པ་དང་། བཅིངས་པ་དང་བརྡེག་པ་དང་གོ་རར་གཞུག་པ་དང་། གསད་པར་འོས་པ་རྒྱུ་དུ་མས་གཙེས་པ་ཞུམ་པ་སྒོ་གསུམ་སྡུག་བསྔལ་གྱིས་ཉེན་པ་དེ་དག་སངས་རྒྱས་ཀྱི་བསོད་ནམས་ཀྱི་མཐུས། གནོད་པ་ཐམས་ཅད་ལས་ཡོངས་སུ་ཐར་བར་བྱེད་པ་ནི་བཅུ་པའོ། །གང་སུ་དག་བཀྲེས་སྐོམ་གྱི་མེ་འབར་བ་ཁ་ཟས་ཚོལ་ཞིང་སྡིག་པའི་ལས་བྱེད་པ་དེ་དག་ཁ་དོག་དང་དྲི་རོར་ལྡན་པའི་ཟས་

― MR07_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ལུས་ཚིམ་པར་བྱས་ཏེ། ཕྱིས་ཆོས་ཀྱི་རོས་ཤིན་ཏུ་བདེ་བ་ལ་དགོད་པར་བྱེད་པ་ནི་བཅུ་གཅིག་པའོ། །གང་དག་སྒྲེན་མོ་བགོ་བ་མེད་པ་དབུལ་ཞིང་སྡུག་བསྔལ་བ་ཚ་གྲང་སྦྲང་བུ་ཤ་སྦྲང་དག་གིས་ཉེན་པ། ཉིན་མཚན་དུ་སྡུག་བསྔལ་མྱོང་བ་དག་ལ་གོས་སྣ་ཚོགས་དང་ཇི་ལྟར་འདོད་པའི་ནོར་བུའི་རྒྱན་ཕྲེང་དང་སྤོས་དང་བྱུག་པ་རོལ་མོ་སིལ་སྙན་ལ་སོགས་པས་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་ནི་བཅུ་གཉིས་པའོ། །དེ་ལྟར་སངས་རྒྱས་དེའི་མཚན་བཟུང་བ་ནི་ཕན་ཡོན་བསམ་གྱིས་མི་ཁྱབ་པ་དང་ལྡན་ཏེ། སེམས་ཅན་གང་དག་སེར་སྣ་ལ་སོགས་པའི་ཉོན་མོངས་པ་ཤས་ཆེ་བས་མི་དགེ་བའི་ལས་ལམ་བླངས་པས་ངན་སོང་གསུམ་དུ་གཞོལ་བ་དེ་དག་གིས། སྔོན་མིར་གྱུར་པ་ན་མཚན་ཐོས་པ་དག་དེར་སངས་རྒྱས་ཀྱི་མཐུས་དྲན་པ་ཙམ་ནས་གནས་དེ་ལས་ཐར་ཞིང་མིའི་འཇིག་རྟེན་དུ་སྐྱེས་ནས། ཡང་དག་པའི་ལྟ་བ་དང་མ་ཆགས་པ་ལ་སོགས་པའི་ཡོན་ཏན་ཁྱད་པར་ཅན་ཐོབ་སྟེ་དེ་བཞིན་གཤེགས་པའི་བསྟན་པ་ལ་ལེགས་པར་ཞུགས་

― MR07_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་བླ་མེད་བྱང་ཆུབ་ཐོབ་པའི་བར་དུ་འགྱུར་རོ། །མཚན་འཛིན་པ་དེ་དག་ལ་བར་ཆད་དང་གདོན་ཐམས་ཅད་མི་འབྱུང་ཞིང་སྡུག་བསྔལ་ཐམས་ཅད་ལས་ཡོངས་སུ་ཐར་བ་དང་། འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཐམས་ཅད་མངོན་དུ་འགྱུར་བ་དང་། འཆི་བའི་ཚེ་བྱང་ཆུབ་སེམས་དཔའ་བརྒྱད་རྫུ་འཕྲུལ་གྱིས་ལྷགས་ནས་ལམ་སྟོན་ཅིང་དག་པའི་ཞིང་དུ་སྐྱེ་བར་འགྱུར་རོ། །དེ་བཞིན་གཤེགས་པ་དེའི་མཚན་ཐོས་པ་ནི་ཤིན་ཏུ་རྙེད་པར་དཀའོ། །ཞེས་དང་། སྙིགས་མ་ལྔ་དང་ལྡན་པའི་དུས་ཀྱི་མཐའ་ལ་དམ་པའི་ཆོས་ལྟར་བཅོས་པ་བྱུང་བ་ན། སེམས་ཅན་རྣམས་མྱ་ངན་དང་སྡུག་བསྔལ་དང་ནད་སྣ་ཚོགས་ཀྱིས་གཙེ་ཞིང་ཤིན་ཏུ་ཉམ་ཐག་ཅིང་ཕོངས་པའི་ཚེ་སངས་རྒྱས་འདི་དག་གི་ཐུགས་རྗེས་སྐྱོབས་པར་འགྱུར་བ་སོགས་ཕན་ཡོན་གྱི་བསྔགས་པ་རྒྱ་ཆེར་སྨན་མདོ་ཉིད་དུ་རྟོགས་པར་བྱ་ཞིང་འདི་ལ་མཆོག་ཏུ་གུས་པར་བྱའོ། ༈ །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ། །

― MR07_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་དོ་སྐྱབས་སུ་མཆིའོ། །འོད་དཔག་མེད་པའི་ཞིང་གི་ཡོན་ཏན་བཀོད་པའི་མདོ་ལས། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་གཅིག་གི་ཞིང་གི་བཀོད་པ་ཐམས་ཅད་བསྡོམས་པའི་སྟེང་དུ་དེ་ལས་ཆེས་འཕགས་པའི་ཡོན་ཏན་གྱི་ཁྱད་པར་བསམ་གྱིས་མི་ཁྱབ་པ་དག་པའི་ཞིང་ཁམས་བདེ་བ་ཅན་དུ། སངས་རྒྱས་འདི་ཉིད་ད་ལྟ་འཚོ་ཞིང་གཞེས་ལ་སྐུ་ཚེའི་ཚད་བསྐལ་པ་མཐའ་ཡས་པར་བཞུགས་པར་མཛད་དེ། དེའི་མཚན་འཛིན་ཅིང་དད་པ་བྱེད་པ་ཐམས་ཅད་ཕྱིར་མི་ལྡོག་པའི་ཞིང་དེར་སྐྱེ་བ་དང་། བདེ་བ་ཅན་དང་འོད་དཔག་ཏུ་མེད་པའི་མཚན་ཐོས་ནས་ཐལ་མོ་སྦྱར་ན། ཞིང་གི་རྡུལ་ཕྲ་རབ་ཇི་སྙེད་ཀྱི་གྲངས་དང་མཉམ་པའི་འཇིག་རྟེན་གྱི་ཁམས་རྡུལ་དུ་བསིལ་བའི་གྲངས་ལས་ཀྱང་ཆེས་མང་བའི་ཞིང་ཁམས་ཐམས་ཅད་རིན་པོ་ཆེས་བཀང་སྟེ་སྦྱིན་པ་བྱིན་པ་བས་བསོད་ནམས་ཆེས་འཕགས་པ་དང་། སངས་རྒྱས་དེའི་མཚན་ཐོས་ནས་དད་པ་ཐམས་ཅད་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་པ་དང་། འཆི་བའི་ཚེ་འདྲེན་པ་འོད་དཔག་ཏུ་མེད་པ་མཐོང་ནས་བདེ་བ་ཅན་དུ་སྐྱེ་བ་དང་། མཚན་ཐོས་པ་ཐམས་ཅད་བྱང་

― MR07_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་ཀྱི་མཐར་ཐུག་གི་བར་དུ་རིགས་བཟང་པོར་སྐྱེ་བ་དང་། བྱང་ཆུབ་སེམས་དཔའི་སྤྱད་པ་སྤྱོད་ཅིང་དགེ་བའི་རྩ་བ་རྒྱ་ཆེན་པོ་དང་ཕྲད་པ་དང་། ཀུན་གྱི་རྗེས་སུ་སོང་བ་སོགས་ཏིང་ངེ་འཛིན་དང་གཟུངས་ཀྱི་སྒོ་དུ་མ་ཐོབ་པ་དང་། དབང་པོ་ཚང་བ་དང་། བུད་མེད་དུ་མི་སྐྱེ་བ་དང་། ཚངས་པར་སྤྱོད་པ་རྣམ་པར་དག་པ་དང་། ལྷ་དང་བཅས་པའི་འཇིག་རྟེན་གྱིས་བསྟི་སྟང་དུ་འགྱུར་བ་སོགས་རྒྱ་ཆེར་བསྔགས་པ་མདོ་དེ་ཉིད་དུ་བལྟ་བར་བྱའོ། ༈ །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པ་ལ་ཕྱག་འཚལ་ལོ་མཆོད་དོ་སྐྱབས་སུ་མཆིའོ། །མི་འཁྲུགས་པའི་ཞིང་གི་ཡོན་ཏན་བཀོད་པའི་མདོ་ལས། འདི་ནས་ཤར་ཕྱོགས་སུ་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ཡོན་ཏན་མཆོག་ཏུ་འཕགས་པ་ན་སངས་རྒྱས་འདི་ད་ལྟར་འཚོ་ཞིང་ཡུན་རིང་དུ་གཞེས་པར་མཛད་དེ་ཚད་མེད་པའི་ཆོས་ཀྱི་རྣམ་གྲངས་སྟོན་པར་མཛད་ལ། ཞིང་དེར་སྐྱེས་པ་རྣམས་ཕྱིར་མི་ལྡོག་ཅིང་ཡོན་ཏན་རྨད་དུ་བྱུང་བ་དང་ལྡན་ནོ། །གང་སུ་ཞིག་སངས་རྒྱས་འདིའི་མཚན་བཟུང་བ་དེ་ལ་དེ་བཞིན་གཤེགས་པ་

― MR07_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་དགོངས་པར་མཛད་པས་བདུད་ཐམས་ཅད་ཀྱིས་གླགས་མི་རྙེད་པ་དང་། སེར་བ་དྲག་པོ་དང་ཡམས་དང་གནོད་པ་སོགས་འཇིགས་པ་ཐམས་ཅད་མེད་པ་དང་གང་གིས་ཞིང་དེར་སྐྱེས་པར་སེམས་བསྐྱེད་ན་དེ་མ་ཐག་ཏུ་བྱང་སེམས་ཕྱིར་མི་ལྡོག་པ་ཇི་འདྲ་བ་དེ་འདྲར་འགྱུར་བ་སོགས་རྒྱལ་བའི་ཐུགས་བསྐྱེད་ཀྱི་བསྔགས་པ་རླབས་པོ་ཆེ་རྒྱས་པར་གསུངས་སོ། ༈ །འཇམ་དཔལ་རྩ་རྒྱུད་ལས་གསུངས་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་ཡེ་ཤེས་དཔག་ཏུ་མེད་པ་རྣམ་པར་ངེས་པའི་དབང་པོའི་རྒྱལ་པོ་ལ་ཕྱག་འཚལ་ལོ། །སངས་རྒྱས་བཅོམ་ལྡན་འདས་འདི་གང་གིས་དྲན་པ་ཙམ་མམ་མཚན་འཛིན་པས་ཀྱང་མཚམས་མེད་པ་ལྔའི་ལས་ཟད་པར་འགྱུར་རོ། །མཚན་ཐོས་པ་ཙམ་གྱིས་སེམས་ཅན་མང་པོ་ངེས་པར་བྱང་ཆུབ་ལ་གཞོལ་བར་འགྱུར་ན་སྔགས་འགྲུབ་པ་ལྟ་ཅི་སྨོས་སྔགས་ཟློས་པ་ཀུན་གྱིས་སངས་རྒྱས་འདི་ལ་དང་པོར་ངག་གིས་ཕྱག་བྱ་ཞིང་། དེ་བཞིན་དུ་འོད་དཔག་མེད་དང་། རིན་ཆེན་ཏོག་ལ་ཕྱག་བྱའོ། །དེ་ནས་སངས་རྒྱས་ཐམས་ཅད་

― MR07_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕྱག་བྱས་ནས་ཅི་འདོད་པའི་སྔགས་བཟླས་ན་མྱུར་དུ་གྲུབ་པ་སྩོལ་བར་འགྱུར་ཏེ། དེ་བཞིན་གཤེགས་པ་གསུམ་གྱི་མཚན་བསྒྲགས་པ་དང་ཕྱག་འཚལ་བས་ནི་བསོད་ནམས་ཆེན་པོ་འཕེལ་བའི་ཕྱིར་དང་། དེ་བཞིན་གཤེགས་པ་ཐམས་ཅད་ལ་ཡང་ཕྱག་འཚལ་བས་ངེས་པར་བྱང་ཆུབ་ལ་གཞོལ་ཞིང་དགེ་བའི་ཚོགས་རྫོགས་ཏེ་བྱང་ཆུབ་སེམས་དཔའི་གྲངས་སུ་འགྲོ་ཞིང་དེའི་སྔགས་ཀྱང་མྱུར་དུ་འགྲུབ་པ་བསྩོལ་བར་འགྱུར་རོ། །ཞེས་གསུངས་སོ། ༈ །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་རྒྱལ་པོ་འོད་ཆེན་སྣང་མཛད་ལ་ཕྱག་འཚལ་ལོ། །འཕགས་པ་གསེར་འོད་དམ་པ་ལས། སངས་རྒྱས་འདིའི་མཚན་ཐོས་པས་བྱང་ཆུབ་སེམས་དཔའི་ས་ལས་མི་ལྡོག་ཅིང་མྱང་འདས་ཆེན་པོ་ཐོབ་པ་དང་། བུད་མེད་གང་དག་གིས་ཐོས་ན་འཆི་བའི་ཚེ་དེ་བཞིན་གཤེགས་པ་དེ་མཐོང་ཞིང་ནམ་ཡང་བུད་མེད་ཀྱི་ལུས་མི་ལེན་ནོ། །ཞེས་གསུངས་སོ། ༈ །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ལ་ཕྱག་འཚལ་ལོ། །

― MR07_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཕལ་པོ་ཆེ་ལས། དེ་བཞིན་གཤེགས་པ་འདིའི་སྐུའི་བ་སྤུའི་བུ་ག་གཅིག་ལའང་ནམ་མཁའི་མཐའ་གཏུགས་པའི་ཞིང་ཁམས་རབ་འབྱམས་སྣང་བ་དང་། དེར་མ་ཟད་ཞིང་གི་རྒྱན་མེ་ཏོག་གཅིག་ལའང་དུས་གསུམ་གྱི་རྒྱལ་བ་སྲས་དང་བཅས་པའི་རྣམ་ཐར་རྒྱ་མཚོ་མ་ལུས་པ་སྣང་བའི་རྣམ་པར་འཕྲུལ་པ་བསམ་གྱིས་མི་ཁྱབ་པའི་ཡོན་ཏན་རབ་འབྱམས་རྒྱ་མཚོའི་ཚུལ་བསྔགས་པའི་རྗེས་སུ་བསམས་ཏེ་གུས་པས་མཚན་ནས་བརྗོད་པར་བྱའོ། ༈ །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་ཐམས་ཅད་གྲུབ་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །འཕགས་པ་དཀོན་མཆོག་འབྱུང་གནས་ཞེས་བྱ་བའི་མདོ་ལས། སངས་རྒྱས་འདིའི་ཞིང་ནི་ཤིན་ཏུ་རྒྱ་ཆེ་ཞིང་ཡོན་ཏན་གྱི་བཀོད་པ་རྨད་བྱུང་བསམ་གྱིས་མི་ཁྱབ་པ་དང་ལྡན་ལ། གང་ཞིག་དེའི་མཚན་ཐོས་པ་རྣམས་ཀྱང་བླ་མེད་བྱང་ཆུབ་ལས་ཕྱིར་མི་ལྡོག་པར་སྔོན་སྨོན་ལམ་བཏབ་པ་སོགས་བསྔགས་པའི་ཚུལ་རྒྱ་ཆེར་འབྱུང་ངོ་། ༈ །གཞན་ཡང་མར་མེ་མཛད་ལ་སོགས་པ་དུས་གསུམ་གྱི་སངས་རྒྱས་

― MR07_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ལ་ཕྱག་འཚལ་ལོ། །མི་འཁྲུགས་པ་ལ་སོགས་པ་ཕྱོགས་བཅུའི་སངས་རྒྱས་ཐམས་ཅད་ལ་ཕྱག་འཚལ་ལོ། །ཤཱཀྱ་ཐུབ་པ་ལ་སོགས་པ་བསྐལ་པ་བཟང་པོའི་སངས་རྒྱས་ཐམས་ཅད་ལ་ཕྱག་འཚལ་ལོ། །ཕྱོགས་བཅུ་དུས་གསུམ་གྱི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་བཞུགས་པ་ཐམས་ཅད་ལ་གུས་པ་ཆེན་པོས་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ཞེས་དང་། གསེར་འོད་དམ་པ་སོགས་མདོ་སྣ་ཚོགས་ནས་གསུངས་པའི་སངས་རྒྱས་ཀྱི་མཚན་ཅི་རིགས་ཚིགས་བཅད་དུ་བསྡེབས་པ་ནི། །ཤཱཀྱ་ཐུབ་པ་མི་འཁྲུགས་རིན་ཆེན་ཏོག །ཚེ་དཔག་མེད་དང་ལྷ་ཡི་རྔ་སྒྲའི་རྒྱལ། །ལེགས་འོད་དྲི་མེད་གྲགས་རྒྱལ་སྣང་བའི་རྒྱལ། །རྣམ་དག་ཟླ་བའི་འོད་ཟེར་མཚན་གྲགས་རྒྱལ། །མཆོག་ཏུ་རྣམ་པར་རྒྱལ་བའི་རྒྱལ་པོ་དང་། །ཚངས་པ་རྣམ་པར་དག་པའི་རྒྱལ་པོ་དང་། །བཀྲ་ཤིས་བླ་མའི་རྒྱལ་པོ་ཞེས་བྱ་དང་། བདེ་གཤེགས་རྣམ་པར་སྣང་མཛད་གངས་ཆེན་མཚོ། །ཆོས་ཀྱི་ཆུ་བོ་རྣམ་པར་སངས་རྒྱས་པ། །ནམ་མཁའ་མཐའ་ཡས་རྒྱལ་པོ་ཞེས་བྱ་དང་། །ཀུན་མཁྱེན་འོད་དཔལ་

― MR07_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

རི་བོའི་རྒྱལ་པོ་དང་། །སྤོས་མངོན་སྣང་བ་ཡོན་ཏན་རིན་ཆེན་བརྒྱན། །ཡེ་ཤེས་ཀྱི་དཔལ་ཀུན་དབྱངས་རྒྱལ་པོ་དང་། །ཐམས་ཅད་ཆོས་ལ་མི་འཇིགས་སྒྲོན་མ་ནི། །ཀུན་ཏུ་དགའ་བའི་ཤུགས་དཔལ་རྒྱལ་པོ་དང་། །སྒོ་ཀུན་ནས་ནི་ཡེ་ཤེས་རྣམ་སྣང་དབྱངས། །ཡོན་ཏན་རྒྱ་མཚོ་ཚད་མེད་པ་ཡི་འོད། །ཆོས་དབྱིངས་སྣང་བར་མཛད་པའི་འོད་ཟེར་ཅན། །ཡོན་ཏན་གྲགས་པ་ཐོགས་མེད་རྣམ་སྣང་རྒྱལ། །དཔལ་སྙིང་བརྩེགས་པ་རྣམ་པར་བསྒྲགས་པའི་རྒྱལ། །ཡོན་ཏན་མཐའ་ཡས་རང་གསལ་དབང་ཕྱུག་རྒྱལ། །དབང་པོའི་ཏོག་གི་རྒྱལ་མཚན་རྒྱལ་པོ་དང་། །རིན་ཆེན་པདྨ་རབ་གནས་རི་དབང་རྒྱལ། །དཔལ་བརྩེགས་རྒྱལ་པོ་ནོར་བུ་བརྩེགས་པའི་རྒྱལ། །སཱ་ལའི་དབང་པོའི་རྒྱལ་དང་ཡེ་ཤེས་རྒྱལ། །ཀུན་ནས་འོད་ཟེར་ཡོན་ཏན་རྟག་ཏུ་ནི། །མང་བ་རྒྱ་མཚོའི་རྒྱལ་པོ་ཞེས་བྱ་དང་། །འཕགས་འོད་དམ་པའི་འོད་དང་ལེགས་པའི་འོད། །སེང་གེའི་འོད་དང་འོད་བརྒྱ་དྲན་པའི་འོད། །འབར་བའི་འོད་དང་རྒྱས་པར་འབར་བའི་འོད། །འོད་ཟེར་ཀུན་སྣང་མེ་ཏོག་བཀོད་པའི་འོད། །ཀུན་ཏུ་འོད་དང་དྲི་མ་མེད་པའི་འོད། །གསེར་འོད་ཏོག་དང་གསེར་བརྒྱའི་འོད་སྙིང་པོ། །རིན་ཆེན་འོད་དང་སེང་གེའི་འོད་ཟེར་དང་། །མཆོག་གི་འོད་དང་རྡོ་རྗེའི་འོད་ཟེར་དང་། །སྤོས་ཀྱི་

― MR07_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་དགའ་བའི་སྟོབས་རྒྱ་མཚོ། །ཀུན་ཏུ་སྣང་བའི་འོད་ཀྱི་དབང་པོའི་དཔལ། །དགའ་ཤུགས་ཡོན་ཏན་གྲགས་པའི་དབང་འོད་ཟེར། །ཆགས་མེད་ཡེ་ཤེས་ཕྱོགས་ཀུན་རྣམ་སྣང་འོད། །ཆོས་དབྱིངས་ནམ་མཁའ་ཀུན་ཏུ་སྣང་བའི་འོད། །དཔལ་ལྡན་རྣམ་པར་སྣང་བའི་མཛོད་སྤུའི་འོད། །མངོན་པར་མཁྱེན་པ་ཐམས་ཅད་ཀྱི་འོད་ཟེར། །གསེར་འོད་དམ་པ་གསེར་གདུགས་རིན་ཆེན་བརྩེགས། །རིན་ཆེན་སྙིང་པོ་རིན་ཆེན་གཙུག་ཕུད་དང་། །རིན་ཆེན་ཅན་དང་རིན་ཆེན་འབར་དང་ནི། །རིན་ཆེན་རྩལ་གྱིས་རྣམ་པར་གནོན་པ་དང་། །གཡུལ་ལས་རྣམ་པར་རྒྱལ་བའི་དཔལ་དང་ནི། །མྱ་ངན་མེད་པའི་དཔལ་དང་དཔལ་བཟང་པོ། །འོད་ཀྱི་དཔལ་དང་ནོར་དཔལ་དྲན་པའི་དཔལ། །དྲི་མ་མེད་འོད་ཡེ་ཤེས་དཔལ་གྱི་དཔལ། །ཚངས་པའི་དབང་པོའི་དཔལ་དང་དཔལ་དགྱེས་དང་། །ཆོས་ཀྱི་དབྱིངས་ནི་ཤིན་ཏུ་འཕགས་པའི་དཔལ། །སྟོབས་ལ་ཐུབ་པ་མེད་པའི་ཀུན་སྣང་དཔལ། །ཆོས་མཆོག་རྣམ་པར་ངེས་དང་ཆོས་རྒྱལ་མཚན། །ཆོས་ཀྱི་འོད་ཟེར་སྐུ་ཡི་པདྨོ་རྒྱས། །ཡངས་པའི་ཡོན་ཏན་མང་པོ་ཡོན་ཏན་སྣང་། །སྤོབས་བརྩེགས་རྒྱལ་པོ་སྤོབས་པས་རབ་ཏུ་དགོངས། །རྟོགས་པས་འཇིགས་མེད་དབང་ཕྱུག་ཅེས་བྱ་དང་། །བསྙེངས་པ་མི་མངའ་བ་ཡི་གྲགས་པ་དང་། །མངོན་

― MR07_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དགའ་བའི་གཟུགས་སྐུ་བཀོད་པའི་མཆོག །རྡོ་རྗེ་སྙིང་པོས་རབ་འཇོམས་དམ་པའི་སྒྲ། །རྣམ་པར་རྒྱལ་བའི་པདྨ་རྣམ་པར་གཟིགས། །སྣང་བའི་སྙིང་པོ་བླ་མ་འཕགས་པའི་སྐུ། །ཤེས་རབ་བརྩེགས་པ་སངས་རྒྱས་མཐུ་བོ་ཆེ། །སྨོན་ལམ་ཀུན་འབྱུང་རིན་ཆེན་གཟི་བརྗིད་འཕགས། །ཟླ་འོད་དང་ནི་མཛེས་ཆེན་ཀུན་ཏུ་བཟང་། །གང་ཞིག་དྲན་པས་མཆོག་རྣམས་ལེགས་སྩོལ་བ། །ཕྱོགས་བཅུའི་སངས་རྒྱས་ཀུན་ལ་ཕྱག་འཚལ་ལོ། །ཡོན་ཏན་རྗེས་སུ་དྲན་པའི་ཚུལ་གྱིས་སངས་རྒྱས་སྤྱིའི་མཚན་བརྗོད་པ་ནི། ཆོས་ཀུན་མཉམ་པ་ཉིད་དུ་སངས་རྒྱས་པས། །མཁའ་ལྟར་མི་གཡོ་ཡེ་ཤེས་སྐུ་མངའ་བ། །ཡོན་ཏན་ཀུན་གྱི་ཕ་རོལ་བྱོན་པ་ཡི། །སྐུ་གསུམ་ཡེ་ཤེས་ལྔ་ཡི་བདག་ཉིད་ལ། །རྒྱལ་བ་རང་བྱུང་ཀུན་མཁྱེན་བདེར་གཤེགས་སོགས། །མཚན་གྱི་སྙན་པ་སྲིད་མཐར་རབ་གྲགས་པ། །ཐོས་དང་དྲན་པས་དོན་ཀུན་གྲུབ་མཛད་པའི། །རྫོགས་པའི་སངས་རྒྱས་རྣམས་ལ་ཕྱག་འཚལ་ལོ། །དེ་ལྟར་སངས་རྒྱས་ཀྱི་གསུང་རབ་རིན་པོ་ཆེ་རྣམས་ལས་ཕན་ཡོན་གྱི་བསྔགས་པ་བརྗོད་པའི་མཚན་ཅི་རིགས་པར་བཏུས་ནས་བཀོད་པ་སྟེ། གཞན་དུ་མདོ་སྡེ་བསྐལ་བཟང་ལས་དེ་བཞིན་གཤེགས་པ་སྟོང་གི་མཚན་དང་།

― MR07_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ་དང་། དམ་ཆོས་ཐར་པ་རིན་པོ་ཆེའི་མདོ་དང་། དཔང་སྐོང་ཕྱག་བརྒྱ་བ་དང་། ཕུང་པོ་གསུམ་པའི་མདོ་ལ་སོགས་པ་དང་། གཞན་ཡང་མདོ་སྡེ་རྣམས་ཀྱི་གླེང་གཞི་དང་གཞུང་ནས་བསྟན་པའི་སངས་རྒྱས་རྣམས་ཀྱི་མཚན་ཤིན་ཏུ་མང་པོ་བཞུགས་པ་ནི་དེ་དང་དེར་ཤེས་པར་བྱའོ། །དེ་ལྟར་སངས་རྒྱས་དེ་དག་གི་མཚན་གཅིག་ཙམ་ཐོས་པ་ཡང་ཕན་ཡོན་ཚད་མེད་པ་དང་ལྡན་པའི་ཕྱིར་གུས་པ་ཆེན་པོས་ཇི་ནུས་སུ་གཟུང་བར་བྱ་སྟེ། དཀོན་མཆོག་བརྩེགས་པའི་སྒོ་མཐའ་ཡས་པའི་གཟུངས་ཀྱི་ལེའུ་ལས། སངས་རྒྱས་རྣམས་ལ་ཕྱག་འཚལ་ལོ་ཞེས་བརྗོད་པ་དེ་ཡང་སྒྲོན་མ་ཆེན་པོ་ཡིན་ཏེ། ཉོན་མོངས་པ་རྣམས་ངེས་པར་བསྲེགས་པར་འགྱུར་བ་ཡིན་ནོ། །གང་དག་གིས་དེ་བཞིན་གཤེགས་པ་རྣམས་ཀྱི་མཚན་ཐོས་པ་དེ་ཡང་དེ་དག་གི་མྱ་ངན་ལས་འདས་པའི་རྒྱུ་ཆེན་པོར་འགྱུར་རོ། །དེ་བཞིན་གཤེགས་པ་རྣམས་ཀྱི་མཚན་བརྗོད་པ་ཡང་མུན་པ་དང་འབྲལ་བར་འགྱུར་ལ། དེ་བཞིན་གཤེགས་པ་རྣམས་ཀྱི་མཚན་ཐོས་པ་ཡང་མུན་པ་དང་འབྲལ་བར་འགྱུར་རོ་ཞེས་དང་། སངས་རྒྱས་ཕལ་པོ་ཆེ་ལས། ཀྱེ་རྒྱལ་བའི་སྲས་དེ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་

― MR07_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་རྣམས་མཐོང་བ་དང་ཐོས་པ་དང་། དེ་དག་དང་འགྲོགས་པའི་དགེ་བ་སྐྱེ་བར་འགྱུར་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོས་མི་ཟད་པ་མངོན་པར་སྒྲུབ་པའི་བློས་དོན་ཡོད་པ་དང་། བགེགས་མེད་པ་དང་། ཤིན་ཏུ་མཐར་ཐུག་པར་གྲུབ་པ་དང་། མི་སླུ་བ་དང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དང་། འདུས་བྱས་ཐམས་ཅད་ལ་སྤྱོད་པའི་རྒྱུན་མི་ཟད་པ་དང་། འདུས་མ་བྱས་པའི་ཡེ་ཤེས་ཐོབ་པར་འགྱུར་བ་དང་། ཕྱི་མའི་མཐའི་མུ་མཐའ་ཡས་པའི་མཐར་ཐུག་པར་འགྱུར་བ་དང་། རང་བྱུང་གི་རྣམ་པའི་མཆོག་ཐམས་ཅད་དང་ལྡན་པའི་སྐུ་འཐོབ་པར་འགྱུར་བ་ཁོང་དུ་ཆུད་པར་བྱའོ། །ཀྱེ། རྒྱལ་བའི་སྲས་འདི་ལྟ་སྟེ། དཔེར་ན་མི་ལ་ལ་ཞིག་གིས་རྡོ་རྗེའི་ཁམས་ཞིག་ཟོས་པར་གྱུར་ན། དེ་ཇི་ཙམ་དུ་ཆུང་ངུ་ཟིན་ཀྱང་རྡོ་རྗེའི་ཁམས་དེ་ཞུ་བར་མི་ནུས་ཏེ། དེ་ནི་གདོན་མི་ཟ་བར་གནས་ཐམས་ཅད་ལས་འདས་ནས་འོག་གི་ཕྱོགས་སུ་ལྟུང་བར་འགྱུར་རོ། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། དེ་ནི་རྡོ་རྗེའི་ཆོས་མ་འདྲེས་པ་ཡིན་པའི་ཕྱིར་རོ། །ཀྱེ་རྒྱལ་བའི་སྲས་དེ་བཞིན་དུ། དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བ་ནི་ཅི་ཙམ་དུ་ཆུང་ངུ་ཟིན་ཀྱང་། འདུས་བྱས་ལ་

― MR07_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པའི་གནས་ཐམས་ཅད་ལས་མངོན་པར་འདས་ཏེ། དེ་བཞིན་གཤེགས་པའི་ཡེ་ཤེས་འདུས་མ་བྱས་པའི་མཐར་ཐུག་པར་འགྱུར་རོ། །ཀྱེ རྒྱལ་བའི་སྲས། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བའི་ཆོས་མ་འདྲེས་པ་ཡིན་པའི་ཕྱིར་རོ། །ཞེས་དང་། གཞན་ཡང་རྩ་ནང་དུ་མེ་ཕྲ་མོ་ལྟུང་བའི་དཔེ་སོགས་ཀྱི་སྒོ་ནས་ཀྱང་དེ་ལྟར་གསུངས་ཤིང་། ཡང་མདོ་དེ་ལས། སངས་རྒྱས་རྣམས་ཀྱི་མཚན་གྱིས་ཀྱང་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་སྒྲུབ་བོ། །ཞེས་དང་། ཀྱེ་རྒྱལ་བའི་སྲས། ཁྱོད་ཀྱིས་ཡིད་ཆེས་པ་དང་། ཁོང་དུ་ཆུད་པར་བྱ་ན། སེམས་ཅན་ལ་ལ་ཞིག་གིས་དེ་བཞིན་གཤེགས་པ་མཐོང་ངམ་ཐོས་ཀྱང་ལས་ཀྱི་སྒྲིབ་པས་ཀུན་ནས་བསྐོར་བའི་ཕྱིར། དེ་བཞིན་གཤེགས་པ་ལ་མ་དད་པ་ཞིག་བྱས་ན་ཡང་། དེ་དག་གིས་མཐོང་བའི་དགེ་བའི་རྩ་བ་དེ་ནི་ཡོངས་སུ་མྱ་ངན་འདས་པའི་བར་དུ་དོན་ཡོད་དོ་ཞེས་བདག་སྨྲའོ། །ཞེས་དང་། སངས་རྒྱས་བཅོམ་ལྡན་འདས་རྣམས་ནི་ཡོངས་སུ་མྱ་ངན་ལས་འདས་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་ཞིག་ལོན་ཡང་། མཚན་གྱི་ཚིག་ཐོས་པ་ཙམ་གྱིས་བཞུགས་པ་དང་འདྲ་བར་སེམས་ཅན་རྣམས་ཀྱི་ཡོན་ཤིན་ཏུ་

― MR07_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོང་ཞིང་མྱ་ངན་ལས་འདས་ནས་དེ་སྲིད་ཀྱི་ཡུན་རིང་པོ་འདས་ཀྱང་སངས་རྒྱས་ལ་བསྐྱེད་པའི་ཡོན་ཏན་ཟད་པར་མི་འགྱུར་བས་སངས་རྒྱས་ཀྱི་བདག་ཉིད་ཆེ་བ་ནི་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །ཞེས་དང་། དེ་བཞིན་དུ་ཕྱོགས་མཐའ་ཡས་པ་ན་བཞུགས་ཀྱང་འདི་ན་དངོས་སུ་བཞུགས་པ་དང་འདྲ་བར་གསུངས་ཤིང་། ཡང་། སངས་རྒྱས་བཅོམ་ལྡན་འདས་རྣམས་ནི་སྔོན་གྱི་མཐའ་དང་ཕྱི་མའི་མཐར་ཆོས་ཀྱི་དབྱིངས་ལ་གནས་པའི། མཉམ་པའི་བསོད་ནམས་མི་ཟད་པ་དང་ལྡན་པས་མི་ཟད་པའི་བསོད་ནམས་མངའ་བ་སྟེ། སངས་རྒྱས་བཅོམ་ལྡན་འདས་ཀྱི་བདག་ཉིད་ཆེ་བ་ནི་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །ཞེས་སོགས་གསུངས་ཏེ། སངས་རྒྱས་ལ་དུས་དང་ཕྱོགས་ཀྱི་ཉེ་རིང་དུ་འཛིན་པ་ནི། རང་གི་རྣམ་པར་རྟོག་པས་བཟུང་བ་ཙམ་ལས། ཡང་དག་པར་ན་སངས་རྒྱས་ཡེ་ཤེས་ཆོས་ཀྱི་སྐུ་ནམ་མཁའ་ལྟར་མ་སྐྱེས་མ་འགགས་ལ་ཐམས་ཅད་དུ་ཁྱབ་པ་ཡིན་ཞིང་། དེའི་རྒྱུ་མཐུན་པ་སྤྲུལ་པའི་སྐུ་ནི་གདུལ་བྱའི་དབང་གིས་ཉེ་བ་དང་རིང་བ་སྐྱེ་བ་དང་འཇིག་པ་ལྟར་སྣང་བ་ཙམ་ཡིན་པའི་ཕྱིར། སངས་རྒྱས་ཀྱི་མཚན་བཟུང་བ་དང་ཡིད་ལ་དྲན་པའི་མོད་ལ། མདུན་ན་མངོན་

― MR07_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་བཞུགས་པ་དང་འདྲ་བར་སངས་རྒྱས་ཀྱི་བྱིན་གྱིས་བས་ཐོགས་པ་མེད་ཅིང་ཆུད་མི་ཟ་བར་གྱུར་པས་རྗེས་སུ་འཛིན་པར་འགྱུར་བ་ལ་ཡིད་ཆེས་གཏིང་ཚུགས་པར་བྱའོ། །ངེས་པ་དང་མ་ངེས་པར་འགྲོ་བའི་ཕྱག་རྒྱ་ལ་འཇུག་པའི་མདོ་ལས། འཇམ་དཔལ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་ཁ་ཟས་བྱེད་དུ་བཅུག་པ། སྟོང་གསུམ་གྱི་སྟོང་ཆེན་པོ་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་རང་སངས་རྒྱས་རྣམས་ཀྱི་གནས་འཛམ་བུ་ཆུ་བོའི་གསེར་ལས་བྱས་པ། ནོར་བུ་རིན་པོ་ཆེ་གློག་གི་སྒྲོན་མས་སྤྲས་པ། ནོར་བུ་རིན་པོ་ཆེ་སྣང་བ་ཐམས་ཅད་བརྩེགས་པའི་སྟེགས་བུས་བསྐོར་བ། ནོར་བུ་དང་མུ་ཏིག་དང་རིན་པོ་ཆེའི་ཆུན་པོས་མཛེས་པར་བྱས་པ། གདུགས་དང་རྒྱལ་མཚན་དང་བ་དན་བསྒྲེང་བ། ནོར་བུ་རིན་པོ་ཆེ་དབང་གི་རྒྱལ་པོའི་དྲ་བས་བཀབ་པ། དྲིལ་བུ་གཡེར་ཁའི་བླ་རེ་བྲེས་པ། ཙནྡན་སྦྲུལ་གྱི་སྙིང་པོས་བྱུག་པ། མེ་ཏོག་མནྡར་བ་དང་། མནྡར་བ་ཆེན་པོ་དང་། མན་ཛུ་ཥ་ཀ་དང་། མན་ཛུ་ཥ་ཀ་ཆེན་པོ་དང་། སྣ་མའི་མེ་ཏོག་དང་། ཀླུ་ཤིང་གི་མེ་ཏོག་དང་། ཏར་ནི་བ་ར་ན་དང་། གོ་ཏ་ར་ནི་དང་། དྲི་མཆོག་དང་། དྷ་ནུ་སྐ་རི་དང་། ལྷའི་

― MR07_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་མའི་མེ་ཏོག་དང་། ཨུཏྤལ་དང་། པདྨ་དང་། ཀུ་མུ་ད་དང་། པདྨ་དཀར་པོ་དང་། མེ་ཏོག་ཆེན་པོ་རྣམས་བཀྲམ་པ་བྱེད་དུ་བཅུག་སྟེ། རང་སངས་རྒྱས་དེ་དག་ལ་ལྷའི་ཟས་རོ་བརྒྱ་དང་ལྡན་པ་བྱིན་ཅིང་ལྷའི་གོས་དག་ཀྱང་བྱིན་ཏེ། དེ་ལྟར་སྦྱིན་པ་བསྐལ་པ་གངྒའི་ཀླུང་གི་བྱེ་མ་སྙེད་དུ་བྱིན་ལ། རིགས་ཀྱི་བུའམ་རིགས་ཀྱི་བུ་མོ་གཞན་ཞིག་གིས་ནི། སངས་རྒྱས་ཞེས་བྱ་བའམ། ཐམས་ཅད་མཁྱེན་པ་ཞེས་བྱ་བའམ། འཇིག་རྟེན་གྱི་མགོན་པོ་ཞེས་བྱ་བའི་སྒྲ་ཐོས་སམ། རི་མོར་བྲིས་པ་མཐོང་ངམ། གཟུགས་སུ་བྱས་པ་མཐོང་ན་འདི་ནི་དེ་བས་ཆེས་བསོད་ནམས་གྲངས་མེད་པ་སྐྱེད་བར་འགྱུར་ན། གང་སོར་མོ་བཅུའི་ཐལ་མོ་སྦྱར་བ་ལྟ་ཅི་སྨོས་ཏེ། འདི་ནི་དེ་བས་ཆེས་བསོད་ནམས་གྲངས་མེད་པ་སྐྱེད་དོ། །གང་མར་མེའམ། བདུག་པའམ། མེ་ཏོག་གམ། སྤོས་འབུལ་བ་ལྟ་ཅི་སྨོས་ཏེ། ཐ་ན་དེའི་ཡོན་ཏན་བསྔགས་པ་གཅིག་ཙམ་བརྗོད་ན་ཡང་འདི་ནི་དེ་བས་ཆེས་བསོད་ནམས་མང་དུ་སྐྱེད་དོ། །ལོངས་སྤྱོད་ཆེན་པོ་འགྲུབ་པར་བྱེད་ཅིང་མཐར་གྱིས་ཐམས་ཅད་མཁྱེན་པ་ཉིད་དུ་འགྲོ་བར་འགྱུར་རོ། །འཇམ་དཔལ་དཔེར་ན་ཆུའི་ཐིགས་པ་ཆུང་ངུ་རྒྱ་མཚོ་ཆེན་པོར་སོང་བ་ཡང་སྲེག་པའི་བསྐལ་པའི་མེ་མ་

― MR07_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་གི་བར་དུ་བར་མ་དོར་ཡོངས་སུ་ཟད་པར་མི་འགྱུར་རོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་ལ་དགེ་བའི་རྩ་བ་བསྐྱེད་པ་ཇི་ལྟར་ཆུང་བ་ཡང་ཐམས་ཅད་མཁྱེན་པའི་ཡེ་ཤེས་ཀྱི་མེ་མ་བྱུང་གི་བར་དུ་བར་མ་དོར་ཡོངས་སུ་ཟད་པའམ་མཐར་ཐུག་པར་མི་འགྱུར་རོ། །འཇམ་དཔལ་དཔེར་ན་ཟླ་བའི་དཀྱིལ་འཁོར་ནི་ཇི་ལྟར་ཆུང་ཡང་འདི་ལྟ་སྟེ། བོང་དང་ཁྱོན་དང་ཆེ་བས་སྐར་མའི་ཚོགས་ཐམས་ཅད་ཟིལ་གྱིས་མནན་ནས་ལྷང་ངེར་འདུག་ཅིང་ཀུན་དུ་ལྷང་ངེར་འདུག་གོ །འཇམ་དཔལ་དེ་བཞིན་དུ་དེ་བཞིན་གཤེགས་པ་ལ་དགེ་བའི་རྩ་བ་བསྐྱེད་པ་ཇི་ལྟར་ཆུང་བ་ཡང་འདི་ལྟ་སྟེ། མཐོ་བ་དང་ཡངས་པ་དང་ཆེ་བས་དགེ་བའི་རྩ་བ་ཐམས་ཅད་ཟིལ་གྱིས་མནན་ནས་ལྷང་ངེར་འདུག་གོ །འཇམ་དཔལ་དེ་ལྟར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཡོན་ཏན་བསམ་གྱིས་མི་ཁྱབ་པ་དང་ལྡན་ནོ། །ཞེས་དང་། སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས། མཆོད་རྟེན་དང་ནི་རི་མོ་དང་། །སྐུ་གཟུགས་བྱེད་དུ་གཞུག་པ་དང་། །མཆོད་དང་བཀུར་སྟི་བྱ་བའི་ཕྱིར། །གང་དག་མཚན་ནི་དྲན་བྱེད་པ། །བྱང་ཆུབ་ཕྱིར་ནི་གནས་པ་

― MR07_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས། །ཐམས་ཅད་ཐར་པ་ཐོབ་པར་འགྱུར། །ཞེས་དང་། སྙིང་རྗེ་ཆེན་པོའི་པདྨ་དཀར་པོ་ལས། །དེ་ལྟར་སངས་རྒྱས་བསམ་མི་ཁྱབ། །སངས་རྒྱས་ཆོས་ཀྱང་བསམ་མི་ཁྱབ། །བསམ་མི་ཁྱབ་ལ་དད་བྱས་ན། །དེ་ཡི་རྣམ་སྨིན་བསམ་མི་ཁྱབ། །ཅེས་གསུངས་སོ། །ཁང་བུ་བརྩེགས་པའི་མདོ་ལས། ཀུན་དགའ་བོ་གང་ལ་ལ་ཐལ་མོ་སྦྱར་ཏེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་ཕྱག་འཚལ་ལོ་ཕྱག་འཚལ་ལོ་ཞེས་ཕྱག་འཚལ་བར་བྱེད་ན་སེམས་ཅན་དེ་དག་ངས་ཡོངས་སུ་མྱ་ངན་ལས་བཟླས་པ་ཡིན་ནོ། །སེམས་ཅན་དེ་རྣམས་ལ་ནི་ང་ཐུགས་ཁྲལ་ཆུང་བ་ཡིན་ནོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་དེ་བཞིན་གཤེགས་པའི་ཆོས་ཀྱི་དབྱིངས་ནི་ཤིན་ཏུ་རབ་ཏུ་གནས་པ་ཡིན་ནོ། །དེ་ཤིན་ཏུ་རབ་ཏུ་གནས་པའི་ཕྱིར་ཐལ་མོ་སྦྱར་བ་ཡང་ཆུད་ཟ་བར་མི་འགྱུར་ན་སྦྱིན་པ་ལ་སོགས་པ་བྱེད་པ་ལྟ་སྨོས་ཀྱང་ཅི་དགོས། ཞེས་དང་། ཀུན་དགའ་བོ་སངས་རྒྱས་དང་ཆོས་དང་དགེ་འདུན་ལ་དགེ་བའི་རྩ་བ་བསྐྱེད་པ་གསུམ་པོ་འདི་ནི་འཁོར་བར་ཟད་པར་མི་འགྱུར་ཞིང་ཡོངས་སུ་གཏུགས་པར་མི་འགྱུར་ལ། ཟད་མི་ཤེས་པའི་མྱ་

― MR07_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་ལས་འདས་པ་ཐོབ་པར་འགྱུར་བར་བྱེད་པ་ཡིན་ནོ། །ཞེས་སོགས་མདོ་སྡེ་རྣམས་ལས་ཡང་ནས་ཡང་དུ་རྒྱ་ཆེར་གསུངས་ཤིང་། དཔེར་ན་ཟུང་གི་ཆོས་ཀྱི་རྣམ་གྲངས་ལས་གསུངས་པ། སྔོན་མི་ཞིག་མཆོད་སྦྱིན་ལ་བསད་པའི་ཚེ། དེས་འཆི་ཁར་སངས་རྒྱས་ལ་དད་པས་ཕྱག་འཚལ་ལོ་ཞེས་ལན་གཅིག་སྨྲས་པས་དགེ་རྩ་དེ་དག་གིས་བསྐལ་པ་དྲུག་ཅུའི་བར་དུ་སུམ་ཅུ་རྩ་གསུམ་པའི་ལྷར་སྐྱེས། བསྐལ་པ་བརྒྱད་ཅུའི་བར་དུ་ཚེ་རབས་དྲན། སྐྱེ་བ་དང་སྐྱེ་བར་མྱ་ངན་གྱི་ཟུག་རྔུ་ཐམས་ཅད་བྲལ་ལ། སྐྱེས་མ་ཐག་ཏུ་སྡུག་བསྔལ་ཐམས་ཅད་ཟློག་པར་བྱེད་དོ། །ཞེས་དང་། རྒྱ་མཚོའི་ཆུ་སྲིན་གདུག་བའི་ཁ་གདངས་པས་འཇིགས་ནས་ཚོང་པ་དག་གིས་སངས་རྒྱས་ཀྱི་མཚན་བརྗོད་པའི་སྒྲ་ཙམ་ཐོས་པས་ཉ་མིད་དེ་ཁ་ཟུམ་ནས་བདེ་བར་ཚེ་འཕོས་ཏེ། དགྲ་བཅོམ་ཆོས་སྲེད་དུ་སྐྱེས་པ་དང་། སངས་རྒྱས་ལ་དད་པ་བུ་མོ་མུ་ཏིག་ཅན་དུ་སྐྱེས་ནས་རྟེན་དེ་ལ་བདེན་པར་མཐོང་བའི་ལོ་རྒྱུས་མདོ་ལས་གསུངས་པ་ལ་སོགས་པ་བཞིན་དུ་ཤེས་པར་བྱའོ། །བྱང་ཆུབ་སེམས་དཔའི་མཚན་ཅི་རིགས་མདོ་ལས་བཏུས་ཏེ་བཀོད་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། སྤྱན་རས་གཟིགས་དབང་

― MR07_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་དང་། ཕྱག་ན་རྡོ་རྗེ་དང་བྱམས་པ་དང་ནམ་མཁའི་སྙིང་པོ་དང་། ས་ཡི་སྙིང་པོ་དང་སྒྲིབ་པ་ཐམས་ཅད་རྣམ་པར་སེལ་བ་དང་། ཀུན་ཏུ་བཟང་པོ་རྣམས་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །འཇམ་དཔལ་ལ་སོགས་པ་དཔེ་མེད་པའི་སེམས་དཔའ་དྲུག་ཅུ་ལ་ཕྱག་འཚལ་ལོ། །བཟང་སྐྱོང་ལ་སོགས་པའི་སྐྱེས་བུ་དམ་པ་བཅུ་དྲུག་ལ་ཕྱག་འཚལ་ལོ། །བྱམས་པ་ལ་སོགས་པ་བསྐལ་པ་བཟང་པོའི་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཕྱོགས་བཅུ་དུས་གསུམ་གྱི་བྱང་ཆུབ་སེམས་དཔའ་ཆེན་པོ་ས་བཅུ་པོ་དག་ལ་བཞུགས་པ་གང་ཇི་སྙེད་ཡོད་པ་ཐམས་ཅད་ལ་གུས་པས་ཕྱག་འཚལ་ལོ། །མ་སྐྱེས་དགྲའི་འགྱོད་པ་བསལ་བའི་མདོ་ལས། དེའི་ཚེ་རི་ཞིག་གི་བང་རིམ་གྱི་ངོས་ལ་འཇམ་དཔལ་གཞོན་ནུར་གྱུར་པ་དང་ལྷན་ཅིག་གནས་པའི་སྐྱེས་བུ་དམ་པ་ཉི་ཤུ་རྩ་ལྔ་གསུང་པ་དེ་དག་གི་མཚན་ཚིགས་བཅད་དུ་བསྡེབས་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ནི། །ཀླུ་དཔལ་ཀླུས་བྱིན་དཔལ་འབྱུང་དཔལ་གྱི་སྙིང་། །པདྨ་བླ་མའི་དཔལ་ཞེས་བྱ་བ་དང་། །པདྨ་དཔལ་འབྱུང་དང་ནི་སྐྱེ་བོ་འཛིན། །ས་འཛིན་དང་ནི་ལག་ན་རིན་ཆེན་དང་། །ལག་ན་རིན་ཆེན་ཕྱག་རྒྱ་སེང་གེའི་བློ། །སེང་གེའི་འགྲོས་བསྒྲགས་

― MR07_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་དང་ནམ་མཁའ་མཛོད། །སེམས་བསྐྱེད་མོད་ལ་ཆོས་ཀྱི་འཁོར་ལོས་སྒྱུར། །ཚིག་རབ་ཐ་དད་ཐམས་ཅད་སྤོབས་པ་དང་། །སྤོབས་པའི་ཕུང་པོ་བློ་གྲོས་རྒྱ་མཚོ་དང་། །ལྷུན་པོ་ཆེན་པོ་དང་ནི་མཐོང་ན་དགའ། །རབ་ཏུ་དགའ་བའི་རྒྱལ་པོ་མཐའ་ཡས་མཐོང་། །མཐའ་ཡས་དམིགས་པར་གནས་པ་ཞེས་བྱ་དང་། །བདུད་ཀྱི་ལྟ་བ་ཡང་དག་འཇོམས་པ་དང་། །མྱ་ངན་མེད་བྱིན་དོན་རྣམས་ཐམས་ཅད་གྲུབ། །དེ་དག་རྣམས་ལ་གུས་པས་ཕྱག་འཚལ་ལོ། །དེའི་ཚེ་འཇམ་དཔལ་གྱི་དྲུང་ན་འདུག་པ་དགའ་ལྡན་གྱི་ལྷའི་བུ་བཞིའི་མཚན་ནི། །ལྷའི་བུ་ཀུན་ནས་མེ་ཏོག་ཅེས་བྱ་དང་། །མེ་ཏོག་མནྡ་ར་བའི་དྲི་དང་ནི། །ཆོས་ལ་གནས་པར་རྟག་ཏུ་བརྩོན་པ་དང་། །མེ་ཏོག་འོད་ཟེར་ཅན་ལ་ཕྱག་འཚལ་ལོ། །དྲིན་ལན་བསབ་པའི་མདོ་ལས་གསུངས་པ། དེ་བཞིན་གཤེགས་པའི་འོད་ཟེར་ཆེན་པོས་ཕོག་པ་ལས་འཁོར་དེར་འདུས་པའི་བྱང་ཆུབ་སེམས་དཔའ་བདུན་ཅུའི་མཚན་ཚིགས་བཅད་དུ་བསྡེབས་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ནི། །བསམ་གྱིས་མི་ཁྱབ་པ་དང་རྟོག་མེད་དབྱིངས། །བདེ་བ་འབའ་ཞིག་སེམས་དང་དྲི་མེད་གྲགས། །ཚད་མེད་དབྱངས་དང་གྲགས་པ་ཆེན་པོ་དང་། །གཙུག་ཕུད་འོད་དང་བརྟན་པའི་སེང་གེ་དང་། །འབའ་

― MR07_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་རོལ་དང་རྟོག་པ་སྤོང་བ་དང་། །ཡེ་ཤེས་བརྩེགས་དང་དགེ་གནས་བློ་གྲོས་དང་། །རབ་ཏུ་མཚན་མེད་བློ་གྲོས་འོད་ཟེར་དང་། །ཁྲོ་ཞི་བློ་གྲོས་ཀུན་ཏུ་བསྲུང་འགྱུར་དང་། །དད་པ་བཙན་དང་མེ་ཏོག་འཕགས་པར་ནི། །འཕགས་པའི་ཤེས་རབ་ལས་དང་ཀུན་ཏུ་བདེ། །ངོ་འཕྲལ་འཆང་དང་བསམ་དུ་མེད་པ་དང་། །ཚངས་པ་སྦྱིན་དང་རིན་ཆེན་ལས་དང་ནི། །ལྷ་ཡི་མེ་ཏོག་གནས་དང་ཤིན་ཏུ་སེམས། །དཔག་མེད་ཆོས་ཞེས་བྱ་དང་གྲགས་པའི་ཡིད། །སྤོབས་པ་བརྩེགས་པ་དང་ནི་དབང་ཕྱུག་སྒོ། །སྟོབས་བཅུ་དང་ནི་སྟོབས་བཅུ་འཆང་བ་དང་། །འདས་པ་མེད་དང་འཕགས་པ་ཆེན་པོས་སྐྱོང་། །ཞི་བ་རོལ་ཞེས་བྱ་དང་དེ་ན་གནས། །གྲངས་མེད་ལྷ་དང་རི་རབ་འོད་དང་ནི། །རབ་ཏུ་ཞི་བའི་སྡོང་པོ་རྒྱུ་ལས་འཕགས། །གཅིག་པུ་འགྲོ་དང་གཟི་བརྗིད་འཕགས་པ་དང་། །སྡེ་ཆེན་མཁས་པ་དང་ནི་རིས་སྐྱོབ་དང་། །ངོ་འཕྲལ་ཡོད་དང་འཇིག་རྟེན་གསུམ་འཛིན་དང་། །གྲགས་པ་བརྗོད་དང་ཉི་འོད་གསལ་བ་དང་། །སེང་གེ་བཙན་དང་དུས་ཚོད་རྒྱལ་པོ་དང་། །སེང་གེའི་སྙིང་པོ་དང་ནི་སྲིད་མངོན་སྟོན། །འོད་རྒྱང་གསལ་ཞེས་བྱ་དང་སེང་གེའི་རི། །སྲིད་ལེན་སྦྱིན་དང་རྒྱལ་བ་སྦྱིན་པ་དང་། །རྒྱལ་མཚན་མཆོག་

― MR07_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དགའ་མགུ་རངས་དང་ནི། །བརྩོན་འགྲུས་བརྟན་ཞེས་བྱ་དང་འགྲིབ་མེད་དང་། །གྲགས་ལྡན་དང་ནི་འཇིགས་པ་མེད་པ་དང་། །མ་ཆགས་ལྷ་དང་སྒྲོན་མ་ཆེན་པོ་དང་། །འཇིག་རྟེན་འོད་ཅེས་བྱ་དང་དམ་པའི་དབྱངས། །ཐབས་ཆེན་སྟོབས་དང་མུན་ནག་སེལ་བ་དང་། །མཉམ་མེད་ཕྱོགས་ལ་སོགས་པར་གུས་ཕྱག་འཚལ། །མདོ་དེ་ལས། བྱང་ཆུབ་སེམས་དཔའ་བདུན་ཅུ་པོ་འདི་དག་བསྐལ་པ་གྲངས་མེད་ཚད་མེད་པ་ནས་སངས་རྒྱས་ཚད་མེད་པ་བསྙེན་བཀུར་བྱས་གཅིག་མ་དཔེར་མ་ཚང་མཆན། ཏེ་དེ་དག་ལས་ཚངས་པར་སྤྱོད་ཅིང་མཉེས་པར་བྱས་ནས། སངས་རྒྱས་ཀྱི་ཆོས་འཛིན་ཅིང་སྙིང་རྗེ་ཆེན་པོས་ཕྱོགས་བཅུར་ཐམས་ཅད་ལ་ཕན་བདེ་བྱེད་དོ། །སེམས་ཅན་གང་ཞིག་ཐ་མ་ཤི་ཁར་བྱང་ཆུབ་སེམས་དཔའ་དེ་དག་གཅིག་གམ་གཉིས་སམ་གསུམ་མམ་བཞི་ནས་བདུན་ཅུའི་བར་དུ་རྫོགས་པར་ཐོས་ཏེ། དེ་ལ་སྲོག་ཕྱོགས་ཤིང་སྐྱབས་སུ་སོང་ན་ཚེ་འཕོས་མ་ཐག་ཏུ་སངས་རྒྱས་བཞུགས་པའི་ཞིང་དུ་པདྨོ་ལས་བརྫུས་ཏེ་སྐྱེ་ཞིང་འདོད་ཆགས་དང་བྲལ་བ་དང་། མངལ་དུ་མི་སྐྱེ་བ་དང་། མནམ་ཞིང་བརྩོག་པ་དང་བྲལ་ཏེ་ལུས་ཡོངས་སུ་དག་ཅིང་དྲི་ཞིམ་པ་དང་། ཐམས་ཅད་ཀྱི་ཡིད་དུ་འོང་ཞིང་བཀུར་སྟི་བྱེད་པར་འགྱུར་ཞིང་དེས་སེམས་རབ་ཏུ་དགའ་ཞིང་བླ་མེད་བྱང་ཆུབ་ཏུ་

― MR07_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་བསྐྱེད་པ་དང་། ཚུལ་དེས་བྱམས་པ་དང་སྙིང་རྗེ་ཆེན་པོའི་སེམས་དང་། འགྲོ་བ་མ་ལུས་པ་མི་གཏོང་བའི་སེམས་དང་། སེམས་ཅན་ཐམས་ཅད་ཕན་བདེར་འགྱུར་བའི་སེམས་དང་། བདག་གཞན་གྱི་དོན་བྱེད་པའི་སེམས་དང་། སྒྲིབ་པ་དང་བར་ཆད་དུ་འགྱུར་བ་བསལ་བའི་སེམས་དང་། ཉོན་མོངས་པ་ཞི་བར་བྱེད་པའི་སེམས་དང་། དགེ་བའི་བཤེས་གཉེན་ལ་རྟག་ཏུ་བསྙེན་བཀུར་བྱེད་པའི་སེམས་དང་། འདུན་པའི་ཡིད་ཀྱི་ཆོས་ཉན་པའི་སེམས་དང་། མི་བརྗེད་པར་ཡིད་ལ་བྱེད་ཅིང་དོན་བཟང་པོ་གཟུངས་སུ་འཛིན་པའི་སེམས་དང་། ཉུང་ངུ་ཐོས་ལ་དོན་མང་དུ་ཤེས་པའི་སེམས་དང་། མང་དུ་ཐོས་ལ་དོན་མི་ཤེས་པ་མི་འདོད་པའི་སེམས་དང་། ཡང་དག་པ་དང་དེ་བཞིན་ཉིད་ཀྱི་དོན་བདེན་པ་ལ་དད་པའི་སེམས་དང་། སེམས་དེས་ཇི་ལྟར་བསྟན་པ་བཞིན་དུ་རྣལ་འབྱོར་སྤྱོད་པའི་སེམས་དང་། དེས་ཕྱིར་མི་ལྡོག་པའི་སེམས་དང་། སེམས་ཅན་ཐམས་ཅད་ལ་མཉམ་སྙོམས་པ་གཉེན་པོའི་སེམས་སྐྱེ་བར་འགྱུར་རོ། །ཞེས་གསུངས་སོ། །མདོ་སྣ་ཚོགས་ནས་གསུངས་པའི་བྱང་ཆུབ་སེམས་དཔའི་མཚན་ཅི་རིགས་པ་ཚིགས་བཅད་དུ་བསྡེབས་པ་ནི། བྱང་ཆུབ་སེམས་

― MR07_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་སེམས་དཔའ་ཆེན་པོ་ནི། །འཇམ་དཔལ་སངས་རྒྱས་དཔལ་དང་ཆོས་དཔལ་དང་། །ནོར་དཔལ་རིན་ཆེན་དཔལ་དང་ཡེ་ཤེས་དཔལ། །མིག་དཔལ་བརྩོན་འགྲུས་དཔལ་དང་བཟང་པོའི་དཔལ། །མཆོག་རབ་དཔལ་དང་ཆོས་འཕགས་དཔལ་དང་ནི། །འོད་དཔལ་པདྨའི་དཔལ་དང་བསོད་ནམས་དཔལ། །རྡོ་རྗེ་དཔལ་དང་རྣམ་པར་སྣང་བའི་དཔལ། །ཟླ་དཔལ་ནམ་མཁའ་དཔལ་དང་ཏོག་གི་དཔལ། །དེ་བཞིན་གཤེགས་པའི་རིགས་སུ་བྱུང་བའི་དཔལ། །མངོན་པར་ཤེས་པའི་དཔལ་དང་མེ་ཏོག་དཔལ། །ཚངས་དཔལ་ཡོན་ཏན་དཔལ་དང་བྱང་ཆུབ་དཔལ། །ཀུན་ནས་སྣང་དཔལ་རྣམས་ལ་ཕྱག་འཚལ་ལོ། །དཔལ་ལྡན་ཡོན་ཏན་ལྡན་པ་བློ་དང་ལྡན། །དགའ་ལྡན་ཁྲེལ་ལྡན་སྟོབས་ལྡན་བརྩོན་འགྲུས་ལྡན། །རིག་པ་དང་ལྡན་བློ་གྲོས་ལྡན་པ་དང་། །ཡེ་ཤེས་ལྡན་པ་རྣམས་ལ་ཕྱག་འཚལ་ལོ། །ཀུན་ཏུ་བཟང་པོ་ཀུན་སྣང་ཀུན་ཏུ་མིག །ཀུན་ཏུ་བློ་དང་ཀུན་ཏུ་མི་སྐྱོ་བ། །ཀུན་ཏུ་འཕྲུལ་དང་ཀུན་ཏུ་འོད་དང་ནི། །ཀུན་ཏུ་དཔའ་བ་དང་ནི་ཀུན་ཏུ་མཐོང་། །ཀུན་ཏུ་ཤེས་རབ་དང་ནི་ཀུན་ཏུ་དཔལ། །ཀུན་ཏུ་མེ་ཏོག་རྣམས་ལ་ཕྱག་འཚལ་ལོ། །ལག་བཟང་ཡིད་བཟང་དཔལ་བཟང་དབང་པོ་བཟང་། །

― MR07_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་བཟང་ནོར་བཟང་བློ་གྲོས་བཟང་པོ་དང་། །ཚུལ་བཟང་སེམས་བཟང་དེད་དཔོན་བཟང་པོ་དང་། །ཟླ་བ་བཟང་པོ་ཙནྡན་བཟང་པོ་དང་། །ཡིད་འོང་བཟང་པོ་བརྟུལ་ཞུགས་བཟང་པོ་དང་། །རིན་ཆེན་བཟང་པོ་རྣམས་ལ་ཕྱག་འཚལ་ལོ། །གཡུལ་ལས་རྒྱལ་བ་རྣམ་རྒྱལ་སྤོབས་པ་དང་། །རྣམ་རྒྱལ་ཕུང་པོ་དང་ནི་རྒྱལ་བས་བྱིན། །བདུད་ཀྱི་སྒྲིབ་པ་ཀུན་ལས་རྣམ་རྒྱལ་དང་། །རྣམ་རྒྱལ་གཙུག་ཏོར་རྣམས་ལ་ཕྱག་འཚལ་ལོ། །རིན་ཆེན་མཆོག་དང་མཆོག་ཏུ་གྱུར་པ་དང་། །རིག་པ་མཆོག་དང་ཟླ་བའི་མཆོག་དང་ནི། །བདེ་བའི་མཆོག་དང་འཛིན་མཆོག་ཀུན་གྱི་མཆོག །སེམས་ཅན་ཀུན་མཆོག་རྣམས་ལ་ཕྱག་འཚལ་ལོ། །བློ་གྲོས་ཆེན་པོ་མཐུ་ཆེན་ཐོབ་པ་དང་། །སྤྲོ་བ་ཆེན་པོ་རི་རབ་ཆེན་པོ་དང་། །སྤོབས་པ་ཆེན་པོ་སྤོས་ཀྱི་གླང་པོ་ཆེ། །བརྩོན་འགྲུས་ཆེན་པོ་སྒྲོན་མ་ཆེན་པོ་དང་། །དད་པ་ཆེན་པོ་དང་ནི་སྟོབས་པོ་ཆེ། །གཟི་བརྗིད་ཆེན་པོ་རྣམས་ལ་ཕྱག་འཚལ་ལོ། །ཡེ་ཤེས་བླ་མའི་ཡེ་ཤེས་ཅན་དང་ནི། །རིན་ཆེན་བླ་མའི་ཡེ་ཤེས་ཅན་ཞེས་དང་། །ཐམས་ཅད་སྐད་ཤེས་པ་ཡི་ཡེ་ཤེས་ཅན། །ཐོགས་མེད་ཡེ་ཤེས་རྡོ་རྗེའི་ཡེ་ཤེས་ཅན། །རྡུལ་མེད་ཡེ་ཤེས་རྣམ་སྣང་ཡེ་

― MR07_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཅན། །ཉི་མའི་བླ་མའི་ཡེ་ཤེས་ཅན་དང་ནི། །དེ་བཞིན་ཟླ་བའི་བླ་མའི་ཡེ་ཤེས་ཅན། །དྲི་མེད་བླ་མའི་ཡེ་ཤེས་ཅན་དང་ནི། །མེ་ཏོག་བླ་མའི་ཡེ་ཤེས་ཞེས་བྱ་དང་། །ཡེ་ཤེས་འོད་ཟེར་རྣམས་ལ་ཕྱག་འཚལ་ལོ། །ནམ་མཁའི་སྙིང་པོ་ས་ཡི་སྙིང་པོ་དང་། །ཉི་མའི་སྙིང་པོ་ཟླ་བའི་སྙིང་པོ་དང་། །རྡོ་རྗེ་སྙིང་པོ་རི་ཡི་སྙིང་པོ་དང་། །ལྷ་ཡི་སྙིང་པོ་ཡིད་འོང་དཔལ་སྙིང་པོ། །པདྨའི་སྙིང་པོ་ཨུཏྤལ་སྙིང་པོ་དང་། །བདེ་གཤེགས་སྙིང་པོ་ཡེ་ཤེས་སྙིང་པོ་དང་། །བསོད་ནམས་དཔལ་གྱི་སྙིང་པོ་དཔལ་ལྷའི་སྙིང་། །ཆོས་ཀྱི་ཕྱག་རྒྱའི་སྙིང་པོ་ཀུན་སྙིང་པོ། །ཏིང་འཛིན་སྙིང་པོ་སྤྲིན་ཆེན་སྙིང་པོ་དང་། །སྣང་བའི་སྙིང་པོ་རིན་ཆེན་སྙིང་པོ་དང་། །པདྨོ་དཔལ་སྙིང་དཔལ་གྱི་སྙིང་པོ་དང་། །གཙང་མའི་སྙིང་པོ་དྲི་མེད་སྙིང་པོ་དང་། །ཙནྡན་དཔལ་སྙིང་ཡོན་ཏན་དཔལ་སྙིང་པོ། །མེ་ཏོག་རྒྱས་པའི་དཔལ་གྱི་སྙིང་པོ་དང་། །སྒྲིབ་མེད་རྣམ་དག་ཡེ་ཤེས་དཔལ་སྙིང་པོ། །སྤོབས་པ་སྣ་ཚོགས་རྒྱན་ཆའི་སྙིང་པོ་དང་། །འོད་ཟེར་དྲ་བ་ཆེན་པོ་རབ་སྣང་སྙིང་། །དྲི་མེད་དཔལ་གཟི་བཟང་པོའི་སྙིང་པོ་དང་། །སྐར་མའི་རྒྱལ་པོ་འོད་རབ་སྣང་སྙིང་པོ། །མཁའ་མཛོད་ཡེ་ཤེས་སྒྲིབ་མེད་སྙིང་པོ་དང་། །ཡོན་ཏན་ཐམས་ཅད་

― MR07_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་དག་སྙིང་པོ་དང་། །རྣམ་པར་སྣང་བར་མཛད་པའི་སྙིང་པོ་དང་། །སེམས་ཅན་སྙིང་པོ་མཐུ་ཆེན་དཔལ་གྱི་སྙིང་། །དེ་བཞིན་གཤེགས་པའི་སྙིང་པོ་རྣམས་ཕྱག་འཚལ། །བློ་གྲོས་མི་ཟད་བློ་གྲོས་རྒྱ་མཚོ་དང་། །མཐའ་ཡས་བློ་གྲོས་ནོར་གྱི་བློ་གྲོས་དང་། །ཁྱད་པར་བློ་གྲོས་འཕེལ་བའི་བློ་གྲོས་དང་། །དོན་གྲུབ་བློ་གྲོས་སྨོན་ལམ་བློ་གྲོས་དང་། །ཞི་བའི་བློ་གྲོས་བློ་གྲོས་རྣམ་དག་དང་། །རྡོ་རྗེ་བློ་གྲོས་དམིགས་མེད་བློ་གྲོས་དང་། །བློ་གྲོས་རབ་བརྟན་ཆོས་ཀྱི་བློ་གྲོས་དང་། །ཐམས་ཅད་བློ་གྲོས་དཔལ་གྱི་བློ་གྲོས་དང་། །ཡོན་ཏན་བློ་གྲོས་བརྩོན་འགྲུས་བློ་གྲོས་དང་། །དགེ་བའི་བློ་གྲོས་ཡེ་ཤེས་བློ་གྲོས་དང་། །ལེགས་གནས་བློ་གྲོས་དཔེ་མེད་བློ་གྲོས་དང་། །བློ་གྲོས་རབ་གནས་ནམ་མཁའི་བློ་གྲོས་དང་། །སྤྱོད་པའི་བློ་གྲོས་བློ་གྲོས་རྒྱུན་མི་འཆད། །བདེན་པའི་བློ་གྲོས་མཆོག་གི་བློ་གྲོས་དང་། །དམ་པའི་བློ་གྲོས་དོན་དམིགས་བློ་གྲོས་དང་། །བློ་གྲོས་ཚད་མེད་རྣམས་ལ་ཕྱག་འཚལ་ལོ། །སྤོབས་པ་མི་ཟད་པ་དང་མཛོད་མི་ཟད། །བསོད་ནམས་མི་ཟད་ཡེ་ཤེས་མི་ཟད་པ། །ཆོས་དབྱིངས་མི་ཟད་དམ་པ་མཆོག་དང་ནི། །ཡོན་ཏན་མི་ཟད་རྣམས་ལ་ཕྱག་འཚལ་ལོ། །དྲི་མེད་གྲགས་

― MR07_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྤྲིན་ཆེན་གྲགས་དགའ་དང་། །སྤྲིན་ཆེན་གྲགས་པ་མཐའ་མེད་སྟོན་དང་ནི། །གྲགས་བཟང་འཇིག་རྟེན་གྲགས་པ་ཀུན་ནས་གྲགས། །གྲགས་ཆེན་གྲགས་པ་མཐའ་ཡས་གྲགས་པའི་འགྲོ། གྲགས་པའི་དྲི་བྲལ་དང་ནི་གྲགས་པ་འདྲེན། །གྲགས་ལྡན་རྣམས་ལ་གུས་པས་ཕྱག་འཚལ་ལོ། །སེང་གེ་ཡེ་ཤེས་སེང་གེའི་རྩལ་གྱིས་འགྲོ། སེང་གེའི་འགྲོས་སུ་འགྲོ་དང་སེང་གེའི་བློ། །སེང་གེའི་ང་རོ་སེང་གེ་རྣམ་པར་བསྒྱིངས། །སེང་གེ་རྣམ་པར་རྩེ་བ་སེང་གེའི་སྒྲ། །སེང་གེ་བྱེད་དང་སེང་གེ་རྣམ་རོལ་དང། །སེང་གེ་སྒྲ་སྒྲོགས་རྣམས་ལ་ཕྱག་འཚལ་ལོ། །ཞི་བའི་སྒྲ་དང་ཆགས་པ་མེད་པའི་སྒྲ། །ས་ཡི་དབྱངས་སྒྲ་རྒྱ་མཚོའི་དབྱངས་སྒྲ་དང་། །སྤྲིན་གྱི་དབྱངས་སྒྲ་ཆོས་སྣང་བ་ཡི་སྒྲ། །དགེ་རྩ་ཐམས་ཅད་ངེས་པར་བསྒྲགས་པའི་སྒྲ། །སྔོན་གྱི་སྨོན་ལམ་ཡང་དག་བསྐུལ་བའི་སྒྲ། །བདུད་ཀྱི་དཀྱིལ་འཁོར་ཐམས་ཅད་ཀྱི་དབྱངས་སྒྲ། །སེང་གེའི་རྩལ་གྱིས་མངོན་པར་བསྒྲགས་པའི་སྒྲ། །ནམ་མཁའི་དབྱངས་སྒྲ་རྣམས་ལ་ཕྱག་འཚལ་ལོ། །ཚངས་དབྱངས་རྒྱ་མཚོའི་དབྱངས་དང་འཇམ་པའི་དབྱངས། །འཇིག་རྟེན་དཔའ་བོའི་དབྱངས་དང་རི་དབང་དབྱངས། །

― MR07_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

རི་དབང་རྒྱལ་པོ་ཀུན་ཏུ་རྡོབ་པའི་དབྱངས། །ས་ངེས་སྒྲོགས་པའི་དབྱངས་དང་དབྱངས་ཟབ་དང་། །ཆོས་དབྱིངས་རྒྱས་པར་འགེངས་པའི་དབྱངས་དང་ནི། །ཆོས་ཀྱི་རྒྱ་མཚོ་ཐམས་ཅད་བསྒྲགས་པའི་དབྱངས། །བདུད་ཀྱི་དཀྱིལ་འཁོར་ཐམས་ཅད་རབ་འཇོམས་དབྱངས། །བརྩེ་ཆེན་ཚུལ་གྱིས་འབྲུག་སྒྲ་ངེས་བསྒྲགས་དབྱངས། །འགྲོ་ཀུན་སྡུག་བསྔལ་རབ་ཞིའི་སྒྲ་དབྱངས་དང་། །སང་སང་པོ་ཡི་དབྱངས་དང་སྒྲ་དབྱངས་བསྒྲགས། །སེང་གེ་ལྟ་བུར་རྣམ་གནོན་མངོན་བསྒྲགས་དབྱངས། །ཆོས་ཀྱི་རྔ་སྒྲའི་དབྱངས་ལ་ཕྱག་འཚལ་ལོ། །སེམས་མཆོག་བསྐྱེད་མ་ཐག་ཏུ་ཆོས་འཁོར་བསྐོར། །སྒྲིབ་པ་མེད་པར་ཆོས་ཀྱི་འཁོར་ལོ་བསྐོར། །ཐོགས་པ་མེད་པར་ཆོས་ཀྱི་འཁོར་ལོ་བསྐོར། །རྟག་ཏུ་ཆོས་འཁོར་བསྐོར་ལ་ཕྱག་འཚལ་ལོ། །དྲྭ་བ་ཅན་འོད་གཞོན་ནུར་གྱུར་པ་དང་། །ལྷུན་པོའི་རྩེ་འཛིན་གཞོན་ནུར་གྱུར་པ་དང་། །ཆུ་ལྷའི་བློ་གྲོས་གཞོན་ནུར་གྱུར་པ་དང་། །བཟང་པོའི་བློ་གྲོས་གཞོན་ནུར་གྱུར་པ་དང་། །རྒྱལ་བའི་བློ་གྲོས་གཞོན་ནུར་གྱུར་པ་དང་། །འོད་ཀྱི་བློ་གྲོས་གཞོན་ནུར་གྱུར་པ་དང་། །ནམ་མཁའི་བློ་གྲོས་གཞོན་ནུར་གྱུར་པ་དང་། །གློག་གི་བློ་གྲོས་་

― MR07_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

གཞོན་ནུར་གྱུར་པ་དང་། །ཐུབ་པར་དཀའ་བ་གཞོན་ནུར་གྱུར་པ་དང་། །ཆུ་ལྷ་གཞོན་ནུ་དྲི་མེད་གཞོན་ནུ་དང་། །ཤིན་ཏུ་རྣམ་ཕྱེ་བློ་གྲོས་གཞོན་ནུ་དང་། །ཟླ་འོད་གཞོན་ནུར་གྱུར་པ་ཞེས་བྱ་དང་། །གཞོན་ནུར་གནས་དང་གཞོན་ནུ་བཟང་པོ་དང་། །རྟག་པར་གཞོན་ནུ་རྣམས་ལ་ཕྱག་འཚལ་ལོ། །ཆོས་དབྱིངས་ནོར་བུ་སྣང་བའི་ཅོད་པན་དང་། །བྱང་ཆུབ་སྙིང་པོའི་ནོར་བུའི་ཅོད་པན་དང་། །སངས་རྒྱས་ཀུན་འབྱུང་སྙིང་པོའི་ཅོད་པན་དང་། །ཀུན་ནས་རྣམ་པར་སྣང་བའི་ཅོད་པན་དང་། །རྒྱལ་ཀུན་སེང་གེའི་གདན་གཡོགས་ཅོད་པན་དང་། །མཁའ་ལྟར་ཆོས་དབྱིངས་ཀུན་སྣང་ཅོད་པན་དང་། །ལྷ་ཡི་ཅོད་པན་ཟིལ་མི་གནོན་ཅོད་པན། །འཇིག་རྟེན་ཀུན་འཕགས་ཅོད་པན་རྣམས་ཕྱག་འཚལ། །ཚངས་དབང་གཙུག་ཕུད་ཀླུ་དབང་གཙུག་ཕུད་དང་། །སངས་རྒྱས་ཀུན་གྱི་སྤྲུལ་སྣང་གཙུག་ཕུད་དང་། །བྱང་ཆུབ་སྙིང་པོའི་གཙུག་ཕུད་ཅེས་བྱ་དང་། །དུས་གསུམ་ཀུན་གྱི་འཁོར་ལོའི་དབྱངས་གཙུག་ཕུད། །སྨོན་ལམ་ཀུན་གྱི་རྒྱ་མཚོའི་དབྱངས་ཀྱི་ནི། །ནོར་བུའི་རྒྱལ་པོའི་གཙུག་ཕུད་ཅེས་བྱ་དང་། །བདེ་གཤེགས་ཀུན་གྱི་འོད་ཀྱི་དཀྱིལ་འཁོར་གྱིས། །འགྲོལ་བའི་ནོར་བུ་རིན་ཆེན་བསྒྲགས་གཙུག་ཕུད། །མཁའ་དཀྱིལ་ཐམས་ཅད་

― MR07_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེར་མེད་རྣམ་རིག་པའི། །ནོར་བུ་རིན་ཆེན་བརྒྱན་པའི་གཙུག་ཕུད་དང་། །པདྨོ་རྣམ་གནོན་འོད་ཟེར་གཙུག་ཕུད་དང་། །པདྨོ་སྣ་ཚོགས་གཙུག་ཕུད་རྣམས་ཕྱག་འཚལ། །ལེགས་པར་སྐྱེས་དང་ལེགས་པར་འགྲོ་བ་དང་། །ལེགས་པར་ཕྱིན་དང་ལེགས་པར་མཆོད་པ་དང་། །ལེགས་གཟིགས་དབང་ཕྱུག་དང་ནི་ལེགས་པ་བརྩེགས། །ལེགས་པའི་བློ་གྲོས་རྣམས་ལ་ཕྱག་འཚལ་ལོ། །ལག་ན་རྡོ་རྗེ་ལག་ན་པདྨ་དང་། །ལག་ན་རིན་ཆེན་ལག་ན་སྒྲོན་མེ་དང་། །ལག་ན་ནོར་བུ་ལག་ན་མེ་ཏོག་དང་། །ལག་ན་རིན་ཆེན་ཕྱག་རྒྱ་ལག་བཏེགས་དང་། །ལག་བརྐྱང་པ་དང་ཕྱག་མཉམ་ནམ་མཁའི་ཕྱག །ས་ཡི་ཕྱག་དང་མཐའ་ཡས་ཕྱག་དང་ནི། །ཀུན་ནས་ཕྱག་དང་དྲི་ལྡན་ཕྱག་དང་ནི། །སྣང་བའི་ཕྱག་དེ་རྣམས་ལ་ཕྱག་འཚལ་ལོ། །རིན་ཆེན་སེམས་དང་རིན་ཆེན་འཕགས་པ་དང་། །རིན་ཆེན་བཀྲ་ལྡན་རིན་ཆེན་ཟེ་བ་ཅན། །རིན་ཆེན་ཟླ་བ་རིན་ཆེན་མེ་ཏོག་དང་། །རིན་ཆེན་འཛིན་དང་གཙུག་ན་རིན་པོ་ཆེ། །རིན་ཆེན་དམ་པ་རིན་ཆེན་ཡོན་ཏན་དང་། །རིན་ཆེན་བཀོད་པ་རྣམས་ལ་ཕྱག་འཚལ་ལོ། །ཡིད་བཞིན་རིན་ཆེན་འོད་འཕྲོ་ཞེས་བྱ་དང་། །ཡིད་བཞིན་དང་ནི་ཡིད་བཞིན་ནོར་བུ་འཆང་། །ཡིད་བཞིན་

― MR07_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་འཕྲུལ་པ་སྣ་ཚོགས་པ། །ཡིད་བཞིན་རེ་སྐོང་རྣམས་ལ་ཕྱག་འཚལ་ལོ། །ནོར་བུ་དང་ནི་ནོར་བུ་བཟང་པོ་དང་། །ནོར་བུ་རིན་ཆེན་གདུགས་ཞེས་བྱ་བ་དང་། །གཙུག་ན་ནོར་བུ་ནོར་བུའི་འོད་དང་ནི། །ནོར་བུ་འཛིན་པ་རྣམས་ལ་ཕྱག་འཚལ་ལོ། །འགྲོ་བ་འཛིན་དང་ས་འཛིན་ཤུགས་ཆེན་འཛིན། །གཟུགས་འཛིན་ལམ་འཛིན་ཡེ་ཤེས་སྒྲོན་མ་འཛིན། །འཇིག་རྟེན་འཛིན་དང་བདུད་རྩི་འཛིན་སྟོབས་འཛིན། །སྤྲིན་ཆེན་ཆོས་འཛིན་རྣམས་ལ་ཕྱག་འཚལ་ལོ། །པདྨ་བཀོད་པ་དང་ནི་པདྨའི་མིག །པདྨོ་དམ་པ་མེ་ཏོག་པདྨའི་འོད། །པདྨ་དང་ནི་པདྨ་ལ་གནས་པ། །པདྨ་དཔལ་འབྱུང་རྣམས་ལ་ཕྱག་འཚལ་ལོ། །འཇིག་རྟེན་དབང་ཕྱུག་དངོས་མེད་དབང་ཕྱུག་དང་། །རྣམ་འཇིག་དབང་ཕྱུག་སྒྲ་སྒྲོགས་དབང་ཕྱུག་དང་། །རྔ་ཆེན་དབང་ཕྱུག་སྣ་ཚོགས་སྒྲའི་དབང་ཕྱུག །རྣམ་གཟིགས་དབང་ཕྱུག་རྣམས་ལ་ཕྱག་འཚལ་ལོ། །ཡོན་ཏན་གཙོ་བོ་ཡོན་ཏན་རིན་ཆེན་འོད། །ཡོན་ཏན་རྒྱ་མཚོ་མཐའ་ཡས་པའི་བློ་གྲོས། །ཡོན་ཏན་རིན་ཆེན་བཀོད་པ་རྒྱ་མཚོའི་བློ། །ཡོན་ཏན་ཟླ་བ་རྣམས་ལ་ཕྱག་འཚལ་ལོ། །དཀོན་མཆོག་འབྱུང་གནས་རིན་ཆེན་འབྱུང་གནས་དང་། །ཡེ་ཤེས་འབྱུང་གནས་ཆོས་ཀྱི་འབྱུང་གནས་དང་། །ཡོན་ཏན་འབྱུང་གནས་དཔལ་གྱི་འབྱུང་གནས་དང་། །བདེ་བའི་འབྱུང་

― MR07_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་རྣམས་ལ་ཕྱག་འཚལ་ལོ། །ནམ་མཁའ་མཛོད་དང་གསེར་གྱི་མཛོད་དང་ནི། །ཡོན་ཏན་མི་ཟད་མཛོད་དང་གཟི་བརྗིད་མཛོད། །བསོད་ནམས་མི་ཟད་མཛོད་དང་ཡེ་ཤེས་མཛོད། །ཆོས་ཀྱི་མཛོད་འཆང་རྣམས་ལ་ཕྱག་འཚལ་ལོ། །རྡོ་རྗེ་མངོན་ཤེས་རྡོ་རྗེའི་སྡེ་དང་ནི། །རྡོ་རྗེ་བྱེད་པ་རྡོ་རྗེ་མཐར་བྱེད་དང་། །རྡོ་རྗེ་དཔུང་བ་རྡོ་རྗེ་བ་དན་དང་། །རྡོ་རྗེ་རྩེ་མོ་རྡོ་རྗེ་བརྩེ་བ་དང་། །རྡོ་རྗེ་མཁྲེགས་པ་རྡོ་རྗེ་ལྟེ་བ་དང་། །རྡོ་རྗེ་མཚོན་ཆ་རྣམས་ལ་ཕྱག་འཚལ་ལོ། །སྣང་བའི་རྒྱལ་མཚན་ལྷུན་པོའི་རྒྱལ་མཚན་དང་། །རིན་ཆེན་རྒྱལ་མཚན་མ་ཆགས་རྒྱལ་མཚན་དང་། །མེ་ཏོག་རྒྱལ་མཚན་དྲི་མེད་རྒྱལ་མཚན་དང་། །ཉི་མའི་རྒྱལ་མཚན་མཛེས་པའི་རྒྱལ་མཚན་དང་། །རྡུལ་མེད་རྒྱལ་མཚན་རྣམ་སྣང་རྒྱལ་མཚན་དང་། །སྐར་མའི་རྒྱལ་མཚན་རྡོ་རྗེ་རྒྱལ་མཚན་དང་། །ཡེ་ཤེས་རྒྱལ་མཚན་དམ་པའི་རྒྱལ་མཚན་དང་། །དཔའ་བའི་རྒྱལ་མཚན་ཆོས་ཀྱི་རྒྱལ་མཚན་དང་། །དཔལ་གྱི་རྒྱལ་མཚན་མར་མེའི་རྒྱལ་མཚན་དང་། །འོད་བཟང་རྒྱལ་མཚན་རྣམས་ལ་ཕྱག་འཚལ་ལོ། །ཡེ་ཤེས་ཏོག་དང་བསོད་ནམས་ཏོག་དང་ནི། །ཆོས་ཀྱི་ཏོག་དག་འོད་ཏོག་མངོན་ཤེས་ཏོག །སེང་གེའི་ཏོག་དང་བློའི་ཚངས་པའི་ཏོག །མེ་ཏོག་ཏོག་དང་ནོར་བུའི་ཏོག་དང་ནི། །དྲི་མེད་

― MR07_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

ཏོག་དང་ཉི་མའི་ཏོག་དང་ནི། །ཟླ་བའི་ཏོག་དང་རིན་པོ་ཆེའི་ཏོག །མཛེས་པའི་ཏོག་དང་རི་བོང་ཅན་གྱི་ཏོག །ཀུན་ནས་སྣང་བའི་ཏོག་ལ་ཕྱག་འཚལ་ལོ། །ཆོས་འཕགས་ཁྱད་པར་འཕགས་དང་ཡེ་ཤེས་འཕགས། །བསོད་ནམས་རི་རབ་འཕགས་དང་གྲགས་པ་འཕགས། །ཡོན་ཏན་མཆོག་རབ་འཕགས་དང་ཀུན་སྣང་འཕགས། །བྱམས་ཆེན་འཕགས་དང་ཡེ་ཤེས་སྣང་བ་འཕགས། །དེ་བཞིན་གཤེགས་པའི་གདུང་རིགས་འཕགས་པ་དང་། །སྨན་ནི་ཡང་དག་འཕགས་དང་ཆོས་མངོན་འཕགས། །སྨོན་ལམ་འཕགས་དང་ཁམས་གསུམ་འཕགས་པ་དང་། །ཐམས་ཅད་དུ་འཕགས་རྣམས་ལ་ཕྱག་འཚལ་ལོ། །བློ་གྲོས་རྣམ་གནོན་ཕུང་པོ་རྣམ་པར་གནོན། །སྐྱེ་མཆེད་རྣམ་གནོན་ཁམས་རྣམས་རྣམ་པར་གནོན། །ཆོས་ཀུན་རྣམ་གནོན་རྡོ་རྗེས་རྣམ་པར་གནོན། །མཐའ་ཡས་རྣམ་གནོན་དཔག་མེད་རྣམ་པར་གནོན། །མི་གཡོ་གནས་ཀྱིས་རྣམ་པར་གནོན་པ་དང་། །སྣང་བ་ཐོབ་པས་རྣམ་པར་གནོན་པ་དང་། །རྣམ་གནོན་ཆེན་པོ་རྣམ་གནོན་དཔག་མེད་དང་། །རབ་རྩལ་རྣམ་གནོན་རྣམས་ལ་ཕྱག་འཚལ་ལོ། །ཡེ་ཤེས་རྡོ་རྗེའི་གཟི་བརྗིད་བློ་ཆེན་གཟི། །རིན་ཆེན་གཟི་བརྗིད་ཉི་མའི་གཟི་བརྗིད་དང་། །

― MR07_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བའི་གཟི་བརྗིད་ས་ཡི་གཟི་བརྗིད་དང་། །ཀུན་དཔལ་གཟི་བརྗིད་བསོད་ནམས་རིའི་གཟི་བརྗིད། །ཡེ་ཤེས་སྣང་བའི་གཟི་བརྗིད་གཟི་བརྗིད་སྟོབས། །གཟི་བརྗིད་ཕུང་པོ་དྲི་མེད་གཟི་བརྗིད་དང་། །དགེ་བ་དྲི་མེད་ཡིད་འོང་གཟི་བརྗིད་དང་། །ཀུན་འཕགས་གཟི་བརྗིད་རྣམས་ལ་ཕྱག་འཚལ་ལོ། །གཟུངས་ཀྱི་དབང་ཕྱུག་རྒྱལ་པོ་སྨན་གྱི་རྒྱལ། །ཚོགས་ཅན་རབ་མཆོག་རྒྱལ་པོ་རི་འཇོམས་རྒྱལ། །སྤོབས་པའི་རྒྱལ་པོ་སྤོབས་པའི་རྒྱན་བཀོད་རྒྱལ། །སཱ་ལའི་དབང་རྒྱལ་ཆོས་ཀྱི་དབང་པོའི་རྒྱལ། །གླང་ཆེན་དབང་པོའི་རྒྱལ་དང་ཚངས་དབང་རྒྱལ། །བཀོད་པའི་རྒྱལ་པོ་མངོན་ཤེས་རྒྱལ་པོ་དང་། །དཔལ་བརྩེགས་རྒྱལ་པོ་གསེར་གྱི་རིའི་རྒྱལ་པོ། །རི་དབང་རྒྱལ་པོ་ཚོགས་ཀྱི་དབང་པོའི་རྒྱལ། །ལྷ་དབང་རྒྱལ་པོ་ཞི་དབང་རྒྱལ་པོ་དང་། །ཁྱུ་མཆོག་དབང་རྒྱལ་མཆོག་གི་དབང་པོའི་རྒྱལ། །མི་གཡོ་དབང་རྒྱལ་འབྲུག་སྒྲའི་རྒྱལ་པོ་དང་། །ཆོས་ཀྱི་རྒྱལ་པོ་དུས་ཀྱི་རྒྱལ་པོ་དང་། །མཆོག་ཏུ་དགའ་བའི་རྒྱལ་པོ་རྣམ་འཕྲུལ་རྒྱལ། །མཚན་གྱིས་བརྒྱན་པ་སྐར་མའི་རྒྱལ་པོ་དང་། །བརྩོན་ཤུགས་ཐུབ་པར་དཀའ་བའི་རྒྱལ་པོ་དང་། །འགྲོ་དབང་རྒྱལ་པོ་རྣམས་ལ་ཕྱག་འཚལ་ལོ། །འོད་ཟེར་

― MR07_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་མེད་དང་ནི་འོད་མཐའ་ཡས། །འོད་ཆེན་དྲི་མེད་འོད་དང་རིན་ཆེན་འོད། །རྡུལ་མེད་འོད་དང་སྐར་འོད་ཆོས་ཀྱི་འོད། །ཞི་འོད་ཉི་འོད་རྣམ་པར་སྤྲུལ་པའི་འོད། །ལྷ་འོད་གསེར་འོད་ཟླ་འོད་རྡོ་རྗེའི་འོད། །དྲ་བ་ཅན་འོད་རིན་ཆེན་ཟླ་བའི་འོད། །གློག་གི་འོད་དང་འོད་ཀྱི་ཕྲེང་བ་དང་། །བསོད་ནམས་འོད་ཟེར་དང་ནི་གཞོན་ནུ་འོད། །ཉི་ཟླའི་འོད་ཟེར་མོག་པོར་བྱེད་པའི་འོད། །སྤོས་ཀྱི་འོད་ཟེར་རབ་ཏུ་འགྱེད་པ་དང་། །དཔལ་གྱི་འོད་ཟེར་ཀུན་ཏུ་འོད་འཕྲོ་དང་། །འོད་ཟེར་ཀུན་འབྱུང་རྣམས་ལ་ཕྱག་འཚལ་ལོ། །ཤེས་རབ་བརྩེགས་པ་སྤོབས་པ་བརྩེགས་པ་དང་། །ལྷུན་པོ་བརྩེགས་དང་ནོར་བུ་བརྩེགས་པ་དང་། །དཔལ་བརྩེགས་ཆགས་མེད་མི་འཇིགས་བརྩེགས་པ་དང་། །རིན་ཆེན་བརྩེགས་པ་རྣམས་ལ་ཕྱག་འཚལ་ལོ། །བརྩོན་འགྲུས་འབར་དང་གཟི་བརྗིད་འོད་འབར་དང་། །འོད་འཕྲོ་དཔལ་མངོན་འབར་དང་ལག་འོད་འབར། །ཤིན་ཏུ་སྦྱངས་པའི་འོད་ཀྱི་གཟི་བརྗིད་འབར། །རྒྱ་ཆེན་འོད་འབར་རྣམས་ལ་ཕྱག་འཚལ་ལོ། །གཟུགས་མཛེས་བཀོད་པ་དང་ནི་སྤྱན་མཛེས་དང་། །མཛེས་པའི་འགྲོས་དང་སྐུ་མཛེས་སྐྲ་མཛེས་དང་། །དུས་ཀྱི་མེ་ཏོག་རྣམ་པར་འཛེས་པའི་འོད། །བལྟ་ན་

― MR07_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་པ་རྣམས་ལ་ཕྱག་འཚལ་ལོ། །རྡོ་རྗེའི་མིག་དང་ཀུན་ཏུ་ལྟ་བའི་མིག །ནམ་མཁའི་མིག་དང་ཉི་མའི་མིག་དང་ནི། །ཀུན་ནས་མིག་དང་དྲི་མ་མེད་པའི་མིག །རྣམ་པར་དག་པའི་མིག་དང་མ་ཆགས་མིག །རྣམ་པར་ལྟ་བའི་མིག་དང་རིན་ཆེན་མིག །ཡེ་ཤེས་ཤིན་ཏུ་རྣོ་བའི་མིག་དང་ནི། །མིག་འཕྲུལ་ཅན་ཞེས་བྱ་དང་ཆོས་ཀྱི་མིག །རྣམ་པར་སངས་པའི་མིག་ཅེས་བྱ་བ་དང་། །སྤྱན་རས་གཟིགས་དང་སྤྱན་ནི་རྣམ་པར་དག །སྤྱན་བཟང་འོད་ཟེར་རྣམས་ལ་ཕྱག་འཚལ་ལོ། །ཤིན་ཏུ་མཐོ་གསལ་དང་ནི་བློ་གསལ་དང་། །ཉི་འོད་གསལ་དང་འོད་རྒྱང་གསལ་བ་དང་། །ཀུན་ནས་གསལ་བ་དང་ནི་གསལ་བ་ཆེ། །གཟི་བརྗིད་འོད་གསལ་རྣམས་ལ་ཕྱག་འཚལ་ལོ། །རྣམ་པར་སྣང་བྱེད་བཀོད་པའི་རྒྱལ་པོ་སྣང་། །ཡོན་ཏན་རྒྱལ་པོ་སྣང་དང་རབ་ཏུ་སྣང་། །ཉི་ལྟར་སྣང་བྱེད་ཟླ་ལྟར་སྣང་བྱེད་དང་། །ཉི་མ་རབ་སྣང་དང་ནི་སྣང་འཛིན་དང་། །ཟླ་བ་ཀུན་སྣང་རྣམས་ལ་ཕྱག་འཚལ་ལོ། །མཐོང་བ་དོན་ཡོད་གོམ་པ་འདོར་དོན་ཡོད། །རྣམ་གནོན་དོན་ཡོད་དོན་ཡོད་ཞགས་པ་དང་། །ཀུན་ཏུ་དོན་ཡོད་པ་དང་དོན་ཡོད་སྟོབས། །དོན་ཡོད་གྲགས་པ་རྣམས་ལ་ཕྱག་འཚལ་ལོ། །མི་གཡོ་མི་འཇིགས་

― MR07_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་མཛད་རྣམ་མི་རྟོག །ཐམས་ཅད་མི་ལེན་མི་འདོར་བསམ་མི་ཁྱབ། །རྣམ་ཐར་བསམ་མི་ཁྱབ་ལ་ཡང་དག་ཞུགས། །ཕྱིར་མི་ལྡོག་པ་རྣམས་ལ་ཕྱག་འཚལ་ལོ། །སྒྲིབ་པ་ཐམས་ཅད་རྣམ་པར་སེལ་བ་དང་། །འཇིགས་པ་ཀུན་སེལ་དང་ནི་ངན་སོང་སེལ། །མུན་པ་ཐམས་ཅད་རྣམ་པར་སེལ་བ་དང་། །ཉོན་མོངས་ནད་སེལ་རྣམས་ལ་ཕྱག་འཚལ་ལོ། །དཔེ་མེད་ཉོན་མོངས་མེད་དང་རྩོམ་པ་མེད། །ཐོགས་མེད་བརྗོད་མེད་གནས་མེད་དམིགས་མེད་དང་། །བག་ཚ་མེད་པར་གནས་དང་འོད་ཐོགས་མེད། །བླ་མེད་མཉམ་མེད་རྣམས་ལ་ཕྱག་འཚལ་ལོ། །གཟུངས་ཀྱི་སྙིང་པོ་གཟུངས་ཀྱི་རྒྱལ་པོ་དང་། །གཟུངས་ཀྱི་བློ་གྲོས་མཐའ་ཡས་གཟུངས་དང་ནི། །སྣ་ཚོགས་གཟུངས་ཀྱི་སྒོ་དང་ལྡན་པ་ཡི། །གཟུངས་ཀྱི་མངའ་བདག་རྣམས་ལ་ཕྱག་འཚལ་ལོ། །མྱུར་སྤོབས་སྤོབས་པ་ཐོགས་མེད་སྤོབས་པ་བཞད། །སྤོབས་པ་རྣོན་པོ་སྤོབས་པ་ཟབ་མོ་དང་། །སྤོབས་པ་མཐའ་ཡས་སྤོབས་པ་དཔག་མེད་དང་། །སྤོབས་པ་དཔའ་བོ་རྣམས་ལ་ཕྱག་འཚལ་ལོ། །ཆགས་མེད་བློ་དང་ཡེ་ཤེས་ལྷུན་པོའི་བློ། །དྲི་མེད་བློ་དང་ཡངས་བློ་ཀུན་སྣང་བློ། །སད་པའི་བློ་དང་དུས་གསུམ་སྣང་བའི་བློ། །བླ་མའི་བློ་

― MR07_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཆོས་དབྱིངས་ཚུལ་སྣང་བློ། །སྨོན་ལམ་ཁྱད་པར་བློ་དང་རིན་ཆེན་བློ། །རྣམ་སངས་རྒྱས་བློ་རྣམས་ལ་ཕྱག་འཚལ་ལོ། །གྲུབ་པ་དང་ནི་དོན་ཀུན་གྲུབ་པ་དང་། །འགྲོ་བ་གྲུབ་དང་གྲུབ་པ་བཟང་པོ་དང་། །གྲུབ་པའི་བློ་གྲོས་སྨོན་ལམ་གྲུབ་པ་དང་། །ཡང་དག་གྲུབ་པ་རྣམས་ལ་ཕྱག་འཚལ་ལོ། །སྨོན་ལམ་སྤྱོད་པ་ཕུན་སུམ་ཚོགས་པ་དང་། །ཕུན་སུམ་ཚོགས་དང་ཕུན་ཚོགས་བློ་གྲོས་དང་། །ཡེ་ཤེས་ཕུན་སུམ་ཚོགས་པའི་སྙིང་པོ་དང་། །ཕུན་ཚོགས་འབྱུང་གནས་རྣམས་ལ་ཕྱག་འཚལ་ལོ། །ཤིན་ཏུ་བདེ་བར་གནས་དང་བདེ་བྱེད་དང་། །བདེ་བའི་མུ་ཁྱུད་བདེ་བ་སྦྱིན་པ་དང་། །ཀུན་ཏུ་བདེ་དང་བདེ་བ་འབའ་ཞིག་སེམས། །དགའ་བདེ་ཀུན་འབྱུང་རྣམས་ལ་ཕྱག་འཚལ་ལོ། །མཉམ་ཉིད་གནས་དང་མཐའ་ཡས་དམིགས་པར་གནས། །ལྷའི་མེ་ཏོག་གནས་དང་དེ་ན་གནས། །ཇི་སྐད་སྨྲས་པ་དེ་བཞིན་བྱེད་ལ་གནས། །རྟག་ཏུ་བརྩོན་པས་ཆོས་ལ་གནས་པ་དང་། །ཐམས་ཅད་ཆོས་ལ་བག་ཚ་མེད་པར་གནས། །མཉམ་པར་གནས་པ་རྣམས་ལ་ཕྱག་འཚལ་ལོ། །བཀོད་པ་མཐའ་ཡས་ཤིན་ཏུ་འོད་བཀོད་དང་། །གསེར་འོད་ཆེ་བཀོད་ཆོས་བཀོད་བཀོད་པའི་རྒྱལ། །དབྱངས་བཀོད་དམ་པའི་མཚན་བཀོད་རྒྱལ་པོའི་བློ། །བཀོད་ཆེན་བློ་གྲོས་

― MR07_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་ཕྱག་འཚལ་ལོ། །ཚངས་པ་ཁྱད་པར་སེམས་དང་དོན་རབ་སེམས། །བསམ་པ་ལེགས་སེམས་སེམས་པའི་བློ་གྲོས་དང་། །སེམས་མཉམ་སེམས་དཔའ་བ་དང་སེམས་མཁའ་འདྲ། །ཡོངས་སུ་མི་སྐྱོ་སེམས་ལ་ཕྱག་འཚལ་ལོ། །དགའ་བྱེད་མཐོང་ན་དགའ་དང་ཀླུ་དགའ་དང་། །རྟག་ཏུ་རབ་དགའ་དང་ནི་དགའ་སྲེད་དང་། །དགའ་བས་བྱིན་དང་དགའ་མགུ་རངས་བ་དང་། །རྟག་ཏུ་དགོད་ཅིང་རབ་དགའི་དབང་པོ་དང་། །དགའ་བའི་སྟོབས་དང་འཕགས་པར་དགའ་བ་དང་། །དགའ་དང་སྤྱོད་ལམ་སྟོན་ལ་ཕྱག་འཚལ་ལོ། །གདུང་བ་ཐམས་ཅད་རབ་ཏུ་ཞི་ལྡན་དང་། །མྱ་ངན་མུན་པ་ཐམས་ཅད་འཇོམས་པ་དང་། །ཀུན་ནས་སྡང་བ་ཐམས་ཅད་སེལ་བ་དང་། །ཐམས་ཅད་ཆོས་ཀྱིས་ཚིམ་བྱེད་རྣམས་ཕྱག་འཚལ། །ཐམས་ཅད་ཆོས་ལ་དབང་བསྒྱུར་ཆོས་ཀྱི་ཆར། །ཆོས་ཀྱི་ཉི་མ་དང་ནི་ཆོས་འབྱུང་དང་། །ཆོས་ཀྱི་སྒྲོན་མ་དང་ནི་ཆོས་ཀྱི་སྤྲིན། །ཆོས་ཀྱི་དབང་ཕྱུག་རྣམས་ལ་ཕྱག་འཚལ་ལོ། །ཆོས་དབྱིངས་སྨོན་ལམ་གཞི་རབ་རྟོགས་པ་དང་། །རྟོགས་པ་དང་ནི་རྟོགས་པ་དྲི་མ་མེད། །རྟོགས་པའི་དཔལ་དང་ཡང་དག་རྟོགས་པ་དང་། །ཆོས་ཀུན་རྟོགས་པ་རྣམས་ལ་ཕྱག་འཚལ་ལོ། །བཀྲ་ཤིས་དང་ནི་

― MR07_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲིན་ཆེན་བཀྲ་ཤིས་དང་། །བཀྲ་ཤིས་བྱེད་དང་བཀྲ་ཤིས་གྲུབ་པ་དང་། །དགའ་བྱེད་བཀྲ་ཤིས་ཐམས་ཅད་འཛིན་པ་དང་། །བཀྲ་ཤིས་འབྱུང་བ་རྣམས་ལ་ཕྱག་འཚལ་ལོ། །དགེ་གནས་བློ་གྲོས་དགེ་བའི་ཚོགས་དང་ནི། །དགེ་རྩ་རྒྱ་མཚོ་ཡང་དག་འཕེལ་བ་དང་། །དགེ་བ་རྒྱས་པའི་འོད་དང་སྣ་ཚོགས་དགེ། དགེ་ལེགས་ཀུན་འབྱུང་རྣམས་ལ་ཕྱག་འཚལ་ལོ། །དེ་དག་ནི་མཚན་གྱི་ཆ་མཐུན་པ་རྣམས་སྡེ་ཚན་དུ་བསྡེབས་པའོ། །སྡེ་ཚན་དུ་མ་ངེས་པ་ཅི་རིགས་བསྡེབས་པ་ནི། །རྒྱལ་ཚབ་བྱམས་པ་བཟང་སྐྱོང་ངན་སོང་སྤོང་། །ཕུག་སྦས་མེས་བྱིན་ཚངས་བྱིན་ལྟ་ན་སྡུག །སྨན་ནི་ཡང་དག་བྱུང་དང་སྨན་སྦྱིན་དང་། །སྨན་གྱི་སྡེ་དང་དཔའ་བོའི་སྡེ་དང་ནི། །དཔལ་སྦས་དཔལ་འབྱུང་མངོན་པར་འབྱུང་དཀའ་དང་། །བདུད་ཆེན་ཕམ་བྱེད་དང་ནི་ལྟད་མོ་ཅན། །ཚོགས་ཆེན་དེས་པ་དེད་དཔོན་སེམས་ཅན་འགྲོལ། །བདེན་སྨྲ་ཡིད་གཉིས་རྣམ་འཇོམས་སྐྱབས་གྲོལ་དང་། །མྱ་ངན་མུན་པ་ཀུན་འཇོམས་སྲེད་མེད་བུ། །ཆུས་བྱིན་དབང་པོས་བྱིན་དང་སའི་སྤྱན་མཆོག །དབུགས་འབྱིན་ཕྱག་དང་གསང་སྤེན་ཡེ་ཤེས་མཐོང་། །གྲོལ་ཐར་རྣམ་གྲོལ་ཟླ་བ་སྨོན་ལམ་རྫོགས། །ཡིད་གཉིས་ཡང་དག་འཇོམས་དང་གོ་ཆ་དང་། །བུད་མེད་

― MR07_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་སྒྱུར་རྡུལ་བྲལ་འཁོར་གསུམ་དང་། །སྤོས་ཀྱི་གླང་པོའི་བལ་གླང་དོན་ཀུན་མཐོང་། །ཞི་བའི་དབང་པོ་ཟབ་མོ་སྤྱོད་པ་དང་། །ལྷ་ཡི་ཕུང་པོ་དྲི་མེད་དྲི་མེད་བཟང་། །སེམས་ཀྱི་རྒྱལ་པོ་མནྡ་ར་བའི་དྲི། །ལྟེ་བའི་སྙིང་པོ་རྟག་ཏུ་ངུ་བ་དང་། །དམིགས་པ་མེད་པའི་བསམ་གཏན་མུན་པ་བྲལ། །བདུད་ཀྱི་སྤྱོད་པའི་ཡུལ་གྱིས་མི་གོས་པ། །གཟི་བརྗིད་གཞན་གྱིས་མི་འཕམ་པ་དང་ནི། །མངོན་ཤེས་མེ་ཏོག་ཀུན་ཏུ་རྒྱས་པ་དང་། །མཚན་གྱི་ཀུན་ཏུ་བརྒྱན་པ་ཞེས་བྱ་དང་། །སྙིང་རྗེ་ཅན་དང་རྟག་ཏུ་སྙིང་བརྩེ་དང་། །ལྷག་བསམ་ཕན་བྱེད་དད་པ་རྣམ་དག་དང་། །དད་པ་དྲི་མེད་བརྩོན་འགྲུས་སྤྲོ་བ་བརྟན། །བརྩོན་མོས་མཁས་བརྩོན་རྟག་ཏུ་བརྩོན་པ་དང་། །དྲན་པའི་རྒྱན་དང་དྲན་པ་མི་ཉམས་པ། །རྟག་ཏུ་ཏིང་འཛིན་ཤེས་རབ་སྤྲོ་བ་དང་། །བྱང་ཆུབ་ཡན་ལག་མངོན་ཤེས་མ་ཉམས་པ། །རབ་ཏུ་ཞི་བར་གནས་དང་དོན་གྱི་བློ། །དོན་རྣམས་དམིགས་བློ་དོན་ངེས་བརྟགས་ཏེ་སྨྲ། །སོ་སོ་ཡང་དག་རིག་པ་ལ་སྤོབས་པ། །དད་ལྡན་དང་མཆོག་བསོད་ནམས་ཀྱིས་བརྒྱན་པ། །ཡེ་ཤེས་ཚོགས་དང་རབ་ཏུ་སྦྱིན་པ་དང་། །ཚུལ་ཁྲིམས་རྣམ་དག་བཟོད་པར་སྨྲ་བ་དང་། །བརྩོན་འགྲུས་བླ་མེད་བསམ་གཏན་དབང་པོ་དང་། །

― MR07_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་ཆེན་པོ་ཡེ་ཤེས་མཆོག་ལ་སོགས། །བྱང་ཆུབ་སེམས་དཔའི་ཚོགས་ལ་ཕྱག་འཚལ་ལོ། །མི་ཟད་པ་བརྒྱད་ཅུ་དང་ལྡན་པའི་ཡོན་ཏན་རྗེས་སུ་དྲན་པའི་སྒོ་ནས་བྱང་ཆུབ་སེམས་དཔའ་སྤྱིའི་མཚན་བརྗོད་པ་ནི། བླ་མེད་བྱང་ཆུབ་མཆོག་ཏུ་ཐུགས་བསྐྱེད་ནས། །བསམ་པ་རྣམ་དག་སྦྱོར་བ་ཕུན་སུམ་ཚོགས། །ལྷག་བསམ་ཁུར་ཁྱེར་ཕ་རོལ་ཕྱིན་དྲུག་སྤྱོད། །ཚད་མེད་བཞི་ལྡན་མངོན་ཤེས་ལྔ་མངའ་བ། །བསྡུ་དངོས་བཞི་ཡིས་སེམས་ཅན་དོན་མཛད་ཅིང་། །སོ་སོ་ཡང་དག་རིག་པ་བཞི་ཡིས་མཛེས། །རྟོན་པ་བཞི་ལྡན་ཚོགས་གཉིས་ལེགས་བསགས་ཏེ། །བྱང་ཆུབ་ཕྱོགས་ཆོས་སུམ་ཅུ་བདུན་ལ་བསླབས། །ཞི་ལྷག་ཟུང་འབྲེལ་གཟུངས་དང་སྤོབས་པའི་མཛོད། །སྡོམ་བཞིའི་ཆོས་ཆར་འཇིག་རྟེན་ཁམས་སུ་འབེབས། །བགྲོད་གཅིག་ལམ་ཞུགས་ཐབས་མཁས་ཚད་མེད་པས། །རྫོགས་སྨིན་སྦྱང་བ་མཐའ་རུ་ཕྱིན་མཛད་པ། །རྒྱལ་སྲས་རྒྱལ་བའི་མྱུ་གུ་རྒྱལ་བའི་གཞི། །རྒྱལ་བྱེད་རྩལ་ལྡན་བློ་ལྡན་འཕགས་མཆོག་སོགས། །མཚན་གྱི་གྲགས་པས་ཕྱོགས་ཀུན་གསལ་གྱུར་པའི། །བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དེ་ལྟར་བྱང་

― MR07_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་འདི་དག་གི་མཚན་ཐོས་ན་ཕན་ཡོན་ཚད་མེད་དེ། དཔེར་ན་དེ་བཞིན་གཤེགས་པའི་སྙིང་པོའི་མདོ་ལས། བྱང་ཆུབ་སེམས་དཔའ་ཆེན་པོ་སངས་རྒྱས་ཀྱི་ཞིང་ཐ་དད་པ་ནས་འདུས་པ། གངྒཱའི་ཀླུང་དྲུག་ཅུའི་བྱེ་མ་སྙེད་ཐམས་ཅད་ཀྱང་སྐྱེ་བ་གཅིག་གིས་ཐོགས་པ། མངོན་པར་ཤེས་པ་ཆེན་པོ་དང་སྟོབས་དང་མི་འཇིགས་པ་ཐོབ་པ། སངས་རྒྱས་བྱེ་བ་ཁྲག་ཁྲིག་འབུམ་ཕྲག་མང་པོ་ལ་བསྙེན་བཀུར་བྱས་པ། ཕྱིར་མི་ལྡོག་པའི་ཆོས་ཀྱི་འཁོར་ལོ་རབ་ཏུ་བསྐོར་བ། གང་དག་གི་མིང་ཐོས་པ་ཙམ་གྱིས་འཇིག་རྟེན་གྱི་ཁམས་ཚད་མེད་གྲངས་མེད་པའི་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བ་ཤ་སྟག་ལ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་བློ་གྲོས་དང་། སེང་གེའི་བློ་གྲོས་དང་། འཇམ་དཔལ་གཞོན་ནུར་གྱུར་པ་དང་། ཞེས་སོགས་གསུང་བ་དང་། འཕགས་པ་དཀོན་མཆོག་བརྩེགས་པའི་སྡོམ་པ་གསུམ་བསྟན་པའི་མདོ་ལས། ཀུན་ཏུ་བཟང་པོ་དང་འཇམ་དཔལ་ལ་སོགས་པ་བྱང་ཆུབ་སེམས་དཔའ་བརྒྱད་སྟོང་དང་ཐབས་གཅིག་པ་འདི་ལྟ་སྟེ། བྱང་ཆུབ་སེམས་དཔའ་ཡེ་ཤེས་བླ་མའི་ཡེ་ཤེས་ཅན་དང་སོགས་

― MR07_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེ་ཚན་དུ་བསྟན་ནས་མཐར། ཐམས་ཅད་ཀྱང་ཀུན་ཏུ་བཟང་པོའི་སྤྱོད་པའི་སྨོན་ལམ་ལས་ངེས་པར་བྱུང་བ། སངས་རྒྱས་ཀྱི་ཞིང་ཐམས་ཅད་རྒྱས་པར་འགེངས་པའི་སྤྱོད་ཡུལ་ཐོགས་པ་མེད་པ། དེ་བཞིན་གཤེགས་པ་ཐམས་ཅད་ཀྱི་ཐད་དུ་འགྲོ་བ་ལ་ལུས་མཐའ་ཡས་པར་བྱིན་གྱིས་རློབས་པ། སངས་རྒྱས་ཀྱི་རྣམ་འཕྲུལ་ཐམས་ཅད་རྣམ་པར་རིག་པ་མཐའ་ཡས་པ་ལ་དམིགས་པའི་མིག་གི་དཀྱིལ་འཁོར་རྣམ་པར་དག་པ། དེ་བཞིན་གཤེགས་པ་ཐམས་ཅད་མངོན་པར་བྱང་ཆུབ་པའི་སྒོར་འགྲོ་བ་རྒྱུན་མི་གཅོད་པས་འགྲོ་བ་ཚད་མེད་པ། ཆོས་རྒྱ་མཚོ་ཐམས་ཅད་ཀྱི་ཚུལ་ཤེས་པའི་སྣང་བ་ནོད་པས་སྣང་བ་མཐའ་ཡས་པ། སོ་སོ་ཡང་དག་རིག་པ་རྣམ་པར་དག་པའི་བསྐལ་པ་མཐའ་ཡས་པར་ཡོན་ཏན་མི་ཟད་པ་སྟོན་པ། ཡེ་ཤེས་ཀྱི་སྤྱོད་ཡུལ་རྣམ་པར་དག་པས་ནམ་མཁའི་དབྱིངས་ཀྱིས་ཀླས་པ། བསམ་པ་ཇི་ལྟ་བ་བཞིན་དུ་འགྲོ་བའི་ལུས་གཟུགས་ཀུན་ཏུ་སྟོན་པས་གནས་པ་མེད་པ། སེམས་ཅན་མེད་པ་དང་ལྡན་པའི་དབྱིངས་ཡོངས་སུ་ཤེས་པས་རབ་རིབ་མེད་པ། ཆོས་ཀྱི་དབྱིངས་ཐམས་ཅད་འོད་ཟེར་གྱི་དྲྭ་བས་རྒྱས་པར་འགེངས་པས་ཤེས་རབ་ནམ་མཁའ་ལྟ་བུ། སེམས་ཤིན་ཏུ་ཞི་ཞིང་རབ་ཏུ་ཞི་བ།

― MR07_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་ཀྱི་རིགས་ཐམས་ཅད་ཤེས་པའི་ཡུལ་དང་ལྡན་པ། ཏིང་ངེ་འཛིན་གྱིས་ཕ་རོལ་གནོན་པ་ལ་འཇིགས་པ་མེད་པ། ཆོས་ཀྱི་དབྱིངས་གནས་པའི་མཐར་ཐུག་པའི་སྤྱན་ཅན་ཆོས་ཐམས་ཅད་མི་དམིགས་པར་གནས་པ་ཐོབ་པ། ཤེས་རབ་རྒྱ་མཚོ་མཐའ་ཡས་པས་རྣམ་པར་རྒྱུ་བ། ཡེ་ཤེས་དམ་པའི་ཕ་རོལ་ཏུ་སོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་པ། རྫུ་འཕྲུལ་གྱི་ཕ་རོལ་ཏུ་ཕྱིན་པས་འགྲོ་བ་ཐམས་ཅད་ཀྱི་ཕ་རོལ་ཏུ་སོན་པ། ཏིང་ངེ་འཛིན་མཆོག་ལ་དབང་ཐོབ་པ་ཤ་སྟག་གོ །ཞེས་དང་། ཕལ་པོ་ཆེ་ལས་ཀྱང་འདིར་བསྟན་པའི་བྱང་ཆུབ་སེམས་དཔའ་ཕལ་པོ་ཆེ་སྨོས་པའི་རྗེས་སུ། ཀུན་ཀྱང་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་སྨོན་ལམ་གྱིས་བྱུང་བ། སངས་རྒྱས་ཀྱི་ཞིང་ཐམས་ཅད་རྒྱས་པར་འགེངས་པས་ཆགས་པ་མེད་པའི་སྤྱོད་ཡུལ་ཅན། དེ་བཞིན་གཤེགས་པ་ཐམས་ཅད་ཀྱི་དྲུང་དུ་འདོང་བའི་ལུས་མཐའ་ཡས་པར་བྱིན་གྱིས་རླབས་དང་ལྡན་པ། ཞེས་སོགས་མང་དུ་གསུངས་པས་མཚོན། མདོ་སྡེ་རྣམས་ནས་བྱང་ཆུབ་སེམས་དཔའ་འདི་དག་གི་བསྔགས་པ་བསམ་གྱིས་མི་ཁྱབ་པ་རྒྱ་ཆེར་འབྱུང་ངོ་། །ཟུང་གི་ཆོས་ཀྱི་རྣམ་གྲངས་ལས། །ཞི་བ་སངས་རྒྱས་སྲས་རྣམས་ལ། །གང་དག་གུས་དང་

― MR07_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་གྱུར་པ། །དེ་དག་ཀྱང་ནི་སེམས་ཅན་ཀུན། །ཐར་བྱེད་འཇིག་རྟེན་མགོན་དུ་འགྱུར། །ཞེས་གསུངས་སོ། །དེ་ལྟར་སངས་རྒྱས་དང་བྱང་ཆུབ་སེམས་དཔའི་མཚན་གྱི་རྣམ་གྲངས་བརྗོད་པ་འདི་ཡང་ལྷག་བསམ་བཟང་པོས་གསུང་རབ་རིན་པོ་ཆེ་རྣམས་ལས་བཏུས་ནས་མི་ཕམ་རྣམ་པར་རྒྱལ་བས་སྦྱར་བ་སྟེ། འདི་ལྟར་སངས་རྒྱས་བྱང་སེམས་ཀྱི་མཚན་འཛིན་པ་ནི་ཕན་ཡོན་རྒྱ་ཆེ་ལ། དེང་སངས་རྒྱས་ཀྱི་བསྟན་པ་རིན་པོ་ཆེ་གནས་པའི་དབང་གིས་སངས་རྒྱས་དང་བྱང་ཆུབ་སེམས་དཔའི་མཚན་ཡིད་བཞིན་གྱི་ནོར་བུ་འབུམ་གྱིས་བསྒྲུན་དུ་མི་ནུས་པ་འདི་དག་ཐོས་ཀྱི། གཞན་དུ་བསྐལ་པ་བྱེ་བར་ཡང་རྙེད་དཀའ་བའི་འདུ་ཤེས་དང་། ཡུད་ཙམ་གྱི་དལ་འབྱོར་ཐོབ་ནས་སངས་རྒྱས་ཀྱི་བསྟན་པ་དང་མཇལ་བ་དོན་ཡོད་པར་བྱ་བའི་འདུ་ཤེས་དང་། སངས་རྒྱས་ཀྱི་ཕྲིན་ལས་སེམས་ཅན་གྱི་ཡུལ་ལ་སྤེལ་བའི་འདུ་ཤེས་དང་། ཡུན་གྱི་དོན་ཆེན་པོ་བསྒྲུབ་པར་བྱ་བའི་འདུ་ཤེས་དང་། ཚེགས་ཆུང་ངུས་བགྱི་བ་རླབས་པོ་ཆེ་སྒྲུབ་པའི་འདུ་ཤེས་དང་། རང་དབང་མེད་པར་འཁོར་བ་ན་རྒྱུ་བའི་སེམས་ཅན་སྡུག་བསྔལ་གྱི་མུན་པར་ལག་སྟོང་དུ་འཁྱམས་པ་རྣམས་ལ་སྙིང་རྗེ་ཆེན་པོའི་འདུ་ཤེས་ལྷག་པར་བསྐྱེད་ལ། སངས་རྒྱས་སྲས་བཅས་ཀྱི་

― MR07_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་འདི་དག་རང་གི་འཛིན་ཅིང་གཞན་ལ་འཛིན་དུ་འཇུག་པ་དང་སངས་རྒྱས་བྱང་སེམས་ཀྱི་བསྔགས་པ་ཡང་དག་པར་བརྗོད་པ་རྒྱ་ཆེར་བསྒྲགས་པ་སོགས་ཅི་ནུས་སུ་འབད་དེ་བྱ་བ་དང་། རང་ལ་དྲིན་ཆེ་བའི་ཕ་མ་སོགས་དང་བྱམས་པས་ལྟོས་ཤིང་གཅེས་པར་བཟུང་བའི་ཉེ་འབྲེལ་སོགས་ལའང་སངས་རྒྱས་ཀྱི་མཚན་འདི་དག་ལས་རང་གང་ལ་མོས་པའི་མཚན་རེ་རེའམ། གཉིས་སམ་གསུམ་ལ་སོགས་པ་བློ་ལ་འཛིན་དུ་བཅུག་ནས་རྒྱུན་པར་ཁ་ཏོན་དུ་གྱིས་ཤིག །སངས་རྒྱས་ཡིད་ལ་གྱིས་ཤིག་ཅེས་ནན་ཏན་དུ་བསྐུལ་བ་དང་། རང་ལ་རེ་ལྟོས་འཆའ་བའི་སེམས་ཅན་གང་དག་གིས་ཁོ་བོས་སྡིག་པ་སྣ་ཚོགས་བགྱིས་ན་ད་ཅི་ལྟར་བྱ་ཞེས་འདྲི་བ་ལ་ཡང་དེ་ལྟར་འདོམས་པ་དང་། ཕྱོགས་སུ་འགྲོ་བ་ན་དོན་གྲུབ་ཅིང་བདེ་བར་འཁོར་བའི་སླད་དུ་ཕྱོགས་བཅུའི་མུན་པ་ཐམས་ཅད་སེལ་བའི་མདོ་ལས་གསུངས་པའི་སངས་རྒྱས་ཀྱི་མཚན་བརྗོད་པ་དང་། བྱ་བ་གང་ཞིག་རྩོམ་པ་ལ་བགེགས་མེད་ཅིང་བཀྲ་ཤིས་པར་བྱ་བའི་སླད་དུ་འཕགས་པ་བཀྲ་ཤིས་བརྒྱད་པའི་མདོ་ནས་གསུངས་པའི་སངས་རྒྱས་རྣམས་ཀྱི་མཚན་བརྗོད་པས་མཚོན་ཏེ། ནད་དང་དབུལ་ཕོངས་སྡིག་ལྟུང་སོགས་ཞི་བ་དང་། གནས་སྐབས་དང་མཐར་ཐུག་གི་ཕན་བདེ་སྒྲུབ་པའི་སླད་དུ་འདི་ལྟར།

― MR07_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་གང་ལ་བྱས་པ་བཟོ་བའི་སེམས་དང་། ཕངས་པའི་སེམས་ཀྱིས་ཕན་འདོགས་པའི་སེམས་དང་། སྙིང་རྗེའི་སེམས་ཀྱིས་གནོད་པ་ལས་བསྐྱབས་པར་སེམས་པ་དང་། བྱམས་པའི་སེམས་ཀྱིས་བདེ་བ་ལ་རེག་པར་བྱ་བར་འདོད་པ་དེས་སེམས་ཅན་དེ་དག་རྣམས་ལ་སངས་རྒྱས་བྱང་སེམས་ཀྱི་མཚན་ནས་བརྗོད་ལ་དད་པ་བསྐྱེད་པར་གྱིས་ཞེས་གདམས་ན། སེམས་ཅན་ཤིན་ཏུ་སྐལ་པ་ཆུང་བ་ཀློག་སོགས་མི་ཤེས་པ་གཡེངས་བ་ཆེ་བ་སོགས་དམ་པའི་ཆོས་རྒྱ་ཆེན་པོ་ལ་འཇུག་མི་ནུས་པས་ཀྱང་དེ་ཙམ་ལ་མི་ནུས་པ་མེད་ཅིང་། མཚན་རྣ་བར་གྲགས་པ་ཙམ་ཡང་འབྲས་བུ་ཚད་མེད་པའི་ཕན་ཡོན་དང་ལྡན་པས་ན། ཚུལ་འདི་ལ་བསམས་ནས་བདག་གི་དོན་ཤེས་པ་རྣམས་ཀྱིས་བདག་ཀྱང་འདི་ལ་འཇུག་གཞན་ཡང་ཚུལ་འདི་ལྟ་བུ་ལ་འགོད། གཞན་ལ་ཡང་ཁྱེད་ཀྱིས་གཞན་དག་ལ་ཚུལ་འདི་བཞིན་བསྐུལ་མ་གྱིས་ཞེས་ཅི་ནུས་སུ་འདོམས་པར་བྱ་སྟེ། དེ་ཡང་རྒྱས་པར་གསོ་སྦྱོང་དང་ལྡན་པས་གནས་ཁང་གཙང་མར་མེ་ཏོག་གི་སིལ་མ་བཀྲམ་པའི་མཎྜལ་ལ་སངས་རྒྱས་ཀྱི་སྐུ་གཟུགས་སོགས་བཞུགས་སུ་གསོལ་ལ། དེའི་མདུན་དུ་ཅི་འབྱོར་བའི་མཆོད་པ་གཙང་མར་བཤམས་ཤིང་བདག་ཉིད་གཙང་སྦྲ་དང་ལྡན་པས་འཁོད་

― MR07_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

ནས། སྐྱབས་སུ་འགྲོ་བ་དང་བྱང་ཆུབ་ཀྱི་སེམས་གཉིས་ཡིད་ལ་བྱས་ཏེ། ས་གཞི་སོགས་བྱིན་གྱིས་བརླབ་པ་རྒྱས་བསྡུས་ཅི་རིགས་བྱས་ནས། དེར་དེ་བཞིན་གཤེགས་པ་སྲས་དང་བཅས་པ་སྤྱན་དྲངས་ལ་མཆོད་པ་སོགས་ཇི་ལྟར་རིགས་པ་འཕུལ། ཀུན་ཏུ་བཟང་པོའི་སྨོན་ལམ་ལ་རྗེས་སུ་སློབ་པའི་བློས་མཆོད་པའི་སྤྲིན་རྒྱ་མཚོ་དང་བཅས་པའི་ལུས་ཞིང་གི་རྡུལ་སྙེད་ཀྱིས་མངོན་པར་བཏུད་པར་མོས་ལ། གུས་པ་རྩེ་གཅིག་པའི་ཡིད་ཀྱིས། སངས་རྒྱས་ཀྱི་མཚན་མང་པོའམ་གང་འདོད་པ་ཅི་ནུས་སུ་བརྗོད། མཐར་སྡིག་པ་བཤགས་པ་སོགས་ཡན་ལག་བདུན་པ་ཚུལ་བཞིན་བྱས་རྗེས། སངས་རྒྱས་ཀྱི་ཐུགས་དམ་ཆེན་པོའི་སྨོན་ལམ་རྗེས་སུ་དྲན་པའི་སྒོ་ནས་འདོད་པའི་དོན་ལ་གསོལ་བ་བཏབ་སྟེ། སྐྱབས་ཡུལ་རྣམས་རང་གནས་སུ་གཤེགས་ཤིང་དགེ་བ་བསྔོ་བ་སོགས་སྨོན་ལམ་རྒྱ་ཆེར་གདབ་པ་ནི་སྨན་མདོ་སོགས་མདོ་སྡེ་འགའ་ཞིག་གིས་བསྟན་དོན་ལྟར་ལ། བསྡུ་ན་སྐྱབས་སེམས་ཙམ་གྱིས་རྗེས་སུ་སངས་རྒྱས་ཀྱི་ཞིང་ཁམས་རབ་འབྱམས་དེ་དང་དེ་དག་ཏུ་སངས་རྒྱས་སྲས་བཅས་ཡིད་ཀྱི་དམིགས་ལ། དེའི་ཞབས་ཀྱི་དྲུང་དུ་གུས་པས་ཕྱག་འཚལ་བ་སོགས་དམིགས་པའི་སྒོ་ནས་མཚན་ཅི་ནུས་སུ་བརྗོད་ལ།

― MR07_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ཇི་སྙེད་སུ་དག་མའི་ཡན་ལག་བདུན་པ་བྱ་ཞིང་སྨོན་ལམ་གདབ་པ་དང་། ཤིན་ཏུ་བསྡུ་ན་འགྲོ་འཆག་ཉལ་འདུག་གི་སྐབས་ནམ་དྲན་པར་དང་བའི་སྒོ་ནས་མཚན་བརྗོད་པ་ཁོ་ནས་དོན་ཐམས་ཅད་གྲུབ་སྟེ། མདོ་ཏིང་འཛིན་རྒྱལ་པོ་ལས། འཆག་ཅིང་འདུག་དང་འགྲེང་ཞིང་ཉལ་བ་ན། །མི་གང་ཐུབ་པའི་ཟླ་བ་དྲན་བྱེད་པ། །དེ་ཡི་མདུན་ན་རྟག་ཏུ་སྟོན་པ་བཞུགས། །དེ་ནི་རྒྱ་ཆེར་མྱ་ངན་འདས་པར་འགྱུར། །ཞེས་གསུངས་པ་ལ་སོགས་པ་བཞིན་ནོ། །དེ་ལྟར་བདག་ནི་ཕན་པའི་བློས་འཇིག་རྟེན་འདི་ན་གང་དག་འཁོད་པ་རྣམས་ལ་ཐལ་མོ་སྦྱར་ཏེ། གདངས་མཐོན་པོའི་དབྱངས་ཀྱི་ཡི་གེས་སྐུལ་བར་བྱེད་ན། ཚུལ་འདི་མཐོང་བ་དང་ཐོས་པ་དེ་དག་གིས་དོན་དེ་མཐོང་ནས་བགྱི་བ་དེ་ལ་ནན་ཏན་ཆེན་པོས་ཕྱི་མའི་མུ་མཐར་ཐུག་གི་བར་དུ་སྤྲོ་བར་འགྱུར་བ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ་ལོ། །འདི་ལྟར་དད་པའི་སེམས་དང་ཕན་པའི་བློས། །རྒྱལ་དང་རྒྱལ་བའི་སྲས་ཀྱི་མཚན་བརྗོད་པའི། །དགེ་ཚོགས་ཕ་མ་དང་ནི་འབྲེལ་ཐོགས་ཀྱིས། །ཐོག་དྲངས་མཁའ་མཉམ་སེམས་ཅན་ཀུན་ལ་བསྔོ། །བདེར་གཤེགས་སྲས་བཅས་ཀུན་གྱི་ཐུགས་བསྐྱེད་དང་། །མཛད་པ་

― MR07_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་ལམ་མཁྱེན་བརྩེ་ནུས་པའི་ཚུལ། །བླ་མེད་ཡེ་ཤེས་སྒྱུ་འཕྲུལ་ཇི་འདྲ་བ། །དེ་འདྲ་ཁོ་ནར་འགྲོ་ཀུན་འགྱུར་བར་ཤོག །ཅེས་ཀྱང་སྨྲས་སོ། ༈ ། ཨོཾ་སྭ་སྟི། ལྷར་བཅས་རབ་འབྱམས་འགྲོ་བའི་མགོན་པོ་མཆོག །སྒྲིབ་གཉིས་དབྱིངས་ཡེ་གཉིས་མེད་ངང་དུ་བཅོམ། །ཡོན་ཏན་འཛད་མེད་རྒྱན་གྱི་འཁོར་ལོར་རྫོགས། །དུས་གསུམ་རྒྱལ་བ་ཀུན་གྱིས་ཤིས་པ་སྩོལ། ༡། གང་མཚན་བདུད་རྩིའི་ཟེག་མ་ཙམ། །སུ་ཞིག་རྣ་བའི་ལམ་དུ་ཞུགས། །མནར་མེད་མེ་ཡང་བསིལ་མཛད་གང་། །སྨོན་ལམ་གྲུབ་པའི་མཐུ་ལས་བྱུང་། ༢། དེ་ཕྱིར་མཁས་གྲུབ་ཟླ་མེད་པ། །མི་ཕམ་རྣམ་རྒྱལ་རྒྱ་མཚོ་ཡིས། །མདོ་སྡེ་ལས་བཏུས་མཚན་ཕྲེང་འདི། །འགྲོ་རྣམས་ཐར་ལམ་སྣ་ཁྲིད་ཡིན། ༣། ངན་སོང་དངོས་སུ་འཆིང་བྱེད་པའི། །སྡིག་ཅན་སྒྲིབ་ཚོགས་ལྷག་མེད་དུ། །གཞིལ་བྱེད་བསྐལ་པའི་ཞུགས་མཚུངས་པ། །གང་གི་ཆོས་སྦྱིན་སྤར་གྱི་འཕྲུལ། ༤། ཕན་བདེའི་གཞི་མ་རྒྱལ་བསྟན་གྱི། །བཙས་གྱུར་ཆོས་མཛོད་ལས་འཛིན་མཆོག །བླ་མ་བསྟན་འཛིན་ཆོས་གྲགས་ཀྱི། །ཐུགས་བསྐྱེད་འོ་མའི་མཚོ་

― MR07_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཕྱུང་། ༥། དེ་ལྟའི་དགེ་ཁམས་ཟླ་བ་ཡིས། །རྒྱལ་བསྟན་ཀུ་མུ་དཱ་ཚལ་རྒྱས། །ཕན་བདེའི་སྣང་བ་རབ་མཛེས་པའི། །རྫོགས་ལྡན་གསར་པ་འཆར་གྱུར་ཅིག༦། གཞན་ཡང་མྱུར་བ་ཉིད་དག་ལ། །རང་གཞན་ཀུན་གྱི་སྒྲིབ་པ་རྣམས། །མིང་གི་ལྷག་མར་སྟོངས་བྱས་ཏེ། །སྐུ་གསུམ་རྒྱལ་བའི་ས་ཐོབ་ཤོག༧། ཅེས་པའང་ལྷག་བསམ་དཀར་ནས་མནྡཱས་བྲིས་པ་དགེ་ཞིང་བཀྲ་ཤིས་པར་གྱུར་ཅིག་གུ། མངྒ་ལཾ།། །།།

ལས་སྒྲིབ་རྒྱུན་གཅོད་ཀྱི་སྔགས་བརྒྱ་པ།

― MR07_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སྒྲིབ་རྒྱུན་གཅོད་ཀྱི་སྔགས་བརྒྱ་པ་བཞུགས་སོ། །ཡིད་བཞིན་ནོར་བུ་ཆེན་པོ་འདི་ཁོ་ནའོ།

― MR07_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་མཉྫུ་ཤྲཱི་ཛྙཱ་ན་ས་ཏྭཱ་ཡ། རྣམ་པ་ཐམས་ཅད་པ་ཡི་ཡེ་ཤེས་ཉིད། །ཡི་གེའི་རོལ་པར་སྣང་བས་འགྲོ་ཀུན་ལ། །ཕན་དང་བདེ་བའི་དཔལ་རྣམས་ལེགས་སྩོལ་པ། །རིག་སྔགས་རྒྱལ་པོའི་ཚོགས་རྣམས་གུས་པས་ཟུངས། །ཨོཾ་ཨཱཿཧཱུྃ། འདི་ནི་དུས་གསུམ་གྱི་རྒྱལ་བ་ཐམས་ཅད་ཀྱི་སྐུ་གསུང་ཐུགས་དངོས་ཡིན་ཏེ། དུས་གསུམ་རྒྱལ་བས་གསུངས་པའི་སྔགས་ཐམས་ཅད་ཀྱི་རྒྱལ་པོ་དང་རྩ་བར་གྱུར་པ། གང་བཟླས་པས་སྔགས་ཐམས་ཅད་གྲུབ་པར་བྱེད་པ། སྔགས་གང་གི་མགོ་ལ་གདགས་ཀྱང་ཡེ་ཤེས་ཀྱི་སྔགས་སུ་གྱུར་ཏེ་ལས་ཐམས་ཅད་མ་གྲུབ་པ་གྲུབ་པར་བྱེད་པ། མི་ཤིས་པ་

― MR07_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་པར་བྱེད་པ། ཉེས་པ་མེད་པར་བྱེད་པ་སྟེ། གསང་བ་འདུས་པ་དང་བཀའ་བརྒྱད་ཀྱི་རྒྱུད་སོགས་ལས་འདི་ཁོ་ན་བསྔགས། །རྫོགས་ཆེན་གྱི་རྒྱུད་སོགས་ལས་འདིས་རིགས་དྲུག་གི་ས་བོན་སྲེག་སྦྱོང་བྱེད་པར་གསུངས། བཟླས་པ་ཙམ་གྱིས་འཁོར་བའི་སྒྲིབ་པ་ཟད་པར་བྱེད་ཅིང་། དུས་གསུམ་རྒྱལ་བ་ཞི་ཁྲོ་རབ་འབྱམས་ཀྱི་སྔགས་བཟླས་པའི་གོ་ཆོད་པ་སོགས་ཡོན་ཏན་ཚད་མེད་པ་རྒྱུད་རྣམས་ནས་ཡང་ཡང་གསུངས་སོ། །དེ་ལྟར་ཡང་གསང་བ་འདུས་པའི་རྒྱུད་ལས། སྙིང་པོ་དུས་གསུམ་སངས་རྒྱས་ཀྱི། །སྐུ་གསུང་ཐུགས་ནི་མཉེས་བྱེད་པ། །ཨོཾ་ཡིག་སངས་རྒྱས་སྐུ་ཡི་

― MR07_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག །ཨཱཿཡིག་སངས་རྒྱས་གསུང་གི་ལམ། །ཧཱུྃ་ཡིག་ཡེ་ཤེས་མཛིངས་ནི་ཐུགས། །འདི་ནི་བྱང་ཆུབ་ཚུལ་མཆོག་ཡིན། །འདི་དེ་སངས་རྒྱས་ཐམས་ཅད་ཀྱི། །སངས་རྒྱས་བྱང་ཆུབ་རབ་བསྒྲུབ་པ། །ཡེ་ཤེས་རྡོ་རྗེས་སྤྲུལ་པ་སྟེ། །སངས་རྒྱས་རྒྱུ་དང་འབྲས་བུ་འབྱུང་། །འདི་དག་སངས་རྒྱས་སྐྱེས་བུ་ཉིད། །སྔགས་དང་རིག་པ་ཞེས་བསྒྲགས་པ། །བསྐྱེད་པ་ལ་སོགས་དམ་ཚིག་དག །རྡོ་རྗེ་མི་ཕྱེད་གསུམ་བསྒོམ་པས། །ཞེས་དང་། ཨོཾ་ཡིག་ཡེ་ཤེས་སྙིང་པོ་སྟེ། །རྡོ་རྗེ་སྐུ་ནི་འཐོབ་བྱེད་པའོ། །ཨཱཿཡིག་བྱང་ཆུབ་སྤྲུལ་པའི་བདག །རྡོ་རྗེ་གསུང་ནི་ཐོབ་བྱེད་པའོ། །ཧཱུྃ་ཡིག་སྐུ་གསུང་ཐུགས་ཡིན་ཏེ། །རྡོ་རྗེ་གསུམ་ནི་མི་ཕྱེད་འཐོབ། །ཅེས་དང་། བཀའ་བརྒྱད་བདེ་གཤེགས་འདུས་པའི་རྒྱུད་ལས། ཕྱོགས་བཅུའི་སངས་རྒྱས་དེ་བཞིན་གཤེགས། །རིགས་བརྒྱ་རིགས་ལྔ་ཇི་སྙེད་རྣམས། །གསང་ཆེན་རིགས་གཅིག་འདི་ལ་འདུས། །སྙིང་པོ་ཡི་གེ་འབྲུ་གསུམ་གྱིས། །སྐུ་གསུང་ཐུགས་ཀྱི་དངོས་གྲུབ་ཐོབ། །ཅེས་དང་། དུས་གསུམ་འབྱུང་བའི་བདེ་གཤེགས་ཚོགས། །མ་ལུས་སྐུ་གསུང་ཐུགས་བསྡུས་པའི། །གསང་བའི་སྙིང་པོ་འདི་ཉིད་ནི། །ཨོཾ་ཨཱཿཧཱུྃ་ཞེས་བྱ་བ་སྟེ། །སྒྲ་དང་སྐབས་སུ་རྡོ་རྗེས་བཟླ། །ཞེས་དང་།

― MR07_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་སྙེད་པ་དང་ཇི་ལྟ་བའི། །ཆོས་ཀུན་འབྲུ་གསུམ་ངང་ཉིད་དུ། །མ་ལུས་འདུས་པའི་སྐུ་གསུང་ཐུགས། །གཏན་ལ་དབབ་པའི་གནད་བསྡུས་ལ། །རབ་འབྲིང་ཐ་མའི་བློ་ཡི་ཆོས། །ཟབ་ཅིང་རྒྱ་ཆེའི་གནད་འདིར་འདུས། ཁམས་གསུམ་སྐྱེ་འགྲོ་གནས་གསུམ་དང་། །མཐོང་བྱ་བསྒོམ་བྱ་དག་པ་གསུམ། །སྨོན་ལམ་ཡེ་ཤེས་བགྲོད་པའི་ས། །གནས་གསུམ་སྤྱོད་པ་འབྲས་བུ་དང་། །བསྲུང་བྱ་དགག་བྱ་དཀྱིལ་འཁོར་གསུམ། །ཏིང་འཛིན་རིགས་དང་མ་ལུས་སྐུ། །གསུང་དང་ཐུགས་ཀྱི་མཐར་ཐུག་གསུམ། །བདེ་དང་རིག་པ་སྣང་བ་ཡིས། །དབྱེར་མེད་གསལ་བ་སྟོང་པ་དང་། །ཐབས་དང་ཤེས་རབ་དབྱིངས་ཡེ་ཤེས། །དོན་དམ་ཀུན་རྫོབ་མ་བཅོས་པའི། །དབྱེར་མེད་གསལ་བ་རང་གི་དང་། །ལུས་གནད་རྩ་དང་དེར་བརྟེན་པའི། །དངོས་མེད་རྒྱུ་དང་ཟླུམ་པོའི་དངོས། །ཡོན་ཏན་ཕྲིན་ལས་མཉེས་བྱེད་དང་། །བསོད་ནམས་མཐར་ཐུག་མཆོད་སྦྱིན་ལས། །དངོས་གྲུབ་སྔགས་དང་ཕྱག་རྒྱའི་ཚོགས། །སྒྲུབ་བྱེད་བསྙེན་པ་བྱིན་རླབས་བཅས། །མཐུ་དབང་དམ་ཚིག་ཆོ་ག་དང་། །སྐྱོབ་བྱེད་ཡུལ་དང་དམ་པའི་སེམས། །གཏན་འཕོ་རིག་པ་འཛིན་

― MR07_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ས། །དགྲ་གསུམ་བདུད་བཞི་དྲོད་ཚད་རྟགས། །མཚན་མར་བཅས་པའི་གནད་ཡིན་ནོ། །འབྲུ་གསུམ་རྒྱུ་བ་དང་བཅས་པ། །རྡོ་རྗེ་སེམས་དཔའི་སྐུ་གསུང་ཐུགས། །རང་བཞིན་ཉིད་དུ་ཡེ་ནས་གནས། །འཁོར་འདས་མ་ལུས་ཀུན་གྱི་སྲོག །གཅིག་ཏུ་གནས་པ་ཁོ་ན་སྟེ། །སྒོ་གསུམ་འདི་ལ་གང་གནས་པ། །རབ་ཏུ་ལྕི་བའི་སྡིག་པ་དང་། །གནས་ངན་ལེན་གྱི་རྒྱུ་བསགས་སྦྱང་། །སོ་སོར་ཐར་པ་རིགས་བདུན་དང་། །སྨོན་འཇུག་བསླབ་པ་ཉི་ཤུར་བཅས། །ཀུན་བཟང་ཚོགས་ཀྱི་སར་བཤད་པའི། །ཕྱི་ནང་གསང་བའི་ཁྱད་པར་དང་། །གཞི་དང་ཡན་ལག་བསླབ་བྱ་ལས། །གང་འདས་སོར་འཇུག་ཁྱད་པར་སྟོབས། །ངན་འགྲོའི་སྲིད་ལས་རབ་ཏུ་བཟློག །གཤིས་ངན་དང་ནི་དུས་མིན་དུ། །འཆི་དང་འཇིགས་པ་བརྒྱད་ལས་སྐྱོབ། །དཔལ་འབྱོར་ཕུན་སུམ་ཚོགས་འགྲུབ་ཅིང་། །མྱུར་དུ་མཐར་ཐུག་སར་གནས་བྱེད། །བྲིས་བཏགས་མཐོང་དང་བཟླས་པ་ཡིས། །ཡོན་ཏན་ཚད་བཟུང་ཡོད་མ་ཡིན། །མཆོད་སྦྱིན་མཉེས་ཤིང་ཚིམ་པ་དང་། །ལོངས་སྤྱོད་པར་འཐོབ་འདི་ཡིས་འགྲུབ། །འཇིག་རྟེན་པ་དང་འདས་པ་ཡི། །ལྷ་རྣམས་བསྙེན་ཅིང་བསྲུང་བཟློག་ནུས། །ད་ལྟ་དང་ནི་མ་འོངས་པའི། །མི་འདོད་སྡུག་བསྔལ་ཕྱོགས་སྤང་

― MR07_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། །བདེ་འདོད་ཐར་པ་མ་ལུས་འགྲུབ། །ཞེས་སོགས་རྒྱ་ཆེར་གསུངས་སོ། །ཨོཾ་ཨཱཿཧཱུྃ་སྭཱ་ཧཱ། འདི་ནི་དཔའ་བོ་འབྲུ་ལྔ་རིགས་ལྔའི་སྙིང་པོ། རྒྱུད་ལྔའི་གནས་སྟོང་པར་བྱེད་པ། སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་ཐོབ་པར་བྱེད་པ་ཕན་ཡོན་ཚད་མེད་པའོ། །ཨོཾ་ཧཱུྃ་ཏྲཱཾ་ཧྲཱིཿཨཱཿའདི་ཡང་གོང་འདྲ་ཞི་ཁྲོ་རིགས་ལྔའི་སྙིང་པོ་སྟེ། དེའི་སྔགས་ཀྱི་འབྲུ་རེ་རེས་ཀྱང་མཆོག་ཐུན་དངོས་གྲུབ་འགྲུབ་པའི་ཚུལ་དཔལ་མཆོག་དང་པོ་སོགས་ལས་རྟོགས་པར་བྱའོ། །འཿཨཿཧཿཤཿསཿམཿ འདི་ནི་རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞིའི་རྩ་བ་བཟླས་པ་ཙམ་གྱིས་ལོངས་སྐུར་གྲོལ་བྱེད། འདས་དུས་གདུང་དང་རིང་བསྲེལ་འབྱུང་བ་སྟེ། དེའི་ནང་གི་ཨ་གཅིག་པུ་ལའང་གཞན་ལས་ཤེས་རབ་ཀྱི་ཕ་རོལ་ཏུ་ཕྱིན་པ་ཡི་གེ་གཅིག་མ་ཞེས་གསུངས་པ་བཞིན་ནོ། །རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལས། ཆོས་ཉིད་སྐྱེ་མེད་མཚོན་པའི་ཡི་གེ་ཨ། །འགག་མེད་དོན་ལ་མི་གནས་ཡི་གེ་འ། །སྐྱེ་བ་མེད་པར་སྣང་ཚུལ་ཡི་གེ་ཧ། །དག་པའི་ཞིང་དུ་སྒྲོལ་མཛད་ཡི་གེ་ཤ །འགྱུར་མེད་ས་ལ་གནས་བྱེད་ཡི་གེ་ས། །རིག་པ་མ་བཅོས་ཡི་གེ་མ་ཡི་ངང་། །ཡི་གེ་

― MR07_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་གི་དོན་རྟོགས་གསང་སྔགས་རྒྱུད་ཆེན་འགྲོལ། །ཡིག་དྲུག་དོན་གནས་སྐྱེས་བུ་མྱ་ངན་འདའ། །གསང་སྔགས་ཐམས་ཅད་ཡི་གེ་དྲུག་ལ་རྫོགས། །ཞེས་གསུངས་སོ། །ཞེན་ལོག་ཡི་གེ་ཉེར་ལྔ་འདིར་བཟླ་བར་བྱའོ། །མཆན། ཨོཾ་བཛྲ་སཏྭ་ཧཱུྃ། འདི་ནི་རྡོ་རྗེ་སེམས་དཔའི་སྙིང་པོ་ཡི་གེ་དྲུག་པ་སྟེ། འབུམ་དུ་བརྗོད་ན་རྩ་བའི་དམ་ཚིག་ཉམས་པའང་ཞི་བར་འགྱུར་རོ་ཞེས་ཕྱག་རྡོར་དྲག་པོ་གསུམ་འདུལ་གྱི་རྒྱུད་ལས་གསུངས་ལ་གསང་སྔགས་ཡི་གེ་བརྒྱ་པ་ཡང་དོན་གྱི་སྙིང་པོ་འདིར་འདུས་པས་ཉམས་ཆག་ཐམས་ཅད་སྦྱོང་བའི་སྔགས་ཀྱི་རྒྱལ་པོ་སྟེ། སྔོན་རྡོ་རྗེ་སེམས་དཔའ་ཉིད་ཀྱིས་གང་ཉམས་ཆག་སྡིག་སྒྲིབ་ཅན་རྣམས་ཀྱི་མདུན་དུ་བདག་གནས་ནས་སྒྲིབ་པ་ཐམས་ཅད་སྦྱང་བར་ཤོག་ཅེས་སྔོན་གྱི་སྨོན་ལམ་དང་ཞལ་བཞེས་ཡིན་པའི་ཕྱིར་རོ། །མདོ་དགོངས་པ་འདུས་པ་ལས་གསང་བའི་བདག་པོའི་ཞལ་ནས། ད་ལྟ་མི་མཇེད་འདིར་སངས་རྒྱས་ཤཱཀྱ་ཐུབ་པ་ཇི་ལྟ་བ་བཞིན་དུ་འཇིག་རྟེན་སུམ་ཅུ་རྩ་དྲུག་གི་ཞིང་ན་ཐུབ་པ་ཆེན་པོ་རེ་རེར་ཡང་། རིགས་དྲུག་གི་གནས་སུ་མཚན་གྱི་རྣམ་གྲངས་སོ་སོར་གྲགས་པས་མཚོན་ཏེ། དུས་གསུམ་དུ་ཕྱོགས་བཅུའི་འཇིག་རྟེན་ནམ་མཁའི་མཐའ་ཀླས་པར་འཇིག་རྟེན་

― MR07_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྒྲོན་མ་རྣམ་པར་བཀོད་པའི་སངས་རྒྱས་སུ་སྣང་ཞིང་མཚན་དང་སྐུ་ཡི་རྣམ་འགྱུར་ཐ་དད་པ་སེམས་ཅན་ཐམས་ཅད་ཀྱི་བློ་དང་འཚམས་པར་སྣང་བ་དེ་ཐམས་ཅད་རྡོ་རྗེ་སེམས་དཔའ་གཅིག་པུའི་རྣམ་པར་རོལ་པའོ། །སངས་རྒྱས་དེའི་མཚན་གྱི་མཐའ་བརྗོད་པས་ནམ་ཡང་མཐར་མི་ཕྱིན་ནོ། །སངས་རྒྱས་རྡོ་རྗེ་སེམས་དཔའི་མཚན་གང་གིས་ཐོས་པ་དེས་སངས་རྒྱས་མང་པོ་ལ་སྔོན་དུ་བྱ་བ་བྱས་པ་ཡིན་ནོ། །རྡོ་རྗེ་སེམས་དཔའི་ཞིང་ཁམས་ཉིད་དུ་ངེས་པར་འབྱུང་བ་དང་། རྒྱལ་བ་རྣམས་ཀྱི་བྱིན་གྱིས་བརླབས་པ་དང་། ཐེག་པ་ཆེན་པོར་ངེས་པར་འབྱུང་བ་དང་། མངོན་ཤེས་དང་ལྡན་ཞིང་། ལྷག་མཐོ ང་གི་མིག་དང་ལྡན་པ་དང་། སངས་རྒྱས་ཀྱི་སྲས་སུ་ངེས་པ་དག་ཡིན་ནོ་ཞེས་གསུངས་ཤིང་། ཆོས་ཉིད་བྱང་ཆུབ་ཀྱི་སེམས་རང་བཞིན་འོད་གསལ་ནམ་མཁའ་ལྟ་བུ་འཕོ་འགྱུར་མེད་པའི་རྡོ་རྗེ་དུས་གསུམ་གྱི་སངས་རྒྱས་ཐམས་ཅད་ཀྱི་སྙིང་པོ་ཉིད་ལ་རྡོ་རྗེ་སེམས་དཔའ་ཞེས་པའི་མཚན་དུ་བསྟན་པ་དེ་བཟུང་བས་སངས་རྒྱས་ཐམས་ཅད་ཀྱི་མཚན་བཟུང་བར་འགྱུར་བ་ཡིན་ནོ། །ན་མཿས་མནྟ་བུདྡྷཱ་ནཱཾ། ཨཱ་བཱི་ར་ཧཱུྃ་ཁཾ། འདི་ནི་རྣམ་པར་སྣང་མཛད་མངོན་པར་བྱང་ཆུབ་པ་ལས་རྡོ་རྗེའི་ཚིག་བདུད་བཞི་ལས་རྒྱལ་བར་

― MR07_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ། རྒྱུད་དྲུག་ལས་སྒྲོལ་བར་བྱེད་པ། ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱེད་པ་ཞེས་གསུངས་ཤིང་། འདིའི་དང་པོར་ན་མཿས་མནྟ་སོགས་སྔགས་ཀྱི་མགོན་པོ་སྟེ། སྔགས་དངོས་དཔའ་བོ་འབྲུ་ལྔ་པོ་ཡིན་ལ། དུས་གསུམ་གྱི་རྒྱལ་བ་སྲས་དང་བཅས་པའི་དུས་གསུམ་མཉམ་པ་ཉིད་ཀྱི་སྙིང་པོ། ཞེས་གསུང་སྟེ། ཕན་ཡོན་ཚད་མེད་ཅིང་ཡི་གེ་སོ་སོའི་ལས་ཀྱང་། ཨ་བརྒྱ་བཟླས་ཏེ་སྨན་ལ་བཏབ་ན་སྔོན་གྱི་ལས་ཀྱི་ནད་ཀྱང་བྱང་བ་དང་། ར་བྲང་གི་ཐད་དུ་བསྒོམས་ནས་འབུམ་བཟླས་ན་མཚམས་མེད་ལྔའི་ལས་སྒྲིབ་ཀྱང་མོད་ལ་ཟད་པར་གསུངས་ཏེ་ཡི་གེ་རེ་རེས་ཀྱང་ལས་བྱེད་ཚུལ་གསུངས་སོ། །དམ་ཚིག་གསུམ་བཀོད་ལས་ཀྱང་སྔགས་ལྔ་པོ་འདི། དབེན་པར་རས་བྲིས་མེད་ཀྱང་སེམས་ཅན་གྱི་ཁམས་དག་པའི་ཕྱིར་དངོས་གྲུབ་ལ་དམིགས་ཏེ་འབུམ་ཕྲག་གསུམ་བཟླས་ན་དེ་བཞིན་གཤེགས་པ་བྱོན་ནས་མགོ་ལ་རེག་ཅིང་མངོན་ཤེས་དང་གཟུངས་ཐོབ། འབུམ་བཟླས་པས་རྫས་གང་དང་གང་འདོད་པ་དེ་གྲུབ་པས་རིག་པ་འཛིན་པའི་རྒྱལ་པོར་འགྱུར། བྱམས་པ་ཕྱག་རྡོར་ཀུན་བཟང་སོགས་ལ་ལྟ་ཞིང་འབུམ་བཟླས་པས་དེ་དང་དེ་དག་མཐོང་བ་རྩོལ་ཞིང་དངོས་གྲུབ་སྦྱིན། སྙིང་པོ་འདི་ནི་རང་བཞིན་གྱིས་གྲུབ་

― MR07_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །ཆགས་པ་མེད་པ་དོན་ཡོད་པ། །མྱུར་དུ་འགྲུབ་པ། སྒྲིབ་པ་མེད་པར་འགྲུབ་པ། དེ་བཞིན་གཤེགས་པའི་སྤྱོད་ཡུལ་གྱི་ཆོ་ག་གང་ཡིན་པ་དེ་རྟོག་པ་འདིའི་ཡིན་ནོ། །མདོར་ན་གང་འདོད་པ་དེ་སྒྲུབ་པར་བྱེད་པར་ནི་དུས་གསུམ་མཉམ་པ་ཉིད་ཀྱི་དམ་ཚིག་ཅེས་བྱ་བ་ཡི་གེ་ལྔ་པོ་ཡིན་ནོ། །ཞེས་གསུངས་སོ། །འཇམ་དཔལ་རྩ་བའི་རྟོག་པ་ལས། ཨོཾ་ཨཱཿཝཱི་ར་ཧཱུྃ་ཁེ་ཙ་རཿ འདི་ནི་ཕྱག་རྒྱ་ཐམས་ཅད་ཀྱི་སྙིང་པོ་དཔའ་བོ་ཆེན་པོ་ཡི་གེ་བརྒྱད་པ་སྟེ། གསང་བའི་སྙིང་པོའི་བདག་ཉིད། སངས་རྒྱས་ཉིད་བཞིན་དུ་ཉེ་བར་གནས་པ། དཔལ་མཆོག་ཏུ་བྱེད་པ་དག་བྱེད་ཆེན་པོ་སྲིད་པ་གསུམ་གྱི་ཆོས་ཉེ་བར་གཅོད་བར་བྱེད་པ། ངན་འགྲོ་ཐམས་ཅད་ཟློག་པར་བྱེད་པ། ཞི་བ་ཐམས་ཅད་བྱེད་པ། ལས་ཐམས་ཅད་བྱེད་པ། མྱ་ངན་ལས་འདས་པའི་བདེ་བ་འཐོབ་པར་བྱེད་པ། སངས་རྒྱས་མངོན་སུམ་མཐོང་བ་བཞིན་དུ་ཉེ་བར་གནས་པ། འཇམ་དཔལ་གཞོན་ནུར་གྱུར་པ་ཉིད་བཞིན་དུ་ཉེ་བར་གནས་པ། སེམས་ཅན་ཐམས་ཅད་ཀྱི་དོན་གྱི་ཕྱིར་མཆོག་ཏུ་གསང་བའི་ངོ་བོས་ཉེ་བར་གནས་པ། རེ་བ་ཐམས་ཅད་ཡོངས་སུ་རྫོགས་པར་བྱེད་པ། གང་དུ་དྲན་པ་ཙམ་གྱིས་མཚམས་མེད་པ་ལྔ་ཡང་ཡོངས་སུ་སྦྱོང་བར་བྱེད་ན་

― MR07_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླས་པས་ལྟ་སྨོས་ཀྱང་ཅི་དགོས་ཏེ། མདོར་ན་བྱ་བ་ཐམས་ཅད་ལ་ཡོན་ཏན་གྱི་མཐའ་རྒྱ་ཆེན་པོ་བརྗོད་པ་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་མར་ཡང་མི་ནུས་སོ། །ཞེས་གསུངས་སོ། །ཡང་རྒྱུད་དེ་ལས་གཞན་ཡང་ཇི་ལྟར་ཐམས་ཅད་ཀྱི་མཆོག་སངས་རྒྱས་བཅོམ་ལྡན་འདས་ཡིན་པ་དེ་བཞིན་དུ། འཇིག་རྟེན་དང་འཇིག་རྟེན་ལས་འདས་པའི་སྔགས་ཐམས་ཅད་ཀྱི་རྒྱལ་པོ། བསྟན་པ་ནུབ་པ་རྩོད་པའི་དུས་འདི་ལ་བཅོམ་ལྡན་འདས་གཙུག་ཏོར་འཁོར་ལོས་བསྒྱུར་བ་ཉིད་སྲུང་བ་གཅིག་པུར་འགྱུར་ཞིང་དུས་ཐམས་ཅད་དུ་གྲུབ་པར་འགྲོ་བ་སངས་རྒྱས་བཅོམ་ལྡན་འདས་མངོན་སུམ་པ། དེ་བཞིན་གཤེགས་པའི་ཆོས་ཀྱི་མཛོད་འདུས་པ། ལས་ཀྱི་སྒྲིབ་པ་ཐམས་ཅད་རྒྱུན་གཅོད་པ་འདི་ལན་གཅིག་བཟླས་པས་སྡིག་པ་ཐམས་ཅད་ཞི་ཞིང་རེ་བ་ཡིད་བཞིན་དུ་རྫོགས་པར་བྱེད་པ་སོགས་ཕན་ཡོན་དང་། དེ་ལ་བརྟེན་པའི་ལས་ཀྱི་ཚོགས་ཤིན་ཏུ་མང་པོར་གསུངས་པ་ནི་འདི་ལྟ་སྟེ། བྷྲཱུྃ། འདི་ལ་རྡོ་རྗེ་སྙིང་པོ་རྒྱན་ལས། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་འཁོར་ལོས་བསྒྱུར་བ་ཆེན་པོ་ཞེས་པ་དང་གསང་འདུས་ལས་ཡེ་ཤེས་རྡོ་རྗེའི་སྙིང་པོ་ཞེས་གསུང་པའི་སྔགས་འདི་ལན་གཅིག་གིས་བདག་སྲུང་། གཉིས་པས་གཞན་སྲུང་།

― MR07_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པས་རྫས་སྲུང་། བཞི་པས་ཡུལ་སོགས་འདོད་པ་བཞིན་དུ་སྲུང་སྟེ། འདིས་དཔག་ཚད་ལྔའི་ནང་ཚུན་ཚད་དུ་རང་གིས་འདོད་པའི་ལྷ་མ་གཏོགས་པ་ལྷ་གཞན་དག་ཀྱང་གནས་པར་མི་འགྱུར་ན་བགེགས་ལྟ་ཅི་སྨོས་ཞེས་སོགས་གསུངས་སོ། །ཡང་དེ་ལས་དེ་བཞིན་གཤེགས་པ་ཀུན་གྱི་སྔགས་དང་རྒྱུད་ཀྱི་སྙིང་པོར་གྱུར་པ། བསྟན་པ་འདི་ལ་དེ་བཞིན་གཤེགས་པ་ཀུན་གྱི་ནོར་དུ་གྱུར་པ། ཆོས་ཀྱི་མཛོད། འཇིག་རྟེན་པ་རྣམས་ཀྱི་བསམ་པ་འབྲས་བུར་བཅས་པར་བྱེད་པའི་ནོར་བུ་རིན་པོ་ཆེ་ལྟ་བུ། མ་འོངས་པ་རྩོད་དུས་བསྟན་པ་སྲུང་བའི་ལས་བྱེད་པ། ཡི་གེ་འབྲུ་གཅིག་པ་འཇམ་དཔལ་གྱི་སྙིང་པོ་ནི། མུ། འདི་ནི་གཙུག་ཏོར་འཁོར་ལོས་བསྒྱུར་བ་ཇི་ལྟ་བ་བཞིན་ཏེ། འདི་མ་བསྒྲུབ་ཀྱང་བཟླས་པ་ཙམ་གྱིས་ལས་བྱེད་པ་ཇི་ལྟར་འདོད་པའི་འབྲས་བུ་འཐོབ་ཅིང་ངེས་པར་བྱང་ཆུབ་ལ་གཞོལ་བར་བྱེད་པ། ཁྱིམ་གྱི་རྩོམ་པ་ལ་གནས་ཤིང་ཤ་ཆང་གྲོང་ཆོས་ལ་ཞུགས་པས་ཀྱང་འགྲུབ་སྟེ། ལན་གཅིག་བཟླས་པས་བདག་སྲུང་། གཉིས་པས་གཞན་སྲུང་། གསུམ་པས་སྲུང་བ་དམ་པར་འགྱུར་ཏེ། འདིས་སྲུང་བ་བྱས་པ་ནི་བྱང་སེམས་ས་བཅུ་ལ་གནས་པའི་མཐུས་ཀྱང་བསྐྱོད་པར་མི་ནུས་ན་གཞན་པས་ལྟ་ཅི་སྨོས་ཞེས་སོགས་ལས་

― MR07_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཚོགས་མང་པོ་དང་བཅས་པར་བསྟན་ཏོ། །འཇམ་དཔལ་གྱི་རྩ་བའི་རྟོགས་པ་ལས་གསུང་བ། ན་མཿསརྦ་བུདྡྷཱ་ནཱཾ་ཨཾ་མཾ། འདི་ནི་འཇམ་དཔལ་གྱི་སྙིང་པོ་ཐམས་ཅད་ཀྱི་མཆོག་སྟེ་ལས་ཐམས་ཅད་བྱེད་པའོ། །ཞེས་གསུང་པས་སྔགས་ཀྱི་མགོན་པོ་དང་བཅས་པའི་ཡི་གེ་གཉིས་པོ་འདི་ནི་འཇམ་དཔལ་གྱི་སྔགས་ཐམས་ཅད་ཀྱི་རྩ་བ་སྟེ་ཕན་ཡོན་བྱིན་རླབས་དངོས་གྲུབ་ཀུན་གྱི་གཞིར་ཤེས་པས་བཟླས་པ་ལ་འབད་པར་བྱའོ། །སྙིང་པོ་རྒྱན་དང་རྣམ་སྣང་མངོན་བྱང་སོགས་ལས་གསུངས་པས། ན་མཿས་མནྟ་བུདྡྷཱ་ནཱཾ་ཨཾ། འདི་ནི་གསང་སྔགས་ཐམས་ཅད་ཀྱི་མགོན་པོ་གཟི་བརྗིད་ཆེན་པོ་སངས་རྒྱས་ཀྱི་ཆོས་ཀུན་གྱི་དབང་ཕྱུག་ཐུབ་པ་དངོས་ཡིན་ལ། སངས་རྒྱས་འདོད་པས་རབ་ཏུ་བརྩོན་པར་བྱ་ཞེས་དང་། དངོས་གྲུབ་སྒྲུབ་པ་རྣམས་ཀྱི་སྲོག་འདྲ་བ། ཡི་གེ་ཐམས་ཅད་ཀྱི་སྲོག་དང་འཚོ་བ་སྐྱབ་དང་དཔུང་གཉེན་དུ་གྱུར་པ། སངས་རྒྱས་ཀུན་གྱི་བྱིན་གྱིས་བརླབ་པ། བྱང་ཆུབ་སེམས་དཔའ་གང་ཞིག སངས་རྒྱས་མཐོང་བ་དང་མཆོད་པ་དང་སེམས་ཅན་གྱི་དོན་བྱ་བ་དང་། སངས་རྒྱས་ཐོབ་པར་འདོད་པས་སྙིང་པོ་འདི་ལ་བརྩོན་པར་བྱ་སྟེ། ཆོས་ཐམས་ཅད་ཨ་ཞེས་བྱ་བའི་སྒོ་ནས་འཇུག་པ་སྟེ་ཞེས་དང་། ཨ་ཞེས་བྱ་བ་སྔགས་

― MR07_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱི། སྙིང་པོ་ཡིན་པར་ཡང་དག་བཤད། །དེ་ལ་གསང་སྔགས་ཀུན་གནས་ཏེ། །དེ་ལྟར་སྔགས་རྣམས་རྣམ་པར་ངེས། །ཞེས་གསུངས་ཏེ། འདིར་བཟླ་བྱའི་སྔགས་ཀྱི་གཙོ་བོ་ཨ་གཅིག་པུ་དེ་ཉིད་ཡིན་ལ། དེ་ལ་ཚིམ་པར་བྱེད་པའི་དོན་གྱིས་ཐིག་ལེས་བརྒྱན་ཅིང་། གོང་དུ་སྔགས་ཀྱི་མགོན་པོ་དང་བཅས་ཏེ་བཟླ་བར་བྱའོ། །ཨ། འདི་ནི་སྔགས་ཐམས་ཅད་ཀྱི་རྩ་བ་ཡིན་ལ། །དེ་གྲུབ་ན་སྔགས་ཐམས་ཅད་ཅིག་ཆར་འགྲུབ་པའོ། །དེའི་ཕྱིར་གསུང་གི་སྙིང་པོ་ཨ་བཟླ་བ་ལ་འབད་པར་བྱའོ། །དོན་ཞགས་ལས་ཀྱང་། ཡི་གེ་གཅིག་པོ་འདི་ནི་དེ་བཞིན་གཤེགས་པ་ཐམས་ཅད་དང་། པདྨ་ཡངས་པའི་དཀྱིལ་འཁོར་སྤྱིའི་རིགས་སྔགས་བཀླག་པས་གྲུབ་པ་སྟེ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དང་ཕྱག་རྒྱ་དང་རིག་པས་ཕྱེ་བ་ཐམས་ཅད་ཡི་གེ་གཅིག་པའི་རྗེས་སུ་ཞུགས་པ་སྟེ། དུས་གསུམ་གྱི་སངས་རྒྱས་ཐམས་ཅད་ཀྱི་སྙིང་པོ་ཡི་གེ་གཅིག་པོ་འདིའི་རྗེས་སུ་ཞུགས་པས། འདི་རྟག་ཏུ་བཟླས་པས་གྲུབ་པར་སངས་རྒྱས་ཐམས་ཅད་ཀྱི་བྱིན་གྱིས་བརླབས་པ་ཡིན་ནོ། །འདི་གང་གིས་དྲན་པ་ཙམ་གྱིས་སྤྱན་རས་གཟིགས་མདུན་དུ་བཞུགས་ཏེ་རེ་བ་ཐམས་ཅད་ཡོངས་སུ་རྫོགས་པར་བྱེད་དོ། །ཅེས་གསུངས་ཤིང་ཚུལ་དེ་དང་འདྲ་བར་རྒྱུད་དུ་མ་ལས་ཀྱང་གསུངས་

― MR07_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ལས་གསུང་པ། འཇམ་དཔལ་གཞོན་ནུར་གྱུར་པའི་སྙིང་པོ། གང་བརྗོད་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཆོས་ཐམས་ཅད་མཉམ་པ་ཉིད། ཡེ་ཤེས་མཉམ་པ་ཉིད། སེམས་ཅན་ཐམས་ཅད་ཀྱིས་ཤེས་རབ་ཀྱི་ཕ་རོལ་དུ་ཕྱིན་པའི་གྲུབ་པ་ཐོབ་པར་འགྱུར་བ་བཤད་དོ། །ཨ་ར་པ་ཙ་ན་ཞེས་བྱ་བ་སྟེ་འདོད་པ་ཐམས་ཅད་ཐོབ་བོ། །དེ་ཅིའི་ཕྱིར་ཞེ་ན། ཨ་ཞེས་བྱ་བ་ནི་འདོད་པའོ། །ར་ཞེས་བྱ་བ་ནི་ཆགས་པའོ། །པ་ཞེས་བྱ་བ་ནི་དོན་དམ་མོ། །ཙ་ཞེས་བྱ་བ་ནི་སྤྱོད་པའོ། །ན་ཞེས་བྱ་བ་ནི་རང་བཞིན་མེད་པའོ། །དེ་ལྟར་འདོད་པ་དང་ཆགས་པ་དང་དོན་དམ་པ་དང་སྤྱོད་པ་དང་རང་བཞིན་མེད་པ་ཉིད་ཀྱི་སྙིང་པོ་འདི་བསྒོམ་སྟེ་བསྒྲུབས་ན། འདོད་པ་ཐམས་ཅད་ཐོབ་པར་འགྱུར་རོ། །དེ་བཞིན་གཤེགས་པ་ནི་འདོད་པ་ཐམས་ཅད་ཀྱི་སྣོད་ཡིན་ཏེ་དེ་བས་ན་སྙིང་པོ་འདིས་དེ་བཞིན་གཤེགས་པ་དང་། རྡོ་རྗེ་འཛིན་ཀྱང་མྱུར་དུ་ཐོབ་པར་འགྱུར་རོ། །རྡོ་རྗེའི་དཀྱིལ་འཁོར་བྲིས་ལ་དེའི་དབུས་སུ་རལ་གྲི་བཞག་སྟེ་མདུན་དུ་སྙིང་པོ་འདི་སྒྲུབ་ན་འཇམ་དཔལ་བསྒྲུབ་པར་འགྱུར་རོ། །དེ་ནས་མ་བསྒྲུབས་ཀྱང་ལས་སུ་འགྱུར་བ་ནི། ལན་གཅིག་བཟླས་པས་སྡུག་བསྔལ་ཐམས་ཅད་ལས་གྲོལ་ལོ། །གཉིས་བཟླས་པས་མཚམས་མེད་པ་མ་ལུས་པ་ལྷག་མ་མེད་པར་

― MR07_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད་པར་འགྱུར་རོ། །གསུམ་བཟླས་པས་ཏིང་ངེ་འཛིན་མངོན་དུ་འགྱུར་རོ། །བཞི་བཟླས་པས་དྲན་པ་དང་ལྡན་པར་འགྱུར་རོ། །ལྔ་བཟླས་པས་མྱུར་དུ་བླ་ན་མེད་པ་རྫོགས་པའི་བྱང་ཆུབ་དུ་མངོན་པར་རྫོགས་པར་འཚང་རྒྱའོ། །སྐུ་གདུང་དང་བཅས་པའི་མཆོད་རྟེན་ལ། ཡི་གེའི་ཕྲེང་བ་གཡས་ཕྱོགས་ནས་ཨ་ཞེས་བྱ་བའི་དྲུང་དུ་ན་ཞེས་བྱ་བ་ཕྱིན་གྱི་བར་དུ་བྲིའོ། །དེ་ནས་བསྐོར་ཞིང་ཡི་གེ་འབུམ་བཟླས་ཏེ། ཡི་གེ་རེ་རེ་འབུམ་རྫོགས་པ་ན། བཅོམ་ལྡན་འདས་དེ་བཞིན་གཤེགས་པ་དང་། འཇམ་དཔལ་དང་། ཕྱག་ན་རྡོ་རྗེ་ཅིག་ཆར་འགྲུབ་སྟེ། ཉིན་རེ་ཞིང་མཐོང་བ་བསྟན་ནས་ཆོས་བཤད་དེ་སླར་གཤེགས་སོ། །ཚེ་འདི་ཉིད་ལ་སངས་རྒྱས་པ་མན་ཆད་ཀྱང་སྩོལ་ལོ། །ཞེས་གསུངས་སོ། །ཨོཾ་ཨ་ར་པ་ཙ་ན་དྷཱིཿ དེ་བཞིན་དུ་སྤྱན་རས་གཟིགས་ཀྱི་སྙིང་པོ། ཨཱ་རོ་ལི་ཀྲ། གང་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་མངོན་སུམ་དུ་གྲུབ་པ་དང་། འཇིགས་པ་དང་གནམ་དལ་དང་འཚེ་བ་དང་ནད་ཐམས་ཅད་འཇིག་པར་འགྱུར་རོ། །མ་བསྒྲུབ་ཀྱང་ལས་སུ་གྱུར་པ་ནི་དང་པོ་བརྗོད་པས་བདག་སྲུང་། གཉིས་བརྗོད་པས་གཞན་དང་གྲོང་དང་གྲོང་ཁྱེར་སྲུང་།

― MR07_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བརྗོད་པས་ལས་ཐམས་ཅད་བྱེད་དོ་ཞེས་གསུངས། གཞན་ལས་སྔགས་འདི་ནད་དང་སྡུག་བསྔལ་ཞི་བ་དང་དབང་གི་ལས་ལ་མཆོག་ཏུ་བསྔགས་པ་སོགས་ཡོན་ཏན་ཚད་མེད་དོ། །འདི་དུས་གསུམ་དུ་བཟླས་ན་སྤྱན་རས་གཟིགས་ཀྱིས་རྨི་ལམ་དུ་ལུང་སྟོན་པར་གསུངས་སོ། །རྡོ་རྗེ་སྙིང་པོ་རྒྱན་གྱི་རྒྱུད་ལས། འཇིག་རྟེན་དབང་ཕྱུག་ཐུབ་ཆེན་པོ། །བཅོམ་ལྡན་རྣལ་འབྱོར་ཅན་བསྒྲུབས་ན། །དཔའ་བོ་ཐམས་ཅད་སྩོལ་འགྱུར་ཞིང་། །རང་གི་དངོས་གྲུབ་མཆོག་རྣམས་དང་། །རྣལ་འབྱོར་ཐམས་ཅད་འཛིན་ཉིད་དང་། །རྣམ་པར་རྒྱལ་བའི་ནོར་སྟེར་འགྱུར། །རིག་པ་འཛིན་དང་འཁོར་ལོ་ཅན། །ས་དང་ཕ་རོལ་ཕྱིན་སོགས་དང་། །སངས་རྒྱས་རྣམས་ཀྱང་སྩོལ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །ཞེས་དང་། དཔལ་ལྡན་གསང་སྔགས་མཆོག་འདི་ནི། །རང་ཉིད་ཁམས་གསུམ་རྣམ་པར་རྒྱལ། །ལོངས་སྤྱོད་ཐམས་ཅད་ཀུན་ནས་ནི། །སྐད་ཅིག་ཙམ་གྱིས་རྣམ་པར་སྟེར། །པདྨའི་གྲུབ་པའི་སྦྱོར་བ་ཡིས། །བདག་ཉིད་འཇིག་རྟེན་དབང་ཕྱུག་བསྒྲུབ། །འཇིག་རྟེན་གསུམ་གྱི་རྒྱལ་སྲིད་ནི། །སྲིད་པར་ཀུན་ནས་རྣམ་པར་སྟེར། །ཞེས་གསུངས་སོ། །ཧཱུྃ་བཛྲ་བིད་སྭཱ་ཧཱ། འདི་ནི་དེ་

― MR07_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་གཤེགས་པ་ཐམས་ཅད་ཀྱི་སྙིང་པོ་སྟེ། ལས་མཆོག་ཏུ་བྱེད་པའོ། །རྒྱུད་གཞན་ན་འདི་ལ་རྡོ་རྗེའི་རིགས་ཀྱི་རིག་པ་ཆེན་པོ་ཞེས་བསྔགས་པ་ཚད་མེད་དོ། །ཨོཾ་ཊུཾ། འདི་ནི་སྙིང་པོ་གང་གིས་སེམས་ཅན་ཐམས་ཅད་བརྒྱལ་བ་དང་བཅོས་པ་དང་བཅོམ་པ་ཀུན་འཚོ་བར་འགྱུར་བ་དང་གཞན་དག་ཀྱང་རྡོ་རྗེའི་ལུས་ཐོབ་པར་འགྱུར་བ་རྡོ་རྗེའི་གོ་ཆའི་ཕྱག་རྒྱ་འདིས་བདག་ཉིད་གོ་བགོས་ན་རྡོ་རྗེའི་ལུས་དང་རྡོ་རྗེའི་ཚེ་ཐོབ་ཅིང་ནམ་འཚོའི་བར་དུ་ཐམས་ཅད་ཀྱིས་མི་ཚུགས་པར་འགྱུར་རོ། །ཕྱག་ན་རྡོ་རྗེའི་སྙིང་པོ་ནི། ཌཱཀྐི་ཧཱུྃ་ཛཿ སྙིང་པོ་གང་བརྗོད་པ་ཙམ་གྱིས་རྡོ་རྗེའི་རི་ལྟར་མི་གཡོ་བའི་དེ་བཞིན་གཤེགས་པ་ཐམས་ཅད་ཀྱང་བསྐྱོད་ཅིང་འདྲེན་ན་སེམས་ཅན་གཞན་ལྟ་ཅི་སྨོས། གང་དྲན་པ་ཙམ་གྱིས་ཀྱང་འཇིགས་པ་ཐམས་ཅད་ལས་རྣམ་པར་གྲོལ་བར་འགྱུར་རོ། །གང་བརྗོད་པ་ཙམ་གྱིས་ཀྱང་མཚམས་མེད་པ་ཐམས་ཅད་ལྷག་མ་མ་ལུས་པ་བྱང་བར་འགྱུར་བ་དང་། ཐམས་ཅད་ལ་སྲུང་བར་འགྱུར་བ་དང་། ཕྱག་ན་རྡོ་རྗེས་ཀྱང་འདོད་པ་ཐམས་ཅད་རྩོལ་བར་འགྱུར་བ་དང་། མཆོག་རྩོལ་བ་དང་། དོན་ཐམས་ཅད་སྒྲུབ་པ་དང་། དགོས་པ་ཐམས་ཅད་བྱེད་ཅིང་རྟག་པར་ཕྱི་བཞིན་འབྲང་བར་འགྱུར་བ་དང་། གང་

― MR07_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླས་པ་ཙམ་གྱིས་གྲུབ་པ་ཐམས་ཅད་མངོན་དུ་འགྱུར་བར་སྩལ་བར་བགྱིའོ་ཞེས་དང་། འདི་བརྗོད་པས་འཇིག་རྟེན་གྱི་ཁམས་གཡོ་བ་སོགས་ཆོ་འཕྲུལ་ཆེན་པོ་འབྱུང་ཚུལ་བཅས་གསུངས། རྒྱུད་གཞན་ན་ཁྲོ་བོ་འདོད་པའི་རྒྱལ་པོའི་གསང་སྔགས་དང་། དགུག་པའི་རྒྱལ་པོར་གསུངས་ཤིང་བསྔགས་པ་རྒྱ་ཆེ། ཐོག་མར་ཨོཾ་སྦྱར་བའང་ཡོད་དོ། །རྒྱུད་འདི་ལས། འདི་བསྒྲུབས་ན་བཅོམ་ལྡན་འདས་སེམས་དཔའི་མཆོག་གྲུབ་པར་འགྱུར་རོ། །བཅོམ་ལྡན་འདས་གྲུབ་པས་ན་འདོད་པའི་ཁྲོ་བོ་གྲུབ་པར་འགྱུར་རོ། །དེ་ཅིའི་ཕྱིར་ཞེ་ན། སྙིང་པོ་འདི་བདག་ཉིད་ཆེ་བ་སྟེ། ཌཱཀྐི་ཞེས་བྱ་བ་ནི་འདོད་པའོ། །ཧཱུྃ་ཞེས་བྱ་བ་ནི་ཁྲོ་བོའོ། །དེ་གཉིས་དགུག་པའི་ཕྱིར་ཛཿ ཞེས་བྱ་བ་འདི་ཁྱོད་ཀྱིས་བསྒྲུབ་པར་བྱའོ་ཞེས་དང་། དེའི་ལས་ཀྱིས་སེམས་ཅན་ཐམས་ཅད་ཀྱི་སྙིང་དུ་སྡུག་པ། སྙིང་ཤེས་པ། དེའི་སྙིང་ལས་རྡོ་རྗེ་འབྱུང་སྟེ་སེམས་ཅན་ཐམས་ཅད་ཀྱིས་མི་སོད་པ་མི་ཚུགས་པ་རྡོ་རྗེའི་ལུས་སུ་འགྱུར་བ་དང་ལན་གཅིག་བཟླས་པས་གྲུབ་པར་གསུངས་སོ། །རིག་པ་མཆོག་གི་རྒྱུད་སོགས་ལས་ཀྱང་ཕྱག་ན་རྡོ་རྗེའི་སྙིང་པོར་འདི་བསྔགས་ཤིང་ལས་མང་པོ་དང་བཅས་པར་བསྟན་ཏོ། །

― MR07_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའི་སྙིང་པོའི་སྙིང་པོ་ནི། ཏྲཱཾ་བཱ་བཱ་ཊ་ཊ་ཧ་ཧ། འདིས་སེམས་ཅན་ཐམས་ཅད་དབང་བསྐུར་བ་ཐོབ་པ་ལ་སོགས་པ་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །དེ་ནས་མ་བསྒྲུབ་པར་ཡང་ལས་སུ་གྱུར་པ་ནི། འབུམ་བཟླས་ན་དོན་ཐམས་ཅད་ཕུན་སུམ་ཚོགས་པར་འགྱུར་རོ། །ཕྱག་རྡོར་སྤྱན་སྔར་འབུམ་བཟླས་ན་གཏེར་ཆེན་རྙེད། དེ་བཞིན་སྤྱན་རས་གཟིགས་ཀྱི་སྤྱན་སྔར་འབུམ་བཟླས་པ་སོགས་ཀྱི་ཕན་ཡོན་གསུངས་སོ། །རྡོ་རྗེ་ཁུ་ཚུར་གྱི་སྙིང་པོ་ནི། ཨོཾ་རུ་ཊུ་རུ་ཊུ་ཧཱུྃ་ཕཊ། བྱང་སེམས་དེས་བསྐལ་པ་སྟོང་ཕྲག་དགུ་བཅུ་རྩ་གཅིག་པ་ལ་དེ་བཞིན་གཤེགས་པ་རྡོ་རྗེའི་རི་རབ་ལས་བླང་སྟེ། དེས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་མོ་སྙེད་ཀྱི་སེམས་ཅན་རྣམས་མ་འགྲུབ་པ་ཐམས་ཅད་གྲུབ་པར་བྱས་ཏེ། དེས་བསྐྱེད་པ་ནས་དེ་བཞིན་གཤེགས་པ་རྫོགས་ཀྱི་བར་དུའོ། །མ་བསྒྲུབ་པའི་ལས་རྣམས་འབྱུང་བ་ནི། རྡོ་རྗེ་དམ་ཚིག་གི་ཁུ་ཚུར་བཅིང་ནས་འབུམ་བཟླས་ན་ནམ་མཁའ་ལ་འགྲོ་བ་སོགས་ལས་སྣ་ཚོགས་བྱེད་པར་འགྱུར་བའི་ཚུལ་དང་ཉིན་ཞག་གཅིག་ལ་སྨྱུང་བར་བྱས་ཏེ་ལག་གཉིས་རྡོ་རྗེ་ཁུ་ཚུར་བཅིངས་ཏེ་འབུམ་བཟླས་ན། དེ་ཕྱིན་ཆད་ཁུ་ཚུར་བཅིངས་པས་ཇི་ལྟར་འདོད་

― MR07_Page_0666 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བཞིན་ལས་ཐམས་ཅད་བྱེད་དོ། །བྱང་ཆུབ་སེམས་དཔའ་རྡོ་རྗེ་འཁོར་ལོའི་སྙིང་པོ་ནི། ཨོཾ་བཛྲ་ཙཀྲ་ཧཱུྃ། གང་བརྗོད་པ་ཙམ་གྱིས་དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །བྱང་སེམས་ནམ་མཁའི་མཛོད་ཀྱི་སྙིང་པོ་ནི། ཨོཾ་ག་ག་ན་སཾ་བྷ་བ་བཛྲ་པཱ་ཙ་ཧོ། སྙིང་པོ་གང་བརྗོད་པ་ཙམ་གྱིས་མཆོད་པ་ཐམས་ཅད་ཀྱི་གནས་སུ་གྱུར་པའོ། །རྡོ་རྗེ་ཀུན་གྱི་ཕྱག་རྒྱ་བཅིངས་ནས་འབུམ་བཟླས་ན་ནམ་མཁའ་ལས་མཆོད་པའི་རྣམ་པ་ཐམས་ཅད་དང་དོན་ཐམས་ཅད་དང་། ཕུན་སུམ་ཚོགས་པ་ཐམས་ཅད་ཀྱང་འབྱུང་བར་འགྱུར་རོ། །བྱང་ཆུབ་སེམས་དཔའ་བྱམས་པའི་སྙིང་པོ་ནི། ཨོཾ་མཻ་ཏྲི་དྲྀཌྷ་ཙིརྟེ་ཏིཥྛ་ཧོ། གང་བརྗོད་པ་ཙམ་གྱིས་སེམས་ཅན་ཐམས་ཅད་ལ་བྱམས་པའི་སེམས་སྐྱེ་བར་འགྱུར་རོ། །འདི་བརྗོད་པས་དེ་བཞིན་གཤེགས་པ་ཐམས་ཅད་བྱམས་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བཞུགས་སོ། །བྱམས་པ་བསྒོམས་པས་གྲུབ་པ་ཐམས་ཅད་ཇི་འདོད་པ་སྒྲུབ་བོ། །ལས་རྣམས་ཀྱང་ཡིད་ཀྱིས་དད་པའི་ཆོ་ག་དང་བྱམས་པས་སྒྲུབས་ཤིག ཞེས་འདི་རྣམས་འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོ་ཉིད་ལས་བྱུང་བའོ། །འཕགས་པ་

― MR07_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་གྱི་རྩ་བའི་རྟོག་པ་ལས། འཇམ་དཔལ་གཞོན་ནུར་གྱུར་པའི་སྙིང་པོ་ཡི་གེ་དྲུག་པ། འགྲོ་བ་དྲུག་ལས་གྲོལ་བར་བྱེད་པའི་བདག་ཉིད་བསམ་གྱིས་མི་ཁྱབ་པ། མི་མཉམ་པ། ཟླ་མེད་པ། རྫུ་འཕྲུལ་ཆེ་བ། སྲིད་པའི་རྒྱ་མཚོ་ཐམས་ཅད་དང་། སྡུག་བསྔལ་གསུམ་གྱི་སྡུག་བསྔལ་ལས་གྲོལ་བར་བྱེད་པ། འབྱུང་པོ་ཐམས་ཅད་ཀྱིས་བཟོད་པར་དཀའ་བ། འཇིག་རྟེན་ཐམས་ཅད་ཀྱིས་མ་གོས་པ། འབྱུང་པོ་ཐམས་ཅད་ཀྱིས་མི་ཐུབ་པ། སྲིད་པའི་ལས་ཐམས་ཅད་རྣམ་པར་སྦྱོང་བར་བྱེད་པ། སངས་རྒྱས་ཀྱི་ཆོས་ཐམས་ཅད་འཐོབ་པར་བྱེད་པ། མ་རུངས་པ་ཐམས་ཅད་ཟློག་པར་བྱེད་པ། སངས་རྒྱས་ཐམས་ཅད་ཀྱིས་རྗེས་སུ་ཡི་རངས་པར་མཛད་པ། ཕུན་སུམ་ཚོགས་པ་ཐམས་ཅད་བྱེད་པ། འཇམ་དཔལ་གྱིས་བསྟན་པ་ལ་སྔགས་ཐམས་ཅད་ཀྱི་མཆོག་དེ་གང་ཞེ་ན། ཨོཾ་ཝཱ་ཀྱེ་དཾ་ན་མཿ ཞེས་གསུངས་ཤིང་། རྡོ་རྗེ་སྙིང་པོ་རྒྱན་གྱི་རྒྱུད་ལས། གསང་སྔགས་འདི་ནི་མཆོག་ཏུ་གསུང་། །གསང་ཆེན་གྱི་ནི་དམ་པར་བཞེད། །རྣམ་ཐར་གསུམ་གྱི་སྒོ་ལ་གནས། །ཕ་རོལ་ཕྱིན་དྲུག་རབ་ཏུ་དག །ཅེས་དང་། སངས་རྒྱས་རྣམས་ཀྱི་ཡེ་ཤེས་མཆོག །འཇམ་པའི་དབྱངས་ཞེས་རབ་ཏུ་གྲགས། །ཞེས་དང་། འདི་ནི་བསྒྲུབ་པ་ཙམ་གྱིས་ནི། །

― MR07_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་དྲི་མ་མེད་པར་འགྱུར། །བསྟན་བཅོས་ཐམས་ཅད་རབ་སྨྲ་ཞིང་། །དབང་ཕྱུག་ཐམས་ཅད་མདུན་ན་གནས། །ཀུན་གྱི་རྒྱལ་པོ་སྔགས་པ་ཉིད། །རང་ཉིད་ཀུན་གྱི་རྒྱལ་པོ་མཚུངས། །རིག་པ་འཛིན་པ་ཐམས་ཅད་དང་། །བྱང་ཆུབ་ཀུན་གྱི་ཕ་རོལ་སོན། །དབང་ཕྱུག་ཀུན་དང་བདེ་བ་ཆེ། །ཆོས་རྣམས་ཀུན་གྱི་ཡོན་ཏན་མཆོག །རྡོ་རྗེ་འཛིན་པ་ཐམས་ཅད་དང་། །ཡང་ན་སངས་རྒྱས་ཐམས་ཅད་ཀྱི། །ཀུན་ཏུ་འགྲོ་བ་འཐོབ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །དངུལ་ཆུ་བཅུད་ལེན་དེ་ཉིད་དང་། །རྐང་པས་སྤྱོད་པ་དྲི་མེད་མཆོག །རིལ་བུ་དང་ནི་མི་སྣང་བ། །ཐམས་ཅད་དུ་ནི་སྟེར་བར་འགྱུར། །དཔལ་ལྡན་འཇམ་པའི་མཆོག་འདི་ནི། །ཆོས་ཀྱི་གསུང་གི་མཆོག་ལས་འཁྲུངས། །སངས་རྒྱས་རྣམས་ཀྱི་ཚངས་པའི་དབྱངས། །འཇམ་པའི་དབྱངས་ཞེས་རབ་ཏུ་གྲགས། །འདི་ནི་བསྒྲུབ་པ་ཙམ་གྱིས་ནི། །བསམ་པ་ཕུན་སུམ་ཚོགས་ཀུན་གྱི། །སངས་རྒྱས་ཀུན་དུ་བརྟེན་འགྲོ་ན། །གཞན་པའི་ལྷ་ལྟ་སྨོས་ཅི་དགོས། །ཞེས་གསུངས་ཤིང་། རྒྱུད་གཞན་ལས་ཀྱང་སྔགས་འདི་བྱུང་བའོ། །ཨོཾ་ཨཱཿམུ་ཧཱུྃ་སྭཱ་

― MR07_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱ། གདན་བཞི་པ་ལས། ས་བོན་འདི་ནི་བཟླས་བྱས་ན། །སྡིག་པ་ཐམས་ཅད་ཐག་བསྲིངས་ཤིང་། །རང་འདོད་ལས་ནི་འགྲུབ་པར་འགྱུར། །སྡིག་པ་ཀུན་ལས་གྲོལ་བར་འགྱུར། །ཞེས་གསུངས་སོ། །སྒྲིབ་སེལ་གྱི་མཚན་བརྒྱ་རྩ་བརྒྱད་པ་ལས། ཨོཾ་ཨ་མྲྀ་ཏ་བིནྡུ་ཛཱ་ཝཱ་མ་ཧཱ་སུ་ཁ་སྭཱ་ཧཱ། སྒྲིབ་པ་ཐམས་ཅད་རྣམ་པར་སེལ་བ། ཁྱོད་ཀྱི་ཡོན་ཏན་རིན་པོ་ཆེའི་ཚོགས་ཅན་གྱི་གཟུངས་སེམས་ཅན་རྣམས་ཀྱི་ཡིད་བདེ་བ་ཆེན་པོ་སྐྱེད་པ་ལེགས་སོ། །འདི་ཐོས་པས་སངས་རྒྱས་གངྒཱའི་ཀླུང་བཅུའི་བྱེ་མ་སྙེད་ཀྱི་སྤྱན་སྔར་དགེ་རྩ་བསྐྱེད་པ་དང་ལྡན་ནོ། །གང་གི་རྣ་ལམ་དུ་གྲགས་པས་སྒྲིབ་པ་ཐམས་ཅད་བྲལ་བར་འགྱུར། སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ཡར་ཚེས་བརྒྱད་དམ་བཅོ་ལྔར་སྨྱུང་བར་གནས་ལ་གསོ་སྦྱོང་དང་ལྡན་པས་སྤོས་དང་མེ་ཏོག་མར་མེ་སོགས་ཀྱིས་མཆོད་ནས་བསྐོར་བ་བྱས་ཏེ་བཟླས་ན་ཅི་འདོད་པ་འཐོབ་པར་འགྱུར། སྡིག་པ་དང་སྡུག་བསྔལ་འཇིགས་པ་ཐམས་ཅད་སེལ། སྒྲིབ་པ་རྣམ་སེལ་ལ་སྤོས་སོགས་མཆོད་པ་ཕུལ་ཏེ་འདི་བཟླས་ན་རྨི་ལམ་དུ་མཐོང་བ་སྟོན་ཅིང་བསམ་པ་ཐམས་ཅད་ཡོངས་སུ་རྫོགས་

― MR07_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད། ཉོན་མོངས་པ་དང་སྡུག་བསྔལ་ཐམས་ཅད་སེལ་བར་བྱེད་དོ། །ཅེས་གསུངས་སོ། །གཞན་ཡང་བྱང་ཆུབ་སེམས་དཔའ་འདིའི་མཚན་ཐོས་པ་ཙམ་གྱིས་སྒྲིབ་པ་ཐམས་ཅད་བྱང་བ་དང་། མཚན་བརྗོད་པ་ཙམ་གྱིས་ས་གཡོ་བར་མདོ་ལས་གསུངས་སོ། །ཨོཾ་བཛྲ་པཱ་ཎི་ཧཱུྃ། འདི་ནི་ཕྱག་ན་རྡོ་རྗེའི་སྙིང་པོར་རྒྱུད་དུ་མར་གསུངས་པ་སྟེ། དཔལ་ཡེ་ཤེས་ཐིག་ལེའི་རྒྱུད་ལས། ལྷ་མོ་སྔགས་ནི་ཡི་གེ་དྲུག །ཐམས་ཅད་འདོད་པའི་དོན་སྒྲུབ་བྱེད། །གདུག་པ་ཐམས་ཅད་འཇིགས་བྱེད་ཅིང་། །ནད་རྣམས་ཀུན་ནི་ཟད་པར་བྱེད། །དངོས་གྲུབ་ཐམས་ཅད་རབ་ཏུ་སྦྱིན། །ཐམས་ཅད་མཁྱེན་པས་མི་ཐུབ་བོ། །ཁྲོ་བོའི་ལྟ་བས་བཟླས་པ་ན། །སྐད་ཅིག་གིས་ནི་ཐམས་ཅད་གསོད། །ཞི་བའི་ལྟ་བས་བཟླས་པ་ན། །མཐའ་ཡས་པ་ཡི་ནད་ཞི་བྱེད། །ཅེས་གསུངས་སོ། །ཨོཾ་སྭཱཾ་ཧྲཱིཿཀཱ་ཡ་སྭཱ་ཧཱ། འདི་ནི་འཕགས་པ་ཀུན་ཏུ་བཟང་པོའི་གསང་སྔགས་ཏེ། རྡོ་རྗེ་སྙིང་པོ་རྒྱན་གྱི་རྒྱུད་ལས། །སངས་རྒྱས་ཀུན་གྱི་རང་བཞིན་སྐུ། །ཀུན་ཏུ་བཟང་པོ་འོད་བཟང་བ། །འདི་ཡི་སྔགས་ཆེན་བཟླ་བར་བྱ། །ཡང་ན་འདི་ནི་ལྷ་གཞན་གྱི། །རྟག་ཏུ་སྔགས་སུ་གྱུར་པའོ། །གསང་སྔགས་རྒྱལ་པོ་ཆེར་གསང་ཞིང་། །

― MR07_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

གདོད་ནས་དག་ཅིང་རང་བྱུང་བ། །འདི་ནི་བསྒྲུབ་པ་ཙམ་གྱིས་ནི། །ཤེས་རབ་དྲི་མ་མེད་པར་འགྱུར། །དེ་ཡི་ཡེ་ཤེས་དྲི་མེད་ཅིང་། །གཟུགས་མཛེས་པ་ནི་དེ་དང་མཚུངས། །བསྟན་བཅོས་ཐམས་ཅད་རབ་སྨྲ་བ། །ཀུན་བཟང་མཆོག་ཏུ་བདག་འགྱུར་རོ། །ཞེས་གསུངས་སོ། །ཨོཾ་བཛྲ་གརྦྷ་ཧཱུྃ། རྡོ་རྗེ་སྙིང་པོའི་སྔགས་ཏེ། འདི་ནི་སྔགས་མཆོག་གཙོ་བོ་སྟེ། སངས་རྒྱས་བྱང་ཆུབ་སྒྲུབ་ཅིང་ཡེ་ཤེས་ཡངས་པ་སྩོལ། ཕུན་སུམ་ཚོགས་པ་ཐམས་ཅད་སྦྱིན། དགུག་སོགས་ཐམས་ཅད་འགྲུབ། ཐུགས་ཀྱི་རྡོ་རྗེ་ཆོས་ཀྱི་དབྱིངས་དང་མཉམ་པ་ཐོབ་ཅེས་རྡོ་རྗེ་སྙིང་པོའི་རྒྱུད་ལས་སོ། །ཨོཾ་སརྦ་བིདྱཱ་སྭཱ་ཧཱ། རིག་པ་ཆེན་པོའི་སྔགས་ཏེ། སྔགས་ཀྱི་རྒྱལ་པོ་ཕན་ཡོན་ཚད་མེད་པའི་མངའ་བདག་དངོས་གྲུབ་ཐམས་ཅད་སྦྱིན་པའོ། །ཨོཾ་སརྦ་བིད་ཧཱུྃ། འདི་ནི་རྣམ་སྣང་ཀུན་རིག་ཆེན་པོའི་སྙིང་པོ་དམ་པ་སྟེ་རྟོག་པ་དེ་ལས་མཐོང་ཐོས་ཐམས་ཅད་ངན་སོང་དང་དུས་མིན་འཆི་བ་རྨི་ལམ་དུ་ཡང་མི་མཐོང་། རྒྱུད་ངེས་པར་འགྱུར། ཕྱིར་མི་ལྡོག་ཅིང་འཇིག་རྟེན་དང་འཇིག་རྟེན་ལས་འདས་པའི་ཕན་བདེ་ཐམས་ཅད་མྱོང་བར་འགྱུར་བ་སོགས་ཕན་ཡོན་ཚད་མེད་གསུངས་སོ། །ཨོཾ་ཏྲ་ཊ་ཧཱུྃ། འདི་ནི་སྡིག་

― MR07_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐམས་ཅད་གཞོམ་པའི་སྔགས་ཏེ་སོ་སོར་ཉེ་སྙིང་དུ་ཡང་གསུངས་པ་ཕན་ཡོན་ཚད་མེད་པའོ། །ཨོཾ་སརྦ་ནི་ཝ་ར་ཎ་བིཥྐཾ་བྷི་ནི་སྭཱ་ཧཱ། འདི་ནི་བྱང་ཆུབ་སེམས་དཔའ་སྒྲིབ་པ་རྣམ་སེལ་གྱི་སྙིང་པོ་སྟེ་སྡིག་སྒྲིབ་ཐམས་ཅད་སེལ་ཞིང་དངོས་གྲུབ་ཐམས་ཅད་རྩོལ་བའི་སྔགས་སུ་རྡོ་རྗེ་སྙིང་པོ་རྒྱན་སོགས་རྒྱུད་ལས་གསུངས་སོ། །ཨོཾ་ནཱི་ས་རཱ་ཡ་སྭཱ་ཧཱ། འདི་ནི་སྒྲིབ་སེལ་དེའི་ཉེ་བའི་སྙིང་པོ་ཕན་ཡོན་གོང་བཞིན་ནོ། །དེ་ཡང་རྡོ་རྗེ་སྙིང་པོ་རྒྱན་གྱི་རྒྱུད་ལས། གསང་སྔགས་འདི་ཡིས་སྦྱོར་བ་དང་། །བཅུད་ཀྱི་ལེན་གྱིས་བདེ་བླག་ཏུ། །རིང་པོ་ཉིད་དུ་མི་ཐོགས་པར། །སྒྲིབ་པ་རྣམ་སེལ་མཚུངས་པར་འགྱུར། །ཞེས་དང་། གཙོ་བོ་གསང་སྔགས་འདི་འཛིན་ལ། །རྣམ་པར་སེལ་བར་གྲགས་པ་སྟེ། །དངོས་གྲུབ་འདི་ནི་གཟི་བརྗིད་ཆེ། །རྣམ་སེལ་མཆོག་གི་དབང་ཕྱུག་ནི། །མཐའ་ལས་འདས་པའི་དངོས་གྲུབ་མཆོག །ཐམས་ཅད་ནས་ནི་སྩོལ་བ་ཉིད། །ཞེས་གསུངས་སོ། །ཨོཾ་ཨཀྵ་ཧཱུྃ་ཕཊ། འདི་ནི་འཁོར་ལོ་བདེ་མཆོག་ཟ་བྱེད་ཀྱི་སྔགས་བཀླག་པ་ཙམ་གྱིས་འགྲུབ་པ་སྟེ། སྡིག་སྒྲིབ་ཐམས་ཅད་དང་། སྡུག་བསྔལ་བ་དང་། མཚམས་མེད་པའི་ལས་དང་སྲིད་པ་ཐམས་ཅད་ཟད་པར་བྱེད་ཅིང་གདུག་པ་ཐམས་ཅད་འབྲོས་པར་བྱེད་

― MR07_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །ཞེས་མངོན་འབྱུང་གི་རྒྱུད་ལས་སོ། །མགོན་པོ་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་ཨ་ཐ་ཐརྦ་ཤ་བ་རིའི་སྔགས་གསུངས་པ། ཨོཾ་སརྦ་མནྟ་ཎི་དཱ་ནཾ་ཀྵེ་མྃ་རྃ་ཧཱུྃ་ཀྵཿཧཿ སྔགས་ཀྱི་རྒྱལ་པོ་འདི་ལན་གཅིག་བཟླས་པ་ཙམ་གྱིས་སྒྲུབ་པ་པོ་རྣམས་ཀྱི་སྡིག་པ་ཐམས་ཅད་ཚེགས་མེད་པར་ཟད་པར་འགྱུར་རོ། །ཞེས་གསུངས་སོ། །ཨོཾ་ཨཱ་ཀཱ་ཤ་གརྦྷ་ཡ་སྭཱ་ཧཱ། ནམ་མཁའི་སྙིང་པོ་སྟོབས་པོ་ཆེ། །བཅོམ་ལྡན་རྣལ་འབྱོར་འགྲུབ་པར་འགྱུར། །རང་གི་དངོས་གྲུབ་ཐམས་ཅད་ནི། །སྟེར་བར་འགྱུར་ཏེ་དཔྱད་མི་དགོས། །དཔའ་བོ་སངས་རྒྱས་ཐམས་ཅད་ཀྱིས། །དངོས་གྲུབ་ཇི་སྙེད་བཀའ་སྩལ་པ། །ནམ་མཁའི་སྙིང་པོ་བསྒྲུབས་པ་ཡིས། །དེ་དག་ཐམས་ཅད་མྱུར་དུ་སྟེར། །ཞེས་རྡོ་རྗེ་སྙིང་པོ་རྒྱན་གྱི་རྒྱུད་ལས་གསུངས་སོ། །ཨོཾ་ཀྵི་ཧཿརཱ་ཛཱ་སྭཱ་ཧཱ། འདི་ནི་ས་ཡི་སྙིང་པོའི་སྔགས་རྡོ་རྗེ་སྙིང་པོ་རྒྱན་གྱི་རྒྱུད་ལས་གསུངས་པ་སྟེ། བསམ་ཡས་སྔགས་མཆོག་འདི་ཡིས་ནི། །དངོས་གྲུབ་ཐམས་ཅད་རབ་སྩོལ་མཛད། །ས་ཡི་སྙིང་པོ་ཞེས་གྲགས་པ། །དམ་པའི་དོན་དུ་རྣལ་འབྱོར་པས། །ཞེས་སོ། །ཨོཾ་ཨཀྵ་ས་མ་ཏི་སྭཱ་ཧཱ། འདི་བློ་གྲོས་མི་ཟད་པའི་སྔགས་ཏེ་བློ་གྲོས་དང་ཡེ་ཤེས་

― MR07_Page_0674 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཟད་པར་འདོད་པས་འབད་པས་བསྒྲུབ་པར་བྱ་སྟེ་སངས་རྒྱས་ཀྱང་འཐོབ་ན་དངོས་གྲུབ་གཞན་ལྟ་ཅི་སྨོས་ཞེས་སྙིང་པོ་རྒྱན་ལས་སོ། །ཨོཾ་ག་ག་ན་གཉྫོ་གཾ་སྭཱ་ཧཱ། འདི་ནི་ནམ་མཁའ་མཛོད་ཀྱི་སྔགས་ཏེ་མཁའ་ལས་ནོར་བུ་བུམ་བཟང་དཔག་བསམ་ཤིང་སོགས་ཅི་འདོད་ཆར་དུ་འབེབ་པས་རེ་བ་ཐམས་ཅད་རྫོགས་པ་སོགས་ཕན་ཡོན་རྒྱ་ཆེ་སྟེ་སྙིང་པོ་རྒྱན་ལས་སོ། །ཨོཾ་རཏྣ་པཱ་ཎི་ར་མུ་སྭཱ་ཧཱ། འདི་ནི་ལག་ན་རིན་ཆེན་གྱི་སྔགས་ཏེ་འགྲོ་བ་ཀུན་གྱི་ལག་ཏུ་འདོད་པའི་དངོས་གྲུབ་ཐམས་ཅད་ཀྱི་རིན་པོ་ཆེའི་ཆར་འབེབ་པ་སྙིང་པོ་རྒྱན་ལས་སོ། །ཨོཾ་སཱ་ག་ར་མ་ཏི་ས་ར་སྭཱ་ཧཱ། འདི་ནི་རྒྱ་མཚོའི་བློ་གྲོས་སམ་བློ་གྲོས་རྒྱ་མཚོའི་སྔགས་ཏེ་བཟླས་ན་ཤེས་རབ་འཇམ་དབྱངས་དང་བློ་གྲོས་རྒྱ་མཚོ་དང་མཚུངས་ལ། ཐུགས་རྗེ་འཇིག་རྟེན་དབང་ཕྱུག་དང་མཚུངས་པ་ཐོབ་ཅེས་སྙིང་པོ་རྒྱན་ལས་སོ། །ཨོཾ་རཏྣཱ་ཀཱ་རཿཧྲཱིཿརཏྣཾ་དད་སྭཱ་ཧཱ། རིན་ཆེན་འབྱུང་གནས་ཀྱི་སྔགས་འདིས་ས་ཡི་དབང་ཕྱུག་དང་རིན་ཆེན་ནོར་གྱི་ཆར་འབེབ་ཅིང་ལམ་རྫོགས་པར་འགྱུར་རོ་ཞེས་སྙིང་པོ་རྒྱན་ལས་སོ། །ཨོཾ་ས་མནྟ་བྷ་དྲ་སཾ་སྭཱ་ཧཱ། འདི་ནི་འཕགས་པ་ཀུན་ཏུ་བཟང་པོའི་སྙིང་པོ་སེམས་ཅན་ཐམས་ཅད་སྨིན་པར་བྱེད་པའོ། །ཨོཾ་ཀྵི་ཏི་གརྦྷ་ཀྵིཾ་སྭཱ་ཧཱ། འདི་ནི་འཕགས་མཆོག་

― MR07_Page_0675 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཡི་སྙིང་པོའི་སྙིང་པོ་སེམས་ཅན་ཐམས་ཅད་ཀྱི་རེ་བ་ཡིད་བཞིན་དུ་རྫོགས་པར་བྱེད་པའོ། །ཨོཾ་མ་ཎི་བཛྲོ་ཧཱུྃ། འདི་ནི་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པའི་རིགས་སྔགས་ཀྱི་རྒྱལ་པོ་ཕན་ཡོན་ཚད་མེད་པའི་སྙིང་པོ་བསྔགས་པ་ཚད་མེད་པ། འཇིགས་པ་དང་སྡིག་པ་དང་། དུག་དང་བྱད་དང་ནད་དང་རྒོལ་བ་སོགས་མི་མཐུན་པ་ཐམས་ཅད་ཞི་ཞིང་ཕར་ཕྱིན་དྲུག་དང་ཇི་ལྟར་འདོད་པའི་ཡོན་ཏན་ཐམས་ཅད་འགྲུབ་ཅིང་། བཀླག་པ་ཙམ་གྱིས་གྲུབ་པ། ལས་ཐམས་ཅད་བྱེད་པ། སངས་རྒྱས་སུ་འགྲུབ་པར་བྱེད་པ་སྟེ། གཞན་ན་དྲི་མེད་འོད་ཀྱི་སྙིང་པོར་ཡང་གསུངས། སྔགས་ཀྱི་རྟོགས་པ་དུ་མར་འབྱུང་བའི་གསང་སྔགས་ཁྱད་པར་ཅན་ནོ། །འདི་ནི་འབུམ་བཟླས་ན་དེ་བཞིན་གཤེགས་པ་ཐམས་ཅད་མཐོང་། ཉིས་འབུམ་བཟླས་ན་སངས་རྒྱས་ཀྱི་ཞིང་ཐམས་ཅད་མཐོང་བ་སོགས་གོང་ནས་གོང་དུ་ཡོན་ཏན་གྱི་ཁྱད་པར་དང་ལས་མང་དུ་གསུངས་སོ། །ཨོཾ་མ་ཎི་དྷཱ་རི་ཧཱུྃ་ཕཊ། འདི་ཡང་ནོར་བུ་རྒྱས་པའི་ཉེ་སྙིང་སྟེ་ཕན་ཡོན་གོང་མ་ཇི་ལྟ་བཞིན་ནོ། །ན་མ་སྟྲཻ་ཡ་དྷཱི་ཀཱ་ནཱཾ་ཏ་ཐཱ་ག་ཏཱ་ནཱཾ། ཨོཾ་ཨསྟ་པ་རི་བྷོ་གི་སྭཱ་ཧཱ། འདི་ནི་འཕགས་པ་ཀུན་ཏུ་བཟང་པོའི་གསང་སྔགས་ཏེ། འདི་བཀླག་

― MR07_Page_0676 ―

^{[མ་དཔེ་གཟིགས་ན་འདིར་གནོན།]}

[Full Size]

པས་འཕགས་པ་ཀུན་ཏུ་བཟང་པོའི་སྤྱོད་པ་ལས་ཕྱིར་མི་ལྡོག་པར་བྱིན་གྱིས་རློབ་པའི་ཡོན་ཏན་ལ་འཇུག་པ་རབ་ཏུ་འཐོབ་པར་འགྱུར་རོ་ཞེས་དམ་ཚིག་གསུམ་བཀོད་ལས་གསུངས་སོ། །ཨོཾ་སྭ་སྟི་ཀ་མཱ་ལཱཀྵི་བི་པུ་ལ་སཾ་བྷ་བ་དྷ རྨ་དྷཱ་ཏུ་གོ་ཙ་རེ་སྭཱ་ཧཱ། འདི་ནི་ནམ་སྙིང་གི་མཚན་བརྒྱ་རྩ་བརྒྱད་པ་ལས་ནམ་མཁའི་སྙིང་པོའི་སྙིང་པོ་དཀྱིལ་འཁོར་མངོན་སུམ་པ་རྣམས་ཀྱི་སྭཱ་ཧཱའི་མཆོག་གི་གཟུངས་ཤིན་ཏུ་འབྱུང་བར་དཀའ་བ་སྡིག་པ་དང་ཉོན་མོངས་པ་ཐམས་ཅད་བསྲེགས་པ། བསོད་ནམས་ཆེན་པོ། བྱང་སེམས་རྣམས་ཀྱི་མ། རིན་པོ་ཆེའི་ཕུང་པོར་གྱུར་པ། འདི་ཐོས་པས་ཤིན་ཏུ་དྲི་མེད་རྣམ་དག་ཁྲུས་བྱས་པར་འགྱུར། པདྨ་ལྟ་བུར་འཁོར་བས་མི་གོས། ཉི་མ་ལྟ་བུར་སེམས་ཅན་སྣང་བར་བྱེད། །ཟླ་བ་ལྟ་བུར་སེམས་ཅན་སིམ་པར་བྱེད། །ནམ་མཁའ་ལྟ་བུར་ངན་སོང་གིས་མི་གོས། །ས་གཞི་ལྟ་བུར་མཐོ་དམན་མེད། །ལྷུན་པོ་ལྟ་བུར་ཀུན་གྱིས་མི་བསྐྱོད། །ཐར་པ་ལྟ་བུར་བདེ་སྡུག་གིས་མི་གོས་སོ། །དེ་སོགས་ཡོན་ཏན་སྟོང་ཕྲག་བགྲང་བ་ཚད་མེད་གྲངས་མེད་ཐོབ་སྟེ། ཉན་འཆང་བརྗོད་པ་ཙམ་གྱིས་གང་ཅི་ཡང་རུང་བའི་འདོད་སྨོན་རེ་བ་དེ་དག་འགྲུབ་བོ། །བཟླས་པ་ཙམ་གྱིས་ཆར་ཆེས་ཆར་ཆུང་སྡང་བ་རྨི་ངན་མི་ནད་

― MR07_Page_0677 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པ་འཆི་བ་ཆོམ་རྐུན་གཡུལ་གཅན་གཟན་མུ་གེའི་འཇིགས་པའི་དུས་ལས་སྲུང་ཞིང་བདེ་འབྱོར་ཅི་འདོད་པ་དང་དགའ་བ་འགྲུབ་བོ་ཞེས་གསུངས་སོ། །ཨོཾ་བཛྲ་ཙཎྚ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། འདི་ནི་ཕྱག་ན་རྡོ་རྗེའི་སྙིང་པོ་མཆོག་སྟེ། དེའི་མཚན་བརྒྱ་རྩ་བརྒྱད་པ་ལས། གཟུངས་འདི་ནི་མཆོག་ཏུ་གསང་བ། རིག་སྔགས་ཐམས་ཅད་ཀྱི་མཆོག་བགེགས་ཐམས་ཅད་བཟློག་པ། སྡང་བ་ཐམས་ཅད་སེལ་བ། དམ་པ་དང་འབྱོར་པ་སྩོལ་བ། སྡང་བ་རྣམས་དགའ་བར་བགྱིད་པ། ཐོས་པ་དང་བརྗོད་པ་དང་། བསྙེན་བཀུར་བགྱིས་ན་དོན་མཆིས་པ་སྟོབས་དང་སྤོབས་པ་བསྐྱེད་པ། གཟུགས་བཟང་བ་དང་ནོར་དང་དབང་ཕྱུག་དང་། དབང་བགྱིད་པ་ཐོབ་པར་བྱེད་པ། སྡང་བ་འཇོམས་ཤིང་འཇིགས་ལ་ང་རྒྱལ་འཇོམས་ཤིང་ཕ་རོལ་ཕམ་པར་བྱེད་པ། དུག་དང་ཉོན་མོངས་མཚམས་མེད་ཀྱི་ལས་སོགས་སྡིག་པ་རྨི་ལམ་ངན་པ་བཀྲ་མི་ཤིས་པ་ནོངས་པ་བགྱིས་པ་ཐམས་ཅད་ཞི་ཞིང་སྦྱོང་བ། དཔལ་དང་སྐལ་བ་བཟང་པོ་དང་རྒྱལ་བ་དང་དགའ་བ་དང་མཆོག་ཏུ་དགའ་ཞིང་དད་པ་དང་སེམས་ཅན་ཐམས་ཅད་དགའ་བ་དང་དབང་བྱེད་པ། ཅི་འདོད་སྩོལ་བ་ཡོན་ཏན་ཐམས་ཅད་

― MR07_Page_0678 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་སུམ་ཚོགས་པར་བགྱིད་པ། ཆར་ཆེས་པ་དང་མི་འབབ་པ་སོགས་དུས་ཀྱི་གནོད་པ་ཞི་བ། གཡུལ་ཆེན་པོ་དང་། མི་ནད་དང་། རྩོད་པ་ཆེན་པོ་མི་མ་ཡིན་ལ་སོགས་པའི་འཇིགས་པ་དང་སྡང་བ་དང་བྱད་སྟེམས་དང་། རོ་ལངས་ཀྱི་སྦྱོར་བ་ཆེན་པོ་དང་། སྐྲོད་པ་དང་། སྲོག་འཇིག་པའི་འཇིགས་པ་ཆེན་པོ་བྱུང་བ་ན་ནང་པར་ལངས་ནས་ཁྲུས་བྱས་ཤིང་གོས་དཀར་པོ་བཙལ་ཏེ་ཁ་ཤར་དུ་བལྟས་ལ་རྡོ་རྗེ་འཆང་གི་གདོང་དུ་ལྟ་ཞིང་ལན་བདུན་བརྗོད་ན། བརྗོད་པ་ཙམ་གྱི་འཇིགས་པ་ཐམས་ཅད་ལས་ཐར་བར་འགྱུར་ཞིང་གྲུབ་པ་ཆེན་པོ་ཡང་ཐོབ་པར་འགྱུར་རོ། །ཐམས་ཅད་དུ་ཡང་རྒྱལ་བར་འགྱུར་ཏེ། སེམས་ཅན་རྣམས་ལ་སྲུང་སྐྱོབ་བྱེད་པ་ནི་གཟུངས་ཆེན་པོ་འདི་ལས་ལྷག་པ་མ་མཆིས་སོ། །ཞེས་གསུངས་སོ། །གཞན་ཡང་ཕྱག་རྡོར་རྡོ་རྗེ་བདེ་ཁྲོས་ཀྱི་རྒྱུད་ལས། བཅོ་བརྒྱད་སྔགས་ཀྱི་རྒྱལ་པོ་འདི། །མ་བྱུང་མི་འབྱུང་འབྱུང་མི་འགྱུར། །འདི་བཟླས་མངོན་དུ་གྲུབ་པར་འགྱུར། །རྟག་ཏུ་མཚན་མ་བཟང་པོ་འབྱུང་། །གཞན་གྱི་སྦྱོར་བ་འོང་མི་འོང་། །རང་ལ་ངེས་པར་སྟོན་པར་འགྱུར། །ཞེས་གསུངས་ཤིང་སྔ་འགྱུར་བའི་སྒྲུབ་པ་ཆེན་པོ་བཀའ་བརྒྱད་ཀྱི་སྤྱི་དྲིལ་གྱི་གསང་སྔགས་ཁྱད་པར་ཅན་དུའང་གསུངས་སོ། །

― MR07_Page_0679 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སུཾ་བྷ་ནཾ་སུཾ་བྷ་ཧ་ར་ཙ་ར་མ་ཧཱ་པཱ་ཤ་མ་རུ་ཏ་ཨ་མོ་གྷ་བཛྲ་ས་ཏྭ་སྭཱ་ཧཱ། འདི་ནི་འཕགས་པ་ས་ཡི་སྙིང་པོའི་ཡོན་ཏན་སྦྱིན་པ་ཞེས་བྱ་བའི་གཟུངས་འདི་དེའི་མཚན་བརྒྱ་རྩ་བརྒྱད་པ་ལས་གསུང་པ་སྟེ། གཟུངས་འདི་ནི་ཡོན་ཏན་དཔག་ཏུ་མེད་པ་བསྐྱེད་པ། སེམས་ཅན་ཐམས་ཅད་ཀྱི་སྡུག་བསྔལ་དང་། ཉེས་པ་ཐམས་ཅད་ཟློག་པར་བྱེད་པ། ཇི་ལྟར་འདམ་ལས་པདྨ་བཞིན་དུ་འཁོར་བར་རྒྱུ་ཚེ་ཉེས་པ་ཀུན་གྱིས་མི་གོས་པར་བྱེད་པ། སེམས་ཅན་སུ་ཡང་རུང་བ་གསང་སྔགས་འདི་འཆང་བར་བྱེད་པ་ལས་གཅིག་ཀྱང་བྱང་ཆུབ་ལས་ཕྱིར་མི་ལྡོག་པར་འགྱུར་བ། འདི་ཐོས་ནས་མོས་པ་ལ་ངེས་པར་ཡོན་ཏན་ཐོབ་སྟེ་ཐེ་ཚོམ་མེད་དོ། །ཅེས་གསུངས་སོ། །ཨོཾ་མུ་ནི་མུ་ནི་སྨ་ར་སྭཱ་ཧཱ། འདི་ནི་འཕགས་པ་བྱམས་པ་མགོན་པོའི་ཉེ་བའི་སྙིང་པོ་སྟེ། འདི་ཉན་ཀློག་སེམས་ན་བྱམས་པ་སངས་རྒྱས་པའི་ཚེ་བྱང་ཆུབ་ཏུ་ལུང་སྟོན་པ་དང་། འདི་ཐོས་པས་ངན་སོང་དུ་མི་འགྲོ་ཞིང་མངལ་དུ་མི་སྐྱེ་ལ་བྱང་ཆུབ་ཏུ་ལུང་བསྟན་འཐོབ་པ་དང་། ལྷའི་བསྐལ་བ་སྟོང་དུ་འཁོར་སྒྱུར་དུ་འགྱུར་ཞིང་། དགེ་བཅུའི་ལམ་དང་

― MR07_Page_0680 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པ་དང་། ཇི་ལྟར་བསམ་པའི་ལོངས་སྤྱོད་འགྲུབ་བོ་ཞེས་གསུངས་སོ། །རྡོ་རྗེ་སྙིང་པོ་རྒྱན་གྱི་རྒྱུད་ལས་བྱམས་པའི་གསང་སྔགས་རང་བཞིན་གྱིས་གྲུབ་པ་ནི། ཨོཾ་ཨ་ཛི་ཏཉྫ་ཡ་སརྦ་ས་ཏྭ་ས་མ་ཡ་མ་ནུ་ག་ཏ་སྭཱ་ཧཱ། གསང་སྔགས་བདག་ཉིད་རྒྱལ་པོ་འདི། །བྱམས་པ་ཞེས་ནི་གྲགས་པ་སྟེ། །ཆོས་ཀྱི་དབྱིངས་དང་མཚུངས་པར་ཁྱབ། །བྱམས་པའི་ཐུགས་ནི་ཡིད་དུ་འོང་། །འདི་ནི་བསྒྲུབ་པ་ཙམ་གྱིས་ཀྱང་། །དགའ་ལྡན་དུ་ནི་གནས་པར་འགྱུར་ཞེས་དང་། སྒྲིབ་བྲལ་ལྷའི་བུའི་ལུས་ཀྱིས་བྱམས་པའི་མདུན་དུ་ཆོས་ཉན་པ་དང་ཕར་ཕྱིན་དབང་དང་ཏིང་ངེ་འཛིན་ཐོབ་པ་བྱམས་པ་ལྟ་བུའི་བྱང་ཆུབ་སེམས་དཔར་གྱུར་ནས་མཐར་སངས་རྒྱས་པར་གསུངས་སོ། །སྤྱན་རས་གཟིགས་ཀྱི་རྩ་རྒྱུད་པདྨ་དྲྭ་བ་སོགས་ལས་གསུངས་པའི་ཕྱོགས་བཅུའི་སྤྱན་རས་གཟིགས་མཚན་དང་སྐུ་ཡི་རྣམ་པ་ཐ་དད་པ་བཅུའི་སྙིང་པོ་ནི། ཨོཾ་ཨཱ་ཧྲཱིཿསིཾ་ཧ་ནཱ་ད་ཧཱུྃ་ཕཊ། འདི་ནི་ཤར་ཕྱོགས་ཀྱི་སྤྱན་རས་གཟིགས་སེང་གེ་སྒྲའི་སྙིང་པོ་སྟེ་འོད་དཔག་མེད་སོགས་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་པའི་སྙིང་པོ། ལན་གཅིག་བརྗོད་པས་སྡིག་པ་ཀུན་བྱང་། ནད་དང་ཆོམ་པོ་དགྲ་མཚོན་སོགས་ཀྱི་འཚེ་བ་དང་། ཁྱད་

― MR07_Page_0681 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཀླུའི་གནོད་པ་དང་། སྙིང་གི་ནད་ཞི། སྲིད་པ་ཉམ་ང་བ་དང་བུད་མེད་ཀྱི་ལུས་སུ་མི་སྐྱེ། ཚེ་རབས་དྲན། རྟག་ཏུ་དཔལ་དང་ལྡན་ཞིང་ཕྱི་མ་བདེ་བ་ཅན་དུ་སྐྱེ་བར་སེང་གེའི་སྒྲའི་གཟུངས་ལས་གསུངས་ཤིང་། རྒྱུད་ལས་འདིས་ཤེས་རབ་གསལ་བར་བྱེད་པར་གསུངས་སོ། །ཨོཾ་པདྨ་དྷཱ་རདྷཱ་ཀི་ཧཱུྃ་ཕཊ། འདི་ལྷོ་ཕྱོགས་ཀྱི་སྤྱན་རས་གཟིགས་ཡིད་བཞིན་ནོར་བུ་འཁོར་ལོས་སྒྱུར་བའི་སྙིང་པོ་སྟེ་འགྲོ་བའི་སེར་སྣ་བཅད་ནས་སྦྱིན་པའི་འབྱུང་གནས་གཏེར་ཆེན་པོ་རྡོལ་བར་བྱེད་པའོ། །སྙིང་པོ་འདི་རེ་རེ་བཞིན་ཕན་ཡོན་ཚད་མེད་པ་ཡོད་པ་ནི་འོག་གི་པདྨ་ཨུཥྞིའི་མཚོན་ཏེ་ཤེས་ལ། སོ་སོར་རྒྱུད་ལས་མ་གསུངས་པས་འདིར་ཡང་བརྗོད་པར་རྔོ་མ་ཐོག་ཀྱང་ཐམས་ཅད་ཀྱང་སྔགས་ཀྱི་སྙིང་པོ་ཕན་ཡོན་ཚད་མེད་པ་ཉིད་དུ་ཤེས་པར་བྱའོ། །ཨོཾ་པདྨ་ནི་ར་ཏེ་ཤྭ་ར་ཧྲཱིཿཧཱུྃ་ཕཊ། འདི་ནུབ་ཕྱོགས་ཀྱི་སྤྱན་རས་གཟིགས་པདྨ་གར་གྱི་དབང་ཕྱུག་གི་སྙིང་པོ་སྟེ། འདིས་འདོད་ཆགས་ཀྱི་འདམ་རྫབ་བསྐམ་ནས་ཚུལ་ཁྲིམས་ཕར་ཕྱིན་ཐོབ་ལ་འཇིག་རྟེན་དབང་ཕྱུག་གི་རྟོག་པ་ལས་སྙིང་པོའི་སྔགས་འདི་བརྒྱ་རྩ་བརྒྱད་བཟླས་ན་སྡིག་པ་བྱང་། ལྔ་བརྒྱས་ནད་ཐམས་ཅད་གྲོལ་བ་སོགས་བྱེད་པའི་བར་དུ་བཟླས་གྲངས་ཀྱི་ཕན་ཡོན་ཡོད་དོ། །

― MR07_Page_0682 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་རཏྣ་ཨ་གྲ་ཨ་པྲ་ཏི་ཧ་ཏ་ཧཱུྃཿཕཊ། འདི་ནི་བྱང་ཕྱོགས་ཀྱི་སྤྱན་རས་གཟིགས་ཐུགས་རྗེ་ཆེན་པོ་མི་གཤོལ་བ་ཞེས་བྱ་བའི་སྙིང་པོ་སྟེ་འདིས་འགྲོ་བའི་ལེ་ལོའི་ནགས་ཚལ་བསྲེགས་ནས་རྨད་དུ་བྱུང་བའི་བརྩོན་འགྲུས་ཀྱི་མེ་སྦར་བར་བྱེད་དོ། །ཨོཾ་ཧྲཱིཿཏྲཻ་ལོ་ཀྱ་བི་ཛ་ཡ་ཨ་མོ་གྷ་པཱ་ཤ་ཨ་པྲ་ཏི་ཧ་ཏ་ཧྲཱིཿཧ་ཧཱུྃ་ཕཊ་སྭཱ་ཧཱ། འདི་ནི་བྱང་ཤར་གྱི་སྤྱན་རས་གཟིགས་དོན་ཡོད་ཞགས་པའི་སྙིང་པོ་སྟེ། འདིའི་མཐུས་འགྲོ་བའི་ཞེ་སྡང་གི་རི་བོ་བཅོམ་ནས་བཟོད་པ་ཉི་མ་ལྟ་བུར་ལྷང་ངེར་བྱེད་པའི་སྙིང་པོ་ཡིན་ལ། ཕན་ཡོན་གྱི་རྣམ་པ་ཚད་མེད་པ་དོན་ཞགས་ཀྱི་རྟོག་པ་ལས་ཤེས་པར་བྱ་སྟེ་ཤིན་ཏུ་མང་བས་འདིར་བྲི་མ་ནུས་སོ། །ཨོཾ་ཧ་ལ་ཧ་ལ་ཧྲཱིཿཔདྨ་གརྦྷ་ཧཱུྃ་ཕཊ་སྭཱ་ཧཱ། འདི་ནི་ཤར་ལྷོའི་སྤྱན་རས་གཟིགས་ཧ་ལ་ཧ་ལའི་སྙིང་པོ་སྟེ་འགྲོ་བའི་ཕྲག་དོག་དུག་སྦྲུལ་ལྟ་བུ་ཞི་ནས་བསམ་གཏན་བདུད་རྩིའི་རྒྱ་མཚོ་སྒྲུབ་པར་བྱེད་པའོ། །ཨོཾ་པདྨ་ཨ་ལཾ་ཀཱ་ར་ཧཱུྃ་ཕཊ། འདི་ནི་ལྷོ་ནུབ་ཕྱོགས་ཀྱི་སྤྱན་རས་གཟིགས་པདྨ་རྒྱན་གྱི་ལུང་གི་སྙིང་པོ་སྟེ་འདིས་རྨོངས་པའི་རི་བོ་འཇོམས་ཤིང་ཐབས་ལ་མཁས་པ་རྫོགས་པར་བྱེད་དོ། །ཨོཾ་བཛྲ་དྷརྨ་དྷཱ་ཏུ་ཧཱུྃ་སྭཱ་ཧཱ། འདི་ནི་ནུབ་བྱང་གི་ཕྱོགས་ཀྱི་སྤྱན་རས་གཟིགས་རྗེ་བཙུན་རྡོ་རྗེ་ཆོས་ཀྱི་དབང་ཕྱུག་གི་སྙིང་པོ་སྟེ། འདིས་འགྲོ་བའི་མནར་སེམས་དང་ཞེན་པ་བསལ་ནས་

― MR07_Page_0683 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་སྟོབས་ཆེན་པོའི་རྡོ་རྗེ་འཐོབ་པར་བྱེད་དོ། །ཨོཾ་བྷྲཱུྃ་ཧྲཱིཿཧ་ཧཱུྃ་སྭཱ་ཧཱ། འདི་ནི་སྟེང་ཕྱོགས་སྤྱན་རས་གཟིགས་ཧ་རི་ཧ་རི་ཧ་རི་ལ་ཞོན་པའམ་རྗེ་བཙུན་ཆོས་ཀྱི་གཙུག་ཏོར་ཞེས་བྱ་བའི་སྙིང་པོ་སྟེ་འདིས་ལོག་ལྟའི་སྒྲིབ་གཡོགས་སེལ་ཞིང་། ཡོངས་སུ་དག་པའི་སྨོན་ལམ་གྱི་ཕ་རོལ་ཏུ་ཕྱིན་པའི་འཁོར་ལོ་བསྐོར་བ་འཐོབ་བོ། །ཨོཾ་མ་ཎི་པདྨེ་ཧཱུྃ། འདི་ནི་འོག་ཕྱོགས་ཀྱི་སྤྱན་རས་གཟིགས་རྗེ་བཙུན་མགྲིན་པ་སྔོན་པོའི་རིག་སྔགས་ཏེ། ཤེས་བྱའི་སྒྲིབ་པ་བསལ་ནས་ཡེ་ཤེས་ཀྱི་ཕ་རོལ་ཏུ་ཕྱིན་པ་འཐོབ་པར་བྱེད་པའོ། །སྙིང་པོ་འདི་ལ་སྤྱན་རས་གཟིགས་ཀྱི་སྙིང་པོ་ཡི་གེ་དྲུག་མ་ཞེས་བཟླས་པ་ཙམ་གྱིས་ལས་ཉོན་གྱིས་མི་གོས་ཤིང་། བྱང་སེམས་ས་བདུན་པ་དང་སྐལ་བ་མཉམ་པར་བྱེད་ལ། མཐོང་ཐོས་དྲན་རེག་གྲོལ་བའི་ཕྲིན་ལས་རྨད་དུ་བྱུང་བའི་བསྔགས་པ་རྒྱ་ཆེན་པོ་ནི་ཟ་མ་ཏོག་སོགས་ལས་རྒྱ་ཆེར་གསལ་བ་བཞིན་ནོ། །འདིའི་རྩ་བའི་གསང་སྔགས་རྒྱས་པ་ནི་ཕྱག་སྟོང་སྤྱན་སྟོང་གི་གཟུངས་ཉིད་དོ། །ཨོཾ་པདྨོ་ཥྞཱི་ཥ་བི་མ་ལེ་ཧཱུྃ་ཕཊ། འདི་ནི་དོན་ཡོད་ཞགས་པ་ལས་གསང་སྔགས་ཡི་གེ་གཅིག་པ་ནས་བཅུ་པའི་བར་དག་གིས་ས་བཅུ་ཐོབ་བྱེད་ཀྱི་རིག་སྔགས་ཕན་ཡོན་ཚད་མེད་པ་བཅུ་གསུངས་པའི་ཐ་མ་ཡི་གེ་བཅུ་པ་འདི་

― MR07_Page_0684 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དོན་ཡོད་ཞགས་པ་པདྨ་གཙུག་ཏོར་གྱི་སྙིང་པོ་བཟླས་བརྗོད་ཙམ་གྱིས་གྲུབ་པ་སྟེ། འབུམ་བཟླས་ན་ཕྱིར་མི་ལྡོག་པ་ཉིད་དུ་གྱུར་ནས་ས་བཅུ་པ་ཐོབ་ཅིང་དོན་ཡོད་ཞགས་པ་པདྨ་གཙུག་ཏོར་གྱི་འཁོར་ལོས་བསྒྱུར་བ་ཉད་དུ་འགྱུར་བར་ཐེ་ཚོམ་མེད་ལ། འཇིག་རྟེན་ལྷ་དང་མིས་སངས་རྒྱས་ཞེས་བརྗོད་པར་བྱེད་དོ་ཞེས་དང་། ལན་གཅིག་ཙམ་སྙིང་རྗེ་དང་བྱམས་པ་ལྷག་བསམ་གྱིས་སེམས་ཅན་ལ་དམིགས་ཤིང་དྲན་ན་ངན་སོང་དུ་སྐྱེ་བ་གནས་མེད་དེ་དགེ་རྩ་རྒྱ་ཆེན་པོ་དང་ལྡན་ནོ། །གཉིས་བརྗོད་པས་ནད་ཐམས་ཅད་རབ་ཏུ་ཞི། གསུམ་བརྗོད་པས་དུག་དང་འབྲུམ་ལྷོག་རྐང་ཤུ་མཛེ་གཡན་པ་སོགས་ཞི། བཞི་བརྗོད་པས་དབྱིག་དུག་དང་བྱད་ཐམས་ཅད་སེལ། ལྔ་བརྗོད་པ་ཙམ་གྱིས་འཐབ་མོ་དང་རྩོད་པ་འགྱེད་པ་ཐམས་ཅད་ཞི། དྲུག་བརྗོད་པ་ཙམ་གྱིས་འཇིགས་པ་དང་གདོན་དང་རིམས་ཐམས་ཅད་ཞི། བདུན་བརྗོད་པས་དུས་མིན་འཆི་བ་དང་། སེམས་ཅན་ཐམས་ཅད་ཀྱི་ནད་དང་། ཡམས་ནད་ཐམས་ཅད་ཞི། དེའི་ཕྱིར་ཉིན་རེ་ཞིང་སེམས་ཅན་ཐམས་ཅད་ཀྱི་དོན་གྱི་ཕྱིར་མི་སྨྲ་བར་ལན་བདུན་དྲན་པར་བྱའོ། །སེམས་ཅན་དམྱལ་བར་གཞོལ་བ་ཤི་བ་དང་། བསླབ་ཉམས་མཁན་པོ་

― MR07_Page_0685 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལ་མ་གུས་པར་བྱས་པ་ཤི་ན་ལན་བདུན་བཟླས་པའི་བྱེ་མ་དུར་ཁྲོད་དམ། རོ་བསྲེགས་སའམ། དུར་ས་དེར་གཏོར་ན། མཆོད་པ་ཟེར། རུས་པ་ལ་ཕོག་ཚད་དེའི་མོད་ལ་ངན་སོང་ལས་འཕོས་ནས་མཐོ་རིས་སུ་སྐྱེ། གྲོ་ག་ལ་བྲིས་ཏེ་མཆོད་རྟེན་ནང་དུ་བཅུག་ན་དེའི་གྲིབ་མས་ཕོག་པ་ཙམ་གྱིས་སེམས་ཅན་སུ་ཡང་རུང་སྟེ་སྒྲིབ་པ་ཐམས་ཅད་དག་ཅིང་མཐོ་རིས་སུ་གཞོལ། དུང་ལ་ལན་བདུན་བཟླས་ཏེ་བུས་ན་ཐོས་ཚད་ཀྱང་དེ་བཞིན་ནོ། །དགེ་བ་ཅན་གྱི་སྒྲ་དེ་ཐོས་ན་ཕྱིར་མི་ལྡོག་པར་འགྱུར་རོ། །དེ་བཞིན་ཙན་དན་ལ་སྔགས་པའི་དྲི་ཚོར་བ་དང་། ཆོས་གོས་ལ་སྔགས་ཏེ་གྱོན་པ་རྣམས་ཀྱང་དེ་བཞིན་དང་། བཟླས་པས་མཁའ་འགྲོ་མ་དང་། འཇིག་རྟེན་གྱི་ལྷ་ཐམས་ཅད་དབང་དུ་བྱེད་པ་སོགས་དང་ཐིག་ལེའི་རིལ་བུ་བཅུད་ལེན་མི་སྣང་བ་སོགས་དང་མིག་འཕྲུལ་སོགས་ལས་ཀྱི་རྣམ་གྲངས་སྣ་ཚོགས་ཚད་མེད་པ་བྱེད་པར་གསུངས་སོ། །ཨོཾ་ཨ་མོ་གྷ་ཙིནྟ་མ་ཎི་པ་ར་ད་པདྨེ་ཛྭ་ལ་ཛྭ་ལ་ན་ཛེ་ཧཱུྃ། འདི་ནི་དོན་ཡོད་ཞགས་པའི་རྟོག་པ་ལས་གསུངས་པ་དོན་ཡོད་པ་པདྨ་དྲི་མ་མེད་པའི་ཆུ་སྐྱེས་ཀྱི་ཞགས་པའི་རྩ་བའི་སྙིང་པོ་སྟེ། དུས་གསུམ་སངས་རྒྱས་ཐམས་ཅད་

― MR07_Page_0686 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བྱིན་གྱི་བརླབས་པའི་རྡོ་རྗེ་གསང་བའི་སྙིང་པོ། རིག་སྔགས་རྒྱལ་པོ་ཡོན་ཏན་ཕུན་སུམ་ཚོགས་པ་ཐམས་ཅད་ཀྱི་མཆོག་སྦྱིན་པར་བྱེད་པ་ཤིན་ཏུ་དཀོན་པ་སྟེ། དྲན་པ་ཙམ་གྱིས་བསོད་ནམས་ཀྱི་ཕུང་པོ་ཚད་མེད་སྐྱེད་པ། སངས་རྒྱས་པ་དང་མཚུངས་པར་གྱུར་པའི་རིགས་སྔགས། གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུའི་དུས་གསུམ་མཉམ་པ་ཉིད་ཀྱི་དེ་བཞིན་གཤེགས་པ་རྣམས་མཐོང་བ་དང་། བསྙེན་བཀུར་དང་། དཀྱིལ་འཁོར་ཕྱག་རྒྱ་དམ་ཚིག་སྔགས་ཀྱི་ཆོ་ག་མ་ཐོས་ཤིང་མ་ཞུགས་པ་དེའི་ལག་ཏུ་རིག་སྔགས་འདི་ཕྱིན་པར་མི་འགྱུར་ཏེ་མིང་གི་སྒྲ་ཙམ་ཡང་མི་གྲགས་སོ། །འདི་གང་གི་ལག་ཏུ་སོན་པ་དེའི་ལག་ཏུ་གོང་གིས་སངས་རྒྱས་དེ་སྙེད་ལག་ཏུ་སོན་པ་དང་སངས་རྒྱས་དེ་དག་གི་དྲུང་དུ་དཀྱིལ་འཁོར་ཕྱག་རྒྱས་སྔགས་དང་སྙིང་པོ་ཐམས་ཅད་ལག་ཏུ་སོན་པ་དང་། སངས་རྒྱས་ཀྱི་སྲས་ཀྱི་གཙོ་བོ་རིག་སྔགས་འཆང་བ་རྣམས་ཀྱི་གཙོ་བོ་དེ་བཞིན་གཤེགས་པ་རྣམས་ཀྱིས་ལུང་བསྟན་པ་དང་། བསོད་ནམས་དང་ཡོན་ཏན་གཞལ་མེད་པ་འཐོབ་པ་སྟེ་སངས་རྒྱས་ཀྱི་ཕུན་སུམ་ཚོགས་པ་རྙེད་པར་འགྱུར་རོ། །རིག་པའི་རྒྱལ་པོ་

― MR07_Page_0687 ―

^{[མ་དཔེ་གཟིགས་ན་འདིར་གནོན།]}

[Full Size]

འདིས་ཕྱི་མའི་དུས་ན་སངས་རྒྱས་ཀྱི་མཛད་པ་བྱེད་དེ་སེམས་ཅན་རྣམས་ཀྱི་སྐྱབས་དང་སྣང་བར་བྱེད་ཅིང་རེ་བ་རྫོགས་པར་བྱེད། སྡིག་པ་དང་དགྲ་དང་བགེགས་དང་ནད་དང་རླུང་སད་སེར་སོགས་མི་མཐུན་པ་ཐམས་ཅད་ཟློག་པར་བྱེད། ཚེ་རིང་བ་དང་ནད་མེད་པ་དང་དབང་ཕྱུག་དང་ནོར་དང་འབྲུ་སོགས་འདོད་པ་ཐམས་ཅད་འཕེལ་བར་བྱེད་དོ། །འདི་བཀླག་པས་འགྲུབ་སྟེ། འདིས་དཀྱིལ་འཁོར་གྱི་ལྷ་ཐམས་ཅད་འགུགས་ཤིང་། འབུམ་བཟླས་པས་པདྨོ་ཡངས་པའི་དཀྱིལ་འཁོར་དང་། སངས་རྒྱས་ཐམས་ཅད་དང་། སྤྱན་རས་གཟིགས་དང་། གཞན་ཡང་དེ་བཞིན་གཤེགས་པ་དང་རྡོ་རྗེ་དང་པདྨ་དང་ནོར་བུའི་རིགས་ཀྱི་དཀྱིལ་འཁོར་ཐམས་ཅད་རྨི་ལམ་དུ་རིམ་པས་མཐོང་ཞིང་དེ་དག་གི་དཀྱིལ་འཁོར་དུ་ཞུགས་ནས་དམ་ཚིག་བཟུང་བ་དང་སྔགས་དང་ཕྱག་རྒྱས་དབང་བསྐུར་བ་དང་དངོས་གྲུབ་ཐོབ་བོ། །ཚེ་བརྗེས་པའི་འོག་ཏུ་བདེ་བ་ཅན་དུ་སྐྱེ་ལ་བསྐལ་པ་བརྒྱ་སྟོང་གི་བར་དུ་སྔོན་གྱི་སྐྱེ་བ་དྲན། དེ་བཞིན་གཤེགས་པའི་རྫུ་འཕྲུལ་དང་རྣམ་པར་འཕྲུལ་པ་དང་གསང་སྔགས་སོགས་མངོན་དུ་འགྱུར་ཞིང་སྐྱེ་བ་སྐྱེ་བར་རང་གི་དགེ་རྩ་རྗེས་སུ་དྲན་ཅིང་

― MR07_Page_0688 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་དག་པའི་ལས་ཀྱི་དངོས་གྲུབ་ཏུ་འགྱུར་བ་སོགས་ཕན་ཡོན་ཚད་མེད་པ་འཐོབ་བོ། །འདི་བརྒྱ་རྩ་བརྒྱད་བཟླས་པས་སྔོན་གྱི་སྡིག་པ་ཐམས་ཅད་ཟད་ནུས་ལ། དེ་ནས་ཉི་མ་བདུན་གྱིས་སྡིག་པ་ཐམས་ཅད་ཟད་ཅིང་དགེ་རྩ་ཐམས་ཅད་ཡོངས་སུ་རྫོགས་པ་དང་། བཟླས་པ་ཙམ་གྱིས་བདག་ཞུམ་པ་དང་འཁྲུགས་པ་མཐའ་དག་མི་སྣང་བར་བྱེད་དོ། །གཞན་ཡང་ནད་ཐམས་ཅད་ལ་བྱབ་པ་དང་། སྐུད་པ་ལ་སྔགས་པས་རིམས་ཐམས་ཅད་ཞི་བ་སོགས་ཞི་བའི་ལས་དང་དབང་དང་བསྐྲད་པ་སོགས་ལས་ཤིན་ཏུ་མང་པོ་གསུངས་སོ། །ཨོཾ་ཨ་མོ་གྷ་བཻ་རོ་ཙ་ན་མ་ཧཱ་མུ་དྲཱ་མ་ཎི་པདྨེ་ཛྭ་ལ་པྲ་བརྟ་ཡ་ཧཱུྃ། འདི་ནི་དོན་ཡོད་པའི་ཕྱག་རྒྱ་དབང་བསྐུར་བའི་གཟུངས་ཞེས་བྱ་བ་སྟེ། གཟུངས་འདི་དྲན་པ་ཙམ་དང་བཀླག་པ་ཙམ་གྱིས་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱས་མངོན་པར་དབང་བསྐུར་བར་འགྱུར་རོ། །འདི་སྟོང་ཕྲག་གཅིག་བཟླས་པས་དེ་བཞིན་གཤེགས་པའི་རིགས་དང་། གཉིས་བཟླས་པས་པདྨའི་རིགས་དང་། གསུམ་བཟླས་པས་རྡོ་རྗེའི་རིགས་དང་། བཞི་བཟླས་པས་ནོར་བུའི་རིགས་དང་། ལྔ་བཟླས་པས་དཀྱིལ་འཁོར་མཐའ་དག་ཏུ་ཕྱིར་མི་

― MR07_Page_0689 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག་པར་དཀྱིལ་འཁོར་ཆེན་པོར་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་དབང་བསྐུར་དབུགས་དབྱུང་སྔགས་དང་ཕྱག་རྒྱ་སོགས་ཀྱི་གསང་བའི་བྱིན་གྱིས་རློབ་ཅིང་སངས་རྒྱས་ཚད་མེད་པ་རྗེས་སུ་འབྲང་ཞིང་དགོངས་པར་མཛད་དེ། དེ་དག་རྨི་ལམ་དུ་མཐོང་ངོ་། །སྟོང་ཕྲག་དྲུག་གིས་སངས་རྒྱས་ཐམས་ཅད་བྱང་ཆུབ་སྙིང་པོར་རྡོ་རྗེའི་གདན་ལ་བཞུགས་ཏེ་དབང་བསྐུར་བ་དང་། ཆེར་དགོངས་ཤིང་བྱང་ཆུབ་མཐར་ཐུག་གི་བར་དུ་དེ་བཞིན་གཤེགས་པ་ཐམས་ཅད་རྗེས་སུ་འབྲང་བར་བྱེད་དོ། །བཟླས་པ་བདུན་པས་དེ་བཞིན་གཤེགས་པ་མངོན་པར་སངས་རྒྱས་ཏེ་ཆོས་འཁོར་བསྐོར་བ། བདུད་བཏུལ་བ། དམ་ཆོས་ཀྱི་ཆར་འབེབས་ཤིང་། ཆོས་ཀྱི་སྒྲོན་མེ་སྦར་བས་མངོན་པར་དབང་བསྐུར་བ་དང་། ལེགས་སོའི་སྒྲ་བརྗོད་པ་དང་ཕྱག་རྒྱ་སོགས་ཀྱིས་དབང་བསྐུར་བ་དང་དངོས་གྲུབ་སྦྱིན་པ་རྨི་ལམ་དུ་མཐོང་བར་འགྱུར་རོ། །དེ་བཞིན་དུ་བཀླག་པ་དང་བཟླས་པ་ཙམ་གྱིས་ཆོ་ག་དང་། ལས་ཀྱི་འབྲས་བུ་སྟོན་པར་མཛད་དོ། །དོན་ཡོད་པའི་ནོར་བུ་རྣམ་པར་སྣང་མཛད་ཀྱི་ཕྱག་རྒྱ་ཆེན་པོའི་དབང་བསྐུར་བའི་གཟུངས་འདི་བཀླག་པ་དང་

― MR07_Page_0690 ―

^{[མ་དཔེ་གཟིགས་ན་འདིར་གནོན།]}

[Full Size]

དྲན་པ་ཙམ་གྱིས་རྣམ་སྣང་ཆེན་པོའི་དཀྱིལ་འཁོར་ཆེན་པོར་ཞུགས་ལ་དམ་ཚིག་ཤེས་པར་འགྱུར། བཟླས་པ་ཙམ་གྱིས་དུས་གསུམ་གྱི་སངས་རྒྱས་ཐམས་ཅད་ཀྱི་མཚན་ནས་སྨོས་ནས་མངོན་སུམ་དུ་སྟོན་པར་མཛད་དོ། །མཚམས་མེད་ལྔ་སོགས་སྔོན་གྱི་ལས་སྒྲིབ་གང་ཡོད་པ་ཐམས་ཅད་ལན་གཅིག་བཀླག་པ་དང་བཟླས་པ་ཙམ་གྱིས་ཡོངས་སུ་ཟད་པར་འགྱུར་རོ། །སེམས་ཅན་སྡིག་པའི་ཆོས་སྤྱད་པ་དང་། མཚམས་མེད་ལྔ་བྱེད་པ་མནར་མེད་པ་ལ་གཞོལ་བའི་སྔོན་དུ་སྔགས་འདི་སྐད་གསང་མཐོན་པོས་ལན་གསུམ་བརྗོད་ན་དེའི་སྡིག་པ་ཐམས་ཅད་ལས་གྲོལ་བར་འགྱུར། སྡིག་ཅན་ཤི་བའི་རོའམ་རུས་པའམ་བསྲེགས་ཤུལ་ལམ་དུར་ཁྲོད་དུ་ཡུངས་ཀར་ལ་སྔགས་འདི་ཉེར་གཅིག་བཟླས་པས་གཏོར་ན་དེའི་མོད་ལ་གནས་ངན་ལས་ཐར་ནས་སྡིག་པ་ཐམས་ཅད་ཡོངས་སུ་བྱང་བར་འགྱུར་ཞིང་བདེ་བ་ཅན་དུ་སྐྱེའོ། །ནད་དྲག་པོས་ཐེབ་པ་ལ་བརྒྱ་རྩ་བརྒྱད་དེའི་རྣ་བར་བཟླས་པས་ནད་ཡུན་རིང་ལས་གྲོལ་ཏེ་སྔ་མ་བཞིན་དུ་འགྱུར། དེའི་སྤྱི་གཙུག་ཏུ་ཕྱག་རྒྱས་བཏབ་སྟེ་ལན་ཉེར་གཅིག་བརྗོད་པས་ཕྲལ་དེ་ཉིད་དུ་གྲོལ་ལོ། །ཚོན་སྣ་ལྔའི་སྐུད་པར་ཉེར་གཅིག་བཟླས་ཏེ་བཏགས་ན་

― MR07_Page_0691 ―

^{[མ་དཔེ་གཟིགས་ན་འདིར་གནོན།]}

[Full Size]

གདོན་དང་རྗེད་བྱེད་ཐམས་ཅད་ལས་གྲོལ་ལོ། །སྐུད་པ་དཀར་པོས་བཅིང་བར་བྱས་པས་ནད་ཐམས་ཅད་ལས་གྲོལ་ལོ། །འཐབ་རྩོད་ལ་བརྒྱ་རྩ་བརྒྱད་བཟླས་ཏེ་ཁ་ཐོན་དུ་བཟུང་ན་སྨྲ་བའི་མཆོག་ཏུ་འགྱུར་རོ། །དེ་བཞིན་གདོན་དང་རིམས་གྲོལ་བ་ཤི་བ་སློང་བ། ཁྲོས་པ་ཞི་བ་སོགས་ཀྱི་ལས་ཡོད་དོ། །ཨོཾ་ཨ་མོ་གྷ་མཎྚ་ལ་པདྨ་ཨ་བྷི་ཥེ་ཀཾ་མ་ཎི་བཛྲེ་སརྦ་ཏ་ཐཱ་ག་ཏ་ཨ་བྷི་ཥེ་ཀེ་ཧཱུྃ། འདི་ནི་དོན་ཞགས་ལས་གསུངས་པ། དོན་ཡོད་པའི་དཀྱིལ་འཁོར་ཆེན་པོ་པདྨའི་དབང་བསྐུར་བའི་ནོར་བུའི་གཟུངས་ཀྱི་སྙིང་པོ་ཞེས་བྱ་བ་སྟེ་སངས་རྒྱས་ཐམས་ཅད་ཀྱི་དཀྱིལ་འཁོར་གྱི་རིགས་ཐུན་མོང་བར་རྗེས་སུ་འཇུག་པར་འགྱུར་བའོ། །འདི་སྟོང་བརྒྱ་རྩ་བརྒྱད་བཟླས་པས་མི་འཕོ་བའི་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་པདྨ་ཆེན་པོས་དབང་བསྐུར་བ་ཡིད་བཞིན་ནོར་བུས་པདྨ་བཅིངས་པས་སྤྱི་བོར་དབང་བསྐུར་བར་འགྱུར་རོ། །དེ་ནས་དུས་གསུམ་སངས་རྒྱས་ཐམས་ཅད་ཀྱིས་བཟླས་པའི་མོད་ལ་རྨི་ལམ་དུ་མཐོང་བ་སྟོན་ནོ། །དཀྱིལ་འཁོར་ཆེན་པོ་ཡངས་པའི་རྣམ་འཕྲུལ་གཞལ་ཡས་ཁང་དང་ལྷ་རྣམས་སྟོན་པར་བྱེད་དེ། །རིགས་

― MR07_Page_0692 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་དཀྱིལ་འཁོར་དང་རྣམ་སྣང་དང་། རིག་པའི་རྒྱལ་པོ་རྣམས་དང་། སངས་རྒྱས་ནས་ཆོས་ཀྱི་འཁོར་ལོ་བསྐོར་བའི་བར་དུ་མཐོང་ཞིང་སོ་སོའི་དཀྱིལ་འཁོར་དུ་དབང་བསྐུར་བའི་རྨི་ལམ་མཐོང་ནས་དགའ་བ་དང་མགུ་བའི་སེམས་ཀྱིས་ཏིང་ངེ་འཛིན་ཐོབ་ལ་སངས་རྒྱས་རྣམས་ཀྱིས་ལེགས་སོའི་དབུགས་དབྱུང་བར་མཛད་ཅིང་། སླར་ཡང་གོང་ནས་གོང་དུ་རྣམ་པར་འཕྲུལ་པ་སྟོན་པར་བྱེད་དོ། །སྔགས་འདིས་བགྲང་ཕྲེང་ངམ། དབུ་རྒྱན་ནམ། ཅོད་པན་ནམ། དར་དཔྱངས་ལ་སྟོང་བརྒྱ་རྩ་བརྒྱད་བཟླས་ཏེ་དེ་བཞིན་གཤེགས་པའི་དབུ་ལ་བཅིངས་ན་རྣམ་པར་སྣང་མཛད་ཀྱི་ཡིད་བཞིན་ནོར་བུའི་དབུ་རྒྱན་འོད་ཟེར་བརྒྱ་སྟོང་ཕྲག་འབར་བ་དང་། དར་དཔྱངས་ཀྱི་དབང་བསྐུར་བས་དུས་གསུམ་གྱི་དེ་བཞིན་གཤེགས་པ་ཐམས་ཅད་དང་བྱང་སེམས་ཐམས་ཅད་ལ་མཆོད་པ་དང་། དབང་བསྐུར་བའི་བསྙེན་བཀུར་ཆེན་པོ་བྱས་པར་འགྱུར་རོ། །སྙིང་པོ་འདི་བཟླས་པ་ཙམ་གྱིས་རིག་སྔགས་འཆང་དེའི་སྡིག་སྒྲིབ་གདུག་པ་ཐམས་ཅད་རབ་ཏུ་ཞི་ཞིང་སྒོ་གསུམ་ཡོངས་སུ་དག་ཉོན་མོངས་དང་སྒྲིབ་པ་ཐམས་ཅད་ལས་གྲོལ་ཞིང་བསོད་ནམས་

― MR07_Page_0693 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེན་པོ་སོགས་པར་འགྱུར། དགེ་རྩ་རྒྱ་ཆེན་དང་དངོས་གྲུབ་ཆེན་པོ་འཐོབ་བོ། །ཐམས་ཅད་དུ་ཐོགས་པ་མེད་པ་དང་མཆོད་པ་དང་བསྙེན་བཀུར་ཐོབ་ཅིང་ཚིག་བཙུན་པར་འགྱུར་རོ། །ལུས་ལ་ཙན་དན་གྱི་དྲི་བཟང་འབྱུང་བ་དང་། ཁ་ནས་ཨུཏྤལ་གྱི་དྲི་འབྱིན་པ་དང་། སེམས་ཅན་ཐམས་ཅད་མཆོག་ཏུ་བྱམས་པ་དང་། མཆོད་པའི་འོས་སུ་བྱེད་དོ། །ཐམས་ཅད་དུ་དངོས་གྲུབ་ཆེན་པོའི་མཆོག་ཏུ་འགྱུར་རོ། །བགེགས་དང་ལོག་འདྲེན་འབྱུང་པོ་ཐམས་ཅད་རིང་དུ་འབྲོས་ཤིང་ཇི་སྲིད་འཚོའི་བར་དུ་གནོད་པར་མི་ནུས་སོ། །འཕགས་པ་སྤྱན་རས་གཟིགས་དབང་ཕྱུག་དང་རིག་པའི་རྒྱལ་པོ་རྟག་ཏུ་མཐོང་ཞིང་རྗེས་སུ་འབྲང་བ་དང་ཐམས་ཅད་དུ་དོན་ཡོད་པའི་དངོས་གྲུབ་ཀྱི་མཆོག་སྦྱིན་ཞིང་དཀྱིལ་འཁོར་གྱི་སློབ་དཔོན་དུ་དབང་སྐུར་བར་འགྱུར་རོ། །ཞེས་སོ། །ཨོཾ་ཨ་མོ་གྷ་པཱུ་ཛ་མ་ཎི་པདྨེ་བཛྲེ་ཏ་ཐཱ་ག་ཏ་བི་ལོ་ཀི་ཏེ་ས་མནྟ་པྲ་ས་ར་ཧཱུྃ། འདི་ཡང་དོན་ཞགས་རྟོག་པ་ལས་གསུངས་པ། དོན་ཡོད་པའི་ནོར་བུའི་མཆོད་པའི་སྤྲིན་གྱི་སྙིང་པོ་ཞེས་བྱ་བ་སྟེ་དྲན་བཀླག་བཟླས་པ་ཙམ་གྱིས་གཞལ་མེད་ཁང་ཡངས་པ་ཆེན་པོ་མཆོད་པའི་སྤྲིན་གྱི་

― MR07_Page_0694 ―

^{[མ་དཔེ་གཟིགས་ན་འདིར་གནོན།]}

[Full Size]

ཆར་ཆེན་པོ་བསོད་ནམས་ཀྱི་ཚོགས་ཀྱི་རྣམ་འཕྲུལ་ཆེན་པོ། མེ་ཏོག་སྣ་ཚོགས་དང་། ལྷ་རྫས་སྣ་ཚོགས་དང་། གོས་རྒྱན་ཡོ་བྱད་དྲི་དང་སྒྲོན་མེ་ཞལ་ཟས་རོལ་མོ་དང་བསྟོད་པ་ལ་སོགས་པ་ཇི་ལྟར་སྲིད་པའི་དངོས་པོ་རྨད་དུ་བྱུང་བའི་མཆོད་པའི་སྤྲིན་གྱིས་ཕྱོགས་བཅུའི་སངས་རྒྱས་ཀྱི་ཞིང་གི་དཀྱིལ་འཁོར་ཀུན་དུ་རིག་པ་འཛིན་པ་ཉན་རང་དང་བཅས་པ་ཐམས་ཅད་ལ་དགྱེས་དགུར་མཆོད་པའི་ཆར་འབེབས་པར་བྱེད་དོ། །མཆོད་པའི་སྤྲིན་བླ་མེད་ཡངས་པ་རྨད་བྱུང་འབྱུང་ཞིང་རྣམ་འཕྲུལ་སྒྱུ་མ་ལྟ་བུའི་བྱིན་རླབས་སྟོན་པའི་གཟུངས་འདི་ནི་རིག་སྔགས་འཆང་རྣམས་ཀྱི་མཆོག་གི་དངོས་གྲུབ་ཀྱི་གཏེར། སེམས་ཅན་ཐམས་ཅད་ཀྱི་ཕ་དང་མ་ལྟ་བུ། བསམ་པ་རྫོགས་པར་བྱེད་པ། དབུགས་འབྱིན་པ། གྲོལ་བར་བྱེད་པ། ནད་དང་སྡུག་བསྔལ་སྡིག་སྒྲིབ་ཉོན་མོངས་ཐམས་ཅད་ཟད་པར་བྱེད་པ། རིགས་སྔགས་འཆང་རྣམས་ཀྱི་བཀྲ་ཤིས་པ་དང་ཡིད་ཀྱི་ཤིང་རྟ་འགེངས་པ། སངས་རྒྱས་ཐམས་ཅད་བསྐུལ་བར་བྱེད་པ། བྱང་སེམས་ཐམས་ཅད་དབུགས་འབྱིན་ཅིང་། རིག་སྔགས་ཀྱི་ལྷ་ཐམས་ཅད་སྤྱན་འདྲེན་པ། ཐམས་ཅད་འགུག་པ། འབྱུང་པོ་ལོག་འདྲེན་ཐམས་ཅད་བཟློག་པར་

― MR07_Page_0695 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ། སེམས་ཅན་ཐམས་ཅད་ལ་དངོས་གྲུབ་མཆོག་སྦྱིན་པར་བྱེད་པ། སྐྱབས་མེད་པའི་སྐྱབས། བསྙེན་གནས་ཚངས་སྤྱོད་གཙང་སྦྲ་བརྟུལ་ཞུགས་མ་བྱས་པ་རྣམས་ཀྱི་བསྙེན་གནས་དང་ཚངས་སྤྱོད་སོགས་སུ་གྱུར་པ། དབང་པོ་ཉམས་པ་རྣམས་ལ་དབང་པོ། ཕྱིན་དྲུག་ལས་ཉམས་པ་རྣམས་ལ་ཕར་ཕྱིན་གྱི་ཡོན་ཏན་སྟེར་བ། འཆི་དང་མུ་གེ་ལམ་ཉམས་སོགས་ཀྱི་འཇིགས་རྒུད་ཐམས་ཅད་སེལ་བ། སྔགས་ཕྱག་རྒྱ་རིག་པ་ལ་མི་མཁས་པ་ལ་སྔགས་སོགས་སྦྱིན་པ། མཚམས་མེད་དམ་ཉམས་རྣམས་དག་པར་བྱེད་པ། བཀྲེས་སྐོམ་གཅེར་བུ་ནད་ཅན་རྨི་ངན་སོགས་ཀྱི་ཉེས་པ་སེལ་ཞིང་། མཆོག་གསུམ་ལ་རྒྱབ་ཀྱིས་ཕྱོགས་པ་ཡང་དག་པར་གཞུག་པ། མ་གྲུབ་པ་རྣམས་ལ་གྲུབ་པ་སྩོལ་བ། འཇིགས་པ་ཐམས་ཅད་ལས་དབུགས་དབྱུང་ཞིང་། རྒུད་པ་ཐམས་ཅད་ལས་སློང་བ། ལོག་པའི་མུན་པར་ལྟུང་བའི་སྒྲོན་མ། ཉོན་མོངས་པའི་སེམས་ཐམས་ཅད་ཞི་བར་བྱེད་པ། གཞན་དབང་སོགས་ཉེས་པའི་ཕྱོགས་ཐམས་ཅད་ལས་སྐྱོབ་པ། དབང་པོ་ཡན་ལག་སོགས་རང་གི་ཡོན་ཏན་ཐམས་ཅད་རྫོགས་ཤིང་། ལྷ་དང་བྱང་ཆུབ་སེམས་དཔས་

― MR07_Page_0696 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་འཛིན་པ་སོགས་ཕན་ཡོན་རྒྱ་ཆེར་གསུངས་སོ། །དེའི་ལས་ཆར་དབབ། འཐབ་པ་སོགས་ཀྱི་འཇིགས་པ་ཞི་བ། མཁའ་ལ་འགྲོ་བ་མིག་འཕྲུལ་ལ་སོགས་པའི་ལས་རྒྱས་པར་བསྟན་པར་མཛད་དོ། །གང་ཞིག་བཟླས་པ་ཙམ་གྱིས་ཏིང་ངེ་འཛིན་གྱི་སྒོ་མང་པོ་དང་། གཟུངས་སོགས་ཡོན་ཏན་རྒྱ་མཚོ་ཐོབ་ལ། འདི་ནི་བརྗོད་པ་ཙམ་གྱིས་མོད་ལ་སྤྱན་རས་གཟིགས་དགྱེས་པའི་སྐུས་མངོན་སུམ་ཕྱག་སྤྱི་བོར་འཇོག་པར་མཛད་དོ། །གཟུངས་འདི་ནི་སྤྱན་རས་གཟིགས་ཀྱི་རང་བཞིན་གྱི་ལུས་ཡོངས་སུ་དག་པ་གཟུང་བའི་གཟུངས་ཀྱི་སྙིང་པོ་ཡིན་པ་དང་། དོན་ཡོད་པའི་རང་བཞིན་གྱི་སྙིང་པོ། སྒྱུ་མ་ལྟ་བུའི་ཏིང་འཛིན་གཟུངས་ཀྱི་རྣམ་པར་འཕྲུལ་པ་སྟེ། འདི་མཐོང་བས་སྤྱན་རས་གཟིགས་བཅུ་གཅིག་ཞལ་གྱི་སྐུ་དང་། དེའི་གཟུགས་སྣ་ཚོགས་དང་། སྤྲུལ་པའི་སྤྲིན་དང་། མགྲིན་སྔོན་དང་། རྟ་མགྲིན་སྲེད་མེད་བུ་དང་འཇིག་རྟེན་གསུམ་དང་། པདྨོ་ཡངས་པའི་དཀྱིལ་འཁོར་རྣམས་མངོན་སུམ་མཐོང་བ་ཡིན། དེ་བཞིན་གཤེགས་པ་ཐམས་ཅད་ཀྱི་མཆོད་པའི་སྤྲིན་གྱི་རྣམ་པར་འཕྲུལ་པ་འདི་ནི་རྡོ་རྗེའི་སྙིང་པོ་ཆེན་པོ་སྟེ། བརྗོད་པ་

― MR07_Page_0697 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་གྱིས་དུས་གསུམ་སངས་རྒྱས་ཀྱི་ཐུགས་ཀྱི་སྲས་གཅིག་པུར་འགྱུར་ཞིང་ལུང་སྟོན་ལ། བྱང་སེམས་དང་ལྷ་རྣམས་མཐོང་ཞིང་དབུགས་འབྱིན་པར་འགྱུར་རོ། །འདོད་པའི་དངོས་པོ་ཐམས་ཅད་ཡིད་བཞིན་འགུག་པས་ན་དོན་ཡོད་པའི་ཞགས་པ་སྟེ། འཇིག་རྟེན་ཁམས་ཀྱི་སེམས་ཅན་ཐམས་ཅད་དགའ་ཞིང་དབང་དུ་བྱེད་པ། ཚེ་དང་དཔལ་དང་བསོད་ནམས་དང་ནོར་དང་འབྲུ་སོགས་དགོས་པ་ཐམས་ཅད་འཕེལ་བར་བྱེད་པ། ཕར་ཕྱིན་དྲུག་ཡོངས་སུ་རྫོགས་པར་བྱེད་པ། འཆི་བའི་ཚེ་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་གཉིས་མངོན་སུམ་མཐོང་སྟེ། རིགས་ཀྱི་བུ་བདེ་བ་ཅན་དུ་ཚུར་ཤོག་ཅེས་པའི་དབུགས་དབྱུང་ཞིང་། ཞིང་དེར་པདྨ་ལས་བརྫུས་ཏེ་སྐྱེས་ནས། དེ་བཞིན་གཤེགས་པ་ཐམས་ཅད་ལས་ཕྱིར་མི་ལྡོག་པར་བླ་མེད་བྱང་ཆུབ་དུ་ལུང་བསྟན་པ་འཐོབ་པར་འགྱུར་རོ། །གཟུངས་འདི་སྔ་དྲོ་གཅིག་བཟླས་པ་ཙམ་གྱིས་མཚམས་མེད་ལྔའི་སྡིག་པ་དང་། མནར་མེད་དུ་སྐྱེ་བའི་བར་གྱི་སྡིག་པ་ཐམས་ཅད་དང་། རི་རབ་ལྷུན་པོ་བདུན་གྱི་ཚད་ཙམ་པ་བ་སྤུའི་ཁུང་བུ་རེ་རེར་བསགས་པ་དང་། བསྐལ་པ་སྟོང་དུ་བསགས་པའི་སྡིག་སྒྲིབ་ཐམས་ཅད་ལྷག་མ་མ་ལུས་པར་ཟད་དེ། དམྱལ་

― MR07_Page_0698 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་བཅུ་དྲུག་ཏུ་སྐྱེ་བ་ལས་གྲོལ་ལོ། །སྨྱུང་བར་གནས་པ་གཅིག་གི་བཟླས་པས་དུས་གསུམ་སངས་རྒྱས་ཀྱི་ཞིང་དུ་ཀུན་ཏུ་བཟང་པོ་ཆེན་པོ་ཉིད་འཐོབ་ཅིང་། སྤྱན་རས་གཟིགས་དང་དུས་གསུམ་གྱི་སངས་རྒྱས་དང་པདྨོ་ཡངས་པ་སོགས་ཀྱི་ལྷ་དང་རིག་པའི་རྒྱལ་པོ་ལ་སོགས་པ་ཐམས་ཅད་རྗེས་སུ་འབྲང་ཞིང་དངོས་གྲུབ་རྩོལ་ཏོ། །བརྒྱ་སྟོང་བཟླས་པ་ཙམ་གྱིས་ལྕེ་རྡོ་རྗེ་ལྟར་བརྟན་པར་འགྱུར་ཏེ། རྡོ་རྗེ་སྙིང་པོ་དང་མཚུངས་པ་པདྨའི་འདབ་མ་ལྟ་བུའི་ཁ་དོག་དང་ལྡན་པ། དེའི་ལུས་ཡོངས་སུ་དག་པ། རྡོ་རྗེ་ལྟ་བུ་སུས་ཀྱང་མི་ཚུགས་པ། གཞོན་ཅིང་དབང་པོ་ཐམས་ཅད་རྫོགས་ལ། དྲི་ང་བ་མེད་པ་ཤིན་ཏུ་དྲི་བཟང་ཞིང་མཆོག་ཏུ་ཡིད་དུ་འོང་བ། དབྱངས་སྙན་ཞིང་ཐམས་ཅད་ཀྱིས་ལྟ་ཞིང་མཆོད་པའི་གནས་སུ་འགྱུར་ལ། ཚེ་བརྗེས་པའི་འོག་ཏུ་འོད་དཔག་མེད་ཀྱི་སྤྱན་སྔར་ཡོངས་སུ་དག་པའི་ལུས་དང་ཡོན་ཏན་ཐམས་ཅད་དང་ལྡན་པའི་རྒྱལ་བའི་སྲས་སུ་གྱུར་ནས་བྱང་ཆུབ་ཆེན་པོར་ལུང་བསྟན་པ་འཐོབ་བོ། །འདི་བཟླས་པ་ཙམ་གྱི་བསོད་ནམས་ཀྱི་ཕུང་པོ་དཔེར་བྱ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནོར་བུ་རིན་པོ་ཆེ་སྣ་བདུན་གྱིས་བཀང་ལ། གསེར་དང་དངུལ་གྱི་མེ་ཏོག་གིས་གཏམས་ཏེ་ཉི་མ་རེ་རེ་བཞིན་ཡང་དུས་གསུམ་དུ། དེ་བཞིན་གཤེགས་པ་སྟོང་གསུམ་གྱི་

― MR07_Page_0699 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཆེན་པོའི་འཇིག་རྟེན་གྱི་ཁམས་གང་བ་ལ་ཕུལ་བ་དེས། འདི་བཟླས་པ་ཙམ་གྱི་བསོད་ནམས་ཀྱི་ཕུང་པོའི་བཅུ་དྲུག་གི་ཆར་ཡང་མི་ཕོད་དོ། །འདི་བཟླས་པས་འཇིག་རྟེན་དང་འཇིག་རྟེན་ལས་འདས་པའི་མཆོད་པའི་སྤྲིན་མཐའ་ཀླས་པས་སངས་རྒྱས་ཀྱི་ཞིང་ཐམས་ཅད་དུ་ཁྱབ་ཅིང་ནམ་ཡང་མི་ཟད་པར་འགྱུར་བས་ན་དེ་ལྟ་བུའི་དགེ་རྩ་ཆེན་པོ་དང་ལྡན་ནོ། །གཟུངས་འདི་པོ་ཏི་ལས་ཡི་གེར་བྲིས་པ་ལ་ལྟ་བའམ། རྩིག་པའམ། གྱང་ལ་བྲིས་པ་ལྟ་བར་བྱེད་ན། དེས་མཚམས་མེད་པ་སོགས་མནར་མེད་དུ་གཞོལ་བའི་ལས་ཐམས་ཅད་ཀྱང་ལྷག་མེད་དུ་བྱང་ནས་བདེ་བ་ཅན་དུ་བརྫུས་ཏེ་སྐྱེ་ཞིང་། ཕྱིས་ནམ་ཡང་མངལ་དུ་མི་སྐྱེ་སྟེ། བྱང་ཆུབ་མཐར་ཐུག་གི་བར་དུ་སངས་རྒྱས་ཀྱི་ཞིང་གང་དང་གང་དུ་སྐྱེ་བ་དེར་པདྨ་ལས་བརྫུས་ཏེ་སྐྱེ་ཞིང་ཚེ་རབས་དྲན་པར་འགྱུར་རོ། །གཟུངས་འདི་བྲིས་པའི་ཕན་ཡོན་ནི་དཔག་ཚད་སྟོང་ཕྲག་བརྒྱད་ཅུ་རྩ་བཞི་པར་ཆུ་ཞེང་མཉམ་པའི་རྒྱ་མཚོའི་ཐིགས་པ་དང་། རི་རབ་ལྷུན་པོའི་རྡུལ་ཕྲན་བགྲང་ནུས་ཀྱི། གཟུངས་འདི་དང་འདིའི་ཆོ་ག་སོགས་བྲིས་པའི་ཕན་ཡོན་བགྲང་མི་ནུས་སོ་ཞེས་གསུངས་སོ། །ཏདྱ་ཐཱ།

― MR07_Page_0700 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ། འདི་ནི་སྟོན་པ་བཅོམ་ལྡན་འདས་ཤཱཀྱ་ཐུབ་པའི་སྙིང་པོ་སྟེ། ཤེར་ཕྱིན་ཡི་གེ་ཉུང་ངུ་ཞེས་པ་ལས། སངས་རྒྱས་ཐམས་ཅད་འདི་ལས་བྱུང་ཞིང་། གཟུངས་འདི་རྙེད་པའི་མཐུས་ཤཱཀྱ་ཐུབ་པ་སངས་རྒྱས་ཤིང་སྤྱན་རས་གཟིགས་བྱང་ཆུབ་སེམས་དཔའི་མཆོག་ཏུ་གྱུར། འདི་ཐོས་པ་ཙམ་གྱིས་བསོད་ནམས་རྒྱ་ཆེན་པོ་ཚེགས་མེད་པར་འཐོབ་ཅིང་ལས་ཀྱི་སྒྲིབ་པ་ཐམས་ཅད་བྱང་བ་དང་། སྔགས་སྒྲུབ་པ་ན་བགེགས་མ་མཆིས་པར་གྲུབ་པར་འགྱུར་རོ། །ཞེས་དང་། གཞན་ན་ལན་གཅིག་བཟླས་པས་བསྐལ་པ་བྱེ་བ་བརྒྱ་ཕྲག་བརྒྱད་ཁྲིའི་བར་དུ་བྱས་པའི་སྡིག་པ་ཐམས་ཅད་བྱང་བར་གསུངས་སོ། །དེ་བཞིན་གཤེགས་པ་རྣམ་པར་སྣང་མཛད་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་གཟུངས་ནི། ན་མོ་བྷ་ག་ཝ་ཏེ་སརྦ་དུརྒ་ཏི་པ་རི་ཤོ་དྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨ་རྷ་ཏེ་ས་མྱཀ་སཾ་བུད་དྷཱ་ཡ། ཏདྱ་ཐཱ། ཨོཾ་ཤོ་དྷ་ནེ་ཤོ་དྷ་ནེ། སརྦ་པཱ་པཾ་བི་ཤོ་དྷ་ནེ། ཤུད་དྷེ་བི་ཤུད་དྷེ། སརྦ་ཀརྨ་ཨཱ་བ་ར་ཎ་བི་ཤུད་དྷེ་སྭཱ་ཧཱ། ངན་སོང་སྦྱོང་བ་གཟི་བརྗིད་ཀྱི་རྒྱལ་པོའི་རྟོག་པ་ལས་གསུངས་པ་གཟུངས་འདི་ནི་དྲན་པ་ཙམ་གྱིས་བསོད་ནམས་

― MR07_Page_0701 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་ངུའི་སེམས་ཅན་རྣམས་ཀྱང་ངན་སོང་གི་རྒྱུ་ཐམས་ཅད་ལས་བདེ་བླག་ཏུ་གྲོལ་བར་བྱེད་པ་སྟེ། འདི་མིང་ཙམ་ཉན་ནམ་བཅང་བའམ། བཀླག་པའམ་བྲིས་ཏེ་ལུས་ལ་བཏགས་ན་ཚེ་འདིར་དུས་མིན་འཆི་བ་བརྒྱད་དང་། དེ་དང་འབྲེལ་བའི་རྨི་ལམ་གྱི་རྣམ་པ་དང་། ངན་སོང་དང་འབྲེལ་བའི་མཚན་མ་ཐམས་ཅད་རྨི་ལམ་དུ་ཡང་མི་འབྱུང་ན། འདིའི་དཀྱིལ་འཁོར་དུ་ཞུགས་ནས་སྔགས་བཟླས་བསྒོམ་བྱེད་པ་ལྟ་ཅི་སྨོས། དེ་དག་ལ་སྡིག་པ་གང་ཡང་མི་ཉེ་ཞིང་ངན་སོང་དུ་འགྲོ་བར་མི་འགྱུར། སེམས་ཅན་སུ་ཡང་རུང་བ་ཤི་བའི་ལུས་དཀྱིལ་འཁོར་དུ་བཅུག་སྟེ། དབང་བསྐུར་ན་ངན་འགྲོ་ལས་ཐར་ཏེ་ལྷའི་རིགས་སུ་སྐྱེ་ཞིང་ཕྱིར་མི་ལྡོག་ལ། འཇིག་རྟེན་དང་འཇིག་རྟེན་ལས་འདས་པའི་ཕན་བདེ་ཐམས་ཅད་མྱོང་བར་འགྱུར་རོ། །དེ་བཞིན་གཤེགས་པ་དེའི་མཚན་དང་གཟུངས་འདི། དགེ་བཅུ་དང་ལྡན་ལ་སེམས་ཅན་བསམ་པ་ངེས་པ། ཕྱིར་མི་ལྡོག་པའི་ཡོན་ཏན་མང་པོ་འདོད་ཅིང་ཐམས་ཅད་མཁྱེན་པའི་ཡེ་ཤེས་བརྟེན་པ་རྣམས་མ་གཏོགས་གཞན་པའི་རྣ་ལམ་དུ་མི་འགྲོ་སྟེ། གང་ཐོས་པ་རྣམས་གདོན་མི་ཟ་བར་སངས་རྒྱས་ཉིད་དུ་འགྲུབ་པའི་སྣོད་དུ་གྱུར་པར་གསུངས་སོ། །སྔགས་

― MR07_Page_0702 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་མགོན་པོ་དེ་བཞིན་གཤེགས་པའི་མཚན་ནས་བརྗོད་དེ་ཕྱག་འཚལ་བ་དང་བཅས་པ་རྩ་བའི་རིག་པ་ཡིན་ལ། ཨོཾ་ཤོ་དྷ་ནི་མན་ཆད་སྙིང་པོ་ཡིན་པས་གང་ལྟར་བཟླས་ཀྱང་རུང་ལ། འདི་ནི་དེ་བཞིན་གཤེགས་པའི་རིགས་ཀྱི་ལས་སྒྲིབ་སྦྱོང་བའི་རིགས་སྔགས་ཁྱད་པར་ཅན་ནོ། །གཞན་ཡང་འདི་བཟུང་བས་བསྐལ་པ་འབུམ་ཕྲག་བཅུ་བཞིར་ཚེ་རབས་དྲན་པ་དང་། ལས་སྒྲིབ་ཐམས་ཅད་བྱང་ནས་ཕྱིར་མི་ལྡོག་པ་ཐོབ་པ་དང་། བྱང་ཆུབ་སྙིང་པོའི་བར་དུ་བསོད་ནམས་མི་ཟད་པར་འགྱུར་རོ། །ན་མོ་རཏ་ཎ་ཏྲ་ཡཱ་ཡ། ཨོཾ་ཀཾ་ཀ་ནི་ཀཾ་ཀ་ནི། རོ་ཙ་ནི་རོ་ཙ་ནི། ཏྲོ་ཊ་ནི་ཏྲོ་ཊ་ནི། ཏྲཱ་ས་ནི་ཏྲཱ་ས་ནི། པྲ་ཏི་ཧ་ན་པྲ་ཏི་ཧ་ན། སརྦ་ཀརྨ་པ་རཾ་པ་རཱ་ཎི་མེ་སརྦ་ས་ཏྭ་ནཉྩ་སྭཱ་ཧཱ། འདི་ནི་ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བའི་གཟུངས་ཞེས་བྱ་བ་རྡོ་རྗེའི་རིགས་དེ་བཞིན་གཤེགས་པ་མི་འཁྲུགས་པའི་རིག་སྔགས་ཏེ། སྦྱོང་རྒྱུད་ལས་ཀྱང་གསུངས་ལ། གཞན་དུ་གཟུངས་རང་གི་ཕན་ཡོན་ནི་ལན་གཅིག་བཟླས་ན་ལྟས་ངན་རྨི་ལམ་ངན་པ་རྣམས་མེད་པར་འགྱུར། རྟག་ཏུ་བཟླས་ན་ལས་གཅིག་ནས་གཅིག་ཏུ་བརྒྱུད་པ་ཇི་སྙེད་པ་ཐམས་ཅད་རྣམ་པར་དག་པར་འགྱུར། དུས་གསུམ་དུ་བཟླས་ན་མཚམས་

― MR07_Page_0703 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ལྔ་ཡང་བྱང་བར་འགྱུར། འདི་བྲིས་ཏེ་ལུས་ལ་བཅངས་ན་དུས་མིན་འཆི་བ་རྣམས་གཏན་དུ་མི་འབྱུང་། བྱ་དང་རི་དྭགས་མི་མ་ཡིན་ཀྱང་རུང་སྟེ། སེམས་ཅན་གང་འཆི་བའི་རྣ་ལམ་དུ་བརྗོད་ན་དེ་ངན་སོང་དུ་མི་འགྲོ། ཤི་བའི་རྗེས་སུ་དེའི་མིང་ནས་སྨོས་ཏེ་བྱམས་སྙིང་རྗེས་ལན་བརྒྱ་འམ་སྟོང་ངམ་འབུམ་དུ་བརྗོད་ན་དམྱལ་བར་སྐྱེས་སུ་ཟིན་ཀྱང་དེའི་མོད་ལ་ཐར་བར་འགྱུར། སའམ་ཏིལ་ལམ་ཡུངས་ཀར་རམ་ཆུ་གང་རུང་གཅིག་ལ་བཟླས་ཏེ་ཤི་བའི་ལུས་ལ་གཏོར་རམ་ཁྲུས་བྱས་ནས་དེ་རྗེས་བསྲེགས་པའམ། མཆོད་རྟེན་ནང་དུ་བཅུག་ཏེ་རིག་སྔགས་འདི་བྲིས་ཏེ་མགོར་བཏགས་ན་དེ་ངན་སོང་དུ་སྐྱེས་ཟིན་ཀྱང་ཞག་བདུན་གྱིས་གདོན་མི་ཟ་བར་ཐར་ཏེ་བདེ་འགྲོ་མཐོ་རིས་ཀྱི་འཇིག་རྟེན་ནམ། ཡང་ན་རང་གང་སྨོན་པར་སྐྱེའོ། །ཟླ་བ་ཉ་བའི་ཚེ་ཁྲུས་བྱས་ཏེ་གོས་གཙང་མ་བརྗེ་ཞིང་ཟས་མི་ཟ་བའམ། ཡང་ན་ཟས་དཀར་བག་བཟའ་ཞིང་། སྐུ་གདུང་དང་ལྡན་པའི་མཆོད་རྟེན་ལ་བསྐོར་བཞིན། གང་གི་མིང་དང་ལྡན་པས་འབུམ་ཕྲག་གཅིག་བཟླས་ན་དེ་ངན་སོང་དུ་སྐྱེས་ཟིན་ཀྱང་ཐར་ཏེ་གནས་གཙང་མའི་ལྷའི་རིགས་སུ་སྐྱེས་ནས་སྒྲུབ་པ་པོའི་ཐད་དུ་འོངས་ཏེ་ལུས་

― MR07_Page_0704 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་ལ་མཆོད་ཅིང་བསྐོར་བ་བྱས་ཏེ་ལེགས་སོ་བྱིན་ནས་མི་སྣང་བར་འགྱུར་རོ། །ཡང་ན་དེའི་མིང་བྲིས་ལ་གཟུངས་སྔགས་བཟླས་བརྗོད་བྱེད་ཅིང་མཆོད་རྟེན་འབུམ་བྱས་ལ། གདུགས་རྒྱལ་མཚན་བ་དན་ལ་སོགས་པས་མཆོད་ནས་རྒྱ་མཚོའམ་ཆུ་ཀླུང་དུ་བཏང་ན་དེས་དམྱལ་སོགས་ལས་ཐར། ཡང་ན་དེ་ལྟར་མཆོད་དེ། མཇུག་ཏུ་ལམ་བཞི་མདོར་མཆོད་རྟེན་ཆེན་པོ་བྱས་ཏེ་གདུགས་སོགས་ཀྱིས་མཆོད་ལ་དགེ་འདུན་ལ་ཡང་མཆོད་སྟོན་གསོལ་ནས། ཡོན་གྱི་ལེགས་པར་མཆོད་ལ་འདི་ཆེ་གེ་མོ་དེའི་དགེ་བའི་རྩ་བར་གྱུར་ཅིག །འདི་ཁོ་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་གྱུར་ཅིག་ཅེས་ཀྱང་བྱས་ན་དེ་ཁོ་ན་ལྟར་སྐྱེས་ནས་ལུས་སྟོན་པ་སོགས་སྔར་བཞིན་ནོ། །མཚམས་མེད་ལྔ་བྱེད་པ་དང་། དམ་པའི་ཆོས་སྤོང་བ། འཕགས་པ་ལ་སྐུར་པ་བཏབ་པ་ཡིན་ཡང་རུང་སྟེ། འཆི་ཁར་རྩིག་པ་ལ་གཟུངས་སྔགས་འདི་བྲིས་པ་མཐོང་ན་དེའི་ལས་སྒྲིབ་ཐམས་ཅད་ཟད་པར་འགྱུར་ན་བཟླས་བརྗོད་བྱེད་པ་ལྟ་ཅི་སྨོས་ཏེ། དེ་བཞིན་གཤེགས་པ་ཉིད་བྱོན་ནས་རིགས་ཀྱི་བུ་ཚུར་ངའི་གམ་དུ་ཤོག་ཅེས་ཀྱང་གསུང་བར་འགྱུར་རོ། །ཞེས་གསུངས། གཟུངས་ཀྱི་མེ་ཞེས་པའི་རྗེས་སུ་སརྦ་སཏྭ་ན་མ་

― MR07_Page_0705 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་སེམས་ཅན་ཐམས་ཅད་ཀྱི་མིང་སྦྱར་བ་ཡིན་ལ། གང་ལ་ཆེད་དུ་བྱེད་ན་དེར་དེའི་མིང་གཞུག་པ་ཤེས་པར་བྱའོ། །ཡོན་ཏན་བསྔགས་པ་དཔག་ཏུ་མེད་པའི་གཟུངས་ནི། ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝ་ཏེ། ཨ་མི་ཏ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀྶཾ་བུད་དྷཱ་ཡ། ཏདྱ་ཐཱ། ཨོཾ་ཨ་མི་ཏེ། ཨ་མི་ཏཱ། ཨ་མི་ཏོད་བྷ་བེ། ཨ་མི་ཏ། སཾ་བྷ་བེ། ཨ་མི་ཏ་བི་ཀྲཱནྟེ། ཨ་མི་ཏ་བི་ཀྲཱ ནྟ་ག་མི་ནི། ག་ག་ན་ཀཱིརྟི་ཀ་རེ་སརྦ་ཀརྨ་ཀླེ་ཤ་ཀྵ་ཡཾ་ཀ་རི་སྭཱ་ཧཱ། འདི་ནི་པདྨའི་རིགས་མཆོག་སངས་རྒྱས་སྣང་བ་མཐའ་ཡས་ཀྱི་གཟུངས་ཏེ། སྣང་མཐའ་རྗེས་སུ་དྲན་པས་བཟླས་པར་བྱ་ལ། ཨོཾ་མན་ཆད་བཟླས་ཀྱང་རུང་སྟེ་སྙིང་པོའོ། །ན་མོ་རཏྣ་སོགས་སྔགས་ཀྱི་མགོན་པོ་སྦྱར་ཏེ་བཟླས་ཀྱང་མཆོག་ཏུ་འགྱུར་རོ། །འདི་ལན་གཅིག་བརྗོད་པས་བསྐལ་པ་འབུམ་དུ་བསགས་པའི་ལས་སྒྲིབ་བྱང་། ཉིན་རེ་བཞིན་དུས་གསུམ་དུ་བཟླས་བརྗོད་བྱས་ན། སྡིག་པ་ཐམས་ཅད་ལྷག་མེད་དུ་བྱང་། སངས་རྒྱས་སྟོང་ལས་བསྐྱེད་པའི་དགེ་བའི་རྩ་བ་འཐོབ། ལན་ཉེར་གཅིག་བརྗོད་ན་རྩ་བའི་ལྟུང་བ་བཞི་པོ་བྱང་། འབུམ་བཟླས་ན་འཕགས་པ་བྱམས་པ་མཐོང་།

― MR07_Page_0706 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིས་འབུམ་གྱིས་སྤྱན་རས་གཟིགས་མཐོང་། སུམ་འབུམ་བཟླས་ན་དེ་བཞིན་གཤེགས་པ་འོད་དཔག་མེད་མཐོང་བར་འགྱུར་ལ། ཕན་ཡོན་གཞན་དཔག་ཏུ་མེད་ཀྱང་མདོར་བསྡུས་པའོ། །ཞེས་གསུངས་སོ། །ཡང་སྒྲིབ་པ་མ་ལུས་པ་འཇོམས་པའི་གཟུངས་ནི། ཨོཾ་རཏྞེ་རཏྞེ། མ་ཧཱ་རཏྞེ། རཏྞ་སཾ་བྷ་བེ། རཏྞ་ཀི་རཏྞེ། རཏྞཾ་་མཱ་ལཱ། བི་ཤུད་དྷེ་ཤོདྷ་ཡ་སརྦ་པཱ་པཾ་ཧཱུྃ་ཏྲཊ། འདིས་བདུད་ཀྱི་གནས་ཐམས་ཅད་བཅོམ་ཞིང་རིན་ཆེན་རིགས་ཀྱི་སྙིང་པོ་ལས་སྒྲིབ་འཇོམས་པ་ཕན་ཡོན་ཟུར་དུ་བཤད་པ་མ་མཐོང་ཡང་གོང་མ་རྣམས་དང་ཁྱད་པར་མེད་པར་རིག་པར་བྱའོ། །ཡང་གཞོམ་པར་དཀའ་བའི་སྒྲིབ་པ་ཐམས་ཅད་གདོན་མི་ཟ་བར་རྣམ་པར་འཇོམས་པའི་གཟུངས་ནི། ཨོཾ་ཨ་མོ་གྷ་ཨ་པྲ་ཏི་ཧ་ཏ། སརྦ་ཨཱ་བ་ར་ཎ། བི་ནཱ་ཤ་ནི་ཞེས་ཀྱང་འདུག །མཆན། བི་ཤོདྷ་ནི། ཧ་ར་ཧ་ར་ཧཱུྃ་ཕཊ། འདི་ནི་ལས་ཀྱི་རིགས་དོན་ཡོད་པའི་སྙིང་པོ་དེ་བཞིན་གཤེགས་པ་ཐམས་ཅད་ཀྱི་རིག་སྔགས་ཕན་ཡོན་གོང་བཞིན་ནོ། །གཟུངས་འདི་ལྔ་ངན་སོང་སྦྱོང་བའི་རྒྱུད་ལས་གསུངས་ལ་གོང་མ་གསུམ་ཟུར་དུའང་གཟུངས་ཚན་དུ་བྱུང་ངོ་། །ཨོཾ་བཛྲ་དྷཱ་ཏཱི་ཤྭ་རཱི་སྭཱ་ཧཱ།

― MR07_Page_0707 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་དབྱིངས་ཀྱི་དབང་ཕྱུག་མའི་སྙིང་པོ་སྡིག་པ་ཐམས་ཅད་བྱང་ཞིང་མཆོག་སྦྱིན་པའོ། །ཨོཾ་ལོ་ཙ་ནེ་བ་སུ་དེ་སྭཱ་ཧཱ། སངས་རྒྱས་སྤྱན་མའི་སྙིང་པོ་སྡིག་པ་ཞི་ཞིང་ཚེ་ནོར་སོགས་རྒྱས་པར་བྱེད་པའོ། །ཨོཾ་པཱ་ཎ་ཌ་རི་བཱ་སི་ནི་བར་དེ་སྭཱ་ཧཱ། གོས་དཀར་མོའི་སྙིང་པོ་འདི་ལན་གཅིག་བརྗོད་པས་སྡིག་པའི་ཚོགས་སྲེག་པར་བྱེད་ཅིང་བཟླས་པ་ཙམ་གྱིས་ཕུན་སུམ་ཚོགས་པ་ཐམས་ཅད་ཀྱི་སྐལ་པ་དང་ལྡན་པར་འགྱུར་རོ་ཞེས་འཇིག་རྟེན་དབང་ཕྱུག་གི་རྟོག་པ་ལས་གསུངས་ཤིང་དབང་དུ་བྱེད་པ་སོགས་ཀྱི་མཆོག་གོ །ཨོཾ་མཱ་མ་ཀཱི་ཀི་རི་ཀི་རི་སྭཱ་ཧཱ། མཱ་མ་ཀཱི་ཡི་སྙིང་པོ་སྡིག་པ་ཐམས་ཅད་འཇོམས་ཤིང་བགེགས་སྲུང་བ་དང་སྟོབས་སྦྱིན་པའི་མཆོག་གོ །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། སྒྲོལ་མའི་སྙིང་པོ་ཡི་གེ་བཅུ་པ་སྡིག་པ་དང་རྒུད་པ་ཐམས་ཅད་ལས་སྒྲོལ་བ་འཇིག་རྟེན་གསུམ་དགུག་ཅིང་བྲན་དུ་བྱེད་པ་ལས་སྣ་ཚོགས་འགྲུབ་པའོ། །རྒྱུད་སྣ་ཚོགས་ལས་གསུངས་པའི་རིགས་ཀྱི་ཡུམ་ལྔའི་གཟུངས་འདི་དག་རིག་སྔགས་ཐམས་ཅད་ཀྱི་རྒྱལ་མོའི་སྙིང་པོ་སྟེ་ཕན་ཡོན་ཚད་མེད་པ་དང་དངོས་གྲུབ་ཐམས་ཅད་ཐོབ་པར་བྱེད་པའོ། །ཏདྱ་ཐཱ། ཨོཾ་ཧྲཱིཿཤུ་ཏི་སྨྲྀ་ཏི་བི་ཛ་ཡེ་སྭཱ་ཧཱ། པྲཛྙཱ་པཱ་ར་མི་ཏཱ་ཡེ་སརྦ་དུརྒ་ཏི་ཤོ་དྷ་ཡ་རཱ་ཛཱ་ཡ་

― MR07_Page_0708 ―

^{[མ་དཔེ་གཟིགས་ན་འདིར་གནོན།]}

[Full Size]

སྭཱ་ཧཱ། འདི་ནི་ཤེས་རབ་ཀྱི་ཕ་རོལ་ཏུ་ཕྱིན་མའི་སྔགས་ཏེ་རྒྱུད་དུ་མར་ཨོཾ་ཧྲཱིཿསོགས་ཤེས་རབ་ཕ་རོལ་ཕྱིན་མའི་སྔགས་སུ་གསུངས། དེ་རྗེས་པྲཛྙཱ་སོགས་ངན་སོང་སྦྱོང་བའི་ཤམ་དང་བཅས་པ་འདི་འཕགས་པ་བརྒྱད་སྟོང་པ་བཟུང་བར་འགྱུར་བའི་གཟུངས་སུ་གསུངས། འདི་ལྟས་ངན་པ་སྣ་ཚོགས་ཀྱང་བཟློག་ལ། ལས་ཀྱི་སྒྲིབ་པ་དང་། ངན་སོང་ཐམས་ཅད་རྣམ་པར་སྦྱོང་བར་འགྱུར་རོ། །ཞེས་གསུངས་ཤིང་གཞན་དུ་དྲན་པ་དང་ཤེས་རབ་འཕེལ་བའི་སྔགས་ཁྱད་པར་ཅན་ཡང་ཡིན་ནོ། །ནོར་བུ་རྒྱས་པའི་གཞལ་མེད་ཁང་གི་གསང་བའི་ཆོ་ག་ཞིབ་མོ་ལས་གསུང་པ། ཨོཾ་མ་ཎི་བཛྲ་ཧྲི་ད་ཡ་བཛྲ་མཱ་ར་སིནྱ་བི་དྲ་པ་ཎི། ཧ་ན་ཧ་ན་བཛྲ་གརྦྷེ། ཏྲཱ་ས་ཡ་ཏྲཱ་ས་ཡ། སརྦ་མཱ་ར་་བ་ནཱ་ནི་ཧཱུྃ་ཧཱུྃ། སཾ་ངྷ་ར་སཾ་དྷ་ར་བུདྡྷ་མཻ་ཏྲི་སརྦ་ཏ་ཐཱ་ག་ཏ། བཛྲ་ཀལྤ་ཨ་དྷིཥྛི་ཏེ་སྭཱ་ཧཱ། འདི་ནི་རྡོ་རྗེ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་ཞེས་བྱ་བའི་གཟུངས་ཏེ་སྟོན་པ་སངས་རྒྱས་པའི་ཚེ་གཟུངས་འདིས་སྟོང་གསུམ་རྡོ་རྗེའི་རང་བཞིན་དུ་བསྒྱུར་ནས་མཚོན་ཆའི་ཆར་རྣམས་མེ་ཏོག་ཏུ་གྱུར་ཏེ་བདུད་ཀྱི་འཁོར་བཅོམ་པར་མཛད། སངས་རྒྱས་ཀྱི་ཞལ་ནས། དཀའ་བ་བརྒྱ་ཕྲག་བྱས་ཀྱང་

― MR07_Page_0709 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་འདི་མ་ཐོབ་པར་བྱང་ཆུབ་པ་དང་། བདུད་ཕམ་པ་སོགས་བྱ་མི་ནུས་པར་གསུངས་ཤིང་། འདིས་སངས་རྒྱས་ཀྱི་སྐུ་སྒྲུབ་པར་བྱེད་ལ། གཟུངས་འདིའི་མིང་བཟུང་བ་ཙམ་གྱིས་སངས་རྒྱས་ཐམས་ཅད་ཀྱི་མཚན་བཟུང་བ་དང་། འདི་བརྗོད་པ་ཙམ་གྱིས་སངས་རྒྱས་ཐམས་ཅད་ལ་མཆོད་ཅིང་བསྙེན་བཀུར་དང་ཕྱག་བྱས་པར་འགྱུར་རོ། །གཟུངས་འདི་ཉན་འཆང་ཀློག་སོགས་དང་། རྩིག་པ་ལ་བྲིས་པ་མཐོང་བས། མཚམས་མེད་པ་ལྔ་དང་། མནར་མེད་དུ་སྐྱེ་བ་དམ་པའི་ཆོས་སྤངས་པ། འཕགས་པ་ལ་སྐུར་པ་བཏབ་པ་དང་། ཤན་པ་གདོལ་པ་སོགས་ལས་ངན་ལ་ཞུགས་པ་དང་། འོན་ལོང་ཞར་སྒུར་སོགས་སྔོན་ལས་ཀྱི་སྒྲིབ་པ་ཅན་དང་། བདུད་ཀྱི་ཞགས་པས་ཟིན་པ། ལྟ་བ་ངན་པས་བསླུས་པ། ལོག་འདྲེན་གྱིས་བརླམ་པ་རྣམས་ཀྱི་སྐྱོན་དེ་དག་ཞི་ནས། ཐམས་ཅད་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །དུད་འགྲོའི་རིགས་རྣམས་ཀྱིས་མཐོང་ངམ་ཐོས་ཀྱང་དེ་བཞིན་དུ་འགྱུར་རོ། །སྙིགས་མའི དུས་སུ་ཕ་དང་མར་མི་འཛིན་པ། འཕགས་པ་དང་དམ་ཆོས་ལ་སྐུར་པ་སོགས་མི་དགེ་བ་སྣ་ཚོགས་བྱེད་པ་དེ་དག་གིས་ཀྱང་། གཟུངས་འདི་ཉན་

― MR07_Page_0710 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་བཀླག་པ་དང་བྲིས་ན་གང་ཟག་དེར་མ་ཟད་དེ་མཐོང་ཐོས་དང་དེའི་གྲིབ་མས་ཕོག་པ་ཐམས་ཅད་སྡིག་པ་མ་ལུས་པར་བྱང་ནས་ཚེ་འདིར་ཡོན་ཏན་བརྒྱ་སྟོང་འཐོབ་པ་དང་། གཟུངས་འདིས་སྡིག་པ་ཐམས་ཅད་དང་བྲལ། དགེ་རྩ་ཐམས་ཅད་དང་ལྡན། བདུད་ཐམས་ཅད་མཐར་བྱེད། འཇིག་རྟེན་པ་ཐམས་ཅད་དགའ། དུག་དང་མཚོན་སོགས་གནོད་པ་ཐམས་ཅད་ཀྱིས་མི་ཚུགས། འཇིག་རྟེན་གྱི་སྡུག་བསྔལ་ཐམས་ཅད་མི་མྱོང་། ལུས་གཞོན་ཤིང་མཛེས་ལ་ངག་སྙན། ནད་ཐམས་ཅད་མི་འབྱུང་། ཞར་ལོང་འོན་སོགས་དབང་པོ་ཉམས་པར་མི་འགྱུར། འཆི་བའི་ཚེ་སྤོབས་པ་མི་ཟད་ལ། སེམས་མི་འཁྲུགས་ཤིང་སངས་རྒྱས་ཐམས་ཅད་མཐོང་ནས་དབུགས་འབྱིན། འདི་འཛིན་པ་ལ་བྱད་སོགས་ཀྱིས་མི་ཚུགས། རྨི་ལམ་དུ་སངས་རྒྱས་བྱང་སེམས་མཐོང་། འདི་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་ཕར་ཕྱིན་དང་རྫུ་འཕྲུལ་སོགས་ཆོས་ཐམས་ཅད་ཀྱི་གསང་བ་ཡིན་ནོ། །ཞེས་གསུངས་སོ། །ཡང་ཆོ་ག་དེ་ལས་གསུངས་པ། ཨོཾ་བི་པུ་ལ་གརྦྷེ། མ་ཎི་པྲ་བྷེ། ཏ་ཐཱ་ག་ཏ་ནི་རྡེ་ཤ་ནི། མ་ཎི་མ་ཎི་སུ་པྲ་བྷེ། བི་མ་ལེ། སཱ་ག་ར་གམྦྷི་རེ་ཧཱུྃ་ཧཱུྃ།

― MR07_Page_0711 ―

^{[མ་དཔེ་གཟིགས་ན་འདིར་གནོན།]}

[Full Size]

ཛྭཱ་ལ་ཛྭཱ་ལ། བུདྡྷ་བི་ལོ་ཀི་ཏེ། གུ་ཧྱ་ཨ་དྷིཥྛི་ཏེ་གརྦྷེ་སྭཱ་ཧཱ། ནོར་བུ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ། གསང་བ་དམ་པའི་གཟུངས་འདི་ནི། སྡིག་པ་དང་སྡུག་བསྔལ་སེལ་ཞིང་འཚང་རྒྱ་བར་བྱེད་པ་སྟེ། འདིའི་ཕན་ཡོན་ནི་བསྐལ་པ་བརྒྱ་སྟོང་དུ་བརྗོད་པར་མི་ནུས་ལ། བཟླས་པའི་མོད་ལ་ཕྱིར་མི་ལྡོག་པར་འགྱུར་ཞིང་། བདུད་སོགས་ཕྱིར་རྒོལ་བ་ཀུན་གྱིས་གླགས་མི་རྙེད་པ་དང་དགེ་བའི་རྩ་བ་ཚད་མེད་པར་འཕེལ་བར་བྱེད། ལན་གཅིག་དྲན་པ་ཙམ་གྱིས་ཀྱང་ཡོན་ཏན་ཚད་མེད་པ་ཐོབ་པར་གསུངས་ལ། ཐུགས་རྗེ་ཆེན་པོའི་རྒྱུད་གཞན་དུའང་གཟུངས་འདི་བྱུང་ཞིང་། སྡིག་སྒྲིབ་ཀུན་འཇོམས་ཀྱི་གཟུངས་ཞེས་གྲགས་པ་ནི་གཟུངས་སྔ་མའི་མཇུག་ཏུ། ཨོཾ་པདྨ་དྷཱ་ར་ཨ་མོ་གྷ་ཛ་ཡ་ཏེ་ཙུ་རུ་ཙུ་རུ་སྭཱ་ཧཱ། ཞེས་དོན་ཞགས་ཀྱི་སྙིང་པོ་བཏགས་པ་ཡོད་ལ། དེའི་ཕན་ཡོན་གསུངས་པ། ཉིན་རེ་ཞིང་བརྒྱ་རྩ་བརྒྱད་བཏོན་ན་མི་མཐུན་པའི་ཕྱོགས་བཅུ་གསུམ་འཇིག་སྟེ། གང་ཞེ་ན། མེ་ཆུ་དུག་མཚོན་རླུང་དང་ཐོག་རྡིབ་གཡང་ལྷུང་གཟའ་དང་བྱད་སྟེམས་རིམས་དྲག་པོ་ཕ་རོལ་གྱི་དམག་རྒྱལ་པོའི་ཆད་པ་དུག་སྦྱར་མ་རྣམས་ཀྱིས་མི་ཚུགས་སོ། །གཟུགས་

― MR07_Page_0712 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་དབྱངས་སྙན་ཏིང་ངེ་འཛིན་དང་སེམས་ཅན་གྱི་དོན་བྱེད་པ་དང་། ཕྲིན་ལས་ཐོགས་པ་མེད་པར་འབྱུང་། ལས་ཀྱི་རྣམ་སྨིན་བྱང་། ཚེ་རིང་། འཁོར་མང་ལོངས་སྤྱོད་ཟད་མི་ཤེས། བསྟན་བཅོས་ཐམས་ཅད་ཤེས། སངས་རྒྱས་ཐམས་ཅད་མཆོད། སངས་རྒྱས་ཀུན་གྱི་སྲས་སུ་གྱུར། ཡིད་ལ་རེ་བ་ཐམས་ཅད་རྫོགས་པ་དང་སྐྱེ་བ་འདིའི་འོག་ཏུ་བདེ་བ་ཅན་དུ་སྐྱེས་ནས་ཕྱིར་མི་ལྡོག་པའི་འབྲས་བུ་ཐོབ་པ་སྟེ་དེ་ལྟར་ཡོན་ཏན་བཅུ་གསུམ་པོ་འཐོབ་བོ། །རིག་སྔགས་འདི་འབུམ་བཟླས་ན་གང་ཟག་དེའི་ལུས་ཀྱི་སྒོ་ནས་ཉོན་མོངས་པ་དང་། བརྡེག་པ་དང་། མི་སྡུག་པ་བསྟན་པ་དང་། ངག་གིས་བསྒོ་བ་དང་མཚང་བྲུས་པ་དང་མི་སྙན་པ་བརྗོད་པ། ཡིད་ཀྱིས་གཞན་ལ་བརྣབ་སེམས་དང་གནོད་སེམས་དང་ལོག་ལྟ་བྱས་པའི་སེམས་ཅན་དེ་དག་ཀྱང་ཐར་པ་ཐོབ་ན། གཞན་ལྟ་ཅི་སྨོས་ཏེ། གང་དེའི་གཟུགས་མཐོང་བ་དང་། ངག་གི་སྒྲ་ཐོས་པ། ལུས་ཀྱི་ཟག་པའམ་དྲི་མས་ཕོག་པ་ཐམས་ཅད་ངན་སོང་ལས་ཐར་བར་འགྱུར་ཞིང་། འཆི་ཀ་མའི་རྣ་ལམ་དུ་ལན་བདུན་བརྗོད་པའམ། ཤི་བའི་རུས་པ་ལ་ལན་ཉེར་གཅིག་བཏབ་ན་དེ་ངན་སོང་ལས་གྲོལ་ལོ། །ཕྱོགས་བཅུའི་

― MR07_Page_0713 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་འདུན་གྱི་དཀོར་ལ་འབག་པ་ལ་སངས་རྒྱས་སྟོང་གིས་བཤགས་པ་མ་གནང་ཡང་གཟུངས་འདི་སྟོང་རྩ་བརྒྱད་བཟླས་པས་འདག་པར་འགྱུར་རོ། །སྟོང་གསུམ་མེ་འོབས་ཀྱིས་གང་བ་ཡང་བརྒལ་ནས་ཆོས་འདི་བཙལ་བར་འོས་སོ། །སྡིག་པས་མི་གོས་པར་བྱེད་པའི་སྔགས་འདིའི་ཕན་ཡོན་བསྐལ་པར་བརྗོད་ཀྱང་ཟད་པར་མི་འགྱུར་རོ། །ཞེས་གསུངས་སོ། །ཨོཾ་བྷྲཱུྃ་སྭཱ་ཧཱ། ཨོཾ་ཨ་མྲྀ་ཏ་ཨཱ་ཡུརྡ་དེ་སྭཱ་ཧཱ། འདི་ནི་གཙུག་ཏོར་རྣམ་རྒྱལ་མའི་སྙིང་པོ་དང་ཉེ་སྙིང་སྟེ་ངན་སོང་གི་རྒྱུད་ཐམས་ཅད་ལས་གྲོལ་ཞིང་ཚེ་དང་བསོད་ནམས་མཆོག་ཏུ་འཕེལ་བ་སོགས་ཕན་ཡོན་ཚད་མེད་པའོ། །ཨོཾ་ན་མ་སྟྲཻ་ཡ་དྷྭི་ཀཱ་ནཱཾ་སརྦ་ཏ་ཐཱ་ག་ཏ་ཧྲྀ་ད་ཡ། གརྦྷེ་ཛྭ་ལ་ཛྭ་ལ་དྷརྨ་དྷཱ་ཏུ་གརྦྷེ་སཾ་བྷ་ར་མ་མ་ཨཱ་ཡུཿསཾ་ཤོ་དྷ་ཡ་སཾ་ཤོ་དྷ་ཡ། མ་མ་སརྦ་པཱ་པཾ། སརྦ་ཏ་ཐཱ་ག་ཏ་ས་མནྟོ་ཥྞཱི་ཥ་བི་མ་ལ་བི་ཤུདྡྷེ་ཧཱུྃ་ཧཱུྃ་ཧཱུྃ། ཨྃ་བྃ་སྃ་ཛཿསྭཱ་ཧཱ། འདི་ནི་གཙུག་ཏོར་དྲི་མེད་ཀྱི་སྙིང་པོ་སྟེ་མཐོང་ཐོས་ཙམ་གྱིས་ལས་སྒྲིབ་ཐམས་ཅད་འདག དྲན་པ་ཙམ་གྱིས་ཚེ་ཟད་པ་ལས་ཀྱང་བཟློག་པ་དང་། བསོད་ནམས་ཚད་མེད་པ་སྐྱེད་ཅིང་བསམ་པ་ཡིད་བཞིན་དུ་འགྲུབ་ལ། ཕྱིན་ཆད་འཆི་བའི་སྒོའི་སྡུག་བསྔལ་

― MR07_Page_0714 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མྱོང་བ་དང་མངལ་དུ་མི་སྐྱེ་ལ་ཚེ་རབས་དྲན་པ་སོགས་ཕན་ཡོན་ཚད་མེད་པའོ། །ཨོཾ་སརྦ་ཏ་ཐཱ་ག་ཏོཥྞི་ཥ་དྷཱ་ཏུ་མུ་དྲཱ་ཎཱི་སརྦ་ཏ་ཐཱ་ག་ཏ་དྷརྨ་དྷཱ་ཏུ་བི་བྷཱུ་ཥི་ཏ་ཨ་དྷིཥྛི་ཏེ་ཧུ་རུ་ཧུ་རུ་ཧཱུྃ་ཧཱུྃ་སྭཱ་ཧཱ། གསང་བ་རིང་སྲེལ་གྱི་གཟུངས་ཀྱི་སྙིང་པོ་སྟེ། འདི་དེ་བཞིན་གཤེགས་པའི་ཡེ་ཤེས་ཀྱི་སྐུ་མངོན་སུམ་པ་སྲིད་པའི་ལས་དང་སྡུག་བསྔལ་ཟད་པར་བྱེད་ཅིང་། སྲིད་པ་དང་ཞི་བའི་ཡོན་ཏན་ཐམས་ཅད་ཐོབ་པར་བྱེད་པའི་ཕན་ཡོན་ཚད་མེད་པའོ། །ཨོཾ་སརྦ་ཏ་ཐཱ་ག་ཏ་བྱཱ་ར་ལོ་ཀི་ཏེ་ཛ་ཡ་ཛ་ཡ་སྭཱ་ཧཱ། ཨོཾ་ཧུ་རུ་ཧུ་རུ་ཛ་ཡ་མུ་ཁེ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། འདི་ནི་བྱང་ཆུབ་ཀྱི་སྙིང་པོ་རྒྱན་འབུམ་གྱི་སྙིང་པོ་དང་ཉེ་བའི་སྙིང་པོ་དང་བཅས་པ་སྟེ། ཚེ་འཕེལ་ཞིང་འདོད་པའི་དོན་ཐམས་ཅད་འགྲུབ་པ་དང་། ལས་ཀྱི་སྒྲིབ་པ་ཐམས་ཅད་ཡུད་ཀྱིས་བྱང་ནས་བསོད་ནམས་ཚད་མེད་དཔག་ཏུ་མེད་པ་སྐྱེད་ཅིང་། སངས་རྒྱས་ཀྱི་ཆོས་རྡོ་རྗེ་ལྟ་བུ་ཐོབ་པར་བྱེད་པའི་སྔགས་ཀྱི་རྒྱལ་པོ་ལས་ཐམས་ཅད་བྱེད་པའོ། །གཙུག་ཏོར་རྣམ་རྒྱལ་ལ་སོགས་པ་འདི་རྣམས་ཀྱི་ཕན་ཡོན་རྒྱས་པ་རང་རང་གི་གཟུངས་ཀྱི་སྐབས་སུ་གསུང་པ་ལས་ཤེས་པར་བྱའོ། །ཨོཾ་ན་མཿས་མནྟ་བུདྡྷཱ་ནཱཾ་སརྦ་བུདྡྷ་བོ་དྷི་ས་ཏྭ་ཧྲྀ་ད་ཡཾ་ནི་བི་ཤ་ནི་ནི་མ་

― MR07_Page_0715 ―

^{[མ་དཔེ་གཟིགས་ན་འདིར་གནོན།]}

[Full Size]

ཿ སརྦ་བིཪྱཱ་སྭཱ་ཧཱ། འདི་ནི་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས་གསུངས་པ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱིའི་སྙིང་པོ་དམ་པར་གསུངས་ཏེ། སངས་རྒྱས་བྱང་སེམས་ཐམས་ཅད་མ་ཚང་བ་མེད་པའི་རྗེས་སུ་སོང་བའི་ཕན་ཡོན་ཚད་མེད་པ་ཡོད་པར་ཤེས་པར་བྱའོ། །ཡང་ལུང་གཞན་ལས། ན་མཿསརྦ་ཏ་ཐཱ་ག་ཏ་ཧྲྀ་ད་ཡ་ཨ་ནུ་ག་ཏེ། ཨོཾ་ཀུ་རུཾ་གི་ནི་སྭཱ་ཧཱ། དེ་བཞིན་གཤེགས་པ་སྤྱིའི་སྙིང་པོ་འདི་ལན་གཅིག་བཟླས་པས་ཀྱང་བསྐལ་པ་འབུམ་ཕྲག་བརྒྱད་སྟོང་དུ་བསགས་པའི་ལས་ཀྱི་སྒྲིབ་པ་ཡང་ཟད་པར་འགྱུར་རོ། །ཞེས་གསུངས་སོ། །ཨོཾ་ཨཱཿལི་ཀཱ་ལི་ཛྙཱ་ན་པཉྩ་སཏྭ་ཀྲོ་ཏ་མུ་ན་ཡེ་སྭཱ་ཧཱ། འདི་ནི་སྔ་འགྱུར་བའི་ཆོས་སྡེ་བཀའ་བརྒྱད་བདེ་གཤེགས་ཐམས་ཅད་འདུས་པའི་རྒྱུད་ལས་གསུང་སྟེ། ཐོག་མཐར་ཨོཾ་དང་ཧཱ་བཞག་ནས། །བར་ན་ཡིག་འབྲུ་བཅུ་དྲུག་གནས། །དམ་པ་རིགས་བརྒྱ་འདུས་པའི་སྔགས། །ཐམས་ཅད་འགྲུབ་པར་བྱེད་པ་ཡིན། །སྐུ་གསུང་ཐུགས་ཀྱི་དངོས་གྲུབ་ཐོབ། །ཕྱོགས་བཅུ་དུས་གསུམ་བདེ་གཤེགས་རྣམས། །ངེས་དོན་དམ་པ་རིགས་བརྒྱར་འདུས། །བདེ་གཤེགས་ཀུན་གྱི་དངོས་གྲུབ་

― MR07_Page_0716 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ། །ཅེས་གསུངས་པ་ཡི་དམ་ཞི་ཁྲོ་ཡོངས་རྫོགས་ཀྱི་སྙིང་པོ་ཁྱད་པར་ཅན་ཏེ། ཨཱ་ལི་ཀཱ་ལི་ཀུན་བཟང་ཡབ་ཡུམ། །ཛྙཱ་ན་པཉྩ་རིགས་ལྔ་ཡབ་ཡུམ། །སཏྭ་སེམས་དཔའ་སེམས་མ། །ཀྲོ་དྷ་ཁྲོ་བོ་ཁྲོ་མོ་ཐམས་ཅད། །མུ་ན་སྤྲུལ་སྐུ་ཐུབ་པ་དྲུག་གི་སྔགས་ཏེ་རིག་པའི་གསང་སྔགས་ཁྱད་པར་ཅན་ནོ། །ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ༔ འདི་ནི་སྒྲུབ་པ་བཀའ་བརྒྱད་ཀྱི་ནང་ཚན་རིག་འཛིན་བླ་མ་བསྒྲུབ་པའི་སྙིང་པོ་དམ་པ་སྟེ། དུས་གསུམ་གྱི་བླ་མ་རིག་འཛིན་ཐམས་ཅད་ཀྱི་སྙིང་པོ་འདི་ཁོ་ན་ལ་འདུས་པ། བྱིན་རླབས་ཀྱི་རྩ་བ་བླ་མ་རྣམས་ཀྱི་སྔགས་འདི་ནི་བཟླས་པ་ཙམ་གྱིས་ཕན་ཡོན་དཔག་ཏུ་མེད་པ་འཐོབ་བོ། །ཨོཾ་བྷོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿའདི་བཀའ་བརྒྱད་ཞི་ཁྲོ་བདེ་གཤེགས་འདུས་པའི་རྒྱུད་ལས་གསུངས་པ་བདེ་གཤེགས་ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་སྤྱིའི་སྙིང་པོ་སྟེ། ཡི་དམ་ཞི་བ་གང་ཅི་ཡང་རུང་བ་ཐམས་ཅད་ཀྱི་སྙིང་པོ་དམ་པ་འདི་ཡིན་པས་ཕན་ཡོན་བྱིན་བས་རྨད་དུ་བྱུང་བ་འདི་ཉིད་གུས་པས་བཟླས་པར་བྱའོ། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུྃ། འདི་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེ་ཡང་དག་ཧེ་རུ་ཀའི་སྙིང་པོ་ཆེས་གསང་བ་དམ་པ་སྟེ།

― MR07_Page_0717 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་དམ་ཁྲོ་བོ་མཐའ་དག་གི་སྔགས་ནི་སྙིང་པོ་དམ་པ་དེ་ལ་མཐར་ཐུག་པས་ཁྲོ་བོ་སྤྱིའི་གསང་སྔགས་དུ་ཡང་གསུངས་ཏེ་གསང་སྔགས་རྣལ་འབྱོར་མ་ཡི་རྒྱུད་ཐམས་ཅད་ཀྱི་ཟབ་པ་མཐར་ཐུག་པ་བདེ་མཆོག་ཡིན་ཞིང་བདག་ཅག་གི་སྟོན་པས་ཀྱང་ཞིང་འདིར་གནས་ཉེར་བཞིར་སྤྲུལ་པའི་སྐུ་ཉིད་བཀོད་པ་མ་བསྡུས་པར་ད་ལྟ་ཡང་བཞུགས་པ་དང་། ཞིང་གཞན་ན་སངས་རྒྱས་ཀྱི་མཛད་པས་བདེ་མཆོག་གི་རྒྱུད་འཛམ་བུའི་གླིང་དུ་ཞལ་ཕྱོགས་ཏེ་གསུང་བཞིན་བཞུགས་པས། ཞིང་འདིར་དེའི་སྔགས་ཀྱིས་གྲུབ་པ་འགྱུར་ཞེས་གྲགས་ལ། བདེ་མཆོག་དེ་ལའང་། ཧེ་རུ་ཀའི་གལ་པོ་ཞེས་པའི་རྒྱུད་ལས། སྐུ་སངས་རྒྱས་མཉམ་སྦྱོར། གསུང་འཁོར་ལོ་བདེ་མཆོག །ཐུགས་ཡང་དག་གྲུབ་པ་ཞེས་གསུངས་ཏེ། དེ་ལ་སངས་རྒྱས་ཐམས་ཅད་མཉམ་པར་སྦྱོར་བ་ལ་ནི་མཁའ་འགྲོ་བདེ་མཆོག་དང་། འཁོར་ལོ་སྡོམ་པ་ལ་འཁོར་ལོ་བདེ་མཆོག་དང་། ཡང་དག་གྲུབ་པ་ལ་སྒྱུ་མ་བདེ་མཆོག་ཞེས་གྲགས་ཤིང་། སྤྱིར་བདེ་མཆོག་གི་ལྷ་སྔགས་རྣམས་གྲུབ་པ་མྱུར་ཞིང་བཀླག་པས་གྲུབ་པར་གསུངས་ལ་དེ་ཐམས་ཅད་ཀྱི་ནང་ན་ཟབ་པའི་མཐར་ཐུག་པ་ཡང་དག་སྒྱུ་མ་བདེ་མཆོག་འདི་ཡིན་པས་

― MR07_Page_0718 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་སྒྲུབ་པ་ལ་ཟབ་པ་ཡང་དག་ཞེས། རྒྱ་བོད་ཀྱི་རིག་འཛིན་རྣམས་ལ་གྲགས་ཤིང་ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་ལས། སྟོང་གསུམ་སྟོང་གི་འཇིག་རྟེན་ན། སྐུ་ཡི་དཀྱིལ་འཁོར་བསམ་ཡས་ཀྱང་། ཧེ་རུ་ཀ་ནི་སྐུ་ཡི་མཆོག །ཅེས་དང་། སྟོང་གསུམ་སྟོང་གི་འཇིག་རྟེན་ན། །ཐུགས་ཀྱི་སྤྲུལ་པ་བསམ་ཡས་ཀྱང་། །ཡེ་ཤེས་སེམས་དཔའ་ཐུགས་ཀྱི་མཆོག །ཅེས་གསུངས་པ་ལྟར་དཀྱིལ་འཁོར་རབ་འབྱམས་ཀྱི་སྒྲུབ་ཐབས་ཐམས་ཅད་ཀྱི་ནང་ན་ཟབ་པའི་མཐར་ཐུག་རྡོ་རྗེ་ཐུགས་ཀྱི་སྒྲུབ་པ་ཞེས་བྱའོ། །སྔགས་འདི་ཡང་སྔོན་དྲེག་པའི་རུ་ཏྲ་ཆེན་པོའི་བརླིང་ཚིག་གི་ང་རོ་དཔལ་ཆེན་པོའི་ཡེ་ཤེས་ཀྱི་སྔགས་སུ་བྱིན་གྱིས་བརླབས་པས་དེ་བཞིན་གཤེགས་པའི་བརྡའ་ཁྱད་པར་ཅན་དོན་ཟབ་པ་བཟླས་པ་ཙམ་གྱིས་ཡེ་ཤེས་ཀྱི་ལྷ་རྣམས་ཀྱིས་བྱིན་གྱིས་རློབ་ཅིང་མ་མོ་མཁའ་འགྲོ་རྣམས་དབང་མེད་འདུ་བར་བྱེད་པའི་སྔགས་ཁྱད་པར་ཅན་ཏེ་རྒྱུད་ལས། རུ་ལུ་འདི་ནི་ཡ་མཚན་ཆེ། །རུ་ལུ་འདིས་ནི་རྟོགས་པ་སྐྱེ། །རུ་ལུ་འདི་ནི་སྒྲིབ་པ་སྤོང་། །རུ་ལུ་འདི་ནི་དངོས་གྲུབ་ཐོབ། །བསམ་འཕེལ་འབྲུ་བརྒྱད་རིན་པོ་ཆེ། །རྒྱལ་བ་ཀུན་གྱི་ཐུགས་ཀྱི་དབྱིག །གདོད་ནས་ཡེ་ཤེས་སྙིང་པོ་བས། །

― MR07_Page_0719 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རླབས་འབྲུ་བརྒྱད་ཕྱག་རྒྱར་གསལ། ཞེས་དང་། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་ལས། སྟོང་གསུམ་སྟོང་གི་འཇིག་རྟེན་ན། །གསུང་གི་དཀྱིལ་འཁོར་བསམ་ཡས་ཀྱང་། །ཡི་གེ་འབྲུ་བརྒྱད་གསུང་གི་མཆོག །དེ་ཡང་སྐལ་ལྡན་པ་ཡི་གསུང་། །ཞེས་གསུངས་ཏེ། ཡེ་ཤེས་ཀྱི་རྣམ་པར་རོལ་པའི་སྙིང་པོ་འདི་ནི་ལྷ་དང་དཀྱིལ་འཁོར་ཐམས་ཅད་ཀྱི་རྩ་བར་སྣང་ཞིང་། ཆོས་ཉིད་དུ་ཤེས་པར་བྱས་ཏེ་བཟླས་ན་ཉམས་ཆག་སྡིག་སྒྲིབ་ཐམས་ཅད་མེ་ཡིས་རྩ་སྦུར་ལྟར་མྱུར་དུ་བསྲེགས་ནས། ལས་དང་ཡེ་ཤེས་ཀྱི་དངོས་གྲུབ་རབ་འབྱམས་མྱུར་དུ་གྲུབ་པ་རྩོལ་བས་དབང་ནོད་ཅིང་དམ་ཚིག་དང་ལྡན་པས་ཤིན་ཏུ་གསང་སྟེ་བསྒྲུབ་པར་བྱ་བ་ཁོ་ནའོ། །ཨ་ཧ་རི་ནི་ས་ཧཱུྃ། འདི་ནི་ཕྲིན་ལས་ཀྱི་མངའ་བདག་མཁའ་འགྲོ་མ་ཐམས་ཅད་ཀྱི་སྲོག་གི་སྙིང་པོ་སྟེ། ཧ་རི་ནི་སའི་ཡི་གེ་བཞི་པོ་འདི་རིགས་བཞིའི་མཁའ་འགྲོ་མ་ཐམས་ཅད་འདུས་པའི་སྙིང་པོ། མཁའ་འགྲོ་མའི་བརྡ་ལས་ཐམས་ཅད་གང་ཅི་ཡང་རུང་སྟེ། ཇི་ལྟར་དམིགས་པ་བཞིན་དུ་འདི་ཁོ་ན་བཟླས་པས་འགྲུབ་པར་གསུངས་ལ། ཐོག་མཐར་ཨ་དང་ཧཱུྃ་བཞག་པའི་ཡིག་དྲུག་འདི་བཟླས་པས་ཡེ་ཤེས་དང་ལས་དང་

― MR07_Page_0720 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གྱི་མཁའ་འགྲོ་འབུམ་ཕྲག་ཡངས་པ་ཆེན་པོའི་སྲོག་ལ་དབང་བསྒྱུར་བར་གསུངས་པས་ཤིན་ཏུ་ཟབ་པའི་གསང་སྔགས་སྡིག་པ་ཐམས་ཅད་འཇོམས་ཤིང་དངོས་གྲུབ་ཐམས་ཅད་གྲུབ་པའོ། །ཨོཾ་ཨཱཿཔྲཛྙཱ་དྷྲྀ་ཀ་ཧཱ་ཧཱུྃ། འདི་ནི་དམ་ཚིག་ཉམས་ཆག་སྦྱོང་བ་ལ་མཆོག་ཏུ་ཟབ་པ་དམ་ཚིག་རྡོ་རྗེའི་བཟླས་པའོ། །མངའ་བདག་ཉང་དང་ཉི་མ་གྲགས་པ་སོགས་ཀྱི་གཏེར་ཁ་ནས་ཡང་ཡང་བྱུང་བ། གུ་རུ་རིན་པོ་ཆེས་འཕགས་པ་སྤྱན་རས་གཟིགས་ལ་ཞུས་ཏེ། ཐོས་བསམ་སྒོམ་སྒྲུབ་སོགས་རྩོལ་བས་འབད་པ་ལ་མི་ལྟོས་པར་ངན་སོང་གི་སྒོ་ཆོད་ཅིང་། སངས་རྒྱས་ཀྱི་ཞིང་དུ་འགྲོ་བའི་ཐབས་ཐོས་གྲོལ་ཚོར་བ་རང་གྲོལ་ཞེས་བྱ་བ་ནི། ཨོཾ་ཨཱཿཧཱུྃ་ཧྲཱིཿ ཨོཾ་མ་ཎི་པདྨེ་ཧཱུྃ། ཨོཾ་བཻ་རོ་ཙ་ན་ཧཱུྃ་ཨཀྵོ་བྷྱ། རཏྣ་སམྦྷ་ཝཿ ཨ་མི་དྷེ་ཝཿ ཨ་མོ་གྷ་སིདྡྷི་ཧཱུྃ། ཨོཾ་པདྨ་ཧསྟ་མ་ཧཱ་ཨ་མོ་གྷ་པཱ་ཤ་སཱ་དྷ་ཡ་ས་མ་ཡ་ཧྲྀ་ད་ཡཱཾ་ཙ་ར་ཙ་ར་ཧཱུྃ༔ ན་མོ་བྷ་ག་ཝ་ཏེ་ཨཱརྱ་ཨ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭ་ཡ་མ་ཧཱ་ས ཏྭ་ཡ་མ་ཧཱ་ཀ་རུ་ཎི་ཀཱ་ཡ༔ སིདྡྷི་མནྟྲ་ཡ་ཡ་ནི་སྭཱ་ཧཱ། སྒྲ་དག་དབྱངས་གསལ་སྙན་པའི་གླུས༔ སེམས་བསྐྱེད་ལྡན་པའི་རྣལ་འབྱོར་པས༔ ཀུན་གྱི་ཐོས་པར་འདི་བརྗོད་ན༔ སྒྲ་ཐོས་སེམས་ཅན་ཐམས་

― MR07_Page_0721 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀུན༔ སྡིག་ཅན་དམྱལ་བའི་རིགས་ཡིན་ཀྱང༔ སྒྲ་འདི་ལན་གཅིག་ཐོས་གྱུར་ན༔ སངས་རྒྱས་ཐོབ་པ་སྨོས་ཅི་དགོས༔ གྲོལ་བར་འགྱུར་བར་གདོན་མི་ཟ༔ རྒྱུན་དུ་བཟླས་བརྗོད་བྱས་གྱུར་ན༔ གདུང་དང་རིང་སྲེལ་འབྱུང་བར་འགྱུར༔ དེ་ཕྱིར་གཅེས་སོ་རྣལ་འབྱོར་རྣམས༔ བུད་མེད་ཡེ་ཤེས་མཚོ་རྒྱལ་ངས༔ བརྡ་ཡིག་ལེགས་པར་གཏེར་དུ་སྦས༔ ལས་འཕྲོ་ཅན་དང་འཕྲད་པར་ཤོག༔ ཞེས་གསུངས་པ་སྤྲུལ་པའི་གཏེར་སྟོན་རྣམས་ཀྱིས་གཏེར་ནས་གདན་དྲངས་པའོ། །འཇམ་དཔལ་རྩ་བའི་རྟོག་པ་ལས་སྤྱོད་པ་ཐམས་ཅད་ལ་ཞུགས་པ་དང་། བྱང་ཆུབ་ཀྱི་ལམ་ཐམས་ཅད་ཤེས་པ་དང་། ཆོས་ཀྱི་དབྱིངས་ལ་འཇུག་པ་དང་། འཕགས་པ་འཇམ་དཔལ་གྱི་སྐུ་ལ་གནས་པར་འདོད་པ་རྣམས་ཀྱིས། རིག་པའི་རྒྱལ་པོ་མཆོག་ཏུ་གསང་བ། འཆི་བའི་དུས་སུ་དྲན་པར་བྱ་བ་གང་ཞེ་ན། ན་མ་སྟྲཻ་ཡ་དྷྭི་ཀཱ་ནཱཾ་སརྦ་ཏ་ཐཱ་ག་ཏེ་བྷྱ༔ ཨརྷ་ཏེ་བྷྱཿ སམྱ་ཀྶཾ་བུདྡྷེ་བྷྱཿ ཏདྱ་ཐཱ། ཨོཾ་ཀུ་མ་རཱུ་བི་དྷཱ་ར་ཎཱི། བི་ཤྭ་སཾ་བྷ་བ། ཨཱ་གཙྪ་ཨཱ་གཙྪ། ལ་ཧུ་ལ་ཧུ། བྷྲཱུྃ་བྷྲཱུྃ། ཧཱུྃ་ཧཱུྃ། ཛི་ན་ཛིཀ །མཉྫུ་ཤྲཱི་ཡེ། སུ་ཤྲཱི་ཡེ། ཏཱ་ར་ཡ་མཱྃ། སརྦ་དུ་ཁེ་བྷྱཿཕཊ་ཕཊ། ཤ་མ་ཡ་ཤ་མ་ཡ། ཨ་མྲྀ་ཏོདྦྷ་བ། ཨུ་ཏ་བྷ་ཝེ།

― MR07_Page_0722 ―

^{[མ་དཔེ་གཟིགས་ན་འདིར་གནོན།]}

[Full Size]

སརྦ་པཱ་པཾ་མེ་ནཱ་ཤ་ཡ་སྭཱ་ཧཱ། འཇམ་དཔལ་གྱི་སྙིང་པོ་དམ་པ་འདིས་ཞི་བ་ཐམས་ཅད་བྱེད་ཅིང་། སྡིག་པ་ཐམས་ཅད་ཟད་པར་བྱེད། སྡུག་བསྔལ་ཐམས་ཅད་ལས་གྲོལ་བར་བྱེད། ཚེ་རིང་བ་དང་ནད་མེད་པ་དང་། དབང་ཕྱུག་དང་སྐལ་བ་བཟང་པོ་མཆོག་དང་། ངག་གི་དབང་ཕྱུག་སྐྱེད་པར་བྱེད། རིག་པའི་རྒྱལ་པོ་ཐམས་ཅད་གཟེངས་བསྟོད་པར་བྱེད། འདི་གསུང་བའི་ཚེ་ས་གཡོས་ཤིང་རིགས་དྲུག་གི་སེམས་ཅན་རྣམས་བདེ་བ་ཐོབ་པའི་ཆོ་འཕྲུལ་བྱུང་ངོ་། །འདི་ཡིད་ལ་བྱེད་ཅིང་ཆོས་སྤོང་བའི་སེམས་མེད་ན་བདུད་སྡིག་ཅན་གྱིས་ཀྱང་གླགས་མི་རྙེད་ཅིང་ལོག་འདྲེན་ཐམས་ཅད་བྱེར་བར་འགྱུར་རོ། །དེ་ལྟར་ཕན་ཡོན་བསམ་གྱི་མི་ཁྱབ་སྟེ། སངས་རྒྱས་དང་ཆོས་བསམ་གྱིས་མི་ཁྱབ་པས། སངས་རྒྱས་ཁོ་ནས་མཁྱེན་ནོ་སྙམ་དུ་སེམས་བསྐྱེད་པར་བྱའོ། །ཞེས་གསུངས་སོ། །དེང་སང་གི་འཇམ་དཔལ་རྩ་རྒྱུད་ཀྱི་བོད་དཔེའི་སྔགས་ལས་རེ་ཟུང་མང་བ་ཡི་གེ་བརྒྱ་པ་ཅན་འདི་ནི། གཟུངས་འདིའི་ཨོཾ་མན་ཆད་ལ་སྡིག་པ་ཐམས་ཅད་རབ་ཏུ་ཞི་བའི་གཟུངས་ཞེས་ཁོལ་ཕྱུང་གཅིག་དང་། མི་གཡོ་བའི་རྟོག་པ་ལས་ཀྱང་བྱུང་བ་དང་བསྟུན་ཏེ་ཤིན་ཏུ་དག་པར་བགྱིས་པའོ། །

― MR07_Page_0723 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་གསུམ་བཀོད་པའི་རྒྱལ་པོའི་རྒྱུད་ལས་དེ་བཞིན་གཤེགས་པའི་སྙིང་པོ་ཐོགས་པ་མེད་པ་དོན་ཡོད་པར་གྲུབ་པ་གསུངས་པ། ན་མ་སྟྲཻ་ཡ་དྷྭི་ཀཱ་ནཱཾ་ཏ་ཐཱ་ག་ཏཱ་ནཱཾ་སརྦ་ཏྲཱ་པྲ་ཏི་ཧ་ཏཱ་བཱ་པྟི། དྷརྨ་ཏཱ་བཱ་སི་ནཱཾ། ཨཾ་ཨ། ས་མ་ས་མ་ས་མནྟ་ཏོ། ཨཱ་ནནྟཱ་པཱ་པྟི་ཤཱ་ས་ནི་ཧ་ར་ཧ་ར་སྨ་ར་སྨ་ར་ཎི་བི་ག་ཏ་རཱ་ག་བུད་དྷ་དྷརྨ་ཏེ། ས་ར་ས་ར་ས་མ་བ་ལ་ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ཎ་ལ་ཀྵ་ཎེ་ཛྭཱ་ལ་ཛྭཱ་ལ་ན་སཱ་ག་རེ་སྭཱ་ཧཱ། དེ་བཞིན་གཤེགས་པའི་སྙིང་པོ་འདི་ནི་སངས་རྒྱས་ཐམས་ཅད་ཀྱི་བྱིན་གྱིས་བརླབ་པ་སྟེ། ཐབས་ཤེས་དང་ལྡན་པའི་བྱང་སེམས་སྔགས་ཀྱི་སྒོར་སྤྱོད་པ་ལ་སྔགས་འདིས་ལས་གང་ཞིག་བྱེད་པ་དེ་ནི་བསྐལ་པ་བརྒྱར་ཡང་། དེ་བཞིན་གཤེགས་པས་བསྟན་པར་མི་སྤྱོད་ཀྱི་མདོར་བསྡུས་ན་སངས་རྒྱས་བྱང་སེམས་ཐམས་ཅད་ཀྱི་བྱིན་གྱིས་བརླབས་པའི་སྟོབས་དང་སྟོབས་སྣ་ཚོགས་སྒྲུབ་པར་བྱེད་པའི་སྙིང་པོ་འདི་སངས་རྒྱས་རྗེས་སུ་དྲན་པས་བཟླས་ན། སངས་རྒྱས་འབྱུང་བའི་འཇིག་རྟེན་གྱི་ཁམས་སྣ་ཚོགས་མཐོང་ཞིང་། གསུང་གི་འཁོར་ལོའི་སྒྲ་འབྱིན་པ། རིན་པོ་ཆེའི་ཆར་འབེབ་ཅིང་། སྐྱེས་བུ་དམ་པ་དེ་ནི་སྒོ་མཐའ་ཡས་པས་སེམས་ཅན་ཐམས་ཅད་ཀྱི་རྗེས་སུ་

― MR07_Page_0724 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་ཞིང་སེམས་ཅན་འདུལ་བའི་སྦྱོར་བ་དང་། ལས་ཐམས་ཅད་རྗེས་སུ་དྲན་པའི་ཆོ་ག་ཡང་དག་པར་སྦྱོར་བའི་གཟུངས་དང་། སེམས་ཅན་ཐམས་ཅད་ཀྱི་ཁམས་དབང་མོས་པ་དང་རྗེས་སུ་མཐུན་པའི་གཟུགས་སྣ་ཚོགས་མངོན་པར་སྒྲུབ་པ་དང་། དེ་བཞིན་གཤེགས་པ་ཐམས་ཅད་ལ་ལྷག་པར་དམིགས་པའི་རྣམ་པར་ཐར་པའི་སྒོ་ལ་སོགས་པ། རྣམ་པར་ཐར་པའི་སྒོ་སྣ་ཚོགས་ཀྱི་རྗེས་སུ་འཇུག་ཅིང་། སེམས་ཅན་གྱི་ཁམས་ཐམས་ཅད་དུ་ཡི་དྭགས་རྣམས་ལ་བཟའ་བཏུང་གི་ཆར་དང་། དམྱལ་བ་རྣམས་ལ་གྲང་བ་དང་དྲོ་བའི་རེག་བྱ་འབྱུང་ཞིང་། དུད་འགྲོ་རྣམས་ལ་གཅིག་གིས་གཅིག་ཟ་བའི་སྡུག་བསྔལ་ཞི་བ་སོགས་སེམས་ཅན་མོས་པའི་སྒོ་སྣ་ཚོགས་པའི་ཁམས་སྦྱོང་ཞིང་བྱིན་གྱིས་རློབ་པར་བྱེད། སྨིན་པར་བྱེད། དགའ་བར་བྱེད། གྲོལ་བར་བྱེད། བྱང་ཆུབ་ཀྱི་ཐེག་པ་ལ་འགོད་ཅིང་ས་དང་ཕར་ཕྱིན་གྱི་མན་ངག་སྟོན་ཅིང་མཐར་གྱིས་བྱང་ཆུབ་ལ་དགོད་པར་བྱེད། སྡུག་བསྔལ་དང་ཉོན་མོངས་ཐམས་ཅད་ཟད་པར་བྱེད། དགེ་བ་སྒྲུབ་པ་ལ་གནས་པ་སྐྱེད་པར་བྱེད། མདོར་ན་རང་གི་སྨོན་ལམ་དང་བསོད་ནམས་དང་ཡེ་ཤེས་ཀྱི་སྟོབས་དང་དེ་བཞིན་གཤེགས་པའི་བྱིན་

― MR07_Page_0725 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་ཀྱི་སྟོབས་ཀྱིས་སེམས་ཅན་གྱི་ཁམས་ཐམས་ཅད་དུ་དེ་བཞིན་གཤེགས་པའི་མཛད་པ་ཡང་བྱེད་པར་འགྱུར་རོ། །ཞེས་གསུངས་ཤིང་། དེའི་ཆོ་ག་དང་། དེ་ལ་བརྟེན་པའི་རིག་འཛིན་སྒྲུབ་པ་སོགས་ལས་ཀྱི་ཚོགས་ཤིན་ཏུ་མང་པོ་གསུངས་ཤིང་། སྙིང་པོ་འདི་ནི་དད་པ་དང་བྱང་ཆུབ་ཀྱི་སེམས་མ་སྤང་པས་བཟླས་ན་བསོད་ནམས་དང་ལྡན་རུང་མི་ལྡན་རུང་། ཚུལ་ཁྲིམས་ལྡན་རུང་མི་ལྡན་རུང་། ཐབས་མཁས་པ་དང་ལྡན་ནམ་མི་ལྡན་རུང་། བྲིས་སྐུ་དང་མཆོད་པ་ཁྲུས་སོགས་གཙང་སྦྲ་དང་ལྡན་རུང་མི་ལྡན་རུང་། ཉ་ཤ་དང་ཤ་སོགས་མ་སྤངས་ཀྱང་རུང་སྟེ་ངེས་པར་འགྲུབ་སྟེ་སངས་རྒྱས་བྱང་སེམས་ལ་དམིགས་པའི་སེམས་ཁོ་ནས་འགྲུབ་བོ། །གལ་ཏེ་བྲིས་སྐུ་སོགས་བསྒྲུབ་པར་འདོད་པ་ལ་དེའི་ཆོ་ག་སོགས་རྒྱས་པར་གསུངས་ཤིང་། སྔགས་འདིས་སངས་རྒྱས་དང་བྱང་སེམས་མཆོད་པ་དང་། སེམས་ཅན་གྱི་ཁམས་ལ་དམིགས་ཏེ་འདི་བསྒྲུབ་པ་ལ་བགེགས་མི་འབྱུང་ཞིང་ཚེགས་ཆུང་ངུས་འགྲུབ་པ་དང་། ནད་མེད་པ་དང་། ཚེ་རིང་བ་ཉོན་མོངས་ཞི་བ་ངན་སོང་གི་སྡུག་བསྔལ་ཞི་བ། བདེ་བ་རྒྱས་པ་སོགས་ཇི་ལྟར་འདོད་པའི་དོན་གང་ཡིན་

― MR07_Page_0726 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། དམིགས་ཏེ་བཟླས་ན་དེ་དང་དེ་ལྟར་གྲུབ་པ་རབ་འབྲིང་ཐ་མའི་ཚུལ་དུ་མངོན་པར་འབྱུང་བར་འགྱུར་རོ་ཞེས་གསུངས་སོ། །དེ་ལྟར་དམ་ཚིག་གསུམ་བཀོད་པའི་རྒྱལ་པོ་ལས་གསུངས་པའི་དེ་བཞིན་གཤེགས་པའི་ཡི་གེ་བརྒྱ་པ་བཤད་ནས། ཡང་རྒྱུད་དེ་ལས་གསུངས་པ་བྱང་ཆུབ་སེམས་དཔའི་ཡི་གེ་བརྒྱ་པ་འདི། སངས་རྒྱས་བྱང་སེམས་རྣམས་ཀྱི་བྱ་བ་ལ་སྒྲིབ་པ་མེད་པ། སྔོན་གྱི་ཆོས་ཀྱི་དབྱིངས་ཀྱི་མཐར་ཐུག་པར་བྱས་པར་དེ་བཞིན་གཤེགས་པ་ཐམས་ཅད་ཀྱིས་ལྷན་ཅིག་ཏུ་གསུངས་སོ། །ན་མཿསརྦ་བུདྡྷ་བོ་དྷི་ས་ཏྭཱ་ནཱཾ་པ་ར་པ་ར། སརྦཾ་སརྦཾ། ས་མ་ས་མ། ཀཱ་རུ་ཎཱཾ་ཀཱ་རུ་ཎཱཾ། ཏཱ་རཱ་ཏཱ་རཱ། སཱ་རཱ་སཱ་རཱ། ཨ་ཏཱི་ཨ་ཏཱི། ཨཱ་མཱི་ཏཱཾ་ཨཱ་མཱི་ཏཱཾ། ཨ་ཏཱི་ཨ་ཏཱི། བཱི་རཱཾ་བཱི་རཱཾ། ཨཱ་ཏཱི་ཨཱ་ཏཱི། ཤཱུ་རཾ་ཤཱུ་རཾ། ཧ་ཧ་ཧ་ཧ། མ་ཧཱ་ས་མ་ཡ། ན་མཿཏྲ། ཨ་མ་ལ་སིདྡྷི་དཱ་ཡ་ཀ་བྷྱཿ སརྦ་བུ་དྡྷ་བོ་དྷི་ས་ཏྭ་བྷྱཿ སརྦ་ཨ་ནནྟ་མ། དྷྱེ་བྷྱཿམ་ཧཱ་ཀཱ་རུ་ཎཱི། མཱ་ལཱི་ནཱི། ཏྲི་ས་མ་ཡེ་ཛྭ་ལ་སྭཱ་ཧཱ། འདི་གསུམ་བསམ་གྱིས་མི་ཁྱབ་སྟེ། །སངས་རྒྱས་རྣམས་ཀྱི་གྲོལ་བ་དང་། །མཆོག་ཏུ་རྣམ་དག་སེམས་ཅན་རྣམས། །བྱེད་པའང་བསམ་གྱི་མི་ཁྱབ་པ། །དཔའ་བོ་ཀུན་གྱིས་འདིར་ཐམས་ཅད། །འདི་ཡི་སྟོབས་ཀྱིས་དོན་ཐམས་ཅད། །བྱིན་གྱི་རླབས་ཀྱིས་

― MR07_Page_0727 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་གྱིས་བརླབས། །གསང་བ་བདག་ཉིད་ཆེན་པོ་འདི། །དཔག་མེད་ཅེས་བྱའི་ཐུགས་རྗེའི་བདག །ཀུན་གྱི་སྤྱོད་ཡུལ་འདི་ཡིན་ཏེ། །དེ་ཕྱིར་འདི་དང་འདྲ་བ་མེད། །བློ་ལྡན་དད་པས་སྙིང་པོ་འདི། །འགྲོ་ཀུན་འདུལ་བར་འདོད་པ་ཡིས། །ཡང་དག་ཉིད་དུ་བསྒྲུབ་པར་བྱ། །ཞེས་གསུངས་སོ། །འདི་ལ་ཡི་གེ་བརྒྱ་དང་བཅུ་བདུན་འདུག་གོ །སྔ་འགྱུར་གྱི་ཆོས་སྡེ་ཆེན་པོ་དྲི་མེད་རྒྱལ་པོ་བཤགས་པའི་རྒྱུད་ལས་དཔལ་རྡོ་རྗེ་སེམས་དཔའི་ཞལ་ནས། བདག་གིས་ཀྱང་བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་ཡང་སྙིང་། ཉམས་ཆག་དང་རྟོག་སྒྲིབ་ཐམས་ཅད་སེལ་བར་བྱེད་པ་འདི་བརྗོད་ཀྱི། རྣལ་འབྱོར་པ་ཉམས་ཆག་དང་རྟོག་སྒྲིབ་ཅན་གསོག་འཇོག་དང་བག་ཆགས་ངན་པ་ཅན་ཁྱེད་རྣམས་ཉོན་ཅིག ཨོཾ་བཛྲ་སཏྭ་ས་མ་ཡ་མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿཀུ་རུ་ཧཱུྃ། ཧ་ཧ་ཧ་ཧ་ཧོ། བྷ་ག་ཝཱན། སརྦ་ཏ་ཐཱ་ག་ཏ། བཛྲ་མ་མེ་མུཉྩ། བཛྲཱི་བྷ་ཝ་མ་ཧཱ་ས་མ་ཡ་སཏྭ་ཨཱ། འདི་དག་དུས་གཅིག་ལ་ལན་བརྒྱ་རྩ་བརྒྱད་བཟླས་ན་ཉམས་ཆག་ཐམས་ཅད་བསྐངས་ཏེ་ངན་སོང་

― MR07_Page_0728 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དུ་ལྟུང་བ་ལས་ཐར་བར་འགྱུར་རོ། །རྣལ་འབྱོར་པ་གང་ཞིག་གི་ཡི་དམ་དུ་བཅས་ནས་འདོན་ན། མི་དེ་ཚེ་འདི་ལ་དུས་གསུམ་གྱི་སངས་རྒྱས་ཐམས་ཅད་ཀྱི་སྲས་ཀྱི་དམ་པར་དགོངས་ནས་སྲུང་སྐྱོབ་མཛད་ལ། ཚེ་འཕོས་ནས་ཀྱང་བདེ་བར་གཤེགས་པ་རྣམས་ཀྱི་སྲས་ཀྱི་དམ་པ་ཉིད་དུ་གདོན་མི་ཟ་བར་འགྱུར་རོ། །ཞེས་གསུངས་ཤིང་། རྟ་མཆོག་རོལ་པའི་རྒྱུད་ལས། གསང་སྔགས་རྒྱལ་པོ་བླ་མེད་པ། །ལན་གཅིག་བརྗོད་པ་ཙམ་གྱིས་ཀྱང་། །སྡིག་པ་མ་ལུས་ཟད་བྱེད་ཅིང་། །ལས་རྣམས་ཐམས་ཅད་འགྲུབ་པར་བྱེད། །ཅེས་དང་། དབང་མཆོག་རྒྱལ་པོའི་རྒྱུད་ལས་ཀྱང་། །རྡོ་རྗེ་སེམས་དཔས་འདི་སྐད་གསུངས། །མཚམས་མེད་ཉེས་བྱས་རྣམ་སྨིན་བྱང་། །གསང་སྔགས་དམ་ཚིག་སོ་རུ་ཆུད། །མི་དགེ་ཕལ་པ་སྨོས་ཅི་དགོས། །གང་ཞིག་ནད་ཀྱིས་ཉེན་གྱུར་ཀྱང་། །སྡུག་བསྔལ་དེ་ལས་ངེས་པར་གྲོལ། །འགོ་བའི་ནད་རིམས་བྱུང་བའི་ཚེ། །བདག་ཉིད་ཡི་དམ་གསལ་བ་ཡིས། །སྙིང་པོ་འདི་བརྗོད་དེས་མི་ཚུགས། །གང་ཞིག་ངན་སྔགས་མཚོན་བརྡེག་ཀྱང་། །སྙིང་པོ་འདི་བརྗོད་རང་ལ་ལྡོག །དོན་གཉེར་ལམ་འགྲོ་འདི་བརྗོད་ན། །འཇིགས་པའི་དགྲ་ལས་ངེས་པར་གྲོལ། །གདོན་འཇིགས་བགེགས་ཀྱིས་འཚེ་བའི་ཕྱིར། །རིག་པ་

― MR07_Page_0729 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་བརྗོད་གདོན་དེ་འཇིལ། །སེམས་ཅན་གང་ཞིག་བུ་འདོད་ཀྱང་། །རིག་པ་འདི་ལས་རབས་དེ་ཟིན། །ཉོན་མོངས་དབུལ་ཞིང་ཕོངས་པས་ཀྱང་། །སྙིང་པོ་འདི་བརྗོད་རིན་ཆེན་རྙེད། །གང་ཞིག་འཁོར་སྡུད་འདི་བརྗོད་ན། །སྲིད་པ་གསུམ་ཡང་འཁོར་དུ་འདུ། །ཕྲིན་ལས་རྣམ་བཞི་ངེས་པར་འགྲུབ། །ཉམས་གྲིབ་ཐམས་ཅད་འདག་བྱེད་པའི། །ཡི་གེ་བརྒྱ་པ་བདག་གིས་བརྗོད། །ཆགས་ཉམས་ཐམས་ཅད་འདི་ཡིས་བསྐང་། །ངན་སོང་དོང་སྤྲུགས་འདི་བརྗོད་དོ། །འདི་ནི་དུས་ལ་བབ་པའི་ཚེ། །གསུམ་མམ་བདུན་ནམ་བཅུ་བཞིའམ། །ཉི་ཤུ་རྩ་གཅིག་བརྒྱ་རྩ་བརྒྱད། །ལྟ་སྒོམ་གསལ་བས་བརྗོད་བྱས་ན། །ཆགས་ཉམས་ཐམས་ཅད་སྐོང་བར་བྱེད། །ངན་སོང་གསུམ་ལས་ཐར་བར་འགྱུར། །ཡི་དམ་དག་ཏུ་འདི་བརྗོད་ན། །དུས་གསུམ་རྒྱལ་བའི་སྲས་སུ་འགྱུར། །ཞེས་གསུངས་སོ། །དེ་ཉིད་བསྡུས་པ་ལས་ཀྱང་གསང་སྔགས་འདི་གསུངས་ཏེ། དེས་ནི་མཚམས་མེད་བྱས་པ་དང་། དེ་བཞིན་གཤེགས་པ་ཐམས་ཅད་བསླུས་པ་དང་། དམ་པའི་ཆོས་ལ་སྨོད་པ་དང་། ཉེས་པ་ཐམས་ཅད་བྱས་པ་ཡང་། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒྲུབ་པ་པོ་རྡོ་རྗེ་སེམས་དཔའ་བརྟེན་པར་བྱས་པས། ཚེ་འདི་ཉིད་ལ་འདོད་པའི་དངོས་གྲུབ་ཐམས་

― MR07_Page_0730 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་དམ། དངོས་གྲུབ་མཆོག་གམ། རྡོ་རྗེའི་དངོས་གྲུབ་བམ། རྡོ་རྗེ་སེམས་དཔའི་དངོས་གྲུབ་བམ། དེ་བཞིན་གཤེགས་པའི་དངོས་གྲུབ་ཀྱི་བར་དུ་མྱུར་དུ་འགྲུབ་བོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ། །ཞེས་གསུངས་སོ། །དེ་ལྟར་རྡོ་རྗེ་སེམས་དཔའི་ཡི་གེ་བརྒྱ་པ་འདི་ནི་རྒྱུད་དུ་མར་བྱུང་ཞིང་སྔགས་ཀྱི་དམ་ཚིག་ཉམས་པ་སོགས་ཉེས་པ་ལྕི་བ་རྣམས་ཀྱི་གཉེན་པོ་བླ་ན་མེད་པ། བརྗོད་པ་ཙམ་གྱི་སྔར་གྱི་སྡིག་པ་ཐམས་ཅད་ལྷག་མེད་དུ་བྱང་ཞིང་། ཕྱིས་འཕེལ་བའི་རྒྱུན་གཏན་དུ་འགོག་པར་བྱེད་ཅིང་དངོས་གྲུབ་ཐམས་ཅད་ཀྱི་མངའ་བདག་ཆེན་པོ་གསང་སྔགས་ཐམས་ཅད་ཀྱི་རྒྱལ་པོའོ། །སུ་པོ་ཥྱོ་སོགས། ཨ་ནུ་རཀྟོའི་གོང་དུ་བྱས་པའང་ཡོད་དེ་གང་ལྟར་བྱས་ཀྱང་ཁྱད་མེད་པར་མངོན་ནོ། །ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨཻ་ཨཻ་ཨོ་ཨཽ་ཨཾ་ཨཿསྭཱ་ཧཱ། དབྱངས་ཀྱི་ཡི་གེ་བཅུ་དྲུག་པོ་འདི་ཤེས་རབ་ཀྱི་ཆ་འཛིན་པ། བཟླས་པ་ཙམ་གྱིས་སྡིག་པ་ཞི་ཞིང་སྔགས་འགྲུབ་པར་བྱེད་པ་སོགས་ཕན་ཡོན་ཆེན་པོ་སྟེ། རྫོགས་པ་ཆེན་པོའི་རྒྱུད་རྣམས་སུ་ཆོས་སྐུ་སྐྱེ་མེད་དུ་གྲོལ་བར་བྱེད་པའི་སྙིང་པོ་ཞེས་གསུང་ལ། རྡོ་རྗེ་གུར་ལས། ཐོག་མཐར་ཨོཾ་དང་སྭཱ་ཧཱ་བཞག་པའི་ཨཾ་གི་བར་གྱི་དབྱངས་བཅོ་ལྔ་པོ་བཟླས་པར་གསུངས་ཏེ།

― MR07_Page_0731 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཞིག་འདས་པ་བསྐུལ་བར་བྱེད་པའི་རྒྱལ་བའི་སྲས་དེ་རྣམས་ཀྱི་ལག་ཏུ་བུད་མེད་ཀྱི་སྒྱུ་མའི་བདེ་བ་ཡང་དག་པར་གནས་ཀྱིས་འདུག་གོ་ཞེས་གསུངས་ཤིང་དེ་སོགས་རྣལ་འབྱོར་མ་དང་ལྷ་རྣམས་ཀྱི་ས་བོན་ཁྱད་པར་ཅན་གྱི་གསང་སྔགས་སོ། །ཨོཾ་ཀ་ཁ་ག་གྷ་ང་། ཙ་ཚ་ཛ་ཛྙ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ་སྭཱ་ཧཱ། གསལ་བྱེད་ཀྱི་ཕྲེང་བ་འདི་དག་ཀྱང་ཐབས་ཀྱི་ཆ་འཛིན་པ་སྤྲུལ་སྐུ་འགག་མེད་དུ་གྲོལ་བར་བྱེད་པ་གདོད་ནས་གྲུབ་པའི་གསང་སྔགས་ཁྱད་པར་ཅན་ཏེ་བཟླས་པ་ཙམ་གྱིས་སྡིག་པ་ཟད་ཅིང་དངོས་གྲུབ་ཐོབ་པར་བྱེད་པའོ། །དེ་ལྟར་དབྱངས་དང་གསལ་བྱེད་འདི་དག་ནི་སྔགས་ཐམས་ཅད་ཀྱི་རྩ་བ། ཤེས་རབ་ཕར་ཕྱིན་དང་སྔགས་ཀྱི་རྒྱུད་དུ་མར་ཡི་གེ་རེ་རེ་བཞིན་གཟུངས་ཀྱི་སྒོ་དང་ཆོས་སྣང་བའི་སྒོ་ཚད་མེད་པའི་འབྱུང་གནས་དང་ལྷ་ཐམས་ཅད་ཀྱི་ས་བོན་དང་ལས་ཐམས་ཅད་སྒྲུབ་པའི་སྔགས་སུ་གསུངས་ལ་བཏགས་གྲོལ་གྱི་སྐབས་སུ་སྤྲུལ་སྐུ་འགག་མེད་ཀྱི་ཡི་གེ་ཞེས་སུ་གསུངས། སྔགས་ཐམས་ཅད་འདི་ལས་མ་བྱུང་བ་མེད་བས་རིག་སྔགས་ཐམས་ཅད་ཀྱི་རྩ་བ་འདི་དག་བཟླས་ན་སྔགས་མ་དག་པ་སོར་ཆུད་པ་དང་། སྔགས་ཀྱི་ནུས་པ་མཆོག་ཏུ་འཕེལ་བ་དང་། སངས་རྒྱས་ཐམས་

― MR07_Page_0732 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀྱིས་བྱིན་གྱིས་རློབས་པར་ཡང་གསུངས་ལ། རྣལ་འབྱོར་མའི་རྒྱུད་ཀུན་སྤྱོད་ལས་ཀྱང་། ཨ་ཀྵ་ལྔ་བཅུ་པོ་འདི་བཤད་ན། འདི་ནི་བཅོམ་ལྡན་ལྷ་དེ་ཡིན། །མཆོག་ཉིད་ལྷག་པར་གནས་པ་ཡིན། །ལྷ་ཀུན་གྱི་ནི་སྐྱེད་པ་དང་། །སྔགས་རྣམས་ཀྱི་ནི་རྒྱུ་ཉིད་ཡིན། །གང་ཞིག་འདི་རྟག་སྒོམ་པ་དང་། །རྟག་ཏུ་ཀློག་ཅིང་སེམས་པ་དང་། །རྣལ་འབྱོར་པ་ཡིས་དང་པོར་བརྗོད། །ཧེ་རུ་ཀ་དཔལ་གཉིས་མེད་འགྱུར། །ཞེས་གསུངས་སོ། །ཨོཾ་ཡེ་དྷརྨྨ་ཧེ་ཏུ་པྲ་བྷ་ཝཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་ཝ་དཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དཱི་མ་ཧཱ་ཤྲ་མ་ཎཿསྭཱ་ཧཱ། རྟེན་ཅིང་འབྲེལ་བར་འབྱུང་བའི་སྙིང་པོ་འདི་ནི་དེ་བཞིན་གཤེགས་པ་རྣམས་ཀྱི་ཆོས་ཀྱི་སྐུ་སྟེ། སུས་རྟེན་ཅིང་འབྲེལ་བར་འབྱུང་བ་མཐོང་བ་དེས་དེ་བཞིན་གཤེགས་པ་མཐོང་། མཆོད་རྟེན་ཆུང་ངུ་བུམ་པ་སྐྱུ་རུ་རའི་འབྲུ་ཙམ་ལའང་གཟུངས་འདི་བཅུག་ན་ཚེ་འདིར་ཚངས་པའི་བསོད་ནམས་སྐྱེ། སྙིང་པོ་འདི་ལན་གཅིག་བརྗོད་པས་སྡིག་པ་ཐམས་ཅད་བྱང་བར་འགྱུར། མི་མཐུན་པའི་ཕྱོགས་ཐམས་ཅད་ཞི་ཞིང་བཟློག་པར་འགྱུར། དངོས་པོ་གང་ལ་དམིགས་ཏེ་བརྗོད་ན་དེ་སངས་རྒྱས་ཀྱི་སྐུའམ་མཆོད་རྟེན་དུ་བྱས་

― MR07_Page_0733 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར། མཆོད་པ་གང་ལ་དམིགས་ཏེ་བརྗོད་ན་འཇིག་རྟེན་གྱི་ཁམས་གང་བ་ཙམ་ཕུལ་བར་འགྱུར། རྟག་ཏུ་བཟླས་ན་བསམ་པ་ཐམས་ཅད་ཡོངས་སུ་རྫོགས་པར་འགྱུར། གནོད་པ་གང་གིས་ཀྱང་མི་ཚུགས་ཤིང་དམ་པའི་ཆོས་མཐའ་དག་ཡོངས་སུ་གཟུང་བར་འགྱུར་རོ། །འབུམ་བཟླས་ན་དགོས་པའི་དོན་ཐམས་ཅད་ཡིད་བཞིན་དུ་འགྲུབ་པར་འགྱུར་རོ། །ཞེས་དང་། དེའི་ལས་ཀྱི་ཆོ་ག་སྣ་ཚོགས་ཀྱང་གསུངས་སོ། །རྫོགས་ཆེན་བཏགས་གྲོལ་སྔགས་ཀྱི་སྐབས་ན། འདི་ཡང་སྤྲུལ་སྐུ་ཐོབ་བྱེད་གནས་པ་རྒྱུན་གྲོལ་གྱི་སྙིང་པོ་ཞེས་སུ་གསུངས། མདོར་ན་དེ་བཞིན་གཤེགས་པའི་ཕྱག་རྒྱ་ཆོས་ཐམས་ཅད་ཀྱི་སྲོག་ལྟ་བུ་ཕན་ཡོན་བསམ་གྱིས་མི་ཁྱབ་པའོ། །དེ་ལྟར་རིག་པའི་གསང་སྔགས་ཐམས་ཅད་ཀྱི་སྙིང་པོ་ཡིད་བཞིན་ནོར་བུའི་རྒྱལ་པོ་བརྒྱ་ཕྲག་གཅིག་གོ །འདི་དག་ནི་དཀྱིལ་འཁོར་ཆེན་པོར་དབང་ཐོབ་ཅིང་དམ་ཚིག་ལ་གནས་པ་ལྷ་སྔགས་ལ་མཆོག་ཏུ་དད་ཅིང་ཐེ་ཚོམ་མི་ཟ་བ་དང་། སེམས་ཅན་གྱི་ཁམས་ལ་ལྷག་པར་དམིགས་པའི་སྙིང་རྗེ་ཆེན་པོས་བྱང་ཆུབ་མཆོག་ཏུ་སེམས་བསྐྱེད་པ་གང་གིས། སྔགས་སོ་སོའི་ལྷའི་སྒྲུབ་ཐབས་བཞིན་བཟླ་བའམ། མིན་

― MR07_Page_0734 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་ཀུན་ཏུ་བཟང་པོའམ་རྡོ་རྗེ་སེམས་དཔའ་འམ་རང་གི་ཡི་དམ་གང་ཡང་རུང་བའི་མངོན་རྟོགས་བསྒོམས་ལ། སྔགས་གང་བཟླ་བའི་ལྷ་དེ་གཙོ་བོར་གྱུར་པའི་སངས་རྒྱས་དང་བྱང་སེམས་མ་ལུས་པ་མདུན་གྱི་ནམ་མཁར་བཞུགས་པའི་སྐུ་ལས་ཡེ་ཤེས་ཀྱི་འོད་ཟེར་བདུད་རྩིའི་རྒྱུན་གྱིས་བདག་དང་མཁའ་ཁྱབ་ཀྱི་སེམས་ཅན་ཐམས་ཅད་ཀྱི་སྡིག་སྒྲིབ་ཉོན་མོངས་བག་ཆགས་ཐམས་ཅད་སྦྱང་བར་བསམ་ལ་བཟླ། ཡང་ན་དམ་ཚིག་གསུམ་བཀོད་ལས་ཐབས་ལ་མཁས་པའི་སེམས་ཀྱི་མོས་པ་ཙམ་གྱིས་ཆོ་ག་བཞིན་དུ་བཟླས་ཀྱང་རུང་སྟེ། སྐབས་སྐབས་སུ་སངས་རྒྱས་ཀྱི་ཞིང་ཀུན་ཏུ་མཆོད་པའི་སྤྲིན་རྒྱ་ཆེར་འབྱུང་བས་མཆོད་ཅིང་ཐུགས་དམ་བསྐུལ་བ་དང་། སེམས་ཅན་གྱི་ཁམས་ཀུན་ཏུ་སངས་རྒྱས་བྱང་སེམས་ཀྱི་སྤྲུལ་པའི་སྤྲིན་གྱིས་རྒུད་པ་ཐམས་ཅད་བསལ་ཞིང་གནས་སྐབས་དང་མཐར་ཐུག་གི་ཕན་བདེ་སྒྲུབ་པའི་དམིགས་འདུན་ནན་ཏན་བྱས་ལ་ཐུགས་རྒྱུད་བསྐུལ་བའི་ཚུལ་དུ་བཟླས་ཀྱང་རུང་སྟེ་སྔགས་ཚན་བརྒྱ་ཕྲག་གཅིག་པོ་འདི་ལ་རེ་རེ་བཞིན། ཐ་མས་བརྒྱ། འབྲིང་གིས་སྟོང་། རབ་ཀྱིས་ཁྲི་ཕྲག་རེ། ཡང་རབ་འབུམ་ཕྲག་རེ་བཟླས་ན་སྔགས་འགྲུབ་པའི་གེགས་ཐོགས་མེད་ཀྱི་སྒྲིབ་

― MR07_Page_0735 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཤིན་ཏུ་ཚན་ཆེ་བ་རྣམས་ཀྱང་ཚེ་འདི་ལ་བྱང་ནས་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་དགའ་སྟོན་མཐོང་བའི་ཆོས་ལ་མྱོང་བར་ཐེ་ཚོམ་མེད་དེ་གང་གི་ཕྱིར་ན་སངས་རྒྱས་ཀྱི་བཀའ་ནམ་ཡང་མི་བསླུ་བས་གོང་དུ་རིག་སྔགས་རྣམས་ཀྱི་ཕན་ཡོན་བསྟན་པ་དེ་ཉིད་ཀྱི་ཕྱིར་རོ། །དེས་ན་ཇི་སྐད་བསྟན་པ་ལ་སོམ་ཉི་མེད་པར་གྱུར་ན། དེས་སྔགས་འགྲུབ་པ་ལ་ཐེ་ཚོམ་མེད་པས་ཡིད་ཆེས་ཀྱི་དད་པ་གལ་ཆེའོ། །སྤྱིར་སངས་རྒྱས་བྱང་སེམས་ཀྱི་མཚན་དང་སྔགས་གང་ཡང་སྒྲིབ་པ་མི་སེལ་བ་མེད་མོད། སྔགས་ཀྱི་རྒྱལ་པོ་འདི་རྣམས་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་སྦྱོང་བའི་འདུན་པས་ནན་ཏན་བཟླ་བ་གལ་ཆེ་སྟེ། ཉེས་པ་དང་རྒུད་པ་ཇི་སྙེད་པའི་རྩ་བ་སྒྲིབ་པ་ཡིན་ལ། དེ་དག་པར་གྱུར་ན་གང་འདོད་པའི་དངོས་གྲུབ་ཚེགས་མེད་པར་འཐོབ་པར་ངེས་པ་ཉིད་དོ། །རིག་སྔགས་བརྒྱ་པོ་འདིའི་ཁོངས་སུ་རྫོགས་ཆེན་གྱི་རྒྱུད་ལས་གསུངས་པ་ཞེན་ལོག་གི་ཡི་གེ་ཉེར་ལྔ་པོ་དེ་ནི་འཁོར་བའི་འཁྲུལ་སྣང་གི་སྒྲིབ་པ་ཐམས་ཅད་མྱུར་དུ་རང་སར་གྲོལ་ནས། དག་པ་སྐུ་དང་ཡེ་ཤེས་ཀྱི་སྣང་བ་འབད་མེད་དུ་རྒྱས་པར་བྱེད་པའི་ཆོས་ཉིད་རྡོ་རྗེའི་རང་སྒྲ་ཁྱད་པར་ཅན་ཡིན་ཕྱིར་དེ་རྣམས་དང་། ཀུན་བཟང་

― MR07_Page_0736 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་ཡུམ་གྱི་དགོངས་པ་དང་བཅས་པ་ཆོས་སྐུར་གྲོལ་བྱེད་ཀྱི་སྔགས་དེ་རྣམས་ཀྱང་ནན་ཏན་ཆེན་པོས་བཟླ་བར་བྱ་སྟེ། དེ་དག་ཟུར་དུ་ཤེས་སོ། །གཞན་ཡང་རྒྱལ་བའི་བཀའ་མདོ་སྡེ་དང་རྒྱུད་སྡེ་རྣམས་ལས་གཟུངས་སྔགས་དང་གསང་སྔགས་ཀྱི་རྣམ་པ་ཚད་མེད་པ་གསུངས་པ་རྣམས་གང་བསྒྲུབ་ཀྱང་ཕན་ཡོན་ཚད་མེད་པ་སྨོས་ཅི་དགོས་ཀྱང་། འདིར་ནི་སྔགས་ཀྱི་སྙིང་པོ་འདི་ཙམ་ཞིག །རང་ཉིད་དང་རང་དང་སྐལ་བ་མཉམ་པ་གཞན་ལ་ཕན་པའི་བློས་དེ་བཞིན་གཤེགས་པའི་བཀའ་ལུང་ཟབ་མོ་རྣམས་ལས་བཏུས་ཏེ་རབ་བྱུང་བཅོ་ལྔ་པའི་ནང་ཚན་རྣམ་འཕྱང་ས་ཁྱིའི་ལོ་ཡི་ཁྲུམས་ཟླའི་མགོ་ནས་བྲིས་ཏེ་ཟླ་བ་དེ་ཡི་ཚེས་བཅུ་ལ་གྲུབ་པར་བགྱིད་པ་པོ་ནི་མི་ཕམ་འཇམ་དཔལ་དགྱེས་པའི་རྡོ་རྗེ་སྟེ། འདིས་ཀྱང་མཐའ་ཡས་པའི་འགྲོ་བ་སེམས་ཅན་འཁྲུལ་སྣང་ལས་ཉོན་སྡུག་བསྔལ་གྱི་རྒྱ་མཚོར་ཆུད་ཅིང་རང་དབང་མེད་པ་རྣམས་བདེ་ནས་བདེ་བར་སྒྲོལ་བའི་མགོན་པོ་རྒྱལ་བ་སྲས་དང་བཅས་པའི་ཕྲིན་ལས་བདག་གཅིག་པུས་བསྒྲུབས་ནས། ཕྱོགས་དང་དུས་ཀྱི་ཁོངས་སུ་བསྡུས་པའི་སེམས་ཅན་གཅིག་ཀྱང་མ་ལུས་པ་བདེ་བ་ཆེན་པོ་དཔལ་ཀུན་ཏུ་བཟང་པོའི་གོ་འཕང་ལ་འགོད་པ་དང་། དེ་ལྟར་མངོན་དུ་མ་གྱུར་པའི་གནས་སྐབས་སུ་ཡང་

― MR07_Page_0737 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་དུས་ཀུན་ཏུ་ཁྱབ་པར་བྱང་ཆུབ་སེམས་དཔའ་འཇམ་དཔལ་དང་། ཀུན་ཏུ་བཟང་པོའི་རྣམ་པར་ཐར་པའི་ཚུལ་དང་མཉམ་པ་ཉིད་དུ་ཞུགས་པའི་རྣམ་འཕྲུལ་མཐའ་ཀླས་པས། སེམས་ཅན་ཐམས་ཅད་ཀྱི་སྡུག་བསྔལ་མ་ལུས་པ་སེལ་ཞིང་ཕན་བདེ་མ་ལུས་པ་སྒྲུབ་པར་ཤོག་ཅིག་སྭ་སྟི་སིདྡྷཾ་མངྒ་ལཾ། ༈ ། ཨོཾ་སྭསྟི། སྒྲིབ་པའི་གདུང་བ་ཀུན་བཅོམ་པའི། །རྒྱལ་དང་བྱང་སེམས་འཕགས་པའི་ཚོགས། །གཞན་གྱི་དོན་ལ་རབ་དགོངས་པའི། །འཕགས་པའི་ཚོགས་ཀྱི་མཁྱེན་པར་མཛོད། ༡ །ལས་སྒྲིབ་ཟད་མི་ཤེས་པ་རྣམས། །ཐུགས་རྗེའི་ཆབ་ཀྱིས་སྐད་ཅིག་རེར། །བཀྲུ་བའི་ཐབས་མཁས་ཆོ་ག་ནི། །གཟུངས་དང་རིག་སྔགས་འདི་ཁོ་ན། ༢ །བསྐལ་པའི་དུས་ནས་སྔགས་མཆོག་ལ། །རྒྱལ་བ་རྣམས་ཀྱི་རྗེས་སུ་སྒྲུབ། །སེམས་ཅན་སྒྲོལ་བའི་ཕྱག་མཚན་ཡང་། །སྔགས་ཀྱི་ཚོགས་རྣམས་འདི་དག་ཡིན། ༣ །དེ་ཕྱིར་གཅིག་ཏུ་སྤུངས་པ་ཡི། །བྱེད་པོ་འཇམ་དབྱངས་མི་ཕམ་མགོན། །བཀའ་བགྲོས་ལས་སྒྲིབ་རྒྱུན་གཅོད་ཞེས། །ངན་སོང་སྐྱོབ་པའི་དཔུང་གཉེན་འདི། ༤ །ལྷ་ཡི་ཟླ་བའི་མ་མ་ནི། །རྨོ་རྨོར་ཞེས་པའི་དགེ་ལྡན་མས། །སྡེ་བཞི་དགེ་བཅུ་ལྷུན་གྲུབ་སྟེང་། །འཛད་མེད་སྤར་དུ་བསྐྲུན་པའི་དགེས། ༥ །ཡིད་ཅན་ནམ་མཁའི་མཐའ་མཉམ་པ། །སྔགས་ཀྱི་ཚོགས་

― MR07_Page_0738 ―

^{[མ་དཔེ་གཟིགས་ན་འདིར་གནོན།]}

[Full Size]

འདིས་སྒྲོལ་གྱུར་ནས། །བདེ་གཤེགས་ཀུན་གྱི་སྨོན་ལམ་རྣམས། །བྱེད་པོ་གང་དེས་འགྲུབ་པར་ཤོག ༦ །ཅེས་ཕྱིན་དྲུག་གི་གྲངས་ལྡན་འདིའང་འཇམ་དབྱངས་བློ་གྲོས་སམ་མིང་གཞན་གཙུག་ལག་ལུང་རིགས་ཉི་མ་སྨྲ་བའི་སེང་གེས་སྨོན་པ་དེ་བཞིན་དུ་འགྲུབ་པར་གྱུར་ཅིག། སརྦ་ཛ་ག་ཏཾ། །ཤུ་བྷཾ།།

རྟེན་ལ་རབ་གནས་སྒྲུབ་པའི་ཆོ་གའི་སྙིང་པོ་དགེ་ལེགས་དཔལ་འཕེལ།

― MR07_Page_0739 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ལ་རབ་གནས་སྒྲུབ་པའི་ཆོ་གའི་སྙིང་པོ་དགེ་ལེགས་དཔལ་འཕེལ་བཞུགས། །

― MR07_Page_0740 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་མཉྫུ་ཤྲཱི་ཡེ། འདིར་རྒྱལ་བའི་གསང་བ་གསུམ་གྱི་སྒྱུ་འཕྲུལ་མཚོན་བྱེད་རྟེན་དམ་ཚིག་པ་ལ་ཡེ་ཤེས་པ་གཞུག་ཅིང་བརྟན་པའི་ཆོ་ག་ནི་རྒྱུད་སྡེ་རྣམས་ལས་གསུངས་པའི་དོན་བཞིན་གྲུབ་པའི་སློབ་དཔོན་རྣམས་ཀྱིས་ལེགས་པར་བཀྲལ་བའི་དགོངས་དོན་ལྟར་རབ་གནས་བྱེད་པ་ལ། སྦྱོར་དངོས་རྗེས་གསུམ་ལས། དང་པོ། མཚན་ཉིད་དང་ལྡན་པའི་སྐུ་གསུང་ཐུགས་ཀྱི་རྟེན་རྣམས། རབ་ཏུ་གནས་པ་ལ་བསྔགས་པའི་དུས་བཟང་པོ་དང་ལྡན་པ་ལ། ཚུལ་མཐུན་གྱི་གནས་སུ་དགེ་བར་བཤམས་ཞིང་། སྟོན་འཁོར་ཕུན་སུམ་ཚོགས་པ་རྣམས་ཀྱིས་དཀྱིལ་འཁོར་བཀོད་ཅིང་མཆོད་པའི་ཡོ་བྱད་གྱ་ནོམས་པ་དང་། རབ་ཏུ་གནས་བྱེད་ཀྱི་རྫས་བུམ་པ། འདག་ཆས། མེ་ཏོག་སོགས་ཇི་ལྟར་འོས་པའི་ཡོ་བྱད་འདུ་བྱས་ཏེ། དཀྱིལ་འཁོར་གང་ལ་མོས་པའི་ལྷ་ཡི་ལས་གཞུང་ཚུལ་བཞིན་བསྲངས་ཏེ་བདག་མདུན་གྱི་བཟླས་པ་སོང་ནས། སྐབས་འདིར། རྒྱས་པར་གཟུངས་བུམ་དང་། འདི་ཟུར་དུ་ཤེས། རྣམ་བུམ། ལས་བུམ་གསུམ་དང་། ཁྲུས་བུམ་བརྒྱད་འདི་

― MR07_Page_0741 ―

^{[མ་དཔེ་གཟིགས་ན་འདིར་གནོན།]}

[Full Size]

འང་ཟུར་དུ་ཤེས་མཆན། དེ་བཅུ་གཅིག་སོ་སོར་སྒྲུབ་པའམ། ཁྲུས་བུམ་ལྔའམ་གཅིག་ལ་ཁྲུས་སྤྱི་ཁྱབ་དུ་སྒྲུབ་པ་བྱས་ཀྱང་རུང་ལ། མདོར་བསྡུས་ན། གཙོ་བུམ་ལས་བུམ་གཉིས་ཀྱིས་འཐུས་པས་བུམ་པ་དེ་གཉིས་བསང་སྦྱང་བྱས་ལ། དང་པོར། རྣམ་རྒྱལ་བུམ་པའི་གཟུངས་ཐག་སེར་པོ་འཇུས་ནས། རིན་ཆེན་བུམ་པ་མཚན་ཉིད་རབ་ལྡན་པ། །བདུད་རྩིའི་ཆུ་ཡིས་གང་བའི་དབུས་ཉིད་དུ། །རྟེན་དང་བརྟེན་པའི་དཀྱིལ་འཁོར་ལྷ་ཚོགས་རྣམས། །མ་འདྲེས་ཡོངས་རྫོགས་ཆུ་ཟླའི་ཚུལ་དུ་གསལ། །རང་ཐུགས་སྔགས་འོད་གཟུངས་ཐག་ལ་འཁྲིལ་ཏེ། །བུམ་ལྷའི་རྒྱུད་བསྐུལ་འོད་ཟེར་འཕྲོ་འདུ་ཡིས། །དོན་གཉིས་བསྒྲུབ་ཅིང་སྐུ་ཡི་ཆ་ཀུན་ནས། །བྱང་སེམས་བདུད་རྩིའི་རྒྱུན་བབ་བུམ་པ་གང་། །ཞེས་དམིགས་ལ། ལྷ་གང་ཡིན་གྱི་རྩ་སྔགས་ལ་ཤམ་བུ་དབྱངས་གསལ་རྟེན་སྙིང་སུ་པྲ་ཏིཥྛ་རྣམས་སྦྲེལ་

― MR07_Page_0742 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཅི་ནུས་བཟླ། དེ་བཞིན་དུ། ལས་ཀྱི་བུམ་པར་པད་ཉིར་ཧཱུྃ་ཡིག་ལས། །ཁྲོ་བོ་བདུད་རྩི་འཁྱིལ་བ་གསལ་བ་ཡི། །སྐུ་ལས་རྡོ་རྗེ་བདུད་རྩིའི་རྡུལ་ཕྲ་རབ། །ཡོངས་སུ་བབ་པས་བུམ་པ་གང་བར་གྱུར། །ཨོཾ་བཛྲ་ཨ་མྲྀ་ཏ་ཀུནྜ་ལི་ཧ་ན་ཧ་ན་ཧཱུྃ་ཕཊ། ཅེས་དང་། ཨ་བྷི་ཥེ་ཀ་སོགས་ཅི་ནུས་བཟླ། མཐར་མཆོད་ཅིང་བསྟོད་ལ་ཡིག་བརྒྱས་ནོངས་པ་བཤགས། ཨོཾ་ཨཱཿཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་བས་ལྷ་རྣམས་འོད་དུ་ཞུ་བ་བུམ་པའི་ཆུ་དང་དབྱེར་མེད་གྱུར་པར་བསམས་ལ། རིག་པའི་མེ་ཏོག་དོར་བ་ཙམ་གྱིས་བདག་ཉིད་འཇུག་པར་བྱའོ། །ཁྲུས་བུམ་བརྒྱད་སྒྲུབ་ན་འདིར་བྱ། དེ་ལྟར་སྔོན་འགྲོ་ལྷ་བསྒོམ་སྔགས་བཟླས་བུམ་པ་སྒྲུབ་པ་གསུམ་སོང་ནས། གཉིས་པ་རབ་གནས་དངོས་ཀྱི་ཆོ་ག་ལ་རྣམ་གྲངས་བཅུ་གཅིག་ལས། དང་པོ་བགེགས་སྦྱང་བ་ལ། བགེགས་གཏོར་བཤོས་བུ་གསུམ་རེ་རེ་ནས་རྟེན་ལ་བསྐོར་ཞིང་། ཨོཾ་སརྦ་བིགྷྣཱཾ་ན་མཿསརྦ་ཏ་ཐཱ་ག་ཏ་སོགས་བརྗོད་པ་ཞི་བས་སྦྱང་བ། ཏིང་ལོ་དང་ཆང་བུས་བསྐོར་ཞིང་ཧཱུྃ་བཞིའི་སྔགས་བརྗོད་པ། ཞི་དྲག་ཕྱེད་མས་སྦྱང་བ་བྱས་ལ། དྲག་པོས་སྦྱང་བ་ནི། རང་ཉིད་སྐད་ཅིག་གིས་རྡོ་རྗེ་ཧཱུྃ་མཛད་ཁྲོ་བོའི་རྒྱལ་པོའི་སྐུར་གྱུར་པའི་གནས་གསུམ་འབྲུ་གསུམ་ལས་འོད་ཟེར་འཕྲོས་པས་ཁྲོ་བོའི་

― MR07_Page_0743 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲིན་རབ་འབྱམས་དཔག་ཏུ་མེད་པ་སྤྱན་དྲངས། ཨོཾ་བཛྲ་ཀྲོ་དྷ་རཱ་ཛ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། ཧཱུྃ། འཇིགས་པའི་ཧཱུྃ་སྒྲ་སོགས་ཀྱིས་བསྟོད་ལ། བདེན་སྟོབས་བརྗོད་ལ། རིག་པ་འཛིན་པ་བདག་གིས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར། བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་འདི་རྣམས་རབ་ཏུ་གནས་པར་བགྱིད་པ་ལ་བར་དུ་གཅོད་པའི་འབྱུང་པོ་གདུག་པ་ཅན་རྣམས་འདིར་མ་གནས་པར་གཞན་དུ་དེངས་ཤིག །གལ་ཏེ་མི་འགྲོ་ན་ཁྲོ་བོ་ཡེ་ཤེས་ཀྱི་རྡོ་རྗེ་མེ་རབ་ཏུ་འབར་བ་འདིས་ཁྱེད་རྣམས་ཀྱི་མགོ་བོ་ཚལ་པ་བརྒྱར་འགས་པར་འགྱུར་ཏ་རེ། སུམ་བྷ་ནི་བརྗོད་ཅིང་གུ་གུལ་གྱིས་བདུག །ཡུངས་ཀར་གྱིས་བྲབ། རོལ་མོའི་ཚམ་རྔམས་བཅས་པས་བགེགས་རྣམས་བསྐྲད་པར་བྱའོ། །སྐབས་འདིར་རྟེན་གྱི་མི་ཤིས་པ་སྦྱངས་པ། ཆང་བུ། ཞོ་ཟན་ཡུངས་ཀར་གསུམ་གྱིས་བསྐོར་ཞིང་མེ་ཆུས་སྦྱངས་པ་དང་། བདག་དང་སྦྱིན་བདག་གི་སྡིག་པ་སྦྱང་བའི་ཕྱིར། ཏིལ་མེ་ཆུར་དོར་བ་རྣམས་རྒྱས་སྤྲོས་སུ་འདུག་ཀྱང་། བསྡུ་ན་རྩ་བའི་ས་བཅད་གཉིས་པ་བུམ་ཁྲུས་ལ་ཡང་། རྒྱས་པར་སྤྲོ་ན་སྐུ་གཟུགས་བཀྲུ་བའི་འདག་ཆལ་གྱི་རྫས་ནི། ནྱ་གྲོ་དྷ། ཨུ་དུམྦར། པླཀྴ། བི་ས་ཝ་ཤ །གནྡྷ་མུཎྚ་སྟེ་འོ་མ་ཅན་གྱི་ཤིང་གི་ཤུན་པ་ལྔ་ལ་

― MR07_Page_0744 ―

^{[མ་དཔེ་གཟིགས་ན་འདིར་གནོན།]}

[Full Size]

་བཤད་ཀྱང་བོད་དུ་འབྱོར་དཀའ་བས་དེའི་ཚབ་ཏུ་བ་ལུ་འོམ་བུ་ལྕང་དཀར། ཤུག་པའམ་ཙན་དན་དཀར་པོའི་ཤུན་པ་ལྔ་ཡི་འདག་ཆལ་གྱིས་བྱུགས་ནས་བཀྲུ་བ་དང་། ཡང་བ་བྱུང་ལྔ་དང་དྲི་བཟང་སྦྱར་བ་དང་། ཡང་སྐྱུ་རུ་ར་དང་ཡུང་བའི་ཕྱེ་མ་སོགས་སྦྱར་བའི་འདག་ཆལ་གྱིས་བྱུགས་ཤིང་མཉེན་ནས་བཀྲུ་བར་གསུངས་ཀྱང་། དེ་ཙམ་མ་འབྱོར་ན་སློབ་དཔོན་ཀུན་སྙིང་གིས། སུག་པ་དང་ནི་སྲན་ཕྱེ་དང་། ཀུ་ཤ་བ་ཡི་རྣམ་པ་ལྔ། དེ་ལྟར་སོ་ཕག་ལ་སོགས་པས། ཁྲུས་ནི་བྱ་བར་གསུངས་པ་སྟེ། ཞེས་པ་དང་། དཱུརྦའི་པིར་ཙམ་མ་འཛོམ་ཐབས་མེད་དོ། །སོ་སོར་མ་བྱས་ན་འདག་ཆལ་གྱི་རྫས་རྣམས་བསྡོམ་པ་དུརྦའི་ཤིང་གི་རྩེ་མོ་བརྡུང་གསེད་ཙམ་བྱས་པའི། མཆན། དུརྦའི་པིར་གྱིས་བྱུག་ཚུལ་བྱས་ལ་རྟེན་རྣམས་ཀྱི་གཟུགས་བརྙན་མེ་ལོང་ལ་ཤར་བར་དང་པོ་གཙོ་བུམ་ཐོགས་ལ་ཁྲུས་ཁང་བསྐྱེད་ཇི་ལྟར་བལྟམས་པ་སོགས་ཀྱིས་ཁྲུས་བྱས་རྗེས། ཨོཾ་བཛྲ་ཨཱ་བ་ར་ཎ་བི་ཤུདྡྷེ་སྭཱ་ཧཱ། ཞེས་བརྗོད། དེ་ནས་དྲིལ་ཕྱིས་ཀྱི་རྫས་ཤུན་ལྤགས་ལྔའམ་སྲན་དཀར་གྱི་ཕྱེ་མས་དྲིལ་ཞིང་ཕྱི་བར་བྱས་ལ། ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ན་ཡེ་སྭཱ་ཧཱ། ཞེས་བརྗོད་དེ་དངོས་སུ་བཀྲུ་མི་རུང་བ་ལ་དྲིལ་ཕྱིས་ཀྱི་ཚུལ་ཙམ་བྱ་ཞིང་དྲི་མ་ཐམས་ཅད་དག་པར་བསམ། བསྐུ་མཉེའི་རྫས། ཙནྡ་དཀར་དམར། གུར་གུམ། ཨ་ག་རུ། ག་བུར་སོགས་དྲི་བཟང་པོ་དང་ལྡན་པའི་ཏིལ་མར་གྱིས་བྱུགས་པའམ་

― MR07_Page_0745 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུག་ཚུལ་བྱས་ལ། ཨོཾ་བཛྲ་གནྡྷེ་སྭཱ་ཧཱ། ཞེས་བརྗོད་པར་བྱའོ། དེ་ནས་ཁྲུས་བུམ་བརྒྱད་སྔར་བསྒྲུབ་ཡོད་ན། འདི་ནི་ཁྲུས་མཆོག །ཇི་ལྟར་བལྟམས་པ། འདི་ནི་སྦྱིན་པའི་སོགས་ཕྱིན་དྲུག་གི་ཚིག་བཅད་བཅས་ཚིག་བཅད་བརྒྱད་པོ་རེ་རེའི་མཐར། སོ་སོའི་སྔགས་དང་བཅས་པས་བཀྲུ་ཞིང་། དེ་རེ་རེའི་མཐར་ཡང་། དྲིལ་ཕྱིས་ཀྱི་ཚུལ་དང་། སྐུ་ཕྱི། བསྐུ་མཉེ་གསུམ་རེ་སྔགས་ཙམ་གྱིས་བྱ་བ་བླ་མ་གོང་མའི་ཕྱག་བཞེས་ལ་མཛད་མཐར་དེ་ནས་དེ་ལ་སོགས་ཀྱིས་ན་བཟའ་ཕུལ་ཏེ། ཨོཾ་བཛྲ་ཝ་སྟྲ་ཡ་སྭཱ་ཧཱ། ཞེས་བརྗོད། དེ་དག་གི་བར་སྐབས་རྣམས་སུ་ན་ཆུང་རྣམས་ཀྱིས་རོལ་མོ་བྱ་བ་དང་སྤོས་ཀྱིས་བདུག་ཅིང་ཤིས་བརྗོད་ཅི་རིགས་སུ་བྱའོ། །ཞེས་གསུངས། ༈ དེ་ལྟར་མ་ལྕོགས་ན་བུམ་རྫས་ཉེར་ལྔ་ལྡན་པའི་བུམ་པ་གཅིག་སྔར་བསྒྲུབ་ཟིན་ནས་སྐབས་འདིར། ཁྲུས་ཀྱི་ཁང་པ་སོགས་ཀྱི་ལྷ་སྐྱེད་ལ། ཇི་ལྟར་བལྟམས་པ་སོགས་ཁྲུས་སྔགས་བཅས་པས་རྟེན་གྱི་གཟུགས་བརྙན་མེ་ལོང་དུ་ཤར་བ་ལ་ཁྲུས་གསོལ་བའི་ཆུ་དེ་སླར་ཡང་བུམ་པར་བླུགས་ལ། དུརྦཱའི་པིར་གྱིས་རྟེན་རྣམས་ལ་འདག་ཆལ་གྱི་རྫས་བྱུག་ཚུལ་བྱས་ནས་འདི་ནི་ཁྲུས་མཆོག་དང་། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དང་གོང་གི་བཛྲ་ཨ་བ་ར་ཎ་སོགས་ཀྱི་སྔགས་བརྗོད་དེ། ཁྲུས་ཆུ་འཐོར་ཞིང་གཟུགས་བརྙན་བཀྲུ། གཞན་ཡང་སྤྲོ་ན་རྣམ་འཇོམས་སྨེ་བརྩེགས་འབྱུང་ལྔའི་

― MR07_Page_0746 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲུས་སྔགས་སོགས་བཟླས་པས། མི་གཙང་བ་དང་བགེགས་དང་མི་ཤེས་པ་ཐམས་ཅད་ཡོངས་སུ་དག་པར་བསམ་མོ། །དེ་ནས་དྲིལ་ཕྱིས་ཀྱི་རྫས་བྱུག་ཚུལ་བྱས་ཏེ། སརྦ་ཏ་ཐཱ་སོགས་གོང་གི་སྔགས་བརྗོད་ཅིང་དྲིལ་ཕྱི་བྱ། དེ་དག་སྐུ་ལ་སོགས་ཀྱིས་སྐུ་ཕྱི་ཞིང་དྲིལ་ཕྱིས་ཀྱི་སྔགས་དེ་བརྗོད། དྲི་བཟང་དང་བཅས་པའི་ཏིལ་མར་གྱིས་བྱུག་ཚུལ་བྱས་ལ། སྟོང་གསུམ་ཀུན་ཏུ་དྲི་ངད་སོགས་ཚིགས་བཅད་དང་བཛྲ་གནྡྷེའི་སྔགས་བཅས་པས་བསྐུ་མཉེ་བྱ། དེ་ནས་དེ་ལ་སོགས་ཀྱིས་ན་བཟའ་འབུལ་བས་འཐུས་སོ། །ཤིན་ཏུ་བསྡུ་ན་འདག་ཆལ་གྱི་རྫས་སོགས་མེད་ཀྱང་། རྟེན་གྱི་གཟུགས་བརྙན་ལ། ཇི་ལྟར་བལྟམས་སོགས་ཚིགས་བཅད་ཁྲུས་སྔགས་བཅས་ཁྲུས་བྱ་ཞིང་། སྐུ་ཕྱི། བསྐུ་མཉེ། ན་བཟའ་འབུལ་བ་རྣམས་སྔགས་ཙམ་གྱིས་བྱས་པས་ཆོག་གོ །དེ་ནས་རྟེན་དངོས་སུ་བཀྲུ་བ་སོགས་བྱས་པ་རྣམས་སྔགས་འདིས་དཀྱིལ་འཁོར་དབུས་སུ་བཞུགས་སུ་གསོལ་བར་བྱ་སྟེ། ཨོཾ་བཛྲཱ་བྷཱ་བ་སེ་སྭཱ་ཧཱ། དེ་ལྟར་མིན་ཡང་སྔགས་དེས་བཞུགས་སུ་གསོལ་ལ། ཨོཾ་ཧཱུྃ་ཨཱོཾ་ཛིཾ་ཁཾ། ཞེས་པས་ཅོད་པན་བཅིངས་པའམ་འཆིང་ཚུལ་བྱ་ཞིང་གདན་ལ་དྲང་པོར་བཞུགས་སུ་གསོལ་བར་བྱའོ། །རྩ་བའི་ས་བཅད་གསུམ་པ་རྟེན་བསྐྱེད་པ་ནི། ཨ་མྲྀ་ཏས་བསངས། སྭ་བྷཱ་བས་སྦྱངས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་གཞལ་ཡས་ཁང་གི་ནང་དུ། སྐུ་རྟེན་རྣམས་སེང་གེས་བཏེགས་པའི་རིན་པོ་ཆེའི་ཁྲི་པདྨ་ཉི་ཟླ་བརྩེགས་པའི་སྟེང་དུ་ཨོཾ་ལས་འཁོར་ལོ་ཨོཾ་གྱིས་མཚན་

― MR07_Page_0747 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལས་རྣམ་སྣང་དཀར་པོ་འཁོར་ལོ་དང་དྲིལ་བུ་འཛིན་པ། སྤྱན་མ་དཀར་མོ་འཁོར་ལོ་དང་། དེས་ཡུ་བ་བྱས་པའི་དྲིལ་བུ་འཛིན་པ་དང་མཉམ་པར་སྦྱོར་བ། གླེགས་བམ་རྣམས་རྨ་བྱས་བཏེགས་པའི་ཁྲི་པད་ཉི་ཟླ་བར་ཨཱཾ་ལས་པདྨ་དམར་པོ་ཨཱཾ་གིས་མཚན་པ་ལས་སྣང་བ་མཐའ་ཡས་དམར་པོ་པདྨ་དང་དྲིལ་བུ་འཛིན་པ། གོས་དཀར་མོ་པདྨ་དང་དེས་ཡུ་བ་བྱས་པའི་དྲིལ་བུ་འཛིན་པ་དང་མཉམ་པར་སྦྱོར་བ། ཕྱག་མཚན་རྣམས་གླང་པོ་ཆེས་བཏེགས་པའི་རིན་པོ་ཆེའི་ཁྲི་པད་ཉི་ཟླ་བར་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པ་ལས་མི་བསྐྱོད་པ་སྔོན་པོ་རྡོ་རྗེ་དང་དྲིལ་བུ་འཛིན་པ་དབྱིངས་ཕྱུག་མ་སྔོན་མོ་རྡོ་རྗེ་དང་དེས་ཡུ་བ་བྱས་པའི་དྲིལ་བུ་འཛིན་པ་དང་མཉམ་པར་སྦྱོར་བ། རིན་པོ་ཆེའི་རྒྱན་སོགས་རྟ་མཆོག་གིས་བཏེགས་པའི་རིན་པོ་ཆེའི་ཁྲི་པད་ཉི་ཟླ་བར། སྭཱ་ལས་རིན་ཆེན་སེར་པོ་སྭཱས་མཚན་པ་ལས། རིན་འབྱུང་སེར་པོ་རིན་པོ་ཆེ་དང་དྲིལ་བུ་བསྣམས་པ། ཡུམ་མཱ་མ་ཀཱི་སེར་མོ་རིན་པོ་ཆེ་དང་དེས་ཡུ་བ་བྱས་པའི་དྲིལ་བུ་འཛིན་པ་དང་མཉམ་པར་སྦྱོར་བ། གོ་ཆ་དང་རྫས་སོགས་ཤང་ཤང་གིས་བཏེགས་པའི་རིན་པོ་ཆེའི་ཁྲི་པད་ཉི་ཟླ་བར། ཧཱ་ལས་

― MR07_Page_0748 ―

^{[མ་དཔེ་གཟིགས་ན་འདིར་གནོན།]}

[Full Size]

རལ་གྲི་ལྗང་གུ་ཧས་མཚན་པ་ལས་དོན་གྲུབ་ལྗང་གུ་རལ་གྲི་དང་དྲིལ་བུ་འཛིན་པ། ཡུམ་དམ་ཚིག་སྒྲོལ་མ་ལྗང་མོ་རལ་གྲི་དང་དེས་ཡུ་བ་བྱས་པའི་དྲིལ་བུ་འཛིན་པ་དང་མཉམ་པར་སྦྱོར་བ། སྟེ་དེ་ལྟར་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྟེན་རིགས་ལྔར་ཕྱེས་ལ་སོ་སོར་བསྐྱེད་པ་དེ་གང་རུང་རེའམ། ལྔ་ཀ་དགོས་ནའང་དེ་ལྟར་བྱ། གཞན་ཡང་མཆོད་རྟེན་དང་གཙུག་ལག་ཁང་སོགས་རྣམ་སྣང་དུ་བསྐྱེད་པར་ཡང་གསུངས། དེ་ལྟར་རིགས་དབྱེ་འམ། ཡང་ན། རྟེན་གང་ཡང་རུང་སྟེ་དེ་ཉིད་སྒྲུབ་དཀྱིལ་གང་ལ་བརྟེན་པའི་མདུན་བསྐྱེད་ལྟར་བསྐྱེད་ཀྱང་རུང་སྟེ། ལྷ་ཐམས་ཅད་ཡེ་ཤེས་ཀྱི་དབྱིངས་སུ་ཐ་དད་མེད་པའི་ཕྱིར་རོ། །རིགས་ལྔ་པོ་གང་བསྐྱེད་ཀྱང་། ལྷ་དེ་དག་ཞི་འཛུམ་མཚན་དཔེའི་ལང་ཚོ་རབ་ཏུ་རྒྱས་པ། དར་དང་རིན་པོ་ཆེའི་རྒྱན་ཀུན་གྱིས་བརྒྱན་ཞིང་འོད་ཟེར་མུ་མེད་པར་འཕྲོ་བའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་པར་བྱ། བཞི་པ་ཡེ་ཤེས་པ་སྤྱན་དྲངས་པ་ནི། བདག་དང་རྟེན་གྱི་ལྷའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཡེ་ཤེས་ཀྱི་དཀྱིལ་འཁོར་བསམ་གྱིས་མི་ཁྱབ་པའི་

― MR07_Page_0749 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར། ཨོཾ་བཛྲ་ས་མཱ་ཛཿ ཞེས་རྡོ་རྗེ་བསྡུ་བའི་ཕྱག་རྒྱ་བྱ། རྡོར་དྲིལ་སྤོས་བཅས། མ་ལུས་སེམས་ཅན་ཀུན་གྱི་མགོན་སོགས་ཀྱིས་ཚིགས་སུ་བཅད་པ་དང་། ཇི་ལྟར་སངས་རྒྱས་རྣམས་ནི་དགའ་ལྡན་ནས། །སྤྲུལ་པ་དམ་པ་ཏོག་དཀར་ལྷ་ཡི་བུས། །མི་ཕམ་མགོན་ལ་རྒྱལ་ཚབ་དབང་བསྐུར་ནས། །གཟིགས་པ་རྣམ་ལྔས་འཛམ་གླིང་ཀུན་གཟིགས་ཤིང་། །གླང་ཆེན་ཐལ་དཀར་སྟབས་གཤེགས་ལྷུམས་ཞུགས་ལྟར། །རྡོ་རྗེ་རིན་ཆེན་པདྨའི་རིགས་མཆོག་དང་། །ལས་ཀྱི་རིགས་དང་དེ་བཞིན་གཤེགས་པའི་རིགས། །ཕྱོགས་བཅུའི་རྒྱལ་བ་སྲས་དང་བཅས་པ་རྣམས། །དུས་འདིར་བདག་གིས་དད་པས་སྤྱན་འདྲེན་ན། །རྟེན་མཆོག་འདི་ལ་བྱོན་པར་མཛད་དུ་གསོལ། །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །འདི་རུ་མགོན་པོ་རྟག་བཞུགས་ནས། །རྗེས་སུ་བརྩེ་བར་མཛད་དུ་གསོལ། །པདྨ་ཀ་མ་ལཱ་ཡ་སྟྭཾ། གདན་འབུལ་ལ། དྲི་མེད་ཡིད་འོང་ལྷ་རྫས་ལས་བྱུང་བའི། །མཆོད་ཡོན་ཞབས་བསིལ་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་རོལ་མོ་སོགས། །ཀུན་

― MR07_Page_0750 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་མཆོད་སྤྲིན་རྒྱ་མཚོས་མཆོད་པར་བགྱི། །ཨོཾ་བཛྲ་ཨརྒྷཾ་པདྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནེ་ཝི་ཏེ་ཤཔྡ་པྲ་ཏིཙྪ་སྭཱ་ཧཱས་མཆོད་ནས། ལྔ་པ་ཡེ་ཤེས་པ་དགུག་གཞུག་བསྟིམ་པར་བྱ་བ་ནི། སོ་སོའི་ཕྱག་རྒྱ་བཅས། ཨོཾ་བཛྲ་ཨངྐུ་ཤ་ཛཿ ཞེས་ཉེ་བར་དགུག ཨོཾ་བཛྲ་པཱ་ཤ་ཧཱུྃ། ཞེས་པས་རྟེན་ལ་གཞུག ཨོཾ་བཛྲ་སྥོ་ཊ་བཾ། ཞེས་པས་དབྱེར་མེད་བཅིང་། ཨོཾ་བཛྲ་ཨཱ་བེ་ཤ་ཡ་ཧོ། ཞེས་རོ་གཅིག་དུ་དགྱེས་པ་བསྐྱེད་པར་བསམ་མོ། །དྲུག་པ་རྒྱས་གདབ་པ་ནི། རབ་ཏུ་གནས་བྱའི་ལྷ་རྣམས་ཀྱི་གནས་གསུམ་དུ་འཁོར་ལོ་པདྨ་རྡོ་རྗེ་ལ་གནས་པའི་ཡི་གེ་འབྲུ་གསུམ་གྱིས་མཚན་པར་གསལ་ལ། རྡོ་རྗེ་རྩེ་ལྔ་རྩེ་གསུམ་རྩེ་གཅིག་པའི་ཕྱག་རྒྱ་གནས་སོ་སོར་གཏད་དེ། ཨོཾ་དཔལ་ལྡན་སངས་རྒྱས་སྐུ་གསུང་ཐུགས་འཆང་བ། །རྡོ་རྗེ་མི་ཕྱེད་གསུམ་གྱི་སྐུ། །གསུང་ཐུགས་དེང་འདིར་སངས་རྒྱས་ཐམས་ཅད་ཀྱི། །སྐུ་ཡི་གསུང་གི་ཐུགས་ཀྱི་དབྱིག་ཏུ་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཝཱ་ཀ་ཙིཏྟ་ཡ་བཛྲ་སྭཱ་བྷཱ་བ་ཨཱཏྨ་ཀོ྅ཧཾ། ཞེས་དང་དེ་བཞིན་གསུང་དང་ཐུགས་ལ་ཁ་བསྒྱུར་ཤེས་པར་བྱ། བདུན་པ་དེ་ལ་དབང་བསྐུར་བ་ནི། རང་གི་སྙིང་གའི་ས་བོན་ལས་བྱུང་བའི་འོད་ཟེར་གྱིས་དབང་གི་ལྷ་དེ་བཞིན་གཤེགས་པ། རིགས་ལྔ་ཡབ་ཡུམ་དང་སྲས་སུ་བཅས་པ་ཐམས་

― MR07_Page_0751 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་བཛྲ་ས་མཱ་ཛཿ ཞེས་པས་སྤྱན་དྲངས་ནས་མདུན་གྱི་ནམ་མཁར་བཞུགས་པ་ལ། ཨོཾ་བཛྲ་ཨརྒྷཾ་སོགས་ཀྱིས་མཆོད། ཆོས་སྐུ་ནམ་མཁའ་སོགས་ཚིགས་བཅད་ཀྱིས་བསྟོད་ནས། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང་། །ཡོན་ཏན་འབྱུང་གནས་ཇི་ལྟར་བསྩལ། །དེ་ལྟར་འདི་ལའང་སྩལ་དུ་གསོལ། །ཞེས་གསོལ་བ་བཏབ་པས་ནམ་མཁའ་གང་བའི་དེ་བཞིན་གཤེགས་པ་རྣམས་ཀྱིས་དབང་བསྐུར་བའི་དགོངས་པ་མཛད། ཡུམ་རྣམས་ཀྱིས་བུམ་པའི་ཆུ་རྒྱུན་གྱིས་དབང་བསྐུར། །བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་པའི་གླུ་དབྱངས་བརྗོད། ལྷ་མོ་རྣམས་ཀྱི་གདུགས་དང་བ་དན་ལ་སོགས་པ་བསྒྲེངས་ཤིང་རོལ་མོའི་སྒྲ་དང་བཅས་པས་མཆོད་རྫས་ཀྱི་ཆར་འབེབས། ཁྲོ་བོ་རྣམས་ཀྱིས་བགེགས་བསྐྲད་པའི་ལས་མཛད་པར་བསམ་ལ། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེ། དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཅེས་དང་། ཇི་ལྟར་བལྟམས་སོགས་ནས། དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་

― MR07_Page_0752 ―

^{[མ་དཔེ་གཟིགས་ན་འདིར་གནོན།]}

[Full Size]

ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། ཞེས་དབང་བསྐུར་བས་སྐུ་གང་དྲི་མ་དག་ཆུའི་ལྷག་མ་སྤྱི་བོར་འཁྱིལ་བ་ལས་རྣམ་སྣང་སོགས་རིགས་ཀྱི་བདག་པོར་གྱུར་པའི་རིགས་ལྔས་དབུ་རྒྱན་པར་བསམ། ཨོཾ་ཧཱུྃ་ཏྲཾ་ཧྲཱི་ཨཱཿཔཉྩ་ཀུ་ལ་མུ་ཀུ་ཊ་ཨ་བྷི་ཥཱིཉྩ་མཾ། ཞེས་དབུ་རྒྱན་གྱིས་དབང་བསྐུར། ཨོཾ་ཊུཾ་ཞེས་གོ་བགོ་ཨོཾ་བཛྲ་ཏུཥྱ་ཧོ། །ཞེས་ཐལ་མོས་མཉེས་པར་བྱའོ། །སྤྲོ་ན། དངོས་སུ་འབྱོར་དང་ཡིད་ཀྱིས་སོགས་ཚིགས་བཅད་སྔགས་བཅས་ཀྱིས་མཆོད་པ་དང་ཆོས་སྐུ་ནམ་མཁའ་སོགས་ཀྱིས་བསྟོད་པ་བྱ། བརྒྱད་པ་སྤྱན་དབྱེ་བ་ནི། གསེར་ཐུར་གྱིས་དབྱེ་བའི་ཚུལ་དང་བཅས། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །རྒྱལ་བ་རྣམས་ལ་ཡེ་ཤེས་སྤྱན། །སེམས་ཅན་དོན་དུ་དབྱེ་བར་བྱ། །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ནི་སྭཱ་ཧཱ། ཨོཾ་དྷྱཱ་ན་ས་མཱ་དྷི་པྲཱི་ཎ་ནེ་སྭཱ་ཧཱ། སྤྱན་འབྱེད་སྔགས་རྗེས་རབ་གནས་རྒྱུད་ན་སྔགས་འདི་འདུག་དཔྱད། ཐུགས་ཏིང་ངེ་འཛིན་ལ་བཞུགས་བསྔགས་སམ་སྙམ། ཡེ་ཤེས་ཀྱི་སྤྱན་རྣམ་པར་དག་པ་དང་ལྡན་ཞིང་སེམས་ཅན་གྱི་དོན་ལ་གཟིགས་པ་འཇུག་པའི་མཐུ་ཕུན་སུམ་ཚོགས་པ་ལ་མངའ་བརྙེས་པར་གྱུར་ཅིག །ཞེས་བརྗོད་

― MR07_Page_0753 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པར་སྤྲོ་ན་རྣ་བྲུད་ཀྱིས་སྙན་དབྱེ་བ། རྨང་ཚེར་གྱིས་ཤངས་དབྱེ་བ། ཐུར་མ་ཐོགས་ཏེ་ཞལ་དབྱེ་བ། ཚེམས་ཤིང་གིས་ཚེམས་དབྱེ་བའི་ཚིགས་བཅད་སོ་སོའི་སྔགས་བཅས་བརྗོད་ཅིང་སྐྱེ་མཆེད་གསལ་བའི་རྟེན་འབྲེལ་འདོད་ཡོན་ལྔའི་མཆོད་པའང་བྱ་བར་གསུངས། མདོར་ན་སྐུ་གཟུགས་དེ་ཉིད་རྣམ་ཀུན་མཆོག་ལྡན་གྱི་སྐུ་འགྲོ་བའི་དོན་ལ་གཟིགས་པ་འཇུག་པའི་མཐུ་ཕུན་སུམ་ཚོགས་པ་དང་ལྡན་པར་མོས་པར་བྱའོ། །དགུ་པ་རྟེན་བསྒྱུར་བ་ནི། སློབ་དཔོན་གྱིས་རྡོ་རྗེ་བཅས་པའི་ཐལ་མོས་རྟེན་གྱི་གཟུགས་བརྙན་མེ་ལོང་ངོས་སུ་ཤར་བ་ལ་རེག་ཅིང་སེ་གོལ་གྱིས་སྒྲས་མཚོན་པས། ཨོཾ་ཨཱཿཧཱུྃ་སྭཱ་ཧཱ། ཞེས་ལན་གསུམ་བརྗོད་པས། བསྐྱེད་པའི་ལྷ་ཡོངས་སུ་གྱུར་པ་ལས་རྟེན་སོ་སོའི་སྣང་བརྙན་གསལ་ལ་མ་འདྲེས་ཡོངས་སུ་རྫོགས་པའི་མཐུ་བྱིན་དང་ལྡན་པར་གྱུར་པར་བསམ། བཅུ་པ་མངའ་དབུལ་ལ་བཞི་ལས། དང་པོ་སྤྱིར་མཆོད་བསྟོད་ཀྱིས་མངའ་དབུལ་བ་ནི། མཆོད་པ་བྱིན་རླབས་སྔོན་དུ་འགྲོ་བས་ཉེར་སྤྱོད་ཀྱི་མཆོད། རབ་འབྱམས་རྒྱ་མཚོ་མའམ། ཆུ་དང་ཐང་ལས་སྐྱེས་སོགས་རབ་གནས་རྒྱུད་ཀྱི་མཆོད་པའི་ཚིགས་བཅད་དང་། དེ་ནས་རྒྱལ་སྲིད་བདུན། འདོད་ཡོན་ལྔ། རིག་མ་བཅུ་དྲུག་རྣམས་རྒྱས་བསྡུས་ཀྱི་ཚིགས་བཅད་ཅི་རིགས་པས་མཆོད། གཞན་ཡང་རྒྱུད་སྡེ་གོང་མ་འབྲེལ་བའི་ཆོ་ག་ཡིན་ན་

― MR07_Page_0754 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་རག་གཏོར་གསུམ་སོགས་ནང་དང་གསང་མཆོད་དང་ཚོགས་མཆོད་ཀྱང་ཕུལ་བར་བྱའོ། །བསྟོད་པ་ནི་རྒྱས་བསྡུས་ཅི་རིགས་དང་། མཉམ་མེད་མས་བསྟོད་པར་བྱའོ། །གཉིས་པ་བྱེ་བྲག་ཉེར་མཁོའི་མངའ་དབུལ་ལ། མཎྜལ། སོ་བདུན་མ། དྲིའི་བྱུག་པ། སྟོང་གསུམ་ཀུན་ཏུ་ན་བཟའ་སྣ་ཚོགས་དབང་པོའི། རྒྱན་འབུལ་བ་རྒྱལ་བ་མཚན་དཔེའི་བཞི་རྒྱས་བསྡུས་ཅི་རིགས་བྱས་པས་ཆོག་ལ། སྐབས་འདིར་རྒྱན་ནམ་ཡོ་བྱད་ཀྱི་བྱེ་བྲག་རྒྱས་སྤྲོས་སུ། གདུགས་དང་རྒྱལ་མཚན་བ་དན་བླ་བྲེ་དང་། །དར་འཕན་རོལ་མོ་མཆོད་པའི་སྒྲ་དབྱངས་བཅས། །བཀྲ་ཤིས་རྫས་རྟགས་བརྒྱད་སོགས་སྣ་ཚོགས་རྫས། །དཀྱིལ་འཁོར་ལྷ་ཚོགས་རྣམས་ལ་འབུལ་བར་བགྱི། །འབྲེག་སྤྱད་ཆོས་གོས་ཆུ་ཚག་ལྷུང་བཟེད་སོགས། །ཆགས་བྲལ་རྣམས་ཀྱི་ཉེར་མཁོ་ཇི་སྙེད་དང་། །སོ་མང་ཁབ་སྙུང་གྲི་གུ་ཆུ་གྲི་སོགས། །ཆགས་བཅས་ཚུལ་འཆང་རྣམས་ཀྱི་ཡོ་བྱད་དང་། །དུར་ཁྲོད་རྒྱན་དང་གདན་ཁྲི་མེ་དཔུང་སོགས། །ཁྲོ་བོ་མཉེས་བྱེད་དྲག་པོའི་འདོད་ཡོན་ཚོགས། །ཁྲི་དང་ན་བཟའ་གླེགས་ཤིང་གླེགས་ཐག་སོགས། གསུང་རྟེན་གླེགས་བམ་རྣམས་ཀྱི་ཡོ་བྱད་དང་། །སྲོག་ཤིང་འཁོར་ལོ་ཅོད་པན་འཕན་དང་གདུགས། །

― MR07_Page_0755 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་མཚན་མེ་ཏོག་ཕྲེང་བ་གདན་ཁྲི་སོགས། །མཆོད་རྟེན་རྣམས་ལ་འོས་པའི་ཡོ་བྱད་བཅས། །རྣམ་མང་མཆོད་པའི་སྤྲིན་ཕུང་དབུལ་བར་བགྱི། །ཞེས་པ་འདི་ཙམ་གྱིས་ཕུལ་བར་མོས་པ་བྱ། སྤྲོ་ན་སོ་སོའི་ཚིགས་བཅད་རབ་གནས་ཀྱི་ཆོ་ག་རྒྱས་པ་རྣམས་ལས་འབྱུང་བ་ལྟར་བྱ། འདི་དག་སྐུ་གསུང་ཐུགས་རྟེན་ཡོངས་རྫོགས་ཀྱི་གཙུག་ལག་ཁང་ལྟ་བུའི་རབ་གནས་ཀྱི་སྐབས་སུ་དེ་ལྟར་མཛད་ཅིང་མ་བྱས་ཀྱང་ཆད་སྐྱོན་མེད། གོང་གི་མཆོད་པ་ཐམས་ཅད་བསྡུ་ན། དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེར་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨོཾ་ཨཱ་ནུཏྟ་ར་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་སྭཱ་ཧཱ། ཞེས་བརྗོད་པས་ཆོག་གོ །གསུམ་པ་ཙཱ་རུའི་ཞལ་ཟས་ཀྱི་མངའ་དབུལ་བ་ནི། རྒྱས་པར་སྦྱིན་སྲེག་དང་འོ་ཐུག་འབུལ་བ་ནི། རབ་ཏུ་གནས་བྱའི་རྟེན་དང་ཉེ་བར་འཚམ་པར། རྒྱས་པར་ཐབ་ཁུང་དུ་རྒྱས་པའི་སྦྱིན་སྲེག་རྒྱས་བསྡུས་ཅི་རིགས་བྱས་ལ་དེའི་ཚེ་དེར་བསྐྱེད་པའི་ལྷ་རྣམས་ལ་རབ་ཏུ་གནས་པར་བྱས་པའི་ལྷ་རྣམས་སྤྱན་དྲངས་ནས་སྦྱིན་སྲེག་གི་མཆོད་པ་འབུལ། གྲུབ་ནས་གཤེགས་གསོལ་དུས་རྟེན་རྣམས་ལ་སླར་བཅུག །

― MR07_Page_0756 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷར་སྦྱིན་སྲེག་གྲུབ་པའི་ཐབ་ཀྱི་མེ་དེ་ཉིད་ལས། ལྕགས་ཐབ་ལྟ་བུའི་སྟེང་དུ་འབྲས་དང་འོ་མ་དང་སྦྲང་རྩི་ཀ་ར་བཅས་པ། སློབ་དཔོན་གྱིས་བླུགས་གཟར་གྱིས་དཀྲུགས་ཤིང་བསྐོལ་ལ། དཔོན་སློབ་ཀུན་གྱིས་ལྷ་ཡི་རྩ་སྔགས་བཟླ་བཞིན་འོ་ཐུག་ལེགས་པར་བསྐོལ་་བའི་ཕུད་ཙ་རུའི་བཟའ་བར་ལྷ་ལ་ཕུལ་བའི་ལྷག་མ་མཆོད་ཡོན་ཀུན་ལ་འོག་གི་ཡོན་བདག་བསྒོ་བའི་སྐབས་སུ་ཞལ་བསྲོའི་ཚུལ་དུ་བསྟབ་པར་བྱ་བ་ཡིན་ནོ། །དེ་ལྟར་སྦྱིན་སྲེག་དང་འོ་ཐུག་བསྐོལ་བ་མ་གྲུབ་ན། ལྷ་བཤོས་གཙང་མ་ཟས་སྣ་བཟང་དགུས་བསྐོར་བ་བཤམས་པ་དབུལ་བས་ཆོག །དེ་གཉིས་གང་ལྟར་ཡང་ཆབ་བྲན་ལ་ནམ་མཁའ་མཛོད་ཀྱི་སྔགས་དང་ཕྱག་རྒྱས་བྱིན་གྱིས་བརླབས་པས། རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་ལྷ་རྫས་ཀྱི་ཞལ་ཟས་འདོད་ཡོན་གྱི་ངོ་བོ་ཟད་མི་ཤེས་པ་བདུད་རྩིའི་རྒྱ་མཚོ་ཆེན་པོར་གྱུར་པར་བསམ་ལ། ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ། ལེགས་སྦྱར་འདི་ནི་རྒྱལ་བ་སྲས་བཅས་ལ། །དད་པས་ཕུལ་བས་འགྲོ་བ་འདི་དག་ཀུན། །འབྱོར་ལྡན་ཏིང་འཛིན་ཟས་ལ་སྤྱོད་པར་ཤོག །ཅེས་པས་དབུལ། སྔར་ཚོགས་མཆོད་ཕུལ་ཟིན་ན་སྐབས་འདིར་ཚོགས་ལ་རོལ། རྡོ་རྗེའི་གླུ་གར་ཀྱང་སྤྲོ་ན་བྱའོ། །བཞི་པ་སྔགས་ཀྱིས་མངའ་དབུལ་བ་ནི། རྟེན་རྣམས་ལ་གཟུངས་ཐག་བཏགས་པའི་སྣེ་ནས་སློབ་དཔོན་གྱིས་བཟུང་སྟེ། རབ་ཏུ་གནས་བྱའི་རྟེན་རྣམས་ཀྱི་ཐུགས་ཀར་ཟླ་བ་ལ་གནས་པའི་སྔགས་འཕྲེང་འཁོར་བའི་འོད་ཀྱིས་ཕྱོག་བཅུའི་རྒྱལ་བ་སྲས་དང་བཅས་པ་རྟེན་སོ་སོའི་རྣམ་པར་བྱོན་ནས་དེ་ལ་བཞུགས་པར་

― MR07_Page_0757 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་མངའ་དབུལ་བ་ནི། རྟེན་རྣམས་ལ་གཟུགས་ཐལ་བཏགས་པའི་སྣེ་ནས་སློབ་དཔོན་གྱིས་བཟུང་སྟེ། རབ་ཏུ་གནས་བྱའི་རྟེན་རྣམས་ཀྱི་ཐུགས་ཀར་ཟླ་བ་ལ་གནས་པའི་སྔགས་འཕྲེང་འཁོརབའི་འོད་ཀྱིས་ཕྱོགས་བཅུའི་རྒྱལ་བ་སྲས་དང་བཅས་པ་རྟེན་སོ་སོའི་རྣམ་པར་བྱོན་ནས་དེ་ལ་བཞུགས་པར་གྱུར། ཞེས་བརྗོད་ཅིང་བསམ་ལ། བདག་བསྐྱེད་ཀྱི་སྙིང་པོའི་མཐར། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་སྦྱར་བ་དང་། ཨོཾ་ཧཱུྃ་ཧྲཱི་བྷཱུ་ཁཾ་བཛྲི་བྷ་བ་དྲི་ཌྷ་ཏིཥྛ་བྷྲཱུ་ཁཾ་སྭཱ་ཧཱ། ཞེས་པ་དང་། པུ་སྟི་ལ་སྔགས་གཉིས་ཀ་དང་། རྟེ་ཅི་ནུས་བཟླ་ཞིང་། ཐམས་ཅད་ལ་ཐུན་མོང་དུ། སྔར་སྒྲུབ་པའི་གཟུང་བུམ་གྱི་ཆུ་རྟེན་སྙིང་བཟླ་བཞིན་མེ་ཏོག་ལ་བྲན་པས་རྟེན་དང་། སྐུ་གཟུགས་དང་། འདུས་པ་ཐམས་ཅད་ལ་ཁྱབ་པར་འཐོར་ཞིང་། མཆོད་རྟེན་དང་གཙུག་ལག་ཁང་ལ། ཕུན་སུམ་ཚོགས་པ་སོགས་བཀྲ་ཤིས་ཀྱི་ཚིགས་བཅད་ཅི་རིགས་པ་བརྗོད་པར་བྱའོ། །བཅུ་གཅིག་པ་གསོལ་བ་གདབ་པ་ནི། ཡིག་བརྒྱ་ལན་གསུམ་སྔོན་དུ་འགྲོ་བས། མེ་ཏོག་དམ་པ་སོགས་ཀྱིས་མཆོད། དེ་དག་བསྔགས་པ་སོགས་ཀྱིས་བསྟོད་ལ། རྟེན་ལ་མེ་ཏོག་གི་ཕྲེང་བ་བཏགས་པ་ནས་བཟུང་བའམ། མེ་ཏོག་དང་བཅས་པའི་ཐལ་མོ་སྦྱར་བས་བཏུད་དེ། ཇི་སྲིད་ས་ཆུ་མེ་དང་ནི། །རླུང་གི་བསྐལ་པས་འཇིག་བར་དུ། །སེམས་ཅན་ཀུན་གྱི་དོན་གྱི་ཕྱིར། །བཅོམ་ལྡན་ཁྱོད་ནི་བཞུགས་པར་མཛོད། །འདིར་ནི་གཟུགས་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །

― MR07_Page_0758 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་དང་། ཕྱོགས་བཅུ་ན་བཞུགས་པའི་སངས་རྒྱས་དང་སོགས་ཀྱིས་གསོལ་བ་བཏབ་ལ། ལས་སྔགས་བཟླ་ཞིང་རྡོ་རྗེ་བཅས་ལག་གཡས་ཀྱིས། སྐུ་སོགས་ཀྱིས་སྟོད་སྨད་བར་གསུམ་དུ་བསྐོར་ལ། རྟེན་སྙིང་བཟླས་པའི་མེ་ཏོག་འཐོར་བས་བྱིན་རླབས་ཤིན་ཏུ་བརྟན་པར་བྱ་ཞིང་། རྗེས་སུ་མཆོད་བསྟོད་ཀྱང་བྱའོ། །གསུམ་པ་རྗེས་ཀྱི་བྱ་བ་ལ་དྲུག་ལས། དང་པོ་གཏོར་མ་གཏོང་བ་ནི། ནང་དུ་རྡོ་རྗེའི་ཆོས་སྲུང་རྣམས་དང་ཕྱི་རོལ་ཏུ་ཕྱོགས་སྐྱོང་འབྱུང་གཏོར་ཅི་རིགས་པ་གཏོང་། གཉིས་པ་སྲུང་མ་བསྒོ་བ་ནི། གནས་དང་རྟེན་དེ་སྲུང་མ་གང་ལ་གཏོད་པར་འདོད་པ་དེའི་གཏོར་མ་ཟུར་དུ་བཤམས་ནས་ཕུལ་ལ། རྡོ་རྗེ་བཀའ་ནན་གྱི་རྒྱ་བཅིངས་ཏེ། ཨོཾ་བཛྲ་རཀྵ་ཧཾ། ཞེས་དང་། རྡོ་རྗེ་རྩེ་ལྔ་པའི་རྒྱ་སྲུང་མ་དེའི་སྤྱི་བོར་བཞག་པར་མོས་པས། ཨོཾ་བཛྲ་ས་མ་ཡ་ཧ་ན་ཧ་ན་ཧཱུྃ་ཕཊ། ཅེས་པས་དམ་ལ་བཞག རྡོ་རྗེ་ཆོས་སྐྱོང་བའི་སྲུང་མ་འཁོར་དང་བཅས་པ་ཁྱེད་རྣམས་ཀྱིས། གནས་དང་རྟེན་འདི་རྣམས་སྲུང་ཞིང་སྐྱོང་བ་དང་། མཆོད་པ་བསམ་གྱིས་མི་ཁྱབ་པ་རྒྱུན་མི་འཆད་པར་འབྱུང་ཞིང་འགྲོ་བའི་དོན་ཆེན་པོ་འབྱུང་བའི་ཕྲིན་ལས་མཛོད་ཅིག །ཅེས་ཕྲིན་ལས་བཅོལ་ལོ། །གསུམ་པ་དཀྱིལ་འཁོར་རྗེས་ཀྱི་བྱ་བ་ནི། གཞུང་ལྟར་བྱའོ། །བཞི་པ་ཡོན་བདག་བསྒོ་བ་ནི། བཀྲ་ཤིས་པའི་རྫས་དང་མཆོད་པའི་ཡོ་བྱད་རྣམས་

― MR07_Page_0759 ―

^{[མ་དཔེ་གཟིགས་ན་འདིར་གནོན།]}

[Full Size]

འདུ་བྱས་ཏེ། ཉེ་ལོགས་སུ་ཡོན་བདག་སྟན་བཟང་པོ་ལ་འཁོད་པར། བདེ་གཤེགས་ལྷག་མ་འདི་དག་ནི། །གསོལ་ཟོ་ཞིག་ཀྱང་། ཅིག་སྡིག་པ་བྱང་བར་འགྱུར། །ཞེས་བརྗོད་ཅིང་དཔོན་སློབ་ཐམས་ཅད་ལ་ཙཱ་རུའི་བཟའ་བ་འགྲིམ། སྤྲོ་ན་སློབ་དཔོན་གྱིས་ལུང་གི་རྒྱབ་སྐྱོར་བཅས་སྐབས་བབ་ཀྱི་བཤད་པས་མཚམས་སྦྱར་བའམ་གང་ལྟར་ཡང་། ཁྱོད་ཀྱིས་ང་ལ་གང་གསོལ་བའི། །སྐུ་གཟུགས་དག་ནི་ཁྱད་པར་དུ། །ཇི་ལྟར་གསུངས་པ་ཇི་བཞིན་དུ། །དེ་དག་དོན་ནི་ངས་བྱས་ཏེ། །དེ་རྣམས་དོན་ནི་གྲུབ་ཟིན་གྱི། །ཅི་བདེ་བར་ནི་མཆོད་པར་བྱོས། །ཁྱོད་ཀྱིས་ང་ལ་གང་གསོལ་བ་བཏབ་པའི་རབ་ཏུ་གནས་པ་དེ་ལེགས་པར་ཚང་བར་བྱས་ཀྱི་ཁྱོད་ཀྱིས་རྟེན་འདི་རྣམས་ལ་ཞག་བདུན་དུ་མཆོད་པ་རྒྱ་ཆེན་པོ་གྱིས་ཤིག །དེ་ནས་ཡང་ཅི་འབྱོར་བའི་མཆོད་པ་རྒྱུན་མི་འཆད་པར་གྱིས་ཤིག །ཅེས་གདམས་པ་དང་། དེས་ཀྱང་དེ་ལྟར་བགྱིད་པའི་འདུན་པས་སྐབས་དེར་རྟེན་གྱི་དྲུང་དུ་མཆོད་པའི་བྱེ་བྲག་རྣམས་ལག་གིས་བསྟར་ཏེ་བཀོད་པས་མཛེས་པར་བཤམས་ལ། དཔོན་སློབ་རྣམས་མགྲིན་གཅིག་པར་མཆོད་པ་རྣམ་བསང་སྦྱང་བྱིན་རླབས་སྔོན་དུ་འགྲོ་བས། རབ་འབྱམས་རྒྱ་མཚོ་སོགས་ཚིགས་བཅད་སྔགས་དང་ཕྱག་རྒྱར་བཅས་པས་ཇི་ལྟར་རིགས་པར་འབུལ་བར་བྱའོ། །ལྔ་པ་ཤིས་པར་བྱ་བ་ནི། སྦྱང་བ་གསུམ་སྔར་བཞིན་ལ། བདེན་བརྗོད་སྐབས། དེང་འདིར་རབ་ཏུ་གནས་པར་བྱས་པའི་རྟེན་རྣམས་དང་། སྦྱིན་པའི་བདག་པོ་འཁོར་དང་

― MR07_Page_0760 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་པའི་བཀྲ་ཤིས་དང་མཐུན་རྐྱེན་བསོད་ནམས་ཀྱི་ལེགས་ཚོགས་སྤེལ་བ་ལ་བར་དུ་གཅོད་ཅིང་གླགས་ལྟ་བའི་འབྱུང་པོ་སོགས་སྦྱར་བ་སྔོན་དུ་འགྲོ་བས། རྫས་དང་སྦྱིན་བདག་རྣམས། ཨ་མྲི་ཏས་བསངས། སྭ་བྷཱ་བས་སྦྱངས། སྟོང་པའི་ངང་ལས་སྦྱིན་པའི་བདག་པོ་སྐད་ཅིག་གིས་གནོད་སྦྱིན་ཡོངས་ཀྱི་སྡེ་དཔོན་ཛམ་བྷ་ལའི་སྐུར་གྱུར་པའི་མདུན་དུ་མྃ་ལས་བྱུང་བའི་བཀྲ་ཤིས་པའི་རྫས་བརྒྱད་སོ་སོའི་ལས་སྒྲུབ་པ་ལ་ཐོགས་པ་མེད་པའི་ནུས་པ་དང་ལྡན་པར་གྱུར། ཨོཾ་ཨཱཿམངྒ་ལཾ་དྲ་བྱ་ཧཱུྃ། ཞེས་པས་བྱིན་གྱིས་བརླབ། མེ་ལོང་ཡེ་ཤེས་རྒྱ་མཚོ་ཆེན་པོ་སྟེ། སོགས་ཀྱི་རྫས་བརྒྱད་ཀྱི་བཀྲ་ཤིས་བརྗོད་ཅིང་རེ་རེ་བཞིན་ཡོན་བདག་ལ་གཏད། དེས་ཀྱང་བླང་ནས་རྟེན་ལ་འབུལ་བའི་ཚུལ་བྱའོ། །སླར་ཡང་མདུན་གྱི་ནམ་མཁར་ཕྱོགས་དུས་ཀྱི་རྒྱལ་བ་སྲས་དང་བཅས་པ་རྣམས་དང་། ལྷ་དང་དྲང་སྲོང་བདེན་ཚིག་གྲུབ་པའི་ཚོགས་ཀྱིས། ཤིས་པ་བརྗོད་པའི་གླུ་དབྱངས་དི་རི་རི་སྒྲོགས་ཤིང་མེ་ཏོག་མནྡར་བའི་ཆར་ཆེན་པོ་ཕབ་པས་དགེ་ལེགས་ཀྱི་སྣང་བས་ས་གསུམ་ཀུན་ཏུ་ཁྱབ་པར་བྱས་པའི་མོས་པ་མཛོད། ཕུན་སུམ་ཚོགས་པ་མངའ་བ་སོགས་ཤིས་བརྗོད་དང་། མཚན་མོར་ཡང་རོལ་མོ་དང་

― MR07_Page_0761 ―

^{[མ་དཔེ་གཟིགས་ན་འདིར་གནོན།]}

[Full Size]

གར་སོགས་ཀྱིས་དགའ་སྟོན་རྒྱ་ཆེར་བྱ་ཞིང་ཡོན་ཕུལ། དྲུག་པ་དགེ་བ་བསྔོ་བ་ནི། དེ་ལྟར་བསྒྲུབས་པས་མཚོན་པའི་དགེ་རྩ་རྣམས་བླ་མེད་བྱང་ཆུབ་དུ་བསྔོ་ཞིང་སྨོན་ལམ་གདབ་པར་བྱའོ། །གལ་ཏེ་སྔོན་དུ་སྟ་གོན་དང་བཅས་འདི་ལས་རྒྱས་པར་འདོད་ན། རྟེན་བསྐྱེད་སྤྱན་དྲངས་རྒྱས་གདབ་དབང་བསྐུར་མཆོད་བསྟོད་བར་གོང་བཞིན་བཏང་ནས་སྔགས་ཀྱིས་མངའ་དབུལ་ཙམ་བྱས་ཏེ། འཇིག་རྟེན་འདས་མ་འདས་ཀྱི་གཏོར་མ་སྐབས་འདིར་བཏང་ལ། ལྷ་ལ་སྙན་གསན་དབབ་པ་ནི་པུས་མོ་གཡས་ས་ལ་བཙུགས་ཤིང་རྡོ་རྗེ་དང་བཅས་པའི་ལག་གཡས་ཀྱིས་སྤོས་སྣོད་དམ་སྤོས་ཐོགས་ལ། ཨོཾ་བཛྲ་ཛྲི་ཧ། ཞེས་བརྗོད་པས་ལྕེ་ཧཱུྃ་ལས་སྐྱེས་པའི་རྡོ་རྗེར་མོས་ལ། ཇི་ལྟར་སངས་རྒྱས་ཐམས་ཅད་ནི། དགའ་ལྡན་དུ་ནི་གནས་པ་ལས། ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་བཞིན་གཟུགས་བརྙན་འདིར་བཞུགས་ཤིག །འདི་རུ་མགོན་པོ་རྟག་བཞུགས་ནས། །བྱང་ཆུབ་སེམས་ནི་བསྐྱེད་པ་དང་། །སྦྱིན་བདག་ལ་སོགས་དོན་ཆེད་དུ། །བདག་གི་འབྱོར་པ་ཉིད་ཀྱིས་ནི། །ཅི་འབྱོར་བ་ཡི་མཆོད་པ་རྣམས། །མེ་ཏོག་ལ་སོགས་འདི་བཞེས་ཤིག །བདག་དང་སློབ་མར་བཅས་པ་ལ། །རྗེས་སུ་བརྩེ་བས་དགོངས་སུ་གསོལ། །ཀུན་གྱིས་འདི་ལ་བྱིན་རློབ་ཅིང་། །འདི་ཉིད་དུ་ནི་བཞུགས་པར་རིགས། །ཞེས་ལན་གསུམ་གསོལ་བ་བཏབ་པས་གནང་བ་

― MR07_Page_0762 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་པར་བསམ་ཞིང་སླར་ཡང་མཆོད་བསྟོད་རྒྱས་བསྡུས་གང་རིགས་བཏང་ནས། ནོངས་བཤགས་བྱས་ལ། ཨོཾ་ཨཱཿཧཱུྃ་མུ་བཛྲ་ཏིཥྛ་ཞེས་བརྗོད་པས། རྟེན་ལ་ཕབ་པའི་ཡེ་ཤེས་པ་མདུན་གྱི་ནམ་མཁར་གཤེགས་པ་ལ་མཆོད་བསྟོད་བྱས་ཏེ། རྟེན་དངོས་སམ་གཟུགས་བརྙན་གྱི་གནས་གསུམ་དྲི་བཟང་གིས་བྱུག །ལས་སྔགས་བཟླ་ཞིང་རྡོ་རྗེས་རྟེན་ལ་རེག་ནས། བཛྲ་རཀྵ་ཧཾ། ཞེས་པའི་བསྲུང་བ་དང་། ཨོཾ་ཝསྟྲ་ཧཱུྃ་ཞེས་ཁེབ་སེར་པོས་མི་མཐོང་བར་བཀབ་ནས་བཞག་ལ། ཆོ་གའི་ལས་རྗེས་རྣམས་བྱའོ། །སང་ཐོ་རངས་དངོས་གཞིའི་ཉིན་བདག་མདུན་གྱི་ཆོ་ག་བཟླས་པ་བར་བཏང་ནས། བུམ་པ་སྒྲུབ་པ་རྣམས་སྟ་གོན་བཞིན་བྱ་བའམ། སྟ་གོན་སྐབས་སུ་གྲུབ་པ་དེས་ཆོག་པར་བྱ། སྦྱང་བཀྲུ་སོགས་སྟ་གོན་སྐབས་ལྟར་བྱ། ཡེ་ཤེས་པ་རྣམས་རྟེན་ལ་འབྱོན་པའི་སྙན་གསན་དབབ། སེམས་བསྐྱེད་དེ་རབ་གནས་བྱ་བའི་འདུན་པ་བརྗོད་པ་སྔོན་དུ་བཏང་བ་རབ་ཆོག་རྒྱས་པ་བཞིན་ནོ། །དེ་ནས་རྟེན་བསྐྱེད་པ་སོགས་གོང་ལྟར་ལས་ཁྱད་མེད། དབང་བསྐུར་རྒྱས་པ་ལྷ་དེའི་དབང་ཆོག་ལྟར་རམ། དབང་བཞི་མདོར་བསྡུས་བྱས་ཀྱང་རུང་། དེ་ནས་སྤྱན་དབྱེ་སོགས་འཇུག་གི་བར་གོང་བཞིན་ལས་གཞན་དུ་མེད་དོ། །གལ་ཏེ་གོང་བཤད་དེ་ལས་བསྡུ་འདོད་ན། བདག་བསྐྱེད་གང་རུང་སྔོན་དུ་འགྲོ་བས་ལས་བུམ་བསྒྲུབས། སྦྱང་བ་ནས་

― MR07_Page_0763 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩམ་རྟེན་བསྒྱུར་བའི་བར་སྔོན་བཞིན་ལ། མཆོད་བསྟོད་དང་སྔགས་ཀྱིས་མངའ་དབུལ། གསོལ་གདབ་བཅས་ཀྱིས་མཐར། བདག་བསྐྱེད་ཀྱི་རྗེས་ཆོག་རྣམས་བྱའོ། །ཤིན་ཏུ་བསྡུས་པར། བདག་ཉིད་སྐད་ཅིག་གིས་ཧཱུྃ་མཛད་དུ་གསལ་ཞིང་བགེགས་བསྐྲད་ལ། ལྷ་ཁྲུས་གསོལ་བའི་ཆུས་ཁྲུས་མདོར་བསྡུས་བྱ། དེ་ནས་རྟེན་བསྐྱེད་ནས་སྤྱན་འདྲེན་རྒྱས་གདབ་དབང་བསྐུར་མདོར་བསྡུས་བྱས་ལ། སྤྱན་དབྱེ་ཞལ་བསྒྱུར་མཆོད་བསྟོད་གསོལ་གདབ་བཅས་ཀྱི་མཐར་བཀྲ་ཤིས་བརྗོད་པས་འགྲུབ་བོ། །དེ་ལྟར་དམ་ཚིག་རྟེན་གསུམ་གང་། །ཡེ་ཤེས་རོལ་པར་བྱིན་རློབ་པའི། །རབ་ཏུ་གནས་པའི་ཆོ་ག་ནི། །ཚད་གྱུར་ལུང་བཞིན་བརྗོད་པ་བཞིན། །ཞེས་རབ་གནས་ཀྱི་རྒྱུད་དང་། །རྒྱ་བོད་གྲུབ་པའི་སློབ་དཔོན་རྣམས་དང་། ཁྱད་པར་དགེ་ལེགས་འདོད་འཇོ་དང་དགེ་ལེགས་ཆར་འབེབ་ཀྱི་དགོངས་པ་གཞིར་བཟུང་ནས་དོན་སྙིང་པོར་དྲིལ་ཏེ་རབ་ཚེས་སྣ་ཚོགས་དབྱིག་ཅེས་པའི་བགྲང་བྱའི་ས་ག་ཟླ་བའི་དམར་ཕྱོགས་རྒྱལ་བ་གསུམ་བར། རྒྱ་སྟོད་བྲག་དཀར་གྱི་དབེན་གནས་སུ་མི་ཕམ་རྣམ་པར་རྒྱལ་བས་བཀོད་པ་འདིས་བསྟན་འགྲོ་ལ་ཕན་པ་བྱེད་པར་གྱུར་ཅིག །མངྒ་ལམ། །རྟེན་གསར་བཞེངས་ཀྱི་ཨརྒའི་ཆོ་ག་གཞི་དེར་ས་ཆོག་བྱ། མཎྜལ་ལ་ཚོམ་བུ་བཀོད། མཆོད་པ་བཤམས་སངས་རྒྱས་དང་བྱང་སེམས་ཐམས་

― MR07_Page_0764 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་དེར་སྤྱན་དྲངས། རྟེན་གསུམ་གང་འདོད་རྒྱ་ཆེར་འབྱུང་བའི་གསོལ་བ་བཏབ། པུ་སྟིའི་གཞི་ཤོག་སྐྱ་རས་གཞིའམ། ཟངས་སོགས་རྒྱུ་རྣམས་ཀྱི་མདུན་དུ་མཆོད་པ་བཤམས། རང་ལྷའི་ང་རྒྱལ་གྱིས། གཞི་དེ་དག་གི་སྟེང་དུ་སངས་རྒྱས་བྱང་སེམས་ཐམས་ཅད་སྤྱན་དྲངས་མཆོད་པ་ཕུལ་རྟེན་འདི་ལྟ་བུ་བྱིན་གྱིས་རློབ་པར་གསོལ་བ་བཏབ། མཆོད་པ་དང་གཏོར་མ་བཏང་། སྐུ་ཐམས་ཅད་བྱིན་གྱིས་བརླབ་པར་བསམ། ལྷའི་སྔགས་ཅུང་ཟད་བཟླས། བཟོ་བོ་བདུད་རྩི་འཁྱིལ་བའི་སྐུར་བསྒོམ། སྐུ་གསུང་ཐུགས་སུ་བྱིན་བས་བྱས་ལ་གཞག་པ་མདོར་བསྡུས་པའོ། །རྒྱས་པར་ཚོན་སོགས་བྱིན་བས་སོ་སོར་བྱའོ། ༈ །རྟེན་རྙིང་གི་ཨརྒ་སྤོ་ཆོག་ནི་རྟེན་རྙིང་དེའི་མདུན་དུ་མཆོད་པ་བཤམས། བདག་གི་རྣལ་་འབྱོར་རྫོགས་པར་བསྒོམས་ལ། དཀོན་མཆོག་ལ་མཆོད་པ་རྒྱ་ཆེན་པོས་མཆོད་ལ། བདག་དང་སེམས་ཅན་ཐམས་ཅད་ཀྱི་དོན་དུ་བདེ་བར་གཤེགས་པའི་རྟེན་རྙིང་པ་སྤོ་བའམ། གསོ་བར་འཚལ་ཏེ། དེ་གང་སང་ནངས་པར་བགྱི་བར་འཚལ་ན་དེ་བཞིན་རྗེས་སུ་གནང་བར་མཛད་དུ་གསོལ་ཞེས་ཞུ་བ་ཕུལ། ཆོས་སྐྱོང་ལ་གཏོར་མ་བཏང་སྟེ་དེ་བཞིན་གསོལ་བ་བཏབ། སང་ནངས་པར་རྟེན་གྱི་དྲུང་དུ་མཆོད་པ་བཤམས། བདག་

― MR07_Page_0765 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་བཟླས་པ་མཆོད་པ་བཅས་གྲུབ་ནས། ད་ནི་རབ་གནས་སྤོ་བར་འཚལ་ན་དེ་བཞིན་དུ་གནང་བར་མཛད་དུ་གསོལ་ཞེས་བྱས་ལ། མེ་ལོང་དག་པར་རྟེན་གྱི་གཟུགས་བརྙན་འཆར་དུ་བཅུག་སྟེ། རྟེན་རྣམས་མེ་ལོང་གི་ནང་དུ་བྱོན་ནས་བཞུགས་པར་མོས། དེ་ལས་དམ་ཚིག་པ་བསྐྱེད། ཡེ་ཤེས་པ་བཅུག་ནས་ཇི་སྲིད་དུ་མེ་ལོང་ནང་དེར་བཞུགས་པར་གསོལ་བ་བཏབ། ཆོས་ཐམས་ཅད་གཟུགས་བརྙན་ལྟ་བུ་ཡིན་པས་ཅིར་ཡང་མོས་པ་བཞིན་འཆར་བར་ངེས་ཤེས་བསྐྱེད། གཟུགས་བརྙན་གྱི་ལྷ་རྣམས་ལ་མཆོད་བསྟོད་བསྡུས་ཙམ་བྱས་ལ། སྟེང་འོག་མི་ནོར་བའི་མཚན་མ་བྱས་ཏེ། དར་སེར་པོ་སོགས་ཀྱིས་གཡོགས་ནས། རྒྱབ་ངོས་སུ་རྒྱས་བཏབ་རྟེན་གསར་པ་གྲུབ་ནས་རབ་གནས་བྱེད་པའི་དུས་ལ་མ་སླེབ་བར་དུ་ཁ་མི་དབྱེ་ཞིང་གནས་བདེ་བར་བཞག་ལ་མདུན་དུ་མཆོད་པ་བྱ། རྟེན་རྙིང་གི་རྡུལ་རྣམས་གསར་པའི་ནང་དུ་ཇི་འགྲོ་དང་། ལྷག་མ་རྣམས་ཆུ་ལ་སྤྱན་དྲངས་བའམ། ཐ་མལ་པས་ལོངས་མ་སྤྱད་པ་དང་། འགོམ་ཡུག་ཏུ་མ་སོང་བར་མཆོད་རྟེན་སོགས་ཀྱི་རྒྱུར་བྱས་ཏེ་རབ་གནས་བྱ། དེ་ལྟར་མ་གྲུབ་ན་རི་མཐོ་ས་གཙང་འགོམ་ཡུག་མེད་པར་ལྷག་མ་མ་ལུས་པར་སྤྱན་དྲངས་པར་བྱའོ། །རྟེན་གསར་པའི་རབ་གནས་

― MR07_Page_0766 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྟ་གོན་ཚར་ནས་དངོས་གཞིའི་ནུབ་མོ་མེ་ལོང་རྟེན་གསར་པའི་ནང་དུ་སྤྱན་དྲངས། ཡེ་ཤེས་པ་གཞུག་པའི་མགོར་མེ་ལོང་ཞལ་ཁེབ་ཕྱེ་སྟེ། སྔར་གྱི་ལྷ་གང་ཡིན་རྣམས་ཡན་ལག་བཞི་རྫོགས་ཚུལ་གྱིས་བཞུགས་པ་དེ་ཉིད། རྟེན་གསར་པ་ལ་གཞུག སླར་ཡང་ནམ་མཁའི་ཁམས་ཀྱི་མཐར་ཐུགས་པ་ནས་ཡེ་ཤེས་པ་གཞན་ཡང་དྲངས་ཏེ་བསྟིམས་ནས། མཆོད་པ་སོགས་རབ་གནས་ཀྱི་གཞུང་ལྟར་བྱའོ། །ཞེས་རྗེ་བཙུན་གྲགས་པའི་གསུང་ལ་གཞི་བྱས། ཚིག་གསལ་བར་དྷཱིས་བཀོད་པ་དགེའོ།། །།

མཐོང་གྲོལ་དབུ་ཞྭའི་འབེལ་གཏམ་མདོར་བསྡུས།

― MR07_Page_0767 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་གྲོལ་དབུ་ཞྭའི་འབེལ་གཏམ་མདོར་བསྡུས་པ། དེང་འདིར་དད་པ་དང་གཏོང་ཕོད་ལྡན་པ་སྦྱིན་པའི་བདག་པོ་གཙོར་གྱུར་བའི། ནུས་ལྡན་གྱི་སྔགས་པ། ཁྲིམས་ལྡན་གྱི་བཙུན་པ། འབྱོར་ལྡན་གྱི་ཁྱིམ་བདག་དད་ལྡན་གྱི་སྐྱེ་བོ་ཕོ་མོ་ཚོགས་པའི་ནང་དུ་མཐོང་གྲོལ་དབུ་ཞྭ་རིན་པོ་ཆེའི་ལོ་རྒྱུས་ཟུར་ཙམ་ཞུ་ན། རྒྱལ་བ་ཐམས་ཅད་ཀྱི་ཐུགས་རྗེ་ཡེ་ཤེས་རྣམ་རོལ་ཚད་མེད་པས་སེམས་ཅན་རྣམས་ལ་ཕན་བདེ་མཛད་པའི་ཚུལ་ནི། མདོ་སྡེ་པདྨ་དཀར་པོ་ལས། པདྨ་ནོར་བུ་ཟས་གོས་བཞོན་ལ་སོགས། །སྣ་ཚོགས་དོན་མང་བྱེད་པའི་བེམ་སེར་སྣང་། ཞེས་གསུངས་པ་དང་ཚུལ་མཐུན་པར་བརྡ་རྟགས་ཆས་གོས་ཀྱི་གཙོ་བོ་དབུ་ཞྭའི་ཚུལ་འདི་ལ་ཡང་། རྒྱལ་པོ་རྣམས་ལ་རྒྱལ་ཐབས་ཀྱི་རྟགས་སུ་རིན་པོ་ཆེའི་སྲོག་ཞུ་བཅིང་བ་དང་། རྒྱུད་སྡེ་རྣམས་སུ་དབང་གི་ཅོད་པན་བཅིང་བ་དང་། ཨོ་རྒྱན་གྱི་སློབ་དཔོན་ཆེན་པོས་ཀྱང་པད་ཞྭ་རིགས་གསུམ་གྱོན་པ་དང་མཐོང་བའི་ཕན་ཡོན་བསྔགས་པ་རྒྱ་ཆེར་གསུངས་པ་དང་། མཉམ་མེད་དྭགས་པོ་ལྷ་རྗེས་བསྟན་པ་ལ་ཕན་པའི་ཞྭ་གསུམ་དང་ཁྱད་པར་སྒོམ་ཞྭ་ལས་ཡོན་ཏན་འབྱུང་ཚུལ་གསུངས་པ་ལྟ་བུ་ཡོད་ལ། ཁྱད་པར་དུ་འཇིག་རྟེན་དབང་ཕྱུགས་ཀརྨ་པ་ན་རིམ་གྱིས་སྐྱེ་རྒུ་རྣམས་ལ་རྣམ་གྲོལ་གྱི་ས་བོན་བསྐྲུན་པའི་ཕྲིན་ལས་ཀྱི་གཙོ་བོ་མཐོང་གྲོལ་ཞྭ་ནག་ལ་བརྟེན་ནས་མཛད་པ་སྟེ། དེའང་སྤྱན་རས་གཟིགས་ཀྱི་རྣམ་འཕྲུལ་དྲང་སྲོང་དཀོན་པ་སྐྱེས་

― MR07_Page_0768 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་རྡོ་རྗེ་ལྟ་བུའི་ཏིང་ངེ་འཛིན་བརྙེས་པའི་ཚེ་རྒྱལ་བ་སྲས་དང་བཅས་པའི་དབང་རྟགས་རྡོ་རྗེའི་ཅོད་པན་ཡེ་ཤེས་ཀྱི་མཁའ་འགྲོ་མ་བྱེ་བའི་དབུ་སྐྲ་ལས་གྲུབ་པ་སྤྱི་བོར་བཅིངས་པ་དེ་ནས་བརྩམས་བྱང་སེམས་བློ་གྲོས་རིན་ཆེན། གྲུབ་ཆེན་ས་ར་ཧ་པ། དཔལ་ལྡན་དུས་གསུམ་མཁྱེན་པ་སོགས་སྐུའི་སྐྱེ་བ་རིམ་བྱོན་ཐམས་ཅད་ཀྱི་དབུ་ལ་འབྲལ་མེད་དུ་བཞུགས་ཀྱང་། ལས་སྐལ་ལྡན་པ་རེ་རེ་ཙམ་ལས་མཇལ་བར་དཀའ་བས། འཇམ་དབྱངས་སྤྲུལ་པ་ཏཱ་མིང་གཡུང་ལོ་རྒྱལ་པོས་རྒྱལ་དབང་ཀརྨ་པ་ལྔ་པ་དེ་བཞིན་གཤེགས་པ་ལ་གསོལ་བ་བཏབ་ཏེ་ཉིད་ཀྱིས་མཇལ་ཚུལ་དང་མཐུན་པར་མཐོང་གྲོལ་ཞྭ་ནག་འཛམ་གླིང་གཡས་བཞག་ཏུ་གྲགས་པ་ཕུལ་བས་ཡེ་ཤེས་རང་སྣང་གི་ཅོད་པན་དང་དབྱེར་མེད་དུ་བྱིན་གྱིས་བརླབས་ཤིང་མཆོག་དམན་ཀུན་གྱི་སྤྱོད་ཡུལ་དུ་སྣང་བར་མཛད། དེའི་རྗེས་སུ་རྒྱལ་དབང་ཀརྨ་ཆེན་པོ་དང་དོན་གྱི་ཐུགས་རྒྱུད་དབྱེར་མེད། རྣམ་པའི་ཚུལ་དུ་འཕགས་བོད་ཀུན་ཏུ་སྐྱེ་བའི་ཕྲེང་བ་རིམ་བྱོན་ཉི་ཟླ་ལྟ་བུར་ཟུང་འབྲེལ་དུ་བསྟན་ནས་བསྟན་འགྲོའི་དོན་རླབས་པོ་ཆེ་མཛད་པ། དག་པའི་ཞིང་དུ་འོད་དཔག་མེད། སྤྱན་རས་གཟིགས། བྱམས་པ་མགོན། གསང་བའི་བདག་པོ་སོགས་སྟོན་འཁོར་དགོངས་པ་དབྱེར་མེད་རྣམས་ཞིང་འདིར་རྒྱལ་བ་གར་གྱི་དབང་པོ། བྱམས་མགོན་ཏཱའི་སི་ཏུ། གསང་བདག་རྒྱལ་ཚབ་གོང་མ་རྣམས་ལ་རྒྱལ་དབང་ཐམས་ཅད་མཁྱེན་པ་ན་རིམ་གྱི་གསང་གསུམ་ཕྲིན་ལས་དང་བཅས་པ་རྗེ་ཉིད་དང་

― MR07_Page_0769 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེར་མེད་པའི་དབང་རྟགས་སུ་མཐོང་གྲོལ་ཞྭ་དམར་སེར་གྱི་མདངས་ཅན་གཙུག་ཏུ་བཅིངས་ནས། རྒྱལ་སྲས་འདི་དག་རྒྱལ་དབང་ཉིད་ཀྱི་ཕྲིན་ལས་ཀྱི་འཁོར་ལོས་སྒྱུར་བ་ཆེན་པོར་ད་ལྟར་འཛམ་གླིང་ན་ཡོངས་སུ་གྲགས་པར་མངའ་གསོལ་བ་སྟེ། དེའང་ཞྭ་དམར་ནག་དབྱིབས་གཅིག་པ་ནི་ཡབ་སྲས་འདི་དག་དགོངས་པ་དང་ཡོན་ཏན་ལ་ཁྱད་པར་མེད་པ་དང་། ཁ་དོག་དང་བཀོད་པའི་ཁྱད་པར་ཅུང་ཟད་མི་འདྲ་བ་ནི་ཐབས་མཁས་ཀྱི་ཕྲིན་ལས་སོ་སོར་སྐྱོང་བའི་དོན་ཡིན་པས་ཞྭ་དམར་ནག་གང་མཇལ་ཡང་གྲོལ་བ་བཞི་ལྡན་གྱི་ཕན་ཡོན་ཁྱད་མེད་ཅིང་། ལྷག་པར་ཀུན་མཁྱེན་ཏཱའི་སི་ཏུ་འདི་ཉིད་དགའ་ལྡན་གྱི་གནས་སུ་བྱམས་པ་མགོན་པོའི་སྐུར་བཞུགས་པའི་ཚེ། དབུའི་ཐོར་ཚུགས་རིན་པོ་ཆེའི་མཆོད་སྡོང་གིས་བརྒྱན་པ་དེ་ཉིད་མཐོང་བ་དང་དྲན་པས་སྒྲིབ་གཉིས་སྦྱོང་ཞིང་བྱམས་ཆེན་སྣང་བྱེད་ཀྱི་ཏིང་ངེ་འཛིན་རྒྱུད་ལ་སྐྱེ་བར་མཛད་པ་དང་། པདྨ་འོད་ཀྱི་གཞལ་ཡས་ཁང་ཆེན་པོར་གུ་རུ་པདྨའི་སྐུར་སྟོན་པའི་ཚེ་རིགས་བདག་འོད་དཔག་མེད་མཚོན་པའི་པད་ཞུ་སྣང་སྲིད་ཟིལ་གནོན་ལ་སོགས་པ་རྟག་ཏུ་དབང་རྟགས་སུ་བཞེས་ནས། དབང་བཞིའི་བྱིན་བས་རྩོལ་མེད་དུ་འབེབས་པར་མཛད། གངས་ཅན་ལྗོངས་འདིར་བསྒྲུབ་བརྒྱུད་བསྟན་པའི་སྒྲོན་མེ་མཛད་པའི་ཚེ་གོང་སྨོས་ཅོད་པན་ཅན་དེ་དག་ཞྭ་དམར་སེར་མདངས་ཅན་གྱི་རྣམ་པར་བསྒྱུར་ནས་གྲོལ་བ་བཞི་ལྡན་གྱི་ཕྲིན་ལས་རྒྱ་ཆེན་པོ་མཛད་པ་ནི། འཁོར་ལོས་བསྒྱུར་བའི་རྒྱལ་པོ་རྣམས་ཀྱིས་

― MR07_Page_0770 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་གྱི་འཁོར་ལོར་རྩིབས་སྟོང་དང་འབྲེལ་བས་གླིང་བཞི་ལ་དབང་བསྒྱུར་བ་ལྟར་མཐོང་གྲོལ་དབུ་ཞྭ་རིན་པོ་ཆེ་འདི་དག་རྒྱལ་བ་ཡབ་སྲས་ཀྱི་དབུ་ལ་བཞེས་པ་མཇལ་བས་ཕན་ཡོན་ཁྱད་པར་ཅན་འབྱུང་བ་འདི་ཐུགས་བསྐྱེད་དང་ཕྲིན་ལས་ཀྱི་ཁྱད་པར། གྲུབ་ཆེན་ཀརྨ་པཀྴིའི་ཞལ་ནས་ཞྭ་དང་མི་རུ་འབྲེལ་བ་ན། གང་མཐོང་བ་ལ་ངན་སོང་མེད། ཅེས་གསུངས་པ་ལྟར་མཐོང་གྲོལ་དབུ་ཞྭ་རིན་པོ་ཆེ་མཐོང་ཞིང་ཐོས་པའི་སྐྱེ་བོ་ཐམས་ཅད་ལ་ཐར་པའི་ས་བོན་འཇོག་ཅིང་གནས་སྐབས་སུ་བདེ་ལེགས་ཀྱི་འབྲས་བུ་རྩོལ་བ་ཡིན་པས་ན་དེ་ལྟར་འདིར་ཚོགས་མཆོག་དམན་གྱི་ཐུགས་ལ་བཞག་ནས། མཐོང་གྲོལ་དབུ་ཞྭ་རིན་པོ་ཆེ་རྒྱལ་མཚན་གྱི་རྩེ་མོར་ཡིད་བཞིན་གྱི་ནོར་བུ་བསྒྲོན་པ་ལྟར་མཐོང་བའི་སྐལ་བ་ཐོབ་པའི་སྐབས་འདིར་བསོད་ནམས་དང་ཡེ་ཤེས་ཀྱི་ཚོགས་སྤེལ་བའི་སླད་དུ་སོ་སོའི་ནུས་སྟོབས་འབྱོར་པའི་ལྕོགས་ཚོད་ཀྱི་དགེ་རྩའི་ཁས་ལེན་རེ་ཡང་སྙན་ལམ་དུ་འབུལ་བར་ཞུ། འཇམ་མགོན་གུ་ཎའི་གསུངས་བཞིན་གཞིར་བཞག་ནས་ཅུང་ཟད་ཚིག་སྣ་སྤྲོ་བསྡུ་བྱས་པ་འདིའང་བློ་ལྡན་ཨ་ཚང་ནས་བསྐུལ་ངོར་དེ་འཕྲལ་མི་ཕམ་པས་སྤེལ་བ་དགེ། དགེའོ།། །།

དབྱངས་འཆར་དཔེ་རིས་ཟུར་འདེབས།

― MR07_Page_0771 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གཟིགས་དབྱངས་འཆར་ཆེན་མོ་ལས། སོ་ནམ་གཉའ་ཤིང་འཁོར་ལོ། སོ་ནམ་འཁོར་ལོ་ཡུམ་ཁྱོན་ཉོན། །ཐོང་གཤོལ་གཉའ་ཤིང་བཅས་པ་བྲི། །སུརྱ་འཁྱུད་པའི་སྐར་མ་དེ། །ལྕགས་ཀྱི་རྩེ་ལ་གཉིས་བཀོད་ཏེ། །ས་ཐོང་གསུམ་ཡིན་མི་ཐོང་གསུམ། །འཆང་ཟུང་དག་ལ་གཉིས་ཡིན་ཏེ། །གཤོལ་མདའ་བཅུ་ལ་གཉའ་ཤིང་བརྒྱད། །ཟླ་སྐར་ལྕགས་རྩེ་གཉིས་ལ་སོགས། །བཙའ་ཡིས་ཁྱེར་བར་ཐེ་ཚོམ་མེད། །ས་ཐོང་གསུམ་ལ་སོང་བ་ན། །ལོ་ལེགས་འབྱུང་སྟེ་སྲོག་ཆགས་སྡང་། །མི་ཐོང་འབྲུ་འཕེལ་ཤིན་ཏུ་ལེགས། །འཆང་ཟུང་ཆག་རུལ་ལོ་ནད་འབྱུང་། །གཤོལ་མདའ་བཅུ་ལ་བཏང་སྙོམས་བྱེད། །གཉའ་ཤིང་ལོ་ལེགས་དགྲ་ཡིས་འཇོམས། །འདི་ནི་སོ་ནམ་འཁོར་ལོའོ། ༈ །གཞན་ཡང་སོ་ནམ་འཁོར་ལོ་བཤད། །ཉི་མས་འཁྱུད་པའི་སྐར་མ་དེ། །ཏྲི་ཤུལ་དབུས་མའི་རྩེ་མོར་བཀོད། །དེ་ནས་རིམ་བཞིན་གཡས་སྐོར་བཀོད། །ཟླ་བ་རྩེ་མོའི་གུང་ལ་སོང་། །ལོ་ཐོག་རྒྱལ་པོ་རྣམ་པར་འཕེལ། །རྩ་བ་གསུམ་ལ་འབྲས་བུ་མེད། །བར་རྩིབས་བཞི་ལ་བཏང་སྙོམས་ཏེ། །ཡན་ལག་བཅུ་གཉིས་བདེ་ལེགས་བྱེད། །

― MR07_Page_0772 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པ་སོ་ནམ་འཁོར་ལོའོ། །འདི་ནི་ཁ་ཆེའི་མན་ངག་གོ །ཏྲི་ཤུལ་འཁོར་ལོ། ༈ གོས་ཀྱི་འཁོར་ལོ་བཤད་པར་བྱ། །གོས་ཀྱི་གཟུགས་ནི་ལེགས་བྲིས་ལ། །ཉི་སྐར་ནས་བརྩམས་གོང་བར་བདུན། །ཕུ་དུང་གཡས་གསུམ་གཡོན་ལ་གསུམ། །དེ་བཞིན་གོས་ཀྱི་རྒྱབ་ལ་བདུན། །མདུན་གཤམ་གཡས་དང་གཡོན་ལ་རེ། །གོས་ཀྱི་ཆ་གར་སྐར་མ་དྲུག །ཟླ་སྐར་གོང་བར་སོང་བ་ན། །གོང་མ་རྗེས་འཛིན་གོས་མང་ཐོབ། །ཕུ་དུང་གཡས་སོང་བཟའ་བཏུང་ཐོབ། །གཡོན་སོང་ཁ་སྨྲས་གྲི་མཚོན་འཁོར། །མདུན་གཤམ་གཡས་པར་ལོངས་སྤྱོད་གཏེར། །གཡོན་པར་དབུལ་འཕོངས་སྡུག་བསྔལ་བྱེད། །ཆ་གར་མ་ཟད་བར་དུ་ནི། །མྱ་ངན་བྲེལ་འཕོངས་བྱེས་སུ་འཁྱམས། །གོས་གསར་བཟོ་གྱོན་རྣམས་ཀྱི་དོན། །རྒྱལ་པོ་སོགས་ཀྱིས་བརྩི་བར་བྱ། །གཞན་དུ་མ་བཤད་རི་སྲས་མོ། །མངྒ་ལཾ། སྨན་དཔྱད་འཁོར་ལོ་ཡུམ་ཁྱོད་

― MR07_Page_0773 ―

^{[མ་དཔེ་གཟིགས་ན་འདིར་གནོན།]}

[Full Size]

ཉོན། །སྨན་པ་སྨན་ཐུར་སྨན་ཕོར་དང་། །ནད་པའི་གཟུགས་ནི་ལེགས་བྲིས་ལ། །ཉི་སྐར་ནས་བརྩམས་སྨན་ཕོར་བདུན། །སྨན་ཐུར་བདུན་ལ་སྨན་ཕོར་བདུན། །ནད་པ་དག་ལ་བདུན་བྲིས་ཏེ། །ཟླ་བའི་སྐར་མ་གར་གནས་བརྟགས། །སྨན་པ་དག་ལ་སོང་བ་ན། །ནད་གཞི་ཆེ་ཞིང་སྨན་པ་དེ། །ཡུན་རིང་བརྟེན་པར་བཤད་པ་ཡིན། །སྨན་ཐུར་བདུན་ལ་སོང་བ་ན། །ནད་ནི་རིམ་གྱིས་འཚོ་བར་བཤད། །སྨན་ཕོར་ལ་ནི་ཟླ་སྐར་སོང་། །སྨན་ནི་བདུད་རྩིར་འགྱུར་བ་སྟེ། །བསམ་པའི་དོན་འགྲུབ་མྱུར་བར་དྭངས། །ནད་ལས་གྲོལ་གྱུར་ཡིད་འདྲེན་མ། །ནད་པའི་བདུན་ལ་ཟླ་སྐར་སོང་། །སྨན་ནི་དུག་ཏུ་འགྱུར་བར་བཤད། །ནད་མེད་ནད་འབྱུང་ནད་ཅན་འཆི། །ཤིན་ཏུ་ངན་པར་བཤད་པ་ཡིན། །ནད་པ་དག་གི་དོན་ཆེད་དུ། །མཚན་མ་མཁན་པོས་བརྩི་བར་བྱ། །འདི་ནི་སྨན་དཔྱད་འཁོར་ལོ་སྟེ། །གཞན་དུ་མ་བཤད་གངས་རིའི་བདག །མངྒ་ལཾ། །གཞན་ཡང་སྲང་གི་འཁོར་ལོ་ཉོན། །སུརྱ་ཡིས་ནི་འཁྱུད་པ་ནས། །བརྩིས་སྟེ་སྲང་མདའ་དག་

― MR07_Page_0774 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བདུན། །སྲང་རྡོ་བདུན་ལ་སྲང་ཐག་བདུན། །སྲང་མཐིལ་བདུན་ལ་ལྷས་མཆོད་མ། །བུ་རམ་མར་སོགས་འདེགས་པའི་དུས། །ཟླ་སྐར་སྲང་མདའ་བདུན་ལ་སོང་། །ཚུར་ལེན་བཟང་ཏེ་ཕར་འཇལ་ངན། །སྲང་རྡོ་བདུན་ལ་གཉིས་ཀ་འབྲིང་། །སྲང་ཐག་བདུན་ལ་སོང་བ་ན། །འཇལ་ལེན་གཉིས་ཀ་ཤིན་ཏུ་བཟང་། །སྲང་མཐིལ་བདུན་ལ་ཟླ་སྐར་སོང་། །ལེན་པ་འབྲིང་ཡིན་འཇལ་བ་བཟང་། །འདི་ནི་བྲེ་སྲང་འཁོར་ལོ་སྟེ། །ནས་འཇལ་མར་ཐུད་འདེགས་སོགས་ལ། །དུས་ཀྱི་འཁོར་ལོའི་སྦྱོར་བ་ཤེས། །མཁས་པ་དག་གིས་བརྩིས་ལ་སྨྲ། །བྲེ་སྲང་འཁོར་ལོ་འདི་ལྟ་བུ། །དཀར་མོ་ས་སྟེང་དག་ན་དཀོན། །གཞན་དུ་མ་བཤད་གངས་རིའི་བདག། །བྲེ་ཡི་འཁོར་ལོ་བཙུན་མོ་ཉོན། །འབྲུ་སོགས་འཇལ་ལེན་བྱེད་པ་བཟང་། །རི་ཤྲི་ཀ་ཡིས་འཁྱུད་པ་ནས། །བྲེ་ཡི་ཁ་ལ་སྐར་མ་བདུན། །ཕྱི་ལ་བདུན་དང་ནང་དུ་བདུན། །བྲེ་ཞབས་དག་ལ་བདུན་བྲིས་ཏེ། །ཟླ་སྐར་བྲེ་ཡི་ཁ་ལ་སོང་། །ཤིན་ཏུ་བཟང་སྟེ་འབྲུ་མང་འདུ། །ཕྱི་ལ་ཟླ་སྐར་སོང་བ་ན། །འབྲུ་ནི་འདུ་བར་མི་འགྱུར་རོ། །གལ་

― MR07_Page_0775 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་འདུས་ན་དབང་ཕྱུག་ལ། །དགྲའམ་ཁ་སྨྲས་མེད་དུ་འཆོར། །ནང་གི་སྐར་མར་སོང་བ་ན། །འབྲུ་མང་བཀྲ་ཤིས་བསམ་པ་འགྲུབ། །བྲེ་ཞབས་བདུན་ལ་ཟླ་སྐར་སོང་། །འབྲུ་བསྡུད་བཏང་སྙོམས་ཅན་དུ་འགྱུར། །དེ་ནི་བྲེ་ཡི་འཁོར་ལོ་ཡིན། །ནས་སོགས་ནང་བསྡུད་ཕྱི་ནས་ལེན། །དེ་ཚེ་མཁས་པས་བརྩི་བར་བྱ། །དགེའོ། །མངྒ་ལཾ། །

དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་པོ་ཤེལ་གྱི་མེ་ལོང་།

― MR07_Page_0777 ―

^{[མ་དཔེ་གཟིགས་ན་འདིར་གནོན།]}

[Full Size]

སྭརོདདཡམཧཱསྥཊིཀཱདརྴནཱམཀྲཱབིཡུདྡྷབིཛཡཏནྟྲཱནྭརྠསུཥྵུཔྲཀཊཝཱཀྐབྱཱུཧཱབགཏབིཛཧརཾཏིསྨ། །
དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་པོ་ཤེལ་གྱི་མེ་ལོང་ཞེས་བྱ་བ་བཞུགས་སོ། །

― MR07_Page_0778 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི། ཕྱོགས་དུས་ཤེས་བྱའི་རྣམ་པ་མ་ལུས་ཀུན། །མ་འདྲེས་སྒྲིབ་མེད་གཟིགས་པའི་སྤྱན་མངའ་བས། །མི་འཇིགས་རྣམ་བཞི་སེང་གེའི་སྒྲ་ཆེན་པོ། །སྒྲོག་མཛད་ཤཱཀྱ་སེང་གེ་དེ་ལ་འདུད། །ཀུན་རྟོག་འཕོ་བ་བྲལ་བའི་ཡེ་ཤེས་སྐུ། །མཁའ་ཁྱབ་ནམ་མཁའི་རྡོ་རྗེར་རྟག་བཞུགས་པ། །སྲིད་དང་ཞི་བའི་ཁྱབ་བདག་གདོད་མའི་མགོན། །དཔལ་ལྡན་དུས་ཀྱི་འཁོར་ལོར་ཕྱག་འཚལ་ལོ། །སྐྱེ་མེད་རྟག་པ་སེམས་ཀྱི་རྡོ་རྗེ་ཚེ་དང་ཡེ་ཤེས་འོད་མཐའ་ཡས། །འགག་མེད་རླུང་སྔགས་མི་ཤིགས་

― MR07_Page_0779 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་སྲིད་གསུམ་དགྲ་ལས་རྣམ་རྒྱལ་མ། །འཆི་མེད་འོད་ལུས་རྡོ་རྗེའི་རང་བཞིན་རྗེ་བཙུན་ཡིད་བཞིན་འཁོར་ལོའི་ཞབས། །དབྱེར་མེད་མི་ཕྱེད་བདེ་ཆེན་རྡོ་རྗེ་གཉུག་མའི་སེམས་ཀྱི་གཤིས་སུ་རྒྱལ། །དམར་སེར་འཆར་ཀའི་འོད་བཟང་སྟོང་འབར་མཚན་དཔེའི་གཟི་ཡིས་ཕྱོགས་རྣམས་མུན་པའི་གོ་འཕྲོག་ཅིང་། །མཁའ་ལྟར་སྔོ་བ་ཡེ་ཤེས་རལ་གྲིས་ཉམ་ང་བདུད་བཞིའི་གཡུལ་ཆེན་མཐའ་དག་རྩད་ནས་བརླག །ཨུཏྤལ་གཞོན་ནུའི་གེ་སར་ལ་གནས་གླེགས་བམ་ཉིད་ལས་མི་ཟད་སྤོབས་བའི་གཏེར་ཆེན་སྦྱིན། །ལྷག་པའི་ལྷ་མཆོག་འཇམ་

― MR07_Page_0780 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྡོ་རྗེས་དེང་ནས་བྱང་ཆུབ་བར་དུ་ཕུན་ཚོགས་དགེ་ལེགས་སྩོལ། །བདེ་སྟོང་རྡོ་རྗེའི་ཐུགས་ནི་མི་གཡོ་ནམ་མཁའ་བཞིན་དུ་བྲི་གང་བྲལ་ཞིང་མཁྱེན་བརྩེའི་ཕ་མཐའ་མི་མངོན་པ། །གྲགས་སྟོང་འགགས་མེད་གསུང་ནི་མི་གཡོ་བྲག་ཆ་བཞིན་དུ་གནས་པ་བྲལ་ཡང་སྲིད་དང་ཞི་བའི་ཁམས་སུ་ཁྱབ། །སྣང་སྟོང་འགྱུར་མེད་སྐུ་ནི་མི་གཡོ་ཆུ་ཟླ་བཞིན་དུ་ཐོགས་རེག་བྲལ་ཡང་ཕྱོགས་དུས་ཤེས་བྱའི་ཁྱོན་ཀུན་གཏམས། །རིག་སྟོང་དཔའ་བོ་ཆེན་པོ་མི་གཡོ་མགོན་པོ་ཞེས་གྲགས་བདུད་བཞིའི་གཡུལ་ལས་རྒྱལ་དེས་འདིར་ནི་རྟག་ཏུ་སྲུངས། །རྡོ་རྗེ་ཆགས་པའི་ཐུགས་ལྡན་མ་ལུས་རྒྱལ་བ་ཀུན་གྱི་སོ་སོར་རྟོག་པའི་ཡེ་ཤེས་རང་མདངས་ནི། །ཡིད་འཕྲོག་ལྷ་མོའི་གཟུགས་སུ་རོལ་ཞིང་ཐབས་ཤེས་ཨུཏྤལ་མདའ་གཞུས་སྲིད་དང་ཞི་བའི་དྭངས་བཅུད་ཀུན། །ཁབ་ལེན་རྡོ་ཡིས་ལྕགས་བཞིན་འགུགས་ལ་ཐོགས་མེད་དབང་གི་མཐུ་ལྡན་བདེ་སྟོང་རྡོ་རྗེ་གང་གི་སྐུ། །དྲན་པའི་མོད་ལ་དངོས་གྲུབ་གཉིས་ཀྱི་སྤྲིན་ཆེན་དཀྲིགས་མཛད་རིག་བྱེད་དབང་མོས་ཀུན་ནས་ཤིས་པ་སྩོལ། །རབ་འབྱམས་

― MR07_Page_0781 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་དུས་རྒྱལ་བའི་ཐུགས་རྗེ་ཀུན། །བདེ་གཤེགས་ཚེ་མཐའ་ཡས་པའི་ཐུགས་དབྱིངས་སུ། །ཡོངས་བསྡུས་སིནྡྷུའི་དྭངས་མཚོར་སྤྲུལ་པའི་སྐུ། །འཆི་མེད་རིག་འཛིན་པདྨས་འགྲོ་འདི་སྐྱོངས། །སྲིད་གསུམ་བརྟན་དང་གཡོ་བའི་དཔལ་འབྱོར་ལ། །རང་གིར་བགྱིད་པའི་ཟུར་མིག་འཆར་ཀའི་འོད། །དཀར་མོའི་ཞལ་གྱི་ཆུ་སྐྱེས་ལ་ཆགས་པ། །བདེ་འབྱུང་དཔལ་གྱི་འཁྲི་ཤིང་ཁྱོད་ལ་མོས། །དཔའ་བོའི་ཞལ་བཟང་བཞད་པའི་གེ་སར་ལས། །གཙུག་ལག་སྦྲང་རྩིའི་རྒྱུན་ཆེན་སྐུལ་མཛད་མ། །ཕན་བདེའི་སྣང་བ་གསལ་བའི་འཛུམ་དཀར་ཅན། །མཛེས་ལྡན་ཨུ་མས་དགེ་མཚན་ཆར་དུ་སྙིལ། །བཅུ་གཉིས་ཁྱིམ་གྱི་སྐྱེད་ཚལ་ཡངས་པོ་རུ། །རྒྱུ་སྐར་ལྷ་མོའི་མེ་ཏོག་འཛུམ་པ་ལ། །མངོན་དགས་རོལ་པ་གཟའ་མཆོག་དཔའ་བོའི་གར། །ཐབས་ཤེས་རྟེན་འབྲེལ་ཕྱག་རྒྱའི་དཀྱིལ་འཁོར་རྒྱལ། །ཤེས་རབ་རིན་གློ་བོ་ལོ་ཙཱ་བ་ཆེན་ནོར་བུའི་སྣང་བ་ཡིས། །གངས་ལྗོངས་རྩིས་ཀྱི་ལེགས་ལམ་གསལ་མཛད་ནས། །ཡོངས་

― MR07_Page_0782 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་མཁས་པའི་དབང་པོ་རྣམས་ཀྱི་བར། །བརྒྱུད་མར་བྱོན་པའི་བཤེས་གཉེན་ཚོགས་ཀུན་བསྔགས། །ཐོགས་མེད་ཕྲིན་ལས་རྣམ་བཞིའི་འཁོར་ལོ་ཡིས། །ཡངས་པའི་ས་ཆེན་འདོད་དགུར་དབང་བསྒྱུར་ཅིང་། །ཐུབ་བསྟན་ཆོས་ཀྱི་རྔ་ཆེན་ལེགས་བརྡུངས་པ། །ངག་གི་དབང་ཕྱུག་བློ་བཟང་རྒྱ་མཚོར་འདུད། །འཇམ་པའི་དབྱངས་ཀྱི་མཁྱེན་དང་བརྩེ་བའི་དངོས། །ངུར་སྨྲིག་འཛིན་པའི་དབང་པོར་ཡོངས་ཤར་བ། །ཐུབ་བསྟན་ཡོངས་སུ་རྫོགས་པའི་མངའ་བདག་ཆེ། །གཙུག་ལག་སྨྲ་བའི་ཉི་མ་སྲིད་ན་རྒྱལ། །འདི་ན་རྙེད་པར་དཀའ་བའི་རིན་ཆེན་ནི། །ཤིན་ཏུ་གསང་བ་ཆེན་པོའི་མན་ངག་གང་། །གཡུལ་ལས་རྣམ་པར་རྒྱལ་བ་དབྱངས་འཆར་རྒྱུད། །འདི་འདྲའི་ཚུལ་ལ་བདག་ཅག་རིང་ནས་མོས། །སྔ་ཕྱི་ཀུན་ཏུ་མཐོང་བའི་མིག་བགྲད་ནས། །རྒོལ་ངན་གླང་པོ་སྟོང་གི་སྟོབས་འཇོམས་ཤིང་། །རང་གི་འདོད་དགུ་བསྒྲུབས་ལ་རྩལ་ལྡན་པ། །རྩིས་རིག་འདི་འཛིན་མི་ཡི་སེང་གེ་ཡིན། །འདི་འདྲའི་རྟེན་འབྲེལ་ཟབ་མོའི་འཁྲུལ་འཁོར་

― MR07_Page_0783 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །བརྟེན་པའི་མན་ངག་རྙེད་པའི་སྐལ་བཟང་དེས། །ཕུན་ཚོགས་ཡིད་བཞིན་འགྲུབ་པའི་རྩེད་འཇོ་ཡིས། །སྲིད་གསུམ་ཆེ་དགུའི་ཅོད་པན་ཁྲི་ལ་འགྱིང་། །དེང་དུས་གཡུལ་ལས་རྒྱལ་བའི་གཙུག་ལག་རྒྱུད། །རྒྱ་མཚོའི་གཏིང་དུ་བྱིངས་པའི་ནོར་བུ་བཞིན། །མིང་ཙམ་ཕྱོགས་ཀྱི་བུ་མོའི་རྣ་རྒྱན་ལ། །ཡང་ཡང་གྲགས་ཀྱང་ལག་ལེན་ངོ་མཚར་གཟུགས། །ཇི་བཞིན་སྟོན་པ་གངས་ཅན་འདི་ན་ཡང་། །ཉིན་མོའི་སྐར་མ་ལས་ཀྱང་ཆེས་དཀོན་པར། །མཐོང་ནས་ཐབས་ཚུལ་རིགས་པ་སྣ་ཚོགས་ཀྱིས། །ཁྱབ་འཇུག་དཔའ་བོའི་བརྟུལ་ཞུགས་བདག་གིས་བཟུང་། །དེ་ཚེ་ལྷ་བརྒྱའི་ཅོད་པན་ནོར་བུ་ཡིས། །གང་གི་ཞབས་ཀྱི་ཆུ་སྐྱེས་རྟག་མཆོད་པ། །བདེ་འབྱུང་ཡབ་ཡུམ་དུས་ལྷའི་ཚོགས་བཅས་ཀྱི། །དགྱེས་ཞལ་ཟླ་བའི་ངང་ཚུལ་བསྟན་ནམ་སྙམ། །འཐོར་བའི་དོན་བསྡུས་ཉུང་ངུའི་ངག་གིས་བསྟན། །ཟབ་མོའི་གནད་བཀྲོལ་རབ་གསལ་ཚིག་གིས་བརྗོད། །མང་པོའི་བཅུད་དྲིལ་དགོས་དོན་

― MR07_Page_0784 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དག་རྫོགས། །ལེགས་བཤད་ཤེལ་གྱི་མེ་ལོང་འདི་ན་ངོམ། །རྒྱུད་དོན་རྒྱ་མཚོའི་གཏིང་མཐའ་དཔག་ཡས་ཤིང་། །གབ་དང་སྦས་པའི་རྦ་ཀློང་བརྒལ་དཀའ་བས། །གངས་ཅན་དབྱངས་འཆར་སྨྲ་བའི་དོན་མཐུན་བརྒྱ། །ཟབ་དོན་ནོར་བུའི་གླིང་ལ་རྒྱབ་ཀྱིས་ཕྱོགས། །སྔོན་གྱི་ལས་འཕྲོ་བཟང་པོའི་འཕེན་པ་དང་། །བླ་མ་མཆོག་དང་ལྷག་པའི་ལྷ་ཡི་མཐུས། །ཇི་བཞིན་ངེས་པ་རྙེད་པའི་གཞུང་བཟང་འདི། །སྐལ་བཟང་སྐྱེ་བོའི་ཡིད་རྟོན་གནས་སུ་རུང་། །རྒྱུད་དོན་ནོར་བུ་རྒྱས་པའི་གཞལ་མེད་ཁང་། །འདི་ཡིན་འདི་དང་སུ་འཕྲད་སྐལ་བ་བཟང་། །འདི་ལ་གནས་ནས་ཟབ་དོན་མན་ངག་ཚོགས། །མཛོད་མིག་བརྒྱ་ཕྲག་འབྱེད་པའི་ལྡེའུ་མིག་ནི། །སྙིང་ལ་སྦས་ཤིང་སུས་ཀྱང་མི་མཐོང་བ། །བཀུར་སྟི་གསུམ་གྱིས་མཉེས་པ་ལྷུར་བྱེད་ལ། །ལྗགས་ལས་བཀྲམ་སྟེ་རྣ་བའི་ལམ་ནས་ནི། །སྙིང་གི་བདུད་རྩིར་གྱུར་པས་དོན་ཀུན་འགྲུབ། །དེ་ཡང་རྒྱུད་དོན་ཁོང་ཆུད་ཅིང་། །བློ་དང་མན་ངག་དད་བརྩོན་ལྡན། །དམ་

― MR07_Page_0785 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་དག་པའི་ཡེ་མཁྱེན་དེས། །གནས་དུས་དགེ་བར་གྱུར་པ་རུ། །མཚན་ཉིད་ཚང་བའི་འདྲི་བྱེད་ཀྱིས། །ཡོན་ཕུལ་མཉེས་པར་བྱས་ནས་སུ། །གསང་ཆེན་རྒྱུད་ལས་བསྟན་པ་ཡི། །བླང་དོར་རྣམ་པ་མ་ལུས་དྲི། །ཐམས་ཅད་མཁྱེན་པའི་སྐྱེ་བོས་ཀྱང་། །རྟོག་མེད་དགའ་བས་འདིར་ཞུགས་ན། །བཤད་པའི་འཁོར་ལོས་འདྲི་བྱེད་ལ། །འབྲས་བུ་འཕྲལ་དུ་མཐོང་བར་གསུངས། །དེ་ཚེ་རང་དང་ཕོ་ཉ་དང་། །ཉེ་འཁོར་མཐོང་དང་ཐོས་པའི་སར། །དགེ་དང་མི་དགེའི་ལྟས་ཀྱི་ཚོགས། །རྒྱུད་འདི་དང་ནི་རྒྱུད་གཞན་བཞིན། །ལེགས་པར་བརྟགས་ལ་ཤེས་པར་བྱ། །འདིར་ནི་རང་གཞན་དགོས་པའི་དོན། །གནས་སྐབས་བྱ་བ་ཐམས་ཅད་དང་། །དུས་སུ་དགེ་དང་མི་དགེའི་ཚུལ། །འབྲས་རྩིས་འདོད་འབྱུང་ལྗོན་པས་བརྟག །འཕྲལ་གྱི་བླང་དོར་ཕྲ་མོ་དང་། །བྱིས་པ་མགུ་བར་བྱ་བའི་ཕྱིར། །རྩིས་ཕྲན་མེ་ཏོག་གཞོན་ནུ་ཡི། །ཕྲེང་བ་དག་ཀྱང་མགུལ་པར་བརྒྱན། །དུས་གསུམ་དགོས་དོན་བླང་དོར་རིགས། །མ་ལུས་ཐམས་

― MR07_Page_0786 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་གསལ་བ་ནི། །དུམ་བུ་དྲུག་པའི་དུས་སྦྱོར་གྱི། །མིག་བཟང་རིན་ཆེན་བགྲད་དེ་བལྟ། །གཞན་གྱི་ཕྱོགས་ནི་གཞོམ་བྱས་ནས། །དགྲ་ལས་རྣམ་པར་རྒྱལ་བ་ཡི། །རྩིས་རིག་འབར་བའི་རྡོ་རྗེ་གང་། །བློ་གྲོས་ལག་ཏུ་རྣམ་པར་ཐོགས། །ཡུལ་དང་དུས་ཀྱི་སྐྱེ་རྒུའི་ཚོགས། །སོ་སོའི་བདེ་དོགས་ལུང་སྟོན་པ། །རིན་ཆེན་སྒྲོན་མེའི་སྣང་བ་དང་། །འགྲོགས་ཏེ་དགོས་པ་བསྒྲུབ་པར་བྱ། །ཞི་དང་རྒྱས་དང་དྲག་པོ་དབང་། །རྣམ་མང་ལས་ཀྱི་འཁྲུལ་འཁོར་དང་། །རྟེན་འབྲེལ་དུས་ཀྱི་གནད་བསྟུན་པས། །ཇི་ལྟར་བསྒྲུབ་པའི་འབྲས་བུ་སྨིན། །འདི་འདྲའི་རྟེན་འབྲེལ་ཟབ་མོ་ཡི། །མཁྱུད་དཔྱད་གསང་བའི་མན་ངག་ནི། །དོན་ཆེན་བདེ་བླག་འགྲུབ་པ་ཡི། །ཐབས་ཟབ་བླ་ན་མེད་པ་ཡིན། །རིན་ཆེན་ལས་ལ་མ་སྦྱར་བ། །ཕལ་པ་རྣམས་དང་ཁྱད་པར་ཅི། །མན་ངག་ལག་ཏུ་མ་བླངས་བར། །མན་ངག་ནུས་པ་ཇི་ལྟར་དཔོགས། །ནུས་པ་ཤིན་ཏུ་ལྐོག་གྱུར་གྱི། །མན་ངག་དེ་ལ་འཇུག་པའི་ཐབས། །བླ་མ་དམ་པའི་ཞལ་གྱི་ནི། །རིན་ཆེན་ཟ་མ་ཏོག་ལ་

― MR07_Page_0787 ―

^{[མ་དཔེ་གཟིགས་ན་འདིར་གནོན།]}

[Full Size]

གནས། །དེ་ལྟར་གནས་སྐབས་རྣམ་པ་ལྔའི། །དང་པོ་སྐྱེ་རྒུའི་ལས་བྱ་བ། །ལེགས་ཉེས་སྣ་ཚོགས་སྟོན་པ་ཡི། །འབྲས་རྩིས་ཀྱི་ནི་རིམ་པ་ལ། །སྤྱིར་ནི་ལོ་ཟླ་ཞག་དུས་དང་། །སྤར་སྨེ་གཟའ་སྐར་འབྱུང་བའི་ཁམས། །དུས་ཀྱི་སྦྱོར་བ་ལ་སོགས་པའི། །རྩིས་དང་དམིགས་གསལ་བླང་དོར་གནས། །རྒྱ་ཆེ་མཐའ་ཡས་མཆིས་གྱུར་པ། །སྐར་ནག་རྩིས་དང་མདོ་རྒྱུད་དང་། །བསྟན་བཅོས་དྲང་སྲོང་གིས་ཀྱང་བཤད། །དེ་ཚུལ་མཐའ་དག་དཀྱུས་གཅིག་ཏུ། །བསྟན་པར་ནུས་པ་མ་ཡིན་ཀྱང་། །བླང་དང་དོར་བྱའི་རྟེན་འབྲེལ་ལ། །གཙོ་ཆེར་མེད་དུ་མི་རུང་བ། །དབྱངས་འཆར་རྒྱུད་ལས་བཤད་པ་རྣམས། །འདིར་ནི་རྣམ་པར་ཕྱེ་སྟེ་བསྟན། །དེ་ལ་ལས་གང་བསྒྲུབས་ཀྱང་རུང་། །གཟའ་ཚེས་སྐར་སྦྱོར་ལ་སོགས་པའི། །ནུས་པ་ཀུན་བསྒྱུར་དུས་སྦྱོར་ཏེ། །ཁྱིམ་དང་གཟའ་ཡི་སྤང་བླང་རྣམས། །རྒྱས་པར་གཞན་ལས་ཤེས་པར་བྱ། །དེ་ནས་ལམ་ལྔའི་རླུང་རྩིས་བཤད། །ལས་ལ་སྤྱོད་དམ་དྲི་བ་ཡི། །

― MR07_Page_0788 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གཞན་བདེ་དོགས་རྣམས་གྲངས་ནི། །ནད་པས་སྨན་འཐུང་ཇི་བཞིན་དུ། །འཕྲལ་དུ་མྱོང་བར་བསླུ་བ་མེད། །སྐྱེ་བུ་དར་མ་ཁམས་སྙོམས་པའི། །འབྱུང་འཇུག་གནས་གསུམ་གཅིག་བརྩིས་པ། །ཉིན་ཞག་གཅིག་གི་ཆ་ལ་དབུགས། །ཉི་ཁྲི་ཆིག་སྟོང་དྲུག་བརྒྱ་རྒྱུ། །དབུགས་དྲུག་ཡུན་ལ་ཆུ་སྲང་ཟེར། །ཆུ་སྲང་དྲུག་ཅུ་དབྱུག་གུའོ། །ཞག་རེར་འཕོ་ཆེན་བཅུ་གཉིས་ཏེ། །ཐུན་ནི་བརྒྱད་དུ་རྣམ་པར་གྲགས། །གཡས་དང་གཡོན་པའི་ལམ་ལྔ་ལས། །དཀྱིལ་འཁོར་ལྔ་ནི་རྣམ་པར་རྒྱུ། །གཡས་ནས་ས་སོགས་སྡུད་རིམ་དང་། །གཡོན་ནས་མཁའ་སོགས་བསྐྱེད་རིམ་འཆར། །དེ་ལ་འཕོ་ཆེན་རེའི་ཡུན་ལ། །དབུགས་གྲངས་མཁའ་མཁའ་ཀླུ་གཟུགས་ཡོད། །འཕོ་ཆེན་རེ་རེའི་ནང་གསེས་སུ། །ལྔ་ལྔར་ཕྱེ་བ་འཕོ་ཆུང་སྟེ། །དེ་དག་རེ་རེའི་ཡུན་ལ་ནི། །དབུགས་གྲངས་སུམ་བརྒྱ་དྲུག་ཅུ་ཡོད། །འཕོ་ཆུང་རེ་རེའི་མཐའ་མ་རུ། །དབུགས་ནི་བཅུ་གཅིག་དག་དང་ནི། །དབུགས་གཅིག་གི་ནི་བཞི་ཆ་རུ། །ཡེ་ཤེས་ཀྱི་ནི་རླུང་རྒྱུ་བས། །འཕོ་

― MR07_Page_0789 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་རེ་ལ་ཡེ་རླུང་ནི། །ང་དྲུག་དང་ནི་བཞི་ཆ་གཅིག །ཞག་གཅིག་ཡེ་རླུང་རྒྱུ་བ་ཀུན། །བསྡོམས་ན་དབུགས་གྲངས་དྲུག་བརྒྱ་དང་། །བདུན་ཅུ་རྩ་ལྔ་ཁོ་ནར་འགྱུར། །ལས་རླུང་རོ་རྐྱང་ནས་རྒྱུ་སྟེ། །ཡེ་རླུང་དབུ་མ་ནས་འབབས་སོ། །གཡས་རྒྱུ་རོ་མ་ཉི་མའི་རླུང་། །གཡོན་རྒྱུ་རྐྱང་མ་ཟླ་བའི་རླུང་། །དབུ་མ་ནས་རྒྱུ་སྒྲ་གཅན་དང་། །མཉམ་པའི་རླུང་དུ་བཤད་པ་ཡིན། །དེ་ནས་འཕོ་ཆུང་རེ་རེ་ལ། །ཡེ་རླུང་འཕྲི་བས་དབུགས་གྲངས་ནི། །སུམ་བརྒྱ་བཞི་བཅུ་རྩ་བརྒྱད་དང་། །དབུགས་གཅིག་གི་ནི་བཞི་ཆ་ཡི། །རྐང་པ་གསུམ་ལ་རྣམ་པར་རྒྱུ། །དེ་བཞིན་བརྩིའོ་ཞག་གཅིག་ལ། །ལས་རླུང་ཉི་ཁྲི་དགུ་བརྒྱ་དང་། །ཉེར་ལྔར་རྒྱུའོ་ཡེ་ཤེས་རླུང་། །དྲུག་བརྒྱ་དོན་ལྔ་བསྡོམས་པ་ཡིས། །ཉི་ཁྲི་ཆིག་སྟོང་དྲུག་བརྒྱའི་དབུགས། །ཆུ་ཚོད་སར་བསྒྲིལ་དྲུག་ཅུ་ནི། །ཉིན་ཞག་དུས་ཀྱི་ལོངས་སྤྱོད་དོ། །དེ་ཡང་ཀུན་གཞི་ལས་འཕྲོས་པ། །ལུས་ཆགས་གནས་པའི་རྩ་བ་ནི། །སྲོག་རླུང་ཨ་ཡི་རྣམ་པ་ཅན། །དེ་ལས་རྩ་བ་ཡན་ལག་རླུང་། །

― MR07_Page_0790 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་སྤྲོས་ལུས་སེམས་རྣམ་རྟོག་གྲུབ། །གནས་ནི་དབུ་མའི་ལམ་གནས་ཏེ། །རྣམ་པར་ཤེས་པ་བསྐྱེད་ཅིང་གནས། །དེ་ཡི་ཆ་ལས་སྣ་བུག་ཏུ། །རྒྱུ་བའི་ཡེ་ཤེས་ཀྱི་ རླུང་གིས་སྐྱེ་རྒུའི་སྲོག །རིམ་པས་ཟད་ནས་འདོར་བར་བྱེད། །སྲོག་རླུང་འཆི་བའི་ཚེ་ན་ནི། །གནས་ལས་ཐོན་ཏེ་སེམས་ལ་ཐིམ། །ལུས་དང་འདི་ཡི་སྣང་བ་འགགས། །ཡེ་རླུང་ཕྱིར་ཤོར་འཆི་ལྟས་སྐྱེད། །མདོར་ན་ཉིན་ཞག་གཅིག་གི་ནི། །སོ་གཉིས་ཆ་ཡི་རླུང་རྒྱུ་བས། །ཞེས་ཉིན་ཞག་གི་ཆ་སོ་གཉིས་སུ་བགོས་པས་ཆ་རེ་ལ་ཡེ་རླུང་རྒྱུ་སྟེ། འདི་ལྟར་ཞག་གཅིག་གི་རླུང་༢༡༦༠༠ལ ༣༢ བགོས་པས་༦༧༥ འབྱུང་། ལྷག་མེད་དོ། །དེའི་དབང་གི་ཟླ་བཤོལ་འོང་ངོ་། །དམན་པ་རྣམས་ལ་འཆི་སྟེར་ཞིང་། །རྣལ་འབྱོར་པ་ལ་མཆོག་སྟེར་འགྱུར། །ཡེ་རླུང་དེ་བུམ་ཅན་གྱིས་སྦྱོར་བས་འཆིང་བ་དང་། རླུང་གི་གནད་ལ་རྣལ་འབྱོར་དུ་བྱས་པས་འཆི་བ་བསླུ། རྒུད་པ་གསོ། མཆོག་ཐུན་མོང་གི་དངོས་གྲུབ་འགྲུབ་པས་ན། སྤྱན་རས་གཟིགས་དང་སྒྲོལ་མས་ཕྱི་ནང་ཐུན་མོང་གི་ངོར། དབང་ཕྱུག་དང་ཨུ་མའི་རྣམ་པར་བཞེངས་ཏེ་རྒྱུད་འདི་གསུངས་པའོ། །ཉི་མ་ཟླ་བའི་ལམ་གཉིས་པོ། །

― MR07_Page_0791 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷོ་དང་བྱང་གི་བགྲོད་པར་བཤད། །གཡོན་རྒྱུ་དེ་ཚེ་རིམ་པ་ལྟར། །དབུས་ནས་ནམ་མཁའི་རླུང་འབབ་སྟེ། །དེ་ནི་ལུག་གི་ཁྱིམ་དུ་གྲགས། །སྟེང་ནས་མེ་ཡི་རླུང་རྒྱུ་བ། །དེ་ནི་གླང་ཁྱིམ་འོག་ནས་ནི། །ཆུ་རླུང་དེ་དག་ཉ་རུ་བཤད། །ཀ་བ་ཞེས་པའི་སྣ་བུག་གཉིས་ཀའི་བར་གྱི་ཟམ་པ་དེ་ལ་ཟེར། འདི་ཐམས་ཅད་སྣ་བུག་གི་སྟེང་འོག་གཡས་གཡོན་དབུས་ལྔ་ལ་ཟེར་བ་གོ་དགོས། ནས་རྒྱུ་ས་ཡི་རླུང་། །དེ་ལ་བུམ་པའི་ཁྱིམ་དུ་བརྗོད། །ཟུར་ནས་ཞེས་འགྲམ་པའི་ཕྱོགས། བྱ་ཤོག་ཡང་ཟེར་བ་སྣ་ཡི་རི་མོའི་འཕོང་འབུར་པོ་དེ་ཕྱོགས་སོ། །རྒྱུ་བ་རླུང་གི་རླུང་། །དེ་ལ་འཁྲིག་པའི་ཁྱིམ་དུ་འདོད། །གཡོན་དུ་རྒྱུ་བ་ལྔ་པོ་ནི། །བསྡོམས་པར་ཆུ་སྲིན་ཁྱིམ་དུ་བརྗོད། །གཡོན་དུ་རྒྱུ་བ་རྣམས་བཟང་སྟེ། །ནམ་མཁའ་ཨུ་མའི་སྦྱོར་བར་བཤད། །མེ་ནི་གྲུབ་པའི་སྦྱོར་བ་ཡིན། །ཆུ་ནི་བདུད་རྩིའི་སྦྱོར་བ་ཉིད། །ས་ནི་དངོས་གྲུབ་སྦྱོར་བ་སྟེ། །རླུང་ནི་ཕུན་ཚོགས་སྦྱོར་བར་བཤད། །དེ་དག་བདག་པོའི་གཟའ་ཡང་ནི། །རིམ་པར་སྒྲ་གཅན་པ་སངས་དང་། །ཟླ་ལྷག་ཕུར་བུ་རིམ་པར་བཞེད། །

― MR07_Page_0792 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལས་མཁའ་བདག་གཟའ་མ་བཤད། །ཁ་ཅིག་གཡས་གཡོན་ནམ་མཁའ་ལ། །འཇིགས་བྱེད་ཨུ་མ་བདག་པོར་བཞེད། ༸ །དེ་ནས་གཡས་སུ་རྒྱུ་བའི་ཚེ། །མཁའ་མེ་ཆུ་ས་རླུང་དག་ནི། །དབུས་སྟེང་འོག་དང་ཀ་བ་དང་། །ཟུར་ལ་བརྟེན་ནས་རྒྱུ་བ་ལ། །སྲང་སྡིག་བུ་མོ་སེང་གཞུ་དང་། །ཐམས་ཅད་བསྡོམས་པ་ཀརྐ་ཊ། །གཡས་རྒྱུ་རྣམས་ནི་ངན་པ་སྟེ། །ནམ་མཁའ་འཇིགས་བྱེད་སྦྱོར་བ་ཡིན། །མེ་ནི་འཆི་བའི་སྦྱོར་བ་དང་། །ཆུ་ནི་མི་ཤིས་སྦྱོར་བ་དང་། །ས་ནི་སྲེག་སྦྱོར་ཞེས་སུ་གྲགས། །རླུང་ནི་མྱ་ངན་སྦྱོར་བར་བཤད། །རིམ་པར་ནམ་མཁའི་ལྷག་མ་ལ། །མིག་དམར་སྤེན་པ་ཉི་མ་དང་། །ཀེ་ཏུ་ཞེས་བྱ་བདག་པོར་འཆར། ༸ །རང་ལུགས་གཡས་ནས་ས་ཆུ་མེ། །རླུང་དང་ནམ་མཁའ་རྒྱུ་བ་ལ། །སྤེན་ཕུར་དམར་ཉི་དུས་མེ་ནི། །བདག་འཆར་མི་དགེ་རྩུབ་པར་གྲགས། །གཡོན་ནས་མཁའ་རླུང་མེ་ཆུ་ས། །དེ་ལ་སྒྲ་གཅན་ཟླ་ལྷག་སངས། །ཀེ་ཏུ་བདག་འཆར་ཞི་ཞིང་དགེ། །འདི་ནི་དུས་འཁོར་ལུགས་

― MR07_Page_0793 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་ཏེ། །དབྱངས་འཆར་རྒྱུད་ལས་སྦས་ཚུལ་དུ།། གཡས་ནས་ས་སོགས་གསུངས་པའི་དོན། །འགལ་མེད་མན་ངག་ལུགས་ཡིན་ནོ། །རླུང་དེ་རྣམས་ཀྱི་བོང་མདོག་ནི། །ཆུ་རླུང་སོར་ནི་བཅུ་དྲུག་པ། །ཐུར་དུ་རྒྱུ་ཞིང་ཁ་དོག་དཀར། །ས་རླུང་བཅུ་གཉིས་སོར་གྱི་ཚད། །ཐད་ཀར་རྒྱུ་བ་ཁ་དོག་སེར། །རླུང་གི་རླུང་ནི་སོར་བརྒྱད་པ། །ལྗང་གུ་ངོས་ཀྱི་ཕྱོགས་སུ་རྒྱུ། །མེ་རླུང་དམར་པོ་སོར་བཞི་པ། །གྱེན་དུ་རྣམ་པར་རྒྱུ་བ་ཡིན། །མཁའ་རླུང་མདོག་དང་བོང་ཚད་ནི། །ངེས་མེད་ཀུན་ནས་རྒྱུ་བ་ཡིན། །གཡས་ནས་ལུག་སོགས་མི་མཉམ་དྲུག །གཡོན་ནས་གླང་སོགས་མཉམ་པ་དྲུག །རིམ་པ་བཞིན་དུ་འཕོ་འགྱུར་བ། །འཕོ་ཆེན་རགས་པའི་ཆ་ཞེས་ཟེར། །དཔལ་ལྡན་དུས་ཀྱི་འཁོར་ལོ་ལས། །གཡོན་ནས་ལུག་སོགས་མི་མཉམ་དྲུག །གཡས་ནས་གླང་སོགས་མཉམ་དྲུག་སྟེ། །རེ་རེར་དབྱུག་གུ་ལྔ་རེ་ལ། །ཐུང་དང་རིང་པོའི་དབྱངས་ལྔ་པོ། །སྐྱེད་སྡུད་རིམ་པས་འཆར་བར་གསུངས། ༸ །ད་ནི་དེ་རྣམས་འབྲས་

― MR07_Page_0794 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་ནི། །ས་རླུང་རྒྱུ་ཚེ་རྒྱལ་སྲིད་དང་། །ནོར་འབྲུ་ལོངས་སྤྱོད་རྒྱལ་དང་རྙེད། །ཕུན་ཚོགས་འདོད་དོན་སྡུད་པར་བྱེད། །ཆུས་ནི་བསམ་པ་ཐམས་ཅད་དང་། །འདོད་དོན་མ་ལུས་འགྲུབ་པར་འགྱུར། །མེ་ཡི་ལམ་ནས་རྒྱུ་བ་ལ། །བཀྲེས་སྐོམ་ངལ་དུབ་བྱ་བ་ཉམས། །རླུང་གིས་འཐབ་རྩོད་སྐྱོ་དང་རྨོངས། །ནོར་ཟད་བྱེས་འཁྱམས་གདུང་བར་བྱེད། །མཁའ་ལ་བཏང་སྙོམས་འབྲས་བུ་བཤད། །དེ་ནས་བྱེ་བྲག་འབྲས་བུ་ལ། །དབྱངས་གསལ་བདག་གཟའ་འབྱུང་ཁམས་ནི། །གཡས་རྒྱུར་ལཱྀ་དབྱངས་རིང་པོ་ལྔ་རིམ་མིན། ཨཱུ་རཱྀ་ཨཱི་ཨཱ། འབྱུང་བ་སྡུད་རིམ་ས་ཆུ་མེ་རླུང་ནམ་མཁའ་དང་། གཟའ་དྲག་པོ་སྤེན་ཕུར་མིག་ཉི་དུས་མེ་ལྔ། །འཕོ་ཆུང་དཀྱིལ་འཁོར་ལྔ་ལའོ། །གཡོན་རྒྱུར་ཨ་ཐུང་ལྔ་རིམ་བཞིན། ཨི་རྀ་ཨུ་ལྀ། ནམ་མཁའ་འབྱུང་ལྔ་སྐྱེད་རིམ། རླུང་མེ་ཆུ་དང་ས། །སྒྲ་གཅན་གཟའ་ཞི་བ། ཟླ་ལྷག་སངས་མཇུག་རིང་། །ལུག་ལ་ཉ་ཛྷ་ཛ་ཚ་ཙ། །གླང་ལ་ཊཱ་ཋཱ་ཌཱ་ཌྷཱ་ཎཱ། །འཁྲིག་པར་ཎ་ཌྷ་ཌ་ཋ་ཊ། །ཀརྚར་པཱ་ཕཱ་བཱ་བྷཱ་མཱ། །སེང་གེ་མ་བྷ་བ་ཕ་པ། །བུ་མོ་ཏཱ་

― MR07_Page_0795 ―

^{[མ་དཔེ་གཟིགས་ན་འདིར་གནོན།]}

[Full Size]

ཐཱ་དཱ་དྷཱ་ནཱ། །སྲང་ལ་ན་དྷ་ད་ཐ་ཏ། །སྡིག་པར་སཱ་ཉྤཱ་ཥཱ་ཤཱ་ྈྐཱ། །གཞུ་ལ་ྈྐ་ཤ་ཥ་ྉྤ་ས། །ཆུ་སྲིན་ཀཱ་ཁཱ་གཱ་གྷཱ་ངཱ་། །བུམ་པར་ང་གྷ་ག་ཁ་ཀ །ཉ་ལ་ཙཱ་ཚཱ་ཛཱ་ཛྷཱ་ཉཱ། །འབྱུང་ལྡོག་རིམ་པས་གཡས་གཟའི་འབྲས། །མཁའ་ལ་དུས་མེ་འཆར་བའི་ཚེ། །གཡུལ་ཞུགས་པའམ་ནད་པ་འཆི། །ནད་མེད་ནད་ལྡང་ཤིན་ཏུ་ངན། །རླུང་ལ་ཉི་གནས་གཡུལ་དུ་ཕམ། །གཞན་ལ་ཉོན་མོངས་ཅན་དུ་འགྱུར། །མེ་ལ་ས་སྐྱེས་གཡུལ་རྨ་འོང་། །ཀུན་ལ་རིམས་ཁྲག་ངན་པར་བཤད། །ཆུ་ལ་ཕུར་བུར་འཐབ་ན་འདུམ། །གཞན་ལ་འཇམ་རྩུབ་མཉམ་པར་བདེ། །ས་ལ་སྤེན་པར་མི་འཐབས་འདུམ། །ནད་པ་ཕུགས་སུ་སོས་པས་བཟང་། ༈ །དེ་ནས་གཡོན་གྱི་ལམ་ལྔ་ལས། །སྟོང་པར་སྒྲ་གཅན་དགྲ་ལས་རྒྱལ། །རི་བོར་དར་ཕྱར་ཀུན་ལ་བཟང་། །རླུང་ལ་ཟླ་བར་དགྲ་ནི་ཕམ། །དཀར་ཕྱོགས་ཞི་རྒྱས་ལས་ལ་བཟང་། །མེ་ལ་ལྷག་པར་དགྲར་རྨ་འབྱུང་། །ཆུ་ལ་པ་སངས་དོན་ཆེན་རྙེད། །ས་ལ་མཇུག་རིང་དགྲ་དབང་འདུ། །དེ་ལྟར་

― MR07_Page_0796 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་བགྲོད་བག་མ་དང་། །ལས་དང་བྱ་བ་ཐམས་ཅད་བརྟག །འདི་ནི་འོད་བརྒྱ་དག་ལས་སོ། །ཞེས་པ་ནང་གི་རླུང་རྩིས་ཏེ། །ནང་གི་དུས་སྦྱོར་ཞེས་སུ་བཤད། །དབྱངས་འཆར་རྒྱུད་ལས་རྣལ་འབྱོར་པ་གང་ཡིད་ནང་ཚུད། །པས་དབུ་མ་མཉམ་ཉིད་དབྱིངས་ནས་གཏུམ་མོའི་མེ་བཟུང་ལ། །མཉམ་པར་བཞག་པས་རང་གི་ལུས་ལ་གནས་པ་ཡི། །རླུང་གི་ལམ་ལྔ་སྟོན་ནོ་ལྷས་མཆོད་མ། །ཤིན་ཏུ་ཟབ་པ་ཀུན་ཤེས་རླུང་། །འདི་ལྟ་བུ་རྟོག་གེ་པ་ཡིས་མི་ཤེས་སོ། །ཞེས་གསུངས། དུག་སོགས་གཞོམ་དང་རྒྱལ་ལ་སོགས། །ཞི་དང་རྒྱས་པའི་ལས་ཐམས་ཅད། །ཟླ་བའི་རྒྱུ་བར་རབ་ཏུ་བསྔགས། །གཡུལ་གཤམས་རོལ་རྩོད་སྟོན་མོ་དང་། །གཅད་བསྲེག་བཙོ་ལ་སོགས་པ་དང་། །དབང་དང་དགུག་ལས་ཉི་མར་བསྔགས། །གཉིས་ཀའི་བདག་ཉིད་བསྟེན་བྱེད་པས། །སྒྲ་གཅན་ཐེ་ཚོམ་ཅན་ཞེས་བྱ། །གང་ནས་ཉི་ཟླ་རྒྱུ་བ་ཡི། །ཕྱོགས་ནས་འདྲི་ན་དོན་གྲུབ་ཅིང་། །གཞན་ནས་འདྲི་ན་དོན་

― MR07_Page_0797 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་མེད། །གཉིས་ཀར་འདྲི་ན་ཐེ་ཚོམ་ཅན། །འབྱིན་པ་དོན་མེད་འཇུག་པ་བཟང་། །གནས་པ་ཐེ་ཚོམ་ཉིད་དུ་ངེས། །གཞན་གྱི་དྲིས་སམ་རང་གིས་ཀྱང་། །ཆུ་ས་མེ་རླུང་རྒྱུ་བ་ལས། །ཞི་རྒྱས་དབང་དགུག་གསད་བསྐྲད་ཤིས། །ཤོ་རྒྱན་ལ་སོགས་རྩོད་པ་ལ། །གང་རྒྱུའི་ལག་པས་བྱས་པས་འགྲུབ། ༈ །ཉི་ཟླའི་ལམ་ནས་རྒྱུ་བ་ཡི། །དབུས་སྟེང་ཀ་འགྲམ་ཐུར་རྒྱུ་བའི། །སྐྱེད་སྡུད་འབྱུང་ལྔའི་ཚུལ་བརྟགས་ནས། །གཞན་ལ་བདེ་སྡུག་ལུང་དུ་སྟོན། །རླུང་གནད་མི་ཤེས་ཕལ་པ་ལ། །ལམ་ལྔ་བདག་གཟའ་བཅས་པ་ནི། །རཱ་ཤིའི་འབྲས་བསྟུན་རྣམ་དག་པའི། །རི་མོས་འདི་བཞིན་བཙལ་བ་ཡིན། །གང་ཤར་ཁྱིམ་དེའི་རང་སྲང་གིས། །ལྔ་ཆས་ཁྱིམ་དེའི་སྲང་ཚད་ལྔས་བགོས་པའི་ནོར་ཡིན། ཏཏྐཱལ་དེ་ཉིད་བགོ །ལྷག་མ་ཅན་དང་ལྷག་མེད་ཀྱི། །མཉམ་དང་མི་མཉམ་ཁྱིམ་གྱི་ནོར། །གཅིག་གིས་བསྣོན་འབྲིད་ལྷན་ཅིག་པ། །མཉམ་ཁྱིམ་ལ་ལྷག་བྱུང་ན་ནོར་ལ་གཅིག་བསྣོན། མི་མཉམ་པ་ལ་ལྷག་མེད་ཐིག་ཤར་ན་གཅིག་

― MR07_Page_0798 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་ནོར་ལ་འབྲིད། མདའ་ལ་ལུག་གླང་ཁྱིམ་སོགས་ཀྱི། །ནོར་ནི་དབྲི་བྱ་དབྲི་བྱེད་སྦྱར། །ལུག་སོགས་ཐོབ་པས་ལྔ་ལ་འབྲིད། །གླང་སོགས་ཐོབ་པ་ལ་ལྔས་ཕྲི། །དེ་ལྷག་གཅིག་ས་གཉིས་པ་ཆུ། །གསུམ་མེ་བཞི་རླུང་ལྔ་སྟོང་མཁའ། །དེ་ཡི་བདག་པོའི་གཟའ་བརྟགས་པ། །གང་ཤར་འབྱུང་བ་ལྔ་ལ་ཕྲི། །དེ་ལྷག་གང་བྱུང་གཉིས་ཀྱིས་བསྒྱུར། །གླང་སོགས་དེ་ལ་གཅིག་ཕྲི་བ། །སྟོང་པ་སྒྲ་གཅན་ཉིད་ཡིན་ཏེ། །ལྷག་མ་རིམ་པར་གཟའ་བདུན་དང་། །མཇུག་རིང་བརྒྱད་ལ་དུས་མེ་དགུ། དེ་ཡི་འབྲས་བུ་གོང་ལྟར་བཤད། །ལམ་ལྔའི་རི་མོའི་ཚིགས་བཅད་འདི་རྣམས་རང་ལོ་བཅུ་དྲུག་པའི་དུས་སུ་བྲིས་སོ། །གཞན་ཡང་རང་གི་བྱ་བ་ནི། །གང་བརྩམ་གཡོན་རྒྱུར་འཕྲད་ན་འགྲུབ། །གཡས་ནས་རྒྱུ་དུས་མི་འགྲུབ་ལ། །གལ་ཏེ་འགྲུབ་ཀྱང་བར་ཆད་ཆེ། །ལམ་འཇུག་ལ་སོགས་དུས་དག་ཏུ། །གང་རྒྱུ་དེ་ག་རྟེན་འབྲེལ་ཏེ། །བསྒུགས་ནས་བསྒྲིག་ཀྱང་མི་ཕན་ནོ། །ལམ་གཅིག་ལས་ནི་རིང་དུ་རྒྱུ། །མི་དགེའི་ལྟས་ཡིན་

― MR07_Page_0799 ―

^{[མ་དཔེ་གཟིགས་ན་འདིར་གནོན།]}

[Full Size]

ཚད་དབྱུག་གུ་ལྔ་བཞིན་ནམ། །ཚད་ལས་ཐུང་བར་འཕོས་ན་ཡང་། །དགེ་བའི་ལྟས་ཡིན་གཡོན་རྒྱུ་བ། །རིང་ཡང་བཟང་བར་བཤད་པའང་ཡོད། །ཞི་རྒྱས་ལས་ལ་གཡོན་རྒྱུར་བསྟུན། །གཡས་ནས་རྒྱུ་དུས་དབང་དྲག་བརྩམ། །ནང་གི་རྟེན་ཅིང་འབྲེལ་བ་ཟབ། །གལ་ཏེ་གཞན་ལ་ལུང་སྟོན་ན། །འགྲུབ་བམ་འོང་ངམ་ཡིན་ནམ་དང་། །མི་འགྲུབ་བམ་ནི་མི་འོང་སོགས། །ཕྱོགས་རེ་རྐྱང་པར་འདྲིར་གཞུག་གི །འགྲུབ་བམ་མི་འགྲུབ་ལྟ་བུ་ཡི། །གཉིས་ཀ་ནས་ནི་དྲི་མི་བྱ། །དེ་ལ་གང་དུ་རྒྱུ་བའི་ཕྱོགས། །དེ་ནས་སྐྱེ་བོས་གང་དྲིས་པ། །འོང་ངམ་ཞེ་ན་འོང་ཞེས་དང་། །མིན་ནམ་ཞེ་ན་མིན་ཞེས་སོགས། །ཁོ་ཡིས་གང་དྲིས་དེ་བཞིན་སྟོན། །རྒྱུ་བ་དང་ནི་དྲི་བའི་ཕྱོགས། །བསྣོལ་ཏེ་གཡས་རྒྱུར་གཡོན་ནས་སམ། །གཡོན་ནས་རྒྱུ་དུས་གཡས་ནས་དྲི། །འགྲུབ་བམ་དྲི་ན་མི་འགྲུབ་དང་། །འཆིའམ་ཞེ་ན་མི་འཆི་སོགས། །དྲིས་པའི་ལན་དུ་བཟློག་སྟེ་སྟོན། །མདུན་

― MR07_Page_0800 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དྲི་ན་ཐེ་ཚོམ་ཆེ། །དབུ་མའི་རྒྱུ་བའང་དེ་བཞིན་ནོ། །ཞི་རྒྱས་ལས་ལ་གཡོན་དང་ནི། །དབང་དྲག་ལས་ལ་གཡས་ནས་སུ། །རྒྱུ་དུས་དྲི་བ་བཟང་པོར་མཐུན། །ཐེ་ཚོམ་མེད་པར་འབྲས་བུ་མཐོང་། །གཡོན་རྒྱུར་ཕྱི་ནས་མཇལ་མི་བྱུང་། །ནུབ་དང་བྱང་གང་རུང་ནས་འོང་། །བྱང་ནས་ཡིན་ན་ཤ་སྔོ་ལ། །སྨྲ་མགྱོགས་འགྲོ་སྐྱེན་གོས་སྔོན་གྱོན། །བློ་མི་བརྟན་པ་ཞིག་ཡིན་ནོ། །ནུབ་འོང་མདོག་དམར་ཤེས་རབ་ཆེ། །སྤྲོ་ཐུང་གོས་རྒྱན་ལག་ཆ་དམར། །གཡས་རྒྱུར་ལྷོའམ་ཤར་ནས་འོང་། །ཤར་ཡིན་མདོག་དཀར་ཤེས་རབ་ཆེ། །གོས་རྒྱན་ལག་ཆ་དཀར་པོའོ། །ལྷོ་ཡིན་མདོག་སེར་ཤེས་པ་གྱོང་། །བཅོས་དཀའ་གོས་རྒྱན་ལག་ཆ་སེར། །དོན་ཡང་ཕྱོགས་དེར་འདེང་ཟེར་རམ། །ཕྱོགས་དེར་བསྟུན་པའི་ལས་དོན་ནོ། །རང་ལ་དགྲ་རྐུན་བྱུང་ན་ཡང་། །ཕྱོགས་དེའི་མཚན་མ་བརྟགས་ལ་དཔྱད། །རང་ཉིད་གཞན་གྱི་བོས་ནས་སུ། །སྟོན་མོ་སོགས་ལ་འགྲོ་བ་ན། །རླུང་གི་ཕྱོགས་ཆ་སྔར་ལྟར་ལ། །གཡས་རྒྱུའི་དུས་ན་ལྷོར་ཕྱིན་

― MR07_Page_0801 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །གྲལ་ཁ་ལྷོ་ལ་ལྟ་བ་འོང་། །ཟས་ནོར་སེར་པོ་སྟེར་བ་དང་། །མི་དེའི་མཚན་ལ་སྔར་ལྟས་དཔྱད། །དེ་བཞིན་ལྷག་མ་སྔར་ལྟར་རོ། །སྟོར་ཚེ་ལུས་མ་འགྱུར་བར་བསྡད། །གང་རྒྱུའི་ཕྱོགས་ན་ཡོད་དེ་ཚོལ། །ཕ་མ་གཉིས་ཀྱི་རླུང་རྒྱུ་བ། །མཉམ་པའི་དུས་ན་བུ་ཚ་ཆགས། །གཡས་གཡོན་དབུ་མ་རིམ་པར་ནི། །ཕོ་མོ་མ་ནིང་རིམ་པར་ཤེས། །གལ་ཏེ་བསྣོར་ན་ཤོ་སྒུར་སོགས། །དབང་པོ་སྐྱོན་དང་ལྡན་པར་སྐྱེ། །དཔལ་ལྡན་ས་སྐྱའི་པཎ་ཆེན་ནས། །བརྒྱུད་པ་རླུང་གི་མན་ངག་ཟབ། །ལག་གཉིས་ཐལ་མོ་དྲང་པོར་སྦྱར། །སྣ་ཡི་ཀ་བའི་དབུས་དག་ཏུ། །ཡོ་མེད་གཟུགས་ལ་ལུས་བསྲངས་ཏེ། །རླུང་འབུད་བྱས་ན་གཡས་གཡོན་གྱི། །རྒྱུ་བ་གསལ་པོར་རྟོགས་པ་འབྱུང་། །གོམས་པ་ཤིན་ཏུ་བརྟན་པ་ན། །རླུང་ལ་དམིགས་པ་ཙམ་གྱིས་ཤེས། །ནང་གི་རྟེན་འབྲེལ་ཟབ་མོ་འདིར། །བརྟེན་ནས་རང་གཞན་བླང་དོར་དང་། །ལས་ཀུན་སྒྲུབ་པའི་མན་ངག་རིགས། །ཤིན་ཏུ་ཁྱད་པར་འཕགས་པ་

― MR07_Page_0802 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །གང་ཚེ་དྲིས་སམ་རང་གི་ཡང་། །བྱ་བ་གང་ཞིག་འགོ་རྩོམ་པ། །དེ་ཡི་དུས་སུ་ལྟས་བརྟག་པ། །འདི་ནི་ཤིན་ཏུ་ངེས་པ་སྟེ། །དབྱངས་འཆར་རྒྱུད་ལས་འདི་ལྟར་གསུངས། །ཕོ་ཉའམ་རང་གི་ཉེ་འཁོར་དུ། །བ་ལང་ར་ལུག་སོགས་གསོད་དང་། །འཐབ་རྩོད་བརྡེག་བཅིང་བརྡུང་བ་དང་། །བཙོན་འཛིན་སྲོག་འཇོམས་ནོར་སྟོར་དང་། །སྣོད་སྟོང་སྐྱེ་བོ་ཡུལ་དམན་པ། །གོས་ཧྲུལ་མཛེ་ཅན་མདོག་མི་སྡུག །སྐྲག་དང་བྲེད་ཅིང་ཆད་པས་བཅད། །སེམས་སྟོར་མྱ་ངན་བྱེད་པ་མཐོང་། །ཁ་དོག་ཡིད་དུ་མི་འོང་བ། །ཁ་ནི་འོག་བལྟས་རླུང་འཚུབས་མཐོང་། །འགྲོ་ཕྱོགས་ལས་བཟློག་སྐྱེ་བོ་སོགས། །མཐོང་ན་མཛེས་ལེགས་པའི་དོན་རྣམས་མེད། །དུད་འགྲོ་གསོད་ལས་ཐར་པ་དང་། །བརྩེ་ཞིང་དགའ་དང་དགོད་པ་དང་། །ནད་པ་སོས་དང་བཙོན་རྣམས་ཐར། །དགེ་བའི་གླུ་དང་དེ་བཞིན་གར། །ཕུན་སུམ་ཚོགས་པའི་གནས་རྣམས་མཐོང་། །རོལ་མོའི་སྒྲ་སྐད་སྙན་པ་དང་། །

― MR07_Page_0803 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་སློང་བྲམ་ཟེ་བླ་མ་ལྷ། །ལྷ་མཆོད་པ་དང་དགའ་སྟོན་བྱེད། །ནོར་རྙེད་ཚོང་པ་རྙེད་པ་ཆེ། །གང་དག་སྐྱེས་བུ་ཡ་མཚན་ཅན། །གོས་བཟང་ཡན་ལག་བཟང་བ་དང་། །རྒྱལ་པོ་བུད་མེད་རྒྱན་ཅན་མཐོང་། །དཀར་ཕྱོགས་དང་ནི་མཐུན་པའི་མདོག །ཉི་གསལ་འབྲས་བུ་མེ་ཏོག་རྒྱས། །རྫིང་བུར་བྱ་རྣམས་རྩེ་བ་དང་། །རང་ལ་བྱིས་པའི་ཚོགས་དགའ་ཞིང་། །སེམས་དགེ་ཚིག་འབྲུ་དགེ་བ་སྒྲོགས། །མཐོང་ན་དེ་ཚེ་འདོད་དོན་འགྲུབ། །འདྲི་བྱེད་ཕོ་ཉ་འོང་བའི་ཚེ། །སྐྱེས་པ་སྒོ་ནང་རྐང་གཡས་འཇོག །དེ་བཞིན་བུད་མེད་གཡོན་འཇོག་པ། །དགེ་ཞིང་ཤིས་པར་སྟོན་པ་སྟེ། །བཟློག་ན་འདྲི་བའི་དོན་ཉམས་འགྱུར། །གཡས་ཀྱི་ཡན་ལག་གཡོ་བ་དང་། །སྙིང་ཉིད་ངན་པ་རྣམ་པར་སྤང་། །ཉེ་འཁོར་ཤིས་པའི་བྱ་བ་བྱེད། །བསམ་མི་དགོས་པར་དོན་ནི་འགྲུབ། །འདྲི་བྱེད་མགྲིན་པ་འགྲམ་པ་དང་། །རྣ་བ་སྣ་མིག་བྲང་དང་ནི། །ལྕེ་དང་གསང་བ་སྙིང་དང་

― MR07_Page_0804 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། །སྐྲ་དང་དཔྲལ་བ་གསུས་པ་དང་། །ནུ་མ་དང་ནི་དཀུ་རྣམས་སུ། །ལག་པ་གཡས་པས་རེག་ཅིང་གཡོ། །གདོང་ནི་སྔོན་དུ་བལྟས་པའི་ཚེ། །དགེ་བའི་ལས་ཡིན་བཞིན་བཟང་མ། །གཡོན་པས་རེག་ཅིང་གཡོ་བ་ནི། །དེ་ལས་བཟློག་པར་ཤེས་པར་བྱ། །གང་ཚེ་གཡུལ་དུ་ཆས་པ་ན། །སེམས་ནི་དྭངས་ཤིང་མཛེས་པ་དང་། །སྤྲོ་ཞིང་གསལ་བ་དགེ་བ་ཡིན། །རྔ་ལ་རང་སྒྲ་བྱུང་ན་དགེ། རལ་གྲི་ལ་སོགས་མཚོན་ཆ་རྣམས། །གསལ་ཞིང་རང་སྒྲ་འོད་འབར་དགེ། རྒྱལ་མཚན་བ་དན་རྟ་དང་གླང་། །སྒྲ་འདོན་གསལ་ཞིང་སྟོབས་འགྱེད་དགེ། མདུན་ནས་བརྟན་གཡོའི་རང་བཞིན་ཡང་། །རང་གིས་བརྟགས་ལ་ཤེས་པར་བྱ། །དེ་ལས་བཟློག་ནས་མི་ཤིས་པ། །རོལ་མོ་བརྡུངས་ཀྱང་སྒྲ་མི་གྲགས། །རླུང་རྣམས་རྒྱུད་ལས་བཟློག་པ་དང་། །ཡིད་ནི་ལྡང་ཀྱོག་མྱ་ངན་ཟིན། །རོལ་མོ་མཚོན་ཆ་ལ་སོགས་རྣམས། །རལ་དང་ཆག་སོགས་ངན་པ་ཡིན། །གང་ཚེ་ཚོང་ལ་ཆས་པ་ན། །དེ་ཚེ་

― MR07_Page_0805 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོང་ལ་བྱི་བས་ཟོས། །ཆག་གམ་སྟོར་རམ་མི་མཛེས་པ། །མི་ཤིས་ལྟས་མཐོང་ན་མི་འགྲོ་བར་ཕྱིར་ལོག་པར་བྱ། །དེ་བཞིན་དགོས་དོན་བྱ་བ་ཀུན། །ལྟས་ཀྱིས་དགེ་དང་མི་དགེ་དཔྱད། །འདྲི་བྱེད་སྲོག་གི་ལས་བྱེད་པར། །བཟློག་ནས་གནས་ན་དགོས་དོན་མེད། །གལ་ཏེ་ལས་ནི་བྱེད་པར་གནས། །ཡིད་ལ་བསམ་པའི་དགོས་པ་འགྲུབ། །ལུང་སྟོན་པ་པོའི་སྣ་རླུང་གཡས་གཡོན་གང་རྒྱུའི་ཕྱོགས་སུ་འདྲི་བྱེད་སྡོད་ཅིང་དྲི་ན་ལེགས། བཟློག་ན་མི་ལེགས་སོ། །རྔུབ་དུས་གང་མིང་སྨོས་པ་རྒྱལ། །འབྱིན་ལ་གང་བརྗོད་ཕམ་ཞིང་ངན། །ཞེས་གསུངས་གཞན་ཡང་ལྟས་ཀྱི་རིགས། །སྣ་ཚོགས་གཞུང་ལས་གསུངས་བཞིན་བརྟགས། །དེ་ནས་དབྱངས་འཆར་བླང་དོར་བཤད། །གང་ཞིག་འཆར་རྒྱུའི་ཡི་གེ་ནི། །ཨ་ཨི་ཨུ་ཨེ་ཨོ་ལྔ་པོ། །རིང་ཐུང་དབྱེ་བས་བཅུ་རུ་བཤད། །ང་ཉ་ཎ་གསུམ་སྤང་བ་ཡི། །གསལ་བྱེད་ཀ་ནས་ཧ་ཡི་བར། །སུམ་ཅུ་ཐམ་པ་འདི་དག་གོ །གང་ལ་འཆར་བའི་ཚེས་གྲངས་ནི། །འཇིག་རྟེན་ལུགས་ཀྱི་ཧོར་ཟླ་

― MR07_Page_0806 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་དབོ་ཟླའི་བཅུ་དྲུག་ནས་བརྩམས་ཏེ། །གནམ་སྟོང་བར་ལ་ལུགས་འདིའི་དཀར་ཕྱོགས་ཟེར། །ཧོར་ཟླ་གསུམ་པ་ནག་ཟླའི་ཚེས་གཅིག་ནས་བཟུང་སྟེ། བཅོ་ལྔའི་བར་ལ་ལུགས་འདིའི་ནག་ཕྱོགས་བརྗོད། །སྤྱིར་འཇིག་རྟེན་དང་བསྟན་བཅོས་ལས་བཤད་པའི་དཀར་ནག་ཕྱོགས་རྒྱབ་འགལ་དུ་ཡོད་ལ། ཕྱོགས་གཉིས་གཅིག་ཏུ་བསྡོམས་པ་ལ། །རྒྱུད་འདིར་དཔྱིད་ཟླ་འབྲིང་པོར་བརྗོད། །དེ་ཡི་ལུགས་འདིའི་དཀར་ཕྱོགས་སུ་བཞེད་པའི་ཚེས་གཅིག་ནས། །ཞེས་འཇིག་རྟེན་ལུགས་ཀྱི་མར་ངོ་ལུགས་འདིར་སྔོན་འགྲོའི་དབང་དུ་བྱས་པ་སྟེ། དོན་ལ་དབོ་ཟླའི་ཚེས་བཅུ་དྲུག་དང་། བཅོ་ལྔའི་བར་ལ་དེའི་ནག་པའི་གནམ་གང་བར་རོ་དབྱངས་རིང་ལྔ། །ལན་གསུམ་བསྐོར་ཞིང་གསལ་བྱེད་ནི། །ཀ་ནས་དེའི་བར་བཅོ་ལྔ་འཆར། །ལུགས་འདིའི་ནག་ཕྱོགས་ཏེ་ནག་ཟླའི་ཚེས་གཅིག་ནས་བཟུང་སྟེ། སྟོང་གི་བར་ལ་དབྱངས་ཐུང་ལྔ། །ལན་གསུམ་བསྐོར་ཞིང་གསལ་བྱེད་ནི། །དྷ་ནས་ཧ་ཡི་བར་དུ་འཆར། །མདོར་ན་འཇིག་རྟེན་དང་བསྟུན་ན། །ཟླ་བ་འཕེལ་བ་ཡར་ངོ་དབྱངས་ཐུང་ལྔ་པོ་བསྐོར། །ཟླ་བ་འགྲིབ་པ་མར་ངོ་

― MR07_Page_0807 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་རིང་ལྔ་པོ་བསྐྱར། །ཚེས་གཅིག་ནས་ནི་བཅོ་ལྔའི་བར། །དྷ་ནས་ཧ་ཡི་བར་དུ་བཀོད། །བཅུ་དྲུག་ནས་ནི་སྟོང་གི་བར། །ཀ་ནས་ད་ཡི་བར་དུ་བཀོད། །ང་ཉ་ཎ་གསུམ་སྤང་བ་ཡིན། །རྟག་ཏུ་དེ་ལྟར་ཚེས་ལ་འཁོར། །ཨ་ལ་སོགས་པར་ལྷན་ཅིག་ཏུ། །ས་ཆུ་མེ་རླུང་ནམ་མཁའ་དང་། །དྲི་རོ་རཱུ་པ་རེག་སྒྲ་འཆར། །དེ་བཞིན་དགའ་བཟང་རྒྱལ་སྟོང་རྫོགས། །དམར་ལྷག་ཕུར་སངས་སྤེན་པར་སྦྱར། །བྱིས་གཞོན་ལང་ཚོ་རྒན་ཤི་དང་། །ཛནྨ་་སྐྱེ་བ་ཧ་ནི་གནས་ཛནྨ་་ཆེར་འཕེལ་དང་། །ཧ་ནི་གནས་ཉེ་ཨནྟ་ཀ་ཞིག་པ་ཞེས་པ། །རིམ་པ་ལྔ་རུ་ཀུན་ལ་སྦྱར། །ཡང་ན་ཛནྨ་སྐྱེ་བ་དང་རྡུལ་ཧ་ནི་གནས་པ་དང་མུན་དང་། །ཨནྟ་ཀ་ཞེས་མཐར་ཞིག་པ་དང་སྙིང་སྟོབས་གསུམ་པོ་བསྐོར། །འདི་ནི་ཚེས་ལ་འཆར་ཚུལ་ཏེ། །གཞན་ཡང་འཆར་ཚུལ་རྣམ་པ་བརྒྱད། །དོན་གཉིས་ཞག་ལ་དབྱངས་རེ་འཆར། །བཅུ་གཉིས་ཞག་ལ་གསལ་བྱེད་རེ། །བཅུ་གཉིས་ལོ་ལ་དབྱངས་རེ་འཆར། །ལོ་གཉིས་ལ་ནི་གསལ་བྱེད་རེ། །དེས་འགྲེ་ལོ་ཟླ་ཞག་

― MR07_Page_0808 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་དང་། །བཅུ་གཉིས་ལོ་དང་བགྲོད་པ་དང་། །དོན་གཉིས་ཞག་དང་ཞག་ལྔར་འཆར། །རབ་བྱུང་ལ་སོགས་ལོ་རྣམས་ལ། །བཅུ་གཉིས་ལྔ་ལ་ཨ་སོགས་འཆར། །དེ་བཞིན་བགྲོད་པ་རེ་རེ་ལ། །ཨ་སོགས་ལྔ་ནི་འཆར་བར་དྲན། །དེ་ཡི་གནས་སྐབས་དག་ལ་ཡང་། །ཉི་མ་ཨ་ཨི་རྀ་ཨུ་ལྀ། །ཟླ་བར་ཧ་ཡ་ཝ་ར་ལ། །མིག་དམར་ཀ་ཁ་ག་གྷ་ང་། །རཱ་ཧུ་ཏ་ཐ་ད་དྷ་ན། །ཕུར་བུ་པ་ཕ་བ་བྷ་མ། །སྤེན་པ་ཊ་ཋ་ཌ་ཌྷ་ཎ། །གཟའ་ལྷག་ཙ་ཚ་ཛ་ཛྷ་ཉ། །ཀེ་ཏུ་ཨཱ་ཨེ་ཨཱ་ར་ཨོ་ཨལ྄། །པ་སངས་ཤ་ཥ་ས་ཧ་ཀྵ། །རགས་དང་ཕྲ་བའི་རིམ་པ་ཡིས། །གནས་སྐབས་ལ་འཆར་རྗེ་བཙུན་མ། །༧ ད་ནི་དེ་རྣམས་འབྲས་བུ་ནི། །དགའ་བའི་ཚེས་ལ་མིག་དམར་དང་། །རྒྱུ་སྐར་སྨིན་དྲུག་ཨ་ཡིག་རྣམས། །འཛོམ་ན་མིང་གི་དང་པོ་ལ། །དབྱངས་ཀྱི་ཡི་གེ་ཨ་ཡོད་པ། །ན་འཆི་རྨ་འབྱུང་འབྲས་བུ་མེད། །དེ་ཕྱིར་ལས་བརྩམ་དེ་ལ་བྱོལ། །གཟའ་སྐར་ཚེས་གསུམ་འཛོམ་པ་འདིར། །སྦྱོར་བ་གསུམ་འཛོམ་ཞེས་སུ་གྲགས། །

― MR07_Page_0809 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་བཟང་པོར་ལྷག་མཆུ་ཨི། །ཤར་ཚེ་ཨི་ཡི་མིང་ཅན་དང་། །རྒྱལ་བར་ཕུར་སྐག་ཨུ་འཆར་ཨུ། །སྟོང་པར་པ་སངས་མོན་གྲུ་ཨེ། །རྫོགས་པར་སྤེན་པ་བྲ་ཉེ་ཨོ། །འཆར་དུས་གང་ཤར་ཡི་གེའི་མིང་། །གཡུལ་དང་བག་མ་ལ་སོགས་པའི། །མཐའ་དག་བྱ་བ་རྣམ་པར་འཛོམ། །མིང་ཡོད་ཕྱིན་མིང་གི་དང་པོར་དབྱངས་ཡོད་པར་གྲུབ་ལ། དབྱངས་ཡིན་ན་དབྱངས་བཅུ་བཞིར་ངེས་པ་ལས། ཨོ་ཨེ་རིང་ཐུང་གཅིག་ཏུ་ཨཱ་རང་ཐུང་རྣམ་བཅད་རྣམས་ཨར་རྩི། རི་ལི་ཨིར་བསྡུས་པས་དབྱངས་ལྔར་ངེས་ལ། དེ་ཡང་བོད་འདིར་དབྱངས་དངོས་བསྟན་དུ་ཡོད་པ་ཨ་དར་ཨི་ལི་ཟེར་བ་ལྟ་བུའང་གསལ་བྱེད་མིང་གི་ཡི་གེ་དང་པོའི་སྲོག་གི་དབྱངས་ཏེ། གི་གུ་སོགས་མེད་པ་ཨ། གི་གུ་ཨི། ཞབས་ཀྱུ་ཨུ། འགྲེང་བུ་ཨེ། རྣ་རུ་ཨོ་ཡིན་ནོ། །སྔར་བཤད་དབྱངས་དང་རེས་གཟའ་ནི། །འཛོམ་དུས་དབྱངས་དེའི་མིང་ཅན་ལ། །ནད་ནི་འབྱུང་བར་གྱུར་པ་ན། །ནད་ཡུན་རིང་བར་འགྱུར་ཞེས་གསུངས། །དགའ་བའི་ཉི་མར་ཨ་འཆར་དུས་ཨ་མིང་ཅན་བཞིན་ནོ། །། དབྱངས་གསལ་འཆར་ནུབ་བཤད་པ་ནི། །གང་འཆར་དེ་ནས་བརྩམས་

― MR07_Page_0810 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡི། །བྱིས་སོགས་གནས་སྐབས་ལྔ་རུ་བགྲང་། །ལྔ་པ་ཤི་དེ་ནུབ་པ་ཡིན། །ན་ཚོད་ཀྱི་ནི་དཔེ་ཡིས་བཤད། །བཟང་གསུམ་ངན་པ་གཉིས་སུ་འདོད། །ཨ་ཡིག་འཆར་ཚེ་ཨ་བྱིས་པ། །ཨི་ཡིག་གཞོན་ནུ་ཨུ་ལང་ཚོ། །ཨེ་ཡིག་རྒས་པ་ཨོ་ནུབ་བོ། །དེ་བཞིན་ཨེ་འཆར་ཨུ་ཡིག་ནུབ། །ཨ་ནི་ལང་ཚོ་དར་ལ་བབས། །གསལ་བྱེད་ལ་ཡང་དེ་བཞིན་སྦྱར། །དཔེར་ན་ཀ་ཡིག་འཆར་བའི་དུས། །ཀ་ཡིག་བྱིས་པ་ཁ་གཞོན་ནུ། །ག་ཡིག་ལང་ཚོ་གྷ་རྒས་པ། །ཙ་ནི་ཤིའམ་ནུབ་པར་འདོད། །ཧ་ཡིག་འཆར་དུས་ཀ་གཞོན་ནུ། །གྷ་ཡིག་ནུབ་བོ་དེས་འགྲེ་སྦྱར། །ལྷག་མ་རྣམས་ནི་བཏང་སྙོམས་སོ། །རང་གི་དབྱངས་གསལ་ཡི་གེ་ནི། །བྱིས་པ་བཟང་ཞིང་དེ་ལས་ནི། །གཞོན་ནུ་བཟང་གསུངས་དེ་ལས་ཀྱང་། །ལང་ཚོར་བབས་ན་ཤིན་ཏུ་བཟང་། །རྒ་བ་ངན་ཞིང་ཁྱད་པར་དུ། །མིང་གི་དབྱངས་གསལ་ནུབ་ན་ངན། །གསལ་བྱེད་ནུབ་པས་ནད་འབྱུང་སྟེ། །དབྱངས་ནུབ་པས་ན་འཆི་བ་སྟེར། །དབྱངས་ནི་སྲོག་དང་འདྲ་བ་སྟེ། །གསལ་བྱེད་ལུས་སུ་བཤད་པ་ཡིན། །དེ་ཕྱིར་རང་གི་དབྱངས་གསལ་ནི། །དར་ཞིང་དགྲ་མིང་ནུབ་པའི་དུས། །དགྲ་ལ་རྒོལ་བར་ལྷ་ཡིས་གསུངས། །ཨ་ལ་སོགས་པ་ཤར་ལྷོ་ནུབ། །བྱང་དང་དབུས་སུ་ཨོ་འཆར་བར་གསུངས། །ཁ་ཅིག་རིང་བ་ཕྱོགས་བཞི་དང་། །དབུས་འཆར་ཐུང་བ་མཚམས་ཤར་ལྷོ་ནས་བརྩམས་བཞི་དང་། །

― MR07_Page_0811 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་སུ་རྣམ་པར་འཆར་བར་གསུངས། །འཕགས་ཡུལ་དབྱངས་ཀྱི་རིང་ཐུང་བྱེད། །བོད་དུ་བརྩེགས་པ་རིང་པོར་བྱེད། །ཡང་ན་དབྱངས་ལྔ་ཁོ་ནར་བསྡུ། །ཤར་ནས་ཨ་ཡིག་འཆར་བའི་ཚེ། །དེ་ཕྱོགས་འགྲོ་མི་རུང་བར་བཤད། །ཁྱད་པར་ཨ་མིང་འགྲོ་བ་སྤང་། །དགའ་ཚེས་ཤར་དུ་ཁ་བལྟས་ནས། །ཨ་ཡི་མིང་ཅན་གཞོམ་པ་བཟང་། །དབུས་ནི་འདིར་རང་གྲོང་གི་རྒྱང་གྲགས་ཙམ་གྱི་ཐ་གྲུའོ། ཡང་ན་རང་ཡུལ་དེ་ལའོ། །ཨ ༢ ༣ ༤ ༥ ༦ ༧ ༨ ཨཱ༡ ཨུ ཨ ཝ ཀ ཧ ཌ ཨཱུ ༩༠ ལ ལྀ གླང འཁྲིག ཀརྚ ལཱྀ མ ༡༠༢༦ ཙ ལུག ཨོ དགའ ཨཽ སེང ཊ ༡༡༢༥ ད ཉ སྟོང རྫོགས བཟང བུ་མོ པ ༡༢༢༤ ས བུམ ཨཿ རྒྱལ ཨཾ སྲང ར ༡༣༢༣ ག ཨཻ ཆུ་སྲིན གཞུ སྡིག ཨེ ཏ ༡༤༢༢ རཱྀ ཁ ཛ བྷ ཡ ན རྀ ༡༥ཨཱི ༢༡ ༢༡ ༢༠ ༡༩ ༡༨ ༡༧ ༡༦ ཨི ༈ རྐང་པ་བརྒྱ་དང་བརྒྱད་ཅུ་གཅིག །གཉིས་ཀ་འཐུས་པའི་འཁོར་ལོ་འདིར། །ཤཱ་ལ་ཀ་ལ་སོགས་པ་ཡི། །ཙཀྲ་མང་པོའི་གནད་འདུས་པའི། །ངོ་མཚར་འབྲས་མང་བྱེད་པ་ཡིན། །གཤིན་རྗེ་ལྟོ་བའི་ཙཀྲ་དང་། །ཨ་བ་ཀ་ཧ་ཞེས་པ་དང་། །གླང་ཆེན་མཆེ་བའི་ཙཀྲ་རྣམས། །འདི་ཡི་མིང་གི་རྣམ་གྲངས་ཡིན། །གྲུ་བཞི་མཉམ་པའི་ནང་དུ་ནི། །ཆ་མཉམ་རི་མོ་བརྒྱད་བསྣོལ་བས། །རེའུ་མིག་བརྒྱད་ཅུ་རྩ་གཅིག་འབྱུང་། །བྱང་ཤར་གྲྭ་ནས་གཡས་

― MR07_Page_0812 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་དུ། །གྲ་ནས་གྲར་བཟུང་རེའུ་མིག་ལ། །དབྱངས་ཀྱི་ཡི་གེ་བཅུ་དྲུག་བགོད། །ཨཱ་རིང་ཨ་ཐུང་བར་གྱི་ནི། །ཤར་ཆ་བདུན་ལ་སྨིན་སོགས་དང་། །དེ་བཞིན་ལྷོ་སོགས་གཡས་སྐོར་དུ། །རྒྱུ་སྐར་ཉི་ཤུ་རྩ་བརྒྱད་བཀོད། །དེ་ནང་ཤར་གྱི་ལྔ་པོ་ལ། །ཨ་ཝ་ཀ་ཧ་ཌ་དེ་བཞིན། །ལྷོ་ལ་སོགས་པར་རིམ་པ་བཞིན། །མ་ཊ་པ་ར་ཏ་དང་ནི། །ན་ཡ་བྷ་ཛ་ཁ་ཞེས་དང་། །ག་ས་ད་ཙ་ལ་རྣམས་ཏེ། །གསལ་བྱེད་ཡི་གེ་ཉི་ཤུ་བཀོད། །དེ་ནང་ཤར་གྱི་གསུམ་པོ་ལ། །གླང་དང་འཁྲིག་པ་ཀརྐ་ཊ། །དེ་བཞིན་སེང་གེ་བུ་མོ་སྲང་། །སྡིག་པ་གཞུ་དང་ཆུ་སྲིན་དང་། །བུམ་པ་ཉ་དང་ལུག་ཁྱིམ་བཀོད། །དེ་ནས་ཤར་སོགས་ཕྱོགས་བཞི་དབུས། །དགའ་བཟང་རྒྱལ་སྟོང་རྫོགས་པས་བརྒྱན། །རྒྱུ་སྐར་རང་རང་ཐད་ཀ་རུ། །རང་གི་རྐང་པའི་ཡི་གེ་ནི། །སྨིན་དྲུག་ཨ་ནས་མགོ་བཟུང་སྟེ། །བྲ་ཉེ་ལོ་ཡིག་བར་དུ་ནི། །ཨ་ཝ་ལ་སོགས་ཉི་ཤུ་པོ། །ཨ་ཨི་ཨུ་ཨེ་ཨོ་དབྱངས་ལྔས། །སྤེལ་བ་རིམ་པར་བཀོད་པ་ཡི། །ཀུ་པུ་བྷུ་དུ་བཞི་ཡི་གྲལ། །གྷ་ང་ཚ་དང་ཥ་ཎ་ཋ། །དྷ་ཕ་ཌྷ་དང་

― MR07_Page_0813 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་ཛྷ་ཉ། །བྲིས་པས་བརྒྱ་དང་བཅུ་གཉིས་སོ། །སྨིན་དྲུག་ལ་སོགས་རྒྱུ་སྐར་རེའི། །རྐང་པ་རེ་རེར་ཡི་གེ་རེ། །བརྩིས་ནས་བཞི་རུ་བྲི་བ་ཡིན། །བ་དང་ཤ་ནི་ཝ་དང་ས་ལའང་མ་གཏོགས་པའི། །གསལ་བྱེད་ཡོངས་སུ་རྫོགས་པར་ཤེས། །དེ་ལྟར་གཟའ་རྣམས་བགྲོད་པའི་གཞི། །རྒྱུ་སྐར་དང་ནི་རྐང་པ་དང་། །ཚེས་ཁྱིམ་དབྱངས་གསལ་བཅས་པ་སྟེ། །ཐམས་ཅད་གཡས་སུ་བསྐོར་བས་བྲི། །དེ་རྣམས་གྲ་ནས་གྲ་རུ་ཡང་། །དམར་མཚན་མཆེ་བའི་ཐིག་བཏབ་བྱ། །དེ་ནས་འབྲས་བུ་བཤད་པ་ལ། །སྤྱིར་ནི་ཁྱིམ་གནས་དག་ཏུ་ནི། །བགྲོད་བྱ་རྒྱུ་སྐར་ཉེར་བདུན་ལ། །བགྲོད་བྱེད་གཟའ་དགུའི་འཕོ་འཇུག་ལས། །རྣམ་མང་བདེ་སྡུག་བླང་དོར་གསལ། །དེ་ལས་སྐྱེས་བུ་རང་རང་ལ། །མེད་དུ་མི་རུང་གཅེས་པའི་རྩིས། །སྐྱེས་བུ་སྐྱེས་པའི་སྐར་མ་ནི། །ཤེས་ན་མཆོག་ཏུ་གྱུར་བར་གསུངས། །དེ་མིན་མིང་སྐར་འཚོལ་དགོས་པས། །རྒྱུ་སྐར་ཡི་གེ་ཐམས་ཅད་ལས། །རང་གི་མིང་ཐོག་གང་མཐུན་པའི། །སྐར་མ་དེ་ལ་མིང་སྐར་ཟེར། །ཨ་ཡིག་རིང་ཐུང་གང་ཡིན་ཀྱང་། །

― MR07_Page_0814 ―

^{[མ་དཔེ་གཟིགས་ན་འདིར་གནོན།]}

[Full Size]

སྨིན་དྲུག་རྐང་པ་དང་པོར་རྩི། །ལོ་ཡིག་རིང་ཐུང་གང་ཡིན་ཀྱང་། །བྲ་ཉེ་རྐང་པ་ཐ་མར་རྩི། །བར་རྣམས་དེ་ཡི་རིག་པས་འགྲེ། །ཨ་བ་༢ཨོ་རས་༢ངོ་མཚར་རང་བྱུང་༥ལ་སོགས་བཞིན། དེ་ཡང་མིང་གི་ཐོག་མ་དེའི། །བརྩེགས་པའི་སྟེང་དང་འཕུལ་པ་ཡི། །སྔོན་འཇུག་འཛིན་པ་དཔེར་ན་ནི། །རྡོ་རྗེའི་ར་དང་དཔལ་གྱི་ད། །འཛིན་པ་སྔགས་ཀྱི་བཀླག་ཐབས་ལུགས། །དང་པོ་གང་ཡིན་འཛིན་པར་འདོད། །ཁ་ཅིག་མིང་གཞི་འཛིན་པ་སྟེ། །དཔལ་གྱི་པ་དང་བསོད་ནམས་ས། །ཁྲོ་བོ་ལྟ་བུའི་ཁ་དང་ཡང་། །བརྩེགས་པའི་དབུས་མ་འཛིན་པ་སྟེ། །རྒྱལ་བ་ལྟ་བུའི་ག་འཛིན་པ། །དེ་ནི་རྒྱ་བལ་ལུགས་སུ་འདོད། །མིང་སྒྲ་ཤས་ཆེ་དེ་འཛིན་བཞེད། །ཡང་ན་མིང་ཡིག་རྒྱ་སྐད་བསྒྱུར། །དེ་ལས་མིང་སྐར་འཚོལ་ཡང་ཟེར། །དབྱངས་རྣམས་རྀ་ལྀ་ཨིར་རོ། །དབྱངས་ལྔར་བསྡུས་པ་ཡིས། །ཚེགས་བར་དབྱངས་ཀྱིས་རྣམ་བཅད་པའི། །མིང་ཐོག་གསལ་བྱེད་དབྱངས་ལྡན་སྒྲ། །གང་ཡིན་དེ་ག་འཛིན་པར་སེམས། །བ་ནི་ཝ་དང་གཅིག་པར་བརྗོད། །ཤ་ནི་ས་ལ་བསྡུ་བར་བྱེད། །བོད་

― MR07_Page_0815 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིག་ཅ་ཆ་ཇ་གསུམ་པོ། །ཙ་ཚ་ཛ་ལ་བསྡུ་བར་བྱ། །ཞ་ཟ་འ་གསུམ་ཤ་ས་ཨར། །ཡང་ན་ཟ་ཛར་བསྡུ་ཞེས་འདུག །འཇམ་ལྟ་བུར་མ་ལ་བསྡུ་ཟེར་བ་འདུག་ཀྱང་དཔྱད་དགོས། བསྡུས་ཏེ་མིང་གི་སྐར་མ་བཙལ། །རང་གི་སྐྱེས་མིང་སྐར་མ་དང་། །ལས་གང་རྩོམ་པའི་སྐར་སོགས་ལ། །མེ་དུ་སོལ་དང་གདོང་མཐོང་སའི། །གནོད་པ་ལྔ་པོ་བརྟགས་པར་བྱ། །མཆེ་བ་བསྣན་པས་གནོད་དྲུག་ཤེས། །ཉི་དམར་སྤེན་པ་གདོང་མཇུག་ལྔའི། །དུ་སོལ་མེ་ཡོད་གནོད་པར་ཤེས། །གཟའ་གཞན་མི་གནོད་བདེ་བ་སྟེར། །གསལ་བྱེད་དང་མཐའི་རིམ་པས་ས་ཟེར་བ་ཤ །ཝ་ཟེར་བ་ལ་བ་བྱས་པ་འཐད་དམ་སྙམ། དེ་ལྟར་ན་ཐ་མ་མཐར་གནས་སྡེ་མཚན་གཉིས་ཀྱི་ནང་གི་ཝ་དང་ས་མ་ཚང་བའོ། །དབྱངས་ཚང་ལ་ཐ་མ་གསལ་བྱེད་ཀྱི་གཉིས་མ་ཚང་ཟེར་བར་གོ་ཡང་རུང་། དཔེར་ན་སྨིན་དྲུག་རྐང་དང་པོར། །སྡིག་ཅན་གནས་ན་ཨ་ཡིག་འཁྱུད། །མདུན་གྱི་ཨི་ནི་དུ་བ་སྟེ། །བྱང་གི་ལོ་ནི་སོལ་བའོ། །ནུབ་ཀྱི་ཁོ་ནི་གདོང་ཚུགས་སོ། །རགས་པར་སྨིན་དྲུག་སྡིག་ཅན་གནས། །སྨིན་དྲུག་འཁྱུད་པ་བྲ་ཉེ་སོལ། །སྣར་མ་དུ་བ་བྱི་བཞིན་

― MR07_Page_0816 ―

^{[མ་དཔེ་གཟིགས་ན་འདིར་གནོན།]}

[Full Size]

གདོང་། །གཟའ་རྣམས་དལ་འབྱུང་མྱུར་འགྲོས་དུས། །འདི་བཞིན་བརྩི་ལ་འཁྱོགས་འགྲོས་ཚེ། །དུ་སོལ་བཟློག་སྟེ་བརྩི་བ་ནི། །དཔེར་ན་སྨིན་དྲུག་རྐང་དང་པོར། །དྲག་གཟའ་གནས་ནས་འཁྱོགས་འགྲོ་ན། །ཨ་འཁྱུད་ལོ་དུ་ཨེ་སོལ་ཡིན། །སྒྲ་གཅན་གདོང་མཇུག་གཡས་རྒྱུ་བས། །རྟག་ཏུ་འདི་ལྟར་བརྩི་བར་གསུངས། །དེ་ཡི་གོ་བའང་འདི་ལྟར་དུ། །གཟའ་གང་སྤྱོད་བཞིན་སྐར་མ་དེ། །འཁྱུད་པ་མེ་འབར་བཞིན་པ་འདྲ། །ཟོས་ཟིན་འདས་པ་སོལ་བ་སྟེ། །ད་གཟོད་ཟ་རྒྱུ་དུ་བར་བརྗོད། །དེ་ཕྱིར་མེ་དུད་སོལ་བའི་དཔེས། །དྲག་གཟས་གནོད་པ་རྣམ་པར་བརྗོད། །ཐད་ཀར་གནས་པ་གདོང་གིས་འཇོམས། །དེ་ནས་མཐོང་ས་བརྩི་བ་ནི། །ཞི་དྲག་ཀུན་ལ་བརྩི་བ་ཡིན། །ཉི་མར་རང་གནས་རྐང་པ་ནས། །གཡས་སམ་རྒྱབ་ཀྱི་བཅུ་གཉིས་པ། །མཐོང་བ་དཔེར་ན་སྨིན་དྲུག་གི ། རྐང་པ་དང་པོར་ཉི་གནས་ན། །མགོ་ཡི་རྐང་པ་ཐ་མ་ཡི། །ཡི་གེ་ཀི་མཐོང་དེ་བཞིན་དུ། །གཟའ་རྣམས་ཨ་ལ་གནས་པ་ཡི། །དཔེར་བྱས་འདི་ལྟར་

― MR07_Page_0817 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩི་བ་སྟེ། །མིག་དམར་གྱི་ནི་གསུམ་པའི་ཨུ། །ཕུར་བུས་དྲུག་པའི་ཝ་མཐོང་འགྱུར། །སྤེན་པ་ཡིས་ཀྱང་བརྒྱད་པའི་ཝུ། །དེ་རྣམས་རྒྱབ་ཏུ་མཐོང་ཞེས་དེ། །གཡས་སུ་རིམ་པར་བསྐོར་བའོ། །ཟླ་བས་གཡོན་དུ་ཉེར་གཉིས་སུ། །རཱ་ཧུས་དགུ་པའི་ཙུ་མཐོང་ལ། །ལྷག་པས་བདུན་པར་ཙོ་ཡིག་མཐོང་། །པ་སངས་ཀྱིས་ནི་ལྔ་པ་ལི། །དེས་འགྲེས་ཀུན་ལ་བརྩི་བར་བྱ། །རགས་པ་མཐོང་བ་མ་བརྩི་ཟེར། །གང་གི་རྐང་པ་མཐོང་བ་ཡི། །སྐར་མའང་རགས་པར་མཐོང་སར་བརྩི། །མཐོང་སའང་འཁྱོགས་འགྲོའི་དུས་དག་ན། །གཡས་གཡོན་གོ་ལྡོག་རྩི་བ་ནི། །འོད་ཟེར་བརྒྱ་པ་དག་ལས་བཤད། །དེ་ལྟར་གནོད་པ་ལྔ་པོ་ལས། །སོལ་བས་འཆི་བར་འགྱུར་པ་སྟེ། །འཁྱུད་པས་ལུས་ལ་ནད་འབྱུང་ཞིང་། །དུ་བས་ཡིད་ལ་འདོད་པ་མེད། །གདོང་ཚུགས་རིགས་ངན་ཐ་ཤལ་འགྱུར། །ཉི་མའི་མཐོང་སས་ནོར་རྣམས་འཛད། །མིག་དམར་རཱ་ཧུ་སྤེན་པ་ཡིས། །ལུས་ཅན་རྣམས་ནི་འཆི་བར་བྱེད། །ཕུར་བུས་གཉེན་རྣམས་བརླག་ཅིང་འཆི། །པ་སངས་ལས་ཉམས་

― MR07_Page_0818 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་མི་འགྲུབ། །གཟའ་ལྷག་དགྲ་འབྱུང་ཟོང་མི་ལོན། །ཟླ་བས་འཇིགས་པ་ཆེན་པོ་འབྱུང་། །བྱེ་བྲག་གདོང་ཚུགས་འབྲས་བུ་ནི། །གཙོ་ཆེར་བག་མར་བཤད་པ་ཡི། །ཤ་ལ་ཀ་ཡི་འཁོར་ལོ་ཡང་། །འཁོར་ལོ་འདི་ཡིས་ལེགས་པར་རྟོགས། །སོལ་འཁྱུད་དུ་བ་གདོང་བཞི་ལ། །སྟོབས་བཞིའི་འཁོར་ལོ་ཞེས་ཀྱང་ཟེར། །། དེ་ནས་མཆེ་བས་གནོད་ཚུལ་ནི། །དཔེར་ན་ལག་ལ་སྡིག་ཅན་གནས། །ཝ་ལྀ་ཙ་དང་ཁྲུམས་སྨད་ནི། །གཡས་པའི་མཆེ་བས་རྣམ་པར་འཛིན། །ཧ་ལཱི་ཊ་དང་མེ་བཞི་གཡོན། །ཆུ་སྟོད་གདོང་གིས་རྣམ་པར་འཇོམས། །དེ་བཞིན་ས་གར་སྡིག་གནས་ན། །གཡས་སུ་ཏ་ཡིག་སྲང་བཟང་པོ། །དགའ་གླང་ཨ་དང་སྨིན་དྲུག་འཇོམས། །གཡོན་པས་ལྷ་མཚམས་མདུན་མོན་གྲེ། །ཆུ་སྟོད་གཡས་པ་ཡ་སོགས་དང་། །གཡོན་པ་ཛ་ཨཻ་ས་ཁྲུམས་སྨད། །མདུན་དུ་ལག་ལ་གདོང་ཚུགས་འབབ། །ཐ་སྐར་ལ་གནས་གཡས་ཙ་ཉ། །ཨཿགཞུ་ཡ་དང་སྣྲོན་ཡིན་ཏེ། །གཡོན་དུ་ཨུ་དང་སྣར་མ་དང་། །གྲེ་ལ་གདོང་གིས་གནོད་

― MR07_Page_0819 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར། །དབྱངས་གསལ་ཚེས་ཁྱིམ་རྒྱུ་སྐར་ལ། །མཆེ་གདོང་འབབ་པ་ཤེས་པར་བྱ། །གདོང་ནི་སྔར་ཡང་བསྟན་མོད་དེ། །འདིར་ནི་དཔེར་བརྗོད་ལྷན་དུ་བགྱིས། །ཁ་ཅིག་དབྱངས་གསལ་ཚེས་ཁྱིམ་ལ། །མཆེ་བ་བཞིན་དུ་གདོང་གནོད་ཟེར། །ལས་ལ་སྤྱོད་དམ་སྐྱེས་མིང་ལ། །མཆེ་བས་མ་རུང་བྱེད་པར་འགྱུར། །འཁོར་ལོ་གསུམ་འཛོམ་ཞེས་བྱ་བ། །གཡས་གཡོན་མཆེ་བ་གདོང་དང་བཅས། །དུས་གཅིག་འཛོམ་པའི་སྐྱེས་མིང་ཅན། །གླང་ཆེན་མྱོས་པའི་མཆེ་བ་ཡིས། །བླངས་ནས་ཟ་བར་བྱེད་དང་མཚུངས། །སྡིག་ཅན་གསུམ་གྱིས་མཆེ་གདོང་གང་རུང་གི་གནོད་པ་སྐར་མ་གཅིག་ལ་མཉམ་དུ་བབ་ན་བརླག་པར་འགྱུར། །གཅིག་གིས་དོན་ཉམས་ནོར་ཟད་བྱེད། །བསོད་ནམས་སྡིག་པས་གནོད་འདྲེས་ན། །རིམས་འབྱུང་ནོར་རྣམས་ཟད་པར་བྱེད། །དེ་ཕྱིར་སྐྱེས་མིང་སྐར་མ་ལ། །གཟའ་གནོད་བྱུང་ཚེ་རིམ་གྲོ་བསྐུལ། །ཁྱད་པར་བྱ་བྱེད་འགྲོ་འདུག་འཛེམ། །གང་ཞིག་ལས་བརྩམས་ཚེས་ཁྱིམ་དབྱངས། །གསལ་

― MR07_Page_0820 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་རྒྱུ་སྐར་གང་ཡིན་ལ། །གཟའ་ཡིས་གནོད་པའི་དུས་སུ་བཤོལ། །མིག་དམར་རཱ་ཧུའི་གདོང་ཚུགས་ངན། །སྤེན་པ་དུས་མེའི་སོལ་འཁྱུད་ངན། །ཉི་མས་མཐོང་ས་ཁྱད་པར་ངན། །དེ་ལས་བསོད་ནམས་གཟའ་རྣམས་ལ། །དུ་སོལ་འཁྱུད་པའི་ཉེས་མེད་ཀྱང་། །པ་སངས་མཆེ་བ་ཕུར་བུའི་གདོང་། །ཞི་གཟའ་བཞི་ཀས་མཐོང་ས་ལ། །འཛེམ་པ་སྒེར་དུ་བཤད་པ་ཡིན། །། བྱེ་བྲག་ངན་པའི་གདོང་ཚུགས་ནི། །འདི་ལྟར་འཁོར་ལོ་ལས་ཤེས་བྱ། །༤༣༡༤ དམར ལྷག ཕུར སངས སྤེན་གྲོ ༢༥འདྲ་མིན། ༧ ༡༠ ༡༡༢༠ ༢༥༡༢ ༡༣ ༢༠གྲོ ༢༢༠ ༩ ༡༥༡༨ ༢༤༨ ༡༠ ༡༩༡༧ ༢༦༡༢ ༥༡༩ བྱི་མགོ་དང་ས་རི་གྲོ་བཞིན་སྣར། །ཁྲུམས་སྨད་ལྔ་པོ་ཟླ་སྐར་གྱུར། །དེ་ལ་མིག་དམར་གདོང་བཙུགས་ན། །ཆོམ་རྐུན་གྱིས་འཚེ་བཟའ་བཏུང་མེད། །སྔར་མེད་ནད་འབྱུང་ལོངས་སྤྱོད་འཛད། །དེ་བཞིན་ཟླ་སྐར་མེ་བཞི་སོགས་ལ་གཟའ་ལྷག་གདོང་བཙུགས་ན། །འཆི་སོགས་མི་དགེ་སྣ་ཚོགས་དང་། །ནོར་བུ་བུ་དང་བུ་མོ་དང་། །ལོངས་སྤྱོད་རྣམས་ནི་མ་ལུས་ཉམས། །ཕུར་བུའི་གདོང་ཚུགས་ཤར་བ་ན། །རྒྱལ་པོ་ཡུལ་དུ་མི་བཞག་ཅིང་། །བྱ་བར་མི་དགེ་གཉེན་རྣམས་འཆི། །པ་སངས་གདོང་ནི་བཙུགས་པ་ན། །བག་མ་བླངས་ན་ཁྱོ་འཆི་སྟེ། །བུ་མོ་སོང་ན་ཕྱུགས་ཀུན་བརླག །སྤེན་པས་ནད་

― MR07_Page_0821 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་གཉེན་གྲོགས་འཆི། །སྟོབས་བཞིའི་འཁོར་ལོ་ཞེས་པའམ། །རང་གི་བདག་པོའི་འཁོར་ལོ་སྟེ། །ལམ་དུ་ཞུགས་པའི་དུས་དག་ལ། །བྷཻ་ར་མུ་ཁའི་འཁོར་ལོའང་ཟེར། །བྱེ་བྲག་ངན་པའི་དམིགས་བསལ་གྱི། །གདོང་ཚུགས་འཁོར་ལོ་འདི་དག་གོ །ཕན་ཚུན་ཆེན་པོའི་འཁོར་ལོ་ཞེས། །ཕན་ཚུན་གདོང་ཚུགས་ཁྱད་པར་ལས། །གྲོང་ཕྱུགས་སྐྱེས་བུའི་བདེ་དོགས་བརྟགས། ༈ །མིག་ལྷག་ཕུར་སངས་སྤེན་ཉི་ཟླས། །ཕྱོགས་བཞིའི་ཐོག་མ་ནས་རིམ་དུ། རྒྱུ་སྐར་ཉེར་བརྒྱད་པོའི་སྐར་མ་རེར་དབང་བཞིར་འགྱུར་ཏེ། །སྨིན་མཆུ་ལྷ་མཚམས་མོན་གྲེ་བཞི། །མིག་དམར་གྱིས་ནི་བདག་བྱེད་ལྟར། །རང་བདག་སྐར་མའི་ཙཀྲའོ། །༡ ༢ ༣ ༤ ༥ ༦ ༠༧ ༡༤གྲོ ༠༨ ༡༥བྱི ༡༢ ༩༡༦ ༢༢༣ ༡༠༡༧ ༢༣༤ ༡༡༡༨ ༢༤༥ ༡༢༡༩ ༢༥༦ ༡༣༢༠ ༢༦ སྐར་མར་བདག་གཟའ་དེར་གནས་ཚེ། །ཞེས་པ་འདི་བླ་མ་གོང་མ་འགའ་རེས་གཟའ་ཟླ་སྐར་དེ་དག་ལ་འཕྲད་ཚེ་དེ་ལྟར་བརྩི་བར་བྱ་ཞེས་གསུངས་ཏེ། ལྀ་ཐུ་ལ་གལ་ཆེན་དུ་འབྲི་བར་མཛད་ཀྱང་། སྐྱེས་མིང་ཟླ་སྐར་སོགས་ལའང་སྦྱར་ཏེ། གཙོ་བོར་རང་རང་གི་བདག་གཟའ་དེ། སྐར་མ་དེ་སྟེང་བགྲོད་ཚུལ་རྩ་བའི་གཟའ་ལ་བྱས་ན་འཐད་སྙམ་མོ། །གནོད་ལྔ་མཆེ་བ་ལ་སོགས་པའི། །སྐྱོན་མེད་སླར་ཡང་བདེ་བ་འཐོབ། ༢༥ །བུ་དང་འདྲ་བའི་སྐར་མ་དེ། །གཟའ་དེས་སྲུང་བར་བྱེད་ཕྱིར་རོ། །གཞན་ཡང་གཟའ་རང་སྐྱེས་སྐར་མ་ལའང་། །རང་གཟའི་

― MR07_Page_0822 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པ་འབབ་པ་མིན། །དཔེར་ན་ནབས་སོར་ཉི་མ་དང་པ་སངས་གཉིས་ཀྱི། །གནོད་ལྔ་སྤང་བ་ལྟ་བུའོ། །།གནོད་པ་དེ་ཡི་ངོ་ལོན་ནི། །སོལ་བར་འཆི་བསླུ་སྤོང་དག་བྱ། །འཁྱུད་པར་མིང་སྤོ་ལུས་བསྒྱུར་ཞིང་། །བསྙེན་གནས་དགེ་བསྙེན་སྡོམ་པ་འབོག །དུ་བར་གྲིབ་དང་མི་གཙང་འཛེམ། །ཁྲུས་དང་སྦྱིན་སྲེག་ལ་སོགས་བྱ། །གདོང་ཚུགས་གནས་སྤོ་གཉེན་རྣམས་ཀྱིས། །དཀྱིལ་འཁོར་ཀུན་ལ་སྐྱབས་སུ་འགྲོ། །མཆེ་བར་ཆུ་སྦྱིན་གཏོར་མ་བཏང་། །གཙུག་ཏོར་ཤིས་པ་བརྗོད་པའི་མདོ། །གསེར་འོད་དམ་པའི་གསུང་སྒྲོགས་བྱ། །། དེ་ནས་གནོད་པ་དྲུག་འཛིན་བརྟགས། །གང་གིས་གནོད་ན་གཟའ་ཡིས་ཏེ། །གང་ལ་གནོད་ན་རྒྱུ་སྐར་དབྱངས། །གསལ་བྱེད་ཚེས་ཁྱིམ་དག་ལའོ། །གནོད་ཚུལ་མཆེ་གདོང་མཐོང་ས་དང་། །དུ་སོལ་མེ་ཡི་ཚུལ་དུ་གནོད། །ཁྱད་པར་དམིགས་གསལ་གནས་དྲུག་འདིར། །མཆེ་སྣས་གནོད་པ་སྤང་དགོས་པས། །མིང་སྐར་རམ་ནི་སྐྱེས་སྐར་དེ། །སྐྱེས་ས་ཞེས་སུ་བརྗོད་པ་ཡིན། །དེ་ནས་གཡས་སུ་

― MR07_Page_0823 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར་བ་ཡི། །བཅུ་པར་ལས་དང་བཅུ་དྲུག་པ། །རྣམ་འགྱེས་ཞེས་བྱ་བཅོ་བརྒྱད་པར། །རྒྱ་ཅན་ཡིན་ཏེ་དེ་བཞིན་དུ། །ཉེར་གསུམ་བི་ན་ཤ་ཀར་གྲགས། །ཉེར་ལྔ་ཡིད་ཅན་ཞེས་བྱའོ། །དཔེར་ན་སྨིན་དྲུག་སྐྱེས་ས་ཡིན། །དབོ་སྣྲོན་གྲེ་དང་ཁྲུམས་སྟོད་དང་། །ནམ་གྲུ་རིམ་བཞིན་ལས་ལ་སོགས། །བཅུ་དགུ་ཨ་དྷ་ན་ཞེས་ཏེ། །སྨིན་ལ་ཆུ་སྨད་ལྟ་བུ་འདོད། །ཐམས་ཅད་གཡས་སུ་བསྐོར་བ་ཡིན། །།འདི་ནི་སྐར་མར་མི་བརྩི་བར། །རྐང་པའི་གྲངས་ལ་སྦྱར་བ་ནི། །སྨིན་དྲུག་རྐང་པ་དང་པོ་ལ། །སྐྱེས་སམ་མིང་ཡིག་དེ་ལ་ཡོད། །ཨ་ཡིག་སྐྱེས་ས་ཝོ་ལས་སོགས། །རྣམ་པར་རྩི་བར་འདིར་ཡང་འདོད། །སྐྱེས་སར་གནོད་ཤར་ནད་འབྱུང་ཞིང་། །ནོར་ཟད་ཀུ་ཅོ་དགྲ་དང་རྩོད། །ལས་ལ་མཆེ་གནས་གྲོགས་དང་འཐབ། །བཟོ་བྱས་བླ་མེད་ལས་མི་འགྲུབ། །རྣམ་འགྱེས་གཉེན་བཤེས་རྣམས་དང་ཕྱེ། །རྒྱ་ཅན་བསམ་པའི་དོན་མི་འགྲུབ། །བི་ན་ཤ་ཀར་རིམས་ནད་འཆི། །བསོད་ནམས་ཉམས་པ་ཞེས་སུ་འདོད། །ཡིད་ཅན་

― MR07_Page_0824 ―

^{[མ་དཔེ་གཟིགས་ན་འདིར་གནོན།]}

[Full Size]

གདོང་ཚུགས་སྡུག་བསྔལ་འཐོབ། །དེ་དྲུག་སྐྱོན་བཅས་མི་དགེ་བྱེད། །ཨ་དྷ་ན་ལ་རིམས་ནད་འབྱུང་། །ལུས་ནད་འདི་ལ་བརྟགས་ཀྱང་ཟེར། །རང་གི་སྐར་མར་གནོད་དུས་དེར། །རིམ་གྲོ་བསྐུལ་ཞིང་གནོད་པ་དེ། །འབབ་དུས་ལས་གསང་དེ་དང་དེ། །རྩོམ་པར་བྱ་བ་མ་ཡིན་ནོ། །། དེ་རྣམས་ངོ་ལོན་བསྟན་པ་ནི། །སྐྱེས་སར་གནོད་ཤར་དགེ་འདུན་མཆོད། །ཕོངས་པ་སོགས་ལ་གོས་ལྷྭམ་སྦྱིན། །ལས་ལ་གནོད་ཤར་དགེ་སློང་དང་། །ཚོགས་བདག་དུར་ཁྲོད་བདག་མོ་མཆོད། །རྣམ་འགྱེས་སྡིག་ཤར་གཞོན་ནུ་མ། །མཆོད་ཅིང་བཀྲ་ཤིས་ལྷ་གསོལ་བྱ། །རྒྱ་ཅན་བྱིས་པར་སྟོན་མོ་བྱ། །བི་ན་ཤ་ཀར་གནོད་པ་བྱུང་། །སྐུ་གཟུགས་མར་མེ་བརྒྱ་རྩ་ཡིས། །དུས་གཅིག་ཉིད་དུ་མཆོད་པར་བྱ། །ཡིད་ཅན་སྐྱེ་བོར་ཆང་སྦྱིན་བྱ། །། གར་འདུག་ཡུལ་གྱི་མིང་སྐར་དང་། །སྨིན་དྲུག་བྲམ་ཟེ་རྒྱལ་རྒྱལ་རིགས། །ནམ་གྲུ་རྗེ་རིགས་མེ་བཞི་དམངས། །བོད་དུ་རུས་པའི་མིང་སྐར་རམ། །རྒྱལ་རྗེ་དམངས་རིགས་རང་རང་དང་། །བླ་མ་

― MR07_Page_0825 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་པ་བྲམ་ཟེར་བཟུང་། །དེ་ནི་རིགས་ཀྱི་སྐར་མ་དེ། །རང་ཉིད་གོང་དུ་དཔོན་སོགས་སུ། །བཀུར་དུས་ཟླ་བའི་སྐར་མ་དང་། །མཁར་ཁང་ལྷ་ཁང་རྨང་འདིང་དུས། །ཕལ་པའང་ཁྱིམ་ཐབས་ཕོག་དུས་དང་། །ལས་གང་བྱེད་པར་མངའ་གསོལ་སོགས། །ཐོག་མར་རྩོམ་པའི་ཟླ་སྐར་ནི། །དབང་བསྐུར་སྐར་མ་དེ་ལྟར་ན། །རིགས་དང་ཡུལ་དང་དབང་བསྐུར་གསུམ། །དེ་ལ་དྲག་གཟས་གནོད་པ་ངན། །།ད་ནི་སྤྱོད་བྱེད་གཟའ་ལ་ཡང་། །རྩ་བ་ཡན་ལག་ཚེས་དང་ནི། །ཉེ་བའི་གཟའ་ཞེས་རྣམ་པ་བཞི། །རྒྱུ་སྐར་རྐང་པར་སྤྱོད་པ་ཡི། །གཟའ་དགུ་རྩ་བའི་གཟའ་རུ་བཤད། །ཐུན་ཕྱེད་དུས་སྦྱོར་བྱེད་པ་སོགས། །ཡན་ལག་གཟའ་ཡིན་ཚེས་ཀྱི་གཟའ། །ཉིན་རེ་བཞིན་རྒྱུའི་རེས་གཟའོ། །ཉེ་བའི་གཟའ་ནི་རྣམ་པ་བརྒྱད། །ཐམས་ཅད་ཉི་མའི་མདུན་དུ་འགྲོ། །ཉི་མ་གནས་པའི་རྐང་པ་ནས། །གཡས་བསྐོར་ལྔ་པར་གློག་གནས་ཏེ། །བརྒྱད་པར་ཤུ་ལ་བཅུ་བཞིར་འབྲུག །བཅོ་བརྒྱད་དུ་འཇུག་ཉི་ཤུར་བཙོ། །ཉེར་གཉིས་ཐོག་དང་

― MR07_Page_0826 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་གསུམ་ལ། །ས་གཡོས་ཉེར་བཞིར་གཏུན་ཤིང་གནས། །དཔེར་ན་སྨིན་དྲུག་རྐང་པ་ནི། །ཐོག་མར་ཉི་མར་གནས་པའི་ཚེ། །སྣར་མའི་རྐང་པ་དང་པོར་ནི། །ཡི་གེ་ཨོ་ལ་གློག་གནས་པ། །དེ་བཞིན་རྒྱལ་གྱི་ཐ་མའི་ཌར། །གཏུན་ཤིང་གནས་པའི་བར་དུ་སྦྱར། །དེ་ལྟར་རྒྱུ་སྐར་ཀུན་ལ་འགྲེ། །། དེ་རྣམས་མིང་གི་ཡི་གེ་ལ། །གནས་དུས་གནོད་པར་ཤེས་པར་བྱ། །དེ་བཞིན་ཟླ་སྐར་སོགས་ལ་ཡང་། །སྦྱར་ཏེ་འབྲས་བུ་བཤད་པ་ནི། །གློག་ལ་གཟེར་འོང་ཤུ་ལ་ལ། །མཆིན་ནད་སྦངས་འབུར་སོགས་སུ་བཤད། །འབྲུག་ལ་ཤུ་འབྲས་གཡང་དུ་ལྷུང་། །དུ་མཇུག་ཁ་ཟས་ཡིད་མི་འོང་། །བཙོ་ལ་གསུས་པ་འཁྲོག་འགྱུར་ཏེ། །ཁོལ་བུར་ན་ཞིང་འདར་བ་ཐོབ། །ཐོག་ལ་ཐོག་འབབ་འཆི་བའང་འོང་། །ས་གཡོས་མགོ་ན་སྨྱོ་འདར་དང་། །གཏུན་ཤིང་གཡང་ལྷུང་བརྡབ་ཆག་འོང་། །དྲག་གཟའ་དང་བསྡོངས་ངན་པ་སྟེ། །ཞི་དང་བསྡོངས་ན་མི་སྐྱོན་བརྗོད། །འདིར་བསྡོངས་ཞེས་པ་ཉེ་གཟའ་དེ་ཡོད་སར་རྩ་བའི་གཟའ་གཞན་ཡོད་པ་ལ་བཤད་པའོ། །དེ་ཕྲད་ཞག་

― MR07_Page_0827 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་འབྲས་འབྱིན་ཟེར། ༈ །འདི་ལ་སྙིང་པོ་བསྡུས་པ་ལས། །རྐང་པའི་གྲངས་ཀ་སྐར་མར་བརྩི། །དཔེར་ན་སྨིན་དྲུག་ཉི་གནས་ན། །ཁྲུམས་སྨད་གློག་སོགས་སྦྱར་ཏེ་གཡོན་སྐོར་རོ་གསུངས། །དེ་རྣམས་གནས་པའི་ཟླ་སྐར་དུས། །དགེ་ལས་སྤང་བྱ་དུག་མཚོན་བསྲེག །ལ་སོགས་མི་དགེ་འགྲུབ་ཅེས་བཤད། ༈ །མཐོང་ས་ལ་སོགས་སྐབས་འདི་རུ། །གྲོ་བཞིན་དང་ནི་བྱི་བཞིན་གཉིས། །སྐར་མ་གཅིག་གི་ཁྱོན་དུ་རྩི། །རྐང་པ་རེ་རེ་དབྱུག་རི་དང་། །ཆུ་སྲང་སུམ་ཅུ་ཐམ་པའོ། །། དྲག་པོ་གསུམ་འཛོམ་ཞེས་བྱ་བ། །ཚེས་གཟའ་རྒྱུ་སྐར་དྲག་པོ་སྟེ། །དེ་ལ་ཚེས་གྲངས་དྲག་པོ་ནི། །བིཥྚི་འཆར་བའི་དུས་བརྒྱད་དང་། །ཐུན་ཕྱེད་དུས་སྦྱོར་བྱེད་པ་སོགས། །དྲག་གཟའ་འཆར་བའི་ཚེས་ཀྱི་ཆ། །སྲེག་ཚེས་ལ་སོགས་ངན་པའི་ཉིན། །གཟའ་ནི་རེས་གཟའ་དྲག་པོ་དང་། །རྒྱུ་སྐར་རང་བཞིན་གྱིས་དྲག་པོ། །ཤར་ན་གསོད་བྱེད་ཤན་པ་ཡི། །ལག་པ་ཞེས་བྱ་ལག་དང་ནི། །ལྷོ་ན་འཇོམས་བྱེད་དབང་ཕྱུག་གི །གདེངས་

― MR07_Page_0828 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་མེ་བཞི་ཞེས་བྱ་དང་། །ནུབ་ན་ཕུང་བྱེད་ཡི་དྭགས་ཀྱི། །ཝ་བ་ཆུ་སྟོད་ཉིད་དང་ནི། །བྱང་ན་གདུག་པ་གཤེད་ཀྱི་ནི། །ལྐོག་མ་ཞེས་བྱ་ཁྲུམས་སྨད་བཞི། །ཕྱོགས་དབུས་ཀ་བ་བཞི་པོ་དང་། །གཞན་ཡང་གནས་སྐབས་དྲག་པོ་ནི། །རྩ་བའི་དྲག་གཟའ་རྣམས་དང་ནི། །ཉེ་གཟའ་སྤྱོད་པའི་སྐར་མ་ཡང་། །དྲག་པོའི་གྲས་སུ་རྣམ་པར་བཞག །དེ་རྣམས་ཟླ་སྐར་འཆར་དུས་སུ། །ཤིན་ཏུ་མི་ཤིས་ངན་པ་སྟེ། །བི་ན་ཤ་ཀ་ཞེས་བྱར་གྲགས། །དྲག་པོའི་ལས་རྩོམ་མཐུ་ལྡན་འགྱུར། ༈ །ཁ་ཅིག་སྐྱེས་སྐར་དྲག་པོའི་སྟེང་། །དྲག་གཟས་སྤྱོད་ཅིང་དྲག་པོའི་ཚེས། །འཛོམ་པ་ལ་ནི་བཤད་མོད་ཀྱང་། །རང་ལུགས་སྔ་མ་ལྟར་དུ་འདོད། །གཞུང་གི་ཚིག་སྒྲོས་ལས་ཨནྟ་ཀ་འཆར་བའི་ཚེས། ཐུན་ཕྱེད་ཀྱི་གཟའ་དྲག་པོ། །དྲག་པོ་གནས་པའི་རྒྱུ་སྐར་གསུམ་འདྲའམ་སྙམ། །ཕྱོགས་གང་ཉི་མ་གནས་པའི་ཕྱོགས། །ཨ་ཊ་མི་ཊ་ནུབ་པ་ཞེས་བྱར་གྲགས། །སྨིན་ནས་སྐག་བར་ཤར་ལྟ་བུ། །ཁྱད་པར་ཕྱོགས་ཀྱི་དབུས་གནས་ངན། །ཤར་དབུས་ལ་སོགས་དེ་ཡི་

― MR07_Page_0829 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲེས། །ཕྱོགས་དེའི་ཚེས་ཁྱིམ་རྒྱུ་སྐར་དབྱངས། །གསལ་བྱེད་བཅས་པ་ནུབ་འགྱུར་ཞིང་། །བསྲེག་ཉམས་ཚད་གདུང་མྱ་ངན་འབྱུང་། །དེ་ཕྱོགས་བྱེས་སུ་བགྲོད་ན་དགེ། དཔེར་ན་ཤར་སྐར་བདུན་པོ་ནི། །གང་རུང་ཉི་མ་གནས་པའི་ཚེ། །སྨིན་ནས་སྐག་བར་སྐར་མ་དང་། །ཡེ་གེ་ཨ་པ་ཀ་ཧ་ཌ། །གླང་འཁྲིག་ཀརྚའི་དུས་སྦྱོར་ཁྱིམ། །དགའ་བའི་ཚེས་དང་དབྱངས་ཨ་ཨུ། །ལྀ་ཨོ་ཉམས་པར་འགྱུར་བའོ། །ཉི་མ་དེར་ནི་ཟླ་གསུམ་གནས། །ཉི་མ་དང་བྲལ་ཕྱོགས་གསུམ་པོར། །དགྲ་རྒྱལ་གྲོགས་འཕྲད་འདོད་དོན་འགྲུབ། །གང་དུ་བསོད་ནམས་གཟའ་འཆར་ཕྱོགས། །འཆར་བ་ཞེས་བྱ་དགེ་བར་བཤད། །བྱེ་བྲག་སྐྱེས་མིང་ལ་སོགས་ལ། །གཟའ་གནས་དེ་ལྟར་བརྟགས་པར་གསུངས། ༈ །མེ་རླུང་རེ་ཁཱས་བཅད་པ་ཡི། །ཨཱ་ཨཱི་འབྲེལ་བའི་ཐིག་རྩེ་རིང་པོར་བྱས་པས། །གང་དུ་ཟླ་བ་གནས་པའི་ཕྱོགས། །དེ་རུ་འགྲོ་བ་བཟང་བར་བཤད། །སྨིན་སོགས་གནས་ན་ཤར་དུ་བཟང་། །ཤར་ནི་བྱང་དང་འདྲ་བར་བཤད། །མདོར་

― MR07_Page_0830 ―

^{[མ་དཔེ་གཟིགས་ན་འདིར་གནོན།]}

[Full Size]

ན་བྱང་ཤར་སྐར་མ་ནི། །བཅུ་བཞི་གང་རུང་ཟླ་བ་ཡོད། །དེ་ཚེ་ཤར་དང་བྱང་བགྲོད་དགེ། ནུབ་ལྷོ་མི་ཤིས་ངན་པ་བཤད། །ལྷོ་ནུབ་བཅུ་བཞིར་ཟླ་བ་གནས། །ལྷོ་ནུབ་བཟང་ཞིང་ཤར་བྱང་ངན། །ཕྱོགས་བཞི་དུམ་བུ་གཉིས་ཕྱེ་བའི། །ཟླ་བ་གང་ཡོད་ཕྱོགས་སུ་བཟང་། །ཁྱད་པར་གཡུལ་བཤམས་འགྲོ་བ་ལ། །མཚམས་ལས་བརྒལ་ལམ་བཟློག་སྟེ་སོང་། །དཀྱིལ་འཁོར་ཐིག་སྐོར་དུས་སུའང་འདི་མི་འགོམ་པ་གལ་ཆེ། དོན་ཉམས་མི་ཤེས་སྡུག་བསྔལ་ཕོངས། །པ་རི་ཡོངས་འཇོམས་ཟེར། གྷ་ཡི་འཁོར་ལོ་གྲགས། ༈ །མཚམས་ན་གནས་པའི་སྐར་མ་བརྒྱད། །སྔ་མ་རྫོགས་པའི་ཆུ་ཚོད་ལྔ། །ཕྱི་མ་སླེབས་པའི་ཐོག་མ་ནས། །བརྩམས་པའི་དུས་ཀྱི་ཆུ་ཚོད་ལྔ། །རྫོགས་དང་ཟུག་པའི་དབྱུག་གུ་བཅུར། །འདི་སྐར་མ་གཉིས་ཀ་དབུས་སུ་སྔར་འདོད་པ་ཡོད་ཀྱང་མི་འཐད་པར་བཤད། རང་གི་ཕྱོགས་ལས་ཕྱོགས་གཞན་སྤང་། དཔེར་ན་བྲ་ཉེ་རྫོགས་ཁ་མའི་ཆུ་ཚོད་ལྔ་ལ་བྱང་མ་གཏོགས་ཕྱོགས་གཞན་གསུམ་དང་། སྨིན་དྲུག་ཏུ་སླེབས་པའི་ཆུ་ཚོད་ལྔའི་རིང་ལ་ཤར་མ་གཏོགས་གཞན་གསུམ་འགྲོ་ན་ལྷག་

― MR07_Page_0831 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ངན། དེས་འགྲེའོ། །རང་གི་ཕྱག་རྒྱའི་སྦྱོར་བ་སྟེ། །ཝེ་ར་མུ་དྲའི་ཙཀྲར་གྲགས། །ཁྱད་པར་སྐར་མ་དེ་གཉིས་ཀྱི། །རྫོགས་དང་ཟུག་པའི་དབྱུག་གཅིག་ལ། །ཟླ་བ་སྤྱོད་ཚེ་འགྲུལ་བྱས་ན། །ཚུར་ལ་ཁྱིམ་དུ་མི་ལྡོག་ཅིང་། །གང་བརྩམ་མི་འགྲུབ་འདི་སྤང་དགོས། །འདི་ལ་རྒྱ་མཚོའི་འཁོར་ལོ་ཟེར། །འདི་ལྟར་ཤར་ལྷོའི་སྐག་མཆུ་དང་། །ལྷོ་ནུབ་ས་ག་ལྷ་མཚམས་དང་། །ནུབ་བྱང་བྱི་བཞིན་མོན་གྲེ་སྟེ། །དེ་བཞིན་བྱང་དང་ཤར་གྱི་ནི། །བྲ་ཉེ་སྨིན་དྲུག་ཐ་ཐོག་སྦྱར། །ཟླ་སྐར་ཡུལ་དུས་བསྒྲིགས་པས་ཤེས། །འདི་ནི་ཕྱོགས་གཉིས་སྦྱོར་བ་ལས། །རང་གི་ཕྱག་རྒྱའི་འཁོར་ལོ་སོགས། །མིང་གི་རྣམ་གྲངས་གསུམ་དུ་གྲགས། །གྲར་གནས་ཕྱི་མའི་ཨ་སོགས་བཞི། །དབུས་ཀྱི་རྫོགས་པའི་ཚེས་ལ་ནི། །མཆེ་གདོང་རྣམ་པར་སྤང་བ་ཡང་། །བསམ་གྱིས་མི་ཁྱབ་རྒྱུ་ཡི་ཕྱིར། །བརྗོད་དུ་མི་བཏུབ་གསང་སྟེ་བཞག །དཔེར་ན་གྲར་གནས་ཡི་གེ་ཇི་བཞིན་ཏེ། །ཟླ་བ་

― MR07_Page_0832 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་བར་མི་བྱེད་དོ། །ཉི་ཟླའི་བར་མཉམ་བཅོ་ལྔ་སྟེ། །གཅིག་གིས་གཅིག་མི་མཐོང་། ཅུང་ཟད་བསྣོལ་བས་འགྲིབ་པར་དྲན། །དཀར་ནག་མཚམས་སུ་ཟླ་བ་གང་། དེ་ནས་གང་བའི་ཚེས་ལ་ནི། །གླང་ཆེན་མཆེ་བ་རྒྱབ་ཀྱི་ཕྱོགས། །ཞེས་པ་རྒྱུད་ལས་དངོས་སུ་བསྟན། །དེ་ནས་བུམ་བཞིའི་འཁོར་ལོ་བཤད། །ཤར་ནས་ལུག་སོགས་བཞི་བཞི་རུ། །གཡས་བསྐོར་ལན་གསུམ་བྲིས་པ་ཡི། །ཁྱིམ་གང་ཉི་མ་གནས་པའི་ཕྱོགས། །སྟོང་པའི་བུམ་པ་ཞེས་པར་བརྗོད། །གཞན་གསུམ་གང་བའི་བུམ་པ་ཡིན། །གང་བའི་ཕྱོགས་དེར་འགྲོ་ན་བཟང་། །ཁྱད་པར་གྲལ་གསར་ཁའི་ལྟ་ཕྱོགས། །ལྟད་མོ་སོགས་ཀྱང་གང་ཕྱོགས་བཟང་། །སྟོང་པར་དེ་ལས་བཟློག་སྟེ་ངན། །དེ་བཞིན་ཞི་དྲག་གཟའ་གཞན་ལའང་། །དྲག་གནས་

― MR07_Page_0833 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་སྟེ་ཞི་ཕྱོགས་གང་། །གང་བར་བསོད་ནམས་གཟའ་ཡོད་ཅིང་། །སྐྱེས་མིང་སྐར་མའང་དེར་གནས་ན། །འདྲི་བྱེད་དགྲ་ཐུལ་དོན་གྲུབ་རྙེད། །སྟོང་པར་ངལ་བ་དོན་མེད་འགྱུར། །ཡ་རྟ་སྟོན་མོ་ལྟད་མོ་སོགས་ཀྱི་མིང་དེ་ལ་འདི་གལ་ཆེའོ། ༈ །དེ་ནས་ཡང་དག་བཤད་བྱ་བ། །སྐར་མའི་སྟོབས་བརྟག་ཙཀྲ་བཤད། །བརྩི་བྱའི་སྐྱེས་མིང་སྐར་མ་ནས། །༡ ༢ ༣ ༤ ༥ ༦ ༧ ༨ ༩༠ ༡མཉམ ༢མི་མཉམ ༣ ༤ ༥ ༦ ༧ ༨༩ ༡༠ ༡༡ ༡༢ ༡༣ ༡༤ ༡༥ ༡༦ ༡༧༡༨ ༡༩ ༢༠ ༢༡ ༢༢ ༢༣ ༢༤ ༢༥ ༢༦ཁ་བྱང་རྒྱུ་སྐར། བརྩམས་ཏེ་དགུ་ཚན་གསུམ་དུ་བསྐྱར། །གཉིས་བཞི་དྲུག་བརྒྱད་མཉམ་པའི་སྐར། །དེ་རྣམས་གང་རུང་གཅིག་གི་སྟེང་། །ཉི་མིག་སྤེན་པ་དུས་མེ་བཞི། །གང་རུང་ཟླ་བ་དག་དང་འཛོམ། །ནད་པའམ་གཡུལ་དུ་ཞུགས་པ་གང་། །རྒྱལ་ཞིང་འཚོ་འགྱུར་བདེ་ལེགས་བྱེད། །གསུམ་ལྔ་བདུན་དགུ་མི་མཉམ་སྐར། །དེར་ནི་དེར་འཛོམ་ནའམ་འཆི། །༡ ༡༠ ༡༩གསུམ་ལ་དྲག་གཟའ་བཞི་པོ་གང་རུང་ཡོད་ཅིང་། ཟླ་བའང་དེར་ཡོད་ན། ༡ ཟླ་བ། ༡༩ དམར་ལྟ་བུ་རྒྱལ་ལོ། ༈ །དེ་ནས་རྩ་གསུམ་འཁོར་ལོའམ། གདེངས་ཅན་གྱི་ནི་འཁོར་ལོ་བཤད། །གདེངས་ཀའི་དབང་ཕྱུག་ཀྱང་ཟེར། སྦྲུལ་གྱི་

― MR07_Page_0834 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་བྲི་ཐ་སྐར་ནས། །བརྩམས་ཏེ་ཉེར་བདུན་འདི་ལྟར་བཀོད། །མཐུར་དང་གྱེན་དུ་རེས་མོས་སུ། །སྐར་མ་གསུམ་བརྩེགས་དགུ་ཚན་གཅིག །ཐ་སྐར་ལག་སོགས་དང་པོའི་རྩར། །བྲ་ཉེ་མགོ་རྒྱལ་སོགས་བར་མ། །སྨིན་དྲུག་སྐག་མཆུ་སོགས་འོག་མར། །ཡོད་པ་འདི་བཞིན་བྲིས་བྱས་ཏེ། །དཔོན་གཡོག་དཔོན་སློབ་གྲོགས་དང་ནི། །རང་གི་ལྷ་འང་མཚན། བཟའ་མི་དགོན་གཞིས་མཐུན་སོགས་བརྟགས། །དཔོན་གཡོག་ལ་སོགས་མིང་སྐར་གཉིས། །རྩ་རྒྱུད་དང་པོར་ལྷན་ཅིག་གནས། །ཞེས་པ་སྐར་མ་གཅིག་གི་སྟེང་དུ་འཛོམ་དགོས་པ་མ་ཡིན་གྱི། རྩ་རྒྱུད་གཅིག་ལ་གནས་པ་ལ་ལྷན་ཅིག་ཟེར། ནོར་རྙེད་དཔོན་གཡོག་གྲོགས་མཆེད་མཐུན། །ཡིད་ལ་བསམ་པ་ཐམས་ཅད་འགྲུབ། །བར་བའི་རྩ་ལ་ལྷན་ཅིག་སོང་། །བདེ་ཞིང་ཡུན་རིང་འགྲོགས་པར་འགྱུར། །གྲོང་དང་ཡུལ་ཁྱིམ་བདེ་བར་གསལ། །རྩ་རྒྱུད་ཐ་མར་ལྷན་ཅིག་གནས། །ཤིན་ཏུ་སྐྱིད་ཅིང་མཐུན་པ་ཡིན། །དཔོན་གཡོག་དཔོན་སློབ་གྲོགས་མཆེད་ཀྱི། །མིང་སྐར་གཉིས་པོ་རྩ་རྒྱུད་ནི། །གཅིག་ལ་

― MR07_Page_0835 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་ན་དགེ་བ་ཡིན། །རང་མིང་ཡུལ་གྲོང་མིང་དེ་བཞིན། །རྩ་རྒྱུད་གཅིག་སོང་དགེ་བ་ཡིན། །ཁྱོ་ཤུག་སྐྱེས་མིང་སྐར་མ་ནི། །རྩ་རྒྱུད་གཅིག་ལ་གནས་པ་ན། །ཁྱོ་ནི་མྱུར་དུ་འཆི་བར་བཤད། །། དཔོན་གཡོག་ལ་སོགས་བརྩི་བྱ་ཡི། །མིང་གི་སྐར་མའི་རྩ་རྒྱུད་ལ།། ཉིན་ཞག་ཟླ་སྐར་ལ་དང་རིགས་དབང་བསྐུར་སོགས་ལའང་སྦྱར་རུང་ངམ་སྙམ་པ་རང་གི་རྣམ་རྟོག་གོ །མཆན དྲག་གཟའ་ཉི་མིག་སྤེན་རཱ་ཧུ། །བཞི་ཡོད་འཆི་ལ་གང་རུང་བ། །གསུམ་གྱིས་ནོར་ཉམས་གཉིས་གཉེན་བརླག །གཅིག་གིས་གཞན་དུ་ཕྱོགས་པ་དང་། །སྡུག་བསྔལ་། རིམས་ནད་འབྱུང་བར་ཤེས། །བསོད་ནམས་གཟའ་ཤར་མཆོག་ཏུ་བདེ། །ཡུལ་དང་བདག་པོའི་མིང་སྐར་ནི། །ལྷན་ཅིག་གནས་པའི་རྩ་རྒྱུད་ལ། །དྲག་གཟའ་གནས་དུས་ཡུལ་བཟུང་ན། །ཡུལ་ཐོན་བྱེས་སུ་འཁྱམས་དོགས་ཡོད། །ནད་ཀྱིས་བཏབ་བམ་རྩོད་པའི་དུས། །བརྩི་བྱའི་སྐྱེས་མིང་སྐར་མ་དང་། །ཉི་མིག་སྤེན་པ་དུས་མེ་སྟེ། །གཟའ་བཞི་གང་རུང་ཟླ་བ་བཅས། །རྩ་རྒྱུད་གཅིག་ལ་གནས་པ་ན། །ནད་པ་འཆི་ཞིང་གཡུལ་ཞུགས་ཕམ། །སྐྱེས་མིང་ཟླ་བ་ཞི་གཟར་འཛོམ། །མཆོག་ཏུ་བདེ་སྟེར་འདོད་དོན་འགྲུབ། །

― MR07_Page_0836 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་ཀུན་ལ་ཞིབ་ཏུ་བརྩི། །། དེ་ནས་ཕྲིན་ལས་ཕྲན་ཚེགས་སྐོར། །བི་ཙྪན་རཱ་ཧུའི་སྟོབས་ཁྱད་བརྟགས། །ཤེད་རྩལ་འགྲན་སོགས་ལ་མཁོ་བ། །ཉི་ཟླ་རྣམ་པར་གནོན་པ་ཡི། །ལྟོ་འཕྱེའི་གཟུགས་ནི་བྲི་བར་བྱ། །གདོང་གི་འཁྱུད་པའི་སྐར་མ་དེ། །ཁ་ཡི་ནང་དུ་བྲི་བར་བྱ། །འདི་ཐ་སྐར་ལ་དཔེར་བྱས་པས་མཚོན་ཏེ་ཤེས་དགོས། དེ་ནས་སྤྱི་བོར་གསུམ་བཀོད་ལ། །མགྲིན་པ་བཞི་དང་རྒྱབ་ལ་གསུམ། །མཇུག་མར་གསུམ་བཀོད་སྐར་མ་ནི། །བཅུ་བཞི་ཁོ་ནར་བླང་དོར་བརྟག །སྐར་མ་༡༤འདི་ལས་ལྷག་མ་ལ་བརྩི་མི་དགོས་སོ། །དེ་ལ་རང་གི་སྐར་མ་ནི། །ཞེས་པ་སྐྱེས་མིང་ངམ་ཟླ་སྐར་ལ་ཡང་སྦྱར་རོ། །རཱ་ཧུའི་ཁ་ལ་སོང་བའི་དུས། །གནས་ལས་ཉམས་ཤིང་བུད་མེད་འཆི། །འཆིང་དང་བཅོམ་དང་ཕྱུགས་རྣམས་འཛད། །མགོ་བོར་ཁྱིམ་འཚིག་ནོར་ཉམས་འཐབ། །ལྐོག་མར་སོང་ན་ཆོས་ནོར་རྙེད། །དོན་གྲུབ་གཉེན་དང་ལྷན་ཅིག་འགྲོགས། །རཱ་ཧུའི་དངོས་གྲུབ་འབྱུང་བར་གསུངས། །རྒྱབ་སོང་ནད་དང་འཆི་བས་འཇིགས། །ཐ་ན་རང་དང་གཉེན་རྣམས་ལ། །གསུས་པ་ན་ཙམ་འབྱུང་བར་འགྱུར། །མཇུག་མར་ལྕགས་སྒྲོག་གིས་འཆིང་དང་། །འགྱེལ་ལྷུང་པུས་མོ་

― MR07_Page_0837 ―

^{[མ་དཔེ་གཟིགས་ན་འདིར་གནོན།]}

[Full Size]

སྣད་དང་འཇིགས། །གནས་འཕོ་སྙིང་ནད་འབྱུང་བ་དང་། །ཀླུ་དང་ས་བདག་ནད་ཀྱིས་འཇིགས། །དེ་ཕྱིར་རཱ་ཧུའི་ལྐོག་མ་ནས། །དངོས་གྲུབ་གཏེར་ཁ་དབྱེ་བར་མཛོད། །།དེ་ནས་ཡང་དག་བཤད་བྱ་བ། །རཱ་ཧུ་གདོང་གི་འཁོར་ལོ་མཆོག །གང་གི་རྣམ་པར་ཤེས་ཙམ་གྱིས། །རྒྱལ་ཕམ་བདེ་སྡུག་ཤེས་པར་བྱེད། །རྒྱུ་སྐར་རྐང་པར་གནས་པ་ཡི། །སྟོབས་ཀྱི་དམ་པ་རཱ་ཧུ་ནི། །དབྱངས་འཆར་རྒྱུད་ལས་བཤད་པ་བལྟ། །དེ་མེད་རཱ་ཧུས་གསོད་པར་བྱེད། །དྲག་པོའི་ཞལ་ནི་བྲིས་བྱས་ལ། །གདོང་གིས་འཁྱུད་པའི་སྐར་མ་དེ། །ཁ་ཡི་ནང་དུ་བྲི་བར་བྱ། །མཆེ་བ་ལ་གཉིས་སྣ་བུག་གཉིས། །སྣ་གང་གཉིས་དང་མིག་ལ་གཉིས། །རྣ་བ་གཡོན་བཞི་གཡས་ལ་བཞི། །དཔྲལ་བར་ལྔ་སྟེ་སྤྱི་བོར་གཅིག །ཀོས་ཀོ་ལ་གཅིག་མགྲིན་པར་བཞི། །འདྲི་བྱེད་སྐྱེས་མིང་སྐར་མ་གང་། །ཁ་ལ་སོང་བར་གྱུར་པ་ན། །སྡུག་བསྔལ་སྣ་ཚོགས་ལུས་ལ་འབྱུང་། །མཆེ་བ་ཉིན་ཞག་ཟླ་སྐར་ལ་ཡང་སྦྱར། གཉིས་ལ་ནད་འབྱུང་འགྱུར། །སྣ་བུག་གཉིས་སོང་བཙོན་དུ་འཛིན། །སྣ་སྒང་མི་མཐུན་པ་ཡང་མཛའ། །མིག་གིས་འདོད་པའི་འབྲས་བུ་འབྱུང་། །རྣ་བ་གཡོན་བཞིས་ནོར་རྣམས་འཛད། །རྣ་བ་གཡས་པས་འདོད་དོན་འཐོབ། །

― MR07_Page_0838 ―

^{[མ་དཔེ་གཟིགས་ན་འདིར་གནོན།]}

[Full Size]

དཔྲལ་བར་བུ་ཐོབ་ཡང་དག་བདེ། །སྤྱི་བོར་རང་འདོད་གནས་ནི་ཐོབ། །ཀོས་ཀོར་འབྲུ་དང་བཟའ་བཏུང་རྙེད། །མགྲིན་པར་རྩོད་དང་བརྡེག་སོགས་འབྱུང་། །འཕྲལ་དུ་དགོས་དོན་བྲི་བ་ལ། །སོ་སོར་བརྟགས་ཏེ་སྨྲ་བར་བྱ། །། དེ་ནས་བྱ་ཁྱུང་འཁོར་ལོ་བཤད། །ཡུལ་གཞིས་དོན་རྣམས་གང་ལ་ཡང་། །བྱ་ཁྱུང་གཟུགས་བྲི་ཉི་སྐར་དེ། །མཆུ་ལ་བྲིས་ཤིང་དེ་བཞིན་དུ། །རྐང་པར་བརྒྱད་དང་མིག་ལ་གཉིས། །སྤྱི་བོར་གསུམ་ནི་བཀོད་པར་བྱ། །སྙིང་ག་ལ་ལྔ་གཤོག་པར་བརྒྱད། །བྲིས་ལ་སྐྱེས་བུའི་མིང་སྐར་ནི། །མཆུ་ལ་སོང་དུས་དོན་གཉེར་ན། །འདི་དང་སྤེན་པ་གཉིས་ལ་བཀོད་ལུགས་མི་འདྲ་བ་ཡོད་ཀྱང་། འདི་ནི་རྒྱུད་ཇི་ལྟ་བ་བཞིན་དུ་བྲིས་པའོ། །ཁ་ཅིག་གིས་རྒྱུད་ལས་གབ་པ་མན་ངག་གིས་ཤེས་དགོས་པས་རྒྱུད་ལྟར་མི་བཀོད་ཀྱང་། རྒྱུད་ལས་འདི་ཐད་མ་སྦས་པར་གསུངས་པ་འདྲ་སྙམ་མོ། །ལུས་ལ་ནད་ནི་འབྱུང་བར་བཤད། །རྐང་པས་དོན་མེད་མི་དགེ་འབྱུང་། །མིག་གཉིས་ཀྱིས་ནི་དོན་རྙེད་འགྱུར། །སྤྱི་བོས་དགྲ་

― MR07_Page_0839 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཆོམས་པར་འགྱུར། །སྙིང་གས་བུད་མེད་གཞན་དང་མཐུན། །གཤོག་པས་འཇིགས་པ་ཆེན་པོ་འབྱུང་། །དེ་ལྟར་བཟང་བའི་གནས་སྐབས་ལ། །ཡུལ་གྱི་དོན་རྣམས་བསྒྲུབ་པར་བྱ། །བདེན་པའི་འབྲས་བུ་འབྱིན་པར་གསུངས། ཕན་ཚུན་བདེན་རྫུན་འགྲན་སོགས་ལ། །ཟླ་བའི་སྙིགས་མ་བརྩི་བར་བྱ། །དེ་ཡང་རགས་དང་ཕྲ་བ་གཉིས། །རགས་པར་ཟླ་བ་ཁྱིམ་གང་གནས། །དེ་ཡི་འབྲས་བུ་སྨྲ་བ་སྟེ། །ལུག་ལ་གནས་ན་པྲ་བྷཱ་སི། །རབ་སྣང་། དེ་བཞིན་གླང་ལ་སོགས་པ་ལ། །རང་ཡུལ་གནས་ཞེས་བྱ་བ་དང་། །འཆི་བ་

― MR07_Page_0840 ―

^{[མ་དཔེ་གཟིགས་ན་འདིར་གནོན།]}

[Full Size]

རྒོད་པ་སྐྱེ་བ་དང་། །འབར་བ་དགའ་བ་སྤྱོད་པ་དང་། །མི་མཐུན་རྒྱལ་བ་སུ་པ་ཏ། ཉལ་བ་། འབྱོར་བ་བཅུ་གཉིས་རིམ་པར་སྦྱར། །ཕྲ་བ་དྲི་དུས་ཟླ་བ་ནི། །ཁྱིམ་རེའི་བཅུ་གཉིས་ཆ་ཤས་ལ། །གང་སྤྱོད་འབྲས་བུ་སྟོན་པ་སྟེ། །དེ་ཡི་ལག་ལེན་རྣམ་དག་ནི། །བརྩི་ཉིན་ཟླ་བའི་སྐར་མ་ལས། །དུས་ཀྱི་སྟེང་ནས་ཡུལ་བཙལ་བ། །སྲང་གནས་སྲིན་དབང་དབུགས་ཟླ་བ། །གང་རྩིའི་དུས་ཚོད་དེ་ཡན་ལ། །འདས་པའི་ཆུ་ཚོད་ཀྱིས་བསྒྱུར་ཞིང་། །དབུགས་ཀྱི་གནས་སུ་དབང་པོ་ནི། །འདས་པའི་ཆུ་སྲང་གིས་བསྒྱུར་ལ། །ཟླ་སྐར་དང་ནི་དེ་གསུམ་པོ། །གནས་མཚུངས་བསྲེས་ལ་རང་འཁོར་བསྒྲིལ། །༦༠ ༦༠ ༦དུས་དེའི་ཟླ་བའི་ཡུལ་ལོངས་འཆར། །ཞེས་ཚེས་འཁྱུད་ཟླ་སྐར་གྱི་སྟེང་དུ་བསྣན་དགོས་ལ། འདིའི་བུག་མཁའ་མིག་བུག་ཡིད་ཀྱི་ཆ་མ་བྲིས་ཀྱང་ཆོག་པས་འདི་ནང་དབུགས་ཆའི་བསྒྱུར་གཞི་མ་བྱས་ལ། འདི་གས་དོན་གྲུབ་པ་ཁོ་ན་ཡིན་ནོ། །མཆན། ༈ །དེ་ཡི་སྐར་མ་མཁའ་རོས་བསྒྱུར། །འོག་གི་ཆུ་ཚོད་སྟེང་དུ་བཅུག །མདའ་ཡོན་ཟླ་བའི་ཐོབ་པ་དེ། །

― MR07_Page_0841 ―

^{[མ་དཔེ་གཟིགས་ན་འདིར་གནོན།]}

[Full Size]

གང་བརྩིའི་དུས་དེར་ཟླ་བ་ནི། །ལུག་ནས་བགྲོད་པའི་འདས་ཁྱིམ་ཡིན། །ལྔ་ཤར་ན་ལུག་གླང་འཁྲིག་ཀར་སེང་གེ་ལྔ་འདས་ནས། ད་ལྟ་བུ་མོའི་ཁྱིམ་ལ་ཟླ་བ་ཡོད་པ་ལྟ་བུའོ།། དེ་ལྷག་མཁའ་རོས་བསྒྱུར་བ་ལ། །སྲང་བཅུག་༦༧༥དབང་རི་རོ་ཡིས་བགོ །ལྷག་མ་བྱུང་ན་ནོར་ལ་གཅིག །སྟེར་བ་རིམ་པ་བཞིན་དུ་བརྟགས། ༈ །ཡང་ན་སྲང་དེ་ཉི་མས་བགོ །ལྷག་མ་བྱུང་ན་ལྷག་མ་ལ། །སླར་ཡང་གཅིག་བྱིན་དེ་གཉིས་འདྲ། ༈ །གཅིག་ནས་པྲ་བྷ་སི་སོགས་སྦྱར། ༈ ཡང་ན་རགས་པའི་ཟླ་སྙིགས་ནས། །མགོ་དྲངས་བརྩི་བའི་ལུགས་གཉིས་པོའི། །ཕྱི་མ་ལྟར་དུ་བྱས་ན་འཐད། །འདི་ལ་ཟླ་སྐར་བརྩི་དུས་ཀྱི་དབྱུག་སྲང་དབུགས་བསྲེས་ནས་བརྩི་བ་ཡོད་ནའང་ཟླ་བའི་སྐར་མ་ནམ་ལངས་དུས་ཀྱི་ཡུལ་ལོངས་སུ་ངེས་ལ། དབྱུག་སྲང་གི་སྟེང་ནས་གདོད་ཡུལ་ལོངས་བཙལ་དགོས་ཏེ། ཟླ་སྙིགས་ཁྱིམ་གྱི་ཆ་བཅུ་གཉིས་ཀྱི་ཡུལ་ལོངས་སུ་ངེས་པའི་ཕྱིར་རོ། །ཡུས་བཙལ་ན་དུས་ལོངས་ཆུ་ཚོད་རེ་ལ་ཡུལ་ལོངས་བཏགས་པའི་ཆུ་ཚོད་རེ་ཅུང་མི་ཆོད་བས། ལུགས་དེ་ཤིན་ཏུ་ཞིབ་པ་མ་ཡིན་ནོ། །འདས་དབྱུག་ཀྱང་བྱེད་ཟེར་ནའང་། །ཡུལ་དུས་སྣེ་མི་ཉམས་པས་ན། ཡུལ་

― MR07_Page_0842 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་ནས་དུས་མ་བཙལ་བར་དེ་གས་མི་འགྲིགས་པའི་ཕྱིར་རོ། །དེས་ན་ཁྱོད་ཀྱི་དེ་ལྟར་དངོས་བསྟན་དུ་དབང་ཕྱུག་གིས་བཤད་པ་མིན་ཏེ། རྒྱུད་ནས་ཟླ་བའི་ཆ་ཤས་ལ་གསུངས་པས་སོ། །དེ་ལྟར་ཆ་ཤས་ལའང་རགས་པ་ཁྱིམ། ཕྲ་བ་ཁྱིམ་བཅུ་གཉིས་སུ་ཕྱེ་བའི་ཆ་ཤས་སུ་གསུངས་པར་འདོད་བཞིན་དུ་དེའི་ལག་ལེན་རགས་པ་བརྩི་བ་ལ་དགོས་པ་ཆུང་བར་སྣང་སྟེ། རགས་པ་ཡིན་ཀྱང་བྱ་སླ་བའི་ཕྱིར་ཡིན་ནོ་སྙམ་དུའང་མི་སེམས་པར་རྣམ་དག་ཏུ་འཛིན་པ་ཤ་སྟག་ཏུ་འདུག་པས་སོ།། དེ་བས་ན་རི་མོ་འདི་ལྟར་བྱེད་པ་རྣམ་པར་དག་ཚུལ་དཔྱད་ན་ཤེས་སོ། །དེ་རྣམས་འབྲས་བུ་བཟང་ངན་ནི། །པྲ་བྷ་སིའམ་༡བརླག་པ་ཞེས། །དེ་ཡིས་མི་ཤིས་ངན་པར་བཤད། །རང་ཡུལ་གནས་སམ་བདེ་ལེགས་༢ཞེས། །དེ་ཕྲད་ཕུན་སུམ་ཚོགས་པར་བྱེད། །འཆི་བས་༣འཆི་བར་བྱེད་པ་ཡིན། །ཏྲིཥྞ་འམ་ནི་རྒོད་པ་༤ཞེས། །དེ་ནི་དགེ་བར་བཤད་པ་ཡིན། །སྐྱེ་བས་ནོར་རྣམས་༥འཐོབ་པར་བཤད། །འབར་བས་བདག་ཉིད་༦གཞན་གྱིས་གསོད། །དགའ་བས་དགའ་བར་༧འགྱུར་བ་ཡིན། །སྤྱོད་པ་༨ངན་སྤྱོད་ངན་པར་ཉམས་པའང་བཤད། །མི་མཐུན་སྤྱོད་

― MR07_Page_0843 ―

^{[མ་དཔེ་གཟིགས་ན་འདིར་གནོན།]}

[Full Size]

པའམ་ངེས་པ་༩ལ། །དགྲ་ནི་འབྱུང་བར་བཤད་པ་ཡིན། །རྒྱལ་བ་༡༠བདག་ཉིད་རྒྱལ་བ་སྟེ། །སུ་པ་ཏའམ་འཆི་བས་༡༡འཆི། །འབྱོར་བའམ་ལེགས་སོ་༡༢ཞེས་བྱ་ལ། །གང་བརྩམ་དགེ་བར་ལྷ་ཡིས་བཤད། །འདི་བརྩིས་དོན་རྣམས་ཐམས་ཅད་འགྲུབ། །དེ་ནས་དུས་སྦྱོར་ཕྱེད་པ་བཤད། །དུས་སྦྱོར་རང་རང་འཆར་ཚད་གང་། །མིག་བགོས་རང་རང་ཕྱེད་པའི་ཚད། །ནམ་ལངས་དུས་སྦྱོར་དང་པོ་ལ། །འཆར་ཚད་ལུས་སྲང་གང་ཡིན་པ། །ཁྱིམ་གང་ཡིན་པའི་སྲང་གི་ནི། །ཕྱེད་ལས་ལྷག་ན་སྔ་མ་ཡིན། །ཕྱེད་དམ་ཕྱེད་ནི་མ་ལངས་པ། །ཕྱི་ཕྱེད་ཡིན་ཏེ་དེ་བཞིན་དུ། །གང་ཤར་ཏཏྐ་ལ་དེ་ཡང་། །རང་སྲང་ཕྱེད་ཀྱིས་བགོས་པ་ཡིས། །ལྡང་ན་ཕྱི་ཆ་མ་ལྡང་སྔ། །དེས་འགྲེས་ཕྱེད་པ་དུ་འདས་བརྟག །ལུག་གི་སྔ་ཆར་དྲག་པོ་དང་། །ཕྱི་ཆར་བསོད་ནམས་དེ་བཞིན་དུ། །གཙིག་པ་དང་ནི་བརྟན་པ་གླང་། །འཁྲིག་པར་ཡང་བ་ཡང་བྱེད་མ། །ཀརྚར་འཆི་བ་དང་ནི་དགྲ། སེང་གེར་དགེ་བ་དང་གདུག་པ། །བུ་མོར་གཏུམ་མོ་

― MR07_Page_0844 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྨིན་དྲུག །སྲང་ལ་བདུད་རྩི་དུས་མཚན་མ། །སྡིག་པར་དྲག་བྱེད་བིཌ་མ། །སྐྲག་བྱེད་གཽ་མ་ཧཱ་ཏ་གཞུ། །གཽ་ཧསྟའང་། སྒྱུ་མའི་འོད་ཟེར་ཆེན་པོ་དང་། །སྲོག་འཕྲོག་ཅེས་པ་ཆུ་སྲིན་ཏེ། །བུམ་པ་མྱ་ངན་འཆར་བ་ལ། །ཉ་ལ་ད་ཧ་ཀུན་ཐོབ་སྟེ། །རིམ་པས་སྔ་ཕྱེད་ཕྱི་ཕྱེད་མིང་། །དྲག་པོ་དང་ནི་གཙིག་པ་ཅན། །འཆི་བ་དེ་བཞིན་དགྲ་དང་ནི། །དུས་མཚན་སྒྱུ་མ་ཆེན་པོ་དང་། །སྐྲག་བྱེད་མ་དང་སྲོག་འཕྲོག་མ། །མྱ་ངན་མ་དང་ད་ཧ་མ། །བཅུ་པོ་རྩུབ་པར་ཡོངས་སུ་གྲགས། །དེ་དག་ཀུན་ལ་དགེ་བ་ཡི། །ལས་བྱས་འཇིགས་པ་འབྱུང་ཞེས་སྨྲ། །དེ་ལྷག་བཅུ་བཞི་འཇམ་པར་བརྗོད། །སྤྱིར་ན་མིང་མཐུན་འབྲས་བུ་འབྱིན། །སྙིང་པོ་བསྡུས་པ་ལས་ཉི་མ་ཁྱིམ་གར་གནས་ཀྱི་ཕྱེད་པ་དེ་ནས་བརྩམས་ཏེ་ཉེར་བཞི་འཕོ་མེད་འཆར་བར་བཞེད། དེ་ནས་དེ་ཡི་བདག་གཟའ་ནི། །རང་ས་ནས་བགྲང་ཉིན་དྲུག་སྐོར། །མཚན་མོ་ལྔ་སྐོར་འཆར་བ་སྟེ། །ཉིན་གྱི་ཕྱེད་པ་དང་པོ་ལ། །རེས་གཟའ་ནས་བརྩམས་རིམ་པར་འཁོར། །ནམ་ལངས་ནས་ནི་ད་བར་གྱི། །འདས་

― MR07_Page_0845 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱེད་པ་ངོས་བཟུང་ལ། །ཚོགས་དེ་ཉིན་མོ་འབྱུང་བ་དང་། །མཚན་མོ་མཚོས་བསྒྱུར་རྩི་ཉིན་གྱི། །རེས་གཟའི་གྲངས་བསྣན་ཐུབ་པས་དོར། །ལྷག་མ་གང་བྱུང་ཕྱེད་བདག་གཟའ། །རེའུ་མིག་ང་དྲུག་གཟའ་ལྟར་རོ། །སྤྱིར་ན་ཞི་གཟའ་དགེ་བ་དང་། །ཁྱད་པར་ཕྱེད་བདག་ཕུར་བུའི་དུས། །བདུད་རྩི་ཐུན་མཚམས་འཆར་བ་ཡིན། །འབྲས་བུ་དྲག་ལས་མ་གཏོགས་པའི། །ལས་རྣམས་ཐམས་ཅད་འགྲུབ་པ་དང་། །སྨན་སོགས་བདུད་རྩིར་འགྱུར་བས་བཟང་། །དྲག་གཟའ་མི་དགེ་ཁྱད་པར་དུ། །ཕྱེད་བདག་སྤེན་པ་འཆར་བའི་ཚེ། །རིགས་ལྡན་གཞན་དུས་འཆར་བ་ཡིན། །དེ་སྤངས་སྤེན་པའི་ཐོག་དབུས་མཐའི། །ཆུ་སྲང་འཆར་ཚད་རེས་གཟའ་ནི། །ཉི་ཕུར་ཟླ་བ་གསུམ་པོ་ལ། །སྤེན་པའི་ལོངས་སྤྱོད་དབུས་ནས་ནི། །ཉི་མར་ཆུ་སྲང་བཅུ་དྲུག་དང་། །ཕུར་བུར་སོ་གསུམ་ཟླ་བར་བརྒྱད། །དེ་ཡི་ཡུན་ལ་རིགས་ལྡན་འཆར། །རེས་གཟའ་མིག་དམར་ལྷག་པ་ཡི། །ལོངས་སྤྱོད་ཀྱི་ནི་ཐོག་མ་ལ། །དམར་པོའི་ཆུ་སྲང་རོ་དང་ནི། །ལྷག་པའི་མིག་གི་ཡུན་དུ་

― MR07_Page_0846 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར། །རེས་གཟའ་པ་སངས་སྤེན་པའི་དུས། །ཐ་མའི་ཆུ་སྲང་བཞི་རེ་ལ། །རིགས་ལྡན་དྲག་པོ་འཆར་བར་འགྱུར། ༈ །ཁ་ཅིག་ཉིན་ཚད་མཚན་ཚད་གང་། །ཉི་མས་ཐོབ་པ་ཕྱེད་པ་རེས། །ཚད་ཡིན་དེ་ག་སྲང་བསྒྱུར་བས། །འདས་དབྱུག་སྲང་ལ་བགོས་བྱས་པས། །ལྷག་ན་ནོར་ལ་གཅིག་བསྣན་པས། །ད་ལྟའི་ཕྱེད་པ་ངོས་འཛིན་ལ། །དེ་ལ་ཉིན་ལྔས་བསྒྱུར་སོགས་བྱེད། །འདི་དུས་སྦྱོར་ལ་མི་འགྲིགས་ཐུན་ཚད་ཁོ་ན་ལའོ། ༈ །གཞན་ཡང་ཕྱེད་པ་ཉེར་བཞི་ལས། །ཉི་མ་གང་ལ་གནས་པ་ཡི། །ཕྱེད་པ་དེ་ལ་འཕྲེད་བལྟས་ཟེར། །དེ་ཡི་སྔོན་མའི་ཕྱེད་པ་ནི། །གྱེན་བལྟས་ཕྱི་ཕྱེད་ཐུར་བལྟས་ཡིན། །དཔེར་ན་ལུག་གི་ཕྱེད་སྔ་མར། །ཉི་མ་གནས་པ་དེ་ཡི་ཚེ། །ལུག་གི་ཕྱེད་སྔ་འཕྲེད་བལྟས་དང་། །ཉ་ཡི་ཕྱེད་ཕྱི་གྱེན་བལྟས་ཏེ། །ལུག་གི་ཕྱེད་ཕྱི་ཐུར་བལྟས་ཟེར། །གྱེན་ཐུར་འཕྲེད་ཀྱི་རིམ་པ་ལ། །དགེ་བའི་ལས་ནི་རུང་མ་ཡིན། །དེ་རྣམས་སྤངས་པའི་ལྷག་ཉེར་གཅིག །དགེ་བའི་འབྲས་བུ་ངེས་པར་མཐོང་། །འཕྲེད་བལྟས་ཀྱིས་ནི་

― MR07_Page_0847 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་ཟད་བྱེད། །དགྲ་དང་རྨ་ནི་འོང་བར་བཤད། །གྱེན་བལྟས་རང་ཕྱོགས་དགྲ་ཡིས་འཇོམས། །ཐུར་བལྟས་རང་གི་དམག་དཔུང་ནི། །ཕ་རོལ་དགྲ་ཡིས་ཕམ་པར་བྱེད། །གྱེན་བལྟས་རང་རྒྱལ། འཕྲེད་བལྟས་གཉིས་ཀ་ཕམ། ཐུར་བལྟས་ངན་པར་གསུངས། རང་གི་དུས་སྦྱོར་བདག་པོའི་གཟའ། །ཕྱེད་པ་མཐོང་ན་ལས་ཀུན་འགྲུབ། །ཁྱིམ་དེའི་ཞིང་གཟའ་ཕྱེད་པ་འདིར་ཡོད་དམ། མཐོང་ན་ཕྱེད་པ་དེ་དགེ་སྟེ། གྱེན་ཐུར་འཕྲེད་ཀྱང་ཅུང་དགེ་བར་འགྱུར་རོ། ༈ །དེ་ནས་རིགས་ལྡན་འཆར་བར་བཤད། །ཉིན་མཚན་ཐུན་ཆེན་བཞི་བཞི་དེ། །ཕྱེད་དུ་བྱས་པའི་བཅུ་དྲུག་ལ། །ཐུན་མཚམས་གཟའ་དང་ཀླུ་རེ་འཆར། །ཉིན་ཞག་མཉམ་དུས་ཐུན་ཕྱེད་རེ། །དབྱུག་གསུམ་ཆུ་སྲང་ཞེ་ལྔའོ། །ཉིན་མོ་རིང་དུས་དབྱུག་བཞི་དང་། །ཆུ་སྲང་སུམ་ཅུ་ཐམ་པ་དང་། །མཚན་ལ་དབྱུག་གུ་གསུམ་བཞིན་དུ། །ཉིན་མཚན་ཚད་གང་བརྒྱད་བགོས་པ། །ཐུན་ཕྱེད་རེ་རེའི་ཡུན་ཚད་དོ། །དེ་ལ་ཐུན་ཕྱེད་དང་པོ་ནས། །རེས་གཟའ་ནས་བརྩམས་རིམ་པར་འཆར། །ཉི་མ་མཐའ་

― MR07_Page_0848 ―

^{[མ་དཔེ་གཟིགས་ན་འདིར་གནོན།]}

[Full Size]

ཡས་ཟླ་ནོར་རྒྱས། །མིག་དམར་འཇོག་པོ་ལྷག་སྟོབས་རྒྱུ། །ཕུར་བུ་པདྨ་སངས་པད་ཆེན། །སྤེན་པ་དུང་སྐྱོང་དེ་རྗེས་སུ། །སྒྲ་གཅན་རིགས་ལྡན་ལྷན་ཅིག་འཆར། །དེ་ལྟར་གཟའ་ཀླུ་སྦྱར་ནས་རྒྱུ། །འདི་ལ་རིགས་ལྡན་རང་དུས་ཟེར། །ད་ནི་དེ་ཡི་ལག་ལེན་ནི། །ཉིན་མཚན་ཚད་གང་བརྒྱད་བགོས་པ། །སྲང་གསལ་དེ་ཉིད་ཉི་མ་བདུན། །ཟླ་དྲུག་མིག་ལྔ་ལྷག་པ་བཞི། །ཕུར་གསུམ་སངས་གཉིས་སྤེན་པ་ལ། །གཅིག་བསྒྱུར་དབྱུག་གུར་བསྒྲིལ་བ་ཡི། །དེ་འདས་མཚམས་ནས་རིགས་ལྡན་ནི། །སྔར་གྱི་བརྒྱད་ཐོབ་ཡུན་ལ་འཆར། །མཚན་མོ་ལ་ཡང་རེས་གཟའ་ནས། །བརྩམས་ཏེ་དེ་ཡི་འགྲོས་སུ་བརྟག །འདི་དུས་སྨན་དཔྱད་གཏར་བསྲེག་ཟས། །དུག་འགྱུར་སྦྲུལ་སོས་བཏབ་དང་འདྲ། །ཁྱི་སྨྱོན་རྨུགས་དང་ནད་རྨ་སོགས། །ཅི་བྱས་ཉེས་པ་ཉིད་དུ་འགྱུར། །དུག་སྦྱོར་ལ་ནི་དགེ་བར་བསྔགས། །། དེ་ནས་ཐུན་མཚམས་རཱ་ཧུ་བཤད། །ཉིན་བཞི་མཚན་བཞི་དག་ཏུ་ཕྱེ། །དེ་ལ་རེས་

― MR07_Page_0849 ―

^{[མ་དཔེ་གཟིགས་ན་འདིར་གནོན།]}

[Full Size]

གཟའ་ཉི་མ་ལ། །བཞི་ཡི་ཉིན་ཐུན་ཐ་མའོ།། དབུས་ན་ཆུ་ཚོད་ལྔ། །ཟླ་བར་བདུན་དབུས་མཚན་ཐུན་གཉིས་ཆུ་ཚོད་བཞི། །མིག་དམར་གཉིས་ཐོག་ཆུ་ཚོད་དྲུག །ལྷག་པར་ལྔ་ཐོག་ཆུ་ཚོད་གསུམ། །ཕུར་བུ་བརྒྱད་མཚན་ཐུན་ཐ་མ་དབུས་ཆུ་ཚོད་བདུན། །པ་སངས་གསུམ་མཐའི་ཆུ་ཚོད་བཞི། །སྤེན་པར་དྲུག་མཐའི་ཆུ་ཚོད་གཅིག །སོ་སོའི་ཐུན་མཚམས་ཡུན་དེ་ལ། །རཱ་ཧུ་རྒྱུ་བས་དེ་ཡིས་དུས། །དྲག་ལས་མ་གཏོགས་སྤང་བར་བཤད། །ཁྱད་པར་ཉི་མའི་བཞི་དབུས་ཀྱི། །ལྔར་རྒྱུའི་རཱ་ཧུར་དགྲ་བརྡེག་བརྡུང་། །དེ་བཞིན་མིག་དམར་བསད་པ་དང་། །སྤེན་པའི་ཐུན་དེར་དུག་སྦྱོར་འགྲུབ། །འདི་ལ་རིགས་ལྡན་གཞན་དུས་སུ་འཆར་བ་ཟེར། །དེ་ནས་མིག་དམར་རཱ་ཧུ་ཞེས། །གོང་གི་ཐུན་ཕྱེད་བཤད་མ་ཐག་པའི་སྐབས་ལྟར་གྱིས། །རེས་གཟའ་ཉི་མའི་ཉིན་ཞག་ལ། །ཐུན་ཕྱེད་ལྔ་པའི་དུས་སུ་ནི། །ཉི་མའི་མིག་དམར་རཱ་ཧུ་འཆར། །དེ་བཞིན་ཟླ་བར་ཐུན་ཕྱེད་གཉིས། །

― MR07_Page_0850 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་དམར་དྲུག་དང་ལྷག་པའི་གསུམ། །ཕུར་བུའི་བདུན་དང་པ་སངས་བཞི། །སྤེན་པའི་ཐུན་ཕྱེད་དང་པོ་ལ། །སྤེན་པའི་མིག་དམར་རཱ་ཧུ་འཆར། །བདུད་ཀྱི་ཀིང་ཀང་ནག་པོ་དང་། །དུས་མཚན་སོགས་སུའང་ངོས་འཛིན་པ། །འདི་ནི་ཤིན་ཏུ་གཉན་པ་སྟེ། །འདི་དུས་གཞན་གསོད་དུག་སྦྱོར་སོགས། །དྲག་པོའི་ལས་བརྩམ་མཐུ་དང་ལྡན། །། འདི་མན་གཞུང་གཞན་ལས་སོ། །གཞན་ཡང་སྨིན་བདུན་ལོངས་སྤྱོད་ཅེས། །ཉི་དག་འཁོར་ཕྱེད་བསྲེས་པ་ལ། །མཁའ་རོས་བསྒྱུར་ཅིང་ལོགས་སུ་ཡང་། །གང་བརྩིས་ཚེས་གྲངས་ཐུབ་པས་བསྒྱུར། །དེ་ལ་རེས་གཟའི་གྲངས་ཀྱང་བྱིན། །དེ་དག་ལྷན་བསྲེས་མཚམས་ཀྱིས་བསྒྱུར། །རི་ཡིས་ཕྱེ་བའི་ལྷག་མ་ལ། །སྨིན་བདུན་ལོངས་སྤྱོད་རྫོགས་པར་མཐོང་། །དེ་ལྷག་རེས་གཟའ་དང་གཅིག་ན། །བསྲེག་དང་དབང་ཕྱུག་བསྒྲུབ་པ་དང་། །བསྐྲད་པའི་ལས་ལ་མཆོག་ཏུ་ཤིས། །དེ་མིན་ཞི་ལས་འཛེམ་པ་གནད། ༈ །གཞན་ཡང་ཉིན་རེ་བཞིན་དུ་ཡང་། །

― MR07_Page_0851 ―

^{[མ་དཔེ་གཟིགས་ན་འདིར་གནོན།]}

[Full Size]

བླང་དོར་སྟོན་པའི་མན་ངག་ནི། །གོང་ལྟར་ཐུན་ཕྱེད་རྩིས་པ་ལ། །དུས་སྦྱོར་ཕྱེད་གཟའ་འམ་ཡང་ན་རིགས་ལྡན་རང་དུས་ལྟར་གྱི་ཉི་མ་སྟོབས་མྱུར་ཐུན་མཚམས་མཉམ། །ཟླ་བ་བདུད་རྩི་ཐུན་མཚམས་དགེ། མིག་དམར་ནད་ཀྱི་མཚམས་མི་དགེ། ལྷག་པ་རྙེད་པའི་ཐུན་མཚམས་དགེ། ཕུར་བུ་དགེ་བའི་ཐུན་མཚམས་ཤིས། །པ་སངས་གཡོ་བའི་ཐུན་མཚམས་མཉམ། །སྤེན་པ་དུས་ཀྱི་མཚམས་མི་དགེ། མཉམ་པ་རྣམས་ནི་འདྲེས་མའོ། །བདུད་རྩི་ཐུན་མཚམས་ཟླ་བར་བཤད། །དེ་བཞིན་རིགས་ལྡན་མི་འདྲ་བ། །གསར་འགྱུར་རྩིས་ཚུལ་དག་ལས་གསུངས། །།ཁྱིམ་གྱི་ཞིང་བདག་གཟའ་བཤད་པ། །ཀརྚ་ཟླ་བ་སེང་གེ་ཉི། །ལུག་སྡིག་མིག་དམར་གླང་སྲང་སངས། །འཁྲིག་དང་བུ་མོ་ལྷག་པ་སྟེ། །གཞུ་ཉ་ཕུར་བུ་ཆུ་སྲིན་དང་། །བུམ་པ་སྤེན་པའི་ཞིང་ཡིན་ལ། །ཁྱིམ་དེར་བདག་གཟའ་དེ་ཞུགས་དུས། །ཉི་ཟླ་གཉིས་ལ་ཞི་བའི་ལས། །མིག་དམར་དགུག་དྲག་པ་སངས་དབང་། །ལྷག་པར་རྒྱས་དང་

― MR07_Page_0852 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་བུར་བསྐྲད། །སྤེན་པ་ལ་ནི་བསད་པ་འགྲུབ། །བུ་མོ་སྒྲ་གཅན་ཀརྐ་ཊ། །ཀེ་ཏུ་ཉིད་ཀྱི་ཞིང་ཡིན་ནོ། །ཀརྚར་མཇུག་རིང་ཞུགས་པའི་དུས། །རྨོངས་དང་རེངས་བའི་ལས་འགྲུབ་འགྱུར། །གཟའ་རྣམས་རང་རང་སྐྱེས་ཁྱིམ་ལ། །ཞུགས་པའི་དུས་ཀྱང་དེ་དང་འདྲ། །ལུག་གླང་འཁྲིག་པ་ཀརྐ་ཊ། །ཤར་ལྷོ་ནུབ་བྱང་རིམ་པ་བཞིན། །སེང་གེ་ལ་སོགས་བརྒྱད་རིམ་བཞིན། །ཁྱིམ་གྱི་ཕྱོགས་ཀྱི་སྟོབས་སུ་བརྗོད། །ཉི་མ་པ་སངས་མིག་དམར་དང་། །རཱ་ཧུ་སྤེན་ཟླ་གཟའ་ལྷག་ཕུར། །ཤར་ནས་དབང་ལྡན་མཐར་ཐུག་པར། །གཡས་བསྐོར་ལམ་གྱི་འཁོར་ལོ་སྟེ། །ཉི་མ་ཤར་དགེ་ཆུ་བདག་དང་། །དེ་བཞིན་གཞན་ཀུན་ཤེས་པར་བྱ། །དེ་ནས་གཞན་ཡང་དུས་སྦྱོར་གྱི། །དུམ་བུ་སུམ་ཅུའི་ཆ་ཤས་བཤད། །ལུག་ཏུ་ཉི་མར་ཆ་ཤས་བཅུ། །གླང་ལ་ཟླ་བ་ཆ་ཤས་གསུམ། །ཀརྚར་ཕུར་བུ་ལྔ་ཡང་དགེ། བུ་མོ་གཟའ་ལྷག་བཅོ་ལྔའོ། །སྲང་དུ་སྤེན་པ་མཁའ་མིག་དང་། །ཆུ་སྲིན་མིག་དམར་ཉི་ཤུ་བརྒྱད། །ཉ་ལ་པ་སངས་ཉི་ཤུ་བདུན། །

― MR07_Page_0853 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་ཤས་འདི་དག་ཡུན་ལ་དགེ། རཱ་ས་ནས་ནི་བགྲང་བ་ཡི། །བདུན་པ་ལ་ནི་མི་བདེ་བ། །ལུག་ཏུ་སྤེན་པ་ཉི་ཤུ་སྟེ། །ཀརྚར་མིག་དམར་ཉི་ཤུ་བརྒྱད། །བུམ་པར་གཟའ་ལྷག་བཅོ་ལྔ་སྟེ། །དོན་གྱིས་ཉལ་ཐོབ་ཟེར། བུ་མོར་པ་སངས་ཉི་ཤུ་བདུན། །སྡིག་པར་ཟླ་བ་གསུམ་ཡིན་ནོ། །ཆུ་སྲིན་ཕུར་བུ་ལྔ་ཡིན་ཏེ། །སྲང་དུ་ཉི་མ་ཆ་ཤས་བཅུ། །འདི་དག་ཆ་ཤས་ཡུན་ལ་ངན། །གཟའ་རྣམས་རང་རང་གི་མྱུར་དག་སྐར་མ་མཁའ་རོས་བསྒྱུར་དབྱུག་བཅུག་མདའ་ཡོན་ཟླས་ཐོབ་འདས་ཁྱིམ། ལྷག་མ་མཁའ་མེས་བསྒྱུར་ཏེ་ཆུ་སྲང་མིག་བགོས་ཐོབ་པ་གཞུག །མདའ་ཡོན་ཟླས་ཐོབ་ཆ་ཤས་ཡིན། ཁྱིམ་ད་ལྟ་བའི་ཆ་ཤས་དེའི་སྟོད་ནས་བྱ་བ་སྤྱི་ལ་དགེ་མི་དགེ་གོང་ལྟར་བརྟག་པར་བྱའོ། །ཏཏྐཱ་ལ་དང་གནས་གཞན་དུའང་། །རང་རང་ཞིང་བདག་གཟའ་ཞུགས་པའི། །དུས་སུ་འདྲིའམ་ལས་བརྩམ་པ། །དེ་ཡི་དགོས་པ་འགྲུབ་པར་གསུངས། །གཡོ་བརྟན་བར་མའི་དུས་སྦྱོར་ལ། །བྱ་བ་དེ་མཐུན་བསྒྲུབ་

― MR07_Page_0854 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། །ཚེས་གཟའ་རྒྱུ་སྐར་བྱེད་སྦྱོར་དང་། །དུས་སྦྱོར་ལ་སོགས་འབྲས་བཤད་རིགས། །ལུང་ལས་བྱུང་ལྟར་བླང་དོར་བྱ། །ཚེས་རེ་བཞིན་དུ་བྱ་བ་ལ། །དགེ་དང་མི་དགེ་བརྟགས་པ་ནི། །ཚེས་དང་རེས་གཟའ་ཟླ་སྐར་གྲངས། །བསྡོམས་ལ་གནས་གསུམ་མིག་མེ་མཚོས། །བསྒྱུར་བ་དྲུག་བདུན་བརྒྱད་ཀྱིས་བགོས། །དང་པོ་སྟོང་ན་དོན་ཉམས་ཏེ། །གཉིས་པ་སྟོང་ན་དགྲ་འོང་ལ། །གསུམ་པ་སྟོང་ན་འཆི་བར་བཤད། །ལྷག་མ་ཡོད་ན་རྣམ་པར་རྒྱལ། ལོ་ཆེན་རིན་ཆེན་བཟངཔོ་ལ། །སྤྲུལ་པའི་ཛོ་ཀི་ཞིག་གིས་ཕུལ། །འཕགས་ཡུལ་དམ་པའི་མན་ངག་གོ །གཞུང་འདིའི་གནས་སྐབས་གོང་འོག་ཏུ། །མཁོ་བ་རྒྱུ་སྐར་རྐང་པའི་ཆ། །ཁྱིམ་ལ་ཇི་ལྟར་གནས་པའི་ཚུལ། །གསལ་པར་རྟོགས་པའི་རེའུ་མིག། །།

― MR07_Page_0855 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་སྐར། | བྲ་ཉེ། | སྨིན་དྲུག | སྣར་མ། | མགོ | ལག | ནབས་སོ།། | རྒྱལ། | སྐག། | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ ༡༥ | ༣༠ ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ | ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ | ཙུ ཙེ ཙོ ལ | ལི ལུ ལེ ལོ | ཨ | ཨི ཨུ ཨེ | ཨོ ཝ ཝི ཝུ | ཝེ ཝོ | ཀ ཀི | ཀུ གྷ ང ཚ | ཀེ ཀོ ཧ ཧི| ཧུ ཧེ ཧོ ཌ | ཌི ཌུ ཌེ ཌོ | ལུག | གླང་ |འཁྲིག |ཀརྚ|

― MR07_Page_0856 ―

^{[མ་དཔེ་གཟིགས་ན་འདིར་གནོན།]}

[Full Size]

མཆུ། | གྲེ། | དབོ། | མེ་བཞི། | ནག་པ། | ས་རི། | ས་ག། | ལྷ་མཚམས། | སྣྲོན། | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ | ༡༥ | ༣༠ ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ | ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ | ༡༥ ༣༠ ༤༥ ༦༠ | མ མི མུ མེ | མོ ཊ ཊི ཊུ | ཊེ | ཊོ བ པི | པུ ཥ ཎ ཋ | པེ པོ | ར རི | རུ རེ རོ ཏ | ཏི ཏུ ཏེ ཏོ | ན ནི ནུ ནེ | ནོ ཡ ཡི ཡུ | སེང་གེ། | བུ་མོ། | སྲང་། | སྡིག |

― MR07_Page_0857 ―

^{[མ་དཔེ་གཟིགས་ན་འདིར་གནོན།]}

[Full Size]

― MR07_Page_0858 ―

^{[མ་དཔེ་གཟིགས་ན་འདིར་གནོན།]}

[Full Size]

གཟའ་ལྔའི་མྱུར་བ་རྣམ་དག་དང་། །ཟླ་སྐར་ཉི་དག་སྒྲ་གཅན་གྱི། །གདོང་མཇུག་བཅས་ཏེ་གཟའ་དགུ་པོའོ། །སྐར་གནས་ཆུ་ཚོད་དང་བཅས་པ། །རེའུ་མིག་འདི་བཞིན་ཁྱིམ་གར་གནས། །བརྟག་པར་བྱའོ་ཞིབ་ཆ་འདོན། །གཟའ་ཡི་ལོངས་སྤྱོད་རྒྱུ་སྐར་གྱི་རྐང་པ་དང་པོ་ཆུ་ཚོད་བཅོ་ལྔའི་ཚད་ཤར་ཞིང་དེ་འོག་ཆུ་སྲང་སོགས་ཡོད་ན་རྐང་པ་གཉིས་བར་བརྩི་དགོས་པ་ལྟ་བུ་རྒྱུ་སྐར་གྱི་རྐང་མཚམས་དང་ཁྱིམ་གྱི་འཕོ་མཚམས་སུ་ཞིབ་ཆ་དགོས་སོ།། ཡུལ་དུས་བསྒྲིགས་ནས་རྩི་བཞིན་པའི། །དུས་དེའི་ངེས་པ་མ་འཆུགས་གཅེས། །དཔེར་ན་ཟླ་བ་གསུམ་པའི་ཚེས་གསུམ་གྱི་ཉི་དྲོས་དྲིས་ན་དེ་དུས་ཀྱི་ཐུར་གྲིབ་གཞལ་བ་ངེས་པར་བྱས་ལ། ལོ་དེའི་ཉིན་ཞག་དེ་ཉིན་གྱི་གཟའ་ལྔ་ཟླ་སྐར་ཉི་དག་སྒྲ་གཅན་བཅས་བརྟགས་ལ་དེ་སྟེང་ནས་ཡུལ་དུས་བསྒྲིགས་དགོས་པའི་ཞིབ་ཆ་བླ་མའི་ཕྱག་ལེན་བཞིན་བྱའོ།། སྨྲས་པ། ཡུལ་དུས་ཐིག་ཏུ་བྲན་པའི་མིག་མང་རིས། །མ་འདྲེས་ཚར་དུ་བགྲིགས་པའི་རྒྱུ་ལམ་ལ། །ལས་བྱས་རྡེའུ་འགྲིམ་པའི་གནད་ཤེས་ན། །ངོ་མཚར་འབྲས་བུའི་རྒྱལ་ཁ་རྣམ་པར་ཐོབ། །དེ་ཚུལ་དབང་ཕྱུག་དཔའ་བོའི་ཡེ་

― MR07_Page_0859 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་སྤྱན། །མཁའ་མཉམ་ཆོས་ཀྱི་གཟིགས་མོར་རྟག་རོལ་པས། །མཐོང་གང་བརྩེ་བས་གཞན་ལ་འདོམས་པ་འདི། །མཁས་པའི་གཞུང་བཞིན་ཉམས་པ་མེད་པར་བཀོད། །དེ་དགེ་དྲི་མེད་རྒྱལ་བའི་ཤཱ་རི་རཾ། །ལྷག་བསམ་རྒྱ་མཚོ་ཆེ་ལ་རོལ་པ་ཡིས། །གཞན་ཕན་རིན་ཐང་བྲལ་བའི་བཻ་ཌཱུརྱ། །རྣམ་གྲོལ་དབང་གི་རྒྱལ་པོར་འགྲུབ་གྱུར་ཅིག །ཅེས་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་མོ་ཤེལ་གྱི་མེ་ལོང་ཞེས་བྱ་བ་ལས། འབྲས་རྩིས་འདོད་འབྱུང་ནོར་བུའི་ལྗོན་པ་རྒྱས་པའི་སྐབས་ཏེ་དང་པོའོ།། །། སྤྱན་རས་གཟིགས་དབང་ཞལ་གྱི་པདྨོ་ཡི། །དཔྲལ་བའི་གེ་སར་རྒྱས་པ་ལས་བྱུང་བ། །སྐྱེ་རྒུའི་ཡིད་ལ་བདེ་བའི་རོ་ཡི་མཆོག །དབང་ཕྱུག་སྦྲང་རྩིའི་དམ་པ་རྒྱལ་གྱུར་ཅིག །ཚེགས་ཆུང་རི་མོའི་བྱ་བས་དགོས་པའི་དོན། །གཞན་གྱིས་ལན་བརྒྱར་བརྟགས་ཀྱང་ཕྱོགས་ཙམ་ཡང་། །མཐོང་མིན་

― MR07_Page_0860 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེའི་གནད་རྣམ་ཇི་བཞིན་དུ། །སྟོན་པའི་ངོ་མཚར་རྩིས་ཕྲན་འདི་ནའོ། །འདི་ནི་བློ་གྲོས་གཤོག་རྩལ་གཡོ་བ་ཡི། །ན་ཚོད་གསར་པའི་མྱོས་གླུ་ལེན་མཁས་པ། །བཙུན་ཆུང་བུང་བའི་མགྲོན་ལ་དགའ་བའི་དཔྱིད། །ཀུན་ནས་སྟེར་བ་མེ་ཏོག་གཞོན་ནུ་བཞིན། །དེ་ཡང་གར་སྐྱེ་བརྟག་པ་དང་། །འཐོན་བུ་ལ་སོགས་བརྟག་པ་ལས། །ཐོག་མར་གར་ཡོད་བརྟག་པ་ནི། །ཉི་མ་ཐབས་ལྡན་གཡས་ཕྱོགས་སུ། །ཟླ་བ་ཤེས་རབ་གཡོན་ཕྱོགས་ཉིད། །ལྐོག་ཏུ་གྱུར་པས་ཕྱི་རོལ་དོན། །མངོན་སུམ་ཤེས་བྱེད་ལྷ་དགའ་མ། །ཞེས་གསུངས་པ་འདི་ནི་འཆད་པ་པོ་དེ་ལ་གང་གིས་དྲིས་པའི་ཚེ་ལུས་དྲང་པོར་བསྲངས་ཏེ་གཡས་གཡོན་གྱི་རླུང་ཤས་གང་ཆེ་བར་བརྟགས་ལ། གཡས་ཉི་མའི་ཤས་ཆེན་སྐྱེས་པ་དང་ལག་པ་གཡས་སུ་ཡོད་པར་བརྟག་གོ །དེས་འགྲེའོ། །གང་རྒྱུ་བའི་ཕྱོགས་ཀྱི་ལག་པ་བྱས་པས་ཤོ་རྒྱན་འགྲུབ་བོ། །ཉིན་དང་མཚན་མོའི་དགོས་དོན་ལ། །འཇིགས་བྱེད་ལྡངས་ཚེ་ཨུ་མ་ཡི། །རྣམ་འགྱུར་སྟོན་ན་འགྲུབ་འགྱུར་ཞིང་། །

― MR07_Page_0861 ―

^{[མ་དཔེ་གཟིགས་ན་འདིར་གནོན།]}

[Full Size]

བཟའ་བཏུང་ལ་སོགས་ཐོབ་པར་དྲན། །ཁྱབ་འཇུག་རྣམ་འགྱུར་དེ་ལས་ལྡོག །ཨུ་མ་ཉལ་ན་བིཥྞུ་དང་། །ཙ་མུནྜི་ཡིས་སྔར་བཞིན་གྲགས། །ཞེས་པ་འདི་ནི་རང་ལངས་པ་དང་ཉལ་བའི་ཐོག་མར་བརྟགས་ཏེ་དེ་ཡང་ཉིན་འཇིགས་བྱེད་ཏེ་དབང་ཕྱུག་ཡབ་ཀྱི་ཆར་བྱས་ལ། མཚན་ཨུ་མ་ཡུམ་གྱི་ཆར་བཟུང་ནས། ལྡང་ཉལ་གྱི་ཐོག་མ་ཁོ་ནར་བརྟག དེ་ཡང་ལྡང་བའི་ཚེ་ཨུ་མའི་རྣམ་འགྱུར་ནི། སྒྲ་ཕྲ་བ་དང་། བུད་མེད་མཐོང་བ་བུད་མེད་ཀྱི་སྐད་ལ་སོགས་པ་མཐོང་ཐོས་ཀྱི་ཐོག་མར་བུད་མེད་ཀྱི་རྣམ་འགྱུར་བྱུང་བ་གང་ཡིན་པའོ། །དེ་བྱུང་ན་དེ་ཉིན་དེ་ལ་ཆེད་དུ་གཉེར་བའི་དོན་གང་ཡིན་པ་འགྲུབ་པར་འགྱུར་ཞིང་། བཟའ་བཏུང་སོགས་ཐོབ་པས་བཟང་ངོ་། །ཁྱབ་འཇུག་ནི་ཡབ་སྟེ་ཕོའི་རྣམ་པ་བྱུང་ན་དོན་མི་འགྲུབ། བཟའ་བཏུང་མི་རྙེད་པ་སོགས་སྔ་མ་ལས་ལྡོག་གོ །ཨུ་མ་སྟེ་ཉལ་བའི་ཐོག་མར་བིཥྞུ་ཁྱབ་འཇུག་སྟེ་ཕོ་མཚོན་བྱེད་ཡིན་པས་ཕོའི་རྣམ་འགྱུར་ནི་ཕོ་མཐོང་བ་དང་ཕོའི་སྐད། སྒྲ་ལ་སོགས་སྦོམ་ལ་དྲག་པ་ཉིད་ཡིན་པས་དེ་ཐོས་ན་དོན་འགྲུབ་པ་དང་། ཙ་མུནྜི་ནི་མོའི་མཚོན་བྱེད་དོ། །དེའི་རྣམ་འགྱུར་ནི་སྔར་བཤད་པ་ལྟར་

― MR07_Page_0862 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ནོ། །དེ་མཐོང་ཐོས་ཀྱི་ཐོག་མར་བྱུང་ན་དོན་མི་འགྲུབ་བོ། །དེ་ལྟར་ལྟས་ཀྱི་རྣམ་པ་ཤེས་པར་བྱའོ།། དོན་ལ་སོགས་པར་མོ་འདེབས་པར། །ཕོ་ཉས་སྨྲས་པའི་དབྱངས་གྲངས་རྣམས། །ཕྱོགས་ཀྱིས་བསྒྱུར་ལ་ཉི་མ་བསྲེ། །སླར་ཡང་འབྱུང་བས་བསྒྱུར་བ་ལ། །རང་མ་གཏོགས་པའི་དྲུང་གནས་ཀྱི། །སྐྱེས་བུ་ཇི་སྙེད་ཡོད་པ་བསྲེ། །རི་བོས་དོར་བའི་ལྷག་མར་བརྟག །དེས་ཐོབ་ཕྱོགས་བསྒྱུར་ཉི་མ་བསྲེ། །འབྱུང་བསྒྱུར་དྲུང་གི་སྐྱེ་བོ་བསྣན། །རིས་འགོས་དེས་ཐོབ་དེ་ལྟར་བྱ། །དེས་ཐོབ་པ་ཡང་དེ་བྱས་པའི། །ལྷག་རྣམས་རིམ་པར་བཀོད་བྱས་པ། །དང་པོ་ལུས་དང་གདོན་གྱི་ཕྱ། །གཉིས་པ་སྲོག་ནོར་དགྲ་ཕྱ་སྟེ། །གསུམ་པ་ལམ་དང་མགྲོན་གྱི་ཕྱ། །བཞི་པ་དོན་དང་སྲིད་ཕྱ་ཡིན། །དེ་ལ་གང་བབས་གཟའ་འབྲས་བརྟག །དང་པོ་སྔར་ལྟར་བྱས་པ་དེའི། །ཐོབ་པ་རིས་ཕུད་ཐོབ་པ་ཡང་། །རིས་ཕུད་བྱས་པ་རིམ་པར་ཡང་། །ལྷ་མི་དགྲ་འདྲེའི་ས་གསུམ་རྩི། །འབྲས་བུ་གཟའ་བདུན་མོ་ལ་དཔྱད། །འདི་ནི་ཕོ་ཉས་དྲིས་པ་དཔེར་ན་བདག་པདྨ་

― MR07_Page_0863 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ལ་འགྲོ་ན་དོན་ཨེ་འགྲུབ་ཟེར་བ་ལྟ་བུ་ལ་དབྱངས་ཨ༥། ཨི་༡ ཨོ་༡ ཨེ་༡ ཨུ་༡། དབྱངས་དགུ་ཡོད་པ་བསྡོམ། སྐྱེ་བོ་ནི་རྩི་བྱེད་རང་ཉིད་མ་གཏོགས་པའི་སྦྲ་ཁྱིམ་གྱིས་བཅད་པའི་ཉེ་དྲུང་དེར་གང་ཡོད་པར་མཐོང་བའི་མི་ཕོ་མོ་རྣམས་སོ། །ཁ་ཅིག་གཞི་སྔར་ལྟར་ལ་མེས་བྲི་བ་མན་ངག་ཟེར། དབང་ཕྱུག་གི་གཞུང་ལས་དྲིས་དབྱངས་ལ་མེས་ཕྲི་རིས་བགོད་གསུངས། དྲིས་དབྱངས་ལ་མེས་ཕྲི་ནས་རིས་བགོས་ལྷག་དང་གོང་གི་དབྱངས་མོ་དོན་གཅིག་ཏུ་འཆར། ཡང་ན་མཚོ་བསྣན་ཀྱང་དོན་འདྲ། ཕྲེང་མོ་ལའང་དེ་ལྟར་རུང་ངོ་། །འདི་ལ་རྒྱ་ཕྲུག་པའི་ཕྱག་བཞེས་གཟའ་ཁྱིམ་སྦྲག་པའི་མོ་ཡང་ཡོད་དོ། །དབྱངས་མོ་དེའི་གནད་ཀྱང་ཞལ་ལས་དྲིས། ༈ །སྔ་ཕྱིའི་སྐྱེ་བ་གང་ཡིན་པ། །སོ་སྐྱེ་ཞིག་ལ་བརྟགས་པ་སྟེ། །འདྲི་བྱེད་མིང་ཡིག་ལུས་ཡན་ལག །དབྱངས་དང་བཅས་པ་གཅིག་ཏུ་བསྡོམས། །ཐུབ་པས་བགོས་པའི་རྙེད་པ་རྣམས། །ལྔས་བསྒྱུར་ལྷག་བསྲེ་སྤྱི་དྷྲཱུ་དེ། །དེ་ཀ་གནས་གཉིས་བཞག་པར་བྱ། །གཅིག་ལ་གསུམ་གྱི་བགོས་ལྷག་ལ། །ཟླ་མིག་ཐིག་ཤར་རིམ་བཞིན་དུ། །ལྷ་༡ མི་༢ ངན་༣ སོང་དག་ནས་འོང་། །སྔ་མའི་

― MR07_Page_0864 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་བ་བརྟགས་པའོ། །ཕྱི་མ་གང་དུ་སྐྱེ་བརྟག་པ། །གནས་གཉིས་དྲུག་གི་བགོས་ལྷག་ལ། །གཟུགས་ལག་མེ་མཚོ་མདའ་དུས་རིམ། །ལྷ་༡དང་ལྷ་མིན་༢ མི་༣ དུད་འགྲོ༤། །ཡི་དྭགས་༥ དམྱལ་བ་༦ རྣམས་སུ་སྐྱེ། །འདི་ལ་དཔེར་ན་མི་ཕམ་རྒྱ་མཚོ་ལྟ་བུ་སྔ་མ་གང་ནས་འཕོས་པ་བརྟགས་པ་དང་། ཕྱི་མ་གང་དུ་སྐྱེ་བརྟགས་པའི་ཚེ། མིང་གི་དབྱངས་ཨ་ཨི་ཨ་ཨོ་བཞི་ལ། གསང་བའི་མཚན་མ་སྟེ། གསལ་བྱེད་ལུས་ཡན་ལག་བཅས་པ་བསྲེ་དགོས་པས། ལུས་མ་ཕམ་རག་མ་ཚ་བདུན། ཡན་ལག་ཡ་འདོགས་ཅན་བརྒྱད་བསྲེས་པས། ༡༢ དེ་ལ་རིས་བགོས་པས། ༡༥ཐོབ་པ་དང་ལྷག་འདི་ལྟ་བུ་ཐོབ་པ་ལྔས་བསྒྱུར་ལྷག་བསྲེས་པས། ༡༠ འདིའི་གཅིག་ལ། ༣ བགོས་ལྷག ༡ཤར་བས་སྔ་མ་ལྷ་ནས་འཕོས། གཅིག་ལ་དྲུག་བགོས། བཞི་ཤར་བས་ཕྱི་མ་དུད་འགྲོར་སྐྱེ་བ་ལྟ་བུའོ། །འདིར་གསང་བའི་མཚན་མ་ནི་དངོས་མིང་འབོད་རྒྱུ་དེ་ལས་གཞན་པའི་མིང་གང་ཐོབ་པ་ལ་འདོད་པ་ཡང་ཡོད། དེ་ལྟར་ན་མིང་དུ་ཡོད་ཀྱི་དབྱངས་འབའ་ཞིག་བགྲང་བ་འདྲ། འདི་རྒྱུད་ལས་བུད་མེད་སྦྲུམ་མ་ལ་སྦྱར་ཏེ་གསུངས། དེ་ལྟར་ན་དེའི་མངལ་ཞུགས་ལ་བརྟག་པ་འདྲའོ། །རི་མོ་སྔ་ཕྱི་

― MR07_Page_0865 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀ་གང་ནས་སོང་བའི་རྣམ་གྲངས་སུ་བཤད་པའང་ཡོད། དེ་ཡང་མིང་གི་དབྱངས་གསལ་བསྡོམས་གྲངས་དཔེར་ན། གུ་རུ་ལྟ་བུ་བཞི་ལས་མེད་ན་ཐུབ་པས་མི་ཐོབ་པས། དེ་ག་རང་གནས་གཉིས་སུ་བཞག་པས་འདུས་ཏེ། ཐོབ་པ་མེད་པས་ལྔས་བསྒྱུར་རྒྱུ་མེད་ལ་ལྷག་བཞི་བསྲེས་པའོ། །སྤྱིར་འདི་མཚུངས་རིགས་ཐམས་ཅད་ལ་གལ་ཆེ་ཨུ་པ་དེ་ཤ་དངོས་ནི། མི་གང་སྐྱེས་དུས་ཀྱི་མིང་དང་པོར་འདོགས་རྒྱུ་དེ་ཁོ་ན་ལས་མིང་སྐར་དང་མིང་གི་བྱེད་པ་ཐམས་ཅད་བརྟག་དགོས་ཞེས་བླ་མ་དག་གསུངས། གནས་སྐབས་སུ་གང་འབོད་པ་ལ་བརྟག་པ་རང་མཛད་མོད། དང་པོར་ཐོགས་པ་རྩ་བར་བཟུང་བ་ཨ་བུ་ལྟ་བུ་ཆུང་མིང་དེ་ལ་ཕྱིས་མང་པོ་ཡོད་པ་ཅན་གྲགས་ཆེ་བསྣན་པ་ལ་གསང་བའི་ཚད་མ་ཞེས་འདོད་པ་ཡོད་དོ། །མིང་གི་དབྱངས་ནི་བོད་སྐད་ལ་གི་གུ་ཡོད་པ་ཨི་ཞབས་ཀྱུ་ཨུ། འགྲེང་བུ་ཨེ། ན་རོ་ཨོ། དེ་བཞི་གང་ཡང་མེད་ན་ཨ་ཡིན་ཏེ་དབྱངས་ལྔ་ལས་མེད་ལ། ཨ་དར་དང་ཨོ་རྒྱན་ལྟ་བུ་ལ་དབྱངས་ཨ་ཨོ་ནི་དབྱངས་རྐྱང་པ་རང་ཉིད་གསལ་བྱེད་ཀྱི་སྲོག་ཏུ་མ་ཞུགས་པ་ཡིན་ལ། སྦྲུལ་ལྟ་བུ་གསལ་བྱེད་བཞི་ཡང་དབྱངས་ཨུ་གཅིག་གིས་བསྡུས་པ་ལྟ་བུ་དབྱངས་གཅིག་གིས་བཅིང་བ་དཀྱུས་མའི་ཚེགས་བར་རེ་དབྱངས་རེ་རེ་བརྩི། ཚེག་བར་གཅིག་ཀྱང་པདྨ་

― MR07_Page_0866 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེའུ་ལྟ་བུ་འདོན་ཐང་གཉིས་བྱེད་པ་དབྱངས་གཉིས་ཏེ། མདོར་ན་གསལ་བྱེད་མང་རུང་ཉུང་རུང་སྒྲ་གདངས་གཅིག་གིས་བསྡུས་པ་འདོན་ཐང་དུ་དགོས་གྲངས་ཀྱི་དབྱངས་རེ་ཡོད་པ་ཤེས་པར་བྱའོ། །གསལ་བྱེད་ལ་ལུས་ནི་མིང་གཞི་གང་ཡིན་པ་གསལ་བྱེད་མང་དུ་ཚོགས་ཀྱང་དེ་ནང་ནས་སྒྲ་ཤུགས་ཆེ་བ་གང་ཡིན་པ་དེ་ལ་ཟེར་ཞིང་། དེ་མིན་པ་འདོགས་སུ་བརྩི་བའང་སྣང་། འདིར་སྔོན་རྗེས་མིང་གཞི་ཡང་འཇུག་ར་མགོ་སོགས་གང་ཡོད་ལུས་ལ་ཡན་ལག་གི་འགྲེང་བུ་ན་རོ་ཞབས་ཀྱུ་ཡ་རྟ་ར་རྟ་སྟེ་ཁ་སྐད་ལ་འདོགས་བུ་དྲུག་ཟེར་བ་འདི་དྲུག་ཁོ་ན་ཡན་ལག་ཏུ་བརྩི་སྟེ། བཀྲ་ཤིས་དང་། མཛེས་མ་ལ་ལུས་གསུམ། ཡན་ལག་བརྒྱད། བློ་གྲོས་ལ་ལུས་གསུམ། ཡན་ལག་གསུམ། རྒྱལ་མ་ལུས་གསུམ། ཡན་ལག་གཅིག་ལྟ་བུ་ཤེས་དགོས་སོ། ༈ ། དེ་ནས་འཐོན་བུ་བརྟག་པ་ནི། །ཕོ་མོའི་མིང་ཡིག་ལུས་ཡན་ལག །སོ་སོར་བསྲེས་ལ་ལུས་བཞི་དང་། །ཡན་ལག་མེས་བསྒྱུར་གཅིག་ཏུ་བསྡོམས། །དེ་ལ་གསུམ་གྱིས་དོར་བ་ཡིས། །གཅིག་ཐིག་བུ་སྐྱེ་གཉིས་བུ་མོ། །འདི་དཔེར་ན་ཁྱོ་ཤུག་གཉིས་ཀྱི་བུ་དང་བུ་མོ་ཐོག་མར་གང་སྐྱེ་བ་དེ་ལ་འཐོན་བུ་ཟེར་བ་དེ་བརྟགས་པ་སྟེ།

― MR07_Page_0867 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ཕ་ཨ་འགྲུབ། མ་བཀྲ་ཤིས་སྐྱིད་གཉིས་ལ་ཐོག་མར་བུ་དང་བུ་མོ་གང་སྐྱེ་བརྟག་ན། ཕ་ལ་ལུས་བཞི། མ་ལ་ལུས་བདུན་ཡོད་པ་ལུས་གཉིས་བསྲེས་པས་བཅུ་གཅིག ཕ་ལ་ཡན་ལག་གཉིས། མ་ལ་བཞི་ཡོད་པ་བསྲེས་པས་དྲུག་སྟེ། དེ་ལྟར་ལུས་ལུས། ཡན་ལག་ཡན་ལག་ལ་སོ་སོར་བསྲེས་པས། ལུས་བཞིས་བསྒྱུར་བས་ཞེ་བཞི། ཡན་ལག་མེས་བསྒྱུར་བས་བཅོ་བརྒྱད། དེ་གཉིས་གཅིག་ཏུ་བསྲེས་པས་རེ་གཉིས། དེ་ལ་མེས་བགོས་པའི་ལྷག་གཉིས་ཤར་བས། དང་པོར་བུ་མོ་སྐྱེ་བར་ལུང་བསྟན་ནོ། །གཞུང་དུ་ཐིག་ཤར་བུ་སྐྱེ་ཡང་ཕན་མི་ཐོགས་སོ་གསུངས། འདི་ལ་ལུས་ཡན་ལག་དེ་ལྟར་བརྩི་རྒྱུ་ལས་དབྱངས་ལོགས་སུ་བརྩི་རྒྱུ་མེད་དོ། ༈ །ཡང་ན་དེ་ཡི་ཆོ་ག་ནི། །སྦྲུམ་མའི་མིང་ཡིག་དང་པོ་གསུམ། །རང་ཡན་གྲངས་བསྡོམས་མིག་གིས་བགོད། །གཅིག་བུ་སྟོང་པ་བུ་མོར་བརྗོད། །དྲིས་པའི་ཐོག་མ་ལ་ཡང་ངོ་། །འདི་ལ་རང་ཡན་བགྲང་ལུགས་གཉིས་བྱུང་སྟེ། རྒྱ་གར་གྱི་དབྱངས་གསལ་ལྟར་དང་། བོད་ཀྱི་དབྱངས་གསལ་ལྟར་བྱེད་པ་གཉིས། དེ་རེ་རེ་ལའང་ནང་གསེས་

― MR07_Page_0868 ―

^{[མ་དཔེ་གཟིགས་ན་འདིར་གནོན།]}

[Full Size]

རང་སྡེའི་རང་ཡན་དང་། ཨ་དང་ཀ་གཉིས་ནས་དབྱངས་གསལ་རང་རང་གི་མགོ་བཟུང་བའི་རང་ཡན་ཏེ་ལུགས་མི་འདྲ་བ་བཞིར་འདུག་སྟེ། དང་པོ་རྒྱ་གར་ལྟར་ན་བོད་ཀྱི་ཅ་ཆ་ཇ་ཞ་ཟ་འ་དྲུག །ཙ་ཚ་ཛ་ཤ་ས་ཨ་དྲུག་ལ་བསྡུ། རྗེས་འཇུག་གང་ཐོབ་ལ་བསྡུ་བའང་བཤད། དེའི་ལུ གས་ལྟར་ན། བཀྲ་ཤིས་སྐྱིད་ལ་བུ་དང་བུ་མོ་གང་སྐྱེ་འདྲི་ན་རང་སྡེ་ལྟར། བ་ཡན་གསུམ། ཀ་ཡན་གཅིག ར་ཡན་གཉིས་ཏེ། ཐམས་ཅད་དུ་རང་བཅས་བརྩི་མི་དགོས་པའོ། །བསྡོམས་པ་དྲུག་ལྟ་བུའམ། ཕྱི་མ་ལྟར་ན། བ་ཡན་ཉེར་གསུམ། ཀ་ཡན་གཅིག །ར་ཡན་ཉེར་བདུན་བཅས་བསྡོམས་པ་ང་གཅིག་ལྟ་བུའོ། །དེ་གཉིས་ཀྱི་དཔེའུ་རིས་འདི་ལྟར་དབྱངས་གསལ་གང་ཡོད་ལས་སྲོག་གི་དབྱངས་འདིར་མི་བརྩི་ལ། འདིར་ཨ་དར་ལྟ་བུ་ལ། ཨ་ད་ར་ལ་བགྲང་ངམ་སྙམ། ཨ༡་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿ ཀ་ཁ་ག་གྷ་ང་། ཙ་ཚ་ཛ་ཛྷ་ཉ ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ་། ཡ་ར་ལ་ཝ་། ཤ་ཥ་ས་ཧ། འདི་ཕྱི་མའི་དཔེ། སྔ་མ་རྟོགས་སླ། གཉིས་པ་བོད་སྐད་ལས་ཕྱི་མ་ལྟར་ན། བ་ཡན་བཅོ་ལྔ། ཀ་ཡན་གཅིག །ར་ཡན་ཉེར་ལྔ།

― MR07_Page_0869 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡོམས་པ་ཞེ་གཅིག །དང་པོ་ལྟར་ན་བ ། ཀ ར་བསྡོམས་པ་ལྟ་བུའོ། །ཕྱི་མའི་དཔེའུ་རིས། ཨ་ཨི་ཨུ་ཨེ་ཨོ། ཀ་ཁ་ག་ང་། ཅ་ཆ་ཇ་ཉ། ཏ་ཐ་ད་ན་། པ་ཕ་བ་མ། ཙ་ཚ་ཛ་ཝ། ཞ་ཟ་འ་ཡ། ར་ལ་ཤ་ས། ཧ་ཨ། ལུགས་འདིར་བསམ་ལྟ་བུའི་སྲོག་གི་ཨ་དབྱངས་དང་། ཨ་དར་ལྟ་བུའི་དངོས་བསྟན་གསལ་བྱེད་དུ་བརྩི་དགོས་པ་འདྲ། དེར་མ་ཟད་རང་ཡན་ལ་སྡེ་པ་བརྩི་བའི་ལུགས་ཡོད་པ་རྒྱ་བོད་ལ་སྦྱར་ན། དང་པོ་རྒྱ་གར་ལྟར་བ་ལྔ། ཀ་གཅིག ར་དྲུག་བསྡོམས་པ་བཅུ་གཉིས། ༢ ༣ ༤ ༥ ༦ ༧ ༨ ༩ ༡༠ ༡༡ ༡༢ ༡༣ ༡༤ ༡༥༡༦ ༡ ༢ ༣ ༤ ༥ ༦ ༧ ༨ ༩༡༠ ༡༡༡༢༡༣༡༤༡༥ ༡༦༡༧༡༨༡༩༢༠ ༢༡༢༢༢༤༢༤༢༥ ༢༦ ༢༧ ༢༨ ༢༩ ༣༠༣༡༣༢༣༣༣ ༡ ༡༡ ༢ ༣ ༤ ༥ ༡ ༢ ༣ ༤ ༥ ༦ ༧ ༨ ༩ ༡༠༡༡ ༡༢ ༡༣༡༤༡༥༡༦ ༡༧༡༨༡༩༢༠ ༢༡༢༢༢༣༢༤ ༢༥༢༦༢༧༢༨ ༢༩༣༠བོད་ལྟར་བ་བཞི། ཀ་གཅིག་ར་བདུན་བསྡོམས་པ་བཅུ་གཉིས་ལྟ་བུ་བསྣན་པས་ལུགས་དྲུག་ལྟ་བུ་ཡོད་ཀྱང་། དམིགས་སུ་བཤད་པ་ལྟར་རམ། གང་ལ་གང་བདེན་བརྟག་གསུངས་ཀྱང་འདི་ཡིན་ངེས་པ་མེད་པས་ཅུང་མི་ལེགས་པས་རང་ལུགས་རྒྱ་སྐད་ཀྱི་ཀ་ནས་བཟུང་རང་ཡན་ལ་བརྟག་གམ། གོང་གི་སྡེ་པ་རང་སྡེའི་ཡི་གེའི་གྲངས། ཚ་༦ ། ལྟ་བུ་འོག་ཏུ་སོང་། འདིར་སྤྱིར་མིང་བཀྲ་ཤིས་རྒྱ་མཚོ་ལྟ་བུ་ལ་ཡུལ་སྐད་དུ་སླ་ཐབས་བཀྲ་ལོ། །བཀྲ་རྒྱམ་སོགས་སུ་འབོད་པའང་དེ་ཀ་ལྟར་མིན་པར་མིང་དང་པོ་འདོགས་དུས་ལྟར་ཞིབ་རྒྱས་སུ་བྱས་ན་ལེགས་པ་རང་གི་རྣམ་རྟོག་གོ །༈ ཡང་ན་དེ་ཡི་ཆོ་ག་བཤད། །མིང་ཡིག་དང་པོ་སྦྲུམ་མ་ལ།

― MR07_Page_0870 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་སོགས་མི་མཉམ་བུ་ཡིན་ཏེ། །ཁ་སོགས་མཉམ་པ་བུ་མོ་ཡིན། །ང་ཉ་ཎ་ན་མ་མ་ནི། །མིང་ཡིག་དང་པོ་ནི་བརྩེགས་འཕུལ་འདོགས་སོགས་གང་སྔོན་ལ་བྲི་རྒྱུ་ལྟ་བུ་དེའོ། །མཉམ་མི་མཉམ་རང་སྡེའི་དང་པོ་ནས་བརྩིས་པའི་ཡ་ཆའོ། །གསལ་བྱེད་དང་པོ་གསུམ་ནི་དྲི་བར་ཕྱོགས་པའི་ཚིག་གི་སྔོན་མ་གསུམ་རིམ་པས་བླང་ངོ་། །ད་བཀྲ་ཤིས་སྐྱིད་ལ་བུ་དང་བུ་མོ་གང་སྐྱེ་ལྟ་བུ་ལ། ད་བ་ཀ་གསུམ། བཀྲ་ཤིས་སྐྱིད་ལ་ཅི་སྐྱེ་ལ་བ་ཀ་ར་གསུམ་ལྟ་བུ་དེས་འགྲེས་སོ། །ད་ནི་སྦྲུམ་མར་གང་སྐྱེ་བརྟག །དྲི་བའི་ཕོ་ཉ་འོང་བའི་དུས། །སྦྲུམ་མའི་མིང་སྐར་གང་ཡིན་པ། །དབྱུག་གུ་ནས་དེ་ཡན་སྐར་མའི་གྲངས་དང་ནི། །འདྲི་བའི་དུས་ཀྱི་རེས་གཟའ་དང་། །ཚེས་གྲངས་དྲི་ཚིག་དང་པོ་ཡི། །ཡིག་གྲངས་བསྲེས་ལ་བདུན་བགོས་ལྷག །གཉིས་བཞི་དྲུག་ཤར་བུ་མོ་སྐྱེ། །གཅིག་གསུམ་ལྔ་ཐིག་བུ་སྐྱེའོ། །འདི་ནི་ཚེས་བཅུ་དྲུག་གི་རེས་གཟའ་སྤེན་པའི་དུས་བུད་མེད་བཀྲ་ལོ་ལ་གང་སྐྱེ་བརྟག་པར་འོང་མི་ཕོ་ཉས། བཀྲ་ལོ་མ་ལ་ཅི་སྐྱེ་ལྟ་བུ་ལ། མིང་སྐར་ལུགས་གཉིས་དང་པོ་ལྟར་གྱི། ༣ རང་ཡན་དབྱུག་གུ་དང་བྲ་ཉེ་ནས་འཛིན་པ་གཉིས་ཀྱི་དང་པོ་ལྟར། ༤ ཚེས་གཟའ་བསྲེས་པས། ༢༧ དྲི་ཚིག་རང་ལུགས་

― MR07_Page_0871 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་གར་ལྟར། ༢༣ བསྲེས་པས། ༥༠ རིས་བགོས། ༡ ལྟ་བུའོ། ༈ །ཡང་ན་ལུགས་གཅིག་འདི་འདྲ་སྟེ། །འདྲི་དུས་ཚེས་གྲངས་དང་རེས་གཟའ་ཟླ་སྐར་གྲངས། །འདྲི་ཚིག་དང་པོའི་གསལ་བྱེད་རྣམས། །སྔར་ལྟར་བསྡོམས་བགོད་ལྷག་མར་བརྟག །སྔར་དང་འདྲ་བ་ལ་ཟླ་སྐར་གང་ཤར་རང་གྲངས་དབྱུག་གུ་ལ་ཉེར་བདུན་ཡིན་ནོ། །དཔེར་ན་ཚེས་གསུམ་གཟའ་ཟླ་བ་སྐར་མ་སྣར་མ་ལ་དྲི་བ་པོའི་དྲི་ཚིག་གི་ཐོག་མར་ངེད་ལྟ་བུ་བྱུང་ན་གྲངས། ༡༣ འོང་། འདི་ལ་སློབ་དཔོན་གྱི་ངག་རྒྱུན་སྔར་ཕྲུག་གུ་བུ་སྐྱེས་པའི་གྲངས་ཀྱང་བསྣན་གསུངས་སོ། ༈ །སྦྲུམ་ནས་ཟླ་བ་དུ་སོང་ནི། །དྲི་ཚིག་དང་པོའི་ཡི་གེ་གསུམ། །རིམ་བགྲང་བསྡོམས་ལ་བཅུ་ཡིས་བསྒྱུར། །དགུས་བགོས་ལྷག་མ་མ་འོངས་པ། །དེ་ཡི་ཤུགས་ལས་འདས་པའང་རྟོགས། །དེ་ལྟར་ངེས་པ་མ་མཐོང་ནས། །དྲི་ན་རྙེད་ལྷག་གཅིག་ཏུ་བསྲེ། །དགུས་བགོས་དེ་ལྷག་མ་འོངས་པ། །ཐིག་ཤར་ཟླ་བ་བཅུ་དགུ་འདྲ་ནའོ། །དེ་ཡང་མ་ངེས་ཡང་དྲི་ན། །རྗེས་མའི་རྙེད་ལྷག་སྔར་ལྟར་བྱ། དཔེར་ན་བཀྲ་ཤིས་སྐྱིད་ལ་བུ་དང་བུ་མོ་གང་སྐྱེ་འམ་སྦྲུམ་ནས་ཟླ་བ་དུ་སོང་སོགས་དྲི་ན།

― MR07_Page_0872 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ལུགས་ལྟར་བ། ༢༣ ཀ ༡ ར། ༢༧ ཁྱོན། བ༡ བཅུས་བསྒྱུར། བ༡༠ དགུས་ཐོབ་ལྷག ༦ །ཟླ་བ་དྲུག་ནས་བཙའ་ཞེས་བྱ། དེར་མ་ངེས་ན། ༨ དེར་མ་ངེས་ན། ༥ ལྟ་བུའོ། །། ཁྱོ་ཤུག་སྔོན་ལ་གང་འཆི་ནི། །ཕོ་མོའི་མིང་ཡིག་དབྱངས་གསལ་བྱེད། །སོ་སོར་ཕྱེ་བའི་གྲངས་དུ་ཡོད། །གཅིག་བསྲེས་གསུམ་གྱིས་དོར་ལྷག་ལ། །གཟུགས་དང་ཐིག་ཤར་སྐྱེས་པ་སྔོན། །མིག་ཤར་བུད་མེད་སྔོན་ལ་འཆི། །འདི་ནི་བླ་མ་སྐྱབས་དང་། བཀྲ་ཤིས་སྐྱིད་ལྟ་བུ་བཟའ་མི་གཉིས་ཀའི་སུ་སྔོན་ལ་འཆི་བརྟག་ན། ཕོ་ལ་གསལ་བྱེད། ༨ དབྱངས། ༣ མོ་ལ་གསལ་བྱེད། ༧ དབྱངས། ༣ བསྲེས་པས། ༢༣ བགོས་ལྷག༢ ། མོ་སྔོན་ལ་འཆི་བའོ། །འདིར་དོན་གྱིས་མི་ཐོབ་ཀྱང་། ཡ་བཏགས་ར་བཏགས་མ་བརྩིས་པས་ཐིག་པ་སྨིན་གླིང་ལོ་ཆེན་མྱོང་རྩིས་སུ་གསུངས་པ་དེས་ཐིག་ཆེ་བར་འདུག། གཞན་ཡང་དེ་ཡི་ཆོ་ག་བཤད། གྱེན་དུ་རེ་ཁཱ་དགུ་ཐེན་ལ། །འཕྲེད་གསུམ་ཡིག་བཀོད་དཔེའུ་རིས་ལྟར། །ཨ ཀ ཙ ཊ ཏ པ ཡ ཤ མིང༨ ༥ ༦ ༤ ༩ ༡ ༣ ༢ སྒྱུར་བྱེད། མིང་གི་དབྱངས་གསལ་ཇི་སྙེད་པ། །འོག་མས་སྟེང་བསྒྱུར་དབྱངས་གསལ་བྱེད། །སོ་སོར་བསྡོམས་དབྱངས་བཞི་གསལ་བྱེད་ནི། །མིག་བསྒྱུར་གཅིག་བསྲེས་གསུམ་བགོས་ལྷག །སྔ་མ་བཞིན་དུ་རྣམ་པར་དཔྱད།

― MR07_Page_0873 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ལ་སྔ་མ་ལྟ་བུ་ལ་བ་དང་། ལ་གཉིས་ཀྱི་རང་ཡན་བསྡོམས་པ་དྲུག་དང་། ཨ་ཨ། བསྡོམས་པ། ༡ ༡༦ ༡༢ བསྡོམས་པ། ༢༩ ལྟ་བུ། ཕོ་མོའི་མིང་ཐོག་གི་དབྱངས་གསལ་ཁོ་ན་ལས་མི་དགོས་པར་འོད་བརྒྱ་ལས་གསུངས། རང་ཡན་རྐྱང་རང་འོག་བཅས་པ་བགྲང་བས་ས་ལ། ༣༣ ལྟ་བུ་གསུང་ཀྱང་རང་ལུགས་ལ། དཔེར་ན་ཀུན་དགའ་རྒྱལ་ལྟ་བུའི་བོ། །དབྱངས་ལྔ་པ་དང་གཅིག་པ་དང་གཅིག་པ་རྣམས་བརྒྱད་ཀྱིས་བསྒྱུར། དེ་བཞིན་བུད་མེད་དབྱངས་ཀྱང་བསྒྱུར། གསལ་བྱེད་ཀ་དེ་དང་པོ་ཡིན་ཕྱིར། ༡ ལྔས་བསྒྱུར་ལ། ཏ་སྡེའི་ལྔ་པ་ན་གང་དེ། བུ་གས་བསྒྱུར། དེས་འགྲེ། མིང་ཇི་སྙེད་པས་བསྒྱུར་རོ། །འདི་རྣམས་ནི་ཁྱོ་ཤུག་ཁོ་ན་ལས། ཕོ་མོ་སུ་རུང་ལ་བརྟག་རྒྱུ་མིན་ནོ། ༈ །དེ་ནས་རྐུན་མ་ངོས་འཛིན་ནི། རང་ཉིད་གང་ལ་དོགས་པ་ཡི། །སྐྱེས་བུ་ཇི་སྙེད་སྣང་གྱུར་པའི། །ནང་ནས་སུས་བརྐུས་ཡོད་བརྟག་པ། །མི་རྣམས་མིང་གི་དབྱངས་གསལ་རྣམས། །སོ་སོར་བསྡོམས་པ་གསལ་བྱེད་ཚོགས། །གཉིས་བསྒྱུར་དབྱངས་ཀྱིས་ཕྲི་ལྷག་དེར། །སྐྱེས་བུའི་གྲངས་ཀྱིས་དོར་ལྷག་ལ། །གཅིག་བྱུང་རྒན་ནས་རིམ་བཞིན་དུ། །

― MR07_Page_0874 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲང་བའི་གྲངས་མཐུན་དེ་ཡིན་ནོ། །འདིར་དཔེར་ན། དོན་འགྲུབ། བཀྲ་ཤིས་དར། ལུག་གུ། གསུམ་པོ་ལོ་ཡང་ད་ལྟར་རིམ་པར་རྒན་གཞོན་ཡིན་ལ། དེ་གསུམ་ལས་གཞན་འོས་མེད་ཅིང་། དེ་གསུམ་གྱི་ནང་ནས་སུ་ཡིན་མ་གོ་ན། དང་པོ་ལ་དབྱངས་གཉིས། བར་མ་ལ་གསུམ། ཐ་མ་གཉིས། བསྡོམས་པས་བདུན། དང་པོ་ལ་གསལ་བྱེད་ལྔ། བར་མ་ལ་བདུན། ཐ་མ་ལ་གསུམ་ཁ་བསྲེས་པས་བཅོ་ལྔ། གསལ་བྱེད་གཉིས་བསྒྱུར་སུམ་ཅུ། དེ་ལ་དབྱངས་ཕྲི་བས་ཉེར་གསུམ། སྐྱེས་བུ་ཁོ་རང་གསུམ་ཡོད་པའི་དེའི་གྲངས་ཀྱིས་བགོས་པའི་ལྷག་གཉིས་ཤར་བས་ལོ་མང་ཉུང་གི་བར་མ་བཀྲ་ཤིས་དར་དང་འགྲིགས་པས་དེས་བརྐུས་པར་བརྗོད་དོ། །།དེས་ཀྱང་གཅེར་ཕོག་མ་ཤེས་ན། །སླར་ཡང་རྐུན་མ་དེ་རྣམས་ཀྱི། །མིང་གི་དབྱངས་གསལ་ཇི་སྙེད་པའི། །རང་ཡན་རིམ་བསྡོམས་དེ་དག་ལ། །སྔར་ཆོག་བྱས་པས་ཐེ་ཚོམ་མེད། འདི་ནི་མིང་གི་དབྱངས་གསལ་སོ་སོར་བོད་ཀྱི་བརྡ་ལྟར་དག་སྒྲོས་ཕུད་ནས་སྔར་ལྟར་ཕྱེས་ལ། དབྱངས་གསལ་རེ་རེ་ཞིང་རང་ཡན་བགྲང་བ། དང་པོ་ལྟ་བུ་ལ། ད་ན་འ་ག་ར་བ་རིམ་པས་རྒྱ་ཡིག་ལྟར་ཀྱི་ཕྱི་མ། ༣༥ ༡༣ ༢༣ ལྟ་བུ་དང་། དབྱངས་

― MR07_Page_0875 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོ། ༡༥ ཨུ། ༥ ལྟ་བུ་གཞན་གཉིས་པོའང་དེ་ལྟར་ལ་དབྱངས་གསལ་སོ་སོར་ཚན་གཉིས་སུ་བསྲེ། གསལ་བྱེད་མིག་བསྒྱུར་དབྱངས་ཀྱིས་ཕྲི། སྐྱེས་བུས་བགོའོ། འདིར་དབྱངས་ལ་རང་ཡན་མི་བརྩི། སྔ་མ་ལྟར་ལ་གསལ་བྱེད་ཀྵ་བར་དཀྱུས་མའི་རང་ཡན་བརྩི་ཡང་ཟེར། །དེ་ཡི་གྲོགས་པོ་བརྟག་པ་ནི། །ཆོ་ག་སྔར་ལྟར་ཁོ་ན་ལ། །གསལ་བྱེད་མིག་དང་དབྱངས་ལ་མེ། །བསྲེ་བ་གྲོགས་བརྟག་ཁྱད་ཆོས་སོ། །འདི་ནི་དབྱངས་གསལ་སྡོམ་ལུགས་གཉིས་པོ་གང་བདེ་ལ། གསལ་བྱེད་བསྡོམས་པ་ལ་བཟུང་བྱིན་གཉིས་ཀྱིས་བསྒྱུར། དབྱངས་ལ་མེ་བྱིན། དེས་ཕྲི། ལྷག་མ་སྐྱེས་བུའི་གྲངས་ཀྱིས་བགོས་པའི་ད་ལན་དཀྲ་དར་གྱི་གྲོགས་ཆུང་བ་ལུ་གུ་ལྟ་བུ་ལ་ངོས་འཛིན་ནོ། ༈ །མིག་གི་གསལ་འགྲིབ་བརྟག་པ་ནི། །མིང་ཡིག་དང་པོ་གསལ་བྱེད་ལ། །ཁ་ལ་སོགས་པ་མཉམ་པ་ཡོད། །གཡོན་པ་སྔོན་ལ་མི་གསལ་ལོ། །ཀ་སོགས་མི་མཉམ་གཡས་སྔོན་འགྲིབ། །འདི་ནི་མིང་སྨྲ་དང་པོ་ལ་བརྟག་སྟེ། མིག་སྔོན་ལ་གང་འགྲིབ་དང་། གཞོག་གཡས་གཡོན་དང་རྐང་ལག་གི་སྐྱོན་ལ་སོགས་པའང་འདིས་བརྟག་གོ །མཉམ་མི་མཉམ་རང་སྡེའི་ཐོག་མ་ནས་བརྩིའོ། །

― MR07_Page_0876 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་གི་བཟང་ངན་བརྟག་པ་ནི། །ཐིག་༠ མ་༤ ཚོ་༧ རི་༡ ཉི་༢ རྒྱལ་༡ བྲོ་༦ བ༦། །གཟུགས་མིག་༢༡ གྲོ་བཞིན་སྐར་མར་མིང་སྐར་སོང་། །མིག་བཟང་བྱ་བའི་ལས་ཀུན་འགྲུབ། །དྲོ་ལམ་བརྒྱ་ཡི་ཡུལ་ཡང་མཐོང་། །སྲིན་༩ མེ་༣ འདོད་༡༣ དྲག་༡༡ སྟོང་༢༠ མིག་དང་། །དེ་ཉིད་༢༥ རི་གཟུགས་༡༧ ལ་སོགས་ན། །དེ་མིག་མོ་དང་གཡོའམ་ཤེལ་བ་འབྱུང་། །ཡིད་༡༤ ཕྱོགས་༡༠ དབང་༥ སྐྱོན་༡༨ སྲིན་༡༩ གཟུགས་དང་། །མིག་ ༢༢ ཟུང་ཡུལ་༢༤ ལ་མིང་སྐར་སོགས། །མིག་ངན་ལོང་བ་སོགས་དང་བྱ་བའི་ལས་མི་འགྲུབ། །གཟུགས་༡ མིག་༢ ཀླུ་༨ ཚེས་༡༥ མེ་ཟུང་༣༣ དང་། །རོ་ཟུང་༦༢ བྱི་༢༡ བཞིན་ལ་སོང་བ། །དེ་ཡི་མིག་ནི་དམར་ཚག་འགྱུར། །འདི་ནི་མིང་སྐར་ལ་བརྟགས་ཏེ། སྐབས་འདིར་རྡོ་རྗེ་ལྟ་བུའི་ར་སངས་རྒྱས་ལྟ་བུའི་ས། དཔལ་ལྟ་བུའི་ད་བཟུང་བ་རང་ལུགས་ཡིན། མིང་སྒྲ་གང་ཆེ་མིང་གཞི་དཔལ་ལྟ་བུའི་པ་འཛིན་པའི་ལུགས་ཀྱང་ཡོད་ལ་སྤྱིར་འདི་ལེགས་སོ། །བདག་གི་མིང་ཅི་འདྲ་ཞེས་དྲི་ཚིག་དང་པོ་ལ་སྦྱར་ན་སྙམ་པ་རང་གི་རྣམ་རྟོག་གོ །མིང་སྐར་ནི་མིང་སྐར་གྱི་རེའུ་མིག་གོང་འོག་ཏུ་བཀོད་པ་ལས་ཤེས་སོ། །ཕྱོགས་གང་ལ་ནི་འཆི་བརྟག་པ། །མིང་གི་ཐོག་མར་དབྱངས་

― MR07_Page_0877 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བྱེད། །རིང་བའི་དབྱངས་ཨཱ་ཨཱི་ཨཱུ་ཨཻ་ཨཽ་ལྔ་གསལ་བྱེད་ནི། ཀ་ནས་ཀ་ག་གྷ་ཙ་ཚ་ཛ་ཛྷ། ཊ་ཋ་ཌ་ཌྷ། ཏ་ཐ་ད་དྷའི་བར་བཅོ་ལྔ་ཡོད། །དེ་ཚེ་དཀར་བ་ཟླ་བ་འཕེལ་བའི་ཕྱོགས་ལ་འཆི། །ཐུང་བའི་དབྱངས་ལྔ་གསལ་བྱེད་ནི། །དྷ་ནས་ཧའི་བར་གང་རུང་ཡོད། །ནག་པོ་མར་ངོའི་ཕྱོགས་ལ་འཆི་བ་ཡིན། །འདི་དཀར་ཕྱོགས་ནག་ཕྱོགས་ལ་འཆར་བའི་དབྱངས་གསལ་ལོ། །འཆི་དུས་ཀྱི་དཀར་ནག་གི་ཕྱོགས་འཇིག་རྟེན་ན་ཡོངས་གྲགས་ལྟར་རོ། །འདི་ཁྱོ་ཤུག་ལས་གཞན་ལ་མིན་གསུངས། ༈ །དགྲ་ལས་རྒྱལ་ཕམ་བརྟག་པ་ནི། །བརྩི་བྱ་དང་ནི་དགྲ་ཟླ་ཡི། །མིང་གི་དབྱངས་གསལ་སོ་སོར་ཕྱེ། །གཅིག་བསྲེས་ཕན་ཚུན་ཕྲི་བ་ཡི། །གང་མང་བ་དེ་རྒྱལ་བར་བལྟ། །དཔེར་ན་བཀྲ་ཤིས་དང་ངག་དབང་ལྟ་བུ་ལ། དང་པོ་ལ་དབྱངས་གསལ་བདུན། རྗེས་མ་ལའང་བདུན་ཡོད་པས་གྲངས་མཉམ་པར་འགྲིགས་པས་སྟོབས་མཉམ་མི་འདུམ། །ཡང་ན་མིང་གི་དབྱངས་ཡིག་རྣམས། །ཐུང་རིང་ཤིན་ཏུ་རིང་པོར་དབྱེ། །རིམ་བཞིན་གཟུགས་མིག་མེས་བསྒྱུར་བསྡོམས། །ཕན་ཚུན་ཕྲི་བས་རྒྱལ་ཕམ་སྟོན། །དབྱངས་རིང་བ་ནི་འ་འདོགས་དང་མེ་ཨོ་ཡོད་པ།

― MR07_Page_0878 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་ཏུ་རིང་པོ་ཨཻ་ཨཽ། དེ་ལྔ་གང་ཡང་མེད་པ་ཐུང་ངུ་སྟེ་མིང་གི་ཡི་གེའི་དབྱངས་ལ་གང་ཡོད་པའི་ཐུང་ངུ་། རིང་པོ། ཤིན་ཏུ་རིང་པོ་དུ་ཡོད་རང་རང་གི་སྡེ་ཚན་དུ་བསྡོམས་ལ། ཐུང་བ་གཅིག་རིང་པོ་གཉིས་སོགས་བསྒྱུར། གསུམ་པོ་གཅིག་ཏུ་བསྲེ། དཔེར་ན་སྔར་དེ་གཉིས་ལ་ཨ་ཨི། ཐུང་ངུ་གཉིས། ཨ་ཨ་ཐུང་ངུ་གཉིས་ཀྱིས་ཉིས་ལ་ཕྲི་བས་ཐིག་ལྟ་བུའོ། །གཙོ་བོའམ་དམག་དཔོན་དང་ཡུལ་སོ་སོ་ལའང་བརྟག་གོ །མིང་གི་དབྱངས་ནི་མིག་གིས་བསྟུན། །གསལ་བར་བྱེད་པ་མཚོ་ཡིས་སྤེལ། །གཉིས་ཀ་བསྡོམས་ལ་རི་ཡིས་བགོད། །དབྱངས་གསལ་གཉིས་ཀ་མཉམ་ན་འདུམ་པ་ཡིན། །མི་མཉམ་སྟོབས་ལ་བལྟས་པས་ཤེས། །འདི་ནི་གཉིས་ཀའི་དབྱངས་གསལ་སོ་སོར་བསྡོམས་པ་ལ་དེ་ལྟར་བྱ་རྒྱུ་ཡིན་ནོ། །དཔེ་འགར་གཅིག་ཉི་སོགས་ཐིག་སྤེན་པའི་བར་ལ་སྟོབས་འཕེལ་བ་དུས་སྦྱོར་སྐབས་བཤད་པ་ལྟར་བྱ་གསུངས། དབུགས་ནི་འཇུག་པར་གང་བརྗོད་རྒྱལ། །འཐོན་ལ་གང་བརྗོད་ཕམ་པའོ། །འཆད་པ་པོའི་དབུགས་འབྱུང་འཇུག་གི་ཚེ་དྲི་བ་པོས་གང་གི་མིང་བརྗོད་ཚུལ་ལས་སོ། །མིང་གཉིས་སྔོན་ལ་གང་བརྗོད་རྒྱལ། །ཕྱི་ནས་བརྗོད་པ་ཕམ་པར་སྟོན། །མིང་གི་དབྱངས་གསལ་ཕྱེ་བ་རྣམས། །ཟུང་ཕམ་ཡ་ཡིས་རྒྱལ་བར་སྣང་། །འདི་

― MR07_Page_0879 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོད་པོའམ་གང་གི་མིང་གི་དབྱངས་གསལ་བསྡོམས་པ་གཉིས་ཀྱིས་བགོས་སམ་སྙམ། གཞན་ཡང་མིང་ཐོག་ཁམས་སོགས་བརྟགས། །མིང་ཡིག་གི་ཁམས་དགྲ་གྲོགས་ལྟར་ཤེས་པར་བྱའོ། ༈ །དེ་ནས་རྒྱན་གྱི་འཁོར་ལོ་བཤད། ཤོ་རྒྱན་སོགས་རྒྱལ་ཕམ་བརྟག་བྱེད་བགོར།། །༡༤ ༢༧ ༢ ༡༢ ༡༥ ༦ ༤ ༣ ༡༧ ༨ ༩ སྒྱུར་བྱེད། ཨ ཨཱ ཨི ཨཱི ཨུ ཨཱུ ཨེ ཨཻ ཨོ ཨཽ ཨཾ དབྱངས། ཀ ཁ ག གྷ ང ཙ ཚ ཛ ཛྷ ཉ ཊ གསལ། ཋ ཌ ཌྷ ཎ ཏ ཐ ད དྷ ན པ ཕབ བྷ མ ཡ ར ལ ཝ ཤ ཥ ས ༣༠ ཧ ཀྲ་དཔེའུ་ཆུང་ལྟར་དུ་བཀོད། །བརྩི་བྱའི་དབྱངས་གསལ་ཡི་གེ་རྣམས། །རང་རང་ཐད་ཀྱི་ཨང་ཀུས་བསྒྱུར། །ཐམས་ཅད་བསྡོམས་ལ་བརྒྱད་ཀྱིས་བགོད། །ལྷག་མ་གཟུགས་ནས་ཐིག་གི་བར། །རྒྱ་ལ་མཚན་༡ དུ་བ་༢ སེང་གེ་༣ ཁྱི༤། །ཁྱུ་མཆོག་༥ བོང་བུ་༦ གླང་ཆེན་༧ བྱ༨། རྣམ་པ་བརྒྱད་དུ་ཤེས་པར་བྱ། ༈ བྱ་རོག་༡ ཁྱི་༢ བོང་༤ ཁྱུ་མཆོག་༨ གླང་༡༦། །སེང་གེ་༣༢ རྒྱལ་མཚན་༦༤ དུ་བ་༡༢༨ རྣམས། །གོང་ནས་གོང་དུ་སྟོབས་འགྱུར་

― MR07_Page_0880 ―

^{[མ་དཔེ་གཟིགས་ན་འདིར་གནོན།]}

[Full Size]

རོ། །འདི་ནི་དབྱངས་གསལ་སོ་སོའམ། འོད་བརྒྱ་ལས་མིང་གི་དབྱངས་གསལ་སོ་སོར་སྔར་ལྟར་བྱེད་པ་གཅིག་ཏུ་བསྡོམས། དེ་བཞིན་དགྲ་ཆེའང་བསྡོམ། དེ་དག་མིང་ཡིག་དང་པོ་ལ་དབྱངས་རྐྱང་ངམ། གསལ་བྱེད་གང་ཡོད་པའི་སྟེང་གི་ཨང་གྲངས་ཀྱིས་བསྒྱུར། བརྒྱད་ཀྱིས་བགོད་གསུངས། ཨ་དར་ལྟ་བུ་དབྱངས་དངོས་བསྟན་ཡོད་ན་ཨའི་ཐད་ཀྱིས་བསྒྱུར་བ་ལ། སྲོག་གི་དབྱངས་ནི་སྒྱུར་བྱེད་མིང་ཐོག་ཏུ་མི་འགྲོ། དཔེར་ན་སྔ་མ་གཉིས་ཀྱི་དང་པོ་ལ་དབྱངས་གསལ་བདུན། པ་ཐད། ༡༤ བསྒྱུར། ༩༨ ཕྱི་མ། ༧ ཡོད་པ་སྔ་ཐད། ༡༥ བསྒྱུར་བས། ༡༠༨སོ་སོར། ༨ བགོད་པས་བཀྲ་ཤིས་དུ་བར་ཤར་བས་རྒྱལ་བ་ལྟ་བུའང་གསུངས། ཚོང་སོགས་ལའང་བརྟག་གོ །འདི་ལ་མོ་རུ་འདེབས་པ་ཞིག་ཀྱང་རྒྱན་མེ་སོགས་ན་སྣང་། །ད་ནི་དོན་ཕྱ་ཨེ་འགྲུབ་བརྟགས། །དྲི་ཚིག་གསལ་བྱེད་རང་ཡན་བསྡོམས། །གསུམ་བགོས་གཟུགས་ཤར་དོན་རྙེད་ལ། །མིག་ཤར་བཏང་སྙོམས་ཐིག་དོན་ཉམས། །འདིར་གཙང་དུ་འགྲོ་དོན་གྲུབ་བམ་ལྟ་བུ་ལ། །དྲི་ཚིག་གི་ཐོག་མར་གཙང་དང་། དེ་ལ་འབྲེལ་བའི་རྣམ་དབྱེ་དུ་གཉིས་པོས་དེ་མཚོན་ནུས་པས། གཙང་ད་བཞིའི་རང་ཡན་

― MR07_Page_0881 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡོམས་པ་ལྟ་བུ་དང་། སྤྱིར་ཉེར་མཁོ་བུམ་བཟང་དུ་ཟོང་སོགས་རིམ་ཅན་རང་ཡན་ལ་དཔེར་བརྗོད་ནས་ལ། ༢༠ གསེར་ལ། ༣ ལྷ་སར། ༢༨ ལྟ་བུ་གསུངས་ཀྱང་རང་ལུགས་ལྟར་བྱའོ། །དེ་དག་ལ་དྲུང་གི་སྐྱེ་བོ་བསྣོན་པའི་ལུགས་ཀྱང་ཡོད་པའོ། ༈ །དྲི་ཚིག་གསལ་བྱེད་དང་པོ་གསུམ། །རིམ་བསྡོམས་མེས་བགོས་ལྷག་ལ་བརྟག །འདི་ལ་སྤྱིར་དྲི་ཚིག་གི་ཐོག་མ་ཁོ་ན་གཙང་གི་ག་ལྟ་བུ་དང་། དྲི་ཚིག་གི་ཚེག་བར་དང་པོ་གཙང་ལྟ་བུ་གཉིས་སོ། །ཕྱི་མ་འདི་ལ་ནི་ཚེག་བར་གསུམ་པ་ཡར་བཅད་ཀྱི་དཔེར། ང་སྨུག་རིང་དུ་སོང་ན་ནོར་ཨེ་ལོན་ལྟ་བུ་ལ། ང་སྨུག་རིང་ཞེས་ཚེག་བར་འདོན་ཐང་ལ། དེའི་གསལ་བྱེད་ཀྱི་རང་ཡན་རིམ་བསྡོམས་འོད་བརྒྱ་ལས་གསུངས་སོ། །རང་ཡན་ལུགས་མང་པོ་སྔར་ལྟར་གང་བདེ་ལ་རང་ལུགས་གསལ་བྱེད་དང་པོ་གསུམ་བླང་བ་རང་ཡན་བགྲང་ལུགས་གོང་ལྟར་ཏེ། ལྷ་ས་ལ། ལ་ཧ་ས་གསུམ། རྒྱ་གར་ལ་ར་ག་ཡ་གསུམ། བསྒྲོད་ལ། བ་ས་ག་ད་ར་ལྔ། ཤ་ལ་དུ་ཟེར་བ་ལ། ཤ་ལ་ད་གསུམ་ལྟ་བུའོ། ༈ །ཡང་ནི་འདྲི་བྱེད་ཡི་གེ་རྣམས། །གཅིག་བསྡོམས་རིས་བགོས་རྙེད་པ་ཡང་། །བཅུས་བསྒྱུར་ལྷག་བསྲེས་ཉི་མས་འགོད། །ནོར་ཆར་དོན་འགྲུབ་ཡར་མི་འགྲུབ། །འདི་ནི་

― MR07_Page_0882 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བྱེད་བགྲང་ལུགས་སྔ་མ་ལྟར་མིང་གི་དང་པོའམ། འདྲི་ཚིག་ཇི་སྙེད་པའི་དབྱངས་ཐམས་ཅད་བསྡོམས་པ་དབྱངས་ཀྱི་མོ་ཡི་སྐབས་ལྟར་རམ། དབྱངས་གསལ་གཉིས་ཀའི་གྲངས་བསྡོམས་པའམ། ཡང་དབྱངས་མི་དགོས་པར་གསལ་བྱེད་ཐམས་ཅད་བསྡོམས་ནས་རང་ཡན་བརྩི་མི་དགོས་པར་རྐྱང་པ་དེ་ལ་འདི་ལྟར་བྱའམ་སྙམ། ༈ །དེ་ནས་ཟོང་གི་དཀོན་མོད་ནི། །ཟླ་བ་གང་དུ་བརྟག་གྱུར་པའི། །ཁྱིམ་འཕོས་དུས་ཀྱི་ཉི་སྐར་ལ། །ཚེས་གྲངས་བསྲེས་ལ་རེས་གཟས་བསྒྱུར། །གང་བརྟག་ཟོང་གི་མིང་ཐོག་མའི། །གསལ་བྱེད་རང་ཡན་གྲངས་ཀྱང་བསྲེ། །གང་བརྟག་ཡུལ་གྱི་མིང་ཐོག་རང་ཡན་ཀྱང་བསྲེ་བ་ཡོད། དེ་ལ་གསུམ་བགོས་ལྷག་མ་ལ། །གཟུགས་ཤར་ཟོང་དཀོན་རིན་ཐང་ཆེ། །མིག་ཤར་འབྲིང་པོ་མཉམ་པར་གྲགས། །ཐིག་ཤར་ཟོང་མོད་རིན་སླ་འགྱུར། །འདིར་དཔེར་ན་ཟླ་བ་བཅུ་གཉིས་པའི་ནང་དགུ་ཆེན་དུ་ནས་ཨི་མོད་འདྲི་ན། ཟླ་བ་དེའི་རིང་གི་ཁྱིམ་འཕོ་བ། །ཚེས་གསུམ་ལ་ཡོད་པ་ལྟ་བུ་ལ། །ཚེས་གསུམ་ནས་ཕྱི་མའི་ཚེས་གསུམ་པར་འདི་ལ་བརྟགས་ཏེ། །ཚེས་དེ་ཉིན་ཉི་ ༢༤/༡༥ དང་། གཟའ་པ་སངས་ལྟ་བུ་ལ།

― MR07_Page_0883 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེས་དེའི་ཉི་སྐར་ལ་ཚེས་བསྲེས་པས། ༢༧ དེ་རེས་གཟའ་པ་སངས་ཀྱིས་བསྒྱུར། ༡༦༢ དེ་ལ་དགུ་ཆེན་གྱི་ཡན། ༣ བསྲེས། ༡༦༥ ནས་ཀྱི། ༤ བསྲེས་པས། ༡༦༩ གསུམ་གྱིས་བགོས་པས། ༡ ཤར་བས་ནས་ཤིན་ཏུ་དཀོན་ཞིང་རིན་ཐང་ཆེ་བར་ལུང་སྟོན་པ་ལྟ་བུའོ། །འདིར་ཁ་ཅིག་གར་འགྲོའི་ཡུལ་མིང་མི་བསྲེ་བ་ཡང་སྣང་། །འགའ་ཞིག་གིས་ཟོང་མིང་ཚང་མ་བསྲེ་ཡང་གསུངས། །འདི་དང་ཆར་བརྟག་སོགས་ལ་བྱེད་བསྟུན་ཉི་ཁྱིམ་འཕོ་མཚམས་ཉི་སྐར་བཅས་དག་ངེས་བྱ་བ་གལ་ཆེ། ཚུར་གང་ཉོ་རྒྱུ་དེ་ལ་ཟོང་ཟེར། ཕར་དེའི་རིན་ལ་འཇལ་རྒྱུ་ལ་རིན་ཟེར་རོ། །རེས་གཟའ་སྤེན་པ་ལ་བདུན་གྱིས་བསྒྱུར། རང་ཡན་བགྲང་ལུགས་ཀྱང་མང་བ་འདི་ལ་ཐམས་ཅད་ཕལ་ཆེར་ནས་ལ། ༢༠ ཚྭ་ལ་བདུན་ལྟ་བུ་བྱེད་མོད། གང་དགའ་གང་ཐིག་བརྟག །འདི་དང་ཆར་བརྟག་ཁྱིམ་དེ་སླེབས་ནས་ཁྱིམ་དེ་མ་རྫོགས་བར་དུའོ། །། ད་ནི་ཡུལ་སྡེ་སོ་སོ་རུ། །ཁྱིམ་ཟླ་རེ་བཞིན་ཆར་བརྟག་པ། །ཐ་སྐར་ནས་བཟུང་ཡུལ་དེ་ཡི། །མིང་སྐར་ཡན་ཆད་གཅིག་ཏུ་བསྡོམས། །ཁྱིམ་འཕོའི་ཟླ་སྐར་གྲངས་ཀྱང་བྱིན། །ཁྱིམ་འཕོའི་རེས་གཟའི་གྲངས་ཀྱི་ཕྲི། །དེ་ལ་འཁོར་ལོས་བགོས་

― MR07_Page_0884 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་ལ། །ཐ་སྐར་ནས་བཟུང་བགྲང་བ་ཡིས། །ཆུ་སྐར་ཤར་ན་ཆར་པ་འབབ། །ས་སྐར་ཅུང་ཟད་འབབ་པར་གསུངས། །རླུང་སྐར་ལ་ནི་རླུང་འཚུབས་ཆེ། །མེ་སྐར་ལ་བབ་ཐན་པ་ཆེ། །འབྱུང་ཞེས་སྐར་རྩིས་ལུགས་ལྟར་དཔྱོད། །འདི་ནི་དཔེར་ན་ཡར་ཀླུང་ཕྱོགས་སུ་ཧོར་ཟླ་ལྔ་པར་ཆར་བརྟག་ན། ཡར་ཀླུང་མིང་སྐར་ནི་སྣྲོན། ༡༧དེ་ཐ་སྐར་ནས་བགྲང་བའི། ༡༨ ཉི་མའི་ཁྱིམ་རྩིས་བྱས་པས་ལྕགས་ཁྱི་ཧོར་ཟླ་ལྔ་པའི་ཡར་ངོའི་ཚེས་གཅིག་ལ་འཁྲིག་པས་སླེབས། དེ་ཉིན་གྱི་རེས་གཟའ་སྤེན་པ། རེས་འགྲོགས་ཟླ་སྐར་མགོ་ཡིན། སྔར་གྱི་༡༨ལ་སྐར་མ་མགོ་ཡི། ༤ བསྲེས་པས། ༢༢ དེ་ལ་གཟའ་སྤེན་པ་ཡིན་པས་བདུན་ཕྲི་བས། ༡༥དེ་ལ་འཁོར་ལོས་བགོས་ལྷག་བཅོ་ལྔ་ཤར་བས་རྒྱུ་སྐར་ས་ག་མེ་ཁམས་ཡིན་པས་ཐན་པ་ཆེ། ཁྱད་པར་ཟླ་བ་རྒྱུ་སྐར་མགོ་ཡི་སྟེང་དུ་གནས་པ་རླུང་སྐར་ཡིན་ཕྱིར་ཅུང་ཟད་འབབ་ཀྱང་རླུང་གིས་གཏོར་བ་ལྟ་བུའོ། །ལྷ་སའི་མིང་སྐར་དབྱུག་གུའོ། །འདིར་མིང་སྐར་འཛིན་པ་མིང་ཡིག་དང་པོ་དང་། སྐར་མའི་དབྱངས་གསལ་བཀོད་པ་གང་མཐུན་འཛིན་དགོས་སོ། །མི་ཕམ་ལྟ་བུའི་མིང་དེ་རྟ་ཆེན་གྱི་རྐང་པ་གཉིས་པའི་ཡི་གེ་འཛིན་ནོ། །དེ་ནས་རི་དྭགས་

― MR07_Page_0885 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོགས་པ། །སྲོག་ཆགས་དུ་སོད་བརྟག་པ་ནི། །ཟླ་བ་དང་ནི་རི་དྭགས་པའི། །ཞེས་རྔོན་བྱེད་པ་འགྲོ་བའི་ཟླ་སྐར་དང་རི་དྭགས་གསོད་མཁན་གྱི་སྐྱེས་མིང་སྐར་མའི་དབུས་སུ་བར་དུ་སྡིག་པའི་གཟའ་རྣམས་ཀྱིས། །འཁྱུད་པའི་གྲངས་དང་མཉམ་པ་ནི། །སྲོག་ཆགས་རྣམས་ནི་སོད་པར་བཤད། །ཉི་མར་གཅིག་སོད། སྤེན་པར་བདུན། རཱ་ཧུར་བརྒྱད། ཀེཾ་ཏུར་དགུ། དམར་ཉི་བཅུ་གཉིས་སོགས་འགྲེ། སྡིག་པའི་གཟའ་ཡི་ཁ་དོག་བཞིན་དུ་སྲོག་ཆགས་ཀྱི་མདོག་བཤད། །སྡིག་གཟའ་དེ་རང་གི་ཁྱིམ་དེའི་གསུམ་ནི་ཆ་ཤས་ཁྱིམ་ལ་གནས། །དགུ་ཆ་ལ་གནས་ཉིས་འགྱུར་གནས། །འཁྱོགས་པོའི་འགྲོས་དང་མཐོན་པོ་བྱང་བགྲོད་ལ་གནས་གཟའ། །གསུམ་གྱིས་བསྒྱུར་བའི་གྲངས་བཞིན་བསྟན། །འདི་ཡི་འགྱུར་གྱིས་རི་དྭགས་སོགས་ཐམས་ཅད་ལ། །བྱེད་དོ་དཔའ་བོས་ཕྱག་བྱས་མ། །རེས་ཀྱི་གཟའ་སྐར་སྦྱོར་བ་རྩུབ་མོ་དེ་དག་གིས། །གསོ་བྱ་ལ་རྨ་རྣམས་འབྱུང་བ་བརྗོད་པར་བྱ། །རྨ་དེ་ལུས་ཀྱི་སྟོད་དང་སྨད་དང་ལོགས་དང་རྒྱབ། །གང་འབྱུང་གཟའ་སོགས་ཀྱི་དེ་དུས་ཀྱི་ལོངས་སྤྱོད་ཆ་ཡིས་དེ་བཞིན་ནོ། །སྤྱིར་སྔོན་ལས་མ་དག་པའི་རྒྱུས་

― MR07_Page_0886 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིན་ཞག་གཅིག་ལ་ཡང་། །དགེ་དང་མི་དགེ་མང་པོར་འགྱུར། །སོ་སོའི་ཚངས་པའི་འཁོར་ལོའི་མི་མཐུན་ཕྱོགས་ལ་སྡུག་བསྔལ་འབྱུང་། །ངེས་འབྱིན་ཡན་ལག་རྨ་རྣམས་འབྱུང་། །སོ་སོར་བྱིན་ལ་གཡང་ལ་ལྷུང་། །སྐྱེས་པའི་མཚམས་ཀྱི་སྐར་མས་རང་ནོར་ཉམས། །ལྷག་མ་རྣམས་ཀྱི་འབྲས་བུ་ནི། །ཚོགས་ཀྱི་བདག་པོས་དགེ་བར་བརྗོད། །གང་འཁྱུད་གཟའ་གྲངས་རྔོན་དུ་ཆས་ཉིན་གྱི་ཚེས་བསྒྱུར་གཟུགས་ཀྱིས་ཕྲི། །རང་གིས་བསྒྱུར་ལ་ཕྱེད་དོར་བྱ། །འཁོར་ལོས་བགོས་ལྷག་སྲོག་ཆགས་གྲངས། །རིམ་བཞིན་རྒྱལ་པོ་སོགས་ཀྱིས་འཆིང་བར་ཏེ་ཟིན་པར་བྱེད་དེ། དེ་ལས་མང་བ་མི་ཟིན་ནོ།། ཕྱེད་ལྷག་གཅིག་གིས་འབྲོས་པར་བསྟན། །ཡང་གཅིག་ཚེས་གཟའ་ལྷན་ཅིག་པ། །གཟུགས་དམན་རང་གིས་བསྒྱུར་བྱས་ལ། །ཕྱེད་དོར་འདོད་པའི་ཆུ་ཚོད་ཀྱིས། །བགོས་ལྷག་གང་ཡོད་སྲོག་ཆགས་ཏེ། །རྔོན་བྱེད་པ་ལ་བརྗོད་པར་བྱ། །རྒྱས་པར་མ་སྤྲོས་སྔོན་མའི་ལུགས། །རྒྱུད་འདིར་མེད་མི་རུང་བ་ཡི། །མིང་སྐར་འཚོལ་བའི་དཔེའུ་

― MR07_Page_0887 ―

^{[མ་དཔེ་གཟིགས་ན་འདིར་གནོན།]}

[Full Size]

རིས། །ཨ་ཨི་ཨུ་༢ ཨེ། ཨོ་ཝ་༣ ཝི་ཝུ། ཝེ་ཝོ་ཀ་༤ ཀི། ཀུ་གྷ་༥ ང་ཚ། ཀེ་ཀོ་ཧ་༦ ཧི། ཧུ་ཧེ་༧ ཧོ་ཌ། ཌི་ཌུ་༨ ཌེ་ཌོ། མ་མི་མུ་༩ མེ། མོ་ཊ་༡༠ ཊི་ཊུ། ཊེ་ཊོ་པ་༡༡ པི། པུ་ཥ་ཎ་༡༢ ཋ། པེ་པོ་ར་༡༣ རི། རུ་རེ་རོ་ཏ་༡༤། ཏི་ཏུ་༡༥ ཏེ་ཏོ། ན་ནི་ནུ༡༦་ནེ། ནོ་ཡ༡༧་ཡི་ཡུ། ཡེ་ཡོ་བྷ ༡༨་བྷི། བྷ་བྷི༡༩་ཕ་ཌྷ། བྷེ་བྷོ་ཛ༢༠་ཛི། ཛུ་ཛེ་༢༡ཛོ་ཁ་། ཁི་ཁུ་༢༢ཁེ་ཁོ། ག་གི་གུ་༢༢གེ གོ་ས་༢༣སི་སུ། སེ་སོ་ད༢༤དི། དུ་ཐ་༢༥ཛྷ་ཉ། དེ་དོ་ཙ་༢༦ཙི། ཙུ་ཙེ་༠ ཙོ་ལ། ལི་ལུ་༡ལེ་ལོ། དགེ་བར་གྱུར་ཅིག །དབྱངས་འཆར་རྒྱུད་དོན་རིན་ཆེན་བང་མཛོད་ལས། །ཉེར་མཁོའི་རྩིས་ཕྲན་ཕྲེང་བ་ཚར་དུ་བསྒྲིགས། །དེ་ཡང་རྣམ་དཔྱོད་འབྲེལ་བའི་སོར་མོ་ཡིས། །དལ་བུར་བགྲང་བས་བྱིས་པ་རྣམས་ཡིད་དྲང་། །སླར་ཡང་རྣམ་དཔྱོད་ལུང་དང་མི་ལྡན་ན། །ཚུལ་འདི་ཅི་བཞིན་འབྲི་བ་འཕྱང་མོ་ཉུག །ཕྲ་ཡང་ཡང་དག་བྲི་བའི་གནད་མཁས་ན། །རྟོགས་བྱའི་ངོ་མཚར་སྙིང་ལ་བདུད་རྩི་བཞིན། །ཚུལ་འདིའི་ལེགས་བྱས་ལྷ་ཡི་ལྷར་གྱུར་པ། །དབང་ཕྱུག་དགེ་བའི་རོལ་མོ་ས་གསུམ་གྱི། །འདོད་

― MR07_Page_0888 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཅི་དགར་འཇོ་བའི་དཔྱིད་གྱུར་པ། །སྐྱེ་རྒུའི་སྙིང་ལ་བཅུད་དུ་རྩེན་གྱུར་ཅིག །ཅེས་དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་པོ་ཤེལ་གྱི་མེ་ལོང་ཞེས་བྱ་བ་ལས། །རྩིས་ཕྲན་མེ་ཏོག་གཞོན་ནུའི་ཕྲེང་བ་སྤེལ་བའི་སྐབས་ཏེ་གཉིས་པའོ།། །།དངོས་ཀུན་མཁྱེན་པའི་ཐུགས་ཀྱི་མེ་ལོང་ལ། །འགྲོ་ཀུན་སྒྱུ་མར་རོལ་པའི་བརྩེ་ཆེན་མགོན། །ཚད་མེད་ཐུགས་རྗེའི་རང་བཞིན་ཕན་བདེའི་དཔྱིད། །འཇམ་དཔལ་སྒྱུ་འཕྲུལ་དྲྭ་བ་དེ་ལ་འདུད། །གཟུང་འཛིན་གཡོ་བ་གཟའ་དགུའི་བུང་བ་རྣམས། །རྒྱུ་སྐར་མེ་ཏོག་ཚལ་དུ་རྒྱུ་བའི་ཚུལ། །བློ་གྲོས་མིག་བཟང་གསལ་བས་ལེགས་བལྟས་ན། །སྐྱེ་རྒུའི་བདེ་དོགས་རྣམ་འགྱུར་ཅི་ཡང་མཐོང་། །དེ་ཕྱིར་བདེ་འབྱུང་ཨུ་མའི་དྲིས་ལན་ཚུལ། །མཛེས་སྡུག་མེ་ཏོག་བཞད་པའི་ཞལ་སྒོ་ནས། །རབ་བཀྲམ་བདུད་རྩིའི་མཆིད་བཟང་དབྱངས་འཆར་གཞུང་། །གང་གི་སྙིང་པོ་དུམ་དྲུག་རྩིས་འདི་འཆད། །དེ་ཡང་དུས་སྦྱོར་མོ་འདི་ལ། །རྩ་བའི་ས་བཅད་

― MR07_Page_0889 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དུ་བསྟན། །སྦྱོར་བ་དངོས་གཞི་རྗེས་དང་གསུམ། །དང་པོ་ཡིད་འོང་གནས་དག་ཏུ། །རྟེན་གསུམ་མཆོད་པ་བཀྲམ་པའི་སར། །བལྟས་ཤེས་གཞུང་མཐོང་སློབ་དཔོན་ཉིད། །ཤིན་ཏུ་རྣལ་ལ་ཕེབས་པའི་དུས། །སྨྲ་མཁས་འདྲི་བྱེད་གང་ཡིན་པའི། །ཡོན་ཕུལ་ནས་ནི་མཉེས་པར་བྱ། །གུས་པས་ཚུལ་དང་མཐུན་པར་དྲི། །ཡིད་ཆེས་ཐེ་ཚོམ་མེད་དགའ་བས། །གསོལ་བཏབ་ལ་སོགས་བྱ་ཞིང་གདབ། །དེ་ཚེ་དགེ་དང་སྡིག་པའི་ལྟས། །ཞིབ་པར་ཡིད་ལ་མངོན་སུམ་བྱ། །གཉིས་པ་དངོས་གཞི་དག་ལ་ནི། །མཐོང་དང་འབྲས་བུ་གཉིས་ཡོད་པའི། །དང་པོ་རྒྱུ་སྐར་ཁྱིམ་གཟའི་ཚུལ། །མོ་འདེབས་དུས་ཚོད་གང་ཡིན་པའི། །གཟའ་དགུའི་ལོངས་སྤྱོད་དག་པ་དང་། །ལས་ལ་སྤྱོད་དམ་དྲི་བ་ཡི། །ཐུར་བཙལ་ཏཏྐཱལ་དུས་སྦྱོར་གྱི། །ཆ་རྣམས་རྣམ་དག་རི་མོས་བཙལ། །ཁྱིམ་གྱི་གནས་ན་གཟའ་སུ་ཞིག །ཡུལ་དུས་བསྒྲིགས་པའི་མན་ངག་གིས། །གང་ལྟར་གྱུར་པ་ངོས་བཟུང་སྟེ། །བཀོད་པའི་ཁྱིམ་ལ་ཁ་

― MR07_Page_0890 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་བཏབ། །དུམ་བུ་དྲུག་གི་ལོངས་སྤྱོད་སོགས། །མི་ནོར་མཚན་མ་གསལ་པོར་བྱ། །དེ་ཡང་བྱེད་པའི་ལྔ་བསྡུས་ཀྱི་ཉི་དག་གི །ཕུག་ལུགས་གྲུབ་པ་ལྟར་རྩི་ན་ཉི་དག་གི་དབྱུག་གུར་ཆུ་ཚོད་མཚན་བཟང་པོ་གཉིས་གྲངས་བསྣན་པ་ལ་བྱས་ན་ལེགས་ཏེ་རང་ལུགས་འདི་གཙོའོ། །སྐར་གནས་མཁའ་རོས་བསྒྱུར་བ་ལ། །འོག་གི་ཆུ་ཚོད་སྟེང་དུ་གཞུག །མདའ་ཡོན་ཟླས་ཐོབ་འདས་པའི་ཁྱིམ། །ལྷག་མ་མཁས་མེས་བསྒྱུར་བ་ལ། །ཆུ་སྲང་མིག་གིས་བགོས་ཐོབ་གཞུག །ངོ་ཐོག་ཁྱིམ་གྱི་འདས་ཞག་ཡིན། །ཁྱིམ་རྣམས་སོ་སོའི་ཉིན་ཚད་ནི། །ཉ་དང་བུ་མོར་སུམ་ཅུར་མཉམ། །ལུག་དང་སེང་གེ་སུམ་ཅུ་གཉིས། །གླང་དང་ཀརྚ་སུམ་ཅུ་བཞི། །སྲང་དང་བུམ་པ་ཉེར་བརྒྱད་ལ། །ཆུ་སྲིན་སྡིག་པ་ཉི་ཤུ་དྲུག །གཞུ་ཡི་ཉིན་མོ་ཉེར་བཞི་ལ། །འཁྲིགས་པར་སུམ་ཅུ་རྩ་དྲུག་གོ །ཉིན་མོའི་ཚད་དེས་དྲུག་ཅུ་ལ། །ཕྲི་ལྷག་རང་རང་མཚན་མོའི་ཚད། ༈ །འདས་ཞག་གནས་གཉིས་སྟེང་ཆུ་དང་། །འོག་མ་ཉི་ཤུ་རྩ་ལྔས་བསྒྱུར། །མཁའ་རོས་རྙེད་པ་སྟེང་བྱིན་

― MR07_Page_0891 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག །མཁའ་མེ་ལས་མང་སླར་གཅིག་སྦྱིན། །དེ་ཡང་མཁའ་རོས་བགོས་ཐོབ་དེས། །རང་རང་ཉིན་མོའི་ཆུ་ཚོད་ལ། །གཞུ་ལ་སོགས་པ་བྱང་བགྲོད་སྦྱིན། །འཁྲིག་སོགས་ལྷོ་བགྲོད་དྲུག་པོ་ལ། །དོར་བས་ཞག་དེའི་ཞིབ་པ་ཉིན་ཚད་འབྱུང་། ༈ །འདས་ཞག་ཁྱིམ་དེའི་སྲང་གིས་བསྒྱུར། །མཁའ་མེས་གང་ཐོབ་འདས་པའི་སྲང་། །དེ་ཡིས་ཁྱིམ་དེའི་ཆུ་སྲང་ལ། །ཕྲི་ལྷག་མ་འོངས་ཆུ་སྲང་ཡིན། །ཉིན་གཅིག་འདས་ལུས་བརྟག་པའི་ཕྱིར། །ཆ་བདུན་ཐུར་མའི་བགོ་གཞི་ནི། །ཉ་དང་བུ་མོ་མཁའ་ཚེས་ཡིན། །ལུག་སེང་རྒྱ་མཚོ་ཆུ་ཟླ་བ། །གླང་གར་དུས་འདོད་འཁྲིག་དུས་ཉི། །སྲང་བུམ་མཚོ་ཚེས་སྡིག་གཞུ་ཆུར། །སྲིན་གསུམ་ག་དུས་ཚེས་ཡིན་ནོ་དེ་དག་ལ། །ཆ་བདུན་ཐུར་མ་རང་ཆ་བདུན་དང་དེ་སྟེང་གྲིབ་བཅས་དུ་༡༥༠ ༡༤༤༡༣༦ ༡༢༦ ༡༥༤༡༥༦༡༥༠ ༡༤༤༡༣༥ ༡༢༦ ༡༥༤ ཡོད་ཀྱིས། །གང་ཐོབ་ཆུ་ཚོད་ལྷག་མ་དེ། །དྲུག་ཅུས་བསྒྱུར་ཐོབ་ཆུ་སྲང་ཡིན། །སྔ་དྲོ་འདས་པ་ཕྱི་དྲོ་ལུས། །དེ་ཡིས་ཉིན་ཚད་ལ་ཕྲིས་ན། །ཕྱི་འདས་སྔ་དྲོ་ལུས་པ་

― MR07_Page_0892 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས། །དུས་སྦྱོར་གང་ཡིན་ངོས་འཛིན་ནོ། །འདས་པའི་དབྱུག་གུ་མཁའ་རོས་བསྒྱུར། །འོག་གི་ཆུ་སྲང་སྟེང་དུ་བསྲེ། །དེ་ལ་མ་འོངས་ཆུ་སྲང་གིས། །ཐོག་མ་བྱས་ནས་རིམ་བཞིན་ཕྲི། །གང་ཚེ་མ་ལྡང་ཏཏྐཱ་དེའི་དུས་ཟེར་ལ། །། དེ་ཡང་སོ་སོའི་སྲང་ཚད་ནི། །མཁའ་མཁའ་མིག་ནི་ཉ་བུམ་ཚད། །མཁའ་མཚོ་མིག་ནི་ལུག་ཆུ་སྲིན། །མཁའ་ཀླུ་ལག་པ་སྲང་དང་གཞུ། །མཁའ་མིག་རྩེ་མོ་འཁྲིག་དང་སྡིག །མཁའ་རོ་མེ་ནི་ཀརྚཱ་སྲང་། །མཁའ་མཁའ་རྒྱ་མཚོ་སེང་བུ་མོ། །དུམ་བུ་དྲུག་གི་དུས་སྦྱོར་གྱི། །དང་པོ་ཏཏྐཱལ་གནས་ལྔ་ནི། །གང་ཤར་ཏཏྐཱལ་མཁའ་མེས་བསྒྱུར། །གང་ཡིན་དུས་སྦྱོར་སྲང་གིས་བགོ །ཐོབ་པ་ཆ་ཤས་ལྷག་མཁའ་རོས། །བསྒྱུར་ཐོབ་ཆུ་ཚོད་ལྷག་མ་གང་། །དྲུག་ཅུས་བསྒྱུར་ཐོབ་ཆུ་སྲང་སྟེ། །ལྷག་མ་རོས་བསྒྱུར་ཐོབ་པ་དབུགས། །སྟེང་ནས་རིམ་བཞིན་ཏཏྐ་ལ། །ཆ་ཤས་ཆུ་ཚོད་ཆུ་སྲང་དབུགས། །དེ་ཡི་ཏཏྐཱ་ལ་མཁའ་མེས་བསྒྱུར། །ཆ་ཤས་

― MR07_Page_0893 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུག་ལ་སླར་མཁའ་རོས། །བསྒྱུར་བྱས་ཆུ་ཚོད་སྟེང་དུ་གཞུག །ནམ་མཁའ་མཁའ་དང་ཀླུ་ག༡ཟུ༨ག༠ས༠་ཀྱིས། །ཐོབ་པས་སྔར་གྱི་ཏཏྐཱལ་འཆར། །ལྷག་མ་དུམ་ལྔའི་སྤྱི་ཌྷཱུ་ཡིན། །ཡང་ན་ཆ་ཤས་མཁའ་རོས་བསྒྱུར་ལ་ཆུ་ཚོད་བཅུག་ཀྱང་དོན་གཅིག་གོ །ཕྱེད་པ་བརྟག་ཕྱིར་བགོད་གཞི་སྤྱི་ཌྷཱུ་དེ། །མཁའ་མཁའ་༢༠༠༢༤༠ ༢༨༠ ༣༢༠༣༦༠ ༤༠༠ བུ་གས་བགོ་བར་བྱ། །རྙེད་པ་ཡོད་དམ་མེད་ཀྱང་རུང་། །འདི་མན་དུམ་ལྔ་མཐའ་དག་ལ། །ལྷག་བྱུང་ནོར་ལ་གཅིག་སྟེར་བྱ། །གཅིག་བདག་ཉི་མ་གཉིས་ཟླ་བ། །སུམ་ཆ་བརྟག་ཕྱིར་བགོ་གཞི་དེ། །མཁའ་མཁའ་རོས་ཐོབ་གང་ཡིན་པ། །གཅིག་ནི་ཏཏྐཱལ་དེ་ཉིད་དང་། །གཉིས་ནི་ཏཏྐཱལ་ནས་བགྲང་ལྔ། །གསུམ་ནི་དགུ་པའི་ཞིང་འབྲས་ཏེ། །སྤྱིར་ནི་རེ་༡དོགས་༢བར་མ་༣ཡིན། །དགུ་ཆ་བརྟག་ཕྱིར་བགོ་གཞི་དེ། །མཁའ་མཁའ་མིག་གིས་བགོ་བར་བྱ། །ལུག་སེང་གཞུ་གསུམ་ལུག་ནས་བགྲང་། །དེ་བཞིན་འཁྲིག་བུམ་སྲང་གསུམ་སྲང་། །བུ་མོ་གླང་ཆུ་ཆུ་སྲིན་དང་། །ཀར་སྡིག་ཉ་རྣམས་ཀརྚ་ནས། །ཐོབ་ནོར་གྲགས་སུ་ལུགས་

― MR07_Page_0894 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བགྲང་། །གང་བབས་བདག་པོའི་འབྲས་བུ་སྟོན། །བཅུ་གཉིས་ཆ་ལ་བགོ་གཞི་དེ། །མཁའ་ཚེས་ཀྱིས་ཐོབ་ཏཏྐཱལ་ནས། །བགྲང་བས་གང་བབ་འབྲས་བུ་འབྱིན། །སུམ་ཅུ་ཆ་ལ་བགོད་གཞི་དེ། །མཁའ་རོས་ཐོབ་པ་གང་ཡིན་པ། །དམར་སྤེན་ཕུར་བུ་ལྷག་སངས་ལྔ། །དབུས་བཞག་གཡས་གཡོན་གནས་གཉིས་ལ། །ལྔ་ལྔ་བརྒྱད་བདུན་ལྔ་རྣམས་བཀོད། །ལུག་སོགས་མི་མཉམ་གཡས་ནས་མར། །གླང་སོགས་མཉམ་གཡོན་གྱེན་དུ་བགྲང་། །གྲངས་མཐུན་ཐད་ཀའི་བདག་འབྲས་འབྱུང་། །དུམ་དྲུག་བདག་པོའི་གཟའ་རྣམས་ནི། །རིམ་པ་བཞིན་དུ་བཞག་བྱས་ལ། །དགེ་དང་མི་དགེའི་འབྲས་བུ་བརྟག །གསུམ་པ་དེ་ལྟར་ཚར་བའི་རྗེས། །དེ་ཡི་འབྲས་བུ་དཔྱད་པ་ལ། །སྤྱི་དང་བྱེ་བྲག་ཐོར་བུ་གསུམ། །སྤྱིར་ནི་མོ་འདེབས་ཡུལ་དེ་ལ། །སྟོན་ནམ་ཐེབས་མིན་པྲ་བརྟག་ནི། །འདི་མོ་ཐམས་ཅད་ལ་ཡང་བརྟག་པ་གལ་ཆེ། རང་གི་རྒྱུ་བ་ཟླ་བར་གནས། །སྐྱེ་བོས་ཉི་མའི་ཕྱོགས་ནས་དྲི། །འདོད་པའི་དོན་ནི་ཉམས་པར་

― MR07_Page_0895 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར། །ཉི་མར་རྒྱུ་ཚེ་ཟླ་བར་གནས། །སྔ་མ་བཞིན་དུ་དོན་མེད་འགྱུར། །གང་གནས་ཉི་ཟླ་རྒྱུ་བའི་ཕྱོགས། །དེ་ནས་འདྲི་བའི་སྐྱེ་བོས་ནི། །དོན་ནི་ཐེ་ཚོམ་མེད་པར་འགྲུབ། །གཉིས་ཀ་གནས་ན་ཐེ་ཚོམ་ཅན། །འགྲོ་བ་དོན་མེད་འོང་བ་བཟང་། །རང་གི་སྣ་རླུང་རྒྱུ་ཚུལ་དང་། །འདྲི་བྱེད་གཡས་གཡོན་གར་འདུག་གི །ཚུལ་ནི་དེ་ལྟར་བརྟག་པར་བྱ། །རྟེན་དང་རྟེན་པའི་རང་བཞིན་ལས། །དང་པོ་གང་ཤར་ཏཏྐཱ་ལ་ལུག་ལྟ་བུ། །ལུས་སམ་སྐྱེས་པའི་ས་རུ་འདོད། །གླང་ལྟ་བུ་སོགས་འགྲེ། གཉིས་པ་ནོར་དང་ལོངས་སྤྱོད་ས། །གསུམ་པ་སྤུན་ཟླ་ཕ་སྤུན་ས། །བཞི་པ་གཉེན་གྲོགས་ས་ཡིན་ནོ། །ལྔ་པ་བུ་ཚའི་ས་ཡིན་ཏེ། །དྲུག་པ་དགྲ་ཡི་ས་ཡིན་ནོ། །བདུན་པ་ཆུང་མ་ཁྱིམ་ཕྱའི་ས། །བརྒྱད་པ་ཕ་མེས་དུར་སའམ། །འཚོ་འཆི་བརྟག་པ་སྲོག་གི་ས། །དགུ་པ་ཆོས་ཕྱ་བླ་མའི་ས། །བཅུ་པ་ལས་སྤྱི་བྱ་བའི་ས། །བཅུ་གཅིག་སྟོར་བ་རྙེད་པའི་ས། །བཅུ་གཉིས་ཉ་ལྟ་བུ་སྟོར་བའམ་བུ་སྲིང་ས། །ཏཏྐཱལ་མཐོང་ས་བདུན་པོ་ནི། །

― MR07_Page_0896 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དང་བཅུ་ལ་རྐང་པ་གཅིག །བཞི་དང་བརྒྱད་ལ་རྐང་པ་གསུམ། །ལྔ་དང་དགུ་ལ་རྐང་པ་གཉིས། །བདུན་པ་ཐམས་ཅད་རྫོགས་པར་མཐོང་། །ཏཏྐཱ་ལ་དང་བཞི་པ་དང་། །བདུན་པ་དང་ནི་བཅུ་པ་རྣམས། །གནས་ཀྱི་དབང་གིས་གྲུ་བཞིར་གྲགས། །ཏཏྐཱ་ལ་དང་ལྔ་པ་དང་། །དགུ་པ་ཟུར་གསུམ་ཞེས་བྱར་གྲགས། །ལྔ་དང་བདུན་པ་གྲིབ་མར་བརྗོད། །བརྒྱད་པ་ཉིན་ངོས་ཞེས་བྱ་སྟེ། །དེ་བཞིན་བཅུ་གཉིས་མཚམས་ཞེས་བྱ། །བཞི་དང་བརྒྱད་པར་བཞི་པར་བརྗོད། །གསུམ་དྲུག་དགུ་པ་བཅུ་གཉིས་པ། །གྱེན་སྟོད་ཅེས་བྱ་གཉིས་ལྔ་བརྒྱད། །བཅུ་གཅིག་བཅུ་གཉིས་ཐུར་སྨད་དོ། །དང་པོ་གསུམ་སོགས་མི་མཉམ་པ། །ཨུ་པ་ཙ་སྟེ་རྒྱས་སམ་འཕེལ། །གཉིས་པ་བཞི་སོགས་མཉམ་པ་རྣམས། །ཨ་པ་ཙ་སྟེ་ཕྲི་འམ་འགྲིབ། །ཡང་གཅིག་གསུམ་དྲུག་བཅུ་བཅུ་གཅིག །འདི་བཞིར་ཨུ་པ་ཙ་ཞེས་བཤད། །ཡང་ནི་ལུགས་གཅིག་དམིགས་བསལ་བ། །འབྲས་བུའི་སྐབས་སུ་གཤམ་ལ་འཆད། །གླང་འཁྲིག་ཀརྚ་བུ་མོ་སྲང་། །

― MR07_Page_0897 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུ་ཉ་དགེ་ཕྱིར་ཞི་བར་གྲགས། །གཞན་དྲུག་མི་དགེ་དྲག་པོའི་ཁྱིམ། །ལུག་འཁྲིག་སེང་སྲང་གཞུ་བུམ་ཕོ། །མི་མཉམ་པ་དང་དྲག་པོར་འདོད། །གླང་ཀར་བུ་མོ་སྡིག་ཆུ་སྲིན། །ཉ་རྣམས་མཉམ་པ་མོ་ཁྱིམ་ཞི། །གཟའ་མེད་ཞི་དྲག་རང་དབང་ཁྱིམ། །གཟའ་ཡིས་སླེབས་ན་བཟང་ངན་བསྒྱུར། །དྲག་ལ་ཞི་གཟའ་གནས་ན་ཞི། །ཞི་ལ་སྡིག་གནས་དྲག་པོར་མཚུངས། །དེས་འགྲེ་རྟེན་གནས་ཁྱིམ་གྱི་ཁམས། །བརྟེན་པ་གཟའ་ཡི་དབང་དུ་འགྱུར། །ལུག་ཀར་སྲང་དང་ཆུ་སྲིན་གཡོ། །གླང་སེང་སྡིག་དང་བུམ་པ་བརྟན། །འཁྲིག་པ་བུ་མོ་གཞུ་དང་ཉ། །བརྟན་གཡོ་གཉིས་ཀའི་རང་བཞིན་ནོ། །ལུག་དང་སྡིག་པ་མིག་དམར་ཞིང་། །གླང་དང་སྲང་ནི་པ་སངས་བདག །འཁྲིག་དང་བུ་མོ་ལྷག་པའི་གནས། །ཀརྚ་ཟླ་བ་སེང་གེ་ཉི། །གཞུ་དང་ཉ་ནི་ཕུར་བུའི་ཞིང་། །ཆུ་སྲིན་བུམ་པ་སྤེན་པའི་གནས། །བུ་མོ་སྒྲ་གཅན་ཀརྐ་ཊ། །ཀེ་ཞེས་པ་དུ་བ་མཇུག་རིང་ཡིན། ཏུ་ཉིད་ཀྱིས་དབང་བྱེད་དོ། །གསུམ་བཞི་ལྔ་དྲུག་བདུན་བརྒྱད་རྣམས། །

― MR07_Page_0898 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱིམ་ན་གནས་སམ་འཇུག་པར་གྲགས། །དགུ་བཅུ་བཅུ་གཅིག་བཅུ་གཉིས་དང་། །ཏཏྐཱ་ལ་དང་གཉིས་པ་རྣམས། །ཡུལ་ལམ་ཁྱིམ་ནས་འཐོན་པར་བརྗོད། །གང་ཤར་ཏཏྐཱལ་ནས་བསྲང་སྟེ། །ལུགས་འབྱུང་རིམ་པས་བགྲངས་པ་ཡིན། །དཔེར་ན་ཏཏྐཱལ་ཉ་ཤར་ཚེ། །གསུམ་པ་གླང་གི་ཁྱིམ་དུ་དྲན། །གོང་འོག་ཐམས་ཅད་ཀྱི་རྩི་ཚུལ་འདི་བཞིན་བྱེད་པ་མཆན། དེ་རྣམས་སྟོབས་ཀྱི་བྱེ་བྲག་ནི། །འཁྲིག་པ་བུ་མོ་སྲང་བུམ་པ། །ཤར་དུ་བགྲོད་སོགས་སྟོབས་དག་ལྡན། །ལུག་གླང་སེང་གེ་གཞུ་རྣམས་ལྷོ། །སྡིག་པ་གཅིག་པུ་ནུབ་ཏུ་སྟོབས། །ཀརྚ་ཆུ་སྲིན་ཉ་རྣམས་བྱང་། །ལུག་གླང་འཁྲིག་ཀར་གཞུ་ཆུ་སྲིན། །མཚན་མོའི་དུས་སུ་སྟོབས་དང་ལྡན། །འཁྲིག་པ་མ་གཏོགས་ལྔ་པོ་དེ། །རྒྱབ་ཏུ་འཆར་བར་མཁས་པས་བཤད། །སེང་གེ་བུ་མོ་སྲང་སྡིག་བཞི། །མགོ་འཆར་ཞེས་གྲགས་དེ་རྣམས་དང་། །བུམ་བཅས་ཉིན་མོ་སྟོབས་ཆེ་ལ། །ཉིན་མཚན་གཉིས་ཀར་ཉ་སྟོབས་ཆེ། །ལུག་དང་བུ་མོ་ཁ་དོག་དཀར། །སྲང་དང་ཉ་དམར་

― MR07_Page_0899 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་བུམ་ནག །གླང་སེང་སེར་ཞིང་ཀར་འཁྲིག་སྔོ། །གཞུ་དང་ཆུ་སྲིན་ལྗང་གུ་ཡིན། །རྟེན་གནས་ཁྱིམ་གྱི་རང་བཞིན་ནོ། །ད་ནི་བརྟེན་པ་གཟའ་བཤད་པ། །ཉི་མ་དམར་སྐྱ་ཟླ་བ་དཀར། །མིག་དམར་དམར་ནག་མདོག་ཡིན་ལ། །ལྷག་པ་ལྗང་ངམ་སྔོ་བ་དེ། །ཕུར་བུ་སེར་པོ་དག་ཏུ་སྣང་། །པ་སངས་ཁྲའམ་ངེས་པ་མེད། །སྤེན་པ་ནག་པོ་སྒྲ་གཅན་ནི། །ཡང་ན་མུན་པའི་མདངས་སམ་དམར་པོར་བལྟ། །དབྱིབས་ནི་ཉི་མ་རི་མོའི་དབྱིབས། །ཟླ་བ་རིང་པོ་འཇོང་མོ་སྟེ། །མིག་དམར་རིང་པོའི་དབྱིབས་སུ་བལྟ། །ལྷག་པ་གྲུ་བཞི་དང་ཟླ་གམ། །ཕུར་སངས་གྲུ་གསུམ་དབྱིབས་སུ་ཤེས། །སྤེན་པ་རི་མོའི་དབྱིབས་སུ་བཟུང་། །སྒྲ་གཅན་ཟླུམ་རིལ་གུག་པོའོ།། ཉི་མ་མིག་དམར་གཉིས་པོ་ནི། །རིན་ཆེན་དང་རྡོ་སོགས་བཞུ་དང་མི་བཞུའི་ཁམས་ཞེས་བྱ། །ཟླ་ཕུར་པ་སངས་སྲོག་ཆགས་རིགས་དང་ཤ་རུས་སོགས།། ལྷག་སྤེན་རྩ་བ་ཞེས་བྱ་སྟེ། །རས་གོས་རྩྭ་ཤིང་འབྲུ་སོགས་སོ། །ཉི་མའི་རང་བཞིན་བརྟན་

― MR07_Page_0900 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྟེ། །ཟླ་བ་གཡོ་ཞིང་མིག་དམར་དྲག །ལྷག་པ་འདྲེས་པ་ཕུར་བུ་ཡང་། །པ་སངས་འཇམ་ལ་སྤེན་པ་རྣོ། །ཉི་མས་གདུང་བའི་ལས་བྱེད་ཅིང་། །ཟླ་བས་མཛེས་པ་རྒྱས་པར་བྱེད། །མིག་དམར་གྱིས་ནི་འཆི་བར་བྱེད། །ལྷག་པས་ནོར་དང་ལྡན་པར་བྱེད། །ཕུར་བུས་ལོངས་སྤྱོད་འཕྲོག་པར་བྱེད། །པ་ཝ་སངས་ཀྱིས་ཕོངས་པར་བྱེད། །སྤེན་པས་ལོངས་སྤྱོད་སྟེར་བར་བྱེད། །ཉི་མ་མིག་དམར་ཕུར་བུ་རྣམས། །སྐྱེས་པའི་གཟའ་རུ་བསྟན་པ་ཡིན། །པ་སངས་ཟླ་བ་བུད་མེད་གཟའ། །གཟའ་ལྷག་སྤེན་པ་མ་ནིང་གཟའ། །ཉི་མ་མིག་དམར་རྒྱལ་པོའི་རིགས། །ཕུར་བུ་པ་སངས་བྲམ་ཟེའི་རིགས། །ཟླ་བ་རྗེ་རིགས་ལྷག་དམངས་རིགས། །བྲམ་ཟེ་དམངས་འདྲེས་སྤེན་པ་སྟེ། །སྒྲ་གཅན་གདོལ་པའི་རིགས་སུ་བརྗོད། །ཉི་མ་ཟླ་བ་རྒྱལ་པོའི་གཟའ། །ཕུར་བུ་པ་སངས་བློན་པོའི་གཟའ། །མིག་དམར་དམག་དཔོན་སྤེན་པ་བྲན། །གཟའ་ལྷག་རྒྱལ་པོའི་བུ་ཞེས་གྲགས། །ཉི་ཟླ་ཞི་བ་གཟའ་ལྷག་རྒྱས། །

― MR07_Page_0901 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སངས་དབང་ལ་ལུས་དམར་དགུག །ཕུར་བསྐྲད་སྒྲ་སྤེན་བསད་ལ་དབང་། །ཉི་མིག་སྤེན་པ་དུས་མེ་རྣམས། །དྲག་པོའི་གཟའ་རུ་ཤེས་པར་བྱ། །ཕུར་བུ་ཞི་དྲག་འདྲེས་པ་སྟེ། །ཟླ་ལྷག་སངས་སྒྲ་ཞི་བར་བརྗོད། །ཟླ་ལྷག་པ་སངས་ཕུར་བུ་བཞི། །བསོད་ནམས་གཟའ་ཡིན་ཉི་མིག་དང་། །སྒྲ་གཅན་དུས་མེ་སྤེན་པ་ལྔ། །དྲག་པོའི་གཟའ་འམ་སྡིག་པའོ། །སྒྲ་གཅན་བསོད་ནམས་ལྡན་ཀྱང་གསུངས། །ཉི་མ་བླ་མ་མཐོ་རིས་ན། །ཟླ་བ་པ་སངས་དབུས་ན་གནས། །ས་འོག་སྤེན་པ་དང་ས་སྐྱེས། །མིག་དམར། རཱ་ཧུ་གཟའ་ལྷག་ནམ་མཁར་བྱེད། །མི་དང་དུད་འགྲོའི་དབྱེ་བ་ནི། །རྐང་གཉིས་བླ་མ་ཉི་མ་ལ། །ཟླ་བ་པ་སངས་རྐང་བཞི་པ། །གཟའ་ལག་སྒྲ་གཅན་རྐང་གཉིས་པ། །རྐང་མང་སྤེན་པ་མིག་དམར་རོ། །ཉི་ཟླ་མིག་དམར་བྱིས་པ་ལ། །ལྷག་པ་ཕུར་བུ་དར་མ་སྟེ། །སྒྲ་གཅན་སྤེན་པ་རྒན་པོར་བརྟག །ལོ་ཡི་བྱེད་པ་བརྗོད་པའོ། །ཉི་མ་དང་ནི་ཕུར་བུ་ལ། །རྭ་ཅན་རྣམས་སམ་མཆེ་སྡེར་ཅན། །ཟླ་བ་མཐོང་ན་སེང་གེར་ཤེས། །མཆེ་

― MR07_Page_0902 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེར་ལྡན་པ། མིག་སྤེན་རྐང་བཞི་ཁྲི་དག་ཤེས། །ཟླ་བ་དང་ནི་སྒྲ་གཅན་གྱིས། །སེན་མོ་ཅན་ནི་རྣམ་པར་ཤེས། །ཉི་མ་ཤར་དུ་རྣམ་པར་གནས། །དེ་བཞིན་ཟླ་མིག་ལྷག་ཕུར་སངས། །སྤེན་སྒྲ་མེ་ནས་དབང་ལྡན་པར། །གཡས་སུ་བསྐོར་བས་ཕྱོགས་བརྟགས་པའོ། །ཉི་མ་ལ་ནི་རྫས་གཅིག་སོགས། །བརྒྱད་པ་རཱ་ཧུའི་བར་དུ་བརྟག །ཉི་མ་མགོ་བོ་ཟླ་བ་གདོང་། །མིག་དམར་མགྲིན་པ་ལྷག་གསུས་པ། །ཕུར་བུ་རྒྱུ་ཞབས་དཔྱི་མགོའོ། །པ་སངས་ཚང་རའི་ཚིགས་པ་ཡིན། །སྤེན་པ་བརླ་གཉིས་སྒྲ་གཅན་རྐང་། །དུ་མཇུག་རྐང་པའི་འོག་ཏུ་བརྟག །གཟའ་རྣམས་ལུས་ལ་བཀོད་པ་དེ། །གང་གིས་གནོད་པའི་ཕྱོགས་དེ་རུ། །ནད་སོགས་འབྲས་བུ་སྟོན་པར་བྱེད། །། ཨ་ཨི་རྀ་ཨུ་ལྀ་ཉི་མ། །ཧ་ཡ་ཝ་ར་ལ་ཟླ་བ། །ཀ་ཁ་ག་གྷ་ང་མིག་དམར། །ཙ་ཚ་ཛ་ཛྷ་ཉ་ལྷག་པ། །པ་ཕ་བ་བྷ་མ་ཕུར་བུ། །ཤ་ཥ་ས་ཧ་ཀྵ་པ་སངས། །ཊ་ཋ་ཌ་ཌྷ་ཎ་སྤེན་པ། །ཏ་ཐ་ད་དྷ་ན་རཱ་ཧུ། །ཨཱར྄་ཨཱེ་ཨར྄་ཨོ་ཨལ྄་ཀེ་ཏུ། །ཡི་གེའི་རབ་ཏུ་བྱེད་

― MR07_Page_0903 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། ༈ །ནག་རྩིས་རྒྱ་ཡི་ལུགས་ལྟར་དུ། །མིག་དམར་མེ་ཡི་ཡོན་ཏན་གྱི། །རྒྱལ་པོ་ལྷོ་ཕྱོགས་མེ་ཡི་གཟའ། །ཕུར་བུ་ཤིང་གི་ཡོན་ཏན་གྱི། །རྒྱལ་པོ་ཤར་ཕྱོགས་ཤིང་གི་གཟའ། །ལྷག་པ་ཆུ་ཡི་ཡོན་ཏན་རྒྱལ། །བྱང་ཕྱོགས་ཆུ་ལ་དབང་བའི་གཟའ། །པ་སངས་ལྕགས་ཀྱི་ཡོན་ཏན་ཏེ། །ནུབ་ཕྱོགས་ལྕགས་ལ་དབང་བའི་རྒྱལ། །སྤེན་པ་ས་ཡི་ཡོན་ཏན་ཏེ། །མཚམས་བཞི་ས་ཡི་རྒྱལ་པོའོ། །གཟའ་ཀུན་རྒྱལ་པོ་རཱ་ཧུ་ལ། །མཁའ་བཅུད་དབུ་མའི་ཁམས་ཡིན་ཏེ། །འབར་བ་དྲོད་ཀྱི་ཉི་མའི་རྒྱལ། །མེ་རླུང་བཅུད་འདུས་དབང་དྲག་སྲེག །རོ་མའི་དབང་གིས་རྩུབ་ལ་ཕྲི། །གནས་པ་བསིལ་གྱི་ཟླ་བའི་རྒྱལ། །ས་ཆུའི་བཅུད་འདུས་ཞི་རྒྱས་བསིལ། །རྐྱང་མའི་དབང་གིས་འཇམ་ལ་འཕེལ། །དེ་ཡིས་འགྲེས་སྦྱར་བློ་གྲོས་ཀྱི། །དོན་སྣོ༥ད་དབང་༥པོ་ཤ་ཁྲ༥ག་སོགས། །ཡུ༥ལ་དང་རོ་དྲུག་ཕྱི་སྣོ༥ད་དང་། །མདོར་ན་གང་ཤར་དངོས་པོའི་ཁམས། །ཉེར་བཅིངས་སྤྲོས་པས་ཁྱབ་པ་ནི། །དཔེར་ན་དབྱངས་གསལ་

― MR07_Page_0904 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲེང་བ་ཡིས། །ཆོས་ཁམས་རྒྱ་མཚོ་མཚོན་ལྟར་སྦྱར། །སྐར་རྩིས་ལུགས་སུ་ཉི་མིག་མེ། །ཟླ་ལྷག་ཆུ་ལ་ཕུར་བུ་ཤིང་། །པ་སངས་སྤེན་པ་ས་ཡི་ཁམས། །སྒྲ་གཅན་རླུང་གམ་ནམ་མཁའ་འདོད། །རླུང་ངམ་ཤིང་གཅིག་པ་མཆན། དེ་ནས་སྟོབས་ཀྱི་བྱེ་བྲག་ནི། །ཉི་སངས་དམར་པོ་རཱ་ཧུ་སྤེན། །ཟླ་ལྷག་ཕུར་བུ་རིམ་པ་བཞིན། །ཤར་ནས་དབང་ལྡན་མཐར་ཐུག་པར། །བཀོད་པ་རང་ཕྱོགས་སྟོབས་ལྡན་འགྱུར། །ཉི་ཕུར་པ་སངས་ཉིན་མོ་སྟོབས། །དམར་སྤེན་རཱ་ཧུ་ཟླ་བ་མཚན། །གཟའ་ལྷག་ཉིན་མཚན་གཉིས་ཀར་སྟོབས། །ཕུར་བུ་པ་སངས་དཀར་པོའི་ཕྱོགས། །ཉི་མ་སྤེན་པ་ནག་པོའི་ཕྱོགས། །ཟླ་མིག་གཟའ་ལྷག་གཉིས་ཀར་སྟོབས། །ཟླ་སངས་གླང་སོགས་མོ་ཁྱིམ་ལ། །ལྷག་རྣམས་ཕོ་ཁྱིམ་ལ་སྟོབས་ཆེ། །ཉི་ཟླ་བྱང་དུ་བགྲོད་ཚེ་སྟོབས། །གཟའ་གཞན་ལྷོ་རུ་བགྲོད་ཚེའོ། །ལྷག་ཕུར་མྱུར་བའི་འགྲོས་ལ་སྟོབས། །མིག་དམར་ཁ་ནུབ་ཕྱོགས་འགྲོས་ལ། །སངས་སྤེན་དལ་འགྲོས་ལྷོ་ཡི་ཕྱོགས། །སྤེན་

― MR07_Page_0905 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་ལྷག་ཕུར་སངས་ཟླ་ཉི། །སྒྲ་གཅན་བཅས་པ་རིམ་པར་དུ། །གཅིག་ནས་བརྒྱད་པར་སྟོབས་ཆེ་བ། །གཟའ་རྣམས་རྩ་བའི་སྟོབས་ཞེས་གྲགས། །དེ་རྣམས་དགྲ་གྲོགས་ཁྱད་པར་ནི། །ཉི་མའི་གྲོགས་པོ་ཕུར་བུ་སྟེ། །ཟླ་གྲོགས་ཕུར་བུ་ལྷག་པའོ། །མིག་དམར་གྲོགས་པོ་ལྷག་སངས་གཉིས། །ལྷག་གྲོགས་ཟླ་མིག་ཕུར་སངས་སྤེན། །ཕུར་གྲོགས་ཉི་ཟླ་པ་སངས་སྤེན། །འདིར་དགྲ་གྲོགས་གཉིས་ཁོ་ནའི་དབང་དུ་བྱས་པ་དེ། དགྲ་གྲོགས་བཏང་སྙོམས་གསུམ་དུ་དབྱེ་བའང་འདུག་པས་གང་བདེར་སྦྱར་ཤེས་པར་བྱའོ།། སངས་གྲོགས་མིག་ལྷག་ཕུར་སྤེན་ནོ། །སྤེན་པའི་གྲོགས་པོ་ཕུར་ལྷག་སངས། །ཉི་དགྲ་ཟླ་མིག་ལྷག་སངས་སྤེན། །ཟླ་དགྲ་མིག་སངས་སྤེན་པའོ། །དམར་དགྲ་ཉི་ཟླ་ཕུར་སྤེན་ནོ། །ལྷག་པའི་དགྲ་བོ་ཉི་མ་སྟེ། །ཕུར་པའི་དགྲ་བོ་མིག་ལྷག་གཉིས། །དཀར་པོའི་དགྲ་ནི་ཉི་མ་ཟླ། །སྤེན་དགྲ་ཉི་མ་མིག་དམར་རོ། །རང་རང་ཞིང་ལ་བདག་པོ་ཞུགས། །དུས་དེར་གཟའ་བདུན་རང་རང་ལ། །ཇི་སྐད་དགུག་སོགས་ཀྱི་ལས་བཤད་པ་

― MR07_Page_0906 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་སུམ་དུ། །འབྲས་བུ་ཇི་བཞིན་མཐོང་བ་ཡིན། །གང་ཤར་ཁྱིམ་ན་རང་བདག་གི །གྲོགས་པོ་ཡོད་བཟང་དགྲ་ཡོད་ངན། །དེ་ཡི་མཐོང་བའི་ས་རྣམས་ལ། །དགྲ་དང་གྲོགས་གཟའ་ཡོད་ཚུལ་བརྟག། །ད་ནི་གཟའ་འབྲས་བཟང་ངན་ནི། །ཉི་མ་ཤར་ན་ནོར་རྣམས་ཉམས། །དམར་ངོ་ཁྲག་ངོ་ཡམས་ཀྱིས་འཚེ། །འབར་བའི་མེ་ལྕེ་གདུག་པ་ཡིས། །བསྲེག་ཉམས་ཚད་པས་ཀུན་ཏུ་གདུང་། །ལུས་ལ་ནད་ཀྱིས་འཚེ་བར་འགྱུར། །ཟླ་བ་དགྲ་ཤི་རང་ཉིད་རྒྱལ། །རྒྱ་མཚོའི་ནང་ནས་ནོར་བུ་འབྱུང་། །དགོས་འདོད་བསམ་པ་ཐམས་ཅད་འགྲུབ། །ཡིད་ལ་སྨོན་པ་མྱུར་འགྲུབ་བཟང་། །མིག་དམར་ཤར་བར་གྱུར་པ་ན། །སྡུག་བསྔལ་དགྲ་གྱོད་མེ་ལྕེ་མཆེད། །ནད་དང་ཁ་སྨྲས་དམར་ངོ་འབྱུང་། །མཛའ་བོ་དགྲར་ལྡང་ངན་སྦྱོར་བྱེད། །བསམ་པའི་དོན་ལ་བར་ཆད་འོང་། །ལྷག་པ་ཤར་ན་ཅི་བསམ་ཀུན། །བར་ཆད་མེད་འགྲུབ་རྙེད་པ་འོང་། །ཆུ་ཞིག་ཡོད་པ་མར་ཁུར་སོང་། །སྐལ་བཟང་

― MR07_Page_0907 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་འབྱོར་ཕུན་སུམ་ཚོགས། །ཕུར་བུ་ཞི་དྲག་འདྲེས་མ་སྟེ། །ཚེ་དཔལ་བསམ་པའི་བར་ཆད་ལྡང་། །རང་ངམ་གཞན་གྱི་སྲུང་མ་ལྡོག །ཡང་ན་རིག་སྔགས་ཡོན་ཏན་རྒྱས། །བན་བཙུན་སྔགས་པའི་ཕྱ་ལ་བཟང་། །ཙནྡན་ལྗོན་པ་ལོ་འདབ་རྒྱས། །པ་ཝ་སངས་ལ་ལུས་སེམས་བདེ། །འབྲུ་གོས་ནོར་རྙེད་བུ་འཁོར་རྒྱས། །ཁྱད་པར་བུད་མེད་དགའ་བས་དགའ། །སྙིང་ལ་དབང་གི་དྲི་བསུང་ལྡང་། །སྤེན་པ་ལ་ནི་བབ་པ་ན། །ཡམས་རིམས་ཀླུ་ནད་གཞོག་ཕྱེད་ན། །ཡུལ་གཞན་ཕོ་དང་བྱེ་བྲལ་འོང་། །གོང་མས་མནར་ཞིང་སྡོམ་པ་འཆོར། །ངམ་རྡོ་སྒོ་ལ་བབ་པ་ཡིན། །སྒྲ་གཅན་ཤར་ན་དགྲ་བོ་ཕམ། །རང་ཉིད་རྒྱལ་འགྱུར་ཚེ་སྲིད་རྙེད། །ལྷུན་པོར་དར་ཆེན་ཕྱར་བ་ཡིན། །བཀྲ་ཤིས་བདེ་ལེགས་ཕུན་སུམ་ཚོགས། །གེགས་སུ་སོང་ན་འཇིགས་པ་ཆེ། །དུས་མེ་ཤར་ན་བྱ་བ་ཀུན། །འགྲུབ་འགྲུབ་འདྲ་ལ་འགྲུབ་རྒྱུ་མེད། །དོན་མེད་སྡུག་བསྔལ་དྲག་པོས་གཟིར། །མི་བདེ་སྙིང་གི་ཚེར་མ་ཡིན། །གཉིས་

― MR07_Page_0908 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བྱེ་བྲག་ཏུ་བརྟག་པར། །གཟའ་ཁྱིམ་སྦྲགས་པའི་འབྲས་བུ་ནི། །སྤྱི་དང་བྱེ་བྲག་དམིགས་བསལ་གསུམ། །ཐོར་བུའང་དང་པོ་གནས་མལ་བཅུ་གཉིས་ནི། །དང་པོའི་སྟེང་དུ་ཉི་མ་ཤར། །ལྷོ་ཙནྡན་ནགས་ཀྱི་དཀྱིལ་རུམ་དུ། །མོན་ཆུ་ཤིང་སྡོང་པོ་གཞུང་ནས་སྐམ། །གློ་བུར་ཡེ་འདྲོག་འབྱུང་ཉེན་ཡོད། །ནོར་དང་བོར་སྟོར་གོད་ཁ་འོང་། །ལྷ་ཁང་མཆོད་རྟེན་བརྒྱ་རྩ་ལ། །དཀར་མེ་ལྷ་བཤོས་དར་ལྕོགས་ཕུལ། །མི་མཁས་པ་བཞི་ལ་སྟོན་མོ་བྱ། །ལྷ་རྒྱལ་ལྷ་གསོལ་མང་དུ་བྱ། །བྲག་བཙན་དང་བྲག་བདུད་མཆོད་ན་ལེགས། །ཏཏྐཱལ་སྟེང་དུ་ཟླ་བ་ཤར། །དབུས་ཀྱི་གྭའུ་གསེར་ལྗོངས་ལ། །ཁྲི་གདུགས་ཉི་མའི་འོད་དང་ལྡན། །ཟས་གོས་སྟན་དང་ལོངས་སྤྱོད་རྙེད། །མདོ་སྡེ་སྐལ་བཟང་ཚར་གསུམ་སྒྲོགས། །ཏཏྐཱལ་སྟེང་དུ་མིག་དམར་ཤར། །དོན་མེད་འཕྲོག་བཅོམ་བྱེད་པ་དང་། །དོན་མི་འགྲུབ་དགྲ་ཡི་གཡབ་མོ་གཡབ། །སྔ་ན་མེད་པའི་སྡུག་བསྔལ་འབྱུང་། །མི་ཆེན་ལ་ལོག་ཕོག་འབྱུང་དོགས་འདུག །སྐྱེས་དར་མ་གྲི་

― MR07_Page_0909 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་འཆི་ཉེན་ཆེན། །ནད་དང་རྨ་དང་རྒྱལ་པོས་འཇིགས། །རྒྱས་པ་འབུམ་ལ་འུར་འདོན་གྱིས། །གྲི་བཅོས་རྒྱས་འབྲིང་སྐབས་དང་སྦྱར། །ཏཏྐཱལ་སྟེང་དུ་ལྷག་པ་ཤར། །ཁ་བ་ཉིན་མཚན་དགུར་བབས་ཀྱང་། །ཅོ་གའི་འགྱུར་སྐད་དགུང་ལ་འཐེན། །གོང་མའི་གནས་སུ་འགྲོ་ན་བཟང་། །ཚེ་མཐུ་ལོངས་སྤྱོད་རྒྱས་པ་ཡིན། །ཏཏྐཱལ་སྟེང་དུ་ཕུར་བུ་ཤར། །ཤིང་ཙནྡན་སྡོང་པོའི་ཡལ་ག་ལ། །ནད་བཞི་བརྒྱ་འཇོམས་པའི་གཉེན་པོ་སྐྱེས། །བདུད་ནག་པོའི་རིགས་ལ་དུག་ཏུ་འགྱུར། །བདུད་རྔམས་ཆེན་འདུལ་བའི་སྨན་མཆོག་ཡིན། །དགྲ་ཕུར་བུས་ཐེབས་པས་བཟང་བ་ཡིན། །ཁྱིམ་དང་དགྲ་གཤེད་ཐུག་པས་ན། །ནོར་རམ་གནས་ལ་འཕོ་འཕྱུགས་དོགས། །ཆོས་སྐྱོང་སྲུང་མའི་བསྐང་གསོལ་གྱིས། །མཆོད་རྟེན་སྐུ་དཀར་དར་ལྕོགས་ཕུལ། །ཏཏྐཱལ་སྟེང་དུ་པ་སངས་ཤར། །ལྷ་ཆེན་ཚངས་པ་གདོང་བཞི་དེས། །སྒོ་ཡི་ལྡེའུ་མིག་ཕྱག་ན་བསྣམས། །རིན་ཆེན་སྣ་ལྔའི་བང་མཛོད་འབྱེད། །འབྲུ་དྲུག་ཐང་ལ་སྨིན་པ་ཡིན། །དབུལ་ཕོངས་

― MR07_Page_0910 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བོ་ཆོམ་ལ་འབེབ། །གོང་མའི་གནས་སུ་བགྲོད་པ་བཟང་། །དགའ་བའི་ཡིད་དང་གོས་བཟང་ཐོབ། །ཏཏྐཱལ་སྟེང་དུ་སྤེན་པ་ཤར། །དགུང་སྔོན་ཁང་དུ་བབས་པ་ལ། །སྤྲིན་དམར་བཙའ་ཡིས་གཡོགས་པ་ཡིན། །སྐྱེས་པའི་ཚེ་ལ་བར་ཆད་འབྱུང་། །འབུམ་དང་རྒྱལ་པོ་གཡུ་ཕྲེང་བཅོས། །གནས་ལས་ཉམས་ཤིང་ཉེ་འཁོར་འབྲལ། །ལྷ་ཁང་དཀར་མེ་དར་ལྕོགས་ཕུལ། །ཏཏྐཱལ་སྟེང་དུ་སྡིག་ཅན་ཤར། །ལྷ་ཀོང་ཚེ་འཕྲུལ་གྱི་གདན་ཁྲི་ལ། །བདུད་ཀྱི་སྲོག་མདའ་ཟུག་པ་ཡིན། །གློ་བུར་ནད་རྐྱེན་དྲག་པོའམ། །ཡང་ན་གོང་མའི་ལོག་ཕོག་འོང་། །བཀའ་རྒྱས་འབྲིང་བསྡུས་གསུམ་འུར་འདོན་གྱིས། །བདུད་ཀྱི་བཅོས་ཀ་སྐབས་དང་སྦྱར། །བླ་བསླུ་ཚེ་སྒྲུབ་ཚེ་ཆོག་བྱ། །བསོད་ནམས་གཟའ་ཤར་དེ་ལས་ལྡོག །གཉིས་པའི་སྟེང་དུ་ཉི་མ་ཤར། །ཟུན་འཕར་བ་ནག་པོའི་ཚང་སྒོ་རུ། །གཡང་མོ་ལུག་ལ་ཐོག་རྒྱུག་བྱུང་། །དམར་ཆགས་ཕྱུགས་ལ་གོད་ངོ་ཡོད། །རྦབ་འདྲིལ་གཡང་ལྷུང་གྱོང་ཀའི་ངོ་། །ཕྱིར་འགྲོ་ཡོད་ན་

― MR07_Page_0911 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡིས་ཐུབ། །ཉི་ཁྲི་གསེར་འོད་བསིལ་གཏོར་ཐོངས། །ཀླུ་བཙན་རྒྱལ་པོ་མཆོད་ན་བཟང་། །གཉིས་པར་ཟླ་བ་ཤར་བ་ན། །རྟ་མདོ་བ་གཅིག་གི་སྲབ་མདའ་ལ། །ཕོ་རྟ་བརྒྱ་ཡིས་མཐུར་མདའ་ཟིན། །ནོར་གཅིག་བཞག་གཉིས་སུ་འཕེལ་བས་བཟང་། །རྙེད་པ་ཆུང་ཞིང་བགེགས་འཚེ་དོགས། །བར་ཆད་བསལ་བའི་ཆོས་ཚན་སྒྲོགས། །གཉིས་པར་མིག་དམར་ཤར་བ་ན། །ལྷོ་ཙནྡན་ནགས་ཀྱི་དཀྱིལ་རུམ་ན། །མོན་ཁ་འདུས་ཇག་པ་རྐྱ་བདུན་གྱིས། །ཉམ་ཆུང་གི་མགྲོན་པོ་བཅོམ་པ་ཡིན། །ནོར་ལ་གང་སྟོངས་འོང་བས་གཟབ། །ཉེ་བ་མཐུན་ཉེན་གློ་བུར་གོད། །གླེགས་བམ་གཡང་སྒྲུབ་གོད་སྲི་མནན། །གཉིས་པའི་སྟེང་དུ་ལྷག་པ་ཤར། །གཡང་ཅན་ནོར་གྱི་བང་མཛོད་དེར། །གནོད་སྦྱིན་ཚོགས་ཀྱིས་དངོས་གྲུབ་བབས། །བང་མཛོད་གང་བའི་འབྲས་བུས་འཚིང་། །ནོར་ནི་མང་དུ་ཐོབ་པ་ཡིན། །

― MR07_Page_0912 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་ལ་གང་སྟོངས་འོང་། །རྟ་དང་བོང་བུའི་ས་རུ་ངན། །གཡང་སྒྲུབ་གླེགས་བམ་རྡུལ་སྤྲུགས་བྱ། །གོད་འདྲེ་མནན་ཅིང་གཡང་རྟེན་བཅའ། །དགྲ་བྲུབས་བྱད་བཟློག་བྱས་ན་བཟང་། །གཉིས་པར་པ་སངས་ཤར་བ་ན། །རིན་ཆེན་གསེར་གྱི་བང་མཛོད་དུ། །དགོས་འདོད་འབྲས་བུ་སྨིན་པ་ཡིན། །སྟོང་པ་བཅུད་ཀྱིས་གང་བས་བཟང་། །ལོངས་སྤྱོད་འབྲས་བུ་ཀུན་ནས་འཐོབ། །གཉིས་པར་སྤེན་པ་ཤར་བ་ན། །གསེར་ཉ་བྱེ་མའི་གསེབ་ལ་ཤོར། །ནོར་གཡང་ཅན་དགྲ་དང་བགེགས་ཀྱིས་འཇོམས། །ནོར་ལ་གང་སྟོངས་འོང་བས་གཟབ། །གཡང་སྒྲུབ་ལྟག་སྤྲོད་ཚེ་སྒྲུབ་བྱ། །བློ་ཉམས་ཡིད་མི་བདེ་བ་འོང་། །འཕགས་པ་གསེར་འོད་དམ་པ་སྒྲོགས། །གཉིས་པ་འདི་ལ་སྡིག་ཅན་ཤར། །མེ་སྟག་ཕྲ་མོ་ཁབ་ཙམ་དེས། །རི་རབ་བསྲེགས་པའི་རྩ་བ་བྱས། །ནོར་ལ་གང་སྟོངས་བོར་རལ་འོང་། །འདུན་མ་ལོངས་སྤྱོད་ནོར་ལ་གཟབ། །གླེགས་བམ་གཡང་སྒྲུབ་གསེར་འོད་འདོན། །རྣམ་སྲས་གནོད་སྦྱིན་གཏོར་སྒྲུབ་བྱེད། ༈ །

― MR07_Page_0913 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པར་ཉི་མ་ཤར་བ་ན། །གློ་ཕུག་བདུད་ལ་གཏོད་པ་དང་། །ས་ཕུག་བྲག་ལ་ཐུག་པ་ཡིན། །ཕ་སྤུན་ཕྱོགས་སུ་གྱོད་འཛེར་འོང་། །འབྲུག་ལོ་པ་ལ་ཤིན་ཏུ་ངན། །བདུད་བཟློག་སྡོང་བརྒྱན་ཆུ་བཟློག་བྱ། །འབྱུང་བཞིའི་སཱཙྪ་མང་དུ་ཐོབ། །གསུམ་པར་ཟླ་བ་ཤར་བ་ན། །སྟག་དམར་ཡག་གྲ་འཛུམ་སྒང་ལ་རྒྱས། །ཕ་སྤུན་གྱི་རུ་དར་ཕྱར་བས་བཟང་། །བདེ་བ་ཐོབ་ཅིང་རྣམ་པར་རྒྱལ། །གསུམ་པའི་གནས་སུ་མིག་དམར་ཤར། །ཁྱིམ་དུ་ཟས་ཟོས་ཆང་འཐུང་ནས། །ཐེམ་པར་ཐོན་ནས་འཕྱར་ཀ་བྱེད། །ཕ་སྤུན་ནང་དུ་རལ་ཁ་སྤྲོད། །འཁྲུགས་འདྲེ་ནག་མོའི་བྱོལ་ཟོར་གྱིས། །ཡང་གཅིག་འདི་ལ་དྲག་གཟའ་ཡང་། །ནོར་གྱི་ངོ་རུ་བཤད་པ་སྲིད། །གསུམ་པར་ལྷག་པ་ཤར་བ་ན། །སྟག་དམར་ཡག་གྲ་ལ་འཇའ་རིས་ཐོན། །ཕ་སྤུན་གྱི་གྲལ་སོ་ཚུགས་པ་དང་། །འཇིགས་འཕྲང་ལས་གྲོགས་ཀྱིས་བཏོན་པ་ཡིན། །གསུམ་པར་ཕུར་བུ་ཤར་བ་ན། །ཕ་དང་མེས་པོའི་གྲལ་ས་དེར། །བན་ཆོས་སྐྱོང་སྲུང་མའི་བཀའ་ཆད་

― MR07_Page_0914 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོག །ཕ་སྤུན་དམེ་ཁྲག་ཕོག་དོགས་ཡོད། །ཆོས་སྐྱོང་སྨུག་མོ་ཡང་ཡང་མཆོད། །འགྱོད་ཚངས་པ་བཤགས་པ་མང་དུ་ཕུལ། །གསུམ་པར་པ་སངས་ཤར་བ་ན། །རྟ་རྒོད་མ་གཅིག་གི་མཐུར་མདའ་ལ། །རྟ་ཕོ་བརྒྱ་ཡི་སྲབ་མདའ་ཟིན། །ཕ་སྤུན་གྲལ་སོ་དར་བ་ཡིན། །གསུམ་པར་སྤེན་པ་ཤར་བ་ན། །སྟག་དར་མའི་གྲ་འཛུམ་རྔོ་ཡིས་ཁྱེར། །ནང་ཆ་བུ་དགུ་རུལ་བ་ཡིན། །རྒྱལ་པོའི་བཅོས་ཀ་བསིལ་གཏོར་ཐོངས། །གསུམ་པར་སྡིག་ཅན་ཤར་བ་ན། །དོགས་མོ་ས་ཡི་མཆིན་པ་གས། །ཕ་སྤུན་མཚེར་ས་བདུད་ཀྱིས་འཕྲོག །དེ་ལ་ཕལ་ཆེན་གསུང་སྒྲོགས་བྱ། །དགྲ་བླའི་ཐང་ཀ་བཅུ་གསུམ་སོགས། །ངན་སློང་གསུམ་ལ་སྦྱིན་པ་ཐོངས། །། བཞི་པར་ཉི་མ་ཤར་བ་ན། །ཤིང་ཕྲན་སཏྭ་རེས་བཅད་པ་དང་། །ལྷ་ཕྲུག་ཐང་ལ་ཡར་བ་ཡིན། །སྙིང་དེ་གློ་བར་འགྲོ་ཉེན་ཡོད། །དེ་ལ་ཁ་མཆུ་ནག་པོ་སོགས། །སྡེ་ལྔ་མང་དུ་སྒྲོགས་པ་བཟང་། །ལྷ་བསང་ལྷ་ཁྲུས་ལམ་འཕྲང་བསལ། །

― MR07_Page_0915 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པར་ཟླ་བ་ཤར་བ་ན། །དམའ་སྤང་རིའི་མགོ་ལ་ཉི་མ་ཤར། །ལྷ་བྱ་གཅིག་གིས་ཡར་ཤོག་ཟེར། །གྲོགས་ཀྱི་རྫི་བོ་མ་སྟོང་བཟང་། །གསུས་ནད་འཇིགས་པ་འབྱུང་ཡང་ཐང་། །བཞི་པར་མིག་དམར་ཤར་བ་ན། །གཙོ་བོ་གྲོས་ཀྱི་རྒྱ་མཚོ་དེ། །འདྲེ་མུན་པ་ནག་པོས་དཀྲུགས་པ་ཡིན། །མི་སྙིང་དང་འདྲ་བས་བསླུ་བ་འོང་། །ཡང་ན་རིམས་འཇིགས་མེ་ཐན་འོང་། །བོན་གྱི་ཁམས་ཆེན་ཚར་གསུམ་སྒྲོགས། །ཕལ་ཆེན་གསུང་སྒྲོགས་རྡུལ་སྤྲུགས་བྱ། །བཞི་བར་ལྷག་པ་ཤར་བ་ན། །བློ་ཆུང་བཅོས་བུའི་རང་མགོ་ཐོན། །ལྷ་ཀོང་རྩེ་འཕྲུལ་རྒྱལ་དངོས་གྲུབ་བབས། །གྲོགས་ཀྱི་རྒྱ་མཚོ་མ་སྐམ་བཟང་། །ལྗོན་ཤིང་རླན་དང་འཕྲད་པ་ཡིན། །རོ་ཙ་རྩོམ་པའི་དུས་སྦྱོར་བཟང་། །རྩ་མིག་བདུད་རྩིས་གང་བ་ཡིན། །བཞི་པར་ཕུར་བུ་ཤར་བ་ན། །འབྱུང་བ་ཤིང་གི་ཕ་ཁང་ན། །ཕུར་བུ་ཤིང་གི་ལོ་འབྲས་རྒྱས། །གཙོ་བོ་གྲོས་ཀྱི་རྒྱ་མཚོ་ཁེངས། །གྲོགས་ཀྱི་རྫིང་བུ་མ་སྟོང་བཟང་། །

― MR07_Page_0916 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་དང་གློ་ནད་ཡོད་ན་ཐང་། །བཞི་པར་པ་སངས་ཤར་བ་ན། །མི་བློ་ལྷ་ཡིས་བསྐུལ་བ་ཡིན། །ལྷ་མཁར་རྩེ་ལ་ཉི་མ་ཤར། །ལྷ་བྱ་གཅིག་གིས་གནམ་འཕངས་བཅད། །ཁྱུང་ཆེན་ནམ་མཁར་འགྱིང་བ་ཡིན། །དགྲ་འདྲེའི་དམག་དཔུང་རྡུལ་དུ་རློག །བཟང་མདོ་མདོ་སྡེ་བསྐལ་བཟང་དང་། །ཡུམ་གྱི་དབུ་དུམ་སྒྲོགས་པར་བྱ། །དེ་བྱས་བདེ་སྐྱིད་འབྱོར་བ་ཐོབ། །བཞི་པར་སྤེན་པ་ཤར་བ་ན། །སེང་གེའི་ཁོག་པ་འབུ་ཡིས་གང་། །ཞག་ཉ་མིག་ཙས་ཞིག་ཕྱི་ལ་འབོ། །གཞན་གྱིས་སྡང་ཞིང་གཉེན་ནོར་ཉམས། །ཡིག་བརྒྱ་དོན་ཞགས་གཟུངས་བསྒྲུབ་བྱ། །བཞི་པར་སྡིག་ཅན་ཤར་བ་ན། །དབུས་ཀྱི་གྭའུ་གསེར་ལྗོང་ལ། །ལྷ་འདྲེའི་དམག་ཚོགས་འདུས་པ་ཡིན། །གཙོ་བོ་གྲོས་ཀྱི་རྒྱ་མཚོ་སྐམ། །ཆོས་སྐྱོང་གཏོར་སྒྲུབ་མང་དུ་བྱ། །འགག་པ་སེལ་ཞིང་ལྷ་བསང་གཏོང་། །ལྔ་པར་ཉི་མ་ཤར་བ་ན། །ལྷ་ཕྲུག་ཐང་ལ་ཡར་བ་ཡིན། །ཐབ་གཞོབ་མི་གཙང་འཁོན་ལ་གཟབ། །ལྷ་བསང་ལྷ་ཁྲུས་

― MR07_Page_0917 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་ཁྲི་སྒྲོགས། །བྱ་སྟོན་བྱིས་སྟོན་ཐབ་འདོན་བྱ། །ཆུང་གླུད་མདོ་མང་སྣང་བརྒྱད་སྒྲོགས། །ཆུང་གི་བཅོས་ཀ་སྣ་ཚོགས་བྱ། །འགག་པ་སེལ་ཞིང་ལ་རྫས་གསོ། །ལྔ་པ་ཟླ་བ་ཤར་བ་ན། །གསེར་མིག་གཡུ་ཡིས་སྤྲས་པ་དང་། །མཚོ་མཐའ་ངང་པས་བསྐོར་བ་ཡིན། །དཔལ་གྱི་མེ་ཏོག་རྒྱས་པ་སྟེ། །བཟང་མདོ་གཟུངས་འདུས་མང་དུ་སྒྲོགས། །ལྔ་པར་མིག་དམར་ཤར་བ་ན། །ཐེའུ་རང་བདུད་ཀྱི་སྤྲུལ་པ་དེས། །ཆུང་གསུམ་རྩེ་རར་རྒྱུག་ལམ་བྱས། །རིམས་དང་གློ་བུར་ནད་ལ་གཟབ། །བསིལ་གཏོར་གླུད་གཏོར་མང་དུ་ཐོངས། །ངན་སློང་གསུམ་ལ་སྦྱིན་པ་བྱ། །ལྔ་པར་ལྷག་པ་ཤར་བ་ན། །ལྷ་ཕྲུག་རྩེད་འཇོའི་ལྡུམ་ར་དེར། །དཔལ་གྱི་མེ་ཏོག་རྒྱས་པ་ལ། །བདེ་སྐྱིད་གཡུ་སྦྲང་འཁོར་བ་ཡིན། །བཀྲ་ཤིས་བུ་ཆུང་ས་རུ་བཟང་། །ལྔ་པར་ཕུར་བུ་ཤར་བ་ན། །ས་བདུད་ཤིང་གིས་ཕུག་པ་ཡིན། །འབྱུང་བ་བདུད་དུ་འཁྲུགས་པ་ཡིས། །རིམས་དང་འབྲུམ་ཤུ་སྐྲངས་འབུར་འོང་། །བྱིས་

― MR07_Page_0918 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་བྱིས་པའི་ཆུང་གླུད་བྱ། །འབྱུང་བཞིའི་སཱཙྪ་ལམ་འཕྲང་བཅོས། །བནྡེ་བུ་ཆུང་ས་རུ་བཟང་། །ལྔ་པར་པ་སངས་ཤར་བ་ན། །འདྲེ་དེ་མི་ཡུལ་འཁྱར་བ་ཡིན། །ལྷ་དེས་རང་ཡུལ་ཟིན་པ་ཡིན། །ལྷ་དཀར་སྨུག་གསོལ་མཆོད་བྱས་ན་བཟང་། །ལྔ་པར་སྤེན་པ་ཤར་བ་ན། །འདྲེ་དེ་མི་ཡུལ་སླེབས་པ་ཡིན། །ཆུང་སྲིད་གྲལ་སོ་སྟོང་བ་ཡིན། །རིམས་དང་དལ་ཡམས་འབྱུང་དོགས་ཡོད། །གཙུག་ཏོར་སྡེ་ལྔ་རིམས་སྲུང་འདོན། །བསིལ་གཏོར་ཆ་གསུམ་ཆུང་གླུད་ཐོངས། །ལྔ་པའི་སྟེང་དུ་སྡིག་ཅན་ཤར། །གླིང་བཞི་བསྐོར་བའི་ཉི་ཟླ་གཉིས། །ཁྱབ་འཇུག་གཟའ་ཡིས་ཟིན་པ་ཡིན། །ཆུང་གསུམ་གྱི་རྩེ་ར་སྟོང་ཉེན་ཡོད། །གློ་བུར་ནད་རྐྱེན་དྲག་པོ་འོང་། །བསིལ་གཏོར་ན་རག་དོང་སྤྲུགས་བྱ། །ཆུང་གླུད་ཡས་ཀྱིས་སྲི་སྒོ་གཅོད། །ཆུང་ལ་དགོས་པ་ཅི་འགྲུབ་བྱ། །དྲུག་པར་ཉི་མ་ཤར་བ་ན། །བན་བཙུན་པའི་དགྲ་ངོ་ལངས་པ་ཡིན། །དམར་ཆགས་ནོར་ལ་ཁ་སྨྲས་འོང་། །ལྷ་ཁང་

― MR07_Page_0919 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་མེ་དར་ལྕོགས་འཛུགས། །ཟ་འདྲེ་གནོད་བྱེད་ཁ་བསྒྱུར་བྱ། །དྲུག་པར་ཟླ་བ་ཤར་བ་ན། །དོན་མེད་འཕྲོག་བཅོམ་དག་དང་ནི། །སྔར་མེད་སྡུག་བསྔལ་གསར་དུ་འབྱུང་། །དགྲ་ཟློག་དགྲ་བྲུབས་དགྲ་སྲི་མནན། །དྲུག་པར་མི་དམར་ཤར་བ་ན། །སྡང་བའི་དགྲ་བོ་བཙོན་དུ་བཟུང་། །འཕར་བ་ནག་པོ་གཡང་དུ་ལྷུང་། །དགྲ་མི་ཐུབ་མ་ཡིན་ཐུབ་པས་བཟང་། །དྲུག་པར་ལྷག་པ་ཤར་བ་ན། །ཤིང་གྲ་མའི་མེ་དེ་འབར་འདོད་ཡིན། །དགྲ་ཁ་གཡེལ་ཅན་དེ་ལབ་འདོད་ཡིན། །དར་ཟབ་ལ་བརྟེན་པའི་རྩོད་ངོ་ཡོད། །དགྲ་བྲུབས་ལྷ་བསང་སྡོང་བརྒྱན་དང་། །ཁ་མཆུ་ནག་པོ་ཚར་གསུམ་སྒྲོགས། །དྲུག་པར་ཕུར་བུ་ཤར་བ་ན། །ཙནྡན་ནགས་ཀྱི་དཀྱིལ་རུམ་དུ། །སྟག་ངར་མའི་གྲ་སྡེབས་ཚོགས་འདུ་དེས། །ཉེས་ཅན་འགྲོན་པོ་བཅོམ་པ་ཡིན། །དགྲ་འགྲན་འདོད་ཆོམ་ལ་ཕབ་པ་ཡིན། །དྲུག་པར་པ་སངས་ཤར་བ་ན། །བདུད་ཤོར་བ་གཞོན་ནུ་ཐང་ལ་ལངས། །དོན་མེད་རྐུ་འཕྲོག་འབྱུང་བ་དང་། །

― MR07_Page_0920 ―

^{[མ་དཔེ་གཟིགས་ན་འདིར་གནོན།]}

[Full Size]

སྔ་ན་མེད་པའི་དགྲ་བོ་འབྱུང་། །དགྲ་བཟློག་དགྲ་བྲུབས་འབད་པར་བྱ། །དྲུག་པར་སྤེན་པ་ཤར་བ་ན། །རི་དེ་ཡི་ཤ་བ་གཉའ་ནས་ཆག །ཁྱི་སྤྱང་མོ་གཉིས་ཀ་མནན་པ་ཡིན། །དགྲ་དོང་རུལ་ཡིན་པས་མཆོག་ཏུ་བཟང་། །དགའ་བས་རོལ་ཞིང་གོས་རྒྱན་རྙེད། །སེམས་ཟུག་རྔུའི་ཚེར་མ་བྲག་གིས་མནན། །དྲུག་པར་སྡིག་ཅན་ཤར་བ་ན། །དགྲ་མགོ་རེ་བས་ཕུར་བ་ཡིན། །དགྲ་ཕ་བརྒྱ་ཤི་ལ་བུ་བརྒྱ་རུལ། །དགྲ་བོ་ཆོམ་ལ་ཕབ་པས་བཟང་། །། བདུན་པར་ཉི་མ་ཤར་བ་ན། །ཤིང་གྲ་མའི་མེ་ཆེན་དབུས་ནས་འབར། །སྨན་སྦྲུམ་མའི་ལུས་སྲོག་བདུད་ལ་ཤོར། །ཚེ་མདོ་ཚེ་སྒྲུབ་སྒྲོལ་གསོལ་བྱ། །ལྷ་ཆེན་བསྐང་གསོལ་ཉི་ཁྲི་སྒྲོགས། །བདུད་བཟློག་སྲིད་སློང་གཏོ་ལ་འབད། །བདུན་པར་ཟླ་བ་ཤར་བ་ན། །ལྷ་ཀོང་རྩེ་འཕྲུལ་གྱི་རྒྱལ་པོ་དེས། །དར་དཀར་འཐུ་བ་གདན་དུ་བཏིང་། །མི་གཅིག་གིས་པང་པར་བུ་གསུམ་འཛིན། །ཟས་གོས་མལ་སྟན་བུ་མོ་རྙེད། །བདུན་པར་མིག་དམར་ཤར་བ་ན། །དགུང་སྔོན་ཁད་དུ་འགྲིགས་

― MR07_Page_0921 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ། །ཞྭ་རྨོག་ཕོར་ཙམ་ཞིག་གུད་ལ་བུད། །མྱ་ངན་བྱེ་བྲལ་འོང་པའམ། །བུ་མོ་མང་ཞིང་གྲོགས་ལ་གཟབ། །ཚེ་སྒྲུབ་ཚེ་དབང་ཚེ་ཆོག་བྱ། །ནག་པོ་བཅུ་གསུམ་བཟློག་པ་བྱ། །བདུན་པར་ལྷག་པ་ཤར་བ་ན། །སྟོད་ཀྱི་གངས་རིའི་སྲས་མོ་དེས། །བདུད་རྩིའི་ཆུ་བོ་རྒྱ་མཚོར་བསྐྱིལ། །སྲིད་ཀྱི་པདྨོ་སྟོང་ལྡན་འཁྲུངས། །མི་ནོར་འབར་བའི་དུས་སྦྱོར་བཟང་། །འདོད་པའི་ལྗོན་ཤིང་འབྲས་བུ་སྨིན། །བདུན་པར་ཕུར་བུ་ཤར་བ་ན། །ཀླུ་ཚང་རྒྱ་མཚོའི་གཏིང་ན་རྒྱས། །འབྱུང་བ་ཤིང་གསོས་བཅུད་སྐྱེས་འཕྲོད། །སྨན་བུད་མེད་ལུས་ལ་འཚེ་བའམ། །སྲིད་ཞུགས་སྐྲན་གྱི་ངོ་ཡིན་པས། །རྒྱལ་པོ་མདོ་ལྔ་ཆོས་སྲུང་མཆོད། །མཆོད་རྟེན་སྐུ་དཀར་བསྙེན་སྒྲུབ་ཞུ། །མདུན་ངོ་མེད་པས་བཟང་བར་བཤད། །བདུན་པ་ལ་ནི་པ་སངས་ཤར། །སྲིད་ཀྱི་ལྷ་མོ་རྣམས་ལྔ་དེས། །དར་དཀར་འཐུ་བ་གདན་དུ་བཏིང་། །སྨན་གཅིག་གི་པང་ན་བུ་ལྔ་འཛིན། །གཞི་མི་འགྱུར་བརྟན་པའི་རྫིའུ་ཡིན། །བྱེ་བྲལ་མདུན་བབས་མེད་པས་བཟང་། །

― MR07_Page_0922 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་པར་སྤེན་པ་ཤར་བ་ན། །སྨན་ཨ་ཕྱི་རྒན་དང་བུ་མོ་གཞོན། །འདྲེ་མུན་པ་ནག་པོས་རྡུལ་སྤྲུགས་བྱས། །བུད་མེད་ཀྱི་སྲི་སྒབ་ཆད་ཉེན་ཡོད། །འོད་ཅན་ལ་སྟོར་གོད་འོང་བས་གཟབ། །གསེར་འོད་ཆགས་པ་དགུ་སྐོར་བྱ། །མི་ཁ་དྲག་པོ་ཡང་ཡང་བརྡེག །བདུན་པར་སྡིག་ཅན་ཤར་བས་ན། །སྨན་མཛངས་མའི་སྲི་སྒབ་བདུད་ཀྱིས་བཅད། །བདུད་ཀྱི་ཞྭ་ནག་གྱོན་པ་ཡིན། །ཁྱིམ་ནག་ཁོལ་དུ་རྡིབ་ཉེན་ཆེ། །མི་རབས་ཆུ་རྒྱུན་ཆད་པ་འོང་། །ཏོག་གཟུངས་འབུམ་གྱི་འུར་འདོན་བྱ། །བདུད་བཅོས་གཤིན་རྗེའི་བཟློག་པ་དང་། །རྒྱལ་མོ་སྲིད་སློང་གཏོ་ལ་འབད། །། བརྒྱད་པར་ཉི་མ་ཤར་བ་ན། །ཤིང་སྡོང་ཡལ་ག་བཀོག་པ་ཡིན། །ཕ་མེས་དུར་ས་འགྲམས་པ་ཡིན། །གསུར་དང་ཟས་ནོར་མང་པོས་མཆོད། །དུར་ལྷ་གསོལ་ཞིང་དུར་སྲི་མནན། །བརྒྱད་པར་ཟླ་བ་ཤར་བ་ན། །ཡང་མྱེས་གསེར་གྱི་རི་བོ་ལ། །ཚ་ཡུག་མི་གྲང་རྒྱས་པས་བཟང་། །བརྒྱད་པར་མིག་དམར་ཤར་བ་ན། །ཡབ་མེས་བཀྲ་

― MR07_Page_0923 ―

^{[མ་དཔེ་གཟིགས་ན་འདིར་གནོན།]}

[Full Size]

རྒན་མི་བོ་དེས། །དུར་སྒོ་འཐོར་བའི་ཁྲམ་ཤིང་ཐོགས། །གཤིན་མིག་གསོན་ལ་བལྟས་པས་གཟབ། །བརྒྱད་པར་ལྷག་པ་ཤར་བ་ན། །ཕ་མེས་དུར་གྲལ་མ་འཁྲུགས་ཤིང་། །གཤིན་མིག་གསོན་ལ་མི་གནོད་པ། །ནོར་དང་བདེ་བ་རྒྱས་དཔལ་ཐོབ། །བརྒྱད་པར་ཕུར་བུ་ཤར་བ་ན། །ཕ་མེས་དུར་སྒོ་འཁྲུགས་པ་དང་། །དུར་འགྲམས་ཡིན་པས་དུར་ལྷ་གསོལ། །གསུར་དང་བསིལ་གཏོར་གོད་སྲི་མནན། །བོན་བཙུན་སྔགས་པའི་སྲོག་ཕྱར་བཟང་། །བརྒྱད་པར་པ་སངས་ཤར་བ་ན། །རི་ན་བུན་ཅན་ལ་ཤ་རྐྱང་འཁོར། །ཆུ་རྒྱ་མཚོ་ཅན་ལ་ཉ་སྲམ་འཁོར། །ཕ་མེས་དུར་ལ་ཚ་ཕྱུགས་འཁོར། །ཡང་མྱེས་དར་བ་དེ་བས་བཟང་། །བརྒྱད་པར་སྤེན་པ་ཤར་བ་ན། །གཤིན་རྗེའི་དུར་སྒོ་བདུད་ཀྱིས་ཕྱེ། །གཤིན་མིག་གསོན་ལ་བལྟ་བ་ཡིན། །དུར་ལྷ་གསོལ་ཞིང་དུར་སྲི་མནན། །དུར་ཁ་ཚེ་ཡི་བཟློག་པ་བྱ། །བརྒྱད་པར་སྡིག་ཅན་ཤར་བ་ན། །མ་ཚུན་གྱི་དུར་ས་བདུད་ཀྱིས་

― MR07_Page_0924 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོག །གསོན་ལ་ནད་རྐྱེན་འོང་བ་དང་། །ནོར་གྱི་ཟས་བཅུད་ཤོར་བ་ཡིན། །དུར་ལྷ་གསོལ་ཞིང་དུར་མདོས་དང་། །དུར་ཁ་རྒྱས་འདེབས་བསིལ་གཏོར་འབད། །། དགུ་པར་ཉི་མ་ཤར་བ་ན། །བདུད་ཁྱབ་པའི་ལག་པ་བརྐྱང་དུས་ཡིན། །དཀོན་མཆོག་བརྩེགས་པ་འུར་འདོན་བྱ། །བདུད་ཀྱི་བཟློག་པ་མང་དུ་གྱིས། །དགུ་པར་ཟླ་བ་ཤར་བ་ན། །ན་མོ་ཆེ་ཡི་དཀྱིལ་སྟོད་དུ། །རྣམ་པར་རྒྱལ་བའི་ཁང་བཟང་བཞེངས། །ཡང་དག་རྫོགས་པའི་སངས་རྒྱས་འབྱུང་། །བསྐལ་པ་གཅིག་གི་བསྟན་པ་དར། །དགུ་པར་མིག་དམར་ཤར་བ་ན། །གསེར་གྱི་རྡོ་རྗེ་རྐེད་ནས་ཆག །བན་ཆོས་པའི་ཚེ་ཚད་རྫོགས་པ་ཡིན། །བཀའ་འགྱུར་རྡུལ་སྤྲུགས་ཀློག་སོགས་བྱ། །དགུ་པར་ལྷག་པ་ཤར་བ་ན། །འདབ་ཆགས་རྒོད་ཀྱི་དང་སྒྲོ་དེ། །རྣོ་ངར་མཚོན་གྱི་ངར་གཅོད་ཡིན། །བདུད་ཀྱི་དམག་དཔུང་བཟློག་པས་བཟང་། །རབ་བྱུང་མཐའ་རུ་ཕྱིན་པ་ཡིས། །བདུད་ཆེན་འཇིགས་པའི་ཡིད་ཀྱིས་དུ། །དགུ་པར་

― MR07_Page_0925 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་བུ་ཤར་བ་ན། །ཤིང་ཙནྡན་དཀར་པོའི་གདན་ཁྲིའི་སྟེང་། །བན་སྔགས་ལྡན་གསེར་གྱི་ཕུར་བུ་བསྒྲིལ། །ཆོས་བྱེད་ཀྱི་བསྟན་པ་རྒྱས་པ་ཡིན། །བྱ་ལོ་པ་ཡི་ལུས་སྲོག་རྒྱས། །ཡིག་ཚང་སྙན་པའི་གྲགས་པ་ཐོབ། །ནུས་ལྡན་སྔགས་ཀྱི་དངོས་གྲུབ་འགྲུབ། །དགུ་པར་པ་སངས་ཤར་བ་ན། །གྲ་མ་བརྒྱ་ཡི་མགོ་བོ་དེ། །ལྕུག་གུ་གཅིག་གིས་བཅིང་བ་ཡིན། །ཆོས་ཀྱི་ཆོས་ར་ཚུགས་པ་དང་། །སློབ་དཔོན་སྐུ་ཚེ་བརྟན་པས་བཟང་། །དམ་ཆོས་པདྨ་བཟང་པོའི་དྲིས། །སྐྱེ་རྒུའི་བུང་བ་རིང་ནས་འགུགས། །དགུ་པར་སྤེན་པ་ཤར་བ་ན། །དམ་པ་ཆོས་ཀྱི་སྒོམ་ཁང་དུ། །འདྲེ་སྟོང་པ་ཁ་དགུས་ཚགས་རག་རྒྱུག །བན་ཆོས་བྱེད་བདུད་ཀྱིས་བསླུ་བས་ཟིན། །བཀའ་འགྱུར་སྒྲོགས་ཤིང་ཡུམ་སྒྲུབ་བྱེད། །མང་ཇ་བསྐོལ་ཞིང་འགྱེད་ཆེན་བཏང་། །དགུ་པར་སྡིག་ཅན་ཤར་བ་ན། །གསེར་གྱི་རྡོ་རྗེ་རྐེད་ནས་ཆག །བན་ཆོས་པའི་བླ་སྲོག་བདུད་ཀྱིས་བརྐུས། །ཆོས་སྐྱོང་གཏོར་སྒྲུབ་མང་དུ་བྱེད། །

― MR07_Page_0926 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་སྒྲུབ་ཚེ་སྒྲུབ་སྤོམ་ཐག་ཐོང་། །རང་གི་ཡི་དམ་སྒྲུབ་ལ་འབད། །། བཅུ་པར་ཉི་མ་ཤར་བ་ན། །དཔལ་མི་དམངས་སྨོན་པའི་ཕ་མཁར་དུ། །ཉི་མ་མེ་ཡི་ཁྲམ་ཟེར་ཕོག །གྲོགས་ཁ་ན་ཡོད་པ་ལྕེ་ཡིས་འཕུལ། །ལག་ན་ཡོད་པ་ཐང་ལ་ཤོར། །བན་བཙུན་ཐོག་བཤིགས་བྱས་ཉེས་ཡོད། །འོད་ཟེར་ཅན་མའི་རྗེས་གནང་ཞུ། །ཕྱོགས་བཅུའི་མུན་སེལ་མང་དུ་སྒྲོགས། །འགག་པ་སེལ་ལ་ལ་བཙས་གསོ། །བཅུ་པར་ཟླ་བ་ཤར་བ་ན། །དོག་མོ་ས་ཡི་ལྟེ་བ་རུ། །ལྷ་ཀོང་ཚེ་འཕྲུལ་རྒྱལ་མཁར་གཅིག་བརྩིགས། །མཁར་ལ་བ་གམ་ཐོགས་པ་ཡིན། །ཡུལ་གཞིས་འཛིན་པའི་དུས་སྦྱོར་བཟང་། །བཅུ་པར་མིག་དམར་ཤར་བ་ན། །བཙན་དུ་རི་བའི་བྲག་སྦུག་ཏུ། །ཁྲོ་ཆུའི་རླབས་ཀྱིས་བུག་པ་ཕུག །ཡུལ་གཞིས་རྩོད་པའི་ཁ་སྨྲས་འོང་། །བྱ་བར་བར་ཆད་མྱ་ངན་འོང་། །འབུམ་འདོན་རྒྱལ་པོ་གཡུ་ཕྲེང་བཅོས། །བཟློག་པའི་རིགས་ལ་འབད་པར་བྱ། །བཅུ་པར་ལྷག་པ་ཤར་བ་ན། །ཕ་དང་ཡང་མེས་དམངས་འདྲ་སྟེ། །རང་

― MR07_Page_0927 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་རྒྱལ་པོ་ཆེན་པོ་འདྲ། །གྲྭ་མ་བརྒྱ་ཡི་མགོ་བོ་དེ། །བལ་འདབ་གཅིག་གིས་བཅིང་བ་ཡིན། །ཕར་རྩོད་དང་གོང་སར་བགྲོད་པ་བཟང་། །བཅུ་པར་ཕུར་བུ་ཤར་བ་ན། །ཞི་དྲག་འདྲེས་པས་རང་དོན་འགྲུབ། །འོན་ཀྱང་འགགས་ཉེན་ཆེ་བས་ན། །འགགས་སེལ་འགགས་པ་གཅོད་པ་དང་། །ཆུ་ཕྲན་ཟམ་པ་བཙུགས་ན་བཟང་། །བཅུ་པར་པ་སངས་ཤར་བ་ན། །སྲིད་པའི་གཞི་མ་མཐའ་ནས་ཆགས། །བསྐལ་པའི་འབྲས་བུ་དུས་སུ་སྨིན། །གང་འདོད་སྨོན་པ་ཙམ་གྱིས་འགྲུབ། །ཆེ་བཙན་གྱི་བསྟན་པ་དར་བས་བཟང་། །བཅུ་པར་སྤེན་པ་ཤར་བ་ན། །ཡར་ཆབ་གཙང་པོ་གཞུང་ནས་སྐམ། །སེམས་ཅན་ཉ་མོ་སྐམ་ལ་ཐོན། །གྱོད་དང་ཁ་ཡོག་རྒྱུན་དུ་འོང་། །རྒྱས་པ་བཅུ་གསུམ་བཟློག་པ་བྱ། །ལས་བྱས་དྲན་པ་ལམ་འགྲོས་ཉམས། །ཆོས་སྐྱོང་གཏོར་སྒྲུབ་གཏོར་བཟློག་བྱ། །བཅུ་པར་སྡིག་ཅན་ཤར་བ་ན། །ལྷ་དུང་སྐྱོང་དཀར་མོའི་གདན་ཁྲི་ལ། །འདྲེ་གདོང་པ་ཁ་དགུ་བཅར་བ་ཡིན། །བྱ་བའི་

― MR07_Page_0928 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ལ་འགྱོད་པ་དང་། །དོན་མེད་ཁ་སྨྲ་འབྱུང་དོགས་ཡོད། །དགྲ་བཟློག་དགྲ་བྲུབས་དགྲ་སྲི་མནན། །དཀོན་བརྩེགས་བཀྲ་ཤིས་བརྩེགས་མདོ་འདོན། །ལྷ་བཙན་ཀླུ་བཙན་དགུ་སྐོར་བྱ།། །བཅུ་གཅིག་ཉི་མ་ཤར་བ་ན། །རྣོ་མཚོན་ངར་གྱིས་བརྒྱན་པ་དེས། །ཤ་ཡི་རི་བོ་བཤིག་པ་ཡིན། །གཏུམ་པའི་བགས་ཀྱིས་གྲོགས་དོན་འགྲུབ། །དེ་ཡང་ཕྱུགས་ལ་གོད་འདྲེས་འཚེ། །བསིལ་གཏོར་ནོར་ལྷ་ནོར་རྒྱུན་སྒྲོགས། །ཁང་པའི་ཀླུ་ཆེན་མཆོད་ན་བཟང་། །བཅུ་གཅིག་ཟླ་བ་ཤར་བ་ན། །ཕྱི་ནས་ཚེ་ཚེ་ར་རྙེད་པས། །ནང་དུ་ས་ལེ་སྦྲམ་དུ་སོང་། །ནོར་ལ་གང་སྟོང་མི་ཡོང་བཟང་། །བཅུ་གཅིག་སྟེང་དུ་མིག་དམར་ཤར། །བྱང་གྱིམ་ཤིང་ནོར་གྱི་རྒྱལ་ཁབ་དེ། །མོན་པ་སྤུན་བདུན་གྱིས་བཅོམ་པ་ཡིན། །དགྲ་ངོ་ཡོད་པས་དགྲ་བཟློག་བྱ། །དགྲ་བྲུབས་མང་དུ་བྱས་ན་བཟང་། །བཅུ་གཅིག་སྟེང་དུ་ལྷག་པ་ཤར། །སྟོང་པ་བཅུད་ཀྱིས་ཁེངས་པ་ཡིན། །རུ་སྡེ་ནག་པོའི་དུས་སྦྱོར་ཡིན། །ནོར་གཅིག་བཞག་གཉིས་སུ་འཕེལ་བས་བཟང་། །

― MR07_Page_0929 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་མ་ནོར་དང་གྲོགས་པོ་རྙེད། །བཅུ་གཅིག་སྟེང་དུ་ཕུར་བུ་ཤར། །ཤིང་ཕྲན་ཟོར་བས་བརྔས་པ་ཡིན། །ནོར་ལ་གང་སྟོངས་འོང་ཉེན་ཡོད། །གླེགས་བམ་ནོར་ལྷ་ནོར་རྒྱུན་སྒྲོགས། །བཙུན་པའི་ལག་ནས་རྙེད་འབྱུང་སྲིད། །བཅུ་གཅིག་སྟེང་དུ་པ་སངས་ཤར། །ལྷུ་དྲུག་པགས་ནང་ཚང་བ་ཡིན། །དུས་སྦྱོར་འགྱུར་མེད་ཚང་བ་ཡིན། །དུས་དྲུག་འགྱུར་མེད་བརྟན་པ་སྟེ། །འབྲུ་དྲུག་ཐང་ལ་སྨིན་པས་བཟང་། །བུ་ནོར་བཟའ་བཏུང་ལོངས་སྤྱོད་རྙེད། །བཅུ་གཅིག་སྟེང་དུ་སྤེན་པ་ཤར། །ནོར་འོད་ཅན་འདྲེ་རུ་ལངས་པ་དང་། །དགྲ་སྟོང་པ་ནོར་ལ་ཆགས་པ་ཡིན། །འདྲེ་གདོན་ཡུལ་ནས་བུད་པ་ཡིན། །ལན་ཆགས་གཏོར་མ་མང་དུ་ཐོངས། །ནོར་ཐོབ་དགྲ་བོ་ཉམས་ཡང་གསུངས། །བཅུ་གཅིག་སྡིག་ཅན་ཤར་བ་ན། །ནོར་གྱི་གཡང་ཁ་རལ་པ་དང་། །མ་སྲུའི་ནོར་ལ་འདྲེ་གདོན་ཆགས། །ལན་ཆགས་གཏོར་མ་མང་དུ་བྱ། །ནོར་ལྷ་ནོར་རྒྱུན་གཡང་སྒྲུབ་བྱ། །ལ་བཙས་དགུ་སྐོར་སྐུ་དཀར་གསོལ། ༈ །བཅུ་གཉིས་

― MR07_Page_0930 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་དུ་ཉི་མ་ཤར། །དམའ་སྟེ་ཆུ་དོར་ལྟུང་ངོ་ཡིན། །གློ་བུར་ཡེ་འདྲོག་འབྱུང་ཉེན་ཡོད། །སྔར་བྱས་ལས་ལ་འགྱོད་པ་སྐྱེ། །ཀླུ་བདུད་ཀླུ་བཙན་མཆོད་པ་དང་། །གཏོར་བཟློག་དྲག་པོའི་ལས་ལ་འབད། །ཁ་མཆུ་ནག་པོ་ནག་སྨུག་མཆོད། །རྟ་ལོ་ཡོད་ན་ངན་ནོ་གྱིས། །བཅུ་གཉིས་སྟེང་དུ་ཟླ་བ་ཤར། །དགྲ་རུ་བཟུང་བ་གཉེན་དུ་སོང་། །སྤང་ཕྱིར་བྱས་ཀྱང་གསེར་ཕྱེར་སོང་། །སེམས་ལ་ཅི་བསམ་འགྲུབ་པས་བཟང་། །བཅུ་གཉིས་སྟེང་དུ་མིག་དམར་ཤར། །གསེར་ཉ་བྱེ་མའི་རྡིབ་ལ་ཤོར། །དོན་མི་འགྲུབ་དགྲ་ཡི་གཡབ་མོ་ཡིན། །བཅུ་གཉིས་སྟེང་དུ་ལྷག་པ་ཤར། །ས་ཡས་སྣ་ཆད་པའི་མས་སྣ་རུ། །ས་གསེར་གྱི་སྙིང་པོ་ཆགས་པ་ཡིན། །མི་འཕེན་པོའི་ཁྱིམ་ནང་གྲོས་ཀྱིས་གང་། །དུས་སྦྱོར་གནས་མལ་ཚུགས་པས་བཟང་། །བཅུ་གཉིས་སྟེང་དུ་ཕུར་བུ་ཤར། །འབྲོང་གི་རུ་སྒོག་སྐམ་པོ་ལ། །ཁྱི་སྤྱང་རྒོད་གསུམ་རྩོད་པ་ཤོར། །ལེ་ལན་ལེ་དེད་འོང་བའི་ངོ་། །ཤེར་སྙིང་བདུད་བཟློག་སྨུག་མོ་མཆོད། །བཅུ་

― MR07_Page_0931 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སྟེང་དུ་པ་སངས་ཤར། །རི་དུང་རིའི་རྩེ་ལ་ཉི་མ་ཤར། །མཁར་ལ་བ་གམ་ཐོགས་པ་ཡིན། །སྟོར་བ་རྙེད་ལ་ཤོར་བ་ཐོབ། །ས་ཞིང་གནམ་སའི་དུས་སྦྱོར་ཡིན། །བཅུ་གཉིས་སྟེང་དུ་སྤེན་པ་ཤར། །རྡོ་ཆེན་རླུང་གིས་བསྒུལ་བ་ཡིན། །ས་སྲིན་ཨ་ཐང་ཆད་པ་ཡིན། །སྣང་བརྒྱད་གཟུངས་ཕྲན་མང་དུ་འདོན། །བཅུ་གཉིས་སྟེང་དུ་སྡིག་ཅན་ཤར། །ཟོམ་སྟོང་ཁ་ཡི་ཁ་ཆར་ཡིན། །ཡོད་ཡོད་འདྲ་སྟེ་མེད་པ་ཡིན། །ཁ་གྲོགས་ཆེ་ལ་གཏིང་གྲོགས་ཆུང་། །ཁ་འགྱོད་ཕྱི་དལ་གཉིས་སུ་ཡོད། །རྒྱལ་པོའི་བཅོས་ཀ་མང་དུ་བྱ། །བདུད་ཀྱི་བཅོས་ཀ་མང་དུ་འདོན། ༈ །ཡང་གཅིག་དུས་སྦྱོར་བཅུ་གཉིས་ལ། །ཨ་པ་ཙ་དང་ཨུ་པ་ཙ། །ཀ་བ་བཞི་དང་འབྲས་བུ་བཞི། །དེ་ཡི་འབྲས་བུ་བཟང་ངན་སྟོན། །ཐིག་རེའི་སྒོ་ནས་བཟང་ངན་དབྱེ། །འདི་ལ་འགྱུར་མེད་ཀ་བཞི་ནི། །ཏཏྐཱལ་བཞི་བདུན་བཅུ་པ་ཡི། །སྟེང་དུ་སྡིག་ཅན་ཤར་བ་དང་། །དྲག་པོ་དགུང་གཅིག་འཁྱུད་པའི་འབྲས། །ལྷོ་ཕྱོགས་ཏཏྐལ་སྨྱུག་མ་བུ་ཁུར་

― MR07_Page_0932 ―

^{[མ་དཔེ་གཟིགས་ན་འདིར་གནོན།]}

[Full Size]

དེ། །ལྷོ་ཕྱོགས་མེ་ཡི་ཀ་བ་ཡིན། །དེ་ལ་སྡིག་ཅན་ཤར་བ་ན། །མི་མང་སྨོན་པའི་ཕ་ཁང་དེ། །ཆུ་བདུད་ནག་པོས་བཤལ་བ་ཡིན། །ལྷོ་ཕྱོགས་རྒྱལ་པོ་དམངས་སུ་འབབ། །སྐྱེས་དར་མ་གྲི་རུ་འཆི་བའམ། །མི་ཆེན་ལོག་ཕོག་འབྱུང་ཉེན་ཡོད། །ནག་པོ་བདུད་ཀྱི་བར་ཆད་འོང་། །བཀའ་འགྱུར་འབུམ་གྱི་འུར་དོན་བྱ། །འཆི་ངེས་ཀྱི་སྲོག་བསླུ་གང་མང་འབད། །དེ་ལ་དྲག་གཟའ་གསུམ་འཁྱུད་ན། །འོང་དོན་མེད་པའི་འཁྲུགས་པ་དང་། །སྔར་མེད་དམར་ངོ་སྟོར་ངོ་ཡོད། །གྲི་ཁ་བསྒྱུར་ཞིང་དགྲ་བྲུབས་བྱེད། །སྦྲུལ་ལོ་ཡིན་ན་ཁྱད་པར་འཛེར། །དེ་ལ་བསོད་ནམས་གཟའ་ཤར་ན། །ཡར་ལ་གནམ་གྱི་འཇུ་ཐག་ཟིན། །ཕོ་དཔའ་བོའི་གྲལ་སོ་ལྷ་ཡིས་བཙུགས། །ལྷ་སྲུང་མ་གསོལ་མཆོད་བྱས་ན་བཟང་། །ཤར་རྩེ་དངུལ་གྱི་༤རྡོ་རིང་དེ། །ཤར་ཕྱོགས་ཤིང་གི་ཀ་བ་ཡིན། །དེ་ལ་སྡིག་ཅན་ཤར་བ་ན། །རིན་ཆེན་ཤིང་གི་སྡོང་པོ་དེ། །གནམ་ལྕགས་སྟ་རེས་བཅད་པ་ཡིན། །ཤར་གྱི་རྒྱལ་པོ་ཐོག་གིས་བརླག །སྟག་ལོ་པ་ཡི་བླ་སྲོག་གུད། །

― MR07_Page_0933 ―

^{[མ་དཔེ་གཟིགས་ན་འདིར་གནོན།]}

[Full Size]

གཉན་གྱི་ནེའུར་རྒྱས་གསུམ་དང་། །མ་མོའི་བྱད་བཟློག་མང་དུ་བྱ། །དེ་ལ་དྲག་གཟའ་གསུམ་འཁྱུད་ན། །ཤིང་ཕྲན་ཟོར་བས་བརྔས་པ་ཡིན། །སྐྲངས་འབུར་ལྷོག་པ་ཞྭ་གྲུམ་འོང་། །གཉན་གྱི་གཞུང་རྒྱབ་ཆབ་ཀླུ་གཏོར། །དེ་ལ་བསོད་ནམས་གཟའ་ཤར་ན། །ཙནྡན་སྡོང་པོའི་ཡལ་ག་རྒྱས། །འབྲས་བུས་སྐྱེ་འགྲོ་གསོ་བས་བཟང་། །མུ་མེན་༧གཡུ་ཡི་སྡོང་པོ་དེ། །བྱང་ཕྱོགས་ཆུ་ཡི་ཀ་བ་ཡིན། །དེ་ལ་སྡིག་ཅན་ཤར་བ་ན། །བྱང་ཕྱོགས་གཡུ་ཡི་ཆུ་ཕྲན་དེ། །མེ་ཤེལ་ཉི་མས་སྐམ་པ་ཡིན། །བྱང་ཕྱོགས་རྒྱལ་པོ་ནོར་གྱིས་བྲེལ། །མི་མང་ཕ་ཁང་བདུད་ཀྱིས་བཅོམ། །ཕག་ལོ་པ་ལ་ངན་ནོ་གྱིས། །འབུམ་ཆེན་སྡེ་ལྔ་མང་དུ་སྒྲོགས། །གཟུངས་འདུས་གཟུངས་ཕྲན་མང་དུ་འདོན། །མཆོད་རྟེན་བརྒྱ་རྩར་སྐུ་དཀར་དང་། །དར་ལྕོགས་ལམ་འཕྲང་མང་དུ་བཅོས། །དེ་ལ་དྲག་གཟའ་གསུམ་འཁྱུད་ན། །དོན་མེད་ཁ་སྨྲ་འོང་དོགས་ཡོད། །མི་ལ་རྒྱལ་དང་གསོན་སྟོང་འཇལ། །དགྲ་བཟློག་དགྲ་བྲུབས་མང་དུ་བྱ། །གཙུག་ཏོར་བཟློག་པ་མང་དུ་

― MR07_Page_0934 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། །མཆུ་སྡེ་ལྔ་ཡང་མང་དུ་སྒྲོགས། །དེ་ལ་བསོད་ནམས་གཟའ་ཤར་ན། །ཆུ་ཕྲན་བསགས་པ་རྒྱ་མཚོར་འཁྱིལ། །འགྱུར་ཉ་གསེར་མིག་རྒྱས་པས་བཟང་།། མགྲོན་བུ་༡༠དུང་གི་རྡོ་རིང་དེ། །ནུབ་ཕྱོགས་ལྕགས་ཀྱི་ཀ་བ་ཟེར། །དེ་ལ་སྡིག་ཅན་ཤར་བ་ན། །འབྱུང་བ་མེ་ཡི་ཁྲོམ་ཟེར་གྱིས། །གནམ་ལྕགས་ཁྲོ་ཆུའི་ཕ་ཝོང་བཤིག །རྒྱལ་ས་འབངས་ཀྱིས་འཕྲོག་པ་ཡིན། །ནུབ་ཕྱོགས་རྒྱལ་པོ་གྱོད་ལ་ཐོགས། །སྤྲེའུ་ལོ་པའི་ལུས་ཁམས་གུད། །དཀོན་མཆོག་བརྩེགས་པ་མང་དུ་སྒྲོགས། །བསྙེན་སྒྲུབ་སྒོར་ཞུགས་གཏོར་སྒྲུབ་བྱ། །དེ་ལ་དྲག་གཟའ་གསུམ་འཁྱུད་ན། །གློ་བུར་ཐོག་དང་གཡང་ལྷུང་འོང་། །གཟའ་བཟློག་གཟའ་ཡུམ་མང་དུ་སྒྲོགས། །ཁྲོ་བོ་བཅུ་ཡི་བཟློག་པ་བྱ། །དེ་ལ་བསོད་ནམས་གཟའ་ཤར་ན། །ཀུན་ལ་ཕན་པའི་ཁྲི་གདུགས་དེའི། །འོད་ཟེར་ཤར་བས་གླིང་བཞི་བདེ། །ནང་མིའི་མི་ནོར་གཡང་ར་ཚུགས། །ཨ་པ་ཙ་ཞེས་བྱ་བ་དེ། །གཉིས་ལྔ་བརྒྱད་དང་བཅུ་གཅིག་ཡིན། །ཨ་པ་༢དང་པོར་སྡིག་ཅན་ཤར། །ཤིང་གྲ་མ་སྨུག་མོའི་

― MR07_Page_0935 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ལྕེ་དེ། །ཡེལ་གྱིས་འབར་བ་ཐུམ་གྱིས་ཤི། །བུད་མེད་སྦྲུམ་མ་གྱོད་ལ་ཐོགས། །གཏོར་སྒྲུབ་སྨུག་མོའི་སྐོང་བ་བྱ། །དེ་ལ་དྲག་གཟའ་འཁྱུད་པ་ན། །རང་གི་ཕ་དང་མེས་པོ་ཡིས། །དང་པོ་རང་གི་ལུགས་སྟོན་དཔེ། །བྱས་པའི་ཡིག་ཚང་མེ་ལ་ཤོར། །སྲོག་བཞི་འབྱུང་བའི་སཱཙྪ་འདེབས། །འབྲུག་ལོ་པ་ལ་ངན་ནོ་གྱིས། །དེ་ལ་བསོད་ནམས་གཟའ་ཤར་ན། །ཁ་གང་ཟས་ཟ་མིག་གང་བལྟ། །གར་ཕྱིན་འདོད་དགུ་གཅིག་དང་འཕྲད། །ཨ་པ་༥གཉིས་པར་སྡིག་ཅན་ཤར། །དོག་མོ་ས་ཡི་མཆིན་པ་གས། །ཕ་སྤད་བདུན་གྱི་རྐང་པ་ཆག །གླེགས་བམ་ཕལ་ཆེན་མང་དུ་སྒྲོགས། །དེ་ལ་དྲག་གཟའ་འཁྱུད་པ་ན། །ས་བདུད་ཤིང་གིས་ཕུག་པ་ཡིན། །གློ་བུར་གཟེར་ནད་འབྱུང་དོགས་ཡོད། །འཕགས་པ་སྒོ་དྲུག་ལུང་བསྟན་སྒྲོགས། །གླང་ལོ་ཡིན་ན་ངན་པར་བཤད། །མཆོད་རྟེན་སྐུ་དཀར་དར་ལྕོགས་འབུལ། །དེ་ལ་བསོད་ནམས་གཟའ་ཤར་ན། །གསེར་སྦལ་སེར་པོས་ས་གཞི་ཁེབས། །འདི་མན་གཞན་དཔེ་བཙལ། ལྷ་མིའི་གྲལ་ས་མ་སྟོང་བཟང་། །

― MR07_Page_0936 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་པ་༨གསུམ་པར་སྡིག་ཅན་ཤར། །སྲིད་པའི་བྱ་ཁྱུང་ཆེན་པོ་དེ། །བདུད་རླུང་ནག་པོས་བསྐྱོད་པ་ཡིན། །གཤིན་གྱི་དུར་སྒོ་ལངས་པ་ཡིན། །གསོན་པོ་ན་རྐྱེན་དུར་སྒོ་ཡིན། །དུར་ཁ་ཚེ་བཟློག་མང་དུ་བྱ། །གསེར་འོད་སྡེ་ལྔ་མང་དུ་སྒྲོགས། །དེ་ལ་དྲག་གཟའ་འཁྱུད་པ་ན། །མ་མྱེས་མཚུན་ས་བསེ་རག་བཟུང་། །གཤིན་མིག་གསོན་ལ་བལྟས་དོགས་འདུག །བཞོན་དང་སྒོས་ལོ་ཉེས་དོགས་འདུག །གཡང་སྒྲུབ་གཏོར་སྒྲུབ་བྱས་ན་བཟང་། །དེ་ལ་བསོད་ནམས་གཟའ་ཤར་ན། །ཕ་མྱེས་གསེར་གྱི་འོད་ཟེར་དེས། །ལྷ་མིའི་གྲལ་ས་མ་སྟོང་བཟང་། །ཨ་པ་༡༡བཞི་པར་སྡིག་ཅན་ཤར། །ནུབ་ཡར་ཆབ་གཙང་པོའི་ཆུ་འགྲམ་དུ། །ཧོར་ཡག་འདུས་ཇག་པ་རྐྱ་བདུན་དེས། །ཉམ་ཆུང་མགྲོན་པོ་བཅོམ་པ་ཡིན། །འཆི་ངེས་སྲོག་བསླུ་ཉེའུ་འདོན་བྱ། །དེ་ལ་དྲག་གཟའ་འཁྱུད་པ་ན། །བརྒྱ་བྱིན་ལྷ་ཡི་ཚོགས་རྣམས་ལ། །འདྲེ་ཡིས་བར་ཆད་བརྩམས་པ་ཡིན། །ལུག་ལོ་བ་གཅིག་གྱོད་ལ་ཐོགས། །ནོར་ལྷ་ནོར་རྒྱུན་མང་དུ་སྒྲོགས། །བླ་མ་མཆོད་པ་ལྷ་ཁྲུས་

― MR07_Page_0937 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། །དེ་ལ་བསོད་ནམས་གཟའ་ཤར་ན། །ཆུ་ཆེ་བ་གསུམ་གྱི་ཆུ་འགོ་རུ། །དམ་པ་ཆོས་ཀྱི་གཙང་ཁང་བཞེངས། །དཔལ་གྱི་ཆུ་བོ་རྒྱས་པས་བཟང་། །ཨུ་པ་ཙ་ཞེས་བྱ་བ་ནི། །གསུམ་དྲུག་དགུ་དང་བཅུ་གཉིས་ཡིན། །ཨུ་པ་༣དང་པོར་སྡིག་ཅན་ཤར། །ཤིང་ཕྲན་རྩ་བ་སཏྭ་རེས་བཅད། །ཕ་མཚུན་གྱི་དམོད་པ་ཟུག་པ་ཡིན། །གཤིན་རྗེ་འཆར་ཁའི་གཏོར་བཟློག་བྱ། །དེ་ལ་དྲག་གཟའ་འཁྱུད་པ་ན། །སྟག་དམར་ཡག་གྲ་འཛུམ་རྔོ་ཡིས་ཁྱེར། །ཡོས་ལོ་པ་ལ་ངན་ནོ་གྱིས། །ཕ་ཚན་དམེ་ཁྲག་དྲག་པོའི་ངོ་། །ཁྲོ་རོལ་གཏོར་བཟློག་མང་དུ་བྱ། །དེ་ལ་བསོད་ནམས་གཟའ་ཤར་ན། །ཁྱུང་གྱི་ར་ཚང་གཡས་པ་ཡིན། །ཕ་ཚན་ས་རུ་བཟང་བ་ཡིན། །ཨུ་པ་གཉིས་༦པར་སྡིག་ཅན་ཤར། །ཕོ་དཔའ་བོའི་གྲ་འཛུམ་གདོང་ནས་ཡལ། །སྨན་མཛངས་མའི་བླ་གཡུ་བདུད་ལ་ཤོར། །ནག་པོ་བཅུ་གསུམ་བཟློག་པ་བྱ། །ཡུལ་ས་གཉིས་སུ་འཛིན་པར་བྱ། །དེ་ལ་དྲག་གཟའ་འཁྱུད་པ་ན། །དགའ་རབ་དབང་ཕྱུག་མི་ཡུལ་སླེབས། །ཤ་བ་རུ་རྒྱས་

― MR07_Page_0938 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་བཟློག་བྱ། །བྱི་ལོ་ཡིན་ན་ཤིན་ཏུ་འཛེར། །དེ་ལ་བསོད་ནམས་གཟའ་ཤར་ན། །སྨོན་པས་རང་ཡུལ་འཛིན་པ་དང་། །རང་མཁར་བདུད་ལ་མ་ཤོར་བཟང་། །ཨུ་པ་༩གསུམ་པར་སྡིག་ཅན་ཤར། །རྡོ་རྗེའི་རྩེ་མོ་ཐོག་གིས་བཤིག །བདུད་ངོམས་ཆེན་ཐང་ལ་ལྷགས་པ་ཡིན། །ནག་ཕྱོགས་བདུད་ཀྱི་གཙོ་བོ་རྒྱལ། །ཡུམ་དང་དྲུག་བཅུའི་བཟློག་པ་བྱ། །རྣམ་རྒྱལ་ཚེ་སྒྲུབ་ཚེ་ཆོག་བྱ། །དེ་ལ་དྲག་གཟའ་འཁྱུད་པ་ན། །དམ་པ་ཆོས་ཀྱི་དབེན་ནས་སུ། །བདུད་ཀྱིས་རྡུལ་སྤྲུགས་བྱས་པ་ཡིན། །ཆོས་བྱེད་བླ་མའི་ཕྱོགས་སུ་ངན། །ཕ་རོལ་ཤེར་ཕྱིན་མདོ་མང་སྒྲོགས། །གདན་བཞུགས་ཉི་ཁྲི་མང་དུ་འདོན། །ཏོག་གཟུངས་བདུད་བཟློག་རིགས་ལ་འབད། །ཁྱད་པར་བྱ་ལོ་པ་ལ་ངན། །དེ་ལ་བསོད་ནམས་གཟའ་ཤར་ན། །ཤེལ་གྱི་རང་བྱུང་མཆོད་རྟེན་དེ། །བསླབ་གསུམ་གྱི་རང་འོད་ཁྱབ་པ་དང་། །བདུད་ཀྱི་གཡུལ་ངོ་རང་སར་བཟློག །བུ་སློབ་བསྟན་པ་དར་བས་བཟང་། །ཨུ་པ་༡༢བཞི་པར་སྡིག་ཅན་ཤར། །

― MR07_Page_0939 ―

^{[མ་དཔེ་གཟིགས་ན་འདིར་གནོན།]}

[Full Size]

དགུང་སྔོན་ཁང་དུ་འགྲིགས་པ་ལས། །ཞྭ་རྟ་མིག་ཙམ་ཞིག་ཁོལ་དུ་བུད། །སྐྱེས་དར་མ་གྲི་རུ་འཆི་བའམ། །གློ་བུར་ནད་རྐྱེན་དྲག་པོ་འབྱུང་། །ཡང་ན་ནོར་ལ་དགྲ་ངོ་ཡོད། །རྒྱས་པ་འབུམ་ལ་འུར་འདོན་བྱེད། །དམར་ཆེན་གཏོར་བཟློག་རིགས་ལ་འབད། །རྟ་ལོ་ཡིན་ན་གྱོད་གཅིག་འོང་། །དེ་ལ་དྲག་གཟའ་འཁྱུད་པ་ན། །ཐེའུ་རང་སྤྲུལ་པས་སྟོང་ཁམས་ཁྱབ། །གླིང་བཞིར་འགོང་བོའི་སྣ་འདྲེན་བྱེད། །འགོང་མདོས་ཕྱོགས་བཞིར་འཕང་ན་བཟང་། །དེ་ལ་བསོད་ནམས་གཟའ་ཤར་ན། །ངན་པ་བྱས་ཀྱང་བཟང་པོར་འགྲོ། ཕམ་ཁ་བྱས་ཀྱང་རྒྱལ་བར་འགྲོ། །ནམ་མཁའི་སྐར་ཚོགས་ཤར་འདྲ་བཟང་། ༈ ། ཡང་གཅིག་དུས་སྦྱོར་བཅུ་གཉིས་ལ། །སྟོད་ན་ཁྱུང་ཚང་སྤུན་གསུམ་ཡོད། །བར་ན་རྒོད་ཚང་སྤུན་གཉིས་ཡོད། །སྨད་ན་ཉ་ཚང་སྤུན་གསུམ་ཡོད། །ཁང་ཞིང་དུར་གསུམ་འདི་ལ་ཚང་། །ལྷ་ས་མི་ས་གདོན་ས་གསུམ། །དུས་སྦྱོར་འདི་ལ་ཚང་བ་ཡིན། །ལྡེབས་བཞི་ཟུར་བཞི་འདི་ལ་ཚང་། །

― MR07_Page_0940 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུ་ཐག་རྟེན་ཕུར་འདི་ལ་ཚང་། །སྟོད་ཀྱི་ཁྱུང་ཚང་སྤུན་གསུམ་ནི། །ཏཏྐཱལ་༡གཉིས་༢དང་བཅུ་གཉིས་༡༢ཡིན། །ཏཏྐཱལ་༡སྡིག་ཅན་ཤར་བ་དང་། །དྲག་གཟའ་གང་རུང་འཁྱུད་པ་ན། །ཁྱུང་ཚང་ཐོག་གིས་བཤིག་པ་ཡིན། །སྐྱེས་དར་མ་གྲི་རུ་ཤི་དོགས་ཡོད། །དཔོན་གྱི་ལོག་ཐོག་འབྱུང་དོགས་ཡོད། །ནོར་གྱི་འགྲོས་སྒོ་འོང་བར་ངེས། །རྒྱས་པ་འབུམ་གྱི་བྱིན་རླབས་ཞུ། །དབྱུག་གུ་དྲུག་ཅུའི་བཟློག་པ་དང་། །མ་མོ་ནག་མོའི་བྱོལ་བཟློག་བྱེད། །དེ་ལ་བསོད་ནམས་གཟའ་ཤར་ན། །དབུས་ཀྱི་གྭའུ་གསེར་ལྗོངས་ལ། །ཀོང་ཚེ་འཕྲུལ་གྱི་བླ་མཁར་བཞེངས། །གསས་མཁར་རྩེ་ལ་བ་གམ་ཐོགས། །གཉིས་པར་དྲག་གཟའ་ཤར་བ་ན། །ཁྱུང་གི་རྭ་རྩེ་གཡས་པ་ཆག །ཕ་སྤུན་ཕ་ཚན་ས་རུ་འཛེར། །གླེགས་བམ་གཡང་སྒྲུབ་གཏོར་བཟློག་བྱ། །བསོད་ནམས་གཟའ་ཤར་རྭ་མ་ཆག །བཅུ་གཉིས་སྟེང་དུ་སྡིག་ཅན་ཤར། །ཁྱུང་གི་རྭ་རྩེ་གཡོན་པ་ཆག །མ་ཚན་བུ་སྲིང་ས་རུ་གཟབ། །བསྡུས་པ་བརྒྱ་ཚར་སྨུག་མོ་མཆོད། །དཀར་

― MR07_Page_0941 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བཟློག་པའི་རིགས་ལ་འབད། །བསོད་ནམས་གཟའ་ཤར་མཆོག་ཏུ་དགེ། བཞི་དང་བཅུ་ལ་རྒོད་ཚང་ཟེར། །བཞི་ལ་སྡིག་ཅན་ཤར་བའམ། །དྲག་གཟའ་གང་རུང་འཁྱུད་པ་ན། །རྒོད་ཚང་རླུང་གིས་གཏོར་བ་ཡིན། །གཙོ་བོ་གྲོས་ཀྱི་རྒྱ་མཚོ་སྐམ། །གྲོགས་སྙིང་དང་འདྲ་བའི་ཕྱོགས་སུ་ངན། །བཅུ་པར་སྡིག་ཅན་ཤར་བའམ། །དྲག་གཟའ་གང་རུང་འཁྱུད་པ་ན། །རྒོད་ཚང་རླུང་གིས་གཏོར་བ་ཡིན། །ནོར་ལ་གློ་བུར་དགྲ་ངོ་ཡོད། །ཡང་ན་བྱས་པའི་དོན་མི་འགྲུབ། །གཏོར་བཟློག་དྲག་པོའི་རིགས་ལ་འབད། །གཡང་སྒྲུབ་དགྲ་བྲུབས་དགྲ་བཟློག་བྱ། །བསོད་ནམས་གཟའ་ཤར་བཟང་བར་བཤད། །དྲུག་བདུན་བརྒྱད་ལ་ཉ་ཚང་ཟེར། །བདུན་པར་སྡིག་ཅན་ཤར་བ་ན། །ཉ་ཚང་སྲམ་གྱིས་བཏོན་པ་ཡིན། །བུད་མེད་ཁྱིམ་སོ་མཐར་ཕྱིན་དཀའ། །བཟའ་མི་བྱེ་བྲལ་ཡོང་བས་གཟབ། །རྣམ་སྲས་མངའ་གསོལ་གཏོར་སྒྲུབ་བྱ། །བྱེ་བྲལ་སྐྱས་འདེབས་མང་དུ་བྱ། །བསོད་ནམས་གཟའ་ཤར་བཟང་བར་བཤད། །དྲུག་པར་

― MR07_Page_0942 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་དྲག་ཤར་བ་ན། །འདྲེ་ཡི་རྟེན་མཁར་ལྷ་ཡིས་བཤིག །དགྲ་བོ་མེད་པའི་གཏན་ཚིགས་ཡིན། །བསོད་ནམས་གཟའ་ཤར་དགྲ་བཟློག་བྱ། །བརྒྱད་པར་སྡིག་ཅན་ཤར་བ་ན། །གཤིན་གྱི་དུར་ས་བདུད་ཀྱིས་བཤིག །རིགས་བརྒྱུད་ས་རུ་འཛེར་བ་ཡིན། །དུར་ཁ་ཚེ་བཟློག་དུར་ལྷ་གསོལ། །བསོད་ནམས་གཟའ་ཤར་མཆོག་ཏུ་བཤད། །གཡོན་གསུམ་དགུ་བཅུ་བཅུ་གཅིག་སྟེ། །དུར་ཞིང་ཁང་ས་གསུམ་དུ་བརྩི། །དགུ་པར་སྡིག་ཅན་ཤར་བ་ན། །ཡབ་མྱེའི་དུར་སྒོ་ལངས་པ་ཡིན། །མང་ཇ་བསྐོལ་ལ་འགྱེད་ཆེན་གཏོང་། །བཅུ་པར་སྡིག་ཅན་གཟའ་ཤར་ན། །ཞིང་གི་ཀླུ་གཉན་ས་བདག་གདོན། །ཀླུ་མཆོད་ཀླུ་འབུམ་མང་དུ་བྱ། །བཅུ་གཅིག་སྟེང་དུ་སྡིག་དྲག་ཤར། །ལོ་བརྒྱར་སྡོད་པའི་གནས་ཁང་དེ། །ཞག་གཅིག་མགྲོན་པོའི་སྟེང་དུ་རྡིབ། །ཁང་པའི་ས་དགྲ་གཏོ་ཡིས་བཅོས། །གཡས་གསུམ་ལྷ་མི་གདོན་ས་གསུམ། །གསུམ་དང་བཞི་དང་ལྔ་རུ་བརྩི། །གསུམ་ལ་སྡིག་གཟའ་ཤར་བ་ན། །ལྷ་ཁང་བདུད་

― MR07_Page_0943 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བཤིག་པ་ཡིན། །ལྷ་ངོ་དམའ་ཞིང་ལྷ་ནད་འབབ། །ལྷ་རྒྱལ་ལྷ་མཆོད་ལྷ་བཤགས་བྱ། །ཉི་ཁྲི་སྤང་སྐོང་ལྷ་སེལ་བྱ། །ཞི་གཟའ་ཤར་ན་མཆོག་ཏུ་བཟང་། །བཞི་ལ་སྡིག་དྲག་ཤར་བ་ན། །བླ་ལ་འཆི་བདག་བདུད་ཀྱིས་འཇབ། །བདུད་ཤ་རུ་རྒྱས་བླ་བསླུ་བྱ། །ཞི་གཟའ་ཤར་ན་དགེ་ལེགས་སྟེར། །ལྔ་པར་སྡིག་ཅན་གཟའ་ཤར་ན། །འདྲེ་དེ་མི་ཡུལ་འཁྱར་བ་དང་། །གདོན་དེ་ཕྱི་ལ་བུད་པས་བཟང་། །།གསུམ་དྲུག་དགུ་དང་བཅུ་གཉིས་ལ། །དྲག་གཟའ་ཤར་བས་ལྡེབས་བཞི་འགས། །གཉིས་ལྔ་བརྒྱད་དང་བཅུ་གཅིག་ལ། །དྲག་གཟའ་ཤར་ན་ཟུར་བཞི་འཁྱམས། །དཀར་ཆོས་དགེ་ལེགས་མང་དུ་གྱིས། །གནམ་གྱི་འཇུ་ཐག་ས་ཡི་རྟེན། །སྲིད་པའི་རུས་སྦལ་མགོ་དང་མཇུག །ཏཏྐཱལ་ལ་དང་བདུན་པར་བརྩི། །འདི་གཉིས་སྡིག་ཅན་དྲག་གཟའ་ཤར། །ཡར་ལ་གནམ་གྱི་འཇུ་ཐག་ཆད། །མར་ལ་ས་ཡི་རྟེན་ཕུར་བུད། །ཚེ་ཆོག་ཚེ་སྒྲུབ་མང་དུ་བྱ། །

― MR07_Page_0944 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀར་བསོད་ནམས་གཟའ་ཤར་ན། །ཚེ་ཡི་ཤིང་རྟ་འཁོར་ལོའི་དབུས། །ཁྱོད་གནས་ཕུན་ཚོགས་ཁ་ལོ་བས། །བདེ་སྐྱིད་གླིང་དུ་བཞག་པ་ཡིན། །ཏཏྐཱལ་དང་འདྲ་བ་ཡི། །བདུན་པ་ལ་ནི་གང་ཤར་འབྲས་འདི་རང་རང་སྐྱེས་དུས་ཀྱི་ཏཏྐཱལ་ལ་གཙོ་བོར་སྦྱར་བའོ།། ཉི་མ་ཡོད་ན་ནད་ཀྱིས་ཐེབས། །ཟླ་བར་རང་ཉིད་.༣ ༢ ཏ༡ཏྐཱལ ༡༢ གནས་༡༡ ༤མ༡ལ༢ ༡༠༥ ༦ ༧ ༨ ༩ རྒྱས་པར་འགྱུར། །མིག་དམར་ཡོད་ན་རྨ་འབྱུང་ལ། །ལྷག་པ་ཡོད་ན་གཡུལ་ལས་རྒྱལ། །ཕུར་བུ་ལ་ནི་བཏང་སྙོམས་ཏེ། །སྔགས་རྣམས་སྒྲུབ་ན་འགྲུབ་པར་སྟོན། །པ་སངས་བུད་མེད་ནོར་ཐོབ་འགྱུར། །སྤེན་པ་ལ་ནི་ནོར་རྣམས་ཉམས། །སྒྲ་གཅན་ཡོད་ན་དགྲ་བོ་ཉམས། །དུས་མེར་དགེ་བར་དོན་གཉེར་འཆི། །དུ་མཇུག་ལ་ནི་དོན་རྣམས་ཉམས། །འདི་སོགས་ཤར་བའི་གཟའ་ཞེས་པ། །རྒྱུ་སྐར་དུས་སྦྱོར་ཁྱིམ་གང་ལ། །ལོངས་སྤྱོད་གཟའ་དགུའི་མྱུར་བས་སོ། །བྱེ་བྲག་གསུམ་བཅུར་སྤེན་པ་གནས། །ལྔ་དགུར་ཕུར་བུ་བཞི་བརྒྱད་དམར། །བདུན་པར་ཉི་ཟླ་ལྷག་སྒྲ་གནས། །

― MR07_Page_0945 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རང་ཁྱད་པར་གནས་དབང་གིས། །བཟང་ངན་འབྲས་བུ་རྫོགས་པར་མཐོང་། །ཏཏྐཱལ་ཞིང་བདག་ལ་བརྟགས་ནས། །འདི་རྣམས་འབྲས་བུ་འབྱུང་བའོ། །ཁྱད་པར་དུས་སྦྱོར་གནས་དབང་གིས། །ཏཏྐཱལ་དང་བདུན་པ་ཡི། །ནད་འཆིས་འཇིགས་དང་མི་འཇིགས་སྟོན། །ནོར་དང་རྙེད་པ་ཐོབ་མི་ཐོབ། །གཉིས་དང་བརྒྱད་ལ་བལྟས་པས་ཤེས། །རིག་པ་ཆོས་སྤྱོད་འཕེལ་མི་འཕེལ། །གསུམ་པ་དགུ་པར་བརྟག་པ་ཡིན། །དོན་དང་ལས་ཀུན་འགྲུབ་མི་འགྲུབ། །བཞི་པ་དང་ནི་བཅུ་པར་བརྩི། །མྱ་ངན་སྡུག་བསྔལ་འབྱུང་མི་འབྱུང་། །ལྔ་པའི་གནས་དང་བཅུ་གཅིག་པ། །དགྲ་དང་གྱོད་ཁ་འོང་མི་འོང་། །དྲུག་དང་བཅུ་གཉིས་ས་རུ་བལྟ། །དེ་དག་རྣམས་ལ་ཞི་དྲག་དང་། །གནས་ཀྱི་དགྲ་གྲོགས་ཁྱད་པར་གྱིས། །འབྲས་བུ་ལུང་དུ་སྟོན་པ་ཡིན། །འཕྲལ་དུ་ལེགས་ཉེས་ཕྲའུའི་ལྟས། །ཟླ་བ་རང་ནས་རིམ་པར་ནི། །རབ་གན༡ས་ཉ༢མས་དང་འཆི་བ་༣དང་། །རྒྱ ༤ལ་དང་༥དགོད་དང་ད༦གའ་བ་

― MR07_Page_0946 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །རྩེ༧ད་དང་ཉ༨ལ་དང་ཟ་༩བ་དང་། །རིམ༡ ༠ས་ནད་འད ༡ ༡ར་དང་ལེགས་ག༡ ༢ནས་ཞེས། །ཟླ་བ་ཁྱིམ་གནས་འབྲས་བུའོ། །གསུམ་པ་ཐོར་བུའི་དམིགས་བསལ་ལ། །གཞི་བྱེས་དོན་སོགས་བདུན་ལས་ནི། །དང་པོ་གཞི་ཕྱའི་ལེགས་ཉེས་སམ། །བདེ་སྡུག་ཚེ་རྩིས་བསྟན་པ་ནི། །ཏཏྐཱལ་དུས་སྦྱོར་བདག་པོའམ། །གྲོགས་ཡོད་འདྲི་བྱེད་བདེ་བར་འགྱུར། །བཞི་པ་ལ་ཡང་དེ་བཞིན་ནོ། །བཞི་བརྒྱད་བཅུ་གཅིག་སྡིག་ཅན་གནས། །འདྲི་བྱེད་སྡུག་བསྔལ་འབྱུང་བར་ཤེས། །ཏཏྐཱལ་ཕུར་བུ་བཞི་བདུན་ཟླ། །བཅུ་པར་ཉི་མ་སྣང་གྱུར་ན། །སྨྲས་མ་ཐག་ཏུ་དོན་རྣམས་འགྲུབ། །དང་པོ་གཉིས་བཅུ་བཅུ་གཅིག་ལ། །བསོད་ནམས་ཤར་ན་དེ་དང་འདྲ། །གཡོ་བའི་དུས་སྦྱོར་སྡིག་ཅན་གནས། །དོན་རྣམས་སྡུག་བསྔལ་འབྱུང་བར་ཤེས། །ཏཏྐཱལ་གཉིས་བཞི་བདུན་བརྒྱད་བཅུར། །བསོད་ནམས་གཟའ་ཤར་འདི་སོགས་གནས་ཀུན་ལའང་རེ་རེར་ཡོད་ཀྱང་དེ་ལྟར་རྟོགས་པར་བྱ་བ། མཆན། ཚེ་རིང་འགྱུར། །གྲུ་

― MR07_Page_0947 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་དྲུག་ཀྱང་ལ་ཡང་དེ་བཞིན་ནོ། །དང་པོ་བཞི་པ་བརྒྱད་པ་རུ། །སྡིག་གནས་འདྲི་བྱེད་ཚེ་ཐུང་ཞིང་། །དགྲས་འཚེ་དོན་ནི་ཉམས་པར་འགྱུར། །དང་པོ་བཞི་གྲུ་བཞི་ཚང་བར་བདུན་བཅུ་པ་ལ། །བསོད་ནམས་གཟའ་ཤར་སྙན་གྲགས་འབྱུང་། །གཅིག་བརྒྱད་སྡིག་གནས་ཁ་སྨྲས་འབྱུང་། །ཟུར་གསུམ་གྲུ་བཞིར་བསོད་ནམས་ཤར། །ཨུ་པ་ཙ་ལ་གསུམ་དྲུག་སྡིག་ཅན་གནས། །འདྲི་བྱེད་རྙེད་པ་འབྱུང་ཞེས་བསྟན། །དེ་ལས་ལྡོག་ན་རྙེད་པ་མེད། །གཅིག་ལྔ་བདུན་བརྒྱད་བསོད་ནམས་ཤར། །གསུམ་དྲུག་བཅུ་དང་བཅུ་གཅིག་ལ། །ཟླ་གནས་ནད་ཅན་མྱུར་དུ་གྲོལ། །འདི་ལ་ཏཏྐཱལ་ཞི་གཟའ། གསུམ་པར་ཟླ་གནས་སོགས་གོ་རིམ་སྦྱར་ནས་དེ་ལྟར་བྱུང་ན་སྨན་སོགས་སྦྱར་བས་ནད་གྲོལ་ཞེས་འདོད་པ་ཡོད། གཅིག་ལྔ་བདུན་བརྒྱད་སྡིག་ཅན་དང་། །ཟླ་བ་འཛོམ་ན་ནད་འབྱུང་སྟེ། །ནད་ཅན་ཡིན་ན་འཆི་བར་སྟོན། །གཅིག་ལྔ་བརྒྱད་བདུན་སྡིག་གཟའ་དང་། །གཅིག་གཉིས་བཞི་ལྔ་བདུན་དང་བརྒྱད། །བཅུ་གཉིས་གང་

― MR07_Page_0948 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་ལ་ཟླ་གནས་དེ་བཞིན་ནོ། །གསུམ་སོགས་འཇུག་ལ་ཞི་བའི་གཟའ། །ཚང་བར་ཡོད་ན་འདྲི་བྱེད་རྒྱལ། །སྡིག་གཟའ་ཚང་ན་འདྲི་བྱེད་ཕམ། །འཐོན་ལ་སྡིག་ཚང་ཕ་རོལ་ཕམ། །ཞི་གཟའ་ཚང་ན་ཕ་རོལ་རྒྱལ། །འཇུག་ལ་སྡིག་བསོད་ཀུན་ཚང་ན། །དང་པོར་རྒྱལ་ཞིག་དེ་ནས་ཕམ། །འཐོན་ལ་སྡིག་བསོད་གཉིས་ཀ་ཚང་། །དང་པོ་ཕམ་ཞིང་དེ་ནས་རྒྱལ། །འཇུག་ལ་ཞི་ཚང་སྡིག་མེད་ན། །ཤིན་ཏུ་དགེ་སྟེ་རྒྱལ་བ་ཡིན། །དེ་བཟློག་ཤིན་ཏུ་ཕམ་སྟེ་ངན། །ཞི་དྲག་གཉིས་ཀ་ཕྱེད་མར་གནས། །ཕན་ཚུན་འཁྲུགས་པ་འདུམ་པར་བརྗོད། །འཁྲུགས་ཤོམ་སྔ་ཕྱིར་ཕམ་རྒྱལ་མིང་། །བཏགས་དེ་འཐོན་འཇུག་སྦྱར་ཕྱིར་རོ། །གསུམ་དྲུག་བརྒྱད་དང་བཅུ་བཅུ་གཉིས། །དེ་དྲུག་གང་རུང་རཱ་ཧུ་ཡོད། །ནོར་རྙེད་གནས་ཐོབ་རྣམ་པར་རྒྱལ། །དེ་ལྷག་དྲུག་ལ་རཱ་ཧུ་གནས། །ནོར་ཉམས་ནད་འབྱུང་འཆིའམ་དགྲ། །བྱེས་འགྱོད་འཐབ་རྩོད་འབྱུང་བ་ཡིན། །འདི་ཐད་མ་རྟོགས་བཤད་

― MR07_Page_0949 ―

^{[མ་དཔེ་གཟིགས་ན་འདིར་གནོན།]}

[Full Size]

མང་མཐོང་། །གཅིག་བདུན་བསོད་ནམས་གསུམ་དྲུག་བཅུ། །བཅུ་གཅིག་སྡིག་གནས་འདྲི་བྱེད་རྒྱལ། །བཅུ་པར་ལྷག་ཕུར་སངས་འཛོམ་མམ། །རེ་རེར་ཤར་ཡང་རྒྱལ་ཏེ་བཟང་དེར་དྲག་གཟའ་མེད་ན་ངེས་སོ། །ལུག་སེང་གཞུ་ཡི་དུས་སྦྱོར་ལ། །སྡིག་གནས་དགྲ་བོས་བདག་ཉིད་འཆིང་། །བཞི་པ་ལ་ཡང་དེ་དང་འདྲ། །ལྔ་དགུར་སྡིག་གནས་ཆོམ་རྐུན་སོགས། །བདག་གིས་ཕམ་པར་བྱས་ཏེ་སོང་། །བཞི་པར་ཉི་མིག་སྤེན་པ་འཛོམ། །དགྲ་བོ་ལམ་ཞུགས་ཟེར་ཀྱང་ག་ལ་འོང་། །བཞི་པར་ལྷག་ཕུར་སངས་འཛོམ་ན། །དོགས་པ་མེད་ཀྱང་དགྲ་འོང་འཇོམས། །གཡོ་བའི་ཏཏྐཱལ་ཉི་ཕུར་ཤར། །དགྲ་བོ་ལམ་དུ་ཞུགས་ཀྱང་ལྡོག །དུས་སྦྱོར་བརྟན་པར་ཉི་ཕུར་འཛོམ། །དགྲ་བོ་ལམ་དུ་མི་འཇུག་དགེ། ཉི་ལྷག་ཕུར་སངས་ཏཏྐཱལ། །གཡོ་བར་འཛོམ་མམ་རེ་རེས་ཀྱང་། །འདྲི་བ་དོན་རྙེད་དགྲ་ལས་རྒྱལ། །དུས་སྦྱོར་བརྟན་པར་ཕུར་སྤེན་གནས། །དགྲ་འབྱུང་མི་འོང་པ་ཡང་སྲིད་ཐེ་ཚོམ་ཅན་ནོ།། གཉིས་ཕུར་

― MR07_Page_0950 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པར་པ་སངས་ཤར། །དགྲ་འོང་རང་ཉིད་ཕམ་པར་འགྱུར། །ཏཏྐཱལ་སྡིག་གནས་ལུས་ནད་འབྱུང་། །བཞི་ལ་གནས་ན་གྲོགས་བཤེས་འཁྲུགས། །བདུན་པར་ཆུང་མ་འཆིའམ་ནད། །བཅུ་པར་སྡིག་གནས་དགེ་ལས་མེད། །བསོད་ནམས་སྣང་ན་དེ་ལ་ལྡོག །ཅེས་པ་གྲུ་བཞིའི་སྒེར་འབྲས་སོ། །། སྤྱི་ཁོག་དུས་སྦྱོར་བབ་ཀྱི་འགྲོས། །དུམ་དྲུག་བདག་པོའི་གཟའ་རྣམས་ནི། །ཞི་བར་འགྱུར་བཟང་སྡིག་པ་ངན། །བསོད་ནམས་གཟའ་དང་རང་གྲོགས་གཟའ། ༡༣༤༥༧༨༩༡༠ ། ཏཏྐཱལ་མཐོང་ས་བརྒྱད་དུ་དགེ། སྡིག་པའི་གཟའ་དང་དགྲ་ཡི་གཟའ། །མི་༢མཐོང་ག༦ནས་བ༡ ༡ཞིར ༡ ༢་སོང་ན་ལེགས། །དེ་ལས་ལྡོག་ན་མི་དགེར་བལྟ། །གཟའ་དགུ་རང་ཁྱིམ་ཞུགས་པ་དང་། །གྲོགས་སུ་ཤར་བ་བཟང་བ་སྟེ། །དགྲ་རུ་ཞུགས་པ་ངན་པར་བརྩི། །འདྲེས་ན་མང་ཉུང་སྟོབས་ཀྱིས་ཤེས། །ར༡བ་ཏུ་༤གཅེ༧ས་པ་ཀ་བ༡ ༠་བཞི་། །འབྲི༣ང་པོ་དེ་༨ལྷ༥ག་༩ མཐོང་ས་བཞི། །ཐ་༢མ་མི་༦མཐོང་ག༡ ༡ན༡ ༢ས་བཞི་ལ། །སྡིག་བསོད་གཟའ་ཡིས་འཁྱུད་འབྲས་བལྟ། །ཁྱད་པར་

― MR07_Page_0951 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རང་སྐབས་ལྟར་དཔྱད། །།བྱེ་བྲག་སྐྱེས་བུའི་བདེ་སྡུག་འབྲས། །གང་ཤར་དུས་སྦྱོར་ཏརྐཱ་ལར། །ཉི་མ་ཤར་ན་མཁྲིས་ནད་འབྱུང་། །རྒྱལ་པོ་ལས་ནི་རྙེད་པ་འབྱུང་། །གཉེན་རྣམས་འབྲལ་ཞིང་ནོར་ཟད་ཉེས། །ཟླ་བས་གཉིད་ཆེ་བུད་མེད་རྙེད། །རང་ཕྱོགས་དགྲར་འགྱུར་བུ་མོ་སྐྱེ། །གོས་དང་རྒྱན་ལ་སོགས་པ་རྙེད། །མིག་དམར་དགྲ་འབྱུང་གཉེན་རྣམས་འཁྲུགས། །ཁྲག་དང་མཁྲིས་པའི་ནད་འབྱུང་སྟེ། །གཞན་གྱི་བུད་མེད་རྣམས་དང་འགྲོགས། །གཟའ་ལྷག་གཉེན་མཐུན་ཆོས་དང་སྦྱར། །ཤེས་རབ་འཕེལ་ཞིང་ལུས་ནད་སྦྱོར། །རླུང་ནད་ཆམ་པ་ཁྲག་ནད་འབྱུང་། །ཕུར་བུར་བུ་ཐོབ་གཞན་གྱིས་ཁུར། །ཆོས་དང་ནོར་དང་གོས་འཕེལ་ཞིང་། །སྦྱིན་སྲེག་སེམས་དང་རིག་པ་འཕེལ། །པ་སངས་ཆོས་དང་བུ་མེད་རྙེད། །དོན་དང་ལས་འགྲུབ་དགེ་བ་འཕེལ། །ནོར་ཐོབ་གྲགས་པ་འཕེལ་བར་འགྱུར། །སྤེན་པ་ཆུང་མ་བུ་རྣམས་འཁྲུགས། །ནད་འབྱུང་བློ་དམན་ལེ་ལོ་རྨུགས། །བྱེས་སུ་འཁྱམས་ཤིང་ཡུལ་ངན་བསྐོར། །

― MR07_Page_0952 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་གཅན་གཞན་དུ་འགྲོ་དགོས་མྱོས། །ནོར་ཟད་སྐྱེ་བོས་ལྕེ་ཟུག་ཆུང་མ་འཆི། །གཉེན་བརླག་དོན་ཉམས་སེམས་ནད་འབྱུང་། །ཀེ་ཏུ་བུད་མེད་མ་རུངས་རྩོད། །ནོར་ཟད་སྤུན་ཟླ་སྲིང་མོ་འཆི། །དགྲ་དང་འཕྲད་ཅིང་རྒྱལ་པོས་འཇོམས། །ཁྱད་པར་འདྲི་བྱེད་སྲོག་ཕྱྭ་ནི། །དུས་སྦྱོར་གྱི་ནི་བརྒྱད་པ་༨ལ། །ཉི་ཤར་ཉེས་ཆེ་ཚེ་སྲོག་གི །ཤིང་སྡོང་གྲི་ཡིས་བཅད་པས་ངན། །ཟླ་བར་ཉི་མ་སྤྲིན་བྲལ་ལམ། །བཙོན་བུ་ལྕགས་ལས་གྲོལ་བ་ལྟར། །ཀུན་དང་ཁྱད་པར་མི་ཆེན་བཟང་། །མིག་དམར་ཚེ་སྲོག་སྡོང་པོ་ལ། །འཆི་བདག་བདུད་ཀྱིས་འཚེ་བ་བྲལ། །འོན་ཀྱང་ཚེ་སྒྲུབ་འཆི་བསླུ་དགོས། །ལྷག་པ་སྐྱོན་མེད་ཁག་ཁུར་ཆོག །ཁྲུས་བྱས་ཉ་མོ་ཆུ་ལ་འཕྱོ། །རྒོད་པོ་སྲ་བརྟན་བྲག་ལ་འཕྱོ། །མ་པང་བུ་བདེ་སྲོག་ཕྱྭ་བདེ། །ཕུར་བུར་སྲོག་ལ་བར་ཆད་འོང་། །བན་བོན་ཡིན་ན་བཟང་བར་བཤད། །ཞག་བདུན་ཚེ་ཡི་སྒྲུབ་པ་གྱིས། །མི་འཆི་ཁག་ཁུར་བྱེད་པས་ཆོག །པ་སངས་གཞོན་ནུ་བུད་མེད་བཟང་། །ནད་འོག་འདི་ལས་

― MR07_Page_0953 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འཆིའོ། །ཉི་མ་ཤར་བའི་པདྨ་བཞིན། །ལུས་སྟོབས་རྒྱས་ཤིང་བསམ་པ་འགྲུབ། །ཕུ་རུ་དགྲ་བླའི་མདུང་དར་ཕྱར། །མདའ་རུ་ཞིང་ལྷའི་སྲོག་མཁར་ཚུགས། །བར་དུ་ཡུལ་བདག་དགའ་གླུ་ལེན། །མི་བུ་རིན་ཆེན་ལྷ་ཡིས་བསྐྱབས། །བླ་ཤིང་བདུད་ཀྱིས་མ་བཅད་བཟང་། །འོན་ཀྱང་བླ་ལུག་འཁུན་སྒྲ་འབྱིན། །ན་ངོ་ཡིན་ནམ་གོད་ངོ་ཡིན། །ཡང་ན་ཁ་སྨྲ་གླེང་གཞིའི་ངོ་། །སྤེ༷ན་པར་རིམ་གྲོ་མ་འབད་ན། །གཞན་རྩུབ་རིགས་ངན་བཟང་ཟེར་ཀྱང་། །ཆུ་ཟད་ཉ་མོ་ཆུ་དང་འཕྲད། །ཚེ་ཟད་ནད་པ་སྨན་དང་འཕྲད། །ནོར་མེད་དབུལ་པོས་ནོར་བུ་རྙེད། །ཅི་བསམ་དོན་འགྲུབ་སྲོག་མི་ཉེས། །ཉི་ཟླ་སྤྲིན་བྲལ་ལུས་ནད་གྲོལ། །སྒྲ་གཅན་ལ་ནི་ཐེ་ཚོམ་ཆེ། །ཡང་ན་སྲོག་བཅུད་རིག་འཛིན་འགྲུབ། །ཡང་ན་སྒྲ་གཅན་རླུང་འཁྲུགས་ནས། །འཇིག་རྟེན་འདི་ནས་ཕ་རོལ་འགྲོ། །མྱུར་དུ་མ་ཤི་འགྱང་ན་བཟང་། །དུས་མེ་ལ་ནི་ཤིན་ཏུ་འཚུབས། །སྲོག་གི་མེ་ལོང་ཐབ་ཏུ་ཤོར། །ཁྱིམ་ཕྱྭའམ་གཞི་ཕྱྭ་ཏཏྐཱལ་དང་ནི། །བདུན་པར་ཉི་མ་ཤར་

― MR07_Page_0954 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ན། །སྔོན་དུ་ངོ་འཕང་དཀར་ན་ཡང་། །ཁ་སྨྲས་ཁ་མཆུ་བྱེ་བྲལ་འོང་། །ཁྱིམ་དུ་ཡན་ལག་ནའམ་ཉམས། །མིག་ནད་ཅན་དང་རིམས་ནད་ཅན། །ཡོད་ན་དེས་ཐུབ་མེད་ན་འོང་། །རྣམ་འཇོམས་སྒྲུབ་མཆོད་ཤེར་སྙིང་འདོན། །བདུད་བཞི་བཟློག་པའི་ཆོ་ག་བྱ། །ཟླ་བར་ཕོ་མཆིན་ཞ་གྲུམ་ནད། །དེ་སྔ་ཡོད་སྲིད་མེད་ན་འོང་། །འབུམ་འདོན་སཱ་ཙྪ་ཆུ་གཏོར་གྱིས། །དེ་བྱས་སྐྱོན་མེད་བདེ་བར་ཤར། །མིག་དམར་དམར་ཁྲག་གོད་ཀའི་ངོ་། །ལྷ་ལ་ཐབ་གཞོབ་དམར་གྱིས་ཕོག །མི་གཙང་གྲིབ་དང་ལྷ་འཁོན་བསྲུང་། །ཡམས་འོང་སཱཙྪ་ལམ་བསལ་དང་། །མདོ་གཟུངས་བྱད་བཟློག་གྲི་མཚོན་བསྒྱུར། །ལྷག་པར་ལོངས་སྤྱོད་རྒྱ་མཚོ་ལ། །འདོད་པའི་དོན་འགྲུབ་ནོར་བུ་འཛིན། །ཁྱིམ་བདག་ཡིན་ན་ནོར་ཕྱུགས་མང་། །བུད་མེད་རྒན་གཞོན་ཁྱོད་ལ་ནི། །ཅུང་ཟད་རྩུབ་པས་བདུད་ཞལ་བསྒྱུར། །དགྲ་བཟློག་ཀླུ་མཆོད་བུམ་གཏེར་བཞག །དེ་རྣམས་བྱས་ན་བཀྲ་ཤིས་སོ། །ཕུར་བུ་འབྲིང་སྟེ་དམར་ཐབ་ངོ་། །

― MR07_Page_0955 ―

^{[མ་དཔེ་གཟིགས་ན་འདིར་གནོན།]}

[Full Size]

སྤུ་རྟགས་ཅན་གྱི་ནོར་ལ་ངན། །མི་ཁྱོད་སྤྲོ་ཐུང་བསམ་པ་དཀར། །ཡས་བྱམས་མས་སྡང་ཕྱེད་མའི་ངོ་། །གང་ལ་ཡང་ནི་འབྲིང་ཙམ་སྟེ། །ཐམས་ཅད་ཕྱེད་མར་འགྲུབ་པའི་ངོ་། །ཁྱིམ་ལ་འབྲས་སོགས་སྐྲངས་འབུར་ཅན། །ནད་པ་ཡོད་དམ་མེད་ན་འབྱུང་། །རིམ་གྲོ་འབུམ་འདོན་འཁྲུགས་པ་བཅོས། །སཱཙྪ་ཆུ་གཏོར་བསང་འབུམ་ཁྱོགས། །རྣམ་དག་སྟོང་འབུལ་གྱིས་དང་བཟང་། །པ་སངས་མཆོག་ཏུ་བཟང་ན་ཡང་། །ཡར་བསྟོད་མར་སྨད་མི་ཁ་ཆེ། །ཆོས་པ་ཡོད་ན་མཚམས་བསྡམས་ལ། །འཇིག་རྟེན་ཡིན་ན་དགེ་རྩ་བཏང་། །འདི་ཙམ་མ་གཏོགས་མོ་ཁོག་བཟང་། །སྤེ༷ན་པ་ངན་ཏེ་བྱེ་བྲལ་འོང་། །ཕ་ཁུ་ཡིན་ཀྱང་མཁོན་ངེས་སོ། །ལུང་པ་རེ་ན་མི་རེ་འདུག །བྱ་བྱེད་རང་རང་ལུགས་སུ་བྱེད། །གཅིག་འོག་གཅིག་མི་འདུག་པ་ཡིན། །ཕ་མེས་དགྲ་ཟེར་རང་སོང་ཟེར། །འབུམ་དང་གཙུག་ཏོར་སྟོང་བཟློག་བྱ། །རྣམ་རྒྱལ་རྣམ་འཇོམས་གཟུངས་སྒྲུབ་དང་། །སྔགས་བོན་

― MR07_Page_0956 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་བཟློག་བྱས་ན་ཐུབ། །སྒྲ་གཅན་ལ་ནི་སྤྱིར་བཟང་སྟེ། །ལྷུན་པོར་དར་ཆེན་ཕྱར་བ་འདྲ། །དུས་མེར་སྡུག་བསྔལ་གོད་འོང་ཞིང་། །བློ་སྟོར་བསམ་པ་མི་འགྲུབ་པས། །མདོ་རྣམས་གདུགས་དཀར་འཁོར་འབར་འདོན། །ཁྱིམ་ལས་སྐྱེ་བའི་སྲིད་བརྟག་པ། །དུས་སྦྱོར་ཕྱེད་ཆའི་བདག་གཟའ་ནི། །ཉི་མར་བུ་སྐྱེས་ཟླ་བར་མོ། །བཙས་ནས་སྲིད་ཀྱི་ལེགས་ཉེས་ནི། །དུས་སྦྱོར་གྱི་ནི་ལྔ་པ་ལ། །ཉི་ཤར་བུ་ཕོ་སྐྱེ་འགྱུར་བ། །རབ་ཏུ་བྱུང་ན་དགེ་ལེགས་འགྱུར། །ནམ་ཕུག་བདེ་སྐྱིད་འབྱུང་ངོ་ཡིན། །ཆུང་ཡས་བྱིན་རླབས་སྒྲིབ་ཤིང་འདོགས། །ཟླ་བར་བུ་སྐྱེས་དྲིན་ལན་ལྡོན། །རྒྱུ་སྐར་དབུས་ན་ཟླ་བ་ཤར། །ཆུ་ཤེལ་བདུད་རྩི་ལྷ་བྲན་གསོལ། །འོན་ཀྱང་ཕྱི་དལ་ཡོད་པར་བཤད། །མིག་དམར་སྲིད་ལ་ཤིན་ཏུ་ངན། །བུ་གཅིག་སྐྱེས་པ་བཙན་གྱི་བུ། །རྒོད་ལ་འཚུབས་ཏེ་མི་ལ་གཟན། །ཉལ་བའི་ཁྱིམ་དུ་བརླག་འགོང་འོང་། །བླ་མ་དྲག་པོའི་དབང་ཡང་ཞུ། །ཡུལ་ལྷ་ལྷ་ཁང་དགེ་སློང་མཆོད། །ལྷག་པར་ཁྱེའུ་བུ་མོ་ནི། །

― MR07_Page_0957 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་མ་སྐྱེ་འགྱུར་མཚོ་སྟེང་དུ། །དར་ཆགས་མི་ལམ་ལྷ་ཡིས་ཕྱེས། །ཕྱི་དལ་ཆེ་བས་རིམ་གྲོ་འབད། །ཕུར་བུ་མཆོག་ཏུ་དགེ་ན་ཡང་། །སྨོད་ཁ་ཟུག་ལ་སྲིད་མི་ཆགས། །ཀླུ་ལ་གཏད་ཁྲམ་བཙུད་པར་གདའ། །དེ་བཟློག་རིགས་དང་གཟུངས་གྲྭ་ལྔ། །དབང་ཞུ་དཔལ་ཆེན་མ་ཀློགས་བཟང་། །པ་སངས་ལུང་སྐམ་ཆུ་བརྡོལ་བཟང་། །ཤིང་སྐམ་ལོ་རྒྱས་བུ་སྐྱེ་འགྱུར། །ཅུང་ཟད་འཛེར་བར་བཤད་པའང་སྣང་། །སྤེ༷ན་པར་སྲིད་ངན་མི་འབྱུང་བའམ། །བྱུང་ཡང་མི་སྡུག་བཞིན་ཅན་འབྱུང་། །བུ་མོ་སྐྱེ་འགྱུར་ཕུགས་སུ་བཟང་། །རིམ་གྲོ་སྣ་ཚོགས་བརྩམ་པར་བྱ། །སྒྲ་གཅན་ལ་ནི་བཟང་བར་བཤད། །ཟླ་བའི་དཀྱིལ་འཁོར་རྒྱས་པ་འདྲ། །དུས་མེར་རིམས་གནོད་ཆུང་སྲིས་འཚེ། །སྲིད་བརླག་སྔར་བྱུང་ད་ཡང་འབྱུང་། །དེ་ལ་ཕུར་སྒྲུབ་ཚད་ལྡན་གྱིས། །བྱིས་པ་སྐྱེ་བའི་རྩིས་བཤད་པ། །ལུག་གླང་ཀར་གཞུ་ཆུ་སྲིན་གྱི། །དུས་སྦྱོར་ལ་སྐྱེས་ཁ་འོག་ལྟ། །ཞེས་པ་ལུག་སོགས་འདི་རྣམས་གང་རུང་གི་དུས་སྦྱོར་ལ་བྱིས་པ་

― MR07_Page_0958 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་ན་སྐྱེ་དུས་ཁ་འོག་ཏུ་བལྟས་ནས་བཙའོ། །ཉ་ལ་འཕྲེད་དུ་ཁ་བལྟས་སྐྱེ། །དེ་ལྷག་དྲུག་ལ་ཁ་གྱེན་བལྟ། །སྟེང་འོག་བར་དུ་ཁ་བལྟས་དེ། །འཚོ་སླ་འཚོ་དཀའ་བར་མ་ཟེར། །བུ་མོ་འཁྲིག་བུམ་སྲང་མདོག་བཟང་། །གཞན་རྣམས་ལ་སྐྱེས་མདོག་ངན་བཤད། །གཞན་ཡང་རིན་ཆེན་རྒྱ་མཚོ་ལས། །ལུག་དུས་མེ་སྒྲོན་དང་བཅས་སྐྱེ། །གླང་དུས་འབྲུ་ཕྱེས་སྣོད་གང་དུས། །འཁྲིག་པར་འབྲུ་མང་ཡོད་དུས་སྐྱེ། །ཀརྚར་ཆུ་ཡིས་སྣོད་གང་དུས།། སེང་གེར་ཆུ་སྣོད་ཕྱེད་ཙམ་དུས། །བུ་མོར་འབྲུ་སྣོད་ཕྱེད་གང་དུས། །སྲང་ལ་ཟས་རྣམས་ཟ་འཕྲོར་སྐྱེ། །སྡིག་པར་མེ་སྒྲོན་ཡལ་བའམ། །ཐབ་ཀྱི་མེ་ནི་བསྙལ་བའི་དུས། །གཞུ་ལ་དགེ་སྦྱོང་སྔགས་པ་དག །ཁྱིམ་ནང་ཡོད་པའི་དུས་སུ་སྐྱེ། །ཆུ་སྲིན་སྐྱེ་བོ་ནང་ཡོད་དུས། །བུམ་པར་ཕལ་པ་ནང་ཡོད་པ། །ཕྱི་རོལ་ཐོན་མ་ཐག་ཏུ་སྐྱེ། །ཉ་ལ་དགེ་སྦྱོང་བྲམ་ཟེ་དང་། །སྔགས་པས་བྱིན་རླབས་བྱེད་དུས་སུའོ། །དེ་དག་སྣོད་ཀྱི་ཁྱད་པར་ཀྱང་། །ལུག་ལ་མགོ་བོ་ཤར་

― MR07_Page_0959 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་གཏད། །ཀར་ལྷོ་སྲང་ནུབ་ཆུ་སྲིན་བྱང་། །སྤྱིར་བཏང་དུས་སྦྱོར་མི་མཉམ་བུ། །མཉམ་པར་བུ་མོ་སྐྱེ་བར་བཤད། །བྱེ་བྲག་མི་མཉམ་ཕྱེད་སྔ་བུ། །ཕྱི་མ་བུ་མོ་མཉམ་པ་ཡི། །ཕྱེད་སྔ་བུ་མོ་ཕྱི་མར་བུ། །ལུག་དམར་གླང་དཀར་ཀར་འཁྲིག་ལྗང་། །བུ་མོ་སེང་སྔོ་སྲང་སྔོ་སྐྱ། །སྡིག་པ་གསེར་མདོག་གཞུ་སྣ་ཚོགས། །ཆུ་སྲིན་སེར་ནག་བུམ་དམར་སྐྱ། །ཉ་དམར་འདི་དུས་སྐྱེས་པ་རྣམས། །ཁ་དོག་དེ་ལྟར་སྣང་ཞེས་བཤད། །གཞན་ཡང་ཟས་གོས་འཕྲོད་ཚུལ་དང་། །ཚེ་ཚད་དག་ཀྱང་བཤད་པར་སྣང་། །དེ་དག་ཁྱིམ་ཕྱྭའི་འབྲས་བུའོ། །གཉིས་པ་བྱེས་ཀྱི་ལེགས་ཉེས་བརྟག །དེ་ལ་འགྲོན་པོའི་བདེ་སྡུག་ནི། །བྱེས་སོང་མི་ཡི་དོན་དུ་ནི། །གང་ཚེ་འཇུག་གམ་དྲི་བའི་དུས། །བཅུ་གཉིས་ཆ་ཡི་ཞིང་བདག་གམ། །དེ་ལ་གསར་ཤར་གཟའ་ཡི་འབྲས། །ཉི་མར་འགྲོན་པོ་དགྲ་ཡིས་བཅོམ། །ཟས་ནོར་ཚོང་རྫས་ཁྱེར་བའི་ངོ་། །ཡང་ན་ད་རུང་འབྱུང་ངོ་ཡོད། །དགྲ་

― MR07_Page_0960 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་བསྟོད་ཅིང་དགྲ་སྲི་མནན། །ཟླ་བར་བསམ་པ་མ་ལུས་འགྲུབ། །ལམ་དུ་ཞུགས་ཤིང་མགྱོགས་པར་སླེབས། །དམར་ངོ་ཅུང་ཟད་ཡོད་འདུག་ཀྱང་། །ཁ་པོ་བསྒྲགས་ཤིང་ཡོང་བའི་ངོ་། །མིག་དམར་འགྲོན་དེ་སྣང་ཞེས་སོང་། །ལོ་འཁོར་ཐག་རིང་འགྲོན་ཡིན་ན། །ཟླ་ཕྱེད་ཚུན་ཆོད་དེ་མིན་ན། །དགྲ་གྱོད་ངོ་ཆེ་དུས་མི་སླེབས། །མཚན་བརྗོད་ནོར་གཟུངས་ནོར་སྒྲུབ་འབད། །ལྷག་པར་དོན་འགྲུབ་ཚོང་ལེགས་ཤིང་། །མྱུར་དུ་ལམ་ཆོད་སླེབས་འོང་སྟེ། །སྒྲ་གཅན་ལས་ཐར་ཉི་ཟླ་ཟུང་། །འཛམ་གླིང་མུན་སེལ་མཛོད་ཅེས་ཟེར། །ཕུར་བུ་ཚོང་ལེགས་དོན་འགྲུབ་ཀྱང་། །ཁ་མཆུ་ཁ་སྨྲ་ལམ་འགོར་ཆེ། །ཞག་གཉིས་མི་སླེབས་ངོ་ཡིན་འདུག །པ་སངས་ལ་ནི་ཚོང་དོན་འགྲུབ། །ལམ་ལ་འགོར་གཞི་མེད་ན་ཡང་། །ནོར་གྱི་རྗེས་ལ་གདོན་ཆེན་འབྲང་། །གཞི་ལ་དགྲ་གྱོད་ནད་ངོ་ཆེ། །ནུས་ཅན་གཏོར་བཟློག་ཆ་གསུམ་བཏང་། །།འགྲོན་གདོང་བགེགས་བསྐྲད་ཐུན་སྔགས་བྲབས། །ཚོང་ཕུང་སྦྱིན་པ་བཏང་ན་

― MR07_Page_0961 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་། །སྤེན་པར་འགྲོན་ངན་ནོར་ཐོབ་ཀྱང་། །མི་དང་བྲལ་བས་ཚེ་སྒྲུབ་དང་། །འཆི་ངེས་སྲོག་བསླུ་ཇི་མང་གྱིས། །སྒྲ་གཅན་ཅུང་ཟད་རྩུབ་ན་ཡང་། །ཕུགས་སུ་གྲོགས་ཆེན་བཅས་ཏེ་སླེབས། །དུས་མེར་ལུས་སེམས་ངལ་བས་དུབ། །ཤིན་ཏུ་ཚེགས་ཆེ་བློ་སྟོང་འགྱུར། །འདི་དག་བྱེས་སོང་ཀུན་ལ་དང་། །ཚོང་པ་ལ་ནི་བརྩི་བའོ། །དེ་དག་ཅི་ཙམ་ན་སླེབས་ཚང་། །ཏཏྐཱ་ལ་ཡི་ཆ་ཤས་ཀྱི། །གྲངས་ལ་ངོས་བཟུང་ཞལ་ལས་ཤེས། །ཏཏྐཱལ་བདག་པོའི་གཟའ་འབྲས་དང་། །དུས་སྦྱོར་གཡོ་འོང་བརྟན་མི་འོང་ཁམས་བར་མའོ་ལའང་བརྟག །དེ་དག་ལམ་གྱི་བདེ་སྡུག་ནི། །ཏཏྐཱལ་དང་པོའི་གནས་དག་ཏུ། །གང་ཤར་གཟའ་དགུའི་ལོངས་སྤྱོད་འབྲས། །ཉི་མར་ཁ་ཆར་བུ་ཡུག་འབྱུང་། །དེ་ལྟར་ན་ནི་བཤོལ་བར་འཐད། །ལམ་ཞུགས་མི་བདེ་སྡུག་བསྔལ་མང་། །དེ་ཕྱིར་ཅུང་ཟད་འཐེན་ན་ལེགས། །ཟླ་བར་ཕྱིར་བཤོལ་ཅུང་ཡོད་དེ། །འཛེམ་ན་ཉེས་སྐྱོན་གང་ཡང་མེད། །ཁྱད་པར་ནུབ་དང་

― MR07_Page_0962 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ངོས་སུ། །འགྲོ་ཕྱོགས་ཡིན་ན་ལྷག་པར་བཟང་། །མིག་དམར་ཐེའུ་འགོང་སྣ་ཁྲིད་བྱས། །ལེགས་པ་གཅིག་ལ་ཉེས་པ་བརྒྱ། །དྲག་པོའི་དམག་སོགས་བགྲོད་པར་བཟང་བར་བཤད། །ལྷག་པ་མི་འཛོམ་ཕྱི་དལ་ངོ་། །འགྲོ་འཛོམ་གྱུར་ན་སྐྱོན་མེད་དོ། །གར་བསམ་ས་རུ་ཕྱིན་པ་ཡིན། །ཕུར་བུ་བན་བོན་ཡིན་ན་བཟང་། །དེ་མིན་གཞན་དག་ཐམས་ཅད་ལ། །མི་བཟང་ངན་པ་ཤུགས་ཆེའོ། །པ་སངས་གཞན་ལ་འབྲིང་ཙམ་སྟེ། །བུད་མེད་དག་ལ་ཤིན་ཏུ་བཟང་། །སྤེན་པ་དམངས་རིགས་དག་ལ་བཟང་། །གཞན་པ་ལ་ནི་ངན་པར་བཤད། །སྒྲ་གཅན་ལམ་འགགས་ལམ་ལྡོག་སྲིད། །དེ་མིན་བཟང་བར་བཤད་ཀྱང་ཡོད། །དུས་མེས་གོད་ཁ་ཅུང་ཟད་ཡོང་། །ཤིན་ཏུ་ཉོན་མོངས་ཐང་ཆད་འགྱུར། །བྱེས་སོང་བའམ་གཞི་ལ་ཡང་། །གྲོགས་དང་ནོར་ཕྱྭ་བརྟག་པ་ནི། །ཏཏྐཱལ་གྱི་ནི་གཉིས་པ་དང་། །བཅུ་གཅིག་པ་ལ་གསར་ཤར་གཟའ། །ཉི་མས་སྔར་ཡོད་ཅུང་ཟད་ཐོན། །ཕྱིས་སུ་ཨེ་འོང་རེ་བ་མེད། །ཁྱད་པར་སྤུ་རྟགས་

― MR07_Page_0963 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱི་ནོར། །འོད་ཅན་ནོར་རྫས་སྟོར་ཉེན་གདའ། །དེ་ཕྱིར་ནོར་སྒྲུབ་ཕྱོགས་ལ་བརྩོན། །ཟླ་བར་སྔར་ཡོད་གང་སྟོངས་མེད། །ཕྱིས་ནི་དགོས་འདོད་འབྱུང་སྟེ་བཟང་། །འོན་ཏེ་ཐེ་ཚོམ་མི་ཁ་ཆེ། །མི་ཁ་ཁྲམ་བསྒྱུར་བྱས་ན་བཟང་། །མིག་དམར་སྐམ་ནོར་འཕེལ་འབྲི་མེད། །ཕྱུགས་ལ་གོད་ངོ་མཚོན་ངོ་ཆེ། །རྨོས་ཞིང་ཕྱུགས་རྣམས་དགྲ་ཡིས་ཁྱེར། །ཕྱི་ནས་མི་རྙེད་རྙེད་ན་ཡང་། །ཁྱི་ཕྱུགས་སྤུ་རྟགས་ཅན་བྱུང་ན། །གདོན་དང་བསྡོངས་ནས་ཡོང་བའི་ངོ་། །གསང་སྔགས་རྒྱུད་འབུམ་གཟུངས་འདུས་འདོན། །རྣམ་རྒྱལ་བསྒྲུབས་ཤིང་འགོང་པོ་བཀར། །གཟའ་མདོས་ཀླུ་མདོས་སྦྱིན་པ་གཏོང་། །ལྷག་པར་ཕྱི་བཤོལ་མེད་ན་ནི། །འཁོར་ལོས་སྒྱུར་རྒྱལ་བསོད་ནམས་ལས། །ཐག་རིང་གླིང་བཞིའི་གཡང་འདུས་སོ། །སྔར་ཡོད་གྲོགས་ནི་ཕྱིར་མ་ཤོར། །ད་ཡང་སྐམ་ཕྱུགས་གཉིས་གྲོགས་འདུ། །ཟླ་བ་ཡར་གྱི་ངོ་ལྟར་འཕེལ། །སྤུ་རྟགས་ཅན་ཞིག་ངེས་པར་རྙེད། །ཕུར་བུ་སྐམ་ནོར་ཟང་ཟིང་དང་། །ཕྱུགས་

― MR07_Page_0964 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཇག་ངོ་དུམ་ཙམ་འདུག །མོ་ཉེར་རྐུན་ངོ་ཅུང་ཟད་ཡོད། །གསེར་འོད་ནོར་བུ་འོད་འབར་དང་། །ནོར་རྒྱུན་གཡང་ལེན་གཡང་འགུགས་བྱ། །ཕུགས་སུ་ནོར་ལ་གོད་མེད་བཟང་། །པ་སངས་སྐམ་ནོར་སྔར་གོད་མེད། །ཕྱིས་ཀྱང་མིང་ཅན་ནོར་དང་བཅས། །ཕྱུགས་རྣམས་དར་ཞིང་འཕེལ་ཆེ་ཟེར། །སྟོར་བརླག་རྐུན་ངོ་ཅུང་འདུག་པས། །ནོར་གཟུངས་དགྲ་བྲུབས་མཆོད་སྦྱིན་བྱ། །སྤེན་པར་གྲོགས་ནོར་ངན་བཤད་ཀྱང་། །ནོར་གྱི་བླ་གཟའ་ལ་བབས་ཏེ། །རྣམ་ཐོས་བང་མཛོད་སྒོ་ཕྱེ་ནས། །ཨ་ཡོད་ཅན་ལ་ནོར་སྦྱིན་ཐོངས། །འཕྲལ་ཕུགས་དགོས་འདོད་རེ་བ་འགྲུབ། །མངོན་ཤེས་ཅན་ལ་གཏན་ཚིགས་ཡོད། །ཟེར་བས་བཟང་བར་སྐབས་དབྱེ་དགོས། །སྒྲ་གཅན་ལ་ནི་གྲོགས་དང་ནོར། །ལོངས་སྤྱོད་རྒྱ་མཚོ་ལྟ་བུར་འགྲུབ། །དུས་མེས་གྲོགས་ནོར་ལོངས་སྤྱོད་རྣམས། །རྩྭ་སྦུར་མེ་བཞིན་ཉམས་པར་འགྱུར། །གསུམ་པ་བློ་ཕྱྭ་བརྟག་པ་ནི། །ཏཏྐཱལ་གྱི་ནི་བཅུ་པ་དང་། །མཐོང་ས་རྣམས་ཁྱད་པར་འདུན་པ་གལ་ཆེ།

― MR07_Page_0965 ―

^{[མ་དཔེ་གཟིགས་ན་འདིར་གནོན།]}

[Full Size]

ན་གནས་པའི་གཟའ། །དགྲ་དང་གྲོགས་སུ་འགྱུར་བ་སྟེ། །ཉི་མར་དབང་དྲག་གྲོགས་སུ་གྱུར་ན། ནུས་པ་ཆེ། །མི་ཆེན་བློ་དང་འདོད་པ་འགྲུབ། །དགྲར་གྱུར་ན་བསྲེག་ཉམས་ངལ་བའི་ཡིད་བརྟེན་ཅིང་། །སྡུག་བསྔལ་མང་པོའི་རྒྱུ་རུ་འགྱུར། །ཟླ་བར་བུད་མེད་དཀར་པོའི་རིགས། །ཞི་འཇམ་ལས་སོགས་བློ་འགྲུབ་ཅིང་། །གྲོགས་དང་དགྲར་འགྱུར་འོག་མ་ཀུན་ལ་ཤེས་པར་བྱ། སྨྲ་བརྗོད་བུད་མེད་ཀྱིས་མནར་བ། །འགྲུབ་ཏུ་མི་སྟེར་དམན་མོས་རྩོད། །མིག་དམར་དམག་ཇག་རྒོལ་བའི་ལས། །དྲག་མཐུ་རྩུབ་པའི་བློ་ཡོད་འགྲུབ། །དགྲས་མནར་བློ་སྟོང་གོད་ཀས་འཚེ། །མི་ཆེན་དགྲ་ཟླས་གཉའ་ནས་རྩོད། །ལྷག་པར་ནོར་སྤེལ་སྤོགས་པ་དང་། །དཀར་ཕྱོགས་ཞི་རྒྱས་བསོད་ནམས་འགྲུབ། །འཇམ་རྩུབ་འདྲེས་པའི་ལྕགས་ཐག་གིས། །འགྱོད་ཆེན་སྡུག་བསྔལ་མང་པོ་འབྱུང་། །ཕུར་བུར་རིག་པ་ཆོས་སྤྱོད་སོགས། །བློ་རྒྱས་བཞིན་མདངས་རྒྱས་པར་འགྱུར། །དབང་པོ་སྟོབས་དང་ཁ་དོག་དང་། །བསམ་པའི་དོན་

― MR07_Page_0966 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བར་ཆད་ངོ་། །པ་སངས་དགུག་པ་རྩེད་འཇོའི་ལས། །འདོད་ལ་ཆགས་པའི་བློ་རབ་འགྲུབ། །ཕ་རོལ་དབང་དུ་མི་འགྱུར་ཞིང་། །བུད་མེད་དབང་གྱུར་ཉམས་པར་འགྱུར། །སྤེན་པར་ས་ཞིང་ནོར་སྒྲུབ་དང་། །བརྟན་པའི་བློ་ནི་རྟག་ཏུ་འགྲུབ། །དམངས་ཉམས་མི་ཁ་བྲ་མཆུས་མནར། །བྱ་བ་བཤོལ་ཅིང་ཡིད་ཆད་འབྱུང་། །སྒྲ་གཅན་བདག་ཉིད་རྒྱལ་ཐབས་དང་། །གྲགས་པ་སྤེལ་བའི་བློ་ཡོད་འགྲུབ། །རྐྱེན་གྱིས་འཆི་འམ་མཐོན་པོས་རྩོད། །ངེས་པར་སྒྲུབ་ཏུ་མི་སྟེར་རོ། །དུས་མེར་དུག་སྦྱོར་བསྲེག་དབྱེ་རྨོངས། །གཞན་ལ་སྡུག་བསྔལ་སྦྱོར་བ་འགྲུབ། །མི་བདེ་རིམས་དང་དགྲ་གྱོད་དང་། །ཡུན་རིང་སྡུག་བསྔལ་རྨོངས་པའི་རྒྱུ། །འདི་དག་ཞིང་གི་བདག་པོ་ཡི། །དགྲ་གྲོགས་འགྱུར་བའི་ཁྱད་པར་ནི། །བརྟགས་ལ་བཟང་ངན་གོང་བཞིན་བཤད། །བློ་ཡི་ཁྱད་པར་དོན་བརྟག་པ། །སུམ་ཆའི་གནས་ན་འདུག་པའི་གཟའ། །ཉི་མར་གང་ཡང་ཐེ་ཚོམ་རྒྱུ། །ཚིག་གི་ལོ་མ་མང་བརྗོད་ཀྱང་། །དོན་གྱི་འབྲས་བུ་འབྱུང་

― MR07_Page_0967 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དཀའ། །གལ་ཏེ་འགྲུབ་ནའང་ཕན་མི་ཐོགས། །ནོར་གཟུངས་གང་མང་བསྒྲུབ་ན་ཕན། །ཟླ་བར་དྲག་ལས་ཕྱི་དལ་ཆེ། །གཞན་པ་ཞི་ལས་གང་ཡིན་བཟང་། །ཆུ་ཟད་ཉ་མོ་མ་སྨད་ལ། །ཆུ་བྲན་རྒྱ་མཚོར་འཁྱིལ་བས་བཟང་། །མྱུ་གུ་རླན་དང་འཕྲད་པ་ལྟར། །བསམ་པའི་དོན་དེ་འགྲུབ་ངོ་ཡིན། །འོན་ཀྱང་ཉི་མ་བྱང་ཕྱོགས་ནས། །བཙུན་ནམ་བུད་མེད་ལོག་ཚིག་སྨྲ། །སྨྲས་ཀྱང་རང་དོན་མི་ཤོར་བཟང་། །མིག་དམར་སྦྲང་བུ་མེར་མཆོངས་ལྟར། །བྱ་སྤུ་རླུང་གིས་ཁྱེར་དང་མཚུངས། །མི་འདོད་དགྲ་གྱོད་ནོར་གོད་འབྱུང་། །ལྷོའམ་ནུབ་ནས་དོན་མེད་རྩོད། །ལྷོ་ནས་ལྷོ་བྲོས་ཙམ་འགྲུབ་ངོ་། །ལྷག་པར་ཅི་བསམ་ལས་རྣམས་འགྲུབ། །ཤོར་གོད་ཅུང་ཟད་འབྱུང་ཡང་ནི། །བསྒྲུབ་པའི་འབྲས་བུ་ཆུད་མི་ཟ། །གསེར་འོད་གཡང་སྐྱབས་གྱིས་དང་བཟང་། །ཕུར་བུར་བྱ་སྤུ་རླུང་ཁྱེར་འདྲ། །ད་ལྟ་མཐོང་ཀྱང་ད་ལྟ་མེད། །ཁ་གྲོགས་ཆེ་ཡང་གཏིང་གྲོགས་ཆུང་། །དགྲ་གྱོད་ཡང་ན་ནད་ཀྱི་ངོ་། །

― MR07_Page_0968 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ལན་དོན་འདི་འཐེན་ན་ལེགས། །འབད་པས་བསྒྲུབ་ན་དཀའ་བས་འགྲུབ། །པ་སངས་ནོར་བུ་ཡོད་པ་བཞིན། །གང་དུ་ཕྱིན་ཀྱང་དོན་འགྲུབ་ངོ་། །འཕྲལ་འགྲུབ་སླ་ཞིང་ཕུགས་སུ་དགེ། དེ་མ་ཐག་ཏུ་བརྩམས་པས་འགྲུབ། །ཅུང་ཟད་འགྱངས་ན་གྲོགས་ཤོར་ངོ་། །སྤེན་པར་ཕར་ཚུར་ས་མཚམས་ན། །རྡོ་བ་ཕ་ཝོང་མི་སྐད་འདོན། །མི་ཕོ་ཁྱོད་ལ་མི་ཟེར་རམ། །དགྲ་གྱོད་ཁ་མཆུ་མྱ་ངན་ངོ་། །རང་བྱས་མེད་ཀྱང་གཞན་གྱིས་གནོད། །རེ་ཞིག་འགྲུབ་ཀྱང་ཕྱིས་མི་བརྟན། །གཞན་གྱི་དོན་དེ་སྒྲུབ་མི་སྟེར། །ཤིན་ཏུ་ཕྱི་དལ་འཛེར་བ་སྟེ། །རབ་ཏུ་གསང་སྟེ་བསྒྲུབ་པ་གཅེས། །རཱ་ཧུས་དོན་དེ་ངང་གིས་འགྲུབ། །རྒྱལ་ཐབས་ཆེན་པོའི་བྱ་བར་བཟང་། །དུས་མེས་སྡུག་བསྔལ་དགྲ་གྱོད་དང་། །མི་བདེ་བློ་སྟོང་དོན་མི་འགྲུབ། །དོན་དེ་ནམ་ཞིག་འགྲུབ་བརྟག་པ། །སུམ་ཆའི་ཐོབ་ནོར་བསྒྱུར་བ་སོགས། །བདག་གཟའི་ཚུལ་ལ་བརྟགས་དེ་སྨྲ། །བློ་ཡི་ཁྱད་པར་ཆོས་བརྟག་པ། །ཏཏྐཱལ་གསུམ་དང་དགུ་པ་རུ། །ཉི་མར་བསྲེག་

― MR07_Page_0969 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ཚད་པས་གདུང་། །མི་ཆེན་ལས་ཀྱི་ལྕགས་ཀྱུ་ཡིས། །ཆོས་བྱེད་གསེར་མིག་སྐམ་ལ་བཏོན། །འབུམ་དང་སྡོང་བརྒྱན་གཙུག་ཏོར་སྒྲོགས། །ཟླ་བར་ངང་ཚུལ་ཞི་ཞིང་བཟང་། །ཡིད་འོང་དཔལ་དང་སྙན་པ་ཐོབ། །ཆོས་བྱེད་བསྟན་པ་དར་བ་ཡིན། །མིག་དམར་བདུད་ཀྱི་རྒྱ་ལ་ནི། །ཆོས་བྱེད་རི་དྭགས་ཆུད་པ་ཡིན། །ཡང་ན་ཚེ་ལ་བར་ཆད་ངོ་། །ཚེ་ཆོས་བདེ་བའི་བར་ཆད་འབྱུང་། །དྲག་པོའི་སྦྱིན་སྲེག་སིདྡྷི་སྒྲོགས། །ལྷག་པར་རབ་བྱུང་མཐའ་རུ་ཕྱིན། །བློ་རྒྱས་ཚངས་པའི་གཎྚི་ལས། །གྲགས་སྙན་སྒྲ་དབྱངས་ཕྱོགས་བཅུར་ཁྱབ། །བདུད་ཆེན་འཇིགས་པའི་ཡིད་ཀྱིས་ངུ་། །ཕུར་བུ་སྔགས་ཀྱི་ནུས་པ་རྒྱས། །སྙན་པའི་བ་དན་ཕྱོགས་བཅུར་གཡོ། །ཙནྡན་ལྗོན་པ་དྲི་བསུང་ལྡན། །ཡིད་འཕྲོག་དཔལ་གྱི་མེ་ཏོག་འཁྲུངས། །པ་སངས་དབང་གི་འོད་ཟེར་འབར། །འཕགས་མའི་སྤྲུལ་པ་འགྲོ་ལ་བཀྱེ། །ཡིད་འཕྲོག་སྨན་གྱི་ནགས་ཚལ་ལ། །གཡུ་ཡི་ཁུ་བྱུག་གསུང་སྙན་སྒྲོགས། །སྒྲ་དེས་

― MR07_Page_0970 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་རྒུའི་རྣ་བ་བདེ། །སྤེན་པར་ཉི་མ་གཟས་ཟིན་ལྟར། །རབ་བྱུང་ཆོས་པའི་སྡོམ་པ་འཆོར། །བདུད་ཀྱི་བསླུ་བ་ཡོང་ངེས་ཡིན། །བདུད་བཟློག་ཡི་དམ་བསྙེན་པར་འབད། །སྒྲ་གཅན་རླུང་སྔགས་རྣལ་འབྱོར་གྱིས། །ལས་རླུང་དྷཱུ་ཏིའི་བུམ་པར་བསྐྱིལ། །འཆི་མེད་ཐིག་ལེའི་རྣལ་འབྱོར་པ། །འབྲེལ་ཚད་དོན་དང་ལྡན་པ་འགྲུབ། །དུས་མེར་སྡུག་བསྔལ་འགྲོ་མང་བསླུ། །དུག་གི་མེ་ཏོག་དཀར་པོ་དེས། །གསེར་བུམ་ཁ་རྒྱན་བྱས་པ་འདྲ། །སྙིང་པོ་གྲངས་མང་བཟླ་བར་བྱ། །ལས་དང་བྱ་བ་གང་ལ་ཡང་། །གྲུ་དང་མི་གྲུ་དཔྱད་པ་ནི། །དུས་སྦྱོར་ཏཏྐཱ་ལ་དང་ནི། །རང་རང་གི་ནི་དཔྱད་མལ་དུ། །ཁྱིམ་གྱི་གཡོ་བརྟན་ཁྱད་པར་དང་། །ལས་དང་གཟའ་ཡི་མཚུངས་འབྲས་དང་། །ཞིང་བདག་དང་ནི་དེ་དག་ལ། །ཞུགས་སམ་མཐོང་བའི་གཟའ་འབྲས་སོགས། །དཔྱད་དེ་ཁ་དམར་གདགས་པར་བྱ། །དེ་ལ་ཕྱི་ནང་གསང་གསུམ་ཚུལ། །སྤྱིར་བཏང་གནས་མལ་འབྲས་བུ་དང་། །བྱེ་བྲག་དམིགས་བསལ་བཤད་པ་ཡི། །

― MR07_Page_0971 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དེར་གཟའ་མེད་ཞིང་བདག་འབྲས། །གཟའ་ཡོད་དེ་ཡི་འབྲས་བུ་སྟེ། །དེ་ཡང་རང་བདག་འབྲས་བུ་ནི། །རང་རང་བཤད་པ་དེ་ལྟར་བདེན། །གྲོགས་དང་བཟང་འབྲས་མཚུངས་པ་དང་། །དགྲ་དང་ངན་འབྲས་མཚུངས་ན་བདེན། །མི་མཚུངས་འབྲས་བུ་ཆུང་བའམ། །ཡང་ན་དེ་ཡི་ཚུལ་ལ་བརྟག །གཞན་ཡང་གནས་དེ་མཐོང་བའི་གཟའ། །དགྲ་གྲོགས་གྱུར་པའི་ཁྱད་པར་གྱི། །གཟའ་འབྲས་རྣམ་པར་བརྟགས་ཏེ་སྨྲ། །གྲོགས་དང་ཆུང་མ་ལ་སོགས་པ། །རང་གནས་མཐོང་ངམ་ཞུགས་པའི་གཟའ། །ལེགས་པར་བལྟས་ལ་མཐུན་སོགས་བརྟག །ཆུ་བརྒྱ་ཟམ་འོག་འདྲིལ་བ་བཞིན། །གོང་འོག་བཤད་པ་ཀུན་བསྡེབས་ནས། །དགོས་དོན་གཅིག་ལ་སྡུད་པའི་ཚུལ། །ཤེས་ན་ཡེ་མཁྱེན་མཁས་པ་ཡིན། །རྒྱུད་ཀྱི་རྩིས་གཞན་ཁོག་ཕུབ་ནས། །སྙིང་པོ་དུས་སྦྱོར་འདི་བཟུང་ན། །ལུས་བཟང་རྫོགས་ལ་མིག་མཆོག་བཞིན། །བླང་དོར་ཆོས་ཀུན་སྒྲིབ་མེད་མཐོང་། །བཞི་པ་ནད་པར་བརྟག་

― MR07_Page_0972 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། །བཅུ་གཉིས་ཆ་ཡི་ཞིང་བདག་ནི། །གང་ཡིན་གྱུར་པའི་གཟའ་ཡི་འབྲས། །ཐོག་མར་ནད་ཀྱི་ཁམས་བསྟན་པ། །ཉི་མར་ཤིན་ཏུ་ཚ་ཞིང་བསྲེག །ཁྲག་མཁྲིས་མགོ་ནད་ཚ་བ་གསར། །རིམས་ནད་རྩ་ཆུ་ན་ལུགས་ཚ། །ཟླ་བར་གྲང་རྙོགས་ལུས་ཁམས་གྲང་། །གྲང་བ་གསར་བ་མ་ཞུའི་ནད། །མིག་དམར་རྨས་ཁྲག་ཚད་རྙིང་ཞེན། །རིམས་རྙིང་ཤུ་ཐོར་མེས་ཚིག་ནད། །ལྷག་པར་གྲང་བ་རྙིང་ཞིང་རྒྱས། །གཅོང་རིགས་ཆུ་སེར་ཤ་རྩི་འབྱར། །ཕུར་བུ་ལུས་འདར་རླུང་གིས་གཡེངས། །གྲངས་ཤུམ་རུས་པ་རྩ་རྒྱུད་ཁོལ། །པ་སངས་འབྲས་དང་སྐྲན་དུ་འདྲིལ། །ཆུ་འགགས་རུས་པའི་སྲིན་གྱི་རིགས། །སྤེན་པ་དུག་མཛེ་བད་སྨུག་ནད། །ཤ་རྒྱས་ལུས་ལྕི་ཤིན་ཏུ་སྤྲིད། །སྒྲ་གཅན་སེམས་འཕྱོ་དྲན་པ་ཡེར། །གདོན་གྱིས་སྙིང་ལ་བཟུང་བའི་ནད། །དུས་མེར་ན་ཚ་སྣ་ཚོགས་ཟིང་། །དྲན་པ་མི་བདེ་བ་སྤུ་གཡོ། །ནད་པའི་ཕྱ་ལ་བཅུ་གཉིས་ཆའི། །ཞིང་ལ་ཞུགས་སམ་མཐོང་བའི་གཟའ། །ཉི་མར་

― MR07_Page_0973 ―

^{[མ་དཔེ་གཟིགས་ན་འདིར་གནོན།]}

[Full Size]

གློ་བུར་ཡེ་འདྲོག་འོང་། །བྱ་སྒྲོ་མེ་ཡིས་ཚིག་པ་ལྟར། །སྨན་གྱིས་ཕན་མེད་ནད་པ་འཆོར། །རིམ་གྲོ་བསྐྱེད་ན་འཚོ་ཡང་སྲིད། །ཟླ་བར་ལྗོན་པ་མ་འགྱེལ་ཏེ། །ལོ་འདབ་སད་ཀྱིས་ཁྱེར་བ་ཡིན། །སྲོག་སྐྱོན་མེད་ཀྱང་ནད་གཞི་ཆེ། །སྨན་པས་བཅོས་ན་ཕན་ངོ་ཆེ། །རྨ་སྐྲན་གཉན་སྲིན་ཆུ་སེར་འོང་། །མིག་དམར་གློ་སྙིང་ཁྲག་འཁྲུགས་གཟའ། །སྟོད་མཆིན་མིག་ནད་ནད་གཞི་ཆུང་། །ནད་ཀྱི་ཟུག་གཟེར་ཤིན་ཏུ་ཆེ། །ལྷག་པར་ཆུ་ནད་འཁལ་རྐེད་ནད། །ཡན་ལག་ན་བ་སྐྲངས་འབུར་འོང་། །ལྔ་དྲུག་ཞག་ལ་སོས་པར་བཤད། །ཕུར་བུར་སྐྲངས་ལྷོག་ཆམ་པ་སྟེ། །ཉི་ཟླ་གཟས་ཟིན་སྒྲོན་མེ་ནི། །རླུང་བསྐྱོད་བླ་ཚེ་བདུད་ལ་ཤོར། །དཔྱད་ལོག་ཟས་སྨན་ལོག་པས་ངན། །པ་སངས་སྟོད་གཟེར་ཕོ་མཆིན་ནད། །ནད་ཚབས་ཆུང་ཡང་ནད་གཞི་ཆེ། །སྨན་པ་བོན་པོས་ཁ་པོ་སྒྲོགས། །སྤེན་པར་ཡན་ལག་ཀླུ་ནད་དེ། །བཅུ་བདུན་ཞག་ཚུན་འཛེར་ཆ་ཆེ། །སྒྲ་གཅན་ཕལ་ཆེར་སྲོག་ཕྱྭར་བཟང་། །དུས་

― MR07_Page_0974 ―

^{[མ་དཔེ་གཟིགས་ན་འདིར་གནོན།]}

[Full Size]

མེར་རིམ་གྲོ་མ་འབད་ན། །ཉེས་ཆེ་མི་བདེ་མྱ་ངན་འོང་། །ནད་འབྱུང་ཉེན་གྱི་ཁྱད་པར་ནི། །བཅུ་གཉིས་ཆ་ཉི་ཆ་དགྲ་གཟའ་སུས་མཐོང་བ། །ཉི་མར་ཕོ་ལྷ་ཡུལ་བཙན་གནོད། །དམར་ཐབ་རི་ལ་མེ་བཏང་ལན། །ཟླ་བར་ཀླུ་གཉན་མི་གཙང་གནོད། །འགོ་བའི་ཀླུ་ལ་གྲིབ་ཕོག་ངོ་། །ཕོ་ལྷ་གནམ་དུ་ཡལ་བ་ཡིན། །མིག་དམར་ཡུལ་བཙན་དགྲ་བླ་འགྲས། །དྲག་ལས་རྩོད་པ་ཁང་རྒན་བཤིག །དམར་གྲིབ་ཡོད་པའི་ཕྱོགས་སུ་ཕྱིན། །ལྷག་པར་དཀར་ཐབ་བཙུན་ནོར་བླངས། །ཞིང་ལྷ་མནོལ་བས་ཞིང་འདྲེ་ལང་། །ཡང་ན་ཕྱོགས་ངན་ཕྱོགས་སུ་ཕྱིན། །ཕུར་བུ་ལེའུར་འགལ་བའམ། །ཤིང་བཅད་བནྡེན་དག་དང་འགྲས། །མཆོད་ཆ་ལ་སོགས་བླང་བས་ལེན། །པ་སངས་ལུས་ལྷ་མནོལ་བའམ། །བྲག་ཆུ་འཐབ་པར་མཚན་འགྲོས་སམ། །ལུང་སྟོང་དོན་གཉེར་འདུས་པས་ལན། །སྤེན་པར་ཡུལ་ལྷ་ས་བདག་འགྲས། །ས་བརྐོས་ཐབ་གཞོབ་གཉིད་ལོག་ཉེན། །སྒྲ་གཅན་སྲོག་གི་ལྷ་དང་ཕྱེས། །ཆོ་ག་ལོག་

― MR07_Page_0975 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསྒོམ་པ་དང་། །ཕ་རོལ་ཕྱོགས་སུ་སོང་བས་ལན། །དུས་མེར་ཞང་ལྷ་དག་དང་འགྲས། །ཕ་རོལ་བྱད་དང་རྦོད་གཏོང་ལན། །ལྔ་པ་གདོན་ཕྱྭ་བསྟན་པ་ནི། །ལུས་ལ་སོགས་པ་བཅུ་གཉིས་པོ། །རང་རང་ཞིང་ལ་དགྲ་ཞུགས་པ། །ལུས་རྒྱན་ལོངས་སྤྱོད་སྤུན་ཟླའི་རྫས། །སྦྱར་ལ་འབྲས་བུ་འཆད་པ་ནི། །ཉི་མ་ལྷོ་ནས་ཕོ་འདྲེ་རྒྱལ། །འགོང་བདུད་བཙན་རྣམས་དམར་ཆགས་དང་། །མི་ཆེན་ལག་ནས་རིན་ཆེན་བླངས། །རྫས་གཅིག་རི་མོའི་དབྱིབས་ཅན་གདོན། །ཟླ་བར་གྲེ་མོ་བྱང་ནས་ནི། །དཀར་ཆགས་གོས་སྟན་བུད་མེད་རྫས། །ཟུང་ཡོད་རིང་པོའི་དབྱིབས་ཅན་གདོན། །མིག་དམར་གྲི་བཙན་དམེ་པོའི་སར། །གོ་མཚོན་དང་ནི་དམར་ཆགས་ཁམས། །རྩུབ་བྱེད་གདུག་པའི་ཡོ་བྱད་གདོན། །ལྷག་པར་རས་གོས་ཆུ་བྱུང་རྫས། །སྔོ་ལྗང་དང་ནི་གྲུ་བཞི་སྟེ། །དབུལ་འདྲེ་འཁྲི་བའི་རྫས་གདོན་ཡོད། །ཕུར་བུར་སྔགས་བཙུན་ཤི་བའི་འདྲེ། །མཆོད་ཆ་ཤིང་ཆ་སེར་པོའི་རྫས། །གྲུ་

― MR07_Page_0976 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་རྗེས་སུ་འབྲང་བས་གདོན། །པ་སངས་གྲོགས་ཀྱི་འགོས་འདྲེ་གནོད། །ལྕགས་ཆ་འམ་ནི་ཁྲ་བོའི་རྫས། །དཀོར་བདག་འཁྲི་བའི་རྫས་གདོན་ཡོད། །སྤེན་པར་ཡུལ་འདྲེ་དམངས་ཤིའི་འདྲེ། །ནག་རིགས་ཟས་སམ་སྲོག་ཆགས་རིགས། །ཁང་སྤྲ་ལ་སོགས་གདོན་པ་ཡིན། །སྒྲ་གཅན་བྱད་ཕུར་ལྷ་བདུད་བབ། །དུས་མེར་ཉེ་དུའི་ཤི་འདྲེ་འམ། །ཕུང་འདྲེ་དམ་སྲི་རྫས་ལ་གབ། །ཡིད་ལ་སོམ་ཉི་ཡོད་ལ་བརྗོད། །དྲུག་པ་དགྲ་ཕྱ་བསྟན་པ་ལ། །ཐོག་མར་དགྲ་བོ་བརྟག་པ་ནི། །ཏཏྐཱལ་མཐོང་སར་དགྲ་ཡོད་པ། །དེ་མཚུངས་དགྲ་བོ་ཡོད་པར་བཤད། །ཏཏྐཱལ་གྱི་ནི་དྲུག་པ་ལ། །དྲག་གཟའ་ཕོག་པས་དགྲ་མེད་ཅིང་། །དྲུག་པའི་ཞིང་གཟའི་དགྲ་ཡོད་ན། །དགྲ་ལ་མི་བདེ་འབྱུང་བར་བཤད། །དྲུག་པར་རང་ཞིང་བདག་པོ་ཞུགས། །དེ་ལ་གྲོགས་ཀྱིས་མཐོང་གྱུར་ན། །དགྲ་ཡི་སྟོབས་ནི་རྒྱས་པར་འགྱུར། །དགྲ་བོ་འབྱུང་ངམ་མི་འབྱུང་ནི། །བཞི་པར་ཉི་དམར་སྤེན་པ་ཤར། །དོགས་པ་མེད་

― MR07_Page_0977 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་དགྲ་བོ་འོང་། །དེ་ལ་ཟླ་ལྷག་ཕུར་སངས་ཤར། །ལམ་དུ་ཞུགས་པའི་གཏམ་ཐོས་ཀྱང་། །དགྲ་བོ་འོང་བར་ག་ལ་འགྱུར། །ཏཏྐཱ་ལ་དང་བདུན་ཅུ་པ། །གཞི་དང་རྩོད་པ་ལས་ཀྱི་སར། །ཉི་ཤར་ལྷ་མིན་ལྷར་འཐབ་ལྷར། །ཕར་ལ་མི་ཐུབ་ཚུར་ལ་རྒོལ། །སྡུག་བསྔལ་ཉེས་འགྱོད་འོང་བའི་ངོ་། །ཕོ་ལྷ་དགྲ་བླ་གསོལ་བ་དང་། །རྩོད་བཟློག་བྱས་ན་རྒྱལ་བར་བཤད། །ཟླ་བར་དགྲ་ཡི་གནོད་པ་ཆེ། །ཕར་ལ་རྒོལ་བས་མི་ཐུབ་བོ། །དགྲ་བྲུབས་གཏོར་བཟློག་དགྲ་བླ་གསོལ། །དེ་ལྟར་བྱས་ན་རྒོལ་ཐུབ་ངོ་། །ཚུར་རྒོལ་དགྲ་ལ་སྐྲགས་མི་དགོས། །མིག་དམར་དགྲ་རྐུན་ངོ་ཡོད་ངན། །དམར་ཁྲག་ངོ་ཡོད་ཕར་རྒོལ་ན། །དམག་དཔོན་དྲག་པོའི་གཟའ་ཡིན་བཟང་། །ལྷག་པར་ཚུར་རྒོལ་མེད་ན་ཡང་། །ཕར་རྒོལ་བློ་ཉེས་བསླུ་བའི་ངོ་། །རང་སྟོབས་ཆུང་བས་བཟང་མ་བཤད། །རིམ་གྲོ་ལ་འབད་ཉེན་ཆེ་མེད། །ཕུར་བུར་ཕར་རྒོལ་ཚུར་རྒོལ་དག །གང་ཡང་ལྷ་དབང་

― MR07_Page_0978 ―

^{[མ་དཔེ་གཟིགས་ན་འདིར་གནོན།]}

[Full Size]

དཔུང་གིས་ནི། །ལྷ་མིན་བཅོམ་པའི་དཔའ་རྟགས་ལྟར། །གཏམ་དང་བཅས་ཏེ་འཚེངས་པའི་ངོ་། །པ་སངས་རང་དོན་ཆུང་ཟེར་ཀྱང་། །མི་རྟ་གོས་དཀར་དར་དཀར་ཅན། །དེ་ཡིས་སྣ་དྲངས་དགྲ་ཐུལ་ཀྱང་། །མི་ཁྱོད་སེམས་ལ་ཐེ་ཚོམ་མཆིས། །སྤེན་པར་དགྲ་ཕྲད་དགྲ་གྱོད་ཆེ། །ཚུར་རྒོལ་མ་ཐུབ་བློ་བདེ་ཚར། །ནགས་ཚལ་བྱ་སྟོང་འོང་ངོ་ཡིན། །སྒྲ་གཅན་དགྲ་ལས་རྣམ་རྒྱལ་བའི། །རྒྱལ་མཚན་བ་དན་དཀར་པོ་གཡོ། །དུས་མེ་ལུས་སེམས་སྡུག་བསྔལ་རྒྱུ། །མི་ཁ་དགྲ་གྱོད་ཁ་སྨྲས་མང་། །གདུགས་དཀར་བཟློག་བསྒྱུར་དྲག་ལས་འབད། །བྱེ་བྲག་ཤོ་རྒྱན་རྩོད་པའི་མོ། །བཅུ་པའི་གནས་ལ་ཤར་བའི་གཟའ། །རྩེད་མོ་ལམ་དུ་འགྲོ་མི་འགྲོ། དགའ་སྟོན་གནས་མལ་ཚུད་མི་ཚུད། །གཟའ་འབྲས་དག་ལ་ལུང་བཞིན་བརྟག །ཕར་ལ་མངོན་སྤྱོད་རྩོམ་པ་ན། །དྲུག་པ་དགྲ་རུ་བརྩིས་པ་ལ། །དེ་དགྲས་མཐོང་བར་གྱུར་པ་ན། །དེ་འབྲས་དགྲ་ལ་འོང་བར་བཤད། །ཅི་ཙམ་མཐོང་བའི་གནད་ཀྱིས་ཤེས། །

― MR07_Page_0979 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེར་ན་དགྲ་ལ་དགྲ་ཉིས་ཉི་མས་མཐོང་། །དེ་ལ་རིམས་ཡམས་རྒྱལ་པོའི་ཁྲིམས། །ལ་སོགས་ཉི་མའི་ངན་འབྲས་བརྗོད། །གང་ལ་གྲོགས་མཐོང་དེ་ག་ལ། །དེ་ལྷས་སྐྱབས་སུ་བྱས་པས་ན། །ལྷ་དེ་བསྐྲད་ཅིང་དྲག་ཐུན་རྒྱོབ། །ཟབ་གསང་མན་ངག་འདི་སྦྱར་ན། །དགྲ་ལ་མངོན་སྤྱོད་འབྲས་བུ་མཐོང་། །བདུན་པ་བོར་སྟོར་བརྟག་པ་ལ། །ཐོག་མར་རྙེད་དམ་མི་རྙེད་ནི། །དྲི་དུས་སུ་ཏཏྐཱལ་དང་ནི་གཉིས་གསུམ་བཞི། །དྲུག་བདུན་བཅུ་དང་བཅུ་གཅིག་གང་རུང་ལ། །བསོད་ནམས་གཟའ་རྙེད་ལྡོག་ན་མིན། །གཞི་དང་རྒྱང་ཐག་ལ་སོགས་སྦྱར། །ཟླ་བ་ཉ་སོགས་དཀར་ཆའི་དུས། །ལུག་གླང་ཀར་སྲང་ཆུ་སྲིན་ཁྱིམ། །ཟླ་བ་ཡོད་དང་ཏཏྐཱ་ལར། །ཟླ་ལྷག་ཕུར་སངས་ཡོད་ན་རྙེད། །དགུ་ཆའི་གསལ་བའི་བུ་མོ་ནི། །ཐ་སྐར་བྲ་ཉེར་མི་རྙེད་རྨོངས། །སྨིན་དྲུག་ནབས་སོ་མགོ་ལ་རྙེད། །མཆུ་གྲེ་དབོ་དང་མེ་བཞི་ལ། །སྟོར་བ་ཆུ་ཚོད་གྲངས་ཀྱིས་རྙེད། །ནག་པ་ས་རི་གཉིས་ལ་ནི། །ཡུན་རིང་བཙལ་ཀྱང་རྙེད་མི་འགྱུར། །ལྷ་མཚམས་སྣྲོན་སྣྲུབས་

― MR07_Page_0980 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པོ་ལ། །ལྷོ་ནས་ཡུན་རིང་ལོན་ནས་རྙེད། །དེ་ཡང་ཤིན་ཏུ་ཉོན་མོངས་འགྱུར། །མོན་གྲེ་ལ་སོགས་ལྷག་མ་རྣམས། །ཐེ་ཚོམ་ཅན་དུ་ངེས་པ་ཡིན། ༈ །ཕུགས་སུ་རྙེད་དམ་མི་རྙེད་ནི། །བཅུ་གཉིས་སྟོར་བའི་ས་མལ་ལ། །གཟའ་གང་ཤར་རམ་མ་ཤར་ཀྱང་། །ཞིང་བདག་གཟའ་ཡི་འབྲས་བུ་ནི། །གནས་མལ་སྐབས་སུ་བཀོད་ལྟར་དཔྱད། །བཙལ་བའི་ཕྱོགས་སམ་སུས་ཁྱེར་མི། །ཏཏྐཱལ་སྟེང་ན་གནས་པའི་གཟའ། །ཉི་མར་རྐུན་པོ་སྲིན་ཕྱོགས་གནས། །མི་བཞི་སྒོ་ཁྱི་དཀར་པོ་ཅན། །ཞག་གསུམ་བར་དུ་ཐག་རིང་དུ། །འགྲོ་བར་མི་འགྱུར་ཞག་ལྔ་དང་། །བཅུ་ཡི་གྲངས་ལ་ཁུངས་རྙེད་དོ། །ཟླ་བའི་དུས་སུ་སྟོར་རམ་འདྲི། །རྫས་དང་རྐུན་མ་གཉིས་ཀ་ཡང་། །ཕྱི་རོལ་ཡིན་ཏེ་སླར་ལོག་ནས། །སུམ་ཅུ་ལོན་ཅིང་གཤིས་ངན་པ། །ཁྱི་དཀར་ཅན་གྱི་ཞིང་ལ་སྦས། །ཞག་བཅུའི་ནང་དུ་རྙེད་པར་འགྱུར། །དེ་ལ་མ་རྙེད་ཕྱིས་རྙེད་དཀའ། །མིག་དམར་རྐུན་པོ་ནུབ་ཀྱི་ཕྱོགས། །དེ་ནི་མི་རྙེད་དྲག་པོའི་གཟའ། །ཞག་ལྔས་

― MR07_Page_0981 ―

^{[མ་དཔེ་གཟིགས་ན་འདིར་གནོན།]}

[Full Size]

རྙེད་ཀྱང་ཁ་སྨྲས་ཕམ། །ལྷག་དུས་ནུབ་ཕྱོགས་མི་གསུམ་ཁྱེར། །ཞག་བདུན་གྱི་ནི་ཁུངས་འབྱིན་འགྱུར། །ཕུར་བུར་བྱང་གནས་བྱང་དུ་ཁྱེར། །ཐག་རིང་སོང་བར་མ་གྱུར་ཏེ། །བུད་མེད་གཅིག་གིས་ནང་ཡན་བྱས། །བཅོ་བརྒྱད་སུམ་ཅུ་གང་རུང་ལོ། །བུ་མོ་གཅིག་གིས་ཁྱེར་ཏེ་རྙེད། །པ་སངས་ནུབ་ཕྱོགས་སྐྲ་སེར་གྱིས། །ནོར་དེ་ཆུ་ཡི་ནང་དུ་སྦས། །འཁར་བ་ཐོགས་པས་འཆད་པར་འགྱུར། །སྤེན་པའི་དུས་སུ་འདྲི་བ་ན། །མི་སེར་བཞི་ཡི་མཚམས་སུ་སྦས། །སར་སྦས་ཞག་བཞིའི་ཉིན་པར་ནི། །བྱིས་པ་གཅིག་གིས་འཆད་པར་འགྱུར། །སྒྲ་གཅན་དུས་སུ་མ་ནིང་ངམ། །བན་བཙུན་གཅིག་གིས་མི་གཙང་བའི། །གསེབ་ཏུ་སྦས་པ་རིག་པར་བྱ། །དེ་ནི་རྙེད་ཀྱང་ཁ་སྨྲས་ཕམ། །ཀེ༷་ཏུ་སྤེན་པ་དག་དང་མཚུངས། །ཏཏྐཱལ་དགུ་ཆའི་གནས་ཀྱང་ངོ་། །སྒྲ་གཅན་ཀེ་ཏུ་བུ་མོ་བུམ། །ཡང་ན་རང་རང་འཆར་ཏཏྐཱལ། ༈ །ཏཏྐཱལ་བདག་པོ་ཉི་མའི་ཚེ། །རྐུན་མ་རལ་པ་ཅན་ཡིན་ལ། །མིག་དམར་གཟུགས་

― MR07_Page_0982 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུང་ཟླ་བ་ཅན། །ཕུར་བུ་ཁ་སྤུ་ལྷག་ཤ་སྐེམས། །པ་སངས་མགོ་རེག་སྤེན་རྒྱལ་པོ། །སྒྲ་གཅན་སྒུར་པོ་ཅན་ཡིན་ནོ། ༈ །ཏཏྐཱལ་རྐུན་མ་ངོས་བཟུང་ནི། །ལུག་དུས་ཤར་ཕྱོགས་མི་གསུམ་ནི། །གོས་དམར་ཅན་ཁྱེར་ནོར་དེ་ཁང་འགྲམ་སྦས། །གླང་དུས་བུད་མེད་གཉིས་བསྡོངས་པས། །གོས་དཀར་ཅན་གྱི་མི་བཞི་ཡིས། །བྱང་ཤར་ནས་འོང་ནོར་རྣམས་ནི། །མཆོད་རྟེན་ཡོད་པའི་ས་རུ་སྦས། །འཁྲིག་དུས་གཟུགས་ཐུང་སྐྱེས་བུ་ཡིས། །བྱང་ཤར་ནས་འོང་ནུབ་ཕྱོགས་སུ། །ནོར་དེ་བརླག་པར་བྱས་པར་གྱུར། །ཀརྚར་གོས་དཀར་གྱོན་པ་བཞིས། །ཆར་པའི་གསེབ་ཏུ་བྱང་ཤར་ནས། །འོང་སྟེ་ཆུ་ཡི་ནང་དུ་སྦས། །སེང་གེར་གཟུགས་ཐུང་མི་གསུམ་ནི། །ནུབ་མོར་མེ་སྒྲོན་བཅས་ཏེ་བརླག །བུ་མོར་ནོར་དེ་མི་གཉིས་ཀྱིས། །ཐེམ་པའི་ཕྱིར་ཁྱེར་དེ་ལས་གཞན། །བསྐྱལ་བར་མ་ནུས་མྱུར་བརྡོལ་འགྱུར། །སྲང་དུས་བུད་མེད་གཉིས་ཀྱིས་ནི། །རྐུན་བྱས་སྐྱེས་པའི་ཕྱིར་ཤོར་རོ། །སྡིག་དུས་མི་དམར་གསུམ་གྱིས་ནི། །ཤ་སོགས་

― MR07_Page_0983 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་ཏེ་བརླག་པར་བྱས། །གཞུ་དུས་བན་སྐྱེ་སྔགས་པ་རྣམས། །འདྲེས་པས་ལྷ་ཁང་ནང་དུ་ཁྱེར། །དེ་ཁུངས་མྱུར་དུ་དབྱུང་བར་གྱིས། །ཆུ་སྲིན་དུས་སུ་སེར་སྐྱ་གསུམ། །ནུབ་འོང་བྱང་གི་ཞིང་ལ་སྦས། །བུམ་པའི་དུས་སྦྱོར་ཆུ་སྲིན་མཚུངས། །ཉ་ལ་བརྐུས་པའི་སྲོག་ཆགས་དེ། །གྲོག་སྟོང་ཆེན་པོར་སྦས་ཡོད་ལོངས། ༈ །རྐུན་མའི་རིགས་དང་ཁ་དོག་དང་། །ལས་དང་ནུས་པ་ལ་སོགས་པ། །དུས་སྦྱོར་བདག་པོའི་གཟའ་ཡིས་ཤེས། །ཁ་ཅིག་དགུ་ཆའི་བདག་པོར་འདོད། །རིགས་ནི་རྒྱལ་རིགས་ལ་སོགས་ཡིན། །ཁ་དོག་ཉི་མར་དམར་སྐྱ་སོགས། །རྒྱས་ལ་གཟའ་ལྷག་དབང་ལ་སངས། །མིག་དགུག་ཕུར་བསྐྲད་སྤེན་པ་བསད། །ལས་དེར་དགའ་བའམ་དེ་འགྲུབ་པས། །ཉིན་མཚན་གང་འགྲུབ་སྟོབས་ལས་ཤེས། །བྱ་བ་དུས་དེར་འགྲུབ་པའོ། ༈ །ཅི་ཙམ་ན་རྙེད་ཡུན་ཚོད་ནི། །འདི་ནི་ཏཏྐཱལ་གནས་ལྔ་མའི་ཆ་ཤས་ལ་བརྟག་ཅེས་གསུངས། སྔར་ཡོད་སྔར་སོང་དེ་ལྷག་མ་འོངས་ཞེས་བཤད། ཆ་ཕྲན་སུམ་བཅུ་ཞེས་སུམ་ཆ་དང་བསྒྲིགས་པ་ཡོད།

― MR07_Page_0984 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་ཆའི་ལོངས་སྤྱོད་བརྩིས་པ་ཡིས། །ཐོབ་པ་བོར་ནས་སྔར་སོང་གྲངས། །ལྷག་མས་མ་འོངས་རྙེད་དུས་ཤེས། །དགུ་ཆའི་བདག་པོའི་གཟའ་ལ་འདྲི། །ཟླ་བ་ཆུ་ཚོད་ལ་བརྩི་སྟེ། །དེ་ཡི་གྲངས་ཀྱིས་རྙེད་པ་ཡིན། །མིག་དམར་ཞག་གྲངས་ཀྱིས་འཛིན་པའི། །དགུ་ཆའི་བཅོ་ལྔ་ཟླ་ཕྱེད་ལ། །སུམ་ཅུ་ཟླ་བ་གཅིག་ན་རྙེད། །གཟའ་ལྷག་ཟླ་བ་གཉིས་ལ་བརྩི། །སུམ་ཅུ་ཟླ་གཉིས་བཅོ་ལྔ་ཟླ། །མདོར་ན་རེ་རེ་ཞག་གཉིས་བརྩི། །དེ་བཞིན་ཉི་མ་ཟླ་བ་དྲུག །རེ་རེ་དྲུག་གི་ཞག་ཏུ་བརྩི། །ཕུར་བུ་ཟླ་དགུ་རེ་རེའང་དགུ། །པ་སངས་ཟླ་ཕྱེད་རེ་རེ་ཡང་། །ཞག་ཕྱེད་དུ་ནི་བརྩི་བ་ཡིན། །སྤེན་པ་ལོ་ཡི་བདག་ཉིད་དེ། །རེ་རེ་བཅུ་གཉིས་ཞག་ཏུ་བརྩི། ༈ །རྐུན་མའི་མིང་ལ་བརྟགས་པ་ནི། །དགུ་ཆའི་འམ་སྙམ། དུས་སྦྱོར་གང་ཡིན་དེ་དག་གི །རྐང་དགུའི་ཡི་གེ་གང་རུང་ཞིག །མིང་གི་ཐོག་མར་ཡོད་པས་བརྐུས། །། རྐུན་མ་ཕྱི་ནང་གང་ཡིན་ནི། །ཏཏྐཱལ་དགུ་ཆའི་ཁྱིམ་གཉིས་ཀ །བརྟན་པར་གྱུར་ན་ནང་མི་ཡིན། །གཡོ་བ་

― MR07_Page_0985 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ཡི་མི་ཡིན་ཏེ། །བར་པ་ཕྱི་ནང་གཉིས་གཏོགས་སོ། ༈ །ས་གནས་གང་དུ་ཚོལ་བརྟག་པ། །བཅུ་གཅིག་རྙེད་པའི་ས་མལ་ལ། །ཞིང་གི་བདག་པོ་གང་ཡིན་པ། །ཉི་ཤར་མིག་དམར་ཤར་ལྷོ་སོགས། །དེ་ལ་རང་གིས་མཐོང་བ་ན། །ཕྱོགས་དེ་ནས་ནི་རྙེད་པར་སྨྲ། །གྲོགས་མཐོང་མཛའ་བས་རྙེད་ནས་སྟེར། །དགྲ་མཐོང་མི་རྙེད་དགྲ་ཡིས་ཁྱེར། །སྟོར་བའི་ཞིང་བདག་གང་ཡིན་པ། །དེ་ཡི་རང་བཞིན་སྟོར་བའོ། །དེ་ལ་གང་ཤར་གཟའ་ཡོད་པ། །ཉི་མ་གད་དམར་ས་དམར་དང་། །ཟླ་བ་ས་དཀར་མཚོ་རྫིང་དོགས། །མིག་དམར་བྲག་རི་ཚེར་མ་ཅན། །ལྷག་པ་ཆུ་འགྲམ་ནེའུ་གསིང་། །ཕུར་བུ་ནགས་འདབ་སྤང་མེ་ཏོག །པ་སངས་བྲག་དཀར་ཟམ་པའི་རྩར། །སྤེན་པ་སྤང་ཁང་ནགས་ཧྲལ་ཁྲོད། །སྒྲ་གཅན་རི་རྩེ་རྡོ་བརྩིགས་པ། །དུས་མེ་ལམ་མང་ཕྲད་པའི་ས། །ཕན་ཚུན་འཕྲད་ནའང་དེ་ལྟར་དཔྱད། །ཏཏྐཱལ་དང་ནི་དགུ་ཆ་དང་། །དེ་གཉིས་བདུན་པ་བཞི་པོ་ཡི། །བདག་གཟའ་དང་ནི་ནོར་རྫས་མཐུན། །

― MR07_Page_0986 ―

^{[མ་དཔེ་གཟིགས་ན་འདིར་གནོན།]}

[Full Size]

བོར་བའི་ཞིང་གཟའ་སུས་མཐོང་བའི། །གསར་ཤར་གཟའ་དེའི་རིགས་སོགས་དང་། །རང་ངམ་དགྲ་གྲོགས་གང་ཡིན་པ། །དེར་གནས་རྒྱུ་སྐར་རྐང་པ་ཡི། །ཡི་གེ་དེ་ལ་བརྟེན་ནས་སུ། །དྲི་བཙལ་དོགས་པ་འཇུག་པར་འགྱུར། ༈ །ད་ནི་ལེགས་ལྡན་གཟའ་བདུན་པོ། །ཡིད་རྟོག་རླུང་གི་འདུ་འཕྲོ་ལས། །བརྟན་གཡོའི་རྟེན་འབྱུང་གཞིར་གྱུར་པ། །ཁམས་མང་རྟེན་འབྲེལ་འདུ་འཕྲོད་ཀྱིས། །གེགས་དང་བཅུད་དུ་གྱུར་པའི་ཚུལ། །བརྟག་པར་བྱ་བའི་ཏཏྐཱལ། །རང་ངམ་དཔྱད་གཞིར་བཟུང་བ་ལ། །གཟའ་གཞན་བགྲོད་པ་གསར་ཤར་ནི། །དགྲ་ཡིས་མཐོང་ན་གེགས་སུ་གྱུར། །གྲོགས་མཐོང་ཡོན་ཏན་བཅུད་དུ་གྱུར། །དེ་ཡི་ཁྱད་པར་བརྟགས་པ་ནི། །ཉི་མ་གེགས་སུ་གྱུར་པ་ན། །མི་ཆེན་བཀའ་ཕོག་རིམས་ཚད་གཟིར། །ཁམས་རིགས་དམར་ཆགས་རྫས་བྱུང་བའི། །ཡིད་ལ་སྡུག་བསྔལ་རྣམ་པར་གཡོ། །ཚད་གདུང་ཆེ་རྩུབ་ཞི་ལས་ཉམས། །ཤར་དུ་འགྲོ་བ་དོན་མེད་འགྱུར། །རྒྱལ་རིགས་དང་

― MR07_Page_0987 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་སྐྱེས་པ་རྣམས། །གཉེན་ཡང་འགྱུར་རམ་དགྲ་རུ་ལྡང་། །ཕ་རོལ་སྟོབས་ཀྱིས་ཟིལ་མནན་ནས། །བསྒྲུབ་ཏུ་མི་སྟེར་ཤ་ཐང་ཆད། །ཉི་མ་བཅུད་དུ་གྱུར་པ་ན། །འདོད་ཡོན་རྩུབ་མོའི་ལས་ལ་དབང་། །དཔེར་ན་གཡུལ་གྱི་རྒྱལ་ཁ་སོགས། །རང་སྟོབས་རྒྱས་པས་གཞན་ཟིལ་གནོན། །ཡ་རབས་གྲོགས་རྙེད་གོ་ས་འཐོབ། །གོང་ལས་ལྡོག་པའི་བཟང་འབྲས་བརྗོད། །ཟླ་བ་གེགས་སུ་གྱུར་པ་ན། །རྗེའུ་རིགས་བུད་མེད་དགྲ་རུ་ལྡང་། །མ་ཞུ་གསུས་ནད་ལུས་ཉམས་དམའ། །སྲོག་ཆགས་སམ་ནི་དཀར་མདོག་རྫས། །གཡོ་བའི་རང་བཞིན་མྱ་ངན་འབྱུང་། །མཛེས་ཉམས་ཤར་ལྷོར་དོན་མི་འགྲུབ། །རང་སྟོབས་ཤིན་ཏུ་ཉམ་ཆུང་བ། །འདོད་ཡོན་རྣམས་ཀྱིས་ལྷོད་པར་འགྱུར། །ཟླ་བ་ཡོན་ཏན་དུ་གྱུར་ན། །ཁམས་རྒྱས་འདོད་ཡོན་འཇམ་བུར་སྤྱོད། །དོན་འབྲས་རྩོལ་མེད་ངང་གིས་འདུ། །གོང་ལས་ལྡོག་པའི་བཟང་འབྲས་བརྗོད། །མིག་དམར་གེགས་སུ་གྱུར་པ་ན། །དགྲ་འཚེ་འཇིགས་སྐྲག་བློ་སེམས་རྩུབ། །

― MR07_Page_0988 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་སྐྱོ་མི་དྲག་དམག་སོགས་སྡིག །གཞན་ཡིད་མི་འོང་རྫས་ལ་རྩོད། །ལམ་རོང་དོགས་པོར་ཞུགས་པ་འདྲ། །ལྷོ་རུ་ངན་ཅིང་དགུག་པ་འབྱེར། །གང་ཡང་རྩུབ་ལ་གཟུགས་ལས་ནི། །བྱུང་བའི་སྡུག་བསྔལ་གཡོ་བར་འགྱུར། །དེ་ནི་མི་སྡུག་ཡུལ་སོགས་ཡིན། །མིག་དམར་ཡོན་ཏན་གྱུར་པ་ན། །རང་རྒྱུད་སྙིང་སྟོབས་མེ་རུ་འབར། །གཞན་སྡེར་འཇིགས་པའི་ཟུག་རྔུ་གཏོང་། །མཐོང་བའི་ཡུལ་སྐྱིད་དྲག་ལ་རྣོ། །དམར་ཆགས་རིགས་སོགས་དབང་དུ་འདུ། །གོང་ལས་ལྡོག་པ་དགའ་བའི་འབྲས། །ལྷག་པ་གེགས་སུ་གྱུར་པ་ན། །རྒྱལ་བུ་བློན་དང་བཏང་སྙོམས་མི། །རང་གར་སྡང་ལ་བློ་ནོར་འཁོར། །སྟོབས་མེད་འཕེལ་རྒྱས་མི་འབྱུང་ཞིང་། །ལྷོ་ནུབ་དོན་ཉམས་ཟས་ལ་སོགས། །མྱོང་བའི་ཚིམ་པ་མི་སྐྱེས་སྟེ། །རྒུན་ཁུ་བཙིར་བའི་སྙིགས་ཞབས་འདྲ། །མི་ཕྱུགས་བཅུད་ཉམས་འདོད་ཡོན་ཉམས། །མ་ནིང་བཞིན་དུ་ངོ་འཕང་དམའ། །རྩ་བ་ལ་སོགས་ལོངས་སྤྱོད་ཉམས། །བཀྲེས་སྐོམ་དག་གིས་གདུང་བར་བྱེད། །ལྷག་

― MR07_Page_0989 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བཅུད་དུ་གྱུར་པ་ན། །བཟའ་བཏུང་མོད་ལ་བཅུད་གཡང་འཕེལ། །སྐོམ་པ་ཆུ་ལ་འཕྲད་པ་ལྟར། །ཡིད་ཀྱང་སིམ་ལ་འཁོར་ནོར་རྒྱས། །བག་ཕེབས་འདོད་རྒུའི་སྒྱུ་རྩལ་གཡོ། །གོང་ལས་ལྡོག་པའི་བཟང་འབྲས་བརྗོད། །འདོད་དོན་འཕེལ་ཞིང་ཆེས་ཆེར་རྒྱས། །ཕུར་བུ་གེགས་སུ་གྱུར་པ་ན། །བྲམ་ཟེ་བན་བཙུན་རིག་བྱེད་པས། །དགྲ་བྱེད་བློ་མཐུ་རླུང་རྟ་ཉམས། །ནོར་དབུལ་ནུབ་ཏུ་ལྷག་པར་ངན། །དགྲ་འདུ་བསྐྲད་པ་མི་འགྲུབ་ཅིང་། །རེག་བྱ་ལས་བྱུང་སྡུག་བསྔལ་གཟིར། །སྲོག་ཆགས་ལ་སོགས་ལོངས་སྤྱོད་ཉམས། །སྐད་ཅིག་དོན་འགྱུར་ཤེས་པ་འཕྱོ། །བ་བཅོལ་བརྩམ་པ་མང་བར་འགྱུར། །དོན་མེད་བྱ་སྤུ་རླུང་ཁྱེར་འདྲ། །ཐེ་ཚོམ་ཞེ་གཅོད་མྱ་ངན་ཆེ། །ཕུར་བུ་བཅུད་དུ་གྱུར་པ་ན། །འདོད་དོན་འགྱང་མེད་མྱུར་དུ་འགྲུབ། །ཡུལ་འཁོར་བན་བཙུན་གྲོགས་བཟང་རྙེད། །བློ་ལ་རིག་པའི་ཉི་མ་འཆར། །ལུས་ཡང་འགྲོ་མགྱོགས་རིག་པ་བདེ། །བྱ་བ་ལུས་པ་མེད་པར་འགྲུབ། །གོང་ལས་བཟློག་སྟེ་བཟང་པོར་

― MR07_Page_0990 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད། །པ་སངས་གེགས་སུ་གྱུར་པ་ན། །བུད་མེད་བློན་དང་མཛེས་མ་དང་། །སྙིང་ལ་འཇུག་པ་གཞན་དུ་འབྱེར། །ནུབ་བྱང་དུ་ངན་མི་སྙན་ཐོས། །འདོད་པའི་གནས་ལ་མི་དབང་ཞིང་། །ནོར་ཕུང་གཉེན་གྱི་བྱ་བར་ངན། །པ་སངས་བཅུད་དུ་གྱུར་པ། །གང་བསམ་དབང་འདུ་རོ་ཙར་བྱེད། །སྙན་པའི་གཏམ་དང་དགའ་བ་འཕེལ། །གོང་ལས་རྒྱབ་བསྣོལ་དགེ་བར་བརྗོད། །སྤེ༷ན་པ་གེགས་སུ་གྱུར་པ་ན། །དམངས་གདོལ་མ་རབས་དགྲ་རུ་ལྡང་། །སྒྱིག་སྐྱུར་རྨོངས་བག་ལས་བྱས་འགྱང་། །བྱང་དུ་དོན་ཉམས་བྲན་ནོར་དབུལ། །སྣ་དྲི་ཤིན་ཏུ་ངན་པ་ཚོར། །བསད་པ་མི་འགྲུབ་མི་ཁ་མང་། །ལྟག་པར་མཆོད་རྟེན་བརྩིགས་པ་འདྲ། །བྱ་བ་གང་བྱས་བརྩམས་ནས་ལུས། །སྤེན་པ་བཅུད་དུ་གྱུར་པ་ན། །ཡུལ་ཞིང་འཁོར་ནོར་ཚེ་དཔལ་བརྟན། །བརྩམས་པའི་བྱ་བ་འགྱུར་ལྡོག་མེད། །ས་དཔལ་རྒྱས་པ་འབྲུ་འཕེལ་ཞིང་། །དོགས་མོ་རི་རྒྱལ་བཞིན་དུ་བརླིང་། །དགྲ་མེད་དོགས་པ་ག་ལ་ཡོད། །མདོ་མི་འཆོར་བའི་

― MR07_Page_0991 ―

^{[མ་དཔེ་གཟིགས་ན་འདིར་གནོན།]}

[Full Size]

གཏིང་རྡོ་ཡིན། །གོང་ལས་བྱོལ་བརྩམ་བཟང་འབྲས་སྨྲ། །སྒྲ་གཅན་བཅུད་དུ་གྱུར་པ་ནི། །ཨ་ཧཾ་སྲོག་གི་ཀ་བ་ཚུགས། །རྒྱལ་སྲིད་འབྲུ་ནོར་སྙན་གྲགས་འབྱུང་། །རྣལ་འབྱོར་གྲུབ་པ་མཐའ་རུ་ཕྱིན། །གེགས་གྱུར་ཚེ་མཐུ་དཔལ་ཐམས་ཅད། །རྩྭ་སྐམ་མེ་ལ་བཏབ་པ་འདྲ། །དུས་མེ་གེགས་གྱུར་སྡུག་བསྔལ་མང་། །མི་བདེ་བློ་འཁྲུགས་ལུས་ནད་དང་། །སེམས་སྡུག་བསམ་པའི་བར་ཆད་འོང་། །བཅུད་གྱུར་བསད་བསྐྲད་དུག་སྦྱོར་ལས། །ངན་བྱེད་མཐའ་དག་བསམ་བཞིན་འགྲུབ། །འདི་གཉིས་དགྲ་གྲོགས་མེད་ན་ཡང་། །ཉི་ཟླའི་ཚུལ་དང་མཚུངས་པར་སྦྱར། །འདི་ཙམ་རིག་པའི་ས་བོན་ཏེ། །དེ་ལས་རྣམ་མང་སྤྲོས་པའི་ཚོགས། །འཕྲུལ་ཏེ་འདོད་དོན་མཐའ་དག་ནི། །ལག་མཐིལ་དག་ཏུ་བལྟ་བ་བཞིན། །གསལ་བར་གྱུར་ལ་གོམས་པར་མཛོད། །ད་ནི་བྱེ་བྲག་ཏུ་བརྟག་པ། །ངོ་མཚར་རྣོ་ཐིག་ཕྲན་བུའི་སྐོར། །ཅུང་ཟད་འདི་རུ་སྤེལ་བ་ནི། །ཐོག་མར་འདྲི་བྱེད་མ་འཕྲད་ཀྱང་། །བློ་ལ་ཅི་སེམས་

― MR07_Page_0992 ―

^{[མ་དཔེ་གཟིགས་ན་འདིར་གནོན།]}

[Full Size]

ཅི་འདྲི་ན། །ཏཏྐཱལ་དུས་སྦྱོར་ཉི་མ་ཡོད་གསར་ཤར་རམ་ཞིང་བདག ནོར་ནི་ཡིད་ལ་སེམས་པ་དང་། །ནད་དང་འཚོ་འཆིའི་གཏམ་འདྲི་བྱེད། །ཟླ་བར་བུད་མེད་ཡིད་ལ་སེམས། །བྱེས་སུ་བགྲོད་པའི་གཏམ་འདྲི་བྱེད། །མིག་དམར་ཡོད་ན་སྡིག་སྤྱོད་སེམས། །དམག་དང་ཇག་པའི་གཏམ་ཡང་འདྲི། །ལྷག་ཡོད་འཇིགས་པའི་སེམས་ཡོད་ཅིང་། །འཇིགས་པ་འབྱུང་ངམ་མི་འབྱུང་འདྲི། །ཕུར་བུ་གནས་ན་ཆོས་ལ་སེམས། །ཡོན་ཏན་རིག་པའི་གཏམ་ཕྱོགས་འདྲི། །པ་སངས་འདོད་པ་ཡོད་པ་སེམས། །བུད་མེད་རྫས་ཀྱི་རྙེད་པ་འདྲི། །སྤེན་པ་སེམས་ཅན་གནོད་འཚེ་སེམས། །འཐབ་དང་རྩོད་པ་ལ་སོགས་འདྲི། །སྒྲ་གཅན་དགྲ་འོང་མི་འོང་སེམས། །བསད་བཅད་འཁྲུགས་པའི་བྱ་བ་འདྲི། །དུས་མེར་སྡུག་བསྔལ་ཡིད་ལ་སེམས། །རིམ་གྲོ་ཅི་བྱ་ཅི་བྱེད་འདྲི། །དེ་ནས་འདྲི་བྱེད་རང་ཚུལ་ནི། །ཏཏྐཱལ་ཉི་མ་ཡོད་གྱུར་ན། །ཞིང་བདག་ལའོ། །འདྲི་བྱེད་མི་ནི་འདི་ལྟ་སྟེ། །ཤ་མདོག་དམར་སྐྱ་མདོག་ངན་པོ། །སྤྲོ་ཐུང་སེམས་རྒོད་ཕྲག་དོག་

― MR07_Page_0993 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ། །མཐོ་ལ་བྱམས་ཤིང་དམའ་ལ་སྡང་། །ཡེངས་ལ་དགའ་ཞིང་རྩེ་དད་ཆེ། །རྐྱང་ཆུང་ལྟ་བུར་མགོ་འཕང་མཐོ། །ཟླ་བར་ཤ་སྔོ་ངོ་འཛུམ་ཅན། །སྤྲོ་རིང་ངག་འཇམ་རིག་པ་རྣོ། །གྲང་བའི་ན་ཚ་བག་ཙམ་ཡོད། །ཀུན་ལ་མཁས་ཤིང་ཁ་མཆུར་རྩི། །བྱ་མ་ས་ཁར་བཞག་པ་འདྲ། །མིག་དམར་ཤ་མདོག་དམར་ནག་ལ། །ཕུང་ཆེ་སྡིག་རྔམས་ལུས་རྩལ་མྱུར། །མདའ་མཚོན་དགའ་ཞིང་ཁྲོ་གཏུམ་ཆེ། །ལྷག་པར་ཤ་སྐེམས་ཚུལ་འཆོས་ཅན། །ཤ་རྩ་སྔོ་ཞིང་ཡོན་ཏན་ཅན། །སེར་ཆགས་ཡིན་ན་ཚོགས་ལ་དགའ། །སྨྲ་མཁས་བདེ་ཞིང་ཅལ་ཅོལ་མང་། །ནེ་ཙོ་ཁྱུ་ཡི་མཁས་པ་འདྲ། །ཕུར་བུ་ཤ་མདོག་སེར་རམ་ནག །གཟུགས་ཐུང་སྦོམ་ལ་སྐད་དྲག་ཆེ། །ཁ་སྟོབས་ཆེ་ལ་ཐོ་ཅོ་སྨྲ། །བན་བོན་ཡིན་པ་འདྲ་བ་ཞིག །ངོ་འཛུམ་ནག་ལ་ངང་རྒྱུད་རིང་། །སྦལ་པ་གཤེར་ལ་གནས་པ་འདྲ། །པ་སངས་མདོག་དཀར་གཟུགས་མཛེས་པ། །དབང་པོ་རྣོ་ཞིང་ཤེས་རབ་ཆེ། །ཅུང་ཟད་ཆོས་ལ་དཀར་བ་ཡིན། །གདོང་ལ་སྨེ་བ་གཉིས་

― MR07_Page_0994 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཡོད། །སྲོད་ལ་སྐར་ཆེན་ཤར་བ་འདྲ། །སྤེ༷ན་པ་མདོག་ངན་བཞིན་མི་སྡུག །ཤ་སོགས་སྔོ་ལ་མཐུ་བོ་ཆུང་། །སྒྲ་ངན་ཕལ་ཆེར་སྦྱིན་ལ་སྤྲོ། །དགོས་མེད་ཅལ་ཅོལ་སྨྲ་ལ་དགའ། །བྱིའུ་ཤིང་ཁར་འཚོ་བ་འདྲ། །དེ་དག་ཏཏྐཱལ་གཅིག་པས་བརྟག། །ཐབས་ཤེས་མཚན་མ་བརྟག་པ་ནི། །དུས་སྦྱོར་ཕྱེད་པའི་ཆ་ལས་ནི། །ཉི་མའི་ཆ་རུ་གྱུར་པ་ན། །སྲིད་བུ་ཕོ་དང་གཡས་ན་ཡོད། །གཟུགས་སྒྲ་དྲི་རོ་ཆེ་བ་དང་། །རེག་བྱ་རྩུབ་ལ་དབང་དྲག་སྟོབས། །ཟླ་བར་དེ་ལས་གོ་བཟློག་སྨྲ། །དེ་དག་དུམ་བུ་གཉིས་པས་སོ། །དུམ་བུ་རང་རང་གི་འབྲས་བུ་ནམ་སྨིན་རང་རང་གི་ལོངས་སྤྱོད་བརྩིས་པའི་འདས་མ་འོངས་བོར་བའི་སྐབས་ལྟར་གཟའ་ལ་བརྟགས་ནས་དཔྱད། །ལས་དོན་ཅི་འདྲ་ཡིན་བརྟག་པ། །སུམ་ཆའི་ཞིང་བདག་ཉི་མ་ལ། །རྒྱལ་ཁྲིམས་ལ་སོགས་གསེར་གྱི་དོན། །ཟླ་བར་བུད་མེད་འཇམ་པའི་དོན། །མིག་དམར་དམག་ཇག་དྲག་པོའི་དོན། །ལྷག་པར་འབྲུ་ནོར་སྤོགས་པའི་དོན། །ཕུར་བུར་རིག་པ་ཆོས་སྤྱོད་དོན། །པ་སངས་མཛའ་

― MR07_Page_0995 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་ནོར་གྱི་དོན། །སྤེན་པར་ཡུལ་འཁོར་ལ་སོགས་དོན། །སྒྲ་གཅན་ཚེ་གཡང་འགུགས་པའི་དོན། །དུས་མེར་དུག་སྦྱོར་བསྒྲུབ་པའི་དོན། །གཅིག་པ་ཤར་ན་ཡིད་ལ་རེ། །གཉིས་པ་ཤར་ན་དོགས་པས་དྲི། །གསུམ་ལ་བཏང་སྙོམས་ཕལ་བའི་དོན། །མཚུངས་ན་འབྲས་བུ་གསལ་བར་ཡོད། །མི་མཚུངས་ཐ་མ་དེར་འགྱུར་རམ། །དེ་དང་མཐུན་པ་ཅི་ཡོད་བརྟག །དེ་ལ་གྲོགས་དགྲས་མཐོང་ལུགས་ཀྱི། །འབྲས་བུའི་དབྱེ་བ་བྱ་བར་འོས། །དེ་དག་དུམ་བུ་གསུམ་པས་སོ། །སྦས་པའི་རྫས་ཀྱི་ཁྱད་པར་ནི། །དགུ་ཆའི་དུས་སྦྱོར་ལ་བརྩི་སྟེ། །ལུག་སེང་སྡིག་པའི་དུས་སྦྱོར་ལ། །བདུན་པར་མཐོང་ཡང་ཉི་མིག་འཛོམ་པའམ། །རེ་རེ་ཤར་ཀྱང་རྫས་དེ་ནི། །བཞུ་དང་མི་བཞུའི་ཁམས་ཡིན་ནོ། །བུ་མོ་ཆུ་སྲིན་འཁྲིག་བུམ་པ། །ཤར་ནས་དེ་བགྲང་བདུན་པ་ལ། །ལྷག་སྤེན་འཛོམ་མམ་རེ་རེ་ཤར། །རྩ་བ་ཞེས་བྱ་གོས་སོགས་ཡིན། །སྲང་གཞུ་ཉ་གླང་ཏཏྐཱལ་ཤར། །བདུན་པར་ཟླ་ཕུར་སངས་འཛོམ་མམ། །རེ་རེ་ཤར་ཀྱང་

― MR07_Page_0996 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་དེ་ནི། །སྲོགས་ཆགས་དག་གི་རིགས་སུ་བརྗོད། །མདོག་དབྱིབས་ཏཏྐཱལ་ཞིང་བདག་གི །གཟའ་ལ་དྲིས་པས་གསལ་བར་འགྱུར། །ནོར་རྫས་སུ་ཡིས་བརྐུས་བརྟག་ན། །དགུ་ཆའི་ཞིང་གི་བདག་པོ་ལ། །རང་གཟའ་ཞུགས་སམ་རང་གཟས་མཐོང་། །ཉི་མ་ཡིན་པར་གྱུར་པ་ན། །བནྡེ་བོན་པོ་ཉེ་དྲུང་རྒྱུ། །རྐུན་མ་བཞི་ཡོད་སྒོ་ཁྱི་དཀར། །སྒོ་ཡང་ཕལ་ཆེར་ལྷོ་རུ་བསྟན། །རྐུན་མ་ནོར་བཅས་ལྷོ་རུ་སོང་། །འཕྲལ་དུ་མི་རྙེད་ཚོལ་དཀའ་ཡང་། །བཅོ་ལྔའི་ཞག་ཚུན་རྙེད་སྲིད་གཟོབ། །ཟླ་བར་རྐུན་མ་མི་གཉིས་ཤ་མདོག་སྔོ། །ལོ་ནི་སུམ་ཅུ་སྐོར་ཙམ་སྟེ། །གདོང་ལ་སྨེ་བ་ནག་པོ་ཡོད། །སྒོ་ནི་བྱང་ངམ་ལྷོ་ནུབ་བསྟན། །ཁང་པའང་བྱང་ངམ་ལྷོ་ནུབ་ཡོད། །ད་ལྟ་ཁོ་ཡང་ཁྱིམ་ན་འདུག །ཕྱུགས་དང་སྒོ་ཁྱི་དཀར་ཤས་ཆེ། །རྐུན་མ་འདི་ཡིན་བཤད་མི་དགོས། །ནོར་དེ་ཞིང་ངམ་ས་ལ་སྦས། །སྲོག་ཆགས་ཡིན་ན་མྱུར་དུ་རྙེད། །ཞག་བཅུར་རྙེད་ངོ་ཕྱིས་ན་དཀའ། །མིག་དམར་རྐུན་མ་མཐོན་པོའི་རིགས། །མི་ངོ་གཉིས་

― MR07_Page_0997 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་སྒོ་ལྷོ་ནུབ། །ནུབ་ཏུ་ཡོད་ཅིང་གཞན་གྱིས་འཆད། །རྟ་དང་སྒོ་ཁྱི་དམར་རམ་དཀར། །ཞག་ལྔས་རྐུན་མ་ནོར་བཅས་ཁུག །དེ་ལ་མ་རྙེད་ངན་ཤས་ཆེ། །ལྷག་པར་སྐྱ་སེར་འདྲེས་པ་ཡི། །ནུབ་བམ་བྱང་ན་མི་གསུམ་ཅན། །སྒོ་ནི་བྱང་བསྟན་སྒོ་ཁྱི་ནག །ཁྱིམ་མཚེས་བུད་མེད་བྱིས་པ་ཅན། །དངོས་པོ་གཞན་ཡིན་ཆ་ཙམ་རྙེད། །སྲོག་ཆགས་ཡིན་ན་རྙེད་པར་དཀའ། །རྐུན་མའི་ཕྱོགས་ནས་གཏམ་བཤད་འོང་། །ཕུར་བུ་བྱང་འོང་ཤར་དུ་ཁྱེར། །ནང་ཡན་བུད་མེད་གཅིག་གིས་བྱས། །རྐུན་མ་སྔགས་རྒྱུད་གཙུག་ལག་ཤེས། །ཡང་ན་གོས་སེར་གྱོན་པ་ཞིག །སྤུན་གསུམ་ཡོད་ལ་ལོ་གྲངས་ནི། །བཅོ་བརྒྱད་ནས་ནི་སུམ་ཅུའི་བར། །ཡང་ན་དེ་འདྲའི་བུ་ཡོད་པ། །ད་ལྟ་རིང་པོར་མ་སོང་སྟེ། །ཞག་བདུན་ཚུན་ལ་མ་འབད་ན། །ཕྱིས་ནས་རྙེད་པར་ཤིན་ཏུ་དཀའ། །པ་སངས་ནུབ་འོང་ཤར་དུ་སོང་། །མི་ལོ་ཉི་ཤུ་ཙམ་ལོན་པ། །གཅིག་གཉིས་གསུམ་ལ་རྒན་པ་གཅིག །ནང་ཚང་གཅིག་ཡིན་སྒོ་ཁྱི་སྔོ་ཁྲའང་

― MR07_Page_0998 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར། །རྟ་ཕྱུགས་ཁ་དོག་སེར་ཤས་ཆེ། །ཁམ་པ། རྐྱང་ངུ་། རིགས་བརྒྱུད་བཟང་ཞིང་ཕྱིས་སུ་གུད། །སྒོ་ནི་ལྷོའམ་བྱང་དང་ཤར། །དེ་འདྲའི་སར་ཡོད་ནོར་དེ་རྙེད། །ཆུའམ་ས་ཡི་དཀྱིལ་དུ་སྦས། །ཕར་བཙལ་མི་དགོས་གཏམ་སྙན་ངོ་། །རྒན་བྱིས་ཚུར་ལ་གཏམ་ངོ་ཡིན། །སྤེ༷ན་པ་བྱ་སྤུ་རླུང་ཁྱེར་བཞིན། །ནོར་དང་བཅས་ཏེ་རིང་པོར་སོང་། །ཕྱོགས་ནི་ལྷོ་ནུབ་ཕལ་ཆེར་ལྷོ། །བྱིས་པ་ཡིན་ན་མི་གཉིས་ཡོད། །སྲོག་ཆགས་ཡིན་ན་རྙེད་ངོ་སྟེ། །སྤྱད་ཆ་གཞན་ཡིན་རྙེད་མི་འགྱུར། །དེ་ནས་རྨི་ལམ་བརྟག་པ་ལ། །གང་གིས་ཅི་རྨིས་བརྟག་པ་ནི། །ཏརྐཱ་ལའམ་དགུ་ཆའི་བདག །ཉི་མར་རྒྱལ་པོ་མེ་དང་ཁྲག །ཉི་ཤར་མེ་ཏོག་གོས་སོགས་དམར་རིགས་རྨི། །ཟླ་བར་བུ་མོ་མེ་ཏོག་དང་། །རིན་ཆེན་དང་ནི་དཀར་མཚན་རིགས། །ས་ལེ་སྦྲམ་སོགས་རྨི་བ་ཡིན། །མིག་དམར་བྱེ་རུ་ཁྲག་སོགས་དམར། །མཁའ་ལ་འཕུར་བ་ལ་སོགས་སོ། །ལྷག་པར་ཆོས་བཤད་ཉན་པ་དང་། །རིག་པ་བཟོ་ཡི་རྣམ་པ་རྨི། །བླ་མར་རི་མོ་འབྲི་བ་དང་། །

― MR07_Page_0999 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློག་དང་རིག་པ་སྣ་ཚོགས་དང་། །བྱིས་པ་རྩེ་དང་རྟ་གཉེན་མཐོང་། །ལྷ་མཐོང་པུ་སྟི་ལ་སོགས་རྨི། །དཀར་པོས་ཆུ་བརྒལ་གར་རྩེད་འཁྲིག །གླུ་ལ་སོགས་པ་རྨིས་པ་ཡིན། །དལ་འགྲོས་ཁང་ཞིང་ས་ཡི་ལས། །ནང་གི་བྱ་བ་ཐམས་ཅད་དང་། །རིག་པ་བྱིང་འཐིབ་རྨོངས་པའི་བློ། །མི་ངན་འགྲོགས་དང་རི་བྲག་འཛེགས། །ནག་པོའི་རིགས་རྣམས་རྨི་བ་ཡིན། །བདག་མིན་གཟའ་ཞུགས་འདྲེས་པའམ། །ཡང་ན་རྨི་ལམ་མི་གསལ་ལོ། །ཁྱིམ་ལ་དགྲ་ཞུགས་ངན་པ་མཐོང་། །ཉི་བདུན་ཟླ་བའམ་ཟླ་བདུན་ཉི། །དེ་ལས་གཞན་དུ་རྨི་ལམ་མེད། །འདི་ལ་ཁྱིམ་བདུན་ནས་བདུན་པའི་བར་དུ་འདོད་པ་གཉིས་སྔ་མ་ལྟར་ན་རྨི་ལམ་ཉུང་། ཕྱི་མ་ལྟར་ན་མང་། འདི་ཏཏྐཱལ་དགུ་ཆ་གཉིས་མཐུན་ན་བདེན་ལ། མ་མཐུན་ན་ཏཏྐཱལ་གཙོ་ཆེ་ཟེར་བའང་འདུག །ནམ་རྨིས་ཏཏྐཱའི་ཆ་ཤས་ནི། །བཅུ་ལ་ནམ་སྟོད་བཅོ་ལྔ་གུང་། །སུམ་ཅུ་ཐོ་རེངས་ཁ་རུ་བརྩི། །དེ་རྣམས་དུམ་བུ་བཞི་པས་དགུ་ཆས་སོ། ༈ །ནད་ཀྱི་རྒྱུ་ཁྱད་བརྟག་པ་ནི། །བཅུ་གཉིས་ཆ་ཡི་ཞིང་བདག་གཟའ། །རང་ལ་ཞུགས་སམ་མཐོང་བ་ན། །

― MR07_Page_1000 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མ་མཁྲིས་པ་ཚད་རིམས་ནད། །ཟླ་བར་མ་ཞུ་གྲང་གཅོང་ཆུང་། །མིག་དམར་ཁྲག་འཁྲུགས་ཚད་རྙིང་རྨ། །ལྷག་པར་གྲང་གཅོང་ཆུ་སེར་ནད། །ཕུར་བུར་རླུང་ནད་སྨྱོ་འདར་འཕྱོ། །པ་སངས་སྐྲན་དང་རུས་ནད་སྲིན། །སྤེན་པ་འཐིབ་མྱོས་བད་ཀན་ནད། །སྒྲ་གཅན་སྨྱོ་ལབ་གདོན་གྱི་ནད། །དུས་མེར་དུག་ནད་ཟུག་རྔུ་འོང་། །གང་ལ་འགྲོགས་པའི་དོན་སོགས་ལ། །བཅུ་གཉིས་ཆ་ཡི་ཐོབ་ནོར་དེ། །ཉིན་དབང་མཚན་མཚོས་བསྒྱུར་བྱས་ནས། །ཞིང་བདག་གཟའ་གྲངས་བསྣན་པ་ལ། །ཐུབ་དོར་ལྷག་མའི་གཟའ་བདུན་པོ། །ཉི་མར་རྒྱལ་རིགས་མི་ཆེན་དང་། །ཟླ་བར་རྗེའུ་བུད་མེད་དང་། །མིག་དམར་དཔའ་བོ་གཏུམ་དྲག་རིགས། །ལྷག་པར་རྒྱལ་བུ་གཞོན་ནུ་དང་། །ཕུར་བུ་བཙུན་པ་རིག་བྱེད་མཁན། །པ་སངས་བུད་མེད་བློན་མཛེས་མ། །སྤེན་པ་བྲན་དང་གདོལ་པ་སོགས། །སྒྲ་གཅན་རྣལ་འབྱོར་རིག་སྔགས་པ། །དུས་མེར་དུག་སྦྱོར་ལས་བྱེད་མི། །རང་རང་ལས་མཐུན་འབྲས་བུ་དགེ། དེ་དག་དབང་འདུ་མཛའ་ཡང་བརྟན། །དེ་ཡི་ལག་ནས་

― MR07_Page_1001 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཡང་འབྱུང་། །མི་མཚུངས་དགྲ་ཡི་གཟའ་ཤར་ན། །མི་དགེ་ལས་དང་མ་མཚུངས་ན། །ངན་ཅིང་ལྡོག་ན་ཤིན་ཏུ་ངན། །དཔེར་ན་སློབ་དཔོན་ཨེ་འཕྲད་ལ། །སྤེན་དང་བུད་མེད་ཕྱིར་འགྲོ་བ། །མིག་དམར་ཤར་བ་ལྟ་བུའོ། །ཕྱོགས་མཐུན་བཟང་ལ་ངེས་མཐུན་ན། །བཟང་འབྲས་ཐེ་ཚོམ་ག་ལ་དགོས། །འདི་གཉིས་དུམ་བུ་ལྔ་པས་བརྟག། །འདྲི་བྱེད་གནས་སྐབས་དར་གུད་ནི། །དམར་ཤར་དགྲ་གྱོད་སྡུག་བསྔལ་མང་། །ནད་ཚབས་ཤི་ཆད་རྒོད་པ་ཡིན། །ཤིན་ཏུ་གུད་དེ་ངན་པ་ཡིན། །སྤེན་པ་གཞན་གྱིས་མ་མནན་ཡང་། །རང་གི་ནུས་པ་ཤིན་ཏུ་ཞན། །འབྱོར་ནོར་མཐུ་དཔལ་བཅས་ཏེ་གུད། །ཕུར་བུ་ཞི་དྲག་དར་གུད་ཕྱེད། །རེས་བཟང་རེས་ངན་སྣ་ཚོགས་པ། །ལྷག་པ་ཚེ་དཔལ་ལོངས་སྤྱོད་རྒྱས། །དར་ཁ་དྲགས་ཏེ་དར་ཡུན་རིང་། །པ་སངས་ཤིན་ཏུ་དར་ཞིང་བཙན། །ཁམས་གསུམ་དབང་ཕྱུག་རྒྱལ་པོ་འདྲ། །འདི་དག་དུམ་བུ་དྲུག་པས་སོ། །དེ་ཡང་ཞི་དྲག་སྐབས་ཕྱེད་ཅིང་། །དམར་དྲག་ལྷག་རྒྱས་པ་སངས་དབང་། །སྤེ༷ན་པ་

― MR07_Page_1002 ―

^{[མ་དཔེ་གཟིགས་ན་འདིར་གནོན།]}

[Full Size]

བསད་པ་ཕུར་བུ་ལ། །སྣ་ཚོགས་བྱ་བ་བསྒྲུབ་པར་བཟང་། །ལྷག་སངས་ཞི་བ་མཆོག་ཏུ་བཟང་། །དམར་སྤེན་དྲག་པོ་ཕུར་བུ་འདྲེས། །སྐབས་མིན་བྱུང་ན་གུད་པར་བརྟག །རང་རང་སྐབས་སུ་རང་རང་བཟང་། །ཨ་ཡིག་གཅིག་པུ་ལས་སྐྱེས་པའི། །དབྱངས་གསལ་གཉིས་ཀྱིས་ཆོས་ཀུན་མཚོན། །དེ་བཞིན་བློ་གྲོས་མིག་ཡོད་ན། །དུས་སྦྱོར་བླང་དོར་གཟུགས་མི་འཛད། །། དེ་ནས་དུས་སྦྱོར་དེ་དག་གི །ངན་འབྲས་བཟློག་ཅིང་བཟང་འབྲས་བླང་། །ངོ་ལོན་ཆོ་ག་བཤད་པར་བྱ། །ཉི་མའི་གནོད་པ་ཤར་བའམ། །ཉི་མ་ལས་བྱུང་སྐྱོན་རིགས་ལ། །འབུམ་དང་སྡོང་བརྒྱན་རྡོར་གཅོད་འདོན། །སིདྡྷིའི་དར་ལྕོགས་སཱཙྪ་གདབ། །དགེ་སློང་ལ་ནི་དར་དམར་དང་། །འོ་ཐུག་ཡོན་དུ་སྦྱིན་པར་བྱ། །རྒྱལ་བདུད་མདོས་དང་གཏོར་མ་ཐོང་། །ལམ་འཕྲང་བསལ་དང་གཙུག་ཏོར་སྒྲོགས། །ནད་སོགས་གནོད་པ་འབྱུང་བ་ལ། །འཇིམ་པའི་ས་ལ་ཁྱིམ་བཅུ་གཉིས། །སྒོ་བཅས་མཛེས་པ་དེ་དག་ལ། །ཁ་དོག་མི་གཅིག་དར་སྣ་དག །བ་དན་བཙུགས་ཤིང་ཤིང་རྟ་ཡི། །འཕང་ལོའི་

― MR07_Page_1003 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིབས་འདྲ་ཟླུམ་པོ་བཅུ་གཉིས་པ། །ཀ་ར་སྦྲང་རྩིས་བྱུགས་པ་ནི། །ཁྱིམ་རེའི་ནང་བཙུགས་ཉི་མ་ཡི། །དུས་སྦྱོར་ཇི་ལྟར་འཆར་བའི་ཚུལ། །ཁང་སྟེང་གནོད་འགྲོལ་བར་དུ་བཞག །ཟངས་དང་གྲོ་དང་ཙནྡན་དམར། །ཞོ་ནི་མཆོད་ཅིང་སྦྱིན་པར་ཤིས། །ཉི་མ་ཞིང་གཟའི་དགྲ་ཤར་ན། །རས་སམ་དར་གྱི་བ་དན་ནི། །ཁ་དོག་སྣ་ཚོགས་བཅུ་གཉིས་པ། །ཁང་པའི་ཕྱོགས་དང་མཚམས་སུ་བཙུགས། །ལྕགས་སོགས་རིན་ཆེན་སྣོད་ནི་སྣ་ཚོགས་པ། །བ་དན་དེ་ཡི་རྩ་བར་ཆུ་བཀང་བཅུ་གཉིས་ཀྱང་ནི་འགྲེམ། །རེས་གཟའ་ཉི་མར་འཁྲུགས་པས་རང་ཕམ་ན། །ཕག་པའི་ཚིལ་གྱིས་བདུག་པར་བྱ། །ཆབ་གཏོར་དང་ནི་རྣམ་འཇོམས་ཁྲུས། །སྒྲོལ་མའི་མཎྜལ་བཞི་ཆོག་བྱ། །ཟླ་བ་དུང་གོས་འབྲས་དཀར་དང་། །ཙན་དམར་ཞོ་ཡིས་བུད་མེད་དང་། །བྱིས་པ་ལ་ནི་འགྱེད་བྱ་ཞིང་། །ཆུ་གཏོར་ཆུ་སྦྱིན་ཀླུ་འབུམ་དང་། །ལྕགས་མཆུ་མདོ་སྡེ་མདོ་མང་སྒྲོགས། །ཡོན་དུ་མུ་ཏིག་སྦྱིན་པར་བྱ། །ཞིང་གཟའི་དགྲ་རུ་ཟླ་བ་ཤར། །ཕྱོགས་དང་མཚམས་སུ་སརྫ་ཡི་སྤོས་དཀར་ཡིན་ནམ། །རཱ་ཛའི་བདུག་པ་དགེ་འདུན་ལ། །ཁུར་བ་སོགས་ཟས་ཀྱི་

― MR07_Page_1004 ―

^{[མ་དཔེ་གཟིགས་ན་འདིར་གནོན།]}

[Full Size]

རྙེད་བཀུར་སྦྱར་བར་བྱ། །མིག་དམར་དམག་དཔོན་དམག་སྡེ་ལ། །ཤ་ཁྲག་སྟོན་མོ་སྲན་ཟན་སྦྱིན། །ལམ་བསལ་ཚེ་དབང་སྲོག་བསླུ་བྱེད། །གཙུག་ཏོར་བཀའ་ཐང་ལོ་གྲངས་སྒྲོགས། །ཆུ་སྦྱིན་མང་དུ་བྱས་ན་བཟང་། །གླང་དང་གོས་དམར་བུ་རམ་དང་། །ཟན་སོགས་གོང་བུ་མཆོད་སྦྱིན་དགེ། གཟའ་གཟུངས་གྲྭ་ལྔ་མདོ་སྒྲོག་ཅིང་། །ཁྱབ་འཇུག་ཚོགས་བདག་མཆོད་བཙན་བཅོས། །གཟུངས་མང་སྣ་ཚོགས་གཏོར་ཆོག་བྱ། །སེང་ལྡེང་ཀ་པེད་སྦྱར་བ་ཡི། །གྲུ་གཟུགས་ཆེན་པོར་ཟས་གོས་སྣ། །རིན་ཆེན་སྣ་ཚོགས་དར་དཀར་གྱི། །བ་དན་བཅས་པ་ཆུ་བོར་དོར། །གཡུལ་ཕམ་མ་ཧེ་ར་སྐྱེས་ཤས། །དམག་ཚོགས་བདུག་ལ་ཞིང་གི་གཟའི། །དགྲར་ཤར་རས་དམར་ཁ་ཚར་མ་ཉམས་པ་ཉེར་བཞི། །དགེ་འདུན་ནམ་བྲམ་ཟེར་སྦྱིན་པར་བྱ་བའོ། །ལྷག་པར་དགེ་སློང་བྲམ་ཟེ་ལ། །མར་ཁུའི་སྦྱིན་པ་སྦྱིན་སྲེག་བྱ། །སཱཙྪ་གདབ་ཅིང་མདོ་མང་བཀླག །ཕྱོགས་སྐྱོང་གཏོར་མ་བདུད་བཤོས་བཏང་། །མ་མོ་མཁའ་འགྲོའི་ཚོགས་སྟོང་དང་། །བདེ་གཤེགས་ཁྱབ་འཇུག་ཀུན་དགའ་རའི་དབང་ཕྱུག །

― MR07_Page_1005 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་མཆོད་དཔང་སྐོང་ཕྱག་རྒྱ་འདོན། །ག་བུར་ཆུ་དང་སྲན་སྡེའུ། །གོས་ལྗང་རིན་ཆེན་ལྗང་གུ་སྦྱིན། །རྒྱན་ཡང་སྦྱིན་ལ་ཆོས་ཆོག་བྱ། །ཞིང་གཟའི་དགྲ་རུ་ལྷག་པ་ཤར། །བདེ་གཤེགས་སྐུ་དང་དགེ་སྦྱོང་དང་། །བྲམ་ཟེར་རྒུན་ཁུའི་བསྙེན་བཀུར་བྱ། །ཕུར་བུ་བནྡེ་སྔགས་པ་ལ། །འོ་ཞོ་འབྲས་ཐུག་ཤིང་ཐོག་སྦྱིན། །དབུ་དུམ་བཞི་དང་སྟོང་ཆེན་དང་། །འཇམ་དཔལ་མཚན་བརྗོད་འདོན་པར་བྱ། །དགེ་སློང་བཞི་སྡེ་མཆོད་པར་བྱ། །ཡོན་དུ་ཡུང་བ་ཙ་ན་ཀ །གོས་སེར་ཡུངས་ཀར་མཆོད་ཅིང་སྦྱིན། །རྦོད་གཏོང་བྱད་ཕུར་བཟློག་པ་ཞུ། །པེ་ཧར་མདོས་བསྐང་རིག་བྱེད་བཞི་བཀླག །གསེར་ཕྱེ་སྦྱིན་ཅིང་ལྷག་ལྷ་དང་། །ནག་པོ་ཆེན་པོ་མཆོད་པར་བྱ། །ལྕགས་སྣ་ལས་བྱས་སྐུ་བླུགས་ཤིང་། །བསམ་གཏན་མཉམ་འཇོག་བཀའ་ཐང་བཀླག །ཞིང་དགྲར་ཤར་ན་རིག་བྱེད་པར། །འོ་ཞོ་འབྲས་དང་སྦྲང་རྩིས་བཀུར། །རྫས་ལ་རས་ཡུག་ཆེ་བ་བཀོན། །རྒྱལ་བ་དང་ནི་ཚེ་སྤེལ་གཞུག །པ་སངས་ཁྱེའུ་བཅུ་གསུམ་ལ། །སྦྲང་བུར་ཡོན་སྦྱིན་དགྲ་བླ་དང་། །ཡུལ་ལྷར་ཕུད་གཏོར་ཕྱེ་མར་

― MR07_Page_1006 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད། །གཞོན་ནུ་མ་དང་མ་མོ་མཆོད། །དཀོན་བརྩེགས་ཆུ་ཆོག་མར་མེ་སྦར། །ལ་དུ་རྟ་དཀར་འབྲུ་དཀར་སྦྱིན། །ཞིང་གཟའི་དགྲར་ཤར་གཞོན་ནུ་མ། །གྲོང་ཆོས་མ་གོས་བཅུ་གཉིས་ཀྱིས། །བཀལ་བའི་རས་སྐུད་ཁྲུ་ཉེར་ལྔས། །བདག་གི་ལུས་ནི་བཅིང་བར་བྱ། །སྤེན་པར་བུད་མེད་བྱ་རོག་ལ། །ཤ་དང་སྲན་མའི་སྦྱིན་པ་བཏང་། །ནད་བདག་མ་མོའི་མདོས་ཀྱིས་བསྐང་། །དྲི་ཟ་གསུར་གྱིས་མཆོད་པར་བྱ། །ལམ་མདོའི་ལྷ་དང་མ་མོ་དང་། །དབང་ཕྱུག་དང་ནི་གཤིན་རྗེ་མཆོད། །དབང་བསྐུར་ལུང་བཞི་གཟུངས་འདུས་དང་། །གཙུག་ཏོར་བསྐང་གསོལ་བརྒྱ་བཞི་བྱ། །ཇོ་དར་མང་ཇ་དུང་གྲགས་ཞུ། །ཉ་ཤ་ཁུར་བ་ཏིལ་འབའ་ཆ། །ལྕགས་མཆོག་སྣུམ་དང་བ་ནག་མོའི། །མཆོད་སྦྱིན་དག་ནི་བྱས་ན་བཟང་། །བཤན་པའི་ལག་ནས་བླང་བའི་ལྕགས། །ནག་པའི་ཉི་མ་ཁ་དྲོས་བར། །མགར་བས་རལ་གྲི་ཚར་བྱས་ནས། །བཅུ་གཉིས་སོར་ཚད་འཆང་ན་དགེ། གཡུལ་ཕམ་སྐྲ་སེན་ཆུ་བོར་དོར། །ཞིང་གཟའི་དགྲ་ཤར་ལྷོ་ངོས་སུ། །ཟངས་སྣོད་

― MR07_Page_1007 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུས་བཀང་ཤ་ཁྲག་ནི། །སྣ་ཚོགས་ཆུ་སྦྱར་གཟའ་ལ་སྦྱིན། ༈ །སྒྲ་གཅན་ཤ་ཁྲག་ཏིལ་དང་ནི། །བུ་རམ་ཆང་སྦྱར་གདོལ་བར་སྦྱིན། །དུར་ཁྲོད་དུ་ནི་ཚོགས་བདག་དང་། །བདུད་རྣམས་མཆོད་དང་རབ་གནས་བྱ། །འདུལ་བ་སྡེ་བཞི་འདོན་པ་དང་། །མ་ཉམས་གོས་དར་ཤ་ཆང་སྦྱིན། །ར་དང་མ་ཧེ་སྲན་ཁྲེའུ། །ཏིལ་དང་ཡུངས་ཀར་ཡུངས་ནག་སྦྱིན། །སེང་ལྡེང་ཏྲི་ཤུལ་རྩེ་གསུམ་པ། །བཞི་མདོའི་ལམ་དུ་ཚེར་མ་ཡི། །མེ་དང་བཅས་པ་འབུད་པའོ། །གཡུལ་ཕམ་པ་ལ་སྨྱོན་མ་ཡི། །ཤ་ཡི་སྦྱིན་སྲེག་བྱ་བ་ནི། །ཞིང་དགྲར་བྲམ་ཟེ་རྣམ་དག་གི །ཡང་ན་བླ་མ་དགེ་སློང་། གོས་བླངས་འཇིགས་པ་མ་ཡལ་བར། །དེ་སྲིད་བདག་གིས་བགོ་བར་བྱ། །ལྷུན་པོར་སིདྡྷིའི་དར་ཆེན་ཕྱར་སིདྡྷི་ཟེར་བ་རྣམས་བླ་མའི་སྔགས་བཛྲ་གུ་རུ་ཡིན་འདུག །གཞུང་ཆུར་མ་ཎིའི་གསེར་ཟམ་ཚུགས། །འདི་བྱས་བཀྲ་ཤིས་ལྷུན་གྱིས་གྲུབ། ༈ །དུས་མེར་ཏིལ་དམར་ཁྲག་གིས་ནི། །སྤགས་པ་བྱ་རོག་མང་པོར་སྦྱིན། །མཆོད་རྟེན་མཆོད་དང་དྲང་སྲོང་གིས། །ཆོ་ག་བྱ་ཞིང་རྗེ་བཙུན་བཞེངས། །

― MR07_Page_1008 ―

^{[མ་དཔེ་གཟིགས་ན་འདིར་གནོན།]}

[Full Size]

སིདྡྷི་འུར་འདོན་ཆུ་ཀླུང་མདོ། །རིག་བྱེད་རིམ་གྲོ་རྣམ་འཇོམས་བྱ། །གདུགས་དཀར་འདོན་ཅིང་རིན་པོ་ཆེ། །སྣ་ཚོགས་ལུས་གོས་ར་དང་ལུག །སྣ་ཚོགས་ཟས་སྦྱིན་གཡུལ་ཕམ་ན། །ཛཱ་ཏིའི་མེ་ཏོག་བདུན་མགོར་གདགས། །ཞིང་གི་དགྲ་རུ་ཤར་བ་ན། །ཁྱོར་ཆུ་བཅུ་གསུམ་བུམ་པར་བླུགས། །དེ་ཉིད་ས་ཡི་འོག་ཏུ་སྦ། །འདི་རྣམས་བསྒྲུབས་པས་ཕ་རོལ་དགྲའི། །དཔུང་གི་ཚོགས་ལས་རྣམ་པར་རྒྱལ། །ནད་གདོན་བར་ཆད་བཀྲ་མི་ཤིས། །རབ་ཞི་འདོད་དོན་རྫོགས་པར་ནི། །གཟའ་མཆོག་རྒྱལ་པོ་རྣམས་ཀྱིས་སྟེར། །བཀྲ་ཤིས་ཐོག་མཐའ་བར་དུ་དགེ། སྤྱི་ལ་གཟའ་ཡུམ་གཟུངས་འདུས་དང་། །བཀའ་སྒྲོགས་མཆོད་སྦྱིན་རྒྱ་ཆེར་བྱ། །གཞན་ཡང་སྲོག་ཕྱྭ་ངན་པ་ལ། །ཚེ་གཟུངས་ཚེ་ཐར་ལྟ་བུའི་མཚོན། །གང་གང་ཡུལ་ལུགས་འཚམས་པས་བཅོས། །ཕན་བྱེད་བརྒྱ་པ་བཞིན་དུའོ། །རྒྱུད་དོན་སྤྲིན་གྱི་བླ་རེ་ཡངས་པ་ལ། །བླ་མའི་ཞལ་ལུང་དབྱར་གྱི་རྔ་གསང་སྒྲོགས། །རིག་རྩལ་གློག་ཕྲེང་འབུམ་གྱི་ཟློས་གར་རྩེན། །སྐལ་བཟང་དཔྱིད་ཀྱི་དུས་བཟང་ཉེ་བར་མཚོན། །

― MR07_Page_1009 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ནི་གསལ་པོར་ཕྱེ་བ་འདི་ལྟ་བུ། །དེ་སྔ་གངས་ཅན་ལྗོངས་སུ་གྲགས་པ་མེད། །འདི་བཞིན་དཔྱོད་དང་ལྐོག་གྱུར་དངོས་པོ་བརྒྱ། །མཐོང་བའི་ངོ་མཚར་རང་ལ་མངོན་སུམ་འགྱུར། །གླང་ཆེན་སེང་གེས་གཏམས་པའི་ནགས་ཁྲོད་དུ། །ལོང་བས་ལོང་བ་ཁྲིད་ནས་འཇུག་པ་ལྟའི། །བླང་དོར་བབ་བབ་རྩོམ་པའི་སྐྱེ་ཚོགས་ལ། །ཕན་བདེའི་ལམ་བཟང་གསལ་བའི་མིག་མཆོག་འདི། །འཕགས་པས་རྗེས་བསྟན་མཁས་པས་རབ་བསྔགས་ཤིང་། །སྐལ་བཟང་རྣམས་ཀྱི་འཇུག་ངོགས་མཆོག་ཡིན་ཕྱིར། །ཕན་པའི་སེམས་ཀྱིས་ལེགས་པར་ཕྱེ་བ་ཡི། །དགེ་བས་མངོན་ཤེས་དྲི་མེད་རྙེད་གྱུར་ཅིག །ཅེས་དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་པོ་ཤེལ་གྱི་མེ་ལོང་ཞེས་བྱ་བ་ལས། རྩིས་ཚུལ་གྱི་སྙིང་པོ་དུས་སྦྱོར་བརྟགས་པ་བླང་དོར་གསལ་བའི་མིག་བཟང་མཛེས་པའི་སྐབས་ཏེ་གསུམ་པའོ།། །།རང་རིག་བདེ་ཆེན་དཔའ་བོ་ཐབས་ཀྱི་སྐུ། །སྟོང་ཉིད་དབྱིངས་ཀྱི་བཙུན་མོར་རོལ་པ་ཡིས། །

― MR07_Page_1010 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་རྟོག་བདུད་བཞི་འཇོམས་པའི་དཔལ་ཆེན་པོ། །ཁྱབ་བདག་རྡོ་རྗེ་འཛིན་པ་དེ་ལ་འདུད། །དཔལ་ལྡན་གཡུལ་ལས་རྣམ་པར་རྒྱལ་བ་ཡི། །དབྱངས་འཆར་ཞེས་གྲགས་གཙུག་ལག་རྒྱལ་པོ་ལས། །གང་གིས་རྟོགས་ན་ཕ་རོལ་གཡུལ་འཇོམས་པའི། །དགྲ་ལས་རྣམ་པར་རྒྱལ་བའི་ཆོ་ག་བཤད། །རྟེན་འབྱུང་བསླུ་མེད་སྒྱུ་མའི་འཁྲུལ་འཁོར་ལ། །རྣམ་དཔྱོད་མིག་སྟོང་གཡོ་བའི་དབང་པོ་དེས། །རྩིས་རིག་འབར་བའི་རྡོ་རྗེ་འདི་འཛིན་ན། །རྒོལ་ངན་ལྷ་མིན་གཡུལ་ལས་རྣམ་པར་རྒྱལ། །དེ་ཡང་དགྲ་འོང་མི་འོང་ནི། །གང་གིས་དྲི་བའི་དུས་སྦྱོར་གྱི། །གསུམ་ལྔ་དྲུག་པའི་གནས་ཉིད་དུ། །ཉི་སྤེན་འཛོམ་མམ་རེ་རེ་ཤར། །དེ་ཚེ་དགྲ་བོ་འོང་བར་འགྱུར། །ཟླ་བ་མར་ངོའི་ལྷན་ཅིག་གྱུར་ན་ནི། །ངེས་པ་ཉིད་དུ་འབྱུང་ཞེས་གྲགས། །དེ་རྣམས་གང་རུང་ཟླ་བ་གནས། །དགྲ་བོ་ཡང་ཡང་བསྣན་ནས་འོང་། །བཞི་པར་ཉི་སྤེན་མིག་དམར་ཤར། །དགྲ་བོ་ལམ་ནས་སྟོང་བར་ལོག །ཟླ་བ་བྱུང་ནའང་དགྲ་མི་འོང་། །བཞི་པར་ཕུར་ལྷག་སངས་གནས་ན། །དགྲ་བོ་དག་ནི་འབྱུང་བར་ཤེས། །ཟླ་བ་གཡོ་བར་གནས་ན་འོང་། །

― MR07_Page_1011 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པར་གནས་ན་མི་འོང་ངོ་། །གཉིས་ཀར་དགྲ་ནི་ཡུལ་དུ་འོང་། །དྲི་བའི་དུས་སུ་གྱུར་ནའོ། །གལ་ཏེ་འོང་བར་ཤར་བ་ན། །དེ་ལ་སྡིག་བསོད་གཟས་མཐོང་བ། །དེ་བཞིན་དགྲ་ལ་ལེགས་ཉེས་འོང་། །ཉ་སྡིག་བུམ་ཀར་བཞི་པར་འགྱུར། །དགྲ་ཡི་དཔུང་གི་བཞི་ཆ་འབྲོས། །གལ་ཏེ་དགྲ་བོ་འོང་བ་ན། །དྲིས་པའི་ཁྱིམ་གནས་གཟའ་དུ་ཡོད། །མི་གྲངས་བསྡོམས་པར་བྱས་ནས་ནི། །གཡོ་གཅིག་བརྟན་གཉིས་བར་གསུམ་བསྒྱུར། །དྲིས་པའི་དུས་དང་ཟླ་བ་ནི། །ཁྱིམ་གང་ཡིན་པར་སླེབས་པའི་ཚད། །དེ་ནི་ཉི་མའི་གྲངས་སུ་ཤེས། །འོང་ནས་རྒྱལ་ཕམ་རིམ་པའམ། །ཡང་ན་ཕར་ལ་རྒོལ་ཀྱང་རུང་། །འདི་ལྟར་སྟོབས་གསུམ་ཤེས་བྱ་སྟེ། །དེ་ལ་རྩོད་པའི་མིང་གི་སྟོབས། །ཕན་གནོད་དམིགས་སུ་བསལ་བའི་སྟོབས། །འཁྲུགས་ཚེ་དུས་ལྷའི་ཕྱོགས་ཀྱི་སྟོབས། །འདི་ལྡན་ངེས་པར་རྒྱལ་འགྱུར་བ། །དབྱངས་འཆར་རྒྱུད་ཀྱི་དགོངས་པ་ཡིན། །སྟོབས་གསུམ་བརྩི་བའི་གཞུང་ཡོད་ན། །གཡུལ་ལས་རྒྱལ་བའི་གཙུག་ལག་ཟེར། །། དེ་ལ་ཐོག་མར་རྩད་པ་ན། །

― MR07_Page_1012 ―

^{[མ་དཔེ་གཟིགས་ན་འདིར་གནོན།]}

[Full Size]

གང་གང་རྩོད་པ་གཉིས་པོ་ཡི། །མིང་ཡིག་ལ་བརྟགས་དེ་ཡང་ནི། །དམག་ལ་སོགས་པར་གཙོ་བོ་དང་། །དམག་དཔོན་གཉིས་ཀའི་མིང་ལ་བརྟག །མིང་གི་དབྱངས་གསལ་སོ་སོར་ཕྱེ། །གཅིག་བསྡོམས་ཕན་ཚུན་འཕྲི་བ་ཡིས། །གང་མང་བ་དེ་རྒྱལ་བར་བལྟ། ༈ །ཡང་ན་མིང་གི་དབྱངས་ཡིག་རྣམས། །ཐུང་རིང་ཤིན་ཏུ་རིང་པོར་ཕྱེ། །རིམ་བཞིན་གཟུགས་མེ་མེས་བསྒྱུར་བསྡོམས། །ཕན་ཚུན་འཕྲི་བས་གང་མང་རྒྱལ། ༈ །མིང་གི་དབྱངས་ནི་མིག་གིས་བསྣུན། །གསལ་བྱེད་མཚོས་སྤེལ་གཉིས་ཀ་བསྡོམས། །རིས་འགོད་གཉིས་ཀ་མཉམ་ན་འདུམ་མཚོ་ཟེར་བ་སྣང་། མི་མཉམ་སྟོབས་ལ་བལྟས་པས་ཤེས། ༈ །དབུགས་ནི་འཇུག་པར་གང་བརྗོད་རྒྱལ། །འཐོན་ལ་གང་བརྗོད་ཕམ་པའོ། ༈ །མིང་གཉིས་སྔོན་ལ་གང་བརྗོད་རྒྱལ། །ཕྱི་ནས་བརྗོད་པ་ཕམ་པར་སྟོན། ༈ །མིང་གི་དབྱངས་གསལ་ཕྱེ་བ་རྣམས། །ཟུང་ཕམ་ཡ་ནི་རྒྱལ་བར་གསུངས། །དབྱངས་ལ་གསལ་བྱེད་ཆ་སོགས་མུ་བཞི་ཡོད། གཞན་ཡང་མིང་ཐོག་དགྲ་གྲོགས་བརྟག །འདི་རྣམས་དང་ནི་རྒྱན་འཁོར་ལོ། །རྩིས་ཕྲན་ནང་དུ་ལེགས་པར་བཀྲོལ། །རྩིས་

― MR07_Page_1013 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་དེ་རྣམས་སོ་སོ་ལ། །རྒྱལ་ཕམ་གྲངས་ཀྱི་རྡེའུ་བོར། །བཟང་ངན་མང་ཕྱོགས་ཁ་དམར་གདགས། །མིང་སྟོབས་ཁོ་ནར་ཕན་ཚུན་གཉིས། །སོ་སོར་རྡེའུ་བཅུ་རུ་ཡོད། །རྒྱལ་དཀར་ཕམ་ན་ནག་པོ་བཞག །གཉིས་ཀ་མཉམ་ན་བཏང་སྙོམས་སོ། ༈ །མིང་གི་རྒྱུ་སྐར་འཁོར་ལོ་ནི། །མིང་སྐར་རྐང་བརྒྱའི་སྐབས་ལྟར་བཙལ། །འདི་ལྟར་དཔེའུ་རིས་ཇི་བཞིན་ལས། །གང་རྒྱལ་གཉེན་པོའི་ངེས་པ་རྙེད། །སྟེང་འོག་ཕན་ཚུན་དགྲ་གཤེད་ཡིན། །སྟེང་མ་འཇོམས་བྱེད་འོག་འཇོམས་བྱ། །སྟེང་འོག་མིན་ན་བཏང་སྙོམས་ཕྱིར། །རང་གི་དམག་དཔོན་མིང་སྐར་ནི། །སྟེང་མ་ཕ་རོལ་འོག་ཏུ་བྱ། །དཔེར་ན་ཕ་རོལ་མིང་སྐར་ནི། །སྨིན་རྒྱལ་ཡིན་ན་ལུག་ཡིན་པས། །དེ་ལ་གཉེན་པོ་རང་ཕྱོགས་ཀྱི། །དམག་དཔོན་ལག་སྣུབ་མིང་སྐར་ཅན། །དེ་ནི་སྤྱང་ཀི་ཡིན་པས་བསྐོ། །དེ་བཞིན་བསྒྲིགས་ན་རྒྱལ་ཞེས་གྲགས། ༈ །དེ་ནས་དུད་འགྲོའི་འཁོར་ལོ་བཤད། །ཕ་རོལ་དགྲ་གཤེད་གཉེན་པོ་ནི། །འགྱུར་ཚུལ་དུད་འགྲོའི་དཔེས་

― MR07_Page_1014 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོན་པ། །འདི་ལྟར་ཙཀྲ་དག་ལས་ཤེས། །ཏ་སྡེའི་མིང་ཅན་སྦྲུལ་ཡིན་ཏེ། །དེ་འདོམས་ཨ་སོགས་དབྱངས་མིང་ཅན། །བྱ་ཁྱུང་ཡིན་པ་དེ་བཞིན་དུ། །གཞན་པ་རྣམས་ཀྱང་ཤེས་པར་བྱ། །ཕ་རོལ་གཤེད་དུ་གྱུར་པ་ཡིན། །རང་ཕྱོགས་མིང་གི་རྟེན་འབྲེལ་བྱ། །དགྲ་གཤེད་མིན་ན་བཏང་སྙོམས་སོ། །འདི་སྐབས་ལུག་དང་སྤྱང་ཀི། བྱི་ལ་བྱི་བ་བརྗེ་བ་མན་ངག་ཡིན་ཟེར་བའང་ཡོད།། དེ་ནས་སྡེ་བརྒྱད་འཁོར་ལོ་ཞེས། །འདི་ལྟར་དཔེའུ་རིས་ཇི་བཞིན་དུ། །༡ ༢ ༤ ༨ ༡༦ ༣༢ ༡༢༨ ༦༤ལྷ་མིན་ཀླུ་དྲི་ཟ་གནོད་སྦྱིན་སྲིན་པོ་ཤ་ཟ་མི་ལྷ་ཀ ཙ ཊ ཏ པ ཡ ཤ ཨ་མིང་གང་སྡེ་པ་གང་ཡིན་པའི། །གོས་ཐོག་མས་མཚོན་ཏེ་རང་སྟེང་གི །སྡེ་བརྒྱད་གང་ཡིན་འདི་ཕྱོགས་བརྒྱད་དུ་བཀོད་ན་དུད་འགྲོའི་འཁོར་ལོ་དང་འདྲའོ། །ངེས་པར་བྱ་མིང་གི་ཐོག་མ་ཁོ་ནར་བརྟག དེ་ཡི་སྟོབས་ཀྱི་ཆེ་ཆུང་ཡང་། །ལྷ་མིན་ནས་ནི་མི་ཡི་བར། །ལྡབས་འགྱུར་སྟེང་གི་ཨང་གྲངས་བཞིན། །སྟོབས་ཆེ་བས་ན་ལྷ་མིན་ནོ། །ཀླུས་འཇོམས་ཀླུ་ནི་དྲི་ཟ་དང་། །ཤ་ཟ་ལྷ་དང་ལྷ་མིས་འཇོམས། །མི་ནི་ཤིན་ཏུ་སྟོབས་ཆེ་ཡང་། །དེ་ཉིད་སྲིན་པོས་འཇོམས་པས་ན། །

― MR07_Page_1015 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཕྱོགས་ཕ་རོལ་གཉེན་པོར་བྱ། །དཔེར་ན་ཕ་རོལ་ལྷ་མིན་མིང་། །རང་ཕྱོགས་ཀླུ་མིང་དམག་དཔོན་གྱིས། །སྦྲུལ་ཐོད་ཀླུའི་ཆས་བྱས་ཏེ་འཐབ། །རྒྱལ་བར་འགྱུར་བའི་རྟེན་འབྲེལ་ཡིན། །དེ་ཡང་གོང་མ་དུད་འགྲོའི་འཁོར་ལོ་ནི་དབང་ཕྱུག་ཆེན་པོས་རྒྱུད་འདིར་བསྟན་པ་ཡིན་ལ། །དེ་ཡང་ཨ་དང་བྱ་ཁྱུང་སོགས་རིམ་བཞིན་ཤར་ནས་གཡས་སྐོར་དུ་འགོད་པར་གསུངས། འོག་མ་སྡེ་བརྒྱད་ཀྱི་འཁོར་ལོ་དེ་ལྷ་ཚངས་པས་བསྟན་པ་ཡིན། འདི་གཉིས་མིང་གི་ཐོག་མར་གང་ཡོད་པའི་དབྱངས་སམ་གསལ་བྱེད་གཅིག་པོ་དེ་ལ་བརྟག་པ་ཡིན། དབྱངས་གང་ཡོད་ཨ་སྡེ། ཀ་ཁ་ག་གྷ་ང་ཀ་སྡེ་ཡིན་པ་སོགས། ཡ་སྡེ་ཡ་ར་ལ་ཝ་གསུམ་བཅས་དང་། ཤ་ཥ་ས་ཧ་ཤ་སྡེའོ། །འཁོར་ལོ་སྔ་མ་ལྟར་ན་ཊ་སྡེ་སྤྱང་ཀི་ཡིན་པས། ཤ་སྡེ་ལུག་ལས་སྟོབས་ཆེ་ལ། ཕྱི་མ་སྡེ་བརྒྱད་འཁོར་ལོ་ལྟར་ན་ཊ་སྡེ་ལས་ཤ་སྡེ་སྟོབས་ཆེ་བས་དེ་བཞིན་ཀ་སྡེ་པ་སྡེ་སྔ་ཕྱིར་བཤད་པ་འགལ་བར་སྣང་ཡང་ལུགས་སོ་སོ་ཡིན་ལ། ཆ་འགའ་ཞིག་ནས་བཟང་ལ་འགའ་ཞིག་ལས་ངན་པ་ལྟ་བུ། །འཁོར་ལོ་མང་པོ་བརྩིས་ན་སྤྱིར་འོང་མོད་ཀྱང་ཆ་ཆེ་ཆུང་དཔྱད་དུ་ཡོད་དོ། །དུས་ཀྱི་འཁོར་ལོའི་རྒྱུད་ལས། འདུ་བ་ཁ་དོག་དབྱངས་ལ་སོགས་པ་མཉམ་དང་མི་མཉམ་གྱུར་པ་རྣམས་ཀྱིས་འབྲས་མེད་སྟོན་པ་ཉིད། ཅེས་རྒྱལ་མཚན་དུ་བ་

― MR07_Page_1016 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བརྒྱད་ཀྱི་འདུ་བ་བརྟག་པ་དང་། གཟའ་སོགས་ཀྱི་ཁ་དོག་དང་རིགས་དང་དབྱངས་སོགས་ཕན་ཚུན་མཉམ་མི་མཉམ་དང་། གསལ་བྱེད་མིག་དང་དབྱངས་བཞིས་བསྒྱུར་ཏེ་རིས་བགོས་ལྷག་ལ་བརྟགས་ནས་རྒྱལ་ཕམ་བརྟག་པ་ནི་དབང་ཕྱུག་པ་རྣམས་ཀྱིས་སེམས་ཅན་རྣམས་ཀྱི་བདེ་སྡུག་གཟས་བྱེད་པར་བསམས་ནས། དེ་ལྟར་དབང་ཕྱུག་གིས་གསུངས་སོ་ཞེས་རྫུན་གྱིས་འཇིག་རྟེན་སླུ་བར་བྱེད་པ་ནི་འབྲས་བུ་མེད་པར་སྟོན་པ་ཡིན་གྱི། སེམས་ཅན་རྣམས་ཀྱི་བདེ་སྡུག་རང་རང་གི་སྔོན་ལས་ཀྱིས་བྱེད་པ་ཡིན་གྱི། གཟའ་སོགས་བདེ་སྡུག་བྱེད་པོ་གཞན་མེད་ཅེས་གསུངས་ཏེ། དེ་བཞིན་འགྲེལ་ཆེན་དྲི་མེད་འོད་དུ་ཡང་འདིའི་ཐད་དང་། མཆོག་མི་འགྱུར་བའི་ལེའུར་གསུངས་པ་ལྟར་ཤེས་དགོས་ཏེ། སེམས་ཅན་རང་རང་གི་སྔོན་ལས་ཀྱི་བདེ་སྡུག་ཏུ་བྱེད་པའི་རྐྱེན་སྨན་དང་དུག་སོགས་ལ་འཕྲད་པ་ལྟར། ལས་བཟང་བ་རྣམས་གཟའ་སྐར་དུས་སྦྱོར་བཟང་པོ་འཕྲད་ནས་ལས་གྲུབ་པ་སོགས་གཟའ་སྐར་རྣམས་རྐྱེན་ཙམ་དང་ལ་ཉེ་སྟོན་པ་ཡིན་གྱི། སྐྱེ་རྒུའི་བདེ་སྡུག་གི་བྱེད་པ་པོ་མ་ཡིན་པར་ཤེས་དགོས་སོ། །དེས་ན་འདི་འདྲའི་ཚིག་བྱུང་བའི་གཞུང་རྣམས་དང་། དབྱངས་འཆར་ནི་བསྟན་བཅོས་ངན་པ་དྲུག་གི་ནང་ནས་ངན་གཡོའི་བསྟན་བཅོས་ཡིན་ནོ། །ཞེས་སོགས་ཟེར་བའི་ཚིག་ཙམ་ལ་བརྟེན་ནས་གཞུང་འདི་སུན་འབྱིན་པ་མི་རུང་སྟེ། བླང་དོར་གསལ་བའི་བསྟན་བཅོས་ཁྱད་པར་ཅན་ཡིན་ནོ། །

― MR07_Page_1017 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ན་དུས་འཁོར་འགྲེལ་ཆེན་ལས། དབང་ཕྱུག་པ་རྣམས་ཀྱིས་དབྱངས་འཆར་བཀོད་དེ། དབང་ཕྱུག་གིས་གསུངས་སོ་ཞེས་རྫུན་གྱིས་བསླུ་བ་སྟེ། ཞེས་གསུངས་པའི་དགོངས་པ་གོང་བཤད་ལྟར་དང་། གལ་ཏེ་འདུ་བ་སོགས་ཀྱི་ཐད་ནས་དེ་རྣམས་བྲམ་ཟེ་རྣམས་ཀྱིས་དབྱངས་འཆར་དུ་བཀོད་དེ་ཞེས་པར་གོ་དགོས་ཀྱི། དབྱངས་འཆར་གྱི་རྒྱུད་མཐའ་དག་དྲང་སྲོང་གདུག་པས་དབང་ཕྱུག་ལ་ཁ་གཡར་ཏེ་བརྩོམ་མོ་ཞེས་པའི་དོན་མིན་པ་ངེས་པར་གསལ་ཏེ། རྒྱུད་ལས་ཀྱང་འདི་ཐད་ཁོ་ནར་གསུངས་པ་དང་། འགྲེལ་བས་ཀྱང་གཟའ་སོགས་བདེ་སྡུག་གི་བྱེད་པ་པོ་ཡིན་པར་འདོད་པ་སྔ་ཕྱིར་བཀག་ལ་སྤྱིར་མ་བཀག་ཅིང་། དབྱངས་འཆར་དུས་འཁོར་གྱི་དགོངས་དོན་ཕལ་ཆེར་མཚུངས་པ་ཡང་བྱུང་བའི་ཕྱིར་དབྱངས་འཆར་གྱི་རྒྱུད་དོན་ཕལ་ཆེར་དུས་འཁོར་འབྲས་རྩིས་ཀྱི་ཆ་ལག་ལྟ་བུ་ཡིན་ནོ། ༈ །དེ་ནས་འདབ་ཆགས་འཁོར་ལོ་ཞེས། །མེ་མཚམས། འདབ་ཆགས་བརྒྱད་ཀྱི་དཔེས་མཚོན་པའི། །ཡུལ་དུས་སྟོབས་ཀྱི་བྱེ་བྲག་བརྟག །དེ་ཡང་འདི་ལྟར་དཔེའུ་རིས་ལ། །བལྟས་པས་ཤེས་པ་ཁོ་ན་ཡིན། །དབྱངས་གསལ་ཡི་གེ་སྡེ་བརྒྱད་པོའི། །སོ་སོའི་མིང་གི་འདབ་ཆགས་མིང་། །དེ་འོག་མཚལ་ཟླུམ་ར་བ་ན། །སོ་སོའི་རྩ་བའི་སྟོབས་

― MR07_Page_1018 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་ནི། །ནེ་ཙོ་ལས་ནི་བྱ་རྒོད་བར། །སྟོབས་འཕེལ་དབྱང་འཆར་རྒྱུད་ལས་གསུངས། །འཆི་མེད་བདེ་བས་དེ་དང་ནི། །མི་འདྲ་བཤད་པའི་ལུགས་གཉིས་འདུག །འདིར་ནི་རྒྱུད་དོན་ཇི་བཞིན་བྲིས། །དེ་སྟེང་མཚལ་གྱི་ཨངྐི་ནི། །རེས་གཟའི་གྲངས་ཡིན་སྲིན་བྱའི་སྟེང་། །བརྒྱད་པ་སྒྲ་གཅན་ཡིན་མོད་ཀྱི། །དེ་ནི་རེས་གཟར་མི་འོང་ཀྱང་། །ཐུན་ཕྱེད་སྐབས་བཤད་ཇི་བཞིན་དུ། །རཱ་ཧུ་སྤེན་པའི་རེས་གཟར་སྡུད། །ཐུན་ཕྱེད་འཆར་བ་འདིར་ཡང་དྲན། །དུས་བཞི་དང་ནི་ཞག་གཅིག་གི །ཐོ་རེངས་ལ་སོགས་ཡི་གེར་བཀོད། །འོག་མའི་སྣང་ཨང་གཉིས་ཡོད་པ། །དཀར་ཕྱོགས་ཀྱི་ནི་ཚེས་ཡིན་ཏེ། །དེ་བཞིན་ནག་ཕྱོགས་ཚེས་ལའང་སྦྱར། །བྱ་རྒོད་ཤར་དུ་རྒྱབ་བརྟེན་དེ། །

― MR07_Page_1019 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ཏུ་བཟང་སོགས་ཕྱོགས་བརྒྱད་ཕྱེ། །ཟླ་ཞག་དུས་ནི་དེ་དང་དེར། །རང་རང་སོ་སོའི་སྟོབས་དར་བའི། །དུས་དེར་ལས་བརྩམ་རྒྱལ་ཞེས་གསུངས། ༈ །དཔེར་ན་ཨ་ཡི་མིང་ཐོག་ཅན། །ཟླ་བ་ཀུན་ལ་ཁྱད་མེད་པར། །སྟོབས་ཆེ་དཀར་ནག་ཕྱོགས་ཀྱི་ཚེས། །གཅིག་དགུ་གང་རུང་ཉིན་གྱི་དུས། །རེས་གཟའ་ཐུན་ཕྱེད་ཉི་མར་བབས། །དེ་དུས་སྟོབས་མཆོག་མཐར་སོན་པས། །ཤར་དུ་རྒྱབ་བརྟེན་ནུབ་ཁ་གྱུ། །ནུབ་གནས་དགྲ་བོ་ཏ་མིང་ལ། །ཁྲུང་ཁྲུང་རྒྱལ་མཚན་འཛིན་པ་ཡིས། །སྣ་དྲངས་དམག་འདྲེན་བྱས་ན་ཐུབ། །མདོར་ན་རང་སྟོབས་དར་བ་དང་། །དགྲ་བོ་གུད་དུས་ཕྲིན་ལས་བརྩམ། །འདབ་ཆགས་རང་རང་ཕྱོགས་སུ་ནི། །འཁྲུགས་ན་ཕམ་པར་འགྱུར་ཞེས་ཟེར། །དཔེར་ན་བྱ་རྒོད་ཤར་ཕྱོགས་སུ། །ཉི་མའི་རེས་ལ་འཁྲུགས་ན་ཕམ། །དེ་ཕྱིར་དེ་གཞོམ་འདོད་པ་ན། །ཤར་གནས་དགྲ་བོ་ཨ་མིང་ཅན། །ཉི་མའི་རེས་ལ་བྱ་རྒོད་ཀྱི། །རྒྱལ་མཚན་འཛིན་པས་ནུབ་ནས་ནི། །ཨ་ཡི་མིང་ཅན་མ་ཡིན་པས། །དམག་དྲངས་རང་གཤེད་དབབ་སྟེ་འཇོམས། །དེས་

― MR07_Page_1020 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲེས་རིག་པས་སྦྱར་ཏེ་དཔྱོད། །ཤོ་རྒྱན་རྩོད་སོགས་ཀུན་ཀྱང་འདིས། །བརྟགས་ན་འབྲས་བུ་འབྱིན་པར་གསུངས། ༈ །བྱེ་བྲག་ཕན་གནོད་དམིགས་བསལ་རྣམས། །འདི་ལྟར་འཁྲུགས་པ་ཆེ་ཆུང་ནི། །ཏྲི་ཤུལ་གསུམ་གཤིབ་ཙ་ཀྲས་བརྟག །ཏྲི་ཤུལ་ཙཀྲ་དཔེའུ་རིས་ལྟར། །རྒྱུ་སྐར་བཀོད་ལུགས་ཐ་སྐར་ནས། །བཀོད་པ་འདི་ལྟར་ཉི་སྐར་ནས། །བརྩམས་ཏེ་བཀོད་པར་བྱ་བ་ཡིན། ༈ །དབུས་མ་འཁྲུགས་པའི་ཏྲི་ཤུལ། །འདི་ལ་བརྟགས་པ་གཙོ་ཆེ་སྟེ། །དྲི་དུས་ཟླ་སྐར་གཙོ་ཆེ་བས། །འདྲི་བའི་དུས་ཀྱི་ཟླ་སྐར་རམ། །རང་དགྲའི་མིང་སྐར་གང་རུང་ནི། །དབུས་མའི་ཡུལ་བའི་སྐར་མ་ནི། །འོག་མ་གཉིས་སོང་རྩོད་པ་ཆུང་། །དཔེར་ན་དཔེའུ་རིས་ལྟར་ན། ༡༥༢༣གཉིས་ལྟ་བུའོ།། བར་མ་གཉིས་ལ༡ ༦་འབྲིང་པོར་འགྱུ༢༢ར། །སྟེང་མ༡ ༧་གཉིས་ལ༢ ༡་འཐབ་རྩོད་ཆེ། །རྩེ་༡༨མོ་གསུམ་ལ༡ ༩་ཤིན་ཏུ༢ ༠་ཆེ། །དེ་ལས་ཀྱང་ནི་དབུས ༡ ༩་རྩེ་རྩུབ། །ཁྱད་པར་སྐྱེས་མིང་རྩེ་མོར་སོང་། །དེ་ལ་ཟླ་སྐར་བཅས་པ་ཅན། །ངེས་པར་ཤིན་ཏུ་རྩུབ་པར་བཤད། །

― MR07_Page_1021 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ན་དབུས་མའི་རྩེ་མོ་ལ། །རང་དང་དགྲ་བོ་གང་ཡིན་པའི། །མིང་སྐར་ཡོད་པ་ཕམ་པར་འགྱུར། ༈ །དབུས་མ་འཁྲུགས་པའི་ཏྲི་ཤུ་ལ། །གཡས་པ་ནང་དུ་འཇུག་པ་སྟེ། །ཏྲི་ཤུལ་གཡོན་པ་ཕྱིར་འཐོན་ནོ། །དགྲ་བོའི་སྐྱེས་མིང་སྐར་མ་ནི། །ཕྱིར་འཐོན་ལ་བྱུང་ཕྱིར་ལྡོག་འགྱུར། །ནང་འཇུག་རང་གི་ཡུལ་དུ་འོང་། །འཐོན་ལ་རྩོད་ཆུང་འཇུག་ལ་ཆེ། །དེ་ཡང་དྲག་པོའི་གཟའ་དང་ནི། །ཁྱད་པར་མིག་དམར་རཱ་ཧུ་གཉིས། །དབུས་མའི་རྩེར་སོང་ཤིན་ཏུ་འཐབ། །ཞི་གཟའ་གནས་ན་བསད་སྨས་འབྱུང་། །ཕྱིར་འཐོན་རྩེ་མོར་དྲག་གཟའ་གནས། །རང་ཉིད་རྒྱལ་བར་འགྱུར་བ་ཡིན། །ནང་འཇུག་རྩེ་མོར་དྲག་གཟའ་ཡོད། །དགྲ་བོ་རྒྱལ་བར་འགྱུར་བ་ཡིན། །ཞི་གཟའ་དེ་ལས་བཟློག་སྟེ་སྨྲ། །འདྲེས་མ་གནས་ན་འདུམ་པར་བྱེད། །

― MR07_Page_1022 ―

^{[མ་དཔེ་གཟིགས་ན་འདིར་གནོན།]}

[Full Size]

འཐོན་ལ་ཞི་གནས་སྔོན་དུ་ཕམ་ནས་ཕྱིས་སུ་རྒྱལ། །འཇུག་ལ་དྲག་གནས་རང་ཉིད་རྒྱལ་ནས་ཕམ། །མདོར་ན་ཕྱིར་ཐོན་ཟླ་སྐར་དང་། །ཕ་རོལ་སྐྱེས་མིང་སྐར་མ་གནས། །རྩོད་པ་ཆུང་བ་ཤེས་པར་བྱ། །ནང་འཇུག་གནས་ན་འབྲིང་ཡིན་ཏེ། །དབུས་རྩེར་གནས་ན་ཆེ་བར་བརྗོད། །དེ་ལྟར་རྩིས་ན་རྒྱལ་ཕམ་ཤེས། །འཁྲུག་གམ་མི་འཁྲུག་འདི་ལ་བརྟག །ཤིན་ཏུ་བདེན་ཅིང་ངེས་པ་ཡིན། ༈ ། བྱེ་བྲག་དམག་མིའི་ནང་ནས་ཀྱང་། །སྐྱེས་བུའི་བདེ་དོགས་བརྟག་པ་ནི། །ཏྲི་ཤུལ་ཞབས་བསྡུས་་འཁོར་ལོས་བརྟག །སྐྱེས་བུ་གཡུལ་དུ་བདེ་སྡུག་ནི། །ཙཀྲ་ལྟར་བྲིས་དཔེའུ་རིས། །ཉི་མས་འཁྱུད་པའི་སྐར་མ་ནི། །དབྱུག་གུའི་གནས་ནས་རིམ་པར་བཀོད། །སྐྱེས་བུའི་སྐར་མ་ཉི་སྐར་དང་། །ལྷན་ཅིག་སོང་དེར་ནད་འབྱུང་ངོ་། །མདུང་རྩེ་དབུས་གསུམ་སྐྱེས་བུ་ཡི། །སྐྱེས་

― MR07_Page_1023 ―

^{[མ་དཔེ་གཟིགས་ན་འདིར་གནོན།]}

[Full Size]

མིང་སྐར་སོང་ནོར་ཉམས་བྱེད། །ཉི་མ་མེད་པའི་གཡས་གཡོན་རྩེར། །སྐྱེས་མིང་སྐར་སོང་འཐབ་རྩོད་ཆེ། །མདོར་ན་རྩེ་ཡི་རྒྱུ་སྐར་དགུར། །གང་མིང་སོང་བའི་སྐྱེས་བུ་དེའི། །དོན་ཉམས་ཕྱུགས་བརླག་གཉེན་བཤེས་ཉམས། །ཡུལ་གཞན་འཕོ་ཞིང་རྒྱལ་པོས་འཇིགས། །རླུང་ནས་སྲིན་བར་སྐར་མ་དྲུག །དེར་སོང་སྐྱེས་བུ་བདེ་ལེགས་བྱེད། །གཡས་གཡོན་སྐར་མ་བཅུ་གཉིས་པོར། །སོང་ན་ཕུན་ཚོགས་སྐལ་བཟང་ཐོབ། །གཞན་ཡང་གཡུལ་དུས་ཟླ་སྐར་ཀྱང་། །རྩེར་སོང་ནད་དང་སྡུག་བསྔལ་འབྱུང་། །ཏྲི་ཤུལ་གྱི་འཁོར་ལོ་གཉིས་པོ་འདིར་འོད་བརྒྱ་ལས་འདི་ལས་བཟློག་སྟེ་གཡས་སྐོར་དུ་བཀོད་འདུག་ཀྱང་འདི་སྨིན་གླིང་པས་བཞེད་པ་རྒྱུད་དགོངས་མ་ནོར་བའོ། ༈ །འཁྲུགས་པའི་རྒྱལ་ཕམ་གསལ་བ་ནི། །ཉི་མའི་འཁོར་ལོ་ཞེས་བྱ་བ། །སྐྱེས་བུའི་ལུས་བཀོད་དཔེའུ་རིས་ལྟར། །མགོ་དགུ་རྣ་གཉིས་ལག་པར་དྲུག །རྒྱབ་བརྒྱད་རྐང་པར་གཉིས་བཀོད་དེ། །ཉི་དག་ནས་བརྩམས་རིམ་པར་བཀོད། །ད་ལྟ་དབྱུག་གུའི་དཔེ་ལྟར་བྱ། །

― MR07_Page_1024 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲི་བྱེད་སྐྱེས་མིང་སྐར་མ་ནི། །མགོ་དང་རྐང་སོང་འཆི་བའམ། །མ་ཤི་འཁྲུགས་པ་ཤིན་ཏུ་ཕམ། །ལག་པར་སོང་ན་རྒྱལ་བར་འགྱུར། །རྒྱབ་སོང་རྒྱལ་ཕམ་མེད་པར་འགྱུར། །རྣ་བར་སོང་ན་ཅུང་ཟད་ཕམ། །དེས་ན་དགྲ་ཡི་སྐྱེས་མིང་སྐར། །མགོ་དང་རྐང་པར་གནས་པ་དང་། །རང་གི་སྐར་མ་ལག་པར་སོང་། །དེ་དུས་གཡུལ་གྱི་ལས་ལ་འཇུག །འདྲི་དུས་ཟླ་བའི་སྐར་མ་ཡང་། །མགོ་རྐང་སོང་ན་ཕམ་པར་བལྟ། །གང་ཕམ་གང་རྒྱལ་བརྟག་པའོ། །།ད་ནི་བྱེ་བྲག་གཡུལ་ཞུགས་པའི། །རལ་གྲི་ཐོགས་པ་རྣམས་ལ་ནི། །རལ་གྲིའི་འཁོར་ལོ་བརྟག་དགོས་ཏེ། །རལ་ཐོགས་སྐྱེས་བུའི་སྐྱེས་མིང་ནས། །བརྩམས་ཏེ་རྩེར་ལྔ་ཁ་ལ་གཉིས། །རྐེད་པར་བཅུ་དང་ཡུ་བར་བཅུ། །བཀོད་ལ་དེ་དེར་གཟའ་ཡོད་བརྟག །ཁ་དང་རྐེད་པར་སྡིག་ཅན་ཡོད། །རང་ཉིད་དགེ་བར་ཤེས་པར་བྱ། །བསོད་གནས་བདག་ཉིད་མི་དགེར་ཤེས། །རྩེ་མོར་སྡིག་གནས་བདག་ཉིད་ཕམ། །བསོད་ནམས་གནས་ན་བདག་རྒྱལ་ཞིང་། །ནོར་གྱི་རྙེད་པ་ཐོབ་ཅེས་སྨྲ། །

― MR07_Page_1025 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུ་བར་ཞི་གནས་བདེ་ཞིང་སྐྱིད། །དྲག་གཟའ་ཅུང་ཟད་མི་དགེའོ། །ཁ་སྐེད་ཞི་དྲག་སྤེལ་མར་གནས། །དགེ་དང་མི་དགེ་འདྲེས་མར་འབྱུང་། །རྩེ་མོར་ཞི་དྲག་སྤེལ་མར་གནས། །དེ་ལ་འཐབ་རྩོད་འབྱུང་མི་འགྱུར། །རྐེད་པར་སྡིག་བསོད་འདྲེས་ན་འདུམ། །འདྲེས་པར་སྟོབས་ཁྱད་བརྟགས་པས་ཤེས། །རང་ཞིང་ཞུགས་པའི་གཟའ་སྟོབས་ཆེ། །འཁྲུགས་པ་འདུམ་མམ་མི་འདུམ་ཡང་། །སྨིན་དྲུག་ནས་བརྩམས་སྔར་བཞིན་བཀོད། །འབྲས་བུ་ཡང་ནི་རལ་འཁོར་འདྲ། ༈ །གང་གིས་རྣམ་པར་ཤེས་ཙམ་གྱིས། །དགྲ་བོ་གསོད་པར་ནུས་པ་ཡི། །རལ་གྲི་བཞི་ཡི་འཁོར་ལོ་ནི། །རལ་གྲི་བཞི་ནི་བྲི་བྱས་ལ། །ཉི་མས་འཁྱུད་པའི་སྐར་མ་ནི། །རལ་གྲི་གཡས་པའི་རྩེ་མོ་ནས། །འདི་ལྟར་བཀོད་པར་བྱས་ལ་བརྟག །འདིར་ཐ་སྐར་ལ་དཔེ་བྱས་པ་ལྟར་ཉི་སྐར་ནས་འགོད་པར་བྱའོ། །བརྩི་བྱའི་སྐྱེས་མིང་

― MR07_Page_1026 ―

^{[མ་དཔེ་གཟིགས་ན་འདིར་གནོན།]}

[Full Size]

སྐར་མ་གང་། །ཡུ་བ་ལ་སོང་མཆོག་ཏུ་དགེ། ཁ་དང་རྐེད་པས་བཏང་སྙོམས་བྱེད། །རྩེར་སོང་ཐེ་ཚོམ་མེད་པར་གསོད། །དེ་ཕྱིར་རང་གི་མིང་སྐར་ནི། །རྩེ་མོར་སོང་དུས་ཤིན་ཏུ་འཛེམ། །དགྲ་མིང་རལ་གྲིའི་རྩེར་སོང་ཞིང་། །རང་མིང་ཡུ་བར་སོང་བའི་ཚེ། །དགྲ་བོ་བརྒྱ་བྱིན་ཡིན་གྱུར་ཀྱང་། །སོད་པར་འགྱུར་བར་ཐེ་ཚོམ་མེད། །མཛེས་མ་འདི་འདྲའི་འཁོར་ལོ་ནི། །ཁམས་གསུམ་དག་ན་ཤིན་ཏུ་དཀོན། །འདི་ལ་གནད་ཆེན་ཡོད་པའི་ཕྱིར། །རྒྱུད་གཞུང་དཔེ་ཆ་ཕལ་ལས་སྦས། །གཞན་ཡང་རལ་གྲི་བཞི་འཁོར་ནི། །ཕྱོགས་བཞིར་རལ་གྲི་བཞི་བཀོད་ལ། །ཉིན་ཞག་ཟླ་སྐར་ནས་བརྩམས་ཏེ། །རྒྱུ་སྐར་ཉི་ཤུ་རྩ་བརྒྱད་པོ། །རལ་གྲི་ལ་ནི་བདུན་རེ་བཀོད། །དང་པོ་ཤར་ཕྱོགས་རལ་གྲི་ཡི། །རྩེ་མོར་གཅིག་བྲི་ཁ་ལ་གཉིས། །སྐེད་པར་གཉིས་དང་ཡུ་བར་གཉིས། །དེ་འཕྲོས་ལྷོ་ནས་བྱང་གི་བར། །རིམ་བཞིན་བདུན་བདུན་གོང་ལྟར་བཀོད། །རྩེ་མོར་གང་གི་མིང་སྐར་གནས། །དེ་ལ་སྡིག་ཅན་གཟའ་འཛོམ་ན། །དེ་ཉིད་

― MR07_Page_1027 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་པར་གསོད་པར་འགྱུར། །མིང་སྐར་རྩེ་ལ་གནས་པ་དེའི། །རྒྱབ་ཀྱི་རལ་གྲིའི་རྩེ་མོ་ལ། ཞེས་ཤར་གྱི་རལ་གྲིའི་རྩེ་མོར་མིང་སྐར་ཡོད་ཅིང་ནུབ་ཀྱི་རལ་གྲིའི་རྩེ་མོར་སྡིག་ཅན་ཡོད་ནའང་། སྡིག་ཅན་ཡོད་ན་དེ་དང་འདྲ། །ཁྱད་པར་ཤར་ནུབ་ཕྱོགས་སུ་ངན། །ལྷོ་བྱང་ལ་ནི་ཉེས་པ་མེད། །སྡིག་གཟའ་རལ་གྲིའི་ཁ་ལ་ཡོད། །ལུས་ལ་རྨ་ནི་འབྱུང་བ་དང་། །སྐེད་པར་སྨྲ་བརྗོད་ལ་སོགས་འབྱུང་། །ཡུ་བར་ཡོད་ཀྱང་གནོད་པར་འགྱུར། །དེ་ཕྱིར་རང་མིང་གར་གནས་པའི། །རལ་གྲི་དེ་ལ་སྡིག་ཅན་གཟའ། །གནས་པའི་དུས་སུ་ཅི་ནས་འཛེམ། །རང་མིང་རལ་གྲིའི་ཡུ་བར་གནས། །དེ་ཉིད་དུའམ་རལ་གྲི་དེར། །སྡིག་ཅན་གཟའ་མེད་ཞི་གནས་ཤིང་། །ཐད་ཀར་དྲག་གཟའ་མི་གནས་ན། །ཞེས་པ་མིང་སྐར་ཡོད་པ་ནས་བགྲང་བའི་ཁྱིམ་བདུན་པ་དང་། ཁྱད་པར་དུ་མིང་སྐར་ནས་རྩིས་པའི་སྐར་མ་བཅུ་བཞི་པ་ལ་དྲག་གཟའ་གནས་པའོ། །གཡུལ་དུ་འཆི་བའི་དོགས་པ་མེད། །དེ་ལྟར་བརྟགས་ནས་ཤེས་པར་བྱ། ༈ །མདུང་ཐོགས་གཡུལ་དུ་ཆས་པ་ན། །སྔར་བཤད་ཏྲི་ཤུལ་འཁོར་ལོས་བརྟག །

― MR07_Page_1028 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་གཞུ་ཐོགས་པ་ཆས་པ་ན། །ཉི་སྐར་ནས་བརྩམས་ཙཀྲ་ལྟར། །མདའ་ལྟོང་སྐེད་པ་མདེའུ་དང་། །གཞུ་མཆོག་གཡས་པ་ཆད་པ་དང་། །མཆོག་གཡོན་དེ་བཞིན་གཞུ་རྒྱུད་ནི། །གཡོན་དང་དབུས་དང་གཡས་རྣམས་སུ། །གསུམ་གསུམ་རིམ་པས་བྲི་བར་བྱ། །འདྲི་བྱེད་སྐར་མ་ལྟོང་སོང་འཆི། །སྐེད་པར་ནད་འབྱུང་མདེའུར་རྒྱལ། །གཞུ་རྒྱུད་དབུས་མས་དོན་ཉམས་ཤིང་། །ཆད་པ་ལ་སོང་ནོར་རྣམས་ཟད། །གཞུ་མཆོག་གཡས་པས་དགྲ་ལས་རྒྱལ། །གཞུ་རྒྱུད་གཡས་པས་རྙེད་པ་འབྱུང་། །གཞུ་མཆོག་གཡོན་པས་རང་ལ་རྩོད་ཅིང་འཆི་འོང་ངན། །གཞུ་རྒྱུད་གཡོན་པས་འཆི་ཉེན་ཆེ། །གནས་དེ་རྣམས་ན་སྐྱེས་མིང་སར། །ཞི་གཟས་དགེ་ལ་དྲག་གཟས་ངན། ༈ །དེ་ལྟར་མདའ་མདུང་རལ་གྲི་ཡི། །འཁོར་ལོའི་ངན་པར་བསྟན་པ་རྣམས། །སྨིན་སོགས་བདུན་ནི་ཤར་ཡིན་ལ། །མཆུ་སོགས་ལྷོ་དང་ལྷ་མཚམས་སོགས། །ནུབ་དང་མོན་གྲེ་སོགས་བདུན་

― MR07_Page_1029 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་། །ངན་པའི་སྐབས་བབས་དེ་ཕྱོགས་སྤང་། །མ་སྤང་ཕྱིན་ནས་འཁྲུགས་ན་འཆི། །ཕྱོགས་ཀྱི་ངན་པ་བརྟགས་པའོ། ༈ །ད་ནི་རང་ཕྱོགས་རྫོང་བསྲུང་བ། །བྱིས་པ་སྐྱོང་གི་འཁོར་ལོ་ནི། །དཔེའུ་རིས་ལྟར་དུ་བྲིས་པ་ལ། །རྫོང་དང་རྫོང་གི་བདག་པོ་དང་། །དམག་དཔོན་སྐྱེས་མིང་སྐར་མ་ནི། །ཕྱི་མ་ཀཱ་ལར་གནས་ན་འཆི། །བར་མ་ཨ་བར་གནས་ན་ནི། །སྟོབས་ནི་ཅུང་ཟད་ཆུང་འགྱུར་ཏེ། །རཱུ་དྲར་གནས་ན་རྫོང་སྲུང་ནུས། །རཱུ་དྲ་ར་བ་ནང་མ་ནི། །རྫོང་བདག་རྣམས་ཀྱི་སྲོག་ཡིན་ཏེ། །ཨ་བ་ཕན་ཚུན་གཉིས་ཀའི་ས། །ཀཱ་ལ་ཕྱི་ཡི་དམག་གི་སྟོབས། །དེ་ཕྱིར་ནང་གི་ཀ་བ་བཞིར། །དྲག་གཟའ་ཉི་མིག་སྤེན་སྒྲ་བཞི་ཡོད་ན་ཀ་བ་རུལ། །ལག་གནས་ཤར་ཕྱོགས་བསྲུངས་ཀྱང་

― MR07_Page_1030 ―

^{[མ་དཔེ་གཟིགས་ན་འདིར་གནོན།]}

[Full Size]

འཆོར། །ཤར་སྒོ་ཕྱེ་སོགས་གཞན་ལའང་སྦྱར། །ཕྱི་རོལ་དམག་གིས་དོན་འགྲུབ་འགྱུར། །དེ་ལ་ཟླ་ལྷག་ཕུར་སངས་བཞི་བསོད་ནམས་ཤར་ན་བཟང་། །རཱུ་དྲ་ཡང་ནི་དེ་བཞིན་ཏེ། །བར་མ་ཨ་བར་དྲག་གཟའ་གནས། །ཕན་ཚུན་འཁྲུགས་འགྱུར་རིང་ནས་ཐོབ། །ཡང་ན་སྨྲ་བརྗོད་ནོར་ཐོང་ཟེར། །བར་མར་ཞི་གནས་ཕྱི་རོལ་ཕམ། །དྲག་པོའི་གཟའ་རྣམས་ཕྱི་ལ་གནས། །ཕྱི་རོལ་དམག་ཚོགས་དོན་མེད་དེ། །རྫོང་ནི་འཆོར་བར་མི་འགྱུར་རོ། །ཕྱི་རོལ་ཞི་གནས་ཕྱི་རོལ་རྒྱལ། །ནང་མ་བཞི་ལ་བསོད་ནམས་ཤར། །དྲག་པོའི་གཟའ་རྣམས་ཕྱི་ལ་སོང་། །འཇིག་རྟེན་གསུམ་གྱི་དམག་ཚོགས་ཏེ། །དམག་དཔོན་དབང་ཕྱུག་ལྷས་བྱས་ཀྱང་། །རྫོང་ནི་མི་ཐོབ་ཕྱིར་ལ་ལྡོག །ཀ་བ་བཞི་ལ་དམར་སྤེན་ཉི། །རཱ་ཧུ་སོང་ཞིང་ཞི་བའི་གཟའ། །གང་ཚེ་ཕྱི་རོལ་ན་ཡོད་པར། །བརྒྱ་བྱིན་དཔུང་གིས་བསྲུངས་ཀྱང་འཆོར། །མཚམས་བཞི་ནང་དུ་འཇུག་པ་སྟེ། །དེ་ལ་དྲག་གནས་ཕྱིར་མི་དགེ། ཕྱོགས་བཞི་ཕྱི་རུ་འཐོན་པར་བརྗོད། །དེ་ལ་དྲག་གནས་ནང་མི་དགེ། དྲག་པོ་ཕྱི་དང་ནང་དུ་སོང་། །ཕན་ཚུན་

― MR07_Page_1031 ―

^{[མ་དཔེ་གཟིགས་ན་འདིར་གནོན།]}

[Full Size]

འདུམ་པར་ཡོངས་སུ་གྲགས། །རང་དང་དགྲ་དང་རྫོང་གསུམ་གྱི། །སྐྱེས་མིང་སྐར་མར་དྲག་གཟའ་ཡི། །གནོད་པ་ལྔ་སོགས་བརྟག་པར་བྱ། །རཱ་ཧུ་གང་ཡོད་ཕམ་པས་ན། །ཕྱི་ནང་བར་དུ་སྔར་ལྟར་བརྟག །སྡིག་གཟའ་མྱུར་འགྲོས་ཕྱི་སར་དགེ། འཁྱོགས་འགྲོས་ཡོད་ན་ཕྱི་སར་ངན། །ཕུར་མིག་པ་སངས་ལྷག་པ་བཞི། །གང་གང་འཁྱོགས་འགྲོས་རིམ་པ་བཞིན། །ཤར་ལྷོ་ནུབ་བྱང་འཚངས་པ་ཡི། །ཕྱི་དཔུང་རྨས་མ་ཆེན་པོ་འབྱུང་། །སྤེན་པ་འཁྱོགས་འགྲོས་མཚམས་ལ་ངན། །གཞན་ཡང་ཉི་མིག་སྤེན་པ་གསུམ། །ཕྱོགས་གང་རྫོང་གི་སྐར་མར་གནས། །དེ་ཕྱོགས་བསྲུང་འཇོམས་བྱེད་ལ་ངན། ༈ །དེ་ནས་གཞན་ཕྱོགས་འཇོམས་པ་ཡི། །སྦྲང་རྩི་སྲིན་པོའི་རྫོང་འཛོམ་ནི། །དཔེའུ་རིས་ལྟར་དུ་བྲིས་པ་ལ། །ར་བ་ཕྱི་མ་དཔུང་གི་སྲོག །ནང་མ་བདག་པོའི་དཔུང་ཡིན་ཏེ། །བར་མ་མཉམ་པར་བསྟན་པ་ཡིན། །དེ་ལ་རྒྱལ་པོ་རཱ་ཧུ་སྟེ། །ལྷག་མའི་གཟའ་གཞན་བློན་པོར་གྲགས། །ནང་གི་ལག་སོགས་ཕྱོགས་བཞིར་

― MR07_Page_1032 ―

^{[མ་དཔེ་གཟིགས་ན་འདིར་གནོན།]}

[Full Size]

རཱ་ཧུ་སོང་། །རྫོང་ནི་བླངས་པས་ཆོག་པ་ཡིན། །ར་བ་ཕྱི་མར་རཱ་ཧུ་གནས། །རྫོང་བདག་ཉལ་བས་དོན་ཀུན་འགྲུབ། །བར་མར་རཱ་ཧུ་ཕྱི་ནང་མཉམ། །སྒྲ་གཅན་གནས་པའི་ར་བ་དེར། །ཕུར་སྤེན་འཛོམ་ན་གང་གནས་སར། །ཤིན་ཏུ་མི་དགེ་བྱེད་པར་འགྱུར། །ནང་གི་ཕྱོགས་བཞིར་བསོད་ནམས་ཡོད། །བཞིའམ་གསུམ་མམ་གཅིག་གནས་ཀྱང་། །རྫོང་དེ་མི་ཕེབ་དམག་དཔུང་བཟློག །ཉི་མིག་སྤེན་པ་རཱ་ཧུ་ནི། །སྙིང་པོར་ཆུད་ན་རྫོང་དེ་ཕྱི་མི་རྣམས་ཀྱིས་ཐོབ། །ཁྱད་པར་ཞལ་གདམས་རྫོང་དང་ནི། །རྫོང་བདག་མིང་གི་དབྱངས་གསལ་ནི། །དབུ་མ་ནི་དབུས་ཀྱི་སྐར་མ་དྲག་པོ་ལག་སོགས་བཞི་སྟེ་ཀ་བ་བཞི་ཡང་ཟེར་རོ། །དབུ་མར་སོང་བ་རཱ་ཧུས་ཟིན། །རྫོང་བདག་ལ་ངན་རྫོང་ཡང་ཐོབ། །རཱ་ཧུས་ཟིན་པར་མ་གྱུར་ན། །ཡོང་ཡོང་འདྲ་ཡང་གདམས་པས་བསླུ། །མིང་གི་དབྱངས་གསལ་གནས་པའི་སར། །དམར་སྤེན་རཱ་ཧུས་ཟིན་པ་ན། །དཔའ་བོའི་སྲོག་རྩ་ཆད་དང་མཚུངས། །

― MR07_Page_1033 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་སྤེན་རཱ་ཧུ་གསུམ་མམ་གཅིག །སྙིང་པོའི་ཀ་བ་གནས་གྱུར་ཅིང་། །ཕྱོགས་དེར་གལ་ཏེ་ཟླ་བ་གནས། །དེར་ཕྱོགས་ནས་ནི་འཚངས་པ་ན། །རྫོང་དེ་ཐེ་ཚོམ་མེད་པར་འཇོམས། །གཞན་ཡང་གྲོང་དང་ལྗོངས་ལ་ནི། །ཉི་མ་ཡོད་ཕྱོགས་མི་འགྲོ་སྟེ། །ཁྱད་པར་ཉི་ཕུར་སྤེན་པ་གསུམ། །འཛོམ་པའི་ཕྱོགས་དེར་འཚངས་པ་ན། །མི་རུང་ཤིན་ཏུ་ངན་པས་སྤངས། །ལག་ལ་སོགས་པའི་ཀ་བ་བཞིར། །རྫོང་དང་རྫོང་བདག་སྐྱེས་མིང་གནས། །ནང་ཕྱོགས་དགེ་ཞིང་ཕྱི་སར་ངན། །འཇུག་སྐར་སོང་ན་ཕྱི་སར་དགེ། འཐོན་སོང་ནང་དགེ་ཕྱི་སར་ངན། །འཇུག་དང་ཀ་བར་མིག་དམར་སོང་། །ཕྱི་རོལ་དོན་གྲུབ་རྒྱལ་བར་འགྱུར། །ལུག་དང་སྡིག་ཁྱིམ་མིག་དམར་སོང་། །སྡིག་ཅན་གཉིས་འཛོམ་ནང་འཇུག་གནས། །ཕྱི་རོལ་དམག་གིས་རྫོང་ཐོབ་འགྱུར། །ལག་སོགས་ཕྱོགས་ནི་ཕྱིར་ལ་འཐོན། །སྨིན་སོགས་མཚམས་ནི་ནང་འཇུག་གོ །གཟའ་རྣམས་འཁྱོགས་འགྲོས་མི་དགེ་བས། །གང་ཕྱོགས་འཚངས་པ་མི་རུང་སོགས། །སྔར་བཤད་འབྲས་བུ་འདིར་ཡང་དྲན། །འཁོར་ལོ་འདི་གཉིས་ཀའང་རྫོང་སྲུང་འཇོམས་ལ་མཁོ་མོད། འགའ་ཞིག་སྔ་མ་རྫོང་འདེབས་དང་ཕྱི་མ་རྫོང་སྲུང་ཞེས་བཞེད་པ་གང་ལྟར་ཡང་

― MR07_Page_1034 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་བ་མེད་ལ། གཙོ་ཆེར་འདིར་བཤད་པ་ལྟར་བདེའོ། །རིགས་ངན་གཟའ་རྣམས་སྙིང་པོར་སོང་། །ཕྱི་རོལ་རྣམ་པར་རྒྱལ་བར་གྲགས། །རིགས་བཟང་གཟའ་རྣམས་སྙིང་པོར་གནས། །རྫོང་བདག་རྒྱལ་བར་བདག་གིས་དྲན། །གལ་ཏེ་འདྲེས་མར་གནས་པ་ན། །ཕན་ཚུན་འཁྲུགས་པ་འདུམ་པ་ཡིན། །ཟླ་ལྷག་ཕུར་སངས་རིགས་བཟང་དང་། །དམར་སྤེན་ཉི་སྒྲ་རིགས་ངན་ནོ། །ཉི་ཟླ་ཕུར་སྤེན་རིགས་སྐྱེས་བཟང་། །དམར་ལྷག་སངས་སྒྲ་རིགས་མིན་སྐྱེས། །ནག་པ་ས་ག་སྣྲོན་དང་ནི། །ཆུ་སྟོད་གྲོ་བཞིན་སྨིན་དྲུག་མགོ །ཐ་སྐར་མཆུ་རྣམས་རིགས་བཟང་ཡིན། །བྲ་ཉེ་སྣར་མ་ནབས་སོ་སྐག །ས་རི་ལྷ་མཚམས་ཆུ་སྨད་དབོ། །ཆུ་སྨད་ནམ་གྲུ་མེ་བཞི་རྣམས། །རིགས་ནི་ངན་པར་སྟོན་པ་ཡིན། །ལག་དང་སྣྲུབས་དང་མོན་གྲེ་དང་། །བྱི་བཞིན་རྣམས་ནི་འདྲེས་མར་དྲན། ༈ །རྫོང་ལ་ཉེ་བར་མཁོ་བ་ཡི། །ཁྲོན་པ་བྲུ་བའི་རིམ་པ་ནི། །བུམ་པ་བརྒྱད་ཀྱི་འཁོར་ལོས་བརྟག །འདྲི་བའི་

― MR07_Page_1035 ―

^{[མ་དཔེ་གཟིགས་ན་འདིར་གནོན།]}

[Full Size]

མིང་དང་དུས་གཟའ་སྐར། །འདྲི་ཚིག་ཆུར་གྱུར་ཆུ་མང་རྙེད། །མེ་རུ་ཤར་ན་མི་རྙེད་དོ། །ཕྱོགས་ལ་ཕྱོགས་མིང་འདུག་ན་མོད། །ཕྱོགས་ལ་མཚམས་མིང་དཀོན་པར་ཤེས། །མཚམས་ལ་ཕྱོགས་གནས་ཤིན་ཏུ་དཀོན། །མདོར་ན་གནས་འཆོལ་ཉུང་བར་བརྟག །དེ་ཡང་སྡེ་ཚན་འདོམ་གྱི་གྲངས། །སྡེ་པའི་ནང་ཚན་ཡི་གེ་གསལ་བྱེད་ཁྲུ། །སྲོག་གི་དབྱངས་ནི་སོར་གྲངས་ཏེ། །སྡེ་ཚན་གྲངས་ནི་ནང་གསེས་ཀྱི། །ཡིག་གྲངས་ཀྱིས་བསྒྱུར་སྡེ་ཚན་གྱི། །གྲངས་འཕྲི་དེ་སྟེང་ཡིག་གྲངས་འབྲུ་དེ་ནི་འདོམ་པ་ཡིན། །དབྱངས་ཀྱི་ཚད་ནི་བསྣན་པ་ཡིས། །ཚད་ལ་ངེས་པ་རྙེད་པར་བྱེད། །འབྲུ་བའི་ས་ཡི་མིང་ལ་བརྟག །མིང་མེད་གསར་དུ་བཏགས་ལ་བརྟག །དཔེར་ན་འབྲུ་སར་པ་མིང་ན། །འདོམ་པ་བཅུ་དྲུག་ཁྲུ་གསུམ་དང་། །སོར་གཅིག་ས་རུ་བརྟག་ལྟར་རོ། །དེ་ནས་འཁྲུགས་པར་ཞུགས་པའི་མིའི། །ལུས་ལ་རྨ་འབྱུང་བརྟགས་པ་ནི། །ཉི་སྐར་ནས་བརྩམས་མགོ་བོར་གསུམ། །ཁ་གསུམ་སྙིང་ལྔ་

― MR07_Page_1036 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་པར་བརྒྱད། །རྐང་པར་བརྒྱད་བཀོད་དཔེའུ་རིས་ལྟར། ༈ །མདོར་ན་མགོ་ཁ་སྙིང་ལག་པ། །རྐང་པ་ལུས་གནས་ལྔ་པོ་རུ། །གང་དུ་རྨ་འབྱུང་བརྟགས་པར་བྱ། །། ཐོག་མར་རྨ་འབྱུང་མི་འབྱུང་ནི། །སྐྱེས་བུ་གཡུལ་དུ་ཞུགས་དུས་དེར། །སྐྱེས་སྐར་རམ་ནི་མིང་སྐར་གྱི། །ཁྱིམ་ལ་ཏཏྐཱལ་བྱས་པ་ཡི། །མཐོང་ས་བདུན་པོ་གང་རུང་ས། །སྡིག་ཅན་གཟའ་ཤར་རྨ་ཡོད་དེ། །ཁྱད་པར་མིག་དམར་ཤར་ན་ངན། །ལྷག་པར་བདུན་པའི་གནས་ལ་བལྟ། །ཆེ་ཆུང་གཟའ་ཡི་སྟོབས་ལས་སོ། །དེ་ལྟར་རྨ་ནི་འབྱུང་ཤེས་ནས། ༈ །ལུས་གནས་གང་དུ་འབྱུང་བརྟག་པ། །འདྲི་དུས་ཟླ་སྐར་གནས་ལྔ་པོའི། །གང་དུ་ཡོད་པའི་ཆ་དེར་འོང་། །གཡས་གཡོན་གང་དུ་འབྱུང་ཞེ་ན། །ཁྱིམ་དེར་ཟླ་བ་སླེབས་པ་ཡི། །ཁྱིམ་ཞག་བརྩིས་པའི་བཅོ་ལྔ་ཡན། །ལུས་ཀྱི་གཡས་ཡིན་བཅུ་དྲུག་མན། །གཡོན་གྱི་ཆ་རུ་བརྩི་བ་ཡིན། །མཐོང་གཟའི་ཁྱིམ་རྩིས་བྱེད་ཀྱང་ཟེར། །གནས་དེའི་མཐོ་དམན་ཞིབ་པ་ནི། །ཟླ་ཆ་རང་རང་ཐོག་མ་ནས། །གང་འདས་གྲངས་ཀྱི་སོར་མོ་ནི། །གནས་དེ་བཅོ་ལྔའི་ཆར་ཕྱེ་བའི། །སྟེང་ནས་རིམ་པས་གཞལ་སར་རོ། །

― MR07_Page_1037 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བའི་ཆ་བཅོ་བརྒྱད་ཟླ་སྐར་སྐྱེསབུའི་རྐང་པར་གནས་པ་ལྟ་བུ་ལ། བརླ་གཡོན་ནས་སོར་གསུམ་མམ། བཅོ་ལྔའི་ཆ་ལས་གསུམ་འདས་མཚམས་དང་། ཟླ་ཆ་བཅུ་བཞི་ཟླ་བ་སྙིང་གར་གནས་ན། སྙིང་གའི་གཡས་མགྲིན་པ་ནས་སོར་བཅུ་བཞིའམ་དེའི་བཅོ་ལྔའི་ཆ་ལས་བཅུ་བཞི་འདས་མཚམས་ལྟ་བུའོ། །རྨ་ཡི་ཆེ་ཆུང་ལྟ་བ་ནི། །དྲི་དུས་དགུ་ཆའི་དུམ་བུའམ། །ཁ་ཅིག་ཟླ་ཁྱིམ་དགུ་ཆའང་ཟེར། །དེ་ཡི་གྲངས་ཀྱི་སོར་རྨ་ཡོད། །རྨ་ཆེ་མཐར་སོར་དགུའོ། །དེ་ལ་ཟླ་བའི་ཁྱིམ་ཞག་སོགས་ནི་རང་རང་གི་དལ་དག་སྐ༦ར༠་མ་བསྒྱུར། ཆུ་ཚོད་བཅུ་དྲུ༡ག༣་བ༥གོས་པ་འདས་ཁྱིམ། ལྷ༣ག༠་བསྒྱུར། ཆུ་སྲང་མིག་བགོས་སྟེར་བ་འདས་ཞག་ཏུ་བརྩི་བའམ། ཟླ་བ་ལ་འདིར་ཡུལ་དུས་བསྒྲིགས་པའི་གནད་ཞིབ་པ་ཞིག་དགོས་ངེས་འདྲ། ཟླ་ཁྱིམ་དགུ་ཆ་ནི། ཁྱིམ་རེའི་ཆུ་ཚོད་མདའ་ཡོན་ཟླ་བར་དགུས་བགོས་པས་བཅོ་ལྔ་ཐོབ་པ་དེའི་ཕྱིར་ཟླ་བས་ཁྱིམ་དེའི་ཡུལ་ལོངས་སུ་འདས་གྲངས་ལ་བཅོ་ལྔས་བགོས་པའི་ཐོབ་ནོར་གྱིས་ཤེས་སོ། །དེ་ཡང་མཐོང་སར་གནས་པའི་གཟའ། །ཉི་མར་རྨ་ལོག་རཱ་ཧུར་ནི། །རྨ་གཟེར་ཐེབས་པར་འགྱུར་བ་ཡིན། །སྤེན་པར་རྨ་ལ་ཁྲག་མེད་ཅིང་། །མིག་དམར་ཁྲག་འབབ་འཆི་ཡང་སྲིད། ༈ །དེ་ནས་སྡིག་ཅན་རྔོན་པའམ། །གསོད་པའི་འཁྲུལ་འཁོར་ལ་གཙོ་བ། །

― MR07_Page_1038 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་པོའི་མདོག་ཅན་དྲག་པོའི་གཟའ། །དམག་དཔོན་རིག་འཛིན་མཐུ་སྟོབས་གཟའ། །མིག་དམར་མ་རུངས་དབང་གྱུར་པའི། །དམར་པོའི་འཁོར་ལོ་བཤད་ཀྱིས་ཉོན། །ཉི་ཤུ་རྩ་བདུན་དཔག་ཚད་གྲངས། །ས་ཁྱོན་དེ་བས་ཆེ་བ་ལ། །བརྩི་བར་བྱ་བ་མ་ཡིན་ཏེ། །རྐང་པ་གཅིག་ལ་ཚུད་པ་མིན། །དེ་ལྟར་ཆེ་ཆུང་གང་ལ་ཡང་། །ལྟོ་འགྲོའི་ཚུལ་གྱིས་འཁོར་བར་བཀོད། །དམར་པོ་གནས་པའི་སྐར་མ་ནི། །ལྟོ་འགྲོའི་ཁ་ལ་བྲི་བར་བྱ། །དེ་ནས་བརྩམས་པའི་ཉི་ཤུ་བདུན། །མཇུག་མའི་བར་དུ་གནས་པ་ཡིས། །མགོ་བོ་ལུང་པའི་གནས་ཡིན་ལ། །མཇུག་མ་གཡོན་ནོ་ལྷས་མཆོད་མ། །ས་ཚིགས་ཉི་ཤུ་བདུན་བྱས་ལ། །རྒྱུ་སྐར་རྣམས་ནི་རིམ་བཞིན་བཀོད། །རཱ་ཧུ་མཇུག་མ་ལ་གནས་ཤིང་། །སྐེད་པར་ཉི་མ་གནས་གྱུར་ན། །དེ་ཡི་ནང་ན་མི་ལ་སོགས། །སེམས་ཅན་ཇི་སྙེད་ཡོད་པ་རྣམས། །ལོང་བ་གཅིག་གིས་ཐམས་ཅད་སོད། །སྐེད་པར་སྤེན་པ་ཡོད་པ་ན། །དེ་ནང་སེམས་ཅན་མེད་པས་ན། །དཔའ་བོ་སྟོང་ལོག་བྱས་པ་ཡིན། །ཕུར་བུ་

― MR07_Page_1039 ―

^{[མ་དཔེ་གཟིགས་ན་འདིར་གནོན།]}

[Full Size]

མཇུག་གནས་ལྷག་པ་སྐེད། །སྨས་མ་སྟོང་གི་ཁྱུར་ལོངས་ཀྱང་། །དཔའ་བོ་སྟོང་གིས་མི་ཐུབ་པས། །དེ་ལ་མི་སྐོར་རེ་ཐག་ཆོད། །ཕུར་བུ་དལ་འགྲོས་མགོ་ལ་གནས། །གཞན་གྱིས་གསོད་དུ་མི་འཇུག་པའི། །དཔའ་བོ་ལ་ནི་གསོད་དབང་བྲལ། །དཀར་པོ་མགོར་གནས་དལ་འགྲོས་བྱེད། །བུད་མེད་ཀྱི་ནི་རྒྱུ་བྱས་ཏེ། །མྱུར་དུ་ཤ་ཁྲག་མཐོང་བ་ཡིན། །ལྷག་པ་མཇུག་གནས་དལ་འགྲོས་བྱེད། །པ་སངས་སྐེད་པར་གནས་གྱུར་ན། །རི་དྭགས་མྱུར་དུ་སོད་གྱུར་ཀྱང་། །རྔོན་པ་ལ་ནི་རྨས་མ་འབྱུང་། །སྤེན་པ་མཇུག་གནས་ཟླ་བ་སྐེད། །ཉིན་པར་སོད་པར་མ་གྱུར་ཀྱང་། །མཚན་མོ་སོད་པར་ཐེ་ཚོམ་མེད། །མི་ལ་སོགས་ཏེ་གྲོག་མའི་མཐར། །སེམས་ཅན་སོ་སོའི་མིང་སྐར་ལ། །ཉི་མ་ཡོད་ན་སྨས་ཏེ་འགྲོ། དེ་དང་ལྷན་ཅིག་ཟླ་བ་ཡོད་ན་དེ་ཉིད་དུ། །སྲོག་དང་འབྲལ་བར་ཐེ་ཚོམ་མེད། །མིག་དམར་ཁྲག་འབབ་དེ་ནས་འཆི། །གཟའ་ལྷག་ཡོད་ན་སོད་མི་འགྱུར། །ཕུར་བུས་བྲེད་སྔངས་དག་ཀྱང་སྐྱོབས། །པ་སངས་དག་ལ་སོད་མི་འགྱུར། །སྤེན་ཡོད་རི་དྭགས་

― MR07_Page_1040 ―

^{[མ་དཔེ་གཟིགས་ན་འདིར་གནོན།]}

[Full Size]

རྙེད་མི་འགྱུར། །རཱ་ཧུ་ཡོད་ན་མྱུར་དུ་སོད། །དུས་མེ་ཡོད་ན་མ་བསད་ཀྱང་། །ནད་ཀྱིས་འཆི་བར་འགྱུར་བ་ཡིན། །མགོ་དང་སྐེད་པ་མཇུག་མ་སྟེ། །དགུ་ཚན་གསུམ་ནི་ནུས་པ་འབྱུང་བ་གསུམ་ཞེས་བྱ། །དཔའ་བོ་མངོན་པར་ཆས་པའི་ཚེ། །ཉི་མ་རྒྱབ་ལ་མིག་དམར་གཡས། །ཟླ་བ་མདུན་དུ་བྱས་ལ་འགྲོ། །ཐུན་ཕྱེད་སྒྲ་གཅན་དང་བསྡོངས་ན། །མཚོན་ལ་དར་གྱིས་བརྒྱན་པ་འདྲ། །རྔོན་དཔོན་སྤྱང་ཀིར་གྱུར་བ་དང་། །རི་དྭགས་ལུག་ཏུ་གྱུར་པ་ན། །དེ་མ་ཐག་ཏུ་སོད་པར་འགྱུར། །དེ་ལས་ལྡོག་ན་ག་ལ་སོད། །སེམས་ཅན་མིང་ལ་ཞི་གཟའ་གནས། །དེ་གསོད་མིང་ལ་དུས་མེ་ཤར། །སེམས་ཅན་མི་གསོད་ལྷག་པ་ཆོག །གལ་ཏེ་མོན་གྲུར་ཟླ་བ་གནས། །དེ་ཚེ་ཤ་བ་ཁོ་ན་འདེད། །དེ་ཡིས་ཀུན་ལ་ཤེས་པར་བྱ། །དེ་ཡིས་དོན་གྲུབ་ཁོ་ན་ཡིན། །འདི་ཡི་འཁོར་ལོ་མི་ཤེས་པར། །རྔོན་པས་རི་དྭགས་ཇི་ལྟར་གཤོར། །གཡུལ་དུ་འཇུག་ཀྱང་རྒྱལ་བ་མིན། །འདི་ནི་དམར་པོའི་འཁོར་ལོ་སྟེ། །གཞན་དུ་མ་བཤད་རི་སྲས་མོ། །ཞེས་གསུངས་པ་ནི་རྒྱུད་ཚིག་འདི་ཉིད་ཀྱིས་ཆོག་པར་གདའ་སྟེ་དོན་གསལ་ལོ། །སྔ་རབས་བའི་ཡིག་ཆ་དག་ན། དཀར་པོའི་འཁོར་

― MR07_Page_1041 ―

^{[མ་དཔེ་གཟིགས་ན་འདིར་གནོན།]}

[Full Size]

ལོས་མཛེས་མ་དབང་སྡུད་དང་། །དམར་པོའི་འཁོར་ལོས་རི་དྭགས་གཤོར་བ་དང་། །ནག་པོའི་འཁོར་ལོས་རྫས་སྔགས་རྫོང་སྲུང་རྣམས། །བཀའ་རྒྱ་དམ་པས་གསལ་བར་མ་བྱས་སོ། །ཞེས་གསུངས་་པའི་ནང་ཚན་དམར་འཁོར་འདི་དཔེ་འགར་ལོགས་སུ་གབ་ནས་སྦས་པ་ཡིན་ལ། འདིར་བཀོད་པ་འདི་ཡོད་ན་དོན་གསལ་བར་སྟོན་ཅིང་། གསོད་པའི་ལས་རྩོམ་པ་ལ་ཤིན་ཏུ་ཟབ་པའི་གནད་གཅིག་ཡིན་ནོ། ༈ །ད་ནི་གཡུལ་དུ་འཇུག་པ་ལ། །ཕྱོགས་ཀྱི་དུས་ལྷ་བརྩི་བའི་གནད། །དེ་ཡང་བིཥྚིའི་འཁོར་ལོ་ནི། །རེའུ་མིག་དཔེའུ་རིས་འདི་ལྟར་ལ། །ནང་མ་་བིཥྚིའི་མིང་དང་ནི། །རང་རང་ཚེས་ལ་ཕྱོགས་འཆར་ཚུལ། །བཅོ་བརྒྱད་དག་གི་ཚེས་ལ་ནི། །བིཥྚི་ཀ་རཱ་ལ་ཞེས་པ། །ཤར་ནས་ནུབ་ཏུ་འཆར་བས་འགྲེ། །ཕྱི་ཁྱིམ་

― MR07_Page_1042 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་གསལ་བཀོད་པའི་དོན། །བལ་པོའི་མན་ངག་ལས་བྱུང་བ། །གསལ་བྱེད་ཚེས་གྲངས་མཚོན་པ་སྟེ། །དབྱངས་ནི་ཐུན་ཕྱེད་གྲངས་སུ་བརྩི། །ཚེས་གྲངས་ཐུན་མཚམ་དག་ཆའོ། །ནུབ་ཀྱི་གྷཱུ་ཡི་ཨུ་ཕྲལ་ན། གསལ་བྱེད་བཞི་པས་ཚེས་ཞི་མཚོན། །དེ་ཕྱིར་ཨངྐི་དེ་དག་ཡིན། །ཨུ་ནི་དབྱངས་ཀྱི་ལྔ་པ་སྟེ། །ཁྱད་པར་ཚེས་བཞིའི་ཐུན་ལྔའོ། །དཔེར་ན་ཨཱ་ཛཱའི་མིང་ཐོག་ཅན། །ཚེས་བརྒྱད་ཐུན་གཉིས་འཆར་བའི་ཚེས། །མེ་ནས་རླུང་དུ་གཡུལ་བཤམ་བཟང་། །ཁྱད་པར་ཨེ་ཉེའི་མིང་ཅན་འཇོམས། །རྒྱུད་ལྟར་ན་གྷཱུ་ཤར་དུ་བཀོད་ཛཱ་སྲིན་པོར་བཀོད་མེ་ནས་རླུང་དུ་འགྲོ་བའི་ཚེ། །བརྡེག་བརྡུང་མེ་སྦར་ལས་རྣམས་བྱ། །ཀ་རཱ་ལ་ནི་སྣ་ཚོགས་མཚོན། །རིངས་པའི་ལས་དགེ་ནུབ་ཏུ་ཁ་གཏད་ན་དགེ། ཀ་རཱ་ལ་སོགས་ཕྱོགས་དེའི་བིཥྚི་དེ་དག་གི་མིང་ཡིན། མ་ཧཱ་གྷོ་རས་རྨོངས་དང་སྲིན། །གནོད་པའི་ལས་རྣམས་བསྒྲུབ་པར་བྱ། །བཀྲ་ཤིས་དགྲ་དང་འཐབ་པ་དང་ཁ་ཅིག་གིས་དཀྲིས་པར་འབོད། དགྲ་ཡུལ་བགྲོད་པའི་ལས་བསྒྲུབ་བྱ། །མ་ཧཱ་ཛི་ཀར་དུག་སྦྱོར་དང་། །སྣ་ཚོགས་

― MR07_Page_1043 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་ནི་བསྒྲུབ་པར་བྱ། །བྷཱི་ར་ལ་ནི་སྔགས་དང་དབང་། །གསོད་པའི་ལས་བསྒྲུབ་ཤར་དུ་དགེ་ཁ་ལྟ་ཕྱོགས་ཡིན། དགྲ་ཆེན་མ་ལ་འཁྲུལ་འཁོར་དང་། མ་ཧཱ་མཱ་རི་ཡིན། །སྒྱོགས་ཀྱི་ལས་རྣམས་བསྒྲུབ་པར་བྱ། །དུས་ཀྱི་ལྕེ་ལ་གཞན་སྡུད་བྱ། །སེམས་ཅན་ཐམས་ཅད་བསད་ལས་བསྒྲུབ། །ཅི་ལ་བབས་ཀྱང་བདག་གིས་ནི། །བིཥྚིའི་གདོང་ནི་སྤང་བར་བྱ། །བིཥྚིའི་ཆུ་ཚོད་སུམ་ཅུ་སྟེ། །གདོང་ལ་དབྱུག་གུ་ལྔ་ཡིན་ཏེ། །བར་གྱི་ཆ་ལ་བཅུ་བཞིར་བརྗོད། །ཐ་མ་ལ་ནི་བརྒྱད་ཡིན་ནོ། །མཇུག་མ་ལ་ཡང་གསུམ་དུ་དྲན། །མཚན་མོ་གདོང་དགེ་མཇུག་མ་ངན། །ཉིན་མོ་མཇུག་དགེ་གདོང་པ་རྩུབ། །བར་གྱི་ཆ་ལ་ནོར་ཉམས་ཤིང་། །ཐ་མ་ལ་ནི་སྲོག་འཕྲོག་བྱེད། །དེ་ལྟར་བརྩིས་ན་གཡུལ་ལས་རྒྱལ། །རྩ་བ་ཐུན་ཕྱེད་ཡུད་ཙམ་གསུམ། །བིཥྚི་དང་བཅས་ཕྱོགས་གཅིག་ཏུ། །འཛོམ་པའི་ཕྱོགས་དེར་ཁ་གྱུ་ན། །བསྟན་དགྲ་ཐམས་ཅད་བརླག་པར་འགྱུར། །བིཥྚི་རྣལ་འབྱོར་མ་འདི་རྣམས་ཚེས་ཞག་ལ་རྒྱུ་བའི་དག་ཆའི་རི་མོ་དགོས། འདི་དུས་འཁོར་དང་གཏེར་རྩིས་སོགས་དང་མི་མཐུན་ནའང་། དབྱངས་

― MR07_Page_1044 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་རང་ལུགས་ལ་འདི་ཁོ་ན་ལྟར་བརྩི་དགོས་ཤིང་། སོ་སོའི་ལས་སྒྲུབ་པ་བཅས་མན་ངག་ལྕེ་མདུང་དུ་ཡོད་དོ། །སྔ་འགྱུར་བཤད་རྒྱུད་འགར་འདི་དང་རྒྱུ་ཚུལ་ཁྱད་མེད་བཤད་པ་ཡོད་ལ། དེ་དང་མི་མཐུན་པ་གཞན་ཡང་ཡོད་དོ། ༈ །གཡུལ་དུ་ཉེ་བར་མཁོ་བ་ཡི། །མཁའ་འགྲོ་མ་བརྒྱད་དྲག་ལས་བཤད། །རེའུ་མིག་ལྟར་དུ་འཆར་བ་ལས། །མིང་ཡིག་དབྱངས་གསལ་གང་འདུག་གི །ཚེས་དང་ཕྱོགས་དེར་བསྡད་ནས་ནི། །དེ་ཡི་ཐད་ཀར་ཁ་བལྟས་ན། །དམག་དཔོན་དེ་ཡི་འདོད་དོན་འགྲུབ། །དཔེར་ན་དམག་དཔོན་དཔལ་མིང་ཅན། །མིང་ཡིག་དང་པོ་པ་དེ་ནི། །ཡར་ངོའི་ཚེས་དྲུག་བཅུ་བཞི་དང་། །མར་ངོའི་ཉེར་གཅིག་ཉེར་དགུ་ལ། །ནུབ་བྱང་མཚམས་ནས་སྔ་དྲོ་འཆར། །དེར་བསྡད་ཤར་ལྷོ་ཁ་བལྟས་ནས། །བྱ་བ་བརྩམས་ན་འགྲུབ་པ་ཡིན། །ཁྱད་པར་ཀ་སྡེའི་མིང་ཅན་འཇོམས། ༈ །འཆར་

― MR07_Page_1045 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཕྱོགས་སུ་ཁ་བལྟས་ནས། །དྲག་ལས་བྱེད་པ་མི་དགེ་སྟེ། །སྒེག་མོ་ཁྱབ་འཇུག་རྒྱུ་བའི་མདུན། །དམག་དང་ཟོར་ལས་དྲག་ལས་བྱས། །སྔགས་པ་བདག་ཉིད་འཆི་བར་བྱེད། །ཚངས་མ་ཕག་མོ་འཆར་གདོང་དུ། །ཟོར་འཕང་སྔགས་པ་བརླག་པར་འགྱུར། །གཞོན་ནུ་དབང་མོ་འཆར་མདུན་དུ། །སྦྱིན་སྲེག་བྱས་ན་སྔགས་པ་ཡི། །བུད་མེད་འཆི་བར་འགྱུར་བ་ཡིན། །དབང་ཕྱུག་རྒན་བྱེད་མདུན་དུ་ནི། །དྲག་ཟོར་འཕངས་ན་སྔགས་པ་ཡི། །ཡོན་བདག་བུ་ཚ་འཆི་བར་འགྱུར། །དེ་ཕྱིར་རྣལ་འབྱོར་མ་བརྒྱད་ལ། །གདོང་ཐུག་མི་བྱ་རྒྱབ་བརྟེན་བྱ། ༈ །མདོར་ན་འཁྲུགས་པ་འབྱུང་མི་འབྱུང་། །ཏྲི་ཤུ་ལ་ལ་སོགས་པས་བརྟག། སྲུང་འཇོམས་ལ་སོགས་གོང་ལྟར་ལ། །འཁྲུགས་པར་མིང་དང་ས་སྟོབས་གཉིས། །མིང་གཉིས་དབྱངས་ཀྱིས་འཕྲི་བ་དང་། །སྡེ་བརྒྱད་འཁོར་ལོ་སོགས་བཞིར་བརྟག །ས་སྟོབས་བིཥྚི་རྣལ་འབྱོར་མ། །གཙོར་བཟུང་གཞན་ཡང་དྲག་པོ་དང་། །དུས་མཚན་ལ་སོགས་གཞན་ན་གསལ། །གང་ཞིག་གཞན་དང་རྩོད་པའི་དུས། །སྒྲ་གཅན་རང་གི་རྒྱབ་བརྟེན་

― MR07_Page_1046 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། །གཞན་ཡང་ཉི་མིག་དུ་མཇུག་སྤེན། །དྲག་པོའི་གཟའ་རྣམས་རྒྱབ་ཏུ་བཞག །དེ་ལྟར་མིན་ནའང་གཡས་སུ་བཞག །ཟླ་ལྷག་ཕུར་སངས་ཞི་བའི་གཟའ། །མདུན་ནམ་གཡོན་ཕྱོགས་ཡོད་པར་བྱ། །ཁྱད་པར་མགོན་པོ་ཟླ་བ་ནི། །མདུན་དུ་ཡོད་ན་ལྷག་པར་བཟང་། །གཞན་ལས་གུད་སྦས་ངེས་ཟབ་གནད། །རཱ་ཧུ་རྣམ་བརྒྱད་ཕལ་ཆེ་བ། །འགྲིགས་ན་རབ་ཡིན་མ་འགྲིགས་ཀྱང་། །རྩ་བ་ཐུན་ཕྱེད་ཡུད་ཙམ་མམ། །རྩ་བ་ཐུན་ཕྱེད་གཙོར་བལྟ་ཞིང་། །ཐམས་ཅད་འགྲིགས་མིན་གྱུར་པ་ན། །རྩ་བའི་སྒྲ་གཅན་ཁོ་ན་བཟུང་། །མན་ངག་དམ་པའི་མཚོན་བསྐུར་ན། །གཡུལ་ལས་རབ་ཏུ་རྣམ་པར་རྒྱལ། ༈ །དེ་ཡང་དྲག་པོའི་ལས་ལ་མཆོག་བསྔགས་པ། །རཱ་ཧུ་རྣམ་པ་བརྒྱད་ཀྱི་ཙཀྲ་ནི། །རྩ་བའི་སྒྲ་གཅན་སྲིད་གསུམ་འཇིགས་པའི་གཟུགས། །དྲག་པོ་ཉི་ཟླ་ཟ་བ་གོ་ལའི་ཕྱེད། །ཁྱབ་ཅིང་རླུང་འགྲོས་ཉིན་ཞག་ལ་འཁོར་བ། །གཟའ་དང་རྒྱུ་སྐར་སྲིད་པའི་རྒྱལ་པོ་སྟེ། །གདོང་མཇུག་སྐར་མ་གང་ལ་གནས་པ་ཡི། །ཕྱེད་དང་བཅུ་གསུམ་དྲག་པོའི་ལུས་ཀྱིས་གནོན། །ཕྱེད་དང་བཅུ་གསུམ་

― MR07_Page_1047 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གར་གནས་དེ་ཡང་། །གདོང་མཇུག་འཁྱུད་པའི་ས་ནས་མདུན་ཕྱོགས་སུ། །གསུམ་རེ་བོར་བའི་ལྷག་མ་བདུན་པོ་ལ། །སྒྲ་གཅན་ལྟ་བ་ཞེས་བྱ་གདོང་མཇུག་སྐར། །རྒྱབ༢་ཁྱོན་དྲུག མ༣དུན་མཐོང་བ་དང་བཅས་བཅུ་བཞིའོ། །ལྟོ་བར་སྐར་མ་དྲུག་ཏུ་འགྱུར་བ་ཡིན། །དེ་ལྟར་ལྟོ་བ་མཐོང་བ་ལྟ་བ་ལས། །ལྟོ་བར་རྒྱབ་གཏད་གདོང་པ་གཡོན་དུ་བཞག །མཇུག་གཡས་ལྟ་བར་ཁ་བལྟས་གཡུལ་བཤམ་ན། །ཕ་རོལ་ཁྱབ་འཇུག་སྟོབས་དང་ལྡན་ན་ཡང་། །ཐལ་བར་ཡང་ནི་རློག་པར་བྱེད་པས་ན། །དུས་ལྷ་ཀུན་བཏང་འདི་ཉིད་གཅིག་པུ་བཟུང་། །དེ་དག་ཞིབ་གསལ་གོ་བ་ཟུར་དུ་ཤེས། །སྲིད་གསུམ་རྣམ་པར་རྒྱལ་བའི་དུས་སྦྱོར་གནད། །ཁྱད་པར་ཅན་གྱི་མན་ངག་ལ་མཁས་ན། །ལས་བཞི་གང་བརྩམ་ཐོགས་མེད་འགྲུབ་ངེས་པས། །ཡིད་བཞིན་ནོར་བུ་ལས་ཀྱང་འདི་ཉིད་གཅེས། །མན་ངག་ལག་ཏུ་བླང་བའི་རིམ་པ་ནི། །མུ་ཁྱུད་གཉིས་ལྡན་ལྟེ་བ་དང་བཅས་པ། །རིམ་བརྩེགས་རང་རང་དབུས་ཀྱི་ཚད་མཉམ་མཛེས། །ཕྱི་ནས་རིམ་པ་བཅུ་གཉིས་ཉེར་བདུན་ཆ། །ཐིག་གིས་བཙལ་ལ་

― MR07_Page_1048 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་འགྲོས་རྒྱུ་སྐར་བཀོད། །ནང་མ་ཕྱེད་བགོས་སྒྲ་གཅན་ལུས་བྲི་ཞིང་། །ཕྱེད་ལ་མདའ་གཞུ་འགེངས་པའི་མཚན་མ་ཅན། །མདེའུ་དཀྱིལ་དུ་མི་འཆུགས་ཐིག་གིས་བཙལ། །ཆ་ཚད་རྣམ་གཞག་ཞིབ་པ་ལག་ཏུ་བླང་། །ཕྱི་ལོ་རེ་རེ་ལྔ་ཆར་བགོ་བའི་ཐིག །དྲུག་ཅུའི་གྲངས་སུ་བྱ་བ་ལ་སོགས་པ། །ཞིབ་ཅིང་རྒྱས་པའི་རྣམ་གཞག་བྱས་ཀྱང་རུང་། །དུས་ནི་གུང་གཉིས་བྱི་རྟ་འཆུགས་མེད་བྱས་ལ་ཉིན་མཚན་རིང་ཐུང་དབང་གིས་དུས་ཆ་འབྱེད་ལུག་་ཞིབ་ཆ་བླ་མའི་ཞལ་ཤེས་ལྟར་བྱ་དགོས་སོ། །གདོང་མཇུག་སྐར་མ་གང་གནས་ཐོག་ཏུ་བཞག། ཉི་སྐར་དུས་ཚོད་བཙལ་ལ་དུས་སྟེང་སྤྲད། །མདེའུའི་རྩེ་ཐད་ཐེབས་ཕྱོགས་འཁྲུལ་པ་མེད། །རྩ་བའི་སྒྲ་གཅན་ཟབ་བོ་ས་མ་ཡ། ༈ །གཉིས་པ་ཐུན་ཕྱེད་སྒྲ་གཅན་འཆར་བ་ནི། །འཁོར་ལོ་ཇི་ལྟར་ཕྱོགས་གཟའ་བརྒྱད་བཀོད་པ། །གང་ནས་བརྩམས་ཏེ་ཉིན་མོ་གཡས་སུ་བསྐོར། །དཔེར་ན་ཉི་མའི་རེས་ལ་ཤར་ནས་བཟུང་། །

― MR07_Page_1049 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིན་བྱང་དབང་ལྡན་མེ་ཆུ་དབང་ལྷོ་རླུང་དབང་པོ། །ད་ལྟར་རྒྱུ་བ་རིམ་པས་འཕོ་བ་སྟེ། །མཚན་མོ་གཡོན་སྐོར་ཤར་རླུང་ལྷོ་བྱང་ཤར། །དེ་བཞིན་འཕོ་བ་ཚེས་གཅིག་ནས་བཟུང་སྟེ། །རྒྱུད་ལས་ཀྱང་ཕྱོགས་འདི་ལྟར་གསུངས་པ་འཇིག་རྟེན་དང་མཐུན་པར་བཞེད་དོ། །དཀར་ཕྱོགས་ལའོ་བཅུ་དྲུག་སྟོང་གི་བར། །ཉིན་མོ་གཡོན་སྐོར་མཚན་མོ་གཡས་སྐོར་ཡིན། །ཉིན་བརྒྱད་མཚན་བརྒྱད་རྒྱུ་བས་ཉིན་མཚན་ཚད། །བརྒྱད་ཀྱིས་བགོས་ཐོབ་ཐུན་ཕྱེད་རེ་རེའི་ཚད། །རེས་གཟའ་གང་ཡིན་ནས་ནི་ཐོག་མ་བཟུང་། །རིམ་པར་ཉི་མའི་རཱ་ཧུ་སོགས་སུ་གྲགས། །དབང་ལྡན་ནས་འཆར་རཱ་ཧུའི་རཱ་ཧུའོ། །རྩ་བའི་སྒྲ་གཅན་ཉིད་ནི་མ་གཏོགས་པའི། །ལྷག་མ་བདུན་ལས་ཐུན་ཕྱེད་རཱ་ཧུ་འདི་ཉིད་བཙན་པར་བཞེད། །གང་དུ་རྒྱུ་ཕྱོགས་དེར་བསྟུན་དྲག་ལས་བརྩམ། །ཕ་རོལ་དཔུང་ལས་རྒྱལ་བར་ཐེ་ཚོམ་མེད། །སྒྲ་གཅན་རེས་གཟའ་མིན་པའི་བྱང་ཤར་ནས་དང་པོ་རྩམ་པ་མེད་རུང་། གཟའ་བདུན་གྱི་རེས་ལ་བྱང་ཤར་ནས་སྒྲ་གཅན་གྱི་ཐུན་ཕྱེད་འཆར་བ་ཡོད་པས་ཆོག །ཁ་ཅིག་སྤེན་པའི་ཕྱེད་སྔ་མ་སྤེན་པ་དང་ཕྱི་མ་སྒྲ་གཅན་སྐལ་བར་བཞེད། དེ་ལྟར་ན་སྤེན་པའི་རྒྱུ་ཚུལ་འཕྲོ་བཅད་ནས་རྒྱུ་དགོས། །

― MR07_Page_1050 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ཡུད་ཙམ་རཱ་ཧུ་འཆར་ཚུལ་ནི། །ཉིན་མོ་གཡས་བསྐོར་མཚན་མོ་གཡོན་སྐོར་ཡིན། །ཉིན་གྱི་དང་པོ་བྱང་ཤར་དྲ༡ག་པོ་ནས། །རིམ་པར་༢ཙྪེ་ད་དང་ནི་མི་༣ ཏྲ་དང་། །ས་རོ་བྷ་༤ཏྲ་ས་བི་༥ཏྲ་དང་ནི། །རྣམ་པར་སྣང་མཛད་༦རྒྱལ་བ་བྱི་༧བཞི༨ན་དང་། །རཱ་མ་ཎ༩་དང་བ་ལ༡ ༠་རྣམ་རྒྱལ༡ ༡་དང་། །དགའ་བ༡ ༢་གཤིན་རྗེ་ཆུ༡ ༣་ལྷ༡ ༤་སྐལ་ཅན ༡ ༥་རྣམས། །བྱང་ཤར་ནས་བརྩམས་ནུབ་ཀྱི་བར་དུ་འཁོར། ༈ །མཚན་གྱི་ཡུད་ཙམ་ནུབ་ཕྱོགས་ནས་བརྩམས་ཏེ། །དྲག་པོ་དང་ནི་ཙྪེ་ད་མི་ཏྲ་དང་། །ས་རོ་བྷ་སོགས་བཅོ་ལྔ་གཡོན་དུ་བསྐོར། །ཉིན་གུང་མཚན་གུང་ཐུར་མའི་ཁང་གྲིབ་ཐིམ་པའི་ཚེ། །བྱི་བཞིན་འཆར་འགྱུར་

― MR07_Page_1051 ―

^{[མ་དཔེ་གཟིགས་ན་འདིར་གནོན།]}

[Full Size]

རྟག་ཏུ་རིམ་པ་གཅིག །གུང་གཉིས་ཐུར་གྲིབ་ཐིམ་དུས་ཐིག་དེ་ནས་རིམ་པར་ཕྱི་དྲོ། ༢༣༥ ༦ ༡༢ ༦༠ ༩༦ རྣམས་ཡུད་ཙམ་རེའི་ཚད་དང་། སྔ་དྲོ། ༩ ༦ ༦༠ ༡༢ སོགས་བྱི་བཞིན་ཐིག་གི་བར་དུ་སྦྱར་ཏེ་བཀོད་པ་འདུག་ཀྱང་མ་བཀོད་ཀྱང་ཆོག །ཡུད་ཙམ་ཐུར་གྲིབ་དང་སྦྱར་ཚུལ་དེ་རྒྱུད་ལས་གསུངས་སོ། །ནམ་ལངས་ནས་བརྩམས་ཆུ་ཚོད་གཉིས་རེ་ནི། །ཡུད་ཙམ་རེ་ཡིན་རེའུ་མིག་ཇི་བཞིན་དུ། །ཆུ་ཚོད་འདསབཙལ་སོ་སོར་རྟོགས་པར་བྱ། །ས་བི་ཏྲ་དང་རྣམ་པར་སྣང་མཛད་དང་། །རྒྱལ་བ་རྣམ་རྒྱལ་དགའ་བ་ཆུ་ལྷ་རྣམས། །ཞི་བ་ཡིན་ཏེ་ལྷག་མ་དགུ་པོ་རྩུབ། །ཡུད་ཙམ་རཱ་ཧུ་འཆར་ཕྱོགས་དང་མཐུན་པར། །འཐབ་རྩོད་དམག་ཟོར་ཤག་འགྱེད་རྒྱལ་བར་འགྱུར། །གདོང་དུ་ཁ་བལྟས་གང་ཡིན་བརླག་པར་འགྱུར། །དྲག་པོ་ཙྪེ་ད་བྱི་བཞིན་རཱ་མ་ཎ། །ས་རོ་བྷ་ཏྲ་གང་བྱུང་འཆར་བའི་ཕྱོགས། །ཉི་མིག་སྤེན་པ་འཛོམ་ན་སྟོབས་ཆེ་སྟེ། །ཁྱད་པར་འཕོ་མཚམས་དུས་སུ་ཤིན་ཏུ་རྩུབ། །རེས་གཟའ་དང་ནི་གཟའ་དེའི་ཐུན་མཚམས་ལའོ། །ཡུད་ཙམ་རྩ་བའི་སྒྲ་གཅན་འཛོམ་པའི་གདོང་། །བརྒྱ་བྱིན་གྱིས་ཀྱང་ཚུགས་པར་ག་ལ་འགྱུར། །ཡུད་ཙམ་རཱ་ཧུ་འདི་ཤིན་ཏུ་སྟོབས་ཆེ་ཞིང་། །འདི་དང་བསྟུན་ན་ལས་ཀྱི་འབྲས་བུ་ཆེན་པོ་འབྱིན་ཅེས་སྦ་རོ་ད་ཡའི་

― MR07_Page_1052 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་འདི་ཉིད་དུ་བསྔགས་པ་ཆེའོ། །རྩ་བའི་སྒྲ་གཅན་རྒྱལ་པོ་ཇི་བཞིན་ལ། །ཐུན་ཕྱེད་རཱ་ཧུ་དམག་དཔོན་དཔའ་བོ་བཞིན། །ཡུད་ཙམ་རཱ་ཧུ་མཚོན་ཆ་རྣོན་པོར་མཚུངས། །དེ་གསུམ་ཕྱོགས་གཅིག་རྒྱུ་བའི་ཐེབས་བསྟུན་ན། །ཕས་རྒོལ་གཞོམ་ལ་དཀའ་བ་ཅུང་ཟད་མེད། །རཱ་ཧུ་ལྷག་མ་ལྔ་དང་དྲག་པོའི་གཟའ། །དུས་ལྷག་དྲག་པོ་རྣམས་ཀྱང་ཅི་ཙམ་དུ། །དེ་ཕྱོགས་ཐེབས་ན་རང་སྟོབས་ཆེར་འཕེལ་འགྱུར། །དཔེར་ན་དཔའ་བོའི་རྒྱབ་ཀྱི་དམག་དཔུང་མཚུངས། །དྲག་པོའི་གཟའ་དང་དུས་ཀྱི་ལྷ་དྲག་པོ། །རང་གི་རྒྱབ་དང་གཡས་ཀྱི་ཕྱོགས་ཡོད་བཟང་། །མདུན་དང་གཡོན་དུ་ཡོད་ན་མི་དགེར་བཤད། །ཞི་བའི་གཟའ་རྣམས་མདུན་དང་གཡོན་དུ་བཟང་། །། བཞི་པ་ཚེས་ལ་འཆར་བའི་རཱ་ཧུ་ནི། །ཙཀྲ་ལ་བལྟས་མེ་ལོང་བཞིན་དུ་གསལ། །དཔེར་ན་བཅུ་དྲུག་ཉིན་པར་་ནུབ་ཕྱོགས་སུ། །ཀ་ཡི་སྟེང་ཤར་དུ་ཁ་བལྟས་ནས། །རཱ་ཧུ་འཆར་བས་ཀ་ཡི་མིང་ཐོག་ཅན། །ཤར་དུ་ཁ་བལྟས་དགྲ་ཡི་དཔུང་ལས་རྒྱལ། །ཁྱད་པར་མ་ཡི་མིང་ཅན་འཇོམས་པར་བསྔགས། །མ་ཡི་མིང་ཅན་ནུབ་ཏུ་འགྲོ་མི་རུང་། །ལྷག་པར་ནུབ་ཆ་

― MR07_Page_1053 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་བགོས་བྱང་ཤར་དང་། །ཉེ་བ་ཐ་མའི་ཆ་རུ་འགྲོ་མི་རུང་། །ཕྱོགས་མཚམས་ཕན་ཚུན་ཐད་ཀར་འཇོམས་བྱེད་པའོ། །འདི་ལ་མཚམས་བཞིའི་རེ་ཁཱ་ཡོད་པའི་ཕྱིར། །པ་རི་གྷ་ཡོད་ཚེས་ཀྱི་རཱ་ཧུ་ཟེར། །པ་རི་གྷ་མེད་ཚེས་ཀྱི་རཱ་ཧུ་ནི། །གྱེན་བདུན་འཕྲེད་ལ་བརྒྱད་བྲིས་དེའི་རྩེ་མོར། །ནུབ་ཀྱི་ཀ་ནས་བྱང་གི་ཧ་ཡི་བར། །འགོད་ཚུལ་ཕྱོགས་སྟོབས་སྔ་མ་ཇི་བཞིན་ནོ། །ཀ་ལ་ཚེས་ཀྱི་རཱ་ཧུ་ཤར་བ་ན། །དེ་སྟེང་མགོ་ཡོད་ཤར་གྱི་ན་ལ་ནུབ། །ཤར་གྱི་ཁར་གནས་ནུབ་ཀྱི་ཚ་ལ་ནུབ། །དེ་བཞིན་ཡ་ལ་གནས་ན་ཛྷ་ལ་ནུབ། །མདོར་ན་རང་ས་ནས་བགྲང་བཅོ་ལྔར་ནུབ། །ཚེས་འཁོར་ཕྱེད་ཁྱབ་རྒྱུ་སྐར་འཁོར་ཕྱེད་འདྲ། །འདི་ལ་ཤར་ནུབ་གཉིས་སུ་བདུན་བདུན་དང་། །ལྷོ་བྱང་གཉིས་སུ་བརྒྱད་བརྒྱད་གནས་པ་ཡིན། །ཤར་དུ་གནས་ན་ཤར་གནས་སྟོབས་ཆེ་སྟེ། །ཤར་ནས་ནུབ་ཏུ་ཁ་བལྟས་ལས་བརྩམ་བཟང་། །

― MR07_Page_1054 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ངན་ལྷོ་བྱང་གཉིས་ལ་བཏང་སྙོམས་སོ། །གོང་བཞིན་མཚམས་གནས་ཕྱོགས་ཀྱང་དེ་བཞིན་ནོ། །། ལྔ་པ་ཁྱིམ་གྱི་རཱ་ཧུ་འཆར་བ་ནི། །འདི་ལ་བརྟེན་ཏེ་མཐོང་ས་བཟང་ངན་བརྟག །ཙཀྲ་དག་ལ་བཀོད་པའི་དཔེའུ་རིས་ལྟར། །ཁྱིམ་གང་རཱ་ཧུ་གནས་པར་གྱུར་པ་དེར། །ཉི་མིག་སྤེན་པ་གང་རུང་འཛོམ་པ་དེའི། །མདུན་གྱི་ཁྱིམ་ནི་འཇོམས་པར་འགྱུར་བས་ན། །ཕྱོགས་དེར་རྒྱུག་པ་རྣམ་པར་རྒྱལ་བར་འགྱུར། །མདུན་གྱི་བདུན་པའི་ཁྱིམ་ན་དགྲ་ཡི་མིང་། །ཡོད་ན་དེ་དག་གཞོམ་པར་རབ་ཏུ་བསྔགས། །གདོང་དུ་བལྟས་ན་རྒྱལ་ཡང་ཕྱི་ནས་ཕམ། །འདི་ལྟར་བརྩིས་ན་གཡུལ་ལས་རྣམ་པར་རྒྱལ། །དགྲ་ཡི་མིང་ཐོག་གི་ཕྱོགས་སུ་ཚེས་ཁྱིམ་ཟླ་བའི་རཱ་ཧུ་གསུམ་ཐེབས་པ་དང་བསྟུན་ཏེ་ཕ་རོལ་གྱི་གཉེན་པོར་གྱུར་པའི་མིང་ཅན་གྱིས་གཞོམ་པའི་རྟེན་འབྲེལ་བྱས་ན་གཞན་དག་གནད་ལ་འབེབས་ཏེ་ཞིབ་ཆ་ཞལ་ལས་བླང་ངོ་། ༈ །དྲུག་པ་ཕྱོགས་མཚམས་གཟའ་བརྒྱད་རཱ་ཧུ་ནི། །ཚེས་གྲངས་འདི་རྣམས་སྟེང་ནས་གཟའ་བརྒྱད་པོའི། །རང་རང་རཱ་ཧུ་འཆར་བར་འགྱུར་བ་

― MR07_Page_1055 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། །གདོང་ཐུག་མི་བྱ་དེ་ཡི་འགྲོས་་དང་བསྟུན། །འདི་ནི་སྤྱིར་བིཥྚི་དང་འདྲ་ཡང་་གཟའ་བརྒྱད་ཀྱི་ཁྱད་པར་བཀོད་པ་འདི་ལ་ལས་སྣ་་ཚོགས་སྦྱར་དུ་ཡོད་དོ། །རྒྱུད་ལས་དཀར་ཕྱོགས་ནག་ཕྱོགས་ཀྱི་མིང་གསུངས་པ་འཇིག་རྟེན་ལྟར་ན་དབྱངས་འཆར་མཁན་པོ་སྔ་མའི་ལུགས་སོ་བསྟན་བཅོས་ལྟར་སྦྱར་ན་ཕྱོགས་གཞན་དུ་འགྱུར་རོ། ༈ །བདུན་པ་ཟླ་ཕྱེད་རཱ་ཧུའི་མཚན་ཉིད་ནི། །དཀར་ནག་ཕྱོགས་ལ་འཆར་བ་ཙཀྲ་ལྟར། །ཤར་བྱང་གནས་ཚེ་ལྷོ་དང་ནུབ་བཟང་བ། །དེ་བཞིན་རེ་ཁཱས་བཅད་པ་གང་གི་ཕྱོགས། །ཉེ་བར་གནས་ལ་རྒྱབ་བརྟེན་འདོད་དོན་བསྒྲུབ། ༈ །བདུན་པ་ཟླ་བའི་རཱ་ཧུ་འཆར་བ་ནི། །ཁྱིམ་གང་རཱ་ཧུ་ཉི་མར་ལྷན་གཅིག་གནས། །ཉི་མའི་རཱ་ཧུར་གྲགས་ཤིང་དེ་བཞིན་དུ། །མིག་དམར་སྤེན་པའང་དེ་དེའི་རྭ་ཧུར་གྲགས། །གང་དུ་སྒྲ་གཅན་

― MR07_Page_1056 ―

^{[མ་དཔེ་གཟིགས་ན་འདིར་གནོན།]}

[Full Size]

དྲག་པོ་གཟའ་འཛོམས་པའི། །རྐང་པ་དེ་ཡི་གཡས་གཡོན་བཞི་བཞི་མཐོང་། །དཔེར་ན་སྒྲ་གཅན་ཐ་སྐར་རྐང་ཐོག་གནས། །ཙི་ཙ་དོ་དེ་ལི་ལ་ཙེ་ཙོ་མཐོང་། །སྨིན་དྲུག་རྐང་པ་དང་པོར་སྤེན་པ་གནས། །ལི་ལུ་ལེ་ལོ་ཨི་ཨུ་ཨེ་ཨོ་མཐོང་། །ཁྱིམ་གཅིག་ཕྱིར་ན་སྤེན་པའི་རཱ་ཧུར་གྲགས། །མཐོང་བའི་ཡི་གེའི་མིང་ཅན་འཇོམས་པར་བྱེད། །མདུང་རྩེ་ལྷན་ཅིག་གནས་པའི་སྔོན་མ་བཞི། །མི་ཐུབ་ཅེས་གྲགས་དེར་གནས་པ་ལ་བཟང་། །དཔེར་ན་ལུག་གི་ཁྱིམ་གྱིས་མི་ཐུབ་པ། །འཁྲིག་བུམ་གཞུ་སེང་སྡིག་པས་མི་ཐུབ་པ། །བུ་མོ་གླང་ཉ་ཆུ་སྲིན་ལྟ་བུའོ། །དྲག་གཟའ་འཁྱོགས་འགྲོས་བསོད་ནམས་འགྲོས་གཞན་ལ། །སྟོབས་ཆེ་འདི་ནི་གཡུལ་སོགས་མངོན་སྤྱོད་ལ། །རྣམ་པར་བརྩིས་ན་ཕྱོགས་ལས་རྒྱལ་བར་འགྱུར། །འདིར་རཱ་ཧུ་དྲག་གཟའ་དང་ལྷན་ཅིག་གང་དུ་གནས་པའི་ཁྱིམ་རང་རང་གི་ཐད་ཀའི་ཁྱིམ་བདུན་པ་དེ་ཕྱོགས་འཛོམས་ཏེ་དེར་ཕ་རོལ་གྱི་སྐྱེས་མིང་སྐར་མ་དང་མིང་ཡིག་ཡོད་པ་དང་རང་གི་ཕར་དེ་ཕྱོགས་རྒོལ་ན་ཆེས་ཟབ་བོ། །ལྷག་པར་དེ་ཕྱོགས་སུ་ཟླ་བ་གནས་ན་ཐེ་ཚོམ་མེད་དོ་ཟབ་པའི་མན་ངག་གོ །བྱེ་བྲག་

― MR07_Page_1057 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་ལས་ཁྱིམ་གྱི་རཱ་ཧུ་གཙོ། །དྲག་ལས་ལ་ནི་རྩ་བའི་རཱ་ཧུ་གཙོ། །གཏད་པ་ལ་ནི་ཡུད་ཙམ་རཱ་ཧུ་གཙོ། །རིམ་གྲོ་ལ་ནི་ཚེས་ཀྱི་རཱ་ཧུ་གཙོ། །ས་བོན་ཕྱོགས་ལ་ཟླ་ཕྱེད་རཱ་ཧུ་གཙོ། །བག་མར་ཕྱོགས་གཟའ་བརྒྱད་ཀྱི་རཱ་ཧུ་གཙོ། །ཐུན་ཕྱེད་ཀུན་ལ་གཅེས་ཏེ་རྣོ་མཚོན་ལ། །ངར་གྱིས་བརྒྱན་པ་ལྟ་བུར་རབ་ཏུ་གསུངས། །སྐྱེ་རྒུའི་བདེ་དོགས་གཡོ་བའི་བ་དན་ནི། །རྟེན་འབྱུང་དྲི་ཡི་བཞོན་པའི་རྗེས་སུ་འབྲང་། །ཕྱི་ནང་རྟེན་འབྲེལ་འཇུག་པའི་མན་ངག་ནི། །དབང་ཕྱུག་ཐུགས་ལ་གབ་པ་མངོན་ཕྱུངས་པའི། །ཚུལ་འདི་རྣམས་ལས་ལོག་པར་གྱུར་པ་གང་། །འཇིག་རྟེན་ཕམ་པར་སྒྲོགས་པའི་རླུང་ལྡང་ཚེ། །ཚུལ་བཞིན་སྤྱོད་རྣམས་སྙིང་སྟོབས་དགའ་སྤྲོའི་མེ། །ཆེས་ཆེར་སྦར་བའི་སྒྲ་དབྱངས་ཀུན་ཏུ་གྲགས། །དེ་ཚུལ་ལེགས་པར་བཤད་པའི་དགེ་བ་གང་། །དྲི་བྲལ་ཟླ་བའི་དཀྱིལ་འཁོར་དྭངས་པ་ལ། །ལྷག་བསམ་འོད་བཟང་འབུམ་གྱིས་དཀྲིགས་གྱུར་པས། །འགྲོ་ལ་བླང་དོར་ལམ་བཟང་གསལ་གྱུར་ཅིག །དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་

― MR07_Page_1058 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་ཤེལ་གྱི་མེ་ལོང་ཞེས་བྱ་བ་ལས། ཕ་རོལ་གྱི་གཡུལ་འཇོམས་པའི་རྩིས་རིག་འབར་བའི་རྡོ་རྗེ་རྔམས་པའི་སྐབས་ཏེ་བཞི་པའོ།། །།རྒྱལ་ཀུན་ཐུགས་བརྩེའི་ཆུ་གཏེར་ལས་འཁྲུངས་ཤིང་། །ཚད་མེད་སྙིང་རྗེའི་ཆ་རྫོགས་རི་བོང་འཛིན། །ཕན་བདེའི་འོད་བཟང་འབུམ་གྱིས་མངོན་དགའ་བ། །རྗེ་བཙུན་ཐུགས་རྗེའི་མངའ་བདག་དེ་ལ་འདུད། །བརྩེ་མཆོག་བརྩེ་བའི་ཐུགས་ཀྱིས་བསྐྱོད་པ་ཡི། །སྒྱུ་འཕྲུལ་སྒྱུ་མའི་གར་མཛད་ལྷ་ཆེན་པོས། །ལེགས་གསུངས་ལེགས་ཉེས་སྟོན་པའི་རྒྱུད་དོན་ལས། །བདེ་སྡུག་བདེ་བླག་རྟོགས་པའི་རྩིས་ཚུལ་བཤད། །ཕྱོགས་དང་དུས་ཀྱི་སྣང་ཚུལ་སྣ་ཚོགས་པ། །བློ་ཡི་མིག་དང་ལྡན་ལ་ལེགས་སྟོན་པ། །གཞུང་བཟང་རིན་པོ་ཆེ་ཡི་སྒྲོན་མ་གང་། །ལེགས་པར་བཀྲམ་ལ་སྐལ་བཟང་མགུ་བ་སྐྱེད། ༈ །དེ་ཡང་དུས་ཀྱི་གནས་སྐབས་སུ། །བདེ་དང་སྡུག་བསྔལ་སྣ་ཚོགས་པ། །ལས་མཐུན་སྤྱི་ཡི་སྣང་ངོ་ལ། །ཇི་ལྟར་འབྱུང་བའི་ཚུལ་ཤེས་པར། །འདོད་པས་ལོ་དང་ལོ་བདག་གཟའ། །རྒྱལ་བློན་ཀར་མྱོང་ཆར་རྩིས་དང་། །གཟའ་ལྔ་ཁྱིམ་ལ་སྤྱོད་ཚུལ་འབྲས། །འཕྲལ་བྱུང་གཟའ་

― MR07_Page_1059 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ས་གཡོ་སོགས། །ལྟས་མང་བརྟག་པའི་རིམ་པ་ནི། །གཞན་གཞུང་དག་ལས་ཤེས་པར་བྱ། ༈ །དབང་ཕྱུག་ཞལ་སྤྲོད་ཅེས་གྲགས་པ། །ལོ་བདག་གཟའ་ཡི་ལོངས་སྤྱོད་དང་། །ཉ་ནས་ལུག་ཏུ་འཕོ་བའི་ཉིན། །རེས་གཟའི་ལོངས་སྤྱོད་གཉིས་པོ་དག །ཕན་ཚུན་མང་ཉུང་བརྟག་པར་བྱ། །འདི་ལ་རེས་གཟའི་ལོངས་སྤྱོད་ཁོ་ན་ལས་གཟའ་གནས་ལ་བརྟག་རྒྱུ་མིན་གསུངས། འོད་བརྒྱའི་ཚིག་ལ་བལྟས་ན་གཟའ་དབྱུག་གཉིས་པོ་གང་མང་ལ་ཉུང་གིས་འཕྲིའམ་སྙམ། གལ་ཏེ་མཉམ་པར་གྱུར་པ་ན། །གཟིམ་མཇལ་ཞེས་བྱ་རྐུན་མ་དང་། །ས་གཡོ་ཐོག་རླུང་འཁྲུགས་པ་འོང་། །ཚེས་ཀྱི་གཟའ་མང་བཞེངས་ཏེ་མཇལ། །ཆར་བབས་ཡུལ་བདེ་ཕུན་སུམ་ཚོགས། །ཁྱིམ་གཟའི་མང་ན་བཞུགས་ཏེ་མཇལ། །དགྲ་གཉེན་འགྱུར་ཞིང་ནད་འཁྲུགས་མང་། །སྡུག་བསྔལ་མི་བདེ་འཇིགས་པ་འོང་། །ཁྱིམ་གང་འཕོ་ཉིན་རེས་གཟའ་ལ། །ཉི་མའི་ལྷ་ནི་དྲག་མོ་སོགས། །སྦྱར་བའི་འཇམ་རྩུབ་ཤེས་པར་བྱ། །ཁྱིམ་འཕོའི་གཟའ་ཀུན་དྲག་པོར་རྩུབ། །ཞི་འཇམ་འདྲེས་མས་འདྲེས་མར་སྟོན། ༈ །རྒྱལ་པོ་བློན་འབངས་

― MR07_Page_1060 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྡེ་དང་། །དབང་བསྐུར་རིགས་སོགས་སྐར་མ་ལ། །དྲག་པོའི་གཟའ་ཡིས་དུད་སོལ་འཁྱུད། །མཆེ་གདོང་གནོད་པ་བརྟག་པར་བྱ། །གནོད་པ་བབ་དུས་མི་དགེ་ཞིང་། །གནོད་མེད་ཞི་གཟའ་གནས་པའི་དུས། །བདེ་བར་འགྱུར་བ་རིག་པར་གྱིས། ༈ །ཡུལ་སྡེ་སོ་སོའི་བཟང་ངན་ནི། །ཕན་ཚུན་ཆེན་པོའི་འཁོར་ལོས་བརྟག །སྐར་མ་བཞི་རེར་དབང་བྱེད་པའི། །གཟའ་རྣམས་ཕན་ཚུན་འཕྲེད་བལྟས་པའི། །དུས་སུ་གྲོང་དང་གང་ཟག་གི །མིང་ཐོགས་ཅན་ངན་དཔེར་ན་ནི། །སྨིན་སོགས་གང་རུང་ཉི་གནས་ནས། །སྣུབས་སོགས་གང་རུང་མིག་དམར་གནས། །ཨ་ཡ་ལ་སོགས་ཡི་གེ་ནི། །སུམ་ཅུ་གཉིས་ཀྱི་གྲངས་ལྡན་པའི། །མིང་ཐོགས་ཅན་ལ་ངེས་པར་ངན། །ཉི་མིག་དང་ཟླ་ལྷག ཕུར་སྤེན། རཱ་ཧུ་པ་སངས་ཕན་ཚུན་འཕྲེད་ལྟས་སོ། །འཁྲུམས་སྨད་སོགས་བཞིར་སྤེན་རཱ་གཉིས་ཀ་དབང་ངོ་། །དེ་ནས་རུས་སྦལ་འཁོར་ལོས་ནི། །ཡུལ་སྡེ་སྤྱི་ཡི་བཟང་

― MR07_Page_1061 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུ་ངན་བརྟག །འདི་ལྟར་དཔེའུ་ཆུང་ལྟར་ལ། །འཛམ་གླིང་སྤྱི་ལ་སྨན་ནས་བཀོད། །རང་རང་ཡུལ་གྱི་མིང་སྐར་དེ། །དབུས་བཞག་བཀོད་པ་མན་ངག་ལུགས། །དེ་ཡི་ཕྱོགས་ཆར་གནས་པ་ལ། །ནང་གསེས་བདེ་དོགས་འབྱུང་བ་ནི། །ཉི་མ་གང་དུ་གནས་པའི་ཕྱོགས། །ཆར་མེད་ཐན་པས་བསྲེག་པར་འགྱུར། །སྤེན་པ་གང་གནས་མུ་གེ་ཆེ། །དུས་མེ་གནས་པར་རིམས་ནད་འཕེལ། །མིག་དམར་རཱ་ཧུས་འཐབ་རྩོད་འབྱུང་། །གཟའ་ལྷག་གནས་ན་ལོ་ཏོག་བཟང་། །པ་སངས་ཕུར་བུས་རྒྱལ་པོའམ། །ཡུལ་དེ་བདེ་བར་བྱེད་པ་ཡིན། །ཟླ་བས་ཆར་པ་རན་པར་འབེབས། །གཟའ་མི་གནས་ན་བཏང་སྙོམས་སོ། །འདྲེས་མས་འབྲས་བུའང་འདྲེས་མ་

― MR07_Page_1062 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། །སྟོབས་ཀྱི་ཆེ་ཆུང་བརྟག་པར་བྱ། ༈ །ཡང་ནི་གདུགས་ཀྱི་འཁོར་ལོའམ། །སེང་གེ་གདན་རབ་གྲགས་པ་ཡི། །ཙ ཀྲས་ཡུལ་གྱི་བདེ་དོགས་བརྟག །འཛམ་གླིང་སྤྱི་ཡི་དབང་བྱས་ན། །རྡོར་གདན་དབུས་བྱས་བརྩིར་གསུངས་ཤིང་། །རང་གནས་ཡུལ་གྱི་རྒྱལ་པོ་ནི། དབུས་སུ་བྱས་ཏེ་བརྩི་བའང་ཡོད། །ཉི་མིག་སྤེན་སྒྲ་བཞི་གང་རུང་། །ཕུར་བཅས་མགོ་ལ་གནས་གྱུར་ན། །སེང་གདན་གྱི་སྐར་མ་ཡིན་ཀྱང་གདུགས་འཁོར་ལྟར་ན། ཤར་གྱི་རྒྱལ་པོ་སྲོག་དང་འབྲལ། །འདིར་གདུགས་འཁོར་ལྟར་ན་སྦྲུལ་གཟུགས་རྩ་བཞི་འཁྱོགས་གསུམ་པའི་སྟེང་གི་ཁུག་མགོ་གསུམ་ལ་གདུགས་རེ་བཙུགས། སྦྲུལ་གྱི་མགོ་ཕྱོགས་རྩ་འོག་མ་ནས་གྱེན་དུ་ཐ་སྐར་སོགས་བཞི་དང་། སྟེང་གི་གདུགས་ཀྱི་ཡུ་བར་སྐར་མ་མགོ་བཀོད། དེ་ནས་དེ་འོག་སྦྲུལ་གྱི་རྩ་རྒྱུད་ལ་མར་བཞི་བཀོད། དེ་ནས་བར་ཁུག་ལ་ཡར་བཞི་བཀོད་ཅིང་ནག་པ་སྟེང་གི་གདུགས་དབུས་མིའི་ཡུ་བར་བཀོད། དེ་འོག་རྩ་རྒྱུད་ལ་མར་བཞི། དེ་ནས་བར་ཁུག་ལ་ཡར་བཞི། མོན་གྲེ་གདུགས་གསུམ་པའི་ཡུ་བར་དང་། དེ་འོག་བཞི་འོག་གི་རྩ་ལ་བཀོད་པ་ཡིན་ལ། དེར་མགོ་ལ་དྲག་གཟའ་བཞི་ཕུར་བུ་བཅས་ཡོད་ན་ཤར་གྱི་རྒྱལ་པོ་སྲོག་དང་འབྲལ་བ་སོགས་གསུངས་

― MR07_Page_1063 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྔ་མ་ཐམས་ཅད་ཀྱི་མགོ་ཁོ་ནའི་སྟེང་དུ་གཟའ་ལྔ་ཚང་དགོས་པར་འཆད་ཀྱང་། མགོ་དང་དེའི་འོག་ཏུ་རྩ་རྒྱུད་ལ་གནས་པའི་ལག་སོགས་བཞི་སྟེ་སྐར་མ་ལྔ་ལ་གོ་དགོས་པ་འདྲ་སྟེ་དེ་ལྟར་མིན་ན་སྦྲུལ་གྱི་ལུས་ལ་སྐར་མ་གཞན་བཀོད་པ་ལ་དགོས་པ་མེད་ཅིང་། མགོ་ལ་གཟའ་ལྔ་པོ་དེ་གནས་པས་ཤར་གྱི་རྒྱལ་པོ་སྲོག་དང་བྲལ་བ་དང་། མགོ་ལ་སྤེན་པ་གཅིག་པུ་གནས་པས་དབུས་ཕྱོགས་རྒྱལ་པོ་སྲོག་དང་བྲལ་བ་སོགས་གཉིས་མི་འགྲིགས་པ་སོགས་དཔྱད་དཀའ་བས་ན། སྐབས་འདིར་འཁོར་ལོ་གོང་འོག་འདི་གཉིས་ཕན་ཚུན་བསྡེབས་ནས་ཤེས་པར་བྱ་བ་ཡིན་ལ། དེ་ཡང་ཤར་ནུབ་དབུས་གསུམ་དུ་བྱེད་སྐབས་ཕྱོགས་གསུམ་པོ་དེའི་ཁོངས་སུ་ཕྱོགས་གཞན་བསྡུས་ཏེ་དཔྱད་དགོས་ཀྱི་ཕྱོགས་བཞིར་མི་འབྱེད་དོ། །དེའི་རྗེས་སུ་སེང་གདན་སྐབས་ལྷོ་བྱང་དབུས་གསུམ་གྱི་ཆར་བྱེད་ཀྱི་ཤར་ནུབ་མི་དཔྱད། ལྷོ་བྱང་དབུས་གསུམ་གྱི་ཆ་དེར་གཙོ་བོར་སྤེན་པ་གང་གནས་ཀྱི་རྒྱལ་པོ་དང་། རྟ་སོགས་ཟོང་ལ་གནོད་ཅིང་དྲག་གཟའ་གཞན་གྱི་འབྲས་བུའང་བསྟན་པ་འདི་ཁོ་ན་ལྟར་དཔྱད་ལ། གོང་གི་གདུགས་འཁོར་གྱི་སྐབས་དེ་ལ་ཡང་དྲག་གཟའ་གང་གནས་ཕྱོགས་སུ་མི་དགེ་བ་སྦྲུལ་གྱི་ལུས་ལ་བཀོད་པའི་སྐར་མར་བརྟགས་ནས་ཤེས་པར་བྱ་བའང་ཡིན་ནོ། །ཕུར་མེད་རྒྱལ་པོ་ནད་ཀྱིས་ཐེབས། །ནག་པར་ལྷག་བཅས་དྲག་གཟའ་བཞི་་རུ་ངག་དང་དབུས་དེ་བཞིན། །དྲག་བཞི་དང་མོན་གྲེ་ཟླར་བཅས་

― MR07_Page_1064 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ཕྱོགས་ཀྱི། །རྒྱལ་པོ་དེ་ལྟར་བརྟག་པར་བྱའོ། །བསོད་ནམས་བཞིའམ་གསུམ་གཉིས་གཅིག །དེ་གསུམ་གང་གནས་རྒྱལ་པོ་ཡི། །ཡུལ་འཁོར་བདེ་བར་རྒྱུད་ལས་བཤད། །སྤེན་པ་སེང་གདན། མགོར་གནས་དབུས་ཕྱོགས་དང་། །ནག་པར་ལྷོ་དང་མོན་གྲེ་བྱང་། །དེར་གནས་རྒྱལ་པོ་སྲོག་དང་འབྲལ། །རྒྱལ་པོའི་མཚན་མ་གདུགས་དང་རྔ་མ་གང་གནས་པའི། །དེ་ཕྱོགས་རྒྱལ་པོ་ནད་ཀྱིས་འཛིན། །རྟ་གླང་ལ་གནས་ཕྱོགས་དེ་ཡི། །རྟ་གླང་དེ་དག་ནད་ཀྱིས་མནར་ནས་འཆི། །ནོར་བུ་གསེར་ཆོས་པུ་སྟིར་ནི། །སྤེན་གནས་ཡུལ་དེར་ཟོང་དེ་དཀོན། །གཟའ་གཞན་སེང་གདན་སོང་བ་ན། །མིག་དམར་གནས་ན་རྒྱལ་ཕྲན་རྩོད། །རཱ་ཧུ་ཡོད་ན་དུས་འཁྲུགས་འབྱུང་། །དུས་མེ་ཡོད་ན་རིམས་ནད་འབྱུང་། །ཉི་མ་ཡོད་ན་མུ་གེ་འཕེལ། །ཟླ་ལྷག་གནས་ན་མངའ་ཐང་འཕེལ། །ཕུར་བུ་ཆོས་དང་རིག་བྱེད་འཕེལ། །དཀར་པོ་བུད་མེད་དབང་དུ་འདུ། །འདྲེས་མས་འབྲས་བུའང་འདྲེས་མ་འབྱུང་། །འབྱུང་བཞིའི་འཁོར་ལོ་ལ་བརྟེན་ནས། །ལོ་དེར་ཆར་པ་འབབ་མི་འབབ། །དབྱར་རའི་དུས་སུ་བརྟགས་པར་

― MR07_Page_1065 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས། །སྐར་མ་བདུན་རེ་ཁམས་གཅིག་ཏུ། །འབྱེད་ཚུལ་སྐར་རྩིས་གཞུང་ལྟར་ལ། །མར་ངོའི་ཚེ་ན་ཞི་གཟའ་རྣམས། །ཟླ་བ་དང་ནི་འཛོམ་པའམ། །ཟླ་བ་ཆུ་སྐར་ནང་དུ་ཞུགས། །གཟའ་རྣམས་ཕལ་ཆེར་ཆུ་སྐར་སྤྱོད། །དུས་དེར་ཆར་པ་འབབ་པར་འགྱུར། །ཉི་མིག་སྤེན་གསུམ་ཆུ་སྐར་འཛོམ། །ཡུལ་དེར་སེར་བ་འབབ་ཉེན་ཆེ། །ས་རླུང་སྐར་མ་རླུང་ཆེན་ལྡང་། །མེ་སྐར་སྟེང་འཛོམ་ཐན་པ་ཆེ། །ཟླ་ཕུར་སངས་གསུམ་ཆུ་སྐར་དུ། །འཛོམ་ན་ཆར་པ་ཆེན་པོ་འབབ། །ས་སྐར་སྟེང་འཛོམ་ལོ་ལེགས་ཤིང་། །མེ་རླུང་སྟེང་འཛོམ་ནམ་འཁོར་ཙམ། །ལྷག་མ་གང་གི་སྟེང་ཡོད་ཀྱང་། །ཕན་གནོད་ནུས་པ་ཆེར་མི་མངོན། །འོན་ཀྱང་ས་ཆུར་ཡུལ་ངན་དང་། །མེ་རླུང་སྐར་མར་རླུང་འཚུབས་ལྡང་། །མདོར་ན་གཟའ་དགུ་རྒྱུ་སྐར་ནི། །ཁམས་བཞི་གང་ལ་མང་ཤས་ཆེ། །དེ་ལ་འདི་ལྟར་བརྟག་པར་བྱ། །ཆུ་ལ་ཆར་བ་ཆེན་པོ་འབབ། །ས་ལ་སྤྲིན་མཐུག་ཆར་མི་འབབ། །མེ་ལ་ཆར་མེད་ཐན་པ་ཆེ། །རླུང་ལ་རླུང་འཚུབས་ཆེན་པོ་ལྡང་། །དྲག་འཇམ་ཞི་དྲག་གཟའ་ཡིས་བསྒྱུར། །

― MR07_Page_1066 ―

^{[མ་དཔེ་གཟིགས་ན་འདིར་གནོན།]}

[Full Size]

གཟའ་གང་སྒྲ་གཅན་ལྷན་ཅིག་པ། །ཆར་རམ་རླུང་འཚུབས་ཤིན་ཏུ་ཆེ། །ཞི་གཟའ་ཆུ་སྐར་སྟེང་ཡོད་པར། །དྲག་གཟའ་གང་རུང་སླེབས་མ་ཐག །ཆར་པ་འབེབ་པར་འགྱུར་ཞེས་གསུངས། །ནུས་པ་སྔ་ཕྱི་འབྱིན་ཚུལ་ནི། །ཉི་མིག་གཉིས་པོ་སླེབས་མ་ཐག །ལྷག་སངས་ཕུར་གསུམ་སྐར་དཀྱིལ་དུ། །སྤེན་ཟླ་ཆུ་སྐར་འཕོ་ཁ་རུ། །རང་འབྲས་ཇི་ལྟར་བཤད་པ་འབྱིན། །མདོར་ན་ཆུ་སྐར་གཅིག་གི་སྟེང་དུ་གཟའ་འདོམ་པའམ་ཞི་དྲག་འཛོམ་ན་ནུས་པ་འབྱིན་ལ་གང་སྔ་བའི་དུས་སུ་ཆར་འབབ་བོ། །ལོ་གཅིག་གི་འབྲས་བཤད་ཀྱི་གཟའ་རང་རང་ནམ་འཕོས་ཀྱི་དུས་དང་བསྟུན་དགོས་ཀྱང་། ལོ་རིལ་པོ་ལ་བརྟགས་ན་ཉི་མ་ལུག་གི་ཁྱིམ་དུ་སླེབས་པའི་དུས་དེའི་གཟའ་དགུ་ཀར་གནས་ཀྱིས་སོ། །འདི་དག་ཟླ་བ་རེ་བཞིན་ཡང་། །ཆར་གྱི་ཆེ་ཆུང་ནམ་བབ་དུས། །བརྟགས་པ་མན་ངག་དམ་པའི་ལུགས། ༈ །ཁྱད་པར་གང་འདོད་ཡུལ་སྡེ་དེར། །ཆར་པ་འབབ་མིན་བརྟག་པ་ནི ། ཐ་སྐར་ནས་བགྲང་ཡུལ་སྡེ་དེའི། །མིང་སྐར་ཡན་ཆད་གཅིག་ཏུ་བསྡོམས། །ལྷ་ས་ཞེས་པའི་མིང་སྐར་དབྱུག་གུ་ལ་གྲངས་གཅིག །ཨ་མདོར་གསུམ་ལྟ་བུའོ། །ཁྱིམ་འཕོའི་ཟླ་སྐར་

― MR07_Page_1067 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་ཀྱང་བྱིན། །གང་བརྟགས་པའི་དུས་དེའི་ཁྱིམ་དེ་ཐོག་མར་སླེབས་མཚམས་ཀྱི་དུས་དེ་ག་རང་དུ་ཟླ་བ་སྐར་མ་གང་ལ་སྤྱོད་པའི་གྲངས་ནི། བྲ་ཉེ་གཅིག་སྨིན་དྲུག་གཉིས་སྣར་མ་གསུམ་སོགས་སོ། །ཁྱིམ་འཕོའི་ཉིན་དེའི་རེས་གཟའི་གྲངས་ཀྱིས་འཕྲི། །འཕྲི་ལྷག་འཁོར་ལོས་བགོས་ལྷག་ལ། །ཆུ་སྐར་ཤར་ན་ཆར་པ་འབབ། །ལྷག་མེད་ན་ཐ་སྐར། ༡བྲ་ཉེ་སོགས། ༢༦ནམ་གྲུའོ། །ས་སྐར་ཤར་ན་ཅུང་ཟད་འབབ། །མེ་སྐར་ཤར་ན་ཐན་པ་ཆེ། །རླུང་གི་སྐར་མ་རླུང་འཚུབས་ལྡང་། །ཁམས་ནི་སྐར་རྩིས་ཇི་བཞིན་དེ། །ཁྱིམ་དེར་སླེབས་ནས་འཕོ་བའི་སར། །ཟླ་བ་རེ་རེ་བཞིན་དུ་བརྟག །ཁྱིམ་སླེབས་སྐར་གཟའི་ཞིབ་ཆ་གཅེས། །བྱེད་པའི་ཉི་དག་ལ་བརྟེན་པ་དང་། བྱེད་པའི་ཟླ་སྐར་གྲུབ་པའི་གཟའ་བྱས་ན་བདེ། སྤེན་པར་བདུན་ཕྲི། ལུགས་གཅིག་ལ་དབྱུག་གུར། ༡བྲ་ཉེར་༢བྱས་འདུག་ཀྱང་རང་ལུགས་དང་པོ་ལྟར་བྱ། ཁྱིམ་སླེབས་ལ་ཡང་ཅུང་ཟད་དཔྱད་བྱར་སྣང་ཡང་གོང་ལྟར་རོ། །འདིར་རྩིས་ཕྲན་དུ་བྲིས་ནའང་དོན་གྱི་དབང་གིས་འདིར་ཡང་བཀོད་པ་ཡིན་ནོ། །དེ་འདྲ་གཞན་རེ་ཟུང་ཡང་ཡོད་དོ། ༈ །དེ་ནས་ཆར་པ་བརྟག་པ་ཡི། །སྣར་མའི་འཁོར་ལོ་ཞེས་བྱ་བཤད། །ཇི་ལྟར་དཔེའུ་ཆུང་ལྟར་

― MR07_Page_1068 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །ལོ་དེའི་ལུག་འཕོའི་ཟླ་སྐར་་སོགས། །རིམ་པས་སྐྱེས་ཟླ་རྒྱ་མཚོ་ངོགས། །རི་བོ་མཚམས་སྦྱོར་ཞེས་བྱ་བར། །གཅིག་གཅིག་གཉིས་བཞི་གཉིས་བཞི་རུ། །ལན་གཉིས་བལྡབ་པའི་ཙཀྲ་ལས། །སྣར་མ་གང་དུ་བྱུང་བ་བརྟག །སྐྱེས་པར་ཆར་ཆེ་ཟླ་བར་དགའ། །རྒྱ་མཚོར་ཆར་པ་ཤིན་ཏུ་ཆེ། །ངོགས་ལ་ཆར་ལེགས་རི་བོར་ཉུང་། །མཚམས་སྦྱོར་ཆར་པ་དུམ་བུར་འགྱུར། །འདི་དབྱངས་འཆར་རྒྱུད་ན་མེད་ཀྱང་དྲང་སྲོང་གར་གས་བཤད་པ་རྩིས་གཞན་ལས་སོ། ༈ །དེ་ནས་བྱེ་བྲག་བརྟག་བྱ་བ། །གཞན་ཡང་ཟླ་བདག་ལྔ་སྤྱོད་འབྲས། །ལྟས་དང་གཟའ་སྐར་འབྲས་མང་པོ། །གཞུང་གཞན་ཇི་བཞིན་རྣམ་པར་དཔྱད། །སྐྱེས་བུའི་ཚེ་ཚད་བཤད་པར་བྱ། །སྐྱེས་དུས་སྐར་སོགས་ལེགས་བརྟགས་ནས། །ནམ་ལངས་པ་ནས་བཙས་བར་གྱི། །འདས་པའི་ཆུ་ཚོད་གང་ཡོད་པ། །གཉིས་བཀོད་

― MR07_Page_1069 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ལ་མིག་གིས་བསྒྱུར། །མཁའ་རོས་བགོས་ཐོབ་དེས་འདས་པའི་ཆུ་ཚོད་དང་། །ལྷག་མས་སྲང་ལ་འཕྲི་ནས་དེ། །རེས་འགྲོགས་སྐར་མའི་དབྱུག་གུར་སྟེར། །འཁོར་ལོ་ལོངས་ནས་ཡར་བསྒྲིལ་བས། །སྐྱེས་སྐར་དང་བཅས་དེས་རྟོགས་སོ། །དེ་ནས་ཆ་ཤས་བཞིར་དབྱེ་བ། །སྐྱེས་སྐར་དེའི་དབྱུག་གུ་ལ་ཚེས༡ ༥་བགོས་ཐོབ་རིམ་པ་བཞིན། །ཐིག་ཤར་དང་པོ་གཟུགས་ནི་གཉིས། །ཐུང་ལ་གསུམ་པ་མེ་བཞིའོ། ༈ །དེ་ཡང་ཆ་ཤས་དང་པོ་ལ། །བལྟམས་པའི་སྐྱེས་བུ་ཚེ་ལོ་བརྒྱ། །གཉིས་པ་བརྒྱད་ཅུ་གསུམ་དྲུག་ཅུ། །བཞི་པར་བཞི་བཅུའི་ཚེ་ཚད་ཡིན། །འདིར་དབྱངས་འཆར་གཞུང་གསུང་དུས་ཚེ་ལོ་རིང་མཐའ་བརྒྱ་ཉི་ཤུ་ལ་དེ་ནས་རིམ་འཕྲི། ད་ལྟ་མཆོག་ལོ་གོ་ལྔ་དང་དྲུག་ཅུ་སོགས་སུ་བཞེད་ན་ཡང་ལོ་བརྒྱ་ཐུབ་པ་དག་ནི་ཡོད་སྲིད་ཙམ་པས། འདི་ལྟར་རམ། ཡང་ན་དེང་དུས་གོ་ལྔ་ནི་དོན་དུ་གནས་ལ། དེ་ལྟར་ན་འོག་ཏུ་སྒྱུར་བྱེད་སོགས་རིག་པས་སྤར་འཕྲི་དགོས་པ་ཤེས་པར་བྱའོ། །ཞིབ་པར་བྱ་ཕྱིར་སྐར་དབྱུག་ཉིད། །མཁའ་རོས་བསྒྱུར་ནས་སྲང་ཡར་བསྲེ། །སླར་ཡང་མཚམས་ཀྱིས་བསྒྱུར་དབུགས་བཅུག །མཁའ་སྐ༢ ༧༠ར་གྱིས་བགོས་ཐོབ་པ་ལོ། །

― MR07_Page_1070 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱིམ་གྱིས་བསྒྱུར་ ༢ ༧༠ཐོབ་ཟླ་བ་དང་། །མཁའ་མེས་བ༢ ༧༠སྒྱུར་ཐོབ་ཞག་གི་གྲངས། །མཁའ་རོས་བསྒྱུར་༢ ༧༠ཐོབ་ཆུ་ཚོད་དེ། །གནས་གཉིས་གཅིག་གིས་བརྒྱ་ལ་སྦྱངས། །ལྷག་མ་སྐྱེས་བུའི་ཚེ་ལོ་ཡིན། །ཅིག་ཤོས་མདས་ཐོབ་འཆི་བསླུའི་ལོ། །འཆར་རོ་དེ་ནས་ལུས་ཅན་ཚེ། །སྐྱེས་སྐར་བདག་པོའི་གཟའ་ནས་བརྩམས། །གཟའ་དགུ་སོ་སོར་དབང་བ་སྟེ། །རེའུ་མིག་དགུ་པ་བཞི་རིམ་བྲི། །སྐར་མ་བདག་གཟའ་དེ་ཡིས་གསལ། །། སྐྱེས་བུའི་ཚེ་ལོ་མཁའ་ཉིས་བགོ །མ་ཐོབ་ནོར་སྐལ་ཐིག་བྲིས་ཏེ། །ཁྱིམ་གྱིས་བསྒྱུར་ནས་རང་ཆ་བཅུག །བགོས་ཐོབ་ཟླ་བ་ལྷག་མཁའ་མེས། །བསྒྱུར་ནས་ཆ་བཅུག་ཐོབ་པ་ཞག །ལྷག་མ་མཁའ་རོས་བསྒྱུར་དབྱུག་བཅུག །ཐོབ་པ་ཆུ་ཚོད་ལྷག་མཁའ་རོས། །བསྒྱུར་སྲང་བཅུག་བགོས་ཆུ༡ ༢༠་སྲང་ངོ་། །དེ་ཉིད་ཚར་དགུ༧་བཀོད༡ ༠་དེ་སྐྱེས་སྐར༡ ༨་གྱི་བདག༡ ༦་པོའི་གཟའ་ནས་ཐོག་མར་བརྩམ་ཞིང་དེས་རིམ་པར་བསྒྱུར་རོ། །གཟའ་དགུའི་མི་ནོར་

― MR07_Page_1071 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་མ་བཏབ། །སྒྱུར་བྱེད་ནི་ཉི་དྲུག་༡༢༠ཟླ་ཕྱོག༡ ༠ས་མིག་དམར་རི༧། །རཱ་ཧུ་སྐྱོན་དང༡ ༨་ཕུར་མི་བད༡ ༦ག །སྤེན་པ་རྩ་གཟུགས་༡ ༩ལྷག་རི་ཟླ༡ ༧། །ཀེ་ཏུ་བདུན་དང་༧སངས་མཁའ་༢ ༠མིག །རྣམས་ཀྱིས་གནས་ཀུན་བསྒྱུར་བྱས་ཏེ། །སང་དབྱུག་ཞག་ཟླས་མས་རིམ་བསྒྲིལ། །སྐྱེས་བུའི་ཚེ་ཡི་གནས་སྐབས་སུ། །གཟའ་དགུ་ཅི་ཙམ་སྤྱོད་པའི་ཚད། །དེ་དག་བསྡོམས་པས་ཚེ་ལོ་འཆར། །། དེ་ནས་ཕྲ་མོར་བྱ་བའི་ཕྱིར། །ཉི་མའི་ཉི་སོགས་དགུ་ཚན་དགུ། །སྤེལ་བའང་རང་རང་ལོ་སྐལ་ལ། །མཁའ་ཉིས་བགོ་སོགས་གོང་བཞིན་ནོ། །ཉི་སོགས་རང་དང་རེ་རེའི་ཚད། །མཁའ་ཉིས་བགོའོ་མ་ལྡང་ན། །ལོ་ཟླ་ཞག་དབྱུག་སྲང་གི་བར། །གསིལ་ལ་བགོས་ཐོབ་རིམ་པར་བརྩེགས། །རང་གཟའ་ཐོག་མ་བྱས་ནས་སུ། །གཟའ་དགུའི་མཚན་མ་རིམ་པར་བཏབ། །ཉི་མར་དྲུག་སོགས་རང་ལོས་བསྒྱུར། །དག་ན་ཀུན་སྡོམ་རྩ་བ་ཡི། །གཟའ་ལོ་གང་ཡིན་དེ་དག་འགྲུབ། །དེར་ནི་ཉི་མའི་ཉི་མ་དང་། །ཉི་མའི་ཟླ་སོགས་ནང་གསེས་ཀྱི། །དགུ་ཚན་དགུ་རུ་ཕྱེ་བ་ཡིས། །ཕྲ་བ་གྱ་གཅིག་གཟའ་འབྲས་ཤེས། །མཆན། དེ་དག་སྐྱེས་མ་ཐག་པ་ནས། །ཚེ་ཡི་འཕེན་པ་མ་

― MR07_Page_1072 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པར། །སྐྱེས་སྐར་བདག་པོའི་གཟའ་ནས་བརྩམ། །རིམ་བཞིན་གཟའ་དགུའི་དབང་ཚད་དེ། །ལོ་ཟླ་ཞག་ཡུན་གཏོང་ལེན་མཚམས། །ཕྲ་རགས་མཐའ་དག་ལེགས་བསྣན་ནས། །དེ་དེའི་དུས་ཀྱི་སྐྱོན་ཡོན་རྣམས། །དབྱངས་འཆར་གཞུང་ལས་ཆུབ་པར་བྱ། །འདི་ལྟ་བུའི་རི་མོ་བྱེད་འདུན་ཡོད་པ་ལ་མཚུར་ཕུའི་བཙུན་པ་ཆོས་བཟང་བྱ་བས་འདི་མཛད་འདུག་པ་རྙེད་བྱུང་བས། འདི་ལས་གསལ་ཟབ་བྱ་རྒྱུ་མེད་ཅིང་། ལག་ལེན་ཤིན་ཏུ་བདེ་བས་དེ་ག་ལྟར་བྲིས་ནས། ཕྲ་བའི་གཟའི་ལོངས་སྤྱོད་དམར་མཆན་གོ་བདེར་བྲིས་པའོ། །ཕྲ་རགས་ཀྱི་གཟའི་གནས་སྐབས་ཀྱི་འབྲས་བུ་འོད་བརྒྱ་ལས་གསལ་ལོ། །འདིར་སྐྱེས་སྐར་མ་ཤེས་ན་མིང་སྐར་རྐང་པ་གང་དུ་འདུག་བལྟས་ལ་ཉིན་དེའི་ཕྱེད་ཡས་མན་གྱི་ཆུ་ཚོད་དུ་སོང་བསྣན་པ་དང་། དངོས་སུ་བྲི་དུས་ཀྱི་ཟླ་སྐར་ལ་ལག་ལེན་སྔ་མ་ལྟར་སྦྱང་དགོས་པ་མན་ངག་ལུགས་སུ་སྣང་། དེ་ནས་ཛཱ་ཏིའི་ཙཀྲ་བཤད། །མི་ཡི་གཟུགས་བྲི་སྤྱི་བོ་དང་། །ཁ་དང་དཔུང་མགོ་མཁྲིག་མ་དང་། །ལག་པ་སྙིང་ག་ལྟེ་བ་དང་། །གསང་བ་པུས་མོ་རྐང་པ་རུ། །ཉི་སྐར་ནས་བརྩམས་རིམ་བཞིན་བཀོད། །རིམ་པ་གཅིག་གསུམ་གཉིས་གཉིས་གཉིས། །ལྔ་

― MR07_Page_1073 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་གཅིག་གཉིས་བརྒྱད་དུ་བཀོད། །སྐྱེས་བུའི་སྐར་མ་གང་ཡོད་བརྟག །རྐང་པར་ཚེ་ཐུང་པུས་མོ་ལ། །བྱིས་འཁྱམས་གསང་བར་འཁྲིག་པས་བརླག །ལྟེ་བར་དབུལ་ཞིང་སྙིང་ག་ལ། །འབྱོར་ལྡན་ལག་པ་རྐུན་པོར་འགྱུར། །མཁྲིག་མར་སྡུག་བསྔལ་དཔུང་པ་ལ། །གཞན་གྱི་ཁུར་པོ་བ་རུ་འགྱུར། །ཁ་ལ་ཆོས་ལྡན་སྤྱི་བོ་ལ། །རྒྱལ་པོ་ཉིད་དུ་འགྱུར་ཞེས་གསུངས། །། འདྲི་བྱེད་གནས་སྐབས་བདེ་སྡུག་ནི། །ཚངས་པའི་འཁོར་ལོས་བརྟག་པར་བྱ། །འདི་ལྟར་བཀོད་པའི་ཙཀྲ་ལས། །སྐྱེས་སྐར་ནས་བརྩམས་ཡང་ན་མིང་རིམ་པར་བཀོད། །ལས་དང་བྱ་བ་གང་ལ་ཡང་། །སྐྱེས་སའི་སྐར་གསུམ་ལ་བརྩམ་ན། །བྱ་བ་ཐམས་ཅད་བཀྲ་ཤིས་བྱེད། །ཕུན་ཚོགས་ནོར་རྣམས་ཕུན་སུམ་ཚོགས། །ཟད་པའི་སྐར་གསུམ་ནོར་ཟད་འགྱུར། །སོ་སོའི་སྐར་གསུམ་དོན་

― MR07_Page_1074 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ཤིང་། །གཉེན་བཤེས་རྣམས་ནི་ཕྱེ་བར་འགྱུར། །བསྒྲུབ་བྱའི་སྐར་གསུམ་ཅི་ཡང་འགྲུབ། །ངེས་འབྱིན་ཉེས་འབྱིན་ཡང་ཟེར། སྐར་གསུམ་ནད་རྣམས་འབྱུང་། །བྱམས་སྐར་གསུམ་ལ་གཉེན་བཤེས་བྱམས། །ཕ་རོལ་བྱམས་པ་གསུམ་པོ་ལ། །གཞན་གྱིས་བཀུར་བའི་གནས་ཐོབ་བོ། །ཀུན་འཇུག་སྐར་གསུམ་ཀུན་དང་མཐུན། །སྐྱེས་མིང་སྐར་མ་གསུམ་པོ་ལ། །དྲག་གཟའ་བཞི་ཡི་གདོང་བཙུགས་ན། །འཆིའམ་སྡུག་བསྔལ་དྲག་པོ་འབྱུང་། །སྟེང་འོག་གཉིས་ཀྱིས་འཆི་བར་བྱེད། །འདི་ནི་ཚངས་འཁོར་འདི་ཁོ་ནའི་དབང་དུ་བྱས་པ་སྟེ། སྟེང་འོག་གཉིས་ཀྱི་གནོད་པ་འདོམས་པ་ནི། བར་མ་ཁོ་ན་ལའོ། །སྟེང་ལ་འོག་གི་གནོད་པ་དང་། འོག་ལ་སྟེང་གིས་སོ། །དཔེར་ན་མེ་བཞི་མིང་སྐར་ཡིན་ན། སྣར་མར་དྲག་གནས་སྟེང་གནོད། གྲོ་བཞིན་འོག །གཉིས་ཀར་སྟེང་འོག་གཉིས། སྨིན་དྲུག་ཆུ་སྨད་དྲག་གནས་གཡོན་མཆེ། མགོ་མོན་གྲེ་དྲག་གནས་གཡས་གནོད། སྐྱེས་སྐར་མགོ་ལྟ་བུ་ལ། ནག་པ་བྱ་གཞུག་གང་རུང་ལ་དྲག་གནས་འོག་གནོད་རྫོགས་དེ་བཟློག་མགོར་དྲག་གནས་དེ་གཉིས་ལ་སྟེང་གནོད། སྨིན་དབོ་ཆུ་སྨད་ལ་གཡས་མཆེ་ལས་གཡོན་གནོད་མེད་པ་སོགས་རྟོགས་དགོས་སོ། །གཡས་གཡོན་

― MR07_Page_1075 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་ནོར་ཉམས་འགྱུར། །ཞི་གཟའ་རྣམས་ཀྱིས་དགེ་བར་བྱེད། །འདྲེས་མས་འབྲས་བུ་འདྲེས་མ་འབྱུང་། །དེ་བཞིན་ཕུན་ཚོགས་སོགས་ལ་སྐབས་སྦྱར་ནས་གང་ལ་རྩུབ་ཤེས་པ་དང་། དབང་བསྐུར་རིགས་སྐར་སོགས་ལའང་བརྟག་ཚུལ་སོགས་རྐང་བརྒྱའི་འཁོར་ལོ་ལྟར་བརྟག་གོ །དེ་ནས་དུས་ཀྱི་འཁོར་ལོ་བཤད། །སྐྱེས་བུ་འཆི་དུས་བརྟག་པ་ལ། །རླུང་ལ་བརྟེན་པའི་ཙཀྲ་ནི། །དབྱངས་འཆར་རྒྱུད་ལས་བཤད་པ་ཡི། །ཟབ་མོའི་གནད་བཀྲོལ་མན་ངག་འདི། །མི་ཕམ་པ་བློ་གྲོས་དྲི་མ་མེད་པས་སྤེལ། །དེ་ཡང་རྒྱས་སྤྲོས་བཤད་པ་དོར། །ལག་ཏུ་བླང་བྱའི་རིམ་པ་ནི། །རེའུ་མིག་བཅུ་དགུའི་གྲངས་ལྡན་ལ། །ཅི་ཙམ་རྒྱུ་གྲངས་བསྟན་པའི་ཡུན། །ཆུ་ཚོད་ཞག་གི་བྱ་ར་ནི། །ཐོག་མར་ཆུ་ཚོད་བཅོ་ལྔ་ནས། །གཉིས་པར་སུམ་ཅུ་གསུམ་ཞག་གཅིག །དེ་ནས་ཞག་གཉིས་གསུམ་དང་བཞི། །ལྔ་བཅུ་བཅོ་ལྔ་ཉི་ཤུ་དང་། །ཉེར་ལྔ་དེ་ནས་ཉེར་དྲུག་ནས། །སུམ་ཅུ་རྩ་གསུམ་བར་དུ་བཀོད། །དེ་ནས་སོ་སོར་འཚོ་བའི་ཡུན། །ཞག་གི་གྲངས་ཀ་བཀོད་བྱ་སྟེ། །དང་པོར་མཁའ་༥ ༠མཚོ་མཁའ༤ ༠་དབང་དང་། །

― MR07_Page_1076 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པར་མཁའ་༤ ༣༢༠ མིག་མེ་མཚོ་དང་། །གསུམ་པར་༣ ༦༠མཁའ་མཁའ་དུས་དང་མེ། །བཞི་པར་མཁའ་༢ ༨་༨ཀླུ་༠ བཀྲ་ཤིས་མིག །ལྔ་པ་མཁའ་རོ་གཟུ༢ ༡གས་ད༦ ༠ང་མིག །དྲུག་པ་མཁའ་༡༤༤ ༠ མཚོ་ཡིད་ཅེས་བྱ། །བདུན་པར་མཁའ༡ ༠་ཀླུ༨ ༠་ཕྱོགས་དང་ནི། །བརྒྱད་པར་༧ ༢༠མཁའ་མིག་རི་དགུ་པར། །མཁའ་དུས་མེ་དང༣ ༦༠་བཅུ་པ་ལ། །མཁའ་སྐྱོན་༡ ༨༠བཅུ་གཅིག་མཁའ་བུག༩༡་གོ །བཅུ་གཉིས་ནས་ནི་བཅུ་དགུའི་བར། །རིམ་བཞིན་༦ ༠མཁའ་རོ་དང་མཁའ༣ ༠་མེ། །ཚེས༡ ༥་དང་ཕྱོགས༡ ༠་དང་མདའ༥་དང་ནི། །མེ་༣དང་མིག༢་དང་ཟླ༡་བའོ། །དེ་འོག་རེའུ་མིག་དང་པོ་ལ། །ཆུ་ཚོད་སྒྱུར་བྱེད་སྔ་མ་དང་། །ཕྱི་མ་གཉིས་ལས་དང་པོ་ནི། །ཐོག་མར་མཁའ༩ ༦༠་རོ་བུ་ག་བཀོད། །གཉིས་པར་མཁའ་ཀླུ༤ ༨༠་རྒྱ་མཚོ་སྟེ། །གསུམ་བཞི་ལྔ་པར་མཁའ༢ ༤༠་མཚོ་མིག །དྲུག་པར་མཁའ༡ ༢༠་ཉི་བདུན་བརྒྱད༢ ༤་ལ། །རྒྱལ༢ ༤་བའོ་དགུ་པར་ཉི་མ༡ ༢་དང་། །བཅུ་པར་བཟང་པོ་༦བཅུ་གཅིག༣ ༠་དང་། །བཅུ་གཉིས་པ་ལ་མཁའ༣ ༡་མེ་སྟེ། །བཅུ་གསུམ་ཚེས༡ ༥་དང་བཅུ་བཞི་ད༥ང་།། བཅོ་ལྔ་གཉིས་ཀར་དབང་པོ་༥དང་། །བཅུ་དྲུག་པ་ལ་མིག༢་ཡིན་

― MR07_Page_1077 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །ལྷག་མ་༡གསུམ་༡ལ་༡ཟླ་བའོ། །ཆུ་ཚོད་སྒྱུར་བྱེད་གཉིས་པ་ནི། །ཐོག་མར་བཅུ་དྲུག༡ ༦་བཀོད་པར་བྱ། །དེ་ནས་རིམ་བཞིན་བརྒྱད༨་བཞི་༤བཞི༤།།བཞི་༤དང་རྒྱལ༢ ༤་བ་རྒྱལ༢ ༤་ཉི་མ ༡ ༢། །དྲུག ༦་དང་དེ་མིན་ཐིག་ལེའོ། །དེ་འོག་རེའུ་མིག་རྣམས་ལ་ནི། །ཚིག་རྐང་རེ་རེ་བཀོད་བྱ་སྟེ། །ཆུ་ཚོད་བཅོ་ལྔར་ལོ་བཅུ་བཞི། །སུམ་ཅུར་རྒྱུ་ན་ལོ་བཅུ་གཉིས། །ཞག་གཅིག་རྒྱུ་ན་ལོ་བཅུའོ། །ཞག་གཉིས་རྒྱུ་ན་ལོ་བརྒྱད་དེ། །ཞག་གསུམ་རྒྱུ་ན་ལོ་དྲུག་གོ །ཞག་བཞིར་རྒྱུ་ན་ལོ་བཞིར་གསུངས། །ཞག་ལྔ་ལ་ནི་ལོ་གསུམ་མོ། །ཞག་བཅུར་རྒྱུ་ན་ལོ་གཉིས་འཚོ། །བཅོ་ལྔའི་ཞག་རྒྱུར་བགྲང་བྱ་གཅིག །ཉི་ཤུར་རྒྱུ་ན་ཟླ་བ་དྲུག །ཉེར་ལྔར་རྒྱུ་ན་ཟླ་བ་གསུམ། །ཉེར་དྲུག་པ་ལ་ཟླ་བ་གཉིས། །ཉེར་བདུན་པ་ལ་ཟླ་བ་གཅིག །ཉེར་བརྒྱད་པ་ལ་ཟླ་བ་ཕྱེད། །ཉེར་དགུར་རྒྱུ་ན་ཞག་མ་བཅུ། །སུམ་ཅུར་རྒྱུ་ན་ཞག་ལྔར་འཚོ། །སོ་གཅིག་རྒྱུ་ན་ཞག་གསུམ་སྟེ། །སོ་གཉིས་རྒྱུ་ན་ཉིན་ཞག་གཉིས། །སོ་གསུམ་རྒྱུ་ན་ཞག་གཅིག་གོ །གོང་གི་རི་མོས་

― MR07_Page_1078 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་པའི་ཕྱིར། །འདི་དག་མེད་ཀྱང་ཆོག་མོད་ཀྱི། །རྒྱུད་ལས་གསུངས་པ་ཤེས་ཕྱིར་དང་། །རགས་པ་བདེ་བླག་རྟོགས་ཕྱིར་བཀོད། །དྲུག་པ་ལ་སོགས་ཞག་བཅུ་དྲུག །སྦས་དང་བར་གྱི་ཚད་རྣམས་ཀུན། །འདིར་ནི་རི་མོས་གསལ་བར་རྟོགས། །འདས་གྲངས་༡ ༢ ༣ ༤ ༥བྱ་ར་བ། ཆུ་ཚོད་བཅོ་ལྔ་ནས། སུམ་ཅུ་ནས། ཞག་གཅིག་ཞག་གཉིས་ཞག་གསུམ་འཚོ་ཡུན། ༥༠༤༠ ༤༣༢༠ ༣༦༠༠ ༢༨༨༠ ༢༡༦༠སྒྱུར་བྱེད་དང་པོ། ༩༦༠ ༤༨༠ ༢༤༠ ༢༤༠ ༢༤༠སྒྱུར་བྱེད་གཉིས་པ། ༡༦ ༨ ༤ ༤ ༤རྒྱུ་ཡུན་དང་འཚོ་ཡུན་སྦྱར་བ། ཆུ་ཚོད་བཅོ་ལྔར་ལོ་བཅུ་བཞི། ཆུ་ཚོད་སུམ་ཅུར་ལོ་བཅུ་གཉིས། ཞག་གཅིག་རྒྱུ་ན་ལོ་བཅུའོ།། ཞག་གཉིས་རྒྱུ་ན་ལོ་བརྒྱད་ཡིན། ཞག་གསུམ་རྒྱུ་ན་ལོ་དྲུག་སྟེ།

― MR07_Page_1079 ―

^{[མ་དཔེ་གཟིགས་ན་འདིར་གནོན།]}

[Full Size]

༦ ༧ ༨ ༩ ༡༠ཞག་བཞི་ཞག་ལྔ་ནས་ཞག་བཅུ་ཞག་བཅོ་ལྔ་ཞག་ཉི་ཤུ་༡༤༤༠ ༡༠༨༠ ༧༢༠ ༣༦༠ ༡༨༠༡༢༠ ༢༤ ༢༤ ༡༢ ༦༢ ༢༤ ༢༤ ༡༢ ༦ཞག་བཞིར་རྒྱུ་ན་ལོ་བཞིར་གསུངས། ཞག་ལྔ་ལ་ནི་ལོ་གསུམ་མོ། །ཞག་བཅུར་རྒྱུ་ན་ལོ་གཉིས་འཚོ། བཅོ་ལྔའི་ཞག་རྒྱུ་ལོ་གཅིག་གོ །ཉི་ཤུར་རྒྱུ་ན་ཟླ་བ་དྲུག༡༡ ༡༢ ༡༣ ༡༤ ༡༥ཞག་ཉེར་ལྔ་ཞག་ཉེར་དྲུག ཞག་ཉེར་བདུན་ཞག་ཉེར་བརྒྱད་ཉེར་དགུ༩༠ ༦༠ ༣༠ ༡༥ ༡༠༣༠ ༣༠ ༡༥ ༥ ༥༠ ༠ ༠ ༠ ༠ཉེར་ལྔ་རྒྱུ་ཟླ་བ་གསུམ། ཉེར་དྲུག་རྒྱུ་ན་ཟླ་བ་གཉིས། ཉེར་བདུན་རྒྱུ་ན་ཟླ་བ་གཅིག་ཉེར་བརྒྱད་རྒྱུ་ན་ཟླ་བ་ཕྱེད། ཉེར་དགུ་རྒྱུ་ན་ཞག་པོ་བཅུ། ༡༦ ༡༧ ༡༨ ༡༩ཞག་སུམ་ཅུ་ཞག་སོ་གཅིག་ཞག་སོ་གཉིས་ཞག་སོ་གསུམ། ༥ ༣ ༢ ༡༢ ༡ ༡ ༡༠ ༠ ༠ ༠སུམ་ཅུར་རྒྱུ་ན་ཞག་ལྔའོ།། སོ་གཅིག་རྒྱུ་ན་ཞག་གསུམ་སྟེ། སོ་གཉིས་རྒྱུ་ན་ཞག་གཉིས་ལ། སོ་གསུམ་རྒྱུ་ན་ཞག་གཅིག་གོ།

― MR07_Page_1080 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་དེ་ཡི་ལག་ལེན་བཤད། །རྒྱལ་ཟླ་དེ་ཡང་ཡོངས་གྲགས་ཧོར་ཟླ་བཅུ་གཉིས་པ་ཆུ་སྲིན་འཕོ་བ་ཡི། །འཇིག་རྟེན་ན་ཡོངས་གྲགས་ལྟར་གྱི་མར་ངོའི་ཚེས་པ་བཅུ་དྲུག་གི །ཐོག་མར་ལག་རིས་གསལ་བའི་ཚེ། །མལ་ནས་ལུས་བསྲངས་ཁོད་སྙོམས་ལ། །ཉི་མ་འཆར་ཀའི་བར་དུ་སྣ་བུག་གཡས་གཡོན་གང་རྒྱུ་བརྟག །བསྟན་བཅོས་ལྟར་ཟླ་བ་འགྲིབ་པ་ལ་དཀར་ཕྱོགས་བྱས་པའི་ཚེས་གཅིག་པ་བཅུ་དྲུག་ནས་བརྩམས་ཏེ། །ཞག༡ ༦་༡ ༧གསུམ༡ ༨་ཐོག་མར་གཡས་ནས་དུས་སྦྱོར་གཅིག་གི་ཡུན་དུ་རྒྱུ། །དེ་རྗེས་ཞག་གསུམ༡ ༩་ཐོག༢ ༠་མར༢ ༡་གཡོན་ནས་རྒྱུ། །དེ་ལྟར་ཞག་གསུམ་སྤེལ་ནས་བརྗེ། །ལུགས་འདིའི་ཕྱོགས་ཚེས་གཅིག་ནས་བརྩམས་ཏེ། །

― MR07_Page_1081 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་གསུམ་དང་པོར༡ ༢ ༣གཡོན་ནས་རྒྱུ། །དེ་རྗེས་གཡས་༤༥ནས་༦རྒྱུ་བ་སོགས། །དེ་ལྟར་རེས་མོས་རྒྱུ་བ་ཡིན། །དེ་ལྟར་མ་རྒྱུས་གོ་ལོག་ན། །རྩོད་པ་ལ་སོགས་མི་དགེ་འབྱུང་། །ཞག་ལྔར་ལོག་ན་རྩོད་སོགས་འབྱུང་། །ཟླ་ཕྱེད་གོ་ལོག་ནད་འབྱུང་འགྱུར། །ཟླ་བ་གཅིག་གིས་གཉེན་བརླག་འགྱུར། །ཟླ་བ་ཕྱེད་གསུམ་བར་དུ་ནི། །གོ་ལོག་རྒྱུ་ན་འཆི་བར་བཤད། །དེ་ནས་འཆི་ལྟས་རླུང་དངོས་ནི། །སྣ་བུག་གཡས་གཡོན་གང་རུང་ནས། །ཆུ་ཚོད་ལྔ་རེར་རྒྱུ་ཞིང་འཕོ། །དུས་སྦྱོར་ལམ་བཞིན་རྣལ་མ་ཡིན། །དེ་ལས་མང་ན་ཡོན་པོ་སྟེ། །མི་དགེའི་ལྟས་ཡིན་དེ་ཡང་འདིར། །ཆུ་ཚོད་བཅོ་ལྔ་ནས་བརྩམས་ཏེ། །ཉིན་ཞག་སུམ་ཅུ་རྩ་གསུམ་བར། །ལམ་གཅིག་དག་ནས་མི་འཕོ་བར། །ཅི་ཙམ་རྒྱུ་བ་ངོས་བཟུང་སྟེ། །དབྱུག་དང་ཞག་གྲངས་རེའུ་མིག་བཟུང་། །དེའང་རེའུ་མིག་སོ་སོར་དབྱུག་བཅོ་ལྔ། ཞག་གཅིག་སོགས་ཁ་བྱང་བཀོད་པ་ལྟར་དངོས་དང་། ཆུ་ཚོད་བཅུ་དྲུག་ནས་ཉེར་དགུ་བར་རེའུ་མིག་དང་པོའི་ཁོངས་དང་། ཞག་གཅིག་དང་ཆུ་ཚོད་གཅིག་ནས་ང་དགུའི་བར་རེའུ་མིག་གསུམ་པའི་ཁོངས་ཡིན་པ་ལྟར་ཀུན་ལ་ཤེས་

― MR07_Page_1082 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ། དངོས་བསྟན་རྣམས་ལ་ཐད་ཀའི་ཞག །མཁའ་མེ་ཉིས་དྲིལ་༡༣ ༢༠ཚེ་ཚད་ཡིན། །དེ་ཡི་ཁོངས་གཏོགས་ལྷག་མ་ཡིན། །ཆུ་ཚོད་ཇི་ཙམ་བྱུང་བ་རྣམས། །གནས་གཉིས་བཀོད་པའི་ཕྱོགས་གཅིག་ཉིད། །རང་ཐད་སྒྱུར་བྱེད་དང་པོས་བསྒྱུར། །དཔེར་ན་ཆུ་ཚོད་བཅུ་དྲུག་བར་མི་འཕོ་བར་རྒྱུ་ན། དང་པོར་སྨྲས་པའི་ཆུ་ཚོད་བཅོ་ལྔས་འཕྲི་ལྷག་གཅིག་དེ་མཁའ་རོ་བུ་གས་བསྒྱུར། ཆུ་ཚོད་རེ་གཅིག་ཏུ་མི་འཕོ་བར་རྒྱུ་ན། ཞག་གཅིག་སོང་ཟིན་པས་དྲུག་ཅུས་འཕྲི་ལྷག་ཆུ་ཚོད་གཅིག་པོ་དེ་ཉིད་མཁའ་མཚོ་མིག་གིས་བསྒྱུར་དགོས་པ་དེ་བཞིན་གཞན་ལ་འགྲེ། མཁའ་རོས་དྲིལ་བའི་ཐོབ་པ་ཡིས། །རེའུ་མིག་སོ་སོར་བཀོད་པའི་ཞག་གི་གྲངས་ལ་འཕྲི་བར་བྱ། །ཕྱོགས་གཅིག་སྒྱུར་བྱེད་གཉིས་པ་ཡིས། །བསྒྱུར་བྱ་ཡིན་ལ་དེ་ཡང་ནི། །རེའུ་མིག་དང་པོའི་ཁོངས་ཡིན་ན། །བཅོ་ལྔས་འཕྲི་ལྷག་ཆུ་ཚོད་རྣམས། །མེ་ཡིས་བགོས་པའི་ལྷག་མེད་ན། །དེ་དེའི་ཐོབ་ནོར་དག་གིས་བསྒྱུར། །དཔེར་ན་ཆུ་ཚོད་བཅོ་བརྒྱད་བྱུང་ན་བཅོ་ལྔས་འཕྲི་ལྷག་གསུམ། དེ་གསུམ་བགོས་ལྷག་མེད་ཅིང་ཐོབ་པ་གཅིག་གིས་བཅུ་དྲུག་བསྒྱུར། དེ་བཞིན་༢༡ ༢༤༢༧རྣམས་མེས་

― MR07_Page_1083 ―

^{[མ་དཔེ་གཟིགས་ན་འདིར་གནོན།]}

[Full Size]

བགོས་ལྷག་མེད་ལ། ཐོབ་ནོར་རིམ་བཞིན་༢ ༣ ༤འོང་བས་བསྒྱུར། དེ་ཡི་ཞག་གནས་འཕྲི་བྱས་ལ། །གཉིས་ཀས་འཕྲི་ཟིན་ཞག་དེ་ཉིད། །མཁའ་མེས་བགོས་ཐོབ་ཟླ་བ་ཡིན། །དེ་ཉིད་ཉིས་བགོས་ཐོབ་པ་ལོ། །ལྷག་མ་སོ་སོའི་ཆ་ཡིན་ལ། །གལ་ཏེ་ཆུ་ཚོད་ལྷག་ཡོད་ན། །ཞག་ནས་གཅིག་ཕབ་དྲུག་ཅུ་ལ། །འཕྲི་བའི་ལྷག་མ་ཆུ་ཚོད་ཡིན། །ལོ་ཟླ་ཞག་དབྱུག་དེ་ཙམ་ཞིག །སྐྱེས་བུ་འཚོ་བའི་ཡུན་དུ་ཤེས། །དེ་བཞིན་རེའུ་མིག་གཉིས་པའི་ཁོངས། །ཡིན་ན་སུམ་ཅུས་འཕྲི་ལྷག་དེ། །དྲུག་གིས་བགོས་པས་ལྷག་མེད་ན། །ཐོབ་པས་བརྒྱད་བསྒྱུར་ལ་སོགས་ཡིན། །༣༦ ༤༢ ༤༨ ༥༤ བཞི་ལ་སུམ་ཅུས་འཕྲི་ལྷག་དྲུག་གིས་བགོས་པས་ལྷག་མེད་ཅིང་། ཐོབ་པས་བརྒྱད་བསྒྱུར། ཞག་གཉིས་གསུམ་བཞིའི་རེའུ་མིག་ལ། །བཅུ་གཉིས་བགོས་ཐོབ་དེ་བཞིན་ཏེ། །ཞག་གཅིག་དང་ཆུ་ཚོད་བཅུ་གཉིས། །ཞག་གཅིག་དང་ཆུ་ཚོད་ཉེར་བཞི། དེ་བཞིན་སོ་དྲུག །ཞེ་བརྒྱད་རྣམས་ལ་ཞག་གཅིག་གི་ཆུ་ཚོད་དྲུག་ཅུས་འཕྲི་ལྷག་ཉི་མས་བགོས་ལྷག་མེད་ལ། ཐོབ་ནོར་གཅིག་སོགས་རིམ་བཞིན་ཏེ། དེས་བཞི་བསྒྱུར། ཞག་གསུམ་པ་ལ་ཡང་ཞག་གསུམ་

― MR07_Page_1084 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཆུ་ཚོད་བཅུ་གཉིས་ནས་ཞེ་བརྒྱད་བར་དུ་སྟེ། ཞག་གཉིས་སོང་ཟིན་པས་བརྩི་མི་དགོས་ཆུ་ཚོད་ཁ་ལྷག་རྣམས་བཅུ་གཉིས་ཀྱིས་བགོས་པས་ལྷག་མེད་ཤར་བ་རྣམས་ལ་ཐོབ་པས་བཞི་བསྒྱུར་བས་ཀྱང་སོ་སོའི་ཞག་གནས་ལ་འཕྲི། ཞག་བཞི་པར་དེ་བཞིན་ལ་ཐོབ་པས་གཉིས་བསྒྱུར་བར་བྱའོ། །རེའུ་མིག་བདུན་བརྒྱད་དགུ་བཅུ་རྣམས། །ཞག་ལྔ་ལ་སོགས་དངོས་བསྟན་དེའི། །ཞག་ལས་ཞག་པོ་དུ་ལྷག་པའི། །གྲངས་ཀྱིས་ཉེར་བཞི་ལ་སོགས་པ། །སོ་སོའི་ཞག་གྲངས་བཀོད་པ་བསྒྱུར། །དཔེར་ན་ཞག་དྲུག་པ་ནི་རེའུ་མིག་བདུན་པ་ཞག་ལྔ་པའི་ཁོངས་ཡིན་ཅིང་། ཞག་ལྔའི་རྗེས་སུ་ཆུ་ཚོད་དྲུག་ཅུ་ལོངས་ནས་ཉིན་ཞག་གཅིག་ཏུ་རྒྱུ་ན། གཅིག་གིས་ཉེར་བཞི་བསྒྱུར་བས་འཕྲི། དེ་བཞིན་ཞག་བདུན་པར་གཉིས་དང་། བརྒྱད་པར་གསུམ། དགུ་པར་བཞིས་ཉེར་བཞི་བསྒྱུར་བ་སོགས་གཞན་ལ་འགྲེ་སྟེ། རེའུ་མིག་བརྒྱད་པར་ཞག་བཅུ་གཅིག །བཅུ་གཉིས། བཅུ་གསུམ། བཅུ་བཞི། དགུ་པར། ༡༦ ༡༧ ༡༨ ༡༩ བཅུ་པར། ༢༡༢༢ ༢༣ ༢༤ རྣམས་ཏེ་ཞག་འདི་རྣམས་བར་དུ་བཞག་སྟེ་ཕྱི་མར་མཆོངས་པས་རྒྱུད་ལས་གབ་པའི་ཞག་བཅུ་དྲུག་ཅེས་བྱའོ། །གཞན་ཡང་རེའུ་མིག་བདུན་པ་བརྒྱད་པར་བསྒྱུར་བྱ་ཉེར་བཞི། དགུ་པར་བཅུ་གཉིས། བཅུ་པར་དྲུག་ཡིན་ནོ། །

― MR07_Page_1085 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་མན་ཆད་ཞག་གྲངས་རིམ་བཞིན་བཀོད་ཅིང་མ་སྦས་པས་སྒྱུར་བྱེད་མེད་དེ་ཐིག་བཀོད་པ་ཡིན་ལ། སྒྱུར་བྱེད་སྟོང་ན་བསྒྱུར་བྱ་དབྱི། ཞེས་པའི་རིགས་པས་ཆུ་ཚོད་གནས་གཅིག་དབྱི་བར་བྱའོ། །དེའང་དབྱངས་འཆར་བའི་རྒྱུད་ཉིད་དུ། ཉིན་ཕྱེད་ནས་ནི་ཉེར་ལྔའི་བར། ལྷ་ཡིས་ཤེས་ཀྱི་གཞན་གྱིས་མིན། །ཞེས་རེ་ཞིག་མ་གསུངས་པ་ཉིན་ཕྱེད་སོགས་དང་སྦས་ཞག་བཅུ་དྲུག་པོའི་འཚོ་ཚད་བལ་པོའི་མན་ངག་དང་། སློབ་དཔོན་ངག་གི་དབང་ཕྱུག་གྲགས་པའི་འཆི་བདག་བསླུ་བའི་རྟོགས་པ་རྣམས་ནས་ཅི་རིགས་བསྟན། དེ་ཡང་སྦས་ཞག་ལ་འཕྲི་བྱེད་ཕྱི་མ་མི་དགོས་པར་སྔ་མ་ཁོ་ནས་ཆོག་པར་བྱས་ན་འཆི་བསླུ་ལས་གསུངས་པ་དང་འགྲིགས་ཀྱང་འཕོ་མཚམས་སུ་མང་ལ་གཞན་ཉུང་ཞད་ཆེ་འདུག །དེ་ནི་རྩ་བའི་འཚོ་ཚད་དང་པོ་འབའ་ཞིག་ལ་འཕྲི་བའི་དབང་དུ་མཛད། བལ་པོའི་མན་ངག་ལས། སྡེ་ཚན་དེ་དག་ཕྱི་མ་ཕྱི་མས། རང་རང་གི་སྔ་མ་སྔ་མས་འཕྲི་བའི་དབང་དུ་མཛད་འདུག་པ་འདི་ཤིན་ཏུ་འཚམས་པར་སྣང་བས་འཕྲི་བྱེད་ཕྱི་མ་འདི་བྱས་པ་ཡིན་ལ། བལ་པོའི་མན་ངག་གི་གྲངས་ལའང་ཡིག་ནོར་དུ་མ་སྣང་ངོ་། །དུས་འཁོར་རྒྱུད་ལས་དུས་སུ་འཆི་བ་རྣམས་ལ་ཐོག་མར་གཡས་གཡོན་གྱི་འཕོ་བ་ལས་དབུགས་གཅིག་ལོག་པར་རྒྱུ། དེ་ལྟར་བར་དུ་གཞན་བཞག་ནས་གཡས་གཡོན་སྤེལ་མའི་འཆི་ལྟས་ཀྱི་རླུང་བསགས་པས་དབུགས་དྲུག་

― MR07_Page_1086 ―

^{[མ་དཔེ་གཟིགས་ན་འདིར་གནོན།]}

[Full Size]

ལངས་ནས་ཆུ་སྲང་གི་འཆི་ལྟས་དང་། དེ་བསགས་པས་དྲུག་ཅུར་ལོངས་ནས་ཆུ་ཚོད་ཀྱི་འཆི་ལྟས་ཀྱི་རླུང་རྒྱུ་ལ། དེ་དྲུག་ཅུར་ལོངས་ནས་ཞག་གི་འཆི་ལྟས་འབའ་ཞིག་ཏུ་རྒྱུ་བ་ཡིན་ཅིང་། དེ་དག་རྣམས་ཀྱང་མུ་མཐུད་དུ་རྒྱུ་བ་མ་ཡིན་ཏེ། སོ་སོའི་བར་དུ་དུས་གཞན་ཅི་རིགས་བཞག་ནས་རྒྱུ་ལ། ཞག་གི་འཆི་ལྟས་ཀྱི་རླུང་རྒྱུ་བས་ལྟེ་བའི་རྩ་འདབ་དུས་སྦྱོར། འཕོ་བ་བཅུ་གཉིས་པོ་རིམ་པས་འདོར་བ་དང་། གློ་བུར་དུས་མིན་གྱི་འཆི་ལྟས་ལ་ཉི་མ་དང་ཟླ་བའི་ལམ་གཉིས་པོ་གང་རུང་གི་འཆི་ལྟས་ཀྱི་རླུང་རྒྱུ་ཚུལ་ལ་མང་ཉུང་སོགས་མི་འདྲ་བ་ཡོད་པའི་ཚུལ་ཞིབ་པར་རྒྱུད་དེ་ལས་ཤེས་པར་བྱའོ།། །། འདིར་ནི་དུས་སུ་འཆི་བ་དང་དུས་མིན་དུའང་རླུང་ལོག་པ་འཆི་ལྟས་སུ་གྱུར་བའི་ཚུལ་ཉིན་ཕྱེད་ནས་ཞག་སོ་གསུམ་བར་དུ་མུ་མཐུད་དེ་རྒྱུ་ཚུལ་གསུངས་ལ། དེའི་བར་ཆ་རྣམས་ཀྱང་རིགས་པས་ཤེས་ཕྱིར་འདི་ལྟར་བཀོད་པ་འདིས་བྱ་སླ་ཞིང་དོན་བདེ་བླག་ཏུ་རྟོགས་ནུས་པ་ཡིན་ནོ། །འདི་ཐད་གསལ་པོར་འཆད་པ་ཉུང་བས་ན་ཤིན་ཏུ་གསལ་པོ་ཞིབ་མོ་བཤད་པ་ཡིན་ནོ། །འདི་ནི་སྣ་བུག་གང་རུང་ནས། །ལས་རླུང་རྒྱུ་ཚུལ་འཆི་ལྟས་ཏེ། །མཉམ་པར་རྒྱུ་བ་ཡེ་ཤེས་རླུང་། །ཉི་ཁྲི་ཆིག་སྟོང་དྲུག་བརྒྱའི་བར། །རྒྱུས་ནས་ནངས་པར་སྐྱེས་བུ་འཆི། །གཡས་གཡོན་དབུས་

― MR07_Page_1087 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུའི་འཆི་ལྟས་ཅན། །རིམ་བཞིན་ཉིན་དང་མཚན་དང་དབུས་སུ་ཞེས་ཉིན་ཕྱེད་མཚན་ཕྱེད་དུ་འཆི། །དབྱུག་གུ་ལྔ་ལའང་མི་སྡོད་པར། །ཆུ་ཚོད་གཉིས་ཀྱི་བར་དུ་ཡང་། །གཡས་གཡོན་ཡང་ཡང་འཕོ་དྲགས་ན། །ཡིད་བདེའི་རླུང་ཡིན་བཟང་བར་བཤད། །གལ་ཏེ་ཡོན་པོར་རྒྱུ་རླུང་གི །འཆི་ལྟས་བྱུང་ན་བསླུ་བའི་ཐབས། །ཡིད་ནི་བདག་མེད་ལམ་དུ་སྦྱངས། །རྐང་པ་སྐྱིལ་ཀྲུང་བྱ། མཆན་ཁུང་གཉིས་ཀྱི་འཕར་རྩ་བསྡམ། །བ་སྤུའི་མཐར་ཐུག་རླུང་གིས་བཀང་། །གྱེན་རྒྱུ་ཐུར་སེལ་དབང་བསྡུས་ཏེ། །བུམ་ཅན་འབད་པས་འཆི་མེད་འགྲུབ། །གཞན་ཡང་འཆི་ལྟས་བསླུ་ཐབས་བཅས། །བཀའ་དང་བསྟན་བཅོས་གཞུང་རྣམས་དང་། །ངག་གི་དབང་ཕྱུག་གྲགས་པ་ཡི། །འཆི་བདག་བསླུ་བའི་རྟོགས་པ་སོགས། །ཚད་ལྡན་གཞུང་ལས་བཤད་པ་ལྟར། །ཉམས་སུ་ལེན་པར་བྱས་པ་ན། །འཆི་བདག་བདུད་ཀྱི་གཡུལ་ལས་རྒྱལ། ༈ །གཞན་ཡང་གཟའ་དགུའི་ནང་ཚན་ལས། །གདུག་པས་གདུག་པར་གཏད་མཚམས་དང་། །བྱི་བཞིན་ཐ་མ་ཆུ་ཚོད་ལྔ། །མོན་གྲེའི་ཐོག་

― MR07_Page_1088 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཆུ་ཚོད་ལྔ། །བཅུ་པོ་བར་མ་ཆད་དུ་འདོད་དོ། །དེ་བཅུར་དབང་བྱེད་བྱི་བཞིན་ཞེས། །མིང་དུ་ཐོག་ལ་དེ་དུས་བཙས་སམ་རང་རང་གི །མིང་སྐྱེས་སྐར་ནས་བརྩམས་བགྲང་བ་ཡི། །སྐར་མ་བཅུ་བཞི་གང་ཡིན་པ། །ཆུ་ཚོད་བཅུ་པོ་དེར་ཐུག་ན། །བྱི་བཞིན་དབུས་སུ་སོང་ཞེས་པ། །མི་དེ་ཚེ་ཐུང་སྡུག་བསྔལ་མང་ཁ་ཅིག་སྐྱེས་སྐར་དང་མིང་སྐར་གཉིས་ཀྱི་བར་གྱི་དབུས་དྲང་པོར་བྱི་བཞིན་སོང་བ་ལ་བཞེད། གདུག་གཟས་གདུག་པར་གཏད་མཚམས་དང་། །དེ་ཉིན་ཟླ་སྐར་བྱི་བཞིན་གྱི། །ཆུ་ཚོད་བཅུ་ལ་སོང་བ་འཛོམ། །དེ་ཉིན་མི་དེ་འཆིའམ་རྩུབ། །རང་སྐྱེས་ཟླ་ཚེས་གཟའ་སྐར་ཁྱིམ། །བྱེད་སྦྱོར་བདུན་པོ་འཛོམ་ཉིན་དང་། །རང་སྐྱེས་ཁྱིམ་གྱི་སྐར་མ་ལ། །ཟླ་གནས་དེ་མདུན་ཁྱིམ་བདུན་པར། །ཐད་ཀའི་སྐར་མར་ཉི་མ་གནས། །འདི་དག་རྒྱས་པའི་དུས་ཞེས་བྱ། །དེ་དུས་གཉན་ཅིང་ཁྱད་པར་དུ། །འཆི་ལྟས་རླུང་བྱུང་འཆི་བར་བཤད། །བདུན་པར་སྡིག་མེད་ཞི་གནས་ཚེ། །སུ་ཡང་རུང་སྟེ་དགེ་བར་འགྱུར། །ཞིབ་ཏུ་བརྟགས་ལ་ཁ་དམར་གདགས། །། དེ་ནས་བྱེ་བྲག་ཏུ་བརྟག་

― MR07_Page_1089 ―

^{[མ་དཔེ་གཟིགས་ན་འདིར་གནོན།]}

[Full Size]

པར། །གང་ཟག་ལམ་དུ་ཞུགས་པ་ཡི། །བདེ་དོགས་རྣམ་པར་གསལ་བྱེད་པ། །སྦྲུལ་གྱི་ཙཀྲ་བཤད་པར་བྱ། །འདི་ལྟར་འཁྱོགས་འགྲོའི་ལུས་ལ་ནི། །ཐ་སྐར་ནས་བརྩམས་རིམ་པར་བཀོད། །སྐྱེས་བུ་འགྲོ་ཉིན་ཟླ་སྐར་དེ། །གང་ཡོད་རྩ་རྒྱུད་སྐར་མ་དགུར། །གཟའ་དགུ་གང་ཡོད་འབྲས་བུ་བརྟག །སྐྱེས་བུའི་འགྲོ་ལམ་དཔག་ཚད་ལ། །རྐང་པ་མདའ་འཕེན་ཇི་ཡོད་ཙམ། །གནས་ཀུན་རྩ་རྒྱུད་གནས་པའི་གཟས། །བསྒྱུར་ལ་དང་པོ་དགུ་ཡིས་བགོད། །ལྷག་མ་བཞིས་བསྒྱུར་རྐང་པ་བཅུག །དགུས་བགོས་ལྷག་མ་མཁའ་རོས་བསྒྱུར། །མདའ་འཕེན་བཅུག་ལ་དགུས་བགོས་ཐོབ། །དེ་གྲངས་ཟད་མཚམས་གཟའ་སོ་སོའི། །བཟང་ངན་འབྲས་བུ་འབྱུང་བར་འགྱུར། །ཁ་ཅིག་བགོད་བྱེད་ཉེར་བདུན་བཤད། །ཕར་འགྲོ་ཚུར་འགྲོའི་ཁྱད་པར་ནི། །རྩ་རྒྱུད་གཟའ་གང་སྦྲུལ་གྱི་ནི། །མཇུག་ཕྱོགས་གནས་ན་ཕར་འགྲོ་དང་། །མགོ་བོར་ཚུར་འོང་བརྩི་ཡང་ཟེར། །ཁ་ཅིག་འགྲོ་དུས་ཉི་དག་

― MR07_Page_1090 ―

^{[མ་དཔེ་གཟིགས་ན་འདིར་གནོན།]}

[Full Size]

གི །འདས་ཞག་གཟུགས་ནས་ཚེས་ཀྱི་བར། །ཁ་ཅིག་རང་རང་སོ་སོའི་འདས་ཞག་གི་ཆ་ཤས་ལའང་འདི་ལྟར་བརྩིས་པ་མྱོང་གྲུབ་ཡིན་ཟེར། ཁ་ཅིག་སྔ་རྐང་པར། ཕར་འགྲོ་བཅུ་དྲུག་སུམ་ཅུའི་བར། །ཕྱི་རྐང་ཚུར་ཟེར། ཚུར་འོང་པ་ལ་བརྩི་ཞེས་གྲགས། །གཟའ་དེ་རྒྱུ་སྐར་རྐང་པ་ནི། །དང་པོ་གཉིས་པར་ཕར་འགྲོ་ལ། །གསུམ་བཞིར་གནས་ན་ཚུར་འོང་ཡིན། ༈ ། ཁ་ཅིག་འགྲོ་སར་ཉིན་ལམ་གྲངས། །དུ་ཡོད་གཟས་བསྒྱུར་ཐོབ་པ་དང་། །ལྷག་མ་བཅུས་བསྒྱུར་ཐོབ་པ་དེ། །ཉིན་དང་ཐུན་ཕྱེད་གྲངས་སུ་བརྟག །གཟའ་ནི་ཉི་གཅིག་ཟླ་གཉིས་ནས། །སྤེན་བདུན་རཱ་ཧུ་བརྒྱད་དང་ནི། །ཀེ་ཏུར་དགུ་ཡིས་བསྒྱུར་བ་ཡིན། །ཁ་ཅིག་དཔག་ཚད་དགུ་ལས་མང་བ་ལ་བརྩི་བར་མི་བྱ་ཞེས་ཟེར། དེ་བཞིན་དམར་པོའི་ཙཀྲ་ལའང་དཔག་ཚད་ཉེར་བདུན་མུ་ཁྱུད་དུ་བསྐོར་བའི་ས་ལས་འདས་ཏེ་མི་བརྩི། དཔེར་ན་རྒྱལ་ལ་ཟླ་བ། མཆུ་ལ་དམག་དཔོན། ནག་པར་ལྷག་པ། མགོ་ལ་ཉི་མ། བྲ་ཉེར་པ་སངས་གནས་པ་ལྟ་བུ་དང་། འགྲོ་ལམ་དཔག་ཚད་གཅིག་ལྟ་བུ་ལ། ཟླ་བར་མིག་བསྒྱུར་དགུས་ཐོབ་དཔག་ཚད། དེ་ལྷག་མཚམས་བསྒྱུར་དགུས་

― MR07_Page_1091 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་རྐང་པ། དེ་ལྷག་དྲུག་ཅུས་བགོས་པ་མདའ་འཕེན་ཏེ། དེ་བཞིན་མིག་དམར་ལྷག་པ་འདི་རྣམས་ཕར་འགྲོའི་དུས་ཡིན། དེ་ནས་ཉི་མ་པ་སངས། འདི་གཉིས་ཚུར་འོང་ལྟ་བུར་བརྩི་ཡང་གསུངས། གོམ་པ་བརྒྱ་ལ་མདའ་འཕེན་གཅིག །དེ་དྲུག་ཅུ་ལ་རྐང་པ་གཅིག །དེ་བཞི་ལ་དཔག་ཚད་གཅིག་ཏུ་བཞེད། མདོར་ན་འགྲོ་ཉིན་ཟླ་སྐར་དེ། །གང་ཡོད་རྩ་རྒྱུད་དེ་དག་ལ། །ཞི་དྲག་གཟའ་ནི་གང་ཡོད་པའི། །འབྲས་བུ་འབྱུང་བ་ཁོ་ན་ཡིན། །ཉི་མས་འཇིགས་བསྔངས་ཕུགས་མི་སྐྱོན། །ཟླ་བས་བདེ་འབྱུང་བུད་མེད་རྙེད། །མིག་དམར་དགྲ་འོང་གཞན་གྱིས་གསོད། །ལྷག་པས་བཟའ་བཏུང་ཕུན་ཚོགས་རྙེད། །ཕུར་བུས་རིག་གནས་ཆོས་དང་སྦྱོར། །དཀར་པོས་ངལ་སོས་གཞན་གྱིས་མཆོད། །སྤེན་པས་འཆིའམ་བཙོན་དུ་འཛིན། །རཱ་ཧུས་ལམ་བགེགས་སླར་ལྡོག་སྲིད། །ཀེ་ཏུས་གོད་ཁ་ཅུང་ཟད་ཡོད། །ཟླ་གནས་རྩ་རྒྱུད་གཟའ་གཞན་མེད། །ཟླ་བ་རང་གི་ནུས་འབྱིན་པས། །ལམ་དེ་ཤིན་ཏུ་བདེ་བར་འགྱུར། །ཟླ་གནས་རྩ་རྒྱུད་སྐར་མ་ནི། །དགུ་པོ་ཁོ་ན་མ་གཏོགས་པའི། །རྩ་རྒྱུད་གཞན་ལ་བརྩི་མི་དགོས། ༈ །

― MR07_Page_1092 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེས་སོང་སྐྱེས་བུའི་བདེ་སྡུག་ནི། །པདྨའི་འཁོར་ལོས་རྣམ་པར་བརྟག །འདྲི་ཉིན་ཟླ་སྐར་ནས་བརྩམས་ཏེ། །ཤར་འདབ་རྩེ་ནས་ནང་འཇུག་བཞི། །དེ་ནས་ཤར་ལྷོ་འཐོན་པ་གསུམ། །དེ་ལྟར་རྒྱུ་སྐར་ཉེར་བརྒྱད་བཀོད། །གོང་གིས་དྲི་བའི་ཉིན་དེ་ཡི། །ཟླ་སྐར་ནས་བརྩམས་ལྔ་ཚན་ལྔ། །ལྷག་མ་གསུམ་གྱི་རྣམ་་པར་ཕྱེ། །བྱེས་སོང་མིང་སྐར་གང་གནས་བལྟ། །ཁ་ཅིག་དྲིས་སམ་ལམ་ཞུགས་ཀྱི། །ཏ་རྐཱལ་དགུ་ཆའི་རྐང་པ་དང་། །རྗེས་མཚུངས་སྐར་མ་ནས་བརྩམས་ཏེ། །རིམ་པར་བཀོད་ལ་བརྟགས་ཞེས་ཟེར། །ལྔ་ཚན་དང་པོར་གནས༠༡༢་པ༣་ན༤། །ཤར་བཞི་ཤར་ལྷོ་གཅིག་དང་ལྔའོ། །བྱེས་ཡུལ་དེ་ན་རྟག་པར་གནས། །གཉིས་པ་ཚུར་ལ་འོང་བ་ཡི། །ལམ་དུ་ཆས་པ་ཙམ་ཞིག་ཡིན། །གསུམ་པ་ལམ་ཞུགས་བཞིར་ལམ་ཕྱེད། །ལྔ་པར་ཕྱེད་འདས་ལྷག་གསུམ་ལ། །སླེབས་ལ་ཁད་དུ་ཤེས་པར་གྱིས། །དང་པོས་ནོར་ཉམས། གཉིས་པས་ནད་ཐེབ། གསུམ་པས་སླེབས་ཀྱང་ཤི་དོགས་ཡོད། ནང་འཇུག་

― MR07_Page_1093 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གནས་བདེ་ཞིང་དགེ། ཕྱིར་འཐོན་ལ་ནི་བཏང་སྙོམས་སོ། །བྱེས་ཕྱིན་དོན་དེ་འགྲུབ་མི་འགྲུབ། །ཤར་ནས་བརྩི་བྱེས་མིང་འདབ་མ་དང་པོར་གནས། །ལས་ཀུན་འགྲུབ་པར་ཤེས་པར་བྱ། །གཉིས་པ་ནོར་དང་རྙེད་པ་ཐོབ། །གསུམ་གནས་ནད་འབྱུང་རྙེད་པ་མེད། །བཞི་པ་ཤིའམ་ནོར་རྙེད་ཤོར། །ལྔ་པ་ནོར་རྙེད་སྐྱིད་པ་ཡིན། །དྲུག་པ་ལན་གཅིག་ཚུར་འོང་ཀྱང་། །ཕྱིར་ལོག་སྐྱིད་ཙམ་མ་གཏོགས་པ། །དོན་ནི་ཇི་བཞིན་མེད་པ་ཡིན། །བདུན་གནས་ནོར་མེད་སྡུག་བསྔལ་ཆེ། །བརྒྱད་གནས་ནོར་ཉམས་ནད་འོང་འཆི། །བྱེས་སོང་དེ་ལ་དགྲ་དང་ནད། །ཡོང་ངམ་མི་ཡོང་བརྟག་པ་ནི། །བྱེས་མིང་ཟེའུ་འབྲུའི་སྐར་བཞིར་སོང་། །དགྲ་མེད་ནད་གཞི་བརྒྱུད་མར་ལྡང་། །ཕྱོགས་འདབ་རྩ་བ་བཞི་ལ་སོང་། །དགྲ་དང་ནད་ནི་གང་ཡང་མེད། །ཕྱོགས་བཞིའི་སྐར་དཀྱིལ་ལ་སོང་ན། །དགྲས་འཇོམས་ནོར་མེད་སྤྲང་པོར་འགྱུར། །ཕྱོགས་རྩེ་བཞི་ལ་སོང་བ་ན། །བྱེས་དགྲ་འོང་ཞིང་ན་ཚ་འཇུག །མཚམས་རྩའི་སྐར་བཞིར་སོང་བ་ན། །དགྲ་ཇག་ནད་ཀྱི་འཇིགས་པ་འོང་། །མཚམས་དཀྱིལ་བཞིར་སོང་དགྲ་འོང་ཞིང་། །

― MR07_Page_1094 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་ཡོད་ནད་ལས་གྲོལ་བར་གསུངས། །མཚམས་རྩེའི་སྐར་བཞིར་དགྲ་ནད་དང་། །ལྟོགས་ཤིང་སྡུག་བསྔལ་བྱུང་དེ་འཆི། །དེ་ལྟར་སླེབས་ཚད་དོན་དང་ནི། །དགྲ་དང་ནད་ལ་སོགས་པ་བརྟག །དེ་ནས་ཡུལ་གཞིས་འཛིན་སོགས་ལ། །སྤེན་པའི་ཙཀྲ་འདི་ལྟར་བརྟག །སྤེན་པའི་རཱུ་པ་བྲི་བྱས་ལ། །སྤེན་པས་འཁྱུད་པའི་སྐར་མ་ནས། །བརྩམས་ཏེ་དེ་ཡི་ཁ་ལ་གཅིག །གསང་བར་གཉིས་དང་མགོ་བོར་གསུམ། །མིག་ལ་གཉིས་དང་སྙིང་ལ་ལྔ། །ལག་གཡོན་བཞི་དང་རྐང་གཡོན་གསུམ། །རྐང་གཡས་གསུམ་དང་ལག་གཡས་བཞི། །བཀོད་ལ་འབྲས་བུ་རྣམ་པར་བརྟག །འདི་ནི་རྒྱུད་ཀྱི་དགོངས་པ་ཡིན། །དབྱངས་འཆར་མན་ངག་ལས་ཀྱང་འདི་ལྟར་བྱུང་བས་ཡིད་ཆེས་ཀྱི་གནས་སོ། །ཁ་ཅིག་སྙིང་གའི་རྗེས་སུ་ནི། །ལག་གཡས་བཞི་དང་གཡོན་ལ་བཞི། །རྐང་པ་གཉིས་ལ་དྲུག་བཀོད་ཟེར། །རྒྱུད་ལས་ཁ་ལ་སྐར་མ་གཅིག །ལག་པར་གཡས་བཞི་

― MR07_Page_1095 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་པར་དྲུག །ལག་གཡོན་བཞི་ལ་སྙིང་གར་ལྔ། །མགོ་གསུམ་མིག་གཉིས་གསང་བར་གཉིས། །གསུངས་པ་སྤྱིར་བཏང་གྲངས་ཙམ་ཞིག་བསྟན་ལ། །འོག་ཏུ་ཁ་ནས་གསང་བ་སོགས། །བཀོད་རིམ་བསྟན་པ་ཡིན་ནོ། །མཆན། །འདྲི་བྱེད་སྐར་མ་ཁ་ལ་སོང་། །དེ་དུས་འགྲོའམ་ཡུལ་གསར་བཟུང་། །སྡུག་བསྔལ་སྣ་ཚོགས་དག་གིས་འཚེ། །གསང་བར་ཡུལ་ཐོན་འཇིགས་ཆེན་དང་། །བུད་མེད་གྲགས་འགྱུར་འཐབ་རྩོད་འབྱུང་། །མགོ་བོར་སོང་དུས་ཡུལ་བཟུང་ན། །ཤིན་ཏུ་བདེ་ཞིང་དགྲ་ཡང་མེད། །མིག་གཉིས་ནོར་དང་མཛའ་བོ་རྙེད་མི་མཐུན་པ་ཡང་མཛའ། །སྙིང་གས་ཆོས་ནི་སྡུད་པ་དང་། །བུད་མེད་ཐོབ་ཅིང་རྣམ་པར་རྒྱལ། །རྒྱལ་ས་རྙེད་ཀྱང་ལག་གཡོན་རྒྱལ་ས་འཆོར་བ་དང་། །ནོར་སྟོར་རང་གི་མཛའ་བོས་གསོད། །ལག་གཡས་རྒྱལ་ས་རྙེད་པ་དང་། །མི་མཐུན་རྣམས་དང་མཛའ་བར་འགྱུར། །རྐང་པར་ནས་འཕོ་ནད་འབྱུང་བུ་འཆི། །སྤེན་པའི་དབང་ལས་འབྲས་བུ་གསལ། །དེ་ནས་ནད་པར་གཅེས་པ་ཡི། །ཀླུ་ཡི་འཁོར་ལོ་ཞེས་པ་བཤད། །འདྲི་དུས་ཟླ་སྐར་ནས་བརྩམས་ཏེ། །སྦྲུལ་གྱི་ཁ་དང་

― MR07_Page_1096 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་དང་གསུས། །དཔྱི་དང་མཇུག་མ་མགུལ་པ་དང་། །དཔུང་པ་ལྟེ་བ་གསང་གནས་སུ། །རིམ་བཞིན་སྐར་མ་གསུམ་རེ་བཀོད། །ནད་པའི་སྐྱེས་མིང་སྐར་མ་གང་། །ཁ་དང་ལྟེ་བར་སོང་ན་ནི། །ནོར་རྙེད་ནད་ནི་ཞི་བར་འགྱུར། །དཔུང་པར་གནས་ན་རྣམ་པར་རྒྱལ། །མགུལ་པས་འཆི་བར་འགྱུར་བ་སྟེ། །གསུས་པར་ཡུན་རིང་ནད་ཀྱིས་མནར། །མཇུག་མདུན་མནར་ནས་འཆི་བར་འགྱུར། །གསང་བར་དོན་ནི་ཉམས་པར་འགྱུར། །དཔྱི་ལ་ཡུན་རིང་མི་བདེར་བཤད། ༈ །དེ་ནས་སེ་བའི་ཙཀྲ་བཤད། །གཡོག་པོས་དཔོན་ནམ་སློབ་མས་ནི། །བླ་མར་བསྟེན་འོས་བཀུར་བྱ་གང་། །བསྟེན་ན་འཕྲོད་དམ་མི་འཕྲོད་ཚུལ། །མི་ཡི་གཟུགས་ནི་བྲི་བྱས་ལ། །བླ་དཔོན་བསྟེན་བྱའི་མིང་སྐར་ནས། །མགོ་བརྩམས་སྤྱི་བོ་རྒྱབ་སྙིང་ག །རྐང་པ་རྣམས་སུ་བདུན་བདུན་བཀོད། །སྟེན་བྱེད་ཞུ་པོའི་མིང་སྐར་དེ། །མགོ་བོར་སོང་བར་གྱུར་པ་ན། །བསྟེན་བྱས་རང་ལ་ཕན་ཐོགས་ཤིང་། །ལེགས་སྟེར་རྗེས་སུ་འཛིན་པར་གསུངས། །

― MR07_Page_1097 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་མིང་སྐར་གཅིག་ན་དགེ། རྒྱབ་སོང་བསམ་པའི་བཅུ་ཆ་རྙེད། །སྙིང་སོང་དཔོན་དེའི་དབང་དུ་འགྱུར། །ཅི་གསུང་བསྒྲུབ་དགོས་དལ་བརྒྱ་མཐོང་། །རྐང་པར་ཕན་མེད་རེ་ཐག་ཆད། །གང་མཐུན་བཀུར་བྱར་རྟེན་འབྲེལ་འདི། །བསྒྲིགས་ནས་བསྟེན་ན་ཕན་ཐོགས་འབྱུང་། །། དེ་ནས་བག་མར་གཅེས་པ་ཡི། །ཤ་ལ་ཀ་ཡི་ཙཀྲ་བཤད། །ཐུར་མ་བདུན་བདུན་ཕྱོགས་བཞི་རུ། །བསྣོལ་བའི་རྩེ་མོ་ཤར་ཐོག་ནས། །གཡས་བསྐོར་སྨིན་དྲུག་ལ་་སོགས་བཀོད། །བག་མ་འགྲོ་བའི་ཉིན་ཞག་གི །ཟླ་སྐར་དེ་ཡི་མདུན་གྱི་ནི། །སྐར་མ་གང་ཡིན་དེ་དག་ལ། །ཞི་གཟའ་ཡོད་ན་མདུང་ཆུང་ངམ། །ཟུག་རྔུ་ཆུང་ངུར་གྲགས་པ་ཡིན། །དྲག་གཟའ་ཡོད་ན་མདུང་ཆེན་ནམ། །ཟུག་རྔུ་ཆེན་པོ་ཞེས་སུ་བཤད། །ཞི་དྲག་གཉིས་ཡོད་ཟུག་རྔུ་ནི། །ཆེ་ཆུང་འདྲེས་སམ་ཡང་ན་ནི། །མདུང་དང་མདུང་ཆེན་སྦྱོར་བར་གྲགས། །དེ་ལ་བུ་སྐྱེས་འཆི་བ་སྟེ། །བྱེས་ཕྱིན་ཟླ་བ་གཉིས་

― MR07_Page_1098 ―

^{[མ་དཔེ་གཟིགས་ན་འདིར་གནོན།]}

[Full Size]

ན་འགུམ། །བག་མ་བླངས་ན་ཁྱོ་དེ་འཆི། །གཉེན་འབྲལ་དོན་གང་འགྲུབ་མི་འགྱུར། ༈ ། ཟླ་སྐར་ཐད་ཀའི་སྐར་མ་ལ། །གཟའ་གནས་ཚུར་ལ་གདོང་ཟུག་གང་། །ཉི་མའི་ཐད་དུ་ཡོད་པ་ན། །དེ་ཚེ་བག་བྱས་ཁྱོ་བོ་འཆི། །མིག་དམར་གྱིས་ནི་བུ་དང་འབྲལ། །ལྷག་པས་བཟའ་བཏུང་མེད་པར་བྱེད། །ཕུར་བུས་ནོར་ཉམས་སྡུག་བསྔལ་འབྱུང་། །པ་སངས་ཁྱོ་ནི་སྤངས་ནས་སུ། །བཙུན་མ་ལ་སོགས་མགོ་རེག་བྱེད། །སྤེན་པར་སྨད་ཚོང་ཉིད་དུ་འགྲོ། མདོར་ན་ཟླ་སྐར་ཐད་ཀ་རུ། །གཟའ་གནས་བག་མའི་འབྲས་བུ་བརླག། །དེ་ནས་བུ་མོ་གཞོན་ནུ་མར། །བརྩེ་དང་བག་མ་བླངས་པ་ལ། །གཅེས་པ་དཀར་པོའི་འཁོར་ལོ་བཤད། །མཛེས་གཟུགས་ཐལ་སྦྱར་བྲི་བྱས་ལ། །སྤྱི་བོ་མིག་དང་ཁ་མགྲིན་པ། །ལག་གཉིས་ཐལ་མོ་དེ་བཞིན་རྐང་། །གསང་བར་དེ་བཞིན་སྙིང་གར་ནི། །དཀར་པོའི་འཁྱུད་བརྩམས་གསུམ་གསུམ་བཀོད། །འོད་བརྒྱ་སོགས་ལས་འདི་དང་བཀོད་ལུགས་ཡེ་མི་འདྲ་བ་འདུག་ཀྱང་། འདི་ནི་རྒྱུད་ཀྱི་དངོས་བསྟན་ཇི་ལྟ་བ་བཞིན་དུ་བྲིས་པ་སྟེ་བཀའ་རྒྱའི་དབང་གིས་ཚིག་ཀྱང་མ་བཅོས་མོད། མཆན་གྱིས་གནད་ཅུང་ཟད་བཀྲོལ་བས་ན་ཐམས་ཅད་དཔྱད་པས་རྟོགས་ནུས་སོ། །

― MR07_Page_1099 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་བོའི་དུས་ལ་གང་དབང་དུ་བྱ་འདོད་པ། །བྲམ་ཟེ་དང་བུད་མེད་དང་བློན་པོ་རྣམས། །རིམ་བཞིན་བྲམ་ཟེ་དབང་དུ་བྱ་ན་རིག་བྱེད་དེས་རང་ལ་ཆོས་ཀྱིས་བཀུར། །བུད་མེད་བསྟེན་ནས་ཆུང་མར་བྱེད། །བློན་པོས་ནོར་སྟེར་ཕུན་སུམ་ཚོགས། །གནས་དགུ་པོ་དེ་དང་དེར་བདག་པོ་རང་གི་སྐྱེས་མིང་སྐར་མ་སོང་ཚུལ་ལ་བརྟག་སྟེ་མིག་གིས་བྲན་དང་བུད་མེད་འདུ། །རང་ལ་སྡུག་ཅིང་ཉེ་བ་དང་། །ཆུང་མ་ནོར་དང་བཀྲ་ཤིས་བྱེད། །ཁ་ལ་རྒྱལ་རིགས་མ་ནིང་གིས། །མགོ་སྐོར་བྱེད་དང་སྨྲ་དགོས་དང་། །ལུས་ལ་ཚད་པ་འབབ་པ་ཡིན། །མགྲིན་པར་རྗེའུ་རྒྱལ་རྣམས་དང་། །བུད་མེད་ལ་དགའ་གཏམ་སྨྲས་ན་ནོར་རྣམས་དང་། །བུད་མེད་ཐམས་ཅད་འདུ་བ་ཡིན། །ལག་གཉིས་སྐར་མ་ལ་གཞན་ལ་མཛའ་བའི་ངག་སྨྲས་པ། །རྒྱལ་དང་དམག་དཔོན་སྐྱེས་པ་ལ་བྱས་ན། །རང་ལ་ལྟས་ངན་འབབ་པ་དང་། །ཡུལ་དང་ནོར་དང་སྐྱེ་བོ་སྡང་། །ཐལ་མོ་ལ་ནི་གང་དབང་བ། །ཕལ་པ་དང་ནི་མ་ནིང་ལ། །ལྷ་དང་བླ་མས་མཆོད་བྱེད་ཅིང་། །ཆོས་དང་སྦྱིན་དང་རྒྱལ་རྣམས་འགྲུབ། །རྐང་པས་བདག་པོ་བྲམ་ཟེ་བློན། །སྐྱེས་པ་རྣམས་ལ་རིམ་པ་

― MR07_Page_1100 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། །ནོར་ཟད་ཆུང་མ་སྤང་བ་དང་། །དགྲ་ཡི་དབང་དུ་སོང་བས་འཇིགས། །གསང་བའི་དུས་ལ་རྣལ་འབྱོར་པས། །དབང་བྱ་བྲན་དང་བུད་མེད་དང་། །ཡོན་ཏན་ཅན་མཁོན་ཆུང་མས་འབོར། །སྙིང་གའི་དུས་ན་དབང་བྱ་ནི། །བྲམ་ཟེ་དག་དང་མ་ནིང་ལ། །དབང་དུ་བྱེད་ན་གཉེན་གྲོགས་སྤོང་། །ནོར་དང་བྲམ་ཟེ་བུད་མེད་རྙེད། །འདི་ལས་ལ་སྤྱོད་དམ་དྲི་དུས་ཀྱི་ཉིན་ཞག་ཟླ་སྐར་གྱིས་མིང་གི་དོད་བྱས་ཏེ་བརྟག་ཀྱང་རུང་ངོ་། །རྣལ་འབྱོར་པས་སྤྱི་སྙིང་གསང་བར་བབ་ཚེ་དབང་དུ་བྱ་བ་མན་ངག་གོ །དགུ་ཆའི་དུམ་བུའི་མཚན་ཉིད་དེ། །སྤྱི་བོ་སོགས་གནས་དགུའི་བོའི་འབྲས་བུ་དེ་གའོ། །ཇི་སྲིད་ན་འཐོབ་ཡུན་ཚད་ནི། །ཁ་ལ་ཆུ་ཚོད་ཡུན་ཡིན་ཏེ། །སྐྱེས་མིང་ཕར་སོང་ན་ཁ་ཡི་འབྲས་བུ་ནི་ཆུ་ཚོད་དུ་བརྩི། དེ་བཞིན་དུ་ལག་པ་ཞག་ཏུ་བརྗོད་པར་བྱ། །གཞན་རྣམས་ཟླ་བ་སྤྱི་མགྲིན་ཐལ་མོ་རྐང་པ་གསང་བ་སྙིང་ག་མིག་ལ་ལོ། །དེ་ཡི་ངེས་པ་སྔར་འདས་ཀྱིས། །དུས་ཀྱིའང་དྲུག་ཅུའི་ཕྱེད་ལྷག་གང་ཡིན་པ། །སྤྱི་བོར་ཕྱེད་བརྩི་སྤྱི་བོའི་སྐར་མ་ལ་དྲི་དུས་ཀྱི་ཟླ་སྐར་ཆུ་ཚོད་དྲུག་ལྟ་བུ་བྱུང་ན་ཕྱེད་དུ་༣བརྩི། དེས་འགྲེས་ཀྱིས་མིག་ལ་གཅིག །མགྲིན་ལག་དྲང་པོ་དང་ནི་ཟེར་བ་འདུག །རང་ས་བཞག་པ་སྙིང་ག་ཕྱེད། །ཐལ་མོ་གཉིས་ཡིན་ཁ་ལ་དྲུག །རྐང་པར་

― MR07_Page_1101 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་ཡིན་གསང་གནས་དྲུག །ཉིན་ཞག་དཀྱིལ་འཁོར་མཉམ་དུས་ན། །ཇི་སྲིད་གཞན་ལ་མ་འཕོས་པར། །དེ་ཡི་འབྲས་བུ་མཉམ་པར་མཐོང་། །འདིར་ཁ་ཅིག་རེས་གཟའི་གྲངས་ལྟར་ཉི་མ་གཅིག་ནས་སྤེན་པ་བདུན་གྱི་བར་དུའང་ཟེར་རོ། །གཞན་ཡང་དཀར་འཁོར་ལུགས་གཅིག་ནི། །བུད་མེད་གཟུགས་བྲིས་དཀར་པོ་ཡིས། །འཁྱུད་པའི་སྐར་མ་ཁ་ལ་བྲི། །སྤྱི་བོར་གསུམ་དང་དཔྲལ་བར་གཅིག༤ །མིག་གཡས་གཉིས་ལ༥༦གཡོན་དུའང་གཉིས༧༨། །དེ་བཞིན་སྣ་ལ་གཅིག༩་བཀོད་དེ། །རྣ་བ་གཡས་གཅིག །༡ ༠་གཡོན་དུ་གཅིག ༡ ༡ །སྙིང་གར་ལྔ་དང་ལག་པར་གཉིས། །རྒྱབ་ལ་བཞི་དང་གསང་བར་གསུམ། །རྐང་པར་གཉིས་བཀོད་དེ་ཡང་ནི། །སྐྱེས་བུའི་ཁྱོ་བོའི་མིང་སྐར་ཁ་ལ་སོང་། །དེ་དུས་མི་ཁ་འབྱུང་བར་བཤད། །སྤྱི་བོར་སོང་ན་ཀུན་གྱིས་ཁུར། །ཁྱད་པར་རིན་ཆེན་གསེར་སོགས་རྙེད། །དཔྲལ་བར་ལུས་གུས་ངག་སྙན་སྨྲ། །མིག་གཡས་རང་མིག་ཚག་པ་དང་། །བུད་མེད་དག་གི་ལྕེ་འབབ་འགྱུར། །ཆུང་མས་མིག་གིས་མི་མཐོང་བཤད། །མིག་གཡོན་ཆུང་མ་སྤོང་ལེན་མང་། །སྣ་ཡིས་བུད་མེད་ངན་པ་རྙེད། །རྣ་བ་

― MR07_Page_1102 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་ཀྱིས་སྔ་མ་ཡི། །ཆུང་མས་རང་ལ་ལོག་པར་བལྟ། །རྣ་བ་གཡོན་གྱིས་གླེང་གཞི་མང་། །བུད་མེད་ཕྱི་མས་རང་སྲོག་གཅོད། །སྙིང་གའི་ལྔ་ལ་སོང་བ་ན། །བུད་མེད་ཀུན་གྱི་ཡིད་ལ་ཞུགས། །དབང་དུ་འདུས་ཤིང་བདེ་སྐྱིད་ཐོབ། །ལག་པ་གཉིས་ཀྱི་བུད་མེད་ནི། །བདག་ལ་དགའ་ཡང་ཁ་སྨྲ་འོང་། །ནད་ཀྱིས་རང་ཉིད་འདེབས་པར་འགྱུར། །རྒྱབ་ཀྱི་སྐར་མ་ལ་སོང་ན། །ཡོད་འཆི་ཞིང་ཕྱིས་མི་རྙེད། །ལོ་གསུམ་བསྒྲུབས་ཀྱང་ཁུག་མི་འགྱུར། །གསང་བའི་སྐར་མ་ལ་སོང་ན། །རང་དབང་མེད་པར་དབང་དུ་འདུ། །ཁ་སྨྲས་མི་འབྱུང་མི་དགུ་སྐྱེ། །རྐང་གཡས་སོང་ན་བུད་མེད་དེ། །གཞན་གྱིས་འཕྲོག་ཅིང་བཙོན་རར་འཇུག །རྐང་པ་གཡོན་གྱིས་གཞན་དང་འགྲོགས། །ཁྱད་པར་པ་སངས་ནབས་སོར་འཁྱུད། །མིང་སྐར་སྙིང་གར་སོང་འཛོམ་ན། །རྒྱལ་ཁམས་མི་རིགས་ཀུན་གྱིས་ཁུར། །འདི་ནི་མིང་སྐར་ཁོ་ནར་བརྟག །དེ་མིང་སངས་ཀྱིས་འཁྱུད་པ་དང་། །བདག་

― MR07_Page_1103 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་སྙིང་ལ་ཞུགས་པའི་དུས། །དབང་དུ་བྱེད་སོགས་མན་ངག་གོ །ཡང་ནི་བག་མའི་རྩིས་བཤད་པ། །ཁྱོ་ཤུགས་གཟུགས་བྲི་བག་མ་དེ། །འགྲོ་ཉིན་ཉི་སྐར་ནས་བརྩམས་ཏེ། །ཁྱོ་ཡི་མགོ་དང་བུད་མེད་སྙིང་། །ཁྱོ་ཡི་སྙིང་དང་བུད་མེད་མགོ །རིམ་བཞིན་སྐར་མ་གསུམ་གསུམ་བཀོད། །དེ་ནས་སྐྱེས་པའི་ལག་པར་གཉིས། །དེ་བཞིན་བུད་མེད་ལག་པར་གཉིས། །ཁྱོ་ཡི་གསང་བར་སྐར་མ་གསུམ། །བུད་མེད་གསང་བར་ཡང་གསུམ་སྟེ། །ཁྱོ་ཡི་རྐང་པར་གསུམ་དེ་བཞིན། །བུད་མེད་རྐང་པར་གསུམ་བཀོད་དོ། །བུད་མེད་སྐྱེས་མིང་ཁྱོ་ཡི་ནི། །སྙིང་སོང་ཚེ་རིང་ཡིད་གཅུགས་འགྲོགས། །ཁྱོ་ཡི་སྐྱེས་མིང་བུད་མེད་ཀྱི། །སྙིང་གར་སོང་ནའང་དེ་དང་འདྲ། །པ་སངས་ཁྱོ་ཡི་སྙིང་ལ་གནས། །ཕྱོགས་ཀུན་རྣམ་པར་རྒྱལ་གྱུར་སྐྱིད། །གཟའ་ལྷག་བུད་མེད་སྙིང་ལ་སོང་། །བཞོན་མ་ནོར་འཕེལ་བུ་ལྔ་སྐྱེ། །

― MR07_Page_1104 ―

^{[མ་དཔེ་གཟིགས་ན་འདིར་གནོན།]}

[Full Size]

བུད་མེད་མིང་སྐར་སྐྱེས་པ་ཡི། །གསང་སོང་རྩོད་དང་དགྲ་མི་འབྱུང་། །ཁྱོ་མིང་བུད་མེད་གསང་བར་སོང་། །བུ་དགུ་སྐྱེ་ཞིང་བདེ་སྐྱིད་དང་། །གྲགས་པ་ཐོབ་པར་རབ་ཏུ་བཤད། །བག་མ་དབང་ཆེ་དབུལ་ཞིང་ནི། །བུ་ཚ་མང་བའི་ཙཀྲ་བཤད། །མཚམས་བཞིར་དམག་དཔོན་རེ་རེ་བྲི། །བག་མ་འགྲོ་ཉིན་ལྷག་པ་ནི། །གནས་པའི་སྐར་མ་ནས་བརྩམས་ཏེ། །བྱང་ཤར་ནས་བཟུང་བདུན་བདུན་བཀོད། །ཐམས་ཅད་གཡས་སུ་བསྐོར་བར་བྱ། །ཕུར་བུ་ཟླ་བ་ལྷག་སངས་བཞི། །མཚམས་་བཞིའི་དམག་དཔོན་རེ་རེར་སོང་། །སྐྱེས་པ་དབང་ཆེ་བུ་ཚ་མང་། །གཉིས་ཀ་དབུལ་པོར་འགྱུར་ཞེས་བྱ། ༈ ། ཡུགས་ས་འབྱུང་ངམ་མི་འབྱུང་གི །ཙཀྲ་ཡང་ནི་འདི་བཞིན་ཏེ། །བུད་མེད་གཟུགས་དང་ཅེ་སྤྱང་འབྲི། །བག་མ་འགྲོ་ཉིན་ཟླ་སྐར་ནས། །བརྩམས་ཏེ་རིམ་པ་བཞིན་དུ་ནི། །བུད་མེད་སྙིང་དང་ཅེ་སྤྱང་ཁ། །བུད་མེད་ལུས་དང་ཅེ་སྤྱང་ལུས། །

― MR07_Page_1105 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་བདུན་ལེགས་པར་བཀོད་བྱས་པས། །ཁྱོ་ཡི་སྐྱེས་མིང་ཅེ་སྤྱང་གི །ཁ་ཡི་༧༨༩ཕུགས་ཀྱི་སྐར་གསུམ་ལ། །སོང་ན་ཟླ་བ་གསུམ་ནས་འཆི།། དབུས་ཀྱི་ལོ་གཅིག༡ ༠་དག་ནས་འཆི། །མཐའ༡ ༡༡ ༢༡ ༣་གསུམ་སོང་ན་ལོ་གསུམ་ན། །སྐྱེས་པ་འཆི་ཞེས་བཤད་པར་བྱ། །ཅེ་སྤྱང་ལུས་སོང་ཡུན་རིང་ན། །དེ་ནས་འཆི་བར་ཚངས་པས་བཤད། །བུད་མེད་ལུས་ལ་སོང་ན་བཟང་། ༈ ། བག་མར་ནད་འབྱུང་མི་འབྱུང་ནི། །བུད་མེད་ལུས་ལ་སྦྲུལ་འཁྱུད་བྲི། །བག་མ་འགྲོ་ཉིན་པ་སངས་ནི། །གནས་པ་གཅིག་པོ་བུད་མེད་ཀྱི། །སྙིང་ལ་བྲི་ཞིང་དེ་ཡི་འཕྲོ། །བཅུ་དགུའི་བར་ནི་སྦྲུལ་དག་གི ། ཁ་ནས་མཇུག་མའི་བར་དུ་བྲི། །བུད་མེད་རྐང་པར་སྐར་མ་གཉིས། །ལག་པར་གཉིས་དང་གསང་བར་གཅིག །ཁར་གཅིག་དཔྲལ་བ་ལ་ཡང་གཅིག །སྐར་མ་ཐ་མ་སྤྱི་བོར་བཀོད། །སྡིག་གཟའ་བཞི་པོ་སྦྲུལ་ལ་ནི། །གནས་ནས་བུད་མེད་ལུས་འཁྱུད་པས། །བུད་མེད་སྡུག་བསྔལ་

― MR07_Page_1106 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་འབྱུང་འགྱུར། །གཅིག་གཉིས་གནས་པས་ཅུང་ཟད་ན། །བཞི་འཛོམ་ཐ་མ་རླག་པར་བྱེད། །བསོད་ནམས་གཟའ་གནས་བུད་མེད་བདེ། །དྲག་གཟའ་སྦྲུལ་གྱི་མཇུག་མར་སོང་། །ཅུང་ཟད་ན་བར་འགྱུར་ན་ཡང་། །ཕྱིས་ནས་ནད་འབྲལ་བདེ་ལེགས་ཐོབ། །དབྱངས་འཆར་མཁན་པོ་འགའ་ཞིག་གིས། །འདྲི་བྱེད་ནམ་བྱུང་སྐར་མ་ནས། །མགོ་བཟུང་འབྲི་བའི་ལུགས་ཀྱང་མཛད། །རྩིས་མགོ་ལྔ་པོ་འདི་རྣམས་རིན་ཆེན་རྒྱ་མཚོར་བཤད་ཀྱི་དབྱངས་འཆར་རྒྱུད་ན་མེད་དོ། ༈ །གཞན་ཡང་བག་མར་བཤད་པ་ཡི། །ཟུར་བརྒྱད་དར་གྱི་འཁོར་ལོ་ནི། །ཉི་སྐར་ནས་བརྩམས་དབུས་སུ་གསུམ། །ཤར་ནས་རིམ་བཞིན་འདབ་མ་ལ། །སྐར་མ་གསུམ་གསུམ་རྣམ་པར་བཀོད། །དབུས་ལོགས་གཉིས་ཀྱིས་རྣམ་པར་འཇོམས།། ཤར་གྱིས་དཔལ་དང་འབྲུ་ནོར་འཕེལ། །མེ་ཡིས་འཆི་ཞིང་རིགས་ཉམས་བྱེད། །ལྷོ་རུ་སྐལ་ངན་དབུལ་དང་འཆི། །བདེན་བྲལ་བུ་རྙེད་སྐལ་པ་བཟང་། །ནུབ་ཏུ་ཁྱོ་དང་འབྲལ་བར་འགྱུར། །རླུང་ཕྱོགས་སྤྱོད་འཁྲུལ་བྱང་ཕྱོགས་སུ། །ནོར་དང་

― MR07_Page_1107 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་ལྡན་དབང་ལྡན་དུ། །བུ་མོ་བདེ་ཞིང་ཕུན་སུམ་ཚོགས། །བག་མའི་བྱ་བ་ཐམས་ཅད་ལ། །དངོས་གྲུབ་འདོད་པ་ཀུན་སྦྱིན་པའི། །དར་གྱི་འཁོར་ལོ་ཞེས་པ་འདི། །དྲང་སྲོང་ཆེན་པོ་ག་རྒ་ཡིས། །ཕན་པར་འདོད་པས་བཤད་པའོ། །། ཁྱོ་ཤུག་གཉེན་གྲོགས་ཡུལ་དཔོན་སོགས། །ཕན་ཚུན་མཐུན་ནམ་མི་མཐུན་ནི། །རིགས་གསུམ་འཁོར་ལོ་འདི་ཡིས་བརྟག །སྐར་མ་དགུ་རེ་རིགས་གཅིག་ཏུ། །བརྩི་བའི་ཙཀྲ་བལྟས་པས་ཤེས། །རང་རང་རིགས་ནང་མཉམ་པ་མཐུན། །ལྷ་དང་མི་གཉིས་འབྲིང་པོ་སྟེ། །ལྷ་དང་སྲིན་པོ་དེ་བཞིན་ནོ། །མི་སྲིན་མི་མཐུན་ཁྱོ་ཕོ་མི། །བུད་མེད་སྲིན་གྱུར་སྐྱེས་པ་འཆི། །མཐུན་པར་བསྡེབས་ཏེ་གྲོགས་དག་ནི། །མཛའ་དང་ཆུང་མ་ལ་སོགས་བརྟེན། །འདི་ནི་མིང་གི་སྐར་མས་སོ། །གཞན་ཡང་གཞུང་གཞན་ལས་བཤད་པའི། །སོ་ནམ་གོས་དང་སྨན་དཔྱད་དང་། །སྲང་གི་འཁོར་ལོ་ལ་སོགས་པ། །རྣམ་མང་གཞན་ཡང་ཤེས་པར་བྱ། །

― MR07_Page_1108 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་སྦྲུམ་མར་གསུངས་པ་ཡི། །བྲེ་ཡི་ཙཀྲ་ཞེས་པ་ནི། །དཔེའུ་རིས་འདི་ལྟར་རབ་ཏུ་ནི། །དགེ་འདུན་བྲེ་ཡི་རྒྱབ་ལ་བྲི། །ཐ་མ་གང་རུང་བྲེ་ཡིས་ཆོག །འཕྲེད་ཐུར་བསེག་ཕྱོགས་བཞི་འགྲིགས་ལ། །གང་ནས་བརྩིས་ཀྱང་ཨངྐིའི་གྲངས། །ཚོ་བཞི་ཁོ་ནར་ངེས་པ་ཡིན། །གུར་གུམ་གི་ཝཾ་སྦྱར་བ་ཡིས། །ཛཱ་ཏི་མཱ་ལིའི་ཁ་ཅིག་སྣ་མའི་མེ་ཏོག་ལ་ངོས་འཛིན་ཀྱང་། སྨྱུ་གུས་བྲི། །དེང་སང་རྒྱ་བལ་ལག་ལེན་ལ། །ཙནྡན་དཀར་པོའི་སྨྱུ་གུས་བྲི། །མ་རྙེད་དྲི་བཟང་སྨྱུ་གུས་རུང་། །བྲེ་ཡི་རྒྱབ་ལ་རེའུ་མིག་བཅུ་དྲུག་པ་འདི་བྲིས་ནས་རྟེན་སྙིང་བཟླ། ཆ་གསུམ་གཏོར་མ་བཏང་། གཞན་ཡང་འཁོར་ལོའི་ཟུར་དུ་བདེ་བར་བཙའ་ཕྱིར་གཡུང་དྲུང་གཡས་འཁྱིལ་ཡང་བྲི་བར་གསུངས། ཁ་ཅིག་ཨངྐི་གཅིག་པ་ནས་ཨ་སོགས་དབྱངས་བཅུ་དྲུག་དང་སྦྱར་ཏེ་བྲི། རྟེན་སྙིང་ཚན་གཉིས་བྱས་ཏེ་གཡས་གཡོན་དུ་མར་བྲི། སྟེང་དུ་འབྲུ་གསུམ་བྲི་བ་སོགས་བྱེད་པའང་ཡོད། བྱིས་པ་བཙའ་ངེས་ཉི་མ་དེར། །རེའུ་མིག་དེ་ལ་སྦྲུམ་མ་མོ་རང་གིས་གཞན་གང་རུང་གིས་བཞག་ཟེར་བའང་སྣང་། གར་འདོད་མེ་ཏོག་འཇོག་ཏུ་བཅུག །གལ་ཏེ་གཅིག་ལ་ཕོག་པ་ན། །

― MR07_Page_1109 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིན་ཞག་གཅིག་གི་བཅུ་དྲུག་ཆ། ༣༥༤ །ཆུ་ཚོད་ཕྱེད་བཞི་ལྷག་སོང་དུས། །བྱིས་པ་བཙའ་བར་འགྱུར་བ་ལྟར། །གཉིས་ལ་སོགས་ཀྱང་དེ་བཞིན་དུ། །ཉིན་ཞག་གི་ནི་ཆ་རུ་བརྩི། །དེ་བཞིན་ལྔ་ལ་དབྱུག་གུ་ནི། །བཅོ་བརྒྱད་སྲང་ནི་ཞེ་ལྔའི་དུས། །མདོར་ན་དབྱུག་མེ་སྲང་དབང་ཆུ། །གང་ཕོག་ཨངྐིས་བསྒྱུར་བ་ཡིས། །དབྱུག་སྲང་དེ་དེའི་དུས་ཀྱི་ཚེ། །བྱིས་པ་བཙའ་བར་དབང་ཕྱུག་གསུངས། །ཉིན་གྱི་ཐོག་མ་ནས་སོ། །མི་དང་དུད་འགྲོ་གང་ཡིན་ཀྱང་། །བུ་དང་ཤ་མ་མ་ཐོན་ན། །འཁོར་ལོ་མགོ་མཇུག་བཟློག་བྱས་ལ་ཁ་ཅིག་མགོ་གྱེན་དུ་མདོམས་ལ་བསྟན་གསུངས། སྦྲུམ་མ་དེ་ཡི་གསང་བར་བསྟན། །བུ་དང་ཤ་མ་ཐོན་པར་འགྱུར། །ཐོན་མ་ཐག་ཏུ་འཁོར་ལོ་ནི། །མ་བླང་བུ་སྣོད་ལུག་ཉེན་ཆེ། །རྒྱུད་གཞན་དག་ལས་ཙཀྲ་འདིར། །ཕན་གནོད་ལས་ཚོགས་མང་ཞིག་གསུངས། །ཞེས་དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་པོ་ཤེལ་གྱི་མེ་ལོང་ཞེས་བྱ་བ་ལས། ཡུལ་དུས་སྤྱི་དང་བྱེ་བྲག་གི་སྐྱེ་རྒུའི་བདེ་དོགས་ལུང་སྟོན་པ་རིན་ཆེན་

― MR07_Page_1110 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོན་མེ་གསལ་བའི་སྐབས་ཏེ་ལྔ་པའོ།། །། དབྱངས་འཆར་རྒྱུད་ལས་འདི་ལྟར་གསུངས། །སྔོན་ཚེ་ལྷ་དང་ལྷ་མིན་དག །བ་སྤུ་ལྡང་བའི་གཡུལ་འགྱེད་ཚེ། །ལྷ་ཡི་དབང་པོས་བདག་ལ་དྲིས། །འདི་བཤད་ལྷ་མིན་ཕམ་པར་བྱས། །བསྟན་བཅོས་གསང་བ་ཆེན་པོའི་རྒྱུད། །གཡུལ་ལས་རྣམ་པར་རྒྱལ་བར་གྲགས། །ཞེས་དང་། རྒྱུད་རྣམས་ཀུན་ཏུ་སྦས་པ་སྟེ། །གསང་བ་བས་ཀྱང་ཆེས་གསང་བ། །གང་གིས་དབྱངས་འཆར་མི་ཤེས་པར། །གཡུལ་ལས་རྒྱལ་བར་འདོད་པ་ནི། །མཁའ་ལ་ཁུ་ཚུར་བསྣུན་འདོད་དང་། །སྨིག་རྒྱུའི་ཆུ་ནི་བསྙེགས་པ་བཞིན། །མཛེས་མ་ཇི་ལྟར་འཇིག་རྟེན་དུ། །དུས་ཀྱི་ལྷ་རྣམས་འཆར་བ་ལས། །བརྟག་དཔྱད་མེད་པར་འཇུག་པ་ནི། །བླུན་པོར་ངེས་སོ་རྫོང་ལྷ་མོ། །དུས་ཀྱི་བདག་པོ་རྣམས་འབྱུང་བས། །བརྟགས་ཤིང་དཔྱད་ནས་འཇུག་པར་བྱ། །ཤིས་དང་མི་ཤིས་ཐམས་ཅད་ཀྱི། །མཚན་ཉིད་རྣམས་ནི་སྟོན་པར་བྱེད། །གཅིག་ཏུ་ཡིད་ནི་དག་པ་ལ། །མི་རྟོག་ཕྱིར་ན་འདི་མི་དགོས། །ཞེས་དང་། ལྷ་མོ་དབྱངས་འཆར་

― MR07_Page_1111 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བྱ་བ། །དགོས་དོན་མ་ཚང་མེད་པ་ཡི། །རྒྱུད་འདི་བླ་མའི་མན་ངག་ལས། །ཐེ་ཚོམ་མེད་པར་ཤེས་པར་འགྱུར། །ཐམས་ཅད་མཁྱེན་པའི་སྐྱེ་བོས་ཀྱང་། །དོན་འདོད་དགའ་བས་འདིར་ཞུགས་ན། །བཤད་པའི་འཁོར་ལོ་འདྲི་བྱེད་ལ། །འབྲས་བུ་འཕྲལ་དུ་མཐོང་བ་ཡིན། །ཞེས་དང་། རྗེས་སུ་བསྔགས་པ་སྟོང་ཕྲག་གཅིག །འདི་ཡི་ཚད་བརྗོད་ལྷས་མཆོད་མ། །ཐེ་ཚོམ་མེད་ཅིང་འཇིགས་མེད་པར། །གཡུལ་ལས་རྒྱལ་བ་སེང་གེ་འདྲ། །ཞེས་དང་། ཐེ་ཚོམ་ཐམས་ཅད་གཅོད་པའི་རྒྱུད། །ལྷ་མོ་གསང་བ་ལས་ཀྱང་གསང་། །མཆོག་ཏུ་གསང་བ་རྣ་བཞི་པ། །ཞེས་པ་འཆད་པོ་དང་ཉན་པོའི་རྣ་བ་བཞི་ལས་གཞན་ལ་གསང་བའི་དོན་ནོ། །ཤིན་ཏུ་སྦས་འགྲུབ་ལྷ་མོ་ཀྱེ། །སྡིག་པ་ལ་བརྩོན་གཡོ་སྒྱུ་ཅན། །ཁྲོ་ཞིང་མ་རུངས་ལས་ལ་དགའ། །མེད་པ་བ་དང་རྒྱུད་འཚོང་བ། །གུས་མེད་རྣམས་ལ་སྦྱིན་མི་བྱ། །བླ་མ་ལ་གུས་སེམས་ཞི་བ། །བདེན་སྨྲ་རྟག་ཏུ་དགེ་ལ་བརྩོན། །བསྟན་བཅོས་དམ་པ་རྙེད་དཀའ་བ། །འདི་ལ་སྦྱིན་བྱ་ལྷས་མཆོད་མ། །ཞེས་གསུངས་སོ། །དེ་ལྟར་བླང་དོར་

― MR07_Page_1112 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བའི་གཙུག་ལག་ནི། །ཀུན་གཟིགས་དབྱངས་འཆར་ཤེལ་གྱི་མེ་ལོང་ཞེས། །ཕུན་ཚོགས་ལྔ་ཡི་གྲངས་དང་ཉེར་ལྡན་པའི། །གཞུང་བཟང་ཉི་མ་བརྒྱ་པའི་སྣང་བ་འབར། །ཉིན་ཚོའི་མཐོང་བ་དག་ལས་རིང་བརྒལ་བའི། །མཁས་མཆོག་རྣམས་ཀྱི་མཁྱེན་པའི་མེ་ལོང་ལ། །རྣམ་མང་ཤེས་བྱའི་གཟུགས་བརྙན་སྒྲིབ་མེད་དུ། །འཆར་བའི་སྐལ་བཟང་འདི་ལ་སུ་ཡིས་འགོག །དེ་ཕྱིར་སྟོན་པས་འདུལ་བ་ལུང་ལས་ཀྱང་། །གཞན་ལ་ལེགས་པར་གོ་བར་བྱེད་ནུས་ཤིང་། །རྒྱལ་བའི་བཀའ་ལ་བརྩོན་པ་མི་གཏོང་ན། །ཕྱི་རོལ་བསྟན་བཅོས་དག་ཀྱང་གཟུང་གསུངས་ན། །ཕྱི་དང་ནང་གི་རྟེན་འབྲེལ་ཟབ་མོའི་ཚུལ། །ཇི་སྐད་བརྗོད་ལ་དུས་ཀྱི་འཁོར་ལོ་སོགས། །ཐེག་མཆོག་རྒྱུད་སྡེ་ཆེན་པོ་རྣམས་དང་ཡང་། །དགོངས་པ་གཅིག་དང་དབྱངས་གཅིག་ཉིད་གྱུར་པ། །སྤྱན་རས་གཟིགས་དབང་སྒྲོལ་མས་ཐུན་མོང་ངོར། །ལྷ་མཆོག་བདེ་འབྱུང་ཡབ་ཡུམ་རྣམ་རོལ་པས། །སྐྱེ་རྒུའི་མིག་བཟང་གྱུར་པ་བླང་དོར་རྩིས། །འདི་འདྲ་འདོམས་པར་མཛད་ལ་སུ་མི་གུས། །གཟུང་འཛིན་སྣང་བ་མཐུག་པའི་ནགས་ཁྲོད་དུ། །རེ་དོགས་གོམ་པ་འདོར་བའི་

― MR07_Page_1113 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ་བག་གང་། །ཐོགས་མེད་རྗེས་སུ་ཞུགས་པའི་ཡིད་ཅན་རྣམས། །བབ་ཅོལ་རྩོམ་པས་ཉམ་ངའི་གཡང་སར་ལྷུང་། །ཆོས་ཀུན་ལྟ་བ་ཤེས་རབ་སྤྱན་བྱེད་ཅིང་། །གནས་སྐབས་རྟེན་འབྲེལ་ཟབ་མོའི་རྒྱུ་སྲང་ལ། །འགྲིམས་ཤིང་ཆོས་ཀུན་རྟེན་ཅིང་འབྲེལ་བའི་གནད། །མཐོང་བ་གང་དེ་བདེ་ནས་བདེ་བར་འགྲོ། །སྣ་ཚོགས་འབྲས་བུའི་རྩིས་ཚུལ་ནོར་བུའི་ལྗོན་པ་རྒྱས་པའི་གྲིབ་བསིལ་དུ། །དུས་སྦྱོར་གསལ་བའི་མིག་བཟང་བགྲད་ཅིང་གཡུལ་ལས་རྒྱལ་བའི་རྡོ་རྗེ་ཅན། །རྩིས་ཕྲན་མེ་ཏོག་ཕྲེང་བས་ཉེར་མཛེས་བླང་དོར་ཀུན་གསལ་སྒྲོན་མེའི་འོད། །མདུན་ན་བསྟར་བའི་བློ་ལྡན་ལྷ་འདྲི་ཕུན་ཚོགས་དངོས་པོ་བརྒྱ་ཡིས་རྩེན། འདི་འདྲའི་སྒྱུ་ཐབས་གྲུབ་པའི་ཟུར་མིག་གིས། །རྒྱལ་སྲིད་ཆེན་པོའི་དཔལ་ཀྱང་བདེ་བླག་ཏུ། །འགུགས་པར་བགྱིད་པ་ནོར་བུའི་མཆོག་ཡིན་ཀྱང་། །ཁྭ་ཡི་ཚོགས་འདྲ་བླུན་པོའི་དཔལ་མ་ཡིན། །གང་ཞིག་ཕས་ཀྱང་བུ་ལ་མི་སྦྱིན་ཞིང་། །ཕོངས་ཀྱང་རིན་ཆེན་གསེར་ལ་མི་བཙོང་བ། །གསང་བའི་གདམས་པ་གཡུལ་ལས་རྒྱལ་བའི་རྒྱུད། །བལྟས་པ་ཙམ་གྱིས་བདེ་བླག་རྟོགས་བྱེད་འདི། །དད་

― MR07_Page_1114 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩོན་བློ་གྲོས་ལྡན་པའི་གང་ཟག་ལ། །ཤེས་སུ་གཞུགས་པར་འདོད་པའི་བརྩེ་བ་དང་། །བླ་མའི་གསུང་ལ་གུས་པས་བརྩོན་པ་ཡི། །མི་ཕམ་རྣམ་པར་རྒྱལ་བ་བདག་གིས་བྲིས། །རྒྱུད་དོན་རྒྱ་མཚོ་བརྒལ་བའི་རྣམ་དཔྱོད་ནི། །དྲི་མེད་བཻཌཱུའི་གླིང་ལྟར་མངོན་དགའ་བ། །དེ་ལས་བྱུང་བའི་རྩིས་རིག་རིན་ཆེན་ཚོགས། །སྐལ་བཟང་སྐྱེ་བོ་དགའ་བའི་རྒྱན་དུ་མཛོད། །བརྩེ་བ་དང་བྲལ་རང་འདོད་ཆོས་བརྒྱད་མཁན། །སྡང་ཆགས་བློ་ཡི་ཚུལ་འདི་མངོན་འདོད་པ། །གཡོ་སྒྱུའི་འཛུམ་བག་སྟོན་པའི་ལག་ཏུ་ནི། །དཔེ་འདི་འཇུག་པ་དུས་ལྷའི་ཚོགས་ཀྱིས་བཤོལ། །གཟའ་དང་རྒྱུ་སྐར་དུས་ཀྱི་ལྷ་མོ་སོགས། །ཕྱི་དང་ནང་གི་རྟེན་འབྲེལ་གསང་འཛིན་ལྷ། །དགྱེས་པའི་ཞལ་རས་ཟླ་བ་ལྟ་བུ་ཡིས། །ཚུལ་བཞིན་འདི་འཛིན་རྣམས་ལ་ཤིས་པ་སྩོལ། །དེ་ལྟར་བརྩམས་པའི་ལེགས་བྱས་དགེ་བ་ཡིས། །གནས་སྐབས་བླང་དོར་ལམ་བཟང་གསལ་བ་དང་། །མཐར་ཐུག་རྣམ་པ་ཐམས་ཅད་མཁྱེན་པ་ཡི། །ཡེ་ཤེས་སྤྱན་བཟང་འགྲོ་བས་རྙེད་གྱུར་ཅིག །མཁའ་དང་བར་སྣང་ས་ལ་གནས་པ་ཡི། །ལྷ་དང་དྲི་ཟ་གྲུབ་པའི་རིག་

― MR07_Page_1115 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ཚོགས། །ཀུན་གྱི་གཙུག་གིས་ཕྱག་རྒྱས་བདེ་འབྱུང་ཚེའི། །གཞུང་འདི་འཛིན་འཆང་སྤེལ་ལ་དགེ་ལེགས་མཛོད། །ཆོས་རྗེ་བླ་མའི་ཞབས་པད་བསྐལ་བརྒྱར་བརྟན། །ཆོས་སྐྱོང་རྒྱལ་པོའི་རྒྱལ་སྲིད་ཕྱོགས་ལས་རྒྱལ། །ཆོས་འཛིན་དགེ་འདུན་སྡེ་དང་བཤད་སྒྲུབ་འཕེལ། །ཆོས་ལྡན་སྦྱིན་བདག་འབྱོར་པ་རྒྱས་གྱུར་ཅིག །ཕྱོགས་དང་དུས་ལ་རྒྱུ་བའི་མཐུ་བོ་ཆེ། །སྲིད་པའི་བདག་པོ་རྣམས་ཀྱི་དགྱེས་པའི་ཞལ། །པདྨ་བཞད་པའི་རྣམ་འགྱུར་རྗེས་འགྲོ་བས། །སྐྱེ་རྒུའི་དགེ་མཚན་སྣང་བ་སྤེལ་གྱུར་ཅིག །ཅེས་དཔལ་གཡུལ་ལས་རྣམ་པར་རྒྱལ་བའི་རྒྱུད་དོན་རབ་ཏུ་གསལ་བའི་ངག་གིས་བཀོད་པ་ཀུན་གཟིགས་དབྱངས་འཆར་ཆེན་པོ་ཤེལ་གྱི་མེ་ལོང་ཞེས་བྱ་བ་སྐབས་ལྔ་པའི་བདག་ཉིད་ཅན་འདི་ནི་ཆུང་ངུའི་དུས་ནས་གཞུང་འདི་ལ་ཤིན་ཏུ་དགའ་བས་ཅུང་ཟད་སྦྱངས་ཤིང་། རང་ལོ་བཅུ་དགུ་པར་དབུས་གཙང་ཕྱོགས་སུ་གནས་བསྐོར་ལ་ཕྱིན་ཚེ་རྨི་ལམ་དུ་ཀུན་གཟིགས་དབྱངས་འཆར་ཆེན་མོ་ཤེལ་གྱི་མེ་ལོང་ཞེས་བྱ་བའི་པོ་ཏི་ཞིག་རྙེད་ནས་ཀློག་པར་རྨིས་པ་སོགས་རྟེན་འབྱུང་དགེ་

― MR07_Page_1116 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བསམ་ཞིང་། དེ་སྐོར་གཞུང་དེའི་རིགས་ཀྱི་དཔེ་ཆ་རྒྱ་གཞུང་རྣམས་དང་། མཆོག་དགའ། འོད་བརྒྱ། རྒྱན་མེ་སོགས་ཅི་རིགས་དང་། བླ་མའི་ཞལ་ཤེས་དང་རང་གི་རྣམ་པར་དཔྱད་པ་ལ་རྟེན་ནས་རྩིས་རིག་སོ་སོའི་སྐབས་ཁོལ་བུར་བྲིས་ཟིན་ཐོགས། ངེས་པ་དོན་གྱི་ཐམས་ཅད་མཁྱེན་གཟིགས་ཆེན་པོ་བདག་གི་འདྲེན་མཆོག་མཚུངས་མེད་འཇམ་མགོན་ཟུར་ཕུད་ལྔ་པ་སུམ་ལྡན་རྡོ་རྗེ་འཛིན་པའི་རྣམ་པར་རོལ་པ་འཇམ་དབྱངས་མཁྱེན་བརྩེའི་དབང་པོ་གཙུག་ལག་སྨྲ་བའི་ཉི་མ་ཞེས་འཇིག་རྟེན་གསུམ་ན་སྙན་པར་གྲགས་པ་གང་གི་ཞལ་སྔ་ནས་དབྱངས་འཆར་གྱི་ལག་ལེན་རྣམས་ཕྱོགས་གཅིག་ཏུ་བྲིས་ཤིག་ཅེས་བཀའ་སྩལ་ནོར་བུའི་ཅོད་པན་གཙུག་ཏུ་བཅིངས་ཤིང་། བཀྲ་ཤིས་པའི་ལྷ་གོས་དང་། རིན་ཆེན་གཉིས་པའི་གནང་སྦྱིན་གྱ་ནོམ་པ་བསྩལ་བ་ལ་བརྟེན། རྗེ་ཉིད་ཀྱི་ཆོས་ཀྱི་གྲལ་མཐར་སྐྱེས་པ་བཙུན་ཆུང་མི་ཕམ་རྒྱ་མཚོའམ། མིང་གཞན་འཇམ་དཔལ་དགྱེས་པའི་རང་མདངས་མཚོ་བྱུང་བཞད་པའི་གེ་སར་ཞེས་བྱ་བས་དཔལ་ལྡན་ངོར་པའི་བཤད་སྒྲུབ་ཀྱི་ཆོས་སྡེ་ཆེན་པོ་རྫོང་གསར་བཀྲ་ཤིས་ལྷ་རྩེར་རབ་ཚེས་དབང་ཕྱུག་ལོའི་ཁྲུམས་

― MR07_Page_1117 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླའི་ཚེས་གྲངས་དགེ་བར་མཚམས་སྦྱོར་ཕྲན་བུས་བརྒྱན་ཏེ་གཞུང་གཅིག་ཏུ་གྲུབ་པར་བགྱིས་པ་ལ་སླར་ཡང་རབ་ཚེས་ས་སྤྲེལ་གྱི་ལོར་ཆབ་མདོ་རྫོང་མགོ་རི་ཁྲོད་དུ་བསྐྱར་བསྣན་དང་ཞུ་དག་ལེགས་པར་བྱས་པ་འདིས་ཕྱོགས་དུས་ཀུན་ཏུ་བཀྲ་ཤིས་ཀྱི་སྣང་བ་རྟག་ཁྱབ་ཏུ་འབར་བར་གྱུར་ཅིག །སརྦ་མངྒ་ལཾ།། །། ཨོཾ་སྭཱ་སྟི། དཔལ་ལྡན་གཡུལ་ལས་རྣམ་པར་རྒྱལ་བ་ཡི། །རྒྱུད་ཀྱི་རྡོ་རྗེའི་སྦས་པ་མངོན་དུ་ཕྱུངས། །མན་ངག་དོན་རྣམ་རབ་ཏུ་གསལ་བ་ཡི། །ཡེ་ཤེས་མེ་ལོང་འཇམ་དབྱངས་བླ་མས་བྱིན། ༡ །སྲིད་གསུམ་དགྲ་ལས་མི་ཕམ་རྣམ་པར་རྒྱལ། །སྙན་གྲགས་རྒྱ་མཚོའི་ཕ་མཐར་ཁྱབ་པ་ཡི། །བསྟན་བཅོས་ལྷ་དབང་ལྷ་ཡི་རྔ་སྒྲ་འདི། །བསྟན་པ་བསྲུང་བའི་མདེལ་ཁ་རྣོན་པོ་ཡིན། ༢ །འདི་ཉིད་སྤར་དུ་བཞེངས་པའི་ལེགས་བྱས་མཐུས། །ཀུན་མཁྱེན་བླ་མའི་དགོངས་པ་རྫོགས་པ་དང་། །བྱང་ཕྱོགས་ཀཱ་ལ་ཙཀྲའི་ཕོ་བྲང་དུ། །དྲག་པོ་འཁོར་ལོ་ཅན་དང་དབྱེར་མེད་ཤོག ༣ །ཅེས་པའང་དགོས་པའི་གནད་དོན་ཁྱད་པར་ཅན་དུ་མཐོང་ནས་པདྨ་འོད་གསལ་མདོ་སྔགས་གླིང་པའི་གསང་གསུམ་འཛད་པ་མེད་པའི་ཕྲིན་ལས་ལ་ཡི་དམ་དུ་བཅའ་བ་འཇམ་དབྱངས་བློ་གྲོས་རྒྱ་མཚོ་རང་ཉིད་ཀྱིས་སྤར་དུ་བཞེངས་སྐབས་སྨོན་ཚིག་ཏུ་བྲིས་པ་ཤུ་བྷཾ། །མངྒ་ལཾ།